Text
ff. 1b–398a · 794 folio sides
- 1b
bid+hi sa na nA ma ma hA yA nA sU tra// / bod skad du/ 'phags pa phyog b cu'i mun pa rnam par sel bzhes bya ba theg pa chen po'i
- 2a
mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das shAkya rnams kyi nang na ser skya'i gnas shing n+ya gro d+hu'i kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byams pa dang / 'jam dpal la sogs
- 2b
pa byang chub sems dpa'i 'khor chen po dang thabs gcig tu bzhugs so/ / de nas bcom ldan 'das snga dro'i dus kyi tshe/ sham thabs gsol nas/ lhung bzed dang / chos gos bsnams te/ dge slong gi dge 'dun gyis yongs su bskor cing / dge slong gi dge 'dun gyis mdun du bdar nas/ ser skya'i gnas kyi grong khyer chen por bsod snyoms la gshegs so// de'i tshe na shAkya gzhon nu bzhin rab gsal zhes bya ba zhig/ bya ba 'ga' zhig gi phyir shing rta la zhon nas/ ser skya'i gnas kyi grong khyer chen po nas phyir byung ba dang / shAkya gzhon nu bzhin rab gsal gyis/ bcom ldan 'das thag ring po kho na nas
- 3a
gshegs pa mthong ngo / / mthong nas kyang / shing rta de las babs nas/ bcom ldan 'das ga la ba der song ste phyin nas/ bcom ldan 'das ga la ba de logs su thal mo sbyar ba btud de/ bcom ldan 'das kyi zhabs gnyis la mgo bos phyag 'tshal nas/ bcom ldan 'das la lan gsum bskor ba byas te/ thal mo sbyar nas/ bcom ldan 'das kyi sman sngar 'dug go/ de nas bcom ldan 'das la/ shAkya gzhon nu bzhin rab gsal gyis 'di skad ces gsol to/ / bcom ldan 'das 'di na bdag gi pha ma gnyis gnyid log pa dang ma log pa dag la/ mi ma lags pa rnams rnam par 'tshe bar bgyid la/ bcom ldan 'das bdag kyang gang gi tshe/ ljongs kyi phyogs gzhan du mchi ba'i tshe/ bdag la 'ang chom rkun pa dag rnam par 'tshe bar bgyid cing / gcan gzan dag kyang rnam par 'tshe bar bgyid na/ de'i slad du bcom ldan 'das de bzhin
- 3b
gshegs pa dgra bcom pa yang dag par rdzogs pa'i sangs rgyas kyis bdag la thugs brtse ba'i slad du/ ci nas kyang bdag la mi 'am/ mi ma lags pa dang / dud 'gro'i/ skye gnas su gtogs pa 'ga' yang rnam par 'tshe bar mi bgyid pa de ltar/ bdag la legs par bsrung bar mdzad du gsol/ bsrung ba'i cho ga'ang mdzad du gsol/ de skad ces gsol pa dang / bcom ldan 'das kyis/ shAkya gzhon nu bzhin rab gsal la 'di skad ces bka' stsal to// gzhon nu de'i phyir legs par rab tu nyon la yid la zung zhig dang / ngas khyod la bshad do// bcom ldan 'das de ltar 'tshal lo zhes gsol nas/ shAkya gzhon nu bzhin rab gsal bcom ldan 'das la nyan pa dang / bcom ldan 'das kyis de la 'di skad ces bka' stsal to// gzhon nu shar phyogs logs su sangs rgyas kyi zhing 'di nas sangs rgyas kyi zhing brgyad khri 'das pa na/ 'jig rten gyi khams nyon mongs pa thams cad bskyod pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rje spyod ces bya ba da ltar bzhugs te 'tsho zhing gzhes so/ / gzhon nu khyod gang gi tshe bya ba 'ga' zhig gi phyir shar phyogs su 'gro na/ de'i tshe khyod kyis de bzhin gshegs pa de la phyag 'tshal te/
- 4a
dran par byas shing mdun du byas te/ sems kyi rgyun gyis de mngon du byed cing song na khyod la 'jigs pa 'byung bar mi 'gyur ro// de'i tshe ma yengs par de yid la/ byas na/ khyod bya ba gang gi phyir 'gro ba'i bya ba de 'grub par 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// rdzogs pa'i sangs rgyas thub pa che/ / rje la rab tu phyag 'tshal te// rtag tu de ni mngon byed cing // 'gro na khyod la 'jigs mi 'byung // gzhon nu lho phyogs logs su sangs rgyas kyi zhing 'di nas sang+yas kyi zhing dgu khri 'das pa na/ 'jig rten gyi khams mun pa dang / mun nag gi tshogs bcom pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas sems dang po bskyed pa yid la mdzad pa rnam grangs bsnyengs pa dang / bag tsha ba dang bral bas mngon par 'phags pa'i rgyal po zhes bya ba da ltar bzhugs te 'tsho zhing gzhes so/ / gzhon nu khyod gang gi tshe bya ba 'ga' zhig gi phyir lho phyogs su 'gro na/ de'i tshe khyod kyis de bzhin gshegs pa de la phyag 'tshal te/ dran par byas shing mdun du byas te// sems kyi rgyun gyis de mngon du byed cing / khyim la sogs pa'i yid la byed pa dang bral ba/ rnam par ma g.yengs pa'i yid la byed pas song na/ khyod bya ba gang gi phyir 'gro ba'i byang de
- 4b
'grub par 'gyur zhing / khyod 'jigs pa gang nas kyang 'byung bar mi 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// khyim gyi bsam/ ba rnams dang ni// kun nas ldang ba kun bral zhing // lho phyogs su ni 'gro ba na// khyod la 'jigs pa 'byung mi 'gyur// gzhon nu nub phyogs logs su sangs rgyas kyis zhing 'di nas sangs rgyas kyi zhing gang+gA'i klung gi bye ma snyed 'das pa na/ 'jig rten gyi khams yul phebs pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas kho na dang rgyags pa rnam par gnon pa zhes bya ba da ltar bzhugs te 'tsho zhing gzhes so/ / gzhon nu khyod gang gi tshe bya ba 'ga' zhig gi phyir nub phyogs su 'gro na/ de'i tshe khyod kyis de bzhin gshegs pa de la phyag 'tshal te/ dran par byas shing mdun du byas nas/ sems kyi rgyun gyis de mngon du byed cing / zag pa med pa dang / rnam par ma g.yengs pa dang dran pas song na// khyod la 'jigs pa gang nas kyang 'byung bar mi 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// chos dga' skyes pa yod min zhing // 'ga' yang 'gag par mi 'gyur te/ / gang gis chos rnams de ltar shes// de la 'jigs pa ci yang med// gzhon nu byang phyogs logs su sangs rgyas kyi zhing 'di nas sangs rgyas kyi bye ba phrag stong
- 5a
'das pa na/ 'jig rten gyi khams sangs rgyas kyi spobs pa can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen gzugs bkod 'od gnon ces bya ba da ltar bzhugs te 'tsho zhing gzhes so/ / gzhon nu khyod gang gi tshe bya ba 'ga' zhig gi phyir byang phyogs su 'gro na/ de'i tshe khyod kyis de bzhin gshegs pa de la phyag 'tshal te/ dran par byas shing mngon du byas te/ sems kyi rgyun gyis de mngon du byed cing / rnam par ma g.yengs par yid la byed pas song na/ khyod bya ba gang gi phyir 'gro ba'i bya ba de 'grub par 'gyur zhing / khyod la 'jigs pa gang nas kyang 'byung bar mi 'gyur ro// de nas bcom ldan 'das kyis de'i tshe tshigs su bcad pa 'di bka' stsal to/ / rtag tu sems can thams cad la// mnyam pa nyid kyi sems byos la// sems can de la ma brnyas dang // khyod la 'jigs pa 'byung mi 'gyur// gzhon nu byang shar gyi phyogs logs su sangs rgyas kyi zhing 'di nas sangs rgyas kyi zhing brgyad khri 'das pa na/ 'jig rten gyi khams bdud kyi sde bcom pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas bdud dang yid gnyis kun 'joms rnam gnon ces bya ba da ltar bzhugs te 'tsho zhing gzhes so/ / de bzhin gshegs
- 5b
pa de byang chub kyi shing drung du bzhugs pa tsam gyis stong gsum gyi stong chen po'i 'jig rten gyi khams na/ bdud kyi ris kyi lha ji snyed yod pa de dag thams cad bla na med pa yang dag par rdzogs/ pa'i byang chub las phyir mi ldog par mdzad de/ gzhon nu de ni de bzhin gshegs pa de byang chub kyi shing drung du bzhugs pa'i skyes bu rtsal de lta bu byung ba yin no// gzhon nu khyod gang gi tshe bya ba 'ga' zhig gi phyir byang shar gyi phyogs su 'gro na/ de'i tshe khyod kyis de bzhin gshegs pa de la phyag 'tshal te/ dran par byas shing mdun du byas te/ sems kyi rgyun gyis de mngon du byed cing / rnam par ma g.yengs par song na/ khyod bya ba gang gi phyir 'gro ba'i bya ba de 'grub par 'gyur zhing / khyod la 'jigs pa gang nas kyang 'byung bar mi 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// gang gis dang po'i thugs kyis ni// bdud rnams pham mdzad sangs rgyas te// dran bzhin du ni khyod song na/ / khyod la 'jigs pa 'byung mi 'gyur// gzhon nu shar lho'i phyogs logs su sangs rgyas kyi zhing 'di nas sangs rgyas kyi zhing nyi khri 'das pa na/ 'jig rten gyi khams rtag tu snang zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas sems dang po bskyed pas/ phyir mi ldog pa'i 'khor lo 'byung ba'i dpal
- 6a
zhes bya ba da ltar bzhugs te 'tshe zhing gzhes so/ / gzhon nu de bzhin gshegs pa des dang po thugs bskyed pa nas bzung ste/ sangs rgyas pa nyid kyi bar du tshad med par sbyin pa byin/ tshul khrims bsrungs/ bzod pa kun tu bsten/ brtson 'grus brtsams/ bsam gtan bsgrubs/ shes rab spyad de/ gzhon nu de ni de bzhin gshegs pa de'i skyes bu'i rtsa la de lta bu byung ba yin no/ / gzhon nu khyod gang gi tshe bya ba 'ga' zhig gi phyir shar lho'i phyogs su 'gro na/ de'i tshe khyod kyis de bzhin gshegs pa de la yan/ lag lngas phyag 'tshal te/ phyis khyim nas song zhig dang / khyod la phyis 'gyod pa 'am/ 'jigs pa gang nas kyang 'byung bar mi 'gyur ro// rnam par ma g.yengs pas yid la byed na khyod gang gi phyir 'gro ba'i bya ba de 'grub par 'gyur ro/ / de nas bcom ldan 'das kyis de'i tshe tshigs su bcad pa 'di bka' stsal to// yan lag lngas ni phyag 'tshal te// phyis nas khyim nas song zhig dang // chom rkun rnams kyis khyod kun tu// zil gyis mi non 'gro bar 'gyur// gzhon nu lho nub kyi phyogs logs su sangs rgyas kyi zhing 'di nas sangs rgyas kyi zhing sum khri 'das pa na/ 'jig rten gyi khams gser gyi dra bas g.yogs pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs
- 6b
rgyas rin chen gdugs 'phags snang zhes bya ba da ltar bzhugs te 'tsho zhing gnas so/ / gzhon nu khyod gang gi tshe bya ba 'ga' zhig gi phyir lho nub kyi phyogs su 'gron/ de'i tshe khyod kyis de bzhin gshegs pa de la phyag 'tshal te/ dran par byas shing mdun du byas te/ sems kyi rgyun gyis de mngon du byed cing / rnam par ma g.yengs pa'i yid la byed pas song na/ khyod la 'jigs pa gang nas kyang 'byung bar mi 'gyur zhing / khyod bya ba gang gi phyir 'gro ba'i bya ba de 'grub par 'gyur ro// de nas bcom ldan 'das kyis de'i tshe tshigs su bcad pa 'di bka' stsal to/ / rdzogs sangs rgyas la phyag byas nas// me tog sil mas gtor cig dang // khyod ni lho nub 'gro ba na// 'jigs pa 'byung bar mi 'gyur ro// gzhon nu nub byang gi phyogs logs su sangs rgyas kyi zhing 'di nas sangs rgyas kyi zhing ga d+hA'i klung drug gi bye ma snyed 'das pa na/ 'jig rten gyi khams yongs dag rab gnas mngon 'phags zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas byang chub sems dpa' 'dul ba zhes bya ba da ltar bzhugs te 'tsho zhing gzhes so// gzhon nu de bzhin gshegs pa de'i sangs rgyas kyi zhing ni mi gtsang ba med pa/ 'khrig pa med pa/ bud med med pa/ tsher ma dang / gseg ma dang / gyo mo med pa/ snyigs ma/
- 7a
lnga med pa yin no// gzhon nu khyod gang gi tshe bya ba 'ga' zhig gi phyir nub byang gi phyogs su 'gro na/ tshangs par spyod pa yang dag par blangs nas/ phyis khyim nas rnam par ma g.yengs pa'i yid la byed pas song zhig dang / gzhon nu khyod bya ba gang gi phyir 'gro ba'i bya ba de 'grub par 'gyur zhing / khyod la 'jigs pa gang nas kyang 'byung bar mi 'gyur ro/ / de nas bcom ldan 'das kyis de'i tshe tshigs su bcad pa 'di bka' stsal to// tshangs spyod yang dag blangs byas te// phyis nas khyim nas song zhig dang // khyod ni gang dang gar 'gro yang // chom rkun rnams kyis zil mi non// gzhon nu steng gi phyogs logs su sangs rgyas kyi zhing 'di nas sangs kyi zhing gang+gA'i klung drug cu'i bye ma snyed 'das pa na/ 'jig rten gyi khams dmigs pa med pa yid la byed pa can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas skrag med mun bral ting nge 'dzin mngon 'phags rgyal po zhes bya ba da ltar bzhugs te 'tsho zhing gzhes so/ / gzhon nu khyod kyis de bzhin gshegs pa de la phyag 'tshal te/ dran par byas shing mdun du byas te/ 'dug kyang rung / 'greng yang rung / sems can thams cad la byams pas khyab par byas nas/ rdzogs par byas shing gnas na/ khyod la 'jigs pa gang nas kyang 'byung bar mi
- 7b
'gyur ro/ / de nas bcom ldan 'das kyis de'i tshe tshigs su bcad pa 'di bka' stsal to// khyod kyis ma g.yengs yid byed kyis// rtag tu rgyal ba de dran zhing // rtag tu byams pa'i sems byos dang / / khyod la 'jigs pa 'byung mi 'gyur// gzhon nu 'og gi phyogs logs su sangs rgyas kyi zhing 'di nas sangs rgyas kyi zhing dgu khri nyis stong 'das pa na/ 'jig rten gyi khams yon tan thams cad kyis brgyan pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas dang po sem bskyed de/ tsom gcod mdzad nyon mongs bskyod ces bya ba da ltar bzhugs te 'tsho zhing gzhes so// gzhon nu khyod kyis de bzhin gshegs pa de la bya ba rtsom pa thams cad dang / 'greng yang rung / 'dug kyang rung / 'chag kyang rung ste/ spyod lam thams cad du phyag tshol cig/ yid la byos shig/ sems can rnams la byams pa'i sems dang / phan pa'i sems sgrubs shig dang / gzhon nu khyod la 'jigs pa 'byung bar mi 'gyur zhing / dgos pa thams cad kyang 'bad mi dgos par 'grub par 'gyur ro// de nas bcom ldan 'das kyis de'i tshe tshigs su bcad pa 'di dka' stsal to/ / bya ba kun la nyin mtshan du// sangs rgyas de ni dran bya zhing // byang chub sems kyang ma btang dang // khyod la 'jigs pa 'byung mi
- 8a
'gyur/ / gzhon nu khyod kyis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan legs par gzung bar gyis shig/ legs par bcang bar gyis shig/ legs par kun chub par gyis shig dang / 'jigs pa'am/ bag tsha ba 'am/ spu zing zhes byed pa gang ci'ang rung ba de dag thams cad khyod la 'byung bar mi 'gyur ro/ / de skad ces bka' stsal pa dang / bcom ldan 'das la/ shAkya gzhon nu bzhin rab gsal gyis 'di skad ces gsol to// bcom ldan 'das bdag gis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan rnams gzung lags te/ bcom ldan 'das bdag la 'jig rten gyi khams de dag mun pa ma mchis shing / bcom ldan 'das bdag gis 'jig rten gyi khams de dag dang / de bzhin gshegs pa dgra bcom pa yang dag par rdzogs pa'i sangs rgyas de dag kyang / dper na de bzhin gshegs pa da ltar 'khor rnams la chos ston pa bzhin du mthong ngo / / de nas 'khor de las shAkya gzhon nu bzhin rab gsal la sogs pa skye bo phal po che'i tshogs bcom ldan 'das la blta ba dang / phyag 'tshal ba dang / mchod pa dang / rim gro bya ba dang / chos kyi rnam grangs 'di mnyan pa'i phyir 'khor der 'dus par gyur pa'i srog chags stong
- 8b
tshang ba de dag thams cad stan las langs te/ bla gos phrag pa gcig la byas nas pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag gi don gyi slad du/ de bzhin gshegs pas chos kyi rnam grangs 'di bshad pas/ bcom ldan 'das bdag cag la phyogs de dang / 'jig rten gyi khams de dag kyang mun pa ma mchis par gda' la/ bcom ldan 'das 'jig rten gyi khams de dag dang / sangs rgyas bcom ldan 'das de dag kyang / dper na da ltar de bzhin gshegs pa chos ston pa 'di bzhin du gda' 'o// de nas sangs rgyas kyi mthus tshe dang ldan pa shA ri'i bu stan las langs te/ bla gos phrag pa gcig tu byas nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbar ba btud nas/ bcom ldan 'das la 'di skad ces gsol to/ / bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di bshad pa na/ sangs rgyas bcom ldan 'das de dag gi mtshan rnams thos nas/ mig rnam par dag cing phyogs bcu dag na/ 'jig rten gyi khams gang dag mchis pa de dag dang / sangs rgyas bcom ldan 'das de dag gi mig rnam par dag pa'i bsod nams de dag bcom
- 9a
ldan 'das ci lags/ tshe rabs gzhan du tshe 'phos na'ang 'bral bar 'gyur ram/ 'on te mi 'gyur/ bcom ldan 'das kyis bka' stsal pa/ shA ri'i bu byang chub sems dpa'i theg pa la yang dag par zhugs pa'i rigs kyi bu 'am/ rigs kyi bu mo gang dag 'di ltar mig rnam par dag pa de dag ni sgrib pa med pa'i tshul gyis shin tu rnam par dag pa nyid du 'gyur ro/ / shA ri'i bu khyod kyi srog cha ga stong tshang ba 'di mthong ngam/ shA ri'i bu 'di dag thams cad ni sangs rgyas rnams kyi mtshan bzung ba'i dge ba'i rtsa ba 'dis re res kyang 'khor los sgyur ba'i rgyal srid kang+gA'i klung gi bye ma snyed dag byed du bcug nas/ srid pa tha ma dang / lus tha ma la byang chub kyi tshogs thams cad rdzogs par byas te/ bskal pa gcig l a de bzhin gshegs pa dgra bcom pa yang dag par rdzogs pa'i sangs rgyas spyan dag pas brgyan pa zhes bya ba mtshan mthun pa sha stag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / bcom ldan 'das kyis rigs kyi bu de rnams lung bstan pa bshad pa 'di bka' stsal ma thag tu/ stong gsum gyi stong chen po'i 'jig rten gyi khams 'di rnam pa drug tu g.yos par gyur te/ 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ bur 'ur/
- 9b
rab tu 'ur 'ur/ kun tu rab tu 'ur 'ur/ ldeg/ rab tu ldeg/ kun tu rab tu ldeg/ chem chem/ rab tu chem chem/ kun tu rab tu chem chem/ 'khrugs/ rab tu 'khrugs kun tu rab tu 'khrugs so/ / sa bla'i lha rnams kyis kyang / kye ma grogs po dag 'di ltar rigs kyi bu 'di rnams kyis de bzhin gshegs pa'i mtshan bzung ba tsam gyis bla na med pa yang dag par rdzogs pa'i byang chub yongs su bzung zhing / chos thams cad ji lta ba bzhin du mkhyen pas/ don thams cad thugs su chud pa'i de bzhin gshegs par 'gyur ba ni ngo mtshar cha ste/ su zhig sangs rgyas la dad par mi 'gyur zhes sgra bsgrags so// rgyal chen bzhi'i ris kyi lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi bdud kyi ris rnams dang / tshangs ris rnams dang / tshangs pa mdun na 'don rnams dang / tshangs pa chen po rnams nas/ 'og min gyi lha rnams kyi bar gyi sa bla'i lha rnams kyi sgra de thos nas/ yi rangs shing rab tu dga' la/ dga' ba dang / yid bde ba skyes nas tshig 'di skad ces/ kye ma grogs po dag 'di ltar rigs kyi bu 'di rnams kyis de bzhin gshegs pa'i mtshan bzung ba tsam gyis bla na med pa yang dag par rdzogs pa'i byang chub yongs su bzung zhing
- 10a
chos thams cad ji lta ba bzhin du mkhyen nas/ don thams cad thugs su chud pa'i de bzhin gshegs par 'gyur ba ni ngo mtshar che ste/ su zhig sangs rgyas la dad par mi 'gyur zhes smras so/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo byang chub sems dpa'i theg pa la yang dag par zhugs pa'i rigs kyi bu 'am/ rigs kyi bu mo gang la la chos kyi rnam grangs 'di thos nas 'dzin par byed/ 'chang bar byed/ klog par byed/ kun chub par byed cing / gzhan dag la'ang rgya cher yang dag par rab tu ston par byed pa dang / tha na glegs bam la bris te 'chang bar byed na/ rigs kyi bu 'am/ rigs kyi bu me de dag sangs rgyas kyis byin gyis brlabs dang / sngon gyi rgyal ba la lhag par bya ba byas par yin par rig par bya'o// de dag la 'chi ba'i 'jigs pa mi 'byung bar rig par bya'o// de dag gshis ngan du 'chi bar mi 'gyur ro/ / de dag pha rol gyi gnod pas 'chi bar mi 'gyur ro// de dag la chom rkun dang / dug dang / mtshon gyi 'jigs pa mi 'byung bar yid ches par bya'o// de nas lha'i dbang po brgya byin byang chub sem dpa' sems dpa' chen po rnams kyi bsrung ba lung bstan pa 'di shes nas/ chos kyi rnam grangs 'di gzung ba'i phyir lha'i bu stong tshang bas yongs su
- 10b
bskor cing mdun du bdar nas/ bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das dang srog chags stong tshang ba gang dag bcom ldan 'das kyis ma 'ongs pa'i dus na bla na med pa yang dag par rdzogs pa'i byang chub tu lung bstan pa de dag la/ lha'i tsan dan gyi phye ma dang / lha'i me tog man+da ra ba dang / man+da ra ba chen po rnams kyis mngon par gtor nas/ thal mo sbyar te/ phyogs gcig tu 'dug nas 'di skad ces kyang gsol to/ / bcom ldan 'das bdag gis rigs kyi bu 'am/ rigs kyi bu mo gang chos kyi rnam grangs 'di 'dzin par bgyid pa dang / 'chang bar bgyid pa dang / klog par bgyid pa dang / kun chub par bgyid pa de dag bsrung bar bgyi'o// bcom ldan 'das rigs kyi bu 'am/ rigs kyi bu mo de dag khyim na mchis sam/ dgon pa na mchis sam/ shing drung na mchis sam/ khyim stong pa na mchis sam/ 'brog dgon pa na mchis sam/ lam dang lam gol ba na mchis sam/ gnyid log gam gnyid ma log pa dag na yang / de dag pha rol gyi gnod pas 'gum par mi 'gyur bar bdag gis bsrung bar bgyi'o// de nas bcom ldan 'das kyis/ tshe dang ldan pa kun
- 11a
dga' bo la bka' stsal pa/ kun dga' bo da ltar de bzhin gshegs pa dgra bcom pa yang dag par rdzogs pa'i sangs rgyas bzhugs te 'tsho zhing gzhes pa la rigs kyi bu'am/ rigs kyi bu mo gang zhig gis ji srid 'tsho'i bar du chos gos dang / bsod snyoms dang / gnas mal dang / snyun gyi gsos sman dang / yo byad rnams kyis bsnyen bkur byed na/ kun dga' bo de tsam gyis ni de bzhin gshegs pa la bkur sti byas par mi 'gyur/ bla mar byas par mi 'gyur/ ri mor byas par mi 'gyur/ mchod pa byas par mi 'gyur gyi/ byang chub sems dpa'i theg pa la yang dag par zhugs pa'i rigs kyi bu 'am/ rigs kyi bu mo gang zhig chos kyi rnam grangs 'di thos nas/ 'dzin par byed dam/ 'chang bar byed dam/ klog par byed dam/ kun chub par byed dam/ gzhan dag la'ang rgya cher yang dag par rab tu ston tam/ tha na glegs bam la bris te 'chang na/ kun dga' bo de tsam gyis ni de bzhin gshegs pa la bkur sti dam pa dang / bla mar bya ba dam pa dang / ri mo dam pa dang / mchod pa dam pas bkur sti byas pa yin/ bla mar byas pa yin/ ri mor byas pa yin/ mchod pa byas pa yin no// de nas tshe dang ldan pa kun dga' bo stan las langs te/ bla gos phrag pa gcig tu byas nas/ pus mo g.yas pa'i lha nga
- 11b
sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol ba dang / bcom ldan 'das kyis kun dga' bo la 'di skad ces bka' stsal to// kun dga' bo de'i phyir khyod kyis chos kyi rnam grangs 'di phyogs bcu'i mun pa rnam par sel ba zhes bya bar zung zhig/ 'di de bzhin gshegs pa'i mtshan yang dag par brjod pa zhes bya ba dang / dngos po med par rtogs pa zhes bya ba dang / mtshan nyid med par rtogs pa zhes bya bar yang zung zhig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / tshe dang ldan pa shA ri'i bu dang / shAkya gzhon nu bzhin rab gsal dang / srog chags stong tshang ba de dang / lha'i dbang po brgya byin dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa phyogs bcu'i mun pa rnam par sel ba zhes bya ba theg pa chen po'i mdo rdzogs so// / rgya gar gyi mkhan po bi shud d+ha sing ha dang / lo tsA ba ban+d+ha
- 12a
rtsangs de ben d+ha rak+Shi tAs 'asgyur/ tshan gyi maco ba bcum+bu'i rmil mtshan gyis bu chen bgyis te gtan la 'byug+sa/ bod skad du/ 'phags pa thar pa chen po yongs su rgyas pa 'gyod tshangs kyis sbyangs te/ sangs rgyas su grub par rnam par bkod pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab kyi grong khyer chen po na/ dge slong gi dge 'dun chen po brgyad khri dang / byang chub sems dpa'i dge 'dun sum khri drug stong dang thabs gcig tu bzhugs te/ de dag kun kyang skye ba gcig gis thogs pa/ sgrib pa thams cad yongs su bral ba/ gzi brjid dpal gyi dbang phyug dang ldan pa/ de bzhin gshegs pa la gsang ba'i don thabs kyis bskul ba/ sangs rgyas kyi zhing yongs su dag par byed pa// sangs rgyas kyi bya ba lhun gyis grub pa/ sangs rgyas rnams kyis byin gyi rlabs kyis rnam par bkod pa/ chos kyi sde snod srung zhing skyob pa'i phyir/ theg pa chen po'i mdo gzungs su 'dzin cing seng ge'i sgras phyogs bcur chos kyi 'brug sgra chen po sgrogs pa/ de dag gi yon tan gyi 'phangs ni ri rab dang 'dra la/ shes rab zab cing rgya che ba ni rgya mtsho dang 'dra ste/ bdud rtsi
- 12b
sde dpung dang bcas par btul ba/ mu stegs thams cad sdud cing sems rnam par byang ba la 'jog pa/ mthu stobs dang ldan pas rnam par grol ba la thogs pa med pa/ mnyam pa nyid la bde bar gnas pa/ dran pa dang ting nge 'dzin kun tu bzung ba/ bstan pa la mos shing blo gros dang ldan pa/ bsdu ba'i dngos po bzhi dang / pha rol tu phyin pa drug dang / thabs mkhas pa dpag tu med pas/ chos thams cad kyi don dang mi ldan pa med pa/ skye bo rnams kyi yid bzhin du phyir mi ldog pa'i 'khor lo bskor ba/ yod pa dang med pa'i shes rab bsten te/ chos kyi rnam grangs la mkhas pa/ mngon par shes pa'i ting nge 'dzin la zhugs te/ spyan lngas sems can rnams kyi dbang po rtogs pa/ gzi brjid dang dpal dpag tu med pa/ skye bo mang po rnams bsam gtan dang shes rab kyis sems yongs su sbyangs te/ mtshan dang dpe byad bzang pos brgyan cing / mchog dang ldan par byed pa/ sems nam mkha' dang 'dra ba/ 'jig rten gyi gzugs dang kha dog yongs su btang ste/ chos rnams kyi chos nyid la mkhas pa/ rang gi rig pa dang ldan pa'i shes rab kyis sems can gang nas gang du 'khor bar shes pa/ ting nge 'dzin thams cad dang ldan pas mnyam pa med pa la bsnyen pa/ dge ba'i rtsa ba yun ring po nas bskyed pas/ sangs rgyas kyi dbang phyug thob pa/ ye shes dang /
- 13a
stobs bcu dang / mi 'jigs pa bzhi dang / ma 'dres pa bco brgyad dang ldan pa/ bzang 'gro'i sgo ni phyi/ ngan 'gro rnams kyi sgo ni bkag ste/ sems can kun la bu gcig pa dang 'dra bar snyoms par bstan pa'i phyir/ lam rgyud lngar skye zhing lus ston par byed pa/ sems can rnams nyon mongs pa las bsgral ba'i phyir/ sman pa'i rgyal po ltar rdzu zhing 'khor ba la gnas te/ nad gso ba'i cho ga la mkhas pas/ nad kyi rkyen bzhin du sman byin nas/ 'khor ba las yongs su thar par byed pa/ gang gis thos kyang ma grol ba med pa/ / de lta bu'i yon tan tshad med pa dang ldan pa// sngon 'das pa'i sangs rgyas grangs med pa la mchod pa myong ba/ sangs rgyas kyi ngo bo nyid shin tu rig pa/ de bzhin gshegs pa yun ring du gnas par shes pa/ rtag par yang sems can la sangs rgyas kyi ngo bo nyid yod par 'chad pa sha stag 'di lta ste/ byang chub sems dpa' sems dpa' chen po 'jam dpal dang / byang chub sems dpa' 'od mi g.yo dang / byang chub sems dpa' klu shing ljon pa dang / byang chub sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa' sman gyi rgyal po dang / byang chub sems dpa' sman gyi bla dang / byang chub sems dpa' kun tu bzang po dang / byang chub
- 13b
sems dpa' chos kyi dbang phyug rgyal po dang / byang chub sems dpa' seng ge'i sgra dang / byang chub sems dpa' gzungs 'dzin dang / byang chub sems dpa' rin chen mdzod dang // byang chub sems dpa' rtag 'grus dang / byang chub sems dpa' rgyun mi gtong dang / byang chub sems dpa' mtshan nyid la dad pa dang / byang chub sems dpa' thub med dang / byang chub sems dpa' byams pa la sogs pa byang chub sems dpa' sems dpa' chen po sum khri drug stong dang / mthu stobs dang ldan pa'i lha bye ba khrag khrig brgyad cu dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / mi dang / mi ma yin pa la sogs pa dang / tshangs pa dang / brgya byin la sogs te/ grangs med dpag tu med pa'i lha dang lhan cig tu nam mkha' la 'khod de/ lha'i rin po che'i me tog gi char phab nas rol mo sil snyan yang grangs med dpag tu med pa sgra rang 'byin par byas te/ lha tshangs pa sam b+ha ra'i spos kyi bdug pa dri zhim pos bdugs te/ de bzhin gshegs pa la mchod pa'i sprin phung phyogs bcu'i 'jig rten grangs med pa'i khams kun tu khyab par gyur pas/ phyogs bcu'i sangs rgyas thams cad dang / phyogs bcu'i chos thams cad dang / phyogs bcu'i byang chub sems dpa'i dge 'dun thams cad la kun tu mchod yon gsol bar gyur to// /
- 14a
de ltar lha rnams kyis mchod pa bul ba la'ang theg pa chen po bla na med pa'i lam tshol ba'i phyir ro// de nas de'i tshe de'i dus na bcom ldan 'das 'khor chen po grangs med dpag tu med pas bskor ba de dag thabs gcig tu shing sA la chen po ga la ba de logs su gshegs nas/ dpyid zla 'bring po'i tshes bco lnga la mya ngan las 'da' ba'i bar de bzhin gshegs pa'i byin gyi rlabs kyis/ byams pa chen pos sems can thams cad sdud cing skyob par dgongs te/ gsung dbyangs chen po phyung nas/ sgra des phyogs bcur kun tu khyab pa so so'i skad bzhin du sems can thams cad la bka' stsal pa/ deng de bzhin gshegs pa dgra bcom pa yang dag par rdzogs pa'i sangs rgyas kyis sems can thams cad la thugs brtse bar dgongs so// sems can la bsrung zhing skyob par dgongs so// sems can sdud cing gzhes par dgongs so// sems can la snyoms par gzigs pa ni/ dper na bu gcig la lta bu dang 'dra bar rten med pa la rten bya'o/ / sangs rgyas kyi bdag nyid ma mthong ba ni mthong bar bya'o// nyon mongs pa dang ma bral ba ni bral bar bya'o// bde ba med pa ni bde bar bya'o// ma grol ba ni rnam par grol par bya'o/ / longs spyod med pa ni longs spyod dang ldan par bya'o// the tsom dang ma bral ba ni the tsom dang bral bar bya'o// 'gyod tshangs ma byas pa ni 'gyod tshangs byas par bya'o// mya ngan las ma 'das
- 14b
pa ni mya ngan las bzla bar bya'o zhes bka' stsal pa dang / de'i tshe de'i dus na lam gyi g.yas g.yon du sa gzhi mnyam pa thang bzang po yongs su dag pa bkra shis kyis chu zheng du mnyam par dpag tshad stong phrag bcu bcu yod pa de/ bcom ldan 'das kyis gzigs nas mod la der ga zhes te/ dge slong rnams la 'di skad ces bka' stsal to// gnas 'di ni chos bshad pa'i sar 'os so zhes bka' stsal pa dang / dge slong kun dga' bos/ bcom ldan 'das la 'di skad ces gsol to// bcom ldan 'das de bzhin gshegs pa ni sngon rtag tu ri dang / tshal dang / chab gtsang ma 'bab pa dang / bza' shing gi ra ba dang / me tog dag mchis pa la dgyes na/ deng 'dir char 'bab pa'ang ma mchis/ shing dang tshal yang ma mchis/ grong khyim dang / bza' shing gi ra ba dang / mi phal yang ma mchis par bcom ldan 'das 'dir ci la dgyes te bzhugs shing chos bshad ces gsungs/ phal shul ring po nas mchig bkres skom pa'i sdug bsngal gyis gdungs pa'i rnams srog kyang mi 'tsho ste/ zas mchis na ni srog mchis/ srog mchis na ni lus mchis/ lus mchis na ni chos lam yang mchis so/ / zas ma mchis na srog ma mchis/ srog ma mchis na lus ma mchis/ lus ma mchis na chos lam yang ma mchis pa lags na/ da lta 'di'i nang du 'di lta bu'i yid la
- 15a
bab pa gang yang ma mchis par/ bcom ldan 'das ci'i slad du 'dir chos bshad ces gsungs/ de nas shes rab chen po shA ra dwa ti'i bus/ sangs rgyas kyi byin gyi rlabs kyis/ kun dga' bo la smras pa/ sngar chos kyi phyir zhu ba'i rigs kyi/ gzhan ni bsam mi dgos so// de bzhin gshegs pa ni stobs bcu dang mi 'jigs pa bzhir ma zad kyi/ de bzhin gshegs pa la stobs dpag tu med pa dang / cis kyang ma bsnyengs pa/ thams cad mkhyen pa'i ye shes dpag tu med pa dang / gzi brjid dang / rdzu 'phrul dpag tu med pa mnga' ste// / gang rten med pa de'i ni rten du mdzad/ sangs rgyas kyi ngo bo nyid ni mthong bar mdzad/ nyon mongs pa dang ma bral ba ni nyon mongs pa dang bral bar mdzad/ bde ba med pa ni bde ba la reg par mdzad// ma grol ba ni rnam par grol bar mdzad/ longs spyod dang mi ldan pa ni longs spyod dang ldan par mdzad/ mya ngan las ma 'das pa ni yongs su mya ngan las bzla bar mdzad de/ de bzhin gshegs pa 'di lta bu la sogs pa'i rdzu 'phrul dpag tu med pa dang ldan na/ de bzhin gshegs pa la rang byung med pa'i mya ngan bya ci dgos/ bdag dran pa sngon dri ma chen po dri ma med par grags pas phal mang po la chos bstan pa/ 'jig rten gyi khams gzhan nas 'ongs pa'i byang chub sems dpa' dang / nyan thos dang / rang sangs rgyas dang / mthu stobs dang ldan pa'i
- 15b
lha dang / klu la sogs pa'i phal mang po khang pa'i nang du 'dus te 'khod pa'i tshe na zas dag mi snang nas/ bdag gis de'i tshe na phal mang po 'di rnams kyi zas ji ltar 'byor snyam bsams pa las/ dri ma med par grags pas/ bdag la smras pa/ nyan thos shes rab dman pa yang dag pa'i chos bsam pa'i rigs kyi/ thog ma nas zas dang / gos dang / khri stan la sogs pa sgyu ma'i rdzas la ci'i phyir rnam par rtog ces/ dri ma chen po dri ma med par grags pas de skad smras pa'i tshe/ lha dang mi rnams kyis chos lam thob/ bdag ni skyengs te/ khyod da ltar smras pa'ang de dang 'dra'o// de nas bcom ldan 'das kyis/ kun dga' bo la bka' stsal pa/ dga' bo blo gros kyi mchog shA ra dwa ti'i bus smras pa bden te/ theg pa chen po bsam pa rigs kyi lus bde ba'i phyir bsam pa ni ma yin no/ / de skad ces bka' stsal ma thag tu ting nge 'dzin du zhugs nas/ byin gyi rlab kyi mod las der gser gyi me tog gcig dbus nas byung ste/ de'i 'phang du dpag tshad khri phrag bzhi bcu yod la/ des stong khams kun kyang chub par g.yogs nas/ bai DUR+Ya'i dra bas kyang gser gyi me tog khyab par g.yogs te/ me tog de'i 'og tu rin po che'i khrus kyi rdzing yon tan brgyad dang ldan pa'i chu gtsang mas yongs su gang ba/ de'i ngos bzhir me tog sna tshogs rnam pa mang po la 'di lta ste/ me tog ut+pa la dang /
- 16a
susu dang / bdu d+ha/ saSh+Ta ri ka la sogs pa mang bod drug tu med pas/ rlan pa mab rjod rnam par rdzun pabyung // gang la la zhig gisags ma go sa/ rin po che'i rdzing bu mthong ba tsam gyis chos kyi mig rnam par dag pa thob na/ nang du zhugs te khrus byas pa lta ci smos/ gal te zhugs te khrus byas pa ni rnam par dag pa dang mi skye ba'i chos la bzod pa thob bo/ / gser gyi me tog de'i 'og tu seng ge'i khri rin po che las byas pa/ 'bang du dpag tshad brgyad babyung ste/ de nas bcom ldan 'das kyis rin po che'i khri de la bzhugs nas/ sku'i ba spu'i bu ga dang / yan lag kun nas 'od chen po btang ste/ de bzhin gshegs pa'i 'od zer yang gser gyi me tog gi kha dog dang 'thun par phyogs bzhir byung bas/ phyogs bcur sangs rgyas kyi zhing thams cad du khyab par snang bar byas pa'i gnas thams cad du ri lung dang / yul sa kun kyang mnyam par gyur nas/ thams cad gser gyi kha dog tu gyur te/ sme brtsog pa'ang med la/ sems can dmyal ba'ang zhi nas/ yi dgas kyang rnam par grol te/ longs spyod dang dam pa'i chos la smod pa ni ma gtogs so// de bzhin gshegs pa'i byin gyi rlabs kyis/ 'jig rten gyi khams gzhan dang / dbus kyi khams 'di dang 'dra bar gyur nas tha dad pa med do// phyogs bcu'i sangs rgyas kyis kyang 'od de gzigs
- 16b
nas/ so so nas tshig 'thun par bcom ldan 'das shAkya thub pa la legs so zhes bstod nas/ legs so legs so// bcom ldan 'das byams pa chen pos 'od zer btang ba 'di ni sngon gyi 'od zer dang mi 'dra ste/ sngon chad kyi 'od ni shar phyogs su sngar shar na/ deng ga 'od ni phyogs bzhi nas dus gcig tu phyogs bcur khyab par sha las bltas na/ 'od des ni sdug bsngal ba'i sems can thams cad khams gsum nas bton te/ mya ngan las 'da' bar mngon no zhes gsungs so// de nas phyogs bcu'i sangs rgyas rnams kyis so so'i 'khor gyi byang chub sems dpa' sems dpa' chen po rnams la bka' stsal pa/ rigs kyi bu dag 'di lta ste/ 'jig rten gyi khams mi mjed nas de bzhin gshegs pa dgra bcom pa yang dag par rdzogs pa'i sangs rgyas shAkya thub pas 'od zer chen po gtong ba ni/ gdon mi za bar dam pa'i chos bstan cing / sems can rnams sdug bsngal ba las bsgral gyi cha na// khyed rnams 'jig rten gyi khams der song la/ sangs rgyas de la mchod pa phul nas/ the tsom rnams zhu zhing chos kyi rnam grangs nyan cing gsol bar rigs so// 'jig rten gyi khams de'i sems can yongs kyis ngan cing khrol brdzun sgyu can te/ theg pa gcig la ma dad pas de bzhin gshegs pa shAkya thub pas byams pa chen pos thabs sna tshogs kyis theg pa gsum du phye ste/ srid pa gsum las rnam par grol bar byed
- 17a
do/ / theg pa gsum du bstan gyis kyang thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su dag pa/ yongs su dkar ba ste/ sangs rgyas bcom ldan 'das de ni bskal pa khri phrag brgya stong du'ang mthong bar mi 'gyur/ chos kyi rnam grangs bshad do cog kyang thos par mi 'gyur/ 'khor de dag kyang tshogs 'dus bar mi 'gyur/ bcom ldan 'das shAkya thub pa'i gdan khri dang / gser gyi me tog khyad par can la bzhugs pa'ang mthong bar mi 'gyur ro// de bas na khyed rnams 'jig rten der song la/ sangs rgyas de mthong zhing the tsom dag zhu na/ khyed rnams kyang bsod nams thob la/ skye bo kun la phan pa dang bde bar yang 'gyur ro// de skad ces bka' stsal ma thag tu phyogs bcu'i sangs rgyas kyi zhing re re nas/ byang chub sems dpa' bye ba phrag bcu bcu rang rang gi gnas nas langs te/ so so'i sangs rgyas la phyag 'tshal nas thabs gcig tu dong ste/ byang chub sems dpa' re re'ang rol mo rnam pa brgyad stong thogs te/ me tog rin po che'i mchog tu bzang po'i char phab nas/ bcom ldan 'das shAkya thub pa ga la ba der phyin te/ bcom ldan 'das la phyag 'tshal nas lan bdun bskor ba byas nas phyogs gcig tu 'dug go/ / de nas so so nas tshig gcig dang / ngag gcig dang / sgra gcig gis bcom ldan 'das la 'di skad ces gsol to// bcom ldan 'das
- 17b
bdag cag gsol zhing zhu ba gcig mchis na/ skye bo rnams la sman pa dang bde ba'i slad du/ bcom ldan 'das kyis skabs dbye zhing bshad par smon to// de nas bcom ldan 'das/ kyis/ phas byin pa'i byang chub sems dpa' rnams la bka' stsal pa/ rigs kyi bu dag the tsom yod na de kun dris shig dang / ngas khyed rnams la bye brag phyed par bshad do// de nas byang chub sems dpa' rnams kyis/ bcom ldan 'das la 'di skad ces gsol to// bcom ldan 'das bdag cag gi de bzhin gshegs pa ni theg pa gcig las mi bshad na/ 'dir ni bcom ldan 'das kyis ci'i slad du theg pa gsum du bshad ces gsol pa dang / / de nas bcom ldan 'das kyis thogs pa med pa'i ye shes kyis/ byang chub sems dpa' rnams la bka' stsal pa/ rigs kyi bu khyed rnams sems can la phan pa dang / bde ba'i phyir don 'di lta bu 'dri ba legs kyis nyon cig/ rigs kyi bu rnams dper na mi gcig la ming gsum yod pa lta bu ste/ chung ngu'i tshe na ni byis pa zhes bya// mo nyi shu yan chad la ni skyes bu zhes bya/ lo brgyad cu yan chad 'das pa ni rgan po zhes bya'o// nga'i theg pa gsum yang de dang 'dra ste/ sems rgya chung ngu nyan thos la ni theg pa chung ngur bstan/ sems rgya 'bring po rang sangs rgyas tsam la ni theg pa 'bring po bstan/ byang chub sems dpa' chen po lam chen po la zhugs pa la ni theg pa chen po bstan to// rigs kyi bu khyed rnams yang nyon cig/ mdor
- 18a
mtha' gnyis med pa dang / phyogs gcig tu 'thun te shes pa'i sgo tha dad kyang mthar gcig tu 'du'o// mdo ni theg pa gcig ste/ thabs sprad pas gsum du bgos kyis// kyang / nyan thos dang rang sangs rgyas kyi theg pa'ang theg pa chen po'i nang du 'dul/ theg pa chen po ni sangs rgyas kyi theg pa'o// de bas na theg pa gsum yang theg pa gcig go zhes chos 'di bstan pa'i tshe/ byang chub sems dpa' stong phrag bcu mi skye ba'i chos la bzod pa thob bo/ dge slong brgyad brgyas ni dgra bcom pa'i 'bras bu thob bo// lha nyi khris ni chos kyi mig rnam par dag pa thob bo// mi las khri phrag brgya stong ni mod la bla na med pa yang dag par rdzogs pa'i byang chub tu sems bskyed do// de nas phyogs bcu nas phyin pa'i byang chub sems dpa' rnams kyis/ bcom ldan 'das ga la ba der logs su thal mo sbyar te btud nas/ bcom ldan 'das la 'di skad ces gsol to// bcom ldan 'das bdag cag ni de bzhin gshegs pa'i mthu dang byin gyi rlabs kyis khams// 'dir phyin cing / bcom ldan 'das kyi zhal mthong ba'i steng du theg pa chen po'i chos kyang thos nas/ chos kyi rnam grangs 'di bdag cag gis blangs te/ gzungs su 'dzin par gnang bar mdzad du gsol/ de bzhin gshegs pa mya ngan las 'das pa'i slad na/ 'jig rten gyi khams 'di dang / 'jig rten gzhan du ri dang / nags dang / tshal dang / shing drung dang / rig pa 'dzin pa'i gnas dang /
- 18b
grong dang / grong khyer dang / grong rdal dang / ljongs dang / dgon pa dang / dur khrod dang / mchod rten dang / gtsug lag khang dang / dge 'dun gyi gnas khang dang / chos bstan pa'i mi/ mang po 'du ba dang / khyim pa'i gnas so so'i khyim khyim du rgya cher spel zhing rgyun mi 'chad par bgyi'o// de ci'i slad du zhe na/ chos kyi rnam grangs 'di yun ring du gnas na ngan 'gro kun bkag par 'gyur ro/ / ji lta zhe na/ sngon de bzhin gshegs pas bstan pas sems can dmyal ba'i sgo bcad ces thos te/ gang gis mdo sde 'di las tshig gcig bton na/ lha rnams kyang rab tu dga' ba dang / tshim pa skyes te/ rtag tu bsnyen bkur bgyid cing / rang bzhin gyi dge ba spyod do// gang la las thar pa chen po phyogs su rgyas pa'i mdo 'di thos te/ dga' ba skyes nas dad pa dang gus pa'i sems kyis yi ger 'dri 'am/ yi ger 'drir 'jug gam/ klog gam/ kha ton du byas sam/ blangs sam/ 'chang ngam/ phyag 'tshal zhing chos kyi rnam grangs 'di'i nang gi sangs rgyas kyi mtshan gcig gam/ byang chub sems dpa'i ming brjod na/ gang zag de ni tshe 'di nyid la bde ba thob ste/ sdig pa rnams mi mthong zhing tshe zad de 'chi 'phos na'ang / byang chub sems dpa' bdag cag rnams kyis sngon du lam drangs te/ bdag cag gi 'jig rten gyi khams rnam par dag par gnas gcig tu skye bar bgyi'o// de ci'i slad du zhe na/ mdo sde 'di blangs pa dang / gzungs su 'dzin
- 19a
pa'i slad du'o/ / mdo sde 'di blangs te gzungs su 'dzin pa ni sangs rgyas kyi mu 'dzin pa'o// sangs rgyas kyi sku 'dzin pa ni byang chub sems dpa' lags par mngon te/ bas na de dag ni bdag cag dang bslab pa gcig go// rgyu dang rkyen des na mdo sde 'di gzungs su 'dzin pa rnams gnas gcig tu skye zhing mi 'bral bar smon to// de nas tshangs pa chen po dang / sum cu curtsa gsum gyi lha rnams dang / 'jig rten skyong ba rgyal po chen po bzhi dang / gsang ba pa'i bdag po lag na rdo rje dang / gnod sbyin gyi sde dpon chen po yang dag shes la sogs pa dang / klu'i rgyal po dga' bo dang / nye dga' bo dang / lha ma yin dang / nam mkha' lding dang / dbyangs can dang / 'phrog ma mo dang / ri'i lha dang / shing gi lha dang / klung gi lha dang / mtshe'i lha dang / sa'i lha dang / chu'i lha dang / me'i lha dang / rlung ni rna la sogs bgrangs med dpag tu med pa dag rang rang gastan las langs te/ bcom ldan 'das gal ba de logs su thal mo sbyar cing gus pas phyag 'tshal nas/ bcom ldan 'das la 'di skad ces gsol to// bcom ldan 'das bdag cag ni/ bcom ldan 'das kyis bstan pa'i mdo sde par ba chen po phyogs su rgyas pa 'di rkA chung shong badzin pa gyig/ / mdo sde gang du gnas pa der bdag cag gis rtag tu mdun du bad te yongs su dag par bco'o// mdo lnga 'di chod rten du'am/ gnas 'ang ma/
- 19b
khyim pa'i khyim du 'am/ dgon pa na gnas kyang rung ste/ gal te gang zag 'ga' zhig gis sug pa mi gtsang bas mdo sde 'di bzung ngam/ ma gus par bklags sam/ kha ton du bgyis na/ bdag/ cag gang zag de 'gro sdod 'dug nyal spyod lam rnam bzhiri lus dang sems mi bde bar bgyi'o// de gang du gnas pa der 'jigs shing skrag pa dang / blo bur du gnod pa 'byung bar bgyi'o// tshe 'di la mi bde ba sna tshogs dang / tshe 'phos na'ang sems can dmyal bar ltung bar bgyi'o// gang la la zhig gis mdo sde 'di la gus par bgyis te/ sug pa gtsang mas blangs shing 'chang ngam/ khrus bgyis te/ bdug spos kyis bdug cing bklags sam/ kha ton du bgyis sam/ 'chang ngam/ 'dzin tam/ yi ger 'dri 'am/ yi ger 'drir 'jug gam/ rjes su dran nam/ sdig pa'i chos rnams ma spyad na/ bdag cag gis mdo sde 'di bsrung ba'i slad du/ gang zag de'i rim gror bgyi'o// bsrung bar bgyi'o// gang zag de nyal na'ang de'i mdun du mchis te ltas ngan pa rnams mi 'byung bar bgyi'o// yang gcig tu na dgra ma rungs pa dang / gdon ma rungs pa rnams kyis gnod pas mi tshugs par bgyi'o// de gang du gnas pa'i khang khyim yang bsrung bar bgyi'o// de ste 'gron du mchi na bdag cag rnams kyis rtag tu phyin 'brang zhing ci 'tshal ba sbyar bar bgyi'o/ / phyogs bzhi gang du mchi na'ang bgegs ma mchis par rgyun du dge ba'i chos mthong zhing / tshe 'phos na'ang lhar skye bar bgyi'o// rgyu de dang rkyen des ni sangs
- 20a
rgyas mthong zhing theg pa chen po mi stor bar bgyi'o zhes gsol pa dang / bcom ldan 'das kyis/ byang chub sems dpa' sems dpa' chen po rnams dang / lha dang / lha ma yin gyi bdag po la sogs pa la bka' stsal pa/ de de bzhin no// de de bzhin te/ khyed rnams kyis bshad pa bzhin te/ mdo sde 'di thos par yang mi 'gyur na/ mthong bar lta ga la 'gyur/ gal te mdo sde 'di len tam/ 'dzin tam/ 'chang ngam/ klog gam/ kha ton du byed par 'dod nas khrus dag par byas la/ gos gtsang ma bgos te/ khang pa dben pa gtsang ma'i nang ba dan dang / rgyal mtshan dang / gdugs kyis brgyan nas/ bdug pa sna tshogs dang / tsan dan dang / phye ma dang / byug pas mchod cing phyag 'tshal nas/ de ltar nyin mtshan dus drug tu thog mar mgo btsugs nas/ nyin zhag bdun gyi bar du nyin re re zhing mdo sde 'di bklags te/ sems mi g.yeng ba dang / dran pa mi g.yeng ba dang / rtog pa mi g.yeng ba dang / bsam pa mi g.yeng ba dang / gzungs su 'dzin pa/ mi g.yeng ba dang / spyod pa mi g.yeng ba dang / bstan cing bslab pa mi g.yeng bar nyin mtshan dus drug tu mdo sde 'di'i nang nas 'byung ba'i sangs rgyas dang / byang chub sems dpa' dang / mdo sde bcu gnyis rnams la phyag 'tshal zhing klog pa dang / kha ton du 'don cing mos pa 'am/ gus par byed nus na/ mdo sde 'di'i nang nas 'byung ba bzhin du sdig lci ba kun 'byang bar 'gyur gyis/ de la the tsom
- 20b
ma ma yang gnyis su ma byed cig/ de ci'i phyir zhe na/ thar pa chen po phyogs su rgyas pa'i mdo sde 'di ni/ phyogs bcu'i sangs rgyas kyi spyad pa spyod pa'o// 'di ni srung zhing skyob pa ste/ sangs rgyas thams cad kyi yum mo/ / 'di ni mdo sde kun gyi rgyal po'o// 'di ni don dam pa'i snying nge'o// 'di ni byang chub sems dpa' rnams kyi lam mo// thar po chen po phyogs su rgyas pa'i mdo sde zab mo 'di ni 'jig rten na chen po drug dang 'dra ste/ bsam gyis mi khyab bo// drug po gang zhe na/ sa chen po dang / chu chen po dang / me chen po dang / rlung chen po dang / nyi ma chen po dang / nam mkha' chen po'o/ / mdo sde 'di ni sa chen po dang 'dra ste/ gtsang sme dang bzang ngan thams cad theg par byed do// mdo sde 'di ni chu chen po dang 'dra ste/ sme ba rtsog thams cad 'khru bar byed do// mdo sde 'di ni// me chen po dang 'dra ste/ nyon mongs pa dang / brtsog pa dang / ldan ldan thams cad tshig par byed do// mdo sde 'di ni rlung chen po dang 'dra ste/ sme ba rtsog thams cad bus par byed do// mdo sde 'di ni nyi ma chen po dang 'dra ste/ mun nag yod de cog snang bar byed do// mdo sde 'di ni nam mkha' dang 'dra ste/ bzang ngan yod de cog thams cad shong bar byed do// de lta bu'i theg pa chen po'i mdo sde thar pa chen po phyogs su rgyas pa 'di rgya che ba ni dpe zla med do/ / yar byang chub sems dpa' dang / bar du nyan thos dang / mar 'jig tshogs kyi gzugs can no cog mi shong ba med do// de bas na khyed rnams kyis mdo sde
- 21a
'di gzungs su bzung ste/ chongs shig/ kun tu spel bar gyis shig/ dad cing gus par byos shig dang / khyed byang chub sems dpa' sems dpa' chen po rnams kyis sangs rgyas kyi ye shes khong du chud pa dang / sangs rgyas kyi bdag nyid mngon du mthong bar bya'o// khyed lha rnams kyang mdo sde 'di blangs te 'chad na/ rgyun du nga'ang mthong la ma byon pa'i sangs rgyas thams cad mthong ba dang / chos kyi 'khor lo bskor ba dang / dkyil 'khor chen po la zhugs par bya'o zhes bka' stsal pa dang / de nas 'khor mang po'i nang nas/ byang chub sems dpa' mtshan nyid ces bya ba de/ 'khor 'dus pa'i nang nas stan las langs te/ bla gos phrag pa gcig tu bgos nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das bdag cag rnams gsol zhing zhu ba zhig mchis na/ dpag tu ma mchis pa'i skye bo la sman pa dang bde ba'i slad du/ bcom ldan 'das kyis skabs dbye zhing bshad par smon to// de nas bcom ldan 'das kyis/ byang chub sems dpa' mtshan nyid dang la bka' stsal pa/ shin tu legs so legs so// rigs kyi bu dri ba yod na ci 'dod pa bzhin dris shig dang / ngas khyod la bye brag phyed par bshad do/ / khyod kyis dris pa de'ang sems can dpag tu med pa la phan pa dang bde bar 'gyur ro// de nas byang chub sems dpa' mtshan nyid dad kyis/ bcom ldan 'das la 'di skad ces
- 21b
gsol to/ / bdag dran pa sngon yun ring po 'das pa na/ de bzhin gshegs pa mtshan rin chen gtsug phud ces bgyi ba de'i mtshan lan cig thos na lhar skye ba thob bo zhes thos te/ de las yun mi ring ba zhig na/ rgyal po lha'i dbang phyug 'od kyi yul khams na/ dgon pa'i nang zhig la rdzing chen po zhig mchis pa'i chab bskams nas/ de na nya chen po stong phrag bcu zhig mchis pa gdugs kyis gdungs te/ 'gum du nye ba las dra ma chu 'bebs zhes bgyi bas nya de dag mthong nas/ sems can la shin tu byams pa dang / snying rje skyes te/ chab dang kha zas stsal kyang / dgung 'ga' tsam zhig ni gson grang na/ tshe ring po yi thogs par 'tshal bas/ bcom ldan 'das rin chen gtsug phud kyi mtshan lan gsum brjod pa nya de dag gis thos ma thag tu dus las 'das te/ sum cu rtsa gsum gyi lhar skyes so zhes gda' na/ deng bcom ldan 'das 'khor 'di dag dang / dus slad ma'i sems can rnams kyi slad du/ sangs rgyas rnams kyi mtshan bstan cing / bcom ldan 'das shAkya thub pa'i mtshan thos nas tshad ma mchis dpag tu ma mchis pa'i skye bo la sman pa dang / bde ba dang / dpag tu ma mchis pa'i bsod nams dang / rtag tu longs spyod phun sum tshogs pa dang / sangs rgyas kyi bdag nyid kyang mngon sum du rtogs par 'gyur ba'i slad du gsol lo// sdom pa'i rtsa ba nyams pa dang / nyon mongs pas 'khrul pa'i sems can rnams yongs su grol bar
- 22a
'gyur ba'i slad du bshad par smon to/ / de nas bcom ldan 'das kyis/ byang chub sems dpa' sems dpa' chen po mtshan nyid dang la 'di skad ces bka' stsal to/ / rigs kyi bu gal te ngas phyogs bcu'i sangs rgyas kyi mtshan rgya cher bshad na/ bskal pa brgya stong khri'i bar du bshad kyang mi rdzogs te/ 'di ltar chu thams cad kyi thigs pa ni bgrang zhing shes par rung gi/ sangs rgyas thams cad kyi mtshan ni grangs su shes pa med do// ri rab thams cad ni srang grangs su bgrang bar rung gi/ sangs rgyas thams cad kyi mtshan ni grangs su shes pa med do// nam mkha'i mtshams dang mtha' thug par shes par rung gi/ sangs rgyas thams cad kyi mtshan ni grangs su shes pa med do// ngas khyod la dus gsum gyi sangs rgyas rnams kyi mtshan mdo tsam zhig bstan gyis// gang gis rna bar lan cig thos na/ gang zag de tshe 'phos ma thag tu lha'i gnas su skye bar 'gyur ro// thos nas kyang mos pa dang gus par byas te/ yi ger bris la mtshan nas brjod cing phyag 'tshal na bskal pa grangs med pa nas 'khor ba'i sdig pa kun 'byang bar 'gyur/ bsod nams dpag tu med pa thob par 'gyur ro// gang zag de dus zad na'ang phyogs bcu'i 'jig rten gyi khams gang nas gang du dad pa de dang der skye bar 'gyur te/ da'ang mthong la/ dus ma 'ongs pa na/ bskal pa bzang po'i sangs rgyas rnams kyang mthong bar 'gyur ro// de nas bcom ldan 'das kyis yang 'khor
- 22b
mang po rnams la bka' stsal pa/ khyed rnams tshul bzhin du gos tshags bcos la lus mi g.yeng ba dang / sems mi g.yeng ba dang / dran pa mi g.yeng ba dang / rtog pa mi g.yeng bar byos la/ chos thos par 'dod na/ sems rtse gcig tu sdus shig/ bcom ldan 'das mar me ri rab rgyal po la phyag 'tshal lo// bcom ldan 'das rin chen rgyal po la phyag 'tshal lo// bcom ldan 'das rin chen gtsug pud la phyag 'tshal lo/ / bcom ldan 'das tshe dpag med la phyag 'tshal lo// bcom ldan 'das rnam par gzigs la phyag 'tshal lo// bcom ldan 'das rin chen mang la phyag 'tshal/ lo// bcom ldan 'das shAkya thub pa la phyag 'tshal lo// chos thams cad sdud cing 'dzin pa la phyag 'tshal lo// brjod dpag 'das la phyag 'tshal lo// dpe zla med la phyag 'tshal lo// mu med chos la phyag 'tshal lo// bsam khyab dka' la phyag 'tshal lo// stobs la gnas pa'i stobs kyi stobs la phyags 'tshal lo// 'jigs pa med pa'i stobs bcu la phyag 'tshal lo// 'jig rten gsum gyi gtso la phyag 'tshal lo// thams cad 'dren pa'i ston pa chen po la phyag 'tshal lo// 'ching ba kun gcod la phyag 'tshal lo// pha rol gyi mthar phyin la phyag 'tshal lo// 'jig rten kun las 'das zin pa la phyag 'tshal lo// 'khor ba'i rgyud dang yongs su bral ba la phyag 'tshal lo// ting nge 'dzin gyis rnam par grol ba la phyag 'tshal lo// nam mkha' ltar
- 23a
dmigs su med pa la phyag 'tshal lo/ / mang po'i nang na chos kyi rgyal po la phyag 'tshal lo// bdud bzhi'i tshogs 'joms pa la phyag 'tshal lo// bu gcig pa'i pha ltar byams pa chen po la phyag 'tshal lo/ / tshe rabs 'chi 'phos gar 'byung gar skyes kyang / sangs rgyas kyi zhal rtag tu mthong zhing / sangs rgyas kyi bdag nyid mngon par rtogs la/ mya ngan las 'das pa chen por phyin par gyur cig/ de ci'i phyir zhe na/ 'jig tshogs can kun la sangs rgyas kyi bdag nyid yod pa'i phyir ro// kye 'khor mang po rnams sor mo bcu'i thal mo sbyor la yang dag par mnya cing / sems thag pa nas mchod pa phul cig/ ngas ni phyogs bcu dus gsum gyi// sangs rgyas mtshan rnams bshad kyis nyon// sdig pa mtshams med lnga po yang // rnam grol mtshan nyid bskyed par bya'o/ / dge rtsa med pa'i gang zag la// ngas ni dgrol zhing bshad kyis kyang // des kyang chud par mi nus te// sa bon tshig rnams rang bzhin dong // grung brtan 'ba' zhig gnas par 'gyur/ / theg pa chung ngu bsal nas su// theg chen nyi tshe yod par 'gyur// theg pa gnyis po bsal nus su// theg pa gcig pu yod par 'gyur// dge rtsa med pa'i gang zag gris// sgra 'di thos par mi 'gyur te// sangs rgyas grangs med mchod myong bas// gdod des sangs rgyas mtshan thos so// len cing 'dzin par byed pa ni// phyogs tsam rnam par grol ba ste/
- 23b
rnam dgas la bde bar gnas// da yang nga yi chos 'dri la// sangs rgyas spyad pa kun spyod de// sangs rgyas mtshan la phyag 'tshal zhing // mdo 'di blang zhing klog 'chang na// bdud kyi las dang bral bar 'gyur/ / rtsa ba bzhi dang mtshams med dang // log spyod rnams kyi sdig kyang 'byung // ma 'ongs dus na gang zag de// 'phags pa'i lam yang nges par 'grub// gang zhig dad pa ma skyes na/ / ngan song gsum du lhung yang dag/ dad skyes brtson 'grus phyag 'tshal na// tshad med sangs rgyas mthong bar 'gyur// de bas rtse gcig phyag tshol cig/ sdig pa dpag med byang byas pas/ / de phyir gus par phyag 'tshal lo// de nas 'khor mang po rnams thal mo sbyar te/ yang dag par mnyan nas/ lus dang sems gcig tu bsdus te/ g.yel zhing 'gyur ba med par yan lag lnga sa la gtugs te/ sems thag pa nas mnyan to// de nas bcom ldan 'das kyis sangs rgyas kyi mtshan nas brjod cing bsgrags pa la/ 'das pa'i sangs rgyas dpa tu med pa la phyag 'tshal lo/ / sangs rgyas nyi zla mar me gsal nyi khri la phyag 'tshal lo// sangs rgyas mar me mdzad sum khri la phyag 'tshal lo// sangs rgyas thogs med ye shes mchog la phyag 'tshal lo/ / sangs rgyas rgyal bu bcu drug la phyag 'tshal lo// sangs rgyas nam mkha'i rgyal po la phyag 'tshal lo// sangs rgyas rin chen mang la phyag 'tshal lo// sangs rgyas sprin dbang mar me rgyal
- 24a
po la phyag 'tshal lo/ / sangs rgyas byin sgra rgyal po la phyag 'tshal lo// sangs rgyas 'od dpag med la phyag 'tshal lo// sangs rgyas dge bar bsams la phyag 'tshal lo// sangs rgyas sku sprul la phyag 'tshal lo// sangs rgyas nyi zla gsal gyi dpal la phyag 'tshal lo// sangs rgyas pad+ma dag pa rgyu skar rgyal po ye shes la phyag 'tshal lo// sangs rgyas rnam dag brgyan pa'i rgyal po la phyag 'tshal lo/ / sangs rgyas klu btsun rgyal po la phyag 'tshal lo// sangs rgyas sprin 'brug sgra rgyal po la phyag 'tshal lo// sangs rgyas sprin 'brug sgra rgyu skar rgyal po ye shes pad+ma la phyag 'tshal lo// sangs rgyas rin chen rgyal po la phyag 'tshal lo// sangs rgyas shing sA la rgyal po la phyag 'tshal lo// sangs rgyas rin chen bla ma dpal gzi rgyal po la phyag 'tshal lo// sangs rgyas 'od sdang rgyal po la phyag 'tshal lo/ / sangs rgyas 'od mi g.yo 'bum phrag brgya la phyag 'tshal lo// sangs rgyas 'od rgyang ring la phyag 'tshal lo// sangs rgyas zla 'od la phyag 'tshal lo// sangs rgyas spos tsan dan la phyag 'tshal lo/ / sangs rgyas ri legs rgyal po la phyag 'tshal lo// sangs rgyas ri rab lha'i thor tsugs la phyag 'tshal lo// sangs rgyas 'od snyoms ri rab la phyag 'tshal lo// sangs rgyas zla gzugs la phyag 'tshal lo/ / sangs rgyas yang dag pa'i dran pa la phyag 'tshal lo// sangs rgyas dri ma bral ba la phyag 'tshal lo// sangs rgyas chags med la phyag 'tshal lo// sangs rgyas kyi/
- 24b
lha la phyag 'tshal lo// sangs rgyas mi g.yo la phyag 'tshal lo// sangs rgyas bai DU r+ya'i me tog mchog la phyag 'tshal lo// sangs rgyas bai DUr+ya dang gser gyi kha dog la phyag 'tshal lo// sangs rgyas gser mdzod la phyag 'tshal lo/ / sangs rgyas sa'i gdung la phyag 'tshal lo// sangs rgyas zla ba'i gzugs brnyan la phyag 'tshal lo// sangs rgyas nyi ma'i dbyangs la phyag 'tshal lo// sangs rgyas pad+ma rnam grol la phyag 'tshal lo/ / sangs rgyas 'od zer rnam par brgyan la phyag 'tshal lo// sangs rgyas blo rgya mtsho mngon par shes pa la phyag 'tshal lo// sangs rgyas chu 'od la phyag 'tshal lo// sangs rgyas dbyangs chen bo la phyag 'tshal lo/ / sangs rgyas dri ma sgyu ma dang bral ba la phyag 'tshal lo// sangs rgyas yid skyo spangs la phyag 'tshal lo// sangs rgyas rin po che 'bar ba la phyag 'tshal lo// sangs rgyas gtsug dam pa la phyag 'tshal lo/ / sangs rgyas dpa' bar 'dzugs la phyag 'tshal lo// sangs rgyas shes rab yon tan 'dzin la phyag 'tshal lo// sangs rgyas nyi zla'i 'od sgrib la phyag 'tshal lo// sangs rgyas nyi zla bai DUR+Ya'i 'od la phyag 'tshal lo// sangs rgyas bla med bai DUR+Ya'i 'od la phyag 'tshal lo// sangs rgyas rab mchog gtso la phyag 'tshal lo// sangs rgyas byang chub me tog la phyag 'tshal lo/ / sangs rgyas blo gsal la phyag 'tshal lo// sangs rgyas nyi 'od la phyag 'tshal lo// sangs rgyas me tog mdog gi rgyal po la phyag 'tshal lo// sangs rgyas chu zla'i 'od la phyag 'tshal lo//
- 25a
sangs rgyas the tsom mun sel la phyag 'tshal lo// sangs rgyas sdug bsngal bsgral la phyag 'tshal lo// sangs rgyas mos pa dang ba la phyag 'tshal lo// sangs rgyas sngon legs la phyag 'tshal lo/ / sangs rgyas rdzu 'phrul gzi brjid la phyag 'tshal lo// sangs rgyas chos kyi shes rab la phyag 'tshal lo// sangs rgyas bzhad sgra la phyag 'tshal lo// sangs rgyas seng ge sgral phyag 'tshal lo/ / sangs rgyas klu'i sgra la phyag 'tshal lo// sangs rgyas 'jig rten gnas la phyag 'tshal lo// sangs rgyas dbang phyug la phyag 'tshal lo// sangs rgyas tshe dpag med la phyag 'tshal lo// sangs rgyas 'od dpag med la phyag 'tshal lo// sangs rgyas 'od mtha' yas la phyag 'tshal lo// sangs rgyas 'od thogs med la phyag 'tshal lo// sangs rgyas 'od zla med pa la phyag 'tshal lo// sangs rgyas 'od dbang rgyal po la phyag 'tshal lo// sangs rgyas 'bar ba'i 'od la phyag 'tshal lo// sangs rgyas 'bar ba'i rtsa ba la phyag 'tshal lo// sangs rgyas rnam dag 'od la phyag 'tshal lo// sangs rgyas rab tu dga' ba'i 'od la phyag 'tshal lo// sangs rgyas shes rab 'od la phyag 'tshal lo// sangs rgyas 'od rgyun mi 'chang la phyag 'tshal lo// sangs rgyas 'od bsam dka' la phyag 'tshal lo/ / sangs rgyas 'od brjod med la phyag 'tshal lo// sangs rgyas nyi zla'i 'od 'phags la phyag 'tshal lo// sangs rgyas mtshan bzangs gser btso ma'i mdog la phyag 'tshal lo// sangs rgyas
- 25b
ring du brtags pa la phyag 'tshal lo/ / sangs rgyas rin po che'i mdzod la phyag 'tshal lo// sangs rgyas dbyangs dpag med la phyag 'tshal lo// sangs rgyas zil dngar gyi ro la phyag 'tshal lo// sangs rgyas klu'i rgyal ba la phyag 'tshal lo// sangs rgyas rgyal ba'i stobs la phyag 'tshal lo// sangs rgyas seng ge'i dbyangs la phyag 'tshal lo// sangs rgyas dri ma dang bral ba'i 'od la phyag 'tshal lo/ / sangs rgyas dpal mchog la phyag 'tshal lo// sangs rgyas 'jam dpal ril phyag 'tshal lo// sangs rgyas rdo rje rgyal po la phyag 'tshal lo// sangs rgyas me tog bla med la phyag 'tshal lo/ / sangs rgyas 'jigs med stobs kyi rgyal po la phyag 'tshal lo// sangs rgyas klu rje dbang phyug la phyag 'tshal lo// sangs rgyas seng ge'i gzi brjid rgyal po la phyag 'tshal lo// sangs rgyas dbang phyug rgyal po la phyag 'tshal lo// sangs rgyas 'od khyab la phyag 'tshal lo// sangs rgyas kun tu snang la phyag 'tshal lo// sangs rgyas kun tu gtsang la phyag 'tshal lo// sangs rgyas spros ta mar ba ra tsan dan la phyag 'tshal lo/ / sangs rgyas spos tsan dan 'od la phyag 'tshal lo// sangs rgyas nor bu rgyal mtshan la phyag 'tshal lo// sangs rgyas dkon mchog brtsegs rab tu dga' ba'i snying po la phyag 'tshal lo/ / sangs rgyas brtson 'grus chen po bla na med pa la phyag 'tshal lo// sangs rgyas nor bu'i rgyal mtshan mar me'i 'od la phyag 'tshal lo// sangs rgyas shes rab snon ma
- 26a
snang la phyag 'tshal lo/ / sangs rgyas rgya mchod pal 'od snang la phyag 'tshal lo// sangs rgyas rdo rje sra brtan la phyag 'tshal lo// sangs rgyas gser 'od kun tu dgram la phyag 'tshal lo/ / sangs rgyas brtson 'grus che brtan la phyag 'tshal lo// sangs rgyas dpa' brtul la phyag 'tshal lo// sangs rgyas thugs rje 'od la phyag 'tshal lo// sangs rgyas thugs rje stobs kyi rgyal po la phyag 'tshal lo/ / sangs rgyas byams pa'i snying po la phyag 'tshal lo// sangs rgyas tsan dan gyi phug rnam par bkod pa'i rgyal po la phyag 'tshal lo// sangs rgyas bzang legs gtso la phyag 'tshal lo/ / sangs rgyas legs par sad la phyag 'tshal lo// sangs rgyas rnam par bkod pa'i rgyal po la phyag 'tshal lo// sangs rgyas gser gyi ri bo rin po che'i gdugs la phyag 'tshal lo// sangs rgyas gser gyi me tog 'bar ba'i 'od kyi mtshan ma la phyag 'tshal lo// sangs rgyas sgron chen 'od snang la phyag 'tshal lo// sangs rgyas rin po che'i bla re stong pa nyid du brtag pa'i stobs kyi dbang phyaphyug rgyal po la phyag 'tshal lo/ / sangs rgyas gser gyi me tog gi 'od la phyag 'tshal lo// sangs rgyas nam mkha' rin chen me tog gi 'od la phyag 'tshal lo// sangs rgyas bai DUR+Ya rnam par bkod pa'i rgyal po la phyag 'tshal lo/ / sangs rgyas sku kun tu mngon par ston pa'i 'od la phyag 'tshal lo// sangs rgyas ye shes 'od mi 'gyur la phyag 'tshal lo// sangs rgyas bdud kyi rgyal po rnams tshar gcod
- 26b
la phyag 'tshal lo/ / sangs rgyas 'od snang stong la phyag 'tshal lo// sangs rgyas byams pa'i shes rab rgyal ba la phyag 'tshal lo// sangs rgyas byams pa'i 'od gsal la phyag 'tshal lo// sangs rgyas 'jig rten dag pa'i 'od la phyag 'tshal lo/ / sangs rgyas dge dben zla ba'i dbyangs la phyag 'tshal lo// sangs rgyas mchog btsun ye shes rgyal po la phyag 'tshal lo// sangs rgyas gdugs rin po che'i rgyal por gnas pa la phyag 'tshal lo/ / sangs rgyas klu'i rigs bla na med pa ye shes gtse'i rgyal po la phyag 'tshal lo// sangs rgyas nyi zla'i 'od la phyag 'tshal lo// sangs rgyas nyi zla nor bu'i 'od la phyag 'tshal lo/ / sangs rgyas ye shes kyi ba dan mchog brgyan pa'i rgyal po la phyag 'tshal lo// sangs rgyas dri med mdzod kyi rgyal po la phyag 'tshal lo// sangs rgyas 'od snang mtshan ma la phyag 'tshal lo/ / sangs rgyas gser 'bar ba'i 'od snang la phyag 'tshal lo// sangs rgyas gser 'od snang ba'i mdzod la phyag 'tshal lo// sangs rgyas seng ge'i sgra'i stobs kyi dbang phyug rgyal po la phyag 'tshal lo/ / sangs rgyas mchog dbyangs dam pa'i rgyal po la phyag 'tshal lo// sangs rgyas pa dan 'od rtag la phyag 'tshal lo// sangs rgyas 'jig rten rnam par rtog pa'i mar mo'i rgyal po la phyag 'tshal lo/ / sangs rgyas shes rab kyi na bza'i rgyal po thob la phyag 'tshal lo// sangs rgyas chos kyi mtshan nyid dam pa'i rgyal po la phyag 'tshal lo// sangs rgyas ri rab 'od la phyag 'tshal
- 27a
lo/ / sangs rgyas me tog su ma na'i 'od la phyag 'tshal lo// sangs rgyas me tog ut+pa la'i 'od la phyag 'tshal lo// sangs rgyas stobs btsan dam pa'i rgyal po la phyag 'tshal lo/ / sangs rgyas shes rab kyi stobs kyi rgyal po la phyag 'tshal lo// sangs rgyas rab dga' 'khrug med 'od la phyag 'tshal lo// sangs rgyas sgra dbyangs dpag med rgyal po la phyag 'tshal lo/ / sangs rgyas blo gros 'od la phyag 'tshal lo// sangs rgyas gser gyi rgya mtsho yid 'ong la phyag 'tshal lo// sangs rgyas shes rab kyi ri dang rgya mtsho'i dbang phyug rgyal po la phyag 'tshal lo// sangs rgyas thar pa chen po'i 'od la phyag 'tshal lo// sangs rgyas chos thams cad rtag tu gang ba'i rgyal po la phyag 'tshal lo// sangs rgyas blan mi ston la phyag 'tshal lo// 'das pa'i sangs rgyas sprul pa'i sku thams cad la phyag 'tshal lo/ / bdas pa'i sangs rgyas gcig/ sangs rgyas bcu/ sangs rgyas brgya/ sangs rgyas stong / sangs rgyas khri la phyag 'tshal na/ bskal pa grangs med dpag tu med pa'i 'khor ba nas sdig bgyis pa'i mi bzad pa thams cad 'byang bar 'gyur ro/ / sangs rgyas 'bum phrag gcig/ 'bum phrag bcu/ 'bum phrag brgya/ 'bum phrag stong / 'bum phrag khri bye ba khrag khrig gang+gA'i bye ma snyed grangs med/ dpag tu med pa'i sangs rgyas la gus par phyag 'tshal lo// gal te gang zag la las 'das pa'i sangs rgyas grangs
- 27b
med dpag tu med pa'i mtshan thos na/ de bskal pa khri phrag brgyad cu'i bar du sems can dmyal ba'i sdug bsngal du mi lhung ste/ de bas na gus par phyag 'tshal lo// gang gis sangs rgyas 'das pa'i mtshan/ / de la gus par phyag 'tshal na// sems nyid thob cing sdig kyang 'byang // mi dge bcu dang mtshams med lnga// phyin chad mi byed sdom par nus// dam pa'i chos ni rtag tu thos/ / theg chen tshul khrims ldan pa ste// de phyir da ltar phyag kyang 'tshal// rnam pa gnyis shig ma gtogs te// theg chen chos la spod ba dang // log spyod phyogs su blta ba'o// gang zhig sems nyid rnam dag na// log spyod ces su mi bya ste// sangs rgyas dpag med rtag tu mthong // sdig pa'i rtsa ba bzhi po dang // mtshams med lngar bcas gang byas pa// rnam dag sems kyi 'gyod nus na/ / de ni tshul bzhi na gnas pa yin// de yang gus par phyag 'tshal phyir// mi dge bcu yi las 'byang zhing // theg chen tshul 'khrims thob pas na// de bas gus par phyag 'tshal lo/ / 'das pa'i sangs rgyas rnams kyi mtshan de dag bshad pa'i tshe// byang chub sems dpa' stong phrag bcu mi skye ba'i chos la bzod pa thob bo// nyan thos brgyad brgyas ni theg pa chen po'i sems shas tsam skyes so/ / dge slong lnga stong ni dgra bcom par grub bo// lha dang mi khri phrag bcu zhig chos kyi migo rnam par dag pa thob bo// da ltar bzhugs pa'i sangs
- 28a
rgyas grangs med dpag tu med pa la phyag 'tshal lo/ / sangs rgyas gas la rgyal 'bum phrag bcu la phyag 'tshal lo// sangs rgyas gser bco ma'i bye dri ma bral ba la phyag 'tshal lo// sangs rgyas snang ba dpag med la phyag 'tshal lo// sangs rgyas nyi ma'i dkyil 'khor 'od snang rgyal po la phyag 'tshal lo// sangs rgyas spos brtsegs la phyag 'tshal lo// sangs rgyas seng ge 'dun gzugs la phyag 'tshal lo/ / sangs rgyas seng ge rnam par rol pa la phyag 'tshal lo// sangs rgyas yon tan kun tu 'od kyi ri'i rgyal po la phyag 'tshal lo// sangs rgyas yon tan bde gnas rin po che'i rgyal po la phyag 'tshal lo/ / sangs rgyas rin po che'i me tog rnam par brgyan pa'i rgyal po la phyag 'tshal lo// sangs rgyas dka' thub la phyag 'tshal lo// sangs rgyas ri rab mtshan ma la/ phyag 'tshal lo// sangs rgyas ri rab rgyal po thob la phyag 'tshal lo// sangs rgyas rin chen dpal la phyag 'tshal lo// sangs rgyas rin chen zla ba la phyag 'tshal lo// sangs rgyas rin chen 'bar ba la phyag 'tshal lo/ / sangs rgyas rin po che'i rgyan la phyag 'tshal lo// sangs rgyas dka' thub seng ge'i nga ro la phyag 'tshal lo// sangs rgyas 'od chen rgyal po la phyag 'tshal lo// sangs rgyas mi 'gyur la phyag 'tshal lo/ / sangs rgyas sman gyi rgyal po la phyag 'tshal lo// sangs rgyas rnam par brgyan la phyag 'tshal lo// sangs rgyas lding khang phyin la phyag 'tshal lo// sangs rgyas zla ba'i
- 28b
gdugs la phyag 'tshal lo/ / sangs rgyas 'od khyab la phyag 'tshal lo// sangs rgyas rin chen rgyal po la phyag 'tshal lo// sangs rgyas rnam par gzigs la phyag 'tshal lo// sangs rgyas gtsug/ tor can la phyag 'tshal lo// sangs rgyas thams cad skyob la phyag 'tshal lo// sangs rgyas log par dad sel la phyag 'tshal lo// sangs rgyas gser thub la phyag 'tshal lo// sangs rgyas 'od srungs la phyag 'tshal lo/ / sangs rgyas 'brug spa'i rgyal po la phyag 'tshal lo// sangs rgyas chos kyi snying po la phyag 'tshal lo// sangs rgyas tsan dan me tog la phyag 'tshal lo// sangs rgyas can dan 'dab ma la phyag 'tshal lo/ / sangs rgyas yid mchog la phyag 'tshal lo// sangs rgyas thub bla med la phyag 'tshal lo// sangs rgyas zil dngar rnga la phyag 'tshal lo// sangs rgyas rnam par gzigs la phyag 'tshal lo/ / sangs rgyas nyi zla'i 'od snang la phyag 'tshal lo// sangs rgyas thub med 'od la phyag 'tshal lo// sangs rgyas rnam par brgyan dang ldan pa'i rgyal po la phyag 'tshal lo/ / sangs rgyas 'od zer kun tu khyab pa'i yon tan gyi rgyal po la phyag 'tshal lo// sangs rgyas bdud bzhi 'joms pa'i seng ge'i rgyal po la phyag 'tshal lo// sangs rgyas rdo rje 'jigs med la phyag 'tshal lo/ / sangs rgyas bai DUR+Ya'i 'od la phyag 'tshal lo// sangs rgyas ri rab rgyal po la phyag 'tshal lo// sangs rgyas 'od zer gtsang ma'i rgyal po la phyag 'tshal lo//
- 29a
sangs rgyas dge dpal la phyag 'tshal lo// sangs rgyas 'od zer dpag med la phyag 'tshal lo// sangs rgyas gzungs rnam par rol pa la phyag 'tshal lo// sangs rgyas dpa' bar 'gro ba'i ting nge 'dzin gyi rgyal po la phyag 'tshal lo/ / sangs rgyas dge mthong ting nge 'dzin gyi dbang phyug gi rgyal po la phyag 'tshal lo// sangs rgyas yon tan bla med la phyag 'tshal lo// sangs rgyas rdzu 'phrul dbang phyug la phyag 'tshal lo// sangs rgyas mtshan ma'i gzungs med la phyag 'tshal lo// sangs rgyas gzungs 'thor la phyag 'tshal lo// sangs rgyas dri mtshan med la phyag 'tshal lo/ / sangs rgyas bro mtshan med la phyag 'tshal lo// sangs rgyas reg mtshan med la phyag 'tshal lo// sangs rgyas ting nge 'dzin gyi dbang phyug la phyag 'tshal lo// sangs rgyas shes rab ting nge 'dzin gyi dbang phyug la phyag 'tshal lo/ / sangs rgyas rin po che'i gzugs kyi dbang phyug la phyag 'tshal lo// sangs rgyas kun tu sdud la phyag 'tshal lo// sangs rgyas drin dpal kun tu 'od la phyag 'tshal lo/ / sangs rgyas gtsug tor can la phyag 'tshal lo// sangs rgyas thams cad skyob la phyag 'tshal lo// sangs rgyas log par dad sel la phyag 'tshal lo/ / sangs rgyas gser thub la phyag 'tshal lo// sangs rgyas 'od srungs la phyag 'tshal lo// sangs rgyas yid sgra snyan sred la phyag 'tshal lo// sangs rgyas rab tu dga' nga
- 29b
laphyag 'tshal lo/ / sangs rgyas mi 'khrugs pa la phyag 'tshal lo// sangs rgyas ri rab mtshan ma la phyag 'tshal lo// sangs rgyas seng ge dbyangs la phyag 'tshal lo// sangs rgyas seng ge'i mtshan ma la phyag 'tshal lo/ / sangs rgyas sprin dbang phyug la phyag 'tshal lo// sangs rgyas rtag tu zhi la phyag 'tshal lo// sangs rgyas dbang po'i mtshan ma la phyag 'tshal lo// sangs rgyas snang ba mtha' yas la phyag 'tshal lo/ / sangs rgyas tshangs pa'i mtshan ma la phyag 'tshal lo// sangs rgyas 'jig rten gyi sdug bsngal thams cad las 'das pa la phyag 'tshal lo// sangs rgyas ta mar bar tsan dan gyi spos la phyag 'tshal lo// sangs rgyas ri rab kyi gzugs la phyag 'tshal lo// sangs rgyas sprini dbang phyug rgyal po la phyag 'tshal lo// sangs rgyas 'jig rten gyi 'jigs pa thams cad bcom pa la phyag 'tshal lo/ / sangs rgyas sprul pa'i sku shAkya thub pa 'bum phrag brgya la phyag 'tshal lo// da ltar bzhugs pa'i sangs rgyas gcig/ sangs rgyas bcu/ sangs rgyas brgya/ sangs rgyas stong / sangs rgyas khre la gus par phyag 'tshal na/ bskal pa grangs med pa nas 'khor ba'i sdig lci ba thams cad 'byang bar 'gyur ro/ / sangs rgyas 'bum phrag gcig/ 'bum phrag bcu 'bum phrag brgya/ 'bum phrag stong / 'bum phrag khri bye ba khrag khrig gang+gA'i klung gi bye ma snyed grangs med/
- 30a
dpag tu med pa'i sangs rgyas la phyag 'tshal lo// gang la las da ltar bzhugs pa'i sangs rgyas grangs med dpag tu med pa'i mtshan thos na/ de ni bskal pa khri phrag drug nu'i bar du sems can dmyal bar mi ltung ste/ de bas gus par phyag 'tshal lo// da ltar phyogs bcur bzhugs pa yi// sangs rgyas rnams la phyag 'tshal na// las ngan kun las rnam par grol/ / mtshams med lnga po'i sdig kyang 'byung // rnam dag sa la rtag tu gnas// shAkya'i chos la'ang bde gnas shing // mtha' ru ngan song gsum dang bral// sangs rgyas byams pa'ang/ mthong ba dang // sangs rgyas stong yang mthong bar 'gyur// de bas da ltar phyag kyang 'tshal// phyogs bcu'i sangs rgyas yang mthong ste// rnam dgra zhing du rtag par skye// dam pa'i chos kyang thos 'gyur cing / / sangs rgyas rtag pa'ang mngon par rtogs// da ltar bzhugs pa'i sangs rgyas rnams kyi mtshan bshad pa'i tshe// chu bo gang+gA gnyis kyi bye ma snyed kyi byang chub sems dpas gzungs kyi sgor chud par gyur to/ / lha dang mi 'bum phra la ni bcu rtsa gnyis ni bla na med pa'i byang chub tu sems bskyed do// bskal pa bzang po'i sangs rgyas ma byon pa dpag tu med pa la phyag 'tshal lo/ / sangs rgyas byams pa la phyag 'tshal lo// sangs rgyas rnam dag su la phyag 'tshal lo// sangs rgyas me tog 'od la phyag 'tshal lo// sangs rgyas me tog rdzogs la phyag 'tsha
- 30b
g.yo/ / sangs rgyas 'od srung la phyag 'tshal lo// sangs rgyas ming dang mtshan ma la phyag 'tshal lo// sangs rgyas 'dzam bu na da'i gser 'od la phyag 'tshal lo// sangs rgyas chos snang la phyag 'tshal lo// sangs rgyas ri/ chen snang la phyag 'tshal lo// sangs rgyas khyab snang la phyag 'tshal lo// sangs rgyas kun tu mtshan ma la phyag 'tshal lo// sangs rgyas kun tu 'od la phyag 'tshal lo// sangs rgyas shes rab ri dang rgya mtsho la phyag 'tshal lo/ / sangs rgyas rdzu 'phrul gyi dbang phyug gi rgyal po la phyag 'tshal lo// sangs rgyas rin po che rnam par bkod pa la phyag 'tshal lo// sangs rgyas skyes bu dam pa la phyag 'tshal lo// sangs rgyas dbang phyug thob pa'i rgyal po 'bum phrag brgya la phyag 'tshal lo// sangs rgyas rin po che'i mtshan nyid la phyag 'tshal lo// sangs rgyas mthong dga' la phyag 'tshal lo// sangs rgyas 'od kyi mtshan mas rnam par brgyan pa'i rgyal po nyi khri la phyag 'tshal lo/ / sangs rgyas mtshan 'thun pa kun tu dpal sum khri la phyag 'tshal lo// sangs rgyas 'brug sgra'i rgyal po la phyag 'tshal lo// sangs rgyas 'od mi 'gyur ba bzhi khri brgyad stong la phyag 'tshal lo// sangs rgyas zla ba rin po che'i rgyal po la phyag 'tshal lo// sangs rgyas dri ma dang bral ba'i 'od la phyag 'tshal lo// sangs rgyas gzugs dam pa la phyag 'tshal lo/ / sangs rgyas gzugs dam pa'i 'od zer la phyag 'tshal lo// sangs rgyas bgegs kyi tshogs thams cad bcom pa la phyag 'tshal lo// sangs rgyas dri'i
- 31a
tshogs la phyag 'tshal lo/ / sangs rgyas sgra'i tshogs la phyag 'tshal lo// sangs rgyas 'od zer rnam par bkod pa stong phrag brgyad cu la phyag 'tshal lo// sangs/ rgyas 'od zer rnam par bkod pa 'bum phrag brgyad cu la phyag 'tshal lo// sangs rgyas rin po che'i me tog rnam par brgyan pa la phyag 'tshal lo// sangs rgyas yon tan mchog gi rgyal po la phyag 'tshal lo/ / sangs rgyas gser btso ma'i 'od snang la phyag 'tshal lo// sangs rgyas lung bstan pa pad+ma'i 'od lnga brgya la phyag 'tshal lo// sangs rgyas mi 'jigs sred med kyi bu la phyag 'tshal lo/ / sangs rgyas me tog bzang po la phyag 'tshal lo// sangs rgyas sred med kyi bu la phyag 'tshal lo// sangs rgyas me tog bzang pos rnam par brgyan pa la phyag 'tshal lo// sangs rgyas rdo rje ting nge 'dzin gyi dbang phyug la phyag 'tshal lo// ma byon pa'i sangs rgyas gcig/ sangs rgyas bcu/ sangs rgyas brgya/ sangs rgyas stong / sangs rgyas khri la phyag 'tshal na/ bskal pa grangs med dpag tu med pa'i 'khor ba nas sdig lci ba rnams 'byang bar 'gyur ro// 'bum phrag gcig/ 'bum phrag bcu 'bum phrag brgya/ 'bum phrag stong 'bum phrag khri bye ba khrag khrig gang+gA'i bye ma snyed dpag tu med grangs med pa'i sangs rgyas kyi mtshan gang zag gang la las thos par gyur na/ bskal pa khri phrag bzhi bcu'i bar du dmyal
- 31b
bar mi ltung ste/ de bas da ltar phyag 'tshal lo// gang zhig sangs rgyas ma byon rnams// de la gus par phyag 'tshal na// long spyod rnams ni ma gtogs te// sgrib pa gsum dang mtshams meng lnga/ / sdig pa de rnams 'byung bar 'gyur// sangs rgyas chos la bde gnas shing // dpag med sangs rgyas mthong bar 'gyur// dam pa'i chos kyang rtag tu thos// de bas da ltar gus phyag 'tshal// gang zhig phyogs bcu dus gsum gyi// sangs rgyas rnams la phyag 'tshal na// kha na ma tho 'das pa dang // ma 'ongs pa dang da ltar gyi// las ngan bcu po byas pa yang / / da ltar mngon du byang bar 'gyur// phyi ma'i dus la sangs rgyas kyi// ngo bo nyid kyang mthong bar 'gyur// de bas de la mos par byos// kha ton 'dri klog phyag 'tshal na/ / tshe rabs gar byang gar skyes kyang // lta ba log par mi skye'o// rnam par grol ba rgyun tu 'thob// mtha' 'khob sa ru yod mi skye// ngan pa'i yul du'ang mi skye zhing // rgyal po ma rungs mthong mi 'gyur// bskal pa 'bum phrag bzhi khri'i bar// sems can dmyal bar mi skye'o// de bas gus par phyag 'tshal na// mi dge bcu yi las 'byung zhing // gzungs chen rab tu thob par 'gyur/ bcom ldan 'das kyis sangs rgyas mo byon pa rnams kyi mtshan bsgrags pa'i tshe/ byang chub sems dpa' lnga khri phyir mi
- 32a
ldog pa'is gnas so/ / dge slong ma bdun brgyas ni dgra bcom mar 'grub bo// lha dang mi 'bum phrag drug cu rtsa gnyis kyis chos kyi mig rnam par dag pa thob bo// gzungs chen po dang mdo sde bcu gnyis la phyag 'tshal lo// mdo'i sde la phyag 'tshal lo// lung du bstan pa'i sde la phyag 'tshal lo// tshigs su bcad pa'i sde la phyag 'tshal lo// dbyangs kyi bsnyad pa'i sde la phyag 'tshal lo/ / ched du brjod pa'i sde la phyag 'tshal lo// gleng gzhi'i sde la phyag 'tshal lo// rtogs pa brjod pa'i sde la phyag 'tshal lo// 'das pa brjod pa'i sde la phyag skyes pa rabs kyi sde la phyag 'tshal lo/ / shin tu rgyas pa'i sde la phyag 'tshal lo// rmad du byung ba'i sde la phyag 'tshal lo// gtan la phab par bstan pa'i sde la phyag 'tshal lo// theg pa chen po'i sde snod thams cad la phyag 'tshal lo/ / gang gis mdo sde bcu gnyis dang / pha rol tu phyin pa rnams kyi mtshan thos nas/ bstod pa byas sam/ phyag 'tshal lam/ brjod dang / mos pa bskyed dam/ blangs sam/ 'chang bar byed na/ gang zag de bskal pa khri phrag nyi shu'i bar du sems can dmyal bar mi lhung ste/ tshe snga phyi dran pa'i ye shes dang ldan par 'gyur ro// / de'i phyir gus par phyag tshol cig/ bcom ldan 'das kyis mdo sde bcu gnyis kyi mtshan bshad pa'i tshe/ byang chub sems dpa' brgyad khri lnga stong gis rdo rje'i ting nge 'dzin thob bo// nyan thos
- 32b
'bum phrag bcus theg pa chen po'i sems bskyed do/ / dge slong dang / dge slong ma stong phrag bcus dgra bcom pa'i 'bras bu thob bo// lha dang mi dpag tu med pa zhig gis chos kyi mig rnam par dag pa thob bo/ / phyogs bcu'i byang chub sems dpa' sems dpa' chen po thams cad la phyag 'tshal lo// byang chub sems dpa' 'jam dpal gzhon nur gyur pa la phyag 'tshal lo// byang chub sems dpa' spyan ras gzigs dbang phyug la phyag 'tshal lo// byang chub sems dpa' mthu chen thob la phyag 'tshal lo// byang chub sems dpa' brtson 'grus rtag la phyag 'tshal lo/ / byang chub sems dpa' rgyun mi gtong la phyag 'tshal lo// byang chub sems dpa' rin chen lag la phyag 'tshal lo// byang chub sems dpa' sman gyi rgyal po la phyag 'tshal/ lo// byang chub sems dpa' btsan la phyag 'tshal lo// byang chub sems dpa' rin chen zla ba la phyag 'tshal lo// byang chub sems dpa' zla 'od la phyag 'tshal lo// byang chub sems dpa' zla gang la phyag 'tshal lo/ / byang chub sems dpa' stobs po che la phyag 'tshal lo// byang chub sems dpa' stobs dpag tu med pa la phyag 'tshal lo// byang chub sems dpa' khams gsum 'phags la phyag 'tshal lo/ / byang chub sems dpa' bzang skyong la phyag 'tshal lo// byang chub sems dpa' byams pa la phyag 'tshal lo// byang chub
- 33a
sems dpa' rin chen brtsegs la phyag 'tshal lo/ / byang chub sems dpa' 'dren mkhan la phyag 'tshal lo// byang chub sems dpa' dpal gyi snying po la phyag 'tshal lo/ / byang chub sems dpa' bachad mos la phyag 'tshal lo// byang chub sems dpa' klu'i sdong po la phyag 'tshal lo// byang chub sems dpa' tsan dan rin po che'i me tog la phyag 'tshal lo// byang chub sems dpa' spyod pa bla ma la phyag 'tshal lo// byang chub sems dpa' spyod pa mtha' yas la phyag 'tshal lo// byang chub sems dpa' spyod pa rnam par bkod pa la phyag 'tshal lo// byang chub sems dpa' spyod pa rnam dag la phyag 'tshal lo// byang chub sems dpa' gzung 'dzin la phyag 'tshal lo// byang chub sems dpa' rdo rje srid med la phyag 'tshal lo// byang chub sems dpa' rtag par gus la phyog 'tshal lo/ / byang chub sems dpa' sngon gyi rgyal po'i me tog la phyag 'tshal lo// byang chub sems dpa' mthong na dga' ba la phyag 'tshal lo// byang chub sems dpa' dbyings dam pa la phyag 'tshal lo/ / byang chub sems dpa' brtson 'grus yon tan gyi stobs la phyag 'tshal lo// byang chub sems dpa' blo gros mi zad pa la phyag 'tshal lo// byang chub sems dpa' snying po rnam dag la phyag 'tshal lo/ / byang chub sems dpa' spyan rnam dag la phyag 'tshal lo// byang chub sems dpa' kun tu bzang po la phyag 'tshal lo// byang chub
- 33b
sems dpa' dam pa'i dpal la phyag 'tshal lo/ / byang chub sems dpa' byams pa la phyag 'tshal lo// byang chub sems dpa' bsam legs la phyag 'tshal lo// byang chub sems dpa'/ stong med la phyag 'tshal lo// byang chub sems dpa' rdzu 'phrul me tog la phyag 'tshal lo// byang chub sems dpa' 'od gsal la phyag 'tshal lo// byang chub sems dpa' shes rab bla ma la phyag 'tshal lo/ / byang chub sems dpa' ye shes rgyal mtshan la phyag 'tshal lo// byang chub sems dpa' dbang po zhi ba la phyag 'tshal lo// byang chub sems dpa' shes rab smon lam la phyag 'tshal lo/ / byang chub sem dpa' spos kyi gzugs brnyan la phyag 'tshal lo// byang chub sems dpa' rin chen gsal la phyag 'tshal lo// byang chub sems dpa' dpung gnas la phyag 'tshal lo/ / byang chub sems dpa' 'gog spyod la phyag 'tshal lo// byang chub sems dpa' rnam grol la phyag 'tshal lo// byang chub sems dpa' chos kyi snying po la phyag 'tshal lo/ / byang chub sems dpa' mnyam par rtog la phyag 'tshal lo// byang chub sems dpa' mnyam mi rtog la phyag 'tshal lo// byang chub sems dpa' mnyam mi mnya rtog la phyag 'tshal lo/ / byang chub sems dpa' ting nge 'dzin gyi dbang phyug gi rgyal po la phyag 'tshal lo// byang chub sems dpa' chos kyi dbang phyug gi rgyal po la phyag 'tshal lo//
- 34a
byang chub sems dpa' chos kyi mtshan nyid la phyag 'tshal lo// byang chub sems dpa' 'od kyi mtshan ma la phyag 'tshal lo// byang chub sems dpa' 'od kyis brgyan pa la phyag 'tshal lo/ / byang chub sems dpa' rgyan chen po la phyag 'tshal lo// byang chub sems dpa' dkon mchog brtsegs la phyag 'tshal lo// byang chub sems dpa' blo brtsegs la phyag 'tshal lo/ / byang chub sems dpa' rin chen lag la phyag 'tshal lo// byang chub sems dpa' lag na rin po che'i phyag rgya la phyag 'tshal lo// byang chub sems dpa' lag rgyun tu bteg la phyag 'tshal lo/ / byang chub sems dpa' lag rgyun tu phab la phyag 'tshal lo// byang chub sems dpa' rtag tu brtse ba can la phyag 'tshal lo// byang chub sems dpa' dga' ba'i dbang po la phyag 'tshal lo/ / byang chub sems dpa' dga' ba'i rgyal po la phyag 'tshal lo// byang chub sems dpa' blo'i dbyangs la phyag 'tshal lo// byang chub sems dpa' nam mkha'i snying po la phyag 'tshal lo/ / byang chub sems dpa' rin chen sgron ma 'dzin la phyag 'tshal lo// byang chub sems dpa' rin chen dpa' bo la phyag 'tshal lo// byang chub sems dpa' rin chen lta ba la phyag 'tshal lo/ / byang chub sems dpa' bden pa'i dra ba la phyag 'tshal lo// byang chub sems dpa' dra ba snang la phyag 'tshal lo// byang chub sems dpa' skyon
- 34b
med rtogs la phyag 'tshal lo/ / byang chub sems dpa' shes rab brtsegs la phyag 'tshal lo// byang chub sems dpa' rin chen gtsug phud la phyag 'tshal lo// byang chub sems dpa' lha'i rgyal po la phyag 'tshal lo/ / byang chub sems dpa' bdud rnam par 'joms pa la phyag 'tshal lo// byang chub sems dpa' glog gi dpal la phyag 'tshal lo// byang chub sems dpa' dbang phyug rgyal po la phyag 'tshal lo/ / byang chub sems dpa' yon tan gyi mtshan gyis rnam par brgyan pa la phyag 'tshal lo// byang chub sems dpa' seng ge'i sgra la phyag 'tshal lo// byang chub sems dpa' 'brug sbru la phyag 'tshal lo/ / byang chub sems dpa' btang bzung ri bskul ba'i sgra la phyag 'tshal lo// byang chub sems dpa' spos kyi glang po che la phyag 'tshal lo// byang chub sems dpa' spos kyi glang po che dkar po lo phyag 'tshal lo/ / byang chub sems dpa' dam pa skyes la phyag 'tshal lo// byang chub sems dpa' me tog brgyan la phyag 'tshal lo// byang chub sems dpa' tshungs pa'i dra ba la phyag 'tshal lo/ / byang chub sems dpa' rin po che'i dbyug pa la phyag 'tshal lo// byang chub sems dpa' smra thub med la phyag 'tshal lo// byang chub sems dpa' zhing gi rgyan la phyag 'tshal lo/ / byang chub sems dpa' gser gyi gtsug phud la phyag 'tshal lo// byang chub sems dpa' nor bu'i gtsug phud la phyag 'tshal lo//
- 35a
byang chub sems dpa' gzho nu brgyan pa'i 'od la phyag 'tshal lo// byang chub sems dpa' 'jig rten 'dzin la phyag 'tshal lo// byang chub sems dpa' snang sha/ la phyag 'tshal lo// byang chub sems dpa' dka' rgyal la phyag 'tshal lo// byang chub sems dpa' dge ba'i yon tan la phyag 'tshal lo// byang chub sems dpa' me tog 'od la phyag 'tshal lo/ / byang chub sems dpa' rin po che'i tsan dan gyi me tog la phyag 'tshal lo// byang chub sems dpa' chos gsang ba la phyag 'tshal lo// byang chub sems dpa' chos kyi dbang phyug la phyag 'tshal lo/ / byang chub sems dpa' dpal gyi gtso la phyag 'tshal lo// byang chub sems dpa' mig mi 'dzums pa la phyag 'tshal lo// byang chub sems dpa' dpal gyi gtsug tor la phyag 'tshal lo/ / byang chub sems dpa' sngon gyi dge ba la phyag 'tshal lo// byang chub sems dpa' dge ba'i rtsa ba la phyag 'tshal lo// byang chub sems dpa' dpung mchog la phyag 'tshal lo/ / byang chub sems dpa' skyes bu dam pa la phyag 'tshal lo// byang chub sems dpa' seng ge la phyag 'tshal lo// byang chub sems dpa' seng ge'i dbyangs la phyag 'tshal lo/ / byang chub sems dpa' gtsang shes la phyag 'tshal lo// byang chub sems dpa' legs ldan sred med la phyag 'tshal lo// byang chub sems dpa' dge yid la phya
- 35b
'tshal lo/ / byang chub sems dpa' mngon sum mthong la phyag 'tshal lo// byang chub sems dpa' kun tu srung la phyag 'tshal lo// byang chub sems dpa' glog gi 'od la phyag 'tshal lo// byang chub sems dpa' mthong na dga' ba la phyag 'tshal lo// byang chub sems dpa' snang ba'i mtshan ma la phyag 'tshal lo// byang chub sems dpa' dam pa'i yid la phyag 'tshal lo// byang chub sems dpa' blo gros mi zad pa la phyag 'tshal lo// byang chub sems dpa' shes rab zab mo la phyag 'tshal lo// byang chub sems dpa' zhi ba'i mtshan ma la phyag 'tshal lo// byang chub sems dpa' thogs med la phyag 'tshal lo// byang chub sems dpa' dge ba'i bla ma la phyag 'tshal lo// byang chub sems dpa' bsod nams kyi zhing la phyag 'tshal lo// byang chub sems dpa' pad+ma'i rgyan la phyag 'tshal lo// byang chub sems dpa' yon tan gyi snying po la phyag 'tshal lo// byang chub sems dpa' zla ba'i bla ma la phyag 'tshal lo// byang chub sems dpa' lag na rin po che'i phyag rgya la phyag 'tshal lo/ / byang chub sems dpa' nor bu'i gtsug tor gyi rgyal po la phyag 'tshal lo// byang chub sems dpa' bden mos la phyag 'tshal lo/ / byang chub sems dpa' shes rab mthong la phyag 'tshal lo// byang chub sems dpa' rgyal po thob la phyag 'tshal lo// byang chub sems dpa' rgyal po zab la phyag 'tshal lo//
- 36a
byang chub sems dpa' rgyal po me tog la phyag 'tshal lo// byang chub sems dpa' gzugs dam pa la phyag 'tshal lo// byang chub sems dpa' 'dri mkhas la phyag 'tshal lo/ / byang chub sems dpa' lan ldon mkhas pa la phyag 'tshal lo// byang chub sems dpa' mtshan nyid mngon du rtogs la phyag 'tshal lo// byang chub sems dpa' nges pa'i mtshan ma la phyag 'tshal lo/ / byang chub sems dpa' nges par brtsegs la phyag 'tshal lo// byang chub sems dpa' dga' bas skyed la phyag 'tshal lo// byang chub sems dpa' bde bar gnas la phyag 'tshal lo/ / byang chub sems dpa' bdud skrag la phyag 'tshal lo// byang chub sems dpa' shes rab sbyin la phyag 'tshal lo// byang chub sems dpa' skyabs mdzad la phyag 'tshal lo// byang chub sems dpa' shes rab go 'phang 'phags la phyag 'tshal lo// byang chub sems dpa' sbyin pa'i dpa' la phyag 'tshal lo// byang chub sems dpa' ye shes dmigs la phyag 'tshal lo// byang chub sems dpa' shes rab smon lam la phyag 'tshal lo// byang chub sems dpa' bsdu ba rnam pa zhe la phyag 'tshal lo// byang chub sems dpa' dbyangs ston la phyag 'tshal lo// byang chub sems dpa' rgya mtsho mchog la phyag 'tshal lo/ / byang chub sems dpa' chos dka' la phyag 'tshal lo// byang chub sems dpa' byang chub kyi lam la phyag 'tshal lo// byang chub sems dpa'
- 36b
mdo 'dzin la phyag 'tshal lo/ / byang chub sems dpa' byams pa'i rgyal po la phyag 'tshal lo// byang chub sems dpa' dbang phyug chen po la phyag 'tshal lo// byang chub sems dpa' tshangs pa'i dbyangs la phyag 'tshal lo/ / byang chub sems dpa' kha dog dam pa la phyag 'tshal lo// byang chub sems dpa' tsan dan tshal la phyag 'tshal lo// byang chub sems dpa' seng ge dbyangs la phyag 'tshal lo/ / byang chub sems dpa' sgra mchog la phyag 'tshal lo// byang chub sems dpa' kha dog dam pa'i gzugs la phyag 'tshal lo// byang chub sems dpa' rnam pa sna tshogs brgyan pa la phyag 'tshal lo/ / byang chub sems dpa' shAkya'i rgyal mtshan la phyag 'tshal lo// byang chub sems dpa' spyi bo skyes la phyag 'tshal lo// byang chub sems dpa' snang ba'i rgyal po la phyag 'tshal lo/ / byang chub sems dpa' 'od chen la phyag 'tshal lo// byang chub sems dpa' 'jig med la phyag 'tshal lo// byang chub sems dpa' gsang ba brtsegs la phyag 'tshal lo/ / byang chub sems dpa' me tog 'tsher la phyal 'tshal lo// byang chub sems dpa' gtso mchog la phyag 'tshal lo// byang chub sems dpa' lus kun tu mngon par ston la phyag 'tshal lo/ / byang chub sems dpa' mngon par shes la phyag 'tshal lo// byang chub sems dpa' rgya mtsho dpal la phyag 'tshal lo//
- 37a
byang chub sems dpa' sku mtha' yas la phyag 'tshal lo// byang chub sems dpa' sman gyi rgyal po'i dbang phyug la phyag 'tshal lo// byang chub sems dpa' 'od srungs la phyag 'tshal lo/ / byang chub sems dpa' dri med mdzod kyi rgyal po la phyag 'tshal lo// byang chub sems dpa' thams cad skyob la phyag 'tshal lo// byang chub sems dpa' ma btsun dpal gyi rje la phyag 'tshal lo/ / byang chub sems dpa' bai DUR+Ya'i 'od la phyag 'tshal lo// byang chub sems dpa' 'jig med la phyag 'tshal lo// byang chub sems dpa' rgya mtsho'i rgyal po la phyag 'tshal lo/ / byang chub sems dpa' seng ge'i sgra la phyag 'tshal lo// byang chub sems dpa' mtshan nyid dad la phyag 'tshal lo// byang chub sems dpa' sa 'dzin la phyag 'tshal lo/ / byang chub sems dpa' 'od rgyan la phyag 'tshal lo// byang chub sems dpa' 'od zer la phyag 'tshal lo// byang chub sems dpa' spobs pa chen po la phyag 'tshal lo// byang chub sems dpa' byams pa'i stobs la phyag 'tshal lo// byang chub sems dpa' snying rje chen po la phyag 'tshal lo// byang chub sems dpa' rten pa'i rgyal po la phyag 'tshal lo// byang chub sems dpa' rten pa'i stobs la phyag 'tshal lo// byang chub sems dpa' sten pa'i dpal la phyag 'tshal lo// byang chub sems dpa' kun tu phan 'dogs la phyag 'tshal lo//
- 37b
byang chub sems dpa' kun tu bzung la phyag 'tshal lo// byang chub sems dpa' 'od mi 'gyur la phyag 'tshal lo// byang chub sems dpa' kun tu 'od la phyag 'tshal la lo// byang chub sems dpa' yang dag pa'i 'od la phyag 'tshal lo/ / byang chub sems dpa' log par dad sel la phyag 'tshal lo// byang chub sems dpa' lha'i 'od la phyag 'tshal lo// byang chub sems dpa' rin po che'i rgyal po la phyag 'tshal lo/ / byang chub sems dpa' 'od chub la phyag 'tshal lo// byang chub sems dpa' ston pa'i mkhan po la phyag 'tshal lo// byang chub sems dpa' bzod pa chen po la phyag 'tshal lo// byang chub sems dpa' me tog rgyal po la phyag 'tshal lo// byang chub sems dpa' me tog brtsegs la phyag 'tshal lo// byang chub sems dpa' shes rab 'od la phyag 'tshal lo// byang chub sems dpa' shes rab rgya mtsho la phyag 'tshal lo// byang chub sems dpa' blo brtan la phyag 'tshal lo// byang chub sems dpa' shAkya'i rigs la phyag 'tshal lo/ / byang chub sems dpa' gser gyi 'od zer la phyag 'tshal lo// byang chub sems dpa' gser gyi snying po la phyag 'tshal lo// byang chub sems dpa' rtag tu snying rje can la phyag 'tshal lo// byang chub sems dpa' chos bla ma la phyag 'tshal lo// byang chub sems dpa' nor gyi dbyig la phyag 'tshal lo// byang chub
- 38a
sems dpa' ri'i 'od la phyag 'tshal lo/ / byang chub sems dpa' shes rab ri la phyag 'tshal lo// byang chub sems dpa' snang ba chen po la phyag 'tshal le// byung chub sems dpa' kun 'dzin la phyag 'tshal lo/ / byang chub sems dpa' ri ngar can la phyag 'tshal lo// byang chub sems dpa' ri'i rtse la phyag 'tshal lo// byang chub sems dpa' ri'i rgyal mtshan la phyag 'tshal lo/ / byang chub sems dpa' ri'i rgyal po la phyag 'tshal lo// byang chub sems dpa' bdud 'dul la phyag 'tshal lo// byang chub sems dpa' 'brug sgra la phyag 'tshal lo/ / byang chub sems dpa' char ba'i rgyal po la phyag 'tshal lo// byang chub sems dpa' 'brug sgra'i rgyal po la phyag 'tshal lo// byang chub sems dpa' 'khor lo rin po che la phyag 'tshal lo// byang chub sems dpa' rin chen 'tsher la phyag 'tshal lo// byang chub sems dpa' rin chen gtso la phyag 'tshal lo// byang chub sems dpa' rin po che'i mdzod la phyag 'tshal lo// byang chub sems dpa' rin chen snang la phyag 'tshal lo/ / byang chub sems dpa' rin chen mi 'gyur la phyag 'tshal lo// byang chub sems dpa' rin po che'i phyag rgya la phyag 'tshal lo// byang chub sems dpa' rin po che'i dkyil 'khor la phyag 'tshal lo/ / byang chub sems dpa' rin po che'i rgyan la phyag 'tshal lo// byang chub sems dpa' rin chen chu la phyag 'tshal lo// byang chub sems dpa' rin chen
- 38b
/ 'od la phyag 'tshal lo// byang chub sems dpa' rin chen 'bar la phyag 'tshal lo// byang chub sems dpa' rin chen ston la phyag 'tshal lo// byang chub sems dpa' rin chen byed la phyag 'tshal lo/ byang chub sems dpa' chos mos la phyag 'tshal lo// byang chub sems dpa' rgyal po rnam dag la phyag 'tshal lo// byang chub sems dpa' gtsug tor gyi mtshan ma la phyag 'tshal lo// byang chub sems dpa' gser 'od la phyag 'tshal lo// byang chub sems dpa' rin po che'i thor tsugs la phyag 'tshal lo// byang chub sems dpa' 'od stong la phyag 'tshal lo// byang chub sems dpa' yang ba la phyag 'tshal lo/ / byang chub sems dpa' blo rig la phyag 'tshal lo// byang chub sems dpa' zla ba rtogs la phyag 'tshal lo// byang chub sems dpa' zla 'od la phyag 'tshal lo/ / byang chub sems dpa' chos kyi 'khor lo la phyag 'tshal lo// byang chub sems dpa' rnam dag 'od la phyag 'tshal lo// byang chub sems dpa' sbyin pa rtag la phyag 'tshal lo/ / byang chub sems dpa' kun tu dpa' la phyag 'tshal lo// byang chub sems dpa' snang khyab la phyag 'tshal lo// byang chub sems dpa' rgyal mtshan dam pa la phyag 'tshal lo// byang chub sems dpa' mnyen pa'i dbyangs la phyag 'tshal lo// byang chub sems dpa' dpal 'bar la phyag 'tshal lo// byang chub sems dpa' mtshan ma'i 'od la phyag 'tshal lo//
- 39a
byang chub sems dpa' rgya mtsho'i zla ba la phyag 'tshal lo// byang chub sems dpa' rgya mtsho'i snying po la phyag 'tshal lo// byang chub sems dpa' zla ba dam pa la phyag 'tshal lo/ / byang chub sems dpa' shes rab gtsang ma la phyag 'tshal lo// byang chub sems dpa' 'od 'phags la phyag 'tshal lo// byang chub sems dpa' zla ba'i dpal la phyag 'tshal lo/ / byang chub sems dpa' nyi ma'i 'od la phyag 'tshal lo// byang chub sems dpa' rdo rje la phyag 'tshal lo// byang chub sems dpa' 'bar ba'i rgyal mtshan la phyag 'tshal lo// byang chub sems dpa' dpal btsun la phyag 'tshal lo/ / byang chub sems dpa' rgya mtsho gsal la phyag 'tshal lo// byang chub sems dpa' rgya mtsho rgya che la phyag 'tshal lo// byang chub sems dpa' yul rnam par tog la phyag 'tshal lo/ / byang chub sems dpa' shes rab gsal la phyag 'tshal lo// byang chub sems dpa' yon tan la phyag 'tshal lo// byang chub sems dpa' snang thar la phyag 'tshal lo/ / byang chub sems dpa' gsang ston la phyag 'tshal lo// byang chub sems dpa' rab tu sbyin la phyag 'tshal lo// byang chub sems dpa' gzugs stobs la phyag 'tshal lo/ / byang chub sems dpa' rab tu 'dul ba la phyag 'tshal lo// byang chub sems dpa' lus sbed la phyag 'tshal lo// byang chub sems dpa' gcig dang / badz+ra/
- 39b
dang // brgya dang / stong dang / khri la phyag 'tshal lo// byang chub sems dpa' khri phyug brgya/ khri phrag nyis brgya/ khri phrag sum brgya/ khri phrag bzhi pargya/ khri phrag lnga brgya/ wi/ phrag drug brgya/ khri phrag bdun brgya/ khri phrag brgyad brgya/ khri phrag dgu brgya/ khri phrag stong rnams la phyag 'tshal na/ bskal pa dpag tu med pa tshun chad kyi 'khor ba'i sdig lci ba byung pabar 'gyur ro/ / byang chub sems dpa' sems dpa' chen po 'bum phrag gcig/ 'bum phrag bcu/ 'bum phrag brgya/ 'bum phrag stong/ 'bum phrag khri/ 'bum phrag khri phrag khri la phyag 'tshal na/ bskal pa dpag tu med pa tshun chad kyi 'khor ba'i sdig pa mi bzad pa thams cad 'byang bar 'gyur ro// byang chub sems dpa' sems dpa' chen po gang+gA gcig gi bye ma skyed la phyag 'tshal lo/ / gang+gA gnyis kyi bye ma snyed la phyag 'tshal lo// gang+gA gsum gyi bye ma snyed la phyag 'tshal lo// gang+gA bzhi'i bye ma snyed la phyag 'tshal lo// ging+gA lnga'i bye ma snyespyod la phyag 'tshal lo/ / gang+gA drug gi bye ma snyed la phyag 'tshal lo// gang+gA bdun gyi bye ma snyed la phyag 'tshal lo// gang+gA brgyad kyi bye ma snyed la phyag 'tshal lo// gang+gA dgu'i bye ma snyed la phyag 'tshal lo/ / gang+gA bcu'i bye ma snyed la phyag 'tshal lo// gang+gA brgya'i bye ma snyed la phyag 'tshal lo// gang+gA stong gi bye ma snyed la phyag 'tshal lo// gang+gA khri'i bye ma snyed la phyag 'tshal
- 40a
lo/ / gang+gA bye ba khrag khrig phrag brgya stong du ma'i bye ma snyed la phyag 'tshal lo// de rnams la phyag 'tshal na/ bskal pa grangs med pa tshun chad kyi 'khor pa'i sdig lci ba thams cad yongs su byung bar 'gyur ro/ / gang la la zhig gis byang chub sems dpa' sems dpa' chen po'i mtshan 'di dag thos na/ bskal pa stong phrag bzhi bcu'i bar du sems can dmyal ba'i sdug bsngal du mi ltung zhing / srid pa gsum gyi khams su mi gtogs te/ rtag tu rnam par grol ba'i khams su gtogs par 'gyur ro// mtha' 'khob pa'i yul du'ang mi skye/ yul ngan par mi skye/ lus ngan pa mi len/ log par mi lta/ rigs ngan du mi skye/ mu steg can du mi skye/ dbang po yan lag tshang bar 'gyur/ dam pa'i chos rtag tu thos par 'gyur/ sdom pa'i khrims mu mnos kyang khrims dang rtag tu ldan par 'gyur/ theg pa chen po spyod lam mdzes pa dang / sangs rgyas kyi bdag nyid kyang mthong bar 'gyur/ de bas gus par phyag 'tshal te/ sangs rgyas kyi rel bden par gnas shing / phyi ma'i tshe sangs rgyas grub pa thob par 'gyur ro// byang chub sems dpa' sems dpa' chen po de dag gi mtshan bshad pa'i tshe/ rigs kyi bu dang / rigs kyi bu/ mo dad pa can 'bum phrag brgyad cu rtsa brgyad kyis ni phyir mi 'ong ba'i 'bras bu thob bo// lha 'bum phrag dgu bcu rtsa bzhis ni lan cig phyir mi 'ong ba'i 'bras bu thob bo// dge slong sems stor ba
- 40b
'bum phrag bdun cu rtsa brgyad kyis ni sems kyi bdag nyid slar rnyed de/ dgra bcom pa'i 'bras bu thob bo// byang chub sems dpa' 'bum phrag bcus ni gzungs chen po thob ste/ ma 'ongs pa'i dus na mngon par 'tshang rgya'o/ / de nas bcom ldan 'das kyis/ byang chub sems dpa' sems dpa' chen po mtshan nyid dad la bka' stsal pa/ rigs kyi bu 'das pa'i sangs rgyas bcom ldan 'das rin chen gtsug pud ces bya ba de'i mtshan sems can sdug bsngal gyi gzir ba can rnams kyis lan cig thos na/ 'chi 'phos pa'i tshe lhar skye'o zhes khyod kyis bshad pa dang / da'ang nga la sangs rgyas thams cad kyi mtshan bshad par gsol zhing / sems can kun sdug bsngal dang bral zhing / 'jig rten las bzla bar 'dod pa de'i phyir/ ngas kyang khyod dang skye bo kun dkon mchog gsum gyi mtshan rdzogs par bshad kyis kyang / don dam par dkon mchog gcig la bkri ba'i dbang gis gsum du bshad pa/ gang la yas de'i mtshan thos nas/ sems thag pa nas dran par byas te/ 'chi ba'i khar dge ba'i bshes gnyen 'ga' zhig gis dkon mchog gsum gyi mtshan lan gsum du/ na mo bud+d+ha ya/ na mo d+harmA ya/ na maHsad+d+ha ya/ zhes de skad du ched du brjod du bcug na/ mi 'di 'chi 'phos nas ngan song gsum du mi 'gro ste/ phyogs bcu'i 'jig rten gyi khams gang nas gang du dad pa de dang der skye bar 'gyur ro// sangs rgyas thams cad la mthar gyis rim gro byed par 'gyur/ byang chub sems
- 41a
dpa' thams cad mthong bar 'gyur/ 'jam dpal dang kun tu bzang pos theg pa chen pos chos thar pa chen po'i phyogs su rgyas pa bshad pa'ang thos par 'gyur/ thos nas kyang de thag tu skye ba med pa'i chos la bzod pa thob par 'gyur ro/ / rigs kyi bu gang zag de'ang bskal pa grangs med pa nas dge ba'i rtsa ba shin tu bsags pas gdod dkon mchog gsum gyi mtshan thos pa yin no// de nas bcom ldan 'das la/ byang chub sems dpa' mtshan nyid dad kyis 'di skad ces gsol to// bcom ldan 'das ji ltar na dkon mchog gsum zhes bgyi/ dngos po gcig gam/ dngos po gnyis sam/ dngos po gsum du bgyi// ci ste dngos po gcig na ni/ skyabs gcig tu 'ong bas/ dngos po gsum lags na ni/ skyabs gsum du gyur pas/ skyabs gsum du gyur na ni sangs rgyas dang chos kyang dbyings tha dad par 'gyur te/ dge 'dun yang de bzhin no// gal te skyabs gsum zhig lags na ni/ skye bo rnams rnam pa gsum du mthong bas/ bskol pa gsum gyi bar du ches spyod kyang theg pa gcig tu brda mi 'jal bar mchi na/ bcom ldan 'das sems can rnams la sman pa dang bde ba'i slad du bdag la bshad du gsol/ bdag 'di thos nas kyang skye bo kun la bye brag byed par bshad par 'tshal lo/ / bcom ldan 'das mya ngan las 'das pa'i slad na/ gang la las mtshan thos na/ bla na med pa'i byang chub kyi gnas thob par yang 'gyur ro zhes gsol pa dang /
- 41b
de nas bcom ldan 'das kyis byang chub sems dpa' mtshan nyid dad la legs so zhes bya ba byin te/ rigs kyi bu legs so legs so// don chen po 'di lta bu nga la zhu bar nus pa ni shin tu'ang legs so// legs so// rigs kyi bu khyod 'di lta bu'i don chen po 'dri ba'ang sa dang po dang / sa gnyis pa dang / sa gsum pa nas/ sa bdun pa dang / sa brgyad pa la gnas pa ma yin te/ sa bcu chos kyi sprin la gnas pa'i skyes bu chen po ni/ de bzhin gshegs pa la don chen po 'di lta bu 'dri ba yin no// khyod legs par nyon cig/ ngas bye brag phyed par bshad do// rigs kyi bu skye bo thams cad ni thog ma med pa nas ma rig pas bsgribs te/ khams gsum gyi btson ra na 'khor zhing sdug bsngal sna tshogs kyi gzir te/ lam rgyud drug tu phan tshun rnam par rgyu ba la skyabs dang rten pa'i gnas med nas lha ma srin la phyogs te/ skyabs tshol ba mu stegs can rnams rang gi rkang lag bcings shing srog btang ste/ skyabs tshol na'ang sdug bsngal las thar pa med do// me dang mtsho'i nang du mchongs te/ srog btang yang 'khor ba las thar pa'i dus med de/ de'i phyir mgon po chen po de bzhin gshegs pas byams pa'i ting nge 'dzin gyis skye bo rgyun du 'khrul pa rnams la thug brtse bar dgongs te/ dkoran mchog gsum gyi mtshan bstan cing yang dag pa'i rten gnas su bya ba'i phyir/ bslab pa dang po pa nyan thos dang rang byang chub pa rnams la them skas dang 'dra bar/ dkon mchog gsum yang dngos po tha dad par bshad do// de'i 'og tu yun ring du tshangs par
- 42a
spyad pa spyod pa skyes bu dam pa la yang dag par mthar phyin pa'i dkon mchog gsum dngos po gcig par yang bshad de/ sangs rgyas dkon mchog gcig gi nang na chos dang dge 'dun gyi dkon mchog kyang yod paro bshad do/ / rigs kyi bu ci'i phyir dkon mchog ces bya zhe na/ dper na 'jig rten gyi rin po che sna bdun pos 'phongs pa rnams la 'tsho ba bstangs pa dang 'dra bar dkon mchog gsum yang 'jig rten na skye bo rnams kyi chos kyi sku bskyed pa dang / ye shes spel bar byed pas dkon mchog ces bya'o// dkon mchog gsum dngos po tha dad pa ni/ sangs rgyas rgyal po'i khab tu sku sprul cing / byang chub sems dpa' yin pa skad du sems can bsgral ba'i phyir brtul zhugs dang dka' thub spyad de/ byang chub kyi shing drung du mngon par byang chub nas/ bdag dang gzhan gyi don mdzad ces bya ba ni sangs rgyas zhes bya'o/ / sangs rgyas ni ma rig pa'i gnyid las sad pa'o// dge 'dun zhes bya ba ni mchod pa'i gnas so// ston pa las slob mas don rnyed pa'i phyir dge 'dun zhes bya'o/ / dge 'dun la rnam pa gnyis te/ 'thun pa dang / 'dus ma byas pa'o// 'dus ma byas pa thob pa ni yang dag pa'i stong pa nyid kyis/ shes rab kyi mtshan nyid stong pa nyid grol ba ni 'dus ma byas pa'o/ / 'khrul pa bar mi chad par 'byung ba'i zag pa zad pa'ang 'dus ma byas zhes bya'o// zag pa thams cad 'gags nas/ 'phags pa rnams dang gnas gcig tu
- 42b
'thun te/ rtsod pa med pa ni 'thun pa ste/ don de gnyis dang ldan pa ni dge 'dun zhes bya'o// rigs kyi bu chos ni dge sdig gi chos thams cad dang / 'dus byas dang 'dus ma byas pa rnams so// sdig pa'i chos ni spang bar bya// dge ba'i chos ni 'phel bar bya'o// de'ang sems kyis dmigs so cog chos dkon mchog ces bya'o// de'i phyir sangs rgyas dang dge 'dun gnyis dngos bai'ong mi gcig la/ ngo bo nyid kyang tha dad do// chos ni dge 'dun dang sangs rgyas su dbyings 'thun te/ so sor dbye bar dka' 'o// ji ltar so sor dbye bar dka' zhe na/ gal te sangs rgyas dang dge 'dun gnyis kyi mtshan bla dgas su btags te rnam par spyod pa bas/ rnam par grol ba'i phung po lnga po thob pa dang / dge ba'i yon tan thams cad chos dkon mchog go zhes bya bar don de lta bu'ang ma yin te/ de ci'i phyir zhe na/ dge ba'i yon tan dang bsod nams kyi dbang gis mi lus thob pa yin no// chos dang bral na mi med la/ mi las gud na'ang chos kyi dkon mchog ces bya ba ga la yod/ deng 'dir gleng ba ni mi dang chos su gcig tu 'thun la tha dad pa'ang yod de/ chos kyi dbang gis mir 'grub/ mi'i dbang du chos 'gro bas/ de'i phyir rnam par grol ba'i phung po dang / stobs bcu dang / mi 'jigs pa bzhi dang / so so yang dag par rig pa bzhi dang / mtshan sum cu rtsa gnyis dang / dpe byad bzang po brgyad cu dang / pha rol tu phyin pa
- 43a
la sogs te/ ting nge 'dzin grangs med pa'ang sangs rgyas dkon mchog tu bshad do// nyan thos kyi rnam par grol ba'i phung po ni dge 'dun dkon mchog tu bshad do// yon tan 'di rnams 'dus byas dang 'dus ma byas pa'i chos kyi rnam grangs dang / gtan tshigs su dmigs pa'i sbyor ba ni chos kyi dkon mchog ces bya'o// ye ni dbyings gcig ste/ don gnyis yon tan 'di rnams 'dus byas dang 'dus ma byas pa'i chos kyi rnam grangs dang / gtan tshigs su dmigs pa'i sbyor ba ni chos kyi dkon mchog ces bya'o// ye ni dbyings gcig ste/ don gnyis su bshad kyis kyang chos kyi dbyings la sangs rgyas dang dge 'dun tha dad pa'ang yod de/ de'ang chos kyi dkon mchog tu bsdu'o// de ltar rnam pa gsum du bshad nas/ sems can gyi skyabs dang rten du byas na/ khams gsum na 'khor ba'i 'jigs pa las thar par 'gyur ro// spyod pa thams cad kyi sdug bsngal sbom po las thar gyis kyang / sdug bsngal phra mo ma zad de/ de'i phyir yang dag pa mthar phyin pa'i dkon mchog gsum bshad par bya'o/ / sngon bshad pa la sangs rgyas la sdug bsngal mnga' 'o// chos ni mi rtag go// dge 'dun yang mi rtag ste/ sdug bsngal yin pas yang dag pa'i rten gnas ma yin zhes zer na/ ding 'dir bshad pa ni rtag tu gnas pa ste/ rnal 'byor spyod pa rnams kyis chos nyid stong pa nyid du mngon par chud cing / phyin ci log brgyad dang bral ba/
- 43b
skye 'gag med pa yang dag pa'i rten gnas su gyur pa de ni sangs rgyas dkon mchog ces bya'o// rtag pa'i chos rnyed de cog dmigs pa'i mthar phyin par spyad pa ni yang dag pa'i chos dkon mchog ces bya'o/ / spyod pa pa rnams kyis yang dag pa'i chos kyi chos nyid khong du chud cing rtag tu 'dus ma byas pa'i gnas su grub pa ni dge 'dun zhes bya'o// yang phyin ci log brgyad dang gtan du bral bas/ 'phags pa dong skye bo thams cad 'thun cing nam du'ang rtsod pa med pa ni dge 'dun dkon mchog ces bya'o// sngon dkon mchog gsum mi dang chos su tha dad par bshad/ deng 'dir ni sangs rgyas dngos po gcig la chos dang dge 'dun yang der byung bas/ don de'i phyir ngas khyod la dngos po gcig pa'i dkon mchog gsum bshad de/ skye bo kun theg pa gcig tu phyogs par bya'o// de nas bcom ldan 'das la/ byang chub sems dpa' mtshan nyid dad kyis 'di skad ces gsol to// sangs rgyas bcom ldan 'das gang la rnam par rtog ste/ theg pa chen po bsgrub par bgyi/ bcom ldan 'das kyis bka' stsal pa/ rigs kyi bu khams gsum mi rtag par bsams te theg pa chen po bsgrub bo// byang chub sems dpa' mtshan nyid dad kyis gsol pa/ ji ltar na mi rtag pa la rnam par rtog par bgyi/ bka' stsal pa/ mi rtag pa la rnam par rtog par bya na/ nyon mongs pa rnam par spangs te/ yang dag pa'i dran pa mngon du bzhag la byams
- 44a
pa dang snying rje thog mar 'gro bar bya ste/ skye bo rnams la chos bshad cing bsgral na'ang lan mi re ba ni byang chub sems dpa' zhes bya'o// de ltar sems can yongs su/ mi gtang bar theg pa chen po bsgrub par bya'o// rigs kyi bu dper na grong khyer chen po gcig 'khor rgya dpag tshad gcig la sgo mang po zhig yod pa der 'gror ni lam na g.yang sa dang / mun nag dang / shin tu 'jigs pa'i sa cher yod kyis kyang / grong khyer der phyin na shin tu bde skyid par 'gyur bas/ skyes bu mi gcig la bu gcig pu zhig yod pa shin tu'ang sdug mod kyi/ grong khyer de na bde skyid pa'i longs spyod dpag tu med pa yod do zhes thos pas/ bu sdug pa der bor nas/ grong khyer der 'gro 'dod pa'i phyir/ thabs sna tshogs kyis lam 'jigs sa bsgral nas/ grong khyer de'i sgor phyin pa dang / rkang pa ya gcig nang du bcug ste/ rkang pa ya gcig ma bteg pa'i bar du bu de dran nas/ 'di ltar bsams so// bdag la bu gcig pu yod pa bdag chas pa'i khar ci ste ma khrid/ da su zhig slad na gso zhig gu zhes bsams nas/ grong khyer de gtang ste slar bu'i thad du ches so// rigs kyi bu byang chub sems dpa'i byams pa dang snying rje'ang de dang 'dra ste/ byams shing snying brtse ba'i phyir mngon par shes pa lnga sgom par byed do// bsgoms te zag pa zad na'ang grub pa mi len to// de ci'i phyir zhe na/ sems can la snying brtse ba'i phyir/ zag pa zad
- 44b
pa dang / mngon par shes pa spang ste/ so so'i skye bo'i sar bgrod par byed do// rigs kyi bu dper grong khyer bde skyid pa zhes bya ba ni rnam par thar pa chen po la bya'o// dper sgo mang po zhes bya// ba ni ting nge 'dzin gyi sgo brgyad khri bzhi stong la bya'o// dper lam 'jigs sa chen po zhes bya ba ni bdud dang bgegs lta bu la bya'o// dper grong khyer gyi sgor phyin ces bya ba ni mngon par shes pa lnga thob pa la bya'o/ / dper rkang pa ya gcig bteg ste/ them pa'i nang du 'jug pa ni ye shes la bya'o// dper rkang pa ya gcig ma bteg pa ni byang chub sems dpa' gzhan rnam par grol ba la bya'o/ / dper bu gcig pu lus zhes smra ba ni lam rgyud lnga'i sems can la bya'o// dper bu la dran pa ni snying rje chen po la bya'o// dper bu'i tha dad du ldog pa ni sems can 'dul zhing rnam par grol ba thob par byed pa la bya'o/ / dper lan dang 'grub pa mi len pa ni thabs mkhas pa la bya'o// rigs kyi bu byang chub sems dpa' sems dpa' chen po'i byams pa chen po dang / snying rje chen pos bsdus te mi gtong ba ni bsam gyis mi khyab bo// rigs kyi bu yang 'di lta ste/ byang chub sems dpa' skyes bu dam pa dang po sems bskyed pa nas/ byang chub kyi snying bo la thug gi bar du sems can la rtag tu dge ba bcu dpog par bya'o/ / bcu po gang zhe na/ srog mi gtsang ba dang / ma byin par mi len pa dang / 'dod pas log par mi g.yem pa dang /
- 45a
du mi smra ba dang / phra ma dang dbyen mi byed pa dang / ngag rtsub po mi smra ba dang / don med pa'i gtam tshig bkyal pa mi smra ba dang / brnab sems mi byed pa dang / gnod sems mi byed pa dang / / log par mi lta ba ste/ byang chub sems dpa' de bzhin du byams pa dang snying rje phun sum tshogs par spyad na/ byams pas ni dge ba ston cing bde ba la 'god par byed/ snying rjes ni sdug bsngal las thar pa dang / dmyal ba las sgrol bar byed do// skye bo rnams mya ngan las 'da' bar sgrub 'dod pa'i sgo ma shes pa mthong na/ byang chub sems dpas skye bo de dag la snying rje ba'i sems bsgom par bya'o/ / snying rje'i dbang gis sems can thams cad la mya ngan las 'da' ba'i sgo 'byed pas/ bde ba'i gnas mngon par ston te/ theg pa chen po'i 'bras bu thob par byed pa ni/ byang chub sems dpa' sems dpa' chen po'i spyad pa spyod pa zhes bya'o// de nas bcom ldan 'das la/ byang chub sems dpa' mtshan nyid dad kyis 'di skad ces gsol to// bcom ldan 'das yang dag pa'i dran pa zhes bgyi ba gang / bka' stsal pa/ mi skyo mi 'gag pa'i chos spyod pa'o// gsol pa/ bcom ldan 'das chos mi skye ba ni gang / mi 'gag pa ni gang / bka' stsal pa/ rigs kyi bu sdig pa'i chos ni mi skye bar bya/ dge ba'i chos ni mi 'gag par bya'o// de lta bu'i spong pa khams gsum du spyad pa ni/ 'dod pa rnam pa lnga'i bag chags kyi dri mas gos par mi 'gyur ro// rigs kyi bu khams
- 45b
gsum na bzod cing sems can bsgul bar 'dod na/ chos rnam pa bcu po 'dis khams gsum du bzod par bya ste/ kun rdzob kyi tshig dang yi ge'i rjes su khams gsum yod par bshad mod kyi/ tha/ na med pa'i byang chub ni dus gsum du mi gnas la/ mthar phyin pa'i byang chub rnam grangs su mi ltung na/ dus gsum dang khams gsum lta zhig ci smos/ chos bcu po gang zhe na/ bstod pa dang smad pa la sems skye dbri med pa dang / snyan pa dang mi snyan par thos pa la sems rnam par mi rtog pa dang / shes rab can dang / gti mug can la 'dra bar snying rje bskyed pa dang / sems can bla 'og gang yang rung ste/ snyoms par lta ba dang / mchod pa gus ma gus pa la sems rnam pa gnyis su mi 'byed pa dang / gzhan gyi nyes skyon la 'phyas mi dogs pa dang / theg pa rnam pa sna tshogs su mthong na'ang theg pa gcig tu lta ba dang / ngan song gsum gyi sgra thos pa la 'jigs pa dang / skrag pa'i sems mi skyed pa dang / byang chub sems dpa' rnams la de bzhin gshegs pa dang 'dra bar lta ba dang / bskal pa snyigs ma can gyi dus su sangs rgyas 'byung ba la ngo mtshar rmad du byung ba'i 'du shes skyed pa dang bcu ste/ chos bcu po de dag dang ldan na/ byang chub sems dpa'i nyon mongs pa'i bag chags kyis nyon mongs par mi 'gyur ro/ / byang chub sems dpa' skyes bu dam pa khams gsum na bzod pa'i tshe/ snying rje chen po sa gzhi byas na/ mnol ba'i zhing der 'ong
- 46a
'dres kyang / rdul mi gcig ste/ de bas na bsam khyab dka' zhes bya'o// gang zhig 'jig rten rnam dag na// bskal pa gcig gi bar dag tu// tshul khrims dam du bsrung ba ni/ / skyes bu de ni skad cig dga' ba tsam// byams pas spyad pas dam pa mchog/ gang zhig 'jig rten sa 'di ru// lus dang ngag yid sdig spyad de// ngan song gsum du ltung nges kyang / / byams sems de yis 'phral du 'byang // byang chub sems dpa' 'ga' zhig gis// 'jig rten ngan par skyes na yang // 'jigs dang dogs pa ma skyed cig/ ngan song ltung ba'i sdig yod kyang / / mgo bo na bapa tsam gyis 'byang // gang zhig 'ching ba gcod 'dod dam// nyon mongs sgrib pa spong 'dod pa// 'jig rten ngan 'dir skyes na yang // dam chos srung bas shes rab 'phel/ / rnam dag zhing du bskal pa 'bum// tshul khrims rnam dag spyad pa bas// deng nas sang gi bar dag tu// 'jig rten 'di na gnas kyang bla// de ci'i phyir zhe na/ ngas ni mi 'khrugs 'jig rten dang // bde ba can gyi 'jig rten gnyis// shin tu rnam dag mthong ba na// sdug bsngal bya ba'i ming yang med// khams der bsod nams bya/ ba ni// dka' ba snyam du mi mdzad do// gang zhig 'jig rten 'di dag tu// rang gi mi bzod bzod bya ste// pha rol po yang bzod bcug na// de ni bsod nams dam pa mchog/ de phyi
- 46b
byang chub sems dpa' rnams/ / 'jig rten ngan 'dir 'god pa'i tshe// nyon mongs mya ngan ma byed par// sems can thams cad 'dren bya ste// brtson 'grus brtan pa'i sems bskyed na/ bla med byang chub myur du 'thob// de nas bcom ldan 'das la/ byang chub sems dpa' sems dpa' chen po nam mkha'i snying pos 'di skad ces gsol to// bcom ldan 'das bdag cag rnams kyis deng 'dir byang chub sems dpa'i byang chub kyi rgyu dang rkyen zhig zhu zhing mchis na/ de bzhin gshegs pas skabs dbye bar gnang na/ spobs pa bskyed de zhu bar bgyi'o zhes gsol pa dang / bcom ldan 'das kyis bka' stsal pa/ legs so rigs kyi bu khyod sngon sangs rgyas brgya stong du ma la dge ba'i rtsa ba rnams bskyed pa/ byang chub sems dpa'i thabs spyad pa mkhas/ pa/ byang chub sems dpa' thams cad kyi phyir/ byang chub spyod pa'i brtson 'grus brtan pa 'dri ba legs kyis 'dod pa bzhin dris shig/ ngas khyed la bye brag phyed par bshad do// bcom ldan 'das kyis skabs phye bar gnang nas/ bcom ldan 'das la/ na mkha'i snying pos 'di skad ces gsol to// bcom ldan 'das byang chub sems dpas ci bgyis na/ brtul zhugs dang dka' thub kyi sems la gdung ba ma mchis par 'gyur/ byang chub sems dpas ci bgyis na nges pa'i tshig la 'gyod pa ma mchis par 'gyur/ byang chub sems dpas ci bgyis na dge ba'i
- 47a
rtsa ba 'phel bar 'gyur/ byang chub sems dpas ci bgyis na/ 'jigs pa ma mchis shing tshul mi g.yo bar 'gyur/ byang chub sems dpas ci bgyis na/ dam pa'i chos yongs su 'grub par 'gyur/ byang chub sems dpas ci bgyis na/ sa gcig nas/ sa bcu'i bar du legs par 'tshal bar 'gyur/ byang chub sems dpas ci bgyis na/ thabs la shin tu mkhas pa 'gyur/ byang chub sems dpas ci bgyis na/ sems can gyi ston pa bgyid par 'gyur/ byang chub sems dpas ci bgyis na/ tshe tshe rabs rabs su byang chub kyi sems chud mi gzon par 'gyur/ byang chub sems dpas ci bgyid na/ sems spyod pa rnam gcig las rnam pa sna tshogs su spyod pa ma mchis par 'gyur/ byang chub sems dpas ci bgyis na/ chos rin po che legs par sgrub par 'gyur/ byang chub sems dpas ci bgyis na/ tshul khrims dang 'dul ba las bcas pa'i kha na ma tho ba las 'byung bar 'gyur/ byang chub sems dpas ci bgyis na/ nyon mongs pa rnams 'gag par 'gyur/ byang chub sems dpas ci bgyis na/ tshogs mang po kun dang 'thun par 'gyur/ byang chub sems dpas ci bgyis na/ chos kyi sbyin pa'i sgo legs par 'byed par 'gyur/ byang chub sems dpas ci bgyis na// sngon gyi dbang gi mthus dge ba'i rtsa ba mi stor bar 'gyur/ byang chub sems dpas ci bgyis na/ gzhan gyi bstan pa la rag ma lus par rang bzhin gyis pha rol tu phyin pa drag spyod par 'gyur/ byang chub sems
- 47b
dpas ci bgyis na/ bsam gtan dang ting nge 'dzin btang ste/ 'dod pa'i khams su skye bar 'gyur/ byang chub sems dpas ci bgyis na/ sangs rgyas kyi chos las phyir mi ldog par 'gyur/ byang chub sems dpas ci bgyis na/ dge ba'i rtsa ba 'phel ba dang khams gsum du bzod cing sems can la ston pa bgyid de/ sangs rgyas kyi ngo bo nyid par mi chad par 'gyur ro zhes bgyis pa dang / des bcom ldan 'das kyis byang chub sems dpa' nam mkha'i snying po la legs so zhes bya ba byin te/ khyod de bzhin gshegs pa la byang chub sems dpa'i bya ba rnams su zhu nus pa'ang shin tu legs so legs so// khyod legs par nyon la dran mngon du zhog cig/ gsol pa/ bcom ldan 'das bka' bzhin du thos par smon te/ mnyan cing mnod par 'tshal lo zhes gsol pa dang / bcom ldan 'das kyis/ byang chub sems dpa' nam mkha'i snying po la bka' stsal pa/ rigs kyi bu byang chub sems dpa' chos bzhi dang ldan na/ brtul zhugs dang dka' thub kyis mi gdung bar 'gyur ro// chos bzhi gang zhe na/ sems can thams cad la snying rje cher skyed pa dang / brtson 'grus bskyed cing le lo mi byed pa dang / skye sho'i 'khor ba rmi lam tsam dang 'dra bar shes pa dang / yang dag pa'i yid kyis sangs rgyas kyi ye shes bsam pa dang bzhi ste/ byang chub sems dpa' chos bzhi po de dag dang ldan na/ dka' thub dang brtul zhugs kyis sems gdung ba med par 'gyur ro//
- 48a
rgyu thus pas dbya sa rnas da n+tu/ smra kus pa ma ba yong pa n+tu// shwA sh+than/ des pa garnams padas su ma rjes rjod pa dang / nges pa'i tshig skye gnas so cog la dang pa'i 'du shes bskyed pa mi rigs zhes 'arjod pa dang / nges pa'i tshig gis theg pa chen po la rkun du bsngags pa brjod pa dang / nges pa'i gis las dge sdig gi 'bras bu mi drug ces brjod pa dang bzhi'o/ / byang chub sems dpa' yang chos bzhi dang ldan na/ dge ba'i rtsa ba rnam par 'phel bar 'gyur ro// pa gang zhe na/ rgyu gyims bskyengs pa dang / bang du thos pad / sbyid basbyid pa dang / rab tu byung ba dang sko'o// byang chub sems dpa' yang rjes shid rdzunan/ 'jigs pa med cing grub lam zhes pang gyuraro/ / bzhi gang nen/ khe sbyor ba dang / mismin par grags pa da / smad cing sna bapa pa dang / sdug bsngal gyis non kyang migs pa dang bzhig// byang chub sems na rdzun/ sa dag pa yis lapa gyur// bzhig na// ma bas las kyi phyug 'ang rnas par kun pa dang / sbyi pa la lan mor dA dang dam pa'i chos pa srung shing spong ba dang / shes rab chen pos byang chub sems dpa' thams cad la ston par byed pa dang ngan ro// rigs kyi bu byang chub sems dpa' yang chos pazhi dang ldas/
- 48b
sa gcig nas/ sa bcu'i bar du legs par shes par 'gyur ro// chos bzhi gang zhe na/ dge ba'i rtsa ba yun ring du skyed pa dang / nyes skyon thams cad sel ba dang / thabs la shin tu mkhas pa dang / dge ba'i brtson 'grus ci spyad pa byang chub tu sngo ba dang bzhi'o// byang chub sems dpa' yang chos bzhi dang ldan na/ thabs la shin tu mkhas par 'gyur ro// bzhi gang zhe na/ sems can gyi yid dang 'thun par byed pa dang / gzhan gyi bsod nams dang yon tan la rjes su yi rang ba'i sems bskyed pa dang / sdig yod na 'gyod tshangs byed pa dang / de bzhin gshegs pa thams cad la chos kyi 'khor lo bskor bar gsol ba 'debs pa dang bzhi'o/ / byang chub sems dpa' yang chos bzhi dang ldan na/ sems can gyi ston pa byed par 'gyur ro// bzhi gang zhe na/ rtag tu sems can la phan pa dang / bde ba sgrub par byed pa dang / rang gi dga' ba yongs su 'dor ba dang / gnyen des byas te bzod pa sgom pa dang / le lo spang ba dang ba'i/ byang chub sems dpa' chos bzhi dang ldan na/ tshe tshe rabs rabs su byang chub kyi sems chud mi zos par 'gyur ro// bzhi gang zhe na/ phyogs bcu'i sangs rgyas thams cad rta pa bar byed pa dang / bsod nams byas so cog sems can gyi phyir bla na med pa'i byang chub tu sngo ba dang / dge ba'i bshes gnyen la sten pa dang / theg pa chen pa yongs su sgrog par byed pa
- 49a
bzhi'o/ / byang chub sems dpa' yang chos bzhi dang ldan na/ sems spyod pa rnam pa gcig las rnam pa sna tshogs su mi spyod par 'gyur ro// bzhi gang zhe na/ nyan thos kyi sems spang ba dang / rang sangs rgyas kyi sems spang ba dang / chos sgrub pa skyo mi ngas pa dang / chos ci thos pa gzhan la ston par byed pa dang bzhi'o// byang chub sems dpa' yang chos bzhi dang ldan na/ chos rin po che legs par sgrub par 'gyur ro// bzhi gang zhe na/ theg pa chen po'i chos dkon pa'i phyir rin po che dang 'dra bar 'du shes bskyed pa dang / theg pa chen po'i chos sems kyi nad thams cad sel ba'i phyir sman dang 'dra bar blta ba dang / theg pa chen po'i chos nam yang mi rlag pa'i phyir nor dbyig dang 'dra bar lta ba dang / theg pa chen po'i chos mya ngan las 'da' bar byed pa'i phyir sdug bsngal 'gog par lta ba dang bzhi'o/ / byang chub sems dpa' yang chos bzhi dang ldan na/ tshul khrims nyams pa dang / nyon mongs pa'i kha na ma tho ba las 'byung bar 'gyur ro// bzhi gang zhe na/ chos rnams 'ong ba med pa'i phyir/ chos la mi skye ba'i bzod pa thob pa dang / chos rnams song ba med pa'i phyir/ chos la mi 'gog pa'i bzod pa thob pa dang / chos rnams rgyu dang rkyen las skye bar shes pa'i phyir/ chos la rten cing 'brel par 'byung ba'i bzod pa thob pa dang / tha dad pa'i sems rgyud med pa'i phyir/ mi gnas pa'i bzod pa thob pa dang bzhi'o// byang chub
- 49b
sems dpa' yang chos bzhi dang ldan na/ nyon mongs pa rnams 'gag par 'gyur ro// bzhi gang zhe na/ yang dag pa'i dran pa mngon du gzhag pa dang / dbang po rnams kyi sgo bsdams pa dang dge ba'i chos kyi stobs bskyed nus pa dang / dben pa'i gnas su dad cing 'du 'dzi spang bar bya ba dang bzhi'o// byang chub sems dpa' yang chos bzhi dang ldan na/ tshogs mang po kun dang 'thun par 'gyur ro/ / bzhi gang zhe na/ bdag chos sgrub na'ang khyad par thob par mi sgrub pa dang / le lo med par rtag tu bkur sti dang gus pa'i sems skyed pa dang / chos kyi phan pa 'ba' zhig tshol gyi/ bdag mi spyom pa dang / gzhan dge ba'i chos bstan kyang / rnyed pa dang / bkur sti dang / grags pa mi tshol ba dang bzhi'o// byang chub sems dpa' yang chos bzhi dang ldan na// chos kyi sbyin pa'i sgo legs par 'byed par 'gyur ro// bzhi gang zhe na/ dam pa'i chos yongs su bsrung zhing skyong ba dang / rang gi shes rab la phan par byed cing / gzhan la ston par byed pa dang / rtag tu ya rabs kyi chos spyod pa dang / rnam par dag pa dang ma dag pa'i chos la mi rtog pa dang bzhi'o// byang chub sems dpa' yang chos bzhi dang ldan na/ sngon gyi dbang gi mthus dge ba'i rtsa ba mi rlag par 'gyur ro/ / bzhi gang zhe na/ pha rol po'i nyes skyon la dbang mi bza' ba dang / zhe sdang can la rtag tu byams sems bsgom pa dang / rtag tu chos thams cad rten 'brel
- 50a
du bshad pa dang / bla na med pa'i byang chub rtag tu dran par bya ba dang bzhi'o// byang chub sems dpa' yang chos bzhi dang ldan na/ gzhan gyis bstan pa la rag ma lus par rang bzhin gyis pha rol tu phyin pa drug spyod par 'gyur ro/ / bzhi gang zhe na/ rtag tu chos kyi sbyin pa gzhan la sbyin pa dang / gzhan gyi kha na ma tho ba mi brjod pa dang / chos kyis bsdus te sems can gyi ston pa la mkhas pa dang / chos zab mo chub par shes pa dang bzhi'o// byang chub sems dpa' yang chos bzhi dang ldan na/ bsam gtan dang ting nge 'dzin btang ste/ 'did pa'i khams su mngon du skye bar 'gyur ro/ / gzhi gang zhe na/ sems mnyen des su bya ba dang / dge ba'i rtsa ba mthu rnyed par bya ba dang / sems can thams cad mi gtong ba dang / shes rab dang thabs mkhas pa'i mthu stobs rgyun du skom nus pa dang bzhi'o/ / byang chub sems dpa' yang chos bzhi dang ldan na/ sangs rgyas kyi chos las phyir mi ldog par 'gyur ro// chos bzhi gang zhe na/ skye shi 'khor ba grangs med par myong na'ang skyo ba'i sems mi bskyed pa dang / rtag tu sangs rgyas tshad med pa la mchod pa bya ba dang / byams sems tshad med pa bsgom par bya ba dang sangs rgyas kyi ye shes tshad med pa la mos pa bskyed pa dang bzhi'o/ / rigs kyi bu byang chub sems dpa' yang chos bzhi dang ldan na/ sangs rgyas kyi bdag nyid rgyun mi 'chad par 'gyur ro//
- 50b
chos bzhi gang zhe na/ sems can thams cad kyi phyir smon lam mi gtong ba dang / sbyin pa'i spyod lam la dad pa dang / brtson 'grus chen po la 'dun pa dang / sangs rgyas kyi chos la/ sems zab mos rgyun du spyod pa dang bzhi ste/ byang chub sems dpa' sems dpa' chen pos khams gsum du bgrod cing / spyod pa bzhi po rnam grangs su spyad de sems can la phan pa dang bde bar byas shing 'jig rten las zlo bar bsgoms na/ sangs rgyas kyi bdag nyid rgyun mi 'chad par 'gyur ro// de'i tshe theg pa chen po'i chos rnam pa bzhi bzhir bshad pa na/ lha bzhi khris ni bla na med pa'i byang chub tu sems bskyed do/ / mi las nyi khri lnga stong ni chos la mi skye ba'i bzod pa thob bo// byang chub sems dpa' bzhi khri brgyad stong ni chos kyi khams kyi bzod pa'i pha rol tu phyin pa thob ste/ sangs rgyas kyi ye shes la mngon par chud do// de'i tshe de'i dus na/ yang bcom ldan 'das kyis/ byang chub sems dpa' sems dpa' chen po nam mkha'i snying po la 'di skad ces bka' stsal to/ / rigs kyi bu khyod mdo sde 'di legs par zung zhig/ chongs shig ces bka' stsal nas/ byang chub sems dpa' nam mkha'i snying pos 'di skad ces gsol to/ / bcom ldan 'das mdo sde 'di'i ming ci lags/ ji ltar gzung bar bgyi/ bcom ldan 'das kyis bka' stsal pa/ mdo sde 'di'i ming ni thar pa chen
- 51a
po phyogs su rgyas pa bdud kyi yul 'jom pa/ mu stegs pa'i dpung dang bcas par gzhig pa/ nyon mongs pa thams cad sel ba/ log par lta ba dang 'dod pa rnam lnga'i 'ching ba grol ba/ khams gsum gyi btson ra 'dral ba/ 'khor ba las thar cing mya ngan las 'da' ba'i phyogs su sgrol ba/ sa bon dam pa'i rgyu bskams brlan par byed pas rgyu rkyen chen po pha rol tu phyin pa drug gi chos kyi char 'bebs pa/ sems can theg pa gsum gyi myu gu dang / me tog rgyus shis 'phel bar byed pa/ byang chub kyi 'bras bu mchog theg pa gcig tu 'grub par byed pa zhes bya bar zung zhig/ de nas bcom ldan 'das la/ byang chub sems dpa' nam mkha'i snying pos 'di skad ces gsol to// bcom ldan 'das bdag sngon 'das pa'i sangs rgyas grangs ma mdzes pa'i spyan snga dang / 'dus pa grangs ma mdzes pa dang / tshogs dpag tu ma mchis pa'i nang du/ chos rnam pa sna tshogs dang / don rnam pa sna tshogs dang / mtshan ma rnam pa sna tshogs dang / theg pa rnam pa sna tshogs thos na/ ngo mtshar rmad du byung ba'i chos de lta bu dang / ngo mtshar rmad du byung ba'i don de lta bu dang / ngo mdzar rmad de byung ba'i mtshan mad lta bu dang / ngo mtshar rmad du byung ba'i theg pa chen po de lta bu ni thos ma myong ste/ deng thos pa 'di bdag gis rgyun mi 'chad par bgyi'o// bcom ldan 'das de bzhin gshegs pa ni rtag pa/
- 51b
chos dang dge 'dun ni 'gag par mi 'gyur te/ khams gsum gyi sems can rang skye zhing rang 'gag par gyur nas/ de bzhin gshegs pa ma mthong ba dang / chos dang dge 'dun ma mthong bas mya ngan las 'das te 'gag par 'gyur ro zhes brjod do/ / bdag cag de bzhin gshegs pa'i byin gyi rlabs kyis/ khams gsum du bgrod cing so so'i skye bo'i rjes su snyegs te/ mya ngan las 'da' 'o zhes bla dgas su brjod pa lags so// bcom ldan 'das de bzhin gshegs pa mya ngan las 'das pa'i slad du na bdag cag rnams kyis theg pa brgyad khris sangs rgyas kyi ye shes su chud par skyes bu chen po'i chos kyi sku thob par bgyi'o/ / chos kyi khams su gtogs pa'i sems can rnams la mdo sde 'di spel bar bgyi'o// gzung zhing bcang ba dang / bklag pa dang / kha ton du 'don par brtsi'o// ji ltar bshad pa bzhin bsgom ste/ dus gcig tu sangs rgyas su 'grub par bgyi'o// mi gtong bar bgyi'o// bcom ldan 'das rigs kyi bu dang / rigs kyi bu mo gang la las bcom ldan 'das mya ngan las 'das pa'i slad na/ snyigs ma can gyi dus su mdo sde 'di gzungs su bzung zhing klog gam/ kha ton du bgyid dam/ glegs bam du yi ger 'dri 'am/ yi ger 'drir 'jug na/ bsod nams ji tsam zhig thob par 'gyur/ bcom ldan 'das kyis bka' stsal pa/ rigs kyi bu gang la las stong gsum gyi stong chen po'i 'jig rten gyi/
- 52a
khams kyi nga nor bu rin po ches yongs su bkang ste/ sbyin pa byin pa bas mdo sde 'di'i ming tsam thos par bsod nams dpag tu med par rje'o// gang la las 'jig rten gyi khams stong phrag bcu nor bu rin po ches yongs su bkang ste/ sbyin pa byin pa bas mdo sde 'di glegs bam du byas te/ 'chang ba tsam gyis bsod nams dpag tu med par che'o// gang la las phyogs bcu'i 'jig rten gyi khams su nor bu rin po ches yongs su btang ste/ sbyin pa byin pa bas theg pa chen po phyogs su rgyas pa'i mdo sde 'di'i nang na/ yi ge 'bru gcig gam/ tshigs bcad gcig gam/ shu lo ka gcig 'dri'am 'drir 'jug na de bas kyang bsod nams dpag tu med par che'o// 'jig rten grangs med pa'i khams su rin po ches yongs su bkang ste/ sbyin pa byin pa bas kyang sems thag pa nas mdo sde 'di la shu lo ka gcig klog gam/ kha ton du byas na bsod nams de bas kyang dpag tu med par che'o// stong khams yongs su gang ba'i sems can gyi srog gi skyabs sbyin pa byin pa bas kyang / gang gis sems thag pa nas mdo sde 'di'i don tshig gcig shes te/ gzhan la tshig gcig gam/ shu lo ka gcig gi don bstan na/ bsod nams de bas kyang dpag tu med par che'o/ / de ci'i phyir zhe na/ zang zing gi sbyin pa ni nyan thos kyi sbyin pa yin te/ tshe dang longs spyod skyed par zad kyi/ 'khor ba las mi thar ro// theg
- 52b
pa chen po chos kyi sbyin pa ni/ sems can rnams kyi byang chub kyi rtsa ba bskyed pa dang / theg pa gsum gyi ye shes kyi srog sdud par byed do// rigs kyi bu mdo sde 'di klog pa dang 'chang ba ni sngon sdig can ma rungs pa yin na'ang de dge ba dang ldan pa'o/ / sngon sdug bsngal can yin na'ang nga longs spyod dang ldan pa'o// sngon 'ching ba can yin na'ang dgrol ba thar pa dang ldan pa'o// sngon ma rgal ba yin na'ang nga rgal ba can no// sngon blun po zhig yin na'ang da ni slob dpon du chud pa'o// sngon zag pa dang bcas pa zhig yin na'ang da ni zag pa med pa'o// sngon so so'i skye bo'i spyod pa can zhig yin na'ang da ni 'phags pa'i spyod pa dang ldan pa'o/ / sngon chos lam dang 'gal ba zhig yin na'ang / da ni 'phags pa'i lam la chud pa'o// lus skye bo'i lus can yin na'ang / mdo sde 'di klog pa dang 'chang ba'i phyir blo ni 'phags pa'i ye shes dang 'dra ba'o// sngon nyon mongs pa can zhig yin na'ang / da mdo sde 'di klog pa dang / 'chang ba'i phyir sangs rgyas bcom ldan 'das dang 'dra ba mya ngan las 'dra' ba can no zhes bka' stsal pa dang / byang chub sems dpa' nam mkha'i snying pos 'di skad gsol to// bcom ldan 'das de bzhin gshegs pas bshad pa ltar na/ sngon so so'i skye bo lags kyang da ni 'phags pa'i spyod pa dang ldan zhes bgyi ba dang / sngon nyon mongs pa can lags na'ang / da ni mdo sde 'di klog pa
- 53a
dang 'chang bas/ sangs rgyas bcom ldan 'das dang 'dra bar mya ngan las 'da' ba can no zhes gsungs pa/ tshul khrims zhig pa dang / mtshams ma mchis par spyad pa dang / dam pa'i chos la'ang skur pa btab pa yang / ci mdo sde 'di klog pa tsam gyis nyon mongs pa spong te/ mya ngan las 'das pa dang 'thun pa zhig lags sam/ don de rig par dka' zhing mchis na/ bcom ldan 'das bye brag phyed par bstan du gsol zhes bgyis pa dang / bcom ldan 'das kyis bka' stsal pa/ legs so legs so// rigs kyi bu khyod kyis legs par zhus pas/ ngas kyang legs par bshad par bya'o// rigs kyi bu sems can thams cad sangs rgyas ma mthong ba'i phyir log par lta ba dang / tshul khrims nyams pa dang / dam pa'i chos la skur pa btab pa yin no/ / sangs rgyas 'jig rten du bzhugs pa na tshul khrims nyams pa dang / dam pa'i chos la skur pa btab pa'ang med do// de ji lta zhe na/ dper dra ma mi gcig la bu gcig bu zhig yod de shin tu'ang 'phangs shing sdug na/ pha yod pa'i tshe na ni nyin mtshan du bstan cing bslabs pas/ byas si cog la 'gal ba med/ bu'ang pha la srithu che ste/ pha'i ngag nyan cing nyes pa yod ma byung ngo / / re zhig dus gcig na pha lem ring por 'gron du song ba las ring du lon te slar ma 'khor ba'i bar du bu de ba'i bstan ngag brjed nas nyes pa'ang mang du byung ngo // pha ring du lon te slar ma 'khor
- 53b
ba'i phyir/ pha shi ba skad du brjod de/ ngung mo dag byed cing khad kyis 'chal du byed do// mya ngan gyis non te sems sbyor nas/ phas bstan pa'ang brjed de/ chos la skur pa dang 'dra ba 'gal ba dag byed de/ pha de yun ring mo zhig lon nas dus gcig na slar khyim du log pa'i tshe/ bu'ang shin tu dga' ba dang tshim pa skyes nas sngon pa 'di bstan ngag kyang dran te/ gzungs su bzung nas nyes pa'ang ma byung ngo / / pha mthong ba'i phyir pha ma shi bar yang yid ches nas/ log par ltung ba can zhes kyang mi bya'o// pha'i bka' bzhin du mi 'gal bar spyad pas skur pa can zhes kyang mi bya ste/ rigs kyi bu dra ma zhes bya ba ni de bzhin gshegs pa'o// bu gcig pu zhes bya ba ni sems can thams cad do// phas bstan cing bslabs zhes bya ba ni tshul khrims so// lam ring por song zhes bya ba ni de bzhin gshegs pa khams gzhan du chos kyi 'khor lo bskor bar gshegs pa'o/ / pha ma mthong zhes bya ba ni tshe 'das so zhes brjod pa'o// mya ngan gyis non pa ni sgrib pas bsgribs pa'o// gzugs su mi 'dzin pa'i phyir tshul khrims zhig pa'o// shi ba skad brjod pa'i phyir sdig spyod pa'o// don 'khrul pa'i phyir skur pa btab bo// de bzhin gshegs pa khams gzhan nas srang gshegs te/ sems can gyis mthong ba ni/ sangs rgyas mya ngan las mi 'da' bar yid ches pa'o// sangs rgyas kyis chos bstan nas/ sems kyi rang bzhin slar rnyed pas tshul khrims mi
- 54a
nyams pa'o/ / mya ngan las mi 'da' bar yid ches pa ni ltung ba med pa'o// bstan pa dang mi 'gal bar spyod cing don shes pa ni/ chos la mi skur ba yin no// rigs kyi bu mdo sde 'di klog pa dang 'chang ba ni 'khor ba grangs med pa'i nyon mongs pa'i sdig lci ba kun 'byang bar 'gyur ro// gang mdo sde 'di thos pa ni sangs rgyas kyi mtshan thos pa'o// grang mod sde 'di mthong ba ni sangs rgyas kyi zhal mthong ba'o/ / gang mdo sde 'di 'dzin pa ni sangs rgyas kyi sku 'dzin pa'o// gang mdo sde 'di spyod pa ni sangs rgyas kyi mdzad pa spyod pa'o// gang mdo sde 'di 'chang pa ni sangs rgyas kyi mdzad pa 'chad pa'o/ / gang mdo sde 'di'i don shes pa ni sangs rgyas kyi don shes pa'o// gang sangs rgyas kyi mdzad pa spyod pa dang / sangs rgyas kyi don legs par grol ba de ni/ nyon mongs pa gtan med par 'gyur ba'o// de ci'i phyir zhe na/ mang sde 'di lag tu 'ongs pa'i phyir/ nyon mongs pa yongs su spring bar 'gyur ro// rigs kyi bu bskal pa brgyad khril nyin zhag gcig tu brtsi ba/ zhag sum cul zla ba gcig/ zla ba bcu gnyis la lo gcig tu bsgres pa'i bskul pa brgya stong bye ba khrag khrig 'dus pa la/ sangs rgyas gca 'byung ba dang zad ngo do/ / yang bsapa pa grangs de dang 'dra ba 'das na/ sangs rgyas gcig 'byung nga zad pa pas kyang / mdo sde 'di dang phred pa shin tu dkon no// gang mdo sde 'di na/
- 54b
pa ni phyogs bcu dus gsum gyi sangs rgyas thams cad dang phrad pa dang 'dra'o// de'i phyir blo dang ldan pas mdo sde 'di blang ba dang / 'chang ba dang / klog pa dang / kha ton du 'don pa dang / ger 'dri ba dang / 'drir 'jug pa dang / gzhan la'ang bstan na log par lta ba dang / ma rig pa'i nyon mongs pa dang / zag pa dang bcas pa'i sdig pa yongs su 'byung bar 'gyur/ bsod nams kyi zhing la gnas par 'gyur/ 'jig rten gyi mchod yon dpag tu med pa'ang 'ju bar 'gyur ro zhes bka' stsal pa dang / nam mkha'i snying pos gsol pa/ bcom ldan 'das rang sangs rgyas kyang 'jig rten gyi yon 'jub skad mi gda' na/ so so'i skye bo lta zhig yon 'ju bar 'gyur ram zhes gsol pa dang / bcom ldan 'das kyis bka' stsal pa/ rang sangs rgyas yor mi 'ju mi srid de/ sems can la chos bshad cing bsgral mi nus na'ang / bsam gtan dang ting nge 'dzin la 'jug pas ting nge 'dzin las langs te/ rdzu 'phrul chen po rnam par sprul cing sems can rnams sgrol bar byed pas/ mchod yon 'ju bar 'gyur ro// de nas bcom ldan 'das la/ byang chub sems dpa' nam mkha'i snying pos 'di skad ces gsol to// bcom ldan 'das mdo sde kha cig las 'byung ba lta ba log pa dang / tshul khrims zhig pa rnams dang / khams gcig tu lhan gcig gnas su'ang mi rung ba dang / chu klung gcig la chab 'tshal
- 55a
du'ang mi rung ngo zhes 'byung la/ gso sbyong gi tshe gang zag de 'phags pa'i lam stor ba lags te/ dge 'dun gyi nang du'ang mi chud ces 'byung na/ ci'i slad du deng 'dir tshul khrims zhig pa rnams kyang mchod yon 'ju bar 'gyur zhes gsungs/ gal te de dag mchod yon 'ju bar 'gyur na ni/ de bzhin gshegs pa dang yang tha mi dad la/ 'phags pa dgra bcom pa dang / rang sangs rgyas pas 'da' ba 'dra na/ bcom ldan 'das de tsam zhig bye brag phyed par bshad par smon/ bdag kyang de thos nas de bzhin du sems can rnams la bstan par bgyi'o// rnam par dgrol bar bgyi'o/ / bcom ldan 'das kyis/ byang chub sems dpa' nam mkha'i snying po la bka' stsal pa/ legs so legs so// rigs kyi bu khyed la sogs pa deng 'dir byams pa dang / snying rje phun sum tshogs pa dang ldan pas sems can rnams la snying brtse bar bsams te/ don de zhu ba ni rab tu'ang legs te/ ngas kyang bye brag phyed par bshad kyis/ legs par soms la nyon cig/ chos kyi rnam grangs 'di'i spyod yul ni nyan thos dang rang byang chub rnams kyis rig par yang mi 'gyur la/ bdud dang / mu stegs dang / so so'i skye bo rnams kyis bsam pa'i gnas kyang ma yin te/ de ni sangs rgyas mkhyen pa dang / khyod kyi khong du chud par zad do// rigs kyi bu ngas rtag tu byang chub tu sems bskyed pa rnams la bstan pa/ sems can bzang ngan rnam par
- 55b
mi rtog par sbyin pa byas na/ bsod nams kyi tshogs yongs su 'grub bo zhes bshad de/ byol song la sbyin pa byin pas ni bsod nams kyi yon tan brgya thob par 'gyur ro// log spyod la sbyin pa byin pas ni/ bsod nams kyi yon tan stong thob par 'gyur ro// rigs kyi bu dge ba'i rtsa ba rgyun chad pa ni 'chi 'phos na log spyod kyi rgyud du 'gro'o// drin mi gzo ba dang / khrel med pa ni 'chis 'phos na byol song gi rgyud du 'gro'o/ / log spyod kyi 'bras bu rnam par smin pa'ang / bsod nams can gyi yon 'jun/ mdo sde 'di klog pa dang 'chang ba'i gang zag lta zhig ci smos/ de bas theg pa chen po'i mdo sde thar pa chen po phyogs su rgyas pa'i mthu dang byin ni bsam gyis mi khyab bo/ / tshul khrims 'jig pa dang / mtshams med par 'gro ba dang / dam pa'i chos la skur pa dang / log par lta ba dang / nyon mongs pa can gyi sdig pa yongs su 'byang ba byed pas na/ mchod yon 'ju bar nus so// bcom ldan 'das la/ byang chub sems dpa' nam mkha'i snying pos gsol pa/ bcom ldan 'das de bzhin gshegs pa'ang bsam gyis mi khyab/ thar pa chen po phyogs su rgyas pa'i mthu dang byin yang bsam gyis mi khyab/ mdo sde 'di 'dzin pa dang klog pa'i gang zag de'i yon tan yang bsam gyis mi khyab bo/ / bcom ldan 'das kyis bka' stsal pa/ de de bzhin no// rigs kyi bu de de bzhin te/ khyod kyis bshad pa bzhin te/ yon tan bsam gyis mi khyab pa/ mtha
- 56a
yas pa thob par 'gyur ro zhes gsos pa dang / de nas bcom ldan 'das kyis/ byang chub sems dpa' nam mkha'i snying po la 'di skad ces bka' stsal to// ngamangan rjo das pa'i brnas pa rnam par dag pa zhes bya ba na/ dade'i chasangs rgyas bye ba lngag thig da brnyan gnyis la mdzang ba phrul te bsnyen pagang byas na pang bar thos kyi bdu srung bas nyes spyan mang byung dang / tshul khrims nyams pa dpag tu med pa dag zung ba'i phyir/ de bzhin gshegs pa de dag gis kyang ngal lung bstan par mgyur to// bskal pa de 'das nas/ bsapa pa mthong cing sa pa nas byu / dngos dus sa rgyas kyi bdag pa'i rnal ca pa thal te brten par byas na 'ang sa sa rgyas de ga shes pa'i lung mabs to// bskal pa 'das nas kyang brnas pa sa pa'i dbyangs zhes bya ban/ nga de'i tshasangs rgyas bye ba phrag nyi shu rtsa gnyis la mdzod pa phrul te bsnyed bkur byas na 'angs sargyas de dag gis nga la lungs bstan to// bskal pa de 'das nas/ rnam pamams dag shes bya ban/ ngade'i rjes sargyas na thaM byu sa med pa sat+taM/ bsnyen byam nga sangs rgyas de dag gis sa slang yang sa bstan to// rjebadzinas/ yang bsas pa rdzug balnga ba slab shes pa pa dang / 'jig rten ma pang ldan shes bya ban/ de zhi gshegs pa ma ma pa yang da pa rnags pa'i sangs rgyams kyi
- 56b
dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das sbyin pa chen po zhes/ bya ba byung ste/ nga de'i tshe sangs rgyas bye ba phrag bzhi bcu la mchod pa phul te/ bsnyen bkur byas nas/ gdod mdo sde 'di'i ming thos te/ nyon mongs pa yongs su spangs kyis kyang / mdo sde 'di da dung ma mthong ste/ nga de'i tshe de'i dus na mchod pa'i yo byad rnam pa sna tshogs bsags te/ mchod pa phul na'ang de bzhin gshegs pa de dag gis kyang nga la lung bstan par ma gyur to// rigs kyi bu nga sngon bskal pa de snyed du/ sangs rgyas de snyed la mchod pa de snyed cig phul ba dang / bsnyen bkur dang bstod pa byas nas/ nyon mongs pa rnam par spangs te/ nyan thos kyi sdom pa dang / tshul phun sum tshogs pa tshangs par spyad cing sbyin pa byin pa dang / tshul khrims bslab pa dang / nga rgyal dang / zhe sdang dang / gti mug spangs te spungs pa'i yon tan spyad pa dang / bzod pa dang / byams pa'i sems dang / ji ltar thos pa bzhin brtson 'grus su bshad pa dang / thos so cog thams cad mi brjed pa dang / 'du 'dzi spangs te dben pa la gnas pa dang / bsam gtan dang ting nge 'dzin la 'jug pa dang / bsam gtan las byung nas/ chos nyan pa dang / klog pa dang / kha ton du 'don pa dang / bsam pa la sogs pa byas kyang rgyal ba de dag gis
- 57a
la lung ma bstan te/ de ci'i phyir zhe na/ sdom pa mnos so cog 'jig pa dang / nyams pa mang du byung ba'i phyir ro// nyan thos dang rang sangs rgyas kyi theg pa la chags pa'i phyir ro/ / theg pa chen po'i mdo sde thar pa chen po phyogs su rgyas pa ma thos pa'i phyir ro// de bas na byang chub sems dpa' sems dpa' chen po rnams kyis nyan thos dang rang sangs rgyas kyi spyod lam spang bar bya/ / theg pa chen po'i mdo sde thar pa chen po phyogs su rgyas par bsgom par byas na lung bstan pa thob par 'gyur ro// gal te ngas bskal pa gcig nas bskal pa gcig gi bar du sangs rgyas kyi mtshan bshad na'ang rdzogs par mi nus te/ rigs kyi bu nga bskal pa de dag 'das pa'i 'og tu/ de bzhin gshegs pa 'od mi 'gyur gyis tshegs chen po dpag tu med pa la/ theg pa chen po'i mdo sde thar pa chen po phyogs su rgyas pa'i chos kyi rnam grangs 'di bshad pa der mthong nas/ nga de'i tshe de'i dus na gdod thos pa dang mthong bar 'gyur ro// rgyal ba de las blangs te/ 'dzin pa dang / klog pa dang / kha ton du bya ba dang / don bsam pa la sogs pa byas nas/ de ma thag chos la mi skye ba'i bzod pa thob bo// de bzhin gshegs pa 'od mi 'gyur gyis nga la lung bstan pa/ khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan to/ / de bas na rigs kyi bu chos kyi rnam grangs 'di blangs te/ 'chang ba
- 57b
dang klog pa la sogs pa byas na/ sangs rgyas kyi sa'ang myur du thob par 'gyur na/ 'jig rten na lha dang mir bcas pa'i mchod yon 'ju bar 'gyur ba lta ci smos/ rigs kyi bu de'i phyir ngas theg pa chen po'i chos kyi rnam grangs kyi mthu stobs rin po che'i snying po 'dra ba/ bsam gyis mi khyab pa/ tshul khrims 'jig pa dang / dbul 'phongs rnams kyi tshul dang / rin po che'i nor bu sbyin par byed pa la bstod pa tshigs su bcad pa brjod par bya'o/ / theg chen dpe tshang rgya mtsho bzhin// theg pa chung ngu ba rjes chu// theg chen dpe tshad ri rab lhun// theg pa chung ngu grog ma'i mkhar/ / theg chen dpe tshad nyi zla bzhin// theg pa chung ngu me mdag tsam// theg pa 'di ni theg chen yin// bsam gyis mi khyab theg pa po// dper na nam mkha' dang 'dra ba/ sems can thams cad go 'byed do// theg pa thams cad kun gyi nang // theg pa 'di las 'da' ba med// theg pa chen po 'di nang nas// theg pa rnam pa sna tshogs 'byung // dpag pa'i grangs shig yod na ni/ / thams cad bskal pa'i mi nus so// theg pa bla na med pa 'di// sems can yongs su bsgral nus pa// nam mkha' 'dra ba'i thig chen la// gang gis dang / med 'di spyod pa// nam mkha' dpag tu med pa bzhin// gzugs dang dbyibs kyang yong med do// theg pa chen po'ang de bzhin te// theg pa med cing dpag tu med// sems can
- 58a
thams cad de dag kun/ / theg pa chen po 'di zhon la// theg pa'i mtshan la rnam rtog na// gtos rgya che zhing mang du shong // gal te theg chen yon tan dang // theg pa gcig tu spyod pa ni/ / bskal pa dpag med rab bshad kyang // mtha' ru rdzogs par yod mi nus// theg pa thams cad kun gyi nang // theg pa chen po dam pa mchog/ sems thag theg chen 'di blangs na/ byang chub shing drung mngon par grol// 'ching ba med cing thogs pa med// bla na med pa'i theg pa 'di// theg pa dman pa'i mchog 'gyur bas// byang chub dkyil du 'jug par 'ong // rten 'brel bcu gnyis rnam dag ste/ / sems can rnams la snying brtse'i phyir// phyogs bcu'i sems can thams cad la// theg chen mdo sde bshad par bya// gang zhig theg chen theg pa ni// 'phel ba'am 'grib pa yong med de/ / nam mkha' bzhin du kun shong bas// theg pa chen po bsam mi khyab// de phyir sems can thams cad kyis// brtson 'grus su ni bsgom bya ste// mngon par shes pa rnams dang ni/ / ye shes chen po thob par bya// lha yi tshogs dang lha yi bdud// mu stegs nyon mongs sel 'dod na// theg pa chen po'i skyabs song la// mngon shes drug dang ldan par byos/ / rig pa gsum dang rnam thar gsum// des ni bdud dang bu stegs 'joms// log par lta ba'ang bcil bas na// theg pa chen po mchog tu dgos// nyon mongs thams cad 'jig
- 58b
pa dang / / dge rtsa phun sum tshogs 'gyur ba// theg chen mthu ni bsam mi khyab// de bas dpag pa'ang rab tu dka'// 'jig rten pa yi chos rnams dang // 'jig rten 'das pa'i chos thams cad/ / slob dang mi slob de dag kun// theg pa chen por kun 'dus so// sems can gang zhig ngan 'gror spyod pa ni// log par lta ba dang ni sdig grogs bsten// gang zhig theg pa chen por ma dad pa/ / des ni nyon mongs bdud rnams 'joms mi nus// de rnams spangs te theg chen skyabs song ba// grol thar 'dod pas theg pa chen po slob// skyes bu gang zhig don chen shes 'dod pa/ / theg chen bshad pa thos na dga' ba skye// de ni theg chen mi ni yin par mngon// zhig nas sems ni mngon par shes dang ldan// de yang theg chen dbang gis rnam par brgyan// gang zhig theg pa chen por spyod nus pa/ / de ni dkon mchog gsum gyi rigs mi 'chad// gang zhig dkon mchog gsum la phyogs pa ni// de ni bsod nams dpag med thob pa'o// phyogs bcu'i 'jig rten khams su phyin pa dang / / phyogs bcu'i rgyal ba dpag med mchod pa dang // de bzhin theg chen phyogs su rgyas pa'i mdo// mchod na 'jig rten theg pas thub pa med// dpal dang gzi brjid ldan zhing 'khor ba 'joms/ / de phyir theg pa chen po bsam khyab dka'// byad gzugs stobs dang dbang phyug thob par 'gyur// phun sum tshogs ldan chos sku mngon par 'grub// gang
- 59a
zhig theg chen 'di la zhon pa ni/ / bla na med pa'i dga' ba myong ba yin// lus kyi sbyin pas snying rje byams bsgoms nas// de phyir theg pa bla med thob par 'gyur/ tshul khrims brtson 'grus tshangs par spyod pa na// rdzu 'phrul mngon du nyi zla sgrib kyang nus// de yang theg chen spyod pa'i dbang gis so// rang gi sems kyis brtson 'grus rgyun spyod pa// des ni theg pa chen po thob pa'o/ / sdug bsngal non pa'i sgrib pa yod na yang // theg chen bsgoms pas de dag kun kyang 'byung // gang zhig theg chen chos la bde gnas pa// de ni tshe dang longs spyod sangs/ rgyas bzhin// yang dag dran pa brtson par ldan pa ni// rdzu 'phrul rkang pa bzhi yi stobs kyang rnyed// dam chos yang dag don la rten pa yang // theg pa chen po bsgoms pa'i dbang gis so// mi 'jigs dang ni stobs bcu ldan pa dang / / mtshan bzang sum cu rtsa gnyis brgyan pa dang // rdo rje ting 'dzin ye shes thams cad kyang // theg pa chen po bsgoms pa'i dbang gis so// rigs kyi bu gang la las theg pa chen po'i chos kyi rnam grangs 'di bzung ste/ / 'bru gcig gam/ tshig gcig gam/ tshigs bcad gcig 'chang ngam/ klog na bsod nams 'di lta bu dang ldan par 'gyur ro// gang zhe na/ 'di lta ste/ gang gis mdo sde 'di 'dzin pa// sdug bsngal kun dang yongs 'bral lo// nam du'ang ngan 'amor mi lhung ste// bde ba'i gnas su phyin par 'gyur// gang gis med
- 59b
sde 'di thos pa/ / phyi ma ma 'ongs dus ngan tshe// mtha' ru sangs rgyas 'grub par yang // ngas ni lung du bstan par bya// gang gis rgyal la rtag gzhol ba// rgyal ba'ang rtag tu de la gzhol// gang gis rgyal ba'i chos bsrungs na// rgyal ba'ang de la srung bar 'gyur// rdzu 'phrul chen po thob pa dang // chos kyi 'khor lo bskor bar nus// 'khor ba'i rgyud las bskal ba dang // bdud kyi dpung bcas 'jil yang nus/ / rgyal ba 'od mi 'gyur de las// ngas ni mdo sde 'di thos nas// bzod pa gnas te lung bstan pa// shAkya thub ces bya bar grub// nga ni mya ngan 'das 'og na/ gang zhig mdo sde 'di 'chang ba// mngon par rdzogs par 'tshang rgya ba// ngas kyang lung du bstan par bya// gang gis ma 'ongs dus kyi tshe// mang sde 'di yi don shes te// blun po rnams la rab bshad pa/ / dkon mchog gsum gyi rigs mi 'chad// sangs rgyas 'jig rten mi bzhugs kyang // mdo sde 'jig rten gang na bar// gnas pa'i mchod gnas de dag tu// sangs rgyas mngon sum bzhugs pa bzhin/ / de ci'i phyir zhe na// ngas sngon de bzhin gshegs pa dpag tu med pa las mdo sde 'di mnos te 'chang ba dang / bskal pa 'jig pa'i tshe gzhan la rgya cher bshad pas na/ mtshan sum cu rtsa gnyis kyang da ltar thob bo zhes bka' stsal pa dang / de nas bcom ldan 'das la/ byang chub sems dpa' nam mkha'i snying pos 'di skad ces gsol to// bcom ldan 'das de bzhin
- 60a
gshegs pa thams cad kyis kyang skyes bu chen po'i mtshan sum cu rtsa gnyis bshad/ deng 'dir yang bcom ldan 'das kyis mtshan sum cu rtsa gnyis bshad na/ las kyi rgyu gang gi/ dbang gis de dag 'grub par 'gyur ba bcom ldan 'das kyis skabs dbye zhing bstan du gsol zhes bgyis pa dang / bcom ldan 'das kyis bka' stsal pa/ rigs kyi bu de bzhin gshegs pa ni yon tan dpag tu med pa bsgrubs pas mtshan sum cu rtsa gnyis 'grub pa yin te/ gal te ngas rgya cher bshad du bskal pa'i bar du'ang bshad pa mi rdzogs pas// deng mdo tsam zhig khyed la bshad do// de dag gang zhe na/ 'di lta ste/ sems thag pa nas tshul khrims dag par bsrung ba dang / yi dam brtan pas zhabs shin tu gnas pas mtshan dang ldan par 'gyur ba dang / bla ma la bsu bskyal dang chos nyan pa gtsug lag khang dang / mchod rten bsgrub pa la phu dud byas pas phyag dang zhabs 'khor lo'i mtshan rtsibs stong dang ldan par gyur pa dang / sems can thams cad la ma brnyas pas rting pa yangs pa'i mtshan dang ldan par 'gyur ba dang / dam pa'i chos yongs su bsrungs pas sor mo ring ba'i mtshan dang ldan par gyur pa dang / bsdu ba rnam bzhi goms par byas pas phyag dang zhabs dra bas sor mo bar 'brel ba mtshan dang ldan par 'gyur ba dang / gos bzang po sbyin pa byin pas phyag dang zhabs gzhon zhing 'jam pa'i mtshan dang ldan par 'gyur ba dang / bza' ba dang / btung bzhim po dang / gtsang ma dang nyams su bde ba byin pas bdun shin tu
- 60b
mtho ba'i mtshan dang ldan par 'gyur ba dang / sangs rgyas kyi chos la thos par dga' ba ri dgas e r+ya ya'i byin pa lta bu'i mtshan dang ldan par 'gyur ba dang / gzhan gyi g.yo mtshang sbed cing bcabs pas/ gsang ba'i gnas sbubs su nub pa'i mtshan dang ldan par 'gyur ba dang / dge ba bcu bsgoms pas seng ge'i ro stod lta bu'i mtshan dang ldan par 'gyur ba dang / dge ba'i chos yang dag par blangs te/ sems can la rtag tu bstan pas phrag so shin tu rgyas pa'i mtshan dang ldan par 'gyur ba dang / 'jigs pa rnams kyi mgon dang skyabs byas pas/ phrag pa'i lhun mdzes par grub pa'i mtshan dang ldan par 'gyur ba dang / gzhan gyi gtsug lag khang ngam mchod rten sgrub pa'i grogs byed par mos pa dang / slong ba rnaMs la bdog pa med ces ma byas pas phyag brla drang pos pus mo'i lha nga la bslebs pa'i mtshan dang ldan par 'gyur ba dang / rtag tu dge ba'i chos thams cad bsgrub pa dang / srog gi rim gro byas pas sku che zhing drang ba'i mtshan dang ldan par 'gyur ba dang / na ba rnams kyi rtsi sman dang / rim gro dang / nyams su phan pa'i zas byin pas/ ro bro ba'i mchog thob pa'i mtshan dang ldan par 'gyur ba dang / yun ring po nas tshig bkyal pa spangs shing / dus su smra bas seng ge'i 'gram pa lta bu'i mtshan dang ldan par 'gyur ba dang / sems can thams cad la sems mnyam par snyoms pas tshems mnyam zhing bzhi bcu tshang ba'i mtshan dang ldan par 'gyur ba dang / rtsod pa rnams bsdum
- 61a
pa la dga' bas tshems thag bzang ba'i mtshan dang ldan par 'gyur ba dang / rin po che'i sbyin pa byas pas tshems mnyam pa'i mtshan dang ldan par 'gyur ba dang / lus dang ngag yid yongs su dag pas tshems shin tu dkar ba'i mtshan dang ldan par 'gyur ba dang / ngag gi nyes pa bsdams pas ljags shin tu yangs shing srab pa'i mtshan dang ldan par 'gyur ba dang / sems can rnams la rtag tu tshig 'jam po smra bas tshangs pa'i dbyangs kyi mtshan dang ldan par 'gyur ba dang / byams pa'i sems bsgoms te/ rmongs pa med pa'i mig gis lta lta bas spyan dkar nag 'byed pa'i mtshan dang ldan par 'gyur ba dang / sems thag pa nas bla na med pa'i byang chub tu bsgrubs pas pa'i rdzi ma lta bu'i mtshan dang ldan par 'gyur ba dang / gzhan la bsod nams dang yon tan yod pa rjes su yi rang zhing bsngags pas zhal mdzod bus brgyan pa'i mtshan dang ldan par 'gyur ba dang / pha ma dang / mkhan po dang / slob dpon la sogs pa bla ma rnams la tshul bzhin du rim gro dang btsun par byas pas dbu spyi gtsug dang ldan pa'i mtshan dang ldan par 'gyur ba dang / theg pa chen po'i chos bstan pa la mos pas mdog shin tu 'jam pa'i mtshan dang ldan par 'gyur ba dang / stan dang / gos dang / khang bzang gnas bzang po byin pas gser gyi kha dog dang ldan pa'i mtshan dang ldan par 'gyur ba dang / 'jig rten gyi gtam tshogs te smra ba spangs pas spu re re nas g.yas phyogs su 'khyim pa'i mtshan dang ldan par 'gyur ba dang / dge ba'i bshes gnyen dang /
- 61b
mkhan po dang / bla ma rnams kyis bstan pa'i tshig yang dag par blangs pa dang bzung ba mngon du spel zhing 'grib par ma byas pas/ yan lag gi spu gyen du 'khyil ba'i mtshan dang ldan par 'gyur ba dang yon tan dpag tu med pa bsgrubs pas zhabs legs par thob pa'i mtshan dang ldan par 'gyur ba dang / sems can rnams ting nge 'dzin bsgom par bskul bas shing n+ya gro d+ha ltar chu zheng gab pa'i mtshan dang ldan par 'gyur ba ste/ rigs kyi bu byang chub sems dpa' sems dpa' chen pos de ltar dpag med pa'i yon tan bsgrubs na/ mtshan sum cu rtsa gnyis de lta bu dag dang ldan par 'gyur ro// zhes de skad ces bka' stsal nas/ / byang chub sems dpa' nam mkha'i snying pos/ bcom ldan 'das la 'di skad ces gsal to// bcom ldan 'das chos thams cad la bdag gis brtags na gang yang dngos po dang mtshan mar ma grub ste/ ma mchis la de bzhin gshegs pa la brtags na'ang de bzhin gshegs pa'i spyod lam de ma lags na/ ci'i slad du spyod lam rgya cher bsgrub ces gsungs/ dkon mchog/ gsum dang / bden pa bzhi dang / phung po lnga dang / skye mched dang / khams dang / rten 'brel bcu gnyis dang / pha rol tu phyin pa'i chos rnams la bdag gis brtags na'ang phyi nang gi rgyu 'bras kun stong nyid do/ / mtshan ma ma mchis/ smon pa ma mchis/ skye zhing 'byung ba'ang ma mthong / 'gag cing nub pa'ang ma mthong / sgyu ma dang 'dra ba/ sprul pa dang 'dra ba/ 'bar ba dang 'dra ba
- 62a
thag ma dang 'drab/ chab kyi zla ba dang 'dra ba/ rus sla gyi sku dang 'drab/ ri bong gir dang 'drab/ nam mnga'i me tog dang 'dra ba/ mog sham gyi bu dang 'drab/ gzugs brnyan gyi gos gyon zhing / sgyu ma'i glang po che la 'tshal ba dang 'dra ba/ mchis pa'ang 'dra ba/ ma mchis pa'ang 'dra ba/ de dag ni mchis pa dang ma mchis pa/ mchis pa'ang ma lags/ ma mchis pa'ang/ ma lags/ rtag pa ma lags/ chad pa ma lags/ skye ba ma lags/ 'gag pa ma lags/ nang du ma lags/ slad rol ma lags/ mthong ba ma lags/ shes pa ma lags/ dper na nam mkha' dang 'dra ba la/ bcom ldan 'das ci'i slad du ngas ni spyod lam de dag spyad ces gsungs/ de bzhin gshegs pa bdag gis brtags na/ bdag ma lags/ sems can ma lags/ srog ma lags/ gso ba ma lags/ skyes bu ma lags/ gang zag ma lags/ shed can ma lags/ shed bdag ma lags/ byed pa po la sogs pa ma lags/ mig ma lags/ gzugs ma lags/ mig dang gzugs kyi mtshan nyid kyi spyod yul ma lags/ rna ba ma lags/ sgra ma lags/ rna ba dang sgra'i mtshan nyid kyi spyod yul ma lags/ sna ma lags/ dri ma lags/ sna dang dri'i mtshan nyid kyi spyod yul ma lags/ lce ma lags/ ro mi lags/ lce dang ro'i mtshan nyid kyi spyod yul ma lags/ lus ma logs/ reg bya ma lags/ lus dang reg bya'i mtshan gyid
- 62b
spyod yul ma lags/ yid ma lags/ chos ma lags/ yid dang chos kyi mtshan nyid kyi spyod yul yang ma lags/ rnam par shes pa ma lags/ gzugs kyi mtshan nyid kyi spyod yul yang ma lags gzugs ma lags/ sdug bsngal ma lags/ gzugs dang sdug bsngal gyi mtshan nyid kyi spyod yul yang ma lags/ bdag ma lags/ bdag gi ma lags/ 'gro ba ma lags/ gzugs can ma lags/ phung po ma lags/ bden pa ma lags/ brdzun pa ma lags/ bsdus pa ma lags/ gtor ba ma lags/ 'byung ba ma lags/ 'jug pa ma lags te/ tshor ba dang / 'du shes dang / 'du byed dang / rnam par shes pa rnams kyang de bzhin te/ phar bzhud pa ma lags/ tshur byon pa ma lags/ bzhugs pa'i gnas kyang mi mnga'/ sems dang / yid dang / rnam par shes pa'ang/ mi mnga'/ lus dang / ngag dang / yid kyi las kyang mi mnga'/ gcig pa'ang ma lags/ tha dad pa'ang ma lags/ 'das pa'ang ma lags/ ma byon pa ma lags/ da ltar byung ba ma lags/ dri ma can ma lags/ yongs su dag pa ma lags/ bdag ma lags/ sems can ma lags/ srog dang / skyes bu dang / gang zag la sogs pa'ang ma lags/ rtag pa ma lags/ chad pam lags/ skye ba ma mchis/ 'gag pa ma mchis/ bsgom du ma mchis/ spyod du ma mchis/ dor du ma mchis/ blang du ma mchis/ mtha' las 'das pa yun du zhugs pa la/ gang gi slad du spyod lam rgya cher bsgrubs
- 63a
zhes gsungs zhes gsol pa dang / de nas bcom ldan 'das kyis byang chub sems dpa' sems dpa' chen po nam mkha'i snying po la legs so zhes bya ba byin nas/ legs so legs/ so// rigs kyi bu khyod sngon 'das pa'i dus na/ sangs rgyas grangs med dpag tu med pa rnams la bya ba byas pa/ dge ba'i rtsa ba bskrun pa/ yun ring po nas theg pa chen po bla na med pa'i don chub par shes te/ chos so cog kun kyang stong pa nyid du mngon par shes pa dang / de bzhin gshegs pa yang dag pa'i mtha' las 'das te/ kun du gnas par yang shes pas/ rigs kyi bu 'di lta ste/ dper na nor bu rin po che baiDU R+Ya'i nor bu shin tu dang ba/ gsal ba/ 'dam rdzab kyi nang du lo stong gi bar du bzhag kyang / rang bzhin yong gis dag pas phyir phyung na'ang snga mkho bzhin te/ khyod kyang de dang 'dra bar chos kyi mtshan nyid mngon par rtogs la rang bzhin rnam par dag pas khyed rnams da ltar khams gsum na/ snyigs ma can lnga'i 'dam rdzab tu gnas te/ de bzhin gshegs pa dang sems can gyi don byas kyis kyang 'dam rdzab kyis ma gos pas na/ don 'di lta bu dag 'dri nus pa yin no// rigs kyi bu khyod yang nyon cig/ 'di lta ste/ chos so cog thams cad yang dag par na dngos po med de/ yi ge yod pa'i phyir chos yod ces bshad/ chos kyi nang du yi ge med la/ yi ge'i nang du'ang chos med do// kun tu spel ba'i phyir yi ger bstan to// yi ge'i nang du ni byang chub kyang med/ byang chub kyi nang du ni yi ge'ang med mod kyi/
- 63b
don dam par ni yi ge med kyang kun rdzob tu yi ge yod par bshad pas/ sems can la sangs rgyas kyi ngo bo nyid dang / bla na med pa'i byang chub kyang yi ge las gud na mi rnyed do// rigs kyi bu khyod zer ba'ang bden te// de bzhin gshegs pa la zad pa med/ skye ba med/ mi sgom/ mi spyod/ sgom spyod rnams dang bral ba/ yang dag pa'i chos la mi 'jug/ de las ldog cing 'gyur ba'ang ma yin/ skye ba gcig gi dga' ldan gyi gnas su'ang ma skyes/ de las babs te yum gyi lhums su'ang ma gnas/ chos thams cad la sems mi gnas pas/ nga ni skye rga na 'chi las 'das so zhes kyang ma byas/ phyogs bzhir gom pa bdun bdun yang ma bor/ / nga ni 'jig rten bla na med pa btsun pa yin no zhes kyang ma brjod/ grong khyer mchog tu na'ang bzang mo dang yang martse na/ 'jig rten bya ba yig rtsis la sogs pa'ang ma bslabs/ stobs dang 'phong rtsal yang ma sbran to// sems can yongs su mya ngan las bzla ba'i phyir/ rgan po mngon sum du bstan pa ni lus la chags pa rnams bkag pa'o// nad pa mngon sum du bstan pa ni tshe la chags pa rnams bkag pa'o/ / shi ba'i mtshan ma mngon sum du bstan pa ni/ 'dod chags dang nga dang ngar 'dzin pa rnams bkag pa'o// dge slong mngon sum du bstan pa ni/ sems can/ rnams tshangs pa dang brgya byin gyi lus su mi smon par 'jig rten las 'das pa/ bla na med pa'i chos la brtson par bsgrub pa bya ba'o// grong khyer mchog nas phyung ste/ shegs pa ni khams gsum gyi
- 64a
btson ra las thar pa dang / 'bras bu ma yin pa rnams bstan pa'o// slar gzigs pa ni byams sdang mi mnga' bar bstan pa'o// der phyir mtshan sum cu rtsa gnyis kyis spun ma/ bar brgyan cing / sems can gyi bsod nams kyi zhing du bya ba'o// dbu skra bregs pa dang / rgyan rnams spangs pa dang / NA tsan ta ka zhabs 'bring dad pa can la slar bsrung ba ni nyon mongs pa thams cad dang bral bar bstan pa'o/ / kha spu bregs pas chos thams cad la mi chags rnam par bstan pa'o// ka sha dur smrig gyon pas sems can gdul bar bstan pa'o// drang srong u ta ka dang ma ran dal chos 'dri rtag bya ba ni rang ging rgyal gyi sems 'dzem par bstan pa'o/ / lo drug gi bar du dka' thub spyad pa ni mu stegs 'dul ba'o// zhal bas blangs pa ni 'jig rten pa'i chos kyi rjes su 'azang ba rtswa swa ti blangs pa ni chog shes par bstan pa'o/ / rtswa bting ba'i steng du bzhugs pa ni nyam rangs dang g.yel ba rnams 'joms par bstan pa'o// lha klu kun gyis bstod cing bsngags pa dang bsnyen bkur bya ba ni yon tan gyi 'bras bu la bkod par bstan pa'o/ / bdud rnams brtul ba ni dpa' ba'i mthu bstan pa'o// phyag g.yas pa sa la bstan pa ni bsod nams kyi mthu bstan pa'o// sa chen po kun tu g.yo ba ni drin gyi lan ldon par bstan pa'o/ / de ltar mtshan ma med par bsgom pa'i phyir/ bla na med pa'i byang chub kyi lam thob pa yin no// 'di ltar chos thams cad kyi mtshan nyid mngon du mkhyen nas/
- 64b
chos kun mnyam pa nyid du bstan pas ni sangs rgyas zhes bya'o// sangs rgyas kyi ye shes la thug pa med de/ chos bstan to cog la sangs rgyas su 'grub pa'i don bstan pas na/ de bzhin gshegs pa zhes/ bya'o// dus gsum gyi bya ba dge ba dang / mi dge ba'i chos mngon du bsal bar gzigs shing mkhyen pas na/ thams cad mkhyen pa zhes bya'o// bden pa dang yang dag par gsungs pa'i phyir/ lha dang mi'i mkhan po zhes bya'o/ / gang zhig de ltar slob cing rtogs pa ni byang chub sems dpa' zhes bya'o// de la log par rtog pa ni byang chub sems dpa' zhes mi bya ste/ sangs rgyas thams cad la bslu ba can zhes bya'o// rigs kyi bu sangs rgyas thams cad ni mi 'byung / mi 'jug/ mi skye/ mi 'gog ste/ sems can thams cad mya ngan las bzla ba'i phyir 'jigs rten du 'byung ngo zhes brjod pa dang / sangs rgyas mya ngan las 'da' 'o zhes brjod pa yin no/ / de nas bcom ldan 'das la/ byang chub sems dpa' nam mkha'i snying pos 'di skad ces gsol to// bcom ldan 'das bdag kyang yang dag par na chos thams cad kyi ngo bo nyid ni stong pa nyid du rtogs te/ de bzhin gshegs pa la 'byung ba 'am/ nub pa'ang mi mnga' bas/ rgyal po'i pho brang du'ang ma bltam/ byang chub kyi shing drung du'ang mya ngan las ma 'das/ mtha' las 'das te/ kun du gnas pa sems can yongs su bsgral bar mdzad pa'i slad du/ dka' thub spyad cing mya ngan las 'da' bar bstan kyang / yang dag par na 'gyur ba 'am/ spros pa mi ma'ang /
- 65a
de de bzhin gshegs pa'i spyod yul yun du gnas te/ khams gsum na sku 'byung ba'ang chos kyi rnam pa lnga 'byung ngo // lnga po gang zhe na/ 'di lta ste/ sku yang dag pa'i ngo bo nyid dang // sku yon tan can dang / sku chos kyi ngo bo nyid las skyes pa dang / sku sprul cing 'byung ba dang / sku nam mkha' lta bu dang lnga ste/ de la sku yang dag pa'i ngo bo nyid ces bgyi ba ni/ yang dag pa'i 'bras bu'i mchog mtshan ma thams cad las 'das pa/ rang gi dbyings la yun du gnas pa na/ sku yang dag pa'i ngo bo nyid ces bgyi'o// sku yon tan can zhes bgyi ba ni sems can mya ngan las bzla ba'i slad du/ spyod pa rnam pa sna tshogs mdzad cing / dge ba thams cad phun sum tshogs par mdzad pas na/ sku yon tan can zhes bgyi'o// sku chos kyi ngo bo nyid skyes zhes bgyi ba ni/ chos kyi mtshan nyid thams cad thugs su chud de/ mi mkhyen pa mi mnga'/ spyod yul de la yang dag par mkhyen pa'i stong pa nyid las skyes te/ yang dag par rdzogs pas na/ sku chos kyi ngo bo nyid las skyes zhes bgyi'o// sku sprul cing 'byung ba zhes bgyi ba ni/ de bzhin gshegs pa 'jig rten du 'byung yang / lam rgyud lngar dge sdig kun la mngon par bstan cing / skyabs su mi mdzad pa ma mchis te/ sprul pa'i rdzas las mtshan nyid du 'gyur bas na/ sku sprul cing 'byung ba zhes bgyi'o// sku nam mkha' lta bu zhes bgyi ba ni nam mkha' mtha' yas pas na/ chos kyi sku yang mthara' yas so// nam mkha' la dpag pa dang gzhal du ma
- 65b
mchis pas na/ chos kyi sku yang dpag cing gzhal du ma mchis te/ de bzhin gshegs pa'i sku yang nam mkha' chen po dang 'dra'o// sems can yongs su mya ngan la bzla ba'i slad du sku rnam par lngar ston pas na/ de bzhin gshegs pa la skye ba mi mnga'/ 'gag pa mi mnga' bar mngon no// chos thams cad kyang de bzhin te/ sems can yongs su mya ngan las bzla ba'i slad du/ sangs rgyas mngon du sprul cing / chos rnam par spel ba lags so zhes gsol ba dang / de nas bcom ldan 'das kyis/ byang chub sems dpa' nam mkha'i snying po la 'di skad ces bka' stsal to// rigs kyi bu khyod ni de bzhin gshegs pa dang 'dra bar chos kyi mtshan nyid la mkhas pas/ spyod yul thams cad la rab tu chod pa 'am/ thog pa med de/ rigs kyi bu khyod ma 'ongs pa'i dus na/ bskal pa stong/ rnam par dag pa zhes bya ba dang / 'jig rten long spyod can zhes bya ba der byang chub sems dpa' sems dpa' chen po sha rtag theg pa chen po 'ba' zhig spyod de/ nyan thos dang sangs rgyas kyi theg pa'i ming rna pa'i thog mar yang mi grag na/ ngan song lnga zhig ci smos/ khyod bskal pa de dang 'jig rten der de bzhin gshegs pa dgra bcom pa yang dag par rdzogs pa'i sangs rgyas rgyan rnam par dag pa zhes bya ba 'byung ste/ 'jig rten gzhan nas skyes bu chen po dag kyang der phyin cing / theg pa chen po thar pa phyogs su rgyas pa'i mdo sde mnyan pa dang / blangs pa dang bcangs par 'gyur ro// de bas na sems
- 66a
can gang la las byang chub sems dpa' nam mkha'i snying po'i ming thos te/ phyag 'tshal zhing mchod pa byas na/ 'jig rten longs spyod can gyi khams der yang skye bar 'gyur ro// sems can gang la las theg pa chen po'i chos sgrub na'ang mi skye ba'i chos la bzod pa thob par 'gyur/ gang chos kyi rnam grangs 'di blang zhing bcangs pa des ni sangs rgyas 'byung ba bcu ma 'das par lung bstan pa'ang thob par 'gyur ro/ / de'i tshe de'i dus na bcom ldan 'das shAkya thub pa la byang chub sems dpa' mtshan nyid dad kyis bdag dang sems can thams cad kyi don gyi phyir zhus nas/ bcom ldan 'das kyis phyogs bcu dus gsum gyi sangs rgyas kyi mtshan dang / mdo sde bcu gnyis kyi mtshan dang / byang chub sems dpa' sems dpa' chen po'i dge 'dun rnams kyi mtshan bstan nas yang seng ge'i sgra chen po sgrogs te/ seng ge'i sgra zhes bya ba ni nges pa'i tshig bstan pa'o// nges pa'i tshig bstan pa ni de bzhin gshegs pa rtag par 'tshe skyong zhing gzhes te/ mya ngan las mi 'da' bar rig pa'o// yang sems can thams cad la sangs rgyas kyi ngo bo nyid yod do zhes bstan pa dang / lha'i bdud dang mu stegs la sogs pa spa gong ste/ skyabs kyi dbang du gyur pas na seng ge'i sgra zhes bya'o// de ltar bstan nas ljags kyi mtshan rgya chen pos stong gsum gyi stong chen po'i 'jig rten gyi khams kun khebs par g.yogs nas/ 'jig rten gyi khams thams cad rnam pa drug tu g.yos so// rnam pa drug tu g.yos zhes bya ba
- 66b
ni shar phyogs mthon nub phyogs dma'/ nub phyogs mthon shar phyogs dpar/ lho phyogs mthon byang phyogs dma'/ byang phyogs mtho na lce phyogs dma'/ dbus mtho na mtha' dma'/ mtha' mthon/ dbus dma' ba ni sa rnam pa drug tu g.yos zhes bya'o// ljags kyi drung nas 'od zer chen po btang ste/ phyogs bcur snang ba chen po byas so// snang ba chen po des mi rtag pa ni rtag par byas/ ma dag pa ni dag par byas/ sdug bsngal can ni bde bar byas/ mi rig pa ni rig par byas/ de'i tshe sangs rgyas kyi 'od kyis reg cing snang ngo cog la ri dang / nags tshal dang / yul sa dang / chu bo'i klung dang / rgya mtsho dang / lcags kyi ri 'khor yug dang / dmyal ba la sogs pa thams cad kyang mtho dman med par mnyam par gyur cing / nyal nyil dang ldan ljin med de kun kyang yongs su dag par gyur nas 'di lta ste/ dper na shar phyogs na 'jig rten zla gang rnam dag yongs su brgyan dang 'dra'o// de'i tshe de'i dus na bcom ldan 'das shAkya thub pa'i sku sprul pa ni/ nam mkha' nas bab pa ni me tog gi char bab pa dang 'dra'o/ / 'og nas byung ba ni sprin dang na bun byung ba dang 'dra bar nam mkha' yongs su gang ste/ nam mkha' stong par cung zad kyang med de// sprul pa'i zhal so so nas tshig 'thun par de bzhin gshegs pa ni rtag par mtsho skyong gzhes te/ mya ngan las mi 'da' 'o// sems can thams cad la sangs rgyas kyi ngo bo nyid yod do zhes gsungs/ yang chos thams cad ni stong
- 67a
pa nyid do zhes gsungs so/ / spyod la de dag gi rgyu 'bras ni theg pa gcig tu zad pa las sems can gyis theg pa rnam pa gsum du mthong zhes bshad nas/ de ma thag tu kun mi snang bar gyur nas/ bcom ldan 'das gdan la bzhugs pa nyi tshe snang ste/ de'i tshe tshogs mang po thams cad kyis sku sprul pa de dag mthong ba ni bcom ldan 'das shAkya thub pa'i byin gyi rlabs kyi mthu ste/ shAkya thub pa yab byams pas/ 'di 'dra ba'i rdzu 'phrul dang gzi brjid mngon par sprul pa de'i tshe/ tshogs kyi nang nas byang chub sems dpa' gang+gA'i klung bzhi bcu'i bye ma snyed kyis ni mi skye ba'i chos la bzod pa thob bo/ / nyan thos brgyad khri zhig ni theg pa chen po'i sems bskyed do// dge slong stong phrag bcu zhig gis ni dgra bcom pa'i lam thob bo// dge slong ma khri brgyad stong zhig gis ni phyir mi 'ong ba'i lam tho bo/ / dge bsnyen khri phrag bzhi bcus ni lan cig phyir 'ong ba'i lam thob bo// dge bsnyen ma 'bum phrag bcus ni rgyun du zhugs pa'i lam thob bo// lha dang mi grangs med pa zhig ni chos kyi mig rdul med pa/ dri ma dang bral ba rnam par dag pa thob ste/ rang gi tshe snga phyi shes pa dang / 'dus byas kyi chos thams cad mi rtag par mthong ngo // de nas tshogs kyi nang nas byang chub sems dpa' sems dpa' chen po seng ge'i sgra stan las langs te/ tha gos phrag pa gcig tu bgos nas/ bcom ldan 'das kyi zhabs gnyis la spyi bos gdugs te phyag 'tshal nas/ bcom ldan 'das la 'di skad ces gsol to// bcom ldan
- 67b
'das kyis gong du bstan pa bzhin na ni sangs rgyas kyi mtshan thos na'ang sdig 'byang / chos kyi mtshan thos na'ang sdig 'byang/ dge 'dun gyi mtshan thos na'ang sdig 'byang bar 'gyur ro zhes 'byung na/ sangs rgyas kyi mthu lags sam/ chos kyi mthu lags sam/ dge 'dun gyi mthu lags sam/ sangs rgyas kyi mthu lags na ni sangs rgyas la gsol ba bgyi/ chos kyi mthu lags na ni chos la gsol bar bgyi/ dge 'dun gyi mthu lags na ni dge 'dun la gsol ba bgyi ba lags na/ gsum car la gsol pa bgyi ci 'tshal/ gong du gsungs pa'i theg pa gcig la so so'i skye bos rnam pa gsum du mthong ngo zhes 'byung na/ bcom ldan 'das nyid kyis kyang gsum du bshad na sems cad lta zhig ci smos zhes gsol pa dang / bcom ldan 'das kyis/ byang chub sems dpa' sems dpa' chen po seng ge'i sgra la 'di skad ces bka' stsal to/ / legs so legs so// rigs kyi bu sems can la phan pa dang bde ba'i phyir don de lta bu 'dri ba'ang shin tu legs te/ nyon cig/ ngas khyod la bye brag phyed par bshad do/ / sangs rgyas kyi mthu 'ba' zhig kyang ma yin/ chos kyi mthu 'ba' zhig kyang ma yin/ dge 'dun gyi mthu 'ba' zhig kyang ma yin te/ kun tshogs pa'i mthu bas sangs rgyas ni sems can gyi mgon skyabs kyi pha ma byang chub sems dpa' ni dge ba'i bshes gnyen yin no/ / sems can bslad pa can sems stor ba slar rnyed de 'khor ba la skyo nas/ dran pa'i mthu
- 68a
mang pos khams gsum na nyon mongs pa'i rgya mtsho las bskul par 'dod na/ phyogs su rgyas pa'i mdo sde 'dis bskal ba'i gru chen po byed do// de bas na rigs kyi bu sangs rgyas kyang chos so/ / chos kyang dge 'dun no// dge 'dun ni 'dus ma byas pa'o// 'dus ma byas pa ni stong pa nyid dang / 'dus byas kyi stong pa nyid dang / nang gi stong pa nyid dang / phyi'i stong pa nyid dang / chen po'i stong pa nyid dang / chung ngu'i stong pa nyid kyang stong pa nyid du 'dra ste/ de las gzhan med do// rigs kyi bu khyod zer blta na/ rnam pa gcig tu bsgrub pa'i rigs kyi bus rnam pa gsum du bsgrub ci dgos zhes bya ba ni/ rigs kyi bu 'di lta ste/ dper na mi gcig cig nam mkha' stong pas skrag ste/ gar phyin dgur gab kyang nam mkha' dang yong ma bral lo// rigs kyi bu phyogs bcu'i de bzhin gshegs pas bshad pa dang / ngas bshad do cog dge ba thams cad kyi rgyu dang / rkyen dang / dkon mchog gsum dang / theg pa gsum yang gcig las mi 'da' 'o// byang chub sems dpa' seng ge'i sgras gsal ba/ legs so legs so// bcom ldan 'das 'phags pas bstar ba ltar ni bdag snga nas 'tshal te/ sems can rnams kyi slad du don de zhu ba lags / / bcom ldan 'das kyis bka' stsal pa bzhin du mi gnyis mi gsum mo// thar pa chen po phyogs su rgyas pa'i chos kyi rnam grangs 'di ni sangs rgyas rnams kyi yum/ byang chub sems dpa'
- 68b
rnams kyi shul chen po/ rnal 'byor pa rnams kyi mig ste/ lta ba log pa rnams sdud pa dang / sems stor ba rnams skyong ba dang / ngan song gsum gyi sgo gcod pa dang / bla na med pa'i byang chub kyi sku 'byed pa dang / nyan thos rnams bzlog ste/ theg pa chen por 'dzud pa'i slad du/ bdag gis gzungs chen po'i sngags kyis bsrung zhing bskyab par bgyi'o// sdom pa ma nyams pa dang / mdo sde 'di la sgom zhing bslab par bgyid pa de la'ang bsrung zhing bskyab par bgyi'o/ / gal te gang zag la las mdo sde 'di la bsnyen bkur bgyid cing / dgung bdun gyi bar du smad pa spyod la/ bdud sdig can gyis 'khrug cing 'tshe ba'i glags lta ba mchis na/ bdud sdig can gyis glags kyi skabs mi rnyed par bgyi'o// bcom ldan 'das bdag mdo sde 'di la rim gro bgyis te/ yun ring por gnas par bgyi ba'ang / byang chub kyi snying po la mchis kyi bar du gnas par bgyi'o/ / bcom ldan 'das kyis bka' stsal pa/ rigs kyi bu khyod mdo sde 'di la rim gro bya ba ni/ dkon mchog gsum la rim gro bya ba dang 'dra'o// ston pa la'ang rim mo bya ba dang 'dra'o/ / de nas byang chub sems dpa' seng ge'i sbas/ bcom ldan 'das kyi spyan sngar gzungs sngags 'di skad ces smras so// na mo bud+d+hA ya/ na mo d+harma ya/ nam sad+d+ha ya/ a dan d+hi d+ha ra ni/ tad+ya thA/ ha A kA sha ni ba bI/ sarba d+harmA ni ba bI/ a sha ma d+ha/ pi pa sha na/ bi ma la su pa ri dar ma ni kha na/ ba ru ni tsa ye ta ma le tsa le/ hu lu hu lu/ shi
- 69a
de man tra swAhA/ sngags 'di dus gcig la lan rtsa brgyad bzlas shing / mchod rten la lan bdun bskor ba bgyi/ de ltar gdugs bdun gyi bar du mdo sde gzhan la mi bsam par/ gdugs gcig kyang dus gsum du phyogs su rgyas pa'i mdo sde 'di la sems rtse gcig tu bgyis te/ sems gzhan du mi g.yeng bar bgyi'o// bcom ldan 'das gzungs sngags 'di ni sangs rgyas khri phrag brgyad brgyas gsungs pa ste/ deng 'dir bdag gis kyang brjod pa lags so// gal te 'ga' zhig gzungs 'di la smod pa mchis na/ sangs rgyas de dag la smod par 'gyur ro// gzungs 'di la smod pa ni tshe rabs du ma'i bar du byang chub tu bsgrubs kyang 'grub par mi 'gyur te/ srid pa gsum las kyang mi 'da' 'o// de ci'i slad du zhe na/ sngags 'di ni sems dran pa nyams pa rnams sems skur rnyed pa dang / gzungs 'di lan cig tsam rna bar thos sam/ thos nas yi ger bris te/ sha dang chang mi 'tshal bar sdom pa la gnas shing / bdag nyid rtse 'jo la sogs pa spangs te/ 'du nang du mi 'jug la/ rgyun du byams pa chen po spyod cing bsam gtan la gces par 'dzin na/ gang zag de dpag tu ma mchis pa'i sgrib pa gsum gyi sdig lci ba rnams 'byang bar 'gyur ro// gzungs 'di thos ma thag tu sems thag pa nas blang ba dang / bcang ba dang / nyin re zhing klog pa dang / kha ton du bgyid pa dang / yi dam du mi bskyed par bgyid na/ gang zag de mngon par byang ma chub kyi bar du ngan song
- 69b
gsum du ltung bar mi 'gyur ro zhes gsol ba dang / bcom ldan 'das kyis/ byang chub sems dpa' seng ge'i sku la bka' stsal pa/ legs so legs so// rigs kyi bu khyod dkon mchog gsum gyi/ rim gro bya ba dang / byams pa'i sems kyis sems can rnams srid pa gsum las gdon pa dang / bslab pa mang po grangs med pa la phan pa dang / bde ba chen po bya ba'i phyir/ ston pa'i sgo 'byed cing log par lta ba rnams bzlog ste/ yang dag pa'i lta ba la 'dzud pa'i phyir/ gzungs sngags 'di bshad pa ni shin tu'ang legs so// rigs kyi bu sems can gang dag khyod kyi ming dang / sngags kyi sgra thos nas/ dad pa dang gus pa bskyed de mi smod na/ gang zag de tshe 'di nyid la'ang bde la/ 'chi 'phos na'ang rtag tu sangs rgyas thams cad mthong zhing / nga'ang mthong la khyed la sogs pa byang chub sems dpa' thams cad kyang mthong bar 'gyur ro/ / mngon par 'tshang rgya bar yang nges par rang gis rig ste/ the tsom med do// kun nas nyon mongs spangs pa dang // dge ba kun gyis lam bsgrubs te/ / sangs rgyas rang bzhin mthong ba yang // rnam dag dad pa'i dbang gis so// yang bcom ldan 'das kyis 'di skad ces bka' stsal to// nga mya ngan las 'das pa'i 'og tu/ rigs kyi bu 'am/ rigs kyi bu mo gang la las nyin gcig gam/ dus gcig gam/ mtshan gcig gam/ skad cig ma gcig la phyogs bcu dus gsum du gshegs pa'i sangs rgyas dang
- 70a
mdo sde bcu gnyis dang / byang chub sems dpa'i dge 'dun chen po rnams la phyag 'tshal zhing theg pa chen po tshul bzhin du yid la byed pa dang / don dam pa'i bden pa la bsams na/ gang zag de ni skad cig ma se gol gtogs pa tsam gyi mi dge ba bcu dang / mtshams med pa lnga dang / mnyam pa nyid la skur pa dang / kun nas nyon mongs pa'i las thams cad yongs su ma lus par 'byang bar 'gyur ro/ / gal te dge slong ngam/ dge slong ma 'am/ byang chub sems dpa' 'am/ dge sbyong ngam/ dge sbyong mas sems kyi rang bzhin stor nas/ ba bzhi dang / sdom pa brgyad nyams pa dang / mi dge ba bcu dang / mtshams med pa lnga byas pa dang / mnyam pa nyid la skur pa'i rnams phyogs bcu dus gsum du gshegs pa'i sangs rgyas kyi mtshan// la dad pa bskyed de phyag 'tshal na/ 'di lta bu'i las ngan pa kun ma lus par 'byang bar 'gyur ro// de skad bka' stsal ma thag tu sngon sangs rgyas 'od mi 'gyur gyi dus na/ rgyal bu dge mthong zhes bya ba de'i tshe mi sum stong dang lhan cig tu skad cig mar der lhag nas/ / bcom ldan 'das kyi zhabs la mgo bos gtugs te phyag 'tshal nas/ tshig 'thun par bcom ldan 'das la 'di skad ces gsol to// bdag cag bskal pa grangs ma mchis pa nas/ kun nas nyon mongs pa'i las bgyis pa lta zhig bshad kyis mi rdzogs te/ mi dge ba bcu dang / mtshams ma mchis pa lnga dang / mnyam pa nyid la
- 70b
skur pa'i sdig grangs ma mchis par bgyis par de dag de bzhin gshegs pa'i mdo sde bcu gnyis la brten nas/ byang chub sems dpa'i dge 'dun rnams kyi spyan sngar 'thol te/ 'gyor tshangs su gsol zhing mchis na/ skabs dbye bar ci gnang zhes gsol nas/ bcom ldan 'das kyis bka' stsal pa/ legs so logs so// rigs kyi bu 'jigs pa'i sems bskyed pa'ang dka' la/ dge ba'i rtsa ba bskyed pa'ang dka' ste/ mi dge ba bcu dang / mtshams med pa la 'thol zhing 'chags par 'dod pa ni/ log spyod la sogs pa'ang sangs rgyas kyi bdag nyid mthong du nye bas/ yid la dran pa bzhin du 'brel zhing bshags shig/ de nas rgyal bu dge mthong la sogs pa mi sum stong gis bcom ldan 'das skabs dbye bar gnang ba byams pa'i sems thos nas/ gos tshags bcos te thal mo sbyar cing phyag 'tshal nas/ bla gos phrag pa g.yas su gzar te/ pus mo g.yas pa'i lha nga sa la btsugs nas/ bcom ldan 'das la 'di skad ces gsol to// bcom ldan 'das bdag cag phyogs bcu'i sangs rgyas la skyabs su mchi'o/ / phyogs bcu'i chos la skyabs su mchi'o// phyogs bcu'i dge 'dun la skyabs su mchi'o// yang 'di lta ste/ shar phyogs kyi sangs rgyas 'khrugs mi mnga' la phyag 'tshal zhing skyabs su gsol lo/ / lho phyogs kyi sangs rgyas rin chen 'byung gnas la phyag 'tshal zhing skyabs su gsol lo// nub phyogs kyi sangs rgyas 'od dpag med la phyag 'tshal
- 71a
zhing skyabs su gsol lo/ / byang phyogs kyi sangs rgyas don yod grub pa la phyag 'tshal zhing skyabs su gsol lo// bla ma phyogs kyi sangs rgyas dri brtsegs la phyag 'tshal zhing skyabs su gsol lo/ / 'og ma phyogs kyi sangs rgyas gzugs brnyan 'bum la phyag 'tshal zhing skyabs su gsol lo// yang shar phyogs na skyes bu chen po kun tu bzang po la phyag 'tshal zhing skyabs su gsol lo/ / lho phyogs na skyes bu chen po 'jig rten 'dzin la phyag 'tshal zhing skyabs su gsol lo// nub phyogs na kun tu spyan ras gzigs dbang phyug la phyag 'tshal zhing skyabs su gsol lo// byang phyogs na zla gang la phyag 'tshal zhing skyabs su gsol lo// bla ma phyogs na nam mkha'i snying po la phyag 'tshal zhing skyabs su gsol lo// 'og ma phyogs na skyes bu chen po brtan pa la phyag 'tshal zhing skyabs su gsol lo/ / yang bdag cag gi mkhan po de bzhin gshegs pa 'od mi 'gyur ba la'ang phyag 'tshal zhing skyabs su gsol lo// ma byon pa'i sangs rgyas kyi bdag nyid la phyag 'tshal zhing skyabs su gsol lo/ / phyogs gzhan na sangs rgyas sprul pa'i sku la phyag 'tshal zhing skyabs su gsol lo// da ltar bdag cag gi mkhan po bcom ldan 'das shAkya thub pa la'ang phyag 'tshal zhing skyabs su gsol lo// skyes bu chen po dri ma med par grags pa dang / 'jam dpal gzhon nu labang phyag 'tshal zhing skyabs su gsol lo// 'phags pa dga' bo dang 'od srungs la'ang skyabs su gsol lo// 'phags pa'i 'bras
- 71b
bu rnam bzhi mngon par byang ba rnams la'ang skyabs su gsol lo/ / byang chub kyi sems dang po bskyed pa rnams la'ang skyabs su gsol lo// sde snod chen po gsung rab mdo sde bcu gnyis dang / mnyam pa nyid yang dag pa'i mdo sde gzhan bzhugs so 'tshal la'ang phyag 'tshal zhing skyabs su gsol lo// cha brgyad du bgos pa'i sku gdung ring bsrel dang bcas pa'i mchod rten la'ang phyag 'tshal zhing skyabs su gsol lo/ / de ltar na sku gzugs bzhugs pa thams cad la phyag 'tshal zhing skyabs su gsol lo// phyogs bzhi'i rgyal po chen po bzhi dang / tshangs pa dang / brgya byin dang / sum cu rtsa gsum gyi lha'i dbang phyug dang / bar snang na gnas pa'i lha dang / sa'i lha dang / ri dang / nags tshal dang / shing drung gi lha dang / drang srong dang / rdzu 'phrul gyi rkang pa dang ldan pa rnams dang / lha'i spyan mnga' ba rnams dang / lha'i snyan mnga' ba thams cad kyi snyan gyis gsan cing mkhyen par mdzod cig/ kun dpang du gsol te/ sems can thams cad la ma mthol ma bshags pa zhig mchis na'ang / sdig pa thams cad byang bar 'gyur cig/ yang 'di skad ces smras te/ bdag cag thog ma ma mchis pa nas/ da ltar gyi lus ngan pa 'di thob kyi bar du nor cing 'khrul pa'i sems kyis phyin ci log tu lta ba dpag tu ma mchis/ nyon mongs pa dang / mi dge ba'i las bgyis pa brjod kyis mi lang ste/ sdig pa'i tshogs bgyis so 'tshal rang gis ma tsher ma rig pas ngan
- 72a
sems rab tu rgyus te/ tshe phyi ma ma mthong zhing tshe 'di 'ba' zhig mthong bas/ nyon mongs pa'i bag chags la mos te dge ba'i rtsa ba dang ring du gyur cing / las ngan pas bar du cho nas/ sdig pa'i grogs po dang bsten cing / dge slong dang / dge slong ma la mi rigs mi tshul ba'i las bgyis pa dang / pha dang ma la mi rigs mi tshul ba'i las bgyis pa dang / yang bdag nyam rangs kyi dbang gis dge 'dun gyi dkor nor thugs thub tu spyad pa dang / dge 'dun sde lnga la mi rigs mi tshul bar bgyis pa dang / 'jig rten pa'i kun nas nyon mong pa'i 'bras bu dpag tu ma mchis par bshags 'am/ byang chub kyi dge ba'i rtsa ba dang ldan pa'i sems can bkum pa 'am/ chos kyi slob dpon la skur te/ chos la chos ma lags zhes skur/ chos ma lags pa la chos lags zhes brjod/ de bzhin gshegs pa la ni mi rtag ces bgyis/ dam pa'i chos la'ang mi rtag go zhes bgyis/ dge 'dun dkon mchog kyang mi rtag go zhes bgyis/ sbyin pa dang shes rab la ni ma mos/ log pa'i chos la dad cing 'dzin pa de dag gi slad du/ deng 'jigs shing skrag pa dpag tu ma mchis/ khrel zhing ngo tsha ba'ang dpag tu ma mchis te/ dkon mchog gsum la skyabs su gsol lo// sangs rgyas bcom ldan 'das ni byam pa dang thugs rje mnga' ste/ phyogs su snyoms pa'i yab yum lags/ byang chub sems dpa' rnams ni dge ba'i bshes gnyen lags na/ bdag cag gis sdig pa bskal pa grad ma mchis pa'i 'khor
- 72b
ba nas bgyis pa mthol zhing bshags par 'tshal na/ gnang ba'i skabs dbye bar gsol zhing slan chad kyang mi bgyid par smon to// yang 'di lta ste/ bcom ldan 'das bdag cag bskal pa dpag tu ma mchis pa tshun chad mtshams ma mchis pa lnga bgyis pa dang / sangs rgyas dus gsum du gshegs pa'i bslab pa zhig par bgyis pa dang / log spyod kyi spyod pa spyad pa dang / ngag rtsub mo gtong ba dang / dam pa'i chos la skur pa 'debs pa'i las ngan pa de dag 'gyod cing 'thol ma myong ste/ sems la gnod pa 'am/ ngo tsha ba ma mchis par mi dge ba bcu dang / mtshams ma mchis pa lnga la sogs pa'i sdig pa mi dge ba'i las lci ba nges par bgyis par rang gis 'tshal kyang / nongs pa bcabs nas/ 'jigs shing skrag pa dang / gnong zhing ngo tsha ba'i sems thog ma nas ma mchis par/ dad pa can gyi mchod pa blangs nas/ 'thol zhing bshags ma myong ste/ dam pa'i chos yun du btsugs te/ rim gro bgyi ba'i sems ma mchis par rtag tu smod cing / brnyas pa dang / ngag gi sgo nas kun nas nyon mongs pa'i nongs pa mang po bgyis pa dang / ched na dkon mchog gsum yang med do zhes brjod pa dang / mi dge ba bcu dang / mtshams ma mchis pa'i sdig de dag bgyis pa'i slad du/ deng 'jigs shing skrag pa dpag tu ma mchis/ gnong zhing khrel ba dpag tu ma mchis te/ dkon mchog gsum la skyabs su gsol lo// sangs rgyas bcom ldan 'das ni byams pa dang thugs rje mnga' ste/
- 73a
phyogs su snyoms pa'i yab yum lags/ byang chub sems dpa' rnams ni dge ba'i bshes gnyen lags na/ bdag cag gi sdig pa bskal pa grangs ma mchis pa'i 'khor ba nas bgyis pa/ mi 'chab pa'i sems kyis 'thol zhing bshags par 'tshal na/ gnang ba'i skabs dbye bar gsol/ slan chad kyang mi bgyid par smon to// yang 'di lta ste/ bcom ldan 'das bdag cag bskal pa grangs ma mchis pa tshun chad phyin ci log tu di lta ste/ rtsa ba bzhi ni sbom por bshad/ sbom po ni rtsa ba bzhir bshad/ zhig pa rnams ni ma zhig par bshad/ ma zhig pa rnams ni zhig par bshad/ lci ba rnam ni yang bar bshad// yang ba rnams ni lci bar bshad/ dag pa rnams ni ma dag par bshad/ ma dag pa rnams ni dag par bshad pa dang / yang log par lta bas 'jig rten pa'i gtsug lag la bstod cing bsngags nas/ chos dang mdo sde la ni ma gus te/ sme ngan gyi gtam rtag tu gleng zhing brjod pa dang / ma brtags pa'i nor rnam pa brgyad pa 'chang ba dang / de bzhin gshegs pa'i bka' yang dag pa ni bdud kyi tshig go zhes bgyis pa dang / bdud kyi tshig yang dag pa ni de bzhin gshegs pa'i bka' zhes bgyis pa dang / mu stegs mkhan gyi tshig la'ang yid ches par 'dzin pa dang / de bzhin gshegs pa mthar mya ngan las 'das te med pas/ dkon mchog gsum yang mi rtag go zhes bgyis nas lus dang sems 'khrul cing / phyin ci log tu lta ba dpag tu ma mchis pa'i slad du deng 'jigs shing skrag pa'ang dpag tu
- 73b
ma mchis/ gnod zhing ngo tsha ba'ang dpag tu ma mchis te/ dkon mchog gsum la skyabs su gsol lo// sangs rgyas bcom ldan 'das ni byams pa dang thugs rje mnga' ste/ phyogs su snyoms pa'i yab yum lags/ byang chub sems dpa' rnams ni dge ba'i bshes gnyen lags na/ bdag cag gis sdig pa bskal pa grangs ma mchis pa'i 'khor ba nas bgyis pa de dag mi 'chab pa'i sems kyis 'thol zhing bshags par 'tshal na/ gnang ba'i skabs dbye bar gsol/ slan chad par mi bgyid par smon to// yang 'di lta ste/ bcom ldan 'das bdag cag bskal pa dpag tu ma mchis pa nas// tshe lus 'di la thug gi bar du/ dge 'dun gyi spyi'i nor ram/ phyogs bcu'i dge 'dun gyi nor ram/ da ltar bzhugs pa'i dge 'dun gyi nor ram/ dge 'dun sde lnga'i nor ram/ dge slong gang zag gi nor ram/ yon bdag thams cad kyi nor rdzas la brkus pa 'am/ rang nyam du spyad pa dang / yang rang smos te/ bdag gis dam pa'i chos bsam gtan bzhi 'am/ 'bras bu bzhi ma thob par thob bo zhes smras pa la sogs pa rkyen de lta bu'i las ngan pa mi dge ba'i rgyu rkyen du gyur te/ khyim nas khyim med par rab tu byung na'ang / pham pa bzhi dang / sdom pa brgyad dang / lcib drug dang / dge 'dun gyi lhag ma bcu gsum dang / ma nges pa'i chos gnyis dang / spang ba'i lhung ba sum cu dang / ltung ba dgu bcu dang / so sor bshags pa bzhi dang / bslab pa mang po dang / bdun shin tu zhi ba'i
- 74a
chos rnams te/ tshul khrims de dag re re la nyes byas nas/ pham pa la thug gi bar du nyams pa dang / mtshams ma mchis pa lnga bgyis pa dang / dam pa'i chos dang / mdo sde zab mo la skur pa dang / log spyod kyi spyod pa spyad nas/ nongs pa bcabs te/ 'gyod cing 'thol ma myong bas/ nyin mtshan du 'phel zhing skye ba/ sngon rgyal ba dag gis bshad pa las thos pa ni/ dam pa'i chos la skur pa 'am/ mtshams ma mchis pa lnga bgyis pa 'am/ rtsa ba bzhi pham par gyur pa rnams ma bshags ma 'thol na/ sems can dmyal bar nges par lhung ste/ de bzhin gshegs pa dang / byang chub sems dpa' rnams dang / nyan thos dang rang sangs rgyas kyis kyang skyabs mdzad par mi 'gyur/ dge 'dun dang / pha ma dang / lha rnams dang / mi rnams kyis kyang skyabs dang bor ba bgyid mi nus so/ zhes 'byung ba ni/ de'i slad du deng 'jigs shing skrag pa dpag tu ma mchis/ gnong zhing ngo tsha ba dpag tu ma mchis te/ de'i slad du deng dkon mchog gsum dang / 'das pa'i sangs rgyas rin chen mang dang / ma 'ongs pa'i sangs rgyas stong dang / da ltar bzhugs pa'i sangs rgyas sprul pa'i sku shAkya thub pa la skyabs su gsol lo// sangs rgyas bcom ldan 'das ni byams pa dang thugs rje'i mnga' bdag ste phyogs su snyoms pa'i yab yum lags/ byang chub sems dpa' rnams ni dge ba'i bshes gnyen lags na/ bdag cag bskal pa dpag tu ma mchis pa tshun chad kyi nyon mongs pa'i sgrib pa dang / las
- 74b
kyi sgrib pa dang / shes bya'i sgrib pa dang / pham pa bzhi dang / mtshams ma mchis pa dang / mi dge ba bcu la sogs pa'i sdig lci ba rnams 'thol zhing bshags par 'tshal na/ gnang ba'i skabs dbye bar gsol/ yang 'di lta ste/ bcom ldan 'das deng bdag gis sems can rnams dang / bdag cag gis rang rang gi slad du/ phyogs bcu'i rgyal ba'i spyan sngar 'thol shing bshags par 'tshal lo// sems can thams cad kyis bskal pa dpag tu ma mchis pa tshun chad/ de bzhin gshegs pa rnams dang / pha ma'i drin glo bar ma chud pa dang / rnam par byang ba'i chos ma 'tshal te/ mi dge ba sna tshogs bgyis pa dang / rang gi rigs bsnyams te/ dregs shing rgyags pa'i tshe/ kun nas nyon mongs pa'i las nyam bag tu bgyis kyang / nongs par ma mthong ba'i/ skye bo blun po'i las bgyis pa dang / sdig pa'i bshes gnyen la bsten cing / nyon mongs pas sems 'khrug pa dang / 'dod pa lnga'i yon tan la chog ma 'tshal te/ mi dge ba'i las rnams bgyis pa dang / 'gro ba bzang mos bslus te/ 'dod chags dang / zhe sdang dang / gti mug gi nyon mongs pas gzir cing / sems 'khrugs te/ spros pa dang / lus dang / ngag dang / yid gsum gyi sgo nas bsags pa'i las mi dge ba bdag rang gis bgyis pa dang / gzhan bgyid du stsal ba dang / bgyid pa la rjes su yi rang ba de dag thams cad deng so sor 'chags so// 'thol lo// mi 'chab bo// sangs rgyas dang /
- 75a
chos dang / 'phags pa'i dge 'dun la bsnyen bkur ma bgyis pa'i sdig pa'ang deng so sor 'chags so// 'thol lo// mi 'chab bo// byang chub sems dpa' dang / rang sangs rgyas la'ang bsnyen bkur ma bgyis pa'i sdig pa'ang deng so sor 'chags so// 'thol lo// mi 'chab bo// ma rig pa'i dbang gis dam pa'i chos la skur pa btab pa dang / pha ma dang / mkhan po dang / slob dpon gyi drin glo bar ma chud pa'i slad du/ bsnyen bkur ma bgyis pa'i sdig pa de dag kyang deng so sor bshags so// 'thol lo// mi 'chab bo// blun zhing rmongs pas bsgribs te/ nyam rang dang rgyags pas mi dge ba sna tshogs bgyis pa'i sdig pa de dag kyang deng so sor 'chags so// 'thol lo// mi 'chab bo// slan chad kyang mi bgyid do// phyogs bcu'i sangs rgyas thams cad la bdag cag gis yon phul zhing mchod pas ni/ ma lus pa'i sems can de dag kun sa bcu la 'khod de/ de bzhin gshegs pa dgra bcom pa yang dag par rdzogs pa'i byang chub tu mngon par rdzogs par 'tshang rgya bar gyur cig/ de nas bcom ldan 'das kyis/ rgyal bu dge mthong la 'di skad ces bka' stsal to// legs so// skyes bu chen po rang gi las legs nyes kyi rtog pa la mkhas te/ kun nas nyon mongs pa'i las la 'jigs pa dang skrag pa skyes nas/ nyes pa rnams mngon par 'thol ba'i slad du/ sems can gyi sdig pa mang po'ang khyod kyis 'thol zhing bshags pa'i phyir/ khyod ni skyes bu dam pa
- 75b
yang dag pa zhes bgyi'o/ / rang gi nyon mongs pa'ang spong ba'i steng du/ sems can gyi kun nas nyon mongs pa'ang ring du dpral bar byas pas/ de'i phyir khyod ni skyes bu dam pa yang dag pa zhes bya ba yin/ te/ rang gi don du smos pa yin gyi/ thog mar sems can thams cad kyi don du bla na med pa yang dag par rdzogs pa'i byang chub tu mngon par rdzogs par 'tshang rgya bar smon lam btab pa'i phyir/ khyod ni// skyes bu dam pa yang dag pa zhes bya'o// de nas rgyal bu dge mthong la sogs pa mi sum stong gis 'gyed 'tshangs bgyis pa'i 'og tu/ bcom ldan 'das la tshigs su bcad de 'di skad ces bstod do// bcom ldan nyag gcig gtso bo'i mchog/ khams gsum pha ma thams cad mkhyen// thams cad mi mnyam mnyam pa nyid/ bcom ldan dkon la phyag 'tshal lo// skye bo sbyin gtong rang gi phyir/ nor rdzas byin cing lan yang re// byams chen rgyal ba de min te// dgra gnyen byams sdang phan snyoms mdzad// rkang gnyis nang na rgyal ba btsun// shes rab spun gyis mkhyen gzigs la// brtson 'grus che bdag skyabs su mchi// lha rnams shes rab de ma 'tshal// 'das dang ma byon da ltar bzhugs// rgyal ba kun la bdag phyag 'tshal// de bzhin rgyal la skyabs gsol pa'ang / dus gsum rgyal ba mchod pa bzhin// de nas phyogs bcu'i sangs rgyas rnams kyis/ rgyal bu dge mthong dang / mi sum stong la tshigs su bcad de bstod pa/ gang zhig sangs rgyas 'grub 'dod pa/
- 76a
mang du thos pa 'brang bar byos// slob dpon dge la bkur byas na// sangs rgyas grub pa sun mi rang // gang zhig tshul khrims rnam dag spyod// de ni dge slong yang dag yin/ gang zhig stong par sgom nus pa// de ni ting 'dzin thob ces bya// gang zhig brtson 'grus spyod nus pa// de ni byang chub spyod pa'o// gang zhig mya ngan 'da' 'gyur ba// de ni dga' ba yang dag pa'o/ / tshul khrims 'dzin pa'i dge slong dang // rnam dag khrims 'dzin dge slong ma// zla ba phyed cing gso sbyong byos// chos gos rnam pa lus gyon te// lhung bzed gseg shang thogs nas su/ rnam dag bsod snyoms 'gro byas na// lha rnams kun kyang dgar 'gyur bas// thal mo sbyar cing bus phyag 'tshal// ngos kyang lha dang mi rnams kun// de yi bya ba byed du gzhug/ dper na lha bran thams cad kyis/ / lha yi dbang po brgya byin la// rim mo gus par byed pa bzhin// da ltar 'phral du'ang lan thob ste// phyi ma'i dus su'ang dpag tu med// rab tu byung zhing khrims 'dzin pa// sangs/ rgyas drin lan yon zhes bya// rgyal bu dge mthong 'di lta ste// nga dang sems pa ma gtogs par// 'jig rten pa yi mi kun gyis// rnam dag dad pa'i sems bskyed do// phyogs bcu'i sangs rgyas de dag na/ / mya ngan mi 'das rtag tu bzhugs// chos dang dge 'dun de bzhin te// de ltar mngon par shes pa ni// sangs rgyas drin lan len zhes bya// rgyal bu dge mthong 'di lta ste// 'jig rten pa
- 76b
yi mi dag kun/ / rnam par 'byed pa'i sems med cing // theg pa gcig lam mngon par shes// 'das pa dang ni ma 'ongs pa// phyogs bcu dang ni da lta'i rnams// sangs rgyas theg pa gcig/ pubupul// gnyis sam gsum zhes bya med par// de ltar yid la bskyed nas su// sems kyis rnam par mi rtog na// de lta bu yi mi rnams ni// rgyal ba'i drin lan lon zhes bya// rgyal bu dge mthong 'di lta ste/ / gang zag la la 'ga' zhig gis// sangs rgyas mya ngan 'das phyin// rtag tu dad pa'i sems bskyed de// sems can kun la sangs rgyas kyi// bdag nyid yod par bshad pa ni// de lta bu yi gang zag rnams/ / rgyal ba'i drin lan yon zhes bya// gang zhig skad cig dge spyod cing // lha yi 'bras bu mi re ste// cig car bla med lam bsgrubs na// rgyal ba'i drin lan lon zhes bya/ rgyal bu dge mthong 'di lta ste// sangs rgyas mya ngan 'das phyin// gal te gang zag 'go' zhig gis// yud tsam mdo sde 'di bklags te// dkon mchog gsum la gus byas shing // mkhan la sri zhu mchod byas na/ / de lta bu yi gang zag rnams// rgyal ba'i drin lan lon zhes bya// gang zhig nor rdzas sna 'ga' 'am// kha zas dang ni gos kyi rnams// kun la khyab par sbyin byas na// rgyal ba'i drin lan lon zhes bya/ / rgyal bu dge mthong 'di lta ste// nga yi chos rnams 'jig pa na// gang zhig 'ga' la blo bstan nas// yud tsam mdo sde 'di mnyan na// byang chub sems dpa' 'bum
- 77a
brgyal/ / mchod pa phul bas de lhag go// theg chen mdo sde 'di dag kyang // sangs rgyas byang chub kun gyi yum// sangs rgyas byang chub sems dpa' dang // mdo sde 'di dran byas te/ / snyoms sems phan tshun gnyis med na// rgyal ba'i drin lan lon zhes bya// rgyal bu dge mthong 'di lta ste// gang zhig chos 'di 'jig pa'i tshe// rgyal ba'i drin lan bla na 'dod pas/ / skad cig yud tsam sgom byed pas// stong khams gang ba'i sems can gyi// srog gi sbyin pa byin pa bas// bsam gtan bsgom pa yon tan che// gang zhig bsgom la skur pa dang / dge 'dun 'khrugs par byed pa ni// stong khams gsum po gang ba yi// mi rnams kyi ni srog bcad dang // srog chags thams cad bsad dang 'dra// bsgom dang dge 'dun dkrugs skur na// de yi sdig kyang de bzhin no// gang zhig dge sbyong mthong ba la// skur pa 'debs shing ma dad pa// dkon mchog gsum gyi rigs gcod pas// des ni rgyal ba'i lan mi ldon// de nas rgyal bu dge mthong dang / mi sum stos// bcom ldan 'das rnams kyis bstan par gnang ba/ dga' ba'i tshim nas bstan pa nyid spyi bos blangs te/ tshigs su bcad pa 'di skad ces gsol to// bcom ldan 'das kyis bstan pa la/ / gang med lags shing gang mi med// mad dang mi mad gnyis ka yang // dngos por dmigs su yong ma mchis// yang dag mtshan nyid de lta bu// chos rnams kun dang ma 'gal
- 77b
lo/ / sems can kun la byams slad du// thabs kyis chos kyi 'khor lo bskor// 'phags pa gang nas byon pa nas// de bzhin gshegs pa'ang de nas byon// yang dag mtshan nyid ji lta ba// de bzhin gshegs pa'ang de bzhin no/ / 'phags pa kun gyi bden tshig ltar// de bzhin gshegs pa'ang de bzhin bshad// de yi slad du rgyal ba'i mtshan// de bzhin gshegs zhes bgyi ba lags// bzod pa'i go cha brtan pa'i sems/ / sra ba'i gzhu stobs brtson 'grus che// rno ba'i mda' ni shes rabs mgyogs// le lo'i dgra rnams 'joms mdzad cing // 'jig rten lha dang mi rnams kyi// mchod yon phul ba bzhes pas na/ / de yi slad du rgyal ba'i mtshan// dgra bcom pa zhes bgyi ba lags// rab tu sdug bsngal mtshan nyid mkhyen// sdug bsngal rgyu yang shin tu mkhyen// sdug bsngal zhi ba'i mtshan nyid dang / / zhi ba'i tshul yang rab tu mkhyen// 'phags pa'i bden bzhi mkhyen pas na// 'gyur ba ma mchis bden par nges// de bas phyogs bcu'i nang na yang // mtshan ni yang dag rdzogs zhes bgyis/ / rig pa gsum po mchog brnyes pas// spyod lam rnam dag yang dag ldan// de slad mtshan ni bcom ldan 'das// mkhyen dang zhabs su ldan zhes bgyi// chos rnams thams cad kun mkhyen cing / / dam pa'i chos nyid rab brnyes paso// thams cad kun la byams slad du// dus skabs skyer ba thabs kyis bshad// skye rgan 'chi rab bsal cing /
- 78a
bde ba'i gnas su phyin par mdzad// de yi slad du rgyal ba'i mtshan// bde bar gshegs zhes bgyi ba lags// 'jig rten gang nas mchis pa dang // 'jig rten pas pa'i mtha' yang mkhyen/ / de yi slad du rgyal ba'i mtshan// 'jig rten mkhyen ces bgyi ba lags// thugs rje chen pos sems can bsgral// mnyen des dge ba bstan cing btul// de yi slad du rgyal ba'i mtshan/ / skyes bu 'dul ba'i kha lo sgyur// tshul khrims ting 'dzin shes rab can// thub cing bla ru 'da' ba med// de yi slad du rgyal ba'i mtshan// bla na med ces bgyi ba lags/ nyon mongs mi mnga' shes rab ldan// rnam grol dam pa mchog bshad pas// de yi slad du rgyal ba'i mtshan// lha dang mi yi ston ces bgyi// dus gsum g.yo 'am mi g.yo la// bas sam mabs chos kun kyang / / byang chub shing drung kun mkhyen pas// de yi slad du mtshan sangs rgyas// de nas phyogs bcu'i sangs rgyas rnams rdzu 'phrul chen po'i ting nge 'dzin du zhugs nas// sku nam mkha' la 'phags te/ zhal so so nas tshig 'thun par 'di skad ces bka' stsal to// kye rgyal bu dge mthong dang / mi sum stong po khyed rnams kyi sdig gi rang bzhin ni nang na'ang mi gnas/ phyi rol na'ang mi gnas/ bar na'ang mi gnas so/ / sems brtan pa'i phyir dge ba'i mthu yang brtan no// sems rnam par grol ba'i phyir/ sdig gi rang bzhin yang rnam par grol lo// shes rab stong pa nyid kyi phyir// sdig gi
- 78b
rang bzhin kyang stong pa nyid do/ / dad pa'i mthu che ba'i phyir/ bsod nams kyi mthu yang che'o// de bzhin du mthol bshags te 'gyod tshangs nus pa ni/ nged rnams mthong ba'i steng du/ sangs rgyas rin chen mang / dang / sprul pa'i sku thams cad kyang mthong bar 'gyur ro// 'gyod tshangs kyis sdig sbyangs pas/ rgyun du nga'ang mthong la/ deng byang chub sems dpa' rnams la bstan bcos pa dang 'dra bar/ de bzhin du 'gyod tshangs byas pa ni/ nga dang sprul pa'i sku rnams dang / 'das pa'i sangs rgyas rin chen mang la sogs pa thams cad kyang dgyes par 'gyur ro// phyogs bcu dus gsum gyi sangs rgyas mthong ba dang / mchod pa byas par 'gyur ro/ / de dag kyang dgyes par 'gyur te/ theg pa chen po'i mdo sde 'di'i rjes su byang chub tu chud par 'gyur ro// bcom ldan 'das kyis/ 'khor zhabs 'bring ba rnam pa bka' stsal pa/ sdig can rnams kyis sdig bshags par 'dod na// rgyal bu dge mthong bzhin du dus gsum gyi sangs rgyas dang / mdo sde bcu gnyis dang / byang chub sems dpa'i dge 'dun chen po rnams la re re nas dmigs te phyag 'tshal ba/ nga dang phrad pa dang 'dra ba 'am/ mthong ba dang 'dra bar 'du shes bskyed de/ sangs rgyas gcig gam/ sangs rgyas gnyis sam/ sangs rgyas bcu 'am/ sangs rgyas brgya 'am/ sangs rgyas stong ngam/ sangs rgyas khri 'am/ sangs rgyas grangs med pa'i 'du shes bskyed de/ mthong ba dang 'dra bar dmigs la/ de bzhin du re re nas kyang dmigs te/ sems kyis phyag
- 79a
'tshal na/ de dag gis bsod nams dpag tu med pa'ang thob par 'gyur la/ 'khor ba'i sdig lci ba thams cad kyang sel bar byed do// bskal pa grangs med pa'i bar du ngan song gsum du lhung bar mi 'gyur/ sangs rgyas kyi chos la bde bar gnas par 'gyur bar yang nges te/ the tsom med do// de'i phyir sdig pa rnams 'thol zhing bshags par byas la/ sems thag pa nas dang pab bskyed na/ gdon mi za bar sdig 'byang bar 'gyur ro// de nas rgyal bu dge mthong dang / mi sum stong gis cig car du skad bskyed de/ bcom ldan 'das la tshigs su bcad de bstod pa 'di skad ces gsol to/ / bcom ldan byams shing thugs rje che// shAkya'i gdung rigs chos kyi rje// tshogs kyi nang na seng ge'i sgras// khyab par sems can bsdus pa ni// pa la gzigs pa bu gcig bzhin/ / rnam par 'byed pa yod ma mchis// de lta bu yi bla med pa// mthong nas de slad gus phyag 'tshal// de nas bcom ldan 'das kyis/ rgyal bu dge mthong dang // mi sum stong rnams la 'di skad ces bka' stsal to/ / rigs kyi bu dag khyed rnams 'di ltar 'gyod tshangs byas te/ mi 'chab pa'i sems kyis 'thol zhing bshegs pas/ da ni byang chub sems dpa' zhes bya'o/ / khyed rnams ma 'ongs pa'i dus na/ gdon mi za bar sangs rgyas su 'grub bo// rigs kyi bu yang 'di lta ste/ nga mya ngan las 'das pa'i 'og tu gang zhig sems thag pa nas phyogs bcu'i de
- 79b
bzhin gshegs pa rnams dang / mdo sde bcu gnyis dang / byang chub sems dpa'i dge 'dun rnams la phyag 'tshal bar nus pa ni/ dkon mchog gsum gyi drin gyi lan lon zhes bya ste/ de ma thag tu mi dge ba bcu dang / mtshams med pa lnga dang / mnyam pa nyid la skur pa'i sdig 'byung bar gyur nas/ rgyun du zhugs par 'os pa ni/ rgyun du zhugs pa'i 'bras bu sbyin no// lan cig phyir 'ong bar 'os pa ni/ lan cig phyir 'ong ba'i 'bras bu sbyin no// phyir mi 'ong bar 'os pa ni/ phyir mi 'ong ba'i 'bras bu sbyin no// dgra bcom par 'os pa ni/ dgra bcom pa'i 'bras bu sbyin no// rang sangs rgyas su 'os pa ni/ rang sangs rgyas kyi 'bras bu sbyin no// byang chub sems dpar 'os pa ni/ byang chub sems dpa'i 'bras bu sbyin no// da ltar mdo sde 'di'i nang na/ byang chub sems dpa' sems dpa' chen po rnams skye ba gcig gis yang dag pa'i mtshan nyid thob pa'ang / phyogs bcu dus gsum gyi sangs rgyas rnams la phyag 'tshal ba'i yon no// byang chub sems dpa' skye ba gnyis kyis chos kyi dbyings tho nga / dus gsum gyi sangs rgyas rnam la yon no// byang chub sems dpas yang dag pa'i mthar phyin pa'i ye shes thob pa'ang dus gsum gyi sangs rgyas rnams la phyag 'tshal ba'i yon no/ / byang chub sems dpa' la las don dam pa'i bden pa khong du chud pa'ang / dus gsum gyi sangs rgyas rnams la phyag 'tshal ba'i yon no// byang chub sems dpa'
- 80a
la la dpa' bar 'gro ba'i ting nge 'dzin dang ldan pa'ang / dus gsum gyi sangs rgyas rnams la phyag 'tshal ba'i yon no// byang chub sems dpa' la las nam mkha'i mdzod kyi ting nge 'dzin dang / ye shes kyi phyag rgya'i ting nge 'dzin dang ldan pa'ang / dus gsum gyi sangs rgyas rnams la phyag 'tshal ba'i yon no// byang chub sems dpa' la la phyir mi ldog pa'i bzod pa dang / chos sbyin gyi bzod pa dang / chos sbyin gyi dbyings dang ldan pa'ang / dus gsum gyi sangs rgyas rnams la phyag 'tshal ba'i yon no// byang chub sems dpa' la la gzungs dran pa chen po'i sems dang / rang gis rig pa'i ye shes dang ldan pa'ang / dus gsum na bzhugs pa'i sangs rgyas rnams la phyag 'tshal ba'i yon no// byang chub sems dpa' la la seng ge'i sgra'i ting nge 'dzin dang / rdo rje'i ting nge 'dzin dang / ye shes lnga'i phyag rgya'i ting nge 'dzin dang ldan pa'ang / dus gsum du gshegs pa'i sangs rgyas rnams la phyag 'tshal ba'i yon no// byang chub sems dpa' la la mnyam pa nyid kyi ting nge 'dzin dang / byams pa chen po dang / snying rje chen po dang / bla na med pa yang dag par rdzogs pa'i sangs rgyas kyi spyod lam dang ldan pa'ang / dus gsum du gshegs pa'i sangs rgyas rnams la phyag 'tshal ba yin no/ / de nas byang chub sems dpa' sems dpa' chen po chos kyi rje 'jam dpal gyis/ bcom ldan 'das la 'di skad ces gsol to// bcom ldan 'das sems can thams cad nor cing
- 80b
'khrul pas sems 'khrugs te/ mi dge ba dang / mtshams ma mchis pa bgyis pa rnams ji ltar bgyis na sdig 'byang bar 'gyur zhes gsol pa dang / bcom ldan 'das kyis/ 'jam dpal la bka' stsal pa/ gong du bstan pa yin te/ gang la las phyogs su rgyas pa'i chos kyi rnam grangs 'di dang / phyogs bcu dus gsum gyi sangs rgyas dang / mdo sde bcu gnyis dang / byang chub sems dpa' rnams kyi mtshan thos nas/ dga' ba dang / rab tu dga' ba bskyed la/ dad pa dang gus pa dpag tu med pas blangs sam/ 'chang ngam/ klog gam/ 'don tam/ yi ger bris sam/ kun chub par byas te/ dben pa'i gnas khang pa gcig gi nang du dkyil 'khor byas la/ dri chus chag chag btab ste/ 'phan gdugs bzang pos brgyan cing pog spos zhim po bsregs nas/ rgyal ba rnams spyan drang zhing gshegs su gsol ba mang yang rung / nyung yang rung / spyan drangs nas/ bdag khrus dag par byas la gos gtsang ma gyon cing / lan cig phyi rol che chung du 'gro na/ khrus lan cig byas te/ seng ge'i khri btsugs nas/ chos kyi rnam grangs 'di yun ring du bsgoms la/ chos kyi mtshan nyid la bdag dang / gang zag dang / sems can la sogs pa'i lta ba med par mngon par rtogs par byas te/ dang po pas bye brag phyed cing gsal bar brjod par bya'o// de nas dri spos zhim po bsregs la/ 'khrugs sems bsal cing / dran pa yang dag pa dang / bsam pa yang dag pas/
- 81a
de bzhin gshegs pa la sems rtse gcig tu bsam mo// de ltar spyod pa rnams 'thun zhing 'dum pa ni mchog ste/ de la mi mthun zhing rtsod pa ni 'thol tshang su mi 'gyur ro// khro ba des kun 'jigs par byed de/ spyod lam dang yang 'gal bar 'gyur ro// theg pa chen po dran zhing don dam pa bsams la/ nyin mtshan bdun gyi bar du nyal zhing gnyid log tu mi rung ngo // nyin gcig kyang dus gsum du mdo sde 'di kha ten tam/ klog pa nyin mtshan dus drug tu byas la/ dri bsung gis mchod cing phyag 'tshal nas/ 'thol tshangs su byas te/ mdo sde 'di nyid nas/ sangs rgyas dang / byang chub sems dpa' dang / mdo sde bcu gnyis kyi mtshan brjod cing / sems thag pa nas mi 'khrug pa dang / sems thag pa nas mi nor ba dang / sems thag pa nas mi g.yeng ba dang / sems thag pa nas dus kyis 'grus pa dang / sems thag pa nas nyin gcig pas nyin gcig 'grus pa dang / sems thag pa nas dad pa bskyed pa dang / sems thag pa nas dga' ba skyed pa dang / sems thag pa nas rim pa bskyed pa dang / sems thag pa nas rgyun mi gcad pa dang / sems thag pa nas gza' ba dang / sems thag pa nas mi 'bral ba dang / sems thag pa nas sdig pa mi bsam pa dang / sems thag pa nas sang rgyas dran pa dang / sem thag pa nas chos dran pa dang / sems thag pa nas dge 'dun dran pa dang / sems thag pa nas tshul khrims dran pa dang / sems thag pa nas gtong ba dran pa dang /
- 81b
sems thag pa nas don dam pa'i lha dran pa ste/ de dag de bzhin du klog pa dang / de bzhin du phyag bya ba dang / de bzhin du sems thag pa nas so sor 'chags shing 'thol pa/ thog ma'i nyin par nas// zhag drug tu lon pa'i nang par dri nus yang chag chag btab ste/ lus la'ang spos chus bkru bar bya'o// pog spos bzang po bsreg cing / sems thag pa nas mchod pa byas pa/ de dag de lta bur sems thag pa nas so sor 'thol zhing bshag pas/ phyogs bcur skul bar 'gyur te/ nga de'i tshe de'i dus na sangs rgyas dpag tu med pa gang+gA'i klung gi bye ma snyed dang / byang chub sems dpa' dpag tu med pa gang+gA'i klung gi bye ma snyed dang 'grog te/ sgra dbyangs kyi rjes su khang bu de'i nang du phyin cing mngon du 'grub pa'i dbang du bya'o/ / de bzhin du nyin mtshan bdun gyi bar du byas na/ gdon mi za bar sdig 'byang bar 'gyur ro// ji ltar sdig 'byung bar shes she na/ / so so'i skye bo rnams kyi don dam par da dung ma grub pas/ rmi ltas kyi mtshan ma la brtags su byas te/ rmi lam rnams gcig rmis na/ mtshams med pa rnam gcig 'byung ngo // rmi lam rnam lnga rmis na mtshams med pa rnam lnga 'byang ste/ des nub mo rmi lam na chu klung chen po rgal bar 'dod de/ zam pa chen po'i steng du 'gro bar rmis na/ de ni nges par rnam par grol ba thob pa yin no/ / gal te de'i rmi lam na gzhan gyis bdag la khrus byas pa dang / lus la char bab par rmis na/ de nges par rnam par dag pa thob pa yin no// gal te de'i rmi lam na bdag dge 'dun mang
- 82a
po'i nang du zhugs te gral du 'dug par rmis na/ de ni nges par sangs rgyas kyi slob ma yang dag par gyur to// gal te de'i rmi lam na/ bdag mchod rten nas gtsug lag khang du zhugs te/ sangs rgyas dang byang chub sems dpa'i gzugs brnyan mthong bar rmis na/ de ni chos kyi sgo mo dam par zhugs par gyur to// gal te rang gis shing thog rnyed cing za bar rmis na/ de ni tshe 'di nyid la yon tan gyi 'bras bu 'grub par mngon no/ / yang bcom ldan 'das kyis/ 'jam dpal la bka' stsal pa/ gal te dge slong ngam/ dge slong ma 'am/ dge sbyong ngam/ dge sbyong ma 'am/ byang chub sems dpa' dad pa can gang la la dran pa nyams te/ nor cing 'khrul pas sdom pa'i tshul khrims re re na zhig pa 'am/ nyam pa de bzhin du so sor 'chags shing 'thol na/ sdig mi 'byang mi srid de/ sems thag pa nas ma byas pa ni ma gtogs so/ / de nas bcom ldan 'das la/ 'jam dpal gyis 'di skad ces zhus so// bcom ldan 'das cho ga 'di ltar bgyi ba'i tshe/ mi mang na rung ngam mi rung / bcom ldan 'das kyis bka' stsam pa/ mi gcig yan chad nyi shu man chad rung ngo // cho ga 'di ltar spyod pa'i tshe/ mdo sde gzhan mi bsam mo// de ltar 'thol tshangs bgyis pa'i 'og tu phyin chad nyes pa mi byed na/ de ni 'thol tshangs zhes bya'o// de ltar dran par gyis shig/ bdag cag rnams da ltar 'chi ba las slar 'tsho ba dang 'dra bas/ da ni bdag tshul khrims srung ngo // da ni bdag
- 82b
brtson 'grus su spyod do/ / da ni bdag theg pa chen po'i mdo sde klog pa dang / kha ton bgyi'o zhes de'i tshe de'i dus na dran pa de ltar gyis shig/ bdag deng nas sdom pa bzung ba ni rdo rje dang 'dra bar sran/ thub par smon to// des de ltar dran pa'i tshe/ skyes bu dam pa dri ma med par grags pa'ang byang chub sems dpa' dpag tu med pa dang lhan cig tu de'i mdun du 'greng ste/ dbang du byed do// 'phags pa kun tu bzang po'ang 'gyod tshangs kyi mkhan po byed do/ / 'phags pa 'od srungs kyang zhu gnas kyi rten byed do// 'jam dpal 'di ni sdig sbyangs pa zhes bya'o// 'di ni rnam par grol ba zhes bya'o// 'di ni tshul khrims dang ldan pa zhes bya'o/ / 'di ni gnas thob pa zhes bya'o// bcom ldan 'das kyis yang / byang chub sems dpa' sems dpa' chen po 'jam dpal la 'di skad ces bka' stsal to// gang la la zhig gis rtsa ba bzhi dang / sdom pa brgyad dang / sdom pa phyed can dang / tshul khrims bcu dang / gsum la skyabs su song ba dang / khrims lnga dang / dge ba bcu dang / tshul khrims dang / 'dul ba re re nas zhig pa'am/ nyams pa 'am/ mtshams med pa lnga byas pa 'am/ mnyam pa nyid la skur pa'i sdig byas pa zhig yod pa de log spyod ma gtogs par/ so sor ma bshags ma 'thol na/ mi de tshe 'phos ma thag tu gdon mi za bar mnar med pa'i sems can dmyal bar lhung bar 'gyur ro// 'jam dpal gyis gsol pa/ bcom ldan 'das ci'i slad du/ mnar ma mchis pa'i dmyal ba zhes
- 83a
bgyir de bzhin gshegs pas sems can thams cad kyi don gyi slad du/ de ci'i rgyu ci'i rkyen gyis lhung ba dang / dmyal ba'i dbyibs che chung dang / rnam par smin pa'i sdug bsngal bskal pa'i grangs ji tsam gyi bar du gnas par 'gyur ba bshad du gsol zhes bgyis pa dang / bcom ldan 'das kyis bka' stsal pa/ 'jam dpal shin tu'ang mkhas so// shin tu'ang mkhas so// don 'di lta bu 'dri ba'ang shin tu mkhas te/ legs par nyon la phal mang po rnams kyang legs par soms shig/ ngas bye brag phyed par bshad do// ji ltar na mnar med pa'i sems can dmyal ba zhes bya zhe na/ skad cig kyang mnar zhing bstir med pa'i phyir/ mnar med pa'i dmyal ba zhes bya'o// gcig tu na 'gag pa 'am/ 'ong bar bya ba'ang med/ 'gyur ba'ang med de/ tsha ba ni rab tu tsha/ sdug bsngal ba ni shin tu'ang mi bzad pa/ skad cig kyang mi dal/ skad cig kyang mi sdod cing bar skabs med pa'i phyir/ mnar med pa'i dmyal ba zhes bya'o// yang rnam pa gcig tu na/ me chen po 'bar ba rab tu tsha ba/ kun tu 'bar ba/ rab tu 'bar zhing mched pa/ khong du zhugs pa'i phyir/ mnar med pa'i dmyal ba zhes bya'o// bcom ldan 'das kyis yang 'jam dpal la bka' stsal pa/ rigs kyi bu dmyal ba chen po mnar med pa'i dbyibs ni gru bzhi lham pa/ dpag tshad brgyad khri yod de/ lcags kyi ra ba rim pa bdun gyis bskor cing / steng du'ang lcags kyi dra ba rim pa bdun gyis g.yogs te/
- 83b
'og tu bar chad bco brgyad yod do// de'i kho ra khor yug tu ral gri'i tshal rim pa bdun gyis bskor to// lcags kyi dra ba rim pa bdun gyi nang logs su nags tshal ral gri'i lo ma can yod do// lcags kyi khang pa bar chad bco brgyad po rtseg mar 'dug ste/ rim pa brgyad khri bzhi stong yod do// de'i grwa bzhir zangs kyi khyi chen po bzhi 'dug pa/ lus kyi bong tshad ni 'phang du dpag tshad bzhi bcu la/ mig ni glog gi 'od bzhin/ mche ba ni ral gri sdong po dang 'dra/ so ni spu gri so gtams pa'i ri dang mtshungs/ lce ni lcags kyi mchil pa bzhin/ sder mo ni lcags kyi gsal shing dang 'tshungs/ mjug ma ni lcags kyi sprul dang 'dra/ spu'i bu gu re re nas 'bar ba'i me shin tu mched cing kun tu 'bar/ rab tu 'bar ba 'byung ste/ de'i dud pa mnam pa ni/ 'jig rten gyi rdzas mnam pa gang dang yang bskrun du med do/ / dmyal ba de'i sgo bzhi la/ sgo re re na dmyal ba'i srungs ma bco brgyad 'dug go// mgo ni srin po'i mgo/ kha ni srin po'i kha dang 'dra ste/ mgo la rA bco brgyad yod pa/ lag na lkugs kyi gsal shing thogs so/ / ra ba rim pa bdun gyi nang logs su lcags kyi rgyal mtshan grangs med pa zhig yod de/ rgyal mtshan gyi mgor me 'byung ba ni/ chu mig 'byung ba dang 'dra bar 'byung ngo // lcags 'ju ba'i khu ba 'bab pa ni/ kun tu khyab par 'bab ste/ dmyal ba'i sgo bzhir sgo re re'i steng na/ zangs mo che bco brgyad yod pa'i nang na/ lcags khol ba'i khu ba khar ldud cing / sgo bzhir
- 84a
'bab pa/ dmyal ba'i nang du gang bar bab bo// khang pa bar chad re re'i nang du'ang lcags kyi sbrul chen po brgyad khri bzhi stong yod pas// khar gdug pa'i me skyug cing ra bkun tu gang bar gtong ngo / / sbrul gyi sgra sgrogs pa ni 'brug sgra chen po zer ba bzhin no// lcags kyi thu lum chen po'o char bab pa'ang mnar med pa kun tu gang ngo // der sdug bsngal mi bzad pa ni 'bum phrag brgyad khri ste/ sdug bsngal gyi nang na sdug bsngal/ me bzad pa'i nang na mi bzad pa/ kun kyang der 'dus pas dpe zla med do// mnar med pa'i dmyal ba de'i sgo bzhir/ sgo re re'i phyi rol tu 'bar ba'i me shin tu mched cing 'bar ba/ lho byang shar nub bsnol zhing phyad par rgyu'o// 'bar ba'ang lcags kyi ra ba kho ra khor yug dpag tshad brgyad khri nas/ steng lcags kyi dra ba la thug gi bar du/ yang thal mar thal zhing bla za 'og dang / phyogs bzhir kun tu 'bar/ rab tu 'bar bar gyur te/ sdug bsngal cig car ldang ba ni/ gong du smos pa bzhin no// rtsa ba bzhi dang / sdom pa brgyad 'jig pa dang mtshams med pa lnga dang / mnyam pa nyid la skur pa 'debs pa rnams mdo sde 'di las 'byung ba bzhin 'thol tshangs ma byas la/ gnod bkur ba 'am/ khrel ba med na mi de tshe 'phos ma thag tu/ stobs tshan po che'i dpung pa g.yas pa brkyang zhing bskum pa tsam gyis mnar med pa'i dmyal bar lhung bar 'gyur ro/ / lus kyang de'i nang du gang ste/ tsha ba'i gzir bas 'phongs nas kha gang ngas/ mig btsums//
- 84b
mig gdangs/ kha btsums kyang kha 'thams pas smra ma nus so// de sdig mang ba'i phyir ral gri 'khor lo grangs med pa du ma zhig nam mkha' nas char bzhin 'bab ste/ klad par phog cing rkang par byang ba'i sdug bsngal thams cad ni sngar gong du bshad pa bzhin brgya stong khri phrag tu bsgyur ba'o/ / gang la la rtsa ba bzhi po tshang bar zhig par gyur na/ sdug bsngal chen po nyams su myong ba ni/ bskal pa chen po lnga rdzogs kyi bar du'o/ / sdom pa brgyad 'jig pa ni de las gyur cig gis mang ngo // mtshams med pa lnga yang gyur cig gis mang ngo // mnyam pa nyid kyi mdo sde la skur pa 'debs pa'ang gyur cig gis mang ngo / / dkon mchog gsum la smod pa dang / dge 'dun gyi nor brkus pa dang / dge slong dang dge slong ma tshangs par spyod pa la/ dri ma can du spyod pa dang / mkhan po dang / slob dpon la dbang za ba dang / ma la g.yem pa rnam pa gong ma dag las kyang gyur cig gis bskyed do// log spyod kyi rnams ni dge ba'i rtsa ba gtan chad pas/ nams kyang mnar med pa'i dmyal ba nas mi thar pa ni der ma gtogs so/ / de la sogs pa'i sdig can rnams sdug bsngal nyams su myong ba'i tshe/ 'bar ba'i me shin tu mched pa khong du zhugs te rmugs nas 'chi'o// de nas srin po dmyal ba'i srungs mas lcags kyi gsal shing sa la brdabs te/ sos sos zhes bos pa dang / bos pa'i sgra bzhin du yang sos yang sos nas/ nyin mtshan gcig la lan khri ni 'chi/ lan khri ni 'tshe ste/
- 85a
sdug bsngal mi bzad pa chen po nyams su myong ba ni gong du bstan pa bzhin no// nam zhig mnar med pa'i dmyal ba nas slar phyin na'ang tshul khrims bshig pa dang / yon bdag dad pa can gyi yon blangs pa'i las kyis/ yang dmyal ba chung ngu rnams kyi nang du 'jug ste/ de la dmyal ba grang sbrebs pa dang / dmyal ba mun nag pa dang / dmyal ba rab tsha ba dang / dmyal ba spu gri so bsnams pa dang / dmyal ba ral gri 'khor lo dang / dmyal ba me'i shing rta can dang / dmyal ba phyi sa'i 'dam dang / dmyal ba chu tshan dang / dmyal ba me mur klung dang / dmyal ba nags tshal ral gri lo ma can dang / dmyal ba lcags kyi 'khrul 'khor can dang / dmyal ba lcags kyi shal ma li ka ba can dang / dmyal ba lcags kyi khri can dang / dmyal ba lcags kyi 'khor lo can dang / dmyal ba lcags kyi thu lum dang / dmyal ba bsdus 'joms thug ri dang / dmyal ba zangs khu lud dang / 'di rnams so so re re'i nang du'ang lo khri phrag brgyad brgya'i bar du nyon mongs nas gdod thar te/ 'on kyang rtag tu ma rabs su skyes la/ tshe rabs lnga brgya'i bar du dkon mchog gsum gyi sgra mi thos so// brgya la dge ba'i bshes gnyen dang phrad pa na ni/ byang chub tu sems bskyed kyang srid/ dge ba'i bshes dang ma phrad na ni/ slar yang dmyal bar lhung ngo // nyes byas kyi sdig pa rnams ma mthol ma bshags na/ dmyal bar sdug bsngal myong ba'ang rgyal chen ris bzhi'i lha'i lo grangs lta bur/ lo khri phrag
- 85b
brgyad brgya'i bar du nyams su myong bar 'gyur ro/ / de la ltung ba rnams kyi sdig pa ni de las nyis 'gyur du bskyed do// dge 'dun gyi lhag ma'ang de las nyis 'gyur du bskyed do// sdig can de dag/ gis sdug bsngal nyams su myong ba'i tshe/ tshig gzhan mi phyin te/ a pa pa/ a ta ta/ a la la/ a ba ba 'ba' zhig zer zhing 'dug go/ de bas na sdog can rnams rings par so sor 'thol zhing bshags la/ dkon mchog gsum gyi skyabs su song bar gyis shig/ 'jam dpal yang 'di lta ste/ sdig pa myur du bsal cing byang bar 'don na/ mdo sde 'di'i nang nas 'byung ba bzhin du so sor 'thol bshags te/ 'gyed tshangs byos shig/ cho ga nyin zhag bdun gyi bar du nyin gcig za gcig tu byas la/ yang dag pa'i rtog pa dang / yang dag pa'i dran pas de bzhin gshegs pa sangs rgyas su grub pa'i tshe/ mi chen po'i mtshan dang / mngon par 'tshang rgya ba'i mtshan dang / mi g.yo ba'i mtshan dang / rnam par grol ba'i mtshan dang / 'od zer can gyi mtshan dang / ye shes yongs su rgyas pa'i mtshan dang / pha rol tu phyin pa rnams dang ldan pa'i mtshan dang / dpa' bar 'gro ba la sogs pa'i ting nge 'dzin rgya mtsho'i mtshan rnams bsam par bya'o/ / yang gcig tu na/ byang chub sems dpa' sems dpa' chen po byams pa'i yid dam pa'i ting nge 'dzin las langs te/ yid 'gog pa'i ting nge 'dzin la 'jug par bya'o//
- 86a
yid 'gog pa'i ting nge 'dzin las langs te/ sbyar dpa' bar 'gro ba'i ting nge 'dzin la 'jug par bya'o// dpa' bar 'gro ba'i ting nge 'dzin las langs te/ shes rab sgron ma'i ting nge 'dzin la 'jug/ shes rab smon ma las langs te/ chos rnams kyi mtshan nyid kyi ting nge 'dzin la 'jug/ chos rnams kyi mtshan nyid las langs te/ mtshan ma 'od zer can gyi ting nge 'dzin la 'jug/ mtshan ma 'od zer can las langs te/ seng ge'i nga ro'i ting nge 'dzin la 'jug/ seng ge'i nga ro las langs te/ seng ge sprug pa'i ting nge 'dzin la 'jug/ seng ge sprug pa las langs te/ rgya mtsho yid kyi ting nge 'dzin la 'jug/ rgya mtsho yid las langs te/ kun tu ye shes kyi ting nge 'dzin la 'jug/ kun tu ye shes las langs te/ gzungs kyi phyag rgya'i ting nge 'dzin la 'jug/ gzungs kyi phyag rgya las langs te/ kun tu snang ba'i lus gzugs can gyi ting nge 'dzin la 'jug/ kun tu snang ba'i lus gzugs can las langs te/ chos kyi dbyings nyid kyi ting nge 'dzin la 'jug/ chos kyi dbyings nyid las langs te/ seng ge'i rgyal po'i ting nge 'dzin la 'jug/ seng ge'i rgyal po las langs te/ chos kyi rgyal po'i ting nge 'dzin la 'jug/ chos kyi rgyal po las langs te/ bdud rnams kyi mtshan ma 'gog pa'i ting nge 'dzin la 'jug/ bdud rnams kyi mtshan ma 'gog pa las langs te/ stong pa nyid kyi shes rab kyi ting nge 'dzin la 'jug/ stong pa nyid kyi
- 86b
shes rab las langs te/ stong pa nyid kyi mtshan nyid du shes pa'i ting nge 'dzin la 'jug/ stong pa nyid kyi mtshan nyid du shes pa las langs te/ chen po stong pa nyid kyi ye shes kyi ting nge 'dzin la 'jug/ chen/ po stong pa nyid kyi ye shes las langs te/ gnas thams cad du khyab pa'i lus kyi gzugs can gyi ting nge 'dzin la 'jug/ gnas thams cad du khyab pa'i lus gzugs can las langs te/ sems kyi mtshan nyid la rnam par rtog pa'i ting nge 'dzin la 'jug/ sems kyi mtshan nyid la rnam par rtog pa las langs te/ byang chub sems dpa' sems dpa' chen po rdo rje'i mtshan nyid kyi ting nge 'dzin la 'jug/ byang chub sems dpa' sems dpa' chen po rdo rje'i mtshan nyid kyi ting nge 'dzin las langs te/ rdo rje gtsug tor gyi ting nge 'dzin la 'jug/ rdo rje gtsug tor las langs te/ rgya mtsho thams cad kyi ting nge 'dzin la 'jug/ rgya mtsho thams cad las langs te/ gzungs thams cad kyi rgya mtsho'i ting nge 'dzin la 'jug/ gzungs thams cad kyi rgya mtsho las langs te/ sangs rgyas thams cad kyi spyod yul gyi rgya mtsho'i ting nge 'dzin la 'jug/ sangs rgyas thams cad kyi spyod yul rgya mtsho las langs te/ sangs rgyas thams cad kyi rnam par grol ba dang / rnam par grol ba'i ye shes gzigs pa'i rgya mtsho'i ting nge 'dzin la 'jug sangs rgyas thams cad kyi rnam par grol ba dang / rnam par grol ba'i ye shes la gzigs pa'i rgya mtsho las langs te/ gdod thams cad kyi ting nge 'dzin mtha' med/ mu med pa'i rgya mtsho'i sgor 'jug
- 87a
par bya'o/ / mtha' med mu med pa'i rgya mtsho'i sgo nas langs te/ yid 'gog pa dang / zhi ba'i ting nge 'dzin la 'jug/ yid 'gog pa dang zhi ba las langs te/ rdo rje gdon mi za/ pa'i rnam par grol ba chen po'i ting nge 'dzin la 'jug par bya'o// 'jam dpal nga mya ngan las 'das pa'i 'og tu/ rigs kyi bu 'am/ rigs kyi bu mo gang la las dad pa skad cig ma'i sems bskyed de/ mdo sde 'di yi ger 'dri ba 'am/ klog pa 'am/ kha ton du skad cig mar dran te/ bsam pa'i 'du shes dang / dran pa'i 'du shes dang / rtog pa'i 'du shes su dad pa'i sems grub na/ skad cig mar bskal pa bye ba khrag khrig 'bum phrag dgu bcu'i gang+gA'i bye ma snyed kyi 'khor ba'i sdig phyir snyil bar 'gyur ro/ / ma rig pa'i sgrib pa'ang gtan bral bar 'gyur ro// de bas na de bzhin gshegs pa'i rtag tu 'tshe skyong zhing gzhes te/ mya ngan las mi 'da' bar mngon no// de nas bcom ldan 'das kyis// 'khor mang po rnams la tshigs su bcad de bka' stsal pa/ yi dgas mthu chen tham ca dang // dud 'gro glang po ma rungs dang / / bud med g.yeng dang ma rungs klu// dpag tu med pa'i ma rungs rnams// ba su dang ni ma skyes dag/ lha sbyin dang ni sor mo'i 'phreng // lus dang sems kyi sdig spyad pas// dmyal ba mnar med lhung 'os kyang // phyogs bcu dus gsum rgyal ba la// dad pa bskyed de phyag 'tshal phyir// thub pa mya ngan 'da' ba'i khar// bskal pa grangs med phyir bshol lo// ma ga d+ha
- 87b
yi skye bo dag/ kun kyang byang chub sems bskyed pa'ang // phyogs bcu dus gsum rgyal ba la/ gus par phyag byas dbang gis so// ko'u di n+ya la sogs pa// nyan thos lnga brgya dag gis ni// ma 'ongs dus su 'tshang rgya ba'ang // phyogs bcu dus gsum rgyal ba la// gus par phyag byas dbang gis so// mu stegs dang ni bram ze dang // sngags 'chang chen po drang srong bcu// da ltar dgra bcom grub pa yang / / 'das pa'i phyogs bcu dus sum gyi// rgyal ba rnams la phyag byas yon// dam pa'i don la chud pa dang // phyogs bcu rgyal ba'i zhing rnams na// byang chub sems dpa'i tshogs thams cad/ / tshe dpag med par skyes pa yang // phyogs bcu dus gsum rgyal ba la// gus par phyag byas dbang gis so// rgyal bu dge mthong 'di lta ste// sngon nga rgyal po byed pa na/ drang srong chen po sbyin zhes bya// de tshe sangs rgyas ma byung ste// bram ze lnga brgya rnams shig la// kha zas dang ni gos rnams dang // khang khyim dang ni mal cha'i bar// lo grangs nyi shu tshang bar du// / rab tu byung ba'i mchod pa phul// ngas ni de tshe bsgo ba la// khyed rnams byang chub sems skyed cig/ bram ze lnga brgya de dag gis// mchod pa phul ba blangs kyis kyang // dkon mchog gsum la ma dad pas/ / mod bzhin nga la slar smras pas// 'jig rten nang na byang chub dang // rnam par grol ba med do zhes// de skad smras pa ngas thos nas// mnyam nyid mdo sde bsrungs pa'i phyir/
- 88a
bram ze lnga brgya'i srog bcad do// bram ze de dag tshe 'phos nas// dmyal ba mnar med lhung bar 'gyur// sems can dmyal bar lhung nas su// dran pa rnam gsum g.yos nas kyang / / dus gsum rgyal la phyag byas so// mnyam pa nyid kyi mdo sde dang // byang chub dge 'dun dad bskyed la// dran pa rnam gsum byas pas na// mod la dmyal nas byung ste dong // 'jig rten zil dang ra rnga ru skyes// tshe ni bskal pa chu bcu thob// de yang gus pa'i sems kyis su// phyogs bcu'i rgyal la phyag bya yon// bram ze de dag thams cad kyis// thog mar skur pas dmyal lhung yang / / phyis ni dad pas med la thar// byang chub sems dpa' khyed rnams ni// khrel dang ldan pa smos ci dgos// sdig gi rang bzhin thog ma nas// med pas sems can rnam kyi phyir/ rtsa ba bzhi po'i sdom pa dang // mtshams med lnga po'i sdig rnams kyang // log spyod par du 'thol bshags so// so so'i skye bo la la zhig/ de lta bu yi sdig byas pa// de bzhin 'thol tshangs byed nus na/ / rtsa ba bzhi dang mtshams med lnga// log spyod bar du sdig 'byung ste// sangs rgyas 'grub pa'ang gdon mi za// ma dad pa ni der ma gtogs// gang zhig dad pa'i sems skyes te/ / rgyal ba rnam la phyag byas na// chos lam mi 'grub mo srid do// de nas rgyal bu dge mthong dang // mi sum stong po'i mi rnams kyis// bcom ldan 'das la tshig 'thun par/
- 88b
'di skad gsol te bdag cag rnams// sangs rgyas grub nas skye shi las// 'khor ba'i rnam dag bsgral bar smon// lha mi'i nang na btsun bzhugs pa// bye brag phyed par bshad du gsol/ de la gzungs su bzung ba dang // yi ger bris shing klog 'chang ba// de yi bsod nams ji tsam mchis// bcom ldan 'das kyis bka' stsal pa// bye brag phyed par ngas bshad kyis// rgyal bu dge mthong legs par nyon/ / gang zhig rin chen sna bdun gyis// stong khams gang ba'i sems can la// sbyin pa byas shing yon phul nas// de yi steng du chos bshad kyis// dgra bcom 'bras bu thob byas pas/ / la la zhig gis rgyal ba'i mtshan// thos nas dad pa'i sems bskyed de// skad cig dus su phyag byas na// de yi bsod nams de bas 'da'// yi ger bris shing klog 'chang dang // dad pas phyag 'tshal smos ci dgos// de yi bsod nams dpag tu med// gang gis yi ger bri ba dang // klog pa dang ni 'don pa dang // dus su phyag 'tshal sems bskyed na// mchod rten stong khams// chub pa ru// brtsigs pa'i bsod nams pas ni che// de nas 'od bsrungs chen po dang // shA ri'i bu dang kun dga' bo// mchod rten srung ba mthu bo che// tshangs lha rnams dang lha dbang po// 'khor lo sgyur dang rgyal chen bzhis/ / bcom ldan zhabs la mgos btud nas// skad 'thun par ni 'di skad gsol// bcom ldan mya ngan 'das slad na// bdag cag rnams kyis sems can la// khyab
- 89a
bar spel zhing bstan par gyis/ / lus sems rtag tu bde ba'i phyir// phyag 'tshal rnams la bsrung bar bgyi// gang zhig sdom pa zhig pa dang // mtshams med lnga yi sdig pa/ dang // mnyam pa nyid la skur pa'i rnams// sangs rgyas de dag mtshan thos pas// rnam dag sa ru bde bar gnas// dper na rgyal bu dge mthong bzhin// da dung ma 'ongs phyi dus na// sangs rgyas rang bzhin mthong bar 'gyur/ / de nas bcom ldan 'das shAkya thub pas// tshegs chen po rnams la 'di skad ces bka' stsal to// khyed rnams legs par nyon cig/ khyed rnams la sngon byung ba'i las kyi rgyu rkyen bshad par bya'o/ / nga sngon bskal pa dpag tu med pa 'das pa'i sngon rol na/ de bzhin gshegs pa dgra bcom pa yang dag par rdzogs pa'i sangs rgyas mdzes pa'i 'od ces bya ba las/ phyogs bcu dus gsum gyi sangs rgyas kyi mtshan thos nas/ shin tu dga' ba'i sems bskyed de/ thal mo sbyar zhing spyi bor blangs so// blangs nas kyang sems can gang nas gang du gnas pa de dang der dpag tu med pa mtha' yas pa'i sems can rnams la rgya cher spel zhing bstan te/ sangs rgyas kyi mtshan thos par byas so// de'i tshe de'i dus na tshogs rnams kyi nang du mi sum stong nyi tshe zhing / nga'i chos kyi don dang 'thun te/ dad pa'i sems dpag tu med pa skyes nas/ nga'i thad du sangs rgyas de rnams kyi mtshan nas brjod cing phyag byas pas/ da ltar phyogs bcur snang zhing mngon par sangs
- 89b
rgyas pa yin no/ / rigs kyi bu rtsa ba bzhi dang / mtshams med pa'i sdig lci ba dang / mnyam pa nyid la skur pa dang / log spyod kyi bar du sdig 'byang bar 'dod na/ dad pa'i sems kyi dbang du 'go bar bya'o/ / rigs kyi bu yang 'di lta ste/ gang la las ma dad cing mgus pas/ mdo sde bcu gnyis la skur cing dbang bzas pa dang / rdo rje'i sku dang / skyes bu dam pa 'jam dpal dang / phyogs bcu'i rgyal ba rnams la skur cing dbang bza' ba'i rnams gdon mi za bar sems can dmyal bar ltung ste brdzun pa ma yin no/ / de ci'i phyir zhe na/ de ma dad pa'i phyir ro// dam pa'i chos la skur ba'i phyir ro// bla ma rnams la bskos pa'i phyir ro// phyogs bcu dus gsum gyi sangs rgyas la smad pa'i phyir te/ nges par dmyal bar lhung ngo // sangs rgyas kyi mtshan 'di dag la dad cing sems thag pa nas phyag 'tshal na/ mi dge ba bcu dang / mtshams med pa lnga dang / mnyam pa nyid la skur pa'i sdig lta zhig mi 'byang mi srid do// ma dad pa dang / ma gus pa dang / dge ba'i rtsa ba rgyun chad pa dang // log spyod rnams ni der ma gtogs so// rigs kyi bu dag shAkya thub pa'i sku 'bum phrag brgyar sprul pa yang / 'jig rten re re na ston pa mdzad cing bzhugs te/ tha ma'i sku ni nga yin no// de'i tshe dang 'grogs pa'i mi sum stong po kun da ltar sangs rgyas su grub ste/ stong dang po'i gtso bo ni sangs rgyas pad ma'i 'od ces bya// stong bar ma'i gtso bo ni sangs rgyas rdo rje sku zhes bya/ stong tha ma'i
- 90a
gtso bo ni sangs rgyas byams pa zhes bya'o/ / de bas na khyed rnams kyang de bzhin du phyogs bcu dus gsum gyi sangs rgyas kyi mtshan brjod cing phyag 'tshal ba'i rigs so// khyed rnams ma 'ongs pa'i dus na tshogs mang po rnams la chos ston pa rgya cher byed cing / mtha' med pa'i sems can rnams la phan btags te/ khams gsum nas bzlas shing zhi ba dang dben pa'i gnas su dkyil 'khor gyis la/ nga dang 'dra bar byos shig/ de nas byang chub sems dpa' gzung 'dzin stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar zhing phyag 'tshal te/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ ji ltar gzung bar bgyi/ ji ltar sgom zhing spyad par bgyi/ de skad ces gsol pa dang / bcom ldan 'das kyis bka' stsal pa/ rig kyi bu chos kyi rnam grangs 'di'i ming ni sdom pa lci ba rnams la phan 'dogs pa'o zhes bya bar zung zhig/ rdo rje rin po che'i snying po zhes bya bar zung zhig/ de snod kyi sgo dpag tu med pa'o zhes bya bar zung zhig/ thams cad kun tu bsdus pa'o zhes bya bar zung zhig/ rgyal po chen po dpe zla med pa'o zhes bya bar zung zhig/ mi sum stong sangs rgyas su grub par rnam par bkod pa zhes bya bar zung zhig/ 'gyod tshangs kyi sdig sbyangs te/ bsod nams thob pa'o/
- 90b
zhes bya bar zung zhig/ thar pa chen po phyogs su rgyas pa zhes bya bar zung zhig/ de nas bcom ldan 'das la/ byang chub sems dpa' gzung 'dzin gyis 'di skad ces gsol to// bcom ldan 'das de bzhin gshegs pas bstan pa ltar chos kyi rnam grangs 'di ni sems can dpag tu ma mchis pa rnams la sman pa dang / bde ba chen po mdzad pa'i slad du sdig sbyangs pa dang / sangs rgyas su 'grub par mdzad pa'i mdo sde 'di ni sangs rgyas thams cad kyi yum mo/ / byang chub sems dpa' thams cad kyi ni lam mo// nyan thos rnams kyi ni mig go// lha dang mi rnams kyi ni khang khyim lags te/ de lta bu bsam gyis mi khyab pa'i don dang ldan pa bdag gis gzungs su gzung bar bgyi'o// lha dang mi gang nas gang du gnas pa de dang der rgya cher spel bar bgyi'o// rgyun mi 'chad cing yun du gnas par bgyi'o/ / bcom ldan 'das kyis bka' stsal pa/ legs so legs so// khyed ni skyes bu dam pa yin te/ sde snod chen po dpag tu med pa thams cad gzungs su 'dzin pa lags te/ byed ma 'ongs pa'i dus na/ nga 'gro ba'i gnas su khyed 'gro zhig/ nga 'dug pa'i gnas su khyed 'dug cig/ bcom ldan 'das kyis chos kyi rnam grangs 'di bstan pa'i tshe/ byang chub sems dpa' dpag tu med pa zhig phyir mi ldog pa dang / mi 'gyur ba'i sar gnas so// nyan thos brgyad khris ni theg pa chen po'i sems bskyed do// dge slong stong phrag bcus ni dgra bcom pa'i 'bras bu
- 91a
thob bo/ / sgra dang mi brgyad khri bzhi slong na chos kyi mig rnam par dag pa thob bo// sems can stong phrag brgyas ni bla na med pa yang dag par rdzogs pa'i byang chub tu sems bskyed do/ / de nas bcom ldan 'das kyis mdo sde 'di bshad zin nas/ shing sA la ga la ba de logs su gshegs so// gshegs nas gser gyi me tog rin po che'i rdzing bu dang bcas pa yang me sna bar gyur to/ / de bzhin gshegs pa'i 'od kyang bsdus nas/ mi mjed kyi 'jig rten gyi khams mthong man dang / gtsang sde'ang sngon bzhin no// mi rnams nyes byed pa'i phyir dpyal pa'ang ldan bzhin no/ / bcom ldan 'das kyis de skad ces bka' stsal nas/ byang chub sems dpa'i tshogs thams cad dang / sgra dang / mi dang / sgyu ma yin dang / dri zar bcas pa'i 'jig rten mo rangs te/ bcom ldan 'das kyis gsungs pa la mngon par brjod do// 'phags pathar pa chen po phyogs su rgyas pa zhes bya ba theg pa chen po'i med rdzogs so// rgya gar skad du/ ma hA san ni pa tAd ma hA pA nA sU twAd/ ta thA ga ta shrI sa ma yan/ nA ma ma hA yAn sutrUn/ bod skad du/ 'dus pa chen po theg pa che po'i mdo sde las/ de bzhin gshegs pa'i dpal gyi dam chog ces bya ba theg pa chen po'i medo// // bam po dang po// sangs rgyas dang byang chub
- 91b
sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das tshangs pa chen po'i phur bu mtha' yas mu med pa lung bstan pa/ drang srong rnams kyis gnas thub pa'i rten ri ther sgral la/ nyan thos kyi dge 'dun chen po la 'di lta ste/ bcom ldan 'das kyi nyan thos bgrang ba las 'das pa dag dang / byang chub sems dpa'i dge 'dun chen po 'di lta ste/ phyogs bcu'i sangs rgyas kyi zhing thams cad nas der 'dus pa'i byang chub sems dpa' sems dpa' chen po bgrang ba las 'das pa dag dang thabs gcig tu bzhugs so// de'i tshe 'khor 'dus pa de na dpal lha mo chen mo chos nyan pa'i phyir/ bcom ldan 'das kyi spyan snga thag mi ring ba zhig na 'dug go// de nas dpal lha mo chen mo stan las langs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bcom ldan 'das 'di ni sbyin pa las byung ba'i bsod nams bgyi ba'i dngos po'i gzungs kyi skye ba'i rgya mtsho las sgrol bar mi bgyid pa dag mchis legs so/ / de ci'i slad du zhe na/ sangs rgyas kyi zhing nyon mongs pa can snyogs ma lnga dang ldan pa 'di na/ sems can bsod nams su gdags pa dang bral ba dag phal che lags te/ rgyu dang rkyen des na byang chub sems dpa' sems dpa' chen po dag 'dir sems can rnams la snying rje chen po dag skyed par bgyid lags so// 'di na sems can
- 92a
rnams gang gis na rgyu ma mchis par smra zhing longs spyod dang bral la/ tshol khros sdug bsngal zhing nyam thag pa dang / don ma mchis par 'bad pa de dag ni sbyin pa rnam par 'gyed pa ma mchis pa yongs su smin par bgyid pa'i rngo mo thog ste/ de lta bas na da bdag cag gis sbyin pa'i go bgos te/ brtson 'grus brtsam par bgyi zhing / 'di ltar bdag cag gis sbyin pa'i gzings kyis skye ba'i rgya mtsho las bsgral bar bgyi'o zhes/ byang chub sems dpa' sems dpa' chen po de dag sbyin pa las byung ba'i bsod nams kun tu spyod par bgyi ba'i dngos pos sangs rgyas kyi ye shes rgya mtsho bla na ma mchis pa la 'jug par bgyid pa nas/ chos kyi rgyal po bla na ma mchis par dbang bskur ba rab tu thob par bgyid pa'i bar du'o// btsun pa bcom ldan 'das 'di na sems can rtag par smra ba 'di dag longs spyod dang / nye bar spyod pa rgya chen po dang bral la/ tshol khros sdug bsngal zhing nyam thag pa dag mchis te/ de dag tshul khrims rnam par 'gyed pa ma mchis par yongs su smin par bgyid par rngo mi thog pas/ 'dir sems can rtag par smra ba rnams la/ byang chub sems dpa' sems dpa' chen po de dag snying rje chen po dag skyed par bgyid cing / tshul khrims kyi go bgos pa'i gzengs kyis sems can rtag par smra 'di dag skye ba'i rgya mtsho 'di las bsgral bar bgyi'o zhes/ byang chub sems dpa' sems dpa' chen po de dag tshul khrims las byung ba'i bsod nams kun tu spyod par bgyid pa'i dngos pos sems can
- 92b
rnams dge ba bcu'i las kyi lam gyis yongs su smin par bgyid pa dang / sangs rgyas kyi ye shes kyi rgya mtsho bla na ma mchis pa la 'jug par bgyid pa nas/ chos kyi rgyal po bla na ma mchis par dbang bskur ba rab tu thob par bgyid pa'i bar du'o/ / btsun pa bcom ldan 'das 'di na sems can gang dag phra ma dang / tshig rtsub po dang / chags sems dang / gnod sems kun tu spyod pa'i yid kyis// de dag 'jig tshogs la lta ba dang ldan zhing longs spyod dang nye bar spyod pa dang bral la/ chol khros sdug bsngal zhing nyam thag pa dag mchis te/ sems can de dag rab tu 'byung ba'i tshul khrims dang sdom pa ma mchis par yongs su smin par bgyid par rngo mi thogs pas/ sems can phra ma dang / tshig rtsub po dang / chags sems dang / gnod sems kun tu spyod cing / 'jig tshogs la lta ba dang ldan pa yang ba spyod pa de dag la byang chub sems dpa' sems dpa' chen po de dag snying rje chen po dag skyed par bgyid de/ bcom ldan 'das sems can de dag mi rtag pa'i tshul gyis bstan pa la 'jug par bgyid pa dang / rab tu 'byung ba'i sdom pas sems can rnams yongs su smin par bgyid pa'ang / bdag cag gis bzod pa dang / brtson 'grus brtsams nas/ bdag cag gi rab tu 'byung ba'i s dom pa'i gzings kyis skye ba'i rgya mtsho las bskal bar bgyi'o zhes byang chub sems dpa' sems dpa' chen po de dag tshul khrims las byung ba'i bsod nams bgyi ba'i dngos po rtag pa'i tshul gyis
- 93a
sems can rnams rab tu 'byung ba'i tshul khrims dang / sdom pas yongs su smin par bgyid de/ des na byang chub sems dpa' sems dpa' chen po de dag sangs rgyas kyi ye shes kyi rgya mtsho bla na ma mchis par 'jug par bgyid pa nas/ chos kyi rgyal po bla na ma mchis par dbang bskur ba thob par bgyid pa'i bar du'o// bcom ldan 'das byang chub sems dpa' sems dpa' chen po dag bsam gtan dang po'i pha rol tu phyin pa yongs su sbyong zhing slob pa na/ bsam gtan gyi yan lag rnams 'tshal ba dang / 'dod pa'i khams las yang dag par 'da' ba dang / yan lag/ lnga dang ldan zhing yan lag lnga spangs pa dang / rdzu 'phrul gyi rkang pa bzhi rnam par rtse ba mngon par 'tshal ba dang / sangs rgyas bcom ldan 'das de dag thams cad la mchod pa dang / bkur sti bgyi ba dang / dam pa'i chos mnyan pa'i slad du sangs rgyas kyi zhing thams cad du glog lta bu'i shugs kyis mchis pa la mkhas pa dang / sems can rnams kyi laM gsum mo// gsum 'di lta ste/ las kyi lam dang / nyon mongs pa'i lam dang / sdug bsngal gyi lam dag skems par bgyid pa dang / bsgom pa las byung ba'i bsod nams bgyi ba'i dngos po rdzogs par bgyid pa dag ji lta bu lags/ de bzhin du bsam gtan gyi pha rol tu phyin pa yongs su rdzogs par bgyid pa ji lta bu lags/ de'i pha rol tu phyin pa drug po yongs su rdzogs par 'gyur ba dang / myur du bla na ma mchis pa yang dag par rdzogs
- 93b
ba'i byang chub tu mngon par rdzogs par 'tshang rgya bar 'gyur ba dag ji lta bu lags/ bcom ldan 'das kyis bka' stsal pa/ dpal chog shes legs so legs so// dpal cho ga shes khyod kyis gang / gi tshe chos bzhi po 'di la yongs su rdzogs par spyad cing / goms par byas kyang / khyod kyis sems can gzhan dang / gang zag gzhan dag gi don du de bzhin gshegs pa la don 'di 'dri bar sems pa/ dpal cho ga shes de'i phyir legs par nyon la rab tu yid la zung zhig dang bshad do// btsun pa bcom ldan 'das de ltar 'tshal lo zhes bya ba nas/ bcom ldan 'das kyis 'di skad ces bka' stsal to zhe bya ba'i bar du'o/ / dpal cho ga shes byang chub sems dpa' sems dpa' chen po dag bsam gtan dang po'i pha rol tu phyin pa yongs su sbyong zhing slob pa na/ bsam gtan gyi yan lag rnams shes pa dang / 'dod pa'i khams las yang dag par 'da' ba dang / yan lag lnga dang ldan zhing yan lag lnga spangs pa dang / rdzu 'phrul gyi rkang pa bzhis rtse ba mngon par shes pa dang / sangs rgyas bcom ldan 'das de dag thams cad la mchod pa dang / bkur sti bya ba dang / dam pa'i chos mnyan pa'i phyir sangs rgyas kyi zhing thams cad du glog lta bu'i shugs kyis 'gro ba la mkhas pa dang / sems can rnams kyi lam gsum po las kyi lam dang / nyon mongs pa'i lam dang / sdug bsngal gyi lam dag bskams pa dang / bsgoms pa las byung ba'i bsod
- 94a
nams bya ba'i dngos po rdzogs par byed pa dang / bsam gtan gyi pha rol tu phyin pa yongs su rdzogs par byed pa dang / de'i pha rol tu phyin pa drug po yongs su rdzogs par 'gyur/ pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dag ji lta bu yin zhe na/ dpal cho ga shes 'di la byang chub sems dpa' sems dpa' chen po dag thams cad kyi dang por dbugs rngub pa dang / dbugs 'byung ba'i mtshan ma'i dmigs pa thams cad la sems gtod pa byed de/ de g.yeng ba med pa'i sems kyis dbugs rngub par byed do// dbugs 'byung bar byed do// de dang por dbugs rngub pa'i sems kyis sel bar byed pa de dag ni de'i rnam par rtog pa yin no// de nges par 'byung ba na dbugs 'byung ba'i sems kyis sel ba de dag ni de'i rnam par dpyod pa yin no/ / de la dga' zhing tshim pa gang yin pa dang / sems rtse gcig pa nyid gang yin pa dang / g.yeng ba med pa gang yin pa des na/ de nges par 'byung ba la gnas shing / rnam par rtog pa dang / rnam par dpyod pa spong ba'i sems dang ldan pa yin no// de ltar na der des rnam par rtog pa dang / rnam par dpyod pa dang bcas pa'i bsam gtan dang po thob pa yin no// de la mtshan ma 'di dag 'byung ste/ de'i lus thams cad g.yo bar 'gyur ro// dro bar 'gyur ro// der de 'dod pa'i 'dun pa'i sgrib pa spong ba yin no// de mi dge ba'i chos thams cad gnon par
- 94b
byed do/ / gang gi tshe brtson pa drag pos yid la byed cing gnas pa de na/ de rnam par rtog pa dang / rnam par dpyod par nye bar zhi ba yin te/ des na rnam par rtog pa dang / rnam par dpyod pa med pa'i bsam gtan gnyis pa thob pa yin no/ / de ltar de'i lus thams cad shin tu sim pa dang / bde ba dang / tshim par 'gyur ba ni/ dper na 'o ma 'jam tsam gyis lus la cig car blugs na bde ba myong ba yin no/ / des bdag ni 'di ltar gyur par shes te/ de zang zing med pa'i dga' ba dang / bde ba de lta bu dang ldan no snyam du shes so// byang chub sems dpa' des dkon mchog gsum la dad pa thob nas/ de 'di snyam du bdag gis ni sems can thams cad kyi don du go cha chen po bgos nas/ bsam gtan la mngon par brtson par bya zhing / bdag gis ci nas kyang lus dang sems kyi bde ba'ang dor bar bya'o snyam du sems so/ / byang chub sems dpa' sems dpa' chen po de dbugs rngub pa dang / dbugs 'byung ba goms par bya ba sems kyi dmigs pa dag 'dor bar byed do// de sna'i rtse mor sems gtod pa byed de/ gang gis 'jug pa dang nges par 'byung ba dbugs rngub pa dang / dbugs 'byung ba la gnas pa'i sems kyi nye bar rtog par byed do// de sems de'i skad cig ma la zhig pa dang / skye ba dang / 'jig pa nye bar rtog pa byed de/ sems dang / yid dang / phung po dang / khams dang / skye mched thams cad la chu zla dang / mig yor dang / smig rgyu lta bu dang / glog lta bu dang /
- 95a
bdag po med pa dang / thams cad skad cig ma 'jig pa dang ldan par rtogs te/ de de ltar dga' ba dang / bde ba rab tu gtong bar byed do// des der bsam gtan gsum pa'ang thob pa yin no/ / gang du chos de dag 'phel bzhin du 'gog pa yid la byed pa'i sems kyis bsam gtan bzhi pa rdzogs par byas te gnas pa de la mtshan ma 'di dag 'byung ste/ nges mig gnyis ka/ btsums kyang nyi ma'i snang ba chen po lta bur snang ba dag yang dag par lta bar byed pa na/ de 'di snyam du mtshan ma'i stobs snang ba'i rkyen las sems thams cad kyi phung po dang / khams dang / skye mched/ dang / nyon mongs pa dang / nye ba'i nyon mongs pa rnam par 'phel zhing 'bar bas/ bdag gis ci nas kyang yid la byed pa'i sems kyi dmigs pa'i snang ba dag dor bar bya'o snyam du sems so// de der de'i tshor ba dang / 'du shes dang / sems pa dang / reg pa gang yin pa yid la byed pa kun 'byung ba dag skye zhing 'jig pa dang / 'gog pa'i tshul gyis rab tu zhi bar byed la/ 'gog pa'i grong khyer shin tu yongs su dag par 'jug par yang byed do/ / de lus dang / ngag dang / yid la byed pa shin tu sbyangs pa la gnas so// yang de las kyang ldang ngo // yang na rngub pa dang / dbugs 'byung ba'i mtshan ma dag 'dzin par byed la/ reg pa yid la byed pas mtshan ma la nye bar rtog par yang byed do// yang stong pa nyid kyi ting nge 'dzin la 'jug par yang byed la/ yang na dbugs
- 95b
rngub pa dang / dbugs 'byung ba'i skye ba dang / 'jig pa'i mtshan ma'i dmigs pa dag yang dag par lta bar byed do// smon pa'i ting nge 'dzin de la yang gnas la/ yang na dbugs rngub pa dang dbugs 'byung ba'i zhi ba dang / 'gog pa yang dag par lta bar byed do// mtshan ma med pa'i ting nge 'dzin la gnas pa de bzhin du/ dran pa nye bar gzhag pa bzhi bsgom pa'ang yongs su rdzogs par 'gyur ro/ / de la rnam par thar pa gsum bsgom pa yongs su rdzogs par yang 'gyur la/ yang na dbugs rngub pa dang / dbugs 'byung bar mi smon cing / 'jig pa'i tshul gyis dmigs pas nye bar rtog par yang byed do/ / de la yang dag par spong ba bzhi bsgom pa yongs su rdzogs par yang 'gyur la/ yang na dbugs rngub pa dang / dbugs 'byung ba'i skye ba dang / nub pa'i mtshan ma la nye bar rtog par yang byed do/ / de rdzu 'phrul gyi rkang pa bzhi bsgom pa yongasu rdzogs par yang 'gyur la/ yang na dbugs rngub pa dang / dbugs 'byung ba'i mtshan ma la dmigs pas/ nyi zer gyi rdul dang 'dra bar phye mar brlags pa bzhin du rang gi lus la nye bar rtog par yang byed do/ / de dbang po lnga bsgom pa yongs su rdzogs par yang 'gyur la/ yang na dbugs rngub pa dang / dbugs 'byu ba skye ba dang / nub pa'i tshul gyis 'du byed gsum la nye bar rtog par yang byed do// de stobs lnga bsgom pa yongs su rdzogs par yang 'gyur la/ yang na dbugs rngub pa dang / dbugs 'byung ba'i
- 96a
tshor ba'i mtshan ma bsal ba'i tshul gyis phung po dag la zhi ba dang / nye bar zhi bar rtog par yang byed do// de bzhin du byang chub kyi yan lag bdun bsgom pa yongs su rdzogs par yang 'gyur la/ yang na dbugs rngub pa dang / dbugs 'byung ba'i rlung gi rnal 'byor yid la byed pas/ sa'i khams gzugs su snang ba thams cad rdul du brlags te/ gtor nas mtshan ma med/ pa/ lus pa med pa/ brjod du med pa/ mtshan nyid med pa/ rnam par rig pa med pa/ 'du byed gsum zhi ba/ nye bar zhi ba/ 'gags pa/ dmigs pa med pa'i ting nge 'dzin dag rab tu thob bo/ / bsam gtan la rnam par rtse ba'i ting nge 'dzin de lta bu ni/ byang chub sems dpa' sems dpa' chen po rnams kyi bsam gtan gyi pha rol tu phyin pa yongs su sbyong ba thun mong ba yin la/ bsam gtan gyi pha rol tu phyin pa yongs su sbyong ba ni/ nyan thos dang rang rgyal ba thams cad kyi'ang thun mong yin no// gang dag kha cig de la gnas na rgyun du zhugs pa'i 'bras bu la gnas pa yin no// brtson 'grus zhan pa kha cig ni nyan thos kyi chos rnams la 'phel lo// kha cig ni dgra bcom pa'i 'bras bu la gnas pa'i bar du'o// gang dag byang chub sems dpa' sems dpa' chen po snying rje chen po dang ldan pa/ 'bad pa brtan pa/ sems can thams cad la lta la/ bsod nams dang ye shes kyi tshogs dpag tu med pa goms par byas te/ bsam gtan yongs su sbyong
- 96b
bas rnam par rtse ba'i ting nge 'dzin gyi rnal 'byor de lta bu de la gnas nas/ rnam par ldog pa mi byed la/ nyan thos kyi nges pa la 'jug par yang mi byed do// byang chub sems dpa' sems dpa' chen po de dag go cha chen po bgos nas/ bsam gtan gyi pha rol tu phyin pa dang / so so yang dag par rig pa bzhi la sbyor ba yongs su sbyor ba la gnas pa nas/ bsam gtan gyi pha rol tu phyin pa yongs su rdzogs par byed pa dang / de'i pha rol tu phyin pa drug po yongs su rdzogs par 'gyur ba'i bar du'o// dpal cho ga shes yul 'khor de na dge slong dang / dge slong ma dang / dge bsnyen dang / dge bsnyen ma dang / nyan thos kyi theg pa la yang dag par zhugs pa dang / rang sangs rgyas kyi theg pa la yang dag par zhugs pa dang / theg pa chen po la yang dag par zhugs pa'i rigs kyi bu dang / rigs kyi bu mo dag bsam gtan yongs su sbyong bas rnam par rtse ba yid la byed pa de lta bu dag gis gnas pa nas/ yul 'khor der lha'i dbang po thams cad kyis legs par bsrungs par 'gyur ro/ / yul 'khor de klu'i dbang po dang / gnod sbyin gyi dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye/ chen po'i dbang po dang / yi dgas kyi dbang po dang / sha za'i dbang po thams cad kyis legs par bsrungs par 'gyur ro// de na ting nge 'dzin de lta bu dang ldan pa'i sbyin gnas ngag 'khod pa'i
- 97a
bar du'o/ / yul 'khor de'i rgyal po'ang yid dang 'thun pa'i chos bcu thob par 'gyur te/ bcu gang zhe na/ nad med pa dang / nad thams cad rab tu zhi ba dang / tshe ring ba dang / gzugs bzang ba dang / mdog bzang po dang ldan pa dang / yan lag dang / nying lag sdug pa dang / 'khor skye bo bzang ba dang / las kyi mtha' legs par spyad pa spyod pa dang / byam pa dang // snying rje la sbyor ba dang / snyan par grags pa dag ste/ ting nge 'dzin de lta bu dag dang ldan pa'i sbyin gnas snod du gyur pa/ mtho ris su 'gro ba'i yul 'khor de ni yon tan dang / phan yon chen po bcu po de dag gis rgyas par 'gyur ro// rang gi dpung dang / gzhan gyi dpung dang / chom rkun dang / mi rgod dang / ri dgas dang / stag dang / sbrang ma dang / sha sbrang dang / phye ma leb dang / char ches pa dang / than chen po dang / dus ma yin pa'i rlung dang / lhags pa dang / nyi mas gdungs pa dang / tsha ba'i reg pa dag gis gnod par mi 'gyur ro// yul 'khor de sa gzhi mnyam ste/ dgon pa dang gcong rong med do// tsha ba dang kha ba med do// de na sa bon sna tshogs dag 'phel lo// 'bru dang / sman dang / rtswa dang / shing dang / shing ljon pa dang / chudrudag phun sum tshogs shing / chud mi za bar 'byung ngo // de na me tog dang / sman dang / 'bru dang / ro rnams chud mi za bar phun sum tshogs par 'gyur ro// yul 'khor der yid du mi 'ong
- 97b
ba'i sgra dang / phyi dgra dang / nang 'khrug gi dpung dag dang / lo nyes dang / nad dang / dus ma yin pa'i nad dang / 'chi ba dag mi 'byung ngo // de na sems can rnams tshe ring zhing kha dog dang ldan no// bde ba mang zhing sems la rnyog pa med do// rtse dga' dang mtshungs par ldan zhing chos spyod la mtho ris dag la gzhol lo// yul 'khor de na sbyin gnas snod du gyur pa dag rnal 'byor yid la byed pa dang 'thun par mngon par dga' ba dang bcas pa gnas so/ / de na bza' btung gi longs spyod ma tshang ba med do// 'byung ba chen po yid du 'ong ba dag gis brten to// dbang po dang khams dag rgyas shing mi mthun pa med do/ / yul 'khor de na mi rnams dga' zhing dran pa dang ldan la/ byams pa dang / snying rje dang ldan zhing mtho ris dag la gzhol lo// dpal cho ga shes yul 'khor de chos bcu po de dag gis legs par brgyan pa yin no/ / dpal cho ga shes byang chub sems dpa' rnams kyi las kyi sgrib pa ni 'di yin te/ theg pa chen po gtong ba dang / slu zhing nyan thos kyi sa la 'jog par byed pa'o/ / sems can thams cad yongs su smin par bya ba'i phyir/ nyan thos kyi bsam gtan dang / ting nge 'dzin gyis rnam par rtse ba'i pha rol tu phyin pa ni de lta bu yin no// nyan thos gang dag gis bsam gtan gyi yan lag yongs su rdzogs par mi shes pa de dag ni khams gsum gyi btson ra'i gnas kyi yan lag lnga ma spangs shing yan lag lnga dang ldan pa yin no/ / gang dag
- 98a
khams gsum las yang dag par 'das pa/ mi slob pa'i sa la rab tu gnas pa/ rnam par thar pa brgyad la bsam gtan pas rnam par rtse ba mngon par shes pa/ pha rol/ tu phyin pa thob pa/ bskal pas nges par 'byung ba/ sangs rgyas bcom ldan 'das thams cad kyi zhal nas skyes pa/ chos dang ldan zhing chos kyis sprul pa de dag gis ni/ sangs rgyas bcom ldan 'das dag la mchod pa dang / bkur sti bya ba dang / chos mnyan pa'i phyir sangs rgyas kyi zhing gzhan dag tu 'gro bar yang mi nus la/ sems can gzhan dag dang / gang zag gzhan dag gi lam gsum po dag kyang bskam par mi nus so/ / gang na nyan thos bsam gtan gyis rnam par rtse ba mngon par shes pa dag ni de lta bu yin la/ yul 'khor de'i yon tan dang phan yon ni de lta bu yin te/ sngar ji skad gsungs pa lta bu'o// 'dus pa chen po thog pa chen po'i mdo bco lnga pa ri'i snying po'i le'u las/ nyan thos mtshon pa ste dang po rdzogs so// / dpal cho ga shes de la ji ltar na byang chub sems dpa' sems dpa' chen po rnams dang / nyan thos dang / rang rgyal thams cad kyi bsam gtan gyi pha rol tu phyin pa yongs su sbyong ba thun mong du/ gzhug pa dang / gang gis byang chub sems dpa' sems dpa' chen po dag/ pha rol tu phyin pa lhag ma lnga po 'di dag yongs su rdzogs par byed ce na/ dpal cho ga shes byang chub sems dpa'
- 98b
sems dpa' chen po 'di dag dbugs rngub pa dang / dbugs 'byung ba thams cad du nye bar len pa'i phung po lnga po dag gi skye ba dang / 'jig pa la rtog par byed de/ des na sred pa dang / chags// pa dag skems par yang byed la/ nges pa la 'jug par yang mi byed do// rdzu 'phrul gyi rkang pa bzhis rnam par rtse ba mngon par shes pa yin no// sangs rgyas bcom ldan 'das de dag thams cad la mchod pa dang / bkur sti bya ba dang / dam pa'i chos mnyan pa'i phyir/ sangs rgyas kyi zhing thams cad du glog lta bu'i shugs kyis 'gro ba la mkhas pa'ang yin no// sems can rnams kyi lam gsum po las kyi lam dang nyon mongs pa'i lam dang / sdug bsngal gyi lam dag skem par yang byed do// 'dod pa'i khams las yang dag par 'da' bar yang byed la/ 'dod pa'i khams dag gtong bar yang mi byed do/ / sems can thams cad yongs su smin par bya ba'i phyir/ 'gro ba sna tshogs kyi skye ba'i sa dag ston par yang byed la/ mngal gyi nyes pas gos par yang mi byed do/ / sems can rnams kyi nyon mongs pa'i dra ba gcod par yang byed la/ sems can rnams dmigs par yang mi byed do// dpal cho ga shes 'di la byang chub sems dpa' sems dpa' chen po dag dbugs rngub pa dang / dbugs 'byung ba phan tshun mi 'dra ba la'ang ji lta ba bzhin rtogs par yang byed la/ 'phral 'phral du de shes par yang mi byed do// dbugs rngub
- 99a
pa dang / dbugs 'byung ba'i gzugs nye bar len pa'i phung po dang / de bzhin du tshor ba dang / 'du shes dang / 'du byed rnams dang / de bzhin du dbugs rngub pa dang / dbugs 'byung ba'i rnam par shes pa nye bar len pa'i phung po dag la ji lta ba bzhin du'ang rab tu shes shing / dbugs rngub pa'ang gzhan la/ dbugs 'byung ba'ang gzhan no// dbugs rngub pa so so yang dag par rig pa'ang gzhan la/ dbugs 'byung ba so so yang dag par rig pa'ang gzhan no// dbugs rngub pa'i tshor ba dang / 'du shes dang / sems pa yid la byed pa'ang gzhan la/ dbugs 'byung ba'i tshor ba dang / 'du shes dang / sems pa yid la byed pa'ang gzhan no// dbugs rngub pa'i sems pa'ang gzhan la/ dbugs 'byung ba'ang gzhan no// gang gi tshe/ dbugs rngub pa so so yang dag par rig pa de'i tshe/ dbugs 'byung ba so so yang dag par rig pa ma yin no// gang gi tshe dbugs 'byung ba so so yang dag par rig pa de'i tshe/ dbugs rngub pa so// so yang dag par rig pa ma yin no// 'khor ba'i 'khor lo dum bu gsum par tshor ba dang / 'du shes dang / sems pa yid la byed pa'ang de lta bu yin te/ 'jug pa'i rgyus ni bar chad med par skye ba'i rgya mtshor 'das shing thar par yang mi byed do/ / yang dang yang skye bar byed do// rga bar byed do// 'chi bar yang byed do// yang skye bar yang byed do// chos gang 'di dag mngon
- 99b
par rdzogs par sangs rgyas pa des na/ rga shi las nges par 'byung ba dag yang dag pa ji lta ba bzhin rab tu shes so// de dag dbugs rngub pa dang / dbugs 'byung ba yang dag pa ji lta ba bzhin nye bar rtog par mi byed do/ / 'di ltar srid pa'i rgya mtsho'i sgro dag gi dbugs rngub pa dang / dbugs 'byung ba 'jug pa dang / nges par 'byung bar yang byed do// de bzhin du baspu'i phung ngu'i sgo 'bub phrag khrag khrig dgu bcu rtsa dgu skyed thams cad kyi dbugs rngub pa dang / dbugs 'byung ba 'jug pa dang / nges par 'byung bar byed kyang / ba spu'i khung bu'i 'brum zag phrag khrig dgu ban na dgu de dag nyams par yang ma mngon no/ / rgyas par yang mi mngonano// sngon mtha' dang / phyi ma'i mtha dang / thogs dang / bar me dang / mthu ma'ang mi mngon no/ / 'jug pa dang / 'byung ba'ang mi mngon no// de 'di snyam du bdag gis ce nas kyang baspu'i khung bu thams cad kyi dbugs rngub pa dang / dbugs 'byung ba de la skye ba dang / 'jig pa'i tshul gyis/ skye 'jig gi mtshan nyid la brtson pa dang ldan par gnas par bya'o snyam du sems te/ byang chub sems dpa' sems dpa' chen po dma'i sgod du dbugs rngub pa dang / dbugs 'byung ba'i skye ba dang / 'jig pa la sbyong zhing sa song rtog par byed do// de bzhin du ba spu'i khung bu'i sgo 'bum thag khrag khrig dgu bcu rtsa dgu zhidi'i ma
- 100a
ba spu'i khung bu'i dbugs rngub pa dang / dbugs 'byung ba'i skye ba dang / 'jig pa'i mtshan nyid la brtson pa dang ldan par gnas par byed do// yang na de ba spu'i khung bu'i sgo/ sku'i nyag ma tsam du chung bar rtog na'ang / der dbugs rngub pa dang / dbugs 'byung ba rgyu ba de dag la chung bar yang mthong ngo // yang na che bar rtog na'ang yung 'bru chen po tsam du yang dag par rjes su mthong ngo / / yang na skyu ru ra tsam du rtog na'ang skyu ru ra tsam du mthong ngo // yang na ba spu'i khung bu re re la bil ba'i 'bras bu tsam du rtog na'ang / bil ba 'bras bu tsam du mthong ngo // yang na dpag tshad stong tsam du rtog na'ang dpag tshad stong tsam du mthong ngo / / yang na gling bzhi pa gcig tsam du rtog na'ang / gling bzhi pa gcig tsam du mthong ngo // yang na ba spu'i khung bu re re la rgya che bar rtog na'ang / rgya che bar yang dag par rjes su mthong ngo // de bzhin du mig gi tshad la'ang sbyar bar bya'o// gang du rga shi dang 'brel ba'i sems can dag par chad med par 'khor ba'i chu bor 'das pas/ sdug bsngal rnam pa sna tshogs dag nyams su myong ba na/ de 'di snyam du bdag gis ci nas kyang rnam pa thams cad du gzugs kyi 'du shes dag dor bar bya'o snyam du sems te/ de rlung gi khams la sems nye bar gtod par byed do/ / de rnam pa thams cad du gzugs kyi 'du shes dag spong bas/ des brjod du med pa'i ting nge 'dzin la rab tu thob ste/ de ni nyan thos dang rang rgyal ba tham
- 100b
cad kyis ma yin no/ / de la sa'i khams mi dmigs so// chu'i khams mi dmigs so// me'i khams me dmigs so// rlung gi khams mi dmigs so// nam mkha'i khams mi dmigs so// rnam par shes pa'i khams mi dmigs so/ / phung po dang / khams dang / skye mched rnams rgyu ba mi dmigs so// sngon gyi mtha' mi dmigs so// phyi ma'i mtha' mi dmigs so// 'jig rten 'di mi dmigs so/ / 'jig rten pha rol mi dmigs so// legs par spyad pa dang / nyes par spyad pa'i las rnams kyi 'bras bu rnam par smin pa mi dmigs so// skye ba mi dmigs so// 'jig pa mi dmigs so// kun nas nyon mongs pa mi dmigs so// rnam par byang ba mi dmigs so// byang chub sems dpa' sems dpa' chen po de zhi ba la gnas pa de dag gis gnas so// gal te chos thams cad stong pa nyid brjod du med pa'i ting nge 'dzin 'dis bskal pa tshad med par byin gyis rlob par 'dod na'ang / de bzhin du ting nge 'dzin gyi stobs kyis byin gyis rlob bo// de chos thams cad stong pa nyid brjod du med pa'i ting nge 'dzin 'dis bskal pa tshad med par gnas par 'dod na'ang de bzhin du gnas par byed do/ / 'di ltar sems can yongs su smin par bya ba'i phyir/ pha rol tu phyin pa drug yongs su rdzogs par byed de/ dper na byang chub sems dpa' sems dpa' chen po sa'i snying po bzhin no// dpal cho ga shes byang chub sems dpa' sems dpa' chen po gang gis chos thams cad stong
- 101a
pa nyid brjod du med pa'i ting nge 'dzin gyi pha rol tu phyin pa la dbang thob par gyur pa/ byang chub sems dpa' chen po de gang gi tshe ting nge 'dzin 'di la 'jug par 'dod pa de'i tshe/ des dang po kho nar sems can yongs su smin par bya ba'i phyir/ bsod nams dang / shes rab kyi stobs kyis smon lam 'di lta bur 'debs par byed de/ 'di ltar bdag yun ji srid du ting nge/ 'dzin las ma langs pa de srid kyi bar du/ yul 'di nyid dang / gling bzhi pa 'di nyid ces bya ba nas/ sangs rgyas kyi zhing 'di nyid kyi sems can zhes bya ba'i bar gyi sems can rnams longs spyod dang / yongs su spyod pa dang / yo byad rnam pa sna tshogs dag phun sum tshogs par gyur cig/ 'di lta ste/ de na sems can rnams kyi gnas dang / lus dang / lus kyi dbyibs mdog dang / yan lag drong / nying lag dang / rgyan dang / lhab sgrub dang / phyang drul dang / 'phreng ba dang / malan dang / gos dang / bza' ba dang / btung ba dang / gzugs dang / spu dang / dri dang / ro dang / reg pa yid du 'ong ba ci dang ci 'dod pa dang / ji lta bu zhig 'dod pa dang / ji snyed cig 'dod pa rnams 'byung bar gyur cig ces smon lam btab nas/ de'i rjes la byang chub sems dpa' sems dpa' chen po de ting nge 'dzin de la 'jug par byed do/ / ting nge 'dzin de la zhugs pa'i byang chub sems dpa' sems dpa' chen po de ji srid du snyoms par zhugs pa de srid kyi bar du/ den
- 101b
sems can rnams kyi longs spyod dang / yo byad de lta bu dag 'byung ba ni sngar ji skad gsungs pa yin no// gzhan yang byang chub sems dpa' sems dpa' chen po de smon lam 'di lta bur bdebs par byed de/ 'dir bdag yun ji srid du ting nge 'dzin de lta bu dang ldan pa de srid kyi bar du tshad bzung ste/ sems can rnams kyi lus kyi nang rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / de bzhin du sems kyi nad 'dod chags dang / zhe sdang dang / gti mug la sogs pa dag rab tu zhi bar gyur cig/ mi dang mi ma yin pa'i gnod pa las byung ba'i nad dag rab tu zhi bar gyur cig/ dge ba bcu'i las kyi lam dag la gnas par gyur cig ces smon lam btab nas/ de'i rjes la ting nge 'dzin la 'jug par byed do// byang chub s ems dpa' sems dpa' chen po de 'di ltar yun ji srid du ting nge 'dzin de lta bu dang ldan pa de srid kyi bar du tshad gzung ba'i sems can rnams kyi lus dang sems kyi sdug bsngal gyi nad de lta bu dag rab tu zhi bar byed do/ / gzhan yang byang chub sems dpa' sems dpa' chen po de smon lam 'di lta bur 'debs par byed de/ bdag yun ji srid du ting nge 'dzin de lta bu dang ldan par gnas pa de srid kyi bar du sems can dmyal ba rnams dang / dud 'gro rnams dang / gshin rje'i 'jig rten pa rnams kyi sdug bsngal dang / bkres pa dang / skom pa dang / tsha ba dang / grang ba dang / mi sdug pa dang phrad
- 102a
pa dang / sdug pa dang bral ba dang / ngal ba'i sdug bsngal dang / chol khro'i sdug bsngal dag rab tu zhi bar gyur cig/ yun ji srid du ting nge 'dzin de lta bu dang ldan pa de srid kyi bar du sems can rnams brtson 'grus dang ldan par gyur cig/ dge ba'i chos thams cad dang bral ba rnams dge ba'i chos thams cad la brtson par gyur cig/ yun ji srid du ting nge 'dzin de lta bu dang ldan pa de srid kyi bar du sems can rnams sems can gzhan dag la byams pa'i sems dang ldan pa dang / phan pa'i sems dang ldan pa dang / mi 'khrugs pa'i sems dang ldan pa dang / khon med pa'i sems dang ldan pa dang / rnyog pa med pa'i sems dang ldan pa dang / snying rje'i sems dang ldan pa dang / snying brtse ba'i sems dang ldan pa dang / bsam gtan gyi sems dang ldan pa dang / snyoms par 'jug pa la mkhas par gnas pa'i sems dang ldan pa dang / 'khrul pa med pa'i sems dang ldan par gyur cig/ ji srid du ting nge 'dzin de lta bu dang ldan pa de srid kyi bar du sems can rnam kyi gti mug gi mun pa dang / rtag pa dang chad par lta ba dag/ rab tu zhi bar gyur cig/ dus thams cad du lta bar 'dzin pa rnams rab tu zhi bar gyur cig/ yun ji srid du ting nge 'dzin de lta bu dang ldan pa de srid kyi bar du sems can rnams dkon mchog gsum la blo 'jug cing / zhe sa dang ri mo byed par gyur cig/ phyin ci log bzhi dang bral zhing bden pa bzhi'i rnam pa la gnas pa'i sems dang ldan
- 102b
par gyur cig/ 'phags pa'i don dam pa'i bden pa la rnam par gnas pa'i sems dang ldan par gyur cig/ byang chub sems dpa' sems dpa' chen po de sems can yongs su smin par bya ba'i phyir/ gang gi tshe ting nge 'dzin la 'jug par 'dod pa de'i tshe/ 'di ltar shes rab dang / bsod nams kyi stobs dang / thabs kyi stobs kyis 'di lta bur byin gyis rlob par byed de/ bdag yun ji srid du ting nge 'dzin las ma langs pa de srid kyi bar du yul 'di nyid dang / gling bzhi pa 'di nyid ces bya ba nas/ sangs rgyas kyi zhing 'di nyid kyi sems can zhes bya ba'i bar dag/ ji ltar tshad gzung ba rnams la 'di ltar bde bar sbyar bar byin gyis rlob par byed do/ / de'i rjes la chos thams cad stong pa nyid brjod du med pa'i ting nge 'dzin de lta bu la 'jug par byed do// byang chub sems dpa' sems dpa' chen po snyoms par zhugs ma thag pa des ji ltar sems can rnams tshad bzung ba de bzhin du/ byang chub sems dpa'i ting nge 'dzin gyi stobs kyis bde bar sbyar ba yon tan sna tshogs de lta bu dag gis sems can rnams yongs su smin par byed de// byang chub sems dpa' sems dpa' chen po dag chos thams cad stong pa nyid brjod du med pa'i ting nge 'dzin las de srid du ldang bar mi byed do// de ltar byang chub sems dpa' sems dpa' chen po snyoms par zhugs pa de'i lus la gnod pa dang 'gyur ba mi 'byung ngo / / bkres pa dang skom pa'i gnod pa mi 'byung ngo // me'i gnod pa mi 'byung ngo // bskal pa mes tshog par mi 'gyur ba nas/ me phal pas tshig par mi 'gyur ro//
- 103a
chus khyer bar mi 'gyur ro// nad kyi bskal pas zad par mi 'gyur ro// mu ge'i dgon par gyur pa'i bskal pas zad par mi 'gyur ro// bsams bzhin du tshe'i 'du byed 'dor ba la ma gtogs par tshe'i 'du byed dang / srog gi dbang po yongs su zad par mi 'gyur ro// lus dang srog la mi dang / mi ma yin pa dang / rlung dang / nyi mas gdungs pa dag gis gnod par mi 'gyur te/ de lta bu/ ni snyoms par zhugs pa'i yin no// ting nge 'dzin las langs nas kyang 'dod na/ skra'i rtse mo gcig gi nang du sangs rgyas kyi zhing dpag tu med pa dag gzhug par nus so// 'dod na sangs rgyas bcom ldan 'das 'khor dang bcas pa thams cad dang / byang chub sems dpa' sems dpa' chen po 'khor dang bcas pa thams cad gcig tu bsdoms pa ma lus pa dag sor mo gcig gi sen mo'i nang du blta bar yang nus so/ / 'dod na skra'i rtse mo gcig gi nang du sems can dpag tu med pa thams cad bzhugs par yang nus la/ de na sems can re re'i rang rang gi yul dang / spyod yul dag yangs par yang mthong ngo // 'dod na sangs rgyas kyi zhing mtha' yas mu med pa dag gi rlung gi lam thams cad skra'i rtse mo gcig gi nang du bcug ste/ der nam mkha'i gtos yangs pa bzhin du spyod par byed kyang / de che bar yang mi mngon no// / chung bar yang mi mngon no// 'dod na byang chub sems dpa' sems dpa' chen po de sangs rgyas kyi zhing thams cad kyi chu'i khams thams cad mon sran sde'u'i 'brum bu gcig gi nang du bcug ste/ der nam
- 103b
mkha'i gtos yangs pa bzhin du spyod par byed kyang / de che bar yang mi mngon no// chung bar yang mi mngon no// byang chub sems dpa' rang gi smon lam gyi stobs ma gtogs par yang dang yang mngal gyi gnas su skye bar mi 'gyur ro/ / ngan 'gror skye bar mi 'gyur ro// bud med du mi 'gyur ro// skye ba dman pa 'thob par mi 'gyur ro// yan lag nyams par mi 'gyur ro// lus dang / ngag dang / yid kyi spyod pa la 'khrul par mi 'gyur ro/ / sems can yongs su smin par bya ba'i phyir rang gi smon lam gyi stobs ma gtogs par sangs rgyas kyi zhing stong pa dag tu skye bar mi 'gyur ro// de rtag par sangs rgyas la blta ba dang / chos mnyan pa dang / dge 'dun la bkur sti bya ba dang mi 'bral ba yin no// de shes rab dang / bsod nams dang / ting nge 'dzin dang / thabs mkhas pa dag gis sems can yongs su smin par byed pa nas/ yongs su mya ngan las 'das pa bla na med pa'i bar la 'jigs pa med pa dang ma bral ba yin no// dpal cho ga shes byang chub sems dpa' sems dpa' chen pos go cha chen po de lta bu bgos nas/ bsam gtan dang po'i pha rol tu phyin pa yongs su sbyong zhing slob pa na/ 'dod pa'i khams las yang dag par 'da' bar byed do// de bzhin du bsam gtan gyi yan lag rnams kyang shes par byed do/ / yan lag lnga dang ldan zhing yan lag lnga rnam par spangs pa yin no// de bzhin du rdzu 'phrul gyi rkang pa bzhis rtse ba mngon par shes pa yin no// sangs rgyas bcom ldan 'das de
- 104a
dag thams cad la mchod pa dang / bkur sti bya ba dang / dam pa'i chos mnyan pa'i phyir sangs rgyas kyi zhing thams cad du klog lta bu'i shugs kyis 'gro ba la mkhas pa yin no// gang gis na sems can thams cad kyi lam gsum po las kyi lam dang / nyon mongs pa'i lam dang / sdug bsngal gyi lam dag skems par byed pa yin no// byang chub sems dpa' de ltar skems par byed pa'i phyirabasam gtan gyi pha rol tu phyin pa yongs su rdzogs par byed do/ / de bzhin du de'i pha rol tu phyin pa drug yongs su rdzogs par 'gyur zhing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / yang bcom ldan 'das kyis bsam gtan gyi pha rol tu phyin pa yongs su rdzogs par bstan pa na/ 'khor de na sems can lnga khri po gang dag gis sngon chos bzhi/ po 'di dag goms par byas pa de dag gis mi skye ba'i chos la bzod pa rab tu thob pa dang ldan no// de na srog chags brgyad khri bzhi stong dag gis ni/ dpa' bar 'gro ba'i ting nge 'dzin rab tu thob par gyur to/ / de na srog chags khrag khrig stong phrag dgu bcu rtsa dgu dag gis ni bsam gtan gyi pha rol tu phyin pa yongs su rdzogs pa rab tu thob par gyur to// de na sems can sngon byang chub tu sems ma bskyed pa khrag khrig 'bum phrag dpag tu med pa dag gis ni bla na med pa yang dag par rdzogs pa'i byang chub tu sems bskyed nas/ bla na med pa yang dag par rdzogs pa'i byang chub las
- 104b
phyir mi ldog par gyur to/ / 'dus pa chen po theg pa chen po'i mdo bco lnga pa ri'i snying po'i le'u las/ bsam gtan mtshon pa ste gnyis pa rdzogs so// / de nas de du byang chub sems dpa' sems dpa' chen po sa'i snying pos/ dpal lha mo chen mo la 'di skad ces smras so// dpal cho ga shes gling chen po bzhi pa 'di/ byang chub sems dpa' sems dpa' chen de de dag thams cad kyi yun ring por shin tu mchod pa cher bya ba dang / rjes su bsrung bar bya ba dang / rjes su dran par bya ba dang / phyag bya bar 'os pa dag ji tsam pa ni/ da ltar de bzhin gshegs pa dag/ bcom pa yang dag par rdzogs pa'i sangs rgyas shAkya thub pas/ byang chub sems dpa' sems dpa' chen po de dag thams cad kyi 'dus pa chen po de lta bu dag bsdus pa dang / byang chub kyi lam mtha' dag la 'jug pa dang / phyir ma ldog pa'i 'khor lo'i thabs mkhas pa'i pha rol tu 'gro ba dang / sangs rgyas su dbang bskur ba'i sa rab tu bsgrags pa de lta bu dag ltos shig/ khyod phyir mi ldog pa'i 'khor lo yongs su rdzogs par byas te/ sbyin pa'i pha rol tu phyin pa dag la yang dag par mngon du zhon nas/ khyod kyi sbyin gnas de lta bu dag la bza' ba dang / btung ba'i yo byad dag 'byor par byas pa yin te/ khyod brtson pa des na myur du pha rol tu phyin pa drug yongs su rdzogs par byed dam/ rnam pa thams mkhyen pa nyid kyi ye shes la gnas par byed dam/ de la dpal lha mo chen
- 105a
mos 'di skad ces smras so/ / skyes bu chen po dam pas ji skad smras pa de ltar lags te/ sngon byung ba 'das pa'i dus bskal pa dpag tu med pa dag 'das pa na/ gang gi tshe byang chub sems dpa' shAkya thub pa de byang chub sems dpa'i spyad pa spyod pa na/ 'di ltar bdag dang gcig la gcig dam tshig bcas pa gang gi tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe/ bdag gling chen po bzhi pa der dpal chen mo'i go 'phang thob par shog cig pa dang / de na sems can rnams la bza' ba dang / btung ba'i yo byad thams cad kyis sbyin par byed par 'gyur bar bgyis lags so/ / rigs kyi bu khyod bdag las gson cig dang / sngon byung ba 'das pa'i bskal pa dpag tu med pa 'das pa gang de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas dbang po'i tog gi rgyal mtshan rgyal po zhes bya ba zhig byung bar gyur to/ / skye dgu'i tshe lo stong zhes bya ba nas/ de'i tshe de'i dus na/ dge bsnyen skar ma dri ma med dpal zhes bya ba dul ba/ gsal ba/ 'jigs pa med pa/ thos pa mang ba/ 'khor bzhi po dag la chos ston pa/ 'khor mang ba/ 'khor phun sum tshogs pa zhig byung bar gyur to zhes bya ba'i bar du ste/ de'i bu thu bo dri med dpal zhes bya ba zhig byung ba des rang gi pha la tshigs su bcad pas smras pa/ yab cig ci slad rang gi lus srog btang nas kyang // zhum pa med pa'i sems kyis brtson zhing
- 105b
rtsol bar mdzad/ / yab cig tshe 'dis mya ngan 'das par mi gshegs par// sems can rnams la mchog tu srung mdzad shin tu brtson// des rang gi bu dri med dpal la tshogs su bcad pas lan smras pa/ sems can 'khor ba'i sdug bsngal ngag gis rmongs pa dang // lam ngan zhugs shing nyon mongs pa yi me 'bar ba// rtag tu sdug bsngal dag gis nyon mongs ngas mthong nas// nyon mongs pa yi med// gsad phyir nga brtson byed// shes rab rnam par nyams shing mtha' las 'das pa dang // lam las rab tu nyams shing ngan song 'gro ba dang // 'khor ba shin tu bzang rlag chu bor lhung ba rnams// rab tu bsgral ba'i phyir ni nga yang spyod par byed// sbyin dang dul dang sdom pa rnam par spangs pa dang // lha dang mi yi bde bas rtag tu nyams pa dang / dge ba'i bshes gnyen dag dang rtag tu bral ba/ rnams// de dag la ni bdag gis lam ston 'gyur bar bya// sems can nyon mongs pa yis btson rar rtag bcings pa// mgon med gyur pa mig ni rnam par nyams gyur cing // lha ngan dag la chag pa sha dang khrag za ba/ / de dag dag par bya phyir nga ni spyod par byed// sems can re re'i don du mnar med spyod byed pa// de 'dra'i snying rje sems can rnams la bskyed par bya// ji ltar sems can re re de dag thar bya'i phyir/ / sdug bsngal bzang rlag bzed dka' bdag gis dang du blang // bu cigang yis byang chub spyad mchog spyad par bya// nyan thos dag gi shes pa btsal bar mi bya zhing // rang
- 106a
sangs rgyas kyi shes pa'ang btsal bar mi bya ste/ / bla na med pa'i ye shes dag ni btsal bar bya// ji srid gang+gA'i bye snyed sems can du ma dag/ sdug bsngal dag las thar par byas par ma gyur par/ / de srid byang chub mchog rab 'dir ni 'tshang mi rgya// phyi nas byang chub mchog rab de la reg par bya// bu cig khyod kyis sems can rnams la mtshungs par ni// snying rje 'di lta bu dag bskyed par byas nas kyang / / khyod kyis dge dang rtag tu ldan par byas pa rnams// byang chub mchog rab 'phags pa dag tu bsngo bar gyis// sems can nyon mongs me las rab tu thar bya'i phyir/ / sdug bsngal bzad rlag bzod dka' ba dag dang du long // sbyin dang dul dang sdom pa dag la legs spyod cig/ rdzogs sangs rgyas pa 'gyur ba 'dir ni the tsom med// gang gi tshe nga ni byang chub mchog ma thob pa na/ / de tshe khyod ni sems can rnams kyi sbyin por 'gyur// nga yis khyod ni byang chub mchog tu lung bstan nas// 'di la dam bcas brtan por legs par gnas pa yin// rigs kyi bu de'i tshe bdag gis de bzhin gshegs pa dbang po'i tog gi rgyal mtshan rgyal po'i spyan sngar 'di lta bur dam bcas te/ bdag yun ji srid du 'khor ba na 'khor ba de srid kyi bar du brtul zhugs dang / dka' thub dang / dka' ba spyad pa dang / sbyin pa dang / dul ba dang / sdom pa dang / bsam gtan dang / thos pa dang / gtong ba dang / zhal ta sna tshogs dag la goms par bgyi'o//
- 106b
dka' ba spyad pa dang / yongs su gtong ba rnam pa sna tshogs dag la goms par bgyi'o// gang gi tshe skye dgu'i tshe lo brgya thub pa'i tshe nyon mongs pa dang / nyon mongs pa'i spyog pa dag gis kun tu rmongs par gyur pa'i zhing dag tu/ bdag gi bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i zhing der bdag gis kyang dpal gyi go 'phang gi bdag po bla na med pa/ dag bstan par bgyi'o// de'i bstan pa la bza' ba dang / btung ba'i yo byad bla na med pa'i sbyin pa por 'gyur bar bgyi'o// de na de bzhin gshegs pa shAkya thub pa 'khor dang bcas pa dag la bdag gis zhal zas dang / btung ba sna tshogs dag gis rim gro bgyi'o// der de bzhin gshegs pa shAkya thub pas mngon sum du bdag bla na med pa yang dag par rdzogs pa'i byang chub tu lung bstan pa thob par bgyi'o/ / der sems can gang dag ma rungs pa/ rtsub pa/ snying mi brtse ba/ byas pa mi gzo ba/ mi mnyam pa/ yang bar spyod pa/ sdig pa'i sems dang ldan pa dag 'byung bar 'gyur ba de dag gis dus ma yin pa'i rdzi char dang / tsha ba dang / grang ba dang / char mo che dag 'bebs par byed pas/ gang dag sems can rnams kyi 'bru dang / 'bras bu dang / lo tog dang / sman dang rnaljon shing dang / ro dag ma rung bar byed pa/ mdangs 'phrog pa/ sems can rnams kyi longs spyod dang / yongs su spyod pa dag chud gzon par byed pa/ mun nag tu byed pa de dag thams cad
- 107a
bdag gis bsod nams kyi mthu dang / shes rab kyi stobs kyis bzlog par bgyi'o// dad par bgyi'o// / bam po gnyis pa/ gang gi tshe sems can de dag longs spyod dang / nye bar spyod pa dang bral bas/ sems can de dag mi dge ba bcu la spyod par byed do// dge ba bcu'i chos rnams yongs su nyams par byed do/ / 'di ltar der bcom ldan 'das kyi gdul bya rnams bstan pa dang / dkon mchog gsum gyi gdung dang / yo byad dag dang mi ldan pas/ grags pa med par 'gyur te/ des na der bdag gis longs smod dang nye bar spyod pa'i yo byad phun sum tshogs pa'i rgyu dag gis sems can rnams bla na med pa yang dag par rdzogs pa'i byang chub tu yongs su smin par bgyi'o/ / gang gi tshe 'di ltar bdag gis bcom ldan 'das kyi spyan sngar smon lam btab pas/ ma 'ongs pa'i dus na de ltar bdag gis bsam pa yongs su rdzogs par byas pa de'i tshe/ bcom ldan 'das des legs so zhes bya ba gnang ste de'i tshe ji ltar smon lam btab pa bzhin bsam pa yongs su rdzogs par byas pas/ rigs kyi bu de ltar smon lam btab pa legs so legs so zhes/ de bzhin gshegs pa dbang po'i tog gi rgyal mtshan rgyal pos legs zhes bya ba gnang ba yin no/ / rigs kyi bu khyod la bdag gis 'byor byed chu khyim snying po zhes bya ba'i gzungs sbyin gyis/ khyod kyis gzungs kyi snying po 'dis de lta bur sems
- 107b
can rnams shin tu yongs su smin par byed nus sam/ sems can tshad med pa dag longs spyod dang nye bar spyod pa'i yo byad phun sum tshogs pa dang ldan pa dag gis nyon mongs pa'i chu bo las sgrol bar byed dam/ tad+ya thA/ dza lam b+ha/ ma hA/ dza lam b+ha/ a nu/ dza lam b+ha/ sarba/ dza lam b+ha/ o ga/ dza lam b+ha/ yakra bri/ dza lam b+ha/ nA ga bri/ dza lam b+ha/ u ga ra bri/ dza lam b+ha/ hasti br-i/ dza lam b+ha/ a dza lam b+ha/ dza lam b+ha/ man D+hA ka pri/ dza lam b+ha/ kha mu bri/ dza lam b+hA/ pang ka bri/ dza lam b+ha/ a ma bri/ dza lam b+ha/ sU tsi mu kha bri/ dza lam b+hu/ ba mra ba ma?/ dza la ba ma?/ bi dza/ b+hAn da/ prad tra puSh+pa/ pha lam b+ha/ mu kran/ ri b+han sa/ d+ha ra ma/ yang nya/ bri'i so/ hri lam b+ha/ sha shAs+dza/ da la/ gung gung sa ra gun tsi/ dung gung / ba ra bai swA hA/ 'byor byed chu khyim snying po zhes bya ba'i gzungs ni de yin te/ gzungs kyi snying po 'dis de lta bur sems can rnams shin tu yongs su smin par byed nus sam/ rigs kyi bu der bdag gis ni de bzhin gshegs pa dbang po'i tog gi rgyal mtshan gyi rgyal po de las/ 'byor byed chu khyim snying po zhes bya ba'i gzungs 'di mnos so// mnos nas kyang de bzhin gshegs pa de la bdag gis mchod pa dang / rim gro rnam pa sna tshogs 'di dag byas te/ tshul khrims dang / thos pa dang / brtul zhugs dag kyang spyad do// de'i 'og tu yang sangs rgyas khri snyed la de lta bu'i smon lam btab pa des na/ bdag gis da ltar bskal pa
- 108a
bzang po 'di la dpal chen po'i go 'phang thob pa yin no/ / da ltar bdag 'dir don chen po de lta bu bgyid pa'i tshe/ mi nyal ba de ci'i slad du zhe na/ de tshun chad klu khro bo phal mo che dag byung ba dang / gnod sbyin dang / srin po dang / lha ma yin dang / grul bum dang / yi dgas dang / sha za ma rungs pa/ rtsub pa/ ma dad pa/ snying rje med pa/ snying brtse ba med par zhugs pa phal mo che dag lhags pas/ srog chags su gyur pa rnams la gnod pa dang / yang bar spyod pa de dag gis dus ma yin pa'i rlung dang / char mo che dang / zan chen dang / ser drag 'bebs pa dang / tsha ba dang / grang ba dag 'byin par byed do/ / phyi dam dang / nang 'khrug dang / phung bar 'gyur ba dang / phas kyi dmag tshogs kyi gnod pa dang / 'thab mo dang / nyi mas gdungs pa dang / rlung dmar dag gtong bar byed do// de dag kyang sngon gyi rgyal bas byin gyis ma brlabs la/ de dag 'jig rten pha rol la'ang mi lta bas 'byor byed chu khyim snying po zhes bya ba'i gzungs 'di la ri mo mi byed de/ de dag sems can rnams kyi sa bon dang myu gu dang / 'dab ma dang / me tog dang / 'bras bu dang / ro dang / 'bru dang / sman dang / longs spyod dang / nye bar spyod pa dag chung gson par byed do// 'jig par byed do// mdangs 'phrog par byed / de dag sa'i bcud rnams la dbugs gtong bar byed do// de dag gis sa'i bcud rnams skyon dang bcas pa dang / snyigs ma dang bcas pa dang / nad dang bcas pa dang / ldam ldum gyis 'gags pa dang
- 108b
rtsub pa dang / ro med pa dang / sra ba dang / dri mi zhim pa dag tu byed do// de dag gis sems can rnams mngon par dga' bar mi byed do// sems can gang dag sa'i bcud 'di la rten pa rnams sa bon dang / sdong bu dang / lo ma dang / me tog dang / 'bras bu dang / ro dang / 'bru dang / sman dang / longs spyod dang / nye bar spyod pa dag la spyod par byed pas/ de dag gi sems 'jig rten pha rol la mi lta zhing sem can rnam la sems rtsub pa dang / zhe 'gras pa dang / gdug pa dang / sdang ba dang / snying rje med pa dang / snying brtse ba med par zhugs pa yin no// nad sna tshogs kyis gzir cing / gzugs mi sdug la/ lus rtsub pa/ nyon mongs pa dang / nang du mas nyams smad pa/ lta ba ngan par zhugs pa/ skyabs ngan pa la rten pa yin no// de dag ces bya ba nas/ ri dgas dang // bya dag gi bar du dkon mchog gsum la dad pa dang / dang pa dang / dga' ba dang / bla ma dang / zhe sa dang / ri mo byed pa'i sems dag ma thob pa yin te/ de dag nad sna tshogs dang / lta ba ngan pas zin cing / ngan g.yo can khar bros pas/ dkon mchog gsum la lus dang / ngag yid 'khrul par spyod pa yin no// sdig pa'i sems dang ldan pa/ tshul khrims 'chal pa/ sdom pa ma yin pa la spyod pa de dag dge slong tshul khrims dang ldan zhing yon tan gyis phyug pa/ spobs pa grol ba dang ldan pa de dag gis spong bar byed do// da ltar 'di na sems can dag gshe ba dang / spyo ba dang / smod pa dang /
- 109a
gshung ba dang / nyams par byed pa dang / brnyas pa dang / 'drid pa dang / sdigs pa dang / grags pa ma yin par spyod pa dang / ngo tsha shes pa dang / khrel yod pa spangs pa dang / mi dge ba bcu'i las kyi lam rnams la mngon par dga' ba'i sems dang ldan pa dang / dge ba thams cad la spyod pa spangs pa'i sems dang ldan pa dang / bsod nams dang / shes rab dang bral ba dang / tshe thung zhing ngan song du 'gro ba des na/ sems can 'di dag thams cad de bdag gis ni longs spyod dang / nye bar spyod pa thams cad kyis tshim par byed kyang mi nus/ yongs su smin par byed kyang mi nus so// / 'di ltar skyes bu dam pa khyod ni sangs rgyas thams cad kyi chos la rag ma las par shes shing / mkhas pa khyod ni ting nge 'dzin dang / gzungs dang / bzod pa thams cad la rnam par spyod pa la mkhas pa'i pha rol tu son pa/ snying rje dang / snying brtse bas brgyan pa/ mkhas pa chen po shes pa'i pha rol tu son pa khyod ni byang chub sems dpa'i tshogs thams cad kyi nang na rgyal mtshan gyi mchog tu gyur pa/ sems can thams cad yongs su smin par byed pa yin pas/ nga khyod kyis gling bzhi pa 'dir snying rje dang / snying brtse ba dag skyed cig/ gling bzhi pa 'di na klu khro bo dag ji ltar bzlog par rus pa dang / gnod sbyin dang / srin po dang / lha ma yin dang / grul bum dang / yi dgas dang / sha ba khro bo dang / lus srul po khro bo dag ji ltar bzlog par nus pa dang / de dag ci nas kyang dus su char 'bebs/
- 109b
shing chu 'byin par 'gyur ba dang / lo tog phun sum tshogs pa sgrub par 'gyur ba dang / tsha ba dang / grang ba dus su sbyor bar 'gyur ba dag blos rtogs shig dang / gzhi des sems can rnams kyi yongs spyod dang / nye bar spyod pa mi nyams la/ sa'i bcud thams cad la'ang skyon med pa dang / nad med pa dang / snying po dang ldan pa dang / dran pa'i rgyu can dang / zhim pa dang / dri zhim pa dang ro zhim po phun sum tshogs par 'gyur ro/ / sa'i bcud 'di la rten pa'i sems can gang dag gis longs spyod dang / nye bar spyod pa la longs spyod pa de dag ni nad med pa dang / dran pa dang ldan pa dang zhes bya ba'i bar du sngar ji skad gsungs pa yin no/ / de nas byang chub sems dpa' sems dpa' chen po so'i snying pos/ dpal lha mo chen mo de lo 'di skad ces smras so// dpal cho ga shes bdag gis/ ni sangs rgyas kyi zhing 'di thams cad kyi 'byung ba chen po ma lus pa dag lha'i bde bar sprul nas 'dir sems can rnams bskal pa 'bum phrag snyed kyi bar du longs spyod par bya bar nus kyang / 'dir sems can rnams kyi long spyod par mi nus so// de ci'i phyir zhe na/ sems can 'di dag ni bsod nams dang bral ba ste/ longs spyod dang nye bar spyod pa rgya chen po dag la longs spyod pa'i snod ma yin no/ / bdag gis ni sangs rgyas kyi zhing mi mjed 'di thams cad lha'i gzhal med khang rgya chen por sprul pa dang / lha'i gnas mal dang / rgyan dang / gos dang / lhab lhub dang / spos dang / me tog dang /
- 110a
'phreng ba dang / 'bras bu dang / shing ljon pa dang / rol mo'i sgra dang / sil snyan dang / gru dbyangs dang / rin po che sna tshogs kyis brgyan pa dag tu sprul par nus kyang / 'dir sems can de dag bsod nams dang bral bas/ snod du ma gyur pa'i phyir longs spyod par mi nus te/ de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' sems dpa' chen po sa bcu pa de dag dang / dpa' bar 'gro ba'i ting nge 'dzin la dbang thob pa dag longs spyad par spyod pa ni ma gtogs so// bdag gis sems can gyi khams ma lus pa dag bsam gtan bzhi la snyoms par zhugs par bzhag par nus na/ 'di na klu khro bo zhes bya ba nas/ lus srul po khro bo zhes bya ba'i bar dag zhi bar bya ba lta smos kyang ci dgos/ 'di ltar bdag ni de bzhin gshegs pas ma gnang bar bdag gis rdzu 'phrul gyi yul dag bstan pa ni tshul dang 'thun pa ma yin te/ dper na 'khor los sgyur ba'i rgyal pos ma gnang bar blon po rin po che dang / khyim bdag rin po che dag gis dpung gi tshogs yan lag bzhi pa shom pa de ni gnas med do/ / de ci'i phyir zhe na/ byang chub sems dpa' sems dpa' chen po ma lus pa de dag thams cad ni/ de bzhin gshegs pa'i sras su thugs las skyes pa/ gsung las skyes pa/ chos las byung zhing chos kyis sprul pa ste/ de'i phyir de bzhin gshegs pas ma gnang bar rdzu 'phrul gyi yul bstan par ni sus kyang mi rus so// dpal cho ga shes 'on kyang chu krung nor bu'i gzhal med khang
- 110b
zhes bya ba'i gzungs kyi tshogs kyi rig sngag dang / gsang sngags kyi tshig mdor bsdus pa dang / dus gsum gyi sangs rgyas bcom ldan 'das de dag thams cad kyi dkon mchog gsum gyi gdung gi byin gyis rlangs kyis rnam par 'phrul pa dag yod kyis/ dpal cho ga shes de de bzhin gshegs pa de la tshig dag zhus shig dang / da de bzhin gshegs pas khyod la chu klung nor bu'i gzhal med khang zhes bya ba'i gzungs kyi tshogs kyi rig sngags dang / gsang sngags kyi tshig mdor bsdus pa dag ston par 'gyur te/ bdag kyang rjes su yi rang ngo // khyod kyis kyang bsam pa thams cad rdzogs par gyis shig/ de nas dpal lha mo chen mo dang / lha mo chen mo dbyangs can dang / lha mo chen mo brtan ma dang / lha mo chen mo 'od byed dang / lha mo chen mo gzi brjid can dang / lha mo chen mo dge ldan dang / lha mo chen mo ta ma la'i snying po dang / lha mo chen mo nyi ma bdag dang / lha mo chen mo shel can dang / de dag la sogs pa lha gzhan khrag khrig 'bum phrag brgyad cu snyed kyis yongs su bskor cing / mdun gyis bdar nas/ stan las langs te/ bcom ldan 'das ga la ba de logs su thal mo sbyar ba btud nas/ dpal lha mo chen mos de'i tshe tshigs su bcad pas gsol pa/ spyod pa rnam dag dri ma'i dri med pa// nyi mas nyon mongs rnyog sel bstan du gsol/ / chu klung gzungs kyis bdag cag skom lags na// bde gshegs gzungs tshogs bzhi bgyid bstan du gsol// chu klung rig sngags gsang sngags tshig rab mchog
- 111a
@/ thub pa rin po che yis bstan du gsol// des na rnyog ldan klu dag dang 'gyur bas// sa yi bcud rnams slad chad chab mi 'tshal// dus min rlung dang nyi mas gdungs pa dang // rdul dang than chen chen po zhi bgyid la/ / lo tog 'bras bu sus kyang mdangs mi 'phrog/ gang dag srung bar 'gyur ba bstan du gsol// des na nad med dran dang ldan pa dang // dge ba dag la spyod par gyur nas kyang // rgyal ba'i bstan la lta ba ngan pa po// yang ba dag ni rnam par spong bar 'gyur// rgyal bas bdag gi snying la mya ngan dang // nyon mongs sel bgyid mdangs ni 'grub pa dang // gang gis bdag ni sems can thams cad dag/ yongs smin bgyid par rje thogs bstan du gsol// thub pa'i thad na lha rnams 'di dag gsol 'debs pa// theg pa chen po zab mo'i lam la gzhug tu gsol// sems can yon tan phyug po 'bras bcas 'dus pa po/ / phyogs bcu'i byang chub sems dpa' khyod la bsngags pa brjod// chu bo legs 'bab lo tog mi nyams bgyi slad du// sdig can klu rnams bzlog phyir 'di dag bstan du gsol/ / de nas bcom ldan 'das kyis bka' stsal pa/ dpal cho ga shes 'dus pa rnams kyi mdun du de bzhin gshegs pa ni dus su byin gyis rlob par mdzad la/ de bzhin gshegs pa da ni 'dus pa rnams kyi nang du/ dus gsum gyi sangs rgyas bcom ldan 'das de dag thams cad kyis byin gyis brlabs pa/ 'byor byed chu khyim snying po zhes bya ba'i gzungs ston to// phyogs bcu nas
- 111b
'dir lhags pa'i byang chub sems dpa' sems dpa' chen po dag gis de thos nas kyang / phyogs bcu'i sangs rgyas kyi zhing snyigs ma lnga can stong pa de na/ sems can rnams la 'byor byed chu khyim snying po/ zhes bya ba'i gzungs 'di rab tu ston par byed do// gzungs kyi rgyu des na/ der dus ma yin pa'i rlung dang / nyi mas gdungs pa dang / grang ba dang / tsha ba dang / char mo che dang / than chen dag rab tu zhi par byed do/ / des na der 'jig rten pha rol la mi lta ba'i lha dang / gnod sbyin dang / srin po dang / lha ma yin dang / grul bum dang / yi dgas dang / sha za dang / srul po dang / lus srul po dang / mi dang / mi ma yin pa dang / tha na ri dgas dang / bya ma rungs pa/ gtum pa/ sems can rnams la snying brtse ba med pa dang / snying rje med par zhugs pa dag dad pa can du 'gyur ro// sems 'jam par 'gyur ro// dge ba dran par 'gyur ro// chos tshol ba la 'dod par 'gyur ro// chos srung bar 'gyur ro// dkon mchog gsum gyi gdung 'bar bar byed par 'gyur ro// gzungs 'di'i mthus de na sems can rnams tshe ring bar 'gyur ro/ / kha dog 'phel bar 'gyur ro// lo tog 'phel bar 'gyur ro// longs spyod 'phel bar 'gyur ro// bde ba 'phel bar 'gyur ro// nad med pa 'phel bar 'gyur ro/ / grags pa 'phel bar 'gyur ro// tshul khrims 'phel bar 'gyur ro// thos pa 'phel bar 'gyur ro// gtong ba 'phel bar 'gyur ro// byams pa 'phel bar 'gyur
- 112a
ro/ / snying rje 'phel bar 'gyur ro// shes rab 'phel bar 'gyur ro// thabs 'phel bar 'gyur ro// ting nge 'dzin 'phel bar 'gyur ro// gzungs 'phel bar 'gyur ro// sa rnam par dpyod pa 'phel bar 'gyur ro// rnam par spong ba 'phel bar 'gyur ro// sems can yongs su smin par byed pa 'phel bar 'gyur ro// theg pa chen po'i bsngags pa yongs su 'phel bar 'gyur ro// smon lam gyi khyad par 'phel bar 'gyur ro// sa nas sar 'phar ba 'phel bar 'gyur ro// phung po dang / khams dang / skye mched lhag par mthong ba 'phel bar 'gyur ro// ngo tsha shes pa dang / khrel yod pa 'phel bar 'gyur ro/ / sangs rgyas kyi zhing gi yon tan bkod pa rab tu 'dzin pa 'phel bar 'gyur ro// phyogs bcu'i sangs rgyas bcom ldan 'das thams cad rtag par dus su dgongs pa 'phel bar 'gyur ro// sangs rgyas bcom ldan 'das rnams dang / byang chub sems dpa' sems dpa' chen po dag la rtag tu dge ba'i bshes gnyen yin par 'dzin pa 'phel bar 'gyur ro// rdzu 'phrul gyi rkang pas rnam par rtse ba 'phel bar 'gyur ro/ / nyon mongs pa thams cad skye zhing 'phel ba dang / las 'phel ba dag las kun nas sgrol bar byed do// mya ngan las 'das pa bla na med pa la thug pa'i bar du dge ba'i chos thams cad kyis nyams par mi 'gyur ro/ / yongs su nyams par mi 'gyur ro// tad+ya thA/ swa ra bri te/ na ya bri ta biSh+Ta tsha ti/ a na yA pra ti/ shwastA ra pra ti/ sha ra na pra ti/ ku mu da pra ti/ san tsIr pra ti/ tshe da sa la bri ti/ sa ra
- 112b
pra te/ sar pi ra hA re/ sar pra ta pa ri ha re/ na yan pra ta/ pa ra ha re/ bi bi d+he ka/ pa ri wA re/ yang nya pa ri hA re/ bin du/ pa ri hA re/ dza la pa ri d+hA re/ k+She tra pa ri hA re/ dak+ShA pa ri hA re/ sa nas pa ri hA/ srab pad tre'i/ gau ma ya ba ne/ ma da sa khe/ su na ya/ pad tra dze me la/ ban de/ a ra Na dzA She/ kha ra ba dzA b+he/ nA rA ya Na/ bi dza b+he/ u ra ga/ a ni mi Sha/ kun dza ra b+he me/ dza ha ni ma b+he/ karma bi ra le/ thams li le/ bdag sha me/ ma sin+d+ra me/ ag ni pad tre/ nang gtum bu re/ bA la ba/ ba ru ne/ kan rba NIrba/ sha kra dany+dza ye/ a nA tshe bye/ dr-i na ya/ ni le/ tre yad d+hA/ bud d+hA/ a d+hiSh+Ti te swAhA/ nA rA ya ni/ nI la ye swA hA/ tsakra brta kra me swA hA/ bcom ldan 'das kyis 'byor byed chu khyim snying po zhes bya ba'i gzungs 'di bstan ma thag tu de nas de'i mod la sa chen po g.yos par gyur te/ sangs rgyas kyi zhing mi mjed thams cad kyis rnam pa drug tu g.yos par gyur to/ / thams cad dang ldan pa'i 'khor ji snyed lhags pa rnams kyang 'dar shig shig ste 'khrugs shing skyo ba skyes nas/ sangs rgyas la phyag 'tshal lo// sangs rgyas la phyag 'tshal lo zhes 'dzer to// de nas bcom ldan 'das kyis/ dpal lA mo chen mo la 'di skad ces bka' stsal to// dpal cho ga shes khyod kyis 'byor byed rgyu khyim snying po zhes bya ba'i gzungs ni de lta bu yin te/ de'i mthus rtsod pa dang / 'thab mo thams cad rab tu zhi bar byed do// klu khro bo dang / ma rungs pa thams cad zhi bar byed do// gnod sbyin dang / mi dang / mi ma yin pa dang /
- 113a
tha na ri dgas dang / bya khro bo dang / ma rungs pa thams cad kyang zhi bar byed do// dus ma yin pa'i rlung dang / nyi mas gdungs pa dang / grang ba dang / tsha ba dang / zan chen thams cad rab tu zhi bar byed do/ / lo tog thams cad 'phel zhing 'grub par byed do// sems can rnams tshe ring bar byed do// longs spyod 'phel bar byed do// las 'phel ba spol bar byed pa'i bar du byed do// mya ngan las 'das pa bla na med pa la thug pa'i bar du/ dge ba'i chos thams cad kyis nyams par mi 'gyur ro// yongs su nyams par mi 'gyur ro// la la zhig gzungs chen po 'di nyan tam/ klog gam/ sgrub par byed na/ de phyis 'gal ba med pa'i chos dang / sdom pa gsum la gnas par 'gyur ro// de nas byang chub sems dpa' sa'i snying pos gsol pa/ btsun pa bcom ldan 'das 'dir bdag gis kyang mtshon cha'i stobs zhes bgyi ba'i gzungs chen po bshad par bgyi'o/ / mtshon cha'i stobs zhes bgyi ba'i gzungs des sems can rnams kyi longs spyod dang yongs su spyod pa thams cad kyi ched du sa'i bcud thams cad nyams par mi 'gyur lags so/ / yongs su nyams par mi 'gyur lags so// sa'i bcud kyi mdangs rnams gang gis kyang dbrog par rngo mi thogs lags so// dbugs gdug pa gtong ba 'am/ bskam par yang rngo mi thogs lags so/ / nub pa dang / ro ma mchis par bgyi bar rngo mi thogs lags so// nyams pa dang ma mchis par bgyi bar rngo ma thogs lags so// dogs las lo tog mi 'khrung bar bgyi bar rje mi
- 113b
/ thogs lags so// rtsub pa dang / ro ma mchis par bgyi bar rngo mi thogs lags so// lo tog gi sa bon dang / myu gu dang / 'dab ma dang / me tog dang / 'bras bu dang / 'bru dang / sman rnams kyi mdang dbrog par rngo mi thogs lags so/ / de la dbugs gdug pa gtong ba 'am/ bskam par yang rngo ma thogs lags so// rtsub pa'am/ ro ma mchis par bgyi bar yang rngo mi thogs lags so// ma smin pa rnam chab stsal bar yang rngo mi thogs lags so/ / lhags pa dang / tsha ba dag gis tshig pa dang / 'tshal du mi rung bar bgyi bar rngo mi thogs lags so// 'tshal ba tsam gyis sems can la la'i lus la dbugs gdug pa btang bar rngo ma thogs lags so/ / gzhi de lta bu las sems can rnams kyis zas 'tshol ba smon nas/ lto bro 'tshal ba dang / yan lag dang / nying lag bro 'tshal cing 'khums par bgyi bar rdzo mi thogs lags so/ / rims nad dang / brjed byed dang / sems g.yengs pa dang / dran pa nyams par bgyid par rngo mi thogs lags so// phan tshun 'thab mo dang / dmag bgyid par rngo mi thogs lags so/ / kha cig srog gcod pa dang / ma byin par len pa la mi sbyor ba nas/ log par lta ba la mi sbyor ba'i bar gyi chos de dag gis sems can rnams kyi sems la sbyor la/ lha dang / klu dang / gnod sbyin dang / srin po dang / grul bum dang / mi 'am ci dang / dri za dang / yi dgas dang / sha za dang / srul po dang / lus srul po dang / mi dang / mi ma yin pa dag gis kyang / sems
- 114a
can rnams la gnod pa de lta bu dag bgyi bar rngo mi thogs lags so/ / tad+ya thA/ nA bi/ ma hA na bi/ krU ra nA be/ a bing gu/ nA be/ sang sho Sha Na/ nA pe/ nir dza kha be a ba ra mu ni/ ta ru Na ru he/ na ra pad tre/ dza ba pra me/ mA su ra te/ ti mi ra pad tre/ kha na Da nir hA re/ tsakro b+hA se/ ga Na bi mai/ k+Shi ti/ to ye swA hA/ ang gu rA kle sA hA/ puSh+pa ma ye swA hA/ pha la nim b+he swA hA/ na me to ye swA hA/ sha rI ra/ nA bkram/ bI Sha swA hA/ dpal cho ga shes khyod kyi mtshon cha'i stobs zhes bya ba'i gzungs chen po ni de yin te/ mtshon cha'i stobs zhes bya ba'i gzungs chen po'i mthu des ni/ sems can rnams la de lta bur rgyas par byed do/ / bde ba chen po skyed par byed do// rgyu des na des sems can rnams myur du 'dul bar 'gyur ro// byang chub sems dpa' sems dpa' chen po sa'i snying po de la thams cad dang ldan pa'i 'khor lhags pa rnams kyis kyang legs so zhes bya ba byin zhing / bcom ldan 'das kyis kyang legs so zhes bya ba gnang ste/ rigs kyi bu leg so legs so// rigs kyi bu khyod ni sems can rnams kyi rtsi sman yin zhing sems can rnams kyi sman par gyur pa'o/ / 'di ltar gling bzhi pa 'di'i sems can thams cad kyi 'bru dang rtsi sman yin zhing / sdug bsngal thams cad rab tu zhi bar byed pa'o/ / bde bar sbyar ba thams cad sbyin par byed pa'o// snying rje chen po kun nas slong ba dang / tshungs par ldan pa'o// mtshon cha'i stobs zhes bya ba'i gzungs chen po shin tu zab pa de lta
- 114b
bu ston pa yin no/ / gzungs chen po des na 'di na sems can rnams kyi sa'i bcud kyi mdangs dang / sa bon dang / myu gu dang / 'dab ma dang / me tog dang / ro dang / 'bru dang / spun rnams mi nyams shing skyon med la/ 'phel zhing 'byor par byed do// sems can gang dag gis zos pa de dag gi rgyud la rtsod pa'i rnyog pa thams cad zhi bar byed do// 'dir sems can rnams dge ba'i chos thams cad la spyod par 'gyur ro/ / gling bzhi pa 'dir dus ma yin pa'i rlung dang / nyi mas gdungs pa dang / tsha ba dang / zang ba dang / char mo che dang / than chen dang / zla ba dang / nyi ma dang / gza' dang / rgyu skar dang / nyin mtshan dang / zla ba dang / zla ba phyed pa dang / lo dang / dus tshigs log pa thams cad nye bar zhi bar byed do// gzungs chen po bstan pa des na/ nga'i dkon mchog gsum gyi gdung dang / chos kyi tshul yun ring du gnas par 'gyur ro// gal te 'dir mun pa can skal pa chung ba/ rgyags pa dang dregs pas khengs shing / dge ba'i rtsa ba ma bskyed pa/ rgyal rigs gdol pa dang / blon po gdol pa dag gis 'di ltar nga'i bsten pa dka' bas bsgrubs pa dang / nga'i dge slong dang / dge slong ma dang / dge bsnyen dang / dge bsnyen ma dag la 'tshe bar byed pa nas/ rgyu des na lha dang / klu dang gnod sbyin dag 'khrug par mi byed pa'i bar du'o/ / de bzhin du sems can rnams la bde bar sbyar ba thams cad 'byung ba ni sngar ji skad gsungs pa bzhin no// 'dus pa chen po theg pa chen po'i mdo
- 115a
bco lnga parang snying po'i le'u las/ zan chen rab tuzhi bar byed pa'i mtshon pa ste gsum pa rdzogs so// de nas bcom ldan 'das kyis/ dpal lha mo chen mo la 'di skad ces bka' stsal to// dpal cho ga shes sngon de bzhin gshegs pa dbang po tog gi rgyal mtshan rgyal po'i spyan sngar bdag cag gnyis kyis phan tshun dam bcas pa de bzhin du/ bdag cag gnyis kyis bsam pa yongs su rdzogs shing grub bo// de nas dpal lha mo chen mos 'di skad ces gsol to// btsun pa bcom ldan 'das de lta lags so// btsun pa bde bar gshegs pa de lta lags te/ 'oskol gyi bsam pa rdzogs lags so// sngon 'askol gyis de bzhin gshegs pa dbang po'i tog gi rgyal mtshan rgyal po'i spyan sngar phan tshun dam bcas pa bzhin 'di lta'o skol gyi bsam pa yongs su grub ste/ da ltar khyod nyid ni de bzhin gshegs pa ste/ 'jig rten du byung la/ da ltar bdag gis ni dpal gyi go 'phang thob pa lags so// da ltar bdag gis sems can rnams la sems can yongs su smin par rngo mi thogs par gyur pa de ci'i slad du zhe na/ 'di na klu glang po che lta bu dang / klu rta lta bu dang / klu sbrul lta bu dang / klu nya lta bu dang / klu sbal pa lta bu de dag dus 'dir yang sgrub par bgyid lags so/ / bdag gis 'jig rten snang bar byed pa zab mo dag bstan pa na/ gang dag dus ma lags pa'i lhags pa dang / tsha ba dang / sprin dang / khug rna dang / rdzi char dang / char mo che dang / zan chen dag
- 115b
'byung bar bgyid pa/ sems can rnams kyi lo tog dang / lo ma dang / me tog dang / 'bras bu dang / 'bru dang / sman rnams ma rungs par bgyid pa'i klu dang klu chen po dag ma bslad lags so// btsun pa bcom ldan 'das dus 'dir da ltar gling bzhi pa'i 'jig rten gyi khams 'di na/ klu dang / klu chen po dang / klu'i 'khor dang / skyes pa dang / bud med dang / khye'u dang / bu mo dang / gling bzhi pa 'di na gang kha gcig klu'i skye gnas pa de dag thams cad da ltar 'dir mchis pa rnams dang / phyogs bcu'i sangs rgyas kyi zhing thams cad nas/ byang chub sems dpa' sems dpa' chen po de dag da ltar 'dus pa chen po 'dir mchis pa rnams dang / da ltar 'dir lha dang / klu dang / gnod sbyin dang / srin po dang / dri za dang / mi 'am ci dang / lha ma yin dang / lto 'phye dang / yi dgas dang / sha za dang / srul po dang / lus srul po 'dus pa thams dang / bcom ldan 'das kyi nyan thos mi dang / mi ma yin pa de dag da ltar 'dus pa chen po 'dir chos nyan pa'i slad du/ bcom ldan 'das kyi spyan sngar mchis pa'i sems can de dag thams cad zas bzhi la rten cing 'tsho bar bgyid lags so/ / btsun pa bcom ldan 'das da lta'i dus su klu khro bo phung bar bgyid pa dag zhi bar mdzad du gsol/ gang dag klu khro bo rnams ni bcom ldan 'das kyi bka' la mngon par ma dad pas/ rtag par yang sgrub par bgyid pa/ sems can rnams la mtho 'tsham pa/ sems can rnams kyi longs spyod dang / nye bar spyod pa dag
- 116a
ma rung bar bgyid pa/ 'jig rten pha rol la mi lta ba/ sems can rnams la snying brtse ba ma mchis shing / snying rje ma mchis par zhugs pa/ sdang ba/ rtsub pa lags te/ bdag sems can yongs su smin par bgyid pa la bar chad bgyid pa lags pas/ de dag gi don du bcom ldan 'das kyis thugs rje chen po bskyed du gsol/ bcom ldan 'das kyis de dag gi sdig pa de dag thams cad zhi bar mdzad du gsol/ de nas bcom ldan 'das kyis/ klu'i gnas na gnas pa byang chub sems dpa' sems dpa' chen po ri'i snying po la bka' stsal pa/ rigs kyi bu khyod kyi de bzhin gshegs pa mar me mdzad kyi spyan sngar klu yongs su smin par brtson pas smon lam btab pa ci 'dra zhe na/ sngon dang / da ltar dang / ma 'ong ba'i dus kyi klu dang / klu chen po klu khro bo skye gnas bzhi pa dag dbug gdug pa dang / klu rnams kyi mig gdug pa dang / reg pa gdug pa dang / skye gdug pa dang / 'dod chags kyi dug dang / zhe sdang gi dug dang / gti mug gi dug dang / klu khro bo rnams kyi sdig pa'i chos dag ci nas kyang chos dang ldan pas brtsal bar nus par bya'o// ci nas kyang klu khro bo de dag gis sems can rnams kyi longs spyod dang / nye bar spyod pa dang / yo byad sna tshogs dang ldan pa rnams la gnod par mi 'gyur bar bya'o// dkon mchog gsum po de dag la dad pa dang / dang ba dang / dga' ba thob par bya'o// 'jig rten pha rol la lta ba dang bcas shing sdig pa'i chos rnams dang 'bral bar 'gyur bar bya'o zhes smon lam btab bo// de skad ces bka' stsal pa
- 116b
dang / byang chub sems dpa' sems dpa' chen po ra'i snying pos/ bcom ldan 'das la 'di skad ces gsol to// btsun pa bcom ldan 'das bdag gis gang dag klu khro ba de dag ni gnas der zhugs te mchis nas/ klu rnam par bsgyings pa'i gnas zhes bgyi ba'i ting nge 'dzin la snyoms par zhugs nas gnas par bgyi lags so// ting nge 'dzin gyi mthus bdag gis de dag gi khro ba dang / nga rgyal dang / dregs pa dang / 'dod chags de dag nye bar zhi bar bgyi lags so// de dag 'jam pa dang / snod du rung ba dang / sems zhi bar 'gyur ba dang / sems 'jig rten pha rol la lta bar 'gyur ba dang / sems can thams cad la sems byams pa dang / snying rje ba dang / snying brtse ba dang / sems brtse ba can du 'gyur bar bgyi lags so// klu khro bo dang / klu ma rungs pa rnams dad par 'gyur bar bgyi lags so// sems can thams cad la mi 'tshe zhing snying brtse ba can gyi sems kyi sa la gnas par bgyi lags so/ / gzhan yang gang dag rdzi char dang / char mo che dang / than chen dang / sprin dang / sprin chen dang / lhags pa dang tsha ba dag gis gnod par gyur pa'i sems can de dag gis thal mo sbyar te/ bdag gis ming brjod nas 'di skad du/ ri'i snying po thugs rje rgya che ba/ klu yongs su smin par mdzad pa/ bdag cag dran lags so/ / dran lags so// bla na med pa'i byang chub la spyod par mdzad pa/ thabs dang ye shes sna tshogs la brtson pas mi spyod lags sam/ bdag cag sdug bsngal las thar par mdzad du gsol/
- 117a
yongs su bskyab tu gsol zhes smra ba dag gis 'di skad du brjod par bgyi'o// tad+ya thA/ stam b+ha b+hU dza/ bi ruDa b+hu dza/ go g+ha/ bi re dzA b+hu dza/ me ru b+hu dza/ ga dub b+hu dza/ huchung rung / a ne ba pU dza/ sma ra b+hu dza/ s+pha ra a brta b+hu dze/ nim pa b+hu swA hA/ btsun pa bcom ldan 'das sems can gang kha cig klu khro bo de dag gis rgyus gnod pa dag gis gnod pa bgyis par gyur pa de lta bu de dag gis bdag gi ming nas brjod par bgyi zhing / klu khro bo nga rgyal can dregs pa/ phrag dog dang 'dod chags kyi sems zhi bar bgyi ba'i slad du/ gsang sngags 'don pa na/ bdag gis lha'i rna ba rnam par dag pa mi las 'das pas thos nas/ skye gnas bzhi pa'i klu dang / klu chen po dang / klu rgan po dang / klu'i bu dang / klu'i 'khor rnams dad par ma bgyis sam/ dus ma lags par don ched yang ba la zhugs pa dag ma bzlog gam/ de'i tshe dus ma lags pa'i char mo che dang / than chen dang / dus ma lags pa'i lhags pa dang / tsha ba dang / rlung dang / sprin dang / 'khrug pa dag rab tu zhibar ma bgyis sam/ bdag gis bde ba'i yo byad thams cad kyis sems can de dag gi bsam pa dag yongs su rdzogs par ma bgyis na/ bdag gis dus gsum gyi sangs rgyas bcom ldan 'das thams cad bslus par gyur cig/ bdag nyid kyang bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur cig/ btsun pa bcom ldan 'das bdag
- 117b
gis sngon 'di ltar de bzhin gshegs mar me mdzad 'khor tshogs pa dang bcas pa'i spyan sngar sems can yongs su smin par bgyi ba'i slad du/ smon lam brtan por btab ste/ shin tu gnas par gyur lags so/ / de'i 'og tu'ang sangs rgyas bcom ldan 'das sangs rgyas bye ba khrag khrig 'bum phrag skyed 'tsho zhing gzhes pa 'khor tshogs pa dang bcas pa'i spyan sngar smon lam brtan po 'di lta bu dag btab ste/ bdag gis der rtag par sems can yongs su smin par bgyi ba'i slad du/ pha rol gnon pa'i brtson 'grus chen pos shin tu brtan par gnas par bgyi'o zhes brtson par bgyis lags so// da ltar bcom ldan 'das kyi spyan sngar klu khro bo rnams yongs smin par bgyi ba'i slad du rtsol ba brtan por bgyis la/ bdag gis de lta bu'i rtsol ba brtan pos brtson 'grus brtsams pa ni/ bskal pa grangs ma mchis par skad cig tsam yang btang ma myong lags so/ / bdag gis rtag par pha rol gnon pa'i rtsol ba dang / brtson pa brtan pos sems can yongs su smin par bgyis lags pa rnams kyang / yang yongs su smin par bgyi lags so// gzhan yang bdag gis klu'i dbang po dag theg pa chen po'i spyod pa la brtson par bgyis lags te/ klu glang po che rnams kyi bdag po klu'i rgyal po shin tu rab gnas 'di dang / klu sbrul rnams kyi bdag po klu'i rgyal po dga' bo dang / bsnyen dga' bo 'di gnyis dang / klu rta rnams kyi bdag po klu'i rgyal po ma dros pa 'di dang / klu nya rnams kyi
- 118a
bdag po klu'i rgyal po rgya u0f88u0f90 dang / kla sbal pa rnams kyi bdag po klu'i rgyal ba yang bsangs 'di lta ste/ klu de sgra bu dag ni sems can rnams pa gnod pa brgyad rdzogs pa dag go/ klu'i rgyal po gzhan lta bu de dag kyang / rang rang gi mthus sems can rnams la de lta bur gnod pa bgyid rngo thogs pa dag go// 'di ltar theg pa chen po sa rab tu zhugs pa'i rgyal po chen po de dag thams cad kyis kyang / so so rang rang gi 'khor dang / dpung gi tshogs rnams dus ma lags par de lta bur yang ba bsgrubs pas rang rang gi 'khor rnams skyong bar bgyid lags so// 'di ltar 'dir bcos ldan 'das kyi bstan pa chos sgron ma dang / dkon mchog gsum gyi gdung myur du mi 'chad par bgyi ba'i slad du 'khor der mchis pa rnams kyi byang chub sems dpa' sems dpa' chen po ri'i snying po klu'i / drang srong la legs so zhes bgyi bsngal to// de'i tshe klu'i rgyal po shin tu rab gnas stan las langs te/ bcom ldan 'das gal ba der logs su thal mo sbyar ba btud nas/ 'di skad ces gsol to// btsun pa bcom ldan 'das bdag la rten pa'i klu dang / klu'i bdag po gang dag sgo nga las skye ba dang / mngal nas skye ba dang / drod gsher las skye ba dang / rdzus te skye ba'i klu de dag gang na bcom ldan 'das kyi 'khor nyan thos rnams dang / 'khor byang chub sems dpa' de dag la phan tshun byams pa'i sems dang ldan pa dang / yul 'khor der sha kho na ma mchis pa'i sems kyis gnas par 'gyur
- 118b
lags so/ / gnod sems ma mchis pa dang / sems mnyam pas gnas par 'gyur lags so// gang dag yul 'khor de'i rgyal po de dag kyang / bcom ldan 'das kyi bstan pa la sems shin tu da par 'gyur lags so/ / de dag bcom ldan 'das kyi bstan pa'ang 'dzin par 'gyur lags so// dbang phyug gis rgyags pa dang / dregs pas bcom ldan 'das kyi bstan pa 'jig par mi 'gyur lags so/ / dge slong dang / dge slong ma dang / dge bsnyen dang / dge bsnyen ma dag la 'tshe bar mi 'gyur lags so// btsun pa bcom ldan 'das kyi slad du rab tu byung nas/ skra bregs te gos ngur smrig bgos pa/ snod du gyur pa dang / snod du ma gyur pa'i lhag pa'i bsam pa can rnams kyang bcom ldan 'das kyi bstan pa 'dzin pa bgyid lags so// gzhan yang yul 'khor de na/ gang dag mi rnams bcom ldan 'das kyi bstan pa de'i tsher mar gyur pa de dag chos dang ldan pas smod par bgyid lags so// de nas yul 'khor der dge sbyong dang / bram ze bsod snyoms pa rnams la sngon gyi rgyal po dag gis sngon lhag pa'i bsam pas sbyin pa phul ba rnams rgyal rigs dge bas 'phrog par mi bgyid la/ rgyal rigs dge ba/ blon po dang / mdun na 'don dang / skye bo dmag mi rnams dang bcas pas tshogs sbyor ba ni don ched la brtson pa lags so// snying po blangs pa lags so// lag brkyang nas lhug par gtong ba lags te/ rgyal rigs dge ba de
- 119a
yul 'khor dang bcas par bsrung bar bgyi lags so/ / yongs su bskyang bar bgyi lags so// de'i yul phyogs na/ rtsod pa'i rnyog pa thams cad dang / so so'i 'khor dag sngar ji skad bstan pa bzhin bskrad par bgyi lags so/ / de ci'i slad du zhe na/ chos gos ngur smrig kha bsgyur ba 'di ni/ sngon gyi sangs rgyas bcom ldan 'das thams cad kyis byin gyis brlabs pa lags/ so// byang chub sems dpa' rnams kyi rgyal mtshan lags so// mya ngan las 'das par mche ba rnams kyi lam lags so// nyon mongs pa rnams kyi ral gri lags so// mya ngan las 'das pa'i sa bon lags so/ / lam las rab tu nyams pa rnams kyi sgron ma lags so// phung po rnams kyi sman lags so// ma rig pa'i mun pa'i rlung lags so// ngan 'gro rnams kyi srog shing lags so// nyon mongs pa'i skyon gyis nyams par gyur pa rnams kyi sgyug sman lags so// dam rnams kyi rdo rje lags so// dge ba'i rtsa ba thams cad kyi gter lags so// sdig pas gos pa rnams kyi chab lags so// / nongs pa bgyis pa rnams kyi me long lags so// sems g.yeng ba rnam kyi ting nge 'dzin lags so// ting nge 'dzin rnam kyi za ma tog lag so// pha rol tu phyin pa rnam kyis gzhi lags so// gzungs rnams kyi nor bu lags so/ / bzod pa rnams kyi khyim lags so// sa rnams kyi snod legs so// phas kyi rgol ba rnams kyi mapar lags so// nad pa rnams kyi spen ma lags so// bslab pa rnams kyi lags so//
- 119b
nyon mongs pas kun nas gdungs pa rnams kyi zla ba lags so// lta ba ngan par lhung ba rnams kyi nyi ma lags so// ye shes kyi rgya mtsho lags so// byang chub kyi phyogs pa rnams kyi 'phreng bar gyur pa lags so/ / thams cad mkhyen pa'i ye shes kyi bum pa bzang po lags so// chos gos ngur smrig 'di ni yid bzhin gyi nor bu rin po che dang 'dra ba lags so// chos gos ngur smrig 'di ni sems can rnams la chos kyi char bab pa'i don gyi slad du/ sangs rgyas thams cad kyis byin gyis brlabs pa lags so// btsun pa bcom ldan 'das 'di ltar gang dag rgyal rigs gdol pa de dag ni bcom ldan 'das kyi bstan pa 'jig par bgyid cing / dge slong dag la mtho 'tsham par bgyid pa nas/ bcom ldan 'das kyi slad du rab tu byung ba snod du gyur pa dang / snod du ma gyur pa'i lus la gnod pa bgyid pa dang / nor 'phrog pa dang / srog gi bar chad dag bgyid pa'i bar du'o// yul 'khor der gang dag sangs rgyas la dad pa'i lha dang / klu dang / gnod sbyin dang / srin po dang / lha ma yin dang / grul bum dang / yi dgas mthu bo che de dag thams cad kyang rgyal rigs gdol pa la gshe bar gyur te/ de dag gis de'i yul 'khor du 'thab mo dang / rtsod pa dang / lo nyes dang / nad dang / pha rol gyi dmag tshogs dag 'byung bar bgyid lags so/ / dus ma lags pa'i char mo che dang / than chen dang / lhags pa dang / tsha ba dang / rlung dang / nyi mas gdungs pa dag gis sa bon dang / myu gu dang /
- 120a
'dab ma dang / me tog dang / 'bras bu dang / 'bru dang / sman dang / ro rnams mi rung bar bgyid kyang / de na klu rnams la skyon ni ma mchis lags te/ de na klu rnams rgyu des na grags pa ma lags pas ni gos par 'gyur lags so/ / btsun pa bcom ldan 'das dper bgyin/ yul gyi bud med bzang mos zas ngan pa 'tshal na/ dbugs dri mi 'da' bar 'gyur lags so// de bzhin du rgyal rigs gdol pas kyang rgyal rigs kyi chos rnams spangs nas/ dmangs rigs kyi chos rnams spyod pa bgyid na yul phyogs thams cad srung ba'i lha nas/ yi dgas mthu bo che dag gi bar du khros par 'gyur te/ de dag gis yul 'khor ma rung bar bgyid la/ klu dang / klu chen po rnams grags pa ma logs pas kyang gos par 'gyur lags so// bcom ldan 'das kyis bka' stsal pa/ klu'i bdag po rgyal po rnams rgyal po'i bslab pa'i gzhi gnas par bstan pa de dang de dag mtho ris dang / mya ngan las 'das pa'i bde ba la brtson pa yin no// gang dag rgyal rigs gdol pa rgyal rigs kyi bslab pa la mi gnas pa de dag ni sems can dmyal ba mnar med pa'i bar la gzhol ba yin no/ / klu'i bdag po nga rang gi 'khor bslab pa las mi 'da' bar bstan pa des na/ de dag da ltar dang / ma 'ongs pa'i dus su nga'i bstan pa dang / dkon mchog gsum gyi gdung med par mi byed par 'gyur ro// gsol pa/ btsun pa bcom ldan 'das de lta lags so// btsun pa bde bar
- 120b
gshegs pa de lta lags so/ / btsun pa bcom ldan 'das yul 'khor gang dang gang dang / grong dang / grong khyer dang / grong rdal dang / ljongs dang / ri brags kyi gnas yul 'khor de na/ bcom ldan 'das kyi nyan thos tshul khrims dang ldan zhing thos pa mang po skyon gnas de lta bu dag ba/ shing mchis pa der bdag gi 'khor gang dag klu dang / klu mo dang / klu rgan po dang / klu rgan mo dang / klu'i bu dang / klu'i bu mo dang / klu'i 'khor dang / klu'i 'khor mo rnams dang / dus ma lags par rdzi char dang / ser drag dang / char mo che dang / zan chen dag gtong bar bgyid dam/ lhags mo che dang / shin tu tsha ba dang / nyi mas gdungs pa dag 'byung ba bgyid dam/ sems can rnams kyi lo tog dang / me tog dang / 'bras bu dang / 'bru dang / sman kyi ro dang / longs spyod dang / yongs su spyod pa dag chab 'tshal bar bgyid na/ klu de dag gis bdag cag bslus pas/ de'i lus thams cad 'khums par 'gyur ro// de dag rdzu 'phrul dang bral nas 'gro mi nus par gyur cig/ rims nad kyis gdungs par gyur cig/ longs spyod thams dang bral bar gyur cig/ spobs pa med par gyur cig/ don byed mi nus par gyur cig ces mnas bsgag par bgyi'o// tad+ya thA/ nA ga dz+nyA du sha~M nA ga me ne/ nA ga d+ha ra g+hu g+h+ra/ dza la glu g+hA/ A bi mu ra ge/ sa ha sra mu khe/ ka la tim pu se/ nA ga stam b+hi/ dza ya ba pha le/ bi mu shag kre swA hA/ thams cad dang ldan pa'i 'khor gyis de nyid du
- 121a
legs so zhes bya ba byin no/ / de nyid kyi tshe thams cad dang ldan pa'i 'khor rnams shugs drag por 'khrugs shing sngangs par gyur to// de'i tshe klu'i rgyal po dga' bo dang / bsnyen dga' bo gnyis stan las langs te/ bcom ldan 'das ga la ba de logs su thal mo sbyar ba btud nas 'di skad ces gsol to// btsun pa bcom ldan 'das da ltar dang ma 'ongs pa'i dus su/ rgyal rigs gdol pa de dag gzhan la sbyin par ma dad cing / bdag nyid longs spyod par 'tshal la/ 'jungs pa longs spyod la sems kun tu 'dzin cing lag mi skyong bas/ dge sbyong dang / bram ze dang / bkren pa dang / 'phongs pa dang / 'gron po slong ba rnams kun nas tshim par mi bgyid lags so// pho brang 'khor dang / ljongs kyi mi dang / 'khor rnams yang dag pa'i bde bas tshim par mi bgyid lags so// rgyal rigs gdol pa de dag la yul phyogs srung ba'i lha dang / klu dang / gnod sbyin dang / srin po dang / lha ma yin dang / grul bum dang / yi dgas mthu bo che de dag thams cad kyang khros par gyur te/ de dag gi yul 'khor du 'thab mo dang / rtsod pa dang / mu ge dang / nad dang / pha rol gyi dmag tshogs dag kun tu 'byung bar bgyid lags so// 'bru dang sman gyi bar gyi ro rnams ma rung bar bgyid kyang / de na klu dang / klu chen po rnams la skyon ni ma mchis lags te/ de na klu rnams rgyu des na grags pa ma lags pas ni gos par 'gyur lags so// btsun pa bcom ldan 'das dper bgyi na/ phyis khung gi dri mi 'da' ba bser mas
- 121b
'tshal na/ dri mi bda' bar 'gyur ba de bzhin du/ btsun pa bcom ldan 'das rgyal rigs gdol pa brnab mos kyang yul phyogs thams cad srung ba dag khros par 'gyur te/ yul 'khor de ma rung bar bgyid lags so/ / klu rnams kyang grags pa ma lags pas gos par 'gyur lags so// / bam po gsum pa ste tha ma'o// / yang na klu thams cad bdag gis bslab pa las mi 'da' bar bdag gis lung dbrog par bgyi ste/ yul 'khor gang dang gang dag na grong dang / grong khyer dang / grong rdal dang / ljongs dang / ri brags kyi gnas yul 'khor de na/ da ltar dang na 'ongs pa'i dus su/ bcom ldan 'das kyi nyan thos tshul khrims dang ldan zhing / thos pa mang po sbyin gnas de lta bu dag gnas shing mchis pa der/ bdag gi 'khor gang dag klu dang / klu mo dang / klu rgan/ po dang / klu rgan mo dang / klu'i bu dang / klu'i bu mo dang / klu'i 'khor dang / klu'i 'khor mo sgo nga las skye ba dang / mngal nas skye ba dang / drod gsher las skye ba dang / rdzus te skye ba dag dus ma lags par rdzi char dang / ser drag dang / char mo che dang / than chen dag gtong bar bgyid dam/ lhags mo che dang / shin tu tsha ba dang / nyi mas gdungs pa dag 'byung bar bgyid dam/ sems can rnams kyi lo tog dang / me tog dang / 'bras bu dang / 'bru dang / sman dang / ro dang / longs spyod dang / yongs su spyod pa dag chab 'tshal bar bgyid na/ klu de dag gis bdag bslus pas/ de'i lus thams
- 122a
cad 'khums par gyur cig/ de dag rdzu 'phrul dang bral nas 'gro mi nus par gyur cig/ rims nad kyis gdungs par gyur cig/ longs spyod thams cad dang bral bar gyur cig spobs pa med par gyur cig/ don byed mi nus par gyur cig ces mnas bsgag par bgyi'o// tad+ya thA/ ka ra r+Na g+hu me/ kun b+ha ra kre/ bar ma gu Ne/ A ka la kle/ be sha ne/ bi ram gakre/ na bi ri/ a ta sa le/ na yan tu ma b+he/ kA la ku she/ nang gu pra be/ gan d+ha ra pa se swA hA/ de nas thams cad dang ldan pa'i 'khor des legs so zhes bgyi ba stsa la lags so// de nas klu'i rgyal po ma dros pa zhes bya ba nas/ sngar ji skad gsungs pa'i bar du'o// tad+ya thA/ nA ma b+hi she/ A no kre/ na pa kun dzA b+hi kr-i/ kha ga be'i kha/ sa ra tron Tu/ pA pA ya si le/ na rA ya na gu Ne/ bi ni ste le/ da sha kra maM/ a kru d+hA nye se/ a na sa be swA hA/ klu'i rgyal po chu lca zhes bya ba nas/ sngar ji skad gsungs pa'i bar du'o// tad+ya thA/ hi ma be me/ ba li kli Na gu Ne/ ru Na bin du tri nai/ tsa ra kra d+ha re/ me gA sang kra me/ bya bu Tuko ga/ / dru mo de/ mA ye tun ku sau/ tsar ma hi ki/ tsa lang g+ha/ nA nA dang te/ ka Ta ka tA le swAhA/ sngar ji skad gsungs pa'i bar du'o// de'i tshe klu'i rgyal po yid bzangs stan las langs te/ bcom ldan bdas ga la ba de logs su thal mo sbyar ba btud nas/ 'di skad ces gsol to// btsun pa bcom ldan 'das bdag la rten pa'i klu dang / klu chen po de dag ni sgo nga las skye ba dang / mngal nas skye ba dang /
- 122b
drod gsher las skye ba dang / rdzus te skye ba dag lags so// btsun pa bcom ldan 'das da ltar dang / ma 'ongs pa'i dus su rgyal rigs gdol pa de dag gis rgyal rigs kyi chos spangs nas/ dmangs rigs// kyi chos rnams spyod par bgyid de/ sems can dmyal ba mnar ma mchis pa'i bar dag la gzhol ba lags so// rgyal rigs gdol pa de dag gi skyon gyis klu rnams ma nongs bzhin du grags pa ma lags/ pas gos par 'gyur lags so// rgyu des na klu rnams las kyi sgrib pa dag par bgyid par 'gyur lags so// de lta lags pas bdag cag gis ni bcom ldan 'das kyi bka' la bkur sti bgyi zhing gzung bar bgyi ste/ dper bgyi na/ 'khor los sgyur ba'i rgyal po des yul gyi bud med bzang mo khrus legs par bgyis te/ spos kyis byugs nas/ gos mchog tu bzang ba bskon te/ yan lag gi dam pa mgo la rin po che sna bdun las grub pa'i 'phreng ba mang po dag btags shing dpung rgyan dang / ser skud dang / sor gdub dang / lag rgyan dang / rkang rgyan dag gis brgyan nas/ glang po che'i bzhon pa la zhon te/ 'khor phal mo che dang lhan cig khrid pa de bzhin du/ da ltar 'khor los sgyur ba'i rgyal po chos dang ldan pa de bzhin gshegs pas kyang bdag cag klu rnams dud 'gro'i skye gnas su bsdus pa'i lus ma snang ma nyams la/ mchog tu khro ba dang / nga rgyal dang / dregs pa'i dri mas bsgos pa bdag cag klu thams cad rgyags pas myos pa ma mchis pa'i chos kyi chus bkrus lags so//
- 123a
bdag cag la ngo tsha shes pa dang / khrel yod pa'i gos bskon lags so// byang chub kyi phyogs sum cu rtsa bdun gyi 'phreng bas bcings lags so// bdag cag gi sems dang / yid dang / rnam par shes pa dag bzod pa dang / gzungs dang / sa rnam pa sna tshogs kyis legs par brgyan lags so// theg pa chen po'i shing rta dag gis bteg lags so// gang na sangs rgyas kyi zhing snyigs ma lnga dang bral ba shin tu yongs su dag par sangs rgyas bcom ldan 'das byang chub sems dpa'i tshogs yongs su dag pas bskor nas/ theg pa chen po'i chos kyi gtam dag ston pa der bdag cag mchi lags so/ / de ci'i slad du zhe na/ da ltar bdag cag bcom ldan 'das kyi bka' la bkur sti bgyid cing 'dzin par bgyid lags so// de lta lags pas bdag cag 'khor dang bcas pa bcom ldan 'das kyi bka' la shin tu gnas par bgyid lags so/ / grong dang / grong khyer dang / grong rdal dang / ljongs dang / ri brags kyi gnas gang dang gang na// sems can nyan thos kyi theg pa pa dang / rang sangs rgyas kyi theg pa pa dang // theg pa chen po pa dag khyim na gnas pa 'am/ rab tu byung ba 'am/ tshul khrims dang ldan pa 'am/ tshul khrims 'chal pa 'am/ thos pa mang ba 'am/ thos pa nyung ba 'am/ brtson 'grus brtsams pa 'am/ le lo can nam/ mnyam par gzhag pa 'am/ mnyam par ma gzhag pa 'am/ dran pa dang ldan pa dang / dran panya
- 123b
pa rnams bcom ldan 'das dang / chos dang / dge 'dun dang / 'phags pa dgyes pa'i tshul khrims dag la dga' zhing / dad pa dang / bkur sti dang / bla mar bgyid pa dang / ri mo bgyid pa dang / byang chub rnam gsum gang yang rung ba dag la rab tu zhugs pa/ bcom ldan 'das kyi nyan thos sbyin gnas de lta bu dag gnas shing mchis pa de dang der bdag cag yid kyis dga' zhing dang dang / bkur sti dang / bla mar bgyi ba dang / ri mo dag gis gnas par bgyi lags so// yul 'khor de dang / de'i grong dang / grong khyer dang / grong rdal dang / ljongs dang / ri brag der bdag gi 'khor klu dang / klu mo dang / klu rgan po dang / klu rgan mo dang / klu'i bu dang / klu'i bu mo dang / klu'i 'khor dang / klu'i 'khor mo dag dus ma lags par rdzi char dang / ser drag dang / char mo che dang / than chen dag gtong bar bgyid dam/ lhag mi che dang / shin tu tsha ba dag 'byung bar bgyid dam/ sems can namAl lo tog dang / lo ma dang / me tog dang 'bras bu dang / 'bru dang / sman gyi ro dang / longs spyod dang / yongs su spyod pa dag chab 'tshal bar bgyid na/ klu de dag gis bdag bslus pas/ de dag thams cad kyi lus 'khums par gyur cig/ de dag rdzu 'phrul nyams nas 'gro mi nus par gyur cig/ rims nad kyis kun tu gdungs par gyur cig/ dbang po thams cad tshang bar ma gyur cig/ longs spyod dang / yongs su spyod pa thams cad dang bral bar gyur cig/ las byed mi nus par gyur cig/ tad+ya thA/ bud d+ha dza ye/
- 124a
k+ShutAM/ s+yA ma nis/ b+hU tas li Sh+Te/ an mA d+he/ rlud d+hanas/ ma dun sa ste/ khes gas/ pa~M p+tA/ sa / spyan d+ha pA le/ !n+tu/ d er thams cad dang ldan pa'i 'khor ji snyed lhags pa rnams bzhin dang / mig yid du 'ong bas shin tu dgod cing thal mo sbyar nas/ legs so zhes bya ba byin te/ 'di skad du/ skyes bu dam pa khyod sems can thams cad la phan par 'dod pa yin te/ skyes bu dam pa khyod kyis de ltar bya ba ni legs so legs so zhes smras nas/ thams cad dang ldan pa'i klu'i 'khor de dag shugs drags pos 'khrugs shing sngangs la kun tu 'gul zhing mngon par mi dga' ba dang / kun tu 'khor bar gyur to// de'i tshe dri za'i drang srong dga' bar 'byung ba zhes bya ba stan las langs te/ bcom ldan 'das ga la ba de logs su thal mo sbyar ba btud nas/ 'di skad ces gsol to// thams cad dang ldan pa'i 'khor dang bcas pa bdag la dgongs su gsol/ da ltar dang ma 'ongs pa'i dus su gang dag rgyal rigs gdol pa blun po mkhas so snyam pa'i nga rgyal can/ nga rgyal dang rgyags pas nyams pa/ 'jig rten pha rol la mi lta ba/ g.yo sgyu can/ snying rje ma mchis pa/ dge slong la mtho 'tsham par bgyid pa nas/ tha na bcom ldan 'das kyi slad du skyabs su mchis nas nye bar gnas pa/ skra bregs te gos ngur smrig bgos pa la mtho 'tsham pa dag 'byung ste/ bcom ldan 'das kyi slad du rab
- 124b
tu byung ba/ sangs rgyas thams cad kyis byin gyis brlabs pa/ dkon mchog gsum gyi gdung 'bar bar bgyid pa dag la mtho 'tsham pa'i rgyal rigs gdol pa de dag ting nge 'dzin gyi dbang gis mnas bsgag par bgyi ba ni/ longs spyod kyis 'khrugs par gyur cig/ rgyal phran gyis 'khrugs par gyur cig/ rgyal pos 'khrugs par gyur cig/ nang dmag dang / pha rol gyi dmag tshogs dag gis 'khrugs par gyur cig/ chu med pas 'khrugs par gyur cig/ nad kyis 'khrugs par gyur cig/ gzas 'khrugs par gyur cig/ bya ma rtas 'khrugs par gyur cig/ rtse dgas 'khrugs par gyur cig/ pha tshan gyis 'khrugs par gyur cig/ 'khor gyis 'khrugs par gyur cig/ 'byung ba chen pos 'khrugs par gyur cig/ yi dgas mthu bo ches 'khrugs par gyur cig ces bgyi ba nas/ rgyal rigs 'khrugs par gyur cig/ bram ze dang / dmangs rigs dang / bud med dang / seng ge dang / stag dang / spyang ki dag gis 'khrugs par gyur cig ces bgyi ba'i bar du rgyal rigs gdol pa de dag mnas bsgag par bgyi lags so/ / tad+ya thA/ ba ne ya ba na pa le/ ma hA badz+rAn traM/ dru ma tsa te/ ku su ma/ ba ra Te/ yug tre/ sam b+ha kle/ b+hI ma dri ba kre/ sa lo ba nA ya/ ribA re/ b+hum dru/ kra me/ ne'i ran tan/ dza si la/ men tre'i/ be'i ma ba ta/ ma shA khA dze/ na ye na/ hing ku le/ pi bad tsha/ brI sa/ d+ha na mu tse/ sang ga byi kre/ pa la min d+ha da laM/ b+hu mi paSh+Te/
- 125a
ro ma da le/ ba na ga dze/ tU Ta pa Te/ A ba te D+ha/ na ya driSh+Ti/ dzi hA kra ne/ u ta ru kle/ gan d+hA ra b+he/ si mi swA hA/ gang dag rgyal rigs gdol pa 'jig rten pha rol la mi lta zhing bcom ldan 'das kyi nyan thos rnams la mtho 'tsham pa de dag de ltar gyur cig/ de'i tshe thams cad dang ldan pa'i dri za'i 'khor rnams kyis 'di skad ces gsol to// bcom ldan 'das kyi bstan pa la mtho 'tsham par bgyid pa'i rgyal rigs gdol pa de dag la/ bdag cag ci dgar bgyid du stsal du gsol/ bdag cag rang rang gi gnas na rtsed mo la chags shing yongs su spyod par bgyid dam/ dga' sgyid nyams su myong bar bgyid na/ bdag cag kyang mna'i khongs su gtogs par gyur cig/ de'i tshe thams cad dang ldan pa'i 'khor ji snyed lhags pa rnams kyis legs so zhes bya ba byin no// de'i tshe byang chub sems dpa' sems dpa' chen po sa'i snying po bcom ldan 'das ga la ba de logs su thal mo sbyar ba btud nas/ 'di skad ces gsol to// btsun pa bcom ldan 'das bdag gis kyang ting nge 'dzin thams cad la rnam par rtse ba mngon par shes pa'i rgyal mtshan gyi srog shing zhes bya ba'i gzungs kyi sgo chen po bshad par bgyi ste/ rgyal mtshan gyi srog shing zhes bya ba'i gzungs chen po'i sgo gang gi rna lam du grag pa de'i rna ba'i nad dag rab tu zhi bar bgyid do/ / de'i 'dod chags dang / zhe sdang dang / gti mug la sogs pa nyon mongs pa rnams rab tu zhi bar bgyid do// gal te na ba
- 125b
srabs par 'gyur ro/ / rgya mtsho'i shun pa man dza na la gsang sngags kyi tshig 'di lan 'bum bzlas brjod bgyis nas/ rgyal rigs kyi rnga la bskus nas/ rnga de'i sgra gang dang gang gi rnga rna lam du grags pa de dang de'i 'dod chags dang / zhe sdang dang / gti mug la sogs pa nyon mongs pa rnams srabs par 'gyur ro// de dang de dag bcom ldan 'das kyi bstan pa la shin tu dka' zhing bkur sti dang / bla mar byed pa dang / ri mor byed pa dag rab tu 'thob par 'gyur ro// chos kyi rjes su 'brang bas 'jug par 'gyur ro// 'jig rten pha rol lta ba dang / longs spyod dang / yongs su spyod pa dang mi 'bral la/ sems can thams cad kyi mig tu 'ong ba dang / snying du sdug par 'gyur ro// tad+ya thA/ pUrba ma g+ha/ A ma lo ma ti/ krid ti la/ b+hU bai/ pa na khan De'i dur ma khi le'i/ mang sa tU le'aM go'u ra sa na d+he'i na kU ba ra me'i/ bud+d+ha rash+mi'i ping ga le'i g+h+ri me/ lo hi ta ra bi/ nang ga la sUr+ye/ b+ha ga ba ri Ne/ a na d+har pa u re/ ka ra hU dze/ ke sha lo hi/ sa ma d+haM/ b+hu d+ha swA hA/ de nas de nyid du bcom ldan 'das kyis legs so zhes bya ba gnang ngo / / thams cad dang ldan pa'i 'khor des kyang legs so zhes bya ba byin no// de'i tshe byang chub sems dpa' sems dpa' chen po blo gros mi zad pas 'di skad ces gsol to/ / bdag gis de bzhin gshegs pa thams cad kyi gsung dbyangs dang sgra rjod par bgyid pa/ gdugs dang rgyal mtshan gyi smon lam gyi tshul zhes bgyi ba'i gzungs chen po de
- 126a
bshad par 'tshal gyis/ bcom ldan 'das de bzhin gshegs pa 'khor dang bcas pa rnams bdag la rjes su yi rang bar mdzad du gsol/ de na mthu che zhing stobs che la pha rol gnon pa snang bar bgyid pa chen po lags te/ bcom ldan 'das kyi nyan thos rnams kyi thos pa yongs su rdzogs par bgyid pa'i gter dang / ye shes yongs su rdzogs par bgyid pa'i gter du 'gyur ba lags so/ / btsun pa bcom ldan 'das/ bcom ldan 'das kyi slad du/ ji srid 'tsho'i bar du sdom pa la gnas pa 'di lta ste/ dge bsnyen gyi sdom pa dang / dge sbyong gi sdom pa dang / bsnyen par rdzogs pa'i sdom pa la gnas pa snod du gyur pa dang / snod du ma gyur pa dag gi gdug dang rgyal mtshan gyi smon lam gyi tshul zhes bgyi ba'i gzung chen po 'di lhag mthong gi sbyor bas nyin mtshan bdun gyi bar du klog na/ phyir zhing nye bar len pa'i phung po lnga po de dag la rtogs par 'gyur ro// nyin mtshan bdun 'das nas gdugs dang rgyal mtshan gyi smon lam zhes bgyi ba'i gzungs chen po lan 'bum snyed du yang dang yang dran par bgyid pa de ni/ rgyal rigs rnams dang / bram ze'i rigs rnams dang / rje'u rigs rnams dang / dmangs rigs rnams dad par bgyid pa nas/ sems can thams cad kyi bar du shin tu mngon par dad par bgyid pa lags so/ / thams cad longs spyod pa dang / yongs su spyod pa rgya chen po mchog dang mi 'bral zhing / mtho ris la gzhol bar 'gyur ba lags so// /
- 126b
de sangs rgyas bcom ldan 'das bzhugs pa rnams dang skal ba mnyam par skye bar 'gyur lags so// tad+ya thA/ tri Na sang nyi ke/ bi tri Na bi ma be/ ka ra prA kle/ b+hU ta sU me tsa/ pa ra dzi me/ a b+hak+ka/ akrA ya lo be/ ad+h+yad ma/ ni mi re/ shrI ta bi sta ra/ ang gu dza d+had nye/ dza dza ra no se'i a na sa shud d+he/ mr-i ga g+h+r-i kre/ ku la ba te/ ma ga bA bA/ kre b+ho 'u ba s+phA re/ a b+hI ti me b+hu re/ sU ra kha dze/ smr-i ti mo na swA hA/ de nas bcom ldan 'das kyis byang chub sems dpa' blo gros mi zad pa la legs so zhes bya ba gnang ste/ skyes bu dam pa khyod kyis gdugs dang rgyal mtshan gyi smon lam gyi tshul zhes bya ba'i gzungs chen po 'di bshad pas/ sems can dpag tu med pa rnams kyi thos pa'i mig kun tu ston par byed la/ nga'i bstan pa'ang ston par byed pa ni leg so legs so// de nas de nyid du thams cad dang ldan pa'i byang chub sems dpa'i 'khor gyis kyang byang chub sems dpa' blo gros mi zad pa la legs so zhes bya ba byin te 'di skad du/ skyes bu dam pa khyod kyis gdugs dang rgyal mtshan gyi smon lam zhes bya ba'i gzungs chen po 'di rdzogs par bshad pas/ da ltar dang ma 'ongs pa'i dus su theg pa chen po la yang dag par zhugs pa'i sems can de dag thams cad kyi thos pa mang po'i tshogs rgyas par byed pa dang / rton pa ni skyes bu dam pa legs so legs so// de'i tshe 'jam dpal gzhon nur gyur pa stan las langs te/ bcom ldan 'das ga la ba de logs su thal mo sbyar ba gtud nas
- 127a
'di skad ces gsol to/ / btsun pa bcom ldan 'das bdag gis kyang gling bzhi pa 'di'i me tog dang / 'bras bu dang / shing dang / 'bru dang / sman dang / lo tog dag bsrung bar 'tshal lo/ / sems can rnams kyi longs spyod dang / yongs su spyod pa dang / rtswa dang / 'dab ma dang / lo ma sa la rten pa rnams bsrung bar 'tshal lo// bcom ldan 'das nang gu dpal rdul zhes bgyi ba'i gzungs chen po de da ltar 'dir gling bzhi pa de dag gis sngon ma thos ma mthong bas 'di ltar ngo mtshar rmad du byung bar gyur te/ 'dus pa chen po de lta bu dag byung bar bgyis lags so// nang gu dpal rdul zhes bya ba'i gzungs chen po 'di ni mthu che bas lo tog thams cad 'phel bar bgyid pa lags so// sa bon dang / myu gu dang / sdong bu dang / 'dab ma dang / me tog dang / 'bras bu dang / shing dang / 'bru dang / sman dang / ro rnams skyed par bgyid pa dang / 'phel bar bgyid pa dang / snum mchis par bgyid pa dang / 'jam par bgyid pa dang / mang por bgyid pa lags so// / sems can thams cad dad par bgyid pa dang / tshul khrims can du bgyid pa dang / thos par bgyid pa dang / shes par bgyid pa dang / byams pa dang / snying rje can du bgyid pa dang / thabs dang ldan par bgyid pa nas/ byang chub kyi phyogs kyi chos thams cad kyi bar du ston par bgyid pa lags so// tad+ya thA/ a na n+ya b+hu mi/ gA bA k+ka b+ha~M dze/ gu lo tsa lo me/ phaT kA lo me/ shri yA kra/ ku su me/
- 127b
nab ku mun De/ rA dza bar me/ tsA Ta na ba/ ba ma Te/ biSh+Ta lang ge/ a ba b+ha su ne/ hA sa ga b+ha kre/ lo ma b+hu dza kre/ gam b+hai ra/ ba su me/ a no ma ya/ sa re/ pA lA sha two ye swAhA/ btsun+da pa bcom ldan 'das nang gu dpal rdul zhes bgyi ba'i gzungs chen po 'di rgyal mtshan gyi rtse mo la btags te sgreng bar bgyid dam/ skad chen por klog gam/ gsang sngags kyi tshig 'di chu la len stong gi bar du bzlas brjod bgyis nas/ zhing dang / shing dang / lo tog sna tshogs la gtor tam/ rnga dang / rdza rnga dang / dung dag la bsngags nas/ de dag gi sgra gang du thos pa'i lo ma dang / me tog dang 'bras bu dang / 'bru dang / sman gyi ro dang / sa la rten pa'i lo tog thams cad sems can rnams kyi sngon gyi las kyi sgrib pa'i rgyu las ma gtogs par/ lha dang / klu dang / gnod sbyin dang / yi dgas mthu bo che dang / bdud dang / bdud kyi bu dang / bdud kyi 'khor gyi tshogs gang gis kyang gnod par bgyi ba 'am/ chung gsan pa 'am/ tshig par bgyi ba 'am/ bskam pa 'am/ mdangs 'phrog pa 'am/ mthu chung bar bgyi ba 'am/ ma mchis par bgyi ba dag tu rngo mi thogs na/ sems can dang / sems can gyi grangs su gtogs pa gzhan dag gis lta smos kyang ci 'tshal/ de nas bcom ldan 'das kyis 'jam dpal gzhon nur gyur pa de la legs so zhes bya ba gnang ste/ rigs kyi bu khyod gling bzhi pa 'dir sbyin pa chen po'i dpal gyi shing rta la zhon nas/ rigs kyi bu 'dir bla
- 128a
na med pa'i byang chub kyi lam du sems can dpag tu med pa rnams rton par byed pa ni/ rigs kyi bu khyod legs so legs so// de nas de nyid du byang chub sems dpa'i 'khor thams cad kyis kyang 'jam dpal gzhon nur gyur pa la legs so zhes bya ba byin te/ rigs kyi bu khyod kyis de ltar bya ba ni legs so legs so// de'i tshe byang chub sems dpa' sems dpa' chen po spyan ras gzigs dbang phyug gis/ byang chub sems dpa' byams pa la 'di skad ces smras so// byams pa khyod la bdag gis dpal me tog gsar pa zhes bya ba'i gzungs chen po sbyin gyis/ gzungs chen po des na rigs kyi bu khyod kyis byams pa chen po'i go bgos nas/ 'dir sems can rnams la tshig gis chos ston na/ ting nge 'dzin gyi rnam par 'phrul pa'i stobs bskyed pa'i chos de dag sems can gang dag gis thos pa'i sdig pa'i sems dang / sdig pa'i lta ba dag spong bar byed do// sdig pa'i grogs po dang / sdig pa'i bshes gnyen dag spong bar byed do// sems kyis byams pa dang / snying rje dang / dge ba'i rtsa ba dag yid la byed par 'gyur ro// sems can thams cad la snying brtse ba dang / sems 'jig rten pha rol la lta ba can du 'gyur ro// sems mi dge ba bcu'i las kyi lam dag las ldog par 'gyur ro// sems dge ba bcu'i las kyi lam dag la rnam par gnas par 'gyur ro// sems sems can thams cad la mngon par dga'
- 128b
par 'gyur ro/ / gzungs chen po 'di ni sems can thams cad kyi bsam pa yongs su rdzogs par byed pa'i phyir/ chos kyi char 'bebs par byed pa'o// dgra bcom pa thams cad rab tu dad par byed cing / bshes gnyen thams cad mngon par 'phel bar byed pa'o// tad+ya thA/ laMb ta swa re/ kA shA ya/ bar me/ sa me brag g+he/ dA rang ga dza le/ su tro kle/ sum hA s+yA kle re/ su ha bung gre/ go'u a ba lo ka da le/ sid+d+he b+hi ba kre/ D+hA nan pi ba re/ a ba ni d+ha lung be/ so tsa ra tsa la/ a ba b+ha sa re/ ba rA ha/ shad tre e ka hA da tai ye/ sa mA d+hi kar Ne/ bA la dza bi ti/ mahA dA pU taH/ se.a ra Na ni le/ mA lA ma sha me ni la ku su me swA hA/ dpal me tog gsar pa zhes bya ba'i gzungs 'di ni/ byang chub sems dpa' sems dpa' chen po khyod kyis byams pa chen po'i go bgos nas sems can rnams la chos ston na/ de'i sgra tha na sems can srog chags su gyur pa phra mo chung ngu gang dag gi rna lam du grags pa de dag gi sems kyi rnyog pa nye bar zhi bar byed pa dang / de dag gi sems dge ba'i rtsa ba la gnas par 'gyur na/ mir gyur pa rnams la lta ci smos kyang ci dgos/ sems can la la dag gis char dbab pa'i phyir/ dri za dang klu'i gnas dag tu gzungs chen po 'di bzlas brjod byas te/ na le sham gyi phye ma dang / e ran da'i mar du bsres pa la nges lan stong du bsngags nas/ gos kyi mtha' mar phur ma byas te khron par bcug na/ des na de la klu rnams dga'
- 129a
bar 'gyur te/ char gyi rgyun chen po'ang 'bebs par byed do// de'i tshe yul der 'dus pa'i klu dang / klu chen po rnams kyis dpal me tog gsar pa zhes bya ba'i gzungs chen po 'di thos nas/ sems rangs pa dang / sdang sems med pa dang / sems rab tu dga' ba dang / sems byams pa dang ldan pa dang / sems 'jig rten pha rol la lta bar gnas par gyur to// sems dkon mchog gsum la dad cing / bkur sti dang / bla mar byed pa dang / ri mor byed pa dag thob par gyur to// sems dud 'gror skye ba'i rang gi sdig pa'i las dag rab tu 'chags pa dang / sems theg pa chen po bla na med pa la 'jug par gnas par gyur to/ / klu dang / klu chen po de dag thams cad kyi nang nas mthu ci yod pa dang / ci nus pa dag gis/ de na bcom ldan 'das la mchod pa bya ba'i phyir/ kha cig ni gser mang po'i char mngon par 'bebs so// kha cig ni dngul dang / a ka ru dang / rgya spos dang / gor shir sha dang / tsan dan sbrul gyi snying po'i phye ma dang / ta ma la'i lo ma'i char dag mngon par 'bebs pa nas/ kha cig ni ut+pa la dang / me tog sna tshogs dang / ras bcos bu sna tshogs dang / gdugs dang / rgyal mtshan dang / ba dan sna tshogs dang / gser skud dang / mu tig gi dol shal gyi bar dag gi char mngon par 'bebs so/ / de nas klu dang / klu chen po de dag thams cad kyis bcom ldan 'das ga la ba der logs su thal mo sbyar ba btud nas/ tshig 'thun par 'di skad ces gsol te/
- 129b
btsun pa bcom ldan 'das da ltar bdag cag ni dkon mchog gsum la sems shin tu legs par rab tu zhugs pa lags so// btsun pa bcom ldan 'das kyi spyan sngar bdag cag 'di rnams kyis dam bca' bar bgyi ba ni/ btsun pa bcom ldan 'das zong dang / grong khyer dang / grong rdal dang / ljongs gang dang gang dag na/ dpal me tog gsar pa zhes bgyi ba'i gzungs chen po 'di rab tu sgrogs pa dang / de bzhin du gzungs lhag ma chu khyim snying po zhes bgyi ba dang / mtshon cha'i stobs zhes bgyi ba dang / gdugs dang / rgyal mtshan gyi smon lam gyi tshul zhes bgyi ba dang / nang gu dpal rdul zhes bgyi ba dang / dpal me tog gsar pa zhes bgyi ba'i gzungs chen po rnams dang / rgyal po chen po bzhis bshad pa'i gzungs de dag dang / klu'i snying po bzhi po dag/ grong dang / grong khyer dang / grol rdal dang / ljongs dang / ri brags kyi gnas gang dang gang dag tu re re tsam yang ston tam/ 'chad dam/ rab tu sgrogs pas/ dran par bgyid pa de dang de dag tu bdag cag gis dus dus su char dbab pa dang / gdugs dang bser ma dag gtang bar bgyi/ dus ma lags par ni ma lags so// de dang der bdag cag gis phyir dgra dang / nang 'khrug dang / 'thab mo dang / rtsod pa dang / gnod sems dang / nad dang / mings dang / mu ge dag rab tu zhi bar bgyi lags so// de dang der bdag cag gis skyid pa dang / lo legs pa dang / dga' bar 'gyur ba dag bsgrub par bgyi lags so// de dang der sems
- 130a
can rnams kyi sa bon dang / myu gu dang / sdong bu dang / 'dab ma dang / me tog dang / 'bras bu dang / shing dang / 'bru dang / sman dang / ro dag mi nyams par 'phel bapabar bgyi lags so/ / longs spyod dang / yongs su smod pa phal che zhing / dri zhim pa dang / ro zhim pa dang / skam pa dang / 'jam pa dag tu bsgrub par bgyi lags so// bdag cag gis 'dzam bu gling 'di'i rgyal po rnams kyang gcig la gcig byams pa'i sems dang / phan pa'i sems dang / kho na ma mchis pa'i sems dang / rtsod pa ma mchis pa'i sems su bsgrub par bgyi lags so// de bzhin du bram ze'i rigs dang / rje'u rigs dang / dmangs rigs dang / gnod sbyin rnams nas/ dge bsnyen dag gi bar dag tu byams pa'i sems dang ldan par bsgrub par bgyi lags so// gang na gzung chen po 'di rab tu sgrogs pa der ni phan tshun sems 'thun par bsgrub par bgyi lags so/ / de nas bcom ldan 'das kyis klu de dag thams cad la legs so legs so zhes bya ba gnang ngo // thams cad dang ldan pa'i 'khor ji snyed lhags pa rnams kyis kyang legs so zhes bya ba byin no/ / de na byang chub sems dpa' ri'i snying pos kyang legs so zhes bya ba byin no// de nas bcom ldan 'das kyis/ dpal lha mo chen mo la 'di skad ces bka' stsal to// dpal cho ga shes khyod la snying brtse ba'i grogs 'di dag yod na/ 'dir sems can yongs su smin par bya ba'i phyir/ da dung du ci'i phyir gdul
- 130b
ba'i tshogs rnams gzhug par mi nus/ dpal lha mo chen mos gsol pa/ byang chub sems dpa' sems dpa' chen po de ni/ smon lam gyi khyad par gyis sangs rgyas kyi zhing snyigs ma lnga dang ldan pa'i tha chad du de lta bur skye ba len cing / grogs dge ba'i bshes gnyen 'thun pa de lta bu dag dang phrad pa thob lags so// da ltar bdag kyang grogs dge ba'i bshes gnyen 'thun pa khyod lta bu dang phrad pa lags so/ / bla na med pa yang dag par rdzogs pa'i byang chub kyang de'i lag tu thob ste/ de'i pha rol tu phyin pa drug kyang brjod par bgyi lags so// byang chub sems dpa' chen po dge ba'i bshes gnyen gyis yongs su zin pa/ brtson 'grus brtsams pa ni/ thams cad mkhyen pa'i ye shes la shin tu gnas par blta bar bgyi lags so// bcom ldan 'das kyis bka' stsal pa/ dpal mo/ gshes khyod kyis ji skad smras pa de ltar yin te/ byang chub sems dpa' sems dpa' chen po de ni/ smon lam gyi khyad par gyis sems can yongs su smin par bya ba'i phyir/ sangs rgyas kyi zhing snyigs ma lnga dang ldan pa thams cad du de lta bur skye ba len la/ bsdu ba'i dngos po bzhi po dag la brtson zhing / der brtson pa brtan pa dang / brtson 'grus brtsams pa yin no// grogs dge ba'i bshes gnyen de lta bus yongs su zin pa yin no/ / rnam pa thams cad mkhyen pa'i ye shes de'i lag tu thob pa yin te/ de'i pha rol tu phyin pa drug yongs su rdzogs par yang brjod par
- 131a
bya'o/ / des rnam par gnon pa'ang brjod par bya'o// mngal gyi skyon las thar par yang brjod par bya'o// mi slob pa'i sa la gnas pas zag pa zad par yang brjod par bya'o/ / de sangs rgyas bcom ldan 'das thams cad kyis dgongs pa dang / byin gyis brlabs par yang brjod par bya'o// 'dod chags dang bral ba'i sa la shin tu gnas par yang brjod par bya'o// de nas brgya byin gzi brjid dri ma med pa bcom ldan 'das ga la ba de logs su thal mo sbyar ba btud nas/ 'di skad ces gsol to// btsun pa bcom ldan 'das ci'i slad du 'tsho ba'i 'jig rten 'dir klu dang / klu chen po rnams sems can rnams kyi longs spyod dang / yongs su spyod pa dag la gnod par bgyid lags/ bka' stsal pa/ lha'i dbang po rgyu dang rkyen gnyis kyis 'tsho ba'i 'jig rten 'dir klu dang / klu chen po rnams sems can rnams kyi longs spyod dang / yongs su spyod pa dag la gnod par byed do// gnyis gang zhe na/ 'dod chags kyi dbang dang / khro ba'i dbang gis dus ma yin pa'i sprin dag 'byung bar byed cing / rdzi char dang ser drag dag 'bebs par byed do// lhags pa dang tsha ba dag 'byung bar byed do// des na 'dir sems can rnams sa bon dang / myu gu dang / 'dab ma dang / me tog dang / 'bras bu dang / 'bru dang / sman dang / ro dag tshig par byed do// skems par byed do// 'brul bar byed do// ma rung bar byed do// des na sems can rnams longs
- 131b
spyod dang / yongs su spyod pa dang mi ldan pas lus dang / ngag dang / yid kyi sdig pa'i las mi bzad pa rnam pa sna tshogs dag kun tu spyod par byed do// las kyi sgrib pa mi bzad pa des na sngon dge ba'i rtsa ba bskyed pa thams cad kyang sreg par byed do/ / skems par byed do// thal bar rlog par byed do// dge ba'i bshes gnyen dag spong zhing / ngan song gsum po dag la gzhol bar byed do// kha cig gos dang / bza' ba dang / btung ba tsam gyi phyir tshe gcig gis de lta bur sdig pa'i las mtshams med pa dag gi bar du kun tu spyod par byed de/ de dag bskal pa mang po zhig gi bar du phyir mir skye ba thob par mi 'gyur ro/ / gal te de dag yun ring po 'das nas brgya la brgya lam na mi'i lus thob na'ang kha cig ni yan lag nyams par 'gyur ro// kha cig ni dran pa nyams par 'gyur ro// gdol pa'i rigs su'ang skye bar 'gyur ro/ / g.yung po'i rigs dang / smyig ma mkhan gyi rigs dang / bkren pa dbul po'i rigs rnams su'ang skye bar 'gyur ro// bza' ba dang / btung ba'i longs spyod dang yongs su spyod pa dag dang yang bral bar 'gyur la/ yang rgyu des na dge ba'i bshes gnyen dang bral nas/ lus dang / ngag dang / yid kyi las kyi sgrib pa mi bzad pa dag kun tu spyod par byed do// yang kha cig ngan song gsum po dang / mnar med pa dag tu'ang gzhol bar 'gyur ro// rigs kyi bu de ltar longs spyod dang / nye bar spyod pa dang mi ldan pa'i sems can rnams 'khor bar yun ring du nyam thag par
- 132a
'gyur ro/ / ngan song gsum po dag tu sdug bsngal mi bzad pa sna tshogs dag nyams su myong bar 'gyur ro// gsol pa/ sdug bsngal gang cung zad ci byung ba thams cad ni zas kyi rkyen las gyur pa lags te/ zas ma mchis na sdug bsngal 'byung ba'ang ma mchis lags so// de nas de'i tshe brgya byin gzi brjid dri ma med pas tshigs su bcad de 'di skad ces gsol to// sred pa'i dug gis bsgyur bas na/ / ngu ba dang ni dgod par bgyid// nye bar gnas shing lhung bar bgyid// kun tu spyod cing rnam par rgyug/ sa gzhi dag la til brdungs ltar// sdug bsngal 'khrul 'khor gnod par bgyid/ / lhar bcas 'jig rten thams cad la// de ltar sred pas gnod par bgyid// kye ma sred pa'i zhags pa yi// srid pa'i rtse mo'i mthar gtugs pas// de ltar zhags 'di rgya che ba/ / kha zas dag gi rgyu las byung // so so'i skye bo rgyu gnyis kyis// sred pa'i rdul gyis yan lag bcings// ri dgas zhags pas bcings pa ltar// 'bros pa dag tu nus ma lags/ / lhar bcas 'jig rten sems can dag/ sred pas gar bgyid rtsol ba ltar// gar zhung dag la gar mkhan rgyas// de ni gar bgyid rtsol mi nus// sred pa'i dug gis bsgyur bas na// ji ltar skye bo myos pa ltar// btung ba myos bgyid bslad pa yis// myos pa dag du mi bgyid do// srid pa'i gnod sbyin gdon dag gis// skye bo brlams nas 'khyal pa ltar// 'byung po'i gdon
- 132b
gyis smos pa dag/ 'khyal pa dag tu mi bgyid do// nor 'dzin de dag 'dzin pa btang // srid pa'i 'jigs pa rnam par spangs// gang gis sred pa bskams nas kyang // de dag 'khor bar mi gnas so/ / byang chub sems dpa' spyan ras gzigs dbang phyug gis kyang 'di skad ces gsol to// zhe sdang khro bas skye dgu brlams// sems kyang g.yengs 'gyur de yis na// dge ba thams cad mi 'tshal zhing / / bzod brlag las la spyod par bgyid// mi dge ba la gnas bgyid pa// pha ma dag la rim gro chung // gang dag mtshams ma mchis bgyis pa// dkon mchog gsum la brnyas par bgyid/ / snying brtse snying rje ma mchis pa// 'jigs bgyid gtum po drag shul can// khro sems dbang gis de dag ni// sems dmyal mnar ma mchis par gnas// sems can 'di dag khro ba'i rgyus/ / gcig la gcig ni za bar bgyid// yang dang yang ni ngan song du// sdug bsngal du mas rab tu gzir// sdig pa'i sems kyis bring gyur cing // dge ba'i bshes gnyen spangs nas kyang / / srid pa'i mtshor ni ltung ba ste/ mun pa mun nag gzhol ba po// de 'dra'i sems can don slad du// byang chub sems dpa' snying brtse ba'i// bsam pas bdag bde btang nas kyang // sems can sdig pa bsal slad du// byang chub spyad pa spyod pa na// bsod nams bgyi ba'i dngos gsum gyis// sdig pa'i sems can grol bgyid cing // chos kyi rgyal mtshan sgreng bar bgyid//
- 133a
sems can 'ga' yi don slad du// lus dang srog dag btang nas kyang // dka' thub brtul zhugs spyod ldan pa// dka' ba dag ni mang du spyad// gang tshe sems can 'ga' slad du/ / bskal brgyar sdug bsngal sel bgyid na// dka' thub brtul zhugs bzod par bgyi// sems can yongs su smin slad gnas// de 'dra'i bsam dang ldan pa yis// sems can sred pa'i bsam pa can/ / sems ni byang chub sngo bgyid skul// de nas dpal lha mo chen mos/ byang chub sems dpa' sems dpa' chen po spyan ras gzigs dbang phyug la bre bo lo tog gis bkang ba de phul nas smras pa/ gling bzhi pa 'di'i sems can rnams kyi longs spyod dang / yongs su spyod pa dag gis rgyur sa bon dang / lo tog thams cad 'phel bar bgyi ba dang / grub par bgyi ba'i slad du skyes bu dam pa khyod la lhung bzed dbul lo/ / des na dge ba'i rtsa ba yang dag par chad pa/ ma rungs pa/ gtum po/ drag shul can kun sdug bsngal thams cad las bsgral ba dang / byang chub kyi sa bon la bzhag par rngo thog go/ de nas byang chub sems dpa' sems dpa' chen po 'phags pa spyan ras gzigs dbang phyug gis bre bo lo tog gis bkang ba de blangs nas phyogs bcur bltas te/ 'di skad ces smras so// sangs rgyas bcom ldan 'das byang chub sems dpa' sems dpa' chen po'i 'khor dang bcas pa thams cad dgongs su gsol/ gang gis
- 133b
gling 'dir sa bon dang / myu gu dang / 'dab ma dang / me tog dang / 'bras bu dang / 'bru dang / sman dang / ro dang / sa'i bcud dang / gzi byin dang / sems can gyi gzi byin dang / dam pa'i chos kyi ro dang / snying ku dang / gzi byin dag mi nyams shing 'phel bar bgyid pa dang / dam pa'i chos kyi sgron ma dang / dkon mchog gsum gyi gdung rgyun mi bcad par bgyid pa dang / gang gi de yongs spyod dang / nye bar spyod pa thams cad kyis sems can rnams yongs su smin par bgyid pa dang / sdig pa las zlog par bgyid pa dang / byang chub kyi sems la dgod par rngo thogs pa dang / gang gis 'dor sems can de dag thams cad kyis ngan song rnams yongs su spangs nas/ mtho ris la gzhol bar 'gyur ba dang / gang gis dpal lha mo chen mo de'i bsam pa yongs su rdzogs par 'gyur ba de ltar phyogs bcu na gang dag de bzhin gshegs pa ma lus pa bzhugs shing 'tshol gzhes pa thams cad 'dir dgongs su gsol/ tad+ya thA/ mu ni shi ba/ mu nin tre/ mu ni pa la/ mu ni sa lo// san ta u sa kri ti/ krA nu pra NA nI la/ ba ya ba sar+b+ba bi dza ba/ ste la le swAhA/ de nas bcom ldan 'das kyis legs so zhes bya ba gnang nas/ dpal lha mo chen mo la 'di skad ces bka' stsal to// dpal cho ga shes khyod kyis gling bzhi pa 'di sa bon dang / myu gu dang / lo tog 'phel bar bya ba dang / sems can yongs su smin par bya ba'i phyir/ khyod ni sangs rgyas bcom ldan 'das 'khor chos
- 134a
pa dang bcas pa ma lus pa thams cad kyis byin gyis brlabs so/ / de nas lha'i dbang po brgya byin ko'u shi kas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ chos kyi rnam grangs 'di ji ltar gzung bar bgyi lags/ bcom ldan 'das kyis bka' stsal pa/ de bzhin gshegs pa'i dpal gyi dam tshig ces bya'o/ / ri'i snying pos zhus pa zhes bya'o// gzungs kyi za ma tog ces bya'o// sa'i bcud 'phel bar byed pa zhes bya'o// ting nge 'dzin gyi rnal 'byor sems can yongs su smin par byed pa zhes bya'o// / bcom ldan 'das kyis de skad ces bka' stsal nas/ dpal lha mo chen mo dang / byang chub sems dpa' sems dpa' chen po ri'i snying po dang / thams cad dang ldan pa'i 'khor rnams bcom ldan 'das kyis gsungs pa la yi rangs te mngon par bstod do/ / 'dus pa chen po theg pa chen po'i mdo sde las/ de bzhin gshegs pa'i dpal gyi dam tshig ces bya ba theg pa chen po'i mdo rdzogs so// / / rgya gar gyi mkhan po sarba dz+nyA de ba dang / zhu chen gyi lo tsa ba ban d+he dpal brtsegs kyi bsgyur cing zhus nas gtan la phab pa/ bya ba'i rgyud du gtog so// rgya gar skad du/ Ar+ya sarba ta thA ga ta a d+hiSh+ThA na/ satwa A lo kan/ bud+d+ha kle tra san dang shan byA ha nA ma ma hA mA na sU tra/ bod skad du/ 'phags pa de bzhin gshegs pa thams cad
- 134b
kyi byin gyi rlabs sems can la gzigs shing / sangs rgyas kyi zhing gi bkod pa kun tu ston pa zhes bya ba theg pa chen po'i mdo/ sangs rgyas dang byang chub sems dpa' thams cad la phyug 'tshal lo/ / 'di skad bdag gis thos pa dus gcig na/ bcom ldan 'das ri gru 'dzin na/ 'phags pa spyan ras gzigs dbang phyug gi gnas/ lha'i nor bu rin po che dpal gyi snying po dang / me tog rgyas pa dang / lha'i seng ge'i khri bkod pa na/ dge slong lnga brgya tsam gyi dge slong gi dge 'dun chen po thams cad kyang dgra bcom pa/ zag pa zad pa/ sems kyi dbang gi dam pa'i pha rol tu son pa sha stag dang / byang chub sems dpa' thams cad kyang snying rje chen po shes pa la gnas pa/ thams cad kyang skye ba gcig gos thogs pa dang / skye ba gnyis dang / skye ba gsum dang / skye ba bcu dang skye ba nyi shu dang / skye ba sum cu dang / skye ba brgya'i bar dag gis thogs pa/ thams cad kyang sa brgyad pa dang / sa bcu pa la gnas pa sha stag ste/ 'phags pa spyan ras gzigs dbang phyug dang / 'jam dpal dang / dri med tog dang / nor dpal dang / glog gi tog dang / dri med 'od dang / tsan dan dang / bdud rtsi'i tog la sogs pa byang chub sems dpa' sems dpa' chen po bdun brgya dang / dge bsnyen dang / dge bsnyen ma thams cad kyang lung bstan pa dang ldan pa/ ting nge 'dzin thob pa/ 'jig rten gyi khams tha dad pa nas 'dus pa lnga stong dang / lha dang / klu dang / gnod sbyin dang /
- 135a
dri za thams cad kyang sngon gyi sangs rgyas la bsnyen bkur byas pa/ de bzhin gshegs pa'i cho 'phrul mthong ba brgyad stong dang / gnod sbyin mo chen mo thams cad kyang byang chub sems dpa'i ye shes thob pa/ lung bstan pa thob pa/ phyir mi ldog pa dpe med ma dang / dri med 'od dang / 'jigs byed ma dang / dpal ldan ma dang / 'phrog ma dang / dung can ma la sogs pa gnod sbyin mo chen mo brgyad cu dang / brgya byin dang / tshangs pa dang / rnam thos kyi bu dang / yul 'khor srung dang / 'phags skyes po dang / mig mi bzang dang / nor bu bzang po'i bu dang / gang pa bzang po la sogs pa 'jig rten skyong ba thams cad kyi bar dag dang thabs gcig tu bzhugs so/ / de nas de dag thams cad kyis de bzhin gshegs pa seng ge'i khri la bzhugs par rig nas/ rang rang gi dge ba'i rtsa ba dag gis de bzhin gshegs pa la lha'i rgyan dang / na bza' dang / me tog dang / me tog 'phreng dang / spos dang / byug pa dang / rol mo'i sgra rnams kyis mchod par byas/ ri mor byas so/ / kha cig gis ni lan 'bum phrag du mar bskor ba byas te bstod do// de nas de'i tshe bcom ldan 'das sems cad thams cad la dmigs pa/ snying rje chen po'i shes pa la gnas pa zhes bya ba'i ting nge 'dzin la snyoms par zhugs so/ / ting nge 'dzin de'i mthus stong gsum gyi stong chen po'i 'jig rten gyi khams 'di 'od kyis snang bar gyur cing / gzugs thams cad kyang snang bas khyab par
- 135b
gyur nas/ sems can dmus long gang yin pa de dag gis ni mig gis gzugs rnams mthong bar gyur to// 'on pa rnams kyis ni rna bas sgra dag thos par gyur to// nad kyis btab pa rnams ni nad dag dang bral bar gyur to/ / gos med pa rnams ni gos dag thob par gyur to// smyon pa rnams ni dran pa thob par gyur to// lus nyams pa dang / dbang po ma tshang ba rnams ni lus dang dbang po yongs su rdzogs par gyur to/ / dbul po rnams kyis ni nor dag thob par gyur to// sems can gang dag nor dang / yo byad dang / longs spyod med pa de dag ni/ nor dang / yo byad dang / longs spyod dag dang ldan par gyur to/ / sems can thams cad kyang bde ba thams cad dang ldan zhing bsam pa thams cad yongs su rdzogs par gyur to// stong gsum gyi stong chen po'i 'jig rten gyi khams kyi sems can gang yin pa de dag thams cad la'ang bskul nas/ thams cad chos mnyan pa'i phyir/ bcom ldan 'das ga la ba der lhags te/ sems can gang dag lha rnams kyi nang du skyes pa de dag thams cad kyis ni lha'i bde ba yongs su spangs nas/ sangs rgyas rjes su dran par byas te/ chos mnyan pa'i phyir bcom ldan 'das ga la ba der lhags so// sems can gang dag mi rnams kyi nang du skyes pa de dag gis kyang mi'i bde ba yongs su spangs nas/ chos mnyan pa'i phyir bcom ldan 'das ga la ba der lhags so// sems can gang dag klu dang / gnod sbyin dang / srin po dang / yi dgas dang / sha za rnams
- 136a
kyi nang du skyes pa de dag gis kyang / sangs rgyas rjes su dran pa so sor thob nas/ sems can tham cad la byams par gnas pa dang / lus dang sems bde bar gyur nas/ chos mnyan pa'i phyir bcom ldan 'das ga la ba der lhags so/ / sems can gang dag gshin rje'i 'jig rten rnams su mun pa mun nag gi nang du skyes pa de dag kyang / sangs rgyas kyi mthus yud tsam zhig/ dran pa so sor thob nas/ gcig gis gcig kun tu shes par gyur te/ de dag mun pa chen po de nas yongasu thar par gyur to// sems can thams cad gcig la gcig gis byams par gnas shing nye ba'i nyon mongs pa rnams dang bral bar gyur to/ / de nas de'i tshe sa chen po 'di rnam pa drug tu rab tu g.yos te// mtho ba dang dma' bar yang gyur to// de nas 'khor 'dus pa der 'jam dpal gzhon nur gyur pa 'dus te 'dug par gyur nas/ des byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so// rigs kyi bu byang chub sems dpa'i 'dus pa chen po kun tu snang zhing / 'dus pa chen po'i snga ltas kyang kun tu snang la/ rigs kyi bu byang chub sems dpa' bye ba khrag khrig 'bum phrag mang po dag lung ston pa'ang kun tu snang zhing chos kyi 'brel ba'i gtam chen po'i snga ltas kyang kun tu snang ba las na/ rigs kyi bu byang chub sems dpa' bye ba khrag khrig 'bum phrag du ma dag gi re ba thams cad yongs su rdzogs par 'gyur zhing / ye shes chen po'ang tho
- 136b
par 'gyur gyis/ rigs kyi bu de'i phyir khyed kyis sems can thams cad la snying rje bskyed la phan pa dang / bde ba dang / bla na med pa yang dag par rdzogs pa'i byang chub la dgod par bya ba'i bar gyi phyir// de bzhin gshegs pa la yongs su zhus shig/ rigs kyi phyi ma'i dus phyi ma'i tshe na/ sems can sdig pa byed pa/ dbul ba/ nyam chung ba/ lus mdog ngan pa/ rga ba dang na bas yongs su gzir ba/ longs spyod chung ba/ lus yongs su ma bsgoms pa/ tshe thung ba/ blo rung ba/ 'dod chags dang / zhe sdang dang / gti mug gis yongs su gzir ba dag 'byung ba de/ rigs kyi bu de dag gi don du chos bstan par bya ba'i phyir/ de bzhin gshegs pa la gsol ba thob cig dang / rigs kyi bu de'i phyir khyod kyis yun ring por sems can rnams kyi don dang / phan pa dang / bde ba dang / nad thams cad rab tu zhi bar bya ba dang / sdig thams cad bzlog par bya ba dang / sdig pa thams cad rab tu zhi bar bya ba dang / re ba thams cad yongs su rdzogs par bya ba dang / bla na med pa'i yongs su mya ngan las 'da' ba'i bar dag byas par 'gyur ro/ / de nas byang chub sems dpa' sems dpa' chen po 'phags pa spyan ras gzigs dbang phyug gis phyogs bcur rnam par bltas te/ de bzhin gshegs pa bye ba phrag gang+gA'i klung gi bye ma snyed dag yid la byas nas/ bcom ldan 'das ga la ba de logs su thal mo sbyar ba btud de/ lan gsum bskor ba byas nas/ yan lag lngas phyag 'tshal te/ bcom
- 137a
ldan 'das la 'di skad ces gsol to/ / bcom ldan 'das slad ma'i dus srad ma'i tshe na/ sems can rga ba dang / na ba dang / 'chi ba dang / mya ngan gyis non par gyur pa/ dus ma lags par 'gum pas yongs su gzir ba/ nyam chung ba/ mdo ga ngan pa/ tshe thung ba/ longs spyod rlung ba/ lus yongs su ma bsgoms pa dag 'byung bar mchis te/ de dag ni ser sna dang / 'cha pa'i tshul khrims kyis sems kyis gcig la gcig 'gum par 'gyur la/ gcig gis gcig nor dang / longs spyod dang / dbang phyug dag 'phrog par 'gyur zhing gad mo dang / 'jo sgeg dang / zo gar dang / rtsed mo dag gis mngon par rtse ba dang / mi rtag pa la rtag par 'du shes pa dang / mi sdug pa la sdug par 'du shes par bgyid lags so// de ci'i slad du zhe na/ de dag rgyu de dang / gzhi des sems can rnams la mi dge ba rnam pa sna tshogs dag gis gtses nas sems can dmyal ba dang / dud 'gro'i skye gnas dang / gshin rje'i 'jig rten dag tu'ang skye bar 'gyur lags pas/ bcom ldan 'das do'i slad du bdag de dag gi don dang / sman pa dang / bde ba dang / re ba thams cad yongs su rdzogs par bgyi ba dang / de bzhin gshegs pa'i ye shes thob par bgyi ba'i bar dang / sangs rgyas kyi zhing du skye bar 'gyur ba dang / sdig pa thams cad bzlog par bgyi ba'i srad du/ de bzhin gshegs pa la gsol ba 'debs par 'tshal gyis/ bcom ldan 'das de bzhin gshegs pa la ni mi mkhyen pa dang /
- 137b
ma rtogs pa dang / mi gzigs pa dang / ma gsan pa dang / rnam par mi mkhyen pa ci'ang mi mnga' bas/ chos kyi 'brel ba'i gtam nyan par 'tshal ba dang / sngon gyi sangs rgyas la bsnyen bkur bgyis pa dang / shes rab dang ldan pa'i rang bzhin can gyi byang chub sems dpa' dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang lhags pa 'di dag re ba ma mchis par gyur cing slar mchi bar mi 'gyur bar bcom ldan 'das bshad du gsol/ bde bar gshegs pa bshad du gsol/ de nas thams cad dang ldan pa'i 'khor ji ltar lhags pa de dag gis kyang yan lag lngas phyag byas te/ tshig 'thun par 'di skad ces gsol to// bcom ldan 'das legs par bshad du gsol/ bde bar gshegs pa legs par bshad du gsol/ de nas bcom ldan 'das kyis lan gnyis lan gsum du gsol ba btab par thugs su chud nas/ phyogs bcur rnam par gzigs te/ snyan cing 'jebs la yid du 'ong ba'i gsung dbyangs kyis/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ / rigs kyi bu de bzhin gshegs pa thams cad kyi byin gyi rlabs sems can la gzigs shing / sangs rgyas kyi zhing gi bkod pa kun tu ston pa zhes bya ba'i ting nge 'dzin yod de/
- 138a
ngas sngon dang po sems bskyed pa nas bzung ste/ de bzhin gshegs pa me tog snang ba kun tu ston pa zhes bya ba'i spyan sngar de thos so// rigs kyi bu ting nge 'dzin de'i ming thos ma thag tu sems can bye ba phrag dgu bcus de bzhin gshegs pa'i ye shes thob par gyur nas thams cad kyang de bzhin gshegs pas sangs rgyas kyi zhing tha dad pa dag tu lung bstan te/ ngas kyang lung bstan pa thob bo/ / rigs kyi bu ngas de bzhin gshegs pa'i lha'i mkhyen pas sngon de bzhin gshegs pa sum khris sems can thams cad kyi don du chos kyi rnam grangs 'di bshad de/ thams cad du yang de bzhin gshegs pa la gsol ba 'debs pa ni/ 'phags pa spyan ras gzigs dbang phyug khyod nyid dang / 'jam dpal gzhon nur gyur pa yin la/ byang chub sems dpa' sems dpa' chen po'i 'khor rnams dang / dge slong dang / dge slong ma dang / dge bsnyen dang / dge bsnyen ma'i 'khor ji ltar lhags pa 'di dag gis kyang thos nas/ ri mo dang mchod pa dag byas te/ de'i 'og tu sems can bye ba khrag khrig 'bum phrag du ma dag gis lung bstan pa thob cing / byang chub sems dpa'i ting nge 'dzin dag kyang thob par gyur nas/ 'dod pa thams cad du 'gro ba dang / re ba thams cad grub pa dang / nad thams cad dang bral bar yang gyur la/ dge ba'i rtsa ba rnams yongs su smin pa dang / sgrib pa thams cad spangs pa dang / gzugs bzang zhing mdzes la blta na sdug pa dang / nor
- 138b
dang / 'bru dang / mdzod dang / bang ba rnams 'byor pa dang / rgyal po dang / rgyal bu dang / blon po rnams kyis mngon par bstod par 'os pa dang / sems can thams cad kyis phyag bya bar 'os pa dang / dran pa dang ldan pa dang / shes rab dang ldan pa dang / sangs rgyas dang / chos dang / dge 'dun la dad pa mi phyed pa dang ldan pa dang / rdzu 'phrul dang ldan pa dang / tshe dang / kha dog dang / gzi brjid dang / mthu stobs dang ldan zhing rnam pa thams cad kyi mchog dang ldan par gyur te/ nam yang sdug pa dang bral bar ma gyur cing / sdug pa'i sdug bsngal med par gyur pa de dran te/ rigs kyi bu de ltar na/ rigs kyi bu 'am/ rigs kyi bu mo gang dag chos smra ba de la mchog tu gus pa'i sems bskyed de/ chos kyi rnam grangs 'di la yan lag lngas phyag byas shing / me tog dang / bdug spos dang / spos dang / me tog 'phreng ba dang / byug pa dang / gdugs dang / rgyal mtshan dang / ba dan dag gis legs par brgyan nas/ sangs rgyas la phyag 'tshal lo zhes brjod cing phyag 'tshal bar byed pa dang / legs so zhes bya ba sbyin par byed pa dang / 'dzin pa dang / 'chang ba dang / klog pa dang / yi ger 'dri ba dang / yi ger 'drir 'jug pa de dag ni yon tan mang po dang ldan par 'gyur ro// de dag ni tshe 'di nyid la'ang yon tan mang po dang ldan par 'gyur te/ gzugs bzang zhing mdzes la/ blta na sdug pa dang / nad rnams dang bral ba dang / tshe ring ba dang / blo brtan pa dang / dran pa dang ldan pa dang
- 139a
brtan pa dang ldan pa dang / rgyal po thams cad dang / rgyal po'i btsun mo thams cad dang / rgyal bu thams cad dang / blon po thams cad dang / dgra thams cad dang / sems can thams cad kyis mngon par bstod par 'os pa dang / phyag bya bar 'os pa dang / bsnyen bkur bya bar 'os par yang 'gyur ro// nor dang yo byad mang por yang 'gyur ro// de dag gi kha nas tsan dan gyi dri'i ngad 'byung bar yang 'gyur ro/ / mig ut+pa la sngon po'i 'dab ma 'dra bar yang 'gyur ro// de dag gis nyin mtshan du sangs rgyas dang / byang chub sems dpa' dag mthong bar yang 'gyur ro/ / mtshams med pa lnga la sogs pa byas pa'i sgrib pa thams cad zad par yang 'gyur ro// de dag la lha rnams srung bar yang 'gyur ro// de dag 'chi ba'i dus na sangs rgyas dang / byang chub sems dpa' dag mthong bar yang 'gyur ro/ / phrag dog med pa dang / sems rnam par g.yengs pa med par 'chi ba'i dus byed par yang 'gyur ro// shi 'phos nas kyang 'jig rten gyi khams bde ba can du skye ba'i bar du 'gyur ro/ / rigs kyi bu gang dag chos kyi rnam grangs 'di 'dzin pa dang / bsnyen bkur byas te/ yi ger 'dri ba dang / yi ger 'drir 'jug pa dang / klog pa dang / mchod par byed pa dang / 'ang ba dang / ming tsam thos par gyur pa de dag ni ngas mngon sum du lung bstan pas lung bstan pa yin te/ de dag gis mthong shing bsnyen dbakur byas mor byas// mchod par byas pa'ang yin
- 139b
pas/ de dag gis ni sangs rgyas kyi byang chub la the tsom bskyed par mi bya'o// gang dag gi rna lam du grag par gyur pa de dag kyang / byang chub sems dpa' yin par yid la byas la/ bsnyen bkur bya'o// de'i sngon gyi las kyi rnam par smin pas gzugs mi mdzes pa dang / longs spyod med pa dang / blo med pa dang / sred pa che ba dang / sdug pa dang bral ba dang / rgyal srid 'khrugs par gyur pa gang yin pa de dag dang / klad pa na ba gang yin pa dang / zan chad pa gang yin pa dang / gos ngan par gyur pa gang yin pa dang / lus dang sems la gnod pa gang yin pa dang / reg na mi bde ba'i mal bcas pa gang yin pa dang / spyo ba gang yin pa'i las kyi sgrib pa de dag thams cad kyang / ting nge 'dzin 'di thos pa'i mthus yongs su zad par 'gyur ro// des kyang 'di ltar sems bskyed par bya ste/ bdag gis sngon 'khor ba na 'khor ba'i tshe/ sems can rnams la sdig pa mi dge ba rnam pa sna tshogs bsags pa de dag so sor bshags par bya'o// bsal bar bya'o// mi bcab par bya'o/ / sangs rgyas dang / chos dang / dge 'dun la dad pa mi phyed pa dang ldan pa'i sems bskyed par bya ste/ rig kyi bu 'am/ rigs kyi bu mo de'i longs spyod kyi 'bras bu med par 'gyur ba'i las kyi sgrib pa dang / sangs rgyas dang / chos dang / dge 'dun dang / nyan thos dang / rang sangs rgyas dang / pha ma dag la sdig pa'i las byas shing bsags par gyur pa gang yin pa de dag
- 140a
thams cad kyang yongs su zad par 'gyur zhing / dbang phyug chen po dag kyang yang dag par 'grub par 'gyur ro// rigs kyi bu 'am/ rigs kyi bu mo ri'i sems can dmyal/ ba'i sdug bsngal myong bar 'gyur ba'i las kyi sgrib pa dang / sdug pa dang bral bar 'gyur ba dang / dmus long du 'gyur ba dang / bud med kyi dngos por 'gyur ba dang / mtshan gnyis par 'gyur ba dang / phrag dog dang / nga rgyal dang / khro ba'i dbang gis gshin rje'i 'jig rten dang / yi dgas dang / dud 'gro'i skye gnas su 'gyur ba gang yin pa de dag thams cad kyang yongs su zad par 'gyur te/ rigs kyi bu// de ltar na ting nge 'dzin 'di ni yon tan thams cad kyi 'byung gnas yin no// rigs kyi bu chos kyi rnam grangs 'di ni yun ring du gnas par byed pa dang / rigs kyi bu dang / rigs bu mo de dag la srung ba dang / skyob pa dang / sbed par byed pa dang / de dag thams cad kyi yon tan dang / re ba thams cad yongs su rdzogs par byed pa dang / longs spyod dang / dbang phyug dang / bde ba chen po byed/ pa dang / bsams pa dang / 'dod pa thams cad yang dag par 'grub par byed pa dang / las thams cad zad par byed pa dang / dus ma yin par 'chi ba dang / rmi lam ngan pa thams cad dang nad thams cad rab tu zhi bar byed pa dang / g.yul thams cad las rgyal bar byed pa dang / tshe dang / mdog dang / stobs dang / brtson 'grus dang / mthu che bar byed pa dang / gnod sbyin dang
- 140b
'byung po dang / mi dang / mi ma yin pa thams cad dbang du byed pa dang / rims dang / dug dang / me dang / chu thams cad rab tu zhi bar byed pa dang / lung bstan pa'i bar dag thob par/ byed pa'i gzungs kyi gsang sngags kyi gzhi dag yod de/ de dag mnyan cing bzung ste/ bsnyen bkur byed pa dang / klog pa dang / yi ger 'dri ba dang / yi ger 'drir 'jug pa'i rigs kyi bu dang / rigs kyi bu mo de dag ni yon tan de dag thams cad thob par 'gyur ro// de nas de'i tshe sa chen po 'di rnam pa drug tu rab tu g.yos pa dang / ji ltar lhags pa'i 'khor de dag nyid kyis kyang / de bzhin gshegs pa'i sku la me tog dang / bdug spos dang / spos dang / me tog 'phreng dang / phye ma dang / byug pa dang / ras bcos bu zung dag gsol te/ legs so zhes bya ba gsol nas/ bcom ldan 'das legs so legs so// gzungs kyi gsang sngags gzhi de dag gang lags/ bcom ldan 'das kyis bka' stsal pa/ na maHsarba ta thA ga ta nAn/ tad+ya thA/ bud+d+he/ su bud+d+he/ bud+d+ha ma te/ lo ke bi lo ke lo ka/ a ti kran te/ satwa a ba lo ka ni/ sarba ta thA ga ta i d+hISh+Ti te/ sarba A sha pa ri pU ra ne/ d+yu tin d+ha re nar de ba pU dzi ni/ ta thA ga tad ny+dzi nad de/ ta thA ga ta a d+hiSh+Te ne na/ sarba lo kam su khI b+ha ba tu/ pUrba karma k+Sha pa ya tu ra kra b+ha ba tu sarba ye b+h+yasta thA ga ta a d+hiSh+Thi te na swA hA/ kye rigs kyi bu dag gzungs kyi gsang sngags gzhi 'di dag ni de bzhin gshegs pa
- 141a
sum khris gsungs shing byin gyis brlabs pa yin no/ / ngas kyang da ltar sems can thams cad kyi don dang / phan pa dang / bde ba dang / bsrung ba dang / bskyab pa dang / sba ba dang / nad thams cad rab tu zhi bar bya ba dang / sangs rgyas kyi zhing du skye bar bya ba'i phyir bshad de/ grogs po dag gang la la zhig 'di snyam du bdag gis ji ltar na/ de bzhin gshegs pas gsungs pa'i yon tan de dag thams cad 'thob par 'gyur snyam du sems pa des/ nang par sngar langs te/ sems can thams cad la snying brtse ba'i sems dang / snying rje ba'i sems dang / byams pa'i sems dang / phrag dog dang / nga rgyal dang / 'chab pa dang / khro ba yongs su spangs pa'i sems dang / rtse gcig pa'i sems kyis sangs rgyas dang / byang chub sems dpa' rnams la mchod pa shin tu rgya cher byas la/ phyogs bcu'i de bzhin gshegs pa thams cad la phyag byas te/ gang 'dod pa yid la byas nas/ me tog la bzlas brjod lan brgya rtsa brgyad bya zhing de bzhin gshegs pa la re re nas dbul bar bya'o/ / de nas de'i re ba thams cad yang dag par 'grub par 'gyur ro// rmi lam na de bzhin gshegs pa mthong bar yang 'gyur ro// dam pa gang 'dod pa de thob par 'gyur ro/ / 'chi ba'i tshe na de bzhin gshegs pa mthong bar yang 'gyur ro// shi 'phos nas kyang 'jig rten gyi khams bde ba can du skye bar 'gyur ro// tshe dang / stobs dang /
- 141b
mdog dang / brtson 'grus dang ldan par yang 'gyur ro// dam thams cad kyang ngor dbang du 'gyur ro// gzungs 'di bshad pa na/ thog chags drag khris mi skye ba'i chos la bzod pa thob par gyur nas/ de dag thams cad las kyi sgrib pa thams cad las rnam par grol zhing bsam pa thams cad yongs su rdzogs par gyur to// de nas byang chub sems dpa' sems dpa' chen po lag na rdo rje phyogs bcur rnam par bltas te/ bcom ldan 'das la 'di skad ces gsol to// bcom ldan 'das byang chub sems dpa' rnams kyi dam 'cha' ba/ mi 'jigs pa'i gzi brjid ces brgya ba'i gzungs mchis te/ bdag gis de bzhin gshegs pa 'jigs med bkod pa gzi brjid rgyal po'i spyan sngar der gzung lags so// bzung nas kyang sems can thams cad la bshad lags so/ / bcom ldan 'das de slan chad bdag gis mngon par 'tshal te/ gang gi rna lam du gzungs de zag par gyur tam/ glo bar chud par gyur pa de'i lus la nyam chung ba 'am/ nyon mongs pa sna tshogs sam/ bro nad dam/ rims sam/ lus bro 'tshal ba 'am/ sems gdung ba 'am/ dus ma lags par 'gum pa 'am/ chab kyis 'jigs pa 'am/ mtshon gyis 'jigs pa'am/ dug gis 'jigs pa 'am/ dug sbyar mas 'jigs pa 'am/ mkha' 'gro ma dang 'byung pos 'jigs pa 'am/ gnod sbyin nam/ dgra rnams sam/ mi dang mi ma lags
- 142a
pa dag gis mtho ba tsam pa 'am/ rnam par gtse ba 'am/ gnod par bgyid par 'gyur ba de ni gnas ma mchis lags so// de'i slad du bcom ldan 'das kyis bdag la rjes su gnang ba stsol cig dang / bdag gi chos smra ba dang / chos nyan pa de dag gi don du nyan pa rnams dang / ri mor bgyid pa rnams dang / mchod par bgyid pa rnams dang / 'dzin par bgyid pa / rnams kyi re ba thams cad yongs su rdzogs par bgyid pa/ byang chub sems dpa' rnams kyis dam bcas pa'i phyag rgya dag par bgyi'o// na maHsarba ta thA ga tA nAn/ sarba bo d+hi satwA nAn/ a ri hA tAn tad t+ya thA oM/ badz+ra d+ha ra/ badz+ra kA ya/ badz+ra bA la/ badz+ra te dza/ hUM hUM/ badz+ra pA ni ta thA ga ta ad nyi ma pa lA ya/ sma ra pra tid ny+tsA ma/ sarba byA d+hin sarba pA pA ni nA sha ya/ di hi me/ ya the ba si tam pa ram/ ya na ya me ba ha b+hi prA yan mA tsa mi/ tan ta me ba sa mrid d+h+ya tra/ he haM/ tu ru tu ru/ sA gad tsa A gad tsa mA bi lam pa/ da ri sha ya badz+ra kA yam/ da ri sha ya badz+ra kA ya ma/ bud+d+ha sa d+hiSh+Ti/ na swA hA/ gzungs 'di brjod pa na sa chen po 'di mtho ba dang dma' bar gyur to// gnod sbyin dang / srin po thams cad kyang rab tu spangs so// lha thams cad dang / mi dang mi ma yin pa'i bar dag kyang ngo mtshar du gyur nas/ sems can chen po rab tu grub par byed pa'i gzungs kyi gsang sngags gzhi 'di dag bshad pa ni legs so legs so zhes bya ba byin no// de nas bcom ldan 'das la/ byab
- 142b
chub sems dpa' sems dpa' chen po lag na rdo rjes 'di skad ces gsol to/ / btsun pa bcom ldan 'das gang la la zhig byang chub sems dpa'i sa 'am/ nor dang / 'bru dang / longs spyod kyi/ dbang phyug gam/ rgyal rigs kyi dbang phyug gam/ rig sngags 'chang nyid dam/ tshe dang / stobs dang / mdog dang / brtson 'grus dang / tshe ring po nyid 'tshal des/ snga nas bsnyen pa bgyis la dgung bla yar gyi ngo tshes brgyad la tsan dan dkar po las rdo rje 'dzin pa rta gad du dgod cing / rgyan thams cad kyis brgyan pa snying kar sku gdung stsal pa/ sku gdung dang bcas pa'i rdo rje 'dzin pa/ rig sngags 'chang yang dag par dbugs 'byin par bgyid pa bgyis la/ gtsang mas bdug spos kyis bdug cing / gdugs mtshan gcig tu bsnyung ba bgyis la/ de nas tshes brgyad nas tshes bco lnga'i bar du/ de bzhin gshegs pa'i sku gzugs bzhugs pa'i gnas gtsang mar tsan dan dkar po'i dkyil 'khor bgyis la/ bum pa gang ba bzhi yang gzhag par bgyi// phyogs bzhir yang ro dang ldan pa dang / dri dang ldan pa dang / skyems dang / bu thug gi gtor ma dag sbrul la/ rang pa dkar po bgos te sems rtse gcig tu bgyis nas/ dus gsum du bdug spos dang / me tog dang / spos dang / mar me dag gis mchod chen po rtso zhing / de shi ga shegs pa pa yang mad pa cas te/ de ban gshegs pas bya bgyis nas/ snga ma'i 'i la chu brgyad la thas parjod tu rgya chun zas shing /
- 143a
nas lag na rdo rje la bsnun par bgyi'o// de nas sgra skad chen po 'byung bar 'gyur zhing / dogs g.yo ba dang / 'od zer kyang 'byung bar 'gyur te/ de nas dam pa ci 'tshal ba'ang stsal bar bgyi'o/ / bzlas brjod bgyis pa tsam gyis las thams cad dang / dgos pa thams cad kyang yang dag par 'grub par 'gyur lags so// glo nad ma mchis pa dang / tshe ring ba dang / sdig pa thams cad dang bral bar yang 'gyur zhing / yon tan stong yang 'thob par 'gyur lags so// 'gum pa'i tshe na'ang sangs rgyas bcom ldan 'das stong mthong bar 'gyur lags so// bdag mthong ba'ang stsal bar bgyi lags so// de nas bcom ldan 'das kyis lag na rdo rje la legs so zhes bya ba byin te/ lag na rdo rje legs so legs so// phyag rgya 'di ni lha dang bcas pa'i 'jig rten gyis 'da' bar ma yin te/ 'di la som nyi med pa dang / yid gnyis med pa dang / the tsom med par bya'o// de nas bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das ci'i slad du/ ting nge 'dzin 'di de bzhin gshegs pa thams cad kyi byin gyi rlabs sems can la gzigs shing / sangs rgyas kyi zhing bkod pa kun tu ston pa zhes bgyi/ bcom ldan 'das kyis bka' stsal pa/ de bzhin gshegs pa thams cad kyi byin gyi rlabs dang / byang chub sems dpa' thams cad kyi byin gyi rlabs de las/ ting nge 'dzin thams cad dang
- 143b
gzungs kyi sgo thams cad 'thob par 'gyur ba dang / lha rnams dang / klu rnams dang / mi rnams dang / gnod sbyin rnams dang / dri za rnams dang / yi dag sa rnams dang / dud 'gro'i skye gnas su skyes pa rnams dang / gshin rje'i 'jig rten pa'i sems can thams cad kyi sems dang sems las byung ba lhag par g.yo ba dang / bral bar g.yo ba dag rab tu shes shing / sems can 'di dag ni bsod nams su nye bar 'gro ba ste/ legs par spyod pa'i las byed pa/ sangs rgyas dang / chos dang / dge 'dun dag la dad pa 'thob par 'gyur ba'o// 'di dag ni sems can dmyal bar 'gro ba ste/ nyes par spyod pa'i las byed pa/ sdig pa spyod par byed par shes nas/ sdig pa'i lta bar gyur pa'i sems can de dag la chos ston par byed cing / sdig pa thams cad las zlog par byed pa dang sangs rgyas kyi byang chub la 'god par byed pa dang / bsam pa thams cad yongs su rdzogs par byed pa dang / phrag dog dang / nga rgyal dang / khro ba dang / ser sna dag sel bar byed pa dang / sems can de dag kyang sangs rgyas dang / chos dang / dge 'dun dag la dad pa rab tu thob nas/ sangs rgyas kyi zhing rnams su skye zhing / nam du'ang sdug bsngal nyams su myong bar mi 'gyur la/ yid mi bde bar 'gyur bas na/ rigs kyi bu de'i phyir ting nge 'dzin 'di ni de bzhin gshegs pa thams cad kyi byin gyi rlabs sems can la gzigs shing / sangs rgyas kyi zhing gi bkod pa kun
- 144a
ston pa zhes bya ste/ 'di thos pa'i sems can rnams ni phyir mi ldog par nges pa'i sa 'thob par 'gyur ro// gsol pa/ bcom ldan 'das ci'i slad du/ rigs kyi bu dang rigs kyi bu mo de dag lung bstan par 'gyur lags/ bcom ldan 'das dgra bcom pa nyid kyang dka' ba lags/ bla na med pa yang dag par rdzogs pa'i byang chub lta smos kyang mi 'tshal lags na/ de dag gi bsod nams kyi phung po dang dge ba spyod pa ji tsam zhig tu 'gyur lags/ bcom ldan 'das kyis bka' stsal pa/ rigs kyi bu ngas dang po sems bskyed pa nas nye bar bzung ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par byas pa gang yin pa dang / mgo dang / lag pa dang / rkang pa dang / mig dang / lus dang / sdug pa'i bu dang / bu mo dang / chung ma dang / bran dang / bran mo dag yongs su btang bar gyur pa gang yin pa bsod nams mngon par 'du bya ba dang / dge ba'i rtsa ba mngon par 'du bya ba snga ma 'di ni chos kyi rnam grangs 'di la mchod pa byed pa dang / bsnyen bkur byed pa dang / yi ger 'dri ba dang / yi ger 'drir 'jug pa dang / klog pa dang / 'dzin pa'i bsod nams mngon par 'du bya ba dang / gzhan dag la yang dag par ston par byed pa'i bsod
- 144b
nams mngon par 'du bya ba gang yin pa dang / chos smra ba de dag la'ang mchod pa byed pa dang / bsnyen bkur byed pa'i bsod nams mngon par 'du bya ba'ang gang yin pa de'i brgya'i char yang nye bar mi 'gro'o/ / rigs kyi bu ngas kun chub par byas shing bshad pa'i chos de dag thams cad la bsnyen bkur byed pa dang / bla mar byed pa dang / ri mor byed pa dang / mchod pa byed pa dang / bsnyen bkur byas te/ yi ger 'dri ba dang / yi ger 'drir 'jug pa gang yin pa de bas ni/ gang zhig chos kyi rnam grangs 'di yi ger 'dri ba dang / yi ger 'drir 'jug pa dang / klog pa dang / mchod pa byed pa dang / yang dag par ston par byed pa dang / nyan par byed na/ de nas mngon par 'du bya ba ches mang du yongs su sdud par 'gyur te/ des na de bzhin gshegs pas bla na med pa yang dag par rdzogs pa'i byang chub tu lung ston to/ / de ci'i phyir zhe na/ chos kyi rnam grangs 'di nyan pa dang / 'dzin pa dang / 'chang ba dang / klog pa dang / mchod pa dang / yi ger 'dri ba dang / yi ger 'drir 'jug pa'i bsod nams ni de ltar dka' ba yin pa'i phyir ro/ / rigs kyi bu sems can gang dag sdig pa kun tu spyod pa dang / bza' ba dang / btung ba dang / bro gar la mngon par dga' ba dang / mi sdug pa la sdug par 'du shes pa dang / 'dod pa dang / khro ba dang / sems mang ba dang / mi bde ba la bde bar 'du shes pa dang / mtshon cha dang / spyo ba dang / sdigs pa dang /
- 145a
rdeg pa la mngon par dga' ba dang / shes par mi 'gyur ba dang / yid la byed par mi 'gyur ba de dag dang / sdig pa'i las kyi gzhi de dang / mi shes pa des mi dge ba'i// bshes gnyen gyis yongs su zin cing / rga ba dang / na ba dang / mya ngan dang / 'chi bas yongs su zin pas 'chi ba'i tshe na/ yongs su gdung bar gyur te/ dmigs pa na so so nas dur khrod dang 'dra bar mthong zhing / dge ba'i sems bskyed par yang mi 'gyur la/ dad pa mi phyed pa thob par mi 'gyur te/ de dag de nas shi 'phos nas kyang yang sdug bsngal dag nyams su myong bar 'gyur bas na lung bstan pa'i dge ba'i rtsa ba med pa dang / de bzhin gshegs pa ma mthong ba dang / lung bstan pa thob pa dag gis ni chos kyi rnam grangs 'di mnyan pa dang / ri mor bya ba dang / mchod par bya ba dang / gzung ba dang / yi ger 'dri ba dang / yi ger 'drir gzhug pa dang / dad par yang mi nus la/ chos smra ba de'ang bsnyen bkur bya ba dang / bla mar bya ba dang / ri mor bya ba dang / mchod par bya bar yang mi nus so/ / rigs kyi bu gang du chos kyi rnam grangs 'di rab tu spyod par 'gyur ba'i yul der ni de bzhin gshegs pa'i mdzad pa 'byung bar 'gyur ro// de nas ji ltar lhags pa'i 'khor de dag gis bcom ldan 'das la legs so zhes bya ba gsol to/ / bcom ldan 'das legs so legs so// bcom ldan 'das bdag cag gis kyang chos smra ba de dang
- 145b
chos nyan pa de dag la de bzhin gshegs pa'i mdzad pas bsnyen bkur bgyi/ bla mar bgyi/ ri mor bgyi/ mchod par bgyi zhing / bde ba'i yo byad thams cad kyang nye bar bsgrub par bgyi lags so// chos kyi rnam grangs 'di'ang rgyas par bgyi/ bsrung bar bgyi ste/ des na chos kyi rnam grangs 'di yun ring du gnas par yang 'gyur lags so// de nas de'i tshe bcom ldan 'das kyis/ ji ltar lhag pa'i 'khor rnams la rnam par gzigs te bka' stsal pa/ kye rigs kyi bu dag legs so legs so// khyed cag gis de bzhin du gyis shig/ gnod pa byed pa dang / brnyas pa dang / gshe ba dang / sdigs pa dang / mtshon 'byin pa dang / rgyal bar byed na yang lus dang / srog la mi lta bar byas la/ chos kyi rnam grangs 'di nyan par bya/ yi ger bri bar bya/ yi ger 'drir gzhug par bya/ bklag par bya'o/ / chos smra ba de la'ang bde ba'i yo byad thams cad kyis rim gro bya'o// yul phyogs de dang / gling de dang / grong khyer de dag kyang 'jigs pa dang / gnod pa dang / 'gego ba'i nad dang / 'khrug pa dag las bsrung bar bya'o// rigs kyi bu dang / rigs kyi bu mo de dag la'ang rtag par rgyun du bsam par bya'o// de nas de'i tshe bcom ldan 'das kyis tshigs su bcad pa 'di dag bka' stsal to/ / bskal pa grangs med stong phrag bye snyed du// sangs rgyas 'byung ba lan 'ba' rnyed pa la// phyi ma'i dus na 'gyod par mi 'gyur bar// rigs kyi bu rnams bag yod chos
- 146a
nyon cig/ yon tan nyan cing mngon par dang byed pa// de dag gis ni ting 'dzin rnyed mi dka'// gang gis rkang gnyis gtso bo rnams la ni// bskal pa bye ba gang+gA'i bye snyed/ du/ nor dang 'bru dang de bzhin gos dang rgyan// spos dang 'phreng ba byug pa phul ba bas// gang gis mdo sde 'di la dad byas te// nyan cing klog la yi ger 'dri byed pa// de la bsod nams tshad ni yod min te/ bde bar gshegs pas de snyed tshad ma gsungs// rtag tu bag yod dgon par sten byed cing // sems gzhan med par bsam gtan rtag sgom dang // sdug pa'i bu dang bu mo sbyin byed cing / / mgo dang lag pa yongs su gtong ba bas// gang su mdo sde 'di ni 'dzin byed pa// de ni de bas bsod nams mang po 'thob// mdo mchog 'di ni nor byin byed pa ste// de yi ngan song kun kyang rtag tu spangs/ / 'di ni nor dang 'bru sbyin byed pa ste// gang zhig mdo sde rnam dag 'di 'dzin pa// de la yon tan kun kyang mi dkon zhing // de la tshe stobs brtson 'grus mod pa yin// 'dren pa sangs rgyas 'od dpag med mthong zhing / / ngas de sangs rgyas byang chub lung yang bstan// de la nam yang sdig pa yod min zhing // bde ba can gyi 'jig rten khams kyang mthong // de la rtag tu las gang 'byung 'gyur ba/ / sems gdung lus na ba 'am de bzhin du// glad pa na bas thams cad zad 'gyur zhing // de ni nams kyang rnam par lhung mi 'gyur// des ni mthong ba'i chos la'ang yon
- 146b
tan kun/ / ji ltar bsams shing 'dod pas 'thob par 'gyur// de ltar rtag tu dge slong pho mo dang // dge bsnyen rnams dang rgyal pos rtag tu ni// mi yi dbang po de bzhin gshegs pa ltar/ / chos smra ba la rjes su gus byas te// mdo sde 'di ni rtag tu gzung bya zhing // 'dzin pa la yang rtag tu bsnyen bkur bya// spos dang 'phreng ba byug pa rnams dag gis// bsnyen bkur byas te yi ger 'drir yang gzhug/ phyi ma'i dus la rga nas gdung 'gyur la// 'khrug pa stong phrag du mas g.yen spro zhing // sems dmyal yi dgas rnams su yongs 'khyam dang // za ma ma ning smad par bya ba dang // dmus long nyid dang ro dang khyi yi dri// rigs dma' bud med rnams su skye ma byed// phrag dog tsho zhing rtag tu sdig byed la// khro bas zi non rtag tu ser sna can// sangs rgyas chos la gus par ma byas pas/ / de ni de 'dra'i rigs kyi bu 'gyur la// der yang sdug bsngal tshor ba myong 'gyur zhing // de ni phyi ma'i dus na gdung bar 'gyur// de phyir gang dag 'dzin cing ston byed pa// de dag gis ni rtag tu mchod par byas/ / gang gis de la yongs su spro ba dang // sprad cing brdegs la bcing ba byas gyur pa// des ni nga yang yongs su spyos pa yin// 'dzin la phu dud byas na nga la'ang byas// de phyir de dag gis ni chos smra dang // gang zhig 'di 'dzin 'dri zhing klog byed pa// de dag la ni rtag tu bsnyen bkur zhing // tshig 'jam snyan pa'ang rgyun du brjod par bya// de nas byang chub sems dpa' sems
- 147a
dpa' chen po 'phag pa spyan ras gzigs dbang phyug gis/ bcom ldan 'das kyi zhabs gnyis la gtugs te/ bcom ldan 'das la 'di skad ces gsol to// bcom ldan/ 'das bdag gis rnam par lta ba'i cho 'phrul zhes bgyi ba'i gzungs mchis par rjes su dran te/ bdag gis sngon de bzhin gshegs pa 'od mdzad ye shes tog ces bgyi ba'i spyan sngar de thos shing bzung lags so/ / de mnyan cing bzung la/ bcangs shing klags te/ gzhan dag la'ang bsgrags shing bsnyen bkur bgyi nas/ yi ger bris sam/ yi ger 'drir skul na/ phyir mi ldog pa'i sa 'thob par 'gyur zhing / de bzhin gshegs pas gsungs pa'i yon tan de dag thams cad kyang thob par 'gyur/ des ji ltar bsams pa thams cad kyang yang dag par 'grub par 'gyur/ de'i las kyi sgrib pa thams cad kyang byang bar 'gyur/ ting nge 'dzin kyang thob par 'gyur/ bro nad rnams dang bral bar yang 'gyur/ sangs rgyas mthong ba dang / byang chub sems dpa' yang mthong bar 'gyur lags so/ / de nas bcom ldan 'das kyi byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ rigs kyi bu legs so// legs so// rigs kyi bu khyod la de bzhin gshegs pas byin gyis brlabs zin gyis shod cig/ de nas byang chub sems dpa' sems dpa' chen po 'phags pa spyan ras gzigs dbang
- 147b
phyug gis phyogs bcu'i de bzhin gshegs pa thams cad la phyag byas te/ gsang sngags gzhi 'di dag smras so// na maHsarba ta thA ga tA nAn/ sarba A shwa pA ri pU ra kA nAn/ na maHAr+ya ba/ laM ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ ha ha ha/ ma ma ma/ d+hi ri d+hi ri d+hi ri/ shAn te pra shAn te/ sarba pA pa kra yang ka ri/ a ba lo kA ya/ kA ru ni ka/ bo d+hi tsid ta ma ma na si ku ru/ bya ba lo kA ye/ mA ma/ smA ra sma ra/ yan tA yA pArbe/ sad t+ya a d+hi sh+tsA nang kri nan/ te na sad t+ye sad t+ye/ ba tsa ne na/ sarba A shA me pa ri pU rA ya/ bud+d+ha kle tra ma pa ro sho d+ha ya/ ma me ka sh+tsid be he thang ka ro tu/ bud+d+ha a d+hiSh+Thi ti na sA hA/ tad+ya thA/ ti dze te dze/ ma hA tai dze/ yan ma ma kA ya dus sh+tsa ri tam bA/ bA ga dus sh+tsa ri tam b+hA/ ma ma dush+tsa ri tam bA/ dA rid druM bA/ tad sarba da k+Sha ba ya/ a lo kA ya/ bi lo kA ya/ ta thA ga ta da ri sha nan tsa/ a ha ma d+hi kang/ k+Sha mi bo d+hi satwa di ra sha nam/ d+hu d+hu ma/ da das swa me da ri sha nam/ sarba me ku she la/ a b+hi bar dz+nyAn tu/ na maHsarba ta thA ga tA nAn/ na maHAr+ya ba lo ki te shwa ra ya/ bo d+hi satwA ya/ smai ra pra tid ny+dza ma ma hA satwa/ sid d+h+yan tu man tra pa dA sAhA/ gzungs 'di brjod pa nas chen po rab tu g.yos shing / gzha'i sgra chen po dang / lha'i me tog gi char dag kyang mngon par rab tu bab par gyur te// thams cad dang ldan pa'i 'khor des legs so zhes bya ba byin
- 148a
te/ rigs kyi bu legs so legs so// sems can chen po khyod kyis sems can thams cad bskyab pa'i phyir/ re ba thams cad yongs su rdzogs par byed pa 'jigs pa thams cad las srung bar byed pa/ las thams cad byang bar byed pa dang / sdang ba dang / rmi lam ngan pa'i dgon pa thams cad rab tu zhi bar byed pa'i gzungs 'di legs par smras so/ / bdag cag thams cad kyis kyang gzung bar bya/ bsnyen bkur bya'o// spyan ras gzigs dbang phyug gis smras pa/ rigs kyi bu dag gang la la ji ltar de bzhin gshegs pas yongs su bsgrags pa'i yon tan dag mngon par 'dod cing lung bstan pa dang / kho bo'ang mngon sum du mthong ba dang / ting nge 'dzin 'thob pa dang / sangs rgyas dang / byang chub sems dpa' mthong ba dang / longs spyod dang / dbang phyug 'thob pa dang / sangs rgyas kyi zhing du skye bar 'dod pa des/ zla ba yar gyi ngo la lus legs par khrus byas shing gtsang la/ bsnyen te gnas/ 'phags papa'i yan lag brgyad po la gnas par byas la/ tshes brgyad nas brtsams te/ de bzhin gshegs pas byin gyis brlabs pa'i sa phyogs su spos dang / me tog dang / rgyal mtshan dang / ba dan/ dag dang / bum pa gang ba dag gis sa phyogs de dang / chos smra ba de la'ang mchod pa byas nas/ lus legs par khrus byas pa gtsang mas gos dkar po bgos te/ me tog dang /
- 148b
bdug spos dang / spos dang / me tog 'phreng dang / byug pa sna tshogs dag gis mchod pa byas nas/ yi ger bri bar bya'o// 'dri ba'i tshe na nyin gcig bzhin du dge ba'i rtsa ba rnams sems can thams cad dang thun mong du byas la/ de bzhin gshegs pa la bla ma dang / gus pa'i sems nye bar bzhag nas/ sems can thams cad la byams pa'i sems dang / snying brtse ba'i sems dang snying rje'i sems kyis nyi ma phyed tshun chad kyi bar de tsam du bri bar bya'o/ / tshes brgyad nas brtsams te/ tshes bco lnga'i bar du nyin gcig bzhin du mchod pa'ang de bzhin bya'o// cho ga 'di kho na bzhi du byas te bris na/ de ma thag tu mtshams med pa lnga la sogs pa las kyi sgrib pa thams cad dang / sdig pa thams cad byang bar 'gyur zhing / dge ba'i rtsa ba rnams kyang 'phel bar 'gyur/ brtson 'grus 'bar bar 'gyur ro// tshe de nyid la'ang lus bde ba 'thob par 'gyur/ 'dod chags dang / zhe sdang dang / gti mug dang / nga rgyal dang / khro ba dang / phra dog dang / ser sna dag srab mor 'gyur ro/ / des yi ger 'drir bcug nas kyang sku gdung dang bcas pa'i mchod rten gyi gnas su/ de bzhin gshegs pa'i sku gzugs sku gdung dang bcas pa dang / spyan ras gzigs dbang phyug gi sku gzugs sku gdung dang bcas pa zhal shar phyogs su bstan te bzhag la me tog dang / bdug spos dang / spos dang / mar me dag gis mchod pa shin tu rgya chero byas la/
- 149a
chos brgyad nas brtsams te/ tshes bco lnga'i bar du sems can thams cad la snying rje chen po'i sems bskyed par bya zhing / gtsang ma kha zas dkar po zab bsnyen te gnas pa/ 'phags pa yan lag brgyad pa la gnas pa/ grogs po yid gcugs pa dang ldan pa/ nga rgyal dang / khro ba dang / phrag dog dang / ser sna yongs su spangs pas/ nyin gcig bzhin du mchod pa rgya chen po byas te/ dus gsum du bzlas brjod lan brgya rtsa brgyad bya'o// me tog dang / bdug spos dang / spros dang / mar me dag kyang phul la/ dus gsum du sna ma'i me tog brgya rtsa brgyad 'phags pa spyan ras gzigs dbang phyug gi gzugs la dor bar bya'o/ / lag na rdo rje la'ang bdug spos kyis bdug par bya'o// phyogs bcur phyag byas la/ nub phyogs kyi lha mo 'jigs byed ma dang / shar phyogs kyi dpe med ma dang / steng gi phyogs kyi dung can ma la sogs pa phyogs bzhir gtor ma ro sna tshogs dang ldan pa dang / 'o thug dang / zho dang / 'bras chan dag kyang gtor bar bya'o// des na de la rnam par g.yeng ba dang / 'jigs pa 'ga' yang 'byung bar mi 'gyur zhing / sems 'khrul par yang mi 'gyur ro// sna ma'i me tog brgya rtsa brgyad po thams cad la bzlas brjod brgya rtsa brgyad byas la bskul bar bya'o/ / cho ga 'di kho na bzhin du sngar bsnyen pa byas la/ de nas tshes bco lnga'i nang par sa phyogs der bum
- 149b
pa gang ba bzhi bzhag la/ bdug spos dang / tsan dan dang / pog dkar po dang / ga pur dag kyang bzhag la/ mar me kha bzhi dang / me tog dang / bdug spos dang / spos dang / gdugs dang / rgyal mtshan dang / dar dang / ba dan sna tshogs dag dang / gser dngul gyi snod dag gis legs par brgyan la/ sbrang rtsi dang sbyar ba'i 'o thug dang / zho dang / 'bras chan dang gzhan yang ci 'byor pa'i lha bshos dang / gtor ma dag kyang phyogs bzhir bzhag go// sna ma'i me tog brgya rtsa brgyad la snga ma bzhin du bzlas brjod lan re byas la phyogs bzhir bzhag go/ de nas sna ma'i me tog brgya rtsa brgyad phrag gsum la bzlas brjod lan re byas la/ re re nas 'phags pa spyan ras gzigs dbang phyug gi gzugs la bsnun par bya'o// de nas gzugs de 'gul bar 'gyur zhing / sgra skad chen po'ang 'byung bar 'gyur ro// 'od zer dag kyang 'byung bar 'gyur/ sa'ang g.yo bar 'gyur ro// de nas las thams cad 'grub par 'gyur zhing / de bzhin gshegs pa mthong ba dang / byang chub sems dpa'i sa thob par yang 'gyur/ sems can thams cad kyis phyag bya ba'i 'os su'ang 'gyur/ nor dang / 'bru dang / mdzod dang / bang ba rnam 'byor par yang 'gyur/ nad thams cad yongs su spangs pa dang / tshe ring bar yang 'gyur/ dgra thams cad dang / rgyal bu dang / blon po rnams kyang de la lta 'dod cing gces sbas bye
- 150a
par yang 'gyur/ nyon mongs pa thams cad dang / 'dod chags dang / zhe sdang dang / gti mug spangs par yang 'gyur/ nam du'ang sdug pa dang mi 'bral bar 'gyur ro/ / brtan pa dang / stobs dang / brtson 'grus chen po dang ldan pa dang / gzi brjid dang ldan pa dang / dbang po rno ba dang / blo dang ldan pa dang / sems can thams cad la snying brtse ba'i sems dang ldan pa dang / chos shes pa dang / 'chi ba'i tshe na sangs rgyas bcom ldan 'das rnams mthong ba dang / 'phags pa spyan ras gzigs dbang phyug mthong ba dang / byams pa la gnas shing chos ston bzhin du 'chi ba'i dus byed pa'i bar du'ang 'gyur ro/ / sangs rgyas kyi zhing ji lta bu 'dod pa dag gam/ 'khor los sgyur ba'i rigs chen po 'am/ gang du rjes su dran par byed pa der skye ba dang / gzhan yang yon tan stong phrag du ma dag kyang 'thob par 'gyur ro// gsol pa/ bcom ldan 'das de ltar na chos kyi rnam grangs 'di dang / gzungs kyi gsang sngags gzhi 'di dag ni yon tan mang po'i 'byung gnas lags te/ chos kyi rnam grangs 'di ni de bzhin gshegs pa'i byin gyi rlabs ma mchis par mnyan rngo mi thog la/ gzung bar yang rngo mi thog/ klog par yang rngo mi thog/ mchod par yang rngo mi thog/ yi ger bri bar yang rngo mi thog/ yi ger 'drir stsal bar yang rngo mi thog/ dad par yang rngo mi thog lags so// gal te mthong bar
- 150b
gyur na'ang nyan par mi 'gyur la/ gal te nyan par gyur na'ang de sems rnam par g.yengs par nyan par 'gyur zhing dad par mi 'gyur/ bsnyen bkur bgyid par mi 'gyur lags so// gal te/ bsnyen bkur bgyid par gyur na'ang nyon mongs pa dang / gnod sems dang bcas pa'i sems kyis bsnyen bkur bgyid par 'gyur lags so// gal te yi ger 'dri 'am/ yi ger 'drir stsol bar gyur na'ang de gzhan dag yid la bgyid par 'gyur lags so/ / de ci'i slad du zhe na/ 'di ltar de'i sngon gyi las kyi 'bras bu lags pa'i slad du ste/ de ni las de nyams su myong bar bgyid cing / the tsom skye bar 'gyur lags so// mtshams ma mchis pa lnga bgyid pas kyang lan gsum bsgrub na re ba thams cad yang dag par 'grub par 'gyur lag te/ de la nem nu ra ma mchis pa dang / yid gnyis ma mchis pa dang / the tsom mi bskyed par bgyid lag so// de nas bcom ldan 'das kyis byang chub sems dpa' sems dpa' chen po 'phags pa sman ras gzigs dbang phyug la legs so/ zhes bya ba byin te/ rigs kyi bu legs so legs so// chos kyi rnam grangs 'di ni sems can thams cad la de bzhin gshegs pa'i mdzad pa byed par 'gyur ro// de nas gnod sbyin chen mo dpe med ma bcom ldan 'das ga la ba der song ste phyin nas/ bcom ldan 'das la me tog dang / spos dang / bdug spos sna tshogs dang / ras bcos bu zung dag gis mchod pa byas te/ bcom
- 151a
ldan 'das kyi zhabs gnyis la gtugs nas/ bcom ldan 'das la 'di skad ces gsol to// bcom ldan 'das bdag gis 'di ltar bcom ldan 'das yul ko'u sham+bi/ na dbyangs can gyi kun dga' ra ba na bzhugs pa'i spyan sngar sems can thams cad kyi don dang / sman pa dang / bde ba'i slad du dam bcas pa brjod par rjes su dran lags te/ bcom ldan 'das bdag gis kyang rig sngags 'chang thams cad kyi snying po dag 'tshal lags so/ / de'i slad du bcom ldan 'das kyis skye bo mang po la sman pa dang / skye bo mang po la bde ba dang / re ba thams cad yongs su rdzogs par 'gyur ba dang / dge slong dang / dge slong ma dang / dge bsnyen dang / dge bsnyen ma rnams kyi don du bdag rjes su gzung du gsol/ namaHsarba ta thA ga tA nAn/ s+yAd ya the dan/ hwA hA/ hI h+ni/ hU hU/ sa ra sa ra/ la hUM la hUM/ shI g+h+raM shIg+h+raM mahA bid d+ye/ sarba bid d+ye/ d+ha ra na ma skr-i te/ ha sa ha sa kin tiSh+Tha si/ king kin tiSh+Tha si/ kan ka bi tsing tra/ A ba ra na bi b+hAShi tang ke/ po Ta~M T+Ta/ b+ha ra b+ha ra/ b+hai ra b+hai ri/ d+hu ru d+ha ru/ sarba ar+tha na me sA d+ha ya/ tA ru tra ru/ ar+tha nas ha sa/ ar+thA ni de hi me/ sarba satwA nAn+tu/ sid d+hi/ hA hA/ pad+ma pad+me/ mahA badz+ra/ bi sha de/ zi sha de/ mahA'i sha de/ b+ha ba b+ha ba/ b+ha bod b+ha bA ya/ ta ma hang g+ho raM/ tam hang g+ho re/ tan me/ bid byam pa yo tsA ya/ sid d+hi kA r+ra/
- 151b
sarba swa shA me pa pU ra ya/ bud d+ha a d+hiSh+ThAn na swAhA/ bcom ldan 'das gang la la yon tan 'tshal ba dang / nor dang / 'bru 'tshal ba dang / sems can thams cad dbang du bgyi bar 'tshal/ bapab dang / nor gyi dbang phyug chen po dang / rgyal srid dang / rig sngags 'chang chen po nyid dang / bdag kyang mngon sum du mthong bar 'tshal ba des/ tshes brgyad kyi gdugs la ras dkar po gsar bapa kha tshar ma bskum pa sgra ma skul ba la ri mo mkhan gtsang ma bsnyen te gnas pa/ 'phags pa yan lag brgyad pa la gnas pas/ tshon rtsi sprin dang ma 'bags pa snod gsar pa'i nang du skul bas/ dbus su de bzhin gshegs pa'i sku gzugs chos ston pa'i tshul du zhugs pa bri bar bgyi'o// g.yas phyogs su 'phags pa rdo rje khro bo rang po dkar po 'tshal ba rgyan thams cad dang / me tog 'breng / dang / zla gam dang / se mo ngos brgyan pa rdo rje gsor zhing mchis pa bri bar bgyi'o// g.yon phyogs su gnod sbyin mo chen mo dpe med ma 'dam bu mda' rgyu'i mdog ltar dkar sham du mchis la/ rang pa dkar po 'tshal ba/ rgyan thams cad kyis brgyan pa/ sug pa na pad+ma thogs shing / yang dag par dbugs 'byin pa'i tshul du mchis pa bri bar bgyi'o// de nas rig sngags 'chang gtsang ma bsnyen te gnas pa/ 'phags pa yan lag brgyad pa la gnas pa/ rang pa dkar po 'tshal ba/ grogs dang ldan pa/ nas chan 'o ma dang sbyar ba 'tshal bas sngar bsnyen pa bgyis la/ tshes brgyad kyi
- 152a
gdugs la/ de bzhin gshegs pa'i sku gdung dang bcas pa'i gnas gtsang mar dang po kho nar de bzhin gshegs pa dang / lag na rdo rje la me tog dang / bdug spos dang / spos dag la gsol bar bgyi zhing / phyogs bzhir 'o thug dang / zho dang / 'bras chan dang / ro sna tshogs dang ldan pa dang / chang sna tshogs kyi gtor ma dag gtor la/ me tog dang / bdug spos dang / spos dang / mar me sna tshogs dag gis mchod pa bgyis nas/ dus gsum du sna ma'i me tog brgya rtsa brgyad phrag gsum la bzlas brjod brgya rtsa brgyad phrag gsum bgyi zhing / re re nas gnod sbyin mo chen mo dpe med ma'i gzugs de la bsnyen par bgyi'o/ / de nas zla ba nye ba'i tshes bco lnga'i gdugs la'ang cho ga 'di nyid dang / gzhan yang ci 'byor pa dag dang / bdug spos dang / ga pur dang / bog dkar po dang / tsan dan dang / shing mu sa dag kyang dbul/ 'bru mar dri bda' ba'i zhugs mar kha gnyis kyang dbul bar bgyi'o// des na bdag der rang gi gzugs kyis gnas par bgyi zhing dam pa 'tshal ba'ang stsal bar bgyi ste/ ting nge 'dzin 'thob pa dang / nam mkha' la mchi ba dang / lus mi snang bar bgyi ba dang / rgyal srid dang / stobs kyi 'khor los sbyar ba nyid dang / rig sngags 'chang nyid dang / gter lha 'tshal ba dang / nor rgyur 'tshal ba dang / pha rol gyi sems 'tshal ba dang / tshe ring ba dang / dam pa ci 'tshal ba yang stsal bar
- 152b
bgyid lags so/ / des kyang sems can thams cad la byams pa'i sems dang / nga rgyal dang / phrag dog dang / ser sna yongs su spangs pa'i sems su bgyi'o// mchod rten dang / chos dang / dge 'dun gyi nor 'phrog pa yongs su spangs pa dang / de bzhin gshegs pa rnams la dad pa mi phyed par bgyi'o// bcom ldan 'das gal te mtshams ma mchis par bgyid pa zhig gis kyang lan gsum bsgrubs te/ bdag gis kyang ma bsams par gyur na/ bcom ldan 'das bdag bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig gal te sangs rgyas la dad par ma gyur pa dang / yid gnyis su gyur pa gang lags pa dang / sdig pa mi dge ba'i chos bgyis nas/ 'gyod par mi bgyid pa dang / nyon mongs pa dang / nye ba'i nyon mongs pa'i sems dang ldan pa gang lags pa de dag la'ang bdag mthong ba stsal bar bgyi zhing / thob par yang bgyi lags so// de nas bcom ldan 'das kyis gnod sbyin mo chen mo dpe med ma la legs so zhes bya ba byin te/ sring mo legs so legs so// sring mo khyod kyis sems can thams cad kyi don du sdig pa kun tu spyod pa'i sems can rnams la gsang sngags gzhi 'di lta bu 'di dag smras shing / dam bca' ba'ang khyod legs so// khyod snying rje chen po 'di lta bu 'dis sems can thams cad bla na med pa yang dag par rdzogs pa'i byang chub la rab tu dgod nus
- 153a
par 'gyur gyis/ / de bzhin du gyis shig/ de nas lha mo chen mo drang can mas bcom ldan 'das la me tog sna tshogs dang / spos sna tshogs dag gis mchod pa byas te/ bskor ba byas nas bcom ldan 'das kyi zhabs gnyis la gtugs te/ bcom ldan 'das la 'di skad ces gsol to// bcom ldan 'das bdag gis kyang de bzhin gshegs pa'i byin gyi rlabs kyis de bzhin gshegs pa'i bstan pa yun ring du gnas par bgyi ba dang / chos smra ba de dag kyang bsrung ba'i slad du/ dam bca' bar bgyi zhing re ba thams cad yongs su rdzogs par bgyis ba'i gsang sngags gzhi rnams stsal bar bgyi lags kyis/ de'i slad du bcom ldan 'das kyis bdag la rjes su gnang ba mdzad du gsol/ na maHsarba ta thA ga tA nan/ tad+ya thA/ oM shang bi ni de bi/ A gad tsha/ A gad tshwa/ tiSh+Tha d+ha ne/ d+hA na dza ye/ bri bri/ brid d+hi ka ri/ d+hI d+hI/ d+hi ti ka ri/ nA nA bi bi d+ha/ be Sha bsta/ A yu d+ha d+ha ri ni/ yu yu A yu shwA la ne/ ta thA ga tAn/ smA ra bo d+hi tsid tAn/ ma bI lam pa/ de hi me ba ra na/ shing khi ni swA hA/ bcom ldan 'das gsang sngags gzhi 'di dag lus la gnas par bgyis na de'i snyan pa 'phel bar 'gyur zhing / gzi brjid 'phel ba dang / longs spyod 'phel ba dang / dbang phyug 'phel ba dang / tshe ring ba dang / dgra rnams dbang du bgyi ba'ang 'phel bar 'gyur lags so// sa phyogs gtsang ma 'am/ lha
- 153b
gnas su ci 'byor pa'i gtor ma phyogs bzhir stsal la/ de bzhin gshegs pa la bdug spos dang / pog dkar po dag gis mchod pa rgya cher bgyi zhing / zhugs mar dag kyang phul la dgung nyi shu rtsa gcig tu byams pa la gnas pa dang / nges par gnas shing bzlas brjod lan brgya rtsa brgyad bgyis na/ dam pa'i chos spong ba ma gtogs pa rnams kyi bsam pa thams cad yongs su rdzogs par bgyis lags so/ / de nas bcom ldan 'das dang / ji ltar lhags pa'i 'khor de dag gis lha mo chen mo dung can ma la legs so zhes bya ba byin te/ sring mo legs so// yon tan mamo dang ldan pa'i dam bca' ba 'di ni legs par smras so/ / sring mo khyod kyis ma 'ongs pa'i dus na de bzhin du gyis shig/ de nas lha mo chen mo 'jigs byed mas/ bcom ldan 'das la gser gyi me tog dag gis mchod pa byas nas/ bcom ldan 'das kyi zhabs gnyis la gtugs te/ bcom ldan 'das la 'di skad ces gsol to// bcom ldan 'das bdag gis kyang chos smra ba de dag dang / chos nyan pa de dag dang / yi ger 'dri ba de dag dang / 'dzin pa dang / klog pa dang / mchod pa bgyi ba de dag gi don du re ba thams cad yongs su rdzogs par bgyid pa dang / dbyig dang / nor bu dang / mu tig dang / longs spyod dang / dbang phyug dang / rgyal srid dang / tshe ring bar bgyid pa/ dgra thams cad dbang du bgyid pa'i gsang sngags
- 154a
gzhi rnams skul bar bgyi ste/ rgyal po 'am/ rgyal po'i btsun mo 'am/ dge slong ngam/ dge slong ma 'am/ dge bsnyen nam/ dge bsnyen ma gang la la zhig 'dzin tam/ klog gam/ bsnyen bkur bgyid dam/ yi ger 'dri 'am/ yi ger 'drir stsol tam/ mchog tu gus pas ji skad gsung ba'i bsgrub pa la sgrub par bgyid na/ bcom ldan 'das bdag gis de bsrung bar bgyi/ yongs su bskyang bar bgyi zhing / dam pa ci 'tshal ba'ang stsal bar bgyi ste/ longs spyod dang / dbang phyug dag gis mi phel bar bgyi/ 'thab mo dang / 'gyed pa dang / khrag khrug dang / 'khrug glong dag las rgyal bar bgyi/ tshe phun sum tshog pa nye bar bsgrub par bgyi/ de'i yul dong grong khyer dag kyang yongs su bskyang bar bgyi lags kyis/ de'i slad du bcom / ldan 'das kyis bdag la rjes su gnang bar mdzad du gsol u0f7f/ na ma u0f7fsarba ta thA ga tA nAn/ sarba bo d+hi satwA nAn/ na ma u0f7fAr+yA ba lo kaM ti shwa ra/ badz+ra pA Ni pra b+hI tI nAn/ tad+ya thA/ oM ma hA de bi/ b+hi me b+hI ma ma te/ dza ye dza ya ba he ya sha ba ti/ ya sha dza be/ te dza dza be/ bya kar Na prA ba te/ sarba satwa a ba lo ka Ne/ kri pa te dza pa hu le/ ta thA ga te a nud ny+dza tam pA la ya/ sma ra pra tid nyam bud+d+ha a d+hiSh+Tha ne na/ de he me ba ra na/ si d+hing ku ru/ de bi ma hA de bi sad t+ya pu tsa na de bi b+hi me/ sad t+ya ba tsa na pra tiSh+Thi te gu h+ya ni bA sI ni swAhA/ bcom ldan 'das bdag gis sems can
- 154b
thams cad kyi ngan du/ de bzhin gshegs pas byin gyis brlabs shing / de bzhin gshegs pas rjes su gnang ba'i gsang sngags gzhi dag smras te/ de bzhin gshegs pa'i spyan sngar me tog dang / bdug spos dang / spos dang / mar me dag gis mchod pa bgyis la/ phyogs bzhir yang 'o thug dang / ro sna tshogs dang ldan pa'i gtor ma dag skul te/ ci dang ci 'tshal ba yid la bgyis shing bzlas brjod lan brgya rtsa brgyad kyis mchod pa bgyid na/ re ba de dang de dag thams cad yongs su rdzogs par bgyid lags so// gang la la bdag gis gzugs mthong bar 'tshal ba des/ tshes brgyad kyi gdugs la ras dkar po gsar pa kha tshar ma bskum pa/ sgra ma mchis pa la ri mo mkhan gtsang ma 'phags pa'i yan lag brgyad yongs su bzung ba/ tshon rtsi sprin dang ma 'bags pa snod gsar pa'i nang du skul bas/ dbus su de bzhin gshegs pa'i sku gzugs chos ston pa'i tshul du bzhugs pa bri bar bgyid/ g.yas phyogs su 'phags pa spyan ras gzigs dbang phyug chos kyi 'brel ba'i gtam ston pa bri bar bgyi'o/ / g.yon phyogs su ni lha mo chen mo 'jigs byed ma 'dam bu mda' rgyu'i mdog ltar dkar sham du mchis la/ rad pa dkar po 'tshal ba/ rgyan thams cad kyis brgyan pa/ ril ba dang bgrang 'phreng thogs shing / yang dag par 'byin pa'i tshul du mchis pa bri bar bgyi'o// de nas rig sngags 'chang gtsang mas sngar bsnyen pa bgyis la/
- 155a
tshes brgyad nas bco lnga'i bar mchod rten sku gdung dang bcas pa'i gnas su me tog dang / bdug spos dang / spros dang / me tog 'phreng dag gis mchod pa bgyi zhing // phyogs bzhir yang 'o thug dang / zho dang / 'bras chan gyi gtor ma dag gtor la me tog dang / bdug spos dang / spos dang / mar me sna tshogs dag gis mchod pa rgya cher bgyi zhing / lha bshos dkar po dag kyang phul la gtor ma ro sna tshogs dang ldan pa dang / gzhan yang ci 'byor pa dag stsal nas/ sems can thams cad la byams pa'i sems dang / snying rje'i sems kyis sna ma'i me tog brgya rtsa brgyad la bzlas brjod lan brgya rtsa brgyad bgyi zhing / re re nas lha mo chen mo 'jigs byed ma'i gzugs de 'phang bar bgyi'o// de nas bdag der rang gi gzugs kyis gnas par bgyi zhing / dam pa ci 'tshal ba'ang stsal bar bgyi ste/ rgyal srid kyi dbang phyug dang / nam mkha' la mchi ba dang / gter lta 'tshal ba dang / nor rgyur 'tshal ba dang / rig sngags 'chang nyid dang / dus ma lags par 'gum pa bzlog pa dang bro nad thams cad rab tu zhi bar bgyi ba dang / pha rol gyi dmag tshogs rab tu gzhom pa dang / bu mchis par bgyi ba dang / nor 'du bar bgyi ba dang / sems can thams cad la byams pa skye ba dang / gzhan yang ci 'tshal ba'i las dag kyang bgyi lags so// bcom ldan 'das gal te dam pa'i chos spong ba dang / sangs rgyas dang / chos dang / dge 'dun dag la the tsom du gyur pa
- 155b
gang lags pa ma gtogs par mtshams ma mchis pa lnga bgyid pa zhig lags na yang / bdag gis re ba thams cad yongs su rdzogs par ma bgyis par gyur na/ bcom ldan 'das bdag bla na med pa yang dag par rdzogs pa'i byang chub mngon par 'tshang rgya bar ma gyur cig/ bcom ldan 'das kyis bka' stsal pa/ sring mo legs so leg so// sring mo khyod sems can gyi don dang / phan pa dang bde ba'i phyir zhugs shing chos kyi rnam grangs 'di'ang yun ring du gnas par bya ba'i phyir zhugs pa ni yang khyod legs so/ / sring mo de'i phyir khyod kyis rtag tu dam bcas pa 'di dran par gyis shig/ de nas de'i tshe sa chen po 'di rab tu g.yos shing / lha'i me tog gi char dag kyang mngon par rab tu bab pa dang / thams cad dang ldan pa'i 'khor de dag gis kyang legs so zhes bya ba byin te/ sring mo legs so legs so// khyod kyis sems can thams cad kyi re ba thams cad yongs su rdzogs par 'gyur ba'i dam bca' ba 'di ni legs par smras so// de nas bcom ldan 'das la/ byang chub sems dpa' sems dpa' chen po 'phags pa spyan ras gzigs dbang phyug gis 'di skad ces gsol to// bcom ldan 'das ci rigs kyi bu 'am/ rigs kyi bu mo de chos kyi rnam grang 'di yi ger 'dri ba dang / yi ger 'drir stsal ba dang / klog pa dang / yang dag par ston pa dang / 'don pa dang / mchid thon du bgyid pa des bsod nams 'thob par 'gyur lags sam/
- 156a
bcom ldan 'das kyis bka' stsal pa/ 'phags pa spyan ras gzigs dbang phyug de'i phyir de khyod nyid la dris/ khyod kyis ji ltar bzod pa de bzhin du lan thob cig spyan ras gzigs dbang phyug gis gsol pa/ bcom ldan 'das de bzhin gshegs pa la ni ma gzigs pa 'am/ ma gsan pa'am/ ma dgongs pa 'am/ rnam par mi mkhyen pa mi mnga' bas/ bcom ldan 'das nyid kyis bka' stsal du gsol/ bcom ldan 'das kyis bka' stsal pa/ rigs kyi bu chos kyi rnam grangs 'di ni yi ger 'dri ba dang / yi ger 'drir 'jug pa dang / klog pa dang / mchod pa dang / yang dag par ston pa dang / 'don pa dang / kha ton du byed pa las bsod nams 'thob par 'gyur ba gang yin pa de ni dpes brjod par yang mi nus so// de cig phyir zhe na/ gos dang / rgyan dang / dbyig dang / gser dang / nor bu dang / mu ti ga dag gis sems can thams kyi bsam pa ji lta ba bzhin du yongs su rdzogs par byas te rtser bcug kyang / sems can de dag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su thar par mi 'gyur ba nyid yin zhing / lo 'bum du 'dod pa'i yon tan lnga po dag gis rtser bcug kyang sems can de dag sems can dmyal ba dang / dud 'gro'i skye gnas dang / gshin rje'i 'jig rten dang /
- 156b
yi dgas kyi yul dag las yongs su thar par mi 'gyur ba nyid de/ sems can rnams kyi phyir chos kyi rnam grangs 'di mnyan cing mchod pa byed pa dang / yang dag par bstan te/ de'i don kyang mnyan cing nan tan gyis sgrub par byed pa ni/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang / sems can dmyal ba dang / dud 'gro'i skye gnas dang / gshin rje'i 'jig rten thams cad las yongs su thar pa kho nar 'gyur bas de'i phyir de bzhin gshegs pa 'di'i bsod nams kyi tshad kyi dpe mi mdzad do/ / rigs kyi bu gang gis chos kyi rnam grangs 'di dang / chos smra ba dang / 'dzin pa dang / klog pa dang / yi ger 'dri ba dang / mchod pa byed pa de dag gi phyir dbyig yungs 'bru tsam yongs su gtong bar byed dam/ me tog gcig gam/ 'bras bu gcig gam/ ba dan nam/ rol mo'i sgra 'am/ spos sam/ gos sam/ rgyan gcig tsam zhig yongs su gtong bar byed dam/ yi ger 'dri 'am/ yi ger 'drir 'jug gam/ 'chang ngam/ glog gam/ mchod pa byed dam/ yang dag par ston tam/ bsnyen bkur byed dam/ gzhan dag la yang rgya cher yang dag par ston par byed pa gang yin pa dang / gang gis de bzhin gshegs pa 'khor dang bcas pa mngon sum du bzhugs pa la lo 'bum du me tog dang / bdug spos dang /
- 157a
spos dang / me tog 'phreng dang / byug pa dang / gdugs dang / rgyal mtshan dang / bdan dag gis mchod pas mchod par byed/ rjed par byed cing / bde ba'i byad thams cad kyis bsnyen bkur byed pa dang / gtsug lag khang dang / 'chag sa dang / skyed mos tshal dag byed du bcug gam/ de bzhin gshegs pa'i phyir rin po che sna bdun gyi mchod rten 'phang du dpag tshad phyed pa brgya 'am/ stong byed du bcug ste/ de dag la lo 'bum du mchod pa dag gis mchod par byed pa bas/ gang chos kyi rnam grangs 'di yi ger 'dri ba dang / yi ger 'drir 'jug pa dang / 'chang ba dang / klog pa dang / 'don pa dang / mchod pa byed pa dang / yang dag par ston pa de ni de bas bsod nams mngon par 'du bya ba ches mang du skye bar 'gyur gyi/ de bzhin gshegs pa la mngon sum du mchod pa byed pa de ni de lta ma yin la/ sems can thams cad la sbyin pa byin zhing / 'dod pa'i yon tan lnga po dag gis rtser bcug pa'ang de lta ma yin no/ / de lta bas na rigs kyi bu dang / rigs kyi bu mo dang / rgyal po dang / rgyal bu dang / blon po chen po dang / blon po de dag gis rtag par rgyun du chos kyi rnam grangs 'di mchod par bya'o/ / gang chos kyi rnam grangs 'di sgrog par byed pa dang / rjod par byed pa dang / don kyang nye bar sgrub par byed pa'i dge ba'i bshes gnyen de dag la'ang de bzhin gshegs pa nyid du 'du shes
- 157b
bskyed par bya zhing / de dag gis bsnyen bkur byas te chos kyi rnam grangs 'di mnyan par bya/ gzung bar bya/ bcang bar bya/ bklag par bya/ yid la bya zhing 'di ltar sems bskyed par yang bya ste/ bdag cag don med pa la don du 'du shes pa dang / mi rtag pa la rtag par 'du shes pa dang / sdug bsngal ba la bde bar 'du shes shing / lam ma yin par zhugs pa la lam bapar ston pa gang yin pa dang / bdag cag sems can dmyal ba dang / dud 'gro'i skye gnas dang / gshin rje'i 'jig rten las yongs su thar par bya ba'i phyir/ de bzhin gshegs pa'i mdzad pa gang yin pa de ni/ bdag gis rnyed pa legs par rnyed do snyam du sems bskyed par yang bya'o// spyan ras gzigs dbang phyug gis gsol pa/ bcom ldan 'das kyi chos kyi rnam grangs 'di ni sems can thams cad la/ de bzhin gshegs pa'i mdzad pa mdzad pa chen pos yang dag par bshad lags so// bcom ldan 'das kyis bka' stsal pa/ rigs kyi bu chos kyi rnam grangs 'di ni phyi ma'i tshe phyi ma na/ lho phyogs kyi rgyud na spyod par 'gyur te/ der yang dge slong dang / dge slong ma dang / dge bsnyen dang / dge bsnyen ma dang / rgyal po dang / rgyal bu dang / blon po chen po dang / blon pa snod du gyur pa/ mchod pa byed pa/ 'jig par byed pa/ 'dzin par byed pa/ klog par byed pa dag 'byung bar 'gyur zhing / dad par 'gyur/ yid ches
- 158a
par 'gyur ro/ / gal te byang dang / shar dang / nub phyogs kyi rgyud dag na spyod par 'gyur na yang / de na gang dag nyan par mi byed pa dang / dang par mi byed pa dang / yid ches par mi byed pa dang / mchod par mi byed pa dang / brtson 'grus zhan pa dang / brjed ngas pa dang / pra smad dang / bran dang / bran mo dang / longs spyod dang / dbang phyug dang / bzhad/ gad dang / 'dze sgeg dang / bro dang / gar dang / glu sna tshogs kyis rnam par g.yengs shing phrag dog dang / ser sna'i dran pas nyan par mi byed/ yid ches par mi byed pa'i sems can de dag ni bdud kyi las la mngon par brtson pa yin te/ de dag ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag dang / sems can dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul rnams las yongs su mi thar pa kho nar 'gyur ro/ / de lta bas na rigs kyi bu dang / rigs kyi bu mo bdag nyid ngan song thams cad las yongs su thar par 'dod pa de dag gis bsnyen bkur byas te/ chos kyi rnam grangs 'di la mchod pa bya zhing / gzhan dag la'ang yang dag par bstan par bya/ yid la'ang gzung bar bya'o// khrag khrug dang / 'khrug klong dang / rmi lam ngan pa dang / ltas ngan pa dang / dus ma yin par 'chi ba
- 158b
dang / gnag nad dang / phyags nad dang / mi nad dag dang / nad dang / 'jigs pa dang / gnod pa sna tshogs dag la yang / chos kyi rnam grangs 'di mchod pa byas te bklag par bya'o// rgyal mtshan la me tog dang / bdug spos dang / spos dang / rol mo'i sgra sna tshogs dag gis mchod cing / phyogs bzhir gtor ma gtor la me tog dang / bdug spos dang / spos dag gis phyag byas te/ 'jug par byas na der yams kyi nad dang / gnod pa dang / 'go ba'i nad thams cad kyang rab tu zhi bar 'gyur ro// de nas de'i tshe bcom ldan 'das kyis tshigs su bcad pa 'di dag bka' stsal to/ / sngon gyi srid par 'dren pas gang gsungs shing // sems can thams cad rjes su gzung ba'i phyir// de ltar ngas kyang khyod la bshad pa yi// ting 'dzin 'di ni mdo sde mchog zung zhig sangs rgyas chos dang dge 'dun dkon mchog la/ / gang gis khams gsum sbyin par byed pa bas// mdo sde 'di la mchod pa byas na ni// sbyin pas de yi dper yang mi phod do// sangs rgyas dge 'dun la ni dang byas te/ / tshad med gtsug lag khang dag brtsigs pa bas// gang zhig mdo sde 'dzin pa gang yin pa// doni de bas bsod nams mang por 'gyur// gang zhig me tog gtsug tsam 'dor byed cing / / gos dang 'phreng ba byug pa de bzhin te// ting 'dzin 'di la bsnyen bkur byed gyur na// bsod nams tshogs char snga ma de mi 'gyur// gang gis mdo sde 'di la mchod
- 159a
pa'i phyir/ / kar sha pa Ni'i sbyin pa sbyin byed cing // byang chub phyir ni byams pa'i sems bskyed na// de ni de bas bsod nams mang po 'thob// byang chub sems dpa' gang gis sems can la/ / ting 'dzin 'di bshad lung phog de bzhin du// bla med byang chub phyir ni bkod gyur na// de yi bsod nams dper yang de mi 'gyur// de ltas phan yon 'di dag thos nas kyang / / sems can kun la de bzhin byams byas te// mdo 'di gzung zhing yi ger bri bar bya// bklag par bya zhing de bzhin bshad par bya// rga dang de bzhin ma mchis gnod gyur cing / sdug bsngal rab dag brgya yis yongs gdungs la// sems dmyal yi dgas rnams su skye ba na// phyi ma'i dus na 'gyod par gyur ta re// 'chi ba'i dus na yid skrag 'jigs gyur la// yang dang yang du sngam pa 'don byed cing // bdag gi dpung gnyen skyabs su 'gyur zhes pa// byis pa'i blo can phan tshun tog ga re// gang phyir de bzhin gshegs pa ma mchod cing // sangs/ rgyas chos dang dge 'dun nor phrogs pa// mi bzad gshin rje'i 'jig rten khrid 'gyur zhing // phyin chad rtag tu skyabs 'gyur 'ga' yang med// bu smad yod min nye du rtsa lag med// yul 'khor yod mi bzhad gad 'jo sgeg med// nor dang 'bru dang de bzhin gos dang rgyan// kun spangs sdug bsngal yang dang yang mi bzad// ting 'dzin 'di la dad par ma byas pa//
- 159b
de 'adz+ra'i sdug bsngal mi babang skyong 'askur bas// sdug bsngal 'di dang pan yon de thos na// byis pa'i blo yang sa TIg dang mi skyed// de phyir rtag tu dge slong po mo dang // dge bsnyen nam/ dang rgyal po khor zug tu// mdo sde 'di ni rtag tu gzung bya zhing // 'dzin pa la yang rtag tu bsnyen bkur bya// de nas bcom ldan 'das la/ tshe dang ldan pa kun dga' bos 'di skad ces gsol to/ / bcom ldan 'das bdag gis chos kyi rnam grangs 'di gzung lags te/ ston pa'i 'du shes kyis bcang bar bgyi zhing / sems can thams cad la'ang yang dag par bgyi lags so/ / bcom ldan 'das kyis bka' stsal pa/ kun dga' bo gal te khyod kyis ngas chos gang bstan pa mnyan te/ kun gzung ba de dag thams cad 'chang bar byed/ klog par byed/ rgyas par byed na ni/ des ni khyod kyis nga la nyes pa byas par mi 'gyur zhing / gus par ma mnyan par yang mi 'gyur la/ nyan thos nyid ma yin par mi 'gyur gyis/ chos kyi rnam grangs 'di 'chang bar mi byed/ klog par mi byed/ mchod par mi byed/ yang dag par ston par mi byed/ yid la mi byed na ni/ des na khyod kyis nga la nyes par byas par 'gyur zhing / grus par ma mnyan par yang 'gyur la/ nyan thos nyid yin par yang mi 'gyur ro// kun dga' bo de lta bas na khyod kyis phung dung byas te/ chos kyi rnam grangs 'di bcang bar bya'o// 'di ni phyi ma
- 160a
dus phyi ma'i tshe na/ sems can thams cad la de bzhin gshegs pa'i bla na med pa yang dag par rdzogs pa'i byang chub kyis de bzhin gshegs pa'i mdzad pa byed par 'gyur ro/ / bcom ldan 'das kyis chos kyi rnam grangs 'di bshad pa na/ srog chags drug khri len pa med par zag pa rnams las sems rnam par grol lo// byang chub sems dpa' bdun brgyas ni ting nge 'dzin thob par gyur to/ / lnga brgyas ni sangs rgyas kyi zhing tha dad par skye bar lung bstan pa thob par gyur to// srog chags dgu khri ni nyon mongs pa thams cad las rnam par grol te/ mi khom pa dang / ngan song dang / ngan 'gro thams cad spangs so// de nas bcom ldan 'das la/ byang chub sems dpa' sems dpa' chen po 'phags pa spyan ras gzigs dbang phyug gis yang 'di skad ces gsol to/ / bcom ldan 'das chos kyi rnam grangs 'di ni slad ma'i dus slad ma'i tshe na/ rigs kyi bu dang / rigs kyi bu mo nyan par bgyid pa dang / 'dzin par bgyid pa dang / ri mor bgyid pa dang / mchod par bgyid pa de dag dang / yi ger 'dri bar bgyid pa de dag la de bzhin gshegs pa'i mdzad pa bgyid par 'gyur te/ de dag kyang ji lta bur 'tshal ba'i sangs rgyas kyi zhing tha dad pa dag tu lung bstan pa lags so/ / slad ma'i dus srad ma'i tshe na/ sems can gang bzhad gad dang / 'jo sgeg dang / gar dang / bro dang /
- 160b
glu dang / rol mo'i sgra dag la sna tshogs su g.yeng ba 'dod chags dang / zhe sdang dang / gti mug gi mun pa che ba/ rtsed mo la dga' bar 'du shes pa/ mi rtag pa la rtag par 'du shes pa phrag dog dang ser snas yongs su zin cing / mchod par mi bgyid/ ri mo mi bgyid/ dad par mi bgyid/ glo ba ches par mi bgyid/ 'chang bar mi bgyid/ klog par mi bgyid/ nyan par mi bgyid/ nan tan gyis sgrub par mi bgyid pa de dag ni/ dal ba 'di yid byung bar bgyis shing / sngon gyi las kyi 'bras bu de yongs su bas par bgyi nas/ sdug bsngal dang yid mi bde ba sna tshogs dang / sems can dmyal ba'i sdug bsngal dag nyams su myong bar 'gyur zhing / der yang bskal pa bye ba phrag du mar sdug bsngal nyams su myong nas/ yang sla sems can dmyal ba dang / dud 'gro'i skye gnas dang / gshini rje'i 'jig rten rnams su skye bar 'gyur lags te/ mi dge ba'i bshes gnyen gyi dbang gis yun ring por rjes su 'gyed par 'gyur la so/ / de lta lags pas na/ lus dang / ngag dang / yid legs par bsdam par bgyi zhing / sangs rgyas dang / chos dang / dge 'dun dag la'ang dad pa mi phyed par bgyid/ sems can thams cad la byams pa'i semasu bgyid/ phrag dog dang / ser sna dang / 'chal pa'i tshul khrims yongs su spangs pa'i sems dang / khro ba yongs su spangs pa'i sems su bgyi lags so//
- 161a
da dus mas rgya bdun pas shan shegs papa/ g+sa dang / dam sa dang / A / 5/ dang / nga / sa ts+tsha nga / na nga/ ma las / pa dang / bya sangasapas / ba / das pa gas / thams mas cad kya nga/ da rna ma / sa das ma dag tu gas pa dag 'phrul la dengs kyimaldan das/ dang na sa dan sapa / na du ma / sa na sa / 'i marnam rgyas kyi ma kyi ma b
- 161b
ka' stsal nas/ 'phags pa spyad+ma ras gzigs dbang phyug dang / 'jam dpal dang / lag na rdo rje la sogs pa byang chub sems dpa' sems dpa' chen po de dag thams cad dang / nyan tho/ chen po de dag thams cad dang / borgya byin dang / tshangs pa dang / 'jig rten skyong ba de dag thams cad dang / rgyal po chen po bzhi dang / gnod sbyin mo chen mo dpe med ma dang / dri med 'od dang / 'od can ma dang / 'jigs byed ma dang / dpal ldan ma dang / dung can ma dang / 'phrog ma la sogs pa de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po de dag thams cad dang / thams cad dang ldan pa'i 'khor ji ltar lhags pa de dag dang / dge slong dang / dge slong ma dang / dge bsnyen dang / dge bsnyen ma'i 'khor rnams yi rangs te/ bcom ldan 'das kyis gsungs pa la mngon par bstod do// 'phags pa de bzhin gshegs pa thams cad kyi byin gyi rlabs sems can la gzigs shing sangs rgyas kyi zhing bkod pa kun tu ston pa zhes bya ba theg pa chen po'i mdo rdzogs so/ / / rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsha ba ban+d+he ye shes sdes zhus te gtan la phab pa/ ban+de klu'i rgyal mtshan gyis bsgyur/ bya ba'i rgyud sder gtogs so//
- 162a
rgya gar skad du/ Ar+yA bud+d+ho ma hA sho d+ha ya pus ti sU tra/ bod skad du/ 'phags pa rtogs pa chen pos yongs su rgyas pa'i mdo las/ phyag 'tshal ba'i cho ga dang / mtshan nas brjod pa'i yon tan gyi gleng gzhi dang / dus gsum gyi de bzhin gshegs pa'i mtshan dang / mdo sde bcu gnyis dang / byang chub sems dpa' rnams kyi mtshan nas brjod cing phyag 'tshal ba dang / bshags pa'i le'u rnams 'byung ba nyi tshe bcos shing bsgyur ba/ de nas phyogs bcu nas lhags pa'i byang chub sems dpa' rnams kyis lhan cig tu thal mo sbyar te/ bcom ldan 'das la gsol pa/ bcom ldan 'das bdag cag rnams phyogs bcu'i sangs rgyas de dag gi mthu dang byin gyi rlabs kyis 'jig rten gyi khams 'dir mchis te/ bcom ldan 'das kyi zhal mthong la theg pa chen po'i chos thos nas/ bdag cag dang lha dang mis mdo sde'i gsung rab 'di len cing 'dzin pa dang / 'chang bar gsol gnang na/ bcom ldan 'das yongs su mya ngan las 'das pa'i slad na/ yul khams 'di dang phyogs gzhan du/ ri dang / tshal dang / shing drung gi rig sngags 'chang ba'i gnas dang / grong dang / grong khyer dang / gnas dang / khyim dang / dgon pa'i gnas dang / dur khrod dang / shing drung dang / bla gab med pa dang / mchod rten dang / gtsug lag khang dang / dge 'dun gyi kun dga' ra ba dang / mi mang po 'du ba chos bshad pa'i gnas dang / mi phal gyi
- 162b
/ gnas dang / mir gyur pa thams cad la rgya cher khyab par bstan te rgyun mi 'chad par bgyi'o// de ci'i slad du zhe na/ dam pa'i chos yun ring du gnas na/ ngan 'gro rnams kyang gtan du bkag pa'i slad du'o/ / de ji lta zhe na/ bcom ldan 'das kyis bstan pas sems can dmyal ba'i sgo bkum zhes thos te/ chos kyi gzhung 'di las tshig 'bru gcig tsam kha ton du 'dod na/ lha rnams kyang dga' zhing mgu nas rtag tu bsnyen cing mchis te/ rang yang dge ba spyod par bgyid lags so// mi la la dag kyang rtog pa chen pos yongs su rgyas pa'i chos kyi gzhung 'di thos nas dga' zhing mgu la mos shing gus te/ yi ger 'dri la 'don cing klog pa dang / 'dzin cing 'chang la phyag 'tshal te/ chos kyi gzhung 'di las bstan pa'i de bzhin gshegs pa 'ga'i mtshan dang / byang chub sems dpa' 'ga'i ming nas brjod na yang / mi des da ltar gyi tshe 'di la bde zhing skyid pa dang / sdig pa mi dge ba mi 'byung la/ nam 'gum pa'i tshe na'ang bdag cag byang chub sems dpa' rnams dang lha rnams kyis de'i sngon du shul 'dren cing / sangs rgyas kyi zhing yongs su dag pa dag mthong la/ dad nas gcig tu skye bar 'gyur ro// de ci'i slad du zhe na/ chos kyi gzhung 'di len cing yongs su gzung ba'i slad du'o/ / mdo sde 'di len cing yongs su 'dzin pa ni/ sangs rgyas kyi sku yongs su 'dzin pa lags so// de bzhin gshegs pa'i sku yongs su 'dzin pa de ni/ byang chub
- 163a
sems dpa' lags te/ de bas na bdag cag dang slob pa gcig ste/ rgyu de'i slad du chos kyi gzhung 'di yongs su bzung bas gnas gcig tu skye zhing / gcig gis gcig mi spong zhing mi 'bral bas smon lam gcig pa lags so/ / de nas yang lha ma srin rnams kyi rgyal po dang / tshangs pa chen po'i rgyal po dang / sum cu rtsa gsum gyi lha rnams dang / 'jig rten skyong ba phyogs bzhi'i rgyal po chen po bzhi dang / phyag brnyan lag na rdo rje dag dang / sde dpon chen po la sogs pa dang / klu'i rgyal po dga' bo dang / bsnyen dga' bo dang / lha ma yin gyi rgyal po dang / nam mkha' lding gi rgyal po dang / mi 'am ci'i rgyal po dang / bu dgu ma'i lha dang / ri'i lha dang / shing gi lha dang / 'bab chu'i lha dang / mtshe'i lha dang / sa'i lha dang / chu'i lha dang / me'i lha dang / rlung gi lha la sogs pa'i rgyal po dang / de dag la sogs pa tshad med grangs med dpag tu med pa dag dang / lha chen po rnams 'khod pa las langs te/ gdong dang skyobs phyag brgyas nas thal mi sbyar te/ rjes dang gus par bcas pas/ bcom ldan 'das la gsol pa/ bcom ldan 'das bdag cag la sogs pas sman chad rtag tu bcom ldan 'das kyis gsungs pa'i rtogs pa chen pos yongs su rgyas pa'i chos kyi gzhung 'di yongs su bzung ste/ mdo sde 'di gang na gnas par bdag cag lha'i rgyal po rnams rtag tu de'i mdun du
- 163b
mchis te/ gtsang zhing dag par bgyis la/ mchod rten gyi nang ngam/ mi phal gyi gnas sam/ dben pa'i phyogs gang na gnas sam/ yang na 'odo rje 'di tsang sbra ma phyed pa'i yan lag gis 'dzin kyang rung bdag cag gis mi de la mi rigs pa'i gnod pas mi tshugs par bgyi'o/ / de mchis pa'i gnas kyi khyim gyi rim gro yang bgyi'o// bdag cag lha'i rgyal po la sogs pa thams cad kyis/ de phan tshun mchi na yang de'i mdun du 'dren cing shul sel ba dang / ci 'tshal ba bsgrub par bgyi'o// de phyogs bzhi dag tu mchis na yang sgrib cing chags pa ma mchis la/ rtag tu dge ba'i chos thob pa dang / tshe brjes na lha'i nang du skye ba dang / de'i bsod nams kyis sangs rgyas 'byung ba dang mjal cing / theg pa chen po las mi nyams par bgyi'o// de nas bcom ldan 'das kyis/ byag chub sems dpa' sems dpa' chen po de dag dang / lha ma srin rnams kyi rgyal po la sogs pa de dag la bka' stsal pa/ de de bzhin no// de de bzhin te/ khyed kyis smras pa de bzhin te// chos kyi gzhung 'di lta bu 'di thos par yang dka' na/ rtogs par lta smos kyang ci dgos/ chos kyi gzhung 'di len cing 'dzin la/ 'don cing klog par byed na/ gtsang sbra dang khrus kyis dag cing dad par byas la/ gos gtsang ma bgos te gnas gtsang mar byas la dar gyi bla re dang ba dan la sogs pas gnas kyi nang bzang por byas te brgyan la/ spos mchog tu dri zhim pa/ tsan dan dang phye ma
- 164a
dag gis byug pa dang / spos rnam pa mang po bsregs nas phyag 'tshal te/ nyin gzhag gcig la nyin lan gsum mtshan lan gsum de lta bur nyin mtshan gyi bar du chos kyi gzhung 'di klog cing 'don te/ sems mi g.yeng ba dang / dran pa mi g.yel zhing gcig tu rtag pa dang / bsam pa drang ba dang / dran pa nye bar bzhag cing 'gro ba dang / len cing 'dzin pa ma 'khrul pa dang / spyod pa brtan pa dang / 'don cing zlos pa/ phyin ci ma log pa de lta bu'i tshul du mdo sde 'di las bstan pa'i de bzhin gshegs pa rnams dang / mdo sde bcu gnyis dang / byang chub sems dpa' rnams kyi mtshan nas brjod cing bklags la/ mos shing gus pas de ltar phyag 'tshal zhing 'chang ba ni/ mdo sde 'di las bshad pa bzhin du sdig lci ba thams cad yang dag par bsal bar 'gyur ro/ / de ci'i phyir zhe na/ rtogs pa chen pos yongs su rgyas pa'i chos kyi gzhung 'di ni phyogs bcu'i sangs rgyas thams cad kyis kyang spyod cing sbyangs la/ byin gyis brlabs nas yongs su gzung ste/ sangs rgyas thams cad kyi yum mo// mdo sde rnams kyi rgyal po'o// mchog gi gzhung gi ni mdzod do// byang chub sems dpa' rnams kyi ni lam mo// rtogs pa chen pos yongs su rgyas pa 'di mchog tu zab pa'i chos kyi gzhung gi snying po'o// gcig tu dper na 'jig rten na chen po bzhi la sogs pa rnam pa drug dang mtshungs shing bsam gyis
- 164b
mi khyab ste/ drug gang zhe na/ sa chen po dang / chu chen po dang / me chen po dang / rlung chen po ste/ chen po bzhi dang / nyi ma dang / stong pa ste drug go// de la mdo sde 'di ni dper nas chen po dang 'dra bar gtsang sme dang / che chung dang / bzang ngan theg pa yin no// yang mdo sde 'di ni dper na chu chen po dang 'dra bar mi gtsang ba'i ldan ljin dang dri ma thams cad dag par khru ba yin no// yang mdo sde 'di ni dper na me chen po dang 'dra bar las dang nyon mongs pa'i dri ma mi gtsang ba'i slar sbur thams cad sreg pa yin no// yang mdo sde 'di ni dper na rlung chen po dang 'dra bar las dang nyon mongs pa'i dri ma mi gtsang ba'i phyag dar thams cad 'thor zhing 'bud pa yin no/ / yang mdo sde 'di ni dper na nyi ma dang 'dra bar ma rig pa'i mun pa thams cad kun tu snang bar byed pa yin no// yang mdo sde 'di ni dper na nam mkha' stong pa dang 'dra bar dngos po ma lus pa thams cad go 'byed cing shong bar byed pa yin no// theg pa chen po mdo sde rtogs pa chen pos yongs su rgyas pa'i mdo sde 'di rgya che ba ni zla med pa yin te/ byang chub sems dpa' man chad/ nyan thos dang / 'dod pa dang / gzugs dang / gzugs med pa la thug pa thams cad shong bar byed do// de bas na khyed kyis mdo sde 'di long la yongs su gzung ba dang rgya cher spel zhing khyab par gyis shig/ mdo sde 'di la mos shing gus par gyis te/ khyed la sogs pa byang chub sems dpa' sems
- 165a
dpa' chen po rnams kyis rtag par sangs rgyas kyi ye shes khong du chud la/ de bzhin gshegs pa'i ngo bo nyid mthong bar gyis shig/ khyed lha'i rgyal po dag mdo sde 'di len cing yongs su 'dzin pa rnams kyis rtag tu nga dang ma byon pa'i sangs rgyas thams cad mngon par rdzogs par byang chub ste/ chos kyi 'khor lo chen po bskor ba mthong bar gyis shig/ de nas 'khor mang po 'dus pa'i nang nas/ byang chub sems dpa' mos pa'i mtshan zhes bya ba stan las langs te gos legs par gyon nas/ bcom ldan 'das kyi zhabs la mgo bo la phyag 'tshal te/ bcom ldan 'das la 'di skad ces gsol to// bcom ldan 'das bdag cag la sogs pas skye bo mang po la sman pa dang bde ba'i slad du gsol zhing zhu na/ gnang ba'i skabs dbye bar gsol/ de nas bcom ldan 'das kyis/ byang chub sems dpa' mos pa'i mtshan la bka' stsal pa/ mos pa'i mtshan khyod kyis skye bo mang po la phan pa dang / bde ba'i phyir zhu ba zhus pa legs so legs so/ / khyod kyis ci dang ci zhus pa nyon cig dang / ngas khyod la bshad par bya'o// khyod kyis zhus pa yang dpag tu med pa'i skye bo la phan pa dang bde ba'i phyir ro// de nas bcom ldan 'das la/ byang chub sems dpa' mos pa'i mtshan gyis 'di skad ces gsol to// bcom ldan 'das bdag dran pa sngon 'das pa'i dus na/ bcom ldan 'das mtshan rin chen gtsug tor zhes bgyi
- 165b
pa de'i mtshan lan cig tsam thos pas kyang lhar skye ba thob bo/ / slad kyis yun mi ring ba zhig na rgyal po lha'i dbang phyug 'od ces pa'i khams yul dgon pa'i nags shig la/ yu ma chen po zhig/ mchis pa'i chab bskams te/ de'i nang na chab nyi stong phrag bcu zhig gdugs kyis gdungs nas 'gum du nye ba zhig mchis pa la/ tshong dpon gyi bu chu 'bebs zhes bgyi ba zhig gis chab nya de dag mthong ba dang snying rje'i sems skyes te/ rab dang zas kyi sbyin pa stsal nas/ dgung mang po mi thub cing 'tsho ba yun mi ring bar 'tshal te/ de nas tshong dpon gyi bu chu 'bebs kyis bcom ldan 'das rin chen gtsug tor gyi mtshan lan gsum brjod pas/ nya rnams kyis thos pas/ tshe 'phos ma thag tu sum cu rtsa gsum gnam gyi lhar skyes so// de lta bas na bcom ldan 'das 'khor 'di dag dang ma 'ongs pa'i skye bo rnams la sman pa'i slad du/ bcom ldan 'das rnams kyi mtshan bstan cing bsgrags par gsol/ bcom ldan 'das shAkya thub pa'i mtshan yang thos na/ dpag tu ma mchis shing brjod du ma mchis pa'i skye bo la sman pa dang bde ba thob cing / rtag tu longs spyod phun sum tshogs pa dang ldan pa dang / dpag tu ma mchis pa'i bsod nams kyi gter rnyed cing / de bzhin gshegs pa'i bdag nyid kyang mngon sum du rtogs par 'gyur ba'i slad du gsol ba dang / tshul khrims kyi rtsa ba nyams shing / nyon mongs pas 'khrul pa'i sems can rnams yongs su thar
- 166a
par 'gyur ba'i slad du bstan par gsol/ de nas bcom ldan 'das kyis/ byang chub sems dpa' sems dpa' chen po mos pa'i mtshan la bka' stsal pa/ rigs kyi bu gal te ngas phyogs bcu'i sangs rgyas thams cad kyi mtshan rdzogs par bstan na/ bskal pa khri phrag brgya stong gi bar du bstan kyang rdzogs pa'i mtha' med do// chu thams cad kyi thigs pa'i grangs ni bgrang zhing shes par rung gi/ sangs rgyas bcom ldan 'das thams cad kyi mtshan ni brjod cing shes par mi nus so// ri rab lhun po rnams kyang srang la gzhal zhing bgrang bar rung gi/ sangs rgyas bcom ldan 'das thams cad kyi mtshan ni brjod cing shes pas mi nus so// 'jig rten thams cad kyi rdul thams cad ni bgrang zhing shes par rung gi/ sangs rgyas bcom ldan 'das thams cad kyi mtshan brjod cing shes par mi nus so/ / nam mkha'i mtshams dang mtha' ni shes par rung gi/ sangs rgyas bcom ldan 'das thams cad kyi mtshan ni brjod cing shes par mi nus so/ / de bas na ngas khyod la dus gsum gyi sangs rgyas bcom ldan 'das rnams kyi mtshan mdo tsam zhig bstan te/ de gang zag la las rna bar lan cig tsam thos na/ mi de tshe 'phos ma thag tu lha'i gnas su skye'o/ / thos nas mos pa dang gus pa byas la/ yi ger bris sam/ mtshan nas brjod cing phyag 'tshal na/ 'khor ba dpag tu med pa'i sdig lci ba kun byang ste/ bsod
- 166b
nams tshad med pa thob pas/ gang zag de dus zad nas/ phyogs bcu'i sangs rgyas kyi zhing du yid la smon pa bzhin du skye ste/ nga yang mthong la/ ma 'ongs pa'i bskal pa bzang po'i sangs rgyas rnams kyang mthong bar 'gyur ro/ / de nas bcom ldan 'das kyis/ 'khor mang po rnams la bka' stsal pa/ khyed la sogs pa rnams chos thob par 'dod na/ tshul bzhin du gos legs par gyon la lus bsrang ste/ sems mi g.yeng zhing dran pa mi g.yel bar shin tu yid la byos te/ sems rtse gcig tu bsdus la phyag tshol cig/ de bzhin gshegs pa ri rab mar me'i rgyal po la gus par phyag 'tshal lo/ / de bzhin gshegs pa rin chen rgyal po la gus par phyag 'tshal lo// de bzhin gshegs pa rin chen rgyal ba la gus par phyag 'tshal lo// de bzhin gshegs pa snang ba mtha' yas la gus par phyag 'tshal lo/ / de bzhin gshegs pa rnam par gzigs la gus par phyag 'tshal lo// de bzhin gshegs pa rin chen mang la gus par phyag 'tshal lo/ / de bzhin gshegs pa shAkya thub pa la gus par phyag 'tshal lo// de bzhin gshegs pa chos thams cad bsdus shing 'dzin pa la gus par phyag 'tshal lo// dpag cing gzhal ba las 'das pa la gus par phyag 'tshal lo/ / zla dang dpe med pa la gus par phyag 'tshal lo// chos mu med pa la gus par phyag 'tshal lo// bsam dpag dka' ba la gus par
- 167a
phyag 'tshal lo/ / stobs kyi stobs la gnas pa'i stobs la gus par phyag 'tshal lo// stobs bcu dang mi 'jigs pa la gus par phyag 'tshal lo// khams gsum na btsun pa la gus par phyag 'tshal lo/ / thams cad kyi lam ston pa chen po la gus par phyag 'tshal lo// nyon mongs pa'i 'ching ba thams cad gcod par mkhas pa la gus par phyag 'tshal lo/ / pha rol gyi mthar phyin pa la gus par phyag 'tshal lo// 'jig rten rnams las thar pa la gus par phyag 'tshal lo// 'chi 'pho'i lam dang yongs su bral ba la gus par phyag 'tshal lo// ting nge 'dzin gyis rnam par grol ba mngon du brnyes pa la gus par phyag 'tshal lo// nam mkha' ltar ci la'ang mi gnas pa la gus par phyag 'tshal lo// mang po'i nang na chos kyi rgyal po chen po la gus par phyag 'tshal lo/ / bdud bzhi'i tshogs bcom pa la gus par phyag 'tshal lo// bu gcig pa'i pha ltar byams pa chen po la gus par phyag 'tshal lo// tshe rabs gar byung gar skyes kyang / sangs rgyas thams cad mthong zhing de bzhin gshegs pa'i rang bzhin mngon par rtogs la/ mya ngan las 'das pa chen po nyid du phyin par smin to// de ci'i phyir zhe na/ lus can thams cad gang la yang de bzhin gshegs pa'i snying po yod pa'i phyir ro/ / 'khor mang po rnams sor mo bcu'i thal mo sbyar te/ sems rtse gcig tu gus par mchod cing legs par nyon la yid
- 167b
la zung zhig/ nga yis phyogs bcu dus gsum gyi// sangs rgyas rnams kyi mtshan brjod pas// mtshams med lnga po'i sdig las kyang // rnam par grol ba sems skyed cig/ dge ba'i rtsa ba med pa'i mi/ / de yi phyir yang ngas bshad de// de yis rtogs par ma nus kyang // sa bon tshig par rang 'byung ngo // yang dag bden pa 'ba' zhig yod// theg pa chung ngu'i mtshan bsal na// theg pa chen po de nyid yod// theg pa rnam gnyis bsal bas na// theg pa gcig po kho na yod// dge ba'i rtsa ba med pa'i mis// tshig 'di thos par mi 'gyur te// sangs rgyas grangs med sngon mchod pas/ / da ltar bcom ldan mtshan thos so// len cing 'dzin pa'i gang zag ni// phyogs tsam las ni rnam grol te// rnam dag sa la'ang bde bar gnas// da ltar nga yi chos 'di la// len 'dzin klog cing 'don pa dang // bcom ldan mtshan la phyag byas shing // sangs rgyas mdzad la bsgrubs pa yis// bdud tshogs las dang bral bar 'gyur// phas pham bzhi dang mtsham med lnga/ / 'dod chen po yang byang gyur nas// ma 'ongs dus na mi de dag/ byang chub 'tshang rgya gdon mi za// gang zhig mos par mi byed na// ngan song gsum du nges par lhung // phyag 'tshal brtson zhing mos bskyed na/ / sangs rgyas grangs med mthong 'gyur bas// rtse gcig sems kyis phyag 'tshal rigs// sdig pa thams cad byang 'gyur te// de bas gus shing mos par
- 168a
gyis/ / de nas 'khor mang po rnams thal mo sbyar te/ lus dang sems nan tan du bsdus shing bsrangs nas/ mi g.yo zhing mi 'gyur bar lus kyi yan lag lnga sa la gtugs nas/ sems rtse gcig gis shin tu legs par nyan to// de nas bcom ldan 'das kyis mtshan nas brjod de bka' stsal pa/ snga ma 'das pa'i de bzhin gshegs pa dgra bcom pa yang dag par rdzogs pa'i sangs rgyas grangs med pa rnams la gus par phyag 'tshal lo/ / de bzhin gshegs pa nyi zla mar me snang stong phrag nyi shu la gus par phyag 'tshal lo// de bzhin gshegs pa mar me mdzad stong phrag sum cu la gus par phyag 'tshal lo/ / de bzhin gshegs pa rab tu rtogs chen ye shes rgyal ba la gus par phyag 'tshal lo// de bzhin gshegs pa rgyal bu bcu drug la gus par phyag 'tshal lo/ / de bzhin gshegs pa stong pa'i rgyal po la gus par phyag 'tshal lo// de bzhin gshegs pa rin chen mang la gus par phyag 'tshal lo// de bzhin gshegs pa gzi brjid dbyangs kyi rgyal po la gus par phyag 'tshal lo/ / de bzhin gshegs pa sprin dbang mar me'i rgyal po la phyag 'tshal lo// de bzhin gshegs pa dgongs pa shin tu rnam par dag pa la phyag 'tshal lo/ / de bzhin gshegs pa 'od grangs med pa la phyag 'tshal lo// de bzhin gshegs pa sprul pa'i sku thams cad la phyag 'tshal lo// de bzhin gshegs pa yon tan nyi zla ltar dang
- 168b
zhing snang ba la phyag 'tshal lo/ / de bzhin gshegs pa pad+mo rnam dag yongs su mkhyen pa'i rgyal po la phyag 'tshal lo// de bzhin gshegs pa gtsang mas brgyan pa'i rgyal po la phyag 'tshal lo// de bzhin gshegs pa klu dbang rgyal po la phyag 'tshal lo// de bzhin gshegs pa 'brug smra'i sprin gyi rgyal po la phyag 'tshal lo// de bzhin gshegs pa 'brug gi sprin dbyangs sngon gyi rgyal po ye shes pad+ma la phyag 'tshal lo/ / de bzhin gshegs pa rin chen rgyalo la phyag 'tshal lo// de bzhin gshegs pa shing sA la'i rgyal po la phyag 'tshal lo// de bzhin gshegs pa gzi brjid mchog rin chen rgyal po la phyag 'tshal lo/ / de bzhin gshegs pa 'od snang rnam dag rgyal po la phyag 'tshal lo// de bzhin gshegs pa gdon mi za ba'i 'od 'bum phrag brgya la phyag 'tshal lo// debazhin gshegs pa 'od rgyang ring la phyag 'tshal lo// de bzhin gshegs pa nyi zla 'od la phyag 'tshal lo// de bzhin gshegs pa tsan dan dril phyag 'tshal lo// de bzhin gshegs pa dge ri'i rgyal po la phyag 'tshal lo/ / de bzhin gshegs pa ri rab lha'i dbu rgyan la phyag 'tshal lo// de bzhin gsheg pa snang mdzad ri rab lhun mnyam la phyag 'tshal lo// de bzhin gshegs bzla ba'i mdog la phyag 'tshal lo/ / de bzhin gshegs pa yang dag dgongs la phyag 'tshal lo// de bzhin gshegs pa dri ma med pa la phyag 'tshal lo// de bzhin gshegs pa blo gros rgya mtsho
- 169a
la phyag 'tshal lo/ / de bzhin gshegs pa chags pa med pa la phyag 'tshal lo// de bzhin gshegs pa klu'i lha la phyag 'tshal lo// de bzhin gshegs pa mi g.yo ba'i sa la phyag 'tshal lo/ / de bzhin gshegs pa bai zlaR+Ya pad+ma'i mchog la phyag 'tshal lo// de bzhin gshegs pa gser mdog la phyag 'tshal lo// de bzhin gshegs pa gser gyi snying po la phyag 'tshal lo/ / de bzhin gshegs pa 'od 'phro la phyag 'tshal lo// de bzhin gshegs pa dbang po 'bar la phyag 'tshal lo// de bzhin gshegs pa sa'i gdung la phyag 'tshal lo// de bzhin gshegs pa zla ba'i gdung la phyag 'tshal lo// de bzhin gshegs pa nyi zla'i dbyangs la phyag 'tshal lo// de bzhin gshegs pa rnam grol pad+ma la phyag 'tshal lo// de bzhin gshegs pa 'od snang brgyan pa la phyag 'tshal lo/ / de bzhin gshegs pa blo gros rgya mtsho mngon par mkhyen pa la phyag 'tshal lo// de bzhin gshegs pa chu 'od la phyag 'tshal lo// de bzhin gshegs pa gsung chen la phyag 'tshal lo/ / de bzhin gshegs pa dri ma bral la phyag 'tshal lo// de bzhin gshegs pa skyo yid spangs la phyag 'tshal lo// de bzhin gshegs pa rin chen 'bar la phyag 'tshal lo/ / de bzhin gshegs pa gtsug mchog la phyag 'tshal lo// de bzhin gshegs pa rtsal gyi rgyal mtshan la phyag 'tshal lo// de bzhin gshegs pa shes rab yon tan
- 169b
'dzin la phyag 'tshal lo/ / de bzhin gshegs pa nyi zla'i 'od zil gyis gnon pa la phyag 'tshal lo// de bzhin gshegs pa nyi zla bai DUR+Ya'i 'od la phyag 'tshal lo// de bzhin gshegs pa nyi zla/ baiDUR+Ya'i 'od bla na med pa la phyag 'tshal lo// de bzhin gshegs pa mchog dam pa la phyag 'tshal lo// de bzhin gshegs pa byang chub me tog la phyag 'tshal lo// de bzhin gshegs pa 'od snang zla 'od la phyag 'tshal lo/ / de bzhin gshegs pa nyi zla 'od la phyag 'tshal lo// de bzhin gshegs pa pad+ma'i mdog rgyal po la phyag 'tshal lo// de bzhin gshegs pa chu zla 'od la phyag 'tshal lo/ / de bzhin gshegs pa the tsom rmugs pa sel la phyag 'tshal lo// de bzhin gshegs pa sdug bsngal spyod 'dul la phyag 'tshal lo// de bzhin gshegs pa mos pa rnam dag la phyag 'tshal lo/ / de bzhin gshegs pa dge ri'i rgyal po la phyag 'tshal lo// de bzhin gshegs pa yongs su dge la phyag 'tshal lo// de bzhin gshegs pa byin gyis rlob la phyag 'tshal lo// de bzhin gshegs pa shes rab chos la phyag 'tshal lo// de bzhin gshegs pa ka la bing ka'i dbyangs la phyag 'tshal lo// de bzhin gshegs pa seng ge'i sgra la phyag 'tshal lo// de bzhin gshegs pa klu'i dbyangs la phyag 'tshal lo/ / de bzhin gshegs pa 'jig rten na bzhugs pa la phyag 'tshal lo// de bzhin gshegs pa dbang phyug la phyag 'tshal lo// de bzhin gshegs
- 170a
pa tshe dpag med la phyag 'tshal lo/ / de bzhin gshegs pa 'od mtha' yas la phyag 'tshal lo// de bzhin gshegs pa thog med 'od la phyag 'tshal lo// de bzhin gshes pa 'od zla med la phyag 'tshal lo/ / de bzhin gshegs pa 'od 'phro rgyal po la phyag 'tshal lo// de bzhin gshegs pa rnam dag 'od la phyag 'tshal lo// de bzhin gshegs pa dga' ba'i 'od la phyag 'tshal lo/ / de bzhin gshegs pa shes rab 'od la phyag 'tshal lo// de bzhin gshegs pa 'od mi gcod la phyag 'tshal lo// de bzhin gshegs pa dpag med 'od la phyag 'tshal lo// de bzhin gshegs pa gzhal med 'od la phyag 'tshal lo// de bzhin gshegs pa nyi zla 'od las 'das pa la phyag 'tshal lo// de bzhin gshegs pa mtshan bzang gser mdog la phyag 'tshal lo// de bzhin gshegs pa ring du snang la phyag 'tshal lo// de bzhin gshegs pa rin chen snying po la phyag 'tshal lo// de bzhin gshegs pa gsung dpag tu med pa la phyag 'tshal lo// de bzhin gshegs pa bdud rtsi bro la phyag 'tshal lo/ / de bzhin gshegs pa klu'i rgyal po la phyag 'tshal lo// de bzhin gshegs pa rgyal ba'i stobs la phyag 'tshal lo// de bzhin gshegs pa seng ge'i sgra la phyag 'tshal lo/ / de bzhin gshegs pa dri ma med pa'i 'od la phyag 'tshal lo// de bzhin gshegs pa yon tan gtso bo la phyag 'tshal lo// de bzhin gshegs pa yon tan dam pa'i ri la phyag 'tshal lo// de bzhin
- 170b
gshegs pa mi'i rgyal po la phyag 'tshal lo/ / de bzhin gshegs pa bla med dam pa pad+ma la phyag 'tshal lo// de bzhin gshegs pa 'jig med stob kyi rgyal po la phyag 'tshal lo// de bzhin gshegs pa klu dbang rgyal po la phyag 'tshal lo/ / de bzhin gshegs pa seng ge'i gzi brjid rgyal po la phyag 'tshal lo// de bzhin gshegs pa dbang phyug rgyal po la phyag 'tshal lo// de bzhin gshegs pa kun tu 'od la phyag 'tshal lo/ / de bzhin gshegs pa kun tu snang la phyag 'tshal lo// de bzhin gshegs pa kun tu gsal la phyag 'tshal lo// de bzhin gshegs pa zangs mdog tsan dan dri la phyag 'tshal lo/ / de bzhin gshegs pa tsan dan bsrung 'od la phyag 'tshal lo// de bzhin gshegs pa yid bzhin rgyal mtshan la phyag 'tshal lo// de bzhin gshegs pa dkon mchog brtseg rab dga'i snying po la phyag 'tshal lo/ / de bzhin gshegs pa brtson 'grus bra ma chen po la phyag 'tshal lo// de bzhin gshegs pa yid bzhin rgyal mtshan mar me'i 'od la phyag 'tshal lo// de bzhin gshegs pa shes rab sgron ma la phyag 'tshal lo// de bzhin gshegs pa yon tan rgya mtsho'i 'od snang ba la phyag 'tshal lo// de bzhin gshegs pa rdo rje sra brtan la phyag 'tshal lo// de bzhin gshegs pa gser 'od kun tu 'phro la phyag 'tshal lo// de bzhin gshegs pa rgyal ba'i brtson 'grus che la phyag 'tshal lo// de bzhin gshegs pa rab tu rtsa la phyag 'tshal lo// de bzhin
- 171a
gshegs pa thugs rje'i 'od la phyag 'tshal lo/ / de bzhin gshegs pa thugs rje stobs kyi rgyal po la phyag 'tshal lo// de bzhin gshegs pa byams pa'i snying po'i rgyal po/ la phyag 'tshal lo// de bzhin gshegs pa tsan dan dpung rgyan rgyal po la phyag 'tshal lo// de bzhin gshegs pa bzang po'i gtso la phyag 'tshal lo// de bzhin gshegs pa dge ba'i blo la phyag 'tshal lo/ / de bzhin gshegs pa bkod pa'i rgyal po la phyag 'tshal lo// de bzhin gshegs pa gser ri rin chen gdugs la phyag 'tshal lo// de bzhin gshegs pa gser gyi pad+ma'i 'od 'bar mtshan la phyag 'tshal lo/ / de bzhin gshegs pa 'od snang sgron chen la phyag 'tshal lo// de bzhin gshegs pa rin chen bla res mkha' snang mnga' mdzad stobs kyi rgyal po la phyag 'tshal lo// de bzhin gshegs pa gser gyi pad+ma'i 'od la phyag 'tshal lo// de bzhin gshegs pa nam mkha'i rin chen pad+ma'i 'od la phyag 'tshal lo// de bzhin gshegs pa bai DUR+Ya bkod pa'i rgyal po la phyag 'tshal lo/ / de bzhin gshegs pa sku mdog kun tu bstan pa'i 'od la phyag 'tshal lo// de bzhin gshegs pa ye shes 'od mi g.yo ba la phyag 'tshal lo// de bzhin gshegs pa bdud kyi rgyal po rnams btul ba la phyag 'tshal lo/ / de bzhin gshegs pa ye shes 'od stong la phyag 'tshal lo// de bzhin gshegs pa byams pa shes rab rgyal ba la phyag 'tshal lo// de bzhin
- 171b
gshegs pa byams pa 'od gsal la phyag 'tshal lo/ / de bzhin gshegs pa 'jig rten rnam dag 'od la phyag 'tshal lo// de bzhin gshegs pa yongs su dag pa'i 'od la phyag 'tshal lo// de bzhin gshegs pa rab zhi zla 'od la phyag 'tshal lo/ / de bzhin gshegs pa mchog btsun ye shes rgyal po la phyag 'tshal lo// de bzhin gshegs pa rin chen bla re mar me'i rgyal po la phyag 'tshal lo// de bzhin gshegs pa klu'i gdung bla ma'i ye shes gtso bo'i rgyal po la phyag 'tshal lo// de bzhin gshegs pa nyi zla'i 'od la phyag 'tshal lo// de bzhin gshegs pa nyi zla 'od 'phro la phyag 'tshal lo// de bzhin gshegs pa shes rab ba dan rgyal ba bkod pa'i rgyal po la phyag 'tshal lo// de bzhin gshegs pa dri med snying po la phyag 'tshal lo// de bzhin gshegs pa 'od snang mtshan la phyag 'tshal lo// de bzhin gshegs pa gser gyi 'od 'phro snang ba la phyag 'tshal lo// de bzhin gshegs pa gser 'od kun tu snang ba'i snying po la phyag 'tshal lo// de bzhin gshegs pa seng ge'i sgra dbyangs dbang phyug sred med kyi bu la phyag 'tshal lo/ / de bzhin gshegs pa rgyal ba gsung mchog rgyal po la phyag 'tshal lo// de bzhin gshegs pa 'od rtag rgyal mtshan la phyag 'tshal lo// de bzhin gshegs pa spyan ras gzigs rgyal thabs brnyes pa la phyag 'tshal lo/ / de bzhin gshegs pa shes rab rgyal thabs brnyes pa'i na bza' la phyag 'tshal lo// de bzhin gshegs pa chos kyi mtshan nyid
- 172a
kyi dgongs pa'i rgyal po la phyag 'tshal lo/ / de bzhin gshegs pa ri rab 'od la phyug 'tshal lo// de bzhin gshegs pa me tog sum bcwa'i 'od la phyag 'tshal lo// te/ bzhin gshegs pa me tog ut+pa la'i 'od la phyag 'tshal lo// de bzhin gshegs pa brtson pas rgyal ba stobs kyi rgyal po la phyag 'tshal lo// de bzhin gshegs pa shes rab stobs kyi rgyal de la phyag 'tshal lo/ / de bzhin gshegs pa rab dga' 'khrugs med 'od la phyag 'tshal lo// de bzhin gshegs pa gsung dbyangs tshad med rgyal po la phyag 'tshal lo// de bzhin gshegs pa mkhas pa'i 'od la phyag 'tshal lo/ / de bzhin gshegs pa gser gyi rgya mtsho'i 'od la phyag 'tshal lo// de bzhin gshegs pa shes rab ri dbang rgya mtsho thogs med rgyal po la phyag 'tshal lo// de bzhin gshegs pa 'od chen thogs med la phyag 'tshal lo// de bzhin gshegs pa chos thams cad thogs med rgyal po la phyag 'tshal lo// de bzhin gshegs pa chos thams cad rtag tu rgyas pa'i rgyal po la phyag 'tshal lo/ / de bzhin gshegs pa mngon par rmongs mi mnga' la phyag 'tshal lo// 'das pa'i de bzhin gshegs pa sprul pa'i sku thams cad la phyag 'tshal lo// 'das pa'i de bzhin gshegs pa gcig la phyag 'tshal lo// de bzhin gshegs pa bcu la phyag 'tshal lo// de bzhin gshegs pa brgya la phyag 'tshal lo// de bzhin gshegs pa stong la
- 172b
phyag 'tshal lo/ / de bzhin gshegs pa khri la phyag 'tshal lo// de rnams la phyag 'tshal na/ bskal pa grangs med pa tshun chad kyi 'khor ba'i sdig lci ba rnams bsal bar 'gyur ro// 'das pa'i de bzhin gshegs pa 'bum phrag gcig la phyag 'tshal lo// de bzhin gshegs pa 'bum phrag bcu la phyag 'tshal lo// de bzhin gshegs pa 'bum phrag brgya la phyag 'tshal lo/ / de bzhin gshegs pa 'bum phrag stong la phyag 'tshal lo// de bzhin gshegs pa 'bum phrag khri la phyag 'tshal lo// de bzhin gshegs pa 'bum phrag khrag khrig bye ba gang+gA'i klung gi bye ma snyed dpag tu med cing bgrang ba las 'das pa rnams la phyag 'tshal lo/ / de rnams la phyag 'tshal na/ bskal pa grangs med pa nas 'khor ba'i sdig pa mi dge ba ma lus par 'byung bar 'gyur ro// gal te gang zag la las snga ma 'das pa dpag tu med cing bgrang ba las 'das pa'i sangs rgyas bcom ldan 'das rnams kyi mtshan thos na/ mi de bskal pa khri phrag brgyad cu'i bar du sems can dmyal ba'i sdug bsngal du mi ltung ngo / / de bas na da gus pas phyag 'tshal lo// 'das pa'i sangs rgyas de rnams la// gang zhig gus par phyag 'tshal na// sdig byang sems kyis rang bzhin 'thog/ mi dge bcu dang mtshams med lnga// phyin chad 'di dag mi spyod de// yang dag ros thos rgyun mi 'chad// theg pa chen po'i tshul khrims rdzogs// de phyir da ltar gus phyag 'tshal// gang zag
- 173a
gnyis ni ma gtogs te/ / gcig ni phyogs snyoms chos la skur// gnyis pa de ni 'dod chen pa// gal te la las sems dag na// de ni 'dod chen ma yin te/ sangs rgyas grangs med rtag tu mthong // la las rtsa ba bzhi nyams shing // mtshams med lnga por bcas pa dag/ mos pa rnam dag bya nus na// des na chos bzhin gnas par rung // kun gyis/ gus par phyag byas pas// mi dge bcu i las rnams bsal// kun gyis theg chen khrims thob ste// de phyir da ltar gus phyag 'tshal// 'das pa'i sangs rgyas bcom ldan 'das de rnams kyi mtshan bstan pa'i tshe/ byang chub sems dpa' stong phrag bcus mi skye ba'i chos la bzod pa so sor thob bo/ / nyan thos brgyad brgyas kyang theg pa chen po'i sems cung zad skyes so// dge slong lnga stong gis dgra bcom pa'i 'bras bu thob bo/ / lha dang mi 'bum ni chos la chos kyi mig rnam par dag go// da ltar bzhugs pa'i sangs rgyas dpag tu med pa thams cad la phyag 'tshal lo// de bzhin gshegs pa rgyal po snang 'bum phrag bcu rnams la phyag 'tshal lo/ / de bzhin gshegs pa dri med gser phye mdog la phyag 'tshal lo// de bzhin gshegs pa tshad med snang la phyag 'tshal lo// de bzhin gshegs pa nyi ma'i 'khor lo 'od snang rgyal po la phyag 'tshal lo/ / de bzhin gshegs pa gsung brtsegs la phyag 'tshal lo// de bzhin gshegs pa seng ge'i thong ka'i mtshan gyi rgyal po la phyag 'tshal lo// de bzhin gshegs
- 173b
pa seng ge'i nga ro la phyag 'tshal lo/ / de bzhin gshegs pa kun tu 'od yon tan ri'i rgyal po la phyag 'tshal lo// de bzhin gshegs pa dge gnas yon tan rin chen rgyal po la phyag 'tshal lo// de bzhin gshegs pa rin chen pad+mas brgyan pa'i rgyal po la phyag 'tshal lo// de bzhin gshegs pa rgyal bar dka' la phyag 'tshal lo// de bzhin gshegs pa ri rab mtshan la phyag 'tshal lo// de bzhin gshegs pa ri rab gnon pa'i rgyal po la phyag 'tshal lo// de bzhin gshegs pa dkon mchog yon tan la phyag 'tshal lo// de bzhin gshegs pa rin chen zla ba la phyag 'tshal lo// de bzhin gshegs pa rin chen 'bar la phyag 'tshal lo// de bzhin gshegs pa rin chen brgyan la phyag 'tshal lo// de bzhin gshegs pa seng ge'i nga ro rgyal bar dka' la phyag 'tshal lo// de bzhin gshegs pa 'od chen rgyal po la phyag 'tshal lo// de bzhin gshegs pa mi g.yo ba la phyag 'tshal lo// de bzhin gshegs pa sman gyi rgyal po la phyag 'tshal lo// de bzhin gshegs pa zhing gi bkod pa la phyag 'tshal lo/ / de bzhin gshegs pa mos pa la phyag 'tshal lo// de bzhin gshegs pa zla ba'i bla re la phyag 'tshal lo// de bzhin gshegs pa kun tu 'od la phyag 'tshal lo/ / de bzhin gshegs pa rin chen rgyal po la phyag 'tshal lo// de bzhin gshegs pa rnam par gzigs la phyag 'tshal lo// de bzhin gshegs pa gtsug tor can la phyag 'tshal lo//
- 174a
de bzhin gshegs pa thams cad skyob la phyag 'tshal lo// de bzhin gshegs pa log par dad sel la phyag 'tshal lo// de bzhin gshegs pa gser thub la phyag 'tshal/ lo// de bzhin gshegs pa 'od srungs la phyag 'tshal lo// de bzhin gshegs pa 'brug sgra'i rgyal po la phyag 'tshal lo// de bzhin gshegs pa chos kyi snying po nyid la phyag 'tshal lo// de bzhin gshegs pa 'phrul stobs chos chen mdzod la phyag 'tshal lo// de bzhin gshegs pa tsan dan me tog la phyag 'tshal lo// de bzhin gshegs pa tsan dan lo ma la phyag 'tshal lo// de bzhin gshegs pa yid dam pa la phyag 'tshal lo// de bzhin gshegs pa bla na med pa'i rgyal ba la phyag 'tshal lo// de bzhin gshegs pa bdud rtsi'i rnga la phyag 'tshal lo// de bzhin gshegs pa rnam par gzigs la phyag 'tshal lo/ / de bzhin gshegs pa nyi zla 'od snang la phyag 'tshal lo// de bzhin gshegs pa 'di las lhag med 'od la phyag 'tshal lo// de bzhin gshegs pa bkod pa phun sum tshogs pa'i rgyal po la phyag 'tshal lo/ / de bzhin gshegs pa kun tu 'od snang gsal bsod nams kyi rgyal po la phyag 'tshal lo// de bzhin gshegs pa seng ge'i sgras bdud bzhi bcom pa'i rgyal po la phyag 'tshal lo/ / de bzhin gshegs pa rdo rje mi 'jigs pa la phyag 'tshal lo// de bzhin gshegs pa bai DUR+Ya'i 'od la phyag 'tshal lo// de bzhin gshegs
- 174b
pa ri rab ri'i rgyal po la phyag 'tshal lo/ / de bzhin gshegs pa 'od snang rnam dag rgyal po la phyag 'tshal lo// de bzhin gshegs pa legs pa'i yon tan la phyag 'tshal lo// de bzhin gshegs pa 'od snang dpag med la phyag 'tshal lo/ / de bzhin gshegs pa gzugs kyis rol pa la phyag 'tshal lo// de bzhin gshegs pa dpa' bar 'gro ba'i ting nge 'dzin la mnyam pa 'jug pa'i stobs kyi rgyal po la phyag 'tshal lo/ / de bzhin gshegs pa legs par gzigs pa'i bsam gtan dbang po la phyag 'tshal lo// de bzhin gshegs pa bsod nams bla na med pa la phyag 'tshal lo/ / de bzhin gshegs pa bsod nams bla ma la phyag 'tshal lo// de bzhin gshegs pa rdzu 'phrul mnga' mdzad la phyag 'tshal lo// de bzhin gshegs pa gzugs kyi mtshan ma med la phyag 'tshal lo/ / de bzhin gshegs pa mtshan ma'i spros pa med la phyag 'tshal lo// de bzhin gshegs pa sgra'i mtshan ma med la phyag 'tshal lo// de bzhin gshegs pa dri'i mtshan ma med la phyag 'tshal lo/ / de bzhin gshegs pa ro'i mtshan ma med la phyag 'tshal lo// de bzhin gshegs pa reg bya'i mtshan ma med la phyag 'tshal lo// de bzhin gshegs pa ting nge 'dzin la mnyam par 'jug pa'i dbang po la phyag 'tshal lo/ / de bzhin gshegs pa ting nge 'dzin shes rab dbang po la phyag 'tshal lo// de bzhin gshegs pa rin chen
- 175a
mtshan nyid mnga' mdzad la phyag 'tshal lo/ / de bzhin gshegs pa thams cad sdud pa la phyag 'tshal lo// de bzhin gshegs pa dpal ldan kun tu 'od la phyag 'tshal lo/ / de bzhin gshegs pa gtsug tor can la phyag 'tshal lo// de bzhin gshegs pa thams cad skyo ba la phyag 'tshal lo// de bzhin gshegs pa log par dad sel la phyag 'tshal lo/ / de bzhin gshegs pa gser thub la phyag 'tshal lo// de bzhin gshegs pa 'od srungs la phyag 'tshal lo// de bzhin gshegs pa ri rab mnan la phyag 'tshal lo// de bzhin gshegs pa rol pa'i sgra brnyan la phyag 'tshal lo/ / de bzhin gshegs pa rab tu dga' ba la phyag 'tshal lo// de bzhin gshegs pa 'khrugs med pa la phyag 'tshal lo// de bzhin gshegs pa ri rab mtshan la phyag 'tshal lo/ / de bzhin gshegs pa seng ge'i sgra la phyag 'tshal lo// de bzhin gshegs pa seng ge'i mtshan la phyag 'tshal lo// de bzhin gshegs pa dbang phyug sprin la phyag 'tshal lo/ / de bzhin gshegs pa rtag tu zhi la phyag 'tshal lo// de bzhin gshegs pa gtso bo'i rgyal mtshan la phyag 'tshal lo// de bzhin gshegs pa snang ba mtha' yas la phyag 'tshal lo/ / de bzhin gshegs pa tshangs pa'i mtshan la phyag 'tshal lo// de bzhin gshegs pa sdug bsngal gyis gdungs pa'i 'jig rten thams cad sgrol la phyag 'tshal lo// de bzhin
- 175b
gshegs pa zangs mdog tsan dan dri la phyag 'tshal lo/ / de bzhin gshegs pa ri rab mtshan la phyag 'tshal lo// de bzhin gshegs pa dbang phyug sprin gyi rgyal po la phyag 'tshal lo// de bzhin gshegs pa 'jig rten thams cad kyi 'jigs pa spangs pa la phyag 'tshal lo// de bzhin gshegs pa shAkya thub pa 'bum phrag brgyad brgya la phyag 'tshal lo// da ltar bzhugs pa'i de bzhin gshegs pa gcig la phyag 'tshal lo/ / de bzhin gshegs pa bcu la phyag 'tshal lo// de bzhin gshegs pa brgya la phyag 'tshal lo// de bzhin gshegs pa stong la phyag 'tshal lo// de bzhin gshegs pa khri la phyag 'tshal lo// de rnams la phyag 'tshal na/ bskal pa dpag tu med pa'i dus nas 'khor ba nas 'khor ba'i tshe/ sdig lci ba byas pa'ang bsal bar 'gyur ro// de bzhin gshegs pa 'bum phrag gcig la phyag 'tshal lo// de bzhin gshegs pa 'bum phrag bcu la phyag 'tshal lo// de bzhin gshegs pa 'bum phrag brgya la phyag 'tshal lo// de bzhin gshegs pa 'bum phrag stong la phyag 'tshal lo// de bzhin gshegs pa 'bum phrag khril phyag 'tshal lo// bye ba khrag khrig gang+gA'i bye ma dang mnyam pa dpag tu med cing bgrang ba las 'das pa'i de bzhin gshegs pa rnams la phyag 'tshal lo/ / gal te gang zag la las da ltar bzhugs pa'i sangs rgyas dpag tu med cing bgrang ba las 'das pa'i mtshan thos na/ gang zag de
- 176a
bskal pa khrag khrig drug cu'i bar du sems can dmyal ba'i sdug bsngal du mi lhung ngo / / de bas na gus par phyag 'tshal lo// gang gis da ltar phyogs bcu yi// bcom ldan/ 'das la phyag 'tshal na// mi dge lam las rnam grol zhing // mtshams med lnga la sogs pa byang // rnam dag sa la rtag gnas shing // shAkya'i chos la bde bar gnas// ngan song gsum ni yongs su spangs/ / sangs rgyas byams pa mthong bar 'gyur// sangs rgyas stong yang mthong 'gyur te// de phyir da ltar gus phyag 'tshal// phyogs bcu'i sangs rgyas kun mthong ste// rtag tu rnam dag zhing du skye/ / dam pa'i chos kyang thos pa dang // de bzhin gshegs pa rtag par rtogs// phyogs bcu na sangs rgyas bcom ldan 'das da ltar bzhugs pa rnams kyi mtshan bstan pa'i tshe// gang+gA klung gnyis kyi bye ma snyed kyi byang chub sems dpa' rnams kyis gzungs kyi sgor 'jug pa thob bo// lha dang mi 'bum phrag bzhi bcu rtsa gnyis kun gyis bla na med pa'i byang chub kyi sems skyes so// / ma 'ongs pa'i dus kyi bskal pa bzang po'i de bzhin gshegs pa dpag tu med pa rnams la phyag 'tshal lo// de bzhin gshegs pa byams pa la phyag 'tshal lo// de bzhin gshegs pa dag pa'i sku/ la phyag 'tshal lo// de bzhin gshegs pa pad+ma'i 'od la phyag 'tshal lo// de bzhin gshegs pa pad+ma'i zhabs la phyag 'tshal lo// de bzhin gshegs pa 'od kun tu snang ba la phyag 'tshal lo//
- 176b
de bzhin gshegs pa mi dang mtshan ma la phyag 'tshal lo// de bzhin gshegs pa 'dzam gling gser 'od la phyag 'tshal lo// de bzhin gshegs pa chos snang ba la phyag 'tshal lo// de bzhi gshegs pa rin chen snang ba la phyag 'tshal lo/ / de bzhin gshegs pa kun du snang ba la phyag 'tshal lo// de bzhin gshegs pa kun nas mtshan ma la phyag 'tshal lo// de bzhin gshegs pa 'od snang mtshan la phyag 'tshal lo/ / de bzhin gshegs pa kun tu 'od la phyag 'tshal lo// de bzhin gshegs pa shes rab ri'i rgya mtsho la phyag 'tshal lo// de bzhin gshegs pa thogs med mnga' dbang rgyal po la phyag 'tshal lo/ / de bzhin gshegs pa rin po ches brgyan pa la phyag 'tshal lo// de bzhin gshegs pa skyes bu dam pa la phyag 'tshal lo// de bzhin gshegs pa 'dum phrag brgya mnga' mdzad pa'i rgyal thabs brnyes pa la phyag 'tshal lo/ / de bzhin gshegs pa rin chen mtshan la phyag 'tshal lo// de bzhin gshegs pa mthong na dga' la phyag 'tshal lo// de bzhin gshegs pa 'od mtshan khri phrag gnyis kyis brgyan pa'i rgyal po la phyag 'tshal lo// de bzhin gshegs pa khri phrag sum mtshan mthun kun tu yon tan la phyag 'tshal lo// de bzhin gshegs pa 'brug sgra rin chen rgyal po la phyag 'tshal lo/ / de bzhin gshegs pa bzhi khri brgyad sdong 'ong mi 'gyur ba la phyag 'tshal lo// de bzhin gshegs pa rin chen zla ba'i rgyal po la phyag 'tshal no//
- 177a
de bzhin gshegs pa mdog dam pa la phyag 'tshal lo// de bzhin gshegs pa dri med 'od la phyag 'tshal lo// de bzhin gshegs pa 'od snang dam pa'i mdog la phyag/ 'tshal lo// de bzhin gshegs pa bgegs kyi tshogs thams cad bcom pa la phyag 'tshal lo// de bzhin gshegs pa dri'i tshogs la phyag 'tshal lo// de bzhin gshegs pa sgra'i tshogs la phyag 'tshal lo/ / de bzhin gshegs pa stong phrag bcu'i 'od snang bas brgyan pa la phyag 'tshal lo// de bzhin gshegs pa 'bum phrag brgyad cus brgyan pa'i 'od snang ba la phyag 'tshal lo// de bzhin gshegs pa rin chen pad+mas brgyan pa la phyag 'tshal lo// de bzhin gshegs pa yon tan gtso bo'i rgyal po la phyag 'tshal lo// de bzhin gshegs pa gser mdog 'od snang la phyag 'tshal lo/ / de bzhin gshegs pa lung bstan pa lnga brgya pad+ma'i rgyal po la phyag 'tshal lo// de bzhin gshegs pa mthu bo che mi 'jigs pa la phyag 'tshal lo// de bzhin gshegs pa pad+ma bzang pos brgyan pa la phyag 'tshal lo/ / de bzhin gshegs pa rdo rje'i ting nge 'dzin mnga' dbang rgyal po la phyag 'tshal lo// da dung ma byon pa'i de bzhin gshegs pa gcig la phyag 'tshal lo/ de bzhin gshegs pa bcu la phyag 'tshal lo// de bzhin gshegs pa brgya la phyag 'tshal lo// de bzhin gshegs pa stong la phyag 'tshal lo// de bzhin gshegs pa khri la phyag 'tshal lo//
- 177b
de bzhin gshegs pa 'bum la phyag 'tshal lo// de rnams la phyag 'tshal na/ bskal pa dpag tu med pa tshun chad kyi 'chi 'pho'i sdig to lci ba kun bsal bar 'gyur ro// de bzhin gshegs pab 'bum phrag gcig la phyag 'tshal lo/ / de bzhin gshegs pa 'bum phrag bcu la phyag 'tshal lo// de bzhin gshegs pa 'bum phrag brgya la phyag 'tshal lo// de bzhin gshegs pa 'bum phrag stong la phyag 'tshal lo/ / de bzhin gshegs pa 'bum phrag khri la phyag 'tshal lo// de bzhin gshegs pa bye ba khrag khrig gang+gA'i bye ma dang mnyam pa dpag tu med cing bgrang ba las 'das pa rnams la phyag 'tshal lo/ / gang zag la la zhig gis da dung ma gshegs pa'i sangs rgyas dpag tu med cing bgrang ba las 'das pa'i mtshan 'di thos na/ mi de bskal pa khri drug cu'i bar du sems can dmyal ba'i sdug bsngal du mi ltung ngo / / de bas ni gus pas phyag 'tshal lo// phyi ma'i dus kyi sangs rgyas la// la las gus pas phyag 'tshal na// sgrib pa gsum dang mtshams med lnga/ / 'dod mangs dag ni ma gtogs par// kun kyang bsal cing 'byang bar 'gyur// sangs rgyas chos la'ang bde bar gnas// sangs rgyas tshad med kun kyang mthong // yang dag chos kyang rtag tu thos// de bas da ltar gus phyag 'tshal// la las phyogs bcu dus gsum gyi// bcom ldan 'das la phyag 'tshal na// 'das pa'i kha na ma tho bsal/
- 178a
ma 'ongs pa dang da ltar gyi// mi dge bcu yi las byas pa'ang // da ltar mngon du bsal cing 'byung // ma 'ongs pa na chos nyid mthong // de bas yang dag mos par bya/ / 'dri klog kha ton phyag 'tshal na// de dag tshe rab gar skyes kyang // mi dge log pa mthong mi 'gyur// rtag tu yang dag rnam grol thos// mtha' 'khob yul du yod mi ste/ rgyal po ngan pa yong ma mthong // bskal pa 'bum phrag bzhi khrir yang // dmyal ba'i sdug bsngal mi mthong ngo // de bas da ltar gus phyag 'tshal// mi dge bcu yi las byis bsal// gzungs su 'dzin pa chen po thob// da dung ma byon pa'i sangs rgyas bcom ldan 'das de dag gi mtshan de bsgrags pa na/ byang chub sems dpa' stong phrag lnga bcus phyir mi ldog pa'i sa la gnas/ dge slong ma bdun brgyas dgra bcom pa'i 'bras bu rnyed do// lha dang mi 'bum phrag drug cu rtsa gnyis kyis chos la chos kyi mig rnam par dag go// mdo sde gzungs su 'dzin pa chen po gsung rab yan lag bcu gnyis la/ mdo'i sde la phyag 'tshal lo// lung du bstan pa'i sde la phyag 'tshal lo// tshigs su bcad pa'i sde la phyag 'tshal lo// dbyangs kyis bsnyad pa'i sde la phyag 'tshal lo/ / ched du brjod pa'i sde la phyag 'tshal lo// gleng gzhi'i sde la phyag 'tshal lo// rtogs pa brjod pa'i sde la phyag 'tshal lo// da ltar dang 'das pa'i sde la phyag 'tshal
- 178b
lo/ / skyes pa'i rabs kyi sde la phyag 'tshal lo// shin tu rgyas pa'i sde la phyag 'tshal lo// chos rmad du byung ba'i sde la phyag 'tshal lo// gtan la phab par bstan pa'i sde la phyag 'tshal lo/ / mdzod chen po bzhugs so 'tshal la phyag 'tshal lo// pha rol tu phyin pa rnams la phyag 'tshal lo// mi gang la las mdo sde bcu gnyis kyi mtshan dang / pha rol tu phyinang rnams thos nas klog pa dang / kha ton du 'don cing phyag 'tshal ba dang / dad cing mos pa dang / len cing 'dzin par byed na/ mi de bskal pa khri phrag nyi shu'i bar du sems can dmyal ba'i sdug bsngal du mi lhung la/ tshe snga ma dran pa shes pa'i shes rab dang ldan par 'gyur ro// de bas na gus par phyag 'tshal lo// mdo sde bcu gnyis kyi mtshan de bsgrags pa'i tshe/ byang chub sems dpa' brgyad khri lnga stong gis rdo rje lta bu'i ting nge 'dzin thob bo/ / nyan thos 'bum phrag brgyad cus thog pa chen po'i sems skyes so// dge slong pha dang / dge slong ma stong phrag bcus dgra bcom pa'i 'bras bu thob bo/ / tshad med pa'i lha dang mis chos la chos kyi mig rnam par dag go// phyogs bcu'i byang chub sems dpa' sems dpa' chen po rnams la phyag 'tshal lo/ / byang chub sems dpa' 'jam dpal gzhon nur gyur pa la phyag 'tshal lo// byang chub sems dpa' spyan ras gzigs dbang phyug la phyag 'tshal lo// byang chub sems
- 179a
dpa' mthu chen thob la phyag 'tshal lo/ / byang chub sems dpa' rtag tu brtson la phyag 'tshal lo// byang chub sems dpa' rgyun mi gtong la phyag 'tshal lo// byang chub sems dpa' phyag na rin chen la phyag 'tshal lo/ / byang chub sems dpa' sman gyi rgyal po la phyag 'tshal lo// byang chub sems dpa' mthu chen 'phags la phyag 'tshal lo// byang chub sems dpa' rin chen zla ba la phyag 'tshal lo/ / byang chub sems dpa' zla 'od la phyag 'tshal lo// byang chub sems dpa' zla rgyas la phyag 'tshal lo// byang chub sems dpa' sred med kyi bu la phyag 'tshal lo/ / byang chub sems dpa' stobs dpag med la phyag 'tshal lo// byang chub sems dpa' khams gsum 'das la phyag 'tshal lo// byang chub sems dpa' bzang skyong la phyag 'tshal lo// byang chub sems dpa' byams pa la phyag 'tshal lo// byang chub sems dpa' dkon mchog brtsegs la phyag 'tshal lo// byang chub sems dpa' lam ston la phyag 'tshal lo// byang chub sems dpa' yon tan snying po la phyag 'tshal lo/ / byang chub sems dpa' bshad par mos la phyag 'tshal lo// byang chub sems dpa' klu'i sdong po la phyag 'tshal lo// / bam po gnyis pa/ byang chub sems dpa' rin chen tsan dan pad+ma la phyag 'tshal lo// byang chub sems dpa' bla ma'i zla med spyod pa la phyag 'tshal lo// byang chub
- 179b
sems dpa' mu med spyod la phyag 'tshal lo/ / byang chub sems dpa' rnam par spyod la phyag 'tshal lo// byang chub sems dpa' mdzad pa rnam par dag la phyag 'tshal lo// byang chub sems dpa' gzungs la phyag 'tshal lo/ / byang chub sems dpa' rdo rje stobs po che la phyag 'tshal lo// byang chub sems dpa' rnam par mi smod pa la phyag 'tshal lo// byang chub sems dpa' rtag par mi smod pa la phyag 'tshal lo/ / byang chub sems dpa' sngon gyi rgyal po ye shes pad+ma la phyag 'tshal lo// byang chub sems dpa' mthong na dga' la phyag 'tshal lo// byung sems dpa' dbyangs dam pa la phyag 'tshal lo/ / byang chub sems dpa' brtson 'grus yon tan stobs la phyag 'tshal lo// byang chub sems dpa' blo gros mi zad pa la phyag 'tshal lo// byang chub sems dpa' rnam par dag pa'i snying po la phyag 'tshal lo// byang chub sems dpa' dang ba'i spyan la phyag 'tshal lo// byang chub sems dpa' kun tu bzang po la phyag 'tshal lo// byang chub sems dpa' dam pa'i yon tan la phyag 'tshal lo// byang chub sems dpa' byams pa la phyag 'tshal lo// byang chub sems dpa' bsam pa rnam par dag pa la phyag 'tshal lo// / byang chub sems dpa' stong pa med la phyag 'tshal lo// byang chub sems dpa' rdzu 'phrul pad+ma la phyag 'tshal lo// byang chub sems dpa' 'od rlabs po che la phyag 'tshal lo// byang chub
- 180a
sems dpa' shes rab bla ma la phyag 'tshal lo/ / byang chub sems dpa' ye shes rgyal mtshan la phyag 'tshal lo// byang chub sems dpa' dbang po zhi la phyag 'tshal lo// byang chub sems dpa' shes rab smon lam la phyag 'tshal lo// byang chub sems dpa' spos kyi mtshan la phyag 'tshal lo// byang chub sems dpa' dkon mchog rlabs po che la phyag 'tshal lo// byang chub sems dpa' dbu mar gnas la phyag 'tshal lo// byang chub sems dpa' spyod pa bkag la phyag 'tshal lo// byang chub sems dpa' rnam par grol la phyag 'tshal lo// byang chub sems dpa' chos kyi sde snod la phyag 'tshal lo/ / byang chub sems dpa' mnyam par gzigs la phyag 'tshal lo// byang chub sems dpa' mi mnyam gzigs la phyag 'tshal lo// byang chub sems dpa' mnyam mi mnyam gzigs la phyag 'tshal lo/ / byang chub sems dpa' ting nge 'dzin dbang phyug rgyal po la phyag 'tshal / byang chub sems dpa' chos kyi dbang phyug rgyal po la phyag 'tshal lo/ / byang chub sems dpa' chos kyi rgyal mtshan rgyal po la phyag 'tshal lo// byang chub sems dpa' 'od kyi rgyal mtshan la phyag 'tshal lo// byang chub sems dpe' 'od kyis brgyan pa la phyag 'tshal lo/ / byang chub sems dpa' bkod pa chen po la phyag 'tshal lo// byang chub sems dpa' dkon mchog brtsegs pa la phyag 'tshal lo// byang chub sems
- 180b
/ dpa' spobs pa brtsegs pa la phyag 'tshal lo// byang chub sems dpa' rin po che'i phyag rgya la phyag 'tshal lo// byang chub sems dpa' rin po che'i phyag rgya'i phyag la phyag 'tshal lo// byang chub sems dpa' rtag par phyag bteg la phyag 'tshal lo/ / byang chub sems dpa' rtag par phyag phab la phyag 'tshal lo// byang chub sems dpa' rtag tu brtson pa can la phyag 'tshal lo/ / byang chub sems dpa' dga' ba'i dbang po la phyag 'tshal lo// byang chub sems dpa' spobs pa'i rgyal po la phyag 'tshal lo// byang chub sems dpa' spobs pa'i dbyangs la phyag 'tshal lo/ / byang chub sems dpa' nam mkha'i snying po la phyag 'tshal lo// byang chub sems dpa' rin po che'i sgron ma 'dzin la phyag 'tshal lo// byang chub sems dpa' rin chen pad+ma la phyag 'tshal lo/ / byang chub sems dpa' rin chen mthong lo phyag 'tshal lo// byang chub sems dpa' bden pa'i dra ba la phyag 'tshal lo// byang chub sems dpa' snang ba'i dra ba la phyag 'tshal lo/ / byang chub sems dpa' mi dmigs gzigs la phyag 'tshal lo// byang chub sems dpa' shes rab brtsegs la phyag 'tshal lo// byang chub sems dpa' rin chen rgyal ba la phyag 'tshal lo/ / byang chub sems dpa' lnga'i rgyal po la phyag 'tshal lo// byang chub sems dpa' bdud bcom la phyag 'tshal lo// byang chub sems dpa' klog gi yon tan
- 181a
@la phyag 'tshal lo/ / byang chub sems dpa' dbang phyug rgyal po la phyag 'tshal lo// byang chub sems dpa' bsod nams kyi mtshan gyis brgyan pa la phyag 'tshal lo// byang chub sems dpa' seng ge'i sgra la phyag 'tshal lo// byang chub sems dpa' 'brug sgra la phyag 'tshal lo// byang chub sems dpa' ri btang bzung bskyod pa'i sgra la phyag 'tshal lo// byang chub sems dpa' spos kyi glang po la phyag 'tshal lo// byang chub sems dpa' spos kyi glang po dkar po la phyag 'tshal lo// byang chub sems dpa' dam pa skyes la phyag 'tshal lo// byang chub sems dpa' pad+ma'i rgyan la phyag 'tshal lo/ / byang chub sems dpa' tshangs pa'i dra ba la phyag 'tshal lo// byang chub sems dpa' rin po che'i phyag dkar la phyag 'tshal lo// byang chub sems dpa' dmigs pa med pa la phyag 'tshal lo/ / byang chub sems dpa' zhing gi bkod pa la phyag 'tshal lo// byang chub sems dpa' gser gyi gtsug tor la phyag 'tshal lo// byang chub sems dpa' nor bu'i gtsug t+tar la phyag 'tshal lo// byang chub sems dpa' 'od rgyan gzhon nul phyag 'tshal lo// byang chub sems dpa' 'jig rten gzungs la phyag 'tshal / / byang chub sems dpa' dge ba'i yon tan la phyag 'tshal lo// byang chub sems dpa' dkar rgyal la phyag 'tshal lo// byang chub sems dpa' sdang ba shar la phyag 'tshal lo
- 181b
byang chub sems dpa' pad+ma'i 'od la phyag 'tshal lo/ / byang chub sems dpa' rin chen tsan dan pad+ma la phyag 'tshal lo// byang chub sems dpa' ded dpon la phyag 'tshal lo// byang chub sems dpa' chos gtsang dang ba la phyag 'tshal lo/ / byang chub sems dpa' chos kyi dbang phyug la phyag 'tshal lo// byang chub sems dpa' yon tan gtso bo la phyag 'tshal lo// byang chub sems dpa' spyan mi 'dzums pa la phyag 'tshal lo// byang chub sems dpa' gtsug gi yon tan la phyag 'tshal lo// byang chub sems dpa' yongs su dge la phyag 'tshal lo// byang chub sems dpa' dge ba'i spyan la phyag 'tshal lo// byang chub sems dpa' dam pa'i phyag la phyag 'tshal lo// byang chub sems dpa' dge bar spyod la phyag 'tshal lo// byang chub sems dpa' skyes bu dam pa la phyag 'tshal lo/ / byang chub sems dpa' seng ge la phyag 'tshal lo// byang chub sems dpa' seng ge sgra la phyag 'tshal lo// byang chub sems dpa' mkhyen pa rnam par dag la phyag 'tshal lo/ / byang chub sems dpa' mthu bo che la phyag 'tshal lo// byang chub sems dpa' yid dge ba la phyag 'tshal lo// byang chub sems dpa' mngon sum gzigs la phyag 'tshal lo/ / byang chub sems dpa' kun du srung la phyag 'tshal lo// byang chub sems dpa' glog gi 'od la phyag 'tshal lo// byang chub sems dpa' mthong na dga' la phyag 'tshal lo//
- 182a
byang chub sems dpa' snang ba'i mtshan la phyag 'tshal lo// byang chub sems dpa' yid dam pa la phyag 'tshal lo// byang chub sems dpa' blo gros mi zad pa la phyag 'tshal lo/ / byang chub sems dpa' shes rab zab mo la phyag 'tshal lo// byang chub sems dpa' mtshan ma zhi la phyag 'tshal lo// byang chub sems dpa' thogs med la phyag 'tshal lo// byang rluchub sems dpa' dge ba'i blo la phyag 'tshal lo/ / byang chub sems dpa' dpal gyi zhing la phyag 'tshal lo// byang chub sems dpa' pad+ma'i spyan la phyag 'tshal lo// byang chub sems dpa' pad+ma'i rgyan la phyag 'tshal lo/ / byang chub sems dpa' yon tan snying po la phyag 'tshal lo// byang chub sems dpa' zla ba'i bla ma la phyag 'tshal lo// byang chub sems dpa' rin chen phyag rgya'i phyag la phyag 'tshal lo/ / byang chub sems dpa' gtsug na nor bu'i rgyal po la phyag 'tshal lo// byang chub sems dpa' bden mos la phyag 'tshal lo// byang chub sems dpa' shes rab gzigs la phyag 'tshal lo/ / byang chub sems dpa' mar me'i rgyal po la phyag 'tshal lo// byang chub sems dpa' zab mo'i rgyal po la phyag 'tshal lo// byang chub sems dpa' pad+mo'i rgyal po la phyag 'tshal lo/ / byang chub sems dpa' mdog dam pa la phyag 'tshal lo// byang chub sems dpa' legs par 'dri la phyag 'tshal lo// byang chub sems dpa' legs par len
- 182b
ljon la phyag 'tshal lo/ / byang chub sems dpa' mtshan nyid mngon du chud la phyag 'tshal lo// byang chub sems dpa' nges pa'i mtshan nyid la phyag 'tshal lo// byang chub sems dpa' brtsegs par nges la phyag 'tshal lo/ / byang chub sems dpa' dga' bskyed la phyag 'tshal lo// byang chub sems dpa' bde gnas la phyag 'tshal lo// byang chub sems dpa' bdud skrag la phyag 'tshal lo/ / byang chub sems dpa' shes rab sbyin la phyag 'tshal lo// byang chub sems dpa' skyabs sgrol mdzad la phyag 'tshal lo// byang chub sems dpa' shes rab mar me la phyag 'tshal lo/ / byang chub sems dpa' bar sbyin la phyag 'tshal lo// byang chub sems dpa' ye shes ston pa la phyag 'tshal lo// byang chub sems dpa' shes rab smon lam la phyag 'tshal lo/ / byang chub sems dpa' bzhi sdud la phyag 'tshal lo// byang chub sems dpa' ston pa'i gsung la phyag 'tshal lo// byang chub sems dpa' rgya mtsho dam pa la phyag 'tshal lo/ byang chub sems dpa' chos dga' la phyag 'tshal lo// byang chub sems dpa' chos lam khyad par la phyag 'tshal lo// byang chub sems dpa' byang chub phyogs la phyag 'tshal lo// byang chub sems dpa' gzungs la phyag 'tshal lo/ / byang chub sems dpa' byams pa'i rgyal po la phyag 'tshal lo// byang chub sems dpa' dbang phyug chen po la phyag 'tshal lo// byang chub sems
- 183a
dpa' tshangs pa'i dbyangs la phyag 'tshal lo/ / byang chub sems dpa' gzugs dam pa la phyag 'tshal lo// byang chub sems dpa' tsan dan tshal la phyag 'tshal lo// byang chub sems dpa' seng ge'i sgra la phyag 'tshal lo// byang chub sems dpa' dam pa'i gsung la phyag 'tshal lo// byang chub sems dpa' mdog dam pa'i dbyibs la phyag 'tshal lo// byang chub sems dpa' sna tshogs brgyan la phyag 'tshal lo/ / byang chub sems dpa' shAkya'i rgyal mtshan la phyag 'tshal lo// byang chub sems dpa' gtsug nas byung la phyag 'tshal lo// byang chub sems dpa' snang ba'i rgyal po la phyag 'tshal lo/ / byang chub sems dpa' 'od chen po la phyag 'tshal lo// byang chub sems dpa' zhi ba la phyag 'tshal lo// byang chub sems dpa' gsung brtsegs la phyag 'tshal lo/ / byang chub sems dpa' pad+ma 'chor la phyag 'tshal lo// byang chub sems dpa' gtso bo'i bla ma la phyag 'tshal lo// byang chub sems dpa' gzugs kyi sku kun tu bstan pa la phyag 'tshal lo/ / byang chub sems dpa' rdzu 'phrul phyed la phyag 'tshal lo// byang chub sem dpa' yon tan rgya mtsho la phyag 'tshal lo// byang chub sems dpa' sku mtha' yas pa la phyag 'tshal lo/ / byang chub sems dpa' sman pa'i rgyal po la phyag 'tshal lo// byang chub sems dpa' 'od srungs la phyag 'tshal lo// byang chub sems dpa' dri med snying po'i rgyal po la phyag 'tshal
- 183b
lo/ byang chub sems dpa' thams cad gzungs la phyag 'tshal lo// byang chub sems dpa' mtho btsun dpal gyi rgyal po la phyag 'tshal lo// byang chub sems dpa' bai DUR+Ya'i 'od la phyag 'tshal lo/ / byang chub sems dpa' 'jigs mi mnga' la phyag 'tshal lo// byang chub sems dpa' 'jigs pa'i rgyal po la phyag 'tshal lo// byang chub sems dpa' seng ge'i sgra dbyangs la phyag 'tshal lo/ / byang chub sems dpa' mos pa'i rgyal mtshan la phyag 'tshal lo// byang chub sems dpa' sa chen 'dzin la phyag 'tshal lo// byang chub sems dpa' bkod/ pa'i 'od la phyag 'tshal lo// byang chub sems dpa' 'od snang la phyag 'tshal lo// byang chub sems dpa' rtogs pa chen po la phyag 'tshal lo// byang chub sems dpa' shes rab ri la phyag 'tshal lo/ / byang chub sems dpa' byams pa'i stobs la phyag 'tshal lo// byang chub sems dpa' thugs rje chen po la phyag 'tshal lo// byang chub sems dpa' rten pa'i rgyal po la phyag 'tshal lo/ / byang chub sems dpa' rten pa'i stobs la phyag 'tshal lo// byang chub sems dpa' yon tan rten la phyag 'tshal lo// byang chub sems dpa' kun nas skyong la phyag 'tshal lo// byang chub sems dpa' kun nas sdud la phyag 'tshal lo// byang chub sems dpa' ting nge 'dzin gyi 'od la phyag 'tshal lo// byang chub sems dpa' kun tu snang la phyog 'tshal lo// byang chub
- 184a
sems dpa' kun tu 'od la phyag 'tshal lo/ / byang chub sems dpa' yang dag 'od la phyag 'tshal lo// byang chub sems dpa' log par dad sel la phyag 'tshal lo// byang chub sems dpa' lha'i 'od la phyag 'tshalo// byang chub sems dpa' rin chen rgyal po la phyag 'tshal lo// byang chub sems dpa' 'od 'phro la phyag 'tshal lo// byang chub sems dpa' 'od 'phro rgyal po la phyag 'tshal lo/ / byang chub sems dpa' lam ston la phyag 'tshal lo// byang chub sems dpa' bzod pa chen po la phyag 'tshal lo// byang chub sems dpa' pad+ma'i rgyal po la phyag 'tshal lo/ / byang chub sems dpa' pad+ma brtsegs la phyag 'tshal lo// byang chub sems dpa' shes rab 'od la phyag 'tshal lo// byang chub sems dpa' shes rab rgya mtsho la phyag 'tshal lo/ / byang chub sems dpa' blo brtan la phyag 'tshal lo// byang chub sems dpa' shag gis phyag byas pa la phyag 'tshal lo// byang chub sems dpa' gser 'od la phyag 'tshal lo byang chub sems dpa' gser gyi snying po la phyag 'tshal lo/ / byang chub sems dpa' thugs rje rgyun mi 'chad pa la phyag 'tshal lo// byang chub sems dpa' bla med chos la phyag 'tshal lo// byang chub sems dpa' chos kyi dbyig la phyag 'tshal lo/ / byang chub sems dpa' ri'i 'od la phyag 'tshal lo// byang chub sems dpa' shes rab ri la phyag 'tshal lo// byang chub sems dpa' snang ba chen po
- 184b
la phyag 'tshal lo/ / byang chub sems dpa' kun gyi gzungs la phyag 'tshal lo// byang chub sems dpa' ri'i zom la phyag 'tshal lo// byang chub sems dpa' rgyal thabs can la phyag 'tshal lo// byang chub sems dpa' re rab brtsegs la phyag 'tshal lo// byang chub sems dpa' rgyal mtshan ri la phyag 'tshal lo// byang chub sems dpa' ri'i rgyal po la phyag 'tshal lo// byang chub sems dpa' bdud 'dul la phyag 'tshal lo/ / byang chub sems dpa' 'brug sgra la phyag 'tshal lo// byang chub sems dpa' char pa'i rgyal po la phyag 'tshal lo// byang chub sems dpa' 'brug sgra'i rgyal po la phyag 'tshal lo/ / byang chub sems dpa' rin po che'i 'khor lo la phyag 'tshal lo// byang chub sems dpa' rin chen mchog la phyag 'tshal lo// byang chub sems dpa' rin chen mgon la phyag 'tshal lo/ / byang chub sems dpa' rin chen snying po la phyag 'tshal lo// byang chub sems dpa'i rin chen snang ba la phyag 'tshal lo// byang chub sems dpa' rin chen ting nge 'dzin la phyag 'tshal lo// byang chub sems dpa' rin chen phyag rgya la phyag 'tshal lo// byang chub sems dpa' rin chen dkyil 'khor la phyag 'tshal lo// byang chub sems dpa' rin chen bkod pa la phyag 'tshal lo// byang chub sems dpa' rin chen chu la phyag 'tshal lo/ / byang chub sems dpa' rin chen 'od la phyag 'tshal lo// byang chub sems dpa' rin chen gnon la phyag 'tshal lo// byang chub sems dpa' rin chen
- 185a
bstan la phyag 'tshal lo/ / byang chub sems dpa' rin chen mdzad la phyag 'tshal lo// byang chub sems dpa' chos mos la phyag 'tshal lo// byang chub sems dpa' gtsad ma'i rgyal po la phyag 'tshal lo/ / byang chub sems dpa' gtsug gi rgyal mtshan la phyag 'tshal lo// byang chub sems dpa' gser gyi 'od la phyag 'tshal lo// byang chub sems dpa' blo dbyibs la/ phyag 'tshal lo// byang chub sems dpa' rin chen gtsug tor la phyag 'tshal lo// byang chub sems dpa' rin chen bstan la phyag 'tshal lo// byang chub sems dpa' 'od stong dmigs la phyag 'tshal lo/ / byang chub sems dpa' zla ba rtogs la phyag 'tshal lo// byang chub sems dpa' zla 'od la phyag 'tshal lo// byang chub sems dpa' chos kyi 'khor lo la phyag 'tshal lo// byang chub sems dpa' ngos gzar la phyag 'tshal lo/ / byang chub sems dpa' blo rtogs la phyag 'tshal lo// byang chub sems dpa' rnam dag 'od la phyag 'tshal lo// byang chub sems dpa' rtag tu sprin la phyag 'tshal lo/ / byang chub sems dpa' kun tu yon tan la phyag 'tshal lo// byang chub sems dpa' kun tu snang ba la phyag 'tshal lo// byang chub sems dpa' rgyal ba'i rgyal mtshan la phyag 'tshal lo/ / byang chub sems dpa' 'jam pa'i dbyangs la phyag 'tshal lo// byang chub sems dpa' yon tan 'bar la phyag 'tshal lo// byang chub sems dpa' mtshan gyi 'od la phyag 'tshal lo//
- 185b
byang chub sems dpa' rgya mtsho'i zla ba la phyag 'tshal lo// byang chub sems dpa' rgya mtsho'i snying po la phyag 'tshal lo// byang chub sems dpa' rgyal ba'i zla ba la phyag 'tshal lo// byang chub sems dpa' dang ba'i shes rab la phyag 'tshal lo/ / byang chub sems dpa' 'od 'das la phyag 'tshal lo// byang chub sems dpa' zla ba'i yon tan la phyag 'tshal lo// byang chub sems dpa' nyi ma'i 'od la phyag 'tshal lo/ / byang chub sems dpa' rdo rje la phyag 'tshal lo// byang chub sems dpa' 'bar ba'i rgyal mtshan la phyag 'tshal lo// byang chub sems dpa' yon tan bla ma la phyag 'tshal lo// byang chub sems dpa' snang ba'i snying po la phyag 'tshal lo// byang chub sems dpa' rgya mtsho'i rgyal ba la phyag 'tshal lo// byang chub sems dpa' spyod yul dmigs la phyag 'tshal lo// byang chub sems dpa' shes rab snang la phyag 'tshal lo/ / byang chub sems dpa' bsod nams snang la phyag 'tshal lo// byang chub sems dpa' mngon du rtog sa la phyag 'tshal lo// byang chub sems dpa' gsang ba ston la phyag 'tshal lo/ / byang chub sems dpa' rab tu sbyin la phyag 'tshal lo// byang chub sems dpa' gzugs kyi stobs la phyag 'tshal lo// byang chub sems dpa' kha lo sgyur la phyag 'tshal lo/ / byang chub sems dpa' gsang ba'i sku la phyag 'tshal lo// byang chub sems dpa' gcig la phyag 'tshal lo// byang chub sems dpa' bcu la phyag 'tshal lo//
- 186a
byang chub sems dpa' brgya la phyag 'tshal lo// byang chub sems dpa' stong la phyag 'tshal lo// byang chub sems dpa' khri la phyag 'tshal lo// byang chub sems dpa'/ khri phrag gcig la phyag 'tshal lo// byang chub sems dpa' khri phrag sum cu la phyag 'tshal lo// byang chub sems dpa' khri phrag brgya la phyag 'tshal lo// byang chub sems dpa' khri phrag nyis brgya la phyag 'tshal lo/ / byang chub sems dpa' khri phrag sum brgya la phyag 'tshal lo// byang chub sems dpa' khri phrag bzhi brgya la phyag 'tshal lo// byang chub sems dpa' khri phrag lnga brgya la phyag 'tshal lo/ / byang chub sems dpa' khri phrag drug brgya la phyag 'tshal lo// byang chub sems dpa' khri phrag bdun brgya la phyag 'tshal lo// byang chub sems dpa' khri phrag brgya brgya la phyag 'tshal lo/ / byang chub sems dpa' khri phrag dgu brgya la phyag 'tshal lo// byang chub sems dpa' khri phrag stong gi byang chub sems dpa' sems dpa' chen po rnams la phyag 'tshal lo/ / de rnams la phyag 'tshal na/ bskal pa dpag tu med pa tshun chad kyi 'khor ba'i sdig lci ba'ang bsal bar 'gyur ro// byang chub sems dpa' sems dpa' chen po 'bum phrag gcig la phyag 'tshal lo/ / byang chub sems dpa' 'bum phrag bcu la phyag 'tshal lo// byang chub sems dpa' 'bum phrag brgya la phyag 'tshal lo// byang chub sems dpa' 'bum phrag stong la
- 186b
phyag 'tshal lo/ / byang chub sems dpa' 'bum phrag khri la phyag 'tshal lo// byang chub sems dpa' 'bum phrag khrag khrig khri'i byang chub sems dpa' sems dpa' chen po rnams la phyag 'tshal lo/ / de rnams la phyag 'tshal na bskal pa dpag tu med pa tshun chad kyi 'khor ba'i sdig lci ba'ang 'byang bar 'gyur ro// byang chub sems dpa' sems dpa' chen po khrag khrig phrag gcig la phyag 'tshal lo/ / byang chub sems dpa' khrag khrig phrag bcu la phyag 'tshal lo// byang chub sems dpa' khrag khrig phrag brgya la phyag 'tshal lo// byang chub sems dpa' khrag khrig phrag stong la phyag 'tshal lo/ / byang chub sems dpa' khrag khrig phrag khri la phyag 'tshal lo// byang chub sems dpa' khrag khrig phrag 'bum la phyag 'tshal lo// de rnams la phyag 'tshal na/ bskal pa dpag tu med pa tshun chad kyi 'khor ba'i sdig lci ba'ang bsal bar 'gyur ro/ / byang chub sems dpa' sems dpa' chen po gang+gA gcig gi bye ma snyed la phyag 'tshal lo// byang chub sems dpa' gang+gA gnyis kyi bye ma snyed la phyag 'tshal lo/ / byang chub sems dpa' gang+gA gsum gyi bye ma snyed la phyag 'tshal lo// byang chub sems dpa' gang+gA bzhi'i bye ma snyed la phyag 'tshal lo// byang chub sems dpa' gad+ma lnga'i bye ma snyed la phyag 'tshal lo/ / byang chub sems dpa' gang+gA drug gi bye ma snyed la phyag 'tshal lo// byang chub sems dpa' gang+gA bdun gyi bye ma snyed la phyag 'tshal lo//
- 187a
byang chub sems dpa' gang+gA brgyad kyi bye ma snyed la phyag 'tshal lo// byang chub sems dpa' gang+gA dgra'i bye ma snyed la phyag 'tshal lo// byang chub sems dpa' gang+gA bcu'i bye/ ma snyed la phyag 'tshal lo// byang chub sems dpa' gang+gA brgya'i bye ma snyed la phyag 'tshal lo// byang chub sems dpa' gang+gA stong gi bye ma snyed la phyag 'tshal lo// byang chub sems dpa' gang+gA khri'i bye ma snyed la phyag 'tshal lo/ / byang chub sems dpa' gang+gA 'bum phrag brjod kyis mi lang ba'i byang chub sems dpa' sems dpa' chen po rnams la phyag 'tshal lo// de rnams la phyag 'tshal na/ bskal pa grangs med pa tshun chad kyi 'khor ba'i sdig lci ba'ang dag par 'gyur ro// gang zag la las 'phags pa byang chub sems dpa' sems dpa' chen po de rnams kyi mtshan thos na/ mi de bskal pa 'bum phrag bzhi bcu'i bar du dmyal ba'i sdug bsngal du mi ltung zhing / khams gsum gyi 'khor bar mi gtogs te/ rtag tu rnam par thar pa'i rgyal ba'i khams su gtogs par 'gyur ro/ / mtha' 'khob yul du yong mi skye// dge med yul du'ang de bzhin te// lus ngan len par mi 'gyur zhing // ldog par lta bar mi skye'o// ma rabs rigs su de mi skye// mu stegs can du'ang mi skye ste// lus kyi yan log kun dang ldan// dam pa'i chos ni rtag tu thos// dka' thub sdom pa ma blangs kyang // 'di dag kun dang ldan 'gyur te// theg po
- 187b
chen po'i spyod lam mdzes/ / rtag par sangs rgyas bdag nyid mthong // de phyir gus par phyag 'tshal te// bcom ldan chos la bde bar gnas// ma 'ongs dus na sangs rgyas 'grub byang chub sems dpa' sems dpa' chen po de rnams kyi mtshan bsgrags pa na/ rigs kyi bu bo dang / rigs kyi bu mo 'bum phrag brgyad cu rtsa brgyad kyis lan cig phyir 'ong ba'i 'bru bu thob bo// lha dang mi 'bum phrag bzhi bcu rtsa dgus phyir mi 'ong ba'i 'bras bu thob bo// sems stor ba'i dge slong 'bum phrag bdun cu rtsa brgyad kyis sems kyi bdag nyid slar rnyed de// dgra bcom pa'i 'bras bu thob bo/ / byang chub sems dpa' sems dpa' chen po 'bum phrag bcus gzungs chen po rnyed nas/ ma 'ongs pa'i dus na byang chub kyi snying por mngon par rdzogs par 'tshang rgya'o// de nas bcom ldan 'das la/ byang chub sems dpa' sems dpa' chen po seng ge smras 'di skad ces gsol to// bcom ldan 'das bcom ldan 'das kyis bka' stsal pa ltar na/ theg pa'ang gcig tu bas te/ gnyis dang gsum du ma mchis so// rtogs pa chen pos yongs su rgyas pa'i 'gyod tshangs kyi mdo 'di ni sangs rgyas bcom ldan 'das kyi yum/ byang chub sems dpa' sems dpa' chen po rnams kyi lam chen po/ rnal 'byor pa thams cad kyi mig/ log par lta ba thams cad kyi sdud pa/ sems nyams pa rnams kyi skyong ba/ ngan 'gro gsum gyi sgon
- 188a
gcod pa/ bla na med pa'i byang chub kyi sgo ni 'byed pa/ nyan thos rnams ni rims kyis theg pa chen po la gzhol bar 'gyur lags te/ da bdag cag gis kyang gzungs sngags chen po 'di gzung zhing bskyab par bgyi'o/ / gang zag gang la las tshul khrims kyi sdom pa dang / mdo sde 'di la sgom zhing klog par byed na/ de la yang de bzhin du bsrung zhing bskyab par bgyi'o/ / yang gang la la zhig mdo sde 'di la mchod cing rim gror byed pa dang / zhag bdun gyi bar du spyod cing sgom par byed pa la/ bdud sdig to can dkrus pa'i skabs tshol ba zhig mchis na yang / bdud des kyang dkrug pa'i skabs mi rnyed par bgyi'o// bcom ldan 'das bdag cag gis mdo sde 'di yun ring du gnas pa dang byang chub kyi ngo bo nyid mthar thug pa'i bar du'ang bskyang bar bgyi'o/ / de nas bcom ldan 'das kyis bka' stsal pa/ rigs kyi bu mdo sde 'di srung ba ni/ dkon mchog gsum srung ba yin no// yang nga'i bstan pa'ang bsrung ba yin no// / de nas yang byang chub sems dpa' seng ge sgras/ bcom ldan 'das kyi spyan sngar gzungs sngags smras pa/ na mo bud+d+hA ya/ na mo d+harma ya/ na mo sang g+hA ya/ a dan te/ da ra ni/ tad+ya thA/ A kA sha ni sa sA b+ha bA/ sarba rma nis sA b+ha bA/ i sha ma ta pi ba pa shA nA/ bI ma le su ba re/ d+harma a ti ka na pA la nIs sh+tsa/ ya thA ma le/ tsa le tsa le/ hu lu hu lu/ bi shad de/ bi shad de/
- 188b
man tA mAn trA man trA sa swA hA/ gzungs sngags 'di dus gcig la lan brgya rtsa brgyad bzlas shing / mchod rten la lan bdun bdun bskor ba dang / de bzhin du zhag bdun gyi bar du mdo sde gzhan mi bsam par rtogs pa chen pos yongs su rgyas pa'i 'gyod tshangs kyi mdo sde 'di la sems rtse gcig tu bya'i/ gzhan du mi g.yeng bar bya'o// gzungs sngags 'di sangs rgyas 'bum phrag brgyad brgyas gsungs te/ bdag gis kyang bshad do// gal te gang zag la las gzungs sngags 'di la skur cing smad pa bgyid na/ sangs rgyas de rnyed la skur ba lags so// / gzungs sngags 'di la skur ba'i gang zag ni tshe rabs su'ang bsgrub pa'i 'bras bu mi 'grub par 'gyur te/ khams gsum las kyang mi 'da' 'o// de ci'i slad du zhe na/ gzungs sngags 'di ni sems stor ba las/ slar rnyed par 'gyur ba dang / gzungs sngags 'di lan cig tsam thos pa'am/ thos nas yi ger bris shing / sha dang chang bcad de za gcig par bgyid cing khrims srung ba dang / bag ma mchis pa'i rtsed mos g.yeng ba mi bgyid pa dang / 'du 'dzi'i nang du mi 'jug pa dang / rtag tu byams pa la sgom zhing / bsam gtan la dam par lta ba'i gang zag de ni/ bskal pa dpag tu ma mchis pa nas sogs sogs pa'i sgrib pa gsum dang / sdig lci ba la sogs pa'ang gzungs sngags 'di thos te/ sems thag pa nas zlos shing 'dzin pa dang
- 189a
nyin gcig bzhin du klog cing kha ton bgyid pa dang / yi dam du mi brjed par bgyid na/ gang zag de mngon par byang chub pa'i bar du ngan song du mi lhung ngo // de nas yang bcom ldan 'das kyis/ byang chub sems dpa' seng ge'i sgra la bka' stsal pa/ khyod dkon mchog gsum skyong ba dang / skye bo mang po la'ang sems shing / srid pa gsum las bsgral zhing gdon pa dang / slob pa grangs med pa la phan pa chen po byed pa dang / log par lta ba thams cad zlog pa'i phyir/ gzungs sngags phye zhing bstan pa legs so legs so// rigs kyi bu/ khyod kyi ming dang gzungs sngags kyi sgra 'di sems can la las thos nas mos pa dang gus pa skyed de/ ma skur pa'i mi de ni tshe 'di la'ang bde ba gnas/ shi 'phos nas kyang rtag tu sangs rgyas mthong zhing ngabang mthong la/ khyod dang byang chub sems dpa' gzhan yang mthong bar 'gyur ro// de thams cad kyi de bzhin gshegs pa'i snying po so so rang gis rig pa mngon par 'tshang rgya ba the tsom mi za bar 'gyur ro/ / kun nas nyon mongs thams cad spang shing / dge ba thams cad kyis de bzhin gshegs pa'i lam grub pa ni/ kun kyang mos pa dang / dang ba'i dbang gis so// nga'adas pa'i phyir rigs kyi bu dang / rigs kyi bu mo gang la la zhig gis nyin gcig gam/ mtshan gcig gam/ dus gcig gam/ skad cig la phyogs bcu dus gsum du gshegs pa'i sangs
- 189b
rgyas dang / gsung rab mdo sde bcu gnyis dang byang chub sems dpa' rnam la phyag 'tshal nus shing / theg pa chen po'i tshul bzhin du yid la byed pa dang / don dam pa'i bden pa ji bzhin par yid la byed pa'i gang zag de ni/ thang cig yud tsam cig gis mi dge ba bcu dang / mtshams med pa lnga dang / mnyam pa nyid la skur ba dang / kun nas nyon mongs pa'i las thams cad kun ma lus par byang bar 'gyur ro/ / yang dge slong pha dang / dge slong ma 'am/ byang chub sems dpa' 'am/ dge tshul pha dang / dge tshul mas ngo bo nyid kyi sems stor ba dang / rang gi rtsa bzhi bshig pa dang / sdom pa brgyad nyams pa dang / lci ba drug dang / mi dge ba bcu dang / mtshams med pa lnga byas pa dang / mnyam pa nyid la skur ba yang / phyogs bcu dus gsum du gshegs pa'i sangs rgyas bcom ldan 'das rnams kyi mtshan la mos pa skyed de phyag 'tshal na/ de lta bu'i las mi dge ba kun ma lus par byang bar 'gyur ro// de skad ces bka' stsal ma thag tu/ de nas sangs rgyas 'od nges pa zhes bya ba de'i drung nas de'i tshe rgyal bu dge mthong mi sum stong dang / blo bur du skad cig gcig gis dus der lhags nas/ bcom ldan 'das kyi zhabs la spyi bos gtugs te phyag 'tshal nas mgrin gcig tu bcom ldan 'das la 'di skad ces gsol to/ / bcom ldan 'das bdag cag la sogs pas bskal pa dpag tu ma mchis pa nas mi dge bo'i las bgyis shing bsags pa ni brjod
- 190a
kyis kyang mi rdzogs te/ la las ni mi dge ba bcu bgyis// la las ni mtshams ma mchis pa lnga bgyis/ la las ni mnyam pa nyid kyi chos la skur pa la sogs pa bsam gyis/ mi khyab cing brjod kyis mi rdzogs pa'i sdig pa bgyis pa de dag dus gsum gyi de bzhin gshegs pa rnams dang / gsung rab bcu gnyis kyi mdo sde la brten nas/ byang chub sems dpa' mang po'i mdun du mthol zhing bshags par 'tshal na/ de gnang bar gsol lo// de nas bcom ldan 'das kyis bka' stsal pa/ 'jigs pa'i sems bskyed pa dka' ba dang / dge ba'i rtsa ba bskyed pa dka' ba las bskyed pa ni leg so legs so/ / khyed kyis mi dge ba bcu bshags pa dang / mtshams med pa lnga bshags pa dang / 'dod chen la sogs pa bshags nas/ de bzhin gshegs pa'i snying po mthong bar 'dod pa de legs kyis/ yid la sems pa bzhin du mthol cig/ de nas rgyal bu dge mthong dang mi sum stong gis bcom ldan 'das kyi byams pa'i gsung thos nas/ chos gos tshul bzhin du bgos nas/ thal mo sbyar te spyi bos gtugs nas/ phrag pa g.yas pa chos bzhin du byung / pus mo g.yas pa'i lha nga sa la gtugs te/ bcom ldan 'das la 'di skad ces gsol to/ / bdag cag la sogs pa phyogs bcu'i sangs rgyas bcom ldan 'das rnams la phyag 'tshal zhing skyabs su gsol lo// phyogs bcu'i chos la phyag
- 190b
'tshal zhing skyabs su gsol lo/ / phyogs bcu'i dge 'dun la phyag 'tshal zhing skyabs su gsol lo// yang shar phyogs kyi de bzhin gshegs pa 'khrugs mi mnga' la phyag 'tshal zhing skyabs su gsol lo/ / yang lho phyogs kyi de bzhin gshegs pa rin chen 'byung ldan la phyag 'tshal zhing skyabs su gsol lo// yang nub phyogs kyi de bzhin gshegs pa snang ba mtha' yas la phyag 'tshal zhing skyabs su gsol lo/ / yang byang phyogs kyi de bzhin gshegs pa gdon mi za bar grub pa la phyag 'tshal zhing skyabs su gsol lo// yang steng gi phyogs kyi de bzhin gshegs pa spos brtsegs la'ang phyag 'tshal zhing skyabs su gsol lo/ / yang 'og gi phyogs kyi de bzhin gshegs pa 'bum gzugs la'ang phyag 'tshal zhing skyabs su gsol lo// shar phyogs na 'phag pa kun tu bzang po la'ang phyag 'tshal zhing skyabs su gsol lo/ / lho phyogs na 'phags pa 'jig rten gzungs la'ang phyag 'tshal zhing skyabs su gsol lo// nub phyogs na 'phags pa spyan ras gzigs dbang phyug la'ang phyag 'tshal zhing skyabs su gsol lo/ / byang phyogs na 'phags pa zla rgyas la'ang phyag 'tshal zhing skyabs su gsol lo// steng gi phyogs na 'phags po nam mkha'i snying po la'ang phyag 'tshal zhing skyabs su gsol lo/ / 'og ma phyogs na 'phags pa yon tan brtan pa la'ang phyag 'tshal zhing skyabs su gsol lo// thog ma'i ston pa bcom ldan 'das de bzhin
- 191a
gshegs pa 'od mi 'gyur ba la'ang phyag 'tshal zhing skyabs su gsol lo/ / ma byon pa'i de bzhin gshegs pa'i snying po la'ang phyag 'tshal zhing skyabs su gsol lo// 'jig rten gyi khams gzhan na sprul pa'i sku sangs rgyas bcom ldan 'das rnams la'ang phyag 'tshal zhing skyabs su gsol lo// da ltar bdag cag gi ston pa bcom ldan 'das shAkya thub pa la'ang phyag 'tshal zhing skyabs su gsol lo/ / bcom ldan 'das dri ma med par grags pa dang 'jam dpal gzhon nur gyur pa la'ang phyag 'tshal zhing skyabs su gsol lo// kun dga' de/ dang 'od srungs la'ang phyag 'tshal zhing skyabs su gsol lo// 'phags pa'i lam bzhis mngon par byung ba rnams la'ang phyag 'tshal zhing skyabs su gsol lo// sems bskyed pa dang po pa rnams la'ang phyag 'tshal zhing skyabs su gsol lo/ / mdzod chen po gsung ba mdo sde bcu gnyis dang / yang dag par mnyam pa nyid kyi mdo sde la'ang phyag 'tshal zhing skyabs su gsol lo// chos kyi mdo sde gzhan ji srid bzhugs pa la'ang phyag 'tshal zhing skyabs su gsol lo/ / sku gdung brgyad du bgos pa'i gzugs rnams la'ang phyag 'tshal zhing skyabs su gsol lo// da ltar bzhugs pa'i sangs rgyas rnams kyi chos kyi don la'ang phyag 'tshal zhing skyabs su gsol lo/ / phyogs bzhi'i rgyal po chen po bzhi dang / sum cu rtsa gsum gnam gyi lha dang / brgya byin dang / tshangs pa dang /
- 191b
bar snang gi lha dang / gnam gyi steng dang / sa'i steng dang / sa'i 'og gi lha dang / ri'i lha dang / tshal gyi lha dang / shing drung gi lha dang / rig sngags 'chang dang / rdzu 'phrul gyi rkang pa dang ldan pa rnams dang / lha'i mig dang ldan pa dang / lha'i rna ba dang ldan pa de dag thams cad kyis gzigs shing gson te/ kun gyis dbang mdzad par gsol lo// sems can thams cad la ma mthol ma bshags pa zhig mchis na'ang sdig pa thams cad byung bar gyur cig/ bdag cag la sogs pa sems can thams cad 'khor ba'i khams tshun chad nas/ da ltar gyi lus ngan pa 'di thob pa'i bar du rmongs shing bslad pa'i sems kyis/ log par mthong ba dpag tu ma mchis pas/ las dang nyon mongs pa dang / mi dge ba'i las bgyi ba ni brjod kyis mi rdzogs te/ sdig pa mang po ci bgyis pa rnams bdag nyid kyis ma tsher ma rig pas/ mi dge ba'i sems rab tu rgyas pa'i dbang gis 'jig rten pha rol ma mthong zhing / tshe 'di 'ba' zhig mthong ba lags te/ nyon mongs pa'i bag chags la mos pas/ dge ba'i rtsa ba dang ring du gyur cing / mi dge ba'i las kyis bar chad du gyur cing bsgribs pa 'am/ sdig pa'i grogs po la brten pas/ dge slong pha dang / dge slong ma la mi rigs shing tshul ma lags pa'i las bgyis pa 'am/ pha dang ma la mi rigs shing tshul ma lags pa'i las bgyis pa 'am/ yang rang
- 192a
nyam gyi dbang gis phyogs bcu'i dge 'dun gyi nor dang yo byad la sogs pa spyad pa 'am/ dge 'dun sde lnga la'ang mi rigs shing tshul ma lags pa'i las bgyid pa dang / 'jig rten gyi kun nas nyon mongs pa'i 'bras bu dpag tu med pa snyed bshad pa dang / byang chub kyi dge ba'i rtsa ba'i sems can la ngan du smad pa 'am/ chos kyi mkhan po la skur pa 'am/ dam pa'i chos ni chos ma lags par bshad pa 'am/ chos ma lags pa ni dam pa'i chos logs par bshad pa 'am/ de bzhin gshegs pa ni mi rtag ces bgyis pa 'am/ dam pa'i chos kyang mi rtag go zhes bgyis pa 'am/ dge 'dun dkon mchog kyang mi rtag go zhes bgyis pa 'am/ phan pa'i sbyin pa la ma dad pa 'am/ chos log pa la dad cing 'dzin pa de lta bu'i slad du/ da 'jigs shing skrag pa ni dpag tu ma mchis/ 'dzem zhing gnod ba ni bsam gyis mi khyab ste/ dkon mchog gsum la skyabs su gsol lo// sangs rgyas bcom ldan 'das rnams ni thugs rje dang byams pa mnga' bas/ kun la snyoms pa'i yab yum lags/ byang chub sems dpa' rnams ni dge ba'i bshes gnyen lags na/ bdag cag la sogs pa dpag tu ma mchis pa nas srid pa na 'khor ba'i tshe/ sdig lci ba bgyis pa de dag thams cad 'gyod cing bshags pas tshangs pa gnang bar gsol te/ slan chad kyang mi bgyid par gyur cig/ yang bcom ldan 'das
- 192b
bdag cag la sogs pas bskal pa dpag tu ma mchis pa nas mtshams ma mchis pa lnga bgyis pa 'am/ 'das pa dang / ma byon pa dang / da ltar bzhugs pa'i sangs rgyas bcom ldan 'das kyi sdom pa dang / tshul khrims nyams pa 'am/ 'dod chen po'i las spyad pa 'am/ mi dge ba'i tshig rtsub mo smras nas/ dge ba'i chos la skur pa'i sdig lci ba'i las bgyis pa'ang slar 'gyod cing bshags ma myong ba dang / yid la 'dzem pa dang / ngo tsha ma mchis pas mi dge ba bcu dang mtshams ma mchis pa lnga'i dngos po lci ba la sogs pa bgyis pa 'am/ thog ma nas yid la 'jigs shing 'dzem pa ma mchis pas de lta bu'i sdig lcib bgyis par bdag nyid kyis nges par 'tshal kyang / nongs pa bcabs shing dad pas byin pa blangs pa mthol zhing ma bshags pa'am/ dam pa'i chos yun ring du gnas par bgyi zhing / rim gro mchod pa'i bsam pa ma mchis te/ de la mi snyan par smad cing yang log par bltas pa 'am/ ngag gi sgo nas kun nas nyon mongs pa'i nyes pa mang po bgyis pa 'am/ yang 'di skad ces kyang smras te/ sangs rgyas dang / chos dang / dge 'dun gsum ma mchis zhes bgyis pa la sogs pa mi dge ba bcu dang / mtshams ma mchis pa lnga'i sdig lji ba de lta bu bgyis pa'i slad du/ da 'jigs shing skrag pa ni dpag tu ma mchis/ 'dzem zhing gnong ba ni bsam gyis mi khyab ste/ dkon mchog gsum la skyabs su gsol lo// sangs rgyas bcom
- 193a
ldan 'das rnams ni thugs rje dang byams pa mnga' bas kun la snyoms pa'i yab yum lags/ byang chub sems dpa' rnams ni dge ba'i bshes gnyen lags na/ bdag cag la sogs pas 'gyod cing mthol bshags pas tshangs pa gnang bar gsol te/ bskal pa dpag tu ma mchis pa nas srid pa na 'khor ba'i tshe/ sdig lci ba bsal cing sman nad kyang mi bgyid par gyur cig/ yang bcom ldan 'das bdag cag la sogs pas bskal pa dpag tu ma mchis pa nas log par mthol bas/ lci ba bzhi ni sbom por bshad/ sbom po bzhin skye bar bshad pa'am/ zhig pa ni ma zhig pa zhes bshad/ ma zhig pa ni zhig par zhes bshad pa 'am/ lci ba ni yang bar bshad/ yang ba ni lci bar bshad pa 'am/ gtsang ba ni mi gtsang bar mtho mi gtsang ba ni gtsang bar mthong ba la sogs pa log par mthong ba 'am/ 'jig rten gyi gtsug lag ni bshad cing bstod/ sangs rgyas kyi bstan pa la gus pa ma bgyis shing / mi dge ba'i don rnams la gzhung gzung zhing bsams pa dang / ma brtags pa rnam pa brgyad 'chang ba'am/ de bzhin gshegs pa'i bka' yang dag pa ni bdud kyi tshig ces bgyis/ bdud kyi tshig yang dag pa ni de bzhin gshegs pa'i bka' zhes bgyis pa 'am/ bar 'ga' ni mu stegs kyi ston pa drug gis rnam par bshad pa la mos shing bzung ba 'am/ de bzhin gshegs pa yongs su mya ngan las 'das
- 193b
par zhugs te/ dkon mchog gsum la rtag pa ma mchis snyam sems la 'khrul pa byung ba la sogs pa lta ba log pa bsam gyis mi khyab ste/ de lta bas na 'jigs shing dogs pa dang / 'dzem zhing gnod pa yang bsam gyis mi khyab ste/ dkon mchog gsum la skyabs su gsol lo// sangs rgyas bcom ldan 'das rnams ni kun la snyoms pa'i yab yum lags/ byang chub sems dpa' rnams ni dge ba'i bshes gnyen lags te/ bdag cag la sogs pas 'gyod cing mthol bshags pas tshangs pas gnang bar gsol te/ slan chad kyang mi bgyid par gyur cig/ bcom ldan 'das kyis bka' stsal pa las/ gal te rtsu pa bzhi 'am/ mtshams med pa lnga 'am/ yang dag pa'i sgo la skur pa btab pa ma mthol ma bshags na/ nges par sems can dmyal bar lhung ste/ de bzhin gshegs pa rnams dang / dam pa'i chos dang / byang chub sems dpa' rnams dang / nyan thos rnams dang / rang sangs rgyas rnams kyis kyang de la skyabs mdzad par mi spyod do// / dge 'dun dang / pha ma dang / lha rnams dang / 'jig rten gyi mis kyang de la skyabs byed mi nus so zhes thos pas na/ de'i phyir 'jigs shing dogs pa dang / 'dzem zhing gnod pa'ang bsam gyis mi khyab ste/ dkon mchog gsum la skyabs su gsol lo// 'das pa'i sangs rgyas rin chen mang dang / ma gshegs pa'i sangs rgyas stong dang / da ltar gyi sangs rgyas sprul pa'i sku bcom ldan
- 194a
'das shAkya thub pa rnams dang / sangs rgyas bcom ldan 'das thams cad ni thugs rje dang byams pa'i mnga' bdag lags te/ kun la snyoms pa'i yab yum lags/ byang chub sems dpa' rnams ni dge ba'i bshes gnyen lags na/ bdag cag la sogs pas 'gyod cing mthol bshags pas gnang bar gsol te/ bskal pa dpag tu ma mchis pa nas nyon mongs pa'i sgrib pa 'am/ las kyi sgrib pa 'am/ rnam par smin pa'i sgrib pa 'am/ lci ba bzhi dang / mtshams med pa lnga dang / mi dge ba bcu la sogs pa'i sdig lci ba rnams bsal bar gyur/ cig/ yang bcom ldan 'das bdag cag la sogs pas bskal pa dpag tu ma mchis pa nas srid pa nas srid pa na 'khor ba'i tshe/ sdig lci ba rnams bsal nas slan chad kyang mi bgyid par gyur cig/ yang bcom ldan 'das bdag cag la sogs pas bskal pa dpag tu ma mchis pa nas/ da ltar gyi tshe 'di'i bar du dge 'dun gyi spyi'i nor dang / phyogs bcu'i dge 'dun gyi spyi nor la thugs thub tu spyad pa'am/ da ltar gyi dge 'dun gyi nor la thugs thub tu spyad pa 'am/ dge 'dun sde lnga'i nor dang / dge slong ngo cog gi nor la thugs thub tu spyad pa 'am/ yon bdag thams cad kyi rdza so la thugs thub tu spyad pa 'am/ bdag gis yang dag pa'i chos dang / bsam gtan bzhi dang / 'bras bu bzhi thob bo zhes smras pa de lta bu'i las ngan pa'i rgyu des/ kun
- 194b
nas nyon mongs pa'i rgyur gyur te/ khyim nas rab tu byung nas/ rtsa ba bzhi'i sdom pa zhig pa dang / lci ba'i chos brgyad dang / sdom pa drug dang / dge 'dun gyi lhag ma sum cu dang / ma nges pa'i/ chos gnyis dang / spang ba'i ltung byed sum cu dang / lhung ba dgu bcu rtsa gcig dang / so sor bshags pa'i chos bzhi dang / bslab pa mang po'i chos rnams dang / shin tu zhi ba'i chos bdun rnams dang / nongs bgyis nas phas pham pa bzhi dang / mtshams med pa lnga la thug gi bar du re re nas bgyis pa 'am/ yang dag pa'i chos nyid dam/ mdo sde zab mo la skur ba 'am/ 'dod chen po'i las bgyis pa'ang bcabs shing gsangs nas/ nyin zhag re re zhing 'phel bar gyur pa de dag la sogs pa/ de ring skye bo mang po la sman pa'i slad du bdag cag nyid kyis phyogs bcu'i sangs rgyas kyi spyan sngar 'gyod cing bshags pa 'tshal lo/ / so so'i skye bo thams cad kyis bskal pa dpag tu ma mchis pa nas sangs rgyas dang pha ma'i drin glo bar ma chud cing rnam par byang ba'i chos ma 'tshal bas mi dge ba sna tshogs bgyis pa 'am/ bdag cag gi rigs snyems pas dar zhing rgyags pa'i tshe/ mi dge ba'i las rnams bsams bzhin du bgyis kyang / nongs par ma mthong bas/ byis pa lta bur blun pa'i sug las bgyis pa 'am/ mi dge ba'i bshes gnyen gyi drung du nye bar mchis shing / nyon mongs pas sems dkrugs pas/
- 195a
'dod pa'i yon tan lta la mchog ma 'tshal te/ mi ge ba'i las rnams bgyis pa dang / 'gro ba babang mos bslus pa'am/ 'dod chags dang / zhe sdang dang / gti/ mug gi mdud pas sems dkrugs shing bskyod pa 'am/ lus dang / ngag dang / yid la sogs pas rnam par bsdus pa'i sdig mang po de rnams 'gyod de dam lus par bshags so// yang sangs rgyas dang / dam pa'i chos dang / 'phags pa'i dge 'dun la gus pa'i tshul gyis bsnyen bkur ma bgyis pa de lta bu'i sdig mang po de dag kun 'gyod de mthol zhing so sor bshags so/ / yang byang chub sems dpa' rnams dang / rang sangs rgyas rnams la gus pa'i tshul gyis rim gro ma bgyis pa de lta bu'i sdig mang po de dag kun 'gyod de mthol zhing so sor bshags so/ / gti mug pas rmongs shing bsgribs te/ dregs shing le lo dang rang nyam gyis mi dge ba rnams bgyis pa de lta bu'i sdig mang po kun 'gyod de mthol zhing so sor bshags so/ / phyogs bcu'i sangs rgyas thams cad bdag gis mchod nas/ sems can ma lus pa thams cad sa bcu la gnas par bgyis te/ kun gyis de bzhin gshegs pa'i yang dag pa nyid thugs su chud pa dang ldan par bgyis par gyur cig/ de nas bcom ldan 'das kyis/ rgyal bu dge mthong la bka' stsal pa/ legs so legs so// rgyal rigs dra ma
- 195b
chen po rab tu legs so legs so/ / rgyal rigs dra ma chen po bdag nyid kyi dge sdig gi las la rtog pa mkhas te/ 'jigs shing skrag pa chen pos 'gyod nas/ sdig pa'i las rnams mngon par bshags pa'i steng du/ sems can thams cad kyi phyir yang mthol zhing so sor bshags pa de bas na/ khyod ni rgyal rigs dra ma chen po nyid yin te/ bdag sdig pa mi dge ba dang bral gyi steng du/ sems can thams cad kyang sdig pa dang bral bar byas pa dang / bdag nyid kyi phyir smon lam ma btab par/ sngar sems can gyi don du smon lam btab ste/ de bzhin gshegs pa'i bka' yang dag pa nyid thugs su chud pa dang ldan pas bsngos pas na/ khyod ni rgyal rigs dra ma chen po yang dag pa nyid yin no// de nas rgyal bu dge mthong dang mi sum stong gis mthol zhing bshags zin nas/ bcom ldan 'das la tshigs su bcad pas bstod pa/ bcom ldan nyag gcig rab kyi mchog/ khams gsum rgyan lag yab yum dang / / thams cad snyoms pa'i ye shes lags// kun la snyoms pa'i dpe ma mchis// sangs rgyas dkon mchog la phyag 'tshal// byis pas shes rab bdag phyir spyad// nor rdzas byin la lan 'dod phyir/ / byams chen sangs rgyas de min te// dgra sdang nye byams snyoms mdzad pa'i// brtson 'grus che la bdag skyabs mchi// rkang gnyis kun la sangs
- 196a
rgyas gtso/ / shes rab spyan ldan mkhyen gzigs khyab// lha rnams shes rab de ma 'tshal// dus gsum sangs rgyas thams cad la// bdag cag kun gyis gus phyag 'tshal/ / de bzhin sangs rgyas bdag skyabs mchi// dus gsum sangs rgyas mchod byas 'dra// de nas phyog bcu'i de bzhin gshegs pa rnams kyis// rgyal bu dge mthong dang / mi sum stong la tshigs su bcad de bka' stsal pa// sangs rgyas chos 'di tshol 'dod na// thos pa mang po'i mi phyir 'brongs// dge bas mkhan mo bzhin du bkur// sangs rgyas myur du 'grub par 'gyur// tshul khrims rnam dag srung byed na// ming ni dge slong nges pa yin// stong nyid gang gis brtag nus na// de yis rnal 'byor sgrub pa yin// brtson 'grus la las sgrub nus na// de yis 'phags lam spyod pa yin// la las mya ngan 'das bsgrubs na// de ming yang dag bde ba yin// tshul khrims sbom po'i dge tshul dang / / rnam dag khrims 'dzin dge slong dag/ zla ba phyed cing gso sbyong bya// chos gos brtags pa rnams bgos te// lhung bzed 'khar gsil sogs bkur zhing // dag pas bsod snyoms gtsang blang bya/ / lha rnams thams cad dga' mgro ste// gus pas phyag 'tshal thal sbyar nas// lha rnams nged kyis mi 'di dag/ de yi mngag gzhug bsgrub/
- 196b
par bya// dper na lha dbang brgya byin la// sum cu rtsa gsum lha gzhan rnams// rim gro gus pa byed bzhin bya// tshe 'dir legs pa nyid thob ste// tshe rabs gzhan gyi'ang dpag mi khyab/ / rab tu byung zhing tshul khrims sdom// sangs rgyas bka' drin lan bsgrub yin// rgyal bu dge mthong de yang nyon// nga dang byang chub ma gtogs par// 'jig rten mi rnams thams cad kyis/ / mos pa rnam dag sems bskyed de// phyogs bcu'i sangs rgyas rtag bzhugs par// mya ngan 'das par mngon par shes// chos dang dge 'dun de bzhin te/ / de lta bu yi mi rnams ni// bcom ldan bka' drin lan bsgrubs yin// de yang rgyal bu dge mthong nyon// 'jig rten mi rnams thams cad la// bye brag dbye ba'i sems med par/ / theg pa gcig chos mngon shes te// phyogs bcur snga ma 'das pa dang // da ltar ma 'ongs dus rnams la// sangs rgyas theg chen gcig pu las// gnyis dang gsum zhes byar med par/ / bye brag dbye ba'i sems med de// de ltar mos sems bskyed nus na// de lta bu yi mi rnams ni// sangs rgyas bka' drin 'tsho ba pa yin// rgyal bu dge mthong da yang nyon/ / nga ni 'das te gshegs phyin// mi yi nang na la la zhig/ sems can rnam pa thams cad la// sangs rgyas snying po nyid yod ces// rtag tu mos pa'i sems bskyed
- 197a
na/ / de lta bu yi mi rnams ni// bcom ldan bka' drin lan bsgrub yin// la las thung cig dge spyad de// 'bras bu srid par mi bsgrub la// bla med 'bras/ bur sngo byed na// sangs rgyas bka' drin 'tshob pa yin// da yang rgyal bu dge mthong nyon// nga ni mya ngan 'das 'og na// mi yi nang na la la dag/ dkon mchog gsum la rim gro gus// skad cig mdo sde 'di bklags te// mkhan la sri zhus yon phul na// de lta bu yi mi rnams ni// bder gshegs drin la lan bsgrub yin// la las nor zas sna 'ga' yang / gos dang kha zas bdog rnams kyis// kun la khyab par sbyin byas na// bcom ldan bka' drin 'tsho ba pa yin// rgyal bu dge mthong nga yang nyon// nga yi chos 'di tha ma'i tshe// la las mi 'ga' gros btab cing / / thang cig mdo sde 'di mnyon no// byang chub sems dpa' 'bum brgya la// yon phul bas ni 'di don che// theg mchog mdo sde 'di lta bu// sangs rgyas byang chub yum yin pas/ / sangs rgyas byang chub dang bsams shing // 'di la rim gro gus bskyed la// gnyis med phan tshun sems snyoms na// sangs rgyas bka' drin len bsgrubs yin/ / rgyal bu dge mthong de yang nyon// la las chos 'di tha ma'i tshe// sangs rgyas bka' drin sgrub bsams te// thang cig bsam gtan thur zhugs na/
- 197b
khams gsum gnas pa'i sems can rnams// srog byin pas ni 'di don che// dge 'dun bsam gtan dkrugs skur na// khams gsum gang ba'i mi rnams dang // sems can thams cad bsad dang mtshungs/ / bsam gtan dge 'dun dkrugs skur na// de yi sdig kyang de bzhin no// la las dge ba spyod mthong ni// dpyas shing skur te ma mos na// dkon mchog gsum gyi rigs kyang gcod/ / bcom ldan bka' drin bsgrubs pa min// de nas rgyal bu dge mthong dang // mi sum stong bcom ldan 'das kyis gnang ste/ chos bstan zin nas/ dga' mgu yi rangs te/ bcom ldan 'das kyi zhabs spyi bo la blangs so// 'phags pa rtogs pa chen pos yongs su rgyas pa'i mdo las/ phyag 'tshal ba'i cho ga dang / 'gyod nangs kyil tshardzogs so/ khrigs pa ma meng po la gzugs te mtshan rnams kyi nus bsapas so// @ gar skad du/ Ar+ya rat+na me g+ha nA ma ma hA mA na sU hA/ bod skad du/ 'phags pa dkon mchog sprin ces bya ba theg pa chen po'i mdo// bam po dang pe sangs rgyas dang / byang chub sems dpa' thams cad dang / 'phags pa nyan thos dang / rang sangs rgyas thams cad la phyag 'tshal lo// 'di skad bdag gis thos
- 198a
pa dus gcig na/ bcom ldan 'das yul ga ya na/ g.ya mgo'i ri la dge slong bdun khri nyis stong gi dge 'dun chen po dag dang thab gcig tu bzhugs te/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba la/ sems kyi dbang thams cad kyi dam pa'i pha rol tu son pa/ chos kyi dbyings las mkhas pa/ chos kyi rgyal po'i sras/ sems rnyed pa dang bkur sti thams cad dang bral ba legs par rab tu byung ba/ legs par bsnyen par rdzogs pa/ brnag pa yongs su rdzogs pa/ mya ngan las 'da' ba'i lam la gnas pa sha stag ste/ gang zag gcig ma gtogs pa ni 'di lta ste/ tshe dang ldan pa kun dga' bo'o// byang chub sems dpa' brgyad khri bzhi stong gi byang chub sems dpa'i tshogs chen po dang yang thabs gcig ste/ thams cad kyang skye ba gcig gis thogs pa/ thams cad mkhyen pa nyid la mngon du phyogs pa/ thams cad mkhyen pa nyid la gzhol ba/ thams cad mkhyen pa nyid la 'bab pa/ thams cad mkhyen pa
- 198b
nyid la bab pa/ chags pa med pa'i gzungs dang ting nge 'dzin thob pa/ dpa' bar 'gro ba'i ting nge 'dzin la shin tu gnas pa/ mngon par shes pa chen pos rnam par rol pa/ lam gyi rgyun ma bcad pa sgrib pa dang / chod pa dang / kun nas ldang ba thams cad dang bral ba/ byams pa chen po dang / snying rje chen pos phyogs bcu'i 'jig rten gyi khams thams cad khyab par byed pa/ sangs rgyas kyi zhing mtha' yas par 'gro la mkhas pa/ stong pa nyid spyod yul ba/ mtshan ma med pa la gnas pa/ smon lam la gnas pa thams cad bral ba/ sems can thams cad la phan par brtson pa/ sangs rgyas kyi yul thams cad la mkhas pa/ ye shes mtha' yas pa/ sems nam mkha' dang mtshungs pa/ sems rgya mtsho ltar zab pa sems ri'i rgyal po ri rab ltar mi bskul ba/ sems pad+ma ltar ma gos pa/ sems rin po che ltar shin tu yongs su dag pa/ sems gser ltar shin tu yongs su byang ba rnams la 'di lta ste/ byang chub sems dpa' sems dpa' chen po rin po che tog dang / lag na rin po che dang / lag na phyag rgya rin po che dang / rin po che'i cod pan dang / gtsug na rin po che dang / rin po che brtsegs pa dang / rin po che 'byung gnas dang / rin po che'i rtse mo dang / rin po che'i rgyal mtshan dang / rdo rje'i snying po dang / gser gyi snying po dang / rin po che'i snying po dang / dpal gyi snying po
- 199a
dang / dge ba'i snying po dang / dge ba dri ma med pa'i snying po dang / de bzhin gshegs pa'i snying po dang / ye shes kyi snying po dang / nyi ma'i snying po dang / ting nge 'dzin gyi snying po dang / pad ma'i snying po dang / rnam par grol ba'i snying po dang / kun tu zla ba dang / spyan ras gzigs dbang phyug dang / mthu chen thob dang / kun tu bzang po dang / kun nas mig dang / pad+ma'i mig dang / dri ma med pa'i mig dang / yangs pa'i mig dang / kun tu spyod lam dang / kun tu mdzes dang / kun tu spyod pa'i blo gros dang / ye shes kyi blo gros dang / chos kyi blo gros dang / rgyal ba'i blo gros dang / bla ma'i blo gros dang / rdo rje'i blo gros dang / khyad par blo gros dang / seng ge rnam par rol dang / sgra chen po'i dbyangs kyi rgyal po dang / seng ge'i sgra sgrogs dang / sgra dbyangs brjod pa zab mo sgra sgrog dang / gos pa med dang / dri ma kun bral dang / zla ba'i 'od dang / nyi ma'i 'od dang / ye shes kyi 'od dang / ye shes kyi dpal dang / bzang po'i dpal dang / zla ba'i dpal dang / pad+ma'i dpal dang / rin po che'i dpal dang / 'jam dpal gzhon nur gyur pa dang / bzang skyong la sogs pa skyes bu dam pa bcu drug dang / byams pa la sogs pa bskal pa bzang po'i byang chub sems dpa' sems dpa' chen po thams cad dang / rgyal po chen po bzhi la sogs pa rgyal chen bzhi'i ris kyi
- 199b
lha'i bu rnams dang / lha'i dbang po brgya byin la sogs pa sum cu rtsa gsum ris kyi lha'i bu rnams dang / lha'i bu rab 'thab bral la sogs pa 'thab bral gyi lha'i bu rnams dang / lha'i bu yongs su dga' ldan la sogs pa dga' ldan gyi ris kyi lha'i bu rnams dang / lha'i bu rab 'phrul dga' la sogs pa 'phrul dga'i ris kyi lha'i bu rnams dang / lha'i bu gzhan 'phrul dbang byed la sogs pa gzhan phrul dbang byed kyi lha'i bu rnams dang / ded dpon dam pa la sogs pa dkar po'i phyogs kyi bdud kyi bu rnams dang / tshangs pa chen po la sogs pa tshangs pa'i ris kyi lha'i bu thams cad dang / lha'i bu dbang phyug chen po la sogs pa gnas gtsang ma'i ris kyi lha'i bu thams cad dang / lha ma yin gyi dbang po thag bzangs ris dang / stobs can dang / sgra gcan dang / de dag la sogs pa lha ma yin brgya stong phrag du ma dang / klu'i rgyal po ma dros pa dang / gzi can dang / rgya mtsho dang / mtha' yas dang / nor rgyas kyi bu dang / de dag la sogs pa klu'i rgyal po brgya stong du ma dang / dpal gyi gzi brjid la sogs pa klu'i rgyal po'i khye'u brgya skyong du ma dang / klu'i bu mo mang po rnams dang / de ma yin pa gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po brgya stong dag dang thabs gcig go// yang de'i tshe ga ya na/ ga ya'i mgo'i ri'i dpag tshad bzhi kho ra khor yug tu/
- 200a
skra'i rtse mo'i cha shas kyi rdul phra rab tsam yang / gang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag gis ma gang bar gyur pa'i sa phyogs sam/ bar snang gi phyog de med do// 'khor de lta bu 'dus shing 'khod pa'i dbus na/ bcom ldan 'das kyi seng ge'i khri 'phang du dpag tshad gcig kho ra khor yug tu dpag tshad phyed pa la/ lha'i ras bcos bu brgya stong du ma ni bting / rin po che'i dril bu g.yer ka'i dra bas ni bla re bres/ dar gyi lnga lnga brgya stong du ma ni spangs/ me tog sil mas ni gtor ba zhig bshams te/ seng ge'i khri de'i kho ra khor yug gi sa'i phyogs de ngos rdo rje la yid du 'ong zhing lag mthil ltar mnyam pa dang / chatshig chag legs par btab pa dang / phyag bdar legs par byas pa dang / dri rab tu zhim zhing lha'i me tog brgya stong du mas gtor bar gyur to// bcom ldan 'das kyis yongs su longs spyod pa'i phyir phyogs de na gser gyi pad+ma shing rta'i 'phang lo tsam 'dab ma brgya stong du ma yod pa/ chu ba ni bai DUR+YA/ snying po ni an+da rI la/ ze ba ni rdo'i snying po ste/ dri rab tu zhim zhing yid du 'ong lo/ reg na dga' bar 'gyur ba dag skyes par gyur to// seng ge'i khri de'i grwa bzhir ha cang yang mi nye ba nas rin po che'i shing srid du dpag tshad phyed dang gnyis/ sboms su rgyang grags gsum gyis
- 200b
'khor ba bzhi skyes so/ / seng ge'i khri legs par bshams pa de la/ bcom ldan 'das blo ni rab tu rnam par dag/ chos kyi 'khor lo na rab tu bskor/ bdud dang phyir rgol ba ni bcom/ 'jig rten gyi chos rnams kyis ni ma gos lam pasnyengs shing mi 'dzem ste/ seng ge ltar bag tsha ba med pa/ mtsho dang 'dra bar dang ste/ rnyog pa med cing shin tu rnam par dang ba/ rgya mtsho chen po ltar zab cing gting dpag dka' la/ rin po che'i 'byung gnas su gyur pa/ ri rab ltar mngon par 'phags pa/ nyi ma ltar rab tu lhan pa/ zla ba ltar rab tu sim pa/ klu chen po ltar chos kyi char pa mngon par 'bebs pa/ tshangs pa chen po ltar 'jig rten kun las mngon par 'phags pa/ slob ma shin tu dul ba mtha' yas pa'i tshogs kyi 'khor mnga' ba/ brgya byin dang / tshangs pa dang / 'jig rten skyong bye ba khrag khrig brgya stong du mas zhal du bltas shing / ma khengs mdud par bzhugs te/ 'khor tshogs pa de ni lham me/ lhan ne/ lhang nge'o// bcom ldan 'das de ltar lham me lhan ne lhang nge ba'i dbu'i gtsug gi gtsug tor gyi gseb nas 'od zer kun tu snang ba zhes bya ba 'od zer gyi 'khor brgya stong phrag du ma yod pa byung ste/ de byung nas phyogs bcu thams cad du 'jig rten gyi khams rabs byams thams cad snang bar byas te/ phyir 'ong nas/ bcom ldan 'das la lan gsum bskor te/ bcom ldan 'das kyi zhal gyi sgo nas zhugs nas/ bcom ldan 'das kyi zhal gyi sgo phye ba 'am
- 201a
btsums par yang mi mngon no/ / 'di lta ste/ dper na nyi ma dang zla ba'i 'od nam mkha'i khams thams cad kyi gseb tu zhugs kyang / nam mkha'i khams kyi gseb phye ba 'am btsums par mi mngon pa de bzhin du/ de'i tshe na 'od zer de dag zhugs kyang bcom ldan 'das kyi zhal gyi sgo phye ba'am/ btsums par mi mngon no// 'di lta ste/ dper na bye ma'i phung po la mar ram/ 'bru mar ram/ chu zhugs na mi mngon pa de bzhin du/ de'i tshe 'od zer de dag zhugs kyang phye ba 'am btsums par mi mngon no// de nas shar phyogs su sangs rgyas kyi zhing 'di nas 'jig rten gyi khams gang+gA'i klung gi bye ma snyed 'das pa/ pad+ma can zhes bya ba'i 'jig rten gyi khams de na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das pad+ma'i spyan zhes bya ba de/ byang chub sems dpa' sems dpa' chen po rnams la 'di lta ste/ theg pa gcig la brtsams nas chos ston te/ sang+yas kyi zhing de na nyan thos dang / rang sangs rgyas dag dang / nyan thos kyi theg pa 'am/ rang sangs rgyas kyi theg pa'i ming yang med/ sangs rgyas kyi zhing de na rdzus te skye ba ma gtogs par bud med dang mngal na gnas te 'byung zhing skye ba'i sgra yang mi grag go// 'jig rten gyi khams
- 201b
de'i sems can de dag thams cad kyang / bla na med pa yang dag par rdzogs pa'i byang chub las phyir mi ldog pa'i byang chub sems dpa' sha stag go// 'jig rten gyi khams de na bza' ba dang / btung ba dang / zas kyi bya ba yang mi shes so// byang chub sems dpa' de dag thams cad kyang bsam gtan gyi dga' ba'i zas can dang / ting nge 'dzin gyi dga' ba'i zas can dang / chos kyi dga' ba'i zas can no/ / de bzhin gshegs pa de nyid kyi 'od kyis 'jig rten gyi khams de khyab cing dri ma med par gyur pa ma gtogs par 'jig rten gyi khams de na zla ba dang / nyi ma dang skar ma dang / gza' rnams kyi 'od kyang mi shes so// 'jig rten gyi khams de lag mthil bzhin du mnyam par gyur pa las 'jig rten gyi khams de na rtswa dang / shing dang / bong ba dang rtsig pa dang / ri la sogs pa yang mi snang ngo // 'jig rten gyi khams de 'dra ba de na byang chub sems dpa' sems dpa' chen po sgrib pa thams cad rnam par sel ba zhes bya ba de'i ming thos pa tsam gyis sems can gyi sgrib pa thams cad zad par 'gyur ba zhig gnas ste/ de 'od des reg ste bskul nas rang gi gnas nas byung ste/ bcom ldan 'das de bzhin gshegs pa pad+ma'i spyan de sa la ba der song ste/ phyin nas bcom ldan 'das de'i zhabs la mgo bos phyag 'tshal te/ pad+ma'i snying po la phyogs gcig tu 'dug go// de ma yin pa'i byang chub sems dpa' gzhon dag
- 202a
kyang 'od des reg ste bskul ba dang / rang rang gi gnas nas byung ste/ bcom ldan 'das de bzhin gshegs pa pad+ma'i spyan de ga la ba der song ste phyin nas/ bcom ldan 'das de'i zhabs la mgo bos phyag 'tshal te/ pad+ma'i snying po la so so ci rigs par 'khod do// de nas byang chub sems dpa' sems dpa' chen po sgrib pa thams cad rnam par sel ba stan las langs nas/ bla gos phrag pa gcig tu gzar te/ pus mo g.yas pa'i lha nga pad+ma'i snying po la btsugs nas/ bcom ldan 'das de bzhin gshegs pa pad+ma'i spyan ga la ba de logs su thal mo sbyar ba btud nas/ bcom ldan 'das de la 'di skad ces gsol to// bcom ldan 'das 'di lta bu'i 'od bzang po dri ma ma mnI pa rnam par dag pa yid du mchi ba lus dang / sems shin tu dga' bar bgyid pa byang ba 'di su'i lags/ de skad ces gsol pa dang / bcom ldan 'das de bzhin gshegs pa pad+ma'i spyan des/ byang chub sems dpa' sgrib pa thams cad rnam par sel ba la 'di skad ces bka' stsal to/ / rigs kyi bu nub phyogs na sangs rgyas kyi zhing 'di nas 'jig rten gyi khams gang+gA'i klung gi bye ma snyed 'das pa na/ mi mjed ces bya ba'i 'jig rten gyi khams yod do/ / de na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/
- 202b
skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya ba de'i mtshan thos pa tsam gyis sems can rnams bla na med pa yang dag par rdzogs pa'i byang chub las phyir mi ldog par 'gyur ba zhig bzhugs te/ des 'od bzang po dri ma med pa rnam par dag pa yin du 'ong ba lus dang sems shin tu dga' bar byed pa 'di phyag ngo / / de skad ces bka' stsal pa dang / bcom ldan 'das de bzhin gshegs pa pad+ma'i spyan de la/ byang chub sems dpa' sems dpa' chen po sgrib pa thams cad rnam par sel bas 'di skad ces gsol to/ / bcom ldan 'das de ltar de bzhin gshegs pa de'i mtshan thos pa tsam gyis sems can rnams bla na med pa yang dag par rdzogs pa'i byang chub las phyir mi ldog par 'gyur/ ba'i rgyu gang lags/ rkyen gang lags/ de skad ces gsol pa dang / bcom ldan 'das de bzhin gshegs pa pad+ma'i spyan des/ byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ / rigs kyi bu de bzhin gshegs pa des sngon byang chub sems dpa'i spyad pa spyod pa na/ 'di ltar sems can su gang dag gis bdag mngon par rdzogs par sangs rgyas pa'i ming thos pa de dag thams cad bla na med pa yang dag par rdzogs pa'i byang chub las phyir mi ldog por shog cig ces smon lam btab bo/ / byang
- 203a
chub sems dpa' sgrib pa thams cad rnam par sel bas gsol pa/ bcom ldan 'das ci lags/ 'jig rten gyi khams de'i sems can de dag thams cad phyir mi ldog pa lags sam bcom ldan 'das des bka' stsal pa/ rigs kyi bu de ma yin no// byang chub sems dpa' sgrib pa thams cad rnam par sel bas gsol pa/ bcom ldan bdas ci lags/ sems can de dag gis de bzhin gshegs pa de'i mtshan mi thos sam/ bcom ldan 'das des bka' stsal pa/ rigs kyi bu thos so// gsol pa/ bcom ldan 'das de ci'i slad du phyir mi ldog pa ma lags/ bcom ldan 'das des bka' stsal pa/ rigs kyi bu de dag thams cad ni phyir mi ldog pa'ang yin la/ phyir mi ldog pa'ang ma yin no// gsol pa/ bcom ldan 'das ji ltar gang de lta bu de dag thams cad phyir mi ldog pa yang lags la/ phyir mi ldog pa yang ma lags/ bcom ldan 'das des bka' stsal pa/ rigs kyi bu de bzhin gshegs pa de'i mtshan thos pas sems can de dag gis phyir mi ldog pa'i sa bon skyes pa mthong nas sems can de dag phyir mi ldog par lung ston to/ / mtshan thos pa kho nas de ma thag tu de dag phyir mi ldog par 'gyur ba yang ma yin te/ de bas na rigs kyi bu don de nyid rab tu grub par bya ba'i phyir khyod la dpe bshad do// rigs kyi bu 'di lta ste/ dper na shing la la'i sa bon gyi rnam pa zhig
- 203b
yod de/ sa bon de la sa bon gyi nyes pa thams cad med pa/ myu gu skye ba nas/ rdzogs pa'i bar du rkyen rnams yod na/ rigs kyi bu sa bon de la ji skad ces bya/ gsol pa/ bcom ldan/ 'das nyes pa thams cad dang bral bas na/ de ni yongs su rdzogs pa zhes bgyi'o// bka' stsal pa/ rigs kyi bu de bzhin du de bzhin gshegs pa de'i mtshan thos pa dang ldan pa'i phyir/ mi ldog pa'i sa bon yod pa'i sems can rnams ni bla na med pa yang dag par rdzogs pa'i byang chub las phyir mi ldog pa yin no// de skad ces bka' stsal pa dang / bcom ldan 'das de bzhin gshegs pa pad+ma'i spyan de la/ byang chub sems dpa' sems dpa' chen po sgrib pa thams cad rnam par sel bas 'di skad ces gsol to// bcom ldan 'das bdag mi mjed kyi 'jig rten gyi khams de blta ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la yang phyag 'tshal ba dang / bsnyen bkur bgyi ba dang / btsun par bgyi ba dang / ri mor bgyi ba dang / bkur sti bgyi ba dang / mchod par bgyi ba'i slad du mchi'o// de skad ces gsol pa dang / bcom ldan 'das de bzhin gshegs pa pad+ma'i spyan des/ byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to// rigs kyi bu de'i dus la dbab par shes na khyod song zhig/
- 204a
bcom ldan 'das de bzhin gshegs pa pad+ma'i spyan de la/ byang chub sems dpa' de dag thams cad kyis kyang 'di skad ces gsol to// bcom ldan 'das bdag cag kyang mi mjed kyi 'jig rten gyi khams de blta ba dang / bcom ldan 'ongs de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la yang phyag 'tshal ba dang / bsnyen bkur bgyi ba dang / btsun par bgyi ba dang / ri mor bgyi ba dang / bkur sti bgyi ba dang / mchod par bgyi ba'i slad du mchi'o// de skad ces gsol pa dang bcom ldan 'das de bzhin gshegs pa pad+ma'i spyan des/ byang chub sems dpa' de dag la 'di skad ces bka' stsal to// rigs kyi bu dag de'i dus la dbab par shes na khyed deng shig/ 'jig rten gyi khams der bag yod par gnas pas gnas par gyis shig/ de ci'i phyir zhe na/ 'di ltar 'jig rten gyi khams de'i sems can de dag ni rab tu 'dod chags mang ba/ zhe sdang mang ba/ gti mug mang ba/ dge sbyong du mi 'dzin pa/ bram zer mi 'dzin pa/ phar mi 'dzin pa/ mar mi 'dzin pa/ chos ma yin pa/ 'dod pa mang ba/ brlang ba/ gtum pa zhe gcod pa/ mu cor smra ba/ pho theg can/ g.yengs pa/ brkam pa/ le lo can/ tshul khrims 'chal pa/ sdig pa'i chos can/ phrag dog dang ser snas yongs su dkris pa/ nyon
- 204b
mongs pa du mas nye bar nyon mongs par gyur pa rnams te/ sems can de 'dra ba de dag gi nang na de bzhin gshegs pa de chos ston to// byang chub sems dpa' de dag gis gsol pa/ bcom ldan 'das gang 'di 'dra ba'i sems can rnams kyi nang na chos ston pa ni/ de bzhin gshegs pa de dka' ba mdzad pa lags so// bcom ldan 'das des bka' stsal pa/ de de bzhin no// rigs kyi bu dag de bzhin te/ gang 'di 'dra ba'i sems can rnams kyi nang na chos ston pa ni/ de bzhin gshegs pa de dka' ba mdzad pa yin no// rigs kyi bu dag gang de lta bur kun nas nyon mongs par gyur pa'i 'jig rten gyi khams na/ dge ba'i sems gcig tsam bskyed pa'i sems can de dag kyang dka' ba byed pa yin no// de ci'i phyir zhe na/ gang yongs su dag pa'i 'jig rten gyi khams na/ sems can yongs su dag pa yod pa lta ci 'tshal gyi/ gang dag de ltar kun nas nyon mongs par gyur pa'i 'jig rten gyi khams de nas gol gtog pa srid du yang dad pa rnyed pa dang / se gol gtogs pa srid du yang sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / se gol gtogs pa srid du yang tshul khrims yang dag par gzung ste/ spong ba 'di ni ches ngo mtshar to// de bas kyang gang dgo se gol gtogs pa srid du yang 'dod chags dang bral ba la gnas pa'i sems yang dag par ga
- 205a
ste gnas pa 'di ni ches ngo mtshar to/ / de bas kyang gang dag se gol gtogs pa srid du yang snying rje ba'i sems nye bar bzhag ste/ bla na med pa yang dag par rdzogs pa'i byang chub tu sems bskyed pa 'di ni ches ngo mtshar to/ / byang chub sems dpa' de dag gis gsol pa/ bcom ldan 'das ngo mtshar to// bde bar gshegs pa ngo mtshar to// de nas sgrib pa thams cad rnam par sel ba la sogs pa byang chub sems dpa' de dag thams cad kyis/ bcom ldan 'das la legs so zhes gsol nas/ bcom ldan 'das de las 'di lta bu 'thun pa'i rjes su bstan pa de mnyan nas/ bcom ldan 'das de'i zhabs la mgo bos phyag 'tshal te/ rang rang gi gnas nas dong ngo // dong nas bcom ldan 'das shAkya thub pa la mchod pa'i phyir/ la las ni rin po che'i shing me tog dang bcas pa/ 'bras bu dang bcas pa/ chu zheng du ldan pa rnams mngon par sprul/ la las ni bai DUR+Ya'i shing rnams/ la las ni shel gyi shing rnams/ la las ni dpag bsam shing rnams/ la las ni gser gyi shing rnams/ laM las ni me tog gi shing rnams/ la las ni 'bras bu'i shing rnams/ la las ni gos kyi sprin rnams/ la las ni rgyan gyi sprin rnams/ la las ni spos kyi sprin rnams/ la las ni 'phreng ba'i sprin rnams/ la las ni phye ma'i sprin rnams/ la las ni
- 205b
gdugs kyi sprin rnams/ la las ni rgyal mtshan gyi sprin rnams/ la las ni sil snyan gyi sprin rnams mngon par sprul to// mngon par sprul nas gcig tu 'dus te/ byang chub sems dpa' sems dpa' chen po sgrib pa thams cad rnam par sel ba dang lhan cig tu mi mjed kyi 'jig rten gyi khams ga la ba der dong ngo / / de nas byang chub sems dpa' sgrib pa thams cad rnam par sel bas/ byang chub sems dpa' de dag la 'di skad ces smras so// kye ma'o grogs po dag mi mjed kyi 'jig rten gyi khams kyi sems can rnams sdug bsngal lo// de bas na gang gis sems can de dag thams cad bde ba mchog gis bstabs par 'gyur ba de lta bu'i rdzu 'phrul mngon par bya ba leg par mngon par bya'o/ / byang chub sems dpa' de kun gyis legs so zhes smras nas/ byang chub sems dpa' sgrib pa thams cad rnam par sel ba'i ltar mnyan to// de nas byang chub sems dpa' sgrib pa thams cad rnam par sel bas/ ji lta bu'i rje 'phrul mngon par byas pas/ byang chub sems dpa' sgrib pa thams cad rnam par sel ba'i lus las 'od dang ba dri ma med pa rnam par dag pa yid du 'ong ba lus dang sems shin tu dga' bar byed pa byang ste/ 'od des stong gsum gyi stong chen po'i 'jig rten gyi khams 'di khyab cing snang bar gyur pa dang / gang stong gsum gyi stong chen po'i 'jig rten gyi khams 'di'i
- 206a
sems can dmyal ba pa'i lus su gnas pa dang / dud 'gro'i skye gnas pa'i lus su gnas pa dang / gshin rje'i 'jig rten pa'i lus su gnas pa de dag 'od des reg nas sdug bsngal gyi tshor ba dang bral te/ bde zhing khro ba dang / gnod sems dang yang bral te/ phan tshun du pha mar 'du shes par gyur pa dang / yang stong gsum gyi stong chen po'i 'jig rten gyi khams 'di na/ 'jig rten gyi bar mun pa mun nag gang du nyi ma dang zla ba 'di ltar rdzu 'phrul che ba/ 'di ltar mthu che ba/ 'di ltar dbang che bar grags pa/ 'di dag gis kyang lham me lhan ne lhang nger ma gyur pa/ de dag kyang 'od des khyab nas snang bar gyur te/ gang der skyes pa'i sems can de dag kyang gcig gis gcig mthong / stong gsum gyi stong chen po'i 'jig rten gyi khams 'di'i gang khor yug gi ri rnams dang / khor yug gi ri chen po rnams dang / ri btang bzung dang / ri btang bzung chen po rnams dang / de yin pa'i ri nag po gzhan de dag kyang 'od des kyang khyab ste snang bar gyur pa dang / smrar ni tshangs pa'i 'jig rten man chad/ 'og tu ni mnar med pa'i sems can dmyal ba chen po yan chad de'i bar du gang 'od des snang bar ma byas pa'i sa phyogs de gang yang med pa de lta bu'i rdzu 'phrul mngon par bya ba mngon par byas so/ / de ma yin pa'i byang chub sems dpa' gzhan dag
- 206b
gis kyang ji lta bu'i rdzu 'phrul mngon par bya ba mngon par byas pas/ zas 'dod pa'i sems can rnams ni zas thob/ btung ba 'dod pa rnams ni btung ba/ gos 'dod pa rnams ni gos/ bzhon pa 'dod rnams ni bzhon pa/ nor 'dod pa rnams ni nor thob/ long ba rnams ni mig thob/ 'on pa rnams ni sgra thos/ sgren mo rnams ni gos can du gyur// myos pa rnams ni dran pa lo ba/ sdug bsngal ba rnams ni bde bar gyur/ sbrum pa rnams ni bde bar btsas pa/ de lta bu'i rdzu 'phrul mngon par bya ba mngon par byas so// de nas sgrib pa thams cad rnam par sel ba la sogs pa byang chub sems dpa' de dag thams cad yul ga ya dang / ga ya mgo'i re ga la ba der nye ba dang / skyes bu dam pa de dag nye bar gyur ma thag tu stong gsum gyi stong chen po'i 'jig rten gyi khams 'di rin po che'i dra bas khebs par kun tu snang ngo / / steng gi bar snang las kyang lha'i pad+ma'i char mngon par rab tu phab bo/ / lha'i me tog gi sprin rnams dang / lha'i shing thog gi sprin rnams dang / lha'i 'phreng ba'i sprin rnams dang / lha'i spos kyi sprin rnams dang / lha'i gos kyi sprin rnams dang / lha'i phye ma'i sprin rnams dang / lha'i chos gos dang / gdugs dang / rgyal mtshan dang / ba dan gyi sprin gyi char mngon par rab tu bab bo// de dag mngon par rab tu bab
- 207a
pas sems can gang la reg pa de thams cad rab tu bde bar gyur/ yul ga ya dang / ga ya mgo'i ri la shing thu mal ba dang / sa phyogs tha mal pa gang yod pa de dag thams cad kyang med par snang ngo / / sa phyogs de dag na rin po che'i shing rnams dang / dpag bsam gyi shing rnams dang / me tog gi shing rnams dang / 'bras bu'i shing rnams dang / tsan dan gyi shing rnams dang / a ka ru'i shing rnams kun tu snang ste/ de dag kun tu bzang por 'dug par gyur to// bar snang na lha'i sil snyan dag sgra 'byin cing sel snyan de dag las 'di lta bu'i tshigasu bcad pa 'di dag kyang byung ngo / / lum pa'i tshal rab mchog tu gang skyes pa// mnyam med gzhar yang nyon mongs dbang mi 'gyur// nam mkha mtshungs mnyam de la phyag 'tshal du/ / ri bo mchog rab 'di la bdag cag lhags// byang chub mchog sus byang chub shing rab drung // bdud kyi sde stobs bcom nas sangs rgyas pa/ dra med gzi ldan de la phyag 'tshal du// ri bo mchog rab 'di la bdag cag lhags// chos tshul 'di dag sgyu ma smig rgyu dang // chu zla 'dra bar gang gis rtogs gyur pa// bsod nams zhing rab de la phyag 'tshal du/ / ri bo mchog rab 'di la bdag cag lhags// chos rnams sna tshogs 'ja' dang 'dra ba dang // gar la lta 'drar gang gis rab rtogs pa// mi g.yo bsod nam/
- 207b
gter la phyag 'tshal du// ri bo mchog rab 'di la bdag cag lhags// gang gis bskal pa brgya phrag mang por ni// thugs rje'i thugs kyis tshogs kun rdzogs mdzad pa// dri med zla zhal de la phyag 'tshal du/ / ri bo mchog rab 'di la bdag cag lhags// byang chub sems dpa' bye ba brgya mang dang // lha yi tshogs kyis de bzhin gang mchod pa// gti mug mun bral del phyag 'tshal du/ / ri bo mchog rab 'di la bdag cag lhags// gang gis mchog gis chos kyi gter brnyes shing // thugs rje nyid kyis 'jig rten dag la btang // mnyam med pan mdzad de la phyag 'tshal du/ / ri bo mchog rab 'di la bdag cag lhags// gang zhig thugs zhi rtag par byams pa'i yid// pad+ma nus ltar nyon mongs ma gos pa// yon tan mchog rab mnga' la phyag 'tshal du/ / ri bo mchog rab 'di la bdag cag lhags// mtshan gyi me tog rgyas pa yongs su dag pa'i sku// dpe byad bzang po'i 'bru chags 'gro ba'i 'tsho ba gang la ga mtha' yas rin chen shing la phyag 'tshal du/ / bdag cag thams cad lhan cig mchod pa thogs te lhags// tshigs su bcad pa 'di dag byung ma thag tu/ de nas tshe dang ldan pa mo'u 'gal gyi bu chen po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba
- 208a
btud nas/ bcom ldan 'das la 'di skad ces gsol to// bcom ldan 'das sngon ma thos sngon ma mthong ba'i snga ltas gda' ba 'di dag su'i lags/ de skad ces gsol pa dang / bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsal to// mo'u 'gal gyi bu shar phyogs na sangs rgyas kyi zhing 'di nas 'jig rten gyi khams gang+gA'i klung gi bye ma snyed 'das pas/ 'jig rten gyi khams pad+ma can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas pad+ma'i spyan zhes bya ba da ltar bzhugs so/ / 'tsho'o// gzhes so// chos kyang ston to// de bzhin gshegs pa de'i sangs rgyas kyi zhing nas byang chub sems dpa' sems dpa' chen po sgrub pa thams cad rnam par sel ba zhes bya ba 'jig rten gyi khams mi mjed 'dir 'ongs pa dang / de ma yin pa'i byang chub sems dpa' gzhan bye ba khrag khrig brgya stong gang skyes bu dam pa de nyid dang lhan cig tu/ mi mjed kyi 'jig rten gyi khams 'dir 'ongs pa de dag gi snga ltas 'di yin no// bcom ldan 'das kyis de skad ces bka' stsal ma thag tu/ de nas byang chub sems dpa' sgrib pa thams cad rnam par sel ba byang chub sems dpa' bye ba khrag khrig brgya stong phrag du mas bskor cing mdun du 'dar te/ rdzu 'phrul gyi mthu chen po dang / byang chub sems
- 208b
dpa'i mthu chen pos/ bcom ldan 'das ga la ba der 'ongs te phyin nas/ bcom ldan 'das kyi zhabs la mgo bos phyag 'tshal te/ byang chub sems dpa' de dag dang lhan cig tu bcom ldan 'das kyi spyan sngar 'khod nas/ bcom ldan 'das la tshul dang 'dra ba'i tshigs su bcad pa 'di dag gis mngon par bstod do// grags chen shes rab chen po pa// thub chen dpa' bo chen po pa/ srid pa'i mya ngan rgal ba po// nyon mongs rgal la phyag 'tshal lo// thams cad du yang thal le ste// kun nas rab tu lhan ner bzhugs// kun nas rnam par grol ba po// phyag 'tshal mi mtshungs mtshungs med la/ / rab tu mi bskul ri bo bzhin// gting tshod yangs pa rgya mtsho 'dra// mu stegs kun nas mi bskyod pa// chos rgyal khyod la phyag 'tshal lo// chos kyi 'khor lo bskor ba na/ / gzod nas zhi zhing ma skyes pa// rang bzhin mya ngan 'das pa yin// chos rnams mgon po khyod kyis bstan// la la la ni lam yang bstan// la la yang dag nyid la bkod// la la yang dag mya ngan zlas// la la byang chub lung yang bstan// bag la nyal dang bsam pa mkhyen// khyod kyis mi mkhyen ci yang med// de phyir 'dul ba'i bya ba rnams// gzigs pas khyod kyi bka' 'grub bo/ / byang chub snying por bzhugs pa na// 'dod chags zhe sdang gti mug dang // dri ma sna tshogs gzhan rnams kyang // khyod kyi ye shes me yis bsregs/
- 209a
brgal nas sems can rnams sgrol zhing // grol nas skye dgu grol mdzad de// srid pa'i mya ngan 'khyams pa yi// 'jig rten tshol ba khyod lags so// srid pa'i btson ra sems can dag/ yun ring mi shes gnyid log rnams// sad par mdzad pa mgon po khyod// gnyen gyur khyod la phyag 'tshal lo// khyod kyi sras mchog 'di dag kyang // thams cad byang chub slad du zhugs/ / dam pa'i chos ni nyan 'tshal na// 'dren pas de dag bstan du gsol// de nas bcom ldan 'das la byang chub sems dpa' sgrib pa thams cad rnam par sel bas// tshul dang 'dra ba'i tshigs su bcad pa de dag gis mngon par bstod nas/ bcom ldan 'das kyis gnang ste/ pad+ma'i snying po la phyogs gcig tu 'dug go// byang chub sems dpa' de dag thams cad kyang bcom ldan 'das kyis gnang nas pad+ma'i snying po la so so ci rigs par 'khod do/ / de nas byang chub sems dpa' sgrib pa thams cad rnam par sel ba stan las langs te/ bla gos phrag pa gcig tu gzar nas/ pus mo g.yas pa'i lha nga pad+ma'i snying po la btsugs te/ bcom ldan 'das ga lwa ba der logs su thal mo sbyar ba btud de/ bcom ldan 'das la 'di skad ces gsol to/ / gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bdag bcom ldan 'odas de bzhin gshegs pa dgra bcom pa yang
- 209b
dag par rdzogs pa'i sangs rgyas la phyogs 'ga' zhig zhu'o/ / de skad ces gsol pa dang / bcom ldan 'das kyis/ byang chub sems dpa' sgrib pa thams cad rnam par sel ba la 'di skad ces bka' stsal to/ / skyes bu dam pa khyod la de bzhin gshegs pa thams cad kyis rtag tu skabs phyes/ de bzhin gshegs pa la khyod ci dang ci 'dod pa dris shig dang / dris pa de dang de nyid du lung bstan pas ngas khyod kyi sems rangs par bya'o// de nas bcom ldan 'das kyis skabs phye ba dang / bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to/ / bcom ldan 'das ji ltar na byang chub sems dpa' sems dpa' chen po sbyin pa phun sum tshogs pa rnams lags/ ji ltar na tshul khrims phun sum tshogs pa rnams lags/ ji ltar na bzod pa phun sum tshogs pa rnams lags/ ji ltar na brtson 'grus phun sum tshogs pa rnams lags/ ji ltar na bsam gtan phun sum tshogs pa rnams lags/ ji ltar na shes rab phun sum tshogs pa rnams lags/ ji ltar na thabs mkhas pa rnams lags/ ji ltar na smon lam phun sum tshogs pa rnams lags/ ji ltar na stobs phun sum tshogs pa rnams lags/ ji ltar na ye shes phun sum tshogs pa rnams lags/ bcom ldan 'das ji ltar na byang chub sems
- 210a
dpa' sa dang mtshungs pa rnams lags/ ji ltar na chu dang mtshud pa rnams lags/ ji ltar na me dang mtshungs pa rnams lags/ ji ltar na rlung dmar dang mtshung pab rnams lags/ ji ltar na nam mkha' dang mtshungs pa rnams lags/ ji ltar na zla ba lta bu rnams lags/ ji ltar na nyi ma dang mtshungs pa lta bu rnams lags/ ji ltar na seng ge lta'u rnams lags/ ji ltar na dul ba rnams lags/ ji ltar na cang shes pa rnams lags/ ji ltar na pad+ma lta bu rnams lags/ bcom ldan 'das ji ltar na byang chub sems dpa' sems rgya che ba rnams lags/ ji ltar na sems rnam par dag pa rnams lags/ ji ltar na sems nem nur ma mchis pa rnams lags/ bcom ldan 'das ji ltar na byang chub sems dpa' blo rgya mtsho lta bu rnams lags/ ji ltar na blo zhib pa rnams lags/ bcom ldan 'das ji ltar na byang chub sems dpa' rig pa'i spobs pa can rnams lags/ ji ltar na grol ba'i spobs pa can rnams lags/ ji ltar na rnam par dag pa'i spobs pa can rnams lags/ ji ltar na sems can thams cad mgu bar byed pa'i spobs pa can rnams lags/ bcom ldan 'das ji ltar na byang chub sems dpa' tshig gzung ba rnams lags/ bcom ldan 'das ji ltar na byang chub sems dpa' chos brjod pa rnams lags/ ji ltar na chos kyi rjes su 'brang ba rnams lags/ ji ltar na chos kyi dbyings la
- 210b
mkhas pa rnams lags/ bcom ldan 'das ji ltar na byang chub sems dpa' stong pa nyid spyod yul ba rnams lags/ ji ltar na mtshan ma med pa la gnas pa rnams lags/ ji ltar na smon lam la gnas pa thams cad dang bral ba rnams lags/ ji ltar na byams pa'i bdag nyid can rnams lags/ ji ltar na snying rje'i bdag nyid can rnams lags/ ji ltar na dga' ba la gnas pa rnams lags/ ji ltar na btang snyoms la gnas pa rnams lags/ bcom ldan 'das ji ltar na byang chub sems dpa' mngon par shes pa rnam par rol pa rnams lags/ ji ltar na/ mi khom pa brgyad rnam par spangs pa rnams lags/ ji ltar na byang chub kyi sems mi stor ba rnams lags/ ji ltar na tshe rabs dran pa rnams lags/ ji ltar na dge ba'i bshes gnyen dang ma bral ba rnams lags/ ji ltar na sdig pa'i grogs po yongs su spangs pa rnams lags/ bcom ldan 'das ji ltar na byang chub sems dpa' de bzhin gshegs pa'i sku'i chos nyid thob par 'gyur/ ji ltar na lus rdo rje ltar sra ba rnams lags/ bcom ldan 'das ji ltar na byang chub sems dpa' ded dpon rnams lags/ ji ltar na lam la mkhas pa rnams lags/ ji ltar na lam ma log par ston pa rnams lags/ bcom ldan 'das ji ltar na byang chub sems dpa' rtag tu rgyun mi 'chad par sems mnyam par gzhag pa rnams lags/ bcom ldan
- 211a
'das ji ltar na byang chub sems dpa' phyag dar khrod pa rnams lags/ ji ltar na chos gos gsum pa rnams lags/ ji ltar na phying pa can rnams lags/ bcom ldan 'das ji ltar na byang chub sems dpa' bsod snyoms pa rnams lags/ ji ltar na stan gcig pa rnams lags/ ji ltar na zas phyis mi len pa rnams lags/ bcom ldan 'das ji ltar na byang chub sems dpa' dgon pa pa rnams lags/ ji ltar na shing drung pa rnams lags/ ji ltar na bla gab med pa rnams lags/ ji ltar na dur khrod pa rnams lags// ji ltar na cog pu pa rnams lags/ ji ltar na gzhi ji bzhin pa rnams lags/ bcom ldan 'das ji ltar na byang chub sems dpa' rnal 'byor spyod pa rnams lags/ ji ltar na mdo sde 'dzin pa rnams lags/ ji ltar na 'dul ba 'dzin pa rnams lags/ ji ltar na cho ga dang / spyod yul dang / spyod lam phun sum tshogs pa rnams lags/ ji ltar na ser sna dang phra dog dang bral ba rnams lags/ ji ltar na sems can thams cad la sems snyoms pa rnams lags/ ji ltar na de bzhin gshegs pa la mchod pa dang rim gro bgyid mkhas pa rnams lags ji ltar na nga rgyal bcom pa rnams lags/ ji ltar na dad pa mang ba rnams lags/ ji ltar na kun rdzob la mkhas pa rnams lags/ ji ltar na don dam pa la mkhas pa rnams lags//
- 211b
ji ltar na rten cing 'brel par 'byung ba la mkhas pa rnams lags/ ji ltar na bdag shes pa rnams lags/ ji ltar na 'jig rten shes pa rnams lags/ bcom ldan 'das ji ltar na/ byang chub sems dpa' sangs rgyas kyi zhing yongs su dag par skye/ ji ltar na mngal gyi dri mas ma gos par skye/ ji ltar na khyim gyi gnas nas mngon par byung ba rnams lags/ ji ltar na 'tsho ba yongs su dag pa rnams lags/ ji ltar na yid yongs su mi skyo ba rnams lags/ ji ltar na de de bzhin gshegs pa rnams kyi bka' bzhin bgyid pa rnams lags/ ji ltar na bzhin 'dzum zhing khro gnyer ma mchis pa rnams lags/ ji ltar na mang du thos pa rnams lags/ ji ltar na dam pa'i chos yongs su 'dzin pa rnams lags/ ji ltar na chos kyi rgyal po'i sras rnams lags/ ji ltar na brgya byin dang / tshangs pa dang / 'jig rten skyong bas bsu ba rnams lags/ ji ltar na bsam pa dang bag la nyal ba 'tshal ba rnams lags/ ji ltar na semA can yongasu smin par bgyi ba'i cho ga 'tshal ba rnam lags/ ji ltar na nges pa rnams lag/ ji ltar na 'grogs pa bde ba rnams lags/ ji ltar na bsdu ba'i dngos po la mkhas pa rnams lags// ji ltar na tshul du shis pa rnams lags/ ji ltar na gnas bca' ba rnams lags/ ji ltar na rtsi'i rgyal po'i shing chen po lta bu rnam lags/ ji ltar na bsod nams bgyi ba la brtson pa rnams lags/
- 212a
ji ltar na sprul pa la mkhas pa rnams lags/ bcom ldan 'das ji ltar na byang chub sems dpa' dag myur du bla na med pa yang dag par rdzogs pa'i byang chub tu mngon par rdzogs par 'tshang rgya/ de skad ces gsol pa dang / bcom ldan 'das kyis/ byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ / rigs kyi bu legs so legs so// yang rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang bde ba'i phyir zhugs shing / de ltar de bzhin gshegs pa la khyod 'di lta bu'i don 'di 'dri bar sems pa legs so// rigs kyi bu de'i phyir legs par rab tu nyon la yid la zung zhig dang ngas khyod la bshad do/ / bcom ldan 'das legs so zhes byang chub sems dpa' sgrib pa thams cad rnam par sel bas/ bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to// rigs kyi bu chos bcu dang ldan na/ byang chub sems dpa' sbyin pa phun sum tshogs pa rnams yin no// bcu gang zhe na/ 'di lta ste/ chos kyi sbyin pa phun sum tshogs pa rnams yin/ mi 'jigs pa'i sbyin pa phun sum tshogs pa rnams yin/ zang zing gi sbyin pa phun sum tshogs pa rnams
- 212b
yin/ lan du phan 'dogs pa la mi re ba'i sbyin pa phun sum tshogs pa rnams yin/ snying rje ba'i sbyin pa phun sum tshogs pa rnams yin/ mi brnyas pa'i sbyin pa phun sum tshogs pa rnams yin// bsti stang gi sbyin pa phun sum tshogs pa rnams yin/ mchod pa dang rim gro'i sbyin pa phun sum tshogs pa rnams yin/ mi gnas pa'i sbyin pa phun sum tshogos pa rnams yin/ yongs su dag pa'i sbyin pa phun sum tshogs pa rnams yin no/ / rigs kyi bu de la ji ltar na byang chub sems dpa' chos kyi sbyin pa phun sum tshogs pa yin zhe na/ rigs kyi bu 'di la byang chub sems dpa' zang zing med pa'i sems kyis chos rnams 'dzin cing / kun chub par byed de/ rnyed pa dang bkur sti'i phyir ma yin/ shes kyi khe 'dod pa'i phyir ma yin/ grags pa 'dod pa'i phyir ma yin te/ gzhan du na de 'di ltar sems can 'di dag gi sdug bsngal thams cad ji ltar zad par bya snyam ste/ chos de dag kyang zang zing med pa'i sems kyis gnyis su med pa gzhan dag la'ang yang dag par ston to/ / ji ltar rgyal po 'am/ blon po chen po la yang dag par ston pa de ltar gdol pa 'am/ gdol bu la'ang yang dag par ston na/ de ma yin pa grong rdal gyi mi dang / yul gyi mi gzhan dag la lta ci smos/ chos kyi sbyin pa des khengs par yang mi 'gyur te/ rigs kyi bu de ltar na byang chub sems dpa' chos kyi sbyin pa phun sum tshogs pa yin no//
- 213a
ji ltar na byang chub sems dpa' mi 'jigs pa'i sbyin pa phun sum tshogs pa yin zhe na/ rigs kyi bu 'di la byang chub sems dpa' bdag gis dbyig pa bor ba dang / mtshon mabor ba yin te/ gzhan dag kyang bslab pa de nyid la gzhog go// de sems can thams cad la bar 'du shes pa yin/ mar 'du shes pa yin/ khur 'du shes pa yin/ rtsa lag tu bdu shes pa 'in nye du'am/ sdug gi gnyen mtshams dag kyang rung bar 'du shes pa yin no// de ci'i phyir zhe na/ de 'di snyam du sems te/ de bzhin gshegs pas kyang skye ba 'pho ba de dang de dag tu/ sems can gyiris su gang khyed kyi pha'am/ ma 'am/ bu 'am/ rtsa lag gam/ nye du 'am/ snag gi gnyen mtshams gang yang rung ba'i gnas su ma gyur pa'i sems can de lta bu med do zhes gsungs so/ snyam nas/ de srog chags su gyur pa phra mo'i phyir yang bdag gis sha dag gis kyang phan 'dogs pa na/ srog chags chen po che ba gzhan dag la lta ci smos te/ de ltar na byang chub sems dpa' mi 'jigs pa'i sbyin pa phun sum tshogs pa yin no/ / ji ltar na byang chub sems dpa' zang zing gi sbyin pa phun sum tshogs pa yin zhe na/ rigs kyi bu 'di la byang chub sems dpa' sems can gang dag mi dge ba'i las rab tu byed pa mthong na/ de dag zang zing gis bsdus shing / zang zing gis bsdus nas/ mi dge ba'i gnas de nas bslangs te dge ba'i gnas su 'go/
- 213b
do// de yang 'di snyam du sems te/ bcom ldan 'das kyis kyang sbyin pa ni byang chub sems dpa'i byang chub bo// byang chub sems dpa' sbyin pa sbyin pa na/ mi dge ba'i chos phrag/ dog dang / ser sna dang / ngan sems gsum spangs pa yin no zhes gsungs te/ de bas na bdag gis de bzhin gshegs pa'i rjes su bslab cing sbyin pa sbyin par bya'o snyam ste/ de sbyin pa yang sbyin zhing sbyin pa des khengs par yang mi 'gyur te/ de ltar na byang chub sems dpa' zang zing gi sbyin pa phun sum tshogs pa yin no// ji ltar na byang chub sems dpa' la lan du phan 'dogs pa la mi re ba'i sbyin pa phun sum tshogs pa yin zhe na/ byang chub sems dpa' sbyin pa sbyin pa yang / 'dod pa'i phyir sbyin pa mi sbyin/ phan 'dogs su re ba'i phyir ma yin// don gyi phyir ma yin/ g.yog gi phyir ma yin/ 'jig rten gyi tshul gyi phyir ma yin gyi/ gzhan du na 'di snyam du sems te/ gang byang chub sems dpa' sbyin pa'i ngang tshul can du 'gyur ba 'di ni chos nyid yin no snyam ste/ de rgyu de dang / rkyen de dang / gzhi des phan btags pa'i lan du phan 'dogs pa thams cad la mi re bar sbyin pa sbyin par byed de/ de ltar na byang chub sems dpa' lan du phan 'dogs pa la mi re ba'i sbyin pa phun sum tshogs pa yin no/ / ji ltar na byang chub sems dpa' snying rje ba'i sbyin pa phun sum tshogs pa yin zhe na/ 'di la byang chub
- 214a
sems dpa' sems can sdug bsngal ba dang / bkres pa dang / skom pa dang / gcer bu dang / gos ngan pa dang / bgo ba ngan pa dang / mgon med pa dang dpung gnyen med pa dang / skyabs med pa dang / gnas med pa dang / rten med pa lta bu bsod nams med pa dag mthong na/ de dag la snying rje ba'i sems rab tu skyed cing de 'di snyam du sems te/ sems can gang dag gi phyir bdag gis bla na med pa yang dag par rdzogs pa'i byang chub tu sems bskyed pa'i sems can de dag ni sdug bsngal ba mgon med pa/ dpung gnyen med pa/ skyabs med pa/ gnas med pa/ rten med pa 'di dag yin te/ kun tu 'khyam na nam zhig bdag sems can de dag gi mgon dang / dpung gnyen dang / skyabs dang / gnas dang / rten du 'gyur snyam nas/ de snying rjes rab tu mi zad de/ bdog cing yod pa'i dngos pos sems can de dag la phan 'dogs so// phan btags pa'i mod la skyes pa'i dge ba'i rtsa ba des kyang khengs par mi 'gyur te/ de ltar na byang chub sems dpa' snying rje ba'i sbyin pa phun sum tshogs pa yin no// ji ltar na byang chub sems dpa' mi brnyas pa'i sbyin pa phun sum tshogs pa yin zhe na/ byang chub sems dpa' sbyin pa na/ bor ba'i sbyin pa mi sbyin/ brnyas shing sbyin pa mi sbyin/ gshe zhing sbyin pa mi sbyin/ nyon
- 214b
mongs shing sbyin pa mi sbyin/ phyug pas rgyags shing dregs te sbyin pa mi sbyin/ grags pa 'dod cing sbyin pa mi sbyin/ mang du thos pas rgyugs shing dregs pas sbyin pa mi sbyin gyi/ ci sbyin pabade yang bsti stang du byas shing sbyin pa sbyin par byed do/ / btsun par byas shing sbyin pa sbyin par byed do// ri mor byas mchod cing rang gi lag nas sbyin pa sbyin por byed do// de ltar na byang chub sems dpa'i mi brnyas po'i sbyin pa phun sum tshogs pa yin no/ / ji ltar na byang chub sems dpa' bsti stang gi sbyin pa phun sum tshogs pa yin zhe na/ byang chub sems dpa' slob dpon dang / mkhan po dang / bla ma lta bu dang / tshangs pa mtshungs par spyod pa gang dag mthong na/ lus kyis gus pa dang bcas pa yin/ sems kyis ri mo dang bcas pa yin te/ des gus pa bskyed/ ri mo bskyed nas gus par smra ba dang / phyag 'tshal ba dang / bsu ba dang / thal mo sbyar ba dang / 'dud pa'i las dag byed do// de dag gis dge ba dang ldan pa'i bya bde dang de dag la'ang grogs su 'gyur te/ de ltar na byang chub sems dpa' bsti stang gi sbyin pa phun sum tshogs pa yin no// ji ltar na byang chub sems dpa' mchod pa dang rim gro'i sbyin pa phun sum tshogs pa yin zhe na/ byang chub sems dpa' sangs rgyas dang / chos dang / dge 'dun la bya ba de dag byed de/ ji ltar na sangs rgyas la bya ba dag byed ce na/ 'di lta ste/ de bzhin
- 215a
/ gshegs pa'i mchod rten dag dang / de bzhin gshegs pa'i sku gzugs la spos sam/ me tog gam/ bdug pa 'am/ 'phyag pa 'am/ skyang nul lam/ de bzhin gshegs pa'i mchod rten zhig pa bcos pa dag gis te/ de ltar na sangs rgyas la bya ba dag byed do// ji ltar na chos la bya ba dag byed ce na/ de chos nyan to// 'chang ngo // klog go yi ger 'dri'o/ / kha ton byed do// kun chub par byed do// sems so// ma log par bsgom pa'i sbyor bar gom par byed de/ de ltar na chos la bya ba dag byed do// ji ltar na dge 'dun la bya ba byed ce na/ chos gos dang / bsod snyoms dang / mal cha dang / na ba'i gsos sman dang / yo byad rnams dang / tha na chu grang mo phor gang tsam yang dge 'dun la 'bul te/ de ltar na dge 'dun la bya ba dag byed de/ de ltar na byang chub sems dpa' mchod pa dang rim gro'i sbyin pa phun sum tshogs pa yin no// ji ltar na byang chub sems dpa' mi gnas pa'i sbyin pa phun sum tshog pa yin zhe na/ 'di la byang chub sems dpa' sbyin pa byin pa na/ sbyin pa 'dis bdag lha 'am/ b+ha la la zhig tu shog cig ce'am/ rgyal po 'am/ rgyal po la la zhig tu shog cig ces de ltar sem+ba mi bskyed de/ de ltar byang chub sem dpa' mi gnas pa'i sbyin pa phun sum tshogs pa yin no/ / rigs kyi bu ji ltar na byang chub sems dpa' yongs su dag pa'i sbyin pa phun sum tshogs pa yin zhe na/ rigs kyi bu
- 215b
'di la byang chub sems dpa' sbyin pa 'di dag ji skad du bshad pa la so sor rtog pa'i rang bzhin can yin te/ de sbyin pa ci dang ci sbyin yang / sbyin pa de dang de la so sor rtog pa'i rang bzhin can yin no/ / de de ltar so sor rtog pa la gang 'di sbyin pa'i nyes pa dang / sbyin pa'i dri ma dang / sbyin pa'i bar du gcod pa de dag mi 'byung ste/ de ltar na rigs kyi bu byang chub sems dpa' yongasu dag pa'i sbyin pa phun sum tshogs pa yin no/ / rigs kyi bu chos bcu po de dag dang ldan na/ byang chub sems dpa' sbyin pa phun tshigs pa rnams yin no// rigs kyi bu chos bcu dang ldan na/ byang chub sems dpa' tshul khrims phun sum tshogs pa rnams yin no// bcu gang zhe na/ 'di lta ste/ so sor thar pa'i sdom pas bsdams pa rnams yin/ byang chub sems dpa'i bslab pa'i sdom pas bsdams pa rnams yin/ nyon mongs pa thams cad kyi yongs su gdung ba dang bral ba rnams yin/ tshul bzhin ma yin pa yid la byed pa dang bral ba rnams yin/ las kyi 'jigs pa rnams yin/ kha na ma tho bas 'jigs pa rnams yin/ 'jigs par lta ba rnams yin/ yang dag par blangs pa la brtan pa rnams yin/ mi gnas pa'i tshul khrims pa rnams yin/ 'khor gsum yongs su dag pa'i tshul khrims pa rnams yin no// rigs kyi bu de la ji ltar na byang chub sems dpa' so sor thar pa'i sdom pas
- 216a
bsdams pa rnams yin zhe na/ rigs kyi bu 'di la byang chub sems dpa' de bzhin gshegs pas mdo sde 'am/ 'dul ba 'am/ gnas gang yang rung ba la dag tu bslab/ pa'i gzhi 'di dag gang bcas pa de dag ston pas bstan pa'o snyam du bsams te/ gnas de dang de dag la shin tu legs par slob kyi/ rigs la 'dod chags pas ma yin/ lta ba la 'dod chags pas ma yin/ 'khor ba la 'dod chags pas ma yin/ gang zag gi skyon gyi phyir bslab pa'i gzhi de dang de dag la ri mo byed pa ma yin te/ de ltar na byang chub sems dpa' so sor thar pa'i sdom pas bsdams pa yin no/ / ji ltar na byang chub sems dpa' byang chub sems dpa'i bslab pa'i sdom pas bsdams pa yin zhe na/ 'di la byang chub sems dpa' 'di snyam du so sor thar pa'i sdom pa tsam gyis ni/ bdag gis bla na med pa yang dag par rdzogs pa'i byang chub mngon par rdzogs par 'tshang rgya bar mi nus kyis/ de bzhin gshegs pas mdo sde de dang de dag las byang chub sems dpa'i yang dag par spyad pa dang / byang chub sems dpa'i bslab pa'i gnas rnams kyang gang / 'di dag gang bcas pa de dag la bdag gis bslab par bya'o zhes rnam par dpyod do/ / byang chub sems dpa'i yang dag par spyad pa de dag ni gang / byang chub sems dpa'i bslab pa'i gnas de rnams kyang gang zhe na/ 'di la byang chub sems dpa' gang gi phyir de la
- 216b
sems can rnams dad par 'gyur ba'i gnas ma yin par mi spyod/ dus ma yin par mi spyod/ yul ma yin par mi spyod/ dus ma yin par mi smra ba yin/ dus mi shes pa ma yin/ yul mi shes pa ma yin/ tshod mi shes pa ma yin te/ de sems can rjes su srung ba dang / bdag gi byang chub kyi tshogs yongs su rdzogs par bya ba'i phyir/ spyod lam phun sum tshogs shing 'jam par smra ba dang / dal bus smra ba dang / 'du 'dzi mi mang ba dang / rab tu dben pa la mngon par phyogs pa dang / bzhin gyi mdangs rab tu dang ba yin te/ de ltar na byang chub sems dpa' cho ga phun sum tshogs pa yin no/ / ji ltar na byang chub sems dpa' byang chub sems dpa'i bslab pa'i sdom pas bsdams pa yin zhe na/ de bzhin gshegs pas mdo sde de dang de dag la byang chub sems dpa' rnams kyi bslab pa'i gzhi 'di dag gang bcas pa'i bslab pa'i gzhi de dag la gus par byed pa yin/ brtson byed pa yin te/ de ltar na byang chub sems dpa' byang chub sems dpa'i bslab pa'i sdom pas bsdams pa yin no/ / ji ltar na byang chub sems dpa' nyon mongs pa thams cad kyis yongs su gdung ba dang bral ba yin zhe na/ 'di la byang chub sems dpa' 'dod chags kyis yongs su gdung ba 'am/ zhe sdang gis yongs su gdung ba 'am/ gti mug gis yongs su gdung ba 'am/ nyon mongs pas yongs su gdung ba gang yang rung ba la la
- 217a
'am/ yo byad kyis 'phongs pa'i yongs su gdung ba gang yang rung ba la las yongs su gdung bar mi 'gyur te/ 'dod chags kyi gnyen po la rten cing / 'dod chag skye ba'i rkyen rnam yongasu spyod do// 'dod chags kyi gnyen po de dag ni gang / 'dod chags skye ba'i rkyen de dag ni gang zhe na/ mi sdug pa bsgom pa ni 'dod chags kyi gnyen po'o// yul gyi bzang mo ni 'dod chags skye ba'i rkyen to/ / mi sdug pa bsgom pa de gang zhe na/ 'di lta ste/ lus 'di la sgra dang / spu dang / sen mo dang / so dang / rdul dang / dri ma dang / pags pa dang / sha dang / rus pa dang / rgyus pa dang / rtsa dang / mkhal ma dang / snying dang / mchin pa dang / glo ba dang / rgyu ma dang / gnyem dang / pho ba dang / sul mangs dang / long ka dang / lgang pa dang / mcher pa dang / phyi sa dang / mchil ma dang / rdul dang / snabs dang / ngar snabs dang / zhag dang / chu ser dang / rkang dang / tshil dang / mkhris pa dang / bad kan/ dang / rnag dang / khrag dang / klad pa dang / klad rgyas dang / gcin dag yod de/ dngos po de dag la byang chub sems dpa' yongs su rtog pa'i rang bzhin can yin te/ yongs su rtog pa'i rang bzhin can de 'di snyam du/ byis pa blun po mi gsal ba mi mkhas pa de yang dngos po 'di dag shes nas/ 'dod chags kyi sems mi bskyed na/ shes rab ldan pa'i rang
- 217b
bzhin can lta smos kyang ci dgos snyam ste/ de ltar na byang chub sems dpa' mi sdug pa bsgom pa yang mang ba yin no// yul gyi bzang me de gang zhe na/ 'di la byang chub sems dpas chags par 'gyur ba'i bud med kyi gzugs bzang ba/ yid du 'ong ba/ mdzes pa/ mig tu sdug pa/ sems 'phrog pa mthong yang des de lta bu dag mthong na/ 'di ltar yongs su rtog ste/ bcom ldan 'das kyis kyang yul ni rmi lam dang 'dra ba dag ste/ byung nas med par 'gyur ba yin na/ mkhas pa'i rang bzhin su zhig rmi lam lta bu'i yul dag la 'dod chags skyed par byed ces gsungs so snya ma ste/ de ltar na byang chub sems dpa' 'dod chags kyi gnyen po la rten cing / 'dod chags skye ba'i rkyen rnams yongs su spong ngo // ji ltar na byang chub sems dpa' zhe sdang gi gnyen po la rten cing / zhe sdang skye ba'i rkyen rnams yongs su spong zhe na/ 'di la byang chub sems dpa' sems can rnams la byams pa mang ba yin/ de gzhi gang dang // rgyu gang dang / rkyen gang gis khro zhing gnod sems su 'gyur pa dang / khon du 'dzin par 'gyur ba'i rgyud dag rkyen de dag yongs su spong ste/ de ltar na byang chub sems dpa' zhe sdang gi gnyen po la rten cing / zhe sdang skye ba'i rkyen rnams yongs su spong ba yin no// ji ltar na byang chub sems dpa' gti mugi gnyen po la rten cing / gti mug skye ba'i rkyen rnams yongs
- 218a
su spong zhe na/ de de ltar yongs su rtog pas gti mug dang bral bar 'gyur ro// gti mug dang bral bas 'dod pa ma 'byor tam yo byad ma 'byor kyang song su yi 'chad pa med de/ de ltar na byang chub sems dpa' nyon mongs pa thams cad kyi yongs su gdung ba dang bral ba yin no// ji ltar na byang chub sems dpa' tshul bzhin ma yin pa'i yid la byed pa dang bral ba yin no/ nu/ 'di la byang chub sems dpa' gcig po lkog tu song ste rab tu dben pa na gnas shing / 'di ltar bdag ni ma 'dres par gnas pa ste/ bdag ni rab tu dben pa na 'dug pa'o// bdag ni de bzhin gshegs pa'i chos 'dul ba la zhugs pa'o/ / dge sbyong ngam bram ze gzhan dag ni kun kyang 'dres par gnas pa/ 'du 'dzi mang ba/ de bzhin gshegs pa'i chos 'dul ba las nyams pa'o snyam du sems mi skyed de/ de ltar na byang chub sems ngopa' tshul bzhin ma yin pa'i yid la byed pa dang bral ba yin no// ji ltar na byang chub sems dpa' las kyis 'jig pa yin zhin+ta/ 'di la byang chub sems dpa' 'di sbyar bcom ldan 'das kyis kyang / dge slong rnams bsod nams dag gus par bya'o// tshul khrims gus par bsrung ngo // shes rab gus par bsgom mo/ / ni bu'i phyir zhe na/ bsod nams bus par byas pa rnams kyi rnam par smin pa ni/ 'dod pa dang / 'thad pa dang / dga' ba dang / yid du 'ong bar nyams su
- 218b
'gyur ro zhes gsungs so snyam du dpyod do/ / de de ltar mngon par yid ches pas mi dge ba'i chos thams cad dang bral bar 'gyur te/ de ltar na las kyis 'jigs pa yin no// ji ltar na byang chub sems dpa' kha na ma tho bas 'jigs pa yin zhe na/ 'di la byang chub sems dpa' kha na ma tho ba phra mo tsam dag la'ang 'jigs par lta zhing / sdig pa chung ngu yang khyad du mi gsod pa yin te/ 'di snyam du bcom ldan 'das kyis kyang / dge slong rnams dug chung ngus kyang skyes bu 'chi bar 'gyur ro// dge slong rnams drug chen pos kyang skyes bu 'chi bar 'gyur ro// de bzhin du sdig pa chung ngus kyang ngan song rnams su phyin par byed do// sdig pa chen pos kyang ngan song rnams su phyin par byed do zhes gsungs so snyam du sems so// de de ltar yongs su rtog pa'i kha na ma tho bas 'jigs pa yin te/ de ltar na byang chub sems dpa' kha na ma tho bas 'jigs pa yin no// ji ltar na byang chub sems dpa' 'jigs par lta ba yin zhe na/ 'di la byang chub sems dpa' bram ze dang / rgyal rigs dang / grong rdal gyi mi dang / yul gyi mi rnams kyis yid la rtan du rung ba yin te/ bram ze dang / rgyal rigs dang / grong rdal gyi mi dang / yul mi rnams byang chub sems dpa' de gcig pu gnyis su med pa la 'gron bu dang / gser dang / nor bu dang / mu tig dang / bai DUR+Ya dang / dung dang /
- 219a
man shel dang / bya ru la sogs pa nor dang / yo byad kyi rnam pa dag 'a dems kyang / de la byang chub sems dpa' brnab sems kyang mi skyed do// gal te byang chub sems dpa' mchod rten gyi 'am/ dge 'dun gyi dngos po'i phyir las su bskos na yang / dngos po des kyang nye bar mo 'tsho ste/ de 'di snyam du sems shing bcom ldan 'das kyis kyang byang chub sems dpa' ni bdag gi lus las sha zos kyang bla'i/ gzhan gyi zas sam/ skom mam/ yo byad kyi rnam pa gang ci yang rung ba dag ma byin la ma gnang bar spyad pa ni mi rung ngo zhes gsungs so snyam ste/ de ltar na byang chub sems dpa' 'jig par lta ba yin no// ji ltar na byang chub sems dpa' gang yang dag par blangs pa la brtan pa yin zhe na/ 'di la byang chub sems dpa' bdud dam bdud kyi ris kyi lho rnams kyis gtses sam/ nor dang 'khrig pa'i yan lag gis brjod kyang mi g.yo mi 'gyur zhing nyams par mi 'gyur te/ de ltar na byang chub sems dpa' yang dag par blangs pa la brtan pa yin no/ / ji ltar na byang chub sems dpa' mi gnas pa'i tshul khrims yin zhe na/ 'di la byang chub sems dpa' tshul khrims srung na tshul khrims 'dis bdag lhar shog cig ce 'am/ lha la lar shog cig ce 'am/ rgyal por shog cig ce 'am/ rgyal po la lar shog cig ces sems mi skyed do// de ltar na byang chub sems dpa' mi gnas pa'i tshul khrims
- 219b
pa yin no/ / rigs kyi bu ji ltar na byang chub sems dpa' 'khor gsum yongs su dag pa'i tshul khrims pa zhe na/ 'di la byang chub sems dpa' lus kyis yongs su dag pa yin no// ngag dang / yid kyis yongs su dag pa yin te/ ji ltar na lus kyis yongs su dag pa yin zhe na/ de gang lus kyis ngan du spyod pa 'di dag thams cad du thams cad yongs su spong ste/ lus kyis ngan du spyod pa de dag kyang gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa ste/ de ltar na lus kyis yongs su dag pa yin no// ji ltar na ngag gis yongs su dag pa yin zhe na/ de gang 'di dag gis ngan du spyod pa de dag thams cad du tham cad yongasu spang ste/ ngag gis ngan du spyod pa de dag kyang grang zhe na/ 'di lta ste/ rdzun du smra ba dang / phra ma dang / tshig rtsub po dang / tshig bkyal pa ste/ de ltar ni ngag gis yongs su dag pa yin no// ji ltar na yid kyis yongs su dag pa yin zhe na/ de gang 'di dag yid kyis ngan du spyod pa de dag thams cad du thams cad yongs su spong ste/ yid kyis ngan du spyod pa de dag kyang gang zhe na/ 'di lta ste/ brlab sems dang / gnod sems dang / log par lta ba'o// de ltar na yid kyis yongs su dag pa yin te/ rigs kyi bu de ltar na byang chub sems dpa' 'khor gsum yongs su dag pa'i tshul khrims can yin no// rigs kyi bu chos bcu po de dag dang ldan na/
- 220a
byang chub sems dpa' tshul khrims phun sum tshogs pa rnams yin no// rigs kyi bu chos bcu dang ldan na/ byang chub sems dpa' bzod pa phun sum tshogs pa rnams yin no/ / bcu gang zhe na/ 'di lta ste/ nang gi bzod pa phun sum tshogs pa rnams yin/ phyi'i bzod pa phun sum tshogs pa rnams yin/ chos kyi bzod pa phun sum tshogs pa rnams yin/ sangs rgyas kyis gnang ba'i bzod pa phun sum tshogs pa rnams yin/ nyi tshe ba ma yin pa'i bzod pa phun sum tshogs pa rnams yin/ tha dad pa med pa'i bzod pa phun sum tshogs pa rnams yin/ dgos pa la mi lta ba'i bzod pa phun sum tshogs pa rnams yin/ rnam par mi 'khrug pa'i bzod pa phun sum tshogs pa rnams yin/ snying rje'i bzod pa phun sum tshogs pa rnams yin/ dam bcas pa nyams su lon par byed pa'i bzod pa phun sum tshogs pa rnams yin no// rigs kyi bu de la ji ltar na byang chub sems dpa' nang gi bzod pa phun tshogs pa yin zhe na/ rigs kyi bu 'di la byang chub sems dpa' gang 'di dag nang gi mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa de dag bzod cing dang du yin la yongs su yi mi chad de/ de ltar na byang chub sems dpa' nang gi bzod pa phun sum tshogs pa yin no// ji ltar na byang chub sems dpa' phyi'i bzod pa phun sum tshogs pa
- 220b
yin zhe na/ 'di la byang chub sems dpa' ma las smos pa 'am/ pha las smos pa 'am/ nye du las smos pa 'am/ mkhan po las smos pa 'am/ slob dpon las smos pa'i tshig gi lam ngan du brjod pa dang / dran du smra ba pha rol las thos sam/ sangs rgyas sam/ chos sam/ dge 'dun la mi snyan par brjod pa thos na/ mi khro zhing gnod par mi sems la/ khon du mi 'dzin te/ de bzod cing dang du len la gnod sems mi mang ba yin te/ de ltar na byang chub sems dpa' phyi'i bzod pa phun sum tshogs pa yin no// ji ltar na byang chub sems dpa' chos kyi bzod pa phun sum tshog pa yin zhe na/ 'di la byang chub sems dpa' gang 'di dag mdo sde zab mo zab mo dag las de bzhin gshegs pas chos bstan pa rgyun chad pa/ mtshams sbyor ba las rnam par grol ba bsngar med pa 'di lta ste/ chos thams cad thog ma nas zhi ba'o// chos thams cad rang bzhin gyis mya ngan las 'das pa'o zhes bstan pa de dag thos kyang mi 'jigs mi sdang skrag par mi 'gyur te/ de 'di ltar chos 'di dag ma shes sam ma thos par ni/ bla na med pa yang dag par rdzogs pa'i byang chub mngon par rdzogs par 'tshang rgya bar mi nus so snyam du sems te/ de'i phyir gang chos de dag 'dzin pa dang / sems pa dang / sgom pa dang / yongs su rtogs dang / mos pa 'di ni chos kyi bzod pa zhes bya ste/ de ltar na byang chub sems dpa' chos kyi bzod pa phun
- 221a
sum tshogs pa yin no/ / ji ltar na byang chub sems dpa' sangs rgyas kyis gnang ba'i bzod pa phun sum tshogs pa yin zhe na/ 'di la byang chub sems dpa' khro ba'i bsam pa skyes sam/ gnod sems kyi bsam pa skyes na/ 'di ltar khro ba 'di gang nas 'byung / gang du 'gag/ gang la 'byung zhing ji ltar 'byung / ci'i don du 'byung zhes yongs su rtog ste/ des de ltar yongs su brtags na/ khro ba'i skyo ba'ang yang dag par rjes su mi mthong / 'gag pa'ang yang dag par rjes su mi mthong / gang la skye ba de'ang yang dag par rjes su mi mthong/ ji ltar skye ba de'ang yang dag par rjes su mi mthong / rkyen gang gis skye ba'ang yang dag par rjes su mi mthong ste/ de de'i phyir bzod cing dang du len la/ kun nas ldang ba mi mang ba yin te/ de ltar na byang chub sems dpa' sangs rgyas kyis gnang ba'i bzod pa phun sum tshogs pa yin no// ji ltar na byang chub sems dpa' nyi tshe ba ma yin pa'i bzod pa phun sum tshogs pa yin zhe na/ byang chub sems dpa' ni nyin par bzod la/ mtshan mo mi bzod pa 'am/ mtshan mo bzod la nyin par mi bzod pa 'am/ bdag gi yul na bzod la gzhan gyi yul na mi bzod pa 'am/ gzhan gyi yul na bzod la bdag gi yul na mi bzod pa'am/ bshes pa la bzod la mi bshes pa la mi bzod pa 'am/ mi bshes pa la bzod la bshes pa la mi bzod pa ma yin gyi/ byang chub sem dpa' ni dus thams cad du'ang
- 221b
bzod/ / yul tham cad du'ang bzod/ tham cad la'ang bzod pa yin te/ de ltar na byang chub sems dpa' nyi tshe ba ma yin pa'i bzod pa phun sum tshogs pa yin no// ji ltar na byang chub sems dpa' tha dad pa med pa'i bzod pa phun sum tsheg pa yin zhe na/ 'di la byang chub sems dpa' pha dang / ma dang / bla ma dang / bu dang / bu mo dang / chung ma dang / nye du'am/ snag gi gnyen mtshams la bzod la/ gzhan la mi bzod pa ma yin gyi/ byang chub sems dpa' ni tha na gdol pa gzhon nu yan chad la'ang bzod de/ de ltar na byang chub sems dpa' tha dad pa med pa'i bzod pa phun sum tshogs pa yin no/ / ji ltar na byang chub sems dpa' dgos pa la mi lta ba'i bzod pa phun sum tshogs pa yin zhe na/ 'di la byang chub sems dpa' don gyi phyir bzod pa ma yin/ 'jig pa'i phyir ma yin/ phan thogs su re ba'i phyir ma yin/ 'jig rten gyi tshul gyis ma yin/ ngo tsha bas bzod pa ma yin gyi/ byang chub sems dpa' ni rtag par yang bzod pa mang ba yin te/ de ltar na byang chub sems dpa' dgos pa la mi lta ba'i bzod pa phun sum tshogs pa yin no// ji ltar na byang chub sems dpa' rnam par mi 'khrugs pa'i bzod pa phun sum tshogs pa yin zhe na/ 'di la byang chub sems dpa' nam de la khro ba skye ba'i rkyen gang gis zil gyis non na khu tshur gyis 'tshog par 'gyur ba 'am/ thal mos 'tshog par 'gyur
- 222a
pa'am/ dbyig pas rdeg par 'gyur ba dang / mtshon gyis 'debs par 'gyur ba 'am/ mi gtsigs pa'i tshig gis ngan du brjod pa de lta bu'i rkyen ma byung gi bar du bzod pa ma yin gyi/ byang chub sems dpa' ni gal te la la zhig brdegs sam/ bsdigs sam/ spyos sam/ brgyad na/ de byang chub sems dpa' 'di snyam du bdag nyid kyis las 'di dag byas te/ bdag nyid la rnam par smin par 'gyur ro// mas ma byas/ phas ma byas/ nye du dang snag gi gnyen mtshams gang yang rung ba dag gis ma byas te/ las 'di dag bdag nyid kyis byas pas/ de'i phyir bdag nyid la rnam par smin par 'gyur gyi/ phyi rol gyi sa'i khams la rnam par smin par mi 'gyur/ de bzhin du chu'i khams dang / me'i khams dang / rlung gi khams la rnam par smin par mi 'gyur ro// de bzhin du nang gi sa'i khams la rnam par smin par mi 'gyur/ de bzhin du nu'i khams dang / me'i khams dang / rlung gi khams la rnam par smin par mi 'gyur ro snyam du sems gzhag par bya'o/ / de de ltar ma log par rtogs pas de'i rgyu/ de'i rkyen/ de'i gzhis rnam par dkrugs kyang bzod/ rnam par ma dkrugs kyang bzod de/ de ltar na byang chub sems dpa' rnam par mi 'khrugs pa'i bzod pa phun sum tshogs pa yin no// ji ltar na byang chub sems dpa' snying rje'i bzod pa/
- 222b
phun sum tshogs pa yin zhe na/ 'di la byang chub sems dpa' rgyal po 'am/ blon po chen po phyug cing nor mang ba/ longs spyod che ba/ sems can sdug bsngal ba rnams kyi bdag por gyur la/ de la sems can de dag gis mi snyan par brjod kyang rung / bkyil kyang rung / gau tses kyang rung ste/ mi khro zhing gnod sems su mi byed la/ bdag por gyur pa lta bur mi ston gyi/ gzhan du na de'i 'di snyam du sems can 'di dag ni bdag nyid kyis bzung ba ste/ sems can 'di dag ni bdag nyid kyis yongs su bskyang bar byas pa yin la/ de ltar na yongs su srung ba na brlag par bya ba ni bdag gi mi na'o zhes de de'i phyir snying rje'i sems nye bar bzhag ste/ bzod cing dang du len la gnod sems mi mang ba yin te/ de ltar na byang chub sems dpa' snying rje'i bzod pa phun sum tshogs pa yin no/ / rigs kyi bu ji ltar na byang chub sems dpa' dam bcas pa nyams su lon par byed pa'i bzod pa phun sum tshogs pa yin zhe na/ 'di la byang chub sems dpa' ' di snyam du bdag gis de bzhin gshegs pa dgra bcom pa yang dag par rdzogs pa'i sangs rgyas de dag gi spyan sngar bdag gis bla na med pa yang dag par rdzogs pa'i byang chub mngon par rdzogs par sangs rgyas te/ 'khor ba'i rgya mtsho'i 'dam du bying ba'i sems can rnams bsgral bar bgyi'o zhes seng ge'i sgra bsgrags kyis/ de ltar sems can thams cad bsgral ba dang /
- 223a
sems can thams cad dkrol ba dang / sems can thams cad dul ba dang / zhi ba la rab tu dgod par brtson pa la bdag nyid khro ba mang ba dang / gnod sems mang ba dang / mi bzod pa mang ba dang / phog sA med pa ni bdag gi mi cha'o snyam du sems so// rigs kyi bu 'di lta ste/ dper na sman pa thur ma can zhig yod la/ sems can rnams kyang rab rib kyis mdongs par gyur nas/ sman pa des 'di snyam du bdag gis sems can 'di dag gi rab rib kyi skyon bsal bar bya'o zhes bsams la/ de nas sman pa de bdag nyid kyang mdongs par gyur na/ rigs kyi bu de ji snyam du sems/ jig sman pa des sems can de dag gi rab rib kyi skyon thams cad bsal bar nus sam/ gsol pa/ bcom ldan 'das de ni ma lags so/ / bcom ldan 'das kyis bka' stsal pa/ rigs kyi bu de bzhin du byang chub sems dpa' yang 'di ltar 'jig rten mi shes pa'i rab rib kyis mdongs pa'i gti mug gi dri ma shes rab kyi mig gis bsal bar 'dod la/ bdag nyid kyang mi shes pa'i rab rib kyis mdongs na/ bdag gi mi cha'o snyam du sems te/ de de'i phyir bzod cing dang du len la gnod sems mi mang ba yin te/ de ltar na byang chub sems dpa' dam bcas pa nyams su lon par byed pa'i bzod pa phun sum tshogs pa yin no// rigs kyi bu chos bcu po de dag dang ldanan/
- 223b
byang chub sems dpa' bzod pa phun sum tshogangasang yin no// 'phags pa dkon mchog sprin bam po gnyis pa/ rigs kyi bu chos bcu dang ldan na/ byang chub sems dpa' brtson 'grus phun sum tshogs pa rnams yin no// bcu gang zhe na/ 'di lta ste/ rdo rje lta bu'i brtson 'grus can rnams yin/ mi 'phrogs pa'i brtson 'grus can rnams yin/ mtha' gnyis dang bral ba'i brtson 'grus can rnams yin/ rlabs po che'i brtson 'grus can rnams yin/ 'bar ba'i brtson 'grus can rnams yin/ rgyun du chud pa'i brtson 'grus can rnams yin/ rnam par dag pa'i brtson 'grus can rnams yin/ thun mong ma yin pa'i brtson 'grus can rnams yin/ mi brnyas pa'i brtson 'grus can rnams yin/ snyems pa med pa'i brtson 'grus can rnams yin no// rigs kyi bu de la ji ltar na rdo rje lta bu'i brtson 'grus can rnams yin zhe na/ rigs kyi bu 'di la byang chub sems dpa' sems can gyi khams yongs su mya ngan las ma 'das pa yongasu mya ngan las bzla ba dang / ma sgral ba bsgral ba dang / ma grol ba dgrol ba dang / dbug ma phyin pa dbug dbyung ba dang / mngon par rdzogs par sangs ma rgyas pa mngon par rdzogs par 'tshang rgya ba'i phyir brtson 'grus brtsams pa yin te/ de de ltar na brtson 'grus brtsams shing gnas pa'i drung du bdud sdig to can 'ongs nas/ byang chub sems
- 224a
dpa' de la rigs kyi bu 'di lta bu'i brtson 'grus thong zhig/ de ci'i phyir zhe na/ rigs kyi bungs kyang sems can gyi khams yongs su mya ngan las ma 'das pa/ yongs su mya ngan las bzla ba dang / ma rgal pa bsgral ba dang / ma grol ba dkrol ba dang / dbugs ma phyin pa dbugs dbyung ba dang / mngon par rdzogs par sangs ma rgyas pa mngon par rdzogs par 'tshang rgya bar bya ba'i phyir brtson 'grus 'di lta bu brtsams te/ de ni brdzun dang / 'drid pa'i chos can byis pa'i skye bo slu ba'o// rigs kyi bu ngas ni sems can brtson 'grus brtsams pa gcig 'gag kyang / bla na med pa yang dag par rdzogs pa'i byang chub mngon par rdzogs par sangs rgyas por ma shes so// rigs kyi bu ngas ni sems can bye ba du mnyan thos kyi theg pa dang / rang sangs rgyas kyi theg pas yongs su mya ngan las 'das par shes kyis/ rigs kyi bu khyod kyis de'i phyir brtson 'grus zlos shig/ don med par zhen mongs pa la sten pa por gyur tA re zhes dad pa dang bral bar byed cing / kyal ka byed kyang de la byang chub sems dpa' 'di snyam du sems te/ kye ma 'di ni bdud sdig can bdag la kyal ka byed par 'dod do snyam ste/ des de ltar shes na/ bdud sdig can de la 'di skad du sdig can khyod bya ba nyung ngu gyis shig/ 'jig rten gyi sgo sham gyis khyed la ci zhig bya/ sdig can
- 224b
bcom ldan 'das kyis kyang las bdag gir bya ba ni 'jig rten pa yin te/ las kyi bgo skal spyod pa'o// las kyi skye gnas pa'o// las la rton pa'o zhes gsungs te/ sdig can khyod kyang las bdag gir bya ba yin te/ las kyi bgo skal la spyod pa/ las kyi skye gnas po/ las la rton pa yin gyis/ sdig can khyod gang nas 'ongs pa'i lam nas skyong zhig ngal kyal ka byas pas khyod yun ring por don med pa dang / gnod pa dang / sdug bsngal du gyur ta re zhes bsgo'o// bdud sdig can de yang bdag gi sems ni sems kyis tshor bar rig nas/ yi ba yi ba ste/ de nyid du mi snang bar 'gyur ro// de ltar na byang chub sems dpa' bdud thams cad du/ bdud kyi ris kyi lha thams cad kyis kyal ka byas te/ 'dun pa bzlog kyang mi 'gyur/ mi 'dzum/ zhum par mi 'gyur te/ de ltar na byang chub sems dpa' rdo rje lta bu'i brtson 'grus can yin no// ji ltar na byang chub sems dpa' mi 'phrogs pa'i brtson 'grus can yin zhe na/ 'di la byang chub sems dpa' brtson 'grus brtsams pa'i rnam pa ji lta bus yun ring po nas theg pa la yang dag par zhugs pa'i byang chub sems dpa' gzhan dag kyang / byang chub sems dpa' de la grangs su yang nye bar mi 'gro/ cha dang / bgrang ba dang / dpe nas/ rgyu'i bar du yang nye bar mi 'gro na/ nyan thos dang rang sangs rgyas thams
- 225a
cad lta ci smos te/ de'i sems 'byung ba re re la brtson 'grus kyi stobs bskyed pas/ sangs rgyas kyi chos thams cad yongs su 'dzin cing sdig pa mi dge ba'i chos thams cad rab tu spyong ba de lta bu'i brtson 'grus rtsom ste/ de ltar na byang chub sems dpa' mi 'phrogs pa'i brtson 'grus can yin no// ji ltar na byang chub sems dpa' mtha' gnyis dang bral ba'i brtson 'grus can yin zhe na/ 'di la byang chub sems dpa' ha cang brdzun ngas pa 'am/ ha cang zhan pa'i brtson 'grus mi rtsom ste/ de ci'i phyir zhe na/ ha cang brdzun ngas pa'i brtson 'grus ni yab yab por 'gyur/ ha cang zhan pa ni le lor 'gyur te/ de ltar na byang chub sems dpa' mtha' gnyis dang bral ba'i brtson 'grus can yin no// ji ltar na byang chub sems dpa' rlabs po che'i brtson 'grus can yin zhe na/ 'di la byang chub sems dpa' 'di ltar brtson 'grus rtsom ste/ de bzhin gshegs pa'i sku ci 'dra bar bdag gi lus kyang de dang 'dra bar 'gyur/ gang de bzhin gshegs pa'i spyi gtsug bltar mi mthong ba dang / 'od 'dom grang ba dang / mtshan dang dpe byad bzang po phun sum tshogs pa dang / ye shes thogs pa med cing mtha' yas pa dang / sangs rgyas kyi che ba nyid dang / sangs rgyas kyi khyu mchog nyid de yang bdag la yod par 'gyur zhes brtson 'grus rtsom ste/ de ltar na
- 225b
byang chub sems dpa' rlabs po che'i brtson 'grus can yin no/ / ji ltar na byang chub sems dpa' 'bar ba'i brtson 'grus can yin zhe na/ rigs kyi bu 'di lta ste/ dper na gser ram nor bu rin po che dri ma dang skyon thams cad dang bral ba ni/ lham me/ lhan ne/ lhang nge ste/ de ni A la la 'bar ba'i gser ro// a la la 'bar ba'i nor bu rin po che zhes bya'o// de bzhin du byang chub sems dpa'i brtson 'grus kyang brtson 'grus kyi dri ma dang skyon thams cad dang bral ba yin no// brtson 'grus kyi dri ma dang skyon de dag gang zhe na/ le lo ni brtson 'grus kyi dri ma dang skyon no/ / snyoms las ni brtson 'grus kyi dri ma dang skyon no// zas la tshod mi shes pa ni brtson 'grus kyi dri ma dang skyon no// bdag mi shes pa ni brtson 'grus kyi dri ma dang skyon no/ / tshul ma yin pa ni brtson 'grus kyi dri ma dang skyon no// tshul bzhin ma yin pa ni brtson 'grus kyi dri ma dang skyon no// 'du 'dzi ni brtson 'grus kyi dri ma dang skyon te/ de dag ni brtson 'grus kyi dri ma dang brtson 'grus kyi skyon zhes bya'o/ / de dag ni byang chub sems dpa' la med pa yin te/ de'i phyir de'i brtson 'grus de 'bar zhing dri ma med pa dang / 'od gsal zhing yongs su dag pa dang / yongs su byang po yin no// de ltar na byang chub sems dpa' 'bar ba'i brtson 'grus can yin no// ji ltar na byang chub sems dpa' rgyun du chung pa'i brjod/
- 226a
'grus can yin zhe na/ 'di la byang chub sems dpa' spyod lam thams cad du brtson 'grus rtsom ste/ ci nas kyang lus skyo bar mi 'gyur ba dang / sems skyo bar mi 'gyur ba de ltar brtson pa 'di ni byang chub sems dpa'i brtson 'grus rgyun du chud pa zhes bya ste/ de ltar na byang chub sems dpa' rgyun du chud pa'i brtson 'grus can yin no// ji ltar na byang chub sems dpa' rnam par dag pa'i brtson 'grus can yin zhe na/ de ltar rgyun du chud pa'i brtson 'grus can de'i gang sdig pa mi dge ba'i chos byang chub kyi lam gyi bar du/ gnod pa dang ldan pa de dag spaspangs pa yin/ gang yang 'di dag dge ba'i chos mya ngan las 'das pa dang 'thun pa/ byang chub kyi lam gyi tshogs pa dang 'thun pa byang chub kyi phyogs byang chub tu 'brang ba de dag 'phel ba dang / rgyas pa dang / yangs par 'gyur te/ de la mi dge ba'i sems skye ba phra zhing rung ba 'ga' yang mi skye na/ che ba lta ci smos te/ de ni rnam par dag pa'i brtson 'grus zhes bya ste/ de ltar na byang chub sems dpa' rnam par dag pa'i brtson 'grus can yin no// ji ltar na byang chub sems dpa'o thun mong ma yin pa'i brtson 'grus can yin zhe na/ 'di la byang chub sems dpa' 'di snyam du sems te/ gal te phyogs bcu kun tu 'jig rten gyi khams gang+gA'i klung gi bye ma snyed cig mnar med pa'i me'i phung po chen pos byur bur gang bar gyur la/ 'jig rten gyi
- 226b
khams de dag 'das pa na/ sems can cig gcig sdug bsngal zhing skyabs med mgon med de/ gnas dang rten med pa zhig yod na'ang / sems can gcig po de'i don gyi phyir/ me'i phung po de la rkang gis 'bogs te/ 'jig rten gyi khams de dag 'das nas/ sems can gcig po de thar par bya bar bdag spron/ sdug bsngal phal la lta ci zhig smos snyam ste/ de ni byang chub sems dpa'i brtson 'grus nyan thos dang / rang sangs rgyas thams cad dang / mu stegs can thams cad dang thun mong ma yin pa zhes bya ste/ de ltar na byang chub sems dpa' thun mong ma yin pa'i brtson 'grus can yin no/ / ji ltar na byang chub sems dpa' mi brnyas pa'i brtson 'grus can yin zhe na/ 'di la byang chub sems dpa' 'di snyam du mi 'gyur ba ni/ byang chub thob par dka' ste/ bdag gi brtson 'grus 'di ni chung shig zhan la bdag kyang le lo can de/ byang chub ni mgo thod la me 'bar ba bzhin du bskal pa mang po/ bskal pa brgya phrag mang po/ bskal pa stong phrag mang po/ bskal pa brgya stong phrag mang por bsgrub dgos pas/ bdag ni de lta bu'i khur bkur bar mi spro'o snyam du sems mi skyed de/ byang chub sems dpa' ni 'di ltar de bzhin gshegs pa dgra bcom pa yang dag par rdzogs pa'i sangs rgyas gang mngon par rdzogs par sangs rgyas pa de dag dang / gang mngon par rdzogs par 'tshang rgya ba
- 227a
de dag dang / gang mngon par rdzogs par 'tshang rgya bar 'gyur ba de dag kyang tshul 'di dang 'dra ba dang / lam 'di dang 'dra ba dang / brtson 'grus 'di 'dra bas/ mngon par rdzogs par sangs rgyas/ mngon par rdzogs par 'tshang rgya/ mngon par rdzogs par 'tshang rgya bar 'gyur te/ de bzhin gshegs pa de dag kyang de bzhin gshegs par gyur pa sha stag las mngon par rdzogs par sangs rgyas pa ma yin gyis/ bdag kyang ci nas kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar sems can thams cad dang thun mong gi brtson 'grus dang / sems can thams cad la dmigs pa'i brtson 'grus kyis bdag gis kyang de lta de ltar brtsal lo// 'bad do// bdag sems can thams cad la phan par brtson pa la ni/ sems can dmyal ba na gnas kyang bla'i/ bdag la phan par brtson na mya ngan las 'das pa ni ma yin no snyam du sems bskyed par bya ste/ de ltar na byang chub sems dpa' mi brnyas pa'i brtson 'grus can yin no/ / rigs kyi bu ji ltar na byang chub sems dpa' snyems pa med pa'i brtson 'grus can yin zhe na/ 'di la byang chub sems dpa' brtson 'grus rtsom na/ brtson 'grus de'i ro myang bar mi byed de/ brtson 'grus des gzhan la mi smod/ bdag la mi bstod de/ de 'di snyam du shes dang ldan pa'i rang bzhin can su
- 227b
zhig bdag gi las la brtson pas gzhan la smod snyam du sems te/ rigs kyi bu de ltar na byang chub sems dpa' snyems pa med pa'i brtson 'grus can yin no// rigs kyi bu chos bcu po de dag dang ldan na/ byang chub sems dpa' brtson 'grus phun sum tshogs pa rnams yin no// rigs kyi bu chos bcu dang ldan na/ byang chub sems dpa' bsam gtan phun sum tshogs pa rnams yin no/ / bcu gang zhe na/ 'di lta ste/ bsod nams kyis brtan pa rnams yin/ skyo ba mang ba rnams yin/ brtson 'grus brtsams pa rnams yin/ mang du thos pa rnams yin/ ma log par gdams ngag bsgom pa la brtson pa rnams yin/ chos kyi rjes su 'thun pa'i chos la zhugs pa rnams yin/ dbang po rno ba rnams yin/ sems la mkhas pa rnams yin/ zhi gnas dang lhag mthong la mkhas pa rnams yin/ de la ma zhen pa rnams yin no// rigs kyi bu de la ji ltar na byang chub sems dpa' bsod nams kyis brtan pa yin zhe na/ 'di la byang chub sems dpa' theg pa chen po la dge ba'i rtsa ba shin tu bsags shing / tshe rabs tha da pa de dang de dag tu spyad pa legs par spyad pa dang / dge ba'i bshes gnyen gyis yongs su bzung ba yin te/ de bram ze'i rigs shing sA la chen po lta bu 'am/ rgyal rigs shing sA la chen po lta bu 'am/ khyim bdag gi rigs shing sA la chen po lta bu gang dang gang du skyes kyang /
- 228a
khyim de'i mi dad pa yin te/ de skyes kyang rgyu de dag dang rkyen de dag de bas kyang 'phel zhing rgyas pa dang yangs par 'gyur/ dge ba'i bshes gnyen rnams dang mi 'bral ba yin te/ dge ba'i bshes gnyen de dag kyang gang zhe na/ 'di lta ste/ sangs rgyas bcom ldan 'das dag gam/ byang chub sems dpa' dag go// de skyes na sngon dge ba'i rtsa ba la goms pas 'di ltar dpyod do/ / kye ma'o skye dgu 'di ni sdug bsngal ba'o// kye ma'o skye dgu 'di ni nyam thag pa'o// kye ma'o skye dgu 'di ni na ba'o// kye ma'o skye dgu 'di ni gnas pa'o// kye ma'o skye dgu 'di ni yun ring po nas nad par gyur pa'o/ / kye ma'o skye dgu 'di ni gti mug gis ldongs pa'o// de yang 'dod pa'i rgyu dang 'dod pa'i phyir te/ de bas na 'jig rten gnas pa de lta bu la/ bdag gis 'dod pa rnams la bsten pa ni bdag gi mi cha'o// 'dod pa zhes bya ba 'di ni yang dag pa ma yin pa yongs su brtags pa ste/ bcom ldan 'das kyis kyang rnam grangs du mar 'dod pa rnams kyi nyes pa 'di lta ste/ 'dod pa rnams ni gsal shing lta bu'o// 'dod pa rnams ni mtshon mdung thung lta bu'o// 'dod pa rnams ni ral gri'i so lta bu'o// 'dod pa rnams ni sbrul gyi mgo lta bu'o/ / 'dod pa rnams ni spu gri'i so lta bu'o// 'dod pa rnams ni dbu ba rdos pa lta bu'o// 'dod pa rnams ni rul ba'o// 'dod pa rnams ni dri nga ba'o zhes
- 228b
gsungs so snyam te/ de de ltar skyo nas skra dang kha spu bregs te/ gos ngur smrig dag bgos nas dad pas khyim nas khyim med par yang dag par rab tu 'byung ngo // de rab tu byung nas ma thob pa thob par bya ba dang / khong du ma chud pa khong du chud par bya ba dang / mngon du ma byas pa mngon du bya ba'i phyir brtson 'grus brtsam pa yin no// de rgyu de dang / rkyen de dang / gzhi des kun rdzob kyi bden pa'i tshul du bshad pa dang / doni dam pa'i bden pa'i tshul du bshad pa'i thos pa 'dzin to// de gnyis ka la yang mkhas pas gdam sa ngag yang dag par sgom mo// gdams ngag ma log par bsgom pa la brtson pas chos kyi rjes su 'thun pa'i chos la 'jug ste/ chos kyi rjes su 'thun pa'i chos de'ang gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// de lam khong du chud pas dbang po rno ba dang / dbang po gsal ba dang / de shes pa'i dbang po can yin no// de dbang po rno zhing dbang po gsal la de shes pa'i dbang po can yin pas dben pa mang ba yin te/ de 'du ba thams cad kyi thams cad du yongs su spong ngo // 'du 'dzi thams cad kyi thams cad du songasu spong ngo // smrab
- 229a
la dga' ba dang / 'dod pa'i rnam par rtog pa dang / gnod sems kyi rnam par rtog pa dang / rtse ba'i rnam par rtog pa dang / lha la rnam par rtog pa thams cad kyi thams cad du yongs su spong ngo / / shes kyi khe 'dod pa dang / grags pa 'dod pa dang / rnyed pa 'dod pa thams cad kyi thams cad du yongs su spong ste/ des lus dang sems rab tu dben pas sems la mkhas pa yin te/ de sems la 'di snyam du bdag gi sems 'di ci dge ba la spyod dam/ de ste mi dge ba'am/ 'on te lung du ma bstan pa 'am/ chos gang la spyod ces rnam par dpyod de gal te dge ba la spyod na/ de la sems dga' ba dang / rangs pa dang / mgu ba skyed do// dge ba'i chos de dag kyang gang zhe na/ 'di lta ste/ byang chub kyi phyogs kyi chos sum cu ru bdun no// 'on te mi dge ba la spyod na/ de la spyod pa mang ba dang / rtog pa mang ba yin te/ mi dge ba'i chos de dag spang ba la brtson pa yin no// mi dge ba'i ros de dag kyang gang zhe na/ 'di lta ste/ 'dod chags dang / zhe sdang dang / gti mug go/ de la 'dod chags rnam pa gsum du rnam par rig par bya ste/ chen po dang / 'bring po dang / rlung ngu'o// de la 'dod chags chen po gang zhe na/ gang lus thams cad du khyab ste/ sems kun nas gzung zhing gnas pa dang / gang gis de la gzhol zhing 'dod chags dang bral ba'i sems mi thob pa ste/ de la gzhol ba de la ngo tsha ba dang //
- 229b
'dzem pa thams cad kyi thams cad du med par 'gyur te/ ji ltar na ngo tsha ba dang 'dzem pa tham cad kyi thas cad du med pa yin zhe na/ de gcig pu lkog tu song ste/ de nyid rjes su rnam par sems/ de nyid rjes su rnam par rtog cing / de nyid la legs par shin tu smon pa dang / de nyid la yang yon tan du lta ba yin te/ de ltar na de la ngo tsha med pa yin no// ji ltar na 'dzem pa med pa yin zhe na/ de rgyu de dang / rkyen de dang / gzhi des pha ma 'am bla ma lta bu gzhan dag dang rtsod cing phyir bzlog pa dang / rgol bar byed cing des ngo mi tshal de la yon tan du lta ba yin te/ de ltar na/ de la ngo tsha ba med pa yin te/ de rgyu de dang / rkyen de dang / gzhi des ngan song rnams su skye bar 'gyur te/ de ni 'dod chags chen po zhes bya'o// de la 'dod chags 'bring po gang zhe na/ gang gis 'dod pa rnams la bsnyen par gyur na/ bya ba grub kyi bar du rten gyi/ bya ba grub nas 'dod chags dang bral ba'i sems thob pa dang / 'gyod pa thob pa dang / sems la mi cha ba thob pa ste/ de ni 'dod chags 'bring po zhes bya'o// de la 'dod chags chung ngu gang zhe na/ gang gis 'dod pa rnams bsnyen par gyur kyang / mnabs pa dang / phyugs pa dang / lus kyis reg pa tsam mam/ tshig tu smra ba tsam mam/ mthong ba tsam gyis tshim par 'gyur ba de ni/ 'dod chags chung ngu zhes bya'o// mdor na 'tsho ba'i yo byad thams cad la chags pa'i sems su gyur
- 230a
pa ste/ de ni 'dod chags zhes bya'o// de la zhe sdang gang zhe na/ zhe sdang yang rnam pa gsum du rig par bya ste/ chen po dang / 'bring po dang / chung ngu'o// de la zhe sdang chen po gang zhe na/ zhe sdang gi rnam pa gang gis zhe sdang zhing rngam/ 'khrugs gtum par gyur nas/ mtshams med pa lnga las gang yang rung ba la la byed pa 'am/ dam pa'i chos spong pa gang byas pa la mtshams med pa lnga bsdoms pas kyang / grangs su yang nye bar mi 'gro// cha dang / bgrang ba dang / dpe dang / rgyur yang nye bar mi 'gro ba de lta bu byed de/ de rgyu de dang / rkyen de dang / gzhi des lus zhig nas sems can dmyal ba chen po dag tu skye zhing / gal te brgya la mir skyes na yang / gnag cing mig dmar la gtum zhing gnod sems mang bar 'gyur te// de rgyu de dang / rkyen de dang / gzhi des yang sems can dmyal ba dag tu skye bar 'gyur ba de ni zhe sdang chen po zhes bya'o// de la zhe sdang 'bring po gang zhe na/ gang gis zhe sdang bar gyur te sdig pa mi dge ba'i las byas na myur ba myur ba skyen pa skyen pa la gor la gong du 'gyod cing de'i gnyen po la yang sten pa ste/ de ni zhe sdang 'bring po zhes bya'o// de la zhe sdang chung ngu gang zhe na/ gang gis zhe sdang bar gyur nas/ tshigs tsam dang / mi snyan pa tsam dang / ngan du brjod pa tsam gyis mi dge ba la sogs pa ste/ de'ang de la brgyal bar 'ga' 'byung ste/ 'byung na yang skad cig de nyid dang //
- 230b
yud tsam de nyid dang / thang cig de nyid la gnyen po la sten te/ de ni zhe sdang chung ngu zhes bya'o// de la gti mug gang zhe na/ gti mug kyang rnam pa gsum du rig par bya ste/ chen po dang / 'bring po dang / rlung ngu'o// de la gti mug chen po gang zhe na/ gang ji skad du smos pa'i gnas pa de dag la nyes kyang dga' zhing mya ngan du mi byed/ smre sngags mi 'don/ 'gyod med pa yin te/ de ni gti mug chen po zhes bya'o/ / de la gti mug 'bring po gang zhe na/ gang gis mi dge ba'i las la byas kyang la gor la gor du 'gyod cing tshangs pa mtshungs par spyod pa rnams kyi drung du 'chags shing mi 'chab la/ de la yon tan du yang mi lta ba bzhin te/ 'di ni gti mug 'bring po zhes bya'o// de la gti mug rlung ngu gang zhe na/ gang gis rang bzhin gyi kha na mtho ba ma yin pa bcas pa'i kha na ma tho ba bslab pa kun tu spyad pa'i lam gnyis gsum las 'da' ba ste/ de ni gti mug chung ngu zhes bya'o// de la yang byang chub sems dpa' sems phyir bzlog pa la mkhas pa yin te/ de de ltar sem la mkhas pa la/ gang 'dod pa rnams la dga' ba dang / 'dod pa rnams la bdun pa dang / 'dod pa rnams la lhag par chags de lta bu med pa yin te/ de ci'i phyir zhe na/ de ltar sems la ma khas pa'i phyir ro/ / 'on te lung ma bstan pa la spyod na/ de la dran pa dang ldan zhing nan tan du byed la de brtag pa la yang brtson pa yin te/ de la ji ltar na lung du ma bstan pa la spyod payin zhe na/ gang gi
- 231a
tshe sems phyi rol du yang mi rgyu/ nang du yang mi rgyu/ dge ba la yang mi spyad/ mi dge ba la yang mi spyod/ lhag mthong la yang mi spyod/ zhi gnas kyang mi 'dzin cing zhum la gnyid kyis non par gnas pa ste/ 'di lta ste/ dper na skyes bu nyal nyal ba las sad pa mig gnyid kyis sgribs pa'i sems mi gsal ba de bzhin du/ de'i tshe sems de mi gsal bar 'gyur ba ste/ de la byang chub sems dpa' sems yang dag par gzings bstod pa dang / yang dag par rab tu dga' bar bya ba dang / yang dag par gzhag pa la mkhas pa yin te/ de ltar na byang chub sems dpa' sems la mkhas pa yin no/ / de de ltar sems la mkhas pas chos 'di dag ni sgyu ma lta bu'o// chos 'di dag ni rmi lam lta bu'o// chos 'di dag ni dge ba'o// chos 'di dag ni mi dge ba'o/ / chos 'di dag ni 'byung ba'o// chos 'di dag ni mi 'byung ba'o zhes chos rnams la yongs su rtog ste/ de 'di snyam du chos de dag thams cad ni sems la gnas pa// sems las byung ba/ sems sngon du 'gro ba ste/ sems shin tu bcil/ shin tu btul/ shin tu khong du chud par byas na/ chos de dag thams cad kyang shin tu bcil ba dang / shin tu btul ba dang / shin tu khong du chud par 'gyur te/ des chos rnams de ltar mthong bas de rgyu de dang / rkyen de dang / gzhi des sems zhi bar bya ba'i phyir nan tan du byed de/ de sems nyid
- 231b
la sems 'dogs so/ / sems nyid kyis sems zhi bar byed do// sems nyid la sems rab tu gzhog go// de de ltar zhi ba la brtson pas sems rtse gcig tu rnyed par 'gyur te/ rtse gcig tu rnyed nas mnyam par gzhog go// sems mnyam par bzhag pa la dben pa las skyes pa'i dga' ba mngon du 'gyur te/ de yid dga' bar gyur nas 'dod pa dag las dben pa// sdig pa mi dge ba'i chos rnams la dben pa/ rtog pa dang bcas pa/ spyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ / de rtog pa dang dpyod pa mi snang bar bya ba'i phyir nan tan byed cing dga' ba dang bde ba'i ro de yang myang bar mi byed de/ mi rtog go snyam nas bsam gtan dang po las sems bskyed do/ / de rtog pa dang dpyod pa dang bral zhing chags pa med pa'i yid du gyur pas nang yongs su dang ste/ sems kyi rgyud gcig tu 'gyur bas/ rtog pa med pa dpyod pa med pa'i ting nge 'dzin los skyes pa'i dga' ba dang bde ba can bsam gtan gnyis pa rdzogs par byas te gnas so/ / de dga' ba sdug bsngal yin par khong du chud par byed de/ sdug bsngal lo snyam nas btang snyoms la gnas pa yin/ btang snyoms la gnas pas dran pa dang ldan zhing shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa/ bde ba la gnas pa/
- 232a
btang snyoms pa'o zhes rjod pa ste dga' ba med pa'i bsam gtan gsum pa rdzogs par byas te gnas so// de bsam gtan gsum pa stong ngo snyam nas/ bsam/ gtan bzhi pa la sems gtong ste/ des bsam btan bzhi pa thob pas bdag tu 'dzin pa'i phyir ldog go// bdag tu 'dzin pa'i phyir log pas bde ba yang spong / sdug bsngal yang spong ngo // / de bde ba yang spaspangs ste snga nas sdug bsngal yang spangs shing / yid bde ba dang yid mi bde ba yang nub pas bde ba yang ma yin/ sdug bsngal yang ma yin/ btang snyoms dang dran pa yongs su dag pa bsam gtan bzhi po rdzogs par byas te gnas so/ / de dag gi lus dang nam mkha'i lus su gcig tu mos par byed de/ de de ltar mos pas gzugs kyi 'du shes las thams cad du thams cad yang dag par 'das pa yin/ thogs pa'i 'du shes kyang nub pa yin te/ de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la mi byed pas/ nam mkha' mtha' yas so snyam nas nam mkha' mtha' yas skye mched rdzogs par byas te gnas so// de'i tshe de'i rnam par shes pa nam mkha' mtha' yas skye mched dang ldan pa yin te/ de rnam par shes pa mtha' yas so snyam nas/ rnam shes mtha' yas skye mched rdzogs par byas te
- 232b
gnas so/ / de rnam shes mtha' yas skye mched las yang dag par 'das nas/ ci yang med do snyam nas ci yang med pa'i skye mched rdzogs par byas te gnas so// de ci yang med pa'i skye/ mched las yang dag par 'das nas/ 'du shes med 'du shes med min skye mched rdzogs par byas te gnas so// de'i gong na gang sems kyi mtshan ma med pa'i rgyu ba thams cad 'gags/ pa sgrib pa thams cad dang bral ba 'di ni 'gog pa zhes bya ste/ de ni shes par bya'o snyam nas/ byang chub sems dpa' snyoms par 'jug gi/ de la mngon par dga' ba'i rten gyi gnas mi bskyed do/ / de byams pa dang ldan pa'i sems kho na med pa la 'gran zla med pa/ gnod pa med pa/ yangs pa rgya chen por gyur pa/ tshad med pa/ mi gnyis pa shin tu bsgoms pas phyogaso gcig tu mos te/ khyab par byas nas rdzogs par byas te gnas so// gcig tu ji lta ba de bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang / thad kar rnam pa thams cad du thams cad dang ldan pa'i 'jig rten 'di la byams pa dang ldan pa'i sems kho na med pa/ 'gran zla med pa/ gnod pa med pa/ yangs pa rgya chen por gyur pa/ mi gnyis pa shin tu bsgoms pas mos te khyab par byas nas rdzogs par byas te gnas so// de bzhin du snying rje dang ldan pa dang / dga' ba dang btang
- 233a
snyoms dang ldan pa'i sems khon med pa/ 'gran zla med pa/ gnod pa med pa/ yangs pa rgya chen por gyur pa/ tshad med pa/ mi gnyis pa shin tu bsgoms pas phyog gcig tu mos te khyab par byas nas rdzogs par byas te gnas so/ / gcig tu ji lta ba bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang / thad kar 'jig rten 'di thams cad kyi rnam pa thams cad du thams cad dang ldan pa'i 'jig rten 'di la btang snyoms dang ldan pa'i sems kho na med pa/ 'gran zla med pa/ gnod pa med pa/ yangs pa rgya chen por gyur pa/ tshad med pa/ mi gnyis pa shin tu bsgoms pas mos te khyab par byas nas rdzogs par byas te gnas so// de mngon par shes pa lnga skyed do// de la yang ma zhen pa yin te/ gong du yang byang chub kyi tshogs yongs su rdzogs par byed pa'i tshogs rnams yongasu tshol lo// rigs kyi bu chos bcu po de dag dang ldan na/ byang chub sems dpa' bsam gtan phun sum tsheg pa rnam yin no/ / rigs kyi bu chos bcu dang ldan na/ byang chub sems dpa' shes rab phun sum tshogs pa rnams yin no// bcu gang zhe na/ 'di lta ste/ bdag med pa la mkhas pa rnams yin/ las kyi rnam par smin pa la mkhas pa rnams yin/ 'dus byas la mkhas pa rnams yin/ 'khor ba'i rgyun la mkhas pa rnams yin/ 'khor ba
- 233b
ldog pa la mkhas pa rnams yin/ nyan thos dang rang sangs rgyas kyi theg pa la mkhas pa rnams yin/ theg pa chen po la mkhas pa rnams yin/ bdud kyi las yongs su spong ba la mkhas pa rnams yin/ ma log pa'i shes rab can rnams yin/ mnyam pa med pa'i shes rab can rnams yin no// rigs kyi bu de la ji ltar na byang chub sems dpa' bdag med pa la mkhas pa yin zhe na/ rigs kyi bu 'di la byang chub sems dpa' yang dag pa'i shes rab kyis gzugs la rtog/ tshor ba dang / 'du shes dang / 'du byed rnams dang / rnam par shes pa la rtog ste/ de gzugs la rtog pa na/ gzugs kyi skye ba mi dmigs/ kun 'byung ba mi dmigs/ 'gog pa mi dmigs so// de bzhin du tshor ba dang / 'du shes dang / 'du byed rnams dang / rnam par shes pa'i skye ba mi dmigs/ kun 'byung ba mi dmigs/ 'geg pa mi dmigs so// de'ang don dam par yin gyi/ tha snyad kyi rang bzhin du ma yin te/ des don dam pa'i rang bzhin gang yin pa dang / tho snyad kyi rang bzhin gang yin pa'i rang bzhin de gnyis ka yang brjod pa'i rang bzhin du mi dmigs te/ de'i phyir brtson 'grus kyang nyams par mi byed de/ mgo 'am gos la me 'bar ba bzhin du sems can rnams kyi don du rtsol zhing 'bad la brtson 'grus rtsom ste/ rigs kyi bu de ltar na byang chub sems dpa' bdag med pa la mkhas pa yin no// ji ltar na byang chub sems
- 234a
dpa' las kyi rnam par smin pa la mkhas pa yin zhe na/ 'di la byang chub sems dpa' 'di ltar dpyod de/ 'jig rten gnas pa 'di ni gar gyi ltad mo dang 'dra bya/ za'i grong khyer lta bu rang bzhin gyis stong la/ sems can 'di dag kyang sems can ma yin na/ 'on kyang bdag tu 'dzin pa la mngon zhen pas de dag de'i phyir lam khong du chud pa mi thob bo// de dag ni 'di snyam du gal te bdag gam/ sems can nam/ srog gam/ skye ba po 'am/ gso ba 'am/ skyes bu 'am/ gang zag gam/ shed las skyes sam/ shed bu med na dge ba dang mi dge ba'i las kyi rnam par smin pa yang med par 'gyur ro snyam du sems mod kyi/ sems can med du zin kyang las kyi rnam par smin pa'ang mngon no snyam ste/ de la byang chub sems dpa' de ji ltar sems can de'ang med la/ ji ltar dge ba dang mi dge ba'i las rnams kyi rnam par smin pa la yang mngon pa de yang dag pa'i shes rab kyis yang dag pa ji lta ba bzhin du rab tu shes te/ de ltar na byang chub sems dpa' las kyi rnam par smin pa la mkhas pa yin no/ / ji ltar na byang chub sems dpa' 'dus byas la mkhas pa yin zhe na/ 'di la byang chub sems dpa' 'dus sa kyi chos rnams la yang dag pa'i shes rab kyis rtog par byed cing 'di snyam du sems te/ 'dus byas kyi chos 'di dag ni mi gnas pa/ mi g.yo ba/ zil pa'i thigs pa lta bu/ ri rje
- 234b
'bab chu lta bu yin na/ de la mkhas pa su zhig 'di lta bu'i chos rnams la zhen pa dang chags pa byed pa 'am/ de dag med par gyur pas mya ngan du byed snyam nas/ rgyu de dang / rkyen de dang / gzhi des skyo ba dang / 'dod chags dang bral ba dang / 'gog pa la sems gtong ste/ de ltar na byang chub sems dpa' 'dus byas la mkhas pa yin no// ji ltar na byang chub sems dpa' 'khor ba'i rgyun la mkhas pa yin zhe na/ 'di la byang chub sems dpa' 'di ltar dpyod do// kye mi'o 'jig rten na gnas pa 'di ni ma rig pas mdongs pa/ 'khor ba la phyogs pa/ sred pa'i zhags pas bcings pa ste/ len pa nye bar len to// de len pa'i rgyus dge ba dang / mi dge ba'i las mngon par 'du byed de/ de dge ba dang mi dge ba'i las mngon par 'du byed pa dang ldan pas/ srid pa'i nying mtshams sbyor bar 'gyur te/ de'i rgyu las skye bar 'gyur ro// skye ba yod pas rga bar 'gyur ro// rga ba'i chos can ni 'chi bar 'gyur ro// 'chi ba las mya ngan dang / sme/ sngags 'don pa dang / sdug bsngal ba dang / yid mi bde ba dang / 'khrug pa rgyun chags pa nyid du 'gyur te/ de ltar na sdug bsngal gyi phung po chen po 'ba' zhig po de zo chun rgyud me'i 'khor lo ltar 'khor ba'i 'khor lo'i rgyun du 'gyur ro snyam ste/ de'ang byang chub sems dpas yang dag pa'i shes rab kyis yang dag pa ji lta ba bzhin du rab tu shes te/ de ltar na byang chub sems
- 235a
dpa' 'khor ba'i rgyun la mkhas pa yin no/ / ji ltar na byang chub sems dpa' 'khor ba ldog pa la mkhas pa yin zhe na/ 'di la byang chub sems dpa' 'di ltar dpyod de/ ma rig pa med par gyur pas 'du byed la zhen par mi 'gyur/ 'du byed la zhen pa med par gyur pas rnam par shes par mi 'gyur/ rnam par shes pa med par gyur pas/ ming dang / gzugs dang / skye mched drug dang / re ga pa dang / tshor ba dang / sred pa med par 'gyur ro// sred pa med par gyur pas len pa mi 'byung ste/ len pa med pas srid pa'i nying mtshams sbyor bar mi 'gyur ro/ / srid pa'i nying mtshams sbyor ba med par gyur pas skye ba mi 'gyur/ skye ba med par gyur pas rga shi dang / mya ngan dang / smre sngags 'don pa dang / sdug bsngal ba dang // yid mi bde ba dang / 'khrug pa rnams rgyun chad par 'gyur te/ de'ang byang chub sems dpas yang dag pa'i shes rab kyis yang dag pa ji lta ba bzhin du shes te/ de ltar na byang chub sems dpa' 'khor ba ldog pa la mkhas pa yin no/ / ji ltar na byang chub sems dpa' nyan thos dang / rang sangs rgyas kyi theg pa la mkhas pa yin zhe na/ 'di la byang chub sems dpa' 'di ltar dpyod de/ chos 'dis ni rgyun du zhugs par 'gyur ro// 'dis ni lan cig phyir 'ong bar 'gyur/ 'di ni phyir mi 'ong bar 'gyur/ 'dis ni dgra bcom pa zag pa zad pa/ srid pa'i
- 235b
kun tu sbyor bar chad pa nying mtshams sbyor ba med pa/ mya ngan las 'das pa la yang dag par gzhol bar 'gyur ro// chos 'dis ni rang sangs rgyas bse ru lta bur gcig pu spyod par 'gyur ro snyam ste/ de thams cad kyang byang chub sems dpa' yang dag pa'i shes rab kyis rab tu rtog par byed de/ chos de dag mngon du yang mi byed do// de ci'i phyir zhe na/ de 'di snyam du sems te/ sems can gyi khams bdag gis bzung / bdag gis seng ge'i sgra bsgrags te/ sems can 'khor ba'i 'brog dgon pa na gnas pa thams cad bsgral lo zhes dam bcas la/ gcig pu 'khor ba'i 'brog dgon pa nas 'byung ba ni bdag gi mi cha'o snyam ste/ de ltar ra byang chub sems dpa' nyan thos dang / rang sangs rgyas kyi theg pa la mkhas pa yin no/ / ji ltar na byang chub sems dpa' theg pa chen po la mkhas pa yin zhe na/ 'di la byang chub sems dpa' bslab pa thams cad la yang slob la/ slob pa yang mi dmigs/ bslab pa yang mi dmigs/ gang slob pa de yang mi dmigs so// rgyu de dang / rkyen de dang / gzhi des chud par lta bar yang mi lhung ste/ de ltar na byang chub sems dpa' theg pa chen po la mkhas pa yin no// ji ltar na byang chub sems dpa' bdud kyi las spang ba la mkhas pa yin zhe na
- 236a
'di la byang chub sems dpa' mi dge ba'i grogs po thams cad du thams cad yongs su spong ste/ mi che ba'i yul lnga gnas pa dang / 'jig rten rgyu 'phen pa'i gsang tshig la sbyin cing sgom pa dang / rnyed pa dang / bkur sti dang / mchod pa dang / rim grol che tsher 'dzin pa thams cad kyi thams cad du yongs su spong ngo / / nye ba'i nyon mongs pa gzhan gang byang chub kyi lam gyi bar chad du 'gyur ba de dag kyang / thams cad kyi thams cad du yongs su spong zhing de dag gi gnyen po la yang ste/ de ltar na byang chub sems dpa' bdud kyi las yongs su spang ba la mkhas pa yin no// ji ltar na byang chub sems dpa' ma log pa'i shes rab can yin zhe na/ 'di la byang chub sems dpa' 'jig rten pa'i bstan bcos dang / gsang tshig dang / las dang / bzo'i gnas thams cad la shes rab stong ste/ de yang sems can thams cad yongs su smin par bya ba'i phyir te/ shes kyi khe 'dod pa dang / grags pa 'dod pa dang / rnyed pa dang bkur sti 'dod pa'i phyir ma yin gyis/ de bzhin gshegs pa'i bstan pa'i che ba nyid brjod pa'i phyir te/ de la yon tan du lta ba'i phyir ni ma yin no// gzhan du na
- 236b
de 'di snyam du sems te/ gsung rab 'di dam pa ste/ 'di ltar de bzhin gshegs pa'i chos 'dul ba'o snyam nas/ de de la yon tan du lta bas/ mu stegs can gzhan gyi lta ba can du mi 'gyur te/ de ltar na byang chub sems dpa' mu log pa'i shes rab can yin no// rigs kyi bu ji ltar na byang chub sems dpa' mnyam pa med pa'i shes rab can yin zhe na/ rigs kyi bu 'di la byang chub sems dpa' lha dang bcas pa'i 'jig rten bdud dang bcas pa/ tshangs pa dang bcas pa/ skye dgu dge sbyong bram zer bcas pa'i lha dang / mi dang / lha ma yin du bcas pa'i nang na/ de bzhin gshegs pa dgra bcom pa yang dag par rdzogs pa'i sangs rgyas ma gtogs par gang dang shes rab mnyam pa de lta bu'i sems can sems can gyi ris na med de/ de ni 'jig rten lha dang bcas pa/ bdud dang bcas pa/ tshangs pa dang bcas pa skye dgu dge sbyong dang bram zer bcas pa lha dang / mi dang / lha ma yin du bcas pa'i nang na/ shes rab kyi bye brag gis zil gyis ma non pa yin to/ de ltar na byang chub sems dpa' mnyam pa med pa'i shes rab can yin no//
- 237a
rigs kyi bu chos bcu po de dag dang ldan na/ byang chub sems dpa' shes rab phun sum tshogs pa rnams yin no// / rigs kyi bu chos bcu dang ldan na/ byang chub sems dpa' thabs mkhas pa rnams yin no/ / bcu gang zhe na/ 'di lta ste/ yongs su sngo ba'i thabs mkhas pa rnams yin/ mu stegs can rnam par zlog pa'i thabs mkhas pa rnams yin/ yul las rnam par zlog pa'i thabs mkhas pa rnams yin/ 'gyod pa'i yid la gcags pa sel ba'i thabs la mkhas pa rnams yin/ sems can la dpung gnyen byed pa'i thabs la mkhas pa rnams yin/ sems can 'tsho ba'i thabs nye bar spyod pa la mkhas pa rnams yin/ len pa'i thabs mkhas pa rnams yin/ gnas nas gnas su slong ba'i thabs mkhas pa yin/ yang dag par 'dzin du 'jug pa dang / yang dag par gzengs pa stod pa dang / yang dag par shin tu dga' bar byed pa'i thabs mkhas pa rnams yin/ de bzhin gshegs pa la mchod par dang / rim gro bya ba'i thabs mkhas pa rnams yin no/ / rigs kyi bu de la ji ltar na byang chub sems dpa' yongs su sngo ba'i thabs mkhas pa yin zhe na/ rigs kyi bu 'di la byang chub sems dpa' gang 'di dag me tog gi rnam pa 'am/ 'bras bu'i rnam pa nga yir bya ba med pa yongs su bzung ba med pa de rnams nyin lan gsum mtshan lan gsum sangs rgyas dang byang chub sems dpa' rnams la dbul lo// dge ba'i rtsa ba de yang bla na med
- 237b
pa yang dag par rdzogs pa'i byang chub tu yongs su bsngo'o/ / de gang 'di dag bdug pa'i shing ngam/ spos kyi shing ngam/ rin po che'i shing ngam/ dpag bsam gyi shing ngam/ me tog gi shing ngam/ 'bras bu'i shing nga yir bya ba med pa yongs su gang ba med pa de dag kyang nyin lan gsum mtshan lan gsum sangs rgyas dang byang chub sems dpa' rnams la dbul lo// dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o/ / de mdo sde rnams las mchod pa dang / rim gro bya ba gang 'di dag rgya chen po rgya che ba dag nyan cing de dag snying thag pa nas lhag pa'i bsam pa mchog gis sangs rgyas dang byang chub sems dpa' rnams la yongs su bsngo'o/ / gang phyogs bcu na byang chub sems dpa' rnams dang / de ma yin pa'i sems can dag dge ba'i las rnams byed cing / byang chub kyi tshogs rnams yongs su rdzogs par byed pa de dag la snying thag pa nas rjes su yi rang ste/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o// de de bzhin gshegs pa'i mchod rten nam/ de bzhin gshegs pa'i gzugs la me tog gam/ bdug pa'am/ spos gsol na/ sems can thams cad kyi 'chal pa'i tshul khrims kyi dri nga bsal ba dang / de bzhin gshegs pa'i tshul khrims kyi dri thob par yongs su bsngo'o/ / de phyag bdar dang zhal zhal byed na sems can thams cad kyi spyod lam mi sdug pa med par 'gyur ba dang / spyod lam mdzes pa phun sum tshogs par
- 238a
yongs su bsngo'o/ / de me tog gi gdugs gsol na/ sems can thams cad kyi nyon mongs pa dang / nye ba'i nyon mongs pa'i gdung ba med par bya ba'i phyir yongs su bsngo'o// de gtsug lag khang gi nang du 'gro na/ 'di ltar sems can thams cad mya ngan las 'das pa'i grong khyer du gzud do snyam du sems bskyed do// de phyir 'byung na 'di ltar sems can thams cad 'khor ba'i// btson ra nas 'don to snyam du sems bskyed do// de gnas khang gi sgo 'byed na 'di ltar 'jig rten las 'das pa'i ye shes kyis bde 'gro thams cad kyi sgo dbye'o snyam du sems bskyed do// de sgo gcod na 'di ltar ngan 'gro thams cad kyi sgo rnams gcad do snyam du sems bskyed do/ / de 'dug na 'di ltar sems can thams cad byang chub kyi snying po la dgod do snyam du sems bskyod do// de glo g.yas pa nyal na 'di ltar sems can thams cad sangs rgyas kyi mya ngan las 'da' bas yongs su mya ngan las bzla'o snyam du sems bskyed do/ / de de nas ldang na 'di ltar sems can thams cad nyon mongs pa kun nas ldang ba rnams las bslang ngo snyam du sems bskyed do/ / de lus kyi ched la 'gro na 'di ltar sems can thams cad skyes bu chen po'i 'gros su 'gro bar gyur cig snyam du sems bskyed do// de der 'dug na 'di ltar sems can thams cad kyi 'dod chags dang / / zhe sdang dang / gti mug gi lug rngu dbyung ngo snyam du sems bskyed do// de bkrub shal byed na 'di ltar sems can thams cad kyi nyon mongs
- 238b
pa'i dri ma'i skyon rnams bkru'o snyam du sems bskyed do/ / de lag pa bskal na 'di ltar sems can thams cad kyi nyon mongs pa'i dri ba rnams bsal lo snyam du sems bskyed do// de rkang pa 'khrun 'di ltar sems can thams cad kyi nyon mongs pa'i rdul rnam pa sna tshogs bsal lo snyam du sems bskyed do/ / de so shing zan 'di ltar sem can thaman kyi dri ma rnam pa sna tshogs bsal lo snyam du sems bskyed do/ / de la lus kyi g.yo ba thams cad sems can thams cad la phan pa dang / bde bar yongs su bsngo'o// de de bzhin gshegs pa'i mchod rten la phyag 'tshal na/ 'di ltar sems can thams cad lha dang bcas pa'i 'jig rten gyis phyag bya bar shog cig snyam sems bskyed de/ rigs kyi bu de ltar na byang chub sems dpa' yongs su sngo ba'i thabs mkhas pa yin no/ / ji ltar na byang chub sems dpa' mu stegs can rnam par zlog pa'i thabs mkhas pa yin zhe na/ 'di la byang chub sems dpa' 'di lta ste/ mu stegs can dpyod pa dang / kun tu rgyu dang / gcer bu pa la sogs pa'i mu stegs can gyis gnas de dang de dag tu 'phrul pa dag mngon par sprul te/ de sems can yongs su smin par bya ba'i phyir thabs byed cing nge 'di snyam du sems te/ kye ma'o sems can 'di rnams nga rgyal gyi zil gyis non nas/ bdag gis sngar slob dpon gyi tshul gyis gdul bar ni mi nus kyi slob mar khas blang ngo snyam ste/ de dag gi khrod du rab tu 'byung ngo //
- 239a
de rab tu byung nas ji ltar spyod pa dang / spyod yul dang / mang du thos pa dang / spyod pa dman tshegs kyis kyang mu stegs can gzhan de dag zil gyis non pade lta de lta bur rtsol lo// 'bad do// brtson 'grus rtsom mo// de dag gi nang na slob dpon ngang bla ma lta bur bkur bar 'gyur// tshag zung zhing ngag mi gcog par 'gyur te/ kye sems can de dag nye bar gyur pa'o snyam du shes nas grogs po dag 'di ni skyo ba dang / 'dod chags dang bral ba dang / 'gog par 'gyur ba'i lam ma yin no zhes mu stegs can de dag gis bsngags pa ma yin pa rjod par 'gyur te/ des mu stegs can gzhan de dag gnas de rnams las bslang nas de bzhin gshegs pa'i chos 'dul ba la 'god do/ / de phyir rol gyi mngon par shes pa lnga dang ldan pa dag gi gan du tshangs par spyad pa spyod do// de tshangs par spyad pa spyod cing chos de thob par bya ba'i phyir spyod cing rtsol lo/ / 'bad do// de rtsol zhi'i 'bad pas bsam gtan dang / ting nge 'dzin dang / snyoms par 'jug pa rnams sgrub ste/ ci nas kyang mngon par shes pa lnga dang ldan pa gzhan de dag pas ches mchog tu 'gyur ba dang / ches 'bar bar 'gyur ba dang / slob dpon gyi mchog tu 'gyur ba dang / mkhas par bkur bar 'gyur ba de ltar bsgrub bo// des sems can de rnams yongs su smin pa'i dus dang tshod shes nas/ grogs po dag lam 'di ni skyo ba dang / 'dod chags dang bral ba dang / 'gog par 'gyur ba'i lam ma yin no zhes bsam gtan dang /
- 239b
ting nge 'dzin dang / snyoms par 'jug pa de dag gi bsngags pa brjod pa ma yin te/ des sems can de dag gnas de las bslangs nas/ de bzhin gshegs pa'i chos 'dul ba la rab tu 'god do// de ltar na byang chub sems dpa' mu stegs can rnam par zlog pa'i thabs la mkhas pa yin no/ / ji ltar na byang chub sems dpa' yul las rnam par zlog pa'i thabs mkhas pa yin zhe na/ 'di la byang chub sems dpa' sems can gang rab tu 'dod chags can rab tu 'dod chags mang ba'i sems can mthong na/ des de dag 'dul ba'i thabs gzhan med do snyam nas// des de dag gi drung du bud med sprul pa bzang mo blta na sdug pa bud med thams cad kyi mchog dag sprul te/ sems can de rnams de dag la rab tu chags par rig nas sprul pa'i bud med de/ mal de nyid du 'chi ba'i dus byed du 'jug go/ de yang skad cig de nyid dang / yud tsam de nyid dang / thang cig de nyid la rul cing dri nga ba dang 'jig par 'gyur te/ de dag gis kyang de mthong nas/ sngangs skrag skyo bar red de/ bdag cag 'di 'dra ba'i dri nga ba'i nang nas gang thar par byed pa su zhig yod ces nyam thag par 'gyur ro/ / de'i tshe na byang chub sems dpa' sems can de dag gi mdun du 'dug ste/ byang chub gsum las gang yang rung ba'i byang chub tu nges par 'gyur ba'i de ltar sems can de dag la chos ston te/ de ltar na byang chub sems dpa' yul las rnam par zlog pa'i thabs mkhas pa yin no// ji ltar na byang chub
- 240a
sems dpa' 'gyod pa'i yid la gcugs pa sel ba'i thabs mkhas pa yin zhe na/ 'di la byang chub sems dpa' sems can su mtshams med pa'i las byed pa 'am/ mi dge ba'i las byed pa mthong na de'i gan du song ste/ de skyes bu ci'i phyir yid mi bde zhing mi dga' bar gnas zhes de skad zer ro// des kyang smras pa/ rigs kyi bu bdag gis mtshams med pa'i las byas pas de'i phyir bdag la yun ring po re gnod pa dang / phan pa med pa dang / sdug bsngal bar mi 'gyur grang zhes yid mi bde zhing mi dga' bar gnas so// de'i phyir de la byang chub sems dpa'i sdom pa 'dzin du 'jug go/ / nyes pa'ang 'chags su 'jug go// de la chos bstan pa zab mo zab mo yang byed do// de ste 'gyod pa mi gtong na de'i phyir de la byang chub sems dpa' thog mar 'di lta ste/ rdzu 'phrul lam/ sems kun rjod pas/ yang dag par yid ches pa skyed do// de nas sems can de yang dag par yid ches pa bskyed nas/ byang chub sems dpa' de la dga' ba dang / mgu ba dang / rangs pa rnyed par 'gyur ro// de dga' ba dang / mgu ba dang / rangs pa rnyed pas/ de chos bstan du rung bar 'gyur/ byang chub sems dpa' de dang 'thun par 'dzin par 'gyur ro/ / de nas byang chub sems dpa' des de'i mdun du 'di lta ste/ pha mar sprul pa mngon par sprul te 'di skad zer ro// kye skyes bu khyod ltos la 'gyod par ma byed cig/ nga yang khyod kyi grogs te las
- 240b
'di lta bus su yang shin tu sems can dmyal bar 'gro ba 'am/ don thams cad la nyams par 'gyur ba med do// las de ye shes kyis bsal du mi nus pa yang ma yin no zhes de skad smras nas/ pa ma srog dang bral lo// srog dang phral nas kyang rdzu 'phrul de ston to// de nas sems can de 'di snyam du sems te/ rdzu 'phrul dang ldan pas kyang pha ma srog dang bral na/ bdag 'dra ba lta zhig/ ci smos snyam mo// byang chub sems dpa' de yang de'i tshe/ sems can de la ci nas kyang de'i las de sbrang ma'i 'dab ma 'dra bar 'gyur ba de lta de lta bu'i chos ston par byed de/ de ltar na byang chub sems dpa' 'gyod pa'i yid la gcags pa sel ba'i thabs mkhas pa yin no/ / ji ltar na byang chub sems dpa' sems can la dpung gnyen byed pa'i thabs mkhas pa yin zhe na/ 'di la byang chub sems dpa' sems can gang chos bstan par rung zhing nus pa dag mthong la/ de dag kyang shin tu mi dge ba'i las byed par 'gyur na/ de dag gdul ba'i thabs su byang chub sems dpas 'phrul ba ngag mngon par sprul te/ de la sems can gang rnams rgyal pos 'dul bar 'gyur ba de dag la rgyal por sprul pa mngon par sprul par byed do// sems can gang rnams blon po chen pos 'dul bar 'gyur ba de dag la blon po chen por sprul pa mngon par sprul par byed do/ / sems can gang rnams bram ze dang / rgyal rigs dang / grong rdal gyi mi dang / yul gyi mis 'dul bar 'gyur
- 241a
bde dag la/ bram ze dang / rgyal rigs dang / grong rdal gyi mi dang / yul gyi mir sprul pa dang / sems can gang rnams lhas 'dul ba de dag la lhar sprul pa dang / gang lag na rdo rjes 'dul ba de dag la/ lag na rdo rjer sprul pa mngon par sprul par byed do// sems can gang rnams 'jigs pas 'dul bar 'gyur ba de dag la 'jigs pa ston/ sems can gang rnams brdeg pa dang / bsdigs pa dang / gsad pa dang / bcings pas 'dul ba de dag la de 'dra bar ston/ sems can gang rnams nges pas 'dul ba de dag la nges pas 'dul sems can gang rnams mtshams med pa byed pa 'dod pa dang / byang chub sems dpa' dag la brgyad par 'dod pa de dag thabs sna tshogs kyis 'dog cing zil gyis gnon par byed/ phyogs gzhan du bkar bar byed do/ / mtshams med par 'gyur ba'i dngos po sbas te/ de 'dra bar de'i mdun du sprul pa ston to// yang na sems can dmyal ba ston to// mngon par shes pa ma skye ngapa'i byang chub sems dpa' tshe'i mtshan ma shes pa ni byed 'dod pa dang / gsod 'dod pa'i sems can de dag mthong nas/ snying rje chen po'i sems skyes te/ de yang 'di snyam du kye ma sems can 'di rnams ni bung bar 'dod pa'o/ / kye ma sems can 'di rnams ni brlag par 'dod pa'o snyam du sems shing / de dag des lag mthil du sU ru ra'i 'bru bzhag pa ltar mthong nas mi dga' ba'i
- 241b
sems chen po bskyed de/ de yang 'di snyam du sems so// bdag sems can gcig gi phyir yang sems can de phung po'i lhag ma med pa'i mya ngan las 'da' ba'i dbyings su rab tu ma bzhag gi bar du mnar med pa'i sdug bsngal bzar bar bzod na sems can 'di rnams kyang mi dge ba'i las byas te/ mnar med pa'i sems can dmyal ba chen por skye bar 'dod pa thabs gzhan gyis ni bzlog par mi nus te/ sems can de rnams tshe yang thung / dad pa yang med bdag cig la/ yul gzhan du bkar ba 'am/ zil gyis mnan par bya ba de lta bu'i dbang ni bdag la med na/ sems can 'di rnams mi dge ba'i las 'dis lus zhig nas/ mnar med pa'i sems can dmyal ba chen por skye bar mi 'gyur grang zhes de'i phyir snying rje ba'i sems nye bar bzhag nas/ las bdag gir bya ba dang 'thun par byas nas sems can de rnams la byams pas khyab par byas te/ thabs gzhan gyis ni mi nus nas chang pa rab kyis 'chos te/ de ltar na byang chub sems dpa' sems can la dpung gnyen byed pa'i thabs mkhas pa yin no// ji ltar na byang chub sems dpa' sems can 'tsho ba'i thabs nye bar sbyor ba la mkhas pa yin zhe na/ 'di la byang chub sems dpa' sems can gang rnams 'phags pa'i chos 'dul ba shes par mi lcogs mi nus te/ zas dang gos lhur 'dzin cing de kho nas chog shes par rtsi ba mthong na/ de rnams la sems dpa'i yi ge dang / bstan bcos dang / lag rtsis dang / grangs dang / shod thabs la sogs pa'i
- 242a
las dge ba dang ldan pa mi ston to/ / mi dge ba dang ldan pa mi ston to// de ltar na byang chub sems dpa' sems can 'tsho ba'i thabs nye bar sbyor ba la mkhas pa yin no// ji ltar na bung chub sems dpa' len pa'i thabs mkhas pa yin zhe na/ 'di la byang chub sems dpa' rin po che'i phung po ri rab tsam thob na yang len te/ dngos po ngan pa zhig thob na yang len to// de ci'i phyir zhe na/ de 'di ltar sems te/ sems can 'di dag ni ser sna can/ brkam pa/ chags pas zil gyis non pa/ 'dzums pa yin te/ rgyu de dang / rkyen de dang / gzhi des chu'i phung po chen pos non pa bzhin du 'khor ba'i rgya mtshor nub cing 'bying bar byed pa de dag la/ de ni yun ring por don dang / phan pa dang / bde bar 'gyur ro snyam ste/ de blangs nas bdag gir mi byed/ chags pa'i sems mi skyed de/ gzhan du na sems can thams cad dang thun mong du/ sangs rgyas dang / chos dang / dge 'dun dag la bya ba byed do// sems can sdug bsngal ba'i rnams la phan par byed do// sbyin pa'i bdag po de yang yang dag par gzengs bstod pa dang / yang dag par shin tu dga' bar byed de/ de ltar na byang chub sems dpa' len pa'i thabs mkhas pa yin no// ji ltar na byang chub sems dpa' gnas nas gnas su slospong ba'i thabs mkhas pa yin zhe na/ 'di la byang chub sems dpa' sems can gang bla na med pa yang dag par rdzogs pa'i byang chub mngon par rdzogs par 'tshang rgya bar lcogs shing nus pa zhig la/ de
- 242b
yang nyan thos dang / rang sangs rgyas kyi theg pa thob par rtsol zhing 'bad de/ brtson 'grus rtsom pa mthong na/ de gnas de nas bslang ste tha na 'khor 'byed pa yang byas nas/ theg pa chen po la 'jog ste/ de ltar na byang chub sems dpa' gnas nas gnas su slong ba'i thabs mkhas pa yin no/ / ji ltar na byang chub sems dpa' yang dag par 'dzin du 'jug pa dang / yang dag par gzengs stod pa dang / yang dag par shin tu dga' bar byed pa'i thabs mkhas pa yin zhe na/ 'di la byang chub sems dpa' byang chub kyi sems bskyed pa'i sems can rnams byang chub kyi sems skyed du 'jug/ byang chub kyi sems bskyed pa'i sems can le lo can brtson 'grus chung ba/ tshul khrims tsam gyis chog par 'dzin pa dag ni brtson 'grus la 'jog/ sems can gang rnams bslab pa kun spyod pa phra mo las 'gal ba dag rgyu de dang / rkyen de dang / gzhi des sems kun khengs shing 'khod de dga' mgu rangs par yang mi rnyed pa de dag la/ de ci nas kyang gnas de nas ldang ba de lta de lta bur chos ston par byed de/ de ltar na byang chub sems dpa' yang dag par 'dzin du 'jug pa dang / yang dag par gzengs stong pa dang / yang dag par shin tu dga' bar byed pa'i thabs mkhas pa yin no// rigs kyi bu ji ltar na byang chub sems dpa' de bzhin gshegs pa la mchod pa dang / rim gro bya ba'i thabs mkhas pa yin zhe na/ rigs kyi bu 'di la byang chub sems dpa' rab tu 'byung bar 'gyur te/ rnyed pa chung ngu yang
- 243a
chos kyi rnyed pas chog par 'dzin pa yin/ de gcig pu lkog tu song ste rab tu dben par gnas nas/ de 'di ltar sems te/ ma la bdag gis de bzhin gshegs pa la mchod/ pa dang rim gro bya ba bas ma mo snyam nas/ de de bzhin gshegs pa la mchod pa dang rim gro bya ba rnam pa sna tshogs sems te/ de ltar sems pa de'i pha rol tu phyin pa drug sgom pa yongs su rdzogs par 'gyur ro/ / ji ltar na pha rol tu phyin pa drug sgom par yongs su rdzogs par 'gyur zhe na/ de la gang mchod pa dang / rim gro bya ba mngon par byed pa 'di ni de'i sbyin pa'i pha rol tu phyin pa'o// mchod pa dang rim gro bya ba de la gang sems can thams cad la dmigs pa'i sems skye ba 'di ni de'i tshul khrims kyi pha rol tu phyin pa'o/ / mchod pa dang rim gro bya ba de dag la gang sems mngon par mos shing dga' ba 'di ni de'i bzod pa'i pha rol tu phyin pa'o/ / mchod pa dang rim gro bya ba de dag nyid la gang sems mi skyo ba 'di ni de'i brtson 'grus kyi pha rol tu phyin pa'o// mchod pa dang rim gro bya ba de dag nyid la gang nye bar rtog pa 'di ni de'i bsam gtan gyi pha rol tu phyin pa'o/ / mchod pa dang rim gro bya ba de dag nyid la gang sna tshogs pa 'di ni de'i shes rab kyi pha rol tu phyin pa ste/ rigs kyi bu de ltar na byang chub/ sems dpa' de bzhin gshegs pa la mchod pa dang rim gro bya ba'i thabs mkhas pa yin no// rigs kyi bu chos bcu po de dag dang ldan na/ byang chub sems dpa' thabs mkhas pa rnams yin no//
- 243b
/ rigs kyi bu chos bcu dang ldan na/ byang chub sems dpa' smon lam phun sum tshogs pa rnams yin no// bcu gang zhe na/ 'di lta ste/ mi dman pa'i smon lam pa rnams yin ma zhum pa'i smon lam pa rnams yin/ sems can thams cad kyi don la brtson pa'i smon lam pa rnams yin/ sangs rgyas kyis yang dag par bsngags pa'i smon lam pa rnams yin/ bdud thams cad shin tu tshar gcod pa'i smon lam pa rnams yin/ gzhan gyi dring la mi 'jog pa'i smon lam pa rnams yin/ mtha' yas pa'i smon lam pa rnams yin/ mi skrag pa'i smon lam pa rnams yin yongs su mi skyo ba'i smon lam pa rnams yin/ legs par yongs su rdzogs pa'i smon lam pa rnams yin no// rigs kyi bu de la ji ltar na byang chub sems dpa' mi dman pa'i smon lam pa yin zhe na/ rigs kyi bu byang chub sems dpa' srid pa'i bde ba 'dod cing / smon lam mi 'debs te/ rigs kyi bu de ltar na byang chub sems dpa' mi dman pa'i smon lam pa yin no// ji ltar na byang chub sems dpa' ma zhum pa'i smon lam pa yin zhe na/ byang chub sems dpa'i ni khams gsum las skyo ba dang / 'dod chags dang bral ba dang / 'gog par smon lam mi 'debs te/ de ltar na byang chub sems dpa' ma zhum pa'i smon lam pa yin no/ / ji ltar na byang chub sems dpa' sems can thams cad kyi don la brtson pa'i smon lam pa yin zhe na/ 'di la byang chub sems dpa' 'di ltar sems can
- 244a
gyi khams ji snyed pa ma lus par de thams cad yongs su mya ngan las bzlas nas/ bdag phyis sangs rgyas kyi yongs su mya ngan las 'da' bas yongs su mya ngan las 'da'a'o// zhes smon lam 'debs te/ de ltar na byang chub sems dpa' sems can thams cad kyi don la brtson pa'i smon lam pa yin no// ji ltar na byang chub sems dpa' sangs rgyas thams cad kyis yang dag par bsngags pa'i smon lam pa yin zhe na/ 'di la byang chub sems dpa' 'di ltar byang chub kyi sems ma skyes pa'i sems can gyi khams ji snyed pa de thams cad byang chub kyi sems bskyed/ du bcug ste/ mthar gyis byang chub kyi spyad pa spyod du btsud nas/ byang chub kyi snying po la 'dug pa rnams la mchod pa dang bkur sti bya'o// chos kyi 'khor lo rab tu bskor bar gsol ba gdab bo// yongs su mya ngan las 'da' ba rnams kyang sems can thams cad la phan pa'i phyir bzhugs su gsol lo zhes smon lam 'debs te/ de ltar na byang chub sems dpa' sangs rgyas thams cad kyis yang dag par bsngags pa'i smon lam pa yin no/ / ji ltar na byang chub sems dpa' bdud thams cad shin tu tshar gcod pa'i smon lam pa yin zhe na/ 'di la byang chub sems dpa' ni 'di ltar bdag mngon par rdzogs par sangs rgyas pa'i sangs rgyas kyi zhing na ci nas kyang bdud kyi sgra 'am/ bdud kyi rigs kyi lha rnams 'byung bar yang mi 'gyur ba de ltar bdag gis bya'o zhes smon lam
- 244b
'debs te/ de ltar na byang chub sems dpa' bdud thams cad shin tu tshar gcod pa'i smon lam pa yin no// ji ltar na byang chub sems dpa' gzhan gyi dring mi 'jog pa'i smon lam pa yin zhe na/ byang chub sems dpa' ni gzhan gyi dring la bla na med pa yang dag par rdzogs pa'i byang chub tu smon lam mi 'debs kyi/ byang chub sems dpa' ni bdag nyid kyis shes rab kyis dpyad de/ sems can gyi khams sdug bsngal ba la bltas nas/ bla na med pa yang dag par rdzogs pa'i byang chub tu smon lam 'debs te/ de ltar na byang chub sems dpa' gzhan gyi dring mi 'jog pa'i smon lam pa yin no// ji ltar na byang chub sems dpa' mtha' yas pa'i smon lam pa yin zhe na/ byang chub sems dpa' ni 'di lta ste/ byang chub kyi tshogs rnams kyi phyogs 'ga' zhig bzung nas/ nyi tsho ba'i smon lam mi 'debs te/ byang chub sems dpa' ni bla gos phrag pa gcig tu gzar nas/ pus mo g.yas pa'i lha nga sa la btsugs te/ sems bskyed par byas nas/ phyogs bcu'i 'jig rten gyi khams su bltas te/ byang chub sems dpa' gang dag phyogs bcu na gnas pa dang / gang dag dka' ba spyod pa la gnas pa dang / gang dag byang chub kyi snying po la gnas pa dang / sangs rgyas gang dag mngon par rdzogs par sangs rgyas pa dang / gang dag chos kyi 'khor lo bskor ba de rnams la snying thag pa nas bsams te/ de dag gis chos bstan pa ji snyed pa de dag la mos par byed do// mos par gyur nas rjes
- 245a
su yi rang ngo / / rjes su yi rang nas bla na med pa yang dag par rdzogs pa'i byang chub tu yongs su sngo ste/ de ltar na byang chub sems dpa' mtha' yas pa'i smon lam pa yin no// ji/ ltar na byang chub sems dpa' mi skrag pa'i smon lam pa yin zhe na/ 'di la byang chub sems dpa' las dang po pa yin yang chos zab mo zab mo rnams thos pa dang / sangs rgyas kyi che ba zab mo thos pa dang / byang chub sem sa dpa'i rnam par rol pa zab mo thos pa dang / thabs la mkhas pa'i tshul zab mo thos kyang mi skrag/ mi dang nga / dngang bar mi 'gyur ro// de 'di snyam du sangs rgyas kyi zhing byang chub kyang mtha' yas/ sangs rgyas kyi yul yang mtha' yas/ sangs rgyas bcom ldan 'das rnams kyis sems can yongs su smin par mdzad pa yang mtha' yas te/ de ni bdag 'dra bas shes par mi nus kyi/ sangs rgyas dag nyid kyis mkhyen gyi/ bdag gis mi shes so snyam du sems te/ de ltar na byang chub sems dpa' mi skrag pa'i smon lam pa yin no// ji ltar na byang chub sems dpa' yongs mi skyo ba'i smon lam pa yin zhe na/ 'di la byang chub sems dpa' sems can dmu rgod sems can gdul dka' ba rigs te/ de rnams kyis yi chad nas 'di lta bu'i dmu rgod 'di 'di lta bu'i gdul dka' ba'i sems can 'di dag gis chog go zhes te/ de'i phyir yongs su skyo zhing rgyab kyis phyogs par gyur te/ gang na sems can 'di lta bu dag gi ming yang mi thos pa'i 'jig rten gyi khams yongs
- 245b
su dag par smon lam mi 'debs so/ / sems can gyi don lam phyogs pa'i byang chub sems dpa' ni/ yongs su dag pa'i 'jig rten gyi khams su skye bar mi 'gyur te/ de la byang chub sems dpa' shes rab can ni/ 'di ltar sems can gyi khams thams cad na/ sems can gang rnams ngan pa brtson 'grus chung ba blun po glen pa lug ltar lkugs pa'i rang bzhin can yongs su mya ngan las mi 'da' ba'i chos can sems can gyi khams ma lus pa 'di las bsnyigs pa sangs rgyas thams cad dang / byang chub sems dpa' thams cad kyis spangs par gyur pa yod pa de dag bdag gis sangs rgyas kyi zhing du 'dus par gyur la/ bdag gis de dag byang chub kyi snying por 'dug tu bcug ste/ bla na med pa yang dag par rdzogs pa'i byang chub mngon par rdzogs pa'i 'tshang rgya bar bya'o snyam du sems bskyed de/ byang chub sems dpa' de ltar sems bskyed pa re re la yang bdud kyi gnas thams cad kyang rab tu g.yo'o// sangs rgyas thams cad kyang de'i bsngags pa gsung bar 'gyur ro/ / de'i sangs rgyas kyi zhing yang yongs su dag par 'gyur ro// bla na med pa yang dag par rdzogs pa'i byang chub kyang myur du mngon par rdzogs par 'tshang rgya ste/ de ltar na/ byang chub sems dpa' yongs su mi skyo ba'i smon lam pa yin no// rigs kyi bu ji ltar na byang chub sems dpa' legs par yongs su rdzogs pa'i smon lam pa yin zhes/ rigs kyi bu 'di
- 246a
la byang chub sems dpa' gang byang chub kyi snying po la 'dug ste/ bdud kyi dpung gzhom pa dang / bla na med pa yang dag par rdzogs pa'i byang chub mngon par rdzogs par 'tshang rgya ba dang / yang de las 'das par smon lam mi 'debs pa 'di ni legs par yongs su rdzogs pa'i smon lam pa zhes bya'o// 'di lta ste/ dper na mar ram 'bru mar gyi snod khang chad du gang ste/ lhag par rdul phra rab tsam gyi thigs pa yang mi shong na/ de'i phyir e ma 'o snod gang ba/ e ma 'o snod shin tu gang ba zhes bya'o// de bzhin du byang chub sems dpa' byang chub mngon par rdzogs par sangs rgyas pa la smon lam legs par yongs su rdzogs pa'i phyir/ smon lam ma rdzogs pa rdul phra rab tsam yang med do// de bas na legs par yongs su rdzogs pa'i smon lam zhes bya ste/ rigs kyi bu chos bcu po de dag dang ldan na/ byang chub sems dpa' smon lam phun sum tshogs pa rnams yin no// // rigs kyi bu chos bcu dang ldan na/ byang chub sems dpa' stobs phun sum tshogs pa rnams yin no/ / bcu gang zhe na/ 'di lta ste/ zil gyis mi non pa'i stobs phun sum tshogs pa rnams yin/ mi tshugs pa'i stobs phun sum tshogs pa rnams yin/ bsod nams kyi stobs phun sum tshogs pa rnams yin/ shes rab kyi stobs phun sum tshogs pa rnams yin/ 'khor gyi stobs phun sum tshogs pa rnams yin/ rdzu 'phrul gyi stobs phun sum tshogs pa rnams yin
- 246b
dbang gi stobs phun sum tshogs pa rnams yin/ gzungs kyi stobs phun sum tshogs pa rnams yin/ rnam par mi 'khrugs pa'i byin gyi rlabs kyi stobs phun sum tshogs pa rnams yin// bka' mi gcog pa'i stobs phun sum tshogs pa rnams yin no// rigs kyi bu de la ji ltar na byang chub sems dpa' zil gyis mi non pa'i stobs phun sum tshogs pa yin zhe na/ rigs kyi bu 'di byang chub sems dpa' pha rol rgol ba kun gyis mi non pa yin te/ de ltar na zil gyis mi non pa'i stobs phun sum tshogs pa yin no// ji ltar na byang chub sems dpa' mi tshugs pa'i stobs phun sum tshogs pa yin zhe na/ 'di la byang chub sems dpa' de'i stobs la gang stobs kyis thub pa'i sems can de lta bu sems can gyi ris na med de/ de ltar na byang chub sems dpa' mi tshugs pa'i stobs phun sum tshogs pa yin no/ / ji ltar na byang chub sems dpa' bsod nams kyi stobs phun sum tshogs pa yin zhe na/ 'di la byang chub sems dpa' ma bsgrubs pa'i bsod nams kyi tshogs 'jig rten pa 'am/ 'jig rten las 'das pa de gang yang med de/ de ltar na byang chub sems dpa' bsod nams kyi stobs phun sum tshogs pa yin no// ji ltar na byang chub sems dpa' shes rab kyi stobs phun sum tshogs pa yin zhe na/ 'di la byang chub sems dpa' de bzhin gshegs pa'i ye shes ma gtogs par sangs rgyas kyi chos gang yang yang dag pa'i shes rab kyis mthong ba dang / mngon du
- 247a
ma byas pa dang / khong du ma chud pa de dag med de/ de ltar na byang chub sems dpa' shes rab kyi stobs phun sum tshogs pa yin no// ji ltar na byang chub sems dpa' 'khor gyi stobs phun sum tshogs pa yin zhe na/ 'di la byang chub sems dpa'i 'khor tshul khrims nyams pa ma yin/ lta ba nyams pa ma yin/ cho ga nyams pa ma yin/ 'tsho ba nyams pa ma yin gyi/ byang chub semasad pa'i 'khor ni/ byang chub sems dpa' mtshungs par spyod pa rnams nyid yin te/ de ltar na byang chub sems dpa' 'khor gyi stobs phun sum tshogs pa yin no// ji ltar na byang chub sems dpa' rdzu 'phrul gyi stobs phun sum tshogs pa yin zhe na/ 'di la byang chub sems dpa' 'jig rten gyi rdzu 'phrul gyi yul thams cad dang / nyan thos dang / rang sangs rgyas kyis rdzu 'phrul gyi yul thams cad zil gyis non te/ de yang rdzu 'phrul gyi stobs bskyed pa mchog gi zil gyis gnon to// de 'dod na 'dzam bu'i gling gi skra nyag ma gcig gi rtse mo la 'jog go// de bzhin du srid bzhi pa dang / stong gi 'jig rten gyi khams dang / stong gnyis dang / stong gsum gyi stong chen po'i 'jig rten gyi khams kyang de bzhin no// 'dod na gang+gA'i klung gi bye ma snyed kyi 'jig rten gyi 'am rdul phra rab gcig la 'jog go/ / de bzhin du gang+gA'i klung gnyis kyi bye ma snyed khams dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu nas/
- 247b
brjod du med pa'i yang gang+gA'i klung gi bye ma snyed kyi 'jig rten gyi khams rdul phra rab gcig la 'jog kyang / rdul phra rab de la gang ba dang / bri bar yang mi mngon te/ 'jig rten gyi khams de rnams kyang phan tshun du 'dres par mi 'gyur/ sems can de rnams la gnod par yang mi 'gyur te/ de ltar na byang chub sems dpa' rdzu 'phrul gyi stobs phun sum tshogs pa yin no// ji ltar na byang chub sems dpa' dbang gi stobs phun sum tshogs pa yin zhe na/ 'di la byang chub sems dpa' 'dod na/ stong gsum gyi stong chen po'i 'jig rten gyi khams rin po che sna bdun gyis gang bar byin gyis rlob bo// de 'dod na brjod du med pa'i yang brjod du med pa'i 'jig rten gyi khams kyi bar du rin po che rnam pa sna tshogs kyis yongs su gang bar byin gyis rlob ste/ de ltar na byang chub sems dpa' dbang gi stobs phun sum tshogs pa yin no// ji ltar na byang chub sems dpa' gzungs kyi stobs phun sum tshogs pa yin zhe na/ 'di la byang chub sems dpa' brjod du med pa'i yang brjod du med pa'i sangs rgyas kyi zhing ngag na/ sangs rgyas bcom ldan 'das ji snyed cig don tha dad pa dang / tshig dang yi ge tha dad pa dang / brjod pa tha dad pa dang / tshul tha dad pa'i chos bshad pa de dag byang chub sems dpa' skad cig yud tsam thang cig gcig la thams cad 'dzin par byed/ khong du chud par byed/ sgom par byed de/ de ltar na byang chub sems dpa' gzungs kyi stobs phun sum tshogs pa yin no// ji ltar na byang chub sems dpa' rnam par mi 'khrugs pa'i byin gyis
- 248a
rlabs kyi stobs phun sum tshogs pa yin zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ma gtogs par byang chub sems dpas byin gyi/ rlabs byin du brlabs pa la gang rnam par 'khrugs par byed pa'i sems can de lta bu sems can gyi ris na med de/ de ltar na byang chub sems dpa' rnam par mi 'khrug pa'i byin gyi rlabs kyi stobs phun sum tshogs pa yin no/ / rigs kyi bu ji ltar na byang chub sems dpa' bka' mi gcog pa'i stobs phun sum tshogs pa yin zhe na/ thabs mkhas pa ma gtogs par gang byang chub sems dpa'i bka' gcog pa'i sems can de lta bu sems can gyi ris na ma mthong ste/ rigs kyi bu de ltar na byang chub sems dpa' bka' mi gcog pa'i stobs phun sum tshogs pa yin no// rigs kyi bu chos bcu po de dag dang ldan na/ byang chub sems dpa' stobs phun sum tshogs pa rnams yin no// // rigs kyi bu chos bcu dang ldan na/ byang chub sems dpa' ye shes phun sum tshogs pa yin no// bcu gang zhe na/ 'di lta ste/ gang zag la bdag med pa'i ye shes phun sum tshogs pa rnams yin/ chos la bdag med pa'i ye shes phun sum tshogs pa rnams yin/ nyi tshe ba ma yin pa'i ye shes phun sum tshogs pa rnams yin/ ting nge 'dzin gyi spyod yul gyi ye shes phun sum tshogs pa rnams yin/ byin gyi rlabs kyi ye shes phun sum tshogs pa rnams yin/ mi 'phrogs pa'i ye shes phun sum tshogs pa rnams yin/
- 248b
sems can thams cad kyi spyod pa la rnam par lta ba'i ye shes phun sum tshogs pa rnams yin/ lhun gyis grub pa'i ye shes phun sum tshogs pa rnams yin/ chos thams cad kyi mtshan nyid kyi ye shes/ phun sum tshogs pa rnams yin/ 'jig rten las 'das pa'i ye shes phun sum tshogs pa rnams yin no// rigs kyi bu de la ji ltar na byang chub sems dpa' gang zag la bdag med pa'i ye shes phun sum tshogs pa rnams yin zhe na/ rigs kyi bu 'di la byang chub sems dpas phung po rnams skye ba yang yang dag par mthong / 'jig pa dang 'gog pa yang yang dag par mthong ngo // des phung po skye ba rnams snying po med pa dang / byed pa med pa dang / gsog tu yang dag par mthong / phung po 'gag pa rnams 'jig par yang dag par mthong ste/ de 'di snyam du sems/ phung po 'di dag ni bdag med pa/ sems can med pa/ srog med pa/ gso ba med pa dang / gang zag med pa yin mod kyi/ 'on kyang byis pa so so'i skye bo bdag tu 'dzin pa la mngon par zhen pa 'di dag ni/ 'di ltar bdag cag gi phung po rnams bdag go/ / bdag cag gi phung po rnams la bdag yod do// bdag cag gi bdag la phung po rnams yod do// bdag cag gi bdag ni phung po can no snyam ste/ de dag bdag tu 'dzin pa la mngon par zhen pas/ de kho na nyid khong du mi chud do// de kho na nyid khong du ma chud pas mga' me'i 'khor lo ltar 'khor ba na 'khyam mo snyam du sems shing / de thams cad kyang byang chub sems
- 249a
dpas yang dag pa ji lta ba bzhin du rab tu shes te/ de ltar na byang chub sems dpa' gang zag la bdag med pa'i ye shes phun sum tshogs pa yin no// ji ltar na byang chub sems dpa' chos la bdag med pa'i ye shes phun sum tshogs pa yin zhe na/ 'di la byang chub sems dpa' chos su sgro 'dogs pa dang / chos la skur pa yang yang dag pa ji lta ba bzhin du rab tu shes te/ de 'di/ snyam du glo bur du byung ba'i chos la kun brtags pa'i ming gdags te/ chos la yang de'i ngo bo nyid ma yin/ yi ge de dag kyang de'i ngo bo nyid ma yin mod kyi/ 'di ni ming tsam dang / tha snyad tsam du bya'i 'di la mngon par zhen par mi bya'o/ / glo bur du byung ba'i chos de yang thams cad kyi thams cad du med pa ma yin te/ gzhan gyi rkyen dang / gzhan gyi rkyen la sdod pa dang / gzhan gyi rkyen rnams kyis 'byung zhing rkyen dang bral na 'gag pa'i chos 'di ni yod do zhes de thams cad byang chub sems dpas yang dag pa ji lta ba bzhin du rab tu shes te/ de ltar na byang chub sems dpa' chos la bdag med pa'i ye shA phun sum tshogs pa yin no/ / ji ltar na byang chub sems dpa' nyi tshe ba ma yin pa'i ye shes phun sum tshogs pa yin zhe na/ byang chub sems dpa' nyi tshe ba'i ye shes skad cig gcig la 'jug cing skad cig gnyis pa la mi 'jug pa ma yin gyi/ byang chub sems dpa'i ye shes mthong ba ni/ skad cig thams cad la thogs pa med par 'jug ste/ de ltar na byang chub sems dpa' nyi tshe ba ma yin pa'i ye
- 249b
shes phun sum tshogs pa yin no/ / ji ltar na byang chub sems dpa' ting nge 'dzin gyi spyod yul gyi ye shes phun sum tshogs pa yin zhe na/ 'di la byang chub sems dpa' nyan thos kyi ting nge 'dzin rnam kyang rab tu shes/ rang sangs rgyas kyi ting nge 'dzin rnams kyang rab tu shes/ byang chub sems dpa'i ting nge 'dzin rnams kyang rab tu shes/ de bzhin gshegs pa'i ting nge 'dzin rnams kyang rab tu shes so/ / des ting nge 'dzin gang dang ting nge 'dzin gyi spyod yul gang la nyan thos spyod pa de dag yang rab tu shes/ ting nge 'dzin gang dang ting nge 'dzin gyi spyod yul gang la rang sangs rgyas spyod pa de yang rab tu shes/ ting nge 'dzin gang dang ting nge 'dzin gyi spyod yul gang la byang chub sems dpa' spyod pa de yang rab tu shes/ ting nge 'dzin gang dang ting nge 'dzin gyi spyod yul gang la de bzhin gshegs paspyod pa de yang rab tu shes te/ de bzhin gshegs pas skabs phye na/ de bzhin gshegs pa'i ting nge 'dzin rab tu shes kyi/ rnam par smin pas grub pas rang gi ye shes kyis ni ma yin no// ting nge 'dzin gzhan rnams ni rnam par smin pas grub pa'i rang gi ye shes kyis rab tu shes te/ de ltar na byang chub sems dpa' ting nge 'dzi gyi spyod yul gyi ye shes phun sum tshogs pa yin no// ji ltar na byang chub sems dpa' byin gyi rlabs kyi ye shes phun sum tshogs pa yin zhe na/ 'di la byang chub sems dpas nyan thos kyi byin gyi rlabs kyang ji lta ba bzhin du rab tu shes/ rang sangs rgyas kyi byin gyi rlabs kyang ji lta
- 250a
ba bzhin du rab tu shes/ byang chub sems dpa'i byin gyi rlabs kyang ji lta ba bzhin du rab tu shes na/ sems can de ma yin pa gzhan dag gi lta ci smos te/ de ltar na byang chub sems dpa' byin gyi rlabs kyi ye shes phun sum tshogs pa yin no/ / ji ltar na byang chub sems dpa' mi 'phrogs pa'i ye shes phun sum tshogs pa yin zhe na/ 'di la byang chub sems dpa'i ye shes ni mu stegs can thams cad dang / bdud thams cad dang / nyan thos dang / rang sangs rgyas thams cad kyis mi 'phrogs pa yin te/ de ltar na byang chub sems dpa' mi 'phrogs pa'i ye shes phun sum tshogs pa yin no// ji ltar na byang chub sems dpa' sems can gyi spyod pa la rnam par lta ba'i ye shes phun sum tshogs pa yin zhe na/ 'di la byang chub sems dpa' ye shes yongs su dag pa/ dang zhing rnyog pa med pas/ sems can gyi khams la rnam par lta ste/ des de na sems can la la byang chub tu sems bskyed pa dag dang / la la byang chub tu sems ma bskyed pa dag dang / la la byang chub kyi sems bsgrubs pa dag dang / la la byang chub kyi sems ma bsgrubs pa dag dang / la la sa dang po la gnas pa dag dang / la la sa bcu pa'i bar la gnas pa ngag dang / la la mngon par rdzogs par sangs rgyas pa dag dang / la la mngon par rdzogs par sangs rgyas te/ chos kyi 'khor lo rab tu bskor ba dag dang / la la bya ba kun byas te yongs su mya ngan las 'da' ba dag dang / la la nyan thos kyi theg pas yongs su mya
- 250b
ngan las 'da' ba dag dang / la la rang sangs rgyas kyi theg pas yongs su mya ngan las 'da' ba dag dang / la la bde 'gror skye ba dag dang / la la ngan 'gror skye ba dag mthong ngo // de ltar sems can thams cad kyi spyod pa la rnam par lta ste/ de ltar na byang chub sems dpa' sems can thams cad kyi spyod pa la rnam par lta ba'i ye shes phun sum tshogs pa yin no// ji ltar na byang chub sems dpa' lhun gyis grub pa'i ye shes phun sum tshogs pa yin zhe na/ 'di la byang chub sems dpa' spyod pa 'am/ 'greng ba 'am/ 'dug pa'am/ 'gro ba 'am/ 'ong ba na lhun gyis grub cing ye shes 'byung ste/ 'di lta ste/ dper na miganyid kyis log pa'i dbugs 'byung ba dang / rngub pa dag lhun gyis grub cing 'byung ngo // byang chub sems dpa'i ye shes de yang de bzhin du blta'o// ye shes de yang thams cad du mi chags par 'jug ste/ ji ltar na byang chub sems dpa' lhun gyis grub pa'i ye shes phun sum tshogs pa yin no// ji ltar na byang chub sems dpa' chos thams cad kyi mtshan nyid kyi ye shes phun sum tshogs pa yin zhe na/ 'di la byang chub sems dpas chos thams cad mtshan nyid mtshungs par yang rab tu shes/ mtshan nyid gcig par yang rab tu shes mtshan nyid du mar yang rab tu shes/ rgyu ma'i mtshan nyid du yang rab tu shes/ yang dag pa ma yin pa kun brtags pa'i mtshan nyid du yang rab tu shes te/ de ltar na byang chub sems dpa' chos
- 251a
thams cad kyi mtshan nyid kyi ye shes phun sum tshogs pa yin no/ / rigs kyi bu ji ltar na byang chub sems dpa' 'jig rten las 'das pa'i ye shes phun sum tshogs pa yin zhe na/ rigs kyi bu 'di la byang chub sems dpa' gang zag pa med pa'i ye shes 'jig rten thams cad las 'das pa dang ldan pa yin te/ rigs kyi bu de ltar na byang chub sems dpa' 'jig rten las 'das pa'i ye shes phun sum tshogs pa yin no/ / rigs kyi bu chos bcu po de dag dang ldan na/ byang chub sems dpa' ye shes phun sum tshogs pa yin no// dkon mchog sprin bam po gsum pa// / rigs kyi bu chos bcu dang ldan na/ byang chub sems dpa' sa dang mtshungs pa rnams yin no// bcu gang zhe na/ 'di lta ste/ yangs shing tshad med pa rnams yin/ sems can thams can gyi 'tsho bar gyur pa rnams yin/ gnod pa dang lan du phan 'dogs pa dang bral ba rnams yin/ chos kyi sprin chen po kun bzed pa rnams yin/ sems can thams cad kyi gnas su gyur pa rnams yin/ dge ba'i chos kyi sa bon gyi gzhir gyur pa rnams yin/ rin po che'i snod du gyur pa rnams yin/ rtsi chen po'i snod du gyur pa rnams yin/ mi bskul ba rnams yin/ mi spangs pa rnams yin no// rigs kyi bu de la ji ltar na byang chub sems dpa' yangs shing tshad med pa yin zhe na/ rigs kyi bu 'di lta ste
- 251b
dper na sa chen po ni thams cad du yangs shing tshad med pa yin no/ / de bzhin du byang chub sems dpa' yang 'di lta ste/ bsod nams dang ye shes kyi tshogs kyis kun tu yangs shing tshad med pa yin te/ de ltar na byang chub sems dpa' yangs shing tshad med pa yin no// ji ltar na byang chub sems dpa' sems can thams cad kyi 'tsho bar gyur pa yin zhe na/ rigs kyi bu 'di lta ste/ dper na sa chen po'i 'di ltar yo byad rnam pa de dang de dag gis sems can thams cad kyi 'tsho bar gyur pa yin no/ / de bzhin du byang chub sems dpa' yang sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la sogs pa byang chub kyi tshogs rnams dang / phan par 'gyur ba'i yo byad rnam pa du ma de dang de dag gis sems can thams cad kyi 'tsho bar gyur pa yin te// de ltar na byang chub sems dpa' sems can thams cad kyi 'tsho bar gyur pa yin no// ji ltar na byang chub sems dpa' gnod pa dang / lan du phan 'dogs pa dang bral ba yin zhe na/ 'di lnga ste/ rigs kyi bu dper nas chen po ni gnod pas kyang zhe 'gras par mi 'gyur/ phan pas kyang rjes su chags par mi 'gyur te/ de la gnyis su 'du shes pa mi 'byung ngo // de bzhin du byang chub sems dpa' yang gnod pa dag gis kyang zhe 'gras par mi 'gyur/ phan 'dogs pa dag gis kyang rjes su chags par mi 'gyur te/ de ni sems can de dag la chags pa dang / khong khro ba yang mi skye ste/ de ltar na byang chub sems dpa' gnod
- 252a
pa dang / lan du phan 'dogs pa dang bral ba yin no// ji ltar na byang chub sems dpa' chos kyi sprin chen po kun bzed pa yin zhe na/ rigs kyi bu 'di lta ste/ dper na sa chen po ni sprin chen po las bab pa'i chu'i klung chen po kun bzed de/ bzod cing kun 'dzin to// de bzhin du byang chub sems dpa' yang de bzhin gshegs pa chos kyi sprin chen po las chos kyi char pa chen po rab tu bab pa kun bzed cing bzod la 'dzin te/ de ltar na byang chub sems dpa' chos kyi sprin chen po kun bzed pa yin no// ji ltar na byang chub sems dpa' sems can thams cad kyi gnas su gyur pa yin zhe na/ rigs kyi bu 'di lta ste/ dper na sa chen po ni sems can thams cad 'gro ba dang 'ong ba'i gnas su gyur pa yin no// de bzhin du byang chub sems dpa' sems can thams cad kyi bde 'gro dang mya ngan las 'das par 'gro ba'i gnas su gyur pa yin te/ de ltar na byang chub sems dpa' sems can thams cad kyi gnas su gyur pa yin no// ji ltar na byang chub sems dpa' dge ba'i chos kyi sa bon gyi gzhir gyur pa yin zhe na/ rigs kyi bu 'di lta ste/ dper na sa bon thams cad ni sa chen po'i gzhir gyur pa las skye'o// de bzhin du sems can thams cad kyi dge ba'i chos kyi sa bon thams cad kyang byang chub sems dpa'i gzhir gyur pa las skye ste/ de ltar na byang chub sems dpa' dge ba'i chos kyi sa bon gyi gzhir gyur pa yin no// ji ltar na byang chub sems dpa' rin po che'i snod du gyur pa yin zhe na/ rigs kyi
- 252b
bu 'di lta ste/ dper na sa chen po ni rin po che rnam pa sna tshogs kyi snod yin te/ sa chen po la rin po che sna tshogs kun snang ngo // de bzhin du byang chub sems dpa' yang yon tan rin po che rnam pa sna tshogs kyi snod du gyur pa yin te/ byang chub sems dpa' la yon tan rin po che sna tshogs kun snang ste/ de ltar na byang chub sems dpa' rin po che'i snod du gyur pa yin to// ji ltar na byang chub sems dpa' rtsi chen po'i snod du gyur pa yin zhe na/ rigs kyi bu 'di lta ste/ dper na rtsi chen po gang dag nad rnam pa sna tshogs zhi bar 'gyur ba dag kyang sa chen po la gnas te 'jig rten na snang ngo // de bzhin du gang dag gis nyon mongs pa'i nad rnam pa sna tshogs pa rnams zhi bar 'gyur ba'i chos kyi rtsi chen po rnams kyang byang chub sems dpa' la gnas shing 'jig rten du 'byung bar 'gyur te/ de ltar na byang chub sems dpa' rtsi chen po'i snod du gyur pa yin no/ / ji ltar na byang chub sems dpa' mi bsgul ba yin zhe na/ rigs kyi bu 'di lta ste/ dper na sa chen po ni 'di ltar sha sbrang dang / sbrang bu dang / rlung dang / nyi ma dang / sbrul gyis reg pa'i sdug bsngal thams cad kyis mi bskul ba yin no/ / de bzhin du byang chub sems dpa' yang 'di lta ste/ sems can thams cad las byung ba'i phyir nang gi sdug bsngal thams cad kyis mi bskul ba yin te/ de ltar na byang chub sems dpa' mi bskul ba yin no/ / rigs kyi bu ji ltar na byang chub sems dpa' mi spangs pa yin zhe na/ rigs kyi bu 'di lta ste/ dper na sa chen po ni glang po che'i rgyal po'am/ ri dgas kyi
- 253a
rgyal po rnam pa sna tshogs kyi sgra thos kyang mi skrag/ mi dngang / dngang bar mi 'gyur ro// de bzhin du byang chub sems dpa' yang bdud dang mu stegs thams cad kyi sgra thos na mi skrag/ mi dang / dngang bar mi 'gyur te/ rigs kyi bu de ltar na byang chub sems dpa' mi spangs pa yin no// rigs kyi bu chos bcu po de dag dang ldan na/ byang chub sems dpa' sa chen po dang mtshungs pa rnams/ yin no// rigs kyi bu chos bcu dang ldan na/ byang chub sems dpa' chu dang mtshungs pa rnams yin no// bcu gang zhe na/ 'di lta ste/ dge ba'i chos la gzhol ba rnams yin/ dkar po'i chos thams cad skyed pa rnams yin/ dga' ba dang / dad pa dang / rangs pa'i gsher ba can rnams yin// nyon mongs pa'i rtsa ba'i rgyun thams cad srul ba rnams yin/ drang zhing rnyog pa med de gsal ba rnams yin/ nyon mongs pa'i yongs su gdung ba thams cad rab tu zhi bar byed pa rnams yin/ 'dod pa la sred pa zlog pa rnams yin/ zab cing gting dpag dka' ba rnams yin/ mtho dman 'gengs pa rnams yin/ nyon mongs pa'i rdul thams cad rab tu zhi bar byed pa rnams yin no// rigs kyi bu de la ji ltar na byang chub sems dpa' dge ba'i chos la gzhol ba yin zhe na/ rigs kyi bu 'di lta ste/ dper na chu ni gzhol bar 'gro ba dang / gzhol bar rgyu ba yin no// de bzhin du byang chub sems dpa' yang chos dge ba'i chos la gzhol zhing / dge ba'i chos kyi phyir rgyu ba yin te/ de ltar na byang chub sems dpa'
- 253b
dge ba'i chos la gzhol ba yin no/ / ji ltar na byang chub sems dpa' dkar po'i chos thams cad skyed pa yin zhe na/ rigs kyi bu 'di lta ste/ dper na chu ni rtswa dang / shing gel ba dang / rtsi dang / nags tshal thams cad skyed de/ skyes pa rnams kyang phyir zhing rgyas par byed do// de bzhin du byang chub sems dpa' yang ting nge 'dzin gyi chus byang chub kyi phyogs kyi chos thams cad rnam par bskyed do// skyes pa rnams kyang thams cad mkhyen pa nyid kyi shing du gyur kyi bar du phyir zhing rgyas par byed do/ / thams cad mkhyen pa nyid kyi shing du gyur pa dag gis sangs rgyas kyi chos kyi 'bras bu rnam pa sna tshogs dag gis sems can rnams 'tsho bar 'gyur te/ de ltar na byang chub sems dpa' dkar po'i chos thams cad bskyed pa yin no// ji ltar na byang chub sems dpa' dga' ba dang / dad pa dang / rangs pa'i gsher can yin zhe na/ rigs kyi bu 'di lta ste/ dper na chu ni ngo bo nyid kyis gsher ba can yin te/ gzhan yang gsher bar byed do// de bzhin du byang chub sems dpa' yang ngo bo nyid kyis dga' ba dang / dad pa dang / rangs pa'i gsher ba can yin te/ sems can gzhan yang dga' ba dang / dad pa dang / rangs pa'i gshe sa can du byed do// de la dga' ba ni 'jig rten las 'das pa'i chos tshol ba'o/ / dad pa ni sangs rgyas dang / chos dang / dge 'dun la rten pa'o// rangs pa ni gang sems dag pa ste/ de ltar na byang chub sems dpa' dka' ba dang / dad pa dang
- 254a
rangs pa'i gsher ba can yin no/ / ji ltar na byang chub sems dpa' nyon mongs pa'i rtsa ba'i rgyun thams cad sprul ba yin zhe na/ rigs kyi bu 'di lta ste/ dper na chu ni shing gi rnam pa dang / rtswa'i rnam pa'i rtsa ba dag gi rgyun rnams srul lo// de bzhin du byang chub sems dpa' yang sgom pa la gnas pa'i ting nge 'dzin gyi chus nyon mongs pa'i rtsa ba'i rgyun thams cad srul te/ ji ltar na nyon mongs pa'i rtsa ba'i rgyun 'di dag gi ming yang mi shes pa dang / nyon mongs pa'i dring ba'i bag chags kyang med par 'gyur ba de lta bur srul te/ de ltar na byang chub sems dpa' nyon mongs pa'i rtsa ba'i rgyun thams cad srul ba yin no/ / ji ltar na byang chub sems dpa' dang zhing rnyog pa med de gsal ba yin zhe na/ rigs kyi bu 'di lta ste/ dper na chu ni rang bzhin gyis dang zhing rnyog pa med de gsal lo/ / de bzhin du byang chub sems dpa' yang rang bzhin gyis dang zhing rnyog pa med de gsal ba yin no// de la bag la nyal dang kun nas ldang ba dang bral bas na dang ba'o// 'dod chags dang / zhe sdang dang / gti mug dang bral bas na rnyog pa med pa'o// dbang po rab tu dang bas na gsal ba ste/ ji ltar na byang chub sems dpa' dang zhing rnyog pa med de gsal ba yin no// ji ltar na byang chub sems dpa' nyon mongs pa'i yongs su gdung ba rab tu zhi bar byed ce na/ rigs kyi bu 'di lta ste/ dper na chu ni sa chen po dpyid kyi tsha bas gdungs pa dang / de las gzhan yang sems can
- 254b
rnams dpyid kyi tsha bas gdungs pa rnams rab tu zhi bar byed do/ / de bzhin du byang chub sems dpa' yang nyon mongs pas gdungs pa'i sems can gyi khams thams cad chos kyi chus rab tu zhi bar byed de/ de ltar na byang chub sems dpa' nyon mongs pa'i yongs su gdung ba rab tu zhi bar byed pa'o/ / ji ltar na byang chub sems dpa' 'dod pa la sred pa zlog pa yin zhe na/ rigs kyi bu 'di lta ste/ dper na chu ni skom pas nyen pa'i sems can rnams kyi skom pa rnam par zlog go/ / de bzhin du byang chub sems dpa' yang yul la sred pas nyen par gyur pa dag la gang gi sems can de dag gi yul la sred pa ldog par 'gyur ba de lta bu chos kyi chos mngon par 'bebs te/ de ltar na byang chub sems dpa' 'dod pa la sred pa zlog par byed do// ji ltar na byang chub sems dpa' rab cing gting dpag dka' ba yin zhe na/ rigs kyi bu 'di lta ste/ dper na chu'i 'jing ni zab cing gting dpag dka' ba yin no// de bzhin du byang chub sems dpa' ye shes yang dag par grub pa yang 'di lta ste/ bdud thams cad dang / mu stegs thams cad kyis gting dpag dka' zhing zab pa yin te/ de ltar na byang chub sems dpa' zab cing gting dpag dka' ba yin no// ji ltar na byang chub sems dpa' mthong man 'gengs pa yin zhe na/ rigs kyi bu 'di lta ste/ dper na chu'i klung ni sa phyogs mtho dman 'gengs so// de bzhin du byang chub sems dpa' yang chos kyi chu klung gis sems can gyi
- 255a
khams mtho dman 'gengs te/ ji ltar na chus 'gengs pa ltar sems can la gnod par byed pa de lta bu byang chub sems dpa' ma yin gyi/ sems can de rnams la snying brtse ba'i phyir chos kyi chu klung 'bebs shing de dag la gnod par mi byed de/ de ltar na byang chub sems dpa' mtho dman 'gengs pa yin no// ji ltar na byang chub sems dpa' nyon mongs pa'i rdul thams cad rab tu zhi bar byed pa yin zhe na/ rigs kyi bu 'di lta ste/ dper na chus ni sa'i phyogs skam zhing / rdul 'thul ba thams cad snum par byed cing rdul de dag zhi bar byed do// de bzhin du byang chub sems dpa' yang sems can sems rtsub pa rnams 'di lta ste/ shes rab la gnas pa'i ting nge 'dzin gyi chus sems snum par byed cing / sems can de dag gi nyon mongs pa'i rdul thams cad rab tu zhi bar byed de/ de ltar na byang chub sems dpa' nyon mongs pa'i rdul thams cad rab tu zhi bar byed pa yin no// rigs kyi bu chos bcu po de dag dang ldan na byang chub sems dpa' chu dang mtshungs pa rnams yin no/ / rigs kyi bu chos bcu dang ldan na/ byang chub sems dpa' me dang mtshungs pa rnams yin no// bcu gang zhe na/ 'di lta ste/ nyon mongs pa'i phyag dar khung thams cad kyang sreg par byed/ sangs rgyas kyi chos rnams kyang yongs su smin par byed/ nyon mongs pa'i 'dam thams cad kyang skam par byed/ me'i phung po dang 'dra ba rnams yin/ snang bar
- 255b
gyur pa rnams yin/ skrag par byed pa rnams yin/ dbugs 'byin pa rnams yin/ sems can thams cad kyi thun mong du gyur pa rnams yin/ mchod pa byed pa rnams yin/ mi brnyas pa rnams yin no// / rigs kyi bu de la ji ltar na byang chub sems dpa' nyon mongs pa'i phyag dar khung thams cad sreg ce na/ rigs kyi bu 'di lta ste/ dper na me ni phyag dar khung dang / rtswa dang / shing dang / gel ba dang rtsi dang / sdong po thams cad sreg go// de bzhin du byang chub sems dpa' yang shes rab kyis bag la nyal dang / kun nas ldang ba dang / 'dod chags dang / zhe sdang dang / gti mug gi nyon mongs pa'i phyag dar khung thams cad sreg ste/ de ltar na byang chub sems dpa' nyon mongs pa'i phyag dar khung thams cad sreg pa yin no// ji ltar na byang chub sems dpa' sangs rgyas kyi chos rnams yongs su smin par byed ce na/ rigs kyi bu 'di lta ste/ dper na me ni lo tog dang / rtsi dang / sdong po'i rnam pa thams cad yongs su smin par byed do// de bzhin du byang chub sems dpa' yang shes rab kyis nang gi sangs rgyas kyi chos rnams yongs su smin par byed pa yang ji ltar 'jig par mi 'gyur ba de ltar yongs su smin par byed do/ / de ltar na byang chub sems dpa' sangs rgyas kyi chos rnams yongs su smin par byed pa'o/ / ji ltar na byang chub sems dpa' nyon mongs pa'i 'dam thams cad skam par byed de/ rigs kyi bu 'di lta ste/ dper na me ni chu bran gyi 'dam thams cad skam
- 256a
par byed do/ / de bzhin du byang chub sems dpa' yang shes rab kyis zag pa nyon mongs pa'i 'dam thams cad skam par byed de/ de ltar na byang chub sems dpa' nyon mongs pa'i 'dam thams cad skam par byed do/ / ji ltar na byang chub sems dpa' me'i phung po dang 'dra ba yin zhe na/ rigs kyi bu 'di lta ste/ dper na sems can grang ba'i nad kyis nyen pa rnams kyi grang ba med par bya ba'i phyir/ me'i phung po byed do// de bzhin du byang chub sems dpa' yang nyon mongs pa'i grang ba'i nad kyis btab pa'i sems can rnams kyi nyon mongs pa'i grang ba'i nad med par bya ba'i phyir/ shes rab kyis rab tu dro bar byed de/ de ltar na byang chub sems dpa' me'i phung po dang 'dra ba yin no// ji ltar na byang chub sems dpa' snang bar gyur pa yin zhe na/ rigs kyi bu 'di lta ste/ dper na gangs kyi rtse mo 'am/ ri bini da'i rtse mo na me'i phung po chen po 'bar ba des dpag tshad gcig kho ra khor yug tu snang bar byed/ dpag tshad gnyis kho ra khor yug dang / dpag tshad gsum khor khor yug tu yang snang bar byed do/ / de bzhin du byang chub sems dpa' 'ang ye shes kyi snang bas dpag tshad brgyar yang khyab par byed/ dpag tshad stong du yang khyab par byed/ dpag tshad stong phrag brgyar yang khyad par byed pa nas/ 'jig rten gyi khams dpag tu med pa grangs med pa'i bar du yang khyab par byas nas/ sems can thams cad la ye shes kyis snang bar byed do// ye shes
- 256b
kyi snang ba des mi shes pa'i mun pa mun gnag thams cad rnam par sel to/ / de ltar na byang chub sems dpa' snang bar gyur pa yin no// ji ltar na byang chub sems dpa' skrag par byed pa yin zhe na/ rigs kyi bu 'di lta ste/ dper na ri dgas khro bo 'am/ ri dgas kyi rgyal po khro bos me'i phung po chen po mthong na skrag/ rab tu skrag/ shin tu rab tu skrag par gyur cing / 'di lta ste/ me'i 'jigs bas skrag pas gnas te/ de ring ba bas kyang shin tu ring bar spong ngo // de bzhin du bdud rnams sam/ bdud kyi ris kyi lha rnams kyis byang chub sems dpa' mthong nas skrag/ rab tu skrag/ shin tu skrag par gyur cing / 'di lta ste/ gzi brjid chung ba'i phyir gang du byang chub sems dpa' rnams kyi ming yang mi thos na/ mthong ba lta smos kyang mi smos par/ ring ba bas kyang shin tu ring bar sa'i phyogs de yongs su spong ngo / / de ltar na byang chub sems dpa' skrag par byed pa yin no// ji ltar na byang chub sems dpa' dbugs 'byin pa yin zhe na/ rigs kyi bu/ 'di lta ste/ dper na mi la la zhig 'brog dgon par 'khyams pa las me'i phung po chen po mthong ste/ de de logs su song ba dang / des ni grong ngam/ rdzi'u brang mthong nas de shugs phyin te/ rab tu dbugs phyin nas/ 'jigs pa thams cad dang bral bar 'gyur ro// de bzhin du byang chub sems dpa' yang 'khor ba'i 'brog dgon par 'khyam pa'i
- 257a
sems can rnams kyis byang chub sems dpa' mthong na/ shugs phyin par 'gyur/ rab tu dbugs phyin par 'gyur/ nyon mongs pa'i 'jigs pa thams cad dang bral bar 'gyur te/ de ltar na byang chub sems dpa' dbugs 'byin pa yin no// ji ltar na byang chub sems dpa' sems can thams cad kyi thun mong du gyur pa yin zhe na/ rigs kyi bu 'di lta ste/ dper na/ me ni sems can thams cad kyi thun mong du gyur pa ste/ ji ltar na rgyal po la phan par nye bar gnas pa ltar gdol bu la yang de bzhin no// de bzhin du byang chub sems dpa' yang sems can thams cad kyi thun mong du gyur pa yin te/ ji ltar na rgyal po la phan par nye bar gnas pa ltar gdol bu la yang de bzhin te/ de ltar na byang chub sems dpa' sems can thams cad kyi thun mong du gyur pa yin/ no// ji ltar na byang chub sems dpa' mchod par bya ba yin zhe na/ rigs kyi bu 'di lta ste/ dper na me la ni bram ze dang / rgyal rigs dang / grong pa dang / yul 'khor gyi mi rnams kyis mchod do// de bzhin du byang chub sems dpa' yang 'di lta ste/ lha dang / mi dang / lha ma yin dang / dri zar bcas pa'i 'jig rten gyis ston par 'du shes pas mchod de/ de ltar na byang chub sems dpa' mchod par bya ba yin no/ / ji ltar na mi brnyas pa yin zhe na/ rigs kyi bu 'di lta ste/ dper na me stag chung ngu yang 'tshig pa'i bdag nyid yin pas na mi brnyas pa yin no// de bzhin du mos pas spyod pa
- 257b
la gnas pa'i byang chub sems dpa' mthu stobs ma rnyed pa theg pa chen po la las dang po pa yang / lU dang / mi dang / lha ma yin du bcas pa'i 'jig rten gyi bla rnyas pa yin no// de ci'i phyir zhe na/ lha dang / klu dang / gnod sbyin dang / dri ba dang / lha ma yin rnams kyis byang chub sems dpa' 'di ring por mi thogs par byang chub la 'dug ste/ bla na med pa yang dag par rdzogs pa'i byang chub mngon par rdzogs par 'tshang rgya bar khong du chud de/ de ltar na byang chub sems dpa' mi brnyas pa yin no// rigs kyi bu chos bcu po de dag dang ldan na/ byang chub sems dpa' me dang mchung pa rnams yin no/ / rigs kyi bu chos bcu dang ldan na/ byang chub sems dpa' rlung mar lta bu rnams yin no// bcu gang zhe na/ 'di lta ste/ gnas med par spyad pa dang / spyod yul kun tu mu med pa dang / sems can nga rgyal gyis snyems pa'i rtse mo 'thor zhing 'jig la rab tu snyil bar byed pa dang / chos kyi char sprin chen po kun skyed pa dang / 'gro ba thams cad kyang nyon mongs pa'i gdung ba rab tu zhi bar byed pa dang / sems can thams cad la chos dkar po lus 'thun par 'byung ba'i dbugs 'byung ba dang rngub pa'i srog nye bar sbyor ba dang / chos kyi char sprin dpag tu med pa kun 'dzin pa dang / chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa dang / 'khor gyi dkyis
- 258a
'khor dpag bsam gyi shing las shin tu byung ba'i chos kyi gtam yang dag rnam par gdon mi za ba'i me tog yid du 'ong ba'i char rtag tu mngon par 'bebs pa dang / bskal pa/ grangs med par dkar po'i dkyil 'khor yongs su bsags pa ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / 'od dang / zla ba dang / nyi ma dang chos kyi tshul dang / nags tshal dang / khang pa dang / dge ba'i khor yug ri la sogs pas yongs su bskor ba'i sems can gyi khams kyi dkyil 'khor na gdul ba yongs su smin pa mang ngo / yang dag par gnas pa/ bla na med cing lus med par gnas 'pho bar 'jig pa'i ye shes kyi rlung gi dkyil 'khor rab tu gtong ba'i phyir ro// rigs kyi bu de la ji ltar na byang chub sems dpa' gan med par spyod pa yin zhe na/ rigs kyi bu 'di lta ste/ dper na rlung mar ni thams cad du thogs pa med cing gnas med rten med de/ gzugs med kyang nags tshal dang / khang pa dang / gzhal med khang dang / ri rab dang / rgya mtsho la sogs pa thams cad la rang gi dgos pa byed par snang ngo // de bzhin du byang chub sems dpa'i rlung mar yang chos thams cad la kun tu mi gnas pa yin te/ phung po dang / khams dang / skye mched rnams dang / gzugs dang / tshor ba dang / 'du shes dang / 'du byed dang / rnam par shes pa dang / mig gi khams dang / gzugs kyi khams
- 258b
dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i kham dang / yid kyi khams dang / chos kyi khams dang / yid kyi rnam par shes pa'i khams dang / mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi skye mched dang / chos kyi skye mched la mi gnas pa yin/ 'jig rten pa'i chos rnams dang / 'jig rten las 'das pa'i chos rnams dang / lha dang mi'i phun sum tshogs pa thams cad dang / 'khor los sgyur ba dang / brgya byin dang / tshangs pa dang / 'jig rten skyong ba dag tu 'gyur ba dang / dbang phyug chen po dag tu 'gyur ba dang / nyan thos dang / rang sangs rgyas dag tu 'ang ba dang / byang chub sems dpa'i sa rnams dang / thams cad mkhyen pa nyid dag la yang gnas par mi byed de/ de thams cad la mi gnas pas dngos po dang / dngos po med pa dang
- 259a
gcig pa dang / tha dad pa dang / de bzhin nyid la sogs par rlom sems kyi rnam pa du mas ma gyur cing / dmigs pa med pa rnam par thar pa'i sgrib pa med pa'i spyod yul dang ldan pas brgya byin dang / tshangs pa dang / 'jig rten skyong ba la sogs pa yang byed la/ phyogs bcu mtha' yas mu med pa'i 'jig rten gyi khams kun tu sems can thams cad kyi don thams cad thob par bya ba'i phyir/ phyi ma'i mtha'i mur thug pa'i bskal par thams cad du yang tshul chos kyi lus kyis mi snang ba yang yin zhing / mi rtog rnam par mi rtog ste de ltar na byang chub sems dpa' gnas med par spyod pa yin no/ / rigs kyi bu ji ltar na byang chub sems dpa' spyod yul kun tu mu med pa yin zhe na/ rigs kyi bu 'di lta ste dper na rlung mar ni phyogs bcu'i 'jig rten gyi khams dpag tu med pa dag tu reg par byed de/ g.yob cang rgyu'o// rigs kyi bu de bzhin du byang chub sems dpa'i rlung mar yang / chos mu med pa dag kun rdzob dang / don dam par kun nas mthong zhing rgyas par byed/ reg par byed/ rnam par 'god cing ston te/ de bzhin gshegs pa'i 'khor gyi dkyil 'khor dag dang / byang chub sems dpa'i 'khor gyi dkyil 'khor dag dang / 'khor ba thams cad kyi gnas dag tu yid kyi mgyogs pa dang ldan zhing phyogs bcu thams cad kyi mthar thug pa'i spyod yul
- 259b
bar gyur nas rgyu zhing 'gro ste/ rigs kyi bu de ltar na byang chub sems dpa' spyod yul kun tu mu med pa yin no// rigs kyi bu ji ltar na byang chub sems dpa' sems can nga rgyal gyis snyems pa'i rtse mo 'thor zhing 'jig la rab tu stsal bar byed pa yin zhe na/ rigs kyi bu 'di lta ste/ dper na rlung mar ni ri dang / khyim dang / nags tshal gyi rtse mo dag 'dud par byed rab tu snyil bar byed/ rnam par 'jig par byed/ 'thor bar byed/ mi sdang bar byed do// de bzhin du byang chub sems dpa'i rlung mar yang sems can nga rgyal dang / rlom sems dang / dregs pa dang / 'jig tshogs la lta ba'i rtse mos snyems pa rnams/ gzugs dang dar la bab pa dang / longs spyod dang / dbang dang / stobs dang / tshe dang nad med pa dang / 'tsho ba dang / bzo dang / thos pa dang / yid gzhungs pa dang / g.yog dang / smra mkhas pa dang / dpal che ba'i dregs pas myos pa dag dang / yang dag pa'i nan tan gyis bdag stod pa rnams la de dang khyad zhugs pa'i phun sum tshogs pa bstan pa dang / chos bstan pas nga rgyal choms par byed cing dge ba dri ma med pa la sbyor bar byed de/ de ltar na byang chub sems dpa' sems can nga rgyal gyis snyems pa'i rtse mo 'thor zhing 'jig la rab tu snyil bar byed pa yin no// rigs kyi bu ji ltar na byang chub sems dpa' chos
- 260a
kyi char sprin chen po kun nas skyed pa yin zhe na/ rigs kyi bu 'di lta ste/ dper na rlung mar ni phyogs bzhi nas sprin gyi dkyil 'khor kha dog sna tshogs can dang / zab cing gsal la mnyen zhing 'jam pa'i 'brug sgra rgya mtsho'i dbyangs can krung ro sna tshogs kyi sgra 'byin cing yid du 'ong ba'i dbyangs rjes su grag pa glog gi 'phreng ba'i rgyan gyis rnam par brgyan pa gang dag gis 'jig rten gyi khams bye ba khrag khrig stong phrag brgya dag kun nas yongs su khebs par byas te/ 'gro ba thams cad dga' ba dang / lo tog dang / sdong po yongs su bskyed pa'i phyir/ char gyi rgyun rin po che rtag tu rgyun mi 'chad par mngon par 'bebs pa'i sprin chen po kun nas slong ngo // de bzhin du byang chub sems dpa'i rlung mar yang / lus sna tshogs kyi sprin sems can thams cad dga' bar byed pa/ phyogs bcu'i 'jig rten gyi khams mtha' yas mu med pa snang bar byed pa/ 'od zer kha dog mtha' yas pa'i glog gi 'phreng ba'i rgyun 'byung ba yang dag pa de kho na nyid kyi chos kyi 'brug sgra yan lag stong phrag drug cu pas sgrog pa/ snying rje chen po'i rlung mar gyi yang dag par 'thor ba/ chos kyi dbyings kyis klas pa'i 'gro ba thams cad kyi nam mkha' khyab par byed pa dag gis 'jig rten gyi khams thams cad kun nas khebs par byas shing / ngan song dang / mi khom pa la sogs pa nas/ sems can rnam par bslang ste/ rnam pa thams cad du mtshan dang / dpe byad/
- 260b
bzang po dang / 'od kyi dkyil 'khor gyi snang ba rnam par dag pa yang byin gyis brlabs te/ bkod pa thams cad kyi rgyan gyis brgyan pa'i 'jig rten gyi khams dag kyang byin gyis brlabs nas/ lha dang mi dga' ba dang / mgu ba dang / rangs pa mchog tu gyur pa dga' ba dang / bde ba mchog thob pa dang ldan pa rnams kyi 'jig rten pa dang / 'jig rten las 'das pa'i chos dkar po'i lo tog dang / rtsi chen po dang / sdong po thams cad rnam par bskyed pa dang / thams cad du skyid par chos kyi dbang bskur ba'i phyir/ sems can thams cad kyi phun sum tshogs pa dang / dga' bar byed pa dang / rgud pa rab tu zhi bar byed pa'i chos kyi char chen po mngon par 'bebs te/ rigs kyi bu de ltar na byang chub sems dpa' chos kyi char sprin chen po kun nas skyed pa yin no// rigs kyi bu ji ltar na byang chub sems dpa' 'gro ba thams cad kyi nyon mongs pa'i gdung ba rab tu zhi bar byed pa yin zhe na/ rigs kyi bu 'di lta ste/ dper na rlung mar dri zhim po'i char gyi rgyun gyi snying po can ldang na/ sems can thams cad kyi gdung ba yongs su zhi bar byas shing lus shin tu sim pa dang / bsil bar byed do// de bzhin du byang chub sems dpa'i rlung mar yang sems can rnams kyi 'dod chags dang / zhe sdang dang / gti mug dang ngan 'gro dang / ngan par lta ba dang / nyes byas dang / the tshom dang / 'phongs pa mi bzad pa dang / yul la sred pa dang / sdug pa dang / mi sdug pa dang bral zhing phrad pa dang / nad rnams
- 261a
bcil nas dam pa ma yin pa'i chos la sred pa la sogs pa'i gdung ba dag dam pa'i chos kyi char dang 'dres pa'i bla na med pa'i tshul khrims rnam par dag pa dang / smon lam dang / mthong ba dang / thos pa dang / reg pa dang / 'grogs pa dang / bstan pa don yod pa la sogs pas rab tu zhi bar byed do// rigs kyi bu de ltar na byang chub sems dpa' 'gro ba thams cad kyi nyon mongs pa'i gdung ba rab tu zhi bar byed cing nyon mongs pa med pa'i sa la 'god pa yin no/ / rigs kyi bu ji ltar na byang chub sems dpa' sems can thams cad la chos dkar po las 'thun par byung ba'i/ dbugs 'byung ba dang / rngub pa'i srog nye bar sbyor ba yin zhe na/ rigs kyi bu 'di lta ste/ dper na dbugs 'byung ba dang / rngub pa'i rlung gi mthus sems can thams cad 'tsho'o// de bzhin du byang chub sems dpas mngon par bsgrags pa dang / byang chub sems dpas bstabs pa'i chos dkar po'i rlung mar nye bar spyod pa phun sum tshogs pa thams cad skyed pas kyang sems can thams cad dga' bar 'gyur ro/ / rigs kyi bu gzhan yang 'di lta ste/ dper na rlung mar ni 'jig rten gyi khams thams cad du 'di lta ste/ rdo rje'i dkyil 'khor rnams dang / khor yug ri dag dang / khor yug ri chen po rnams dang / gling chen po bzhi yongs su 'dzin pa'i gser gyi dkyil 'khor rnams dang / rgya mtsho rin po che'i 'byung gnas dang bcas pa rnams dang / ri rab dang / ri rab chen po dang / de ma yin pa rin po
- 261b
che'i ri dang / gangs dang / ri spos kyi ngad ldang ba dang / grong rdal dang / nags tshal dang / gzhal med khang dag dang / 'dzam bu'i gling dag dang / gling chen po bzhi dag dang / stong dag dang / stong gnyis pa dag dang / stong gsum gyi stong chen po dag 'god pa rnam par phye ba sna tshogs pa mngon par sgrub bo// de bzhin du byang chub sems dpa'i rlung mar yang phyogs bcu kun tu sems can thams cad kyi bsod nams kyi phung po phun sum tshogs pa nye bar bsgrub bo/ / skyed do// yongs su gzhog go// de la ji ltar gangs kyi ri phun sum tshogs pa de ltar 'jig rten pa'i bsod nams phun sum tshogs pa rnams blta'o/ / ji ltar na gling chen po bzhi pa dang / ri rab phun sum tshogs pa de ltar ni nyan thos kyi phun sum tshogs pa rnams blta'o// ji ltar stong gi 'jig rten gyi khams phun sum tshogs pa de ltar ni rang sangs rgyas kyi phun sum tshogs pa rnams blta'o/ / ji ltar stong gnyis kyi 'jig rten gyi khams phun sum tshogs pa de ltar ni byang chub sems dpa'i phun sum tshogs pa rnams blta'o/ / ji ltar na stong gsum gyi stong chen po'i 'jig rten gyi khams phun sum tshogs pa de ltar ni/ 'jig rten thams cad las mngon par 'phags pa'i 'jig rten gyi khams thams cad kyi nam mkha'i khams kyi mthas gtugs pa shin tu rnam par dag par grags pa/ mchod pa la dmigs pa thams cad yang dag par gnas pa rnams kyi thams cad mngon du byas
- 262a
te/ de bzhin gshegs pa'i sku bsod nams brgya pa'i mtshan dang ldan pa rtag tu mnyam par gzhag pa phun sum tshogs pa rnams lta'o// de la rgya mtsho ltar ni ting nge 'dzin gyi rgya mtsho rnams blta'o/ / gling dang / bar gyi gling dang / ri gzhan dang / gling chen po bzhi la sogs pa ltar ni sbyor ba dang / gzungs dang / sems can yongs su smin par bya ba dang / slob pa'i dge 'dun la sogs pa blta'o// / grong rdal dang / nags tshal dang / gzhal med khang ltar ni/ sangs rgyas kyi zhing yongs su dag pa'i yon tan bkod pa rnams blta'o// dpag bsam gyi shing gi nags tshal rnams ltar ni/ sa dang / pha rol tu phyin pa dang / ting nge 'dzin dang / gzungs dang / mngon par shes pa dang / rig pa dang / ye shes snang ba dang / dbang dang / byang chub sems dpa' dang / yang dag par rdzogs pa'i sangs rgyas kyi stobs dang / mi 'jigs pa dang / ma 'dres pa dang / thugs rje chen po la sogs pa dbang sgyur ba dam pa phun sum tshogs pa'i chos rnams blta'o// rigs kyi bu de la sangs rgyas bcom ldan 'das rnams kyi bsod nams brgya pa'i mtshan gang zhe na/ rigs kyi bu 'di lta ste/ dper na yongs su brtag pa gzung ste/ phyogs bcu'i phyogs re re'i 'jig rten gyi khams gang+gA'i klung grangs med pa'i bye ma snyed dag na sems can gang ji snyed yod pa de dag thams cad stong gsum phrag bcu'i 'khor lo sgyur ba'i bsod nams kyi phung po dang ldan par 'gyur la/ de lta bu'i 'khor lo sgyur ba'i dngos po nyid dang ldan pa'i sems can de dag gi bsod nams kyi
- 262b
phung po ji tsam pa nyid bsdoms pa dang / 'khor los sgyur ba chen po cig gcig ldan par gyur te/ rnam grangs nges shar phyogs su 'jig rten gyi khams thams cad 'das te/ de snyed kyi 'jig rten gyi khams su gtogs pa'i sems can de snyed cig 'khor los sgyur ba'i dngos po de 'dra ba nyid dang so sor ldan par gyur la/ snga ma bzhin du phyogs bcu'i 'jig rten gyi khams thams cad nam mkha'i khams kyi mthas gtugs pa dag na/ sems can yod do cog ji snyed pa de dag thams cad 'khor los sgyur ba'i dngos po de lta bu sha stag dang so sor ldan par gyur te/ de bzhin du bgrang ba de nyid kyis/ 'jig rten gyi khams ji snyed pa de snyed du gtogs pa'i sems can rnams brgya byin gyi bsod nams kyi phung po dang ldan pa'i brgya byin sha stag tu gyur la/ phyogs bcu'i phyogs re re'i 'jig rten gyi khams gang+gA'i klung grangs med pa'i bye ma snyed du gtogs pa'i brgya byin rnams kyi bsod nams kyi phung po ji tsam pa de dang / brgya byin cig gcig dang ldan par gyur te/ de bzhin du 'jig rten gyi khams chos kyi dbyings kyis klas pa nam mkha' mthas gtugs pa thams cad/ sems can gang ji snyed 'khod pa de dag thams cad brgya byin de dang 'dra ba sha stag tu gyur la/ bgrang ba de nyid kyis phyogs bcu'i phyogs re re'i 'jig rten gyi khams gang+gA'i klung grangs med pa'i bye ma snyed du gtogs pa'i sems can thams cad tshangs pa chen por gyur la/ bsod nams de thams cad gcig tu bsdoms pa dang / tshangs pa chen
- 263a
po cig gcig ldan par gyur la/ tshangs pa chen po ji lta bar sems can thams cad kyang de bzhin du gyur te snga ma bzhin du bgrang ba de nyid kyis nyan thos dag dang / rang sangs rgyas dag dang / byang chub sems dpa' sa chen po thob pa 'od zer gyi sprin chen po'i dbang bskur bas dbang bskur ba dbang bcu thob pa sha stag tu gyur te/ de ltar rigs kyi bu de lta bu'i sems can thams cad phyogs bcu mu med pa'i 'jig rten gyi khams dang / nam mkha'i khams su gtogs pa dus gsum pa thams cad kyi bsod nams kyi phung po ji tsam pa des dus gsum gyi nam mkha'i khams su gtogs pa dang / 'jig rten gyi khams su gtogs pa'i 'jig rten gyi khams thams cad kyi rdul phra rab bcur bsgyur bas/ de bzhin gshegs pa'i ba spu'i khung bu gcig mngon par 'grub bo// ba spu'i khung bu thams cad du gtogs pa'i bsod nams kyi phung po brgya stong grangs med pa bcur bsgyur bas/ dpe byad bzang po brgyad cu las/ dpe byad bzang po re re mngon par 'grub bo// dpe byad bzang por gtogs pa'i bsod// nams kyi phung po de thams cad brjod du med pa bcur bsgyur bas/ de bzhin gshegs pa'i mtshan nyi shu rtsa dgu las mtshan re re mngon par 'grub bo// de yang brjod du med pa bcur bsgyur bas/ de bzhin gshegs pa'i smin mtshams kyi mdzod spu zla ba nya ste/ dri ma med pa'i dkyil 'khor stong pas kyang lhag par mdzes pa'i 'od dang ldan pa mngon par 'grub bo// de yang brjod du med pa bye ba stong phrag
- 263b
bcur bsgyur bas/ de bzhin gshegs pa'i spyi gtsug 'gro ba thams cad las mngon par 'phags shing / bltar mi snang ba gtsug tor gyis yongs su brgyan pa mngon par 'grub bo// de yang brjod du med pa'i yang brjod du med pa bye ba khrag khrig brgya stong phrag bcur bsgyur bas/ de bzhin gshegs pa'i sangs rgyas kyi gsung yan lag stong phrag drug cu pa/ dmigs pa thams cad las gsung gi sgra mtha' yas pa 'byung ba lhun gyis grub pas sems can thams cad bsam pa yongs su tshim par 'gyur ba/ 'jig rten gyi khams thams cad du go bar byed pa mngon par 'grub ste/ rigs kyi bu de ni sangs rgyas bcom ldan 'das rnams kyi bsod nams brgya pa'i mtshan ces bya'o/ / rigs kyi bu de ltar na de bzhin gshegs pa bsod nams dang / ye shes kyi tshogs mi zad pa dang ldan zhing kun tu rgyas par byed pa bkod pa dang ldan pas sems can thams cad nye bar 'tsho ba yin te/ rigs kyi bu yongs su brtag pa bzung na/ gal te phyogs bcu'i 'jig rten gyi khams chos kyi dbyings kyi klas pa/ nam mkha'i khams kyi mthas gtugs pa thams cad du gtogs pa'i sems can rnams bcu pa chos kyi sprin la gnas pa rnam pa thams cad kyi mchog dang ldan pa'i lus dang / ngag dang yid kyi rgyan 'chang ba dbang bcu la dbang sgyur ba sha stag tu gyur te/ de bzhin gshegs pa'i ba spu'i khung bu gcig tu gtogs pa'i bsod nams kyi phung po la/ 'dzam bu chu bo'i gser las byas pa'i snod rin
- 264a
po che sna tshogs rnam pa sna tshogs kyis spras pas/ nam mkha'i tshad tsam gang+gA'i klung gi bye ma snyed so so nas thogs te/ phyi ma'i mthar thug pa'i bskal par yongs su bkang zhing skad cig skad cig tu blangs shing khyer yang spu'i khung bu gcig tu gtogs pa'i bsod nams kyi phung po de gang ba 'am bri bar mi mngon te/ rigs kyi bu de ltar de bzhin gshegs pa'i bsod nams brgya pa'i mtshan ni bsam gyis mi khyab bo/ / de la sa bcu gnyis gang zhe na/ 'di lta ste/ byang chub kyi sems bskyed pa'i sa dang / rab tu dga' dang / dri ma med pa dang / 'od byed pa dang / 'od 'phro can dang / shin tu sbrang dka' dang / mngon du gyur dang / rang du song dang / mi g.yo ba dang / legs pa'i blo gros dang / chos kyi sprin dang / sangs rgyas kyis kun tu 'od de/ sa bcu gnyis po de dag go/ de la byang chub kyi sems bskyed pa'i sa gang zhe na/ 'di la byang chub sems dpa'i byis pa'i spyod pa dang / log pa'i nan tan thams cad las yang dag par 'das te/ 'jig rten gsum po thams cad kyi brgya byin dang / tshangs pa dang / 'jig rten skyong ba dang / nyan thos dang / rang sangs rgyas dang khyad zhugs shing 'gro ba thams cad las mngon par 'phags pa rnam pa thams cad du dpal dang ldan pa'i lus dang / ngag dang / yid kyi rgyan gyis brgyan pa/ phyogs bcu'i 'jig rten gyi khams mu med pa snang bar byed pa'i 'od kyi dkyil 'khor dang ldan pa/ sgrib pa med pa'i stobs kyi shugs 'chang ba
- 264b
'jig rten gyi khams grangs med par skad cig re re la 'gro zhing 'ong na/ dri zhim po dang / 'od zer gyi dra ba'i tshogs chen po gling chen po bzhi pa'i 'jig rten gyi khams kun tu 'byung ba/ pad+mas rkang pa yongs su brtan pa/ stong gi 'jig rten gyi khams kyi mtha' dang mnyam pa'i stan gyi rgyan dang ldan pa/ chos thams cad shin tu rnam par gnon pa'i lhag mthong rnam par bsgoms pas// thogs pa med cing yid du 'ong ba'i dmigs pa'i mtshan ma chen po bcu la sogs pa grangs med pa'i lngas bzang po mthong ba/ phyir mi ldog pa phyogs kyi nags tshal thibs po mtha' yas pa thams cad du 'od kyi dra nga bsam gyis mi khyab par rab tu 'gyed pas zhing dpag tu med pa'i rgyan byed pa/ 'jig rten gyi khams brjod du med pa'i 'jig rten gyi mnga' bdag dpag tu med pa snyed kyi bdag gi gzugs brnyan gyis dbang bskur ba yang dag par gnod pa'i dbang dang byin gyi rlabs la mkhas pa 'jig rten pa dang / 'jig rten las 'das pa'i chos rin po che char gyi snang ba'i sgo dpag tu med pa thams cad gtan pa med pa kun tu rgyas par 'gengs pa'i chos sbyin chen po'i sprin gtong ba lhur byed pa/ blta na bzang zhing yid du 'ong la mdzes shing dge la 'gro ba thams cad dang mi mthun pa med cing / don yod par bsam pa thams cad yongs su rdzogs par byed pa/ 'jig rten gyi khams grangs med par rab tu g.yo bar byed cing 'gro ba ngan 'gro la sogs pa la sems can mtha' yas pa yongs su skyob pa
- 265a
mtha' yas pa'i sangs rgyas mchod pa dang chos kyi sgo 'dzin nus pa/ ting nge 'dzin gyi gzungs dang / rnam par thar pa dang / mngon par shes pa dang / rig pa grangs med pas rnam par rol pa chos mtha' yas pa la dga' zhing mos pas zang zing med par phyi ma'i mtha' bskal pa'i mthar thug par rnam par mi rtog cing lhun gyis grub pa'i dga' ba'i shugs kyi snang ba thob pa/ bskar pa bye ba khrag khrig brgya stong ther 'bum dpag tu med par theg pa chen po la zhugs pa'i sgom pa sna tshogs yongs su rdzogs la/ gzhan gyi don gyi nan tan tshar phyin pa'i bsod nams dang / ye shes kyi t shogs mngon par bsgrub pa grub pa'i sngon gyi sbyor ba brgya stong phun sum tshogs pa'i mos pa chen po'i yang chen pos spyod pa'i chos nyid kyis sa dang po de ma thag tu thob par gang gnas pa 'di ni byang chub sems dpa'i byang chub kyi sems bskyed pa'i sa'o/ / rigs kyi bu 'di lta ste/ dper na 'khor los sgyur ba'i rgyal po ni mi'i kha dog las ni 'das la/ lha'i kha dog ni ma thob pa yin te/ de bzhin du byang chub sems dpa' yang 'jig rten pa dang / nyan thos dang / rang sangs rgyas kyi sa thams cad las ni 'das pa yin/ don dam pa'i byang chub sems dpa'i sa ni ma thob pa yin no// sangs rgyas kyis kun tu 'od ni mtha' dang dpung med pa ma lus pa dri ma med pa'i chos thams cad la dbang sgyur ba ste/ kun tu shin tu lta ba sems can thams cad kyi don thams cad thob par byed pa'i mtshan nyid do//
- 265b
de la ting nge 'dzin rnams gang zhe na/ bcu po 'di dag ni byang chub sems dpa' rnams kyi ting nge 'dzin rnams te/ bcu gang zhe na/ 'di lta ste/ rin po che chen po kun tu 'phags pa dang / shin tu gnas pa dang / mi bsgul ba dang / phyir mi ldog pa dang / dkon mchog 'byung gnas dang / nyi ma'i 'od kyi gzi brjid dang / don thams cad grub dang / ye shes sgron ma dang / da ltar gyi sangs rgya mngon du bzhugs pa dang / dpa' bar 'gro ba'i ting nge 'dzin te/ de dag la sogs pa byang chub sems dpa' rnams kyi ting nge 'dzin ni mtha' yas so// gzungs ni bcu gnyis te/ bcu gnyis gang zhe na/ 'di lta ste/ dbang bskur ldan dang / ye shes ldan dang / sgra dbyangs rnam par dag pa dang / mi zad pa'i za ma tog dang / 'khyil ba mtha' yas pa dang / rgya mtsho'i phyag rgya dang / pad+ma bkod pa dang / chags pa med pa'i sgor 'jug pa dang / so so yang dag par rig pa rnam par nges pa la 'jug pa dang / sangs rgyas rgyan gyis byin gyis brlabs pa dang / kha dog mtha' yas pa dang / sangs rgyas kyi sku'i kha dog rdzogs pa mngon par bsgrub pa'i gzungs te/ de dag la sogs pa snga ma bzhin du sbyar ro// mngon par shes pa ni drug ste/ drug gang zhe na/ 'di lta ste/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa'i shes pa dang / rdzu 'phrul mngon par shes pa dang / zag pa zad par shes pa'i mngon par shes pa
- 266a
ste/ drug po de dag go// dbang ni bcu ste/ bcu gang zhe na/ 'di lta ste/ tshe'i tshad bskal pa grangs med dpag tu med par byin gyis rlob pas tshel dbang ba dang / ting nge 'dzin brjod du med pa'i yang brjod du med pa'i nges par rtog cing 'jug pa'i tshul gyis sems la dbang ba dang / 'jig rten gyi khams thams cad du bkod pa'i rgyan du mas brgyan par byin gyis rlob pa ston pa'i tshul gyis yo byad la dbang ba dang / dus ji lta ba bzhin du las kyi rnam par smin pa byin gyis rlob pa ston pas las la dbang ba dang / 'jig rten gyi khams thams cad du skye ba ston pas skye ba la dbang ba dang / 'jig rten gyi khams thams cad sangs rgyas kyis yongs su gang bar ston pas mos pa la dbang ba dang / / dus dang zhing gang du 'dod par mngon par rdzogs par byang chub pa ston pas smon lam la dbang ba dang / 'jig rten gyi khams thams cad du rdzu 'phrul gyis rnam par 'phrul pa mtha' yas pa ston pas rdzu 'phrul la dbang ba dang / chos kyi sgo snang ba mtha' dang dpung med pa yongs su ston pas chos la dbang ba dang // de bzhin gshegs pa'i stobs bcu dang / mi 'jigs pa dang / so so yang dag par rig pa dang / ma 'dres pa dang / mtshan dang dpe byad bzang po dang / mngon par rdzogs pa'i byang chub dam pa dang / dus thams cad du gtogs pa'i sangs rgyas kyi zhing thams cad kyi rdul phra rab kyi grangs la sogs pa skad cig gcig la yongs su shes pa rnam pa thams cad kyi mchog dang ldan pa'i thams
- 266b
cad mkhyen pa'i ye shes mngon par rdzogs par byang chub pa ston pas ye shes la dbang ba ste/ bcu po de dag ni byang chub sems dpa' rnams kyi dbang rnams so// de la byang chub sems dpa'i stobs bcu gang zhe na/ 'di lta ste/ bsam pa'i stobs dang / lhag pa'i bsam pa'i stobs dang / sbyor ba'i stobs dang / shes rab kyi stobs dang / smon lam gyi stobs dang / spyod pa'i stobs dang / theg pa'i stobs dang / rnam par 'phrul pa'i stobs dang / byang chub kyi stobs dang / chos kyi 'khor lo rab tu bskor ba'i stobs te/ bcu po de dag ni byang chub sems dpa'i stobs rnams so// de la byang chub sems dpa'i mi 'jigs pa bzhi gang zhe na/ 'di lta ste/ gzungs kyis thos pa 'dzin cing don bstan pa la mi 'jigs pa dang / bdag med pa khong du chud pas gzhan gyis gtse ba'i mtshan ma mi 'byung zhing rang bzhin gyis spyod lam smad du med pa'i las gsum yongs su dag pa'i bsung ba chen po phun sum tshogs pa'i mi 'jigs pa dang / chos bzung ba yun ring du mi brjed pa dang / thabs dang shes rab mthar phyin pas sems can sgrol zhing dad pa ston pa dang / dge ba'i bar chad du mi 'gyur ba'i mi 'jigs pa dang / thams cad mkhyen pa nyid kyi sems ma nyams shing theg pa gzhan gyi mi 'byung bar dbang yongs su rdzogs pa dang / sems can gyi don rnam pa thams cad du yang dag par thob par bya ba la mi 'jigs pa ste/ bzhi po de dag ni byang chub sems dpa'i mi 'jigs pa rnams so//
- 267a
de la byang chub sems dpa'i chos ma 'dres pa bco brgyad gang zhe na/ 'di lta ste/ byang chub sems dpa' rnams ni ma bstan pa'i sbyin pa can rnams yin/ ma bstan pa'i tshul khrims can rnams dang / ma bstan pa'i bzod pa can rnams dang / ma bstan pa'i brtson 'grus can rnams dang / ma bstan pa'i bsam gtan can rnams dang / ma bstan pa'i shes rab can rnams dang / bsdu ba'i dngos pos sems can thams cad sdud pa rnams dang / yongs su sngo ba'i cho ga shis pa rnams dang / thabs mkhas pas sems can thams cad kyi spyod pa'i dbang gis theg pa'i mchog gis 'byung ba ston pa rnams dang / theg pa chen po las ma nyams pa rnams dang / 'khor ba dang mya ngan las 'das pa'i sgo ston pa rnams dang / zung dang spel zhi'i rgyud la mkhas pa rnams yin/ ye shes sngon du 'gro bas mngon par 'du mi byed cing kha na ma tho ba med par tshe rabs thams cad du mngon par zhugs pa rnams dang / lus dang ngag yid kyi las kyi mtha' dge ba bcu dang ldan pa rnams dang / sdug bsngal gyi phung po thams cad bzod pa'i lus len pas sems can gyi khams thams cad yongs su mi gtong ba rnams dang / 'gro ba thams cad mngon par ston pa rnams dang / byis pa so so dang nyan thos mi bzad pa ji snyed cig gi nang na yang dge ba mang po'i rin po che'i shing dpag bsam ltar brtan pa'i thams cad mkhyen pa nyid kyi sems yongs su ma nyams pa
- 267b
rnams dang / chos thams cad kyi thabs sbyin pas dbang bskur ba thob par bya ba'i phyir/ sangs rgyas kyi chos btsal ba bstan pa las mi ldog pa rnams te/ bco brgyad po de dag ni byang chub sems dpa'i chos ma 'dres pa rnams so/ / de la de bzhin gshegs pa'i stobs bcu gang zhe na/ 'di lta ste/ gnas dang gnas ma yin pa mkhyen pa'i stobs dang / 'das pa dang / ma 'ongs pa dang / da ltar gyi las kyi rgyu'i rnam par smin pa len pa mkhyen pa'i stobs dang / mos pa sna tshogs mkhyen pa'i stobs dang / khams sna tshogs mkhyen pa'i stobs dang / dbang po mchog dang / mchog ma yin pa mkhyen pa'i stobs dang thams cad du 'gro ba'i lam mkhyen pa'i stobs dang / bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang // ldang ba thams cad mkhyen pa'i stobs dang / sngon gyi gnas rjes su dran pa mkhyen pa'i stobs dang / shi 'pho dang skye ba mkhyen pa'i stobs dang / zag pa zad par mkhyen pa'i stobs te/ bcu po de dag ni de bzhin gshegs pa'i stobs rnams so/ / de la de bzhin gshegs pa'i mi 'jigs pa bzhi gang zhe na/ 'di lta ste/ chos thams cad mngon par rdzogs par byang chub pa la mi 'jigs pa dang / zag pa thams cad zad par shes pa la mi 'jigs pa dang / bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa dang / phun sum tshogs pa thams cad
- 268a
thob par 'gyur ba 'byung ba'i lam de bzhin du 'gyur ba la mi 'jigs pa ste/ bzhi po de dag ni de bzhin gshegs pa'i mi 'jigs pa rnams so// de la sangs rgyas kyi chos ma 'dres pa bco brgyad gang zhe na/ 'di lta ste/ de bzhin gshegs pa la 'khrul pa med pa dang / ca co med pa dang / bsnyel ba med pa dang / sems mnyam par ma gzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / mos pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar gyi dus la ma chags ma thogs pa'i ye shes mthong ba dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba da / yid kyi las thams cad ye shes sngon du 'gro zhing ye shes kyi rjes su 'brang ba ste/ bco brgyad po de dag ni sangs rgyas kyi chos ma 'dres pa rnams so// de bzhin gshegs pa'i snying rje chen po gang zhe na/ rigs kyi bu de bzhin gshegs pa'i thugs rje chen po'i rnam pa sum cu
- 268b
rtsa gnyis dang ldan par phyogs bcu'i 'jig rten gyi khams mtha' yas mu med pa dag tu bsam gyis mi khyab pa'i rang bzhin du 'byung ste/ sum cu rtsa gnyis gang zhe na/ 'di lta ste/ chos thams cad ni bdag med pa yin na/ sems can rnams ni bdag med par ma mos pas de'i phyir sems can rnams la de bzhin gshegs pa'i thugs rje chen po skye'o// chos thams cad ni sems can med pa yin na/ sems can rnams ni sems can du smra ba'o zhes sems can rnams la de bzhin gshegs pa'i thugs rje chen po skye'o// chos thams cad ni srog med pa yin na/ sems can rnams ni srog tu smra'o zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni gang zag med pa yin na/ sems can rnams ni gang zag la gnas so zhes sems can rnams la de bzhin gshegs pa'i thugs rje chen po skye'o/ / chos thams cad ni med pa yin na/ sems can rnams ni yod par lta'o zhes sems can rnams la de bzhin gshegs pa'i thugs rje chen po skye'o/ / chos thams cad ni gnas med pa yin na/ sems can rnams ni gnas la rten to zhes sems can rnams la de bzhin gshegs pa'i thugs rje chen po skye'o// chos thams cad ni gzhi med pa yin na/ sems can rnams ni gzhi la dga' 'o zhes sems can rnams la de bzhin gshegs pa'i thugs rje chen po skye'o// chos thams cad ni nga yir bya
- 269a
ba med pa yin na/ sems can rnams ni nga yir bya ba la rten to zhes sems can rnams la de bzhin gshegs pa'i thugs rje chen po skye'o// chos thams cad ni bdag po med pa yin na sems can rnams ni yongs su gzung ba la brtson no zhes sems can rnams la de bzhin gshegs pa'i thugs rje chen po skye'o/ / chos thams cad ni dngos po med pa yin na// sems can rnams ni dngos po la rten to zhes sems can rnams la de bzhin gshegs pa'i thugs rje chen po skye'o// chos thams cad ni ma skyes pa yin na/ sems can rnams ni skye ba la rten to zhes sems can rnams la de bzhin gshegs pa'i thugs rje chen po skye'o/ / chos thams cad ni 'chi 'pho dang ma skyes pa yin na/ sems can rnams ni 'chi 'pho dang skye ba la rten to zhes sems can rnams la de bzhin gshegs pa'i thugs rje chen po skye'o/ / chos thams cad ni kun nas nyon ma mongs pa yin na/ sems can rnams ni kun nas nyon mongs so zhes sems can rnams la de bzhin gshegs pa'i thugs rje chen po skye'o/ / chos thams cad ni 'dod chags dang bral ba yin na/ sems can rnams ni 'dod chags par byed do zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni zhe sdang dang bral ba yin na/ sems can rnams ni zhe sdang bar byed do zhes
- 269b
de'i phyir sems can rnams la de bzhin gshegs pa'i thugs rje chen po skye'o/ / chos thams cad ni gti mug dang bral ba yin na/ sems can rnams ni gti mug par gyur to zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni 'ong ba med pa yin na/ sems can rnams ni 'ong ba la gnas pa'o zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni 'gro ba med pa yin na/ sems can rnams ni 'gro ba la gnas so zhes de'i phyir sems can rnams la de bzhin gshegs pa'i thugs rje chen po skya'o/ / chos thams cad ni mngon par 'du byed med pa yin na/ sems can rnams ni mngon par 'du byed pa la spyod do zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni spros pa med pa yin na/ sems can rnams ni spros pa la dga' 'o zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni stong pa yin na/ sems can rnams ni lta ba la zhen to zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni mtshan ma med pa yin na/ sems can rnams ni mtshan ma spyod yul can no zhes de'i phyir sems can rnams la de bzhin gshegs pa'i thugs
- 270a
rje chen po skye'o/ / chos thams cad ni smon pa med pa yin na// sems can rnams ni smon pa la spyod do zhes de'i phyir sems can rnams la de bzhin gshegs pa'i thugs rje chen po skye'o/ / kye ma 'jig rten gnas pa 'di ni phan tshun rtsod pas yongs su zin cing gnod sems kyi tha ba dang / zhe sdang la zhugs par gzigs nas de dag la gnod sems kyi tha ba dang / zhe sdang spang ba'i phyir chos bstan par bya'o zhes sems can rnams la de bzhini gshegs pa'i thugs rje chen po skye'o// kye ma 'jig rten gnas pa 'di ni phyin ci log dang ldan zhing nyam nga bar zhugs pa la ma gol ba la gnas pa yin gyis/ de dag yang dag pa'i lam du gzud par bya'o zhes sems can rnams la de bzhin gshegs pa'i thugs rje chen po skye'o// kye ma 'jig rten gnas pa 'di ni brkam zhing 'dod pa'i zal gyis non pa ste/ cho ga ma shes shing gzhan gyi nor la 'phrog pa yin gyis/ de dag 'phags pa'i nor dad pa dang / tshul khrims dang / thos pa dang / gtong ba dang / shes rab dang / ngo tsha shes pa dang / khrel yod pa'i nor la dgod do zhes sems can rnams la de bzhin gshegs pa'i thugs rje chen po skye'o// kye ma sems can de dag ni bu smad dang / khyim dang / nor dang / 'phrul sred pas/ 'khor bste/ snying po med pa la snying por 'du shes pa yin gyis/ de dag la shin tu mi rtag par bya'o zhes
- 270b
de'i phyir sems can rnams la de bzhin gshegs pa'i thugs rje chen po skye'o/ / kye ma sems can 'di dag ni mi rigs pas 'tsho ba ste/ gcig la gcig 'drid par gnas pa yin gyis/ de dag la 'tsho ba yongs su dag par bya ba'i phyir chos ston to zhes sems can rnams la de bzhin gshegs pa'i thugs rje chen po skye'o/ / kye ma sems can 'di dag ni chog mi shes pa ste/ rnyed pa dang / bkur sti dang / tshigs su bcad pa la spyod kyang bdag cag ni chog shes pa snyam du 'dzin gyis/ de dag la gang 'di sdug bsngal shin tu zhi zhing bde ba'i mya ngan las 'das pas shin tu chog/ par bya'o zhes sems can rnams la de bzhin gshegs pa'i thugs rje chen po skye'o// kye ma sems can 'di dag ni khyim gyi gnas sdug bsngal gyi snod shin tu nyon mongs pa la rtag tu dga' ba yin/ gyis de dag las byung zhing khams gsum pa las yang dag par 'das par bya ba'i phyir chos bstan to zhes sems can rnams la de bzhin gshegs pa'i thugs rje chen po skye'o// chos thams cad ni rgyus nye bar 'gro ba bsgrubs pas nye bar gnas pa'i mtshan nyid yin na/ de la sems can rnams ni 'phags pa'i rnam par grol ba la le lo byed kyis/ de dag la rnam par grol ba lhur blang ba'i phyir brtson 'grus brtsams par chos bstan to zhes sems can rnams la de bzhin gshegs pa'i thugs rje chen po skye'o/ / sems can rnams ni chags pa med pa'i ye shes dam pa khyad
- 271a
bar du 'phags pa'i yongs su mya ngan las 'das pa 'di btang zhing gang 'di nyan thos kyi theg pa pa dang / rang sangs rgyas kyi theg pa dman pa tshol ba yin gyis/ de dag la gang 'dis sangs rgyas kyi ye shes la dmigs par bya ba'i phyir/ rgya chen po la blo mos par bya'o zhes sems can rnams la de bzhin gshegs pa'i thugs rje chen po skye ste/ rigs kyi bu rnam pa sum cu rtsa gnyis po de dag dang ldan na/ sems can rnams la de bzhin gshegs pa'i thugs rje chen po skye'o// de bas na de bzhin gshegs pa thugs rje chen po la gnas pa zhes bya ste/ rigs kyi bu byang chub sems dpa' gang 'a la zhig sems can dag la rnam pa sum cu rtsa gnyis po de dag dang ldan pa'i snying rje chen po skye na/ byang chub sems dpa' sems dpa' chen po de ni bsod nams kyi zhing gzi brjid chen pos rgyas pa phyir mi ldog pa sems can gyi don la brtson par rig par bya'o/ / snying rje chen po'i chos kyi sgo'i le'u 'di bcom ldan 'das kyis bshad pa na/ srog chag stong phrag sum cu rtsa gnyis ni bla na med pa yang dag par rdzogs pa'i byang chub tu sems skyes so/ / srog chags brgyang stong ni mi skye ba'i chos la bzod pa thob bo// lha'i bu stong phrag bdun cu rtsa gnyis ni chos rnams la chos kyi mig rdul med cing dri ma dang bral ba rnam par dag go/ / rigs kyi bu de ltar de dag la sogs pa de bzhin gshegs pa rnams dang / byang chub sems dpa' rnams kyi dang ba
- 271b
skyur gyi chos rnam par dgod pa ni dpag tu med grangs med de/ de dag phyi ma'i mtha'i mur thug pa'i bskal par de bzhin gshegs pas bstan kyang mtha' meng na/ sems can rnams kyi dga' ba dang / dad pa dang / rangs pa bskyed pa'i phyir phyogs tsam zhig bstan te/ de ltar na byang chub sems dpa' sems can thams cad la chos dkar po las 'thun par 'byung ba'i dbugs 'byung ba dang / rngub pa'i srog nye bar sbyor ba la mkhas pa yin no// ji ltar na byang chub sems dpa' chos kyi char sprin dpag tu med pa kun 'dzin nus pa yin zhe na/ rigs kyi bu 'di lta ste/ dper na rlung mar ni rlung gi dkyil 'khor mu med cing rgya che la brtan zhing sra bas 'jig rten gyi khams 'jig pa dang 'byung ba char sprin dang bcas pa/ rgya mtsho dang gling chen po bzhi par bcas pa/ ri rab dang / ri btang bzung dang / ri btang bzung chen po dang / gangs dang / khor yug ri dang / khor yug ri chen po dang / ri spos kyi ngad ldang dang / grong rdal dang / 'bab chu dang / nags tshal dang / gzhal med khang gi rnam par bcas pa dag yongs su 'dzin to// de bzhin du byang chub sems dpa' sems dpa' chen po yang g zungs kyi rlung mar gyi dkyil 'khor mu med pas yang dag par rdzogs pa'i sangs rgyas kyi sprin gyis phab pa'i gtan pa med pa'i chos kyi char kyi rgyan chen po thams cad yongs su 'dzin
- 272a
to/ / 'jig rten gyi khams thams cad chags pa'i tshe/ ji skad du brjod pa'i ri rab dang / rgya mtsho dang / gling chen po bzhi pa dang / ri btang bzung dang / ri btang bzug chen po dang / gangs dang / khor yug ri dang / khor yug ri chen po dang / ri spos kyi ngad ldang dang / grong rdal dang / 'bab chu dang / nags tshal dang / gzhal med khang gi rnam pa lta bu bsod nams brgya pa'i mtshan dang / sa dang pha rol tu phyin pa dang / ting nge 'dzin dang / gzungs dang / mngon par shes pa dang / dbang dang / stobs dang / mi 'jigs pa dang / so so yang dag par rig pa dang / ma 'dres pa dang / snying rje chen po la sogs pa sangs rgyas dang byang chub sems dpa'i phun sum tshogs pa thams cad yongs su 'dzin to// 'jig rten pa dang / 'jig rten las 'dra pa'i chos kyi phung po brgya stong mu med pa phun sum tshogs pa thams cad kyang rtag tu rgyun mi 'chad par yongs su 'dzin te/ de ltar na byang chub sems dpa'i chos kyi char sprin dpag tu med pa kun 'dzin nus pa yin no/ / ji ltar na byang chub sems dpa' chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa yin zhe na/ rigs kyi bu 'di lta ste/ dper na rlung mar ni gzhal med khang dgod pa'i rnam par dbye ba sna tshogs thams cad kun nas gzhog par byed/ rnam par 'byed par byed de/
- 272b
nags tshal dang / shing dang / yal ga dang / 'dab ma dang / ldum bu dang / myu gu dang / me tog dang / 'bras bu dang / lo ma dang / sdong po la sogs pa dang / sems can thams cad kyi yan lag dang nying lag rnam par dbye ba sna tshogs su rtag tu rgyun mi 'chad par yongs su gzhog cing rnam par 'byed de/ gsal bar byed do// de bzhin du byang chub sems dpa'i rlung mar yang so so yang dag par rig pa dang / spobs pa'i ye shes ma thogs ma chags shing mtha' yas pas 'jig rten pa dang / 'jig rten las 'das pa'i phun sum tshogs pa thams cad sgo sna tshogs nas yongs su gzhog par byed/ rnam par 'byed par byed/ snang bar byed/ yongs su ston par byed/ thob par byed cing rnam pa 'di dag 'di lta ste chos 'di ni ngan song sgrub pa'o/ / 'di dag ni bde 'gro sgrub pa'o// 'di dag ni bdag por sgrub pa'o// 'di dag ni sems can dmyal ba sgrub pa'o// 'di dag ni byol song gi skye gnas sgrub pa'o// 'di dag ni gshin rje'i 'jig rten sgrub pa'o// 'di dag ni mir sgrub pa'o// 'di dag ni lhar sgrub pa'o// 'di dag ni 'khor los sgyur bar sgrub pa'o// de bzhin du mdor bsdus te/ 'di dag ni brgya byin dang / tshangs pa dang / 'jig rten skyong ba sgrub pa'o// 'di dag ni gzugs dang / g.yog dang / yid gzhungs pa dang / dpa' chen por sgrub pa'o// 'di dag ni rig pa'o// 'di dag ni sgyu rtsal la/
- 273a
'di dag ni bzo'i gnas so// 'di dag ni bstan bcos sna tshogs la rnam pa thams cad du mkhas pa'o// 'di ni nyan thos kyi theg pa ste/ nyan thos su 'gyur ba'o// 'di ni rang sangs rgyas kyi theg pa ste/ rang sangs rgyas su 'gyur ba'o// 'di ni theg pa chen po ste/ rnam pa thams cad kyi mchog dang ldan pa bdag dang gzhan gyi don yang dag par thob par byed pa kun tu bzang po thams cad mkhyen nyid du 'gyur ba'o/ / de bzhin du mdor bsdus te/ 'di dag ni sa rnams dang / pha rol tu phyin pa rnams dang / ting nge 'dzin rnams dang / rig pa rnams dang / dbang rnams dang / gzungs rnams dang / mngon par shes pa rnams dang / rnam par thar pa rnams dang / stobs rnams dang / mi 'jigs pa rnams dang / so so yang dag par rig pa rnams dang / ma 'dres pa rnams so zhes rigs kyi bu de ltar byang chub sems dpa' ni de dag la sogs pa rnam pa tshad med pas/ gzungs pad+ma bkod pa la sogs pa la mkhas pas chos bkod pa rnam par bkod pa dag byed de/ de ltar na byang chub sems dpa' chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa yin no// ji ltar na byang chub sems dpa' 'khor gyi dkyil 'khor dpag bsam gyi shing las shin tu byung ba'i chos kyi gtam yang dag par gdon mi za ba'i me tog yid du 'ong ba'i char rtag tu mngon par 'bebs pa yin zhe na/ rigs kyibu 'di lta ste/
- 273b
dper na rlung mar ni dpag bsam shing gi nags tshal dag las gang gis lha dang mi rnams shin tu dga' ba dang yid bde ba skyes nas/ mya ngan med par rnam par rtse zhing dga' la dga' dgur spyod de/ rtag tu rgyun mi 'chad par kha dog dang / stobs dang / mthu dang / yid bde ba las yongs su mi nyams pa de lta bu'i spos dang / me tog dang / rgyan dang / gos dang / sil snyan dang / rol mo'i sgra la sogs pa phun sum tshogs pa'i mngon char 'bebs/ yongs su skyod cing 'byin par byed do// de bzhin du byang chub sems dpa'i rlung mar yang yongs su dag pa'i 'jig rten gyi khams kyi de bzhin gshegs pa dang / byang chub sems dpa'i 'khor gyi dkyil 'khor nas/ sems can dag la gang nas sems can de dag tu rgyun mi 'chad par chos kyi dga' ba la mos shing 'dun pa dang / lus dang / ngag dang / yid kyi las kha na ma tho ba med pa dang / gzi brjid dang ldan pa dang / yongs su skyo bar mi 'gyur ba dang / lha dang mi'i phun sum tshogs pa thams cad nyams su myong bar byed pa dang / mi nyams pa'i chos can du 'gyur ba dang / shes rab kyis snang bar gyur pas rtag tu khyad par gyi rnam par 'dod par 'gyur ba'i mdo sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i snga dang / gleng gzhi'i sde dang /
- 274a
rtogs pa brjod pa'i sde dang / 'di lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la bab par/ bstan pa'i sde dag dang ldan pa'i dam pa'i chos rin po che'i me tog la sogs pa'i char mngon par 'bebs so// rjes su 'thun pa dang / rjes su mi mthun pa dang / snrel zhi dang / spyi'u tshug/ kyi rgyud la sogs pa'i gtam rnam par gdon mi za ba nye bar sgrub bo// tha snyad kyi dmigs pa thams cad la bdag med pa zhi zhing rnam par dag pa'i chos nyid rjod cing ston la rnam par byang bar byed do/ / chos thams cad sgo kun tu yang dag par gzhol ba yongs su ston to// sgyu ma'i rnam pa bsam gyis mi khyab pa la 'jug pa nye bar sbyor ro// ye shes sgyu ma rnam par rgyas par byed do/ / chos thams cad la dga' bar rtse ba'i rnam par 'phrul pa rnams kyis sems can rnams yongs su rgyas par byed do// 'dri ba thams cad kyi lung bstan pas tshim par byed do// mtha' dang dpung med pa'i rdzu 'phrul la mkhas paskyed do// de ltar na byang chub sems dpa' 'khor gyi dkyil 'khor dpag bsam gyi shing las shin tu byung ba'i chos kyi gtam yang dag par rnam pa gdon mi za pa'i mchog yid du 'ong ba'i char rtag tu mngon par 'bebs pa yin no/ / ji ltar na byang chub sems dpa' bskal pa grangs med par dkar po'i dkyil 'khor yongs su
- 274b
bsags pa ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / 'od dang / zla ba dang / nyi ma dang / chos kyi tshul dang / nags tshal dang / khang pa dang / dge ba'i khor yug gi ri la sogs pas yongs su bskor ba'i sems can gyi 'khor gyi dkyil 'khor na/ gdul ba yongs su smin pa yang dag par gnas pa bla na med cing lus med pa'i gnas su 'gyur bar 'jig pa'i ye shes kyi rlung gi dkyil 'khor rab tu gtong ba yin zhe na/ rigs kyi bu 'di lta ste/ dper na rlung mar ni bskal pa'i mthar thug ste/ 'jig rten gyi khams 'jig par 'gyur ba'i dus na gang gis stong gsum gyi stong chen po'i 'jig rten gyi khams bye ba khrag khrig brgya stong dang / ri rab dang / khor yug ri dang / rgya mtsho la sogs par bcas pa kun nas 'jig cing rnam par 'thor ba dang / rmeg med par byed cing nam mkha'i rang bzhin du byed pa de lta bur stobs kyi shugs thogs pa med par ldang ngo // rigs kyi bu de bzhin du byang chub sems d pa'i rlung mar yang bskal pa mang por tshogs bsags pa'i sems can bsod nams dang ye shes sna tshogs rnam par bkod pa'i ri mthon po dang ldan pa rnams la byang chub sems dpa'i stob kyi shugs dang / rdzu 'phrul dang / rnam par 'phrul pa chen po yongs su bstan pa dang / chos kyi 'khor lo thogs pa med par rab tu bskor ba'i sgra skad kyi dbyangs rab tu bsgrags pas
- 275a
/ chos kyi phung po'i rlung mar gyi dkyil 'khor gang gis 'dul ba chos snang ba'i lhag mthong dam pa dang ldan pa bzod par mi nus pa'i 'du byed kyi stobs thams cad mnyam par gzhog pa tshul bzhin yid la byas nas yang dag par sems nang du gnas pa'i ting nge 'dzin phun sum tshogs pa la brten te srid pa dang / phung po dang / khams dang / skye mched kyi 'du byed kyi lus thams cad bshig cing rnam par btogs te lus med par byas nas/ yang dag pa ma yin pa kun brtags pa rnam par bshig ste/ 'jig rten thams cad las yongs su 'das pa/ bsam gyis mi khyab cing gzugs med pa'i bsod nams phun sum tshogs pa dang / gzugs thams cad yongs su bstan pa rnam par bshig pas gnas gyur pa rnam par dag pa/ phyi ma'i mtha' mur thug par gnas ba rnam pa thams cad du mtha' dang bral ba rnams thob par byed pa de lta bu kun nas rab tu gtong ste/ rigs kyi bu de ltar na byang chub sems dpa' bskal pa grangs med par dkar po'i dkyil 'khor yongs su bsags pa ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / 'od dang / zla ba dang / nyi ma dang / chos kyi tshul dang nags tshal dang / khang pa dang / dge ba'i khor yug ri la sogs pas yongs su bskor ba'i sems can gyi 'khor gyi dkyil 'khor 'dul ba dang yongs su smin pa mang po yang dag par gnas pa
- 275b
bla na med cing lus med pa'i gnas 'gyur bar ye shes kyi rlung gi dkyil 'khor rab tu gtong ba yin te/ rigs kyi bu chos bcu po de dag dang ldan na/ byang chub sems dpa' rlung mar lta bu yin no/ / de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// a la la de ltar bcom ldan 'das kyis rnam pa thams cad kyi mchog dang ldan zhing / sems can rlabs po che rnams yongs su tshim par 'gyur ba'i chos bcu po 'di bstan pa bcom ldan 'das ngo mtshar to// bde bar gshegs pa ngo mtshar to// bcom ldan 'das lha dang mi gang la la chos 'di dag la mos shing nan tan bgyid na/ de dag thams cad ji snyed du gsungs pa'i phun sum tshogs pa/ bde ba dang bcas pa/ yid bde ba dang bcas par thob par 'gyur te/ brgya ba ni dang / tshangs pa dang / 'jig rten skyong ba la sogs pa zhig bgyid na yang / gzhan gyi don la gzhol zhing tshe 'di dang / tshe rabs gzhan gyi phun sum tshogs pa thams cad kyang thob par 'gyur ro/ / bcom ldan 'das kyis bka' stsal pa/ rigs kyi bu de de bzhin no// de de bzhin te/ sems can gang de lta bu'i chos rnams la nan tan du byed pa de dag ni/ 'jig rten thams cad las mngon par 'phags pa dang / kun tu rnam par bltas pa dang / mi dge ba'i chos thams cad rab tu spangs pa dang / dge ba'i chos thams cad dang ldan pa dang //
- 276a
'jig rten thams cad kyi rten du 'gyur ro// gang spong ba'i skyes bu glen pa de dag ni mun par gzhol ba ste/ sdug bsngal thams cad la sten pa'o// lha dang / mi dang / lha ma yin du bcas pa'i 'jig rten gyis mya ngan du bya ba'o// // dkon mchog sprin bam po bzhi pa// rigs kyi bu chos bcu dang ldan na/ byang chub sems dpa' nam mkha' dang mtshungs pa rnams yin no// bcu gang zhe na/ 'di lta ste/ dri ma med pa rnams yin/ ma chags pa rnams yin/ zhi ba rnams yin// shes rab mtha' yas pa rnams yin/ so so mi ye shes mtha' yas pa rnams yin/ chos kyi dbyings mnyam pa nyid rjes su song ba rnams yin/ chos thams cad nam mkha'i dbyings kyi ngo bo nyid du mos pa rnams yin/ so so mi rten pa rnams yin/ mtshan ma'i spyod yul las 'das pa rnams yin/ rtog ge'i spyod yul las 'das pa rnams yin te/ rigs kyi bu chos bcu po de dag dang ldan na/ byang chub sems dpa' nam mkha' dang mtshungs po rnams yin no// rigs kyi bu gzhan yang chos bcu dang ldan na/ byang chub sems dpa' nam mkha'ang mtshungs pa rnams yin no/ / bcu gang zhe na/ 'di lta ste/ yid du 'ang ba dang / yid du mi 'ong ba'i gzugs rnams la chags par yang mi 'gyur/ khong khrobar mi 'gyur ba
- 276b
yid du 'ong ba dang / yid du mi 'ong ba'i sgra rnams dang / dri rnams dang / ro rnams dang / reg rnams dang / yid du 'ong ba dang / yid du mi 'ong ba'i chos rnams la chags par yang // mi 'gyur/ khong khro bar yang mi 'gyur ba dang / rnyed pa dang / ma rnyed pa dang / bde ba dang / sdug bsngal ba dang / grags pa dang / ma grags pa dang / bstod pa dang / smad pas chags par yang mi 'gyur/ khong khro bar yang mi 'gyur ba ste/ rigs kyi bu chos bcu po de dag dang ldan na/ byang chub sems dpa' nam mkha' dang mtshungs pa rnams yin no// rigs kyi bu chos bcu dang ldan na/ byang chub sems dpa' zla ba lta bu rnams yin no// bcu gang zhe na/ 'di lta ste/ sems can thams cad kyi lus rab tu sim par byed pa dang / mthong na dga' ba rnams dang / chos dkar po rnams skye bar byed pa dang / chos nag po rnams 'bri bar byed par dang / rab tu bsngags pa rnams yin/ lus yongs su dag pa rnams yin/ bzhon pa mchog la zhon pa rnams yin/ rtag tu brgyan pa rnams yin/ chos kyi dga' ba la mos shing 'dun pa rnams yin/ 'phrul che zhing mthu che ba rnams yin no// rig kyi bu de la ji ltar na byang chub sems dpa' sems can thams cad kyi lus rab tu sim par byed pa nas/ ji ltar na 'phrul che zhing mthu che ba'i bar du yin zhe na/ rigs kyi bu 'di lta ste/
- 277a
dper na zla ba shar na 'di ltar sems can thams cad kyi lus bsil ba dang / yid du 'ong bar rab tu sim par byed do// de bzhin du byang chub sems dpa' zla ba shar na'ang 'di lta ste/ nyon mongs pa'i gdung ba thams cad dang bral ba dang / dga' ba dang / dad pa dang / rangs pa dang / yid du 'ong bas sems can thams cad kyi lus rab tu sim par byed do/ / rigs kyi bu 'di lta ste/ dper na zla ba shar na 'di lta ste/ zhi ba dang / dang ba dang / sems shin tu dga' bar byed pas sems can thams cad mthong na dga' ba yin no// de bzhin du byang chub sems dpa'i zla ba shar na'ang 'di lta ste/ dbang po rnam par gsal ba dang / sems kyi rgyud dang ba dang / spyod pa dang / spyod lam dang / yon tan phun sum tshogs pas sems can thams cad mthong na dga' zhing yid du 'ong ba yin no/ / rigs kyi bu 'di lta ste/ dper na zla ba yar gyi ngo la zla ba nya ste/ rnam pa thams cad du rgyas par gyur kyi bar du nyi ma re re zhing 'phel lo// yongs su rdzogs par 'gyur ro// de bzhin du byang chub sems dpa' zla ba yang thog ma sems bskyed pa nas bzung ste/ byang chub kyi snying po la 'dug gi bar du nyi ma re re zhing chos dkar po rnams 'phel zhing yongs su rdzogs par 'gyur te/ nam byang chub kyi snying po la 'dug gi bar de rnam pa thams cad yongs su rdzogs pa yin no// rigs kyi bu 'di lta ste/ dper na zla ba mar gyi ngo la bab pa dang /
- 277b
zla ba'i dkyil 'khor kha dog dang / snang ba dang / chu zheng yang yongs su 'bri ste/ bco lnga la ji ltar rnam pa thams cad kyi thams cad du mi mngon pa de ltar 'bri'o// de bzhin du byang chub sems dpa' zla ba yang nam 'jig rten las 'das pa'i ye shes thob par gyur pa de ni/ de'i mi dge ba'i chos rnams thams cad kyi thams cad du rab tu 'bri ste/ ji ltar na byang chub kyi snying po la thams cad kyi thams cad du med par 'gyur ba de ltar rab tu 'bri'o/ / rigs kyi bu 'di lta ste/ dper na zla ba shar na bram ze dang / rgyal rigs dang / grong pa dang / yul gyi mi skyes pa dang / bud med dang / khye'u dang / bu mo rnams kyis rab tu bsngags par byed pa yin no// de bzhin du byang chub sems dpa' zla ba shar na yang lha dang / mi dang / lha ma yin dang / dri zar bcas pa'i 'jig rten gyi khams rab tu bsngags par bya ba yin no/ / rigs kyi bu 'di lta ste/ dper na lha'i bu zla ba'i lus 'di ltar rang gi bsod nams kyi las rnam par smin pas grub pa ni yongs su dag pa ste/ rnyog pa med cing dang ba dang gsal ba yin no/ / de bzhin du byang chub sems dpa' zla ba'i lus kyang 'di lta ste/ chos nyid kyis mngon par grub pa rdzus te skyes pa/ pha ma'i btsog pa dang mer mer po las byung ba ma yin te/ yongs su dag la rnyog pa med cing dang ba dang gsal ba yin no// rigs kyi bu 'di lta ste/ dper na lha'i bu zla ba ni bzhon pa mchog la zhon te gling bzhir snang bar byed de/
- 278a
de bzhin du byang chub sems dpa' zla ba yang byang chub sems dpa'i theg pa mchog la zhon te/ 'jig rten gyi khams mtha' yas mu med par snang bar byed do// rigs kyi bu 'di lta ste/ dper na lha'i bu zla ba ni rtag tu brgyan cing rgyan ma brnyings pa yin no// de bzhin du byang chub sems dpa' zla ba yang 'di ltar yon tan gyi rgyan rnams kyis rtag tu brgyan pa yin no// rigs kyi bu 'di lta ste/ dper na lha'i bu zla ba ni rtag tu rgyun mi 'chad par lha'i 'dod pa'i dga' ba la mos pa yin no// de bzhin du byang chub sems dpa' zla ba yang rtag tu rgyun mi 'chad par chos kyi dag ba la mos shing 'dun pa yin gyi/ 'dod pas dga' ba la dga' ba ma yin no// rigs kyi bu 'di lta ste/ dper na lha'i bu zla ba ni 'phrul che zhing mthu che ba yin no// de bzhin du byang chub sems dpa' zla ba yang 'di lta ste/ bsod nams chen po dang / ye shes chen pos 'phrul che zhing mthu che ba yin te/ rigs kyi bu de ltar byang chub sems dpa' sems can thams cad kyi lus rab tu sim par byed nas/ 'phrul che zhing mthu che ba'i bar du yin no// rigs kyi bu chos bcu po de dag dang ldan na/ byang chub sems dpa' zla ba dang 'dra ba rnams yin no// rigs kyi bu chos bcu dang ldan na/ / byang chub sems dpa' nyi ma lta bu rnams yin no// bcu gang zhe na/ 'di lta ste/ ma rig pa'i mun pa sel ba rnams yin/ 'dul ba'i sems can rnam par 'byed par
- 278b
byed pa rnams yin/ phyogs bcu thams cad du lhan ner byed pa rnams yin/ dge ba'i chos mngon par shar ba rnams yin/ de dag gi zag pa nub par gyur pa rnams yin/ snang bar byed pa rnams yin/ mu stegs can ngan pa'i lus rnams zil gyis mnan te 'dug pa rnams yin/ mnyam pa dang mi mnyam pa kun ston pa rnams yin/ chos dkar po'i las kyi mtha' thams cad 'byung bar byed pa rnams yin/ skye bo dge ba la dga' ba rnams yin no// rigs kyi bu de la ji ltar na byang chub sems dpa' ma rig pa'i mun pa sel ba nas/ ji ltar skye bo dge ba la dga' ba'i bar du yin zhe na/ rigs kyi bu 'di lta ste/ dper na nyi ma shar na mun pa mun nag thams cad rnam par sel to// de bzhin du byang chub sems dpa' nyi ma shar na'ang ma rig pa'i mun pa thams cad rnam par sel to/ / rigs kyi bu 'di lta ste/ dper na nyi ma shar na pad+ma rnam par 'byed par byed do// de bzhin du byang chub sems dpa' nyi ma shar ba na yang 'dul ba'i sems can gyi pad+ma rnam par 'byed par byed do/ / rigs kyi bu 'di lta ste/ dper na nyi mi shar na phyogs bcu thams cad du lhan ner byed do// de bzhin du byang chub sems dpa' nyi ma sha na yang phyogs bcu thams cad du shes rab kyi gzi brjid dang / ye shes kyi 'od zer gyis rab tu lhan ner byed kyang sems can rnams la gnod par mi 'gyur ro// rigs kyi bu 'di lta ste/
- 279a
dper na 'dzam bu'i gling du nyi ma'i 'od zer dag nam snang ba de'i tshe na shar ces bya'o// de bzhin du byang chub sems dpa' nyi ma'i ye shes kyi 'od zer rnams nam snang ba/ de'i tshe na/ dge ba'i chos rnams shar ces bya'o// rigs kyi bu 'di lta ste/ dper na 'dzam bu'i gling du nyi ma'i snang ba nam med par gyur pa de'i tshe na nub ces bya'o// de bzhin du byang chub sems dpa'i nyi ma'i nyon mongs pa rnams thams cad du nam med par gyur pa de'i tshe na/ zag pa zad ces bya'o// rigs kyi bu 'di lta ste/ dper na nyi ma shar na 'dzam bu'i gling gi sems can rnams la snang bar byed do/ / de bzhin du byang chub sems dpa' nyi ma shar na yang sems can thams cad la ye shes kyi snang ba byed cing / gti mug gi mun pa'i rab rib kyis khebs pa rnams sel to/ / rigs kyi bu 'di lta ste/ dper na nyi ma shar na 'od thams cad kyi 'od med par byed kyang / nyi ma ni ngas 'od thams cad kyi 'od mi snang bar bya'o snyam du mi sems mod kyi/ 'on kyang chos nyid thob pas 'od med par 'gyur ro// de bzhin du byang chub sems dpa' nyi ma shar na yang mu stegs can ngan pa'i 'od dang / mu stegs can ngan pa'i lus thams cad 'ong med par 'gyur mod kyi/ byang chub sems dpa' nyi ma ni ngas 'di dag 'od med par bya'o snyam du mi sems te/ 'on kyang chos nyid thob pas 'od med par 'gyur ro// rigs kyi
- 279b
bu 'di lta ste/ dper na nyi ma shar na 'dzam bu'i gling gi mi rnams la mnyam pa dang mi mnyam pa legs par ston to// de bzhin du byang chub sems dpa' nyi ma shar na yang sems can thams cad la ye shes kyi snang bas mnyam pa dang mi mnyam pa legs par ston to/ / rigs kyi bu mnyam pa zhes bya ba 'di ni 'phags pa'i lam gyi tshig bla dgas so// rigs kyi bu mi mnyam pa zhes bya/ ba 'di ni lam ngan pa'i tshig bla dgas so// rigs kyi bu 'di lta ste/ dper na nyi ma shar na rmo brko'i las kyi mtha' thams cad 'byung ngo // de bzhin du byang chub sems dpa' nyi ma shar na yang dge ba'i chos kyi las kyi mtha' thams cad 'byung ngo / / rigs kyi bu 'di lta ste/ dper na nyi ma shar na skye bo dge ba ni dga' bar 'gyur la/ mi srun pa'i rang bzhin can dag mi dga' bar 'gyur ro// de bzhin du byang chub sems dpa' nyi ma shar na yang skye bo dge ba rnams dang / mkhas pa rnams dang / shes rab kyi rang bzhin can rnams ni dga' bar 'gyur ro// lam ngan par zhugs pa rnams dang / mi srun pa'i rang bzhin can rnams dang / byis pa'i rang bzhin dran rnams dang / shes rab 'chal pa'i rang bzhin can rnams dang / 'khor ba la mngon par dga' ba dang / mya ngan las 'das pa las phyir phyogs pa'i rnams ni mi dga' bar 'gyur te/ rigs kyi bu de ltar na byang chub sems dpa' rnams ma rig pa'i mun pa sel ba nas/ skye bo
- 280a
dge ba dga' ba'i bar du yin no/ / rigs kyi bu chos bcu po de dag dang ldan na/ byang chub sems dpa' nyi ma lta bu rnams yin no// rigs kyi bu chos bcu/ dang ldan na/ byang chub sems dpa' seng ge lta bu rnams yin no// bcu gang zhe na/ 'di lta ste/ bag mi tsha ba rnams yin/ mi rtab pa rnams yin/ mi zlogs pa rnams yin/ seng ge'i sgra// bsgrags pa rnams yin/ mi 'jigs pa rnams yin/ nags tshal dang nags kyi mdab na rgyu ba rnams yin/ ri'i lug na gnas pa rnams yin/ len pa med pa rnams yin/ bdag gis brtson / 'grus dang / stobs dang / mthu thob pas bdud kyi sde rab tu 'jom pa rnams yin/ dge ba'i chos kyi lo tog srung ba rnams yin no// rigs kyi bu de la ji ltar na byang chub sems dpa' bag mi tshang nas/ dge ba'i chos kyi lo tog srung ba'i bar du yin zhe na/ rigs kyi bu 'di lta ste/ dper na seng ge ni gar 'gro yang bdag dang 'dra ba med par mthong bas bag mi tsha zhing mi skrag par 'gro'o// de bzhin du byang chub sems dpa' seng ge yang bdag dang 'dra ba med par mthong bas gar 'gro yang bag mi tsha zhing mi skrag par 'gro'o/ / rigs kyi bu 'di lta ste/ dper na seng ge ni wa thams cad kyi sgras mi rtab pa yin no/ / de bzhin du byang chub sems dpa'i seng ge yang bas kyi rgol ba thams cad kyis brtsad pas brgal kyang mi rtab cing rgod pa dang zhum par mi 'gyur ro// rigs kyi bu 'di lta ste/ dper
- 280b
ni seng ge ni bskugs na phyir mi ldog pa yin no/ / de bzhin du byang chub sems dpa' seng ge yang phas kyi rgol ba thams cad kyis bsgrags na mi zlog cing mi zhum par 'gyur ro// rigs kyi bu 'di ste/ dper na seng ge ni sgra gang gis ri dgas phra mo thams cad dang / wa thams cad phyogs bcur 'byer bar 'gyur ba de lta bu sgrog go// de bzhin du byang chub sems dpa' seng ge yang bdag med pa'i seng ge'i sgra gang gis bdag tu 'dzin pa la mngon par zhen pa gzhan mu stegs can gyi ri dgas rnams dang / gzhan mu stegs can gyi wa thams cad phyogs bcur 'byer bar 'gyur ba de lta bu sgrog ste/ byang chub sems dpa' seng ge ni bdag tu 'dzin pa las bzlog par bya ba dang / sems can gzhan dag 'dul ba'i dbang du bya ba ma gtogs par de dag la gnod par bya ba'i phyir bdag med pa'i seng ge'i sgra mi sgrog go/ / rigs kyi bu 'di lta ste/ dper na seng ge ni kun tu lha yang mi 'jigs pa yin no// de bzhin du byang chub sems dpa' seng ge yang spyod pa yongs su dag pa'i nan tan la lta yang mi 'dzegs pa yin no/ / rigs kyi bu 'di lta ste/ dper na seng ge ni rang bzhin gyis nags tshal dang nags kyi mdab na rgyu ba yin no// de bzhin du byang chub sems dpa' seng ge yang rang bzhin gyis dben pa la mngon du phyogs shing / nags tshal dang / nags kyi mdapa na spyod pa yin no// rigs kyi bu 'di lta ste/ dper na seng ge ni ri phug na gnas pa yin no//
- 281a
de bzhin du byang chub sems dpa' seng ge yang ye shes kyi brag gi ri phrag na gnas pa yin no// rigs kyi bu 'di lta ste/ dper na seng ge ni mi len par 'gro ba yin no// de bzhin du byang chub sems dpa' seng ge yang nyon mongs pa'i khur thams cad bor zhing len pa med par 'gro ba yin no// rigs kyi bu 'di lta ste/ dper na seng ge ni gcig pu gnyis su med pa bdag gi brtson 'grus dang / stobs dang / mthu thob pas pha rol gyi sde 'jom mo// de bzhin du byang chub sems dpa' seng ge yang gcig pu gnyis su med par byang chub kyi snying po la 'dug nas bdag gi brtson 'grus dang / stobs dang / mthu thob pas bdud kyi sde 'jom mo// rigs kyi bu 'di lta ste/ dper na grong gi mngab na seng ge rgyu ba der ri dgas phra mo dag gis lo tog rnams chud mi gson to/ / de bzhin du byang chub sems dpa' seng ge yang yul dang yul gyi phyogs gang na 'dug pa der mu stegs can gyi ri dgas phra mo dag gis dge ba'i chos kyi lo tog chud mi gzon to/ rigs kyi bu de ltar na byang chub sems dpa' bgra mi tsha ba nas/ dge ba'i chos kyi lo tog srung ba'i bar du yin no// rigs kyi bu chos bcu po de dag dang ldan na/ byang chub sems dpa' seng ge lta bu rnams yin no/ / rigs kyi bu chos bcu dang ldan na/ byang chub sems dpa' dul ba rnams yin no// bcu gang zhe na/ 'di lta ste/ byang chub kyi sems
- 281b
brtan pa rnams yin/ byang chub kyi sems kyi byi dor shin tu byas pa rnams yin/ dbang po bsdams pa rnams yin no// lam du zhugs pa rnams yin/ khur chen po khyer ba rnams yin sems can gyi don rnams la yongs su mi skyo ba rnams yin/ yang dag pas 'tsho ba rnams yin/ tshul bcos pa dang / kha gsag gi rnyed pa thams cad dang bral ba rnams yin/ g.yo sgyu dang bral ba rnams yin/ drang ba'i rang bzhin can pas drang ba rnams yin te/ rigs kyi bu chos bcu po de dag dang ldan na/ byang chub sems dpa' dul ba rnams yin no// rigs kyi bu chos bcu dang ldan na/ byang chub sems dpa' cang shes pa rnams yin no// bcu gang zhe na/ 'di lta ste/ stong pa nyid la sgom pa mang bas rnal 'byor spyod pa rnams yin sgrib pa med cing kun nas ldang ba thams cad dang bral bas lam gyi rgyun ma chad pa rnams yin/ de bzhin gshegs pa'i bka' mi gcog pas bka' bzhin byed pa rnams yin/ chos kyi dbyings kyi tshul rtogs pas chos thams cad kyi tshul mnyam pa nyid khong du chud pa rnams yin/ dma' ba dma' ba'i yid kyis gdol bu lta bur 'jig rten na spyod pa rnams yin// rtag tu rkun mi 'chad par bsod snyoms blang bar 'du shes nye bar gzhag pas/ nga rgyal ba dang / rgyags pa dang / dregs pa dang bral ba rnams yin/ 'di ltar de mngon sum du shes
- 282a
pa'i phyir/ sangs rgyas kyi chos thams cad la nem nur med pa rnams yin/ chos rang gis rig pa'i phyir the tsom med pa rnams yin/ rang gi lam mthong bas gzhan gyi/ mi bkri zhing pha rol gyi dring mi 'jog pa rnams yin/ rab tu zhugs pas 'jig rten na sbyin pa'i gnas su gyur pa rnams yin te/ rigs kyi bu chos bcu po de dag dang ldan na/ byang chub sems dpa' cang shes pa rnams yin no/ / rigs kyi bu chos bcu dang ldan na/ byang chub sems dpa' pad+ma lta bu rnams yin no// bcu gang zhe na/ 'di lta ste/ ma gos pa rnams yin/ sdig pa chung ngu dang yang lhan cig mi gnas pa rnams yin/ tshul khrims kyi dri zhim pa rnams yin/ gtsang ba rnams yin/ bzhin 'dzum pa rnams yin/ mi rtsub pa/ rnams yin/ mthong na bkra shis pa rnams yin/ blo rnam par bye ba rnams yin/ blo yongs su smin pa rnams yin/ shin tu yongs su bzung ba rnams yin no// rigs kyi bu de la ji ltar na byang chub sems dpa' mgos pa yin pa nas/ ji ltar na shin tu yongs su bzung ba'i bar du yin zhe na/ rigs kyi bu 'di lta ste/ dper na pad+ma ni chu'i nang nas 'byung yang mi chags par skye'o/ / de ci'i phyir zhe na/ 'di ltar de'i chos nyid thob pa'i phyir ro// de bzhin du byang chub sems dpa' 'khor ba'i chu las 'byung yang mi chags par skye'o// de ci'i phyir zhe na/ 'di
- 282b
ltar de'i thabs dang shes rab kyi chos nyid thob pa'i phyir ro/ / byang chub sems dpa' thabs mkhas pa ni 'khor ba ni spyod kyang 'khor ba'i nyes pa dag gis mi gos te/ de'i thabs de ni shes/ rab kyis yang dag par zin pa yin no// rigs kyi bu 'di lta ste/ dper na pad+ma la chu'i theg pa chung ngu yang mi chags so// de bzhin du byang chub sems dpa' la sdig pa chung ngu yang mi chags so/ / rigs kyi bu 'di lta ste/ dper na sa'i phyogs gang du pad+ma skyes par gyur pa'i sa phyogs de dris khyab par 'dug go// de bzhin du yul dang yul gyi phyogs gang na byang chub sems dpa' gnas pa de thams cad tshul khrims kyi dris khyab par 'dug go/ / rigs kyi bu 'di lta ste/ dper na pad+ma ni sa'i phyogs gar skyes pa'i sa phyogs de gtsang zhing bram ze dang rnga rgyal rigs dang / grong pa dang / yul gyi mi thams cad kyang 'du ba yin no// de bzhin du byang chub sems dpa' gar skyes kyang rung / 'di lta ste/ tshul khrims dang / gtsang sbra kun spyod pas gtsang ba yin te/ lha dang / klu dang / gnod sbyin dang / dri za dang / lA ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams 'du ba yin/ sangs rgyas bcom ldan 'das rnams kyis dgongs pa yin/ byang chub sems dpa' rnams kyis rab tu bsngags pa yin no//
- 283a
rigs kyi bu 'di lta ste/ dper na pad+ma ni 'byen 'di lta ste/ sems can rnams kyi yid du 'ong bas 'dzum pa lta bar snang ngo // de bzhin du byang chub sems dpa' yang khro gnyer med cing dbang po shin tu dang bas bzhin rtag tu 'dzum pa yin no/ / rigs kyi bu 'di lta ste/ dper na pad+ma ni rang bzhin gyis 'jam zhing mi rtsub pa yin no// de bzhin du byang chub sems dpa' yang rang bzhin gyis 'jam zhing dal gyis smra ba yin/ mi brlang zhing mu cor mi slu ba'i rang bzhin can yin no// rigs kyi bu 'di lta ste/ dper na pad+ma ni rmi lam dang / lhas dang / yud tsam dga' mthong na yang 'di lta ste/ don 'grub pa'i phyir bkra shis shing rab tu bsngags pa yin no// de bzhin du byang chub sems dpa' mthong ba yang 'di lta ste/ thams cad mkhyen pa nyid thob par bya/ ba la dus thams cad du yang bkra shis shing rab tu bsngags pa yin no// rigs kyi bu 'di lta ste/ dper na pad+ma ni nam rgyas pa de ni rnam par bye ba zhes bya'o// de bzhin du byang chub sems dpa' nam shes rab dang / byang chub kyi yan lag gi me tog rgyas pa de ni blo rnam par bye ba zhes bya'o// rigs kyi bu 'di lta ste/ dper na pad+ma ni nam yongs su smin par gyur pa de ni/ bltas na mig gi dbang po tshim par byed/ mnyan na rna ba'i dbang po tshim par byed/ bsnams na sna'i dbang po tshim par byed/ myangs na lce'i dbang po tshim par byed/ reg na lus kyi dbang po tshim par byed/ sems
- 283b
rab tu dga' bas yid kyi dbang po tshim par byed do/ / de bzhin du byang chub sems dpa' yang nam shes rab kyi snang ba yongs su smin par gyur pa de'i tshe/ bltas na mig gi dbang po rnam par dag par byed/ mnyan na rna ba'i dbang po rnam par dag par byed/ tshul khrims dang yon tan gyi dri bsnams na sna 'i dbang po rnam par dag par byed/ myangs pa na lce'i dbang po rnam par dag par byed/ reg pa dang bsnyen bkur byed na lus kyi dbang po rnam par dag par byed/ yon tan rjod pa rnam par bsams pas yid kyi dbang po rnam par dag par byed do// rigs kyi bu 'di lta ste/ dper na pad+ma ni skye ba'i tshe 'di lta ste/ mi dang mi ma yin pa dag gis shin tu yongs su bzung ba yin te/ de bzhin du byang chub sems dpa' skye ba'i tshe/ sangs rgyas dang byang chub sems dpa' rnams dang / de ma yin pa gzhan brgya byin dang / tshangs pa dang / 'jig rten skyong ba dag gis shin tu yongs su bzung ba yin no// rigs kyi bu de ltar na byang chub sems dpa' ma gos pa nas/ shin tu yongs su bzung ba'i bar du yin te/ rigs kyi bu chos bcu po de dag dang ldan na/ byang chub sems dpa' pad+ma lta bu rnams yin no// rigs kyi bu chos bcu dang ldan na byang chub sems da' sems rgya che ba rnams yin no/ / bcu gang zhe na/ 'di lta ste/ pha rol tu phyin pa thams cad yang dag par bsgrub bo zhes sems rgya cher skyed do// sangs rgyas kyi chos
- 284a
thams cad yongs su rdzogs par bya'o zhes sems rgya cher skyed do/ / sems can thams cad gdul lo zhes sems rgya cher skyed do// sangs rgyas kyi chos thams cad byang chub kyi snying por 'dug ste/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes sems rgya cher skyed do// mngon par rdzogs par sangs rgyas nas 'jig rten du dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang chos dang ldan par sngon ma bskor ba'i chos kyi 'khor lo bskor ro zhes sems rgya cher spyad do// 'jig rten gyi khams mtha' yas mu med par song ste/ sems can gyi don bya ba'i dngos po de dang de dag gis sems can rnams kyi don bya'o zhes sems rgya cher skyed do// shes rab kyi gru sbyar te/ sems can rnams 'khor ba'i rgya mtsho las pha rol tu bsgral lo zhes sems rgya cher skyed do// mgon med pa dang / skyabs med pa dang / gnas med pa dang / rten med pa dang dpung gnyen med pa dang / rtsa lag med pa'i sems can rnams kyi rtsa lag bya'o zhes sems rgya cher skyed do// lha dang bcas/ bdud dang bcas/ tshangs par bcas pa'i 'jig rten dang // dge sbyong dang / bram ze dang / lha dang / mi dang / lha ma yin du bcas pa'i skye dgu'i nang du sangs rgyas kyi khyu mchog nyid bstan to// sangs rgyas kyi seng ge'i sgra sgrog go// sangs rgyas
- 284b
kyi rnam par rol pas rnam par rtse'o/ / glang po che'i lta stangs kyis blta bar bya'o zhes sems rgya che bar skyed do// sangs rgyas kyi che bas sems can rnams gdul bar bya'i/ spyod pa ngan pas ma yin/ dka' ba spyod pas ma yin/ zhan pa'i spyod pas ma yin/ zhum pa'i spyod pas ma yin no zhes sems rgya cher skyed do// rigs kyi bu chos bcu po de dag dang ldan na// byang chub sems dpa' sems rgya che ba rnams yin no// rigs kyi bu chos bcu dang ldan na/ byang chub sems dpa' sems rnam par dag pa rnams yin no// bcu gang zhe na/ 'di lta ste/ bsam pa mi g.yo bas bsam pa phun sum tshogs pa rnams yin/ 'di lta ste/ bsam pa la sgyu med pas bsam pas shin tu gnas pa rnams yin/ 'di lta ste/ nyan thos kyi byang chub yid la byed pa mi byed pa dang / rang sangs rgyas kyi byang chub yid la byed pa mi skyed pa dang / brtson 'grus chung ba'i yid la byed pa mi skyed pas tshul bzhin ma yin pa'i yid la byed pa dang bral ba rnams yin/ 'di lta ste/ nyon mongs pa'i dri ma dang bral bas dri ma thams cad dang bral ba rnams yin/ 'di lta ste/ sku'i spyod lam dang bral bas lus kyi tshul 'chos dang bral ba rnams yin/ 'di lta ste/ yang dag pa'i don kun ston pas ngag gi tshul 'chos dang bral ba rnams yin/ 'di lta s+t+wa~M/ lus kyis 'du 'dzi med par
- 285a
nyid thob bo/ / chos nyid thob pas bla na med pa yang dag par rdzogs pa'i byang chub tu nges par 'gyur te/ de ltar na de bzhin gshegs pa'i bstan pa la skur pa ma bta/ pa yin no// rigs kyi bu chos bcu po de dag dang ldan na/ byang chub sems dpa' sems rnam par dag pa rnams yin no// rigs kyi bu chos bcu dang ldan na/ byang chub sems dpa' sems nem nur med pa rnams yin no/ / bcu gang zhe na/ 'di lta ste/ de bzhin gshegs pa'i sku'i gsang ba la mngon par dang / de bzhin gshegs pa'i gsung gi gsang ba dang / de bzhin gshegs pa'i yid kyi gsang ba dang / byang chub sems dpa' yang dag par bsgrub pa dang / byang chub dang / de bzhin gshegs pa 'byung ba dang / theg pa gcig gi tshul bstan pa dang / tshul sna tshogs bstan pa dang / de bzhin gshegs pa'i gsung sgra'i dbyangs zab mo dang / sems can gyi bsam pa ji lta ba bzhin du 'dul ba la mngon par dad do// rigs kyi bu de lta ji ltar na de bzhin gshegs pa'i sku'i gsang ba la mngon par dad pa nas/ ji ltar sems can gyi bsam pa ji lta ba bzhin du 'dul ba la mngon par dad pa'i bar du yin zhe na/ rigs kyi bu 'di la byang chub sems dpa' 'di snyam du sems so/ / gang 'di de bzhin gshegs pa'i chos kyi sku dang / zhi ba'i sku dang / mi mnyam pa'i sku dang / mi mnyam pa dang mnyam
- 285b
pa'i sku dang / tshad med pa'i sku dang / phal la med pa'i sku dang / rdo rje sku zhes thos pa 'di ni yang dag pa'o// 'di ni de kho na'o// 'di ni mi slu ba'o snyam ste/ gnas 'di la de nem/ nur med/ the tsom med de/ de ltar na byang chub sems dpa' de bzhin gshegs pa'i sku'i gsang ba la mngon par dad do// ji ltar na byang chub sems dpa' de bzhin gshegs pa'i gsung gi gsang ba la mngon par dad ce na/ de 'di snyam du sems so// gang 'di de bzhin gshegs pa'i gsung gi gsang ba de bzhin gshegs pa mngon du lung ston pa dang / gsang ste lung ston/ pa dang / ldem po ngag gis kyang sems can rnams la lung ston mod kyi/ de bzhin gshegs pa la 'khrul pa 'am/ ca co med de/ de'i phyir de la brdzun du smra ba'i nyes par mi 'byung ngo / / de ci'i phyir zhe na/ de bzhin gshegs pa ni skyon thams cad spangs pa/ dri ma thams cad spangs pa/ rdul thabs cad spangs pa/ yongs su gdung ba thams cad dang bral ba/ nyon mongs pa med pa/ dbang du gyur pa/ zhi ba/ dang ba/ yongs su dag pa/ rnyog pa med pa rnam par gsal ba ste/ gang de bzhin gshegs pa rnams la 'khrul pa 'am/ ca co 'byung ba de ni gnas ma yin zhing skabs med do zhes thos pa 'di ni yang dag pa'o// 'di ni de kho na'o// 'di ni mi slu ba'o snyam ste/ gnas 'di de nem nu
- 286a
ngag gis 'dod pa chung ba dang / sems kyis smon pa med pa'i phyir/ sems kyi tshul 'chos pa dang bral ba rnams yin/ cung zad byas pa yang chung mi gson na mang// po lta ci smos te/ byas pa gzo ba rnams yin/ byas pa tshor ba rnams yin te/ dgos pa byas pa la mi smod/ mi smyung/ yon tan ma yin par mi lta ste/ gzhan du na cung zad byas pa yang tshor zhing de la ston par byed/ gzengs stod par byed/ yang dag par dga' bar byed/ rab tu bsngags par byed/ de la yon tan du lta ba yin no// ji ltar lta ba de ltar byed pa rnams yin te/ byang chub sems dpa' rnams ngag gis snyan par ston cing sems kyis mi mthun par sems pa ma yin/ byang chub sems dpa' rnams ngag gis ston cing sems kyis ngan du bya ba'i sbyor ba mi byed/ byang chub sems dpa' rnams ngag gis 'jam par smra zhing sems kyis zhe la non te shar gnyer ba ma yin/ byang chub sems dpa' rnams lus kyis nges pa ston cing sems kyis 'khon gyi mdud par 'dzin pa ma yin/ byang chub sems dpa' rnams lus kyis ri mor bya ba ston cing sems kyis brnyas par byed pa ma yin/ byang chub sems dpa' rnams tshul mi 'chos/ kha gsag mi byed/ ser sna dang phrag dog gis kun tu grags pa ma yin/ sgyu dang g.yos mi spyod/ byang chub sems dpa' rnams 'thab sman mi byed/ phan tshun
- 286b
du dpa' ba 'jug pa ma yin gyis/ byang chub sems dpa' rnams ni lus kyis kyang ri mo skyed pa yin/ ngag gis kyang yang dag pa'i don smra/ las su yang sgrub bo// byang chub sems dpa' rnams de bzhin gshegs pa'i bstan pa la skur ba'i phyir zhugs pa ma yin pas/ de bzhin gshegs pa'i bstan pa la skur pa ma btab pa yin no// ji ltar na de bzhin gshegs pa'i bsta/ pa la skur ba ma btab pa yin zhe na/ 'di la byang chub sems dpa' bla na med pa yang dag par rdzogs pa'i byang chub tu sems bskyed do// skra dang kha spu bregs te gos ngur smrig dag gon nas/ yang dag par dad pas de bzhin gshegs pa'i bstan pa la rab tu 'byung ngo // de rab tu byung ba na rgyal pos mnar ba med par rab tu 'byung / rkun pos 'tshe ba med pa dang / bu lon gyis 'tshe ba med pa dang / 'dzags pas 'tshe ba med pa dang / 'tshe ba med pa'i 'jigs pas skrag pa med par rab tu 'byung ngo // de dang de rab tu byung nas dge ba ci yin zhes tshol ba yin te/ de dge ba ci yin zhes tshol bas dge ba'i bshes gnyen rnams la snyen par byed/ sten par byed/ bsnyen bkur byed do// de dag las chos kyang nyan to// thos nas kyang nan tan du byed/ nga rgyal gyi zil gyis mnon pa yin te/ de nga rgyal dang bral bas ma log par 'dzin pa yin/ ma log par 'dzin pas lam shin tu rtogs pa thob bo// de lam shin tu rtogs pas chos
- 287a
med/ the tsom med de/ de ltar na de bzhin gshegs pa'i gsung gi gsang ba la mngon par dad do// ji ltar na byang chub sems dpa' de bzhin gshegs pa'i yid kyi gas// ba la mngon par dad ce na/ de 'di snyam du sems so// gang 'di de bzhin gshegs pa'i yid kyi gsang ba de bzhin gshegs pas ci dgongs pa'i don gang sems dang 'grogs pa sems la gnas pa de ni de bzhin gshegs pa'i byin gyi rlabs kyis gyur pa ma gtogs par/ nyan thos dang / rang sangs rgyas thams cad dang / byang chub sems dpa' thams cad dang / sems cad thams cad kyis shes par mi nus so// de ci'i phyir zhe na/ rigs kyi bu de bzhin gshegs pa ni zab cing gting dpag bka' ba/ brtag par bya ba ma yin pa/ rtog ge'i spyod yul las shin tu 'das pa/ dpag tu med pa/ rgya che ba/ yangs pa/ nam mkha'i dbyings dang mtshungs pa/ rtog ge thams cad kyi yul las 'das par thob pa 'di/ ni yang dag pa'o// 'di ni de kho na'o// 'di ni mi slu ba'o snyam ste/ gnas 'di la de nem nur med/ the tsom med pa yin te/ da ltar na de bzhin gshegs pa'i yid kyi gsang ba la mngon par dad do/ / ji ltar na byang chub sems dpa' byang chub sems dpa'i yang dag par bsgrub pa la mngon par dad ce na/ de 'di snyam du sems so// gang 'di byang chub kyi rgyu/
- 287b
byang chub kyi gzhi/ byang chub kyi phyir/ byang chub sems dpa' de dag sems can gyi don la mngon du phyogs dang / sems can gyi bya ba dang / sems can gyi byed pa dang / yongs su mi skyo ba dang / mi skrag pa dang / khur chen po khyer ba dang / mthu bstan pa dang / brtul ba brtan pa dang / pha rol tu phyin pa yang dag par sgrub pa dang / sangs rgyas kyi chos rnams mthar gyis yang dag par sgrub pa dang / thogs pa med pa'i blo dang / mtha' yas pa'i blo dang / mi mnyam pa'i blo dang / phal la med pa'i blo dang / brtson 'grus brtan pa dang / cho ga brtan pa dang / dam bcos pa las mi g.yo ba dang / dam bcas pa phal la med pa de dag thams cad rim gyis 'phel zhing rgyas pa dang / yangs par yongs su rdzogs par 'gyur ro zhes thos pa 'di ni yang dag pa'o/ / 'di ni de kho na'o// 'di ni mi slu ba'o snyam ste/ gnas 'di la de nem nur med/ the tsom med de/ de ltar na byang chub sems dpa' yang dag par sgrub pa la mngon par dad do/ / ji ltar na byang chub sems dpa' byang chub dang / de bzhin gshegs pa 'byung ba la mngon par dad ce na/ de 'di snyam du sems so// gang byang chub sems dpa' byang chub kyi snying por 'dug nas/ lha'i mig chags pa med cing thogs pa med pa sgrib pa med pa thob bo// lha'i rna ba dang / gzhan gyi sems shes pa dang //
- 288a
sngon gyi gnas rjes su dran pa'i shes pa dang / rdzu 'phrul gyi rnam par shes pa dang / zag pa zad pa shes pa dang / dus gsum pa skad cig gcig pa dang ldan pas shes pa/ chags pa med pa/ thogs pa med pa/ sgrib pa med pa thob bo// de'i phyir sems can gyi khams la yang dag pa ji lta ba bzhin du lta ste/ sems can 'di rnams ni lus kyi ngan du spyod pa dang ldan pa/ ngag gi ngan du spyod pa dang ldan pa yid kyi ngan du spyod pa dang ldan pa/ 'phags pa la skur ba 'debs pa/ log par lta ba rnams te/ log par lta ba'i las dang chos yang dag par blangs pa'i phyir/ rgyu de dang / rkyen de dang / gzhi nges lus zhig nas shi ba'i 'og tu ngan 'gro log par ltung ba sems can dmyal ba dag tu skye'o/ / sems can 'di rnams ni lus kyis legs par spyod pa dang ldan pa/ ngag gis legs par spyod pa dang ldan pa/ yid kyis legs par spyod pa dang ldan pa/ 'phags pa la skur pa mi 'debs pa/ yang dag par lta ba rnams te/ yang dag par lta ba'i las dang chos yang dag par blangs pa'i phyir/ rgyu de dang / rkyen de dang / gzhi des lus zhig nas bde 'gro mtho ris kyi 'jig rten gyi lha'i nang du skye'o snyam nas de ltar yang dag pa ji lta ba bzhin du sems can gyi khams la bltas te/ sems can gyi khams de nyid dge ba dang mi dge ba'i
- 288b
las rnams la rnam par lta'o/ / de yang 'di snyam du sems te/ sngon bdag byang chub sems dpa'i spyad pa spyod pas gang 'di ltar bdag nyid rnam par sangs rgyas nas/ gzhan yang rnam par sangs rgyas par bya'o zhes dam bcas pa'i bdag gi smon lam de yongs su rdzogs so/ / bdag gi brnag pa de yongs su rdzogs so zhes thos pa 'di ni yang dag pa'o// 'di ni de kho na'o/ / 'di ni mi slu ba'o snyam ste/ gnas 'di la de nem nur med/ the tsom med de/ gang la byang chub sems dpa' de rnam par sangs rgyas pa de ni byang chub ces bya'o// bdag nyid rnam par sangs rgyas pas des na rdzogs par sangs rgyas zhes bya ste/ de ltar na byang chub sems dpa' byang chub dang / de bzhin gshegs pa 'byung ba la mngon par dad do// ji ltar na byang chub sems dpa' theg pa gcig gi tshul bstan pa la mngon par dad ce na/ de 'di snyam du sems so// gang 'di theg pa ni gcig kho na 'di lta ste/ de bzhin gshegs pa'i theg pa'o zhes thos pa 'di ni ya dag pa'o/ / 'di ni de kho na'o// 'di ni mi slu ba'o// 'di ni de bzhin no// ma nor ba'o// gzhan ma yin pa'o// de ci'i phyir zhe na/ theg pa gzhan rnams kyang 'di las 'byung ngo // rigs kyi bu 'di lta ste/ dper na 'dzam bu'i gling na gang gling yod pa rnams ming gis tha dad par shes mod kyi/ 'on kyang de dag ni 'dzam bu'i gling du 'du'o// 'dzam bu'i gling la rton po//
- 289a
'dzam bu'i gling gi grangs su 'gro'o// de'i phyir na gling gcig kho na ste/ 'di ni 'dzam bu'i gling ngo // de bzhin du theg pa thams cad ni de bzhin gshegs pa'i theg par 'du'o/ / de bzhin gshegs pa'i theg pa la gnas so// de bzhin gshegs pa'i theg pa las byung ngo // de'i phyir theg pa ni gcig pa kho na ste/ 'di ltar de bzhin gshegs pa'i theg pa'o snyam ste/ gnas 'di la de nem nur med/ the tsom med de/ de ltar na byang chub sems dpa' theg pa gcig gi tshul ba kun pa la mngon par dad do// ji ltar na tshul sna tshogs bshad pa thos pa 'di ni yang dag pa'o/ / 'di na de kho na'o// 'di ni mi slu ba'o// de ci'i phyir zhe na/ 'dul ba'i dbang gi phyir/ de bzhin gshegs pa'i dad pa ji lta ba bzhin du sems can rnams la chos ston to snyam ste/ gnas 'di la de nem nur med/ the tsom med de/ de ltar na byang chub sems dpa' tshul sna tshogs bstan pa la mngon par dad do// ji ltar na byang chub sems dpa' de bzhin gshegs pa'i gsung sgra'i dbyangs zab mo la mngon par dad ce na/ de 'di snyam du sems so// gang 'di de bzhin gshegs pa'i gsung sgra'i dbyangs zab mo thos pa 'di ni yang dag pa'o/ / 'di ni de kho na'o// 'di ni mi slu ba'o// de ci'i phyir zhe na/ dge ba'i rtsa ba chung ba'i lha'i bu rnams kyi dbyangs kyang zab cing snyan pa yin na/ bskal pa brgya stong du mar dge ba'i rtsa
- 289b
ba bsgrubs pa'i de bzhin gshegs pa rnams kyis lta ci smos snyam ste/ gnas 'di la de nem nur med/ the tsom med de/ de ltar na byang chub sems dpa' de bzhin gshegs pa'i gsung sgra'i dbyangs zab mo la mngon par dad do/ / rigs kyi bu ji ltar na byang chub sems dpa' sems can gyi bsam pa ji lta ba bzhin du 'dul ba la mngon par dad ce na/ de 'di snyam du sems so// gang 'di de bzhin gshegs pa bsam pa dang bag la nyal mkhyen te/ sems can mos pa tha dad pa dang / 'dul ba tha dad pa rnams la gsung sgra'i dbyangs gcig brjod pas/ the tsom gcod cing yongs su smin pa ji lta ba bzhin du sems can rnams 'dul lo/ / sems can rnams kyang so so nas de bzhin gshegs pa bdag la chos ston to// de bzhin gshegs pa bdag la chos ston to snyam byed kyang de bzhin gshegs pa ni mi rtog/ rnam par mi rtog go zhes thos pa 'di ni yang dag pa'o// 'di ni de kho na'o// 'di ni mi slu ba'o snyam ste/ gnas 'di la de nem nur med/ the tsom med de/ rigs kyi bu de ltar na byang chub sems dpa' sems can gyi bsam pa ji lta ba bzhin du 'dul ba la mngon par dad do// rigs kyi bu chos bcu po de dag dang ldan na/ byang chub sems dpa' sems nem nur med pa rnams yin no// rigs kyi bu chos bcu da ldan na/ byang chub sems dpa' blo rgya mtsho dang 'dra ba rnams
- 290a
yin no/ / bcu gang zhe na/ 'di lta ste/ rin po che'i 'byung gnas su gyur pa rnams yin/ zab cing gting dpag dka' ba rnams yin/ rgya che zhing tshad med/ pa rnams yin/ bags kyis gzhol ba rnams yin// nyon mongs pa'i ro dang lhan cig mi 'dug pa rnams yin/ ro gcig pa rnams yin/ chu bo kun bzed pa rnams yin/ dus las mi g.yo ba rnams yin/ 'byung po mang po'i gnas su gyur pa rnams yin/ mi zad pa rnams yin no// rigs kyi bu de la ji ltar na byang chub sems dpa' rin po che'i 'byung gnas su gyur pa yin pa nas/ ji ltar na mi zad pa'i bar du yin zhe na/ rigs kyi bu 'di lta ste/ dper na rgya mtsho chen po ni rin po che thams cad kyi 'byung gnas yin te/ 'dzam bu gling gi mi thams cad kyis rin po che blang bas mi zad do// de bzhin du byang chub sems dpa' yang yon tan rin po che thams cad kyi 'byung gnas yin te/ sems can thams cad kyis yon tan rin po che blang bas mi zad do/ / rigs kyi bu 'di lta ste/ dper na rgya mtsho chen po ni zab cing gting dpag dka' ba yin no// de bzhin du byang chub sems dpa' ye shes yang dag par grub pa yang zab cing sems can thams cad kyis gting dpag dka' ba yin no/ / rigs kyi bu 'di lta ste/ dper na rgya mtsho chen po ni 'di lta ste/ chu tshad
- 290b
med pas na yangs shing rgya che ba yin no/ / de bzhin du byang chub sems dpa' yang 'di lta ste/ blo tshad med pas na yangs shing rgya che ba yin no// rigs kyi bu 'di lta ste/ dper/ na rgya mtsho chen po ni bags kyis gzhol/ bags kyis 'bab/ bags kyis bab bo// de bzhin du byang chub sems dpa' yang thams cad mkhyen pa nyid la gzhol/ thams cad mkhyen pa nyid la 'bab/ thams cad mkhyen pa nyid la bab bo// rigs kyi bu 'di lta ste/ dper na rgya mtsho chen po ni shi ba'i ro dang lhan cig tu mi 'dug go// de ci'i phyir zhe na/ de ni rgya mtsho chen po'i chos nyid do/ / de bzhin du byang chub sems dpa' yang nyon mongs pa'i ro dang mi dge ba'i grogs po rnams dang lhan cig mi gnas so// de ci'i phyir zhe na/ de ni byang chub sems dpa'i chos nyid do/ / rigs kyi bu 'di lta ste/ dper na rgya mtsho chen por chu bo ji snyed 'bab pa de thams cad kyang ro gcig pa yin te/ 'di lta ste/ lan tshwa'i ro'o// de bzhin du byang chub sems dpa'i yang chos dkar po rnams ji snyed sdud pa de thams cad ro gcig pa yin te/ 'di lta ste/ thams cad mkhyen pa'i ro'o// rigs kyi bu 'di lta ste/ dper na rgya/ mtsho chen po ni chu bo tshad med pa kun bzed kyang de la bri ba 'am/ gang bar yang mi mngon no// de bzhin du byang chub sems dpa' yang chos kyi chu bo tshad med pa kun bzed kyang de la bri ba
- 291a
'am/ gang bar mi mngon no// rigs kyi bu 'di lta ste/ dper na rgya mtsho chen po ni dus lus mi yol lo// de bzhin du byang chub sems dpa' yang 'dul bar bya ba'i sems can yongs su smin par bya ba'i dus las mi yol lo/ / rigs kyi bu 'di lta ste/ dper na rgya mtsho chen po ni 'byung po mang po'i gnas so// de bzhin du byang chub sems dpa' yang sems can thams cad dang / chos dkar po thams cad kyi gnas so// rigs kyi bu 'di lta ste/ dper na rgya mtsho chen po ni sems can thams cad kyis chu bcus kyang mi zad pa yin no/ / de bzhin du byang chub sems dpa' sems can thams cad la chos ston pa mi zad pa yin te/ rigs kyi bu de ltar na byang chub sems dpa' rin po che'i 'byung gnas su gyur pa nas/ mi zad pa'i bar du yin no// rigs kyi bu chos bcu po de dag dang ldan na/ byang chub sems dpa' blo rgya mtsho dang mtshungs pa rnams yin no// rigs kyi bu chos bcu dang ldan na/ byang chub sems dpa' blo zhib pa rnams yin no// bcu gang zhe na/ 'di lta ste/ 'byung ba tshol ba la mkhas pa rnams yin/ chos thams cad brtag pa la mkhas pa rnams yin/ chos thams cad kyi mnyam pa nyid khong du chud pa rnams yin/ chos thams cad sgyu ma'i mtshan nyid du khong du chud pa rnams yin/ chos thams cad yongs su
- 291b
shes pa la mkhas pa rnams yin/ rten cing 'brel par 'byung ba zab cing gting dpag dka' ba la mkhas pa rnams yin/ las bsam gyis mi khyab pa la mkhas pa rnams yin// / smras pa'i don shes pa rnams yin/ don yang dag pa ji lta ba bzhin du rtogs pa rnams yin/ de kho na la mkhas pa rnams yin no// rigs kyi bu de la ji ltar na byang chub sems dpa' 'byung ba tshol ba la mkhas pa yin pa nas/ ji ltar na de kho na la mkhas pa'i bar du yin zhe na/ 'di la byang chub sems dpa' 'di ltar spyod de/ kye ma'o 'jig rten gnas pa 'di ni 'di lta ste/ 'dod chags kyi mes kun tu 'bar ro// rab tu 'bar ro// kun tu rab tu 'bar ro// kye ma'o 'jig rten gnas pa 'di ni 'di lta ste/ zhe sdang gi du ba 'khrigs pa'i du ba 'tshubs pas rnam par rmongs so/ / kye ma'o 'jig rten gnas pa ni 'di lta ste/ gti mug gi mun pas mun nag tu gyur to snyam mo// de na 'di lta ste/ sems can 'di dag ni ji ltar 'byung bar 'gyur snyam sems te/ de dag gi 'byung ba yongs su tshol zhing chos thams cad la rtog go// chos thams cad la rtog pas chos thams cad kyi mnyam pa nyid khong du chud par 'gyur ro/ / chos thams cad kyi mnyam pa nyid khong du chud pas chos thams cad sgyu ma'i mtshan nyid du yang dag pa ji lta ba bzhin du rab tu shes so// chos rnam
- 292a
sgyu ma'i mtshan nyid du yang dag pa ji lta ba bzhin du rab tu shes pas chos thams cad yang dag pa ji lta ba bzhin du rab tu shes so/ / chos thams cad yang dag pa'i/ lta ba bzhin du yongs su shes pas rten cing 'brel par 'byung ba zab mo la rnam par sems so// de rten cing 'brel par 'byung ba zab mo la rnam par sems pas/ las bsam gyis mi khya pa la rnam par rtog ste/ de 'di snyam du dngos po med pa'i chos rnams la/ las sna tshogs snang ba ni ngo mtshar to snyam du sems so// de ltar de blo zhib mo dang ldan pas sangs rgyas rnams sam/ byang chub sems dpa' rnams kyis gsungs pa tsam gyis don shes so// des don shes pas don yang dag pa ji lta ba bzhin du rtogs so// don yang dag pa ji lta ba bzhin du rtogs pas de kho na mthong ngo / / des de kho na mthong bas sems can rnams 'khor ba'i btson ra nas thar par byed de/ rigs kyi bu de ltar na byang chub sems dpa' 'byung ba tshol bA la mkhas pa nas/ de kho na la mkhas pa'i bar du yin no// rigs kyi bu chos bcu po de dag dang ldan na/ byang chub sems dpa' blo zhib pa rnams yin no// rigs kyi bu chos bcu dang ldan na/ byang chub sems dpa' rigs pa'i spobs pa can rnams yin no// bcu gang zhe na/ 'di lta ste/ chos thams cad bdag
- 292b
med par 'jog go/ / chos thams cad sems can med pa dang / srog med pa dang / gso ba med pa dang / gang zag med pa dang / byed pa po dang / tshor ba po med pa dang // shes pa po med pa dang / mthong ba po med pa dang / gsog gso ba ste dbang phyug med pa dang / stong pa yang dag pa ma yin pa kun brtags pa dang rkyen las byung bar 'jog ste/ rigs kyi bu de la chos thams cad bdag med pa zhes bya ba 'di ni rig pa'o// 'di ni chos nyid dang 'thun pa'o// chos thams cad sems can med pa/ srog med pa zhes bya ba ni/ rigs pa'o// 'di ni chos nyid dang 'thun pa'o// de bzhin du chos thams cad gso ba med pa dang / gang zag med pa dang / byed pa po dang / tshor ba po med pa dang / shes pa po med pa dang / mthong ba po med pa dang / gsog gsob ste dbang phyug med pa dang / stong pa yang dag pa ma yin pa kun brtags pa dang / rkyen las byung ba'o zhes bya ba 'di ni rigs pa'o/ / 'di ni chos nyid dang 'thun pa'o// rigs kyi bu gang chos nyid dang 'thun pa de ni rigs pa'o// gang chos nyid dang mi 'gal ba de ni rigs pa'o// gang chos nyid las mi 'khrul pa de ni rigs pa'o/ / gang chos nyid la 'bab pa de ni rigs pa'o// gang chos nyid ston pa de ni rigs pa'o// de yang de dag la spobs pas na de'i phyir rigs pas spobs
- 293a
rnams zhes bya'o/ / rigs kyi bu chos bcu po de dag dang ldan na/ byang chub sems dpa' rigs pa'i stobs pa can rnams yin no// rigs kyi/ bu chos bcu dang ldan na/ byang chub sems dpa' grol ba'i spobs pa can rnams yin no// bcu gang zhe na/ 'di lta ste/ spobs pa thogs pa med pa rnams yin/ spobs pa mi zad pa rnams yin/ spobs pa rgyun chags pa rnams yin/ spobs pa mi btabs rnams yin/ spobs pa ma zhum pa rnams yin/ spobs pa mi skrag pa rnams yin/ spobs pa phal la med pa rnams yin/ spobs pa zil gyi ma non pa rnams yin/ spobs pa mtha' yas pa rnams yin/ so so yang dag par rig pa thob pa'i spobs pa can rnams yin te/ rigs kyi bu chos bcu po de dag dang ldan na/ byang chub sems dpa'i grol ba'i spobs pa can rnams yin no// rigs kyi bu chos bcu dang ldan na byang chub sems dpa' rnam par dag pa'i spobs pa can rnams yin no/ / bcu gang zhe na/ 'di lta ste/ 'dar 'dar po med pa'i spobs pa can rnams yin/ mi 'khrul pa'i spob pa can rnams yin/ mi gzhan pa'i spobs pa can rnams yin/ yang yeng po med pa'i spobs pa can rnams yin/ de dag gi spobs pa don dang bral ba ma yin/ tshig 'bru dang bral
- 293b
ba ma yin/ sbyor ba dang bral ba ma yin/ dus dang bral ba ma yin/ rtsub pa ma yin/ mi gsal ba'i spobs pa ma yin no// rigs kyi bu byang chub sems dpa' rnams kyi spobs pa'angar 'dar po ma yin no/ / de ci'i phyir zhe na/ 'khor gyi 'jigs pa'i bag tsha ba'i phyir ro// byang chub sems dpa' rnams kyi spobs pa ni 'khrul pa ma yin no// de ci'i phyir zhe na/ blo brtan zhing mi 'gyur ba'i phyir ro// byang chub sems dpa' rnams kyi spobs pa ni mi zhan pa rnams yin no// de ci'i phyir zhe na/ 'jigs pa med pa'i phyir te/ rigs kyi bu byang chub sems dpa' ni 'khor gyi nang du phyin na mi 'jigs mi skrag ste/ seng ge ltar 'jigs pa med cing mi skrag mi dngang ba yin no// byang chub sems dpa' rnams/ kyi spobs pa yang yang po med pa yin no// de ci'i phyir zhe na/ nyon mongs pa dang bral ba'i phyir ro// rigs kyi bu nyon mongs pa dang bcas pa'i spobs pa ni yang yeng por 'gyur ba yin te/ nyon mongs pa med pa'i ni ma yin no// byang chub sems dpa' rnams kyi spobs pa ni don dang bral ba ma yin no// de ci'i phyir zhe na/ chos nyid thob pa'i phyir te// rigs kyi bu chos nyid ma thob pa rnams kyi don dang bral bar 'gyur gyi/ chos nyid thob pa rnams kyi ni ma yin no// byang chub sems dpa' rnams kyi spobs pa ni tshig 'bru dang bral ba ma
- 294a
yin no/ / de ci'i phyir zhen/ bstan bcos thams cad la 'jigs pa med pa'i phyir te/ rigs kyi bu bsnyun bcos kyi phyogs 'ga' shes pa rnams kyi na nI/ 'bru dang bral bar 'gyur gyi/ bstan bcos thams cad la mkhas pa rnams kyi ni ma yin no// byang chub sems dpa' rnams kyi spobs pa ni sbyor ba dang bral ba ma yin no// de ci'i phyir zhe na/ sbyor ba thams cad yang dag par bsgrubs pa'i phyir te/ rigs kyi bu sbyor ba la mi mkhas pa rnams kyi ni sbyor ba dang bral bar 'gyur gyi/ sbyor ba mtha' yas pa dang ldan pa rnams kyi ni ma yin no/ / byang chub sems dpa' rnams kyi spobs pa ni gang phyis smra bar bya ba de ni sngar smra ba 'am/ gang sngar smra bar bya ba de phyis smra ba lta bur dus dang bral ba ma yin no// de ci'i phyir zhe na/ byang chub sems dpa' rnams ni dus shes pa yin/ tshod shes pa yin/ dus shes pa yin no// byang chub sems dpa' rnams kyi spobs pa ni rtsub pa yid du mi 'ong/ ba mi snyan pa ma yin no// de ci'i phyir zhe na/ ngag gi gnas ngan len dang bral ba'i phyir te/ rigs kyi bu gnas ngan len dang bcas pa rnams kyi spongs pa ni rtsub pa yin gyi/ gnas ngan len dang bral ba rnams kyi ni ma yin no/ / byang chub sems dpa' rnams kyi spobs pa ni mi gsal ba ma yin te/ de ci'i phyir zhe na/ dbang po rno ba'i phyir ro// rigs kyi bu
- 294b
dbang po rtul ba rnams kyi spobs pa ni mi gsal ba yin gyi/ dbang po rnon po rnams kyi ni ma yin te/ rigs kyi bu chos bcu po de dag dang ldan na/ byang chub sems dpa' rnam par dag pa'i spobs pa can rnams yin no/ / rigs kyi bu chos bcu dang ldan na/ byang chub sems dpa' sems can thams cad mgu bar byed pa'i spobs pa can rnams yin no// bcu// gang zhe na/ 'di lta ste/ 'jam par smra ba rnams yin/ bzhin 'dzum zhing khro gnyer med pa rnams yin/ don du smra ba rnams yin/ chos su smra ba rnams yin/ mtshungs par smra ba rnams yin/ mi ngom pa rnams yin/ brnyas pa dang bral ba rnams yin/ nyon mongs par 'gyur ba med pa rnams yin/ 'khrugs pa med pa rnams yin/ spobs pa sna tshogs pa rnams yin/ rigs kyi bu byang chub sems dpa' 'jam par smra ba ni 'jam par smra ba sems can rnams mgu bar byed do// byang chub sems dpa' ni bzhin 'dzum zhing khro gnyer med pa yin te/ mdangs bzang pos sems can rnams mgu bar byed do// byang chub sems dpa' don du smra ba ni tshig ran pas sems can rnams mgu bar byed do// byang chub sems dpa' chos su smra ba ni phan par smra bas sems can rnams mgu bar byed do// byang chub sems dpa' mtshungs par smra ba ni sems can thams cad la mtshungs par
- 295a
chos ston pas sems can rnams mgu bar byed do/ / byang chub sems dpa' mi ngom pa ni nga rgyal dang / dregs pa dang / rgyags pa dang bral zhing spyod pa mtshungs pas sems can rnams mgu bar byed do/ / byang chub sems dpa' brnyas pa dang bral ba ni ri mor byas shing chos bstan pas sems can rnams mgu bar byed do// byang chub sems dpa' nyon mongs par 'gyur ba med pa ni/ ngang tshul nges pas sems can rnams mgu bar byed do// byang chub sems dpa' 'khrug pa med pa ni bzod pa mang bas sems can rnams mgu bar byed do/ / rigs kyi bu byang chub sems dpa' spobs pa sna tshogs can ni dga' ba'i tshig sems can rnams mgu bar byed do// rigs kyi bu chos bcu po de dag dang ldan na/ byang chub sems dpa' sems can thams cad mgu bar byed pa'i spobs pa can rnams yin no// rigs kyi bu chos bcu dang ldan na/ byang chub sems dpa' tshig bzung ba rnams yin no/ / bcu gang zhe na/ 'di lta ste/ byang chub sems dpa' rnams snod du ma gyur pa'i sems can rnams la chos mi ston te/ zhe 'gras pa rnams la ma yin/ klan ka tshol ba rnams la ma yin/ mu stegs can rnams la ma yin/ ri mo med pa rnams la ma yin/ ma dad pa mang ba rnams la ma yin/ g.yo dang sgyus glags pa rnams la yin/
- 295b
'tsho ba'i bsam pa can rnams la ma yin/ rnyed pa dang / bkur sti dang / phrag dog dang / ser snas glags pa rnams la ma yin/ sems can glen pa rmongs pa lug ltar lkug pa'i rang bzhin can rnams la chos mi ston to/ / rigs kyi bu de ci'i phyir zhe na/ byang chub sems dpa' rnams la chos kyi ser sna yang med/ chos la slob dpon 'chab pa yang medado/ sems can rnams la ri mor mi byed pa yang med/ sems can gyi don la rgyab kyis phyogs pa yang med mod kyi/ sems can 'di dag ni de bzhin gshegs pa'i chos 'dul ba'i snod du ma gyur pa'o zhes btang snyoms su gnas pa rnams yin no/ / byang chub sems dpa' sgrib pa thams cad rnam par sel bas gsol pa/ bcom ldan 'das 'o na sems can ci 'dra ba rnams la sangs rgyas rnams dang / byang chub sems dpa' rnams chos ston/ bcom ldan 'das kyis bka' stsal pa/ rigs kyi bu sems can dad pa rnams la/ sangs rgyas rnams dang / byang chub sems dpa' rnams chos ston to// sems can dge ba'i rtsa ba smin pa rnams dang / snod du gyur pa rnams dang / sngon gyi rgyal ba la bya ba byas pa rnams dang / g.yo med pa rnams dang / sgyu med pa rnams dang / spyod lam mi 'chos pa rnams dang / rnyed pa dang / bikur ste la chags pa dang bral ba rnams dang / bsam pa phun sum
- 296a
tshogs pa rnams dang / dge ba'i bshes gnyen gyis yongs su zin pa rnams dang / tshul bzang po dang ldan pa rnams dang / legs par ston nus pa rnams dang / dbang po rno ba gang bshad pa'i don rig par 'gyur ba de thob par bya ba'i phyir/ brtson 'grub brtsam pa de bzhin gshegs pas ji skad gsungs pa bzhin byed par 'gyur ba'i sems can de lta bu dag la/ rigs kyi bu sangs rgyas rnams dang / byang chub sems dpa' rnams chos ston to// rigs kyi bu chos bcu po de dag dang ldan na/ byang chub sems dpa' tshig gzung ba rnams yin no/ / rigs kyi bu chos bcu dang ldan na/ byang chub sems dpa' chos brjod pa rnams yin no// bcu gang zhe na/ 'di lta ste sangs rgyas kyi chos yang dag par bsgrub pa'i phyir chos ston kyang / sangs rgyas kyi chos rnams dang yang dag par bsgrub pa yang mi dmigs so// pha rol tu phyin pa yang dag par bsgrub pa'i phyir chos ston kyang pha rol tu phyin pa yang dag par bsgrub pa yang mi dmigs so/ / byang chub yang dag par bsgrub pa'i phyir chos ston kyang byang chub yang dag par bsgrub pa yang mi dmigs so// mongs pa spang ba'i phyir chos ston kyang nyon mongs pa spang ba yang mi dmigs so// skyo ba dang 'dod chags dang bral ba dang 'gog pa'i phyir chos ston kyang skyo ba dang 'dod chags dang bral ba/
- 296b
dang 'gog pa yang mi dmigs so// rgyun du zhugs pa dang / lan cig phyir 'ong ba dang / phyir mi 'ong ba'i 'bras bu thob par bya ba'i phyir chos ston kyang rgyun du zhugs pa yang mi dmigs so/ / lan cig phyir 'ong ba dang / phyir mi 'ong ba yang mi dmigs/ phyir mi 'ong ba'i 'bras bu yang mi dmigs so// dgra bcom pa'i 'bras bu thob par bya ba'i phyir chos ston kyang dgra bcom pa dang dgra bcom pa'i 'bras bu yang mi dmigs so/ / rang sangs rgyas kyi 'bras bu thob par bya ba'i phyir chos ston kyang rang sangs rgyas dang rang sangs rgyas kyi 'bras bu yang mi dmigs so/ / bdag tu 'dzin pa la mngon par zhen pa spang ba'i phyir chos ston kyang bdag tu 'dzin pa yang mi dmigs/ las kyi rnam par smin pa yang 'jog mod kyi/ las dang las kyi rnam par smin pa yang mi dmigs so/ / de ci'i phyir zhe na/ de dag 'di snyam du sems te/ chos gang ming gang gis brjod pa de ming des yod pa ma yin no// de ci'i phyir zhe na/ chos nyid ni yi ge'i rang bzhin ma yin/ yi ge rnams ni chos nyid kyi rang bzhin ma yin mod kyi/ kun rdzob kyi bden pa la brten/ tha snyad la brten/ brtags pa de la brten te/ ming med pa'i chos rnams la ming du 'jog ste/ ming de yang gsob bo// gsog go// gang gsob dang gsog de la don dam pa med do// gang la don dam pa med pade brdzun te/ slu ba'i chos so//
- 297a
gang brdzun zhing smra ba'i chos de ni byis pa'i skye bo slu ba'o// rigs kyi bu chos bcu po de dag dang ldan na/ byang chub sems dpa' chos brjod pa rnams yin no// / dkon mchog sbyin bam po lnga pa// rigs kyi bu chos bcu dang ldan na/ byang chub sems dpa' chos kyi rjes su 'brang ba rnams yin no// bcu gang zhe na/ 'di lta ste/ rigs kyi bu 'di la byang chub sems dpa' rnams chos kyi rjes su'ang 'brang la/ gzugs las kyang mi 'byung / chos kyi rjes su yang 'brang la/ tshor ba dang / 'du shes dang / 'du byed rnams dang / rnam par shes pa las kyang mi 'byung / chos kyi rjes su yang 'brang la/ 'dod pa'i khams las kyang mi 'byung / chos kyi rjes su yang 'brang la gzugs kyi khams las kyang mi 'byung / chos kyi rjes su yang 'brang la/ gzugs med pa'i khams las kyang mi 'byung / chos kyi rjes su yang 'brang la/ chos las kyang mi 'byung / chos kyi rjes su yang 'brang la/ chos las 'das par yang mi 'gyur/ chos kyi rjes su yang 'brang la/ sems can gyi phyir yang mi 'brang / chos kyi rjes su yang 'brang la/ chang par lta ba'i phyir yang mi 'brang / chos kyi rjes su yang 'brang la/ lam las kyang mi 'byung ste/ de ni thabs mkhas pa dang ldan pa'i shes rab kyi phyir ro// rigs kyi bu chos bcu po de dag dang ldanan/
- 297b
byang chub sems dpa' chos kyi rjes su 'brang ba rnams yin no// rigs kyi bu chos bcu dang ldan na/ byang chub sems dpa' chos kyi dbyings la mkhas pa rnams yin no// bcu gang zhe na/ 'di lta ste/ shes rab can rnams yin/ dge ba'i bshes gnyen gyi yongs su bzung ba rnams yin/ brtson 'grus brtsams pa rnams yin/ sgrib pa thams cad dang bral ba rnams yin/ shin tu yongs su dag pa rnams yin/ gdams ngag la ri mo dang bcas pa rnams yin/ stong pa nyid la sgom pa mang ba rnams yin/ dmigs par lta ba dang bral ba rnams yin/ lam du zhugs pa rnams yin/ de kho na mthong ba rnams yin no// rigs kyi bu byang chub sems dpa' shes rab dang ldan pa ni dge ba'i bshes gnyen tshol te/ des dge ba'i bshes gnyen mthong nas dka' zhing rangs te/ de la ston par 'du shes skyed cing de la brten te gnas so// de dge ba'i bshes gnyen la bsten pas nu// mi dge ba'i chos thams cad spang ba dang / dge ba'i chos thams cad yongs su rdzogs par bya ba'i phyir brtson 'grus brtsam pa yin no// brtson 'grus brtsams pas na sgrib pa thams cad nub par 'gyur ro/ / sgrib pa med cing lam gyi rgyun ma chad pas shin tu yongs su dag cing lus dang / ngag dang / yid kyi gnas ngan len dang bral bar 'gyur ro//
- 298a
de shin tu yongs su dag pas gdam ga la ri mo dang bcas pa yin no// de gdams ngag la ri mo dang bcas pas stong pa nyid la sgom pa mang ba yin no// stong pa nyid la sgom pa mang bas dmigs pa'i lta bar mi 'gyur ro/ / de dmigs pa'i lta ba dang bral bas lam du 'jug go// de lam du zhugs pas de kho na mthong ngo // byang chub sems dpa' sgrib pa thams cad rnam par sel bas gsol pa/ bcom ldan 'das de kho na zhes bgyi ba de ci lags/ bcom ldan 'das kyis bka' stsal pa/ rigs kyi bu 'di lta ste/ de kho na zhes bya ba 'di ni yang dag pa'i don gyi tshig bla dgas so// gsol pa/ bcom ldan 'das yang dag pa zhes bgyi ba 'di ci lags/ bcom ldan 'das kyis bka' stsal pa/ rigs kyi bu gang mi slu ba de ni yang dag pa'o// gsol pa/ bcom ldan 'das mi slu ba zhes bgyi ba 'di ci lags/ bcom ldan 'das kyis bka' stsal pa/ de ni de bzhin nyid dang / ma nor pa de bzhin nyid dang / gzhan ma yin pa de bzhin nyid do// gsol pa/ bcom ldan 'das de bzhin nyid ces bgyi ba 'di ci lags/ bcom ldan 'das kyis bka' stsal pa/ rigs kyi bu chos 'di ni so so rang gis rig pa yin/ 'di ni yi ge dag gis gdams par mi nus so// de ci'i phyir zhe na/ chos 'di ni yi ge thams cad las yang dag par 'das pa/ smra ba
- 298b
thams cad las yang dag par 'das pa/ tshig gi spyod yul thams cad las yang dag par 'das pa/ ngag gi lam thams cad las dag par 'dus pa/ spros pa thams cad dang bral ba/ blang bdang / dor ba thams cad dang bral ba/ phye ba dang btsum pa thams cad dang bral ba/ rtog ge thams cad dang bral ba/ brtag par bya ba ma yin pa/ rtog ge'i spyod pa ma yin pa/ rtog ge'i spyod yul las yang dag par 'das pa/ mtshan ma med pa mtshan ma dang bral ba/ mtshan ma'i spyod yul las yang dag par 'das pa/ byis pa'i yul las 'das pa/ byis pa'i spyod yul las yang dag par 'das pa/ bdud thams cad kyi yul las yang drag par 'das pa/ nyon mongs pa thams cad kyi spyod yul las yang dag par 'das pa/ rnam par shes pa'i spyod yul las yang dag par 'das pa/ gnas pa ma yin pa/ mi gnas pa/ zhi ba/ 'phags pa'i ye shes kyi spyod yul te/ de dag nyid kyi so so rang gis rig pa/ dri ma med pa mgos pa dang / rnam par dag pa/ gya nom pa/ mchog dam pa/ phul rtag pa dang brtan pa/ ther zug mi 'jig pa'i chos can yin te/ de bzhin gshegs pa rnams byung yang rung / ma byung yang rung / chos kyi dbyings 'di ni 'dug pa kho na'o// rigs kyi bu 'di ltar byang chub sems dpa' chos nyid thos nas/ sems can dag
- 299a
kyang chos nyid 'di kho na la rab tu dgod do snyam ste/ don gang gi phyir 'bad cing rtsol ba dang / brtson 'grus rtsom pa dang / dka' ba brgya dag byed pa/ rigs kyi bu/ de ni de bzhin nyid ces bya'o// yang dag pa'i mtha' zhes bya'o// thams cad mkhyen pa nyid ces bya'o// rnam pa thams cad mkhyen pa nyid ces bya'o// bsam gyis mi khyab pa'i dbyings zhes bya'o/ / gnyis su med pa'i dbyings zhes bya'o// byang chub sems dpa' sgrib pa thams cad rnam par sel bas gsol pa/ bcom ldan 'das chos 'di ji ltar mngon du bgyi/ ji ltar khong du chud par bgyi/ bcom ldan 'das kyis bka' stsal pa/ rigs kyi bu 'jig rten las 'das pa'i shes rab kyis mngon du bya'o// rang gis rig par khong du chud par bya'o/ / byang chub sems dpa' sgrib pa thams cad rnam par sel bas gsol pa/ bcom ldan 'das gang shes rab kyis mngon du bgyi ba de/ rang gis rig pa khong du chud pa nyid ma lags sam/ bcom ldan 'das kyis bka' stsal pa/ rigs kyi bu ma yin no// de ci'i phyir zhe na/ shes rab kyis ni chos rnams yang dag pa ji lta ba bzhin du mthong ngo / / lus kyis ni mngon du byed do// byang chub sems dpa' sgrib pa thams cad rnam par sel bas gsol pa/ bcom ldan 'das rigs kyi bu gang dag
- 299b
gis thos pa las byung ba 'am/ bsam pa las byung ba'i shes pas khong du chud bar gyur pa de rang gis rig pa ma lags sam/ bcom ldan 'das kyis bka' stsal ba/ rigs kyis ma yin te/ thos pa tsam mam/ bsam pa tsam gyis ni rang gis rig pa'i chos khong du chud par mi nus so// rigs kyi bu de lta bas na dpe nyon cig/ rigs kyi bu 'di lta ste/ dper na 'brog chen por sos ka'i zla ba tha la mi la la zhig shar phyogs nas nub phyogs su 'gro la/ de nas mi gzhan zhig nub phyogs nas shar phyogs su 'ong ste/ de yang sos ka'i tsha bas yongs su gdungs par gyur nas skom gyis nyen pa de/ shar phyogs nas 'ong ba'i mi de la 'di skad ces smras pa/ kye skyes bu kho bo sos ka'i tsha bas yongs su gdungs te skom gyis nyen na/ gang na mtsho'am/ lteng ka 'am/ rdzing gang chub sil ba dang rnyog pa med pa gsal bas gang ba yod de/ gang du bdag tsha ba dang skom pa rab tu zhi bar 'gyur ba'i lam bdag la ston cig ces zer la/ shar phyogs nas 'ongs pa'i mi de yang lam shes pa/ lam la mkhas pa/ lam mthong ba/ lam gyi mtshan ma mthong ba zhig yin te/ des na chu'i zhes pa dang bral ba'i chu sngan chad mthong la/ sngon myangs shing sngon yang zhugs pa yin te/ des mi de la 'di skad du kye grogs po lam 'di nas la ma kha brag
- 300a
mthong gi bar du song la kye skye bu khyod kyis g.yon gyi lam bor te/ g.yas kyi lam nas nags tshal sngon po dang nags tshal de'i dbus na/ mtsho 'am/ lteng ka 'a rdzing chu bsil zhing dang brnyog pa med pa gsal bas gang ba mthong gi bar du song la/ der skyes bu khyod sgom pa dang / tsha ba med par byos shig ces zer na/ rigs kyi bu khyod ji snyam du sems/ sos ka'i tsha bas yongs su gdungs te/ skom gyis nyen pa'i mi nges/ chu thos ma thag dang / bsams pa tsam gyis tsha ba med par 'gyur ram/ skom pa dang bral bar 'gyur ram/ chu de'i bsil ba yang rang gis rig par 'gyur ram/ gsol pa/ bcom ldan 'das ma lags so// bcom ldan 'das mi de nam der phyin nas/ nges chu der zhugs te 'tshal bar gyur pa de'i tshe/ mi de tsha ba ma mchis par 'gyur ro// skom pa dang yang bral bar 'gyur ro// des bsil ba yang rang gis rig par 'gyur ro// bcom ldan 'das kyis bka' stsal pa/ de bzhin du rigs kyi bu thos pa tsam dang / bsams pa tsam gyis rang gis rig pa'i chos khong du chud par mi nus so// de la rigs kyi bu 'brog ces bya ba de ni 'khor ba'i 'brog gi tshig bla dgas so// mi sos ka'i tshabs yongs su gdungs shing skom gyis nyen pa zhes bya ba de ni nyon mongs pa'i gdung bas yongs su gdungs shing / yul gyi sred pas nyen pa'i sems can rnams kyi tshig bla
- 300b
dgas so/ / lam shes pa'i mi zhes bya ba 'di ni byang chub sems dpa' thams cad mkhyen pa nyid kyi lam lam bas pa chos myong ba chos rang gis rig pa rnams kyi tshig bla dgas so// chubs zhing dang la rnyog pa med pa/ gsal ba zhes bya ba 'di ni don dam pa'i chos nyid kyi tshig bla dgas so// yang rigs kyi bu dpe nyon cig/ rigs kyi bu de ji snyam du sems/ gal te de bzhin gshegs pa tshe'i tshad bskal par bzhugs te/ 'dzam bu'i gling gi mi rnams kyi mdun du 'di lta ste/ lha'i bdud rtsi dri zhim pa dang / gtsang ba dang / gya nom pa dang / shin tu zhim pa ba reg na bde ba las brtsams te bsngags par brjod na rigs kyi bu de ji snyam du sems/ TI sems can de dag gis lha'i bdud rtsi de'i bsngags par rang gis rig par 'gyur ram/ gsol pa/ bcom ldan 'das ma lags so/ / bcom ldan 'das kyis bka' sngal pa/ rigs kyi bu de bas na khyod kyis rnam grangs 'dis ji ltar thos pa tsam mam/ bsams pa tsam gyis rang gis rig pa'i chos khong du chud par mi nus par rig par bya'o/ / rigs kyi bu yang dpe nyon cig/ rigs kyi bu 'di lta ste/ dper na mi zhig shing thog gi rnam par sngon sems can sus kyang ma myangs pa zhig myang par gyur la/ des mi gzhan zhig gi mdun du shing thog gi rnam pa de'i bsngags pa 'di lta ste/ kha dog phun sum tshogs pa dang / ro phun sum tshogs pa dang / dri zhim pa las brtsam
- 301a
te brjod na rigs kyi bu de ji snyam du sems/ ci mi nges shing thog gi ro de rang gis rig par 'gyur ram/ gsol pa/ bcom ldan 'das ma lags so// bcom ldan 'das kyis bka' stsal pa/ rigs kyi bu de lta bas na khyod kyis rnam grangs 'dis ji ltar thos pa tsam mam/ bsams pa tsam gyis so so rang gis rig pa'i chos khong du chud par mi nus par rig par bya'o/ / de nas byang chub sems dpa' sgrib pa thams cad rnam par sel bas gsol pa/ bcom ldan 'das legs par gsungs so// bde bar gshegs pa shin tu leg par gsungs so/ / bcom ldan 'das chos kyi tshul 'di su dag gi rnar thos par 'gyur ba'i rigs kyi bu de dag gi chos 'di khong du chud pa nyid du rig par bgyi'o// de ci'i slad du zhe na/ bcom ldan 'das rigs kyi bu de dag gi chos 'di thob par bgyi ba la 'di nyid ma log pa'i rgyur 'gyur ro// bcom ldan 'das kyis bka' stsal pa/ rigs kyi bu de de bzhin no// de de bzhin te/ rigs kyi bu de dag gis chos 'di thob par bya ba la 'di nyid ma log pa'i rgyur 'gyur ro// rigs kyi bu chos bcu po de dag dang ldan na/ byang chub sems dpa' chos kyi dbyings la mkhas pa rnams yin no/ / rigs kyi bu chos bcu dang ldan na/ byang chub sems dpa' stong pa nyid spyod yul ba rnams yin no// bcu gang zhe na/ 'di lta ste/ stobs
- 301b
kyi stong pa nyid kyang rab tu shes/ mi 'jigs pa'i stong pa nyid kyang rab tu shes/ sangs rgyas kyi chos ma 'dres pa'i stong pa nyid kyang rab tu shes/ tshul khrims kyi phung po'i stong pa nyid kyang rab tu shes/ ting nge 'dzin gyi phung po'i stong pa nyid kyang rab tu shes/ shes rab kyi phung po'i stong pa nyid kyang rab tu shes/ rnam par grol ba'i phung po'i stong pa nyid kyang rab tu shes/ rnam par grol ba'i ye shes mthong ba'i phung po'i stong pa nyid kyang rab tu shes/ stong pa'i stong pa nyid kyang rab tu shes/ don dam pa'i stong pa nyid kyang rab tu shes te/ de'i rgyu dang / de'i rkyen de dang / gzhi des stong pa nyid du dmigs pa dang / stong pa nyid du 'dzin pa dang / stong pa nyid du lta ba dang / stong pa nyidi la gnas pa'ang mi dmigs/ rgyu de dang / rkyen de dang / gzhi nges med par yang mi lhung ngo / / rigs kyi bu chos bcu po de dag dang ldan na/ byang chub sems dpa' stong pa nyid spyod yul ba rnams yin no// rigs kyi bu chos bcu dang ldan na byang chub sems dpa' mtshan ma med pa la gnas pa rnams yin no/ / bcu gang zhe na/ 'di lta ste/ phyi rol gyi mtshan ma dang bral ba rnams yin/ nang gi mtshan ma dang bral ba rnams yin/ / spros pa thams cad dang bral ba rnams yin/ rnam par rtog pa thams cad dang bral ba rnams yin/ dmigs pa thams cad dang bral ba rnams yin/ g.yo ba thams cad dang
- 302a
bral ba rnams yin/ smra ba thams cad dang bral ba rnams yin/ dmigs par bya ba thams cad dang bral ba rnams yin/ rnam par shes pa mi dmigs pa rnams yin/ rnam par byang bar bya ba'i dngos po mi dmigs pa rnams yin no// rigs kyi bu chos bcu po de dag dang ldan na/ byang chub sems dpa' mtshan ma med pa la gnas pa rnams yin no// de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// bcom ldan 'das byang chub sems dpa' rnams kyi mtshan ma ma mchis pa la gnas pa yang de 'dra na/ de bzhin gshegs pa rnams kyi ci 'dra bar blta bar bgyi/ bcom ldan 'das kyis bka' stsal pa/ rigs kyi bu gnas 'di ni bsam gyi mi khyab bo// / de ci'i phyir zhe na/ bsam pa'i yul dang bral ba'i phyir te/ rigs kyi bu de bzhin gshegs pa'i chos nyid rjes su bsam pa na/ sems can thams cad mos par 'gyur gyi/ de bzhin gshegs pa'i chos nyid kyi pha rol lam tshu rol mthong bar mi 'gyur/ mi dmigs te/ tha mar na dub pa'i skal ba can du 'gyur ro// de ci'i phyir zhe na/ rigs kyi bu de bzhin gshegs pa ni zab cing gting dpag dka' la bsam gyis mi khyab pa/ dpag tu med pa/ rgya che ba/ nam mkha' dang 'dra ba/ rtog ge ba thams cad kyi yul las 'das pa/ dmigs pa can
- 302b
thams cad kyi yul las 'das pa ste/ de ni brtag pa'am/ bsam pa 'am/ gzhal ba 'am/ tshad gzung bar mi nus so// byang chub sems dpa' sgrib pa thams cad rnam par sel bas gsol pa/ gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ / bcom ldan 'das kyis bka' stsal pa/ rigs kyi bu khyod la de bzhin gshegs pas rtag tu skabs phyes khyod kyis dris shig/ byang chub sems dpa' sgrib pa thams cad rnam par sel bas gsol pa/ bdag stod na ni bcom ldan 'das skyes bu dam pa ma lags pa'i chos su gsungs na de ji ltar chos kyi rje bcom ldan 'das nyid bdag la bstod pa mdzad/ bcom ldan 'das kyis bka' stsal pa/ rigs kyi bu legs so legs so// khyod kyis dri ba tshul bzhin du dris so// rigs kyi bu de'i phyir legs par rab tu nyon la yid la zung zhig dang ngas khyod la bshad do/ / bcom ldan 'das legs so zhes byang chub sems dpa' sgrib pa thams cad rnam par sel ba bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ / rigs kyi bu de bzhin gshegs pa ni sems can 'di dag la ci nas kyang phan pa dang / bde ba dang / chos nyid thob par bya ba'i phyir bdag spong
- 303a
pa ma gtogs par/ nga rgyal gyi zil gyis non pa dang / rnyed pa'i zil gyis non pa dang / bkur sti'i zil gyis non pa dang / grags pa 'dod pa dang / shes kyi khe 'dod pa'i phyir tshul 'chos pa'am/ kha gsag med cing yang dag pa ma yin par bdag stod pa ma yin no// de ci'i phyir zhe na/ sems can 'di dag ni de bzhin gshegs pa la dga' ba dang / dad pa dang / rangs pa nye bar bzhag pas chos bstan pa skal ba yod par 'gyur/ dge ba'i chos rnams kyi snod du 'gyur te/ de yang de dag la yun ring por don dang / phan pa dang / bde bar 'gyur ro// byang chub sems dpa' sgrib pa thams cad rnam par sel bas gsol pa/ bcom ldan 'das ci lags/ sems can 'di dag de bzhin gshegs pa'i mthu ma 'tshal tam/ bcom ldan 'das kyis bka' stsal pa/ rigs kyi bu mi shes so// de ci'i phyir zhe na/ rigs kyi bu sangs rgyas kyi zhing 'di'i sems can rnams ni rgya chung ngu la mos pa/ dman tshegs la mos pa/ shes rab chung ba/ dad pa chung ba/ dge ba'i rtsa ba chung ngus brtan pa dag ste/ de dag gis de bzhin gshegs pa'i yon tan gyi che ba mi shes pas/ de bzhin gshegs pa bdag gi yon tan gyi bsngags pa brjod pa mdzad de/ de'ang nan gyis sgrub bo// rigs kyi bu 'di lta ste/ dper na sman pa mkhas pa zhig yod la/ sems can rnams kyang nad kyis nyen par gyur/ sa'i
- 303b
phyogs de na'ang sman pa de gcig pur zad de/ gnyis su med la/ de'i yon tan gyi che ba sus kyang mi shes pa dang / de nas sman pa de 'di snyam du sems te/ kye ma'o sems can 'di dag/ ni sdug bsngal ba/ nad kyi nyen pa/ sman la mi mkhas pa gnod pa la sten pa yin gyis/ bdag gis de dag gso bar bya'o snyam nas/ sman pa des sems can de dag gi mdun du/ kye sems can dag bdag ni sman pa ste nad la mkhas pa'o/ / nad kyi gzhi la mkhas pa'o// sman la mkhas pa'o zhes bdag gi yon tan gyi bsngags pa bdag nyid kyis brjod pa dang / sems can de dag 'di ni sman pa'o zhes bya bar shes shing / yid ches par gyur nas sman pa de la rten to// de nas sman pa de sems can de dag gso zhing nad de zhi bar byed na/ rigs kyi bu de ji snyam du sems/ sman pa de bdag la stod par 'gyur ram/ gsol pa/ bcom ldan 'das ma lags so// bcom ldan 'das kyis bka' stsal pa/ rigs kyi bu de bzhin gshegs pa yang sman pa'i rgyal po chen po bla na med pa ste/ nyon mongs pa'i nad la mkhas pa/ nyon mongs pa'i nad kyi gzhi la mkhas pa/ nyon mongs pa'i nad gso' la mkhas pachos kyi sman pa chen po stobs pa yin kyang / nyon mongs pa'i nad kyis na bar gyur pa'i sems can rnams kyis mi shes te/ nyon mongs pa'i nad kyis nad par gyur pa'i sems
- 304a
can rnams gzigs nas/ de dag gi mdun du bdag gi yon tan dang bsngags pa bdag nyid brjod de/ de nas nyon mongs pa'i nad kyis nad par 'gyur ba'i sems can de dag gis de bzhin gshegs pa'i yon tan gyi bsngags pa'i che ba thos nas yid ches par gyur pa dang / de bzhin gshegs pa la rten to// de nas de dag la de bzhin gshegs pa sman gyi rgyal po chen pos chos kyi sman de dag gis nyon mongs pa'i nad rab tu zhi bar mdzad de/ chos kyi sman chen po de dag kyang gang zhe na/ 'di lta ste/ mi sdug pa dang / byams pa dang / rten cing 'brel par 'byung la sogs pa ste/ rigs kyi bu de bzhin gshegs pa ni don gyi dbang 'di gzigs nas/ bdag la bdag nyid stong pa mdzad do// rigs kyi bu chos bcu dang ldan na/ byang chub sems dpa' rnams smon lam thams cad la gnas pa dang bral ba yin no// bcu gang zhe na/ 'di lta ste/ sbyin pa la smon kyang sbyin pa la gnas pa rnams yin/ de bzhin du tshul khrims dang / bzod pa dang / brtson 'grus dang / bsam gtan dang / shes rab dang / khams gsum pa dang / byang chub dang / lam dang / mya ngan las 'das pa la smon kyang mya ngan las 'das pa la mi gnas pa rnams yin te/ rigs kyi bu de ci'i phyir zhe na/ byang chub sems dpa' ni gnas thams cad dang bral ba ste/ mi gnas par
- 304b
'jig rten thams cad du rnam par spyod do/ / rigs kyi bu chos bcu po de dag dang ldan na/ byang chub sems dpa' smon lam thams cad la gnas pa dang bral ba rnams yin no// rigs kyi bu chos bcu dang ldan na/ byang chub sems dpa' byams pa'i bdag nyid can yin no// bcu gang zhe na/ 'di lta ste/ nyi tshe ba med pa'i byams pa dang ldan pa rnams yin/ tha dad pa med pa'i byams pa dang ldan pa rnams yin/ chos kyi byams pa dang ldan pa rnams yin/ nges par rtog pa'i byams pa dang ldan pa rnams yin/ gnod pa med pa'i byams pa dang ldan pa rnams yin/ phan pa'i byams pa dang ldan pa rnams yin/ sems can thams cad la snyoms pa'i byams pa dang ldan pa rnams yin/ gnod sems med pa'i byams pa dang / ldan pa rnams yin/ phyogs bcu kun tu khyab pa'i byams pa dang ldan pa rnams yin/ 'jig rten las 'das pa'i byams pa dang ldan pa rnams yin te/ rigs kyi bu chos bcu po de dag dang ldan na/ byang chub sems dpa' byams pa'i bdag nyid can rnams yin no// rigs kyi bu chos bcu dang ldan na/ byang chub sems dpa' snying rje'i bdag nyid can rnams yin no/ / bcu gang zhe na/ 'di lta ste/ sems can sdug bsngal ba dang / skyabs med pa dang / mgon med pa dang / rten meng pa dang / dpung gnyen med pa dag mthong na//
- 305a
byang chub tu sems bskyed do// byang chub tu sems bskyed/ chos nyid thob par bya ba'i phyir 'bad rtsol/ brtson 'grus rtsom ste/ dka' bar spyod pa brgya dag kyang byed do/ / de dag chos thob nas sems can rnams la phan par byed do// 'di lta ste/ sems can ser sna can rnams sbyin pa la gzhog par byed/ tshul khrims ngan pa can rnams tshul khrims la/ gnod sems can rnams bzod pa la/ le lo can rnams brtson 'grus la/ sems 'khrug pa rnams bsam gtan la/ sems can shes rab 'chal pa rnams mthong nas/ shes rab la gzhol bar byed kyang / sems can gyi sdug bsngal mi bzad pa/ rtsub pa/ tsha ba dag gis nyen cing / byang chub las phyir ldog par mi 'gyur ro// rigs kyi bu chos bcu po de dag dang / ldan na/ byang chub sems dpa' snying rje'i bdag nyid can rnams yin no// rigs kyi bu chos bcu dang ldan na/ byang chub sems dpa' dga' ba la gnas pa rnams yin no// bcu gang zhe na/ 'di lta ste/ bdag ni 'khor ba'i btson ra rab tu 'bar ba nas byung ba'o zhes rab tu dga' ba skyed do// bdag gis 'khor ba'i dpyang thag yun ring po nas thogs pa chod do zhes dga' ba skyed do/ / bdag ni rnam par rtog pa sna tshogs mang po'i chu srin gyis dkrug pa'i 'khor ba'i rgya mtsho las brgal to zhes rab tu dga' ba skyed do// bdag gis yun ring po nas bsgreng ba'i nga
- 305b
rgyal gyi rgyal mtshan bskal lo zhes rab tu dga' bskyed do/ / bdag gis nyon mongs pa'i ri rnams ye shes kyi rdo rjes bcom ste/ ji ltar rdul kyang mi snang ba de ltar bcom mo zhes rab tu dga' ba skyed do/ / bdag nyid ni dbugs phyin pa yin gyis/ da ni gzhan yang dbugs dbyung bar bya'o zhes rab tu dga' ba skyed do// bdag nyid ni 'jig rten gnas pa yun ring po nas gnyi la sred pa'i snyom pas yongs su zin pa gti mug gis yongs su bsgribs pa'i nang nas sad pa yin gyi/ da ni gzhan yang rnam par sad par bya'o zhes rab tu dga' ba skyed do// bdag nyid ni ngan 'gro dang / dran song dang / log par ltung ba thams cad las rnam par grol ba yin gyis/ da ni gzhan yang ngan song dang / ngan 'gro dang / log par lhung ba thams cad las rnam par grol bar bya'o zhes rab tu dga' ba skyed do/ / bdag 'khor ba'i 'brog dgon par yun ring po nas 'khyam ste/ grogs med cing gnyis su med par yang yang 'khyam zhing / lam la mkhas pa/ lam mi shes shing yul mi shes pas lam stor ba rnyed do zhes rab tu dga' ba skyed do// bdag ni thams cad mkhyen pa'i grong khyer dang nye bar gyur to zhes rab tu dga' ba skyed do/ / rigs kyi bu chos bcu po de dag dang ldan na/ byang chub sems dpa' dga' ba la gnas pa rnams yin no// rigs kyi bu chos bcu dang
- 306a
ldan na/ byang chub sems dpa' btang snyoms la gnas pa rnams yin no// bcu gang zhe na/ 'di lta ste/ mig gis rnam par shes par bya ba'i gzugs rnams la btang snyoms su gnas pa rnams yin te/ mig gis rnam par shes par bya ba'i gzugs rnams kyis smras par mi 'gyur/ gnod par mi 'gyur/ rma byung bar mi 'gyur ba rnams dang / de bzhin du rna bas rnam par shes par bya ba'i sgra rnams dang / snas rnam par shes par bya ba'i dri rnams dang / lces rnam par shes par bya ba'i ro rnams dang / lus kyis rnam par shes par bya ba'i reg bya rnams dang / yid kyis rnam par shes par bya ba'i chos rnams la btang snyoms su gnas pa rnams yin te/ yid kyis rnam par shes par bya ba'i chos rnams kyis smas par mi 'gyur/ gnod par mi 'gyur/ rma byung bar mi 'gyur ro// 'du byed kyi sdug bsngal dang / sdug bsngal gyi sdug bsngal dang / 'gyur ba'i sdug bsngal la btang snyoms su gnas pa rnams yin te/ 'du byed kyi sdug bsngal dang / sdug bsngal gyi sdug bsngal dang / 'gyur ba'i sdug bsngal gyis smras par mi 'gyur/ gnod par mi 'gyur/ rma byung bar mi 'gyur ro// bya ba byas pa'i sems can rnams la btang snyoms su gnas pa rnams yin te/ de dag la dga' ba dang / dad pa dang / rangs pa skyed cing de dag 'di
- 306b
snyam du sems te/ gang bdag gis bsgral bar bya ba de dag nyid brgal bar gyur te zhes btang snyoms su gnas pa rnams yin no// rigs kyi bu chos bcu po de dag dang ldan na/ byang chub sems dpa' btang snyoms la gnas pa rnams yin no// rigs kyi bu chos bcu dang ldan na/ byang chub sems dpa' mngon par shes pas rnam par rol bcu gang zhe na/ 'di lta ste/ shi 'pho 'ang ston/ skye ba'ang ston/ btsas pa dang / byis pa'i spyod pa dang / slas kyi nang na rtse ba'i ston/ mngon par byung ba yang ston/ dka' ba spyod pa'ang ston/ byang chub kyi snying por 'gro ba'ang ston/ bdud 'dul ba'ang ston/ mngon par rdzogs par 'tshang rgya ba'ang ston/ chos kyi 'khor lo skor ba'ang ston/ yongs su mya ngan las 'das pa chen po'ang ston to/ / de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// bcom ldan 'das rgyu gang dang rkyen gang gis byang chub sems dpa' dga' ldan gyi pho brang dam pa nas/ shi 'pho ston pa nas/ yongs su mya ngan las 'das pa chen po'i bar du ston pa 'gas/ bcom ldan 'das kyis bka' stsal pa/ rigs kyi bu dga' ldan gyi pho brang dam pa nas/ sems can gang dag rtag par 'du shes pa yod pa de dag gis/ byang chub sems dpa' 'jig rten thams cad las khyang zhugs pa/
- 307a
'jig rten thams cad las mngon par 'phags pa/ 'jig rten kun gyi phul du byung ba mi nyams pa/ 'dod pa'i yon tan rnams kyis ma gos ma chags pa/ shi 'pho bar mthong na rtag pa'i 'du shes ldog cing mi rtag pa'i 'du shes 'byung ste/ mi rtag pa'i 'du shes la gnas pas bag yod pa la gnas par 'gyur ro// rigs kyi bu dga' ldan gyi pho brang dam pan sems can gang dag bag med par spyod pa yod pa de dag byang chub sems dpa' la dga' ba yod/ dad pa yod/ rang ba yod kyang yul la mngon par zhen pas/ byang chub sems dpa'i drung du mi 'dod/ mi sten/ bsnyen bkur mi byed cing / de dag 'di snyam du sems te/ byang chub sems dpa' yang bzhugs la/ bdag cag kyang 'khod de dus kyang ring du yod kyis 'dong bar bya'o snyam du sems pa/ de dag gi bag med pa zlog pa'i phyir/ byang chub sems dpa' 'chi 'pho ston te/ de dag gis byang chub sems dpa' shi 'pho mthong nas/ skyo ba la gnas par 'gyur zhing / de dag skyo bar gyur nas bag med pa mi byed de/ bag yod pas bla na med pa yang dag par rdzogs pa'i byang chub nges par 'gyur ro// rigs kyi bu sems can gang dag skye bas 'dul ba yod pa de dag gis byang chub sems dpa' ma'i mngal na 'dug pa'i mthu mthong na/ ngo mtshar rmad du byung bar 'gyur ste/ de dag ci nas kyang bla na med pa yang dag par rdzogs pa'i byang chub tu nges par 'gyur/
- 307b
ba de lta de ltar byang chub sems dpa' ma'i mngal na 'dug bzhin du chos ston to// rigs kyi bu sems can gang dag byang chub sems dpa' btsas pa dang / byis pa'i spyod pa dang / slas kyi nang na 'dug pas yongs su smin par bya ba yod pa de dag yongs su smin par bya ba dang / dman pa la mos pa'i sems can rnams bsrung ba'i phyir/ byang chub sems dpa' btsas pa dang / byis pa'i spyod pa dang / slas kyi nang na 'dug pa ston to// rigs kyi bu sems can gang dag byang chub sems dpa' mngon par 'byung ba dang / rab tu 'byung bas yongs su smin par bya ba yod pa de dag yongs su smin par bya ba'i phyir/ byang chub sems dpa' mngon par 'byung ba ston cing rab tu 'byung ngo // rigs kyi bu sems can gang dag lha dang / klu dang / gnod sbyin dang / dri za dang / lha ma yin la sogs pa spyod pa dman pa la mos pa/ byang chub sems dpa' dka' ba'i spyod pas yongs su smin par bya ba yod pa de dag yod pa de dag yongs su smin par bya ba dang / mu stegs can gzhin tshar gcad pa'i phyir/ byang chub sems dpa' dka' ba spyod pa ston to// rigs kyi bu sems can gang dag gis yun ring po nas bdag cag gis byang chub sems dpa' byang chub kyi snying por 'gro ba'i tshe/ mchod pa'i las la brtson par bya'o zhes smon lam btab pa yod pa de dag la/ byang chub sems dpa' byang chub kyi snying por 'gro ba ston la/ de dag kyang byang chub sems dpa'
- 308a
'gro ba la so so'i tshul bzhin du mchod pa byed do/ / de dag gis byang chub sems dpa' la mchod pa byas pas/ bla na med pa yang dag par rdzogs pa'i byang chub tu nges par 'gyur ro/ / rigs kyi bu sems can gang dag nga rgyal dang / rgyags pa dang / dregs pas rlom pa yod de/ de dag de las bzlog pa'i phyir byang chub sems dpa' byang chub kyi snying po la 'dug cing / bdud btul ba ston to// sems can gang zhi ba la gnas pa de dag las gong du khyad par thob par bya ba'i phyir byang chub sems dpa' mngon par rdzogs par 'tshang rgya ba ston to/ / gang gi tshe byang chub sems dpa' mngon par rdzogs par 'tshang rgya ba de'i tshe/ stong gsum gyi stong chen po'i 'jig rten gyi khams na sgra sna tshogs dang / ca co sna tshogs gang yod pa de dag thams cad med cing stong gsum gyi stong chen po'i 'jig rten gyi khams kyang zhi bar 'gyur te/ de dag gis mthu de mthong nas bdag cag kyang de ltar byang chub kyi snying po la 'khod do// bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes smon lam 'debs so/ / rigs kyi bu sems can gang ston par bkur ba dang / ston par khas 'che la/ de dag gis 'byung ba dang / phyi ma'i chos mngon par rdzogs par sangs ma rgyas pa yod pa de dag tshar gcod pa dang / sems can dge ba'i rtsa ba yongs su smin cing snod du gyur pa rnams
- 308b
la lam bstan pa'i phyir byang chub sems dpa' byang chub tu mngon par rdzogs par sangs rgyas pa/ ka shi ka'i grong rdal du song nas lan gsum du bzlas te rnam pa bcu gnyis pa'i chos kyi 'khor le skor ro/ / rigs kyi bu sems can gang dag yongs su mya ngan las 'das pas 'dul ba yod de/ de dag 'dul ba'i phyir byang chub sems dpa' yongs su mya ngan las 'das pa ston te/ rigs kyi bu 'di ni rgyu/ 'di ni rkyen te/ des byang chub sems dpa' dga' ldan gyi pho brang dam pa nas/ shi 'pho ston cing yongs su mya ngan las 'das pa chen po'i bar du ston to// rigs kyi bu chos bcu po de dag dang ldan na/ byang chub sems dpa' mngon par shes pas rnam pa rol pa rnams yin no// rigs kyi bu chos bcu dang ldan na/ byang chub sems dpa' mi khom pa brgyad rnam par spangs pa rnams yin no/ / bcu gang zhe na/ 'di lta ste/ mi dge ba'i chos las phyir ldog pa rnams yin/ de bzhin gshegs pas bslab pa bcas pa las mi 'da' ba rnams yin/ ser sna dang bral ba rnams yin/ sngon gyi rgyal ba la bya ba byas pa rnams yin/ bsod nams bya ba la brtson pa rnams yin/ shes rab phun sum tshogs pa rnams yin/ thabs la mkhas pa rnams yin/ smon lam phun sum tshogs pa rnams yin/ skyo ba mang ba rnams yin/ brtson 'grus brtsams pa rnams yin no// rigs kyi bu byang chub
- 309a
sems dpa' ni mi dge ba'i las mngon par 'du bya ba gang gis sems can dmyal ba dag tu skye zhing / de dag tu skyes nas kyang / tshor ba mi bzad pa/ rtsub pa/ tsha ba/ yid du mi 'ong ba myong bar 'gyur ba'am/ yun ring por gnas par 'gyur ba 'am/ sems can dmyal ba'i sems can de dag la gnos pa'i sems skyed par 'gyur ba de lta bur mi 'gyur/ gyi/ byang chub sems dpa' ni rang bzhin gyis dge ba bcu'i las kyi lam dang ldan pa yin te/ de ltar na de na sems can dmyal bar skye bar mi 'gyur ro// rigs kyi bu byang chub sems dpa' ni de bzhin gshegs pas bslab pa bcas pa las mi 'da' ba gang gis dud 'gro'i nang du skye bar 'gyur ba'am/ de dag tu skyes nas kyang dud 'gro'i sdug bsngal mi bzad pa myong bar 'gyur ba med do/ / rigs kyi bu byang chub sems dpa' ni gang ser sna 'gyur ba rgyu de dang / rkyen de dang / gzhi des yi dgas kyi nang du skye zhing / de dag tu skyes nas kyang yi dgas kyi sdug bsngal mi bzad pa rtsub pa myong bar 'gyur ba med/ byang chub sems dpa' ni gang du skyes pas dge ba'i bshes gnyen dang 'grogs pa thob pa'i rkyen dang bral bar 'gyur ba'i log par lta ba'i rigs su mi skye'o/ / de ci'i phyir zhe na/ byang chub sems dpa' rnams ni sngon spyad pa ste/ sngon gyi rgyal ba la bya ba byas pa yin pas de dag yang dag par lta ba'i rig su skye ba
- 309b
yin te/ de dag tu skyes nas kyang rkyen phun sum tshogs par 'gyur zhing / rkyen de dag de bas kyang 'phel ba dang / rgyas pa dang / rangs par 'gyur ro// byang chub sems dpa' ni dbang po ma tshang ba'i rnam pa gang gis sangs rgyas kyi chos rnams kyi snod du mi rung bar 'gyur bar dbang po dang mi ldan par 'gyur ba ma yin gyi/ byang chub sems dpa' ni bsod nams bya ba la brtson zhing bsod nams kyis brtan pa yin te/ de bzhin gshegs pa'i mchod rten nam/ chos sam/ dge 'dun la bya ba gang byas shing bsnyen pa dang / bsten pa dang / bsgoms pa dang / mang du byas pas/ dbang po phun sum tshogs par 'gyur ba'i bya ba de dang de dag byed cing / dbang po phun sum tshogs pas sangs rgyas kyi chos rnams kyi snod du 'gyur ba yin no/ / byang chub sems dpa' rnams mtha' 'khob kyi yul gang na sems can blun po rmongs pa lug ltar lkugs pa'i ngang tshul can/ skal ba med pa/ legs par bshad pa dang nyes par bshad pa'i don shes par bya ba'i mthu med pa/ sangs rgyas kyi chos rnams kyi snod du ma gyur pa/ mar mi 'dzin pa/ phar mi 'dzin pa/ dge sbyong du mi 'dzin pa/ bram zer mi 'dzin padag gi nang du mi skye'o/ / byang chub sems dpa' ni dbus kyi yul gang na sems can dbang po rno ba/ dbang po gsal ba/ mkhas pa mkhas par bkur ba/ skal ba yod pa/ leg
- 310a
par bshad pa dang nyes par bshad pa'i don yongs su shes par bya ba'i mthu yod cing / sangs rgyas kyi chos rnams kyi snod du gyur pa/ mar 'dzin pa/ phar 'an pa dge sbyong du 'dzin pa/ bram zer 'dzin pa dag gi nang du skye'o// de ci'i phyir zhe na/ sngon gyi shes rab dang ye shes kyi stobs kyi mthu dang ldan pa'i phyir ro// byang chub sems dpa' rnams ni gang na gnas pas sangs rgyas skyes pa du ma 'bras bu med par 'gyur ba dang / sems can gyi don 'grib par 'gyur ba lha tshe ring po'i nang du mi skye'o// byang chub sems dpa' rnams ni 'dod pa'i khams nyid du gang na sems can gdul bar bya ba dang / sangs rgyas skyes pa mnyes par byar yod pa skye'o// de ci'i phyir zhe na/ de ni thabs la mkhas pa'i phyir ro// byang chub sems dpa' rnams ni gang na sangs rgyas mi bzhugs pa dang / chos mi thos pa dang / dge 'dun la bsnyen bkur byar med pa'i sangs rgyas kyi zhing stong pa dag tu mi skye'o// byang chub sems dpa' rnams ni// dkon mchog gsum phun sum tshogs pa'i sangs rgyas kyi zhing dag tu skye'o// de ci'i phyir zhe na/ 'di ni sngon gyi smon lam phun sum tshogs pa'i phyir ro// byang chub sems dpa' rnams kyi gan de lta bu dag thos kyang skyo ba mi mang ba dang / dmu rgod kyi ngang tshul can ma yin gyi/ byang chub sems dpa' rnams ni gnas 'di lta bu dag thos ma thag tu skyo bar gyur nas mi dge ba'i chos 'di
- 310b
dag spang ba'i phyir dge ba'i chos rnams la brtson 'grus brtsams pa yin no/ / rigs kyi bu chos bcu po de dag dang ldan na/ byang chub sems dpa' mi khom pa brgyad rnam par spangs pa rnams/ yin no// rigs kyi bu chos bcu dang ldan na/ byang chub sems dpa' byang chub kyi sems ma stor ba rnams yin no// bcu gang zhe na/ 'di lta ste/ g.yo dang sgyu med de drang zhing gya gyu med la sems dang ba rnams yin/ sangs rgyas kyi chos rnams dang / de 'dzin pa'i gang zag rnams la yid gnyis dang / nem nur dang / the tsom med pa rnams yin/ chos la slob dpon gyi dpe mkhyud dang bral ba rnams yin/ chos kyi ser sna dang bral ba rnams yin/ chos kyis 'phongs par 'gyur ba'i las kyi mtha' dang bral ba rnams yin/ ji skad du smras pa de lta bur byed de mi slu ba rnams yin/ theg pa chen po yongs su 'dzin pa rnams yin/ de yongs su 'dzin pa'i gang zag rnams la chos dang mtshungs pa'i 'du shes kyis zhes dang ri mo dang bcas pa rnams yin/ theg pa chen po la gzhol/ theg pa chen po la 'bab/ theg pa chen po la bab pa rnams yin/ chos smra ba'i gang zag rnams la ston par 'du shes pa dang / dge ba'i bshes gnyen du 'du shes skyed pa rnams yin te/ rigs kyi bu chos bcu po de dag dang ldan na/ byang chub sems dpa' byang chub kyi sems ma stor ba rnams yin no//
- 311a
rigs kyi bu chos bcu dang ldan na/ byang chub sems dpa' tshe rabs dran pa rnams yin no// bcu gang zhe na/ 'di lta ste/ sangs rgyas mang po la bsnyen bkur byas pa/ rnams yin/ dam pa'i chos yongs su 'dzin pa rnams yin/ tshul khrims yongs su dag pa rnams yin/ 'gyod pa med pa rnams yin/ sgrib pa med pa rnams yin/ dga' ba mang ba rnams yin/ sgom pa mang ba rnams yin/ sems mnyam par gzhag pa rnams yin/ rdzus te skye ba rnams yin/ rnam par shes pa ma rmongs pa rnams yin te/ rigs kyi bu sangs rgya/ mang po la bsnyen bkur byas pa'i byang chub sems dpa' ni dam pa'i chos la rim gro yod cing bkur sti yod pa yin/ dam pa'i chos yongs su 'dzin pa'i gang zag rnams la rim gro yod cing bkur sti yod pa yin te/ rgyu de dang / rkyen de dang / gzhi des lus dang srog la mi lta bar dam pa'i chos yongs su 'dzin cing 'chang ngo // klog go/ kun chub par byed do// gzhan la yang rgya cher ston to/ / de dam pa'i chos yongs su 'dzin pa la brtson pas/ 'di lta ste/ lus dang / ngag dang / sems kyi tshul khrims rnam par dag pa yin/ tshul khrims yongs su dag pas 'gyod pa med pa yin te/ de yang rim gro med pa ma yin gyi/ tshul khrims yongs su dag pa'i phyir ro// 'gyod pa med pas sgrib pa med pa yin/ sgra bi pa med pas
- 311b
dga' ba mang ba yin/ dga' ba mang bas sgom pa mang ba yin/ sgom pa mang bas sems mnyam par gzhag par 'gyur ro// sems mnyam par bzhag pas 'gro ba yongs su dag/ par 'gyur/ 'gro ba yongs su dag pas rdzus te skye bar 'gyur/ rdzus te skyes pas rnam par shes pa rmongs pa yin no// rnam par shes pa ma rmongs pa'i phyir tshe rabs dran pa yin te/ tshe rabs gcig kyang rjes su dran no// gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu nas/ tshe rabs brgya stong du ma'i bar du rjes su dran no/ / rigs kyi bu chos bcu po de dag dang ldan na/ byang chub sems dpa' tshe rabs dran pa rnams yin no// rigs kyi bu chos bcu dang ldan na/ byang chub sems dpa' dge ba'i bshes gnyen dang ma bral ba rnams yin no// bcu gang zhe na/ 'di lta ste/ sangs rgyas mthong ba dang / thos pa dang / dran pa dang ma bral ba rnams yin chos mnyan pa dang ma bral ba rnams yin/ dge 'dun mchod cing bsnyen bkur dang ma bral ba rnams yin/ sangs rgyas dang byang chub sems dpa' rnams la gus par smra ba dang / phyag bya ba dang / ldang ba dang / thal mo sbyar ba dang / 'dud pa'i las dang ma bral ba rnams yin/ mang du thos pa'i gang zag chos smra ba rnams dang ma bral ba rnams yin/ pha rol tu phyin pa
- 312a
mnyan pa dang ma bral ba rnams yin/ / byang chub kyi phyogs chos mnyan pa dang ma bral ba rnams yin/ rnam par thar pa'i sgo gsum mnyan pa dang ma bral ba rnams yin tshangs pa'i gnas bzhi mnyan pa dang ma bral ba rnams yin/ thams cad mkhyen pa nyid mnyan pa dang ma bral ba rnams yin te/ rigs kyi bu chos bcu po de dag dang ldan na/ byang chub sems dpa' dge ba'i bshes gnyen dang ma bral ba rnams yin no/ / rigs kyi bu chos bcu dang ldan na/ byang chub sems dpa' sdig pa'i grogs po yongs su spangs pa rnams yin ni// bcu gang zhe na/ 'di lta ste/ tshul khrims nyams pa'i gang zag rnam par spangs pas sdig pa'i grogs po yongs su spangs par rig par bya'o// lta ba nyams pa'i gang zag rnam par spangs pa dang / cho ga nyams pa'i gang zag rnam par spangs pa dang / 'tsho ba nyams pa'i gang zag rnam par spangs pa dang / 'du 'dzi la dga' ba'i gang zag rnam par spangs pa dang / le lo can gyi gang zag rnam par spangs pa dang / 'khor ba la dga' ba'i gang zag rnam par spangs pa dang / byang chub la rgyab kyis phyogs pa'i gang zag rnam par spangs pa dang / khyim pa dang sten pa rnam par spangs pa dang / nyon mongs pa thams cad rnam par spangs pas sdig pa'i grogs po rnam par spangs par rig par bya'o// rigs kyi bu byang chub sems dpa' des gnas
- 312b
'di dag rnam par spangs pa'i tshe/ gang zag de dag la zhe sdang gi sems bskyed par mi bya'o// khong khro ba'i sems dang / brnyas pa'i sems bskyed par mi bya'i/ des 'di ltar bcom ldan 'das kyis kyang sems can rnams ni khams so sor ston te/ sten par gyur nas chud za bar 'gyur ro zhes bka' stsal gyis/ de bas na bdag gis ston pa yongs su spangs par sems nye bar gzhag par bya'o/ / rigs kyi bu chos bcu po de dag dang ldan na/ byang chub sems dpa' sdig pa'i grogs po yongs su spangs pa rnams yin no// rigs kyi bu chos bcu dang ldan na/ byang chub sems dpa' de bzhin gshegs pa'i sku'i chos nyid thob par 'gyur ro// bcu gang zhe na/ 'di lta ste/ lus mnyam pa rnams yin/ lus yongs su dag pa rnams yin/ lus rma med pa rnams yin/ lus legs par sgrub pa rnams yin/ chos kyi lus rnams yin/ lus brtag par bya ba ma yin zhing gting dpag dka' ba rnams yin/ lus bsam gyis mi khyab pa rnams yin/ lus zhi ba rnams yin/ lus nam mkha' dang mtshungs pa rnams yin/ ye shes kyi lus dang ldan pa rnams yin no// rigs kyi bu chos bcu po de dag dang ldan na/ byang chub sems dpa' de bzhin gshegs pa'i sku'i chos nyid 'thob par 'gyur ro// byang chub sems dpa' sgrib pa thams cad rnam par sel bas
- 313a
gsol pa/ bcom ldan 'das gang dang gang gi tshe/ byang chub sems dpa' rnams kyi de bzhin gshegs pa'i sku'i chos nyid 'thob par 'gyur/ bcom ldan 'das/ kyis bka' stsal pa/ rigs kyi bu sa dang po la gnas pa'i byang chub sems dpa' lus mnyam pa nyid 'thob bo// de ci'i phyir zhe na/ lus kyi mi mnyam pa thams cad dang bral ba dang / byang chub sems dpa' thams cad ngab mnyam pa nyid du gyur pa'i phyir ro// sa gnyis pa la byang chub sems dpa' tshul khrims yongs su dag pa'i phyir lus yongs su dag pa 'thob bo// sa gsum pa la byang chub sems dpa' khro ba dang gnod sems thams cad dang bral ba'i phyir lus rma med pa thob bo// sa bzhi pa la byang chub sems dpa' sangs rgyas kyi chos yongs su grub pa'i phyir lus legs par grub pa thob bo/ / sa lnga pa la byang chub sems dpa'i chos thams cad rab tu rtogs pa'i phyir chos kyi lus 'thob bo// sa drug pa la brtag par bya ba ma yin zhing gting dpag dka' ba'i chos yongs su grub pa'i phyir lus brtag par bya ba ma yin zhing gting dpag dka' ba 'thob bo/ / sa bdun pa la sangs rgyas kyi chos yongs su grub pa dang / thabs mkhas pa yang dag par grub pa'i phyir lus bsam gyis mi khyab pa thob bo/ / sa brgyad pa la spros pa thams cad dang bral ba dang nyon mongs pa med pa'i phyir lus zhi ba 'thob bo//
- 313b
sa dgu pa la lus tshad med pas khyab pa'i phyir lus nam mkha' dang mtshungs pa 'thob bo// sa bcu pa la byang chub sems dpa' ye shes kyi lus 'thob bo// de ci'i phyir zhe na/ shes par bya/ ba thams cad yang dag par grub pa'i phyir ro// byang chub sems dpa' sgrib pa thams cad rnam par sel bas gsol pa/ bcom ldan 'das ci lags/ de bzhin gshegs pa'i sku'i chos nyid dang byang chub sems dpa'i lus kyi chos nyid la tha dad du bgyi ba mchis sam/ bcom ldan 'das kyis bka' stsal pa/ rigs kyi bu lus tha dad pas tha dad du bya ba med de/ yon tan gyi mthus ni tha dad du bya ba yod do/ / byang chub sems dpa' sgrib pa thams cad rnam par sel bas gsol pa/ bcom ldan 'das ji ltar lus tha dad pas tha dad du bgyi ba ma mchis la/ yon tan gyi mthus tha dad du bgyi ba mchis pa lags/ bcom ldan 'das kyis bka' stsal pa/ rigs kyi bu lus lus zhes bya ba 'di ni tha dad pa med pa ste/ de ci'i phyir zhe na/ lus lus su brjod pa'i mtshan nyid gcig pa'i phyir ro/ / yon tan dang mthu'i mtshan nyid tha dad par blta'o// byang chub sems dpa' sgrib pa thams cad rnam par sel bas gsol pa/ bcom ldan 'das ji ltar gang lha bur yon tan gyi mthu'i mtshan nyid tha dad du blta bar bgyi/ bcom ldan 'das kyis bka' stsal pa/ rigs kyi bu de bas ni don 'di nyid khong du chud par bya ba'i phyir khyod la dpe bya'o// rigs kyi bu 'di
- 314a
lta ste/ dper na byi dor ma byas pa'i nor bu rin po che dang / byi dor byas pa'i nor bu rin po che ni 'di lta ste/ nor bu rin po che nor bu rin po che zhes bya ba nor bu rin po che'i grangs su 'gro mod kyi/ ji ltar byi dor byas pa'i nor bu rin po che mthu dang yid du 'ong bas khyab par byed pa ltar ni/ byi dor ma byas pa ma yin no// de bzhin du byang chub sems dpa'i lus nor bu rin po che yang de bzhin gshegs pa'i sku nor bu rin po che dang bcas su de bzhin gshegs pa'i sku'i chos nyid kyi grangs su 'gro mod kyi/ byang chub sems dpa'i lus nor bu rin po che ni/ de bzhin gshegs pa'i sku nor bu rin po che'i drung du yongs su dag pa zhes mi brjod do/ / de ci'i phyir zhe na/ de bzhin gshegs pa'i sku nor bu rin po che ni sems can gyi khams tshad med ba dang nam mkha'i khams tshad med pa'i 'od kyis khyab par byas te gnas so/ / de ci'i phyir zhe na/ de ni shin du yongs su dag pa dang dri ma thams cad dang bral ba'i phyir te/ byang chub sems dpa'i lus nor bu rin po che ni/ de tsam du khyab par byed pa ma yin no/ / de ci'i phyir zhe na/ de ni de ltar dri ma'i lhag ma las pa'i phyir ro// rigs kyi bu 'di lta ste/ dper na tshes gnyis kyi zla ba ni zla ba zhes bya ba'i grangs su 'gro ba nas/ zla ba nya'i bar gyi zla ba yang zla ba zhes bya ba'i grangs su 'gro mod kyi/ tshes gnyis kyis zla ba ci 'dra ba de lta bur zla ba nye ba ma yin no// de ci'i phyir zhe na/ 'di ni de ltar chos nyid
- 314b
thob pa'i phyir te/ rigs kyi bu de bzhin du byang chub sems dpa'i lus dang / de bzhin gshegs pa'i skur bcas te/ lus kyi grangs su 'gro mod kyi/ byang chub sems dpa'i lus ni de bzhin gshegs pa'i sku'i drung na lham mer mi 'gyur/ lhan ner mi 'gyur/ lhang nger mi 'gyur ro// rigs kyi bu 'di lta ste/ dper na zla ba nya da'i drung na tshes gnyis kyi zla ba ji lta ba de bzhin du de bzhin gshegs pa'i sku dang byang chub sems dpa'i lus kyang lus su brjod pa'i mtshan nyid kyis mtshan nyid gcig mod kyi/ yon tan gyi mthu'i mtshan nyid kyis ni ma yin no// rigs kyi/ bu chos bcu dang ldan na/ byang chub sems dpa' lus rdo rje lta bur sra ba rnams yin no// bcu gang zhe na/ 'di lta ste/ 'dod chags dang / zhe sdang dang / gti mug dag gis mi tshugs pa rnams yin/ khro ba dang / gnod sems kyi tha ba dang / dri ma dang / nga rgyal dang / rgyags pa dang / dregs pa dang lta ba phyin ci log dag gis mi tshugs pa rnams yin/ 'jig rten gyi chos brgyad po dag gis mi tshugs pa rnams yin/ ngan song gi sdug bsngal thams cad kyis mi tshugs pa rnams yin/ sems can gyi sdug bsngal mi tshugs pa rnams yin/ skye ba dang / rga ba dang / na ba dang / 'chi ba'i sdug bsngal dag gis mi tshugs pa rnams yin/ mu stegs can dang phas kyi rgol ba thams cad kyis mi tshugs pa rnams yin/ bdud thams cad dang / bdud kyi ris su gtogs pa'i lha thams
- 315a
cad kyis mi tshugs pa rnams yin/ nyan thos dang rang sangs rgyas thams cad kyis mi tshugs pa rnams yin/ 'dod pa la spyod pa thams cad kyis mi tshugs pa rnam yin te/ rigs kyi bu chos bcu po de dag dang ldan na/ byang chub sems dpa' lus rdo rje ltar sra ba rnams yin no// rigs kyi bu chos bcu dang ldan na/ byang chub sems ded dpon chen po rnams yin no/ / bcu gang zhe na/ 'di lta ste/ bkur ba rnams yin/ mchod par 'os pa rnams yin/ phyin par byed pa rnams yin/ brten par bya ba rnams yin/ 1 bar 'tsho bar bya ba rnams yin/ brgyags shin tu phun sum tshogs pa rnams yin/ tshogs shin tu bsags pa rnams yin/ mi ngoms pa rnams yin/ thog mar 'gro ba rnams yin/ thams cad mkhyen pa nyid kyi grong khyer chen por phyin par bya ba la mkhas par bya ba rnams yin no/ / rigs kyi bu de la ji ltar na byang chub sems dpa' bkur ba yin pa nas/ ji ltar na thams cad mkhyen pa nyid kyi grong khyer chen por phyin par bya ba la mkhas pa'i bar du yin zhe na/ rigs kyi bu 'di lta ste/ dper na ded dpon chen po ni rgyal po dang rgyal po'i blon po chen po dag gis bkur ba yin no/ / de bzhin du byang chub sems dpa' ded dpon chen po yang sangs rgyas rnams dang / sangs rgyas kyi nyan thos rnams kyis bkur ba yin no// rigs kyi bu 'di lta ste/ dper na ded dpon
- 315b
chen po ni bram ze dang / rgyal rigs dang / grong pa dang / yul gyi mi rnams kyis mchod par 'os pa rnams yin no// de bzhin du byang chub sems dpa' ded dpon chen po yang slob pa dang / mi slob pa dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag gis mchod par 'os pa yin/ no// rigs kyi bu 'di lta ste/ dper na ded dpon chen po ni 'brog dgon par 'gron po mang po 'phyan pas gtses pa dag legs par bde zhing yongs su mi skyo bar phyin par byed pa yin no// de bzhin du byang chub sems dpa' ded dpon chen po yang 'khor ba'i 'brog dgon pa chen po'i nang na/ sems can 'gron po mang po nyon mongs pa'i 'phyan pas gtses pa legs par bde zhing yongs su mi skyo bar phyin par byed pa yin no/ / rigs kyi bu 'di lta ste/ dper na ded dpon chen po la brten na/ sdug bsngal ba dang / 'phongs pa dag 'brog dgon pa nas 'byung bar 'gyur ro/ / de bzhin du byang chub sems dpa' ded dpon chen po la brten na/ mu stegs can gzhan spyod pa can dang / kun tu rgyu dang / gcer bu pa rnams 'brog dgon pa chen bo nas 'byung bar 'gyur ro/ / rigs kyi bu 'di lta ste/ dper na ded dpon chen po ni rgyal po dang / las byed pa'i mi dang / zho shas 'tsho ba dang / de ma yin pa'i sems can gzhan
- 316a
rnams nye bar 'tsho ba yin no/ / de bzhin du byang chub sems dpa'aded dpon chen po yang 'khor ba la mngon par dka' ba'i sems can rnams nye bar 'tsho ba yin no// rigs kyi bu 'di lta ste/ dper na ded dpon chen po ni nam phyogs su 'gro bar chas te/ 'gron po mang po dang lhan cig tu grong khyer chen por phyin par bya ba'i phyir 'brog dgon par zhugs pa de'i tshe/ grong khyer chen por phyin gyi bar du brgyags phun sum tshogs pas 'brog dgon pa de nas legs par bde zhing yongs su skyo ba med par 'byung bar byed do// de bzhin du byang chub sems dpa' ded dpon chen po yang nam sangs rgyas kyis rten pa'i phyogs su 'gro bar 'dod cing / sems can 'gron po mang po ded de/ 'khor ba'i 'brog dgon pa chen por 'jug par 'dod la thams cad mkhyen pa nyid kyi grong khyer chen por phyin par bya bar 'dod pa de'i tshe/ bsod nams kyi brgyags kyi tshogs shin tu phun sum tshogs par 'gro'o// rigs kyi bu 'di lta ste/ dper na/ ded dpon chen po ni 'tsho ba'i yo byad 'di lta ste/ gser dang / nor bu dang / mu tig dang / bai DUR+Ya dang / dung dang / man shel dang / byu ru la sogs pa mang po bsags shing phyogs su 'gro'o/ / de bzhin du byang chub sems dpa' ded dpon chen po yang nam thams cad mkhyen pa nyid kyi grong khyer chen por mngon par zhugs pa de'i tshe sangs rgyas kyi chos kyi tshogs shin tu
- 316b
bsags shing 'gro'o/ / rigs kyi bu 'di lta ste/ dper na ded dpon chen po ni nor bsags pas chog mi shes pa yin no// de bzhin du byang chub sems dpa' ded dpon chen po yang chos kyi nor bsags pas chog mi shes pa yin no/ / rigs kyi bu 'di lta ste/ dper na ded dpon chen po ni 'di lta ste/ nor phun sum tshogs pa dang / gtso bo dang / dbang yod pa dang / ngag mnyan pas 'gron po mang po thams cad kyi thog mar 'gro ba yin no/ / de bzhin du byang chub sems dpa' ded dpon chen po yang 'di lta ste/ yon tan phun sum tshogs pa dang / yongs kyi gtso bo dang / chos la dbang ba dang / ma log par smra bas sems can 'gron pa mang po thams cad kyi thog mar 'gro ba yin no// rigs kyi bu 'di lta ste/ dper na ded dpon chen po ni grong khyer chen por phyin par bya ba la mkhas pa yin no/ / de bzhin du byang chub sems dpa' ded dpon chen po yang thams cad mkhyen pa nyid kyi grong khyer chen por phyin par bya ba la mkhas pa yin te/ rigs kyi bu de ltar na byang chub sems dpa' bkur ba yin pa nas/ thams cad mkhyen pa nyid kyi grong khyer chen por phyin par bya ba la mkhas pa'i bar du yin no// rigs kyi bu chos bcu po de dag dang ldan na/ byang chub sems dpa' ded dpon chen po rnams yin no/ / rigs kyi bu chos bcu dang ldan na/ byang chub sems dpa' lam la mkhas pa rnams yin no// bcu gang zhe na/ 'di lta ste/
- 317a
lam mnyam pa yang rab tu shes/ lam nyam nga ba rab tu shes/ lam bde ba yang rab tu shes/ 'jam pa'i lam yang rab tu shes/ lam chu che ba dang chu med pa yang rab tu/ shes/ lam gyi dgongs mal dag kyang rab tu shes/ lam gyi tshugs dag kyang rab tu shes/ lam 'khyog pa dag kyang rab tu shes// lam drang po dag kyang rab tu shes/ lam 'byung ba yang rab tu shes so/ / rigs kyi bu chos bcu po de dag dang ldan na/ byang chub sems dpa' lam la mkhas pa rnams yin no// rigs kyi bu chos bcu dang ldan na/ byang chub sems dpa' lam ma log par ston pa rnams yin no/ / bcu gang zhe na/ 'di lta ste/ theg pa chen pos 'dul ba'i sems can rnams la byang chub sems dpa' lam ston gyi/ nyan thos kyi lam mi ston to// nyan thos kyis 'dul ba'i sems can rnams la nyan thos kyi lam ston gyi/ byang chub sems dpa'i lam mi ston to// thams cad mkhyen pas 'dul ba'i sems can rnams la thams cad mkhyen pa nyid kyi lam ston gyi/ rang sangs rgyas kyi lam mi ston to// rang sangs rgyas kyis 'dul ba'i sems can rnams la rang sangs rgyas kyi lam ston gyi/ thams cad mkhyen pa nyid kyi lam mi ston to// bdag tu 'dzin pa la mngon par zhen pa'i sems can rnams dang / chos su 'dzin pa la mngon par zhen pa rnams la bdag med pa'i lam dang stong pa nyid kyi lam ston gyi/ bdag nga da/ sems can
- 317b
dang / srog dang / gso ba dang / skyes bu dang / gang zag gi lam mi ston to// mtha' gnyis la gnas pa'i sems can rnams la mtha' gnyis dang bral ba'i lam ston gyi/ mtha' gnyis la gnas pa mi ston to/ / sems g.yengs pa'i sems can rnams la zhi gnas dang lhag mthong gi lam ston gyi/ g.yeng ba'i lam mi ston to// spros pa la mngon par dga' ba'i sems can rnams la de bzhin nyid kyi lam ston gyi/ byis pa spros pa la dga' ba'i lam mi ston to// 'khor ba la mngon par dga' ba'i sems can rnams la mya ngan las 'das pa'i lam ston gyi/ 'khor ba'i lam mi ston to/ / lam gol bar zhugs pa'i sems can rnams la lam srol ma dod pa ma yin pa dang / tsher ma med pa'i lam ston gyi/ nyon mongs pa'i tsher mas gang ba'i lam mi ston to// rigs kyi bu chos bcu po de dag dang ldan na/ byang chub sems dpa' lam ma log par ston pa rnams yin no// rigs kyi bu chos bcu dang ldan na/ byang chub sems dpa' rtag tu rgyun mi 'chad pabar sems mnyam par gzhag pa rnams yin no/ / bcu gang zhe na/ 'di lta ste/ lus la dran pa shin tu nye bar gzhag cing gnas so// tshor ba rnams dang / sems rnams dang / chos rnams dang / yul rnams dang / dgon pa rnams dang / grong dang / grong rdal dang / ljongs dang / yul 'khor dang / rgyal po'i pho brang 'khor rnams dang / rnyed pa dang / bkur sti dang / grags pa dang / sgra dang
- 318a
tshigs su bcad pa rnams dang / de bzhin gshegs pas bslab pa bcas pa rnams dang / nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin tu nye bar gzhag cing gnas so/ / rigs kyi bu de la ji ltar na byang chub sems dpa' lus la dran pa shin tu nye bar gzhag cing gnas she na/ rigs kyi bu 'di la byang chub sems dpa' gang lus dang ldan pa'i sdig pa mi dge ba'i chos de dag yang dag pa'i shes rab kyis rab tu brtags shing yongs su spong ngo / / de'i 'og gi rkang pa'i mthil nas brtsams te yar na klad pa'i bar du lus kyi nyes pa la rtog go/ lus la bdag med par yang rtog go// lus mi brtan pa dang / 'jig pa dang / chu rgyus kyis grags pa dang / dri mi zhim pa dang / dri nga ba dang / kha dog mi sdug par rtog ste/ de de ltar rtog pa'i tshe/ gang lus la lus su 'dod pa dang / lus la 'dod chags pa dang / lus la dga' ba dang / lus la bdag gir 'dzin pa dang / lus la zhen pa dag mi 'byung ste/ rgyu de dang / rkyen de dang / gzhi des lus dang ldan pa'i chos rnams kyi dbang du 'gro bar mi 'gyur gyi/ gzhan du na lus dang ldan pa'i chos rnams de nyid kyi dbang du 'gyur te/ de ltar na lus la dran pa shin tu nye bar gzhag cing gnas pa'o/ / ji ltar na byang chub sems dpa' tshor ba rnams la dran pa shin tu nye bar gzhag cing gnas she na/ 'di la byang chub sems dpa' 'di snyam du sems te/ tshor ba gang rje
- 318b
snyed pa de thams cad sdug bsngal na/ byis pa phyin ci log gis phyin ci log tu 'gyur ba rnams ni bde bar 'dzin te/ byis pa rmongs pa rnams sdug bsngal la bde ba zhes bya ba 'dzin gyi/ 'phags/ pa rnams kyis ni thams cad sdug bsngal bar thugs su chud snyam nas de spang ba'i phyir nan tan du mdzad la/ sems can gzhan dag kyang bslab pa de nyid la 'god kyis/ bdag gis kyang de dag gi/ rjes su bslab par bya'o snyam ste/ de de ltar rtog pas tshor ba rnams la dran pa shin tu nye bar gzhag cing gnas so// de tshor ba dag la chags pa yang med/ khong khro ba yang med cing de dag spang ba'i phyir rab tu zhugs pa yin no/ / gzhan dag kyang bslab pa de nyid la 'god de/ de ltar na tshor ba rnams la dran pa shin tu nye bar gzhag cing gnas so// ji ltar na byang chub sems dpa' sems la dran pa shin tu nye bar gzhag cing gnas she na/ de 'di snyam du sems te/ sems 'di ni mi rtag pa la rtag par mngon par dga' ba'o// sdug bsngal la bde bar mngon par dga' ba'o// bdag med pa la bdag tu mngon par dga' ba'o/ / mi gtsang ba la gtsang bar mngon par dga' ba'o// g.yo zhing mi brtan la myur du 'gyur ba'o// nyon mongs pa rnams kyi rtsa ba'o// ngan song rnams kyi sgo'o// nye ba'i nyon mongs pa rnams kyi gzhi'o// bde 'gro rnams chud gson pa'o// 'dod chags dang / zhe sdang dang / gti mug rnams kyi rkyen du 'gyur ba'o// chos thams cad kyi bdag
- 319a
por 'gyur ba'o/ / chos thams cad ni sems thog mar 'gro ste/ sems yongs su shes na/ chos thams cad kyang yongs su shes par 'gyur ro// gzhan yang 'jig rten sems kyis bris pa ste/ mi ltar sems ni sems kyis mi mthong ngo // dge ba 'am yang na mi dge ba'i las ni sems kyis bsags pa'o// sems ni mgal me bskor ba ltar 'khor/ sems ni rta ltar rnam par 'khyam/ sems ni nags kyi me ltar rnam par 'tshig/ sems ni chu chen po bzhin du skyed/ de de ltar rtog pas sems la dran pa shin tu nye bar gzhag cing gnas te sems kyi dbang du mi 'gro'i/ sems nyid de'i dbang du 'gro ste/ sems de'i dbang du gyur pas/ chos thams cad dbang du gyur pa yin te/ de ltar na byang chub sems dpa' sems la dran pa shin tu nye bar gzhag cing gnas so/ / ji ltar na byang chub sems dpa' chos rnams la dran pa shin tu nye bar gzhag cing gnas she na/ 'di la byang chub sems dpa' 'di lta ste/ 'dod chags dang / zhe sdang dang gti mug la sogs pa dang / de dag la gnas pa gzhan dag la 'di dag ni mi dge ba'i chos rnams so zhes yang dag pa ji lta ba bzhin du rab tu shes te/ de 'dod chags kyi gnyen po la sten/ zhe sdang dang gti mug gi gnyen po la sten cing de dag spang ba'i phyir brtson pa yin no/ / chos 'di dag ni dge ba'o zhes bya bar shes na/ chos de dag la sems gtong zhing dran pa nye bar gzhog ste/ chos de dag kyang
- 319b
yang dag par blangs shing gnas so/ / gzhan yang bslab pa de nyid la 'god de/ de ltar na byang chub sems dpa' chos rnams la dran pa shin tu nye bar gzhag cing gnas so// ji ltar na byas chub sems dpa' yul rnams la dran pa shin tu nye bar gzhag cing gnas she na/ 'di la byang chub sems dpa' yid du 'ong ba dang / yid du mi 'ong ba'i gzugs dang / sgra dang / dri dang / ro dang / reg bya la chags par 'dzin par yang mi 'gyur/ khong khro ba'i sems kyang mi skyed de/ de 'di snyam du sems te/ de ltar bdag dngos po med pa'i chos rnams la chags pa skyed pa ni bdag gi mi cha ste/ de ni bdag byis pa dang / rmongs pa dang / mi gsal ba dang / mi mkhas par 'gyur ro// bcom ldan 'das kyis kyang chags par gyur nas zhen par 'gyur ro// zhen nas rmongs par 'gyur ro// rmongs nas dge ba 'am/ mi dge ba'i chos rnam par sgom par mi 'gyur te/ de'i rgyus ngan song du 'gro bar gsungs so zhes de 'di snyam du de ltar bdag chos gsog rnams khong khro ba'i sems bskyed pa ni bdag gi mi cha ste/ / de ni bdag gi mi bzod pa dang / dang du mi len pa dang / khong khro ba kun nas ldang bar 'gyur te/ 'phags pa rnams kyis ni smad par 'gyur/ tshangs pa mtshungs par spyod pa rnams kyis ni dbye bar 'gyur ro zhes de de ltar rtog pas/ yul rnams la dran pa shin tu nye bar gzhag cing gnas te/ yul rnams kyis ni mi smras shing
- 320a
mabyung bar mi 'gyur la/ gzhan yang bslab pa bcas pa de nyid yang kod/ de ltar byang chub sems dpa' yul rnams la dran pa shin tu nye bar bzhag cing gnas so// ji lta na byang chub sems dpa' dgon pa rnams la dran pa shin tu nye bar gzhag cing gnas she na/ de 'di snyam du dgon pa zhes bya ba 'di ni nyon mongs pa med par rnam par dpyod pa rnams kyi gnas so// zhi bar rnam par spyod pa rnams kyi gnas so/ / dgon pa la ni lha dang / klu dang / gnod sbyin dang / dri za gzhan gyi sems mngon par shes pa dag kyang yod de/ de dag bdag gi sems dang sems las byung ba'i chos rnams rab tu shes na/ bdag tshul bzhin ma yin pa'i yid la byed cing sems pa de ni bdag gi mi cha'o snyam ste/ de tshul bzhin ma yin pa'i yid la bya ba thams cad dang bral nas/ tshul bzhin du chos rnams la sems gtong zhing chos de dag la bsgom pa mang ba yin te/ de ltar na byang chub sems dpa' dgon pa rnams la dran pa shin tu nye bar bzhag cing gnas so// ji ltar na byang chub sems dpa' grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor nams la dran pa shin tu nye bar gzhag cing gnas she na/ 'di la byang chub sem dpa' grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dag na/ byang chub sems dpa' spyad pa spyod na gnas gang tshul dang mi 'dra zhing yongs
- 320b
su spang bar bya ba rab tu byung ba'i tshul dang mi mthun pa de dag yongs su spong ngo / / de dag kyang gang zhe na/ 'di lta ste/ chang ma'i khyim mam/ smad 'tshong gi khyim mam/ rgyal po'i pho brang ngam/ rgyan po'i gnas sam/ ra ro ba'i 'khor gyi tshogs sam/ gar mkhan dang glu gar gyi gnas dang / de ma yin pa gzhan yang rung ste/ rab tu byung ba'i tshul dang mi 'dra ba de dag yongs su spong zhing de dag la dra pa shin tu nye bar gzhag cing gnas te/ de ltar na byang chub sems dpa' grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dag la dran pa shin tu nye bar gzhag cing gnas so/ / ji ltar na byang chub sems dpa' rnyed pa dang / bkur sti dang / grags pa dang / sgra dang / tshigs su bcad pa dag la dran pa shin tu nye bar gzhag cing gnas she na/ 'di la byang chub sems dpa' sbyin pa byed pa rnams kyi bsod nams kyi dngos po nye bar gzung zhing rnyed pa dang bkur sti la sems gtong ste/ ci nas kyi zhen par mi 'gyur/ sred pa mi skyed/ chags pa mi skyed/ bdag gir mi byed/ nor du mi 'dzin/ bdag gir mi 'dzin pa dang / ci nas kyang sems can thams cad dang thun mong du byas shing / sdug bsngal ba'i sems can rnams la phan par 'gyur bde ltar stong ste/ gal te yang rgyu de dang / rkyen de dang / gzhi des grags pa dang / sgra dang / tshigs su bcad pa zhig byung yang / des khengs par mi 'gyur/ nga rgyal mi skye/ rgyags pa mi skye/
- 321a
'di snyam du sems so// ring por mi thogs par grags pa dang / sgra dang / tshigs su bcad pa 'di gang las byung ba dang / gang gis phyung ba dang / grags pa dang / sgra dang / tshigs su bcad pa gang yin pa de dag thams cad du thams cad med par 'gyur na/ de la mkhas pa'i rang bzhin can su zhig mi rtag cing mi gnas pa'i chos mi brtan pa/ yid brtan du mi rung bdag la dga' ba'i sems skyed pa 'am/ khengs par 'gyur ba 'am/ nga rgyal dang rgyags pas dregs par 'gyur snyam ste/ de ltar na byang chub sems dpa' rnyed pa dang / bkur sti dang / grags pa dang / sgra dang / tshigs su bcad pa rnams la dran pa shin tu nye bar gzhag cing gnas so// ji ltar na byang chub sems dpa' de bzhin gshegs pas bslab pa bcas pa la dran pa shin tu nye bar gzhag cing gnas she na/ 'di la byang chub sems dpa' 'di snyam du sems te/ gang 'das pa'i de bzhin gshegs pa de dag kyang bslab pa 'di nyid la bslabs te// mngon par rdzogs par sangs rgyas so// yongs su mya ngan las 'das so// gang ma byon pa 'byung bar 'gyur ba de dag kyang / bslab pa 'di nyid la bslabs shing mngon par rdzogs par 'tshang rgya bar 'gyur ro/ / yongs su mya ngan las 'da' bar 'gyur ro// gang da ltar gyi de bzhin gshegs pa dag kyang bslab pa 'di nyid la bslabs te mngon par rdzogs par sangs rgyas so// /
- 321b
yongs su mya ngan las 'da' 'o zhes de de ltar yid ches pas bslab pa rnams la nan tan du byed pa yin te/ brtson par byed pa dang / legs par bya ba byed cing shin tu rdzogs par byed pa yin te/ de ltar na byang chub sems dpa' de bzhin gshegs pas bslab pa bcas pa la dran pa shin tu nye bar gzhag cing gnas so// rigs kyi bu ji ltar na byang chub sems dpa' nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin tu nye bar gzhag cing gnas she na/ 'di la byang chub sems dpa' nye ba'i nyon mongs pa rnams la dran pa dang ldan pa yin/ yongs su nyon mongs pa rnams la dran pa dang ldan pa yin te/ de dag gang las byung ba dang / rkyen gang gis byung ba'i gzhi yang rab tu shes te/ des de ltar shes nas byung ba de dang / rkyen de dag yongs su spong ste/ rigs kyi bu de ltar na byang chub sems dpa' nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin tu nye bar gzhag cing gnas pa yin no/ / rigs kyi bu chos bcu po de dag dang ldan na/ byang chub sems dpa' rtag tu rgyun mi 'chad par sems mnyam par gzhag pa rnams yin no// / 'phags pa dkon mchog sprin bam po drug pa// rigs kyi bu chos bcu dang ldan na/ byang chub sems dpa' phyag dar khrod pa rnams yin no//
- 322a
bcu gang zhe na/ 'di lta ste/ yang dag par blangs pa la brtan pa rnams yin/ sems dma' ba rnams yin/ yongs su mi skyo ba rnams yin/ de la ma zhen pa rnams yin// nyes par lta ba dang bral ba rnams ya ni/ yon tan du lta ba rnams yin/ bdag la mi stod pa rnams yin/ gzhan la mi smod pa rnams yin/ tshul khrims phun sum tshogs pa rnams yin/ lha 'du ba rnams yin no// rigs kyi bu de la ji ltar na byang chub sems dpa' yang dag par blangs pa la brtan pa yin pa nas/ ji ltar na lha 'du ba'i bar du yin zhe na/ rigs kyi bu 'di la byang chub sems dpa' dad cing bsam pa phun sum tshogs pa yin/ de bzhin gshegs pa rnams la dad cing yid ches pa yin/ de srog gi phyir yang yang dag par blangs pa mi 'jig cing yang dag par blangs pa las mi 'gyur te/ de yang dag par blangs pa la brtan pas/ bsam pa phun sum tshogs pa dang / sems dma' zhing nga rgyal med pa yin// de nga rgyal med cing sems dma' bas phyag dar khrod pa ngan ngon yongs su bor te/ skye bo thams cad dang mi mthun pa dag sdud do// de dag bsdus nas 'khru bar byed/ de 'khru ba dang / glan pa dang / bcom pa dang / btso bar byed pa na/ kun nas nyon mongs pa med cing yongs su mi skyo ste/ yongs su mi skyo ba rkyen du byas nas/ ji tsam gyis don grub par
- 322b
'gyur ba ma gtogs par de la zhen par yang mi 'gyur ro/ / kye ma'o phyag dar khrod pa 'di dag ni zhi gnas pa'o// kye ma'o phyag dar khrod pa 'di dag ni sdom pa'o// kye ma'o phyag dar khrod pa 'di dag ni shig mang ba ste/ lus la mi bde zhing rdul 'byin to zhes nyes par lta ba ma yin gyi/ phyag dar khrod pa 'di dag ni drang srong gis bgos pa'o// 'dod chags dang bral ba dang 'thun pa'o/ / 'phags pa'i rigs dang 'thun pa'o// de bzhin gshegs pas bstod pa'o// de bzhin gshegs pas bsngags pa'o zhes phyag dar khrod pa de dag la yon tan du lta ba yin te/ rgyu de dang / rkyen de dang / gzhi des bdag la mi stod/ gzhan la mi smod do// de bdag la stod cing gzhan la smod pa dang bral bas tshul khrims phun sum tshogs pa yin te/ tshul khrims phun sum tshogs pas lha rnams 'du ba yin/ de bzhin gshegs pa rnams kyis bsngags pa yin/ byang chub sems dpa' rnams kyis yongs su btsal ba yin/ mi ngang mi ma yin pa rnams kyis yongs su bsrung ba yin/ bram ze dang / rgyal rigs dang / grong rdal gyi mi rnams dang / yul gyi mi rnams kyis phyag bya ba yin/ tshangs pa mtshungs par spyad pa rnams kyis gzengs bstod par bya ba yin te/ rigs kyi bu chos bcu po de dag dang ldan na/ byang chub sems dpa' phyag dar khrod pa rnams yin no// byang chub sems dpa' sgrib pa thams cad rnam par sel bas gsol
- 323a
par bcom ldan 'das byang chub sems dpa' sems rgya chen po rnams la spyod pa dman tshegs kyis ci zhig bgyi/ bcom ldan 'das kyis bka' stsal pa/ rigs kyi bu byang chub sems// dpa' rnams ni 'jig rten gyi yid dang sbyor ba yin te/ stobs kyi mthu thob pa rnams 'jig rten dang 'thun par spyod kyi/ stobs kyi mthu ma thob pa rnams ma yin te/ rigs kyi bu byang chub sems dpa' stobs kyi mthu ma thob pas ni/ nyon mongs pa ma lags pa'i gnyen po bstan par bya'o// gzhan yang rigs kyi bu ji snyam du sems/ de bzhin gshegs pa rgya chen po la mos sam// 'on te dman pa la mos pa yin/ byang chub sems dpa' sgrib pa thams cad rnam par sel bas gsol pa/ bcom ldan 'das kyis bka' stsal pa de'i lan gsol du bdag gis tshigs mi phyin te/ de ci'i slad du zhe na/ bcom ldan 'das de bzhin gshegs pa ni mos pa las smos pa lags kyi/ bcom ldan 'das ni chos gzigs pa/ bde bar gshegs pa ni chos gzigs pa ste/ de bzhin gshegs pas chos gang la yang mos par bgyi ba ma mchis so/ / bcom ldan 'das kyis bka' stsal pa/ rigs kyi bu de ji snyam du sems/ de bzhin gshegs pa gling bzhi'i mi rnams dang / lha dang / klu dang / gnod sbyin dang / dri zal mos pa dman pa gzhan dag la spyod pa dman tshegs ston cing de dag mdun du sbyangs pa'i yon tan rnams kyi bsngags pa brjod pa de ci'i phyir/ byang chub sems dpa' sgrib pa thams cad
- 323b
rnam par sel bas gsol pa/ bcom ldan 'das sems can de dag de lta bu 'dul ba'i slad du ste/ gzhan yang byang chub sems dpa' theg pa lag sar du zhugs pa rnams kyi nyon mongs pa skyes pa'i gnyen por de bzhin gshegs pa ston pa mdzad do/ / bcom ldan 'das kyis bka' stsal pa/ rigs kyi bu de bzhin du byang chub sems dpa' stobs kyi mthu thob pa rnams kyang 'dul ba'i dbang gi phyir phyag/ dar khrod par 'gyur gyi/ dman pa la mos pa'i phyir ma yin te/ rigs kyi bu de'i phyir byang chub sems dpa' phyag dar khrod pa rnams yin no// rigs kyi bu chos bcu dang ldan na/ byang chub sems dpa' chos gos gsum pa rnams yin no// bcu gang zhe na/ 'di lta ste/ chog shes pa rnams yin/ 'dod pa chung ba rnams yin/ kun tu btsal ba dang bral ba rnams yin/ sogs/ pa dang bral ba rnams yin/ bsags pa chung zos pa dang bral ba rnams yin/ bsags pa chud zos pa'i sdug bsngal dang bral ba rnams yin/ yid mi bde ba dang bral ba rnams yin/ 'khrug pa dang bral ba rnams yin/ len pa med pa rnams yin/ zag pa zad par bya ba'i phyir zhugs pa rnams yin te/ rigs kyi bu byang chub sems dpa' chos gos ngan ngon gyis chog shes shing 'dod pa chung ba yin/ de 'dod pa chung bas na kun tu tshol ba med pa yin/ kun tu tshol ba med pas na/ sogs pa med pa yin/ sogs pa med pas na/ bsags pa chung za ba med pa yin/ bsags
- 324a
pa chung za ba med pas na/ bsags pa chud zos pa las byung ba'i sdug bsngal med pa yin/ sdug bsngal ba med pas na/ yid mi bde ba med pa yin/ yid mi bde ba med pas na 'khrug pa med pa yin/ 'khrug pa med pa yin pas na/ len pa med pa yin/ len pa med pas na/ zag pa zad par bya ba'i phyir zhugs pa yin te/ rigs kyi bu chos bcu po de dag dang ldan na/ byang chub sems dpa' chos gos gsum pa rnams yin no// rigs kyi bu chos bcu dang ldan na/ byang chub sems dpa' bying pa can rnams yin no// bcu gang zhe na/ 'di lta ste 'dod chags kyi bsam pas mi 'gro ste/ de'i phyir phying ba can zhes bya'o// de bzhin du zhe sdang gi bsam pas mi 'gro/ gti mug gi bsam pas mi 'gro// khro ba dang gnod sems kyi bsam pas mi 'gro/ phrag dog dang ser sna'i bsam pas mi 'gro/ nga rgyal gyi bsam pas mi 'gro/ grags pa 'dod pa'i bsam pas mi 'gro/ shes kyi khe bdog pa'i bsam pas mi 'gro rnyed pa dang bkur ste 'dod pa'i bsam pas mi 'gro zhing bdud la mi 'dud/ dga' bar bya bas snyems pa ma yin te/ de'i phyir phying pa can zhes bya'o// rigs kyi bu chos bcu po de dag dang ldan na/ byang chub sems dpa' phyir pa can rnams yin no// rigs kyi bu chos bcu dang ldan na/ byang chub sems dpa' bsod snyoms pa rnams yin no// bcu gang zhe na/
- 324b
'di lta ste/ sems can rnams la phan par zhugs pa rnams yin/ mthar gyis bsod snyoms len pa rnams yin/ yongs su yi chad pa med pa'i rang bzhin can rnams yin/ chog shes pa rnams yin/ bgo bsha' byed pa'i ngang tshul can rnams yin/ ma chags pa rnams yin/ bsod snyoms bza' ba la tshod shes pa rnams yin/ dge ba'i phyogs la mngon du phyogs pa rnams yin/ dge ba'i rtsa ba yongs su bsdus pa rnams yin/ ril po'i 'du shes med pa rnams yin no// rigs kyi bu de la ji ltar na byang chub sems dpa' sems can rnams la phan par zhugs pa yin pa nas/ ji ltar na ril po'i 'du shes med pa'i bar du yin zhe na/ rigs kyi bu 'di la byang chub sems dpa' sems can dge ba'i rtsa ba chung ba dang / dge ba'i rtsa ba chung ngu dang ldan la sdug bsngal bdag mthong na/ sems can de dag la phan par bya ba'i phyir bsod snyoms pa'i yid ma 'dzin te/ de nam grong ngam/ grong khyer ram/ grong rdal du bsod snyoms kyi phyir 'gro ba de'i tshe dran pa shin tu nye bar gzhag pa dang / spyod lam mdzes pas dbang po mi g.yo ba dang / dbang po mi rgod pa dang / dbang po dul ba dang / gnya' shing gang tsam du lta ba dang / dge ba'i chos rnams la dran pa shin tu nye bar bzhag nas bsod snyoms kyi phyir 'gro'o/ / de bsod snyoms kyi phyir 'gro na/ bsod snyoms mthar gyis len pa yin te/ mgo 'phang bstod cing bram ze shing sA la chen po lta
- 325a
bu'i grong ngam/ rgyal rigs shing sA la chen po lta bu'i grong ngam/ khyim bdag shing sA la chen po lta bu'i grong 'byor pa dag tu mi 'jug gi/ mtha' gcig nas bzung ste nam de'i don grub par gyur kyi bar du bsod snyoms spyod de gzhan du gnas gang na khyi za ba 'am/ badrus ma 'am/ dud 'gro'i skye gnas su gtogs pa/ rang bzhin gyis ngang tshul dran pa'i srog chags sam/ bud med dang / skyes pa dang / khye'u dang / bu mo kyal ka bya ba'i bsam pa can dag yod pa 'am/ smad pa'i gnas thams cad du thams cad yongs su spong ste/ de mthar gyis bsod snyoms la 'gro na/ yongs su yi mi chad cing kun nas nyon mongs pa med la/ sems can de dag la chags pa yang mi skyed/ khong khro ba yang mi skyed de/ yongs su yi chad pa med pas/ so so ci rigs pa'i bsod snyoms ngan ngon gyis chog shes pa yin te/ des bsod snyoms de blangs nas/ bdag gi gnas su 'ongs te/ lhung bzed dang chos gos bzhag/ rkang lag bkrus te/ de bzhin gshegs pa'i gzugs sam/ de bzhin gshegs pa'i mchod rten rnams la bkur sti dang rim gro byas te/ gnas su song nas bsod snyoms de las cha gcig ni tshangs pa mtshungs par spyod pa rnams kyi phyir bzhag go/ / gnyis pa ni sdug bsngal ba rnams kyi phyir bzhag go// gsum pa ni sems can log par lhung ba rnams kyi phyir bzhag go// cha bzhi pa ni
- 325b
bdag za ste/ de za ba na 'dod chags med par za ste/ chags par ma yin/ brkam par ma yin/ zhen par ma yin gyi/ gzhan du na ji tsam du lus gnas par 'gyur ba dang / 'tsho bar bya ba'i phyir za ste/ ji ltar ha cang yang nyam dma' ba dang / ha cang yang lus lci bar yang mi 'gyur ba de ltar za ste/ de ci'i phyir zhe na/ ha cang yang nyam dmas na ni dge ba'i phyogs la rgyab kyis ltas par 'gyur ro/ / lus ha cang lcin ni gnyid kyis non par 'gyur ro// des bsod snyoms de zos nas dge ba'i phyogs la mngon du phyogs pa dang / brtson 'grus brtsams pa dang / le lo med pa dang / snyoms pa med pa dang / byang chub kyi phyogs kyi chos yongs su rdzogs par 'gyur bar bya'o// de byang chub kyi chos phyogs kyi chos yongs su 'dus pas bdag tu 'dzi/ pa med pa yin/ bdag tu 'dzin pa med pas/ bdag gi shas kyang sems can rnams la phan 'dogs pa yin no// rigs kyi bu chos bcu po de dag dang ldan na/ byang chub sems dpa' bsod snyoms pa rnams yin no/ / rigs kyi bu chos bcu dang ldan na/ byang chub sems dpa' stan gcig pa rnams yin no// bcu gang zhe na/ 'di lta ste/ bdud/ thams cad kyis sdigs kyang byang chub kyi snying po'i stan gcig la mi g.yo ba rnams yin/ 'jig rten las 'das pa'i bsam gtan las mi g.yo ba rnams yin/ 'jig rten las 'das
- 326a
pa'i shes rab las mi g.yo ba rnams yin/ 'jig rten las 'das pa'i ye shes las mi g.yo ba rnams yin/ stong pa nyid las mi g.yo ba rnams yin/ sangs rgyas kyi chos thams cad yang dag pa ji lta ba bzhin du rtogs pa las mi g.yo ba rnams yin/ lam las mi g.yo ba rnams yin/ yang dag pa'i mtha' las mi g.yo ba rnams yin/ de bzhin nyid las mi g.yo ba rnams yin// thams cad mkhyen pa nyid kyi stan las mi g.yo ba rnams yin no// rigs kyi bu stan gcig po ni 'di yin te/ de ni thams cad mkhyen pa nyid kyi stan no// rigs kyi bu stan gcig po ni 'di yin te/ de ni chos kyi stan no// stan de las byang chub sems dpa' de dag mi g.yo ste/ de bas na stan gcig pa zhes bya'o// rigs kyi du chos bcu po de dag dang ldan na/ byang chub sems dpa' snyan gcig pa rnams yin no/ / rigs kyi bu chos bcu dang ldan na/ byang chub sems dpa' zas phyis mi len pa rnams yin no// bcu gang zhe na/ 'di lta ste/ mi brkam pa'i rang bzhin can rnams yin/ mi chags pa'i rang bzhin can rnams yin/ de dag gis nam tshod bzung bar gyur pa de'i tshe/ nye tshod yod dam med kyang rung ste/ de dag gis lus rten pa'i yo byad 'di lta ste/ mar ram// 'bru mar ram/ sbrang rtsi 'am/ bu ram mam/ rtsa ba'i khu ba 'am/ sdong po'i khu ba 'am/ 'bras bu'i khu ba de lta bu dag bzar mi rung ngo // gzhan za ba mthong na yang khong khro ba'i sems dang /
- 326b
'jungs pa'i sems kyang mi skyed do// yang gal te zas phyis mi len pa'i byang chub sems dpa' de ji lta bu'i nad kyis srog gi bar chad du 'gyur ba 'am/ dge ba'i phyogs sde bar chad du 'gyur/ nad tshabs chen/ des 'gyod pa med cing the tsom med par byas la/ sman yin par sems nye bar bzhag la spyod par bya ste/ rigs kyi bu de ltar na byang chub sems dpa' zas phyis mi len pa yin no// rigs kyi bu chos bcu po de dag dang ldan na/ byang chub sems dpa' zas phyis mi len pa rnams yin no// rigs kyi bu chos bcu dang ldan na/ byang chub sems dpa' dgon pa pa rnams yin no/ / bcu gang zhe na/ 'di lta ste/ yun ring po nas tshangs par spyod pa la gnas pa rnams yin/ 'dul ba la mkhas pa rnams yin/ dbang po ma nyams pa rnams yin/ mang du thos pa rnams yin/ nus pa rnams yin/ bdag tu 'dzin pa'i 'jigs pa dang bral ba rnams yin/ rigs dang 'dra ba rnams yin/ lus kyis thag bsrings pa rnams yin/ dben pa la mngon du phyogs pa rnams yin/ mi dga' ba dang ma 'dres pa rnams yin no// rigs kyi bu de la ji ltar na byang chub sems dpa' yun ring po nas tshangs par spyod pa la gnas pa yin pa nas/ ji ltar na mi dga' ba dang ma 'dres pa'i bar du yin zhe na/ rigs kyi bu 'di la byang chub sems dpa' legs par bshad pa'i chos 'dul ba la rab tu byung ba yin/ 'khor gsum yongs su dag pa'i tshul khrims dang /
- 327a
ldan pa yin/ chos nyid la mkhas shing cho ga dang / spyod yul dang / 'gro ba dang / phyir 'ong ba la mkhas pas/ gang 'di de bzhin gshegs pas rgan rabs dang / bar ma dang gsar bu rnams kyi bslab pa la ma bstan pa de la 'di lta ste/ don dang / tshig dang / 'byung ba la mkhas pa dang / gzhan gyi dring mi 'jog cing / gzhan gyis mi bkri ba yin/ de ltung ba byung na lus byung bar rab tu shes shing gnas de dag kyang yongs su spong ngo / / gnas de dag la gus par byed cing chags pa mang ba yin no// sdig pa de la smod cing 'gyod de/ 'thol bar byed do/ / gnas gang dag tu ltung bar 'gyur ba de dag kyang rab tu shes/ gang dag tu mi 'gyur ba de dag kyang rab tu shes/ gang dag tu chen por 'gyur ba dang / gang dag tu 'bring dang / gang dag tu chung ngur 'gyur ba de dag kyang rab tu shes/ las gang gi rnam par smin pa'i yun ji srid pa de yang rab tu shes te/ de yang nan tan gyis sgrub bo// de mig gi dbang po ma nyams pa dang / rna ba'i dbang po ma nyams shing yan lag dang nying lag thams cad ma nyams par dgon pa na gnas te/ gnas gang na ba 'tshe ba med pa'i gnas de dag tu gnas so// gnas gang dag na bsod snyoms blang ba'i spyod yul dang ha cang mi ring ba dang / ha cang yang mi nye ba dang / gnas gang dag na chu dang zhing rnyog pa med pa/ gtsang zhing dri ma med pa tshegs chung ba yod pa dang / gnas gang dag na shing
- 327b
phun sum tshogs pa/ 'bras bu phun sum tshogs pa/ lo ma phun sum tshogs pa/ gcan gzan khro bo med pa/ phug dang ldan pa/ smon gshong dang ldan pa/ thag thug med pa/ 'gro na bde ba/ zhib/ gnyis su med pa'i gnas de 'dra ba dag na gnas so// de gnas de dag na gnas shing gang des sngon bklags pa dang / sngon thos pa de nyin lan gsum mtshan lan gsum du sgra ha cang yang mi che/ ha cang yang mi chung ba/ dbang po mi rgod cing phyi rol tu ma song ba'i sems kyi dad pas nye bar 'tsho zhing / tshig nye bar bzung ste mtshan ma 'dzin cing gnyid kyis ma log par kha ton byed do// gal te dge slong dgon pa pa'i drung du rgyal po 'am/ blon po chen po 'am/ de ma yin pa gzhan bram ze 'am/ rgyal rigs sam/ grong rdal gyi mi 'am/ yul gyi mi dag 'ongs na/ des de dag la gus par legs par 'ongs so zhes brjod par bya ste/ des rgyal po chen po ji ltar gdan bting ba la bzhugs shig ces de skad byas nas/ gal te 'dug na ni gnyis ka yang 'dug par bya'o// de ste mi 'dug na gnyis ka yang mi 'jug par bya'o/ / gal te dbang po rgod par 'gyur na/ rgyal po chen po gang dag khyod kyi phyogs na/ dge sbyong dang bram ze rnams tshul khrims dang ldan na/ yon tan dang ldan pa mang du thos pa dag mi rgod dang spre'u rnams kyis ma gtses par gnas pa de ni/ rnyed pa legs par rnyed do zhes bstod par bya'o// de ste bstan zhing dul la dbang po rab tu zhi ba zhig yin te/ chos
- 328a
bstan par rung na/ de la chos sna tshog pa bstan par bya'o// de ste chos sna tshogs bstan pa la mi dga' na/ de la skyo ba dang 'thun pa'i chos bskrun par bya'o// de ste spyong dang 'thun pa'i chos bstan pa la mi dga' na/ de la de bzhin gshegs pa'i che ba dag bstan par bya'o// bram ze dang / rgyal rigs dang / grong pa dang / yul gyi mi dag 'ongs na yang ci rigs par bya ba dag bya'o/ / de de ltar mang du thos pas chos nyan pa rnams kyi sems mgu bar byed nus pa yin te/ sems can de dag kyang de la dga' ba dang / dad pa dang / rangs pa thob par 'gyur/ ro// nyon mongs pa kun nas langs pa rnams kyi gnyen por yang nus pa yin no// mang du thos pa'i stobs bskyed pas bdag tu 'dzin pa'i 'jigs pa dang bral ba yin no// de bdag tu 'dzin pa'i 'jigs pa dang bral bas dgon pa na mi 'jigs/ mi skrag/ mi sdang / bag tsha ba med cing rab tu dben pa la mngon du phyogs par 'gyur te gnas so// de dgon pa de na dben pa la mngon du phyogs shing 'du 'dzi med par gnas pas/ ri dgas dang 'dra ba yin no// rigs kyi bu byang chub sems dpa' dgon pa pa ni ri dwags ltar rtag tu 'jigs pa ma yin te/ de la ri dgas kyi nyes pa yang med mod kyi/ ji ltar ri dgas dag bdag 'di'i lan bon gyis srog gi bar chad du 'gyur du 'ong ngo zhes yul dang yul gyi phyogs ring po bas kyang ring por spong ba de bzhin du
- 328b
byang chub sems dpa' yang bdag 'di'i lan bon gyis/ yi dam gyi bar chad dam/ sems g.yeng bar 'gyur na mi rung ngo zhes bud med dang / skyes pa dang / khye'u dang / bu mo rnams dang 'dra 'ji mi byed cing / 'du 'dzi dag thag ring po bas kyang ring por yongs su spong ngo // de de ltar thag bsrings te gnas par rab tu dben pa mngon du phyogs pa yin/ de rab tu dben pa la mngon du phyogs pas/ dgon pa de la yon tan du lta ba dang / zhi bar lta ba yin/ de yon tan du lta zhing zhi bar lta bas na/ mi dga' ba dang mi 'dra'o// mi dga' ba dang ma 'dres pas na// dgon pa pa'i chos rnams yang dag par blangs nas spyod de/ de ltar na rigs kyi bu byang chub sems dpa' yun ring po nas tshangs par spyod pa la gnas pa nas/ mi dga' ba dag dang ma 'dres pa'i bar du yin no/ / rigs kyi bu chos bcu po de dag dang ldan na/ byang chub sems dpa' dgon pa pa rnams yin no// rigs kyi bu chos bcu dang ldan na/ byang chub sems dpa' shing drung pa rnams yin no/ / bcu gang zhe na/ 'di lta ste/ grong dang ha cang yang nye ba'i shing drung du mi rten/ grong dang ha cang yang ring ba'i shing drung du mi rten/ sngam sdum tsher ma can gyis gang ba'i shing drung du mi rten/ shing ma lu ta dang ka'i ba'i ka'i tsu'i khri shing gis gang ba'i shing drung du mi rten/ shing lo ma bskams pa'i shing drung du mi rten/ spre'u gan+da/
- 329a
pa'i shing drung du mi rten/ bya gnas pa'i shing drung du mi rten/ gcan gzan khro bo gnas pa'i shing drung du mi rten/ 'dren po gnas pa'i shing drung du mi rten/ mi g.yon na dgan pa'i shing drung du mi rten gyi/ gang na lus bag yangs shing sems dga' bar 'gyur ba'i shing drung du de lta bur rten to// rigs kyi bu chos bcu po de dag dang ldan na/ byang chub sems dpa' shing drung pa rnams yin no/ / rigs kyi bu chos bcu dang ldan na/ byang chub sems dpa' bla gab med pa rnams yin no// bcu gang zhe na/ 'di lta ste/ dgun nam dpyid dam/ dbyar ram/ ston kyang rung ste/ rtsig drung du mi gnas/ shing drung na ma yin/ sog ma spungs pa ma yin/ ri'i sman gshong du ma yin/ chu lkog tu ma yin/ grang ba skyob par yang mi byed/ rlung skyob pa ma yin/ char skyob pa yang ma yin/ nyi ma skyob pa ma yin/ ba mo'i skyabs kyang mi byed kyi/ gzhan du na gal te byang chub sems dpa' bla gab med pa nam lus kyis ma nus par gyur na/ des gtsug lag khang du gnas te/ nyon mongs pa'i gnyen po'i phyir de bzhin gshegs pas sbyangs pa'i yon tan bcas te/ ci nas kyang bdag gtsug lag khang na gan pa gzhan du nyon mongs pa rnams spong bar 'bad pa de ltar sems bskyed par bya'o/ / gtsug lag khang de la yang chags pa mi bskyed de/ zhen pa yang ma yin no// de yang 'di ltar sems te/ sbyin pa'i
- 329b
bdag po rnams la phan gdags par bya'i/ bdag cag gis bdag nyid gso bar mi bya'o snyam ste/ de rtag tu rgyun mi 'chad par bla gab med pa'i 'du shes nye bar 'jog pa yin no// rigs kyi/ bu chos bcu po de dag dang ldan na/ byang chub sems dpa' bla gab med pa rnams yin no// rigs kyi bu chos bcu dang ldan na/ byang chub sems dpa' dur khrod pa rnams yin no// bcu gang zhe na/ 'di lta ste/ gnas gang na gnas kyang rung / skyob mang po rnams yin/ de dag shi ba'i 'du shes rtag tu rgyun mi 'chad par nye bar gzhog pa yin/ de dag rnam par zos par 'du shes pa dang / rnam par dmar bar 'du shes pa dang / rnam par bsngos par 'du shes pa dang / rnam par rul bar 'du shes pa dang / rnam par bam par 'du shes pa dang / rnam par tshig par 'du shes pa dang / rnam par 'thor bar 'du shes pa dang / keng rus su 'du shes pa rtag tu rgyun mi 'chad par nye bar gzhog pa yin no// rigs kyi bu byang chub sems dpa' dur khrod pas ni byams pa'i sems su bya'o/ / phan pa'i sems dang / sems can la snying brtse ba dang / tshul khrims dang / gtsang sbra'i cho ga dang ldan zhing sha dang 'bags pa med par bya'o// rigs kyi bu de ci'i phyir zhe na/ dur khrod kyi yo na ni/ gang byang chub sems dpa' sha za ba mthong na/ ma dad pa skyed cing gtse bar sems pa'i mi ma yin pa dag gnas pa yod do// rigs kyi bu byang chub sems dpa' dur khrod pas gtsug lag
- 330a
khang du zhugs te/ de bzhin gshegs pa'i mchod rten la phyag byas/ dge slong rgan rabs rnams la phyag byas te/ gsar bu rnams kyang dga' bar byas la 'greng ste 'dug par bya'o/ / dge 'dun gyi mal stan la 'dug par mi bya'o// rigs kyi bu de ci'i phyir zhe na/ byang chub sems dpa' 'jig rten gyi yid dang sbyar bar bya ste/ byang chub sems dpa' dur khrod pa ni 'phags pa ma yin pa'i 'jig rten dang mi mthun gyi/ 'phags pa dang ni mi mthun pa med do// gal te byang chub sems dpa' dur khrod pa gang zag gi ma la stan la bdar na/ des ci nas kyang de 'gyod par mi 'gyur la/ gzhan gyis kyang dpya bar mi 'gyur bar shin tu rtogs par byas la/ dge slong de'i bsam pa yang shes nas/ gdod stan de la gdol bu dang 'dra bar dma' ba'i sems kyis stan de la 'dug par bya'o/ / rigs kyi bu chos bcu po de dag dang ldan na/ byang chub sems dpa' dur khrod pa rnams yin no// rigs kyi bu chos bcu dang ldan na/ byang chub sems dpa'i cog pu pa rnams yin no// bcu gang zhe na/ 'di lta ste/ lus yongs su gdung bar bya ba'i phyir 'dug pa ma yin/ sems yongs su gdung bar bya ba'i phyir 'dug pa ma yin/ gnyid kyis non te 'dug pa ma yin/ lus dub pas 'dug pa ma yin gyi/ byang chub sems dpa' cog pu pa 'dug pa ni/ byang chub kyi tshogs yongs su bskang ba'i phyir 'dug go/
- 330b
sems rtse gcig tu bya ba'i phyir 'dug go/ lam mngon du bya ba'i phyir 'dug go// byang chub kyi snying por 'gro ba'i phyir 'dug go/ sems can la phan pa'i phyir 'dug go// nyon mongs pa thams cad spang ba'i phyir 'dug go/ rigs kyi bu chos bcu po de dag dang ldan na/ byang chub sems dpa' cog pu pa rnams yin no// rigs kyi bu chos bcu dang ldan na/ byang chub sems dpa' gzhi ji bzhin pa rnams yin no// bcu gang zhe na/ 'di lta ste/ mal spyan ma chags pa rnams yin/ bdag nyid kyang mal stan mi 'dir // gzhan dag kyang 'ding du mi 'jug gding ba'i phyir brda mi byed cing gzhan du na lo mas gang ba'am/ rtswas gang ba'i gnas kyang rung ste/ gnas de dag tu nyal bar byed cing / sa gang gi phyogs na sbrul gyis gang ba 'am/ sbrang ma dang sha sbrang gis gang ba 'am/ khung mang ba de dag ring po bas kyang ring por yongs su spong ngo // de dag nyal ba na glo g.yas pas nyal bar byed de/ rkang pa'i steng du rkang pa bzhag nas lus chos gos dag gis shin tu g.yogs shing dran pa dang shes bzhin du snang ba'i 'du shes dang ldan pa'i 'du shes su nyal bar byed de/ gnyid kyi bde ba la chags par mi byed/ skyes pa'i bde ba la yang ma yin te/ gzhan du na de dag ji tsam du 'byung ba chen po rnams gnas shing 'tsho ba'i phyir nyal bar byed la/ rtag tu rgyun mi 'chad par yang dge ba'i phyogs la mngon du phyog
- 331a
pa rnams yin no/ / rigs kyi bu chos bcu po de dag dang ldan na/ byang chub sems dpa' gzhi ji bzhin pa rnams yin no// rigs kyi bu chos bcu dang ldan na/ byang chub sems dpa' rnal 'byor spyod pa rnams yin no// bcu gang zhe na/ 'di lta ste/ mi sdug pa bsgom pa mang ba rnams yin/ byams pa sgom pa mang ba rnams yin/ rten cing 'brel bar 'byung ba sgom pa mang ba rnams yin/ skyon la mkhas pa rnams yin/ stong pa nyid bsgom pa mang ba rnams yin/ mtshan ma med pa sgom pa mang ba rnams yin/ rnal 'byor sgom pa mang ba rnams yin/ rgyun du sgom pa mang ba rnams rin/ 'gyod pa med pa rnams yin/ tshul khrims phun sum tshogs pa rnams yin no// rigs kyi bu de la ji ltar na byang chub sems dpa' mi sdug pa bsgom pa mang ba yin zhe na/ rigs kyi bu 'di la byang chub sems dpa' gcig pu lkog tu song ste/ nang du yang dag bzhag nas rab tu dben pa la mngon du phyogs shing shin tu skyo ba'i sems kyis lus drang po drang po dang lus pags kyis glod pas skyil mo krung bcas nas dran pa mngon du bzhag ste/ phyi rol tu ma byung ba'i sems kyis de 'di snyam du sems so/ / ji snyed du mi'i nang du kha zas dang zas skom gtsang yang rung / bzang po yang rung / ngan pa yang rung / ro phun sum tshogs pa yang rung / ro chung ba yang rung ste
- 331b
de thams cad lus kyi mes reg pa dang btsog par 'gyur te/ rul cing dri nga ba dang 'jig rten thams cad dang mi 'phrod pa yin nu/ de la byas pa 'di dag ni shin tu zhen cing rab tu chags so// bdag cag ni 'phags pa'i chos 'dul ba la gnas te/ yang dag pa'i shes rab kyis yang dag pa ji lta ba bzhin du brtags te/ 'di 'dra ba'i lus la ma zhen ma chags par bya'o// de'i phyir/ skyo ba'i sems kyang mi bskyed do snyam ste/ de ltar na byang chub sems dpa' mi sdug pa bsgom pa mang ba yin no// ji ltar na byang chub sems dpa' byams pa bsgom pa mang ba yin zhe na/ rigs kyi bu 'di la byang chub sems dpa'i gcig pu dben par 'dug ste/ nang du yang dag par bzhag nas rab tu dben pa la mngon du phyogs shing shin tu skyo ba'i sems kyis lus drang po drang po dang lus bags kyis glod pas skyil mo krung bcas nas dran pa mngon du bzhag ste/ phyi rol tu ma byung ba'i sems kyis 'di snyam du sems so// sems can gang ngag khro ba gnod sems mang ba mi dge ba'i las byed pa rnams dang / gang rnams bdag la rgol ba dang / dgra bo gtsugs med par shar gnyer ba rnams byung ba 'am/ 'byung bar 'gyur ba yang rung ste/ bdag gis de dag thams cad kyi khro ba dang gnod sems rab tu zhi bar byas te byang chub kyi snying po la dgod par bya'o// de yang ngag tsam gyis ma yin gyi/ bsam pa thag pas sems te/ de ltar
- 332a
na byang chub sems dpa' byams pa bsgom pa mang ba yin no/ / ji ltar na byang chub sems dpa' rten cing 'brel par 'byung ba bsgom pa mang ba yin zhe na/ 'di la byang chub sems dpa' 'dod chags skyes pa dang / khro ba skyed pa dang / gnod sems kyi sems skyed na/ 'di snyam du sems so// chos 'di su la skye ba de yang rten cing 'brel par 'byung ba'o/ / chos 'di gang skye ba de yang rten cing 'brel par 'byung ba'o// rkyen gang dag gis skye ba de dag kyang rten cing 'brel par 'byung ba'o// rten cing 'brel par 'byung ba'i chos gsog de dag la mkhas pa'i rang bzhin can su zhig bdag la rma 'byin snyam ste/ de ltar na byang chub sems dpa' rten cing 'brel par 'byung ba sgom pa mang ba yin no// ji ltar na byang chub sems dpa' skyon la mkhas pa yin zhe na/ 'di la byang chub sems dpa' gang bdag gi rgyud la skyon yod pa de dag spang ba'i phyir nan tan du byed// gang gzhan gyi rgyud la yod pa mi nus pa'i rang bzhin de dga' yang btang snyoms su gnas so/ / skyon de dag gang zhe na/ 'di lta ste/ sangs rgyas la rim gro mi byed pa dang / chos dang / dge 'dun dang / bslab pa dang / 'phags pa rnams dang / tshangs pa mchus par spyod pa rgan rabs dang / bar ma dang / gsar bu rnams la ri mor mi byed pa ni skyon no// bdag la ri mor byed pa dang / gzhan la brnyas pa dang / yul la mngon du phyogs pa dang / mya ngan
- 332b
las 'das pa la rgyab kyis phyogs pa dang / bdag tu lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba dang / stong pa nyid du 'dzin pa dang / rtag par 'dzin pa dang / mi rtag par 'dzin pa dang / 'phags pa rnams la mnyes par mi byed pa dang / byis pa'i skye bo dang sten pa dang / tshul khrims dang ldan pa yod su spong ba dang / sems can tshul khrims 'chal pa la bsnyen bkur byed pa dang / sdig pa'i grogs po la sten pa dang / dge ba'i bshes gnyen yongs su spong ba dang / mdo sde zab mo spong ba dang / mdo sde zab mo la skrag pa dang / snyom las dang / le lo dang / bdag la brnyas pa dang / gzi brjid chung ba dang / spobs pa med pa dang / gnas ma yin pa la 'gyod pa dang mi 'gyod pa la 'gyod pa dang / 'gyod pa la mi 'gyod pa dang / sgrib pa kun nas ldang bas glags pa dang / g.yo sgyus bcings pa dang / rmugs shing gnyid kyis gnon pa dang / rnyed pa dang / bkur sti 'dod pa dang / rus la 'dod chags pa dang / rigs la 'dod chags pa dang / lta ba la 'dod chags pa dang / yul la 'dod chags pa dang / 'khor la 'dod chags pa dang / 'jig rten rgyang 'phen gyi gsang tshig la bsten pa dang / dam pa'i chos la 'byol ba dang / yid ma 'dor ba dang / mi dge ba dang ldan pa dag la rtsol ba dang / dge ba dang
- 333a
ldan pa dag la mi rtsol ba dang / rab tu byung ba dang sdeb pa dang / skyes pa dang sdeb pa dang / bud med dang sgrub pa dang / khre'u dang sdeb dang / bu mo dang sbre pa dang // stegs can dang sdeb pa dang / dkon pa la mngon par mi dga' ba dang / zas kyi tshod mi shes pa dang / bla ma'i drung du mi 'gro ba dang / kha ton gyi dus mi shes pa dang / spyod yul gyi gan mi shes pa dang / bslab pa phra mo dag la gus par mi byed pa dang / sdig pa chung ngu rnams la 'jigs par mi lta ba dang / dbang po gti mug gis bsgribs pa dang ldan pa dang / g.yeng ba la dbang po grims pa dang / rgod par spyod pa dang / bac+doMs dka' ba dang / bka' blo mi bde ba dang / yid du 'ong ba dang / yid du mi 'ong ba'i gzugs dag la mtshan ma dang / mngon rtags su 'dzin pa dang / khro ba rnams la sems ma byams pa dang / sdug bsngal pa rnams la snying mi brtse ba dang / na bas skyo bar mi byed pa dang / shi bas mi skrag pa dang / kun tu 'bar ba las mi 'byung ba dang / lus la so sor mi rtog pa dang / tshul khrims la so sor mi rtog pa dang / ci byas ci byed ci bya zhes so sor mi rtog pa dang / mi bsam pa la sems pa dang / mi brtags pa la rtog pa dang / mi smon pa la smon pa dang / mi 'byung ba la 'byung bar 'du shes pa dang / mi dga' ba la dga' bar 'du shes pa dang / lam
- 333b
ma yin pa la lam du 'du shes pa dang / ma thob pa la thob par 'du shes pa dang / ba phral gyi bya ba la chags pa dang / byed pa ngan pas g.yengs pa dang / dge ba'i phyogs rgya chen po rnam par spong ba dang / theg pa chen po la mi bsngag pa brjod pa dang / nyan thos kyi theg pa la bsngags pa rjod pa dang / theg pa chen po la mngon par dad pa'i gang zag rnams la mi bsngags brjod pa dang / nyan thos kyi theg pa la mngon par dad pa'i gang zag rnams la bsngags pa rjod pa dang / rtsod pa lhur len pa dang / 'thab pa'i ngang tshul can dang / brlang ba dang / rtsub pa dang pho theg can dang / spyi brtol chen po dang / gtum pa dang / gdug pa dang / gang mi snyan pa dang / mu cor smra ba dang / mi gtsigs par smra bas smra ba dang / ngan du smra bas smra ba dang // brdzun zer ba dang / spros pa la mngon par dga' ba dang / spros pa la gzhol ba ni skyon no// de de ltar skyon la mkhas pas spros pa thams cad dang bral bar bya ba'i phyir/ stong pa nyid la sgom pa la rnal 'byor du byed de/ de stong pa nyid la sgom pa mang bas/ gnas gang dang gang dag la sems 'jug cing / sems mngon par dad pa'i gnas de dang de dag la ngo bo nyid yongs su btsal na stong par rtogs so/ / sems de gang yin pa de yang yongs su brtags na stong pa'o// gang gisi brtags pa de yang stong par rtogs so// de de ltar
- 334a
rtogs pas mtshan ma med pa la rnal 'byor du byed do/ / de la nang gi mtshan ma gang dang gang snang bar 'gyur ba de dang de dag mtshan ma med par byed de/ ci nas kyang lus mi dmigs pa dang / lus la dran pa nye bar mi 'jog pa dang / lus la sems mi gtong ba dang / phyi rol gyi mtshan ma rnams mi dmigs pa dang / phyi rol gyi mtshan ma rnams la dran pa nye bar mi 'jog pa dang / sems mi gtong ba de ltar mtshan ma med par byed do// de phyi rol gyi mtshan ma rnams dang bral ba dang / lus kyi mtshan ma rnams dang bral bas na nang gi mtshan ma rnams spang ba'i phyir zhugs te sgom pa mngon par dga' ba skyed do/ / de sgom pa mang bas rtag tu sgom pa la brtson pa yin/ rgyun mi 'chad par zhi gnas dang lhag mthong la gnas pas gnas pa yin/ de la zhi gnas ni sems rtse gcig pa'o// lhag mthong ni yang dag pa ji lta ba bzhin du chos la so sor rtog pa'o// de sems mnyam par bzhag pas 'gyod pa med cing rab tu dga' ba yin no/ / de ci'i phyir zhe na/ de ltar tshul khrims yongs su dag pa'i phyir ro// tshul khrims yongs su dag pa'i byang chub sems dpa' rnams ni rnal 'byor spyod pa yin te/ tshul khrims phun sum tshogs pa rnams la ni/ rnal 'byor yang dag par 'grub bo// tshul khrims phun sum tshogs pa rnams ni rnal 'byor la spyod de/ de bas na rnal 'byor du spyod pa
- 334b
rnams zhes bya'o/ / rigs kyi bu chos bcu po de dag dang ldan na/ byang chub sems dpa' rnal 'byor spyod pa rnams yin no// rigs kyi bu chos bcu dang ldan na/ byang chub sems dpa' mdo ste 'dzin pa rnams yin no/ / bcu gang zhe na/ 'di lta ste/ dam pa'i chos kun bsrung ba'i phyir thos pa 'dzin gyi/ zang zing gi phyir ma yin no// bstan pa kun bsrung ba'i phyir thos pa 'dzin gyi/ rnyed pa'i phyir ma yin no// dkon mchog gsum gyi rigs mi 'chang bar bya ba'i phyir thos pa 'dzin gyi/ bkur sti'i phyir ma yin no// theg pa chen po la yang dag par zhugs pa'i sems can rnams rjes su gzung ba'i phyir thos pa 'dzin gyi/ grags pa dang / sgra dang / tshigs su bcad pa'i phyir ma yin no// mgon med pa'i sems can rnams la phan par bya ba'i phyir thos pa 'dzin to/ / sdug bsngal ba'i sems can rnams la bde bar bya ba'i phyir thos pa 'dzin to// shes rab kyi mig dang bral ba'i sems can rnams shes rab kyi mig thob par bya ba'i phyir thos pa 'dzin to/ / nyan thos kyi theg pa la yang dag par zhugs pa'i sems can rnams la nyan thos kyi theg pa'i lam bstan pa'i phyir thos pa 'dzin to/ / theg pa chen po la yang dag par zhugs pa'i sems can rnams la theg pa chen po'i lam bstan pa'i phyir thos pa 'dzin to// bdag nyid kyang bran med pa'i ye shes
- 335a
khong du chud par bya ba'i phyir thos pa 'dzin gyi/ theg pa chung ngu la ni mi smon to// rigs kyi bu chos bcu po de dag dang ldan na/ byang chub sems dpa' mdo sde 'dzin pa rnams yin no/ / rigs kyi bu chos bcu dang ldan na/ byang chub sems dpa' 'dul ba 'dzin pa rnams yin no// bcu gang zhe na/ 'di lta ste/ 'dul ba yang rab tu shes/ 'dul ba'i tshul yang rab tu shes/ 'dul ba zab yang rab tu shes/ 'dul ba zhib pa yang rab tu shes/ rung ba dang mi rung ba yang rab tu shes/ rang bzhin gyi kha na ma tho ba yang rab tu shes/ bcas pa'i kha na ma thob yang rab tu shes/ so sor thar pa'i bslab pa'i gleng gzhi dang 'byung ba yang rab tu shes/ nyan thos kyi 'dul ba yang rab tu shes/ byang chub sems dpa'i 'dul ba yang rab tu shes so// rigs kyi bu chos bcu po de dag dang ldan na/ byang chub sems dpa' 'dul ba 'dzin pa rnams yin no// rigs kyi bu chos bcu dang ldan na/ byang chub sems dpa' cho ga dang / spyod yug dang / spyod pa dang / spyod lam phun sum tshogs pa rnams yin no// bcu gang zhe na/ 'di lta ste/ nyan thos kyi bslab pa dag la shin tu bslabs pa rnams yin/ rang sangs rgyas kyi bslab pa dag la shin tu bslabs pa rnams yin/ byang chub sems dpa'i bslab pa dag la shin tu bslabs pa rnams yin/ de dag shin tu bslabs pas na/ cho ga dang spyod yul phun sum tshogs pa rnams yin/
- 335b
cho ga dang spyod yul phun sum tshogs pas dge sbyong gi tshul dang 'thun pa ma yin pa'i spyod yul rnams yongs su spong ngo // de dag de'i phyir gnas ma yin par mi spyod yul ma yin pa dang / dus ma yin par mi spyod/ de dag dge sbyong gi spyod yul la spyod pas/ spyod pa phun sum tshogs pa rnams yin te/ dge sbyong ngam/ bram zes 'di lta ste/ don dang mi ldan pa de dang / des mtshang 'drur meng la/ gzhan dag kyang bslab pa de nyid la 'jog par byed do// de dag spyod yul phun sum tshogs pas/ spyod lam mdzes pa phun sum tshogs pa yin/ spyod lam rab tu zhi bas spyod lam bcos pa med pa dang ldan pa yin no/ / rigs kyi bu chos bcu po de dag dang ldan na/ byang chub sems dpa' cho ga dang / spyod yul dang / spyod pa dang / spyod lam phun sum tshogs pa rnams yin no// rigs kyi bu chos bcu dang ldan na/ byang chub sems dpa' ser sna dang phrag dog dang bral ba rnams yin no// bcu gang zhe na/ 'di lta ste/ bdag nyid kyang sbyin pa'i bdag bo yin/ gzhan yang sbyin pa la yang dag par 'dzud/ sbyin pa'i bsngags pa smra ba rnams yin/ gzhan dag gis byin pa la rjes su yi rang bar byed/ sbyin pa'i bdag po gzhan dag la yang gzengs bstod cing rab tu dga' bar byed/ gzhan dag la byin na yang 'di snyam du bdag cag la byin cig/ gzhan la ni ma yin no// bdag cag gir gyur la/ gzhan dag gir ma gyur
- 336a
cig ces sems mi skyed/ 'di snyam du 'di lta ste/ sems can thams cad 'tsho ba'i yo byad de dang de dag thob par gyur cig ces 'jig rten dang 'jig rten las 'das pa'i bde ba dang ldan te bde bar gyur cig/ bdag gis kyang de nyid kyi don du 'bad par bya'o// brtsal bar bya'o// bdag cag gis ser sna dang phrag dog gi sems bskyed par mi bya'o zhes sems bskyed do/ / rigs kyi bu chos bcu po de dag dang ldan na/ byang chub sems dpa' ser sna dang phrag dog dang bral ba rnams yin no// rigs kyi bu chos bcu dang ldan na// byang chub sems dpa' sems can thams cad la sems snyoms pa rnams yin no// bcu gang zhe na/ 'di lta ste/ sems can thams cad la snyoms par sbyor ba rnams yin/ sems can thams cad la khong khro ba'i sems med pa rnams yin/ sems can thams cad la gnod sems med pa rnams yin/ sems can thams cad kyi don kho nar sbyin pa dag sbyin/ tshul khrims srung bzod pa sgom/ brtson 'grus rtsom/ bsam gtan la bsam gtan du byed/ shes rab sgom/ thams cad mkhyen pa nyid kyang yang dag par sgrub mod kyi/ gnyis la gnas pa'i sems kyis sgrub pa ma yin gyi/ sems can thams cad la thun mong gi sems dang / sems can thams cad la dmigs pas sgrub ste/ ci nas kyang chos nyid myur du thob par 'gyur ba de ltar sgrub bo//
- 336b
de dag 'khor ba rab tu 'bar ba nas/ bdag nyid byung nas gzhan dag kyang 'byin te/ de yang mnyam pa nyid kyi sems nye bar gzhag cing 'byin gyi/ sdug pa'i sems ma yin/ khong khro bas ma yin no/ / rigs kyi bu 'di lta ste/ dper na tshong dpon nam khyim bdag la bu sdug pa/ 'phangs pa/ byams pa/ yid du 'ong ba drug cig yod la/ bu de dag la tshong dpon nam khyim bdag mtshungs par byams shing mtshungs par sbyor bar gyur pa las de'i bu de dag byis pa yin te/ gog pa/ mi shes pa/ mi mkhas pa dag cig la/ de nas tshong dpon nam khyim bdag de'i khyim ma thar te/ de'i bu dag kyang so so na 'khod par gyur na/ rigs kyi bu de ji snyam du sems/ tshong dpon nam khyim bdag de 'di ni sngar je dbyung ngo // de nas phyis 'di dbyung ngo/ snyam de ltar sems sam/ byang chub sems dpa' sgrib pa thams cad rnam par sel bas gsol pa/ bcom ldan 'das ma lags so// de ci'i slad du zhe na/ bcom ldan 'das tshong dpon nam/ khyim bdag de bu rnams la sems snyoms pas de gang dang gang dag ji ltar 'jal ba de dang de nyid de bzhin du 'byin to// bcom ldan 'das kyis bka' stsal pa/ rigs kyi bu de bzhin du byis pa lta bu'i sems can thams cad ni byang chub sems dpa'i bu dang 'dra'i/ 'phags pa rnams ni ma yin te/ byang chub sems dpa'i de byis pa/ mi gsal ba/ mi mkhas pa/ 'gro ba drug
- 337a
po so so na gnas pa de dag 'khor ba'i khyim me thar pa nas gang dang gang ji ltar yongs su smin par 'gyur ba de dang de nyid de ltar 'byin to/ / byung nas kyang mya ngan las 'das pa'i dbyings zhi bar rab tu gzhog go/ / rigs kyi bu chos bcu po de dag dang ldan na/ byang chub sems dpa' sems can thams cad la sems snyoms pa rnams yin no// rigs kyi bu chos bcu dang ldan na/ byang chub sems dpa' de bzhin gshegs pa la mchod pa dang / rim gro bya ba la mkhas pa rnams yin no// bcu gang zhe na/ rigs kyi bu 'di lta ste/ chos la mchod pas de bzhin gshegs pa la mchod pa dang bsnyen bkur byas pa yin gyi/ zang zing gi mchod pas ni ma yin no// nan tan gyi mchod pa dang / sems can rnams la phan zhing bde bar bya ba dang / sems can rnams la phan 'dogs par byed pa dang / sems can gyi don la zhugs pa dang / yi dam mi gtong ba dang / byang chub sems dpa'i lam mi gtong ba dang / ji ltar smras pa bzhin du byed pa dang / yid yongs su mi skyo ba dang / byang chub kyi sems mi gtong bas/ rigs kyi bu de bzhin gshegs pa rnams la mchod ba dang bsnyen bkur byas pa yin gyi/ zang zing gi mchod pas ni ma yin no// rigs kyi bu de ci'i phyir zhe na/ de bzhin gshegs pa rnams ni chos kyi sku ste/ chos la mchod na/ de bzhin gshegs pa rnams mchod par
- 337b
'gyur ro/ / rigs kyi bu de bzhin gshegs pa rnams ni nan tan gyi yang dag par grub pa yin te/ sems can thams cad la phan zhing bde ba dang / sems can thams cad la phan 'dogs pa dang / sems can gyi don bya ba'i phyir skye'o// rigs kyi bu sems can gyi don de yang yi dam btang ba dang / byang chub sems dpa'i lam la rgyab kyis phyogs pa dang // brdzun du smra ba dang / smras pa las nyams pa dang / dam bcas pa las nyams pa dang / yid yongs su skyo ba dang / byang chub kyi sems dang bral bas yang dag par thob par mi nus so/ / rigs kyi bu de ci'i phyir zhe na/ byang chub sems dpa' rnams kyi bla na med pa yang dag par rdzogs pa'i byang chub ni sems can gyi don la rag las pa ste/ gal te sems can rnam med na/ byang chub sems dpa' rnams mngon par rdzogs par 'tshang rgya bar mi 'gyur ro// de bas na rigs kyi bu chos la mchod pas/ de bzhin gshegs pa rnams la mchod cing rim gror byas pa yin gyi/ zang zing gi mchod pas ma yin pa de ltar blta'o// rigs kyi bu chos bcu po de dag dang ldan na/ byang chub sems dpa' de bzhin gshegs pa la mchod pa dang rim gro ba mkhas pa rnams yin no/ / rigs kyi bu chos bcu dang ldan na/ byang chub sems dpa' nga rgyal bcom pa rnams yin no// bcu gang zhe na/ rigs kyi bu 'di lta ste/ byang chub
- 338a
sems dpa' khyim gyi gnas nas mngon par byung nas rab tu byung ste/ bdag gi grogs po dang / blon po dang / gnyen bshes dang / snag gi gnyen mtshangs la shi ba dang 'dra'o zhes nga rgyal bcom pa yin/ bdag gi gzugs mi sdug par khas blangs shing / bdag gis gos kha dog mi sdug pa bgos te/ tshul bzhin du 'gyur ro zhes nga rgyal bcom pa yin/ sdang ba'i rgyu spang ba'i/ phyir mgo bregs shing / lag na lhung bzed thogs te grong nas glong du 'gro'o zhes nga rgyal bcom pa yin/ gdol bu dang 'dra bar dma' ba dma' ba'i sems kyis bsod snyoms kyi phyir 'gro'o/ zhes nga rgyal bcom pa yin/ khadang ni bsod snyoms pa ste/ bdag gi 'tsho ba gzhan la rag lus so zhes nga rgyal bcom pa yin/ brnyas pa'i bsod snyoms ngan ngon len to zhes nga rgyal bcom pa yin/ bdag gis slob dpon dang / bla ma dang / sbyin pa'i gnas rnams mnyes par bya dgos so zhes nga rgyal bcom pa yin/ bdag gis tshangs pa mtshungs par spyod pa rnams la 'di lta ste/ cho ga dang spyod yul dang / kun spyod pa de dang des mgu bar bya'o zhes nga rgyal bcom pa yin/ sangs rgyas kyi chos ma thob pa rnams thob par bya'o zhes nga rgyal bcom pa yin/ sems can khros pa dang / gnod sems can rnams kyi nang na bzod pa mang bar bya'o zhes nga rgyal bcom pa yin no/ / rigs kyi bu chos bcu po de dag dang ldan na// byang chub sems dpa' nga rgyal bcom pa rnams yin no//
- 338b
rigs kyi bu chos bcu dang ldan na/ byang chub sems dpa' dad pa mang ba rnams yin no// bcu gang zhe na/ 'di lta ste/ sngon dge ba'i rtsa bas brtan pa'i rgyu phun sum tshogs pas/ bsod rnam kyis bstan pa rnams yin/ gzhan gyi dring mi 'jog/ gzhan gyis mi dkri/ ston pa gzhan med pas yang dag par lta ba rnams yin/ g.yo dang rgyus spyod pa dang bral bas bsam pa phun sum chog pa rnams yin/ gya gyu med pa'i rang bzhin can pas drang ba rnams yin/ dbang po rno bas shes rab phun sum tshogs pa rnams yin// rgyud dang bas sgrib pa dang kun nas ldang ba dang bral ba rnams yin/ sdig pa'i grogs po dang bral bas dge ba'i bshes gnyen la bstan pa rnams yin/ legs par bshad pa tshol bas mngon pa'i nga rgyal med pa rnams yin/ chos bstan pa la/ ma log par 'dzin pa rnams yin/ rgya chen po la mos pas de bzhin gshegs pa'i che ba rab tu shes pa yin no// rigs kyi bu chos bcu po de dag dang ldan na/ byang chub sems dpa' dad pa mang ba rnams yin no/ / byang chub sems dpa' sgrib pa thams cad rnam par sel bas gsol pa/ bcom ldan 'das bdag ni de bzhin gshegs pa'i che ba'i phyogs 'ga' tsam zhig nyan par gsol lo/ / bcom ldan 'das kyis bka' stsal pa/ rigs kyi bu de'i phyir de bzhin gshegs pa'i che ba'i phyogs 'ga' zhig ngas bstan gyis/ legs par rab tu nyon la yid la
- 339a
zung zhig/ bcom ldan 'das legs so zhes byang chub sems dpa' sgrib pa thams cad rnam par sel ba bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ / rigs kyi bu de bzhin gshegs pa ni sems can thams cad la thun mong ba'i byams pa chen po dang ldan te/ des de bzhin gshegs pa ji ltar sems can gcig la khyab pa de bzhin du sems can gyi khams ma lus pa thams cad la yang khyab ste/ sems can gyi khams thams cad la khyab nas/ nam mkha'i khams la khyab kyang / de bzhin gshegs pa'i byams pa chen po mtha' dang mu shes pa yang med do/ / rigs kyi bu de bzhin gshegs pa ni nyan thos dang / rang sangs rgyas dang / byang chub sems dpa' thams cad dang thun mong ma yin pa'i snying rje chen po dang ldan te/ des de bzhin gshegs pa ji ltar sems can gcig la snying rje ba bzhin du sems can gyi khams ma lus pa thams cad la snying rje zhing de la phan pa mdzad do/ / rigs kyi bu de bzhin gshegs pa ni chos ston pa mi zad pa dang ldan te/ de bzhin gshegs pa bskal pa du ma nas/ bskal pa brgya stong tshad mer grangs med pa du ma'i bar du rnam grangs gzhan dang gzhan dag dang / tshul gzhan dang gzhan dag gis sems can tham cad la dus gcig tu chos ston kyang / de bzhin gshegs pa'i chos bstan
- 339b
pa rad par mi 'gyur ro/ / rigs kyi bu de bzhin gshegs pa ni/ dri ba la lung bstan pa shin tu ston pa tshad med pa dang ldan te/ rigs kyi bu gal te sems can ji snyed sems can gyi za / su gtogs pa de dag thams cad kyis/ de bzhin gshegs pa la dus gcig tu tshig dang yi ge gzhan dag gis dri ba tha dad du dris kyang de dag la de bzhin gshegs pas skad cig thang cig yud tsam gcig la dris pa lung bstan pa'i ston pa bstan kyang / de bzhin gshegs pa'i dri ba la lung bstan pa'i ston pa zad par mi 'gyur ro// rigs kyi bu de bzhin gshegs pa ni chags pa med pa'i bsam gtan gyi spyod yul ba yin te/ rigs kyi bu gal te sems can thams cad byang chub sems dpa' sa bcu pa la gnas par gyur la/ de dag thams cad dus gcig tu ting nge 'dzin brgya stong du ma snyoms par zhugs te/ de bzhin du snyoms par zhugs pa nas/ bskal pa brgya stong du mar ting nge 'dzin gzhan dang gzhan dag la snyoms par zhugs kyang / de bzhin gshegs pa'i ting nge 'dzin tam/ de bzhin gshegs pa'i ting nge 'dzin gyi spyod yul gyi mtha' 'am mu mi rnyed do// rigs kyi bu de bzhin gshegs pa ni tshad med pa'i gzugs kyi sku mngon par grub pa dang ldan te/ rigs kyi bu gal te sems can thams cad de bzhin gshegs pa'i gzugs kyis 'dul bar gyur na/ de dag la de bzhin gshegs pa skad cig thang cig yud tsam gcig la/ sems
- 340a
can re re'i mdun du de bzhin gshegs pa'i gzugs nye bar ston to/ / gal te gzugs gzhan dang gzhan dag la mos par gyur na/ de la yang de bzhin gshegs pa skad cig thang cig yud tsam gcig gis sems can re re'i mdun du gzugs gzhan dang gzhan du nye bar ston to/ / rigs kyi bu de bzhin gshegs pa'i lha'i spyan gyi yul tshad med de/ rigs kyi bu lha'i spyan gyis gzigs kyi/ mi'i mig ma yin pa'i sems can yod pa/ gal te rigs kyi bu grangs dang bsam pa las 'das pa'i 'jig rten gyi khams kyi sems can ma lus pa kun de 'dra bar gyur kyang / de bzhin gshegs pas phyag gi mthil na skyu ru ra'i 'bras bu ltar yang dag pa ji lta ba bzhin du gzigs so// rigs kyi bu de bzhin gshegs pa'i lha'i snyan gyi yul tshad med de/ rigs kyi bu gal te de lta bu nyid kyi sems can gyis mtha' yas mu med pa'i 'jig rten gyi khams yongs su gang bar gyur la/ de dag thams cad kyis skad cig thang cig/ yud tsam gcig la sgra dang dbyangs brjod pa'i sgra lhan cig tu phyung ste/ brjod kyang de bzhin gshegs pas de dag bdag bdag gi sgra rnams kyang so sor gsan to// so sor rab tu mkhyen to// rigs kyi bu de bzhin gshegs pa'i ye shes tshad med pa/ mi zad pa/ nam mkha' dang 'dra ba dang ldan te/ rigs kyi bu gal te sems can gyi khams ma lus pa so sor rnam par rtog par
- 340b
rjes su rnam par rtog cing bsam pa rnam pa sna tshogs rjes su sems la so so na las sna tshogs byed na/ de dag kyang de bzhin gshegs pas skad cig thang cig yud tsam gcig la sems can 'di ni 'di la rnam par rtog go/ sems can 'di ni 'di la sems so// sems can 'di ni las 'di byed do// de'i 'bras bu ni 'dir 'gyur ro zhes rab tu mkhyen te/ de'ang de bzhin gshegs pas dus gsum char la yang thogs pa med pa'i ye shes kyis skad cig thang cig yud tsam gcig la rab tu mkhyen to/ / rigs kyi bu de bzhin gshegs pa ni rtag tu mnyam par bzhag pa rgyun mi 'chad par mnyam par bzhag pa'o/ / rigs kyi bu de ci'i phyir zhe na/ de bzhin gshegs pa la baspe la ngas pa med/ dbang po bslang ba med/ sems 'khrugs pa med do// rigs kyi bu de ci'i phyir zhe na/ de bzhin gshegs pa ni nyon mongs pa'i bag chags dang bcas pa thams cad spangs pa ste/ zhi ba/ rab tu zhi ba/ nye bar zhi ba'o// rigs kyi bu gang la nyon mongs pa yod/ pa de'i sems ni bslad par 'gyur te/ sems bslad pas mnyam par 'jog par mi 'gyur ro// de bzhin gshegs pa ni nyon mongs pa med pa/ rdul med pa/ zag pa med pa/ nyon mongs pa'i bag chags thams cad spangs pa/ chos thams cad la dbang ba mnyam pa nyid thob pa ting nge 'dzin dang snyoms par 'jug pa'i spyod yul thams cad las byung ba yin te/ gal te rigs kyi
- 341a
bu de bzhin gshegs pa spyod lam re re la yang ting nge 'dzin re res spyod pa nas/ de bzhin gshegs pa de zhin du spyod cing / mya ngan las 'das pa'i lus kyi tshe'i bar du spyod na// gang de bzhin gshegs pa rtag tu mnyam par bzhag pa lta ci smos/ rigs kyi bu de bzhin gshegs pa ni bskal pa grangs med pa du ma yang dag par grub pa ma yin te/ rigs kyi bu de bzhin gshegs pa la ni dpag pa dang / bsam pa dang / rtag par mi nus so// byang chub sems dpa' sgrib pa thams cad rnam par sel bas gsol pa/ bcom ldan 'das bskal pa grangs ma mchis pa gsum gyis de bzhin gshegs pa rnams yang dag par 'grub pa ma lags sam/ bcom ldan 'das kyis bka' stsal pa/ rigs kyi bu ma yin no// rigs kyi bu de ci'i phyir zhe na/ byang chub sems dpa' de bzhin gshegs pa'i spyod yul bsgrub par bya ba ni bsam gyis mi khyab ste/ de ni bskal pa grangs med pa gsum gyis yang dag par bsgrub par mi nus kyi/ nam byang chub sems dpa' chos mnyam pa nyid du zhugs par gyur pa de'i tshe nas brtsams te bskal pa bgrang bar bya'i/ thog ma'i sems nas brtsams te ni ma yin no// byang chub sems dpa' sgrib pa thams cad rnam par sel bas gsol pa/ bcom ldan 'das sus de bzhin gshegs pa'i che ba 'di thos nas/ dga' ba dang / dad pa dang / rangs pa rnyed pa'i sems can de dag ni
- 341b
sgyid bde ba la legs par bgyid pa'i las kyi sgrib pa spangs pa/ dad pa dang mos pa mang zhing byang chub tu nye ba lags na/ su dag thos nas 'dzin pa dang / 'chang ba dang / klog pa dang / kun chub par bgyid pa dang / gzhan la yang rgya cher ston pa lta ci smos te/ bcom ldan 'das sems can de dag ring po mi thogs par de bzhin gshegs pa'i che ba 'di 'dra ba dag nyid kyi snod du gyur par mchi'o/ / bcom ldan 'das kyis bka' stsal pa/ rigs kyi bu de de bzhin no// de de bzhin te/ rigs kyi bu su de bzhin gshegs pa'i che ba 'di thos par 'gyur ba'i sems can de dag sangs rgyas kyis yongs su bzung ba yin no/ / dge ba'i rtsa ba skyed pa dang / sangs rgyas mang po la bsnyen bkur byas par 'gyur te/ rigs kyi bu dang / rigs kyi bu mo de ngag gis the tsom dang / yid gnyis dang / nem nur mi bskyed par bya'o// rigs kyi bu 'am/ rigs kyi bu mo gang gis nub bdun du yid la bya ba gzhan med cing / sems ma 'khrugs par bsam pa drag po dang dad pa drag pos zhugs te/ de bzhin gshegs pa'i che ba 'di rjes su sems la/ zhag bdun 'das pa dang / des mchod pa'i cho ga nye bar bzhag nas/ gtsang bas gos gtsang ma bgos te/ dad pa mngon du byas la 'dug par byas te/ des de'i nub mo de de bzhin gshegs pa mthong bar 'gyur ro// de ste mi byed dam/ cho ga gtsang bar byed na/
- 342a
de sems rtse gcig par 'gyur zhing / 'chi ba'i tshe yang de bzhin gshegs pa de'i mdun na zhugs par 'gyur ro// byang chub sems dpa' sgrib pa thams cad rnam par sel bas gsol pa/ bcom ldan 'das de bzhin gshegs pa'i che ba 'di bshad na/ sems can gang la la mi dad par 'gyur ba ma mchis sam/ bcom ldan 'das kyis bka' stsal pa/ rigs kyi bu de bzhin gshegs pa'i che ba 'di bshad na/ sems can gang mi bzad pa/ rtsub pa/ tsha ba'i bsam pas gnod sems kyi sems skyed par 'gyur ba dang / chos smra ba de yang dgra 'du shes par 'gyur ba dag yod de/ de dag de'i phyir lus zhig nas sems can dmyal ba rnams su skye bar 'gyur ro// yang rigs kyi bu sems can gang rnams de bzhin gshegs pa'i che ba bshad pa 'di la dad pa rnyed par 'gyur ba dang / chos slu ba de la yang dge ba'i bshes gnyen du 'du shes pa dang / ston par 'du shes skyed pa/ rigs kyi bu sngon yang de bzhin gshegs pa'i che ba 'di/ tshe rabs de dang de dag gzhan la yang rigs kyi bu de dag gis thos par nges par rig par bya'o// de nas 'khor der 'dus pa'i sems can kha cig 'di snyam du sems te/ kye ma'o bcom ldan 'das kyis ji skad du bshad pa'i chos kyi rnam grangs 'di sngon bdag cag gis kyang thos pa lta zhig snyam mo// de nas bcom ldan 'das kyis de'i tshe ljags
- 342b
kyi dbang po phyung ste/ ljags kyi dbang pos zhal gyi dkyil 'khor mngon par bkab bo// zhal gyi dkyil 'khor mngon par bkab nas/ dbu mngon par bkang bo// dbu mngon par bkab nas/ sku mngon par bkab bo// sku mngon par bkab nas/ seng ge'i khri mngon par bkab bo// seng ge'i khri mngon par bkab nas/ byang chub sems dpa'i 'khor mngon par bkab bo/ / de nas nyan thos kyi 'khor/ de nas brgya byin dang / tshangs pa dang / 'jig rten skyong ba'i 'khor/ de nas thams cad dang ldan pa'i 'khor mngon par bka bo/ / de nas stong gsum gyi stong chen po'i 'jig rten gyi khams mngon par bkab bo// de nas bcom ldan 'das kyis ljags kyi dbang po phyir bsdus te/ thams cad dang ldan pa'i 'khor la bka' stsal pa/ rigs kyi bu 'di 'dra ba'i ljags kyis de bzhin gshegs pa rnams rdzun gsung bar mi 'gyur gyis/ rigs kyi bu khyed rnams dad par gyis shig/ rigs kyi bu khyed rnams mngon par dad par gyis shig/ de ni khyed kyi yun ring po'i don dang / phan pa dang / bde bar 'gyur ro// de nas bcom ldan 'das kyis bstan pa 'di bstan pa'i tshe/ byang chub sems dpa' brgyad khri bzhi stong gis mi skye ba'i chos rnams la bzod pa thob bo// srog chags brgya stong du ma ni chos rnams la chos kyi mig rdul dang
- 343a
bral zhing dri ma med pa rnam par dag go/ sngon sems ma skyed pa'i sems can du mas ni byang chub tu sems bskyed do// // 'phags pa dkon mchog sprin bam po bdun pa ste tha ma'o/ / de nas bcom ldan 'das kyis/ yang byang chub sems dpa' sgrib pa thams cad rnam par sel ba la bka' stsal rigs kyi bu chos bcu dang ldan na/ byang chub sems dpa' kun rdzob la mkhas pa rnams yin no// bcu gang zhe na/ 'di lta ste/ gzugs su yang 'dogs la/ don dam par na gzugs su yang mi dmigs shing mngon par mi chags so/ / de bzhin du tshor ba dang / 'du shes dang / 'du byed rnams dang / rnam par shes pa yang 'dogs la/ don dam par na rnam par shes par yang mi dmigs shing mngon par mi chags so/ / sa'i khams su yang 'dogs la/ don dam par na sa'i khams su yang mi dmigs shing mngon par mi chags so// de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams su yang 'dogs la/ don dam par na rnam par shes pa'i khams/ su yang mi dmigs shing mngon par mi chags so// mig gi skye mched du yang 'dogs la/ don dam par na mig gi skye mched du yang mi dmigs shing mngon par mi chags so// de
- 343b
bzhin du rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched du yang 'dogs la/ don dam par na yid kyi skye mched du yang mi dmigs shi mngon par mi chags so/ / bdag tu yang 'dogs la/ don dam par na bdag tu yang mi dmigs shing mngon par mi chags so// sems can du yang 'dogs la/ don dam par na sems can du yang mi dmigs shing mngon par mi chags so/ / gsog dang / gso ba dang / skyes bu dang / gang zag dang / shed las skyes dang / sheng bur yang 'dogs la/ don dam par na srog dang / gso ba dang / skyes bu dang / gang zag dang / shed las skyes dang / shed bur yang mi dmigs shing mngon par mi chags so// 'jig rten du yang 'dogs la/ don dam par ni 'jig rten du mi dmigs shing mngon par mi chags so/ / 'jig rten gyi chos rnams su yang 'dogs la/ don dam par na 'jig rten gyi chos rnams su yang mi dmigs shing mngon par mi chags so/ / sangs rgyas kyi chos rnams su yang 'dogs la/ don dam par na sangs rgyas kyi chos rnams su yang mi dmigs shing mngon par mi chags so// byang chub tu yang 'dogs la/ don dam par na byang chub dang byang chub byed par yang mi dmigs shing // de la yang mngon par mi migs shing mngon par mi chags so// rigs kyi bu de
- 344a
lta bas na/ gang ming dang 'dogs pa dang tha snyad de ni kun rdzob ces bya ste/ kun rdzob kyi chos rnams la ni don dam pa med mod kyi/ kun rdzob kyi chos rnams med par/ yang don dam pa bstan par mi nus so// rigs kyi bu byang chub sems dpa' gang gnas 'di dag la kun rdzob tu mkhas shing don dam pa yang ma yin pa de ni kun rdzob la mkhas pa zhes bya'o/ / rigs kyi bu chos bcu po de dag dang ldan na/ byang chub sems dpa' kun rdzob la mkhas pa rnams yin no// rigs kyi bu chos bcu dang ldan na/ byang chub sems dpa' don dam pa la mkhas pa rnams yin no/ / bcu gang zhe na/ 'di lta ste/ mi skye ba'i chos nyid dang ldan pa rnams yin/ mi 'gag pa'i chos nyid dang / mi 'jig pa'i chos nyid dang / mi len mi 'dor ba'i chos nyid dang / tshig gi spyod yul las yang dag par 'das pa'i chos nyid dang / smrar med pa'i chos nyid dang / spros pa med pa'i chos nyid dang / brjod du med pa'i chos nyid dang / zhi ba'i chos nyid dang / 'phrigs pa'i chos nyid dang ldan pa rnams yin no// rigs kyi bu de ci'i phyir zhe na/ domadam par ni mi s+ye/ mi 'gag/ mi 'jig go/ mi len to// mi 'dor ro// yi ge dag gis smra bar bya ba ma yin no// yi ge rnams kyis mi brjod do// spobs pas mi rtogs so// rigs kyi bu don dam pa ni/
- 344b
brjod du med pa ste zhi ba'o// 'phags pa rnams kyi so so rang gis rig pa'o// rigs kyi bu don dam pa ni de bzhin gshegs pa rnams skyes kyang rung / ma skyes kyang rung / mi 'jig ba ste/ rigs kyi bu de'i phyir byang chub sems dpa' rnams sgra dang kha spu bregs te/ gos ngur smrig gyon la yang dag par dad pas khyim nas khyim med par rab tu byung ngo // rab tu byung nas kyang / chos 'di kho na thob par bya ba'i phyir mgo 'am gos la me 'bar ba bzhin du brtson 'grus brtsams shing gnas so// rigs kyi bu gal te don dam pa meng du zan na// tshangs par spyod pa don med par 'gyur ro/ / de bzhin gshegs pa rnams 'byung ba yang don med par 'gyur ro// gang gi phyir don dam pa yod pas na/ de'i phyir byang chub sems dpa' rnams don dam pa la mkhas pa zhes bya'o/ / rigs kyi bu chos bcu po de dag dang ldan na/ byang chub sems dpa' don dam pa la mkhas pa rnams yin no// rigs kyi bu/ chos bcu dang ldan na/ byang chub sems dpa' rten cing 'brel par 'byung ba la mkhas pa rnams yin no// bcu gang zhe na/ 'di lta ste/ chos rnams gsog nyid du rab tu shes/ gsod nyid dang / snying po med pa nyid dang / mig yor lta bu nyid dang / gzugs brnyan lta bu nyid dang / brag cha lta bu nyid dang / sgyu ma lta bu nyid dang / mi gnas pa nyid dang / g.yo ba nyid
- 345a
dang / rten cing 'brel par 'byung ba nyid du yang rab tu shes so// de dag 'di snyam du sems te/ chos 'di dag ni 'di ltar gsog/ 'di ltar gsob/ 'di lta snying po med pa/ 'di ltar mig yor lta bu/ 'di ltar gzugs brnyan lta bu/ 'di ltar brag cha lta bu/ 'di ltar sgyu ma lta bu/ 'di ltar mi gnas pa/ 'di ltar g.yo ba/ 'di rten cing 'brel bar 'byung ba yin yang 'di dag skye bar yang snang ngo / / gnas pa dang 'jig par yang snang ngo snyam mo// de dag 'di snyam du sems te/ yang chos 'di rnams skye ba'i rkyen ni gang rnams yin/ chos 'di rnams 'gag pa'i rkyen ni gang rnams yin snyam mo// de dag 'di snyam du sems te/ ma rig pa'i rkyen gyis chos 'di dag skye ste/ ma rig pa las byung ba'o/ / ma rig pa sngon du 'gro ba'o// ma rig pa la brten pa'o// ma rig pa la brten nas/ 'du byed rnams 'byung ba yin/ 'du byed la brten nas rnam par shes pa snang bar 'gyur ro/ / rnam par shes pa yod na/ ming dang gzugs su 'dogs par 'gyur ro// ming dang gzugs su brtags na/ skye mched drug rnams su 'dogs par 'gyur ro// skye mched drug rnams yod na reg par 'gyur ro/ / reg pa yod na tshor ba snang bar 'gyur to// tshor ba'i rgyus byis pa rnams sred pas len par 'gyur ro// sred pas len na len pa 'dzin to//
- 345b
len pa gzung na srid pa'i mtshams sbyor bar 'gyur ro// srid pa yod na skye bar 'gyur ro// skye ba yod na rga bar 'gyur ro// skyes bu gang zag rga ba'i chos can ni 'chi bar 'gyur ro// shi ba la gnas pa'i mya ngan dang / smre sngags 'don pa dang / yi mug pa dang / 'khrug pa rnams 'byung ste/ 'di ltar sdug bsngal gyi phung po chen po 'di 'ba' zhig 'byung bar 'gyur ro// de lta bas na mkhas pa'i rang bzhin can gyis ma rig pa spang bar nan tan bya'o// ma rig pa gzhig pa dang / ma rig pa rtsa ba nas dbyung ba dang / ma rig pa 'gag pa'i phyir nan tan bya'o// ma rig pa 'gags pas/ ma rig pa'i rkyen las skyes dang / ma rig pa las byung ba/ ma rig pa sngon du 'gro ba/ ma rig pa'i rten pa'i chos 'di dag 'gag par 'gyur ro// rigs kyi bu 'di lta ste/ srog gi dbang po 'gags na/ dbang po lhag ma rnams kyang 'gag par 'gyur ro// de bzhin du ma rig pa 'gags na/ mi shes pa la brten pa'i chos 'di dag kyang 'gag par 'gyur ro// mi shes pa spangs pas nyon mongs pa rnams kyang mi 'byung ngo // 'gro ba rnams kyang mi 'byung ngo // 'khor ba'i rgyun rnams kyang 'gag par 'gyur ro// mya ngan las 'das pa dang yang nye bar 'gyur ro/ / rigs kyi bu chos bcu po de dag dang ldan na/ byang chub sems dpa' rten cing 'brel par 'byung ba la mkhas pa rnams yin no// rigs kyi bu chos bcu dang ldan na//
- 346a
byang chub sems dpa' bdag shes pa rnams yin no// bcu gang zhe na/ 'di lta ste/ 'di la byang chub sems dpa' 'di ltar ci bdag bram ze'i rigs sam/ 'on te/ rgyal rigs sam/ 'on te khyim bdag gi rigs sam/ ci mtho zhing phyug po 'am/ 'on te dma' zhing dbul ba'i rigs su skyes sam/ gang du skyes snyam yongs su rtog ste/ de gal te rigs mtho zhing phyug par skyes na yang / de rigs kyis dregs par mi byed do// 'on te dma' zhing dbul ba'i rigs su skyes par gyur na yang / bdag 'di lta bu'i rigs su skyes pa las bdag gis sngon las 'dren mar byas so zhes de snyam du sems skyed cing / de de'i rgyus skyo ba mang ba yin te/ skyo ba mang bar gyur nas rab tu 'byung ngo // rab tu byung nas kyang / bdag ci'i phyir rab tu 'byung zhes yongs su rtog ste/ bdag ni rang brgal nas/ gzhan dag kyang bsgral bar bya/ rang grol nas gzhan dag kyang dgrol bar bya'o zhes rab tu byung ngo snyam nas/ de de'i phyir le lo la mi rten cing snyoms las mi byed do/ / de bdag rab tu byung nas/ sdig pa mi dge ba'i chos gang dang gang nub cing yongs su zad de/ kun byang bar gyur ces yongs su rtog ste/ de sdig pa mi dge ba'i chos shig spangs par gyur na/ de la dga' ba dang / dad pa dang / rangs pa bskyed do// gang ma spangs pa de dag ni sdang ba'i phyir rtsol zhing 'bad do// de bdag rab tu byung nas dge ba'i/
- 346b
chos gang dang gang 'phel ba dang / rgyas pa dang / rgya cher gyur ces snyam du yongs su rtog ste/ de'i dge ba'i chos gang dag 'phel ba dang / rgyas pa dang / rgya cher gyur pa de la dga' ba dang / dad pa dang / rangs pa bskyed do// gang de ltar ma gyur ces snyam pa de dag 'phel ba dang / rgyas pa dang / rgya cher bya ba'i phyir rtsol zhing 'bad do// de bla ma la brten na dge ba'i chos rnams 'phel bar 'gyur/ sdig pa rnams ni 'grib par 'gyur ro snyam yongs su rtog ste/ de rgyu de dang / rkyen de dang / gzhi des mkhan po nyung ngu thos pa 'am/ mang du thos pa 'am/ shes pa'am/ mi shes pa 'am/ tshul khrims dang ldan pa 'am/ tshul khrims 'chal pa yang rung ste/ de la ston pa'i 'du shes bskyed do// de ji ltar na sten pa la dga' zhing dad pa nye bar gnas pa de bzhin du mkhan po la yang byed do/ / de la slob dpon rnams la rim gro yod cing rjes yod pa yin te/ de 'di ltar slob dpon rnams la brten na/ bdag gi byang chub kyi phyogs yongs su ma rdzogs pa rnams ni yongs su rdzogs par 'gyur ro/ / nyon mongs pa ma spangs pa rnams ni spang bar 'gyur ro snyam du yongs su rtog ste/ de dag la mkhan por 'du shes bskyed cing / dga' ba dang / dad pa dang / rangs pa thob pa dang / dge ba'i chos rnams la de dag dang 'thun par spyod pa yin/ mi dge ba'i chos rnams la
- 347a
mi 'thun par spyod pa yin te/ de de'i snyam du bdag gi ston pa gang zhes yongs su rtog cing / de 'di snyam du sems te/ bdag gi ston pa ni thams cad mkhyen pa/ thams cad thugs su chud pa/ 'jig rten thams cad la thugs brtse ba/ thugs rje chen po dang ldan pa/ sbyin pa'i gnas chen po ste/ lha dang / mi dang / lha ma yin du bcas pa'i 'jig rten gyi ston pa'o snyam ste/ de rgyu de dang / rkyen de dang / gzhi des dga' ba dang / dad pa dang / rangs pa bskyed do// de 'di snyam du sems te/ bdag gi ston pa bcom ldan 'das de yin pa ni bdag gis rnyed pa legs par rnyed do/ / bcom ldan 'das des bslab pa'i lam gang bcas pa de las kyang bdag gis srog gi phyir yang 'da' bar mi bya ste/ de ltar na bdag gis bcom ldan 'das de la rim gro dang rjes su 'brang bar byas par 'gyur ro/ / de 'di snyam du bdag su'i bsod snyoms la yongs su spyod ces sems shing de 'di snyam du sems te/ bdag ni bram ze dang / rgyal rigs dang / grong pa dang / yul gyi mi rnams kyi bsod snyoms la yongs su spyod kyis/ bdag gis ci nas kyang de dag gi bsod snyoms 'bras bu yod pa dang / don che ba dang / mthu che ba dang / bdag gis kyang yul 'khor gyi bsod snyoms 'bras bu yod par yongs su spyod pa de ltar bya'o snyam mo// de 'di snyam
- 347b
du bram ze dang / rgyal rigs dang / grong pa dang / yul gyi mi 'di dag 'du shes ci dang ldan zhing bdag la bsod snyoms ster snyam zhing / 'di ltar rjes su sems te/ bram ze dang / rgyal rigs dang / grong rdal gyi mi dang / yul gyi mi 'di dag ni bdag la dge sbyong gi 'du shes dang ldan/ dge slong gi 'du shes dang ldan/ sbun pa'i gnas kyi 'du shes dang ldan zhing bdag la bsod snyoms sbyin par byed kyis/ ci nas kyang bdag gis ni dge sbyong gi yon tan yang dag par blangs te gnas par bya ba dang / dge slong gi yon tan dang sbyin pa'i gnas kyi yon tan rnams yang dag par blangs te gnas par bya ba de ltar spyad do snyam mo/ / de 'di snyam du bdag gis thog ma dang tha ma med pa'i skye ba 'khor ba las brgal bar gyur tam zhes sems shing de 'di snyam du bdag gis dge slong gis tshul thob pa 'di ni rgal ba dang po'o/ / bdag dge slong gi yon tan dang ldan pa 'di ni rgal ba gnyis pa'o// bdag le lo med cing chos nyid thob pa'i phyir/ ci nas kyang thog ma dang tha ma med pa'i skye ba'i 'khor ba las rgyal bar 'gyur ba de ltar brtson 'grus brtsams te gnas par bya'o snyam du sems te/ rigs kyi bu de ltar yongs su rtog pa'i byang chub sems dpa' ni bdag shes pa yin no/ / rigs kyi bu chos bcu po de dag dang ldan na/ byang chub sems dpa' bdag shes pa rnams yin no//
- 348a
/ rigs kyi bu chos bcu dang ldan na/ byang chub sems dpa' 'jig rten shes pa rnams yin no// bcu gang zhe na/ 'di lta ste/ khengs pa dag la dma' ba rnams yin/ nga rgyal can dag la nga rgyal med pa rnams yin/ gya gyu can rnams la drang po rnams yin/ brdzun du smra ba dag bden par smra ba rnams yin// kha mi mkhas pa dag la snyan par smra ba rnams yin/ rtsub pa dag la 'jam pa rnams yin/ khro ba dag la bzod pa mang ba rnams yin/ gtum pa dag la byams pa'i bdag nyid can rnams yin/ sdug bsngal bdag la snying rje ba'i bdag nyid can rnams yin ser sna can dag la bgo bsha' byed pa'i ngang tshul can rnams yin te/ rigs kyi bu chos bcu po de dag dang ldan na/ byang chub sems dpa' 'jig rten shes pa rnams yin no// rigs kyi bu chos bcu dang ldan na/ byang chub sems dpa' rnams sangs rgyas kyi zhing yongs su dag pa dag tu skye'o// bcu gang zhe na/ 'di lta ste/ skyon med pa dang / sra sre med pa'i tshul khrims dang ldan pas tshul khrims yongs su dag pa dang ldan pa rnams yin/ sems can thams cad la sbyor ba mnyam pas/ sems snyoms pa rnams yin/ dge ba'i rtsa ba mi chung bas dge ba'i rtsa ba rgya chen po/ dang ldan pa rnams yin/ gos pa med pas rnyed pa dang / bkur sti dang / grags pa dang / sgra dang / tshigs su bcad pa'i sems yongs su spangs pa rnams yin/ nem nur med pa'i sems
- 348b
dang ldan pas dad pa rnams yin/ sems le lo med pa dang ldan pas brtson 'grus brtsams pa rnams yin/ sems mi g.yeng ba dang ldan pas bsam gtan phun sum tshogs pa rnams yin/ shes rab 'chal pa'i rang bzhin can ma yin pas mang du thos pa rnams yin/ shes rab rno bas dbang po mi rtul ba rnams yin/ gnod sems dang ldan pas byams pa'i bdag nyid can rnams yin no/ / byang chub sems dpa' sgrib pa thams cad rnam par sel bas gsol pa/ bcom ldan 'das ci chos de dag tshogs pas skye bar 'gyur ram/ 'on te la la ma tshang yang skye bar 'gyur/ bcom ldan 'das kyis bka' stsal pa/ rigs kyi bu chos tshogs pa de dag las gang gi chos cig gcig skyon med cing ma 'dres la/ sra sre med de/ yongs su dag cing yongs su byang / yongs su rdzogs par 'gyur ba de la/ rigs kyi bu mos de dag thams cad yongs su rdzogs par 'gyur bas/ rigs kyi bu de'i phyir chos de dag tshogs pas skye'i ma tshogs pas ni ma yin te/ rigs kyi bu chos bcu po de dag dang ldan na/ byang chub sems dpa' rnams sangs rgyas kyi zhing yongs su dag pa dag tu skye'o// rigs kyi bu chos bcu dang ldan na/ byang chub sems dpa' rnams mngal gyi dri mas ma gos par skye'o/ / bcu gang zhe na/ 'di lta ste/ de bzhin gshegs pa'i gzugs byed pa dang / mchod rten zhig pa bcos pa dang / de bzhin gshegs pa'i mchod rten dag la
- 349a
spos kyi byug pa 'bul ba dang / de bzhin gshegs pa'i sku gzugs dag la khrus kyi spos chu 'bul ba dang / de bzhin gshegs pa'i mchod rten dag la phyag bdar dang skyang nul bya ba 'bul ba dang / pha ma dag la lus kyi rim gro byed pa dang / mkhan po dang slob dpon dag la lus kyi rim gro byed pa dang / tshangs pa mtshungs par spyod pa rnams la lus kyi rim gro byed cing / de yang zang zing med pa'i sems kyis te/ zang zing dang bcas pas ma yin la/ dge ba'i rtsa ba de yang 'di ltar/ dge ba'i rtsa ba 'dis sems can thams cad mngal gyi dri mas gos par skye bar gyur cig ces yongs su sngo zhing / de yang bsam pa thag pa nas sems pa ste/ rigs kyi bu chos bcu po de dag dang ldan na/ byang chub sems dpa' mngal gyi dri mas ma gos par skye'o/ / rigs kyi bu chos bcu dang ldan na/ byang chub sems dpa' khyim gyi gnas nas mngon par byung ba rnams yin no// bcu gang zhe na/ 'di lta ste/ nye bar len pa med pa rnams yin/ 'du 'dzi med par spyod pa rnams yin/ yul la rgyab kyis phyogs pa rnams yin/ yul la sred pa dang bral ba rnams yin/ yul gyi nyes pas mi gos pa rnams yin/ de bzhin gshegs pas tshul khrims bcas pa la rim gro byed cing brtson pa dang / shin tu bslabs pa rnams yin/ gos dang / bsod snyoms dang / mal
- 349b
cha ngan ngon dang / na ba'i gsos sman dang / yo byad ngan ngon dag gis chog shes pa rnams yin/ lhung bzed dang / chos gos dang / yo byad la sogs pa dang bral ba rnams yin// rtag par 'jigs pa'i yid dang ldan zhing yul rnams las skyo ba rnams yin/ dben pa la dga' zhing rtag tu bsgom pa la brtson pa rnams yin no// rigs kyi bu chos bcu po de dag dang ldan na/ byang chub sems dpa' khyim gyi gnas nas byung ba rnams yin no// rigs kyi bu chos bcu dang ldan na/ byang chub sems dpa' 'tsho ba yongs su dag pa rnams yin no/ / bcu gang zhe na/ 'di lta ste/ tshul 'chos pa dang kha gsag gi rnyed pa dang bral ba rnams yin/ gzhogs slongs kyi rnyed pa dang bral ba rnams yin// thob kyis 'jal ba'i rnyed pa dang bral ba rnams yin/ mi rigs pa 'tshal ba'i rnyed pa dang bral ba rnams yin/ chos ma yin pa'i rnyed pa dang bral ba rnams yin/ yongs su ma dag pa'i rnyed pa dang bral ba rnams yin/ rnyed pa la zhen pa med pa rnams yin/ rnyed pa la chags pa med pa rnams yin/ yongs su yi chad pa'i rang bzhin meng pa rnams yin chos kyi rnyed pas chog shes pa rnams yin te/ rigs kyi bu ji ltar na byang chub sems dpa' tshul 'chos pa dang kha gsag gi rnyed pa dang bral ba yin zhe na/ rigs kyi bu 'di la
- 350a
byang chub sems dpa' rnyed pa'i rgyu rnyed pa'i phyir/ lus kyi tshul 'chos pa mi byed/ ngag gi tshul 'chos pa mi byed/ sems kyi tshul 'chos pa mi byed do// ji ltar na lus kyi tshul 'chos mi byed pa yin zhe na/ byang chub sems dpa' ni sbyin pa byed pa dang / sbyin pa'i bdag po mthong na/ spyod lam mi 'chos so// ji ltar na spyod lam mi 'chos she na/ gnya' shing gang tsam du lta ba dang / skyo bar lta ba dang / sgrib pa med par lta bas/ gom pa bags kyis dal nas 'dor zhing 'deg pa ma yin te/ de ltar na lus kyi tshul 'chos par mi byed do/ / ji ltar na ngag gi tshul 'chos pa mi byed ce na/ byang chub sems dpa' ni rnyed pa'i rgyu rnyed pa'i phyir gcom bskyungs shing smra ba ma yin 'jam por smra ba yin/ dga' bar smra ba ma yin/ rjes su 'brang ba'i tshig brjod pa ma yin no// de ltar na ngag gi tshul 'chos pa mi byed do// ji ltar na sems kyi tshul 'chos pa mi byed ce na/ byang chub sems dpa' ni sbyin pa byed pa'am/ sbyin pa'i bdag pos rnyed pas bstabs na tshig 'dod pa chung bar ston cing sems kyi 'dod pa skyed pa ma yin no// rigs kyi bu 'di lta ste/ tshig gis 'dod pa chung la/ sems kyis rnyed pa 'di ni nang gi gdung ba yin te/ de ltar na sems kyis tshul 'chos pa mi byed de/ de ltar na byang chub sems dpa'
- 350b
tshul 'chos pa dang kha gsag gi rnyed pa dang bral ba yin no/ / ji ltar na gzhogs slongs kyi rnyed pa dang bral ba yin zhe na/ byang chub sems dpa' ni sbyin pa byed pa'am/ sbyin bdag/ mthong na/ bdag gos kyis 'phongs so// bdag lhung bzed kyis 'phongs so// bdag na ba'i gsos sman gyis 'phongs so zhes gzhogs slongs mi byed cing / sbyin pa byed pa'am sbyin pa'i bdag po la mi slong zhing tshig tu mi brjod de/ de de ltar na byang chub sems dpa' gzhogs slong gi rnyed pa dang bral ba yin no// ji ltar na thob kyis 'jal ba'i rnyed pa dang bral ba yin zhe na/ byang chub sems dpa' ni sbyin pa byed pa dang sbyin bdag mthong na/ bdag sbyin pa'i bdag po che ge mo zhig gis dngos po che ge mo zhig byin te/ de la bdag gis kyang phan pa che ge mo zhig byas so zhes des kyang bdag la tshul khrims dang ldan par rig ste/ mang du thos pa'o// 'dod pa chung ba zhes 'di dang 'di byin no// bdag gis kyang de la 'di snying rje ba'i sems nye bar bzhag ste blangs so zhes de skad kyi tshig mi brjod de/ de ltar na byang chub sems dpa' thob kyis 'jal ba'i rnyed pa dang ldan pa yin no// ji ltar na byang chub sems dpa' mi rigs par 'tshal ba'i rnyed pa dang bral ba yin zhe na/ rigs kyi bu byang chub sems dpa' ni lus la rma byung ba dang / sems la rma byung bar rnyed pa tshol ba ma yin no// de la lus kyi rma ni 'di lta ste/ rnyed pa'i
- 351a
rgyu rnyed pa'i phyir rgyug pa dang / kun tu rgyug pa dang / 'chal pa'i tshul khrims la spyod pa'o// sems kyi rnga ni 'di lta ste/ rnyed pa la smon pa dang / tshangs pa mtshungs par/ spyod pa gzhan gyis rnyed pa dag la gnod sems mang ba ste/ de ltar na byang chub sems dpa' mi rig par 'chal ba'i rnyed pa dang bral ba yin no// ji ltar na byang chub sems dpa' chos ma yin pa'i rnyeng ba dang bral ba yin zhe na/ rigs kyi bu 'di la byang chub sems dpa' srang la sgyu med pa dang / bcal ba la sgyu med pa dang / yid brtan pa la gnod par byed pa med pa dang / g.yos rnyed pa mi sgrub pa ste/ de ltar na byang chub sems dpa' chos ma yin pa'i rnyed pa dang bral ba yin no// ji ltar na byang chub sems dpa' yongs su ma dag pa'i rnyed pa dang bral ba yin zhe na/ 'di la byang chub sems dpa' gang mchod rten gyi dang 'dres pa 'am/ chos kyi dang 'dres pa 'am/ dge 'dun gyi dang 'dres pa 'am/ ma byin par ma gnang ba de dag mi len cing bdag gir mi byed/ chags pa'i sems mi skyed de/ de ltar na byang chub sems dpa' yongs su ma dag pa'i rnyed pa dang bral ba yin no// ji ltar na byang chub sems dpa' rnyed pa la zhen pa med pa yin zhe na/ rigs kyi bu 'di la byang chub// sems dpa' rnyed pa rnyed kyang / bdag gir mi byed/ nor du mi brtsi/ tshogs su mi byed cing / dus dus su dge sbyong dang / bram ze dang / pha ma dang / mdza' bo dang / blon po dang / gnyen
- 351b
bshes dang / snag gi gnyen mtshams dag la gtong zhing dus dus su bdag kyang yongs su spyod la/ yongs su spyod pa'i tshe chags pa med pa dang / zhen par med par yongs su spyod do// rnyed pa ma rnyed na yang skyo ba'i sems mi skyed cing yongs su yi mi 'chad de/ sbyin pa byed pa dang / sbyin bdag rnams la ma dad par mi 'dzin pa yin te/ de chos dang 'thun par rnyed pa/ dge 'dun gyir gtogs pa/ de bzhin gshegs pas bsngags pa/ byang chub sems dpa' ma smad pa/ lhas bstod pa/ tshangs pa mtshungs par spyod pas mi dpya bas chog shes pa yin no/ / rigs kyi bu chos bcu po de dag dang ldan na/ byang chub sems dpa' 'tsho ba yongs su dag pa rnams yin no// rigs kyi bu chos bcu dang ldan na/ byang chub sems dpa' yid yongs su mi skyo ba rnams yin no/ / bcu gang zhe na/ 'di lta ste/ sems can gyi rgyu sems can gyi phyir 'khor ba na gnas pas yongs su mi skyo'o// sems can gyi rgyu sems can gyi phyir 'khor ba'i sdug bsngal gyis yongs su mi skyo'o/ / sems can gyi don rnams la yongs su mi skyo'o// sems can gyi dgos pa rnams la yongs su mi skyo'o// sems can gyi bya ba rnams la yongs su mi skyo'o/ / gang zag nyan thos kyi theg pa pa rnams la lam ston pas yongs su mo skyo'o// de dag la dad pa mi byed do// byang chub kyi phyogs kyi chos
- 352a
yongs su bsdugs kyang yongs su mi skyo'o/ / byang chub kyi phyogs tshogs yongs su rdzogs par bya bas kyang yongs su mi skyo'o// bsam pa mya ngan las 'das par gyur kyang / mya ngan las 'das pa la mngon du mi ston du mi lta'i/ byang chub la gzhol/ byang chub la 'bab/ byang chub la bab pa rnams yin no// rigs kyi bu chos bcu po de dag dang ldan na/ byang chub sems dpa' yid yongs su mi skyo ba rnams yin no// rigs kyi bu chos bcu dang ldan na/ byang chub sems dpa' de bzhin gshegs pa/ rnams kyi bka' bzhin du byed pa rnams yin no// bcu gang zhe na/ 'di lta ste/ bag med pa thams cad dang bral zhing bag yod par spyod pa rnams yin/ lus kyi shin tu bsdams shing lus kyi ngan du spyad pa mi spyod pa rnams yin/ ngag gi shin tu bsdams shing / ngag gi ngan du spyad pa mi spyod pa rnams yin/ yid kyi shin tu bsdams shing / yid kyi ngan du spyad pa mi spyod pa rnams yin no/ / 'jig rten pha rol gyi 'jigs shing mi dge ba'i chos thams cad rnam par spangs pa rnams yin/ rigs par smra zhing mi rigs pa thams cad dang bral ba rnams yin/ chos su smra zhing chos ma yin pa la smod pa rnams yin/ smad pa'i las rnam par spangs shing dge ba'i las kyi rjes su 'brang ba rnams yin/ de bzhin gshegs pa'i
- 352b
bstan pa la sun mi 'byin cing nyon mongs pa dri nga ba'i yul thams cad dang bral ba rnams yin/ de bzhin gshegs pa'i chos nyid yongs su mi spong zhing sdig pa mi dge ba'i chos rnams la srung ba/ rnams yin no// rigs kyi bu chos bcu po de dag dang ldan na/ byang chub sems dpa' de bzhin gshegs pa rnams kyi bka' bzhin du byed pa rnams yin no// rigs kyi bu chos bcu dang ldan na/ byang chub sems dpa' bzhin 'dzum zhing khro gnyer med pa rnams yin no// bcu gang zhe na/ 'di lta ste/ dbang po shin tu ngang ba rnams yin no// dbang po yongs su dag pa rnams yin/ dbang po gsal ba rnams yin/ dbang po dri ma med pa rnams yin/ dbang po yongs su byang ba rnams yin/ gnod sems dang bral ba rnams yin// bag la nyal ba dang bral ba rnams yin/ kun nas ldang ba dang bral ba rnams yin/ tha ba dang mdud par 'dzin pa dang bral ba rnams yin// khong khro ba dang bral ba rnams yin no// rigs kyi bu chos bcu po de dag dang ldan na/ byang chub sems dpa' bzhin 'dzum zhing khro gnyer med pa rnams yin no// byang chub sems dpa' sgrib pa thams cad rnam par sel bas gsol pa/ bcom ldan 'das kyis gsungs pa'i don ji lta bu lags pa bdag gis 'tshal te/ byang chub sems dpa' rnams dbang po yongs su dag pas na/ bzhin 'dzum pa lags/ nyon mongs pa rnams dang bral bas na
- 353a
khro gnyer ma mchis pa lags so/ / bcom ldan 'das kyis bka' stsal pa/ rigs kyi bu de de bzhin no// de de bzhin te/ byang chub sems dpa' rnams dbang po yongs su dag pas na/ bzhin 'dzum pa yin/ nyon mongs pa rnams dang bral bas na/ khro gnyer med pa yin no// rigs kyi bu chos bcu dang ldan na/ byang chub sems dang mang du thos pa rnams yin no/ / bcu gang zhe na/ 'di lta ste/ 'khor ba ni 'dod chags kyi mes rab tu 'bar ba'o zhes yang dag pa ji lta ba bzhin du rab tu shes so// zhe sdang gi mes rab tu 'bar ba'o zhes yang dag pa ji lta ba bzhin du rab tu shes so/ / gti mug gi me sa rab tu dkrugs pa'o zhes yang dag pa ji lta ba bzhin du rab tu shes so// 'dus byas ni mi rtag pa'o zhes yang dag pa ji lta ba bzhin du rab tu shes so/ / 'du byed rnams ni sdug bsngal ba'o zhes yang dag pa ji lta ba bzhin du rab tu shes so// 'jig rten ni stong pa'o zhes yang dag pa ji lta ba bzhin du rab tu shes so/ / chos thams cad ni bdag med pa'o zhes yang dge ba ji lta ba bzhin du rab tu shes so// 'jig rten ni spros pa la mngon par dga' ba'o zhes yang dag pa ji lta ba bzhin du rab tu shes so/ / chos thams cad ni rkyen las byung ba'o zhes yang dag pa ji lta ba bzhin du rab tu shes so// mya ngan las 'das pa ni zhi ba'o zhes yang dag pa ji lta ba bzhin du rab tu shes so// /
- 353b
de yang thos pa dang / bsam pa dang / bsgom pas shes kyi/ sgrar brjod pa can gyis ni ma yin te/ de ltar shes nas kyang / snying rje ba'i sems brtan pa nye bar bzhag ste/ sems can rnam kyi don du rtsol zhing 'bad la brtson 'grus rtsom mo/ / rigs kyi bu chos bcu po de dag dang ldan na/ byang chub sems dpa' mang du thos pa rnams yin no// rigs kyi bu chos bcu dang ldan na/ byang chub sems dpa' dam pa'i chos yongs su 'dzin pa rnams yin no// bcu gang zhe na/ 'di lta ste/ phyi ma'i dus phyi ma'i tshe/ lnga brgya tha ma la dam pa'i chos rnam par 'jig cing bstan pa 'khrug par gyur pa dang / sems can rnams la ma ngan par zhugs pa dang / ye shes kyi sgron ma mya ngan las 'ongs te/ ston pa med pa'i tshe/ mdo sde rgya chen po rgya chen po don che zhing mthu che ba/ dam pa'i chos thams cad kyi ma mo dang 'dra ba dag 'dzin cing klog la/ kha ton byed cing kun chub par byed pa dang / gzhan dag la yang rgya cher brjod cing ston pa yang dag par ston gyi gsal bar byed pa dang / de la zhugs pa'i gang zag rnams la dga' ba dang / dad pa dang / rangs par byed cing / de dag la phan 'dogs pa dang / zang zing med pa'i sems kyis dam pa'i chos nyan pa dang / chos smra ba'i gang zag rnams la ston par 'du shes skyed pa dang / dam pa'i chos la bdud rtsir 'du shes skyed pa dang / bcud kyis len du 'du shes skyed pa dang / rtsi'i 'dra
- 354a
shes skyed pa dang / lus dang srog la mi lta bar dam pa'i chos yongs su tshol ba dang / brtsal nas kyang nan tan gyis sgrub pa'o// rigs kyi bu chos bcu po de dag dang ldan na/ byang chub sems dpa' dam pa'i chos yongs su 'dzin pa rnams yin no// rigs kyi bu chos bcu dang ldan na/ byang chub sems dpa' chos kyi rgyal po'i sras rnams yin no/ / bcu gang zhe na/ 'di lta ste/ lus mtshan gyi rgyan gyis brgyan pa rnams yin/ lus dpe byad bzang po'o me tog rgyas pa rnams yin/ dbang po rnam pa thams cad kyi mchog dang ldan zhing shin tu yongs su rdzogs pa rnams yin/ / de bzhin gshegs pas bstan pa'i gnas la rjes su rten pa rnams yin/ de bzhin gshegs pa rnams bzhud pa'i lam rjes su thob par byed pa rnams yin/ de bzhin gshegs pas thugs su chud pa'i chos rnams khong du chud par byed pa rnams yin/ 'jig rten sdug bsngal ba yongs su skyo ba rnams yin/ 'phags pa'i tshul la shin tu bslabs pa rnams yin/ tshangs pa'i gnas rnams la shin tu mthar phyin pa rnams yin/ de bzhin gshegs pa bzhugs pa'i tham cad mkhyen pa nyid kyi pho brang na gnas pa rnams yin te/ rigs kyi bu chos bcu po de dag dang ldan na/ byang chub sems dpa' chos kyi rgyal po'i sras rnams yin no//
- 354b
rigs kyi bu chos bcu dang ldan na/ byang chub sems dpa' brgya byin dang / tshangs pa dang / 'jig rten skyong bas bsu ba rnams yin no// bcu gang zhe na/ 'di lta ste/ byang chub las phyir mi ldog pa rnams yin/ bdud thams cad kyis mi bskul ba rnams yin/ sangs rgyas kyi chos thams cad las mi g.yo ba rnams yin/ chos thams cad kyi tshul la zhugs pa rnams yin/ chos thams cad kyi mnyam pa nyid khong du chud pa rnams yin/ sangs rgyas kyi chos la gzhan gyi dring mi 'jog pa rnams yin/ shin tu rtog pa'i ye shes dang ldan pa rnam yin/ nyan thos dang / rang sangs rgyas thams cad dang thun mong ma yin pa rnams yin/ 'jig rten thams cad las mngon par 'phags pa rnams yin/ mi skye ba'i chos kyi bzod pa thob pa rnams yin te/ rigs kyi bu chos bcu po de dag dang ldan na/ byang chub sems dpa' brgya byin dang / tshangs pa dang / 'jig rten skyong bas bsu pa rnams yin no// rigs kyi bu chos bcu dang ldan na/ byang chub sems dpa' bsam pa dang bag la nyal ba shes pa rnams yin no// bcu gang zhe na/ 'di lta ste/ sems can 'dod chags kyi bsam pa can yang dag pa ji lta ba bzhin du rab tu shes so/ / zhe sdang gi bsam pa can dang / gti mug gi bsam pa can dang / dam pa'i bsam pa can dang / bar ma'i
- 355a
bsam pa can dang / zhan pa'i bsam pa can dang / dge ba'i bsam pa can dang / brtan pa'i bsam pa can dang / yun ring po'i bsam pa can dang / sems na/ gtum pa'i bsam pa can yang dag pa ji lta ba bzhin du rab tu shes shing / de yang sems can gcig la ji ltar shes pa bzhin du sems can gyi khams kun la yang yang dag pa ji lta ba bzhin du rab tu shes so/ / rigs kyi bu chos bcu po de dag dang ldan na// byang chub sems dpa' bsam pa dang bkal zhal ba shes pa rnams yin no// rigs kyi bu chos bcu dang ldan na/ byang chub sems dpa' sems can yongs su smin par bya ba'i cho ga shes pa rnams yin no// bcu gang zhe na/ 'di lta ste/ sangs rgyas kyi gzugs kyis 'dul ba'i sems can rnams la/ sangs rgyas kyi gzugs nye bar ston to// byang chub sems dpa'i gzugs kyis 'dul ba'i sems can rnams la/ byang chub sems dpa'// gzugs/ rang sangs rgyas kyis 'dul ba'i sems can rnams la/ rang sangs rgyas kyi gzugs/ nyan thos kyis 'dul ba'i sems can rnams la/ nyan thos kyi gzugs brgya byin gyi gzugs kyis 'dul ba'i sems can rnams la/ brgya byin gyi gzugs/ bdud kyi gzugs kyis 'dul ba'i sems can rnams la/ bdud kyi gzugs/
- 355b
rlangs pa'i gzugs kyis 'dral ba'i sems can rnams la/ tshangs pa'i gzugs/ bram ze'i gzugs kyis 'dul ba'i sems can rnams lA/ bram ze'i gzugs/ rgyal rigs kyi gzugs kyis 'dul ba'i sems can rnams la/ rgyal rigs kyi gzugs/ khyim bdag gi gzugs kyis 'dul ba'i sems can rnams la/ khyim bdag gi gzugs nye bar ston to// rigs kyi bu de ltar rnam pa gang gis sems can rnams 'dul bar 'gyur ba'i rnam pa de dang de byang chub sems dpa' rnams nye bar ston to// rigs kyi bu chos bcu po de dag dang ldan na/ byang chub sems dpa' sems can yongs su smin par bya ba'i chog shes pa rnams yin no/ / rigs kyi bu chos bcu dang ldan na// byang chub sems dpa' nges pa rnams yin no// bcu gang zhe na/ 'di lta ste/ drang ba rnams yi ni/ 'jam pa rnams yin/ gya gyu med pa'i sems dang ldan pa rnams yini/ gnod sems med pa'i sems dang ldan pa rnams yin/ dri ma med pa'i sems dang ldan pa rnams yin/ rnam par dag pa'i sems dang ldan pa rnams yin/ mi brlang ba'i sems dang ldan pa rnams yin/ rtsub pa spangs pa rnams yin/ bzod pa mang ba rnams yin/ nges pa phun sum tshogs pa rnams yin te/ rigs kyi bu chos bcu po de dag dang ldan na/ byang chub sems dpa'anges pa rnams yin no// rigs kyi bu chos
- 356a
bcu dang ldan na/ byang chub sems dpa' 'grogs na bde ba rnams yin no// bcu gang zhe na/ 'di lta ste/ lta ba yongs su dag pas lta ba phun sum tshogs pa rnams yin/ tshul khrims phun sum tshogs pa rnams yin/ chos yongs su dag pa rnams yin/ tshul dang cha 'thun pa'i spyod yul du spyod pa rnams yin/ kun nas nyon mongs pa med par spyod pa rnams yin/ khong yangs pa rnams yin/ tshangs pa mtshungs par spyod pa la rjed pa rnams yin/ skal ba mnyam pa rnams yin/ lam gcig tu zhugs pa rnams yin/ ston pa gzhan med pa rnams yin te rigs kyi bu chos bcu po de dag dang ldan na/ byang chub sems dpa' 'grogs na bde ba rnams yin no// rigs kyi bu chos bcu dang ldan na/ byang chub sems dpa' bsdu ba'i dngos po la mkhas pa rnams yin no/ / bcu gang zhe na/ 'di lta ste/ phan pa'i sbyin pas sems can rnams sdud do// bde ba'i sbyin pa dang / mi zad pa'i sbyin pa dang / phan par smra ba dang / don du smra ba dang / chos su smra ba dang / rigs par smra ba dang / don du bya ba dang / zang zing gis don 'thun pa dang / 'tsho ba'i yo byad kyis don 'thun pas sems can rnams sdud do// rigs kyi bu phan pa'i sbyin pa ni gang chos kyi sbyin pa'o/ / bde ba'i sbyin pa ni gang zang zing gi sbyin pa'o// mi zad pa'i sbyin pa ni gang lam gyi lung sbyin pa'o// phan par smra ba ni gang dge ba'i rtsa ba bstabs pa'o//
- 356b
don du smra ba ni gang yang dag pa'i bstan pa'o// chos su smra ba ni gang de bzhin gshegs pa'i bstan pa dang 'thun par bstan pa'o// rigs par smra ba ni gang don yang dag par chud mi gson pa'o// don bya ba ni gang mi dge ba'i gnas nas bslang ste/ dge ba'i gnas su 'jog pa'o// zang zing gi don 'thun pa ni gang bza' ba dang / bca' ba dang / bldag pa dang / ltung ba dang / gzhib pa dang / gos la sogs pa thun mong du yongs su spyod pa'o// rigs kyi bu 'tsho ba'i yo byad kyi don 'thun pa ni gang gser dang / nor bu dang / mu tig dang / bai DUR+Ya dang / dung dang / man shel dang / byu ru dang sa le sbra ma dang / dngul dang / rta dang / glang po che dang / shing rta dang / gzhon pa thun mong du spyod pa yin no// rigs kyi bu chos bcu po de dag dang ldan na/ byang chub sems dpa' bsdu ba'i dngong po la mkhas pa rnams yin no/ / rigs kyi bu chos bcu dang ldan na/ byang chub sems dpa' tshul shes pa rnams yin no// bcu gang zhe na/ 'di lta ste/ spyod lam rab tu zhi ba rnams yin/ spyod lam sgyu med pa rnams yin/ spyod lam yongs su dag pa rnams yin/ blta na dga' ba rnams yin/ blta na 'jam pa rnams yin/ blta bas chog mi shes pa rnams yin/ blta na yid du 'ong ba rnams yin/ blta na sems can thams cad khong khro ba med par 'gyur ba rnams yin/ blta na sems can thams
- 357a
cad sems tshim par 'gyur ba rnams yin/ blta na sems can thams cad kyi sems dang bar 'gyur ba rnams yin te/ rigs kyi bu chos bcu po de dag dang ldan na byang chub sems dpa' tshul shes pa rnams yin no/ / rigs kyi bu chos bcu dang ldan na/ byang chub sems dpa' gnas bca' ba rnams yin no// bcu gang zhe na/ 'di lta ste/ sems can thams cad nyon mongs pa'i 'jigs pa dag las yongs su srung ba yin/ 'khor ba'i 'brog dgon pa nas 'don pa rnams yin/ 'khor ba'i rgya mtsho/ las sgrol ba rnams yin/ mgon med pa rnams la gnyen du gyur pa rnams yin/ nyon mongs pa'i nad kyis nad par gyur pa rnams la sman par gyur pa rnams yin// rten med pa dag la rten rnams yin/ gnas med pa dag la gnas rnams yin/ skya ba med pa dag la skyabs rnams yin/ gling med pa dag la gling rnams yin/ dpung gnyen med pa dag la dpung gnyen rnams yin te/ rigs kyi bu chos bcu po de dag dang ldan na/ byang chub sems dpa' gnas bca' ba rnams yin no// rigs kyi bu chos bcu dang ldan na/ byang chub sems dpa' rtsi'i rgyal po'i shing chen po lta bu rnams yin no// bcu gang zhe na/ rigs kyi bu 'di lta ste/ dper na rtsi'i rgyal po'i shing chen po blta na bzang zhes bya ba de
- 357b
ni rtsa bas kyang sems can nad pa rnams nye bar 'tshe'o/ / sdong po dang / yal ga rnams dang / lo ma rnams dang / me tog rnams dang / 'bras bu rnams dang / mthong ba dang / bsnams/ pa dang / reg pas myangs pa dang / reg pas kyang nye bar 'tsho ba yin te/ rigs kyi bu de bzhin du byang chub sems dpa' yang sems dang po bskyed pa nas bzung ste/ nyon mongs pa sna tshogs kyi nad kyi nad par gyur pa'i sems can rnams sbyin pas kyang nye bar 'tsho ba yin/ tshul khrims dang / bzod pa dang / brtson 'grus dang / bsam gtan dang / shes rab dang / mthong ba dang / thos pa dang / yon tan gyi ro myangs pa dang / bsnyen bkur bya bras kyang nye bar 'tsho ba yin no// rigs kyi bu chos bcu po de dag dang ldan na/ byang chub sems dpa' rtsi'i rgyal po'i shing chen po lta bu rnams yin no// rigs kyi bu chos bcu dang ldan na/ byang chub sems dpa' bsod nams bya ba la brtson pa rnams yin no/ / bcu gang zhe na/ 'di lta ste/ dkon mchog gsum la ci nus su bya ba byed pa dang / sems can nad pa rnams la rtsi sbyor ba dang / sems can bkres pa dang skom pas nyen pa rnams la zas dang / skom gyi sbyin pa dang / rlung dang / lhags pa dang / nyi mas nyen pa'i sems can rnams la dgab pa sbyin pa dang /
- 358a
mkhan po dang slob dpon rnams la gus par rim gro byed pa dang / tshangs pa mtshungs par spyod pa rnams la gus par smra/ phyag 'tshal/ ldang / thal mo sbyor/ zhing 'dud par byed pa dang / kun dga' ra ba dang / gtsug lag khang dang / skyed mos tshal bya ba dang / dus dus su nor dang / 'bru dang / mdzod dang / bang ba gtong ba dang / bran pho dang / bran mo dang / las mi dang / zho shas 'tsho ba la bgo bshas yongs su skyong ba dang / dus dus su tshul khrims dang ldan pa'i dge sbyong dang bram ze la bsnyen bkur byed pa'o/ / rigs kyi bu chos bcu po de dag dang ldan na/ byang chub sems dpa' bsod nams bya ba la brtson pa rnams yin no// rigs kyi bu chos bcu dang ldan na/ byang chub sems dpa' sprul pa la mkhas pa rnams yin no// bcu gang zhe na/ 'di lta ste/ sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la yongs su 'dri'o/ / sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la chos nyan to/ / sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la mchod cing bsnyen bkur byed do// sangs rgyas kyi
- 358b
zhing gcig nas kyang mi g.yo la/ sangs rgyas kyi zhing du mar yang byang chub kyi tshogs yongs su rdzogs par byed do// sangs rgyas kyi zhing gcig nas kyang mi g.yo la/ sangs rgyas kyi zhing du mar yang byang chub sems dpa' mngon par rdzogs par 'tshang rgya ba rnams la rim gro byed/ bkur sti byed/ bsti stang byed/ mchod pa byed pa yin no// sangs rgyas kyi zhing gcig nas kyang mi g.yo la/ sangs rgyas kyi zhing du mar yang byang chub kyi snying por 'gro ba ston to// sangs rgyas kyi zhing gcig nas kyang mi g.yo la/ sangs rgyas kyi zhing du mar yang bdag mngon par rdzogs par 'tshang rgya bar snang ngo / / sangs rgyas kyi zhing gcig nas kyang mi g.yo la/ sangs rgyas kyi zhing du mar yang chos kyi 'khor lo rab tu skor ro// sangs rgyas kyi zhing gcig nas kyang mi g.yo la/ sangs rgyas kyi zhing du mar yang yongs su mya ngan las 'da' bar snang ngo // sangs rgyas kyi zhing gcig nas kyang mi g.yo la/ sangs rgyas kyi zhing du mar yang sems can 'dul ba ji snyed kyi sprul pa 'gyed kyang / de dag sprul pa 'gyed pa'i tshe/ rtog pa med cing rnam par rtog pa med pa yin no// byang chub sems dpa' sgrib pa thams cad rnam par sel bas gsol pa/ bcom ldan 'das ji ltar gang lta bu byang chub sems dpa' sprul pa 'gyid na/ mi rtog rnam par mi rtog pa lags/ bcom ldan 'das kyis bka' stsal pa/ rigs kyi bu
- 359a
de'i phyir dpe nyon cig/ rigs kyi bu 'di lta ste/ dper na nyi ma dang zla ba ni gling bzhi snang bar byed cing / sems can rnams la phan 'dogs pa yin kyang nyi ma dang zla ba ni bdag cag gi snang bar byed do/ / bdag ni sems can la phan 'dogs pa'o zhes mi rtog rnam par mi rtog mod kyi/ 'on kyang sngon gyi las rnam par smin pa'i mngon par 'du shes pas zla ba dang nyi ma gnyis kyi bya ba de lta bu 'byung ngo / / rigs kyi bu de bzhin du byang chub sems dpa' yang sprul pa 'gyed na mi rtog rnam par mi rtog ste/ bsgrim pa dang mngon par 'du bya ba mi byed do/ / de ci'i phyir zhe na/ de ni sngon gyi las rnam par smin pas mngon par 'du bya ba rnams mngon par 'grub pa'i phyir te/ sngon byang chub sems dpa' byang chub sems dpa'i spyad pa spyod pa'i tshe/ de ci nas kyang rnam par rtog pa med par yang sprul pa rnams 'byung bar 'gyur ba de lta de ltar smon lam btab/ de lta de ltar mngon par 'du byas pa'i phyir ro// rigs kyi bu chos bcu po de dag dang ldan na/ byang chub sems dpa' sprul pa la mkhas pa rnams yin no// rigs kyi bu chos bcu dang ldan na/ byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya ba rnams yin no/ / bcu gang zhe na/ 'di lta ste/ sbyin pa shin tu grub pas sbyin pa shin tu phun sum
- 359b
tshogs pa rnams yin/ tshul khrim shin tu grub cing tshul khrims kyi phung po skyon med pa dang / ma 'dres pa dang / sra sre med pa dang / nyan thos dang rang sangs rgyas thams cad/ las 'das pa dang / yongs su dag pa/ yongs su byang ba dang ldan pas tshul khrims shin tu phun sum tshogs pa rnams yin/ bzod pa shin tu phun sum tshogs pa rnams dang / brtson 'grus shin tu phun sum tshogs pa rnams dang / bsam gtan shin tu phun sum tshogs pa rnams dang / shes rab shin tu phun sum tshogs pa rnamaswa dang / thabs shin tu phun sum tshogs pa rnams dang / smon lam shin tu phun sum tshogs pa rnams dang / stobs shin tu phun sum tshogs pa rnams dang / ye shes shin tu grub cing thun mong ma yin pa'i ye shes nyan thos dang rang sangs rgyas thams cad las 'das pa/ sa dang po la gnas pa'i byang chub sems dpa' yan chad/ sa dgu pa la gnas pa'i byang chub sems/ dpa'i bar gyi ye shes las 'das pa dang ldan pas/ ye shes shin tu rdzogs pa rnams yin te/ rigs kyi bu chos bcu po de dag dang ldan na/ byang chub sems dpa' myur du bla na med pa yang dag par rdzogs pa'i byang chub mngon par rdzogs par batshang rgya'o/ / bcom ldan 'das kyis chos kyi rnam grangs 'di bshad pa'i tshe/ stong gsum gyi
- 360a
stong chen po'i 'jig rten gyi khams 'di rnam pa drug tu rab tu 'gul te/ rab tu g.yos par gyur to// stong gsum gyi stong chen po'i 'jig rten gyi khams 'di ni/ ri'i rgyal po chen po ri rab dag gam/ ri btang bzung ngam/ ri btang bzung chen po dag gam/ khor yug gi ri 'am/ khor yug gi ri chen po dag gram/ de ma yin pa rin po che'i ri dang / ri nag po de dag thams cad kyang / yul ga ya ga la ba dang / ga ya mgo'i ri ga la ba de logs su bcom ldan 'das la chos kyi dgab pa bya ba'i phyir 'dud par gyur to// gang stong gsum gyi stong chen po'i 'jig rten gyi khams 'di na me tog gi shing ngam/ 'bras bu'i shing ngam/ spos kyi shing ci yod pa de dag thams cad kyang bcom ldan 'das la chos kyi dgab pa bya ba'i phyir ga ya mgo'i ri ga la de logs su 'dud par gyur to/ / byang chub sems dpa' bcom ldan 'das la chos kyi dgab pa 'bul ba bye ba khrag khrig brgya stong phrag du mas kyang na bza' dang rgyan gyi bye brag sna tshogs kyi phung po ri rab tsam byas par gyur to/ / brgya byin dang / tshangs pa dang / 'jig rten skyong ba brgya stong du ma'ang mgo bos phyag 'tshal zhing thal mo sbyar ba byas te/ 'dud cing bcom ldan 'das la me tog man+da ra ba dang / man+da ra ba chen po dag 'thor bar gyur to// lha'i bu brgya stong du ma'ang nam mkha'i dkyil na gnas te/ gos g.yob cing ca co dang gzha brgya stong
- 360b
byed par gyur to/ / lha'i me tog gis bcom ldan 'das la mngon par 'thor bar gyur cing / kye ma'o dang ni 'jig rten du sangs rgyas gnyis skyes par gyur to// kye ma'o chos kyi 'khor lo gnyis pa bskor to/ / sems can gang dag gi rna lam du chos kyi rnam grangs 'di grags par 'gyur ba de dag kyang bsod nams dang ldan zhing / dge ba'i las byed pa ste/ sngon gyi de bzhin gshegs pa rnams la dge ba'i rtsa ba shin tu bsags pa yin no/ / gang 'di la dad pa rnyed pa de dag lta smos kyang ci dgos zhes de skad du ched du brjod pa ched du brjod do// lto 'phye chen po brgya stong du ma'ang chos kyi rnam grangs 'di nyid la chos kyi dgab pa bya ba'i phyir/ 'brug ltar sgra 'ur 'ur 'byin/ sgrog par byed/ shin tu sgrog par byed cing / spos kyi sprin sna tshogs mngon par sprul te stong gsum gyi stong chen po'i 'jig rten gyi khams dang / ga ya mgo'i ri la spos chu'i char mngon par 'bebs kyang / sems can rnams la gnod par mi snang ngo // lha'i bu mo brgya stong du ma 'ang bcom ldan 'das kyi spyan sngar gru'i nga ro'i sgra 'byin par gyur to/ / dri za 'am mi 'am ci brgya stong du ma'ang snyan pa'i dbyangs kyis glu len cing / ga ya mgo'i ri dang / stong gsum gyi stong chen po'i 'jig rten gyi khams la skor bar byed par gyur to/ / gnod sbyin bye ba brgya stong du ma'ang pad+ma'i char mngon par 'bebs par gyur to// bram ze dang / rgyal rigs dang
- 361a
grong rdal gyi mi dang / yul gyi mi brgya stong du ma'ang me tog dang / bdug spos dang / spos dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis bcom ldan 'das la mchod pa byed par gyur to// sangs rgyas kyi zhing du ma dag nas kyang sangs rgyas bcom ldan 'das rnams kyis chos kyi dgab par bya ba'i phyir/ so so'i smin mtshams kyi mdzod spu dag nas 'od zer mang po bkye bar gyur to// 'od zer de dag kyang kha dog sna tshogs/ gzugs sna tshogs snang ba sna tshogs can sha stag ste/ de 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog ste/ de dag stong gsum gyi stong chen po'i 'jig rten gyi khams 'di la skor bar byed cing / mun pa thams cad rnam par sel bar gyur te// 'khor nas ga ya mgo'i ri la bskor ba byas/ de bzhin gshegs pa la'ang bskor ba byas nas/ bcom ldan 'das kyi dbu'i gtsug tu nub par gyur to// rlung yang bde bar langs par gyur to// chos kyi rnam grangs 'di bshad pa dang / mchod pa mngon par 'du bya ba 'byung ba'i tshe/ byang chub sems dpa' khrag khrig phrag bdun cu rtsa gnyis kyis mi skye ba'i chos la bzod pa thob po// srog chags bye ba khrag khrig brgya stong du ma'ang chos rnams la rdul med cing
- 361b
dri ma dang bral ba chos kyi mig rnam par dag go/ / srog chags bye ba khrag khrig brgya stong du mas kyang sngan chad ma skyed pa las byang chub tu sems bskyed par gyur to// de nas yang ga ya mgo'i ri la gnas pa'i lha mo mi 'chi ba zhes bya ba dpung dang bcas/ 'khor dang bcas te/ 'khor 'dus pa de nyid du 'dus shing 'dug 'dug pa las/ de stan las langs nas/ bdag gi gnas su song ste/ bcom ldan 'das kyi mchod pa blangs nas/ phyir bcom ldan 'das kyi spyan sngar phyin te/ bcom ldan 'das la bkur stir byas/ btsun par byas ri mor byas/ mchod par byas/ bsti stang byas/ rim gror byas so// bkur sti dang / btsun pa dang / ri mo dang / mchod pa dang / bsti stang dang / rim gror byas nas/ bcom ldan 'das la 'di skad ces gsol to/ / bcom ldan 'das tshe rabs gzhan de dang de dag la ga ya mgo'i ri 'di nyid du chos kyi rnam grangs 'di sangs rgyas stong phrag bdun cu rtsa gnyis kyis don 'di nyid dag dang / tshul 'di nyid dag dang / tshig dang yi ge 'di nyid dag gis bstan pa bdag gis mngon par dran no// bcom ldan 'das kyis bka' stsal pa/ mi 'chi ba de ltar khyod kyis dkon mchog 'byung ba de lta bu thos par gyur pa ni khyod kyis thob par bya ba legs par thob bo/ / de nas 'khor der tshogs pa'i nang nas lha'i bu kha cig 'di snyam du
- 362a
sems par gyur to/ / lha mo 'dis de srid cig nas chos kyi rnam grangs 'di thos la/ de snyed kyi de bzhin gshegs pa mang po la bsnyen bkur byas kyang 'dis bud med kyi lus las ma bsgyur snyam pa dang / de nas byang chub sems dpa' sems dpa' chen po sgrib pa thams cad rnam par sel bas/ lha'i bu de dag gi sems kyi yongs su rtog pa sems kyis yongs su shes nas/ bcom ldan 'das la 'di skad ces gsol to// bcom ldan 'das de ltar lha mo mi 'chi ba 'dis chos kyi rnam grangs 'di ltar rdzu 'phrul che ba thob la/ de bzhin gshegs pa de snyed du mang ba zhig bsnyen bkur bgyis na/ bud med kyi lus ma bsgyur ba'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu 'di la sems can gyi don ni rgyu'o// sems can gyi don ni rkyen no// de ci'i phyir zhe na/ rigs kyi bu lha mo mi 'chi ba ni/ rnam par thar pa bsam gyis mi khyab pa la gnas pa/ rdzu 'phrul che ba/ mthu che ba ste/ rigs kyi bu lha mo mi 'chi bas gang yang dag par len du btsud pa dang / gzengs bstod pa dang / byang chub kyi sems bskyed pa las yongs su mya ngan las 'das pa'i sangs rgyas ni bgreng ba las 'das pa zhig ngas mngon par 'du shes te/ rigs kyi bu de ltar na lha mo mi 'chi ba ni rdzu 'phrul che ba/ mthu che ba
- 362b
ste/ rigs kyi bu lha mo mi 'chi ba 'di ni bskal pa bzang po'i sangs rgyas rnams la bsnyen bkur byas nas/ sangs rgyas kyi zhing nying du mngon par rdzogs par 'tshang rgya bar 'gyur te/ mngon par rdzogs par sangs rgyas nas kyang / mi 'chi ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro// de nas bcom ldan 'das kyis/ lha mo mi 'chi ba la bka' stsal pa/ mi 'chi ba khyod kyis rang gi sangs rgyas kyi zhing ston cig/ de nas lha mo mi 'chi ba gzugs thams cad yongs su ston pa zhes bya ba'i ting nge 'dzin la snyoms par zhugs par gyur te/ lha mo mi 'chi ba gzugs thams cad yongs su ston pa'i ting nge 'dzin la snyoms par zhugs ma thag tu de'i tshe stong gsum gyi stong chen po'i 'jig rten gyi khams 'di lag mthil lta bur mnyam zhing / bai DUR+Ya'i gzhir snar bar gyur te/ ri nag po med cing shing tha mal pa med la/ gnas gnas dag na'ang dpag bsam gyi shing sha stag snang bar gyur to/ / gnas gnas dag na chu mig dang / mi tshe'u dang / lteng ka dang / rdzing yan lag brgyad dang ldan pa'i chus yongs su gang ba dag snang bar gyur to/ / me phal pa med par snang bar gyur to// de na bud med kyi sgra yang mi grag par gyur to// gnas dang gnas dag na pad+ma shing rta'i 'khor
- 363a
lo tsam dag snang bar gyur to/ / pad+ma de dag la'ang byang chub sems dpa' gzugs skyil mo krung ngu 'khod pa sha stag snang bar gyur to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'chi ba de'ang byang chub sems dpa' de dag la chos ston par snang ste/ brgya byin dang / tshangs pa dang / 'jig rten skyong ba bye ba khrag khrig brgya stong du mas bskor cing / byang chub sems dpa' bye ba khrag khrig brgya stong du mas mdun du bdar te/ 'di ltar chos nyid 'di kho na las brtsams na sa chos ston par snang bar gyur to/ / de nas lha mo mi 'chi ba'ang ting nge 'dzin de las langs te/ bcom ldan 'das la lan gsum du g.yas phyogs su bskor ba byas nas/ de nyid du mi snang bar gyur to/ / de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// bcom ldan 'das rigs kyi bu dang / rigs kyi bu mo gang chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par bgyid dam/ kha ton bgyid dam/ gzhan dag la'ang rgya cher yang dag par ston par bgyid na/ de bsod nams ji tsam zhig skye bar 'gyur/ bcom ldan 'das kyis bka' stsal pa/ rigs kyi bu 'am/ rigs kyi bu mo gang la la zhig gis stong
- 363b
gsum gyi stong chen po'i 'jig rten gyi khams su gtogs pa'i sems can rnams la sbyin pa lkug par byin te/ de ltar sbyin pas bskal pa brgya stong mang por byin pa bas/ rigs kyi bu/ 'am/ rigs kyi bu mo gang gis chos kyi rnam grangs 'di legs par bris/ legs par zhug te/ sems dad pas sems dad pa la byin na/ de bas kyang 'di bsod nams mang du skyed do/ / rigs kyi bu de ci'i phyir zhe na/ zang ring gi sbyin pa ni phran tshegs te/ chos kyi sbyin pa ni rdzu 'phrul che ba'o// de ci'i phyir zhe na/ rigs kyi bu 'khor ba na 'khor ba'i sems can rnams kyis zang zing ni rnam pa du mar myong gi/ 'jig rten las 'das pa'i chos kyi ro ni nam yang ma myong ste/ 'jig rten pa ni ma yin no// rigs kyi bu gang la las stong gsum gyi stong chen po'i 'jig rten gyi khams su gtogs pa'i sems can rnams dge ba bcu'i las kyi lAm rnams la bkod pa bas/ gang gis chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan la'ang rgya cher ston na/ de bas 'di bsod nams ches mang du skyed do// de ci'i phyir zhe na/ rigs kyi bu dge ba bcu'i las kyi lam rnams ni 'di las byung ngo / / rigs kyi bu gang la la zhig gis stong gsum gyi stong chen po'i 'jig rten gyi khams su gtogs pa'i sems can rnams rgyun du zhugs pa dang
- 364a
lan cig phyir 'ong ba dang / phyir mi 'ong ba dang / dgra bcom pa nyid kyi 'bras bu la bkod pa bas/ gang chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan la'ang rgya cher ston na/ de bas kyang 'di bsod nams mang du skyed do// de ci'i phyir zhe na/ rigs kyi bu chos nyid 'di la rten na/ nyan thos dang rang sangs rgyas rnams snang bar 'gyur ro/ / chos nyid 'di la rten na/ byang chub sems dpa' rnams snang bar 'gyur ro// chos nyid 'di la rten na/ de bzhin gshegs pa rnams 'jig rten du 'byung bar 'gyur te/ rigs kyi bu chos kyi rnam grangs 'di bzung ba dang / bklags pa dang / spel ba dang / kha ton byas pas/ mdo sde thams cad bzung ba dang / spel ba dang / kha ton byas par 'gyur ro// de ci'i phyir zhe na/ rigs kyi bu 'di ni chos thams cad kyi ma mo ste/ rigs kyi bu chos nyid 'di ma thob par chos nyid rgya chen po thob par mi 'gyur te/ rigs kyi bu 'di ni byang chub sems dpa' rnams kyi 'dul ba'o// de nas sangs rgyas kyi mthus byang chub sems dpa' chen po de dag thams cad stan las langs te/ bla gos phrag pa gcig tu gzar te/ pus mo g.yas pa'i lga nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la
- 364b
'di skad ces gsol to/ / bcom ldan 'das bdag cag gis kyang chos nyid 'di thos pa skye ba'i 'khor ba chen po bas par bgyis so// bcom ldan 'das kyis bka' stsal pa/ dge slong dag de de bzhin no/ / de de bzhin te/ ji skad du smras pa bzhin no// de nas yang bcom ldan 'das kyis/ 'khor mang po de dag la bka' stsal pa/ rigs kyi bu dag sa phyogs gang du chos kyi rnam grangs 'di 'chad pa dang ston pa'i sa phyogs de byang chub kyi snying por gzung bar bya'o/ / chos kyi 'khor lo rab tu bskor bar gzung bar bya'o// mchod rten chen por gzung bar bya'o/ / bdag cag gi ston pa gnas 'di na bzhugs so gzung bar bya'o// rigs kyi bu dag de ci'i phyir zhe na/ chos nyid ni byang chub bo// chos nyid 'di ni chos kyi 'khor lo rab tu bskor ba'o/ / rigs kyi bu dag de bzhin gshegs pa ni chos kyi sku ste/ rigs kyi bu dag chos mchod pas de bzhin gshegs pa rnams mchod par 'gyur ro// sa phyogs gang na chos smra ba de gnas pa de la'ang mchod rten du 'du shes bskyed par bya ste/ chos smra ba de la'ang bla mar 'du shes bskyed par bya'o// dge ba'i bshes gnyen du 'du shes bskyed par bya'o// lam ston par 'du shes bskyed par bya'o// chos smra ba de mthong na dga' ba dang / dad pa dang / rangs pa bskyed par bya'o// rim gro byas te stan la bdar bar bya'o// chos smra ba
- 365a
de'i bsngags pa bskyed par bya'o/ / legs so zhes brjod pa mang bar bya'o// rigs kyi bu dag ngas bskal pa 'am/ bskal pa las lhag par chos smra ba de'i bsngag ba brjod kyang / chos smra ba de la cung zad kyang phan par byas pa med do// de ci'i phyir zhe na/ rigs kyi bu dag 'di lta ste/ bkur stir bya ba dang / btsun par bya ba dang bsngags pa brjod pa ni gyi na cung zad zad do/ / rigs kyi bu dag gal te chos 'dod pa'i rigs kyi bu 'am/ rigs kyi bu mo dag gis chos smra ba de 'ong ba'i lam rang gi khrag gis chag chag byas kyang chos smra ba de la phan pa cung zad kyang byas pa med do/ / de ci'i phyir zhe na/ rigs kyi bu dag 'di lnga ste/ de bzhin gshegs pa'i chos kyi tshul bzung ba 'di ni dka' 'o// rigs kyi bu dag chos smra ba des kyang / chos kyi rnam grangs 'di bshad pa dang / bstan pa dang / yang dag par ston pa'i tshe/ 'jigs pa med par bya'o// ma zhum pa dang / snga ma gong ba dang / zhe ma 'grus pa'i sems dang / gos gtsang ma bgos te dad pa bskyed par bya'o// bdag gis bsngags pa brjod kyang mi snyems pa dang / nga rgyal du mi gzung bar bya ste/ bdag mi stong/ gzhan mi smod cing / des pang zing med pa'i sems kyis ri mor byas te chos ston par bya'o// de nas bcom ldan 'das la/ lha'i dbang po brgya byin gyis 'di skad ces gsol to// /
- 365b
bcom ldan 'das dog sa'i phyogs gang du chos kyi rnam grangs 'di bshad pa 'am/ bstan par 'gyur ba'i sa phyogs der chos kyi rnam grangs 'di mnyan pa dang / chos smra ba de la sman par bgyi ba'i slad du/ bdag cag dpung dang bcas/ 'khor dang bcas te mchi'o// bcom ldan 'das kyis bka' stsal pa/ ko'u shi ka legs so legs so// khyod kyis de ltar gyis shig/ ko'u shi ka khyod kyis de bzhin gshegs pa'i chos nyid yongs su bsrung bar bya'o/ / de nas bcom ldan 'das la/ byang chub sems dpa' sgrib pa thams cad rnam par sel bas gsol pa/ bcom ldan 'das chos kyi rnam grangs 'di'i ming ci zhes bgyi/ 'di ji ltar gzung bar bgyi/ bcom ldan 'das kyis bka' stsal pa/ rigs kyi bu de'i phyir khyod kyis chos kyi rnam grangs 'di dkon mchog sprin ces bya bar zung zhig/ yon tan rin po che'i 'byung gnas kyi le'u zhes bya bar yang zung zhig/ ye shes sgron ma zhes bya bar yang zung zhig/ sgrib pa thams cad rnam par sel bas zhus pa zhes bya bar yang zung zhig/ bcom ldan 'das kyis de skad ces bka' stsal pa dang / byang chub sems dpa' sgrib pa thams cad rnam par sel ba dang / byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma'i lha'i bu la sogs
- 366a
pa lha'i bu brgya stong du ma dag dang / de ma yin pa gzhan lha dang / klu dang / gnod sbyin dang / dri za dang / l+h+wa mra yin dang / nam mnga' lding dang / mi 'am ci dang lto 'phye chen po brgyad stong dag yi rangs te/ bcom ldan 'das kyis gsungs pa la mngon par bstod do// 'phags pa dkon mchog sbyin ces bya ba theg pa chen po'i mdo rdzogs so// / zhu chen gyi lo tsa ba ban+d+he bai ro tsa na rak+Shi ta dang / d+harma tA shi las zhus te gtan la phab pa/ skad gsar bcad kyis kyang bcos lags so// / / rgya gar skad du/ Ar+ya dz+nyA na ka sU tA bud+d+ha a ba dA na/ bod skad du/ 'phags pa sangs rgyas kyi rtogs pa brjod pa shes ldan gyi mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gi b+ho pa dus gcig na/ bcom ldan 'das yum gyi don du lha rnams kyi gnas sum cu rtsa gsum na/ shing yongs 'dus brtol gyi drung na la ba dkar po lta bu'i rdo leb la bzhugs so/ / der lha'i bu zhig la snga ltas ngan pa lnga byung ste/ 'phreng rgyan brnyings pa dang / gos brnyings pa dang / lus dring bar gyur pa dang / mchan khung nas rdul 'dzag pa dang / rang gi stan la dga' ba med par gyur to// skye ba'ang mthong ste/ yangs pa'i phag gi mngal du skye ba mthong ngo // des de mthong nas mya ngan gyis thebs/ smre sngags
- 366b
'don/ brang rdung zhing du la/ shin tu mog mog por gyur to// de nas lha'i bu gzhan zhig lha'i bu de ga la ba der song song ste 'di skad ces smras so// lha'i bu khyod 'chi bas 'jigs sam/ smras pa/ lha'i bu bdag 'chi bas 'jigs so// lha'i bu de ci'i phyir zhe na/ bdag lha rnams kyi nang du sum cu rtsa gsum 'dir lha'i bza' ba ni zos/ lha'i btung ba ni 'thungs/ lha'i bgo ba ni bgos na/ de nas phyir yangs pa'i phag gi mngal du skye ba mthong ste/ der bdag bshad pa za zhing mchi bar gyur te/ lha'i bu de lta bas na bdag 'chi bas 'jigs so// smras pa/ lha'i bu khyod 'chi bas ma 'jigs shig/ de ci'i phyir zhe na/ lha'i bu 'di ltar de bzhin gshegs pa dgra bcom pa yang dag par rdzogs pa'i sangs rgyas bcom ldan 'das de yum gyi don du sum cu rtsa gsum gyi gnas 'di na/ shing yongs 'du sa brtol gyi drung na/ la ba dkar po lta bu'i rdo leb la bzhugs te/ ci ste lha'i bu khyod kyis bcom ldan 'das de la phyag tshol dang / bcom ldan 'das de 'dir gshegs te/ des khyod ngan song rnams las grol bar mdzad do// de ci'i phyir zhe na/ lha'i bu sangs rgyas bcom ldan 'das ni thugs rje chen pos sems can yongs su ma btang ba yin no/ / de nas lha'i bu de stan la ladra te/ bla gos phrag pa gcig tu gzar nas/ pus mo g.yas pa'i lha nga sa la
- 367a
btsugs te/ bcom ldan 'das ga la ba de logs su thal mo sbyar ba btud nas ched du brjod pa 'di lan gsum brjod de/ bcom ldan 'das de bzhin gshegs pa la phyag 'tshal lo/ / bcom ldan 'das de bzhin gshegs pa la phyag 'tshal lo// bdag la thugs brtse ba'i slad du/ bcom ldan 'das de 'dir gshegs su gsol/ bdag ngan song du skye ba rnams las grol bar mdzad du gsol/ / de nas bcom ldan 'das kyis lha'i bu de'i lhag pa'i bsam pa thugs su chud nas/ lha'i bu de dag ga la ba der gshegs te/ gdan bshams pa de la bzhugs so/ / bzhugs nas bcom ldan 'das kyis/ lha'i bu de la 'di skad ces bka' stsal to// lha'i bu khyod 'chi bas 'jigs sam/ gsol pa/ bcom ldan 'das bdag 'gum pas 'jigs lags so/ / de ci'i slad du zhe na/ yangs pa'i ngag gi mngal mi sdug par skye ba mthong lags te/ der bdag skyes nas bshang ba 'tshal zhing mtshon gyis 'gum par 'gyur lags te/ bcom ldan 'das de'i slad du bdag 'gum pas 'jigs lags so// de nas bcom ldan 'das kyis/ lha'i bu de la 'di skad ces bka' stsal to// lha'i bu khyod 'chi bas ma 'jigs shig/ de ci'i phyir zhe na/ lha'i bu sa'i khams dang / chu'i khams mi 'gro mi 'ong gi/ bdag nyid kyi las kyis 'ong zhing 'gro ste/ lha'i bu khyod tshur shog
- 367b
sangs rgyas la skyabs su song zhig/ chos dang dge 'dun la skyabs su song zhig/ de nas lha'i bu de stan las yangs te/ bcom ldan 'das la 'di skad ces gsol to// bcom ldan 'das de ltar 'tshal lo/ / bdag sangs rgyas la skyabs su mchi'o// chos dang dge 'dun la skyabs su mchi'o// de nas bcom ldan 'das kyis/ lha'i bu de la tshigs su bcad de bka' stsal pa/ / gang zhig sangs rgyas la ni skyabs song ba// de ni ngan 'gror 'dir ni mi 'gro ste// lha yi bdag nyid dngos po spangs nas su/ mi yi bdag nyid dngos po len pa 'gyur/ de nas bcom ldan 'das kyis lha'i bu de la chos dang ldan pa'i gtam yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' ba'i bar du mdzad nas/ gdan las bzhengs te bzhud do// bcom ldan 'das bzhud nas ring po ma lon par lha'i bu de 'chi ba'i dus byas so// dus byas nas de ma thag tu yangs pa der tshong dpon zhig gi chung ma dam pa'i mngal du skyes so/ / de zla ba dgu 'das nas/ khye'u gzugs bzang ba/ mdzes pa/ blta na sdug pa/ kha dog bzang po/ rgyas pa mchog dang ldan pa zhig btsas par gyur to// de btsas ma thag tu tshig 'di skad ces sangs rgyas la phyag 'tshal lo// chos la phyag 'tshal lo// dge 'dun la phyag
- 368a
'tshal lo zhes brjod do/ / de nas de'i pha dang ma 'di snyam du sems te/ khye'u 'di ni sangs rgyas shes/ chos shes/ dge 'dun shes te/ 'di ni shes pa dang ldan no snyam du 'du shes skyes so/ / de nas khye'u shes ldan gang gi tshe/ lo brgyad lon pa lta bur gyur pa de'i tshe/ li tsa byi gzhon nu rab tu mang po rnams kyis lhan cig tu mdun du bdar nas/ skyed mos tshal gyi bzhi mdo nas byung ngo // de'i tshe bcom ldan 'das yangs pa'i tshal chen po na khang pa brtsegs pa'i khang bzangs na bzhugs te/ de nas bcom ldan 'das snga dro'i dus kyi tshe/ smad g.yogs dang chos gos gsol// lhung bzed bsnams te/ yangs par bsod snyoms la phyir gshegs so// bcom ldan 'das de mdzes pa nas/ 'ong dang ldan pa'i bar du gyur pa khye'u shes ldan gyis mthong ngo // mthong nas de bcom ldan 'das la sems rab tu dga' bar gyur to// sems dga' nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas/ phyogs gcig tu 'dug go// phyogs gcig tu 'dug nas/ khye'u shes ldan gyis/ bcom ldan 'das la tshigs su bcad de gsol pa/ bdag gis sngon gyi tshe dran te// sdug bsngal rnams las rab bkrol zhing // ngan song ltung ba las ni bdag/ 'jig
- 368b
rten mgon gyis grol bar mdzad/ / mi mchog thugs ni brtser dgongs te// bsod snyoms 'di ni bzhes par mdzad// bdag gi gdugs tshod 'di dag ni// grol bar mdzad nas deng bzhengs la/ / sang ni bdag gi pha ma yi// sdum par 'dren pas brtser dgongs te// dge slong kun dang thabs cig tu// gdugs tshod dag ni gsol bar mdzad// bcom ldan 'das cang mi gsung bar gyur pas/ khye'u shes ldan gyis gsol ba ka nang ngo // de nas khye'u shes ldan bcom ldan 'das cang mi gsung bar gnang bar rig nas/ pha ma ga la ba der song ste/ 5 ma la 'di skad ces smras so/ / ya ba yum bdag gis ni bcom ldan 'das la bsod snyoms phul lags te/ sang yang gdugs tshod la spyan drangs so// de nas khye'u shes ldan gyi pha ma mgu zhing dga' la/ yi rangs shing rab tu dga' ste/ dga' ba dang yid bde ba skyes nas/ de'i mtshan mo bza' ba dang bca' ba ro dang ldan pa zhim pa mang po mngon par bshams nas/ yangs pa'i grong khyer chen po thams cad phyag bdar byas te/ dar gyi lda ldi btags/ pog phor nas spos kyis bdugs/ spos chus chag chag btab/ me tog gis mdzes par bkram ste/ de'i mtshan mo 'das nas dus la bab pa dag/ bcom ldan 'das gal ba der song ste/ btsun pa bcom ldan 'das gdugs tshod la bab ste/ gdugs tshod spur lags so zhes gsol to// de nas
- 369a
bcom ldan 'das de'i snga dro smad g.yogs dang chos gos gsol/ lhung bzed bsnams nas/ dge slong gi tshogs kyis mdun du bdar cing / dge slong gi tshogs kyis yongs su bskor te/ shes ldan gyi pha ma'i khyim ga la ba der gshegs nas gdan bshams pa de la bzhugs so// de nas khye'u shes ldan bcom ldan 'das dge slong gi dge 'dun dang bcas pa gangan la bzhugs par rig nas rang gi lag gis bza' ba dang bca' ba ro dang ldan pa zhim zhing mang ba dag legs par brims/ legs par gsol to// bcom ldan 'das gdugs tshod gsol bar rig nas/ so so so so la ras bcos bu zung dang / so so la lham zung dag phul lo// bcom ldan 'das la chos gos gsar pa gsum dang / chags gsar pa zung dag gsol to// gser gyi me tog dang dngul gyi me tog rnams kyis gtor to/ / gang mngon par gtor ba de dag tu sangs rgyas kyi mthus bcom ldan 'das kyi spyi gtsug gi thad kar khang pa brtsegs pa bkra ba/ blta na sdug pa/ gru bzhi pa/ gnas bzhi dang ldan pa zhig 'dug par gyur to// khang pa brtsegs pa der de bzhin gshegs pa'i sku skyil mo krung bcas te chos 'chad cing bzhugs pa des mthong ngo / / de nas khye'u shes ldan gyis/ bcom ldan 'das kyi gzugs dang / rdzu 'phrul dang / cho 'phrul bsam gyis mi khyad pa de 'dra ba mthong nas/ mgu zhing dga' ba nas//
- 369b
yid bde ba skyes pa'i bar du gyur nas/ bcom ldan 'das la 'di skad ces gsol to// bcom ldan 'das bdag gi dge ba'i rtsa ba 'di bla na ma mchis pa yang dag par rdzogs pa'i byang chub tu bsngo ste/ dge ba'i rtsa ba des na/ bdag da ltar gyi bcom ldan 'das bzhin du sangs rgyas su gyur cig/ chos ston par yang gyur cig/ dge 'dun yongs su skyong bar yang gyur cig/ de nas bcom ldan 'das kyis khye'u shes ldan gyi lhag pa'i bsam pa thugs su chud de/ 'dzum pa mdzad pa nas/ spyi gtsug gi nang du nub pa'i bar du mdzad pa tshe dang ldan pa kun dga' bos mthong ste/ don med par 'dzum pa mi mdzad do snyam pa'i bar du'o// de nas bcom ldan 'das kyis/ tshe dang ldan pa kun dga' bo la tshigs su bcad de slar bka' stsal pa/ kun dga' bo/ 'di ltar shes ldan gyis ni de bzhin gshegs pa mchod pa nas/ bskal pa bye ba dgu bcu dag tu log par lhung bar mi 'gyur la// de nas de ma thag tu rnam par 'dren par nye bar skye 'gyur te/ mtshan ni mkhyen gtso rgyal po zhes bya sangs rgyas 'jig rten 'byung bar 'gyur// sangs rgyas kyi ni rtogs pa brjod pas mkhas rnams yang dag dga' byed cing // mi yi mkhas pa gang gis thos nas dge ba mang po byed 'gyur te/ / rgya mtsho mthas gtugs dpag med lta bu'i de bzhin gshegs pa sangs rgyas la// rab tu dang bas yon rnams phul ba'i 'bras bu chung bar
- 370a
mi 'gyur ro/ / bcom ldan 'das kyis de skad ces bka' stsal nas/ khye'u shes ldan dang / dge slong de dag dang / lha dang bcas pa'i 'jig rten yi te/ bcom ldan 'das kyis gsungs pa la mngon par bstod do// 'phags pa sangs rgyas kyi rtogs pa brjod pa shes ldan gyi mdo rdzogs so// // rgya gar gyi mkhan po da kar sing ha dang / sarba dz+nyA de wa dang / zhu chen gyi lo tsa ba ban+de dpal brtsegs kyis bsgyur cing zhus te gtan la phab pa// rgya gar skad du/ shrI se na a ba dA nAM/ bod skad du/ dpal gyi sde'i rtogs pa brjod pa/ dkon mchog gsum la phyag 'tshal lo// gleng gzhi mnyan du yod pa na ste/ de nas bcom ldan 'das kyis/ dge slong rnams la bka' stsal pa/ dge slong dag gal te ji ltar na ngas sbyin pa'i 'bras bu'ang shes la/ sbyin pa'i bgo bsha'i 'bras bu rnam par smin pa'ang shes bzhin du sems can rnams kyis kyang sbyin pa'i 'bras bu'ang shes la/ sbyin pa'i bgo ba sha'i 'bras bu rnam par smin pa'ang shes su zin na ni/ de lta na kham gyi tha ma dang / kham gyi mjug lus pa gang yin pa de las kyang // gal te yon gnas len pa po rnyed na/ de la ma byin nam/ bgo bsha' ma byas kyi bar du za bar mi byed la/ de dag gi sems kyang ser sna skyes pas kun nas dkris shing 'dug par mi 'gyur
- 370b
ba zhig na/ ji ltar ngas sbyin pa'i 'bras bu'ang shes la/ sbyin pa'i bgo ba sha'i 'bras bu rnam par smin pa'ang shes bzhin du sems can rnams kyi sbyin pa'i 'bras bu'ang mi shes la/ sbyin pa'i bgo ba sha'i 'bras bu rnam par smin pa'ang mi shes pas ni/ de'i phyir de dag ni kun tu 'dzin pa'i sems kyis ma byin pa 'am bgo bsha' ma byas par za bar byed la/ de dag gi sem kyang ser sna skyes pas kun tu dkris shing 'dug go/ bcom ldan 'das kyis de skad ces bka' stsal te/ bde bar gshegs pas de skad du gsungs nas/ gzhan yang ston pas 'di skad ces bka' stsal to/ / bgo bsha' dag gi rnam par smin// ji ltar don chen gyur pa de// drang srong che rnams gsungs pa bzhin// sems can rnams kyis shes na ni// ma byin bar du mi za zhing // ser sna can du mi 'gyur la// de dag kun tu 'dzin pa'i sems// nams kyang skye bar mi 'gyur na// gang phyir byas pa gti mug gis// bsgribs pa rnams kyi mi shes pas/ / de phyir kun tu 'dzin sems kyis// rtag tu ma byin za bar byed// de dag ser sna skyes nas kyang // sems ni kun nas dkris shing 'dug/ gang gi tshe bcom ldan 'das kyis mdo 'di bshad pa de'i tshe/ sa rnam pa drug tu g.yos par gyur cing / bcom ldan 'das nyid kyi sku las 'od zer rnams byung bar gyur to// de nas dge slong rnams kyis
- 371a
bcom ldan 'das kyi cho 'phrul bsam gyis mi khyab cing rmad du byung ba 'di lta bu mthong ban ngo mtshar skyes te/ sangs rgyas bcom ldan 'das la zhus pa/ btsun pa rgyu ma mchis rkyen ma mchis par ni/ de bzhin gshegs pa dgra bcom pa yang dag par rdzogs pa'i sangs rgyas rnams 'di lta bu'i rmad du byung ba'i cho 'phrul ston par mi mdzad na/ btsun pa 'di lta bu'i cho 'phrul gyi rgyu gang lags/ bcom ldan 'das kyis bka' stsal pa/ dge slong dag cho 'phrul 'di 'byung ba'i rgyu mnyan par 'dod dam/ btsun pa de ltar 'tshal lo// dge slong dag de'i phyir legs par rab tu nyon la yid la zung zhig dang ngas bshad par bya'o/ / dge slong dag sngon byung ba 'das pa'i dus na/ rgyal po'i pho brang a ri shwA zhes bya ba 'byor pa rgyas pa/ bde ba/ lo legs pa/ skye bo mang po dang mis gang ba/ chur dpag tshad bcu gnyis/ zheng du dpag tshad bdun pa/ gru bzhi pa rnam par 'byes pa/ gdugs dang / rgyal mtshan dang / ba dan dang / rta dngas bsgreng ba byung bar gyur te/ rgyal po'i pho brang der rgyal po dpal gyi sde zhes bya ba stobs kyi 'khor lo sgyur ba/ gzugs bzang ba/ mdzes pa/ bltan sdug pa/ kha dog bzang po rgyas pa/ mchog dang ldan pa/ rang bzhin gyi skye ba dran pa/ chos dang ldan pa/ chos kyi rgyal po/ chos kyis 'dzam bu'i gling gi dbang phyug gi bdag po byang pa
- 371b
zhig byung bar gyur to/ / rgyal po dpal gyi sde'i mthus shing rnams rtag tu me tog dang 'bras bur ldan zhing / lha rnams dus dus su char yang dag par 'bebs la/ lo tog shin tu phun sum tshogs par gyur to/ / sems can rnams kyang nad med par gyur te/ sems can thams cad kyang phan pa dang byams pa'i sems kyis gnas so// rgyal po de'i btsun mo dam pa rgyal ba'i 'od ces bya ba gzugs bzang ba/ mdzes pa/ blta na sdug pa/ yan lag dang nying lag thams cad tshang ba/ yul gyi bzang mo// rgyal po dpal gyi sde'i shin du yid du 'ong ba dang / sdug pa dang / 'phangs pa zhig byung bar gyur to// dge slong dag rgyal po dpal gyi sde'i 'dzam bu'i gling gi mi thams cad la dpya dang / sho gam dang / gru btsas med de/ zhing gi 'byor pa dang ldan pa/ skye bo rnams zhi ba/ khyim bya rnams dang ldan pa'i yul dang / grong khyer dang / grong rdal dang / yul 'khor dang / rgyal po'i pho brang byung bar gyur to/ / dge slong dag rgyal po dpal gyi sde byang chub sems dpar gyur te/ thams cad ster ba/ thams cad yongs su gtong ba/ chags pa med par yongs su gtong ba dang / / gtong ba chen po la zhugs nas tha na rang gi sha'ang gtong ste/ des ma byin pa dang / yongs su ma btang ba ci'ang med do// dge slong dag rgyal po dpal gyi sde'i rgyal por
- 372a
pho brang a ri sh+na'i shar phyogs kyi grong khyer gyi mthar sbyin gtong gi gnas byas te/ sbyin pa ni gtong / bsod nams ni byed do// lho dang / nub dang / byang gi grong khyer gyi sgor sbyin pa ni gtong / bsod nams ni byed do// sum mdo'i dbus na'ang sbyin pa ni gtong / bsod nams ni byed do// 'di ltar zas 'dod pa rnams la ni zas/ skom 'dod pa rnams la ni skom bza' ba dang / bca' ba dang / mar me dang / 'phreng ba dang / dri dang / byug pa dang / gos dang / mal cha dang / stan dang / rgyab rten dang / gnas dang / gzugs rnams dag shing rta dang / glang po dang / rta dang / rgyan rnams dang / gser gyi snod dngul gyi phye mas yongs su gang ba rnams dang / dngul gyi snod gser gyi phye mas yongs su gang ba rnams dang / ba lang gser gyi rwa dang / dngul gyi rmig pa btags pa/ 'khar ba'i bzho snod dang / ras zung gis bkab pa rnams dang / gzhon nu ma rnams dang / rgyan thams cad kyis brgyan nas sbyin pa ni gtong / bsod nams ni byed de/ dge slong dag ji tsam du rgyal po dpal gyi sdes ji tsam gyis 'dzam bu'i gling pa'i mi thams cad phyug pa dang / nor mang ba dang / longs spyod che bar 'gyur ba de tsam du sbyin pa rnams sbyin no/ / yang de'i tshe rgyal po'i pho brang a ri shA'i grong khyer na bye ba phrag dgu bcu rtsa drug gi mi rnams gnas te/ rgyal po dpal gyi sde de dag thams cad kyi
- 372b
sdug pa dang / yid du 'ong bar gyur to// gzhan yang 'di skyes pa dang bud med rnams kyis mthong ba na/ ngoms par mi 'gyur ba'i dga' ba thob po// dge slong dag rgyal po dpal gyi sde'i blon po stong phrag bcu gnyis yod de/ blon po de rnams kyi ma rog blo gros chen po zhes bya ba mkhas pa/ gsal ba/ blo dang ldan da / thams cad la dbang byed pa/ rgyal po yongs su skyob par byed pa/ rgyal po dpal gyi sde'i sdug pa dang / yid du 'ong ba dang / 'phangs par gyur pa zhig byung bar gyur to// des 'di'i gzugs dang / kha dog dang / rtags dang / dbying mthong ba na ngoms pa med de/ skad cig kyang 'di dang mi 'bral lo// dge slong dag rgyal po dpal gyi sdes 'dzam bu'i gling gi mi thams cad dge ba bcu'i las kyi lam la yang dag par sbyar te/ shes ldan dag 'dzam bu'i gling gi mi rnams dge ba bcu'i las kyi lam rnams la rten cig/ dge ba bcu'i las kyi lam 'di rnams yang dag par zung zhig ces dge ba bcu'i las kyi lam la yang dag par sbyor te/ dge slong dag rgyal po dpal gyi sdes de lta bu'i gdams ngag rjes su ston par gyur to// 'di lta ste/ 'khor los sgyur ba'i rgyal po de'i dus su gang 'dzam bu'i gling pa'i mi gang la la dus byas te/ lus zhig nas de lha'i ris drug tu skyes par gyur to// gang phal cher ni sum cu rtsa gsum gyi lha'i ris su skyes so// yang de'i tshe sum cu rtsa gsum
- 373a
gyi lha rnams kyi lha'i grong khyer blta na sdug ces bya ba lha'i tshogs kyis kun tu gang ngo / / de nas der go skabs med par gyur pa dang / blta na sdug gi phyi rol yongs 'du dang / shing rta sna tshogs can dang / dga' ba'i tshal la sogs pa'i skyed mos tshal rnams su gnas par gyur to// de nas sngon skyes pa'i sum cu rtsa gsum gyi lha'i tshogs kyis yang dag pa'i 'byor pa de mthong ste/ rab tu dga' nas lha'i dbang po brgya byin la 'di skad ces smras so// ko'u shi ka gang du ri'i rgyal po ri rab de nyid lha'i bu de dag gis gang ste lha'i tshogs ni 'phel bar gyur/ lha ma yin gyi tshogs ni 'grib par 'gyur ba'i ngo mtshar 'di dag gzigs so// de nas lha'i dbang po brgya byin gyis lha'i bu rnams las thos nas/ ri'i rgyal po ri rab thams cad la blta bar bsams pa dang / dza tsam na ri'i rgyal po'i ri rab lha'i tshogs rnams kyis kun nas gang ba mthong ngo // mthong nas kyang 'di snyam du sems te rgyu gang dang rkyen gang gis sems can 'di snyed cig 'dir skyes par gyur snyam na/ 'dzam bu'i gling thams cad la blta bar brtsams pa dang / ji tsam na rgyal po dpal gyi sde'i mthu yin par mthong ngo / / de nas lha'i dbang po brgya byin sems rab tu dga' bas sum cu rtsa gsum gyi lha rnams la smras pa/ grogs po dag khyed rnams nyon cig/ 'dzam gling dbang phyug rgyal
- 373b
po yi/ / dpal gyi sde zhes rnam grags pa// rtag tu chos la gzhol ba dang // rgyal po chen po chos la gnas// thog ma bar dang mthar dge zhing // sems can kun la phan par dga'// gtso bo mi rnams dge ba la// rtag tu yang dag sbyor bar byed// rtag tu snying rje'i bdag nyid can// phyi rol dngos po rab gtong zhing // de yi sha yang slong ba la// rjes su brtse ba nyid kyis ster/ / nang ngam yang na phyi rol la// de ni yongs su 'dzin med par// rjes brtse nyid kyis gtong byed cing // byang chub mthar dbyung ba la brtson// des ni rnam dag gser bzhin du 'gro ba thams cad rab bsgrubs pas/ / rgyal po de yi mthu yis ni// thams cad mtho ris la gzhol 'gyur// rgyal po blo gros che de yi// mthu yis su yang dmyal ba dang // yi dgas dang ni dud 'gro yi/ / skye gnas rnams su skye mi 'gyur// de yi gzi brjid mthu yis ni// thams cad snang bar 'gro ba dang // sbyin dang tshul khrims dga' 'gyur bar// dga' ba'i tshal na dga' bas rtse/ / dpal gyi sde la rjes bsten par// gus dang bcas par gyur pa 'di// lha yi 'jig rten nyams dga' bar// de yang dga' ba rnam par snang // de nas sum cu rtsa gsum gyi lha de rnams kyis tshig thos pa dang / yid dga' ba dang / sems rangs par gyur te/ dga' ba'i sems su gyur cing / 'di skad ces kyang smras so// gang rgyal
- 374a
po 'di yan lag dang nying lag kyang sbyin par gtong 'dod par rtsol ba ni ngo mtshar che'o/ / 'on kyang 'di ltar yan lag dang nying lag ster ba 'di ni dka' ba ste/ bdag dang mnyam par 'phangs pa gzhan med pas/ de ji ltar na bdag nyid chen po 'di rang gi lus kyi sdug bsngal ba la mi sems par yan lag dang nying lag sbyin par gtong bar gyur te/ 'di ni rjes su dpag par nus pa ma yin no/ / brgya byin gyis smras pa/ grogs po dag khyed rnams de skad ma smra zhig/ rgyal po 'di ni mthu che ste/ rdzu 'phrul rno ba/ snying rje che bas tha na rang gi sha' gtong ste/ 'di la yongs su ma gtang ba ci'ang med do// ji tsam na dus gzhan zhig gi tshe/ btsun mo rgyal ba'i 'od sten chen po la nyal ba na/ tho rangs kyi dus su rmi lam bzhi rmis te/ dpal gyi stan las bdag nyid phab nas slar yang bteg par mthong ba dang / rang gi mig phyung ste/ slar yang skyes par mthong ba dang / bdag nyid kyi dpung pa g.yas pa 'di bcad de sa la lhung ba yang skyes par mthong ba dang / mi ma yin pa dngul gyi rdo bcag pa'i mdog 'dra ba zhig gis rgyal po dpal gyi sde'i dpung pa g.yon pa mod la phyung ste/ phrogs nas slar yang skye bar rmis so/ / gnyid sad pa dang / 'jigs par gyur/ spu zing zhes byed de/ nga'am lha la sdug bsngal 'ba' zhig 'byung bar mi 'gyur grang zhes bsams nas/ des rgyal po
- 374b
dpal gyi sde la smras so/ / de myi ltas la byang ba yin pas 'di snyam du sems te/ 'dis rmi lam ji lta bu mthong ba las na/ ring po mi rdzogs par chung ma 'di nyid spong ba 'byung bar 'a ro snyam nas/ smras pa/ ma 'jigs shig/ sgyu ma lta bu'i rmi lam sems ngas ci zhig bya/ dpal gyi snyan pa bdag nyid gnas par khyod kyis mthong ngam/ mig mi nyams par de bzhin du 'jug pa dang / bdag nyid kyi dpung pa g.yas pa de bzhin du yod pa dang / nga'i yang dpung pa g.yon pa gnas bzhin pa nyid ces des dbugs phyung ba dang / cang mi smra bar 'dug go/ / ji tsam na mtshan mo gnyis pal blon po'i mchog blo gros chen po zhes bya ba'i rmi lam du rgyal po dpal gyi sde'i rin po che thams cad las byas pa'i khang bzangs mod la zhig pa dang / rin po che de rnams sha za mthong na 'jigs su rung ba rnams kyis phan tshun khyer ba dang / slar yang khang bzangs so sor sbyar bar rmis so// sad pa dang / 'jigs shing skrag pa dang / yi mug ste/ spu bing zhes byed pa dang / bsams pa/ sems can thams cad la mnyes gshin pa dang / lha dpal gyi sde'i sgra lus slong bar mi 'gyur grang / lha'ang thams cad stsol ba/ thams cad yong su gtong ba/ chags pa med par gtong ste/ 'di lta ste/ dman pa dang / long ba dang / bkres pa dang / sdug 'phongs pa rnams la 'di yongs su
- 375a
mi gtong ba ci'ang med do/ / rgyal po dpal gyi sde la ni zhu bar mi bya ste/ shin tu spro ba skye bar mi 'gyur grang / de nas des gsang ste mtshan mkhan bos nas/ ngam bsgo ste zhes smras pa/ shes ldan ngas 'di lta bu'i rmi lam rmis pa'i 'bras bu ji lta bur gyur pa khyod kyis lung ston cig/ mtshan mkhan gyis smras pa/ rmi lam ci 'dra ba 'di las ring po mi thogs par lha'i sku lus slong ba 'ong bar 'gyur ro/ / rmi lam bstan pa 'di lta bu de thos pa dang / blon po chen po blo gros chen po sdug bsngal drag pos gdungs shing // mig mchi mas gang ba dang lag pa 'gram pa la gtad de/ sems khongs su chud pas gnas nas/ dpal gyi sde byams pa dang snying rje'i bdag nyid can sems can thams cad la mnyes gshin pa/ yon tan du ma dang ldan pa la/ mi rtag pa'i stobs nye bar gnas pa ni ha cang myur ches so// de nas nub gsum pa la blon po stong phrag bcu gnyis la rmi lam rmis te/ khri yis rgyal po dpal gyi sde'i gdugs dang cod pan phrogs te slar yang byin pa dang / skye bo thams cad kyi mgo bcad nas slar yang byung ba dang / rgyal po dpal gyi 'dzam bu'i gling gi/ mi thams cad kyi mig phyung nas slar yang skyes pa dang / 'dzam bu'i gling gi mi thams cad kyi rkang pa dang lag pa rnams bcad nas slar yang skyes pa dang / rgyal po dpal gyi sde seng ge'i
- 375b
khri las babs nas slar yang 'jog par rtsom par rmis pa dang / 'jigs shing skrag la yi mug nas/ rgyal po dpal gyi sde sa chen po skyong bar mdzad pa/ byams pa'i bdag nyid can snying rje che ba/ sems can thams cad la mnyes gshin pa la mi rtag pa'i stobs nye bar gnas par mi 'gyur grang / bdag cag rnams lha dang lhan cig gnas pa las tha dad par gyur pa dang / so so ba dang bral ba dang bye bar mi 'gyur grang / 'dzam bu'i gling pa'i skyabs dang dpung gnyen med par mi 'gyur grang / de rnams kyis mtshan mkhan rnams bos nas smras pa dang / de rnams kyis ji tsam na thams cad 'di bzhin du 'gyur zhes lung bstan to/ / 'di lta bu'i rmi lam bstan pa thos pa dang / grong khyer a ri shwA na gnas pa'i skye bo'i tshogs rnams nyam thag pa'i nga ros du bar brtsams so/ / thos pa gcig tu brgyud pas/ 'dzam bu'i gling pa'i mi thams cad mya ngan drag po'i sdug bsngal gyis bcom nas/ shin tu smre sngags 'don par gyur to// de ltar gyur pa de rgyal po dpa' gyi sdes thos so/ / thos nas kyang yang bsams pa/ nga'i lus slong ba 'ong bar 'gyur ro snyam nas sems rab tu dga' ba dang / mgu bar gyur to// shes ldan dag 'dzam bu'i gling gi mi khyed rnams bde ba dang / phebs pas dge ba la gzhol bar gyis shig/ khyed rnams sgyu ma lta bu'i rmi lam la sems pas ci zhig bya zhes 'jam bu gling pa thams cad du dril
- 376a
bsgrags so/ / de nas rgyal po dpal gyi sdes dril bsgrags pa de thos pa dang / 'dzam bu gling pa'i mi thams cad dbugs byin par gyur to// yang de'i tshe de'i dus na rgyal po'i pho brang a ri shA'i byang phyogs rgyang grags tsam gyi phyogs na ri bo zhig yod de/ de na drang srong lnga brgya tsam gnas so// ji tsam na dus gzhan zhig gyi tshe de rnams kyi don du 'jug pa drang srong cig don gyi bya ba 'ga' zhig gi phyir/ rgyal po'i pho brang a ri shwA ra 'ongs so// yang dus de'i tshe rgyal po dpal gyi sde lha mo rgyal ba'i 'od dang lhan cig tu nang du zhugs nas skyed mos tshal gyi sar song ngo / / drang srong des rgyal ba dang tshe ring ba'i brjod pa byas pa dang / drang srong des lha mo rgyal ba'i 'od rgyan thams cad kyis brgyan pa mthong ste/ 'di lta de'i skye ba snga ma'i chung mar gyur pa'ang yin pas/ sngon gyi chags pa dang 'brel ba'i dbang gis tshul bzhin ma yin pa'i yid la byed pa skyes par gyur te/ de yid la sems shing de nas song ste lam de nas 'das pa dang / ji tsam na drang srong de rgyal po'i pho brang grong khyer a ri sh+tsar bya ba 'am/ byed pa thams cad byas te/ yongs su rdzogs pa dang / bsti gnas su song ngo / / ji tsam na dus gzhan zhig gi tshe drang srong des bram ze'i khye'u gcig rig byed 'don pa yongs su rdzogs pa dang / mkhan po'i rkang pa la gtugs nas smras pa/ mkhan po la nor
- 376b
ji lta bu dbul bar bgyi/ mkhan pos bka' stsol cig/ drang srong gis smras pa/ de bas na bu rgyal po dpal gyi sde'i btsun mo'i mchog btsun mo rgyal ba'i 'od slongs la nga'i bsnyen bkur bya ba dang / mkhan po la mkhan po'i nor dang / bla ma la mchod par bya ba'i phyir byim cig/ de skad ces smras pa dang / bram ze'i khye'u de gnang du bsnun pa'i ri dgas bzhin du sdug bsngal drag pos gdungs te/ mchog tu yi mug pa dang / bsam pa/ gnas 'di ni 'byung bar dka' ba dang / rnyed par dkar na ji ltar yang bram ze nyon mongs bdag lta bu rgyal po la btsun mo rgyal ba'i 'od 'di byin cig ces ji ltar smra bar nus/ 'di ltar bslang bar bya ba ma yin pa'i dngos po 'di la kun tu sbyor ba gang yin pa des na/ mkhan po nges par bdag la mong ba byed par 'dod pa yin no// de nas drang srong des de'i bzhin rnam par 'gyur bas nang gi bsam pa rtogs nas smras pa/ bu ma 'jigs shig/ ji ltar na sems 'di ltar khongs su chud/ rgyal po 'di ni bdag nyid che ba thams cad ster ba/ thams cad yongs su gtong zhing / chags pa med par gtong bas/ tha na rang gi sha'ang gtong ste/ 'di la yongs su ma btang ba ci'ang med do// bu des na rgyal pos btsun mo'i mchog ster bar 'gyur gyis/ yi mug par yi mug par ma byed cig/ de 'di snyam du sems te/ gal te ma song na ni/ gang dmod pa byed pa'i gnas de
- 377a
yod pas 'gro snyam nas de dmod pas 'jigs pas smras pa/ mkhan po gal te de ltar na mchi'o zhes nges de'i rkang pa la gtugs nas song ste/ rgyal po'i pho brang a ri shwar phyin to/ / de bzhin du shing shun gyi gos gyon zhing dbyig pa dang ril ba lag na thogs la/ sa rdul gyis lus la gos pa dang / rgyal po dpal gyi sdig ba der song ste phyin nas/ rgyal po dpal gyi sde la rgyal ba dang tshe spel ba byas nas/ bsam pa/ ci bslang ngam 'on te mi blangs/ ster bar 'gyur ram/ mi ster bar 'gyur/ nga'i yid la re ba 'bras bu dang bcas par 'gyur ram/ 'bras bu med par 'gyur snyam nas/ bdag nyid smod bzhin du rgyal po'i mdun na dman pa'i bzhin gyis ci mi smra bar 'dug go// de nas rgyal po dpal gyi sngas bsams pa/ 'di ni nga la slong du 'ongs so snyam nas bram ze'i khye'u de la 'di skad ces smras so// bram ze khyed kyi dgongs pa gang yin pa smos/ de ring khyod kyi yid la re ba gnas su rdzogs par bya'o/ / de skad ces smras pa dang / bram ze'i khye'u de mi 'jigs pa skyes nas/ byang chub sems dpa' la smras pa/ de legs/ lha ri ga ge mo na bdag gi mkhan po drang srong 'don du 'jug pa 'a'or/ lnga brgya dang gnas te/ de las bdag gis rig byed 'don pa yongs su rdzogs pas/ rgyal po chen po de thugs brtse bas btsun mo rgyal ba'i 'od bdag la stsol cig/ mkhan po la mkhan po'i
- 377b
nor dang / bla ma la mchod pa'i phyir bdag gis mkhan po la dbul bar bgyi'o// de skad ces smras pa dang / rgyal po dpal gyi sde brtse ba'i dbang gis yid mi bde bar gyur te/ btsun mo rgyal ba'i 'od 'di nga dang bral na ji ltar srog 'dzin par nus/ 'khor de dag thams cad kyang rgya mtsho zab mo'i sgra mi g.yo ba dang / gnad du bsnun pa bzhin du sdug bsngal drag pos gdungs pas rta bas bag tu 'di ci zhes skyo bas rab tu gdungs so/ / de nas byang chub sems dpas skad cig cang mi smra bar gnas te/ bsams pa/ bu dang chung ma la sogs pa byin pa med pas ni bla na med pa yang dag par rdzogs pa'i byang chub 'thob par mi 'gyur ro/ / de'i phyir bram ze 'di la dga' bas chung ma 'di sbyin par bya'o snyam du bsams nas/ gnyen sdug pa dang bral bas zhum pa'i sems yang dag par blangs te/ 'phral du seng ge'i khri las babs nas byang chub smon pa'i sems kyis btsun mo rgyal ba'i 'od lha'i bu mo bzhin du rnam par mdzes pa khyo dang bral ba'i gdung bas shin tu dbugs ring po phyung ste/ mchi mas gang ba'i mig dang / mun par g.yang sa chen por lhung ba bzhin du/ mchog tu sdug bsngal bas gdong phab pa/ lag pa g.yon pas bzung ste/ lag pa g.yas pas gser gyi bum pa thogs nas/ bram ze'i khye'u de la 'di skad ces smras so// bram ze chen po tshur shog tshur shog/ bram ze'i dam pa gzugs bzang ba/ sdug pa'i chung ma 'di
- 378a
long zhig/ sbyin pa 'di yis myur du ni// byang chub dam pa thob par shog/ ces smras nas/ byang chub sems dang sa bram ze de'i lag par chu'i rgyun drugs so// de nas yang dge slong dag rgyal po dpal gyi sngas chu'i rgyun blugs pa'i rjes thogs nyid la/ de'i tshe 'phral du sa rnam pa drug tu g.yos par gyur to// de nas bram ze'i khye'u nges byang chub sems dpa'i gtong ba dang / gtong ba las kyang shin tu gtong ba/ shin tu dka' ba de mthong ba dang / mchog tu ngo mtshar skyes so// nam mkha'i ngos na gnas pa'i lha brgyad stong rnams kyis kyang co'i sgra bton to/ / de ma thag tu'ang skar mda' ltung ba dang / phyogs 'bar ba dang / bar snang gi lha yang rnga brdung bar gyur to// de nas bram ze'i khye'u de rgyal po 'gyod par ma gyur grang snyam nas/ byang chub sems dpa' la mngon par bstod de/ bde legs su gyur cig ces smras nas/ btsun mo rgyal ba'i 'od khyer te/ rings pa rings par bsti gnas su song ste mkhan po la byin pa dang / btsun mo rgyal ba'i 'od nya chu las bton pa bzhin du sdug pa dang bral ba'i sdug bsngal drag pos gdungs shing nyam thag pa dang / byang chub sems dpa' nyid la mngon par sems shing 'gro ba thams cad mun pa mun nag tu gyur pa bzhin du shes shing / kyi hung rgyal po zhes mchog tu gdung ba'i sems dang zas
- 378b
bcad pa la zhugs so/ / sa g.yos pa des brgya byin gyi gnas g.yos par gyur to// chos nyid kyis lha rnams kyi shes pa 'og tu mthong ba 'jug go// gong du ni ma yin no// de nas lha'i dbang po brgya byin gyis bsams pa/ shin tu grags par sa g.yos pa// mtshan ma ni su'i mthu yin// gang gi mthu ni ci 'dra ba// shin tu gsal bar 'di shes bya// 'dzam bu gling thams cad la blta bar brtsams pa dang / ji tsam na byang chub sems dpa' 'di lta bu mchog tu dka' ba'i las byed pa mthong ngo // mthong nas kyang mchog tu ngo mtshar skyes te/ sum cu rtsa gsum gyi lha rnams la smras pa/ grogs po dag khyed cag rnams rgyal po dpal gyi snga'i ngo mtshar dang rmad du byung ba'i las la ltos/ gang zhig 'di ltar sdug pa dang / 'di ltar yid du 'ong ba dang / 'di ltar 'phangs pa'i chung ma la mi sems te/ rtsa bzhin du yongs su gtong ngo // grogs po dag rnam grangs des kyang 'di ltar shes par bya ste/ bdag nyid chen po 'di rang gi yan lag dang nying lag rnams kyang 'phangs pa med par gtong ba yin no/ / lha rnams kyis smras pa/ ko'u shi ka bu dang bu mo ni de bas yongs su gtong bar byed kyi/ 'di lnga ste/ yan lag dang nying lag ster ba 'di ni dad par bya ba yin te/ shin tu dka' 'o// de skad ces smras pa dang / lha'i dbang po brgya byin gyis smras pa/ grogs po dag zhog zhog/ sra'i
- 379a
rtse mo chu'i thigs pas rgya mtsho ma gzhal cig/ nam mkha' 'dom gyis ma gzhal cig/ nyi ma dang srin bu me khyer 'od ma mnyam cig/ ri'i rgyal po ri rab dang yungs 'brur ma snyom zhig/ gzhan yang ngas khyed cag rnams kyi mngon sum du bu yis/ de nas lha'i dbang po brgya byin gyis de nyid kyi nam nangs pa na sum cu rtsa gsum gyi lha rnams la smras pa/ kye ma'o grogs po dag shes par gyis shig ces smras te/ nang par nyid langs nas/ lha'i bu bzhi dang sum cu rtsa gsum gyi gnas las babs te/ grong khyer a ri shA dang ha cang mi ring ba'i nags tshang tshing du zhugs nas/ bram ze chen po'i cha byung du byas te/ rang gi lus kyi lte ba man chad srog les bcang ba bzhin ston cing / kun nas khrag 'dzag pa khri la bskyon nas/ lha'i bu bzhi bram ze'i cha byad 'dzin pas pha dang bral ba'i sdug bsngal gyis nyam thag pa ltar nyam thag pa'i nga ros cho nges 'debs shing bteg par mngon par sprul te/ nga'i lus 'di'i phyed sdug gis bcad de zos so zhes 'di ltar bstan par bya'o snyam nas yid la bsams pa/ nyi ma shar ba'i dus su nags tshang tshing de nas byung ste/ grong khyer du mngon par phyogs nas kun tu chags so/ / khrag gi dri de la'ang steng nas khwa dang / chu skyar dang / bya rgod rnams rjes su 'brang ngo // 'og nas kyang khyi dang wa rnams rjes su 'brang bzhin du
- 379b
rings pa rings par grong khyer gyi sgor song ngo / / de'ang 'di ltar snying rje'i gnas su gyur pa/ skyes pa dang bud med rnams kyis mthong nas snying rjes gdungs pa'i yid kyis gcig la gcig smra ba/ grogs po dag bram ze 'di rked pa chad nas 'di'i dbang po'ang 'khrugs pa ji ltar 'tsho bar gyur/ gzhan zhig gis smras pa/ 'di mi ma yin gyi/ sha za mi'i cha byad kyis bdag cag bza' ba'i phyir 'dir 'ongs kyi/ mi rked pa chad pa ni 'tsho ba med do// de skad ces thos pa dang / skyes bu sngar ma ni 'jigs pas bros par brtsams so// skyes bu dpa' bo gzhan zhig 'di snyam du 'di ni sha za zhig ste/ de lta yang tshor bas med nyen bzhin du 'di ltar dbang po rnams bde bar snang na de ji lta bu yin/ bdag gis 'di la mi ma yin nam sha zar gyur pa yin dri bar byas na 'dis tshig thon par dga' mod kyi/ gal te tshig thon na ngo mtshar du 'gyur ro// ji tsam na gzhan zhig lhad mo skyes nas smras pa/ bram ze khyod ci mi yin nam/ 'on te sha za yin/ khyod kyi lus 'di rked par sus bcad na gnas skabs 'di lta bur byas/ khyod ni ga las 'ongs/ de nas lha'i dbang po brgya byin gyi bdag nyid 'di ltar khri'i steng du 'dug cing sdug bsngal drag po'i tshor bas nyen pa bzhin du nye bar ston cing / de'i tshe tshigs su bcad pa 'di dag smras so// shi bi ba khyod ma 'jigs
- 380a
shig/ bram ze nga yin srin po min// sngon gyi las kyi nyes pa yis/ gnas skabs 'di 'dra thob par gyur// 'di nyid du ni kun bshad na// dus ni kun tu 'da' bar 'gyur/ / 'chi bdag myur du 'ongs nas ni// srog ni 'phrog par 'gyur du 'ong // chos kyi rgyal po'i spyan sngar ni// 'di dag kun kyang bshad par bya// sngon gyi las kyi mtshan nyid ni/ / di ring nga la 'bras bcas gyur// yon tan kun gyis rnam mdzes la// zla ba lta bur zhi ba dang // sbyin dang tshul khrims la dga' ba'i// gtso bo gang du mthong bar 'gyur// rgya mtsho bzhin du zab gyur cig/ ri rab lta bur mi g.yo ba// 'jig rten kun gyi gtsor gyur pa// chos kyi rgyal po gang na bzhugs// 'jigs shing skrag pa rnams kyi skyabs// slong ba rnams kyi bgrod bya'i mchog/ snyan smra sbyin dang tshul khrims ldan// bdag nyid che de gang na bzhugs// bdag 'dun 'chi ba nyer 'ong shig/ shib pa rnams myur du spros// thugs rje can de ma gtogs par/ / nga la lus phyed su zhig ster// de ltar rgyal po'i lam nas snying rje ba dang / dman pa dang / zhum pa'i tshig smra zhing rim gyis rgyal po dpal gyi sde'i pho brang sgor song ba dang / srog chags brgya stong du ma rnams kyang ngo mtshar skyes nas rjes bzhin 'brangs so/ / yang bar skabs der lha dang / klu dang / gnod sbyin dang / lha ma yin dang / nam mkha' lding dang / mi
- 380b
'am ci dang / lto 'phye chen po'i tshogs rnams kyis nga rgyal po dpal gyi sde'i phyis 'byung ba'i rgud pa chen po de dang / lus kyi tshor ba drag po de shes nas/ sdug bsngal drag po sa gdungs te/ cho ngos 'debs pa la zhugs so// kyi hung rgyal po dpal gyi sde byams pa'i bdag nyid can/ snying rje dang ldan pa/ sems can la mnyes gshin pa/ mi rtag pa nyid kyi stobs nye bar gnas pa ni sdug bsngal lo/ / de thos pa dang / skye bo'i tshogs rnams smre sngags 'don par gyur to// yang de'i tshe 'dzam bu'i gling thams cad 'khrugs shing / kun tu 'khrugs par gyur pa dang / du bas mun par gyur pa la skar mda' ltub ba dang / phyogs bsreg pa dang bar snang la lha rnams rnga brdung bar yang gyur to// yang de'i tshe ri la gnas pa'i drang srong des btsun mo rgyal ba'i 'od 'di ltar khyo dang bral ba'i gdung bas dbugs shin tu ring por 'byin cing zas mi za la/ 'du shes med par mthong nas snying rjes sems 'dar nas bsams pa/ ma la ngas rgyal po dpal gyi sde la dbul bar bya'o/ snyam nas/ btsun mo rgyal ba'i 'od dbugs phyung ngo // 'dzam bu'i gling thams cad 'khrugs shing / kun du 'khrugs par yang mthong ngo // mthong nas kyang yang bram ze'i khye'u la smras pa/ bram ze'i bu 'di ltar 'dzam bu'i gling 'di phyogs thams cad du bas mun par gyur la/ 'khrugs shing kun tu 'khrugs pa dang / nyi ma dang zla ba gnyis kyang lam me ma yin/ ljang nge ma yin
- 381a
ldan ne ma yin pas nges par na 'dzam bu'i gling 'dir yun mi ring ba nyid du skyes bu chen po 'ga' zhig 'gag par 'gyur ro/ / de na de'i tshe drang srong des tshigs su bcang de smras pa/ mi 'am ci yi tshogs dang nags kyi lha rnams du// nam mkhar gnas pa'i lha rnams kyang ni smon par byed// zla ba 'od med nyi mas mun pa sel mi byed// de ring rol mo brdungs na sgra mi grags par 'gyur/ / shing tshogs me tog 'bras bur ldan pa 'di dag kyang / rlung gis bskyod pa bzhin du sa la lhung 'gyur la// ji lta 'jigs shing rtsub pa'i sgra kun grags pas na/ / grong khyer dag tu sdug bsngal mi bzang 'byung bar gsal// grong khyer a ri shwA na gnas dga'i skye bo 'di kun shin tu sdug bsngal zhing / phan tshun so sor mya ngan zug rngus nges bcom smra rnams rab tu grol ba bzhin/ / zla ba lta bu'i bzhin ldan bud med 'di dag khang pa'i mchog na smre sngags 'don// 'di na mi dag drag pos rab tu du// de dang der ni dur khrod 'jig bzhin no/ / nam mkha' gnas pa'i sprin 'di chu med par sgra sgrogs// sa la gnas pa'i chu rnams kyang ni bskams par gyur// rma bya rnams kyang nags kyis bcom bzhin sgra bsgrags te/ / mi rnams kyang ni 'khrugs bcas khyim du rnam par rgyu// chu la rlung gis bskyod pas gru bzhin sa rnams g.yos// phyag dar dang 'dres rlung ni mkha' la rab tu lding // a ri sh+ma
- 381b
ni 'jigs skyed mtshan ma mnga' bas ni/ / bram ze'i khye'u 'di las rjes su 'thun yul du deng // bkra mi shis pa'i mtshan ma ni// de ltar 'di na rnam mang ste// de bas bdag ca/ shis pa yin// phyogs su 'gro ba shin tu rigs// bram ze'i khye'u rnam gzhan yang ji ltar shing 'di dag thams cad rgyal po'i pho brang a ri sh+ma ka la ba der 'dud par gyur/ de bas na kye ma bram ze'i khye'u rnams nges par de nyid rgyal po'i pho brang a ri shwar nye bar 'tshe ba dang / gnod pa'i 'jigs pa chen po 'byung bar 'gyur ro// de nas byang chub sems dpa' steng gi khang bzangs gzhi/ la gnas pas skye bo'i tshogs chen po'i cho de'i sgra thos pa dang / rings pa rings par rin po che yis byas pa'i khang bzangs las babs nas/ seng ge'i khri chen po la 'dug ste/ shinatu rtabs bag gis shes ldan dag 'di ci yin 'di ci yin zhes dris so/ / bar skabs der lha'i dbang po brgya byin lha'i bu bzhi po de rnams kyis 'phral du rgyal po'i khab tu khyer te/ mod la khri/ sa'i steng du bzhag pa dang / khri la bskyon pa lus kyi phyed bcad pa de las khrag kun nas 'dzag cing rab tu 'dzin pa dang / lag pa g.yas pa brkyang ste/ snying rje rje skad du byang chub sems dpa' rgyal ba dang tshe spel ba byas nas/ mchi mas khengs pa'i mig dang / rang gi lus kyi phyed nye bar ston cing / byang chub sems dpa' la smras pa/ 'jig rten na khyod snying rje can/
- 382a
gzhan gyi sdug bsngal gyis sdug bsngal// nyid kyi sku yi phyed stsal bas// gtso bo bdag ni bskyab tu gsol// de skad ces thos pa dang / blon po chen po'i mchog blo gros chen pos smras pa/ lha 'di mi ma lags kyi/ sha za 'am sha zas byin gyis brlabs par gyur pa zhig ste/ mi ni rked par bcad pa 'tsho zhing sngon ji ltar gnas pa bzhin du tshig tu smra ba ni mi srid do/ / de skad ces smras pa dang // lha'i dbang po brgya byin gyis smras pa/ shi pi pa khyed cag rnams ma 'jigs shig/ nga ni sha za ma yin gyi/ gzhan du na nga ni/ bram ze yin mod kyi/ dbul bas/ bdag gis bu dang chung ma bzhag ste/ nor gyi bsam pas rgyal po dpal gyi sde'i thad du chas nas/ rim gyis song ba na/ rgyal po'i pho brang 'dir nyi ma nub pa ni phyin pa dang / grong khyer gyi sgo rnams bcad par gyur to// de nas grong khyer dang ha cang mi ring ba na bsod nams khang yod par bdag song ste/ nub mo gnas pa na lam gyis drub pas gnyid thug mos non pa dang / sngon gyi las kyi nyes pas nub mo gcan gzan stag 'ongs nas bdag gi lus kyi phyed sog le lta bu'i mche ba shin tu rnon pos bcad nas khyer te song ngo // der bdag tshor ba drag pos kun tu bcom pas gnyid sad pa dang / ji tsam na bdag gi lus kyi smad phyed po stag gis sog les dras pa ltar bcad pas bdag tshor ba drag pos kun tu bcom
- 382b
yang sngon byas pa'i mi dge ba'i las rnams kyis kun tu bzung bas/ shrI bar ni ma gyur gyi// gcig tu sdug bsngal ba dang / gcig tu grag pa dang / gcig tu rtsub pa dang / gcig tu na pa dang / gcig tu yid du mi 'ong ba'i tshor ba rnams myong zhing nyam thag pa'i nga ros sme bar gyur te/ bdag de ltar nyam thag pa'i smre sngags thos pa dang / nam mkha'i dkyil na gnas pa'i lha/ gzhan dag gis/ bdag dbugs byung ba'i phyir smras pa/ ma 'jigs ma 'jigs bram ze'i mchog/ khyod ni tshe ni ring bar mthong // a ri shwa ra ni myur song na// khyod ni legs pa/ dag tu 'gyur// de na kun ster rgyal po ni// dpal gyi sde zhes rnam grags pa// de yi lus kyi byed bslang na// de ni nges par khyod la ster// zhes smras nas/ lha mo de nyid du mi snang bar gyur to/ / de nas bdag gis lha mo'i tshig thos pa dang / 'tsho bar re ba kun tu skyes te/ tsha ba'ang chung bar gyur to// de na bdag gis lus kyi phyed ro smad pas langs kyang ma nus na/ 'gro bar lta ga la nus snyam nas yang yi mug par gyur pa dang / stes dbang gis nyi ma shar ba'i tshe gnyen 'di bzhi 'ongs par gyur to// 'di dag gis kyang nyam nga bar zhugs pa mthong ba dang / 'di 'chi ba nyid do snyam nas ngu bar gyur to// de nas bdag gis de rnams la dbugs dbyung ba'i phyir lha mo'i tshig rgyas par smras so// de nas bdag 'di rnams kyis
- 383a
khril bskyon te 'dir khyer te 'ongs so/ / de skad ces smras nas lha'i dbang po brgya byin gdong mchi ma'i rlabs kyis gang ba lta bur bdag nyid nye bar ston cing / byang chub sems dpa' la smras pa/ rgyal po chen po/ bdag ni dbul zhing na ba dang // rgan pa dang ni bram ze nyid// rang gi sku byed stsal ba yis// rnyed dka' srog ni sbrul du gsol/ / bdag gi srog ni sgrub byed pa'i// sbyin pa thugs rjes stsal du gso la// don gyi mchog phyis sbyin pa ni// sku phyed sbyin par srul du gsol// nyid kyi sku yi phyed skul bas/ / bsod nams rgya mtsho ltar rgya che// de bzhin mkha' ltar mtha' med pa'i// bsod nams khyod kyis thob par 'gyur// bdag gi tshor ba drag po dang // bkres skom mi bzad la gzigs nas/ / mchog tu thugs rje mdzad nas ni// sku yi phyed ni bdag la gsol// byang chub sems dpa' dge khyod chos la gnas// thams cad mkhyen pa nyid du mnyam bzhed na/ / bdag la sru phyeng 'di stsol de ring ni// shin tu rnyed dka'i srog ni thob par mdzad// rgyal po chen po'i sku yi phyed// shin tu gtang dka' bdag stsol la// chos dang de bzhin grags pa yi// 'gro ba kun la khyab par mdzad// de nas tshig 'di thos pa dang / byang chub sems dpa' sngon goms pa'i dge ba'i rtsa ba'i bag chags blo la bgos
- 383b
pas/ snying rjes sems 'dar zhing slong ba de dbugs dbyung ba'i phyir smras pa/ bram ze chen po ma 'jigs shig/ da ring po mi thogs par lus 'di rdzogs par 'gyur ba dang / yid la re ba yongs su rdzogs par 'gyur gyis/ g.yo med pa'i sems kyis khyod la lus kyi phyed sbyin par bya'o zhes smras nas/ byang chub sems dpa' yid rab tu dga' ba dang / tshigs su bcad de smras pa/ kye ma rang gi lus spong ba/ yun mi ring bar blta bar bya// nga yi yan lag btang ba ni// dka' bar 'gyur ba ma yin no// ji ltar yab kyi bu cig nga yin yang / de lta na yang nga yi lus 'di khyer// lus ni byin pas byang chub rnyed gyur cing // 'gro 'di shin tu sdug bsngal las grol shog/ de nas byang chub sems dpa' brgya byin bram ze'i cha byang 'dzin pa rnams 'di lta bu'i tshig smra ba thos pa dang / yid rab tu mgu zhing dga' bas mig gdangs bzhin du bram ze de la smras pa/ bram ze lus 'di'i phyed legs par byin gyis/ bar chad med par legs par longs shig ces smras nas/ 'khor de dag thams cad la bltas te skyes bu gzhan zhig la smras pa/ kye skyes bu khyod rings par song la/ sog le shin turno ba khyer shog cig/ de nas skyes bu de brgya byin gyis kun tu rmongs par byas pas/ shin tu rings la rings par sog le nye bar khur te 'ongs nas smras pa/ lha sog le 'tshal
- 384a
te mchis so/ / de nas byang chub sems dpa' rings par blon po la smras pa/ khyed cag rnams kyis ji srid du bram ze 'di 'chi bdag gis 'jig rten pha rol tu mkhyer ba de srid du nga'i ro smad sog les myur du chod cig dang / ngas bram ze 'di la sbyin par bya'o// de nas byang chub sems dpa' mchog tu mi bzad pa'i tshig smras pa thos pa dang rdo rje lhung bas kun tu skrag pa bzhin du grong khyer na gnas pa'i skye bo'i tshogs thams cad yi mug par gyur te/ sdug bsngal lo sdug bsngal lo zhes gsang mthon pos ngu bar gyur to// de nas blon po chen po blo gros chen po zug rngus ga nang du bsnun pa bzhin du sdug bsngal drag pos nyam thag ste/ byang chub sems dpa' nyid kyi sku la chags pa med par yongs su gtang ngo snyam bsams nas/ gdong la mchi ma char lngar bab pa dang / rkang pa gnyis la btud de/ byang chub sems dpa' bzlog pa'i phyir smras pa/ lha 'di mi srid de/ 'di lta ste/ lus sog les bcad pa'i lus ni nges par gyur te/ 'chi na lus su mi rung ba'i ror gyur la/ lus su mi rung bas ni/ bram ze la'ang byas pa don ma mchis par 'gyur ro// gang gzhan gyi yan lag bcad pa/ gzhan gyi yan lag la 'byor par gyur pa 'di'ang gnas ma mchis so// de lta na ni lha'i ngal ba'ang don ma mchis par 'gyur ro// de bas na bzod par
- 384b
mdzod la bdag nyid don ma mchis par gsod par mi mdzad cing / nyid kyi srog yongs su mi gtong bar gsol/ de nas byang chub sems dpa' blon po chen po blo gros chen po dbugs dbyung ba'i phyir smras pa/ blo gros chen po zhog zhog/ ngas nam zhig bla na med pa yang dag par rdzogs pa'i byang chub thob nas 'khor bar rgyu ba'i sems can bsgral bar bya'o zhes yid la re ba 'di la nga'i byang chub kyi bar chud ma byed cig/ bu dag gzhan yang shin tu yun ring po sdug pa dang yang dag par 'dus par gyur pa'ang nges par 'bral ba'i mtha' can du 'gyur ba 'di ni 'jig rten gyi rang bzhin yin no zhes smras nas/ byang chub sems dpa' sog le la bltas te/ sog le 'dis nga'i bla na med pa yang dag par rdzogs pa'i byang chub tshogs kyi phyogs gcig tu 'gyur ro zhes rjes su sems shing / yang blon po la smras pa/ ji srid du bram ze 'di srog bral bar ma gyur kyi bar du khyod kyis nga'i lus kyi phyed ro smad myur du chod cig/ bram ze 'di shi na nga'i bsam pa 'bras bu med par 'gyur ro// de ltar blon po blo gros chen pos byang chub sems dpa'i de lta bu'i rang gi lus yongs su gtong ba'i bsam pa shes nas de mchi ma char bzhin du bab pa'i gdong dang / byang chub sems dpa'i rkang pa nas bzung ste/ gdong gi mchus 'o byas nas/ snying rje rje skad du smre sngags 'don par gyur te/
- 385a
kyi hud da ji ltar na 'dzam bu'i gling yongs su sbyong ba mdzad pa/ snying rje che ba/ yon tan du ma dang ldan pa/ sems can thams cad la mnyes gshin pa'i// lha la de ring nyid du mi rtag pa nyid kyi stobs nye bar gnas par gyur/ kye ma'o mi rtag pa nyid kyi stobs dang ldan pa'o// gang 'jig rten du lha yang mthong ba'i skyes bu de rnams ni skal ba can yin no zhes byang chub sems dpa'i gdong la shin tu yun ring du mig mi 'dzums par bltas nas/ lha'i mi rtag pa nyid la blta mi nus so zhes bsams nas/ skad cig de nyid la mig btsums nas brgyal nas sa'i steng du 'gyel bar gyur to/ / de nas byang chub sems dpa' skyes bu shing mkhan gnyis shig la smras pa/ bzhin bzangs dag 'dir nga'i sbyin pa'i pha/ rol tu phyin pa yongs su rdzogs pa'i grogs bya ba'i phyir khyed cag gnyis kyis sog le thogs te/ nga'i lus kyi phyed ro smad myur du chod cig/ bram ze'i yid la re ba yongs su rdzogs par bya'o/ / nga'i byang chub rnyed pa'i yid la re ba yongs su rdzogs par 'gyur ro// de nas shing mkhan de gnyis yul rmus pa lta bu'i mchi ma'i gdong can gyis byang chub sems dpa'i rkang pa la gtugs te smras pa/ lha 'di skad gsung ba ni rigs pa ma lags te/ de ci'i phyir zhe na/ gal te gzhan 'ga' zhig lha'i thugs su mi byon pa bgyid na/ de
- 385b
la'ang bdag cag gis bzlog par bgyi ba lags na/ lha nyid kyi sku la mtshon gyis 'debs par ji ltar rngo thogs/ lha gzhan yang gal te bdag cag gnyis kyis thugs rje che ba byams pa'i bdag nyid can sems can thams cad la mnyes gshin pa/ 'dzam bu'i gling yongs su sbyong bar mdzad pa/ khyod kyi sku la sog les gcod par bgyid na nges par 'phral du rang gi las kyis dmyal bar lhung bar 'gyur ro/ / byang chub sems dpas smras pa/ bu dag nga'i byang chub sems dpa'i bzod pa'i bdud rtsi tha ma'i bar chad khyed cag ma byed cig/ de bas tshur shog/ ji srid du bram ze 'di gson pa de srid du nga'i byang chub la grogs bya ba'i phyir/ myur du nga'i lus kyi phyed ro smad chod cig/ de nas lha'i dbang po brgya byin gyis skyes bu shing mkhan gnyis ji ltar de la kun tu 'jug par 'gyur ba de ltar byin gyis brlabs so/ / yang bar skabs der srog chags brgya stong du ma 'dus pa rnams dang / nam mkha'i ngos na lha brgya stong du ma rnams byang chub sems dpa' de'i shin tu dka' ba dang / ba spu ldang ba'i las de lta bar 'dod nas 'dus par gyur to// de nas byang chub sems dpa' mchog tu dka' ba'i rang gi lus yongs su gtong bar 'dod nas slong ba de la byams pas khyab par byas te/ 'phral du seng ge'i khri las babs so// dge slong dag byang
- 386a
chub sems dpa' dpal gyi sde seng ge'i khri las babs pa'i rjes thogs nyid la/ 'dzam bu'i gling thams cad kyi gdugs dang / rgyal mtshan dang / ba dan de dag thams cad rgyal po'i pho brang a ri shwA ga la ba der 'dud par gyur to/ / rgyal po'i pho brang grong khyer a ri shA'i phyogs bzhir skar mnga' lhung ba dang / grong khyer na gnas pa'i skye bo'i tshogs kyis byang chub sems dpa' dang brel ba'i nyam thag pas sgra bsgrags pas/ bram ze sdig pa can 'dis rgyal po dpal gyi sde gsod par 'gyur gyis/ grong khyer 'di nas phyir phyung zhig/ de nas lha'i dbang po brgya byin gyis ji ltar sgra sus kyang ma thos pa de ltar byin gyis brlabs shing skye bo'i tshogs de rmongs par byas so// bar snang dang sa la rgyu ba'i gnod sbyin rnams byang chub sems dpa' rang gi lus la ltos pa med par shes nas sdug bsngal drag po rnams kyis gdungs nas nyam thag pa'i nga ros cho nges 'debs par brtsams te/ kyi hud rgyal po dpal gyi sde 'dzam bu'i gling yongs su skyong bar byed pa/ sems can la thugs brtse ba/ thams cad nas thams cad du lus gtong bar gyur to// de nas yang pho brang gi nang na gnas pa'i lha zhig byang chub sems dpa' de lta bu'i rang gi lus yongs su gtong bar shes nas cho nges 'debs par rtsom zhing 'di skad ces kyang smras so/ / ji lta da ltar 'di lta bu'i
- 386b
slong mo pa 'ongs nas rgyal po dpal gyi sde yon tan du ma dang ldan pa/ thams cad nas thams cad du mi 'tsho bar gyur/ de nas byang chub sems dpas sa phyogs bzhir bltas te yang dag pa'i smon lam 'debs pa la zhugs pa/ gang grong khyer 'di na gnas pa'i lha dang / klu dang / gnod sbyin dang / mi 'am ci rnams bdag la gson cig/ bdag 'dir gtong bar byed de/ gtong ba shin tu gtong ba dang / rang gi lus yongs su gtong bar byed kyis/ bdag gi lus yongs su gtong ba de'ang rgyal po'i phyir ma yin/ mtho rigs kyi phyir/ ma yin/ brgya byin gyi phyir ma yin/ tshangs pa'i phyir ma yin/ 'khor los sgyur ba'i rgyal po'i phyir ma yin gyi/ gzhan du na bdag gis ci nas bla na med pa yang dag par rdzogs pa'i byang chub mngon par sangs rgyas nas/ sems can ma sgral ba rnams bsgral bar bya ba dang / ma grol ba rnams dgrol bar bya ba dang / dbugs ma phyin pa rnams dbugs dbyung bar bya ba dang / yongs su mya ngan las ma 'das pa rnams yongs su mya ngan las bzla ba'i bden pa dang / bden pa'i tshig 'dis ngal ba 'bras bu dang bcas par gyur cig/ bdag mngon par byang chub nas kyang mtshan ma cung zad cig byung bar gyur cig ces smras te bram ze de la smras pa/ nges pa khyod kyi kun tu rtog pa 'byor par gyur cig/ khyod kyi yid la re ba
- 387a
yongs su rdzogs par gyur cig/ nga'i bla na med pa'i byang chub yongs su rdzogs par gyur cig/ de nas byang chub sems dpa' nye du'i skye bo rnams dang / grong khyer pa'i skye bo rnams la bzod par byas shing / dman pa dang nad pa rnams dbugs phyung nas/ skyes bu shing mkhan de gnyis la smras pa/ bzhin bzang dag tshur shog ji srid du bram ze 'di dus ma byas kyi bar du sog les zung la nga'i lus lte ba yan chad chod cig/ 'gro ba sdug bsngal gyis zin pa 'di dag thams cad kyang ngas yongs su bskyab par bya'o zhes byams pas khyab pa sa na/ skyes bu gcig gis rgyab nas brten te/ 'phral du rkang pa gnyis sa la brkyang nas gan rgyal du phab po// dge slong dag byang chub sems dpa' phab ma thag yang sa chen po rnam pa drug tu g.yos par gyur to/ / de nas btsun mo'o bud med rnams kyis de lta bu'i gtam thos nas/ mya ngan drag po sa gdungs te/ kyi hud 'di ni sdug bsngal lo zhes gdong las mchi ma char bzhin du 'bab cing sgra rnams bkrol te brang rdung zhing rtabs bag tu byang chub sems dpa' gang na ba der song ste phyin nas/ lha mo lta bu sdug pa dang bral nas rtabs bag tu byang chub sems dpa'i rkang pa la gtugs nas snying rje rje skad du smre sngags 'don par rtsom pa kyi hung 'dzam bu'i gling /
- 387b
yongs su skyosbyong bar mdzad pa dang / sems can thams cad la mnyes gshin pa/ snying rje che ba/ yon tan du ma dang ldan pa'i lha la deng nyid du mi rtag pa nyid kyi stobs nye bar gnas pa ni sdug bsngal lo/ / deng 'dir bdag cag lha dang lhan cig pa las tha dad par gyur te/ so so ba dang bye ba dang bral bar gyur to// 'di skad ces kyang smras te/ lnga bzod par mdzod cig/ nyid kyi srog med par mdzad pa 'dzam bu'i gling na gnas pa'i skye bo'i tshogs thams cad mgon med par mi mdzad du gsol/ lha btsun mo'i 'khor rnams dang / mdzod dang / bang ba rin po che sna tshogs kyis rgyas shing yongs su gang ba la gzigs su gsol/ 'dzam bu'i gling gi skye bo'i tshogs rtag tu rab tu dga' ba/ rnam pa sna tshogs pa la'ang gzigs su gsol/ lha rnams kyi dga' ba'i tshal gyi skyed mos tshal lta bu'i grong khyer a ri shA bzang ba mang po phun sum tshogs par skye bo rab tu dga' ba rnams sten pa la 'a gzigs su gsol/ mgon po khyod kyis rnam kun tu// sras ltar yongs su skyabs pa rnams// khyod bral me yis nges gdungs nas// lus can ji ltar gnas par 'gyur// khyod dang bral na bdag cag kun// shin tu 'chi bdag dbang du 'gro// mgon po khyod dang rnam bral na// bdag cag 'tsho bar mi nus so// btsun mo'i mya ngan gdungs pa dang //
- 388a
sems can gcig tu sdug bsngal na// thugs rjer ldan pa'i thugs rje yis// mi dbang de ni gzigs su gsol// sems can rnams la mnyes gshin lha/ / bzod mdzod srog ni mi gtang gsol// mgon po dpa' bo khyod gshegs na// su zhig 'jig rten skyong bar 'gyur// de nas byang chub sems dpa' de rnam kyi snying rje rje skad du de ltar smre sngags 'don pa thos pa dang / snying rjes gdungs pa'i yid kyis de rnams dbugs dbyung ba'i phyir smras pa/ khyed cag rnams kyi mya ngan gyi mchog gi shin tu yun ring por sdug pa dang phrad par 'gyur ba'ang / nges par tha mar 'bral ba'i mtha' nyid du gyur pa 'di ni 'jig rten gyi rang bzhin yin te/ khyed cag rnams kyang rtag tu dge ba'i chos rnams la bag yod par gyis shig ces smras nas/ shing mkhan gnyis la 'di skad ces smras so// bzhin bzangs dag rings par shog la/ lus yun ring por mi thogs par chod cig ces smras pa tsam gyis de gnyis kyang brgya byin gyis kun tu rmongs par byas pas/ byang chub sems dpa'i lus lte ba man chad 'phral du sog les btab ste/ ring por mi thogs par chod par gyur to/ / de nas blon po blo gros chen pos byang chub sems dpa'i shin tu bzod dka' ba'i sdug bsngal mi bzad pa drag pos mya ngan drag pos kun tu skrag pa'i
- 388b
yid kyis rtabs ngag tu shing mkhan gnyis bzlog cing 'di skad ces smras so/ / kyi hud kyi hud khyod gnyis kyi rtsol ba 'di ci zhig 'di ci zhig/ 'di ltar khyed cag gnyis kyis byams pa'i bdag nyid can/ sems can thams cad kyang mnyes gshin pa/ yon tan du ma dang ldan pa/ 'dzam bu'i gling yongs su skyong ba/ skyon med pa/ gnod pa mi byed pa ji ltar gsod/ mi gti mug can khyed cag 'di lta bu'i chos kyi rgyal po ji ltar gsod par spro/ khyed cag gnyis sa chen po'i lha mo 'dis ji ltar 'jog/ khyed cag gnyis lha dang / klu dang / gnod sbyin dang / lha ma yin dang / dri za dang / nam mkha' lding dang / mi 'am ci dang / lto 'phye chen po rnams kyis rdo rje rtse gcig pa dang 'khor lo dang / mda' bo che dang / mtshon rtse gcig pa la sogs pa'i mtshon rnams ji ltar ma bsnun khyed cag gnyis 'di lta bu'i 'phags pa ma yin pa'i las byed na// lus rnam pa stong du ji ltar ma lhags/ khyed cag gnyis rang gi lus kyis 'phral du dmyal bar ji ltar ma lhung / mi gti mug can khyed gnyis bdag nyid chen po 'dis bu bzhin ma bskyangs sam/ zhes 'di dang gzhan yang rnam pa mang po smras nas/ kyi hung lha zhes blon po blo gros chen po rings par stan las langs te/ lag pa gnyis kyis sog le bzung nas/
- 389a
byang chub sems dpa'i lus la mchi ma 'dzag par brlan par byas te zlog par byed do// de nas byang chub sems dpa' zhum pa'i yid de la dbugs dbyung ba'i phyir smras pa/ bu zhog zhog/ mya ngan ma byed cig/ sdug pa dang / 'phangs pa dang / yid du 'ong ba dang / mngon par dga' ba thams cad nges par tha dad par gyur te/ so so ba dang bye ba dang 'bral bar 'gyur ro/ / gzhan yang bu/ bsags pa kun gyi mtha' zad cing // bslang ba'i mtha' ni 'gyel bar 'gyur// phrad pa'i mtha' ni 'bral ba ste// gson/ pa'i mtha' ni 'chi ba yin// de'i phyir khyod lus slong ba la bar chad ma byed cig/ de ci'i phyir zhe na/ blo gros chen po sngon byung ba na nga'i lus slong ba na lha mo rnams kyis bar chad byas te/ de rnams kyis nga'i bar chad byas pas/ nga'i bla na med pa'i byang chub la bar chad byas la/ bdag nyid kyang bsod nams ma yin pa mang po skyes/ gal te nga'i lus slong ba la lha mo rnams kyis bar chad ma byas par gyur na ni/ yun ring po mi thogs par ngas bla na med pa yang dag par rdzogs pa'i byang chub thob par 'gyur ro// bu gzhan yang sa phyogs 'di nyid du stag mo zhig bkres pa'i sdug bsngal gyi tshor ba mang pos lus gdungs pas bu za 'dod pa mthong ba dang / mchog tu snying rje'i dbang du song ba'i yid kyis yongs su bskyab pa'i phyir de ma thag ce
- 389b
bdag nyid yongs su btang bas byang chub sems dpa' byams pa bskal pa bzhi bcur zhugs pa phyir lus pa byas so/ / gzhan yang blo gros chen po nga shi bi pa'i rgyal por gyur pa na ni yang bram ze rgan po zhig slong ba mthong ste/ snying rjes baspyod pa'i yid kyis slong ba'i yid la re ba yongs su rdzogs par bya ba'i phyir rang nyid kyi ut+pa la sngon po'i lo ma lta bu dri med pa shin tu mdzes pa sems can skye bo'i mig dang / yid 'phrog pa ma nyams pa'i mig gnyis 'phral du khrag dang bcas par phyung nas byin no// gzhan yang blo gros chen po yang nga rgyal po zla 'od du gyur pa na yang bram ze drag po'i mig mgo slong ba la/ mchog tu snying rjes bsgom pa'i yid lnga dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / grub pa dang / rig pa 'dzin pa'i tshogs rnams dang / lha brgya stong du ma rnams kyis bkag kyang ngas 'gro ba 'di dag mgon med par mthong nas/ bla na med pa yang dag par rdzogs pa'i byang chub mngon par rdzogs par byang chub ste/ sems can rnams 'khor ba'i 'brog dgon pa las thar bar bya/ snyam nas/ byams pas khyab par byas te/ ral gri nor bu dang / gser dang / dngul dang be DUR+Ya dang / rdo rje dang / in+d+ra nI la dang / margad kyis kun tu
- 390a
brgyan pa dang / ut+pal sngon po'i lo ma lta bu'i ral gris rang gi mgo rtswa bzhin du bcad cing bcad cing byin no// gzhan yang blo gros chen po yang nga shi bi pa'i rgyal por gyur pa na/ phug ron skyabs med pa zhig khras 'jigs shing skrag la/ sdug sasngal zhing bzhin rmongs pa/ skyabs med pa skyabs su 'ongs pa mthong ste/ mchog tu snying rjes 'dar ba'i yid kyis bya phug ron khra las yongs su bsrung zhing bslu ba'i phyir/ rang gis sha bcad cing bcad cing byin no// gzhan yang bla na med pa yang dag par rdzogs pa'i byang chub mngon par 'dod par bya ba'i phyir/ sa phyogs 'di nyid du rkang pa dang / lag pa dang / bu dang / chung ma stong phrag yongs su btang ba byas na'ang / sus kyang bar tshad ma byas so/ / de'i phyir 'di ltar rig par bya ste/ nga'i lus slong ba la khyod par chad ma byed cig/ de nas blon po chen po blo gros chen pos byang chub sems dpa'i rdzu 'phrul chen po skyes nas/ byang chub sems dpa' la dad pa chen po skyes te/ de nas cang mi smra bar gyur cing / mchi ma'i dba' rlabs kyis yang dang yang du gdong khebs bzhin du bsams ba/ kyi hung 'jig rten pa 'di dag ni skal ba ngan pa ste/ myur ba nyid du chos kyi rgyal po 'dis bor bar 'gyur ro// kyi hud chos kyi rgyal mtshan 'gyel bar 'gyur ro// chos kyi sgron ma
- 390b
shi bar 'gyur ro/ / chos kyi sgron ma mi snang bar 'gyur ro// chos kyi rnga chag par 'gyur ro// chos kyi rgya mtsho skams par 'gyur ro// chos kyi ri bo snyil bar 'gyur ro// chos kyi grong khyer choms par 'gyur ro// chos kyi gru zhig par 'gyur ro// chos kyi shing phyung ba na gyi zhud sdug bsngal lo// 'di ni 'jig rten kun gyi la// sems can rnanamA la phan byed pa/ / dus kyi 'khor los bcom nas ni// rgyal po chen po med par gyur// gang phyin mi bzad dus 'dir ni// rnam pa stong du mags pa// snying gi bdag nyid chen po ni/ / rdo rje chen po bzhin gyur tAm// shes pa'i dus ni kun tu 'das// mi bzad dus ni nye bar gnas// shes rab ldan ni mang po dang // 'jig rten dag kyang rlag par 'gyur/ / ji lta ji ltar 'thor gyur pa'i// sa yi mtshan ma du ma yis// nges par yun ni mi ring bar// rgyal po seng ge med par 'gyur// dri med mi yi nyi ma 'di// shin tu rnyed dka' de nub 'gyur// yun mi ring bar 'jig rten 'dir// mi snang ba ni 'byung bar 'gyur// sems can kun la phan pa yi// rgyal po chen po 'di med de// phyi nas 'jig rten mi snang na/ / su zhig 'jig rten skyong bar 'gyur// de nas lha'i dbang po brgya byin gyis ji lta ji ltar rmongs par byas pa de ltar mya ngan chung bar gyur nas/ sog les btab
- 391a
par gyur to/ / de nas byang chub sems dpas shing mkhan de gnyis la bzhin bzangs dag khyed cag gnyis kyis sog les myur du drongs la/ nga'i lus kyi phyed ro spa chod cig/ bram ze 'di shi bar gyur na/ nga'i ngal ba 'bras bu med par mi 'gyur grang / de nas shing mkhan de gnyis brgya byin gyis mthus kun tu rmongs pa/ nyam thag pa'i nga ros cho nges 'debs shing skye bo'i tshogs chen pos bkag bzhin du/ byang chub sems dpa' rang gi lus la sog les 'dra bar brtsams so// de nas byang chub sems dpa' byang chub yid la smon cing dga' ba'i yid kyis slong ba'i yid la re ba yongs su rdzogs par bya'o zhes bsams nas/ cang mi smra bar gnas so// de nas byang chub sems dpa'i lus kyi lte bar sog les bcad pa las khrag gi/ tshogs chen po babs par gyur to// de nas blon po chen po blo gros chen po 'di ltar sog las bcad pa tshor ba drag pos nyen pa'i khrag 'bab pa mthong ba dang / lha bkrongs pa ni sdug bsngal le zhes bsams nas/ re thag chad par gyur te/ 'phral du brgyal nas sa'i steng du 'gyel bar gyur te/ nam mkha'i dkyil 'khor na gnas pa'i lha dang / klu dang / gnod sbyin dang / dri za dang / lha ma yin dang / nam mkha'i lding dang / mi 'am ci dang / lto 'phye chen po'i tshogs rnams kyang mya ngan drag pos gdungs te ngu bar brtsams te/ de rnams kyi ngu ba'i mchi ma blags so//
- 391b
de nas skye bo'i tshogs chen pos 'di ci zhig yin snyam nas/ steng du lta bar brtsams pa dang / ji tsam na zhwa brgya stong du ma rnams ngu bar mthong ngo // de nas skye bo'i tshogs chen po shas cher mu/ ngan drag pos gdungs te/ byang chub sems dpa' gnas skabs 'di lta bur shin tu sdug bsngal bar mthong nas/ kyi hud lha bkrongs pa ni sdug bsngal lo zhes bsams nas kun tu rmongs par gyur to/ / de nas lha'i dbang po brgya byin de srog chags brgya stong du ma 'di rnams byang chub sems dpa'i mya ngan gyi gdungs pas shin tu snying rje zhing zhum pa mthong ba dang myur bar snying rje ba'i yid kyis bsams pa/ bdag nyid che ba/ sems can thams cad la mnyes gshin pa/ snying rje can/ thams cad ster ba 'di'i lus la 'di ltar tshor ba drag po'i las kun tu sbyor ba ni bzang po ma yin no/ / gzhan du na da ni ji ltar srog mi 'jig par gyur de ltar bya'o// de nas byang chub sems dpa' shing mkhan de gnyis kyis sog las drung cing / sog la rnon pos lus bcad pa'i tshor ba drag pos gdungs pa dang / brtan pa'i stobs dang ldan pas slong ba la byams pa'i sems skyes nas bsams pa/ ngas 'khor ba'i skyon gyi rang bzhin shes nas brtson 'grus sra zhing brtan pa dang ldan pas/ lus phyogs cig bcad pa 'di las/ 'di lta bu'i sdug bsngal skye na/ sems can sngar ma rnams phal cher
- 392a
dmyal bar skyes nas/ shin tu sdug bsngal ba'i tshor ba rnams kyis gdungs pa la smos kyang ci dgos/ de nas byang chub sems dpa' sems can thams cad la rjes su 'gro ba byams pa'i sems rnam par bzhag ste/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams 'di lta bu'i sdug bsngal las thar par bya'o zhes seng ge'i sgra bsgrags te/ sdug bsngal drag pos gdungs pa'i rang gi sems spro bar bya ba'i phyir smras pa/ 'jig rten sdug bsngal ltos la yid khyod skyon spangs te/ shin tu brtan pa rgya che bskyed pa nyid du gyis// 'gro ba skye rga na 'chi sdug bsngal gyis gdungs pa'i// 'di ni skyabs gyur yin gyis bzod/ nyid brtan par gyis gzhan yang kye/ sems can gang phyir 'gro kun 'khor ba yi// rgya mtsho las brgal rgyu yin gyis// de bas khyod ni gnod pa rnams// mi bzod pa ni rigs ma yin/ / de ltar rang gi sems yang dag par bzhag nas/ sems can thams cad rjes su 'gro ba'i snying rje nye bar bzhag ste bsams pa/ kye ma'o 'khor ba na gnas pa'i sems can gyi sdug bsngal ni kye ma mi 'azad pa yin/ 'khor ba'i sems can de rnams kyi don du/ 'khor ba'i sdug bsngal thams cad brnags par spro bar byas kyis/ sems can 'gas
- 392b
yang sdug bsngal ba'i skal ba can du ma gyur cig/ dge slong dag sems bskyed ma thag byang chub sems dpa'i lus bcad pa'i tshor ba 'bral du rgyun chad par gyur to// de nas byang chub sems dpas bsams pa/ ci'i phyir nga'i lus bcad pa'i tshor ba 'gags par 'gyur/ sog le 'ga' zhig gis bton par ma gyur grang snyam nas/ sog le de la bltas so// bltas nas kyang mchog tu yid mi bde bar gyur nas 'dar bar gyur to// de nas lha'i dbang po brgya byin gyis de'i bsam pa shes nas smras pa/ nyam chung ngan pa ji bzhin du// rgyal po ci'i phyir 'dar bar byed/ / bdag gi lus kyi phyed bcad na// sems ni mi 'dar ba la ltos// khyod ni thams cad ster ba zhes/ sa steng kun tu grags pa la// 'gyod par byed pa mi rigs te/ / khyod tshig brdzun du ma gyur tam// de nas byang chub sems dpas smras pa/ bram ze don de'i phyir lus 'drar ba ma yin la/ 'gyod par gyur pa 'ga' yang yod pa ma yin no/ / 'on kyang sog le 'dis nga'i lus kyi phyed smad tshabs cher zhugs kyang mchod pa dang / de la nga 'di snyam du sems te/ nga'i sbyin pa ma rdzogs par mi 'gyur grang / nga la slong ba'i yid la re ba'ang yongs su rdzogs par mi 'gyur zhes don de rjes su sems shing lus 'dar te/ sog les drag tu gcod par mi 'dod pa ma yin no// de la 'di skad ces smras pa
- 393a
dang / lha'i dbang po brgya byin mchog tu ngo mtshar skyes nas cang mi smra bar gnas so// bar skabs der mi de gnyis brgya byin gyis kun tu rmongs par byas pas/ de gnyis kyis sog lce rnon pos byang chub sems dpa'i lus kyi phyeng ro smad bcad ma thag tu sa'i steng du bzhag pa dang 'gul bar gyur to// de nas byang chub sems dpa' rang gi lus bcad pa'i sdug bsngal mi sems par rings pa nyid du skyes bu de gnyis la 'di skad ces smras so/ / bzhin bzangs dag khyed cag gnyis kyis myur du nga'i lus 'di rings par bram ze'i lus la sbyor cig/ de gnyis kyis kyang de bzhin du byas so// sbyar ba tsam gyis lha'i dbang po brgya byin gyis ji ltar skad cig ma de nyid la rma kun tu 'byor cing mnyam par gnas pa dang / mdog 'dra bar snang ba de ltar byin gyis brlabs/ de skad cig ma de la ston cing / yang byang chub sems dpa' dga' bar bya ba'i phyir lha'i dbang po brgya byin khri las langs te/ 'chag pa dang / langs pa dang / 'dug par gyur to// de nas byang chub sems dpa' de ltar slong ba po'i lus yongs su rdzogs shing yid la re ba yongs su rdzogs par mthong ba dang / mchog tu dga' bas kun tu rgyas pa'i yid kyis ngal ba 'bras bu dang bcas par gyur cing / yid la re ba yongs su rdzogs par gyur to snyam nas/ rab tu dga' ba'i yid kyis bsams pa
- 393b
ji ltar ngas bram ze 'di la rang gi lus byin te/ sdug pa'i srog gis bskyabs shing / 'chi ba'i 'jigs pa las yongs su bskyabs pa'i dge ba'i rtsa ba 'dis 'di ltar nga bla na med pa yang dag par rdzogs pa'i byang chub tu mngon par rdzogs par sangs rgyas nas/ bram ze 'di 'khor ba'i sdug bsngal las bslangs te/ shin tu mthar thug pa'i bde ba mya ngan las 'das pa la rab tu 'jog par gyur cig ces smras nas/ byang chub sems dpa' tshor ba drag pos gdungs pa dang / yid kyis byang chub tu smon pa byas nas mig btsums te/ brgyal bas gnas par gyur to/ / de nas lha'i dbang po brgya byin gyis de ma thugs rings pa rings par byang chub sems dpa'i lus la 'phral du stobs bskyed pa'ang 'tsho ba'i sman gyis yang dag par gsos so/ / dge slong dag de nas rgyal po dpal gyi sde'i lus kyi phyed bcad pa'i rjes thogs nyid la/ yang de'i tshe stong gsum gyi stong chen po'i 'jig rten gyi khams 'di lan rnam pa drug tu g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul to// byang chub sems dpa' shin tu yongs su gtong ba nyid dang / rmad dra byung ba'i yongs su gtong ba nyid sa chen po 'dis ma theg pas sgra shin tu sgrogs te/ 'di lta ste/ 'khar ba'i snod chen po kun tu brdungs nas sgra 'byin pa bzhin du/ de'i
- 394a
tshe de'i dus na sa chen po 'di nyid shin tu sgra sgrogs par gyur to/ / ri dang / ri sul dang / chu bo dang / rgya mtsho'i tshogs rnams las kyang 'jigs pa'i sgra chen po byung bar gyur to/ / phyogs bzhi nas kyang 'jigs su rung ba'i du ba'i spri po byung bar gyur to// kun nas skar mnga' ltung ba dang / phyogs bsreg pa dang / bar snang la'ang lha'i bu rnams rnga brdung bar gyur to/ / stong gsum gyi stong chen po'i 'jig rten gyi khams 'di thams cad mun pa mun nag tu gyur to// nam mkha'i dkyil na 'gro ba'i lha rnams kyis kyang byang chub sems dpa'i mya ngan gyis gdungs pas ca co'i sgra bton to/ / bar snang las kyang lha rnams byang chub sems dpa'i steng nas lha'i ut+pa la rnams 'thor zhing / pad+ma dang / puN+Da ri ka dang / a ka ru'i phye ma dang / ta ma la'i lo ma'i phye ma dang / tsan dan gyi phye ma dang / lha rnams kyi me tog man+da ra ba rnams kyang 'thor ro// gos rnams kyang 'thor bar byed do// lha'i rol mo'ang rab tu rdung ngo // 'dzam bu'i gling gi mi thams cad der yud tsam zhig mchog tu rmongs par gyur to// grong khyer na gnas pa'i srog chags brgya stong du ma rnams kyi byang chub sems dpa'i lus kyi phyed bcad pa mthong ba dang / sdug bsngal drag pos gdungs te/ kyi hud lhagasad pa ni sdug bsngal lo zhes sgra gcig tu bsgrags so// de nas la
- 394b
la ni sa la 'gre ldog go/ / la la ni dpung pa brkyang nas cho nges 'debs so// la la ni mchi ma'i rlabs kyis skad 'dzer bas tshig 'don mi nus te skad chen po dang brang rdung ngo // la la ni mi rtag pa nyid kyi stobs dang ldan zhes sems sdug bsngal dang bcas shing yid mi bde ba dang ldan pas cang mi smra bar 'dug go/ / de nas lnga'i dbang po brgya byin byang chub sems dpa bla na med pa yang dag par rdzogs pa'i byang chub las ri rab ltar shin tu mi g.yo bar shes shing / byang chub sems dpa' rmad du byung ba yongs su gtong la/ de'ang ba spu ldang ba ni shin tu dga' zhing phul du byung ba mthong ba dang / ngo mtshar gyi mig gdangs te/ lha'i bu de bzhi dang lhan cig tu bram ze'i cha byad mi snang bar byas nas/ rang gi gzugs kyis gnas te/ byang chub sems dpa' la smras pa/ rgyal po chen po bdag ni lha'i dbang po brgya byin lags kyi/ bram ze ma lags so// rgyal po chen po legs so legs so// kye ma'o/ khyod kyi brtson 'grus/ kye ma'o ma bcos par brtan pa/ kye ma rang gi lus ma chags par yongs su gtong ba/ kye ma'o sems can rnams la snying brtse ba/ kye ma sbyin pa la dga' ba legs so legs so/ / rgyal po chen po khyod gang du sdug bsngal drag pos bcom yang / snying rjes rang gi lus sbyin pa la sems mi ldog pa de ni legs so// rgyal po chen po khyod la dri yis/
- 395a
khyod shin tu dka' ba'i brtson pa 'di lta bus ci zhig don du gnyer/ byang chub sems dpas smras pa/ ko'u shi ka nga'i lus kyi sbyin pa 'dis bla na med pa yang dag par rdzogs pa'i byang chub mngon par rdzogs par sangs rgyas te/ sems can rnams 'khor ba las bsgral bar bya'o// brgya byin gyis smras pa/ rgyal po chen po khyod rang gi lus yongs su zad pa 'am/ gtong ba 'am/ yongs su gtang bas khyod kyi sems rnam pa gzhan du gyur pa 'am/ 'gyod par ma gyur grang / byang chub sems dpas smras pa/ ko'u shi ka nga la ni 'gyod pa med do/ / brgya byin gyis smras pa/ ji ltar shes par bya/ byang chub sems dpas smras pa/ ke'u shi ka de'i phyir nga'i lus kyi phyed bcad pa 'di gnas ji lta ba bzhin du zhog cig/ de nas lha'i dbang po brgya byin gyis byang chub sems dpa'i lus kyi phyed bcad pa de gnas ji lta ba bzhin du bzhag go// de nas byang chub sems dpas sems can thams cad la rjes su 'gro ba'i byams pa'i sems nye bar bzhag nas/ bden pa gsol bar byed cing / de'i tshigs su bcad de smras pa/ ji ltar byang chub 'dod gyur nas/ snying rjes lus ni btang ba na// ser sna med cing zhum med de// deng ni 'gyod par gyur pa med// 'gyod pa'i sems kyang med gyur te// bden tshig 'di dang legs byas
- 395b
pas/ / brgya byin deng ni nga yi lus// 'di ni sngon gyi ji bzhin du// dbang po na lus rdzog gyur cig/ dge slong dag tshigs su bcad pa de smras pa'i rjes thogs nyid la byang chub sems dpa'i lus 'phral du sngon gyi ji lta ba bzhin du gyur to/ / nam mkha'i dkyil na gnas pa'i lha dang / klu dang / gnod sbyin dang / nam mkha' lding dang / mi 'am ci dang / lto 'phye chen po rnams kyis ngo mtshar de mthong ba dang / ngo mtshar gyis mig gdungs te/ ca co dang gzha'i sgra bsgrogs so// skye bo'i tshogs chen po 'di dag thams cad kyis kyang ngo mtshar dang / rmad du byung ba dang / lha dang mi rnams yid sdug par byed pa'i cho 'phrul dang / byang chub sems dpa'i lus yongs su rdzogs pa mthong ba dang / srog stor ba las slar rnyed pa bzhin du mchog tu ngo mtshar skyes so// 'di skad ces kyang smras te/ kye ma khyod ni slar 'tsho ba'i// ngo mtshar dag ni blta bar bgyi// sa dang nags su bcas pa yi/ / 'jig rten 'di ni skal bar ldan// de nas lha'i dbang po brgya byin gyis byang chub sems dpa'i lus sngon gyi ji lta ba bzhin du gyur par mthong ba dang ngo mtshar gyis gdungs pa'i mig dang / spro ba bskyed pa'i phyir smras pa/ rgyal po chen po khyod kyi blo shin tu nges pa dang / khyod kyi smon lam mi 'gyur ba dang / khyod kyi
- 397a
brgya byin gyis gsol ba btab pa snying rjes ci'ang mi smra bar khas blangs so/ / de nas lha'i dbang po brgya byin gyis/ lha'i bu las sna tshogs la smras pa/ las sna tshogs pa lha'i seng ge'i khri myur du shoms shig/ nga nyid kyi rgyal po dpal gyi sde dbang bskur bar bya'o// ko'u shi ka legs kyis/ de ltar dgye'o// lha'i bu las sna tshogs pas/ lha'i dbang po brgya byin las mnyan nas skad cig ma de nyid la rin po che sna tshogs kyis nye bar mdzes pa/ kun nas mu tig gi tshogs kyi do shal dpyangs pa'i lha'i seng ge'i khri mngon par sprul to// de nas lha'i dbang po brgya byin gyis/ rang nyid kyi lag pa gnyis kyis bzung nas/ lha'i seng ge'i khri la bzhag ste/ lha brgya stong du ma rnams dang lhan cig tu lha'i rol mo rnams kun tu chung bzhin du bsnyen bkur chen po byas nas rgyal por dbang bskur bas dbang bskur to/ / bar skabs der byang chub sems dpa'i mthus sa rnam pa drug tu g.yos pa dang / lha rnams dga' ba dang mgu bas yang rnam pa sna tshogs pa'i me tog gi char dang / rin po che'i char yang phab ste/ 'dzam bu'i gling thams cad du me tog dang rin po che'i char pus mo nub tsam gyis g.yogs par gyur to// lha dang mi rnams kyis 'byor pa bsam gyis mi khyab par gyur pa de rnams mthong ba dang / ngo mtshar du gyur cing rmad du byung ba skyes te/ ched du brjod pa ched du brjod pa/ e ma'o rgyal po dpal gyi sde'i bsod nams kyi stobs e ma'o ngo mtshar
- 397b
che'o/ / de nas lha'i dbang po brgya byin lnga brgya stong du ma dang thabs cig tu byang chub sems dpa'i yang dag par dga' bar byas nas rang gi gnas su song ngo po// ri la gnas pa'i drang srong de'ang 'khor lnga brgya dang / byang chub sems dpa' la mngon par bstod de/ bsti gnas nyid du song ngo // de nas byang chub sems dpas skye bo'i tshogs chen pos mngon par btud cing yun ring du chos kyi rgyal po byed par gyur to/ / 'dzam bu'i gling gi dman pa dang / long ba dang / bkren pa dang / sdug 'phongs pa thams cad nor gyis tshim par byas nas dge ba bcu'i las kyi lam la bzhag ste/ 'dod pa na spyod pa'i lha drug kun dga' bar byas nas/ dus gzhan zhig gi tshe/ srog chagra brgya stong du ma rnams dang de lhan cig tu dus byas te/ dga' ldan gyi lha'i ris su skyes so// bcom ldan 'das kyis bka' stsal pa/ dge slong dag de'i tshe de'i dus na rgyal po dpal gyi sde zhes bya ba de gzhan zhig yin pa snyam du the tsom mam/ yid gnyis su gyur na/ khyed rnams kyis de ltar mi blta'o// gzhan du na nga nyid de'i tshe de'i dus na rgyal po dpal gyi sde zhes bya bar gyur te/ de'i tshe rang gi lus yongs su btang ngo // dge slong dag de'i tshe de'i dus na rgyal po dpal gyi sde'i btsun mo rgyal ba'i 'od du gyur pa gang yin pa de ni grags 'dzin 'di nyid yin te/ de'i tshe de'i dus na btsun mo rgyal ba'i 'od ces bya bar gyur to/ / dge slong dag blon po'i mchog blo gros chen por gyur pa gang yin pa de ni dge slong shA ri'i bu 'di nyid yin te/ de'i tshe de'i dus na blon po blo gros chen por
- 396a
sems can la snying rje chen pos rjes su zhugs pa ni legs so legs so/ / gang yang khyod ni yid kun tu skrag par byed pa rnams la mi 'jigs pas/ khyod kyi 'bad pa 'di nyid kyis yun ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / lha'i dbang po brgya byin gyis de'i tshe tshigs su bcad de smras pa/ kye ma khyod kyi brtson rab drag/ brtan pa nyid kyang bla na med// kye ma'o sems can la snying brtse// kye ma'o byang chub yid la brtan// kye ma'o mi ring 'jig rten 'di// mgon po khyod kyis skyong gyur te/ / sdug bsngal rgya mtsho drag 'jigs pas// yang dag mya ngan 'da' bar mdzod// de skad ces smras pa dang / lha'i dbang po brgya byin mchi ma char bzhin du 'bab cing skad 'dzer bzhin du/ byang chub sems dpa' la bzod par gsol bar brtsams te/ rgyal po chen po gang bdag gis nyams bskyed pa'i bsam pas tshor ba drag po la kun tu sbyar ba bzod par mdzod cika/ gzhan yang gang gi tshe khyod kyis bla na med pa yang dag par rdzogs pa'i byang chub mngon par rdzogs par sangs rgyas pa de'i tshe na yang bdag la dgongs shig/ byang chub sems dpas smras pa/ ko'u shi ka bzod gyis/ de bzhin du byas te ngas kyang dran par bya'o// bar skabs der byang chub sems dpa'i mthu dem thag tu nam mkha' las
- 396b
lha'i rin po che'i char rnam pa sna tshogs pa/ yid du 'ong ba 'dzam bu'i gling thams cad du bab par gyur cing / 'dzam bu'i gling thams cad du rgyan rnam pa sna tshogs kyis gang bar gyur pa lha'i snang babs kyang gsal bar gyur to/ / de nas ri la gnas pa'i drang srong de ngo mtshar 'di lta bu rmad du byung ba mthong ba dang / ngo mtshar gyis bsdus pa'i yid kyis bsams pa/ sngon ma byung ba'i ngo mtshar byung ba 'di ci zhig yin/ 'di lta bu'i mthu su'i yin snyam mo// de nas drang srong ba sti gnas na gnas pa'i lha gzhan gyis gtam 'di rgyas par smras so// de nas drang srong byang chub sems dpa'i shin tu dka' zhing ba spu ldang ba'i skad thos pa dang / yang dag par dga' bas pa spu ldang zhing sems can chen po bkur bar 'os zhes bsams nas/ 'khor lnga brgya dang / btsun mo rgyal ba'i 'od khrid de rings pa rings par byang chub sems dpa'i thad du phyin nas/ rgyal ba dang tshe 'phel bar byas te/ brgya byin dang ldan cig smras pa/ lha yi bu mo bzang 'dra ba'i// bu mo sdug pa 'di rnams la// mgon po khyod kyis bskyang ba dang // dge ma 'di dang dgyes par mdzod// khyim thab mi phyogs btsun mo sdug/ 'di ni khyed la dbul lags kyi// khyod kyis yang ni slong ba la// nam du yang ni ma stsal cig/ de nas byang chub sems dpas drang srong de dang / lha rnams kyi dbang po
- 398a
/ gyur to// dge slong dag lha'i dbang po brgya byin du gyur pa gang yin pa de ni rgyal po gzugs can snying po 'di nyid yin te/ de'i tshe de'i dus na lha'i dbang po brgya byin du gyur to// dge slong dag sum cu rtsa gsum gyi lha gang yin pa de rnam ni// rgyal po gzug can snying po dang lhan cig tu bden pa mthong ba lha brgyad cu po 'di nyid yin no// dge slong dag grong khyer gyi skye bo'i cho ga gang yin pa de ni/ rgyal po gzugs can snying po gang dag dang thabs cig tu nga'i thad du 'ongs pa'i ma ga d+ha'i bram ze dang khyim bdag 'di dag nyid yin no/ / dge slong dag ri la gnas pa'i drang srong du gyur pa gang yin pa de ni/ dge slong mo'u 'gal gyi bu chen po 'di nyid yin te/ de'i tshe de'i dus na drang srong du gyur to// gang gis nga'i drung du btsun mo rgyal ba'i 'od slong ba'i bram ze'i khye'u gang yin pa de ni shAkya'i bu mos 'tshom 'di nyid yin te/ de'i tshe de'i dus na bram ze'i khye'ur gyur to// dge slong dag shing mkhan gnyis por gyur pa gang yin pa de ni/ lha sbyin dang kau ka li 'di dag yin te/ de'i tshe de'i dus na shing mkhan gnyis su gyur to/ / smon lam de'i dbang gis 'dir de bzhin gshegs pa'i cho 'phrul rnam pa 'di lta bu byung bar gyur to// dge slong dag de'i phyir 'di ltar bslab par bya ste/ gang sbyin pa rnam gtang ba dang / bsod nams dag bya'o zhes de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// rgyal po dpal gyi sde'i rtogs pa brjod