Text

ff. 1b–445b · 889 folio sides

  1. 1b

    da ma mU kon ma sU tra/ bod skad du/ mdzangs blun zhes bya ba'i mdo// // bam po dang po// dkon mchog gsum la phyag 'tshal lo/ / dpe sna tshogs bstan pa'i le'u'o// 'di skad

  2. 2a

    / bdag gis thos pa dus gcig na/ bcom ldan 'das yul ma ga d+hA dkyil 'khor rnam par rgyal ba na bzhugs te/ mngon par rdzogs par sangs rgyas nas ring po ma lon pa zhig na/ 'di snyam du dgongs par gyur to// sems can 'di dag ni phyin ci log gis yongs su bslad de/ bstan cing bcos su yang shin tu dka' ba/ ji srid du 'jig rten na bzhugs

  3. 2b

    kyang phan pa'i don med kyis/ nyis na lha dang bcas pa'i mya ngan las 'da' bas yongs su mya ngan las 'da' 'o snyam du dgongs ma thag tu/ de'i tshe na tshangs ris kyi lha rnams kyis/ bcom ldan 'das kyi dgongs pa shes shing rtogs nas/ nam mkha' las babs te/ bcom ldan 'das gang na ba der lhags nas phyin pa dang / zhabs la mgo bos phyag 'tshal te/ thal mo sbyar nas bcom ldan 'das la chos kyi 'khor lo skor bar gsol zhing bskul ba dang / / de la bcom ldan 'das kyis 'di skad ces bka' stsal to/ / kye lha dag sems can 'di dag ni nyes pa'i dri mas yongs su glags te/ 'jig rten gyi bde ba

  4. 3a

    la chags nas/ shes rab dang ldan pa'i sems med pas/ ji srid du 'jig rten na bzhugs kyang bya ba don med par 'gyur te/ mya ngan las 'das na bde'o snyam du dgongs so// de nas tshangs ris kyi lha rnams kyis/ yang bcom ldan 'das la 'di skad ces gsol to/ / bcom ldan 'das chos kyi rgya mtsho yongs su gang ba/ chos kyi rgyal mtshan btsugs pa/ bstan cing gdul ba'i dus la yang bab/ sems can 'di dag las grol bar 'gyur ba yang shin tu mang na/ ci'i slad du bcom ldan 'das mya ngan las 'da' bar dgongs te/ shin tu mdongs par gyur pa 'di dag gi mgon dang skyabs mi mdzad/ bcom ldan 'das ni sngon bskal pa grangs ma mchis pa 'das pa'i pha rol na/ sems can gyi don du thos pa 'tshol zhing 'tshol ba na/ chung ngu na tshigs su bcad pa gcig tsam gyi slad du yang bdag gi lus dang //

  5. 3b

    chung ma dang / bu dang / bu mo dang / ci'i slad du mgon ma mchis pa 'di dag yongs su gtong bar dgongs sngon 'das pa'i dus yun ring po na/ 'dzam bu'i gling 'dir rgyal po chen po kha dog dam pa zhes bgyi ba/ 'jig rten 'di la dbang sgyur ba zhig byung ste/ rgyal po de la rgyal phran ni brgyud khri bzhi stong mnga'/ ljongs chen po stong phrag drug cu'i nang na// grong khyer yang khri phrag brgyad cu mnga' ste/ rgyal po de la btsun mo ni stong phrag nyi shu/ blon po chen po ni stong phrag bcu snyad mnga' 'o// rgyal po kha dog dam pa de'i gzi brjid dang mthu dpe ma mchis par che ste/ 'byor pa dang / bde ba dang / lo legs pa dang / mi la sogs pa skye bo mang zhing rab tu mang ba dang ldan pa des 'di snyam du bsams te/ bdag gis ni rin po che dang longs spyod kyis 'gro ba thams cad la phan btags kyi/ dam pa'i chos kyis phan 'dogs par ma gyur te/ 'di dag ni bdag gi skyon du 'gyur gyis/ dam pa'i chos gang na mchis pa btsal te/ thams cad dgrol bar bya'o snyam du bsams nas/ 'di skad ces bkar btags so// 'dzam bu'i gling 'di na su la dam pa'i chos yod pa de bdag la ston par gyur na/ de yid dang mi 'gal bar ci dang ci 'dod pa sbyin no zhes bsgrags kyang ston nus pa ma byung ngo // de'i tshe na rgyal po de mya ngan gyis yid gdungs te/ mi dga' bar gyur pa ngal

  6. 4a

    ba so bos thos nas sad pa'i slad du/ bdag gi lus gnod sbyin zhig tu sprul nas/ de'i mdog shin tu sngo ba/ gnag pa/ mig khrag ltar dmar ba mche ba gyen du byung ba/ skra gyen du bsgreng ba/ kha nas me 'bar ba pho brang gi sgor mchis nas/ su zhig chos thos par 'dod pa nga las nyon cig ces smras so// rgyal pos de skad ces smras pa thos nas shin tu dga' mgu ste/ gnod sprin de bsu nas mgo bos phyag byas te/ stan mthon po la bzhag nas/ blon po dang 'khor mang po ngag bsdus te/ chos nyan du gzhug pa'i slad du 'khor bar bskor ro/ / de'i tshe ni gnod sbyin gyis/ rgyal po la 'di skad ces smras so// rgyal po chos thos par bya ba ni shin tu dka' bas chos nyan par 'dong na 'di tsam gyis chog pa ma yin no zhes smras pa dang / rgyal pos de la thal mo sbar te/ khyod ci dang ci 'dod pa de mi 'gal bar thams cad sprin no zhes smras so// de nas gnod sprin des rgyal po la smras pa/ rgyal po khyod kyi btsun mo dang sras gang 'phangs pa kho bo zar bcug na/ dam pa'i chos sbyin no zhes smras pa dang / de'i tshe na rgyal po chen po nges btsun mo nang na gang 'phangs pa dang sras kyi mchog gnod sbyin la phul te/ gnod sbyin gyis 'khor mang po'i nang du kun gyis mthong bzhin du zos so// de'i tshe na rgyal po de'i blon po rnams de ltar

  7. 4b

    gyur pa mthong nas cho nges btab ste/ sa la 'gre bzhin du rgyal po chen po mi rigs pa'i las 'di lta bu dag thong zhig ces gsol ba btab kyang / rgyal po de dam pa'i chos 'tshol ba'i phyir shin tu brtan pas bzlog ma nus so/ / de'i tshe na gnod sbyin des rgyal po'i btsun mo dang sras zos nas/ tshigs su bcad pa 'di skad ces smras so// 'du byed thams cad mi rtag ste/ ji tsam skye ba sdug bsngal bcas// lnga phung mtshan ma med pas stong // bdag dang bdag gi ba yang med// tshigs su bcad pa 'di smras pa dang / rgyal po dga' mgu rangs te/ ba spu'i nyag ma tsam gyis 'gyod pa'i sems ma skyes so/ / de nas yi ger bris nas/ 'dzam bu'i gling kun tu bsgrags te/ thams cad slob tu bcug go/ de nas ngal bso pos bdag nyid kyi lus su slar bsgyur nas/ shin tu legs so ngo mtshar rmad do zhes bstod cing bsngags te/ rgyal po'i btsun mo dang sras kyang sngon bzhin du cang ma nongs so// de'i dus na rgyal po de ni sangs rgyas lags te/ bcom ldan 'das sngon yang chos kyi slad du de lta bu'i dka' ba mdzad na/ da ji srid du sems can mang po yongs su btang ste mya ngan las 'da' 'o zhes gsung bcom ldan 'das gzhan yang sngon bskal pa grangs ma mchis pa'i pha rol na/ 'dzam bu'i gling 'dir rgyal po chen po gan sha ni pa li zhes bgyi ba ni

  8. 5a

    rgyal phran mang po la dbang sgyur te/ grong khyer ni brgyad khri bzhi stong skyed mnga'/ btsun mo dang pho brang gi slas ni stong phrag nyi shu mnga' ste/ blon po chen po yang stong phrag bcu snyed do/ / rgyal po de shin tu snying rje dang ldan pas mi la sogs pa skye bo mang po bde skyid cing 'byor pa dang / bde ba dang / lo legs par ldan te/ rgyal po de skye bo mang po'i pha ma lta bur gyur to/ / de'i tshe rgyal po des 'di snyam du bsams so// bdag kyang skye bo mang po kun gyi gtso bor gyur la/ skye bo mang po 'di dag kyang bdag la mos shing dga' bas bdag gis dam pa'i chos kyi nor rin po ches thams cad la phan gdags so snyam bsams nas/ blon po gcig gis thams cad du bkar btags te/ su la dam pa'i chos mchis pa bstan par gyur na/ ci dang ci 'dod pa yid bzhin du sbyin no zhes bsgo ba dang / de'i tshe na bram ze le'u du cha zhes bgyi ba zhig po brang gi sgor mchis te/ bdag la ngam pa'i chos yod do zhes smras pa dang / rgyal pos de skad ces smras pa thos nas/ phyi rol tu bsus te phyag byas nas stan bting ba la bzhag go// bram ze de stan bting ba la 'dug nas/ rgyal po 'khor dang bcas te thal mo sbyar nas/ ston pa chen po gti mug gis mdongs par gyur pa la dam pa'i chos dbye zhing bstan pa'i dus la bab bo zhes bskul ba dang / bram ze des

  9. 5b

    rgyal po la 'di skad ces smras so/ / bdag gis shes pa 'di gyi 'das lobs pa ma yin pas thos par 'dod na/ 'di tsam gyis chog pa ma yin no// rgyal pos smras pa/ ci dang ci 'dod pa dris shig dang / thams cad yid bzhin du sbyin no zhes smras pa dang / bram ze des rgyal po la 'di skad ces smras so// rgyal po chen po khyod kyi lus la mar me stong btsugs te/ mchod pa byed nus na chos bstan par bya'o zhes smras pa dang / rgyal po de lhag par dga' mgu rangs nas/ de'i tshe pho nya gcig pa glang rgyang grags brgya stong du 'gro bar bskyon te/ 'dzam bu gling thams cad du 'di skad ces bsgo'o/ / rgyal po ga na sha ni pa li da ste zhag bdun na chos kyi phyir lus kyi sha phug nas/ mar me stong 'dzugs so zhes rgyal phran dang mi thams cad la bsgo'o/ / de dag gis de skad bsko ba thos nas/ so so nas mya ngan gyis yid gdungs te/ rgyal po gang na bar lhags nas phyag byas te/ thams cad kyis 'di skad ces smras so// 'jig rten 'di na ji tsam 'tsho ba'i srog dang bcas pa thams cad khyod la rten pa ni long ba dmigs bu la rten pa'am/ bu chung ngu ma lo rten pa dang 'dra na/ rgyal po mi bzhugs pa'i slang na gang la 'tsho ba'i skyabs su mchi bar bgyi/ gal te sku la mar me stong btsugs na/ gdon mi za bar 'tsho ba dang 'bral na ci'i slad du bram ze gcig tsam gyi slad du/ 'jig rten 'di'i

  10. 6a

    sems can yongs su gtong bar dgongs de'i tshe na btsun mo dang / slas dang / rgyal tshab dang / sras lnga brgya dang / blon po stong phrag bcu snyed kyis thal mo sbyar te/ gsol ba btab kyang rgyal po yi dam la brtan pas ma bzlogs te/ nas mngon par sangs rgyas pa na khyed rnams gdon mi za bar bsgral lo zhes smras pa dang / de'i tshe na skye bo mang pos rgyal po de yi dam la brtan par rtogs nas rab tu mi dga' ste/ cho nges btab nas sa la 'gyel to// rgyal po de'i bsam pa ma 'gyur te/ bram ze la 'di skad ces smras so/ / dad lus la mar me stong gzugs pa'i dus la bab kyis phug cig ces bsgo ba dang / des rgyal po'i lus phug nas me mar gyi snying po snum gyis bskus pa dang / 'khor mang pos de ltar gyur pa mthong nas/ ri 'gyel ba bzhin du lus sa la brdabs so// de nas rgyal pos bram ze la/ ston pa chen po thugs rje bar dgongs te/ sngar bdag la chos bstan nas de'i 'og tu me mar tshugs shig/ gal te tshe'i dus byas na chos thos par mi 'gyur ro zhes smras pa dang / bram zes tshigs su bcad pa 'di smras so// rtag pa thams cad zad par 'gyur/ mtho ba de yang mthar ltung ngo // 'du ba yod na 'bral bar 'ong // skye ba yod na 'chi bar 'gyur// tshigs su bcad pa 'di smras ma thag tu rgyal po de rab tu dga' mgu

  11. 6b

    rangs te/ 'gyod pa'i sems med bzhin du 'di skad du dam bcas so// bdag chos 'tshol ba 'di yang sangs rgyas su bsgrub pa'i phyir te/ phyis mngon par sangs rgyas pa na/ ye shes kyi 'od kyis sems can gti mug gis mdongs pa rnams shin tu snang bar gyur cig ces yi dam bcas ma thag tu/ gnam sa yang rab tu g.yos/ gnas gtsang ma'i ris kyi lha'i pho brang gi bar du g.yos pas/ lha de dag nam mkha' las babs te lus kyis mchod pa'i gnas su lhags so// byang chub sems dpa' de'i lus de ltar zhig pa lha de dag gis mthong nas/ steng gi nam mkha' yongs su gang ba de dag ngus te/ ngus pa'i mchi ma char bzhin du bab nas/ lha rdzas kyi me tog kyang char bzhin du phab ste mchod pa byas so// de'i tshe na brgya byin lha'i dbang po yang rgyal po gang na ba der 'ongs nas/ rnam pa sna tshogs kyis bstod cing bsngags te 'di skad ces smras so// rgyal po chen po 'di ltar shin tu sdug bsngal gyis gdungs pa 'di la sems 'gyod par ma gyur tam/ rgyal pos smras pa/ 'gyod pa med do// brgya byin gyis smras pa/ rgyal po chen po 'di ltar lus 'drar zhing nyams mi bde bzhin du 'gyod pa med ces smras pa 'di cis su yid ches par 'gyur/ rgyal pos smras pa/ gal te bdag thog ma nas tha ma'i bar du 'gyod pa'i sems med pa yin na/ lus kyi rma 'di snga mkho

  12. 7a

    bzhin du sos par gyur cig ces smras ma thag tu/ lus snga mkho bzhin rma med par gyur to// de'i tshe de'i dus na rgyal po de ni sangs rgyas lags te/ bcom ldan 'das sngon yang sems can gyi slad du mi bzad pa'i sdug bsngal dang bsngos te chos brnyes na/ da ci'i slad du 'gro ba thams cad chos kyi snang ba dang bral ba yongs su btang ste/ mya ngan las 'da' bar dgongs/ / gzhan yang bcom ldan 'das sngon 'das pa'i dus na/ 'dzam bu'i gling 'dir rgyal po chen po byi ling gar li zhes bgyi bar gyur pa na/ rgyal phran rnams la dbang bgyid de/ grong khyer ni brgyad khri bzhi stong dang ldan btsun mo dang pho brang gi slas ni stong phrag nyi shu mnga' ste/ rgyal tshab dang rgyal bu ni lnga brgya snyed/ blon po chen po ni stong phrag bcu mnga' 'o/ / rgyal po de snying rje dang ldan pas 'bangs thams cad la bu gcig pa dang 'dra bar dgongs so// de'i tshe rgyal po chen po de dam pa'i chos la mos shing dga' bas/ blon po gcig la bsgo nas 'di skad ces bkar btags so// gang su yang rung ba la mdo sde 'am dam pa'i chos yod pa bdag la bstan par gyur na/ ci dang ci 'dod pa yid bzhin du sbyin no zhes bsgo'o/ / de nas bram ze le'u du cha zhes bgyi ba pho brang gi sgor 'ongs nas 'di skad ces smras so// bdag la dam pa'i chos yod de/ gang thos par 'dod pa la

  13. 7b

    bstan par bya'o zhes smras pa/ rgyal pos thos nas rab tu dga' mgu rangs te/ phyi rol tu bsu nas rkang pa la phyag 'tshal te/ tshig snyan pa smras nas pho brang gi nang du khrid de stan bshams pa la bzhag ste/ thal mo sbyar nas 'di skad ces gsol to// ston pa chen po de bdag la dam pa'i chos bstan du gsol/ bram zes smras pa/ bdag gis kun tu sdug bsngal sna tshogs myong nas yun yang ring mo zhig lon te gdong lobs pas/ rgyal po chen po thos par 'dod na 'di tsam gyis chog pa ma yin no// rgyal pos thal mo sbar te/ ci dang ci dgos pa smros shig dang / ston pa khyod la mi 'phangs par thams cad dbul lo// bram zes smras pa/ gal te khyod kyi lus la lcags gzer stong gis btab na/ khyod la chos sbyin no zhes smras pa dang / rgyal pos de bzhin du bgyi'o// nga ste zhag bdun na dngos po 'di dag bsgrub bo zhes smras so// de'i tshe na rgyal po chen po nges pho nya zhig glang po che rgyang grags brgyad khri snyad du 'gro ba zhig la bskyon te/ 'dzam bu'i gling kun tu 'di skad ces bsgo'o// rgyal po chen po bying ling gar la di ste zhag bdun na lus la lcags gzer stong 'debs so zhes bsgo ba/ blon po dang 'gro ba mang pos thos nas/ thams cad rgyal po'i drung du lhags te/ 'di skad ces gsol to// bdag cag phyogs bzhin 'khod pa'i

  14. 8a

    'gro ba thams cad rgyal po'i yon tan dang bka' drin gyis so so nas bde skyid pa la longs spyod de/ rgyal po chen po bdag cag gi slad du sku la lcags gzer stong mi gdab tu gsol zhes gsol pa dang / de'i tshe na btsun mo dang / pho brang slas dang / rgyal tshab dang / rgyal bu dang / blon po thams cad kyis kyang bsel ba btab ste/ rgyal po chen po bdag cag la thugs brtse bar dgongs te/ mi gcig gi slad du sku tshe'i dus mdzad cing 'bangs thams cad spang ba mi rigs so// de la rgyal pos 'di skad ces smras so// bdag ni yun ring po nas 'khor ba na lus grangs med pa chung gsan te/ bar 'ga' ni 'dod chags dang / zhe sdangapa dang / gti mug gis lus 'di bsad pa'i rus pa dkar po spungs pa ni ri rab bas mtho/ mgo bcad pa'i khrag zags pa ni chu klung lnga bas kyang che/ dus pa'i mchi ma ni rgya mtsho bzhi pas kyang lhag ste/ de ltar rnam pa sna tshogs kyi sgo nas lus srog chung gsan/ kyang lan 'ga' yang chos kyi phyir ma yin te/ de bdag gis gzer bu btab la sangs rgyas su bsgrub bo// phyis mngon par sangs rgyas nas shes rab kyi ral gris/ khyed kyi kun nas nyon mongs pa'i nad gcad par bya na/ ci'i phyir nga'i byang chub kyi sems kyi bar du gcod pa byed ces spras pa dang / de nas 'khor rnams kyang cang mi smra bar gyur to// de nas rgyal

  15. 8b

    bos zlum ze la smras pa/ ston pa chen po thugs brtse bar dgongs te/ sngar chos bstan nas de'i 'og tu ljags gzer gyis thob cig/ gal te tshe'i dus byas na chos thos par mi 'gyur ro zhes smras pa dang / bram zes tshigs su bcad de smras pa/ 'du byed thams cad mi rtag ste// skye ba thams cad sdug bsngal bcas// chos kun stong pas bdag po med// bdag gi ba yang yod ma yin// tshigs su bcad pa 'di sbas nas/ lus la lcags gzer stong gis btab bo// de'i tshe na rgyal phran dang / blon po dang / 'khor mang po rnams kyis de lta bur gyur pa mthong nas/ ri chen po 'gyel ba ltar lus sa la brdabs te ngus nas ci yang mi dran par sa la 'gre'o// de'i tshe na gnam sa rnam pa drug tu g.yos nas/ 'dod pa'i khams dang / gzugs kyi khams kyi lha rnams ngo mtshar du gyur te/ thams cad nam mkha' las bab nas byang chub sems dpa'i drung du lhags te/ de ltar chos kyi phyir sdug bsngal chen po lus kyis myong bar mthong nas/ thams cad dus te mchi ma char bzhin du phab nas/ lha rdzas kyi me tog gis mchod pa byas so// de'i tshe na brgya byin lha'i dbang po rgyal po gang na bar 'ongs nas 'di skad ces smras so/ / rgyal po chen po shin tu brtson 'grus brtsams te/ sdug bsngal la ci mi snyam pa 'di chos kyi phyir ram/ 'on te brgya byin nam

  16. 9a

    'khor lo sgyur ba'i rgyal po 'dod dam/ 'on te bdud kyi rgyal po 'am/ tshangs pa'i rgyal po 'am/ dbang phyug chen po 'dod ces smras pa dang / rgyal pos smras pa/ bdag gis byas pa 'di ni khams gsum gyi bde ba myong bar 'dod pa ma yin gyi/ bsod nams ji snyed yod pa 'dis sangs rgyas 'dod pa'i phyir ro// brgya byin gyis smras pa/ bdag gis bltas na rgyal po'i lus 'dar zhing mi bzod pa las bltas na/ 'di skad zer zhing 'gyod pa med ces smras pa 'di cis yid ches par 'gyur/ rgyal pos smras pa/ gal te/ bdag gis smras pa bden te/ 'gyod pa'i sems med na bdag gi lus snga mkho bzhin du rma med par gyur cig ces smras ma thag tu snga mkho bzhin du gyur nas/ lha dang mi rnams dga' mgu rangs par gyur to/ / de'i tshe yang 'gro ba mang po bskyab pa'i slad du tshes btsal na/ bcom ldan 'das ni chos kyi rgya mtsho yongs su rdzogs shing yon tan tshad ma mchis pa dang ldan na/ ci'i slad du 'gro ba mang po yongs su btang ste/ chos kyang mi bshad par mya ngan las 'da' bar dgongs// bcom ldan 'das gzhan yang sngon 'das pa'i dus bskal pa tshad med grangs med pa'i pha rol na/ 'dzam bu'i gling 'dir rgyal po chen po tshangs lha zhes bgyi ba la/ rgyal tshab dam gam zhes bgyi ba zhig mchis te/ rgyal bu de dam pa'i chos la dga' zhing

  17. 9b

    mos pas dam pa'i chos phyogs kun tu btsal na yang ma rnyed nas mya ngan gyis gdungs te yi mug par gyur pa las/ de'i tshe na brgya byin lha'i dbang pos de'i bsam pa shin tu rtogs shing shes pas bram ze zhig tu sprul te/ rgyal bu'i pho brang gi sgor 'ongs nas dam pa'i chos bdag la yod de bstan par bya'o zhes smras pa/ rgyal bus thos nas phyi rol nas bsu ste/ rkang pa la phyag byas nas pho brang gi nang du khrid de stan bting ba la bzhag go/ / rgyal bus thal mo sbyar te ston pa chen po thugs brtse ba'i slad du dam pa'i chos bstan du gsol zhes smras pa dang / bram zes smras pa/ bslab cing lobs pa yang shin tu dka' la/ slob dpon gnyer zhing shes par 'gyur ba yang sla ba ma yin pas/ 'di tsam gyis chog par mi 'dzin te/ chos thos par 'dod pa ni rigs pa ma yin no/ / rgyal bus smras pa/ ston pa chen po ci dang ci bzhed pa gsungs shig dang / bdag gi lus dang / chung ma dang / bu po'i bar du bzhed na yang thams cad la mi 'phangs te bka' bzhin du bgyi'o/ / bram zes smras pa/ gal te me'i dong zabs su khru bcu pa'i nang me ma mur gyis bkang la/ de'i nang du mchongs te mchod/ pa byas na/ dam pa'i chos bstan to zhes smras pa dang / de'i tshe na rgyal bus slob dpon gyi lung bzhin du me dong chen po byas so// de nas rgyal po dang / btsun mo dang / blon po dang /

  18. 10a

    pho brang gi slas kyis de lta bur gyur pa dag thos nas lus dang sems mi bde bar gyur te/ thams cad rgyal po'i pho brang du lhags nas rgyal bu la yang gsol pa btab/ bram ze de la kun gyis bskor nas/ btsun pa thugs rje bar dgongs te/ bdag cag gi slad du rgyal bu 'di me dong du mchong ba mi mdzad du gsol/ 'khor yul lam/ chung ma 'am/ bu pho 'am/ bdag cag gi lus bzhed na yang 'bul lo// bram zes smras pa/ bdag gis nan gyis mi byar rung ba med kyis/ rgyal bus cir bsams par zad de/ gal te de ltar nus na ni chos bstan par yang bya/ mi nus na chos kyang mi bstan no zhes smras pas/ 'khor rnams kyis kyang de'i dam bca' ba brtan par shes shing rtogs nas cang mi smra'o/ / de'i tshe rgyal pos kyang pho nya gcig glang po che rgyang grags brgyad stong du 'gro ba zhig la bskyon te/ 'dzam bu'i gling kun tu btang nas rgyal tshab dam gsang zhag bdun na chos 'dod pa'i phyir me dong du mchong gis/ khyed mthong bar 'dod na myur du shog cig ces bsgo'o// de'i tshe na rgyal phran dang mi mang po rgas shing nyam chung ba dag kyang gcig gis gcig khrid de rgyal bu'i thad du lhags nas pus mo sa la btsugs te/ thal mo sbyar nas thams cad kyis tshig mthun par 'di skad ces gsol to// bdag cag ni rgyal bu khyod

  19. 10b

    la rten te/ bdag cag gi pha ma dang 'dra ba khyod me dong du mchod na 'bangs 'di dag thams cad la mgon skyabs dang gnas med par 'gyur gyis/ mi 'ga' tsam gyi phyir 'bangs thams cad kyi dpung gnyen med par ma mdzad cig/ de nas rgyal bus mi mang po de dag la 'di skad ces bsgo'o// nga ni yun ring po nas 'khor bar 'khor ba na lus grangs med pa zhig 'phos par gyur te/ mi'i nang du skyes pa na/ 'dod pa chog mi shes pas gcig la gcig 'tshe zhing gsod par gyur to// mtho ris kyi lhar skyes pa na/ lha'i tshe zad pas 'dod pa dang bral ba'i sdug bsngal myong ngo / / sems can dmyal bar skyes pa na/ mer 'tshig pa dang / zangs su skol ba dang / ral gri dang / mtshon chas dmyal bar gtubs pa dang / gdug pa'i chu la 'bog pa dang / ral gri la 'dzeg cing nyin gcig kyang tshe 'pho ba grangs med pa zhig myong ste/ na tsha tsha ba'i sdug bsngal rus pa la mthong ba brjod kyis mi lang ba zhig myong ngo/ yi dgas su skyes pa na/ lus kyis mi bzod pa'i sdug bsngal rnam pa sna tshogs myong ngo // dud 'gro'i skye gnas su ni lus nyid gzan du 'gyur te/ khal lci ba bkal nas/ rtswartsa las mi za ba'i sdug bsngal bzod dka' ba myong nas lus dang srog chud gsan kyang dam pa'i chos kyi phyir dge ba'i sems cung zad tsam yang bskyed ma myong bas/ da ni lus btsog pa mnam/

  20. 11a

    po 'dis chos kyi phyir mchod pa byed kyis/ bdag gi bla na med pa'i byang chub tu sems bskyed pa'i bar du gcod pa'i las ma byed cig/ bdag ni sangs rgyas su bsgrub pa'i phyir lus 'di yongs su gtong ste/ nam mngon par sangs rgyas nas khyed la chos kyi skus sbyin pa bya'o zhes smras pa dang / 'khor mang po yang cang mi smra bar gyur to// de'i tshe na rgyal bu me dong gi khar 'greng nas bram ze la 'di skad ces gsol to/ / ston pa chen po bdag la sngar ngom pa'i chos ston cig/ gal te tshe'i bar chad du gyur na chos mi thos so zhes gsol pa dang bram ze des tshigs su bcad pa 'di dag smras so/ / byams pa'i sems ni goms par bya// zhe sdang khro ba'i 'du shes spang // snying rje chen pos sems can skyob// kun la snying brtse mchi ma zag/ dga' ba chen po goms par bya// gzhan la'ang bdag dang mthun po'i chos// byang chub sems kyis bskyabs pa ni// byang chub sems dpa'i spyod/ par ldan// tshigs su bcad pa 'di dag smras ma thag tu me dong du mchongs pa las/ brgya byin dang tshangs pa'i rgyal pos lag pa ya re nas zin te 'di skad ces smras so// 'dzam bu gling gi 'gro ba thams cad ni rgyal po khyod kyi bka' drin gyis mi bde ba'i bag med na/ da me dong du mchongs na 'bangs thams cad kyi pha ma tshe 'phos pa dang 'dra bas/ ci'i phyir 'gro ba thams

  21. 11b

    cad yongs su btang ste/ me dong du mchong zhes smras pa dang / rgyal bu des lha'i rgyal po dang 'khor mang po la bltas te/ khyed kyis bdag bla na med pa'i byang chub tu sems bskyed pa'i bar du gcod pa'i las ma byed cig ces smras nas/ thams cad cang mi smra ba dang / de ma thag tu me dong du mchongs so// de'i tshe na gnas sa rab tu g.yos te/ bar snang gi lha dag kyang dus nas mchi ma char bzhin du bab bo/ / me dong de yang me tog gi rdzing bur gyur te/ rgyal bu de yang pad+ma'i steng na 'dug par gyur nas/ lha rnams kyis me tog gi char pus mo nub pa tsam du phab bo/ / de'i tshe de'i dus na rgyal po tshangs lha ni rgyal po yab zas gtsang ma lags so// de'i dus na de'i ma ni yum lha mdzes lags so// de'i dus na rgyal bu rgyal tsha ba de ni bcom ldan 'das lags te/ bcom ldan 'das kyis de'i tshe de'i dus na yang 'gro ba mang po bskyab pa'i slad du chos btsal na/ da yongs su rdzogs par gyur na ci'i slad du shin tu gdungs par gyur pa'i sems can mang po la chos kyi char mi dbab par mya ngan las 'da' bar dgongs/ / bcom ldan 'das gzhan yang bskal pa grangs med tshad med pa de'i pha rol na/ de'i tshe de'i dus na yul wA rA NA si 'dir drang srong lnga brgya zhig gnas te/ drang srong de dag gi ston pa ud ta la zhes bya ba de/ dam pa'i chos slob cing sgom pa la dga' bas

  22. 12a

    kun tu rgyu zhing su la dam pa'i chos yod pa de bdag la smras na/ ci dang ci 'dod pa yid bzhin du sbyin zhing g.yog bya'o zhes bsgrags pa dang / bram ze zhig der bong ste/ de la 'di skad ces smras so// bdag la dam pa'i chos yod de/ thos par 'dod na bstan par bya'o zhes smras pa dang / drang srong des thos nas thal mo sbyar te/ 'di skad ces gsol to/ / bdag la thugs brtse ba'i slad du dam pa'i chos bstan du gsol zhes smras pa dang / bram zes smras pa/ chos lobs pa yang shin tu dka' ste/ sdug bsngal mang po myong bas chos lobs pa yin gyi/ 'di tsam gyis chos thos par 'dod pa rigs pa ma yin no// khyod snying nas thos par 'dod na kho bos bsgo ba bzhin du byos shig/ drang srong gis smras pa ston pa chen po'i bka' bzhin du mi 'gal bar bgyi'o zhes smras pa dang / de la 'di skad ces pasgo'o// gal te khyod kyis pags pa bshus te shog shog tu byas la rus pa ni smyig gur byas/ khrag ni snag tshar byas te/ ngas bstan pa'i chos yi ger bris na khyod la chos bstan no zhes smras so// de nas drang srong des de skad ces smras pa thos nas rab tu dga' mgu rangs te/ de bzhin gshegs pa'i bstan pa la bkur sti bya ba'i phyir/ pags pa bshus nas rus pa la smyig gur byas te/ khrag snag tshar sbyar nas dus la bab

  23. 12b

    kyis myur du gsungs shig ces smras pa dang / bram ze des tshigs su bcad pa 'di dag smras so// lus kyi spyod pa rab bsdams shing // srog gcod rku dang g.yem mi bya// phra ma brdzun dang tshig rtsub dang / / bkyal pa smra bar mi bya'o// 'dod pa rnams la mi chags shing // zhe sdang sems kyang med par bya// ngan par lta ba kun spangs na// byang chub sems dpa'i spyod pa'o/ / tshigs su bcad pa 'di dag smras ma thag tu yi ge ra bris nas 'dzam bu gling kun tu bsgrags te/ mi mang po thams cad kyis de la slob cing ji ltar bstan pa bzhin du nan tan byed du bcug go/ / bcom ldan 'das de'i tshe de'i dus na yang sems can mang po'i slad du chos 'tshal ba la 'gyod pa'i thugs mi mnga' na/ de ci'i slad du chos kyang ma bstan par thams cad yongs su btang ste/ mya ngan las 'da' bar dgongs// bcom ldan 'das gzhan yang sngon 'das pa'i bskal pa tshad ma mchis grangs ma mchis pa'i pha rol na// 'dzam bu'i gling du rgyal po shi bi zhes bgyi ba zhig byung ste/ rgyal po bzhugs pa'i pho brang ni de ba bar rta zhes bgyi ste/ 'byor pa/ bde ba/ lo legs pa/ longs spyod dpag tu ma mchis pa dang ldan no/ / de'i tshe na rgyal po de 'dzam bu'i gling la dbang mdzad de/ rgyal phran brgyad khri bzhi stong ljongs stong phrag drug cu'i nang na/ grong khyer khri phrag brgyad cu dang /

  24. 13a

    btsun mo dang pho brang gi slas stong phrag nyi shu dang / rgyal bu lnga brgya tsam dang / blon po chen po stong phrag bcu mnga' ba la dbang mdzad pa de thams cad la byams pa dang snying rjes ma khyab pa med do/ / de'i tshe na brgya byin lha'i dbang po lus kyi yon tan lnga dang bral te/ tshe'i dus byed du nye bas shin tu mi dga' ste/ mya ngan byed par bi sha kar mas mthong nas brgya byin la ci'i slad du mya ngan mdzad cing mi dgyes zhes gsol pa dang / brgya byin gyis smras pa/ nga ni tshe'i dus byed du nye ste/ tshe 'pho ba'i lhas mngon du byung na/ 'jig rten 'dir sangs rgyas kyi chos ni nub par gyur te/ byang chub sems dpa' yang 'jig rten na mi bzhugs na/ kho bo gang la skyabs su 'gro ba mi shes pas mya ngan byed do// bi shwa kar mas smras pa/ lha'i dbang po 'dzam bu gling na rgyal po chen po byang chub sems dpa'i spyad pa spyod pa shi bi zhes bgyi ba zhig bzhugs te/ shin tu yi dam la brtan zhing brtson 'grus rtsom pas gdon mi za bar mngon par 'tshang rgya ste/ de la skyabs su song na gdon mi za bar dpung gnyen du gyur te/ bgegs las rnam par thar bar 'gyur ro// brgya byin gyis spras pa/ gal te byang chub sems dpa' yin na/ sngar bgam dgos kyis sad du 'dong ngam/ khyod ni phug ron gcig tu sprul zhig/ nga ni khra zhig tu sprul te/ mgyogs par khyod kyi phyi

  25. 13b

    bzhin du khong gis/ rgyal po de gang na bzhugs par song la skyabs btsal na/ bgam pa des rgyu yod dam/ bden pa rtogs par 'gyur ro// bi shA ka ra mas smras pa/ lha'i dbang po skyes bu chen po byang chub sems dpa' la 'tshe ba ni mi gsha'i/ mchod pa'i rigs kyis shin tu dka' ba'i dngos po 'di lta bus gtse ba'i mi rigs so zhes smras pa dang / brgya byin lha'i dbang pos tshigs su bcad pa 'di smras so/ / bdag ni de la ngan sems min// gser ltar sad na mngon par 'gyur// bden pa rtogs par 'dod na ni// byang chub sems dpa'ang sad par bya/ / tshigs su bcad pa de skad ces smras nas/ bi shwa kar ma ni phug ron du sprul/ brgya byin ni khra zhig tu sprul nas/ phug ron gyi phyi bzhin du bdas te bzung la thug pa ltar byas pa dang / phug ron skrag dngangs nas rgyal po'i mchan khung du zhugs te/ rgyal po la srog gi skyabs gsol to// khra yang mod la phyin to// pho brang gi drung gang na ba der 'dug nas rgyal po la 'di skad ces smras so/ / phug ron 'di ni bdag gi zas lags te/ 'dir rgyal po la babs kyis/ myur du bdag la stsol cig/ bdag ni bkres pas rab tu nyen to/ / rgyal pos smras pa/ kho bos ni gang bdag la skyabs su 'ongs so cog la phyir mi gtong bar dam bcas pas 'di yang mi smin no zhes sbas pa dang / khras

  26. 14a

    yang smras pa/ rgyal pos gsungs pa las thams cad kyi skyabs mdzad do zhe na/ gal te bdag gi zas mi stsal na/ bdag kyang 'tsho ba dang 'bral na/ ci bdag kyang thams cad kyi nang du ma gtogs sam/ rgyal pos smras pa/ khyod la sha gzhan zhig sbyin na za 'am/ smras pa/ bdag ni gsar du bkum pa'i sha rlon pa mchis na bdag 'tshal lo zhes smras pa dang / rgyal po des 'di snyam du bsams so// da bdag gis gsar du bsod pa'i sha rlon pa zhig sbyar na ni/ gcig bsad de gcig gsos pas rigs pa ma yin te/ don med do snyam bsams nas/ yang 'di snyam du bsams so// bdag 'ba' zhig gi lus ma gtogs par gzhan ji tsam srog dang bcas pa thams cad ni srog 'phangs so snyam bsams nas/ gri rnon po thogs te brla'i sha bcad nas khra la byin te phug ron gyi srog blus so// khras smras pa/ rgyal po khyod sprin bdag tu gyur te thams cad la snyoms na/ bdag bya chung ngu zhig lags kyang snyoms par mdzad 'tshal bas/ gal te phug ron gyi srog blu na srang gis bcal te mnyam par mdzad du gsol zhes smras pa dang / rgyal pos srang long zhig ces bka' stsal te/ srang gi khu ler phug ron bzhag/ srang gi gzhir ni sha bcad pa spungs na/ brla'i sha zad kyang phug ron pas yang ngo // phrag pa gnyis dang / rtsib logs

  27. 14b

    g.yas g.yon dang / lus kyi sha zad par bcad kyang phug ron dang mnyam par ma gyur nas/ rgyal po de nyid bzhengs te srang gi nang du 'gro bar gzas pa las/ nyams kyis ma nus te/ sa la 'gyel nas brgyal lo// de nas ring zhig lon pa dang dran par gyur nas/ bdag gi sems la 'di skad ces spang ngo // thog ma med pa'i dus nas khyod kyis ma nus pas khams gsum du 'khor zhing sdug bsngal sna tshogs myong bar gyur kyang bsod nams kyi tshogs su ma gyur to/ / brtson 'grus brtsam pa'i dus la bab ste/ le lo bya ba'i dus 'di ma yin no zhes rnam pa sna tshogs kyi sgo nas brgyad bkag ste/ de las 'bad 'bad nas de nas srang gzhi'i nang du phyin pa dang / da ni legs so zhes rab tu dga' ba'i sems skyes so// de'i tshe na gnam sa rnam pa drug tu g.yos pas lha rnams kyi pho brang yang 'gul zhing ldeg par gyur te/ gzugs kyi khams kyi lha man chad thams cad lhags nas steng gi bar snang la 'khod de/ byang chub sems dpas shin tu dka' ba spyad cing lus kyang gtan ma rung bar byas te/ chos kyi phyir lus dang srog la mi lta bar gyur pa'i dngos po de dag mthong nas/ mchi ma char bzhin du zag cing ngus te lha rdzas kyi me tog char bzhin du bab nas mchod pa byas so/ / de'i tshe na brgya byin gyis sngon gyi lus su bsgyur te/ rgyal po la 'di skad ces smras so// rgyal pos 'di lta bu'i shin tu

  28. 15a

    dka' ba mdzad pa 'dis kyi zhig bzhed/ 'khor los sgyur ba'i rgyal po bzhed dam/ brgya byin nas/ bdud kyi rgyal po 'am/ khams gsum gyi dbang po bzhed dam/ ci bzhed ces smras pa dang / byang chub sems dpas sbas pa/ bdag 'dod pa ni khams gsum gyi che ba btsan pa'i longs spyod 'dod pa ma yin gyi/ bsod nam ni byed kyang bla na meng ba'i byang chub 'dod do/ / brgya byin gyis sbas pa/ 'di ltar lus zhig cing ma rung bar byas te/ rus pa la than pa'i sdug bsngal myong bar gyur pa 'di la mo 'gyong ngamo zhes smras na/ rgyal pos 'gyod pa med do zhes smos so// brgya byin gyis smras pa/ 'gyod pa med ces spras mod kyi/ da ltar lus 'drar zhing ldeg la dbugs chang pa tsam du yang ma nus pa las bzlas na/ bgyod pa med par tsas yid nus par 'gyur/ rgyal pos smras pa/ bdage thogs nas tha ma'i bar du bsgra'i lhag ma tses kyi 'byung bathamams ma bdag cing ci 'dod pa gadzinam pa par 'grug ste/ smras pa'i tshig 'di bden na/ bden pa'i tshig smras pas/ bdag gi lus 'di snyam pa bzhin du ma med par myur tsus ces rnam ga tu rgyal ba'i lus sngon pas kyang lhag par babang bar gyur te/ lha dang 'jig rten du bcas pa thams cad dga' sagu ngas nas ngom cher thang du gyur to// de'i ma ngo'i 'dus rgya

  29. 15b

    po shi ba ni da ltar sangs rgyas lags te/ bcom ldan 'das sngon 'das pa'i dus na yang sems can mang po'i slad du sku tshel ma gzigs na/ da bcom ldan 'das chos kyi rgya mtshan yongs su rdzogs/ chos kyi rgyal mtshan ni bsgreng / chos kyi rnga yang rab tu brdungs/ chos kyi sgron ma yang gsal bar mdzad de/ phan pa dang bde ba'i don mdzad pa'i dus la bab na ci'i slad du chos kyang ma bstan par sems can thams cad yongs su btang ste/ mya ngan las 'da' bar dgongs/ de'i tshe na tshangs pa'i rgyal pos de bzhin gshegs pa'i spyan sngar thal mo sbyar te/ de bzhin gshegs pas sngon gyi sku tshe la chos ji ltar btsal ba dang / sems can gyi slad du dbu stong tsam yang btang bar gyur to zhes bsngags shing bstod pa byas so/ / ra de'i tshe na bcom ldan 'das tshangs pa'i rgyal pos gsol ba bzhin du gnang ba mdzad nas/ yul wA rA NA si na ri dgas la mi 'jigs pa byin pa'i gnas su gshegs nas chos kyi 'khor lo bskor ro/ / de ltar chos kyi 'khor lo bskor bas/ dkon mchog gsum yang 'jig rten na mngon sum du gyur to// de'i tshe de skad ces gsungs nas dang mi dang / klu dang / gnod sbyin dang / lha ma yin sde brgyad la sogs pa thams cad mngon par dga' nas rjes su spyod do// dpe sna tshogs bstan pa'i le'u ste dang po'o//

  30. 16a

    sems can chen pos stag mo la lus byin pa'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe bcom ldan 'das bsod snyoms kyi dus la bab nas sham thabs dang chos gos gsol/ lhung bzed bsnams nas kun dga' bo dang bsod snyoms la gshegs so/ / de'i tshe grong khyer de na rgan mo zhig la bu rtag tu rku ba gnyis shig yod de/ nor bdag gis zin nas zhal che ba'i mdun du khrid de/ khrims dang sbyar nas gsod pa la thug nas rigs ngan bkri ste gsod pa'i gnas su khrid pa las/ bcom ldan 'das rgyang ma nas gshegs pa rgan mo ma smad gsum gyis mthong nas/ sang rgyas gshegs pa'i phyogs su phyag 'tshal te/ lha'i nang na gtso bo thugs brtse bar dgongs te/ bdag gi bu gum pa la thug pa 'di'i skyabs mdzad du gsol zhes smras pa/ bcom ldan 'das kyis gsan nas/ de bzhin gshegs pa thugs rje chen pos de dag la thugs brtse bar dgongs te de dag gi srog bsgrub pa'i slad du/ bcom ldan 'das kyis/ kun dga' bo la bka' stsal te/ rgyal po la gsol ba 'debs su btang ba dang / rgyal pos kyang bcom ldan 'das kyi bka' bzhin du de dag btang ngo // de dag bcom ldan 'das kyi bka' drin dran

  31. 16b

    zhing rab tu dga' ba skyes nas/ bcom ldan 'das gang na ba der song ste phyin pa dang / zhabs la spyi bos phyag 'tshal nas thal mo sbyar te/ bcom ldan 'das la 'di skad ces gsol to// bcom ldan 'das kyi bka' drin chen pos bdag cag gi tshe srog lhag ma tsam zhig lus par gyur na/ lha'i gtso bo thugs brtse bar dgongs te/ bdag cag chos la rab tu 'byung bar ci gnang zhes gsol pa dang / bcom ldan 'das kyis legs par 'ongs so zhes bka' stsal pas/ skra dang kha spu rang byi ste gos kyang ngur smrig tu gyur to// de dag shin tu dang po'i sems brtan par gyur nas/ bcom ldan 'das kyis ci rigs pa'i chos bstan pas rdul dang dri ma zad de dgra bcom par gyur to// de'i ma rgan mo yang chos thos pas lan cig phyir mi ldog pa thob par gyur to/ / de'i tshe kun dga' bos de lta bu'i dngos po ngo mtshar che ba dag mthong nas/ de bzhin gshegs pa ni yon tan de snyed cig mnga' 'o zhes bsgrags te/ yang 'di snyam du rgan mo ma slang gsum po 'dis sngon legs pa ci zhig bgyis na/ bcom ldan 'das dang phrad de nyes pa chen po las kyang thar la/ mya ngan las 'das pa'i bde ba thob nas/ lus gcig gis phan pa dang bde ba'i don thob pa legs so snyam bsams pa/ bcom ldan 'das kyis mkhyen nas/ kun dga' bo la 'di skad ces bka' stsal to// ma spang gsum po 'di ni ngas

  32. 17a

    da ltar 'di 'ba' zhig gi dus su gsos par ma zad kyi/ sngon 'das pa'i dus na yang nga'i bka' drin gyis gsos so// kun dga' bos gsol pa/ bcom ldan 'das sngon 'das pa'i dus na yang ma smad gsum po 'di ji ltar gsos pa/ bcom ldan 'das kyis bstan du gsol/ bcom ldan 'das kyis/ kun dga' bo la bka' stsal pa/ sngon 'das pa'i bskal pa grangs med pa'i snga rol na/ 'dzam bu gling 'di na rgyal po shing rta chen po zhes bya ba zhig yod de/ rgyal phran lnga stong snyed la dbang byed do// rgyal po de yang sras gsum mnga' ste/ rab ni sgra chen po zhes bya'o// 'bring ni lha chen po zhes bya'o// tha chung ni sems can chen po zhes bya ste/ sras tha chung de chung ngu nas byams pa dang snying rjer ldan te/ thams cad la bu gcig pa dang 'dra'o/ / de'i tshe rgyal po de blon po dang bcas/ btsun mo dang sras su bcas te phyi rol tu 'chag cing dong ba las/ cung zad cig ngal bso ba'i bar du sras gsum po tshal gyi nang du dong dong ba las stag mo gcig pu byung nas zhag du ma len pa bkres skom pas nyen te/ phyir yang bu zos la thug pa zhig mthong nas rgyal bu tha chung des/ phu bo gnyis la sprasmras pa stag mo 'di shin tu sdug bsngal gyis gzir te nyam chung la rid pas shi la thug pa 'di bu byung ma thag pa yang bos su 'ong ngo zhes smras pa dang / phu bo gnyis kyis khyod zer ba

  33. 17b

    bden no zhes smras so/ / nu bos yang phu bo la smras pa/ stug mo 'di zas su tsi tha zhes dris na/ phu bo gnyis kyis bsad ma thag pa'i sha rlon dang khrag dron gyis de'i yid tshim par 'gyur/ ro zhes smras so// yang spras pa/ gang su yang de lta bu'i dngos pos 'di'i srog bskyabs te mi nyes par byed nus pa yod dam/ bu bo gnyis kyis smras pa/ de ni shin tu yang dka' bas med do/ / de nas rgyal bu tha chung des yid la 'di snyam du bsams so// bdag yun ring po nas 'khor ba na 'khor zhing lus dang srog grangs med pa zhig chud gsan te/ bar 'ga' ni 'dod chags kyi phyir/ bar 'ga' ni zhe sdang gi phyir/ bar 'ga' ni gti mug gi phyir lus btang ste/ chos kyi phyir bsod nams kyi zhing dang lan 'ga' yang ma phrad pa'i lus 'di ci rung snyam bsam pa thag bcad nas/ gsum char 'grogs te song ba las ring por ma phyin par phu bo gnyis la 'di skad ces smras so// mched gnyis slar gshegs shig dang / bdag don cig gnyer te slad bzhin du bslabs par mchi'o zhes smras nas/ lam de nyid du zhugs te/ stag mo'i tshang gang na 'dug par myur du song nas stag mo'i drung du nyal ba dang / stag mo kha 'thams nas za ma nus so/ / de'i tshe rgyal bus shing gi tshal ba rnon pos lus la phrag phyang nas stag mo ba ldag tu bcug pa dang / khaM yang phyed nas lus kyi sha ma lus par zos so//

  34. 18a

    pho bo gnyis kyis bsdad nas ring mo zhig tu ma 'ongs pas phyir rjes bzhin du 'tshol du dong ba las sngar smras pa'i tshul la brtags nas/ gdon mi za bar stag mo ltogs pa bsnyod du song ngo snyam bsams nas der phyin te bltas pa na/ nu bo tha chung stag gis bos te/ sha dang khrag gis kun tu bsgos nas btsog btsog ltar 'dug pa mthong nas lus sa la brdabs te brgyal lo/ / ring zhig len pa dang dbugs phyir phyung nas cho nges btab ste sa la 'gre zhing 'khams par gyur te// de'i tshe na btsun mo yum mnal ba'i rmi lam du phug ron gsum zhig kun tu 'phur zhing rtse ba las/ nang gi chung ba gcig khras khyer ba snyam rmis ma thag tu sad nas sngangs skrag ste/ rgyal po la bsnyad do// bdag gis gtam du thos na/ phug ron ni bu'i bla ste/ phug ron nang gi chung ngu khras khyer ba las/ bdag gi bu nang gi sdug pa bkra mi shis su ngas kyis/ de ma thag tu kun tu 'tshol ba btang ba las/ ring por ma lon par bu gnyis ni 'ongs kyi/ bu nang gi sdug pa cang mnyes sam ga re zhes dris nas/ phu bo gnyis skad kyis brnangs te/ ring zhig tu dbugs kyang ma phyin smra yang ma nus nas/ de'i 'og tu dbugs phyin pa dang / stag gis zos so zhes smras so// lha mos de skad ces smras pa thos nas 'khams te sa la 'gyel nas/ ring zhig lon pa dang

  35. 18b

    dbugs byin te/ bu gnyis dang / btsun mo dang / pho brang slas su bcas te myur bar rgyal bu gang du tshe 'phos pa'i gnas su song ngo // de'i tshe na stag mos rgyal bu'i sha ni zad par zos kyi/ rus pa dang khrag 'ba' zhig sa la btsog btsog ltar 'dug pa mthong nas/ btsun mos ni mgo nas bzung / rgyal pos ni lag pa gzung ste cho nges btab nas ngus pa dang / der yang 'khams nas ring zhig lon pa dang phyir sangs so/ / rgyal bu sems can chen po de der tshe 'phos nas dga' ldan lha'i gnas su skyes so// de ci'i phyir ci spyad pas 'dir skyes snyam bsams te/ lha'i mig gis rgyud lnga kun tu brtags na bdag tshe 'phos pa'i rus bu tshal na 'dug pa la pha mas bskor te shin tu yid la gcags pas mya ngan gyi zug rngus sdug bsngal zhing cho nges 'debs pab mthong nas/ lhas bsams pa/ bdag gi pha ma 'di ltar mi dga' ba'i rkyen gyis gal te na lus dang srog gi bar chad du 'gyur gyis/ de la spro ba bskyed cing gtam byar 'gro snyam bsams nas nam mkha' las babs te/ steng gi nam mkha' las tshig snyan pa rnam pa sna tshogs kyis pha ma gnyis spro ba bskyed do// pha ma gnyis kyis nam mkhar bltas nas/ lha khyod su zhig bdag la smros shig ces smras pa dang / lhas smras pa/ bdag ni rgyal bu sems can chen po zhes bya ba yin te/ bdag gis lus stag mo lhogs pa la byin nas dga' ldan

  36. 19a

    gnas su skyes so/ / rgyal po chen po 'di ltar mkhyen par mdzod cig/ ji tsam du srid pa dang bcas pa'i chos mthar 'jig pa 'ong / skye ba yod na nges par 'jig go/ / sdig pa byas na sems can dmyal bar lhung gi/ dge ba byas na mtho ris su skye ste/ skye ba dang 'jig pa ni kun la srid na/ ci'i slad du bdag 'ba' zhig gi phyir mya ngan gyi rgya mtshor lhung ba mtshor/ dge ba'i phyogs la brtson 'grus mdzod cig/ de'i pha mas spros pa/ khyod ni snying rje chen pos stag mo bstod de thams cad la snying brtse ba yin na bdag cag btang ste tshe'i dus byas pas nged khyod dran pa'i phyir/ sha yang dum bu dum bur bcad pa tsam du sdug bsngal gyis gdungs na snying rje chen po spyod pa khyod 'di ltar bya bar rigs sam/ de nas yang lha des tshig snyan pa rnam pa sna tshogs kyi sgo nas bshags te spro ba bskyed pas/ de'i pha ma yang spo ba cung zad skyes nas rin po che sna bdun gyi sgrom byas te/ rus bu nang du bcug nas sbas pa'i steng du mchod rten byas so/ / lha yang phyir gnas su song ngo // rgyal po dang 'khor mang po rnams kyang phyir pho brang du 'ongs so// bcom ldan 'das kyis/ kun dga' bo la bka' stsal pa/ khyod kyi yid la ji snyam/ de'i tshe de'i dus na rgyal po shing rta chen po de su yin snyam du sems na/ de ni da ltar nga'i yab rgyal po tsang ma yin no//

  37. 19b

    de'i tshe de'i dus na rgyal po de'i btsun mo de ni yum lha mdzes yin no// de'i dus na sras rab sgra chen po ni byams pa yin no// sras 'bring po lnga chen po ni ba su mi ra yin no// de'i tshe de'i dus na rgyal bu tha chung sems can chen po de ni gzhan du ma sems shig da ltar nga yin no/ / de'i dus na stag phrug ni mi 'di gnyis yin te/ ngas sngon yang yun ring po nas bgegs las thar par byas te srog bskyabs nas bde bar byas so/ / nga mngon par sangs rgyas nas kyang bgegs las thar par mdzad nas/ 'khor ba'i sdug bsngal chen po dang yongs su bral lo// de'i tshe na kun dga' bo dang / 'khor mang po thams cad bcom ldan 'das kyis gsungs pa la yi rangs te mngon par dga' 'o// sems can chen pos stag mo la lus byin pa'i le'u ste gnyis pa'o/ / // kun tu rgyus tshul khrims bsrungs pa'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe na nam gyi cha stod na lha gnyis shig sangs rgyas gang na ba der 'ongs so// lha de'i lus kyi 'od kyis rgyal bu rgyal byed kyi tshal gser gyi mdog ltar gcig tu snang bar byas so/ / de la bcom ldan 'das kyis ci rigs su dam pa'i chos bstan pas sems rnam par grol te/

  38. 20a

    gnyis ka byang chub kyi 'bras bu thob nas/ bcom ldan 'das kyi zhabs la mgo bos phyag 'tshal te/ phyir yang lha'i gnas su dong ngo // phyid nyin nas langs ma thag tu kun dga' bos/ bcom ldan 'das la 'di skad ces gsol to// ma dang lha gnyis shig mchis te/ bcom ldan 'das la bsnyen bkur bgyis nas de'i lus kyi 'od kyis kun tu snang zhing mdzes par bgyis pa 'di sngon las ci zhig bgyis na/ de lta bu'i 'bras bu thob par gyur ces gsol pa dang / bcom ldan 'das kyis/ kun dga' bo la 'di skad ces bka' stsal to/ / sngon sangs rgyas 'od srungs mya ngan las 'das nas dam pa'i chos 'jig tu nye ba na/ bram ze gnyis shig nyin zhag gcig pa'i tshul khrims brgyad mnos te/ de la gcig gis ni lhar skye bar shog cig ces smon lam btab bo// gcig gis ni rgyal por gyur cig ces smon lam btab nas phyir khyim du dong ngo // de la gcig khyim du 'ongs nas chung mas zan la bos na/ khyos 'di skad ces smras so// bdag sangs rgyas kyi chos las phyi dro kha zas mi za ba'i khrims mnos kyis mi 'dong ngo // chung mas spras pa/ khyod ni kun tu rgyu yin te/ bdag cag gi chos kyi tshul khrims yod na/ ci'i phyir ston pa gzhan gyi tshul khrims nod/ gal te bdag dang lhan cig zan mi zan

  39. 20b

    khyod ji skad smras pa bzhin du kun tu rgyu gzhan dag la bsnyad de/ khyod dang lhan cig tu 'du zhing gtam zer du mi gnang bar slong du gzhug go/ de skad ces smras pa dang / khyos ma bzod de dngangs skrag nas/ chung ma dang lhan cig dus ma yin par zan zos so// mi de gnyis tshe'i dbang thang ji tsam thub pa bzhin du so so nas tshe'i dus byas nas/ rgyal por smon pa de ni tshul khrims bsrungs pas rgyal po'i rigs su skyes so/ / lhar skye bar smon pa de ni tshul khrims nyams pas klu zhig tu skyes so// de'i tshe na rgyal po'i bza' shing gi ra ba bsrung ba zhig nyin gcig bzhin du shing thog rnam pa sna tshogs skel skyel ba las phyis dus gcig cig na/ chu mig gcig gi nang nas ku shu kha dog dang dri bsung du ldan pa zhig rnyed nas 'di snyam du bsams so/ / bdag shing thog skyel zhing phan tshun 'gro ba'i tshe rtag tu sgo bas bkag ste/ legs par 'gror mi ster gyis/ ku shu 'di sgo ba de la sbyin no snyam du bsams nas/ rgyal po'i chab sgo ba la byin no// chab sgo ba des kyang shing thog de blangs nas 'di snyam du bsams so// zhu zhing gsol pa la 'gro ba'i tshe rtag tu nyung rum gyis bkag nas nyam bag tu 'gror med kyis/ ku shu 'di nyung rum de la sbyin no snyam du bsams nas nyung rum la byin no// nyung rum gyis kyang blangs nas btsun mo la phul lo//

  40. 21a

    btsun mos thob nas rgyal po la phul lo// rgyal pos ku shu de zos na rab tu mngar zhing lhag par dri bsung dang ldan pas/ btsun mo la ku shu 'dig las rnyed ces dris na/ btsun mos kyang ji ltar rnyed pa'i gtam zhib tu byas nas/ gcig nas gcig tu thug ste/ tha ma ra ba bsrung ba la thug nas/ rgyal pos ra ba bsrung ba bkug ste de la 'di skad ces bka' stsal to/ / nga'i bza' shing gi ba na shing thog 'di lta bu yod na/ ci'i phyir nga la mi 'bul bar gzhan dag la sbyin zhes bka' stsal pa dang / ra ba bsrung ngas thog ma ji ltar rnyed pa zhib tu gsol to/ / de nas rgyal pos ra ba bsrung ba de la nga phyin chad ku shu 'di lta bu rtag tu phul cig ces bka' stsol pa dang / ra ba bsrung ba des 'di skad ces gsol to/ / ku shu 'di ni 'bras bu las bskyed pa ma lags te/ chab mig gcig gi nang nas rnyed pas slan chad ni bdag gis mi rnyed de mi 'byor to zhes gsol to// de la rgyal pos yang khyod kyis phyin chad ma rnyed na/ khyod kyi lus dum bur gcad do zhes bka' stsal nas/ rab bsrung ba phyir gnas su song nas mya ngan byed cing ngus pa dang / ngus pa'i blo chen po klu zhig gis thos nas klu mo zhig tu sprul te/ de la khyod cu'i byor mi dga' zhing du zhes dris so// rab ba srung bangs ji ltar gyur pa'i gtim grul zhib tu smras pa dang / kwa

  41. 21b

    de mi snang bar gyur nas ring po ma lon par gser gyi gzhod pa'i nang shing thog bzang pos bkang ste mi de la byin nas/ khyod kyis shing thog 'di khyer la rgyal po la phul te/ 'phrin du yang 'di skad ces gyis shig/ rgyal po dang bdag tu bshes te/ sngon tshe snga ma la gnyis ka kun tu rgyu yin pa las/ nyin zhag gcig pa'i khrims brgyad mnos te/ so sor smon lam btab pa las rgyal po ni tshul khrims bsrungs pas rgyal por gyur to/ / bdag ni tshul khrims nyams pas klur skyes kyis/ nga yang tshul khrims bsrung zhing lus 'di las thar par dga' 'o/ / nyin zhag gcig pa'i khrims brgyad kyi cho ga bdag la stsal du gsol/ ji ste ma gnang na rgyal po'i yul yang rgya mtshor bsgyur ro zhes 'phrin spring ngo // ra ba bsrung ba nges shing thog khyer te rgyal po la phul nas/ klus spring ba'i 'phrin yang rdzogs par bsnyad pa dang / rgyal po de mi dga' bar gyur to// de ci'i phyir zhe na/ de'i tshe 'jig rten na sangs rgyas kyang mi bzhugs/ dam pa'i chos kyang nub nas nyin zhag gcig pa'i khrims brgyad kyi dpe yang mi rnyed de/ don de ma bsgrubs na ni gnod pa mngon du byed kyis dogs pas rtog pa la zhugs te mi dga' nas sems shing 'dug 'dug pa las/ rgyal po des blon po chen po mchog cig yod pa la 'di skad ces bka' stsal to// kla zhig nga la khrims brgyad

  42. 22a

    kyi dpe zhig slong gis mi rnyed du mi gnang ngo zhes bka' stsal na/ blon pos gsol pa/ 'jig rten na chos ma mchis par bdag gis ga las rnyed ces gsol/ pa dang rgyal pos blon po de la khyod kyis ma rnyed na gsad do zhes bka' stsal to// blon po chen po shin tu mi dga' bzhin du khyim du song nas blon po de la ba rgan po rgas pa 'khogs pa zhig yod de phas bltas na bdag gi bu 'di sngon chad ni 'dzum dmul te mdangs dang bcas pas gtam zer na/ deng ci'i phyir bdag gi bu 'di sngon chad dang mi 'dra bar ngo 'dzum gnag snyam gtam byas pa dang des ji ltar gyur pa pha la zhib tu gtam byas so/ / de'i phas smras pa/ bdag cag gi khyim na ka ba zhig la rtag tu 'od 'byung ste/ de'i nang na ci yod ltos shig ces bsgo ba dang / ka ba phyung ste gshags na/ de'i nang nas rten cing 'brel par 'byung ba bcu gnyis kyi mdo dang / nyin zhag gcig pa'i khrims brgyad kyi dpe byung nas/ blon po des rgyal po la phul lo// rgyal pos thob nas rab tu dga' mgu rangs te/ khrims brgyad kyi dpe gser gyi sgrom bur bcug ste klu la bskur ro// klu des thos nas shin tu dga' bas rgyal po chen po de la rin po che yang bang du phul lo/ / nyin zhag gcig pa'i khrims brgyad bsrungs nas/ gzhan dag kyang bsrung bar bskul te/ de nas tshe 'phos nas lhar skyes so// rgyal po de yang chos bzhin du tshul

  43. 22b

    khrims bsrungs pas tshe'i dus byas nas gnas lhan cig tu lhar skyes te/ mdang nam gyi cha stod la nga'i spyan sngar 'ongs te ci rigs par chos bstan pas/ rgyun du zhugs pa'i 'bras bu thob nas ngan song gsum dang yongs su bral te/ lha dang mi'i longs spyod myong zhing mthar mya ngan las 'da' ba'i bar du thob par 'gyur ro// bcom ldan 'das kyis de skad ces gsungs pa la 'khor mang po thams cad yi rangs nas mngon par dga' 'o/ / kun tu rgyus tshul khrims bsrungs pa'i le'u ste gsum pa'o// // lus btsongs te mchod pa byas pa'i le'u 'o/ 'di skad bdag gi thos pa dus gcig na// bcom ldan 'das mnyan yod na rgyal bu rgyal byed kyi tshal mgon med zas sprin gyi kun dga' ra ba na bzhugs so// de'i tshe na yul de na khyim bdag cig la khye'u zhig bcas nas/ khye'u de dbyibs legs shing blta na sdug pa bzang ba zhig ste/ btsas nas ring por ma lon par smra yang shes so// khye'u des pha ma la bcom ldan 'das da ltar bzhugs sam zhes dris pa dang / da ltar bzhugs so zhes smras so// 'o na btsun pa shA ri'i bu dang / kun dga' bo la sogs pa bzhugs sam zhes dris pa dang // de yang bzhugs so zhes smras so// khye'u de'i pha mas bu btsas ma thag pa zhig smras pa la/ 'di ni mi ma yin no snyam ngo mtshar ya mtshan du gyur pas/ bcom ldan 'das la zhus so// bcom ldan

  44. 23a

    'das kyis kyang khyed kyi bu ni mtshan dang ldan te/ the tsom ma byed cig ces bka' stsal pa dang / khye'u de'i pha ma rab tu dga' mgu rangs te phyir khyim du 'ongs so/ / de nas khye'u des pha ma la sangs rgyas dang dge slong gi dge 'dun rnams spyan drongs shig ces gsol ba dang / de'i pha mas sangs rgyas dang dge 'dun spyan drangs na yo byad sbyar dgos 'phral du 'byor pa ma yin no zhes bsgo'o/ / bus smras pa/ khang pa'i nang na phyag bdar dang chag chag byos te gdan thing la/ gdan mthon po gsum zhig kyang sbags te thing zhig dang zhal zas ro brgya dang ldan pa rang 'ong ngo / / bdag gi tshe snga ma'i ma yang da ltar yul wA rA NA si na mchis kyis/ de yang bos shig ces smras so// de'i pha mas bus smras pa bzhin du mi zhig glang po che la bskyon te/ de'i ma yang bos nas 'ongs so// gdan mthon po gsum bshams pa 'di la/ gcig la ni sangs rgyas bzhugs su gsol cig/ gcig la ni che snga ma'i ma bzhugs shig/ gcig la ni da ltar lus skyed pa'i ma bzhugs shig/ de nas sangs rgyas kyang dge 'dun gyi 'khor dang bcas te gshegs nas/ gdan bting ba la rim pa bzhin du bzhugs nas/ zhal zas bzang pos kyang thams cad khyed cing chog par gyur te/ de la bcom ldan 'das kyis chos bstan nas/ khye'u de'i pha dang / ma gnyis dang

  45. 23b

    khyim gang gi mi chen po dang / chung ngu thams cad kyis chos thos nas rab tu dga' ste/ kun gyis 'bras bu dang po thob par gyur to// khye'u de yang phyi phyir cher skyes nas rab tu byung ste/ brtson 'grus brtsams pas dgra bcom pa thob par gyur to/ / bcom ldan 'das la/ kun dga' bos gsol pa/ dge slong 'di sngon legs pa ci zhig bgyis na/ che zhing mthe ba'i rigs su skyes te chung ngu nas sgra yang 'tshal la/ rab tu byung nas kyang mngon par shes pa myur du thob par gyur/ bcom ldan 'das kyis/ kun dga' bo la bka' stsal pa/ mi 'di tshe snga ma la yul wA rA NA si'i khyim bdag gi bu las khyim bdag tshe 'phos nas so chis zhig ste dbul 'phongs par gyur to/ / sangs rgyas bcom ldan 'das 'jig rten na bzhugs pa dang phrad kyang mchod pa bya ba'i longs spyod med pas/ de mi dga' nas rigs che zhing mtho ba bcabs te gla za bar khas blangs nas le gcig lon pa dang / gser srang stong tsam rnyed do// de la rigs che zhing mtho ba zhig gis/ khyod chung ma mi len nam zhes dris na mi 'dod do zhes smras so// des yang dris pa/ gser 'dis ci zhig bya zhes dris na/ sangs rgyas dang 'phags pa'i dge 'dun la bsod snyoms shig gsol bar dgos so zhes smras so/ / rigs che zhing mtho ba des smras pa/ khyod sangs rgyas dang 'phags pa'i dge 'dun spyan 'dren 'dod na/ kho bos gser sbyar

  46. 24a

    te zhal zas la sogs pa'i g.yos kyang bsham gyis/ kho bo'i khyim du spyan drongs shig ces smras pa dang / dbul po des kyang de bzhin du bgyi'o zhes smras nas zhal zas bshams te/ sangs rgyas dang dge 'dun spyan drangs so// de'i rgyu de'i rkyen gyis tshe'i dus byas nas kyang khyim bdag de'i khyim du skyes te/ de yang sangs rgyas spyan drangs nas/ chos thos ma thag tu byang chub thob par gyur to/ / bcom ldan 'das kyis/ kun dga' bo la bka' stsal pa/ sngon gyi dbul po de ni khyim bdag gi khye'u dge slong 'di yin no// bcom ldan 'das kyis de skad ces gsungs pa la 'khor mang po thams cad yi rangs te mngon par dga' 'o/ / lus btsongs te mchod pa byas pa'i le'u ste bzhi pa'o// / rgya mtsho lhas dris pa'i le'u'o/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sprin gyi kun dga' ra ba na bzhugs so// de'i tshe yul de nyid na tshong pa lnga brgya tsam zhig rgya mtshor rin po che len du 'gro ba dag 'di ltar bgros so// bdag cag gis mi'i nang na mkhas shing shes pa zhig dang dpon du bkri'o zhes bgros nas dge bsnyen khrims lnga pa zhig khrid nga rgya mtshor zhugs so/ / rgya mtsho'i dbus su phyin pa dang / rgya mtsho'i lha de srin po zhig tu sprul nas/ lus gzugs shin tu mi sdug

  47. 24b

    la sngo zhing gnag pa/ mche ba gyen du byung ba/ mgo la me 'bar ba zhig drung du 'ongs nas/ gru 'di nga la byin cig ces smras te// tshong pa la 'di skad ces 'dri'o// 'jig rten na gang dag 'jigs su rung ba nga las 'da' ba yod dam/ dge bsnyen gyis smras pa/ khyod pas shin tu lhag par 'jigs pa yang yod do// rgya mtsho'i lhas smras pa/ de lta bu su zhig dge bsnyen gyis smras pa/ 'jig rten na glen pa gti mug can ma dge ba'i las rnams bag med par byed pa/ srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / tshig bkyal pa smra ba dang / phra ma dang / zhe gcod pa'i tshig smra ba dang / 'dod chags dang zhe sdang che ba/ ngan par lta ba dag tshe 'phos nas sems can dmyal bar skye ste/ sdug bsngal rnam pa sna tshogs myong ba rnams/ sems can dmyal ba'i srungs mas khrid nas/ la la ni mtshon gyis bskul zhing gtubs/ la la ni shing rtas phan tshun du drangs nas kham tshad kham tshad tsam du chad/ la la ni gtun gyis brdungs/ la la ni rang tag gis btags la la ni ral gri'i ril 'jog/ la la ni me'i shing rta dang / zangs khol ma dang / chab rom dang / ngan skyugs kyi nang du skol ba la sogs te/ sdug bsngal shin tu mi bzad pa rnam pa sna tshogs de lta bu dag

  48. 25a

    lo brgya stong gi bar du myong ba de ni khyod pas shin tu yang lhag par 'jigs su rung ngo zhes smras pa/ rgya mtsho'i lhas thos nas de ma thag tu mi snang bar gyur to// yang rgya mtsho'i nang du song song ba las rgya mtsho'i lha de mi'i nang na shin tu rid cing nyam thag pa rtsa dang rus pa tsam 'brel ba zhig tu sprul nas/ gru 'di nga la byin cig ces spras te/ de la 'di skad ces 'dri'o/ / 'jig rten na rid cing nyam thag pa nga las lhag pa yod dam/ dge bsnyen gyis smras pa/ khyod pas shin tu lhag par nyam thag cing rid pa yod do// rgya mtsho'i lhas smras pa/ de lta bu su zhig/ dge bsnyen gyis smras pa/ gang glen pa gti mug can rang bzhin gyis 'jungs shing sar sna byed la/ 'dod pas phrag dog byed pa/ sbyin pa mi shes pa dag tshe 'phos/ nas yi dgas su skye ste/ lus ni ro chen po tsam la mgrin pa ni mo khab tsam du gyur te sgra 'dzings pa/ ga nag tsang ring pa lo brgya stong gi bar du chu'i maung yang mi thos pa de ni khyod pas shin tu lhag par ring do zhes spras ma thag tu mi snang bar gyur to/ / de nas yang song song ba las rgya mtsho'i lha de mi'i nang na gzugs byad bzang po zhig tu sprul nas/ gru 'di nga la byin cig ces smras te/ tshong ba dag la 'jig rten na mi'i nang na nga tsam du gzugs byad bzang la mdzes pa yod dam/ dge bsnyen gyis spras pa/ khyod pas brgya 'gyur stong 'gyur gyis lhag par bzang ba yod do//

  49. 25b

    rgya mtsho'i lhas smras pa/ bdag pas lhag par bzang ba de su zhig/ dge bsnyen gyis smras pa/ 'jig rten na mkhas pa blo dang ldan pa/ dge ba phun sum tshogs par spyod pa/ lus dang / ngag dang / yid kyi las yongs su dag pa/ dkon mchog gsum la shin tu dad pa ci 'byor pa des mchod pa byed pa'i blo can de ni tshe 'phos nas mtho ris kyi lhar skyes te mnga' byad legs pa sdug pa shan tu mdzes pa ni/ khyod pas brgya 'gyur stong 'gyur gyis lhag ste/ khyod dang de gnyis bskrun na spre'u zhar ma bkra shis mar bskrun pa dang 'dra'o// de nas rgya mtsho'i lhas chu snyim pa gang bcus nas/ dge bsnyen de la snyim pa gang gi chu mang ngam/ rgya mtsho'i chu mang zhes dris pa dang / dge bsnyen gyis snyim pa gang gi chu mang gi/ rgya mtsho'i chu mang ba ma yin no/ zhes smras so// rgya mtsho'i lhas smras pa/ khyod 'di skad du smras pa'i tshig de bden pa yin nam/ dge bsnyen gyis smras pa/ tshig 'di ni bden pa yin te/ brdzun pa ma yin no// bden par ci mngon/ smras pa/ rgya mtsho'i chu yang mang mod kyi/ gdon mi za bar skam pa'i dus yod do// bskal pa mes 'jig tu nye ba na nyi ma gnyis 'char te/ chu mig dang lteng ka kun bskams so/ / nyi ma gsum 'char ba na chu phran thams cad bskams so// nyi ma bzhi 'char ba na chu bo thams cad bskams so// nyi ma lnga 'char ba na rgya mtsho chen po yang snga ma las

  50. 26a

    gra bri'o/ / nyi ma drug shar ba na sum nyis gra bri'o// nyi ma bdun shar ba na rgya mtsho yang bskams te/ ri rab lhun po yang snyil/ rdo rje'i mtha' la thug gi bar du 'tshig cing 'bar bar 'gyur ro/ / gang zhig shin tu dad pa'i sems kyis chu snyim pa gang tsam sangs rgyas la mchod nas/ dge 'dun la phul lam/ pha ma la dbul lam/ dbul 'phongs la byin nam/ gcan gzan la byin na/ bsod nams 'di ni bskal pa du mar yang mi zad de/ de bas na rgya mtsho'i chu ni nyung gi/ snyim pa'i chu ni mang bar rig par bya'o// de nas rgya mtsho'i lha rab tu dga' ste/ dge bsnyen de la rin po che mang du phul nas/ rin po che dam pa dag sangs rgyas dang dge 'dun la yang bskur ro// dge bsnyen dang tshong pa rnams rin po ches chog par gyur nas/ phyir yang bde bar yul du phyin te/ de'i tshe dge bsnyen de dang tshong pa lnga brgya tsam sangs rgyas gang na bar 'ongs nas/ bcom ldan 'das kyi zhabs la spyi bos phyag 'tshal te/ so so nas rin po che thogs pa dang / rgya mtsho'i lhas bskur ba yang sangs rgyas dang dge 'dun la phul te/ de dag pus mo sa la btsugs nas thal mo sbyar te/ bcom ldan 'das la 'di skad ces gsol to/ / bdag cag kyang ston pa'i bstan pa la rab tu 'byung ngo zhes smras nas/ bcom ldan 'das kyis dge slong legs par 'ongs so zhes bka' stsal pa

  51. 26b

    dang spu dang kha spu rang byi ste chos gos gyon pa'i dge slong du gyur to/ / de nas bcom ldan 'das kyis ci rigs su chos bstan cing bye bas 'dod pa kun zad de dgra bcom par gyur to// 'khor mang po de dag bcom ldan 'das kyis gsungs pa la yi rang nas mngon par dga' 'o// rgya mtsho'i lhas dris pa'i le'u ste lnga pa'o// // bam po gnyis pa/ / / lha'i bu gad+hA dar zhes bya ba'i le'u'o// 'di skad bdag gis thos pa dus gcig na/ bcom ldan 'das bya ka lan ta ka gnas pa 'od ma'i tshal na bzhugs so// de'i tshe yul de na blon po chen po shin tu phyug po zhig la bu med do// de'i tshe na chu klung gang+gA'i 'gram na ma Ni b+ha dra zhes bya ba'i lha'i rten zhig yod de thams cad de la phyag 'tshal zhing mchod pa byed do// blon po chen po de yang lha'i rten gyi drung du song nas 'di skad ces gsol to// bdag la bu tsha med de/ lha khyod yon tan tshad med pa dang ldan zhes thos kyis/ 'gro ba kun la skyob pa khyod gzhan gyi smon lam bskang bar nus na/ bdag kyang bskyab tu gsol lo// gal te khyod kyis bdag la bu cig stsal na/ gser dang dngul gyis lha khyod kyi sku yang g.yog cing bzhugs pa'i rten yang spos dang byug pas byug go/ ji ste mngon rtogs med na khyod kyi rten yang bshig la khyod kyi lus la mi gtsang ba bshang gcis kyang bsku'o zhes smras pa/ lha des thos nas 'di

  52. 27a

    snyam du bsams so/ / blon po 'di ni phyug cing btsan la mthu che bas smad rigs tsam gyis 'di'i bur mi 'gyur te/ bdag mthu chungs pas 'di'i smon las bskad mi nus so/ gal te smon pa bzhin du ma byas na gdon mi za bar mi sdug par mtho btsams so snyam bsams nas/ rten bsrung ba'i lha des ma Ni b+ha dra la gsol to// de la yang de lta bu'i mthu med pas rnam thos kyi bu gang na ba der song ste/ rnam thos kyi bu la gsol ba dang / rnam thos kyi bus kyang bdag gi mthu tsam gyis bu yod par mi nus so snyam bsams nas/ rnam thos kyi/ bu de brgya byin gang na ba der song ste 'di skad ces gsol to// bdag gi blon po ma Ni b+ha dra zhes bgyi ba de bdag la 'di skad ces mchi'o// rgyal po'i khab na blon po chen po zhig bdag la bu slong ste/ smon pa bzhin du byas na ni mchod pa dang rim gro yang skyed do// smon pa bzhin du ma byas na rten yang bshig ste mi sdug par bya'o zhes dam bcas pas/ des ni dam bcas pa bzhin du gdon mi 'tshal bar bgyid na/ brgya byin lha'i dbang po khyod kyis de la bu zhig mchis par mdzad du gsol/ brgya byin gyis smras pa/ 'di ni shin tu yang dka' mod kyi da ltar rgyu zhig snang ngo/ de'i tshe na lha'i sras po zhig yon tan lnga dang bral nas tshe'i dus byed du nye ba zhig yod de/ de la 'di skad ces smras so// khyod tshe'i dus byed du nyaM/ dus byas nas blon po de'i bur skyes

  53. 27b

    shig ces smras so/ / lha'i sras pos smras pa/ bdag ni rab tu byung zhing dam pa'i chos spyod par dad de/ gal te rigs mtho zhing che bar skyes na rab tu 'byung bar dka' 'o// rigs tha ma la/ par skyes na sla'o zhes gsol pa dang / brgya byin gyis yang smras pa/ lha khyod der skyes shig dang / rab tu 'byung bar dad na ngas grogs bya'o zhes smras so// lha'i sras po de der tshe 'phos nas/ blon po de'i rigs su de'i btsun mo'i rum du skyes te/ phyis btsas pa na dbyibs legs shing blta na sdug pa bzang ba zhig btsas te mtshan mkhan la bstan nas/ mtshan mkhan gyis kyang bltas bu 'di thog ma gang nas rnyed ces dris na/ klung gang+gA'i lha las bslangs so zhes byas nas bu de'i ming yang gang+gA'i dar zhes btags so// phyis tshad du phyin par skyes pa dang / des pha ma la bdag ni rab tu 'byung bar gsol lo zhes smras so/ / de'i pha mas smras pa/ kho bo ni 'di ltar phyug cing btsan te longs spyod chen po dang ldan la/ bu ni khyod gcig pur zad de nga'i rigs bsab cing pha ma gso dgos kyis mi gnang ngo zhes bsgo ba dang / khye'u des bsams pa bzhin du ma gyur pas shin tu mi dga' ste/ 'di snyam du lus 'di med par byas la/ rigs tha mal pa zhig tu skyes te rab tu 'byung bar gsol na/ 'di bas sla yang srid snyam bsams nas gsang ste/ phyi rol tu byung nas brag mthon po zhig la mchongs so// brag las mchongs nas sa

  54. 28a

    la lhung na yang snang ba 'am nyes pa med do/ / de nas chu chen po'i 'gram du song ste chur mchongs na yang chus g.yengs te mnyes par phyir byung ngo // btsan dug zos na yang dug gi mthus gnod par ma gyur nas/ yang 'di snyam du bsams so// bdag gis rgyal po'i khrims dang 'gal ba zhig byas na/ rgyal pos bsad kyang srid snyam bsams nas/ rgyal po'i btsun mo dang slas rnams pho brang gi phyi rol tu byung ste/ skyed mos tshal gyi rdzing du khrus byed du dong nas/ de dag gi gos dang rgyan bkrol te shing la bzhag go/ de ltar gos dang rgyan shing la bzhag pa gang+gA dar des mthong nas skyed mos tshal du zhugs te/ btsun mo de dag gi gos dang rgyan phang pas btab nas sgor byung ba dang / sgo srungs kyis bzung ste rgyal po ma skyes dgra la phul lo/ / rgyal pos de skad ces thos nas rab tu khros te/ mda' gzhu blangs nas rgyal po nyid lag dar te/ khye'u la 'phangs na mda' 'phangs pa khye'u la ma song gi phyir yang rgyal po'i drung du lhung ngo / / lan gsum gyi bar du de ltar gyur nas/ rgyal po dngangs te gzhu yang bor nas khye'u la khyod lha 'am/ klu 'am/ yi dgas sam/ gnod sbyin nam/ zhig zhes smras so// khye'us gsol pa/ bdag la gsol pa sna gcig gnang na legs par smra'o zhes gsol pa dang / rgyal pos kyang de bzhin du bya'o zhes smras so// khye'us

  55. 28b

    gsol ba/ bdag ni lha yang ma lags/ klu yang ma lags te/ rgyal po'i khab kyi blon po chen po'i bu lags so// bdag rab tu 'byung bar dang na/ bdag gi pha mas ma gam bas bdag gi lus 'di gzhan du skye bar bgyi ba'i slad du rang 'chi'o snyam ste/ brag mthon po la mchongs/ chur yang mchongs/ btsan dug kyang 'tshal na 'gum du ma btub nas/ rgyal po'i khrims las 'gal ba zhig byas na bkum par 'gyur snyam bsams te/ rgyal pos dgum par bgyis pa las kyang 'di ltar ma gum ste/ nga 'di ltar gyur na rgyal pos thugs brtse bar dgongs te/ bdag rab tu 'byung bar gnang zhig ces gsol pa dang / rgyal pos kyang khyod rab tu 'byung bar gnang ngo zhes bka' stsal nas khye'u de khrid de/ bcom ldan 'das kyi spyan sngar lhags nas ji ltar gyur pa/ bcom ldan 'das la zhib tu gsol to// de nas bcom ldan 'das kyis kyang rab tu 'byung bar gnang nas/ lus la chos gos gyon cing dge slong du gyur to/ / bcom ldan 'das kyis ci rigs par chos bstan pas sems rnam par grol te dgra bcom par gyur nas/ rig pa gsum dang / mngon par shes pa drug dang / rnam par thar pa brgyad dang ldan par gyur to// de nas rgyal po ma skyes dgras/ bcom ldan 'das la 'di skad ces gsol to// bcom ldan 'das khye'u gzhon nu

  56. 29a

    / 'dis sngon dge ba'i rtsa ba ci bskrun na/ brag la mchongs kyang ma gum/ chab tu mchongs kyang gnod par ma gyur/ btsan dug 'tshal kyang ma gum/ mda' 'phang kyang sbas par ma gyur te/ bcom ldan 'das dang mjal nas 'khor ba'i mtha' las grol bar gyur ces gsol pa dang / bcom ldan 'das kyis/ rgyal po la 'di skad ces bka' stsal to// / sngon 'das pa'i dus bskal pa grangs med pa 'das pa na/ yul wA rA NA si zhes bya ba na rgyal po tshangs pas byin zhes bya ba zhig yod de/ rgyal po de'i btsun mo dang pho brang gi slas su bcas nas skyed mos tshal du rol du gshegs so/ / skyed mos tshal de na pho brang gi slas dag glu blangs pa dang / ra ba'i phyi rol nas mi zhig gis skad chen por ram du bteg pa rgyal pos thos so// rgyal po des de thos nas khros te mi de zung la sod cig ces bka' stsal to/ / de'i tshe na blon po zhig phyi rol nas nang du 'ong ba las/ mi de btson du bzung ba mthong nas/ g.yog rnams la ci nyes te bzung zhes dris so/ / de dag gis ci'i phyir bzung ba'i gtam zhib tu smras nas/ blon po des de dag la re zhig ma bsad par sdod cig/ kho bos rgyal po la gsol lo zhes smras nas/ brang gi nang du song ste rgyal po la 'di skad ces gsol to// 'gums su khrid pa'i mi des dgum pa la thug pa'i nongs pa ma bgyis so// glu blangs pa'i ram bu bteg pa ni gzugs su mi sdang

  57. 29b

    bas mi rigs pa'i glo ba rings pa dang / btsun mo la ngan du bgyis pa ma lags kyis/ de'i srog la thugs brtse bar dgongs te btang ba'i rigs so zhes gsol nas/ rgyal pos kyang ma bsad par thong zhig ces bka' stsal to/ / mi de blon po de'i g.yog byed pa la zhugs te phyis lo mang zhig lon pa dang 'di snyam du bsams so// 'dod chags kyis smras pa na ral gri bas rje ste bdag 'di ltar nyam thag pa yang 'dod chags kyi phyir ro snyam bsams nas/ blon po de la bdag rab tu 'byung zhing thar pa'i lam sgom du ci gnang zhes gsol nas/ blon po des kyang khyod thar pa'i lam sgom na bdag kyang gegs mi byed kyis/ khyod thar par gyur na yang phyir bdag dang phrad du shog cig ces bsgo'o// mi de dben par song nas don dam pa yid la bya ste/ brtson 'grus brtsams pas rang sangs rgyas su gyur nas/ phyir yang grong khyer du song ste/ blon po chen po ga la ba der 'ongs so// blon po de rab tu dga' nas bsod snyoms dang 'tsho ba'i yo byad rnam pa bzhi mi brel bar phul te/ de nas rang sangs rgyas de steng gi nam mkha' la 'phags nas/ sku la chu babab pa dang / me 'byung ba dang / 'od gzer chen po gtong ba la sogs te/ cho 'phrul rnam pa bco brgyad bstan to/ / blon po chen po des de lta bu dag mthong nas tshad med pa'i spro ba skyes te 'di skad du dam bcas so// mi 'di bdag gi drin gyis 'tsho bar gyur gyis/ bdag gar

  58. 30a

    skyes gar skyes kyang btsan zhing phyug pa dang / tshe ring ba dang / gzhan pas brgya 'gyur stong 'gyur du shin tu 'phags shing ye shes dang bsod nams kyang 'di dang mnyam par gyur cig ces smon lam btab bo/ / bcom ldan 'das kyis/ rgyal po la bka' stsal pa/ de'i tshe de'i dus na blon po des mi gcig gi srog bskyabs te 'bras bu thob par byas pa de ni 'di yin no/ / de'i rgyu de'i rkyen gyis gang nas gang du skyes kyang srog gi bar chad du ma gyur te/ dang dang phrad nas 'bras bu mchog thob par gyur to// bcom ldan 'das kyis de skad ces gsungs pa la 'khor mang po thams cad yi rang nas mngon par dga' 'o/ / lha'i bu gad+hA dar zhes bya ba'i le'u ste drug pa'o// / rgyal po gsal rgyal gyi bu mo rdo rje'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe na rgyal po gsal rgyal gyi btsun mo chen mo 'bar li zhes bya ba la/ bu mo gcig btsas nas bu mo de'i ming rdo rje zhes btags te/ bzhin rab tu mi sdug pa/ lus kyi sha shin tu rtsub pa/ rta lpags ltar sra ba/ sgra yang rta rngog ltar gshor ba zhig ste/ rgyal pos kyang bu mo mi sdug pas mi dga' nas/ pho brang gi nang sus kyang mi mthong po'i gnas zhog tu bskyed do// bu mo de de ltar mi sdug kyang

  59. 30b

    btsun mo chen mo la btsas pas/ mi sdug bzhin du sus kyang mi mthong ba'i gnas zhig tu bskyed de/ phyis cher skyes nas bag mar gtong ran pa dang / rgyal po rab tu mi dga' nas/ blon po la 'di skad ces bka' stsal to/ / theg ma tshe rigs mtho ba rje'u rigs su gtogs pa las/ nga 'khyams te nor dang longs spyod mi bdog pa cig 'tshol la khrid de shog cig ces bsgo'o// de nas blon po des kyang sngon tshe rigs mtho zhing rje'u rigs kyi bu las 'khyams nas/ dbul 'phongs pa zhig rnyed de rgyal po la phul lo// rgyal pos kyang de dang mi med pa'i gnas dben pa zhig tu gsang ste/ nga la bu mo byad bzhin mi sdug pa zhig yod de bag mar btang ran na/ gnyen bla ma rnyed kyis tshe rigs che zhing mtho ba khyod dbul zhing ci yang med mod kyi/ khyod kyi chung mar sbyin gyis long zhig ces bka' stsal pa dang / de nas khye'u des pus mos la btsugs nas rgyal po'i bka' bzhin du bgyi'o// rgyal po chen po bdag la khyi mo zhig stsal na yang blang bar 'tshal na/ rgyal po'i sku gdung la gtogs pa'i sras mo sprul ba lta ci smos te/ bka' bzhin du blang bar 'tshal lo zhes gsol to// rgyal pos kyang sras mo dbul po'i chung mar byin nas de'i gnas khang le sogs pa byas te/ sgo bdun rim du byas nas dmag pa la 'di skad ces bsgo'o// khyod gud du 'gro ba'i tshe khyod nyid kyis sgo tshod la lde mig kyang khyer cig/

  60. 31a

    nga'i bu mo rab tu mi sdug pa 'di ci nas kyang phyi mi gzhan gyis mi mthong bar sgo rab tu sdoms shig ces bsgo nas/ nor dang longs spyod la sogs pa yo byad ci dgos pa thams cad chog par byin te blon por bcug go/ de nor rin po che dang longs spyod mang po dang ldan par gyur pas/ dus phyi zhig na rigs che zhing mtho ba gzhan dang ston mo bya bar 'thams te/ ston mo la khyo shug dang bu tsha yang 'dus te rtse bar byas pa las/ gzhan kun ni chung ma dang 'grogs te 'ongs na/ blon po de 'ba' zhig gi chung ma ma 'ongs pas grogs po dag the tsom du gyur te/ yang na ni mi 'di'i chung ma mnga' byed shin tu mdzes shing bzang mo zhig go/ yang na ni shin tu mi sdug cing gzhan gyis mthong du mi rung ba zhig yin pas khrid de ma 'ongs so/ snyam the tshom za bas/ de dag de'i chung ma blta bar bgros nas yid mthun par gsang ste/ mi 'di chang gis ra ro bar byas la/ mi dran pa'i 'og tu lde mig brkus te/ mi lnga tsam zhig de'i chung ma ltar btang ngo zhes bgros so/ / de'i tshe na mi de'i chung ma bdag gis sngon sdig pa ci zhig byas na/ khyim thab sdang ste 'di 'dra bar mun khang du bcug nas nyi ma dang zla ba tsam yang bltar med de/ mi gzhan yang mi mthong snyam shin tu mi dga' nas yang 'di snyam du bsams so// sangs rgyas bcom ldan 'das 'jig rten na bzhugs te/ sems

  61. 31b

    can gang sdug bsngal gyis gdungs pa dag gi mgon dang skyabs mdzad de thar par mdzad do zhe na/ bcom ldan 'das la bdag rgyang ma nas phyag 'tshal lo// thugs brtse bar dgongs te bad gi mdun du mngon sum du gshegs shing bdag la cung tsam zhig zhal ston par kyang ci ma rung snyam bsams so/ / bu mo de'i bsam pa shin tu dag cing mos par mkhyen nas/ bcom ldan 'das de'i khyim du gshegs te/ bu mo de'i mdun gyis las dbu mthon mthing gi mtshan mngon par bstan pa bu mo des mthong bar mdzad do// bu mo nges bcom ldan 'das kyi dbu mtho na mthing mthong nas lhag par dga' zhing mgu rangs te bsam pa shin tu dag par gyur to/ / bsam pa shin tu dag pas bu mo de'i sgra yang shin tu 'jam zhing mthon mthing gi kha dog tu gyur to// bcom ldan 'das kyi zhal yang mngon du bstan pa bu mo des mthong ma thag tu rab tu dga' mgu rangs pas bu mo de'i bzhin yang bzang zhing mdzes par gyur to/ / mi sdug pa dang rtsub pa yang rang med par gyur to// bcom ldan 'das kyi sku sta zur yan chad mngon par bstan te/ gser gyi mdog lta bu'i 'od lham mer snang bar mdzad pa bu mo des mthong nas/ sangs rgyas la lhag par dga' zhing rab tu mgu rangs par gyur to/ / de ltar dga' mgu rangs pas mi sdug pa thams cad med par gyur te/ shin tu mdzes sdug pa ni lha'i bu lhar 'jig rten na dpe zla med par gyur to// bcom ldan

  62. 32a

    'das kyis bu mo de la thugs brtse ba'i phyir/ sku rdzogs par bstan nas bu mo mag mi 'dzums par lta zhing / sngar bas kyang lhag par rab tu dga' mgu rangs nas lus/ kyi mtshan thams cad 'jig rten na dpe zla med par shin tu bzang zhing mi sdug pa'i bag lhag ma cung zad tsam yang ma lus so// bcom ldan 'das kyis ci rigs su chos kyang bstan pas sdig pa kun zad de rgyun du zhugs pa thob par gyur nas/ bcom ldan 'das kyang slar gshegs so// de nas de ma thag tu mi lnga po yang sgo bye ste nang du lhags nas/ de'i chung ma rab tu mdzes shing bzang la zla med pa mthong nas/ gcig la gcig 'di skad du/ 'di'i chung ma 'di shin tu bzang zhing mdzes pas mi khrid do zhes smras te/ de dag de'i chung ma mthong nas phyir yang sgo bcad de/ de ngag gang na 'dug par 'ongs nas/ mi des ma tsher bar lde mig kyang phyir lus la btags so// mi de ra ro ba las sangs nas/ kun gyis te phyir khyim du 'ongs pa dang / bdag gi chung ma mnga' byad shin tu bzang zhing mdzes te/ mi'i nang na shin tu dkon par gyur pa mthong nas rab tu dga' ste/ chung ma khyod su yin zhes smras pa dang / chung mas kyang bdag ni khyod kyi chung ma'o zhes smras so/ khyos smras pa/ khyod ni rab tu yang mi sdug pa zhig na/ ci'i phyir 'di ltar bzang zhing mdzes par gyur ces dris pa dang / chung mas smras pa/ bdag gis sangs rgyas mthong bas

  63. 32b

    lus 'di lta bur 'di ltar gyur to zhes gtam zhib tu smras so/ / chung mas yang smras pa/ bdag gi yid la da ni yab rgyal po dang phrad 'dod kyis/ rgyal po la bdag 'di skad mchi'o zhes gsol cig/ khyos kyang rgyal po la de bzhin gsol nas/ rgyal pos mag pa la 'di skad ma zer bar myur du song la phyir 'byung du ma gnang bar sdoms shig ces bka' stsal to// mag pas yang gsol pa/ rgyal po chen po sras mo ni/ bcom ldan 'das kyi thugs rje'i byin gyis lha mo dang 'dra bar bzang zhing mdzes par gyur to// rgyal pos mag pa la bka' stsal pa/ khyod sba ba bden te/ de ltar gyur na myur du khrid de shog cig ces bsgo nas/ shing rta brgyan te sras mo pho brang gi nang du bsu'o// rgyal po'i bu mo de de ltar bzang zhing mdzes par gyur pa mthong nas rab tu dga' mgu rangs te/ rgyal po dang / btsun mo dang / mag pa dang / bu mor bcas pa bcom ldan 'das gang na ba der song ste phyin pa dang / sangs rgyas la phyag 'tshal nas phyogs gcig tu 'khod do/ / de nas rgyal po gsal rgyal pus mo g.yas pa'i lha nga sa la btsugs nas/ bcom ldan 'das la 'di skad ces gsol to// bu mo 'dis bsod nams ci zhig bgyis na/ rigs che zhing mtho la longs spyod mang po nor dbyig dang ldan pa'i rigs su skyes/ sdig pa'i las ci zhig bgyis na byang gzugs shin tu mi sdug cing pags pa

  64. 33a

    dang sgra yang dud 'gro lta bur gyur ces gsol ba dang / de la bcom ldan 'das kyis bka' stsal ba/ rgyal po chen po sras mo mnga' byang mdzes shing bzang ba dang mi sdug pa yang tshe rabs snga ma la bsod nams dang sdig pa'i las byas pa las gyur to/ / sngon 'das pa'i dus yun ring po na yul wA rA NA si zhes bya ba de'i yul mi khyim bdag rab tu phyug pa/ nor dbyig tshad med pa dang ldan pa zhig byung ste/ khyim bdag de khyim na ci bdog pa thams cad rang sangs rgyas gcig la mchod cing 'bul lo// rang sangs rgyas de'i sku shin tu rtsu ba la ngan pa mi sdug bskems pa zhig ste/ khyim bdag de la bu mo chung ngu zhig yod pa des/ nyin gcig bzhin du rang sangs rgyas de gshegs pa mthong nas/ bu mo des kha na me tho ba'i sems bskyed de bsnye spyod cing 'di skad du/ byang bzhin mo sdug pa lus kyi pags pa rtsub pa 'di ri mo sdug ces kha byos so// rang sangs rgyas de rtag tu de'i khyim du gshegs shing mchod pa bzhes nas yun ring mo zhig lon pa dang mya ngan las 'da' bar bsams te/ yon bdag de'i phyir steng gi nam mkha' la 'phags nas sku la me 'bar ba dang / chu 'bab pa dang / shar phyogs nas mi snang bar gyur nas nub phyogs su byung ba dang / nub phyogs nas mi snang nas shar phyogs su byung ba dang / lho phyogs nas mi snang nas byang phyogs su byung ba dang / byang phyogs nas mi snang nas lnga

  65. 33b

    phyogs su byung ba dang / nam mkha' stong pa la nyal ba dang 'dug pa la sogs pa'i cho 'phrul rnam pa sna tshogs bstan te/ khyim de'i mi thams cad kyis cho 'phrul de mthong bar byas nas nam mkha' las babs te/ de'i khyim du gshegs so// khyim bdag de yang lhag par rab tu dga' mgu rangs par gyur/ bu mo de yang shin tu 'gyod pa skyes nas/ rang sangs rgyas de la 'di skad du bdag gis sngar kha na ma tho ba'i nongs pa yang dang yang bgyis pa bdag gi dngos sdig tu mi 'gyur bar 'gyod tshangs gsol nas/ rang sangs rgyas des kyang 'gyod tshangs bya bar gnang ngo // bcom ldan 'das kyis bka' stsal pa/ rgyal po chen po de'i tshe de'i dus na/ bu mo de ni da ltar gyi rgyal po'i bu mo 'di yin te/ de'i tshe mi dge ba'i sems kyis 'phags pa rang sangs rgyas la smad pa'i ngag gi nyes pas/ de phyin chad rtag tu mi sdug pa'i lus myong bar gyur to// phyis cho 'phrul mthong nas 'gyod pas ni phyir yang mnga' byad mdzes shing bzang ba dang blo dang ldan par gyur to// rang sangs rgyas la mchod pa byas pas gang nas gang du skyes kyang / rigs che zhing longs spyod 'byor pa dang / mthar rnam par grol bar gyur to// de bas na rgyal po chen po ji tsam du sems can gyi rigs su gtogs pa thams cad ni/ lus dang ngag gi nyes pa shin tu bsrung zhing gzhan la brnyas pa dang smad par mi bya'o// de'i tshe na rgyal po gsal rgyal 'khor dang bcas pa dang /

  66. 34a

    'khor mang po thams cad bcom ldan 'das kyis rnam par smin pa'i 'bras bu bstan pa thos nas bsam pa shin tu dag pa'i dad pa dang ldan par gyur te/ de ltar bsam pa shin tu rnam par dag pas la la ni 'bras bu dang po nas/ 'bras bu bzhi pa'i bar du thob par gyur to// la la ni bla na med pa'i byang chub tu sems bskyed do// la la ni phyir mi ldog pa'i sa la gnas par gyur te/ 'khor de dag thams cad bcom ldan 'das kyis gsungs pa la yi rang nas mngon par dga' bo// rgyal po gsal rgyal gyi bu mo rdo rje'i le'u ste bdun pa'o/ / / gser dbyig gi le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon memod pas sbyin gyi kun dga' ra ba na/ dge slong chen po'i dge 'dun brgya phrag phyed dang bcu gsum dang thabs cig tu bzhugs so// de'i tshe grong khyer de na khyim dag gcig gi chung ma la bu gcig/ btsas te/ ming yang gser dbyig ces btags nas/ byad gzugs legs pa/ bzang ba/ shin tu mdzes pa/ 'jig rten na zla med pa/ khye'u de sngon gyi las kyis lag pa gnyis khu tshur bcangs nas byung ngo / / khye'u de'i pha ma ya mtshan du gyur te bkra mi shis so snyam nas/ khye'u de'i khu tshur gnyis phye ste bltas na/ khye'u'i lag mthil na gser gyi dong che re

  67. 34b

    yod do/ / pha ma gnyis rab tu dga' ste/ gser gyi dong che gnyis ka blangs te/ blangs pa'i shul na rung yang yod par gyur nas yang blangs so// de bzhin du pa ma gnyis kyis gser gyi dong tshe lag mthil nas blangs pa/ bang mdzod gang yang bu'i lag nas dong tshe zad par ma gyur to// khye'u nga phyis cher skyes nas pha ma la bdag rab tu 'byung ngo zhes gsol pa dang / pha mas kyang yid bzhin du gnang ngo zhes smras so/ / de nas khye'u gser dbyig bcom ldan 'das ga la ba der song nas zhabs la spyi bos phyag 'tshal te/ sangs rgyas la 'di skad ces gsol to// bcom ldan 'das bdag la thugs brtse ba'i slad du/ ston pa'i bstan pa la rab tu 'byung bar ci gnang zhes gsol pa dang / bcom ldan 'das kyis khye'u gser dbyig khyod rab tu 'byung bar gnang ngo zhes bka' stsal to/ / de ltar sangs rgyas kyis gnang nas/ khye'u gser dbyig skra dang kha spu bregs te chos gos gyon nas dge sbyong du byas so// phyis lo grangs tshang ste bsnyen par rdzogs ran nas dge 'dun la dad pa gsol te/ bsnyen par rdzogs par gsol to// bsnyen par rdzogs pa'i dge 'dun la rim gyis phyag 'tshal te/ mthar gyis phyag 'tshal ba na lag pa gnyis sa la gar reg par gser gyi dong tshe re re yod de/ de bzhin du mthar gyis phyag 'tshal ba thams cad du gser gyi dong tshe yod par gyur to// bsnyen par

  68. 35a

    rdzogs nas brtson 'grus bsgoms pas dgra bcom pa thob par gyur to/ / kun dga' bos/ bcom ldan 'das la gsol pa/ bcom ldan 'das dge slong gser dbyig 'di sngon bsod nams ci zhig bgyis na/ thog ma btsas nas da tsam gyi bar du gser gyi dong tshe thogs pa/ bcom ldan 'das kyis bstan du gsol/ bcom ldan 'das kyis/ kun dga' bo la bka' stsal pa/ rtag par nyon la shin tu yid la zung zhig dang / khyod la bstan par bya'o zhes bka' stsal pa dang / kun dga' bos de bzhin du thos par 'tshal lo zhes gsol to/ / bcom ldan 'das kyis bka' stsal pa/ sngon 'das pa'i bskal pa dgu bcu rtsa gcig gi pha rol na/ sangs rgyas gser thub ces bya ba 'jig rten du gshegs te/ dam pa'i chos kyis sems can gyi don mdzad pa ni brjod cing dpag tu med do// sangs rgyas de dge 'dun du bcas nas yul rgyu zhing gshegs pa las/ khyim bdag rigs che zhing mtho ba 'byor pa dang longs spyod du ldan pa rnams zhal zas rnam pa sna tshogs bshams te/ sangs rgyas dang nye gnas 'phags pa'i dge 'dun la mchod pa byas so// de'i tshe na mi dbul po longs spyod ci yang mi bdog pa zhig rtag tu ri la shing thu zhing 'tsheng ngo // phyis shing btsongs pa'i rin du dong tshe gnyis shig rnyed nas/ dbul po des sangs rgyas dge 'dun dang

  69. 35b

    bcas pa rgyal po'i pho brang du spyan drangs te gshegs pa mthong nas rab tu dga' mgu rangs te/ dong tshe gnyis bdog pa sangs rgyas dang dge 'dun la phul ba dang / bcom ldan 'das kyis de la thugs brtse bar dgongs te dong tshe gnyis bzhes te/ bcom ldan 'das kyis/ kun dga' bo la bka' stsal pa/ de'i tshe na mi dbul po nges dong tshe gnyis shig sangs rgyas dang / dge 'dun la phul bas/ bskal pa dgu bcu rtsa gcig gi bar du lag na gser gyi dong tshe rtag tu thogs par gyur to// nor dang / rin po che dang / 'tsho ba'i longs spyod zad mi shes par gyur to/ / de'i tshe de'i dus na mi dbul po de ni dge slong gser dbyig 'di yin te/ mi 'dis ji ste dgra bcom pa'i 'bras bu thob na yang ma 'ongs pa'i 'bras bu rnam par smin pa yang tshad dpag tu med do/ / de bas na kun dga' bo sems can thams cad kyis sbyin pa sbyin pa'i las la brtson par bya'o// de'i tshe na kun dga' bo dang 'khor mang po rnams sangs rgyas kyis gsungs pa 'di thos nas dad cing mos par gyur te/ la la ni rgyun du zhugs pa'i 'bras bu thob/ la la ni lan cig phyir ldog pa dang / phyir mi ldog pa dang / dgra bcom pa thob bo// la la ni bla na med pa yang dag par rdzogs pa'i byang chub tu sems bskyed do/ / la la ni phyir mi ldog pa'i sa la gnas par gyur te/ 'khor thams cad sangs rgyas kyis gsungs pa la mngon par

  70. 36a

    dga' 'o/ gser dbyig gi le'u ste brgyad pa'o// lha'i me tog gi le'u'o// 'di skang bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong chen po'i dge 'dun brgya phrag phyed dang bcu gsum dang thabs cig tu bzhugs so// de'i tshe yul de na khyim bdag rigs che zhing mtho ba'i chung ma la bu gcig btsas na/ byad gzugs legs pa/ blta na sdug pa/ bzang ba shin tu mdzes pa zhig btsas so// btsas ma thag tu/ nam mkha' las lha rdzas kyi me tog char bzhin du bab ste/ khang pa kun gang bas bu'i ming yang lha'i me tog ces btags so// khye'u de phyis cher skyes nas sangs rgyas gang na ba der song ste byin pa dang / sangs rgyas kyi sku mdog dang / mtshan dang / dpe byad bzang po dpe med pa mthong nas rab tu dga' ba skyes te 'di snyam du bsams so// bdag 'jig rten 'dir skyes kyang 'phags pa gtso bo dang phrad kyis/ sangs rgyas dang dge slong gi dge 'dun spyan drang ngo snyam bsams nas/ sangs rgyas la 'di skad ces gsol to// bcom ldan 'das 'phags pa'i dge 'dun dang bcas te/ sang gi gdugs la bdag gi mchis brang du yod snyoms ngan pa zhig sbyar gyis/ bsod nams bskyed pa'i slad du gshegs par cig nang zhes gsol pa dang //

  71. 36b

    de'i bsam pa dag par mkhyen nas gshegs su gnang ngo // de nas lha'i me tog phyir khyim du 'ongs pa dang / phyid nyin sangs rgyas dang dge 'dun rnams de'i khyim du gshegs so// lha'i me tog gis kyang khang pa'i nang du rin po che'i gdan mang po sprul te rgyan gyis brgyan pa la/ sangs rgyas dang dge 'dun gyi rnams gangan de la rim gyis bzhugs su gsol nas/ lha'i me tog gis zhal zas rnam pa sna tshogs dgos par bsams pa dang / de'i bsod nams kyis bsam pa bzhin du 'byor te/ sangs rgyas dang dge 'dun gyi rnams bsod snyoms kyi bya ba byas nas lhung bzed blangs te/ lha'i me tog la chos mang po rgyas par bstan nas/ lha'i me tog gi khyim gang gi mi kun gyis rgyun du zhugs pa'i 'bras bu thob par gyur to// de nas lha'i me tog kyang pha ma la rab tu 'byung zhing sangs rgyas kyi nye gnas su mchi bar gsol ba dang / pha mas kyang de bzhin du gnang nas/ khye'u de sangs rgyas gang na ba der song ste phyin pa dang / sangs rgyas kyi zhabs la mgo bos phyag 'tshal nas sangs rgyas kyi bstan pa la rab tu 'byung bar gsol to/ / bcom ldan 'das kyis kyang dge slong legs par 'ongs so zhes bka' stsal nas/ sgra dang kha spu rang byi ste ngur smrig gyon par gyur nas/ sangs rgyas kyi bka' bzhin du nan tan byas pas dgra bcom par gyur to// de nas kun dga' bos de ltar gyur pa mthong nas/ sangs rgyas gang na

  72. 37a

    ba der song ste pus mo sa la btsugs nas/ bcom ldan 'das 'di skad ces gsol to// dge slong lha'i me tog 'dis sngon bsod nams ci zhig bgyis na/ lha'i me tog rang 'bab cing / rin po che'i gdan dang zhal zas sna tshogs yid bzhin du sprul pa/ bcom ldan 'das kyis bstan du gsol/ bcom ldan 'das kyis/ kun dga' bo la bka' stsal pa/ thos par 'dod na legs par nyon cig/ sngon 'das pa'i dus na sangs rgyas gser thub ces bya ba 'jig rten du gshegs te/ sems can gyi don rgyas par mdzad do/ de'i tshe na dge 'dun mang po grong rgyu zhing gshegs pa las/ khyim bdag rigs che zhing mtho ba dag gis mchod pa byas so// de'i tshe na mi dbul po zhig longs spyod ci yang mi bdog pas dge 'dun de dag la rab tu dga' ba'i sems skyes te/ bdag gis ni cis kyang mchod do yang med do snyam nas/ spang dang ne'u las me tog rnam pa sna tshogs btus te/ dge 'dun la gtor nas bsam pa dag pas phyag byas te song ngo / / bcom ldan 'das kyis/ kun dga' bo la bka' stsal pa/ de'i tshe de'i dus na mi dbul po me tog gis gtor ba de ni// dge slong lha'i me tog 'di yin no// de ltar 'das pa'i dus na bsam pa dag pa'i dad pas me tog bsdus te dge 'dun la gtor nas/ smon lam btab pas bskal pa dgu bcu rtsa gcig

  73. 37b

    gi bar du gang nas gang du skyes kyang byang gzugs legs shing bzang ba dang / blta na sdug pa dang / ji ltar bsams pa bzhin du bza' ba 'am/ btung ba 'am/ khri stan la sogs pa yid bzhin du 'byor cing ldan te/ bsod nams des 'bras bu'i bar du thob par gyur to// de bas na kun dga' bo sems can thams cad kyis kyang / sbyin pa chung ngu la bsod nams med do snyam dum brnyas shig/ lha'i me tog lhur ci yang 'byor cing 'grub par 'ong ngo // de nas kun dga' bo dang 'khor mang po rnams/ bcom ldan 'das kyis gsungs pa la yi rangs nas mngon par dga' 'o/ / lha'i me tog gi le'u ste dgu pa'o// // lha'i rin chen gyi le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe na khyim bdag gi chung ma zhig la bu zhig btsas nas/ khye'u de btsas pa'i tshe nam mkha' las rin po che sna bdun char bzhin du bab ste/ de'i khyim yongs su gang ngo // de nas mtshan mkhan pos te bu'i mtshan bltas na/ bu'i mtshan rab tu bzang ngo zhes khyim bdag la smras nas khyim bdag de rab tu dga' ste/ mtshan mkhan de la bu'i ming gdags par gsol ba dang / khye'u 'di btsas pa'i tshe ltas ci byung zhes dris so// khyim bdag gis kyang khye'u 'di btsas pa'i

  74. 38a

    tshe nam mkha' las rin po che sna bdun char bzhin du bab nas/ khyim yongs su gang bar byas so zhes smras pa dang / mtshan mkhan gyis bsod nams las ming btags te/ khye'u de'i ming lha'i rin chen zhes btags so// phyis chen por skyes nas mang du thos shing shes pa mang ba dang / sgyu rtsal zla med par gyur te/ rab tu 'byung bar dad pas pha ma la phyi phyag 'tshal nas sangs rgyas gang na ba der song ste phyin pa dang / sangs rgyas kyi zhabs la spyi bos phyag 'tshal nas/ bcom ldan 'das la 'di skad ces gsol to// bcom ldan 'das bdag rab tu 'byung ngo zhes gsol pa dang / bcom ldan 'das kyis dge slong legs par 'ongs so zhes bya ba gnang nas/ sgra dang kha spu rang byi ste lus la chos gos yod par gyur nas/ bcom ldan 'das kyis chos bstan pas dgra bcom par gyur to// kun dga' bos/ bcom ldan 'das la gsol pa/ bcom ldan 'das dge slong lha'i rin chen gyis sngon bsod nams ci zhig bgyis na/ thog ma btsas pa'i tshe nam mkha' las rin po che char bzhin bab cing bgo ba dang bza' ba lhun gyis grub nas ces kyang mi brel bar gyur/ sangs rgyas kyis/ kun dga' bo la bka' stsal pa/ sngon 'das pa'i dus na sangs rgyas gser thub ces bya ba 'jig rten du gshegs te/ 'jig rten na sems can gyi don mdzad pa ni

  75. 38b

    brjod kyis mi lang ngo / / de'i tshe na dge 'dun mang po grong rgyu zhing gshegs pa las/ de'i tshe grong khyer na gnas pa'i khyim bdag mang pos dge 'dun spyan drangs te mchod pa rnam pa sna tshogs byas so/ / de'i tshe na mi dbul po zhig dad pas rjes su yi rang ba'i sems skyes kyang / longs spyod dang mchod pa'i yo byad ci yang med pas/ rde'u dkar po la byas pa'i nor bu spar gang gis dge 'dun la gtor nas smon lam chen po btab bo/ / bcom ldan 'das kyis/ kun dga' bo la bka' stsal pa/ de'i tshe de'i dus na mi dbul po nor bu spar gang gis dge 'dun la gtor ba de ni dge slong lha'i rin chen 'di yin no/ / 'das pa'i dus na bsam pa dag pa'i dad pas rde'u dkar po'i nor bu spar gang gis dge 'dun la gtor ba tsam gyis/ bskal pa dgu bcu rtsa gcig gi bar du bsod nams tshad med pas nor bu rin po che mang ba dang / bgo ba dang / bza' ba lhun gyis grub cing longs spyod ces kyang mi brel bar gyur to// de'i tshe na bsam pa dag pa'i dad pa tsam gyis ni/ nga 'jig rten du gshegs pa dang phrad nas 'bras bu'i bar du thob par gyur te/ de'i tshe na 'khor mang po rnams sangs rgyas kyis gsungs pa thos nas bsam pa dag pa'i dad pa skyes te/ la la ni 'bras bu dang po nas/ 'bras bu bzhi'i bar du thob par gyur to// la la ni phyir mi ldog pa'i sa la gnas pa'i sems bskyed par gyur to// 'khor

  76. 39a

    mang po de dag thams cad bcom ldan 'das kyis gsungs pa la rjes su yi rang nas mngon par dga' 'o/ / lha'i rin chen gyi le'u ste bcu pa'o// / bzod pa'i le'u'o// 'di skad bdag gis thos pa dus gcig na/ bcom ldan 'das rgyal po'i khab bya ka lan ta ka gnas pa 'od ma'i tshal na bzhugs so// de'i tshe bcom ldan 'das mngon par sangs rgyas nas ring po ma lon pa zhig na/ thog mar ko'u di nA la sogs pa rten lnga rab tu phyung ngo // de'i 'og tu chu bo 'od srungs spun stong rab tu byung ngo // de nas de ma yin pa rab tu phyung zhing chos la gnas pa yang mang bar gyur nas/ rgyal po'i khab kyi mi rnams tshad med pa'i dga' ba skyes te/ de bzhin gshegs pa 'jig rten du gshegs pa ni/ ngo mtshar rmad de/ so so'i skye bo mang po'i don mdzad do zhes bstod cing bsngags so// gzhan yang 'di skad du ko'u di n+ya dang chu bo 'od srungs kyi 'khor la sogs pa thog ma rab tu byung ba de dag sngon de bzhin gshegs pa dang 'phrin las gar mthun na nang gi thog mar chos kyi bdud rtsi myong bar gyur ces smras so/ / dge slong de dag de skad smras pa thos nas/ de bzhin du bcom ldan 'das la rgyas par gsol pa dang / / bcom ldan 'das kyis de la 'di skad ces bka' stsal to// sngon 'das pa'i dus na 'di dag gi phyir yi dam chen

  77. 39b

    pobo bcas te nam mngon par sangs rgyas na/ sngar 'di dag gi don bya bar shog cig ces dam bcas so// dge slong rnams kyis de skad ces thos nas/ bcom ldan 'das kyis sngon thugs dam ji ltar bcas pa thugs brtse bar dgongs te/ rgyas par bstan du gsol/ bcom ldan 'das kyis/ dge slong rnams la bka' stsal pa/ khyed rtag par nyon la shin tu yid la zung zhig dang / khyed la bstan par bya'o// sngon 'das pa'i bskal pa tshad med/ grangs med/ dpag tu med/ bsam gyis mi khyab/ brjod kyis mi lang ba 'das pa'i snga rol na/ yul wA rA NA si zhes bya bar rgyal po rtsod byung zhes bya ba zhig byung ste/ de'i tshe yul de na drang srong bzod pa can zhes bya ba 'khor slob ma lnga brgya dang ri'i nags na gnas shing bzod pa sgom mo// de'i tshe na rgyal po de btsun mo dang pho brang gi slas dang / blon por bcas te ri la rol tu gshegs pa las gnas shig tu mnyel te gzims pa dang / pho brang slas rnams sngon du dong nas gnas dang me tog rnams lta zhing song song ba las/ drang srong bzod pa can lus drang por bzhag ste shin tu sems shing 'dug par mthong nas/ de la dad pa'i sems skyes te/ me tog sna tshogs kyis gtor ro// btsun mo de dag de'i mdun du 'khod de chos kyang mnyan to// rgyal po gzims pa las sad nas btsun mo rnams mi snang ba dang / blon po bzhi dang btsun mo btsal ba las/ btsun mo rnams

  78. 40a

    drang srong gi mdun na 'khod pa mthong nas/ drang srong de la 'di skad ces smras so// khyod skye mched mtha' yas kyi ting nge 'dzin bzhi thob bam/ smras pa/ mtho ba bo/ smras pa/ 'o na khyod tshad med pa bzhi thob bam/ ma thob bo// smras pa/ 'o na khyod bsam gtan bzhi thob bam/ de yang ma thob bo zhes smras pa dang / rgyal po de la khros te/ yon tan 'di dag khyod kyis gang yang ma thob na/ khyod ni ma rabs tha mal pa yin te/ bud med rnams dang dben pa skyabs yod pa'i gnas na 'dug pa ji ltar yid ches su rung / rtag tu 'di na gnas pa 'di khyod su zhig/ las ci zhig byed ces smras pa dang / drang srong gis rgyal po de la bdag ni 'di na bzod pa sgom mo zhes smras so// de nas rgyal pos ral gri phyung ste/ khyod bzod pa sgom zhe na/ bzod dam mi bzod sad do zhes drang srong gi lag pa gnyis bcad de khyod su yin zhes dris na/ bdag ni bzod pa can no zhes smras so// de nas rkang pa gnyis bcang na 'on kyang bzod pa can no zhes smras so/ / de'i tshe na gnam sa rnam pa drug tu g.yos nas/ nye gnas las brgya tsam yang nam mkha' la 'phur te/ der lhags nas slob dpon de la 'di lta bu'i sdug bsngal nyams su myong na/ bzod pa'i sems nyams par ma gyur tam zhes smras so// drang srong gis smras pa/ bdag gi sems ma gyur/ ma nyams so zhes smras pa

  79. 40b

    dang rgyal po yang dngang skrag nas drang srong la smras pa/ khyod bzod pa can yin par cis yid ches par 'gyur/ drang srong gis smras pa/ bdag gis smras pa'i tshig brdzun pa ma yin te/ bden na bden pa des khrag 'o mar gyur cing yan lag bcad pa yang snga so bzhin gyur cig ces smras ma thag tu/ khrag 'o mar gyur nas yan lag kyang snga so bzhin du gyur to// rgyal pos de ltar bzod pa dang ldan par mthong nas/ lhag par 'jigs skrag ste/ bdag ci'i slad du drang srong chen po la gnod pa bgyis/ bdag la thugs brtse bar dgongs te/ 'gyod tshangs bya bar gnong zhig ces gsol to/ / drang srong gis smras pa/ khyod ni bud med kyi phyir mtshon thogs nas bdag gi yan lag bcang mod kyi/ bdag gis bzod pa ni sa dang 'dra bas/ phyis mngon par sangs rgyas pa na shes rab kyi ral gris khyod kyi dug gsum chod par shog cig ces smras so/ / de'i tshe na ri de'i lha dang klu rnams kyis drang srong de la rgyal po de 'tshe zhing gnod par byas pa mthong nas/ so so nas khros te sprin bsdus nas 'brug dang / ser ba dang / gnam lcags pab ste/ rgyal po 'khor dang bcas pa bsad par byas pa las/ drang srong gis khyed nga'i phyir 'di lta bu'i gnod pa dang 'tshe ba ma byed cig ces bsgo'o/ / rgyal po des der 'gyod tshangs byas nas/ drang srong de rtag tu pho brang du spyan drangs nas mchod pa byas so//

  80. 41a

    de'i tshe na slob pa gzhan la zhugs pa'i kun tu rgyu stong tsam zhig drang srong bzod pa can la rgyal po de dang cing mos pa mthong nas phrag dog skyes te bden pa mi snang ba'i gnas nas sa rdul dang / bcog cing sme ba'i bag gis drang srong de la gtor ro// de'i tshe na kun tu rgyu nga la sas gtor ba brgya phrag bcu po de ni da ltar gyi chu bo 'od srungs la sogs pa'i dge slong brgya phrag bcu yin te/ de'i tshe na yi dam bcas nas bdag bzod pa bsgom pa rgyun mi 'chad pa 'dis nam mngon par sangs rgyas pa na bdud rtsi'i chus khyed kyi rdul dang dri ma bkrus te/ 'dod pa'i btsog pa yongs su dag par shog cig ces dam bcas so/ / dge slong dag de'i tshe na drang srong bzod pa can de shes par 'dod na gzhan du ma sems shig/ de ni da ltar nga yin no// rgyal po rtsod byung dang / blon po bzhi ni kau di n+ya la sogs dge slong rten lnga yin no// de'i tshe bzed pa bsgoms pa na 'di dag gi don sngar bya'o zhes dam bcas pas mngon par sangs rgyas nas/ sngar 'di dag sdug bsngal las yongs su grol bar mdzad do// dge slong gi rnams sangs rgyas kyis gsungs pa la rjes su yi rang nas mngon par dga' 'o// bzod pa'i le'u ste bcu gcig pa'o/ / // bam po gsum pa// / rgyal po byams pa'i stobs kyis sbyin pa'i le'u'o// 'di skad bdag gis thos pa

  81. 41b

    dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe kun dga' bo bsod snyoms kyi bya ba byas nas/ tshal zhig gi nang na bsam gtan du 'dug ste/ 'di snyam du rtog pa skyes so// sangs rgyas bcom ldan 'das 'jig rten du gshegs pa ngo mtshar che ste/ sems can mang po yang rab tu bde ba la bkod/ ko'u di n+ya la sogs pa'i dge slong rten lnga dge ba'i rtsa ba cir bsngos na/ chos kyi sgo rnam par phye ma thag tu 'jug par gyur/ chos kyi rnga brdungs ma thag tu thog mar thos par gyur chos kyi bdud rtsis thog mar ngoms par gyur snyam rtog pa skyes te/ 'dug pa las langs nas sangs rgyas ga la ba der song nas phyin pa dang / ji ltar bsam pa bzhin du bcom ldan 'das la gsol to/ / bcom ldan 'das kyis bka' stsal pa/ dge slong ko'u ri n+ya la sogs pa ni sngon 'das pa'i dus na yang ngas sha dang khrag gis bkres skom pa las chog par byin te/ bde bar byas pas de bas na nga mngon par sangs rgyas nas kyang sngar rnam par grol ba la bkod de/ rgyu dang rkyen med pa ni ma yin no// tshe dang ldan pa kun dga' bos bcom ldan 'das la gsol pa/ sngon 'das pa'i dus na ji lta bur bkres sgom pa las bde ba mdzad pa bstan du gsol/ 'khor mang po 'di dag gis thos na rtogs par 'gyur ro// /

  82. 42a

    bcom ldan 'das kyis bka' stsal pa/ sngon 'das pa'i dus na bskal pa grangs med pa'i pha rol na/ 'dzam bu'i gling 'dir rgyal po byams pa'i stobs zhes bya ba 'dzam bu'i gling gi rgyal phran brgyad khri bzhi stong snyed la dbang byed pa zhig byung ngo / / rgyal po de la btsun me ni stong phrag nyi shu yod/ blon po ni stong phrag nyi shu yod do// rgyal po de byams pa dang snying rjer ldan te/ tshad med pa bzhi spyod cing 'gro ba thams cad la snying brtse bas dge ba bcus srid 'dzin te/ thams cad kyis bkur ba/ yul na dgra med cing lo legs pa 'byor pa bde ba skyid pa dang ldan pa ste/ rims gtong ba'i yi dgas dag mi'i khrag dang mdangs 'phrog cing za ba las/ de'i tshe na yul mi thams cad lus dang / ngag dang / yid bsrung ste dge ba bcu la gnas pas/ yi dgas ma rungs pa dag bza' ba ma rnyed nas/ kun ltogs te mthu med par gyur to// de'i tshe gnod sbyin lnga zhig rgyal po'i drung du 'ongs nas 'di skad ces smras so/ / bdag cag gi zas ni mi'i mdangs dang khrag la bltos te/ lus dang srog 'tsho ba las rgyal pos bkar btags te/ thams cad dge bcu la gnas pas bdag cag zas dang skom mi rnyed de nyam thag nas srog la bab bo/ / rgyal po chen po bdag cag la yang thugs mi brtse 'am zhes gsol nas/ rgyal pos kyang de dag la snying brtse ba'i phyir lus kyi

  83. 42b

    yan lag lnga las rtsa lnga bcad nas/ gnod sbyin rnams so so nas snod bzed de khrag las ngoms par 'thung du bcug go/ de dag khrag gis ngoms nas shin tu dga' bar gyur to// de dag khrag gis ngoms nas dge ba bcu la ci nus su spyod cig ces bskul nas/ da ltar nga'i lus la khrag phyung ste khyed ngoms shing bde bar byas pa ltar/ phyis mngon par sangs rgyas pa na/ chos kyi sku'i tshul khrims dang / ting nge 'dzin dang / shes rab kyis khyed kyi dug gsum bsal te/ 'dod pas gdungs pa las shin tu bde ba'i mya ngan las 'da' ba la 'god par shog cig ces smras so/ / kun dga' bo de'i tshe de'i dus na/ rgyal po byams pa'i stobs de ni da ltar nga yin no// gnod sbyin lnga po ni ko'u di n+ya la sogs pa dge slong lnga yin no// ngas gang nas gang du skyes par de dag thog mar bsgral bar smon lam btab bo/ / de bas na ngas thog mar chos bstan ma thag tu rnam par grol bar grol bar gyur to// tshe dang ldan pa kun dga' bo dang / 'khor mang po rnams sangs rgyas kyis gsungs pa la yi rang nas mngon par dga' 'o// rgyal po byams pa'i stobs kyis sbyin pa'i le'u ste bcu gnyis pa'o// // ston pa drug btul ba'i le'u ni/ 'di skad bdag gis thos pa'i dus gcig na/ bcom ldan 'das rgyal po'i khab ni bya ka lan ta ka gnas pa 'ong ma'i tshal na dge slong gi 'dun chen po

  84. 43a

    brgya phrag phyed dang bcu gsum dang thabs cig tu bzhugs so/ / de'i tshe na rgyal po gzugs can snying po 'bras bu dang po thob pas dad pa dang / bsnyen bkur bya ba'i sems sngon pas kyang lhag par gyur nas/ bcom ldan 'das dang dge slong gi dge 'dun la mchod pa'i yo byad rnam pa bzhi rtag tu 'bul te/ skye bo mang po dag kyang mthun par dge ba la spro'o/ yul re na rdzogs byed la sogs pa ston pa drug sngar byung bas ngan par lta ba leg par ston te/ 'gro ba mang po bslus pas de la gang bslad par mthong ba dag ni ngan par lta ba la yid ches pas sdig pa can gyi phyogs mang zhing rgyas par gyur to/ / rgyal po de'i gcung zhig kyang ston pa drug la yid ches pas ngan par lta ba la zhen te/ thar pa'i lam yin par bzung nas/ lengs spyod ci bdog pa gtugs te de la 'bul te/ sangs rgyas bcom ldan 'das nyi ma lta bur shar ba/ shes rab kyis kun tu lham mer mdzad kyang ngan par lta bas glags pas de la mos pa'i sems med do/ / rgyal po gzugs can snying po des/ de la lhag par sdug par 'dzin pas thabs kyis sangs rgyas la bsnyen bkur bya bar bskul na yang / ngan par lta ba la zhen pas bsgo ba bzhin du ma byas so/ / sangs rgyas la mchod pa gyis shig ces yang dang yang bskul na/ bdag la yang ston pa yod de/ go'u ta ma la bsnyen bkur mi byed do// 'on kyang rgyal

  85. 43b

    po'i bka' tshul gyis cag par rigs pa ma yin pas mchod ston chen po bshams nas/ ma bos par gang rang 'ongs pa la bsod snyoms sbyin no zhes byas nas/ mchod pa'i yo byad bshams te stan bting nas ston pa drug ni 'bod pa btang te/ de ma thag tu lhags nas gral gyi thog ma la 'dug go// sangs rgyas dang dge 'dun rnams rang ma byon pas rgyal po gang na ba der song nas 'di skad ces gsol to/ / dge sbyong go'u ta ma spyan drongs shig ces yang dang yang bka' stsal to// bdag gis mchod pa bshams te gdugs tshod la bab na ci'i slad du mi gshegs/ rgyal pos bka' stsal pa/ khyod nyid spyan 'dren du 'gro mi nus na yang mi zhig gdugs tshod la bab bo zhes spyan 'dren pa thong zhig/ rgyal po'i gcung gis kyang spyan 'dren du btang ba las/ bcom ldan 'das 'phags pa'i dge 'dun dang bcas te gshegs nas gral rims bzhin du bzhugs so/ / bcom ldan 'das kyi byin gyis ston pa drug gral gyi lhag na 'dug pa yang gral gyi tha mar song ngo // ston pa drug ngo tsha zhing skyengs nas langs te gral gyi lhag tu 'dug na yang / ma tshor bar gral gyi mjug tu song ste/ de bzhin du lan gsum gyi bar du gral gyi gong du song yang / da dung gral gyi 'og na 'dug par gyur nas/ mthu med par gyur te skyengs bzhin du gral gyi tha mar 'dug go// yon bdag gis gnas brtan la chu brims nas/ bcom ldan 'das kyis sngar khyod kyi ston pa la chu

  86. 44a

    brims shig ces bka' stsal pa dang / yon bdag gis chu snod thogs te ston pa drug la chu brims na/ chu snod kyi kha 'gags te chu 'byung du ma btub pas/ phyir yang sangs rgyas nas mthar gyis gsol na/ chu yang byung ste lag pa bkrus so// lag pa bkrus nas sbyin bdag gis bsod snyoms thogs te smon lam gdab par gsol na/ bcom ldan 'das kyis/ sbyin bdag la 'di skad ces bka' stsal to// thog ma yang nged kyi phyir ma yin pas/ da yang khyod kyi ston pa la smon lam gdab par gsol cig ces bka' stsal nas sbyin bdag de ston pa drug gi mdun du song ste smon lam gdab par gsol na/ ston pa drug kha 'a thams nas smra ma nus te/ sangs rgyas la gsol cig ces lag brda byas so// de nas bcom ldan 'das kyis kyang tshangs pa'i dbyangs lta bu'i gsung gis smon lam btab bo/ / smon lam btab nas/ sbyin bdag gis bsod snyoms gnas brtan la brim pa las/ bcom ldan 'das kyis sngar khyod nyid kyi ston pa nas brims shig ces bka' stsal pa dang / 'grim pa rnams kyis ston pa drug la brims zhes byas na/ zhal zas rnams steng gi nam mkha' la 'phags te brim du med par gyur to/ / de nas sangs rgyas logs su 'grim du chas pa dang / zhal zas kyang so so'i lag tu 'ongs so// mthar gyis brims te/ sangs rgyas dang dge 'dun bsod snyoms kyi bya ba

  87. 44b

    byas nas/ kha lag bkrus te phyir yang gdan la bzhugs nas/ chos bstan par gsol to// de la yang bcom ldan 'das kyis khyod nyid kyi ston pa drug la ston par gsol cig ces bka' stsal to/ / ston pa drug kyang kha' thams nas/ sangs rgyas la gsol cig ces lag brdar byas so// de nas bcom ldan 'das kyis shin tu mnyen zhing 'jam pa'i gsung phyung ste/ 'khor mang po la chos kyi mtshan nyid rnam par phye ste bstan pas 'khor mang po'i yid tshim par gyur te/ sangs rgyas kyis gsungs pa thos nas/ thams cad kyis rtogs shing khong du chud cing / gzugs can snying po'i gcung ni chos la chos kyi mig rnam par dag par gyur to/ / 'khor gzhan dag ni 'bras bu dang po nas 'bras bu gsum pa'i bar du thob nas rab tu byung ste zag pa zad do// la la ni bla na med pa'i byang chub tu sems bskyed de/ phyir mi ldog pa'i sa la gnas par gyur nas ji ltar smon pa bzhin du yongs su rdzogs pas/ so so nas yang dag pa gang yin pa shes shing rtogs te dkon mchog gsum la dad cing mos kyi/ ston pa drug mi 'dod de de la bsnyen bkur mi byed par gyur to// de nas ston pa drug po shin tu sems 'khrugs nas khros te dben pa'i sa phyogs su dong nas rtog pa la zhugs so/ / de nas bdud sdig to can 'di snyam du sems par gyur te/ bdag gis yun ring zhig na/ dge sbyong go'u ta ma la bgegs byas nas skabs

  88. 45a

    ma rnyed kyis/ da ni bdag gis ci nas kyang bgegs bya'o snyam bsams nas/ bdud sdig can rdzogs byed lta bur bdag mngon par sprul nas/ phyug lhas kyi bu maska ri dang / rnam par smra ba'i bu kun nas rgyal ba dang / skra'i la ba can mi pham pa dang / ka t+ya ya na nog can dang / gnyen gyi bu gcer bu gang na ba der song ste phyin pa dang / de dag gi mdun du me 'bar ba dang / chu 'bab pa dang / klog 'byung bar cho 'phrul ston pa la zhugs pa dang / de dag gis rdzogs byed khyad kyis yon tan rnam pa mang po 'di lta bu thob pas/ pa thob bo// de rnams kyis so so nas 'di snyam du bsam mo// bdag gcig pu ma gtogs par 'di dag thams cad ni rdzu 'phrul che ba mthu che bar so sor ston to snyam bsams so// de nas dus phyi zhig na rdzogs byed la sogs pa ston pa drug 'dun khang du 'dus shing lhags nas/ gtam 'di lta bu dag skabs su smra ste/ bdag cag rnams la sngon ni rgyal po dang / blon po dang bram ze dang / khyim bdag phyug po dang / tshong dpon dang / ded dpon dag gis rim gro byas/ bkur sti byas/ mchod par byas shing / bdag cag gis gos dang / zas dang mal stan dang / nad kyi rkyen rtsi dang / yo byad rnams rnyed par gyur na/ da ni dge sbyong shAkya'i bu 'di la rim gro dang bkur sti byed de/ gos dang / zas dang / mal stan dang

  89. 45b

    nad kyi rkyen rtsi dang / yo byad rnams kyang rnyed par ma gyur gyis/ da ni bdag cag rnams kyis dge sbyong go'u ta ma mi'i bla ma'i chos kyi cho 'phrul la dgug go// de ste dge sbyong go'u ta mas mi'i bla ma'i chos kyi cho 'phrul gcig ston pa la zhugs na/ bdag cag gis gnyis bstan to// dge sbyong go'u ta mas gnyis na/ bdag cag gis bzhi'o// dge sbyong go'u ta mas bzhin/ bdag cag gis brgyad do/ / dge sbyong go'u ta mas brgyad na/ bdag cag gis bcu drug go/ dge sbyong go'u ta mas bcu drug na/ bdag cag gis sum cu rtsa gnyis su'o// dge sbyong go'u ta mas rjes ji snyed du mi'i bla ma'i chos kyi cho 'phrul bstan pa la/ bdag cag gis nyis 'gyur sum 'gyur du lta ba mar mi'i bla ma'i chos kyi cho 'phrul bstan par bya'o// de nas rdzogs byed la sogs pa ston pa drug rgyal po gzugs can snying po ga la ba der song ste drung du phyin pa dang / rgyal po gzugs can snying po la rgyal ba dang tshe ring bar shog cig ces brjod nas 'di skad ces smras so// lha bdag cag rnams ni cho 'phrul dang ldan zhing shes par smra ba lags na/ dge sbyong go'u ta ma yang bdag nyid cho 'phrul dang ldan zhing shes par smra'o zhes mchi na/ shes par smra ba ni shes par smra ba dang lhan cig/ mi'i bla ma'i chos kyi cho 'phrul 'gran du gzhug pa'i rigs kyis/ bdag cag sprod cig ces smras pa dang / rgyal po gzugs can snying pos bgang nge 'di skad ces smras /

  90. 46a

    khyed rnams re glen/ sangs rgyas ni yon tan che ba/ rdzu 'phrul che ba/ cho 'phrul thogs pa med pa yin na/ khyed 'dra ba ni srin bu me khyer nyi ma la 'gran pa'am/ ba rmig gi chu rgya mtsho dang bskrun pa 'am/ wa sngar ma seng ge dang 'gran pa 'am/ byi brun ri rab lhun po la 'phang mtho ba 'gran pa dang 'dra ste/ che chung khyad zhugs par mngon pas ngan par lta ba khyed ha cang yang glen ches so/ / ston pa drug gis yang smras pa/ mngon rtags phyis 'byung ba rgyal pos ma gzigs te/ bdag cag gis cho 'phrul chen po 'gran na mngon te/ bskrun pa'i 'og tu gang rgyal ba mngon no/ / rgyal pos smras pa/ 'gran 'dod na lha 'gran la rag ste/ khyed skyengs kyis dogs so// khyed cho 'phrul 'gran par gyur na/ nged kyang khyed kyi cho 'phrul mthong bar gyis shig/ ston pa drug gis smras pa/ nga ste zhag bdun na cho 'phrul 'gran gyis/ gar 'gran pa'i sa phyogs byi ngor mdzod cig ces smras so// ston pa drug gis de skad ces smras nas/ phyir dong ba'i 'og tu rgyal po gzugs can snying po sangs rgyas gang na ba der song nas byin pa dang / 'di skad ces gsol to// ston pa drug ni bcom ldan 'das la cho 'phrul 'gran no zhes mchi ste/ bdag gis bkag na yang ma btub kyis/ bcom ldan 'das kyis cho 'phrul gyi mthu bstan te ngan par lta ba las bzlog nas/ dge ba la dgod du

  91. 46b

    gsol/ cho 'phrul ston pa yang bdag cag gis mthong bar mdzad du gsol/ bcom ldan 'das kyis/ rgyal po gzugs can snying po la 'di skad ces bka' stsal to// nga bdag dus mkhyen gyis gang du 'gran pa'i gnas yangs pa zhig tu bi dor gyis shig ces bka' stsal nas/ rgyal po gzugs can snying pos blon po la bka' stsal te/ gnas yangs pa bde ba zhig tu phyag bdar byas nas/ seng ge'i khri bshams rgyal mtshan dang ba dan btsugs te shin tu mdzes par brgyan no// de ltar cho 'phrul 'gran par byas pa'i dus su de'i nyin par thams cad mthong du re'o// de'i tshe na de bzhin gshegs pa dge 'dun dang bcas pa rgyal po'i khab nas gshegs te yangs pa can du bzhud do// yangs pa can na li tsa byi dang / mi mang pos de bzhin gshegs pa bsu'o// rgyal po'i khab kyi mi rnams kyis/ bcom ldan 'das yangs pa can du gshegs pa yang gdod shes shing rtogs nas/ ston pa drug kyang 'di skad du/ dge slong go'u ta ma'i cho 'phrul gyis bdag cag la mi thub bo zhes byas na/ khyod yid mi ches te cho 'phrul 'gran pa'i dus byas pa las/ byol nas yangs pa can du bros so zhes bsgrags te/ ston pa drug nga rgyal lhag par skyes nas so so nas spro ba bskyed de bsnyegs su dong ngo / / de'i tshe na rgyal po gzugs can snying po yang theg pa lnga brgya bshams te/ rgyal po dang rgyal po'i 'khor khri phrag bcu bzhi snyed kyang 'tshe

  92. 47a

    ba'i rgyags kyang khyer nas/ bcom ldan 'das kyi rjes su yul yangs pa can du dong ngo // ston pa drug kyang yul yangs pa can du phyin nas/ li tsa byi rnams la 'di skad ces smras so/ / bdag cag dge sbyong go'u ta ma dang cho 'phrul 'gran par gnang na/ da ste zhag bdun na tshe 'phrul 'gran par bgyi'o// de nas li tsa byi rnams bcom ldan 'das gang na ba der dong ste 'di skad ces gsol to/ / glen pa chen po ston pa drug ni yon tan dang ldan snyam ste/ de bzhin gshegs pa dang cho 'phrul 'gran no zhes mchi na/ bcom ldan 'das kyis tshar gcad du gsol/ bcom ldan 'das kyis bka' stsal pa/ nga nyid dus mkhyen te// de nas la tsi byi rnams yul mi dag dang yo byad rgyal po gzugs can snying po bzhin du sbyar te/ sang lha bur 'gran pa las di ring lta bur bcom ldan 'das dge 'dun dang bcas te/ yul ko'u sha ma bir gshegs so// ko'u sham bi'i rgyal po ud tra ya na zhes bya bas kyang blon po dang bcas te/ de bzhin gshegs pa bsu'o// yangs pa can gyi mi rnams sang lta bur de bzhin gshegs pa la phyag 'tshal du dong ba las/ ko'u sham bir gshegs so zhes thos pa dang / ston pa drug pos kyang bcom ldan 'das gshegs so zhes thos nas sngar bas lhag par nga rgyal skyes so/ / yang bcom ldan 'das gar gshegs par dong ngo // de'i tshe li tsa byi rnams kyang theg pa lnga brgya

  93. 47b

    bshams nas/ 'khor khri phrag bdun dang / gzugs can snying po'i 'khor du bcas te ke'u sham bir sangs rgyas dang / ston pa drug tshe 'phrul 'gran pa la ltar dong ngo // ston pa drug po ke'u sham bir phyin nas/ rgyal po ud dra ya na la gtam snga ma byas te/ dge sbyong ge'u ta ma 'di sdod du ma btub nas/ bdag cag la byol gyis/ rgyal pos bdag cag dang cho 'phrul 'gran pa'i dus thob cig ces gsol pa dang / ud dra ya nas/ sangs rgyas la 'di skad ces gsol to// ston pa drag ni bcom ldan 'das dang cho 'phrul 'gran no zhes mchin mkhyen tam/ bcom ldan 'das kyis bka' stsal pa/ nga nyid dus mkhyen to// de nas ud dra ya nas kyang rgyal po gzugs can snying po bzhin du sbyar te bshams pa dang / bcom ldan 'das yang dge slong gi dge 'dun dang bcas te/ yul war gyir gshegs so// war gyi'i rgyal po shun tsin da las kyang mi mang po dang de bzhin gshegs pa bsu'o// ke'u sham bi'i mi rnams kyis kyang / de bzhin gshegs pa yul war gyir gshegs pa gzod thos te/ ston pa drug kyang ji bzhin song ngo // de'i tshe rgyal po ud dra ya na 'khor stong phrag brgyad khri dang / rgyal po gzugs can snying po la sogs pa thams cad 'grogs te yul war gyir gshegs so/ / de nas ston pa drug pos rgyal po shun tsin da la/ bdag cag dge slong go'u ta ma la tshe 'phrul 'gran par gyis shig ces

  94. 48a

    gsol pa dang / rgyal po des kyang de bzhin du gsol nas/ bcom ldan 'das kyis nga nyid dus mkhyen to zhes bka' stsal to// rgyal po des kyang yo byad sbyar te bshams pa dang / bcom ldan 'das dge slong gi dge 'dun dang bcas te/ yul thig cha shi rir gshegs nas/ yul de'i rgyal po in dra ba mi zhes bya bas 'khor mang po dang de bzhin gshegs pa bsu'o/ / de'i tshe rgyal po shun tsin da la 'khor khri phrag lnga dang / rgyal po gzugs can snying po la sogs pa thams cad dang 'grogs te yul thig cha shi rir dong ngo // ston pa drug po yang yul der phyin nas/ rgyal po in dra ba mi la skad chen por dge sbyong go'u ta ma dang bdag cag cho 'phrul 'gran par gyis shig ces zlog ma thub bo// de'i tshe in dra ba mis bcom ldan 'das gang na ba der song nas de bzhin du gsol pa dang / bcom ldan 'das nga nyid dus mkhyen te zhes bka' stsal to// de nas rgyal po des kyang yo byad bshams te dus la bab pa dang // bcom ldan 'das dge slong gi dge 'dun dang bcas te/ yul bA rA NA sor gshegs so// yul de'i rgyal po tshangs byin zhes bya bas kyang 'khor mang po dang bcas te de bzhin gshegs pa bsu'o/ / thig cha shi ri'i mi dag de bzhin gshegs pa bzhud par gdod shes nas/ ston pa drug kyang de'i rjes su dong ngo // rgyal po in dra ba mis kyang 'khor khri phrag drug dang bcas

  95. 48b

    te/ rgyal po gzugs can snying po la sogs pa rgyal po thams cad dang 'grogs te gnas der song ngo // ston pa drug kyang der phyin te/ de bzhin du rgyal po de la gsol nas/ rgyal po ngas kyang de bzhin du gsol pa dang / nga nyid dus mkhyen to zhes bka' stsal to// de nas rgyal po des kyang yo byad sbyar te bshams pa las/ bcom ldan 'das dge slong gi dge 'dun dang bcas te yul ser skyar gshegs so/ / yul sor skya'i shAkya'i rigs rnams gcig gis gcog sbran nas/ thams cing 'dus te de bzhin gshegs pa bsu'o// yul bA rA NA si'i mi rnams kyis kyang / de bzhin gshegs pa bzhud par gzod rtogs nas/ ston pa drug po yang de'i rjes su dong ngo // rgyal po tshangs pas sbyin 'khor khri phrag brgyad cu dang / gzugs can snying po la sogs te rgyal po drug char yang 'khor dang bcas te/ bcom ldan 'das gang du gshegs pa'i rjes su dong ngo // ston pa drug kyang der phyin pa dang / shAkya'i rigs rnams la dge sbyong go'u ta ma dang cho 'phrul 'gran par byas pa las/ nged kyi mthu che bas byol lo zhes yengs ma gtam byas so// de nas shAkya'i rigs rnams kyis de bzhin du/ bcom ldan 'das la gsol pa dang / bcom ldan 'das kyis nga nyid dus mkhyen to zhes bka' stsal to// de nas shAkya'i rigs rnams kyis kyang yo byad sbyar cing bshams pa dang / bcom ldan 'das dge

  96. 49a

    slong gi dge 'dun dang bcas pa mnyan du yod par gshegs so/ / de'i tshe mnyan du yod pa'i rgyal po gsal rgyal yang 'khor dang bcas te/ de bzhin gshegs pa bsu'o/ / shAkya'i rigs rnams kyang de bzhin gshegs pa bzhud par gzod rtogs te/ ston pa drug pos kyang rjes su bsnyegs so// shAkya'i rigs rnams kyang 'khor khri phrag dgu dang rgyal po gzugs can snying po la sogs te rgyal po rnams dang / 'khor rnams kyis mnyan du yod pa'i ljongs yongs su gang ngo // ston pa drug po yang der phyin nas/ rgyal bo gsal rgyal la 'di skad du/ dge sbyong go'u ta ma dang bdag cag cho 'phrul 'gran par dus byas pa las/ dus la bab pa dang 'byol zhing bros te/ da ni 'khor mang po yang rgyal po'i yul du tshogs kyis/ rgyal po chen pos bdag cag 'gran du chug cig ces gsol pa dang / rgyal po gsal rgyal gyis bgad de 'di skad du/ bcom ldan 'das kyi yon tan ngo mtshar che ba ni bsam gyis mi khyab na/ ci'i phyir khyed lta bu ma rabs ci yang mi shes pa/ chos kyi rgyal po chen po dang cho 'phrul 'gran par byed ces bsgo'o// 'on kyang ston pa drug po dag drod mi thub nga rgyal snyems pas rgyal po gsal rgyal bcom ldan 'das ga na ba der song nas 'di skad ces gsol to/ / ston pa drug po dag cho 'phrul 'gran par yang dang yang bskul gyis

  97. 49b

    bcom ldan 'das kyis tshar bcad de tshe 'phrul gyi bye brag dbye bar gsol/ bcom ldan 'das kyis nga nyid dus mkhyen to zhes bka' stsal pa dang / rgyal po gsal rgyal gyis blon po rnam la bka' stsal te/ cho 'phrul 'gran pa'i gnas bskams shing phyag bdar byas/ me tog dang spos mang du bshams te seng ge'i khri btsugs nas/ ba dan dang rgyal mtshan la sogs pas brgyan te 'khor mang po bsdus so/ / de'i tshe dpyid zla ra ba tshes gcig gi nyin par bcom ldan 'das cho 'phrul 'gran pa'i gnas su gshegs pa dang / rgyal po gsal rgyal gyis mchod pa'i yo byad dang zhal zas bshams te/ bcom ldan 'das la phyag dar te phul lo// bcom ldan 'das kyis tshems shing gsol nas/ tshems shing sa la btsugs so// sa la btsugs ma thag tu skyes nas yal ga dang lo ma rgyas pa mtho tshad dpag tshad lnga brgya par gyur te/ yal ga dang lo ma kho ra khor yug kyang dpag tshad lnga brgya khebs so// de ma thag tu me tog shing rta'i 'phang lo tsam skyes nas/ 'bras bu bre lnga shong ba'i bum pa tsam du gyur te/ rtsa ba dang / yal ga dang / 'dab ma la sogs pa thams cad rin po che sna bdun du gyur nas/ kha dog rnam pa sna tshigs su 'tsher zhing 'bar te/ nyi zla'i 'od kyang zil gyis gnon to// gang gis 'bras bu de zos na bdud rtsi'i ro bas kyang lhag ste/ dri bsung gis

  98. 50a

    kun tu mngad pas/ dris phog pa thams cad kyang bde zhing tshim par gyur to// rlung bsung can gyis yal ga dang lo ma la reg na/ shin tu yid du 'ong ba'i chos kyi sgra byung ngo / / mi thams cad kyis shing de la shin tu dad pa'i sems skyes te/ de nas bcom ldan 'das kyis chos bstan pas thams cad kyi yid dang mthun te/ 'bras bu thob pa dang lhar skye ba yang rab tu mang ngo / / de'i phyi nyin rgyal po ud dra ya nas spyan drangs nas/ de'i tshe de bzhin gshegs pas sku'i g.yas g.yon du rin po che'i ri gnyis shig sprul te/ shin tu mtho bo mdzes pa rin po che rnam pas tshogs kyi kha dog ltar 'tsher ba/ shing rnam pa sna tshogs ri de la skyes pa/ me tog dang 'bras bu rab tu rgyas pa/ spa sang shin tu snyan pa 'byung ba/ ri gcig gi rtse mo la 'bras ro brgya dang ldan pa 'jam zhing mngar ba byung ste/ mi mang po dag yid bzhin du de la tshim par za'o// ri gcig gi rtse mo la rtswa shin tu 'jam pa dang mngar ba skyes te/ dud 'gro'i skye gnas rnams de la yid bzhin du za zhing tshim pa sprul te/ bcom ldan 'das kyis de dag la ci rigs su chos bstan pas sems rnam par grol te/ bla na med pa'i byang chub tu sems bskyod pa dang / mtho ris kyi lhar skyes pa'i grangs kyang rab tu mang ngo // de'i phyi nyin rgyal po shun tsin da las spyan drangs te mchod pa sbyar ro// bcom ldan 'das kyis zhal bsal

  99. 50b

    nas zhal bsil ba'i chu slar sa la dor ba rin po che'i rdzing du gyur nas/ kho ra khor yug dpag tshad nyis brgya yod pa/ rin po che sna bdun gyis rnam par spras pa/ kha dog rnam pa sna tshos su 'tsher ba/ rdzing bu de'i chu yon tan brgyad dang ldan pa/ rdzing gi zhabs kyang rin po che sna bdun gyi bye mas brdal ba/ pad+ma che khyang shing rta'i 'khor lo tsam rnam pa sna tshogs kyis gang ba la 'di lta ste/ pad+ma sngon po dang / ser po dang / dmar po dang / dkar po dang / le brgan dang / margad la sogs pa'o// pad+ma de'i dri yang kun tu mngang cing bro la/ pad+ma'i kha dog ji lta ba bzhin du 'od zer 'tsher te/ de'i 'od zer gyis gnam sa kun snang bar byas te/ 'khor mang po thams cad kyang rin po che'i rdzing de la lta zhing rab tu dga' nas bstod ngo // de nas bcom ldan 'das kyis 'khor mang po yo byad sbyar nas/ chos rnam pa sna tshogs bstan te go zhing rtogs par mdzad nas/ la la ni bla na med pa'i byang chub tu sems bskyed do// la la ni 'bras bu thob nas mtho ris kyi lhar skyes te/ bsod nams kyi las bskyed pa yang dpag tu med do// de'i phyi nyin rgyal po in dra ba mis mchod pa'i yo byad bshams te/ sangs rgyas spyan drangs so/ / bcom ldan 'das kyis de'i nyan par rin po che'i rdzing de'i ngos bzhin yur ba chen po brkyang brgyad yod la/ phyir yang 'khor zhing rdzing nyid du 'bab pa dang / chu 'bab

  100. 51a

    pa'i sgra las dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa gsum dang mngon par shes pa drug dang / pha rol tu phyin pa drug dang / snying rje chen po dang / byams pa chen po dang / tshad med pa bzhi la sogs te chos rnam pa sna tshogs kyi sgra 'byung zhing chos kyi sgra de las chud cing rtogs nas/ sangs rgyas su 'gyur ba'i 'bras bu dang / mtho ris kyi lhar skye ba dang / bsod nams kyi las bskyed pa yang rab tu mang ngo // de'i phyi nyin rgyal bopo tshangs byin gyis spyan drangs te mchod pa'i yo byad bshams so/ / de'i nyin par bcom ldan 'das kyi zhal gyi sgo nas gser gyi mdog lta bu'i 'od zer bkye nas/ stong chen po'i 'jig rten gyi khams kun tu snang bar byas te/ 'od des reg pa'i sems can thams cad gdug pa gsum dang sgrib pa lnga dang bral te/ lus dang sems rab tu bde ba ni/ ji ltar dge slong dag bsam / gtan gsum pa thob pa dang 'dra'o// 'khor mang po rnams sangs rgyas kyi yon tan la mos pas/ bcom ldan 'das kyis chos bstan te/ bla na med pa'i byang chub tu sems bskyed pa dang / mtho ris kyi lhar skyes pa dang / bsod nams kyi las bskyed pa yang grangs med // de phyi nyon li tsa byi rnams kyis spyan drangs nas mchod pa'i yo byad sbyar te// de'i nyin par bcom ldan

  101. 51b

    'das kyis 'khor mang po de dag thams cad gcig gis bsam pa gcig gis shes par byas te/ so so'i dge ba dang mi dge ba'i las kyang rtogs par byas nas so so nas dga' ste/ sangs rgyas kyi yon tan bsngags so/ / de dag la bcom ldan 'das kyis dam pa'i chos bstan pas khong du chud cing rtogs nas sangs rgyas su smon lam 'debs pa dang / 'bras bu thob pa dang / mtho ris kyi lhar skye bar smon pa yang grangs med do/ / de'i phyi nyin shAkya'i rigs rnams kyis sangs rgyas spyan drangs te/ bcom ldan 'das kyis de'i nyin par 'khor de dag thams cad so so nas 'khor los sgyur ba'i rgyal por bsgyur te/ rin po che sna bdun dang / bu stong du ldan par sprul nas/ rgyal phran dang / blon po rnams kyis bsti stang byas par mthong ste/ so so nas ngo mtshar rmad du spro ba skyes nas/ spro ba de la bcom ldan 'das kyis chos rnam par phye zhing bstan pas so so'i yid tshim par gyur te/ bla na med pa'i byang chub tu sems bskyed nas 'bras bu thob pa dang / lha dang mir skyes pa grangs med par gyur to/ / de'i phyi nyin brgya byin gyis sangs rgyas spyan drangs te/ seng ge'i khri bshams nas/ bcom ldan 'das de la bzhugs pa dang / brgya byin ni g.yon nas mchod pa byed/ tshangs pa'i rgyal po ni g.yas nas mchod pa byed do// 'khor mang po rnams kyang cang mi smra bar 'khod pa las/ bcom ldan 'das kyi phyag gis seng ge'i khri la mnan pa dang //

  102. 52a

    seng ge'i khri las glang po che'i skad lta bu'i sgra chen po zhig byung ba dang / de ma thag tu srin po chen po lnga zhig byung nas/ ston pa drug gi khri drangs nas bshig go// phyag na rdo rjes ni rdo rje'i rtse mo la me 'bar ba thogs te/ ston pa drug gi mgor gzas so// ston pa drug po 'jigs skrag nas byer zhing bros te skyengs nas/ kha cig ni chur mchongs te tshe 'phos so// ston pa drug gi 'khor las stong phrag dgu bcu ni sangs rgyas la skyabs su gsol nas/ rab tu 'byung bar gsol ba dang / bcom ldan 'das kyis legs par 'ongs so zhes bka' stsal pas/ sgra dang kha spu rang byi ste dge slong du gyur to// bcom ldan 'das kyis de dag la ci rigs par chos bstan pas zag pa kun zad de/ nyon mongs pa las rnam par grol nas dgra bcom par gyur to// de nas bcom ldan 'das kyis sku'i ba spu'i bug brgyad khri nas 'od zer bkye nas/ nam mkha' yongs su gang bar mdzad de/ 'od zer de dag re re'i thog ma la pad+mo chen po re re sprul nas/ pad+ma de ngag re re'i steng ni sprul pa'i sangs rgyas 'khor dang bcas pa dam pa'i chos ston pa re re sprul te/ 'khor mang po kun gyis sprul pa de lta bu mthong bar byas pas lhag par dang ba'i sems skyes te/ la bcom ldan 'das kyis ci rigs par chos bstan pas/ de dag las kha cig ni bla na med pa'i byang chub tu sems bskyed de/ kha cig ni 'bras bu thob nas lha dang mir skye ba'i bsod nams kyi

  103. 52b

    tshogs bskyed pa yang grangs med do/ / de'i phyi nyin tshangs pa'i rgyal pos sangs rgyas spyan drangs te/ bcom ldan 'das kyi sku tshangs lha la thug gi bar du shin tu mtho ba lhang nge lham mer bzhugs pa sprul nas 'od zer chen pos gnas sa kun tu snang zhing gsal bar mdzad de/ thams cad kyis mthong ba dang / gsung yang thos par gyur nas/ de la bcom ldan 'das kyis ci rigs su chos rnam pa sna tshogs phye zhing bstan pas 'khor mang po bla na med pa'i byang chub tu sems bskyed pa nas/ 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do/ / de'i phyi nyin rgyal chen bzhi'i rgyal pos spyan drangs te/ de'i tshe na bcom ldan 'das kyis 'khor mang po de dag thams cad kyis/ bcom ldan 'das kyi sgra rgyal tshon bzhi'i ris nas/ srid pa'i rtse mo la thug gi bar du skus yongs su gang bar mthong bar mdzad nas/ sku de dag las 'od zer chen po 'byung zhing 'khor rnams la ci rigs su dam pa'i chos ston pa yang gsal bar thos shing mthong bar mdzad nas/ 'khor de dag lhag par dga' ba skyes te/ ci rigs su chos bstan nas bla na med pa'i byang chub tu sems bskyed pa nas/ 'bras bu thob pa dang / lha dang mi'i dge ba'i rtsa ba bskyed pa yang grangs med do/ / de'i phyi nyin khyim bdag mgon med zas sbyin gyis sangs rgyas spyan drangs te/ bcom ldan 'das de'i nyin par seng ge'i khri la bzhugs

  104. 53a

    bzhin du sku mi snang bar mdzad nas 'od zer chen po bkye ste/ shin tu 'jam pa'i gsung gis dam pa'i chos rnam par phye zhing bstan te 'khor mang po de dag gis thos par byas nas la la ni bla na med pa'i byang chub tu sems bskyed de/ phyir mi ldog pa'i sa la gnas/ la la ni 'bras bu thob/ la la ni lha dang mir skye ba'i bsod nams bskyed pa yang grangs med do/ de'i phyi nyin khyim bdag tsir tas sangs rgyas spyan drangs te/ bcom ldan 'das de'i nyin par byams pa'i ting nge 'dzin la bzhugs nas/ gser gyi mdog lta bu'i 'od zer bkye ste/ stong chen po'i 'jig rten gyi khams kun 'od kyis snang bar byas nas/ 'od kyis reg pa'i sems can de dag thams cad gdug pa gsum gyi sems kun zhi nas snying rje'i sems skyes te/ sems can thams cad gcig la gcig pa lta bu 'am/ ma lta bu 'am/ bu pho lta bu 'am/ nu bo lta bur mdza' zhing sdug par gyur te/ de'i 'og tu ches rnam pa sna tshogs bstan pas/ bla na med pa'i byang chub tu sems bskyed de/ phyir mi ldog pa'i sa la gnas pa dang / 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do// de'i phyi nyin rgyal po shun tsin nga las sangs rgyas yang spyan drangs te/ bcom ldan 'das de'i nyin par seng ge'i khri la bzhugs nas sku'i lte ba nas 'od zer gnyis shig phyung ste/ sku las 'dom bdun tsam du

  105. 53b

    'phags nas/ de'i steng na pad+ma re re yod de/ pad+ma la sprul pa'i sangs rgyas sprul te/ sprul pa'i sangs rgyas de dag gi lte ba nas kyang 'od zer byung ste/ rnam pa gnyis su gyes nas 'dom bdun tsam du 'phags te pad+ma yang yod la/ pad+ma'i steng na sprul pa'i sangs rgyas kyang bzhugs te/ de bzhin du mthar gyis stong chen po'i 'jig rten gyi bar du de dang 'dra ba sha stag sprul te/ 'khor mang po thams cad de lta bu dag mthong nas ngo mtshar du gyur te/ bcom ldan 'das kyis de la ci rigs par chos bstan pas/ bla na med pa'i byang chub tu sems bskyed pa dang / phyir mi ldog pa'i sa la gnas pa dang / 'bras bu thob pa dang / lha dang mir skye ba yang grangs med do// de'i phyi nyin rgyal po ud dra ya nas sangs rgyas spyan drangs te/ bcom ldan 'das la rgyal po ud dra ya nas me tog gis gtor ba dang / gtor ba'i me tog rnams de ma thag tu rin po che'i shing rta stong nyis brgya lnga bcus stong gsum gyi stong chen po'i 'jig rten gyi khams kun tu snang zhing thams cad kyis mthong bar byas so/ / de la bcom ldan 'das kyis ci rigs par nad pa la sman btang ba bzhin du dam pa'i chos bstan pas/ kha cig ni bla na med pa'i byang chub tu sems bskyed de/ phyir mi ldog pa'i sa la gnas pa dang / lha dang mir skye ba yang grangs med do// de'i phyi nyin rgyal po gzugs can snying pos sangs rgyas spyan drangs te/ bcom ldan

  106. 54a

    'das kyis/ rgyal po de la sngar 'di skad ces bka' stsal to// rgyal pos zhal zas kyi snod sbyor cig/ gdugs tshod kyi dus la bab pa na/ snod kun zhal zas ro brgya dang ldan pa rnam pa sna tshogs rang gang ste/ 'khor mang po thams cad la chog par gyur to// de dag zos nas lus dang sems rab tu bde bar gyur to// de nas bcom ldan 'das kyi phyogs la bstan pa dang / sems can dmyal ba bco brgyad dag na sems can tshad med pa snyed sdug bsngal myong ba mthong ba dang / de dag so so nas 'di skad ces smras te/ bdag cag gis sngon sdig pa 'di lta bu zhig byas pas/ sdug bsngal 'di lta bu myong bar gyur to zhes smras te/ 'khor mang po thams cad kyis thos shing mthong bar byas nas/ thams cad snying brtse paba'i sems skyes te/ dngangs nas ba spu langs pa tsam du skrag par gyur te/ de la bcom ldan 'das kyis ci rigs su chos bstan te de dag gi sems tshim par gyur nas/ la la ni bla na med pa'i byang chub tu sems bskyed/ la la ni phyir mi ldog pa'i sa la gnas te/ lha dang mir skye ba'i dge ba'i rtsa ba bskyed pa yang grangs med do// sems can dmyal ba pa dag gis sangs rgyas mthong zhing chos thos pa'i rkyen gyis shin tu dad pa'i sems skyes te/ de dag tshe'i dus byas nas thams cad lha dang mor skyes so// de nas rgyal po gzugs can snying pos pus

  107. 54b

    mo gnyis sa la btsugs te/ bcom ldan 'das la 'di skad ces gsol to// bcom ldan 'das la ngo mtshar che ba'i mtshan sum cu rtsa gnyis mnga' ba sku'i mtshan gzhan ni ltar yang snang na/ de bzhin gshegs pa'i zhabs kyi mthil na 'khor lo'i mtshan mnga' ba/ 'khor rnams la bstan du gsol zhes gsol pa dang / bcom ldan 'das kyis zhabs brkyang ste/ 'khor mang po thams cad la zhabs kyi mthil na 'khor lo'i mtshan mnga' ba thams cad la bstan to/ / 'khor thams cad kyis zhabs kyi 'og gi 'khor lo'i mtshan ri mo bris pa lta bur shin tu gsal bar yang mthong nas skyo mi shes par lta 'dod de lhag par dga' ba'i sems skyes nas/ yang bcom ldan 'das la 'di skad ces gsol to// sngon bcom ldan 'das kyis bsod nams ci zhig mdzad na/ 'di lta bu'i 'khor lo'i mtshan dang ldan par gyur/ bcom ldan 'das kyis/ rgyal po la bka' stsal pa/ ngas sngon 'das pa'i dus na dge ba bcu'i las bdag gis kyang byas/ gzhan yang byed par bskul bas 'di lta bu'i mtshan shin tu gsal ba dang ldan par gyur to/ / de nas rgyal pos/ yang bcom ldan 'das la gsol pa/ bcom ldan 'das kyis dge ba bcu la ji ltar mdzad pa dang / gzhan dag dge ba bcu la ji ltar byed par bskul ba/ thugs brtse bar dgengs te bstan du gsol// bcom ldan 'das kyis/ rgyal po la bka' stsal pa/ shin tu

  108. 55a

    rtag par nyon la yid la zung zhig dang bstan par bya'o/ / sngon 'das pa'i bskal pa grangs med tshad med pa'i pha rol na/ 'dzam bu'i gling 'dir rgyal po chen po sha ta ni mi zhes bya ba rgyal phran brgyad khri bzhi stong la dbang byed de/ grong khyer ni khri phrag bcu yod pa/ blon po chen po ni stong phrag bcu yod de/ rgyal po de la btsun mo stong phrag nyi shu yod kyang sras gcig kyang med pas rgyal po rab tu mi dga' ste/ gdung 'tshob pa yang med snyam nas shin tu mya ngan gyis non te/ lha btsun kun la mchod nas phyis dus gzhan zhig na/ btsun mo chen mo su li pa la zhes bya ba sems can dang ldan par gyur te/ de tshun chad btsun mo yang yid gzhungs shing mkhas pa dang mnyen nges pas/ 'gro ba mang po yang dge ba la dgod par bogs nas/ phyis / zla ba tshang ba dang bu khye'u gcig btsas te/ byad gzugs legs pa/ blta na sdug pa/ phal las 'phags par bzang ba/ ba spu'i bu ga kun nas 'ong 'byung ba zhig btsas te/ rgyal po yang bu de la shin tu sdug par sems pas skyo mi shes pa tsam du rtogs te/ mtshan mkhan la bstan nas/ mtshan mkhan gyis kyang mtshan bzang ngan brtags na/ khye'u 'di ni shin tu ngo mtshar che'o zhes dga' bskyes nas/ khye'u 'di ni mtshan dang sbyar na/ gling bzhi la dbang bar 'gyur ro zhes rgyal po la spras pa/ rgyal po yang rab tu dga' nas/ mtshan mkhan la khye'u 'di

  109. 55b

    'di la ming thogs shig ces smras pa dang / mtshan mkhan gyis rgyal po la khye'u 'di rum du zhugs ras ngo mtshar che ba'i lhas ci byung zhes dris na/ khye'u'i ma lhag par yid gzhungs shing mnyen nges pa dang dge bar dgod pa la dga' bar gyur to zhes smras nas/ mtshan mkhan gyis khye'u'i ming shes rab 'od ces btags te/ rgyal tshab tu dbang bskur te/ mkhas pa'i blo dang ldan te gzhan bas 'phags par gyur to/ / de nas dus phyi zhig na rgyal po chen po che 'phos nas/ blon po rnams kyis rgyal bu de/ rgyal por dbang bskur bar gsol ba dang / rgyal bus blon po rnams la ngas ni rgyal po mi nus so zhes bsgo'o/ / blon po rnams kyis gsol pa/ nga rgyal po chen po grongs te rgyal bu ma lags pa/ rgyal bu gzhan 'ga' yang med do// nga rgyal bus rgyal po mi mdzad na/ su zhig rgyal por gzhug ces gsol pa dang / rgyal bus smras pa/ 'jig rten pa 'di dag ni mi rigs pa'i sdig pa'i ches byed de/ bsad pa dang chad pas gcad pa'i las byas nas/ kho bo la kha na mtho ba'i las mi chung ste/ gal te khyed yul mi thams cad kyis dge ba bcu'i las byed nus na/ kho bos yang rgyal po bya'o zhes bsgo'o// blon po rnams kyis gsol pa/ 'di ni legs te rgyal sar gshegs te dbang mdzod cig dang / dge ba bcu'i las kyi lam thams cad bgyid par bkar gdags so zhes gsol nas/ mod la rgyal bu yang rgyal sar gshegs nas

  110. 56a

    mi thams cad dge ba bcu'i las kyi lam spyod par yid mthun te bka' bzhin du byas so/ / de'i tshe bdud kyi rgyal pos phrag dog byas te/ rgyal po'i srid mi rung bar bya ba'i phyir/ rku yig bris nas rgyal phran kun la spring ste/ sngar dge ba byos shig ces bkar btags pa ni/ dge ba byas kyang mngon rtags med de/ bdag nyon mongs pa las phan pa'i don med kyis/ da phyin chad yid bzhin du mi dge ba bcu la bag med par spyod cig ces spring ba'i rku yig rgyal phran rnams kyi lag tu 'ongs nas rgyal phran rnams ngo mtshar du gyur te// rgyal po chen po ci'i phyir sdig pa'i las byed par bskul snyam nas/ 'di ni rigs pa ma yin te/ yid ma ches par rgyal po la zhus pa dang / rgyal pos de skad ces thos nas dngangs shing ngo mtshar du gyur to/ ngas ni 'di skad du bsgo ba med na/ ci'i phyir 'di 'dra bar gyur ces dngangs nas/ rgyal po nyid yul kun tu gshegs te/ mi mang po sngon las gyur tam ma gyur pa rtog tu gshegs gshegs pa las bdud kyi rgyal pos lam ka na mi zhig mdong chen po rab tu 'bar ba'i nang na sdug bsngal gyis snying rje ba skad du 'bod pa'i sgra rgyal pos thos par sprul nas/ rgyal po yang de'i thang du gshegs te/ khyod su zhig ci nyes zhes dris na/ mi des smras pa/ bdag gis sngon gyi mo dag dge pa bcu la bkod pas de shin tu mi bzang pa'i sdug bsngal 'di lta bu myong

  111. 56b

    zhabar gyur to/ / rgyal pos smras pa/ dge ba byed par bskul bas sdug bsngal myong ba ni chos med de/ dge ba byed par bskul bas khyod 'di ltar sdug bsngal myong bar gyur na/ dge ba byed par bskul nas/ dge ba byas pa de dag dge ba'i 'bras bu thob bam/ smras pa/ de ni dge ba'i 'bras bu thob ste/ dge ba byed par bskul ba 'ba' zhig sdug bsngal 'di lta bu myong ngo // rgyal pos de skad ces thos nas shin tu dga' ste/ 'di skad ces smras so// mi pha rol pos dge ba'i 'bras bu thob par 'gyur na lha sdug bsngal myong yang bla ste/ 'gyod pa med do zhes smras pa dang bdud kyi rgyal pos thos nas de ma thag tu de dag mi snang bar byas so/ / de nas rgyal po yul kun tu gshegs te/ dge ba bcu'i las kyi lam kun tu bsgrags te/ 'bangs thams cad lus dang / ngag dang yid kyi sgo nas dge ba la 'dun te/ thams cad kyi yon tan bsngags pas de'i tshe gser gyi 'khor lo dang / rin po che sna bdun dang ldan nas/ gling bzhi kun tu gshegs te/ dge ba la 'god pa lhur byas so// de'i tshe de'i dus na rgyal po chen po de ni da ltar nga'i yab zas gtsang ma yin no// de'i tshe de'i dus na rgyal po de'i ma ni yum lha mdzes yin no// rgyal po shes rab 'od mi mang po dge ba bcu la bkod pa ni nga yin te/ de'i tshe de'i dus na yang nga nyid dge ba bcu nyams su blangs te/ gzhan dag kyang dge ba bcu la bkod pas/ de'i phyir nga 'dir

  112. 57a

    zhabs kyi 'og na 'khor lo rtsibs stong dang ldan pa'i mtshan dang ldan par gyur te/ / de nas rgyal po gzugs can snying pos kyang / bcom ldan 'das la 'di skad ces gsol to/ / ston pa drug po myos shing bslad pa'i 'khor du bcas pa rang gi tshed mi 'dzin te/ rnyed pa dang grags pa la chags nas phrag dog gi sems skyes te/ bcom ldan 'das la cho 'phrul 'gran par gsol pa/ bcom ldan 'das kyis gcig mdzad na/ bdag cag gis gnyis bgyi'o zhes mchi ba las/ bcom ldan 'das kyis cho 'phrul bsam gyis mi khyab pa bstan kyang / ston pa drug gis cho 'phrul gcig tsam yang ston ma nus te/ ngo tsha zhing skyengs nas chur mchongs te gum pa 'di dag ni ha cang yang myos shing 'khrul to snyam bgyid do// bcom ldan 'das kyis bka' stsal pa/ rgyal po chen po ston pa drug po 'di dag rnyed pa dang grags pa'i phyir nga dang 'gran par 'dod nas srog dang bral ba 'di 'ba' zhig tu ma zad de/ sngon 'das pa'i dus na yang nga dang 'gran par 'dod pa las lus dang srog gi bar du yang yal lo/ / de nas rgyal po gzugs can snying pos pus mo gnyis sa la btsugs te/ bcom ldan 'das la 'di skad ces gsol to/ / sngon 'das pa'i dus na bcom ldan 'das kyis ston pa drug dang 'gran pa bdag cag la bstan du gsol/ bcom ldan 'das kyis/ rgyal po la bka' stsal pa/ rgyal

  113. 57b

    po chen po rtag par nyon la yid la zung zhig/ sngon 'das pa'i bskal pa tshad med grangs med pa'i pha rol na/ 'dzam bu'i gling 'dir rgyal po ma ha sha ku li zhes bya ba/ rgyal phran lnga brgya la dbang byed pa zhig byung ste/ rgyal po de la btsun mo lnga brgya yod kyang / khye'u rigs 'tsheb pa gcig kyang med pas rgyal po des 'di snyam du bsams so// nga ni rgas 'khogs te bu gcig tsam yang rigs 'tsho ba pa med na/ gal te nga 'das pa'i 'og tu rgyal phran rnams gcig la gcig mi nyan cing dmag 'dren te/ sems can rnams kyang mnyes par 'chi la/ srid kyang 'khrugs par 'gyur ro snyam bsams nas/ mya ngan gyis yid gdungs te sems khongs su chud do// de'i tshe na brgya byin lha'i dbang pos rgyang ma nas rgyal po de mi dga' zhing sems khongs su chud pa mthong nas/ nam mkha' las babs te sman pa zhig tu sprul nas rgyal po'i gan du song ste/ rgyal po khyod ci'i phyir 'di ltar yi mug cing mi dga' zhes dris pa dang / rgyal pos kyang snga ma bzhin du gtam byas so// sprul pa'i sman pas/ rgyal po la spras pa/ rgyal po khyed mya ngan ma byed cig/ bdag ni khyod kyi phyir gangs kyi ri la song nas/ gangs kyi ri las sman rnam pa mang po btus te/ btsun mo dag zar bcug na zos ma thag tu btsun mo kun sems can dang ldan par 'gyur bar bgyi'o/ / rgyal pos de skad ces smras pa thos nas/ tshig 'dis ni bdag gi mya ngan sangs par byed do snyam bsams nas/

  114. 58a

    sman pa la khyod kyis 'di ltar nus na shin tu legs so zhes smras so// de'i tshe na sprul pa'i sman pa de gangs kyi ri la song nas/ sman rnam pa mang po btus te khur du khyer nas phyir rgyal po'i pho brang du 'ongs so/ / de nas sman rnams 'o ma la skol te/ btsun mo chen mo la byin pa dang / btsun mo chen mos sman de mnam zhing yid ma ches pas 'thung du ma btub pa dang / sprul pa'i sman pa yang phyir lha'i gnas su song ngo // sman de la btsun mo chung ngu gzhan dag gis 'thungs te/ btsun mo de dag 'thungs nas ring por ma lon par so so nas sems can dang ldan par gyur te/ de dag gi de bzhin du btsun mo chen mo la smras pa dang / btsun mo chen mo 'gyed de mi dga' nas sman de'i lhag ma ci yod ces dris na/ zad do zhes smras so// 'o na sman gyi tshigs ma tsam yod dam zhes dris na/ sman gyi tshigs ma ni yod do zhes smras so// de nas btsun mo chen mos sman gyi tshogs ma 'o ma'i nang du skol te 'thungs pa dang / ring por ma lon par sems can dang ldan par gyur te/ btsun mo gzhan dag sman sngar 'thungs pa ni zla ba tshang bas so so nas khye'u sha stag btsas te bzang ba blta na sdug pa'o// rgyal po rab tu dga' nas btsun mo chen mo sras nam btsa' ba 'ba' zhig sems so/ btsun mo chen mo yang zla ba tshang nas khye'u zhig btsas te/ byad bzhin mi sdug pa shing dum lta bu zhig btsas pas/ rgyal po dang btsun mo mi dga' ste/ bu'i ming yang sdong dum zhes

  115. 58b

    btags so/ / de nas gsos skyes te/ cher skyes nas phu bo rnams ni thams cad chung ma len te/ rgyal bu sdong dum 'ba' zhig chung ma ma blangs so// dus gzhan zhig na pha rol po'i rgyal/ pos dmag drangs nas nye bar 'ongs pa dang / rgyal bu lnga brgyas kyang dmag gi tshogs bshams te/ pha rol po'i dmag la rgol du song song ba las/ g.yul 'pham nas phyir pho brang du bros te 'ongs so/ / rgyal bu sdong dum gyis/ phu bo rnams la smras pa/ khyed ci'i phyir 'di ltar 'jigs skrag ste 'bros zhes dris na/ phu bo rnams kyis spras pa/ nged dmag dang bcas te pha rol po'i dmag la rgol du song song ba las g.yul 'pham nas pha rol po'i dmag gis bangs nas bros pa yin no/ / rgyal bu sdong dum gyis smras pa/ dgra de tsam gyis bdag cag la sngo bar mi nus kyis/ bdag cag gi mes po'i gzhu dang dung da ltar lha'i rten gyi nang na yod pa 'on cig dang / bdag de dag la rgol du 'gro'o zhes smras so// rgyal bu de'i mes po ni 'khor los sgyur ba'i rgyal po yin te/ mi mang po bzlog nas 'khor los sgyur ba'i gzhu yang por bteg ste/ rgyal bu la phul lo// rgyal bus gzhu blangs te brdungs nas gzhu rgyud sbrengs pa'i sgra 'brug skad zer te/ dpag tshad bzhi bcu'i bar du thos par gyur to// de nas rgyal bus gzhu dang dung thogs te gcig pu dgra la rgol du song nas/ sngar dung bus te dung gi sgra gnas lcags 'bab pa

  116. 59a

    skad grag pas pha rol po'i dmag gis thos pa tsam gyis 'jigs skrag ste thams cad du byer ro/ / de nas rgyal bu yang phyir log nas/ rgyal po dang btsun mos gdod sdug par bsams te/ rgyal bu'i chung ma blang bar byas so// de'i tshe na rgyal po lu shi pa tsa zhes bya ba la bu mo zhig yod de/ 'jig rten na dkon par bzang ngo zhes thos nas/ rgyal pos pho nya btang ste bu mo mna' mar blangs nas/ rgyal bu'i nang na byad gzugs gzang ba gcig mag pa yin no zhes bstan te/ rgyal po des kyang bu mo sbyin par byas so// de nas rgyal po rab tu dga' nas/ mna' ma bsu ba'i yo byad bshams te/ rgyal bu sdong dum nyid kyang chung ma bsur btang nas/ nyin par chung ma dang ma phrad par gyis la/ mtshan mo phrad par gyis shig ces bsgo nas btang ngo // de nas dus gzhan zhig na bu mo de phu nu mo gzhan dag dang phrad nas so so nas khyo'i yon tan ci yod pa smras pa dang / rgyal bu sdong dum gyi chung mas kyang khyo la bstod ngo // kho mo'i khyo ni dpa' la stobs kyang gyang dang mnyam ste/ lus kyi sha yang shin tu 'jam mo zhes smras pa dang / pu nu mos smras pa/ khyod ni ma sdu zhig/ khyod kyi khyo ni shin tu yang mi sdug ste/ sdong dum dang 'dra bas ji ste khyod nyin par mthong na dngangs par 'gyur ro zhes smras so/ / sdong dum gyi chung mas phu nu mo dag gis de skad smras pa thos nas yid la gzung ste/ mtshan mo me mar sbas nas/ khyog nyid kyis log pa'i 'og tu me mar

  117. 59b

    byung ste bltas na/ shin tu mi sdug par mthong nas dngangs skrag ste/ mod la phyir pa ma'i yul du bros so// rgyal bu sdong dum gyis nam langs nas gdong tshor te mi dga' nas gzhu dang dung thogs te chung ma'i yul du bsnyegs su song ngo / / yul der phyin nas blon po zhig la gnas shing 'dug 'dug pa las/ dus gzhan zhig na rgyal phran drug gi rgyal pos kyang rgyal po lu shi ba tsa la la/ bu mo bzang mo zhig yod do zhes thos nas so so nas dmag dang bcas te bu mo slong du 'ongs so/ / de'i tshe rgyal po lu shi ba tsa mi dga' nas/ blon po rnams bsdus te bgros nas/ gal te bu mo 'di rgyal po gcig la byin na gcig mi dga' zhing khon du 'dzin pas/ ji ltar byas na dgra 'di dag med par 'gyur zhes bgros pa dang / blon po gcig gis bu mo 'di dum bu dum bur byas la re re byin na/ de dag gi yid tshim par 'gyur ro zhes smras so/ / blon po kha cig gis ni 'di skad du/ la la zhig gis dmag 'di dag bzlog nus na bu mo yang chung mar sbyin la/ yul phyed kyang bya dgar sbyin no zhes bkar btags na rung ngo zhes smras so/ / rgyal pos kyang gros de mnyan te bkar btags pa dang / de'i tshe na rgyal bu sdong dum gzhu dang dung thogs te/ grong khyer gyi phyi rol tu pha rol gyi dgra gang na 'dus par song nas dung bus te/ gzhu rgyud sbrengs pa tsam gyis pha rol gyi dmag thams cad skrag nas 'gul yang ma nus so// de nas de dag gi dmag gi nang du song nas/ rgyal po drug char gyi mgo bcad de/

  118. 60a

    cod pan blangs nas dmag de rnams kyang 'khor du bsdus so// rgyal po lu shi ba tsa rab tu dga' ste/ bu mo yang chung mar byin nas rgyal po chen por bcug ste/ rgyal po drug gi srid gcig tu bsdus nas dmag gi tshogs dang bcas te/ chung ma dang 'grogs nas phyir bdag gi yul du 'ongs so// rgyal po yab kyis sras kyis phyir 'ongs so zhes thos nas phyi rol nas bsu ste/ rgyal srid kyang bu la byin pa las byed du ma btub nas phyir yab la bdar te/ sngon bzhin du chung ma dang lhan cig tu 'dug nas/ chung ma la khyod ci'i phyir mtshan mo kho bo bor te 'bros zhes dris na/ khyod mi sdug ches nas mi ma yin snyam ste skrag nas bros so// de nas rgyal bus me long blangs te/ me long gi nang du bltas na/ bdag gi bzhin shin tu mi sdug par mthong ste/ lus de la lha mi 'dod pa tsam du skyo nas tshal zhig gi nang du song ste 'chi bar byas pa las/ brgya byin lha'i dbang pos rgyang ma nas mthong ste de'i drung du 'ongs te/ ci'i phyir khyed 'chi zhes dris na/ rgyal bus de bzhin du smras pa dang / brgya byin gyis spro ba bskyed de/ rin po che'i nor bu gcig byin nas 'di skad ces smras so// khyod rtag tu nor bu 'di spyi bo la thogs shig dang / nga dang 'dra bar bzang zhing mdzes par 'gyur ro zhes bsgo nas/ rgyal bus nor bu spyi bo la btags ma thag tu/ bdag gi lus sngon las mdzes par tsher nas phyir pho brang gi nang du 'ongs nas gzhu dang dung blangs te/

  119. 60b

    rol tu rtser 'gro ba las chung mas ngom shes te/ 'di skad ces smras so// khyod su zhig 'di la ma reg cig/ kho mo'i khyo 'ongs na gnod par gyur ta re/ chung ma la smras pa/ nga ni khyod kyi khyo yin no zhes smras na/ chung mas yid ma ches te/ 'di skad ces smras so// kho mo'i khyo ni shin tu yang mi sdug ste/ khyod ni shin tu yang bzang ba zhig na/ ji ltar kho mo'i khyo zhes smras pa dang / rgyal bus spyi bo'i nor bu bkrol ma thag tu phyir mi sdug par mthong nas rab tu dga' ste/ ci'i phyir 'di ltar gyur ces dris na/ rgyal bus ci'i phyir de ltar gyur par rgyas par gtam byas nas/ de phyin chad khyo shug gnyis mdza' ste/ rgyal bu'i ming sdong dum zhes bya ba yang rjes nas rgyal bu su la shan zhes btags so// de nas dus gzhan zhig na rgyal bu des 'di snyam du bsams so// da ni dmag dang bcas te pho brang zhig bya'o snyam du bsams nas/ gang na sa gzhi yangs shing mnyam pa zhig tu song ste/ 'dir pho brang gyis shig ces bsgo ba dang / klu'i rgyal po bzhi zhig mir sprul nas/ 'dir pho brang mdzad na ci las mdzad ces dris na/ rgyal bu su la shan gyis smras pa/ sa las bya'o zhes bsgo ba dang / klu'i rgyal po bzhis ci'i phyir rin po che las mi mdzad ces smras so/ / smras pa/ pho brang chen po zhig bya dgos na rin po che de snyed cig ga las rnyed ces smras pa dang / klu'i rgyal pos bdag cag gis dbul lo zhes smras nas/ de'i ngos bzhir chu mig re re

  120. 61a

    sprul te/ 'di skad ces smras so// shar phyogs logs kyi chu mig las bcus te byas na bai DUR+Yar 'gyur ro// lho phyogs kyi chu mig las bcus te byas na thams cad gser du 'gyur ro/ / nub phyogs ngos kyi chu mig las bcus te byas na thams cad dngul du 'gyur ro// byang phyogs ngos kyi chu mig las bcus te byas na thams cad shel du 'gyur ro zhes smras te/ rgyal bus kyang de dag gis spras pa bzhin du chu mig las bcus na de bzhin du gyur te/ de nas pho brang gi ra ba kho ra khor yug dpag tshad bzhi brgya pa byas nas/ de'i nang na pho brang dpag tshad bzhi bcu pa gcig byas te/ lam gyi srang na khang bu brtseg ma dang / skyed shing dang / khrus kyi rdzing bu yang rin po che sna bzhi las byas so// bzang khyad lha'i pho brang dang 'dra bar byas nas/ zin ma thag tu rin po che sna bdun yang yod par gyur te/ gling bzhi la dbang byed cing dge ba rgyas par byas so// rgyal po chen po de'i tshe de'i dus na rgyal po ma ha sha ku la ni da ltar nga'i yab zas gtsang ma yin no// de'i tshe de'i dus na rgyal po'i btsun mo ni da ltar nga'i yum lha mdzes yin no/ / rgyal bu mi sdug pa sdong dum ni da ltar nga yin no// de'i tshe na de'i chung ma de ni skye dgu'i bdag mo yin no// de'i tshe na chung ma de'i pha re ni 'od srungs yin no/ / rgyal po drug gis dmag drangs te bu mo 'dod pa de dag ni ston pa drug po 'di dag yin te/ de'i tshe de'i dus na yang nga dang gzugs la rtsod pas/ ngas de dag kun bsang de dmag gi

  121. 61b

    tshogs kyang 'khor du bsdus pas/ da ltar gyi bar du rnyed pa dang grags pa la phrag dog byed pa'i phyir nga dang 'gran par 'dod krung tshe 'phrul med de bsam pa ltar mgyur pas chur shi ba yin no// des na de dag gi 'khor khri phrag dgu bcu yang nga'i 'khor du bsdus nas nga'i nye gnas su gyur to// de nas rgyal po gzugs can snying pos/ bcom ldan 'das la 'di skad ces gsol/ to/ rgyal po sdong dum de sngon bsod nams ci zhig bgyis pas 'di ltar mthu stobs che la shin tu mi sdug par gyur/ bcom ldan 'das kyis/ rgyal po la bka' stsal/ rgyu yong rkyen yod de bstan par bya'o/ / sngon 'das pa'i bskal pa grangs med dpag tu med pa'i pha rol na/ 'dzam bu'i gling 'dir yul bA rA NA si zhes bya ba na/ drang srong ri zhes bya ba la rang sangs rgyas gcig cig gnas te/ rang sangs rgyas de la rlung nad yod pas/ rlung nad kyis sman 'bru mar 'thung dgos pa las/ 'bru mar 'tshag pa'i khyim du song nas 'bru mar bslangs pa dang / 'bru mar 'tshag pa des de la khros te/ mgo dang shing dum 'dra ba/ rkang lag dang shing tshal 'dra ba 'di las byed du ni mi btub kyis/ zho gcig nam gcig kyang 'byin du mi btub par slongs mo 'ba' zhig la 'tsho ba bltos pa 'di zhes spyos shing brgyad nas/ 'on kyang mar gyi tshigs ma phul lo// rang sangs rgyas des mar gyi tshigs ma thob nas sgor byung ste phyir 'gro ba las/ sgo rtsar mar 'tshag pa

  122. 62a

    de'i chung ma dang phrad nas/ rang sangs rgyas de la dad pa'i sems skyes te/ skyes bu khyod gar gshegs/ mar gyi tshigs ma 'di ci zhig mdzad ces dris pa dang / rang sangs rgyas des kyang de bzhin du drang por gtam byas nas/ chung ma des rang sangs rgyas de phyir bos te khyim du khrid nas lhung bzed blangs te/ 'bru mar lhung bzed bkang ste phul nas/ khyo la 'di skad ces smras so/ / khyod kyis skyes bu 'di la mar gyi tshigs ma phul ba shin tu nyes kyis/ kha'i nyes pa 'gyod tshangs gyis shig ces bsgo nas/ mi ngas kyang 'gyod pa'i sems skyes te/ 'gyod tshangs byas nas khyo shug yid mthun par rang sangs rgyas de la 'di skad ces gsol to/ / btsun pa de slan chad mar dgos na yang rtag tu long zhig ces smras nas/ rang sangs rgyas des kyang rtag tu de'i khyim nas mar blangs te/ de dag gis byas pa gzo ba'i phyir de dag gi drung du cho 'phrul bstan te/ steng gi nam mkha' la 'phags nas/ chu 'bab pa dang / me 'byung ba dang / cho 'phrul rnam pa sna tshogs bstan te/ mar 'bul ba'i khyo shug gnyis kyis de lta bu'i cho 'phrul mthong nas/ lhag par dga' zhing ngang pa'i sems skyes te/ mi des chung ma la smras pa/ khyod kyis mar phul ba'i bsod nams ci yod pa kho bo dang thun mong du gyur te/ bdag cag khyo shug tu shogacig ces spras pa dang / chung mas spras pa/ khyod kyis ses bu chen po la tshig ngan pa smras te/ mar

  123. 62b

    tshigs sa phul nas ngang pa'i sems med pas gang du skyes kyang shin tu mi sdug par 'ong na/ khyod dang ji ltar khyo shug tu bya zhes smras pa dang / khyos smras pa/ kho bos rtag tu nyon mongs te mar 'chag pa'i las byas na/ ci'i phyir khyod kyi sbyin pa'i 'bras bu nga dang thun mong du mi sngo// nga mi nyan gyis khyod dang khyo shug tu bya dgos so// chung mas smras pa/ ji ste khyod dang khyo shug tu gyur/ na khyod mi sdug ches nas/ kho mos khyod dor te mtshan mo bros su 'ong ngo // khyos smras pa/ ji ste khyod bros na yang ngas phyi bzhin bsnyegs la khyod thob par byas nas phyir 'ong ngo zhes/ khyod shug gnyis gcig la gcig smras nas/ rang sangs rgyas de la lus dang srog phyogs nas 'gyod tshangs byas so// de'i tshe na rang sangs rgyas des/ khyo shug de gnyis la 'di skad ces bsgo'o/ / khyed khyo shug gnyis kyis ngal mar byin pas na nga'i nad sos kyis/ khyo shug gnyis kyi cir smon pa smros shig/ de bzhin du 'grub par 'gyur ro zhes bsgo ba dang / mi khye shug de gnyis rab tu dga' nas/ pus mo sa la btsugs te 'di skad ces smon lam btab bo// bdag cag khyo shug gnyis lha 'am/ mi 'am/ gang du skyes kyang yid bzhin du grub par gyur cig ces smon lam btab bo/ / rgyal po chen po de'i tshe de'i dus na mar 'tshag pa'i mi de ni rgyal bu sdong du ma yin no// de'i chung ma ni sdod dum gyi chung ma nyid yin no// de'i tshe na rang sangs rgyas la/

  124. 63a

    sdong dum dang 'dra zhes tshig ngan pa smras te/ khros bzhin bla mar gyi tshigs ma byin pas/ skye ba thams cad du shin tu mi sdug par gyur to// phyis 'gyod tshangs byas te mar bzang po phul bas skye ba thams cad du phyis bzang zhing sdug par gyur to/ / mar phul bas na skye ba thams cad du mthu stobs dang ldan te thams cad thub par gyur to// de'i bsod nams kyis ni 'khor los sgyur ba'i rgyal por gyur te/ gling bzhi la dbang zhing 'dod pa lnga la yid bzhin du spyod par gyur to// dge ba dang sdig pa'i las rnam par smin pa ni nam yang med par mi 'gyur te/ de bas na lus dang / ngag dang / yid kyi las bsrung ba la nan tan bya'o// bcom ldan 'das kyis de skad ces gsungs nas/ rgyal po gzugs can snying po la sogs te/ rgyal po dang / blon po dang / 'khor rnam bzhi dang / lha dang / klu la sogs pas thos nas/ la la ni rgyun du zhugs pa'i 'bras bu thob/ la la ni lan cig phyir ldog pa dang / phyir mi ldog pa dang / dgra bcom pa'i 'bras bu thob/ la la ni rang sangs rgyas kyi dge ba'i rtsa ba bskyed/ la la ni bla na med pa'i byang chub tu sems bskyed do/ phyir mi ldog pa'i sa la gnas par gyur nas/ 'khor de dag thams cad bcom ldan 'das kyis gsungs pa la yi rong nas mngon par dga'a'o// ston pa

  125. 63b

    drug btul ba'i le'u ste bcu gsum pa'o/ / / bab po bzhi pa// gcan gzan ku tas lus kyi sbyin pa byas pa'i le'u'o// 'di skad bdag gis thos pa dus gcig na/ bcom ldan 'das kyis rgyal po'i khab bya rgod spungs pa'i ri la bzhugs so// de'i tshe bcom ldan 'das kyi sku la bser ma'i bsrun gyis bzung nas/ sman pa 'tsho byed kyis sman rnam pa sum cu rtsa gnyis dang mar du sbyar te/ nyin re re zhing sbyar sman srang sum cu rtsa gnyis gnyis gsol lo// lha sbyin ma rungs pa phrag dog gi sems skyes nas/ sangs rgyas dang mnyam mo zhes bsgrags te/ bcom ldan 'das kyis gsol ba thos nas/ sman 'dod cing sangs rgyas dang 'dra bar bya ba'i phyir sman pa 'tsho byed la/ bcom ldan 'das gsol ba'i sman nga la yang sbyor te byin cig ces bsgo'o/ / de nas 'tsho byed kyis sman sbyar te lha sbyin la byin nas/ nyin re la srang bzhi bzhi thong zhig ces bsgo ba dang / lha sbyin gyis nga ltar bcom ldan 'das nyin ro zhing srang du du gsol zhes dris so/ / 'tsho byed kyis bcom ldan 'das ni da ltar nyin re zhing srang sum cu rtsa gnyis gnyis gsol lo zhes spras pa dang / lha sbyin gyis kho bo la yang nyin re zhing srang sum cu rtsa gnyis gnyis byin cig ces bsgo ba dang / 'tsho byed kyis spras pa/ de bzhin gshegs pa'i sku dang khyod ni mi 'dra ste/ khyod kyis mang du zos na mi

  126. 64a

    zhu bas gdon mi za bar phyis nang du 'gyur ro zhes smras pa dang / lha sbyin gyis smras pa/ ji tsam zos na khu ba'i drong kho bo la yod de/ kho bo dang sangs rgyas su bye brag ci yod ces smras nas/ sangs rgyas dang 'dra bar nyin gcig la sman srang sum cu rtsa gnyis gnyis btang nas/ sman ma zhu ste rtsa kun tu zug nas nyam thag ste/ shin tu sdug bsngal ba'i skad phyung nas 'bod 'grogs so/ / de la bcom ldan 'das thugs brtse bar dgongs te/ rgyang ma nas phyag brkyang nas lha sbyin gyi mgo la byugs pas mod la sman kun zhu nas tsha ba'i sdug bsngal dang bral bar gyur te/ lha sbyin gyis bcom ldan 'das kyi phyag yin par shes pas 'di skad ces smras so// rgyal bu don grub kyis shes pa'i rtsal du sman yang bslabs te/ sman la yang mkhas pa lta stem 'dod do zhes smras so/ / de'i tshe na kun dga' bos de skad ces smras pa thos nas shin tu mi dga' ste/ pus mo sa la btsugs nas/ bcom ldan 'das la 'di skad ces gsol to/ / lha sbyin 'di ni bka' drin mi 'tshal te/ bcom ldan 'das kyis de la thugs brtse bar dgongs nas/ de'i nang yongs su bsal kyang slar mi dge ba'i sems kyis tshig mi dgos pa smras tertag tu bcom ldan 'das la bsngo'o/ / bcom ldan 'das kyis/ kun dga' bo la bka' stsal pa/ lha sbyin gyis da ltar 'di 'ba' zhig tung la mi dge ba'i sems bskyed nas ngal

  127. 64b

    / gnod par byed par ma zad kyis/ sngon 'das pa'i dus na yang nga la sdig pa'i sems bskyed de nga bsad par gyur to// kun dga' bos/ bcom ldan 'das la gsol pa/ 'das pa'i dus na lha sbyin gyis ji ltar gyis pa bstan du gsol/ bcom ldan 'das kyis bka' stsal pa/ sngon 'das pa'i dus bskal pa grangs med dpag tu med pa'i pha rol na/ 'dzam bu'i gling 'dir yul bA rA NA si zhes bya ba na rgyal po tshangs byin zhes bya ba khro zhing gtum la snying rje med de/ 'dod chags dang zhe sdang che ba/ sdig pa'i las kyis gtse zhing gsod pa la dga' ba zhig byung ngongo/ de'i tshe na rgyal po de'i rmi lam du gcan gzan lus kyi spu gser gyi mdog ltar 'dug la/ spu'i thog ma la gser lta bu'i 'od byung zhing / g.yas g.yon thams cad kyang gser gyi mdog tu snang bar byed pa'i gcan gzan gcig cig rmis nas/ de ma thag tu sad de 'di snyam du bdag gis rmi lam na mthong ba 'di ni gdon mi za bar yod kyis/ rngon pa dag de'i pags pa 'tshol du gzhug go snyam bsams nas/ rngon pa rnams bsdus te 'di skad ces bsgo'o// kho bo'i rmi lam du gcan gzan gser gyi mdog can spu'i thog ma la gser gyi 'ong lta bu 'byung kha cig rmis te/ 'di lta bu zhig yul 'di na yod du nges kyis/ khyed rnams kyis kun tu 'tshol la de'i pags pa bshus te nga la phul cig dang / khyed kyi bu tsha rabs bdun tshun chad skyong

  128. 65a

    cing bde bar bya'o/ / gal te snying nas ma btsal lam/ le lo zhig byas te ma rnyed na/ khyed rnams rtsa brgyud tshun chad med par bya'o zhes bsgo'o// de nas rngon pa de dag shin tu mi dga' ste/ dben pa'i phyogs gcig tu thams cad 'dus nas 'di skad ces bgros so// rgyal pos rmis pa'i gcan gzan de ni gna' nas ma mthong ste/ gal te bdag cag gis ma rnyed na/ rgyal po'i bka' khrims gnyan pas bdag cag gson par mi 'gyur ro zhes bgros nas/ lhag par mi dga' ba'i sems skyes te/ yang 'di skad ces smras so/ / shing kung 'di na sbrul gdug pa dang gcan gzan ma rungs pa mang bas/ lam ring por 'gro zhing srog mi 'phangs par don bsgrub tu ni srog dang bsngos su yang mi nus pas/ bdag cag gi nang na mi gang gis nus pa gcig cig tshol du gtang ngo // gal te mi des mthong bar gyur na/ gdod bdag cag sbran par byas na legs so zhes smras nas/ mi zhig la 'di skad ces smras so/ / khyod srog dang bsngos te kun tu 'tshol du song zhig/ gal te rnyed na nged spyi las nor bkral te mang du sbyin no// ji ste khyod phyir ma 'khor na yang / khyod kyi bu ngang chung ma la sbyin no zhes smras nas/ mi des kyang 'di snyam du bdag ni mi mang po 'di dag gi phyir lus dang srog yal yang bla'o snyam bsams nas/ 'gro ba'i yo byad bshams te/ ri dang tshal nyam

  129. 65b

    nga bar kun tu 'chol du song song ba las/ yun ring zhig lon pas shin tu nyam thag nas/ dbyar tsha ba'i dus su bye mtshab pus mo nub tsam zhig tu phyin nas/ ngal chang de skom gyis gdungs pas srog chad la thug nas 'di skad ces smras so/ / snying rje dang ldan pa su zhig bdag 'di ltar sdug bsngal ba'i lus dang srog gi skyabs su 'gyur ba yod dam zhes spras pa dang / de'i tshen de la gcan gzan kun ta zhes bya ba lus kyi spu mdog gser gyi kha dog ltar 'dug la/ spu'i thog ma la gser gyi 'od 'byung ba zhig yod pa des rgyang ma nas mi nges smras pa'i tshig thos nas shin tu snying brtse ba'i sems skyes te/ gang na chu mig grang mo yod pa'i nang du lus bcug nas mi de'i drung du 'ongs te/ mi de la phangs pas 'khyud nas cung zad cig nyam brtas pa dang / chu 'gram du khrid de bkrus nas shing thog btus te zar bcug go/ / de nas mi de sor chud nas 'di snyam du bsams so// gcan gzan 'di ni rgyal po 'dod pa kho na yin na/ bdag srog dang bral ba las srog gi skyabs byas te/ drin du gzo ba cung zad kyang ma byas pas 'di la bsad pa'i sems ji ltar kyang skyed/ gal te ma rnyed na ni rngon pa de dag gnyen dang bcas pa thams cad gyong la thogs par 'gyur ro snyam bsams nas/ mi dga' zhing 'dug pa las/ gcan gzan gyis khyod ci'i phyir 'di ltar mi dga' zhes dris nas/ mchi ma lhags nas rgyas par smras pa dang / kun

  130. 66a

    ta sa 'di skad ces smras so/ / 'di la khyod mi dga' bar ma byed cig/ nga'i pags pa 'di thob sla ba yin te/ kho bos bsams nas tshe snga ma la lus grangs med pa zhig btang yang / lus kyi bsod nams su 'gyur ba'i las ma byas te/ lus kyi pags pa 'dis de dag gi srog bskyab bo zhes smras nas/ rab tu dga' ba'i sems skyes te/ khyod kyis kho bo'i srog ma bcad par pags pa bshus te khyer cig/ 'gyod pa'i sems med par khyod la sbyin no// de'i tshe na rngon pa nges pags pa dal gyis bshus nas/ kun tas 'di skad ces smon lam btab bo/ / bdag gi pags pa 'di khyod la byin te/ mi mang po 'phongs pa'i srog bskyabs pa'i bsod nams 'dis sems can thams cad la bsngos te/ bdag bla na med pa byang chub tu mngon par 'tshang rgya zhing / sems can thams cad 'khor ba'i sdug bsngal las bsgral nas/ mya ngan las 'da' ba'i bde ba la 'god par shog cig ces smon lam btab bo// de'i tshe na stong gsum gyi stong chen po'i 'jig rten gyi khams rnam pa drug tu g.yos te/ lha'i pho brang kun ldeg cing g.yos nas lha rnams dngangs te bltas na/ byang chub sems dpas lus kyi pags pa sbyin pa byas pa mthong nas nam mkha' las babs te/ kun ta gang na bar lhags nas/ lha rdzas kyi me tog gis gtor te mchod pa byas nas mchi mchar bzhin du phab bo// pags

  131. 66b

    pabab shus nas song ba'i 'og tu sha rlon pa de la khrag kun nas zag cing sbrang ma dang / grog ma la sogs pa stong phrag brgyad cu snying de'i lus la 'dus nas/ thams cad de'i lus la za zhing de dag dog tu dogs pas lus kyang mi 'gul te/ lus kyi sbyin pa byas nas de nyid du tshe'i dus byas so// sbrang ma dang srin bu byang chub sems dpa'i sha la zos pa rnams kyang tshe 'phos nas thams cad mtho ris kyi lhar skyes so/ / de'i tshe na rngon pa des pags pa de khyer te rgyal po la phul nas/ rgyal po rab tu dga' ste/ 'di lta bu shin tu 'jam pa ni zla med do zhes rtag tu nyal ba'i stan du bting nas de la nyal lo/ / kun dga' bo 'di ltar rig par gyis shig/ de'i tshe de'i dus na gcan gzan kun ta de ni nga ltar nga yin no// rgyal po tshangs sbyin de ni lha sbyin yin no// srin bu stong phrag brgyad cu ni nga thog mar mngon par sangs rgyas te chos kyi 'khor lo bskor ba na/ 'bras bu thob pa'i lha'i sras po brgyad khri po yin no// lha sbyin gyis de'i tshe na yang nga bsang nge da ltar gyi bar du yang nga la sdig pa'i sems kyis gsod par sems so/ / bcom ldan 'das kyis de skad ces gsungs nas/ tshe dang ldan pa kun dga' bo dang / 'khor mang po rnams dge ba'i chos la 'dun te/ la la ni rgyun du zhugs pa'i 'bras bu dang / lan cig phyir ldog pa dang / phyir mi ldog pa dang / dgra bcom pa'i 'bras bu thob bo// la la ni rang sangs rgyas kyi dge ba'i rtsa ba bskyed//

  132. 67a

    la la ni bla na med pa'i byang chub tu sems bskyed nas/ phyir mi ldog pa'i sa la gnas par gyur to// bcom ldan 'das kyis gsungs pa la rjes su yi rang nas mngon par dga'a'o/ / gcan gzan kun tas lus kyi sbyin pa byas pa'i le'u ste bcu bzhi pa'o// / rab tu byung ba'i yon tan bsngags pa'i le'u'o// gang zhig rab tu byung na de'i bsod nams ni rab tu mang ste/ bdag gi bu 'am/ bu mo 'am/ bran khol las gang yang rung bar rab tu 'byung bar gnang ngam/ bdag nyid rab tu byung na/ de'i tshe bsod nams ni dpag tu meng ngo / / gang zhig sbyin pa byas pa'i bsod nams de ni skye ba bcu'i bar du longs spyod myong bar 'gyur te/ gnam rim pa drug gi lhar yang dang yang du lan stong skye babs/ mi gcig rab tu phyung ngam/ bdag nyid rab tu byung na/ bsod nams 'di ni snga ma bas mchog tu che'o// de ci'i phyir zhe na/ sbyin pa byas pa'i bsod nams ni zad pa'i mtha' yod kyi rab tu byung ba'i bsod nams ni dpag tu med mtha' med do/ / gzhan yang tshul khrims bsrungs pa'i bsod nams kyis mngon par shes pa lnga dang ldan pa'i drang srong dang / mtho ris kyi longs spyod tshangs pa'i 'jig rten gyi bar du myong bar 'gyur gyi/ sangs rgyas kyi bstan pa la rab tu 'byung ba'i bsod nams ni bsam gyis mi khyab ste/ mya ngan las 'das pa'i bar du

  133. 67b

    bsod nams zad mi shes so/ / gal te kha cog gis rin po che sna bdun las byas pa'i mchod rten mtho khyad sum cu rtsa gsum gnas la thug par byas pa'i bsod nams kyis kyang rab tu byung ba'i bsod nams tsam mi phod do/ / de ci'i phyir zhe na/ rin po che sna bdun gyi mchod rten ni/ glen pa ma rungs pa dag gis bshig par 'gyur gyi/ rab tu byung ba'i bsod nams ni/ gzhig nus pa med do// dge ba'i chos 'dod na sangs rgyas kyi chos ma gtogs pa 'di las lhag pa'i chos gzhan med do// dper na long ba brgya'i mig sman pa mkhas pa zhig gis phye ste/ cig car mthong bar byas pa dang / gzhan yang mi brgya zhig mig dbyung ba la thug pa las/ mthu dang ldan pa gcig gis mig dbyung ba de dag de las thar par byas pa dang / mi 'di gnyis kyi bsod nams ni dpag tu med mod kyi/ 'on te gzhan rab tu phyung ngam/ bdag rab tu byung ba'i bsod nams tsam mi phod do// de ci'i phyir zhe na/ de gnyis kyis de dag gi mig byin pa ni/ 'jig rten gyi phan pa dang bde ba tsam thob par zad la/ sha'i mig gi rang bzhin ni 'jig pa'i rang bzhin can no// gzhan rab tu phyung ngam/ bdag rab tu byung na gcig gis tsog bstan cing drangs pas/ sems can gyi bskal pa'i mthar bla na med pa'i shes rab kyi mig tu 'gyur te/ shes rab kyi mig gi rang bzhin ni bskal pa'i bar du 'jog par mi 'gyur ro// de'i

  134. 68a

    bsod nams kyis lha dang mi'i nang na bde ba'i longs spyod zad mi shes pa mthar thug pa med pa/ yid bzhin du myong zhing mthar yang mngon par 'tshang rgya'o// de cir phyir zhe na/ rab tu byung ba'i chos ni bdud kyi 'khor med par byed cing / sangs rgyas kyi gdung gsob par byed de/ sdig pa mi dge ba'i chos med par byed cing / dge ba'i chos skyed par byed do/ / kha na ma tho ba'i dri ma med par byed cing / bla na med pa'i bsod nams kyi las skye bar byed de/ de bas na bcom ldan 'das kyis rab tu byung ba'i bsod nams ni ri rab lhun po pas mtho rgya mtsho bas gting zab ste/ nam mkha' bas rgya che'o zhes gsungs so// gal te su zhig rab tu byung ba'i bgegs dang bar chad byas te bsams pa ltar ma grub na/ de'i khan ma tho ba'i las shin tu lci ba ni dper na mi zhig mun khrod du song na ci yang mi mthong ba dang 'dra bar/ de'i sdig pa'i rnam par smin pa yang de dang 'dra ste/ shin tu mi snang ba'i mun pa nag po'i sems can dmyal bar lhung ngo / / dper na rgya mtsho'i nang du chu bo dang chu bran thams cad 'bab pa ltar/ mi de'i sdig pa'i rnam par smin pa yang de dang 'dra ste/ nyes pa thams cad de'i lus la 'dra'o/ / dper na ri rab lhun po ni bskal pa'i me byung na/ lhag ma mi lus par tshig pa dang 'dra bar/ de yang sems can dmyal ba'i mes 'tshog nas lhag ma mi lus pa yang de dang 'dra'o//

  135. 68b

    gzhan rab tu 'byung bar gnang ngam/ gal te bdag rab tu byung na/ de'i bsod nams ni rab tu che'o// rab tu byung ba ni mdo sde'i chu yongs su dag pas kun nas nyon mongs pa'i dri ma thams cad bkrus te/ 'khor ba'i sdug bsngal yongs su bsal nas/ mya ngan las 'das pa'i rgyur 'gyur ro// 'dul ba'i rkang pas tshul khrims yongs su dag pa'i sa la 'chag cing chos mngon pa'i mig gis 'jig rten gyi dge ba dang / sdig pa la lta zhing yid bzhin du 'phags pa'i lam brgyad la 'gro ste/ mya ngan las 'da' ba'i grong khyer du phyin par byed do// de bas na rgan po 'am/ gzhon nu rab tu byung ngam/ rab tu 'byung bar gnang ngam/ bdag rab tu byung na de'i bsod nams mchog tu che'o// de'i tshe bcom ldan 'das rgyal po'i khab bya ka lan ta ka gnas pa 'od ma'i tshal na bzhugs so/ / de'i tshe rgyal po'i khab na khyim bdag dpal skyes zhes bya ba lo brgya lon pa zhig gis rab tu 'byung ba'i yon tan 'di ltar tshad med de zhes thos nas/ 'di snyam du bdag ci'i phyir sangs rgyas kyi bstan pa la rab tu mi 'byung snyam bsam nas/ chung ma dang / bu dang / bran khol la nga ni rab tu 'byung ngo zhes byas so// mi de rgas 'khogs pas khyim bdag gang gis mi thams cad skyo ste/ dgos pa med do snyam nas rab tu 'byung ngo zhes thos pa dang / de dag dga' ste myur du 'gro ba'i rigs kyis dus la bab bo zhes

  136. 69a

    smras so/ / de nas khyim bdag de khyim nas byung ste 'od ma'i tshal du bcom ldan 'das la rab tu 'byung bar gsol du song nas/ 'od ma'i tshal du phyin pa dang / dge slong rnams la sangs rgyas bcom ldan 'das thugs rje chen po lha dang mi la phan pa'i don rgyas par mdzad pa ga la bzhugs zhes dris so/ / dge slong rnams kyis sangs rgyas bcom ldan 'das rnams ni 'gro ba mang po la phan pa'i don du rgyu zhing gzhan du gshegs so zhes smras so/ / khyim bdag des yang dge slong rnams la sangs rgyas ston pa chen po'i mkhas pa dang shes rab tu ldan pa'i mchog su yin zhes dris pa dang / dge slong rnams kyis btsun pa shA ri'i bu yin no zhes bstan to// rgan po de 'khar ba la brten te/ shA ri'i bu gang na ba der song nas phyin pa dang 'khar ba bor nas phyag 'tshal te/ 'di skad ces gsol to// btsun pa bdag rab tu 'byung bar gnong zhig/ btsun pa shA ri'i bus brtags na/ khyim bdag 'di rgas pas slob pa dang bsam gtan dang / dge 'dun gyi las bya ba rnam pa gsum las nyams te/ mi nus so snyam bsams nas 'di skad ces smras so// khyod phyir song zhig dang / khyod ni rgas 'khogs te dus las yol gyi/ rab tu 'byung du mi rung ngo zhes bsgo'o// de nas mthar gyis 'od srungs chen po dang / u ba li dang / ma 'gags pa la sogs te/ dgra bcom

  137. 69b

    pa chen po de dag kun gyi drung du song nas gsol ba btab pa las/ de dag kun gyis khyod sngar su la yang gsol ba ma btab bam zhes dris na/ bdag gis sngar btsun pa shA ri'i bu la gsol/ ba btab bo// 'o na ji skad zer/ de na re khyod rgas 'khogs te dus las yol bas 'byung du mi rung ngo zhes mchi'o// dge slong de dag gis smras pa/ shA ri'i bu lta bu mkhas pa dang shes rab kyi mchog des kyang ma gnang na/ bdag cag kyang de dang 'dra ste gnang ba med do// dper na sman pa mkhas pa sman dpyad la mkhas pas nad pa brtags te sman dpyad mi byed par spong na sman pa chung ngu gzhan dag kyang gso bar mi byed de/ de la nges par 'chi ba'i mtshan ma yod par rtogs pa'i phyir ro// shA ri'i bu blo dang ldan pas kyang ma gnang na/ dge slong gzhan yang de dang 'dra ste/ gnang ba med do zhes bsgo'o// khyim bdag de dge slong rnams kyis rab tu 'byung bar ma gnang bas/ 'od ma'i tshal nas phyir byung ste/ sgo'i them pa la 'dug nas skad chen po phyung ste smre sngags 'don cing ngus so/ / bdag thog ma skyes nas nyes pa chen po ni ma byas na/ ci'i phyir bdag rab tu 'byung bar mi gnang / u pa la lta bu 'dreg mkhan khas byung ba dang / mo de lta bu phyag dar ba ngan skyugs 'dor ba las byung ba dang / sor 'phreng can lta bu mi grangs med pa gsang pa dang / a si ki lta bu mi rgod ma rungs pa de dag la sogs

  138. 70a

    ba yang rab tu byung na/ bdag la nyes pa ci zhig yod de rab tu 'byung du ma gnang zhes smras pa dang / bcom ldan 'das de'i drung du gshegs te/ sku mngon par bstan nas 'od gzer gyis lhung nge lham mer gsal te/ mtshan dang dpe byad kyis brgyan pas/ brgya byin lha'i dbang po rin po che sna bdun gyi rgyal mtshan ltar mngon du gshegs te khyim bdag dpal skyes la khyod ci'i phyir du zhes bka' stsal to/ / de'i tshe khyim bdag des sangs rgyas kyi gsung tshangs pa'i dbyangs lta bur thos nas/ rab tu dga' mgu rangs pa ni byis pa pha ma mthong ba tsam du dga' ste/ lus slad lnga sa la gtugs nas/ sangs rgyas la phyag 'tshal te/ 'di skad ces gsol to// sems can gyi nang na mi 'gum pa dang mi rgad bgyid pa dang / brdzun du smra ba pa dang / skur rlung 'debs pa'i ma sa dag kyang rab tu byung na/ bdag 'ba' zhig dngos sdig ci mchis na/ sangs rgyas kyi bstan pa la rab tu 'byung bar ma gnang na/ bdag gi khyim gang gis mi yang bdag rgas 'khogs pas skyo bar gyur te dgos pa med do zhes mchi bas/ gal te sangs rgyas kyi bstan pa la rab tu 'byung bar ma gnang na/ slar khyim du mchis kyang gdon mi 'tshal bar bdag khyim du 'dug tu mi sbyor bas/ gang du yang mchi ba'i gnas ma mchis te/ 'di nyid du nges par srog dang 'bral

  139. 70b

    bar 'gyur ro/ / de nas bcom ldan 'das kyis/ khyim bdag dpal skyes la bka' stsal pa/ nam mkha' la lag pa bteg pa la 'di ni rab tu 'byung ngo // 'di ni rab tu mi 'byung ngo zhes nges par su zhig sgra/ khyim bdag gis gsol pa/ bcom ldan 'das chos kyi 'khor los sgyur ba'i rgyal po'i 'khor mkhas pa'i mchog/ sangs rgyas kyi 'og tu che ba 'jig rten rgya ded dpon shA ri'i bus bdag bstan pa la rab tu 'byung bar ma gnang ngo / / de nas bcom ldan 'das kyis thugs rje chen pos ji ltar bu bsri zhu che ba la pha ma tshig snyan par smra ba bzhin du/ khyim bdag dpal skyes de'i spro ba bskyed nas/ 'di skad ces bka' stsal to// khyod mya ngan ma byed cig ngas khyod rab tu dbyung ngo // shA ri'i bus ni bskal pa grangs med pa gsum gyi bar du brtson 'grus su dka' ba spyod cing / bskal pa brgyar bsod nams byas pa ma yin/ shA ri'i bus skye ba thams cad du shin tu spyod pa dka' ba/ mgo bcad pa dang / mig phyung ba dang / rus ba dang / sha dang khrag dang / pags pa dang / rkang pa dang / lag pa dang / rna ba dang / sna bcad de sbyin pa byas pa ma yin/ shA ri'i bus ni stag mo la lus sbyin pa dang / me dong du mchong ba dang / lcags gzer stong lus la btab pa dang / lus la mar me stong btsugs pa ma yin/ shA ri'i bus ni yul dang / grong khyer dang / chung ma dang / bu dang /

  140. 71a

    bran po dang / bran mo dang / glang po che dang / rta dang / rin po che sna bdun gyi sbyin pa byas pa ma yin/ shA ri'i bus bskal pa grangs med pa thog ma la sangs rgyas brgyad khri brgyad stong la bsnyen bkur byas pa dang / bskal pa bar ma grangs med pa la sangs rgyas dgu khri dgu stong la bsnyen bkur byas pa dang / bskal pa tha ma grangs med ba la sangs rgyas khri phrag bcu la bsnyen bkur byas shing rab tu byung nas/ tshul khrims kyi pha rol tu phyin pa yongs su rdzogs par byas pa ma yin/ shA ri'i bu ni chos la dbang du gyur pa ma yin na ci'i phyir 'di ni rab tu dbyung gi/ 'di ni rab tu dbyung bar mi rigs so zhes smras/ nga 'ba' zhig ni chos la dbang mdzad de/ pha rol tu phyin pa drug gis bteg cing // bzod pa'i go cha bgos te byang chub kyi shing drung du rdo rje'i gdan la bzhugs nas/ bdud kyi sde rnams btul te mngon par sangs rgyas pas nga dang mnyam pa med do// de bas na khyod nga'i phyi bzhin du shog cig rab tu dbyung ngo zhes/ de ltar bcom ldan 'das kyis thabs rnam pa sna tshogs kyis spro ba bskyed pas/ mya ngan kun zhi nas rab tu dga' ba'i sems bskyed de/ sangs rgyas kyi phyi bzhin du gtsug lag khang gi nang du song ngo / / de nas bcom ldan 'das kyis mo'u 'gal yan chen po la/ khyim bdag 'di ni rab tu phyung zhig ces bka' stsal to// de ci'i phyir zhe na/

  141. 71b

    sems can ni las gang dang mthun pa des 'dul bar 'gyur te/ gang sangs rgyas dang las mthun pa la ni gzhan gyis 'dul bar mi 'gyur ro// gang gzhan dang las mthun pa de la yang sangs rgyas kyis 'dul bar mi 'gyur te/ gang zhig shA ri'i bu dang las mthun na/ mo'u 'gal dang / 'od srungs dang / ma 'gags pa dang / na bun la sogs pa nye gnas gzhan thams cad kyis 'dul bar mi 'gyur/ de bzhin du gang dang gang las mthun pa de la gzhan gyis 'dul bar mi 'gyur ro// de'i tshe mo'u 'gal ya nas kyang khyim bdag 'di ni rgas 'khogs te/ kha ton slob pa dang / bsam gtan dang / dge 'dun gyi las byed mi nus te las byas pa gsum las nyams so snyam bsams kyang / chos kyi rgyal po bcom ldan 'das kyis rab tu phyung zhig ces bka' stsal pas/ tshul gyis bzlog tu mi rung ngo snyam bsams nas rab tu phyung ste bsnyen par rdzogs so// mi 'dis tshe rabs snga ma la thar par 'gyur ba'i rgyu yang bskyed/ chos kyi lcags kyus zin pa ni ji ltar nya mchil pa la thogs na/ gdon mi za bar phyir 'byung ba ltar thar pa'i rgyu yang bskyed/ dge ba'i tshogs kyang bsags pas/ nyin mtshan du brtson 'grus bskyed de/ klog pa dang 'don pa la goms shing / mdo sde dang / 'dul ba dang / chos mngon pa rgyas par khong du chud cing

  142. 72a

    rtogs par gyur na/ rgas 'khogs pas tshul bzhin du rim gro dang / bsti stang dang / bsu skyel dang / bla ba la gsong por sla ba dang / phyag 'tshal ba na/ mi nus so// de la dge slong gzhon nu sngar rab tu byung ba gral mtho ba dag 'di skad du/ dge slong rgan po 'di 'don pa dang / klog pa dang / slob pa la snyems te/ bdag la kha kur sti yang mi byed do snyam nas rtag tu 'tshe bar gyur to/ / de nas dge slong rgan po des 'di snyam du bsams so// bdag khyim na 'dug pa'i tshe ni chung ma dang bus gtses/ da rab tu byung nas de lta bu'i bag med par gyur snyam na/ da yang dge slong gzhon nu 'di dag gis gtses na/ sngon nyes pa ci zhig byas zhes sdug bsngal gyis gdungs te/ bdag nga shi yang rung snyam bsams nas/ tshal de'i 'gram na chu chen po zhig 'bab pa'i 'gram du song nas/ chos gos phud de shing gi yal ga la bkal nas pus mo sa la btsugs te mchi ma blags nas 'di snyam du yi dam bcas so/ / bdag ni sangs rgyas dang / chos dang / dge 'dun yongs su spong ba ma yin gyi/ lus 'di 'ba' zhig gtong ngo // bdag gis sbyin pa bgyis pa dang / tshul khrims bsrungs pa dang / brtson 'grus brtsams pa dang / mdo sde kha ton byas pa'i bsod nams kyis bdag gi lus 'di dang bral nas btsan zhing phyag lo

  143. 72b

    longs spyod dang ldan pa 'khor 'dus pa'i rigs su skyes te/ bdag dge ba'i chos la 'jug pa'i bgegs mi byed pa dang / rtag tu dkon mchog gsum dang phrad pa dang / rab tu 'byung zhing chos la nan tan du byed pa dang / slob dpon mkhas pa dang phrad de/ mya ngan las 'da' ba yang ston par shog cig ces dam bcas nas/ gang na chu drag po 'bab cing zab pa glong 'khyil pa dang dpa' rgod par mchong bar gzas so/ / de'i tshe na mo'u 'gal gyis lha'i mig gis bdag gi nye gnas rgan po de da ltar ci zhig byed snyam bltas na/ bdag gi nye gnas de chu la mchong bar mthong nas/ chur ma phyin par rdzu 'phrul gyi mthus blangs nas 'gram du bzhag ste/ chos kyi sras khyod ci zhig byed ces dris pa dang / rgan po ngo tsha zhing skyengs nas ji skad du lan gdab snyam bsams nas/ gal te bdag gis brdzun byas te/ slob dpon bslus na slob dpon bslus pas skye ba thams cad du lce'i dbang po med pa'i kha no ma tho ba dang bcas par 'gyur ro/ / ji ste bdag gis rdzun du smras na yang slob dpon la mngon par shes pa mnga' bas rtogs par 'gyur ro// gang 'jig rten na mkhas pa'i shes rab dang ldan la rang bzhin gyis drang la g.yo sgyu med na lha rnams kyis bkur bar 'gyur ro/ / mkhas pa'i shes rab dang ldan pa g.yo sgyu zhig yod na yang gzhan gyi slob dpon du mi

  144. 73a

    rung ste mi bkur bar 'gyur ro/ / gal te shes pa med kyang g.yo sgyu med de drang na/ gzhan gyi don byed mi nus kyang bdag gi don byed par 'gyur ro// gal te glen pa gti mug can yang yin la g.yo sgyu yod na thams cad kyi dgra ma rungs pa yin te/ ci smras kyang 'di ni brdzun du smra ba ste slu ba yin no zhes zer ro// gal te tshig bden pa zhig smras na yang kun gyis yid mi ches te/ de bas na bdag gis slob dpon la brdzun du smras te bslus na mi rigs mi ga shas gang bangan pa smra'o snyam bsams nas/ slob dpon la 'di skad ces smras so/ / bdag khyim gyis skyo ste/ khyim ma yin par rab tu byung nas dben pa zhi bar 'tshal na/ da yang mi bde bar gyur nas bdag 'gum snyam mo// mo'u 'gal gyis de skad ces smras pa thos nas/ 'di la ni skye ba dang shi ba'i 'jigs pa zhig gis ma bsdigs na/ rab tu byung ba'i don med par 'gyur ro snyam bsams nas/ de la nga'i chos gos kyi mtha' ma 'di la dam du zung la ma btang zhig ces smras nas/ steng gi nam mkha' la 'phags pa ni rlung gis skur ma bus pa ltar rdzu 'phrul gyis lag na spu nyag ma gcig tsam khyer ba dang 'dra bar yid bzhin du phyin to/ / gzhan yang bya khras bye'u phrug khyer ba ltar mo'u 'gal gyi bu rdzu 'phrul gyis nam mkha' la 'phags nas/ skyes bus lag ngar bskum pa las brkyang ba

  145. 73b

    tsam gyis rgya mtsho'i 'gram du phyin to/ / rgya mtsho'i 'gram de na bud med tshe 'phos ma thag pa ro shin tu mdzes pa/ bzang ba/ mnga' byang legs pa mtshan dang ldan pa la/ sbrul zhig kha'i nang du zhugs nas sna'i nang nas byung / mig gi nang nas zhugs nas rna ba'i nang du byung ba/ mo'u 'gal gyis rab tu brtags nas song ngo // dge slong dpal skyes kyis bud med 'di lta bu mtshan dang ldan pa su yin zhes zhus na/ nam dus la bab na bstan to zhes smras te yang song ba dang / bud med gcig cig zangs po che zhig btsugs te zangs kyi nang du chu blug nas/ 'og tu me bo che bus te chu khol ba dang gos phud nas nang du zhugs te/ de ma thag tu skra dang spu kun byi nas/ sha yang tshos te rus pa yang bye nas chu lud pas rus pa rnams phyir byung ngo / / rus pa de dag rlung gis bus pa de ma thag tu mi zhig tu gyur nas zangs kyi nang nas sha phyung ste za ba zhig mthong ngo // dge slong dpal skyes skrag ste ba spu yang langs nas slob dpon la sha za ba 'di su yin zhes zhus na/ mo'u 'gal gyis dus la bab na bstan to zhes smras pa dang / yang song song ba las/ shing chen po zhig la lo ma dang yal ga'i bar du khab kyi rtse mo tsam gzugs pa'i sa stong pa tsam yang med par srin bu mang po za ba la/ skad chen por ngu zhing 'bod pa'i sgra kun tu grags pa sems can dmyal ba'i sgra 'dra ba zhig thos

  146. 74a

    nas 'di lta bu'i sgra mi snyan pa su'i lags zhes zhus nas/ mo'u 'gal gyis dus la bab na bstan to zhes smras so// de nas yang mi'i lus la gcan gzan gyi mgo can du 'dug pa'i yi dgas mang pos mi zhig la 'khor bar bskor te/ lag na mda' gzhu thogs shing mda' de la me 'bar bzhin du kun gyis mdil mdab 'phangs nas gcig tu 'bar par mthong ste/ 'di lta bu'i sdug bsngal mi zad pa myong bar yang 'bros pa'i gnas med pa 'di su lags zhes zhus na/ slob dpon gyis re zhig sdod cig dus la bab na bstan to zhes bsgo'o/ / de nas yang song seng ba las/ ring zhig lon pa dang / ri chen po zhig gi drung na ral gri mtshon rnon po so gyen du gtams te btsugs pa la/ mi zhig ri'i rtse mo nas thur du rgyugs te/ ral gri dang mtshon gyis zug cing ral nas phyir yang ral gri dang mtshon sa la btsugs te/ de bzhin du mi ngal bar rgyug pa mthong nas/ 'di lta bu su lags zhes zhus nas/ slob dpon gyis dus la bab na bstan to zhes bsgo'o// de nas yang song song ba las/ rus pa'i ri chen po mtho khyad dpag tshad bdun brgya pa nyi ma yang bsgrib cing rgya mtsho yang grib mas mun par gyur pa de la/ mo'u 'gal 'dzegs te rtsi ba rus gcig gi steng nas phan tshun du 'gro ba'i phyi bzhin du bdag kyang song ba mthong nas 'di snyam du bsams

  147. 74b

    so/ / bdag ni slob dpon dang de'u re bral gyis/ sngar mthong ba'i dngos po de dag zhu'o snyam bsam nas/ slob dpon la bdag gis sngar mthong ba'i dngos po de dag bstan du gsol zhes zhus pa dang / mo'u bgal gyis kyang da dus la bab kyis khyod la bstan to// sngar mthong ba'i bud med de shes par 'dod na/ de ni rgyal po'i khab na sar phag chen po/ zhes bya ba'i chung ma yin te/ byad bzhin bzang bas khyim thab kyang lhag par byams so// de'i tshe na sar phag de rgya mtshor 'jug pa las chung ma gtong ma phod nas chung ma yang khrid de tshe// pa lnga brgya tsam dang rgya mtshor zhugs nas/ de'i chung ma rtag tu shing gsum mgo bsdus te mdung khyim ltar byas nas de la me long bzhag ste/ me long la lta ba na bdag gis byad bzhin bzang bar mthong nas shin tu chags pa skyes so/ / de'i tshe na rgya mtsho'i nang nas rus sbal chen po zhig gis gru brdzis nas gru zhig ste/ tshong pa lnga brgya tsam dang thams cad tshe'i dus byas so/ / rgya mtsho'i chos nyid kyis ro zhag tu lon par mi gnas pas chus phul te rgya mtsho'i 'gram du phyin to// sems can dag ni tshe'i dus byed pa na ci la chags pa der skye bar 'gyur ro// 'o na su zhig sems can dmyal bar skye bar dga' na/ sems can dmyal bar mang du skyes par gyur/ spras pa/ sems can gang dkon mchog gsum gyi nor rkus sam/ pha ma'i

  148. 75a

    longs spyod rkus sam/ mi'i srog gcod pa'i kha na ma tho ba chen po byas na/ shin tu 'bar ba'i sems can dmyal bar ltung bar 'gyur te/ mi de rlung ngam grang nad kyis gzir bas yid la me 'dod par bsams so/ / me'i nang du 'gro bar bsams ma thag tu tshe'i dus byas nas/ shin tu 'bar ba'i sems can dmyal bar 'gro'o// de la gang sangs rgyas la phul ba'i mar me 'am/ rin po che rkus sam/ dge 'dun gyi sgron ma 'am/ shing rkus sam/ dge 'dun gyi gnas khang bshig gam/ chos 'chang pa'i 'dun khang bshig gam/ dgu na grang ba'i dus su pha rol po'i gos 'phrogs sam/ mthu yod pas lhags pa'i nang du bran pa 'am/ bran mo 'am/ mi gzhan gyi gos 'phrogs te chu blugs sam/ gzhan gyi gos bshus shing 'phrogs na/ kha na ma tho ba'i las kyi sdig pa 'dis chab bron gyi sems can dmyal bar ltung ste/ mi de tsha ba'i nad kyis gzir te rtag tu bsil zhing grang ba'i gnas sems te/ grang bar 'dod pas dus byas ma thag tu sems can dmyal ba der skyes te/ ut+pa la dang / pad+mo dang ku mu ta dang / pun dar ka'i sems can dmyal ba yang de dang 'dra'o// grang ba'i sems can dmyal ba na sdug bsngal myong ba ni/ lus kyi sha kun kham tshang kham tshang du yos rje

  149. 75b

    ba ltar chad cing gas nas/ mgo dang rus pa yang dum du brgya stong du chad cing gas par 'gyur ro// sems can gang ser sna byed cing gzhan gyi 'tsho ba bcad de ltogs su bor ba dang / kha zas dus bzhin mi ster na yi dgas kyi khams su ltung ste/ mi de kha zas mi chud cing skyug bro ba'i nad kyis btab na/ nad g.yog gam bshes gnyen gyis kha zas rnam pa mang po dang sbyar te 'di ni mngar ro/ / 'di ni sbyar ro// 'di ni bsod pa'o// 'di ni 'ju sla ba'o zhes nan gyis bstab na/ nad pa de khros te bdag kha zas 'di mig gis mi mthong ba'i dus yod dam snyam pasams nas/ de tshe'i dus byas ma thag tu yi dgas kyi khams su ltung ngo // sems can gang glen pa gti mug can/ dkon mchog gsum la ma dad pa/ 'phags pa la skur pa 'debs pa ni dud 'gro'i skye gnas su skyes te/ de yang nad kyis gzir ba na skur te nyal ni shes kyi/ 'phres te nyal mi shes la/ dge ba'i phyogs gtam snyan pa thos mi 'dod/ na nad g.yog gis kyang gdon mi za bar tshe 'pho bar shes pa na/ nad g.yog gis kyang khyed chos nyon cig/ khrims kyang nos shig/ sku gzugs dang dge slong dag kyang mthong bar byas la de la sbyin pa yang byos shig ces bskul na/ de la ma dang mi dga' ste/ nan gyis bskul ma btab pa dang / de khros nas bdag dkon mchog gsum dang dge ba'i ming

  150. 76a

    yang mi thos pa zhig tu song na ci ma rung zhes smras nas/ tshe'i dus byas ma thag tu dud 'gro'i skye gnas su skye'o// de la gang lha dang mi'i rgyur gyur pa'i dge phyogs la brtson pa de ni nad kyis kyang shin tu gdungs par mi 'gyur te/ tshe'i dus byed pa na sems kyang mi 'khrug gi/ nad g.yog dang bshes gnyen gyis 'chi bar rtogs nas/ khyod dam pa'i chos thos 'dod dam/ sku gzugs mthong bar 'dod dam/ dge slong dag las mdo sde dang tshigs su bcad pa dag nyan par 'dod dam/ khyod tshul khrims nod par dga' 'am/ sangs rgyas dang dge 'dun la longs spyod 'bul bar dad dam zhes bskul na/ de dag kun la dad do zhes zer ro// gzhan yang sangs rgyas kyi sku gzugs la yon phul na 'tshang rgya bar 'gyur ro/ / chos la mchod cing longs spyod phul na/ gang nas gang du skye ba'i gnas thams cad du shes rab dang ldan te/ chos kyi mtshan nyid khong du chud cing rtogs par 'gyur ro// dge 'dun la longs spyod kyi sbyin pa byas na/ gang nas gang du skyes kyang rin po che dang longs spyod chen po dang / yid bzhin du ldan par 'gyur zhes nad pa la gtam byas na/ nang pa rab tu dga' mgu rengs te/ bdag skye ba thams cad du dkon mchog gsum dang phrad cing chos thos pa dang / chos thos nas kyang khong du chud cing rtogs par gyur cig ces smon

  151. 76b

    lam btab nas tshe'i dus byed de mi'i nang du skye'o/ / gang zhig lhar skye ba'i rgyur 'gyur ba'i dge ba'i phyogs rgya cher bskyed pa/ sbyin pa dang tshul khrims rnam par dag pa/ chos nyan/ par dga' ba dge ba bcu spyod pa'i gang zag de ni dus byed pa na bde bar nyal bzhin du sangs rgyas kyi sku gzugs dang / lha'i pho brang dang / lha'i bu mo dag mthong zhing lha'i rol mo dag thos te mdangs shin tu bzang ba dang lag pa gyen du 'degs pa ni/ tshe'i dus byas nas mtho ris lha'i nang du skye'o// khyim bdag sar phag gi chung ma de bdag gi lus la chags pas tshe'i dus byas ma thag tu phyir yang bud med kyi lus de la sbrul du skyes te/ sbrul de las tshe'i dus byas nas sems can dmyal ba chen po sdug bsngal dpag tu med pa myong bar 'gyur ro/ / dge slong des yang slob dpon la gsol pa/ bdag gi shi la za ba'i bud med de su lags/ mo'u 'gal gyis smras pa/ mnyan du yod pa na dge bsnyen ma zhig la bran mo zhig yod do/ / dge bsnyen ma des tshul khrims rnam par dag pa'i dge slong zhig/ dbyar zla ba gsum mchod pa 'bul bar spyan drangs nas phyogs gcig tu gnas khang byas te bzhag nas/ nyin gcig bzhin du kha zas ro brgya dang dri bsung du ldan pa sna tshogs sbyar to// dro khar dus su bran mo de skyel du btang ngo // bran mo des dben par phyin pa dang

  152. 77a

    zhim po rnams zos nas/ lhag ma dge slong de la phul lo// byis dge bsnyen mas bran mo de mdog bzang zhing sha skyes par mthong nas/ bran mo la khyod dge slong la 'bul ba'i kha zas lhag mar ma byas sam zhes dris na/ jo mo bdag la yang dad pa'i shas cung zad cig mchis te/ ngan par blta ba ni ma lags na/ ci'i slad du dge slong la 'bul ba'i kha zas lhag mar bgyid/ dge slong gis ma yog pa'i lhag ma bdag la stsal ba 'tshal to// ji ste bdag gis 'tshal bar gyur na/ bdag gar skye gar skyes kyang bdag gi sha la bdag za bar shog cig ces smras pa de'i rgyu de'i rkyen gyis/ sngar rnam par smin pa mi bzad pa 'di myong nas sems can dmyal ba chen por dpag tu med pa'i sdug bsngal gdod myong bar 'gyur ro/ / dge slong des gsol pa/ shing chen po la srin bu mang po za zhing mi snyan pa'i sgra chen po grag pa de su zhig lags/ spras pa/ li ta zhes bya ba dge 'dun gyi las byed pa'i dge slong de yin te/ dge 'dun gyi dkor la spyod cing / me tog dang / 'bras bu dang / bza' ba dang / btung ba dag khyim pa'i phyogs la byin pas/ rnam par smin pa mi bzad pa 'di myong nas/ tshe'i dus byas ma thag tu sems can dmyal ba chen por skyes te/ shing la za ba'i srin bu de dag ni dge slong

  153. 77b

    gis byin pa thob pa'i mi rnams yin no/ / dge slong des yang gsol pa/ mi zhig la mi mang pos bskor te mdas btsags nas lus gcig tu 'bar ba de su lags/ mo'u 'gal gyis smras pa/ mi sngon rngon pa byed byed de ri dgas mang du bsad pas sdug bsngal 'di lta bu myong bar gyur te/ de nas tshe 'phos nas sems can dmyal ba chen por skyes te/ de las thar pa'i dus shin tu dka' 'o/ / dge slong gis yang gsol pa/ ri chen po las ral gri dang mtshon khar rgyug pa de su lags/ mo'u 'gal gyis spras pa/ rgyal po'i blon po shin tu dpa' ba yin te/ re zhig mtshon rnon po dang / ral gri dang / mdung dang / sha ga ti'i khar rgyug ste/ de nas tshe 'phos nas sems can dmyal ba chen por sdug bsngal yun ring por myong bar 'gyur ro/ / dge slong des yang gsol pa/ rus pa'i ri chen po de su'i lags/ mo'u 'gal gyis smras pa/ khyod shes par 'dod na de ni khyod kyi lus snga ma'i rus pa yin no/ / dge slong gis de skad ces thos nas shin tu skrag ste ba spu kun langs nas rdul yang byung ste/ slob dpon la smras pa/ bdag gi snying ma gas par sngon gyi las kyi rgyu dang rkyen bstan du gsol/ me'u 'gal gyis smras pa/ skye shir 'khor ba ni mtha' dang mu med de/ dge sdig las kyang zhig cing med par mi 'gyur bas las

  154. 78a

    ci dang ci byas pa rnam par smin pa yang de dang de dag gdon mi za bar myong bar 'gyur ro/ / sngon 'das pa'i dus na 'dzam bu'i gling 'dir/ rgyal po chos kyis 'phags zhes bya ba zhig yod de/ sbyin pa dang tshul khrims la dga' ba/ chos nyan par mos pa/ shin tu snying rje'i sems dang ldan pa/ rang bzhin gyis mi gtum pa/ sems can gyi srog mi gcod pa/ rgyal po'i mtshan dang ldan pa/ dam pa'i chos kyi srid kyis 'tsho ba/ lo nyi shu tsam lon pa dang ngal ba zhig gi skabs su mi dang mig mangs zhig rtse ba las/ mi zhig la nyes pa chen po byung nas/ blon po rnams kyis mi zhig khrims las 'gal ba'i nyes pa chen po bgyis na/ ji ltar bgyi zhes gsol pa/ rgyal po mig mangs la yengs pas/ rgyal pos khrims bzhin du gyis shig ces bsgo nas/ blon po rnams kyis khrims dang sbyar na bsad pa la thug pas mi bsad ngo // rgyal pos mig mangs rtse ba zin nas blon po la nyes pa byed pa'i mi de ga re zhal che bcad do zhes byas na/ blon po rnams kyis bdag cag gis khrims dang sbyar te bkum lags so zhes smras so// rgyal pos de skad ces smras pa thos nas/ 'khams te sa la 'gyel ba dang / blon po rnams kyis chus btab nas phyir langs nas mchi ma blags te 'di skad ces smras so// pho brang gi slas

  155. 78b

    dang glang po che dang / rta dang / rin po che sna bdun la sogs pa thams cad ni 'dir lus kyi/ nga 'ba' zhig sems can dmyal bar sdug bsngal myong bar 'ong ba lta/ bdag rgyal po ma byas pa'i tshe na yang pho brang 'di na rgyal po'i srid 'tsho zhing bzhugs bzhugs/ bdag ring por mi thogs pa shi na yang de bzhin du rgyal po'i srid 'tsho bar 'gyur te/ bdag ni mi bsad pas na rigs ngan gyi rgyal po yin te/ skye ba thams cad du bdag gar 'gro bar 'gyur/ da ni rgyal po yang mi 'dod do zhes smras nas/ rgyal po'i thabs btang ste ri la bdag bsrung zhing 'dug pa las/ rgyal po de tshe'i dus byas nas rgya mtsho chen por chu srin zhig tu skyes te/ lus che khyad dpag tshad bdun brgya yod do// rgyal po 'am/ blon po yang rung / mthu rtsal snyems te sems can gyi srog gcod dam/ 'dod pa dang bye bral ba'i las byas sam/ sems can la 'tshe ba'i las byas na/ shi ma thag tu phal cher chu srin du skye ste/ de'i lus la srin bu mang po gnas so// de'i lus g.ya' bas shil gyi ri la snyogs shing drud pas srin bu mang po shi ba'i khrag gis rgya mtsho'i nang rgyang grags brgya tsam dmar por byas so/ / sdig pa'i las des de dag tu tshe 'phos nas kyang sems can dmyal ba chen por ltung bar 'gyur ro// chu srin de lan cig gnyid kyis log na lo brgyas lan cig

  156. 79a

    sangs te bkres pa dang skom pas nyen nas/ kha gdangs pa dang / rgya mtsho'i chu khar 'gro ba ni chu chen po rgya mtshor 'bab pa dang 'dra'o// de'i tshe na tshong pa lnga brgya tsam zhig rgya mtshor zhugs te rin po che len du song ba las/ chu srin kha gdangs pa dang phrad nas gru yang shin tu mgyogs par chu srin gyi kha 'dod par song ngo // tshong pa rnams skad chen po phyung ste ngus nas gcig la gcig 'di skad ces smras so/ / bdag cag ni gdon mi za bar 'chi bar 'gyur gyis/ so so nas ci la brten pa dran par gyis shig ces smras pa dang / de dag la la ni sangs rgyas dang / chos dang / dge 'dun gyi mtshan nas brjod/ kha cig ni 'jig rten gyi lha dang / ri dang / gtsang po dang / lha ma srin dang / pha ma dang / chung ma dang bu dang / phu nu dang / gnyen pa'i ming nas bos te/ bdag cag ni deng mthong ba tha ma 'di las 'dzam bu'i gling gtan mi mthong ngo zhes smras so// de'i tshe de dag chu srin gyi khar song ba dang / thams cad kyis dus gcig tu sangs rgyas la phyag 'tshal lo zhes brjod pa dang / chu srin gyis sangs rgyas la phyag 'tshal lo zhes brjod pa'i sgra thos ma thag tu kha btsums te/ chu 'bab pa yang chad par gyur nas/ tshong pa de dag 'chi ba las sos par gyur to// chu srin de ltogs nas de nyid du tshe 'phos te/ rgyal po'i khab tu

  157. 79b

    srin bu zhig tu skyes so/ / chu srin gyi ro rgya mtsho'i ngogs su phyung nas/ nyi mas gdungs char pas rlan te sha zad par gyur pa'i rus pa de ni ri 'di yin no// dpal skyes 'di ltar rig par gyis shig/ de'i tshe de'i dus na rgyal po chos kyis 'phags ni khyed yin no// mi bsad pa'i rkyen gyis rgya mtsho chen por chu srin du skyes so// khyod kyis nga yang phyir mi'i lus thob pa 'dis 'khor ba la rgyab kyis ma phyogs na/ 'di nas tshe 'phos ma thag tu sems can dmyal bar lhung ste thar par shin tu dka' 'o// dge slong dpal skyes bdag gi lus rnying pa yang mthong de skad ces bstan pa yang thos nas 'khor bas shin tu skrag ste/ gang la nan tan byed byed pa'i chos de la mthar gyis yid la byas nas sems rtse gcig pa la gnas te/ lus rnying pa mthong bas mi rtag pa'i chos khong du chud de/ 'khor ba la rgyab kyis phyogs par rtogs nas/ kun nas nyon mongs pa'i zag pa thams cad zad de dgra bcom par gyur to/ mo'u 'gal yang shin tu dga' nas smras pa/ chos kyi sras po khyod kyis ni bya ba thams cad yid la byas kyi/ sngar 'dir 'ongs pa ni nga'i mthus 'ongs so// da ni phyir khyod bdag gi mthus 'dong ngo zhes smras nas/ de'i tshe mo'u 'gal steng gi nam mkha' la 'phags pa dang / dge slong dpal skyes kyang slob dpon gyi phyi bzhin du 'ongs pa ni bya'i phyi bzhin

  158. 80a

    du phrug gu 'brang ba 'dra bar 'od ma'i tshal gang na bar 'ongs so/ / de'i tshe na dge slong gzhon nu dag dgra bcom par mi shes pas sngon bzhin du dpal skyes la mtho btsams kyang / spyod lam ma nyams te cang mi smra'o// bcom ldan 'das kyis de ltar gyur pa mkhyen nas/ dge slong gzhon nu rnams kyis 'di'i las mi 'byung ba dang / dge slong rgan po'i yon tan grags par bya ba'i phyir/ 'khor mang po'i nang du dge slong dpal skyes la tshur shog cig ces bka' stsal nas/ khyod rgya mtsho'i ngogs su phyin tam zhes bka' stsal to/ / dpal skyes kyis gsol pa/ bdag rgya mtsho'i ngogs su mchis so// rgya mtsho'i ngogs su ci dang ci mthong ba smros shig ces bka' stsal nas dge slong gis ci dang ci mthong ba rgyas par gsol ba dang / bcom ldan 'das kyis legs so legs so zhes bya ba gnang nas/ dpal skyes khyod kyis mthong ba de dag ni bden no// khyod kyis da ni 'khor ba'i sdug bsngal yongs su spangs te yongs su mya ngan las 'das pa'i bde ba thob nas/ lha dang mir bcas pa'i 'jig rten gyi mchod pa'i gnas su gyur to// dge slong khyod kyis bya ba thams cad yongs su rdzogs so zhes bka' stsal nas/ dge slong gzhon nu de dag gis bcom ldan 'das kyis de skad ces bka' stsal pa thos nas/ shin

  159. 80b

    tu 'gyod cing mi dga' ba skyes nas/ 'di lta bu mkhas pa shes rab can 'phags pa la/ bdag cag shes rab med pas 'tshe ba dang mtho btsams pa bgyis so// bdag cag ni kha na ma tho ba'i rnam par smin pa myong bar 'gyur ro zhes smras nas/ dge slong gzhon nu dag dge slong dpal skyes gang na ba der song nas phyin pa dang / lus smad lnga sa la gtugs te phyag byas nas 'di skad ces smras so/ / skyes bu dam pa dag ni snying rje dang lhan cig skyes te/ btsun pa khyod skyes pa yang snying rje chen po dang lhan cig skyes pa lags na// bdag cag la thugs brtse ba'i slad du/ bdag cag khyod la mthol tshangs bgyi'o zhes smras pa dang / dge slong des kyang bdag gi lus la yang mi dga' ba'i bsam pa med kyis/ tshangs par gyur cig ces smras so// de nas dge slong dpal skyes kyis/ dge slong gzhon nu de rnams shin tu 'gyod cing gnong bkur ba'i sems dang ldan par rtogs nas/ dge slong de dag la dam pa'i chos bstan to/ / de dag gis 'khor po la rgyab kyis phyogs pa'i chos thos nas brtson pa dang 'bad pas nan tan byas te/ kun nas nyon mongs pa'i zag pa kun zad nas dgra bcom par gyur to/ / de nas khyim bdag dpal skyes kyang rgyal po'i khab tu shin tu grags par gyur te/ kun gyi ngo mtshar ya mtshan du khyim bdag rgan po ci

  160. 81a

    yang mi nus pa yang / sangs rgyas kyi bstan pa la rab tu byung nas dgra bcom par gyur te/ 'di lta bu'i dam pa'i chos kyang ston to zhes brjod do// de'i tshe rgyal po'i khab de na gnas pa'i mi dag phal cher bsam pa dag pa'i sems skyes nas/ kha cig ni bu dang / bu mo dang / bran po dang / bran mo la sogs pa rab tu 'byung bar gnang ngo // kha cig ni bdag nyid rab tu 'byung bar gsol nas thams cad rab tu dga' ste rjes su yi rang bar gyur to// de bas na rab tu 'byung ba'i yon tan ni tshad med mtha' med de/ dpal skyes// lta bu lo brgya len nas rab tu byung nas/ de lta bu'i yon tan chen po dang ldan par gyur na/ gzhon nu dar la bab pa rab tu byung nas 'bras bu chen po mchog das pa rnyed pa lta ci smos te/ chos la brtson pa dag ni rab tu 'byung bar bya'o// rab tu byung ba'i yon tan bsngags pa'i le'u ste bco lnga pa'o// // bam po lnga pa// dge tshul gyis tshul khrims bsrung ba'i le'u'o// tshul khrims bsrung ba dag ni lus dang srog ster kyang bla'i nam du yang tshul khrims nyams par mi byed do// de ci'i phyir zhe na tshul khrims ni byang chub tu 'jug pa'i rtsa ba zag pa med pa'i mchog/ mya ngan las 'da' ba'i bde bar 'gro ba'i lam mo// tshul khrims dag par bsrung ba'i bsod nams

  161. 81b

    ni tshad med dpag tu med do/ / dper na rgya mtsho chen po tshad med mtha' med do// tshul khrims bsrung ba'i bsod nams kyang tshad med mtha' med do// dper na rgya mtsho ni lha ma yin dang / rus sbal dang / chu srin dang / chu'i ris su gtogs pa'i sems can chen po'i gnas su gyur pa ltar/ tshul khrims kyang de dang 'dra ste/ theg pa gsum la gnas pa'i skye bo chen po mang du gnas so/ / dper na rgya mtsho'i nang na gser dang / dngul dang / bai DUR+Ya la sogs te rin po che mang po yod pa bzhin du/ tshul khrims kyi rgya mtsho yang de dang 'dra ste/ mi rtag pa bzhi dang / byang chub kyi phyogs kyi chos sum cu rtsa bdun dang / bsam gtan dang / ting nge 'dzin la sogs pa'i rin po che mang po yod do/ / dper na rgya mtsho chen po'i gting yang rdo rje yin la/ mtha' ma yang rdo rje'i ris bskor te/ chu bo bzhi 'bab kyang mi 'grib mi 'dud pa ltar/ tshul khrims kyi rgya mtsho yang de dang 'dra ste/ 'dul ba rdo rje lta bus ni gting byas/ chos mngon pa'i ris ni mtha' bskor/ mdo sde bzhi chu bo lta bur 'bab kyang 'phel ba yang med/ 'grib ba yang med do/ / rgya mtsho ci'i phyir mi 'dud ce na/ mtshams med pa'i sems can dmyal ba'i mes rgya mtsho skam pas/ de'i phyir rgya mtsho mi 'dud ngo // chu bo rtag tu 'bab

  162. 82a

    pas ni mi 'grib bo/ / tshul khrims kyi rgya mtsho yang bag yod pas mi skye/ yon tan dang ldan pas mi 'grib bo// de bas na gang tshul khrims bsrung ba de'i yon tan ni rab tu mang bar rig par bya'o/ / bcom ldan 'das mya ngan las 'das nas yul an ta zhes bya ba na/ dge slong bsod snyoms pa dgon pa la gnas par dga' ba spyod lam dang ldan pa zhig yod do/ / dge slong bsod snyoms pa ni sangs rgyas kun gyis bsngags kyi/ phal gyi nang na gnas pa ma yin no/ / de ci'i phyir zhe na/ dge slong bsod snyoms pa ni 'dod pa chung zhing chog shes te/ ci yang mi sogs shing za gcig pa/ bla gab med pa/ chos gos gsum la sogs pa spyod de/ btsun pa'o// gtso bo'o// dge 'dun gyi nang na gnas pa'i dge slong ni 'dod pa mang ba chog mi shes pa la sogs pa/ chags pa ser sna byed pa ci la yang chags pas/ grag pa chen po thob par mi 'gyur ro// dge slong bsod snyoms pa de yang yon tan spyod pa dang ldan te/ dge sbyong gi 'bras bu thob nas mngon par shes pa drug dang / rig pa gsum dang / rnam par thar pa brgyad la gnas te/ spyod lam shin tu mdzes pas kun tu grags par gyur to// de'i tshe yul an ta zhes

  163. 82b

    bya ba na/ dge bsnyen dkon mchog gsum la dad pa/ srog mi gcod pa/ ma byin par mi len pa/ 'dod pa log par mi g.yem pa/ brdzun du mi smra ba/ spyo ba'i// khu ba chang mi 'thung ba'i tshul khrims lnga bsrung ba/ yon tan dang ldan pa zhig yul de na 'dug pa las/ dge bsnyen des dge slong bsod snyoms pa de'i tshe gcig gi bar du 'tsho ba sbyar te/ 'tsho ba sbyar ba'i bsod nams ni myong bar 'gyur ro snyam nas/ gal te bdag gi khyim du spyan drangs te/ lam du grang ba dang tsha bas nyon mongs te sgom pa'i bapar chad du yang 'gyur la/ / phyis rnam par smin pa myong ba na yang / bdag gis bsams shing don du gnyer bas thob par 'gyur ro// gal te 'tsho ba gnas su bskyal na/ phyis rnam par smin pa yang don du gnyer mi dgos par thob par 'gyur ro snyam bsams nas/ dge bsnyen de dad pa'i sems kyis zhal zas ro brgya dang ldan pa/ dri bsung dang kha dog dang ldan pa sna tshogs bshams te nyin gcig bzhin du skyel to/ / dge sbyong la bzang ngan rnam pa bzhi brtag dka' ba ni/ ji ltar a mra'i 'bras bu smin nam ma smin pa brtag dka' ba bzhin no/ / dge slong kha cig spyod lam shin tu mdzes shing / gom pa dal gyis 'gro la gnya' shing gang las mi lta yang / nang 'dod chags dang / zhe sdang dang /

  164. 83a

    gti mug dang bcas la chos ma yin pa spyod cing / tshul khrims nyams pa yang yod de/ de ni a mra'i 'bras bu phyi rol sbyin lha nang ma smin pa dang 'dra/ dge slong kha cig ni phyi rol gyi spyod pa rtsing la spyod lam dang mi ldan pa yang / nang dge sbyong gi spyod pa dang yon tan du ldan te/ bsam gtan dang / ting nge 'dzin dang / shes ra tu ldan pa yod de/ de ni a mra'i 'bras bu nang smin la phyi rol ma smin pa dang 'dra'o// dge sbyong kha cig ni spyod lam rtsing la nyes pa byed cing tshul khrims kyang nyams la/ nang yang 'dod chags zhe sdang gti mug dang / ser sna dang / phrag dog tu bcas pa yang yod do/ de ni a mra'i 'bras bu phyi rol kyang ma smin la nang yang ma smin pa dang 'dra'o// dge slong kha cig ni spyod lam mdzes shing tshul khrims dang ldan la/ nang yang dge slong gi yon tan dang / tshul khrims dang / ting nge 'dzin dang / shes rab tu ldan pa yang yod de/ de ni a mra'i 'bras bu phyi nang gnyis ka smin pa dang 'dra'o// bsod snyoms pa'i dge slong de phyi nang gnyis ka dang ldan pa yang de dang 'dra ste/ yon tan dang spyod pa yongs su rdzogs pas thams cad rim gro dang bkur sti byed do/ / de'i tshe na yul de ni khyim bdag dkon mchog gsum la shin tu dad pa zhig la bu khye'u zhig yod de/

  165. 83b

    des 'di snyam du bsams so// bdag gi bu 'di rab tu dbyung gis/ ston pa mkhas pa zhig la bcol to// de ci'i phyir zhe na/ dge ba'i bshes gnyen la brten pa ni dge ba yang / 'phel bar 'gyur/ sdig pa'i grogs po la brten pa ni sdig pa'i chos skye bar 'gyur te/ dper na rlung gi rang bzhin ni stong mod kyi/ tsan dan gyi tshal lam/ tsam pa ka'i tshal las 'ongs na/ rlung de las dri bsung zhim po bro'o// gal te man mo zhing btsog pa 'am/ ro sungs pa'i phyogs nas 'ongs na/ rlung de yang mnam mo// dper na gos gas pa yang spos kyi snod du gzhug na/ gos de la yang spos bro'o// gal te mnam pa sungs pa'i gnas su bzhag na/ gos de yang mnam mo// dge ba'i bshes gnyen la brten na dge ba yang nyin gcig bzhin 'phel gyis/ sdig pa'i grogs po la rten na sdig pa skye zhing 'phel bar 'gyur gyis/ de bas na bdag gi bu 'di yang dge slong btsun pa 'di la phul te/ rab tu 'byung ngo snyam bsams nas/ dge slong de gang na ba der song ste 'di skad ces smras so// bdag gi bu 'di rab tu 'byung bar dad kyis/ btsun pas thugs brtse bar dgongs te rab tu dbyung bar gsol to/ / gal te mi gnang na slar yang khyim du khrid de mchi'o// de nas dge slong gis rdzu 'phrul gyis mig gis brtags na/ khye'u 'di

  166. 84a

    rab tu byung na tshul khrims dag par bsrungs shing / sangs rgyas kyi chos 'phel bar rtogs nas rab tu phyung ste dge tshul du byas so// de'i tshe na 'tsho ba sbyor ba'i dge bsnyen de la khyim bdag mdza' bo gcig yod de/ khyim bdag des dus kyi ston mo zhig sbyar nas dge bsnyen de dang / chung ma dang / bu dang / bran po dang / bran mo dang khyim gang gi mi kun pos so/ / phyid nyin mgron du 'gro ba las/ dge bsnyen des 'di snyam du bsams so// bdag cag kun mgron du 'gro na/ khyim 'di sus bsrung / gal te nan gyis 'ga' zhig bzhag na/ de'i sgor pha ma ste skal ba chad par 'gyur gyis/ de la su zhig 'dug par dga' na/ mgron las phyir 'khor ma thag tu drin gzo zhing lan bya'o zhes smras pa dang / dge bsnyen de'i bu mo zhig yod pas/ des pa la 'di skad ces smras so// khyim mi 'di dag thams cad mgron du mchi bar bgyis te/ bdag gis khyim bsrung ngo zhes smras nas/ phas kyang shin tu legs so legs so// khyod kyis khyim bsrungs na/ khyod kyi ma dang mi 'dra ba med de stor ba 'am/ nyes pa 'byung gis mi dongogs so zhes smras nas/ khyim gang gi mi kun mgron du dong ngo // bu mos kyang sgo rnams dam du bcad de gcig pu khyim na 'dug go/ de'i nyin par dge bsnyen de bral bas bsod

  167. 84b

    snyoms bskyal ba brjed nas/ de'i tshe na dge slong de 'di snyam du nyi ma yang yol la khang na/ khyim pa la don mang bas brjed pa srid dam/ zan mi za bar mi rigs kyis/ len du btang ngo snyam bsams nas/ dge tshul de la bsgo ba/ khyod spyod lam shin tu bsdams te/ bcom ldan 'das kyis gsungs pa ltar/ grong nas bsod snyoms long zhig/ ji ltar bung ba rnams me tog gi kha dog dang bsung la mi gnod pa bzhin chags par ma byed par/ khyim nas bsod snyoms long zhig/ gzugs dang / sgra dang / dri dang / ro dang reg bya la ma chags par dbang po rnams srungs shig/ gal te tshul khrims bsrungs na gdon mi za bar 'bras bu thob par 'gyur gyi/ lha sbyin lta bu mdo sde mang du kha don shes kyang nyes pa byas te tshul khrims nyams pas/ mtshams med pa'i sems can dmyal bar skyes so// ko ka li ka lta bu skur pa 'debs shing tshul khrims nyams pas de yang sems can dmyal bar skyes so/ / tsu'u li pa na ta lta bu tshigs su bcad pa gcig las mi shes mod kyi/ tshul khrims bsrungs pas dgra bcom par gyur to// tshul khrim ni mya ngan las 'da' ba'i sgor 'jug cing shin tu bde ba'i rgyur 'gyur te/ dper na bram ze'i chos kyis zla ba gsum mam/ zla ba bzhi'i bar du mchod ston byed de/ de yang bram ze

  168. 85a

    mkhas pa rig pa dang ldan pa/ tshul khrims bsrungs pa tshangs par spyod pa dag 'bod kyi/ thams cad ni ma yin no// gang ston mo la 'ong ba lag pa'i khrig ma la ki'u li'i rgyas 'debs so/ / bram ze gcig cig yon tan dang ldan yang rang bzhin gyis sred pa can zhig yin pas/ sbrang rtsi dang dang ra ba la chags pas/ 'khrig ma/ la rgyas btab pa bldags te mi snang bar byas so// phyid nyin ston mo la 'dus nas sgo bas rgya bltas na/ kun tu rgyu de la rgya med par gyur nas/ sgo bas kyang nang du ma btang nas/ khyod kyi rgya ga re zhes dris na mngar bas bldags te med par byas so zhes smras so// kun tu rgyu de mngar ba cung zad tsam la chags pas/ zla ba bzhi'i ston mo kha zas kha dog dang dri bsung du ldan zhing / ro zhim po rnam pa sna tshogs dang / yon rin po che mang po yang shor gyis/ khyod kyang de lta bur cung zad tsam la chags pa'i phyir/ tshul khrims kyi rgya nyams par ma byed cig/ lha dang mi'i 'dod pa lnga'i ro zhim po dang / zag pa med pa dang / byang chub kyi phyogs kyi chos sum cu rtsa bdun dang / mya ngan las 'da' ba'i bde ba dang / chos rin po che tshad med pa dag stor bar gyur ta re/ dus gsum gyi sangs rgyas kyi tshul khrims nyams shing / dkon mchog gsum dang / slob dpon dang / dge 'dun gyi rigs

  169. 85b

    sun par ma byed cig ces bsgo nas/ slob dpon gyi rkang pa la phyag 'tshal te de'i khyim du song ngo // der phyin pa dang sgo brdungs nas/ bu mos su yin zhes bos so// dge tshul gyis bdag slob dpon gyi bsod snyoms lan du 'ongs so zhes smras pa dang / bu mo de rab tu dga' nas/ da ni re ba rnyed do snyam nas sgo phye'o// dge tshul nang du 'ongs pa dang / bu/ mo de yang lo bcu drug las ma lon te/ mnga' byad legs pa blta na sdug pa mdzes pa bzang ba zhig ste/ 'dod chags kyis bslus pa rnams dge tshul de'i mdun du bslu ba mang po byas te/ shin tu 'dod pas dge tshul de la brtags so// dge tshul de 'di snyam du/ bu mo 'di rlung nad langs sam/ smyos sam/ 'on te bu mo 'di 'dod chags kyis gdungs te 'dod chags kyi mes nga'i tshul khrims 'tshig par byed dam snyam bsams nas/ spyod la ma shin tu bsdams te/ mdangs kyang ma gyur par 'dug go/ bu mo des lus smad lnga sa la gtugs te phyag byas nas/ dge tshul la 'di skad ces smras so// bdag rtag tu re ba yang deng gi dus su grub bo// bdag khyod la smra ba zhig yod de/ rtag tu dran na skabs ma rnyed do/ / khyod kyang rtag tu bdag la dgongs pa dran na/ bdag gi re ba bskang du gsol/ khyim 'di'i nang na rin po che dang / gser dang / dngul dang

  170. 86a

    bang mdzod mang ba ni rnam thos kyi bu'i gter dang 'dra bar yod kyang bdag po med kyis/ khyod khyim dang bcas pa'i bdag po mdzad du gsol/ bdag khyod kyi khol mo bgyis te bkur sti dang rim gro bgyis/ 'di las mi 'gal zhing bdag gi re ba bskang du gsol/ dge tshul gyis bsams pa/ bdag gis sdig pa'i las ci zhig byas na/ 'di lta bu'i rkyen sdig pa dang phrad par gyur/ bdag lus dang srog yal yang bla'i/ dus gsum gyi sangs rgyas kyis bcas pa'i tshul khrims nyams par mi bya'o// sngon dge slong dag sprad 'tshong ma'i nang du phyin kyang / me'i dong du mchongs kyang bla'i/ tshul khrims nyams par mi byed do// gzhan yang dge slong dag ni mi rgod kyis bcom nas rtsa la btags te/ rlung gis bshud cing nyi mas bsregs pa dang / srin bu mang po za yang tshul khrims bsrung ba'i phyir rtswa gcod cing mi 'gro'o// bya gag gis nor bu ming pa dge slong gis mthong yang tshul khrims bsrung ba'i phyir sdug bsngal myong bar byed kyi gtam mi zer ro/ / gru zhig pa las dge slong gis shing leb la 'jub yang / tshul khrims bsrung ba'i phyir shing leb de dge slong grogs po gral mtho ba la phul nas/ rgya mtshor shi ba la sogs pa de dag 'ba' zhig sangs rgyas kyi nye gnas tshul khrims bsrung ba yin gyi/ bdag cag gis bsrung ba ma/

  171. 86b

    yin nam/ de bzhin gshegs pa yang de 'ba' zhig gi ston pa yin gyi/ bdag cag gi ston pa ma yin nam/ dper na tsam pa ka'i me tog zar ma dang lhan cig tu btsir na/ tsam/ pa ka'i dri zham po yang zar ma'i mar la bro bar 'gyur te/ bdag ni de lta ma yin gyi/ dge ba'i bshes gnyen gyis yongs su zin na/ ci'i phyir deng 'dir sdig pa mi dge ba'i chos byed par 'gyur/ lus dang srog yal yang bla'i nam du yang tshul khrims nyams shing sangs rgyas dang / chos dang / dge 'dun dang / pha ma dang / slob dpon dang / bla ma'i rigs sun par mi bya'o/ / yang bsam pa/ gal te bdag bros na ni/ bu mo de 'dod chags kyis gdungs pas khrel ba dang ngo tsha ba yang med de/ phyi rol tu bdag zin nas bdag la skur pa 'debs par 'gyur te/ grong mi dag gis mthong na rigs sun 'byin par 'gyur gyis/ bdag ni nges par khang pa 'di nyid du tshe 'pho bar bya'o snyam du bsams nas/ bu mo de la 'di skad ces smras so/ / sgo dag dam du chod cig/ bdag ni khang pa gcig gi nang du bya ba cung zad cig yod pa de byas nas/ khyod dang phrad par bya'o zhes bsgo nas/ bu mo phyi zhig tu song ba'i 'og tu/ dge tshul khang pa gcig gi nang du zhugs nas sgo gtan dam du bcug ste/ nang nas spu gri rnyed pas rab tu dga' ste/ lus la gyon pa'i gos rnams kyang

  172. 87a

    phud nas gdang bu la gzar te thal mo sbyar nas/ grong khyer ku she gang na bar sangs rgyas mya ngan las 'das pa'i gnas logs su pus mo btsugs nas 'di skad ces yi dam bcas so/ / bdag ni sangs rgyas dang / chos dang / dge 'dun spong ba ma lags/ mkhan po dang slob dpon spong ba ma lags/ tshul khrims spong ba lags kyi/ tshul khrims bsrung ba'i slad du lus 'di spong ngo // bdag gar skyes gar skyes kyang sangs rgyas kyi bstan pa la rab tu 'byung ba dang / tshangs par spyod pa rnam par dag pa dang / zag pa zad pa dang / 'bras bu grub par gyur cig ces smon la mi btab nas/ rang ga bgul pa bcad de tshe 'phos so// khrag gis sa yog nas lus kyang khrag gis dmar por gyur to/ / de'i tshe na bu mo de da ri thogs snyam nas/ sgo drung du song ste bos na cang mi zer ro// bu mos sgo bya ste bltas ras/ tshe 'phos zin pa mthong na bsams pa bzhin du ma gyur pas 'dod pa'i sems kyang zhi ste/ bu mo de shin tu mi dga' bas gdungs pas sgra yang bshig/ bdag gi gdong yang sen mos brang de sa la 'gro zhing ngu'o/ / bu mo'i pha ma ston mo las phyir log nas sgo brdungs te bos na/ bu mo cang mi sba bas/ mi zhig nang du btang ste sgo 'byeng du bcug nas/ bu mo de de lta bur gyur pa

  173. 87b

    mthong ba dang / bu mo la smras pa/ khyod ci nyes gcig gis kyal ka byas te/ khyod kyi rigs sun par byas sam zhes dris na/ bu mo cang mi smra bar 'di snyam du bsams so// bdag gis drang por smras na ni rab tu ngo tsha ba zhig/ gal te dge tshul gyis kyil ka byas shes smras na ni/ 'phags pa la skur pas sems can dmyal bar ltung ste/ sdug bsngal mang po myong bar 'gyur gyis/ ma slu bar drang por smra'o snyam bsams nas/ bdag gcig pu khang pa srungs zhing mchis pa las/ dge tshul de slob dpon gyi bsod snyoms len du 'ongs nas/ bdag gi 'dod chags kyi me mched pas dge tshul la brtags na/ tshul khrims bsrung ba zhig pas/ sems 'gyur du ma btub ste/ dge tshul de thabs byas nas khang pa'i nang du zhugs te tshe 'phos par gyur to/ / bdag gi lus btsog pa 'dis snod yongs su dag pa ma rung bar byas pa'i steng du kha na ma tho ba'i nyes pa bgyis pas bdag mi dga' 'o// de skad ces smras pa dang / bu mo'i phas thos nas kyang ngo mtshar du gyur to// de ci'i phyir zhe na/ kun nas nyon mongs pa ni/ chos nyid kyi de dang 'dra bar rtogs pa'i phyir ro// du mo la smras pa/ chos thams cad mi rtag pa yin gyis/ mya ngan ma byed cig ces bsgo nas/ khang par zhugs te bltas na/ dge tshul gyi rus bu tsan dan dmar po ltar khrag gis bgos pa

  174. 88a

    mthong nas phyag byas te/ sangs rgyas kyi tshul khrims bsrung ba'i phyir lus dang srog la yang mi lta ba legs so zhes bsngags so// de'i tshe na rgyal po de'i yul/ khrims kyis/ dge slong dag khyim pa'i khyim du tshe 'phos na/ gser gyi dong tshe stong slar phul lo// de'i tshe dge bsnyen de yang gser gyi dong tshe stong khyer nas pho brang du song ste/ rgyal po chen po bdag la nongs pa byung gis/ dong tshe 'di dag bzhes shig ces gsol pa dang / rgyal pos de la bka' stsal pa/ khyod ni yul phyogs na dkon mchog gsum la dang cing dam pa'i chos la mos pas rang bzhin gyis drangs la/ spyod pa nyam 'og tu chud pa ni khyod gcig pur zad na/ khyod la nyes pa ci zhig byung / dge bsnyen gyis bdag gi bu mo ni smad de dge tshul gyis ji ltar tshul khrims bsrung ba'i yon tan ni bsngags nas/ ji ltar gyur pa rgyas par gsol to// rgyal pos bka' stsal pa/ dge tshul tshul khrims bsrung ba'i phyir lus dang srog la yang ma bltas par zad kyi/ khyod la nyes pa med kyis/ dong tshe khyer la phyir khyim du song zhig/ nga yang khyod kyi khyim du dge tshul de la mchod pa zhig byed du 'ong ngo zhes bka' stsal nas/ gser gyi rnga brdungs te/ 'khor thams cad 'dus la zhabs 'bring du chos shig/ dge bsnyen de'i khyim du 'deng nge zhes bkar

  175. 88b

    btags so/ / de nas rgyal po de'i khyim du gshegs te/ dge tshul gyi rus bu tsan dan dmar po ltar khrag gis bgos pa gzigs nas phyag 'tshal te/ yon tan bsngags nas rin po che sna tshogs kyis brgyan pa'i shing rta la rus bu bzhag nas gang na thang bu bde ba kun gyis mthong ba'i gnas su song ste/ spos kyi shing gis bsregs nas mchod pa byas so// bu mo de yang 'jig rten na dkon par shin tu bzang mo zhig ste/ bu mo de yang gnas mtho ba kun gyis mthong ba zhig tu bzhag ste/ 'khor mang po thams cad kyis legs par mthong bar byas te/ mi mang po la 'di skad ces bka' stsal to// bu mo 'di ni 'di ltar gzugs byad legs shing shin tu bzang ba mdzes pa 'di la 'dod chags dang bral ba su zhig chags par mi 'gyur na/ dge tshul 'di 'bras bu yang ma thob ste/ skye ba dang 'jig par bcas pa'i lus can 'dis kyang tshul khrims kyi phyir lus dang srog gtong phod pa ni/ ngo mtshar ya mtshan du che'o zhes bsgrags nas/ de'i slob dpon yang spyan drangs te/ 'khor mang po la dam pa'i chos ston du bcug nas/ 'khor de'i nang na 'dus pa thams cad kyis chos bstan pa thos nas/ kha cig ni rab tu byung zhing tshul khrims bsrung bar gsol to// kha cig ni bla na med pa'i byang chub tu sems bskyed de/ thams cad rjes su yi rangs nas mngon

  176. 89a

    par dga'a'o/ / dge tshul gyis tshul khrims bsrungs pa'i le'u ste bcu drug pa'o// / khyim bdag dbang po med pa'i le'u'o// de'i tshe bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong chen po'i dge 'dun dang thabs cig tu bzhugs te chos ston to// de'i tshe/ yul de na khyim bdag chen po byug pa nor mang ba/ gser dang / dngul dang / rin po che sna bdun dang / glang po che dang / rta dang / ba glang dang / lug dang / bran po dang bran mo dang / las byed pa'i mi rab tu mang ba/ bang mdzod rab tu mang ba/ bang mdzod rab tu gang ba zhig la/ bu khye'u ni med mod kyi/ bu mo ni lnga yod de/ de yang mnga' byad mdzes pa shes pa'i blo dang ldan pa sha stag go/ de'i tshe khyim bdag de'i chung ma sbrum ma las khyim bdag de tshe 'phos par gyur to// de'i tshe na rgyal po'i yul chos kyis bu po med na/ longs spyod ci bdog pa thams cad rgyal pos bzhes te/ rgyal pos kyang blon po chen po gcig gis de'i nor phyugs dang longs spyod ci yod pa thams cad rtsis te/ slar bzhes par bka stsal pa dang / bu mo de dag gis bsams pa/ bdag cag gi ma'i rum mi bde ba pho 'am mo yang gtol med de/ bu mo zhig btsas na ni/ nor phyugs kyang rgyal pos bzhes par zad

  177. 89b

    na gal te khye'u zhig byung na/ kho nor bdag dngos yin no snyam bsams nas/ rgyal po la 'di skad ces gsol to// bdag cag gi pha gum pas bu pho ma mchis pa'i slad du/ nor phyugs rgyal po sa ba zhes pa 'di da ltar bdag cag gi ma'i rum mi bde ba bye brag ma bye'i bar du bzhag cing / bu mo lags na bzhes pas kyang slebs te/ gal te khye'u zhig lags par gyur na nor bdag dngos lags so/ / rgyal po rab gsal rgyal de yang drang zhing chos kyis srid 'tsho bas/ bu mo de dag gis gsol ba bzhin du byas so// de nas ring por ma lon par zla ba dgu tshang nas bu pho zhig byung ste/ de la rna ba med/ mig kyang med/ lce yang med/ rkang lag kyang med de/ pho mtshan 'ba' zhig yod pa'i gong gong po zhig byung bas/ de'i/ ming yang man 'dzi byi li zhes bya bar btags so// de nas bu mo de dag gis khye'u zhig byung ngo zhes gsol pa dang / rgyal po des bsams pa/ mig dang / rna ba dang / sna dang / lce dang rkang lag la sogs pa yod pas ni nor bdag tu mi 'gyur gyi/ gang pho mtshan dang ldan pa des nor bdag tu 'gyur te/ bu 'di la yang pho mtshan yod pas pa'i nor bdag tu 'gyur ro zhes 'di snyam du bsams nas/ bu mo de dag la nor phyugs dang longs spyod ci bdog pa khyod kyi ming po dbang ste/ mi bzhes so zhes bka' stsal to// de'i tshe na bu mo chen mo

  178. 90a

    rigs mthun pa la bag mar btang nas/ bu mo des khyim bdag de la bkur sti bskyed nas stan gding ba dang / mal byed pa dang / phyag bdar dang / kha zas sbyor ba dang / bsu ba dang / skyel ba dang / phyag 'tshal ba dang / gsong por smra ba la sogs pa'i las byed pa thams cad la/ ji ltar bran mo dag rje bo'i las byed pa bzhin dubu mo de yang khyim thab de'i bkur sti byed pas/ khyim thab kyis chung ma la 'di skad ces smras so// khyo shug ces bya ba bdag cag tu ma zad de/ kun la yang srid na khyod 'ba' zhig ci'i phyir 'di ltar byed ces smras so/ / chung mas smras pa/ bdag gi pha la nor phyugs grangs med pa zhig yod de/ gum pa'i 'og tu bu mo lnga yod kyang / nor thams cad rgyal pos bzhes par chad pa las ma'i rum mi bde ba zla ba tshang nas ming po btsas na mig kyang med/ rna ba dang / lce dang / rkang pa dang / lag pa yang med de/ skyes pa'i mtshan ma 'ba' zhig yod pas nor bdag tu gyur to/ / de bas na dbang po ci yod kyang skyes pa'i mtshan gcig tsam yang mi phod de/ bdag khyod la bkur sti byed pa yin no// khyim bdag des chung mas spras pa thos nas/ ngo mtshar du gyur te chung ma dang 'grogs nas/ bcom ldan 'das gang na ba der song ste phyin pa dang / bcom ldan 'das

  179. 90b

    la 'di skad ces gsol to/ / bcom ldan 'das ci'i slad du khyim bdag gi bu de la mig dang / rna ba dang / sna dang / lce dang / rkang pa yang ma mchis te/ btsas ma thag tu shin tu phyug po'i khyim du nor gyi bdag por gyur/ bcom ldan 'das kyis/ khyim bdag la bka' stsal pa/ khyod kyis 'di dag zhus pa legs kyis/ shin tu rtag par nyon la yid la zung zhig dang / khyod la bstan to zhes bka' stsal nas/ khyim bdag gis de bzhin thos par 'tshal lo zhes gsol to// bcom ldan 'das kyis bka' stsal pa sngon 'das pa'i dus na/ khyim bdag gcig la bu khye'u spun gnyis shig yod de/ gcig ni sbyin pa zhes bya/ gcig ni tshul khrims zhes bya ste/ khye'u spun gnyis chung ngu nas chu gang dang khrel ltas che la tshig bden par smra ba/ rtag tu sbyin pa la dga' ba/ dbul 'phongs pa la mgon byed de/ de ltar dad pa che zhing dge bas yul mis kyang bsngags te/ rgyal pos kyang zhal che bar bcug nas/ nyes pa dang ma nyes pa sbyong ngo // de'i tshe na rgyal po yul khrims kyis yul mi dag gcig la gcig ci bskyis kyang zhal che ba'i drung du lhags nas dpang 'dzugs kyi/ gtan tshigs gzhan mi zer ro// de'i tshe tshong pa zhig rgya mtshor 'gro ba las de'i nu bo tshul khrims zhes bya ba las nor dbyig mang po

  180. 91a

    zhig bskyis te ci dgos par spyod do/ / de'i tshe na tshul khrims de la bu gcig pu zhig yod pa yang / gzhon la chung bas tshul khrims kyis bu yang khrid ci dang ci sbyin par byas pa'i nor rdzas kyang khyer nas phu bo'i gan du song ste/ 'di skad du tshong ba 'dis bdag la nor 'di snyed cig snga basbyin du 'tshal te/ rgya mtsho nas nam slar 'khor ba na stsal bar bgyis pa/ gal te bdag gum na yang bu la stsal bar bgyis kyis/ gcen mkhyen par mdzod cig/ phu bos kyang de bzhin du bya'o zhes smras so// de nas ring por ma lon par khyim bdag tshul khrims de tshe'i dus byas so/ / tshong dpon de yang rgya mtsho'i nang du rlung gis gru khyer nas/ gru zhig ste tshong pa 'ba' zhig shing leb cig la 'jus nas phyir yul du phyin to/ / de'i tshe na khyim bdag gis kyang tshong pa de gru zhig nas nor ni 'khyams kyi/ gcig pu phyir 'khor te/ bdag gi nor rdzas 'di snyed cig chags mod kyi ba dar med do snyam bsams so/ / de nas yang tshong pa des gzhan la bskyi brnya byas nas/ phyir rgya mtshor zhugs pa dang / nor bu rin po che mang du rnyed de bde bar phyir 'khor nas 'di snyam du bsams so/ / khyim bdag gi bu 'di sngar yang bdag la bu lon mo dad pa las na/ mi 'di chung ches pas gal te na brjed de mi dran nam/ 'on te bdag la ci yang mi bdog

  181. 91b

    pas bu lon mi 'dod pa bgam mo snyam bsams nas rta bzang po zhig la zhon te/ gos rin po che gyon nas tshong dus su song ngo // khyim bdag gi bu des kyang tshong pa de gos bzang po gyon zhing rta bzang po zhon pa mthong nas bsams pa/ 'di ni longs spyod dang ldan par gyur pa lta/ bu lon bda' 'o snyam nas/ mi zhig la bu lon chags pa'i rnams da phyir mi sbyin nas zhes spring nas/ des kyang de bzhin du bya'o zhes smras so// de nas tshong pa des bsams pa/ khyim bdag 'di las nor dbyig mang du bskyis pas/ bdag la longs spyod ci bdog pa thams cad gtugs kyang mi 'khor te/ bdag gis thabs shig bya'o snyam bsams nas/ tshong pa de nor bu rin po che gcig thogs te/ zhal che ba de'i chung ma'i gan du song nas 'di skad ces gsol to/ / btsun mo mkhyen par mdzod cig/ bdag gis sngon khyim bdag tshul khrims las nor rdzas cung zad cig bskyis te/ da khyim bdag gi bu bdag la bu lon ded na nor bu rin po che srang khri ri ba 'di bzhes te/ zhal che ba la bdag cag gnyis 'drir 'ongs na/ ma mthong ngo zhes bya bar gsol bar gyis shig ces gsol to// chung mas smras pa bdag gi khyim thab 'di ni shin tu drang ste/ brdzun mi zer bas mi btub tu nges na/ 'on kyang gsol bar bya'o zhes nor bu blangs te/ khyim thab nub mo slar 'khor ba dang /

  182. 92a

    tshong pas gsol ba bzhin du rgyas par smras so// khyim thab kyis smras pa/ bdag ni chu gang dang khrel ltas kyis 'tsho ste/ brdzun mi zer bas kyang zhal che bar bcug go/ / gal te bdag gis brdzun smras na ni/ rigs pa dang gsha' ba ma yin no zhes smras so// phyi de nyin yang tshong pa 'ongs nas/ chung mas kyang de bzhin du gtam rgyas par smras te/ nor bu phyir byin pa las tshong pa des/ nor bu ra na po che srang stong phrag nyi shu ri ba gcig yang phul te/ 'di snyam du don cung zad kyi phyir tshig gcig tsam smras pas srang stong phrag sum cu rnyed par 'gyur ro/ / pha rol po ni che bo ya ni te/ rgyal bar gyur na yang dong tshe gcig tsam yang thob par mi 'gyur ro zhes smras nas/ 'di ni rigs pa yin no snyam ste/ nor bu rin po che la chags pas tshong pas bcol ba sgrub par khas blangs te/ dgongs su khyim thab phyir 'khor ba dang / khar rtsang bdag gis gsol ba de rung ba dang 'dra na de bzhin mdzad du gsol/ khyim bdag gis smras pa/ 'di ni rigs pa ma yin te/ bdag brdzun mi zer bas zhal che bar bcug go// gal te brdzun zhig smras na/ yang tshe 'di la 'jig rten pa kun gyis yid ches par mi 'gyur/ tshe phyi ma la yang bskal pa grangs med pa'i bar du sdug bsngal myong bar 'gyur ro zhes bsgo'o// de'i tshe

  183. 92b

    na khyim bdag de la bu khye'u 'gro mi nus pa gog tsam zhig yod de/ khyim bdag gi chung mas/ khyim bdag la 'di skad ces smras so// bdag ni khyod dang khyo shug tu gyur pas srog la bab pa zhig smras na yang mi bzlogs su re na/ 'di lta bu'i don chung ngu gcig la yang tshig brtul te ngo zlog na/ bdag gson te yang ci rung / bdag gi gsol ba bzhin du/ ma gyur na/ bu yang bsad la de'i 'og tu bdag kyang 'chi'o// khyim bdag gis de skad ces smras pa thos nas/ dper na mi brnangs pa skyug tu med la/ ming du yang med pa ltar ba dag la bu 'di gcig pur zad de/ gal te shi bar gyur na nor gyi bdag po yang med par 'gyur na/ gal te bud med kyis smras pa bzhin du byas na yang / 'jig rten pa kun gyis smras pa yid mi ches te/ ma 'ongs pa'i dus su yang sdug bsngal mang po myong bar 'gyur ro snyam nas/ ma rangs bzhin du chung mas smras pa bzhin byas pas/ chung ma yang rab tu dga' nas tshong pa la bu nga'i khyos kyang gnang gis/ de bzhin du gyis shig ces bsgo'o// tshong pa yang rab tu dga' nas phyir khyim du song ste/ glang po chen po gcig rin po che sna tshogs kyis brgyan nas gos rin po che gyon te/ glang po che de la zhon nas tshong dus su 'ongs so// khyim bdag gi bu des de lta bu mthong nas dga' ste/ yid la da ni mi 'di longs

  184. 93a

    spyod mang po dang ldan gyis/ bdag gi bu lon bda' bo snyam bsams nas drung du song ste/ sar phag la 'di skad ces smras so// khyim bdag mkhyen tam bdag gi bu lon chags pa'i rnams da ltar stsol zhig ces smras na/ khyim bdag de dngas pa ltar byed de/ khyod kyi bu lon chags su mi dran no// bu lon cig zhig chags su mthong ngo zhes smras so/ / khyim bdag gi bus smras pa/ lo dang zla ba'i ngo che ge mo zhig la/ bdag gi pha las nor bskyis te/ bdag gi lag nas nor khyer bar zhal che ba yang shes na/ ci'i phyir bsnyon ces smras so// tshong pas smras pa/ bdag gis ni khyod kyi nor bskyis par mi dran no// mthong ba zhig yod na mthong ba'i thad du gtug tu 'dong ngo zhes smras nas/ zhal che ba'i thad du phyin nas/ mi 'dis sngon bdag gi pha las nor 'di snyed cig bskyis te/ khu bos kyang mthong na/ mi 'dis bdag gi pha las nor ma 'tshal lam zhes dris na/ / bu bos kyang bdag la gtol med ces smras so// tsha bo dngangs nas de'i tshe na bdag gi nor ci bskyis pa/ khu bos lag pas bsngos te mi 'di la byin pa mi dran nam/ spras pa/ de lta bu med do zhes smras so// de nas khye'u de khu bo la khros nas/ khyod drang ba'i phyir kun gyi zhal che bar rgyal pos bcug ste/ yul mi thams cad

  185. 93b

    kyis drang po zhes byas na/ bdag tsha bo la yang 'di ltar byed na/ gzhan dag la thog tu ma bab cing gtam las chang las chad pas lta ci smos te/ 'di bden nam brdzun pa de'u re mngon no zhes smras so/ / bcom ldan 'das kyis/ khyim bdag la bka' stsal pa/ de'i tshe na zhal che ba de shes par 'dod na gzhan yin no snyam du ma sems shig/ de ni man 'dzi byi li dbang po rnams med pa yin no/ / de'i tshe na brdzun gcig byas pas sems can dmyal ba chen por skyes nas sdug bsngal sna tshogs myong ste/ dmyal ba las thar nas skye ba lnga brgya'i bar du dbang po ci yang med pa'i sha gong gong por skyes so/ / de'i tshe na sbyin pa la dga' ba'i dbang gis rtag tu phyug po'i khyim du skyes nas nor gyi bdag por gyur to// dge ba'i las dang sdig pa'i las ni yun ring por lon kyang med cing zhig par mi 'gyur ro/ / de bas na khyed rnams brtson 'grus su lus dang / ngag dang / yid bsdams te sdig pa ni mi bya'o/ / de'i tshe 'khor mang po rnams bcom ldan 'das kyis gsungs pa thos nas/ la la ni 'bras bu dang po nas 'bras bu bzhi pa'i bar du thob par gyur/ la la ni bla na ming pa'i byang chub tu sems bskyed de rjes su yi rangs nas mngon par dga' 'o/ / khyim bdag dbang po med pa'i le'u ste bcu bdun pa'o// // dbul mos

  186. 94a

    ras byin pa'i le'u'o/ / de'i tshe na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun la chos ston cing bzhugs so/ / de'i tshe na yul de na khyim bdag gcig gi chung ma zhig la bu mo zhig btsas nas/ bu mo gzhan pas 'phags par bzhin bzang ba blta na sdug pa mdzes pa zhig ste/ thog ma btsas nas ras dkar po 'jam pos dkris te byung ngo // de la pha ma ya mtshan du gyur te/ mtshan mkhan la bstan nas/ mtshan mkhan gyis bltas te bsod nams chen po dang ldan par rtogs nas/ ming yang dkar mo zhes btags so// bu mo dkar mo ji tsam du skyes pa bzhin ras kyang lus kyi tshad du skyes so// bu mo de phyis cher skyes nas yul mi las mang du chung mar slong ba dang / pha mas kyang bu mo bag mar btang ba'i yo byad rgyan brdung snyam nas/ mgar ba gnyer te gser dngul gcal to// bu mos gser dngul gcal ba mthong nas/ 'di ni ci zhig bya zhes pha ma la dris pa dang / 'di ni khyod bag mar btang ba'i rgyan rnams brdung ngo zhes smras so// bu mos smras pa/ bdag ni rab tu 'byung bar dad kyis/ bag mar mchi bar mi dga' 'o// pha mas kyang bu mo'i yid dang sbyar nas de ma thag tu ras phyung ste/ chos gos drub par bshams pa las/ bu mos

  187. 94b

    ras 'di ci zhig bya zhes dris pa dang / khyod kyi gos drub bo zhes smras so// bu mos smras pa/ bdag gos gyon pa yod kyis drub mi dgos so// bdag bcom ldan 'das gang // na bzhugs par khrid de 'dong ngo zhes smras nas/ bcom ldan 'das kyi spyan sngar khrid do// sangs rgyas gang na ba der phyin pa dang / bcom ldan 'das la mgo bos spang phyag 'tshal te/ rab tu 'byung bar gsol to// bcom ldan 'das kyis kyang le gos par 'ongs so zhes bka' stsal pas/ skra rang byi ste lus la gyon pa'i gos dkar po yang chos gos smad sngar gyur nas/ dge slong ma skye dgu'i bdag mo la gtad do// dge slong ma des brtson 'grus brtsams pas/ ring por ma lon par dgra bcom par gyur to// kun dga' bos/ bcom ldan 'das la gsol pa/ dge slong ma dkar mo sngon bsod nams ci bgyis na/ khyim bdag gi khyim du skyes te lus la ras kyang mchis la/ rab tu byung nas ring po ma lags par dgra bcom par gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas gsod skyabs 'jig rten du gshegs nye gnas dang bcas nas sems can gyi don la gshegs pa las/ yul mi thams cad kyis mchod pa rgyas par byas so// de'i tshe dge slong gcig cig 'gro ba mang po'i

  188. 95a

    don du yul mi thams cad sangs rgyas la chos nyan pa dang sbyin pa byed par bskul lo/ / de'i tshe na bud med 'da' ni ka zhes bya ba rab tu dbul phongs pa zhig ste/ khyo shug gnyis la gos su ras yug gcig las mi bdog ste/ khyo don gnyer du 'gro na ras khyo gyon te/ chung ma sgren mor rtsa'i steng na 'dug go/ chung mngon gnyer na ras chung mas gyon te/ khyo rtswa phung gi nang na sgren mor 'dug go// phyis kun gyi don byed pa'i dge slong de/ de'i sgor 'ongs nas bud med de dang phrad de/ bud med de la khyod sangs rgyas la phyag 'tshal du song zhig/ yon phul cig/ ces sbyin pa'i yon tan bsngags te/ ser sna byed pa'i rnam par smin pa bstan nas/ sangs rgyas 'jig rten du 'byung bar dka' ba dang / chos thos par dka' ba dang / mi lus thob par dka' zhes pa'i gtam rgyas par byas nas chos nyan du sang zhig ces bskul ba dang / bud med des smras pa/ btsun pa cung zad bzhug shig bdag slar mchi'o zhes smras nas/ khang pa'i nang du song ste/ khyo la 'di skad ces smras so// sgo na dge slong zhig khyod sangs rgyas la phyag 'tshal du song zhig/ chos nyon cig/ sbyin bgyis shig ces mchi'o// bdag cag che snga ma la sbyin pa ma byas pas 'di ltar dbul 'phongs par gyur to// da yang ci zhig gis tshe phyi ma'i tshogs su 'gyur bar bya/ khyos

  189. 95b

    smras pa 'di la ni sbyin par 'os na/ bdag cag dbul 'phongs te ci yang med na ci zhig sbyin par bya/ chung mas smras pa/ tshe snga ma la yang sbyin pa ma byas pas/ 'di ltar dbul bar gyur na/ da yang sbyin pa ma byas na tshe phyi ma la gar 'gro ste/ bdag ni sbyin pa zhig byed kyis khyod kyis gnong zhig/ khyos bsams pa 'di la ni nor khung pa zhig yod pa gang ste/ sbyin pa gyis shig ces smras pa dang / chung mas bdag gi ras 'di sbyin par dga' bo zhes smras so// khyos smras pa/ bdag cag khyo shug gnyis la ras 'di las med de 'dis don gnyer zhing 'tsho bar zad na/ da sbyin par byas na gnyis ka sdod dam/ chung mas smras pa/ mi gcig skyes pa tshe 'pho ba yod pas 'di ma byin yang tshe 'pho la/ byin yang tshe 'pho bas nyis na sbyin pa byas te tshe 'phos na/ tshe phyi ma la re ba yod pas sbyin pa byas na tshe 'phos kyang bla'o// khyo yang dga' bzhin du sbyin pa gyis shig ces bsgo nas chung ma phyi rol tu song ste/ dge slong la 'di skad ces smras so// btsun pa cung zad mo gzigs shig/ bdag sbyin pa bgyi'o zhes smras pa dang / dge slong gis khyod sbyin pa byed na mngon sum du lag gis byin cig/ sbyin pa'i tshigs bcad bya'o zhes bsgo'o// bud med des smras pa/ lus la ras 'di las med do// 'og na gos gzhan med na bud med kyi lus

  190. 96a

    btsog pa dri ma mnam po 'di gzigs par mi 'os kyis/ nang nas dbul lo zhes smras pa dang / nang rol nas ras phud de dge slong de la phul le// dge slong des sbyin pa'i tshogs bcad byas nas/ ras de thogs te sangs rgyas gang na bar phyin pa dang / bcom ldan 'das kyis/ dge slong la de la bud med kyis phul ba'i ras de 'on cig ces bka'i stsal to/ / dge slong des kyang ras de sangs rgyas la phul nas/ bcom ldan 'das kyis phyag gis bzhes so// ras rnyings shing dri mas gos pas/ rgyal po'i 'khor rnams ras dri ma can phyag tu bzhes pa la 'phya'o/ / bcom ldan 'das kyis 'khor mang po'i bsam pa mkhyen nas 'di skad ces bka' stsal to// ngas bltas na 'khor 'di'i nang na sbyin pa rnam par dag pa ni 'di las 'da' ba med do zhes bka' stsal to/ / 'khor mang po ngo mtshar du gyur to// de nas rgyal po'i btsun mo rab tu dga' ste/ lus la gyon pa'i gos dang rgyan rnams phud nas bud med de la bskyal to/ / rgyal pos kyang gos dang rgyun phud nas de'i khyim thab la bskyal te/ khyo shug gnyis 'khor gyi nang du sheg cig ces bsgo'o// sangs rgyas gsod skyabs kyis 'khor mang po la chos bstan pas phal cher rnam par grol bar gyur to// bcom ldan 'das kyis/ kun dga' bo la bka' pA/ de'i tshe de'i dus na

  191. 96b

    bud med dbul mo de ni dge slong ma dkar mo yin no/ / de'i tshe na bsam pa dag pas ras byin pa'i dbang gis bskal pa dgu cu rtsa gcig gi bar du gang nas gang du skyes kyang rtag tu ras dang bcas su skyes te/ brel 'phongs pa med cing yid bzhin du 'byor par gyur to// sangs rgyas de las dam pa'i chos thos nas/ rnam par grol bar smon lam btab pas 'dir nga dang phrad de dgra bcom par gyur to/ / de bas na khyed kyang chos mnyan pa dang sbyin pa byed pa la brtson 'grus gyis shig ces bka' stsal nas/ 'khor mang po bcom ldan 'das kyis de skad gsungs pa la yi rangs nas mngon par dga' 'o/ / dbul mos ras byin pa'i le'u ste bco brgyad pa'o// // bran mo dbul mos ka t+ya ya na la dbul btsongs pa'i le'u'o/ / de'i tshe na btsun pa ka t+ya ya na chen po yul a ba de na 'dug pa las/ yul de na khyim bdag longs spyod dang ldan pa ser sna can snying rje med pa zhig la bran mo rgan mo zhig yod de/ bran mo de ngan las thams cad byed kyang gos ni lus la mi g.yog/ zas ni khar mi myong ste/ rtag tu brdeg 'tshogs pas/ rgan mo ma bzod de srog 'dor du 'gro snyam nas/ bum pa thogs te chu chur song ba las chu 'gram na skad chen po phyung ste ngus so/ / ka t+ya ya na der 'ongs te rgan mo ci'i phyir 'di ltar mi dga' zhes dris pa dang / 'phags pa bdag rgas pa'i steng du las

  192. 97a

    ni che/ bgo ba dang bza' ba ni med/ dbul 'phongs pas ci'i phyir mi 'gum snyam mi dga' ste ngu'o// ka t+ya ya nas smras pa/ rgan mo khyod dbul btsong na ci nyes rgan mos smras pa/ dbul ji ltar btsong / su zhig dbul nyo zhes smras pa dang / ka t+ya ya nas dbul btsong du rung ngo zhes lan gsum gyi bar du bsgo ba dang / dbul 'di ji ltar btsong dri'o snyam nas/ dbul ji ltar btsong du rung zhes dris so// ka t+ya ya nas smras pa/ ji ste dbul btsong yang dag na/ ngas bstan pa bzhin du gyis shig ces bsgo ba dang / 'phags pa de bzhin du bgyi'o zhes gsol to/ / ka t+ya ya nas smras pha/ khyod sngar khrus gyis shig/ bkrus pa'i 'og tu sbyin pa gyis shig/ rgan mos smras pa/ bdag la lhan pa tsam gyi rgyu yang med na ci zhig sbyin par bya/ bum pa 'di ni jo mo'i yin te dbang ma mchis so// ka t+ya ya nas smras pa/ khyod lhung bzed kyi nang chu gtsang mas khong la nga la phul cig/ ngas sbyin pa'i tshigs su bcad par bya'o/ / ka t+ya ya nas chu blangs nas sbyin pa'i tshogs bcad kyang byas/ bslab tshigs kyang byin/ sangs rgyas kyi mtshan nas kyang brjod du bcug ste/ yon tan rnam pa sna tshogs su bsngags nas/ rgan mo khyod la 'dug po'i gnas yod dam/ rgan mos spras pa/ bdag la gnas ma mchis te/ 'thab pa dang / gtun brdung ba dang

  193. 97b

    las byed pa'i gnas nyid na nyal lo/ / bar 'ga' ni lud phung gi steng na'ang nyal lo// ka t+yA ya nas smras pa/ khyod ngan las byed pa la 'gyod pa dang mi dga' bar ma byed par brtson 'grus su las byos la/ jo mo bsnyal ba'i 'og tu dal gyis jo mo'i sgo phye ste// sgo phag gam gra zhig tu rtswa gtsang ma bting ba la 'dug nas gzhan ma sems par sangs rgyas yid la byos la dran par gyis shig/ de nas rgan mos bstan pa bzhin du byas nas/ ring po ma lon par mtshan mo 'dug bzhin tshe 'phos nas sum cu rtsa gsum gyi lhar skyes so// de'i jo mo nang par sngar langs nas/ khyim gyi nang na bran mo tshe 'phos par mngon nas khros te/ rgan mo 'di khyim nang du ma btang na ci'i phyir 'dir tshe 'phos zhes gshe nas/ rkang pa la rtsa thag gis btag te bshal nas dur khrod du bskyal lo/ / de'i tshe na lha'i sras po zhig la lha'i bu mo lnga brgyas bskor te rtse dga' ba las tshe 'das nas/ rgan mo de lha'i sras mo'i nang du skyes so// lhar skye ba dag dbang po rnon pos ni/ bdag ci'i rkyen gyis lhar skyes par shes so// dbang po brtul pos ni mi shes te/ rgan mo de yang ci'i phyir lhar skyes pa ni mi sems kyis/ bde ba 'ba' zhig la chags so/ / de'i tshe na shA ri'i bu sum cu rtsa gsum gnas na 'dug pa des/ khyod ci'i rkyen gyis lhar skyes pa shes sam zhes dris pa dang / bdag gis mi shes so zhes

  194. 98a

    smras nas/ shA ri'i bus lha'i mig gis bltas na/ ji ltar lhar skyes pa mthong bar byas so// de nas lha'i sras mo lnga brgya tsam dang dur khrod du lhags te rus bu la lha'i me tog gis gtor/ spos kyis mchod pa byas so// lha'i 'od kyis grong khyer de dag snang ba chen pos snang bar gyur nas/ de'i jo mo la sogs pa ya mtshan du gyur te/ mi mang po dang ltar dong ba las/ lha mang po rgan mo'i rus bu la mchod pa byed pa mthong nas/ lha rnams la khyed ci'i phyir rus bu 'di la mchod pa byed/ 'di ni gson po'i tshe yang btsog pas kun gyis mi 'dod na/ de tshe 'phos pa'i rus bu la lta ci smos zhes smras so// de'i tshe na lha'i sras po rnams kyis ji ltar lhar skyes pa'i gtam rgyas par byas nas/ ka t+ya ya na gang na ba der song ste der phyin pa dang / ka t+ya ya nas lha'i sras po de dag la/ sbyin pa dang / tshul khrims dang / mtho ris su skye ba la sogs te/ dam pa'i chos kyi gtam rgyas par byas// mi gtsang ba'i chos dang 'byung ba'i chos bstan pas/ lha'i sras po de dag rdul dang bral dri ma dang bral te/ chos la chos kyi mig rnam par dag par gyur nas phyir lha'i gnas su dong ngo // / 'khor mang po rnams kyang chos bstan pa thos nas/ so so nas 'bras bu dang po nas 'bras bu bzhi pa'i bar du thob par gyur te/ rjes su yi rangs nas mngon par dga' 'o// bran mo

  195. 98b

    dbul mos ka t+ya yan la dbul btsongs pa'i le'u ste bcu dgu pa'o/ / / gser lha'i le'u'o// 'di skad bdag gis thos pa gcig na/ bcom ldan 'das mnyan yod na rgyal bu rgya byed kyi tshal mgon med zas sbyin gyi kun dga' ra ba na bzhugs so/ / de'i tshe na yul de na khyim bdag rab tu phyug pa/ longs spyod che ba/ nor bu rin po ches pang mdza gang ba zhig yod de/ rigs mnyam pa las chung ma blangs nas/ de'i chung ma la bu khye'u gser gyi mdog lta bu zhig btsas te/ mtshan mkhan gyis bltas nas/ de'i ming gser lha zhes btags so/ / khye'u de btsas pa na/ khye'u de'i khyim du khron pa chu zheng gab pa/ chu zheng khru brgyad pa/ gting zab khyad kyang khru brgyad pa zhig rang byung te/ khron pa de'i chu bcus nas mi'i yid bzhin du 'byung ste/ gang gos 'dod pa la gos 'byung / bza' ba dang btung ba 'dod pa la bza' ba dang btung ba 'byung / gser dngul dang nor bu rin po che 'dod pa la gser dngul dang nor bu rin po che 'byung / / ci dang ci 'dod pa de dag thams cad yid bzhin du 'byung ngo // khye'u de gsos bskyed de cher gyur pa dang / rig pa'i gnas kyang lobs nas/ khyim bdag de rab tu dga' ste/ khye'u de'i chung ma btsal lo snyam bsams na/ khye'u de'i chung ma yang khye'u de dang 'dra bar gser gyi mdog can/ bzang /

  196. 99a

    ba mdzes pa phal bas lhag pa zhig btsal bar bsams te/ yul kun tu mna' ma 'tshol lo// de'i tshe yul tsam pa na khyim bdag rab tu phyug pa zhig la bu mo gser gyi 'od ces bya ba zhig yod de/ bu mo de yang gser gyi mdog can shin tu 'tsher ba/ pags pa shin tu srab pa/ rus pa phra ba zhig ste/ thog ma btsas pa'i chetshe yang khyim nas khron pa chu zheng dang gting 'dra bar khru brgyad pa gcig rang byung ste/ khron pa de las kyang rin po che sna tshogs dang / gos dang / bza' ba dang / btung ba la sogs pa ci dang ci 'dod pa de dag yid bzhin du rang byung ngo / / khyim bdag des kyang 'di snyam du bdag gi bu mo bzang mo 'di ni/ bu mo 'di dang 'dra bar lus gser gyi mdog can/ shin tu 'tsher ba bzang ba mdzes pa gcig la btang ngo snyam bsams pa gcig dang phrad de/ bu mo'i gtam yang khye'us thos/ khye'u'i gtam yang bu mos thos nas/ khyim bdag gnyis gnyen bya bar 'thams te/ ston mo bya bar 'thams nas/ bu mo mnyan yod du khrid dade/ mnyan yod du gser lha'i khyim du phyin nas/ gser lhas sangs rgyas dang dge 'dun rnams bshos la spyan drangs te/ bcom ldan 'das kyang dge 'dun dang bcas te bshos la gshegs nas/ gser lha khyo shug gnyis la dam pa'i chos rgyas par bstan te/ gser

  197. 99b

    lha khyo shug dang khyim bdag khyo shug gnyis kyis bcom ldan 'das las chos thos nas/ bskal pa khri phrag nyi shu'i sdig pa mi dge ba shin tu 'bar ba kun zhi nas sems rnam par dag pas chos rtogs te/ rgyun du zhugs pa'i 'bras bu thob par gyur to// de nas bcom ldan 'das slar gtsug lag khang du gshegs pa dang / gser lha dang gser lo/ khyo shug gnyis kyang pha ma la rab tu 'byung bar gsol nas/ pha mas kyang gnang ste/ gnyis ka sangs rgyas gang na ba der dong ste der phyin pa dang / sangs rgyas kyi zhabs la spyi bos phyag 'tshal nas bdag cag gnyis rab tu 'byung ngo zhes gsol ba dang / bcom ldan 'das kyis legs par 'ongs so zhes bka' stsal pas/ skra dang kha spu rang byi ste ngur smrig gyon pa'i dge slong du gyur nas/ gser lha ni dge slong gi dge 'dun gyi nang du song ngo // gser 'od ni skye dgu'i bdag mo la gtad do// gnyis ka ring po ma len par dgra bcom nas rig pa gsum dang / mngon par shes pa drug dang / rnam par thar pa brgyad la sogs te/ yon tan thams cad dang ldan par gyur to// dge slong dag the tshom du gyur nas/ tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das dge slong gser lha dang / gser 'ong

  198. 100a

    gnyis sngon las ci bgyis na/ thog ma btsas nas 'di ltar nor rin po che dang longs spyod thams cad dang ldan te/ khron pa las kyang thams cad kyi re ba yongs su skong bar gyur/ bcom ldan 'das kyis bka' stsal pa/ sngon 'das pa'i bskal pa dgu bcu rtsa gcig gi pha rol na/ sangs rgyas rnam par gzigs zhes bya ba 'jig rten du gshegs nas/ de mya ngan las 'das pa'i 'og tu de'i bstan pa la zhugs pa'i dge slong dag grong khyer dang ljongs rgyu zhing sems can gyi don byed de/ de dag la khyim bdag rigs che zhing mtho ba kun gyis/ chos gos dang bsod snyoms mi bral bar byin no// de'i tshe khyim bdag dbul po khyo shug gnyis shig gis 'di snyam du bsams so// bdag cag gnyis pa ma yod pa'i tshe/ nor rin po che dang longs spyod du ldan te/ bang mdzod yongs su gang yang 'phags pa'i dge 'dun dang ma phrad/ nga 'di ltar 'phongs brel te ci yang mi bdog nas rtswa phung gi steng na nyal zhing / bre gang phul gang yang mi bdog pa'i tshe/ dge 'dun gshegs nas khyim bdag phyug po de kun chos gos dang bsod snyoms 'bul na/ bdag cag ni ci yang dbul du med do snyam du bsams te/ rab tu mi dga' nas ngus so// khyim thab ngus pa'i mchi ma chung ma'i lag par lhung nas/ chung mas khyim thab la khyod ci'i phyir ngu

  199. 100b

    zhes smras pa dang / khyod mi shes sam/ grong khyer 'dir 'phags pa'i dge 'dun dag gshegs te/ khyim bdag phyug po de kun mchod pa byed na/ bdag cag 'ba' zhig ci yang dbul du med de/ da 'dir ma phul na skye ba phyi ma la gar 'gro snyam ste mi dga' 'o// chung mas smras pa/ khyod song la bdag cag gi mdzod khang rnying du tshol zhig dang / lus/ pa cung zad yod kyang srid kyis/ gal te sna 'ga' zhig rnyed na dbul lo zhes smras nas/ mdzod khang rnying du btsal na/ gser gyi dong tshe lus pa gcig rnyed do// chung ma la yang me long gcig cig yod de/ khyo shug gnyis kyis bum pa gsar pa gcig cig kyang nyos nas/ bum pa'i nang chu gtsang mas bkang ste/ gser gyi dong tshe gcig nang du bcug nas/ me long gis kha bcad de/ chu'i bum pa thogs nas dge 'dun la phul lo// dge 'dun gyis kyang bzhes nas/ chu de la kha cig gis ni 'thungs/ kha cig gis ni kha lag dang lhung bzed bkrus te/ khyim bdag khyo shug gnyis der dge 'dun gyis spyad pa mthong nas/ rab tu dga' mgu rangs te phyir khyim du song ngo // de nas ring po ma lon par nad kyis btab nas/ khyo shug gnyis tshe 'phos te sum cu rtsa gsum gyi lhar skyes so// kun dga' bo de'i tshe de'i dus na/ dbul po khyo shug gnyis chu'i bum pa phul ba de ni gser lha khyo shug gnyis yin no//

  200. 101a

    sngon chu bum pa gang dang / gser gyi dong tshe dang / me long gcig phul bas skye ba thams cad du bzang zhing mdzes pa dang / mdog gser gyi kha dog can du rtag tu 'tsher bar gyur to/ / de ltar bskal pa dgu bcu rtsa gcig gi bar du de 'dra bar gyur to// de'i tshe na shin tu dang ba'i sems kyis phul bas/ da 'dir 'khor ba'i mthar phyin te/ dgra bcom par gyur to// kun dga' bo de bas na/ bsod nams kyi phyogs su 'gyur ba'i las ni gang yang mi byar mi rung ngo // dbul po des sbyin pa cung zad byas pas bsod nams kyi phung po tshad med pa 'di lta bu dag thob par gyur to/ / de'i tshe bcom ldan 'das kyis de skad ces bka' stsal nas/ kun dga' bo dang / 'khor mang po'i rnams sbyin pa'i bsod nams kyi tshogs bsags pa'i sems skyes te rjes su yi rang nas mngon par dga' 'o/ / gser lha'i le'u ste nyi shu'o// / rigs gnyis pa'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe yul de na khyim bdag phyug po zhig rigs mnyam pa las chung ma blangs nas bu med pas shin tu mi dga' ste/ lha kun la gsol ba btab pa las/ phye zhig na chung ma sems can dang ldan

  201. 101b

    par gyur te/ zla ba tshang nas khye'u zhig btsas so// khye'u de yang mdzes shing sdug pa zhig ste/ pha ma dang gnyen bshes kun dga' nas btsas sten byas nas/ chu bo zhig gi 'gram du 'dus te btsas ston zos so/ / chu 'gram na btsas ston za ba'i tshe/ kun gyis khye'u blta ba'i phyir gcig gi pang bar khye'u blangs nas/ yang gcig gi pang par phyin to// de bzhin du/ gcig nas gcig tu brgyud pa'i tshe/ gcig gis le lo byas nas bu shor te chur lhung nas chus khyer to// khye'u'i bsod nams kyi mthus las ma zad pas/ tshom 'phos par nya zhig gis ming nas/ nya'i lto na gson por 'dug go/ chu bo de'i mjug na yang grong zhig yod de/ grong de na yang khyim bdag phyug po bu med pa zhig 'dug go/ khyim bdag de'i bran zhig chu/ bopo'i 'gram na nya gshor ba las/ nyas bu mid pa zin nas lto bkas pa dang / lto nas bu khye'u zhig byung nas/ bran des khyer te jo mo la phul lo// khyim bdag gi chung mas khye'u de blangs te bltas na/ khye'u mtshan dang ldan pa bzang po zhig ste/ rab tu dga' nas bdag cag gis lha kun la gsol ba byas pa'i rtags 'di yin no snyam nas/ ma ma la gtad de gsos so/ / de'i grong ltag ma'i khyim bdag gis/ grong 'og ma'i khyim bdag gis nya'i lto nas bu zhig rnyed do zhes thos nas/ de ni gdon mi za bar bdag gi bu chur lhung ba yin

  202. 102a

    no snyam ste/ de'i thad du song nas 'di ni nga'i bu yin gyis phyir byin cig ces smras so// des smras pa/ 'di ni khyod kyi ma yin te/ bdag la bu med pas lha kun la gsol ba btab nas/ lhas byin pa'i bu yin te/ nya'i lto nas rnyed do zhes smras so// khyim bdag de gnyis rtsod nas/ rgyal po zhal che bar gsol to// de la khye'u'i pha mas ni 'di bdag gi bu yin te/ chu'i 'gram nas chur lhung ba 'di yin no zhes smras so// khyim bdag gcig gis khye'u 'di bdag gis nya zin pa'i lto nas rnyed de/ khyed kyi bu ma yin no zhes smras nas/ rgyal pos de gnyis ka'i tshul dang sbyar te khye'u 'di khyed gnyis kas thun mong du gsos la/ cher skyes nas khyed gnyis kyis bu'i chung ma re re leng zhig/ chung ma gnyis las bu gang las byung ba so sor khyer cig ces bcad do// de nas khyim bdag gnyis kyis kyang / rgyal pos zhal che bcad pa bzhin du khye'u thun mong du gsos nas cis kyang mi brel bar byas so/ / de nas khye'u de cher skyes nas pha ma gnyis la 'di skad ces gsol to// bdag btsas ma thag tu chur lhung ba dang nyas ming pa la sogs te/ sdug bsngal rnam pa sna tshogs myong yang bdag ma gum pas bdag ni rab tu 'byung bar dad kyis gnong zhig ces sbas so/ / khye'u de'i pha ma gnyis ka yang bu sdug gces pas ngo mchod nas rab tu

  203. 102b

    'byung bar gnang ba dang / khye'u des sangs rgyas gang na ba der song nas der phyin pa dang / bcom ldan 'das kyi zhabs la mgo bos phyag 'tshal te/ bdag sangs rgyas kyi bstan pa la rab tu 'byung ngo zhes gsol to/ / de la bcom ldan 'das kyis legs par 'ongs so zhes bka' stsal pas/ skra dang kha spu rang byi nas dge slong du gyur te/ ming yang rigs gnyis pa zhes btags so/ / dge slong rigs gnyis pa la/ bcom ldan 'das kyis dam pa'i chos bstan nas/ sdug bsngal gyi mthar phyin te/ de nyid du dgra bcom par gyur to// de la dge slong dag the tshom skyes te/ tshe dang ldan pa kun dga' bos/ bcom ldan 'das la 'di skad ces gsol to// dge slong rigs gnyis pa 'di sngon dge ba'i rtsa ba ci bskru na na/ chab tu lhung ste nya'i ltor mchis kyang gum par ma gyur/ bcom ldan 'das kyis/ kun dga' bo la bka' stsal pa/ khyod rtag par nyon cig/ sngon sangs rgyas rnam par gzigs zhes bya ba 'jig rten du gshegs te/ skye bo mang po la chos ston to// de'i tshe khyim bdag kha cig kyang 'khor der 'ongs te/ bcom ldan 'das kyis sbyin pa byin pa'i bsod nams dang tshul khrims bsrungs pa'i yon tan la sogs pa rgya cher bstan pa thos nas/ shin tu dga' mgu rangs te bsam pa dag pa'i dad pa skyes nas/ sangs rgyas de las srog mi gcod

  204. 103a

    pa la sogs pa'i bsgrub tshogs gsum mnos nas dang tshe gcig phul lo/ / de'i dbang gis gang nas gang du skyes kyang longs spyod dang rin po cher ldan te/ 'phongs pa med par gyur to/ / kun dga' bo de'i tshe de'i dus na/ khyim bdag de ni dge slong rigs gnyis pa 'di yin te/ sangs rgyas la drong tshe gcig phul bas bskal ba dgu bcu rtsa gcig gi bar du longs spyod chen po dang ldan par gyur/ da ltar gyi tshe 'di la yang pha ma gnyis kyi khyim na longs spyod bdog pa dbang bar gyur te/ srog mi gcod pa'i bslab tshigs mnos bas chur lhung ste/ nya'i ltor song yang ma shi'o// dkon mchog gsum la skyabs su song bsang dang phrad nas dgra bcom par gyur to// de'i tshe kun dga' bo dang / 'khor mang po rnams sangs rgyas kyis bstan pa la rjes su yi rang nas mngon par dga' 'o/ / rigs gnyis pa'i le'u ste nyi shu rtsa gcig pa'o// // bam po drug pa/ rgyal po zla 'od kyis mgo byin pa'i le'u'o// 'di skad bdag gis thos pa dus gcig na/ bcom ldan 'das yul yangs pa can gyi a mra'i tshal na bzhugs so/ / de'i tshe bcom ldan 'das kyis/ tshe dang ldan pa kun dga' bo la 'di skad ces bka' stsal to// rdzu 'phrul gyi rkang pa bzhi thob na/ bskal pa gcig gi bar

  205. 103b

    du 'jig rten na gnas par 'gyur te/ ngas kyang rdzu 'phrul gyi rkang pa bzhi shin tu bsgoms na/ da de bzhin gshegs pa 'jig rten na sku tshe ji srid kyi bar du bzhugs pa'i rigs zhes lan gsum gyi bar du smras na/ de'i tshe na kun dga' bo bdud kyis bslus pas/ bcom ldan 'das kyi bka' thos bzhin du cang mi smra bar 'dug go// yang bcom ldan 'das kyis kun dga' bo la khyod longs la dben par song ste shin tu soms shig ces bka' stsal nas/ kun dga' bo 'dug pa las langs te tshal zhig tu song ngo // kun dga' bo song ba'i 'og tu bdud kyi rgyal po sdig to can 'ongs nas/ bcom ldan 'das 'di skad ces gsol to// bcom ldan 'das kyis yun ring du 'jig rten na bzhugs te/ gdul ba'i rigs pa yang gang+gA'i klung gi bye ma snyed btul nas/ 'khor ba las yongs su 'das pa'i don yang mdzad lags la/ da sku nas kyang bgros kyis/ mya ngan las 'da' bar gshegs pa'i rigs so zhes gsol to/ / de nas bcom ldan 'das kyis sa nyung zad cig blangs te/ phyag gi sen mo'i steng du bzhag nas/ bdud sdig to can las chen po'i sa mang ngam/ sen mo'i steng gi sa mang zhes bka' sngal nas/ ba dang sdig rar gyigasol pa/ sa chen po'i sa rab tu mang gi/ sen mo'i steng gi sa mang ba ma lags so// bcom ldan 'das

  206. 104a

    kyis bka' stsal pa/ ngas btul ba'i sems can ni sen mo'i steng gi sa dang 'dra'o// gang ma btul ba ni sa chen po dang 'dra'o// bcom ldan 'das kyis bdud sdig to can la bka' stsal pa/ da ste zla ba gsum na nga yongs su mya ngan las 'da' bo zhes bka' stsal pa/ bdud sdig to can gyis thos nas rab tu dga' mgu rangs te phyir dong ngo / / de'i tshe kun dga' bo tshal gyi nang na gnyid log nas/ rmi lam du shing chen po nam mkha'i khams kun tu yog pa/ yal ga dang / lo ma dang / me tog dang 'bras bu shin tu rgyas pa/ 'gro ba thams cad la phan pa'i don du 'gyur ba/ shing de la yon tan brjod kyis mi lang ba/ rnam pa sna tshogs dang ldan pa zhig rmis te/ ring po ma lon par rlung chen po langs nas/ yal ga dang lo ma kun grugs te/ rdul bzhin du 'thor nas kyang stobs po che'i gnas su med par gyur te/ 'gro ba thams cad shin tu mya ngan byed pa snyam rmis nas/ sad pa dang mi bde zhing skrag par gyur te/ 'di snyam du bsams so// bdag gis lha dang mi thams cad la phan pa'i don du 'gyur ba'i shing chen po yon tan thams cad dang ldan pa gcig rmis na/ ring po ma lon par rlung chen pos gtor te med par byas pa 'di bcom ldan 'das ni shing chen po dang 'dra ba thams cad kyi skyabs su gyur na/

  207. 104b

    ci bcom ldan 'das mya ngan las 'da' bar mi dgongs sam snyam bsams nas shin tu skrag ste/ bcom ldan 'das gang na bar 'ongs nas/ zhabs la spyi bos phyag 'tshal te/ bcom ldan 'das la 'di skad ces gsol to// bdag tshal na mchis pa las rmi lam 'di lta bu zhig rmis na/ ci bcom ldan 'das mya ngan las 'da' bar mi dgengs sam/ bcom ldan 'das kyis/ kun dga' bo la bka' stsal pa/ de de bzhin no// khyod kyis spras pa bzhin te/ nga nga ste zla ba gsum na mya ngan las 'da' 'o// gang rdzu 'phrul gyi rkang pa bzhi thob pa ni bskal pa gcig gi bar du gnas te/ nga yang rdzu 'phrul gyi rkang pa bzhi shin tu bsgoms na/ da de bzhin gshegs pa sku tshe ji srid kyi bar du bzhugs pa'i rigs zhes khyod la dris na/ lan gsum gyi bar du dris kyang khyod smrar ma btub ste/ khyod song ba'i 'og tu bdud kyi rgyal po sdig te can 'ongs te/ mya ngan las 'da' bar gsel nas ngas kyang de bzhin du gnang ngo / / kun dga' bos de skad ces bka' stsal pa thos nas/ rab tu mi dga' zhing mya ngan gyis gdungs te lus mi bzod par gyur to// nye gnas rnams kyis gcig la gcig sbran nas/ thams cad kyang mya ngan gyis gdungs te/ bcom ldan 'das gang na bar lhags so// de la bcom ldan 'das kyis/ kun dga' bo dang nye gnas

  208. 105a

    rnams la bka' stsal pa/ rtag ces bya ba su yin thams cad la rtag pa med de/ khyod kyi phyir bya ba kun mdzad de/ bstan pa yang bstan zin pas/ khyed rnams mya ngan ma byed par brtson 'grus su nan tan gyis shig ces bka' stsal nas/ de'i tshe na tshe dang ldan pa shA ri'i bus de skad du bcom ldan 'das mya ngan las 'da' 'o zhes thos pa dang mya ngan du gyur te/ de bzhin gshegs pa mya ngan las 'da' ba ha cang yang myur ches so// lha dang bcas pa'i 'jig rten thams cad mdongs shing mgon med par gyur to zhes smras te/ bcom ldan 'das la 'di skad ces gsol to// bdag ni bcom ldan 'das mya ngan las 'da' ba mthong bar mi bzod de/ ci nas kyang bdag sngar mya ngan las 'da' 'o zhes lan gsum gyi bar du gsol to/ / bcom ldan 'das kyis bka' stsal pa/ de ste khyod dus la bab par shes na/ 'phags pa thams cad ni zhi bas mya ngan las 'da' 'o zhes bka' stsal to/ shA ri'i bus kyang bcom ldan 'das las gnang ba'i lung thob nas/ gos tshags bcos nas pus mos bcom ldan 'das la lan brgya tsam bskor te/ tshigs su bcad pa rnam pa mang pos bstod nas/ sangs rgyas kyi zhabs dang phyag nas bzung ste/ lan gsum gyi bar du spyi bos la gtugs nas/ thal mo sbyar te 'di skad du bdag gis nang gi tha mar yang

  209. 105b

    bcom ldan 'das mthong ngo zhes smras nas/ bsti stang dang bcas nas mchi phyag 'tshal te/ nye gnas dag tshul gyun te dang / rgyal po'i khab sngon skye ba'i gnas gang na bar song ngo // der phyin pa dang dge tshul gyun te la bsgo ba/ khyod song la grong khyer dang / grong rdal dang / rgyal po'i pho brang dang / blon po'i gnas dang / yon bdag ba shes pa'i gnas kun tu song la de dag la nga mchi phyag 'tshal lo zhes sgo zhig/ de nas dge tshul kun te slob dpon gyis bsgo ba bzhin du kun tu song nas 'di skad du/ bdag gi mkhan po shA ri'i bu 'dir gshes te mya ngan las 'da' bar gshegs kyis/ khyed gnang bar 'dod na kun shog cig ces bsgo'o// de'i tshe na rgyal po ma skyes dgra dang / khyim bdag rigs che zhig mtho ba dang / yon bdag gi rigs rnams dge tshul gyis bsgo ba thos nas/ thams cad mi dga' zhing mya ngan gyis gdungs par gyur te/ thams cad tshig mthun par 'di skad ces smras so// btsun pa shA ri'i bu chos kyi gtso bo chen po 'gro ba mang po'i bshes gnyen du gyur pa da mya ngan las 'da' ba ni ha cang yang snga ches so zhes smras nas/ de dag myur bar shA ri'i bu gang na bar lhags te/ phyag byas nas 'di skad ces smras so// btsun pa sku tshe yongs su gtong ste mya ngan las 'da' 'o zhes/ bdag cag la sogs pa 'gro ba mang po ni mgon dang dpung

  210. 106a

    gnyen med par 'gyur ro/ / de nas shA ri'i bus/ 'khor mang po la smras pa/ thams cad mi rtag pa ste/ skye ba yang mthar 'chi la khams gsum ni sdug bsngal ba dang bcas pas na gang zhig bde bar 'gyur/ khyed ni sngon gyi dge ba'i rtsa ba las sangs rgyas 'jig rten du gshegs pa dang yang phrad song kyi mdo sde dang chos thos pa yang shin tu yang dka'/ mi lus thob pa yang shin tu dka' ba yin gyis/ bsod nams kyi tshogs su 'gyur zhing 'khor ba las grol ba'i las la brtson par gyis shig ces/ thabs mkhas pa rnam pa sna tshogs kyis 'khor mang po la ji ltar na ba la sman gtong ba bzhin du rgya cher bstan te/ 'khor mang pos chos bstan pa thos nas/ kha cig ni 'bras bu dang po nas/ 'bras bu gsum pa'i bar du thob par gyur/ kha cig ni rab tu byung nas dgra bcom par gyur/ kha cig ni rang sangs rgyas su grub par yi dam bcas te/ chos bstan pa thos nas phyag 'tshal te so sor dong ngo // de nas shA ri'i bu de'i nub mi nam gyi cha smang la lus dang sems drang por bzhag ste/ sems rtse gcig tu bsam gtan dang po la zhugs so// bsam gtan dang po las byung nas/ bsam gtan gnyis pa la zhugs bsam

  211. 106b

    gtan gnyis pa las byung nas/ bsam gtan gsum pa la zhugs/ bsam gtan gsum pa las byung nas/ bsam gtan bzhi pa la zhugs/ bsam gtan bzhi pa las byung nas/ nam mkha' mtha' yas skye mched kyi ting nge 'dzin la zhugs/ nam mkha' mtha' yas skye mched kyi ting nge 'dzin las byung nas/ rnam shes mtha' yas skye mched kyi ting nge 'dzin la zhugs/ rnam shes mtha' yas skye mched kyi ting nge 'dzin las byung nas/ cung zad med pa'i skye mched kyi ting nge 'dzin la zhugs/ cung zad med pa'i skye mched kyi ting nge 'dzin las byung nas/ 'du shes med 'du shes med min skye mched kyi ting nge 'dzin la zhugs/ 'du shes med 'du shes meng min gyi skye mched kyi ting nge 'dzin las byung nas/ 'gog pa'i ting nge 'dzin la zhugs// 'gog pa'i ting nge 'dzin las byung nas/ mya ngan las 'da' bar zhugs so/ / de'i tshe na brgya byin lha'i dbang pos// shA ri'i bu mya ngan las 'das par shes nas/ lha'i 'khor brgya stong mang po dang / so so nas me tog dang spos la sogs pa mchod pa'i yo byad thogs te phyogs der lhags nas/ steng gi nam mkha' la bar mtshams med par 'khod de/ mchi ma char bzhin du blags nas/ me tog gis pus mo nub tsam du gtor to//

  212. 107a

    'di skad du btsun pa shA ri'i bu'i shes rab ni zab khyad kyang rgya mtsho tsam ste/ ji ltar rigs pa'i blo dang ldan/ gsung gi spobs pa ni chu mig dang 'dra ste/ tshul khrims dang / ting nge 'dzin dang / shes rab tu ldan/ chos kyi gtso bo chen po de bzhin gshegs pa'i rjes su chos kyi 'khor lo rgyas par bskor ba deng mya ngan las 'da' ba ni ha cang yang snga ches so/ / grong khyer de'i nang dang phyi rol na 'dug pa'i mi thams cad kyis shA ri'i bu mya ngan las 'das so zhes thos nas/ thams cad kyis mar dang 'bru mar bsung can dang / spos dang / me tog dang / mchod pa'i yo byad thogs te thams cad lhags nas/ lus kyis mi bzod par mya ngan gyis gdungs te/ so so nas thogs pa'i yon gyis mchod pa byas so/ / de nas brgya byin lha'i dbang pos bi shwa kar ma la bsgo ba/ khyod kyis rin po che mang pos brgyan pa'i shing rta sbyor cig/ shA ri'i bu'i spur bzhag par bya'o zhes bsgo'o// de nas lha dang klu dang / gnod sbyin dang / rgyal po dang / blon po dang / yul gyi mi thams cad kyis cho nges btab ste/ gang na thang bde bar bskyal to// brgya byin lha'i dbang bos gnod sbyin rnams la khyed kyis rgya mtsho'i ngogs nas glang mgo'i tsan dan long zhig ces bsgos nas/ gnod sbyin rnams kyis rgya mtsho'i ngogs nas tsan dan blangs te spungs nas/

  213. 107b

    de'i steng du spur bzhag ste/ mar dang 'bru mar gyis gtor nas me btang ngo // 'khor de dag kun gyis phyag 'tshal te phyir dong ngo // me shi ba'i 'og tu dge tshul gyun tes/ slob dpon gyi ring bsrel dang / lhung bzed dang / chos gos gsum thogs te/ sangs rgyas gang na bar song nas/ zhabs la mgo bos phyag 'tshal te/ pus mo'i lha nga sa la btsugs nas bdag gi slob dpon ni mya ngan las 'das te de'i ring bsrel dang / chos gos dang / lhung bzed ni 'di lags so zhes gsol to// de'i tshe na kun dga' bo dge tshul gyis smras pa thos nas/ mya ngan gyis shin tu yid gdungs te/ bcom ldan 'das la 'di skad ces gsol to// shA ri'i bu tshogs kyi gtso bo chen po yang mya ngan las 'das na bdag cag gis su la ga nas bca' zhing skyabs su mchi bar bgyi/ bcom ldan 'das kyis bka' stsal pa/ shA ri'i bu mya ngan las 'das kyang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa dang / chos kyi sku ni mya ngan las ma 'das so// shA ri'i bu ni da ltar 'ba' zhig nga mya ngan las 'da' ba la mthong bar mig mi bzod de/ sngar mya ngan las 'das pa 'dir ma zad kyi/ sngon 'das pa'i dus na yang / nga tshe 'pho ba la mig ma bzod nas sngar tshe 'phos so//

  214. 108a

    kun dga' bos thal mo sbyar te/ bcom ldan 'das la gsol pa/ sngon bcom ldan 'das sku tshe snga ma la yang sngar gum nas/ phyis gshegs pa'i dngos po rgyas par bstan du gsol/ bcom ldan 'das kyis/ kun dga' bo la bka' stsal pa/ sngon 'das pa'i bskal pa tshad med/ grangs med/ bsam gyis mi khyab pa 'das pa'i snga rol na/ 'dzam bu'i gling 'dir yul chen po zhig na/ rgyal po zla 'od ces bya ba/ 'dzam bu'i gling la dbang ba/ rgyal phran brgyad khri bzhi stong dang / ljongs stong phrag bcu'i nang na/ grong khyer khri phrag brgyad cu la dbang byed pa zhig byung ngo // rgyal po de la btsun mo stong phrag nyi shu yod de/ btsun mo chen mo ni me tog sbyin zhes bya/ btsun mo/ rab 'og ni spyan chen mo zhes bya ste/ rgyal po de la rgyal bu lnga brgya snyed yod do// rgyal bu thu bo rgyal tshab ni tshul khrims bzang po zhes bya/ rgyal po bzhugs pa'i pho brang ni 'tsho ba bzang po zhes bya ste/ pho brang de chu zheng gab par dpag tshad bzhi brgya yod do// gser dang / dngul dang / bai DUR+Ya dang / shel las so// skyed mos tshal gyi nang na gser dang / dngul dang / bai DUR+Ya dang / shel gyi shing tshar bzhi yod de/ kha cig gi yal ga ni gser/ lo ma ni dngul/ kha cig gi yal ga ni dngul/ lo ma ni gser/ kha cig

  215. 108b

    gi yal ga ni bai DUR+Ya/ lo ma ni shel/ kha cig gi yal ga ni shel/ lo ma ni bai TuR+Ya ste/ rin po che'i rdzing rnams kyang gser dang / dngul dang / bai DUR+Ya dang / shel las byas rdzing gi zhabs kyang rin po che sna bzhi'i bye mas brdal te/ rgyal po'i pho brang dang nye ba'i tshe/ kho ra khor yug dpag tshad bzhi bcu'i bar du/ gser dang / dngul dang / bai DUR+Ya dang / shel gyis chal par bkang ngo // yul de na gnas pa'i mi rnams bde zhing skyid pa/ lo legs pa/ longs spyod 'byor pa/ rin po che dam pa grangs med pa bdog par gyur to/ / de'i tshe na rgyal po de pho brang na 'dug pa las rtag tu 'di snyam du bsam pa skyes so// 'jig rten na gnas pa dag btsan zhing che ba la thams cad bkur sti byed par 'gyur snyam bsams ma thag tu/ 'dod pa lnga'i longs spyod dam pa yid bzhin du grub ste/ 'di ltar 'bras bu mchog thob pa yang sngon bsod nams kyi tshogs bskyed pa las gyur to// dper na zhing pa dag kyang dpyid sa bon mang du btab na/ ston mang du bsdur yod do snyam du re ba yod do// bdag kyang de dang 'dra ste/ sngon bsod nams kyi tshogs bskyed pas/ da ltar 'di lta bu grub par gyur to/ / da lta'i ngas su sa bon ma bskyed na/ phyis re ba med do snyam bsams nas/ blon po rnams la da ni bdag gis rin po che dang / longs spyod kyis kyang kun la sbyin pa'i

  216. 109a

    phyir grong khyer gyi sgo dang / tshong dus kyi mdor spungs te/ sems can la yid bzhin du ci 'dod pa sbyin par bya'o// gzhan yang rgyal phran brgyad khri bzhi stong snyed yod pa la yang / bang mdzod ci yod pa thams cad 'gro ba mang po la sbyin par bkar gdags so zhes bsgo nas/ gser gyi rgyal mtshan bsgreng ste/ gser gyi rnga brdungs nas/ phyogs su rgyas par kun gyis thos shing shes par shin tu bsgrags so/ / de'i tshe na yul de na 'khod pa'i dge sbyong dang / bram ze dang / dbul 'phongs pa dang / mgon med pa dang / rgan po longs spyod kyis brel pa thams cad sprin bzhin du 'dus te/ gang gos 'dod pa la gos/ zas 'dod pa la zas/ gser dngul dang nor rin po che 'dod pa la/ gser dngul dang nor rin po che/ nad pa rnams la ni nad kyi rkyen sman la sogs te/ ci 'dod pa yid bzhin du byin no// de'i tshe na 'dzam bu gling na 'khod pa'i 'gro ba thams cad rgyal po'i bka' drin gyis/ thams cad bde zhing skyid pas glu len bro brdung / tshigs su bcad pas bstod do// rgyal po de'i ming snyan pa mtha' 'og kun tu grags nas bka' mi nyan pa med do// de'i tshe na yul gyi mtha' 'khob na rgyal po chung ngu byi ma se na zhes bya ba zhig/ rgyal po zla 'od la phrag dog skyes nas/ bde bar nyal du med de gnyid kyang mi bro nas 'di snyam du bsams so// rgyal po zla 'od med par

  217. 109b

    ma byas kyi bar du bdag gi ming grags par mi 'gyur gyis/ bdag gi yul phyogs na 'khod pa'i kun tu rgyu dag bos nas/ kun tu sgrub tu gzhug pa'i thabs bya'o snyam bsams nas/ bdag gi yul na 'khod pa'i kun tu rgyu bos nas/ kha zas ro brgya dang ldan pa rnam pa sna tshogs sbyar te/ bsti stang dang bcas pa zla ba gsum gyi bar du mchod pa byas nas/ kun tu rgyu rnams la 'di skad ces smras so/ / nga ni mya ngan gyis non te nyin mtshan du mi bden/ khyed ni chos spyod pa yin te/ mchod pa'i gnas yin na/ nga'i mya ngan med par bya ba'i thabs soms shig/ bram ze rnams kyis spras pa/ rgyal po ci'i slad du thugs ngan mdzad pa bdag cag la gsungs shig/ ci nus kyis rgyal po'i thugs ngan ma mchis par bgyi'o// rgyal pos smras pa/ rgyal po zla 'od de yon tan kun tu grags pas thams cad kyis bsnyen bkur byed na/ nga 'ba' zhig yon tan ma grags te/ rgyal po de med par bya bar dga' na/ khyed la thabs ci yod pa spros shig/ bram ze rnams kyis de skad bsgo ba thos nas/ so so nas gcig la gcig 'di skad ces smras so// rgyal po zla 'od de ni snying rje dang ldan te/ 'gro ba thams cad la drin gyis khyab cing dbul 'phongs pa la yang pha ma lta bur gyur pas/ bdag cag ni tshe 'pho ba thug kyang de la 'khu zhing gnod pa byed mi nus so zhes sbas nas/ 'tsho ba la yang ma bltas te so sor gyis so//

  218. 110a

    rgyal po byi ma se na de skad smras pa thos nas lhag par mi dga' ste/ 'di skad ces bkar btags so// gang su yang rung ba'i phyir rgyal po zla bod kyi mgo bcang de 'ongs na/ rgyal srid phyed kyang sbyin zhing bu mo yang chung mar sbyin no zhes bkar btags pa dang / de'i tshe na ri brags kyi grong na bram ze le'u de tsa zhes bya bas/ rgyal po de gang na bar 'ongs nas rab tu dga' ste/ 'di skad du bdag gis ni rgyal pos dgongs pa bzhin du bsgrub nus so zhes gsol to// rgyal pos smras pa/ de ltar bsgrub nus na nyi ma gang la 'gro bar bya/ bram zes smras pa/ bdag gi lam brgyags gsol cig dang / da slan chad zhag bdun na mchi bar bgyi'o zhes gsol pa dang / bram ze de dag zhag bdun gyi bar du bdag gi lus bsrung ba'i sngags byas nas/ rgyal po la mchi phyag 'tshal te/ lam du zhugs nas song ngo // de'i tshe na rgyal po zla 'od kyi yul du ltas ngan rnam pa sna tshogs byung ste/ sa kun gas pa dang / glog 'gru ba dang / skar mad ba ltung ba dang nyin mtshan yul rmus pa dang / 'brug drag po dang / ser ba dang / gnam lcags dang / bya mang po nam mkha' la snying rje ba'i skad zer zhing / nam mkha' las rang ltung ba dang / stag dang / gzig dang / spyang ki dang / gcan gzan dang / ri dgas la sogs pa dkyu mchong zhing skad ber ba dang / rgyal phran brgyad khri bzhi stong gi rmi lam du rgyal

  219. 110b

    po chen po'i gser gyi rgyal mtshan chag pa dang / gser gyi rnga ral bar rmis so// blon po zla ba chen po zhes bya ba'i rmi lam du yi dgas shig gis rgyal po'i gser gyi cod pan 'phrogs pa snyam rmis te/ thams cad kyang lus kyis mi bzod pa tsam du mya ngan gyis non par gyur to// de'i tshe na grong khyer gyi sgo bsrung ba'i lhas/ bram ze de rgyal po'i mgo slong ba la 'ongs par rtogs nas de myos shing bslad par byas te/ grong khyer gyi sgo nas ma btang bas/ bram ze des grong khyer la lan du ma bskor kyang nang du ma chud do// de nas gnas gtsang ma'i ris kyi lhas kyang rgyal po zla 'od mgo bo sbyin pa byas na/ sbyin pa'i pha rol tu phyin pa rdzogs par 'gyur ba shes nas rmi lam du rgyal po la sbran to// rgyal po chen po thams cad kyi yid dang mi 'gal bar sbyin pa sbyin no zhes yi dam bcas na/ da ltar slong ba grong khyer gyi sgor 'ongs te/ nang du 'ong ba'i dbang med do zhes sbran to// sad nas ngo mtshar du gyur te/ blon po zla ba chen po la khyod song la grong khyer gyi sgo nas su 'ong yang rung / ma dgag par thong zhig ces sgo zhig/ zla ba chen po grong khyer gyi sgor 'ongs pa dang / grong khyer gyi sgo bsrung ba'i lhas lus mngon par bstan te/ zla ba chen po la 'di skad ces smras so/ / bram ze zhig yul gzhan nas 'ongs te/ sdig pa'i sems kyis rgyal po'i mgo bo slong du 'ongs pas nang du ma btang ba yin no// blon pos smras pa/ gal

  220. 111a

    te de ltar bden na gnod pa'i ltas chen po yin te/ 'on kyang rgyal po'i bka' bcag tu mi rung ngo zhes bsgo'o// de nas grong khyer bsrung ba'i lhas kyang bram ze de nang du btang ngo / / blon po zla ba chen pos 'di snyam du bsams so// bram ze 'di ni gdon mi za bar rgyal po'i mgo slong bar 'gyur gyis/ rin po che sna bdun las sna gcig kyang mgo lnga brgya lnga brgya byas te/ mgo bo 'di dag gis rgyal po'i mgo blu'o snyam bsams nas sbyor du bcug go// de nas bram ze de rgyal po'i pho brang du 'ongs te skad chen por 'di skad ces smras so// bdag ni yul gyi mtha' 'khob nas mchis te/ rgyang ma nas rgyal po chen po ni thams cad yongs su gtong la/ pha rol po'i yid dang mi 'gal bar mdzad do zhes yon tan chen po thos nas/ las ring po nas dgos ba 'dod pa'i slad du 'dir mchis so/ / rgyal pos de skad ces smras pa thos nas/ rab tu dga' rangs te phyag 'tshal nas ngal bar ma gyur tam zhes dris te/ nor ci 'dod pa dang / yul lam/ srid dam/ grong khyer ram/ chung ma 'am/ bu po 'am/ bu mo 'am/ rin po che'am/ theg pa 'am/ glang po che'am/ rta 'am/ rin po che sna bdun nam/ bran po'am/ bran so'am las byed pa'i mi 'am/ ci 'dod pa thams cad sbyin no zhes smras so// bram zes spras pa/ phyi rol gyi longs spyod kyi sbyin pa ni sbyin pa'i bsod nams su 'gyur mod kyi/ sbyin pa rgya chen

  221. 111b

    por mi 'gyur te/ gang lus kyi sha sbyin pa bsod nams kyi mchog yin pas/ bdag ni rgyal po'i dbu 'tshal ba'i slad du lam ring po nas 'dir mchis kyis/ yid dang mi 'gal bar mdzad na sbyin pa mdzod cig ces gsol pa dang / rgyal pos de skad ces smras pa thos nas/ dpe med par dga' bar gyur to// bram zes smras pa/ bdag la dbu stsal na/ nam stsal ba bka' stsal du gsol rgyal pos bka' stsal pa/ da ste zhag bdun na khyod la mgo sbyin no zhes bsgo'o// de nas blon po zla ba chen pos rin po che sna bdun la byas pa'i mgo rnams khyer te 'ongs nas/ bram ze'i mdun du lto ba sa la phab ste 'di skad ces smras so/ / rgyal po'i dbu ni sha dang / khrag dang / rus pa ste/ mi gtsang ba yin na ci zhig tu rung / rin po che sna bdun gyi mgo 'di dag gis brje'o/ / rin po che sna bdun gyi mgo 'di dag gis khyod tshe gcig tu phyug par 'gyur ro// bram zes smras pa/ bdag la 'di dag mi dgos kyi/ rgyal po'i dbu dgos kyis bdag gi re ba skongs shig/ zla ba chen pos thabs rnam pa sna tshogs kyis gsol ba btab kyang ma btub pas/ mya ngan gyis non te 'khams nas snying bdun dugs te tshe 'phos so// de'i tshe na rgyal po nges blon po zhig glang po che dpag tshad brgyad stong du 'gro ba la bskyon nas/ rgyal phran thams cad la sbran te/ da ste zhag bdun na rgyal po zla 'od bram ze la dbu'i sbyin pa mdzad kyis/ mthong bar 'dod pa

  222. 112a

    thams cad myur du shog cig/ de'i tshe na rgyal phran brgyad khri snyed po thams cad de ma thag tu lhags te/ rgyal po'i spyan sngar 'ongs nas lto bas la bab ste 'di skad ces gsol to/ / 'dzam bu'i gling gi sems can thams cad ni rgyal po'i bka' drin gyis/ thams cad bde skyid de gnod pa ma mchis na/ mi gcig gi slad du 'gro ba thams cad yongs su spang bar mi rigs kyis/ bdag cag la thugs brtse ba'i slad du dbu'i sbyin pa mi mdzad par gsol to// blon po chen po stong phrag bcus kyang lto ba sa la phab ste/ bdag cag la thugs brtse ba'i slang dudabu'i sbyin pa mi mdzad par gsol to/ / btsun mo stong phrag nyi shus kyang lus sa la phab nas/ rgyal po la 'di skad ces gsol to// bdag cag la yang thugs brtse bar dgongs te dbu'i sbyin pa mi mdzad par gsol zhes smras so/ / rgyal bu lnga brgya rnams kyang ngus nas/ bdag cag la mgon dang skyabs ma mchis na thugs brtse bar dgongs te/ dbu'i sbyin pa mi mdzad cing bdog cag kyang mi rjes slebs par bskyed par gsol zhes smras so/ / de nas rgyal po chen pos/ blon po dang / btsun mo dang / sras rnams la 'di skad ces bka' stsal to// thog ma med pa nas lus 'di gakhor ban 'khor zhing yun ring por sems can dmyal ban 'dug pachim/ nyis gcig la yang lan du banig che 'phos nas/ lus 'a bud pas lal chu dang / ma

  223. 112b

    kyi khri dang / chu tshan khol ma dang / ngan skyugs dang / me'i shing rta dang / me dong la sogs pa'i sems can dmyal bar yun ring por sdug bsngal myong ste/ btso ba dang bsreg pa la sogs pas lus 'di grangs med par chud zos kyang bsod nams 'ga' tsam yang med do/ / gal te dud 'gro'i skye gnas su skyes na/ gcig la gcig 'cha' zhing za ba dang / gzhan gyis bsad de kun gyis zos pa dang / tshe baphos nas rul zhing myags pa yang grangs med de/ de ltar lus 'di chud zos kyang bsod nams su gyur pa med do// yi dgas kyi khams su skyes na lus la me 'bar te/ 'khor los mgo bcad ma thag tu phyir yang sos pa grangs med pa zhig myong ste/ de ltar lus chud zos kyang bsod nams su gyur pa med do// gal te mir skyes na yang nor dang bud med kyi phyir khro brngam pas/ mig bgrad de gcig la gcig 'tshe zhing gsod pa dang / g.yul ngor lhags nas gcig la gcig gsod de/ de ltar lus chud zos pa dang / 'dod chags dang / zhe sdang dang / gti mug gi lus grangs med pa zhig bor yang bsod nams su ma gyur te/ bdag gi lus 'di yongs su gtang bar bya'o// bdag gi lus 'di ni mi gtsang ba rnam pa sna tshogs kyi phung po ste/ ring po mi thogs par 'jig cing 'bral bar 'gyur bas/ mi brtan zhing btsog pa'i mgo 'dis phan pa'i don chen por 'gyur na/ ci'i phyir sbyin par mi bya/ nga'i mgo bo 'di bram ze de la byin te/ bsod

  224. 113a

    nams des bla na med pa'i byang chub sgrub bo/ / nam mngon par sangs rgyas na yon tan phun sum tshogs par 'gyur te/ thabs mkhas pas khyed kyang sdug bsngal las bzla'o/ / ngas sbyin pa byas pa 'dis mngon par 'tshang rgya yis/ bla na med pa'i byang chub kyi sems la khyad par chad dang bgegs pa byed cig/ rgyal phran dang / blon po dang / btsun mo dang sras rnams de skad ces bka' stsal pa thos nas cang mi smra bar 'khod do/ / de nas rgyal po chen pos/ bram ze de la smras pa/ da mgo bo bslang ba'i dus la bab kyis/ de long zhig ces sba so/ / bram zes gsol pa/ da ltar rgyal po la blon po la sogs pa 'khor mang pos bskor te/ bdag gcig pus rgyal po'i dbu bcad pa'i mthu ma mchis te thugs mi thub bo// bdag la stsal bar chad na/ rgyab kyi skyed mos tshal du gshegs so zhes gsol to// de nas rgyal po chen pos rgyal phran dang / rgyal bu rnams la bsgo ba/ khyed nga la bsnyen bkur byed na/ bram ze 'di la gnod pa'i kyal ka ma byed cig ces bsgo nas/ bram ze dang 'grogs te/ rgyal po skyed mos tshal du song ngo // de nas bram ze des/ rgyal po la gsol pa/ rgyal po ni sku gzhon te ring yang gyad dang mnyam pas/ tsha ba ma bzod de phyir yang 'gyod kyang srid kyis/ rgyal po'i dbu shing zhig la btags te gdong dgum par 'tshal lo// de nas rgyal po gang na shing

  225. 113b

    yal ga brtan zhing lo mas kun tu khebs pa zhig la mgo btags nas/ pus mo btsugs te bram ze la 'di skad ces smras so// khyod kyis nga'i mgo chod la/ phyir yang nga'i lag tu bzhag nas nga'i lag nas long zhig/ ngas khyod la mgo sbyin pa'i bsod nams 'di ni bdud dam tshangs pa 'dod pa ma yin/ brgya byin nam/ 'khor los sgyur ba'i rgyal po 'am/ khams gsum gyi bde ba'i longs spyod 'dod pa'i phyir ma yin gyi/ bla na med pa yang dag par rdzogs pa'i byang chub 'dod de/ 'gro ba mang po skyong zhing mya ngan las 'da' ba'i bde ba la dgod pa'i phyir ro/ de'i tshe na bram ze des ral gri phyar te gdab ces byas pa dang / shing gi lha de rab tu mi dga' bar gyur nas/ ci'i phyir mi 'di gsod pa'i las byed snyam nas/ bram ze'i rna drung du thal mo gcig bsnun pas rkang lag ma tshugs te sa la 'gyel to/ / de nas rgyal po des yang shing gi lha la bltas te smras pa/ sngon 'das pa'i dus na shing 'di la mgo bo dgu brgya dgu bcu rtsa dgu snyed kyis sbyin pa byas te/ da mgo bo 'dis sbyin pa stong du tshang ste/ sbyin pa'i pha rol tu phyin pa yang yongs su rdzogs kyis/ nga'i bla na med pa'i byang chub kyi sems kyi bar chad ma byed cig/ de'i tshon shing gi lha des rgyal pos spras pa thos nas/ bram ze de phyir sor chud par byas te/ bram ze de sa las langs nas ral gri thogs te rgyal po'i mgo bcad do// mgo lag

  226. 114a

    tu lhung ba nas chen po yang rnam pa drug tu g.yos/ lha'i pho brang yang 'gul zhing ldeg go// mi bde bar gyur nas/ ngo mtshar ya mtshan du gyur te/ kun gyis byang chub sems dpas 'gro ba thams cad kyi phyir mgo'i sbyin pa byas par mthong nas/ thams cad 'dus shing tshogs te/ ngo mtshar ro zhes mchi ma char bzhin du bab ste/ ngus nas 'di skad ces smras so/ / rgyal po zla bod kyis mgo'i sbyin po byas nas/ sbyin pa'i pha rol tu phyin pa yongs su rdzogs par gyur to zhes kun tu grags par gyur nas/ rgyal po byi ma se nas thos nas mi dga' ches te 'khams nas snying gas te tshe 'phos so/ / de'i tshe bram zes rgyal po la mgo khyer te song ba'i tshe/ rgyal phran dang / blon po dang / btsun mo dang / rgyal bu rnams lus sa la brdabs te cho nges btab nas/ la la ni khrag tu skyugs te tshe 'phos so// kha cig ni ci yang mi dran par myos so// kha cig ni rang gi sgra kun 'bal to// la la ni rang gi gos kun dral/ kha cig ni lag pa gnyis kyis rang gi gdong kun phrad nas tshe nges 'debs shing sa la 'gre'o// de'i tshe na bram ze des rgyal po'i dbu mi sdug cing mnam mo zhes mi 'dod nas sa la bor te song ba dang de la bram ze kha cig gis khyod ni shin tu gdug pa can yin pa lta/ thog ma nas dgos pa med na bslangs te ci bya zhes spyos so// bram ze de lam du zhugs te song ba las phrad pa

  227. 114b

    thams cad kyis spyos nas kha zas ma ster te shin tu nyam thag par gyur la/ lam nas rgyal po byi ma se na yang tshe 'phos pa'i gtam thos pas thog ma re ba'i sems ltar ma gyur pas/ mya ngan gyis yi mug ste snying bdun du gas nas khrag tu skyugs te tshe 'phos so/ / rgyal po byi ma se na dang / bram ze gnyis ka tshe 'phos nas/ mtshams med pa'i sems can dmyal bar skyes so// rgyal po de'i mya ngan gyis gdungs te tshe 'phos pa rnams ni mtho ris kyi lhar skyes so// kun dga' bo de'i tshe de'i dus na rgyal po zla 'od de ni da ltar nga yin no// rgyal po byi ma se na de ni bdud sdig to/ can yin no// de'i dus na bram ze de ni lha sbyin yin no// de'i tshe na shing gi lha de ni mo 'gal yin no// de'i tshe na blon po zla ba chen po de ni shA ri'i bu yin te/ de'i tshe yang nga tshe 'pho bar mi bzod nas sngar tshe 'phos so/ / deng gi dus 'dir yang nga mya ngan las 'da' ba mthong bar mi bzod nas/ sngar mya ngan las 'das pa yin no// bcom ldan 'das kyis de skad ces gsungs nas tshe dang ldan pa kun dga' bo dang / 'khor gzhan dag skad mthun par de bzhin gshegs pa'i yon tan ni ngo mtshar rmad do zhes bsngags nas/ bsgom pa la nan tan byas pas/ kha cig dge sbyong gi 'bras bu bzhi thob par gyur to// kha cig ni bla na med pa yang dag par rdzogs pa'i byang chub thob par gyur te gsungs pa la rjes su yi rang nas mngon par dga' 'o// rgyal po bla

  228. 115a

    'od kyis mgo byin pa'i le'u ste nyi shu gnyis pa'o/ / blon po ri dgas kyi bu bdun gyi le'u'o// 'di skad bdag gis thos pa dus gcig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe na rgyal po gsal rgyal la blon po ri dgas zhes bya ba yod de/ rab tu phyug pa longs spyod che ba de la bu pho bdun yod do/ / bu pho drug ni chung ma lon gyi/ nang gi bu tha chung gcig chung ma ma lon pas 'di snyam du bsams so// bdag ni rgas 'khogs te bu gcig pu chung ma ma lon pa 'di ni bzang mo mchog gcig btsal lo snyam bsams nas/ de'i tshe na khyim bdag de la bram ze mdza' zhing bshes pa zhig yod de/ de dang phrad nas gtam du glengs pa bdag gi bu nang gi chung ngu 'di da rung chung ma ma lon te/ su la yang bslang mi shes na/ khyod ni yul kun tu yang phyin na/ bu mo bzang zhing mdzes pa/ blo dang ldan pa/ tshe dang dbang thang yod pa lta ci mthong / bdag gi bu 'di'i yid du 'ong ba cig khyod kyis btsal dgos so zhes smras pa dang / bram ze des kyang de bzhin du bya'o zhes smras nas/ kun tu rgyu zhing 'tshol ba las// yul shing ri shig ta zhes bya ba na/ bu mo lnga brgya zhig 'grogs te rtse ba las/ me tog bzang po btus nas/ sangs rgyas la mchod pa'i 'phreng ba byed pa mthong ngo // bram ze des bu mo de

  229. 115b

    ngag gar song ba'i phyi bzhin bltas na/ bu mo de dag chu chung ngu zhig 'bab pa las/ gzhan thams cad ni lham phud kyi/ bu mo gcig cig lham yang ma phud par chu brgal to// de nas yang song song ba las chu chen po zhig rgal na/ bu mo gzhan ni gos phud nas chur zhugs/ bu mo de 'ba' zhig gos kyang ma phud par chu brgal to// de nas tshal zhig gi nang du phyin nas/ bu me gzhan ni shing khar 'dzeg cing me tog 'thog na/ bu mo de 'ba' zhig sa las btus na gzhan pas mang du rnyed do// de nas bram ze de bu mo'i drung du song ste/ khyod la the tshom 'dri na/ khyod kyis da lan legs par lan thob cig ces smras so/ / bu mos kyang the tsom yod na dris shig ces smras pa dang / bram zes dris pa/ bu mo khyod chu brgal ba na bu mo gzhan gyis ni lham phung nas chu brgal/ bu mo khyod 'ba' zhig lham yang ma phud par chu brgal na/ khyod la bsam pa gzhan ci yod/ bu mos smras pa/ khyod kyi the tsom ni ngo mtshar che ba yang ma yin no// bdag sa skam po la 'gro ba'i tshe/ rkang pa'i 'og tu ci 'gro ba mig gis bltar yod pas/ tsher ma 'am/ rdo 'am/ gyo mo 'am/ mi bde ba'i bag yod na byol te 'gro'o// chu'i gting na ci yod pa mig gis bltar med do/ / gal te tsher ma 'am/ sbrul lam/ srin bu gdug pa dag brdzis na/ rkang pa la gnod par 'gyur gyis dogs pas lham ma phud pa yin no//

  230. 116a

    bram zes smras pa/ 'o na ci'i phyir gos dang bcas su chul 'bog/ bu mos spras pa/ bud med kyi lus la mtshan bzang po dang ngan pa yod pas/ gos brdzes te chur zhugs na gzhan gyis mthong ste/ mtshan bzang na ni cang mi zer gyi/ mtshan ngan na 'phya bar 'gyur bas/ bdag gis gos ma brdzes pa yin no// bram zes spras pa/ 'o na khyod ci'i phyir gcig pu shing khar mi 'jog/ bu mos smras pa/ gal te shing khar 'dzegs na/ shing gi yal ga chag gam lhung na/ lus la gnod par 'gyur bas shing khar ma 'dzegs pa yin no/ / bu mo de ni rgyal po rab gsal gyi gcung stobs kyi grogs po zhes bya ba'i bu mo yin te/ rgyal po'i gcung de sngon nyes pa zhig byung bas yul de nas bskrang de yul 'dir 'ongs nas/ lha 'tshams ma chung mar blangs pa las btsas pa'i bu mo yin no// bram zes smras pa/ bu mo khyod ni shin tu yang mkhas shing mdzes ma zhig na/ khyod la pha ma yod dam/ bu mos smras pa/ yod do// 'o na 'grogs te khyod kyi khyim du 'dong ngo zhes smras nas/ de'i sgor phyin pa dang / bu mo nang du song ste pha ma la smras pa/ sgo na bram ze zhig yab dang mjal 'tshal lo zhes mchi'o/ / bu mo'i pha sgor byung nas gcig la gcig bde 'am zhes nad dris te/ da gzod kyi bu mo 'di khyod kyi bu mo yin nam zhes smras so// spras

  231. 116b

    pa bdag gi bu mo yin no/ / 'o na bdag po yod dam/ smras pa/ bdag po med do// bram zes smras pa/ mnyan du yod pa na blon po chen po ri dgas zhes bya ba khyod shes sam// smras pa bdag dang shes so// bram zes smras pa/ blon po de'i bu nang gi chung ngu byad gzugs legs shing yid gzhungs pa zhig yod de// khyod kyi bu mo chung mar slong ngo // des smras pa/ de ni rigs che zhing mtho ba yin te/ gal te bu mo de 'dod na lha khyod kyi bsam pa ltar bya'o zhes smras nas/ bram ze des kyang grogs po phyir 'gro ba la mnyan du yod pa ra bram ze'i thog tu yi ge spring ngo / / bram ze'i thog tu yi ge 'ongs nas bag ma ba su ba'i rta dang shing rta la sogs pa bshams nas/ yul shi ri tig tar chas so// der phyin du nye ba dang / sngar mi gcig sgron du btang nas/ des kyang bu mo bag mar gtang ba'i ston mo bshams te/ bu mo bag mar btang ngo // de dag gis bu mo thob nas mnyan yod du 'gro ba na/ bu mo de'i mas mi mang po'i nang du bu mo de la 'di skad ces/ khyod deng phyin chad rtag tu gos bzang po gyon zhing kha zas zhim po zo zhig/ nyin gcig bzhin du rgyun ma chad par me long la ltos shig ces bsgo nas/ bu mos kyang de bzhin du bgyi'o zhes spras pa dang / gyos po de ma rangs te/ 'di snyam du bsams so// mi gcig skyes pa skyeng sdug kyang

  232. 117a

    mi rtag na/ gos bzang po dang kha zas zhim po rtag tu ga las rnyed/ rgyun du me long la ltos shig pa yang rigs pa ma yin no snyam bsams nas/ so sor mchi phyag/ 'tshal te gyes so// de dag thams cad 'grogs te lam du zhugs nas phyir yul du dong ba las/ bar na khang pa bzang po bsil ba zhig yod de/ de dag las sngar dong ba dag khang pa de na ba zhing 'khod do/ / bag ma sar pa yang phyis der 'ongs nas/ gyos po la 'di'i 'og na bzhugs su mi rung gis/ myur du thang bu la bzhud do zhes gsol pa dang / mna' mas smras pa bzhin du thang bu la byung ngo / / g.yog kha cig 'gror ma btub ste khang pa'i 'og na 'dug pa las/ ring po ma lon par ba glang dang rta dag cig der 'ongs nas/ ka ba la bsnyogs pa dang / khang ba rdi ba nas khang pa'i 'og na 'dug pa dag dog go/ / gyos pos bsams pa/ bdag srog dang bral ba las thar par byas pa ni/ mna' ma 'di yin no snyam nas/ mna' ma la lhag par byams pa'i sems skyes so/ / de nas yang song song ba las/ chu shod cig tu rtswa dang chur ldan pa zhig tu btab pa las/ mna' ma phyis 'ongs nas chu shong 'dir bzhugs su mi rung gis myur du 'phos shig ces gsol pa dang / logs shig tu 'phos ma thag tu gru char drag po bab nas/ sngar btab pa'i chu shod du sha chen po byung ngo // gyos pos bsams pa/ bdag

  233. 117b

    srog dang bral ba las mna' ma 'dis lan gnyis kyi bar du thar par byas so snyam bsams nas/ chas te song ba las yul du phyin to// de nas gnyen pa rnams lhags te/ dga' ba'i gtam byas nas ston mo chen po byas te/ nyi ma gcig gi bar du dga' ba'i rtsed mo byas so// mgron kun gyes pa'i 'og tu mna' ma rnams bkug ste 'di skad ces bsgo'o// kho bo ni na so rgas te las rnams kyis skyon mna' ma khyed la khyim gyi las dang nor rdzas kyi mdzod rnams gtad dgos na/ khyed gang gis bang mdzod kyi lde mig bcang bar bya zhes dris na/ mna' ma chen mo drug char gyis mi nus so zhes gsol na/ nangs kyi chung ngus ni bdag gis nus so zhes gsol to// de nas khyim bdag gis kyang bang mdzod thams cad kyi lde mig gtad te/ mna' mas kyang de bzhin du nyams su blangs nas nang par ni sngar langs shing khang pa'i nang kun phyag ba dar byas nas/ chag chag gis btab bo// de nas kha zas kyi g.yos byas nas/ sngar gyos skyug la sogs pa che rim gyis zan byin no/ de'i 'og tu bran khol dang las byed rnams la zan byin nas/ so sor las la btsud de/ gzod bdag zan za'o// rtag tu de 'dra bar byed pas/ gyes pos kyang bdag gi mna' ma 'di ni gzhan dang mi 'dra ste/ tha mal ba ni ma yin na/ ci'i phyir bu mo bdag gi mas bsgo ba ltar mi byed snyam nas/ 'di skad ces smras so// khyod khyim nas chas pa'i tshe/ khyod

  234. 118a

    kyi mas rtag tu gos bzang po gyon la kha zas zhim po zo zhig/ rtag tu me long la ltos shig ces bya ba ci'i tha tshig ces dris na/ mna' mas pus mo sa la btsugs te 'di skad ces gsol to/ / bdag gi mas gos bzang po gyon cig ces bsgo ba ni/ steng du gyon pa'i bzhag gos lta bu la rtag tu bag bya zhing ma rnyings par gyis shig/ mgron nam phyi mi dag 'ongs na gos ma ngan cig ces 'chi'o/ / rtag tu kha zas zhim po zo zhig pa ni/ kha zas zhim po dang bsod pa la bgyi ba ma lags kyi/ su bas kyang phyis zos na bkres pas kha zas kun zhim mo zhes mchi'o/ / rtag tu me long la ltos shig ces bsgo ba ni/ 'khar ba 'am lcags kyi me long la lta ba ma lags kyi sngar longs la phyi nang gi phyag bdar bya ba dang / chag chag gdab pa dang / khri stan gding ba la sogs pa las bya ba rnams legs par gyis shig ces mchi ste/ bdag gi mas bsgo ba ni 'di lta bu lags so zhes gsol pa dang / mna' ma de la lhag par byams te/ khyim gyi las thams cad gtad nas/ thams cad bde zhing skyid par gyur to// de'i tshe na bya dag cig rgya mtsho'i gling nas 'bras za ba las/ 'bras kyi ste/ mkhyer te 'phur ba las/ rgyal po'i pho brang gi thad kar phyin nas/ 'bras kyi snye ma dag cig shor te pho brang gi zad kar lhung ngo // 'bras kyi snye ma de gcig gis rgyal po la phul nas/

  235. 118b

    rgyal pos kyang 'bras bzang po 'di lta bu ni sman du rung du nges kyis sa bon du bya'o snyam nas/ blon po kun la shas shas su bgos te rmos shig ces bsgo'o// de'i tshe khyim bdag des kyang nyung zhig thob nas phyir khyim du 'ongs te/ mna' ma la 'bras 'di rmos shig ces bsgo'o// mna' ma des kyang bsgo ba bzhin du bran khol la gzhan btab nas/ zhing gshin par rmos na de bzhin du legs par skyes te 'bras mang zhig byung ngo / / gzhan gyis rmos pa ni las su legs par ma byas pas gcig kyang ma skyes so// de'i tshe na rgyal po'i btsun me nad kyis btab pa las/ sman pas dpyad byas nas/ na ba 'di la rgya mtsho'i gling gi 'bras byin na 'tsho'o zhes dpyad byas so// rgyal pos kyang rgya mtsho'i gling gi 'bras shig so so nas rmed du bcug pa dran nas/ rgya mtsho'i gling gi 'bras shig rmed du bcug pa yod dam med ces 'dri na/ blon po kha cig gis ni 'bras rmos pa ma skyes so zhes mchi'o// kha cig gis ni 'bras kun byi bas 'tshal te ma mchis so zhes mchi'o/ / de'i tshe na khyim bdag de yang phyir khyim du song nas/ mna' ma de la sngon 'bras shig rmor bcug pa skyes sam ma skyes/ rgyal po'i btsun mo nad kyis btab ste sman du dgos so// mna' mas gsol pa/ 'bras rmos pa rab tu legs te/ mi gcig gi sman du ma bas kyi yul gcig gi mi yang sos pa tsam mchis so// khyim bdag nges 'bras de las shas cig/

  236. 119a

    rgyal po la phul nas/ rgyal pos kyang 'bras des btsun mo'i sman byas nas/ btsun mo yang sos te/ rgyal po rab tu dga' nas bya dga' mang du byin no// de'i tshe sha ri shig ta'i rgyal po dang / yul mnyan yod kyi rgyal po gnyis gcig la gcig mi dga' bas rtag tu mi 'dum mo// de'i tshe na shi ri shig ta'i rgyal pos/ mnyan yod kyi rgyal po de la blon po mkhas pa mdzangs shing blo dang ldan pa yod dam med bgam mo snyam nas pho nya gcig yul mnyan yod du btang ste/ pho nya de la rgod ma ma smad gnyis ma dang bu 'dra ba spu mdog gcig pa/ bye brag mi phyed pa ma spad gnyis bkri ste/ ma ni gang / bu ni gang yin pa bye brag phye zhig ces spring ngo // rgyal po dang blon po rnams kyis bltas na gcig gis kyang bye brag ma phyed do/ / de nas khyim bdag de khyim du 'ongs pa dang / mna' mas gtam ci gsan zhes zhus pa dang / gtam 'di lta bu dag grag go zhes mna' ma la rgyas par gtam byas so/ / mna' mas gsol pa/ 'di ni shin tu yang rig par sla'o// rgod ma ma spad gnyis thogs la lhan cig tu rtswa bzang po zhig byin cig dang / ma gang yin pa de ni rtswa mchus 'phul te bu la stobs so/ / khyim bdag gis mna' mas spras pa bzhin du rgyal po la gsol nas/ rgyal pos kyang rtswa byin te bltas na de bzhin du gyur te/ ma dang bu yang rtogs nas pho

  237. 119b

    nya de la ma ni 'di'o/ / bu ni 'di'o zhes smras pas/ de bzhin du smras pa bden te ma nor ro zhes mchi'o// de nas pho nya yul du song nas rgyal po la de bzhin du rgyas par gsol to// de nas yang pho nya gcig btang ste/ sbrul sbom phra dang ring thung mnyam la 'dra ba gnyis shig bskur nas/ sbrul 'di gnyis la pho gang yin pa dang / mo gang yin pa bye brag phye zhig ces bsgo'o/ / rgyal po rab gsal rgyal dang blon po rnams 'dus te dpyad na/ gcig gis kyang ma rtogs so// de nas khyim bdag des khyim du mna' ma la dris pa/ mna' mas bstan pa/ ras 'jam po zhig thing la/ sbrul de'i steng du zhog cig dang / gang mo yin pa de ni cang mi 'gul bar nyal lo// gang po yin pa de ni mi bzod de 'dug tu mi btub pa'i rigs so/ / ci mngon zhe na/ gang mor gyur pa ni 'jam zhing yang ba la chags so// gang por gyur pa ni rang bzhin gyis khro bas 'jam po la mi bzod de/ nyal du mi btub pas des rtogs par 'gyur ro/ / khyim bdag des kyang rgyal po la de bzhin du gsol te/ mna' mas smras pa bzhin du byas na/ pho gang yin pa dang / mo gang yin pa bye brag legs par byed de/ pho nya ba de la 'di ni pha yin no// 'di ni mo yin no zhes bsgo na/ de bzhin te ma nor ro zhes mchi'o// de nas rgyal po de shin tu dga' nas/ de la nor

  238. 120a

    rin po che mang du bya dgar byin no/ / de nas yang shing 'dom do pa sbom phra mnyam pa/ khyad par med pa/ 'dzer pa dang / sta re dang / ste'u'i rjes med pa gcig bskur te/ shing 'di'i mgo mjug gang yin pa bye brag phye zhig ces bsgo'o// rgyal po dang blon po rnams 'dus te dpyad na/ gcig gis kyang ma shes te/ khyim bdag des yang mna' ma la dris na/ 'di ni shin tu yang sla ste/ shing 'di'i mgo mjug rtogs par 'dod na/ chu'i nang du zheg cig dang / rtsa ba ni thur du nub kyi/ mgo ni phyir/ byung ba'i rigs so// khyim bdag des kyang rgyal po la de bzhin du gsol te/ mna' mas smras pa de bzhin du byas na/ mgo mjug rtogs par gyur te/ 'di ni mgo'o// 'di ni rtsa ba'o zhes bsgo na/ pho nyas kyang de bzhin te bden no zhes smras so// de nas rgyal po rab tu dga' nas pho nyad la bya dga' mang du byin no// pho nya de phyir yul du phyin nas/ rgyal po de la rgyas par gsol pa dang / rgyal po des pho nya la rin po che mang du bskur te/ rgyal po chen po de la blon po mdzangs pa blo dang ldan pa yod kyis/ 'di dag phul la phyin chad 'dum par bya'o zhes bsgo nas/ rgyal po rab gsal rgyal gyis de lta bur gyur pa la rab tu dga' ste/ khyim bdag de la khyod kyis de dag ji ltar rtogs shing shes zhes bka'

  239. 120b

    stsal to/ / khyim bdag gis gsol pa/ 'di ni bdag gis rtogs pa ma lags kyi/ bdag gi mna' ma blo dang ldan pa zhig mchis pa des rtogs so// rgyal pos de skad ces gsol pa gsan nas rab tu dga' ste/ khyim bdag gi mna' ma de da phyin chad nga dang ming srid du bya'o zhes bka' stsal to// khyim bdag gi mna' ma de la phyis sems can dang ldan par gyur te zla ba dgu tshang nas sgo nga sum cu rtsa gnyis byung ste/ sgo nga re re'i nang nas bu khye'u mnga' byad legs pa/ blta na sdug pa bzang ba re re byung ngo // bu de dag cher skyes nas dpa' khyad zla med de/ mi gcig gis kyang mi stong thub par gyur to// de'i pha ma yang bu de dag la rab tu sdug par sems te/ yul mi thams cad kyang de dag la bag byed do// phyis yul de na rigs che zhing mthun pa che zhing mtho ba las chung ma yang blangs so// de'i tshe na lha 'tshams ma dad pa'i sems dang ldan pas/ sangs rgyas dang dge 'dun spyan drangs te/ bcom ldan 'das kyis chos bstan pas/ khyim gang gi mi thams cad kyis rgyun du zhugs par gyur na/ khye'u nang gi tha chung 'ba' zhig gis 'bras bu ma thob ste/ khye'u de glang po che la zhon nas grong khyer gyi phyi rol tu rtser song ba las/ grong khyer de'i phyi rol na chu chen po zhig 'bab pa la zam pa chen po zhig yod de/ khye'u de zam pa'i steng du phyin pa dang / blon po

  240. 121a

    chen po'i bu zhig kyang shing rta'i nang na 'dug ste/ phyi rol nas nang du 'ong ba dang / zam pa'i steng du phrad pa las gnyis ka tshe rigs snyems nas gcig gis gcig la ma byol lo/ / lha 'tshams ma'i bu khros nas glang po che la zhon bzhin du/ blon po chen po'i bu shing rta dang bcas pa zam pa'i 'og tu bor ro// blon po'i bu de lus dang rkang lag snang nas ngus te/ phyir khyim du 'ongs nas/ pha ma la 'di skad du lha 'tshams ma'i bus/ bdag ma nongs par 'di ltar gnod pa bgyis nas/ lus kun snang ngo zhes gsol to// blon po chen po de shin tu mi dga' bar gyur nas/ bu la de dag ni shin tu yang stobs che ba'i steng du rgyal po dang gnyen pas rtsod par dka' na/ 'on kyang de la ni dgu lte zhig bya'o snyam nas/ rin po che sna bdun las byas pa'i 'khar ba sum cu rtsa gnyis shig byas te/ 'khar ba'i nang du ral gri so rnon po re re bcug nas/ khye'u sum cu rtsa gnyis po de la re re byin nas 'di skad ces bsgo'o/ / khyod ni gzhon dar la bab pas rtse ba'i dus la bab ste/ khyed kyi phyir rtse ba'i rkyen du 'khar ba 'di dag byas kyis/ khyed rnams thogs la rtse zhig ces bsgo'o// khye'u de dag kyang shin tu dga' nas/ 'khar ba de dag blangs nas re re thogs so// rgyal po'i khrims kyis rgyal po dang phrad pa na mtshon thogs su mi gnang ngo // de dag 'khar ba thogs te rgyal

  241. 121b

    po'i zham 'bring na 'khod pas/ blon po des rgyal po la 'di skad du phra ma gsol to// lha 'tshams ma'i bu sum cu rtsa gnyis po de ni gzhon shing dar la bab ste/ stobs kyis mi gcig gis kyang stong thub pa de dag ni rgyal po la gnod pa zhig bgyi bar sems so zhes gsol to/ / 'on kyang rgyal po de la thugs ma ches pa med pa las/ blon pos yang gsol pa/ bdag gis sngar gsol ba 'di bden te brdzun ma lags pas brtag tu gda' 'o/ / khye'u 'di dag gi lag na thogs pa'i 'khar ba'i nang na ral gri re re mchis pas gnod pa bgyid du mngon no// blon pos gsol pa bzhin du khye'u de dag gi 'khar ba bltas na mtshon yod par gyur nas/ gcig gcig nas bos te/ gyad kyis bzung nas kun bsang ngo // khye'u de dag gi mgo bcang de/ khye'u'i mgo sum cu rtsa gnyis sgrom gcig gi nang du bcug nas/ kha legs par bcad de sring mo'i steng du bskur ro// de'i tshe na khye'u de dag gi mas/ sangs rgyas dang dge 'dun spyan drangs te rgyal pos sgrom bskur te 'ongs pa la/ 'di'i nang na mchod pa byed pa'i 'thung ma zhig yod yang dag snyam nas sgrom kha phye ba las/ bcom ldan 'das kyis sgros re zhig kha ma phyi bar/ zhal zas gsol lags nas gzod phye zhig ces bka' stsal to/ / de nas zhal zas gsol nas/ bcom ldan 'das kyis khye'u'i mal ches bstan pa/ lus 'di ni mi rtag pa ste/ sdug

  242. 122a

    bsngal ba stong pa/ bdag med pa/ snying po med pa/ ring po mi thogs pa/ kun nas nyon mongs pas bcings shing glags pa dang / sdug bsngal gyis/ gzir ba ste/ 'dod pa dang bye bral ba'i mya ngan gyis/ lus 'di chud zos kyang phan pa med de/ gang mkhas pa shes rab can gyis ni don 'di rtogs par 'gyur ro zhes bka' stsal pa dang lha 'tshams mas kyang don rtogs nas/ lan cig phyir mi ldog pa'i 'bras bu thob par gyur te/ rab tu dga' mgu rangs nas thal mo sbyar te/ bcom ldan 'das la 'di skad ces gsol to/ / bcom ldan 'das bdag la thugs brtse ba'i slad du/ bdag cag gis gsol ba 'di bzhi zhig gnang bar mdzad du gsol/ bdag cag gis gsol ba bzhi la/ gcig ni dge slong nad pa rnams la nad kyi rkyen sman dang / bza' ba dang / btung ba yid bzhin du stsal ba dang / gnyis ni dge slong nad pa'i g.yog bgyi ba'i bza' ba dang btung ba yid bzhin du sbyar ba dang / gsum du na dge slong 'gron po'i yo byad sbyar ba dang / bzhir na dge slong 'gron du 'gro ba'i rgyags dang yo byad sbyar bar 'tshal lo// de ci'i phyir zhe na/ dge slong nad pa dag ni nad kyi rkyen sman dang / bza' ba dang / btung ba mi ldan na nad 'tsho dka' ste/ gal te na tshe'i bar chad du yang 'gyur ro// dge slong nad g.yog kyang kha

  243. 122b

    zas med pa'i rkyen gyis bsod snyoms bgyid do/ / bsod snyoms la dus ma mchis te/ gal te 'phyis sam/ 'dod pa ma rnyed na nad pa zhe sdang skyes te/ nad 'tsho bar dka' bas de la yang kha zas dbul bar 'tshal lo/ / shul ring po nas mchis pa'i dge slong yul ma 'dris te/ bshes ma mchis pas bsod snyoms bgyid do// bsod snyoms bgyid pa na/ khyi 'am ma rungs pas gtses te/ zhe sdang skyes na bzod pa nyams par 'gyur bas/ de la yang kha zas dbul bar 'tshal lo// dge slong 'gron du mchi ba grogs dang ldan yang lam brgyags ma mchis pas grogs dang bral na/ shul du gcan gzan mang po 'am/ mi rgod ma rungs pa mchis te/ gcig pu song na de yang lus kyi bar chad du 'gyur bas/ de'i dgos pa yang sbyar bar 'tshal lo// de'i tshe bcom ldan 'das kyis lha 'tshams mas gsol ba bzhi po gsan nas/ shin tu legs so zhes bsngags te/ khyod kyis gsol ba bzhi po 'di'i bsod nams rgya chen po ni/ sangs rgyas la mchod pa byas pa dang tha mi dad do zhes bka' stsal nas/ dge 'dun dang bcas te slar rgyal bu rgyal byed kyi tshal du gshegs so// / bcom ldan 'das slar gshegs pa'i 'og tu sgom phye ba bltas na/ bu'i mgo sum cu rtsa gnyis yod pa mthong nas/ 'dod pa dang bral ba'i phyir mi dga' bas gdungs par ni ma gyur

  244. 123a

    gyi 'di skad du kye ma mi gcig skyes pa la tshe zad pa yod de ring por ma thogs so/ / nga yang rgyud lnga gang du sdug bsngal myong bar gyur ces smras so// khye'u sum cuH/ gnyis kyi ma'i rigs su nye ba rnams de ltar gyur pa thos nas shin tu mi dga' ste/ zhe sdang skyes nas 'di skad du rgyal po chen po ni/ 'di ltar mi mnyes pa kun bsad kyis/ dmag bsog la dgra bya bar 'dong ngo zhes smras nas/ dmag gi dpung bsags te rgyal po'i pho brang bskor ro// de'i tshe na rgyal po de skrag nas/ sangs rgyas gang na bar bros so// de dag gis de skad ces thos nas/ dmag gi dpung gis rgyal bu rgyal byed kyi tshal yang bskor ro// de'i tshe na kun dga' bos rgyal po rab gsal rgyal gyis/ lha 'tshams ma'i bu sum cu rtsa gnyis bsad de/ ma'i rigs su gtogs pa rnams kyis sha gnyer du 'ongs so zhes thos nas/ pus mo sa la btsugs te thal mo sbyar nas/ bcom ldan 'das la 'di skad ces gsol to/ / bcom ldan 'das ci'i rgyu ci'i rkyen gyis/ mi sum cu rtsa gnyis rgyal pos cig car du bkum par gyur/ bcom ldan 'das kyis/ kun dga' bo la bka' stsal pa/ lha 'tshams ma'i bu sum cu rtsa gnyis po 'di dang 'ba' zhig tu rgyal pos cig car du bsad par ma zang ngo do// mi sum cu rtsa gnyis po ci'i phyir cig car tshe 'phos pa khyod la rgyas par bstan gyis

  245. 123b

    legs par nyon la yid la zung zhig ces bka' stsal nas/ kun dga' bos kyang de bzhin du bgyi'o// thos par 'tshal lo zhes gsol to// bcom ldan 'das kyis/ kun dga' bo la bka' stsal pa/ sngon 'das pa'i dus na mi sum cu rtsa gnyis po 'di gcig la gcig dga' zhing bshes pa dang / yid gcugs par gyur nas/ de dag gros mthun par pha rol gzhan gyi ba glang gcig brkus so/ / de'i tshe yul de na rgan mo dbul mo bu tsha yang med pa gcig yod do// ba glang rku ba'i rnams rgan mo de'i khyim du khrid de 'ongs nas/ bsad par byas pa dang rgan mo yang dga' rangs nas/ shing la sogs te sha 'tshed pa'i yo byad sbyar to// mi de dag gis der ba glang gsod pa na/ ba glang de yang gsod par shes nas mdud par bzung ste/ khyed kyis dang bsad pas na ma 'ongs pa'i dus su yang / ji ste 'bras bu thob na yang mi gtang ste/ gsod par shog cig ces dam bcas ma thag tu ba glang de mi rnams kyis bsad nas kha cig ni bcos kha cig ni bsregs te zos rgan mo yang ba glang gi shas 'grangs nas rab tu dga' ste/ sngan chad kyang de lta bu'i mgron cig 'ongs na/ deng las phan thogs pa ni med do zhes smras so/ / de'i tshe de'i dus na ba glang de ni rgyal po rab gsal rgyal yin no// de'i dus na ba glang rku ba ni lha 'tshams ma'i bu sum cu rtsa gnyis po yin no// de'i tshe na rgan mo khyim

  246. 124a

    bdag mo de ni de dag gi ma yin te/ rnam par smin pa'i 'bras bu de tshe rabs lnga brgya'i bar du rtag tu bsad par gyur te/ de'i dus na rgan mo de rjes su yi rang zhing dga' ba tsam gyis rtag tu de dag gi ma byas nas mya ngan gyis rab tu gdungs par gyur te/ nga 'dir nga dang phrad nas 'bras bu thob par gyur to// kun dga' bos kyang thal mo sbyar te/ bcom ldan 'das la gsol pa/ de dag gis ni bsod nams ci zhig bgyis na/ rigs che zhing mtho ba dang / longs spyod dang ldan pa dang / dpa' zhing nyam rtsal dang ljon par gyur/ bcom ldan 'das kyis bka' stsal pa/ sngon 'das pa'i dus na sangs rgyas 'od srungs 'jig rten du gshegs pa'i rmi/ rgan mo dkon mchog gsum la shin tu dang bzhig yod de/ spos mang du nyos nas mar dang sbyar te rtag tu mchod rten la srud do// lam ka zhig na mchod rten la srud pa las/ mi sum cu rtsa gnyis shig der lhags nas/ rgam mo mchod rten la srung pa'i grogs byas te/ rgan mo des kyang mi sum cu rtsa gnyis po la khyed kyis kho mo mchod rten skud pa bstangs pa'i bsod nams kyis gang nas gang du skyes kyang mnga' byang legs pa dang / mthu rtsal dang ldan par gyur cig ces spras nas/ de dag kyang rab tu dga' bzhin du mchod rten srung pa'i las byas nas 'di skad ces smras so// bdag cag ni rgan mo

  247. 124b

    'di'i dbang gis bsod nams kyi las bskyed par gyur to/ / gang nas gang du skyes kyang cho rigs mtho zhing btsan phyug pa dang / longs spyod dang ldan pa dang / rgan mo 'di yang rtag tu bdag/ cag gi mar gyur te/ bdag cag kyang 'di'i bur gyur pa dang / rtag tu sangs rgyas dang / chos thos pa dang mi 'bral te/ 'bras bu yang myur du thob par shog cig ces smon lam btab bo// rgan mos kyang de bzhin du gyur cig ces sbas pas/ tshe rabs lnga brgya'i bar du ma rigs mtho zhing btsun par gyur to// de'i mngo'i dus nargan mong ni da ltar khye'u de dag gi ma yin no// daH dus na mi sum cu rtsa gnyis po ni khye'u sum cu rtsa gnyis po yin no/ / de'i tshe dmag gi dpung rnams sangs rgyas kyis gsungs pa thos nas zhe sdang gi sems zhi ste/ 'di skad du rgyal po chen pos kyang ma nyes kyi/ mi 'di dag gi sngon gyi 'bras bu rnam par smin pa ste/ ba glang gcig bsad pa tsam gyis 'di lta bur gyur to// rgyal po rab gsal rgyal 'di ni bdag cag gi jo bo yin no/ ci'i phyir 'di la 'khu zhing gnod par sems zhes smras nas/ mtshon cha bor te rgyal po la babs nas nyes pa bshags pas/ rgyal pos kyang gyod ma rmas par btang ngo // de'i tshe bcom ldan 'das kyis sngon byung ba 'di dang / gleng gzhi 'dis 'khor bzhi po la dam pa'i chos rgyas par bstan to// dge ba'i las ni brtson 'grus su bya ba'i rigs dang / mi

  248. 125a

    dge ba'i sdig pa'i chos ni mi bya ba'i rigs pa yang bstan/ 'phags pa'i bden pa bzhi yang rgyas par bstan pas/ 'khor mang po rnams kyis thos nas thams cad/ kyis 'bras bu thob pa 'gyur to// bcom ldan 'das kyis gsungs pa la yi rang nas mngon par dga' 'o// blon po ri dgas kyi bu bdun gyi le'u ste nyi shu gsum pa'o// / bam po bdun pa// / ka bi na chen po'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sprin gyi kun dga' ra ba na bzhugs so/ / de'i tshe na yul de'i rgyal po gsal rgyal zhes bya'o// de'i lho phyogs na yul gser gyis zhes bya ba zhig yod de/ rgyal po ni ka pi na zhes bya'o// rgyal po de'i sras rgyal tshab ni ka pi na chen po zhes bya'o// rgyal po yab nongs nas/ sras rgyal tshab rgyal sar gshegs te/ de yang rang bzhin gyis yid gzhungs la blo gsal te/ dpa' zhing mthu rtsal chen po dang ldan no// de la dmag gi tshogs stong phrag sum cu rtsa drug yod de/ dmag de dag gar bab kyang rlung chen po dang 'dra bar phas rgol ba mi thul ba med de/ yul gyi dbus kyi rgyal po dang ni ma 'grul to// phyis tshong pa dag cig yul gser sar phyin nas/ ras 'jam po

  249. 125b

    bzang po yug bzhi zhig rgyal po de la phul lo/ / rgyal pos kyang bzhes nas tshong pa de la/ 'di lta bu nor bzang po ga las 'ongs zhes dris pa dang / tshong pas kyang 'di ni yul gyi dbus nas mchis so zhes gsol to/ / rgyal po des smras pa/ yul gyi dbus zhes bya ba ni gang / yul gyi dbus kyi ming ni tsi zhes bya/ tshong pas gsol pa/ yul gyi dbus kyi ming ni rgyal po'i khab ces kyang bya/ mnyan yod ces kyang bya ste/ de la sogs pa yul gyi ming gzhan kyang mang du mchis so// rgyal pos smras pa/ rgyal po de dag ci'i phyir nga la phyag 'tshal zhing dang 'bul du mi 'ong / tshong pas gsol pa/ rgyal po de dag kyang so so'i rgyal srid 'dzin cing yul gyi tshis bgyis pas 'dir mi mchi'o// rgyal po des bsams pa/ nga'i mthu dang byin gyis ni gnam mtha' 'og thams cad kyang thul na/ ci'i phyir rgyal po 'di dag nga la phyag 'tshal zhing dpya 'bul du mi 'ong / da ni nga'i mthu dang byin gyis de dag kyang dbab bo snyam nas/ tshong pa de la smras pa/ yul dbus kyi rgyal po'i nang na rgyal po gang che/ tshong pas smras pa/ mnyan yod kyi rgyal po nang na che'o// de nas rgyal po nges mnyan yod du pho nya btang ste/ rgyal po gsal rgyal la 'di skad ces spring ngo / / nga'i mthu dang byin gyis 'dzam bu'i gling du gtogs pa kun la dbang na/ khyod ci'i phyir pho nya yang 'grul ba mi byed/ da yang khyod kyi steng du pho nya btab

  250. 126a

    ba yin gyis/ khyod nyal ba'i tshe nga'i ming thos na 'dug pa'i rigs so// 'dug pa'i tshe thos na ldang ba'i rigs so// ldang ba'i tshe thos na ming mi khom par phyir 'dor/ ba'i rigs so// khrus byed pa'i 'phro la thos na sgra yang phyir sdud pa'i rigs so// sdod pa'i tshe thos na rgyug par rigs kyis/ da ste zhag bdun na 'dir nga dang phrad du shog cig/ de ltar ma byas na dmag drangs te khyod kyi yul med par bya'o zhes spring ngo / / rgyal po gsal rgyal gyis de skad ces spring ba thos nas mi dga' zhing dngangs te/ bcom ldan 'das gang na bar song nas/ de bzhin du rgyas par gsol to// bcom ldan 'das kyis bka' stsal pa/ rgyal pos kyang phyir pho nya de la rgyal po'i nang na nga mi che ste/ nga bas kyang rgyal po che ba zhig yod do zhes gyis shig gsal rgyal gyis kyang bcom ldan 'das kyi bka' bzhin du/ 'jig rten na 'phrul gyi rgyal po zhig 'di nas mi ring ba zhig na bzhugs kyis/ khyod nyid der song la khyod kyi rgyal pos spring ba bzhin du gyis shig ces bsgo nas/ pho nya de rgyal bu rgyal byed kyi tshal du song ngo // de'i tshe na bcom ldan 'das 'khor los sgyur ba'i rgyal por sprul te/ blon po chen por yang mo'u 'gal sprul nas/ rin po che sna bdun dang ldan par bzhugs so// kun dka'i ra ba yang rin po cher bsgyur nas/ ra ba'i phyi rol na rin po che'i 'obs rim pa bdun dang / 'obs kyi bar na rin po che sna bdun

  251. 126b

    gyi shing dkrigs te/ kha dog rnam pa sna tshogs kyi pad+ma grangs med pa/ lham me/ lhang nge/ lhan ner 'tsher ba dang / ra ba'i nang na rin po che sna tshogs las byas pa'i pho brang na/ rgyal bopo shin tu byin che bar bzhugs par sprul to/ / pho nyad de sprul pa'i pho brang du 'ongs nas/ rgyal po chen po mthong ba tsam gyis 'jigs skrag par gyur te/ 'di skad du bdag gi rgyal po'i byin dang bsod nams kyis ni 'di la mi thub na/ 'on kyang spang ba'i yi ge dbul lo snyam nas yi ge phul lo// 'phrul gyi rgyal pos yi ge blangs nas rdog pa'i 'og tu bcug ste/ pho nya la 'di skad ces bka' stsal to/ / nga ni rgyal po chen po ste gling bzhi la dbang ba yin na/ khyod kyi rgyal po glen pa de ci'i phyir bka' mi nyan khyod myur du phyir song la ngas 'di skad ces bka stsal to zhes gyis shig/ khyod kyi pho nya phyir 'ongs nas/ nga'i bka' thos pa tsam gyis gal te nyal ba las thos na ldang ba'i rigs/ 'dug pa las thos na 'greng ba'i rigs/ 'gro ba las thos na rgyug pa'i rigs kyis/ nga ste zhag bdun na 'dir phyag 'tshal du ma 'ongs te bka' bcag par gyur na khrims dang sbyar ro zhes gyis shig/ pho nya des bka' stsal pa bzhin du phyir song nas/ bdag gi yul du phyin pa dang / gser sa'i rgyal po la ci mthong ba dang / ci spring ba rgyas par gsol to// rgyal pos de skad ces spring ba thos nas 'gyod par gyur

  252. 127a

    teci dbang ba'i rgyal phran rnams dang chas te rgyal po'i thad du 'dong ngo snyam ste/ 'on kyang thal byung du 'gro bar mi rigs kyi/ da rung yang lan cig bags mo snyam nas/ sngar pho nya gcig btang ste/ rgyal po chen po la bdag phyag 'tshal du mchi na/ bdag dbang ba'i rgyal phran khri brag sum curtsadrug mchis na/ de dag dang ril gyis mchings/ byephyed dang mchi ba bka' stsol cig ces mchi'o// rgyal po chen pos kyang phyir de la rgyal phran phyed dang chas te shog cig ces bsgo ba dang / gser sa'i rgyal po rgyal phran khri brgyad stong dang bcas te mnyan yod du/ rgyal po sprul pa'i spyan sngar lhags nas phyag 'tshal te 'di snyam bsams so// rgyal po chen po 'di'i byad gzugs ni bdag pas lhag kyang / mthu stobs ni bdag tsam mi phod do snyam bsams pa dang / 'phrul gyi rgyal pos blon po rin po che la khyod kyi gzhu gser sa'i rgyal po la byin cig ces bka' stsal to// rgyal po des kyang blang zhes byas na ma theg go/ / de nas 'phrul gyi rgyal pos blangs te/ mthe'u chung gis gzhu bdungs te/ gser sa'i rgyal po la gzhu 'di khong zhig ces bka' stsal nas/ gser sa'i rgyal pos bsnams na/ gzhu rgyud kyang ma bskul to// de nas 'phrul gyi rgyal pos blangs te drangs na/ gzhu rgyud sbrengs pa tsam gyis stong chen po'i 'jig rten gyi khams kyang 'gul zhing g.yos

  253. 127b

    so/ de nas mda' blangs te mda' gcig 'phangs na/ 'phangs ma thag tu mnga' lngar gyur te/ mda' de dag gi rtse mo la 'od gzer grangs med pa byung nas/ pad+ma shing rta'i 'phang lo tsam re re yang yod par gyur te/ pad+ma re re la yang 'khor los sgyur ba'i rgyal po rin po che sna bdun dang ldan pa re re yod par gyur to// 'od gzer de dag gis stong gsum gyi stong chen po'i 'jig rten gyi khams kyang snang bar byas nas/ lam rgyud lnga'i sems can thams cad la phan pa'i don du ma gyur pa med do// lha rnams kyi gnas su 'od gzer de mthong ste/ chos ston pa'i gsung yang grag par gyur nas/ de dag gi lus dang sems yongs su dag ste/ kha cig ni rgyun du zhugs pa nas dgra bcom pa'i bar du thob par gyur to// kha cig ni bla na med pa yang dag par rdzogs pa'i byang chub tu sems bskyed do/ / kha cig ni phyir mi ldog pa'i sa la gnas par gyur to// mi'i rgyud du gtogs pa'i sems can sangs rgyas kyi 'od gzer mthong zhing chos ston pa thos pa rnams rab tu dga' mgu rangs te/ kha cig ni rgyun du zhugs pa nas lan cig phyir ldog pa dang / rab tu byung zhing dgra bcom pa'i bar du thob par gyur to// sems can grangs med pa ni bla na med pa yang dag par rdzogs pa'i byang chub tu sems bskyed de/ phyir mi ldog pa'i sa la gnas par gyur to// yi dgas kyi rgyud du gtogs pa dag ni/ sangs rgyas kyi 'od gzer gyis reg

  254. 128a

    cing chos thos pas/ thams cad kha zas kyis 'grangs par gyur te/ lus dang sems la gdung ba med cing sim par gyur nas/ thams cad snying rje'i sems skyes te/ sangs rgyas la bsnyen bkur byas pas yi dgas las rnam par grol nas lha dang mir skyes so// dud 'gro'i skye gnas su gtogs pa'i sems can rnams ni/ sangs rgyas kyi 'od gzer ro mthong bas 'dod chags dang zhe sdang gi sems zhi ste/ gti mug gis ldongs pa yang sad par gyur nas/ thams cad sangs rgyas la dga' zhing dad pas dud 'gro las rnam par grol te lha dang mir skyes so/ / sems can dmyal ba'i sems can la sangs rgyas kyi 'od gzer gyis reg pas/ grang ba ni dro bar gyur/ dro ba ni grang bar gyur/ sdug bsngal gyis gdungs pa yang rgyun chad par gyur te/ lus dang sems rab tu dga' bas sangs rgyas la dad par gyur te/ sems can dmyal ba las thar nas lha dang mir skyes so// de'i tshe na rgyal po ka pi na chen po dang / gser sa'i rgyal phran rnams kyis rdzu 'phrul 'di lta bu dag mthong bas/ shin tu dad pa'i sems kyis babs shing dad pas rdul dang bral/ dri ma dang bral te/ chos la chos kyi mig rnam par dag par gyur to// rgyal phran khri brgyad stong rnams kyang sems tshim par gyur to/ / de ma thag tu sangs rgyas kyi rdzu 'phrul bsdus te/ phyir yang sangs rgyas kyi skur dge slong gi dge 'dun gyis mdun dang rgyab tu bskor te bzhugs par

  255. 128b

    bstan to/ / de nas gser sa'i rgyal po de yang bcom ldan 'das la rab tu 'byung bar gsol ba dang / bcom ldan 'das kyis legs par 'ongs so zhes bka' stsal pas/ sgra dang kha spu rang byi stengur smrig gyon pa'i dge slong du gyur nas/ chos yid la byas pas zag pa zang de dgra bcom par gyur to// de nas kun dga' bos/ bcom ldan 'das la gsol pa/ gser sa'i rgyal po 'dis sngon bsod nams ci bgyis na/ 'di ltar rigs che zhing mtho la yon tan 'phags par che zhing / sangs rgyas bcom ldan 'das dang phrad nas de ma thag tu zag pa zad par gyur/ bcom ldan 'das kyis/ kun dga' bo la bka' stsal pa/ sems can dag ni spyo bzhin du las kyi 'bras bu rnam par smin par gyur to// sngon 'das pa'i dus na sangs rgyas 'od srungs 'jig rten du gshegs te/ sangs rgyas de mya ngan las 'das nas/ khyim bdag gcig gis mchod rten brtsigs te dge 'dun gyi gnas khang byas nas/ 'tsho ba'i yo byad rnam pa bzhi yang sbyar te/ yun ring po zhig lon pa dang / mchod rten de yang zhig/ 'tsho ba'i yo byad khri stan dang / gos dang / kha zas kyang rgyun chad par gyur to// de nas khyim bdag de la bu dge slong zhig yod pa des mi mang po la chos bshad de/ phyir yang mchod rten gsos nas/ gos dang / mal cha dang / bza' ba dang / btung ba dang / khri stan la sogs pa 'tsho ba'i yo byad sbyar to// mi de dag kyang sems

  256. 129a

    yid mthun par 'tsho ba'i yo byad sbyar te/ 'di skad du smon lam btab bo// bdag cag kyang ma 'ongs pa'i dus su btsan zhing phyug pa dang / tshe ring ba dang / sangs rgyas/ 'jig rten du gshegs pa dang phrad de/ chos thos nas 'bras bu yang ma lus par thob par gyur cig ces smon lam btab bo// kun dga' bo de'i tshe de'i dus na/ khyim bdag gi bu dge slong de ni yul gser sa'i rgyal po ka pi na chen po yin no/ / des chos bstan te mchod rten gso ba dang / 'tsho ba'i yo byad bstangs pa ni rgyal phran khri brgyad stong snyed po 'di yin no// bcom ldan 'das kyis de skad ces bka' stsal nas/ 'khor mang po rnams phyir mi ldog pa'i sems bskyed de yi rang nas mngon par dga' 'o// ka pi na chen po'i le'u ste nyi shu bzhi pa'o// // dge slong ma ut+pa la'i le'u'o/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// rgyal po gsal rgyal ni nongs/ rgyal tshab bai DUR+Ya rgyal sar gshegs te/ rgyal po'i nang na chos bzhin rgyal po byed pa ma yin pas/ glang po che'i rmig pas mi brdzis te bsad pa yang grangs med do// de'i tshe na rigs che zhing btsun pa'i bud med dag cig de lta bu dag mthong nas/ khyim la mi dga' bar gyur te/ thams cad rab tu byung nas dge slong mar gyur to// rab tu byung ba de dag la la ni shAkya

  257. 129b

    rigs la la ni rgyal rigs yin te/ dpe med par mnga' byang legs pa blta na sdug pa/ rigs che ba lnga brgya snyed 'dod pa yongs su spangs te/ rab tu byung bas yul mi thams cad kyang de la dga' ste 'tsho ba sbyar to/ / dge slong ma de dag gcig la gcig 'di skad du/ bdag cag ni rab tu byung yang chos kyi bdud rtsi'i ro ma myong ste/ 'dod chags dang / zhe sdang dang / gti mug zhi bar ma byas na mi rung gis/ drug sde ma bsnyen dga' mo'i thad du chos nyan du 'dong ngo zhes smras nas de gang na bar song ste phyin pa dang phyag 'tshal nas 'di skad du bdag cag ni rab tu byung yang chos kyi bdud rtsi'i ro ma myong na/ bdag cag la bstan du gsol zhes smras pa dang / drug snga mas bsams pa/ bdag gis 'di dag chos dang tshul khrims las phyir bzlog ste/ 'di dag gi chos gos dang lhung bzed thob par gyur na re legs snyam nas 'di skad ces bsgo'o// khyed rnams ni rigs che zhing mtho ba ste/ rin po che sna bdun dang / glang po tshe dang rta dang / bran pho dang / bran mo dang / las byed pa'i mi dang / zhing dang / 'tsho ba'i yo byad kyis mi brel na/ ci'i phyir de dag yongs su spangs te/ dge slong mar zhugs nas 'di ltar nyon mongs shing sdug bsngal dang bsngos te/ sangs rgyas kyi bslab pa la 'jug par byed nyes na phyir khyim du song ste/ khyim thab dang / bu dang / bu mor ldan par lhan cig tu yid bzhin

  258. 130a

    du rtse dga' zhing tshe 'di la yang skying pa myong bar byas la/ sbyin pa yang yid bzhin du byas na legs so zhes bsgo'o// dge slong ma rnams de skad ces smras pa thos nas ma dga' ste ngus nas phyir dong ngo / / de nas dge slong ma de dag/ dge slong ma ut+pa la'i mdog gang na 'dug par song nas der phyin pa dang / ud pa la'i mdog la phyag 'tshal te/ chos bzhin du bskrun gsol nas 'di skad ces smras so/ / bdag cag khyim na mchis pa na khyim gyi las kyis bslus/ da rab tu byung na yang 'dod pa'i dbang du gyur nas/ nyon mongs pa las thar par mi nus na bdag cag la thugs brtse ba'i slad du dam pa'i chos bstan du gsol/ ut+pa las smras pa/ khyed ci dang ci 'dod pa 'das pa 'am/ ma 'ongs pa'am/ da ltar gyi dngos po gang yang rung ba dris shig dang ngas bstan par bya'o/ / dge slong ma rnams kyis 'das pa dang / ma 'ongs pa re zhig zhog la da ltar gyi bstan te/ bdag cag gi the tshom dgrol du gsol/ ud pa las smras pa/ 'dod chags ni me dang 'dra ste ri lung 'tshig par byed do// rtswa 'khri 'khri dang 'dra ste mched par 'gyur ro// 'dod chags kyi dbang gis gcig la gcig 'tshe zhing gnod par byed de// de la yun rings na ngan song gsum du lhung ste thar pa'i dus med do// khyim na gnas pa ni sdug pa la chags te/ 'dod pa dang / bye bral ba dang / skye ba dang / rga ba dang / na ba dang / 'chi

  259. 130b

    ba dang rgyal po'i khrims kyis gtse ba'i sdug bsngal rgyun mi 'chad par myong ste/ tshe 'phos nas phyir yang sos pa tsam du lus dang sems gdungs te/ khyim gyis glags shing bcings pa ni btson ra bas kyang dam mo/ / bdag kyang kun tu rgyu ba'i rigs su skyes te/ kho mo'i pha ma yang rigs che zhing btsun pas kho mo yang kun tu rgyu rigs che ba/ mang du thos pa mkhas pa rig byed dang ldan pa zhig la bag mar btang nas/ de'i chung ma byed de/ de'i bu yang yod par gyur to// phyis gyos sgyug tshe 'phos pa'i 'og tu kho mo la sems can yod par gyur nas/ khyim thab la 'di skad ces byas so/ / kho mo la sems can yod de zla ba yang tshang du nye/ gal te 'dir bu btsas na btsog cing mi btub kyis/ kho mo'i pha ma'i khyim du btsar 'gro'o zhes byas na/ kho mo la legs so zhes zer te/ khyo shug gnyis 'grogs nas bu zhig kyang khrid de/ pha ma 'dod par song ba las/ lam phyed tsam du phyin pa dang / mngal mi bde bar gyur nas/ shing gcig gi drung du nam phyed tsam na bu btsas so/ / kho mo'i khyim thab kyang logs shig na nyal ba las mtshan mo sbrul gyis zin to// mtshan mo bos na cang mi grag nas nam langs te bltas na/ khyim thab kyang sbrul gdug pas zin pas tshe 'phos te lus kyang zhig par gyur to// de'i tshe na kho mo 'khams te sa la 'gyel pa dang / bu chen po yang pha sbrul gyis bsad pa mthong nas skad

  260. 131a

    phyung ste ngus pas/ bu ngus pa'i skad kyis kho mo yang phyir sangs nas/ bu chen po ni khur du thogs/ bu chung ni pang bar khyer te ngu zhing song song ba las lam yang dben pa zhig ste/ mi bga' yang mi 'grul pas grogs kyang ma rnyed do// bar na chu chen po gcig yod de/ chu'i kha tshon yang che la zab pas/ bu gnyis ka ma theg nas/ bu chen po ni/ chu'i tshu rol tu bzhag/ bu chung ngu khyer te pha rol tu bskyal nas/ phyir chen po bsur 'ongs pa dang / bu yang ma 'ong ba mthong nas/ chu'i nang du zhugs te chus khyer ba las khe mos bsnyegs nastobs chung bas ma zin te chus khyer ro/ / de nas phyir pha rol tu phyin tsam na/ bu chung ngu yang spyang kis zos te/ khrag cung zad tsam sa la snang ngo // der yang 'khams nas ring zhig lon te phyir sangs pa dang / lam du zhugs te song song ba las/ kun tu rgyu kho mo'i pha dang nye zhing bshes pa zhig dang phrad nas/ kun tu rgyu des khyod ci nyes na 'di ltar nyon mongs par gyur ces dris na/ kho mos kyang ji ltar gyur pa rgyas par gtam byas pa dang / kun tu rgyu de yang ngus nas/ kho mos pha ma'i gtam dris na/ khyed kyi khyim du de bar me shor nas pha ma dang khyim gang gi mi thams cad mes 'tshig go zhes zer ro/ / de skad ces smras pa thos nas/ kho mo 'khams te sa la 'gyel to// de nas kun tu rgyu des bslang ste/ khyim du khrid nas kho mo la

  261. 131b

    bu bzhin du byams shing 'dug pa las/ yang kun tu rgyu gcig gis chung mar blangs te de dang lhan cig rtse dga' yongs su spyod pa las/ sems can dang ldan par gyur te/ zla ba tshang nas bu 'byung du nye ba na/ khyim thab gzhan gyi khyim du chang la bos nas/ de'i 'og tu bdag bu btsas te sgo dam du bcad nas bu 'chir ba las/ khyim thab chang gis myos te sgo brdungs pa dang / sgo 'byed pa med pas khros te sgo bcag nas nang du 'ongs pa dang / kho mo yang brdegs/ bdag gis bu btsas so zhes byas na/ bu yang bsad de mar gyi nang du brdos nas/ kho mo yang zar bcug go/ bu'i sha za ma phod de ma zos pas/ yang brdegs nas nan gyis zar bcug go// zos pa'i 'og tu khyim thab kyang sangs nas/ bdag bsod nams med cing las ngan no snyam bsams nas/ khyim thab dor te yul bA rA nA ser bros so// yul bA rA nA se'i phyi rol na shing zhig gi drung na 'dug pa las/ grong de'i khyim thab gzhon nu zhig gsar du chung ma tshe 'phos nas/ grong khyer de'i phyi rol tu chung ma'i rus bu sbas nas/ khyim bdag de chung ma de la chags pas/ rus bu'i drung na ngu zhing 'dug pa las/ bdag gi drung du 'ongs te/ kho mo la khyod gcig pu ci byed ces dris so/ / kho mos kyang de bzhin du gtam byas pa las/ khyim bdag des skyed mos tshal du khrid de/ kho mo la chung ma bya'o zhes smras nas/ kho mos kyang de

  262. 132a

    bzhin du rung ngo zhes smras so/ / khyo shug tu 'dus nas ring po ma lon par khyim bdag nad kyis btab ste tshe 'phos nas/ de'i tshe na yul chos kyis gson pa'i tshe/ khyo shug mnga' ba rnams khyi tsha 'phos na/ chung ma yang gson por dang lhan cig tu dur du 'dug go// kho mo yang de ltar dur du bcug nas/ nub mdur rgan 'ongs te dur bus pa dang / rkun gyi dpon pos kho mo bzang bar mthong bas/ des kyang chung mar byas so// ring po ma lon par brkur song ba las/ rgyal pos bsad nas rkun zla rnams kyis rus bu bkur bkur te kho mo dang lhan cig yang dur du bcug go/ dur na zhag gsum 'dug 'dug pa las spyang kis dur brus nas/ kho mo yang dur nas byung ste 'di snyam du bsams so// kho mos sngon sdig pa ci zhig byas na/ 'di 'dra bar lan du ma shi ba las phyir sos par gyur/ sngon thos na shAkya'i rigs kyi sras shig mngon par byang chub nas/ mtshan yang sangs rgyas zhes bya ste/ 'das pa dang ma 'ongs pa kun mkhyen no zhes grags na/ da ni de la skyabs su 'gro'o snyam bsams nas/ rgyal bu rgyal phyed kyi tshal gang na bar logs su song ba dang / rgyang ma nas de bzhin gshegs pa me tog gi sdong po rgyas pa lta bu 'am/ skar ma'i nang na zla ba lta bur mthong ngo // de'i tshe na bcom ldan 'das kyis kyang thogs pa med pa'i ye shes kyis bdag gdul ba'i

  263. 132b

    dus la bab par mkhyen nas bzhengs te kho mo bsu'o/ / kho mo sgren mor 'dug pa ngo tsha ste/ lag pas nu ma bkab nas sa la 'dug go/ de nas bcom ldan 'das kyis kun dga' bo la bka' stsal pa/ bud med 'di la gos skon zhig ces bka' stsal pa dang / kho mos gos gyon nas/ bcom ldan 'das kyi zhabs la mgo bos phyag 'tshal te/ bdag la thugs brtse bar dgongs nas/ bdag rab tu 'byung bar gnong zhig ces gsol pa dang / bcom ldan 'das kyis kun dga' bo la bka' stsal te/ bud med 'di skye dgu'i bdag mo la gtod de/ rab tu phyung zhig ces bka' stsal to// de nas skye dgu'i bdag mos kho mo rab tu phyung nas/ kho mo la bden pa bzhi po'i chos bstan nas/ kho mos thos ma thag tu brtson 'grus su nan tan byas pas dgra bcom pa thob ste/ 'das pa dang / ma 'ongs pa dang / da ltar gyi bya ba kun rtogs par gyur to// dge slong ma rnams kyis yang smras pa/ sngon las ci bgyis na de lta bu'i rnam par smin pa myong ba ston cig ces smras pa dang / dge slong ma ud pa las khyed rtag par nyon cig/ khyed la bstan to zhes smras so// sngon 'das pa'i dus yun ring po zhig na/ khyim bdag shin tu phyug pa zhig la bu med pa las chun ma zhig blangs te/ chun ma de la shin tu byams pas/ ring po ma lon par chun ma de sems

  264. 133a

    can dang ldan par gyur to/ / zla ba tshang nas bu khye'u zhig btsas te/ khyo shug gnyis de la byams shing sdug par 'dzin to// de nas chung ma chen mas 'di snyam du bsams so/ / kho mo ni rigs che zhing btsun mod kyi/ bu med pas rigs 'tshob pa med do// gal te khye'u 'di cher skyes na rigs 'tshob cing nor dang longs spyod kyi bdag por 'gyur te bdag la mi ster cing / bdag sdug par 'gyur ro snyam phrag dog skyes te bsad par bsams nas/ bu khye'u'i 'tshogs mar khab kyis btsugs te rma yang mi snang bar byas so// khye'u yang ring por ma lon par tshe 'das pa dang / chun ma 'khams nas chen ma la/ khyod kyis nga'i bu bsad do zhes brgal to// chen mas bsnyon nas 'di skad ces mna' bor ro// kho mos khyod kyi bu bsad par gyur na/ kho mo skye ba thams cad du kho mo'i khyo sbrul gdug pas bsad par shog cig/ bu zhig yod na yang chus khyer ba dang / spyang kis za bar shog cig/ kho mo'i lus kyang gson por dur du bcug cing bu'i sha za bar shog cig/ pha ma'i khyim du me shor te thams cad 'tshig par shog cig ces smras so// de'i tshe na de skad ces mna' bor ba'i chen ma de ni kho mo yin te/ de dag thams cad lus kyis myong bar gyur to// dge slong ma de dag gis yang smras pa/ bsod nams ci zhig byas na/ sangs rgyas mthong

  265. 133b

    zhing sangs rgyas kyis bsu nas rab tu byung ste/ 'khor ba'i mthar phyin par gyur/ ud pa las spras pa/ sngon bA rA nA sa 'dir ri drang srong lhags zhes bya ba na rang sangs rgyas dang / nyan thos dang / mu stegs can mngon par shes pa lnga dang ldan pa mang du gnas so// de'i tshe na rang sangs rgyas dag cig bsod snyoms la grong du gshegs pa dang / khyim bdag gi chung ma zhig gis mthong nas rab tu dga' ste/ bsod snyoms phul nas mchod pa byas so// de nas rang sangs rgyas de nam mkha' la 'phags te/ lus la me 'bar ba dang / chu 'bab pa dang / 'gro ba dang nyal ba dang / 'dug pa'i rdzu 'phrul bstan nas/ khyim bdag gi chung ma des/ kho mo yang ma 'ongs pa'i dus su 'di 'dra ba thob par gyur cig ces smon lam btab bo// de'i tshe na smon lam btab pa'i khyim bdag gi chung ma de ni kho mo yin no// de'i phyir de bzhin gshegs pa dang phrad nas sems rnam par grol te dgra bcom pa thob bo// 'di ltar dgra bcom pa thob mod kyi/ lcags tsha ba'i thur ma spyi bo nas zug nas rkang mthil du byung ste/ rtag tu 'di lta bu'i gnod pa myong ngo // de'i tshe na rigs che zhing mtho ba'i dge slong ma lnga brgya snyed kyis de skad ces spras pa thos nas/ lus dang sems skye g.ya' ste/ 'dod pa la me ma mur gyi phung po ltar rtogs nas/ 'dod chags kyi sems yongs su zad de/ khyim gyi sdug bsngal la btson ra bas

  266. 134a

    kyang lhag par rtogs te/ dri ma kun zad nas dus gcig tu ting nge 'dzin la zhugs te dgra bcom par gyur to// dge slong ma de dag gis tshig mthun par/ dge slong ma ud pa la la bdag cag ni 'dod chags kyis kun nas bcings shing glags pa las/ khyod kyis chos bstan pas 'khor ba'i mthar phyin par gyur to zhes smras so// de nas bcom ldan 'das kyis dge slong ma ud pa las ni legs par bstan to/ / gang chos ston pa ni gcig gis gcig bstan te 'bras bu thob na/ sangs rgyas kyi sras yang dag pa zhes bsngags so// de skad ces gsungs pa la 'khor mang po rjes su yi rang nas mngon par dga' 'o/ / dge slong ma ud pa la'i le'u ste nyi shu lnga pa'o// // shu do la gar ne'i le'u'o// 'di skad bdag gis thos pa dus gcig na/ bcom ldan 'das rgyal po'i khab bya ka lan da ka gnas pa 'od ma'i tshal na bzhugs so// de'i tshe tshe dang ldan pa kun dga' bo 'dug pa las langs nas gos tshags bcos te pus mo sa la btsugs nas thal mo sbyar te/ bcom ldan 'das la 'di skad ces gsol to// ko'u di n+ya la sogs pa dge slong rten lnga po 'di ci'i rgyu ci'i rkyen gyis bcom ldan 'das kyis 'jig rten du chos kyi 'khor lo bskor ma thag tu chos kyi bdud rtsi sngar myong ba bstan du gsol/ bcom ldan 'das kyis/ kun dga' bo la bka' stsal pa/ dge slong

  267. 134b

    lnga po 'di dag sngon yang nga'i sha sngar zos te bde bar gyur pas 'dir yang chos kyi ro thog mar myong ste/ rnam par grol bar gyur to// kun dga' bos yang / bcom ldan 'das la gsol pa/ dge slong 'di lngas sngon ci bgyis pa bstan du gsol/ bcom ldan 'das kyis/ kun dga' bo la bka' stsal pa/ sngon 'das pa'i bskal pa tshad med/ grangs med/ bsam gyis mi khyab pa 'das pa'i snga rol na 'dzam bu'i gling 'dira'i rgyal po shu do la ga ra ne zhes bya ba byung ste/ 'dzam bu'i gling gi rgyal phran brgyad khri bzhi stong snyed la dbang byed do// de'i tshe na yul der lo bcu gnyis kyi bar du char mi 'bab bo zhes ltas mkhan gyis lung bstan nas/ rgyal pos de skad ces thos pa dang / rab tu mya ngan gyis yi mug par gyur te/ 'di ltar mu ge chen po byung na/ mi mang po 'di dag la lo de snyed kyi kha zas ji ltar rnyed snyam nas/ rgyal phran dang blon po kun bsdus te bgros na/ bang ba na 'bru ji snyed yod pa dang / da ltar mi ji snyed yod pabartsis su sbyar na/ lo bcu gnyis kyi bar du mi re pu la re'i thad du brtsis na yang / lo bcu gnyis mi thub bo zhes dril bsgrags so// de nas phyi phyir yang mu ge che bar gyur te/ tshe 'phos pa yang mang nas/ rgyal po des ji ltar byas na/ mi mang po 'tsho bar 'gyur snyam bsams te/ btsun mo dang pho brang slas su bcas te/ skyed mos tshal du 'chag tu song ba las bsti ba'i

  268. 135a

    gnas shig tu phyin nas/ btsun mo dang mi mang po kun gnyid kyis log pa'i 'og tu nyal ba las langs nas/ phyogs bzhir phyag 'tshal te/ 'di lta bu'i yi dam bcas so/ / yul 'dir mu ge byung bas thams cad bza' ba med par gyur te/ ltogs kyis bdag gi lus 'di btang ste/ tshe 'phos pa'i 'og tu nya chen po zhig tu skyes nas/ thams cad bdag gi sha la za zhing kun 'grangs par shog cig ces smon lam btab nas/ shing zhig la 'dzegs te/ shing kha nas lus g.yang du btang ngo // der tshe 'phos nas chu chen por brdzus te skyes pa'i nya chen po dpag tshad lnga brgya pa zhig tu gyur to/ / de'i tshe yul de na shing mkhan mi lnga zhig chu 'gram du shing thur dong ba las nya chen po de mthong nas/ nya des mi'i skad du 'di skad ces smras so// khyed bkres na nga'i sha la chod de ci 'dod pa zo zhig/ 'grangs nas kyang ci theg pa khyim du khyer cig/ khyed kyis sngar nga'i sha zos te 'grangs pas na/ phyir mngon par sangs rgyas nas kyang thog mar khyed chos kyi zas myong bar bya'o/ / yul mi dag la gang bkres pa thams cad kyis kyang ci dga' bar nga'i sha la long zhig ces sgo zhig/ de'i tshe mi lnga pos sha bcad de zos nas yul mi sbran te/ de nas gcig gis gcig sbran pas 'dzam bu'i gling gi mi thams cad 'dus te/ de'i sha la bcad cing zos so// rtsib logs gcig zangad tsam na/ rtsib logs ngos gcig rang bsgyur te/

  269. 135b

    steng ma zad na 'og ma yang de bzhin du skye'o// de bzhin du steng 'og bsgyur zhing lo bcu gnyis kyi bar du thams cad kyis sha bcad cing zos nas/ thams cad de la snying rje ba'i sems skyes pas de'i sha zos pa de dag thams cad che'i dus byas pa yang mtho ris kyi lhar skyes so/ / kun dga' bo de'i tshe de'i dus na rgyal po nyar gyur pa de ni da ltar nga yin no// shing mkhan lnga po thog mar nga'i sha bcang de zos pa ni/ dge slong ko'u di n+ya la sogs pa lnga po yin no// skye bo mang po phyis nga'i sha zos pa ni lha'i sras po brgyad khri dang / nga'i nye gnas rnam par grol ba rnams yin no// de'i tshe na sngar mi lnga po de la byin te/ 'tsho bas srog skyabs pas 'dir yang sngar chos bstan te/ chos kyi sku'i yan lag gis dug gsum gyi me zhi bar byas so// kun dga' bo dang 'khor mang po rnams bcom ldan 'das kyis gsungs pa la rjes su yi rang nas mngon par dga' 'o/ / shu do la gar ne'i le'u ste nyi shu drug go// rgyal po a sho ka'i le'u'o// 'di skad bdag gis thos pa dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe na bcom ldan 'das kun dga' bo dang bsod snyoms la gshegs pa las/ la ma ka na byis pa dag cig sa la khang bu dang / bang mdzod dang / rin po cher bsngos nas rtse zhing 'khod do// de la khye'u gcig cig gis sangs

  270. 136a

    rgyas rgyang ma nas gshegs pa mthong nas rab tu dga' ste/ sbyin pa bya bar bsams nas/ bang ba zhes bsngos pa'i sa las snyim pa gang blangs te/ sangs rgyas la dbul bar gzas pa las/ khye'u chung sangs rgyas ches pas ma sleb nas/ grogs khye'u gcig la khyod sa la dgu zhig/ kho bo khyod kyi steng du 'greng ste lhung bzed du blug go zhes spras nas/ grogs pos kyang de bzhin du bya'o zhes smras te/ khye'u des grogs po'i phrag pa la 'dzegs te/ sa snyim pa gang sangs rgyas la phul lo// sangs rgyas kyis kyang lhung bzed smad nas sa phul ba bzhes so/ / bzhes nas kun dga' bo la gtad de/ sa 'di 'jim par gyis la gtsug lag khang la byugs shig ces bka' stsal to// kun dga' bo bre chung ngus dga' ba'i sems kyis nga las phul te gtsug lag khang la bskus pas/ de'i bsod nams kyis nga mya ngan las 'das nas/ lo brgya lon pa'i 'og tu rgyal po a sho ka zhes bya bar 'gyur ro/ / khye'u cig shos ni de'i blon por 'gyur te/ 'dzam bu'i gling la dbang byed cing / dkon mchog gsum gyi yon tan kyang yul thams cad du bsgrags nas/ ring bsrel la yang rgyas par mchod par byed de/ 'dzam bu'i gling du mchod rten brgyad khri bzhi stong cig car byed par 'gyur ro// kun dga' bo dga' mgu rangs nas/ bcom ldan 'as

  271. 136b

    la 'di skad ces gsol to/ / de bzhin gshegs pas sngon bsod nams ci zhig mdzad pas/ ring bsrel la yang mchod rten de snyed cig bgyid par 'gyur/ bcom ldan 'das kyis bka' stsal pa/ brtag par nyon la shin tu yid la zung zhig dang / khyod la bstan par bya'o// sngon bskal pa grangs med pa 'das pa na/ 'dzam bu'i gling 'dir rgyal po gsal thul zhes bya ba/ rgyal phran brgyad khri bzhi stong snyed la dbang byed pa zhig byung ngo // de'i tshe na sangs rgyas pur sha zhes bya ba 'jig rten du byung ste/ rgyal po des blon po dang bcas su yo byad rnam bzhi sbyar te/ sangs rgyas dang dge slong gi dge 'dun la phul lo// de'i tshe rgyal po de dang yul mi rnams ni rtag tu sangs rgyas dang phrad de phyag 'tshal ba dang bsnyen bkur byed kyi/ rgyal phran gzhan dag ni bsod nams kyang mi byed pas/ mtha' 'khob kyi rgyal phran dang yul mi dag bsod nams byed du gzhug pa'i phyir/ sangs rgyas kyi sku gzugs bris la/ rgyal phran la sbyin no snyam bsams nas/ ri mo mkhan mang po bsdus te/ sangs rgyas kyi sku gzugs ri mo la bris shig ces bsgo ba dang / ri mo mkhan dag sangs rgyas kyi spyan sngar song sangs rgyas kyi mtshan bltas nas/ ri mo bris pa las mtshan gcig bris nas/ gcig mi 'dra bar gyur te/ ri mo mkhan gyis ri mo bri bar ma nus so// sangs rgyas nyid kyis

  272. 137a

    tshon rtsi sbyar te/ sku gzugs gcig bris nas/ ri mo mkhan rnams de la bltas te/ sku gzugs mtshan dang ldan pa brgyad khri bzhi stong bris nas/ rgyal phran re re la sku gzugs re re bskur te/ sku gzugs de la rgyal po dang yul mi thams cad kyis me tog dang / spos dang / yo byad thams cad kyis mchod de phyag tshol zhig ces bsgo'o// rgyal phran de dag dang yul mi de dag gis de bzhin gshegs pa'i sku gzugs mthong nas/ rab tu dga' mgu rangs te bsnyen bkur byas so// de'i tshe na rgyal po gsal thub de ni da ltar yin te/ de ltar de bzhin gshegs pa'i sku gzugs brgyad khri bzhi stong bris te/ rgyal phran kun la spel ba'i bsod nams kyis/ gang nas gang du skyes kyang mtho ris su brgya byin lha'i dbang por skyes te/ byad gzugs bzang ba dang / mtshan sum cu rtsa gnyis dang / dpe byad bzang po brgyad cu thob ste mngon par sangs rgyas so// mya ngan las 'das nas kyang ring bsrel la mchod rten brgyad khri bzhi stong snyed byas par gyur to/ / bcom ldan 'das kyis de skad ces gsungs pa la/ kun dga' bo dang 'khor mang po mngon par dga' nas rjes su yi rang ngo // rgyal po a sho ka'i le'u ste nyi shu bdun pa'o/ / // gser gyi bum pa'i le'u 'o// 'di skad bdag gis thos pa dus gcig na/ bcom ldan 'das mnyan

  273. 137b

    yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe dge slong dag dbyar so sor tshul du zhugs nas/ tshul nas byung ba dang / bcom ldan 'das gang na bar lhags so/ / bcom ldan 'das dge slong dag dang yun ring du ma phrad pas/ de dag la thugs brtse bar dgongs te/ 'khor lo rtsibs stong dang ldan pa'i phyag bteg ste/ dge slong de dag la bsti sbyang dang bcas pas byed na par mgyur tam/ bson snyoms kyis ma brel las zhes bka' stsal pa dang / de bzhin gshegs pa yon tan chen po dang ldan pa// dge slong rnams la bsti stang mdzad par dge slong kun dga' bos mthong nas ngo mtshar du gyur te/ bcom ldan 'das la 'di skad ces gsol to// bcom ldan 'das ni 'jig rten gyi gtso bo/ / yon tan dpag tu ma mchis pa/ ye shes bsam gyis mi khyab pa lags na/ ci'i slad du thugs smad de dge slong rnams la bsti stang mdzad ces gsol pa dang // bcom ldan 'das kyis/ kun dga' bo la 'di skad ces bka' stsal to// sngon bskal pa grangs med/ tshad med/ bsam gyis mi khyab pa 'das pa na/ 'dzam bu'i gling 'dir yul bA rA nA se na/ khyim bdag so tshos la mkhas pa zhig yod de/ nor ci rnyed kyang gser du bsgyur nas/ gser gyi bum pa gcig byas te sa 'og tu sbas so// de bzhin du nor rdzas ci/

  274. 138a

    rnyed kyang lus la mi spyod de/ gser du bsgyur nas phyis ring zhig lon pa dang / gser gyi bum pa snga phyir bsags pa bdun du gyur nas/ thams cad sa 'og tu sbas so/ / khyim bdag de phyis nad kyis btab nas tshe'i dus byas pa dang / gser gyi bum pa la chags pas sbrul gdug pa zhig tu skyes te/ gser de la bsrung ngo // phyis yun ring zhig lon pa dang / grong khyer de yang zhig nas su yang mi gnas te sa stong du gyur to// sbrul de yang lo grangs mang du lon pas tshe'i dus byas nas/ phyir yang de nyid kyi lus su skyes te/ gser gyi bum pa la 'khri zhing nyal lo// de bzhin du lo khri phrag du ma lon pa dang / nang gi skye ba tha ma la lus des skye ste 'di snyam du bsams so// bdag ni gser 'di la chags pas 'di 'dra ba'i lus su mi sdug pa myong bar gyur gyis/ da ni bsod nams kyi zhing la phul nas lam dang nye bar song ste/ rtsa khrod du lus sbas la mi dag 'ongs na 'bod do snyam ste/ de'i tshe sbrul gdug pa des mi gcig lam nas 'ong ba mthong nas/ sbrul gyis mi de la bos pa dang / mi des bos pa'i sgra thos nas phan tshun bltas na cang mi snang bas lam du zhugs te song song ba las/ sbrul gyis yang bos te/ kye kho bo'i drung du snyen cig ces smras so// mi des smras pa/ khyod kyis kho bo bos te ci zhig bya/ khyod ni shin tu gdug pa can yin pas kho bo bsad du 'ong ngo //

  275. 138b

    sbrul gyis kho bos gnod par bya na/ khyod drung du ma 'ongs kyang gnod pa byed nus so zhes smras pa dang / mi de skrag nas sbrul gyi drung du bsnyen to// sbrul gyis smras pa/ kho bo la 'di na gser gyi bum pa gcig yod kyis/ khyod la bsod nams shig bya bar bcol na nus sam/ ji ste ma byas na khyod la gnod pa bya'o// mi des kho bos nus so zhes smras pa dang / sbrul gyis mi de// gser gyi bum pa'i drung du khrid de/ gser gyi bum pa gcig bskur te 'di skad ces smras so// khyod gser 'di khyer la dge 'dun rnams la mchod ston zhig gsol cig/ mchod ston gsol ba'i nyin par kho bo yang 'ong gis bsu zhig ces bsgo'o/ / de nas mi de gsar khur du khyer te dge 'dun gyi gnas su song nas/ dge slong gi gtsang sbyor la gser phul te/ 'di ni sbrul gdug pa zhig gi gser lags kyis/ gser 'dis dge 'dun la mchod ston gsol cig ces mchi'o// gser 'dis mchod ston sbyar te/ mchod ston nam gsol bzhag dus brtsis nas/ de'i nyin par mi de gzeb cig thogs te/ sbrul gdug pa de gang na 'dug pa der song ngo // sbrul gdug pa des kyang mi de 'ong ba mthong nas rab tu dga' bar gyur te/ mi des sbrul gzeb kyi nang du bcug nas khyer te song ba las lam du mi gcig dang phrad de/ mi des khyod gang nas 'ongs zhes lan gsum gyi bar du dris kyang / sbrul thogs pa des cang ma smras pas/ sbrul de khros

  276. 139a

    nas gdug pa 'byung ba las 'di snyam du bsams so/ / mi 'di ci zhig nyes na/ pha rol pos lan gsum gyi bar du dris na/ gtam gyi lan yang mi ster snyam ste/ phyir yang khros nas gdug pa 'byung ba las phyir bkag ste/ yang 'di snyam du bsams so// mi 'di bdag gi phyir bsod nams byed na/ byas pa gzo ba'i drin yang dran par ma byas par gdug pa mi dbyung ngo snyam bsams te/ mi 'di bdag la phan pa'i don byed kyis/ nyes pa zhig byas na yang bzod par bya'o zhes sa dben par phyin pa dang / re zhig sa la zhog cig ces smras nas mi des sbrul de la sems spad de/ bdag gi nyes pa 'gyod cing bshags so zhes smras nas/ phyir yang khur du khyer te dge 'dun gyi gnas su phyin pa dang / dge 'dun dag kyang gdugs tshod kyi dus la bab pas/ mi des dge 'dun la me tog brims te/ sbrul de dad pa'i sems kyis me tog 'grim pa la blta'o// de nas dge 'dun dag zas kyi bya ba byas nas kha lag bkrus te sbrul de la chos bshad do/ / sbrul de rab tu dga' nas/ gser gyi bum pa drug kyang dge 'dun la phul te/ bsod nams kyi las byas nas de nas tshe 'phos so// tshe'i dus byas nas de'i bsod nams kyis sum cu rtsa gsum gyi lhar skyes so/ / kun dga' bo de'i tshe na sbrul khur du khyer ba'i mi de ni da ltar nga yin no// sbrul gdug pa de ni shA ri'i bu yin no// 'das

  277. 139b

    pa'i dus na yang khur du sbrul khyer ba las sbrul gyis spyos te/ de la yang sems spang bas/ da yang dge slong rnams la sems spad ba yin no// kun dga' bo la sogs pa sangs rgyas kyis gsungs pa la yi rang nas mngon par dga' bo/ / gser gyi bum pa'i le'u ste nyi shu brgyad pa'o// // bram ze mo bde ba'i le'u'o// 'di skad bdag gis thos pa dus gcig na/ bcom ldan 'das rgyal po'i khab bya ka lan da ka gnas pa 'od ma'i tshal na dge slong grangs med pa dang thabs cig tu bzhugs so// de'i tshe yul de na bram ze shin tu dbul zhing 'phongs pa ci yang mi bdog pa zhig yod de/ bram ze de 'phongs ches nas kun la ji ltar byas na/ tshe 'di nyid la longs spyod dang ldan par 'gyur zhes dris so// de la mi zhig gis smras pa/ ci khyod mi shes sam/ sangs rgyas bcom ldan 'das zhes bya ba da ltar 'jig rten du gshegs te/ sems can thams cad la phan pa'i don mdzad do// de'i nye gnas 'od srungs chen po dang / mo'u 'gal ya na dang / shA ri'i bu dang / ma 'gags pa la sogs pa 'phags pa bzhi yang rtag tu dbul 'phongs pa la phan pa'i don byed kyis/ gal te/ khyod dad pa'i sems kyis 'phags pa de dag la zhal zas kyis mchod na/ 'phags pa de dag ni tshe 'di nyid la khyod ci dang ci 'dod pa de dang de dag dang ldan par mdzad do zhes smras so//

  278. 140a

    de'i tshe na bram zes mi des smras pa thos nas rab tu dga' ste/ kun tu rgyu zhing slong mo dang klu zos nas nor cung zad cig rnyed de/ phyir khyim du 'ongs nas zhal zas sbyar te/ 'phags pa rnams spyan drangs nas bshos gsol to// 'jig rten 'di nyid la phan par re'o// de'i tshe na bram ze de'i chung ma bde ba zhes bya ba des dge 'dun bshos gsol nas/ nyin zhag gcig pa'i bslab tshig mnos so// de'i tshe na rgyal po gsal rgyal 'chag tu song song ba las/ phyir 'ongs pa'i lam du nyes byed pa'i btson zhig lam ka na shing la bcings shing 'dug pa mthong ngo / / btson des rgyal po gshegs pa mthong nas ngus te kha zas shig bslangs pa dang / rgyal pos kyang sbyin no zhes byas nas phyir pho brang du gshegs pa dang / brjed ba las de'i nub mo nam pyad tsam na/ btson la kha bas sbyin par byas pa dran te kha zas bsgral bar byas nas/ pho brang nang gi mo ni gcig kyang 'gro phong pa med de/ nas phyed na kha bas bskur du lam na 'dre gdon dang srin pos 'jigs pas/ srog dang bsngos te 'gro nus pa med do// de'i tshe na rgyal po me de'i sdug bsngal ba dang bkres pas nyen pa dran nas/ de la shin tu snying brtse ste nga'i yul 'di na su zhig btson de la kha zas skye la nus na/ gser srang stong sbyin no zhes bsgrags kyang 'gro nus pa ma byung ngo // de'i tshe na bram ze'i chung ma bde ba des gtam du thos na 'jig rten pa

  279. 140b

    su yang rung ste/ nyin zhag gcig pa'i bslab tshig brgyad mnos na/ 'dre gdon la sogs pas mi brdzi ste/ gdon thams cad kyis gnod pa byed mi nus so zhes thos kyis/ bdag ni rgyal pos gar btang bar 'gro'o snyam bsams nas chas so/ / de nas rgyal pos bde ba la khyod kha zas 'di dag khyer la/ che ge mo zhig na btson 'dug pa de la byin cig dang / gser srang stong sbyin no zhes dam bcas so/ / de nas bde ba rgyal po'i bka' bzhin du kha zas thogs te/ tshul khrims dran par byas nas lam du zhugs te song song ba las/ grong khyer gyi pha rol tu srin mo lam pa dang phrad do/ / de'i tshe srin mo de bu lnga brgya gsar du btsas pas bkres skom gyis nyen te/ bde ba 'ongs par mthong nas bza' bar gzas so// de'i tshe dge bsnyen ma tshul khrims ma nyams pas srin mo mthong nas phyir skrag ste/ dge bsnyen ma khyod khyer ba'i kha zas las cung zad cig bslang ngo zhes smras pa dang / dge bsnyen mas kyang nyung ngu ma zhig byin te/ byin pa nyung mong kyi srin mo'i mthus mang du sprul nus pas/ srin mo ma smad shin tu 'grangs par gyur to// de nas srin mos dge bsnyen ma la/ khyod kyi ming ci zhes dris pa dang / kho mo ni bde ba'o// zhes smras so// 'o na kho mo ma smad kyang ltogs pa las khyod kyis gsos kyis/ kho mo 'dug pa 'di na gser bum pa gang yod kyis phyir ldog pa'i lam du khyer cig/ khyod par 'gro na kho mo'i

  280. 141a

    nu mo a lam pa yang lam ka na 'dug ste/ khyod dang phrad kyis kho mo'i 'brin du khyod bde 'am/ kho mo yang bu lnga brgya bde bar btsas so zhes gyis shig/ de nas dge bsnyen ma lam du zhugs te song song ba las/ ring po ma lon par a lam pa dang phrad ngo // a lam pa la phu mo'i 'phrin spring ba dang / bu lnga brgya bde bar btsas so zhes gtam byas pa dang / a lam pa dga' ste/ dge bsnyen ma la khyod kho mo'i phu mo'i 'phrin dang gtam snyan byas pa legs kyis/ kho mo 'dug pa'i gnas 'di na gser bum pa gang yod kyis/ phyir log pa'i lam du khyer cig/ kho mo cag gi ming po gcig kyang la ma ka na 'dug gis/ de dang phrad na kho mo cag spun gnyis kyi 'phrin dang bu lnga brgya btsas pa'i gtam yang gyis shig ces bsgo nas song ngo // de nas yang ring por ma byin par srin mo gnyis kyi ming po dang phrad de/ de la srin mo gnyis kyi 'phrin dang bu lnga brgya yang bde bar btsas pa'i gtam byas nas/ de yang rab tu dga' ste/ khyod kho bo'i sring mo gnyis kyi 'phrin byas pa legs kyis/ kho bo 'dug pa'i gnas 'di na gser bum pa gang yod kyis/ phyir ldog pa'i lam du khyer cig ces bsgo'o// de nas dge bsnyen ma chas te song song ba las/ btson de'i drung du phyin te kha zas bstod nas/ phyir ldog pa'i lam du gser bum pa gsum yang rnyed do// rgyal pos kyang gser srang stong bya dgar byin pas/

  281. 141b

    bram ze dbul po khyo shug gnyis yul de na shin tu phyug cing rin po che mang bar gyur to// rgyal pos kyang de bsod nams las gyur par shes nas blon por bcug ste/ shin tu phyug par gyur bas lhag par bsod nams byed pa la dang po'i sems skyes te/ sangs rgyas dang dge 'dun spyan drangs nas mchod pa chen po byas so// de la bcom ldan 'das kyis chos bstan pas sems rnam par grol te/ rgyun du zhugs pa'i 'bras bu thob bo// 'khor mang po dang kun dga' bo la sogs pa sangs rgyas kyis gsungs pa la rjes su yi rang nas mngon par dga' 'o// bram ze mo bde ba'i le'u ste nyi shu dgu pa'o// // bam po brgyad pa// / sbyin pa chen po rgya mtshor zhugs pa'i le'u ni/ 'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri la/ dge slong chen po'i dge 'dun brgya phrag phyed dang bcu gsum dang thabs cig tu bzhugs so// de'i tshe na bcom ldan 'das kyis/ tshe dang ldan pa kun shes ko'u di n+ya la sogs pa la/ bsnyen bkur bya ba'i g.yog gcig dgos so zhes bka' stsal pa dang / de nas kun shes ko'u di n+ya stan las langs te/ bla gos phrag pa gcig tu byas nas/ bcom ldan 'das ga la ba de logs su thal mo sbyar te phyag 'tshal nas/ bcom ldan 'das la bdag gis bsnyen bkur yid bzhin du bgyi

  282. 142a

    shing chos gos dang lhung bzed bzung ngo zhes gsol pa dang / bcom ldan 'das kyis ko'u ngi ma khyongad nyid kyang rgas 'khogs te/ khyod nyid la yang bsnyen pasar byed pa dgos kyis/ ko'u di n+ya khyod nyid stan la 'dug cig ces bka' stsal to// de bzhin du 'od srungs dang / shA ri'i bu dang / mo'u 'gal ya na la sogs pa/ nye gnas lnga bcu skyed kun gyis bcom ldan 'das la bsnyen bkur bgyi'o zhes gsol na yang gcig kyang ma gnang ngo / / de nas tshe dang ldan pa ma 'gags pas/ bcom ldan 'das kyi bsnyen bkur ts+tsha ba'i dge slong gang la dgyes snyam brtags na/ bcom ldan 'das kyi thugs kun dga' bo la dgyes pa ni/ 'di lta ste/ khang pa brtsegs pa'i shar phyogs kyi skar khung nas/ nyi mo'i 'od gzer byung ba na nub phyogs kyi ngos la shar cing lhan pa bzhin du/ bcom ldan 'das kyi thugs kun dga' bo la dgongs shing dgyes par nye gnas kun gyis rtogs nas/ tshe dang ldan pa shA ri'i bu dang / mo'u 'gal gyi bu chen po gnyis kun dga' bo gang na ba der song ste drung du phyin pa dang / kun dga' bo dang lhan cig tu yid mgu zhing dga' ba'i gtam rnam pa du ma byas nas phyogs gcig tu 'khod do/ / phyogs gcig tu 'khod nas/ shA ri'i bu dang mo'u 'gal ya nas/ tshe dang ldan pa kun dga' bo la 'di skad ces smras so// tshe dang ldan pa kun dga'

  283. 142b

    bo bcom ldan 'das la bsnyen bkur bya bar dad dam/ bcom ldan 'das kyang khyod kyis bsnyen bkur bya bar dgyes te/ de bzhin gshegs pa la bsnyen bkur byas na/ khyod la phan pa'i don cher 'gyur ro/ / btsun pa shA ri'i bu bdag ni bcom ldan 'das la bsnyen bkur byed par mi dad do// de ci'i phyir zhe na/ sangs rgyas bcom ldan 'das ni bsgrub par dka'/ bzod par dka' 'o/ / 'di lta ste/ me 'bar ba ni bsgrub par dka'/ bzod par yang dka' ba yin te/ de ltar de bzhin du sangs rgyas bcom ldan 'das la bsgrub par dka'/ bzod par dka' bas na/ bdag sangs rgyas bcom ldan 'das la bsnyen bkur bgyid par mi dad do// de nas tshe dang ldan pa mo'u 'gal ya na'i bu chen pos/ kun dga' bo la 'di skad ces smras so/ / kun dga' bo khyod la bcom ldan 'das dgongs shing dgyes pa ni/ 'di lta ste/ khang pa brtsegs pa'i shar phyogs kyi skar khung nas/ nyi ma'i 'od gzer byung na nub phyogs kyi rtsig ngos la shar cing lhan pa bzhin du/ bcom ldan 'das kyi thugs kyang / kun dga' bo khyod kyis bsnyen bkur bya bar dgyes kyis dad par gyis shig/ de bzhin gshegs pa la bsnyen bkur byas na/ khyod la phan pa'i don cher 'gyur ro zhes smras so// btsun pa mo'u 'gal ya na chen po ji ste/ bdag la bcom ldan 'das kyis 'dod pa 'di gsum gnang na/

  284. 143a

    bcom ldan 'das la bsnyen bkur bgyi bar dad do// 'di lta ste/ bcom ldan 'das mi gsol ba'i na bza' ba dag 'chang du mi stsal ba dang / bcom ldan 'das mi gsol ba'i bshos kyi lhag ma bdag la mi 'tshal ba dang / bdag dus ma mchis par bcom ldan 'das kyi spyan sngar mchir gnang bar bgyi na ni/ bcom ldan 'das la bsnyen bkur bgyi bar dad do/ / de nas tshe dang ldan pa shA ri'i bu dang / mo'u 'gal ya na chen pos/ tshe dang ldan pa kun dga' bo bsnyen bkur byed du dad par byas nas/ bcom ldan 'das gang na ba der song ste phyin pa dang / bcom ldan 'das la 'di skad ces gsol to// bdag cag gis bcom ldan 'das la bsnyen bkur bgyid par/ tshe dang ldan pa kun dga' bo dad par bgyis na bcom ldan 'das kyis bdag la 'dod pa 'di gsum gnang na/ gdod bdag gis bcom ldan 'das la bsnyen bkur bgyi bar dang ngo zhes mchi'o// bcom ldan 'das kyis bka' stsal pa/ legs so mo'u 'gal ya na'i bu/ dge slong kun dga' bo de ni mkhas pa can te/ tshangs pa mtshungs par spyod pa rnams smad pa'i tshig dang / rjes su smad pa'i tshig gi chos phyis 'byung bar mthong bas na/ bdag la tshangs pa mtshungs par spyod pa rnams 'di skad du/ dge slong kun dga' bo ni gos dang zas kyi phyir ston pa la bsnyen

  285. 143b

    bkur byed do zhes smra bar 'gyur ba'i phyir/ mo'u 'gal gyi bu de ni dge slong kun dga' bo'i ngo mtshar rmad du byung ba'i chos so// dge slong kun dga' bo ni mkhas pa can te/ dus shes shing dus rig pa lags shing / dus shes par 'gyur ba ni/ bcom ldan 'das la 'khor rnam bzhi blta bar 'gro ba'i dus la bab pa dang / dus la ma bab pa dang / gzhan yang mu stegs can kun tu rgyu rnams bcom ldan 'das kyi spyan sngar 'gro ba'i dus la bab pa dang / dus la ma bab pa dang / gzhan yang mu stegs can kun tu rgyu 'di dag ni/ bcom// ldan 'das kyis gsungs pa la lan ljon par spobs so// 'di dag ni lan ldon par mi spobs so// bca' ba dang bza' ba 'di ni/ bcom ldan 'das la bde zhing bsod par 'gyur 'di ni bde zhing bsod par mi 'gyur bar shes pa'i phyir te/ mo'u 'gal gyi bu 'di ni dge slong kun dga' bo'i ngo mtshar rmad du byung ba'i chos so// de nas shA ri'i bu dang / mo'u 'gal gyi bu gnyis kyis/ tshe dang ldan pa kun dga' bo bcom ldan 'das la bsnyen bkur byed par dad par byas pa dang / bcom ldan 'das kyis kyang kun dga' bo ni mkhas pa can te/ dus shes shing dus rig go zhes bsngags pas/ dge slong rnams the tshom skyes nas/ bcom ldan 'das la 'di skad ces gsol to//

  286. 144a

    dge slong kun dga' bo 'di ci'i rgyu ci'i rkyen gyis dus dang tshod la mkhas par gyur/ bcom ldan 'das kyis/ shA ri'i bu la bka' stsal pa/ sngon 'das pa'i bskal pa tshad med grangs med pa'i pha rol na/ rgyal po chen po 'dzam bu'i gling gi rgyal phran brgyad khri bzhi stong la dbang byed pa zhig byung ngo // de'i tshe grong khyer ba ru da zhes bya ba na bram ze n+ya gro d+ha zhes bya ba zhig yod de/ mkhas pa rig pa dang ldan pa/ sbrang dang / gtsug lag dang / skar ma la mkhas pa zhig pas/ rgyal po'i ston pa byed de/ rgyal phran brgyad khri bzhi stong snyed kyang de la rgyal po chen po dang 'dra bar bsnyen bkur byed de/ bsgo ba'i tshig kyang nyan to// bram ze de phyug khyad rnam thos kyi bu dang 'gran te/ de la bu med pas rtag tu mi dga' ste/ sems khongs su chud cing 'dug pa las ji ltar byas na bu yod par 'gyur zhes/ tshangs pa dang / brgya byin dang / dbang phyug dang / nyi zla dang / skar ma dang ri dang chu dang / nags kyi lha kun la mchod cing rjed de/ lo bcu gnyis lon nas/ chung ma chen ma sems can dang ldan par gyur te/ bud med mkhas pa dag ni sems can dang ldan ma thag tu bu khye'u 'am/ bu mo yin pa nges par rtogs pas/ de yang khye'u yin par shes nas bram ze la gtam smras so// bram ze de de skad smras pa thos nas rab tu dga' ra

  287. 144b

    te/ chung ma'i rim gro lhag par cher skyed do// de nas zla ba dgu tshang nas khye'u zhig btsas te/ gser gyi mdog can sgra mthon mthing du 'dug pa bzang ba mdzes pa mtshan dang ldan pa zhig go/ / de nas btsas ston byas nas mtshan mkhan bkug ste mtshan bltas nas/ ming sbyin pa chen po zhes btags so// khye'u de rim gyis cher skyes nas/ dbyar dgun dang ston dpyid kyi gnas kyang so sor byas te longs spyod byed du bcug go/ / khye'u de yang yid gzhungs shing mkhas pa'i blo dang ldan pa zhig pas rig byed dang / gtsug lag rnam pa bco brgyad la sogs te/ sgyu rtsal gang yang mi shes pa med do// phyis sbyin pa chen pos pha ma la gsol te/ bdag phyi rol tu 'chag cing ltad mo ltar 'gro'o zhes byas pa dang / de'i pha mas kyang bu 'chag tu 'gro'o zhes lam srang phyag ba dar byed du bcug ste/ rgyal mtshan dang ba dan bsgreng nas me tog gis gtor te/ bdug spos kyis bdug pa la sogs pa yo lang bshams nas/ sbyin pa chen po glang po rin po che sna bdun gyis brgyan pa la bskyon te/ dril bsgrags/ rnga brdungs/ rol mo dang / sil snyan dkrol te/ 'khor brgya stong snyed kyis bskor nas grong khyer gyi phyi rol tu song ngo / / yul mi thams cad lam gyi g.yas g.yon du khang bu brtsegs ma'i steng nas mig mi 'dzums par blta zhing / 'di'i byin dang gzi brjod ni tshangs

  288. 145a

    pa dang 'dra'o zhes bsgrags so/ / de nas song song ba las/ mu to ba dag gos hrul po gyon cing snod chag pa dag thogs te cung zad bslang ngo zhes 'bod pa/ sbyin pa chen pos thos nas de dag la khyed ci'i phyir 'di ltar nyon mongs shing sdug ces dris so// de la kha cig ni 'di skad du/ bdag cag la pha ma dang / phu nu dang / bu smang dang / gnyen bshes ma mchis pas sdug go zhes zer ro/ / de la kha cig ni bdag cag yun rings su nad kyis btab pas mi sos te sdug go zhes zer ro// de la kha cig ni bdag cag bag ma byas pas chom pos bcom ste/ ci yang mi bdog pas slongs mo byed do zhes zer ro// sbyin pa chen pos de skad smras pa thos nas mchi ma dku ste song ngo // de nas yang pha zad cig na/ shan pa dag cig srog chags babasad nas pags pa ba shu ba dang bskal gtub pa dag mthong ngo / / sbyin pa chen pos e ma ho/ 'di dag ci byed ces dris na/ bdag cag ni pha mes brgyud kyis 'di 'dra ba'i gsod ba'i las byed de/ 'di ma byas na mi 'tsho'o zhes zer ro// de la sbyin pa chen po ngo mtshar du gyur nas lha mi 'dod par song ngo // de nas pha zad du phyin pa dang / zhing ba dag zhing rmos te/ zhing rmos pa'i shul na srin bu mang du byung ba la/ bya mang po dang sbrul dag thu zhing za ba mthong ba dang / 'di dag ci byed ces dris na/ bdag cag ni zhing rmos te sa glogs pa'i shul

  289. 145b

    du sa bon btab na/ phyis mang du skyes te/ des 'tsho zhing rgyal po'i dpya yang 'bul lo zhes zer ro// sbyin pa chen pos de la yang ngo mtshar du gyur nas pha zad song ba dang / rngon pa dag bya/ rgya bres pa dang rnyi btsugs nas bya rnams gshor ba dang / sems can dag bya rgya dang rnyis zin nas lus rdebs shing 'then kyang ma shor te/ snying rje ba'i skad phyung nas shin tu 'jigs skrag pa dag mthong nas/ khyed ci byed ces dris na/ bdag cag kyang brgyud kyis 'di 'dra ba gsod pa'i las byed pas 'tshe'o zhes zer ro// sbyin pa chen pos de skad ces smras pa thos nas/ shin tu yi mug ste yang ba zad song ba dang / nya pa dag nya rgyas nya bcus nas mang du zin te/ thang la phung por spungs nas da dung yang 'gul ba dag mthong nas/ 'di dag ci byed ces dris na/ bdag cag brgyud kyi las gzhan mi byed kyi/ 'di ltar nya ba shor zhing 'tsho bar byed do zhes zer ro// sbyin pa chen pos 'di lta bu dag mthong nas 'di snyam du bsams so// sems can 'di dag ni dbul 'phongs pas/ bgo ba dang bza' ba'i phyir 'di lta bu'i kha na ma tho ba'i las gsod pa la sogs pa byed de/ 'di dag ni tshe 'phos ma thag tu ngan song gsum du lhung ste/ mun pa nas mun par 'gro zhing thar pa'i dus med do snyam pa sams nas/ phyir khyim du 'ongs te nyin mtshan du de sems shing mi dga' nas/ pha'i drung du song ste/ pa la

  290. 146a

    bdag gsol ba zhig mchis kyis gnong zhig ces smras so/ / phas kyang bu khyod ci zer/ khyod sba ba bzhin du bya'o zhes smras so// yab bdag sngon phyi rol tu 'chag tu mchis pa las/ mi mang po gos dang kha zas kyi phyir thams cad nyon mongs te/ gcig la gcig gsod pa dang / brdzun dang / dbang za ba dang / mi dge ba'i las rnam sna tshogs bgyi/ pa mthong nas/ de dag la sbyin pa bgyid par bsams kyis/ yab kyi bang mdzod chen po las 'phongs brel ba dag gi phyir/ yid bzhin du spyod du gnong zhig/ phas spras pa/ ngas bang mdzod dang / rin po che mang du bsags pa thams cad khyod kyi phyir byas par zad na/ ci'i phyir khyod zer ba mi nyan ces smras so// de nas sbyin pa chen pos phas gnang ba'i lung thob nas/ yul mi thams cad la sbyin pa chen po sbyin gtong chen po byed kyis/ thams cad 'dus shing shog cig ces bsgrags so// de'i tshe dge sbyong dang / bram ze dang / dbul zhing 'phongs pa/ mgon med pa dang / nad pa la sogs te/ grong khyer gyi phyi rol na lam thog thag tu gang ngo // de dag kyang dpag tshad brgya dang / nyis brgya dang / sum brgya dang / bzhi brgya dang / lnga brgya dang dpag tshad stong gi lam nas 'ongs/ kha cig ni dpag tshad nyis stong dang / sum stong / bzhi stong / lnga stong nas dpag tshad khri'i bar du lhags te/ de dag sprin bzhin du 'dus

  291. 146b

    nas thams cad la yid bzhin du sbyin pa ni/ gos 'dod pa la gos/ zas 'dod pa la zas/ rin po che gser dang / dngul dang / bai DUR+Ya dang / mu sa ra gal ba dang / bzhon pa dang theg pa dang / khyogs dang / skyed mos tshal dang / zhing dang / rkang 'gros la sogs te/ yid bzhin du sbyin pa byas so// de ltar sbyin pa la zhugs te/ yun ring / zhig lon pa dang / bang mdzod sum cha gcig zad nas/ mdzod srungs kyis/ bram ze la 'di skad ces smras so// sras kyis bang mdzod nas sbyin pa byas nas/ sum cha gcig ni zang sum gnyis las ma lus na/ phan tshun 'grul pa'i skyes dang tshong zong ci las bgyid/ dgongs shig ces smras so// kho bo ni bu 'di la byams pas ngo mi zlogs kyis/ bang mdzod stongs kyang bla'o zhes bsgo'o/ / de nas yang ring zhig lon pa dang / bang mdzod sum gnyis ni zad/ sum cha tsam lus pa dang / mdzod srungs kyis yang bram ze la/ da ni bang mdzod sum gnyis tsam ni zad/ sum cha tsam las ma lus na/ phan tshun skyes bskur ba dang tshong zong ci las bya zhes smras so// bram ze des bsgo ba/ kho bo'i bu sdug ches te ngo mi zlogs pas spra mi phod kyis/ khyod bdag gis thabs ci legs su byos la/ bral cing mi khom pa ltar tha snyad thogs shig/ mdzod srungs kyis bram ze las lung thob nas/ mdzod sgo bcad de/

  292. 147a

    don gnyer du song ngo // de nas slong ba dag sbyin pa chen po'i thad du lhags nas/ bar 'ga' ni mdzod srungs mi rnyed de mdzod sgo mi phyed/ gal te mdzod srungs 'ongs na yang yid bzhin du mi ster bas/ sbyin pa chen pos 'di snyam du bsams so// 'di ltar gyur pa 'di ni mdzod srungs kyis thugs mi thub kyi/ pha'i man ngag 'ongs kyis/ yong yang bus pa'i bang mdzod stongs par bya bar mi rigs kyis/ bdag gis da thabs ci zhig byas na rin po che yid bzhin du rnyed de/ skye bo mang po la phan thogs par 'gyur ba bsams nas/ mi dag la 'di skad dris so/ / 'jig rten na las ci zhig byas na/ rin po che yid bzhin du rnyed de/ nor dbyig mang du rnyed cing zad mi shes par 'gyur zhes dris pa dang / kha cig ni zhing mang du rmos nanor dbyig mang por 'gyur ro zhes zer ro/ / kha cig ni rkang 'gros spel te khe spogs byas na nor mang du rnyed do zhes zer ro// kha cig ni lam ring por tshong spogs byas na nor mang du rnyed / zhes zer ro// kha cig ni rgya mtshor zhugs te nor bu rin po che blangs na rin po che mang du 'gyur ro zhes zer ro// sbyin pa chen pos de dag gis spras pa thos nas/ zhing rmo ba dang / rkang 'gros spel ba dang / lam ring por tshong la 'gro ba ni nga'i cha ma yin gyi/ rgya mtshor 'jug pa 'ba' zhig nga'i cha'o zhes spras nas/ rgya mtshor 'jug go snyam bsams te/ pha ma la 'di skad ces

  293. 147b

    spras so/ / bdag ni rgya mtsho nas rin po che mang po blangs te/ dbul 'phongs pa la sbyin pa yid bzhin du bgyi'o// bdag rgya mtshor rin po che len du mchir gnong zhig ces smras so// de'i pha mas de skad ces smras pa thos nas/ 'khams te bu la 'di skad ces smras so// 'jig rten na dbul 'phongs pa dag ni blo med de/ lus dang srog dang bsngos nas 'gro bar byed do// khyod cis 'phongs na de lta bur sems/ khyod sbyin pa byed 'dod na/ khyim na yod pa'i nor thams cad sbyin pa byos shig/ rgya mtshor ni 'gror mi rung ste/ rgya mtsho'i nang na chu rlabs dang / dpa' glong 'khyil ba dang / chu srin dang / klu gdug pa dang / srin mo dang / ri chu'i mdog can la sogs te/ shin tu ya nga ba'i bgegs mang du yod pas thar par dka' na/ khyod cis 'phongs na srog dang sngo bar byed/ 'di la ni nyan pa med kyis ma sems par 'dug cig ces bsgo'o// sbyin pa chen pos de skad ces bsgo ba thos nas/ bsams pa bzhin du ma grub pas yi dam bcas te/ bsams pa 'di ma grub kyi bar du pha ma'i mdun du sa la kha bub tu nyal te mi ldang ngo snyam bsams nas/ yab yum gyis mkhyen par mdzod cig bdag ni bsams pa bzhin du ma grub kyi bar du/ kha bub tu nyal ba 'di las mi ldang ngo zhes smras so// de nas pa ma mi dga' ste/ gnyen bshes dang bgros nas/ rgya mtsho'i

  294. 148a

    nang du bgegs yang ba mang du yod pa'i gtam yang byas/ bdag kyang rmang bas lo bcu gnyis kyi bar du lha kun la mchod de/ khyod lta zhig nga'i bur skyes na/ nged ma dor bar zan zo zhig ces zhag gcig zhag gnyis nas/ zhag drug gi bar du tshig rnam pa sna tshogs kyis gros btab kyang mnyan te/ sngar ji skad smras pa las ma zlogs so// pha ma sgrag nas yang 'di skad ces smras so/ / bdag gi bu 'di thog ma nas da tsam gyi bar du bya bar brtsams pa mthar ma grub kyi bar du mi gtong bas/ rgya mtshor btang na brgya la phyir ldog kyang srid kyi ma btang na zhag bdun lon nas 'phral du bye brag 'bye ste/ da ni btang dgos so snyam bgros nas bu'i drung du song ste lag pa nas bzung nas/ bu longs la zan zo zhog yid bzhin du 'gro bar gnang ngo zhes spras pa dang / sbyin pa chen po yang langs te/ bza' ba zos btung ba 'thungs so// de nas phyi rol tu byung ste/ mi mang po la kho bo rgya mtshor rin po che len du 'gro'o/ / khyed su 'gror dga' ba rnams dang 'grogs te 'dong gis/ ded dpon yang kho bos byas la/ yo byad kyang kho bos sbyar ro zhes bsgrags so// de'i tshe na mi wA brgya tsam yang 'gro bar khas blangs nas/ so so nas yo byad sbyar te/ nam 'gro ba'i dus kyang byas nas/ dus bzhin du lam du zhugs te chas so// lam du 'jug pa'i tshe/

  295. 148b

    pha ma dang / rgyal po dang / rgyal bu dang / blon po la sogs te/ yul mi thams cad kyis kyang bskyal nas rdzongs btab bo// pha mas kyang ngus te phyi phyag byas nas/ zhag du ma'i lam 'das pa dang 'brog stong du phyin te/ nub mo'i dgongs mal du mi rgod kyis bcom nas nor rdzas kun phrogs so// de nas song song ba las grong khyer shu par zhes bya bar byiphyin nas/ grong khyer de na bram ze ka bi li zhes bya ba dang phrad de/ bram ze de'i khyim du song nas/ bram ze de las sbyin pa chen pos gser srang sum stong bslang bar byas so// de'i tshe na bram ze de la bu mo gser gyi mdog can sgra mthon mthing khar 'dug pa/ rgyal phran brgyad khri bzhi stong snyed kyi rgyal bu thams cad kyis bslangs na yang ma ster ba gcig yod de/ de'i tshe na sbyin pa chen po bram ze'i sgor song ste/ bram ze ka bi li 'dug gam zhes dris pa'i tshe/ bu mo khyim gyi nang nas sbyin pa chen po'i skad thos pa tsam gyis/ sgo phyi na skad grag pa 'di kho mo'i khyim thathob yin no zhes pha ma gnyis la smras so/ / de nas bram ze de sgor byung nas phrad pa dang / khye'u de la 'di ni nges par gzhan pas 'phags so snyam bsams te/ khye'u nges gser bslangs pa dang bram zes kyang sbyin par gnang nas/ lag pa ya gcig tu gser thogs/ lag pa ya gcig gis bu mo khrid de/ bu mo 'di yang khyod kyi chung mar sbyin gyis long zhig ces

  296. 149a

    smras pa dang / sbyin pa chen pos smras pa/ bdag ni rgya mtsho chen por rin po che len du 'gro ste/ rgya mtsho'i nang na bgegs shin tu mang bas/ kho bo 'khor ram mi 'khor gyi gtol med de/ khyod kyi bu mo chung mar len pa'i thugs mi thub bo// bram zes smras pa/ khyod bde bar 'khor na bu mo 'di chung mar long zhig ces smras pa dang / sbyin pa chen pos kyang phyir 'khor na de bzhin du bya'o zhes smras so/ / de nas bram zes kyang gser srang sum stong dang / gzhan yang yo byad ci dgos pa kun sbyar te/ de nas chas pas rgya mtsho'i ngogs su phyin to/ / de nas gru bcos te gru'i nang du zhugs nas/ de nas thag pa bdun gyis brtod de/ gru'i nang nas 'di skad ces smras so// rgya mtsho'i nang na bgegs 'di dag yod de/ 'di lhas+t+wa~M/ rlung nag po dang / srin po dang / chu'i dba' rlabs 'khyil ba dang / klu gdug pa dang / chu'i mdog lta bu'i ri dang / chu srin la sogs pa'i bgegs yang ba mang du yong kyis khyed las 'gror ma dad pa zhig yod na 'di las phyir log cig/ phyis 'gyod par gyur ta re/ gal te lus dang srog la mi lta ste/ pha ma dang / phu nu dang / bu dang chung ma dang / gnyen bshes la ma chags pa 'ding ngo // gal te bde bar phyin na rin po che sna bdun gyis bu tsha rabs bdun tshun chad phyag par 'gyur te/ longs spyod zad mi shes par

  297. 149b

    'gyur ro/ / zhes smras nas thag pa gcig bcad do// de bzhin du nyi ma bdun gyi bar du nyin re lan re de skad smras nas/ brtod thag re re bcad de rlung dang sbyar te/ g.yor shing bsgrang bas mgyogs khyad mda' bzhin song ngo / / de nas tshong pa dag dang rin po che'i gling du phyin nas/ sbyin pa chen po mang du thos pas rin po che brtag pa la yang shin tu mkhas te/ rin po che bzang ngan dang / lci yang dang / ji tsam ri ba'i rin thang phan tshun tshong pa rnams la bstan nas/ rin po che kha dog 'di lta bu ni yang mod kyi rin che'o// rin po che 'di dag ni lci yang rin chung gis ma len cig/ ha cang yang mang ches na gru lci bas 'bying ngo // ha cang nyung ches na yang nyon mongs te song song ba'i don med pas/ 'di tsam zhig ni ran no zhes bya ba la sogs pa'i tshad kyang bstan nas/ rin po che grur brdzangs te/ ci la yang ma rag nas/ da phyir 'dong ngo zhes chas pa dang / sbyin pa chen po gru'i nang du 'ong du ma btub nas/ tshong pa rnams la kho bo ni klu'i rgyal po'i pho brang nas/ yid bzhin gyi nor bu rin po che ma thob kyi bar du mi ldog go zhes smras so// de nas tshong pa rnams kyis ngus te/ mya ngan gyis yi mug nas 'di skad ces smras so// bdag cag tshong pa 'di rnams ni/ skyes bu ded dpon khyod kyi g.yog tu 'ongs te/ nga khyod kyis 'dir dor te mi 'gro na/ bdag cag kyang phyir khyim du mi phyin te/ thams cad 'khyams par

  298. 150a

    'gyur ro/ / sbyin pa chen pos smras pa/ tshong pa khyed kyang mi nyes par yul du phyin par kho bos kyang smon lam gdab bo zhes pog por lag tu blangs te/ phyogs bzhir mchod nas 'di skad ces smras so/ / bdag ni rin po che blangs te/ sems can 'phongs pa la sbyin par ma zad kyi/ de ltar sbyin pa byed pa'i bsod nams des sangs rgyas su 'grub pa'i phyir ro/ / bdag gis smras pa 'di bden te smon lam bzhin du 'grub na/ tshong pa 'di dag rin po che dang bcas pa nye zho med par 'dzam bu'i gling du bde bar phyin par shog cig ces smon lam btab nas/ thag pa bcad de g.yor shing bsgreng nas phyir 'dzam bu'i gling du bde bar dong ngo // de dag song ba'i 'og tu sbyin pa chen po chur zhugs te song ba las/ zhag bdun gyi bar du ni pus mo tsam las ma nub bo/ / de nas yang zhag bdun gyi bar du ni brla drung tsam las ma nub bo// de nas yang zhag bdun song ba las skud pa tsam las ma nub bo// zhag bdun len gyi bar du ni phrag pa tsam du phyin to/ / de nas zhag bdun ni rgyal lo// de nas ri zhig gi drung du phyin pa dang / shing la 'jus te ri la 'dzegs nas/ zhag bdun gyis rtse mor phyin to/ / ri rtser zhag bdun song song nas/ yang zhag bdun gyis shong du chu 'gram du phyin to// chu 'gram du phyin pa dang / chu'i nang na pad+ma gser gyi mdog can yod pa la/

  299. 150b

    sbrul gdug pas pad+ma'i rtsa ba la dkris shing 'dug pa mthong ngo // de nas byang chub sems dpa' skyil mo krung bcas te 'dug nas/ sems rtse gcig tu byams pa'i ting nge 'dzin la zhugs te/ sbrul gdug pa 'di dag kyang sngon zhe sda dang phrag dog byas pa'i rkyen gyis 'di lta bu'i lus mi sdug pa myong ngo snyam lhag par de la snying brtse ba'i sems skyes pas/ sbrul gdug pa de'i gdug pa kun zhi nas/ byang chub sems dpa' pad+ma de'i steng nas gom pa dor te song song ba las/ zhag bdun gyis sbrul gdug pa de dag las rtol to// de nas yang song song ba las srin po dang phrad nas/ srin po de dag mi'i dri tshor bas kun tu 'tshol lo// de nas byang chub sems dpa' sems rtse gcig tu byams pa'i sems kyis brtags pas srin po de dag 'jam pa'i tshig gis skyes bu khyod gang nas 'ongs/ gang du 'gro zhes dris so// de la sbyin pa chen pos kho bo ni yid bzhin nor bu rin po che 'tshol du 'ongs so zhes smras so// de nas srin po de dag rab tu dga' ste/ 'di ni bsod nams chen po dang ldan pa zhig go snyam bsams nas/ 'di ni da dung klu'i pho brang las shin tu ring ste/ nam yang mi byin pas nyon mongs par 'gyur gyis/ mthu zhig bstangs te bskyal lo snyam nas/ nam mkha' la khyer te dpag tshad bzhi brgya'i pha rol tu phyin nas/ phyir yang sa la bzhag go// sbyin pa chen po

  300. 151a

    de nas yang song song ba las/ ring po ma lon par dngul gyi mkhar zhig mthong nas/ klu'i gnas yin no snyam bsams te nye bar song ngo // mkhar de'i phyi rol po bas rim pa bdun gyis bskor te/ 'obs kyi nang na sbrul gdug pa 'jigs su rung bas gang ngo // sbyin pa chen pos de dag mthong nas/ sbrul gdug pa 'di dag ni sngon zhe sdang che ba'i lan gyis/ 'di lta bu'i lus 'jigs su rung ba myong bar gyur to snyam ste/ de la bu gcig pa dang 'dra bar byams shing snying rje ba'i sems skyes te/ de ltar byams pa'i sems bskyed pas/ sbrul gyi gdug pa yang zhi bar gyur nas/ sbrul de dag brdzis te klu'i mkhar du song ngo // mkhar de la klu gnyis kyis dkris te/ klu'i mgo mkhar sgo la bstan to// klu de gnyis kyis sbyin pa chen po mthong nas/ mgo bteg ste gdug pa 'byin pa las/ sbyin pa chen pos byams pa'i sems bskyed pas/ gdug pa yang zhi nas mgo smad de nyal lo// sbyin pa chen pos klu'i mgo la brdzis nas/ mkhar gyi nang du song ba dang / mkhar gyi nang na klu zhig rin po che sna bdun gyi gzhal med khang na 'dug pa mthong ngo // klu'i rgyal po nges byang chub sems dpa' mthong ba dang / dngangs te 'di snyam du bsams so// nga'i gnas 'di 'obs rim pa bdun gyis bskor te/ 'obs kyi nang na sbrul gdug pas gang bas

  301. 151b

    / klu dang gnod sbyin ma yin pa gzhan gang yang 'dir 'ong ba'i thugs mi thub na/ 'di lta bu su zhig yin snyam ste 'dug pa las langs nas bsu ste/ bsti stang dang bcas pas phyag byas nas rin po che'i khri la bzhag ste/ kha zas rnam pa sna tshogs byin no// kha zas zos nas khyod 'dir ci la 'ongs/ ji ltar phyin ces dris so// byang chub sems dpas spras pa/ 'dzam bu'i gling gi mi dag ni dbul 'phongs pas/ nor dang / gos dang / zas kyi phyir/ gcig la gcig rnam pa sna tshogs kyis 'tshe zhing gnod pa byed de/ tshe 'phos ma thag tu ngan song gsum/ du ltung ngo // bdag ni de dag la snying brtse ste/ de dag gi mgon bya ba'i phyir/ lam ring po nas nyon mongs pa dang bsngos te/ rgyal po chen po khyod la nor bu rin po che slong du 'ongs so// yid bzhin gyi nor bu rin po ches sems can la phan gdags pa'i bsod nams kyis mngon par 'tshang rgya bar 'tshal gyis/ bdag gi yid dang mi 'gal bar rin po che stsal bar gsol lo// klu'i rgyal pos smras pa/ yid bzhin gyi nor bu rin po che ni shin tu yang rnyed dka' ba yin te/ khyod don 'di'i phyir 'ongs na 'dir zla ba gcig cig 'dug ste/ bdag gi mchod pa cung zad pa zhes la bdag cag la chos kyang bstan na/ yid bzhin gyi nor bu rin po che yang sbyin no zhes byas pa dang / byang chub sems dpas kyang de bzhin du bya'o zhes smras so// de nas klu'i rgyal pos

  302. 152a

    nyin gcig bzhin du/ kha zas ro brgya dang ldan pa rnam pa sna tshogs sbyar te phul nas/ rol mos byang chub sems dpa' la mchod // byang chub sems dpas kyang de la dran pa nye bar gzhag pa'i chos kyi yan lag zla ba gcig gi bar du bstan nas/ phyir 'gro'o zhes byas pa dang / klu'i rgyal po dga' nas spyi bo'i gtsug phud las yid bzhin gyi nor bu rin po che bkrol te phul lo/ / skyes bu chen po 'gro ba la phan pa'i don du yi dam la shin tu brtan pa khyod gdon mi za bar 'tshang rgya'o// nam mngon par sangs rgyas pa na/ bdag kyang khyod kyi nye gnas mchog tu gyur cig ces spras so/ / de nas klu'i rgyal po la nor bu rin po che 'di la mthu stobs ci yod ces dris na/ spras pa/ nor bu 'di ni dpag tshad nyis stong kho ra khor yug tu dgos pa thams cad char bzhin du 'bebs nus so/ / byang chub sems dpas bsams pa/ nor bu rin po che 'di mthu stobs che mod kyi/ 'on kyang bdag gis bsams pa'i don chen po sgrub nus pa ma yin no snyam bsams nas/ klu'i rgyal po 'khor dang bcas pas bskyal te song ngo // de nas yang song song ba las rgyang ma nas bai DUR+Ya sngon po'i mkhar cig mthong ngo // mkhar de 'dod par song ba dang / mkhar drung du phyin na/ mkhar de yang 'obs rim pa bdun gyis bskor ro// 'obs kyi nang na sbrul gdug pas yongs su gang ngo // byang chub sems

  303. 152b

    dpas sbrul gdug pa de dag la snying brtse zhing byams pa'i sems bskyed pas/ sbrul gyi gdug pa zhi nas sbrul de dag la brdzis te song ngo // mkhar sgor byin pa dang / klu gnyis shig mkha sgo na nyal ba yang byang chub sems dpa' snying brtse zhing byams pa'i sems kyis/ klu'i gdug pa zhi nas mgo la brdzis te mkhar gyi nang du song ngo // de'i mkhar de na klu'i rgyal po gcig/ rin po che sna bdun gyi gzhal med khang na 'dug pas/ rgyang ma nas byang chub sems dpa' mthong nas/ 'di snyam du bdag gi gnas 'di la 'obs rim pa bdun gyis bskor te/ 'obs kyi nang na sbrul gdug pas gang bas/ klu dang gnod sbyin ma yin pa gzhan su yang 'ong ba'i thugs mi thub na/ mi 'di lta bu su yin/ gang nas 'ongs snyam ste ya mtshan du gyur nas/ bsu ste bsti stang dang bcas pas phyag byas nas/ rin po che'i gdan la bzhag go// de nas kha zas ro brgya dang ldan pa rnam pa sna tshogs sbyar te phul nas/ byang chub sems dpas kha zas zos pa'i 'og tu khyod 'dir ci la 'ongs/ don ci yod ces dris so// byang chub sems dpas smras pa/ bdag ni rgyal po khyod la yid bzhin gyi nor bu rin po che slong du 'ongs so// klus smras pa rin po che ni shin tu yang rnyed par dka' ste/ khyod 'dod pa yang dag na/ kho bos gsol ba bzhin du zla ba gnyis shig 'dir 'dug ste/ bdag cag la byang chub sems dpa'i spyod pa bstan

  304. 153a

    nas bdag cag gi mchod pa bzhes na/ rin po che yang sbyin no zhes byas pa dang / sbyin pa chen pos kyang de bzhin du bya'o zhes smras so// de nas klu'i rgyal pos zlab gnyis kyi bar du/ kha zas ro brgya dang ldan pa rnam pa sna tshogs sbyar te phul nas/ rol mo sna tshogs kyis mchod de/ byang chub sems dpas kyang de dag la rdzu 'phrul gyi rkang pa bzhi'i chos kyi rnam grangs zla ba gnyis kyi bar du bstan te/ phyir 'gro bar bsams nas/ klu'i rgyal pos kyang yid bzhin gyi nor bu rin po che bkrol te phul nas/ skyes bu chen po yi dam la shin tu brtan pa khyod gdon mi za bar 'tshang rgya'o/ / nam mngon par sangs rgyas pa na/ bdag kyang khyod kyi nye gnas bgyi'o zhes smras pa dang / de bzhin du gyur cig ces smras so// nor bu rin po che 'di la mthu stobs ci yod ces dris na/ nor bu 'di ni dpag tshad bzhi stong kho ra khor yug tu ci 'dod pa thams cad char bzhin du 'bebs so zhes smras so// byang chub sems dpas yang 'di snyam du rin po che 'di mthu stobs che mod kyi/ bdag gi bsam pa grub pa ma yin no snyam nas/ klu'i 'khor gyis sgo'i phyi rol tu byang chub sems dpa' bskyal to/ de nas yang song song ba las rgyang ma nas gser gyi mkhar rab tu 'tsher ba zhig mthong nas/ byang chub sems dpa' de'i drung du song nas phyin pa dang / mkhar de yang 'obs rib

  305. 153b

    ba bdun gyis bskor te/ 'obs kyi nang na sbrul gdug pas yongs su gang ba mthong ngo // byang chub sems dpa' yang byams pa'i sems bskyed pas/ sbrul gyi gdug bzhi nas de la brdzis te song ngo / / mkhar de la yang klu gnyis shig 'khyil te mgo sgo rol du bstan nas nyal ba/ byang chub sems dpas mthong nas/ mgo bteg ste gdug pa 'byin pa/ las byang chub sems dpas snying brtse zhing byams pa'i sems bskyed pas/ gdug pa zhi nas de'i mgo la brdzis te mkhar gyi nang du song ngo // mkhar gyi nang na klu'i rgyal pos rin po che'i gzhal med khang nas byang chub sems dpa' rgyang ma nas mthong nas 'di snyam du/ bdag gi gnas 'di ni 'o bas rim pa bdun gyis bskor te/ 'obs kyi nang na sbrul gdug pas gang bas/ klu dang gnod sbyin ma gtogs par gzhan gang yang 'ong ba'i thugs mi thub na/ mi 'di su yin gang nas 'ongs snyam ngo mtshar du bzung ste/ rgyang ma nas bsu nas bsti stang dang bcas pas phyag 'tshal te/ rin po che'i gdan la 'dug tu bcug go/ de nas kha zas ro brgya dang ldan pa rnam pa sna tshogs sbyar te phul nas/ kha zas zos pa'i 'og tu khyod su zhig gang nas 'ongs zhes dris so/ / de la byang chub sems dpas bdag ni 'dzam bu'i gling nas mchis te/ 'dzam bu'i gling gi sems can dag bsod nams chungs pas nor dang

  306. 154a

    zas dang / skom gyi phyir gcig la gcig rnam pa sna tshogs pas 'tshe zhing gsod de/ mi dge ba bcu'i las rdzogs par byed pas/ tshe 'phos ma thag tu ngan song gsum du ltung zhing sdug bsngal mang po myong bar 'gyur bas/ bdag ni de dag la snying brtse ste mgon bya ba'i phyir/ rgyal po chen po khyod la yid bzhin gyi nor bu rin po che slong du 'ongs so// klu'i rgyal pos smras pa/ yid bzhin gyi nor bu rin po che ni rnyed par sla ba ma yin te/ skyes bu khyod bdag la re ste 'ongs na/ bdag gi gnas 'dir zla ba bzhi zhig 'dug ste/ bdag cag gi mchod pa bzhes na/ rin po che yang dbu la lo zhes byas pa dang / byang chub sems dpas yang de bzhin du bgyi'o zhes smras nas/ klu'i rgyal pos zla ba bzhi'i bar du kha zas ro brgya dang ldan pa rnam pa sna tshogs sbyar te phul nas/ rol mo mang pos kyang mchod do// de la byang chub sems dpas chos kyi rnam grangs rgya cher phye zhing bstan pas/ klu'i rgyal po rab tu dga' ste/ klu gzhan dang gnod sbyin gzhan la mi ltos par/ yo byad thams cad kyang yid bzhin du sbyar to// de lta bu'i tshul du zla ba bzhi byas nas/ byang chub sems dpa' 'gro bar chas pa dang / klu'i rgyal pos gtsug phud nas yid bzhin gyi nor bu rin po che bkrol te/ byang chub sems dpa' la phul nas skyes bu chen po yi dmal brtan pa khyod

  307. 154b

    gdon mi za bar 'tshang rgya'o/ / nam mngon par sangs rgyas pa na/ bdag kyang nye gnas mchog tu gyur te/ bsnyen bkur byed par shog cig ces smon lam btab bo// byang chub sems dpas kyang de bzhin du gyur cig ces smras nas/ nor bu rin po che 'di la mthu stobs ji tsam zhig yod ces dris so// klu'i rgyal pos smras pa/ rin po che 'di ni dpag tshad brgyad// stong kho ra khor yug tu rin po che char bzhin 'bebs te/ ci 'dod pa thams cad 'bab bo zhes smras pa dang / byang chub sems dpa' gdod dga' nas 'di snyam du/ 'dzam bu glagling gis khyon ni dpag tshad bdun stong las med de/ nor bu rin po che 'dis ni bdag gi re ba skong ngo snyam bsams nas/ snga phyir rnyed pa'i rin po che gsum char gos kyi mtha' mar phur te mkhar gyi sgor byung ba dang / klu'i rgyal po 'khor dang bcas pas bskyal nas so sor dong ngo // byang chub sems dpas pa zad cig tu phyin nas/ nor bu rin po che rnams lag tu thogs nas 'di skad ces smon lam btab bo/ / nor bu 'di yid bzhin gyi nor bu rin po che yin yang dag na/ bdag nam mkha' la 'phur bar gyur cig ces smras so// de skad ces smras ma thag tu nam mkha' la 'phur te/ rgya mtsho'i bgegs las thar nas/ rgya mtsho'i ngogs su phyin par gyur te/ de na cung zad bsti zhing ngal sos pa'i mal du gnyid kyis

  308. 155a

    log pa dang / de'i tshe rgya mtsho'i klu bran rnams 'di skad ces bgros so// rgya mtsho 'di na nor bu rin po che 'di gsum las med de/ gsum char mi 'dis khyer gyis nor bu 'di ni yon tan dang ldan pas bdag cag la yang dgos kyis phyir brku'o zhes bgros nas/ byang chub sems dpa' gnyid kyis log pa'i tshe na yid bzhin gyi nor bu rin po chetsheklu rnams kyis phyir brkus so/ / byang chub sems dpa' sad nas bltas na/ nor bu rin po che med pas 'di snyam du bsams so// 'di ni gdon mi za bar rgya mtsho'i klus brkus kyis bdag gis mthu ci yod pas rgya mtsho'i chu banus te bskams par bya'o snyam bsams te/ nor bu phyir ma thob kyi bar du lag pa stong par mi 'gro'o snyam yi dam bcas nas/ mtsho'i ngogs su song ste rus sbal gyi khog pa zhig blangs nas lag pa gnyis kyis rgya mtsho'i chu bcus so// de'i tshe na rgya mtsho'i lhas de'i bsam pa shes nas de la 'di skad ces smras so// rgya mtsho 'di ni gting zab cing yangs te/ dpag tshad stong phrag sum brgya sum cu yod pas/ gal te 'dzam bu'i gling gi mi thams cad log kyang / rgya mtsho skams par byed mi nus na/ khyod gcig pus nus pa lta ci smos te don med do// byang chub sems dpas smras pa/ mi gcig gis snying nas las su byas na ci yang mi 'grub pa med de/ bdag gi rin po che rnyed

  309. 155b

    pa des 'gro ba thams cad la phan pa dang bde ba bya bar bsams te/ de'i bsod nams kyis mngon par 'tshang rgya bar 'gyur te/ de la sems ma zhum na/ ci'i phyir rgya mtsho 'di bskams par mi nus zhes smras so/ / de'i tshe na lha khyab 'jug la sogs pas/ rgyang ma nas byang chub sems dpa' gcig pu lus yid mthun par rgya mtsho'i chu bcus te/ 'gro ba mang po'i don du dka' ba byed pa mthong nas/ de dag byang chub sems dpa' la bsnang ngo snyam bsams te/ gcig nas gcig tu sbran nas/ thams cad byang chub sems dpa'i drung du lhags te/ byang chub sems dpa' snod kyis chu bcu pa mthong nas/ lha de dag thams cad so so'i gos phud de/ chur bsnyugs nas lan cig bsgugs te phyir phyung bas/ rgya mtsho'i chu dpag tshad bzhi bcu bri'o/ / yang lan gnyis bsnyugs pas dpag tshad brgyad cu bri'o// lan gsum bsnyugs pas dpag tshad brgya nyi shu bri nas/ klu de dag 'jigs skrag ste/ byang chub sems dpa'i drung du lhags nas 'di skad du zong zhig/ rgya mtsho'i chu skams par ma byed cig ces smras pa dang / byang chub sems dpas btang ngo // de nas klu rnams kyis byang chub sems dpa' la khyed kyi nor bu rin po che 'di ci zhig tu dgos/ smras pa/ bdag gis sems can la phan pa'i don du dgos so// klus smras pa/ sems can la phan

  310. 156a

    pa'i don du dgos na/ rgya mtsho'i nang na yang sems can mang du yod na/ ci'i phyir bskur zhes smras so// smras pa/ rgya mtsho'i nang na gnas pa yang sems can yin mod kyi/ de la 'phongs pa'i sdug bsngal yad de/ 'dzam bu gling gi sems can dag ni nor gyi phyir/ gcig gis gcig rnam par 'tshe zhing gnod pa byed de/ mi dge ba bcu rdzogs par byed pas/ tshe 'phos nas kun sems can dmyal bar skye ste/ bdag ni de dag la snying brtse ba'i phyir rin po che 'di dgos so zhes smras pa dang / klu rnams kyis nor bu rin po che phyung ste/ slar phul lo// rgya mtsho'i lhas byang chub sems dpa' de ltar brtson 'grus la brtan pa mthong nas/ 'di ni gdon mi za bar 'tshang rgya'o snyam sems te/ nam mngon par sangs rgyas pa na/ bdag kyang nye gnas kyi mchog tu gyur cig ces smon lam btab bo// de nas byang chub sems dpas rin po che phyir thob nas/ steng gi nam mkha' la 'phur te gnas su 'ongs nas/ sngar gyi tshong pa grogs po rnams yod dam/ bde bar phyin tam zhes dris so// tshong pa grogs po dag bde bar phyin nas/ de dag gcig la gcig dga' nas grogs po rnams kyis ngo mtshar ya mtshan du bzung ngo / / de nas bram ze ka pi li'i sgor song nas/ byang chub sems dpa' rgya mtsho nas phyir log go zhes thos nas thams cad kyis sgor bsu ste/ rab tu dga' nas tshong pa

  311. 156b

    grogs po rnams dang bcas pa la dga' ston chen po byas so/ / de'i tshe byang chub sems dpas rin po che thogs te khyim du 'ongs pa dang / bram ze de'i bang mdzod thams cad yongs su gang bar gyur to/ de nas bram ze ka pi lis rin po che sna tshogs kyis bu mo brgyan nas rin po che'i chu snod bskur te/ byang chub sems dpa'i lus dang rkang lag bkrus nas/ bu mo'i lag pa nas bzung ste byang chub sems dpa' la gtad/ byang chub sems dpas kyang bzhes nas/ bram ze rab tu dga' ste/ bu mo'i g.yog tu bu mo lnga brgya dang / glang po che lnga brgya yang rin po ches brgyan te rol mo byas nas/ byang chub sems dpa' la brdzangs so// de'i tshe na sbyin pa chen po'i pha ma bu dang bral ba'i 'og tu rtag tu ngu bas/ pha ma gnyis ka'i mig ldongs par gyur te/ bu rgya mtsho nas log pa dang pha ma dang phrad nas/ bus pha ma la phyag 'tshal te/ lag pa nas 'jus nas bu yin par rtogs so// sbyin pa chen po khyod kyis ngeng bor te song ba'i 'og tu mig kyang ljongs so/ / khyod rgya mtshor song song nas ci rnyed ces dris pa dang / sbyin pa chen pos nor bu rin po che pha'i lag tu byin te/ bdag gis 'di rnyed ngo zhes smras nas/ phas lag tu blangs te bsnams nas/ 'di lta ba'i rdo ba ni nga'i mdzod na sngon yang mang du yod na/ 'di ltar nyon mongs pa dang bsngo ci dgos zhes smras so// de nas byang chub sems dpas

  312. 157a

    nor bu phyir blangs te/ pha ma'i mig phyis pa tsam gyis ji ltar rlung drag pos sprin bus pa bzhin du/ pha ma gnyis kyi mig kyang gsal bar mthong bar gyur to// de nas pha ma gnyis dga' ste/ 'di ni nor bu rin po che yin yang dag pa lta ste/ nyon mongs pa'i don yod par gyur to zhes smras so// de nas yang sbyin pa chen pos rin po che thogs te/ khyod yid bzhin gyi nor bu rin po che yin yang dag na/ kho bo'i pha ma'i 'og tu rin po che sna bdun gyi gdan 'byung zhing / rin po che'i bla res steng khebs par shog cig ces smon lam btab ma thag tu de bzhin du grub nas/ rgyal po'i bang mdzod thams cad kyang gang bar gyur to// de nas rgyal pos pho nya gcig glang po che dpag tshad brgyad du 'gro ba zhig la bskyon te/ 'dzam bu'i gling gi mi thams cad la sbyin pa chen pos rgya mtsho nas yid bzhin gyi nor bu rin po che rnyed de/ nor bu yon/ na can des da ste zhag bdun na/ rin po che la sogs pa gos dang / zas dang / dgos pa'i yo byad thams cad char bzhin du 'bebs kyis/ so so nas ci bde bar long zhig ces bsgrags so// de ltar kun tu bsgrags nas/ sbyin pa chen po khrus byas te gos gsar pa bgos nas/ ga la'i thang bu mnyam por rgyal mtshan btsugs te/ yid bzhin gyi nor bu rin po che rgyal mtshan gyi rtse mo la btags nas/ bog por lag

  313. 157b

    tu blangs nas 'di skad ces smon lam btab bo/ / 'dzam bu'i gling gi mi dag ni dbul 'phongs pa sha stag ste/ de dag la phan gdags dgos kyis/ yid bzhin gyi nor bu rin po che yin te/ mi brdzun na/ so so nas ci dang ci dgos pa de dang de dag thams cad yid bzhin du char ltar phob cig ces smras ma thag tu phyogs bzhi nas rlung nag po g.yos nas/ de ma thag tu mi gtsang ba'i nyal nyil thams cad 'phyags te/ char zim bu mi drag pa zhig phab nas/ rdul mi 'thul par byas pa'i 'og tu thog mar bza' ba dang btung ba ro brgya dang ldan pa rnam pa sna tshogs char bzhin du bab bo/ / de nas 'bru rnams char bzhin du bab bo// de nas gos char bzhin du bab bo// de nas rin po che char bzhin du bab ste/ 'dzam bu'i gling ni rin po che'i phung pos yongs gang nas rin po che dag gseg ma 'am gyo mo lta bur byas te/ byang chub sems dpas de ltar kun chog par byas nas/ 'dzam bu'i gling gi mi rnams la 'di zhes bsgo'o// 'dzam bu'i gling gi sems can dag ni gos dang / zas dang / nor gyi phyir gcig la gcig gsod cing rnam pa sna tshogs kyis gtses pas/ sdig pa mi dge ba'i chos 'ba' zhig byed de/ tshe'i dus byas nas ngan song gsum du lhung ste/ mun pa nas mun par 'gro bas/ bdag ni de dag la snying brtse ba'i phyir/ rgya mtsho'i bgegs dang nyon mongs pa mang du khyad du bsad de/ khyed rnams bde

  314. 158a

    bar bya ba'i phyir rgya mtsho nas nor bu rin po che blangs nas/ da khyed kun cis kyang mi brel te bde bar gyur gyis/ khyed rnams dge ba bcu'i las kyi lam la lus dang ngag dang / yid bsdus te brtson par gyis shig ces/ thabs rnam pa sna tshogs kyi sgo nas bstan cing bskul to// de ltar bstan cing bskul te/ dge ba bcu'i las kyi lam la nan tan byed du bcug pas/ 'dzam bu'i gling gi mi dag tshe 'phos nas mtho ris kyi lhar skyes so// de'i tshe de'i dus na/ de'i pha bram ze n+ya gro d+ha ni da ltar nga'i yab zas gtsang ma yin no// de'i mar gyur pa ni da ltar nga'i yum lha mdzes yin no/ / sbyin pa chen po ni nga nyid yin no// dngul gyi mkhar na 'dug pa'i klu de ni shA ri'i bu yin no// bai b+huR+Ya'i mkhar na 'dug pa'i klu de ni mo'u 'gal ya na yin no/ / gser gyi mkhar na 'dug pa'i klu de ni kun dga' bo yin no// rgya mtsho'i lha de ni ma 'gags pa yin no// kun dga' bo 'di klu'i rgyal po byed pa na yang nga la bsnyen bkur byas te dus la mkhas da ltar gyi bar du yang dus la mkhas kyis/ 'dod pa gsum yang yid bzhin du gnang ngo zhes bka' stsal pa dang / kun dga' bo dga' mgu rangs nas/ pus mo'i lha nga sa la btsugs te/ bdag gis nam 'tshe'i bar du de bzhin gshegs pa la bsnyen bkur bgyi'o zhes gsol to// bcom ldan 'das kyis de skad ces bka' stsal nas/ 'khor mang po rnams

  315. 158b

    la la ni rgyun du zhugs pa'i 'bras bu thob pa nas/ dgra bcom pa'i 'bras bu'i bar du thob bo// la la ni rang sangs rgyas su gyur/ la la ni bla na med pa'i byang chub tu sems bskyed do// la la ni/ phyir mi ldog pa'i sa thob nas rjes su yi rangs te mngon par dga' 'o// sbyin pa chen po rgya mtshor zhugs pa'i le'u ste sum cu pa'o// / rgyal po me long gdong gi le'u'o/ 'di skad bdag gis thos pa dus gcig na/ bcom ldan 'das rgyal po'i khab n+ya gro d+ha'i tshal na bzhugs so// de'i tshe na bcom ldan 'das tshangs pa dang / brgya byin la sogs pas bskor zhing bzhugs pa las/ bcom ldan 'das kyi mtshan dang / dpe byad dang / gser gyi mdog lta bu'i sku la 'khor mang po thams cad ngo mtshar du 'dzin te bstod cing bsngags so/ / de ltar bcom ldan 'das 'khor mang po las 'phags te thams cad kyi mchog gtso bor gyur pas/ dge slong dag the tsom du gyur nas/ bcom ldan 'das la zhus pa dang / bcom ldan 'das kyis bka' stsal pa/ da ltar 'di 'ba' zhig tu 'khor kun las 'phags te mchog gtso bor gyur pa ma yin gyi/ sngon 'das pa'i dus na yang 'di dag kun las 'phags te gtso bor gyur to/ / de nas dge slong dag gis sngon ji ltar gtso bor gyur pa bstan par gsol pa dang / de la bcom ldan 'das kyis 'di skad ces bka' stsal to//

  316. 159a

    sngon 'das pa'i dus bskal pa grangs med/ dpag tu med/ bsam gyis mi khyab pa'i pha rol na/ 'dzam bu'i gling 'dir rgyal po chen po rgyal phran brgyad khri ba stong la dbang byed pa zhig byung ste/ de la bu ni lnga brgya yod do// dus phyi zhig na btsun mo chen mo las bu gcig btsas te/ lus gser gyi kha dog can skra mthon mthing lta bu lag mthil na 'khor lo rtsibs stong dang ldan pa'i mtshan yod pa/ rkang pa g.yon gyi mthil na rta'i ri mo yod pa/ rkang pa g.yas kyi mthil na glang po che'i ri mo yod pa/ bsod nams dang mtshan du ldan pa zhig btsas te/ ming yang me long gdong zhes bya bar btags so// rgyal po chen po de nad kyis btab ste tshe'i dus byed du nye ba na/ blon po rnams kyis sras 'di rnams kyi nang na rgyal tshab tu gang bzhugs/ rgyal po'i dbang gang la bskur zhes zhus pa dang / rgyal po des yon tan dang mtshan rnam pa 'di bcu dang ldan na/ rgyal por chug la dbang bskur cig ces bsgo'o/ / bcu gang zhe na/ 'di lta ste/ lus kyi mdog gser lta bu la sgra mthen mthing du 'dug pa dang / lag pa gnyis kyi mthil na 'khor lo'i mtshan yod pa dang / rkang pa g.yas kyi mthil na glang po che ba ri mo yod pa dang / rkang pa g.yon pi'i mthil na rta'i ri mo yod pa dang / rgyal po'i gos bskon na lu dang 'tsham zhing mi che mi chung ba dang / rgyal po'i stan la

  317. 159b

    'dug na gzi brjid dang mthur ldan pa dang / rgyal phran rnams kyis bkur sti rim gro cher byed de/ btsun mo dang po brang slas rnams kyang de la dga' zhing phyag byed pa dang / lha rnams kyi rten du khrid na lha rnams kyis phyir phyag bya ba dang / yon tan dang bsod nams kyi mthus rin po che sna bdun gyi char 'bebs shing thams cad kyi yid tshim par byed pa dang / btsun mo chen mo las btsas pa dang bcu ste/ yon tan 'di dag dang ldan na/ rgyal por dbang skur cig ces bsgo nas/ mi rtag pa mngon sum du gyur te tshe 'phos so// de nas rgyal bu dang / blon po rnams 'dus te/ rgyal bu nang gi chen po nas mthar gyis yon tan bcu gang la yod pa brtags na/ rgyal bu gzhan thams cad ni lus kyang gser lta bu'i mdog can ma yin/ sgra mthon mthing du 'dug pa ma yin/ lag pa'i mthil na 'khor lo'i mtshan yod pa ma yin/ rkang pa'i mthil na glang po che dang rta'i ri mo yod pa ma yin/ rgyal po'i gos dang 'tsham pa ma yin rgyal po'i gdan la bzhag pa na dngangs pa ltar 'greng bar gyur/ rgyal phran dang blon po rnams bsti stang dang phyag mi byed de/ btsun mo dang po brang slas rnams dga' ba dang phyag bya ba ma yin/ lha'i rten du khrid na lha rnams phyag bya ba ma yin/ rin po che'i char 'bebs nus pa ma yin/ btsun mo chen mo'i sras kyang ma yin te/ rgyal bu lnga brgya las

  318. 160a

    mtshan gcig tsam dang ldan pa 'ga' yang ma byung ste/ sras nang gi tha chung 'ba' zhig lus gser gyi mdog can la/ skra mthon mthing gi mdog lta bu/ lag pa/ gnyis kyi mthil na 'khor lo'i mtshan dang yang ldan rkang pa'i mthil na glang po che dang rta'i ri mo yang yod/ gos dang lus su 'tshams/ rgyal po'i gdan la bzhag na gzi brjid dang byin che rgyal phran thams cad kyis bsti stang dang bcas pas phyag byed cing / btsun mo dang slas rnams kyang dga' bas phyag byed/ lha'i rten du 'ongs na lha rnams phyag byed/ rin po che phob cig ces smras ma thag tu char bzhin du 'bab/ btsun mo nang gi chen mo las btsas te/ mtshan rdzogs par ldan pas/ rgyal phran dang blon po rnams kyis rgyal por dbang bskur te/ tshes bco lnga'i nang par nyi ma thog mar shar ba na/ gser gyi 'khor lo rtsibs stong dang ldan pa/ che khyad dpag tshad gcig pa shar phyogs nas 'ongs te/ de la pus mo btsugs nas/ gal te bdag yon tan dang ldan te rgyal por 'gyur na/ 'khor lo 'di bdag gi drung du nye bar shog cig ces smras pa dang / nam mkha'i phyogs nas nye bar 'ongs so/ glang po rin po che ni ri spos kyi ngad can nas 'ongs te/ mjug ma la nor bus brgyan pa/ rgyal po de la zhon nas nam mkha' la 'phur te/ nyi ma phyed kyis gling bzhi nas

  319. 160b

    'khor to/ / gal te rkang pas 'gro na rkang pa'i rjes gang reg par gser gyi bye mar 'gyur ro// rta rin po che ni kha dog mthing ka la rnga rngog dmar ba/ rin po che sna bdun 'bab pa/ rgyal po de la zhon nas zan gcig bza' ran tsam gyis gling bzhi nas 'khor te mi ngal mi dub bo/ / nor bu rin po che ni 'od zer nyin mtshan du gsal te/ rgyang grags brgya nyi shu tshun chad 'od kyis snang babar byed la/ rin po che sna bdun gyi char bzhin du 'bab cing thams cad la sbyin par byed do// bud med rin po che ni bzang ba mdzes pa/ rgyal po'i yid tshim par byed do// khyim bdag rin po che ni rgyal po'i rin po che sna bdun ci dgos pa yid bzhin du sbyor te/ zad mi shes par byed do// blon po rin po che ni rgyal po la dpung rnam bzhi dgos na/ bltas pa tsam gyis dpung gi tshogs rnams 'dus te rtsal dang mthur ldan no/ / de ltar rin po che sna bdun dang ldan nas/ de 'di snyam du sems so// thabs 'di lta bu thob pa yang sngon gyi bsod nams las skyes kyis rgyal po'i gdung brgyad mi 'chad par bya'o snyam bsam mo/ / spos chus khrus byas te/ gos gsar pa gtsang ma bgos nas/ lag na pog por thogs te/ shar phyogs legs su pus mo sa la btsugs nas 'di skad ces smras so/ / shar phyogs na skyes bu 'phags pa bzhugs pa rnams/ bdag gsol ba bzhin du gshegs su gsol zhes smras pa dang /

  320. 161a

    shar phyogs nas rang sangs rgyas nyi khri snyed rgyal po'i pho brang du gshegs so// lho dang / nub dang / byang phyogs su yang de bzhin du gsol ba dang / de dag kyang so so nas rang sangs rgyas nyi khri snyed rgyal po'i pho brang du gshegs so/ / de nas rgyal po dang blon po rnams kyis yo byad rnam bzhi sbyar te mchod pa byas so// de nas rgyal phran brgyad khri bzhi stong snyed phyir yul du 'gro bar gsol te/ phyi phyag 'tshal ba na/ rgyal phran rnams kyis 'phags pa rnams la/ shas kyi bdag cag kyang mchod par 'tshal te/ bsod nams bgyi'o zhes gsol pa dang / rgyal po dang blon po rnams kyis lo brgyad khri bzhi stong gi bar du/ rang sangs rgyas brgyad khri la yid bzhin du mchod nas/ tshe'i dus byas nas mtho ris kyi lhar skyes so// dge slong dag de'i tshe rgyal po me long gdong de ni da ltar nga yin no// rgyal po de'i pha ni nga'i yab zas gtsang ma yin no// btsun mo chen mo de ni nga'i yum lha mdzes yin no// rgyal po lnga brgya nishAkya'i rigs lnga brgya yin no/ / de'i tshe na yang thams cad kyi mchog gtso bor gyur te/ da sangs rgyas nas kyang mtshan dang ldan pa'i mchog gtso bor gyur to// 'khor mang po rnams sangs rgyas kyis gsungs pa la rjes su yi rings nas mngon par dga' 'o/ / rgyal po me long gdong gi le'u ste sum cu gcig pa'o// / legs 'tshol dang nyes 'tshol/

  321. 161b

    gyi le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe na lha sbyin rab tu byung mod kyi/ rnyed pa la chags pas mtshams med pa'i las ri bsnyil nas sangs rgyas mnan pa dang / zhabs la shing gi tshal pa 'dzugs pa dang / glang po che dmigs pa gtang ba dang / 'dum pa'i dge 'dun gyi dbyen byas pa dang / zag pa zad pa'i dge slong ma bsad pa dang / mi dge ba'i las 'di dag byas nas/ skye ba phyi ma'i rnam par smin pas 'jigs te/ mu stegs can gyi ston pa drug gi thad du song nas dris so// ston pa drug gis kyang ngan par lta ba'i chos sdig pa byas kyang sdig par mi 'gyur la/ dge ba byas kyang bsod nams su mi 'gyur ba'i chos bstan nas/ de la yid ches te dge ba'i rtsa ba bcad do// de'i tshe na kun dga' bos phu nu bo la snying brtse ba'i phyir/ rtag tu mi dga' ste ngus nas bcom ldan 'das la 'di skad ces gsol te/ / lha sbyin gti mug can ni mi dge ba'i las kha na ma tho ba bgyis te/ dge ba'i rtsa ba bcad nas shAkya'i rigs kyang sun par bgyis bcom ldan 'das kyis/ kun dga' bo la bka' stsal pa/ lha sbyin 'di ni tshe 'di 'ba' zhig la rnyed pa dang grags pa'i phyir/ dge ba'i rtsa ba bcad par ma zad kyi/ 'das

  322. 162a

    pa'i dus na yang rnyed pa dang grags pa'i phyir/ lus dang srog kyang stor ba'i las byas so// de la dge slong dag the tshom du gyur nas/ kun dga' bos bcom ldan 'das la 'di skad ces gsol to/ / lha sbyin gyis 'das pa'i dus na rnyed pa dang grags pa'i slad du/ lus dang srog stor ba'i las bgyis pa ji lta bu lags zhes gsol pa dang / bcom ldan 'das kyis/ kun dga' bo la bka' stsal pa/ kun dga' bo sngon 'das pa'i dus na bskal pa grangs med/ dpag tu med/ bsam gyis mi khyab pa'i pha rol na/ 'dzam bu'i gling 'dir yul bA rA nA se na/ bram ze ma ha ya yi zhes bya ba yod de/ de rigs mnyam pa las chung ma blangs nas ring po ma lon par chung ma sems can dang ldan par gyur te/ zla ba dgu tshang nas bu khye'u zhig btsas so// de nas btsas ston chen po byas nas/ bu'i ming yang legs 'tshol zhes bya bar btags te/ ma ma la gtad nas gsos so// de nas yang sems can dang ldan par gyur te/ sngon ma de mnyen zhing des pa las/ sems can dang ldan pa'i 'og tu gtum zhing khro bar gyur to// de nas zla ba tshang nas khye'u zhig btsas te/ de ltar ma yang sngon las gyur pas bu'i ming yang nyes 'chol zhes bya bar btags te/ ma ma la gtad nas gsos so// khye'u spun gnyis phyis cher skyes nas spun gnyis rgya mtshor rin po che len

  323. 162b

    bar dad de/ so so nas grogs dang 'khor lnga brgya lnga brgya rnyed nas snga phyir lam du zhugs so// lam ring bas na zhag bdun gyi gnas su ma phyin par brgyags chad de srog dang bral du nye nas legs 'tshol dang grogs tshong pa rnams nyam thag ste/ thams cad lha rjed cing / lha rnams la mchod pa byed do// de nas 'brog stong de na rgyang ma nas skyed shing bzang po gcig mthong nas/ thams cad skyed shing gi drung du lhags pa dang / shing gi drung na chu mig bzang po gcig kyang yod de/ tshong pa rnams chu mig de la 'thungs nas/ bdag cag gi lha mchod pa'i rtags 'di'o/ zhes smras pa dang / lha mngon du smra ste skyed shing gi yal ga cho ga cig dang / 'dod pa thams cad 'byung ngo zhes bsgo'o// de nas yal ga gcig bcag pa dang / btung ba zhim po byung ngo // / de nas yal ga gcig bcag pa dang / kha zas ro brgya dang ldan pa thams cad byung nas/ de dag kun gyis tshim par zos so// yang yal ga gcig bcag pa dang / gos rnam pa sna tshogs byung ngo / / de nas yal ga gcig bcag pa dang / nor bu rin po che sna tshogs byung ste/ khal thams cad longs so// de nas nyes 'tshol la sogs pa yang der lhags te snga mas yal ga bcag pa las/ rin po che sna tshogs khal longs pa rnyed pa mthong nas/ 'di snyam du bsams so// snga ma 'di dag gis yal ga las kyang rin po che chog par rnyed na/ shing

  324. 163a

    'di'i rtsa ba phyung na ni rin po che sna tshogs mang du rnyed do snyam bsams nas shing gi rtsa ba rko bar gzas so/ / de nas legs 'tshol mi dga' ste smras pa/ bdag cag ni 'phongs te srog dang bral ba la shing 'dis bdag cag gi srog gsos kyis/ khyod shing 'di ma gcod cig ces smras na/ nyes 'tshol mnyan te shing gi rtsa ba 'byin te/ de nas legs 'tshol yang mthong mi 'dod pas/ khal dang chas te song ba'i 'og tu/ shing gi rtsa ba nas srin po lnga brgya byung ste/ nyes 'tshal dang tshong pa kun zos so// kun dga' bo de'i tshe de'i dus na/ legs 'tshol de ni da ltar nga yin no/ / de'i pha ni da ltar nga'i yab zas gtsang ma yin no// de'i ma ni da ltar nga'i yum lha mdzes yin no// nyes 'tsho la ni da ltar gyi lha sbyin 'di yin te/ kun dga' bo lha sbyin gyis da ltar 'ba' zhig nga la gnod pa byed par ba zad de/ rnyed pa dang grags pa'i phyir/ skye ba thams cad du nga la gnod pa byas na/ ngas phan pa'i chos bstan to// phan pa byas kyang lha sbyin ning la dgrar 'dzin to/ / bcom ldan 'das kyis de skad ces gsungs nas/ 'khor mang po rnams rjes su yi rang ste mngon par dga' 'o// legs 'chol dang nyes 'tshal gyi le'u ste sum cu gnyis pa'o/ / // bam po dgu pa// rgyal bu dge don gyi le'u'o// 'di skad bdag gis thos pa dus gcig na/

  325. 163b

    bcom ldan 'das rgyal po'i khab bya rgod spungs pa'i ri la dge slong chen po'i dge 'dun dang thabs cig tu bzhugs so// de'i tshe na tshe dang ldan pa kun dga' bos lha sbyin gyis thabs rnam pa sna tshogs kyis de bzhin gshegs pa la gnod pa bya bar bsams kyang / de bzhin gshegs pa ni lha sbyin dang sgra gcan 'dzin gnyis la mi 'dra ba med par dgongs te/ rtag tu de la thugs brtse bar dgongs nas/ bcom ldan 'das la zhus pa dang / bcom ldan 'das kyis/ kun dga' bo la 'di skad ces bka' stsal to// lha sbyin 'dis dus 'di nyid na nga la gnod sems bskyed par ma zad de/ skye ba gzhan du yang nga la gnod sems bskyed do// dge slong dag the tshom du gyur nas/ kun dga' bos/ bcom ldan 'das la 'di skad ces gsol to/ / lha sbyin 'dis skye ba gzhan dag na/ bcom ldan 'das la gnod pa ji ltar bgyis zhes gsol pa dang / bcom ldan 'das kyis/ kun dga' bo la 'di skad ces bka' stsal to/ / sngon 'das pa'i dus bskal pa grangs med/ tshad med/ dpag tu med/ bsam gyis mi khyab pa'i pha rol na/ 'dzam bu'i gling 'dir rgyal po rin chen ko cha zhes bya/ ba rgyal phran lnga brgya la dbang byed pa zhig byung ngo // de la btsun mo dang pho brang slas lnga brgya snyed yod kyang bu med de/ nyi zla'i lha la sogs te/ lha thams cad la gsol ba byas

  326. 164a

    nas lo mang du lon yang bu med nas mi dga' bar gyur te/ 'di snyam du bsams so// bdag la bu ni gcig kyang med kyis/ de'u re tshe zad pas rgyal phran lnga brgya yang gcig la gcig mi nyan na/ thams cad 'khrugs nas yul mi bde bar 'gyur ro snyam sems khongs su chud de/ lag pa 'gram pa la brten nas 'dug pa las/ de'i tshe na lha zhig rgyal po'i bsam pa shes nas/ rmi lam du rgyal po la 'di skad ces bsgo'o// pho brang gi phyi rol tshal gyi nang na drang srong gnyis yod de/ gcig gi lus gser gyi mdog can du 'dug gis/ de'i gan du song la gsol ba thob cig dang / bur skye bar 'gyur ro zhes bsgo ma thag tu gnyid log pa las sad nas/ drang srong gnyis gang na 'jug pa 'tshol du song ste/ drang srong de dang phrad nas/ bdag la rgyal po'i rigs 'tshob pa med kyis/ khyod bdag gi rigs su skyes te/ rigs sobs shig ces gsol ba btab nas/ drang srong des de bzhin du bya'o zhes smras so// drang srong gcig gis kyang bdag kyang khyod kyi rigs su skye bar bya'o zhes smras pa dang / rgyal po rab tu dga' nas/ khyod kyang bdag gi rigs su skye bar shog cig ces smras so/ / de nas rgyal po phyir log nas dus phyi zhig na/ drang srong gser gyi mdog can de'i tshe'i dus byas nas/ btsun mo chen mo'i mngal du skyes te/ bud med

  327. 164b

    mkhas pa ni bu yod par shes/ bu phor shes/ bu mor shes te/ bdag la nges par bu pho yod do zhes rgyal po la smras nas/ rgyal pos kyang btsun mo'i rim gro bskyed de/ zla ba dgu tshang nas bu khye'u gser gyi mdog can sgra mthon mthing ltar 'dug pa/ mtshan dang ldan pa cig btsas so// rgyal po rab tu dga' nas btsas ston byas te/ mtshan mkhan gyis mtshan bltas nas/ bu'i ming yang dge don du btags so// de nas yang btsun mo gcig kyang sems can dang ldan par gyur te/ drang srong cig shos kyang tshe'i dus byas nas btsun mo de'i mngal du skyes so/ / de nas yang btsas ston byas te/ mtshan mkhan gyis mtshan bltas nas/ khye'u'i ming sdig don du btags so// rgyal po bu la byams shing sdug pas/ bu 'dug pa'i gnas dbyar dgun dang / ston dpyid so sor byas te/ bags kyis cher skyes nas/ rig pa bco brgyad la sogs te/ gtsug lag thams cad la mkhas par gyur te/ byis dge don gyis rgyal po la gsol te/ bdag phyi rol tu 'chag cing ltad mo ltar 'gro'o zhes byas pa dang / de'i pha mas kyang bu 'chag tu 'gro'o zhes lam srang phyag bdar byed du bcug ste// rgyal mtshan dang ba dan bsgreng nas me tog gis gtor te/ bdug spos kyis bdug pa la sogs pa yo lang bshams nas/ dge don glang po che rin po che sna bdun gyis brgyan pa la bskyon to//

  328. 165a

    dril bsgrags/ rnga brdungs/ rol mo dang sil snyan dkrol te/ rgya brgya stong snyed kyis bskor nas grong khyer gyi phyi rol tu dong ngo // yul mi thams cad lam gyi g.yas g.yon na khang bu brtsegs pa'i steng nas mig mi 'dzums par lta zhing / 'di'i byin dang gzi brjid ni tshangs pa dang 'dra'o zhes bsgrags so// de nas song song ba las/ mu lto ba dag cig gos hrul po gyon zhing snod chag pa thogs te/ cung zad bslang ngo zhes 'bod pa dge don gyis thos nas/ de dag la khyed ci'i phyir 'di ltar nyon mongs shing sdug ces dris so// de la kha cig ni 'di skad du/ bdag cag la pha ma dang / phu nu dang / bu spang dang / gnyen bshes ma mchis par sdug go zhes zer ro// de la kha cig ni bdag cag yun rings su nad kyis btab pas mi sos te sdug go zhes zer ro/ / de la kha cig ni bdag cag bag ma byas pas chom pos bcom ste/ ci yang mi bdog pas slongs mo byed ces zer ro// dge don gyis de skad ces smras pa thos nas mchi ma dku ste song ngo / / de nas yang pha zad cig na shan pa dag cig srog chags bsad nas pags pa ba shu ba dang bsngal gtub pa dag mthong ngo // dge don gyis e ma'o 'di dag ci byed ces dris na bdag ni pha mes brgyad kyis 'di 'dra ba'i gsod pa'i las byed de/ 'di ma byas na mi 'tsho'o zhes zer ro// de la dge don ngo mtshar du gyur nas lha mi 'dod par song ngo // de nas yang

  329. 165b

    zang phyin pa dang / zhing pa dag zhing rmos te/ zhing rmos pa'i shul na srin bu mang du byung ba la/ bya mang po dang sbrul dag thu zhing za ba mthong nas/ 'di dag ci byed ces dris na/ bdag cag ni zhing rmos te/ sa slongs pa'i shul du sa bon btab na phyis mang du skyes te/ des 'tsho zhing rgyal po'i dbyar yang 'bul lo zhes zer ro// dge don de la yang ngo mtshar du gyur nas/ pha zang song ba dang / rngon pa bya rgya bres pa dang rnyi btsugs nas bya rnams gshor ba dang / sems can dag bya rgya dang rnyis zin nas/ lus rdebs shing 'then kyang ma shor te/ snying rje ba'i skad phyung nas shin tu 'jigs skrag pa dag mthong nas/ khyed ci byed ces dris na/ bdag cag kyang brgyud kyis 'di 'dra ba'i gsod pa'i las byed pas 'tsho'o zhes zer ro// dge don gyis de skad ces smras pa thos nas shin tu yi mug ste/ yang pha zad song ba dang / nya pa dag nya rgyas nya bcus nas mang du zin te thang bu la phung por spungs nas da dung yang 'gul ba dag mthong nas/ 'di dag ci byed ces dris na/ bdag cag kyang brgyad kyis las gzhan mi byed kyi/ 'di ltar nyag shor zhing 'tsho bar byed do zhes zer ro// dge don gyis 'di lta bu dag mthong nas 'di snyam du bsams so/ / sems can 'di dag ni dbul 'phongs nas/ bgo ba dang bza' ba'i phyir/ 'di lta bu'i kha na ma tho ba'i las gsod pa la sogs pa byed de/ 'di dag ni tshe 'phos ma thag tu ngan

  330. 166a

    song gsum du lhung ste/ bun pa nas mun par 'gro zhing thar pa'i dus med do snyam du bsams nas phyir khyim du 'ongs te/ nyin mtshan du de sems shing mi dga' nas pha'i drung du song ste/ pha la yab bdag gsol ba zhig mchis kyis gnong zhig ces smras so// phas kyang bu khyod ci zer/ khyod smras pa bzhin du bya'o zhes smras so// yab bdag sngon phyi rol tu 'chag tu mchis pa las/ mi mang po gos dang zas kyi phyir thams cad nyon mongs te/ gcig la gcig gsod pa dang / brdzun dang / dbang za ba dang / mi dge ba'i las rnam pa sna tshogs bgyid pa mthong nas/ de dag la sbyin pa bgyi bar bsams so// yab kyi bang mdzod chen po las brel cing 'phongs pa dag gi phyir yid bzhin du spyod du gnong zhig pas smras pa/ ngas ni rin po che dang bang mdzod mang du bsags pa thams cad khyod kyi phyir byas par zad na/ ci'i phyir khyod zer ba bzhin mi nyan ces smras so// de nas dge don gyis phas gnang ba'i lung thob nas/ yul mi thams cad la dge don ni sbyin pa chen po byed kyis thams cad 'dus shing shog cig ces bsgrags so// de'i tshe na dge sbyong dang / bram ze dang dbul zhing 'phongs pa mgon med pa dang / nad pa la sogs te/ grong khyer gyi phyi rol na lam thog thag tu gang ngo // de dag kyang dpag tshad brgya dang / nyis brgya dang / sum brgya dang

  331. 166b

    bzhi brgya dang / lnga brgya dang / dpag tshad stong gi lam nas 'ongs/ kha cig ni dpag tshad nyis stong / sum stong / bzhi stong / lnga stong dang / dpag tshad khri'i bar nas lhags te sprin bzhin du 'dus nas thams cad la yid bzhin du sbyin pa ni/ gos 'dod pa la gos/ zas 'dod pa la zas/ rin po che gser dang / dngul dang / bai DUR+Ya dang / mu sa ra gal ba dang / bzhon pa dang / theg pa dang / khyogs dang / skyed mos tshal dang / zhing dang / rkang 'gros la sogs te yid bzhin du sbyin par byas so// de ltar sbyin pa la zhugs te yun ring zhig lon pa dang / bang mdzod sum cha gcig zad nas/ mdzod srungs kyis/ rgyal po la 'di skad ces smras so// sras kyis bang mdzod la sbyin par bgyis nas sum cha ni bas/ sum gnyis las ma lus na/ phan tshun du 'grul ba'i skyes dang / tshong zong ci las bgyi dgongs shig ces smras so// nga ni sras 'di la byams pas mi zlogs kyis bang mdzod stongs kyang bla'o zhes smra'o/ / de nas yang ring zhig len pa dang / bang mdzod sum gnyis ni zad/ sum cha tsam lus pa dang / mdzod srungs kyis yang rgyal po la da ni bang mdzod sum gnyis tsam ni bas/ sum cha tsam las ma lus na/ phan tshun skyes bskur ba dang / tshong bong ci las bgyi zhes smras so// rgyal pos de la bsgo ba/ nga'i sras sdug ches te

  332. 167a

    ngo mi zlogs pas sgra mi phod kyis/ khyod kyis thabs ci legs su byos la/ brel cing mi khom pa ltar tha snyad thogs shig/ mdzod srungs kyis rgyal po las lung thob nas mdzod sgo bcad de don gnyer du song ngo / / de nas slong ba dag dge don gyi thad du lhags nas/ bar 'ga' ni mdzod srungs mi rnyed de mdzod sgo mi phyed/ gal te mdzod srungs 'ongs na yang yid bzhin du mi ster bas/ dge don gyis 'di snyam du bsams so// 'di ltar gyur pa 'di ni mdzod srungs kyis thugs mi thub kyi/ yab kyi man ngag 'ongs kyis yong yang bus ni pa'i bang mdzod stongs par bya ba mi rigs kyi bdag gis da thabs ci zhig byas na rin po che yid bzhin du rnyed de/ skye bo mang po la phan 'dogs par 'gyur snyam bsams nas/ mi dag la 'di skad ces dris so/ / 'jig rten na las ci zhig byas na nor dbyig mang du rnyed cing zad mi shes par 'gyur zhes dris pa dang / kha cig ni zhing cher rmos na nor dbyig mang por 'gyur zhes zer ro/ / kha cig ni rkang 'gros spel te spogs byas na nor mang du rnyed do zhes zer ro// kha cig ni lam ring por tshong spogs byas na nor mang du rnyed ces zer ro// kha cig nin+ya mtshor zhugs te nor bu rin po che blangs na rin po che mang du 'gyur ro zhes me ro/ / dge don gyis de dag gis sbas pa thos nas/ zhing rmo ba dang / rkang 'gros spel ba dang / las ring por tshang

  333. 167b

    la 'gro ba ni nga'i cha ma yin gyi/ rgya mtshor 'jug pa 'ba' zhig nga'i cha yin no zhes smras nas/ rgya mtshor 'jug go snyam du bsams te/ pha ma la 'di skad ces smras so// bdag ni rgya mtsho nas rin po che mang du blangs te dbul 'phongs pa la sbyin pa yid bzhin du bgyi'o/ / bdag rgya mtshor rin po che len du mchir gnong zhig ces smras so// de'i pha mas de skad ces smras pa thos nas 'khams te bu la 'di skad ces smras so/ / 'jig rten na dbul 'phongs pa dag ni blo med de/ lus srog dang bsngos nas 'gro bar byed do// khyod cis 'phongs na de lta bur sems te/ khyod sbyin pa byed 'dod na khyim na yod pa'i nor thams cad sbyin par byos shig/ rgya mtshor ni 'gror mi rung ste/ rgya mtsho'i nang na chu rlabs dang / dpa' glong 'khyil ba dang / chu srin dang / klu gdug pa dang / srin mo dang / ri chu'i mdog can la sogs pa shin tu yang ba'i bgegs mang du yod pas thar par dka' na/ khyod ces 'phongs te srog dang sngo bar byed/ 'di la ni nyan pa med kyis/ ma sems par 'dug cig ces bsgo'o// dge don gyis 'di skad ces bsgo ba thos nas/ bsams pa bzhin du ma grub pas yi dam bcas te/ bsam pa 'di ma grub kyi bar du pha ma'i mdun du sa la kha sbub tu nyal te mi ldang ngo snyam bsams nas/ yab yum gyis mkhyen par mdzod cig/ bdag ni bsam pa bzhin ma grub kyi bar du kha sbub tu nyal ba 'di las mi

  334. 168a

    ldang ngo zhes smras so/ / de nas pha ma mi dga' ste gnyen bshes dang bgros nas/ rgya mtsho'i nang na bgegs yang ba mang du yod pa'i gtam yang byas/ bdag kyang dmang bas lo bcu gnyis kyi bar du lha kun la mchod do/ / khyed lta zhig nga'i lha'i bur skyes na/ nged ma dor bar zan zo zhig ces zhag gcig/ zhag gnyis nas/ zhag drug gi bar du tshig rnam pa sna tshogs kyis gres btab kyang mnyan te/ sngar ji skad smras pa las ma zlogs so// pha ma dngangs nas yang 'di skad ces bgros so// bdag gi bu 'di thog ma nas da tsam gyi bar dubya bar brtsams pa mthar ma grub kyi bar du mi gtong bas/ rgya mtshor btang na gal te na phyir ldog kyang srid kyi ma btang na zhag bdun lon nas 'phral du bye brag 'bye ste/ da ni btang dges so snyam bgros nas/ bu'i drung du song ste lag pa nas bzung nas/ bu long la zan ze zhog/ yid bzhin du 'gro bar gnang ngo zhes smras pa dang / dge don yang langs te za ba zos btung ba 'thungs so/ / de nas phyi rol tu byung ste mi mang po la kho bo rgya mtshor rin po che len du 'gro'o// khyed su 'gro bar dga' ba rnams kyang 'grogs te 'dong gis/ ded dpon yang kho bos byas la yo byad kyang kho bos sbyar ro zhes bsgrags so/ / de'i tshe na yul de na tshong ba lnga brgya snyed kyis bdag cag kyang rgya mtshor rin po che len du mchi'o zhes thams cad 'dus nas chas so//

  335. 168b

    de'i tshe yul de na tshong pa ded dpon rgan po zhig sngan chad kyang rgya mtshor lan du ma byin pa zhig yod de/ rgyal bu nyid de'i gan du song nas 'di skad ces smras so// kho bo rgya mtshor 'gro ba'i sa mkhan du 'gro dgos kyis/ khyod kyang chos shig ces bsgo ba dang / ded dpon gyis bdag ni rgas zhom pa'i steng du mig gnyis kyis kyang mi mthong bas 'gro mi nus so zhes smras so// de nas rgyal bu pha'i thad du song ste/ rgyal po la 'di skad ces gsol to// ded dpon rgan po zhig mchis pa sngan chad kyang rgya mtshor lan du ma zhig phyin to// rgya mtsho'i rgyus mchis kyis/ bdag rgya mtshor mchi ba'i sa mkhan du bka' stsol cig ces gsol pa dang / rgyal po nyid ded dpon long ba'i gan du song nas/ ded dpon long ba la 'di skad ces bsgo'o// rgyal bu rgya mtshor 'gro 'dod de/ nged kyis 'gror mi rung ba'i gres re lta zhig btab na mnyan gyis/ rgyal bu rgya mtshor 'gro ba'i sa mkhan du khyod song zhig ces bka' stsal pa dang / ded dpon gyis 'di skad ces gsol to/ / bdag rgas zhom pa'i steng du mig gnyis kyang ljongs mod kyi/ nga rgyal pos bka' stsal na bka' mi gcog go zhes gsol to// de nas rgyal po pho brang du 'ongs nas nga'i bu dang rgya mtshor 'gro su bod ces bsgo ba dang / rgyal bu sdig don yang bdag phu bo'i g.yog tu mchi'o zhes gsol to// rgyal pos bsams pa/ gzhan song ba bas nu bo song na phan

  336. 169a

    yang srid snyam nas/ nu bo yang 'gror gnang ngo // de nas rgyal bus gser srang sum stong zhig phyung ste/ srang stong ni gru'i zong du byas/ srang nyis stong ni 'phral du dgos pa'i yo byad du sbyar te/ chas nas rgyal po dang btsun mo la sogs pa thams cad kyis bskyal to// de nas rgya mtsho'i ngogs su phyin nas grur zhugs te/ thag pa bdun gyis brjod nas rlung phyogs dang sbyar te/ 'gro ba'i tshong pa rnams 'di skad ces smras so// rgya mtsho'i nang gi bgegs rnam pa sna tshogs yod de/ snga phyir 'dong ba ni rab tu yang mang na/ phyir 'khor ba ni nyung rab bo// de las the tshom za ba yod na phyir dengs shig/ gal te lus dang srog la mi lta/ pha ma dang / bu dang / chung ma dang / gnyen bshes dag la yang ma chags te/ rin po che'i gling du phyin nas phyir yang bde bar 'khor na/ bu tsha rabs bdun tshun chad nor gyis mi brel bar 'gyur ro zhes bsgrags nas thag pa gcig bcad do// de bzhin du nyi ma bdun gyi bar nyin re lan re de skad ces bsgo nas thag pa re re bcad de/ rlung phyogs su bab pa la g.yor shing bsgreng ste mgyogs khyad mda' bzhin du song ngo // de nas rin po che'i gling du phyin nas/ rgyal bu rin po che brtag pa la shin tu mkhas pas/ rin po che bzang ngan dang mang nyung gi tshad kyang bstan nas so so nas rin po che 'tshal lo// ded dpon dang gnyis gru chung gcig gi nang du zhugs nas tshong pa phal rnams rer

  337. 169b

    bor ro/ / de nas song song ba las ded dpon gyis da ni ri dkar po zhig yod pa'i rigs 'dra mthong ngam zhes dris so// rgyal bus kyang de 'dra ba zhig sdang ngo zhes smras pa dang / de ni dngul gyi ri yin no zhes zer ro/ / de nas yang song song ba las/ da ni ri sngon po zhig snang ba'i rigs na mthong ngam zhes dris na/ de 'dra ba zhig snang ngo zhes smras pa dang / de ni bai DUR+Ya'i ri yin no zhes smras so/ / de nas yang song song ba las/ da ni ri ser po zhig snang ba'i rigs so zhes dris na/ ri ser po 'dra ba zhig snang ngo zhes smras pa dang / de ni gser gyi ri yin no zhes smras so/ / de nas gser gyi ri'i drung du phyin te/ gser gyi bye ma'i steng du 'dug nas/ ded dpon des 'di skad ces smras so// bdag ni rgas zhom ste nga ni 'gro mi phod pas/ nga 'di nyid du tshe'i dus byas par 'gyur gyis/ khyod 'di nas yang song zhig dang / mdun na rin po che sna bdun gyi mkhar zhig dang phrad pa'i rigs kyis/ gal te mkhar sgo bcad cing 'dug na/ sgo drung // nardo rje'i gtun zhig yod pa'i rigs kyis/ rdo rje'i gtun gyis mkhar gyi sgo rdungs shig dang / nang nas lha mo lnga brgya zhig so so nas rin po che thogs nas 'bul du 'ong ngo // de la lha mo gcig cig kyang rin po che sngon po gcig thogs shing 'bul du 'ong gis/ de ni yid bzhin gyi nor bu rin po che yin no// thob ma thag tu ma shor bar dam du zung zhig/ bu mo gzhan dag gi nor

  338. 170a

    bu rin po che yang long zhig/ dbang po rab tu sdom la de dag dang ma smra zhig/ bdag ni nyam thag ste 'dir tshe 'phos na drin dran par gyis la/ 'di nyid du rus bu spos te/ song zhig ces bsgo ma thag tu tshe'i dus byas so// de nas ded dpon gyis rus bu gser gyi bye ma'i nang du sbas nas bsgo ba bzhin du song nas/ ring po ma lon par rin po che sna bdun gyi bar zhig gi drung du byin to/ / sgo yang dam du bcang ba las/ drung na rdo rje'i gtun 'dug pa blangs te sgo brdung ba dang / sgo yang rang bye nas/ lha mo lnga brgya so so nas rin po che thogs te 'bul bar byed do/ nang gi lha mo snga ma gcig gi lag na nor bu sngon po zhig thogs te smras pa bzhin blangs nas/ gos kyi tha mar phur te/ de ma thag tu phyir log go// rgyal bu dang bral ba'i 'og tu rgyal bu sdig don gyis tshong pa rnams la/ rin po che mang du long zhig ces byas pas/ tshong pa rnams kyis mang du blangs nas/ rin po che mangs pas gru yang bar 'ga' ni nub/ bar 'ga' ni byung nas/ rgyal bu dge don 'ba' zhig ni yid bzhin gyi nor bu yod pas chur ma nub bo// rgyal bu sdig don skrag nas/ dge don la bdag la yang skyobs shig ces smras pa dang / sdig don yang khrid de rgya mtsho rgal to/ / de nas skam sar phyin pa dang / sdig don gyis phu bo la 'di skad ces smras so// bdag cag spun gnyis pha ma dang bral te rgya mtshor rin po che len du dong ba

  339. 170b

    las ma stes te/ rin po che dang bral nas lag pa stong par khyim du 'gro ba ni ngo tsha'o// rgyal bu dge don rang bzhin gyis drang bas/ nu bo la bdag cag gis rin po che thob na ci'i phyir ngo tsha zhes smras so/ / rin po che ji lta bu zhig rnyed/ bdag la ston cig ces smras pa dang / phu bos rin po che bkrol te nu bo la bstan to// nu bos rin po che mthong nas 'di snyam du bsams so// pabapa dag gi pha ma yang bu 'dra ba las su bo la byams te/ bdag la mi byams pa'i steng du/ nged gnyis 'grogs te ra na po che len du song ba las/ phu bos ni rin po che rnyed kyi/ bdag gis ni ci yang ma rnyed pas/ da khyim du 'ongs na bdag la de bas kyang mi byams par 'gyur gyis/ bdag gis phu bo ga nyid log pa'i tshe bsad la nor bu rin po che khyer te 'gro'o// ga la te pha mas dris na/ phu bo ni rgya mtsho'i nang du nub bo zhes bya'o snyam bsams nas/ phu bo la 'di skad ces smras so// bdag cag spun gnyis rin po che thogs te/ gnyis ka cig car nyal ba mi rigs kyi/ res kyis nyal la mel tse bya'o zhes smras pa dang / phu bos kyang de bzhin du bya'o zhes smras te/ spun gnyis res kyis mel tse byed do// de nas nub cig phu bo sngar mel tse byed pa las/ mel tse thun kor nas kyang rung zhig langs su ma btub bo// phu bo yang yun rings su mel tse byas nas/ nu bo gdod langs te/ phu bo yun rings su 'dug

  340. 171a

    pas gnyid bro nas/ log pa'i 'og tu tshal gyi nang nas tsher ma ring po gnyis shig blangs nas/ phu bo gnyid log pa'i mig tu tsher ma re re btsugs te/ rin po che khyer nas bros so// dge don dngangs nas chom po byung ngo zhes bos na cang mi zer te/ de nas shing gi lha mo zhig gis khyod kyi chom po ni sdig don yin no zhes smras so// de nas dge don mig na ba ma bzod nas 'bod 'brogs te gog cing song song ba las/ yul li shi ba de dang nye bar phyin nas/ ba glang rdzi ba glang lnga brgya tsam 'tsho ba dang phrad ngo do// ba glang de'i nang nas khyu mchog gcig gis/ rgyal bu ldongs pa mthong nas/ rgyal bu'i mig la lces pa ldags so// de nas ba glang kun kyang der 'dus pas/ rdzi'u yang de ltar 'ongs nas/ mi zhig sa la 'gre ba la mthong nas drung du brtags na/ mig tu tsher ma zug pa mthong nas/ tsher ma gnyis dal gyis phyung ste gnas su khrid do// de nas 'o ma dang snum gyis rma kha bskus nas// kha zas kyis bstod de gsos so// de nas phyi zhig na rma yang bags kyis sos nas/ da ni 'gro'o zhes byas pa dang / ba glang rdzis ma btang ngo // de nas yang phyi zhig na rma yang legs par sos nas/ da ni grong khyer 'o nir 'gro'o zhes byas nas/ mthar gyis grong khyer nye bar bskyal te/ bdag la rol mo'i chi byang gi ma zhes bya ba gcig byin cig ces byas pa dang / rdzi 'us rol mo'i

  341. 171b

    cha byang gim zhig byin no/ / de nas rgyal bu rol mo byed cing glu dang tshig snyan par sbyar te blangs pas thams cad de la nyan te/ kun gyis zas dang skom bskyal bas/ de na sprang po lnga ba yang rgyal bu la brtan te gsos so/ / phyi zhig na rgyal po de'i skyed mos tshal bsrung ba zhig der 'ongs nas/ rol mo snyan pa thos pa dang de la dga' ste khyod nga'i skyed mos tshal du rol mo byed cing skyed mos tshal yang bsrungs na mi nus sam zhes dris na/ bdag mig long bas mi nus so zhes smras so// des smras pa/ khyod mig mi mthong yang bla'i/ shing gi kha nas tha gu la dril bu btags te/ bya'i skad byung na tha gu drangs pas chog gis/ nga'i skyed mos tshal du 'dong ngo zhes smras nas khrid do// rgyal bu de tshal de na 'dug cing rol mo byed do/ / de'i tshe na sdig don phyir yul du 'ong ba dang / rgyal pos khyod kyi phu bo dang tshong pa gzhan dag ga re zhes dris na/ bdag gi phu bo dge don dang tshong pa gzhan ni rin po che mang du rnyed nas gru dang bcas su chur nub bo/ / bdag ni rgyal 'tshal bas bdag 'ba' zhig thar ro zhes smras pa dang / rgyal po yab dang btsun mo gnyis 'khams nas sa la 'gyel to/ / yul na mi 'khod pa gzhan dag kyang de skad ces thos nas ngo mtshar du gyur te mya ngan gyis brnangs so// rgyal po yab dang btsun mo yang mya ngan gyis yid gdungs

  342. 172a

    nas sdig don khyod kyang phu bo dang lhan cig log na ci nyes zhes bsgo'o/ / rgyal bu dge don bzhugs pa'i tshe bya ngang pa gcig gsos pa de la rgyal pos 'di skad ces bsgo'o/ / rgyal bu dge don rgya mtshor rin po che len du song ba las/ rgya mtshor nub ste dog ces zer gyis/ khyod rtog cing 'chol du song zhig ces bsgo nas/ yi ge bris te mgul du btags nas song ngo / / de nas bya ngang pa kun tu 'phur zhing 'tshal 'tshal ba las/ skyed mos tshal de na rgyal bu'i skad grag nas/ der babs te bltas na rgyal bu de na 'dug pa dang phrad do/ / rgyal bus kyang ngang po'i skad shes pas/ mgul nas yi ge bkrol te klog tu bcug go/ de nas yi ge lan bris nas sdig don gyis ji ltar mI tu tsher ma btsugs te bros pa yang zhib tu spring ngo / / de'i tshe na rgyal po li shi bar de la/ bu mo bzang mo 'jig rten na dkon pa zhig yod de/ bu mo de skyed mos tshal du 'chag tu song song ba las/ rgyal bu dge don de na 'dug pa dang phrad nas/ rgyal bu dge don sgra ni 'dzings/ gdong la ni dri mas gang / gos ngan pa gyon zhing shing drung na 'dug pa mthong nas/ bu mo de la chags te phan tshun gar yang ma song bar de'i drung du 'dug ste gtam byas so// drol babs nas rgyal pos bu mo bos na/ bdag gi

  343. 172b

    'tshal ma 'dir skyol cig mi mchi'o zhes mchi'o/ / de nas rgyal pos yang zan bskyal ba dang / bu mos rgyal bu la bdag cag gnyis lhan cig zan za'o zhes byas pa dang / rgyal pos bdag ni long ba sprang po lags pas/ rgyal po'i sras mo dang lhan cig 'tshal ma 'tshal du mi rung ngo // gal te rgyal pos gsan na bdag la gyod mchi bas mi rung ngo zhes smras so// bu mos smras pa/ khyod bdag dang zan lhan cig mi za na/ bdag kyang zan mi za'o zhes lan du ma'i bar du smras pa dang / de nas lhan cig zan zos te gtam yang legs par byas nas/ de la bu mo chags te gzhan du gom pa gcig kyang 'gror ma btub bo/ / de nas nyi ma nub tu nye nas rgyal pos bu mo phyir shog cig ces sbran pa dang / bu mos phyir 'di skad ces gsol to// bdag ni skyed mos tshal bsrung ba 'di'i chung mar dga' bas gzhan su yang mi 'tshal lo/ / yab rgyal po bdag gis bsam pa 'di las mi bsgyur du gsol zhes spring ba dang / rgyal pos de skad ces gsol pa thos nas/ bu mo'i ngom zlogs te/ 'di ni ngo mtshar ya mtshan du che'o// bu mo 'di rgyal po rin chen go cha'i mna' mar blangs te/ rgyal bu rgya mtsho nas ma 'khor bar sprang po 'di lta bu zhig gi chung mar brten pa 'di ni nga'i rigs sun te/ nga'i mgo yang bteg tu med par byed pa 'di ni ngo mtshar che zhes yang 'bod du btang ba las/ bu mo tshig snga ma las

  344. 173a

    ma 'gyur te 'ong du ma btub bo/ / de nas rgyal po bu mo la byams pas ngo ma zlogs nas gnyis ka ba su ste/ pho brang gi nang du khrid nas shug tu bsdus so// de nas zhag du ma zhig lon pa dang / bu mo nyin par ni rtag tu song / nub mo phyir 'ong bas/ rgyal bu dogs pa skyes te/ chung ma la 'di skad ces smras so// khyod bdag gi chung ma bya zhes/ shug tu 'dus na/ nyin par ni rtag tu 'gro/ mtshan mo 'ba' zhig ni phyir 'ong na/ 'dir mi rtag pa las na/ khyod gzhan du sems pa yod du nges so zhes smras pa dang / bu mos dam bcas pa/ bdag la khyod 'ba' zhig sems te/ bsam pa gzhan pa spu tsam yang med do// bdag gis smras pa'i tshig bden na/ bden par smras pa 'dis khyod kyi mig ya gcig gis mthong bar shog cig ces smras ma thag tu/ mig ya gcig mthong bar gyur to// de nas gtam de dag glengs nas/ rgyal bu la khyod kyis pha ma yul gang na 'dug ces dris pa dang / rgyal bus chung ma la smras pa/ khyod kyi rgyal po rin chen go cha zhes bya ba zhig thos sam/ chung mas smras pa/ bdag gis thos so// 'o na de ni bdag gi pha yin no/ / rgyal bu dge don zhes bya ba thos sam/ chung mas smras pa/ thos so// 'o na rgyal bu dge don de ni bdag yin no zhes smras pa dang / chung ma dngangs nas/ 'o na khyod

  345. 173b

    ci'i phyir 'di ltar nyon mongs par gyur ces dris pa las/ rgyal bus ji ltar gyur pa zhib tu gtam byas pa dang / bu mos rgyal bu la 'di skad ces smras so// rgyal bu sdig don gyis khyed kyi mig phyung ba 'di ni 'jig rten gang na yang mi srid na/ khyod de dang phrad na ji ltar bya snyam/ rgyal bus smras pa/ sdig don gyis nga'i mig phyung ba nyes mod kyi/ bdag ni de la cung zad kyang mi dga' ba 'am/ khon du 'dzin pa med do// chung mas smras pa/ 'di ni shin tu yang yid ches par dka' ste/ gnod pa 'di lta bu byas kyang mi dga' ba med ces smras pa ni tshig tu mi rung ngo / / rgyal bus smras pa/ bdag ni rgyal bu sdig don la mi dga' ba spu nyag ma tsam yang med do// bdag gi tshig 'di bden na/ bden pa'i tshig gis bdag gi mig 'od ya gcig kyang mthong bar gyur cig ces smras pa dang / mig ya gcig kyang gsal bar mthong bar gyur to// de ltar rgyal bu'i mig gnyis kyang mthong nas/ mtshan dang byin yang gzhan pas lhag par che bas/ bu mo dga' nas yab rgyal po gang na 'dug par song ste/ 'di skad ces smras so// yab kyis rgyal po rin chen go cha'i sras rgyal bu dge don mkhyen tamargyal pos spras pa/ ngas shes so// 'o na rgyal po gzigs bzhed dam/ rgyal bu de da ltar ga re zhes dris pa dang / bu mos spras pa/ da ltar bdag gis khyim tha

  346. 174a

    bgyid pa nyid lags so zhes gsol to/ / rgyal pos bu mo la bgad de/ bu mo 'di skyos sam/ 'on te mi dran nam ci nyes na/ rgyal bu de ni rgya mtsho nas phyir ma 'khor na/ sprang po la rgyal bu dge don yin zhes smra/ bu mos yang gsol pa/ thugs mi ches na brtag tu gsol zhes smras pa dang / rgyal pos ltar byin na rgyal bu dngos yin te/ lto ba sa la phab nas bdag gis ngo ma shes pa nongs kyis 'gyod do zhes smras so// de nas rgyal po des gsang ste rgyal bu dge don lam srang zhig tu bskyal nas/ dge don rgya mtsho nas gdod 'khor ba skad bsgrags te/ blon po rnams dang rgyal bu dge don bsu nas pho brang du 'ongs pa dang / gdong bu mo yang chung mar byin pa skad du bsgrags so// de'i tshe na bya ngang pa yang yi ge dang phyir yul du phyin te/ yi ge bklags nas rgyal bu dge don yang 'dug par shes nas/ sdig don yang btson du bzung / rgyal po li shi bar gyi steng du yang pho nya btang nas/ nga'i bu dge don khyod kyi yul du 'ongs te nyon mongs shing bdug ces thos kyis/ sngar ma sbran pa yang nyes so// da yang glang po che dang rta'i tshogs mang pos skyol cig/ ma bskyal na nga nyid kyang 'ong ngo zhes spring ngo // de'i tshe rgyal bu dge don gyis phyag rdzi'i drin dran pa'i phyir/ rgyal po li shi bar la gsol nas/ glang po che

  347. 174b

    dang rta dang / gos dang / khang khyim dang / zhing 'brog dang / gser dngul dang / rin po che dang / bran po dang / bran mo dang / las byed pa'i mi la sogs te/ bya dga' mang du byin nas/ rtse gcig tu bde zhing skyid par byas so// de nas rgyal po rin chen go cha'i pho nya yang der phyin nas/ rgyal po li shi bar gyis glang po che lnga brgya tsam rin po ches brgyan te/ g.yog lnga brgya dang / bu mo'i g.yog gzhon nu lnga brgya dang / shing rta lnga brgya snyed kyang brdzangs/ rgyal po nyid kyang blon po dang bcas te/ 'khor brgya stong du mas rol mo sna tshogs byas te bu mo bskyal to/ / pho nya slar phyin nas rgyal po rin chen go cha yang / btsun mo'i 'khor dang bcas te rgyal bu bsu'o// rgyal bu dang phrad pa'i tshe bzhon pa las babs nas pha ma la phyag 'tshal te/ lag pa nas 'jus te bsnyun gsol nas/ rol mo byas te pho brang du song ngo // de nas rgyal bu dge don gyis sdig don ga re zhes smras pa dang / da ltar btson du bzung ngo zhes smras so// de nas rgyal bu sdig don thong zhig ces gsol pa dang / nyes pa chen po byas kyis btang mi rung ngo zhes bsgo'o// de ltar rgyal bu sdig don ma btang na/ bdag kyang pho brang du mi mchi'o zhes gsol nas/ sdig don yang btang ngo // de nas sdig don yang phu bo la phyag 'tshal zhing bsur 'ongs nas/ spun gnyis

  348. 175a

    gcig la gcig 'jus te/ nu bo la sbyar bas kyang lhag par byams par gyur nas/ thams cad ngo mtshar du 'dzin to// de nas pho brang gi nang du 'ongs nas rin po che ga re zhes/ bags kyis dal gyis dris pa dang / 'ongs pa'i lam du sa rkos nas sbas so zhes zer ro// de nas len du btang na ma rnyed pa las/ dge don dang 'grogs te gnas su phyin ma thag tu/ dge don gyis mthong nas rnyed do// de nas rin po che rnams rnyed de pho brang du 'ongs nas/ rgyal phran lnga brgya kun la yang re re byin te/ gcig pu zhig phyir bzhag pa lag tu thogs te/ 'di skad ces smon lam btab bo// rin po che 'di yid bzhin gyi nor bu yin yang dag na/ bdag gi pha ma 'dug pa'i khri rin po che sna bdun gyi khrir gyur cig/ rin po tshe sna bdun gyi gdugs kyang yong bar gyur cig ces smras ma thag tra du bzhin du gyur to/ / de nas yang 'ang skad du/ rgyal po'i bang mdzod dang / blon po'i bang mdzod las bdag gis ston sbyin pa bgyis te/ gong pa rnams thams cad phyir gang bar shog cig ces sbas nas// de phyogs su bstan pa tsam gyis bang mdzod thams cad rin po ches yongs su gang bar gyur to// de nas dril bsgrags te/ da phyin chad zhag bdun na rgyal bu dag don rin po che sna bdun gyi char 'bebs kyis thams cad 'dus shig ces bsgo nas/ rgyal bu dge don spos chus lus bkrus

  349. 175b

    sa gsar pa gtsang ma gyon nas/ rgyal mtshan gyi rtse mo la yid bzhin gyi nor bu rin po che btags te/ lag na pog por thogs shing phyogs bzhir phyag byas nas 'di skad ces spras/ so/ nor bu 'di yid bzhin gyi nor bu rin po che yin yang dag na/ thams cad du ci 'dod pa thams cad char bzhin du phob cig ces smras ma thag tu/ phyogs bzhi nas sprin langs nas rlung gis mi gtsang ba phyag bdar byas te/ thog mar char zim bu babs nas rdul mi snang bar byas so// de nas kha zas ro brgya dang ldan pa rnam pa sna tshogs bab bo// de nas gos rnams bab / bo/ de nas rin po che sna bdun bab nas yul thams cad du gang ngo // de'i tshe na thams cad kyis rin po che dang gseg ma 'dra ba'i sems su gyur nas/ de la rgyal bus 'di zhes bsgo'o// khyed kyi dgos pa thams cad yid bzhin gyis thob pas/ da ni brel ba 'am 'phongs pa med par gyur gyis/ so so nas lus dang / ngag dang / yid bsdams te/ dge ba bcu'i las kyi lam la brtson par gyis shig ces bsgo nas/ thams cad kyis bsgo ba bzhin du dge ba bcu la nan tan byas te sdig pa ma byas pas/ tshe 'phos nas mtho ris kyi lhar skyes so// kun dga' bo de'i tshe de'i dus na rgyal po rin chen go cha ni/ da ltar nga'i yab zas gtsang ma yin no// rgyal po'i btsun mo ni da ltar nga'i yum lnga mdzes yin no// rgyal bu dge don

  350. 176a

    de ni da ltar nga yin no/ / rgyal po li shi bar de ni da ltar 'od srungs yin no// de'i tshe na rgyal bu'i chung mar gyur pa de ni da ltar skye dgu'i bdag mo yin no// rgyal bu sdig don de ni da ltar lha sbyin yin no/ / 'dzam bu'i gling gi mi la nga'i drin gyis khyab pa ni/ nga thog mar sangs rgyas pa na lha'i dbang po brgyad khri 'ongs pa dang / nga'i nye gnas su lung bstan pa rnams yin no/ / kun dga' bo de'i tshe na/ de ltar nga la gnod pa chen po byas kyang / de la snying brtse ba'i sems skyes na/ nga mngon par sangs rgyas nas nyon mongs pa'i sgrib pa nizad thugs rje chen pos rgyas par khyab pas na/ gnod pa cung zad cig byas pa las thugs rje ba lta ci smos/ bcom ldan 'das kyis de skad ces gsungs nas/ 'khor mang po la la ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa nyid thob bo// kha cig ni rang sangs rgyas su gyur/ kha cig ni bla na med pa'i byang chub tu sems bskyed do/ / de skad ces gsungs pa la thams cad yi rangs nas mngon par dga' 'o// rgyal bu dge don gyi le'u ste sum cu gsum pa'o// / khyim bdag sdums byed kyi le'u'o/ / 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dag

  351. 176b

    ra ba na dge slong gi dge 'dun chen po brgya phrag phyed dang bcu gsum dang thabs cig tu bzhugs so/ / de'i tshe yul de na sprang po lnga brgya zhig rtag tu sangs rgyas dang dge 'dun la brten te 'tsho'o/ / phyis sprang po de dag 'di snyam du sems so// da bdag cag sangs rgyas kyi bstan pa la rab tu 'byung ngo snyam nas/ sangs rgyas gang na ba der lhags te/ bcom ldan 'das la 'di skad ces gsol to/ / bdag cag ni sangs rgyas dang dge 'dun gyi thugs rjes 'tsho bar gyur te/ dade bdag cag rab tu 'byung ngo zhes gsol pa dang / de la bcom ldan 'das kyis 'di/ skad ces bka' stsal to// ngas bstan pa'i chos ni rnam par dag pa ste/ btsan nyen dang phyag dbul med do// dper na chu dang bas ni btsan nyen dang / phyug dbu la dang / bzang ngan kun 'khru ste/ chus bkrus na mi 'dag pa med do// dper na me dang 'dra ste/ ri dang / brag dang / gnam sa'i bar na dngos po chen po dang / chung ngu gang yang mi 'tshig pa med do/ / gzhan yang nga'i chos ni nam mkha' dang 'dra ste/ skyes pa dang / bud med dang / khye'u dang / bu mo dang / phyug po dang / dbul po dang / gang su yang rung mi chud pa med de/ yid bzhin du spyod du gnang ngo // zhes spang po rnams kyis thos nas rab tu dga' mgu rangs te/ lhag par sangs rgyas la rab tu 'byung ngo zhes gsol pa dang

  352. 177a

    bcom ldan 'das kyis bde bar 'ongs so zhes bka' stsal btsam gyis/ sgra dang kha spu rang byi ste ngur smrig gyon pa'i dge slong du gyur nas bsnyen par rdzogs so// bcom ldan 'das kyis chos bstan nas lus dang sems rnam par grol te/ zag pa zad nas dgra bcom par gyur to// de'i tshe na yul de na gnas pa'i khyim bdag dang tshong dpon rigs che zhing mtho ba rnams/ mul to ba dag sangs rgyas kyi bstan pa la rab tu phyung ngo zhes thos nas/ brnyas shing dpyas par gyur te 'di skad du/ gal te bdag cag bcom ldan 'das dang // 'phags pa'i dge 'dun spyan 'dren cing bsod nams byed na/ rigs ngan mul to ba las rab tu byung ba de dag ji lta bu bdag cag gi stan la bzhag cing snod la 'bag par bya zhes smras so/ / de'i tshe na rgyal bu rgyal byed kyis sangs rgyas dang dge 'dun rnams bshos la spyan drangs nas/ bcom ldan 'das la 'di skad ces gsol to// sangs rgyas dang dge 'dun rnams spyan 'dren gyi/ mul to ba gsar du zhugs pa rnams ni ma lags so// phyid nyin gdugs tshod kyi thad kar sangs rgyas dang dge 'dun spyan drangs par gshegs nas/ mul to ba'i dge slong ma bos pa rnams la 'di skad ces bka' stsal to/ / khyed ni yon bdag gis ma bos kyis/ byang gi sgra mi snyan du deng la/ sa bon ma btab ma rmos par rang skyes pa'i 'dra

  353. 177b

    long la/ yon bdag gi khyim du bar shog cig ces bka' stsal to// dge slong de dag bka' stsal ba bzhin du/ dgra bcom pa'i rdzu 'phrul gyis byung gi sgra mi snyan du so so nas 'bras kyu lhung bzed pa kang ste/ spyod lam mdzes par steng gi nam mkha' las ngang pa'i rgyal po ltar rgyal bu rgyal byed kyi khyim du lhags nas rim bzhin du 'khod de 'bras la za'o// de'i tshe na rgyal bu rgyal byed kyis dge slong de dag spyod lam mdzes par rdzu 'phrul gyi stobs kyis nam mkha' las 'ongs par mthong nas lhag par dga' rangs te ngo mtshar rmad du gyur nas/ bcom ldan 'das la 'di lta bu'i 'phags pa gzi brjid dang yon tan du ldan pa spyod lam mdzes par lhags pa phyogs gang nas mchis zhes gsol pa dang / bcom ldan 'das kyis/ rgyal bu rgyal byed la 'di skad ces bka' stsal to/ / 'di dag shes par 'dod na legs par nyon cig dang / khyod la bstan par bya'o// dge slong 'di dag ni rgyal bus ma bos pa'i dge slong dag yin te/ rgyal bus ma bos pas so so nas byang gi sgra mi snyan nas 'bras blangs nas za ba yin no// de nas rgyal bu rgyal byed kyis de skad ces gsungs pa thos nas shin tu ngo tsha zhing 'gyod de/ bdag ni gti mug gis ldongs pas/ 'phags pa'i ngo ma 'tshal to zhes smras nas/ bcom ldan 'das la 'di skad ces gsol to// bcom ldan 'das kyi yon tan

  354. 178a

    ni bsam gyis mi khyab ste/ sprang po 'di dag ni yul 'di na shin tu yang rigs chung zhing ngan pa lags na/ 'dir 'jig rten 'di'i bde ba yang thob la yun ring po'i don yang rnyed par gyur te/ bcom ldan 'das 'jig rten du gshegs pa ni don 'di dag 'ba' zhig gi slad du gshegs so// gzhan yang bcom ldan 'das sprang po 'di dag sngon dge ba'i rtsa ba ci bsrungs shing / bsod nams kyi las gang la nan tan bgyid pas/ bcom ldan 'das dang phrad de rnam par grol bar gyur/ sdig pa ci bgyis na thog ma btsas nas sprang por skyes te dbul 'phongs par gyur/ bcom ldan 'das kyis/ rgyal bu rgyal byed la bka' stsal pa/ sngon 'das pa'i bskal pa tshad med grangs med pa bsam gyis mi khyab pa 'das pa'i pha rol na/ 'dzam bu'i gling 'dir grong khyer bA rA nA se zhes bya ba na/ ri drang srong lhags zhes bya ba la/ sngon yang sangs rgyas mang po bzhugs bzhugs te/ sangs rgyas 'jig rten du ma gshegs pa na yang / rang sangs rgyas dag de na gnas te/ ri de la rang sangs rgyas med na yang / lnga mngon par shes pa'i drang srong dag gnas so/ / de'i tshe na ri de la drang srong nyis stong zhig gnas te/ phyi zhig na ltas mkhan dag gis lo bcu gnyis kyi bar du char mi 'bab bo zhes lung bstan pa dang / de'i tshe na yul

  355. 178b

    de na khyim bdag phyug po longs spyod dang ldan pa sdums byed ces bya ba'i drung du song ste/ khyim bdag de la bdag cag rab tu byung ba stong po 'di dag gi lo bcu gnyis kyi bar du zas dang skom yod dam/ des smras pa/ bdag cag la mchis kyis/ 'phags pa rnams gud du mi gshegs par bzhugs su gsol lo// de nas drang srong stong yang der lhags nas/ khyim bdag sdums byed la/ bdag cag kyang lo bcu gnyis kyi bar du zas dang skom dgos so zhes smras pa dang / khyim bdag gis bang mdzod bsrung ba la/ 'phags pa 'di rnams kyi 'tsho ba lo bcu gnyis kyi bar du 'byor tam zhes dris na/ mdzod srungs kyis 'byor to zhes gsol nas/ khyim bdag des drang srong nyis stong gi 'tsho ba sbyor ba'i las mi lnga brgya bskos nas bsod snyoms sbyor du bcu go/ de'i tshe na las mi dag bsod snyoms kyi g.yos byed pa la yun rings pas skyo ste 'di skad ces smras so// bdag cag 'di ltar rtag tu nyon mongs par gyur pa ni/ sprang po 'di dag gi phyir ro zhes smras so// de'i tshe na khyim bdag gis/ gdugs tshod la rtag tu spyan 'dren pa'i las mi gcig cig bskos so// spyan 'dren de la khyi zhig yod do/ / khyi de yang rtag tu spyan 'dren gyi phyi bzhin du 'gro ba las/ nyin gcig spyan 'dren pa brjed pa dang / khyi de gdugs tshod kyi dus su drang srong de dag gi drung du song nas

  356. 179a

    skad chen po phyung ste zug pa dang / drang srong de dag kyang khyi thugs pa thos nas/ gdugs tshod la bab par shes te bsod snyoms la gshegs so// phyi zhig na drang srong de dag bsod snyoms kyi bya ba byas nas/ khyim bdag la 'di skad ces smras so// khyim bdag da ni char pa 'ong gis/ zhing pa dag zhing gi las byed du chug cig ces bsgo ba dang / khyim bdag gis kyang zhing pa rnams zhing las byed du bcug ste/ nas dang / gro dang / 'bru mang zhig rmos so// de nas phyi zhig na 'bru rmos pa'i rnams thams cad ku bar skyes nas khyim bdag ya mtshan du gyur te/ drang srong rnams la 'di dag don med par mi 'gyur ram zhes smras pa dang / drang srong gis smras pa/ don med par mi 'gyur gyis/ dus su chu bcu pa la sogs te las byos shig ces smras so/ / phyis ring po ma lon par ku ba kun cher skyes nas bkas te bltas na/ ci dang ci smos pa bzhin du de dang de dag ku ba'i nang kun gang bar skyes te/ khyim bdag rab tu dga' mgu nas/ bang ba kun kyang gang bar gyur to// las byed pa'i mi lnga brgya po yang de lta bu dag mthong nas 'gyod pa'i sems skyes te/ bdag cag gis ni tshig ngan pas 'phags pa la smad do zhes 'gyod tshangs byas te/ so so nas bdag cag kyang ma 'ongs pa'i dus na/ 'phags pa dang phrad cing rnam par grol bar gyur cig ces smon lam btab bo// spang

  357. 179b

    po lnga bcu po 'di tshig ngan pa smras pas/ skye ba lnga brgya'i bar du rtag tu sprang por gyur to// 'gyod tshangs byas te smon las btab pas/ nga dang phrad de 'khor ba'i mthar phyin te/ rgyal bu 'di ltar rig par bya'o// de'i tshe de'i dus na khyim bdag phyug po sdums byed de ni nga yin no// bang mdzod srung ba de ni rgyal bu rgyal byed yin no// nyin gcig bzhin du spyan 'dren pa de ni rgyal po u tra ya na yin no/ / de'i tshe khyi de ni khyim bdag skad snyan yin te/ de'i dbang gis skye ba thams cad du skad snyan par gyur to// de'i tshe na las byed pa'i mi lnga brgya po ni/ dgra bcom pa lnga brgya po 'di dag yin no// bcom ldan 'das kyis de skad ces gsungs nas/ 'khor mang po rnams kha cig gis 'bras bu dang po thob pa nas/ 'bras bu bzhi pa'i bar du thob par gyur to// kha cig ni bla na med pa'i byang chub tu sems bskyed nas/ bcom ldan 'das kyis gsungs pa la rjes su yi rangs nas mngon par dga' 'o// khyim bdag sdums byed kyi le'u ste sum cu bzhi pa'o// / bam po bcu pa// rgyal po mig 'byed kyi le'u'o// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ skye bo mang po la dam pa'i chos ston to// de'i tshe

  358. 180a

    na grong khyer gyi mi kun chos nyan du chas pa dang / grong de na bram ze long ba gcig cig lam ka na 'dug pa las mi mang po song ba las/ khyed myur bar gar 'dong zhes dris so/ / mi rnams kyis smras pa/ khyod ni ma thos sam/ de bzhin gshegs pa 'jig rten du byung ste/ da ltar yul 'di na bzhugs shing chos ston to// de bzhin gshegs pa 'jig rten du byung ba dang phrad par shin tu dka' bas/ bdag cag ni sangs rgyas la chos nyan du 'gro'o zhes smras so// bram ze de skad rnam pa brgyad la shin tu mkhas pa zhig ste/ skad phyung ba tsam gyis dbang thang dang tshe ji tsam pa rtogs so/ / brgyad gang zhe na/ bya bang lta bu'i skad dang / khwa lta bu'i skad dang / skad 'dzer 'dzer po dang / glang po che'i skad dang / rnga'i skad dang / 'brug gi skad dang / dril skad dang / tshangs pa'i skad dang brgyad do// bya bang lta bu'i skad du smra ba ni khrel ltas med de/ byas pa drin du mi gzo'o// khwa lta bu'i skad du smra ba ni khro zhing gtum la gsod pa la dga' zhing snying rje med do/ / skad 'dzer 'dzer po ni pho dag mo skad du smra ba dang / mo dag pho skad du smra ba ste/ de ni dbang thang med cing dbul ba dang ma rabs so// glang po che'i skad du smra ba ni rang bzhin gyis drang zhing gnyen bshes la phan 'dogs par sems so// rnga skad du smra ba ni sgra mkhas blo myur la rig pa 'dzin te rgyal po'i ston pa'o// 'brug skad du sba ba

  359. 180b

    ni mkhas pa'i blo dang ldan zhing chos mkhas so/ / dril skad du smra ba ni phyug cing longs spyod dang ldan la gser srang brgya stong mang po bdog pa'o// tshangs pa'i skad du smra ba ni bsod nams dang dbang thang chen po dang ldan te/ khyim na 'dug na ni 'khor los sgyur ba'i rgyal por 'gyur/ rab tu byung na ni gdon mi za bar 'tshang rgya'o// de'i tshe na bram ze des mi de rnams la/ bdag ni skad la shin tu mkhas te/ yang dag par sangs rgyas yin na tshangs pa'i skad dang ldan pa'i rigs kyis/ kho bo yang khrid la 'grogs te 'dong ngo // de dag gis kyang bram ze long ba de khrid nas song song ba las/ phyogs der nye bar 'ongs pa dang / sangs rgyas kyi gsung tshangs pa'i dbyangs thos nas/ long ba dga' mgu rangs te/ dad pa skyes pas mig gnyis rang bye nas sangs rgyas kyi sku gser gyi mdog can mtshan sum cu rtsa gnyis kyis brgyan pa/ nyi ma'i 'od ltar shin tu gsal ba mthong nas/ bcom ldan 'das kyi zhabs la spyi bos phyag 'tshal te/ tshad med pa'i dga' ba skyes nas/ bcom ldan 'das kyis chos bstan te/ spro ba bskyed pas sdig pa mi dge ba'i las khri phrag nyi shu zad de/ rgyun du zhugs pa'i 'bras bu thob nas/ shes rab kyi mig dang ldan par gyur pas/ bstan pa la rab tu 'byung bar gsol to// de nas bcom ldan 'das kyis legs par 'ongs so zhes bka' stsal nas/

  360. 181a

    dge slong du gyur te/ ci rigs pa'i chos bstan pas dgra bcom par gyur to// 'khor mang po the tsom du gyur nas/ tshe dang ldan pa kun dga' bo 'dug pa las langs te thal mo sbyar nas/ bcom ldan 'das la 'di skad ces gsol to// bcom ldan 'das 'gro ba mang po'i don mdzad pa/ mdongs pa thams cad la thugs rje ba'i nang na bram ze dmus long 'di la lhag par thugs rje che'o/ / bram ze mdongs pa gcig sha'i mig kyang thob la/ shes rab kyi mig kyang thob par gyur to// bcom ldan 'das kyis/ kun dga' bo la bka' stsal pa/ bram ze long ba 'di la dus 'di 'ba' zhig tu mig byin par ma zad de/ 'das pa'i dus na yang mig byin no// kun dga' bos gsol pa/ bcom ldan 'das 'das pa'i dus na/ ji lta bur mig stsal ba legs par bstan du gsol/ bcom ldan 'das kyis bkab stsal pa/ sngon 'das pa'i bskal pa grangs med pa tshad med/ dpag tu med/ bsam gyis mi khyab pa'i pha rol na/ 'dzam bu'i gling 'dir yul pu ka la da zhes bya ba na/ rgyal po mig 'byed ces bya ba zhig yod do// rgyal po de brag dang rtsig pa la yang thogs pa med par dpag tshad bzhi bcu tshun chad mthong bas/ mig 'byed ces bya bar btags te/ 'dzam bu'i gling gi rgyal phran brgyad khri bzhi stong kun la dbang byed do// rgyal po de

  361. 181b

    la btsun mo dang pho brang sras nyi khri yod de/ rgyal bu ni lnga brgya snyed yod do// rgyal tshab ni tshul khrims bzang po zhes bya ste/ rgyal po de tshul bzhin du rgyal po byed pas/ thams cad la bu gcig pa dang 'dra bar sems te/ rlung dang char dus las mi yol bas lo legs te thams cad bde skyid do// de nas rgyal po de dben pa zhig na 'di snyam du sems par gyur to// bdag ni tshe snga ma'i bsod nams kyis mi'i rgyal por gyur te/ nor rin po che dang longs spyod chen po dang ldan zhing thams cad kyis ngag mnyan pa ni/ ji ltar rtswa 'jam po la rlung gis btab na/ phyogs gcig tu nyal ba bzhin no/ / tshe 'di la yang phyi ma'i 'bras bu ma bskyed na sdug bsngal bar 'gyur te/ dper na zhing pa dag dpyid mang du rmos na/ ston yang mang du bsdur yod pas/ bdag kyang tshe 'di'i dpyid sa bon ma btab na/ tshe phyi ma'i ston thog bsdur med pas/ da ni le lo bya bar mi rigs kyi bsod nams kyi zhing la sa bon rgyas par gdab bo snyam bsams nas/ blon po la 'di skad ces bka' stsal to/ / nga'i dkor bang mdzod thams cad phyung la/ grong khyer gyi sgo dang lam srang mi mang po 'du ba'i gnas su thams cad spungs la/ 'gro ba mang po la sbyin par bya'o/ / rgyal phran brgyad khri bzhi stong gi bang mdzod kyang thams cad la yid bzhin du byin cig ces bsgo nas/ gser gyi rgyal mtshan bsgreng / dril chen po bsgrags te/ 'dzam bu'i gling

  362. 182a

    gi dge sbyong dang / bram ze dang / dbul 'phongs pa dang / rgas pa dang / na ba'i rnams thams cad 'dus shig/ ci dang ci 'dod pa thams cad yid bzhin du sbyin no zhes bsgrags so/ / de'i tshe na 'bangs thams cad kyang rgyal po chos bzhin byed pas/ de la dga' ste bstod cing snyan par sgrogs so// mtha' 'khob kyi rgyal phran pa la da bar ne zhes bya// ba zhig/ rgyal po de'i bka' mi nyan par gyur to// chos ma yin pas rgyal po byed do// rgyal phran de la blon po mkhas pa/ blo dang ldan pa lo da dA ra zhes bya ba zhig yod de/ blon po des rgyal po la 'di skad ces gsol to/ / rgyal po ni yid thung la gtum ste/ snga bsam phyi mno med pas phyis 'gyod par 'gyur ro// rgyal po mig 'byed ni shin tu snying rje che ba dang ldan pas/ 'dzam bu'i gling gi mi thams cad la drin gyis khyab ste/ rgyal po thams cad de'i bka' nyan na/ rgyal po 'ba' zhig gis de la bsngo ba'i mi rigs kyi/ de'i bka' nyan na bu tsha brgyud du bde bar 'gyur ro zhes gsol pa dang / phyir blon po de la khros nas gros ma nyan to// de nas blon po de yang mi dga' nas 'di snyam du bsams so// rgyal pos chos ma yin pa dang mi rigs pa byas pas/ bdag gis phan pa'i gros btab na khros te mnyan to// rgyal po 'di la ni 'bangs thams cad kyang mi dga' bas/ med par bya'o snyam

  363. 182b

    bsams nas/ gros byas pa las gsang shor nas/ rgyal pos dmag bzlog ste 'dzin du bcug go/ blon po des kyang 'phrigs nas rta mgyogs pa la zhon te bros so// dmag gi dpung gis phyi bzhin bdas nas sleb pa dang / blon po de 'phongs skyen pa zhig pas/ 'phral du mi bco brgyad mda' 'phangs te bsad do// de nas bsnyegs mas yang bsnyegs ma nus pas blon po de yang mig 'byed kyi yul du phyin te/ rgyal po mig 'byed la phyag 'tshal nas gtam byas te/ rgyal po dga' bas de'i blon por bcug go/ de nas rgyal po des bka' mi nyan no zhes gsol nas/ blon po rnams la rgyal po de nga dbang ba la ma gtogs sam zhes dris na/ de yang rgyal po mnga' 'o zhes gsol to// de nas blon po des dpung gi tshogs bsdus te/ rgyal po de dbab par gsol pa dang / rgyal pos kyang de bzhin du gnang ngo // de nas dpung gi tshogs mchog rnams bsdus te/ ba la nga bar ne'i yul du 'dong ngo zhes 'gro ba'i zhag dus phog go/ / de'i tshe rgyal po des kyang dpung gi tshogs bdag gi yul du 'ong ngo zhes thos nas rab tu mi dga' ste/ sems khong du chud nas ci bya ba'i gtol med de/ gos dri ma can bgos nas mun khang du zhugs so// de'i tshe yul de na bram ze ma rungs pa zhig yod pa des/ rgyal po la khyod ci mi dga' na/ 'di ltar mya ngan byed ces dris pa dang /

  364. 183a

    rgyal pos smras pa/ khyod ma thos sam/ kho bo'i blon po lo dA ra bros pa rgyal po mig 'byed kyi yul du song nas/ phyir kho bo'i yul du dmag 'dren no zhes zer bas da bdag mi dga' 'o/ / gal te dmag drangs nas bdag cag kyang med par 'gyur ro zhes smras pa dang / bram zes smras pa/ blon po rnams sdus shig dang / gros bgyi'o/ zhes gsol to// de nas blon po dang bram ze bsdus te/ bram zes smras pa/ rgyal po mig 'byed de bdag gi pha ma ma gtogs par gzhan ci la yang mi chags te/ sbyin pa byed de zhes thos kyis/ yul de na bram ze long ba zhig yod pa de/ rgyal po de la mig ya gcig slong du btang ngo // gal te mig byin na dmag kyang mi 'dren par 'gyur ro zhes bsgos te/ rgyal po la gsol pa dang / rgyal pos kyang de bzhin du bya'o zhes smras nas/ bram ze long ba btang ngo // bram ze long ba 'ongs nas/ rgyal pos long ba la 'di skad ces smras so// kho bo khyod la bsgrub tu gsol ba zhig yod kyis khyod kyis bya dgos so zhes bsgo ba dang / bram ze long bas smras pa/ bdag mig gnyis ka mdongs na/ ji srid sgrub tu nus zhes gsol to/ / rgyal pos bsgo ba/ rgyal po mig 'byed dpung gi tshogs bshams te 'dir 'ongs pas/ kho bo ni gzhon pas 'bros kyang thar na/ khyod mig med pa gar 'bros/ rgyal

  365. 183b

    po de sbyin pa gtong ba la pha rol gyi yid dang mi 'gal bar gtong ngo zhes grag gis/ khyod song la de'i mig slongs shig dang / gal te ster na dmag kyang mi 'ong bar 'gyur gyis/ khyod mig slong du song zhig ces bsgo ba dang / bram zes bdag mig mi mthong na/ ji ltar mchi zhes gsol to// rgyal pos bsgo ba/ khyod song zhig dang / lam brgyags dang / lam 'dren pa dang yo byad gzhan yang ci dgos pa sbyar ro/ / gal te mig thob na bya dga' yang cher sbyin no zhes bsgo nas song ngo // de'i tshe na rgyal po mig 'byed kyi yul du ltas ngan rnam pa sna tshogs byung ngo / / 'di lta ste/ gnam grus pa dang / gnam lcags 'bab pa dang / skar mda' ltung ba dang / nam rmus pa dang / gnam lcags bab nas sa kun gas pa dang / bya rnams nam mkha' la ngu ba'i skad 'byin cing sa la ltung ba dang / seng ge dang / stag dang / phar sbyang dag snying rje ba'i skad 'byin cing mi'i nang du 'ongs te/ sa la 'gre ba la sogs pa'i ltas ngan sna tshogs par byung ngo / / de nas bram ze long ba yang mthar gyis yul der phyin te/ pho brang gi sgor 'ongs nas skad chen por 'di skad ces smras so// bdag ni yul gzhan nas 'dir mchis te/ rgyal po khyed kyi yon tan kun tu grags pa ni/ slong ba 'ongs na ci yang gtong ste/ slong ba'i yid dang mi 'gal bar mdzad ces thos pas/ nyon

  366. 184a

    mongs pa dang bsngos te 'dir slong du 'ongs kyis/ ci 'dod pa byin cig ces smras so// rgyal pos de skad ces smras pa thos nas bsu ste/ khyod lam na ngal bar ma gyur tam/ nyon ma mongs sam/ bde bar 'ongs sam zhes spro ba'i tshig smras nas/ rgyal srid dam/ rin po che 'am/ rta 'am/ theg pa 'am/ gos sam/ bza' ba 'am/ btung ba 'am/ nad kyi rkyen rtsi 'am/ ci dang ci dgos pa slongs shig dang / de dang de dag chog par sbyin no zhes smras pa dang / bram zes smras pa/ phyi rol gyi zang zing byin pas ni bsod nams kyi dam par mi 'gyur gyi/ nang gi sbyin pa byas na 'bras bu che ste/ bdag mig stor nas yun ring du lon pas/ rtag tu mdongs shing 'thom par gyur gyis/ bdag ni rgyal po'i spyan 'tshal lo zhes smras so/ / de skad ces smras pa la/ rgyal po rab tu dga' nas/ bram ze la khyod mig 'dod na sbyin no zhes bsgo'o// bram zes smras pa/ rgyal pos bdag la stsal nanam stsal ces smras pa dang / da ste zhag bdun na mig sbyin no zhes bsgo nas dril bsgrags te/ rgyal phran brgyad khri bzhi stong yang sbran to// rgyal po mig 'byed nga ste zhag bdun na/ bram ze la mig gis sbyin pa byed kyis/ lha 'dod pa rnams thams cad shog cig ces bsgo'o// de'i tshe na 'dzam bu'i gling gi mi dag de skad bsgo ba thos nas/ thams cad myur bar der lhags so// rgyal

  367. 184b

    phran brgyad khri bzhi stong snyed kyang so so'i blon po dang chas te/ rgyal po'i thad du lhags nas/ lto ba sa la phab ste mchi ma blags nas 'di skad ces gsol to// bdag cag 'dzam bu'i gling gi mi thams cad rgyal po la brten pas 'tsho na/ ci'i slad du mi gcig gi phyir bdag cag kun spangs zhes gsol to// blon po rnams dang / btsun mo dang / pho brang gi slas rnams kyang ngus nas/ bdag cag la mgon ma mchis so// thugs brtse ba'i slad du spyan gyi sbyin gtong mdzad pa'i thugs slar bzlog tu gsol/ mgo bo sa la rdebs shing sa la kha sbub tu nyal nas/ bram ze mi gcig gi slad du bdag cag kun ma spangs shig ces gsol nas cho nges 'debs so/ / rgyal bu lnga brgya rnams kyang ngus nas/ bdag cag la mgon ma mchis so// thugs brtse ba'i slad du spyan gyi sbyin gtong mdzad pa'i thugs slar bzlog tu gsol/ rgyal tsha ba tshul khrims bzang pos 'di skad ces gsol to// rgyal po yab kyi sbyin par bdag gi mig 'di stsal du gsol/ bdag gum pa ni tshod mchis kyi/ yab spyan mi mnga' bar gyur na/ 'dzam bu'i gling gi mi thams cad mgon ma mchis te/ dpung gnyen med par 'gyur ro zhes gsol pa dang / rgyal pos rgyal phran dang blon po dang / btsun mo dang / rgyal bu rnams la 'di skad ces bsgo'o// nga ni skye ba yun ring por lus 'dis skye ba ci yang myong ste/ rus pa spungs na ri rab bas mtho/ khrag bsags na rgya

  368. 185a

    mtsho bzhi pas mang / ma'i nu zho 'thungs pa yang chu bo bzhi pas che ste/ 'dod pa dang bye bral nas ngus pa'i mchi ma yang rgya mtsho dang mnyam mo// sems can dmyal bar yang bsregs pa dang / btsos pa dang / mig phyung ba'i grangs kyang shin tu mang / yi dgas kyi khams su lus rnam pa sna tshogs myong ste/ lus la me 'bar ba nas lus dang mig bcas su 'tshig pa yang grangs med/ dud 'gro'i skye gnas su gcig la gcig gsod cing 'cha' bas kyang lus grangs med pa zhig chud zos/ mi'i nang du skyes pa na shi ma ran par shi ba'i grangs ni mang / tshe'i mthar thug pa'i dus na nyung ste/ 'dod pa la chags pas gcig la gcig gsod cing gnod par byed do// der yang lus dang mig grangs med pa zhig chud gzan na/ gal te lhar skyes na yang ring por mi thub ste/ mdor na khams gsum gyi rgyud drug tu 'dod chags dang / zhe sdang dang / gti mug gi rdul phra mo snyed kyi lus chud zos na/ lan 'ga' yang sbyin pa ma byas te/ sangs rgyas kyi byang chub btsal ma myong ngo / / shin tu bcog cing mnam pa'i mig 'di de'u re rul zhing 'jig pas/ da sbyin pa bya ba'i rigs kyi/ mi sbyin pa'i mo rigs te/ sha'i mig 'di byin la sangs rgyas kyi rnam pa thams cad mkhyen pa'i spyan thob par bya'o/ / nam nga'i smon lam 'di grub na/ khyed la yang rnam par dag pa'i chos kyi mig sbyin par bya'o// khyed nga'i bla na med pa'i byang chub

  369. 185b

    kyi sems kyi bar du ma gcod cig ces bsgo ba dang / 'khor thams cad cang mi zer bar 'khod do// de nas blon po rnams la khyed las gcig gis nga'i mig phyung zhig ces bsgo na/ de dag gis bdag cag gi lus rdul du bgyis kyang / rgyal po'i ba spu gcig tsam yang 'byin mi bod na/ rgyal po'i spyan la lag dar lta ci smos zhes gsol to// rgyal pos yang bsgo ba/ khyed kyi mi gang sha mdog ga nag la/ mig 'og nas mig tshugs su lta ba gcig tshol cig ces bsgo ba dang / sha gtsug de 'dra ba gcig rnyed nas/ rgyal pos de'i lag tu gri byin te/ nga'i mig phyung zhig ces bsgo na/ des rgyal po'i mig ya gcig phyung ste rgyal po'i lag tu bzhag go// rgyal pos mig lag tu bzhag nas 'di skad ces smon lam btab bo// bdag gi mig sbyin pa byin pa 'dis mngon par 'tshang rgya bar shog cig/ gal te mngon par 'tshang rgya na/ bram ze long ba 'di nga'i mig thob ma thag tu mthong bar gyur cig ces smon lam btab ma thag tu/ rgyal pos mig thogs pa bram ze'i mig tu bcug go/ de nas mod la mthong bar gyur te/ rgyal po la 'di skad ces gsol to// rgyal po'i mig sbyin pa 'dis bdag mthong bar gyur te/ mthong ba 'dis 'tshal gyis/ ya gcig ni mi 'tshal lo zhes gsol to// rgyal pos bsgo ba/ kho bos mig gnyis ka khyod la sbyin par byas pas ya gcig bzhag na sngar smras pa dang 'gal lo

  370. 186a

    zhes bsgo nas/ mig ya gcig kyang phyung ste lag tu blangs nas/ smon lam snga ma bzhin du btab bo// bram ze'i mig tu bcug nas bram ze'i mig gnyis kas mthong bar gyur to/ / de'i tshe na gnam sa kun yang g.yos/ lha'i pho brang kun yang 'gul zhing ldeg ste/ lha rnams ngo mtshar du gyur nas/ thams cad kyis byang chub sems dpas mig gis sbyin pa byas par mthong nas steng gi phyogs kyi nam mkha' la lhags te/ lha rdzas kyi me tog dang spos kyis mchod pa byas nas legs so legs so zhes bstod do// brgya byin yang der 'ongs te/ byang chub sems dpa' la 'di skad ces smras so// 'di ltar shin tu spyod dka' ba bya ba 'dis rnam par smin pa'i lan ci zhig 'dod/ byang chub sems dpas smras pa/ bdud kyi rgyal po 'am/ tshangs pa 'am/ brgya byin nam/ rgyal chen bzhi 'am/ 'khor los sgyur ba'i rgyal po la sogs te/ khams gsum gyi bde ba 'dod pa ma yin gyi bsod nams 'dis mngon par byang chub nas/ sems can thams cad mya ngan las 'da' ba'i bde ba la dgod pa'i phyir ro// brgya byin gyis yang smras pa/ 'di ltar mig phyung ba 'di rab tu sdug bsngal bar gyur na 'gyod pa 'am/ khro ba'i sems ma byung ngam/ rgyal pos smras pa/ 'gyod pa yang med/ khro ba'i bag kyang med do// brgya byin gyis spras pa/

  371. 186b

    bdag gis bltas na mig gnyis nas khrag zag cing mdog kyang 'gyur bzhin du/ 'gyod pa med ces zer ba 'dis yid ches par dka' 'o// rgyal pos smras pa/ bdag gis mig byin pa 'di la 'gyod pa yang med la/ bla na med pa'i byang chub kyang thob par 'gyur zhe na/ bden par smras pa 'dis bdag gi mig gnyis sngon bzhin mthong bar gyur cig ces smras ma thag tu// mig gnyis sngon pas kyang gsal bar gyur pas/ de'i tshe na lha dang mi thams cad rab tu dga' zhing mgu rangs par gyur to// de nas rgyal pos bram ze la bsgo ba/ ngas mig byin pas khyod kyang mthong bar gyur gyis/ nam sangs rgyas pa na yang khyod la chos kyi mig sbyin par bya'o// rin po che 'di dag kyang khyer la phyir song zhig ces bsgo'o// bram ze mig dang rin po che thob nas phyir chas te yul du phyin pa dang / rgyal po nyid kyis kyang bsu nas/ phrad ma thag tu mig thob bam zhes dris so// bram zes smras pa/ mig kyang thob nas bdag kyang 'di ltar mthong bar gyur to/ / rgyal pos smras pa/ 'o na da ltar tshe 'phos sam sos/ smras pa/ lha rnams der lhags nas smon lam btab pas/ mig gnyis sngon pas kyang gsal ba mthong bar gyur to/ / rgyal po ba la da bar nes de skad ces spras pa thos nas/ 'khams te snying gas te tshe 'phos so// kun dga' bo de'i tshe de'i dus na rgyal po u da la zhes bya ba de ni nga

  372. 187a

    ltar nga yin no/ / ba la dbar ne lha sbyin yin no// bram ze mig slong ba de ni da ltar gyi bram ze long ba dgra bcom pa thob pa yin te/ sngon yang mig byin pa nas/ da ltar gyi bar du yang shes rab kyi mig byin te khyed kyi phyir skye ba thams cad du dka' ba spyad nas mngon par sangs rgyas so// khyed kyang 'byung ba'i lam la brtson 'grus gyis shig/ bcom ldan 'das kyis de skad ces bka' stsal nas/ 'khor mang po'i rnams kha cig gis rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa thob par gyur to/ / kha cig gis ni bla na med pa'i byang chub tu sems bskyed do// kun dga' bo dang 'khor mang po rnams bcom ldan 'das kyis gsungs pa la rjes su yi rang nas mngon par dga' 'o/ / rgyal po mig 'byed kyi le'u ste sum cu lnga pa'o// // mi gdung ba sor 'phreng can gyi le'u'o// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe na rgyal po gsal rgyal la/ blon po mkhas pa rigs dang ldan pa btsan phyug pa zhig yod de/ de'i chung ma sems can dang ldan par gyur nas/ bu khye'u mtshan dang ldan pa/ byang gzugs legs pa/ dpe zla med pa zhig btsas te/ mtshan

  373. 187b

    mkhan bos nas bu bstan pa dang / mtshan mkhan dga' ba'i mdangs kyis 'di skad ces smras so// bu 'di ni bsod nams kyi mtshan dang ldan te/ kun las 'phags par ying gzhungs la mkhas pa'i blo dang ldan no/ / khye'u'i phas de skad ces thos nas khye'u'i ming ji skad gdags zhes dris pa dang / mtshan mkhan gyis khye'u 'di mngal du chags nas ya mtshan du gyur pa ci yod ces dris so/ / blon pos smras pa/ khye'u 'di'i ma sngon rang bzhin 'jam zhing nges pa tsam ma yin pa las/ bu 'di mngal du chags nas lhag par 'jam zhing nges te/ gzhan gyi yon tan dang legs pa brjod par dga' yi/ nyes pa brjod par mi dga' la/ nyon mongs pa 'phongs pa la byams shing brtse bar gyur to// mtshan mkhan gyis smras pa/ 'di'i bu'i yon tan yin te/ bu'i ming yang mi gdung ba zhes btags so// de nas gsos bskyed de cher skyes nas/ stobs kyang gyad stobs po che'i tshad du phyin te/ gcig pus mi stong yang thub la nam mkha' la bya 'phur ba yang mchongs pas zin te/ mgyogs khyad kyang rta dang bang mnyam nas/ bu de la lhag par sdug cing byams par gyur te/ de'i tshe yul de na bram ze mkhas pa'i rigs dang ldan pa mang du thos pa/ gtsug lag la mkhas pa zhig yod de/ bram ze de la slob ma lnga brgya tsam rtag tu rjes su slob bo// de'i tshe blon po des kyang bu khrid de bram ze la gtad

  374. 188a

    nas slob tu bcug go/ / khye'u mi gdung ba slob pa la 'grus pas/ nyi ma gcig bslabs na/ gzhan lor bslabs pa bas mkhas te/ ring po ma lon par thams cad khong du chud cing rtogs par gyur to/ / slob dpon bram ze des kyang de la lhag par yid rton te/ rtag tu 'grogs shing lhan cig 'dug pas slob ma gzhan dag kyang de la bsti stang byed do// de'i tshe na slob dpon bram ze de'i chung mas khye'u de'i byad gzugs bzang zhing legs pa dang / bslabs pa yang gzhan pas lhag par mkhas par mthong nas/ de la chags te yid la bzung yang slob ma rnams dang mi 'bral te/ nyin mtshan 'grogs pas gtam bya ba'i skabs med de/ bsams pa ltar ma gyur pas rtag tu yid la gcags par gyur to// dus phyi zhig na sbyin bdag gcig gis slob dpon de dang slob mar bcas su zla ba gsum gyi bar du 'tsho ba sbyar nas mgron du gnyer to/ / de'i tshe na slob dpon bram ze chung ma dang gnyis su 'di skad ces bgros so// kho bo'i slob ma dang bcas su sbyin bdag gis zla ba gsum gyi bar du 'tsho ba sbyar ro zhes bos kyis da slob ma las gcig cig phyin las su bskos te bzhag pa'i rigs sam zhes chung ma la smras pa dang / chung ma dga' nas bram ze la 'di skad ces smras so/ / khyim gyi so rtsis dang bya ba mang po la shes pa mkhas pa dang ldan pa gcig cig bya dgos pas khye'u mi gdung ba yid brtan te/ phyir bzhag pa'i rigs so zhes

  375. 188b

    smras nas/ bram zes kyang khye'u mi gdung ba khyod phyir 'dug la khyim gyi so rtsis dang zhal lta byos shig/ kho bo ni sbyin bdag gis bos pas 'gro'o zhes bsgo'o// khye'u mi gdung ba yang slob dpon gyis bsgo ba bzhin du phyir 'dug go/ de'i tshe slob dpon bram ze slob ma dang bcas te song ba'i 'og tu/ bram ze'i chung ma de rab tu dga' mgu nas shin tu phyi bdar byas te/ bslu ba'i rnam pas khye'u dang smras kyang mi gdung ba bsran btsugs te sems ma gyur to/ / de nas 'dod chags kyi sems skyes pas tshig drang por smras te/ kho mo ni khyod la chags kyang sngan chad ni skabs med do// da ni slob dpon yang song nas ched du khyod phyir bzhag pa yin te/ da ni dben zhing skabs la bab kyis kho mo'i yid dang sbyor cig ces bsgo'o// mi gdung bas smras pa/ bdag ni bram ze yin// pas bram ze'i chos kyis slob dpon gyi chung ma dang nyal du mi rung ste/ gal te 'di 'dra ba zhig byas na/ bram ze ma yin pas bdag shi yang bla'i/ 'di ni mi phod do zhes smras pa dang / slob dpon gyi chung ma re ba ltar ma gyur pas/ ngo tsha zhing skyengs nas khon du bzung ste dku lto bya bar bsams nas/ phyis slob dpon phyir 'ong du nye ba na/ gos kyang dral gdong yang sbar mos brang nas/ sa rdul gyis gos shing spa bab pa ltar cang mau smra bar sa la nyal lo// de nas slob dpon bram ze phyir 'ongs nas khyim du zhugs pa dang / chung ma de 'dra bar 'dug pa mthong nas/

  376. 189a

    ci'i phyir khyod 'di ltar gyur ces dris pa dang / chung mas mchi ma blags te/ dri ba'i rin mi chog go zhes smras so// slob dpon bram zes ci nyes pa smros shig/ ces nan gyis dris pa dang / chung ma ngus te 'di skad ces smras so// khyod kyis rtag tu bstod pa'i mi gdung ba ni/ khyod song ba'i 'og tu rtag par kho mo la nyal bar bkug ste/ kho mo ma btub pas/ kho mo'i gos kyang dral/ gdong la yang rma byung ba yin te/ khyod la 'di lta bu'i slob ma bdog gam/ bram zes de skad ces thos nas shin tu khros te chung ma la 'di skad ces smras so/ / mi gdung ba 'di stobs ni gcig pus stong yang thub la blon po chen po'i bu yin te/ cho rigs btsun pas nyes pa zhig bya na yang / bags kyis bya dgos so zhes smras nas mi gdung ba'i drung du song ste/ ci rigs par snyan pa'i tshig gis spro ba bskyed nas/ kho bo song ba'i phyi na las chen po dang nyon ma mongs sam zhes gtam dris nas 'di skad ces bsgo'o// khyod kyis snga phyir kho bo la chu gang gis snying nye ste/ khyod kyi drin rtag tu dran pas/ da ni khyod la gsang ba'i chos gcig pu zhig yod pas/ sngon chad ma bstan pa khyod la bstan gyis// gal te khyod kyis de bzhin du byas na/ gdon mi za bar tshangs pa'i lhar skye'o zhes smras so// khye'u mi gdung ba pus mo sa la btsugs te bstan par gsol ba dang / mi gdung ba la 'di skad ces bsgo'o//

  377. 189b

    khyod nyin zhag bdun gyis dge ba bsrungs te/ mi stong gi mgo bcad nas sor mo re re zhig blangs la/ sor mo stong gis lus kyi 'phreng ba byas na/ de'i tshe tshangs pa'i lha mngon sum du mthong ste/ 'phos ma thag tu tshangs pa'i lhar skye'o zhes bstan to// khye'u mi gdung bas slob dpon gyis de skad ces bstan pa thos nas the tsom skyes te/ slob dpon la 'di skad ces gsol to// srog bcad pas tshangs pa'i lhar skye ba ni rigs pa ma lags so/ / slob dpon gyis smras pa/ khyod ni kho bo'i slob ma yin na/ ci kho bos bstan pa'i man ngag la yid mi ches sam/ ji ste yid mi ches khrel ltas yod pa ma yin te/ 'dir ma 'dug par gar dga' bar song zhig ces bsgo nas/ gsang sngags kyis btab ste ral gri gcig sa la btsugs so// sngags kyis btab pas/ khye'u de khros pa'i sems skyes te/ slob dpon gyis khros par rig nas ral gri lag tu byin no// mi gdung ba ral gri thogs nas sgor brgyugs te mi phrad dgu bsad nas/ sor mo bcad de lus kyi 'phreng bar btags pas/ kun gyis ser 'phreng can du btags so// kun tu gsod cing zhag bdun du phyin pa'i nyin par sor mo dgu brgya dgu bcu rtsa dgu ni rnyed kyi/ sor mo gcig gcig gis bsnan na bsang ba'i grangs kyang stong du tshangs pa las/ thams cad bros shing gab pas gcig kyang mi rgyu ste/ kun tu btsal kyang ma rnyed do// zhag bdun gyi bar du kha zas ma zos

  378. 190a

    bas khye'u'i ma bu la snying brtse ste/ kha zas skyel du btang na thams cad 'jigs pas gcig kyang ma spobs so// de nas khye'u'i ma nying kha zas thogs te bu'i drung du so/ ba las rgyang ma nas ma 'ongs pa mthong ba dang / ma'i thog tu brgyugs te gsad par gzas pa las/ de la mas sri zhu med pa khyod ci log par bsams te/ mtshams med pa'i las byed cing ma gsod dam zhes smras pa dang / phyir ma la 'di skad ces smras so// bdag ni slob dpon gyis bstan pa bzhin du nyin zhag bdun gyis sor mo stong zhig kha skong ste/ sor mo stong du kha skang na tshangs pa'i lhar skye bas/ sor mo grangs ma tshang ste mi byar mi rung bas da gsad dgos so zhes smras pa dang / de la khye'u'i mas da 'di ltar gyur na/ kho mo mi gsad par sor mo bcad du mi rung ngam zhes bsgo ba'i tshe/ bcom ldan 'das kyis rgyang ma nas gdul ba'i dus la bab par gzigs shing mkhyen nas/ dge slong zhig tu sprul te de'i phyogs su gshegs so// sor 'phreng can gyis dge slong mthong ba dang ma ma gsod par byas pa btang nas/ dge slong gi thog tu mchongs te gsod par gzas so// sangs rgyas kyis de ltar 'ongs pa gzigs nas zhabs kyis dal gyis gshegs kyang sor 'phreng can mthu stobs gtugs te brgyugs kyang ma slebs nas/ rgyang ma nas dge slong khyod cung zad cig sdod cig ces bos so// bcom ldan 'das kyis kyang

  379. 190b

    rgyang ma nas nga ni rtag tu sdod na/ khyod nyid mi sdod do zhes bka' stsal pa dang / sor 'phreng can gyis ji ltar na khyod ni sdod la kho bo ni mi sdod ces smras pa dang / bcom ldan 'das kyis 'di skad ces bka' stsal to/ / nga'i dbang po rnams ni rtag tu zhi zhing ting nge 'dzin gyi dbang thob pas sdod do// khyod ni slob dpon sdig pas log par bstan te/ sdig pa la yid ches nas khyod kyi sems kyang bslus te mi sdod pas/ nyin mtshan du gsod pa'i las byed de/ sdig pa mtha' med pa'i las byed do// sor 'phreng can gyis thos pa tsam gyis sems kyis rtogs shing chung de ral gri sa la bor nas/ rgyang ma nas skyabs su gsol lo zhes phyag 'tshal to// de nas bcom ldan 'das kyang der gzhes te/ sangs rgyas kyi skur sprul nas 'od gzer lhang nge lham mar mtshan sum cu rtsa gnyis kyis gsal bar brgyan pa bstan to/ / sor 'phreng can gyis sangs rgyas kyi sku 'od gzer dang mtshan du ldan pa mthong nas/ lus sa la brdabs te nyes pa 'thol zhing 'gyod nas/ bcom ldan 'das kyis chos bstan pas/ chos la chos kyi mig rnam par dag par gyur to// dad pas rab tu 'byung bar gsol ba dang / bcom ldan 'das kyis legs par 'ongs so zhes bka' stsal pas/ skra dang kha spu rang byi ste dge slong du gyur to// de la bcom ldan 'das kyis ci rigs par chos bstan pas/ sems kyi dri ma kun zad nas dgra bcom

  380. 191a

    bar gyur te/ bcom ldan 'das kyis rgyal bu rgyal byed kyi tshal du khrid do// de'i tshe yul de na gnas pa'i mi la sogs pa srog chags thams cad sor 'phreng can gyi ming thos pa tsam gyis mi skrag pa med de/ mi dang srog chags sbrum ma rnams kyang skrag pas bu btsa' ba'i thugs mi thub bo// de'i tshe ba glang mo zhig bu mi phyin pa dang / bcom ldan 'das kyis sor 'phreng can la bka' stsal te/ khyod pa glang mo'i drung du song la 'di skad du bdag thog ma skyes nas da tsam gyi bar du mi gcig kyang ma bsad do zhes bden pa'i tshig smros shig ces bka' sprul pa dang / sor 'phreng can gyis/ bcom ldan 'das la 'di skad ces gsol to// bdag gis ni mi yang mang du bkum na/ ji skad du ma bkum zhes bgyi/ bcom ldan 'das kyis bka' stsal pa/ khyod ni 'phags pa'i chos las skyes ma thag pa zhes bya'o// de nas sor 'phreng can gos tshags bcos te/ bcom ldan 'das kyis bka' stsal pa bzhin du ba glang mo'i drung du song ste/ de skad smras pas bde bar btsas nas/ sor 'phreng can yang phyir gnas su 'ongs so// rgyal po gsal rgyal dpung gi tshogs dang bcas te/ sor 'phreng can 'dzin du chas pa las/ dpung gi tshogs 'gro ba'i lam rgyal bu rgyal byed kyi tshal na dge slong lus chung zhing mi sdug pa dbyangs snyan pa zhig yod de/ gtsug lag khang

  381. 191b

    na dbyangs byed pa dpung gi tshogs kyis thos nas skyo mi shes pa tsam du nyan 'dod do/ / glang po che dang rta yang rna ba btud nas 'gror mi btub par nyan no// rgyal pos ya mtshan du gyur// te/ ci'i phyir glang po che dang rta la sogs pa 'gror mi btub ces smras pa dang / dbyangs snyan pa nyan 'dod pa'i phyir 'gror mi btub bo zhes gsol to// rgyal pos smras pa/ dung 'gro'i gnas su skyes pa yang 'di ltar chos nyan par dga' na/ bdag cag mi'i nang du skyes pa lta ci smos te/ skad cig mnyan par bya'o zhes rgyal bu rgyal byed kyi tshal du song nas/ glang po che las babs te ral gri yang bkrol/ gdugs kyang bzhag nas/ bcom ldan 'das gang na bzhugs pa'i spyan sngar song ste phyin pa dang / spyi bos phyag 'tshal nas/ bcom ldan 'das la 'di skad ces gsol to/ / dge slong dbyangs shin tu snyan pa 'di su lags lta bar 'tshal te/ kar sha pa Na stong phrag brgyad cu zhig kyang 'bul lo zhes gsol ba dang / bcom ldan 'das kyis/ rgyal po la 'di skad ces bka' stsal to// sngar sbyin pa byin pa'i 'og tu phrad par bya'o// gal te sngar phrad na kar sha pa Na gcig tsam yang sbyin mi 'dod par 'gyur ro// de nas rgyal po dang dge slong du phrad nas ha cang mi sdug la thung ches pas/ kar sha pa Na gcig tsam yang sbyin pa'i sems ma skyes te/ rgyal pos pus mo sa la btsugs nas/ bcom ldan

  382. 192a

    'das la 'di skad ces gsol to/ / bcom ldan 'das dge slong 'di'i lus shin tu mi sdug cing thung la dbyangs shin tu snyan pa 'di sngon las ci zhig bgyis na 'di lta bu'i rnam par smin pa thob par 'gyur/ bcom ldan 'das kyis bka' stsal pa/ legs par nyon la shin tu yid la zung zhig dang bstan par bya'o// sngon 'das pa'i dus na sangs rgyas 'od srungs zhes bya ba 'jig rten du gshegs te sems can gyi don mdzad nas/ mya ngan las 'das pa'i 'og tu rgyal po ki li byi zhes bya bas ring bsrel bsdus te mchod rten brtsegs par byas pa las/ klu'i rgyal po bzhi zhig mir sprul te rgyal po'i drung du lhags nas/ ring bsrel gyi phyir mchod rten brtsig pa 'di rin po che las bgyi'am/ sa zan las bgyi zhes gsol to/ rgyal pos smras pa/ mchod rten ni chen por brtsig dgos na/ rin po che mang po med pas sa las bya dgos te/ gru bzhi ngos gcig kyang dpag tshad lngar phyin pa/ 'phang du mtho tshad dpag tshad nyi shu yod pa kun tu snang ba gcig brtsig dgos so/ / klu'i rgyal po de bzhis/ rgyal po la 'di skad ces smras so// bdag cag bzhi ni klu'i rgyal po yin te/ rgyal po mchod rten byed pas/ bdag cag kyang rin po ches bstang snyam mo// rgyal pos de skad ces spras pa thos nas rab tu dga' mgu rangs te/ 'di ltar bstang ba legs so zhes spras pa dang /

  383. 192b

    klu rnams kyis yang 'di skad ces gsol to// grong khyer ngos bzhi'i phyi rol na chu mig chen po bzhi zhig yod de/ shar phyogs ngos kyi bu mig las bcus te pha gra byas na thams cad baiDUR+Ya sdom por 'gyur ro/ / lho phyogs ngos kyi chu mig las bcus te pha gu byas na thams cad gser du 'gyur ro// nub phyogs ngos kyi chu mig las bcus te pha gu byas na thams cad dngul du 'gyur ro// byang phyogs ngos kyi chu mig las bcus te pha gu byas na thams cad shel dkar por 'gyur ro zhes smras te/ rgyal pos de skad ces spras pa thos nas/ lhag par dga' mgu rangs te/ ngos bzhi'i lag dpon re re bskos nas so re re byed du bcug pa las/ ngos gsum gyi lag dpon gyis mchod rten zin du nye ba tsam na/ ngos gcig gi lag dpon gyis le lo byas pas zin du mi nye ste/ rgyal po nyid mchod rten byed pa la ltar 'ongs nas/ le lo byas pa de la khyod kyis las legs par ma byas pas ma zin te/ chang pas gcod do zhes bsgo ba dang / mi de rgyal po la khros nas 'di lta bu'i mchod rten ha cang yang ches pa 'di nam yang mi zin no zhes gsol to/ / de nas rgyal pos nan thur bskyed pa kun gyis nyin mtshan brtson 'grus byas nas dus gcig tu cig car zin no// mche rten ngo mtshar du mtho la rin po che rnams 'tsher zhing dbyibs kyang lhag par legs pas/ lag dpon khros pas yang shin tu dga' nas sngar nyes pa'i rnams 'gyod cing bshags te/ gser gyi

  384. 193a

    dril bu gcig mchod rten gyi rtse mo la btags nas/ 'di skad ces smon lam btab bo// bdag gang nas gang du skyes kyang sgra skad shin tu snyan cing 'gro ba thams cad kyis thos pa dang dga' bar shog cig/ ma 'ongs pa'i dus su sangs rgyas shAkya thub pa dang phrad de 'khor ba las rnam par grol bar shog cig ces smon lam btab bo// rgyal po chen po de'i tshe de'i dus na ngos gcig gi lag dpon mchod rten ha cang ches so zhes khros pa de ni dge slong 'di yin te/ de'i tshe khros bzhin du mchod rten ha cang ches so zhes smras pa tsam gyis rtag tu lus thung la mi sdug par gyur to/ / phyis dga' ba'i sems kyis dril bu phul nas mchod rten la btags te sgra skad snyan pa dang nga dang phrad par shog cig ces smon lam btab pas/ skye ba lnga brgya'i bar du sgra skad rab tu snyan te da 'dir nga dang phrad nas rnam par grol ba thob par gyur to/ / rgyal pos de skad ces gsungs pa thos nas/ phyir 'gro bar chas/ pa las bcom ldan 'das kyis rgyal po chen po khyod gar 'gro zhes bka' stsal pa dang / rgyal pos bcom ldan 'das la 'di skad ces gsol to// yul 'di na dgra ma rungs pa sor 'phreng can zhes bgyi ba mi kun bsad nas ma 'os par gnod par bgyis pas/ bdag cag de la dmag rgol du mchi'o// bcom ldan 'das kyis bka' stsal pa/ sor 'phreng can

  385. 193b

    ni da ltar grog sbur yang mi gsod na/ gzhan gsod pa lta smos kyang ci dgos/ rgyal po des da tsam bcom ldan 'das kyis ma btul lam snyam bsams pa dang / bcom ldan 'das kyis rgyal po la 'di skad ces bka' stsal to/ / sor 'phreng can ni da ltar rab tu byung nas dgra bcom ste/ nyes pa'i skyon thams cad zad nas da ltar gnas khang na 'dug go// rgyal po de dang phrad par 'dod na de dang sprad do zhes bka' stsal te// sor 'phreng can gyi gnas khang gi sgor phyin nas/ dge slong sor 'phreng can gnas khang gi nang na lung ba bsal ba'i sgra chung ba thos pa tsam gyis sngar mi mang po bsad pa dran te/ 'jigs skrag nas 'khams te sa la 'gyel to// de nas ring zhig lon pa dang / phyir langs te bcom ldan 'das gang na bapa der song nas/ ji ltar 'khams pa bcom ldan 'das la gsol pa dang / bcom ldan 'das kyis/ rgyal po la 'di skad ces bka' stsal to// rgyal po chen po legs par nyon cig dang / sngon 'das pa'i dus na 'dzam bu'i gling 'dir yul bA rA nA si zhes bya ba na bya shin tu gdug pa zhig yod de/ zas su yang srin bu gdug pa 'ba' zhig za'o// lus kyang shin tu gdug pas reg gam nyer yang mi bzod de/ gar 'phur zhing 'gro ba'i dus na sems can yod pa kun yang dog la/ shing yang kun tu bskams par 'gyur ro//

  386. 194a

    de'i bya gdug pa de tshal zhig gi nang du phyin nas/ shing khar 'dug ste skad phyung ba las/ de'i tshe shing de'i drung na glang po che'i rgyal po zhig yod de/ bya gdug pa'i skad thos pa tsam gyis 'khams nas sa la 'gyel to/ / rgyal po chen po de'i tshe de'i dus na bya gdug pa de ni de ltar gyi sor 'phreng can yin no// glang po che'i rgyal po de ni rgyal po nyid yin no// bcom ldan 'das sor 'phreng can 'di ni khro gtum pas sems can de snyed cig bsad de/ da bcom ldan 'das kyis dge ba la bzhag go// bcom ldan 'das kyis bka' stsal pa/ rgyal po chen po dge slong sor 'phreng can 'di da ltar gyi dus 'ba' zhig na mi mang po bsad de ngas btul bar ma zad de/ sngon 'das pa'i dus na yang sor 'phreng can gyis mi 'di dag kun bsad pa las ngas btul te/ dge ba la sems par gyur to// rgyal pos yang gsol pa/ bcom ldan 'das sngon 'das pa'i dus na yang 'di dag bsad pa dang / bcom ldan 'das kyis btul ba'i dngos po rnam par phye ste bstan du gsol/ bcom ldan 'das kyis bka' stsal pa/ sngon 'das pa'i dus na bskal pa grangs med pa'i pha rol na/ 'dzam bu'i gling 'dir yul bA rA nA si zhes bya ba na/ rgyal po ba la ma dar zhes bya ba zhig byung ngo // de'i tshe rgyal po de dpung rnam bzhi dang bcas te tshal gyi nang du rtser song song ba las ri dgas dang phrad de/ ri dgas kyi phyi bzhin

  387. 194b

    rgyug rgyug pa las/ rgyal po gcig pu 'khor dang bral te tshal stug por phyin nas/ de'i tshe rgyal po ngal nas rta las babs te 'dug pa las/ tshal stug po de'i nang na seng ge mo zhig gnas pa 'dod chags kyis nyen nas song song ba las tshal gyi nang na rgyal po gcig pu 'dug pa dang phrad nas/ seng ge mo lhag par 'dod chags skyes te/ rgyal po la bsnyen nas mjug ma bteg ste bsnyegs so/ / rgyal pos kyang 'dod chags skyes par rig nas 'di snyam du bsams so// 'di ni ga can gzan khro ba yin te/ bdag gsad pa'i mthu yang yod pas/ gal te yid bzhin du ma byas na bdag gi srog la dma' 'o snyam nas/ skrag bzhin du seng ge mo la 'dod pa spyad do// de nas seng ge mo phyir song ba'i 'og tu g.yog rnams kyang lhags te/ rgyal po ba su nas pho brang/ du khrid do// de'i tshe seng ge mo de sbrum mar gyur te zla ba tshangs nas bu zhig byung nas/ lus gzugs ni thams cad mi dang 'dra ste/ rkang pa 'ba' zhig khra bor 'dug go/ seng ge mos kyang rgyal po'i bu yin par dran nas rgyab tu bkal te rgyal po'i thad du bskyal to/ / rgyal pos kyang bdag gi bu yin par shes te gsos bskyed nas de'i rkang pa bkra ba'i phyir ming yang rkang bkra zhes btags so/ / gsos bskyed de tshad du phyin par skyes pa dang / shin tu dpa' zhing rtul bod par skyes so// pha rgyal po tshe 'phos pa'i 'og tu rgyal po'i dbang thob nas btsun mo gnyis

  388. 195a

    blangs so/ / de la btsun mo gcig ni rgyal rigs so// gcig ni bram ze'i rigs so// phyis rkang bkra de skyed mos tshal du 'chag tu song nas/ btsun mo gnyis la 'di skad ces bsgo'o/ / btsun mo gnyis las gang nga'i phyi bzhin mgyogs par 'ongs te/ gang nga dang sngar phrad pa de la ni nyi ma gcig gi bar du lhan cig tu rtse dga' zhing yongs su spyad do// gang phyis 'ong ba de ning dang phrad du mi 'dod do zhes bsgo nas/ rgyal po de song ba'i 'og tu btsun mo gnyis kyang rgyan gyis brgyan te/ bzhon pa bshams nas dus gcig tu chas so// lam gyi bar na lha'i rten zhig yod pa la/ btsun mo bram ze'i rigs can bzhon pa las babs te/ phyag byas nas myur du song ba las 'phyis par gyur to// de nas rgyal pos kyang sngar smras pa bzhin du ma bsten to/ / de nas btsun mo de zhe sdang skyes nas/ lha la khros te bdag ni khyod la phyag 'tshal ba'i bar du 'phyis nas rgyal pos ma 'dod do// gal te lha khyod la mthu zhig yod yang dag na/ ci'i phyir nga'i skyabs mi byed ces shin tu khro rnga ma nas yid la 'di snyam du gnod par bya bar bsams so// rgyal po de phyir pho brang du 'ongs nas/ btsun mos 'di skad ces gsol to// bdag nyi ma gcig cig ci dga' bar bgyid du gnang bar dbang skur cig ces gsol pa dang / rgyal pos kyang de bzhin du gnang ngo zhes bsgo ba dang / mi mang po bzlog ste lha'i mchod rten bcom nas/

  389. 195b

    sa yang bsnyams so// de nas lha'i rten srung ba'i lha de shin tu mi dga' ste 'khrugs nas/ rgyal po la gnod par bya bar bsams te pho brang gi nang du song ba las/ pho brang srung ba'i lha des nang du ma btang ngo / / de'i tshe na drang srong gcig cig ri drang srong lhags zhes bya ba la gnas te/ rgyal po rkang bkra drang srong de la mchod pa byed pas nyin gcig bzhin du nam mkha' la 'phur zhing pho brang du 'ongs te/ zas bzang po ni mi 'dod kyi/ zas tha mal pa tsam zos nas phyir 'gro'o// nyi ma gcig cig drang srong de mi 'ong bar lha des shes pas/ drang srong gi lus su sprul te pho brang gi nang du 'gro bar bsams pa las/ pho brang srung ba'i lhas shes nas nang du ma btang ba dang / sgo nas bos te nang du 'ong ngo zhes byas pa dang / rgyal pos thos nas drang srong phyi rol nas 'bod pa myur du nang du shog cig ces bka' stsal pa dang / pho brang srung ba'i lhas kyang rgyal po'i bka' bzhin du ma bgags te nang du btang ngo // nang du 'ongs pa dang drang srong gi stan la 'dug nas/ rgyal pos kyang rtag tu kha zas ji tsam za ba sbyar te phul lo// de'i tshe na drang srong sprul pa de kha zas zar ma btub na/ rgyal po la 'di skad ces smras so// kha zas 'di ni ngan ches kyis/ sha'am nya sha mang ni mi za'o zhes smras pa dang / rgyal pos kyang 'di skad ces bsgo'o// drang srong chen po sngan tshad ni kha zas tha mal pa za bas na sha dang nyam sbyar

  390. 196a

    ba yin no/ / drang srong sprul pas smras pa/ da phyin chad ni kha zas ngan pa 'di dag mi 'dod kyis/ sha dang nya sbyor cig ces smras nas song ngo // de nas rgyal pos kyang drang srong sprul pas smras pa bzhin du sha dang nya sbyar nas/ phyid nyid drang srong rnying pa 'ongs pa la phul lo// drang srong de zhe sdang skyes te rgyal po de la khros pa dang / rgyal pos kyang drang srong la 'di skad ces smras so/ / drang srong chen po khor rtsang 'ongs pa na kha zas 'di lta bu sbyor cig ces ma bsgo 'am/ drang srong gis smras pa/ khar rtsang na bas nyi ma gcig zan bcad de ma 'ongs pa yin na de skad ces sus bsgo/ / khyod kyis nga la brnyas pas 'di lta bur byas pa yin gyis/ rgyal po khyod lo bcu gnyis kyi bar du mi sha 'ba' zhig za bar gyur cig ces smras nas song ngo // de nas nyin gcig rgyal po'i g.yos mkhan gyis sha ma 'byor nas 'phral du sha gzhan ma rnyed de/ bus pa'i ro zhig dang phrad nas/ sha 'di yang rung ngo snyam bsams te/ mgo dang rkang lag bcad nas g.yos su byas te spos sna tshogs btab nas rgyal po la byin no/ / rgyal pos kyang shad zos nas sngon gyi sha bas lhag par zhim mo zhes g.yos mkhan la sngan chad kyi sha 'di lta bu'i ro med de/ sha 'di ni lhag par zhim na ci'i sha zhes dris pa dang / g.yos mkhan skrag nas lto ba sa la phab ste/ rgyal po la 'di skad ces gsol to// gal te rgyal pos

  391. 196b

    gyod mi sbran drang por gsol lo zhes smras pa dang / rgyal pos kyang khyod kyis drang por smras na gyod mi smra'o zhes bsgo'o// g.yos mkhan gyis spras pa/ bdag cag gis 'phral la sha ga zha bltas pas ma rnyed nas/ bus pa chung ngu gum pa'i ro zhig rnyed na g.yos su bgyis te gsol ba las/ rgyal pos mkhyen par gyur to// rgyal pos bsgo ba/ sha 'di ni lhag par zhim gyis da phan cha da sha 'di lta bu rtag tu sbyor cig ces bsgo ba dang / g.yos mkhan gyis 'di skad ces gsol to// sngar ni byis pa gum pa'i ro zhig rnyed de g.yos su byas pa lags kyi 'di las ni mi rnyed do zhes gsol to/ / rgyal pos yang bsgo ba/ da phyin chad kyang khyed kyis gsang thub cing gzhan gyis ma tshor bar long zhig dang nga la dbang yod do zhes bsgo'o// g.yos mkhan gyis kyang rgyal pos bsgo ba bzhin du mtshan mo gsang ste brkus nas bsad de nyin gcig bzhin du g.yos su byas so/ / de'i tshe na grong khyer de'i mi dag phal cher tshe nges 'debs shing / bu stor to zhes gcig nas gcig tu grags te/ ci'i phyir 'di ltar gyur ces blon po rnams 'dus te bgros nas/ mtshan mo lam dang mdo mdor mel tse byas te bltas na/ rgyal po'i g.yos mkhan gyis bu chung ngu brkus te khyer ba zin nas bcings te rgyal po'i spyan sngar khrid nas/ snga phyir bu chung 'di snyed cig stor to zhes gsol ba dang / rgyal po cang mi sba bar gyur to// de bzhin du

  392. 197a

    lan gsum gyi bar du gsol kyang mi smra ba las/ da bdag cag gis nyes pa byed byed pa zin te/ nyes par mngon na zhal che gcod pa'i rigs kyi/ mi smra ba'i mi rigs so zhes gsol pa dang / rgyal pos ngas bsgo ba yin no zhes smras so// de nas blon po rnams mi dga' ste kho na du bzung nas so sor dong ngo // phyi rol tu phyin pa dang gcig la gcig 'di skad ces smras so/ / rgyal pos ni bdag cag la sogs pa'i bu kun zos pas dgra yin te/ mi sha za ba'i rgyal po dang lhan cig srid gcig tu byar mi rung gi/ gnod par 'gyur ba'i dgra 'di/ lta bu ni med par bya ba'i rigs so zhes thams cad gros mthun nas/ rgyal po gsod pa'i gros byas so// grong khyer gyi phyi rol na skyed mos tshal zhig yod de/ de na rdzing bu zhig yod pa'i nang na rgyal po nyin gcig bzhin du khrus byed du 'gro ba las/ blon po rnams kyis skyed mos tshal gyi nang du dpung gi tshogs sbas nas/ rgyal po rdzing bur zhugs te khrus byed pa na dpung gi tshogs mang pos bskor nas bzung ste gsang par byas pa las/ rgyal po de skrag nas dpung gi tshogs la 'di skad ces spras so// ci'i phyir khyed kyis nga la bskor te 'dzin du rgol zhes byas pa dang / blon po rnams kyis/ rgyal po la 'di skad ces smras so// rgyal po zhes bya ba ni 'bangs mang po gso ba yin na/ rgyal pos 'bangs kyi bu kun zos pas/ 'bangs thams cad gnas med par gyur te

  393. 197b

    sdug bsngal mi bzod pas/ dargyal po khyod gsod do// rgyal pos smras pa/ 'di ltar byas pa ngas na nyes mod kyi/ dbyin chad 'di ltar mi byas/ 'di'i tshe gtang du rung ngam mi rung / zhes bsgo ba dang / blon po rnams kyis 'di skad ces smras so// gal te ga nam las kha ba nag po bab bam/ khyod kyi mgo la sbrul nag po skyes kyang btang ba med kyis da ma smra zhig/ rgyal po rkang bkras kyang blon pos smras pa'i tshig thos nas/ da ni gdon mi za bar srog dang bral lo snyam ste/ yang blon po la 'di skad ces smras so// da ni khyed kyis gsod par ni chang na skud cig kho na zhig kho bo bde bar sems su chug la gdod sod cig ces bsgo'o/ / de nas blon pos kyang cung zad pa sdad de sems su bcug pa dang / rgyal po des yid la 'di snyam du dam bcas so// / bdag gis sngan chad dge ba ci byas pa dang / rgyal po'i srid chos bzhin byas pa dang / drang srong la sbyin pa byas pa'i bsod nams ci yod pa thams cad kyi mthus/ nam mkha' la 'phur ba'i srin por gyur cig ces bsngos te/ de skad ces smras nas/ bsngos ma thag tu srin por gyur te steng gi nam mkha' la 'phags nas/ blon po rnams la 'di skad ces smras so// khyed kyi mthus bsdongs te nga la gsod par byas kyang nga'i bsod nams kyis rang sos par gyur te/ da phyin chad ni khyed bzod par byos shig/ khyed kyi chung ma dang bu gang sdug cing 'phangs pa

  394. 198a

    bza' bar bya'o zhes smras nas/ 'phur te ri la babs nas phyin chad mi'i nang du mi la za bar gyur to// mi mang po yang 'jigs skrag nas rtag tu 'khras shing gab bo// de nas srin po mi la za zhing srin po mang du bsdongs nas 'khor dang g.yog kyang mang bar gyur te/ phyis srin po'i 'khor rnams kyis/ srin po rkang bkra la 'di skad ces gsol to// bdag cag ni khyod kyi 'khor dang g.yog tu gyur na/ bdag cag la ston mo chen mo gcig cig byin cig ces gsol pa dang / srin po rkang bkras kyang de bzhin du gnang nas/ rgyal po lnga brgya bsad de ston mo bya bar bgros nas so so nas rgyal po blangs te brag phug tu bcug go/ / bzhi brgya dgu bcu rtsa dgu ni rnyed kyi/ rgyal po gcig cig ma tshang ba las/ rgyal po de dag brag phug na gcig la gcig 'di skad ces smra'o/ / bdag cag ni da 'phongs te skyabs su 'gyur ba yang med na/ gal te su ta so ma thabs dang ldan pa de 'dir 'ongs na bdag cag thar yang srid kyis/ su ta so ma 'dir 'ongs par srin po la gsol ba bya'o zhes bgros nas/ srin po'i rgyal po la 'di skad ces gsol to// rgyal po khyod ston mo mdzad na/ bdag cag mi'i rgyal po 'ba' zhig bsad de ston mo byas pas ston mo bzang por mi 'gyur gyi/ su ta so ma zhes bgyi ba yon tan chen po dang ldan te/ de rnyed na gdod ston mo bzang por 'gyur ro zhes gsol ba dang / srin po'i rgyal pos

  395. 198b

    'di lta bu zhig ci dka' zhes smras nas/ nam mkha' la 'phur te su ta so ma len du song ngo // de'i tshe su ta so ma bu mo gzhon nu dang grong khyer gyi phyi rol tu khrus byed du 'gro ba las/ lam du bram ze slong ba zhig dang phrad de sbyin par byas nas/ bram ze la 'di skad ces smras so// bdag da khrus shig byed du 'gro ste/ phyir log nas sbyin pa bya'o zhes smras nas/ khrus byed du song ba las/ khrus byed sa ni srin po'i rgyal po 'ongs te brag phug tu khyer ro// de'i tshe na su ta so ma mi dga' ste ngus pa dang / rkang bkras 'di skad ces smras so// khyod ni gzhan pas lhag par yon tan dang ldan pa'i mchog go zhe na/ skyes bu chen po ni cis kyang mi skrag pa yin na/ ci'i phyir mi dga' ste bus pa chung ngu ltar du zhes smras so// su ta so mas srin po la smras// / pabadag lus la chags shing srin po'i 'jigs pas mi dga' ba ma yin gyi/ bdag ni thog ma nas brdzun smra ma myong na/ da ci khrus la 'gro ba'i lam du bram ze slong ba zhig dang phrad de/ bdag gis kyang khrus byas nas phyir log ste sbyin pa sbyin no zhes smras nas/ khrus byed du song ba las/ rgyal po khyod kyis bdag 'dir khyer te 'ongs pas bdag gis brdzun smras so snyam ste/ mi dga'i/ lus dang srog la chags pa ni ma yin na/ rgyal po khyod bdag la thugs brtse ba'i phyir zhag bdun zhig bshol te/ bram ze de la sbyin par byas nas/ phyir yang 'gum du

  396. 199a

    mchi'o zhes gsol to/ / srin pos smras pa/ khyod da btang na phyir 'ong du btub bam/ smras pa/ gal te ma 'ongs na yang khyod kyis blang ba'i mthu yod do/ zhes smras nas phyir btang ngo // su ta so ma phyir yul du phyin tsam na/ bram ze de yang da dung 'dug ste rab tu dga' nas bram ze la sbyin pa byin no// bram ze des kyang su ta so ma ring por mi thogs par srog dang 'bral bar 'gro bas/ phyir yul la chags te mi dga' bar shes nas/ de la tshigs su bcad de smras pa/ bskal pa'i mtha' la thug pa na// gnam dang klung yang rab 'bar te/ / ri rab lhun po rgya mtsho yang // thams cad thal ba nyid du 'gyur// lha dang klu dang lha ma yin// thams cad 'jig cing nyams yal te// gnam dang sa yang med 'gyur na/ / rgyal srid lta zhig ga la rtag/ skye dang rga dang na shi yi// 'khor ba'i mtha' ni zad mi shes// re zhing 'dod pa ma grub na// mya ngan gyis ni gnod par 'gyur// 'dod pa skyon du rab che ste// nyes pa gzhan nas 'ongs pa min// khams gsum sdug bsngal bcas pas na// yul srid yid brtan rung re skan// yod pa ye nas med pa ste// / rgyu dang rkyen gyis sgrub par 'gyur// dar ba yod na rgud pa yod// bden pa nges par brdzun 'gyur ro// so so'i skye bo tha ma thom dag/ sgyu ma la ni kun gnas te// khams

  397. 199b

    gsum ji ltar stong bzhin du/ / yul gyi srid kyang de bzhin no// rnam par shes la gzugs med de// gdug pa'i sprul bzhi la gnas te// ma rig pa las skyes pa la// bde ba'i gnas su kun 'dzin to/ / gzugs la rtag pa'i bdag med de// sems la rtag pa'i khyim yod min// lus dang sems kyang bral 'gyur na// yul srid lta zhig yod re skan// de'i tshe su ta soms tshigs su bcad de smras pa 'di thos nas don yid la bsams pas shin tu dga' ste/ rgyal tshab rgyal por bcug nas/ blon po rnams la mchi phyag byas te 'thams pa bzhin du phyir 'gro bar byas pa las/ blon po rnams kyis 'di skad ces gsol to// rgyal po rkang pakras ma bsnyengs shig/ bdag cag gis bsams na/ rgyal po'i sku bsrung ba'i slad du lcags kyi khang pa byas la/ rgyal po de'i nang du zhugs na rkang bkra dpa' mod kyi/ ci bgyir yang ma mchis so// rgyal pos blon po rnams dang mi mang po rnams la bsgo ba/ mi gcig skyes pa la brdzun mi zer ba'i khrel lhas dgos te/ brdzun smras na gson yang dga' ba ma yin pas thog ma 'a thams pa nas tshe 'phos kyang bla'i/ brdzun smras te gson par mi 'dod do zhes khrel lhas byas pa'i legs pa rnam pa sna tshogs dang / rdzun smra ba'i skyon mang po smras pa dang / blon po rnams kyang mya ngan gyis brnangs te tshig med par gyur to// de nas thams

  398. 200a

    cad kyis rgyal po bskyal nas thams cad kyis cho nges btab ste brgyal zhing 'khams par gyur to/ / su ta so ma lam du zhugs te song ba'i tshe/ srin po rkang bkra yang su ta so ma der 'ong ba'i dus yin no snyam bsams nas/ ri'i rtse mor byung ste bltas pa dang / su ta so ma lam na rgyang ma nas srog 'dor du 'ong ba mthong ngo // de nas nye bar 'ongs te bltas na/ sngon pas kyang lhag par dga' ba'i mdangs yod pas/ srin pos rgyal po la 'di skad ces smras so// srog 'dor du 'ong ba lta la dga' ba ci zhig yod de/ khyod 'tsho ba gtong ba la srog kyang mi 'phangs sam/ khyod yul du phyin nas phan pa'i don ci zhig rnyed na 'di ltar dga' zhes dris so// su ta so mas smras pa/ rgyal po chen po khyod kyis thugs bag mdzad de/ bdag gi 'tsho ba zhag bdun du bshol nas/ bdag gis sngar dam bcas pa las ma 'gal te sbyin pa chen po yang byas/ dam pa'i chos kyang thos nas yid la bcags te bsams pa grub pas na/ 'dir srog btang yang gson pa bas dga' bo zhes smras so// rgyal po rkang bkras spras pa/ khyod kyis chos ci zhig thos pa kho bo la yang smros shig ces bsgo ba dang / su ta so mas tshigs su bcad pa ji skad du thos pa de yang smras/ de ma yin pa gzhan yang gsod pa'i kha na ma tho ba'i sdig pa dang mi dge ba'i rnam par smin pa yang thams cad

  399. 200b

    thabs mkhas pas rgya cher spras/ srog mi gcod pa'i yon tan dang / bsod nams rgya chen po dang / byams pa'i sems kyang rgyas par bstan pas/ rgyal po rkang bkra rab tu dga' rangs nas spyi bos phyag 'tshal nas bstan pa bzhin du phyin chad srog gcod pa btang nas/ rgyal po brag phug tu bcug pa'i rnams kyang so sor yul yul du bkye'o// de nas su ta soms dpung gi tshogs bshams nas/ rgyal po rkang bkra ba su ste phyir yang rgyal por bcug go/ der ni drang srong gis dmod pa bor ba'i lo bcu gnyis kyang tshang bas/ de phyin chad mi sha yang mi za ste sngon bzhin du rgyal po byas so/ / rgyal po chen po de'i tshe de'i dus na su ta so ma re ni da ltar nga yin no// rgyal po rkang bkra de ni da ltar sor 'phreng can yin no// de'i tshe lo bcu gnyis kyi bar du rkang bkras mi zos pa rnams ni/ sor 'phreng can gyis gsang pa'i mi rnams yin no// mi 'di dag kyang gang nas gang du skyes par rtag tu sor 'phreng can gyis bsad par gyur la/ ngas kyang skye ba thams cad du dge ba la bkod par gyur to/ / ngas sngon du dran pa sngon ma rabs byed pa'i tshe yang gsod pa las bzlog nus na/ da mngon par sangs rgyas te yon tan phun sum tshogs la sdig pa yongs su spangs na/ 'di dag 'dul bar gyur pa lta ci smos/ rgyal pos yang bcom ldan 'das la 'di skad ces gsol to// mi 'di dag sngon ci zhig bgyis na/ skye ba thams cad

  400. 201a

    du sor 'phreng can gyis rtag tu bsad par gyur/ bcom ldan 'das kyis/ rgyal po la bka' stsal pa/ rgyal po chen po legs par nyon cig dang bstan par bya'o// sngon 'das pa'i bskal pa grangs med pa'i pha rol na/ 'dzam bu'i gling 'dir yul bA rA nA si na rgyal po pa la dar zhes bya ba zhig byung ste/ rgyal po de las bu gnyis yod de/ byang gzugs legs pa/ blta na sdug pa/ rtsal dang ldan pa'o// de'i tshe sras chung ngu shos kyis 'di snyam du bsams so// gal te bdag gi pha tshe 'phos na phu bo rgyal por 'gyur ro// bdag gzhon pas rgyal po yang mi 'thob na/ mir skyes la rgyal po ma thob na tha mal par 'dug na yang ci rung / dben par song nas drang srong gi lam btsal lo snyam bsams nas/ rgyal po'i thad du song ste yab rgyal po la 'di skad ces gsol to/ / bdag ni ri dben par drang srong gi lam btsal bar dga' 'o// bdag la sdug par 'dzin na bsam pa 'di las ma zlog cig ces yang dang yang gsol pa dang / rgyal pos kyang de bzhin du gnang nas ri dben par song ngo // de nas lo mang zhig lon pa dang / rgyal po yab tshe 'phos nas phu bo rgyal sar gshegs so// phu bo yang rgyal sar zhugs nas ring por ma lon par nad kyis btab nas tshe 'phos te rigs 'tsho ba pa'i mi med do// blon po rnams 'dus nas ji ltar bya ba bgros pa dang / de la blon po gcig

  401. 201b

    gis 'di skad ces smras so/ / rgyal po chen po'i sras chung ngu gcig rgyal po la gsol te/ da ltar ri la drang srong byed cing 'dug gis/ de spyan drangs la rgyal por gzhug go zhes smras pa dang / blon po rnams kyis de 'dra ba zhig nges par yod dam/ de 'dra ba zhig yod na lha spyan drangs la rgyal por gzhug go zhes bgros nas/ ri la rgyal bu 'tshol du dong ngo // de dag rgyal bu dang phrad nas bdag cag la rgyal po med de/ khyod kyis rgyal po bya dgos kyis 'dong ngo zhes smras pa dang / drang srong gis tshig 'di ni 'jigs su rung ste/ kho bo ni dben pa 'di na rab tu bde ste mya ngan ci yang med do/ / 'jig rten pa ni rang bzhin gyis ma dul ba yin pas rgyal po la yang gsod de/ bdag gis mi nus so// blon po rnams kyis smras pa/ rgyal po'i gdung chad de gdung 'tshob pa med pas/ drang srong khyod 'ba' zhig rgyal po'i gdung la gtogs pa yin te/ yul mi thams cad kyang mgon med par gyur gyis/ 'gro ba mang po la thugs brtse ba'i phyir rgyal por gshegs su gsol zhes smras pa dang / drang srong gis kyang ma bzod nas/ blon po rnams kyis gsol ba bzhin du phyir yul du 'ongs te rgyal po byas so// / drang srong de chung ngu nas 'dod chags dang ma 'bags pa las/ srid 'tsho zhing bags kyis bud med dang 'bags pas 'dod chags lhag par che bar gyur te/ nyin mtshan du 'dod chags

  402. 202a

    la bag med pas 'di skad bkar btags so/ / nga'i yul mi las bu mo yod pa rnams bag mar gtong ba na/ sngar nga dang sprad pa'i 'og tu gdong bag mar thong zhig ces bkar btags so/ / yul na bud med bzang mo sdug gu yid du 'ong ba thams cad la yang mi rigs pa spyod do// de'i tshe bud med gcig cig mi mang po tshogs pa'i bdun du sgren mor byung ste gcin gcis pa dang / thams cad kyis bag med do ngo tsha mi shes pa 'di ci byed ces smyos pa dang / bud med des 'di skad ces smras so// bud med kyis bud med kyi nang du gcin gtso ba la ngo tshar ci zhig yod de/ khyed kyang gcig gi mdun du gcig gis gcin gcis kyang ngo ma tshe na/ kho mo bud med du 'dra ba'i nang du gcis pa la ngo tshar yang ci zhig yod mi mang pos smras pa/ khyod kyis 'di skad smras pa 'di ni ci'i tha tshig ces smras pa dang / bud med des 'di skad ces smras so// yul 'di na rgyal po gcig pu ni skyes pa yin gyi gzhan yul mi thams cad ni bud med yin du nges so/ / khyed kun skyes pa yin na de 'dra ba'i mi rigs pa rgyal po byed pa'i mi rigs so// de nas mi mang po ngo tsha zhing skyengs par gyur/ bud med 'di smra ba ni bden te rigs pa ma yin pas/ rgyal po 'di med par bya'o zhes bgros nas thams cad gros mthun te/ rgyal po skyed mos tshal du khrus la 'gro ba'i tshe

  403. 202b

    gsod par byas so/ / de nas skyed mos tshal du dpung gi tshogs sbas nas/ rgyal po rdzing bur 'ongs pa'i tshe thams cad log nas bzung ste gsod par byas so// rgyal po skrag nas khyed rnams ci byed ces smras pa dang / blon po rnams kyis 'di skad ces smras so// rgyal po ni chos bzhin mi byed do// 'dod chags kyis myos nas yul mi thams cad kyang rigs sun cing spa bab ste/ bdag cag ma bzod ches nas khyod med par bya ste/ rgyal po mdzangs pa gzod btsal lo snyam mo// rgyal pos de skad ces thos nas skrag par gyur te/ blon po rnams la 'di skad ces smras so/ / sngon chad ni bdag gis nyes pa bden gyis/ phyin chad de ltar mi bya na gtang du rung ngam mi rung zhes bsgo ba dang / blon po rnams kyis 'di skad ces smras so// gal te gnam las kha ba nag po bab bam/ mgo la sbrul gdug pa skyes kyang mi btang gis ma smra zhig ces bsgo'o// rgyal pos de skad ces smras pa thos nas/ da ni gdon mi za bar gsad do snyam ste/ khros nas blon po rnams la 'di skad ces smras so// nga sngon ri la 'dug ste 'jig rten la mi dga' ba las nan gyis rgyal por bcug ste da ni nga la gsod do// gar skyes gar skyes kyang khyed dang phrad de khyed kyang ngas gsod par shog cig ces dam bcas so/ / de ltar dam bcas mod kyi/ 'on kyang ma gnang ste bsang ngo // rgyal po chen po de'i tshe de'i dus na rgyal

  404. 203a

    bo drang srong de ni da ltar sor 'phreng can yin no/ / de'i tshe de'i dus na mi mang po gros mthun par rgyal po gsod gsod pa ni/ sor 'phreng can gyis gsad pa'i mi 'di dag yin te/ rtag tu sor 'phreng can gyis bsad par gyur to// rgyal pos yang pus mo sa la btsugs te/ bcom ldan 'das la 'di skad ces gsol to// dge slong sor 'phreng can 'di mi 'di snyed cig bsad na/ da 'bras bu thob pa'i 'og tu rnam par smin pa myong bar 'gyur ram/ bcom ldan 'das kyis bka' stsal pa/ rgyal po chen po sdig pa byas na rnam par smin pa nges par myong ste/ dge slong 'di yang da ltar gnas khang na sems can dmyal ba'i me ba spu'i khung kun nas 'bar te/ sdug bsngal mi bzad pa myong zhing 'dug go// de nas bcom ldan 'das kyis 'khor mang po la sdig pa'i las byas na/ nges par sdig pa rnam par smin par rtogs par bya ba'i phyir/ dge slong gcig la 'di skad ces bka' stsal to// dge slong khyod song la lde mig khyer te dge slong sor 'phreng can gyi sgo'i bu gur chug cig ces bka' stsal nas/ dge slong gis bka' bzhin du lde mig thogs te sgo'i bu gur bcug na/ de ma thag tu zhu'o/ / dge slong de dang ngas skrag nas/ phyir bcom ldan 'das kyi spyan sngar 'ongs te/ de bzhin gsol pa dang / bcom ldan 'das kyis/ dge slong dag la 'di skad

  405. 203b

    ces bka' bral to/ / sdig pa byas pa'i rnam par smin pa ni 'di yin nags bka' stsal to// rgyal po dang 'khor yang po rnams med ches par gyur to// de nas ma nga / ldan pa kun dga' bos/ bcom ldan 'das la 'di skad ces gsol to// dge slong sar 'phreng can sngon legs pakyi zhig bgyis na/ sar+b+ba stobs kyang chen po'i sbubs dang mnyama'i rtsal che ba bya ltar mgyogs par gyur/ legs pa ci zhig bgyis na bcom ldan 'das dang zud de/ 'khor ba las grol bar gyur pa/ 'khor mang po la thugs brtse ba'i slad du bsnun du gsol/ bcom ldan 'das kyis bka' stsal pa/ khyed legs par nyon cig/ sngon 'das pa'i dus na sangs rgyas 'od srungs kyi tshe/ dge slong gcig cig gang zag gi las byed pa las/ 'bru'i bal dag cig ded cing song song ba las lam du char rabs non te byol ba'i gnas med pas/ 'bru dang sdong du bcas te thams cad gsher bar gyur to// de ni dge slong de mgyogs par 'gro 'dod pa las/ mthu tshungs pas 'gro bral te mardzogs par ma gyur pas/ 'di skad ces smon las btab bo// bdag ma 'ongs pa'i dus na mthu kyo nimi stong dang mnyam zhing lus yang la/ 'gro mgyogs khyad bya 'bur ba dang 'dra ba shog cig/ ma 'ongs pa'i dus na sangs rgyas shAkya thub pa 'jig rten du gshegs pa dang phrad de/ 'khor/

  406. 204a

    ba las grol bar gyur cig ces smon lam btab bo// kun dga' bo de la gzhan du ma sems shig/ de'i tshe gang zag gi las byed pa'i dge slong de ni da ltar gyi dge slong sor baphreng can yin te/ de'i tshe rab tu byung nas tshul khrims bsrung ste dge 'dun gyi las byas pas/ smon lam bzhin du gang nas gang du skyes kyang byang gzugs bzang ba dang / mthu stobs dang rtsal che bar gyur te/ nga dang phrad par smon pas 'khor ba las grol bar gyur to// de'i tshe na kun dga' bo dang / dge slong rnams dang / rgyal po dang / 'khor mang po'i rnams/ bcom ldan 'das kyis rnam par smin pa'i 'bras bu gsungs pa thos nas/ thams cad kyis brtson 'grus bskyed de bden pa bzhi yid la byas pas/ la la ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom par gyur to// la la ni rang sangs rgyas kyi dge ba'i rtsa ba bskyed do// la la ni bla na med pa'i byang chub tu sems bskyed do/ / phyir mi ldog pa'i sa la gnas par gyur to// thams cad lus dang / ngag dang / yid dge ba la 'dun te/ bcom ldan 'das kyis gsungs pa la rjes su yi rang nas mngon par dga' 'o/ / mi gdung ba sor 'phreng can gyi le'u ste sum cu rtsa drug pa'o// // bam po bcu gcig pa// dbul mo

  407. 204b

    bsnyen dga' mo'i le'u'o/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe yul de na bud med bsnyen dga' mo zhes bya ba dbul 'phongs pa/ 'tsho ba slongs mo la bltos pa zhig yod de/ bud med des rgyal po dang / blon po dang / mi mang pos so/ so nas sangs rgyas dang dge 'dun la mchod pa byas pa mthong nas 'di snyam du bsams so// bdag gis sngon sdig pa ci zhig byas na 'di ltar dbul zhing rigs ngan par skyes te/ da bsod nams kyi zhing dang phrad kyang sa bon mi bdog snyam nas shin tu yi chad de 'gyod pa skyes nas/ nyi ma gcig gi bar du thog thag bslangs na dong tshe gcig las ma rnyed de/ dong tshe gcig po de thogs nas mar 'tshong ba'i khyim du song ste mar zhig nyo bar byas so/ / mar 'tshong ba'i khyim bdag gis smras pa/ dong tshe gcig gi mar nyo ba 'di ha cang yang nyung ches na/ khyod kyis ci zhig bya zhes dris pa dang / bsnyen dga' mos kyang drang por gtam byas pas/ mar 'tshong ba'i bdag po snying brtse ste mar lhag par byin no// bsnyen dga' mos par de thob nas rab tu dga' gtsug lag khang du song nas bcom ldan 'das la dbul lo zhes/ sangs rgyas kyi spyan sngar me mar btsugs te smon lam 'di skad ces btab bo// bdag da ltar dbul

  408. 205a

    'phongs te me mar chung ngu ma 'dis sangs rgyas la mchod do/ / bsod nams 'dis ma 'ongs pa'i dus su bdag shes rab kyi mar me dang ldan te/ sems can thams cad kyi mun pa'i dri ma bsal bar shog cig ces smon lam btab nas phyir gnas su song ngo / / de'i mtshan mo me mar gzhan ni zad kyi/ bsnyen dga' mo'i me mar gcig pu ni nam nangs kyi bar du 'bar ro/ / de'i tshe na mo'u 'gal ya na dus 'dzin pa'i res la bab pas nam langs nas/ me mar gcig pu zhig lhag par gsal te mar dang snying po yang ma nyams/ gsar du btsugs ma thag pa 'dra nas 'di snyam du bsams so/ / nyin par ni me mar btsugs kyang phan pa med kyis gsad do snyam nas/ gsad par gzas na ma sod do// de nas lag dar te gsad par gzas na yang ma song de ma nyams so/ / de nas gos kyis gsad par gzas nas yang ma sod pa/ bcom ldan 'das kyis gzigs nas/ mo'u 'gal la 'di skad ces bka' stsal to/ / khyod kyis me mar 'di gsad snyam sems sam/ me mar 'di ni khyod kyis mi sod do// khyod nyan thos kyis skul zhing bskyod nus pa yang ma yin no// gal te khyod kyis rgya mtsho chen po bzhi'i chu phab bam/ rdzi rlung yug bus kyang sod par mi 'gyur ro// de bas na me mar 'di ni kun gyi don rgya chen por byed pa bsam pa chen po bskyed pas phul ba yin no//

  409. 205b

    bcom ldan 'das kyis de skad ces gsungs nas/ bsnyen dga' mo yang bcom ldan 'das kyi spyan sngar 'ongs te/ zhabs la spyi bos phyag 'tshal ba dang / de'i tshe bcom ldan 'das kyis/ lung bstan te/ khyod ma 'ongs pa'i dus bskal pa grangs med pa gnyis 'das nas mngon par sangs rgyas te/ mtshan yang mar me 'od ces bya ste dbang bcu dang ldan par 'gyur ro// de'i tshe na bsnyen dga' mos/ bcom ldan 'das kyis lung bstan pa thob nas/ rab tu dga' ste pus mo gnyis sa la btsugs nas/ rab tu 'byung bar gsol te/ bcom ldan 'das kyis kyang rab tu 'byung bar gnang ngo / / tshe dang ldan pa kun dga' bo dang / mo'u 'gal gyi bus bud med dbul mos lung bstan pa thob ste rab tu 'byung ba mthong nas pus mo gnyis sa la btsugs te thal mo sbyar nas/ bcom ldan 'das la 'di skad ces gsol to// bsnyen dga' mo dbul mo 'di sngon las ci zhig bgyis na/ de srid kyi bar dbul 'phongs te 'tsho ba yang mi rnyed par gyur/ ci zhig bgyis na bcom ldan 'das dang phrad de/ 'khor rnam bzhis mchod pa bya bar dga' bar 'gyur/ bcom ldan 'das kyis/ kun dga' bo la bka' stsal pa/ sngon 'das pa'i dus na sangs rgyas 'od srungs 'jig rten du gshegs te/ de'i tshe na khyim bdag gi chung ma zhig gis sangs rgyas dang dge slong gi dge 'dun du

  410. 206a

    bcas pa spyan drangs pa las/ sngar bud med dbul mo zhig gis spyan drangs te gshegs su gnang ngo // bud med dbul mo de yang lan cig phyir mi ldog pa thob/ bzhig ste/ de'i tshe na khyim bdag gi chung ma de btsan zhing phyug pa dang cho rigs snyems pas/ dbul mos sngar spyan drangs pa la brnyas smad pas 'di skad ces smras so// bcom ldan 'das ci'i slad du bdag gis spyan drangs par sngar mi gshegs par/ spang mos spyan drangs par gshegs zhes tshig ngan pa smras te/ 'phags pa la brnyas smad pas/ skye ba lnga brgya'i bar du rtag tu dbul 'phongs pa 'tsho ba slongs mo la bltos pa'i rigs su skyes so/ / phyid nyin sangs rgyas dang dge 'dun la dad pas mchod de dga' bas na/ da sangs rgyas dang phrad de// rab tu byung nas lung bstan pa yin no// de'i tshe 'khor mang po'i rnams sangs rgyas kyis gsungs pa la rab tu dga' bar gyur to// de'i tshe rgyal po dang / blon po dang / mi mang po dag gis bud med dbul mos sangs rgyas la me mar gcig phul bas/ sangs rgyas su lung bstan to zhes thos nas/ thams cad kyis bkur sti byas te 'tsho ba'i yo byad mchog ram pa rnam bzhi chog par sbyar te phul lo/ / de'i tshe na yul de'i khye'u dang / bu mo ya rabs dang / ma rabs thams cad kyis me mar bsung can sbyar te/ rgyal bu rgyal byed kyi tshal du

  411. 206b

    bcom ldan 'das la phul lo/ / me mar 'bul ba'i mi mang pos me mar gyi rgyal bu rgyal byed kyi tshal kun yongs su gang ste/ phyogs bzhi nas skar ma nam mkha' la snang ba dang 'dra bar nyin gcig/ bzhin du phul te/ de lta bur rgyun ma chad par nyin zhag bdun gyi bar du phul lo// de'i tshe na kun dgapa bo shin tu dga' nas ngo mtshar du gyur te/ bcom ldan 'das kyi yon tan ni 'di rtsed cig mnga' bo zhes bsngags nas/ bcom ldan 'das la 'di skad ces gsol to// bcom ldan 'das kyis sngon ci zhig bgyis na/ 'di lta bu'i me mar tshad med pa dang ldan par gyur/ bcom ldan 'das kyis/ kun dga' bo la bka' stsal pa/ sngon 'das pa'i dus na 'dzam bu'i gling 'dir rgyal po ka si ki zhes bya ba zhig byung ste/ rgyal phran brgyad khri ba'i stong snyed la dbang byed pa rgyal po'i btsun mo chen mo la sras gcig byung ste/ lus kyi mdog gser lta bur 'dug la/ mtshan sum cu rtsa gnyis dang / dpe byad bzang po brgyad cur ldan te/ spyi ba la rin po che kha dog gsal ba blta na mig sbrid pa gcig yod de/ mtshan mkhan pos nas bzang ngan brtags te ming gdags pa las/ mtshan mkhan gyis bltas na mtshan ngo mtshar du babang bas/ lag pa bteg nas shin tu legs so shin tu legs so zhes spras te/ rgyal bu 'di ni 'jig rten na lha dang mi'i nang na bsrun du med do// gal te khyim na gnas

  412. 207a

    na 'khor los sgyur ba'i rgyal por 'gyur ro/ / gal te rab tu byung na mngon par 'tshang rgya'o zhes smras te/ mtshan mkhan gyis rgyal po la 'di skad ces gsol to// rgyal bu 'di thog ma btsas pa na ngo mtshar ya mtshan gyi lhas ci zhig byung zhes dris na/ rgyal bu 'di btsas pa'i tshe spyi bo na rin po che shin tu gsal ba zhig yod do zhes smras nas/ rgyal bu'i ming yang rin chen gtsug phud ces btags so/ / phyis cher skyes nas rab tu byung ste/ byang chub la nan tan byas nas mngon par sangs rgyas te/ sems can grangs med pa'i don byas so/ / de'i tshe na rgyal po yab kyis sangs rgyas dang dge slong gi dge 'dun dang bcas par zla ba gsum gyi bar du spyan drangs nas/ de'i nang na dge slong 'phags pa'i gnyen zhes bya ba zhig/ zla ba gsum gyi bar du me mar sbyor ba'i yon bdag tu khas blangs nas/ nyin gcig bzhin du grong khyer du song ste/ tshong dpon dang / khyim bdag dang / mi mang po las mar dang / 'bru// mar dang / me mar gyi snying po bslangs so// de'i tshe na rgyal po de la bu mo thub pa zhes bya ba zhig yod de/ yang thog gi steng nas dge slong de nyin gcig bzhin du grong rgyu zhing nyon mongs pa mthong nas/ de la snying brtse ste mi zhig mngags nas/ btsun pa khyod ci zhig sgrub na rtag tu 'di lta bur nyon mongs zhes dris na/ dge slong des 'di skad ces smras so// bdag ni zla

  413. 207b

    ba gsum gyi bar du sangs rgyas dang dge 'dun gyi me mar sbyor ba'i yon bdag tu khas blangs te/ de bas na grong rgyu zhing dge bsnyen rnams las mar dang / 'bru mar dang / mar gyi snying po dang / mar me 'dzugs pa'i yo byad rnams slong ngo zhes bu mo la springs pa dang / bu mo de rab tu dga' nas/ dge slong 'phags pa'i gnyen la 'di skad ces bsgo'o// da phyin chad 'di ltar kun tu 'gro mo dgos kyis/ me mar gyi yo byad thams cad kho mos sbyar gyis long zhig ces bsgo ba dang / dge slong de yang de ltar bya'o zhes smras nas/ de phyin chad rtag tu me mar dang / 'bru mar dang / mar me'i yo byad kun sbyar te gtsug lag khang du bskyal to// dge slong 'phags pa'i gnyen gyis de ltar nyin gcig bzhin du mar me phul te/ kun la phan pa'i don rgya chen po'i sems bskyed pas/ bcom ldan 'das kyis lung bston te/ ma 'ongs pa'i dus na bskal pa grangs med pa 'das nas mngon par 'tshang rgya ste/ mtshan yang mar me mdzad ces bya bar lung bstan nas/ mtshan cung zad dang ldan par gyur to// rgyal po'i bu mo thub pas/ dge slong 'phags pa'i gnyen la lung bstan to zhes thos nas 'di snyam du bsams so/ / sangs rgyas la phul ba'i mar me ni bdag gis sbyar te/ dge slong des bskul ma tsam byas kyang lung bstan na/ bdag la ni lung ma bstan to snyam

  414. 208a

    bsams nas/ bcom ldan 'das gang na bar song ste/ de bzhin du drang por gsol nas/ bcom ldan 'das kyis lung bstan to// bu mo thub pa khyod ma 'ongs pa'i dus na/ bskal pa grangs med pa dgu bcu rtsa gnyis 'das nas mngon par 'tshang rgya ste/ mtshan yang shAkya thub pa zhes bya bar mtshan bcu dang ldan par lung bstan to// de ltar rgyal po'i bu mos kyang sangs rgyas las lung bstan pa thob pas rab tu dga' ba skyes par gyur te/ sangs rgyas kyi zhabs la spyi bos phyag 'tshal nas/ rab tu 'byung bar gsol to/ bcom ldan 'das kyis kyang rab tu 'byung bar gnang nas/ bar chad med par brtson 'grus rtsom mo// bcom ldan 'das kyis/ kun dga' bo la bka' stsal pa/ de'i tshe de'i dus na dge slong 'phags pa'i gnyen ni/ sngon 'das pa'i sangs rgyas mar me mdzad yin no// rgyal po'i bu mo thub pa ni da ltar nga yin te/ sngon mar me phul bas bskal pa grangs med pa'i bar du lha dang mi'i 'jig rten na bsod nams myong ste/ gzugs kyang gzhan pas 'phags par bzang ste/ da mngon par sangs rgyas nas kyang mar me mang po dang ldan bar gyur to/ / bcom ldan 'das kyis de skad ces gsungs nas/ 'khor mang po'i rnams la la ni 'bras bu dang po nas/ 'bras bu bzhi pa'i bar du thob bo// la la ni rang sangs

  415. 208b

    rgyas su dge ba'i rtsa ba bskyed do/ / la la bla na med pa'i byang chub tu sems bskyed do// tshe dang ldan pa kun dga' bo dang / 'khor mang po bcom ldan 'das kyis gsungs pa la rjes su yi rang nas mngon par dga' 'o/ / dbul mo bsnyen dga' mo'i le'u ste sum cu rtsa bdun pa'o// // ba she tsir gyi le'u'o// 'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri la bzhugs so// de'i tshe yul de na khyim bdag shi ri tsi zhes bya ba shin tu phyug cing longs spyod dang ldan pa/ rin po che sna bdun gyis bang mdzod gang ba zhig yod de/ rigs mnyam pa las chung ma blangs nas/ dus phyi zhig na chung ma sems can dang ldan par gyur te/ zla ba tshang nas bu khye'u sdug pa/ mdzes pa/ 'jig rten na dpe med pa gcig btsas te/ pha ma shin tu byams pas mtshan mkhan pos te mtshan bltas na/ mtshan mkhan gyis kyang khye'u 'di ni bsod nams kyi mtshan dang ldan te/ rigs kyang 'tshob par 'gyur ro zhes smras pa dang / khye'u'i pha ma lhag par dga' nas/ mtshan ma kha na de la bu'i ming thogs shig ces smras pa dang / mtshan mkhan gyis smras pa/ bu 'di yod par gyur nas ltas sam/ ya mtshan ci byung zhes dris na/ smras pa gzhan ni med kyi/ khye'u'i ma sngon smra mi mkhas pa la/ khye'u 'di yod tshun chad smra mkhas par gyur to zhes byas

  416. 209a

    ba dang / zlab nga pa sa brtags so// gams pa/ pa sa nas yi ga zungs tshal da bldan par thar to// dus ga'am ga kyis pa zhugs sa dang rje dang sangs ba las/ gas ngan pa zhig gi khyim na bum sdug kum tshul du shes pa gtsug yod pa mthong nas/ de la chags te grang sa byung bar byamams nas/ bya rgyam ma te bu mo de bdag gi chung bar yang zhig ces smras so/ / bams smras pa/ bdag cag nam rigs brtan pa yin te/ rnga mo de rigs chung zhing ngan pa yin/ de ltar chung mar zhes byas pa dang / lce'u rab tu mi dga' nas/ pham la yang 'di skad ces smras so// tshe rigs la sa lta bar bu mo nyid ci 'dra ba las bdag gi chung sa la long zhig/ gal te chung mar mtha na bdag kyang 'bum mo zhes smras pa dang / bams kyang ba ngo mazlogs pas bu mo thang du btang ngo // bu ma'i bams smras pa/ khyod na cha rags btsud pa yin te/ bdag cag ni rigs chung zhing ngan pa yin pas gnyen na yang ma yin na/ 'i phyir bu mo srung zhes byas so// 'on kyang khye'u dbu mo de la chags so// yang bskur te bla ma song du btang ba dang / bu ma'i thams 'a rkad ces smrams/ / gas te bdag gisag par bya ba la rtsal sna chags kyang yod la/ klu dang / gar dang / phred ma'i bgaci yang gis shing rgyal btsal dgyes pa kun shes na gnyen

  417. 209b

    zhes smras pa dang / khye'u de rol mo la sogs pa slob pa la ngo tsha ba dang bsngos nas/ ring por ma lon par kun byang bar bslabs so// dus gzhan zhig na rgyal pos rol mo byas te/ rtsal che ba kun bsags nas shing 'dzeg pa dang / mchongs pa dang / thag 'dzeg la sogs pa rtsed mo sna tshogs byed pa las/ khyim bdag gi bu yang der 'ongs nas thag pa la 'dzegs te/ thag pa la rgyug cing thag 'dzeg byas pa dang / rgyal po yengs te ma mthong bas gdong byos shig ces bsgo'o// khye'u ngal bas thag 'dzeg byas pa dang / thag pa'i dbus tsam du phyin nas thag pa las lhung ste/ shin tu skrag pas skyabs med do zhes smras so// de'i tshe mo'u 'gal gyi bu der 'ongs nas sa la ma lhung bar bzung ste 'di skad ces smras so// khyod nga lus dang srog ma bral bar rab tu 'byung ngam 'on te sa la lhung ste bu mo chung mar blang bar bya/ smras pa/ srog ma ya la na chung ma mi 'dod do zhes smras pa dang / mo'u 'gal gyis nam mkha' la sa gzhi mnyam par sprul nas bde bar bzhag pa dang / khye'u de 'jigs pa med par gyur te/ bde bar sa la bzhag pas khye'u rab tu dga' nas/ mo'u 'gal gyi phyi bzhin bcom ldan 'das gang na ba der song ngo / / der byin pa dang bcom ldan 'das kyi zhabs la spyi bos phyag 'tshal te/ sangs rgyas la mchod pa byas so// de'i tshe na bcom ldan 'das kyis sbyin pa'i gtam dang /

  418. 210a

    tshul khrims kyi gtam dang / mtho ris kyi lhar skye ba'i gtam dang / 'dod pa mi gtsang ba dang / rab tu byung ba ni bde'o zhes rgyas par bstan pas/ yid rnam par grol te 'bras bu dang po thob nas/ bcom ldan 'das la rab tu 'byung zhing / dam pa'i chos slob par gsol ba dang / bcom ldan 'das kyis gnang nas/ skra dang kha spu rang byi ste dge slong du gyur nas/ dge sbyong gi chos la nan tan byas pas zag pa kun zad de dgra bcom par gyur to// de nas tshe dang ldan pa kun dga' bos/ bcom ldan 'das la 'di skad ces gsol to/ / dge slong 'di bu mo de dang sngon gyi las ji ltar mthun na/ lus srog la 'bab kyi bar du chags par gyur/ mo'u 'gal gyi bu la dge ba'i rtsa ba ci zhig bskyed na srog skyabs pa'i rkyen gyis mthar dgra bcom par gyur pa bstan du gsol/ bcom ldan 'das kyis/ kun dga' bo la bka' stsal pa/ sngon 'das pa'i bskal pa tshad med pa 'das pa'i pha rol na/ yul bA rA nA si 'dir khyim bdag gcig la bu sdug cing bzang ba dpe med pa gcig btsas so// de'i tshe na khyim bdag de'i khyim du rgya mtsho nas mi zhig 'os nas khyim bdag de la bya sgong gcig cig phul lo/ / khyim bdag gis lag tu blangs pa dang / ring po ma lon par sgo ngags nas bya phrug tshang ma gcig byung ngo // khyim bdag gis

  419. 210b

    bya phrug de bu la byin nas cher skyes pa dang / gcig la gcig chags te/ khyim bdag gi bu phan tshun du ltad mo la 'gro na/ bya de'i rgyab la 'dug nas byas khyer zhing nam mkha' la 'phur te 'gro/ nam skyon phyir yang khyim du 'ongs te/ de bzhin du nyin gcig bzhin du 'phyan du 'gro'o// de nas ring zhig lon pa dang / dus gzhan zhig na rgyal po gzhan zhig gi yul du rol mo byed do zhes thos nas/ khye'u de bya de la zhon te yul pha rol por ltad mo ltar song nas/ bya shing kar bzhag ste khye'u ni ltad mo ltar zhugs so// ltad mo lta ba'i lam du rgyal po'i bu mo dang phrad nas/ rgyal po'i bu mo la chags te bu mo dang nyal nas phyis gsang shor te/ rgyal pos zin nas gsod bcug pa las/ khyim bdag gi bus 'di skad ces gsol to// bdag la mtshon gyis dgu ma yang ci 'tshal/ bdag nyid shing khar 'dzegs te shing kha nas g.yang du 'gum par gsol pa dang / rgyal pos kyang de bzhin du gnang nas/ khye'u shing khar 'dzegs te bya la zhon nas 'phur te song ba las bya des srog thar par byas so/ / kun dga' bo de'i tshe de'i dus na khyim bdag gi bu de ni ba she cir yin no// rgyal po'i bu mo de ni bu mo 'di yin no// bya de ni mo'u 'gal gyi bu yin te/ 'das pa'i dus na yang 'dod chags kyi rkyen gyis tshe zang ba las thar bar byas so// da yang 'dod chags kyi dbang gis tshe zad pa las mo'u 'gal gyi bus bde

  420. 211a

    bar byas so/ / dge slong 'di yid gzhungs shing zag pa med pa'i 'bras bu thob pa ni/ sngon 'das pa'i dus na bA rA na si 'dir khyim bdag gcig/ cig la rang sangs rgyas zhig gis bsod snyoms bslangs pa las/ khyim bdag des bsod snyoms phul te chos bstan par gsol ba dang / de'i tshe rang sangs rgyas des chos ston mi nus so zhes smras na/ lhung bzed nam mkha' la bsgyur nas 'bur te song ngo // de nas khyim bdag des 'di snyam du bsams te/ skyes bu 'ang rdzu 'phrul gyi mthu ni chen dam pa'i chos ston mi nus pa lta/ bdag ma 'ongs pa'i dus su 'phags pa dang brad de/ skyes bu 'di las lhag par dam pa'i chos ston pa la zad mi shes par shog cig ces smon lam btab bo// de'i rkyen gyis yid gzhungs shing dgra bcom pa'i 'bras bu thob pa yin no// bcom ldan 'das kyis de skad ces gsungs pa la 'khor mang po rnams mngon par dga' nas/ kha la ni rgyun du zhugs pa'i 'bras bu dang / phyir ldog pa dang / phyir mi ldog pa dang / dgra bcom pa'i 'bras bu thob bo// kha cig ni rang sangs rgyas kyi dge ba'i rtsa ba bskyed/ kha cig ni byang chub tu sems bskyed de/ bcom ldan 'das kyis gsungs pa la rjes su yi rang ngo // ba sha tsor gyi le'u ste sum cu rtsa brgyad do// khyim bdag dbyig pa can/

  421. 211b

    gyi le'u 'o// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe yul de na bram ze byin te lo shu sha zhes bya ba zhig yod de/ bram ze de'i chung ma de rab tu mi sdug cing mig gnyis kyang mi mthong ste/ mi mthong ba de la bu po ni med kyi/ bu mo bdun yod de rab tu dbul 'phongs so/ / bram ze'i bu mo de dag kyang so sor bag mar btang ste/ phyis mag pa dag 'dus nas bram ze'i chung ma yang khro zhing gtum mo zhig ste/ bu mo dang mag pa dag slong ba la khros nas bu mo dag kyang phyir ma la gshe'o/ / de'i tshe na zhing dag kyang brda ran nas/ khyim tshes la ba glang zhig brnyas te zhing thog tu song song ba las/ legs par ma bsrungs pas stor to/ / de'i tshe byin te lo shu shas 'di snyam du bsams so// bdag gis sngon nyes pa ci zhig byas na/ khyim du 'ongs na ni chung mas rtag tu spyo zhing bu mo bdun dang mag pa rnams kyis 'dug tu mi ster/ nga khyim tshes kyi ba glang brnyas na ni stor bar gyur te/ bdag gis btsal kyang ma rnyed na ji ltar bya snyam mya ngan gyis yi mug ste 'dug 'dug pa las/ rgyang ma nas de bzhin gshegs pa shing drung na dbang po kun zhi zhing bde bar bzhugs pa mthong ngo / / bram ze des 'khar ba la skom tshugs bcas te rgyangs chad kyi bar du brtags nas yang

  422. 212a

    'di snyam du bsams so/ / dge sbyong go'u ta ma ni rab tu bde skyid do// de la ni chung mas skyo ba yang med/ bu mo ngan pas dang mag pas gtse ba yang med// zhing brda ran te glang brnya yang mi dgos te/ mya ngan med do snyam bsams nas/ bcom ldan 'das kyis de'i bsam pa thugs kyis mkhyen nas 'di skad ces bka' stsal to// khyod kyi bsam pa bzhin te nga la yang dag par nyes pa'i skyon gang yang med/ chung ma ngan pa yang med na/ gshe zhing spyo ba lta ci smos/ bu mo bdun gyi 'tshe ba yang med/ mag pa khyim du 'du ba yang med zhing brda ran pa dang glang stor ba'i mya ngan byed pa yang med do/ / khyod rab tu 'byung bar dga' 'am zhes bka' stsal pa dang / bram zes bcom ldan 'das la 'di skad ces gsol to/ bdag da ltar khyim la dung tsam du 'dzin te/ chung ma dang bu mo la dgra tsam du sems so// bcom ldan 'das kyis rab tu 'byung bar gnang na bdag rab tu 'byung ngo zhes gsol pa dang / bcom ldan 'das kyis legs par 'ongs so zhes bka' stsal pas/ sgra dang kha spu rang byi ste dge slong du gyur to// de nas bcom ldan 'das kyis ci rigs par chos bstan nas/ de nyid du dri ma kun zad de dgra bcom par gyur to/ / de nas kun dga' bos/ bcom ldan 'das la gsol pa/ legs so bcom ldan 'das sems can gyi don mdzad pa

  423. 212b

    bsam gyis mi khyab bo/ / bram ze 'dis sngon legs pa ci zhig bgyis na/ nyes pa'i skyon kun dang bral te ras dkar po gtsang ma la tshon zhe na sla ba ltar dge ba la phan pa'i don thob par gyur/ bcom ldan 'das kyis/ kun dga' bo la bka' stsal pa/ bram ze 'di la da ltar 'ba' zhig ngas phan btags te bde bar byas par ma zad kyi/ sngon 'das pa'i dus na yang nyes pa kun las thar cing bde bar byas so/ / kun dga' bos gsol pa/ 'das pa'i dus na bram ze 'di la ji ltar bde bar mdzad pa rgyas par bstan du gsol/ bcom ldan 'das kyis bka' stsal pa/ khyod shin tu legs par nyon la yid la zung zhig dang / khyod la bstan par bya'o// kun dga' bos gsol pa/ de bzhin du thos par 'tshal lo zhes gsol pa dang / bcom ldan 'das kyis/ kun dga' bo la 'di skad ces bka' stsal to// sngon 'das pa'i bskal pa grangs med tshad med pa'i pha rol na rgyal po mdzes pa zhes bya ba zhig byung ste/ chos bzhin du srid 'tsho'o// de'i tshe yul de na bram ze dbyig pa can zhes bya ba zhig 'dug ste/ rab tu dbul 'phongs pa bza' ba dang bgo ba med pa zhig go// de nas khyim bdag gcig la glang zhig brnyas te nyin par spyad nas/ glang de khrid de khyim bdag de'i khyim du song ba dang / de na khyim bdag ni zan za ste/ dbyig pa can gyis glang de khyim

  424. 213a

    gyi nang du btang ba dang / glang sgo gzhan du song nas stor to// khyim bdag de zan zos nas langs pa dang / de na glang ma mthong nas des dbyig pa can la glang ga re zhes byas pa dang / des smras pa/ khyod kyi khyim du btang ngo // khyod kyis nga'i glang bor gyis/ glang slar byin cig ces smras pa dang / des smras pa/ ngas ma bor ro// nas gnyis 'grogs te rgyal po'i thad du 'dong ba dang / 'u bu cag gi rigs pa dang mi rigs pa rtogs so zhes smras nas de gnyis dong ba dang / mi gzhan zhig gi rta rgod ma zhig bros nas des dbyig pa can la smras pa/ rta rgod ma ma gtang zhes smras nas/ des rdo ba zhig blangs te 'phangs pa dang / rta'i rkang pa la phog nas rkang pa chag go// des smras pa/ khyod kyi nga'i rta bsad kyis nga'i rta byin cig/ ci'i phyir rta sbyin/ des smras pa/ tshur shog rgyal po'i drung du 'dong dang / de'u bu cag gi zhal che gcod do zhes smras nas/ de dag der song ba dang dbyig pa can de 'bros par brtsams te/ des rtsig pa zhig gi steng nas mchongs pa dang / de'i drung na tha ga pa zhig thags 'thag cing 'dug pa'i steng du lhung nas/ thag pa de tshe 'phos nas/ tha ga pa'i chung mas dbyig pa can de gzung nas/ khyod kyis nga'i khyo bsad kyis/ nga'i khyo byin cig ces smras pa dang / ngas khyod kyi khyo ji ltar sbyin zhes smras nas/

  425. 213b

    tshur shog rgyal po'i drung du 'dong dang / de'u bu cag gi zhal che gcod do zhes de dag dong ba las/ lam gyi bar de na chu bo gting zab pa zhig yod de/ chu de'i nang na tshur shing mkhan zhig ste'u kha na khyer te 'ong ngo / / de la dbyig pa can gyis chu'i gting ji tsam zhes dris pa dang / chu gting zab bo zhes smras pas/ ste'u chur lhung ste ste'u de ma rnyed pa dang / des dbyig pa can bzung nas khyod kyis nga'i ste'u chur bskur ro/ / des smras pa/ ngas ma bskur ro// tshur shog rgyal po'o drung du 'dong dang / de'u bu cag gi zhal che gcod do zhes smras nas/ dong ngo // de lus ngal nas chang 'tshong gi khyim du song ste chang bslangs nas/ chang 'tshong ba de la bu po zhig btsas te/ bu gos kyis g.yogs te bsnyal ba las/ dbyig pa can de'i steng du 'dug pa dang / khye'u de srog dang bral bar gyur to// des kyang dbyig pa can de bzung ste/ khyod kyis nga'i bu bsad kyis/ nga'i bu byin cig/ des smras pa/ ngas ni ma bsad na/ khyod kyi bu ngas ji ltar sbyin/ des tshur shog rgyal po'i drung du 'dong dang / de'u bu cag gi zhal che gcod do zhes smras nas/ de dag dong ba las gnas gzhan zhig na shing sha ko ta ka la bya rog gcig 'dug pa des dbyig pa can de mthong nas gar 'gro zhes smras pa dang / nga ni mi 'gro na 'di dag gis nga khrid do// gang du khrid/ rgyal po'i drung du'o// 'o na kho bo'i 'phrin zhig/

  426. 214a

    kyang rgyal po la byos shig/ gnas 'di zhes bgyi ba na shing sha ko ta ka de la bya rog gcig 'dug pa/ bdag shing gzhan gyi kha na 'dug pa'i tshe skad mi snyan la shing 'di'i khar 'ongs na skad ngo mtshar du snyan na/ de ci'i phyir zhes de skad mchi'o zhes smros shig/ de nas yang gnas gzhan zhig tu sbrul zhig gis mthong nas/ snga ma bzhin du bdag gi 'phrin 'di yang zhus shig/ bdag nam khung nas phyir 'byung ba'i tshe ni bde/ slar 'jug pa'i tshe ni sdug bsngal na/ ci'i phyir de ltar gyur ces zhus shig/ de dag dong ba las gnas gzhan zhig na na chung gzhon nu zhig gis mthong nas/ snga ma bzhin du kho mo'i 'phrin yang zhus shig/ nam kho mo pha'i khyim na 'dug pa'i tshe na gyos po'i khyim 'dod/ gyos po'i khyim na 'dug pa'i tshe pha'i khyim 'dod na/ ci'i phyir de ltar gyur zhes zhus shig ces smras nas/ de dag dong ba las rgyal po'i drung du phyin pa dang / de dag rgyal po'i rkang pa la mgo bos phyag 'tshal te/ phyogs gcig tu 'dug go/ / de nas rgyal pos de dag la khyed ci la 'ongs zhes dris pa dang / de dag gis dbyig pa can dang khyim bdag rtsod pa de dag thams cad smras so// rgyal pos dbyig pa can la sbas pa khyod kyis glang brnyas sam/ brnyas so// 'o na phyir byin nam/ glang bdag gis mthong bar byin te khas ni ma gtad do// rgyal pos spras pa/ dbyig pa can 'das glang

  427. 214b

    phyir byin te ma smras pas lce chod cig/ khyim bdag kyang glang 'ongs par mthong la ma btags pas na mig phyung zhig ces bcad do// khyim bdag gis smras pa/ dbyig pa can gyis gcig tu na bdag gi glang 'phrogs/ gnyis su na bdag gi mig phyung ba bas dbyig pa can rgyal bar gyur pa bla'o// mi gcig gis lha dbyig pa can 'dis bdag gi rta rgod ma bkum mo zhes smras pa dang rgyal pos dbyig pa can la khyod kyis rta ji ltar bsad ces dris na/ bdag lam du zhugs te mchi mchi ba las/ mi 'di rta ma gtang zhig ces mchi nas bdag gis rdo ba gcig blangs te 'phangs pa las rta gum mo/ / rgyal pos smras pa/ rta bdag gis rta ma gtang zhig ces smras pas/ rta bdag ni lce chod cig/ dbyig pa can ni rdo ba 'phangs pas lag pa chod cig/ mi des smras pa/ gcig tu na bdag gi rta bsad/ gnyis su na bdag gi lce gcad pa bas dbyig pa can rgyal bar gyur bla'o// shing mkhan gyis smras pa/ dbyig pa can gyis bdag la chu'i gting ji tsam du zab ces dris pas/ kha na ste'u thogs pa chur lhung ngo zhes gsol pa dang / rgyal pos smras te/ rdzas ci khyer yang phrag pa la bkur ba'i rigs kyi/ kha nas khyer bas shing mkhan gyi mdun so gcig chog cig/ dbyig pa can ni chu gting zab bam zhes dris pas lce chod cig/ shing mkhan gyis spras pa/ gcig tu na bdag gi ste'u stor/ gnyis

  428. 215a

    sun bdag gi so bcag pa bas dbyig pa can rgyal bar gyur bla'o/ / chang 'tshong mas smras pa/ dbyig pa can gyis bdag gi bu bsad do// dbyig pa can gyis smras pa bdag ngal bas chang slong du mchis nas stan la ma bltas par stan la 'dug pas/ 'og na bu mchis par ma tshor te bu gum mo// rgyal pos smras pa/ chang 'tshong ma khyod bu gor bsnyal la gos kyis mi mngon par g.yogs pas nyes so/ / dbyig pa can khyod stan la mi rtog par 'dug pa yang nyes kyis/ dbyig pa can khyod khyor byos la bu yod par gyis shig ces smras so/ / chang 'tshong mas smras pa/ gcig tu na bdag gi bu bsad/ gnyis su na khyor byin pa bas dbyig pa can rgyal bar gyur bla'o// tha ga pa'i chung mas smras pa/ dbyig pa can gyis bdag gi khyo bkum mo/ / dbyig pa can gyis smras pa/ bdag la dgra mangs pas 'jigs te rtsig pa rgal nas bros pa las/ phag na mi yod pas ma mthong ste gum mo// rgyal pos smras pa/ song la 'di nyid khyod kyi khyor gyis shig/ des smras pa/ gcig tu na bdag gi khyo bsad/ gnyis su na bdag gi khyor bya ba bas dbyig pa can rgyal bar gyur bla'o// de dag so so nas zhal che bcad de dbyig pa can yus byin nas nyes pa kun las thar to// rgyal po de la yang bud med gnyis shig bu gcig la stod de/ rgyal po blo mkhas pas brtags

  429. 215b

    nas bud med gnyis la 'di skad ces smras so/ / khyed gnyis kyis bu'i lag pa re re nas bzung ste drongs la/ gang gis thob pa bu khyer cig ces bsgo ba dang / bu'i ma ma yin pa yis ni bu la snying rje med pas snad kyis mi dogs te mthu ci yod pas drangs so/ / bu'i ma gang yin pa des ni bu la byams pas snad kyis dogs te/ stobs kyis thub kyang drag tu mi 'dren no// rgyal pos kyang rtogs nas drag tu drangs pa de la 'di ni khyod kyi bu ma yin te/ bud med cig shos kyi bu yin pas na drang por smros shig ces byas pa dang / dal gyis 'dren pa'i bu yin par gyur te bu khyer ro/ / de nas yang mi gnyis shig ras yug gcig la stod de rgyal po'i drung du 'ongs pa las/ rgyal pos brtags nas zhal che gong ma bzhin du bcad do// de nas dbyig pa can gyis rgyal po la 'di skad ces gsol to/ / 'di dag gis bdag bzung ste khrid cing mchi ba na/ sbrul zhig gi 'phrin du 'di skad ces mchi'o// bdag khung bu nas phyir 'byung ba'i tshe ni bde slar 'jug pa'i tshe ni sdug bsngal na/ ci'i phyir de ltar gyur pa zhus shig ces mchi'o// rgyal pos smras pa/ sbrul de la khyod kyis 'di skad ces gyis shig/ khyod mi khro zhing bkres pas khung nas byung ba'i tshe ni bde'o/ / phyir byung nas kha zas mang du zos la bya rnams kyis gtses pas/ khyod khros te sbom por gyur pas slar 'jug pa'i tshe khung bu la thogs nas sdug bsngal lo zhes

  430. 216a

    gyis shig/ khyod kyis de ste kha zas kyi tshod shes la mi khro na/ ji ltar phyir 'byung ba dang 'dra bar bde bar 'jug go zhes smros shig/ de nas na chung gzhon nu'i 'phrin smras pa dang rgyal pos spras pa/ na chung gzhon nu de la khyod kyi pha'i khyim na mdza' bo 'dug ste/ nam gyes po'i khyim na 'dug pa de'i tshe na/ mdza' bo la chags pas pha'i khyim du 'gro 'dod do/ nam pa'i khyim na 'dug pa de'i tshe ni mdza' bo la skyo ste/ khyo la chags pas gyos po'i khyim du 'gro 'dod pa yin gyis/ gnas gcig spongs la gcig legs par zung zhig dang de lta bu'i gnod pa med par 'gyur ro zhes smros shig/ gnas gzhan zhig na shing sha ko ta ka la bya rog gcig 'dug pa'i 'phrin smras pa dang / rgyal pos smras pa/ shing de'i 'og na gser yod pas khyod kyi skad snyan pa yin no/ / shing gzhan gyi drung na gser med pas skad mi snyan no zhes gyis shig/ rgyal pos dbyig pa can la smras pa/ khyod la nyes pa mang du byung yang ngas btang ngo / / khyod ni dbul 'phongs kyis/ shing gi 'og na gser gyi gter yod pa khyod rkos la khyer cig/ dbyig pa can gyis rgyal pos bsgo ba bzhin du so so'i 'phrin yang bsgo nas shing drung nas gser yang phyung ste khyer ro/ / de phyin chad so ches tshugs nas cis kyang mi brel te/ tshe gcig tu phyug cing bde skyid par gyur to// kun dga' bo

  431. 216b

    de'i tshe de'i dus na rgyal po mdzes pa can de la gzhan du ma sems shig da ltar nga yin no/ / de'i tshe de'i dus na bram ze dbyig pa can de ni bram ze phyin te lo shu sha yin no// ngas sngon yang sdug bsngal thams cad las thar par byas te/ rin po che byin nas bde skyid par byas so// da mngon par sangs rgyas nas kyang sdug bsngal las thar par byas te/ zad mi shes pa'i chos rin po che'i gter byin no/ / bcom ldan 'das kyis de skad ces bka' stsal nas/ tshe dang ldan pa kun dga' bo dang 'khor mang po/ bcom ldan 'das kyis gsungs pa la rjes su yi rang nas mngon par dga' 'o/ / khyim bdag dbyig pa can zhes bya ba'i le'u ste sum cu dgu pa'o// // bram ze shi tshir zhes bya ba'i le'u'o// 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe yul de na bram ze shi tsaur zhes bya ba cho rigs btsun pa phyug pa zhig yod de/ bu med par ston pa drug gi thad du song ste dris pa dang / ston pa drug gis kyang khyod la bu'i mtshan yong med do zhes smras so// de nas bram ze phyir khyim du 'ongs nas gos dri ma can gyon te/ mya ngan gyi khang bur zhugs nas mi dga' ste 'di snyam du bsams so// bdag la bu ni med kyi/ gal te nang gcig tshe'i dus byas na khyim dang

  432. 217a

    nor rdzas bcas su rgyal pos bzhes so snyam bsams nas/ rab tu mi dga' zhing 'dug go// de'i tshe na bram ze de'i chung ma dge slong ma dang bshes so// dge slong ma de bram ze de'i khyim du 'ongs nas/ bram ze de shin tu mi dga' zhing mya ngan gyis yi mug par mthong nas/ chung ma la khyod kyi khyo ci'i phyir mi dga' zhes dris pa dang / bram ze'i chung mas smras pa/ bdag cag la bu med de ston pa drug la dris na/ khyod la bu mtshan med do zhes bsgo bas mi dga' zhing mya ngan byed do// de nas dge slong ma des smras pa/ ston pa drug ni thams cad shes pa ma yin na/ des las kyi rgyu rkyen ga la zhig rig/ de bzhin gshegs pa 'jig rten na bzhugs te/ thams cad rtogs shing mkhyen pas 'das pa dang / ma 'ongs pa la thogs pa med na/ ci'i phyir bu yod dam med ces mi 'dri'o zhes bsgo'o// dge slong ma de phyir song nas bram ze'i chung mas khyol de skad ces smras pa dang / bram ze de dga' rangs nas rtogs shing khong du chud par gyur te/ de ma thag tu gos sar pa bgos nas/ bcom ldan 'das ga la ba der song ste phyin pa dang / sangs rgyas kyi zhabs la spyi bos phyag 'tshal te/ bcom ldan 'das bdag gi mtshan dang dbang thang gis bu mchis sam zhes gsol ba dang / bcom ldan 'das kyis bram ze de la khyod la bu yod par 'gyur te/ bsod nams dang yang ldan la/

  433. 217b

    cher skyes nas rab tu 'byung ba la dga' bar 'gyur ro zhes bka' stsal to// bram zes de skad ces bka' stsal pa thos nas rab tu dga' mgu rangs te/ bu yod par gyur na lha rab tu byung yang bla ste/ sdug bsngal med do zhes smras nas/ bcom ldan 'das dang dge slong gi dge 'dun rnams bshos la gshegs par spyan drangs pa dang / bcom ldan 'das kyis cang mi gsung bar gshegs su gnang ste/ phyid nyin gdugs tshod la bab nas/ sangs rgyas dang dge 'dun bcas su bram ze de'i khyim du gshegs nas/ gdan bting ba la bzhugs te/ bram ze khyo shug gis bsti stang dang bcas pas bsod snyoms gsol to// bsod snyoms gsol nas sangs rgyas dang dge 'dun bcas su slar gshegs pa dang / de'i bar na ne'u gsing zhig yod de/ chu mig shin tu gtsang ma zhig yod pa la/ bcom ldan 'das dang dge slong gi dge 'dun rnams mnyel ba shol te/ so so nas chu mig de la bcus nas lhung bzed dang rkang lag bkrus so/ / de nas spre'u zhig der 'ongs te/ kun dga' bo las lhung bzed blangs pa dang / bcag gis dogs pas kun dga' bos lhung bzed ma ster ba las/ bcom ldan 'das kyis kun dga' bo lhung bzed spre'u la byin ces bka' stsal to/ / de nas kun dga' bos lhung bzed spre'u la byin pa dang / spre'us shing ka nas sbrang rtsi blangs te lhung bzed bkang

  434. 218a

    nas bcom ldan 'das la phul lo/ / bcom ldan 'das kyis sbrang rtsi'i nang gi mi gtsang ba phyung zhig ces bka' stsal pa dang / spre'us srin bu'i ro la sogs pa bsal te phul lo/ / bcom ldan 'das kyis sbrang rtsi'i lhung bzed bzhes nas/ sbrang rtsi chu dang sbyor la gsol cig ces bka' stsal nas/ chu dang sbyar te bcom ldan 'das la phul long bcom ldan 'das kyis bzhes nas dge slong gi dge 'dun rnams la yang bgos te byin nas thams cad ngoms par gyur to/ / de'i tshe spre'u des 'di lta bu dag mthong nas rab tu dga' ste mchongs pa dang / gar byas pa dang g.yang du lhung ste tshe'i dus byas nas de mthag tu bram ze'i bur skyes te/ bram ze de'i chung ma sems can dang ldan par gyur te/ zla ba tshang nas bu/ khye'u bzang ba blta na sdug pa gcig btsas so// thog ma btsas pa'i tshe khyim gyi nang na snod ci yod pa de dag thams cad kyi nang na sbrang rtsis gang bar gyur to// bram ze khyo shug rab tu dga' nas mtshan mkhan pos te mtshan bltas so/ / mtshan mkhan gyis khye'u 'di btsas pa na lhas sa ma ya mtshan ci zhig byung zhes dris na/ thog ma btsas pa'i tshe sbrang rtsis gang ngo zhes smras nas/ bu'i ming yang sbrang rtsi mchog ces bya bar btags so/ / de nas gsos bskyed de cher skyes pa dang / pha ma la rab tu 'byung bar gsol to// pha mas bu la chags pas ma btang ngo // khye'us yang

  435. 218b

    nas yang du gsol te/ pha mas bdag gi bgegs bgyis na bdag 'grus thod kyis/ 'dra 'di'i nang na 'tsham pod do zhes smras so// de nas khye'u'i pha mas bgros te/ sngon bcom ldan 'das kyis kyang rab tu 'byung ngo zhes lung bstan te/ da bar chad byas na srog dang bral du 'ong gis gnang bar bya'o zhes gros byas nas/ bu la khyod yid bzhin du rab tu 'byung bar gnang ngo / zhes bsgo'o// de nas khye'u dga' mgu rangs te/ bcom ldan 'das gang na bar song ste phyin pa dang / zhabs la spyi bos phyag 'tshal te rab tu 'byung bar gsol to// bcom ldan 'das kyis kyang legs par 'ongs so zhes bka' stsal pas/ skra dang kha spu rang byi ste dge slong du gyur to// de nas bden pa bzhi'i chos rgyas par bstan pas sems rnam par grol te/ zag pa kun zad nas dgra bcom par gyur to/ / dge slong dag dang phan tshun sems can kun gyi don la 'gro ba'i tshe/ gal te skom mam ngal na nam mkha' la lhung bzed bor bas sbrang rtsis rang gang ste kun dang thun mong du 'thung ngo / / de nas kun dga' bos/ bcom ldan 'das la 'di skad ces gsol to// dge slong sbrang rtsi mchog gis sngon bsod nams tsa zhig bgyis na/ rab tu byung nas ring po ma lon par dgra yang bcom la bsams pa yid bzhin du thob par gyur/ bcom ldan 'das kyis/ kun dga' bo la bka' stsal pa/ kun

  436. 219a

    dga' bo khyod sngon bram ze shi tsir gyis bos pa dran nam/ gsol pa/ dran no// kun dga' bo khyod kyis zas kyi bya ba byas nas ne'u gsing la bsti ba na spre'u zhig gis khyod las lhung bzed blangs te sbrang rtsis bkang nas nga la phul ba dang / spre'u dga' nas mchongs pa dang / gar byas pa las g.yang du song ste tshe brjes pa dran nam/ gsol pa/ dran no/ kun dga' bo de'i tshe na sbrang rtsi phul ba'i spre'u de ni/ dge slong sbrang rtsi mchog 'di yin no// sangs rgyas mthong nas dga' ba'i sems kyis sbrang rtsi phul bas bram ze de'i bur skyes te/ byad gzugs bzang ba dang / rab tu byung nas kyang zag pa med par gyur to// de nas kun dga' bos pus mo'i lha nga sa la btsugs nas/ yang bcom ldan 'das la 'di skad ces gsol to/ / dge slong 'dis nyes pa ci zhig bgyis na spre'u'i nang du skyes par gyur/ bcom ldan 'das kyis/ kun dga' bo la bka' stsal pa/ sngon 'das pa'i dus na sangs rgyas 'od srungs 'jig rten du gshegs pa'i tshe/ dge slong gsar zhugs gzhon nu zhig gis/ dge slong zhig yur ba zhig la mchongs pa mthong nas/ 'di skad du khyod ni rab tu myur te spre'u dang 'dra'o zhes smras pa dang / dge slong des thos nas de la 'di skad ces smras so// khyod kyis nga shes sam/ smras pa/ khyod ni sangs rgyas 'od srungs kyi dge

  437. 219b

    skyong yin na/ ci'i phyir mi shes/ dge slong des yang smras pa/ khyod nga la ma 'phya zhig/ nga ni ming tsam gyi dge sbyong ma yin te/ dge sbyong gi 'bras bu bzhi yang ngas thob bo zhes bsgo ba dang dge slong gzhon nu de dngangs te ba spu yang langs nas lus spang lnga sa la gtugs te 'gyod tshangs gsol to/ / de ltar 'gyod tshangs byas pas ni sems can dmyal bar ma skyes so/ / dgra bcom pa la 'phya bas ni skye ba lnga brgya'i bar du rtag tu spre'ur skyes so// sngon yang rab tu byung ste tshul khrims bsrungs pas/ dang dang phrad nas bkrus pa bzhin du sdug bsngal kun zad do/ / kun dga' bo de'i tshe de'i dus na dge slong gzhon nu de da ltar sbrang rtsi mchog yin no// de'i tshe na kun dga' bo dang 'khor mang po'i rnams sangs rgyas kyis gsungs pa thos nas kun gyis 'di skad ces smras so/ / lus dang / ngag dang / yid kyi las ni mi bsrung du mi rung ngo // dge slong 'di yang ngag gi las ma bsrungs pas las rnam par smin pa de lta bu myong ngo / / bcom ldan 'das kyis kun dga' bo la khyod kyis smras pa bzhin no zhes bka' stsal nas/ bden pa bzhi rgyas par bstan te/ lus dang / 8 dang yid kyi las rnam par dag cing sems kyi dri ma dang bral bas/ kha cig ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa thob

  438. 220a

    bar gyur to/ / kha cig gis ni bla na med pa yang dag par rdzogs pa'i byang chub tu sems bskyed do// la la ni phyir mi ldog pa'i sa la gnas par gyur to// bcom ldan 'das kyis gsungs pa la 'khor mang po dag rjes su yi rang nas mngon par dga' 'o/ / bram ze shi tsir zhes bya ba'i le'u ste bzhi bcu pa'o// // khyim bdag dan byi li zhes bya ba'i le'u'o/ / 'di skad bdag gis thos pa dus gcig na/ bcom ldan 'das rgyal po'i khab bya ka lan nga ka gnas pa 'od ma'i tshal na bzhugs so// de'i tshe yul ko sa la na khyim bdag da ma she tsir zhes bya ba phyag pa/ btsan pa/ rigs che ba zhig yod de/ de la bu med nas lha dang klu la sogs te/ lha thams cad kyi rten la mchod pa byas nas bu bslangs so/ / khyim bdag des lha kun la snying nas mchod de bu bslangs pas/ phyis de'i chung ma sems can dang ldan par gyur te/ zla ba tshang nas bu khye'u bzang ba blta na sdug pa 'jig rten na dkon pa zhig byung ste/ mtshan mkhan la bstan nas mtshan bltas so// mtshan mkhan gyis kyang mtshan dang sbyar te/ bu'i ming yang ngan byi li zhes bya bar btags so// gsos bskyed de ra byas pa dang / rgyal po gsal rgyal gyim gnas kyi 'u de rgyal pas pa'i bor rgyal por bcug go// de ltar pa'i gi rgyal po dbang bkur bas/ khang kyis sun rin 'i ma bdun

  439. 220b

    du gyur te/ bang mdzod mang po yang thams cad yongs su gang nas ci yang yod par gyur to// de'i tshe rgyal po'i sras bai DUR+Ya zhes bya ba tsha ba'i nad kyis btab ste/ sman pas sman dpyad byas nasman du gor shir sha tsan dan gyis lus bskus na 'tsho'o zhes smras te/ rgyal pos yul mi la 'di skad ces bkar btags so// khyed su la gor shir sha tsan dan yod na rgyal po la phul cig dang / bya dgar gser srang stong sbyin no zhes kun tu bsgo na/ gcig tsam la yang ma byung ngo // de'i tshe na gcig gis rgyal po la 'di skad ces smras so// yul ko sa lar khyim bdag ngan byi li'i khyim na mang du yod do zhes spras pa dang / rgyal po nyid rta'i theg pa la zhon te tsan dan slong du chas so// khyim bdag de'i sgor phyin pa dang / khyim bdag de'i sgo na sgo srung dag gis rgyal po gsal rgyal 'dir gshegs te/ da ltar phyi rol na bzhugs so zhes smras pa dang / khyim bdag de rab tu dga' nas sgor byung ste rgyal po nang du bsus so// rgyal pos sgor phyin te bltas na sgo nyid kyang dngul las byas te/ sgo'i nang rol na bud med mdzes shing sdug pa 'jig rten na zla med pa zhig dngul gyi khri la 'dug ste dngul gyi skud pa 'khal lo// drung na na cung bzang mo bcu yang g.yog byed de/ rgyal pos de mthong nas khyim bdag la 'di khyod kyi chung ma yin nam zhes dris na/ ma yin te sgo srung ba'i bran mo yin no zhes smras so// 'o na na cung bzang mo 'di dag ci la

  440. 221a

    dgos zhes dris na/ 'di ni phyi nang du blug pa'i mngag gzhug pa yin no zhes smras so// de nas yang sgro rim pa gcig gi nang du phyin te bltas na sgo ni bai DUR+Ya mthon mthing las byas te/ sgo'i ning rol na na cung bzang mo blta na sdug pa snga ma bas kyang lhag pa/ g.yog na cung mo yang snga ma bas phyed kyis mang ba zhig 'dug go/ de nas yang sgo rim gcig tu phyin/ te bltas na sgo yang gser las byas te/ sgo'i nang rol na na cung bzang mo blta na sdug pa snga ma bas kyang shin tu lhag pa zhig gser gyi khri la 'dug ste/ gser gyi thags 'thag go// g.yas g.yon na na cung mo g.yog byed pa yang snga ma bas shin tu mang bas/ khyim bdag de la 'di khyod kyi chung ma yin nam zhes dris na/ 'di yang ma yin no zhes smras so// de nas khyim gyi nang du/ phyin te bltas na sa gzhi kun bai DUR+Ya las byas pas shin tu gsal ba ni chu'i mdog dang 'dra ste/ steng gi khang pa la gcan gzan gyi gzugs dang / chu srin dang / nya la sogs pa'i gzugs dpyangs te/ rlung gis bskyod nas 'gul bas gzugs brnyan sa gzhi la snang ngo // rgyal pos yang dag par chu yin snyam bsams te/ 'di skad ces smras so// ci gung na sa med dam ci nyes na khang pi'i nang du rdzing bu bskyil zhes smras so/ / dan byi lis smras pa/ 'di ni chu ma lags te bai DUR+Ya mthon mthing ngo zhes smras nas/ lag gi gdu bu phud de steng du

  441. 221b

    bor ro/ rgyal pos de lta bu gzigs nas khang pa'i nang du gshegs te/ rin po che sna bdun gyi khang pa'i nang du bai DUR+Ya mthon mthing gi khri bshams nas rgyal po bzhugs su gsol to// khyim bdag gi chung ma yang de na 'dug pa las mig nas mchi ma byung ba dang / rgyal pos ci'i phyir mig nas mchi ma byung / nga 'ongs pas mi dga' 'am zhes dris na/ khyim bdag gi chung mas gsol pa/ rgyal po 'dir gshegs pa ni legs te dga' na/ rgyal po'i na bza' la dud pa cung zad cig bro bas mig nas mchi ma byung gi/ rgyal po mthong mi 'tshal ba ni ma lags so// rgyal pos smras pa/ ci khyod kyi khyim na me tsam yang mi 'bud dam/ smras pa/ me ma mchis so// 'o na kha zas ci zhig gis g.yo/ smras pa/ kha zas ni bsams pa tsam gyis kha zas ro brgya dang ldan pa rang byung ngo / / rgyal po na re/ mtshan mo mun pa'i nang du ci zhig gis mthong bar 'gyur/ spras pa/ nor bu rin po ches snang bar 'gyur ro// sgo bcad na yang skar khung nas nor bu rin po che'i 'od kyis nyin mo dang 'dra bar snang ngo / / de nas dan byi lis pus mo gnyis sa la btsugs te/ rgyal po chen po ci'i slad du 'o brgyal te 'dir gshegs zhes gsol pa dang / rgyal pos 'di skad ces smras so// nga'i bu be DUR+Ya tsha ba'i nad kyis btab nas sman pas dpyad de/ sman du gor shir sha tsan dngan dgos so zhes zer nas/ 'dir khyod

  442. 222a

    la slong du 'ongs so zhes smras pa dang / khyim bdag de rab tu dga' nas rgyal po nyid bang mdzod du gshegs su gsol te/ rin po che sna bdun la sogs pa nor dbyig thams cad kyang bstan/ tsan dan gyi phung po tshad med pa dag kyang bstan nas/ ci bzhed pa bzhes shig ces gsol pa dang / rgyal pos smras pa/ nga la srang gnyis las mi dgos kyis byin cig ces smras pa dang / khyim bdag gis ci bzhed pa phul lo// de nas rgyal po slar gshegs pa dang / khyim bdag de la khyod sangs rgyas dang phrad du song zhig ces bsgo'o/ / khyim bdag des spras pa/ sangs rgyas zhes bya ba ji lta bu/ rgyal pos smras pa/ ci khyod ma thos sam/ grong khyer ser skya'i rgyal po zas gtsang ma'i sras rga ba dang / na ba dang / shi ba las skyo nas rab tu byung ste/ byang chub la nan tan byas pas mngon par sangs rgyas te mtshan sum cu rtsa gnyis dang / dpe byad bzang po brgyad cus sku brgyan nas/ rdzu 'phrul gyi rkang pa dang / ye shes ni dpe zla med de lha dang mi'i gtso bor gyur pas sangs rgyas zhes bya'o// khyim bdag gis de skad ces smras pa thos nas/ shin tu dad pa'i sems skyes te/ rgyal po la sangs rgyas da ltar gang na bzhugs zhes gsol pa dang / rgyal pos spros pa/ da ltar rgyal po'i khab 'od ma'i tshal na bzhugs so// rgyal po gshegs

  443. 222b

    ma thag tu khyim bdag de yang sangs rgyas gang na bzhugs pa der song nas phyin pa dang / sangs rgyas kyi sku la brtags na rgyal po kun pas kyang shin tu lhag par mthong nas dga' mgu rangs te/ mgo bos phyag 'tshal nas snyun gsol to// de la bcom ldan 'das kyis ci rigs par chos bstan pas/ khyim bdag de yang rgyun du zhugs pa thob par gyur te/ de pus mo gnyis sa la btsugs nas bcom ldan 'das la rab tu 'byung bar gsol to/ / bcom ldan 'das kyis kyang legs par 'ongs so zhes bka' stsal pa dang / skra dang kha spu rang byi ste dge slong du gyur to/ / de nas yang bden pa bzhi'i chos ci rigs par bstan pas sems kyi dri ma yongs su dag ste dgra bcom par gyur to// de nas kun dga' bo dang 'khor mang po'i rnams kyis bcom ldan 'das la 'di skad ces gsol to/ / dge slong ngan byi li 'di bsod nams ci zhig bgyis na mi'i nang du skyes la/ lha'i longs spyod dang ldan yang khyim la ma chags te// rab tu 'byung bar dga' nas de ma thag tu 'bras bu thob par gyur/ bcom ldan 'das kyis/ kun dga' bo la bka' stsal pa/ shin tu legs par nyon cig/ sngon 'das pa'i bskal pa dgu bcu rtsa gcig 'das pa'i pha rol na/ sangs rgyas rnam par gzigs pa zhes bya ba 'jig rten du gshegs te/ sangs rgyas de mya ngan las 'das nas gzugs brnyan la chos spyod pa'i tshe//

  444. 223a

    dge slong lnga brgya tsam zhig lhan cig tu 'di skad ces dam bcas so// bdag cag gis dben pa'i gnas shig btsal la byang chub kyi lam bsgom mo zhes byas nas/ tshal zhig gi nang na gsing ma dang chu mig yod pa zhig tu dben pa'i gnas bcas te/ dge slong de dag yid mthun par/ dge slong gcig cig la 'di skad ces gsol ba btab bo// bdag cag gi gnas 'di grong khyer dang ring bas thams cad bsod snyoms la 'gro ba kun nyon mongs kyis/ khyod bsod nams bya ba'i phyir khyod kyis de kyi bsod snyoms slongs la byin cig ces smras pa dang / dge slong des kyang de ltar bya'o zhes khas blangs nas rtag tu grong du song ste/ sbyin bdag mang po la chos bstan nas bsod snyoms bslangs so// de'i nang na mi bzhi zhig lus las su rung bas bsgoms nas zhag dgu bcu lon pa dang 'bras bu thob par gyur te/ de dag yid mthun par dge slong bsod snyoms slong ba la 'di skad ces bsgo'o// bdag cag ni khyod kyi phyir rab tu bde ste thog ma re ba'i ting nge 'dzin yang thob kyis/ khyod cir smon pa nged la byos shig dang / khyod kyi re ba bskang ngo zhes bsgo'o// de'i tshe dge slong de yang rab tu dga' nas 'di skad ces smras so/ / bdag ma 'ongs pa'i dus na lha 'am mir skyes kyang phyug cing longs spyod dang ldan te/ ci dgos pa thams cad ched du las ma byas par thams cad rang skyes par gyur cig

  445. 223b

    slob dpon 'phags pa dang phrad nas khyed pas kyang brgya 'gyur stong 'gyur du chos thos nas sems yongs su dag cing / 'bras bu thob par gyur cig ces smon lam btab bo// bcom ldan 'das kyis/ kun dga' bo la bka' stsal ba/ de'i tshe de'i dus na dge slong dan byi lis dge slong grogs po bzhi'i bsod snyoms sbyar bas/ bskal pa dgu bcu rtsa gcig gi bar du lha dang mi'i nang na tshe rigs btsun par skyes te/ dbul zhing 'phongs pa'i rigs su ma skyes so// da yang nga mthong ba tsam gyis 'bras bu thob par gyur to// de'i tshe na kun dga' bo dang rig slong rnams/ bcom ldan 'das kyis gsungs pa thos nas/ so so nas brtson 'grus brtsams pas 'bras bu dang po nas/ 'bras bu bzhi pa'i bar du thob bo// kha cig ni rgya chen po'i sems bskyed de phyir mi ldog pa'i sa la gnas par gyur to/ / bcom ldan 'das kyis de skad ces bka' stsal pa la so so nas rjes su yi rang ste mngon par dga' 'o// khyim bdag ngan byi li zhes bya ba'i le'u ste bzhi bcu rtsa gcig pa'o/ / // glang po skyong gi le'u 'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe yul ma ga d+ha na khyim bdag gcig la bu zhig btsas te/ bzang ba blta na sdug pa

  446. 224a

    mtshan dang ldan pa zhig go/ / khye'u de thog ma btsas pa na bang mdzod kyi nang nas gser gyi glang po'i phrug gu zhig rang byung ngo // khye'u'i pha ma des de lta bu byung ba mthong nas rab tu dga' ste mtshan mkhan la bstan nas/ mtshan mkhan gyis kyang khye'u 'di bsod nams kyi mtshan dang ldan par rtogs te/ khye'u 'di thog ma btsas pa na ngo mtshar che ba'i lhas ci byung zhes dris so/ / khye'u'i pha mas smras pa/ khye'u 'di btsas pa na mdzod kyi nang nas gser gyi glang po che'i phrug gu gcig rang byung ngo zhes spras pa dang / khye'u'i ming yang glang po skyong zhes btags so/ / khye'u ji tsam du cher skyes pa bzhin/ gser gyi glang po che'i phrug gu yang skyes te/ khye'u 'gro na glang po che'i phrug gu yang 'gro ste/ rtag tu 'grogs so// glang po che'i phrug gu'i gcin rtag kyang gser du 'byung ngo / / glang po skyong cher skyes nas khyim bdag gi bu lnga brgya tsam dang rtag tu lhan cig rtse ste gcig la gcig yid gcugs pas/ phyi zhig na bus pa de dag so so nas khyim khyim na ngo mtshar che ba ci yod pa'i gtam byas pa dang / de la kha cig ni nga'i khyim na khri stan dang nyal ba'i mal cha la sogs pa thams cad rin po che sna bdun las byas so// zhes zer ro// kha cig ni nga'i khyim dang skyed mos tshal la sogs pa thams cad kyang rin po che zhes zer ro// kha cig ni nga'i bang mdzod rtag tu rin po che dam pas yongs su gang ngo zhes zer te/

  447. 224b

    kun gyis so so nas ya mtshan ci yod pa rnam pa sna tshogs kun smras pa dang / de nas glang po skyong gis kyang bdag thog ma btsas pa na gser gyi glang po che'i phrug gu gcig kyang rang byung ste/ kho bo ji tsam du skyes pa bzhin du glang po che'i phrug gu yang de bzhin du skyes te/ kho bos bsams pa bzhin du 'gro la/ glang po che de la zhon nas lhad mo lta ba la sogs pa gar yang yid bzhin du mgyogs par 'gro ste/ gca ni rtug kyang gser du 'byung ngo zhes smras pa dang / de'i tshe rgyal bu ma skyes dgra yang de na 'dug ste/ glang po skyong gis smras pa thos nas/ 'di snyam du bdag nam rgyal por gyur pa na da brog go snyam bsams te/ phyis rgyal por gyur nas glang po skyong bkug ste/ khyod kyi glang po che 'on cig ces bsgo'o// de nas glang po skyong gi pha mas bu la 'di skad ces smras so/ / ma skyes dgra lta bu khro zhing gtum la 'dod chen che ba med de/ bdag gi pha yang gsod na/ gzhan lha ci smos te/ nga khyod kyi glang po che 'phrog par byas kyis glang po che sbyin dgos so/ / bus smras pa/ bdag gi glang po che 'di ni sus kyang 'brog mi nus so zhes smras nas// ba spang gnyis glang po che la zhon te rgyal po'i pho brang gi sgor 'ongs pa dang / sgo srung ba dag gis rgyal po la gsol to// rgyal pos kyang glang po skyong spang gnyis glang po che las ma babs par nang du shog cig ces bsgo ba dang / glang po skyong spang gnyis glang po che la zhen

  448. 225a

    te pho brang gi nang du 'ongs nas gdod babs so/ / de nas rgyal po la phyag byas te bde bar gyur cig ces smras pa dang / rgyal po rab tu dga' nas stan bting ba la 'dug tu bcug ste/ bza' ba dang btung ba byin no// de skad ces smras pa'i 'og tu phyir 'gro zhes byas pa dang / glang po skyong la gser gyi glang po zhog la bdag cag phyir deng zhig ces bsgo'o// de nas glang po skyong yang rgyal po'i bka' bzhin du glang po che phyir bzhag nas/ ba spang gnyis rkang pas song ste sgor phyin pa tsam na/ ring por ma lon par glang po che de yang de nyid du sa'i nang du nub nas sgo'i phyi rol du glang po skyong gi mdun du byung ngo / / glang po skyong spad gnyis de la phyir zhon te khyim du song nas de 'di snyam du bsams so// rgyal po yang chos bzhin byed pa ma yin te/ ma nyes pa dag kyang khrims dang sbyor bas/ bdag kyang ma stes na glang po che 'di'i phyir srog la dma' bar 'ong gis/ da ltar bcom ldan 'das 'jig rten na 'gro ba mang po la bde ba'i don mdzad pa de'i drung du song la/ khyim nas byung zhing tshangs par spyod pa la dga' bar bya'o snyam bsams nas/ pha ma la rab tu 'byung bar gsol pa dang / pha mas kyang rab tu 'byung bar gnang nas mchi phyag 'tshal te/ gser gyi glang po la zhon nas rgyal bu rgyal byed kyi tshal gang na bar song ngo // bcom ldan 'das kyi spyan sngar phyin pa dang / zhabs la mgo bos phyag 'tshal te ji

  449. 225b

    ltar gyur pa rgyas par gsol nas/ bcom ldan 'das kyis legs par 'ongs so zhes bka' stsal pas/ skra dang kha spu rang byi ste dge slong du gyur to// de la bcom ldan 'das kyis bden pa bzhi'i chos ci rigs par bstan pas dgra bcom par gyur to/ / dge slong glang po skyong yang dge slong grogs gzhan dang lhan cig gang na 'dug kyang rung ste/ gser gyi glang po che rtag tu drung na 'dug go/ / de'i tshe na yul ma nyan du yod pa na 'khod pa'i mi rnams kyis gser gyi glang po che blta ba'i phyir mi thams cad der 'du bar gyur nas/ rnal 'byor spyod pa la 'du 'dzi mang bar gyur te/ dge slong dag gis/ bcom ldan 'das la gsol nas/ bcom ldan 'das kyis de'i phyir/ dge slong glang po skyong la 'di skad ces bka' stsal to// khyod kyi glang po che la lha ba mang po 'du bas mi dben par gyur gyis myur du spongs shig ces bka' stsal pa dang / glang po skyong gis gsol pa/ bdag gis kyang thog ma nas spang bar bsams na 'grer ma btub bo/ / bcom ldan 'das kyis yang bka' stsal pa/ khyod glang po che la lan gsum 'di skad ces smros shig/ nga ni skye ba'i phyogs zad der phyin chad mi dgos so zhes sgo zhig rang med par 'gyur ro/ / glang po skyong gis kyang bcom ldan 'das kyi bka' bzhin du glang po che la da ni mi dgos so zhes lan gsum gyi bar du smras pas/ gser gyi glang po che yang sa'i nang du

  450. 226a

    nub bo/ / de la dge slong dag ngo mtshar du gyur nas/ bcom ldan 'das la 'di skad ces gsol to// dge slong glang po skyong 'di sngon bsod nams ci zhig bgyis/ bsod nams kyi zhing ji lta bu la dge ba'i rtsa ba ji lta bu zhig bskyed na/ 'di lta bu'i 'bras bu'i rnam par smin par gyur/ bcom ldan 'das kyis/ kun dga' bo dang / dge slong rnams la 'di skad ces bka' stsal to// so so'i skye bo gang yang rung / dkon mchog gsum gyi bsod nams kyi zhing la dge ba'i sa bon cung zad cig btab na 'bras bu tshad med pa 'thob par 'gyur ro/ / sngon 'das pa'i dus na sangs rgyas 'od srungs 'jig rten du gshegs pa'i tshe/ mi'i tshe lo stong phrag nyi shu'i bar du gnas so// sangs rgyas de sems can gyi don byas nas mya ngan las 'das pa'i 'og tu ring bsrel la mchod rten mang du byas so/ / de'i tshe mchod rten gcig cig gi nang na byang chub sems dpa' thog ma dga' ldan gyi gnas nas babs te yum gyi lhums su gshegs pa'i tshe/ bcibs pa glang po che de'i mchod rten zhig kyang yod de/ de'i tshe na glang po che'i gzugs cung zad cig zhig nas/ de la mi zhig phyag 'tshal du 'ongs te/ glang po che'i gzugs cung zad cig zhig pa de mthong nas 'di snyam du bsams so// 'di ni byang chub sems dpa'i bcibs pa'i theg pa yin te/ 'di ltar zhig par gyur gyis

  451. 226b

    bdag gis slar gso'o snyam bsams nas 'ji ba zhig sbyar te/ bskus pa'i steng du ldong ros kyis bskus nas 'di skad ces smon lam btab bo// bdag ma 'ongs pa'i dus su rtag tu cho rigs btsun zhing longs spyod zad mi shes pa dang ldan par shog cig ces smon la ma btab bo/ / mi de tshe 'phos nas mtho ris kyi lhar skyes te/ lha las tshe'i dus byas nas mi'i 'jig rten du skyes te/ rtag tu tshe rigs btsun pa dang longs spyod dang ldan zhing byad gzugs 'phags par bzang ste/ gser gyi glang po ches rtag tu bsrungs par gyur to// bcom ldan 'das kyis// kun dga' bo la bka' stsal pa/ de'i tshe de'i dus na glang po che gsos pa'i mi de ni da ltar dge slong glang po skyong yin te/ de'i tshe na glang po che gsos pas de tshun chad lha dang mi'i nang na longs spyod chen po dang ldan par gyur to/ / dkon mchog gsum la gus shing bsti stang byas pas/ da ltar nga dang phrad de bstan pa la rab tu byung nas sems kyi dri ma kun zad de dgra bcom par gyur to/ / tshe dang ldan pa kun dga' bo dang 'khor mang po'i rnams/ bcom ldan 'das kyis gsungs pa 'di thos nas/ thams cad kyis don rtogs shing khong du chud de/ la las ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa thob par gyur to// kha cig ni bla na med pa'i byang chub tu sems bskyed de phyir mi ldog pa'i

  452. 227a

    sa la gnas so/ / bcom ldan 'das kyis gsungs pa la 'khor mang po mngon par dga' nas rjes su yi rang ngo // glang po skyong gi le'u ste bzhi bcu rtsa gnyis pa'o/ / dbam po bcu gnyis pa// // bram zes lhan pa phul ba'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe bcom ldan 'das kyis kun dga' bo zhabs 'bring du khrid de bsod snyoms la gshegs pa na bcom ldan 'das gsol ba'i na bza' la rdol ba cung zad cig yod de/ de yang sems can 'dul ba'i rigs pa'i don du dgongs so// bsod snyoms bslangs nas slar gshegs pa'i tshe/ bram ze gcig cig 'ongs nas bcom ldan 'das la spyi bos phyag 'tshal te/ bcom ldan 'das kyi mtshan lhang nge lhan ner gsal ba la brtags nas/ bcom ldan 'das kyi na bza' cung zad cig rdol ba de mthong ba dang / sbyin pa bya bar bsams te/ khyim na ras dkar po zhig yod pa las dum bu gcig bcad nas bcom ldan 'das la phul te/ ras kyi dum bu 'di na bza'i lhan pa mdzod ces gsol to/ / bcom ldan 'das kyis kyang de la thugs brtse ba'i slad du bzhes pa dang / bram ze rab tu dga' nas mgu rangs par gyur to// bcom ldan 'das kyis

  453. 227b

    de la thugs brtse ba'i slad du lung bstan te/ bram ze khyod ma 'ongs pa'i dus na bskal pa grangs med pa brgya 'das nas mngon par 'tshang rgya ste/ mtshan yang mngon par shes pa bzang po zhes bya ste/ stobs bcu rdzogs par 'gyur ro zhes lung bstan pa dang rab tu dga' nas song ngo // de'i tshe yul de na cho rigs btsun pa'i tshong dpon dang khyim bdag la sogs pas 'di snyam du bsams so// ci'i slad du bcom ldan 'das sbyin pa cung zad tsam gyi lan rab tu che ba byin snyam bsams nas/ so so nas ras dkar po gshegs te/ de bzhin gshegs pa'i ra bza' rnam pa sna tshogs byas nas sangs rgyas la phul lo/ / kun dga' bos/ bcom ldan 'das la gsol pa/ bcom ldan 'das kyis sngon dge ba'i rtsa ba ci zhig mdzad nas/ thams cad kyis na bza' mang po phul zhes gsol pa dang / bcom ldan 'das kyis 'di skad ces bka' stsal to// khyod legs par nyon la shin tu yid la zung zhig dang khyod la bstan par bya'o// sngon 'das pa'i bskal pa grangs med tshad med pa'i pha rol na/ sangs rgyas rnam par gzigs zhes bya ba 'jig rten du gshegs te/ 'khor stong phrag dgu bcu dang lhan cig tu bzhugs so// / de'i tshe rgyal po ni ban 'du zhes bya ste/ de'i blon po chen po gcig gis sangs rgyas dang dge 'dun du bcas te zla ba gsum gyi bar bzhugs par spyan drangs nas/ bcom ldan 'das kyis kyang

  454. 228a

    de bzhin du gnang ba dang / blon po de phyir khyim du 'ongs nas yo byad rnams sbyor zhing gshom mo// de'i tshe rgyal pos kyang sangs rgyas dang dge 'dun spyan drangs par bsams te/ sangs rgyas gang na bar song ste phyin pa dang / bcom ldan 'das la 'di skad ces gsol to// btsun pa bcom ldan 'das dang 'phags pa'i dge 'dun du bcas te zla ba gsum gyi bar du bdag gi mchod pa bzhes shig ces gsol pa dang / bcom ldan 'das kyis/ rgyal po la 'di skad ces bka' stsal to// ngas sngar blon po chen pos spyan drangs par gshegs par bya ste/ skyes bu chen po'i chos kyis sngar gnang ba las 'gal bar byar mi rung ngo // de nas rgyal po phyir pho brang du 'ongs te blon po chen po la 'di skad ces bsgo'o// yul 'di na nga las che ba med de bcom ldan 'das nga'i yul na bzhugs pas/ ngas sngar mchod pa bya bar bsams te/ spyan drangs nas sngar khyod kyis spyan drangs zhes gsung gis khyod re zhig sdod cig/ ngas sngar spyan drangs pa'i 'og tu khyod kyis spyan drongs shig ces bsgo ba dang / blon po chen po des/ rgyal po la 'di skad ces gsol to// lha khyod kyis bdag gi lus dang srog kyang mi nyes par gnya' spyod la de bzhin gshegs pa yang rtag tu bzhugs pa dang / rgyal po'i yul yang rtag tu bde skyid cing / ye 'drog mi 'byung bar gnya' spyod na bdag kyang re zhig sdod do zhes gsol pa dang //

  455. 228b

    rgyal pos 'di na mi rung ngo snyam bsams nas/ bdag cag gnyis nyin res kyis spyan drang ngo zhes bsgo nas/ nyi ma gcig ni rgyal pos spyan drangs/ nyi ma gcig ni blon pos spyan drangs te gtas ka'i re ba bskang ngo / / de'i tshe blon po chen po des de bzhin gshegs pa la chos gos spad gsum phul nas/ dge 'dun stong phrag dgu bcu rnams la yang chos ges bdun par re sbyar te phul lo/ / kun dga' bo de'i tshe de'i dus na blon po chen pos chos gos sbyar te/ sangs rgyas dang dge 'dun rnams la phul ba'i de la gzhan du ma sems shig/ de ni da ltar nga yin te/ ngas ni skye ba thams cad du bsod nams byed pa la skyo ba med pas/ de dag thams cad kyi rnam par smin pa yang myong nas chung ma zos so// kun dga' bo la sogs pa 'khor mang po'i rnams bcom ldan 'das kyis gsungs pa thos nas/ bsod nams kyi las byed pa la brtson par gyur te/ mngon par dga' nas rjes su yi rang ngo // bram zes ldan pa phul ba'i le'u ste bzhi bcu rtsa gsum pa'o/ / sangs rgyas thog ma byams pa'i sems bskyed pa'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ba na bzhugs so/ / de'i tshe dge slong dag dbyar tshul nas byung nas/ bcom ldan 'das ga la ba der song ste byon pa

  456. 229a

    bcom ldan 'das la phyag 'tshal nas/ bsrung ba mi mnga' 'am zhes spun gsol to// bcom ldan 'das kyis kyang byams pa'i thugs kyis spo ba bskyed de/ dge slong khyed sdug bsngal bar ma gyur tam zhes shin tu thugs brtse zhing byams pa'i thugs kyis bka' stsal pa dang / kun dga' bos/ bcom ldan 'das la 'di skad ces gsol to// 'di ltar bcom ldan 'das kyis dge slong dag la thugs rtse zhing byams pa'i thugs bskyed nas yun ji srid cig lags/ bcom ldan 'das kyis/ kun dga' bo la bka' stsal pa khyod shes par 'dod na khyod la bstan par bya'o/ / sngon 'das pa'i dus bskal pa grangs med pa brjod du med pa'i pha rol na/ sdig pa byas pa'i mi gnyis shig sems can dmyal bar lhung ste/ dmyal ba'i srungs ma bas lcags kyi shing rta 'dren du bcug nas/ lcags thos brdegs te phan tshun ming la bar rgyug tu bcug go/ de la mi gcig stobs chung ste 'dren ma nus nas bub pa dang / lcags kyi tho bas brdegs te tshe brjes nas phyir sos so// grogs po zla gcig gis de lta bu'i sdug bsngal mthong nas byams shing snying rje ba'i sems skyes te/ dmyal ba'i srungs ma ba la 'di skad ces smras so// bdag 'ba' zhig gis shing rta 'di drang gis/ mi 'di thong zhig ces smras pa dang / srungs ma khros nas lcags kyi tho bas

  457. 229b

    brdegs te/ der tshe brjes pa dang sum cu rtsa gsum gyi lhar skyes so// kun dga' bo de'i tshe de'i dus na sems can dmyal ba na 'dug pa las/ byams shing snying brtse ba'i sems bskyed pa de ni da ltar nga yin no/ / ngas de'i tshe sems can dmyal ba na de la thog mar snying rje ba'i sems bskyed de/ sems can thams cad la yang de tsam gyi bar du thugs brtse zhing byams po'i sems bskyed do/ / kun dga' bo dang 'khor mang po'i rnams bcom ldan 'das kyis gsungs pa la rjes su yi rang nas mngon par dga' 'o// sangs rgyas thog ma byams pa'i sems bskyed pa'i le'u ste bzhi bcu rtsa bzhi pa'o/ / // rgyal po spyi bo skyes kyi le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong chen po'i dge 'dun brgya phrag phyed dang bcu gsum dang thabs cig tu bzhugs so// de'i tshe bcom ldan 'das kyis dge slong dag 'jo sgeg cing rnyed pa dang grags pa la chags nas/ lhag par byas pa mang du 'chang zhing chog mi shes par sogs par gyur pa/ bcom ldan 'das kyis gzigs nas/ dge slong rnams la rnyed pa la chags pa'i skyon 'di dag gsungs so// gang rnyed pa la chags pa ni lus zhig nas tshe 'phos ma thag tu ngan song gsum du lhung ste/ sdug bsngal tshad med pa myong bar

  458. 230a

    'gyur ro/ / de bas na ngas mngon du dran pa sngon 'das pa'i dus na 'dod pa'i dbang gis ltung bar gyur te sdug bsngal mang po myong ngo // de nas kun dga' bos pus mo sa la btsugs te thal mo sbyar nas/ bcom ldan 'das la 'di skad ces gsol to// sngon bcom ldan 'das 'dod pa la chags pa'i dbang gis lhung bar gyur pa ji lta bu lags bcom ldan 'das kyis bka' stsal pa/ sngon 'das pa'i bskal pa tshad med mtha' yas bsam gyis mi khyab dpag tu med pa grangs med pa'i pha rol na/ 'dzam bu'i gling 'dir rgyal po chen po gu sa li zhes bya ba/ 'dzam bu'i gling gi rgyal phran brgyad khri bzhi stong la dbang byed de/ btsun mo dang pho brang slas ni stong phrag nyi shu yod do// blon po chen po ni stong phrag bcu yod do// dus gzhan zhig na rgyal po'i spyi bo la sgo nga 'dra ba'i chu bur gcig byung ste/ gsal ba yongs su dag pa na tsha med pa'o// bags kyis je tshe je cher skyes te ku ba tsam du gyur pa dang / bkas na nang nas khye'u blta na sdug pa/ mtshan dang ldan pa/ sgra mthon mthing du 'dug pa/ lus kyi mdog gser lta bur snang ba gcig byung bar gyur te/ mtshan mkhan gyis bltas nas/ bu 'di ni ngo mtshar che ba'i yon tan gyi mtshan dang ldan te/ gdon mi za bar 'khor los sgyur ba'i rgyal por 'gyur zhing gling bzhi la dbang bar 'ong ngo zhes smras nas/ khye'u'i ming yang spyi bo skyes zhes btags so//

  459. 230b

    cher skyes nas yon tan dang ldan pas rgyal pos kyang yul gcig gi rgyal phran du bcug go/ dus gzhan zhig na rgyal po chen po nad kyis btab pa dang / rgyal phran kun 'dus nas nad g.yog dang dpyad byas kyang ma phan te tshe'i dus byas so/ / de nas rgyal phran rnams 'dus te spyi bo skyes de gang na 'dug par song nas phyin pa dang / 'di skad ces smras so// rgyal po chen po ni sku tshe'i dus byas kyis/ khyod rgyal po chen por gshegs su gsol zhes smras pa dang / spyi bo skyes kyis 'di skad ces smras so// gal te nga rgyal por 'gyur ba'i bsod nams dang dbang thang zhig yod na// rgyal chen bzhi dang brgya byin la sogs pas nga la gsol ba btab ste dbang bskur bar shog cig ces spras ma thag tu/ rgyal chen bzhi'i rgyal po yang babs nas/ rin po che'i bum pa spos chus bkang ba thogs te spyi bor blugs nas dbang bskur ro/ / brgya byin lha'i dbang po yang babs nas/ rin po che'i cod pan phul te mgo la bzhag nas yon tan bsngags so// de nas rgyal phran rnams kyis dbus kyi yul chen por gshegs par gsol pa dang / spyi bo skyes kyis yang 'di skad ces smras so// bdag la rgyal por 'gyur ba'i dbang thang zhig yod na/ yul sa nga'i drung du 'ong ba'i rigs kyis/ nga yul sa bsnyegs su mi 'gro'o zhes smras pa dang / de ma thag tu yul chen po'i rgyal po'i pho brang dang / skyed mos tshal dang / khrus kyi rdzing bu la sogs te dgos pa

  460. 231a

    thams cad der byung bar gyur nas/ gser gyi 'khor lo dang / glang po rin po che dang / rta rin po che dang / bud med rin po che dang / blon po rin po che dang khyim bdag rin po che la sogs pa thams cad 'dus nas gling bzhi la dbang byed pa'i 'khor los sgyur ba'i rgyal por gyur te chos bzhin du srid 'tshe'o/ / de nas mi mang po dag sa rko zhing zhing rmod pa mthong nas blon po rnams la 'di dag ci byed ces bka' stsal pa dang / smras pa/ ji tsam du srog dang bcas pa thams cad zas kyis 'tsho bas/ 'di dag ni zhing rmos nas 'tsho bar byed do// de nas rgyal bos 'di skad ces smras so/ / gal te nga la rgyal por 'gyur ba'i bsod nams kyi dbang thang zhig yod na/ las bya mi dgos par ro brgya dang ldan pa'i zas rang yod par gyur te/ thams cad chog cing 'grangs nas bkres pa dang / skom pa med par gyur cig ces smras so// de skad ces smras ma thag tu bza' ba dang btung ba yod par gyur to// de nas yang 'chag tu song song ba las/ tha ga ma dag cig 'khal ba dang 'thag pa dag mthong nas/ 'di dag ci byed ces dris pa dang / smras pa/ kha zas ni rang yod par gyur na/ lus rgyan pa'i gos med de/ 'di dag ni bgo ba'i gos byed do/ / de nas rgyal pos yang 'di skad ces smras so// gal te bdag la rgyal por 'gyur ba'i dbang thang zhig yod na/ bgo ba'i gos rang yod par gyur te/ dbul 'phongs pa

  461. 231b

    thams cad kyang gos kyis chog par shog cig ces smras so/ / de skad ces smras pa thag tu/ shing thams cad las bgo ba'i gos kha dog rnam pa sna tshogs dang ldan pa rang skyes te/ mi thams cad kyi gos kyang zad mi shes pa byung ngo / / de nas yang rgyal po 'chag cing song song ba las/ mi dag rol mo'i cha byad thogs pa mthong nas/ 'di dag ci yin zhes dris pa dang / smras pa/ kha zas dang bgo ba'i gos ni chog par yod na/ rol mo mang po med de/ 'di dag rang dga' zhing rtse ba'i rol mo yin no// rgyal pos smras pa/ gal te bdag la rgyal po'i dbang thang zhig yod na/ rol mo dam pa'i cha byad thams cad rang yod par gyur cig ces smras ma thag tu/ shing thams cad kyi yal ga las rol mo'i cha byad mang po 'phyang ste/ rol mo 'dod pa zhig yod na/ rang 'khrol zhing snyan pa dang / thos pa tsam gyis dga' rangs par gyur to// rgyal po'i bsod nams dang dbang thang chen pos nam mkha' las rin po che sna bdun char bzhin du bab ste/ yul kun gang nas rgyal pos blon po dag la 'di ltar gyur pa su'i yon tan zhes dris pa dang / blon po rnams kyis 'di skad ces smras so// 'di ni rgyal po'i yon tan dang sems can gyi bsod nams kyis 'di ltar gyur to zhes smras pa dang / rgyal pos yang 'di skad ces smras so// gal te sems can gyi bsod nams kyi mthu yin na ni/ rin po che 'di dag kun tu 'bab par gyur cig/

  462. 232a

    gal te nga la ba' zhig gi dbang thang yin na ni/ pho brang gi nang 'ba' zhig tu bobs shig ces smras pa dang / gzhan kun na bab pa ni chad kyi/ pho brang gi nang 'ba' zhig na nyin zhag bdun gyi bar du bab bo/ / rgyal po spyi bo skyes kyis 'dzam bu'i gling du lo brgyad khri bzhi stong gi bar du 'dod pa lnga la spyod pa las/ dus gzhan zhig na pho brang gi sgor gnod sbyin gcig byung ste skad chen por 'di skad ces smras so/ / shar phyogs na shar gyi lus 'phags gling zhes bya ba yod de/ de na yang bde skyid la dpe med par bzang gis/ rgyal po chen po der yang rol cing gshegs pa'i rigs so zhes smras pa dang / rgyal po yang der 'gro bar dga' nas/ gser gyi 'khor lo nam mkha' la 'phags pa dang / blon po dang rin po che sna bdun la sogs pa yang rjes su 'phags te/ shar phyogs kyi lus 'phags gling du phyin to// rgyal phran phyag mi 'tshal ba rnams kyang thams cad phyag 'tshal nas/ lus 'phags gling du 'dod pa lnga la lo stong phrag brgyad cu'i bar du longs spyod do/ / de nas gnod sbyin gyis yang 'di skad ces smras so// nub phyogs na nub kyi ba glang spyod ces bya ba yod de/ de na yang rab tu bde sgyid kyis/ rgyal po chen po yang der gshegs pa'i rigs so zhes smras so// rgyal po de yang der 'gro bar dga' nas/ nub kyi ba glang spyod du lo stong phrag bcu bzhi'i bar du bde ba la longs

  463. 232b

    spyod do/ / de nas yang gnod sbyin gyis 'di skad ces smras so// byang phyogs na byang gi sgra mi snyan zhes bya ba yod de/ de na gnas pa'i mi dag 'byor pa lo legs pa longs spyod dang ldan gyis/ rgyal po yul der gshegs pa'i rigs so zhes smras pa dang / rgyal po 'gro bar dga' nas/ byang gi sgra mi snyan du 'dod pa lnga'i dam pa la lo stong phrag bco brgyad kyi bar du longs spyod par gyur to// de nas dus phyi zhig na gnod sbyin gyis 'di skad ces smras so// rgyal chen bzhi'i rigs kyi rgyal po'i gnas kyang rab tu bde ba ni tshad bya bar yang dka' 'o// rgyal po dar yang gshegs pa'i rigs so zhes smras pa dang / rgyal po dang / blon po dang / dpung gi tshogs rnam bzhi dang bcas te nam mkha' la 'phags te dong ngo // rgyal chen bzhi'i rigs kyi rgyal pos rgyang ma nas mthong ba dang / 'jigs skrag nas dpung gi tshogs bshams te phyi rol tu byung ba dang / ci byar yang med nas phyir gnas su dong ngo // spyi bo skyes der yang lo stong phrag bcu'i bar du 'dod pa la longs spyad nas/ yang 'di snyam du sum cu rtsa gsum gyi lha'i rigs su 'gro bar bsams nas/ 'khor dang bcas su steng gi nam mkha' la 'phags te sum cu rtsa gsum gyi lha'i rigs su song ngo / / de'i tshe drang srong lnga brgya tsam zhig ri rab lhun po'i sul na gnas pa las/ rgyal po'i glang po che dang rta'i gcin rtug lhung bas drang srong de dag gi lus la reg par gyur nas/ de dag

  464. 233a

    gcig la gcig 'di ci yin zhes dris pa dang / drang srong mkhas pa blo dang ldan pa zhig gis/ drang srong gzhan dag la 'di skad ces smras so// rgyal po spyi bo skyes yar sum cu rtsa gsum gyi lha'i rigs su song zhes zer gyis/ 'di ni gdon mi za bar de dag gi glang po che dang rta'i ma gtsang ba yin no zhes smras nas/ drang srong rnams khros te gsang sngags dang phyag rgya bcings pas rgyal po spyi bo skyes dang 'khor mang po 'gror med par byas so/ / rgyal pos kyang de ltar shes shing rig nas 'di skad ces dam bcas so// gal te bdag la bsod nams dang dbang thang zhig yod nadrang srong de dag nga'i thad du lhags te ngal mchod par shog cig ces smras nas/ rgyal po'i yon tan chen po'i byin dang shugs kyis/ drang srong lnga brgya tsam po ril gyis der lhags nas g.yog byas te bcas su sum cu rtsa gsum gyi lha'i rigs su dong ngo / / yar ma phyin par rgyang ma nas lha'i pho brang yid du 'ong ba shin tu dkar por snang ba lhang nge lham mer mthong bar gyur to// lha'i pho brang yid du 'ong ba la sgo chen po brgya phrag bcu gnyis yod de/ lha rnams 'jigs dngangs nas sgo rnams bcad de lcags kyi gtan pa sum rim bcug go// spyi bo skyes dpung gi tshogs dang bcas su thogs pa mer par der phyin pa dang / rgyal pos dung bus te gzhu bdungs nas gzhu rgyud sbrengs pa dang / lha'i pho brang gi sgo brgya phrag bcu gnyis dus gcig tu rang dbye ba dang / brgya byin gyis phyi rol nas bsu ste/

  465. 233b

    lha'i pho brang du khrid nas brgya byin gyi stan phyed la 'dug tu bcug go// lha'i dbang po dang / mi'i dbang po gnyis byad gzugs 'dra ste/ dang po mthong ba dag gis bye brag mi phyed na/ lta ba'i mgyogs bul gyis rtogs so/ / rgyal pos lha'i pho brang du 'dod pa lnga'i dam pa las/ lha'i dbang po brgya sum cu rtsa drug ba rjes kyi bar du longs spyod do// lha'i dbang po nang gi tha ma de byang chub sems dpa' 'od srungs zhes bya ba ste/ de'i tshe lha ma yin gyi rgyal pos lha rnams la dmag drangs nas brgya byin dang 'thab pa las/ brgya byin gyis ma thub nas dpung gi tshogs dang phyir gnas su bros so// de nas spyi bo skyes phyir byung ste dung bus gzhu rgyud sbrengs pas/ lha ma yin gyi dmag rnams de ma thag tu byer ro// de'i tshe spyi bo skyes kyis 'di snyam du bsams so// bdag gi mthu stobs ni gang dang yang mi mnyam na/ de brgya byin dang thun mong du 'dug pa tsa rung / nyis na bsad la nga 'ba' zhig gis byas na legs so snyam/ sdig pa'i sems bskyed ma thag tu nam mkha' las lhung nas/ sngon gyi pho brang rnying gi drung du lhung ste srog dang bral la khang pa tsam du nyam thag par gyur to/ / de nas mi dag lhags te 'di skad ces dris so// gal te 'jig rten gyi khyim pa dag rgyal po spyi bo skyes ji ltar tshe'i dus byas zhes 'drin/ / bdeg cag gis de la ji skad ces bya/ spras pa/ gal te de skad ces 'dri ba yod na/ de la 'di skad ces gyis shig/ rgyal po spyi bo skyes ni 'dod pa'i dbang gis tshe 'phos so//

  466. 234a

    des gling bzhi la lo stong phrag bzhi bcu'i bar du dbang byas te/ nyin zhag bdun gyi bar du rin po che yang char bzhin bab/ lha'i ris gnyis su phyin kyang cho ga ma shes pas nam mkha' las lhung ste tshe 'phos so zhes byos shig/ de bas na dge slong dag rnyed pa dang grags pa ni yang dag par nyes pa'i skyon chen po ste/ ci nas kyang ring du spangs par soms la/ yang dag par byang chub la nan tan gyis shig/ de nas kun dga' bos/ bcom ldan 'das la 'di skad ces gsol to// rgyal po spyi bo skyes de sngon bsod nams ci zhig bgyis na 'di lta bu'i 'bras bu chen po thob par gyur/ bcom ldan 'das kyis bka' stsal pa/ sngon 'das pa'i bskal pa grangs med bsam gyis mi khyab pa 'das pa'i pha rol na/ sangs rgyas pur sha zhes bya ba 'jig rten du gshegs te/ 'khor dang bcas su 'jig rten gyi don mdzad do// de'i tshe bram ze'i bu zhig chung ma len snyam ste/ 'jig rten pa'i chos kyis chung ma len na/ sran ma spar gang blangs te gtor ba'i rigs so/ / khye'u de yang sran ma thogs te 'thor du song song ba las/ lam du bcom ldan 'das dang phrad nas sems yid dga' ste/ lag na sran ma thogs pa dag bcom ldan 'das la gtor ba dang / 'brum bu bzhi lhung bzed kyi nang du song ngo // 'brum bu gcig ni dbu'i spyi bor chags so// bsod nams kyi rgyu dang rkyen de tsam gyis bsod nams chen po thob ste/ sran

  467. 234b

    ma 'bru bzhi lhung bzed kyi nang du song bas gling bzhi la dbang byed par gyur to/ / 'brum bu gcig spyi bo la chags pas lha rim pa gnyis kyi longs spyod myong bar gyur to// de'i tshe na nye gnas rnams kyis sangs rgyas kyis gsungs pa thos nas/ la la ni 'bras bu dang po nas gnyis pa dang / gsum pa dang / dgra bcom pa'i bar du thob par gyur to// 'khor mang po'i rnams bcom ldan 'das kyis gsungs pa la rjes su yi rang nas mngon par dga' 'o/ / rgyal po spyi bo skyes kyi le'u ste bzhi bcu lnga pa'o// / bu mo su ma na'i bu bcu'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe na khyim bdag mgon med zas sbyin gyi bu mo tha chung su ma na zhes bya ba mnga' byad mdzes shing blta na sdug pa zhig yod de/ bu'i nang na bu mo tha chung de la nang na byams pas gar 'gro yang khrid do// dus gzhan zhig na khyim bdag sangs rgyas la phyag 'tshal du song ba dang / bu mo yang phyi bzhin song nas/ bu mo des sangs rgyas mthong ba dang lhag par dga' ba'i sems skyes te/ spos kyis sangs rgyas bzhugs pa'i gnas kun byugs par bsams pa dang de'i tshe bu mo de'i lag na a 'bra'i 'bras bu zhig thogs pa las/ bcom ldan 'das kyis 'on cig ces bka' stsal pa dang / bu mos kyang de ma thag tu bcom ldan 'das kyi phyag tu

  468. 235a

    phul lo bcom ldan 'das kyis a 'bra'i 'bras bu bzhes nas/ spos dam pa'i ming rnam pa mang po bris te bu mo'i lag tu phyir byin no// de nas bu mo pa dang bcas su phyir khyim du 'ongs nas/ tshong dus su song ste bcom ldan 'das bzhed pa'i spos rnam pa sna tshogs nyos nas/ phyir yang rgyal bu rgyal byed kyi tshal du song ste/ nyin gcig bzhin du spos brdar nas gnas kun nyug go/ / dus gzhan zhig na yul tig tsa shi ri'i rgyal pos bu gcig rgyal po'i khab tu mngags nas 'phyan cing song song ba las/ mthar gyis rgyal bu rgyal byed kyi tshal du phyin pa dang bu mo spos brdar zhing 'dug pa mthong nas bu mo de la chags te chung mar blang bar bsams nas/ rgyal po gsal rgyal la bu mo de chung mar bslangs pa dang / rgyal pos de su'i bu mo yin/ zhes smras na/ de ni khyim bdag mgon med zas sbyin gyi bu mo yin zhes smras so// 'o na nga la gsol kyang mi phan gyis/ bu mo nyid kyi pha ma la gsol cig ces bsgo'o// rgyal bu nges rgyal po la dus kyis gsol pa dang / rgyal pos kyang de bzhin du gyis shig ces bsgo ba dang / rgyal bu des bdag gi g.yog dang 'khor kun phyir yul du btang nas glang po che gcig pu phyir bzhag go dus gzhan zhig na rgyal bu rgyal byed kyi tshal du song nas bu mo su ma na brkus te glang po che la bskyon nas bros pa dang / mgon med zas sbyin gyis bsnyegs na yang ma slebs te/ phyir yul du phyin

  469. 235b

    nas chung mar byas so/ / de nas chung ma de sems can dang ldan par gyur te/ phyis zla ba tshang nas sgo nga bcu zhig btsas so// sgo nga bcag pa dang / sgo nga re re nas bu khye'u blta na sdug pa mdzes shing bzang ba gzhan las 'phags pa re re byung ngo / / bu de dag cher skyes nas dpa' zhing rtsal che bas/ ri dgas gsod pa la dga' bar gyur pa dang / khye'u'i mas 'di ltar ri dgas gsod par ma byed cig ces bsgo nas/ bu rnams kyis ma la 'di skad ces smras so// ri dgas gshor ba las dga' ba med de/ da bdag cag gi mas gsod du mi gnang ba las na/ bdag cag la sdang ba lta/ mas smras pa/ kho mo ni khyed la sdang ba ma yin gyi/ khyed la byams pa'i phyir ri dgas gsod du ma bcug pa yin no// 'di lta ste/ srog gcod pa'i sdig gis sems can dmyal bar lo brgya stong du ma'i bar du sdug bsngal myong ste/ rtag tu sha ba'i mgo can dang / lug gi mgo can dang / ri bong gi mgo can la sogs te/ ri dgas sna tshogs kyi mgo can du gyur nas dmyal ba'i srungs mas lo grangs med pa'i bar du gsod par 'gyur ro/ / kal te de las thar par 'dod na yang / sdig pa'i las de las mi thar ro// bu rnams kyis smras pa/ ji ltar khyod kyis bsgo ba bzhin du bya na/ 'di skad du bsgo ba 'di gzhan las gsan nam/ khyod nyid kyis bsams te spras/ tshig 'di ni kho mos sangs rgyas las thos so zhes spras pa dang / bu rnams

  470. 236a

    kyis sangs rgyas zhes bya ba ci yin ston cig ces smras so/ / ci khyed kyis ma thos sam/ rgyal po yab zas gtsang ma'i sras sku mdzes shing bzang ba 'khor los sgyur ba'i rgyal por 'gyur ba las/ rga ba dang / na ba dang / shi ba ma 'dod de/ rab tu byung nas lam bsgoms pas smon lam bzhin du grub ste/ bla na med pa'i 'bras bu thob nas sku khru bcu drug pa mtshan dang dpe byad kyis yongs su brgyan pa/ rig pa gsum dang mngon par shes pa drug tu ldan pa/ snga ma 'das pa shes pa yang mtha' med la/ phyis 'byung ba shes pa yang mtha' med de dus gsum ni lag mthil na 'bras bu bzhag pa dang 'dra'o zhes smras pa bu rnams kyis thos nas rab tu dga' ste/ sangs rgyas de da ltar 'di nas nye ring ji tsam zhig na bzhugs pa mthong bar rung ngam zhes smras pa dang / mas smras pa/ da ltar mnyan yod na bzhugs te mthong du rung ngo // bu rnams kyis smras pa/ 'o na bdag cag sangs rgyas bltar 'gro'o zhes gsol pa dang / bu'i mas kyang gnang nas bu rnams cig car mnyan yod du dong ngo / / der phyin pa dang mes po mgon med zas sbyin gyis mthong nas rab tu dga' mgu rangs te/ tsha bo rnams khrid de rgyal bu rgyal byed kyi tshal du de bzhin gshegs pa bltar dong ngo / / bus pa de dag gis sangs rgyas kyi mtshan sngon thos pa bas stong gyur gyis lhag par bzang ba mthong nas shin tu dga' bar gyur to// de nas bcom ldan

  471. 236b

    'das kyis ci rigs par chos bstan pas/ khye'u bcu car dus gcig tu chos la chos kyi mig rnam par dag par gyur nas/ sangs rgyas la rab tu 'byung bar gsol pa dang / bcom ldan 'das/ kyis byis pa rnams khyed kyi pha mas gnang ngam zhes bka' stsal na/ bdag cag gis da dung ma gsol pa dang / pha mas ma gnang gi bar du rab tu 'byung du mi gnang ngo zhes bka' stsal to// de nas mgon med zas sbyin gyis/ bcom ldan 'das la 'di skad ces gsol to// bdag ni 'di dag gi mes po lags te/ bdag gi tsha bo la ni bdag kyang dbang bas/ bdag gis rab tu 'byung bar gnang ngo zhes gsol pa dang / bcom ldan 'das kyis kyang de bzhin du gnang nas/ sgra dang kha spu rang byi ste dge slong du gyur to// dge sbyong gi lam la de dag gis brtson 'grus bskyed pas thams cad dgra bcom par gyur to/ / dge slong bcu po gcig la gcig lhag par dga' bas/ 'gro na yang lhan cig 'gro/ 'dug na yang lhan cig 'dug ste/ yul mi thams cad kyang dga' nas rjes su yi rang ngo / / de nas kun dga' bos/ bcom ldan 'das la gsol pa/ dge slong bcu po 'dis bsod nams ci zhig bgyis na/ cho rigs btsun par skyes la byang gzugs bzang ba dang / bcom ldan 'das dang mjal nas sdug bsngal gyi mthar phyin par gyur/ bcom ldan 'das kyis/ kun dga' bo la bka' stsal pa/ sngon 'das pa'i dus bskal

  472. 237a

    pa dgu bcu rtsa gcig gi pha rol na/ sangs rgyas thams cad skyob ces bya ba 'jig rten du gshegs te/ sems can gyi don mdzad nas mya ngan las 'das te/ ring bsrel rgyas par spel nas mchod rten tshad med pa snyed byas so/ / de'i tshe na mchod rten gcig cig zhig ral du gyur nas/ rgan mo gcig cig gis gso zhing 'dug pa las/ mi 'gron po bcu zhig der lhags te mthong ba dang / rgan mo la khyod ci byed ces smras so// rgan mos smras pa/ 'di ni mchod gnas kyi mchod rten yin te/ 'di bcos na bsod nams lhag par che bas/ dge ba'i 'bras bu 'dod pa'i phyir 'di 'chos so/ / gzhon nu de dag kyang rgan mos smras pa la rab tu dga' nas/ bdag cag gis kyang bstang ngo zhes smras nas/ mchod rten bcos pa'i 'og tu gzhon nu bcu car rgan mo'i bur skye bar gyur cig ces smon lam btab pas/ de tshun chad bskal pa dgu bcu rtsa gcig gi bar du lha dang mi'i nang du lhan cig skyes nas bde ba la longs spyod de/ dngos po 'di gsum gyis mi gzhan las rtag tu 'phags so/ / gsum gang zhe na/ byad gzugs bzang zhing mdzes pa dang / kun gyis bkur ba dang / rtag tu tshe ring zhing de srid kyi bar du sems can dmyal bar mi ltung ba'o/ / radang dang phrad nas rdul dang dri ma kun bkrus te dgra bcom par gyur to// de'i tshe de'i dus na rgan mo de ni bu mo su ma na yin no// mi gzhon nu bcu po de ni dgra bcom pa 'di bcu yin no//

  473. 237b

    bcom ldan 'das kyis de skad ces gsungs nas/ 'khor mang po'i rnams la la ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa thob bo// kha cig ni bla na med pa'i byang chub tu sems bskyed nas phyir mi ldog pa'i sa la gnas par gyur te/ sangs rgyas kyis gsungs pa la rjes su yi rangs nas mngon par dga' 'o// bu mo su ma na'i bu bcu'i le'u ste bzhi bcu rtsa drug pa'o/ / / u pa gub ta'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe yul de na kun tu rgyu u pa gub ta zhes bya ba/ yid gzhungs shing shes pa mang ba ni 'das pa dang da ltar la mkhas pa zhig ste/ bcom ldan 'das gang na bar song nas rab tu 'byung ngo zhes gsol to// gal te bdag rab tu byung nas shes rab dang spobs pa shA ri'i bu dang mnyam na rab tu 'byung gi/ de tsam mi phod na phyir khyim du mchi'o zhes gsol pa dang / bcom ldan 'das kyis de tsam mi phod do zhes bka' stsal nas/ kun tu rgyu de rab tu 'byung du ma btub nas phyir khyim du song ngo // bcom ldan 'das kyis dus gzhan zhig na/ 'khor mang po la 'di skad ces bka' stsal to// nga mya ngan las 'das nas lo brgya len pa dang / bram ze 'di rab tu byung nas mngon par shes pa drug

  474. 238a

    dang shes rab tu ldan te/ sems can rdul snyed cig gi don byed par 'gyur ro// bcom ldan 'das mya ngan las 'das kar kun dga' bo la yang 'di skad ces bka' stsal to/ / nga mya ngan las 'das nas mdo sde'i sde snod thams cad khyod la gtad kyis/ khyod kyis gzungs su zung la rgyas par byos shig ces bka' stsal nas/ bcom ldan 'das mya ngan las 'das pa'i 'og tu kun dga' bos chos kyi sde snod kun bzung ngo / / kun dga' bo lus yongs su gtong ba na/ nye gnas ya she ke'i ki la 'di skad ces bsgo'o// nga 'das pa'i 'og tu mdo sde kun khyod la gtad kyis gzungs su zung zhig ces bsgo nas/ yang 'di skad ces smras so// yul bA rA nA si na khyim bdag gub te zhes bya ba la/ bu u pa gub ta zhes bya ba zhig yod kyis/ khyod kyis slongs la rab tu phyung zhig/ khyod 'das pa'i 'og tu chos kyang de la gtod cig ces bsgo'o// kun dga' bo 'das pa'i 'og tu ya she'i kis dam pa'i chos bzung ste/ 'jig rten na sems can gyi don mang du byas so// de nas bA rA nA si'i grong khyer du song ste/ khyim bdag de dang bshes par byas nas yang dang yang de'i khyim du song ste yid gcugs par byas so// khyim bdag de la bu khye'u zhig btsas nas/ ming u pa gub ta zhes bya bar btags te/ chung ngu shed ma bye ba nas ya she'i kis bslangs te rab tu de 'byung bar byas pa las/ khyim bdag

  475. 238b

    gis 'di skad ces smras so/ / bdag 'dod pa'i bu 'di 'dra ba zhig yod de/ rigs 'tshe ba snyam pas mi rung ngo // gal te yang gcig btsas na gdod sbyin no// phyis dus gzhan zhig na yang bu gcig btsas nas ming nan ta gub ces btags so/ / de nas ya she'i ki yang der song ste bu bslangs pa dang / khyim bdag gis yang 'di skad ces smras so// bu chen po ni phyi rol gyi bya ba bsgrub dgos/ chung ngu ni nang gi bya ba bsgrub na gdod bde bar 'gyur ro// zhes tshod du ma btub ste/ phyis yang bu gcig btsas nas gdod dbul lo zhes smras so// ya she'i kau ni dgra bcom pa'i nang na rig pa gsum dang ldan te/ sems can gyi dbang po la mkhas pas khye'u de gnyis la brtags na/ rab tu 'byung ba'i skal ba yod pa mi dran nas ma bskul bar bzhag go// de nas yang khyim bdag de la bu gcig btsas na/ byad gzugs legs pa blta na sdug pa zhig ste/ yang khyim bdag gi thad du song nas bu bslangs pa dang / yang 'di skad ces smras so// bu da dung chung bas g.yog byed kyang mi nus la/ bdag cag kyang dbul bas bstang du med de/ re zhig sdod cig nam skyes na sbyin no zhes smras so// de nas cher skyes nas shes pa dang ldan par gyur te/ phas kyang nor rdzas lag tu gtad nas tshong byed du bcug go// dus gzhan zhig na ya she'i ki nyid de'i drung du song ste chos bstan nas sems rtse gcig tu yid la byed du bcug ste/ dge

  476. 239a

    ba'i rtog pa byung na rde'u dkar ru gcig bzhag/ mi dge ba'i rtog pa byung na rde'u nag gu gcig zhog la/ dus dus su gang mang brtsis shig ces bsgo'o// u pa grub tas kyang bsgo ba bzhin du dge ba dang mi dge ba'i rtog pa byung ba las rde'u bzhag ste rde'u brtsis na/ thog ma ni rde'u nag gu mang rab la dkar ru nyung rab bo// de nas yang bags kyis dkar gnag mnyam mo/ / de nas yid la bya ba ma btang bas rde'u nag gu ni med kyi/ rde'u dkar ru 'ba' zhig tu gyur te/ dge ba la rtog pa grub nas 'bras bu dang po thob par gyur to// de'i tshe grong khyer den smad 'tshong ma zhig gis bran mo gcig mngags te/ u pa gub ta las me tog nyor btang ngo // u pa gub ta rang bzhin gyis drang bas/ bran mo de la me tog rgyal bar byin te ma rangs pa med par byas so/ / bran mo de me tog gi rnams khyer te jo mo la phul ba dang / ngo mtshar cher bzung ste bran mo la 'di skad ces smras so// sngar me tog nyos pa'i rin dang deng nyes pa'i rin du 'dra na/ sngar ni ci'i phyir nyung la da ste ji ste mang / snga ma'i tshe na khyod kyis nga bslus sam/ bran mos smras pa/ deng gi me tog 'tshong ba'i bdag po de ngo mtshar du drangs la des te/ g.yo sgyu med pas mang du khugs pa yin no/ / skyes bu de gzugs byad bzang zhing mdzes pas/ rje mos gzigs na yang dgyes par 'gyur ro zhes smras pa dang / smang 'tshong mas de 'bong du btang ngo // u pa gub ta 'ong du

  477. 239b

    ma btub nas/ yang dang yang bos kyang 'gror ma btub bo// de'i tshe smad 'tshong ma de rgyal bu zhig dang 'grul te/ rgyal bu de'i gos rin po che la chags pas/ gsang ste rgyal bu bsad nas ro sbas so/ de nas rgyal pos khyim dag btsal ba dang / smad 'tsheng ma'i khyim nas rgyal bu'i ro rnyed de/ smad 'tshong ma de'i rkang lag kyang gtubs/ rna ba dang sna yang bcang nas shing kar btags te dur khrod du btsugs so/ / de ltar byas kyang da dung srog ma chad pas/ u pa gub ta de'i drung du song ba dang / smad 'tshong mas 'di skad ces smras so// sngon sdug pa'i tshe ni 'ong du ma btub la/ da ma rung bar gyur pa'i 'og tu gar 'gro zhes smras pa dang / u pa gub tas smras pa/ khyod kyi mnga' byad 'dod pa'i phyir 'dir 'ongs pa ma yin gyi/ khyod la snying brtse ba'i phyir 'dir 'ongs so/ zhes smras nas/ mi rtag pa'i chos rnam pa bzhi po 'di dag bstan to// lus 'di ni mi gtsang ba/ sdug bsngal ba/ stong pa/ bdag med pa ste/ re re nas brtags shing yid brtan du mi rung ngo / gang glen pa gti mug can ni de la chags so// smad 'tshong mas chos de dag thos nas/ chos la chos kyi mig rnam par dag par gyur to// u pa gub ta ni phyir mi ldog pa'i 'bras bu thob bo/ / de nas ya she'i kis khyim bdag de las gzhon nu bslangs nas rab tu dbyung ngo zhes byas pa dang / khyim bdag gis kyang de bzhin du phul nas/ gtsug lag khang du khrid de khrims

  478. 240a

    / bcu phog go// de nas lo nyi shu tshangs pa dang bsnyen par rdzogs so// bsnyen par rdzogs pa'i tshe gsol ba dang bzhi'i las byas nas dgra bcom par gyur te/ rig pa gsum dang mngon par shes pa drug dang ldan pa/ smra ba la spobs pa zad mi shes par gyur nas/ mi mang po bsdus te chos bstan par byas pa dang / de'i tshe bdud sdig to can gyis 'khor mang po'i nang du gser gyi dong tse char bzhin du phab pas/ mi kun dong tse la stod nas chos mnyan du med par byas so// de'i phyir nyin 'khor mang po bsdus te chos bstan par byas pa las/ bdud sdig to can gyis me tog gi 'phreng ba'i char phab pas kun gyi sems dkrugs so/ / de'i tshe phyid nyin 'khor mang po bsdus te chos bstan par byas pa las/ bdud kyi rgyal pos glang po che mthon mthing kha lta bu kha nas mche ba drug byung la/ mche ba re re la yang rdzing bu re re yod pa/ rdzing bu re re'i nang na me tog bdun bdun yod pa/ me tog re re'i nang na shel gyi bu mo bdun bdun yod pa/ bu mo de dag kyang so so nas rol mo byed de/ glang po che de yang gom pa dal gyis 'khor gyi nang du 'gro ba bstan pa dang / mi thams cad de la blta bas chos la mi 'dun no// de'i phyir nyin 'khor rnams bsdus te chos bstan par byas pa las/ bdud kyi rgyal pos na cung bzang mo shin tu mdzes shing bzang ba gcig 'khor gyi nang du 'ongs pa sprul nas/ mi kun de la mig mi 'dzums par blta

  479. 240b

    ste chos nyan pa brjed do/ / de ma thag tu ye she'i kis sprul pa'i bud med keng rus dkar por sprul nas/ mi mang pos mthong ba dang / mi kun gdod chos nyan pas 'bras bu thob pa yang rab tu mang ngo / / btsun pa de dag la thog ma nas khyi zhig yod de/ nyin gcig bzhin du chos bstan pa la rna ba gtad de mnyan pas/ khyi de tshe brjes nas lha'i ris drug par skyes te/ bdud sdig to can dang stan gcig la 'dug go/ / bdud kyi rgyal pos lha de la 'di ni yon tan chen po dang ldan te/ nga dang mnyam na 'di gang nas tshe 'phos te 'dir skyes pa brtag go snyam ste/ brtags pa dang khyi las skyes par mthong nas/ dge slong gis nga ba skyengs te sma phab bo snyam nas/ rgyang ma nas btsun pa ting nge 'dzin du zhugs pa mthong nas/ rin po che'i cod pa na zhig btsun pa'i mgo la bzhag go/ / ting nge 'dzin las langs pa dang / mgo la cod pa na yod par rtogs nas sus bzhag snyam brtags na/ bdud sdig to can gyis bzhag par rtogs nas/ rdzu 'phrul gyi mthus bdud sdig to can der bkug ste/ khyi ro gcig mgo'i 'phreng bar sprul nas/ sdig to can la 'di skad ces smras so// khyod kyis nga la cod pan byin pa'i lan du khyod la 'phreng ba gcig cig sbyin gyis ba zhes shig ces smras pa dang / bdud sdig to can gyis blangs te 'phreng bar btags nas phyir gnas su song ngo // gnas su phyin te brtags na mgo la 'phreng ba bzhag pa khyi ro yin par mthong nas

  480. 241a

    mi 'dod do/ / dor bar byas pa las mthu stobs ci yod pa gtugs kyang dor ma nus so// de nas brgya byin gyi thad du song ste/ mi gtsang ba 'di 'or cig ces smras na/ brgya byin gyis smras pa/ 'di lta bu sus byas pa nyid kyis dor nus kyi/ bdag la ni dor nus pa'i mthu med do// bdud sdig to can gyis lha kun dang / tshangs pa'i rgyal po'i bar du bdag gis mi gtsang ba 'di 'or cig ces smra na/ snga mas smras pa dang 'dra ste/ nged la 'di dor ba'i mthu med do zhes smras pas/ ci byar mi rung nas phyir btsun pa'i drung du 'ongs nas 'di skad ces smras so// sangs rgyas bcom ldan 'das ni yon tan chen po dang ldan pa bden te/ byams pa'i thugs phyogs gcig tu ma gyur to// khyed nyan thos rnams ni 'jigs su rung ba ma rung ba'o// ci mngon zhe na/ ngas sngon yi dgas kyi dpung khri phrag brgyad cu ba sogs te/ byang chub sems dpa' la bskor nas byang chub las nyams par bya bar brgal ba las/ 'on kyang thugs rje bskyed do// bdag la dgrar mi dgongs so/ / da bdag gis kyal ka cung zad cig byas pas lan du 'di 'dra bar byas so// u pa gub tas spras pa/ khyod zer ba bden te/ sangs rgyas dang ngar bskrun na brgya 'gyur stong 'gyur du yang dpe byar mi rung ste/ ri rab lhun po nyungs kar dang bskrun pa 'am/ rgya mtsho chen po dang ba rmig gi chur bskrun pa 'am/ seng ge'i rgyal po dang / wa ra bskrun pa dang 'dra ste/ che chung gi

  481. 241b

    khyad bskyed du med do/ / kho bo ni dus ngan pa'i tha mar skyes te/ de bzhin gshegs pa yang ma mthong na/ khyod kyi rdzu 'phrul gyis sangs rgyas kyi skur sprul nus so zhes thos kyi/ khyod kyis kho bopo mthong bar ston cig blta bar bya'o/ / bdud kyi rgyal pos spras pa/ ngas de 'dra bar sprul gyis khyod phyag ma byed cig/ smras pa/ phyag mi byed do// de nas bdud kyi rgyal pos kyang sangs rgyas kyi skur sprul te/ sku chen po khru bcu drug pa/ gser gyi mdog can mtshan sum cu rtsa gnyis dang dpe byad bzang po brgyad cus brgyan pa/ 'od gzer lham me lhan ner gsal ba/ nyi zla bas kyang lhag par sprul pa dang / u pa gub ta rab tu dga' nas phyag bya bar gzas pa dang / bdud kyi rgyal po phyir yang bdud kyi lus su bsgyur nas/ u pa gu ba ta la btsun pa khyod phyag mi bya pabar byas na/ ci'i phyir phyag byed ces smras so// u pa gub tas smras pa/ kho bo sangs rgyas la phyag byed kyi/ khyod la phyag mi byed do// bdud kyi rgyal pos smras pa/ btsun pas bdag la thugs brtse ba'i slad du/ khyi ro 'di ma mchis par mdzod cig/ u pa gub tas smras pa/ khyod nyid snying brtse ba'i sems bskyed de/ sems can kun gyi skyabs byos shig dang khyi ro las rin po che'i 'phreng bar 'gyur ro/ / gal te mi dge ba'i las sdig pa'i bsam pa skyes na/ khyi ro nyid las mi 'gyur ro zhes smras pa dang / bdud kyi rgyal po skrag nas rtag tu dge

  482. 242a

    ba'i sems bskyed do/ / de'i tshe na btsun pa u pa grub ta 'bras bu thob pa'i 'og tu sems can btul te/ 'bras bu bzhi thob par byas pa'i grangs ni 'bras bu thob pa mi re tshul shing sor bzhi pa re re byas pa'i tshul shing de lta bus/ khang pa mtho khyad tsheg drug cu pa chu zheng gab par yang tsheg drug cu pa'i nang yongs su gang ngo // de nas mi mang po kun gyis bstod cing bsngags te/ khyod kyi yon tan ni rgya che bas/ sems can btul ba'i grangs kyang dpag tu med do zhes smras so// u pa gub tas spras pa/ kho bo dud 'gro byed/ pa'i tshe na yang sems can dag btul te/ 'phags pa'i 'bras bu thob par byas na/ da ltar gyi dus na btul ba lta ci smos/ 'khor mang pos smras pa/ sngon ji lta bur sems can dag btul ba bdag cag la bstan du gsol/ u ba gub tas smras pa/ sngon 'das pa'i dus na bA rA nA si 'dir drang srong lhags pa'i ri li/ rang sangs rgyas lnga brgya zhig gnas so// de'i tshe ni spre'u zhig nyin gcig bzhin du mchod pa dbul zhing spyod lam la blta'o// rang sangs rgyas de dag phyis gzhan du dong nas/ kun tu rgyu lnga brgya zhig de na gnas so// kun tu rgyu de dag la la ni nyi ma dang zla ba la mchod/ la la ni me lha la mchod do// nyi ma dang zla ba la mchod pa ni// nyi zla logs su rkang pa la gcig gis 'greng ngo // me lha can ni nang par snga dro zhing me 'bung //

  483. 242b

    de'i tshe na spre'u des 'greng ba de dag gi rkang pa nas lag pa ya gcig gis bzung ste 'thur du drangs so// me 'bud pa dag gi me bsad nas lus drang por 'dug ste bsams pa yid la byed do// de nas kun tu rgyu de rnams gcig la gcig 'di skad ces smras so/ / spre'u 'dis bdag cag kyang spyod lam 'di lta bur 'dug cig ces bya ba'i tha tshig ste/ bdag cag kyang so so nas lus drang por bsrang ste don la brtag go zhes byas nas/ de dag de ltar byas ma thag tu sems kyis khong du chud cing rtogs te/ rang sangs rgyas su gyur to// de'i tshe de'i dus na spre'u de ni de ltar nga yin no/ / 'khor rnams kyis smras pa/ 'o na ci'i phyir spre'u'i lus su gyur/ u pa gub tas smras pa/ sngon 'das pa'i bskal ba dgu bcu rtsa gcig gi pha rol na/ sangs rgyas rnam par gzigs 'jig rten du gshegs te/ dge slong rnams ni bA rA nA si na drang srong lhags pa'i ri la gnas so// de'i tshe na 'bras bu thob pa'i dge slong gcig ri'i rtse mor mgyogs papar song ba dang / de la dge slong gzhon nu zhig gis/ dge slong de ni mgyogs khyad spre'u dang 'dra'o zhes smras te/ de'i rgyu de'i rkyen gyis skye ba lnga brgya'i bar du spre'u'i lus thob par gyur to// de bas 'khor bzhi po dag ngag gi las yongs su bsdams te mi dgos pa mi smra'o/ / u pa gub tas chos 'di bstan pa'i tshe/ 'khor mang po rnams la la ni rgyun du zhugs pa dang / lan cig phyir ldog

  484. 243a

    pa dang / phyir mi ldog pa dang / dgra bcom pa'i 'bras bu thob bo// kha cig ni rang sangs rgyas su dge ba'i rtsa ba bskyed do// kha cig ni byang chub tu sems bskyed de/ phyir mi ldog par gyur pa yang dpag tu med do// de skad ces smras pa la rjes su yi rangs nas mngon par dga' 'o// u pa gub ta'i le'u ste bzhi bcu rtsa bdun pa'o// / nga pa lnga brgya lhar skyes pa'i le'u'o// 'di skad bdag gis thos pa dus gcig na/ bcom ldan 'das yul bA rA nA si na bzhugs so// de'i tshe bcom ldan 'das tshal zhig gi nang ne'u gsing dang ldan pa zhig na/ lha dang / mi dang / 'khor rnam pa bzhi la dam pa'i chos ston to// de'i tshe steng gi nam mkha' la bya ngang pa lnga brgya tsam zhig 'phur pa las/ bcom ldan 'das kyi gsung shin tu snyan pa thos nas/ dga' zhing mos te nam mkha' la lding zhing bcom ldan 'das kyi spyan sngar 'bab par 'dod pa las/ de'i tshe rngon pa dag cig gis sa phyogs der bya rgya bres pas/ ngang pa lnga brgya tsam po bya rgyas zin nas rngon pas bsang ba dang / thams cad sum cu rtsa gsum gyi lha'i ris su pha ma'i pus mo'i steng nas khye'u lo brgyad lon pa tsam du skyes te/ byad gzugs bzang ba/ blta na sdug pa/ 'od gzer gyis kun tu snang ba/ gser gyi ri ltar gsal zhing dag par gyur nas/ de dag 'di snyam du bdag cag ci'i rkyen gyis lhar skyes snyam bsams pa dang / sngon gyi gnas

  485. 243b

    dran par gyur te/ chos gsungs pa'i sgra thos pas lhar skyes par rig nas/ de dag de'i tshe nam mkha' las babs te/ lha rdzas kyi me tog dang spos la sogs pa thogs nas/ 'dzam bu'i gling gi yul bA rA nA si na/ bcom ldan 'das gang na bzhugs par lhags so// lha'i 'od kyis bcom ldan 'das bzhugs pa'i gnas kun rin po che ltar snang bar byas nas/ dus gcig tu bcom ldan 'das kyi zhabs la spyi bos phyag 'tshal te/ thal mo sbyar nas 'di skad ces gsol to// bdag cag gis bcom ldan 'das chos ston pa'i gsung thos pa tsam gyis gnas dam par skyes kyis da yang bdag cag la thugs brtse ba'i slad du dam pa'i chos ston cig ces gsol pa dang / bcom ldan 'das kyis bden pa bzhi'i chos bstan te/ lha de dag gis rtogs nas rgyun du zhugs pa'i 'bras bu thob bo/ / de dag de phyin cad ngan song gsum du mi ltung bar gyur to// phyir lha'i ris su dong nas skye ba bdun gyis zag pa kun zad par gyur to// de nas kun dga' bos/ bcom ldan 'das la gsol pa/ mdang gsum lha dag gi 'od gzer gyis kun snang bar bgyis nas/ bcom ldan 'das kyi zhabs la phyag 'tshal du lhags pa'i lha de dag gang nas mchis pa bstan du gsol/ bcom ldan 'das kyis bka' stsal pa/ khyod legs par nyon la shin tu yid la zung zhig dang ngas bstan par bya'o// nga khar rtsang tshal zhig na lha

  486. 244a

    dang mi rnams dang / 'khor rnam pa bzhi la chos ston pa'i tshe/ ngang pa lnga brgya tsam zhig chos gsung ba'i sgra la rad nas dge ba'i sems skyes te/ nga'i thang du song ba las ma phyin par rngon pas zin te thams cad bsad do/ / chos kyi sgra la dad pa'i dga' ba'i sems kyis sum cu rtsa gsum gyi lha'i ris su skyes nas/ sngon gyi gnas dran pas nga la phyag 'tshal du 'ongs so/ de nas kun dga' bos bcom ldan 'das kyis gsungs pa thos nas rab tu dga' mgu rangs te/ ngo mtshar rmad do zhes bsngags nas 'di skad ces gsol to// bcom ldan 'das 'jig rten du gshegs pa ni ngo mtshar rmad de/ chos kyi char gyis ma ngoms pa ma mchis so// chung ngu na dud 'gro'i skye gnas lta bu yang chos thos pas bsod nams thob na/ mi lta zhig ces smos te/ dad pa'i sems kyis gzungs su bzung ba'i bsod nams kyi 'bras bu bas brgya stong gis lhag ste/ dper bgyir ma mchis so// bcom ldan 'das kyis/ kun dga' bo la bka' stsal pa/ legs so legs so// khyod kyis spras pa bzhin du bcom ldan 'das 'jig rten du gshegs pa ni/ kun la phan pa dang bde ba'i don du 'gyur te/ kun tu bdud rtsi'i char phab nas 'gro ba mang po ngoms par byed do/ / de bas na khyod kyis sems rtse gcig tu sangs rgyas kyi bstan pa la nan tan gyis shig/ bcom ldan 'das kyis de skad ces gsungs nas/ kun dga' bo dang 'khor

  487. 244b

    mang po'i rnams rjes su yi rang ste mngon par dga' 'o/ / ngang pa lnga brgya lhar skyes pa'i le'u ste bzhi bcu rtsa brgyad pa'o// / seng ge yi dam brtan zhes bya ba'i le'u'o// 'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri la bzhugs so// de'i tshe na lha sbyin gyis bcom ldan 'das la rtag tu ngan sems bskyed nas de bzhin gshegs pa med par byas la/ lha sbyin nyid sangs rgyas yin no zhes bsgrags pa'i phyir/ rgyal po ma skyes dgra pha gsod du bcug nas/ sangs rgyas sar pa dang / rgyal po sar pas yul gyi sring bcas na ma legs sam zhes smras pa/ rgyal po ma skyes dgras mnyan te pha bsad nas bdag nyid rgyal por bzhugs so// de'i tshe yul mi dag dge slong kun la ngan sems skyes nas mthong yang mi 'dod par gyur to/ / dus gzhan zhig na dge slong dag grong du bsod snyoms slong du song song ba las/ yul mi dag khros te gtam yang ma ster nas/ lhung bzed stong par phyir log ste bya rgod spungs pa'i ri la phyin nas/ bcom ldan 'das la 'di skad ces gsol to// lha sbyin gyis sdig pa mi dge ba'i las bgyis pas/ yon bdag kun dge slong la ngan sems skyes so zhes gsol pa dang / bcom ldan 'das kyis/ kun dga' bo la 'di skad ces bka' stsal to// sems can gang zhig dge sbyong ngur smrig gyon pa la ngan sems bskyed na/

  488. 245a

    mi de ni 'das pa'i sangs rgyas dang / rang sangs rgyas dang / dgra bcom pa la ngan sems bskyed do// ma 'ongs pa'i sangs rgyas dang / rang sangs rgyas dang dgra bcom pa la ngan sems bskyed pa yin no/ / da ltar bzhugs pa'i sangs rgyas dang / rang sangs rgyas dang / dgra bcom pa la ngan sems bskyed pa yin par rig par bya'o// de ltar dus gsum gyi 'phags pa la ngan sems bskyed pas/ sdig pa'i las kha na ma tho ba'i 'bras bu tshad med pa smin par 'gyur ro// de ci'i phyir zhe na/ chos gos ngur smrig ni dus gsum gyi 'phags pa rnams kyi rgyal mtshan yin te/ sems can gang zhig sgra dang kha spu bregs nas kha dog bsgyur ba'i chos gos gyon na/ de ni ring por mi thogs par sdug bsngal kun las sems rnam par grol te/ zag pa med pa'i ye shes thob cing / 'gro ba thams cad kyi mgon skyabs dang dpung gnyen du 'gyur ro// sems can gang zhig rab tu 'byung zhing kha dog bsgyur ba'i chos gos gyon pa la dad pa'i sems bskyed na/ bsod nams dpag tu med pa thob par 'gyur ro// kun dga' bo nga yang sngon rab tu byung ba chos gos kha dog bsgyur ba gyon pa la dad pa'i sems skyes te bsti stang byas pas mngon par sangs rgyas so/ / kun dga' bos gsol pa/ bcom ldan 'das kyis sngon kha dog bsgyur ba'i chos gos gsol cing rab tu byung

  489. 245b

    ba la bsti stang ji ltar bgyis pa bstan du gsol/ thos par 'tshal lo// bcom ldan 'das kyis bka' stsal pa/ shin tu legs par nyon la yid la zung zhig dang / khyod la bstan/ par bya'o// kun dga' bo sngon 'das pa'i bskal pa tshad med pa'i pha rol na/ 'dzam bu'i gling 'dir rgyal po chen po de byi zhes bya ba zhig byung ste/ rgyal phran brgyad khri bzhi stong snyed la dbang byed do/ / de'i tshe 'jig rten na sangs rgyas kyi chos ni med de/ rang sangs rgyas dag cig ri dang tshal na gnas pa nam mkha' las rgyu zhing sems can gyi don byed do// de'i tshe na ri dgas dag de la bsnyen bkur byed de/ seng ge yi dam brtan pa zhes bya ba lus kyi spu gser gyi mdog ltar 'dug pa shin tu 'tsher ba zhig kyang de na 'dug ste/ zas su 'bras bu dang rtswa za'i sems can ni mi gsod/ do/ de'i tshe rngon pa zhig gis mthong nas rab tu dga' ste/ de bdag gis bde ba thob kyis/ seng ge 'di bsad la pags pa rgyal po la phul na/ gden mi za bar dbul blor ro snyam bsams te/ dus gzhan zhig na skra bregs chos gos gyon nas/ mda' gzhu mtshan du bcug ste seng ge gang na 'dug par song ngo // de'i tshe na seng ge de gnyid log ste nyal ba las/ rngon pas dug mda' 'phangs so/ / de nas seng ge sad nas rngon pa bsnyegs pa dang / chos gos gyon pa mthong nas 'di snyam du bsams so// mi 'di lta bu ni 'jig rten na yun du mi gnas te/ ring

  490. 246a

    por ma thogs par sdug bsngal kun las rnam par grol lo/ / de ci'i phyir zhe na/ kha dog bsgyur ba'i chos gos 'di ni 'das pa dang / ma 'ongs pa dang / da ltar rgya 'phags pa rnams kyi rgyal mtshan yin te/ bdag gis gnod pa byas na dus gsum gyi 'phags pa rnams la ngan sems bskyed pa yin no snyam bsams te/ gsad pa'i sems btang ba dang dug mangs zhen pas/ lus dang srog bral ba la thug nas tshig 'di skad ces smras so// ya la la ba sha sa swA hA/ zhes smras pa'i tshe gnam sa kun g.yos nas sprin med par char pa bab ste/ lha rnams kyis lha'i mig gis brtags na/ 'jig rten 'dir rngon pas byang chub sems dpa' seng ge'i tshul du bzhugs pa bsang ba mthong nas/ steng gi nam mkha' las lha rdzas kyi me tog char bzhin du phab ste/ seng ge'i ro la mchod pa byas so// de'i tshe rngon phas seng ge'i pags pa bshus nas/ khyim du 'ongs te rgyal po de byi la phul nas/ bya dga' gsol ba dang / rgyal pos 'di snyam du bsams so// yi ge dang gtsug lag las dud 'gro gang gi spu mdog gser ltar 'dug na nges pa'i byang chub sems dpa' yin te/ skyes bu chen po yin no zhes 'byung na/ ci'i phyir rngon pa 'di la bya dga' sbyin/ gal te byin na bdag kyang gsod gsod pa dang tha mi dad do snyam bsams nas/ de'i tshe rngon pas yang bskul ba dang / rgyal pos

  491. 246b

    kyang nyung zhig byin nas rngon pa la 'di skad ces smras so/ / seng ge 'di gsod pa'i tshe ngo mtshar che ba 'am ltas ci zhig byung zhes dris na/ kha nas yi ge 'bru brgyad po 'di smras te/ gnam sa yang g.yos nas sprin med par char pa bab cing lha rnams kyis me tog phab bo/ / de'i tshe rgyal pos 'di skad ces smras pa thos nas/ shin tu mi dga' ste ngang pa'i sems skyes nas/ blon po dang snga rabs kyi rgan po shes pa blo dang ldan pa kun bsogs te/ seng ges smras pa'i tshig bshad na/ gcig gis kyang ma go ma shes so// gnas dben pa zhig na drang srong sha ma zhes bya ba mkhas/ ba rig pa dang ldan pa zhig yod de/ rgyal pos drang srong de spyan drangs nas dris pa dang / drang srong des 'di skad ces bshad do// ya la la zhes bya ba'i don ni/ skra bregs la chos gos kha dog bsgyur ba gyon pa 'ba' zhig skye shi las myur du thar to zhes zer ro/ / ba sha sa zhes zer ba'i don ni/ skra bregs te chos gos kha dog bsgyur ba gyon pa thams cad 'phags pa'i mtshan yin te/ mya ngan las 'da' ba dang nye ba'o zhes zer ro// swA hA zhes bya ba'i don ni/ skra bregs te chos gos kha dog bsgyur ba gyon na/ lha dang mi dang 'jig rten du bcas pa thams cad kyis bkur sti bya'o zhes bya ba'i don no/ / de'i tshe drang srong gis de skad ces smras pa dang / rgyal po rab tu dga' nas/ rgyal phran brgyad khri bzhi stong mang po yang bsdus te/ rin po che sna bdun gyi shing

  492. 247a

    / rta chen po bcas nas/ seng ge'i pags pa steng du bzhag ste/ thams cad kyis mthong bar byas nas me tog gis mchod de phyag 'tshal du bcug go// de nas gser gyi sgrom byas nas/ seng ge'i pags pa nang du bcug ste mchod rten byas so// de'i tshe mi mang po dge bar sems pa de dag thams cad tshe 'phos pa'i 'og tu mtho ris kyi lhar skyes so// kun dga' bo de'i tshe seng ge des chos gos kha dog bsgyur ba gyon pa'i ma la dge ba'i sems bskyed pas/ bskal pa khri phrag bcu'i bar du 'khor los sgyur ba'i rgyal po byas nas/ sems can kun bde ba byin te bsod nams kyi las rgyas par byas nas mngon par sangs rgyas so/ / de'i tshe de'i dus na seng ge yi ngam brtan pa de la gzhan du ma sems shig/ de ni de ltar nga yin no// de'i tshe/ de'i dus na rgyal po de byi seng ge'i pags pa la mchod pa byas pas/ bskal pa khri phrag bcu'i bar du lha dang mi'i mchog tu gyur nas/ dge ba kun byas pa de ni byang chub sems dpa' byams pa yin// de'i tshe de'i dus na drang srong de ni shA ri'i bu yin no// rngon pa de ni lha sbyin yin no// de'i tshe 'khor mang po dag bcom ldan 'das kyis de skad ces gsungs pa thos nas/ rab tu dga' ste 'di skad ces gsol to// bdag cag gis 'phags par mi shes pas ngan sems skyes kyis/ de bzhin gshegs pas bdag cag la thugs brtse ba'i slad du/ sdig par

  493. 247b

    mi 'gyur bar 'gyod tshangs 'tshal lo zhes gsol pa dang / bcom ldan 'das kyi thugs rje chen pos bden pa bzhi'i chos bstan te/ sngon rgyu gang dang mthun pa bzhin du 'bras bu thob nas/ la ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa thob bo// la la ni bla na med pa'i byang chub tu sems bskrad de/ bcom ldan 'das kyis gsungs pa la/ kun dga' bo dang 'khor rnam bzhi mngon par dga' nas rjes su yi rang ngo // seng ge'i yi dam brtan zhes bya ba'i le'u ste bzhi bcu rtsa dgu pa'o// // srin bu'i rgyu bstan pa'i le'u'o// 'di skad bdag gis thos pa'i dus gcig na/ bcom ldan 'das rgyal po'i khab na bya rgod spungs pa'i ri la bzhugs so// de'i tshe grong khyer de dang mi ring ba zhig na chu'i lteng ka mi gtsang ba zhig yod de/ mi mang po ba shang gci dang mi gtsang ba thams cad der 'dor te/ lteng ka'i nang na srin bu chen po sbrul dang 'dra ba rkang pa bzhi yod pa gcig cig yod de/ chu'i nang na phan tshun rgyug cing bar 'ga' ni phyir 'byung / bar 'ga' ni chu'i gting du 'gro ste/ lo mang por de na gnas shing sdug bsngal tshad med pa myong ngo // dus gzhan zhig na bcom ldan 'das dge slong mang pos bskor te mdun du bdar nas lteng ka de'i ngogs su gshegs te/ srin bu de gzigs pa dang / srin bu de'i sngon gyi rgyu khyed cag sus shes zhes bka' stsal pa dang / dge slong

  494. 248a

    rnams kyis bsams kyang srin bu de'i sngon ci byas pa gcig cig gis kyang ma rtogs nas/ bdag cag las gang yang 'tshal ba ma mchis so zhes gsol to// bcom ldan 'das kyis bka' stsal pa/ khyed legs par nyon la yid la zung zhig dang / srin bu 'di'i sngon gyi rgyu bshad par bya'o// sngon 'das pa'i dus na sangs rgyas rnam par gzigs zhes bya ba 'jig rten du gshegs te/ sems can gyi don mdzad nas mya ngan las 'das so// sangs rgyas de'i bstan pa la dge slong stong phrag bcu zhig tshangs par spyod pa yongs su dag par spyod de dgon pa'i ri zhig la gnas pa las/ g.yas g.yon na me tog gi shing dang 'bras bu'i shing rab tu rgyas shing / shing gi bar na chu mig dang khrus kyi rdzing bu dang ldan pa shin tu dga' ba'i gnas shig yod do/ / de'i tshe na dge slong dag spyod pa la brtson zhing nan tan byed pas/ thams cad kyis 'bras bu dang po nas/ 'bras bu bzhi pa'i bar du thob ste so so'i skye bo mang ngo // dus gzhan zhig na tshong pa lnga brgya tsam zhig rgya mtshor rin po che len du dong ba las lam du zhugs te/ la ma yogs su ri de la lhags nas dge slong dag spyod pa la shin tu brtson pa mthong nas/ tshong pa rnams bgros te mchod pa zhig bya bar bsams pa las/ yon bdag mangs pas skabs ma rnyed de bsams pa bzhin du ma grub nas/ dge 'dun la mchi phyag 'tshal te/ rgya mtshor

  495. 248b

    dong nas 'di skad ces smras so/ / gal te bdag cag nye zho mod par bde bar 'khor nas mchod par bgyi'o zhes gsol pa dang / dge 'dun rnams kyang cang mi gsung ste/ tshong pa rnams rgya mtshor zhugs so/ / tshong ba de dag rgya mtsho nas rin po che mang du rnyed de/ bde bar 'khor nas dge 'dun de dag la rin po che'i dam pa rin che ba zhig dge 'dun rnams la bsod snyoms kyi zong du phul lo/ de nas dge slong rnams kyis rin po che de bzhes nas/ dge 'dun gyi las byed pa'i dge slong zhig la gtad do// phyis dge 'dun dag bsod snyoms kyis brel bar gyur nas/ rin po che de bsod snyoms su btsong snyam ste/ las byed pa'i dge slong de la tshong pas phul ba'i rin po che 'on cig ces bsgo na/ dge slong des smras pa/ tshong pas rin po che de nga la byin du zad kyis khyed kun la ma byin no/ / dge 'dun gyis dge slong de la rin po che de ni tshong bas dge 'dun la phul nas khyod sbed du bcug go// khyod la byin pa ma yin no zhes bsgo ba dang / dge slong de khros nas khyed skyug pa la za za ba'am/ rin po che de ni kho bo'i yin gyis ma zer cig ces smras so// de nas dge 'dun rnams kyang dge slong de khros nas ngan sems skyes pa mthong nas so sor gyes so// de ltar dge 'dun la ngan sems kyis tshig ngan pa smras pas/ lus zhig ste tshe 'phos nas mtshams med pa'i sems can dmyal ba chen por lhung ste/ ngan skyugs kyi nang na bskal pa dgu bcwa

  496. 249a

    rtsa gcig gi bar du 'gre 'gre'o/ / de las thar nas da 'dir ngan skyugs kyi khung du skyes te/ lo mang du khon yang da dung mthar ro// 'di lta ste/ sngon 'das pa'i/ sangs rgyas gtsug tor can gyis kyang / dge slong gi dge 'dun dang 'dir gshegs nas nye gnas rnams la bstan te/ sngon ci las gyur pa bstan to// de nas yang sangs rgyas thams cad skyob kyang / dge slong gi dge 'dun dang bcas te der gshegs nas/ sngon ci las gyur pa bstan to// de nas tshe 'phos nas phyir yang sems can dmyal bar skyes te/ lo khri phrag grangs med pa zhig lon nas phyir yang khung 'dir skyes so/ / de'i 'og tu sangs rgyas log par dad sel kyang / dge slong gi dge 'dun dang bcas su 'dir gshegs nas sngon gyi lo rgyus bstan to// de'i 'og tu sangs rgyas gser thub kyang 'dir gshegs so// de'i 'og tu sangs rgyas 'od srungs yang nye gnas rnams dang 'dir gshegs te sngon gyi lo rgyus bstan to// da sangs rgyas bdun po'i tha ma la/ sangs rgyas shAkya thub pa nga yang khyed la 'dir srin bu 'di bstan te/ de bzhin du bskal pa bzang po'i sangs rgyas stong po kun nye gnas dang bcas te 'dir gshegs nas srin bu 'dis sngon ci byas pa'i lo rgyus ston par 'gyur ro/ / dge slong rnams bcom ldan 'das kyis gsungs pa thos nas/ lus kyi spu kun langs nas so so nas lus dang / ngag dang / yid

  497. 249b

    kyi las shin tu bsrung bar gyur to/ / bcom ldan 'das kyis gsungs pa la 'khor mang po rjes su yi rang nas mngon par dga' 'o// srin bu'i rgyu bstan pa'i le'u ste lnga bcu pa'o// / dge sbyong kyun te zhes bya ba'i le'u'o// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe tshe dang ldan pa shA ri'i bu nyin mtshan dus gsum du lha'i mig gis sems can gang la 'dul ba'i skal ba yod pa rtog ste/ gdul ba rigs pa yod na der 'gro 'o/ dus gzhan zhig na tshong pa dag cig yul gzhan du tshong la 'dong bas khyi gcig khrid do// lam du khyi des tshong pa zhig gi sha brkus pa dang / tshong pa de khros pas khyi'i rkang pa bcag nas 'brog stong par bor te song ngo / / de nas shA ri'i bus lha'i mig gis brtags na khyi de ltogs pa mthong nas/ chos gos gyon lhung bzed thogs te/ bsod snyoms bslang nas de ma thag tu nam mkha' la 'phur te/ khyi'i gan du song nas byams shing snying brtse ba'i sems bskyed de kha zas kyis khyi de bsnyod do// khyi de kha zas zos nas lhag par dga' ste/ shA ri'i bus khyil dam pa'i chos bstan nas/ khyi de yang der tshe 'phos te mnyan du yod par bram ze zhig gi bur skyes so// dus gzhan zhig na shA ri'i bu gcig pu bsod snyoms la song ste/ bram ze de'i sgor phyin pa dang /

  498. 250a

    bram ze des shA ri'i bu la ci'i phyir gcig pu 'gro bar byed/ dge tshul yang med dam zhes smras pa dang / shA ri'i bus smras pa/ bdag la dge tshul med pas gcig bu 'gro ba yin no/ / khyod la bu gcig yod ce na/ bdag la sbyin du rung ngam zhes smras so// bram zes smras pa/ bdag la gyun te zhes bya ba zhig yod de/ da dung na so gzhen te chung bas ci yang mi nus kyi/ nam skyes pa na sbyin no zhes smras so// shA ri'i bus de skad ces smras pa thos nas yid la bzung ste/ phyir rgyal bu rgyal byed kyi tshal du 'ongs so// phyis de lo bdun lon ba dang bram ze'i khyim du song ste/ bram ze de la bu bslangs pa dang / bram ze des kyang shA ri'i bu la phul lo// shA ri'i bus kyang bu de bzhes nas rgyal bu rgyal byed kyi tshal du khrid de dge tshul du bcug nas/ dam pa'i chos rnam pa sna tshogs bstan pas sems rnam par grol te/ dgra bcom par gyur nas mngon par shes pa drug dang / yon tan kun dang ldan par gyur to// dus gzhan zhig na dge tshul gyun te shes rab kyi stobs kyis tshe snga ma la ci zhig byas pas/ lus 'di thob nas slob dpon dang phrad de 'bras bu thob par gyur pa brtags na/ tshe snga ma la khyi ltogs pa zhig byed pa las/ bdag gi slob dpon shA ri'i bu'i drin gyis mi'i lus dang 'bras bu thob par mthong zhing / rtogs nas rab tu dga' ste 'di snyam du bsams so// bdag ni slob dpon 'di'i drin

  499. 250b

    gyis sdug bsngal las thar par gyur to/ / da bdag nam 'tsho'i bar du slob dpon gyi bsnyen bkur bya ba'i phyir dge tshul bya'i/ bsnyen par rdzogs par mi bya'o snyam bsams so// de'i tshe kun dga' bos/ bcom ldan 'das la gsol pa/ dge tshul 'dis sngon 'das pa'i dus na sdig pa'i las ci bgyis pas khyi'i lus su gyur/ dge ba'i rtsa ba ci bgyis na rnam par grol bar gyur/ bcom ldan 'das kyis/ kun dga' bo la bka' stsal pa/ sngon 'das pa'i dus na sangs rgyas 'od srungs kyi tshe/ dge slong dag cig lhan cig 'khod pa las/ dge tshul gzhon nu skad snyan pa zhig yod de/ bstod pa dang dbyangs byed na thams cad thos par dga' 'o// de'i tshe na dge slong rgan po zhig yod pa skad mi snyan te/ 'on kyang bstod ra dang tshigs su bcad pa dbyangs dang bcas te byed do/ / dge slong rgan po de ni dgra bcom pa zhig ste/ dge slong gi yon tan thams cad dang ldan no// dus gzhan zhig na dge slong gzhon nu dbyangs snyan pa des/ dge slong rgan po dbyangs mi snyan pa de la/ khyod kyi dbyangs ni khyi skad zug pa dang 'dra'o zhes smang ba'i tshig smras so// de nas dge slong rgan po des dge slong gzhon nu kha khyod kyis nga shes sam zhes dris na spras pa kho bos te por shes te khyod ni sangs rgyas 'od srungs kyi tshe dge slong gnas brtan yin no/ / smras pa/ bdag ni dgra bcom pa ste/ dge sbyong gi yon tan thams cad dang ldan no zhes

  500. 251a

    byas pa dang / dge slong gzhon nu de 'jigs skrag ste 'gyod nas de la 'thol tshangs byas so// dge slong rgan pos kyang tshangs pa byin mod kyis/ tshig ngan pa smras pa'i rkyen gyis skye ba lnga brgya'i bar du rtag tu khyir skyes so/ / rab tu byung ste tshul khrims bsrungs pas 'dir nga dang phrad nas rnam par grol bar gyur to// de'i tshe bcom ldan 'das kyis de skad ces gsungs nas/ kun dga' bo dang 'khor mang po rjes su yi rang ste mngon par dga' 'o// dge sbyong kun te zhes bya ba'i le'u ste lnga bcu rtsa gcig pa'o// / mdzangs blun zhes bya ba'i mdo rdzogs so/ / // rgya nag las 'gyur bar snang ngo // rgya gar skad du/ gaN+DI sU tra/ bod skad du/ gaN+DI'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab 'ong ma'i tshal bya ka/ lan da ka gnas pa na/ dge slong stong du tshang ba'i dge slong gi dge 'dun chen po dang / byang chub sems dpa'i tshogs chen po dang thabs cig tu bzhugs te/ thams cad kyang dgra bcom pa zag bzang pabya ba byas pa/ khur bor ba/ bdag gi don rjes su thob pa/ srid par spyod pa yongs su zad pa/ yang dag pa'i shes pas sems shin tu rnam par grol ba rnams dang / bcom ldan

  501. 251b

    'das thabs cig go/ / de'i tshe rgyal po gsal rgyal zhes bya ba stan las langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das ma 'ongs pa'i dus su rtsod dus kyi tshe/ sems can thams cad bsdig pa'i sems dang 'thab pa'i sems dang / 'dod chags dang / zhe sdang dang / gti mug dang kun tu ldan pa/ pha rol gyi yul rnams la mchog tu zhen pa/ gcig la gcig za ba la brtson pa/ bcom ldan 'das kyis sngon gsungs pa'i dus 'jig par byed pa/ dam pa'i chos spong bar byed pa/ sangs rgyas dang / chos dang / 'dod chags dang bral ba rnams sun 'byin pa/ de rnams gzhig pa'i thabs gang gis byang chub mchog tu gzhol bar 'gyur ba'i thabs bstan du gsol/ de skad ces gsol pa dang / bcom ldan 'das kyis bka' stsal pa/ rgyal po khyod sems can thams cad kyi don dang / phan pa dang / bde ba'i phyir dang / sangs rgyas dang / chos dang / dge 'dun yang dag par bsrung ba'i phyir 'dri bar byed pa legs so legs so// de'i phyir legs par rab tu nyon la yid la zung zhig ngas bshad par bya'o/ / de nas bcom ldan 'das de'i tshe kun tu sgra sgrogs pa zhes bya ba'i ting nge 'dzin la snyoms par zhugs so//

  502. 252a

    bcom ldan 'das ting nge 'dzin gang la snyoms par zhugs pa de'i tshe/ dmyal ba thams cad rgyun chad pa dang / sdang ba'i sems dang ldan pa thams cad kyang sdang ba'i sems dang bral zhing / byang chub kyi sems la rab tu gzhol bar gyur pa dang / bcom ldan 'das kyis bka' stsal pa/ gsal rgyal khyod kyis mthong ngam/ kun tu thos sam/ shes sam rtogs sam/ bcom ldan 'das mthong lags so// bde bar gshegs pa mthong lags so// khums shing kun tu khums la 'tshal cing rtogs so// bcom ldan 'das kyis bka' stsal pa/ gsal rgyal 'di ni sems can thams cad kyi ma sangs rgyas dang byang chub sems dpa' skyed pa nyan thos dang / rang sangs rgyas dang / yang dag par rdzogs pa'i sangs rgyas thams cad kyis phyag byas pa/ mchod pa/ bsams pa/ bsgoms pa/ shes rab kyi pha rol tu phyin pa sgra'i gzugs kyis sems can thams cad yongs su skyong pabar byed pa/ mu stegs pa thams cad rnam par 'jig par byed pa/ sdang ba'i sems 'dul bar byed pa/ bsdig pa'i sems 'joms par byed pa/ zhe sdang gi sems rnam par sel bar byed pa/ gti mug gi sems rab tu 'jig par byed pa/ 'dod chags kyi sems rnam par spong bar byed pa/ byang chub kyi sems yongs su skyong bar byed pa/ sangs rgyas

  503. 252b

    kyi sems 'phel bar byed pa/ sangs rgyas 'byung ba sten par byed pa/ 'thab pa dang / 'gyed pa dang / 'khrug pa dang / rtsod pa dang / sdug bsngal ba dang / rmi lam ngan pa dang mtshan ma ngan pa kun 'dul ba/ gnod pa thams cad 'jig pa/ glo bur gyi nad dang 'chi ba zhi bar byed pa/ dus ma yin par 'chi ba dang rims la sogs pa zhi bar byed pa dang pha rol gyi dpung 'dul bar byed pa/ bdud rnam par 'jig par byed pa/ gdung ba sel bar byed pa/ bskal pa bzang po yang dag par 'phel bar byed pa/ tshe dang nad med pa ster bar byed pa/ 'chi ba'i 'jigs pa zhi bar byed pa/ thar pa dang 'phel bar byed pa/ gang gis thos nas rjes su yi rang ba de la yid bzhin gyi nor bu ltar 'bras bu rab tu ster ba/ yum shes rab kyi pha rol tu phyin pa gaN+DI'i gzugs kyis bzhugs so zhes thos pa dang / gsal rgyal sems dang ba skyes nas yang bcom ldan 'das la 'di skad ces gsol to// bcom ldan 'das 'di'i tshad ni ji tsam lags/ mdog ni ci 'dra ba lags/ bye brag ni du zhig lags/ brdung ba ni ci 'dra ba lags/ gang gis brdung bar bgyi/ gang gi tshe gang gi dus na ji srid du brdung bar bgyi/ ji ltar gzhag par bgyi/ de skad ces gsol ba dang / bcom ldan 'das kyis bka' stsal pa/ 'byor par 'dod pas shing rnams ni//

  504. 253a

    rab tu 'bad de brtag par bya// tsan dan bil ba ba la sha// a shwad tha dad tsan dan dmar// rgya shu ta la king shu ka/ shing sha ba dang ta ma la// a mra star bu skyu ru ra tin ti sa ra a sho ka/ 'di dag thams cad med na yang // 'o sa las ni 'bad de bya// rgyal po 'bad pas thams cad du// 'di dag med na mi bya'o// shing ngan las ni byas pa dang / brdungs na sgra ni mi 'byung ba'i// sangs rgyas yum 'di brdungs na ni// yul 'khor 'tshe ba nges par 'byung // gtsug lag khang du dge slong rnams// de bzhin blo ni mi mthun dang / nye bar gdung ba 'byung 'gyur zhing // rnam pa du mar rtsod par 'gyur// mu stegs can gyi dbang 'gyur zhing // bdud kyang 'byung bar 'gyur ba yin// gdug pa'i klu ni du ma yis/ 'bru rnams kyang ni nyams par byed// rgyal khams 'dir mang sems can rnams// rnam par 'jigs pa nyid du 'gyur// gtsug lag khang yang 'jig 'gyur zhing // chos kyang nub par 'gyur ba yin// bdud kyi lha rnams dge slong gi/ dge 'dun shin tu ma bsdams byed// de ltar yang dag shes nas kyang // legs par yongs su brtags te bya/ tshad ni chung ngu sor brgyad kyi// brgyad cu rtsa bzhi nyid bya zhing // zheng du sor ni drug bya ste// dpangs su yang ni gnyis bya'o// sor mo'i tshigs kyi tshad dag gis// zur bzhir chad ni

  505. 253b

    gnyis pa yin/ / legs mnyam nyid na shin tu gsal// rtse gnyis sbal pa'i mgo bzhin no// de nas rdung bar byed pa yang // shing de nyid las bcad de bya// sor bcu gnyis kyi tshad dag la/ / zlum zhing rtse gnyis ne'u le'i mgo/ chang zungs tshad kyang de bzhin te// shin tu 'jam dang rtsibs mnyam par// gang phyir de brdungs gzhan dgongs pas// 'og tu'ang de ni khri bya ba/ / gtsug lag khang gi sgo stengs sam// yang na dbus ma'i steng du bya// de yi rab gnas bya ba ni// shin tu brtan pa'i chos kyi sku// skyed pa ma yin 'jigs byed mi ni/ gdod nas ma skyes par dge ba// de ltar rab tu gnas byas nas// de yi spyan dbyer gyur pa yin// gaN+DI spyan dbye byas nas kyang // de 'og gtsug lag khang kun tu// klu ba dum gyis ni brgyan pa ltar/ / bskyed pa'i rim gyis brdung bar bya// de 'og dkon mchog gsum la ni// phyag byas nas ni brdung bya zhing // shad tsa lan gsum brjod pas ni// chos kyi rnga rnams brdung bar bya/ / me tog gis ni de bzhin khrus// zan za nyi ma 'char nub tshe// dus gsum la ni lan gsum ste// sku khrus tshe na lan gnyis bsngags// glo bur gnod pa char mi/ 'bab/ de bzhin 'thab dang rtsod pa dang // glog dang gnod pa chen po dang // gnas brtan rnams ni spyan 'dren dang // nad dang mu ge zhi ba'i phyir// ma 'dzel rim gyis brdung bar bya//

  506. 254a

    dge slong rnams dang dge tshul gyis// dus rnams rtag tu brdung ba ste// gso sbyin la ni gnas pa'i tshe// dge bsnyen gyis kyang brdung bar bya// mtshan nyid thams cad rdzogs pa dang / / klu bdun gyis ni brgyan par bya// rgyal po gang tshe yul 'khor du// gaN+DI de ni grogs gyur pa// der ni dpal dang grags pa dang // 'dod pa dang na lo legs 'gyur// pha rol dpung gi 'jigs med cing // 'bru rnams kyang ni nyams mi 'gyur// sangs rgyas byin rlabs 'byor pa yis// der ni bdud rnams 'dul bar 'gyur// chos kyi rnga ni srid rtser bcas// / kun nas rab tu g.yo bar 'gyur// dmyal dang yi dgas 'jig rten rnams// 'jig par 'gyur bar the tsom med// thams cad sangs rgyas rtag dad cing // thams cad chos la gzhol bar 'gyur/ der ni dge 'dun 'dul bar ldan// mkhas pa rnams kyang 'phel bar 'gyur// 'dod chags zhe sdang gti mug rnams// der ni nub par gyur pa yin// rgyal po tshe ring chos ldan zhing / / bde ba dag dang ldan par 'gyur// rgyal po gtsug lag khang kun tu// chos kyi rnga ni brdungs pa yi// sgra ni gang gi rna ba yi// lam du dag ni grags 'gyur cing // dus bzhi dag tu thos pa ni/ / de rnams byang chub thob par 'gyur// gang zhig snying nas yi rang ba// de ni grol 'gyur the tsom med// gaN+DI'i mdo las lan cig thos// mi de skye ba dran par

  507. 254b

    / 'gyur/ gang du mdo sde'i mchog 'di gnas// yul 'khor der yang 'byor par 'gyur// dus kun du ni gnas pa dang // klog gam yang na mchod par byed// 'di ni yid la 'dzin byed la/ sdig pa las ni grol bar 'gyur// bcom ldan 'das kyis de skad ces bka' stsal pa dang / rgyal po gsal rgyal bcom ldan 'das la yang dang yang du phyag byas/ nas song ngo // bcom ldan 'das kyis de skad ces bka' stsal nas/ thams cad dang ldan pa'i 'khor de dang / lha dang / mi dang / lha ma yin dang / nam mkha' lding dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// gaN+DI'i mdo rdzogs so// // rgya gar gyi mkhan po d+harma shri ba tra dang lo tsa ba dge slong tshul khrims yon tan gyis bsgyur/ zhu chen gyi lo tsa ba dge slong rin chen bzang pos bcos te gtan la phab pa// / rgya gar skad du/ gaN+DI sa ma ya sU tra/ bod skad du/ gaN+DI'i dus kyi mdo/ bcom ldan 'das 'jam dpal gzhon nur gyur pa la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab kyi 'od ma'i tshal bya ka lan da ka'i gnas na bzhugs te/ de nas bcom ldan 'das kyis/ dge slong rnams la bos te bka'

  508. 255a

    stsal pa dge slong dag la lo rnams kyi dus bshad par bya yis/ de legs par nyon cig/ dge slong rnams dgu na zla ra ba'i zla ba phyed dang po la ni rkang pa bdun gaN+DI'i dus yin la/ sor gyis dman pa'i rkang pa phyed dang lnga ni dus ma yin no// zla ba phyed dang gnyis pa la ni rkang pa brgyad gaN+DI'i dus yin la/ sor gyis dman pa'i drug ni dus ma yin/ no// dgun zla 'bring po'i zla ba phyed dang po la ni rkang pa dgu gaN+DI'i dus yin la/ sor gyis dman pa'i rkang pa bdun ni dus ma yin no// zla ba gnyis pa la ni rkang pa bcu gaN+DI'i dus yin la sor gyis dman pa'i rkang pa brgyad ni dus ma yin no/ / dgun zla tha chung gi zla ba phyed dang po la ni rkang pa bcu gcig gaN+DI'i dus yin la/ sor gyis dman pa'i rkang pa dgu ni dus ma yin no// bla ba phyed gnyis pa la ni rkang pa bcu gnyis gaN+DI'i dus yin la/ sor gyis dman pa'i rkang pa bcu ni dus ma yin no// dpyid zla ra ba phyed dang po la ni rkang pa bcu gcig gaN+DI'i dus yin la/ sor gyis dman pa'i rkang pa dgu la ni dus ma yin no/ / zla ba phyed gnyis pa la ni rkang pa bcu gaN+DI'i dus yin la/ sor gyis dman pa'i rkang pa brgyad ni dus ma yin no// dpyid zla 'bring po'i zla ba byed dang po la ni rkang pa dgu gaN+DI'i dus yin la/ sor gyis dman pa'i rkang pa bdun ni dus ma yin no// zla ba phyed gnyis pa la ni rkang pa brgyang gaN+DI'i dus yin la/ sor gyis dman pa'i rkang

  509. 255b

    pa drug ni dus ma yin no/ / dpyid zla tha chung gi zla ba phyed dang po la ni rkang pa bdun gaN+DI'i dus yin la/ sor gyis dman pa'i rkang pa lnga ni dus ma yin no// zla ba phyed gnyis pa la ni rkang pa drug gaN+DI'i dus yin la/ sor gyis dman pa'i rkang pa bzhi ni dus ma yin no// dbyar zla ra ba phyed dang po la ni rkang pa drug gaN+DI'i dus yin la/ sor gyis dman pa'i rkang pa bzhi ni dus ma yin no// zla ba phyed gnyis pa la ni rkang pa lnga gaN+DI'i dus yin la/ sor gyis dman pa'i rkang pa gsum pa ni dus ma yin no// dbyar zla 'bring po'i zla ba phyed dang po la ni rkang pa bzhi gaN+DI'i dus yin la sor gyis dman pa'i rkang pa gsum ni dus ma yin no/ / zla ba phyed gnyis pa la ni rkang pa bzhi gaN+DI'i dus yin la/ sor gyis dman pa'i rkang pa gnyis pa ni dus ma yin no// dbyar zla tha chung gi zla ba phyed dang po la ni rkang pa gsum gaN+DI'i dus yin la/ sor gyis dman pa'i rkang pa gnyis pa ni dus ma yin no// zla ba phyed gnyis pa la rkang pa gsum gaN+DI'i dus yin la/ sor gyis dman pa'i rkang pa gnyis pa ni dus ma yin no/ / ston zla ra ba'i zla ba phyed dang po la ni rkang pa gsum gaN+DI'i dus yin la/ sor gyis dman pa'i rkang pa phyed dang gsum ni dus ma yin no// zla ba phyed gnyis pa la rkang pa gnyis gaN+DI'i dus yin la/ sor gyis dman pa'i rkang pa phyed ni dus ma yin no// ston zla 'bring po'i zla ba phyed dang po la ni rkang pa bzhigaN+DI'i dus yin la/ sor gyis

  510. 256a

    dman pa'i rkang pa gnyis ni dus ma yin no/ / zla ba phyed gnyis pa la ni rkang pa bzhi gaN+DI'i dus yin la/ sor gyis dman pa'i rkang pa gnyis ni dus ma yin no// ston zla tha chung gi zla ba phyed dang po la ni rkang lnga gaN+DI'i dus yin la/ sor gyis dman pa'i rkang pa gsum ni dus ma yin no// zla ba phyed gnyis pa la ni rkang pa drug gaN+DI'i dus yin la/ sor gyis dman pa'i rkang pa bzhi ni dus ma yin no/ / bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod ngo // gaN+DI'i dus kyi mdo rdzogs so/ / rgya gar gyi mkhan po dI ba ma ka ra shrI dz+nyA na dang / lo tsa ba dge slong dge ba'i blo gros kyis bsgyur ba'o// / rgya gar skad du/ AM yuHya tha b+hU tA gra ha sU tra/ bod skad du/ tshe 'pho ba ji ltar 'gyur ba zhus pa'i ma'o/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa'i dus gcig na/ bcom ldan 'das grong khyer chen po ser skyar khyim bdag thams cad 'dul ba'i dus la bab par gzigs nas/ de dag dad pa skye bar bya ba'i phyir 'khor lnga brgya dang bcas par gshegs pa las/ de'i tshe shAkya dga' skyes zhes bya ba dar la bab pa/ gnyen gyi skye bo thams cad la rab tu gces pa/ mi thams cad kyis bkur

  511. 256b

    ba'i gnas su gyur pa zhig tshe 'phos pa'i phung po'i drung na/ de'i bu dang / chung ma dang / spun dang / g.yog 'khor rnams kyis rta'i tshogs dang / glang po che'i tshogs dang / gos dang rgyan sna tshogs pa yang bsags/ gser dngul dang / mu tig dang / shel la sogs pa rin po che sna tshogs pa yang bsags/ bza' ba dang btung ba ro zhim po dang ra ba sna tshogs pa yang bsags te/ smre sngags 'don cing dga' skyes la gsol lo zhes mchod pa byed pa dang / rgyal po zas gtsang mas bsams pa/ ji ltar tshe 'phos pa mchod cing gsol ba dang rjed pa ni bram ze dag gi sbrang las zer na/ 'di dag la sman pa dang bde ba ci yod pa bcom ldan 'das la dri'o snyam nas/ bcom ldan 'das kyi drung du song nas phyag 'tshal te 'di skad ces gsol to/ / bcom ldan 'das sems can tshe 'phos pa ji ltar 'gyur ba'i don zhu bar 'tshal na/ skabs dbye bar ci gnang / de skad ces gsol pa dang bcom ldan 'das kyis bka' stsal pa/ kye rgyal po chen po ci dang ci bzhed pa zhus shig dang / rgyal po chen po'i sems rangs par bshad par bya'o// de skad ces bka' stsal ba dang / bcom ldan 'das la/ rgyal po chen pos 'di skad ces gsol to// bcom ldan 'das 'jig rten 'di nas tshe pha rol tu 'phos pa'i sems can rnams pha rol tu skye ba

  512. 257a

    de/ lha rnams kyang lhar skye 'am/ de bzhin du mi dang / dud 'gro dang / yi dgas dang / dmyal ba rnams kyang mi dang / dud 'gre dang / yi dgas dang dmyal ba rnams su tshe 'phos pa rigs ma 'dres par so sor skye 'am/ bcom ldan 'das gzhan yang lha rnams tshe 'phos pa mi la sogs pa gzhan rnams su skye 'am/ de bzhin du mi dang / dud 'gro dang / yi dgas dang / dmyal ba rnams tshe 'phos na yang lha la sogs pa gzhan rnams su yang skye bar 'gyur/ bcom ldan 'das gzhan yang sems can thams cad 'di nas tshe 'phos nas ye med par gyur te/ me shi ba'i thal ba bzhin du gyur nas skye ba ye ma mchis sam/ bcom ldan 'das gzhan yang sems can thams cad 'di nas tshe 'phos nas pha dang / mes po dang / yang mes la sogs pa thog ma med pa nas bzung ba'i bar du brgyud pa'i rigs mthun pa rnams/ 'jig rten pha rol tu skye ba mi len par 'dir ci spyod pa bzhin 'grogs te gnas so zhes 'jig rten pa mchi na/ de ltar lags sam/ bcom ldan 'das gzhan yang 'di na phyug dregs rgyags pa rnams/ pha rol tu phyin yang phyag dregs rgyags par 'gyur ram/ 'di na dbul rgud nyam chung ba rnams/ pha rol tu yang dbul rgud nyam chung bar 'gyur ram/ 'on te de gnyis mi 'dra bar phan tshun bsnol mar 'gyur/ bcom

  513. 257b

    ldan 'das gzhan yang 'di na rta dang glang po che la sogs pa zhon pa dang / 'di na gos gyon pa dang / rgyan thogs pa dang / 'di na zas bza' ba dang btung ba dang ldan pa rnams shi 'phos nas pha rol tu yang de bzhin du zhon pa dang / gyon pa dang / za zhing 'thung ngo zhes 'jig rten pa dag mchi na/ de ltar lags sam/ bcom ldan 'das gzhan yang 'di nas shi 'phos pa la/ pha ma 'am/ spun nam/ bu la sogs pa nya ris rnams kyis bza' ba dang btung ba nyung ngu gtad pa 'am/ bsngos pa yang bskal pa mang po'i bar du zad par mi 'gyur bar za zhing 'thung ngo zhes 'jig rten pa dag mchi na/ de ltar lags sam/ bcom ldan 'das gzhan yang sems can 'di nas tshe 'phos pa la/ pha ma 'am/ spun nam/ bu la sogs pa la gtam byas te/ tshig ci smras pa dang / gzugs byed ci 'dra ba de dag tshe 'phos nas/ phyis pha ma 'am/ spun nam/ bu la sogs pa sngon tshem 'phos pa'i dus na gtam byas pa la sogs pa smra ba dang / gzugs byang dag ston te/ mthong ba dang thos pa yod ces 'jig rten pa dag mchin/ de ltar lags sam/ de skad ces gsol pa dang / bcom ldan 'das kyis 'di skad ces bka' stsal to/ / kye rgyal po chen po shi 'phos nas/ lha rnams lhar skye ba la sogs pa 'dri ba ltar ma lags te/ lha rnams tshe 'phos pa yang lhar skyes nas/ 'gro ba

  514. 258a

    ris gzhan rnams su mi skye ba lags pa nas/ de bzhin du mi la sogs pa 'gro ba gzhan rnams kyang tshe 'phos nas/ 'gro ba gzhan dang gzhan rnams su mi skye bar rang rang gi snga ma'i rigs rnams su skye ba lags na/ kye rgyal po chen po mi rnams dang po lha las gyur pa lags na/ ngan song gsum po rnams ni mi rnams kyis mi dge ba spyad pa las gyur pa lags pa'i phyir/ gang lha la sogs pa'i tshe 'phos pa de/ 'gro ba ris gzhan dang gzhan rnams su skye ba lags so// kye rgyal po chen po gzhan yang / rgyal po chen pos 'dri ba ltar lags na ni// da ltar gyi 'gro ba ris drug po rnams mang ba dang nyung ba rnams ji ltar yod pa bzhin du/ dus thams cad du de ltar 'gyur bar rigs na/ mi rnams las mi dge ba sbyar ba mang ba'i rgyus ngan song gsum po rnams phyir zhing mang ba la gzigs/ kye rgyal po chen po gzhan yang da ltar gyi dgra bcom pa 'di dag ni mi las gyur pa lags na/ 'gro ba rigs so so ma 'dres par yang rigs so sor skye na mi rigs so/ / dgra bcom pa'i 'bras bu thob par yang mi rigs so// kye rgyal po chen po de'i phyir na/ las dge ba dang mi dge ba'i dbang gis mtho ris rang ngan song la sogs par ris tha dad par skye bar 'gyur ro/ / kye rgyal po chen pos lha rnams tshe 'phos nas mi la sogs pa gzhan rnams su skye 'am/ zhes bya ba la sogs pa dris pa ni de de bzhin te/ de de ltar

  515. 258b

    lags so/ / ke rgyal po chen po rgyal po chen pos sems can thams cad tshe 'phos nas ye med par gyur te/ me shi ba'i thal ba bzhin du skye ba ye ma mchis sam zhes gsungs pa ni de ltar ma lags te/ kye rgyal po chen po dper na/ sa bon yod na 'bras bu 'byung ste/ tshe 'di sa bon lta bu las tshe phyi ma 'bras bu lta bu yod do// kye rgyal po chen po nyi ma shar nas khad kyis nub ste smag tu gyur pa las/ yang nang par 'char ba bzhin du/ tshe 'di 'phos nas yang skye ba phyi ma len no// kye rgyal po chen po tshe 'phos nas phyi mar skye ba ye ma mchis na 'gro ba rnams zad bar rigs so// kye rgyal po chen po phyi rol gyi rtsa dang shing rnams dus kyi dbang gis bskams pa de yang phyir skye'o// de bzhin du sems can rnams las dang nyon mongs pa dus 'gyur ba dang 'dra ba'i dbang gis skye ba dang 'chi bar 'gyur ro/ / de'i phyir na rgyal po chen po che phyi ma nges par yod par mkhyen par mdzod cig/ kye rgyal po chen po rgyal po chen pos sems can thams cad 'di nas tshe 'phos nas pha dang / mes po dang / yang mes la sogs pa thog ma med pa nas bzung ba'i bar du/ gcig nas gcig tu brgyud pa'i rigs mthun pa rnams 'jig rten pha rol na skye ba mi len par 'di na ci spyod pa bzhin 'grogs te gnas so zhes 'jig rten pa dag mchin/ de ltar lags sam zhes gsungs pa ni/ kye rgyal po chen po 'di na pa dang bu la sogs pa gcig la gcig snang ba ni gzugs

  516. 259a

    dngos po can gcig la gcig snang gi/ sems gcig gis gcig mthong ba ni ma yin te/ gzugs kyi phung po 'dir bzhag ste med na/ pha rol na sems gcig la gcig ji ltar snang ste 'grogs/ tshe 'phos pa'i pha dang mes po yang mes la sogs pa/ da ltar tshe ma 'phos pa'i bu tsha gzugs yod pas kyang mi mthong na/ pha rol na tshe 'phos pa'i lus med pa'i ba dang / mes po dang / yang mes la sogs pa gzugs med pa ji ltar mthong nas 'grogs/ kye rgyal po chen po gzhan yang 'di na pha dang / bu dang / spun mang po 'grogs pa'i dus na/ yang gzugs so sor snang ba las ma gtogs pa/ rang gi sems kyang rang gis mi mthong na/ spad dang spun gyi sems gcig gis gcig lta ga la yod mthong na/ tshe 'phos nas ji ltar mthong ste/ pha rol na spang dang spun/ mes po dang yang mes la sogs pa ji ltar snang nas 'grogs/ kye rgyal po chen po thog ma med pa'i dus na/ de bas snga ba med pa'i mes po dang da lta'i bu tsha rnams pha rol na 'grogs na/ da lta mi'i rus rigs dang / phyogs dang rigs mi gcig pa tha dad pa mang po ji snyed pa rnams so sor dgrar gyur pa rnams dang / gnas gang na 'dug pa dang / rus rigs gcig pa dang / skad dang cha lugs ma thos pa dang / ma mthong ba dag kyang thog ma mes po gcig las gyes pa yin na/ da ltar spang dang / spun dang /

  517. 259b

    mes po la sogs pa 'grogs mi 'grogs kyi bar mtshams su spun dang spad gang la bzung / dang po mes po nas bzung ste/ da ltar spun dang spad kyi bar du brgyud pa rnams kyang da ltar gyi spang dang / spun 'dra bar so so na brtse zhing gdung bar 'dra na gang dang gang ni 'grogs/ gang dang gang ni mi 'grogs/ da ltar gyi mi rnams so so nas bdag cag gi mes po 'di yin no zhes phyogs dang ris bzung ste/ bdag cag 'di dang pha gcig gi bu'o zhes phyogs dang ris su bcad nas/ de dag gis mes po zhes so sor bzung de kun gyi yang pha dang / mes po dang / yang mes dang / nine mes nas dang po'i mes po la thug gi bar du brgyud pa ni de ltar so so na bdag cag gi mes po zhes bzung ba yin na/ 'jig rten pa dag smra ba ltar 'di nas tshe 'phos nas skye ba mi len par pha rol na spang dang spun 'grogs na/ da ltar rus rigs dang / phyogs mi gcig pa dang / dgrar gyur pa kun kyang phyogs gcig nas 'grogs dgos so// kye rgyal po chen po da ltar gyi tshe 'di gzugs can dngos por snang ba yang mun pa dang / phag na 'dug pa dag gcig gis gcig mi mthong na tshe 'phos pa'i gzugs med kyis/ gcig gis gcig ji ltar mthong nas 'grogs par 'gyur/ kye rgyal po chen po da ltar gyi sems can gzugs dang ldan pas kyang mi mthong ba'i gnas yul mi gcig pa dang / gnas tha dad pa dag la rang gi gzugs snang bar

  518. 260a

    ston mi nus na/ tshe 'phos nas ji ltar gzugs snang bar ston nus/ kye rgyal po chen po 'jig rten pa kha cig gis grags pa dang rnyed pa dag btsal ba'i phyir/ bzla pa'i gtam gyis gzhan slu bar byed pa la gnas par mi rigs so/ / kye rgyal po chen po rgyal po chen pos 'di na phyag dregs rgyags pa rnams/ pha rol tu yang phyug dregs rgyags par 'gyur ram/ 'di na dbul rgud nyam chung ba rnams pha rol tu yang dbul rgud nyam chung bar 'gyur ram/ 'on te de gnyis mi 'dra bar phan tshun bsnol bar 'gyur zhes gsungs pa gang yin pa de ni/ kye rgyal po chen po sems can rnams tshe ma 'phos pa'i skye ba 'di la yang / la la skyes ma thag tu phyug dregs rgyags par gyur pa las/ lo lnga bcu dang drug cu nas 'khogs pa'i bar du dbul rgung nyam chung ba yang yod/ la la skyes gzhon dar pa'i tshe la dbul rgud pa las/ lo lnga bcu dang drug cu nas 'khogs pa'i bar du phyug dregs rgyags pa dag yod na/ tshe 'phos nas phyug dbul mi rtag pa lta ci smos/ kye rgyal po chen po dper na 'jig rten na rtswa dang shing la sogs pa dro ba dang brlan pa'i rkyen tshogs pa'i tshe ni/ lo ma dang 'dab ma rgyas par 'gyur la/ grang zhing brlan med pa'i rkyen gyis bskams par 'gyur ba bzhin du sbyin pa la sogs pa'i rkyen gyis ni/ phyug dregs rgyags par 'gyur la/ rku 'phrog dang ser sna'i dbang gis ni dbul rgud par 'gyur ro//

  519. 260b

    kye rgyal po chen po sbyin pa rgyun ma chad par/ tshe rabs nas tshe rabs su phyug dregs rgyags pa yang yod/ phyogs ha dang sbyin pa la 'gyod pa byas pas tshe 'ga' dang / tshe stong slang la dbul chung pa yang yod/ dus thams cad du rku 'phrog dang ser sna dag la gnas pas/ tshe rabs nas tshe rabs su dbu la rgud pa yang yod/ rku 'phrog dang ser sna la 'gyod pa byas pas tshe 'ga' 'am/ tshe stong smad la phyag dregs pa yang yod de/ kye rgyal po chen po sbyin pa'i rkyen gyis dbul rgud pa yang mi 'byung ngo // ser sna'i dbang gis phyug dregs pa yang mi 'byung ngo // phyug dregs pa dang dbul rgud pa 'di gnyis tshe snga phyi la brje ba yang ma lags so/ / kye rgyal po chen po rgyal po chen pos 'di na rta dang glang po che la sogs pa zhon pa dang / 'di na gos gyon pa dang / rgyan thogs pa dang 'di na zas bza' ba dang btung ba dang ldan pa rnams tshe 'phos nas pha rol na yang de bzhin du zhon pa dang / gyon pa dang / za zhing 'thung ngo zhes 'jig rten pa dag mchi na/ de ltar lags sam zhes 'dri ba ni/ kye rgyal po chen po mi rnams tshe 'phos pa'i tshe/ las dge sdig gang spyad pa bzhin mtho ris dang ngan song dag tu skye ba len te/ rgyal po chen po 'jig rten pa dag mchi ba ltar ma lags so/ / tshe 'phos pa 'di'i cha lugs ltar snang ba ni/ bar snang gi khams 'din dri za'i 'jig rten gyi khams dpag tu mer pa bsam gyis mi khyab pa mtha' thug pa

  520. 261a

    med pa yod de/ dri za 'chi ka'i sems la nye bar 'jug pa zhes bya ba'i rigs yod de/ des dri za'i zas 'tshal ba'i phyir tshe rabs snga ma'i lus dang / gos dang / rgyan dang / cha lugs lta bu dag sprul par byed de/ tshe 'phos pa de'i cha lugs dang gtam dag byed cing sprul pa ston par yang yod do// kye rgyal po chen po 'di la gzhan yang yod de/ drin la ma gtogs pa gzhan yang gnod sbyin dang / sha za dang / 'byung po dang / yi dgas la sogs pas tshe 'phos pa'i pha 'am/ bu 'am/ spun la sogs pa bslu ba'i phyir/ mi ma yin/ ba des 'jig rten pa'i rdzu 'phrul gyis tshe 'phos pa'i gtan tshigs sa lam dang lo rgyus dag shes nas/ mi ma yin pa de'i phyir byin gyis pha ma la sogs pas mthong ba dang rmi lam du 'byung ba yang yod do/ / kye rgyal po chen po 'di la gzhan yang yod de/ spang spun la sogs pa yun ring por lhan cig pa'i bag chags rtas pas mthong ba dang rmi lam du snang ba yang yod de/ dper na/ mi zhig gis da ltar tshe ma 'phos pa'i rang gi pha ma 'am/ spun zla 'am/ bran khol lam/ gzhan su yang rung ba dag dang 'grogs pa dang / longs spyod kyi bde ba 'am/ dgra rkun dang 'thab rtsod la sogs pas bde ba dang / sdug bsngal gang yang rung ba dag rmis na/ mi des rmis pa bzhin du/ gang rmis pa'i pha ma 'am/ spun zla 'am/ bran khol lam

  521. 261b

    gzhan su yang rung ba rmi lam na snang ba der tshor ba yod na ni/ rmis pa de bden pa yin na/ de rmis pa'i pha ma 'am/ spun zla 'am/ bran khol lam/ gzhan su yang rung ba rmi lam du snang ba de bden par ji ltar bzung / kye rgyal po chen po tshe ma 'phos pa yang gcig gis rmis pa gcig gis mi tshor na/ tshe 'phos pa'i rmis pa tshe 'phos pa de yin par ga la 'gyur te/ bag chags rtas pa yin no/ / kye rgyal po chen po bag chags lags pa'i dpe ni gzhan yang mchis te/ mi zhig sngon tshe stod la mchis pa'i mkhar dang / khang pa dang / grong gang yin pa zhig bor te/ yul gzhan zhig tu tshe smad la 'dug pa na/ sngon gyi grong de yang zhig ste/ sngon mi 'dra ba las mi des sngon gyi khang pa'i dbyibs dang rgya ci 'dra ba ma zhig pa ma 'grams pa rmis na/ grong dang khang pa de la sems yod na ni/ khang pa de'i sems snang du rung na/ khang pa dang grong des rdo bem po yin na/ mi des rmis pa de ci'i phyir bag chags rtas pa ma yin/ de bzhin du tshe 'phos pa'i ngan rtags dang bcas pa yang khang pa zhig pa rmis pa dang 'dra ste/ tshe 'phos pa'i sems kyang las gar mthun par skye ba blangs zin na/ de snang du btub bam/ kye rgyal po chen po de'i phyir bag chags mthu rtas pa'i dbang gis/ tshe 'phos pa'i gtan tshigs dang cha lugs mthong ba dang rmis pa yin no// de bzhin du ral gri la sogs pa'i go mtshon thogs pa dang / gos dang rgyan la sogs pa gyon pa dang /

  522. 262a

    rta dang glang po che la sogs pa zhon par snang ba dang / rmi lam 'byung ba yang bag chags snang ba yin te/ khang pa'i dpe bzhin du rig par bya'o// kye rgyal po chen po rgyal po chen pos 'di nas shi 'phos pa la/ pha ma 'am/ spun nam/ bu la sogs nye ris rnams kyis bza' ba dang btung ba nyung ngu nyung ngur gtang ba rang bsngos pa yang / bskal pa mang po'i bar du zad par mi 'gyur bar za zhing 'thung ngo zhes 'jig rten pa dag mchi na/ de ltar lags sam zhes gsungs pa ni/ kye rgyal po chen po gling bzhi pa nas stong gi 'jig rten gyi khams dang / stong gnyis dang / stong gsum gyi khams dang / 'jig rten gyi khams mtha' yas par dpag tu med pa bsam gyis mi khyab pa thams cad na/ bza' ba dang btung ba nyung ngu nyung ngus dus thams cad dang / bskal pa mang por za ba'i sems can gzigs sam/ gsan nam/ kye rgyal po chen po yid bzhin gyi nor bu rin po che la ci bsams pa'i 'dod pa 'byung ba 'khor los sgyur ba'i rgyal po la yod pa yang / sngon bskal pa mang por bsod nams kyi tshogs tshad med pa bsags pa las byung ba yin te/ gnam nas babs pa dang glo bur du byung ba ni ma yin na/ bza' ba dang btung ba nyung ngu de bskal pa mtha'i bar du ma zad pa de rigs lags sam/ kye rgyal po chen po tshe ma 'phos pa'i pha spang dang spun gcig la gcig 'brel bar 'dzin pa phan par 'dod pa rnams/ da ltar

  523. 262b

    ma shi ba lus dang ldan pa yang gcig yul gzhan du song na/ de la pha ma 'am/ bu 'am/ spun gang yang rung bas zas skom mang por sbyin no// gsol lo zhes bsngos pa yang / yul gzhan du song ba'i rmi lam du yang mi 'byung na/ dngos por za zhing 'thung ba lta ga la yod na/ che 'phos nas lus dang bral ba la bsngos shing gtad pa za zhing 'thung ba lta ga la yod/ kye rgyal po chen po tshe 'phos nas sems lus dang bral ba des/ bu dang spun la sogs pas gtad pa'i zas dang skom bsngos pa can 'di dag/ sems dngos po med pa gzugs med pas ji ltar bdag po byed par 'gyur/ de ci'i phyir zhe na/ bza' ba dang bcas pa ni lus yod pa'i yan lag gi rtsol ba la rag lus na/ sems la lus kyi yan lag de'i tshe rtsol ba yod dam/ rgyal po chen pos gsol pa/ bcom ldan 'das de ltar lags na/ tshe 'phos pa la 'di na phan 'dogs pa'i bza' btung dang / bzhon pa dang / gos dang / rgyan 'dod pa 'di dag la don ma mchis pa lags sam/ bcom ldan 'das kyis bka' stsal pa/ rgyal po chen po tshe 'phos pa des las gang spyad pa'i rnam par smin pas 'gro ba ris tha dad pa gang du skye ba len pa de la/ mi dge ba dang mi 'brel ba'i bsod nams kyi tshogs su 'gyur ba'i las dge ba sna tshogs pas btang na mtho ris dang thar par yang skye la/ gal te skye ba blangs pa zhig la bsod nams su 'gyur ba'i las

  524. 263a

    dge ba zhig btang na/ skye ba blangs pa des nor rnyed pa dang / lo legs pa dang / 'dod pa'i longs spyod 'phel ba dang / 'gro ba gzhan thams cad kyis mchod cing bkur bar 'gyur ba'i phan pa yod kyi/ tshe 'phos pa skye ba mi len par gshin gyi 'jig rten yod nas bza' btung dang / bzhon pa dang / gos dang / rgyan dag bdag po byed pa ni ma yin no/ / kye rgyal po chen po 'jig rten padag gang gis mthong ba dang / pha ma la sogs pas rmi lam du rmis te/ tshe 'phos pa la bsngos pas gshin de bza' btung gis mgu'o// bzhon pa zhon no/ / gos gon no// rgyan thogs so zhes smra na/ de ltar snang ba de yang bza' btung gis mi mgu'o// zhon pa med do// gos mi gon no// rgyan mi thogs so zhes smra zhing / de ltar snang ba dag dri za 'chi ka'i sems la nye bar 'jug pa dang / mi ma yin pa dag gis de ltar snang bar byed pa yod do// kye rgyal po chen po rgyal po chen pos sems can dag 'di nas tshe 'bo ka na pha ma 'am/ spun nam/ bu la sogs pa la gtam byas pa dang / tshig ci smras pa dang / gzugs ci 'dra ba dang / de tshe 'phos nas phyis pha ma dang / spun nam/ bu la sogs pa la sngon che ma 'phos pa'i dus na gtam byas pa la sogs pa smra ba dang / gzugs byad ston te/ de lta bu mthong ba dang / ston pa yang yod ces 'jig rten pa dag mchin/ de ltar

  525. 263b

    lags sam ma lags zhes gsung ba ni/ kye rgyal po chen po smra ba ni lus yod pa'i kha lce la brten nas smra ba lags na/ tshe 'phos pa'i lus ni 'dir bzhag da/ sems gzugs med pa de ji ltar smra/ de ste shi ba de la lus yod do zhes zer ba ni skye ba blangs pa yin te/ de la pha ma dgos pas gshin gyi 'jig rten yang med do// kye rgyal po chen po de lta bu'i tshe ma 'phos pa'i mtshan ma dang ngan rtags dang bcas pa'i 'jig rten pa gang dag smra ba ni/ dri za khyab byed ces bya ba'i rigs yod pas byed de/ dper na rlung chen pos thang dang klung yangs pa dag tu dus gcig tu rlung ldang ba bzhin du/ 'chi 'pho ba thams cad kyi sems la khyab par byed pa'i rigs dri za bo tsa na zhes bya ba dang / gnod sbyin sgra 'dod kyi rigs dang / 'byung po ba ra hin ti kun tu gtog 'dod ces bya ba dag gis bsgrubs nas/ mi ma yin pa de dag gis shi ba des sngon gtam byas pa dang / cha lugs kyi ngan rtogs dag 'jig rten pa dag bslu ba'i phyir ston cing smra ba dag yin no/ / de'i tshe lhas byin de na 'dug pas/ bcom ldan 'das kyis de skad ces gsung ba de la yid ma ches nas/ bcom ldan 'das la 'di skad ces gsol to// go'u ta ma sems can tshe 'phos nas cir 'gyur ba'i ngan rtags pha rol na yod pa dang med pa bka' stsal ba de/ go'u ta mas thog ma su la gsan/ dus nam gyi tshe mkhyen par mdzad

  526. 264a

    gsan pa dang mkhyen par mdzad pa'i grogs po su lags/ de skad ces gsol pa dang / bcom ldan 'das kyis bka' stsal pa/ lhas byin ngas ni rang gi lus btang ba la sogs pa dka' ba mang po dag bskal pa grangs med par spyad de/ sgrib pa thams cad ni sbyangs/ tshogs chen po yang dag par bsags pas thams cad mkhyen pa'i ye shes thob ste/ 'das pa'i dus na sngon byung ba dang / da ltar gyi dus na phyogs bcu mtha' yas pa na shes bya gang dag ci yod pa dang / ma 'ongs pa'i dus na 'byung bar 'gyur ba'i shes bya thams cad la mi mkhyen par gyur pa gang yang med de/ dper na 'dzam bu'i gling 'dir nyi ma shar ba de khang dang rim gyis shar ba ma yin te/ dus gcig tu gsal bar shar ba bzhin du/ shes bya thams cad skad cig gcig la mkhyen pa'i phyir dang / nga ni rnam pa thams cad mkhyen pa'i ye shes mnga' ba zhes bya'o// de skad ces bka' stsal pa yang lhas byin yid ma ches nas/ thams cad mkhyen pa mnga' ba de tshad med pa'i phyir/ 'dzam bu'i gling 'di na shing gi ris tsan dan dang / blag sha dang / seng ldeng la sogs pa shing tha dad pa brgya stong bye ba dag bcad de/ so so/ bsregs nas thal ba'i bur ma byas nas rang gis mi nor bar bya ba'i phyir/ thal ba la shing gang dang gang gi ming yi ger btags te/ bcom ldan 'das kyi drung du song nas/ bcom ldan

  527. 264b

    'das la 'di skad ces gsol to/ / bcom ldan 'das khyod la thams cad mkhyen pa'i ye shes mnga' na/ 'di shing gang gi thal ba/ 'di shing gang gi thal ba lags/ zhes thar chags su thal ba'i bur ma thams cad bstan pa las/ bcom ldan 'das kyis shing gang gi thal ba yin pa ma nor bar/ 'di ni tsan dan gyi thal ba'o// 'di ni p+lag sha'i thal ba'o// 'di ni seng ldeng gi thal ba'o/ / zhes thal ba'i phur ma thams cad ma nor bar bshad pa las/ lhas byin bcom ldan 'das la rnam pa thams cad mkhyen pa'i ye shes mnga' bar yid ches par gyur to// tshe 'phos pa cir 'gyur pa gsungs pa bden par bsams nas/ bcom ldan 'das la 'di skad ces bstod do// bcom ldan 'das ni kun mkhyen lags// shing mang thal ba'i bye brag rnams/ / ma gzigs ma gas na nges par mkhyen// tshe 'pho cir 'gyur gsungs pa nges// zhes bstod nas spobs pa med par gyur to// de'i tshe shAkya ming chen de na 'dug pas tshe 'phos pa cir 'gyur ba bka' stsal pa la yid ma ches nas/ bcom ldan 'das la 'di skad ces gsol to// bcom ldan 'das kyis tshe 'phos pa'i sems can rnams cir 'gyur ba gsungs pa de mngon sum du gzigs sam/ 'on te gzhan zhig la gsan pa lags/ de skad ces gsol pa dang / bcom ldan 'das kyis bka' stsal pa/ ming

  528. 265a

    chen nga'i sangs rgyas kyi spyan gyis mi gzigs pa ni 'jig rten na med de/ skyu ru ra rlon pa lag mthil du bzhag na/ lag pa'i bye brag thams cad gsal ba de bzhin du dus gsum gyi shes bya la ngas ma gzigs pa ci yang mi mnga' ste/ thos pa la brten pa ni ma yin no// de skad ces bka' stsal pa dang / shAkya ming chen gyis thams cad gzigs pa de bden brdzun nyams sad pa'i phyir/ ser skya'i grong khyer chen por song ste/ khyim ji snyed yod pa la 'bras kyi phur ma re re blangs te/ rang gis 'bras kyi phur ma gang la blangs pa ni mi nor bar bya ba'i phyir/ shAkya gang la blangs pa'i ming rnams bris te/ 'bras phur ma'i nang du bcug nas/ 'bras kyi phur ma glang po che'i khal longs pa gcig dang / bcom ldan 'das kyi spyan sngar song ste phyin pa dang / bcom ldan 'das la 'di skad ces gsol to// bcom ldan 'das bcom ldan 'das kyis sangs rgyas kyi spyan gyis mi gzigs pa ma mchis na/ 'bras kyi phur ma 'di dag mi dbye bar shAkya gang gang gi 'bras gang gang lags pa gzigs par mdzod cig ces gsol nas/ glang po che'i khal gyi 'bras kyi phur ma rnams drung du bzhag/ pa las bcom ldan 'das kyis 'bras kyi phur ma re re blangs shing 'di shAkya dgra byed kyi'o// 'di shAkya ka ya'i 'o// 'di shAkya 'dod sred kyi'o zhes bya ba la sogs pa 'bras phur ma

  529. 265b

    re re la shAkya'i 'di'i 'o zhes ming ma nor bar rim par rdzogs pa gsungs pa las/ bcom ldan 'das kyis sangs rgyas kyi spyan gyis thams cad gzigs pa la/ shAkya ming chen la sogs pa thams cad yid ches te/ bcom ldan 'das kyis tshe 'phos pa cir 'gyur ba bshad pa ni nges so snyam nas/ bcom ldan 'das la bstod pa/ sangs rgyas spyan gyis thams cad gzigs// 'jig rten pa ltar brdzun mi mnga'// shAkya'i grong khyer ji snyed pa'i// 'bras kyi phur ma ma nor mkhyen// sems can tshe 'phos pha rol na// ji ltar snang ba 'jig rten brdzun// bcom ldan 'das kyis gsungs pa med/ / kun gzigs khyod la phyag 'tshal bstod// ces bstod nas spobs pa med de mi sba bar 'dug go// de nas yab rgyal po chen pos 'di sa ces gsol to/ / bcom ldan 'das sems can gang dag gis mtshams med pa la sogs pa'i las mi dge ba dag bgyis pas/ de'i rnam par smin pa mi zad pa myong bar 'gyur ba dag gis ji ltar bgyis na bde ba thob par 'gyur ba bshad du gsol/ bcom ldan 'das kyis bka' stsal pa/ kye rgyal po chen po sems can gang dag gis mtshams med pa la sogs pa'i las mi dge ba byas pa dag gis rgyu med pa'i sems dang / rnam par smin pa la yid ches par byas te/ sems thag pa nas bshags na 'byang bar 'gyur ro// 'chi ba'i tshe mi dge ba sngar byas pa dag la 'gyod

  530. 266a

    pa skyes te/ sangs rgyas dang byang chub sems dpa' thams cad la phyag 'tshal zhing skyabs su gsol na sdig pa 'byang bar 'gyur ro// mtho ris su yang skye bar 'gyur ro/ tshe phyi ma med pa'i 'du shes bskyed par mi bya'o// skye ba len pa ni dbang phyug dang / 'dod rgyal dang / gyo na la sogs pa dag gis byed par mi blta'o// 'jig rten gyi bde ba dang 'khor ba thams cad la chags par mi bya'o/ / kye rgyal po chen po 'jig rten 'di nas pha rol tu 'pho ste/ skye ba len pa na rtag pa 'pho ba yang ma yin no// chad pa 'gags te med pa yang ma yin no// rgyu med pa yang ma yin no// rgyu med pa las byung ba yang ma yin no// byed pa pos byas pa yang ma yin te/ las dang nyon mongs pa rgyu rkyen tshogs pa las skye bar blta'o// rgyal po chen pos gsol pa/ bcom ldan 'das sems can rnams tshe 'phos nas skye ba len pa de/ de ltar rtag pa yang mi 'pho/ chad pa yang ma lags/ rgyu rkyen med pa yang ma lags/ byed pa pos kyang ma byas 'jig rten pha rol tu skye ba yang 'grub pa de rtogs par dka' na/ 'di la mthun pa'i dpe mchis sam/ bcom ldan 'das kyis bka' stsal pa/ kye rgyal po chen po 'di la mthun pa'i dpe brgyad yod de/ bla mas kha don brjod pa slob mas shes pa'i dpe dang / mar me las mar me 'byung ba'i dpe dang / me long las gzugs brnyan 'brang ba'i dpe dang / rgya las rgya'i

  531. 266b

    'bur dang ri mo 'byung ba'i dpe dang / me shel las me 'byung ba'i dpe dang / sa bon las myu gu 'byung ba'i dpe dang / skyur zhes brjod pas 'gram chu ldang ba'i dpe dang / brag cha'i sgra rnams kyi dpes rtogs par bya ste/ kye rgyal po chen po dpe brgyad po 'di dag gis/ snga ma snga mas ni phyi ma rnams 'byung ba yang yod pa ni rtag pa 'pho ba ma yin pa'i dpe'o// phyi ma phyi ma ni snga ma snga ma rnams las 'byung bas/ rgyu med pa las 'byung ba 'byung ba ma yin pa'i dpe dang / chad pa 'gag pa ma yin pa'i dpe'o// kye rgyal po chen po gzhan yang dpe 'di dag ni rkyen gsum gsum tshogs pa las 'byung ste/ bla ma dang slob ma de gnyis dbang po rnams skyon med pa las kha ton 'byung zhing smra shes pa'o// mar dang / sdong bu dang / snod tshogs pa las mar me 'byung ngo // nam mkha' dang ba dang / gdong dang / me long tshogs pa las gzugs brnyan 'byung ngo // rgya dang / 'jim pa'i gong bu dang / skyes bu'i lag pa'i rtsol ba rnams tshogs pa las 'bur dang ri mo 'byung ngo / / shel dang / nyi ma'i 'od dang / rtswa shing tshogs pa las me 'byung ngo // sa bon dang / sa gzhi dang / brlan pa rnams tshogs pa las myu gu 'byung ngo // tshwa dang / chang 'thung myong ba dang / skyur zhes brjod pa las 'gram chu ldang ngo // mis brjod pa'i sgra dang / sgra drag po gzhan med pa dang / ri brag rnams tshogs pa las brag cha 'byung ste/ de dag ni sems can skye ba

  532. 267a

    ni byed pa pos ma byas te/ las dang nyon mongs pa'i rgyu rkyen gyis bskyed pa'i dpe'o// kye rgyal po chen po gzhan yang bla ma ni tshe 'di'i dpe'o// slob ma ni tshe pha rol gyi dpa'o// kha ton ni rnam par shes pa nyid mtshams sbyor ba'i dpe'o// mar me snga ma ni tshe 'di'i dpe'o// phyi ma ni pha rol gyi dpe'o// mar me snga ma las phyi ma byung ba snga ma yod pa ni rtag pa 'pho ba ma yin pa'i dpe'o/ / phyi ma de snga ma las byung ba rgyu med pa las ma byung ba'i dpe'o// me long ni tshe 'di yod pa'i sgo nas phyi ma yang yod la/ dngos po yang mi 'pho zhing pha rol yang yod pa'i dpe'o// rgya ni 'dir las ci spyad pa mthun par pha rol tu yang skye ba len pa'i dpe'o// me shel ni 'gro ba ris mi 'dra ba nas mi 'dra bar skye ba'i dpe'o// sa bon ni 'gags nas med par mi 'gyur ba'i dpe'o// sbyar ni myong ba'i las kyis skye ba len pa'i dpe'o// sgra ni rgyu rkyen tshogs nas gnod pa'i rkyen gzhan med na skye ba len te/ gcig pa dang tha dad pa ma yin pa'i dpe'o// kye rgyal po chen po dpe brgyad po 'di tshang bar ma smos par 'ga' zhig bstan na dbang phyug dang / 'dod rgyal dang / gyi na dang / rgyu med par smra ba dag gis dge sbyong go'u ta ma'i dpe 'di dag kha ton gyi dpe 'di ni phung po dang rnam par shes pa gnyis ma bral bar pha rol tu rnam par shes pa 'pho bar 'gyur zhes smra ba dag dgag pa'i phyir dpe lhag ma rnams bstan to/ / mar me'i dpe ni 'di dang pha rol gnyis kar phung po dus gcig

  533. 267b

    yod do zer ba dgag pa'i phyir dpe lhag ma rnams bstan to/ / me long gi dpe ni 'dra ba'i dpe yin pas/ grum po las grum por skye/ dkar po las dkar por skye'o zhes zer ba dag dgag ba'i phyir dpe lhag ma rnams bstan to/ / rgya'i dpe ni lhar 'phos pa lhar skye/ mi 'phos pa mir skye ba la sogs pa nges pa'o zhes zer ba dag dgag pa'i phyir dpe lhag mi rnams bstan to// me shel gyi dpe ni mi 'dra ba'i dpe yin pas/ dge bas ngan song dang mi dge bas mtho ris 'grub bo zhes zer ba dag dgag pa'i phyir dpe lhag ma rnams bstan to// sa bon gyi dpe ni shes pa gcig las mang por 'phel lo zer ba dag dgag pa'i phyir dpe lhag ma rnams bstan to/ / skyur gyi dpe ni myong ba'i dpe yin pas lha'i lo rgyus yod pa dag dge ba'i bsod nams ma byas kyang lhar skye'o// ngan song gi lo rgyus yod pa dag mi dge ba ma byas kyang ngan song du skye'o zhes zer ba dag dgag pa'i phyir dpe lhag ma rnams bstan to/ / sgra'i dpe ni byed pa po'i dpe yin pas rgyu rkyen las ma byung ngo zhes zer ba dag dgag pa'i phyir dpe lhag ma rnams bstan to/ / de'i phyir dpe brgyad bstan to// kye rgyal po chen po che zhig ste pha rol tu skye ba med de/ chad pa dang 'gag pa yang ma yin no// tshe 'di dang dngos po rtag pa ma nyams par pha rol tu 'pho ba yang ma yin no/ / tshe 'di la ma rten par pha rol tu skye ba len pa yang ma yin no// bdag gis skye ba 'di blang ngo zhes bsams pas kyang skye ba ma yin no//

  534. 268a

    bdag gis dbang phyug chen po la sogs pa la bsten te mtho ris su skye bar bya'o snyam pas kyang ma yin no// bdag mtho ris dang ngan song gar 'dod par skye bar bya'o snyam pas kyang ma yin no/ / ci yang ma byas te rgyu rkyen la brten mi dgos par skye'o snyam pas kyang ma yin no// phung po 'di zhig ste shi nas ci yang med do zhes smra ba yang ma yin no// 'dir tshe 'phos nas pha rol na gshin gyi khams su mu chags su mchis pas 'di na ci spyod byed de skye ba mi len zhes zer ba yang ma yin no/ / tshe 'di'i rnam par shes pa ma lags par rnam par shes pas skye ba len zhes zer ba yang ma yin no/ / 'di dang pha rol gnyis kar phung po dus gcig yod ces zer ba yang ma yin no// grum po las grum por skye/ dkar po las dkar por skye zhes bya ba la sogs pa yang ma yin no/ lha tshe 'phos pa yang lhar skye'o zhes zer ba yang ma yin no// dge bas ngan song dang mi dge bas mtho ris 'grub zer ba yang ma yin no// shes pa gcig las mang po 'phel ba yang ma yin no/ / dge ba ma byas kyang lhar skye ba dang / mi dge ba ma byas kyang ngan song du skye ba yang ma yin no// skye ba ni byed pa pos byas pa yang ma yin no// de dag ci'i phyir ma yin zhe na/ kha don gyi dpe la gang dag gis rnam par shes pa 'di ma 'gags par pha rol tu skye ba len no zhes zer ba'i skyon bsal ba'i phyir sa bon gyi dpe bstan te/ sa bon de ma rul bar myu gu skye na ni/ bdag

  535. 268b

    tu smra ba dag bden na sa bon de rul nas snga ma las gyur te mi 'dra bar gyur pa las myu gu skye'o/ / mar me'i dpe la gang gis mar me gcig las gcig spar na gnyis ka yod pas/ 'di dang pha rol gnyis kar phung po dus gcig yod do zhes zer ba'i skyon bsal ba'i phyir sgra'i dpe bstan te/ brag cha ni mis ma brjod par sgra mi grag ste/ dus gcig tu mi 'byung bas phung po yang dus gcig tu mi 'byung ngo / / me long gi dpe la 'dra ba'i phyir/ grum po las grum por skye ba dag dgag pa'i phyir me shel gyi dpe bstan te/ me shel las de mi 'dra ba'i dpe 'byung ba'i phyir ro// rgya'i dpe ni lha tshe 'phos pa lhar skye/ mi tshe 'phos pa mir skye'o zhes zer ba bsal ba'i phyir kha ton gyi dpe bstan to// 'di'i dpe ni bla ma yin la/ pha rol gyi dpe ni slob ma yin te/ tha dad pas bla ma yang slob ma ma yin/ slob ma yang bla ma ma yin pa'i phyir ro// me shel gyi dpe ni mi 'dra ba'i dpe yin te/ dge bas ngan song ni mi dge bas mtho ris so zhes zer ba bsal ba'i phyir mar me'i dpe bstan te/ mar me las mar me'i mi 'dra ba ma byung gi/ mar me las mar me 'byung ba bzhin/ dge bas mtho ris mi dge bas ngan song ni rigs pa'o// sa bon gyi dpe la shes pa 'phel zhes zer ba dag dgag pa'i phyir rgya'i dpe bstan te/ rgya'i ri mo ci 'dra ba de las 'jim pa'i gong bu la yang ri mo gzhan mi 'byung ba'i phyir ro// skyur gyi dpe la gang dag gis

  536. 269a

    lha'i lo rgyus myong ba dag dge ba ma byas kyang skye ba thams cad du lhar skye/ ngan song gi sdug bsngal myong ba dag mi dge ba ma byas kyang skye ba thams cad du ngan song du skye'o zhes zer ba dgag pa'i phyir me long gi dpe bstan te/ me long la bzhin ci 'dra ba snang ba bzhin du dge ba dang mi dge ba'i 'bras bu 'dra ba bsnol nas mi 'dra bar sbyor ba 'gal ba'i phyir ro// sgra'i dpel ni byed pa pos byas pa ma yin te/ mis skad ma bsgrags par brag cha mi 'byung ba bzhin du/ byed pa pos ma byas par sems can rnams mi skye'o zhes zer ba de bsal ba'i phyir skyur gyi dpe bstan te/ sngar 'thungs pa dang za myong ba'i phyir brjod pas 'gram chu ldang ba bzhin du/ las dang nyon mongs pa sngar spyad pa'i dbang gis phyis skye ba len no// kye rgyal po chen po sems can skye ba dang 'jig rten 'di dang / pha rol tu 'pho ba dang / ji ltar 'gyur ba dag ni de ltar mkhyen par mdzod cig/ bcom ldan 'das kyis de skad ces bka' stsal pa la/ 'khor 'dus pa thams ca yi rangs te mngon par bstod do/ / 'chi 'pho ba ji ltar 'gyur ba bstan pa'i mdo rdzogs so// // bstan pa snga ngar ba'i tshe 'gyur ba las skad gsar bcad kyis ma brtso pa'o/ / rgya gar skad du/ Ar+ya ma hA pa ri ni ra bA na sU tra/ bod skad du/ 'phags pa yongs su mya ngan las 'das pa chen po

  537. 269b

    mdo sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa'i dus gcig na/ bcom ldan 'das ku shi'i grong khyer chen po gyad kyi nye 'khor shing sA la zung gi tshal na dge slong stong nyis brgya lnga bcu'i dge slong gi dge 'dun chen po dang thabs cig tu bzhugs so/ / da phyi ma'i dus dang nye bar 'gyur ba dang / de'i tshe bcom ldan 'das kyis/ tshe dang ldan pa kun dga' bo la bka' stsal pa/ kun dga' bo nga yongs su mya ngan las 'das nas lo brgya phrag dang po la ni/ bstan pa la chos la bla mar byed par 'gyur ro// nga'i nyan thos rnams kyang chos kyi kun dga' ra ba la dga' ba dang ldan par gnas par 'gyur zhing / shes pa la mkhas pa dang / shes rab dam pa dang ldan pa'i rang bzhin can du 'gyur ro// kun dga' bo yang de'i tshe na/ rgyal po mya ngan med ces bya ba 'dzam bu'i gling gi dbang phyug la dbang byed par 'gyur te/ de nga yongs su mya ngan las 'das pa'i sku gdung gi ring bsrel gyi mchod rten rgya cher byed par 'gyur ro/ / kun dga' bo nga yongs su mya ngan las 'das nas lo brgya phrag gnyis pa la ni/ bstan pa rnam par grol ba'i snying po can du 'gyur ro// nyan thos rnams kyang ngal ston par rtog cing / ston par mkhas par byed par 'gyur ro// kun dga' bo nga yongs su mya ngan las 'das nas lo brgya phrag gsum pa la ni/ bstan pa la bsgrub pa snying por byed par 'gyur ro//

  538. 270a

    nga'i nyan thos rnams kyang gnyis ka'i cha las rnam par grol bar 'gyur ba'i lus kyis mngon sum du byed cing mthong bas thos pa dang / shes rab kyis rnam par grol bar 'gyur ro/ / kun dga' bo nga yongs su mya ngan las 'das nas lo brgya phrag bzhi pa la ni/ bstan pa la rnam par dben pa'i snying por byed par 'gyur ro// nga'i nyan thos rnams kyang nang du yang dag 'jog la dga' bar 'gyur ro/ / kun dga' bo nga yongs su mya ngan las 'das nas lo brgya phrag lnga pa la ni/ bstan pa la blos la bla mar byed par 'gyur ro// nga'i nyan thos rnams kyang chos kyi kun dga' ra ba la mngon par dga' bar 'gyur ro/ / kun dga' ba nga yongs su mya ngan las 'das nas lo brgya phrag drug pa la ni/ bstan pa la klog pa dang 'don pa la mngon par dga' bar 'gyur ro/ / nga'i nyan thos rnams kyang brtson 'grus rtsom par 'gyur ro// kun dga' bo nga yongs su mya ngan las 'das nas lo brgya phrag bdun pa la ni/ bstan pa la mchod pa snying por byed bar 'gyur ro/ / lha dang / klu dang / gnod sbyin dang / dri ba dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi mi yin pa rnams bstan pa la bsnyen bkur byed cing bla mar byed par 'gyur ba dang / rjed par 'gyur ba dang / mchod par 'gyur ro// nga'i nyan thos rnams kyang rnyed pa dang / bkur sti dang / tshigs su

  539. 270b

    bcad pa lhur len par 'gyur ro/ / kun dga' bo nga yongs su mya ngan las 'das nas lo brgya phrag brgyad pa la ni/ bstan pa la zhal ta byed par 'gyur ro// nga'i nyan thos rnams kyang phan tshun gnod pa byed par 'gyur zhing / yi ge la sems par lta ba la mkhas pa dang / mkhan po dang slob dpon la ma gus pa dang / shes bzhin med par gnas par 'gyur ba dang / sgyu dang ldan bzhin rang nyid skyes bu ngan pa'i tshig tu smra ba dang / dge 'dun dang mchod rten gyi nor khyim na gnas pa dang / rgyal po'i pho brang du bsdu ba byas nas rnam par 'jig par byed par 'byung bar 'gyur ro// kun dga' bo nga yongs su mya ngan las 'das nas lo brgya phrag dgu pa la ni/ bstan pa la las snying por byed par 'gyur ro// nga'i nyan thos rnams kyang khyim gyi bya ba'i las byed pa la brtson par 'gyur te/ zhing gi las kyi mtha' la dga' ba dang / nyo tshong la mngon par dga' ba dang / 'dod pa la rab tu 'jug cing / pho nyar gtong bas 'tsho ba bsgrub par 'gyur ba dang / le lo can du 'gyur ba dang / de bzhin gshegs pas legs par bcas pa'i bslab pa rnams bsrungs par mi 'gyur ro// kun dga' bo nga yongs su mya ngan las 'das nas lo stong gis ni/ bstan pa la gtam gyi snying por byed pabar 'gyur ro/ / nga'i nyan thos rnams kyang gtam sna tshogs mngon par dga' ba dang ldan par 'gyur zhing / gang gi 'jig rten las 'das pa'i sangs rgyas kyi gsung 'di lta ste/ mdo'i sde dang

  540. 271a

    dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu'i byung ba'i sde dang / skyes pa rab kyi sde dang / shin tu rgyas pa'i sde dang / rmad du byung ba'i sde dang / chos rnam par gtan la dbab par bstan pa'i sde rnams spangs nas sbyor ba gzhan dang ldan par 'gyur te/ 'di lta ste/ rgyal po'i gtam dang / rkun po'i gtam dang / 'thab mo'i gtam dang / zas kyi gtam dang / btung ba'i gtam dang / grogs kyi gtam dang / bdag gi gtam dang / khyad par gyi gtam dang / gzhon nu'i gtam dang / gzhon nu ma'i gtam dang / grong khyer gyi gtam dang / rgya mtsho'i gtam ste/ de lta bu'i la sogs pa'i gtam rnams la nges par dga' bar 'gyur ro/ / dge sbyong dang bram ze rnams kyang nga'i dam pa'i chos spong bar byed par 'gyur ro// chos 'dul ba 'di la btang snyoms su byed par 'gyur ro/ / gang dge slong rnams dang / dge slong ma rnams dang / dge bsnyen dang / dge bsnyen ma rnams te/ de dag kyang lus ma bsgoms pa dang / tshul khrims ma bsgoms pa dang / shes rab sa bsgoms pa dang / 'thab par byed pa dang / mtshang 'dru zhing rtsod pa byed par 'gyur ro// lhung bzed bzang po dang / chos gos bzang bar brtson zhing

  541. 271b

    lo brgyar bsrung bar bya ba'i phyir tshul khrims kyang myur du 'dor bar 'gyur ro/ / 'di lta ste/ sdig pa la nges par sems shing 'dres pas sdig pa dang / yid mi bde ba la sogs pa'i de bzhin du lo brgyar bsags pa'i dge ba'i rtsa ba rnams kyang myur du 'jig par byed par 'gyur ro/ / kun dga' bo nga yongs su mya ngan las 'das nas lo stong tshig brgya na/ dge slong tshul khrim 'chal pa rnams 'byung bar gyur pa ni 'khor dang g.yog mang bar 'gyur ro/ / tshul khrims dang ldan pa rnams ni 'khor nyung zhing g.yog nyung bar 'gyur ro// de nas tshe dang ldan pa kun dga' bo sdug bsngal ba dang yid mi bde bar gyur nas/ bcom ldan 'das la 'di skad ces gsol to// bcom ldan 'das chos 'dul ba 'di la snying por gyur pa gang lags/ bcom ldan 'das kyis bka' stsal pa/ kun dga' bo dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / zhi gnas dang / lhag mthong dang / rnam par thar pa'i sgo gsum ste/ kun dga' bo 'di dag ni chos 'dul ba 'di la snying po yin no/ / kun dga' bo dge slong tshul khrims 'chal pa rnams kyis/ dge slong tshul khrims dang ldan pa rnams la gshe zhing mtshang 'dru bar 'gyur te/

  542. 272a

    dag thams cad ni lus dang bral zhing / 'chi ba'i 'og tu ngan 'gro ngan song du rnam par lhung nas sdug bsngal bar 'gyur ro// de'i tshe gang zhig khro ba med par byed par gyur pa de dag thams cad ni bde 'gro rnams su skye bar 'gyur ro/ / bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / thams cad dang ldan pa'i 'khor de dag dang / lha dang / mi dang / lha ma yin dang / nam mkha' lding dang / dri zar bcas pa'i 'jig rten yi rangs te/ bcom ldan 'das kyis gsungs bal mngon par bstod do/ / 'phags pa yongs su mya ngan las 'das pa chen po'i mdo rdzogs so// / rgya gar gyi mkhan po ka ma ta dang / zhu chen gyi lo tsa ba dge slong rin chen bzang pos bsgyur/ / rgya gar skad du/ karma pradz+nyA ba ti/ bod skad du/ las gdags pa/ dkon mchog gsum la phyag 'tshal lo/ / // sdom ni ched du byas dang sems pa dang // 'das pa dang ni dge ba dang // dmigs pa dang ni 'dod pa'i khams// tshigs su bcad dang las bsdu ba/ 'di skad bdag gis thos pa'i dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na

  543. 272b

    bzhugs so/ / de nas bcom ldan 'das kyis/ dge slong rnams la bka' stsal pa/ dge slong dag nga ni ched du byas shing bsags pa'i rnam par smin pa nyams su myong bar ston te/ yang tshe 'di dang / skyes pa'i 'og dang / lan grangs gzhan la myong bar 'gyur ro// dge slong dag de la lus kyis tshong du byas pa'i las byas shing bsags pa mi dge ba sdug bsngal skyed pa rnam bapar smin pa sdug bsngal ba ni rnam pa gsum mo/ / ngag gi ni rnam pa bzhi'o// yid kyi ni rnam pa gsum mo// dge slong dag lus kyis ched du byas pa'i las byas shing bsags pa mi dge ba sdug bsngal skyed pa rnam par smin pa sdug bsngal ba rnam pa gsum ji lta bu zhe na/ srog gcod pa ni drag cing lag dmar ba/ bsad pa dang rab tu bsad pa la zhe na ngo tsha med pa/ sems can srog chags su gyur pa thams cad la tha na srog chags grog sbur yan chad la snying rje med pa yin te/ de ni srog gcod pa ma spangs pa yin no// ma byin par len pa ni des grong ngam/ dgon pa nas ma byin par rku thabs su blangs pa yin te/ ma byin par len pa ma spangs pa yin no// 'dod pa log par g.yem pa ni gzhan gyi bud med gzhan gyi chung ma gzhan gyis yongs su bzung ba 'di lta ste/ mas bsrungs pa 'am/ phas bsrungs pa 'am/ ming pos bsrungs pa 'am/ phu nu mos bsrungs pa 'am/ sgyug mos bsrungs pa 'am/ gyos pos bsrungs pa 'am

  544. 273a

    rigs gcig pas bsrungs pa 'am/ gnyen gyis bsrungs pa 'am/ rus gcig pas bsrungs pa 'am/ chad pa yod pa 'am/ bgegs yod pa gang yin pa de dag dang / tha na me tog gi 'phreng ba btags pa yang rung ste/ de lta bu'i 'dod pa'i nye bar nyon mongs pa rnams kyis spyod pa la 'jug pa yin te/ de ni 'dod pa la log par g.yem pa ma spangs pa yin no/ / dge slong dag de ltar na ched du byas pa'i las rnam pa gsum byas shing bsags pa mi dge ba sdug bsngal skyed pa rnam par smin pa sdug bsngal ba yin no// dge slong dag ngag gis ched du byas pa'i las rnam pa bzhi byas shing bsags pa mi dge ba sdug bsngal skyed pa rnam par smin pa sdug bsngal ba ji lta bu zhe na/ brdzun du smra ba ni de tshogs pa'i nang na 'dug kyang rung / 'khor gyi nang na 'dug kyang rung / rgyal po'i pho brang gi nang na 'dug kyang rung / gnyen gyi khyim gyi nang na 'dug kyang rung / che bzhis dris te/ kye mi khyod gang shes pa de ni smros shig/ gang mi shes pa ni ma smra zhig/ gang mthong ba de ni smros shig/ gang ma mthong ba de ni ma smra zhig ces byas na/ de mi shes bzhin du ni shes so zhes zer/ shes bzhin du ni mi shes so zhes zer/ ma mthong bzhin du ni mthong ngo zhes zer/ mthong bzhin du ni ma mthong zhes zer te/ de bdag gi phyir ram/ gzhan gyi phyir ram/ zang zing cung zad tsam gyi phyir shes bzhin du brdzun du smra ba ma spangs pa yin no//

  545. 273b

    phra ma zer ba ni tshu rol pa rnams kyi thos nas de dag dbye ba'i phyir pha rol po rnams kyi thad du song ste bsnyad la/ de dag gis thos na yang tshu rol pa rnams dbye ba'i phyir tshu rol pa rnams kyi thad du song ste/ bsnyad par byed de/ de ltar bzlum pa rnams dbye ba dang bye ba rnams la rjes su phyogs la mi mthun par 'dod cing / mi mthun par dga' ste/ mi mthun par 'gyur ba'i tshig smra ba ni phra ma ma spangs pa yin no/ / tshig rtsub por smra ba ni des tshig 'jam zhing rnar snyan la/ yid du bong ba dang / snyan pa dang / 'dod par bya ba dang / pho brang 'khor gyi skad dang / snyan cing 'jebs pa dang / zur phyin pa dang / brdar phrad pa dang / rna bar 'ong ba dang / skye bo mang po'i snying du sdug pa dang / skye bo mang pos gces par bya ba dang / skye bo mang po dga' ba dang / skye bo mang po'i yid du 'ong ba dang / mnyam par bzhag pa dang / ting nge 'dzin du 'gyur ba gang yin pa de dag dang / de lta bu'i tshig bor te tshig kun tu bzung ba dang / rtsub pa dang / gzhan gyis mi bzod pa dang / gzhan gyi zher 'debs pa dang / skye bo mang po'i snying du mi sdug pa dang / skye bo mang pos gces par mi bya ba dang / skye bo mang po mi dga' ba dang / skye bo mang po'i yid du mi 'ong ba dang / mnyam par gzhag pa ma yin pa dang / ting nge 'dzin du gyur pa ma yin pa gang yin pa rnams te/ de lta bu'i tshig rnams smra ba ni tshig rtsub po ma spangs pa yin no// tshig 'khyal pa ni/

  546. 274a

    de dus ma yin par smra ba dang / yang dag pa ma yin par smra ba dang / mi bden pa smra ba dang / phan pa ma yin pa smra ba dang / skur pa smra ba dang / chos ma yin pa smra ba dang / gya tsom du smra zhing bab col gyi tshig smra ba dang / gtan tshigs med pa dang / snyad med pa dang / don dang mi ldan pa dang / 'chal pa rnams ni tshig bkyal pa ma spangs pa yin no// dge slong dag de ltar na ngag gis ched du byas pa'i las rnam pa bzhi byas shing bsags pa mi dge ba sdug bsngal skyed la rnam par smin pa sdug bsngal ba yin no/ / dge slong dag yid kyis ched du byas pa'i las rnam pa gsum byas shing bsags pa mi dge ba sdug bsngal skyed pa rnam par smin pa sdug bsngal ba ji lta bu zhe na/ brna ba sems ni pha rol gyi rdzas rnams dang / pha rol gyi nor rnams dang pha rol gyi yo byad rnams mthong na brnab sems skyed par byed de/ kye ma 'di dag bdag la yod kyang tsa mi rung snyam ste/ brnab sems ma spangs pa yin no// gnod sems kyis sdang bar byed pa ni/ kye ma sems can 'di dag brgyab kyang rung ngo // bsad kyang rung ngo // nyams par byas kyang rung ngo // mi rigs par nyon mongs par byas kyang rung ngo snyam pa ni gnod sems kyi sdang ba ma spangs pa yin no/ / log par lta ba ni phyin ci log tu lta zhing 'di ltar lha la 'di skad du smra ste/ sbyin pa med do// mchod sbyin med do// sbyin sreg med ro// legs par

  547. 274b

    spyad pa med do/ / nyes par spyad pa med do// legs par spyad pa dang nyes par spyad pa'i las rnams kyi 'bras bu rnam par smin pa med do// 'jig rten 'di med do// 'jig rten pha rol med do/ / pha med do// ma med do// sems can skye ba med do// 'jig rten na dgra bcom pa yang dag par song ba/ yang dag par zhugs pa gang ci 'jig rten 'di dang 'jig rten pha rol tshe 'di nyid la bdag nyid kyi mngon par shes pas mngon sum du byas te bsgrubs nas khong du chud de/ bdag cag gi skye ba zad do// tshangs par spyad pa la brten no// bya ba byas so// 'di las srid pa gzhan mi shes so snyam du sems pa med do zhes bya ba ni log par lta ba ma spangs pa yin no/ / dge slong dag de ltar na yid kyis ched du byas pa'i las rnam pa gsum byas shing bsags pa mi dge ba sdug bsngal skyed pa rnam par smin pa sdug bsngal ba yin no/ / dge slong dag de la thos pa dang ldan pa'i 'phags pa nyan thos ni lus kyi las mi dge ba spangs nas lus kyi las dge bsgom par byed do/ / ngag gi las mi dge ba spangs nas ngag gi las dge ba sgom par byed do// yid kyi las mi dge ba spangs nas yid kyi las dge ba sgom par byed do// de byams pa dang ldan pa'i sems kho na med pa/ gcugs med pa/ gnod pa med pa/ brgya che ba/ chen por gyur pa/ tshad med pas phyogs gcig tu mos par byas te khyab par byas nas bsgrubs te

  548. 275a

    gnas so/ / phyogs gnyis pa yang de bzhin no// gsum pa yang de bzhin no// bzhi pa yang de bzhin no// steng dang / 'og dang / thad ka thams cad du de bzhin te/ 'jig rten 'di thams cad byams pa dang ldan pa'i sems kyis mos par byas te khyab par byas nas bsgrubs te gnas so// de 'di snyam du sems te/ bdag gi sems 'di sngon ni chung ngur gyur pa la ma bsgoms/ da ni bdag gi sems 'di tshad med cing rgya che ba la bsgoms pa yin no snyam mo// dge slong dag 'phags pa'i nyan thos kyi sems ni tshad med cing rgya che ba shin tu bsgom pa yin te/ de ni sngon tshad yod par gyur pa gang yin pa des de bkri bar mi 'gyur ro// de der gnas par yang mi 'gyur ro// de der bgrang bar yang mi 'gyur ro// dge slong dag gal te byis pa gzhon nu 'am/ gzhon nu ma yang rung ste/ thog ma nas byams pa'i sems kyi ting nge 'dzin bsgoms na yang ci lus sam/ ngag gam/ yid kyis sdig pa'i las byed par 'gyur ram/ btsun pa de ni ma lags so// dge slong dag legs so legs so// byams pa'i sems kyi ting nge 'dzin ni skyes pa yang rung / bud med kyang rung / khyim pa yang rung / rab tu byung ba yang rung bas bsgom par bya'o// de ci'i phyir zhe na/ skyes pa yang rung / bud med kyang rung / khyim pa yang rung / rab tu byung ba yang rung bas ni lus

  549. 275b

    'di khyer te 'gro bar mi 'gyur ba'i phyir ro/ / dge slong dag mi ni sems kyi rgyu las 'byung ba yin te/ sems la rten cing sems la rag las la/ sems la brten nas dbang byed do// lus 'dis sngon sdig pa mi dge ba'i las byas shing bsags pa mi dge ba sdug bsngal bskyed pa rnam par smin pa sdug bsngal ba gang yin pa de dag thams cad 'dir myong bar 'gyur te/ tshe 'di nyid la myong bar 'gyur gyi/ skyes pa'i 'og dang lan grangs gzhan la ma yin no// dge slong dag de ltar bams pa'i ting nge 'dzin bsgoms pa ni gal te gong du rtogs par ma byas na yang phyir mi 'ong bar gnas par 'gyur ro/ / dge slong dag gzhan yang thos pa dang ldan pa'i 'phags pa nyan thos ni lus kyi las mi dge ba spangs nas zhes bya ba nas/ rgyas par snying rje dang ldan pa dang dga' ba dang ldan pa dang / btang snyoms dang ldan pa yang de bzhin du brjod par bya/ de skad ces bka' stsal to// ched du byas pa de la sems pa'i las dang // bsams pa'i las dang gnyis yod de/ sems pa'i las gang zhe na/ smras pa/ sems pa dang / mngon par sems pa dang / sems par gyur pa dang / sems par gtog/ pa dang sems mngon par 'du byed pa dang / yid kyi las gang yin pa 'di ni sems pa'i las zhes bya'o// bsams pa'i las gang zhe na/ smras pa/ bsams pa'i lus kyi

  550. 276a

    las dang bsams pa'i ngag gi las 'di ni bsams pa'i las zhes bya'o/ / de la sems pa'i las ni 'das pa yang yod do// ma 'ongs pa yang yod do/ da ltar byung ba yang yod do// sems pa'i las 'das pa gang zhe na/ smras pa/ sems pa gang skyes pa dang / yang dag par skyes pa dang / byung ba dang / grub pa dang mngon par grub pa dang / yang dag par grub pa dang / byung bar gyur nas mngon par 'das pa dang / zad pa dang / 'gags pa dang / bral ba dang / rnam par gyur pa dang 'das pa dang / 'das pa'i char gtogs pa dang / 'das pa'i dus kyis bsdus pa 'di ni sems pa'i las 'das pa'o// sems pa'i las ma 'ongs pa gang zhe na/ smras pa sems pa'i las gang ma skyes pa dang / yang dag par ma skyes pa dang / ma byung ba dang / yang dag par ma byung ba dang / da dung ma phyin pa dang / mngon par ma grub pa dang ma byung ba dang / ma 'ongs pa dang / ma 'ongs pa'i char gtogs pa dang / ma 'ongs pa'i dus kyis bsdus pa 'di ni sems pa'i las ma 'ongs pa'o// sems pa'i las da ltar byung ba gang zhe na/ smras pa/ sems pa gang skyes pa dang / yang dag par skyes pa dang / byung ba dang / yang dag par byung ba dang / phyin zin pa dang / byung bar gyur pa dang /

  551. 276b

    gnas pa dang / rnam par ma gyur pa dang / da ltar 'dug pa nas rgyas par sbyar te/ 'di ni sems pa'i las da ltar byung ba'o// de la sems pa'i las ni dge ba yang yod/ mi dge ba yang yod/ lung du ma bstan pa yang yod do// sems pa'i las dge ba gang zhe na/ smras pa/ dge ba'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ ji lta zhe na/ 'di lta ste/ chags pa med pa dang / sdang ba med pa dang rmongs pa med pas tshul bzhin so sor brtags nas/ mig gis gzugs rnams mthong ba dang / rna bas sgra rnams thos pa dang / snas dri rnams bsnams pa dang / lces ro rnams myong / ba dang lus kyis reg bya rnams reg pa dang / yid kyis chos rnams rnam par shes pa'i sems gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o// gzhan yang yongs su zin pa ma yin pas bsam gtan bzhi dang / gzugs med pa bzhi bsgom pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o// gzhan yang srog gcod pa spangs pa dang ldan pa'i yid la byed pa dang mtshungs par ldan pa dang /

  552. 277a

    ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa dang / brnab sems dang gnod sems spangs pa dang / yang dag pa'i lta ba dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o// gzhan yang khro ba med pa dang / khon du 'dzin pa med pa dang / 'chab pa med pa dang / 'tshig pa med pa dang / phrag dog med pa dang / ser sna med pa dang / sgyu med pa dang / g.yo med pa dang / ngo tsha shes pa dang / khrel yod pa dang ldan pa'i yid la byed pa dang mtshungs par ldan pa'i sems gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o// gzhan yang gsong por smra ba dang / phyag 'tshal ba dang sngon du ldang ba dang / thal mo sbyar ba dang / 'dud pa dang ldan pa'i yod la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o// gzhan yang sbyin pa dag sbyin pa 'am/ bsod nams dag byed pa'am/ gso sbyong la nye bar gnas pa 'am

  553. 277b

    tshul khrims yang dag par blangs te 'dug pa 'am/ dad pa'i sems kyis rang gi lag dar te las byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o// gzhan yang dge ba'i yid la byed pas/ sdug bsngal la sdug bsngal bar yid la byed pa'am/ kun 'byung ba la kun 'byung pa 'am 'gog pa la 'gog pa 'am/ las la lam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o/ / mi dge ba'i sems pa gang zhe na/ smras pa/ mi dge ba'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya ste/ ji lta zhe na/ 'di ltar chags pa 'am/ sdang ba 'am/ rmongs pas tshul bzhin ma yin pa dang / so sor ma brtags par mig gis gzugs rnams mthong ba nas/ yid kyis chos rnams rnam par shes pa'i bar gyi sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o// gzhan yang srog gcod pa dang ldan pa'i yid la byed pa dang mtshungs par ldan pa dang / ma byin

  554. 278a

    par len pa dang / 'dod pas log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa dang / brnab sems dang gnod sems dang / log par lta ba dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o// gzhan yang khro ba dang / khon du 'dzin pa dang / 'chab pa dang / 'tshig pa dang / phrag dog dang / ser sna dang / sgyu dang / g.yo dang ngo tsha mi shes pa dang / khrel med pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o// gzhan yang lag pa dang / khu tshur dang / thal lcag gis bsnun pa dang / yal ga dang lcug mas gnod par bya ba dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o/ / gzhan yang mi dge ba'i kun tu sbyor ba dang / 'ching ba dang / bag la nyal ba dang / nye ba'i nyon mongs pa dang / kun nas dkris pa rnams dang mtshungs par ldan pa'i

  555. 278b

    sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o// lung du ma bstan pa'i sems pa gang zhe na/ smras pa lung du ma bstan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa zhes bya'o/ / ji lta zhe na/ 'di lta ste/ dge ba'i sems kyang ma yin/ nyon mongs pa can gyi sems kyang ma yin pa rang bzhin du gnas pa spyod lam la zhugs pas/ mig gis gzugs rnams mthong ba nas/ yid kyis chos rnams rnam par shes pa'i bar gyi sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa zhes bya'o// gzhan yang yongs su zin pa'i sems kyis bas ma btan bzhi dang / gzugs med pa bzhi bsgom pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa zhes bya'o// gzhan yang lung du ma bstan pa'i kun tu sbyor ba dang 'ching ba dang / bag la nyal ba dang / nye ba'i nyon mongs pa dang / kun nas dkris pa rnams dang mtshungs par ldan pa'i sems pa gang yin pa nas/ sems mngon par 'du

  556. 279a

    byed pa dang / yid kyi las kyi bar du sbyar te/ 'di ni lung du ma bstan pa'i sems pa zhes bya'o// dge ba'i sems pa dge ba la dmigs pa dang mi dge ba la dmigs pa dang / lung du ma bstan pa la dmigs pa yang yod dam/ smras pa/ dge ba la dmigs pa yang yod do// mi dge ba la dmigs pa yang yod do// lung du ma bstan pa la dmigs pa yang yod do// dge ba dang mi dge ba la dmigs pa yang yod do// dge ba dang lung du ma bstan pa la dmigs pa yang yod do// dge ba dang / mi dge ba dang lung du ma bstan pa la dmigs pa yang yod do/ / dge ba ji lta ba bzhin du mi dge ba dang lung du ma bstan pa la dmigs pa yang de dang 'dra bar yod par brjod par bya'o// dge ba'i sems pa dge ba la dmigs pa gang zhe na/ smras pa/ dge ba'i lus kyi las dang / ngag gi las dang / dge ba'i sems dang / sems las byung ba'i chos rnams dang / dge ba'i sems dang mi ldan pa'i 'du byed rnams dang / chos 'di dag ni rgyu dang bcas pa las byung ba/ 'bras bu yod pa rnam par smin pa dang bcas pa yin no snyam du yid la byed pa'i sems pa gang yin pa nas sems mngon par 'du byed pa dang / yid kyi las kyi bar du sbyar ba dang / yang na chos de dag gi phan yon dang ldan pa'i yid la byed pas/ yid la byed cing chos 'di dag ni dge ba

  557. 279b

    ste/ skyes bu dam pas rang gis rtogs pa/ sangs rgyas rnams dang / sangs rgyas kyi nyan thos rnams dang / dam pa rnams dang / skyes bu dam pa rnams kyis bsngags pa ste/ zin cing yang dag par zin na/ bdag la gnod par mi 'gyur zhing / gzhan la yang gnod par mi 'gyur la/ gnyis ka la yang gnod par mi 'gyur te/ shes rab skye bar 'gyur ba dang / 'phongs par 'gyur ba'i phyogs dang mthun pa ma yin pa dang / mya ngan las 'da' bar 'gyur ba yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa dge ba la dmigs pa'o// dge ba'i sems pa mi dge ba la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang / chos 'di dag ni rgyu dang bcas pa las byung ba'i 'bras bu yod pa rnam par smin pa dang bcas pa yin no snyam du de ltar yid la byed cing sems pa gang yin pa nas/ sems mngon par 'du byed pa dang / yid kyi las kyi / bar du sbyar ba dang / yang na chos de dag gi nyes dmigs dang ldan pa yid la byed pas yid la byed cing chos 'di dag ni mi dge ba yin te/ skyes bu dam pa yin pas rang gis rtogs pa/ sangs

  558. 280a

    rgyas rnams dang / sangs rgyas kyi nyan thos rnams dang / dam pa rnams dang / skyes bu dam pa rnams kyis smad ba ste/ zin cing yang dag par zin na/ bdag la yang gnod par 'gyur zhing / gzhan la yang gnod par 'gyur la/ gnyis ka la yang gnod par 'gyur te/ shes rab 'gag par 'gyur ba dang / 'phongs par 'gyur ba'i phyogs dang mthun pa/ mya ngan las 'da' bar mi 'gyur ba yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa mi dge ba la dmigs pa'o// dge ba'i sems pa lung du ma bstan pa la dmigs pa gang zhe na/ smras pa/ lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa lung du ma bstan pa la dmigs pa'o/ / dge ba'i sems pa dge ba dang mi dge ba la dmigs pa gang zhe na/ smras pa/ dge ba dang mi dge ba'i lus kyi las dang / ngag gi las

  559. 280b

    dang dge ba dang mi dge ba'i sems dang / sems las byung ba'i chos rnams dang / dge ba dang mi dge ba'i sems dang ldan pa'i 'du byed rnams dang / chos 'di dag ni rgyu las byung ba 'bras bu yod pa/ rnam par smin pa dang bcas pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa dge ba dang mi dge ba la dmigs pa'o// dge ba'i sems pa dge ba dang lung du ma bstan pa la dmigs pa gang zhe na/ spras pa/ dge ba'i lus kyi las dang / gi las dang / dge ba'i sems dang / sems las byung ba'i chos rnams dang / dge ba'i sems dang mi ldan pa'i 'du byed rnams dang / lung du ma bstan pa'i gzugs dang lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu las byung ba/ 'bras bu yod ba rnam par smin pa dang bcas pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'din dge ba'i sems pa dge ba dang lung du ma bstan pa yang dmigs pa'o/ / dge ba'i sems pa mi dge ba dang lung du ma bstan pa la dmigs pa gang zhe na/ smras pa/ mi dge ba'i lus kyi

  560. 281a

    las dang ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnam dang chos 'di dag ni rgyu las byung ba/ 'bras bu yod pa/ rnam par smin pa dang bcas pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa mi dge ba dang lung du ma bstan pa la dmigs pa'o// dge ba'i sems pa dge ba dang / mi dge ba dang lung du ma bstan pa la dmigs pa gang zhe na/ smras pa/ dge ba dang mi dge ba'i lus kyi las dang / ngag gi las dang / dge ba dang mi dge ba'i sems dang / sems las byung ba'i chos rnams dang / dge ba dang mi dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu las byung ba/ 'bras bu yod pa/ rnam par smin pa dang bcas pa yin no//

  561. 281b

    snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa dge ba dang / mi dge ba dang / lung du ma bstan pa la dmigs pa'o// mi dge ba'i sems pa dge ba la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang sems las byung ba'i chos rnams dang / mi dge ba'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du da ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar ba dang / yang na chos de dag gi phan yon dang ldan pa'i yid la byed pas yid la byed cing / chos 'di dag ni dge ba yin te/ skyes bu dam pas rang gis rtogs pa/ sangs rgyas rnams dang / sangs rgyas kyi nyan thos rnams kyis bsngags pa nas/ rgyas par gnyis ka la yang gnod par mi 'gyur ba'i bar du sbyar te/ shes rab skye bar 'gyur ba dang / 'phongs par 'gyur ba'i phyogs dang mthun pa ma yin pa dang mya ngan las 'da' bar 'gyur ba yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni

  562. 282a

    mi dge ba'i sems pa dge ba la dmigs pa'o/ / mi dge ba'i sems pa mi dge ba la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar ba dang / yang na chos de dag gi nyes dmigs dang ldan pa'i yid la byed pas yid la byed cing / chos 'di dag ni mi dge ba yin te/ skyes bu dam pa ma yin pas rang gis rtogs pa/ sangs rgyas rnams dang sangs rgyas kyi nyan thos rnams dang / dam pa rnams dang / skyes bu dam pa rnams kyis smad pa ste/ zin cing yang dag par zin na/ bdag la gnod par 'gyur zhing // gzhan la yang gnod par 'gyur la/ gnyis ka la yang gnod par 'gyur te/ shes rab 'gags par 'gyur ba dang / 'phongs par 'gyur ba'i phyogs dang mthun pa dang / mya ngan las 'da' bar mi 'gyur ba yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i

  563. 282b

    sems pa mi dge ba la dmigs pa'o/ / mi dge ba'i sems pa lung du ma bstan pa la dmigs pa gang zhe na/ smras pa/ lung du ma bstan pa'i gzugs dang / lung du ma bstan pa'i sems dang sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa lung du ma bstan pa la dmigs pa'o/ / mi dge ba'i sems pa dge ba dang mi dge ba la dmigs pa gang zhe na/ smras pa/ dge ba dang mi dge ba'i lus kyi las dang / ngag gi las dang / dge ba dang mi dge ba'i sems dang / sems las byung ba'i chos rnams dang / dge ba dang mi dge ba'i sems dang mi ldan pa'i 'du byed rnams dang / chos 'di dag ni rgyu med pa las byung ba 'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa dge ba dang mi dge ba la dmigs pa'o// mi dge ba'i sems pa dge ba dang lung du ma bstan pa la dmigs pa gang zhe na/ smras pa/ dge ba'i lus kyi las dang /

  564. 283a

    ngag gi las dang / dge ba'i sems dang / sems las byung ba'i chos rnams dang / dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa dge ba dang lung du ma bstan pa la dmigs pa'o// mi dge ba'i sems pa mi dge ba dang lung du ma bstan pa la dmigs pa gang zhe na/ smras pa mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/ sems mngon

  565. 283b

    par 'du byed pa dang / yid kyi las kyi bar du sbyar te/ 'di ni mi dge ba'i sems pa mi dge ba dang lung du ma bstan pa la dmigs pa'o// mi dge ba'i sems pa dge ba dang / mi dge ba dang / lung du ma bstan pa la dmigs pa gang zhe na/ smras pa/ dge ba dang mi dge ba'i lus kyi las dang / ngag gi las dang / dge ba dang mi dge ba'i sems dang / sems las byung ba'i chos rnams dang / dge ba dang mi dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa dge ba dang mi dge ba dang / lung du ma bstan pa la dmigs pa'o// lung du ma bstan pa'i sems pa lung du ma bstan pa la dmigs pa gang zhe na/ smras pa/ lung du ma bstan pa'i gzugs dang lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / dmigs pa 'di dag las bsgribs

  566. 284a

    la lung du ma bstan pa dang / ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa lung du ma bstan pa la dmigs pa'o// lung du ma bstan pa'i sems pa dge ba la dmigs pa gang zhe na/ smras pa/ dge ba'i lus kyi las dang / ngag gi las dang / dge ba'i sems dang / sems las byung ba'i chos rnams dang / dge ba'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang / ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa dge ba la dmigs pa byed pa'o// lung du ma bstan pa'i sems pa mi dge ba la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang / ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du

  567. 284b

    byed pa dang / yid kyi las kyi bar du sbyar te/ 'di ni lung du ma bstan pa'i sems pa mi dge ba la dmigs pa'o// lung du ma bstan pa'i sems pa dge ba dang mi dge ba la dmigs pa gang zhe na/ smras pa/ dge ba dang mi dge ba'i lus kyi las dang / ngag gi las dang / dge ba dang mi dge ba'i sems dang / sems las byung ba'i chos rnams dang / dge ba dang mi dge ba'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang / ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa dge ba dang mi dge ba la dmigs pa'o/ / lung du ma bstan pa'i sems pa dge ba dang lung du ma bstan pa la dmigs pa gang zhe na/ smras pa/ dge ba'i lus kyi las dang / ngag gi las dang / dge ba'i sems dang sems las byung ba'i chos rnams dang / dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang / ma bsgribs

  568. 285a

    la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa dge ba dang lung du ma bstan pa la dmigs pa'o/ / lung du ma bstan pa'i sems pa mi dge ba dang lung du ma bstan pa la dmigs pa gang zhe na/ smras pa/ mi dge/ ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang dmigs pa 'di dag las bsgribs la lung du ma bstan pa dang / ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa mi dge ba dang lung du ma bstan pa la dmigs pa'o// lung du ma bstan pa'i sems pa dge ba dang / mi dge ba dang lung du ma bstan pa la dmigs pa gang zhe na/ smras pa/ dge ba dang mi dge ba'i lus kyi las dang / ngag gi las dang / dge ba dang mi dge ba'i sems dang / sems las

  569. 285b

    byung ba'i chos rnams dang / dge ba dang mi dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang / ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa dge ba dang / mi dge ba dang / lung du ma bstan pa la dmigs pa'o// de la sems pa'i las ni 'dod pa dang ldan pa yang yod/ gzugs dang ldan pa yang yod/ gzugs med pa dang ldan pa yang yod do// sems pa'i las 'dod pa dang ldan pa gang zhe na/ smras pa/ 'dod pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni sems pa'i las 'dod pa dang ldan pa'o// sems pa'i las gzugs dang ldan pa gang zhe na/ smras pa/ gzugs dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni

  570. 286a

    sems pa'i las gzugs dang ldan pa'o/ / sems pa'i las gzugs med pa dang ldan pa gang zhe na/ smras pa/ gzugs med pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni sems pa'i las gzugs med pa dang ldan pa'o// / de la 'dod pa dang ldan pa'i sems pa ni dge ba yang yod// mi dge ba yang yod/ lung du ma bstan pa yang yod do// 'dod pa dang ldan pa'i sems pa dge ba gang zhe na/ smras pa 'dod pa dang ldan pa'i dge ba yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba ste/ ji lta zhe na/ 'di ltar chags pa med pas tshul bzhin so sor brtags nas/ mig gis gzugs rnams mthong ba dang / rna bas sgra rnams thos pa dang / snas dri rnams bsnams pa dang / lces ro rnams myong ba dang / lus kyis reg bya rnams reg pa dang / yid kyis chos rnams rnam par shes pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o// gzhan yang srog gcod pa spangs pa dang

  571. 286b

    ldan pa'i yid la byed pa dang mtshungs par ldan pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang tshig bkyal ba dang / brnab sems dang / gnod sems spangs pa dang ldan pa dang / yang dag pa'i lta ba dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o// gzhan yang khro ba med pa dang / khon du 'dzin pa med pa dang / 'chab pa med pa dang / 'tshig pa med pa dang / phrag dog med pa dang / ser sna med pa dang / sgyu med pa dang / g.yo med pa dang / ngo tsha shes pa dang / khrel yod pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbar te/ 'di ni 'dod pa dang ldan pa'i sems pa dge ba'o/ / gzhan yang 'dod pa dang ldan pa'i gsong por smra ba dang / phyag 'tshal ba dang / sngon du ldang ba dang / thal mo sbyor ba dang / 'dud pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o// /

  572. 287a

    gzhan yang sbyin pa dag sbyin pa 'am/ gnod sems dag mi byed pa 'am/ tshul khrims yang dag par blangs te 'dug pa 'am/ gso sbyong la gnas pa 'am/ sems dad pas rang gi lag dar te las byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o// / gzhan yang 'dod pa dang ldan pa'i dge ba'i yid la byed pas sdug bsngal la sdug bsngal bar yid la byed pa 'am/ kun 'byung ba la kun 'byung ba 'am/ 'gog pa la 'gog pa 'am/ lam la lam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o// 'dod pa dang ldan pa'i sems pa mi dge ba gang zhe na/ smras pa/ mi dge ba'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa mi dge ba'o// ji lta zhe na/ 'di ltar chags pa'am/ sdang ba 'am/ rmongs pas tshul bzhin ma yin pa dang / so sor ma brtags par mig gis gzugs rnams mthong ba nas/ yid kyis chos rnams rnam par shes pa'i bar gyi sems pa gang yin pa nas/ sems mngon par 'du byed pa dang / yid

  573. 287b

    kyi las kyi bar du sbyar te/ 'di ni 'dod pa dang ldan pa'i sems pa mi dge ba'o// gzhan yang srog gcod pa dang ldan pa'i yid la byed pa dang mtshungs par ldan pa dang / ma byin par len pa dang 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig bkyal pa dang / brnab sems dang / gnod sems dang / log par lta ba dang ldan pa'i yid la byed pa dang mtshungs par ldan pa'i yid la byed pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa mi dge ba'o/ / gzhan yang khro ba dang / khon du 'dzin pa dang / 'chab pa dang / 'tshig pa dang / phrag dog dang / ser sna dang / sgyu dang / g.yo dang / ngo tsha mi shes pa dang / khrel med pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa mi dge ba'o// gzhan yang lag pa dang / khu tshur dang / thal lcag bsnun pa dang / yal ga dang lcug mas gnod par byed pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa mi dge

  574. 288a

    ba'o/ / gzhan yang mi dge ba kun tu sbyor ba dang / 'ching ba dang / bag la nyal ba dang / kun nas dkris pa rnams dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa mi dge ba'o// 'dod pa dang ldan pa'i sems pa lung du ma bstan pa gang zhe na/ smras pa/ 'dod pa dang ldan pa'i lung du ma bstan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi pas kyi bar du sbyar te/ 'di ni 'dod pa dang ldan pa'i sems pa lung du ma bstan pa'o// ji lta zhe na/ 'di ltar dge ba'i sems kyang ma yin/ nyon mongs pa can gyi sems kyang ma yin pa rang bzhin du gnas pa spyod lam la zhugs pas mig gis gzugs rnams mthong ba nas/ yid kyis chos rnams rnam par shes pa'i bar gyi sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa lung du ma bstan pa'o// gzhan yang 'dod pa dang ldan pa'i lung du ma bstan ba'i kun tu sbyor ba dang / 'ching ba dang / bag la nyal ba dang / nye ba'i nyon mongs pa dang / kun nas dkris pa rnams dang mtshungs par ldan pa'i sems pa gang yin pa nas

  575. 288b

    sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa lung du ma bstan pa'o// de la gzugs dang ldan pa'i sems pa ni dge ba yang yod/ lung du ma bstan pa yang yod de/ gzugs dang ldan pa'i sems pa dge ba gang zhe na/ smras pa/ gzugs dang ldan pa'i dge ba'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa dge ba'o// ji lta zhe na/ 'di ltar chags pa med pa 'am/ sdang ba med pa 'am/ rmongs pa med pas tshul bzhin du so sor brtags nas/ mig gis gzugs rnams mthong ba dang / rna bas sgra rnams thos pa dang snas dri rnams tshor ba dang / lces ro rnams myong ba dang / lus kyis reg bya rnams reg pa dang / yid kyis chos rnams rnam par shes pa'i bar gyi sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa dge ba'o// gzhan yang yongs su ma zin pa'i bsam gtan bzhi bsgom pa'i tshe sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa dge ba'o// gzhan

  576. 289a

    yang gzugs dang ldan pa'i gsong por smra ba dang / phyag 'tshal ba dang / sngon du ldang ba dang / thal mo sbyor ba dang / 'dud pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa dge ba'o// gzhan yang gzugs dang ldan pa'i yid la byed pas/ sdug bsngal ba la sdug bsngal bar yid la byed pa 'am/ kun 'byung ba la kun 'byung bar yid la byed pa'am/ 'gog pa la 'gog par yid la byed pa 'am/ lam la lam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni// gzugs dang ldan pa'i sems pa dge ba'o// gzugs dang ldan pa'i sems pa lung du ma bstan pa gang zhe na/ smras pa/ gzugs dang ldan pa'i lung du ma bstan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa lung du ma bstan pa'o/ / ji lta zhe na/ 'di ltar dge ba'i sems kyang ma yin/ nyon mongs pa can gyi sems kyang ma yin pa/ rang bzhin du gnas pa spyod lam la zhugs pas/ mig

  577. 289b

    gis gzugs rnams mthong ba dang / rna bas sgra rnams thos pa dang / snas dri rnams bsnams pa dang / lces ro rnams myong ba dang / lus kyis reg bya rnams reg pa dang / yid kyis chos rnams rnam par shes pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa lung du ma bstan pa'o/ / gzhan yang yongs su zin pa'i sems kyis bsam gtan bzhi bsgom pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa lung du ma bstan pa'o// gzhan yang gzugs dang ldan pa'i kun tu sbyor ba dang / 'ching ba dang / bag la nyal ba dang nye ba'i nyon mongs pa dang / kun nas dkris pa rnams dang ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbar te/ 'di ni gzug dang ldan pa'i sems pa lung du ma bstan pa'o/ / de la gzugs med pa dang ldan pa'i sems pa ni dge ba yang yod/ lung du ma bstan pa yang yod do// gzugs med pa dang ldan pa'i sems pa dge ba gang zhe na/ smras pa/ gzugs med pa dang ldan pa'i dge ba'i yid la byed pa dang mtshungs par ldan pa'i sems pa gang yin pa nas/ sems mngon par 'du byed

  578. 290a

    pa dang yid kyi las kyi bar du sbyar te/ 'di ni gzugs med pa dang ldan pa'i sems pa dge ba'o// ji lta zhe na/ 'di ltar chags pa med pa 'am/ sdang ba med pa 'am/ rmongs pa med pas tshul bzhin du so sor brtags nas/ yid kyis chos rnams rnam par shes pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa dge ba'o// gzhan yang yongs su ma zin pa'i sems kyis gzugs med pa bzhi sgom pa'i sems pa gang yin pa nas sems mngon par 'du byed pa dang / yid kyi las kyi bar du sbar te/ 'di ni gzugs med pa dang ldan pa'i sems pa dge ba'o// gzhan yang gzugs med pa dang ldan pa'i yid la byed pas/ sdug bsngal ba la sdug bsngal bar yid la byed pa 'am/ kun 'byung ba la kun 'byung ba 'am/ 'gog pa la 'gog pa 'am/ lam la lam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa dge ba'o// gzugs med pa dang ldan pa'i sems pa lung du ma bstan pa gang zhe na/ smras pa/ gzugs med pa'i yid la byed pa lung du ma bstan pa dang mtshungs par ldan pa'i sems pa gang yin pa nas/ sems

  579. 290b

    mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa lung du ma bstan pa'o// ji lta zhe na/ 'di ltar dge ba'i sems kyang ma yin/ nyon mongs pa can gyi sems kyang ma yin pa/ rang bzhin du gnas pa'i yid kyis chos rnams rnam par shes pa'i sems pa gang yin pa nas/ sems mngon par 'du byed pa dang yid kyi las kyi bar du sbyar te/ 'di ni gzugs med pa dang ldan pa'i sems pa lung du ma bstan pa'o// gzhan yang yongs su zin pa'i sems kyis gzugs med pa bzhi sgom pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa lung du ma bstan pa'o// gzhan yang gzugs med pa dang ldan pa'i kun tu sbyor ba dang / 'tshang ba dang / bag la nyal ba dang / nye ba'i nyon mongs pa dang / kun nas dkris pa rnams dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa lung du ma bstan pa'o// 'dul mchog kha lo sgyur ba tshangs pa'i gsung dang ldan// sku mdog gser 'dra kha lo sgyur ba rnams kyi mchog/ rnam par 'dren par mdzad pa byung ba gang yin te// 'jigs pa med

  580. 291a

    par lus rnams tha dad ston par mdzad/ rtswa gcig gis las rnams bsdus te/ las zhes bya ba'i phyir ro// rgyu gnyis kyis las rnams te/ sems pa'i las dang / ched du bsams pa'i las so// rgyu gsum gyis las rnams bsdus te/ lus kyi las dang / ngag gi las dang / yid kyi las so// rgyu bzhis las rnams bsdus te/ 'dod pa dang ldan pa dang / gzugs dang ldan pa dang / gzugs med pa dang ldan pa dang / mi ldan pa'i las so// rgyu lngas las rnams bsdus te/ mthong bas spang bar bya ba lung du bstan pa dang / lung du ma bstan pa dang / bsgom pas spang bar bya ba lung du bstan pa dang / lung du ma bstan pa dang / spang bar bya ba ma yin pa'i las so/ / rgyu drug gis las rnams bsdus te/ sdug bsngal mthong bas spang bar bya ba dang / kun 'byung ba dang / 'gog pa dang / lam mthong bas spang bar bya ba dang / bsgom bas spang bar bya ba dang / spang bar bya ba ma yin pa'o// rgyu bdun gyis las rnams bsdus te/ 'dod pa dang ldan pa mthong bas spang bar bya ba dang / bsgom pas spang bar bya ba dang / gzugs dang ldan pa mthong bas spang bar bya ba dang bsgom pas spang bar bya ba dang / gzugs med pa dang ldan pa mthong bas spang bar bya ba dang / bsgom pas spang bar bya ba dang / spang bar bya ba

  581. 291b

    ma yin pa'o/ / rgyu brgyad kyis las rnams bsdus te/ 'dod pa dang ldan pa'i dge ba dang / mi dge ba dang / lung du ma bstan pa dang / gzugs dang ldan pa'i dge ba dang / lung du ma bstan pa dang / gzugs med pa dang ldan pa'i dge ba dang / lung du ma bstan pa dang / ldan pa ma yin pa'i las so// rgyu dgus las rnams bsdus te/ lus kyi las dge ba dang / mi dge ba dang / lung du ma bstan pa dang / ngag gi las dge ba dang / mi dge ba dang / lung du ma bstan pa dang / yid kyi las dge ba dang / mi dge ba dang / lung du ma bstan pa'o// rgyu bcus las rnams bsdus te/ lus kyi las dge ba zag pa dang bcas pa dang / mi dge ba dang / lung du ma bstan pa dang / ngag gi las dge ba zag pa dang bcas pa dang / mi dge ba dang lung du ma bstan pa dang / yid kyi las dge ba zag pa dang bcas pa dang / mi dge ba dang / lung du ma bstan pa dang / zag pa med pa'i las so// rgyu bcu gcig gis las rnams bsdus te/ 'dod pa dang ldan pa'i dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa dang / gzugs dang ldan pa'i dge ba dang / bsgribs la lung du ma bstan pa dang / ma bsgribs la lung du ma bstan pa dang / gzugs med pa dang ldan pa'i dge ba dang / bsgribs la lung du ma bstan

  582. 292a

    pa dang ma bsgribs la lung du ma bstan pa dang / ldan pa ma yin pa'i las so// rgyu bcu gnyis kyis las rnams bsdus te/ lus kyi las kyi dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa dang / ngag gi las dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa dang / yid kyi las dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa'o// bstan bcos chen po chos mngon pa las/ las gdags pa tshigs dang po'o// // sdom ni rtsa ba gsum dang dbye ba dang // mi dge'i las lam bcu po dang // yang na las rnams bcu yi rgyu// mi dge ba ni gsum po yin// mi dge ba'i rtsa ba gsum gang zhe na/ gsum ni chags pa mi dge ba'i rtsa ba dang / zhe sdang mi dge ba'i rtsa ba dang / gti mug mi dge ba'i rtsa ba'o// de la chags pa mi dge ba'i rtsa ba gang zhe na/ smras pa/ 'dod chags pa dang / kun tu 'dod chags pa dang / kun tu zhen pa dang / 'chums pa dang / lhag par zhen pa dang / sred pa dang / 'tshol ba dang / 'dod pa dang / rgyal ba dang / zhen pa dang / yongs su zhen pa

  583. 292b

    dang nang gi 'ching ba dang / don du sgrub pa dang / brnab sems dang / sdug bsngal dang / kun 'byung ba la chags pa dang / chags pa las byung ba gang yin pa 'di ni chags pa zhes bya'o/ / mi dge ba'i rtsa ba zhes bya ba gang zhe na/ smras pa/ chos de mi dge ba yin/ de ni mi dge ba'i chos mang po'i rtsa ba yang yin pas na/ de'i phyir de ni nad kyi rtsa ba dang / 'bras kyi rtsa ba dang / zug rngu'i rtsa ba dang / sdig pa'i rtsa ba dang / rnam par ma dag pa'i rtsa ba dang / kun nas nyon mongs pa'i rtsa ba dang / rnam par byang ba ma yin pa'i rtsa ba dang / yengs su byang ba ma yin pa'i rtsa ba yin te/ de bas na chags pa mi dge ba'i rtsa ba zhes bya'o// zhe sdang mi dge ba'i rtsa ba zhes bya ba la/ zhe sdang gang zhe na/ smras pa/ sems can rnams la kun nas mnar sems dang / tha ba dang / khong khro ba dang / gnod sems dang / gnod sems su byed pa dang / gnod sems su gyur pa dang / sdang ba dang / rab tu sdang ba dang sems kyis sdang ba gang yin pa dang / sems can rnams la mi mthun par byed pa dang / sdang ba dang / sdang bar byed pa dang / sdang bar gyur pa gang yin pa 'di ni zhe sdang ba zhes bya'o/ / mi dge ba'i rtsa ba zhes bya ba gang zhe na/ smras pa/ chos de mi dge ba yin pa nas/ rgyas par yongs su byang ba ma yin pa'i rtsa ba zhes bya ba'i bar du sbyar te/ de bas

  584. 293a

    nan sdang mnage pa'i rtsa ba zhes bya'o/ / gti mug mi dge ba'i n+ya bzhes bya ba la/ gti mug gang zhen/ smras pa/ sngon gyi mtha' bo shes pa dang ma'i mtha' mi shes pa dang / dbus mi shes pa dang / nang mi shes pa dang / phyi rol mi shes pa dang / nang dang phyi rol mi shes pa dang / las mi shes pa dang / rnam par smin pa mi shes pa dang / las dang rnam par smin pa mi shes pa dang / las legs par byas pa mi shes pa dang / las nyes par byas pa mi shes pa dang / las legs par byas pa dang nyes par byas pa mi shes pa dang / rgyu mi shes pa dang / rgyu las skyes pa'i chos rnams mi shes pa dang / kha na ma tho ba dang bcas pa dang / kha na ma tho ba med pa dang / ngan pa dang / bzang po dang / gnag pa dang / dkar ba dang / rten cing 'brel par 'byung ba'i chos rnams rab tu dbye ba dang bcas pa mi shes pa dang / reg pa'i skye mched drug yang dag pa ji lta ba bzhin du mi shes mi mthong ba dang / mun pa dang / rmongs pa dang / ma rig pa'i mun pa dang / glen pa dang / rnyog pa can dang / bsgribs pa dang / tshong pa dang / long bar byed pa dang / mig med par byed pa dang / shes rab dang mi mthun pa dang / 'phongs pa'i phyogs dang mthun pa dang / mya ngan las 'da' bar mi 'gyur ba dang / ma rig pa dang

  585. 293b

    ma rig pa'i chu bo dang / ma rig pa'i dug gi rtsa ba dang / ma rig pa'i dug gi sdong po dang / ma rig pa'i dug gi lo ma dang / ma rig pa'i dug gi me tog dang / ma rig pa'i dug gi 'bras bu dang rmongs pa dang / kun tu rmongs pa dang / rab tu rmongs pa dang / gti mug dang / gti mug las byung ba gang yin pa 'di ni gti mug ces bya'o// mi dge ba'i rtsa ba zhes bya ba gang zhe na/ smras pa/ chos de mi dge ba yin la/ de ni mi dge ba'i chos mang po'i rtsa ba yang yin pas na/ de'i phyir de ni nad kyi rtsa ba nas/ yongs su byang ba ma yin pa'i bar du sbyar cide bas na gti mug mi dge ba'i rtsa ba zhes bya'o/ / mi dge ba bcu'i las kyi lam ni srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig bkyal pa dang / brnab sems dang / gnod sems dang / log par lta ba ste/ mi dge ba'i rtsa ba gsum po de dag ni mi dge ba bcu'i las kyi lam 'di dag gi rgyu dang / rtsa ba dang / 'jug par byed pa dang / gzhi dang / byed rgyu dang / skyed pa dang / rkyen dang / kun nas slong ba'o// las gdags pa tshigs gnyis pa'o/ / / sdom ni/ rgyu gang rnam rig byed min gzugs// thogs bcas dang ni sems las byung // chags pa dang ni zhe sdang gsum//

  586. 294a

    rnam pa gsum du skye ba yin/ mi dge ba bcu'i las kyi lam ni srog gcod pa nas/ log par lta ba'i bar dag go// srog gcod pa'i rgyu gang zhe na/ spras pa mi dge ba'i rtsa ba dang tshul bzhin ma yin pa yid la byed pa ni srog gcod pa'i rgyu'o// srog gcod pa gang gi rgyu zhe na/ spras pa/ srog gcod pa ni srog gcod pa'i rnam par smin pa'i rgyu'o/ / srog gcod pa ni ci las byung / kun 'byung ba ni gang / kun nas slong ba ni gang zhe na/ smras pa/ mi dge ba'i rtsa ba dang tshul bzhin ma yin pa yid la byed pa ni srog gcod pa kun nas slong ba'o/ / srog gcod pa gang gis kun nas slong bar bya ba yin zhe na/ smras pa/ srog gcod pa kun nas slong bar byed pa'i sems dang sems las byung ba'i chos rnams kyis so// srog gcod pa ci la dmigs zhe na/ smras pa/ sems can la dmigs so// srog gcod pa gang gi dmigs pa yin zhe na/ smras pa/ srog gcod pa kun nas slong bar byed pa'i sems dang sems las byung ba'i chos rnams kyi'o/ / srog gcod pa'i 'bras bu ci zhe na/ smras pa/ mi sdug pa'i 'bras bu dang / mi gces pa'i 'bras bu dang / mi dge ba'i 'bras bu dang yid du mi 'ong ba'i 'bras bu dang / yid dang mi 'thad pa'i 'bras bu dang / mi 'dod pa'i 'bras bu'o// srog gcod pa gang gi 'bras bu yin zhe na/ smras pa/ srog gcod pa kun nas

  587. 294b

    slong bar byed pa'i sems dang sems las byung ba'i chos rnams kyi'o/ / srog gcod pa'i rnam par smin pa ci zhe na/ smras pa/ mi sdug pa'i rnam par smin pa dang / mi gces pa'i rnam par smin pa dang mi dge ba'i rnam par smin pa dang / yid du mi 'ong ba'i rnam par smin pa dang / yid dang mi 'thad pa'i rnam par smin pa dang / mi 'dod pa'i rnam par smin pa'o// srog gcod pa gang gi rnam par smin pa gang zhe na/ smras pa/ srog gcod pa kun nas slong bar byed pa'i sems dang sems las byung ba'i chos rnams kyi'o// srog gcod pa'i nyes dmigs ci yin zhe na/ smras pa nyes dmigs lnga ste/ de bdag nyid kyis smad par 'gyur ba dang / de gzhan gyis smad par 'gyur ba dang / tshangs pa mtshungs par spyod pa mkhas pa rnams kyis dris na chos bzhin du smad par 'gyur ba dang / phyogs dang phyogs mtshams rnams su sdig can dang / bsngags pa ma yin pa dang / snyan pa ma yin pa dang / dge ba ma yin pa'i sgra dang / tshigs su bcad pa grags par 'gyur ba dang / lus dang bral ba shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro// srog gcod pa su la nyes dmigs su 'gyur zhe na/ smras pa/ gnyis ka la nyes dmigs su 'gyur te/ srog chags srog dang bral bar byed pa gang yin pa dang / srog chags gang srog dang bral bar

  588. 295a

    bya ba la'o/ / ma byin par len pa'i rgyu gang zhe na/ smras pa/ mi dge ba'i rtsa ba dang / tshul bzhin ma yin pa yid la byed pa ni ma byin par len pa'i rgyu ste/ srog gcod pa la ji lta ba bzhin du rgyas par brjod par bya'o/ / de la khyad par ni 'di yin te/ ma byin par len pa ni yo byad la dmigs so// gnyis ka la nyes dmigs su 'gyur te/ ma byin pabar len pa gang yin pa dang / gang gis byin par len pa'o// 'dod pa la log par g.yem pa gang la dmigs zhe na/ sems can la dmigs so// gnyis ka la nyes dmigs su 'gyur te/ 'dod pa rnams la log par g.yem pa gang yin pa dang / 'dod pa la log par g.yem pas gang la kun tu spyod pa'o// brdzun du smra ba ni ming la dmigs so// gnyis ka/ la nyes dmigs su 'gyur te/ brdzun du smra ba gang yin pa dang / brdzun du smra bas bslu bar bya ba gang yin pa'o// phra ma yang ming la dmigs so// gsum la nyes dmigs su 'gyur mdza' bo 'byed pa gang yin pa dang / mdza' bo gang las phye ba dang / gang gi mdza' bo phye ba'o// tshig rtsub po yang ming la dmigs so// gnyis ka la nyes dmigs su 'gyur tshig rtsub po smra ba gang yin pa dang / tshig rtsub pos gang la kun tu spyod pa'o// tshig bkyal pa yang ming la dmigs so// gnyis ka la nyes dmigs su 'gyur te/ tshig bkyal

  589. 295b

    pa sdu ba gang yin pa dang / tshig bkyal pas gang la bslu ba'o// brnab sems ni yo byad la dmigs so// gnyis ka la nyes dmigs su 'gyur te/ brnab sems bskyed pa gang yin pa dang / gang gi dngos po la brnab sems bskyed pa'o// gnod sems ni sems can la dmigs so// gnyis ka la nyes dmigs su 'gyur te/ gnod sems byed pa gang yin pa dang / gang gi rgyud la gnod sems bskyed pa'o// log par lta ba'i rgyu gang zhe na/ smras pa/ mi dge ba'i rtsa ba dang tshul bzhin ma yin pa yid la byed pa ni log par lta ba'i rgyu'o/ / log par lta ba'i rnam par smin pa'i rgyu gang zhe na/ smras pa/ log par lta ba ni log par lta ba'i rnam par smin pa'i rgyu'o// log par lta ba ci las 'byung / kun 'byung ba ni gang / kun nas slong ba ni gang zhe na/ smras pa/ mi dge ba'i rtsa ba dang tshul bzhin ma yin pa'i yid la byed pa ni log par lta ba'i kun nas slong ba'o// log par lta ba gang gis kun nas slong bar bya ba yin zhe na/ smras pa/ log par lta ba kun nas slong bar byed pa'i sems dang sems las byung ba'i chos rnams kyis so// log par lta ba ci la dmigs zhe na/ smras pa/ ming dang gzugs la dmigs so// log par lta ba gang gi dmigs pa yin zhe na/ smras pa/ log par lta ba kun nas slong bar byed pa'i sems dang sems las byung ba'i

  590. 296a

    chos rnams kyi'o/ / log par lta ba'i 'bras bu ci zhe na/ smras pa/ mi sdug pa'i 'bras bu dang / mi gces pa'i 'bras bu dang / mi dge ba'i 'bras bu dang / yid du mi 'ong ba'i 'bras bu dang / yid dang mi 'thad pa'i 'bras bu dang / mi 'dod pa'i 'bras bu'o// log par lta ba gang gi 'bras bu yin zhe na/ smras pa/ log par lta ba kun nas slong bar byed pa'i sems dang sems las byung ba'i chos rnams kyi'o/ / log par lta ba'i rnam par smin pa ci zhe na/ smras pa/ mi sdug pa'i rnam par smin pa dang / mi gces pa'i rnam par smin pa dang / mi dge ba'i rnam par smin pa dang / yid du mi 'ong ba'i rnam par smin pa dang / yid dang mi 'thad pa'i rnam par smin pa dang / mi 'dod pa'i rnam par smin pa'o// log par lta ba gang gi rnam par smin pa yin zhe na/ smras pa/ log par lta ba kun nas slong bar byed pa'i sems dang sems las byung ba'i chos rnams kyi'o// log par lta ba'i nyes dmigs ci yin zhe na/ smras pa nyes dmigs lnga ste/ de bdag nyid kyis smad par 'gyur ba dang / de gzhan gyis smad par 'gyur ba dang / tshangs pa mtshungs par spyod pa mkhas pa rnams kyis dris na chos bzhin du smad par 'gyur ba dang / phyogs dang phyogs mtshams su sdig pa can dang / bsngags pa ma yin pa dang / snyan pa ma yin pa dang / dge ba ma yin pa'i sgra dang / tshigs su bcad pa grags par/

  591. 296b

    'gyur ba dang / lus dang bral ba ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro// log par lta ba su la nyes dmigs su 'gyur zhe na/ spras pa gnyis ka la nyes dmigs su 'gyur te/ log par rtog pa gang yin pa dang / gang la log par rtog pa'o// mi dge ba bcu'i las kyi lam zhes bya ba nas rgyas par sbyar te/ srog gcod pa rnam par rig byed ces bya 'am/ 'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ smras pa/ ji ltar 'di na kha cig la la zhig 'di skad du/ srog chags kyi srog chod cig ces bsgo la/ des kyang gcad par bya'o zhes smras kyang rung / ma gcang cig ces bsgo bzhin du gcod do zhes smras kyang rung ba las phar song ste/ srog chags kyi srog gcod kyang rung / phyir 'ongs te srog chags kyi srog gcod kyang rung ste/ gang gi tshe srog chags kyi/ srog gcod pa de'i tshe/ lus kyi las gang yin pa de ni rnam par rig byed ces bya'o// rnam par rig byed ma yin pa gang zhe na/ smras pa/ srog gcod pa las phyir ma log cing phyir ma nur la ma btang ma spangs pas/ ji ste na lus kyis kyang rnam par rig par mi byed pa 'di ni rnam par rig byed ma yin pa zhes bya'o// ma byin par len pa la rnam par rig byed ces bya 'am/ 'on te rnam par

  592. 297a

    rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ smras pa ji ltar 'di na kha cig la la zhig 'di skad du/ gzhan dag las ma byin par long zhig ces bsgo la/ des kyang blang ngo zhes smras kyang rung / ma len cig ces bsgo bzhin du blang ngo zhes smras kyang rung ba las phar song ste/ gzhan dag las ma byin par len kyang rung / phyir 'ongs te gzhan dag las ma byin par len kyang rung ste/ gang gi tshe gzhan dag las ma byin par len pa de'i tshelus kyi las gang yin pa de ni rnam par rig byed do/ / rnam par rig byed ma yin pa gang zhe na/ smras pa/ ma byin par len pa las phyir ma log cing phyir ma nur la ma btang ma spangs pas ji ste na lus kyis kyang rnam par rig par mi byed pa 'di ni rnam par rig byed ma yin pa'o/ / 'dod pa la log par g.yem pa rnam par rig byed ces bya 'am/ 'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ smras pa/ ji ltar 'di na kha cig la la zhig la 'di skad du/ gzhan dag gi 'dod pa rnams la log par spyod cig ces bsgo la/ des kyang spyad par bya'o zhes smras kyang rung / ma spyad cig ces bsgo bzhin du spyad do zhes smras kyang rung ba las

  593. 297b

    par song ste/ gzhan dag gi 'dod pa rnams la log par spyod kyang rung / phyir 'ongs te gzhan dag gi 'dod pa rnams la log par spyod kyang rung ste/ gang gi tshe gzhan dag gi 'dod pa rnams la log par spyod pa de'i tshe/ lus kyi las gang yin pa de ni rnam par rig byed do// rnam par rig byed ma yin pa gang zhe na/ smras pa/ 'dod pa rnams la log par spyod pa las phyir ma log cing phyir ma nur la ma btang ma spangs pas/ ji ste na lus kyis kyang rnam par rig par mi byed pa 'di ni rnam par rig byed ma yin pa'o// brdzun du smra ba rnam par rig byed ces bya ba 'am/ 'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ smras pa/ ji ltar 'di na kha cig la la zhig 'di skad du/ gzhan dag la brdzun du smros shig ces bsgo la/ des kyang smra bar bya'o zhes smras kyang rung / ma smra zhig ces bsgo bzhin du smra bar bya'o zhes smras kyang rung ba las phar song ste/ gzhan dag la brdzun du smra ba yang rung / phyir 'ongs te gzhan dag la rdzun du smras kyang rung ste/ gang gi tshe gzhan dag la brdzun du smra ba de'i tshe ngag gi las gang yin pa de ni rnam par rig byed do/ / rnam par rig byed ma yin pa gang zhe na/ smras pa/ brdzun du smra ba las phyir ma log cing phyir ma nur la ma btang ma spangs pas/ ji ste na tshig gis kyang rnam par rig par

  594. 298a

    mi byed pa 'di ni rnam par rig byed ma yin pa'o/ / phra ma rnam par rig byed ces bya 'am/ 'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ smras pa/ ji ltar 'di na kha cig la la zhig la 'di skad du/ gzhan dag gi mdza' bo phye zhig ces bsgo la/ des kyang dbye'o zhes smras kyang rung / ma dbye zhig ces bsgo bzhin du dbye'o zhes smras kyang rung ba las par song ste/ gzhan dag gi mdza' bo 'byed kyang rung / phyir 'ongs te gzhan dag gi mdza' bo 'byed kyang rung ste/ gang gi tshe gzhan dag gi mdza' bo 'byed pa de'i tshe ngag gi las gang yin pa de ni rnam par rig byed do// rnam par rig byed ma yin pa gang zhe na/ smras pa/ phra ma las phyir ma log cing phyir ma nur la ma btang ma spangs pas/ ji ste na tshig gis kyang rnam par rig par mi byed pa 'di ni rnam par rig byed ma yin pa'o// tshig rtsub po rnam par rig byed ces bya ba ma 'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ ji ltar 'di na kha cig la la zhig la 'di skad du/ gzhan dag la tshig rtsub po smros shig ces bsgo la/ des kyang smra bar bya'o zhes smras kyang rung / ma smra zhig ces bsgo bzhin du smra bar bya'o zhes

  595. 298b

    smras kyang rung ba las phar song ste/ gzhan dag la tshig rtsub po smras kyang rung / phyir 'ongs te gzhan dag la tshig rtsub po smra yang rung ste/ gang gi tshe gzhan dag la tshig rtsub po smra ba de'i tshe ngag gi/ las gang yin pa de ni rnam par rig byed do// rnam par rig byed ma yin pa gang zhe na/ smras pa/ tshig rtsub po las phyir ma log cing phyir ma nur la ma btang ma spangs pas/ ji ste na tshig gis kyang rnam par rig par mi byed pa 'di ni rnam par rig byed ma yin pa'o/ / tshig bkyil pa rnam par rig byed ces bya 'am/ 'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ smras pa/ ji ltar 'di na kha cig la la zhig la 'di skad du/ gzhan dag la tshig 'khyal pa smros shig/ ces bsgo la/ des kyang smra bar bya'o zhes smras kyang rung / ma smra zhig ces bsgo bzhin du smra bar bya'o zhes smras kyi rung ba las phar song ste/ gzhan dag la tshig 'khyal pa smra yang rung / phyir 'ongs te gzhan dag la tshig 'khyal pa smra yang rung ste/ gang gi tshe gzhan dag la tshig 'khyal pa smra ba de'i tshe ngag gi las gang yin pa 'di ni rnam par rig byed do// rnam par rig byed ma yin pa gang zhe na/ smras pa tshig bkyal pa las phyir ma log cing phyir ma nur la ma btang sa spangs pas/ ji ste na tshig gis kyang rnam par rig par mi byed pa 'di ni rnam par rig byed ma yin pa'o// brnab sems

  596. 299a

    dang / gnod sems dang / log par lta ba/ rnam par rig byed ces bya'am/ 'on te rnam par rig byed ma yin pa zhes bya zhe na/ smras pa/ rnam par rig byed kyang ma yin/ rnam par rig byed ma yin pa yang ma yin no// mi dge ba bcu'i las kyi lam zhes bya ba nas rgyas par sbyar te/ srog gcod pa gzugs can zhes bya 'am/ 'on te gzugs can ma yin pa zhes bya zhe na/ smras pa/ gzugs can zhes bya'o// de bzhin du ma byin par len pa dang / 'dod pa la log par g.yem pa dang / rdzun du smra ba dang / phra ma dang tshig rtsub po dang / tshig 'khyal pa gzugs can zhes bya 'am/ 'on te gzugs can ma yin pa zhes bya zhe na/ smras pa/ gzugs can zhes bya'o// brnab sems dang / gnod sems dang / log par lta ba gzugs can zhes bya 'am/ 'on te gzugs can ma yin pa zhes bya zhe na/ smras pa/ gzugs can ma yin pa zhes bya'o// mi dge ba bcu'i las kyi lam zhes bya ba nas rgyas par sbyar te/ srog gcod pa thogs pa dang bcas pa zhes bya 'am/ 'on te thogs pa med pa zhes bya zhe na/ smras pa/ thogs pa dang bcas pa yod thogs pa med pa yang yod do/ / thogs pa dang bcas pa gang zhe na/ smras pa/ rnam par rig byed gang yin pa'o// thogs pa med pa gang zhe na/ smras pa/ rnam par rig byed

  597. 299b

    ma yin pa gang yin pa'o/ / srog gcod pa ji lta ba bzhin du/ ma byin par len pa dang / 'dod pa la log par g.yem pa dang / rdzun du smra ba dang / phra ma dang / tshig rtsub po dang / tshig bkyal ba yang de dang 'dra'o/ / brnab sems dang / gnod sems dang / log par lta ba thogs pa dang bcas pa zhes bya 'am/ 'on te thogs pa med pa zhes bya zhe na/ smras pa/ thogs pa med pa zhes bya'o/ / mi dge ba bcu'i las kyi lam zhes bya ba nas rgyas par sbyar te/ srog gcod pa sems las byung ba zhes bya 'am/ 'on te sems las byung ba ma yin pa zhes bya zhe na/ smras pa/ sems las byung ba ma yin pa zhes bya'o// srog gcod pa ji lta ba bzhin du/ ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa yang de dang 'dra'o// brnab sems dang / gnod sems dang / log par lta ba sems las byung ba zhes bya 'am/ 'on te sems las byung ba ma yin pa zhes bya zhe na/ smras pa/ sems las byung ba zhes bya'o// mi dge ba bcu'i las kyi lam zhes bya ba nas rgyas par sbyar te/ srog gcod pa ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o// srog gcod pa chags pa las byung ba gang zhe na/ smras pa/ ji ltar 'di na kha cig srog chags gang gi sha 'am

  598. 300a

    pags pa 'am/ rwa 'am/ so 'am/ rus pa 'am/ rgyus pa 'am/ mjug ma 'dod de/ de'i rgyu dang de'i rkyen gyis srog chags kyi srog gcod par byed do// de ma yin te bdag nyid mi 'dod du zin kyang / de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba gang yin pa de dag la mkho ba dang / 'chang ba dang / longs spyod du 'gyur ro snyam nas/ de dag gi don du srog chags kyi srog gcod par byed do// yang na gzhan gyis de la 'di skad du khyod tshur shog la/ srog chags 'di lta bu zhig gi srog chod cig dang / ngas khyod la 'di dang 'di lta bu zhig sbyin no// 'di dang 'di lta bu zhig bya'o zhes bsgo nas/ des longs spyod de dag 'dod nas srog chags kyi srog gcod par byed de/ dper na rgyal po gnyis phan tshun mi mthun pa der ras sam/ dong tshe 'am/ dong tshe stong gi phyir mgo khyer te 'ong bar byed cing / des longs spyod de dag 'dod nas srog chags kyi srog gcod par byed pa de lta bu ni chags pa las byung ba yin no/ / zhe sdang las byung ba ji lta bu zhe na/ smras pa/ ji ltar 'di na kha cig gang la kun nas ma nar sems dang / gsod pa'i sems yod pa'i phyir srog chags de'i srog gcod par byed / / de ma yin te de la kun nas mnar sems dang / gsod pa'i sems med du zin kyang / gang gi srog chags sdug pa dang / gcas pa dang / dga'

  599. 300b

    ba dang yid du 'ong ba de de dag la kun nas mnar sems dang / gsod pa'i sems yod pa'i phyir de 'di snyam du sems te/ de dag yun ring por mi bzod cing mi bde la sems mngon par mi dga' bar 'gyur bar bya'o snyam nas/ srog chags de'i srog gcod par byed pa de lta bu ni zhe sdang las byung ba yin no// gti mug las byung ba ji lta bu zhe na/ dper na bram ze dag 'di skad du sbrul dang / sdig pa dang / srog chags te'i li ta dang / te ma bu ka dang / srin gyi med la sogs pa 'di dag ni gsod par bya'o// de ci'i phyir zhe na/ smras pa/ 'di dag ni mi rnams kyi dgra dang phyir rgol ba yin pa'i phyir ro/ / glang po che dang / rta dang / rnga mo dang / ba glang dang / bong bu la sogs pa 'di dag kyang gsod par bya'o// de ci'i phyir zhe na/ smras pa// 'di dag ni mi rnams kyi longs spyod yin pa'i phyir ro zhes zer ba lta bu dang / nub phyogs na bram ze mchu skyes zhes bya ba dag yod de/ de dag ni 'di skad du/ gang pha 'am/ ma 'am/ pu nu bo 'am/ sring mo 'am/ mdza' bo dang / gnyen dang / rgan rabs gang yang rung ba nad kyis thibs te/ sdug bsngal zhing nad tshabs che ba'i srog gcod pa la ni bsod nams mang po 'phel bar 'gyur ro/ / de ci'i phyir zhe na/ spras pa/ de ji srid kyi bar du gson zhing 'dug la/ sdod cing 'tsho ba de srid kyi bar du sdug bsngal zhing yid du mi 'ong bas gnas la/ lus

  600. 301a

    dang bral na ni de lta ma yin pa'i phyir ro zhes zer te/ las de la ci yang mi 'ong bar blta zhing 'bras bu med par lha la/ 'di ltar lta zhing 'di skad du smra ste/ las 'di med do/ / las 'di'i 'bras bu rnam par smin pa med do zhes zer ba de lta bu ni gti mug las byung ba yin no// ma byin par len pa ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o// ma byin par len pa chags pa las byung ba gang zhe na/ smras pa/ ji ltar 'di na kha cig yo byad gang 'dod pa de des gzhan dag la ma byin par len par byed do/ / de ma yin te bdag nyid mi 'dod du zin kyang de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba de dag la mkho ba dang / 'chang ba dang / longs spyod du 'gyur ro snyam nas/ de dag gi don du gzhan dag las ma byin par len par byed do// yang na gzhan dag la 'di skad du khyod tshur shor la ming 'di zhes bya ba las ma byin par long zhig dang / ngas khyod la 'di dang 'di lta bu zhig sbyin no// 'di dang 'di lta bu zhig bya'o zhes bsgo nas/ des longs spyod de dag 'dod nas gzhan dag la ma byin par len par byed pa de lta bu ni chags pa las byung ba yin no/ / zhe sdang las byung ba ji lta bu zhe na/ smras pa/ ji ltar 'di na kha cig gang la kun nas mnar sems dang / khro ba'i/

  601. 301b

    sems yod pa'i phyir ro// de las ma byin par len par byed do// de ma yin te de la kun nas mnar sems dang / khro ba'i sems med du zin kyang / de dag gi yo byad sdug pa dang gces pa dang / dga' ba dang / yid du 'ong ba de rnams de dag la kun nas mnar sems dang / khro ba'i sems yod pa'i phyir de 'di snyam du sems te/ de dag gi yun ring por mi bzod cing mi bde la sems mngon par mi dga' bar 'gyur bar bya'o snyam nas/ des dngos po de ma byin par len par byed pa de lta bu ni zhe sdang las byung ba yin no// gti mug las byung ba ji lta bu zhe na/ smras pa/ bram ze dag 'di skad du 'di dag thams cad ni bram ze rnams dbang mod kyi/ 'on kyang mthu chung bas na dmangs rnams kyang spyod do zhes zer te/ de dag la pha rol gyis yongs su bzung ba'i 'du shes med pa yin no/ / las de la ci yang mi 'ong bar lta zhing 'bras bu med par lta la/ 'di ltar lta zhing 'di skad du smra ste/ las 'di med do// las 'di'i 'bras bu rnam par smin pa med do zhes zer ba de lta bu ni gti mug las byung ba yin no/ / 'dod pa la log par g.yem pa ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o// 'dod pa la log par g.yem pa chags pa las byung ba gang zhe na/ smras pa/ ji ltar 'di na kha cig gang la lta zhing sems chags pa de la 'dod pa la log par g.yem pa kun tu spyod par byed //

  602. 302a

    de ma yin te bdag nyid lta ba dang ldan zhing sems chags pa med du zin kyang / de 'di snyam du sems te/ sems can bdag la sdug pa dang / gces pa dang / dga' ba dang yid du 'ong ba gang yin pa de dag la mkho ba dang / 'chang ba dang / longs spyod du 'gyur ro snyam nas/ de dag gi don du gzhan dag la 'dod pa la log par g.yem pa kun tu spyod par byed do/ / yang na gzhan dag 'di la 'di skad du khyod tshur shog la/ ming 'di zhes bya ba la 'dod pa la log par g.yem pa kun tu spyod cig dang / ngas khyod la 'di dang 'di lta bu zhig sbyin no/ / 'di dang 'di lta bu zhig bya'o zhes bsgo nas/ des longs spyod de dag 'dod nas gzhan gyi don du 'dod pa la log par g.yem pa kun tu spyod par byed pa de lta bu ni chags pa las byung ba yin no// / zhe sdang las byung ba ji lta bu zhe na/ smras pa/ ji ltar 'di na kha cig gang zag gang la kun nas mnar sems dang / khro ba'i sems yod pa'i phyir/ de la 'dod pa la log par g.yem pa kun tu spyod par byed do/ / de ma yin te de la kun nas mnar sems dang / khro ba'i sems med du zin kyang / gang zag de'i sdug pa dang / gtses pa dang / dga' ba dang / yid du 'ong ba gang yin pa de dag la kun nas mnar sems dang / khro ba'i sems yod pa'i phyir de 'di snyam du sems te/ de dag yun ring por mi bzod cing mi bde la sems mngon par mi dga' bar 'gyur bar

  603. 302b

    bya'o snyam nas/ gang zag de'i la 'dod pa la log par g.yem pa kun tu spyod pa de lta bu ni zhe sdang las byung ba yin no// gti mul las byung ba ji lta bu zhe na/ smras pa/ dper na bram ze dag 'di skad du/ bram ze'i chung ma ni bzhi ste/ bram ze mo dang / rgyal rigs mo dang / rje'u rigs mo dang / dmangs rigs mo'o// rgyal rigs kyi ni gsum ste/ rgyal rigs mo dang / rje'u rigs mo dang / dmangs rigs mo'o// rje'u rigs kyi ni gnyis te/ rje'u rigs mo dang / dmangs rigs mo'o// dmangs rigs kyi ni gcig ste/ dmangs rigs mo zhes zer ba lta bu dang / nub phyogs na bram ze mchu skyes zhes bya ba dag yod de/ de dag ni 'di skad du gang ma 'am/ bu mo 'am/ sring mo 'am/ yang na mdza' bo dang / gnyen dang rgan rabs kyi la 'dod pa la log par g.yem pa kun tu spyod pa de la ni gzhi de las sdig par 'gyur ba med do/ / ci'i phyir zhe na/ smras pa/ bud med ni 'bras chan btsos pa dang 'dra ste/ dper na 'bras chan bcos pa ni 'di lta ste/ longs spyad par bya ba'i rgyu yin pa de bzhin du/ bud med kyang 'di lta ste/ 'khrig par bya ba'i rgyu yin no// bud med ni gtun dang 'dra ste/ dben na gtun ni 'di lta ste/ dru ba'i rgyu yin pa de bzhin du/ bud med ni 'di lta ste/ 'khrig par bya ba'i rgyu yin no// bud med ni lam dang 'dra ste/ dper na lam ni 'di lta ste/ 'ong ba dang 'gro bar bya ba'i rgyu

  604. 303a

    yin pa de bzhin du/ bud med ni 'di lta ste/ 'khrig par bya ba'i rgyu yin no// bud med ni chu klung gi chu skra dang 'dra ste/ dper na chu skra ni 'di lta ste/ khrus la sogs pa bya ba'i rgyu yin pa de bzhin du/ bud med ni 'di lta ste/ 'khrig par bya ba'i rgyu yin no// bud med ni me tog dang 'bras bu dang 'dra ste/ dper na me tog dang 'bras bu ni 'di lta ste/ longs spyod par bya ba'i rgyu yin pa de bzhin du/ bud med ni 'di lta ste/ 'khrig par bya ba'i rgyu yin no zhes zer ba lta bu dang / 'di skad ces zer ba yang yod de/ mi rnams la 'dod pa la log par g.yem par 'gyur ba med de/ ci'i phyir zhe na/ smras pa/ mi rnams las tha dad pa'i mi med pa'i phyir ro zhes zer te/ las de la ci yang mi 'ong bar lta zhing 'bras bu med par lta la/ 'di ltar lta zhing 'di skad du smra ste/ las 'di med do// las 'di'i 'bras bu rnam par smin pa med do zhes zer ba de lta bu ni/ 'dod pa la log par g.yem pa gti mug las byung ba yin no// brdzun du smra ba ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o// brdzun du smra ba chags pa las byung ba gang zhe na/ smras pa/ ji ltar 'di na kha cig yo byad gang 'dod pa de sgrub par byed pa na/ de gzhan la brdzun du smra bas 'drid par byed do// de ma yin te bdag nyid mi 'dod du zin kyang de 'di snyam du sems te/ sems can

  605. 303b

    bdag la sdug pa dang / gces pa dang / dga' ba dang / yid du 'ong ba gang yin pa de dag la mkho ba dang / 'chang ba dang / longs spyod du 'gyur ro snyam nas/ de de dag gi don du/ gzhan dag la shes bzhin du brdzun du smra bas 'dring par byed do// yang na gzhan dag de la 'di skad khyod tshur shog la/ ming 'di zhes bya ba la shes bzhin du brdzun du smra bas bring cig dang / ngas khyed la 'di dang 'di lta bu zhig sbyin no/ / 'di dang 'di lta bu zhig bya'o zhes bsgo nas/ de longs spyod de dag 'dod nas gzhan dag la shes bzhin du brdzun du smra bas 'drid par byed pa de lta bu ni chags pa las byung ba yin no/ / zhe sdang las byung ba ji lta bu zhe na/ smras pa/ ji ltar 'di na kha cig gang la kun nas mnar sems dang / khro ba'i sems yod pa'i phyir/ de la shes bzhin du brdzun du smras pas 'drid par byed do/ / de ma yin te de la kun nas mnar sems dang / khro ba'i sems med du zin kyang / de'i sdug pa dang / gces pa dang / dga' ba dang / yid du 'ong ba gang yin pa de dag la kun nas mnar sems dang / khro ba'i sems yod pa'i phyir de 'di snyam du sems te/ de dag yun ring por mi bzod cing mi bde la sems mngon par mi dga' bar 'gyur bar bya'o snyam nas/ de la shes bzhin du brdzun du smra bas 'drid par byed pa de lta bu ni zhe sdang las byung ba yin no// gti mug las byung ba ji lta bu zhe na/ dper na dgon pa'i ri

  606. 304a

    dgas mthong la rngon pas de la dris te/ khyod kyis ri dgas mthong ngam zhes byas na/ de 'di snyam du sems te/ rngon pas ri dgas bsad na mi rung ngo snyam nas de la ma mthong ngo zhes zer ba lta bu dang / dper na mi rgod kyi dpung mthong la rgyal po'i dpung gis de la dris te/ ci khyod kyis mo rgod kyi dpung mthong ngam zhes byas na/ de 'di snyam du sems te/ rgyal po'i dpung gis mi rgod kyi dpung bsad na mi rung ngo snyam nas/ bdag gis ma mthong ngo zhes zer ba lta bu dang / dper na rgyal po'i dpung mthong la/ ci khyod kyis rgyal po'i dpung mthong ngam zhes de la dris na/ de 'di snyam du sems te/ mi rgod kyi dpung gis rgyal po'i dpung bsad na mi rung snyam nas/ bdag gis ma mthong ngo zhes zer ba lta bu ste/ las de la ci yang mi 'ong bar lta zhing 'bras bu med par lta la/ 'di ltar lta zhing 'di skad du smra ste/ las 'di med do// las 'di'i 'bras bu rnam par smin pa med do// zhes gti mug las byung ba'i brdzun du smra bar byed ba de lta bu ni gti mug las byung ba yin no/ / phra ma ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o// phra ma chags pa las byung ba gang zhe na/ smras pa/ ji ltar 'di na kha cig yo byad gang 'dod pa de'i rgyu dang de'i rkyen gyis de gzhan dag gi mdza' bo 'byed par byed do// de ma yin te bdag nyid mi 'dod du zin kyang

  607. 304b

    de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba gang yin pa de dag la mkho ba dang / 'chang ba dang / longs spyod du// 'gyur ro snyam nas/ de dag gi don du gzhan dag gi mdza' bo 'byed par byed do// yang na gzhan gyis de la 'di skad du khyod tshur shog la/ ming 'di zhes bya ba'i mdza' bo phye zhig dang / ngas khyod la 'di dang 'di lta bu zhig sbyin no/ / 'di dang 'di lta bu zhig bya'o zhes bsgo nas/ des longs spyod de dag 'dod nas gzhan dag gi mdza' bo 'byed par byed do// dper na bram ze'i bsod snyoms ster ba'i khyim nor ma bgos pa de dag las de'i lhung bzed gcig dang / gos gcig dang / zan gcig pu 'ong ba la de 'di snyam du sems te/ ji srid du 'di dag lhan cig na 'khod cing mthun pa de srid du 'di dag las bdag gi lhung bzed gcig dang / gos gcig dang / zan gcig pu 'ong gis/ bdag gis 'di dag dbye ba'i thabs shig bya gor ma chag snyam nas// de dag 'byed pa'i thabs byed pa lta bu dang / dper na rgyal po gnyis phan tshun mi mthun te/ nang na 'khod pa rnams ni phyi rol gyi longs spyod 'dod nas phyi rol pa rnams dbye ba'i thabs byed la// phyi rol pa rnams ni nang gi longs spyod 'dod nas nang na 'khod pa rnams dbye ba'i thabs byed pa de lta bu ni chags pa las byung ba yin no/ / zhe sdang las byung ba ji lta bu zhe na/ smras pa/ ji ltar 'di na kha cig/

  608. 305a

    gang la kun nas mnar sems dang khro ba'i sems yod pa'i phyir de'i mdza' bo 'byed par byed do// de ma yin te de la kun nas mnar sems dang / khro ba'i sems med du zin kyang / sems can de dag gi sdug pa dang / gces pa dang / dga' ba dang / yid du 'ong ba de dag la kun nas mnar sems dang / khro ba'i sems yod pa'i phyir de 'di snyam du sems te/ de dag yun ring por mi bzod cing mi bde la sems mngon par mi dga' bar 'gyur bar bya'o snyam nas/ de dag gi mdza' bo de 'byed par byed pa de lta bu ni zhe sdang las byung ba yin no// gti mug las byung ba ji lta bu zhe na/ bram ze dag 'di skad du lug gsod pa dang / bya gag gsod pa dang / phag gsod pa dang / bya ba dang / rngon pa dang / chom rkun dang / gshed ma dang btson rdzi dang / khyi sha can dang / ri bong rgyas 'chor ba de dag ni dbye bar bya'o// ci'i phyir zhe na/ ji srid du 'di dag lhan cig 'khod cing mthun pa de srid du bsod nams ma yin pa mang du 'phel bar 'gyur la/ phye na ni de ltar mi 'gyur ro zhes zer te/ las de la ci yang mi 'ong bar lta zhing 'bras bu med par lta la/ 'di ltar lta zhing 'di skad du smras te/ las 'di med do// las 'di'i 'bras bu rnam par smin pa med do zhes zer te/ gti mug las byung ba'i phra ma zer ba de lta bu ni gti mug las byung ba yin no// tshig rtsub po ni rnam pa

  609. 305b

    gsum ste/ chags pa las byung ba dang / zhe sdang las byung ba dang / gti mug las byung ba'o// tshig rtsub po chags pa las byung ba gang zhe na/ smras pa/ ji ltar 'di na kha cig/ yo byad gang 'dod pa de'i rgyu dang de'i rkyen gyis gzhan la tshig rtsub pos kun tu spro bar byed do// de ma yin te bdag nyid mi 'dod du zin kyang / de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba de dag la mkho ba dang / 'chang ba dang / longs spyod du 'gyur ro snyam nas/ de dag gi don du gzhan la tshig rtsub pos kun tu spyo bar byed de/ dper na yi ge 'am/ rtsis sam/ bgrang ba 'am/ lag rtsis sam/ bzo'i gnas sam/ las kyi gnas gang yang rung ba'i sgo nas/ grong dang / grong rdal dang / yul 'khor dang / rgyal po'i pho brang de dang de dag tu bsgos na/ des longs spyod de dag 'dod nas gzhan la tshig rtsub pos kun tu spro bar byed do// yang na gzhan gyis de la 'di skad du khyod tshur shog la/ ming 'di zhes bya ba la tshig rtsub pos kun tu smros shig dang / ngas khyod la 'di dang 'di lta bu zhig sbyin no// 'di dang 'od lta bu zhig bya'o zhes bsgo nas/ de longs spyod de dag 'dod nas gzhan la tshig rtsub pos kun tu spyo bar byed pa de lta bu ni chags pa las byung ba yin no/ / zhe sdang las byung ba ji lta bu zhe na/ smras pa/ ji ltar 'di na kha cig

  610. 306a

    gang la kun nas mnar sems dang / khro ba'i sems yod pa'i phyir de la tshig rtsub pos kun tu skye bar byed do// de ma yin te de la kun nas mnar sems dang / khro ba'i sems med du zin kyang / gang dag gi sems can sdug pa dang / gces pa dang / dga' ba dang / yid du 'ong ba de dag la kun nas mnar sems dang / khro ba'i sems yod pa'i phyir de 'di snyam du sems te/ de dag yun ring por mi bzod cing mi bde la sems mngon par mi dga' bar 'gyur bar bya'o snyam nas/ sems can de la tshig rtsub pos kun tu spyo bar byed pa de lta bu ni zhe sdang las byung ba yin no/ / gti mug las byung ba ji lta bu zhe na/ smras pa/ dper na me'i las spyod pa dang ral pa can dag ni phal cher tshig rtsub po smra ba yin te/ de dag gi slob ma khyim pa gos dkar po can gang yin pa de dag 'di snyam du sems te/ bdag cag gi ston pa ni shes pas shes shing / mthong bas mthong la/ de tshig rtsub po smra ba las na/ 'di lta ste/ tshig rtsub po 'di ni legs pa zhig yin gor ma chag go/ 'di ni shin tu bzang ba zhig yin gor ma chag go snyam ste/ las de la ci yang mi 'ong bar lta zhing 'bras bu med par lta la/ 'di skad du smra ste/ las 'di med do// las 'di'i 'bras bu rnam par smin pa med do zhes zer te/ gti mug las byung ba'i tshig rtsub po smra ba de lta bu ni gti mug las byung ba yin no// tshig 'khyal

  611. 306b

    pa ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o// tshig 'khyal pa chags pa las byung ba gang zhe na/ smras pa/ ji ltar 'di na kha cig yo byad gang 'dod pa de'i rgyu dang de'i rkyen gyis gzhan dag la tshig 'khyal pas 'dring bar byed do/ / de ma yin te bdag nyid mi 'dong du zin kyang / de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba de dag la mkho ba dang / 'chang ba dang / de dag gi longs spyod du 'gyur ro snyam nas/ de dag gi don du gzhan la tshig 'khyal pas 'drid par byed do/ / yang na gzhan gyis de la 'di skad du khyod tshur shog la/ ming 'di zhes bya ba la tshig 'khyal pas brid cig dang / ngas khyod la 'di dang 'di lta bu zhig sbyin no/ / 'di dang 'di lta bu zhig bya'o zhes bsgo nas/ de longs spyod de dag 'dod nas gzhan dag la tshig 'khyal pas 'drid par byed de/ dper na bud med skyes pa la rag las na tshig 'byal// po mang du smra ba dang / skyes pa bud med la rag las nas tshig 'khyal pa mang du smra ba lta bu dang / dper na zlos gar mkhan dang / gar mkhan dang / bzhad gad pa dang / sgeg pa dang / spang 'tshong ma dang / smad 'tshong ma'i gtso mo dang / sgyu rtsal byed pa rnams kyis gzhan dag gi longs spyod dag 'dod nas gzhan dag la tshig 'khyal pa smra bar byed pa lta bu 'am/ yang na sangs

  612. 307a

    rgyas kyis gsungs pa dbyangs dang sbyor ba la chags te/ chags pa las byung ba'i tshig 'khyal pa smra ba de lta bu ni chags pa las byung ba yin no// tshig 'khyal pa zhe sdang las byung ba ji lta bu zhe na/ smras pa/ ji ltar 'di na kha cig gang la kun nas mnar sems dang / khro ba'i sems yod pa'i phyir de la tshig 'khyal pas 'dringad par byed do// de ma yin/ te de la kun nas mnar sems dang / khro ba'i sems med du zin kyang / de dag gis sems can sdug pa dang / gces pa dang / dga' ba dang / yid du 'ong ba de dag la kun nas mnar sems dang / khro ba'i sems yod pa'i phyir de 'di snyam du sems te/ de dag yun ring por mi bzod cing mi bde la sems mngon par mi dga' bar 'gyur bar bya'o snyam nas/ de dag la tshig 'khyal pas 'drid par byed pa de lta bu ni zhe sdang las byung ba yin no/ / tshig 'khyal pa gti mug las byung ba ji lta bu zhe na/ smras pa/ bram ze dag 'di skad du/ me ni mes dag par 'gyur ro// grol bar 'gyur ro// nges par 'byung bar 'gyur ro// bde ba dang sdug bsngal ba las 'da' bar 'gyur ro// bde ba dang sdug bsngal ba las 'das pa yang thob par 'gyur ro// de bzhin du/ mchod sbyin dang dka' thub ngan pa rnam pa sna tshogs kyang de dang 'dra'o zhes zer te/ las de la ci yang mi 'ong bar lta zhing 'bras bu med par lta la/ 'di ltar lta zhing 'di skad du smra ste/ las 'di med do//

  613. 307b

    las 'di'i 'bras bu rnam par smin pa med do zhes zer te/ gti mug las byung ba'i tshig 'khyal pa smra ba de lta bu ni gti mug las byung ba yin no// ba rnam sems ni rnam pa gsum ste/ chags ba las byung ba dang / zhe sdang las byung ba dang / gti mug las byung ba'o// brna ba sems chags pa las byung ba ji lta bu zhe na/ smras pa/ dper na chags pa'i kun nas dkris pa'i rjes thogs su brnab sems kyi kun nas dkris pa skyed par byed pa lta bu ste/ 'di ni brnab sems chags pa las byung ba yin no// brnab sems zhe sdang las byung ba gang zhe na/ smras pa/ dper na zhe sdang gi kun nas dkris pa'i rjes thogs su brnab sems kyi kun nas dkris pa skyed par byed pa lta bu ste/ 'di ni brnab sems zhe sdang las byung ba yin no// brnab sems gti mug las byung ba gang zhe na/ smras pa/ dper na gti mug gi kun nas dkris pa'i rjes thogs su brnab sems kyi kun nas dkris pa skyed par byed pa lta bu ste/ 'di ni gti mug las byung ba yin no// gnod/ sems ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o// gnod sems chags pa las byung ba gang zhe na/ smras pa/ dper na chags pa'i kun nas dkris pa'i rjes thogs su gnod sems kyi kun nas dkris pa skyed par byed pa lta bu ste/ 'di ni chags pa las byung ba'o// gnod sems zhe sdang las byung ba gang zhe

  614. 308a

    na spras pa/ dper na zhe sdang gi kun nas dkris pa'i rjes thogs su gnod sems kyi kun nas dkris paskyed par byed pa lta bu ste/ 'di ni zhe sdang las byung / ba yin no// gnod sems gti mug las byung ba gang zhe na/ spras pa/ dper na gti mug gi kun nas dkris pa'i rjes thogs su gnod sems kyi kun nas dkris pa skyed par byed pa lta bu ste/ 'di ni gti mug las byung ba'o// log par lta ba ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o// log par lta ba chags pa las byung ba gang zhe na/ spras pa/ dper na chags pa'i kun nas dkris pa'i rdzas thogs su log par lta ba'i kun nas dkris pa skyed par byed pa lta bu ste/ 'di ni chags pa las byung ba'o// log par lta ba zhe sdang las byung ba dza lta bu zhe na/ smras pa/ dper na zhe sdang gi kun nas dkris pa'i rjes thogs su log par lta ba'i kun nas dkris pa skyed par byed pa lta bu ste/ 'di ni zhe sdang las byung ba yin no/ / log par lta ba gti mug las byung ba ji lta bu zhe na/ smras pa/ dper na gti mug gi kun nas dkris pa'i rjes thogs su log par lta ba'i kun nas dkris pa skyed par byed ba lta bu ste/ 'di ni gti mug las byung ba'o// mi dge ba bcu'i las kyi lam zhes bya ba nas rgyas par sbyar te/ srog gcod pa ni rnam pa gsum ste/ chung ngu dang / 'bring

  615. 308b

    dang chen po'o/ / srog gcod pa chen po kun tu brten cing bsgoms te mang du byas pas ni/ lus dang bral te shi ba'i 'og tu ngan song ngan 'gro log par lhung ba sems can dmyal ba rnams su skye bar 'gyur ro/ / srog gcod pa 'a bring kun tu brtan cing bsgoms te mang du byas pas ni/ lus dang bral te shi ba'i 'og tu ngan song ngan 'gro log par ltung ba dud 'gro rnams dang skal ba mnyam par skye bar 'gyur ro/ / srog gcod pa chung ngu kun tu brten cing bsgoms te mang du byas pas ni/ lus dang bral te shi ba'i 'og tu ngan song ngan 'gro log par ltung ba yi dag sa rnams dang skal ba mnyam par skye bar 'gyur ro/ / ji ltar srog gcod pa rnam pa gsum yod pa de bzhin du/ ma byin par len pa dang / 'dod pa la log par g.yem pa dang / brdzun du smra ba dang phra ma dang / tshig rtsub po dang / tshig 'khyal pa dang / brnab sems dang / gnod sems dang / log par lta ba la yang chung ngu dang / 'bring dang / chen po yod de/ log par lta ba chen po kun tu brten cing bsgoms te mang du byas pas ni/ / lus dang bral nas shi ba'i 'og tu ngan song ngan 'gro log par lhung ba sems can dmyal ba rnams su skye bar 'gyur ro// log par lta ba 'bring kun tu brten cing bsgoms te mang du byas pas ni/ lus dang bral te shi ba'i 'og tu ngan song ngan 'gro log par lhung ba dud 'gro rnams dang skal ba mnyam par skye bar 'gyur

  616. 309a

    ro/ ra log par lta ba chung ngu kun tu brten cing bsgoms te mang du byas pas ni/ lus dang bral te shi ba'i 'og tu ngan song ngan 'gro log par ltung ba yi dgas rnams dang skal ba mnyam par skye bar 'gyur ro/ / las gdags pa tshogs gsum pa'o// / sdom ni chung dang 'bring dang chen po dang // cha shas ji ltar gseb dang // nyes par spyod pas bsdus pa dang / chos gsum dag dang lhan cig 'byung // mi dge ba bcu'i las kyi lam zhes bya ba nas rgyas par sbyar te/ srog gcod pa ni rnam pa gsum ste/ chung ngu dang 'bring dang / chen po'o// srog gcod pa chung ngu dang / 'bring dang / chen por ji ltar shes par bya zhe na/ smras pa/ so so'i rgyu las srog gcod pa chung ngu dang / 'bring dang / chen por shes par bya'o/ / ji lta zhe na/ smras pa/ kun nas dkris pa chung ngus kun nas dkris te srog chags kyi srog gcod par byed na ni rnam par smin pa chung ngur 'gyur ro// kun nas dkris pab 'bring dang chen pos kun nas dkris te srog chags kyi sreg gcod par byed na ni rnam par smin pa 'bring dang chen por 'gyur te/ dper na dge ba'i rtsa ba chad pa gnyis shig srog chags kyi srog gcod pabar byed la/ de gnyis ka yang pha yang ma yin/ ma yang ma yin na/ gang kha na ma tho ba chen por 'gyur zhe na/ smras pa/ gang kun nas dkris pa ches che bas kun nas dkris te srog gcod

  617. 309b

    par byed pa'o/ / kun nas dkris pa mnyam pa'i ni rnam par smin pa yang mnyam mo// gcig ni pha 'am ma yin na/ gang kha na ma tho ba ches che bar 'gyur zhe na/ smras pa/ pha 'am ma gang yin pa'o/ / gnyis ka pha 'am ma yin na/ gang kha na ma tho ba ches che bar 'gyur zhe na/ smras pa/ gang kun nas dkris pa ches che bas kun nas dkris te srog gcod par byed pa'o// kun nas dkris pa mnyam pa'i ni rnam par smin pa yang mnyam pa lta bu'o/ / dper na dge ba'i rtsa ba chad pa ma yin pa gnyis shig srog chags kyi srog gcod par byed la/ de gnyis ka ba yang ma yin/ ma yang ma yin na/ gang kha na ma tho ba ches che bar 'gyur zhe na/ smras pa/ gang ches dge ba'i chos can yin pa'o// gnyis ka chos can du mnyam na/ gang ches kha na ma tho ba chen por 'gyur zhe na smras pa gang kun nas dkris pa chen pos kun nas dkris te srog gcod par byed pa'o/ / kun nas dkris pa mnyam pa'i ni rnam par smin pa yang mnyam mo// gcig ni pa 'am ma yin na/ gang kha na ma tho ba ches che bar 'gyur zhe na/ smras pa/ pha 'am ma gang yin pa'o// gnyis ka pa 'am ma yin na/ gang kha na ma tho ba ches che bar 'gyur zhe na/ smras pa/ gang ches dge ba'i chos can yin pa'o/ / gnyis ka chos can du mnyam na/ gang ches kha na ma tho ba chen por 'gyur zhe na/ smras pa/ gang kun nas dkris pa chen pos kun nas dkris te srog gcod par

  618. 310a

    byed pa'o/ / kun nas dkris pa mnyam pa'i ni rnam par smin pa yang mnyam pa lta bu'o// srog gcod pa ji lta ba bzhin du ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa dang / brnab sems dang / gnod sems dang / log par lta ba rnams kyang de bzhin du sbyar ro/ / mi dge ba bcu'i las kyi lam zhes bya ba nas rgyas par sbyar te/ nyes par spyod pa ni rnam pa gsum ste/ lus kyi nyes par spyod pa dang / ngag gi nyes par spyod ba dang yid kyi nyes par spyod pa'o/ / ci mi dge ba bcu'i las kyis nyes par spyod par gsum bsdus sam/ 'on te gsum gyis bcu bsdus zhe na/ smras pa/ gsum gyis bcu bsdus kyi// bcus ni gsum ma bsdus so// gang ma bsdus zhe na/ smras pa/ lus kyi nyes par spyod pa dang / ngag gi nyes par spyod pa dang / yid kyi nyes par spyod pa ma bsdus so// lus kyi nyes par spyod pa ni rnam pa gsum ste/ srog chags gsod pa dang / ma byin par len pa dang / 'dod pa la log par g.yem pa'o// ci lus kyi nyes par spyod pa rnam pa gsum gyis lus kyi nyes par spyod pa thams cad bsdus sam/ 'on te thams cad kyis rnam pa gsum bsdus zhen/ spras pa/ lus kyi nyes par spyod pa thams cad kyis/ lus kyi nyes par spyod pa rnam pa gsum bsdus kyi

  619. 310b

    rnam pa gsum gyis ni thams cad ma bsdus so/ / gang ma bsdus zhe na/ smras pa/ lag pa dang / khu tshur dang / thal lcag gis bsnun pa dang / yal ga dang / lcug mas gnod bar bya ba dang ldan pa'i lus kyi las dang / 'bru'i chang dang / 'bras bu'i chang 'thung ba dang / brku ba'i sems kyis rang gi rdzas khyer ba dang / brjed ngas pa dang / shes bzhini med pas kha zas za ba'i lus kyi las gang yin pa dang / bdag gi chung ma la log par 'jug pa dang / phyogs gang na tshul khrims 'chal pa'i skyes bu gang zag rnams 'khod pa de yongs su ma spangs pa dang ldan pa'i lus kyi las so/ / ngag gi nyes par spyod pa ni rnam pa bzhi ste/ brdzun du smra ba dang / phra ma dang / tshig rtsub po dang / tshig 'khyal pa'o// ci ngag gi nyes par spyod pa rnam pa bzhis ngag gi nyes par spyod pa thams cad bsdus sam/ 'on te thams cad kyis rnam pa bzhi bsdus zhe na/ spras pa/ ngag gi nyes par spyod pa thams cad kyis ngag gi nyes par spyod pa bzhi bsdus kyi/ rnam pa bzhis ni thams cad ma bsdus so/ / gang ma bsdus zhe na/ smras pa/ 'di ltar gcig pu dben pa na gnas shing tshig tu smras te sbyin pa med do// mchod sbyin med do// sbyin sreg med do// legs par spyad pa med do// nyes par spyad pa med do// legs par spang pa dang nyes par spad pa'i las rnams kyi 'bras bu rnam par smin pa med do// 'jig rten 'di med do// 'jig rten pa

  620. 311a

    rol med do/ / pa med do// ma med do// sems can skye ba po med do// 'jig rten na dgra bcom pa yang dag par song ba/ yang dag par zhugs pa/ gang 'jig rten 'di dang 'jig rten pha rol tshe 'di nyid la bdag nyid kyi mngon par shes pas mngon sum du byas te bsgrubs nas khong du chud de/ bdag cag gi skye ba zad do// tshangs par spyod pa bsten to// bya ba byas so// 'di las srid pa gzhan mi shes so snyam du sems pa med do zhes zer ba'o// yid kyi nyes par spyod pa ni rnam pa gsum ste/ brnab sems dang / gnod sems dang / log par lta ba'o// ci yid kyi nyes par spyod pa rnam pa gsum gyis yid kyi nyes par spyod pa thams cad bsdus sam/ 'on te thams cad kyis rnam pa gsum bsdus zhe na/ smras pa/ yid kyi nyes par spyod pa thams cad kyis yid kyi nyes par spyod pa rnam pa gsum bsdus kyi/ rnam pa gsum gyis ni thams cad ma bsdus so// gang ma bsdus zhe na/ smras pa/ brnab sems dang / gnod sems dang log par lta ba dang ldan pa'i tsher ba dang / 'du shes dang / sems pa dang / reg pa dang / yid la byed pa dang / rnam par shes pa'o// lhan cig/ 'byung ba'i chos ni gsum yod de/ chags pa dang lhan cig 'byung ba'i chos rnams dang / zhe sdang dang lhan cig 'byung ba'i chos rnams dang / gti mug dang lhan cig 'byung ba'i chos rnams

  621. 311b

    so/ / chags pa dang lhan cig 'byung ba'i chos rnams gang zhe na/ smras pa/ chags pa dang lhan cig 'byung ba'i lus kyi las dang / ngag gi las dang / chags pa dang mtshungs par ldan pa'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di dag ni chags pa dang lhan cig 'byung ba'i chos rnams zhes bya'o/ / zhe sdang dang lhan cig 'byung ba dang / gti mug dang lhan cig 'byung ba'i chos rnams gang zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi las dang / ngag gi las dang / zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di dag ni zhe sdang dang lhan cig 'byung ba dang / gti mug dang lhan cig 'byung ba'i chos rnams zhes bya'o// las gdags pa tshigs bzhi pa'o/ / // sdom ni/ las dang rnam rig ma yin gzugs// thogs pa dang ni sems las byung // du zhig las dang las ma yin// yang dag ma bsdams sdom pa bcu/ chos gsum yod de/ chags pa dang lhan cig 'byung ba'i chos dang / zhe sdang dang lhan cig 'byung ba'i chos dang / gti mug dang lhan cig 'byung

  622. 312a

    ba'i chos so/ / chags pa dang lhan cig 'byung ba'i chos rnams las zhes bya ba'am/ 'on te las ma yin zhes bya zhe na/ smras pa/ las kyang yod/ las ma yin/ pa yang yod do// las gang zhe na/ smras pa/ chags pa dang lhan cig 'byung ba'i lus kyi las dang / ngag gi las dang / sems pa ste/ 'di ni las yin no// las ma yin pa gang zhe na/ smras pa/ chags pa dang lhan cig 'byung ba'i tshor ba dang / 'du shes dang / reg pa dang / yid la byed pa dang / rnam par shes pa ste/ 'di ni las ma yin no// zhe sdang dang lhan cig 'byung ba'i chos rnams dang / gti mug dang lhan cig 'byung ba'i chos rnams las zhes bya 'am/ las ma yin zhes bya zhe na/ smras pa/ las kyang yod/ las pa yin pa yang yod do/ / las gang zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi las dang / ngag gi las dang / sems pa ste/ 'di ni las yin no// las ma yin pa gang zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / reg pad yid la byed pa dang / rnam par shes pa ste/ 'di ni las ma yin no// chags pa dang lhan cig 'byung ba'i chos rnams rnam par rig byed ces bya 'am/ 'on te rnam

  623. 312b

    par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ smras pa/ chags pa dang lhan cig 'byung ba'i lus kyi rnam par rig byed dang / ngag gi rnam par rig byed de/ 'di ni rnam par rig byed do// rnam par rig byed ma yin pa gang zhe na/ lus kyi rnam par rig byed ma yin pa dang ngag gi rnam par rig byed ma yin pa dang / chags pa dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di ni rnam par rig byed ma yin pa'o// zhe sdang dang lhan cig 'byung ba dang / gti mug dang lhan cig 'byung ba'i chos rnams rnam par rig byed ces bya ba ma/ 'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do// rnam par rig byed gang zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi rnam par rig byed dang / ngag gi rnam par rig byed de/ 'di ni rnam par rig byed do// rnam par rig byed ma yin pa gang zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi rnam par rig byed ma yin pa dang / ngag gi rnam par rig byed ma yin pa dang / zhe sdang dang

  624. 313a

    lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di ni rnam par rig byed ma yin pa'o// chags pa dang lhan cig 'byung ba'i chos rnams gzugs can zhes bya 'am/ 'on te gzugs can ma yin pa zhes bya zhe na/ smras pa/ gzugs can yang yod/ gzugs can ma yin pa yang yod do// gzugs can gang dag yin zhe na/ smras pa/ chags pa dang lhan cig 'byung ba'i lus kyi las dang / ngag gi las te/ 'di dag ni gzugs can no// gzugs can ma yin pa gang dag yin zhe na/ smras pa/ chags pa dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di dag ni gzugs can ma yin pa'o// zhe sdang dang lhan cig 'byung ba dang / gti mug dang lhan cig 'byung ba'i chos rnams gzugs can zhes bya 'am/ 'on te gzugs can ma yin pa zhes bya zhe na/ smras pa/ gzugs can yang yod/ gzugs can ma yin pa yang yod do// gzugs can gang dag yin zhe na/ smras pa zhe sdang dang lhan cig 'byung ba dang / gti mug dang lhan cig 'byung ba'i lus kyi las dang / ngag gi las te/ 'di dag ni gzugs can no// gzugs can ma yin pa gang

  625. 313b

    dag yin zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang rnam par shes pa ste/ 'di dag ni gzugs can ma yin pa'o// chags pa dang lhan cig 'byung ba'i chos rnams thogs pa dang bcas pa zhes bya 'am/ 'on te thogs pa med pa zhes bya zhe na/ smras pa/ thogs pa dang bcas pa yang yod/ thogs pa med pa yang yod do// thogs pa dang bcas pa gang dag yin zhe na/ spras pa/ chags pa dang lhan cig 'byung ba'i lus kyi rnam par rig byed dang / ngag gi rnam par rig byed de/ 'di dag ni thogs pa dang bcas pa'o// thogs pa med pa gang dag yin zhe na/ smras pa/ chags pa dang lhan cig 'byung ba'i lus kyi rnam par rig byed ma yin pa dang / ngag gi rnam par rig byed ma yin pa dang / chags pa dang lhan cig 'byung ba'i tshor ba dang / 'du shes dang / sems pa dang reg pa dang / yid la byed pa dang / rnam par shes pa ste/ 'di dag ni thogs pa med pa'o// zhe sdang dang lhan cig 'byung ba dang / gti mug dang lhan cig 'byung ba'i chos rnams thogs pa dang bcas pa zhes bya 'am/ 'on te thogs pa med pa zhes bya zhe na/ smras pa/ thogs pa dang bcas pa yang yod/ thogs pa med pa yang yong ngo // thogs pa dang

  626. 314a

    bcas pa gang dag yin zhe na/ spras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi rnam par rig byed dang / ngag gi rnam par rig byed de 'di dag ni thogs pa dang bcas pa'o/ / thogs pa med pa gang dag yin zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi rnam par rig byed ma yin pa dang / ngag gi rnam par rig byed ma yin pa dang / zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang reg pa dang / yid la byed pa dang / rnam par shes pa ste/ 'di dag ni thogs pa med pa'o// chags pa dang lhan cig 'byung ba'i chos rnams sems las byung ba zhes bya 'am/ 'on te sems las byung ba ma yin pa zhes bya zhe na/ smras pa/ sems las byung ba yang yod/ sems las byung ba ma yin pa yang yod do// sems las byung ba gang dag yin zhe na/ smras pa/ chags pa dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa ste/ 'di dag ni sems las byung ba'o/ / sems las byung ba ma yin pa gang dag yin zhe na/ smras pa/ chags pa dang lhan cig 'byung ba'i lus kyi las dang / ngag gi las dang / sems pa ste/ 'di dag ni

  627. 314b

    sems las byung ba ma yin pa'o/ / zhe sdang dang lhan cig 'byung ba dang / gti mug dang lhan cig 'byung ba'i chos rnams sems las byung ba zhes bya bam/ 'on te sems las byung ba ma yin ba zhes bya zhe na/ smras pa/ sems las byung ba yang yod/ sems las byung ba ma yin pa yang yod do// sems las byung ba gang dag yin zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa ste/ 'di dag ni sems las byung ba'o// sems las byung ba ma yin pa gang dag yin zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi las dang / ngag gi las dang / sems pa ste/ 'di dag ni sems las byung ba ma yin pa'o// mi dge ba bcu'i las kyi lam zhes bya ba nas rgyas par sbyar te/ mi dge ba bcu'i las kyi lam gang yin pa de dag las// du zhig las kyang yin la/ las kyi lam yang yin te/ du zhig las kyi lam ni yin la/ las ni ma yin zhe na/ smras pa/ bdun ni las kyang yin la/ las kyi lam yang yin srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa rnams so//

  628. 315a

    gsum ni las kyi lam yin la/ las ni ma yin te/ brnab sems dang / gnod sems dang / log par lta ba rnams so// ci'i phyir las kyang yin la las kyi lam yang yin zhe na/ smras pa/ srog gcod pa'i las ni da ltar de byed pa yang yin la/ srog gcod pas kun nas bslang ba'i sems pa rnams kyi lam dang / bgrod pa dang srang yang yin te/ rgyu des na srog gcod pa las kyang yin la/ las kyi lam yang yin no// srog gcod pa ji lta ba bzhin du ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig bkyal pa yang de dang 'dra'o// ci'i phyir brnab sems dang / gnod sems dang / log par lta ba las kyi lam yin la/ las ma yin zhe na/ smras pa/ brnab sems dang / gnod sems dang / log par lta ba ni las kyang ma yin/ byed pa yang ma yin gyi/ brnab sems dang / gnod sems dang / log par lta bas kun nas bslang ba'i sems las byung ba rnams kyi lam dang / bgrod pa dang / srang yin te/ rgyu des na brnab sems dang / gnod sems dang / log par lta ba las kyi lam yin la/ las ma yin no// yang dag par ma bsdams pa'i sdom pa bcu gang zhe na/ bcu ni srog gcod pa dang / ma byin par len pa dang /

  629. 315b

    'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig bkyal pa dang / brnab sems dang / gnod sems dang / log par lta ba rnams so/ / ci'i phyir srog gcod pa yang dag par ma bsdams pa'i sdom pa yin zhe na/ smras pa/ rnam par rig byed kyis dmigs pa las yang dag par ma bsdams pa'i phyir te/ ma spangs pas na 'dod pa'i khams thams cad yang dag par ma bsdams pa zhes brjod par bya'o/ / srog gcod pa ji lta ba bzhin du ma byin par len pa dang / 'dod pa la log par g.yem pa dang brdzun du smra ba dang / phra ma dang / tshig rtsub po dang / tshig bkyal pa rnams kyang de dang 'dra'o// ci'i phyir brna ba sems dang / gnod sems dang / log par lta ba yang dag par ma bsdams pa'i sdom pa yin zhe na/ smras pa/ kun nas dkris pas dmigs pa rnams la yang dag par ma bsdams pa'i phyir te/ ma spangs pas na thams cad du yang dag par ma bsdams pa zhes brjod par bya'o/ / las gdags pa'i tshigs lnga pa'o// // sdom ni/ yang dag ma bsdams bcu bstan dang // de yi sgo nas rnam lngar bcang / / yang dag ma bsdams sdom min bcu// sdom pa ma yin gsum po dang // de yi sgo nas rnam pa lnga// srog gcod pa nas log par lta ba'i bar du sdom pa

  630. 316a

    ma pa pa/ na saSh+Ta// ga / ldan dang / 'ad la lags dun padang / sad bang/ rnamapa ma na pa/ nam man pa yod sems da / gnang sems dang / ga par sgruba'o// sdom pa ma yin pa yang yin pa/ rnam par rig byed kyang yin pa yong ngas na/ sapa/ yod/ zag sa nga babyung ban ma par rig byad dang / mabyin par len pa dang / dod ga la log par gams pa dang / brdzun du zlab dang / zas dang / ga rngub pa dang / cig 'phrul ba las badzin pa pa mi byed / / mangs man pa yin sa/ rnam par rig byed na ma yin pa yong ngas zhen/ sgru pa/ yang de/ zlog gtsad pa las byung ba'i rnam par byed pa yin pa mabyin par len pong / 'dod pa la log par g.yes pa dang / brdzun du sgru ba dang / bras dang / tshig rtsul po dang / tshig 'phrul pa las byung ba'i rnam par rig byed ma yin pato// brda bsapas dang / gnongasams dang / log par lta ba yang de dang 'dra'o// sdom pas yin pa yang yod la/ gzugs kyang yin pa yod dpa zhen/ sbas pa/ yod /

  631. 316b

    srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa'o// sdom pa ma yin pa yin la/ gzugs ni ma yin pa yod dam zhe na/ smras pa/ yod de/ brnab sems dang / gnod sems dang / log par lta ba'o// sdom pa ma yin pa yang yin la/ thogs pa dang bcas pa yang yin pa yod dam zhe na/ smras pa/ yod de/ srog gcod pa las byung ba'i rnam par rig byed dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig bkyal pa las byung ba'i rnam par rig byed do// sdom pa ma yin pa yang yin la/ thogs pa yang med pa yod dam zhe na/ smras pa/ yod de/ brnab sems dang / gnod sems dang / log par lta ba'o// sdom pa ma yin pa yang yin la/ sems las byung ba yang yin pa yod dam zhe na/ smras pa/ yod de/ brnab sems dang / gnod sems dang / log par lta ba'o// sdom pa ma yin pa yin la/ sems las byung ba ma yin pa yod dam zhe na/ smras pa yod de/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang /

  632. 317a

    tshig bkyal pa'o// lus kyi sdom pa ma yin pa ni rnam pa gsum ste/ srog gcod pa dang / ma byin par len pa dang / 'dod pa la log par g.yem pa'o/ / lus kyi sdom pa ma yin pa yang yin la/ las kyang yin pa yod dam zhe na/ smras pa/ yod de/ thams cad do// lus kyi sdom pa ma yin pa yin la/ las ni ma yin pa yod dam zhe na/ smras pa/ med do// lus kyi sdom pa yang yin la/ rnam par rig byed kyang yin pa yod dam zhe na/ smras pa/ yod de/ srog gcod pa las byung ba'i rnam par rig byed dang / ma byin par len pa dang / 'dod pa la log par g.yem pa las byung ba'i rnam par rig byed do// lus kyi sdom pa ma yin la/ rnam par rig byed ma yin pa yod dam zhe na smras pa/ yod de/ srog gcod pa las byung ba'i rnam par rig byed ma yin pa dang / ma byin par len pa dang / 'dod pa la log par g.yem pa las byung ba'i rnam par rig byed ma yin pa'o/ / lus kyi sdom pa ma yin pa yang yin la/ gzugs kyang yin pa yod dam zhe na/ smras pa/ yod de// thams cad do// lus kyi sdom pa ma yin pa yin la/ gzugs/ ma yin pa yod dam zhe na/ smras pa/ med do// lus kyi sdom pa ma yin pa yang yin la/ thogs pa dang bcas pa yin pa yod dam zhe na/ smras pa/ yod de/ srog gcod pa las

  633. 317b

    byung ba'i rnam par rig byed dang / ma byin par len pa dang / 'dod pa la log par g.yem pa las byung ba'i rnam par rig byed do// lus kyi sdom pa ma yin pa yin la/ thogs pa ni med pa yod dam zhe na/ smras pa/ yod de/ srog gcod pa las byung ba'i rnam par rig byed ma yin pa dang / ma byin par len pa dang / 'dod pa la log par g.yem pa las byung ba'i rnam par rig byed ma yin pa'o/ / lus kyi sdom pa ma yin pa yang yin la/ sems las byung ba yang yin pa yod dam zhe na/ smras pa/ med do// lus kyi sdom pa ma yin pa yin la/ sems las byung ba ni ma yin pa yod dam zhe na/ smras pa/ yod de/ thams cad do// ngag gi sdom pa ma yin pa ni rnam pa bzhi ste/ brdzun du smra ba dang / phra ma dang / tshig rtsub po dang / tshig 'khyal pa'o// ngag gi sdom pa ma yin pa yang yin la/ las kyang ma yin pa yod dam zhe na/ smras pa/ yod de/ thams cad do// ngag gi sdom pa ma yin pa yin la/ las ni ma yin pa yod dam zhe na/ smras pa/ med do// ngag gi sdom pa ma yin pa yang yin la/ rnam par rig byed kyang yin pa yod dam zhe na/ smras pa/ yod de/ brdzun du smra ba las byung ba'i rnam par rig byed dang / phra ma dang / tshig rtsub po dang / tshig bkyal pa las byung ba'i rnam par rig byed do// ngag gi sdom pa ma yin pa yin la/ rnam par rig byed

  634. 318a

    ni ma yin pa yod dam zhe na/ smras pa/ yod de/ brdzun du smra ba las byung ba'i rnam par rig byed ma yin pa dang / phra ma dang / tshig rtsub po dang / tshig bkyal ba las byung ba'i rnam par rig byed ma yin pa'o/ / ngag gi sdom pa ma yin pa yang yin la/ gzugs kyang ma yin pa yod dam zhe na/ smras pa/ yod de/ thams cad do// ngag gi sdom pa ma yin pa yin la/ gzugs ni ma yin pa yod dam zhe na/ smras pa/ med do// ngag gi sdom pa ma yin pa yang yin la/ thogs pa dang bcas pa yang yin pa yod dam zhe na/ smras pa/ yod de/ brdzun du smra ba las byung ba'i rnam par rig byed dang / phra ma dang / tshig rtsub po dang / tshig bkyal pa las byung ba'i rnam par rig byed do// ngag gi sdom pa ma yin pa yin la/ thogs pa med pa yod dam zhe na/ smras pa/ yod de/ rdzun du smra ba las byung ba'i rnam par rig byed ma yin pa dang / phra ma dang / tshig rtsub po dang / tshig bkyal pa las byung ba'i rnam par rig byed ma yin pa'o/ / ngag gi rnam par rig byed ma yin pa yang yin la/ sems las byung ba yang yin pa yod dam zhe na/ smras pa/ med do// ngag gi sdom pa ma yin pa yang yin la/ sems las byung ba ni ma yin pa yod dam zhe na/ smras pa/ yod de/ thams cad do// yid kyi sdom pa ma yin pa ni rnam pa gsum ste/ brnab sems

  635. 318b

    dang gnod sems dang / log par lta ba'o// yid kyi sdom pa ma yin pa yang yin la/ las kyang yin pa yod dam zhe na/ smras pa/ yod de/ thams cad do// yid kyi sdom pa ma yin pa yin la/ las ni ma yin pa yod dam zhe na/ smras pa/ yod de/ thams cad do// yid kyi sdom pa ma yin pa yang yin la/ rnam par rig byed kyang yin pa yod dam zhe na/ smras pa med do/ / yid kyi sdom pa ma yin pa yin la/ rnam par rig byed ni ma yin pa yod dam zhe na/ smras pa/ yod de/ thams cad do// yid kyi sdom pa ma yin pa yang yin la/ gzugs kyang yin pa yod dam zhe na/ smras pa/ med de/ yid kyi sdom pa ma yin pa yang yin la/ gzugs ni ma yin pa yod dam zhe na/ smras pa/ yod de/ thams cad do// yid kyi sdom pa ma yin pa yang yin la/ thogs pa dang bcas pa yang yod dam zhe na/ smras pa/ med do// yid kyi sdom pa ma yin pa yin la/ thogs pa ni med pa yod dam zhe na/ smras pa/ yod de thams cad do/ / yid kyi sdom pa ma yin pa yang yin la/ sems las byung ba yin pa yod dam zhe na/ smras pa/ yod de/ thams cad do// yid kyi sdom pa ma yin pa yin la sems las byung ba ni ma yin pa yod dam zhe na/ smras pa/ med do// las gdags pa tshigs drug pa'o// // sdom ni/ sdom pa ma yin lnga tshan pa ni//

  636. 319a

    drug tshan dag kyang rab lngar bcad// sdom min rnams ni lnga dang dgu// bco lnga dang ni dgu bcu brgyad/ yang dag par ma bsdams pa'i sdom pa ma yin pa ni lnga yod de/ lnga gang zhe na/ smras pa/ lus kyi sgo nas rnam par rig byed dang / rnam par rig byed ma yin pa dang / ngag gi sgo nas rnam par rig byed dang / rnam par rig byed sa yin pa dang / yid kyi sgo nas rnam par rig byed ma yin pa'o// gzhan yang yang dag par ma bsdams pa'i sdom pa lnga yod de/ lus kyi sgo nas thogs pa dang bcas pa dang / thogs pa med pa dang ngag gi sgo nas thogs pa dang bcas pa dang / thogs pa med pa dang / yid kyi sgo nas thogs pa med pa'o// gzhan yang yang dag par ma bsdams pa'i sdom pa ma yin pa lnga yod de/ 'dod pa dang mtshungs par ldan pa'i thogs pa dang bcas pa dang / thogs pa med pa dang / gzugs dang mtshungs par ldan pa'i thogs pa dang bcas pa dang / thogs pa med pa dang / gzugs me pa dang mtshungs par ldan pa'i thogs pa med pa'o/ / gzhan yang yang dag par ma bsdams pa'i sdom pa ma yin pa lnga yod de/ 'dod pa dang mtshungs par ldan pa'i rnam par rig byed dang / rnam par rig byed ma yin pa dang / gzugs dang mtshungs par ldan pa'i rnam par rig byed dang / rnam par rig byed ma yin pa dang / gzugs med pa dang mtshungs par ldan pa'i rnam par rig byed ma

  637. 319b

    yin pa'o/ / yang dag par ma bsdams pa'i sdom pa ma yin pa ni drug yod de/ 'dod pa dang mtshungs par ldan pa'i sems las byung ba dang / sems las byung ba ma yin pa dang / gzugs dang mtshungs par ldan pa'i sems las byung ba dang / sems las byung ba ma yin pa dang / gzugs med pa dang mtshungs par ldan pa'i sems las byung ba dang / sems las byung ba ma yin pa'o/ / gzhan yang yang dag par ma bsdams pa'i sdom pa ma yin pa drug yod de/ 'dod pa dang mtshungs par ldan pa'i sems dang ldan pa dang / sems dang mi ldan pa dang // gzugs dang mtshungs par ldan pa'i sems dang ldan pa dang / sems dang mi ldan pa dang / gzugs med pa dang mtshungs par ldan pa'i sems dang ldan pa dang / sems dang mi ldan pa'o// gzhan yang yang dag par ma bsdams pa'i sdom pa ma yin pa drug yod de/ 'dod pa dang mtshungs par ldan pa'i dmigs pa dang bcas pa dang / dmigs pa med pa dang / gzugs dang mtshungs par ldan pa'i dmigs pa dang bcas pa dang / dmigs pa med pa dang / gzugs med pa dang mtshungs par ldan pa'i dmigs pa dang bcas pa dang / dmigs pa med pa'o// gzhan yang yang dag par ma bsdams pa'i sdom pa ma yin pa drug yod de/ 'dod pa dang mtshungs par ldan pa'i mthong bas spang bar bya ba dang / bsgom pas spang bar bya ba dang / gzugs dang mtshungs par ldan pa'i mthong bas

  638. 320a

    spang bar bya ba dang / bsgom pas spang bar bya ba dang / gzugs med pa dang mtshungs par ldan pa'i mthong bas spang bar bya ba dang / bsgom pas spang bar bya ba'o// gzhan yang yang dag par ma bsdams pa'i sdom pa ma yin pa drug yod de/ mig gi sdom pa ma yin pa dang / rna ba dang / sna dang / lce dang / lus dang / yid kyi sdom pa ma yin pa'o// gang mig gi sdom pa ma yin pa dang ldan pa de rna ba'i sdom pa ma yin pa dang yang ldan nam zhe na/ smras pa/ de yin no// gang rna ba'i sdom pa ma yin pa dang ldan pa de mig gi sdom pa ma yin pa dang ldan nam zhe na/ smras pa/ de yin no// mig gi sdom pa ma yin pa dang / rna ba'i sdom pa ma yin pa ji lta ba bzhin du lus kyi sdom pa ma yin pa yang de dang 'dra'o// gang mig gi sdom pa ma yin pa dang ldan pa de sna'i sdom pa ma yin pa dang yang ldan nam zhe na/ smras pa/ gang sna'i sdom pa ma yin pa dang ldan pa de ni/ mig gi sdom pa ma yin pa dang ldan no// mig gi sdom pa ma yin pa dang ldan la/ sna'i sdom pa ma yin pa dang ni mi ldan pa yod dam zhe na/ smras pa/ yod de/ dper na 'dod pa rnams las 'dod chags dang bral la/ tshangs pa'i 'jig rten las ni 'dod chags dang ma bral ba lta bu'o/ / mig gi sdom pa ma yin pa dang sna'i sdom pa ma yin pa ji lta ba bzhin du/ lce'i sdom pa ma yin pa yang de dang 'dra'o// gang mig gi sdom pa ma yin pa dang ldan pa de yid kyi sdom pa

  639. 320b

    ma yin pa dang yang ldan nam zhe na/ smras pa/ gang mig gi sdom pa ma yin pa dang ldan pa de ni/ yid kyi sdom pa ma yin pa dang yang ldan no// yid kyi sdom pa ma yin pa dang ldan la/ mig gi sdom pa/ ma yin pa dang ni mi ldan pa yod dam zhe na/ smras pa/ yod de/ dper na tshangs pa'i 'jig rten las 'dod chags dang bral la/ gong ma'i 'dod chags dang ni ma bral ba lta bu'o// ji ltar mig gi sdom pa ma yin pa dang snga ma bzhin du sbyar ba de bzhin du/ rna ba dang lus kyi sdom pa ma yin pa yang snga ma bzhin du sbyar ro// gang sna'i sdom pa ma yin pa dang ldan pa de lce'i sdom pa ma yin pa dang bang lda nam zhe na/ smras pa de yin no// gang lce'i sdom pa ma yin pa dang ldan pa de sna'i sdom pa ma yin pa dang yang ldan nam zhe na/ smras pa/ de yin no// gang sna'i sdom pa ma yin pa dang ldan pa de yid kyi sdom pa ma yin pa dang yang ldan nam zhe na/ smras pa/ gang sna'i sdom pa ma yin pa dang ldan pa de ni/ yid kyi sdom pa ma yin pa dang yang ldan no// yid kyi sdom pa ma yin pa dang ldan pa re sna'i sdom pa ma yin pa dang mi ldan pa yod dam zhe na/ smras pa/ yod de/ dper na 'dod pa rnams la 'dod chags dang bral la/ gzugs rnams las ni 'dod chags dang ma bral ba lta bu'o// / ji ltar sna'i sdom pa ma yin pa snga ma bzhin du sbyar ba de bzhin du/ lce'i sdom pa ma yin pa yang snga ma bzhin du sbyar ro// yang dag par ma bsdams pa'i sdom pa ma yin pa ni lnga ste/

  640. 321a

    lnga gang zhe na/ smras pa/ sdug bsngal mthong bas spang bar bya ba'i yang dag par ma bsdams pa'i sdom pa ma yin pa dang / kun 'byung ba dang / 'gog pa dang / lam mthong bas spang bar bya ba dang / bsgom pas spang bar bya ba'i yang dag par ma bsdams pa'i sdom pa ma yin pa'o// yang dag par ma bsdams pa'i sdom pa ma yin pa ni dgu ste/ dgu gang zhe na/ smras pa/ sdug bsngal la chos shes pas spang bar bya ba'i yang dag par ma bsdams pa'i sdom pa ma yin pa dang / sdug bsngal la rjes su shes pas spang bar bya ba dang / kun 'byung ba la chos shes pas spang bar bya ba dang / kun 'byung ba la rjes su shes pas spang bar bya ba dang / 'gog pa la chos shes pas spang bar bya ba dang / 'gog pa la rjes su shes pas spang bar bya ba dang // lam la chos shes pas spang bar bya ba dang / lam la rjes su shes pas spang bar bya ba dang / bsgom pas spang bar bya ba'i yang dag par ma bsdams pa'i sdom pa ma yin pa'o// yang dag par ma bsdams pa'i sdom pa ma yin pa ni bco lnga ste/ bco lnga gang zhe na/ smras pa/ 'dod pa dang mtshungs par ldan pa lnga dang / gzugs dang mtshungs par ldan pa lnga dang / gzugs med pa dang mtshungs par ldan pa lnga'o/ / 'dod pa dang mtshungs par ldan pa'i yang dag par ma bsdams pa'i sdom pa ma yin pa lnga gang zhe na/ spras pa/ 'dod pa dang mtshungs par ldan pa sdug bsngal mthong

  641. 321b

    bas spang bar bya ba'i yang dag par ma bsdams pa'i sdom pa ma yin pa dang / 'dod pa dang mtshungs par ldan pa kun 'byung ba dang / 'gog pa dang / lam mthong ba dang / bsgom pas spang bar bya/ bya ba'i yang dag par ma bsdams pa'i sdom pa ma yin pa'o// 'dod pa dang mtshungs par ldan pa ji lta ba bzhin du gzugs dang / gzugs med pa dang mtshungs par ldan pa yang de dang 'dra'o// yang dag par ma bsdams pa'i sdom pa ma yin pa ni dgu bcu rtsa brgyad de/ dgu bcu rtsa brgyad gang zhe na/ 'dod pa dang mtshungs par ldan pa sum cu rtsa drug dang / gzugs dang mtshungs par ldan pa sum cu rtsa gcig dang / gzugs med pa dang mtshungs par ldan pa sum cu rtsa gcig go// 'dod pa dang mtshungs par ldan pa'i yang dag par ma bsdams pa'i sdom pa ma yin pa sum cu rtsa drug gang zhe na/ smras pa/ sdug bsngal mthong bas spang bar bya ba bcu dang / kun 'byung ba mthong bas spang bar bya ba bdun dang / 'gog pa mthong bas spang bar bya ba bdun dang lam mthong bas spang bar bya ba brgyad dang / bsgom pas spang bar bya ba bzhi'o// gzugs dang mtshungs par ldan pa'i yang dag par ma bsdams pa'i sdom pa ma yin pa sum cu rtsa gcig gcig gang zhe na/ smras pa/ sdug bsngal mthong bas spang bar bya ba dgu dang / kun 'byung mthong bas spang bar bya ba drug dang / 'gog pa mthong bas spang bar bya ba drug dang / lam mthong

  642. 322a

    / bas spang bar bya ba bdun dang / bsgom pas spang bar bya ba gsum mo// gzugs dang mtshungs par ldan pa rnams ji lta ba bzhin du/ gzugs med pa dang mtshungs par ldan pa rnams kyang de dang 'dra'o/ / 'dod pa dang mtshungs par ldan pa'i yang dag par ma bsdam pa'i sdom pa ma yin pa bcu gang zhe na/ smras pa/ 'dod pa dang mtshungs par ldan pa sdug bsngal ba mthong bas spang bar bya ba'i 'jig tshogs la lta ba dang / mthar 'dzin par lta ba dang / log par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa dang / the tsom dang / 'dod chags dang / khong khro ba dang / nga rgyal dang / ma rig pa'o// 'dod pa dang mtshungs par ldan pa'i yang dag par ma bsdams pa'i sdom pa ma yin pa bdun gang zhe na/ smras pa/ 'dod pa dang mtshungs par ldan pa kun 'byung ba mthong bas spang bar bya ba'i log par lta ba dang / lta ba mchog tu 'dzin pa dang / the tsom dang / 'dod chags dang / khong khro ba dang / nga rgyal dang / ma rig pa'o// 'dod pa dang mtshungs par ldan pa'i yang dag par ma bsdams pa'i sdom pa ma yin pa bdun gang zhe na/ smras pa/ 'dod chags dang mtshungs par ldan pa'i 'gog pa mthong bas spang bar bya ba'i log par lta ba dang / lta ba mchog tu 'dzin pa dang / the tshom dang / 'dod chags dang / khong khro ba dang / nga rgyal

  643. 322b

    dang ma rig pa'o/ / 'dod pa dang mtshungs par ldan pa'i yang dag par ma bsdams pa'i sdom pa ma yin pa brgyad gang zhe na/ 'dod pa dang mtshungs par ldan pa la mthong bas spang bar bya ba'i log par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa dang / the tshom dang / 'dod chags dang / khong khro ba dang / nga rgyal dang / ma rig pa'o/ / 'dod pa dang mtshungs par ldan pa'i yang dag par ma bsdams pa'i sdom pa ma yin pa bzhi gang zhe na/ smras pa/ 'dod pa dang mtshungs par ldan pa bsgom pas spang bar bya ba'i 'dod/ chags dang / khong khro ba dang / nga rgyal dang / ma rig pa'o// 'dod pa dang mtshungs par ji lta ba bzhin du gzugs dang / gzugs med pa dang mtshungs par ldan pa yang de dang 'dra ste/ khong khro ba ni ma gtogs so// ci'i phyir 'dod pa dang mtshungs par ldan pa'i 'jig tshogs la lta ba yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni 'dod pa'i khams thams cad la yang dag par ma bsdams pa zhes bya'o// 'jig tshogs la lta ba ji lta ba bzhin du mthar 'dzin par lta ba dang / sdug bsngal mthong bas spang bar bya ba'i log par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa dang / the tsom

  644. 323a

    dang ma rig pa kun tu 'gro ba rnams kyang de dang 'dra'o/ / ci'i phyir 'dod pa dang mtshungs par ldan pa sdug bsngal mthong bas spang bar bya ba'i 'dod chags yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni 'dod pa dang mtshungs par ldan pa'i sdug bsngal mthong bas spang bar bya ba'i chos rnams yang dag par ma bsdams pa zhes bya'o/ / 'dod pa dang mtshungs par ldan pa sdug bsngal mthong bas spang bar bya ba'i 'dod chags ji lta ba bzhin du khong khro ba dang / nga rgyal dang / ma rig pa rnams kyang de dang 'dra'o// thams cad du 'gro ba ni sdug bsngal mthong bas spang bar bya ba'i rnams ji lta ba bzhin du kun 'byung ba mthong bas spang bar bya ba rnams kyang de dang 'dra ste/ 'jig tshogs la lta ba dang / mthar 'dzin par lta ba ni ma gtogs so// ci'i phyir 'dod pa dang mtshungs par ldan pa 'gog pa mthong bas spang bar bya ba'i log par lta ba yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa las yang dag par ma bsdams la/ ma spangs pa'i phyir ni de dang mtshungs par ldan pa'i chos rnams kyis yang dag par ma bsdams pa zhes bya'o/ / 'dod pa dang mtshungs par ldan pa 'gog pa mthong bas spang bar bya ba'i log par lta ba ji lta ba

  645. 323b

    bzhin du the tshom dang / ma rig pa zag pa med pa la dmigs pa yang de dang 'dra'o// ci'i phyir 'dod pa dang mtshungs par ldan pa 'gog pa mthong bas spang bar bya ba'i lta ba mchog tu 'dzin pa yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni 'dod pa dang mtshungs par ldan pa 'gog pa mthong bas spang bar bya ba'i chos rnams kyis yang dag par ma bsdams pa zhes bya'o/ / 'dod pa dang mtshungs par ldan pa 'gog pa mthong bas spang bar bya ba'i lta ba mchog tu 'dzin pa ji lta ba bzhin du 'dod chags dang / khong khro ba dang / nga rgyal dang / ma rig pa zag pa dang bcas pa la dmigs pa rnams kyang de dang 'dra'o// 'gog pa mthong bas spang bar bya ba rnams ji lta ba bzhin du lam mthong bas spang bar bya ba rnams kyang de dang 'dra ste/ tshul khrims dang brtul zhugs mchog tu 'dzin par bstan par bya'o// ci'i phyir 'dod pa dang mtshungs par ldan pa bsgom pas spang bar bya ba'i 'dod chags yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa las yang dag par ma bsdams la/ ma spangs pa'i phyir ni 'dod pa dang mtshungs par ldan pa bsgom pas spang bar bya ba'i chos rnams kyis yang dag par ma bsdams pa zhes bya'o/ / 'dod pa dang mtshungs par ldan pa bsgom pas spang bar bya ba'i 'dod

  646. 324a

    chags ji lta ba bzhin du khong khro ba dang / nga rgyal dang / ma rig pa yang de dang 'dra'o// 'dod pa dang mtshungs par ldan pa rnams ji lta ba bzhin du gzugs dang gzugs med pa dang mtshungs par ldan pa rnams kyang de dang 'dra bar brjod par bya'o/ / las gdags pa'i tshigs bdun pa'o// / sdom ni/ yang dag ma bsdams sdom min ni/ / sum cu rtsa drug bstan pa ste// khams kyi sgo nas sdom min gsum// sems dang mi ldan drug po las// sdom pa ma yin tha ma rnams// de bzhin dkar po phyogs la yang / / rgyas pa dag tu sbyar bar bya// rtsa ba gsum las gzung nas kyang // de yi rjes la dri bar bya// yang dag par ma bsdams pa'i sdom pa ma yin pa sumacu rtsa drug gang zhe na/ smras pa/ sdug bsngal mthong bas spang bar bya ba bcu dang / kun 'byung ba mthong bas spang bar bya ba bdun dang / 'gog pa mthong bas spang bar bya ba bdun dang lam mthong bas spang bar bya ba brgyad dang / bsgom pas spang bar bya ba bzhi'o// sdug bsngal mthong bas spang bar bya ba'i yang dag par ma bsdams pa'i sdom pa ma yin pa bcu gang zhe na/ smras pa/ 'jig tshogs la lta ba dang / mthar 'dzin par lta ba dang / sdug bsngal mthong bas spang bar bya ba'i log par lta ba dang / lta ba mchog tu 'dzin pa dang / tshul

  647. 324b

    khrims dang brtul zhugs mchog tu 'dzin pa dang / the tsom dang / 'dod chags dang / khong khro ba dang / nga rgyal dang / ma rig pa'o// kun 'byung ba mthong bas spang bar bya ba'i yang dag par ma bsdams pa'i sdom pa ma yin pa bdun gang zhe na/ smras pa/ kun 'byung ba mthong bas spang bar bya ba'i log par lta ba dang / lta ba mchog tu 'dzin pa dang / the tsom dang / 'dod chags dang / khong khro ba dang / nga rgyal dang / ma rig pa'o// 'gog pa mthong bas spang bar bya ba rnams kyang de dang 'dra'o// lam mthong bas spang bar bya ba'i yang dag par ma bsdas pa'i sdom pa ma yin pa brgyad gang zhe na/ smras pa/ lam mthong bas spang bar bya ba'i log par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa dang the tsom dang / 'dod chags dang / khong khro ba dang / nga rgyal dang / ma rig pa'o// bsgom pas spang bar bya ba'i yang dag par ma bsdams pa'i sdom pa ma yin pa bzhi gang zhe na/ smras pa/ bsgom pas spang bar bya ba'i 'dod chags dang / khong khro ba dang / nga rgyal dang / ma rig pa'o// ci'i phyir 'jig tshogs la lta ba yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa yang dag par ma bsdams la/ ma spangs pa'i phyir ni 'dod pa'i khams thams cad du

  648. 325a

    yang dag par ma bsdams pa zhes bya'o/ / 'jig tshegs la lta ba ji lta ba bzhin du mthar 'dzin par lta ba dang / sdug bsngal mthong bas spang bar bya ba'i log par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa dang / the tsom dang / ma rig pa kun tu 'gro ba yang de dang 'dra'o// ci'i phyir sdug bsngal mthong bas spang bar bya ba'i 'dod chags yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa la yang dag par ma bsdams la ma spangs pa'i phyir ni sdug bsngal mthong bas spang bar bya ba'i chos rnams yang dag par ma bsdams pa zhes bya'o/ / sdug bsngal mthong bas spang bar bya ba'i 'dod chags ji lta ba bzhin du/ khong khro ba dang / nga rgyal dang / ma rig pa kun tu 'gro ba ma yin pa yang de dang 'dra'o// sdug bsngal mthong bas spang bar bya ba rnams ji lta ba bzhin du/ kun 'byung ba mthong bas spang bar bya ba rnams kyang de dang 'dra ste/ 'jig tshogs la lta ba dang / mthar 'dzin par lta ba dang / tshul khrims dang brtul zhugs mchog tu 'dzin pa ni ma gtogs so// ci'i phyir 'gog pa mthong bas spang bar bya ba'i log par lta ba yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa la yang dag

  649. 325b

    par ma bsdams la/ ma spangs pa'i phyir ni de dang mtshungs par ldan pa'i chos rnams kyis yang dag par ma bsdams pa zhes bya'o// 'gog pa mthong bas spang bar bya ba'i log par lta ba ji lta ba bzhin du the tsom dang / ma rig pa zag pa med pa la dmigs pa yang de dang 'dra'o// ci'i phyir 'gog pa mthong bas spang bar bya ba'i lta ba mchog tu 'dzin pa yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni 'gog pa mthong bas spang bar bya ba'i chos rnams kyis yang/ dag par ma bsdams pa zhes bya'o// 'gog pa mthong bas spang bar bya ba'i lta ba mchog tu 'dzin pa ji lta ba bzhin du 'dod chags dang / khong khro ba dang / nga rgyal dang / ma rig pa zag/ pa dang bcas pa la dmigs pa yang de dang 'dra'o// 'gog pa mthong bas spang bar bya ba rnams ji lta ba bzhin du lam mthong bas spang bar bya ba rnams kyang de dang 'dra ste/ tshul khrims dang brtul zhugs mchog tu 'dzin pa bstan par bya'o/ / ci'i phyir bsgom pas spang bar bya ba'i 'dod chags yang dag par ma bsdams pa'i sdom pa ma yin pa zhes bya zhe na/ kun nas dkris pi'i phyir ni dmigs pa la yang dag par ma bsdams la/ ma spangs pa'i phyir ni bsgom pas spang bar bya ba'i chos rnams kyis yang dag par ma bsdams pa zhes bya'o// bsgom pas spang bar

  650. 326a

    bya ba'i 'dod chags ji lta ba bzhin du khong khro ba dang / nga rgyal dang / ma rig pa yang de dang 'dra'o// yang dag par ma bsdams pa'i sdom pa ma yin pa gsum yod de 'dod pa dang ldan pa'i yang dag par ma bsdams pa'i sdom pa ma yin pa dang / gzugs dang ldan pa'i yang dag par ma bsdams pa'i sdom pa ma yin pa dang / gzugs med pa dang ldan pa'i yang dag par ma bsdams pa'i sdom pa ma yin pa'o/ / gang gi 'dod pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni/ gzugs dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam/ gzugs dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa gang yin pa de'i ni/ 'dod pa dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam zhe na/ smras pa/ gang gi 'dod pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni/ gzugs dang ldan pa'i yang dag par ma spangs pa'i sdom pa ma yin pa dang / yongs su ma spangs shing yongs su ma shes pa yin no/ / gzugs dang ldan pa'i yin la/ 'dod pa dang ldan pa ma yin pa yod dam zhe na/ smras pa/ yod de/ dper na 'dod pa rnams las 'dod

  651. 326b

    chags dang bral la/ gzugs rnams la 'dod chags dang ma bral ba lta bu'o// gang gi 'dod pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni/ gzugs med pa dang ldan pa'i yang dag par ma bsdams pa'i sdom pa yin pa yang ma spangs shing yongs su ma shes pa yin nam/ gzugs med pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa gang yin pa de'i ni/ 'dod pa dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam zhe na/ smras pa/ gang gi 'dod pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni/ gzugs med pa dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin no/ / gzugs med pa dang ldan la/ 'dod pa dang mi ldan pa yod dam zhe na/ smras pa yod de/ dper na 'dod pa rnams las 'dod chags dang bral ba lta bu'o// gang gis gzugs dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa gang yin pa de'i ni/ gzugs med pa dang mtshungs par ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam/ gzugs med/

  652. 327a

    ba dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni/ gzugs dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam zhe na/ smras pa/ gang gi gzugs dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni gzugs med pa dang ldan pa'i yang dag par ma bsda mas pa'i sdom pa ma yin pa yang ma spangs shing yongs su ma shes pa yin no/ / gzugs med pa dang ldan pa'i yang dag par ma bsda mas pa'i sdom pa ma yin pa ma spangs shing yongs su ma shes la/ gzugs dang ldan pa'i ni ma spangs shing / yongs su ma shes pa ma yin pa yod dam zhe na/ smras pa/ yod de dper na gzugs rnams las 'dod chags dang bral la/ gzugs med pa rnams las ni 'dod chags dang ma bral ba lta bu'o// yang dag par ma bsdams pa'i sdom pa ma yin pa drug yod de/ drug gang zhe na/ 'dod pa dang ldan pa'i sems dang mtshungs par ldan pa dang / sems dang mi ldan pa dang / gzugs dang ldan pa'i sems dang mtshungs par ldan pa dang sems dang mi ldan pa dang / gzugs med pa dang ldan pa'i sems dang mtshungs par ldan pa dang / sems dang mi ldan pa'o// 'dod pa dang ldan pa'i yang dag par ma spangs

  653. 327b

    pa'i sdom pa ma yin pa mngon sum du byed pa dang / sdom pa ma yin pa du zhig gis ma bsdams zhes bya/ gzugs dang ldan pa dang / gzugs med pa dang ldan pa'i yang dag par ma bsdams pa'i sdom pa ma yin pa mngon sum du byed pa ni/ sdom pa ma yin pa du zhig gis ma bsdams zhes bya zhe na/ smras pa/ 'dod pa dang ldan pa'i sems dang mtshungs par ldan pa'i yang dag par ma bsdams pa'i sdom pa ma yin pa mngon sum du byed pa na ni/ sdom pa ma yin pa bzhis ma bsdams pa zhes bya ste/ 'dod pa dang ldan pa'i sems dang mtshungs par ldan pa dang / sems dang mi ldan pa dang / gzugs dang ldan pa'i sems dang mi ldan pa dang / gzugs med pa dang ldan pa'i sems dang mi ldan pas so// gzugs dang ldan pa'i sems dang mtshungs par ldan pa'i yang dag par ma bsdams pa'i sdom pa ma yin pa mngon sum du byed pa na ni/ sdom pa ma yin pa gsum gyis ma bsdams pa zhes bya ste/ gzugs dang ldan pa'i sems dang mtshungs par ldan pa dang / sems dang mi ldan pa dang / gzugs med pa dang ldan pa'i sems dang mi ldan pas so// gzugs med pa dang ldan pa'i sems dang mtshungs par ldan pa'i yang dag par ma bsdams pa'i sdom pa ma yin pa mngon sum du byed pa na ni/ sdom pa ma yin pa gnyis kyis ma bsdams pa zhes bya ste/ gzugs med pa dang ldan pa'i sems dang mtshungs par

  654. 328a

    ldan pa dang / yang dag par ma bsdams pa'i sems dang mi ldan pas so// ji ltar tshigs bdun pa las nag po'i phyogs kyi sgo nas bstan pa de bzhin du/ dkar po'i phyogs la yang dge ba'i rtsa ba gsum las bzung ste thams cad brjod par bya'o/ / las gdags pa tshigs brgyad pa'o// / sdom ni/ 'das pa 'das pa'i rgyu las byung / 'dres pa'i dri ba de dang gnyis// chos gang dge ba'i rgyu las byung // rnam par smin la gnas bzhi yod// 'das pa'i sems pa 'das pa'i rgyu las byung ba yin la/ ma 'ongs pa'i rgyu las byung ba yang ma yin/ da ltar byung ba'i rgyu las byung ba ma yin pa yod dam/ 'das pa'i sems pa ma 'ongs pa'i rgyu las byung ba yin la/ 'das pa'i rgyu las byung ba yang ma yin/ da ltar byung ba'i rgyu las byung ba yang ma yin pa yod dam/ 'das pa'i sems pa da ltar byung ba'i rgyu las byung ba yin la/ 'das pa'i rgyu las byung ba yang ma yin/ ma 'ongs pa'i rgyu las byung ba yang ma yin pa yod dam/ 'das pa'i sems pa 'das pa dang / da ltar byung ba'i rgyu las byung ba yin la/ ma 'ongs pa'i rgyu las byung ba ma yin pa yod dam/ 'das pa'i sems pa ma 'ongs pa dang / da ltar byung ba'i rgyu las byung ba yin la/ 'das pa'i rgyu las byung ba ma yin pa yod dam/ 'das pa'i sems pa 'das pa dang / ma 'ongs pa dang /

  655. 328b

    da ltar byung ba'i rgyu las byung ba yod dam/ 'das pa ji lta ba bzhin du ma 'ongs pa dang / da ltar byung ba'i yang de dang 'dra bar sbyar te/ de las 'das pa'i sems pa thams cad ni 'das pa'i rgyu las byung ba yin no/ / mu lhag ma rnams ni med do// ma 'ongs pa'i sems pa 'das pa'i rgyu las byung ba yin la/ ma 'ongs pa'i rgyu las byung ba yang ma yin/ da ltar byung ba'i rgyu las byung ba'i yang ma yin pa yod dam zhe na/ smras pa/ med do// ma 'ongs pa'i sems pa ma 'ongs pa'i rgyu las byung ba yin la/ 'das pa'i rgyu las byung ba yang ma yin/ da ltar byung ba'i rgyu las byung ba yang ma yin pa yod dam zhe na/ smras pa/ yod de/ yang dag pa'i nges pa la zhugs pa'i gang zag go/ ma 'ongs pa'i zag pa med pa'i sems pa gang yin pa'o// de'i ma 'ongs pa'i rgyu gang zhe na/ smras pa/ lhan cig 'byung ba dang mtshungs par ldan pa'i chos rnams so// ma 'ongs pa'i sems pa 'das pa'i rgyu las byung ba yin la/ ma 'ongs pa'i rgyu las byung ba yang ma yin da ltar byung ba'i rgyu las byung ba yang ma yin pa yod dam zhe na/ smras pa/ med do// ma 'ongs pa'i sems pa da ltar byung ba'i rgyu las byung ba yin la/ 'das pa'i rgyu las byung ba yang/ yin/ ma 'ongs pa'i rgyu las byung ba yang ma yin pa yod dam zhe na/ smras pa/ med do// ma 'ongs pa'i sems pa ma 'ongs pa dang / da ltar byung ba'i rgyu las byung ba yin la/ 'das pa'i

  656. 329a

    rgyu las byung ba ma yin pa yod dam zhe na/ smras pa/ yod de/ sdug bsngal la chos shes pa'i bzod pa mngon sum du gyur pa na/ de las gzhan pa'i ma 'ongs pa sems pa gang yin pa'o/ / de'i ma 'ongs pa'i rgyu gang zhe na/ spras pa/ lhan cig 'byung ba dang mtshungs par ldan pa'i chos rnams so// de'i de ltar 'byung ba'i rgyu gang zhe na/ spras pa/ sdug bsngal la chos shes pa'i bzod pa dang mtshungs par ldan pa'i chos rnams so/ / ma 'ongs pa'i sems pa 'das pa dang / ma 'ongs pa'i rgyu las byung ba yin la/ da ltar byung ba'i rgyu las byung pa ma yin pa yod dam zhe na/ smras pa/ yod de/ de'i ma 'ongs pa'i rgyu gang zhe na/ smras pa/ lhan cig 'byung ba dang mtshungs par ldan pa'i chos rnams so// de'i 'das pa'i rgyu gang / zhe na/ smras pa/ 'das pa'i chos gang yin pa rnams kyis ni sems pa de dang 'dra ba 'am/ rnam par smin pa yin gyi/ da ltar byung ba'i chos rnams kyi ni sems pa de dang 'dra ba 'am/ rnam par smin pa ma yin no/ / ma 'ongs pa'i sems pa 'das pa dang / ma 'ongs pa dang / da ltar byung ba'i rgyu las byung ba yod dam zhe na/ smras pa/ yod de/ de'i ma 'ongs pa'i rgyu gang zhe na/ smras pa/ lhan cig 'byung ba dang mtshungs par ldan pa'i chos rnams so// de'i 'das pa dang da ltar byung ba'i rgyu gang zhe na/ smras pa/ 'das pa dang nga ltar byung ba'i chos gang

  657. 329b

    yin pa rnams kyis ni sems pa de dang 'dra ba 'am/ rnam par smin pa ma yin no// da ltar byung ba'i sems pa da ltar byung ba'i rgyu las byung ba yin la/ ma 'ongs pa'i rgyu las byung ba ma yin pa yod dam zhe na/ smras pa/ yod de/ sdug bsngal la chos shes pa bzod pa mngon sum du gyur pa dang mtshungs par ldan pa'i sems pa'o// de'i da ltar byung ba'i rgyu gang zhe na smras pa lhan cig 'byung ba dang mtshungs par ldan pa'i chos rnams so/ / da ltar byung ba'i sems pa 'das pa'i rgyu las byung ba yin la/ ma 'ongs pa'i rgyu las byung ba yang ma yin/ ltar byung ba'i rgyu las byung ba ma yin pa yod dam zhe na/ smras pa/ med do// da ltar byung ba'i sems pa ma 'ongs pa'i rgyu las byung ba yin la/ 'das pa'i rgyu las byung ba yang ma yin/ da ltar byung ba yang ma yin pa yod dam zhe na/ smras pa/ med do// da ltar byung ba'i sems pa 'das pa dang / da ltar byung ba'i rgyu las byung ba yin la/ ma 'ongs pa'i rgyu las byung ba ma yin pa yod dam zhe na/ smras pa/ yod de/ de'i da ltar byung ba'i rgyu gang zhe na/ smras pa/ lhan cig 'byung ba dang mtshungs par ldan pa'i chos rnams so// de'i 'das pa'i rgyu gang zhe na/ smras pa 'das pa'i rgya gang yin pa rnams kyi ni sems pa de 'dra ba 'am/ rnam par smin pa ma yin no// da ltar byung ba'i sems pa ma 'ongs pa dang / da ltar byung ba'i rgyu las byung ba yod

  658. 330a

    dam zhe na/ smras pa/ med do// 'das pa dang ma 'ongs pa'i rgyu las byung ba yang med do// 'das pa dang / ma 'ongs pa dang / da ltar byung ba'i rgyu las byung ba yang med do/ / chos gsum yod de/ dge ba dang / mi dge ba dang / lung du ma bstan pa rnams so// dge ba'i chos rnams dge ba'i rgyu las byung ba yod dam zhe na/ smras pa/ yod de dge pa 'dus byas kyi chos rnams so/ / dge ba'i chos rnams mi dge ba'i rgyu las byung ba yod dam zhe na/ smras pa/ med do// dge ba'i chos rnams lung du ma bstan pa'i rgyu las byung ba yod dam zhe na/ smras pa/ med do// mi dge ba'i chos rnams mi dge ba'i rgyu las byung ba yod dam zhe na/ smras pa/ yod de/ thams cad do// mi dge ba'i chos rnams dge ba'i rgyu las byung ba yod dam zhe na/ smras pa/ med do// mi dge ba'i chos rnams lung du ma bstan pa'i rgyu las byung ba yod dam zhe na/ smras pa/ yod da/ thams cad do// lung du ma bstan pa'i chos rnams lung du ma bstan pa'i rgyu las byung ba yod dam zhe na/ smras pa/ yod da/ lung du ma bstan pa 'dus byas kyi chos rnams so// lung du ma bstan pa'i chos rnams dge ba'i rgyu las byung ba yod dam zhe na/ spras pa/ yod de/ dge ba'i rnam par smin pa las byung ba'i chos rnams so// lung dum bstan pa'i chos rnams mi dge pa'i rgyu las byung

  659. 330b

    ba yod dam zhe na/ smras pa/ yod de/ mi dge ba'i rnam par smin pa las byung ba'i chos rnams dang / 'dod pa dang ldan pa'i 'jig tshogs la lta ba dang / mthar 'dzin par lta ba dang mtshungs par ldan pa'i chos rnams so/ / chos gsum yod de/ dge ba'i chos rnams dang / mi dge ba'i chos rnams dang / lung du ma bstan pa'i chos rnams so// dge ba'i chos rnams dge ba'i rgyu 'ba' zhig las byung ba yod dam zhe na/ smras pa/ yod de/ byang chub kyi yan lag dang mtshungs par ldan pa'i sems pa'o// dge ba'i chos rnams mi dge ba'i rgyu 'ba' zhig las byung ba yod dam zhe na/ smras pa/ med do// lung du ma bstan pa'i rgyu 'ba' zhig las byung ba yang med do// mi dge ba'i chos rnams mi dge ba'i rgyu 'ba' zhig las byung ba yod dam zhe na/ smras pa/ yod de/ 'dod pa'i 'dod chags dang bral ba'i 'phags pa'i gang zag 'dod pa'i 'dod chags dang bral ba de las yongs su nyams par gyur na/ nyon mongs pa can gyi sems dang po mngon sum du byed pa gang yin pa'o/ / mi dge ba'i chos rnams dge ba'i rgyu 'ba' zhig las byung ba yod dam zhe na/ smras pa/ med do// lung du ma bstan pa'i rgyu 'ba' zhig las byung ba yang med do/ / lung du ma bstan pa'i chos rnams lung du ma bstan pa'i rgyu 'ba' zhig las byung ba yod dam zhe na/ smras pa/ yod de/ spyod lam las byung ba rnams

  660. 331a

    dang bzo'i gnas las byung ba rnams dang / gzugs dang gzugs med pa dang ldan pa'i nyon mongs pa can rnams so// lung du ma bstan pa'i chos rnams dge/ ba'i rgyu 'ba' zhig las byung ba yod dam zhe na/ smras pa/ med do// mi dge ba'i rgyu 'ba' zhig las byung ba yang med do// chos gsum yod de/ dge ba'i chos rnams dang / mi dge ba'i chos rnams dang / lung du ma bstan pa'i chos rnams so// chos gang dag dge ba yang yin la/ chos de dag dge ba'i rgyu las byung ba yang yin pa yod dam zhe na/ smras pa/ chos rnams la dge ba yang yin la/ chos de dag dge ba'i rgyu las byung ba ni ma yin pa yang yod do// chos rnams la dge ba'i rgyu las byung ba yin la/ dge ba ni ma yin pa dag kyang yod do// chos rnams la dge ba yang yin la/ / chos de dag dge ba'i rgyu las byung ba yang yod do// chos rnams la dge ba yang ma yin la// chos de dag dge ba'i rgyu las byang ba ma yin pa yang yod do// chos rnams la dge ba yin la/ chos de dag dge ba'i rgyu las byung ba ni ma yin pa de dag gang zhe na/ smras pa/ so sor brtags te 'gog pa ste/ chos de dag ni dge ba yin la/ chos de dag ni dge pa'i rgyu las byung ba ma yin no/ / chos rnams la dge ba'i rgyu las byung ba yin la/ chos de dag dge ba ni ma yin pa gang yin zhe na/ smras pa/ dge ba'i rnam par smin pa las byung ba'i chos rnams

  661. 331b

    te/ chos de dag ni dge ba'i rgyu las byung ba yin la/ dge ba ma yin no// chos rnams la dge ba yang yin la/ dge ba'i rgyu las byung ba yang yin pa rnams gang zhe na/ smras pa/ dge ba 'dus byas kyi chos rnams te/ chos de dag ni dge ba yang yin la/ dge ba'i rgyu las byung ba yang yin no// chos rnams la dge ba yang ma yin/ dge ba'i rgyu las byung ba yang ma yin pa gang zhe na/ smras pa/ dge ba'i rnam par smin pa lung du ma bstan pa'i chos rnams ma gtogs pa de ma yin pa'i lung du ma bstan pa'i chos rnams dang / mi dge ba rnams te/ chos de dag ni dge ba yang ma yin/ dge ba'i rgyu las byung ba yang ma yin no// chos gang dag mi dge ba yin la/ chos de dag mi dge ba'i rgyu las byung ba yang yin pa yod dam zhe na/ smras pa/ yod de/ chos gang dag mi dge ba'i yin pa'i chos de dag ni mi dge ba'i rgyu las byung ba yang yin no/ / chos rnams la mi dge ba'i rgyu las byung ba yin la/ chos de dag mi dge ba yang ma yin pa yod dam zhe na/ smras pa song de/ mi dge ba'i rnam par smin pa las byung ba'i chos rnams dang / 'dod pa dang ldan pa'i 'jig tshogs la lta ba dang / mthar 'dzin par lta ba dang mtshungs par ldan pa'i chos rnams so/ / chos gang dag lung du ma bstan pa yang yin la/ chos de dag lung du ma bstan pa'i rgyu las byung ba yang ma yin pa yod dam zhe na/ smras pa/ chos rnams la lung du ma bstan pa

  662. 332a

    yang yod la/ lung du ma bstan pa'i rgyu las byung ba yang yin pa dag kyang yod do// lung du ma bstan pa'i rgyu las byung ba yin la/ lung du ma bstan pa ni ma yin pa dag kyang yod de/ / lung du ma bstan pa yang yod la/ lung du ma bstan pa'i rgyu las byung ba yang ma yin pa dag kyang yod do// chos rnams la lung du ma bstan pa yang yin la/ lung du ma bstan pa'i rgyu las phyung ba yang ma yin pa dag kyang yod do/ / chos rnams la lung du ma bstan pa yang yin la/ chos de dag lung du ma bstan pa'i rgyu las byung ba yang ma yin pa rnams gang zhe na/ smras pa nam mkha' dang so sor brtags te 'gog pa ma yin pa ste/ chos de dag ni lung du ma bstan pa ni yin la/ chos de dag lung du ma bstan pa'i rgyu las byung ba ni ma yin no// chos rnams la lung du ma bstan pa'i rgyu las byung ba yang yin la/ lung du ma bstan pa ni ma yin pa rnams gang zhe na/ smras pa/ mi dge ba'i chos rnams te/ chos de dag ni lung du ma bstan pa'i rgyu las byung ba yin la/ chos de dag lung du ma bstan pa ni ma yin no// chos rnams la lung du ma bstan pa yang yin la/ lung du ma bstan pa'i rgyu las byung ba yin pa rnams gang zhe na/ smras pa/ lung du ma bstan pa'i 'dus byas kyi chos rnams te/ chos de dag ni lung du ma bstan pa'i rgyu las byung ba yang yin no// chos rnams la lung du ma bstan pa yang ma yin/ lung du ma bstan pa'i rgyu

  663. 332b

    las byung ba yang ma yin pa gang zhe na/ smras pa/ dge ba'i chos rnams te/ chos de dag ni lung du ma bstan pa yang ma yin/ lung du ma bstan pa'i rgyu las byung ba yang ma yin no// / dge ba'i las kyi rnam par smin pa dge ba'i sems sam/ mi dag pa'i sems sas/ lung dum bstan pa'i sems kyis nyams su byeng ba yod dpazhen/ smras pa/ yo dang / dper na dge ba'i las kyi rnam par smin pas tshe ring ba dang / mdog bzang ba dang / rigs mtho ba dang / longs spyod che ba dang / che bar grags pa dang / tshig btsan pa thob pa na/ de gal te dge ba'i sems dang ldan par gyur na ni/ dge ba'i sems kyis rnam par smin pa nyams su myong ngo // de ste mi dge ba'i sems dang ldan par gyur na ni/ mi dge ba'i sems kyis rnam par smin pa nyams su myong ngo / / de ste lung du ma bstan pa'i sems dang ldan par gyur na ni/ lung du ma bstan pa'i sems kyis rnam par smin pa nyams su myong ngo // mi dge ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis nyams su myong ba yod dam zhe na/ smras pa/ yod de/ dper na mi dge ba'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi btsan pa thob par gyur pa na/ re

  664. 333a

    gal te dge ba'i sems dang ldan par gyur na ni/ dge ba'i sems kyis rnam par smin pa nyams su myong ngo // de ste mi dge ba'i sems dang ldan par gyur na ni/ mi dge ba'i sems kyis rnam par smin pa nyams su myong ngo / / de ste lung du ma bstan pa'i sems dang ldan par gyur na ni/ lung du ma bstan pa'i sems kyis rnam par smin pa nyams su myong ngo // dge ba dang mi dge ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis nyams su myong ba yod dam zhe na/ smras pa/ yod de/ dper na dge ba'i las kyi rnam par smin pas tshe ring ba dang / mdog bzang ba dang / rigs mtho ba thob par gyur la/ mi dge ba'i las kyi rnam par smin pas longs spyod chung ba dang / chung bar grags pa dang / tshig mi btsan pa thob par gyur ta ma/ yang na mi dge ba'i rnam par smin pas tshe thung ba dang / mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang / che bar grags pa dang / tshig btsan pa thob par gyur pa na/ de gal te dge ba'i sems dang ldan par gyur pa ni/ dge ba'i sems kyis rnam par smin pa nyams su myong ngo / / de ste mi dge ba'i sems dang ldan par gyur na ni/ mi dge ba'i sems kyis rnam par smin pa nyams su myong ngo // de ste lung du ma bstan pa'i sems

  665. 333b

    dang ldan par gyur na ni/ lung du ma bstan pa'i sems kyis rnam par smin pa nyams su myong ngo // dge ba'i rnam par smin pa mthong bas spang bar bya ba'i kun nas dkris pas kun nas dkris pa dang bsgom pas spang bar bya ba'i kun nas dkris pas kun nas dkris pa nyams su myong ba yod dam zhe na/ smras pa/ yod de/ dper na dge ba'i las kyi rnam par smin pas tshe ring ba dang / mdog bzang ba dang / rigs mtho ba dang / longs spyod che ba dang / che bar grags pa dang / tshig btsan pa thob par gyur la/ de gal te mthong bas spang bar bya ba'i kun nas dkris pas kun nas dkris par gyur na ni/ des mthong bas spang bar bya ba'i kun nas dkris pas kun nas dkris pas rnam par smin pa nyams su myong ngo // de ste bsgom pas spang bar bya ba'i kun nas dkris pas kun nas dkris par gyur na ni/ des bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo // mi dge ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pas nyams su myong ba yod dam zhe na/ smras pa/ yod de dper na mi dge ba'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi

  666. 334a

    btsan pa thob par gyur pa na/ de gal te mthong bas spang bar bya ba'i kun nas dkris pas kun nas dkris par gyur na ni/ mthong bas spang bar bya ba'i kun nas dkris pas kun nas dkris pas rnam par smin pa nyams su myong ngo / / de ste bsgom pas spang bar bya ba'i kun nas dkris pas kun nas dkris par gyur na ni/ des bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo / / dge ba dang mi dge ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pas rnam par smin pa nyams su myong bar 'gyur ba yod dam zhe na/ smras pa/ yod de/ dper na dge ba'i las kyi rnam par smin pas tshe ring ba dang / mdog bzang ba dang / rigs mtho ba thob par gyur la/ mi dge ba'i las kyi rnam par smin pas longs spyod chung ba dang / chung bar grags dang / tshig mi btsan pa thob par gyur ta ma/ yang na mi dge ba'i las kyi rnam par smin pas tshe thung ba dang / mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang / che bar grags pa dang / tshig btsan pa thob par gyur pa na/ de gal te mthong bas spang bar bya ba'i kun nas dkris pas kun nas dkris par gyur na ni/ mthong bas

  667. 334b

    spang bar bya ba'i kun nas dkris pas kun nas dkris pas rnam par smin pa nyams su myong ngo / / de ste bsgom pas spang bar bya ba'i kun nas dkris pas kun nas dkris par gyur na ni/ bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo / / mthong bas spang bar bya ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis nyams su myong ba yod dam zhe na/ smras pa/ yod de/ dper na mthong bas spang bar bya ba'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi btsan pa thob pa na/ de gal te dge ba'i sems dang ldan par gyur na ni dge ba'i sems kyis rnam par smin pa nyams su myong ngo / / de ste mi dge ba'i sems dang ldan par gyur na ni/ mi dge ba'i sems kyis rnam par smin pa nyams su myong ngo // de ste lung du ma bstan pa'i sems dang ldan par gyur na ni/ lung du ma bstan pa'i sems kyis rnam par smin pa nyams su myong ngo // bsgom pas spang bar bya ba'i las kyi rnam par smin pa dge ba'i sems sam mi dge ba'i sems sam/ lung du ma bstan pa'i sems kyis nyams su myong ba yod dam zhe na/ spras pa/ yod de/ dper na bsgom pas spang bar bya ba'i mi dge ba'i las kyi

  668. 335a

    rnam par smin pas tshe thung ba dang / mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang / che bar grags pa dang / tshig btsan pa thob par gyur tam/ yang na dge ba'i las kyi rnam par smin pas tshe ring ba dang / mdog bzang ba dang / rigs mtho ba thob par gyur la/ bsgom pas spang bar bya ba'i las kyi rnam par smin pas longs spyod chung ba dang / chung bar grags pa dang / tshig mi btsan pa thob par gyur pa na/ de gal te dge ba'i sems dang ldan par gyur na ni/ dge ba'i sems kyis rnam par smin pa nyams su myong ngo // de ste mi dge ba'i sems dang ldan par gyur na ni/ mi dge ba'i sems kyis rnam par smin pa nyams su myong ngo // de ste lung du ma bstan pa'i sems dang ldan par gyur na ni/ lung du ma bstan pa'i sems kyis rnam par smin pa nyams su myong ngo // mthong bas spang bar bya ba dang / bsgom pas spang bar bya ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis nyams su myong ba yod dam zhe na/ smras pa/ yod de/ dper na mthong bas spang bar bya ba dang / bsgom pas spang bar bya ba'i mi dge ba'i las kyi rnam par smin pas tshe thung ba dang / mdog ngan pa dang / rigs dma' ba thob par gyur la/

  669. 335b

    dge ba'i las kyi rnam par smin pas longs spyod che ba dang / che bar grags pa dang / tshig btsan pa thob par gyur tam/ yang na dge ba'i las kyi rnam par smin pas tshe ring ba dang / bdog bzang ba dang / rigs mtho ba thob par gyur la/ mthong bas spang bar bya ba dang / bsgom pas spang bar bya ba'i mi dge ba'i las kyi rnam par smin pas longs spyod chung ba dang / chung bar grags pa dang tshig mi btsan pa thob par gyur pa na/ de gal te dge ba'i sems dang ldan par gyur na ni/ dge ba'i sems kyis rnam par smin pa nyams su myong ngo // de ste mi dge ba'i sems dang ldan par gyur na ni/ mi dge ba'i sems kyis rnam par smin pa nyams su myong ngo // de ste lung du ma bstan pa'i sems dang ldan par gyur na ni/ lung du ma bstan pa'i sems kyis rnam par smin pa nyams su myong ngo / / mthong bas spang bar bya ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pas nyams su myong ba yod dam zhe na/ smras pa/ yod de/ dper na mthong bas spang bar bya ba'i mi dge ba'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi btsan pa thob par gyur pa na/ de gal te mthong bas spang

  670. 336a

    bar bya ba'i kun nas dkris pas kun nas dkris par gyur na ni/ mthong bas spang bar bya ba'i kun nas dkris pas kun nas dkris pas rnam par smin pa nyams su/ myong ngo / de ste bsgom pas spang bar bya ba'i kun nas dkris pas kun nas dkris par gyur na ni/ bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo / / bsgom pas spang bar bya ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pa nyams su myong ba yod dam zhe na/ smras pa/ yod de/ dper na bsgom pas spang bar bya ba'i mi dge ba'i las kyi rnam par smin pas tshe thung ba dang / mdog ngan pa dang / rigs dma' bar gyur la/ dge ba'i las kyi rnam par smin pas longs spyod che ba dang / che bar grags pa dang / tshig btsan pa thob par gyur tam/ yang na dge ba'i las kyi rnam par smin pas tshe ring ba dang / mdog bzang ba dang / rigs mtho ba thob par gyur la/ bsgom pas spang bar bya ba'i mi dge ba'i las kyi rnam par smin pas longs spyod chung ba dang chung bar grags pa dang / tshig mi btsan pa thob par gyur pa na/ de gal te mthong bas spang bar bya ba'i kun nas dkris pas kun nas dkris par gyur na ni/ mthong bas spang bar bya ba'i

  671. 336b

    kun nas dkris pas kun nas dkris pas rnam par smin pa nyams su myong ngo / / de ste bsgom pas spang bar bya ba'i kun nas dkris pas kun nas dkris par gyur na ni/ bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo / / mthong bas spang bar bya ba dang / bsgom pas spang bar bya ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pas nyams su myong ba yod dam zhe na/ smras pa/ yod de/ dper na mthong bas spang bar bya ba dang / bsgom pas spang bar bya ba'i mi dge ba'i las kyi rnam par smin pas tshe thung ba dang / mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang / che bar grags pa dang / tshig btsan pa thob par gyur tam/ yang na dge ba'i las kyi rnam par smin pas tshe ring ba dang / mdog bzang ba dang / rigs mtho ba thob par gyur la/ mthong bas spang bar bya ba dang / bsgom pas spang bar bya ba'i mi dge ba'i las kyi rnam par smin pas longs spyod chung ba dang / tshe thung ba dang / tshig mi btsan pa thob par gyur pa la/ de gal te mthong bas spang bar bya ba'i kun nas dkris pas kun nas dkris par gyur na ni/ mthong bas spang bar bya ba'i kun nas dkris pas kun nas dkris

  672. 337a

    pas rnam par smin pa nyams su myong ngo / / de ste bsgom pas spang bar bya ba'i kun nas dkris pas kun nas dkris par gyur na ni/ bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo / / las gdags pa tshigs dgu pa'o// // sdom ni/ rtsa ba zad dang zag bcas dang // kha na ma tho bcas dang gnag/ chos kyi sgo nas gsum du byas// skye ba las ni gnyis su bya// las rtsa ba zad pas zad par gyur la/ rnam par smin pa zad pas zad par mi 'gyur ba yod dam/ rnam par smin pa zad pas zad par gyur la/ rtsa ba zad pas zad par mi 'gyur pa yod dam/ rtsa ba yang zad la/ rnam par smin pa yang zad pas zad par 'gyur ba yod dam/ las rtsa ba yang zad la/ rnam par smin pa yang zad pas kyang zad par mi 'gyur ba yod dam zhe na/ smras pa/ yod de/ las rtsa ba zad pas zad par 'gyur la/ rnam par smin pa zad pas zad par mi 'gyur ba gang zhe na/ smras pa/ dge ba'i rtsa ba chad pa'i gang zag gi las dge ba zag pa dang bcas pa rnam par smin pa ma smin pa gang yin pa dang / dge ba'i rtsa ba chad pa'i gang zag gi las mi dge ba rnam par smin pa ma smin pa gang yin pa ste/ 'di ni las rtsa ba zad pas zad par 'gyur la/ rnam par smin pa zad pas zad par mi 'gyur

  673. 337b

    ba'o/ / las rnam par smin pa zad pas zad par 'gyur la/ rtsa ba zad pas zad par mi 'gyur ba gang zhe na/ smras pa/ dge ba'i rtsa ba ma chad pa'i gang zag gi las mi dge ba rnam par smin pa smin zin pa gang yin pa dang / dge ba'i rtsa ba ma chad pa'i gang zag gi las dge ba zag pa dang bcas pa rnam par smin pa smin zin pa gang yin pa ste/ 'di ni las rnam par smin pa zad bas zad par 'gyur la/ rtsa ba zad pas zad par mi 'gyur ba'o// las rtsa ba yang zad la/ rnam par smin pa yang zad pas zad par 'gyur ba gang zhe na/ smras pa/ dge ba'i rtsa ba chad pa'i gang zag gi las dge ba zag pa dang bcas pa rnam par smin pa smin zin pa gang yin pa dang / dge ba'i rtsa ba chad pa'i gang zag gi las mi dge ba'i rnam par smin pa smin zin pa gang yin pa ste/ 'di ni las rtsa ba yang zad la/ rnam par smin pa yang zad pas zad par 'gyur ba'o// las rtsa ba yang zad la/ rnam par smin pa zad pas kyang zad par mi 'gyur/ ba gang zhe na/ smras pa/ dge ba'i rtsa ba chad pa'i gang zag gi las mi dge ba rnam par smin pa ma yin pa gang yin pa dang / dge ba'i rtsa ba chad pa'i gang zag gi las dge ba rnam par smin pa ma smin pa gang yin pa ste/ 'di ni las rtsa ba yang zad la/ rnam par smin pa yang zad pas kyang zad par mi 'gyur ba'o// las yongs su shes pas zad par 'gyur la/ rnam par

  674. 338a

    smin pa zad pas zad par mi 'gyur ba yod dam/ rnam par smin pa zad pas zad par 'gyur la/ yongs su shes pas zad par mi 'gyur ba yod dam/ yongs su shes la rnam par smin pa yang zad pas zad par 'gyur ba yod dam/ las yongs su shes la/ rnam par smin pa yang zad pas kyang zad par mi 'gyur ba yod dam zhe na/ smras pa/ yod de/ las yongs su shes pas zad par 'gyur la/ rnam par smin pa zad pas zad par mi 'gyur ba gang zhe na/ smras pa/ dgra bcom pa dang / phyir mi 'ong ba'i las mi dge ba dang dge ba zag pa dang bcas pa rnam par smin pa ma smin pa gang yin pa ste/ 'di ni las yongs su shes pas zad par 'gyur la/ rnam par smin pa zad pas zad par mi 'gyur ba'o/ / ngalas rnam par smin pa zad pas zad par 'gyur la/ yongs su shes pas zad par mi 'gyur ba gang zhe na/ smras pa/ 'ching ba thams cad dang ldan pa'i gang zag gi las mi dge ba dang / dge ba zag pa dang bcas pa rnam par smin pa smin zin pa gang yin pa ste/ 'di ni las rnam par smin pa zad pas zad par 'gyur la/ yongs su shes pas zad par mi 'gyur ba'o/ / las yongs su shes la/ rnam par smin pa yang zad pas zad par 'gyur ba gang zhe na/ smras pa/ dgra bcom pa dang / phyir mi 'ong ba'i las mi dge ba dang /

  675. 338b

    dge ba zag pa dang bcas pa rnam par smin pa smin zin pa gang yin pa ste/ 'di ni las yongs su shes la/ rnam par smin pa yang zad pas zad par 'gyur ba'o// las yongs su shes la rnam par smin pa yang zad pas kyang zad par mi 'gyur ba gang zhe na/ smras pa/ 'ching ba thams cad dang ldan pa'i gang zag gi las mi dge ba dang / dge ba zag pa dang bcas pa rnam par smin pa ma smin pa gang yin pa ste/ 'di ni las yongs su shes la/ rnam par smin pa yang zad pas kyang zad par mi 'gyur ba'o// zag pa dang bcas pa'i las kyi zag pa dang bcas pa'i 'bras bu yod dam zhe na/ smras pa/ yod de/ rgyu dang mthun pa'i 'bras bu dang / rnam par smin pa'i 'bras bu'o// zag pa dang bcas pa'i las kyi zag pa med pa'i 'bras bu yod dam zhe na/ smras pa/ yod de/ bral ba'i 'bras bu'o// zag pa dang bcas pa'i las kyi zag pa dang bcas pa dang / zag pa med pa'i 'bras bu yod dam zhe na/ smras pa yod de/ rgyu dang mthun pa'i 'bras bu dang / rnam par smin pa'i 'bras bu dang bral ba'i 'bras bu'o// zag pa med pa'i las kyi zag pa med pa'i 'bras bu yod dam zhe na smras pa yod de/ rgyu dang mthun pa'i 'bras bu dang / bral ba'i 'bras bu'o// zag pa med pa'i las kyi zag pa dang bcas pa'i 'bras bu yod dam zhe na/ smras pa/ med do/

  676. 339a

    zag pa dang bcas pa'i las kyi zag pa dang bcas pa dang / zag pa med pa'i 'bras bu yod dam zhe na/ smras pa/ med do// zag pa dang bcas pa dang / zag pa med pa'i las kyi zag pa dang bcas pa'i las kyi 'bras bu yod dam zhe na/ smras pa/ med do// zag pa dang bcas pa dang / zag pa med pa'i las kyi zag pa med pa'i 'bras bu yod dam zhe na/ smras pa/ yod de/ bral ba'i 'bras bu'o// kha na ma tho ba dang bcas pa'i las kyis skyes la/ kha na ma tho ba dang bcas pa nyid kyi las kyi rnam par smin pa nyams su myong ba yod dam zhe na/ smras pa/ nyams su myong ba yod de/ glang po che'i rgyal po sa srungs kyi bu dang / glang po che'i rgyal po rab brtan dang / rgyal po gshin rje lta bu'o// kha na ma tho ba dang bcas pa'i las kyis skyes la/ gnod pa dang bcas pa dang / gnod pa med pa'i las kyi rnam par smin pa nyams su myong ba yod dam zhe na/ smras pa/ nyams su myong ba yod de glang po che cang shes skyid de bar 'dug pa dang / rta cang shes skyid de bar 'dug pa las/ dang po kha lcags la sogs pa'i gnod pas gnod par bya ba gang yin pa de ni/ gnod pa dang bcas pa'i las kyi 'bras bu'o/ / phyis dul zhing byang bar gyur nas/ glang po che'i rgyan rnams dang / rta'i rgyan rnams dang / bza' ba dang / btung ba dang / chas la sogs

  677. 339b

    pab thob pa gang yin pa de ni/ gnod pa med pa'i las kyi 'bras bu'o// gnod pa med pa'i las kyis skyes la/ gnod pa med pa nyid kyi las rnam par smin pa nyams su myong ba yod dam zhe na/ smras par nyams su myong ba yod de/ gzugs dang / gzugs med pa na spyod pa'i lha thams cad dang / mi kha cig dang / 'dod pa na spyod pa'i lha kha cig go// gnod pa med pa'i las kyis skyes la gnod pa dang bcas pa'i las kyi rnam par smin pa nyams su myong ba yod dam zhe na/ smras pa/ nyams su myong ba yod de/ dper na mi kha cig dang / 'dod pa na spyod pa'i lha kha cig gnod pa dang bcas pa'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi btsan pa thob bar gyur pa lta bu'o/ / gnod pa med pa'i las kyis skyes la/ gnod pa dang bcas pa dang / gnod pa med pa'i las kyi rnam par smin pa nyams su myong ba yod dam zhe na/ smras pa/ nyams su myong ba yod de/ dper na mi kha cig dang / 'dod pa na spyod pa'i lha kha cig gnod pa dang bcas pa'i las kyi rnam par smin pas tshe thung ba dang / mdog ngan pa dang / rigs dma' ba thob par gyur la/ kha na ma tho ba med pa'i las kyi rnam par smin pas longs spyod che ba dang / che bar grags pa dang / tshig btsan pa thob par gyur tam/ yang na gnod pa med pa'i las kyi rnam

  678. 340a

    par smin pas tshe ring ba dang / mdog bzang ba dang / rigs mtho ba thob par gyur la/ kha na ma tho ba dang bcas pa'i las kyi rnam par smin pas longs spyod chung ba dang / chung bar grags pa dang / tshig mi btsan pa thob par gyur pa lta bu'o// gleng gzhi ni mnyan du yod pa na bzhugs so// las ni bzhi ste/ bzhi gang zhe na/ las kyang gnag la/ rnam par smin pa yang gnag pa yang yod do// las kyang dkar la/ rnam par smin pa yang dkar ba yang yod do// las kyang dkar gnag 'dres la/ rnam par smin pa yang dkar nag 'dres pa yod do/ / las gnag pa yang ma yin/ dkar ba yang ma yin/ rnam par smin pa yang med pa yod do// las thams cad zad par 'gyur zhes bya ba nas rgyas par yang dag par 'gro ba'i rnam grangs las ji skad 'byung ba bzhin du brjod par bya'o/ / chos yang dag par blang ba ni bzhi ste/ bzhi gang zhe na/ chos yang dag par blang ba da ltar byung ba bde la/ phyi ma la rnam par smin pa sdug bsngal ba zhes bya ba nas/ rgyas par yang dag par 'gro ba'i rnam grangs las ji skad 'byung ba bzhin du sbar ro// gzhan yang chos yang dag par blang ba bzhi ste/ bzhi gang zhe na/ chos yang dag par blang ba yid du 'ong ba dkar bas dkar la/ rnam par smin pa dkar bas dkar ba ma yin pa yang yod do// chos yang

  679. 340b

    dag par blang ba rnam par smin pa dkar bas dkar la/ yid du 'ong ba dkar bas dkar ba ma yin pa yang yod do// las yang dag par blang ba yid du 'ong ba dkar bas kyang dkar la/ rnam par smin pa dkar bas kyang dkar ba yang yod do// chos yang dag par blang ba yid du 'ong ba dkar bas kyang dkar ba ma yin la/ rnam par smin pa dkar bas kyang dkar ba ma yin pa yang yod do/ / chos yang dag par blang ba yid du 'ong ba dkar bas dkar la/ rnam par smin pa dkar bas dkar ba ma yin pa yang gang zhe na/ smras pa/ chos yang dag par blang ba dang po ste/ 'di ni chos yang dag par blang ba yid du 'ong ba dkar bas dkar la/ rnam par smin pa dkar bas dkar ba ma yin pa'o// chos yang dag par blang ba rnam par smin pa dkar bas dkar la/ yid du 'ong bas dkar bas dkar ba ma yin pa gang zhe na/ smras pa/ chos yang dag par blang ba gnyis pa ste/ 'di ni chos yang dag par blang ba rnam par smin pa dkar bas dkar la/ yid du 'ong ba dkar bas dkar ba ma yin pa'o// tshes yang dag par blang ba yid du 'ong ba dkar bas kyang dkar la/ rnam par smin pa dkar bas kyang dkar ba gang zhe na/ smras pa/ chos yang dag par blang ba gsum pa ste/ 'di ni chos yang dag par blang ba yid du 'ong ba dkar bas kyang dkar la/ rnam par smin pa dkar bas kyang

  680. 341a

    dkar ba'o/ / chos yang dag par blang ba yid du 'ong ba dkar bas kyang dkar ba ma yin la/ rnam par smin pa dkar bas kyang dkar ba ma yin pa gang zhe na/ smras pa chos yang dag par blang ba bzhi pa ste/ 'di ni yid du 'ong ba dkar bas kyang da ka ra ba ma yin la/ rnam par smin pa dkar bas kyang dkar ba ma yin pa'o// gzhan yang chos yang dag par blang ba ni bzhi ste/ bzhi gang zhe na/ chos yang dag par blang ba yid du 'ong ba gnag pas gnag la/ rnam par smin pa gnag pas gnag pa ma yin pa yang yod do// chos yang dag par blang ba rnam par smin pa gnag pas gnag la/ yid du 'ong ba ga nag pas gnag pa ma yin pa yang yod do// chos yang dag par blang ba yid du 'ong ba gnag pas kyang gnag la/ rnam par smin pa gnag pas kyang gnag pa yod do// chos yang dag par blang ba yid du 'ong ba gnag pas kyang gnag pa ma yin la/ rnam par smin pa gnag pas kyang gnag pa ma yin pa yang yod do/ / chos yang dag par blang ba yid du 'ong ba gnag pas gnag la/ rnam par smin pa gnag pas gnag pa ma yin pa gang zhe na/ smras pa/ chos yang dag par blang ba gnyis pa ste/ 'di ni chos yang dag par blang ba yid du 'ong ba gnag pas gnag la/ rnam par smin pa gnag pas gnag pa ma yin pa'o// chos yang dag par

  681. 341b

    blang ba rnam par smin pa gnag pas gnag la/ yid du 'ong ba gnag pas gnag pa ma yin pa gang zhe na/ smras pa/ chos yang dag par blang ba dang po ste/ 'di ni chos yang dag par blang ba rnam par smin pa gnag pas gnag la/ yid du 'ong ba ga nag pas gnag pa ma yin pa'o// chos yang dag par blang ba yid du 'ong ba gnag pas kyang gnag la/ rnam par smin pa gnag pas kyang gnag pa gang zhe na/ smras pa/ chos yang dag par blang ba gsum pa ste/ 'di ni chos yang dag par blang ba yid du 'ong ba gnag pas kyang gnag la/ rnam par smin pa gnag pas kyang gnag pa'o// chos yang dag par blang ba yid du 'ong ba gnas pas gnag pa ma yin la/ rnam par smin pa gnag pas kyang gnag pa ma yin pa gang zhe na/ smras pa chos yang dag par blang ba bzhi pa ste/ 'di ni chos yang dag par blang ba yid du 'ong ba gnag pas kyang gnag pa ma yin/ rnam par smin pa gnag pas kyang gnag pa ma yin pa'o// las ni bzhi ste/ bzhi gang zhe na/ mngon par 'grub pa'i rnam par smin pa yin la/ skye ba'i rnam par smin pa yang ma yin pa'i las kyang yod do// skye ba'i rnam par smin pa yin la/ mngon par 'grub pa'i rnam par smin pa ma yin pa'i las kyang yod do// mngon par 'grub pa'i rnam par smin pa yang yin la/ skye ba'i rnam par smin pa yang yin pa'i las

  682. 342a

    kyang yod do/ / mngon par 'grub pa'i rnam par smin pa yang ma yin la/ skye ba'i rnam par smin pa yang ma yin pa'i las kyang yod do// mngon par 'grub pa'i rnam par smin pa yin la/ skye ba'i rnam par smin pa ma yin pa'i las gang zhe na/ smras pa/ las gang gi rnam par smin pas bar ma do'i srid pa mngon par 'grub la/ las de'i rnam par smin pas skye ba'i srid par nying mtshams sbyor bar mi byed pa ste/ 'di ni mngon par 'grub pa'i rnam par smin pa yod la/ skye ba'i rnam par smin pa ma yin pa'i las so// skye ba'i rnam par smin pa yin la/ mngon par 'grub pa'i rnam par smin pa ma yin pa'i las gang zhe na/ smras pa/ las gang gi rnam par smin pas skye ba'i srid par nying mtshams sbyor la/ las de'i rnam par smin pas bar ma do'i srid par nyi mtshams sbyor bar mi 'gyur ba ste/ 'di ni skye ba'i rnam par smin pa yin la/ mngon par 'grub pa'i rnam par smin pa ma yin pa'i las so// mngon par 'grub pa'i rnam par smin pa yang yin la skye ba'i rnam par smin pa yang yin pa'i las gang zhe na/ smras pa/ las gang gi rnam par smin pas bar ma do'i srid pa yang mngon par 'grub la/ las de'i rnam par smin pas skye ba'i srid par yang nying mtshams sbyor ba ste/ 'di ni mngon par 'grub pa'i rnam par smin pa yang yin la/ skye ba'i rnam par smin pa yang yin pa'i las so// mngon par 'grub pa'i

  683. 342b

    rnam par smin pa yang ma yin la/ skye ba'i rnam par smin pa yang ma yin pa'i las gang zhe na/ smras pa/ las gang gi rnam par smin pas bar ma do'i srid pa yang mngon par 'grub par mi 'gyur la skye ba'i srid par yang nying mtshams sbyor bar mi 'gyur ba ste/ 'di ni mngon par 'grub pa'i rnam par smin pa yang ma yin la/ skye ba'i rnam par smin pa yang ma yin pa'i las so// / gzhan yang las ni bzhi ste/ bzhi gang zhe na/ skye ba'i rnam par smin pa yin la/ skyes nas rnam par smin pa ma yin pa'i las kyang yod do// skyes nas rnam par smin pa yin la/ skye ba'i rnam par smin pa ma yin pa'i las kyang yod do/ / skye ba'i rnam par smin pa yang yin la/ skyes nas rnam par smin pa yang yin pa'i las kyang yod do// skye ba'i rnam par smin pa yang ma yin la/ skyes nas rnam par smin pa yang ma yin pa'i las kyang yod do// skye ba'i rnam par smin pa yin la/ skyes nas rnam par smin pa ma yin pa'i las gang zhe na/ smras pa las gang gi rnam par smin pas skye ba'i srid par nying mtshams sbyor la/ skyes pa'i 'og tu las de'i rnam par smin pa nyams su myong bar mi 'gyur ba ste/ 'di ni skye ba'i rnam par smin pa yin la skyes nas rnam par smin pa ma yin pa'i las so/ / skyes nas rnam par smin pa yin la/ skye ba'i rnam par smin pa ma yin pa'i las gang zhe na/ smras pa/ skye ba'i 'og tu las

  684. 343a

    gang gi rnam par smin pa nyams su myong bar 'gyur la/ las de'i rnam par smin pas skye ba'i srid par nying mtshams sbyor ba ni mi byed pa ste/ 'di ni skyes nas rnam par smin pa yin la/ skye ba'i rnam par smin pa ma yin pa'i las so// skye ba'i rnam par smin pa yang yin la/ skyes nas rnam par smin pa yang yin pa'i las gang zhe na/ smras pa/ las gang gi rnam par smin pa skye ba'i srid par yang nying mtshams sbyor bar byed la/ skyes pa'i 'og tu las de'i rnam par smin pa nyams su myong bar 'gyur ba ste/ 'di ni skye ba'i rnam par smin pa yang yin la/ / skyes nas rnam par smin pa yang yin pa'i las so// skye ba'i rnam par smin pa yang ma yin la/ skyes nas rnam par smin pa yang ma yin pa'i las gang zhe na/ smras pa las gang gi rnam par smin pas skye ba'i srid par yang nying mtshams sbyor bar mi byed la/ skyes pa'i 'og tu las de'i rnam par smin pa yang nyams su myong bar mi 'gyur ba ste/ 'di ni skye ba'i rnam par smin pa yang ma yin/ skyes nas rnam par smin pa yang ma yin pa'i las so// las gdags pa tshigs bcu pa'o// // sdom ni/ tshe zad pa dang 'od srungs dang / / bde ba sdug bsngal los bzhi dang // sbyin pa bzhi dang brgyad tshan gsum// las gsum gyi ni sde tshan gsum// gcer bu rnams ni sngon byas dang // mtshams

  685. 343b

    med pa ni tha ma yin/ / tshe zad pas shi 'phos la bsod nams zad pas shi 'phos pa ma yin pa zhes bya ba yang yod do// bsod nams zad pas shi 'phos la tshe zad pas shi 'phos pa ma yin pa yang yod do/ / tshe yang zad la bsod nams kyang zad pas shi 'phos pa yang yod do// tshe yang ma zad la bsod nams kyang ma zad par shi 'phos pa zhes bya ba yang yod do// tshe zad pabs shi 'phos la bsod nams zad pas shi 'phos pa ma yin pa zhes bya ba ji lta bu zhe na/ smras pa/ ji ltar 'di na kha cig gis tshe'i rnam par smin pa'i las chung ngu byas shing bsags la/ longs spyod kyi rnam par smin pa'i las rgya chen po byas shing bsags pas/ de'i tshe gtugs par byed kyi/ longs spyod rnams gtugs par mi byed de/ da ni tshe gtugs pas 'chi ba'i dus byed kyi/ longs spyod gtugs pas ni ma yin te/ de ltar na tshe zad pas shi 'phos la bsod nams zad pas shi 'phos pa ma yin pa zhes bya'o// bsod nams zad pas shi 'phos la tshe zad pas shi 'phos pa ma yin pa zhes bya ba ji lta bu zhe na/ smras pa/ ji ltar 'di na kha cig gis longs spyod kyi rnam par smin pa'i las chung ngu byas shing bsags la/ tshe'i rnam par smin pa'i las rgya chen po byas shing bsags pas/ de'i longs spyod rnams gtugs par byed kyi/ tshe gtugs par mi byed do// de ni longs spyod gtugs pas 'chi ba'i dus byed kyi/ tshe gtugs pas ni ma

  686. 344a

    yin te/ de ltar na longs spyod zad pas shi 'phos la tshe zad pas shi 'phos pa ma yin pa zhes bya'o// tshe yang zad la longs spyod kyang zad pas shi 'phos pa zhes bya ba ji lta bu zhe na/ smras pa/ ji ltar 'di na kha cig gis tshe'i rnam par smin pa'i las kyang chung ngu byas shing bsags la/ longs spyod kyi rnam par smin pa'i las kyang chung ngu byas shing bsags pas de'i tshe yang gtugs par byed la/ longs spyod kyang gtugs par byed de/ de'i tshe yang gtugs la/ longs spyod kyang gtugs pas 'chi ba'i dus byed de/ de ltar na tshe yang zad la longs spyod kyang zad pas shi 'phos pa zhes bya'o/ / tshe yang ma zad la bsod nams kyang ma zad par shi 'phos pa zhes bya ba ji lta bu zhe na/ smras pa/ ji ltar 'di na kha cig gis tshe'i rnam par smin pa'i las kyang rgya chen po byas shing bsags la/ longs spyod kyi rnam par smin pa'i las kyang rgya chen po byas shing bsags pas/ de'i tshe yang gtugs par mi byed la/ longs spyod kyang gtugs par mi byed de/ de ni tshe gtugs pa dang / longs spyod gtugs pas kyang 'chi ba'i dus mi byed mod kyi/ 'on kyang mi mthun pa ma spangs pa gang yang rung ba 'ga' zhig gi 'chi ba'i dus byed de/ de ltar na tshe yang ma zad la bsod nams kyang ma zad par shi 'phos pa zhes bya'o// bcom ldan 'das rgyal po'i khab kyi 'od ma'i tshal bya ka

  687. 344b

    lan da ka gnas pa na bzhugs so/ / de nas bcom ldan 'das snga dro slad g.yogs dang chos gos mnabs te/ lhung bzed bsnams nas rgyal po'i khab tu bsod snyoms la gshegs so/ / de'i tshe 'od srungs kyi rigs gos med kyang rgyal po'i khab tu spyod yul la zhugs te/ 'od srungs kyi rigs gos med kyis/ bcom ldan 'das thag ring po kho na zhig nas mthong nas/ bcom ldan 'das ga la ba der song ste phyin nas/ bcom ldan 'das dang lhan cig mngon sum du yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs kyis 'dres nas/ bcom ldan 'das la 'di skad ces gsol to// gal te zhu ba lung bstan pa'i slad du skabs phye na/ bcom ldan 'das go'u ta ma la bdag phyogs 'ga' zhig zhu'o/ / de skad ces gsol nas/ bcom ldan 'das kyis/ 'od srungs kyi rigs gos med la 'di skad ces bka' stsal to// 'od srungs bsod snyoms la khyim gyi nang du zhugs pas re zhig dri ba lung bstan pa'i dus la ma bab kyis/ phyi rol gyi kun dga' ra bar dris shig dang / der khyod kyi dri ba lung bstan pa'i dus la bab bo// kye go'u ta ma bdag la yang bar chad 'ga' zhig 'byung bar gdab la/ go'u ta ma khyod kyang gzhan du 'gyur gda' bas/ gal te zhu ba lung bstan pa'i slad du skabs phye na/ 'di nyid du bcom ldan 'das go'u/

  688. 345a

    ta ma la bdag phyogs 'ga' zhig zhu'o// lan gnyis lan gsum gyi bar du bcom ldan 'das la/ 'od srungs kyi rigs gos med kyis 'di skad ces gsol te gal te zhu ba lung bstan pa'i slad du skabs phye na/ bcom ldan 'das go'u ta ma la bdag phyogs 'ga' zhig zhu'o// bcom ldan 'das kyis kyang lan gnyis lan gsum gyi bar du 'od srungs kyi rigs gos med la 'di skad ces bka' stsal to/ / 'od srungs nga bsod snyoms la khyim gyi nang du zhugs pas/ re zhig dri ba lung bstan pa'i dus la ma bab kyis phyi rol gyi kun dga' ra bar dris shig dang / der khyod kyi dri ba lung bstan pa'i dus la bab bo// kye go'u ta ma bdag la yang bar chad 'ga' zhig 'byung bar 'gyur gda' la/ go'u ta ma khyod kyang gzhan du 'gyur gda' bas/ gal te zhu ba lung bstan pa'i slad du skabs phye na/ 'di nyid du bcom ldan 'das go'u ta ma la bdag phyogs 'ga' zhig zhu'o// 'od srungs la na gsum gyi bar du skabs ma thob par nges kyis/ de'i phyir 'od srungs khyod ci dang ci 'dod pa dris shig/ kye go'u ta ma ci lags/ sdug bsngal rang gis bgyis pa lags sam/ 'od srungs 'di lta ste/ sdug bsngal rang gis byas pa 'di ni ngas lung ma bstan to// kye go'u ta ma ci legs/ sdug bsngal gzhan gyis bgyis pa lags sam/ 'od srungs 'di lta ste/

  689. 345b

    sdug bsngal gzhan gyis byas pa 'di yang ngas lung ma bstan to// kye go'u ta ma ci lags/ sdug bsngal rang gis bgyis pa yang lags la/ gzhan gyis bgyis pa yang lags sam rang gis bgyis pa yang ma lags la/ gzhan gyis bgyis pa yang ma lags te/ rgyu ma mchis pa las byung ba lags sam/ 'od srungs 'di lta ste/ sdug bsngal rang gis byas pa yang yin la gzhan gyis byas pa yang yin pa dang / rang gis byas pa yang ma yin la/ gzhan gyis byas pa yang ma yin te/ rgyu med pa las byung ba 'di yang ngas lung ma bstan to// kye go'u ta ma ci lags/ sdug bsngal rang gis bgyis sam/ zhes zhus na yang lung ma bstan ces gsung ngam/ kye go'u ta ma ci lags/ sdug bsngal gzhan gyis bgyis sam/ zhes zhus na yang lung ma bstan ces gsung ngam/ kye go'u ta ma ci lags/ sdug bsngal rang gis bgyis pa yang lags la/ gzhan gyis bgyis pa yang lags sam/ rang gis bgyis pa yang ma lags la/ gzhan gyis bgyis pa yang ma lags te/ rgyu ma mchis pa las byung ba lags sam/ zhes zhus na yang lung ma bstan ces gsung ngam/ kye go'u ta ma ci lags sdug bsngal ma mchis sam/ 'od srungs nga ni sdug bsngal med do zhes mi zer gyis/ 'od srungs sdug bsngal ni yod pa kho na'o// kye go'u ta ma ci nas bdag gis sdug bsngal rtogs par

  690. 346a

    'gyur ba dang / sdug bsngal mthong bar 'gyur ba de lta bu'i chos bdag la bka' stsal na legs so legs so// 'od srungs de'i phyir legs par nyon la shin tu yid la gyis shig dang ngas bstan to/ / 'od srungs tshor bar byed pa de nyid myong bar byed pa yin na ni/ de lta na de'i sdug bsngal rang gis byas par 'gyur te/ 'od srungs nga ni de skad mi zer ro/ 'od srungs gzhan zhig gis tshor ba gzhan myong na ni/ de lta na de'i sdug bsngal gzhan gyis byas par 'gyur te/ 'od srungs nga ni de skad kyang mi zer ro// bdag tshor bas zil gyis non la/ gzhan zhig sdug bsngal sgrub par byed na yang de'i sdug bsngal rang gis byas pa yang yin la/ gzhan gyis byas pa yang yin par 'gyur te/ 'od srungs nga ni de skad kyang mi zer ro/ rkyen rnams med pa las sdug bsngal skyes so zhes byas na yang / de lta na de'i sdug bsngal rang gis byas pa yang ma yin la/ gzhan gyis byas pa yang ma yin te/ rgyu med pa las skyes par 'gyur na/ 'od srungs nga ni de skad kyang mi zer ro// 'od srungs de bzhi ni gshegs pa ni mtha' 'di gnyis khas mi len par dbu ma'i lam gyi chos ston te/ 'di lta ste/ 'di yod na 'di 'byung la/ 'di skyes pas 'di skye zhes bya ba ste/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes

  691. 346b

    pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang // yid mi bde ba dang / 'khrug pa rnams 'byung bar 'gyur te/ de ltar ni sdug bsngal gyi phung po chen po 'di 'ba' zhig kyang 'byung bar 'gyur ro// 'di lta ste/ 'di med na 'di mi 'byung la/ 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor pa 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po

  692. 347a

    chen po 'di 'ba' zhig kyang 'gag par 'gyur ro/ / chos kyi rnam grangs 'di bstan pa na/ 'od srungs kyi rigs gos med rdul med cing dri ma dang bral te/ chos rnams la chos kyi mig skyes so/ / de nas 'od srungs kyi rigs gos med chos mthong ba dang / chos thob pa dang / chos rig pa dang / chos kyi gting slebs pa dang / som nyi las/ rgal ba dang / the tsomo las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob pa dang / 'bras bu la gnas par gyur nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol te/ btsun pa bcom ldan 'das bdag ni zhugs lags so/ / btsun pa bde bar gshegs pa bdag ni zhugs so// bdag ni btsun pa bcom ldan 'das la skyabs su mchi'o// chos dang dge slong gi/ dge 'dun la yang skyabs su mchi'o// bcom ldan 'das bdag dang slan chad ji srid 'tsho'i bar du srog gcod pa la sogs pa spangs pa dang / skyabs su mchis pa dang / mngon par dga' bar gyur pa'i dge bsnyen lags par gzung du gsol/ de nas bcom ldan 'das kyis 'od srungs kyi rigs gos med la chos kyi gtam rnam grangs du mas yang dag par bstan

  693. 347b

    cing yang dag par 'dzin du bcug la/ yang dag par gzengs bstod de/ yang dag par dga' bar mdzad nas gshegs so// de nas 'od srungs kyi rigs gos med tha gi zad tsam gyi bar du/ bcom ldan 'das kyi slad bzhin du zham rang byas nas bcom ldan 'das la lan gsum bskor ba byas te/ bcom ldan 'das kyi thad nas song ngo // de nas bcom ldan 'das kyi thad nas song nas ring po ma lon par ba drus ma zhig gos bsad de/ 'chi ba'i dus kyi tshe dbang po rnams ni rnam par dang bar gyur/ bzhin gyi mdog ni yongs su dag par gyur/ pags pa'i mdog ni yongs su gsal bar gyur to// de nas dge slong mang po dag snga dro sham thabs dang chos gos bgos/ lhung bzed khyer nas rgyal po'i khab tu bsod snyoms la dong ngo // de nas dge slong mang pos rgyal po'i khab tu bsod snyoms rgyu ba dag gis 'od srungs kyi rigs gos med des/ bcom ldan 'das la sdug bsngal gyi chos las zhu ba zhus te/ zhus nas de bcom ldan 'das kyi thad nas song nas ring po ma lon par ba drus ma zhig gis bsad de/ de 'chi ba'i dus kyi tshe dbang po rnams ni rnam par dang bar gyur/ bzhin gyi mdog ni yongs su dag par gyur/ pags pa'i mdog yongs su gsal bar gyur to zhes thos so// thos nas kyang dge slong mang po rnams kyis rgyal po'i khab tu bsod snyoms bskor nas kha zas kyi bya ba byas te/ kha zas phyis tha

  694. 348a

    ba spangs nas/ lhung bzed dang chos gos gnas su bzhag ste/ rkang pa bkrus nas nang du yang dag 'jog pa'i phyir gtsug lag khang du zhugs so// de nas dge slong mang po dag phye ma red kyi dus kyi ni nang du yang dag 'jog las langs nas/ bcom ldan 'das ga la ba der dong ste lhags nas/ bcom ldan 'das kyi zhabs la phyag 'tshal te/ phyogs gcig tu 'khod do/ / phyogs gcig tu 'khod nas/ dge slong mang po dag gis/ bcom ldan 'das la 'di skad ces gsol to// btsun pa 'dir bdag cag dge slong mang po snga dro sham thabs dang chos gos bgos te/ lhung bzed 'tshal nas rgyal po'i khab tu bsod snyoms la mchis na/ bdag cag gis thos pa/ bcom ldan 'das rgyal po'i khab tu bsod snyoms la gshegs pa na 'od srungs kyi rigs gos med des/ bcom ldan 'das las sdug bsngal gyi chos las zhu ba zhus nas/ de nas bcom ldan 'das kyi thad nas mchis nas ring po ma lags par ba dus ma zhig gis bkum ste/ de 'gum pa'i dus kyi tshe dbang po rnams ni rnam par dang bar gyur/ de bzhin gyi mdog ni yongs su dag par gyur/ pags pa'i mdog ni yongs su gsal bar gyur ces thos lags na/ btsun pa de'i 'gro ba ni gang lags/ gang du ni skye lags/ 'jig rten pha rol ni gang lags/ dge slong dag rigs kyi bu de ni nor du gyur te/ chos kyi rjes su mthun pa'i chos

  695. 348b

    mngon par rtogs so/ / chos kyi skabs nas nga la cung zad kyang mtho ba tsam pa med do// dge slong dag rigs kyi bu de ni yongs su mya ngan las 'das kyis/ de'i lus la lus kyi mchod pa gyis shig ces/ der bcom ldan 'das kyis 'od srungs kyi rigs gos med/ dge slong gi dge 'dun gyi mdun du mchog tu lung bstan te/ de skad ces bka' stsal to// kye go'u ta ma ci lags/ sdug bsngal rang gis bgyis pa lags sam zhes smras pa ni/ kye go'u ta ma ci lags/ rang gi bdag sdug bsngal gyi rgyu dang / rtsa ba dang / skyed pa dang / gzhi dang / byed rgyu dang / 'byin/ pa dang rkyen dang / kun 'byung ba dang / slong ba lags sam zhes bya ba'i don te/ de bas na kye go'u ta ma ci lags/ sdug bsngal rang gis bgyis pa lags sam zhes smras so// kye go'u ta ma ci legs/ sdug bsngal gzhan gyis bgyis ba lags sam zhes smras pa ni/ kye go'u ta ma ci lags/ gzhan dag gi sdug bsngal gyi rgyu dang / rtsa ba dang / skyed pa dang gzhi dang / byed rgyu dang / 'byin pa dang / rkyen dang / kun 'byung ba dang / slong ba lags sam zhes bya ba'i don te/ de bas na kye go'u ta ma ci lags/ sdug bsngal gzhan gyis bgyis pa lags sam zhes smras so/ / kye go'u ta ma ci lags/ sdug bsngal rang gis bgyis pa yang lags la/ gzhan gyis bgyis pa yang lags sam zhes smras pa ni/ kye go'u ta

  696. 349a

    maci lags/ rang gi bdag dang gzhan gyi bdag kyang sdug bsngal gyi rgyu dang / rtsa ba dang / skyed pa dang / gaN+DI dang / byed rgyu dang / 'byin pa dang / rkyen dang / kun 'byung ba dang / spong ba lags sam zhes bya ba'i don te/ de bas na kye gauT ta ma ci lags/ sdug bsngal rang gis bgyis pa yang lags la/ gzhan gyis bgyis ba yang lags sam zhes smras so/ / kye go'u ta ma ci lags/ sdug bsngal rang gis bgyis pa yang ma lags la/ gzhan gyis bgyis pa yang sa lags te/ rgyu ma mchis pa las byung ba lags sam zhes spras pa ni/ kye go'u ta ma ci lags/ sdug bsngal rgyu med pa lags sam zhes bya ba'i don te/ de bas na kye go'u ta ma ci lags/ sdug bsngal rang gis/ bgyis pa yang ma lags la/ gzhan gyis bgyis pa yang ma lags te/ rgyu ma mchis pa las byung ba lags sam zhes smras so// de la ni 'di skad ces bya ste/ 'od srungs rang gi bdag sdug bsngal gyi rgyu dang / rtsa ba dang / skyed pa dang / gzhi dang / byed rgyu dang / 'byin pa dang / rkyen dang / kun 'byung ba dang / spong ba yin du zin na/ de lha na ni rang gi bdag ma chad kyi bar du sdug bsngal yang dag par zad pa dang / sdug bsngal mthar byed pa med par 'ong ngo // 'od srungs gzhan gyi bdag sdug bsngal gyi rgyu dang / rtsa ba dang /

  697. 349b

    skyed pa dang / gzhi dang / byed rgyu dang / 'byin pa dang / rkyen dang / kun 'byung ba dang / slong ba yin du zin na/ de lta na yang gzhan gyi bdag ma chad kyi bar du sdug bsngal yang dag par zad pa dang / sdug bsngal mthar byed pa med par 'ong ngo // 'od srungs rang gi bdag dang gzhan gyi bdag sdug bsngal gyi rgyu dang / rtsa ba dang / skyed pa dang / gzhi dang / byed rgyu dang / 'byin pa dang / rkyen dang / kun 'byung ba dang / slong ba yin du zin na/ de lta na yang rang gi bdag dang / gzhan gyi bdag ma chad kyi bar du sdug bsngal yang dag bar zad pa dang / sdug bsngal mthar byed pa med par 'ong ngo // 'od srungs sdug bsngal rgyu med pa las byung ba yin du zin na/ de lta na yang de ni rgyu gang zad par byas pas sdug bsngal yang dag par zad pa dang / sdug bsngal mthar byed par 'gyur ba'i rgyu de med par 'ong ngo // 'od srungs de bas na/ rang gis byas pa dang / gzhan gyis byas pa dang / rang gis kyang byas la/ gzhan gyis kyang byas pa dang / rang gis kyang ma byas la/ gzhan gyis kyang ma byas te/ rgyu med pa yang ma yin pa ni 'di ltar khas blang bar byas te/ rang gis byas pa ji lta bu zhe na/ smras pa/ ji ltar 'di na kha cig rang gis rang gi skra 'bal ba 'am/ kha spu 'bal ba 'am/ skra dang kha spu 'bal ba 'am/ lcag gis 'ju ba 'am/ lcug mas

  698. 350a

    'ju ba 'am/ 'breng bas 'ju ba 'am/ lag pa gcod pa 'am/ rkang pa gcod pa 'am/ rna ba gcod pa 'am/ sna gcod pa 'am/ gtan 'chi bar byed pa 'am/ grangs nas grang bar 'gro ba 'am/ tsha ba'i sa nas tsha ba'i sar 'gro bar byed la/ de'i rkyen gyis kyang de'i sdug bsngal skye bar 'gyur ba lta bu ste/ de ltar na rang gis byas pa yin no/ / gzhan gyis byas pa ji lta bu zhe na/ smras pa/ ji ltar 'di na kha cig gzhan gyis de'i skra babal ba'am/ kha spu 'bal ba'am/ skra dang kha spu 'bal ba 'am lcag gis 'ju ba 'am/ lcug mas 'ju ba 'am/ 'breng bas 'ju ba 'am/ lag pa gcod pa 'am/ rkang pa gcod pa 'am/ rna ba gcod pa 'am/ sna gcod pa 'am gtan 'chi bar byed pa 'am/ grangs nas grang bar gtong ba 'am/ tsha ba'i sa nas tsha ba'i sar gtong bar byed la/ de'i rkyen gyis kyang de'i sdug bsngal skye bar 'gyur ba lta bu ste/ de ltar na gzhan gyis byas pa yin no// gnyis kas byas pa ji lta bu zhe na/ smras pa/ ji ltar 'di na kha cig bdag nyid dang / gzhan gyis de'i skra 'bal ba 'am/ kha spu 'bal ba 'am/ skra dang kha spu 'bal ba 'am/ lcag gis 'ju ba 'am/ lcug mas 'ju ba ba ma 'breng bas 'ju ba 'am/ lag pa gcod pa 'am/ rkang pa gcod pa 'am/

  699. 350b

    rna ba gcod pa 'am/ sna gcod pa 'am/ gtan 'chi bar byed pa 'am/ grangs nas grang bar gtong ba 'am/ tsha ba'i sa nas tsha ba'i sar gtong bar byed la/ de'i rkyen gyis kyang de'i sdug bsngal skye bar 'gyur ba lta bu ste/ de ltar na rang gis byas pa yang yin la/ gzhan gyis byas pa yang yin no// rang gis kyang ma byas/ gzhan gyis kyang ma byas la/ rgyu med pa las byung ba ni ma yin pa ji lta bu zhe na/ smras pa/ dper na rlung ldang ba dang / char 'bab pa dang / thog thog 'bab pa na/ khyim rnams rdib par byed pa 'am/ shing rnams gcog par byed pa 'am/ brag gi rtse mo rnams 'joms par byed de/ des na kha cig gi ni lag pa gcog par byed/ kha cig gi ni rkang pa gcog par byed/ kha cig gi ni rna ba 'am sna chad par byed de/ kha cig ni gtan 'chi bar byed pa lta bu ste/ rlung de dang / char pa de dang / thog thog de ni khyim de dag rdib par byed pa dang / shing rnams chag par byed pa dang / brag gi rtse mo rnams 'joms par byed pa'i rgyu kho na yin te/ de ltar na rang gis kyang ma byas/ gzhan gyis kyang ma byas pa'i rigs dang rgyu las byung ba yin no// 'od srungs sems can rnams kyi bde ba dang sdug bsngal skye ba ci yang rung ba de dag thams cad ni/ rang gis byas pa dang / gzhan gyis byas pa dang / gnyis kas byas pa dang / dus tshigs

  700. 351a

    'gyur ba'i rkyen bzhis skye bar 'gyur ro/ / bdag gis byas pa ji lta bu zhe na/ smras pa/ 'di na kha cig rang gis rang gi sgra 'bal ba 'am/ kha spu 'bal ba 'am/ skra dang kha spu 'bal ba 'am/ lcag gis 'ju ba 'am/ lcug mas 'ju ba 'am/ 'breng bas 'ju ba 'am/ lag pa gcod pa 'am/ rkang pa gcod pa 'am/ rna ba gcod pa 'am/ sna gcod pa 'am/ gtan 'chi bar byed pa 'am/ grangs nas grang sar 'gro ba 'am/ tsha ba'i sa nas tsha ba'i sar 'gro ba 'am/ lus snum gyis bsku zhing dril ba dang / khrus byed pa dang / ma nye bar byed la/ de'i rkyen gyis kyang de'i bde ba dang sdug bsngal skye bar 'gyur ba lta bu ste/ de ltar na bdag gis byas pa yin no// gzhan gyis byas pa ji lta bu zhe na/ smras pa/ dper na 'di na kha cig gzhan gyis de'i skra 'bal ba nas/ gtan 'chi ba'i bar du byed pa dang / grangs nas grang sar gtong ba 'am/ tsha ba'i sa nas tsha ba'i sar gtong ba 'am/ lus snum gyis bsku zhing dril ba dang / khrus byed pa dang / lus mnye bar byed la/ de'i rkyen gyis kyang de'i bde ba dang sdug bsngal skye bar 'gyur ba lta bu ste/ de ltar na gzhan gyis byas pa yin no// gnyis kas byas pa ji lta bu zhe na/ spras pa/ dper na 'di na kha cig bdag nyid dang gzhan gyis de'i sgra 'bal ba nas/ gtan 'chi ba'i bar du byed pa 'am/ grangs nas grang sar gtong

  701. 351b

    ba'am tsha ba'i sa nas tsha ba'i sar gtong ba 'am/ lus snum gyis bsku zhing dril ba dang / khrus byed pa dang / mnye bar byed pa dang / de'i rkyen gyis kyang de'i bde ba dang sdug bsngal skye bar 'gyur ba lta bu ste/ de ltar na gnyis kas byas pa yin no// dus tshigs 'gyur ba ji lta bu zhe na/ smras pa/ dper na rgyal po dgun gcig tu nges par grang ba dang / dbyar gcig tu nges par tsha ba dang / sos ka'i grang ba dang tsha ba de gnyis las/ bde ba dang sdug bsngal skye bar 'gyur ba lta bu ste/ de ltar na dus tshigs 'gyur ba las gyur pa yin no// las 'thob pa ni rnam pa bzhi ste/ rgyas par yang dag par 'gro ba'i rnam grangs las ji skad 'byung ba bzhin du brjod par bya'o// sbyin pa ni bzhi ste/ bzhi gang zhe na/ sbyin pa po rnam par dag la/ len pa po rnam par ma dag pa yang yod do zhes bya ba nas/ rgyas par yang dag par 'gro ba'i rnam grangs las ji skad 'byung ba bzhin du brjod par bya'o// sbyin pa ni brgyad de/ brgyad gang zhe na/ nye bar gyur pa la sbyin pa zhes bya ba nas/ rgyas par yang dag par 'gro ba'i rnam grangs las ji skad 'byung ba bzhin du brjod par bya'o// gzhan yang sbyin pa ni brgyad de brgyad gang zhe na/ gang zag dod pa chung ngus sbyin pa chung ngu byin la/ tshul khrims 'chal pa rnams la byin te/ yun ring du thub pa ma yin pa dang / gang zag dad pa chung ngus

  702. 352a

    sbyin pa chen po byin la/ tshul khrims 'chal pa rnams la byin te/ yun ring du mi thub pa byin pa dang / gang zag dad pa chung ngus sbyin pa chen po byin la tshul khrims dang ldan pa rnams la byin te/ yun ring du mi thub pa byin pa dang / gang zag dad pa chung ngus sbyin pa chen po byin la/ tshul khrims dang ldan pa rnams la byin te/ yun ring du thub pa byin pa dang / gang zag dad pa chen pos sbyin pa chung ngu byin la/ tshul khrims 'chal pa rnams la byin te/ yun ring du mi thub pa byin pa dang / gang zag dad pa chen pos sbyin pa chen po byin la/ tshul khrims 'chal pa rnams la byin te/ yun ring du mi thub pa byin pa dang / gang zag dad pa chen pos sbyin pa chen po byin te/ tshul khrims dang ldan pa rnams la byin la yun ring du mi thub pa byin pa dang / gang zag dad pa chen pos sbyin pa chen po byin la/ tshul khrims dang ldan pa rnams la byin te/ yun ring du thub pa byin pa'o// de la gang zag dad pa chung ngus sbyin pa chung ngu byin la/ tshul khrims 'chal pa rnams la byin te/ yun ring du mi thub pa byin pa gang yin pa'i sbyin pa 'di ni/ sbyin pa de rnams kyi nang na chung ngu zhes brjod do/ / de la gang zag dad pa chung ngus sbyin pa chen po byin la/ tshul khrims 'chal pa rnams la byin te/ yun ring du mi thub pa byin pa'i sbyin pa gang yin pa de ni sbyin pa de bas che bar brjod

  703. 352b

    do/ / de la gang zag dad pa chung ngus sbyin pa chen po byin la/ tshul khrims dang ldan pa rnams la byin te/ yun ring du mi thub pa byin pa gang yin pa'i sbyin pa 'di ni/ de gnyis pas che bar brjod do/ / de la gang zag dad pa chung ngus sbyin pa chen po byin la/ tshul khrims dang ldan pa rnams la byin te/ yun ring du thub pa gang yin pa'i sbyin pa de ni/ sbyin pa de dag pas che bar brjod do/ / de la gang zag dad pa chen pos sbyin pa chung ngu byin la/ tshul khrims 'chal pa rnams la byin te/ yun ring du mi thub pa gang yin pa'i sbyin pa 'di ni/ sbyin pa de dag pas che/ bar brjod do// de la gang zag dad pa chen pos sbyin pa chen po byin la/ tshul khrims dang ldan pa rnams la byin te/ yun ring du mi thub pa gang yin pa'i sbyin pa de ni/ sbyin pa de dag pas che bar brjod do/ / de la gang zag dad pa chen pos sbyin pa chen po byin la/ tshul khrims dang ldan pa rnams la byin te/ yun ring du thub pa gang yin pa'i sbyin pa 'di ni/ sbyin pa de dag bas che ba dang / mchog tu brjod pa dang / gtso bo dang / khyad par du 'phags pa dang / bla na med par brjod de/ dper na ba bas ni 'o ma/ 'o ma bas ni zho// zho bas ni mar sar par sar pas ni zhun mar/ zhun mar bas ni mar gyi nying khu che ba dang / mchog tu brjod pa dang / gtso bo dang / khyad par du 'phags pa dang / bla na med par brjod pa de bzhin du/ gang zag

  704. 353a

    dad pa chen pos sbyin pa chen po byin la/ tshul khrims dang ldan pa rnams la byin te/ yun ring du thub par byin pa gang yin pa'i sbyin pa 'di ni/ sbyin pa de dag pas/ che ba dang / mchog tu brjod pa dang / gtso bo dang / khyad par du 'phags pa dang / bla na med par brjod do// las ni brgyad de/ brgyad gang zhe na/ bde ba myong bar 'gyur ba dang sdug bsngal myong bar 'gyur ba dang / tshe 'di la myong bar 'gyur ba dang / lan grangs gzhan du myong bar 'gyur ba dang / chung ngu myong bar 'gyur ba dang / rgya chen po myong bar 'gyur ba dang las yongs su ma smin pa dang / las yongs su smin pa'o// las bde ba myong bar 'gyur ba de brtsal ba'i rgyu 'am/ brtson pa'i rgyus sdug bsngal myong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du mi rung ngo // las gang sdug bsngal myong bar 'gyur ba de brtsal ba'i rgyu 'am/ brtson pa'i rgyus bde ba myong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du mi rung ngo / / las gang tshe 'di la myong bar 'gyur ba de brtsal ba'i rgyu 'am/ brtson pa'i rgyus lan grangs gzhan la myong bar 'gyur bar byar rung ba'i gnas de lta bur bsgyur du rung ngam/

  705. 353b

    'on te gnas de lta bur bsgyur du mi rung zhe na/ smras pa/ gnas de lta bur bsgyur du rung ngo // las gang lan grangs gzhan la myong bar 'gyur ba de brtsal ba'i rgyu 'am/ brtson pa'i rgyus tshe 'di la myong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du rung ngo // las gang chung ngu myong bar 'gyur ba de brtsal ba'i rgyu'am/ brtson pa'i rgyus rgya che ba myong bar 'gyur bar byar rung ba'i gnas de lta bur bsgyur du rung ngam/ 'on te de lta bu'i gnas su bsgyur du mi rung zhe na/ spras pa gnas de lta bur bsgyur du rung ngo // las gang rgya chen po myong bar 'gyur ba de brtsal ba'i rgyu 'am/ brtson pa'i rgyus chung ngu spong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du rung ngo // las gang yongs su ma smin pa de brtsal ba'i rgyu 'am/ brtson pa'i rgyus yongs su smin par byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du mi rung ba yang yod/ bsgyur du rung ba yang yod de dper na 'di na kha cig yongs su mo smin pa'i las yongs su smin par bya'o snyam nas/ ral pa 'chang ba 'am/ skra 'bal ba 'am/ kha spu 'bal ba 'am/ skra dang kha spu 'bal

  706. 354a

    ba 'am lam ngan pa dang / dka' thub ngan pa rnam pa sna tshogs kyi bdag nyid kun tu gdung bar byed pa 'di ni bsgyur du mi rung ba'o// bsgyur du rung ba gang zhe na/ smras pa dper na 'di na kha cig yongs su ma smin pa'i las yongs su smin par bya'o snyam nas/ sbyor ba dang / rtsol ba dang / 'bad ba byas na/ rgyun du zhugs pa'i 'bras bu thob pa dang / lan cig phyir 'ong ba dang / phyir mi 'ong ba dang / 'bras bu'i mchog dgra bcom pa nyid thob pa 'di ni bsgyur du rung ba'o// gang las yongs su smin zin pa de brtsal ba'i rgyu 'am/ brtson pa'i rgyus gzhan du bsgyur du rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du mi rung ngo / / las ni gsum ste/ gsum gang zhe na/ tshe 'di la myong bar 'gyur ba dang / skyes nas myong bar 'gyur ba dang / lan grangs gzhan la myong bar 'gyur ba'o/ / tshe 'di la myong bar 'gyur ba'i las kyi rnam par smin pa nyams su myong bar skyes nas myong bar 'gyur ba dang / lan grangs gzhan la myong bar 'gyur ba'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod do// de yang dgra bcom pa nyid thob pa na/ las de'i rnam par smin pa

  707. 354b

    mngon du 'byung zhing 'ong bar 'gyur ba'i phyir ro/ / skyes nas myong bar 'gyur ba'i las kyi rnam par smin pa nyams su ma myong bar tshe 'di la myong bar 'gyur ba dang / lan grangs gzhan la myong bar 'gyur ba'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro/ / lan grangs gzhan la myong bar 'gyur ba'i las kyi rnam par smin pa ma myong bar tshe 'di la myong bar 'gyur ba dang / skyes nas myong bar 'gyur ba'i las rnam par smin pa myong bar 'gyur ba yod dam zhe na/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro/ / gzhan yang las 'di gsum ste/ gsum gang zhe na/ bde ba myong bar 'gyur ba dang / sdug bsngal myong bar 'gyur ba dang sdug bsngal yang ma yin/ bde ba yang ma yin pa myong bar 'gyur ba'o// bde ba myong bar 'gyur ba'i las kyi rnam par smin pa nyams su ma myong bar sdug bsngal myong bar 'gyur ba dang / sdug bsngal yang ma yin/ bde ba yang ma yin pa myong bar 'gyur ba'i las kyi rnam par smin pa nyams su myong bar 'gyur ba yod dam zhe na/ smras pa/ nyams su

  708. 355a

    myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro// sdug bsngal myong bar 'gyur ba'i las kyi rnam par smin pa nyams su ma myong bar bde ba myong bar 'gyur ba dang / sdug bsngal yang ma yin/ bde ba yang ma yin pa myong bar 'gyur ba'i las kyi rnam par smin / pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro/ / sdug bsngal yang ma yin/ bde ba yang ma yin pa'i las kyi rnam par smin pa nyams su ma myong bar bde ba myong bar 'gyur ba dang / sdug bsngal myong bar 'gyur ba'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro/ / gzhan yang las ni gsum ste/ gsum gang zhe na/ 'dod pa dang ldan pa'i las dang / gzugs dang ldan pa'i las dang / gzugs med pa dang ldan pa'i las so// 'dod pa dang ldan pa'i las kyi rnam par smin pa ma myong bar gzugs dang ldan pa'i las dang / gzugs med pa dang ldan pa'i las kyi rnam par

  709. 355b

    smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro/ / gzugs dang ldan pa'i las kyi rnam par smin pa ma myong bar 'dod pa dang ldan pa'i las dang / gzugs med pa dang ldan pa'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro// gzugs med pa dang ldan pa'i las kyi rnam par smin pa nyams su ma myong bar 'dod pa dang ldan pa'i las dang / gzugs dang ldan pa'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro// gcer bu pa rnams ni 'di skad du/ skyes bu gang zag 'dis nyams su myong ba ci yang rung ba de dag thams cad ni/ sngon byas pa'i rgyu las byung ba yin no zhes zer te/ de dag la ni 'di skad du gcer bu pa khyod rnams ci'i phyir dka' thub spod par byed ces bya'o/ / de dag 'di skad du bdag cag ni tshe 'di la brtsal ba'i phyir dka' thub spyod par byed do zhes zer na/ de dag la 'di skad

  710. 356a

    ces bya ste/ gcer bu pa rnams nyon cig/ de lta na skyes bu gang zag 'dis nyams su myong ba ci yang rung ba de dag thams cad ni/ sngon byas pa'i rgyu las byung ba yin te/ bdag cag ni tshe 'di la brtsal ba'i phyir dka' thub spyod par byed do zhes ma zer cig/ de ste khyed da ltar bdag cag gis tshe 'di la brtsal ba'i phyir dka' thub spyod par byed do// zhes zer na ni/ skyes bu gang zag 'dis nyams su myong ba ci yang rung ba de dag thams cad sngon byas pa'i rgyu las byung ba yin no zhes ma zer cig/ skyes bu gang zag 'dis nyams su myong ba ci yang rung ba de dag thams cad ni/ sngon byas pa'i rgyu las byung ba yin te/ bdag cag ni tshe 'di la brtsal ba'i phyir dka' thub spyod par byed do zhes byar ni mi rung ngo // de dag 'di skad/ du bdag cag gi rnam par smin pa'i yang rnam par smin pa nyams su myong bar byed do zhes zer na yang / de dag la 'di skad du cig cer bu pa khyed la dag par 'gyur ba yod dam/ grol bar 'gyur ba yod dam/ mya ngan las 'da' bar 'gyur ba yod dam zhes bya'o// de dag 'di skad du tshe dang ldan pa bdag cag la dag par 'gyur ba yang yod/ grol bar 'gyur ba yang yod mya ngan las bdas par 'gyur ba yang yod do zhes zer na ni/ de dag la 'di skad ces bya ste/ gcer bu pa rnams nyon cig/ de lta na bdag cag ni rnam par smin pa'i yang rnam par smin pa nyams su myong bar

  711. 356b

    byed de/ bdag cag la dag par 'gyur ba yang yod/ grol bar 'gyur ba yang yod/ mya ngan las 'da' bar 'gyur ba yang yod do zhes ma zer cig/ de ste khyed da ltar bdag cag la dag par 'gyur ba yang yod/ grol bar 'gyur ba yang yod/ mya ngan las 'da' bar 'gyur ba yang yod do zhes zer na ni/ bdag cag ni rnam par smin pa'i yang rnam par smin pa nyams su myong bar byed do zhes ma zer cig/ bdag cag ni rnam par smin pa'i yang rnam par smin pa nyams su myong bar byed de/ bdag cag la dag par 'gyur ba yang yod/ grol bar 'gyur ba yang yod/ mya ngan las 'da' bar 'gyur ba yang yod do zhes byar ni mi rung ngo // spun drung gis spun drung gtang ste/ song la ma sod cig/ bdag nyid kyis sod la/ gzhan song du ma gzhug cig ces byas na/ de gnyis ka mtshams med pa'i las dang ldan par 'gyur ram/ 'on te gcig ldan par 'gyur zhe na/ smras pa/ gal te bdag nyid kyis bsad na ni/ gnyis ka mtshams med pa'i las dang ldan par 'gyur ro// de ste gzhan gsod du bcug ste/ bdag nyid kyis ma bsad na ni/ phyi ma shos mtshams med ba'i las dang ldan par 'gyur gyi/ snga ma shos ni ma yin no// de ste bdag dang gzhan gnyis kas bsad na yang / phyi ma shos nyi tshe mtshams med pa'i las dang ldan par 'gyur gyi/

  712. 357a

    snga ma shos ni ma yin no// spun drung gis spun drung btang ste/ song la ma sod cig/ gzhan gsod du chug la/ bdag nyid kyis ma bsad cig ces byas na de ci gnyis ka mtshams med pa'i las dang ldan par 'gyur ram/ 'on te gcig ldan par 'gyur zhe na/ smras pa/ gal te gzhan gsod du bcug ste/ bdag nyid kyis ma bsad na ni/ gnyis ka mtshams med pa'i las dang ldan par 'gyur ro// de ste bdag nyid kyis bsad de/ gzhan gsod du ma bcug na ni/ phyi ma shos mtshams med pa'i las dang ldan par 'gyur gyi/ snga ma shos ni ma yin no// gal te bdag dang gzhan gnyis kas bsad na yang / phyi ma shos mtshams med pa'i las dang ldan par 'gyur gyi/ snga ma shos ni ma yin no// spun drung gis spu na drung btang ste/ song la ma sod cig/ bdag dang gzhan gnyis kas sod cig ces byas na/ de gnyis ka/ mtshams med pa'i las dang ldan par 'gyur ram/ 'on te mi 'gyur zhe na/ smras pa/ gal te bdag dang gzhan gnyis kas bsad na ni/ gnyis ka mtshams med pa'i las dang ldan par 'gyur ro/ / de ste bdag nyid kyis bsad de/ gzhan gyis ma bsad na ni/ phyi ma shos mtshams med pa'i las dang ldan par 'gyur gyi/ lnga ma shos ni

  713. 357b

    ma yin no/ / de ste gzhan gyis bsad de/ bdag nyid kyis ma bsad na ni/ phyi ma shos mtshams med pa'i las dang ldan par 'gyur gyi snga ma shos ni ma yin no// de bzhin du mtshon cha dang / me dang / dug dang / dbyug pas bsnun pa la sogs pa thabs rnam pa sna tshogs kyis bsad pa yang de dang 'dra bar brjod par bya'o// spun drung gis spun drung la ji lta ba bzhin du ming pos sring mo la bsgo ba dang / sring mos ming po la bsgo ba dang / spun drung mos spun drung mo la bsgo ba yang de dang 'dra'o// ma ji lta ba bzhin du pa yang de dang 'dra'o/ / mar 'du shes pas ma bsad par bya'o snyam ste/ nye du ma yin pa'i bud med bsad na/ de ci mtshams med pa'i las dang ldan par 'gyur ram/ 'on te mi 'gyur zhe na/ smras pa ldan par ni mi 'gyur ro/ / nye du ma yin pa'i bud med du 'du shes pas/ nye du ma yin pa'i bud med gsod par bya'o snyam pa las ma bsad par gyur na/ de ci mtshams med pa'i las dang ldan par 'gyur ram/ 'on te ldan par mi 'gyur zhe na/ smras pa/ ldan par mi 'gyur ro// nye du ma yin pa'i bud med yin par 'du shes pas/ nye du ma yin pa'i bud med bsad na/ de ci mtshams med pa'i las dang ldan par 'gyur ram/ 'on te mi 'gyur zhe na/ smras pa/ gal te dgra bcom ma bsad par gyur na ni// de ldan

  714. 358a

    par 'gyur ro/ / de lta ma yin na ni mi 'gyur ro// mar 'du shes pas ma nyid bsad na/ de ci mtshams med pa'i las dang ldan par 'gyur ram/ 'on te mi 'gyur zhe na/ smras pa/ mtshams med pa'i las dang ldan par 'gyur ro// ma ji lta ba bzhin du pa yang de dang 'dra'o// / spyi sdom ni/ ched du byas dang rtsa ba dang / / rgyu med pa dang chung ngu dang // las dang yang dag ma bsdams pa// de yi gzhi dang sum cu drug/ 'das pa'i rgyu las byung ba dang // rtsa ba zang dang tshe zad pa'o// chos mngon pa las/ las gdags pa bshad pa tshigs bcu gcig pa ste/ las gdags pa bshad pa gsum pa rdzogs so// / rgya gar skad du/ kar+m+ma bi b+hang ka/ bod skad du/ las rnam par 'byed pa/ sangs rgyas dang byang chub sems dpa' thams cad la phyag 'tshal lo/ / dbam po dang po// 'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med pas sbyin gyi kun dga'i ra ba na bzhugs te/ de nas bcom ldan 'das snga dro chos gos dang shas thabs mnabs lhung bzed bsnams te/ mnyan du yod par bsod snyoms kyi phyir gshes

  715. 358b

    nas/ mthar chags su mnyan du yod par bsod snyoms bzhes te/ to'u te ya'i bu bram ze'i khye'u ne tse'i khyim ga la ba der gshegs so// de'i tshe to'u te ya'i bu bram ze'i khye'u ne tse'i khyim de na/ khri ras kau ni ka bting ba'i steng na khyi drung zhes bya ba 'dug ste/ 'khar gzhong rdo ba khar blangs pa la/ 'bras chan dang sha bsres pa'i khrud ma 'thung ba las/ khyi dung gis bcom ldan 'das sgo drung na bzhugs pa mthong ste/ mthong nas kyang 'a'u zhes gzugs so// de nas bcom ldan 'das kyis/ khyi dung la 'di skad ces bka' stsal te khyi dung khyod kyi zhes bya ba las khe'u zhes gzugs par gyur na/ des kyang ma dul lam/ de skad ces bka' stsal pa dang / khyi dung khros 'khrugs tshig pa zos te yi ma rangs nas ras ko ni ka bting ba'i khri las babs te/ khri 'og na gtor khung gi shing gi wa la 'dug go/ de'i tshe to'u te ya'i bu bram ze'i khye'u ni tse bya ba zhig gi phyir phyi rol tu byung ba las/ de nas to'u te ya'i bu bram ze'i khye'u ne tso slar log pa dang / to'u te ya'i bu bram ze'i khye'u ne tsos khyi dung khri'i 'og na gtor khung gi wa la 'dug pa mthong ngo // mthong nas kyang nang mi la smras pa khyed kyis khyi dung 'di la ci zhig smras jo bo bdag cag gang gis kyang khyi dung la ci yang ma smras so/ / de lta lags mod kyi dge sbyong go'u ta ma byon par gyur te/ khyi dung gis dge

  716. 359a

    skyong go'u ta ma sgo drung na bzhugs pa mthong ngo / / mthong nas kyang 'a'u zhes gzugs pa dang / dge sbyong go'u ta mas/ de la 'di skad ces bka' stsal to// khyi dung khyod kye zhes bya ba las 'a'u zhes zugs par gyur na/ des kyang ma dul lam/ de skad ces bka' stsal pa dang / khyi dung khros 'khrugs tshig pa zos te yi ma rangs nas ras ko ni ka bting ba'i khri las babs te/ khri'i 'og na gtor khung gi shing gi wa la 'dug go/ de nas bram ze'i khye'u ni tse khros 'khrugs tshig pa zos te yi ma rangs nas mnyan du yod pa nas byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba der song ngo // de'i tshe bcom ldan 'das dge sbyong brgya phrag du ma'i 'khor gyi mdun na chos ston cing bzhugs te/ bcom ldan 'das kyis to'u te ya'i bu bram ze'i khye'u ni tso rgyang ring po nas 'ong ba gzigs so// gzigs nas kyang dge slong rnams la bka' stsal pa/ dge slong dag khyed kyis to'u te ya'i bu bram ze'i khye'u ne tso rgyang ring po nas 'ong ba mthong ngam/ btsun pa de lta lags so// gal te to'u te ya'i bu bram ze'i khye'u ne tso 'di'i tshe 'chi ba'i dus byas par gyur na ni/ lus dang bral nas shi ba'i 'og tu/ dper na mda' ste'u ka 'phangs pa de bzhin du ngan song ngan 'gro log par lhung ba sems can dmyal ba rnams su skye bar 'gyur te/ 'di

  717. 359b

    ltar 'dir nga la sems rab tu khros pa'i phyir ro/ / sems rab tu khros pa'i rgyus de ltar 'di na sems can kha cig lus dang bral nas shi ba'i 'og tu ngan song ngan 'gro rnam par ltung ba sems can dmyal ba rnams su skye bar 'gyur ro/ / de nas dge slong zhig gis de'i tshe tshigs su bcad de smras pa/ 'di na gang zag kha cig ni// rab tu sems khros gyur gzigs nas// ston pas/ dge slong tshogs rnams la// don de nyid ni lung bstan to// kye ma gson pa'i mi 'di ni// da ni 'chi ba'i dus byed na// de yi sems ni khros pa'i phyir// sems can dmyal ba rnams/ su skye/ de bzhin gshegs la sems khros pa// de yi rgyus ni sems can rnams// dper na mda' ni 'phangs pa bzhin// de ltar ngan 'gror 'gro bar 'gyur// de nas to'u te ya'i bu bram ze'i khye'u ne tso bcom ldan 'das ga la ba der song ste phyin pa dang / bcom ldan 'das dang lhan cig tu mngon du kun dga' bar bya ba dang / yang dag par chags par bya ba'i gtam rnam pa mang po byas nas phyogs gcig tu 'dug go/ / to'u te ya'i bu bram ze'i khye'u ni tso phyogs gcig tu 'dug nas/ bcom ldan 'das la 'di skad ces gsol to// go'u ta ma khyod bdag gi khyim du byon nam/ bram ze'i khye'u phyin no// go'u ta ma khyod kyis bdag gi khyi dung la ci zhig ma gsungs sam/ bram ze'i khye'u nga 'dir snga dro chos gos dang sham thabs bgos lhung bzed thogs nas

  718. 360a

    mnyan du yod par bsod snyoms kyi phyir zhugs te/ mthar gyis mnyan du yod par bsod snyoms blangs nas/ khyod kyi khyim ga la ba der song ste phyin nas sgo drung na 'dug pa dang de'i tshe khyi dung ras ko nau ka bting ba'i khri'i steng na 'dug cing / 'khar gzhong rdo ba'i khar blangs pa la/ 'bras chan dang sha bsres pa'i khrud ma 'thung ba las/ khyi dung gis bsgo drung na 'dug pa mthong ste/ mthong nas kyang gzugs pa dang / ngas de la smras pa/ khyi dung khyod kye zhes bya ba las 'a bu zhes zugs par gyur na/ des kyang ma dul lam zhes de skad ces smras pa dang / khyi dung khros 'khrugs tshig pa zos te yi ma rangs nas/ ras ko ni ka bting ba'i khri las babs te/ khri'i 'og na gtor khung gi shing gi wa la 'dug go// go'u ta ma khyod kyis khyi dung tshe snga ma la bdag gi cir mchi mkhyen tam/ bram ze'i khye'u kha rog 'dug la don 'di ma 'dri zhig/ khyod kun tu gnod sems su 'gyur ba dang / mi bzod pa dang / sems yid mi bde bar 'gyur du 'ong ngo / / lan gnyis lan gsum du to'u te ya'i bu bram ze'i khye'u ne tsos/ bcom ldan 'das la 'di skad ces gsol to// go'u ta ma khyod kyis khyi dung tshe snga ma la bdag gi cir mchi mkhyen ta ma/ bcom ldan 'das kyis kyang lan gnyis lan gsum du/ to'u te ya'i bu bram ze'i khye'u ne tso la 'di skad ces bka' stsal to// bram ze'i khye'u kha rog 'dug la nga la don

  719. 360b

    'di ma 'dri zhig/ khyod kun tu gnod sems su 'gyur ba dang / mi bzod pa dang / sems yid mi bde bar 'gyur du 'ong ngo // bram ze'i khye'u khyod lan gsum gyi bar du don 'di nges par ma thob pas 'dri na/ de'i phyir bram ze'i khye'u legs par rab tu nyon la yid la zung zhig dang bshad do// bram ze'i khye'u khyod kyi pha to'u te ya gang yin pa de lus dang bral nas dman pa khyi'i gnas su skyes so/ / kye go'u ta ma bdag gi pha to'u te ya ni mchod sbyin bgyis pa/ sbyin sreg bgyis pa/ mchod sdong bsgreng ba lags na/ de ci'i slad du 'di ltar 'gyur/ de ni lus dang bral nas tshangs pa'i 'jig rten bzang por skye bar 'gyur ro// bram ze'i khye'u khyod kyi pha to'u te ya ni nga rgyal las nga rgyal nyid kyis dman pa khyi'i gnas su skyes so/ dbram ze'i khye'u gal te ngas smras pa la yid mi ches na/ bram ze'i khye'u khyod de'i phyir rang gi khyim du song la phyin pa dang / khyi dung la 'di skad du gal te khyi dung khyod tshe snga ma la nga'i pha/ to'u te yar gyur pa lta na/ ras ko ni ka bting ba'i khri la 'dug cig ces smros shig/ khri la 'dug pa dang tshig 'di skad du gal te khyi dung khyod tshe snga ma la nga'i pha to'u te yar gyur pa lta na 'khar gzhong rdo ba'i khar blangs pa la 'bras chan dang sha bsres pa'i khrud ma 'thungs shig ces smros shig/ 'thung na de la tshig 'di skad du gal te khyi dung khyod tshe snga ma la nga'i ba to'u te yar gyur pa

  720. 361a

    na khyod 'chi ba'i dus kyi tshe bdag dbang ba gang yod pa nga la ma bstan pa de ston cig ces smros shig dang / ston par 'gyur ro// de nas to bu te ya'i bu bram ze'i khye ne tsos bcom ldan 'das kyis gsungs pa bzung ste/ kun chub par byas nas rang gi khyim ga la ba der song ste phyin pa dang / khyi dung la 'di skad ces smras so// gal te khyi dung khyod tshe snga ma la nga'i pa to'u te yar gyur pa lta na/ ras ko ne ke bting ba'i khri la 'dug cig/ khri la 'dug nas de la 'di skad ces smras so// gal te khyi dung khyod tshe snga ma la nga'i pha to'u te yar gyur pa lha na 'khar gzhong rdo'i khar blangs pa la 'bras chan dang sha bsras pa'i khrud ma 'thung zhig/ 'thungs nas de la 'di skad ces smras so// gal te khyi dung khyod tshe snga ma la nga'i pha to'u te yar gyur pa lta na/ khyod 'chi ba'i dus kyi tshe bdag dbang ba gang yod pa nga la ma bstan pa de ston cig/ de nas khyi dung ras ko ni ka gting ba'i khri las babs te/ gnas khyim rnying pa zhig yod pa/ ga la ba der song ste phyin pa dang / khri'i rkang pa bzhi'i gnas su rkang lag gi sder mos 'bru'o// dbus su ni snas snom mo// to 'u te ya'i bu bram ze'i khye'u ne tsos de nas gser dngul brdungs pa dang / sil ma lcags zangs bzhi dang / dbus nas gser gyi 'khar ba dang ril ba rnyed do// de nas to'u te ya'i bu bram ze'i khye'u ne tsos gser de sbas nas dga' mgu zhing

  721. 361b

    rab tu dga' ste rangs nas/ dga' ba dang yid bde ba skyes te/ mnyan du yod pa nas byung nas bcom ldan 'das ga la ba der song ngo // de'i tshe bcom ldan 'das dge slong gi 'khor brgya phrag du ma'i mdun na chos ston cing bzhugs te/ bcom ldan 'das kyis te ru te ya'i bu bram ze'i khye'u ne tso rgyang ring po nas 'ong ba gzigs so// gzigs nas kyang dge slong rnams la bka' stsal pa/ dge slong dag khyed kyis to'u te ya'i bu bram ze'i khye'u ne tso rgyang ring po nas 'ong ba mthong ngam/ btsun pa de lha lags so// gal te to'u te ya'i bu bram ze'i khye'u ni tshe 'das/ 'chi ba'i dus byas par gyur na ni/ dper na mda' ste'u ka 'phangs pa de bzhin du bde 'gro mtho ris kyi 'jig rten du lha rnams kyi nang du skye bar 'gyur te/ 'di ltar nges nga la sems dang par byas pa'i phyir ro/ / dge slong dag sems dad pa'i rgyus de ltar 'di na sems can kha cig lus dang bral nas bde 'gro mtho ris kyi 'jig rten du lha rnams kyi nang du skye bar 'gyur ro// nas dge slong zhig gis de'i tshe tshigs su bcad de smras pa/ 'di na gang zag kha cig ni// rab tu sems dang gyur gzigs nas// ston pas dge slong tshogs rnams la// don de nyid ni lung bstan to/ / kye ma gson pa'i mi 'dzin// da ni 'chi ba'i dus byed na// de yi sems ni dad pa'i phyir// lha rnams nang du skye bar 'gyur// de bzhin

  722. 362a

    gshegs la sems dngad pa/ / de yi rgyus na sems can rnams// dper na mda' ni 'phangs pa bzhin// de ltar bzang 'gror 'gro bar 'gyur// de nas to'u te ya'i bu bram ze'i khye'u ne tso bcom ldan 'das ga la ba der song ste phyin pa dang / bcom ldan 'das dang lhan cig tu mdun du kun dga' bar bya ba dang / yang dag par chags par bya ba'i gtam rnam pa mang po byas nas phyogs gcig tu 'dug go/ / to'u te ya'i bu bram ze'i khye'u ne tso phyogs gcig tu 'dug pa dang / bcom ldan 'das kyis 'di skad ces bka' stsal to/ bram ze'i khye'u ci ngas ji ltar khyi dung lung bstan pa de de bzhin du gyur tam/ kye go'u ta ma mad de/ ji ltar go'u ta ma khyod kyis khyi dung lung bstan pa de de bzhin no// gal te zhus nas zhu ba lung bstan pa'i slad du skabs dbye bar gnang na/ go'u ta ma khyod la bdag zhu ba gzhan bga' zhig kyang zhu'o// bram ze'i khye'u ci dang ci 'dod pa dris shig/ kye go'u ta ma rgyu gang dang rkyen gang gis 'dir sems can kha cig tshe thung ba dang / tshe ring ba dang / nad mang ba dang / nad nyung ba dang / mdog sdug pa dang / mdog mi sdug pa dang dbang chung bar grags pa dang / dbang che bar grags pa dang / rigs btsun pa dang / rigs dma' ba dang / tshig gzung bar 'os pa dang / tshig gzung bar mi

  723. 362b

    'os pa dang / longs spyod che ba dang / longs spyod chung ba dang / shes rab 'chal pa dang / shes rab chen por gyur pa/ kye go'u ta ma las gang gi rnam par smin pas sems can 'di dag las sna tshogs su gda'/ bram ze'i khye'u de'i phyir legs par rab tu nyon la yid la zung zhig dang bshad do// bram ze'i khye'u sems can rnams ni las bdag gir 'gyur ba/ las kyi bgo skal la spyod pa/ las kyi skye gnas can las la sten pa ste/ bram ze'i khye'u sems can rnams ni las kyis 'di lta ste/ dman pa dang // mchog dang / 'bring dang / mchog dang / mthon po dang / dma' ba dang / ngan pa dang / bzang po rnams su rnam par phye'o// go'u ta ma khyod kyis mdor bshad de rnam par ma phyed pa 'di bdag gis don rgya cher ma 'tshal to/ / bram ze'i khye'u de'i phyir legs par rab tu nyon la yid la zung zhig dang bshad do// sems can rnams kyi las sna tshogs dang / nyon mongs pa sna tshogs dang / lha ba sna tshogs dang / spyod pa sna tshogs rig nas/ las nag po dang / dkar po rnams kyi 'bras bu rnam par smin pa brjod par bya ste/ bram ze'i khye'u las nag pos ni ngan song sems can dmyal ba dang / dud 'gro dang / yi dgas rnams kyi nang du skye'o// las dkar pos ni lha

  724. 363a

    dang mi rnams kyi nang du skye'o/ / bram ze'i khye'u tshe thung bar 'gyur ba'i las kyang yod/ tshe ring bar 'gyur ba'i las kyang yod/ nad mang bar 'gyur ba'i las kyang yod/ nad nyung bar 'gyur ba'i las kyang yod/ mdog mi sdug par 'gyur ba'i las kyang yod/ mdzes par 'gyur ba'i las kyang yod/ dbang chung bar grags par 'gyur ba'i las kyang yod/ dbang che bar grags par 'gyur ba'i las kyang yod/ rigs btsun par 'gyur ba'i las kyang yod/ rigs dma' bar 'gyur ba'i las kyang yod/ longs spyod chen por 'gyur ba'i las kyang yod/ longs spyod chung bar 'gyur ba'i las kyang yod/ shes rab 'chal par 'gyur ba'i las kyang yod/ shes rab chen por 'gyur ba'i las kyang yod/ sems can dmyal bar skye bar 'gyur ba'i las kyang yod/ dud 'gror skye bar 'gyur ba'i las kyang yod/ yi dgas su skye bar 'gyur/ ba'i las kyang yod/ mi'i 'jig rten du skye bar 'gyur ba'i las kyang yod/ 'dod pa na spyod pa'i lhar skye bar 'gyur ba'i las kyang yod/ gzugs na spyod pa'i lhar skye bar 'gyur ba'i las kyang yod/ gzugs med pa na spyod pa'i lhar skye bar 'gyur ba'i las kyang yod/ nges par skye bar 'gyur ba'i las kyang yod/ skye bar 'gyur bar ma nges pa'i

  725. 363b

    las kyang yod/ yul gzhan du rnam par smin par 'gyur ba'i las kyang yod/ byas la bsags pa ma yin pa'i las kyang yod/ bsags la ma byas pa'i las kyang yod byas la bsags pa'i las kyang yod/ ma byas la ma bsags pa'i las kyang yod/ las gang dang ldan na/ gang zag sems can dmyal ba rnams su skyes te/ sems can dmyal ba pa'i tshe yongs su rdzogs par zad par byas nas 'chi 'pho ba'i las kyang yod/ las gang dang ldan na/ gang zag sems can dmyal ba rnams su skyes te/ sems can dmyal ba pa'i tshe phyed zad par byas nas 'chi 'pho ba'i las kyang yod/ las gang dang ldan na/ gang zag sems can dmyal ba rnams su skye ma thag tu 'tsho 'pho ba'i las kyang yod// las gang dang ldan na/ gang zag sngar bde bar gyur la/ phyis sdug bsngal bar 'gyur ba'i las kyang yod/ las gang dang ldan na/ gang zag sngar yang sdug bsngal bar gyur/ la phyis bde bar 'gyur ba'i las kyang yod/ las gang dang ldan na/ gang zag sngar yang bde bar gyur la/ phyis kyang bde bar 'gyur ba'i las kyang yod/ las gang dang ldan na gang zag sngar yang sdug bsngal bar gyur la/ phyis kyang sdug bsngal bar 'gyur ba'i las kyang yod/ las gang dang ldan na/ gang zag phyug por gyur la/ gtong

  726. 364a

    ba dang ldan pa'i las kyang yod/ las gang dang ldan na/ gang zag phyug por gyur la/ ser sna can du 'gyur ba'i las kyang yod/ las gang dang ldan na/ gang zag dbul por gyur la/ gtong ba dang ldan pa'i las kyang yod/ las gang dang ldan na/ gang zag dbul por gyur la/ ser sna can du 'gyur ba'i las kyang yod/ gang zag gang gi tshe zad par gyur la/ las ma zad pa'i gang zag kyang yod/ gang zag gang gi las zad par gyur la/ tshe ma zad pa'i gang zag kyang yod/ gang zag gang gi tshe yang zad par gyur la/ las kyang zad pa'i gang zag kyang yod/ gang zag gang gi tshe yang ma zad cing las kyang ma zad la/ de'i nyon mongs pa rnams zad pa'i gang zag kyang yod/ lus bde bar gyur la/ sems mi bde ba'i gang zag kyang yod/ sems bde bar gyur la/ lus mi bde ba'i gang zag kyang yod/ lus bde bar gyur la/ sems kyang bde ba'i gang zag kyang yod/ lus kyang mi bde bar gyur la/ sems kyang mi bde ba'i gang zag kyang yod/ las gang dang ldan na/ gang zag ngan song rnams su skyes la/ gzugs bzang ba dang blta na sdug pa dang / mdzes pa dang / mdog snum pa dang / pags pa snum pa dang / mig tu sdug par

  727. 364b

    'gyur ba'i las kyang yod/ las gang dang ldan na/ gang zag ngan song rnams su skyes la/ mdog mi sdug pa dang / lus rtsub pa dang / blta na mi sdug pa dang / lta ba dang mi mthun par 'gyur ba'i las kyang yod/ las gang dang ldan na/ gang zag ngan song rnams su skyes la/ dri mi zhim pa dang / dbang po mi gsal ba dang / dbang po mi rno bar 'gyur ba'i las kyang yod/ bram ze'i khye'u mi dge ba'i las kyi lam bcu po dag yang dag par blangs pa'i rgyus phyi rol gyi dngos po bcu rgud par snang / dge ba bcu'i las kyi lam rnams yang dag par blangs pa'i rgyus phyi rol gyi dngos po bcu phun sum tshogs par snang ste/ 'di ni mdor bstan pa'o// de la tshe thung bar 'gyur ba'i las gang zhe na/ tshe thung bar 'gyur ba'i chos bcu ste/ bcu gang zhe na/ srog gcod pa dang / srog gcod pa yang dag par 'dzin du 'jug pa dang / srog gcod pa'i bsngags pa smra ba dang / srog gcod pa la rjes su yi rang ba dang / mngal nas zags par byed pa dang / mngal nas zags par bya bar yang dag par 'dzin du 'jug pa dang / mi mdza' ba shi na yid dga' ba dang / mi mdza' ba shi bar dga' ba dang / gang du srog chags mang po gsod pa'i lha rten 'dzugs pa dang / g.yul 'gyed pa la lta ba ni bcu pa'o// chos bcu po de dag ni tshe thung bar 'gyur ba ste/ las 'di ni tshe thung bar 'gyur ba'o// de la tshe ring bar 'gyur ba'i las gang zhe na/ tshe ring bar

  728. 365a

    'gyur ba'i chos bcu ste/ bcu gang zhe na/ srog gcod pa spang ba dang / srog gcod pa spong ba yang dag par 'dzin du 'jug pa dang / srog gcod pa spong ba'i bsngags pa smra ba dang srog gcod pa spong ba la rjes su yi rang ba dang / gsod par chad pa'i gang zag rnams rab tu thar par byed pa dang / dud 'gro'i skye gnas su 'gyur ba'i srog chags gsod par chad pa rnams rab tu thar par byed pa dang 'jigs skrag pa rnams la mi 'jigs pa sbyin pa dang / mgon med pa rnams la snying rje ba'i sems dang ldan pa dang / nad pa rnams la byams pa nye bar sgrub pa dang / len pa rnams la zas sbyin pa'o/ / chos bcu po de dag ni tshe ring bar 'gyur ba ste/ las 'di ni tshe ring bar 'gyur ba'o// de la nad mang bar 'gyur ba'i las gang zhe na/ nad mang bar 'gyur ba'i chos bcu ste/ bcu gang zhe na/ khu tshur dang thal mo la sogs pas brdeg pa dang / khu tshur dang thal mo la sogs pas brdeg pa yang dag par 'dzin du 'jug pa dang / khu tshur dang thal mo la sogs pas brdeg pa'i bsngags pa smra ba dang / khu tshur dang thal / mo la sogs pas brdeg pa la rjes su yi rang ba dang / pha ma na par sgrub pa dang / 'phags pa rnams na bar sgrub pa dang / mi mdza' pa rnams nad kyis btab na yid dga' ba dang / mi mdza' ba rnams nad sos na yid mi dga' babadang sman ma yin pa sbyin pa dang / zas mgu bar za ba ni bcu pa'o// chos bcu po de dag ni nad mang bar 'gyur ba ste/ las 'di ni nad mang bar 'gyur ba'o// de la nad nyung bar 'gyur ba'i las gang zhe na/ nad

  729. 365b

    nyung bar 'gyur ba'i chos bcu ste/ bcu gang zhe na/ khu tshur dang thal mo la sogs pas brdeg pa spong ba dang / khu tshur dang thal mo la sogs pas brdeg pa spong ba yang dag par 'dzin du 'jug pa dang / khu tshur dang thal mo la sogs pas brdeg pa spong ba'i bsngags pa smra ba dang / khu tshur dang thal mo la sogs pas brdeg pa spong ba la rjes su yi rang ba dang / pha ma nad kyis btab na rim gro byed pa dang / 'phags pa rnams nad kyis btab na rim gro byed pa dang / mi mdza' ba nad kyis btab na yid mi dga' ba dang / mi mdza' ba nad sos na yid dga' ba dang / nad pa la sman sbyin pa dang / kha zas zhu bar gyur nas za ba ni bcu pa'o// chos bcu po de dag ni nad nyung bar 'gyur ba ste/ las 'di ni nad nyung bar 'gyur ba'o// de la mdog mi sdug par 'gyur ba'i las gang zhe na/ mdog mi sdug par 'gyur ba'i chos bcu ste/ bcu gang zhe na/ khro ba dang / 'chab pa dang / khon du 'dzin pa dang / 'tshig pa dang / pha ma'i bsngags pa ma yin pa smra ba dang / 'phags pa rnams kyi bsngags pa ma yin pa smra ba dang / 'phags pa'i yongs su spyad pa ma rung bar byed pa dang / de bzhin gshegs pa'i mchod rten gyi mar me'i 'od kyi bar du gcod pa dang / gang zag mdog mi sdug pa rnams la dbang za ba dang / gtsang sbra med par spyod pa ni bcu pa'o// chos bcu po de dag ni mdog mi sdug par 'gyur ba ste/ las 'di ni mdog mi sdug par 'gyur ba'o/ / de la mdzes par 'gyur ba'i las gang zhe na/ mdzes par 'gyur ba'i chos bcu ste/ bcu gang zhe na/ mi khro ba dang / gos sbyin pa dang / de bzhin gshegs pa'i mchod

  730. 366a

    rten la rdo thal gyis nyug pa dang / gtsug lag khang phyag bdar byed pa dang / de bzhin gshegs pa'i mchod rten gyi khang pa 'phyag pa dang / de bzhin gshegs pa'i sku gzugs 'phyir dang pha ma'i bsngags pa smra ba dang / 'phags pa rnams kyi bsngags pa smra ba dang / gang zag mdog mi sdug pa rnams la mi brnyas pa dang / gtsang sbra spyod pa ni bcu pa'o// chos bcu po de dag ni mdzes par 'gyur ba'o/ / de la dbang chung bar grags par 'gyur ba'i las gang zhe na// dbang chung bar grags par 'gyur ba'i chos bcu ste/ bcu gang zhe na/ pha rol gyi rnyed pa la phrag dog byed pa dang / pha rol gyi rnyed pa la yid mi dga' ba dang / pha rol gyi ma rnyed pa la yid dga' ba dang / pha rol gyi grags pa dang / bsngags pa dang / brjod pa dang / sgra dang / tshigs su bcad pa la yid mi dga' ba dang / pha rol gyi grags pa dang bsngags pa dang / brjod pa dang / sgra dang / tshigs su bcad pa ma yin pa la yid dga' ba dang / pha ma la brnyas pa dang / 'phags pa rnams la brnyas pa dang / dge ba'i rtsa ba chung ngu yang dag par 'dzin// du 'jug pa dang / dge ba'i rtsa ba chen po'i rgyun gcod pa dang / gang zag dbang chung bar grags pa rnams la dbang za ba'o// chos bcu po de dag ni dbang chung bar grags par 'gyur ba ste/ las 'di ni dbang chung bar grags par 'gyur ba'o/ / de la dbang che bar grags par 'gyur ba'i las gang zhe na/ dbang che bar grags par 'gyur ba'i chos bcu ste/ bcu gang zhe na/ pha rol gyi rnyed pa la phrag dog med pa dang / pha rol gyi

  731. 366b

    rnyed pa la yid dga' ba dang / pha rol gyi ma rnyed pa la yid mi dga' ba dang / pha rol gyi grags pa dang / bsngags pa dang / brjod pa dang / sgra dang / tshigs su bcad pa ma yin pa la yid mi dga' ba dang / pha rol gyi grags pa dang / bsngags pa dang / brjod pa dang / sgra dang / tshigs su bcad pa la yid dga' ba dang / byang chub tu sems bskyed pa dang / gdugs sbyin pa dang / de bzhin gshegs pa'i mchod rten gyi khang pa byed ba dang / dge ba'i rtsa ba chung ngu rgyun mi gcod pa dang / dge ba'i rtsa ba chen po yang dag par 'dzin du 'jug pa'o// chos bcu po de dag ni dbang che bar grags par 'gyur ba ste/ las 'di ni dbang che bar grags par 'gyur ba'o/ / de la rigs dma' bar 'gyur ba'i las gang zhe na/ rigs dma' bar 'gyur ba'i chos bcu ste/ bcu gang zhe na/ khengs pa dang / nga'o snyam pa'i nga rgyal dang / mar mi shes pa dang / phar mi shes pa dang / dge sbyong du mi shes pa dang / bram zer mi shes pa dang / khyim gyi gtso bo la rim gro mi byed pa dang / pha ma la mi ldang ba dang / 'phags pa rnams la mi ldang ba dang / rigs dma' bar skyes pa'i gang zag rnams la dbang za ba'o/ / chos bcu po de dag ni rigs dma' bar 'gyur ba ste/ las 'di ni rigs dma' bar 'gyur ba'o// de la rigs btsun par 'gyur ba'i las gang zhe na/ rigs btsun par 'gyur ba'i chos bcu ste/ bcu gang zhe na/ ma khengs pa dang / nga'o snyam pa'i nga rgyal med pa dang / mar shes pa dang / phar shes pa dang / dge sbyong du shes pa dang / bram zer shes pa dang / khyim gyi gtso bo la rim gro byed pa dang //

  732. 367a

    pha ma la ldang ba dang / 'phags pa rnams la ldang ba dang / rigs dma' bar skyes pa'i gang zag rnams la dbang mi za ba'o// chos bcu po de dag ni rigs btsun par 'gyur ba'o// de la longs spyod chung bar 'gyur ba'i las gang zhe na/ longs spyod chung bar 'gyur ba'i chos bcu ste/ bcu gang zhe na/ ma byin par len pa dang / ma byin par len pa yang dag par 'dzin du 'jug pa dang / ma byin par len pa'i bsngags pa smra ba dang / ma byin par len pa la rjes su yi rang ba dang / pha ma'i 'tsho ba rgyun gcod pa dang / 'phags pa rnams kyi 'tsho ba rgyun gcod pa dang / pha rol gyi rnyed pa la yid mi dga' ba dang / pha rol gyi ma rnyed pa la yid dga' ba dang / pha rol gyi rnyed pa'i bar chad byed pa dang / mu ge byung na dga' ba ni bcu pa'o// chos bcu po de dag ni longs spyod chung bar 'gyur ba ste/ las 'di ni longs spyod chung bar 'gyur ba'o/ / de la longs spyod chen por 'gyur ba'i las gang zhe na/ longs spyod chen por 'gyur ba'i chos bcu ste/ bcu gang zhe na/ ma byin par len pa spong ba dang / ma byin par len pa spong ba yang dag par 'dzin du 'jug pa dang / ma byin par len pa spong ba'i bsngags pa smra ba dang / ma byin par len pa spong ba la rjes su yi rang ba dang / pha ma la 'tsho ba sbyin pa dang / 'phags pa rnams la 'tsho ba sbyin pa dang / pha rol gyi ma rnyed pa la yid mi dga' ba dang / pha rol gyi rnyed pa la yid dga' ba dang / pha rol gyi rnyed pa'i bar chad mi byed pa dang / lo legs na mngon par dga' ba ni bcu pa'o// chos bcu po de dag ni longs spyod chen por 'gyur ba ste/ las

  733. 367b

    'di ni longs spyod chen por 'gyur ba'o/ / de la shes rab 'chal par 'gyur ba'i las gang zhe na/ shes rab 'chal par 'gyur ba'i chos bcu ste/ bcu gang zhe na/ 'di la gang zag dge sbyong dang / bram ze mkhas pa dang mkhas pa'i grangs su gtogs pa gang yin pa de dag gi gan du 'gro yang yongs su mi 'dri/ yongs su 'dri bar mi byed/ mi bsnyen/ mi bsten/ bsnyen bkur mi byed pa dang / 'chal pa'i shes rab can la bsnyen cing bsten te bsnyen bkur byed pa dang / mkhas pa rnams kyi mi 'jigs pa gcod pa dang / legs par bshad pa rnams yongs su spong ba dang / nyes par bshad pa rnams kun tu 'dzin pa dang / dam pa'i chos ma yin pa yongs su ston pa dang / dam pa'i chos yongs su spong ba dang / chos smra ba rnams la legs so zhes bya ba mi sbyin pa dang / log par lta ba la bsngags par byed pa dang / yang dag par lta ba la smod pa'o// chos bcu po de dag ni shes rab 'chal par 'gyur ba ste/ las 'di ni shes rab 'chal bar 'gyur ba'o// de la shes rab chen por 'gyur ba'i las gang zhe na/ shes rab chen por 'gyur ba'i chos bcu ste/ bcu gang zhe na/ 'di la gang zag dge sbyong dang bram ze mkhas pa mkhas pa'i grangs su gtogs pa gang yin pa de dag gi gan du 'gro ste yongs su 'dri zhing / yongs su 'dri bar byed la bsnyen cing bsten te bsnyen bkur byed pa dang / shes rab 'chal pa can rnams la mi bsnyen// mi bstan/ bsnyen bkur mi byed pa dang /

  734. 368a

    mkhas pa rnams la mi 'jigs pa nye bar bsgrub pa dang / legs par bshad pa rnams yongs su mi spong ba dang / nyes par bshad pa rnams yongs su spong ba dang / dam pa'i chos yongs su mi spong ba dang / dam pa'i chos ma yin pa yongs su spong ba dang / chos smra ba'i gang zag rnams la legs so zhes bya ba sbyin pa dang / log par lta ba la smod pa dang / yang dag par lta ba la bsngags par byed pa'o// chos bcu po de dag ni shes rab chen por 'gyur ba ste/ las 'di ni shes rab chen por 'gyur ba'o// de la sems can dmyal bar skye bar 'gyur ba'i las gang zhe na/ sems can dmyal bar skye bar 'gyur ba'i chos bcu ste/ bcu gang zhe na/ lus kyi nyes par spyod pa che ba dang / ngag gi nyes par spyod pa che ba dang / yid kyi nyes par smod pa che ba dang / chad par lta ba dang / rtag par lta ba dang / med par lta ba dang / byed pa med par lta ba dang / byas pa mi gzo ba dang / mtshams med pa'i las la skur po 'debs pa dang / log par lta ba yang dag par 'dzin du 'jug pa ni bcu pa'o// chos bcu po de dag ni sems can dmyal bar skye bar 'gyur ba ste/ las 'di ni sems can dmyal bar skye bar 'gyur ba'o// de la dud 'gror skye bar 'gyur ba'i las gang zhe na/ dud 'gror skye bar 'gyur ba'i chos

  735. 368b

    bcu ste/ bcu gang zhe na/ lus kyi nyes par spyod pa 'bring dang / ngag gi nyes par spyod pa 'bring dang / yid kyi nyes par spyod pa 'bring dang / 'dod chags kyis kun nas bslang ba'i las sna tshogs dang / zhe sdang gis kun nas bslong ba'i las sna tshogs dang / gti mug gis kun nas bslang ba'i las sna tshogs dang / rung ba ma yin pa'i smin pa dang / dman pa'i ming gis gshe ba dang / smon lam gyis 'gyur ba 'di lta ste/ seng ge'i skyes pa'i rabs lta bu dang / ngag gi nyes par spong bas 'gyur ba bram ze dbyar byed spre'ur skyes pa lta bu'o// chos bcu po de dag ni dud 'gror skye bar 'gyur ba ste/ las 'di ni dud 'gror skye bar 'gyur ba'o// de la yi dgas su skye bar 'gyur ba gang zhe na/ yi dgas su skyo bar 'gyur ba'i chos bcu ste/ bcu gang zhe no/ lus kyi nyes par spyod pa chung ba dang / ngag gi nyes par spyod pa chung ba dang / yid kyi nyes par spong ba chung ba dang / chags pa dang / yang bas chags pa dang / log par 'tsho ba dang / ser sna byed pa dang / sbyin pa 'gog pa dang / bkres shing skom bzhin du 'chi ba'i dus byed pa dang / dngos po la chags bzhin du 'chi ba'i dus byed pa'o/ / chos bcu po de dag ni yi dgas su skye bar 'gyur ba ste/ las 'di ni yi rigs su skye bar 'gyur ba'o// de la mir skye bar 'gyur ba'i las gang zhe na/ mir skye bar

  736. 369a

    'gyur ba'i chos bcu ste/ bcu gang zhe na/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phram dang / ngag rtsub po dang / tshig bkyal pa dang / brna ba sems dang / gnod sems dang / log par lta ba mi dge ba'i las kyi lam bcu po 'di dag spong ba'o// chos bcu po de dag ni mir skye bar 'gyur ba ste/ las 'di ni mir skye bar 'gyur ba'o// de la 'dod pa na spong ba'i lhar skye bar 'gyur ba'i las gang zhe na/ dge ba bcu'i las kyi lam rnams legs par sbyangs pa la mnyam par gzhag pa ste/ los 'di ni 'dod pa na spyod pa'i lhar skye bar 'gyur ba'o// de la gzugs na spyod pa'i lhar skye bar 'gyur ba'i las gang zhe na/ ting nge 'dzin gyis legs par mnyam par gzhag pa zag pa dang bcas pa'i dge ba bcu'i las kyi lam rnams te/ las 'di ni gzugs ni spong ba'i lhar skye bar 'gyur ba'o// gzugs med pa na spyod pa'i lhar skye bar 'gyur ba'i las gang zhe na/ gzugs med pa'i snyoms par 'jug pa bzhi ste/ bzhi gang zhe na/ gzugs kyi 'du shes rnams las rnam pa thams cad du yang dag par 'das te/ thogs pa'i 'du shes rnams nub nas/ sna tshogs kyi 'du shes rnams yid la mi byed pas nam mkha' mtha' yas so zhes/ nam mkha' mtha' yas skye

  737. 369b

    mched nye bar bsgrubs te gnas pa dang / nam mkha' mtha' yas skye mched las rnam pa thams cad du yang dag par 'das nas rnam par shes pa mtha' yas so zhes/ rnam shes mtha' yas skye mched nye bar bsgribs te gnas pa dang / rnam shes mtha' yas skye mched las rnam pa thams cad du yang dag par 'das nas ci yang med do zhes/ ci yang med pa'i skye mched nye bar bsgrubs te gnas pa dang / ci yang med pa'i skye mched las rnam pa thams cad du yang dag par 'das nas/ 'du shes med 'du shes med min skye mched nye bar bsgrubs nas gnas pa ste/ las 'di ni gzugs med pa na spod pa'i lhar skye bar 'gyur ba'o/ / de la nges par skye bar 'gyur ba'i las gang zhe na/ dge ba'i las gang byas nas/ 'dis bdag 'di lta bu zhig tu skye bar gyur cig ces yongs su bsngo ba dang / mtshams med pa lnga rnams te/ 'di ni nges par skye bar 'gyur ba'o// de la skye bar 'gyur bar ma nges pa'i las gang zhe na/ dge ba'i las gang byas nas cir yang yongs su mi bsngo ba ste/ las 'di ni skye bar 'gyur bar ma nges pa'o// de la yul gzhan du rnam par smin par 'gyur ba'i las gang zhe na/ 'dir dge ba dang mi dge ba'i las gang byas pa yul gzhan du song nas rnam par smin par 'gyur ba ste/ dper na tshong pa mdza' bo'i bu mo lta bu ste/ las 'di ni gzhan du rnam par smin par 'gyur ba'o// de la

  738. 370a

    byas la bsags pa ma yin pa'i las gang zhe na/ las gang byas nas ngo tsha ba dang / 'dzem pa dang / 'gyod pa dang / smong ba dang / 'chags pa dang / 'thol ba dang / 'dor ba dang / spong ba dang / ma 'ongs pa na sdom par byed pa ste/ las 'di ni byas la bsags pa ma yin pa'o// de la bsags la ma byas pa'i las gang zhe na/ las gang lus kyis yongs su rdzogs par bya ba de sems kyis yongs su rdzogs par byas shing / tshig tu yang las 'di bya'o zhes smras la de ma byas pa ste/ las 'di ni bsags la ma byas pa'o/ / de la byas la bsags pa'i las gang zhe na/ las gang byas nas ngo mi tsha ba dang / mi 'dzem pa dang / mi 'gyed pa dang / mi smod pa dang / mi 'chags pa dang / mi 'thol ba dang / mi 'dor ba dang / mi spong ba dang / ma 'ongs pa na sdom par mi byed pa ste/ las 'di ni byas la bsags pa'o// de la ma byas la ma bsags pa'i las gang zhe/ na las gang ched du ma bsams par byas pa ste/ las 'di ni ma byas la ma bsags pa'o// de la las gang dang ldan na/ gang zag sems can dmyal ba rnams su skyes te sems can dmyal ba pa'i tshe yongs su rdzogs pas zad par byas nas 'chi 'pho ba'i las gang zhe na/ 'di la gang zag 'ga' zhig gis sems can dmyal bar 'gyur ba'i las byas shing

  739. 370b

    bsags par gyur la/ de las des ngo mi che ba dang / mi 'dzem pa dang / mi 'gyod pa dang / mi smod pa dang / mi 'chags pa dang / mi 'thol ba dang / mi 'dor ba dang / mi spong ba dang / mi gshung ba dang / smong par mi byed pa dang / yang gnod par bya'o zhes sha ra gnyer ba tshol ba ste/ dper na lha sprin lta bu'o// 'di ni las gang dang ldan na/ gang zag sems can dmyal ba rnams su skyes te/ sems can dmyal ba pa'i tshe yongs su rdzogs par zad par byas nas 'chi 'pho ba'i las so// de la las gang dang ldan na/ gang zag sems can dmyal ba rnams su skyes te/ sems can dmyal ba'i tshe phyed zad par byas na 'chi 'pho ba'i las gang zhe na/ 'di la gang zag 'ga' zhig gis sems can dmyal bar 'gyur ba'i las byas nas ngo tsha ba dang / 'dzem pa dang / 'gyod pa dang / smod pa dang / 'chags pa dang / 'thol ba dang / 'dor ba dang / spong ba dang / ma 'ongs pa na sdom par byed pa ste/ 'di ni las gang dang ldan na/ gang zag sems can dmyal ba rnams su skyes te/ sems can dmyal ba pa'i tshe phyed zad par byas nas 'chi'i pho ba'i las so// de la las gang dang ldan na/ gang zag sems can dmyal ba rnams su skyes mo thag tu 'chi 'pho ba'i las gang zhe na/ 'di la gang zag 'ga' zhig gaus sems can dmyal bar 'gyur ba'i las byas shing

  740. 371a

    bsags par gyur la/ de las de byas pas ngo tsha ba dang / 'dzem pa dang / 'gyod pa dang / smod pa dang / 'chags pa dang / 'thol ba dang / 'dor ba dang / spong ba dang // de shin tu yid la gcags pa yin yang yid la gcags pa des las de sel bar mi nus pa ste/ dper na rgyal po ma skyes dgras pa bsad pa lta bu'o// de skad du/ shin tu mi bzang las rnams byas pa ni/ / bdag la smod dang rab tu bshags pa dang // sdom par byed pas de dag bsrabs 'gyur gyi// shin tu rtsa nas phyin ces mi smra'o// zhes gsungs so// 'di ni las gang dang ldan na/ gang zag sems can dmyal ba rnams su skyes ma thag tu 'tsho 'pho ba'i las so// de la las gang dang ldan na/ gang zag sngar bde bar gyur la/ phyis sdug bsngal bar 'gyur ba'i las gang zhe na/ 'di la gang zag 'ga' zhig sbyin pa sbyin pa na/ yid rab tu dga' zhing dga' ba dang / yid bde ba skyes la byin nas ni 'gyed pa yin te/ gang zag de gang gi tshe/ mi rnams kyi nang du skye ba na phyag pa dang / nor che ba dang / longs spod che ba dang / nor dang yo byad mang ba dang / bdag dbang ba mang ba dang / mdza' bshes dang / blon po dang / nye du dang / snag gi gnyen mtshams mang ba dang / mdzod dang bang ba yongs su gang ba'i khyim rnams su skye bar 'gyur te/ khyim de lta bu dag tu skyes nas shin tu skyid la/ bzhon pa la zhon zhing

  741. 371b

    bde bar spyod la/ de'i longs spyod de dag phyis yongs su nyams shing yongs su zad par 'gyur te/ de'i gzhis sdug bsngal bar 'gyur ba ste/ 'di ni las gang dang ldan na/ gang zag sngar bde bar 'gyur la/ phyi so sdug bsngal bar 'gyur ba'i las so// / las rnam par 'byed pa zhes bya ba bam po gnyis pa ste tha ma'o// // de la las gang dang ldan na/ gang zag sngar sdug bsngal bar gyur la/ phyis bde bar 'gyur ba'i las gang zhe na/ 'di la gang zag 'ga' zhig sbyin pa sbyin pa na sdug bsngal bar 'jug cing / sdug bsngal bar sbyin pa byin nas ni mi 'gyod par gyur cing / dga' ba dang yid bde ba skyes pa yin te/ gang zag de gang gi tshe mi rnams kyi nang du skyo ba na/ dbul po bza' ba dang / btung ba dang / kha zas nyung ba sdug bsngal bas 'tsho ba'i khyim rnams su skye bar 'gyur ba s+ho/ der sdug bsngal bar bza' ba dang bgo ba rnyed la/ des che 'gras su gyur pa dang / longs spyod de dag 'phel zhing rgyas par 'gyur ba ste/ 'di ni las gang dang ldan na/ gang zag sngar sdug bsngal bar gyur la/ phyis bde bar 'gyur ba'i las so// de la las gang dang ldan no/ gang zag sngar yang bde bar gyur la/ phyis kyang bde bar 'gyur ba'i las gang zhe na/ 'di la gang zag 'ga' zhig sbyin pa sbyin pa na/ ming dga' bzhin du byin te dga' ba dang

  742. 372a

    yid bde ba skyes nas/ byin nas kyang mi 'gyod pa yin te/ gang zag de gang gi tshe mi rnams kyi nang du skye bar phyug pa dang / nor che ba dang / longs spong che ba dang / nor dang yo byad mang ba dang / bdag dbang ba mang ba dang / mdza' bshes dang / blon po dang / nye du dang / snag gi gnyen mtshams mang ba dang / mdzod dang bang ba yongs su gang ba'i khyim rnams su skye bar 'gyur te/ khyim de lta bu dag tu skyes nas shin tu skyid la/ bzhon pa la zhon zhing bde bar spod la/ de'i longs spod de dag phyis kyang 'phel ba ste/ 'di ni las/ gang dang ldan na/ gang zag sngar yang bde bar gyur lo/ phyis kyang bde bar 'gyur ba'i las so// de la la so gang dang ldan na/ gang zag sngor yang sdug bsngal bar gyur la/ phyi kyang sdug bsngal bar 'gyur ba'i las gang zhe na/ 'di la gang zag 'ga' zhig dge ba'i bshes gnyen dang bral bar gyur te/ de sus kyang sbyin pa yang dag par 'dzin du ma bcug pa yin/ des kyang sbyin pa ci yang ma byin pa yin/ des dge ba'i las kyang ci yang ma byas shing ma bsags pa yin te/ gang zag de gang gi tshe mi rnams kyi nang du skye ba na dbul po bza' ba dang / btung ba dang / kho zas nyung ba/ sdug bsngal bas 'tsho ba'i khyim rnams su skye bar 'gyur te/ de der skyes nas sdug bsngal bar bza' ba dang bgo ba rnyed par mi 'gyur la/ de'i longs spyod de dag

  743. 372b

    phyis kyang mi 'phel ba ste/ 'di ni las gang dang ldan na/ gang zag sngar yang sdug bsngal bar gyur la/ phyis kyang sdug bsngal bar 'gyur ba'i las so// de la las gang dang ldan na/ gang zag phyug por gyur la/ gtong ba dang ldan pa'i las gang zhe na/ 'di la gang zag 'ga' zhig gis snod bzang por gyur pa rnams la sbyin pa dpag tu med pa byin pa yin/ des gtong ba goms par byas pa yin te/ des bsod nams dag bsgoms pas phyag por 'gyur/ gtong ba bsgoms pas gtong ba dang ldan par 'gyur te/ 'di ni los gang dang ldan na/ gang zag phyug por gyur la/ gtong ba dang ldan pa'i las so// de la las gang dang ldan na/ gang zag phyug por gyur la/ ser sna can du 'gyur ba'i las gang zhe na/ 'di la gang zag 'ga' zhig gis snod du gyur pa rnams la sbyin pa cung zad tsam byin pa yin gyi/ de gtong ba la cher goms par ma byas pa yin te/ gang zag de gang gi tshe mi'i nang du skye ba na phyug pa dang / nor che ba dang / longs spyod che ba dang / nor dong yo byad mang ba dang / bdag dbang ba mang ba'i phyi rnams su skye bar 'gyur te/ snod bzang po rnams la phul bas ni skyed par 'gyur/ gtong ba la goms par ma byas pa so ni ser sna can du 'gyur to/ 'di ni las gang dang ldan na/ gang zag phyug por gyur la/ ser sna can du 'gyur ba'i las so// de la las gang dang ldan na/ gang zag

  744. 373a

    dngul por gyur la/ gtong ba dang ldan par 'gyur ba'i las gang zhen/ 'di la gang zag 'ga' zhig gis snod du gyur pa ma yin pa rnams la sbyin pa mang du byin pa zhin de 'khor ba na 'khor ba'i tshe bsod nams de dag yongs su nyams shing yongs su zad par 'gyur/ gtong ba'i rgyu yang phyi phyir zhing bsgoms pa yin te/ de bsod nams yongs su zad pa'i phyir dbul por 'gyur/ sngon goms par byas pas gtong ba dang ldan par 'gyur te/ 'di ni las gang dang ldan na/ gang zag dbul por gyur la/ gtong ba dang ldan pa'i las so// de la las gang dang ldan na/ gang zag dbul por gyur la/ ser sna can du 'gyur ba'i las gang zhe na/ 'di la gang zag 'ga' zhig dge ba'i be shes gnyen dang bral bar gyur te/ de sus kyang sbyin pa yang dag par 'dzin du ma bcug pa yin/ des kyang sbyin pa ci yang ma btang ba yin/ sdig pa'i las kyang ma byas shing ma bsags pa yin te/ gang zag de gang gi tshe mi rnams kyi nang du skyo ba na dbul po bza' ba dang / btung ba dang / kha zas nyung ba/ sdug bsngal ba sdug bsngal bas 'tsho ba'i khyim rnams su skye bar 'gyur te/ de de na sdug bsngal bar bza' ba dang bgo ba rnyed par 'gyur ro/ / gtong ba ma bsgoms pas dbul zhing ser sna can du 'gyur te/ 'di ni las gang dang ldan na/ gang zag dbul por gyur la/ ser sna caran du 'gyur ba'i las so// de la

  745. 373b

    las gang dang ldan na/ gang zag lus bde bar gyur la/ sems kyis ma yin pa'i las gang zhe na/ bsod nams byas pa'i so so'i skye bo ste/ dper na 'khor los sgyur ba'i rgyal po lta bu ste/ gang zag 'di ni lus bde bar gyur la/ sems kyis ma yin pa'o// de la las gang dang ldan na/ gang zag sems bde bar gyur la/ lus kyis ma yin pa'i las gang zhe na/ bsod nams ma byas pa'i dgra bcom pa ste/ dper na gnas brtan le kun tsi ka lta bu ste/ gang zag 'di ni sems bde bar gyur la/ lus kyis ma yin pa'o// de la lus kyang bde la sems kyang bde ba'i gang zag gang zhe na/ bsod nams byas pa'i dgra bcom pa ste/ dper na gnas brtan she ba la lta bu ste/ gang zag 'di ni lus kyang bde la/ sems kyang bde ba'o// de la lus kyang mi bde la/ sems kyang mi bde ba'i gang zag gang zhe na/ 'di lta ste/ bsod nams ma byas pa'i so so'i skye bo ste/ gang zag 'di ni lus kyang mi bde la/ sems kyang mi bde ba'o// de la gang zag gang gi tshe zad par gyur la/ las ma zad pa gang zhe na/ gang zag gang sems can dmyal ba nas shi 'phos la sems can dmyal bar skye ba dang / dud 'gro nas shi 'phos la/ dud 'gror skye ba dang / yi dgas las shi 'phos la/ yi dgas su skye ba dang / lha las shi 'phos la/

  746. 374a

    skye ba dang / mi las shi 'phos la/ mir skye ba ste/ gang zag 'di tshe zad par gyur la/ las ma zad pa'o// de la gang zag gang gi las zad par gyur la/ ma zad pa'i gang zag gang zhe na/ gang zag gang sngar bde bar gyur la/ phyis sdug bsngal bar gyur pa dang / sngar sdug bsngal bar gyur la/ phyis bde bar gyur pa ste/ gang zag de ni las zad par gyur la/ tshe ma zad pa'o// de la gang zag gang gi las kyang zad le/ tshe yang zad pa'i gang zag gang zhe na/ gang zag gang sems can dmyal ba nas shi 'phos te/ dud 'gror skye ba dang / dud 'gro nas shi 'phos te/ yi dgas su skye ba dang / yi dgas las shi 'phos te/ lha ma yin gyi nang du skye ba dang / lha ma yin las shi 'phos te/ mi'i nang du skye ba dang / mi las shi 'phos te/ lha'i nang du skye ba ste/ gang zag de ni tshe yang zad la/ las kyang zad pa'o// de la gang zag gang tshe yang ma zad cing / las kyang ma zad la/ de'i nyon mongs pa rnams zad pa'i gang zag gang zhe na/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa ste/ gang zag de ni tshe yang ma zad cing / las kyang ma zad la/ de'i nyon mongs pa rnams zad pa yin no// de la las gang dang ldan no/ gang zag ngan song rnams su skyes la/ gzugs bzang ba dang / mdzes pa dang / blta na

  747. 374b

    sdug pa dang / mdog snum pa dang / pags pa snum pa dang / mig tu sdug par 'gyur ba'i las gang zhe na/ 'dod chags kyis kun nas bslang ba'i ngang tshul ngan pa ste/ 'di ni las gang dang ldan na/ gang zag ngan song rnams su skyes la / gzugs bzang ba dang / blta na sdug pa dang / mdzes pa dang / mdog snum pa dang / pags pa snum pa dang / mig tu sdug par 'gyur ba'i las so/ / de la las gang dang ldan na/ gang zag ngan song rnams su skyes la/ mdog mi sdug pa dang / lus rtsub pa dang / blta ba dang mi mthun par 'gyur ba'i las gang zhe na/ zhe sdang gis kun nas bslang ba'i ngang tshul ngan pa ste/ 'di ni las gang dang ldan na/ gang zag ngan song rnams su skyes la/ mdog mi sdug pa dang / lus rtsub pa dang / blta na mi sdig pa dang blta ba dang mi mthun par 'gyur ba'i las so/ / de la las gang dang ldan na/ gang zag ngan song rnams su skyes la/ dri mi zhim pa dang / dbang po mi gsal ba dang / dbang po mi rno bar 'gyur ba'i las gang zhe na/ gti mug gis kun nas bslang ba'i ngang tshul ngan pa ste/ 'di ni las gang dang ldan na/ gang zag ngan song rnams su skyes la/ dri mi zhim pa dang / dbang po mi gsal ba dang / dbang po mi rno bar 'gyur ba'i las so// de la mi dge ba bcu'i las kyi lam 'di dag yang dag par blangs pa'i rgyus phyi rol gyi dngos po bcu rgud par snang ba gang zhe na/

  748. 375a

    srog gcod pa'i rnam par smin pas ni/ sa'i mthu yongs su nyams par 'gyur ro// ma byin par len pa'i rnam par smin pas ni/ ser ba dang / byi ba dang / srin dang / mu ge la sogs pa 'byung bar 'gyur ro// 'dod pa la log par g.yem pa'i rnam par smin pas ni/ btsa' dang / sa 'bab pa dang / rdul dang / rlung dang / tshor drag po 'byu/ bar 'gyur ro// brdzun du slu ba'i rnam par smin pas ni/ dri mi zhim par 'gyur ro// phywa ma'i rnam par smin pas ni/ mtho dman dang / ngam grog dang / 'dam rjeb dang / g.yang sang / lhag ljig dang / ngan rmugs kyi ldan ljin 'byung bar 'gyur ro// ngag rtsub pa'i rnam par smin pas ni/ 'bras byu ngan pa dang / reg tu mi bzod pa dang / gseg ma dang / gyo mo dang / cher mcheng tshing dag 'byung bar 'gyur ro// tshig bkyil ba'i rnam par smin pas ni/ rtsa tshong tshing dang / nags thibs po dang / 'khri shing tsher ma tshang tshing can dag 'byung bar 'gyur ro// brnab sems kyi rnam par smin pas ni/ lo tog la sogs pa 'bras bu cung ngu 'byung bar 'gyur ro// gnod sems kyi rnam par smin pas ni/ 'bras bu dang / sa bon tsha ba dang / ba 'byung bar 'gyur ro// log par lta ba yang dag par blangs pa'i rgyus ni/ 'bras bu med pa dang byung ba'i sa boran 'byung bar 'gyur te/ mi dge ba bcu'i las kyi lam 'di dag yang dag

  749. 375b

    par blangs pa'i rgyus phyi rol gyi dngos po bcu rgud par snang ngo / dge ba bcu'i las kyi lam rnams yang dag par blangs pa'i rgyus phyi rol gyi dngos po bcu phun sum tshogs par snang te/ gang zhe na/ sreg gcod pa spangs pa'i rnam par smin pas ni/ sa'i mthu med par mi 'gyur ro// ma byin par len pa spangs pa'i rnam par smin pas ni/ ser ba dang / byi ba dang srin dang / mu ge la sogs pa 'byung bar mi 'gyur ro// 'dod pa la log par g.yem pa spangs pa'i rnam par smin pas ni/ btsa' dang / sa 'bab pa dang / rdul dang / rlung dang / char drag po 'byung bar mi 'gyur ro// brdzun du smra ba rnam par spangs pa'i rnam par smin pas ni/ dri mi zhim pa 'byung bar mi 'gyur ro// phra ma spangs pa'i rnam par smin pas ni grog dang / g.yang sa dang / 'dam rdzab dang / ljag ldig dang / ngan skyugs kyi ldan ljin dang / dong rnams 'byung bar mi 'gyur ro// ngag rtsub po spangs pa'i rnam par smin pas ni/ gseg ma dang / gyo mo dang / gyo dum gyis reg pa 'byung bar mi 'gyur ro// chog bkyal pa spangs pa'i rnam par smin pas ni/ rtswa tshang tshing dang / nags thibs po dang / tsher ma tshang tshong rnams 'byung bar mi 'gyur ro/ / brnab sems spangs pa'i rnam par smin pas ni/ lo tog la sogs pa 'bras bu dang bcas pa 'byung bar 'gyur ro// gnod sems spangs

  750. 376a

    ba'i rnam par smin pas ni/ lo legs pa dang / 'bras bu dang / sa bon mi kha ba dang / mi tsha ba rnams 'byung bar 'gyur ro// log par lta ba spangs pa'i rnam par smin pas ni/ 'bras bu med pa dang chung ba ma yin pa'i sa bon rnams 'byung bar 'gyur te/ dge ba bcu'i las kyi lam bcu po 'di dag yang dag par blangs pa'i rgyus phyi rol gyi dngos po bcu po 'di dag phun sum tshogs par snang ngo / / bram ze'i khye'u srog gcod pa'i nyes dmigs bcu po 'di dag rig par bya ste/ bcu gang zhe na/ sher gaunyer ba mang ba dang // mthong na yid du mi 'ong ba dang / sdig pa rnams sems pa dang / de la sems can rnams 'jigs par 'gyur ba dang / mi bde bzhin nyal zhing mi bde bzhin sad pa dang / sdig pa can gyi rmi lam rmi ba dang / rmugs te 'chi ba'i dus byed par 'gyur ba dang / 'gyod par 'gyur ba dang / tshe thung bar 'gyur ba'i las byed cing sogs pa dang / lus dang bral nas shi ba'i 'og tu ngan song ngan 'grore rnam par ltung ba sems can dmyal ba rnams su skye bar 'gyur ro/ / ma byin par len pa la nyes dmigs bcur rig par bya ste/ bcu gang zhe na/ kho na gcugs su 'gyur ba dang / dogs par 'gyur ba dang / dus ma yin par rgyu ba dang / dgongs kar rgyu ba dang / sdig pa'i grogs pos yongs su zin pa dang / dge ba'i bshes gnyen

  751. 376b

    gyis rnam par spangs pa dang / ngang tshul ngan pa dang / rgyal po'i gnod pa dang / chad pa'i gnod pa 'byung ba dang / longs spyod kyis 'phongs par 'gyur ba'i las byed cing sogs pa dang / lus dang bral nas shi ba'i 'og tu ngan song ngan 'gro log par lhung ba sems can dmyal ba rnams su skye bar 'gyur ba'o// 'dod pa la log par g.yem pa la nyes dmigs bcur rig par bya ste/ bcu gang zhe na/ gang dag gi chung ma la nyal po byed pa de dag de la glags 'tshol bar 'gyur ba dang / de'i chung mad rtsod par 'gyur ba dang / de'i mi dge ba'i chos 'phel bar 'gyur ba dang / de'i dge ba'i chos yongs su 'grib cing yongs su zad par 'gyur ba dang / bdag ma spras shing ma bsrungs pa dang / de'i bu dang / chung ma dang / nor rnams ma sbas shing ma bsrungs pa dang / dogs par 'gyur ba dang / mdza' bshes dang / blon po dang / nye du dang / snag gi gnyen mtshams rnams yid mi rton pa dang / byi ba byed pa dang bcas par 'gyur ba'i las byed cing sogs pa dang / lus dang bral nas shi ba'i 'og tu ngan song ngan 'gror rnam par ltung ba sems can dmyal ba rnams su skye bar 'gyur ba'o// brdzun du smra ba la nyes dmigs bcur rig par bya ste/ bcu gang zhe na/ de kha mnam par 'gyur ba dang / de'i lus las lha rnams mi 'phangs pa dang / mi ma yin pa rnams kyis de la glags rnyed par 'gyur ba dang / bden pa smras kyang

  752. 377a

    de la su yang yid ches par mi 'gyur ba dang / brdzun smra bar 'gyur ba dang / yid ches par bya ba'i gnas rnams su mkhas pa rnams de la dri bar bya bar mi sems pa dang / de'i bden pa ma yin pa'i bsngags pa dang / brjod pa dang / sgra dang / tshogs su bcad pa ma yin pa 'byung ba dang / gzung ba'i tshig tu mi 'gyur ba dang / skur pa 'debs par 'gyur ba'i las byed cing sogs pa dang / lus dang bral nas shi ba'i 'og tu ngan song ngan 'gro log par ltung ba sems can dmyal ba rnams su skye ba'o// 'bru dang 'bras bu'i chang bag med pa'i gnas la nyos dmigs sum cu rtsa drug tu rig par bya ste/ sum cu rtsa drug gang zhe na/ tshe 'di la nor zad pa dang / nad kyi gzhir 'gyur ba dang / 'thab pa dang / mtshang 'dra ba dang / rtsod pa 'phel ba dang / gsang ba'i gnas ston pa dang / shes rab nyams par byed pa dang / ma thob pa'i longs spod rnams mi thob pa dang / longs spong thob pa rnams las yongs su nyams par 'gyur ba dang / gsang rdol bar 'gyur ba dang / las kyi mtha' rnams yongs su nyams pa dang / mya ngan gyi rtsa bar 'gyur ba dang / nyam chung bar 'gyur ba dang / mar mi shes par 'gyur ba dang / phar mi shes par 'gyur ba dang / dge sbyong du mi shes par 'gyur ba dang / bram zer mi shes par 'gyur ba dang / rigs kyi gtso bo la rim gro med par 'gyur ba dang /

  753. 377b

    sangs rgyas la gus par mi 'gyur ba dang / chos la gus par mi 'gyur ba dang / dge 'dun la gus par mi 'gyur ba dang / sdig pa'i grogs pos yongs su zin par 'gyur ba dang / dge ba'i bshes gnyen gyis rnam par spangs pa dang / ngo tsha med par 'gyur ba dang / 'dzem pa med par 'gyur ba dang / dbang po'i sgo ma bsdams par 'gyur ba dang / bud med rnams la shin tu bag med par 'gyur ba dang / skye bo mang po'i yid du mi 'ong bar 'gyur ba dang / skye bo mang po dang mi mthun pa dang / nye du dang snag gi gnyen mtshams btsun pa rnams kyis smad par 'gyur ba dang / dam pa'i chos ma yin pa yongs su 'dzin pa dang / dam pa'i chos yongs su spangs pa dang / yid ches par bya ba'i gnas su mkhas pa rnams kyis de gzhag par mi bsam pa dang / bag med pas g.yel ba dang / de la mya ngan las 'das pa ring bar 'gyur ba dang / myos par 'gyur ba dang myos par 'gyur ba'i las byed cing sogs pa dang / lus dang bral nas shi ba'i 'og tu ngan song ngan 'gro sems can dmyal ba rnams su skye ba'o/ / bram ze'i khye'u de bzhin gshegs pa'i mchod rten la thal mo sbar ba'i phan yon ni bcu po 'di dag ste/ bcu gang zhe na/ chen po'i khyim du skye ba 'thob po dang / rgya che ba'i gzugs dang / rgya che ba'i g.yog 'khor dang / rgya che ba'i mchod pa dang bkur sti dang / rgya che ba'i nor dang / rgya che ba'i thos par

  754. 378a

    rgya che ba'i dad pa dang / rgya che ba'i dran pa dang / rgya che ba'i shes rab dang / rgya che ba'i rtogs pa thob pa ste/ bcu po de dag ni de bzhin gshegs pa'i mchod rten la thal mo sbar ba'i phan yon no/ / de bzhin gshegs pa'i mchod rten la phyag 'tshal ba'i phan yon bcu ste/ bcu gang zhe na/ gzugs bzang ste mdog gser gyi kha dog lta bur 'gyur ba dang / mdzes te mig tu sdug par 'gyur ba dang / skad snyan cing gzung ba'i tshig tu 'gyur ba dang / bag tsha ba med par 'khor gyi nang du 'gro ba dang / lha dang mi rnams dga' bar 'gyur ba dang / gzi brjid chen por 'gyur ba dang / gzi brjid chen po'i gang zag 'di lta ste/ sangs rgyas bcom ldan 'das rnams dang / byang chub sems dpa' rnams dang / sangs rgyas kyi nyan thos rnams dang 'grogs par 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po 'di dag ni de bzhin gshegs paba'i mchod rten la phyag 'tshal ba'i phan yon no/ / de bzhin gshegs pa'i mchod rten la phyags pa'i phani yon bcu ste/ bcu gang zhe na/ gzugs bzang ba dang / blta na sdug par 'gyur ba dang / mdzes par 'gyur ba dang / skad snyan par 'gyur ba dang / de'i 'dod chags dang / zhe sdang dang / gti mug srab par 'gyur ba dang / lam du 'gro na rtsa ba dang / gseg ma

  755. 378b

    dang / gyo mo rnams med par 'gyur ba dang / btsun pa'i rigs su skye bar 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la phyags pa'i phan yon no// de bzhin gshegs pa'i mchod rten la gdugs phul ba'i phan yon bcu ste/ bcu gang zhe na/ 'jig rten na gdugs lta bur 'gyur ba dang / lus la gdung ba med par 'gyur ba dang / sems la gdung ba med par 'gyur ba dang / 'jig rten gyi rten du 'gyur ba dang / bdag bor 'gyur ba'i las byed cing sogs pa dang / 'khor los sgyur ba'i rkye la srid yang dang yang 'thob pa dang / dbang che bar grags par 'gyur ba dang / longs spod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po 'di dag ni de bzhin gshegs pa'i mchod rten la gdugs phul ba'i phan yon no// de bzhin gshegs paba'i mchod rten la dril bu phul ba'i phan yon bcu ste/ bcu gang zhe na/ gzugs bzang bar 'gyur ba dang / sgra snyan par 'gyur ba dang / yid du 'ong ba smra ba dang ldan par 'gyur ba dang / ka la bing ka'i sgra lta bur smra ba dang ldan par 'gyur ba dang / gzung ba'i tshig tu 'gyur ba dang / rab tu dga' bar 'gyur ba dang / kun tu dga' ba'i rgya chen po'i sgra 'thob pa dang / longs

  756. 379a

    spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la dril bu dbul ba'i phan yon no/ / de bzhin gshegs pa'i mchod rten la ba dan dbul ba'i phan yon bcu ste/ bcu gang zhe na/ 'jig rten na rgyal mtshan lta bur 'gyur ba dang / mdza' bshes dang / blon po dang / nye du dang / snag gi gnyen mtshams rnams kyis bsti stang du byed/ bla mar byed/ ri mor byed/ mchod par byed pa dang / phyogs dang phyogs mtshams rnams su de'i grags pa dang / brjod pa dang / sgra dang / tshigs su bcad pa mngon du 'byung ba dang / gzugs bzang zhing blta na sdug la mdzes par 'gyur ba dang / skye ba gzhan rnams su tshe ring zhing rig du gnas par 'gyur ba dang / dbang che bar grags par 'gyur ba dang / rigs btsun par skye bar 'gyur ba dang / longs spyod chen por 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la ba dan phul ba'i phan yon no// de bzhin gshegs pa'i mchod rten la gos phul ba'i phan yon bcu gnyis te/ bcu gnyis gang zhe na/ mdzes shing blta na sdug par 'gyur ba dang / pags pa 'jam pa dang / pags pa snum pa dang / pags pa

  757. 379b

    srab pa dang / de'i lus la rdul dang dri ma mi chags pa dang / de'i gos bzang por 'gyur ba dang / gding ba dang bgo ba phra mo rnyed par 'gyur ba dang / ngo tsha shes pa dang khrel yod pa phun sum tshogs par 'gyur ba dang / mthong na dga' bar 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu gnyis po de dag ni de bzhin gshegs pa'i mchod rten la gos phul ba'i pha na yon no// de bzhin gshegs pa'i mchod rten la me tog phul ba'i phan yon bcu ste/ bcu gang zhe na/ 'jig rten na me tog lta bur 'gyur ba dang / de'i sna'i dbang po nam yang nyams par mi 'gyur ba dang / lus kyi dri nga ba rnam par dag par 'gyur ba dang / dri zhim po 'byung bar 'gyur ba dang / phyogs dang phyogs mtshams rnams su de'i tshul khrims kyi dri'i nged ldang bar 'gyur ba dang / 'jig rten gyis mngon du 'gro bar bya bar 'gyur ba dang / sdug pa'i chos rnams 'thob par 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'do' ba ste/ bcu po de dge ni de bzhin gshegs pa'i mchod rten la me tog phul ba'i phan yon no/ / de bzhin gshegs pa'i mchod rten la 'phreng ba phul po'i phan yon bcu ste/ bcu gang zhe na/ 'jig rten na 'phreng ba lta bur 'gyur

  758. 380a

    kha dang / lus kyi dri nga ba rnam par dag par 'gyur ba dang / phyogs dang phyogs rnams su tshul khrims kyi dri zhim po'i ngad ldang ba dang / rtag tu dri zhim par 'gyur ba dang / brgyan par 'gyur ba dang / g.yog 'khor mi phyed par 'gyur ba dang / skyes pa dang bud med rnams kyi yid du 'ong bar 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la 'phreng ba phul ba'i phan yin no// de bzhin gshegs pa'i mchod rten la mar me phul ba'i phan yon bcu ste/ bcu gang zhe na/ 'jig rten na mar me lta bur 'gyur ba dang / sha'i mig rnam par dag par 'gyur ba dang / lha'i mig 'thob par 'gyur ba dang / dge ba dang mi dge ba'i chos rnams la shes rab 'byung bar 'gyur ba dang / ma rig pa dang gti mug gi mun pa sel ba dang / shes rab kyi snang ba 'thob par 'gyur ba dang / de 'khor ba na 'khor ba'i tshe nam du yang mun pa na gnas par mi 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la mar me phul ba'i phan yon no// de bzhin gshegs pa'i mchod rten la spos phul ba'i phan yon bcu ste/ bcu gang zhe na/ 'jig

  759. 380b

    rten na spos lta bur 'gyur ba dang / sna'i dbang po rnam par dag par 'gyur ba dang / lus kyi dri mi zhim pa rnam par dag par 'gyur ba dang / rtag tu dri zhim par 'gyur ba dang / gzugs bzang bar 'gyur ba dang / 'jig rten gyis mngon du 'gro bar 'gyur ba dang / sdug pa'i chos rnams 'thob par 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la spos phul ba'i phan yon no// de bzhin gshegs pa'i mchod rten la rol mo sel snyan phul ba'i phan yon bcu ste/ bcu gang zhe na/ gzugs bzang zhing blta na sdug par 'gyur ba dang / skad snyan par 'gyur ba dang / yid du 'ong bar smra ba dang ldan par 'gyur ba dang / grags pa dang ldan par 'gyur ba dang / gzung ba'i tshig tu 'gyur ba dang / rtag tu dga' bar 'gyur ba dang / kun dga' ba'i sgra rgya chen po 'thob par 'gyur ba dang / longs spyod che/ bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la rol mo sil snyan phul ba'i phan yon no/ / de bzhin gshegs pa'i mchod rten byed pa'i phan yon bco brgyad de/ bco brgyad gang zhe na/ rgya chen po'i khyim du skye bar 'gyur ba thob pa dang / gzugs bzang bar

  760. 381a

    'gyur ba dang / mdzes shing mig tu sdug par 'gyur ba dang / dbang che bar grags par 'gyur ba dang / g.yog 'khor chen por 'gyur ba dang / g.yog 'khor mi phyed par 'gyur ba dang / longs spyod che bar 'gyur ba dang / mngon du 'gro bar bya bar 'gyur ba dang / rten du 'gyur ba dang / phyogs bcur brjod pa dang / sgra dang tshigs su bcad pa rgya chen po mngon du 'byung bar 'gyur ba dang / lha dang mas mchod par 'gyur ba dang / nor chen po mang po dang ldan par 'gyur ba dang / 'khor los sgyur ba'i rgyal srid 'thob par 'gyur ba dang / tshe dang ldan par 'gyur ba dang / lus rdo rje'i tshogs ltar 'gyur ba dang / lus mtshan dang dpe byad kyis brgyan par 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bco brgyad po de dag ni de bzhin gshegs pa'i mchod rten byed pa'i phan yon no// khri stan sbyin pa'i phan yon bcu ste/ bcu gang zhe na/ 'jig rten gyi bla ma'i gnas su 'gyur ba dang / bsngags par 'gyur ba dang / skye bo mang po la grags pa dang / brjod pa dang / sgra dang / tshigs su bcad pa mang po mngon du 'byung bar 'gyur ba dang / bde ba dang yid bde ba mang bar 'gyur ba dang / bzhon pa dang / khri stan dang / rim gro byed pa dang mi ldan par mi 'gyur ba dang / 'jig rten gyis mngon du 'gro bar bya bar

  761. 381b

    'gyur ba dang / longs spyod che bar 'gyur ba dang / dbang che bar grags par 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni khri ste na sbyin pa'i phon yon no/ / lham sbyin pa'i phan yon bcu ste/ bcu gang zhe na/ de bzhon po rnams kyis brel bar mi 'gyur ba dang / rkang pa legs par gnas par 'gyur ba dang / lam du 'gro na stobs dang ldan par 'gyur ba dang / de'i lus ngal bar mi 'gyur ba dang / de 'gro na tshe ra ma dang / gseg ma dang / gyo mo rnams kyis rkang pa snad par mi 'gyur ba dang / rdzu 'phral thob par 'gyur ba dang / de rim gro bod pa dang mi ldan par mi 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni lha mau sbyin pa'i phan yon no// snod sbyin pa'i phan yon bcu ste/ bcu gang zhe na/ 'jig rten gyi yon tan gyi snod lta bur 'gyur ba dang / mdog snum par 'gyur ba dang / sems kyis rgyud mnyen par 'gyur ba dang / skom par mi 'gyur ba dang / skom na yang chu 'byung bar 'gyur ba dang / yi dgas su skye bar mi 'gyur ba dang / lha dang mi rnams dga' bar 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs

  762. 382a

    su mya ngan las 'da' ba ste/ bcu po de dag ni snod sbyin pa'i phan yon no// kha zas sbyin pa'i phan yon bcu ste/ bcu gang zhe na/ tshe ring bar 'gyur ba dang / kha dog dang ldan par 'gyur ba dang / stobs dang ldan par 'gyur ba dang / dran pa dang ldan zhing spobs pa dang ldan par 'gyur ba dang / bag tsha ba med par 'khor gyi nang du 'gro ba dang / 'khor 'dun par 'gyur ba dang / lha dang mi rnams 'dun zhing dga' bar 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni kha zas sbyin pa'i phan yon no// bzhon pa sbyin pa'i phan yon bcu ste/ bcu gang zhe na/ rkang pa shin tu gzhon par 'gyur ba dang / rkang pa shi/ tu gnas par 'gyur ba dang / rkang pas 'gro na lus ngal bar mi 'gyur ba dang / bde bar 'gyur ba dang / mi mdza' ba mang bar mi 'gyur ba dang / rdzu 'phrul gyi rkang pa rgya chen po 'thob par 'gyur ba dang / bzhon pa rnams kyis brel bar mi 'gyur ba dang / rim gro byed pa dang mi ldan par mi 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni bzhon pa sbyin pa'i phan yon no// gnas sbyin pa'i phan yon rab tu mang ste/ mang po gang zhe na/ de la 'jigs pa mi 'byung ngo // gding

  763. 382b

    ba dang bgo ba shin tu 'jam po rnyed par 'gyur ro/ / lha dang mi rnams kyi 'dod pa'i phan yon lnga rnyed par 'gyur ro// gal te 'dod de ma la kye ma bdag rgyal rigs shing sA la chen po lta bu'i khyim du skye bar gyur cig ce 'am/ bram ze shing sA la chen po lta bu'i khyim du skye bar gyur cig ce'am/ khyim bdag shing sA la chen po lta bu'i khyim du skye bar gyur cig ce na/ de'i smon pa de 'grub par 'gyur ro/ / gal te 'dod de kye ma bdag grong gi gtso bor gyur cig ce 'am/ grong khyer gyi gtso bor gyur cig ce 'am/ grong rdal gyi gtso bor gyur cig ce 'am/ ri brags kyi rgyal por gyur cig ce 'am/ rgyal phran du gyur cig ce'am/ rgyal po btsan par gyur cig ce 'am/ de'i smon pa de de bzhin du 'grub par 'gyur ro// gal te 'dod de gling gcig gi rgyal por gyur cig ce 'am/ gling gnyis kyi rgyal por gyur cig ce 'am/ gling gsum gyi rgyal po gyur cig ce 'am/ 'khor los sgyur ba'i rgyal por gyur cig ce na/ de'i smor ba de 'grub par 'gyur ro// gal te 'dod de rgyal chen bzhi'i ris kyi lha rnams dang skal ba mnyam par skye bar gyur cig ce na/ de'i smon pa de 'grub par 'gyur ro// sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams dang skal ba mnyam par skye bar gyur cig ce na/ de'i smon pa de 'grub par 'gyur ro// gal te 'dod de ma la kye ma

  764. 383a

    bdag tshangs ris kyi lha rnams dang skal ba mnyam par gyur cig ce na/ de'i smon pa de 'grub par 'gyur ro// tshangs pa'i mdun na 'don pa dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams 'phel ba dang / 'bras bu che ba dang / mi che ba dang / mi gdung ba dang / gya nom snang dang / legs par mthong dang / 'og min gyi lha rnams dang skal ba mnyam par skye bar gyur cig ce na/ de'i smon pa de 'grub par 'gyur ro// gal te 'dod de nam mkha' mtha' yas skye mched kyi 'du shes su nye bar 'gro ba rnams dang / rnam shes mtha' yas skye mchod kyi 'du shes su nye bar 'gro ba rnams dang / ci yang med ba'i skye mched kyi 'du shes su nye bar 'gro ba rnams dang / 'du shes med 'du shes med min gyi skye mched kyi 'du shes su nye bar 'gro ba'i lha rnams dang skal ba mnyam par gyur cig ce na/ de'i smon pa de 'grub par 'gyur ro// gal te 'dod de rgyun du zhugs pa'i 'bras bu mngon du bya'o zhe na/ de'i smon pa de 'grub par 'gyur ro// gal te 'dod de lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu dang / rang byang chub mngon du bya'o zhe na/ de'i smon pa de 'grub par 'gyur ro// gal te

  765. 383b

    'dod de bla na med pa yang dag par rdzogs pa'i byang chub mngon par rdzogs par byang chub par gyur cig ce na/ de'i smon pa de 'grub par 'gyur te/ mang po de dag ni gnas sbyin pa'i phan yon no// skom sbyin pa'i phan yon bcu ste/ bcu gang zhe na/ dbang po thams cad yongs su tshang bar 'gyur ba dang / dbral ba dag cing 'dzum pa'i bzhin du 'gyur ba dang / yon tan dang ldan par 'gyur ba dang / sems kyi rgyud mnyen par 'gyur ba dang / skom par mi 'gyur ba dang / skom na yang chu 'byung bar 'gyur ba dang / yi dgas su skye bar mi 'gyur ba dang / longs spyod che bar 'gyur ba dang / mtho ris su skye bar 'gyur ba dang / myur du yongs su mya ngan las 'da' ba ste/ bcu po de dag ni skom sbyin pa'i phan yon no// rab tu 'byung ba'i phan yon bcu ste/ bcu gang zhe na/ de bu dang / chung ma dang / nor la sred par mi 'gyur ba dang / de 'dod pa yongs su 'dzin par mi 'gyur ba dang / dgon par gnas pa la dga' ba rnyed pa dang / sangs rgyas la gus par 'gyur ba dang / bdud kyi spyod yul rnam par spong ba dang / bde 'gro thob par byed pa'i chos rnams yongs su 'tshol ba dang / ngan 'gro thob par byed pa'i chos rnams rnam par spong ba dang / lha dang mir smon par byed pa dang / rtag tu de bzhin gshegs pa'i gsung rab la rab tu 'byung ba rnyed pa dang / mtho ris su skye bar 'gyur ba dang / myur

  766. 384a

    du yongs su mya ngan las 'da' ba ste/ bcu po de dag ni rab tu 'byung ba'i phan yon no// dgon pa la gnas pa'i phan yon bcu ste/ bcu gang zhe na/ 'du 'dzi rnam par spong ba dang / rab tu dben pa la brten pa dang / de'i sems bsam gtan la dmigs par 'gyur ba dang / sangs rgyas bcom ldan 'das rnams la smon pa dang / dga' ba dang / bde ba dang / yid bde ba lus la skyed pa dang / de la bar du gcod pa mi 'byung ba dang / ji ltar thos pa'i chos rnams kyi don rgya cher shes par 'gyur ba dang / zhi gnas thob pa dang / lhag mthong thob pa ste/ bcu po de dag ni dgon pa la gnas pa'i phan yon no// bsod snyoms pa'i phan yon bcu ste/ bcu gang zhe na/ de 'gro ba la goms par 'gyur ba dang / de spod yul la goms par 'gyur ba dang / de nga rgyal bcom par 'gyur ba dang / bdag rnyed pa la sbyor ba dang / gzhan dag kyang bsod nams la rab tu 'god pa dang / ston pa'i bstan pa yongs su ston pa dang / phyi mo'i skye bo la snang bar byas par 'gyur ba dang / tshangs pa mtshungs par spong po rnams la nyam nga ba med par byas par 'gyur ba dang / dma' ba'i sems nye bar gzhag par 'gyur ba dang / bsod snyoms kyis yongs su dul ba'i dge slong phyogs la mun pa med par snang ba'o// 'jigs pa med pa'i phan yon bcu ste/ bcu gang zhe na/ 'jigs pa med par grong du 'jug pa dang

  767. 384b

    'jigs pa med par grong nas 'byung ba dang / 'jigs pa med par khyim rnams su 'gro ba dang / 'jigs pa med par 'khor la chos ston pa dang / 'jigs pa med par dge 'dun gyi nang du 'ju/ pa dang / 'jigs pa med par slob dpon dang mkhan po'i drung du 'gro ba dang / 'jigs pa med par byams pa'i sems kyis slob ma'i gan du 'gro ba dang / 'jigs pa med par gos dang / zas dang / mal cha dang / na ba'i gsos sman dang / yo byad rnams yongs su sbyor ba dang / 'jigs pa med par kha ton 'don pa dang / 'jigs pa med par 'chi ba'i dus byed pa'o// bram ze'i khye'u de ltar na sems can rnams ni las bdag gir 'gyur ba/ las kyi skye gnas can/ las kyi bgo skal la spyod pa/ las la rton pa ste/ sems can rnams ni las kyis btsun pa dang / dma' ba dang / dman pa dang / bzang por rnam par phye'o zhes ngas gang smras pa de ni las 'di las bsams te smras so// chos kyi rnam grangs 'di bshad pa na to'u te ya'i bu bram ze'i khye'u ne tso/ bcom ldan 'das la sems mngon par dad do// de nas to'u te ya'i bu bram ze'i khye'u ni tsos/ bcom ldan 'das la 'di skad ces gsol to/ / go'u ta ma khyod mnyan du yod par dge bsnyen gyi khyim dag tu gshegs par dgongs pa lta na/ de ltar to'u te la'i khyim du yang gshegs par dgongs su gsol/ des ni

  768. 385a

    to tA+e sa'i khyim du sun ring 'dun dang / phyin pa dang / bde bar gyur ro// bcom ldan 'das kyis cang mi gsung bab to N+yesa'i du zas de'i notshol gnang ba mdzad do/ / de nas to Ta ti mi'i bu bram ze'i khye'u na chos/ bcom ldan 'das kyis cang mi ga srung bas gnang bar riganas/ bcom ldan 'das kyis gsungs pa las bas la rjes su nas/ ma ldan 'as kyis kun so // lus rnam par byed pa rdzogs s+ho/ khyag gyis pa po na pa dang / m a nga / kyim sa la ga sa / ma ladang / yon g sa sun ma nas sa sa d+hA d+d+ha/ ba na du/ 'byugs pa pam 'di das pa ma gA'i dbang ba'i rgyal po las byu ga chen po nga/ 'das pa dang / mkhyen pa dang / da lhur byung ba'i sangs rgyas dang / byang chub sems dpa' dang / rang sangs rgyas dang / 'phags pa nyan thos thams cud ma byag 'tshalalo/ / 'a ga pas gi chos bdu y-i n-i/ byin chu kyis kyi myongs/ khang mamangs rgyas myong sula'o// de bzhin gshegs pa dug pa

  769. 385b

    cing rdul rnams med pa yi/ / byang chub sems dpa' mchog rnams la// mdo sde'i dbang po'i rgyal po ste// mdor na shin tu zab pa dang / yongs su brtags na zab pa nyid// gser 'od dam pa 'di 'chad do/ / phyogs bzhir sangs rgyas rnams kyis ni// byin gyi rlabs kyis pa ni brlabs pa// mi 'khrugs pas ni sher phyogs su// rin chen tog gis lho phyogs su/ 'od dpag med kyis nub phyogs su// rnga sgra yis ni byang phyogs su// sdig pa thams cad gzhig pa'i phyir// bshad pa dam pa bkra shis pa// sdig pa'i las rnams zad byed pa/ bde ba thams cad sbyin byed pa// sdug bsngal thams cad 'jig byed pa// thams cad mkhyen pa nyid kyi gzhi// dpal kun gyis ni legs brgyan pa// byin gyi rlabs de brjod// par bya// sems can gang dag dbang po nya mas// tshe zad pa dang tshe nyams dang // phun sum tshogs min gang chags dang // lha rnams rgyab kyis phyogs pa dang // mdza' sdug skye bo sdang ba dang / / bram ze la sogs gtses pa dang // phan tshun mthun pa ma yin dang // nor 'gribs pa dang gnod pa dang // mya ngan ngal dang gnod pa dang // 'jigs pa dang ni phongs pa dang // gza' dang rgyu skar byang stems dang // mi bzad gdon gyis nyen pa dang // mya ngan ngal las byung ba yi// rmi lam sdig pa mthong na yang // des ni rab bkrus gtsang ma yis// mdo sde

  770. 386a

    dam pa mnyan par bya/ / gang dag yid dge sems dang zhing // gos gtsang rnams kyis rab brgyan te// zab mo sangs rgyas spyod yul ba// mdo 'di nyen par byed na ni/ mdo sde 'di yi gzi brjid kyis// srog chags kun gyi gnod pa dag/ shin tu mi bzad 'di dang 'dra// de dag rtag tu zhi bar 'gyur// 'jig rten skyong ba bdag nyid dang / blon po tshogs kyi dbang phyag bcas/ / gnod sbyin bye ba du ma yis// de dag la ni srung bar byed// lha mo chen mo dbyangs can dang // na ra 'dza' nar gnas pa dang // 'byung po ma mo 'phrog ma dang // sa yi lha mo brtan ma dang / / tshangs pa'i dbang dang lha dbang dang // klu dbang mthu chen rnams dang ni// mi 'am ci dbang lha min dbang // de bzhin nam mkha' lding dbang rnams// sde dang stobs dang bzhon pa dang / / bcas te de dag der lhags nas// nyin dang mtshan mo mi g.yel bar// de dag la ni srung bar byed// zab mo sangs rgyas spyod yul ba// sangs rgyas kun gyi gsang ba ste// bskal/ pa bye bar rnyed dka' ba// mdo 'di rab tu bshad par bya// gang dag mdo 'di nyan pa dang // gang dag gzhan la thos byed dang // gang su rjes su yi rang dang // gang dag mchod par byed pa rnams// de dag lha dang klu dag dang // mi dang mi 'am ci dag dang // lha min gnod sbyin du ma yis// bskal pa bye bar mchod par 'gyur// srog chags bsod nams byed pa rnams// de dag bsod nams

  771. 386b

    phung po ni/ / mtha' yas grangs kyang med pa dang // bsam gyis mi khyab skye bar 'gyur// phyogs bcu rdzogs pa'i sangs rgyas dang // de bzhin zab mor spyod pa yi// byang chub sems dpa' rnams// kyis kyang // rab tu gzung bar 'gyur ba yin// gtsang ma'i gos rnams rab bgos la// dri zhim pa yi gos 'chang zhing // byams pa'i sems ni nyar gzhag nas// g.yel ba med par mchod bar bya/ / rang gi sems ni dri med cing // rgya che bar yang rab byed la// sems kyang shin tu dang byed kyis// mdo sde dam pa mnyan par gyis// gang dag mdo 'di nyan pa ni// de dag mi nang legs par 'ongs/ / mi yi srid pa legs par thob// 'tsho ba bde bas 'tsho bar 'gyur// gang gi rna ba'i bu gar yang // bshad pa 'di ni grags 'gyur ba// de dag dge rtswa spangs pa ste// sangs rgyas mang pos rab tu bsngags// gser 'ong dam pa mdo sde'i dbang po'i rgyal po las/ gleng gzhi'i le'u zhes bya ba ste dang po'o// // yang de'i tshe de'i dus na rgyal po'i khab kyi grong khyer chen po na/ byang chub sems dpa' sems dpa' chen po mdzes pa'i tog ces bya ba sngon gyi rgyal ba la bsnyen bkur byas pa/ dge ba'i rtsa ba bskyed pa/ sangs rgyas bye ba khrag khrig brgya stong phrag mang po la rim gro byas pa zhig gnas pa de 'di snyam du sems te/ rgyu gang dang rkyen gang gis bcom ldan 'das shAkya thub pa 'di lta ste/ lo brgyad cu zhig thub ste/ 'di

  772. 387a

    ltar sku tshe thung snyam nas/ de yang 'di snyam sems te/ bcom ldan 'das kyis kyang 'di skad du/ rgyu gnyis dang rkyen gnyis kyis tshe ring bar 'gyur te/ gnyis gang zhe na/ 'di lta ste/ srog gcod pa spangs pa dang / kha zas rab tu sbyin pa'o zhes gsungs te/ bcom ldan 'das shAkya thub pas ni/ bskal pa bye ba khrag khrig brgya stong grangs med pa mang por srog gcod pa spangs par gyur pa nas/ dge ba bcu'i las kyi lam gyi bar du yang dag par blangs te gnas par gyur/ zas kyang phyi nang gi dngos po rnams sems can dag la yongs su btang ste/ na rang gi lus kyi sha dang / khrag dang / rus pa dang / rkang gis kyang sems can ltogs pa rnams tshim par mdzad na/ zas gzhan gyis lta ci smos snyam mo// de nas skyes bu dam pa de sangs rgyas la song ba'i yid la byed pa dag las/ 'di lta bu'i tshul gyis bsam pa 'di dag sems pa na/ de'i khyim yangs shing rgya che la bai DUR+Ya sngon po las grub pa/ lha'i rin po che du mas smras pa/ de bzhin gshegs pas kha dog bsgyur ba dag byung ngo / / lha'i las 'das pa'i spos kyis khyab par gyur to// khyim de'i phyogs bzhi nas lha'i rin po che'i khri bzhi byung bar gyur to// khri de dag las kyang lha'i khri lha'i ras bcos bu rin po che'i phrugs rnams bting ba dag byung bar gyur to/ / khri de dag las kyang lha'i me tog pad+ma rin po che du mas spras pa/ de bzhin gshegs pas kha dog

  773. 387b

    bsgyur ba dag byung ngo / / pad+ma de dag las kyang sangs rgyas bcom ldan 'das bzhi byung bar gyur te/ shar phyogs nas ni de bzhin gshegs pa mi 'khrugs pa byung / lho phyogs nas ni de bzhin gshegs pa ri ni chen tog byung / nub phyogs nas ni de bzhin gshegs pa tshe dpag med byung / byang phyogs nas ni de bzhin gshegs pa rnga sgra byung ste/ seng ge'i khri de dag las sangs rgyas bcom ldan 'das de dag byung ma thag tu/ de nas de'i tshe rgyal po'i khab kyi grong khyer chen po snang ba chen pos khyab par gyur to// stong gsum gyi stong chen po'i 'jig rten gyi khams kyi bar dang / phyogs bcu kun tu 'jig rten gyi khams gang+gA'i klung gi bye ma snyed kyi bar dag snang bas khyab par gyur/ lha'i me tog dag gi char yang bab/ lha'i sil snyan gyi sgra yang byung ngo // sangs rgyas kyi mthus stong gsum gyi stong chen po'i 'jig rten gyi khams 'dir sems can thams cad kyang lha'i bde ba dang ldan par gyur te/ sems can dbang po ma tshang ba rnams ni dbang po thams cad dang ldan par gyur/ sems can dmus long dag ni mig gis gzugs rnams mthong / / sems can 'on pa dag ni rna bas sgra rnams thos/ sems can smon pa dag ni dran pa so sor rnye da/ sems can g.yeng ba dag ri sems mi g.yeng bar gyur/ sems can sgren mo rnams ni gos bgo bar gyur/ sems can bkres pa dag ni lto 'grangs par gyur/ sems can skom pa dag ni skom pa dag dang bral bar gyur/

  774. 388a

    sems can nad kyis btab pa dag ni nad dang bral bar gyur/ lus kyi dbang po nyams pa dag ni dbang po rnamatshang bar gyur te/ 'jig rten du ngo mtshar rmad du byung ba'i chos rnams rgya cher byung bar gyur to/ / de nas byang chub sems dpa' mdzes pa'i tog gis sangs rgyas bcom ldan 'das de dag mthong nas ngo mtshar rmad du gyur te/ de tshim zhing mgu la yi rangs shing rab tu dga' ste/ dga' ba dang yid bde ba skyes nas/ sangs rgyas bcom ldan 'das de dag gang na ba de logs su thal mo sbyar ba btud nas/ sangs rgyas bcom ldan 'das de dag rnams la rjes su dran la/ bcom ldan 'das shAkya thub pa'i yon tan rjes su dran zhing / bcom ldan 'das shAkya thub pa'i sku tshe'i ched la the tshom za bar gyur te/ bcom ldan 'das shAkya thub pa 'di ltar lo brgyad cu zhig thub ste/ sku tshe thung ba 'di ji lta bu 'di ci zhig snyam du bsam pa de sems shing 'dug par gyur to// de nas sangs rgyas bcom ldan 'das de dag gis dgongs shing mkhyen bzhin du/ byang chub sems dpa' mdzes pa'i tog de la 'di skad ces bka' stsal to// rigs kyi bu khyod 'di snyam du/ bcom ldan 'das shAkya thub pa 'di ltar sku tshe thung ngo snyam du ma sems shig/ de ci'i phyir zhe na/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas rnams ma gtogs par lha dang bcas pa'i 'jig rten dang / bdud

  775. 388b

    dang bcas pa dang / tshangs par bcas pa dang / dge sbyong dang bram zer bcas pa'i skye dgu dang / lha dang / mi dang / lha ma yin du bcas pa'i nang na/ bcom ldan 'das de bzhin gshegs ba shAkya thub pa'i sku tshe'i tshad kyi phyi ma'i mtha' mu'i bar du yang rtogs par nus pa nged kyis su yang ma mthong ngo / / sangs rgyas bcom ldan 'das de dag gis de bzhin gshegs pa'i sku tshe'i tshod bshad pa brjod ma thag tu/ de nas de'i tshe sangs rgyas kyi mthus lha'i bu 'dod pa na spyod pa rnams dang / gzugs na spyod pa rnams dang / klu dang / gnod sprin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i bar dag dang / byang chub sems dpa' bye ba khrag khrig brgya stong phrag du ma 'dus nas/ byang chub sems dpa' mdzes pa'i tog gi khyim der lhags so/ / de nas de bzhin gshegs pa de dag gis thams cad dang ldan pa'i 'khor de la/ bcom ldan 'das shAkya thub pa'i sku tshe'i tshad bshad pa tshogs su bcad de mdor bka' stsal pa/ rgya mtsho'i chu rnams thams cad kyi// thigs pa dag ni bgrang bar nus// shAkya thub pa'i sku tshe'i tshad// sus kyang bgrang bar mi nus so// ri rab rnams ni thams cad kyang / / phra rab rdul du bgrang bar nus// shAkya thub pa'i sku tshe'i tshad// sus kyang bgrang bar mi nus so// sa la gang dag yod pa yi// rab tu phra rdul ji snyed pa/

  776. 389a

    thams cad bgrang bar nus srid kyi// rgyal ba'i sku tshe'i tshad mi nus// gal te la las nam mkha' la// sna 'ga' zhig gis dpag 'dod kyang // shAkya thub pa'i sku tshe'i tshad/ / sus kyang bgrang bar mi nus so// rdzogs pa'i sangs rgyas 'di srid bzhugs// bskal pa dag ni 'di snyed cig/ bskal pa bye ba brgya dag ces// grangs ni rnyed par mi rung ngo // gang phyir de yi rgyu gnyis ni/ / rgyu dang rkyen kyang rnam gnyis te// sdig pa'i 'tshe ba spangs pa dang // kha zas mang po byin pa ste// de phyir bdag nyid chen po yi// sku tshe'i grangs ni mi rnyed de// bskal pa 'di snyed cig ce'am// grangs med pa yang de bzhin te// de bas the tsom med par 'gyur// the tsom cung zad ma za zhig/ rgyal ba'i sku tshe'i tha ma yi// grangs ni gang du'ang mi dmigs so/ / de nas de'i tshe 'khor der slob dpon lung ston pa bram ze ko'u di n+ya zhes bya ba dang / bram ze stong phrag du mas bcom ldan 'das la mchod pa byas te/ de bzhin gshegs pa yongs su mya ngan las 'das pa chen po'i sgra thos nas 'phral la dus te/ bcom ldan 'das kyi zhabs gnyis la gtugs nas/ bcom ldan 'das la gsol pa/ gal te bcom ldan 'das sems can thams cad la thugs brtse ba/ thugs rje chen po dang ldan pa/ phan par bzhed pa/ sems can thams cad la pha ma lta bu/ mi mnyam pa dang mnyam par

  777. 389b

    gyur pa/ zla ba lta bu snang bar mdzad pa/ shes rab dang ye shes chen po'i nyi mi shar ba lta bu lags shing / gal te khyod sems can thams cad la sgra gcan zin bzhin du gzigs na/ bdag la dam pa cig stsal du gsol/ bcom ldan 'das cang mi gsung bar gyur to// de nas sangs rgyas kyi mthus 'khor der lits+tsha bI gzhon nu sems can thams cad kyis mthong na dga' ba zhes bya ba de spobs pa skyes nas/ slob dpon lung ston pa bram ze ko'u di n+ya la 'di skad ces smras so// ci bram ze chen po khyod bcom ldan 'das la dam pa cig gsol lam/ bdag gis khyod la dam pa cig sprin no/ / bram zes smras pa/ li ts+tsha bI gzhon nu bdag gis ni bcom ldan 'das la mchod pa dang / ring bsrel gyi phye ma dgos pa'i phyir/ bcom ldan 'das kyi ring bsrel yungs 'bru tsam la bsten par 'dod do/ / ring bsrel yungs 'bru tsam ste mngon par mchod na/ sum cu rtsa gsum pa'i lha rnams kyi bdag po 'ba' zhig 'thob ces grag go// kye lits+tsha bI gzhon nu gser 'od dam pa'i mdo nyan thos dang / rang sangs rgyas thams cad kyis shes par dka' ba/ khong du chud par dka' ba de lta bu'i mtshan nyid dag dang ldan pa/ gser 'od dam pa'i mdo 'chad ces grag gis nyon cig/ kye lits+tsha bI gzhon nu gser 'od dam pa'i mngon/ de ltar shes par dka' zhing / rtogs par dka' bas na/ kho bo cag mtha' 'khob kyi glang

  778. 390a

    gi bram ze rnams ni/ gang bcangs na sems can rnams myur du sum cu rtsa gsum pa'i bdag po 'thob par 'gyur ba'i ring bsrel yungs 'bru tsam za ma tog gi nang du bcug la bcangs kyang rung ngo / / kye lits+tsha bI ga zhon nu khyod ci de bzhin gshegs pa las ring bsrel yungs 'bru tsam gsol nas/ ring bsrel gyi za ma tog tu bcug ste bcangs pas sems can rnams sum cu rtsa gsum pa'i bdag po thob par mi 'dod dam/ kye lits+tsha bI gzhon nu kho bos ni dam pa de lta bu gsol to// de nas lits+tsha bI gzhon nu 'jig rten thams cad kyis mthong na dga' bas/ slob dpon lung ston pa bram ze ko'u di n+ya la tshigs su bcad pa 'di dag gis slar smras pa/ nam zhig gang+gA'i chu rgyun la// me tog rnams ni skyes pa dang // bya rog dmar por 'gyur ba dang // khu byug dung mdog 'drar 'gyur dang / / 'dzam bur ta la'i 'obru chags dang // 'bra gor a mra'i dog pa chags// de yi tshen yungs 'bru tsom// ring bsrel du ni gsal bar 'gyur// nam zhig ru sbal spu rnams las/ / gos su legs par btags gyur te// dgun gyi grang ba sel byed pa// de tshe ring bsrel yod par 'gyur// nam zhig sbrang bu'i rkang lag las// yang thog legs par byas gyur te/ / brtan zhing rab tu mi g.yo ba// de tshe ring bsrel yod par 'gyur// nam zhig srin bu bang pa kun// so ni dkar por skyes gyur te// rno zhing chen por gyur pa

  779. 390b

    na/ de tshe ring bsrel yod par 'gyur// mtho ris su ni 'dzeg pa'i phyir// nam zhig ri bong rwa rnams las// skas ni legs par byas gyur pa// de tshe ring bsrel yod par 'gyur// nam zhig skas ni der 'dzegs te// byi bas zla ba bza' ba dang // sgra gcan la yang gnod byed pa// de tshe ring bsrel yod par 'gyur// grong na rgyu ba'i sbrang bu yis// nam zhig rdza ma'i chang 'thungs te/ / khyim na gnas par byed 'gyur ba// de tshe ring bsrel yod par 'gyur// nam zhig bong bu bde gyur la// mchu dmar bim pa 'dra 'gyur cing // glu gar rnams la mkhas gyur pa/ / de tshe ring bsrel yod par 'gyur// nam zhig 'ug pa bya rog rnams// dben par dong nas rtse ba dang // phan tshun mthun par 'gyur ba na// de tshe ring bsrel yod par 'gyur// pa la sha yi lo ma rnams// rin chen sna gsum gdugs gyur te// char 'bab skyabs su nam gyur pa// de tshe ring bsrel yod par 'gyur// nam zhig rgya mtsho gru bo che// 'khrul 'khor dang ni g.yor mor bcas/ / thang la byung ste 'gro ba ni// de tshe ring bsrel yod par 'gyur// nam zhig bya ni 'ug pa yis// ri be spos kyi ngad ldang ba// mchu la thogs te 'gro 'gyur ba/ / de tshe ring bsrel yod par 'gyur// slob dpon lung ston pa bram ze ko'u di n+yas tshigs su bcad pa 'di dag thos nas/ lits+tsha bI gzhon nu 'jig rten thams cad kyis mthong na dga'

  780. 391a

    ba la tshigs su bcad pa 'di dag gis slar smras pa/ legs so legs so gzhon nu mchog/ rgyal ba'i sras po cheg po che// dpa' zhing thabs la mkhas ldan pa// lung bstan pa ni dam pa thob/ / 'jig rten mgon po skyob pa po// de bzhin gshegs pa'i che ba nyid// bsam gyis mi khyab go rims bzhin// gzhon nus bdag la mnyan par gyis// sangs rgyas yul ni bsam mi khyab/ / de bzhin gshegs rnams mtshungs pa med// sangs rgyas thams cad rtag tu zhi// sangs rgyas thams cad yang dag byung // sangs rgyas thams cad kha dog mtshungs/ / 'di ni sangs rgyas chos nyid yin// bcom ldan 'das ni bcos ma min// de bzhin gshegs pa ma skyes te// rdo rje lta bur sra ba'i sku// sprul pa'i sku ni ston par mdzad// drang srong chen po'i ring bsrel ni// yungs 'bru tsam zhes bya ba med// sku la rus pa khrag med na// ring bsrel yod par ga la 'gyur// sems can rnams la phan pa'i phyir// thabs kyis ring bsrel bzhag par mdzad/ / rdzogs pa'i sangs rgyas chos kyi sku// de bzhin gshegs pa chos kyi dbyings// chos ston mdzad pa ci 'dra ba// bcom ldan 'das kyi sku de 'dra// bdag gis 'di thos shes nas ni/ / bdag gis dam pa gsol ba byas// de nyid kho na lung bstan phyir// gtam gleng ba ni bdag gis byas// de nas lha'i bu sum khri nyis stong gis// de bzhin gshegs

  781. 391b

    'i sku tshe'i tshad bstan pa zab mo de lta bu de dag thos nas/ thams cad kyis bla na med pa yang dag par rdzogs pa'i byang chub tu sems bskyed de/ de dag yid kyi kun tu rtog par rab tu dga' nas sgra dbyangs gcig tu tshigs su bcad pa de dag smras so/ / sangs rgyas mya ngan yong mi 'da'// chos kyang nub par mi 'gyur te// sems can yongs su smin mdzad phyir// yongs su mya ngan 'da' ba ston// sangs rgyas bcom ldan bsam mi khyab// de bzhin gshegs pa rtag pa'i sku// sems can rnams la phan pa'i phyir// bkod pa rnam pa sna tshogs ston// de nas byang chub sems dpa' mdzes pa'i tog gis/ sangs rgyas bcom ldan 'das de dag dang / skyes bu dam pa de gnyis las/ bcom ldan 'das shAkya thub pa'i sku tshe'i tshad bstan pa thos nas/ tshim zhing mgu la yi rangs shing rab tu dga' ste/ dga' ba dang yid bde ba skyes nas/ dga' ba dang mgu ba rgya chen pos khyab par gyur to// de bzhin gshegs pa'i sku tshe'i tshad bstan pa 'di bshad pa'i / sems can grangs med dpag tu med pa dag bla na med pa yang dag par rdzogs pa'i byang chub tu sems skyes so// de bzhin gshegs pa de dag kyang mi snang bar gyur to// gser 'od dam pa mdo sde'i dbang po'i rgyal po las/ de bzhin gshegs pa'i sku tshe'i tshad bstan pa'i le'u zhes bya ba ste gnyis pa'o// / de nas byang chub sems dpa' mdzes pa'i tog gnyid

  782. 392a

    kyis log pa'i rmi lam na/ gser gyi rnga kun tu snang ba 'di lta ste/ nyi ma'i dkyil 'khor 'dra ba zhig mthong ngo // phyogs thams cad na yang sangs rgyas bcom ldan 'das grangs med dpag tu med pa dag rin po che'i shing drung na/ rin po che be nuR+Ya'i khri rnams la bzhugs shing 'khor brgya stong du mas yongs su bskor te/ mdun gyis bltas nas chos ston pa mthong ngo // de nas yang skyes bu bram ze'i gzugs lta bu zhig rnga de brdung ba mthong ste/ rnga'i sgra de las bstan pa'i tshigs su bcad pa 'di lta bu 'di dag byung ba thos so// de nas byang chub sems dpa' mdzes pa'i tog sad ma thag tu bstan pa'i tshogs su bcad pa de dag rjes su dran no/ / rjes su dran nas kyang de'i mtshan mo sad pa dang / rgyal po'i khab kyi grong khyer chen po nas byung ste/ srog chags stong phrag du ma dang lhan cig tu bya rgod kyi phung po'i rig la ba dang / bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug go/ phyogs gcig tu 'dug nas/ byang chub sems dpa'i mdzes pa'i tog gis/ bcom ldan 'das ga la ba de logs su thal mo sbyar ba btud nas/ rmi lam na gang rnga'i sgra las bstan pa'i tshigs su bcad pa thos pa de dag gsol to// gser 'od dam pa mdo sde'i dbang po'i rgyal po las/ rmi lam mthong ba'i le'u zhes

  783. 392b

    bya ba skye gsum pa'o/ / nub gcig g.yel ba med par yang // bdag gi rmi lam gyur pa ni// mdzes pa'i rje chen mthong ba ste// thams cad du ni gser gyi 'od// ji ltar nyi ma bzhin du 'bar/ / kun tu rnam par lhang nge ste// phyogs bcu dag tu snang bar gyur// kun tu rin chen shing drung na// rin chen bai DUR+Ya dag gi/ khri la sangs rgyas rnams bzhugs te/ brgya stong phrag ni du ma yi// 'khor dbus mdun gyis bltas pa mthong // bram ze'i gzugs ni 'dra ba zhig/ rnga chen rab tu brdung ba mthong // de yis de la brdungs pa dang // tshigs su bcad pa 'di dag byung / / gser 'od dam pa rnga chen sgra yis ni// stong gsum 'jig rten 'jig rten gsum 'di ni// ngan song sdug bsngal gshin rje'i sdug bsngal dang // dbul ba'i sdug bsngal sdug bsngal zhi bar shog/ rnga bo che yi rnga skad 'di yis ni// 'jig rten rmongs pa thams cad zhi gyur cig/ ji ltar thub dbang 'jigs med 'jigs zhi ltar// sems can 'jigs med 'jigs dang brel bar shog/ ji ltar 'khor bar kun mkhyen thub dbang po// 'phags pa'i yon tan kun dang ldan pa ltar// skye dgu'i ting 'dzin byang chub yan lag gi/ yon tan ldan zhing yon tan rgya mtshor gyur/ / rnga bo che yi rje skad 'di yis ni// sems can thams cad tshangs pa'i dbyangs ldan gyur// sangs rgyas byang chub dam pa mchog reg shog/ chos kyi 'khor lo dge bskor gyur cig/ bskal

  784. 393a

    pa bsam gyis mi khyab bzhugs par shog/ 'gro la phan phyir chos kyang ston gyur cig/ nyon mongs 'joms 'gyur sdug bsngal zhi bar shog/ 'dod chags zhe sdang gti mug zhi gyur cig/ sems can gang dag ngan song sar gnas te// rus pa'i rus la me lce rab 'bar ba// de dag rnga chen bsgrags pa thos gyur cig/ sangs rgyas phyag 'tshal lo zhes tshig thos shog/ sems can kun gyis tshe rabs brgya dag dang // tshe rabs stong phrag bye ba skye dran shog/ thub pa'i dbang po rtag tu dran gyur cig/ de dag gi ni rgya chen gsung thos shog/ rnga bo che yi sgra skad 'di yis ni/ / sangs rgyas rnams dang rtag tu 'grogs rnyed 'gyur// sdig pa'i las rnams rnam par spong bar shog/ bya ba dge ba rnams ni spod gyur cig/ mi dang lha dang srog chags thams cad kyi/ / de dag bsam dang smon lam gang yin pa// rnga bo che yi sgra skad 'di yis ni// de dag rnams kyi de kun rdzogs gyur cig/ sems can gang dag sems dmyal mi bzang skyes// lus la me lce kun tu rab tu 'bar// skyabs med mya ngan bcas shing yongs khyab pa// me rnams ma lus rab tu zhi bar shog/ sems dmyal yi dgas mi yi 'jig rten na// sems can sdug bsngal mi bzang drag po gang / / rdo bo che yi sgra skad 'di yis ni// de dag rnams ni sdug bsngal kun zhi shog/ rten med dpung gnyen mod pa dang // skyabs med par ni gyur pa dag

  785. 393b

    de dag rnams la skyob pa dang / / dpung gnyen rten mchog bdag gyur cig/ sangs rgyas rkang gnyis dam pa dag/ thugs brtse thugs rje ldan pa'i thugs// gang dag phyogs bcu'i 'jig rten na/ bzhugs pa bdag la dgongs su gsol// bdag gis sngan cad sdig pa'i las// shin tu mi bzad gang bgyis dang // stobs bcu'i spyan sngar bdag mchis te// de dag thams cad bshags par bgyi/ / pha ma dag tu mi 'dzin dang // sangs rgyas rnams su mi 'dzin dang // dge ba dag tu mi 'dzin pas// sdig pa bdag gis gong bgyis dang // phyug pa'i rgyags pas dregs pa dang / / rigs dang longs spong rgyags pa dang // gzhon pa'i rgyags pas dregs pa yis// bdag gis sdig pa gang bgyis dang // nyes bsams nyes par smras pa dang // nyes par bgyis pa'i las rnams dang / / nyes pa'i dmigs su ma ltas pas// bdag gis sdig pa gang bgyis dang // byis pa'i blo yis 'jug pa dang // mi shes mun pa'i sems dang ni// sdig pa'i grogs po'i dbang gyur dang / / nyon mongs rnam par 'khrug sems dang // rtsed mo dga' ba'i dbang nyid dang // mya ngan dang ni nang dbang dang // nor gyis mi chog nyen pa yis// bdag gis sdig pa gang bgyis dang / / phrag dog ser sna'i rgyu dang ni// g.yo dang dbul ba'i nyes pa yis// bdag gis sdig pa gang bgyis dang // 'phongs pa byung ba'i dus kyi tshe// 'dod pa rnams

  786. 394a

    kyi 'jigs rgyu dang / / phyug po ma yin gyur pa yis// bdag gis sdig pa gang bgyis dang // g.yo ba'i sems kyis dbang nyid dang // 'dod dang khro ba'i dbang dag dang / bkres dang skom gyis nyen pa yis// bdag gis sdig pa gang bgyis dang // bza' ba dag dang btung ba dang // bud med rgyu dang gos kyi phyir// nyon mongs gdung ba sna tshogs kyis// bdag gis/ sdig pa gang bgyis dang // lus dang ngag dang yid kyi sdig/ nyes par spyad pa rnam gsum bsags// 'di 'dra'i tshul gyis gang bgyis pa// de dag thams cad bdag 'chags so// sangs rgyas rnams dang chos rnams dang / / de bzhin nyan thos rnams la yang // gus pa ma lags gang bgyis pa// de dag thams cad bdag 'chags so// gang yang rang sangs rgyas rnams dang // byang chub sems dpa' rnams la yang // gus pa ma lags bgyis pa rnams// de dag thams cad bdag 'chags so// dam chos smra ba rnams la yang // gus pa ma lags gang bgyis dang / / chos la'ang gus par ma bgyis pa// de dag thams cad bdag 'chags so// bdag gis rtag tu mi shes pas// dam pa'i chos ni spangs pa dang // pha ma rnams la ma gus gang / de dag thams cad bdag 'chags so// blun pa dang ni byis pa dang // 'dod chags zhe sdang gti mug dang // nga rgyal dregs pas bsgribs bgyis pa// de dag thams cad bdag 'chags so//

  787. 394b

    bdag gis phyogs bcu'i 'jig rten du// stobs bcu rnams la mchod par shog/ bdag ni phyogs bcur sems can rnams// sdug bsngal kun las 'don gyur cig/ sems can bsam gyis mi khyab kun/ / sa bcu dag la 'god par shog/ sa bcu dag la gnas nas kyang // thams cad de bzhin gshegs gyur cig/ ji srid sdug bsngal rgya mtsho las// de kun thar bgyid nus srid du/ / sems can re re'i phyir yang ni// bskal pa bye bar spyod par shog/ gser 'od dam pa zhes bgyi ba// las rnams thams cad byed byed pa// zab mo dag ni ston pa 'di// sems can de dag ston gyur cig/ gang gis bskal pa stong rnams su// sdig pa shin tu mi bzang bgyis// lan cig rab tu bshags pa yis// de dag thams cad byung bar 'gyur// gang gis las kyi sgrib pa rnams/ / myur du yang dag zad gyur pa// gser 'od dam pa dge ba yi// bshags pa 'di dag bshags nas ni// rin chen 'byung gnas mchog bcu po// sa bcu la ni gnas par bgyi/ / sangs rgyas yon tan snang bar bgyi// srid pa'i mtsho las bsgral bar bgyi// sangs rgyas rgya mtsho chu bo dang // yon tan rgya mtsho zab mo de// sangs rgyas yon tan bsam yas kyis/ / thams cad mkhyen du rdzogs par bgyi// ting 'dzin brgya phrag stong rnams dang // gzungs rnams bsam gyis mi khyab dang // dbang stobs byang chub yan lag gis/

  788. 395a

    stobs bcu dam par 'gyur bar bgyi// dgongs pa'i thugs kyis sangs rgyas rnams// bdag la rnam par gzigs su gsol// thugs rje ldan pa'i thugs kyis ni/ nongs par rab tu gzung du gsol// bdag gis bskal pa brgya rnams su// sngon chad sdig pa gang bgyis pa// de phyir bdag ni mya ngan sems// 'phongs dang mya ngan 'jigs pas gzir/ sdig pa'i las la 'jigs par bgyid// yid ni rtag tu dman par gyur// gang dang gang du spod bgyid pa// bdag ni gang du'ang dga' ma mchis// sangs rgyas thams cad thugs rje ldan// 'gro ba kun gyi 'jigs sel ba// nongs par rab tu gzung du gsol// 'jigs pa dag las bdag thar mdzod// bdag gi nyon mongs las rnams kyi// dri ma de bzhin gshegs pas shol// sangs rgyas rnams kyis bdag la ni// snying rje'i chu yis bkru bar gsol// sdig pa thams cad bshags par bgyi// sngon chad bdag gis gang bgyis dang // da ltar bdag gi sdig pa gang // de ngag thams cad bdag 'chags so/ / nongs par bgyis pa'i las rnams kun// slan chad mi bgyid bsdam par bgyi// bdag gis nongs par bgyis pa gang // sdig de bcab par mi bgyi'o// lus kyi las ni rnam gsum dang // ngag gi rnam pa bzhi dag dang // yid kyi rnam pa gsum po rnams// de dag thams cad bdag 'chags so// lus kyis bgyis dang ngag gi las// yid kyis

  789. 395b

    rnam par bsams pa dang / / las rnams bcu po bgyis pa dag/ de dag thams cad bdag 'chags so// mi dge'i las bcu spangs nas su// dge ba bcu po bsten bgyis te// sa bcu la ni bdag gnas bgyi/ / stobs bcu mchog tu 'gyur bar bgyi// bdag gis sdig pa'i las gang dag/ mi 'dod 'bras bu thob bgyid pa// sangs rgyas spyan sngar mchis nas ni// de dag thams cad bshags par bgyi/ / 'dzam bu'i gling 'dir gang dag dang // 'jig rten khams ni gzhan dag tu// gang rnams dge ba'i las bgyis pa// de dag kun la yi rang ngo // lus dang ngag dang yid kyis kyang / / bdag gis bsod nams gang bsgrubs pa// bdag ni dge ba'i rtsa ba des// byang chub mchog la reg par bgyi// srid 'gro nyam ngar byis pa'i blo yis ni// shin tu mi bzang sdig pa gang bgyis pa/ / stobs bcu mi mnyam sman sngar mchis nas ni// sdig pa de kun so sor bshags par bgyi// skye ba nyam nga srid pa nyam nga dang // 'jig rten nyam nga g.yo sems nyam pa bar/ / lus kyi spyod pa nyam nga sna tshogs kyis// bdag gis sdig pa gang bsags de 'chags so// byis pa blun byas nyon mongs nyam nga dang // sdig pa'i grogs dang phrad pa nyam nga dang // srid pa nyam nga 'dod chags nyam nga dang // zhe sdang gti mug mun pa nyam nga dang // dal ba'i nyam nga dus kyi nyi ma nga dang // bsod nams bsgrubs pa'i nyam nga dag gis kyang // rgyal ba mi mnyam

  790. 396a

    mngon sum mchis nas ni/ / sdig pa de kun so sor bshags par bgyi// sangs rgyas gser mdog ri snang ri rab 'dra// yon tan rgya mtsho 'dra la phyag 'tshal lo// rgyal ba de dag rnams la skyabs su mchi/ / rgyal ba de dag rnams la mgos phyag 'tshal// gser mdog gser ni dri ma med pa'i gser gyi 'od// dri med rnam dag bai DUR+Ya yi yan lag spun// sangs rgyas nyi ma dpal gzi grags 'bar 'byung ba'i gnas/ / thugs rje'i 'od gzer dag gis mun pa mun nag bsal// yan lag rab tu dri med rab bzang rnam par mdzes// sangs rgyas nyi ma yan lag dri med gser 'dras khyab/ / nyon mongs mes gdungs yid can 'bar ba'i me 'dra la// thub pa zla ba'i 'od gzer dra bas tshim par mdzad// mtshan mchog sum cu gnyis kyis dbang po yan lag mdzes/ / dpe byad bzang po dag gi sa yan lag rnam par mdzes// dpal gzi bsod nams 'bar 'khrugs 'od gzer 'dra ba yis// 'jig rten gsum na mun khrod nyi ma bzhin du bzhugs// dri med rgya chen kha dog sna tshogs bai DUR+Ya// skya rengs dmar dang dngul dang shel bzhin yan lag dmar// 'od gzer dra ba rnam pa sna tshogs legs brgyan pa// thub chen khyod ni nyi ma bzhin du de ya se mdzes/ / mya ngan 'khrug pa'i mchi chu dga' ba'i dba' rlabs can// 'khor ba'i klung chen 'phongs pa'i chu bor lhung ba la// sdug bsngal rgya mtsho mchog tu rtsub cing shugs drag pa/

  791. 396b

    bde gshegs nyi ma'i 'od gzer mang po rnams kyis skems// yan lag gser gyi mdog tu rnam par snang // ye shes 'byung gnas 'jig rten gsum kun mchog/ rab mdzes mtshan gyis yan lag rnams spras pa/ / sangs rgyas gser sku 'bar la phyag 'tshal lo// ji ltar rgya mtsho'i tshun dpag med dang // ji ltar sa la sa rdul mtha' yas dang // ji ltar ri rab rdo mtha' mtshungs med dang / / ji ltar nam mkha'i mtha' ni mtha' yas pa// de bzhin sangs rgyas yon tan mtha' yas te// sems can kun gyis shes par mi nus so// bskal pa du mar gzhal cing bsams kyang ni/ / yon tan mtha' ma shes par mi nus so// chu ni skra yi rtse mo'i tshed tsam dang // rdor bcas rir bcas rgya mtshor bcas pa ni// bskal par bgrangs na shes par nus kyang srid/ / sangs rgyas yon tan pha mtha' shes mi nus// yon tan kha dog snyan dang grags pa dang // dge ba'i mtshan gyis brgyan pa'i sku lus dang // dpe byad bzang po brgyad cus brgyan pa yis/ / sems can thams cad de 'drar gyur par shog/ bdag gis dge ba'i las rnams 'di dag gis// 'jig rten mi rang sangs rgyas 'gyur bar bgyi// 'gro la phan phyir chos kyang bstan par bgyi/ / sems can sdug bsngal mang gzir thar par bgyi// stobs bcas sder bcas bdud las rgyal bar bgyi// chos kyi 'khor lo dge ba bskor bar bgyi/

  792. 397a

    bskal pa bsam gyis mi khyab gnas par bgyi// bdud rtsi'i chu yis sems can tshim par bgyi// ji ltar sngon gyi rgyal ba'i rdzogs pa ltar// pha rol phyin drug bla med rdzogs par bgyi/ / nyon mongs gzhom zhing sdug bsngal bsal bar bgyi// 'dod chags gti mug zhe sdang zhi bar bgyi// skye ba brgya dang skye ba bye ba stong // bdag ni rtag tu skye ba dran par bgyi// thub pa'i dbang po rtag tu dran par bgyi// de yi gsung ni rgya chen mos par bgyi// bdag ni dge ba'i las rnams 'di dag gis// rtag tu sangs rgyas 'grogs pa rnyed par bgyi// sdig pa'i las rnams rnam par spang bar bgyi/ / dge ba'i 'byung gnas dge rnams spyad par bgyi// zhing rnams kun na srog chags thams cad kyang // 'jig rten dag na sdug bsngal kun zhir gyur// sems can dbang po ma tshang yan lag nyams/ / de kun de'u dbang po tshang bar shog/ gang dag nad btab nyam chung lus nyams dang // phyogs bcu dag na skyabs med gyur pa rnams// de kun myur du nad las thar gyur cig/ nad med stobs dang dbang po rnyed par shog/ gang dag rgyal po chom rkun sgre'u bsdigs gsod thug dang // sdug bsngal rnam pa sna tshogs brgya yis 'phongs gyur pa// sems can nyam thag gyur cing sdug bsngal de dag kun/ / 'jigs mchog mi bzad brgya po de las thar gyur cig/ gang dag brdeg cing ba cing bas bcings gzir ba// 'phongs pa sna tshogs ngag na gnas

  793. 397b

    gyur cing / / nyon mongs stong phrag du mas dkrugs nas kyang // 'jigs pa mi bzad mya ngan sna tshogs rnyed// de dag thams cad bcings las grol gyur cig/ brdeg pa dag ni brdeg las thar gyur cig/ gsang ba rnams kyang srog dang ldan gyur cig/ 'phongs gyur thams cad 'jigs pa med par shog/ sems can thams cad bkres sred skom gyis gzir// de dag zas skom sna tshogs rnyed par shog/ long bas gzugs rnams sna tshogs mthong gyur cig/ 'o na pas yid 'ong sgra rnams thos par shog/ gcer bu rnams kyis sna tshogs gos rnyed 'gyur// sems can dbul pos gter rnams rnyed par shog/ nor 'bru rin chen sna tshogs mang po yis// sems can thams cad bde dang ldan par shog/ gang yang sdug bsngal tshor bas gnod ma gyur// sems can thams// cad blta na sdug pa dang // gzugs bzang mdzes shing tshul du shis par shog/ rtag tu bde ba du ma rdzogs gyur cig/ yid kyi zas skem rab 'byor bsod nams dag/ bsams ma thag tu de dag grub gyur cig/ rdza rnga cang te'u bi wang sgra snyan dang // chu mig mtshe'u rdzing bu lteng ka dang // gser gyi pad+ma ut+pal pad+ma can// zas sgom gos nor mu tig nor bu dbyig/ rgyan gser rin chen sna tshogs bai DUR+Ya/ / de dag bsams ma thag tu grub gyur cig/ 'jig rten gang na'ang sdug bsngal sgra ma byung // sems can gcig kyang mi 'phrod mthong ma gyur// de dag thams

  794. 398a

    cad kha dog rgya chen dang / / phan tshun du na 'od byed gyur par sho// mi yi 'jig rten phun sum tshogs gang yod// de dang bsams par skye ba de dag gyur// bsam thams cad bsams ma thag tu yang / bsod nams 'bras bus yongs su rdzogs par shog/ spos dang 'phreng ba dag dang byug pa dang // gos dang phye ma me tog sna tshogs dag/ ljon shing dag las dus gsum 'bab par shog/ sems can de dag len cing dgar gyur cig/ de bzhin gshegs pa bsam yas thams cad dang // rdzogs pa'i byang chub sems dpa' nyan thos dang // rdul bral dri med bstan pa'i chos la yang / / phyogs bcu rnams su mchod pa byed par shog/ 'gro ba dma' ba thams cad spod gyur cig/ mi khom brgyad po dag las 'das par shog/ ngal ba'i rgyal po dam pa po gyur cig/ rtag tu sangs rgyas 'grogs pa thob par shog/ rtag tu mthon po'i rigs su skye bar shog/ nor dang 'bru yi mdzod rnams 'byor gyur cig/ spyan dang grags pa gzugs dang kha dog gis/ / bskal ba du mar legs par brgyan par shog/ bud med thams cad rtog tu por gyur te// dpa'i zhing rtul pod ma laso shing gsal bar shog/ de kun rtag tu byang chub byir spyod gyur/ / pha rol phyin pa drug la spyod par shog/ phyogs bcu dgan rin chen shing dbang drug// sangs rgyas de bzhugs rin chen be cu'i// khri la btsugs pa dag ni mang/

  795. 398b

    gyur cig/ chos bstan pa yang de dag thos par shog/ bdag gis sdig pa'i las rnams bsgrubs pa ni// srid pa nyam ngar sngon chad gang bsgrubs pa// sdig las gang dag mi 'dod 'bras thob pa/ / de dag thams cad ma lus zad gyur cig/ sems can gang dag srid par bcings gnas kun// 'khor ba'i zhags pa'i theg pas dam bcings pa// shes rab lag gis bcings pa bkrol bar shog/ sdug bsngal rnams las thar par myur gyur cig/ sems can gang dag 'dzam bu'i gling 'di dang // gang dag 'jig rten khams ni gzhan rnams na// bsod nams sna tshogs zab mo rnams byed pa/ / de dag kun la rjes su yi rang ngo // lus dang ngag dang yid kyis bsgrubs pa yi// bdag gis rjes su yi rang bsod nams de// bdag gis smon grub 'bras bu yod par shog/ byang chub rdul bral bla med thob gyur cig/ gang dag rtag tu dri ma bral ba dang // dri med yid kyis phyag 'tshal bstod pa dang // yongs su bsngo ba brjod pa 'di yis ni// bskal pa drug cur ngan song spong bar gyur/ / tshigs su bcad pa brjod pa 'di dag gis// skyes pa bud med bram ze rgyal rigs las// thal sbyar 'dug ste rgyal ba gang bstod pa// tshe rabs kun tu skye ba dran par 'gyur/ / yan lag dbang po kun gyis yan lag brgyan// bsod nams yon tan sna tshogs rnams dang ldan// mi dbang rgyal pos rtag tu de mchod de// de dang de dag kun ni de 'drar 'gyur//

  796. 399a

    gang dag rna ba'i bu gar bshags pa 'di ni grag gyur pa// de dag sangs rgyas gcig gi gan nas dge ba byas ma yin// gnyis la ma yin bzhi lam yin lnga min bcu la min/ de ltar sangs rgyas stong gi gnas nas dge ba byas ma yin// gser 'od dam pa mdo sde'i dbang po'i rgyal po las/ bshags pa'i le'u zhes bya ba ste bzhi pa'o// / 'phagra pa gser 'od dam pa mdo sde'i dbang po'i rgyal po zhes bya ba theg pa chen po'i mdo bam po gnyis pa/ / // de nas bcom ldan 'das kyis/ rigs kyi lha mo byang chub yang dag par bsdus pa la 'di skad ces bka' stsal to/ / rigs kyi lha mo de'i tshe de'i dus na/ rgyal po gser gyi lag pa'i dbang po zhes bya ba des de bzhin gshegs pa thams cad la bstod pa pad+ma'i 'byung gnas 'dis 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la mngon par bstod do// rgyal ba gang dag sngar byung gyur pa dang // phyogs bcu'i 'jig rten dag na gang gzhes pa/ / rgyal ba de dag rnams la phyag bgyi'o// rgyal ba de dag kun la bdag gis bstod// thub dbang zhi zhing rab zhi rnam par dag/ sku ni gser gyi mdog tu rab tu gda'/ / dbyangs rnams kun gyis sangs rgyas gsung snyan te// tshangs pa'i sgra dbyangs rab tu bsgrags par gsungs// bung ba rma bya ut+pal sngon po'i dbu// mthon mthing lcang lo bya ni tsa sha

  797. 399b

    'dra/ / kha ba dung ltar rab tu dkar ba'i tshems// rtag tu gser ltar rnam par mdzes par gda'// spun ni ring zhing mthon mthing dri ma med// ut+pal sngon po rab tu rgyas pa 'dra// ljags ni che zhing legs la pad+ma'i mdog/ pad+ma 'drar snang pad+ma'i ze ba 'dra// zhal gyi mdzod spu pad rtswa dung 'dra yang // be DUR+Ya yi mdog 'dra g.yas su 'khyil// thub pa'i zla ba phra zhing zad pa 'dra// sku yi lte bzung ba gsal ba bzhin// zhal mtho'i shangs ni rtag tu lhag ge ste// 'jam zhing sa la'i gser ltar kha dog bzang // rtag par rgyun du rgyal ba thams cad kyi// ro mchog 'jam zhing dam pa'i mchog rab 'phags/ / spu yi bu ga nas ni re re skyes// spu rnams skyes pa g.yas su 'khyil pa ste// mthon mthing 'od 'bar 'tsher zhing lcang lo can// rma bya'i mgrin sdug 'dra bar sngol mdzes/ / bltams ma thag tu sku yis snang bar bgyis// phyogs bcu'i 'jig rten dag ni thams cad gang // 'jig rten gsum na sdug bsngal mtha' yas zhi// bde ba kun gyis sems can rnams kyang tshim/ / sems dmyal 'gro dang dud 'gro'i 'gro ba dag/ yi dgas lha gnas mi yi 'gro rnams su// sems can de dag thams cad bde bas rim// ngan song 'gro ba rnams ni thams cad zhi/ / kha dog mdog bzang gser dang 'dra ba'i 'od// btso ma'i gser ltar rab tu snang ba'i sku// bde gshegs zla ba rab tu dri med zhal// 'dzum zhing rnam mdzes shin tu dri

  798. 400a

    med zhal/ / gzhon nu btsas 'dra sku lus yan lag 'jam// seng ge 'dra bar rtsal gyis non pa'i mchog/ phyag ring phyag ni rab tu ring ba ste// sA la'i lcug ma rlung gis bskyod pa bzhin/ / 'dom gang 'od 'bar 'od gzer rab tu gtong // nyi ma stong pas rab tu lhag ge'o// thub pa'i dbang po'i sku mchog dri ma med// zhing rnams mtha' yas thams cad rab tu snang / / sangs rgyas 'od ni rnam par lhang nge bas// zhing rnams mtha' yas brgya stong rnams su yang // mtshan byed zla ba nyi ma mang po dag/ de dag thams cad 'od ni med par gyur// sangs rgyas nyi ma 'jig rten sgron ma ste/ / sangs rgyas nyi ma brgya phrag stong rnams ni// zhing rnams mtha' yas stong phrag brgya dag na// de bzhin gshegs pa'i nyi ma sems can mthong // bsod nams stong phrag brgya dang ldan pa'i sku/ / yon tan kun gyis rab tu brgyan pa'i sku// glang chen dbang po'i sna 'dra rgyal ba'i phyag/ phyag dang zhabs 'od rab mdzes dri ma med// sa yi steng gi rdul dang mtshungs 'dra snyed/ / phra ba'i rdul snyed sangs rgyas gang 'das dang // gang dag phra ba'i rdul snyed byung ba dang // gang dag phra ba'i rdul snyed bzhugs pa yi// rgyal ba de dag la ni rab dang ba'i// ngag yid lus kyis me tog dbul ba dang // spos rnams dbul dang bsngags pa brgya dang ni// dge ba'i sems kyis kyang ni phyag 'tshal lo// rgyal ba'i yon tan gang dag dger gyur pa// snying po

  799. 400b

    mchog rab sna tshogs du ma ste/ / bdag gis bskal pa stong du lce brgya yis// sangs rgyas yon tan brjod par mi nus so// rgyal ba gcig gi yon tan rnams kyang ni// lce stong gis kyang cung zad brjod mi nus/ / bdag gis rgyal ba dag ni thams cad kyi// yon tan gcig rgyas brjod par ga la nus// lhar bcas 'jig rten thams cad mtshor gyur te// srid pa'i rtse mo man chad chus gang ba skra yi rtse mos dpag par nus srid kyi/ / bde gshegs rnams kyi yon tan gcig la min// lus dang ngag yid rab tu dang ba yis// rgyal ba kun la bdag gis bsngags bstod pas// bdag gis bsod nams 'bras bu mchog bsags gang // des ni sems can rgyal ba reg gyur cig/ de ltar rgyal pos sangs rgyas rnams bstod nas// rgyal po 'di ltar smon lam 'debs pa ni/ / ma 'ongs bskal pa mtha' yas rnams su yang // gang dang gang du bdag ni skye ba na// rmi lam du ni 'di 'dra'i rnga lta zhing // der ni bshags pa 'di 'dra mnyan par bgyi// rgyal stong pad+ma 'byung rgyal 'di 'dra ba/ / skye ba de dang der ni rnyed par bgyi// sangs rgyas yon tan mtha' yas mtshungs med dang // gang dag bskal pa stong du rnyed dka' ba// de dag rmi lam du yang mnyan bapar dgyi/ / nyin gyur tshe yang de dag bshad par bgyi// sems can sdug bsngal mtsho las thar bar bgyi// pha rol phyin pa drug po rdzogs par bgyi// phyin nas byang chub bla med thob par bgyi/

  800. 401a

    bdag gi zhing ni lhod pa med gyur cig/ rnga phul rnam par smin pa'i 'bras bu dang // rgyal ba thams cad la yang bstod pa'i rgyus// shAkya thub dbang mngon du blta bar bgyi/ / der ni bdag gis lung bstan thob gyur cig/ gser gyi lag pa'i dbang dang gser gyi 'od// bdag gi khye'u ni gang yin 'di gnyis kyang // der ni bu pho de dag gnyis ka dang // byang chub bla med lung bstan thob par shog/ sems can gang dag gnas med rten med cing // skyabs dang bral nas 'phongs par gyur pa dag/ de dag la yang ma 'ongs dus rnams na// skyob dang dpung gnyen skyabs dang rten gyur shog/ sdug bsngal kun 'byung zad par byed gyur cig/ bde ba kun gyi 'byung gnas gyur par shog/ sngon mtha' 'das pa de dag ji srid pa// ma 'ongs bskal par byang chub sprad par bgyi/ / gser 'od dam pa yi ni bshags pa yis// bdag gi sdig pa'i rgya mtsho skems par shog/ bdag gi las kyi rgya mtsho zad gyur cig/ bdag gi nyon mongs rgya mtsho zad par shog/ bdag gi bsod nams rgya mtsho rdzogs gyur cig/ ye shes dri med snang ba dam pa yis// bdag gi ye shes rgya mtsho rnam dag shog/ yon tan kun gyi rgya mtshor gyur par shog/ byang chub yon tan yon tan rin chen rdzogs// gser 'od dam pa'i bshags pa'i stobs kyis ni// bdag gi bsod nams rab tu snang bar shog/ bdag gi byang chub snang ba

  801. 401b

    rnam dag gyur/ / ye shes dri med snang ba dam pa yis// bdag gi lus kyi 'od ni snang bar shog/ bsod nams snang ba lhag ger bya ba'i phyir// 'jig rten gsum na khyad par 'phags gyur cig/ bsod nams stobs dang rtag tu ldan par shog/ sdug bsngal rgya mtsho las ni sgrol ba dang // bde ba kun gyi rgya mtsho 'dra ba yis// ma 'ongs bskal par byang chub spad par bgyi// 'jig rten gsum na sngon mthar ji snyed gshegs// de dge zhing ni rgyal ba thams cad kyi// yon tan mtha' yas khyad 'phags ci 'dra ba// yon tan mtha' yas rnams kyis bdag gi zhing // ma 'ongs dus na de 'drar 'gyur bar shog/ gser 'od dam pa mdo sde'i dbang po'i rgyal po las/ 'das pa dang / ma 'ongs pa dang / da ltar byung ba'i de bzhin gshegs pa thams cad la bstod pa me tog pad+ma'i 'byung gnas zhes bya ba'i le'u ste lnga pa'o/ / // de nas bcom ldan 'das kyis de'i tshe tshigs su bcad pa 'di dag gsungs so// bsam gyis mi khyab mdo rnams gzhan dag tu/ / stong pa'i chos rnams rab tu rgyus bshad de// de lta bas na mdo mchog dam pa 'dir// stong pa'i chos rnams mdo tsam bshad pa yin// sems can blo chung rnam par mi shes pas/ / chos rnams thams cad shes par mi nus te// de lta bas na mdo mchog dam pa 'dir// stong pa'i chos rnams mdo tsam bshad pa yin// sems can kun gyis ci nas shes 401'a1(mdo sde): 'gyur dang / / sems can 'byung bya'i phyir ni snying rje'i dbang // thabs dang tshul dang rgyu gzhan rnams kyis ni// mdo mchog dam pa dbang po 'di bshad do// lus 'di 401'a2(mdo sde): grong khyim stong pa ji bzhin te/ / dbang po rnams ni dmag dang chom rkun 'dra// de dag thams cad grong gcig gnas mod kyi// de dag phan tshun rnam par mi shes so// mig gi dbang po gzugs 401'a3(mdo sde): gyur rnams la rgyug/ rna ba'i dbang po sgra la rnam par spyod// sna yi dbang po sna tshogs dri rnams 'phrog/ lce yi dbang po rtag tu ro la rgyug/ lus kyi dbang po reg pa dag la rgyug/ yid kyi 401'a4(mdo sde): dbang po chos rnams rnam par spong / / dbang po drug po 'di dag phan tshun du// rang rang yul du rab tu 'jug par byed// sems ni sgyu ma bzhin du g.yo ba yin// dbang po drug ni yul la 401'a5(mdo sde): rnam par spyod/ / ji ltar mi zhig grong stong rgyug pa dang // dmag dang chom rkun dag dang gnas pa bzhin// ji ltar sems ni yul drug gnas bcas shing // dbang po'i spyod yul dag kyang rab 401'a6(mdo sde): tu shes/ / de ltar sems ni yul drug gnas bcas te// dbang po'i spyod yul rnams kyang rab shes te// gzugs dang sgra dang de bzhin dri rnams dang // ro dang reg bya de bzhin spyod yul chos// 401'a7(mdo sde): sems ni dbang po drug po thams cad la// dbang por zhugs pa bya bzhin g.yo bar gyur// dbang po gang dang gang du gnas bcas pa// dbang po de ni shes par bdag nyid byed// lus ni g.yo ba 401'b1(mdo sde): med cing byed pa med/ / snying po med cing rkyen las byung ba yin// yang dag ma yin yongs su rtog las byung // grong stong las kyi 'khrul 'khor 'dra ba gnas// sa dang me dang chu dang rlung rnams ni/ 401'b2(mdo sde): grong gzhan gnas te phyogs dang phyogs na gnas// dper na sbrul gdug gnas gcig ji bzhin te// rtag tu phan tshun mthun pa ma yin bzhin// khams kyi sbrul rnams bzhi po de dag kyang // 401'b3(mdo sde): gnyis ni steng 'gro gnyis ni thur du 'gro// phyogs dang phyogs mtshams rnams su gnyis gnyis te// khams sbrul de dag thams cad 'jig par 'gyur// se yi sbrul dang chu yi sbrul dag dang // 401'b4(mdo sde): 'di gnyis 'og tu zad par 'gyur ba yin// mi yi sbrul dang rlung gi sbrul dag dang // 'di gnyis steng gi nam mkhar 'gro ba yin// ji ltar sngon chad byas pa'i las rnams kyis// sems dang rnam 401'b5(mdo sde): shes kun tu gnas nas dong / / lha dang mi dang ngan song gsum dag tu// ji ltar byas pa'i las kyis srid par skye// bad kan rlung dang mkhris pa zad gyur na// lus shig cin dang ngan skyugs rnams kyis 401'b6(mdo sde): gang / / mngon par mi dga' srin bu'i phung por gyur// dur khrod dag na 'thor ba shing bzhin gyur// lha mo khyod ni chos 'di rnams la ltos// 'di la sems can de bzhi na gang zag dang / 401'b7(mdo sde): chos rnams 'di dag thams cad stong pa ste// ma rig pa yi rkyen las byung ba yin// 'byung ba chen po 'di dag che 'byung min// ma byung ba las byung zhing mi 'byung ste// gang gi phyir ni//

  802. 402a

    'byung ba mi 'byung ba// de phyir 'byung ba che zhes ngas brjod do// ma rig pa ni gzhan yang yod min la// ma rig pa yi rkyen las byung ba yin// ma rig pa 'di yod pa ma yin te/ de bas ngas ni ma rig 'di bshad do// 'du byed rnam shes ming dang gzugs bcas dang // skye mched drug dang reg dang tshor ba dang // sred dang len dang de bzhin srid pa dang // skye dang rga shi mya ngan gnod pa rnams/ / 'khor ba'i sdug bsngal bsam gyis mi khyab pa// 'khor ba'i 'khor lo ji ltar gnas pa dag/ ma byung ba las byung dang mi 'byung dang // tshul bzhin ma yin sems kyis rnam dpyad dang / / bdag gis lta bar gyur pa gcad par gyis// ye shes ral gris nyon mongs rgya mo drol// phung po gnas la stong par gyur pa ltos// byang chub yon tan rgya chen reg par gyis/ / ngas ni bdud rtsi'i grong khyer sgo yang phye// bdud rtsi'i khu ba'i snod kyang kun tu bstan// nga ni bdud rtsi grong khyer gnas der 'jug/ nga ni bdud rtsi'i khu bas bdag tshim bya// ngas ni chos kyi// rnga chen dam pa brdungs// ngas ni chos kyi dung gi mchog kyang bus// ngas ni chos kyi sgron ma mchog 'bar byas// ngas ni chos kyi char pa dam pa phab// nga ni nyon mongs dgra mchog rnams las rgyal/ / ngas ni chos kyi rgyal mtshan dam pa bsgreng // srid pa'i mtsho las sems can rab tu bsgral// ngas ni ngan song gsum gyi lam rnams bkag/ sems can nyon mongs me yis gdungs

  803. 402b

    gyur pa/ / rten med gyur cing dpung gnyen med pa dag/ srog chags nyon mongs sems gdungs zhi byas nas// bdud rtsi'i khu ba bsil bas tshim par byas// gang phyir bskal pa du ma sngon chad ngas/ / 'dren pa bsam gyis mi khyab mchod pa byas// chos kyi sku de yongs su 'tshol ba na// brtul zhugs brtan pas byang chub phyir spyad de// lag pa dang ni mig dang rkang pa dang // yan lag mchog dang bu sdug bu mo dang / / nor dbyig nor bu mu tig rgyan dang gser// be DUR+Ya dang rin chen sna tshogs btang // stong gsum shing ljon thams cad dang // rtsa dang rtswa rnams thams cad dang / nags tshal dag dang sa las ni// 'khrungs pa thams cad bcang gtubs te// de dag thams cad phyir brlags nas// rab tu phra ba'i rdul 'drar byas// nam mkha'i dkyil 'khor ji tsam par// phye ma'i phung po spungs nas ni// 'di la cha gsum dbye bar nus// sa la rdul ni yod pa rnams// stong gsum dag ni thams cad kyi// rdul khams bsam gyis mi khyab pa// sems can kun gyi shes pa gang / / de ni sems can gcig gir gyur// shes pa de yis rdul rnams kyi// phye ma bgrang bar byed na ni// sems can kun las rab 'phags pa// ye shes rab ldan mi rnams kyis/ / thams cad bgrang bar nus srid kyi// rgyal ba'i mkhyen la mi nus so// thub pa chen po'i ye shes gang // skad cig gcig la 'jug pa yang // bskal pa bye ba du mar ni// gang

  804. 403a

    du'ang bgrang bar mi nus so/ / gser 'od dam pa mdo sde'i dbang po'i rgyal po las/ stong pa nyid kyi le'u zhes bya ba ste drug pa'o// / de nas rgyal po chen po rnam thos kyi bu dang / rgyal po chen po yul 'khor srung dang // rgyal po chen po 'phags skyes po dang / rgyal po chen po mig mi bzang stan las langs te/ bla gos phrag pa gcig la bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbar ba btud nas/ bcom ldan 'das la 'di skad ces gsol to// btsun pa bcom ldan 'das gser 'od dam pa mdo sde'i dbang po'i rgyal po 'di ni/ de bzhin gshegs pa thams cad kyis gsungs pa/ de bzhin gshegs pa thams cad kyis gzigs pa/ de bzhin gshegs pa thams cad kyis dgongs pa/ byang chub sems dpa'i tshogs thams cad kyis yongs su bzung ba/ lha'i tshogs thams cad kyis phyag bgyis pa/ lha'i tshogs thams cad kyis mchod pa/ lha'i dbang po'i tshogs thams cad kyis mngon par bstod pa/ 'jig rten skyong ba thams cad kyis mchod cing bsngags te brjod nas rab tu bkur ba/ lha'i khang khyim thams cad snang bar bgyid pa/ sems can thams cad mchog tu bde ba rab tu sbyin par bgyid pa/ sems can dmyal ba dang / dud 'gro'i skye gnas dang / gshin rje'i 'jig

  805. 403b

    rten gyi sdug bsngal thams cad skems pa/ 'jigs pa thams cad kyi rgyun gcod pa/ pha rol gyi dmag tshogs thams cad rab tu bzlog pa/ mu ge'i dgon pa thams cad rab tu zhi bar bgyid pa/ nad kyi dgon pa thams cad rab tu zhi bar bgyid pa/ gza' thams cad sel ba/ mchog tu zhi bar bgyid pa/ mya ngan dang nyon mongs pa thams cad rab tu zhi bar bgyid pa/ gnod pa rnam pa sna tshogs rab tu zhi bar bgyid pa/ gnod pa brgya stong rab tu 'joms par bgyid pa lags so// btsun pa bcom ldan 'das gser 'od dam pa mdo sde'i dbang po'i rgyal po 'di 'khor gyi nang du rgya chen yang dag par bshad na/ chos nyan pa chos bdud rtsi'i khu ba 'dis bdag cag rgyal po chen po bzhi dpung dang g.yog dang bcas pa bzhi/ lha'i lus 'di gzi brjid chen pos rnam par 'phel bar 'gyur ro/ / bdag cag gi lus la brtson pa dang / stobs dang / mthu yang bskyed par 'gyur/ gzi brjid dang / dpal dang / phun sum tshogs pa yang bdag cag gi lus la 'jug par 'gyur ro/ / btsun pa bcom ldan 'das bdag cag rgyal po chen po bzhi ni chos dang ldan pa/ chos smra ba/ chos kyi rgyal po lags te/ btsun pa bcom ldan 'das bdag cag ni chos kyis lha dang / klu dang / gnod sbyin dang / lha ma yin dang / nam mkha' lding dang / dri za dang / mi 'am ci dang / lto 'phye chen po rnams kyi rgyal po bgyi'o// 'byung po'i tshogs mi bzang

  806. 404a

    pa snying rje ma mchis pa gzhan gyi mdangs 'brog pa rnams bzlog par bgyi'o/ / btsun pa bcom ldan 'das bdag cag rgyal po chen po bzhi/ gnod sbyin gyi sde dpon chen po nyi shu rtsa brgyad dang / gnod sbyin brgya stong phrag du ma dang lhan cig tu/ rtag par rgyun du lha'i mig rnam par dag pa mi'i las 'das pas 'dzam bu'i gling thams cad la blta bar bgyi/ bsrung bar bgyi/ yongs su bskyang bar bgyi ste/ btsun pa bcom ldan 'das de'i slad du bdag cag rgyal po chen po bzhi 'jig rten skyong zhes ming du chags so// btsun pa bcom ldan 'das gang su dag 'dzam bu'i gling 'dir pha rol gyi dmag tshogs kyis yul 'joms par 'gyur ram/ mu ge'i dgon pa 'am/ nad kyi dgon pa 'am/ gnod pa sna tshogs brgya dang / gnod pa stong dang / gnod pa brgya phrag stong gis gtses par 'gyur ba na/ btsun pa bcom ldan 'das bdag cag rgyal po chen po bzhis/ gser 'od dam pa mdo sde'i dbang po'i rgyal po 'di 'dzin pa'i dge slong chos smra ba de dag la bskul bar bgyi'o/ / btsun pa bcom ldan 'das nam bdag cag rgyal po chen po bzhis rdzu 'phrul dang byin gyi rlabs kyis dge slong chos smra ba de dag bskul ba na/ yul gang dang gang du mchi bar gser 'od dam pa mdo sde'i dbang po'i rgyal po 'di yul de dang de dag tu rgya cher yang dag par ston par 'gyur te/ gang gnod pa sna tshogs brgya dang / gnod pa stong yul du 'byung ba 'di lta bu 'di dag

  807. 404b

    rab tu zhi bar 'gyur ro/ / btsun pa bcom ldan 'das mi'i rgyal po gang gi yul du mdo sde'i dbang po 'dzin pa'i dge slong chos smra ba de dag mchi bar 'gyur ba'i yul de dag tu gser 'od dam pa mdo sde'i dbang po'i rgyal po 'di yang bsnyen par 'gyur ro/ / btsun pa bcom ldan 'das mi'i rgyal pos gser 'od dam pa mdo sde'i dbang po'i rgyal po 'di mnyan te/ thos nas mdo sde'i dbang po 'dzin pa'i dge slong de dag phyir rgol ba thams cad las kun tu bsrung bar bgyid/ yongs su bskyab pa dang / yongs su 'dzin pa dang / yongs su skyong bar bgyid na/ btsun pa bcom ldan 'das bdag cag rgyal po bzhis mi'i rgyal po de'i yul thams cad na gnas pa'i sems can rnams kun tu bsrung bar bgyi/ yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o// btsun pa bcom ldan 'das mi'i rgyal pos na mi dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po 'dzin pa la bde bar sbyar ba thams cad kyis bde bar bgyid na/ btsun pa bcom ldan 'das bdag cag rgyal po chen po bzhis mi'i rgyal po de'i yul thams cad na gnas pa'i sems can rnams la bde ba'i yo byad thams cad kyis bde ba dang / yo byad thams cad phun sum tshogs par bgyi'o// btsun pa bcom ldan 'das nam mi'i rgyal pos dge slong ngam/

  808. 405a

    dge slong ma 'am/ dge bsnyen nam/ dge bsnyen ma mdo sde'i dbang po 'dzin pa dag la bsti stang bgyid/ bla mar bgyid/ rim gror bgyid cing mchod na/ btsun pa bcom ldan 'das bdag cag rgyal po chen po bzhis mi'i rgyal po de la/ rgyal po thams cad bas ches bsti stang du bgyi/ ches bla mar bgyi/ ches rim gror bgyi/ ches mchod par bgyi ste/ yul thams cad du yang rab tu bsngags par bgyi'o// de nas bcom ldan 'das kyis rgyal po chen po bzhi la legs so zhes bya ba byin te/ rgyal po chen po dag legs so legs so/ / rgyal po chen po khyed yang legs so legs so// 'di lta ste/ khyed ni sngon gyi rgyal ba la lhag par bya ba byas pa/ dge ba'i rtsa ba rnams bskyed pa/ sangs rgyas bye ba khrag khrig brgya stong phrag mang po la bsnyen bkur byas la chos dang ldan pa/ chos smra ba/ chos kyi rgyal po/ chos kyis lha dang mi rnams kyi rgyal po byed pa'o// 'di lta ste/ khyed ni yun ring por sems can thams cad la phan pa'i sems dang ldan pa/ bde ba dang byams pa'i sems dang ldan pa/ sems can thams cad la phan pa dang bde bar bya ba'i lhag pa'i bsam pa la zhugs pa/ mi phan pa thams cad 'gog pa/ sems can thams cad la bde ba thams cad nye bar bsgrub pa la brtson pa yin te/ rgyal po chen po khyed bzhis mi'i rgyal po gser 'od dam pa mdo sde'i dbang po'i rgyal po

  809. 405b

    'di la mchod pa dang / rim gro byed par brtson pa de dag la kun tu bsrung bar gyis shig/ yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar gyis shig/ de nas rgyal po chen po dpung dang / g.yog dang / gnod sbyin brgya stong phrag du ma dang bcas pa khyed bzhis 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi chos kyi tshul kun tu bsrung bar 'gyur ro// yongs su bskyab pa dang / yongs su bzung bar yang 'gyur ro// de nas rgyal po chen po dpung dang / g.yog dang / gnod sbyin 'bum phrag du ma dang bcas pa khyed bzhi lha dang / lha ma yin dang g.yul 'gyed pa na rgyal bar 'gyuraro// lham yin rnams dapham par 'gyur ro// 'di ltar gser 'od dam pa mdo sde'i dbang po'i rgyal po pa rol gyi dmag tshogs thams cad 'dul bar byed pa 'di'i phyir dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po 'dzin pa de dag la kun tu bsrung bar gyis shig/ yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar gyis shig/ de nas rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang stan las langs te/ gos phrag pa gcig

  810. 406a

    tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / btsun pa bcom ldan 'das ma 'ongs pa'i dus na/ gser 'od dam pa mdo sde'i dbang po'i rgyal po 'di grong ngam/ grong khyer ram/ grong rdal lam/ ljongs sam/ yul 'khor ram/ pho brang 'khor gang du spyod par 'gyur ba dang / mi'i rgyal po gang dang gang gi yul du spyod par 'gyur ba dang / btsun pa bcom ldan 'das mi'i rgyal por 'gyur ba gang la la zhig lha'i dbang po'i dam tshig rgyal po'i bstan bcos 'dis rgyal po bgyid cing / rtag par rgyun du gser 'od dam pa mdo sde'i dbang po'i rgyal po 'di nyen nam/ rim gro bgyid dam/ mchod pa bgyid dam/ dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po'i rgyal po 'dzin pa de dag la yang bsti stang bgyid/ btsun par bgyid/ rim gror bgyid cing mchod de/ rtag par rgyun du gser 'od dam pa mdo sde'i dbang po'i rgyal po nyan na/ chos nyan pa'i chu bo'i chu/ chos bdud rtsi'i khu ba 'dis bdag cag rgyal po chen po bzhi dang // dpung dang / g.yog dang / gnod sbyin brgya stong phrag du ma'i lha'i lus 'di dag gzi brjid chen po rnam par 'phel bar 'gyur/ bdag cag la brtson 'grus dang / mthu dang / stobs chen por yang bgyid par 'gyur/ bdag

  811. 406b

    cag gi gzi brjid dang / dpal dang / phun sum tshogs pa yang rnam par 'phel bar 'gyur ro// btsun pa bcom ldan 'das bdag cag rgyal po chen po bzhi dpung dang g.yog tu bcas pa/ gnod sbyin brgya stong phrag du ma dang lus bltar mi gda' bar bgyis te/ da ltar dang ma 'ongs po'i dus na grong ngam/ grong khyer ram/ grong rdal lam/ ljongs sam/ yul 'khor ram/ pho brang 'khor gang na/ gser 'od dam pa mdo sde'i dbang po'i rgyal po 'di sprod par 'gyur ba de dag tu mchi bar bgyi'o// mi'i rgyal po gser 'od dam pa mdo sde'i dbang po'i rgyal po 'di nyin pa dang / rim gro bgyid pa dang / mchod pa bgyid pa de dag la kun tu bsrung bar bgyi'o// yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o/ / rgyal po'i pho brang 'khor de dag dang / yul 'khor de dag dang / yul de dag kyang kun tu bsrung bar bgyi'o// yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o// yul de dag kyang 'jigs pa dang / gnod pa dang / 'khrug pa thams cad las yongs su thar par bgyi'o/ / pha rol gyi dmag tshogs rnams kyang bzlog par bgyi'o// mi'i rgyal po gang la la gser 'od dam pa mdo sde'i dbang po'i rgyal po 'di nyan pa dang / rim gror bgyid pa dang / mchod pa

  812. 407a

    bgyid pa de'i dgra zla 'dab nye ba'i rgyal po gzhan zhig mchis la/ btsun pa bcom ldan 'das na ma dgra zla 'dab nye ba de'i rgyal po de 'di snyam du/ bdag dpung gi tshogs yan lag bzhi pa dang lhan cig tu lu der song ste/ yul de rnam par gzhig go snyam du sems bskyed na/ btsun pa bcom ldan 'das de'i tshe de'i dus na gser 'od dam pa mdo sde'i dbang po'i rgyal po 'di'i gzi brjid kyi mthus dgra zla 'dab nye ba'i rgyal po de/ rgyal po gzhan dag dang g.yul 'gyed par 'gyur/ rang gi yul du phyin na yang yul 'khrug par 'gyur/ rgyal po'i 'khrug pa mi bzad pa yang 'byung bar 'gyur/ yul du gza' dang nad kyang 'byung bar 'gyur/ yul du brel ba sna tshogs brgya dag kyang 'byung bar 'gyur ro// btsun pa bcom ldan 'das nam dgra zla 'dab nye ba'i rgyal po rang gi yul du phyin na gnod pa sna tshogs brgya dang / brel ba sna tshogs brgya 'di lta bu 'byung ngo // btsun pa bcom ldan 'das dgra zla 'dab nye ba'i rgyal po de yan lag bzhi pa'i dmag bsogs te/ pha rol gyi dmag tshogs su mchi ba'i slad du rang gi yul nas byung ste/ dpung gi tshegs yan lag bzhi pa dang lhan cig tu yul der mchi 'tshal ba dang / gang na gser 'od dam pa mdo sde'i dbang po'i rgyal po 'di gnas pa'i yul de rnam par gzhig 'tshal bar gyur na/ btsun pa bcom ldan 'das bdag cag rgyal po chen po bzhi dpung dang g.yog tu bcas pa/ gnod sbyin brgya stong du ma dang lhan cig tu lus

  813. 407b

    mi gda' bar bgyis te/ der mchi bar bgyi'o// pha rol gyi dmag tshogs de bshul du zhugs pa las kyang de nyid nas ldog par bgyi'o// brel ba sna tshogs brgya dag kyang nye bar bsgrub par bgyi'o// bgegs kyang bgyi'o// 'di lta ste/ yul der pha rol gyi dmag tshogs de mchi ba yang mi nus na/ yul gzhig par bgyid pa lta ga la 'gyur// de nas bcom ldan 'das kyis rgyal po chen po bzhi po dag la legs so zhes bya ba byin te/ rgyal po chen po dag legs so legs so// rgyal po chen po dag khyed yang legs te/ khyed bskal pa grangs med pa bye ba khrag khrig brgya stong du bsgrubs pa/ bla na med pa yang dag par rdzogs pa'i byang chub 'di'i phyir/ mi'i rgyal po gser 'od dam pa mdo sde'i dbang po'i rgyal po 'di nyan pa dang / ri mo byed pa dang / mchod pa de dag la kun tu bsrung bar gyis shig/ yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar gyis shig rgyal po'i pho brang 'khor de dag dang / grong khyer de dag dang / yul 'khor de dag dang / yul de dag kyang kun tu srungs shig/ yongs su bslab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar gyis shig/ yul de dag kyang 'jigs pa dang / gnod pa dang / 'khrug pa thams cad las yongs su thar par

  814. 408a

    gyis shig/ pha rol gyi dmag tshogs rnams kyang thogs shig/ 'dzam bu'i gling thams cad na gnas pa'i mi'i rgyal po dag mi 'thab pa dang / mtshang mi 'dru ba dang / mi rtsod pa dang / mi 'gyed par bya ba la spro bar gyis shig/ rgyal po chen po dpung dang g.yog tu bcas pa khyed bzhis 'dzam bu'i gling 'dir nam grong khyer brgyad khri bzhi stong de dag na/ rgyal po brgyad khri bzhi stong de dag rang rang gi yul la mngon par dga' ba dang / rgyal srid kyi dbang phyug des mngon par dga' ba dang / rang gi nor gyi phung pos phan tshun rnam par mi 'tshe ba dang / phan tshun rnam par 'tshe ba mi bskyed pa dang / rang gis ji ltar sngon gyi las bsags pas rgyal po thib pa'i rang gi rgyal srid kyi dbang phyug gis dga' ba dang / phan tshun du yul 'jig par mi byed pa dang / yul gzhig pa'i phyir pha rol gyi gnod pa dag nam 'dzam bu'i gling 'dire grong khyer brgyad khri bzhi stong dag na/ rgyal po brgyad khri bzhi stong de dag phan tshun du byams pa'i sems su 'gyur/ byams pa'i sems dang phan pa'i sems su 'gyur te/ phan tshun du mi 'thab/ mtshang mi 'dru/ mi rtsod/ mi 'gyed par rang rang gi yul dag na dga' bar 'gyur na/ de'i phyir rgyal po chen po dpung dang g.yog tu bcas pa khyed bzhis 'dzam bu'i gling 'di rgyas par 'gyur/ lo legs par 'gyur/ nyams dga' bar 'gyur/ skye bo mang po dang mis gang bar 'gyur/ sa yang mdangs can

  815. 408b

    du 'gyur/ dus dang / zla ba dang / zla ba phyed dang / lo khyud khor thams cad kyang dag pa'i dus dang ldan par 'gyur/ gza' dang / rgyu skar dang / zla ba dang / nyi ma yang nyin mtshan du legs bar rgyu bar 'gyur/ char pa'i rgyun kyang sa la dus dus su 'beb par 'gyur/ 'dzam bu'i gling thams cad na gnas pa'i sems can rnams kyang nor dang 'bru thams cad 'byor par 'gyur/ longs spod che ba dang ser sna med par 'gyur/ gtong ba dang ldan par 'gyur/ dge ba bcu'i las kyi lam dang ldan par 'gyur/ phal cher bde 'gro mtho ris kyi 'jig rten du skye bar 'gyur/ lha'i khong khyim rnams kyang lha dang lha'i bu rnams kyis gang bar 'gyur ro/ / rgyal po chen po dag gang la la zhig mi'i rgyal por gyur la/ gser 'od dam pa mdo sde'i dbang po'i rgyal po 'di nyen par 'gyur te/ rim gro byas/ mchod pa byas/ dge slong ngam/ dge slong ma'am/ dge bsnyen nam/ dge bsnyen ma mdo sde'i dbang po'i rgyal po 'dzin pa de dag la yang bsti stang byed/ bla mar byed/ rim gro byed/ mchod pa byed cing / rgyal po chen po khyed bzhi dpung dang g.yog tu bcas pa/ gnod sbyin brgya stong phrag du ma la snying brtse ba'i phyir/ rtag par rgyun du gser 'od dam ba mdo sde'i dbang po'i rgyal po 'di nyan na/ chos mnyan pa'i chu'i klung bdud rtsi'i khu ba 'dis khyed cag gi lus 'di dag tshim par 'gyur ro// khyed kyi lha'i lus 'di dag gi gzi brjing chen po

  816. 409a

    yang rnam par 'phel lo/ / khyed kyi brtson 'grus dang / mthu dang / stobs kyang bskyed do// khyed gzi brjid dang / dpal dang / phun sum tshogs pa yang rnam par 'phel lo/ mi'i rgyal po des de bzhin gshegs pa dgra bcom pa yang dag par rdzogs pa'i sangs rgyas shAkya thub pa nga la yang mchod pa bsam gyis mi khyab pa rgya chen po yangs pa byas par 'gyur ro// mi'i rgyal po des 'das pa dang / ma 'ongs pa dang / da ltar byung ba'i de bzhin gshegs pa bye ba khrag khrig brgya stong du ma la yang / yo byad bsam gyis mi khyab pa rgya che ba yangs pa thams cad kyis mchod pa byas par 'gyur ro/ / des na mi'i rgyal po de la bsrung ba chen po byas par 'gyur ro// des na mi'i rgyal po de la kun tu bsrung ba dang / yongs su bskyab pa dang / yongs su bzug ba dang / yongs su bskyang ba dang / chad pa spang ba dang / zhi ba dang / bde legs su 'gyur ba byas par 'gyur ro// btsun mo dam pa dang / rgyal bu rnams dang / btsun mo'i 'khor thams cad dang / rgyal po'i pho brang 'khor thams cad kyang bsrung ba chen po byas par 'gyur/ yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur ba byas par 'gyur/ rgyal po'i pho brang 'khor na gnas pa'i lha thams cad kyang ches gzi brjid dang ldan pa dang / ches stobs dang ldan pa dang / bde ba dang /

  817. 409b

    yid bde ba bsam gyis mi khyab pa dang ldan par 'gyur/ dga' ba sna tshogs myong bar 'gyur/ grong khyer de dag dang / yul 'khor de dag kyang kun tu bsrungs par 'gyur/ yongs su bskyangs par 'gyur/ gnod pa med par 'gyur/ dgra med par 'gyur/ pha rol gyi dmag tshogs thams cad kyis mi brdzi ba dang / gnod pa med pa dang / 'khrug pa med par 'gyur ro// de skad ces bka' stsal ba dang / bcom ldan 'das la rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang de dag gis 'di skad ces gsol to/ / btsun pa bcom ldan 'das mi'i rgyal po gang la la zhig gser 'od dam pa mdo sde'i dbang po'i rgyal po 'di yang nyan 'tshal bar 'gyur/ bdag nyid la yang bsrung ba chen po bgyid 'tshal bar 'gyur/ btsun mo dam pa dang / rgyal bu rnams dang / rgyal po'i bu mo rnams dang / btsun mo'i 'khor gyi tshogs rnams la'ang bsrung ba chen po bgyid 'tshal bar 'gyur/ rgyal po'i pho brang 'khor de dag thams cad la yang zhi ba dang bde legs su 'gyur ba chen po bsam gyis mi khyab pa mchog tu khyad par 'phags pa bla na med pa bgyid 'tshal bar gyur/ tshe 'di/ la bdag gi rgyal srid kyi dbang phyug chen po bsam gyis mi khyab pa rnam par 'phel bar bgyid 'tshal bar gyur/ rgyal po nyid bsam gyis mi khyab pa dang ldan par gyur/ bsod nams kyi phung po dpag

  818. 410a

    tu ma mchis pa yongs su 'dzin 'tshal bar gyur/ bdag gi yul thams cad kyang kun tu bsrung 'tshal bar gyur/ yongs su bskyang 'tshal bar gyur/ rang gi yul na gnod pa ma mchis pa dang / dgra ma mchis pa dang / pha rol gyi dmag tshogs kyis mi brdzi ba dang / nad 'go ba ma mchis pa dang / 'khrug pa ma mchis par bgyid 'tshal bar gyur na/ btsun pa bcom ldan 'das mi'i rgyal po des g.yeng ba ma mchis pa'i sems dang / gus pa dang bcas pa dang / ri mo dang bcas pas gser 'od dam pa mdo sde'i dbang po'i rgyal po 'di bsti stang du bgyis te/ mnyan par bgyi'o// gser 'od dam pa mdo sde'i dbang po'i rgyal po 'di mnyan pa'i slad du/ mi'i rgyal po des rgyal po'i pho brang khyad par du 'phags par mchi bar bgyi'o// der mchis nas kyang rgyal po'i pho brang spos chab sna tshogs kyis chag chag gdab cing me tog gi sil ma sna tshogs dgram par bgyi'o// spos chab sna tshogs kyis chag chag btab pa der chos kyi khri mthon po rgyan sna tshogs kyis legs par brgyan pa bsham par bgyi'o/ / phyogs der gdugs dang / rgyal mtshan dang / ba dan sna tshogs kyis legs par brgyan par bgyi'o// mi'i rgyal po nges lus bkru bar bgyi'o/ / gos dri rab tu bda' ba gos gsar pa mdzes pa bgos nas rgyan sna tshogs kyis brgyan par bgyi'o// bdag gi stan rab tu dma' ba gding bar bgyi ste/ stan de la mchis

  819. 410b

    nas rgyal po'i rgyags pas dregs par mi bgyi'o/ / der rgyal srid kyi dbang phyug la chags par mi bgyi'o// rgyags pa dang / nga rgyal dang / dregs pa thams cad rnam par spangs pa'i sems kyis/ gser 'od dam pa mdo sde'i dbang po'i rgyal po 'di mnyan par bgyi'o// dge slong chos smra ba de la yang ston par 'du shes bskyed par bgyi'o// mi'i rgyal po des de'i tshe de'i dus na btsun mo dam pa dang / rgyal bu rnams dang / rgyal po'i bu mo rnams dang / btsun mo'i 'khor gyi tshogs rnams la sdug pa dang phan pas blta bar bgyi'o// btsun mo dam pa dang / rgyul bu rnams dang / rgyal po'i bu mo rnams la tshig snyan pa smra bar bgyi'o// btsun mo'i 'khor gyi tshogs thams cad le yang tshig snyan pa smra bar bgyi'o// chos mnyan pa'i mchod pa rnam pa sna tshogs sbyor du stsal bar bgyi'o/ / dga' ba bsam gyis mi khyab cing mtshungs pa ma mchis pas bdag tshim par bgyi'o// dga' ba dang bde ba bsam gyis mi khyab pas bde bar bgyi'o// dbang po bde bar bgyi'o/ / bdag nyid don chen po thob par bsam par bgyi'o// bdag dga' ba chen pos dga' bar bgyi'o// rab tu dga' ba chen po bskyed nas chos smra ba bsu bar bgyi'o// de skad ces gsol ba dang / bcom ldan 'das kyis/ rgyal po chen po bzhi la 'di skad ces bka' stsal to// rgyal po chen po dag de'i tshe de'i dus na mi'i rgyal po des gos

  820. 411a

    thams cad dkar po sa ra pa mdzes pa bgo bar bya'o/ / spud pa dang rgyan sna tshogs kyis bdag legs par brgyan par bya'o// de'i phyir gdugs dkar po yang gzung bar bya'o// rgyal po'i mthu chen po dang / rgyal po'i bkod pa chen pos bkra shis tha dad pa sna tshogs thogs te/ rgyal po'i pho brang de nas byung la/ chos smra ba bsu ba'i phyir der 'gro bar bya'o// de ci'i phyir zhe na/ mi'i rgyal pos der gom pa ji snyed bor ba de snyed kyi bskal pa bye ba khrag khrig brgya stong gi 'khor ba phyir bsnyil bar 'gyur/ de snyed kyi 'khor los sgyur ba'i rgyal rigs bye ba khrag khrig brgya stong thob par 'gyur/ der gom pa ji snyed bor ba de skad du/ tshe 'di la rgyal srid kyi dbang phyug chen po bsam gyis mi khyab pa 'phel bar 'gyur/ bskal pa bye ba khrag khrig brgya stong phrag du mar gnas yangs shing rgya che ba lha'i gzhal med khang rin po che sna bdun las byas pa dag thob par 'gyur/ mi rnams kyi rgyal rigs lha'i rgya che zhing rgya che ba brgya stong phrag du ma thob par 'gyur/ skye ba thams cad du dbang phyug chen po thob par 'gyur/ tshe ring bar 'gyur/ yun ring du 'tsho bar 'gyur/ spobs pa dang ldan par 'gyur/ tshig gzung bar 'os par 'gyur// grags pa dang ldan par 'gyur/ brjod pa shin tu rgya che bar 'gyur/ bsngags par 'os par 'gyur/ lha dang / mi dang / lha ma yin du bcas pa'i 'jig rten la phan par 'gyur/ lha dang

  821. 411b

    mi rnams kyi bde ba rgya che zhing rgya che ba thob par 'gyur/ stobs che bar 'gyur/ chen po che chen po'i stobs kyis shugs dang ldan zhing gzugs bzang bar 'gyur/ mdzes pa dang / blta na sdug pa dang / kha dog bzang po rgyas pa mchog dang ldan par 'gyur/ skye ba thams cad du de bzhin gshegs pa dang phrad par 'gyur/ dge ba'i bshes gnyen rnams rnyed par 'gyur/ bsod nams kyi phung po dpag tu med pa yongs su gzung bar 'gyur te/ rgyal po chen po dag yon tan gyi phan yon 'di lta bu 'di dag mthong nas mi'i rgyal po des dpag tshad tsam du chos smra ba bsu bar bya/ dpag tshad brgya dang dpag tshad stong du yang bsu bar bya/ chos smra ba de la ston par 'du shes bskyed par bya'o// 'di snyam du yang de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang bdag gi rgyal po'i pho brang 'dir 'jug par 'gyur ro/ / deng de bzhin gshegs pa dgra bcom pa yang dag par rdzogs pa'i sangs rgyas shAkya thub pa bdag gi rgyal po'i pho brang 'dir bshos gsol bar 'gyur ro/ / deng bdag gis de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i chos 'jig rten thams cad dang mi mthun pa mnyan par bya'o/ / deng bdag chos mnyan pa 'dis bla na med pa yang dag par rdzogs pa'i byang chub las phyir mi ldog par bya'o// dang bdag gis de bzhin gshegs

  822. 412a

    pa bye ba khrag khrig brgya stong phrag du ma mnyes par byas par 'gyur ro/ / deng bdag gis 'das pa dang / ma byon pa dang / da ltar byung ba'i sangs rgyas bcom ldan 'das rnams la mchod pa chen po bsam gyis mi khyab pa yangs shing rgya che ba byas par 'gyur ro/ / deng bdag gis sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad shin tu rgyun chad par 'gyur ro/ / deng bdag gis tshangs pa'i dbang po'i rgyal po nyid kyi lus bye ba khrag khrig brgya stong phrag du ma thob pa dag gi dge ba'i rtsa ba'i sa bon bskyed par 'gyur ro/ / deng bdag gis brgya byin nyid kyi lus bye ba khrag khrig brgya stong phrag du ma thob pa dag gi dge ba'i rtsa ba'i sa bon bskyed par 'gyur ro// deng bdag gis 'khor los sgyur ba'i rgyal po nyid kyi lus bye ba khrag khrig brgya stong phrag du ma thob pa dag gi dge ba'i rtsa ba bskyed par 'gyur ro/ / deng bskal pa bye ba khrag khrig brgya stong phrag du mar 'khor ba las yongs su thar par byas par 'gyur ro// deng bdag gis bsod nams kyi phung po dpag tu med pa bla na med pa yangs shing rgya che ba bsam gyis mi khyab pa yongs su gzung bar 'gyur ro/ / deng bdag gis btsun mo'i 'khor gyi tshogs thams cad la bsrung ba chen po byas par 'gyur ro/ / deng bdag gis rgyal po'i pho brang 'dir zhi ba dang bde legs su 'gyur ba bsam gyis mi khyab pa mchog tu 'phags pa bla na med pa byas par 'gyur ro// deng

  823. 412b

    bdag gis yul 'di thams cad kun tu bsrung bar 'gyur ro/ / yongs su bskyangs pa dang / gnod pa med pa dang / dgra med pa dang / pha rol gyi dmag tshogs thams cad kyis mi brdzi ba dang / nad 'go ba med pa dang / 'khrug pa med par 'gyur ro snyam du sems bskyed par bya'o// rgyal po chen po dge slong ngam/ dge slong ma 'am/ dge bsnyen nam/ dge bsnyen ma gser 'od dam pa mdo sde'i dbang po'i rgyal po 'dzin pa dag la/ mi'i rgyal po de dag chos la gus pa 'di lta bus bsti stang byed/ bla mar byed/ rim gro byed/ mchod pa byed cing / rgyal po chen po khyed bzhi dpung dang g.yog tu bcas pa dang / lha'i tshogs de dag dang / gnod sbyin brgya stong phrag du ma dag la shas kyi dam pa byin na/ mi'i rgyal po de bsod nams mngon par 'du byed pa dang / dge ba mngon par 'du byed pa de dang / tshe 'di'i lus kyi rgyal srid kyi dbang phyug chen po bsam gyis mi khyab pa des rnam par 'phel bar 'gyur ro// tshe 'di la rgyal po'i gzi brjid chen po bsam gyis mi khyab pa dang ldan par 'gyur ro// dpal dang / phun sum tshogs pa dang / gzi brjid kyis kyang brgyan par 'gyur ro// phyir rgol ba thams cad dang / dgra thams cad chos dang mthun pas shin tu tshar gcod par 'gyur ro// de skad ces bka' stsal pa dang / bcom ldan 'das la/ rgyal

  824. 413a

    po chen po bzhi po de dag gis 'di skad ces gsol to/ / btsun pa bcom ldan 'das gang la la zhig mi'i rgyal por gyur la/ de chos la gus pa de lta bus gser 'od dam pa mdo sde'i dbang po'i rgyal po nyan la/ dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po'i rgyal po 'dzin pa de dag la yang bsti stang bgyid/ bla mer bgyid/ rim gror bgyid/ mchod par bgyid cing / rgyal po chen po bdag cag gi slad du rgyal po'i pho brang de shin tu dag pa phyog ba dar bgyid/ spos chab sna tshogs kyis chag chag legs par 'debs la/ bdag cag rgyal po chen po bzhi dang lhan cig thun mong du chos mnyan pa de nyan cing / bdag dang lha thams cad kyi slad du dge ba'i rtsa ba'i shas cung zad cig sbyin pa bgyid na/ btsun pa bcom ldan 'das dge slong chos smra ba de chos kyi stan la mchis ma thag tu/ mi'i rgyal po des bdag cag rgyal po chen po bzhi'i don gyi slad du spos chab sna tshogs kyis bdug par bgyi'o/ / btsun pa bcom ldan 'das gser 'od dam pa mdo sde'i dbang po'i rgyal po de la mchod pa'i slad du bdug pas bdugs ma thag tu/ spos sna tshogs rnams las spos dang bdug pa sna tshogs kyi 'khri shing dag 'byung bar 'gyur te/ de skad cig thang cig yud tsam de la rgyal po chen po bzhi bdag cag bzhi'i rang rang gi khang pa'i steng gi bar snang la/ spos

  825. 413b

    dang bdug pa sna tshogs kyi 'khri shing dag gi gdugs rnams su gnas par 'gyur/ spos dri rgya chen po yang mnam par 'gyur/ gser gyi kha dog lta bu'i snang ba 'byung bar 'gyur zhing / snang ba des bdag cag gi khang pa rnams kyang snang ba bgyis par 'gyur ro/ / btsun pa bcom ldan 'das spos dang bdug pa sna tshogs kyi 'khri shing dag/ skad cig thang cig yud tsam de la mi mjed kyi bdag po tshangs pa dang / lha rnams kyi dbang po brgya byin dang / lha mo chen mo dbyangs can dang / lha mo chen mo brtan ma dang / gnod sbyin gyi sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / gnod sbyin gyi sde dpon chen po lag na rdo rje dang / gnod sprin gyi sde dpon chen po nor bu bzang dang / 'phrog ma bu lnga brgya'i 'khor dang ldan pa dang / klu'i rgyal po ma dros pa dang / klu'i rgyal po chen po rgya mtsho dang / de dag rang rang gi khang pa'i steng gi bor snang la byung ste/ spos dang bdug pa sna tshogs kyi 'khri shing gi gdugs rnams su gnas par 'gyur ro/ / spos dri sna tshogs rgya chen po yang mnam par 'gyur/ khang pa rnams kyi nang du gser du snang ba 'byung bar 'gyur zhing / snang ba des gnas thams cad snang ba bgyis par 'gyur ro/ / de skad ces gsol ba dang / bcom ldan 'das kyis/ rgyal po chen po bzhi la 'di skad ces bka' stsal to// rgyal po chen po

  826. 414a

    dag rgyal po chen po khyed bzhi'i rang rang gi khang pa rnams kyi steng gi bar snang la/ spos dang bdug pa sna tshogs kyi 'khri shing de dag gdugs rnams su gnas par ma zad do// de ci'i phyir zhe na/ rgyal po chen po dag mi'i rgyal po des gser 'od dam pa mdo sde'i dbang po'i rgyal po 'di la mchod pa'i phyir/ spros sna tshogs de dag gis bdugs ma thag tu lag na pog snod gcig thogs pa de las/ spos dang bdug pa sna tshogs kyi 'khri shing rnams byung bar gyur te/ de skad cig thang cig yud tsam de la stong gsum gyi stong chen po'i 'jig rten gyi khams 'di thams cad na gang na zla ba bye ba phrag brgya dang / nyi ma bye ba phrag brgya dang / rgya mtsho chen po bye ba phrag brgya dang / ri'i rgyal po ri rib bye ba phrag brgya dang / ri'i rgyal po khor yug dang / khor yug chen po bye ba phrag brgya dang / gling bzhi pa chen po 'jig rten gyi khams bye ba phrag brgya dang / rgyal chen bzhi'i ris kyi lha bye ba phrag brgya dang / sum cu rtsa gsum gyi lha bye ba phrag brgya nas/ 'du shes med 'du shes med min du nye bar song ba'i bar gyi lha bye ba phrag brgya dang / stong gsum gyi stong chen po'i 'jig rten gyi khams de dag thams cad du sum cu rtsa gsum gyi lha'i rigs bye ba phrag brgya po thams cad na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i tshogs rnams kyis rang rang

  827. 414b

    gi khang pa dag gi steng gi bar snang la/ spos dang bdug pa sna tshogs kyi 'khri shing de dag gdugs rnams su gnas par 'gyur/ spros dri rgya chen po yang ma ram par 'gyur/ lha'i khang pa rnams su gser gyi kha dog lta bu'i snang ba yang 'byung bar 'gyur zhing / snang ba des kyang lha'i khang pa rnams snang bar byas pa 'gyur ro// rgyal po chen po dag stong gsum gyi steng rin po'i 'jig rten gyi khams na/ lha'i khang pa thams cad kyi steng gi bar snang la/ spos dang bdug pa'i 'khri shing de dag gdugs rnams su gnas pa de bzhin du/ gser 'od dam pa med sde'i dbang po'i rgyal po 'di la mchod pa'i phyir/ mi'i rgyal po des spos chab sna tshogs de dag gis bdugs ma thag tu gser pod dam pa mdo sde'i dbang po'i rgyal po 'di'i gzi brjid kyi mthus spos dang bdug pa sna tshogs kyi 'khri shing dag 'byung bar 'gyur te/ de dag skad cig thang cig yud tsam de la kun tu phyogs bcu'i 'jig rten gyi khams du ma gang+gA'i klung gi bye ma snyed dag gi sangs rgyurgyas kyi zhing bye ba khrag khrig brgya phrag stong rnams su de bzhin gshegs pa bye ba khrag khrig brgya stong phrag du ma la gang+gA'i klung gi bye ma snyed dag gi bar snang la/ spos dang bdug pa sna tshogs kyi 'khri shing rnams su gnas par 'gyur/ de dag kyang sangs rgyas bye ba khrag khrig brgya stong phrag du ma la/ spos dang bdug pa sna tshogs rgya che zhing rgya che ba marnam par 'gyur

  828. 415a

    gser gyi kha dog lta bu'i snang ba 'byung bar 'gyur zhing / snang ba des sangs rgyas kyi zhing bye ba khrag khrig brgya stong phrag du ma gang+gA'i klung gi bye ma snyed dag snang ba byas par 'gyur ro/ / rgyal po chen po dag cho 'phrul de lta bu de dag byung ma thag tu/ de bzhin gshegs pa bye ba khrag khrig brgya stong phrag du ma gang+gA'i klung gi bye ma snyed dag chos smra ba de la dgongs par 'gyur// skyes bu dam pa legs so legs so// skyes bu dam pa khyed gser 'od dam pa mdo sde'i dbang po'i rgyal po tshul 'di lta bu/ zab mo'i don 'di lta bu/ zab mor snang ba 'di lta bu/ yon ton bsam gyis mi khyab pa dang ldan pa 'di lta bu 'di rgya cher yang dag par rab tu 'chad par 'dod pa khyod yang legs so legs so zhes bya ba sbyin par 'gyur ro/ / su tha na gser 'od dam pa mdo sde'i dbang po'i rgyal po 'di nyan pa'i sems can de dag kyang dge ba'i rtsa ba ngan ngon dang ldan par mi 'gyur na/ gang dag 'dzin pa dang / 'chang ba dang / 'chad pa dang / klog pa dang / kun chub par byed pa dang / 'khor la rgya cher yang dag par rab tu ston pa lta smos kyang ci dgos/ de ci'i phyir zhe na/ skyes bu dam pa gser 'od dam pa mdo sde'i dbang po'i rgyal po 'di thos ma thag tu byang chub sems dpa' bye ba khrag khrig brgya stong phrag du ma bla na med pa yang dag par rdzogs pa'i byang chub las phyir mi ldog par 'gyur ba'i phyir ro/ /

  829. 415b

    / 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo bam po gsum pa// de ras phyogs bcu kun tu sangs rgyas kyi zhing bye ba khrag khrig brgya stong phrag du ma gang+gA'i klung gi bye ma snyed dag na/ de bzhin gshegs pa bye ba khrag khrig brgya stong phrag du ma rang rang gi sangs rgyas kyi 'dir bzhugs pa dag gis de'i ro de'i dus ra tshig gcig dang / ngag gcig dang / sgra skad gcig gis/ dge slong chos smra ba chos kyi stan la 'dug pa de la 'di skad ces bka' stsal to// skyes bu dam pa khyod ma 'ongs pa'i dus na byang chub kyi snying por 'gro bar 'gyur/ skyes bu dam pa khyod byang chub kyi snying po mchog dam par song ste shing gi rgyal po'i drung du 'dug nas/ 'jig rten gsum po thams cad las khyad par du 'phags pa sems can thams cad las rab tu 'das pa'i brtul zhugs dang / dka' thub spyod pa'i stobs bskyed pa'i byin gyis brlabs dka' ba spyod pa bye ba khrag khrig brgya stong phrag du ma dag ston par 'gyur// skyes bu dam pa khyod byang chub kyi snying po legs par brgyan par byed par 'gyur// skyes bu dam pa khyod stong gsum gyi stong chen po'i 'jig rten gyi khams thams cad yongs su skyob par 'gyur/ skyes bu dam pa khyod shing gi rgyal po'i drung du 'dug ste/ bdud kyi sde bsam gyis mi khyab pa gzugs rab tu 'jigs 'jigs ltar 'dug pa/ mi sdug pa ston pa gzugs mi sdug pa sna tshogs

  830. 416a

    dag las rgyal bar 'gyur/ skyes bu dam pa ldong byang chub kyi rlung po mchog dam par song ste/ bla na med pa yang dag par rdzogs pa'i byang chub depe med pa rab tu zhi rdul dang bral ba zab mo mngon par rdzogs par 'tshang rgya bar 'gyur/ skyes bu dam pa khyod rdo rje'i gdan snying po brtan pa la 'dug ste/ chos kyi 'khor lo rgyal ba thams cad kyis mngon par bskyed pa/ mchog tu zab pa/ bla na med pa rnam pa bcu gnyis su rab tu bskor bar 'gyur/ skyes bu dam pa khyod chos kyi rnga chen po bla na med pa brdung bar 'gyur/ skyes bu dam pa khyod chos kyi dung bla na med pa 'bung bar 'gyur/ skyes bu dam pa khyod chos kyi rgyal mtshan chen po bsgreng bar 'gyur/ skyes bu dam pa khyod chos kyi sgron ma bla na med pa 'bar bar byed par 'gyur/ skyes bu dam pa khyod chos kyi char bla na med pa 'bebs par 'gyur/ skyes bu dam pa khyod nyon mongs pa'i dgra stong phrag du ma las rgyal bar 'gyur/ skyes bu dam pa khyod sems can bye ba khrag khrig brgya stong phrag du ma shin tu 'jigs su rung ba 'jigs pa chen po'i rgya mtsho las sgrol bar 'gyur/ skyes bu dam pa khyod sems can bye ba khrag khrig brgya stong phrag du ma dag 'khor ba'i 'khor lo las yongs su thar par byed par 'gyur/ skyes bu dam pa khyod sangs rgyas bye ba khrag khrig brgya stong phrag du ma dag mnyes par byed par 'gyur ro// de skad ces bka'

  831. 416b

    stsal pa dang / bcom ldan 'das la/ rgyal po chen po bzhi po de dag gis 'di skad ces gsol to// btsun pa bcom ldan 'das mi'i rgyal po gser 'od dam pa mdo sde'i dbang po'i rgyal po'i yon tan tshe 'di dang ma 'ongs pa na 'byung ba 'di lta bu 'di dag mthong ba/ sangs rgyas stong phrag brgya la dge ba'i rtsa ba bskyed pa/ bsod nams kyi phung po dpag tu med pa yongs su 'dzin par mthong nas snying brtse ba'i slad du/ btsun pa bcom ldan 'das bdag cag rgyal po chen po bzhi dpung dang g.yog tu bcas pa dang / gnod sber brgya stong phrag du ma rang rang gi khang pa na mchis pa dag/ spos dang bdug pa sna tshogs kyi 'khri shing dag gi gdugs kyis bskul ma thag tu lus mi gda' bar bgyis te/ mi'i rgyal po de'i khang pa brtsegs pa phyag bad/ ma bgyis pa legs par phyag padar bgyis pa/ spos chab sna tshogs kyis chag chag legs par btab pa/ rgyan sna tshogs kyis legs par rgyan pa'i rgyal po'i pho brang ga la ba der chos mnyan pa'i slad du mchi bar bgyi'o/ / me mjed kyi bdag po tshangs pa dang / lha rnams kyi dbang po brgya byin dang / lha mo chen mo dbyangs can dang / lha mo chen mo dpal dang / sa'i lha mo brtan ma dang / gnod sbyin gyi sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / gnod sprin gyi sde dpon chen po lag

  832. 417a

    @na rdo rje dang / gnod sbyin gyi sde dpon chen po nor bu bzang dang / 'phrog ma bu lnga brgya'i 'khor can dang / klu'i rgyal po ma dros pa dang / klu'i rgyal po rgya mtsho dang lha bye ba khrag khrig brgya stong phrag du ma dag lus mi gda' bar bgyis te/ mi'i rgyal po de'i pho brang rgyan sna tshogs kyis brgyan pa de ga la ba dang / chos smra ba de'i chos kyi khri mthon po rgyan sna tshogs kyis legs par brgyan pa/ me tog bkram pa'i sa la bshams par gyur pa ga la ba der chos mnyan pa'i slad du mchi bar bgyi'o// btsun pa bcom ldan 'das bdag cag rgyal po chen po dpung dang g.yog tu bcas pa/ gnod sbyin brgya stong phrag du ma de dag thams cad dang mthun par bgyis te/ mi'i rgyal po dge ba'i grogs bgyid pa/ dge ba thob par bgyid pa/ bla na med pa chos kyi sbyin pa chen po sbyin pa de la/ chos bdud rtsi'i khu ba 'dis tshim par gyur ma thag tu/ mi'i rgyal po de la kun tu bsrung bar bgyi'o// yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o// rgyal po'i pho brang de dang / grong khyer de dang / yul de yang kun tu bsrung bar bgyi'o/ / yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o// chad pa spang bar

  833. 417b

    yang bgyi'o/ / yul de yang 'jigs pa dang / gnod pa dang / nang 'gro ba dang / 'khrug pa thams cad las yongs su thar bar bgyi'o// btsun pa bcom ldan 'das gang la la zhig mi'i rgyal por gyur te/ mi'i rgyal po de'i yul du gser 'od dam pa mdo sde'i dbang po'i rgyal po 'di byung la/ btsun pa bcom ldan 'das mi'i rgyal po de dge slong ngam/ dge slong ma 'am/ dge bsnyen nam/ dge bsnyen ma gser 'od dam pa mdo sde'i dbang po'i rgyal po 'di 'dzin pa dag la bsti stang mi bgyid/ bla mar mi bgyid/ rim gro mi bgyid/ mchod pa mi bgyid na/ bdag cag rgyal po chen po bzhi dang / gnod sbyin bye ba khrag khrig brgya stong phrag du ma la chos mnyan pa 'di dang / chos bdud rtsi'i khu ba 'dis tshim par mi bgyid rim gro mi bgyid/ lha'i lus 'di dag gi gzi brjid kyang rnam par 'phel bar mi bgyid/ bdag cag gi brtson 'grus dang / mthu dang / stobs kyang mi bskyed/ bdag cag gi lus la gzi brjid dang / dpal dang / phun sum tshogs pa yang rnam par 'phel bar mi bgyid do// btsun pa bcom ldan 'das bdag cag rgyal po chen po bzhi dpung dang g.yog tu bcas pa dang / gnod sbyin bye ba khrag khrig brgya stong phrag du ma ngag gis yul de yal bar dor bar bgyi'o// btsun pa bcom ldan 'das bdag cag gis yul de yal bar bor na/ yul

  834. 418a

    na gnas pa'i lha'i tshogs thams cad kyis kyang yal bar 'dor bar 'gyur ro/ / btsun pa bcom ldan 'das lha rnams kyis yul de yal bar bor na/ yul der yul rnams 'khrug pa sna tshogs 'byung bar 'gyur/ rgyal po'i 'khrug pa mi bzad pa dag 'byung bar 'gyur/ yul na gnas pa'i sems can thams cad kyang 'thab pa skye ba dang / mtshang 'dru ba skye bar 'gyur/ rtsod pa skye bar 'gyur/ bsdog pa dang / 'gyed par 'gyur ba dang / gza' dang / nad rnam pa sna tshogs yul du 'byung bar 'gyur/ phyogs tha dad pa nas skor mda' ltung bar 'gyur/ gza' dang rgyu skar rnams kyang phan tshun mi mthun par gda' bar 'gyur/ dgung zla 'char ba na nyi ma lta bur gda' bar 'gyur/ zla ba'i gza' dang nyi ma'i gza' 'byung bar 'gyur/ nyi ma dang zla ba nam mkha' la gnas pa yang rtag par rgyun du sgra gcan zin gyi gnod pa dang ldan par 'gyur/ dus dus su nam mkha' la gzha'i kha dog lta bu 'khyil bar 'gyur/ sa yang g.yo bar 'gyur/ sa la gnas pa'i khron pa yang sgra 'byin par grag par 'gyur/ yul du rlung drag po ldang bar 'gyur/ char drag po 'bab par 'gyur/ yul du mu ge'i dgon pa 'byung bar 'gyur/ pha rol gyi dmag tshogs kyis yul 'joms par 'gyur/ yul de yang phung bar 'gyur/ sems can de dag

  835. 418b

    kyang nyon mongs pa mang bar 'gyur/ yul de nyams mi dga' bar 'gyur ro// btsun pa bcom ldan 'das bdag cag rgyal po chen po bzhi dpung dang g.yog tu bcas pa dang / gnod sbyin brgya stong phrag du ma dang / yul na gnas pa dang / klu rnams kyis yul de yal bar bor na/ yul der 'di lta bu'i gnod pa sna tshogs brgya dang / gnod pa stong 'byung bar 'gyur ro// btsun pa bcom ldan 'das gang la la zhig mi'i rgyal por gyur la/ de bdag nyid la kun tu bsrung ba chen po bgyid 'tshal bar gyur/ rgyal po'i bde ba sna tshogs yun ring por myong 'tshal bar gyur/ bde ba thams cad bstabs pa'i sems kyis rgyal po nyid bgyid 'tshal bar gyur/ yul na gnas pa'i sems can thams cad bde bar bgyid 'tshal bar gyur/ pha rol gyi dmag/ tshigs thams cad 'pham par bgyid 'tshal bar gyur/ yul thams cad yun ring du yongs su skyong 'tshal bar gyur/ chos kyi rgyal po nyid bgyid 'tshal bar gyur/ rang gi yul yang 'jigs pa dang / gnod pa dang / nad 'go ba dang / 'khrug pa thams cad las yongs su thar par bgyid 'tshal bar gyur na/ btsun pa bcom ldan 'das mi'i rgal po des gdon ma 'tshal bar gser 'od dam pa mdo sde'i dbang po'i rgyal po 'di mnyan par bgyi/ dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po 'dzin pa de dag la

  836. 419a

    yang bsti stang bgyi/ bla mar bgyid/ rim gro bgyi/ mchod pa bgyi/ bdag cag rgyal po chen po bzhi dpung dang g.yog tu bcas pa rnams kyang chos mnyan pa'i dge ba'i rtsa ba bsags pa 'di dang / chos bdud rtsi'i khu ba 'dis tshim par bgyi/ bdag cag gi lha'i lus 'di dag gi gzi brjid chen po yang rnam par 'phel bar bgyi'o// de ci'i slad du zhe na/ btsun pa bcom ldan 'das mi'i rgyal po ngos gdon mi 'tshal bar gser 'od dam pa mdo sde'i dbang po'i rgyal po 'di mnyan par bgyi ste/ btsun pa bcom ldan 'das tshangs pa'i dbang pos 'jig rten pa dang / 'jig rten las 'das pa'i bstan bcos rnam pa sna tshogs ji snyed bstan pa dag dang / lha'i dbang po brgya byin gyis bstan bcos rnam pa sna tshogs ji snyed bstan pa dag dang / drang srong mngon par shes pa lnga can rnam pa sna tshogs dag gis sems can dag gi don gyi slad du 'jig rten pa dang / 'jig rten las 'das pa'i bstan bcos rnam pa sna tshogs ji snyed bstan pa dag pas ches mchog/ ches khyad du 'phags pa gser 'od dam pa mdo sde'i dbang po'i rgyal po 'di ni/ btsun pa bcom ldan 'das tshangs pa'i dbang po brgya phrag stong de dag dang / brgya byin bye ba khrag khrig brgya stong phrag du ma dang / drang srong mngon par shes pa lnga can bye ba khrag khrig brgya phrag stong thams cad pas ches mchog/ ches khyad par du

  837. 419b

    'phags pa'i de bzhin gshegs pas sems can rnams kyi don gyi slad du rgya cher yang dag par bshad pa lags so/ / ji ltar na 'dzam bu'i gling thams cad na gnas pa'i mi rnams kyi rgyal pos rgyal po nyid bgyi ba dang / ji ltar sems can thams cad bde bar 'gyur ba dang / ji ltar rang gi yul kun tu bsrung bar 'gyur ba dang / yongs su bskyangs par 'gyur ba dang / ji ltar yul thams cad na gnod pa dang dgra ma mchis par 'gyur ba dang / ji ltar pha rol gyi dmag tshogs rnams 'pham ste phyir phyogs par 'gyur ba dang / ji ltar yul de dag na nad 'go ba ma mchis shang kha khrug pa ma mchis par 'gyur ba dang / ji ltar yul thams cad chos kyis 'khrug pa ma mchis shing mi brdzi bar 'gyur ba dang / ji ltar ma' rgal po de dag gi se rang rang gi yul rnams su chos kyi sgron ma chen po 'bar bar bgyis shing snang bar bgyis par 'gyur ba dang / ji ltar lha'i khang khyim thams cad lha dag dang lha'i bu rnams kyis gang bar 'gyur ba dang ji ltar bdag cag rgyal po chen po bzhi dbang dang g.yog tu bcas pa dang / gnod sbyin brgya stong phrag du ma dang / 'dzam bu'i gling na gnas pa'i lha'i tshogs thams cad tshim pa dang rim gro bgyid par 'gyur ba dang / ji ltar bdag cag gi lha'i lus 'di dag gzi brjid chen pos rnam par 'phel bar 'gyur ba dang / ji ltar bdag cag gi lus la brtson 'grus dang / stobs dang

  838. 420a

    mthu chen po bskyed par 'gyur ba dang / ji ltar bdag cag gi lus la gzi brjid dang / dpal dang / phun sum tshogs pa rab tu 'jug par 'gyur ba dang / ji ltar 'dzam bu'i gling thams cad na lo legs shing nyams dga' la skye bo dang mis gang bar 'gyur ba dang / ji ltar 'dzam bu'i gling thams cad na gnas pa'i sems can rnams bde bar 'gyur ba dang / dga' ba sna tshogs myong bar 'gyur ba dang / ji ltar sems can thams cad bskal pa bye ba khrag khrig brgya stong phrag du mar lha dang mi'i bde ba rgya che zhing rgya che ba myong bar 'gyur ba dang / sangs rgyas bcom ldan 'das rnams dang lhan cig gnas par 'gyur ba dang / ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de thams cad de lta na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis tshangs pa'i dbang po bye ba khrag khrig brgya stong dag pas ches 'phags pa'i thugs rje chen po'i stobs dang ldan pa'i byin gyi rlab dang / brgya byin bye ba khrag khrig brgya stong gi lha'i shes pa bas ches 'phags pa/ de bzhin gshegs pa'i mkhyen pa bla na med pa dang / drang srong mngon par shes pa lnga can rnam pa sna tshogs bye ba khrag khrig brgya stong du ma thams cad pas ches 'phags pa'i byin gyi rlabs kyis/ de bzhin gshegs pa dgra bcom pa yang dag par

  839. 420b

    rdzogs pa'i sangs rgyas kyis/ sems can thams cad kyi don gyi slad du gser 'od dam pa mdo sde'i dbang ba'i rgyal po 'di brnam pa' grwa ding rgya chen yang dag par rab tu bshad do// mi'i rgyal po'i dgos pa dang / rgyal po'i bstan bcos dang / rgyal po'i bgyi ba gang dag 'dzam bu'i gling thams cad na mchis pa dang / gang dag gis sems can 'di dag thams cad bde bar 'gyur ba de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sas rgas kyis/ gser 'od dam pa mdo sde'i dbang po'i rgyal po 'dir nye bar bstan/ yongs su bstan/ yang dag par rab tu bshad do// btsun pa bcom ldan 'das rgyu de dang rkyen nges mi'i rgyal po des gdon mi 'tshal bar gser 'od dam pa mdo sde'i dbang po'i rgyal po 'di gus par mnyan par bgyi/ gus par rim gro bgyi/ gus par mchod par bgyi'o// de skad ces gsol pa dang / bcom ldan 'das kyis/ rgyal po chen po bzhi la 'di skad ces bka' stsal to/ / de'i phyir rgyal po chen po khyed bzhi dpung dang g.yog tu bcas pas gdon mi za bar mi'i rgyal po gser 'od dam pa mdo sde'i dbang po'i rgyal po 'di nyan pa dang / rim gro byed pa dang / mchod pa byed pa de dag kun tu bsrung ba'i phyir spro ba cher gyis shig/ rgyal po chen po dag dge slong ngam/ dge slong ma 'am/ dge bsnyen nam

  840. 421a

    dge bsnyen ma mdo sde'i dbang po 'dzin pa de dag kyang sangs rgyas kyi mdzad pa 'dzin du chu gcig dang / de dag lha dang / mi dang / lha ma yin du bcas pa'i 'jig rten 'dil sangs rgyas kyi mdzad pa byed par 'gyur/ gser 'od dam pa mdo sde'i dbang po'i rgyal po 'di rgya cher yang dag par rab tu 'chad par 'gyur te/ rgyal po chen po khyed bzhis ri nas mdo sde'i dbang 'dzin pa'i dge slong ngam/ dge slong ma'am/ dge bsnyen nam/ dge bsnyen ma bsrungs pa dang / gnod pa med pa dang / nad med pa dang / 'khrug pa med pa dang / ' gyur zhing / gser 'od dam pa mdo sde'i dbang po 'di yang dag par rab tu ston par 'gyur ba dang / dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po 'di 'dzin pa de dag kun tu bsrung bar bya/ yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bya'o/ / de nas rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po me kI mi bzang snyan las langs te/ bla gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ de'i tshe mngon sum cu

  841. 421b

    dang mthun pa'i tshigs su bcad pa 'di dag gis bcom ldan 'das la mngon par bstod do/ / rgyal ba zla ba dri ma med pa'i sku// rgyal ba nyi ma 'od gzer stong gi 'od// rgyal ba pad+ma dri ma med pa'i spyan/ / rgyal ba me tog pad rtsa rdul med tshems// rgyal ba'i yon tan rgya mtsho lta bu ste// rin po che ni du ma'i 'byung gnas gyur// rgyal ba rgya mtsho ye shes chu yis gang // ting 'dzin brgya phrag stong gis kun tu gang / / rgyal ba'i zhabs ni 'khor lor bris pa ste// khor yug mu khyud de bzhin rtsib ma stong // phyag dang zhabs ni dri bas spras pa ste// zhabs kyi dra ba ngang pa'i dbang po bzhin/ gser gyi ri ba lta bur rab tu gda'// rgyal ba dri med gser gyi ri dbang po// yon tan thams cad ri rab 'dra ba ste// sangs rgyas ri dbang rgyal la phyag 'tshal lo// de bzhin gshegs pa zla ba chu zla 'dra// nam mkha' dang yang mtshungs shing 'dra ba ste// sgyu ma smig rgyu lta bu chags med pa// rgyal ba dri ma med la phyag 'tshal lo// de nas bcom ldan 'das kyis/ rgyal po chen po bzhi la tshigs su bcad de bka' stsal pa/ stobs bcu dag gi gser 'od dam pa yi// mdo sde'i dbang po rgyal po rab mchog 'di/ 'jig rten skyong ba khyed cag rnams kyis ni// brtson 'grus rab tu brtan pas bskyang bar bya// mdo sde 'di ltar dkon mchog zab mo 'di// sems can kun la bde ba sbyin byed dang /

  842. 422a

    sems can rnams la phan dang bde ba'i phyir// 'dzam bu'i gling 'dir yun ring gnas par 'gyur// 'di ltar stong gsum gyi ni stong chen gyi// 'jig rten dag na ngan song sdug bsngal dang / / sems can dmyal ba'i sems can rnams kyi ni// sdug bsngal thams cad zhi bar byed pa'o// gang dag 'dzam bu'i gling ni 'di na yang // 'dzam bu'i gling gnas rgyal po thams cad kyis/ / rab tu dga' ba chen po bskyed nas ni// chos rnams kyis ni yul dag bsnyung bar gyis// gang gis 'dzam bu'i gling 'di bde ba dang // shin tu lo legs nyams kyang dgar 'gyur zhing / / 'dzam bu'i gling ni thams cad dag na yang // sems can thams cad bde bar 'gyur bar gyis// 'di na mi yi dbang po gang rnams ni// yul la dga' dang bdag bde dga' ba dang / / rgyal srid rnam par 'byor la dga' ba des// mdo sde'i dbang po 'di ni mnyan par bya// pha rol dgra ni yang dag zad byed pa// pha rol dgra tshogs zlog pa dge byed pa/ / mchog tu 'jigs pas 'phongs pa sel byed pa// mchog tu dge byengad mdo sde'i dbang po 'di'o// ji ltar rin chen shing ljon rab mdzes pa// yon tan kun 'byung khyim na yod pa ltar/ / rgyal po yon tan 'dod pa rnams kyis kyang // mdo sde'i dbang po mchog 'di de ltar blta// ji ltar chu grang skom pa sel byed pa// tsha bas nyam thag tshe ni rnyed pa

  843. 422b

    ltar/ / yon tan dag gis skom pa'i rgyal po la// mdo sde'i dbang po'i mchog 'di de bzhin no// ji ltar rin chen thams cad 'byung ba'i gnas// rin chen snod ni lag mthil yod pa ltar/ mi yi dbang po'i tshogs la gser 'od mchog/ mdo sde'i dbang po mchog 'di de bzhin no// 'di ni lha yi tshogs kyis mngon mchod pa// mdo sde'i dbang po lha dbang phyug byas pa// 'jig rten skyong ba rdzu 'phrul chen po pa/ / bzhi po dag gis kun tu bsrungs pa yin// phyogs bcu dag na sangs rgyas rnams kyis kyang // mdo sde'i dbang po 'di ni rtag tu dgongs// mdo sde'i dbang bopo 'di ni bshad pa na/ / sangs rgyas rnams kyis legs zhes brjod pa byin// gnod sbyin bye ba stong phrag brgya rnams kyis// phyogs bcu dag tu yul yang srung bar byed// rab tu dga' zhing rab tu mgu sems kyis/ / mdo sde'i dbang po 'di ni mnyan par byed// 'dzam bu'i gling na gnas par 'gyur ba yi// lha yi tshigs rnams bsam gyis mi khyab pa// lha tshogs de dag kun kyang rab dga' bas/ / mdo sde'i dbang po 'di ni nyan par byed// chos rnams mnyan par bya ba 'di yis ni// gzi brjid dang ni stobs dang brtson 'grus dang // gzi brjid chen po yis ni lha yi lus/ / shin tu rgyas shing rnam par 'phel bar 'gyur// de nas rgyal po chen po bzhis bcom ldan 'das las tshigs su bcad pa 'di lta bu 'di dag thos pa dang /

  844. 423a

    ngo mtshar du gyur/ rmad du byung bar gyur/ dga' bar gyur te/ de dag chos kyi shugs kyis yud tsam zhig dus nas mchi ma phyis te/ de dag lus 'phar/ yan lag kun 'dar zhing dga' ba dang / bde ba dang / yid bde ba bsam gyis mi khyab pa dang ldan par gyur nas/ yang bcom ldan 'das la lha'i me tog man+da ra ba dag gis gtor mngon par gtor ro/ / gtor mngon par gtor nas kyang stan las langs te/ bla gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bcom ldan 'das bdag cag rgyal po chen po bzhi/ rgyal po chen po re re yang gnod sbyin lnga brgya lnga brgya dang / chos smra ba de bsrung ba dang yongs su bskyang ba'i slad du/ rtag tu dge slong chos smra ba'i slad bzhin 'brang bar bgyi'o// gser 'od dam pa mdo sde'i dbang po'i rgyal po las/ rgyal po chen po bzhi'i le'u zhes bya ba ste bdun pa'o// // de nas lha mo chen mo dbyangs can gyis gos phrag pa gcig tu bgos te pus mo g.yas pa'i lha ngas la btsugs nas/ bcom ldan 'das ga la ba de logs su thal mo sbar ba btud de/ bcom ldan 'das la 'di skad ces gsol to// btsun pa bcom ldan 'das lha mo chen mo dbyangs

  845. 423b

    can bdag gis kyang / dge slong chos smra ba de'i tshig brgyan pa'i slad du spobs pa nye bar bsgrub par bgyi/ gzungs kyang stsal bar bgyi/ nges pa'i tshig gi brjod pa kun tu gzhag par bgyi/ dge slong chos smra ba de la ye shes kyi snang ba chen po bgyi/ gser 'od dam pa medo sde'i dbang po'i rgyal po 'di las tshig gam/ yi ge gang yang rung ba dag cig yongs su nyams par gyur ta ma/ bskyed na bdag gis dge slong chos smra ba de'i nges pa'i sgra dang / tshig dang / yi ge de dag thams cad bsgrub par bgyi'o// ji ltar sangs rgyas bcom ldan 'das brgya stong dag la dge ba'i rtsa ba bskrun pa'i sems can de dag go don gyi slad du/ gser 'od dam pa mdo sde'i dbang po'i rgyal po 'di 'dzam bu'i gling na yun ring du gnas shing myur du nub par mi 'gyur pa dang / sems can du ma deg gis gser 'od dam pa mdo sde'i dbang po'i rgyal po 'di thos nas shes rab rno ba bsam gyis mi khyab par 'gyur ba dang / shes rab kyi phung po bsam gyis mi khyab pa thob par 'gyur ba dang / tshe 'di la tshe phun sum tshogs pa rab tu thob par 'gyur ba dang / srog la phan gdags pa dang / bsod nams kyi phung po dpag tu ma mchis pa rab tu 'dzin par 'gyur ba dang / thabs sna tshogs rab tu 'tshal bar 'gyur ba dang / bstan bcos thams cad la mkhas par 'gyur ba dang / bzo'i bgyi ba sna tshogs phun

  846. 424a

    sum tshogs pa thob par 'gyur ba dang / bskyung ba ma mchis par bgyi ba'i slad du de la gzungs kyang stsal bar bgyi'o// dge slong chos smra ba de dang / sems can chos nyan pa de dag gi don gyi slad du sngags dang sman dang ldan pa'i khrus kyi las brjod par bgyi ste/ gza' dang / rgyu skar dang / skye ba dang / 'chi ba'i gnod pa dang / 'thab pa dang / rnyog ba dang / 'khrug glong dang / khrag khrug dang / rmi lam ngan pa dang / log 'dren gyi gnod pa thams cad dang / byang dang ro langs thams cad rab tu zhi bar 'gyur/ gang gis mkhas pa dag khrus bgyid du stsal ba'i sman dang sngags ni 'di lta ste/ shu dag 'gi'u wang 'bu sug dang // sha ma sha mi shi ri sha// dbang po'i lag dang skal ba che// dz+nyA ma shing tsa a ka ru// shi be ta dang sra tsi spos// gu gu la ra sa sha lag gi/ rdo dreg lo ma rgya spos dang // tsan dan dang ni ldong ros dang // 'gi'u wang bcas ru rta dang // gur kum gla sgang yungs kar dang // spri mong sug mel na lang / / na ga ge sar u shi ra// 'di dag cha ni mnyam bgyis nas// skar ma rgyal la btags par bgyi// phye ma la ni sngags tshig 'di// lan brgya mngon par gdab por bgyi// tad+ya thA/ su kri te/ ka ma li na li/ dza na ka ra te/ ang ka rA Te/ in dra dzA li/ shad kad te/ pa shad dre/ a pa ra rta ka si ke/ na ku tra ku tra/ ka bi la/ ka bi la ma ti

  847. 424b

    shrI lam ti/ spyan d+hi/ d+hA d+hus bad+d+hi/ shi shor/ s+yAd t+ya g+h+ri She AH/ sgribs dkyil 'khor bgyi sa nas ni// me tog selas dkyum par bgyin// gser gyi snod dang ngum stong du/ dang ra ba'i khu ba gzhag par bgyi// skyes bu go cha bgos pa ni// bzhi zhig der yang gzhag par bgyi// rab tu brgyan pa'i bu mo bzhi// bum pa thogs pa gzhag par bgyi// rku gul rtag tu bdug par bgyi/ / sil snyan sna lnga bgyid du stsal// gdugs dang rgyal mtshan ba dan gyis// lha mo de ni legs par brgyan// bar bar dag tu me long bzhag/ mda' dang mdung rtse sna sbrel bzhag/ de nas mtshams kyang bcad par bgyi// de yi 'og tu dgos pa brtsam// sngags kyi las ni 'di dag gis// mtshams bcad pa yang brtsam par bgyi// s+yAd ya be dan/ a ra kaM/ na ya ne/ hI li/ mi le/ ge le/ khe khi le swAhA/ bcom ldan 'das kyi snam logs su khrus bgyis nas/ sngags 'di bzlas brjod bgyis nas khrus kyi zhi bar sbyor ro// tad+ya thA/ sa ga De bi ga de/ bi ga tA ba ti swA hA/ phyogs bzhi dag na gang gnas pa'i// rgyu skar dag gis tshe srungs shig/ btsas pa'i skar ma'i gnod pa dang // phung po las kyi 'jigs 'byung dang / / 'byung po'i khams rnams 'khrug bgyid pa// 'jigs pa mi bzang ni gyur cig/ tad+ya thA/ sa me/ biSha me swAhA/ sa ga De/ bi ga De b+ha de swA hA/ sa kar/ sam

  848. 425a

    b+hUru tA ya swAhA/ skan d+ha ma tA ya swAhA/ nI lA kan ShA ya swAhA/ a pA na ngi ti b+hiR+Sha ya swA hU/ drim ba ti sa ma b+huru tu ya swAhA/ mnami la bag tA ya sAhA/ na moH ga ba te brah+ma Ne na ma/ sa ra sA t+ye do sid d+hun tu man tra pa dA/ ta ra tu bi tsi/ tam brah+ma nu ma n+ya tu swA hA/ dge slong chos smra ba de bsrung ba dang / chos mnyan pa de dag dang / yi ger 'dri ba de dag gi don gyi slad du khrus kyi las 'dis bdag nyid der mchi bar bgyi'o/ / lha'i tshogs thams cad dang lhan cig tu grong ngam/ grong khyer ram/ grong rdal lam/ gtsug lag khang der nad thams cad rab tu zhi bar bgyi'o/ / ji ltar dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po'i rgyal po 'dzin pa de dag gi srog la phan gdags par 'gyur ba dang / 'khor ba las 'byung ba thob par 'gyur ba dang / bla na med pa yang dag par rdzogs pa'i byang chub las phyir mi ldeg par 'gyur ba dang / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur bar gza' dang / 'thab pa dang / rnyog pa dang / btsas pa'i skar ma'i gnod pa dang / rmi lam ngan pa dang / log 'dren gyi gnod pa thams cad dang / byad dang / ro langs thams cad zhi bar bgyi'o// de nas bcom ldan 'das kyis lha mo dbyangs can

  849. 425b

    la/ lha mo chen mo dbyangs can khyod skye bo mang po la phan pa dang / skye bo mang po la bde ba'i phyir zhugs te/ khyod kyis sngags dang sman dang ldan pa'i tshig 'di 'dra ba bshad pa ni legs so legs so zhes bya ba byin no/ / lha mo dbyangs can gyis/ bcom ldan 'das kyi zhabs la phyag 'tshal nas phyogs gcig tu 'dug go// de nas slob dpon lung ston pa bram ze ko'u di n+yas lha mo dbyangs can bkug go/ / lha mo chen mo dbyangs can mchod 'os dka' thub che// 'jig rten kun tu rnam grangs mchog sbyin yon tan che// rtser gnas mdzes ma dar ma b+ha rtswa yi gos bgos pa/ / dar b+ha rtsa yi gos gyon rkang pa gcig gi gnas// lha rnams thams cad lhags nas 'di skad tshig smras te// sems can rnams la dge ba'i tshig shod lce khrol cig/ s+yAd ya the dan/ mu re tsi re/ a ba dze ba ti/ hing gu le/ ming gu le/ ming gu le/ ping ka la/ mung gu She/ ma rI tsi/ swa ma ti/ da Sha ma ti/ a grI/ ma grIta raM/ tsi ta ra tsa ba ti/ tsi tsi ri/ shi rA mi rI/ ma rI ts+yai/ pra Na ye lo ka/ dzash+le/ lo ka shrish+le/ lo ka pri ya/ sid d+hA pra te/ b+hI ma/ ma khi shu tsi khA R+Shi/ a pra ta ha te/ a pra ti ha ta bud d+hi/ na mu tsin ma hA mu tsi/ ma hA bi/ pra ti gIh+na/ nam ska ra na/ bdag gi blo thogs pa med par gyur cig/ bsten bcos dang / tshigs su bcang

  850. 426a

    pa'i rgyu dang / sde snod dang / snyan dngags la sogs pa la/ bdag gi rig sngags dngos grub tu gyur cig/ tad+ya thA/ mahA prA b+hU b+hU/ hi li hI li/ mi li mi li/ bcom ldan 'das ma lha mo dbyangs can gyi mthus/ bdag rnam par rgyal bar gyur cig/ ka rA De/ ke'u yu re/ ke yu'u rA/ ba ti/ hi li mi li hi li mi li/ hi li hi li sangs rgyas kyi bden pa dang / chos kyi bden pa dang / dge 'dun gyi bden pa dang / dbang po'i bden pa dang / chu lha'i bden pas lha mo chen mo dgug par bya'o// gang dag 'jig rten na bden par smra ba de dag gi bden pa dang / bden pa'i tshig gis lha mo chen mo dgug par bya'o// tad+ya thA/ hi li hi li/ hi li mi li/ hi li mai l-i/ bdag rnam par rgyu bar gyur cig/ bcom ldan 'das lha mo dbyangs can la phyag 'tshal lo// bdag la gsang sngags kyi tshig rnams 'grub par gyur cig swA hA/ de nas slob dpon lung ston pa bram ze ko'u di n+yas/ lha mo chen mo dbyangs can la tshigs su bcad pa 'di dag gis mngon par bstod do// 'byung po'i tshogs rnams thams cad nga la nyan par gyis// lha dang dri za lha dbang bcas pa'i 'jig rten na/ bud med dam pa lha mo mchog gi rab gang yin// lha mo dam pa mchog tu mdzes pa'i zhal la bstod// yon tan rnam pa sna tshog bsags pas yan lag brgyan// dbyangs can zhes bya sman

  851. 426b

    ni yangs shing bsod nams 'bar/ / dri med ye shes yon tan rnams kyis rnam par brgyan// rin chen sna tshogs tha dad lta bu blta ba'i phyir// mchog rab ngag gi yon tan khyad par de bstod do/ / dam pa mchog gi dngos grub byed pa dang / yang dag bsngags dang yon tan byed pa dang // dri med mchog dang pad+ma 'bar ba dang // mi mchog dang ni mig gi dam pa dang // dge ba'i gnas dang dge ba mthong ba dang / / yon tan bsam du med pas brgyan pa dang // zla ba 'dra dang dri ma med 'od dang // ye shes 'byung gnas dran pa dam pa dang // seng ge mchog dang mi la zhon pa dang / / lag pa brgyad rnams kyis ni brgyan pa dang // zla ba nya ba lta bur snang ba'i zhal// yid du 'ong ba'i ngag dang dbyangs snyan dang // shes rab zab mo dang ni ldan pa dang / dgos mchog sgrub byed sems can dam pa dang // lha dang lha min tshogs kun gnas brjod dang // 'byung po'i tshigs kyis gnas rtag mchod pa'i phyir swA hA// bdag cag lha mo 'di la phyag bya'o/ / bdeg la yon tan khyad par klung stsol cig/ dgos pa kun tu bdag la dngos grub stsol// dgra rnams khrod na bdag la rtag tu srungs// yi ge rdzogs shing tshig rgyas 'di dag ni nang par langs nas gtsang mar brjod par bya/ / bsam pa dang ni nor 'bru thams cad rnyed// dngos grub dge ba rgya chen thob par 'gyur// gser 'od dam pa mdo sde'i dbang po'i

  852. 427a

    rgyal po las/ dbyangs can gyi le'u zhes bya ba ste brgya pa'o// de nas bcom ldan 'das la/ lha mo chen mong pal gyis 'di skad ces gsol to/ / btsun pa bcom ldan 'das/ lha mo chen mo dpal bdag gos kyang ci nas chos smra ba'i dge slong kyang mas dun sum tshogs par 'gyur ba dang / khrel 'dong pa ma mchis pa thob par 'gyur ba dang / sems brtas par 'gyur ba dang / sems bde bar gdugs mtshan bas par 'gyur ba dang / gser 'od dam pa mdo sde'i dbang po'i rgyal po 'di las tshig dang yi ge rnam pa tha dad pa dag chub par 'gyur ba dang / rnam par rtogs par 'gyur ba dang / yang dag par brjod par 'gyur ba dang / sangs rgyas brgya stong dag la dge ba'i rtsa ba bskrun pa'i sems can de dag gi don gyi slad du/ gser 'od dam pa mdo sde'i dbang po'i rgyal po 'di 'dzam bu'i gling du yun ring du gnas par 'gyur zhing / myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par 'gyur ba dang / bskal pa bye ba khrag khrig brgya stong phrag du mar lha dang mi'i bde ba myong bar 'gyur ba dang / mu ge ma mchis par 'gyur ba dang / lo legs par 'gyur ba dang / sems can rnams kyang bde bar sbar ba thams cad kyis bde bar 'gyur ba dang / de bzhin gshegs pa dang

  853. 427b

    'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad shin tu chad par 'gyur bar gang 'di gos dang / zas dang / mal cha dang / na ba'i gsos sman dang / yo byad dang / 'tshog chas gzhan dag gis kyang dge slong chos smra ba de spro bar bgyi'o// de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho bai DUR+Ya dang / gser gyi ri kha dog bzang po gsar du snang ba'i dpal zhes bya ba de la/ lha mo chen mo dpal gyis dge ba'i rtsa ba bskyed de/ des da ltar phyogs gang dang gang du sems pa dang / phyogs gang dang gang du blta ba dang / phyogs gang dang gang du 'gro ba'i phyogs de dang der/ sems can bye ba khrag khrig brgya stong phrag du ma dag bde bar sbyar ba thams cad kyis bde bar 'gyur/ zas dang / skom dang / nor dang / 'bru dang / 'gron bu dang / gser dang / nor bu dang / mu tig dang / bai DUR+Ya dang / dung dang / man shel dang / byi ru dang / dngul dang / sa le sbram dang / yo byad gzhan dag gis kyang mi 'phongs par 'gyur/ sems can de dag yo byad thams cad 'byor par

  854. 428a

    'gyur ro/ / lha mo chen mo dpal gyi mthus de bzhin gshegs pa de la mchod par bya/ spos dang / me tog dang / bdug pa yang dbul bar bya/ lha mo chen mo dpal gyi ming nas kyang lan gsum brjod cing / de la spos dang / bdug pa dang / me tog kyang byin la/ ro sna tshogs kyang byin na/ de'i 'bru'i phung po chen po rnam par 'phel bar 'gyur ro/ / de la 'di skad ces bya ste/ sa la sa yi bcud dag rnam par 'phel// lha rnams rtag tu rab tu dga' bar 'gyur// 'bras bu lo tog ldum sdong ljon lha rnams// lo tog shin tu sna tshogs rnams kyang bskyed/ / gser 'od dam pa mdo sde'i dbang po'i rgyal po'i ming brjod pa'i sems can de dag la/ lha mo chen mo dpal sems par 'gyur// de dag la dpal chen po byed par 'gyur ro/ / lha mo chen mo dpal ni lcang lo can gyi pho brang 'khor na skyed mos tshal dam pa bsod nams kyi me tog 'od ces bya ba na/ rin po che sna bdun las byas pa'i khang pa dam pa gser gyi rgyal mtshan zhes bya ba na gnas te/ mi gang la la 'bru'i phung po spel bar 'dod pa des rang gi khyim phyag 'dar legs par bya/ khrus legs par bya/ gos dkar po gtsang ma bgo bar bya/ gos dri rib tu gi la bgo bar bya'o// de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho ba chun dang / gser gyi

  855. 428b

    ri kha dog bzang po gser du snang ba'i dpal de la phyag 'tshal zhing mtshan nas kyang lan gsum brjod/ lha mo chen mo dpal gyi lag nas de bzhin gshegs pa la mchod pa byed/ me tog dang bdug pa dang / spos kyang 'bul/ ro bro ba sna tshogs kyang 'bul/ gser 'od dam pa mdo sde'i dbang po'i rgyal po'i ming yang lan gsum brjod/ bden pa'i tshig kyang brjod mo chen mo dpal la yang mchod cing / me tog dang bdug pa yang 'bul/ ro bri ba sna tshogs kyang 'bul na/ gser 'od dam pa mdo sde'i dbang po'i rgyal po 'di'i mthus de'i tshe lha mo chen mo dpal khyim de la sems par 'gyur/ / de'i 'bru'i phung po yang rnam par 'phel bar 'gyur ro// lha mo chen mo dpal 'gugs par 'dod pa des/ rig pa'i gsang sngags 'di dag dran par bya'o/ / 'das pa dang / ma byon pa dang / da ltar byung ba'i sangs rgyas thams cad la phyag 'tshal lo// sangs rgyas dang byang chub sems dpa' thams cad la phyag 'tshal lo// byams pa la sogs pa byang chub sems dpa' rnams la phyag 'tshal lo// de dag la phyag 'tshal nas rig pa 'di dag sbyor bar bya ste/ rig sngags 'di bdag la 'byor par gyur cig/ snang ya the dan/ pra ti pu'ur na ba re/ sa man ta dar shau ni/ ma hA bi hA ra ga ti/ sa man ta/ bi man ta/ ma hA kar+ya pra tiM/ prA ba ne/ sad tra ar+tha sa ma ta nu pr-i pu'u re/ a yA na d+harma

  856. 429a

    tA ma hi/ bi gi nI/ ma hA me tro ba sang hi te/ hi te shrI sa grihrIti/ sa mar thA nu pA la ne/ 'di dag ni spyi bo nas dbang bskur ba'i chos nyid kyi gsang sngags kyi rig gcig tu de kho na yang dag par grub pa sbyin pa mi slu ba'i don gyi tshig ste/ sems can bar ma la spyod pa rnams dge ba'i rtsa ba kha na ma tho ba med pa dag gis lo bdun du 'don cing 'dzin pa dag yan lag brgyad pa'i bsnyen par gnas pa la bsten te/ bdag dang sems can kun thams cad mkhyen pa'i ye shes yongs su rdzogs par bya ba'i phyir/ snga dro dang pho dro sangs rgyas thams cad la me tog dang spos rnams kyis mchod nas/ des bdag gi bsam pa 'di 'byor par gyur cig/ myur du 'byor par gyur cig/ gtsug lag khang ngam/ dgon pa'i gnas kyang rung ste/ khyim de shin tu gtsang mar byas la lci bas dkyil 'khor byas te/ spos dang bdug pa yang dbul bar bya/ stan gtsang ma yang gding bar bya'o// sa la me tog gi sil ma bkram nas bsdad par bya'o// de nas skad cig de nyid la dpal 'ongs nas der gnas par 'gyur ro// de phyin cad khyim mom/ grong ngam/ grong khyer ram/ grong rdal lam/ gtsug lag khang ngam/ dgon pa'i gnas su nam yang brel cing 'phongs pa med par byed do/ / 'gron bu dang / gser dang / rin po che dang / nor dang / 'bru dang / yo byad thams cad 'byor pa dang / bde bar sbyor ba thams cad

  857. 429b

    kyis bde bar 'gyur ro/ / dge ba'i rtsa ba gang dag byed pa de dag thams cad las lha mo chen mo dpal la shas kyi mchog sbyin par bya ste/ des na ji srid 'tsho'i bar du de na gnas par 'gyur/ 'dod pabar mi 'gyur/ de dag gi bsam pa thams cad yongs su rdzogs par 'gyur ro// gser 'od dam pa mdo sde'o dbang po'i rgyal po las/ dpal gyi le'u zhes bya ba ste dgu pa'o// bcom ldan 'das de bzhin gshegs pa rin chen gtsug tor can la phyag 'tshal lo// bcom ldan 'das de bzhin gshegs pa dri ma med par 'bar ba rin chen 'od gzer snang ba'i tog la phyag 'tshal lo/ / de bzhin gshegs pa 'dzam bu gser gyi rgyal mtshon gser du snang ba la phyag 'tshal lo// de bzhin gshegs pa gser du snang ba'i snying po la phyag 'tshal lo// de bzhin gshegs pa nyi ma brgya'i 'od gzer snang ba'i snying po la phyag 'tshal lo// de bzhin gshegs pa gser dang rin po che'i 'byung gnas gdugs brtsegs la phyag 'tshal lo// de bzhin gshegs pa gser gyi me tog 'bar ba'i 'od gzer gyi tog la phyag 'tshal lo/ / de bzhin gshegs pa sgron ma chen po la phyag 'tshal lo// de bzhin gshegs pa rin chen tog la phyag 'tshal lo/ / byang chub sems dpa' mdzes pa'i tog ces bya ba dang / byang chub sems dpa' gser 'od dam pa zhes bya ba dang / byang chub sems dpa' gser gyi snying po zhes bya ba dang /

  858. 430a

    byang chub sems dpa' rtag tu du zhes bya ba dang / byang chub sems dpa' chos 'phags zhes bya ba dang / shar phyogs na de bzhin gshegs pa mi 'khrugs pa zhes bya ba dang / lho phyogs na de bzhin gshegs pa rin chen tog ces bya ba dang / nub phyogs na de bzhin gshegs pa tshe dpag med ces bya ba dang / byang phyogs na de bzhin gshegs pa rnga sgra zhes bya ste/ su gser 'od dam pa mdo sde'i dbang po'i rgyal po 'di las de bzhin gshegs pa'i mtshan dang / byang chub sems dpa'i ming 'di dag 'dzin nam/ klog gam/ khong du chud par byed na de rtag tu tshe rabs dran par 'gyur ro/ / de nas bcom ldan 'das la/ sa'i lha mo brtan mas 'di skad ces gsol to// btsun pa bcom ldan 'das gser 'od dam pa mdo sde'i dbang po'i rgyal po 'di de ltar dang ma 'ongs pa'i dus na grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljong ngam/ pho brang 'khor gang du gnas par 'gyur ba'i grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ldong ngam/ pho brang 'khor der btsun pa bcom ldan 'das sa'i lha mo brtan ma bdag mchi bar bgyi'o/ / bcom ldan 'das gang na gser 'od dam pa mdo sde'i dbang po'i rgyal po 'di rgya cher yang dag par rab tu 'chad par

  859. 430b

    'gyur ba dang / sa phyogs gang dang gang na dge slong chos smra ba de'i chos kyi khrig shom par 'gyur ba dang / gang dang gang du chos smra ba stan la mchis nas/ gser 'od dam pa mdo sde'i dbang po'i rgyal po 'di rgya che ro yang dag par rab tu ston par 'gyur ba der/ btsun pa bcom ldan 'das sa'i lha mo brtan ma bdag sa phyogs de dang de dag tu mchi bar bgyi'o// lus mi gda' bar chos kyi khri'i 'og logs su mchis te/ yan lag gi dam pa mgos dge slong chos smra ba de'i rkang mthil nas brten par bgyi'o// bdag kyang chos mnyan pa dang / chos bdud rtsi'i khu ba 'dis/ tshim par bgyi/ yang dag par rim gro bgyi/ yang dag par mchod par bgyi'o// bdag tshim par gyur/ rim gro bgyi ba bgyis par gyur/ rab tu dga' bar gyur nas/ sa'i phung po dpag tshad stong drug cu rtsa brgyad po 'di nas sa'i gzhi rdo rje la thug pa'i bar du/ sa'i bcud kyis rnam par 'phel bar bgyi/ yang dag par rim gro bgyi/ yongs su rdzogs par bgyi'o/ / steng du yang rgya mtsho'i mtha' la thug pa'i sa'i dkyil 'khor 'di sa'i bcud kyi snum gyis brlan par bgyi'o// sa chen po 'di rab tu mdangs dang ldan par bgyi'o// de nas 'dzam bu'i gling 'dir rtswa dang / shing gel ba dang / sman dang / nags tshal sna tshogs rnams mdangs dang ldan par 'khrungs par 'gyur/ kun dga'i ra ba dang / nags tshal dang / shing

  860. 431a

    ljon pa thams cad dang / lo ma dang / me tog dang / 'bras bu dang / lo tog rnam pa sna tshogs thams cad kyang rab tu mdangs dang ldan par 'gyur/ dri dang rab tu ldan pa dang / snum pa dang rab tu ldan pa dang / ro zhim por 'gyur/ blta na rab tu sdug pa dang / rab tu che bar 'gyur ro// sems can de dag kyang btung ba dang bza' ba rnam pa sna tshogs de dag 'tshal nas/ tshe dang / stobs dang / kha dog dang / dbang po rnams rnam par 'phel bar 'gyur ro// gzi brjid dang / stobs dang / kha dog dang / gzugs dang ldan par bya nas kyang / sa la mchis pa'i dgos pa rnam pa sna tshogs tha dad pa brgya stong du ma dag bgyid par 'gyur/ brtson par 'gyur/ 'bad par 'gyur/ stobs su bgyid pa'i las rnams bgyid par 'gyur ro/ / btsun pa bcom ldan 'das rgyu des 'dzam bu'i gling thams cad zhi ba dang / lo legs pa dang / rgyas pa dang / nyams dga' bar 'gyur/ mi'i skye bo mang pos gang bar 'gyur/ 'dzam bu'i gling gi sems can thams cad bde bar 'gyur/ dga' ba rnam pa sna tshogs myong bar 'gyur/ sems can de dag gzi brjid dang / stobs dang / dog dang / gzugs dang ldan par 'gyur ro// gser 'od dam pa mdo sde'i dbang po'i rgyal po 'di'i slad du dge slong ngam/ dge slong ma 'am/ dge bsnyen nam/ dge bsnyen ma mdo sde'i

  861. 431b

    dbang po 'dzin pa de dag chos kyi stan la mchis pa'i gan du mchi bar 'gyur/ mchis nas kyang sems rab tu dang bas sems can thams cad kyi don dang / phan pa dang / bde ba dang / gser 'od dam pa mdo sde'i dbang po'i rgyal po 'di rgya cher yang dag par rab tu bshad par bgyi ba'i slad du/ chos smra ba de dag la gsol ba 'debs par 'gyur ro// de ci'i slad du zhe na/ btsun pa bcom ldan 'das gser 'od dam pa mdo sde'i dbang po'i rgyal po 'di rab tu bshad na/ sa'i lha mo brtan ma bdag g.yog dang bcas te/ rab tu mdangs dang ldan pa dang / rab tu stobs dang ldan par 'gyur ro/ / bdag cag gi lus la stobs dang / brtson 'grus dang / mthu chen po bskyed par 'gyur/ bdag cag gi lus la gzi brjid dang / dpal dang phun sum tshogs pa yang 'jug par 'gyur ro/ / btsun pa bcom ldan 'das sa'i lha mo brtan ma bdag chos bdud rtsi'i khu ba 'dis tshim par gyur/ gzi brjid dang / stobs dang / brtson 'grus dang / mthu dang / shugs chen po thob par gyur nas/ sa chen po dpag tshad stong phrag bdun pa'i 'dzam bu'i gling 'di sa'i bcud chen pos rnam par 'phel bar 'gyur/ sa chen po mdangs dang rab tu ldan par 'gyur ro// btsun pa bcom ldan 'das sa la brten pa'i sems can 'di dag thams cad kyang 'phel zhing rgyas la yangs par 'gyur/ chen por yang

  862. 432a

    'gyur ro/ / sa la gnas pa'i sems can de dag chen por gyur nas kyang longs spyod dang yongs su spyod pa sna tshogs la spyod par 'gyur/ bde ba yang myong bar 'gyur de dag thams cad bza' ba dang / btang ba dang / bca' ba rnam pa sna tshogs dang / gos dang / mal cha dang / gnas dang / khang pa dang / gzhal med khang dang / skyed mos tshal dang / chu bo dang / rdzing dang / chu mgo dang / mtshe'u dang / mtsho dang / lteng ka dang / 'di lta bu yo byad bde ba rnam pa sna tshogs sa la gnas pa/ sa las byung ba/ sa la brten pa 'di dag la spod par 'gyur ro/ / btsun pa bcom ldan 'das rgyu des sems can de dag thams cad kyis bdag la byas pa gzo bar bgyi'o// gdon mi 'tshal bar gser 'od dam pa mdo sde'i dbang po'i rgyal po 'di bsti stang du bgyis te/ mnyan par bgyi/ bkur stir bgyi/ bla mar bgyi/ rim gror bgyi/ mchod par bgyi'o// btsun pa bcom ldan 'das gang gi tshe sems can de dag chos smra ba de'i gan du mchi ba'i slad du rigs tha dad pa dang / khyim tha dad pa dag nas byung ste mchis nas/ gser 'od dam pa mdo sde'i dbang po'i rgyal po 'di nyan par gyur la/ thos nas kyang rang rang gi rigs dang / khyim dang / grong dang / grong rdal tha dad pa dag tu zhugs nas/ rang rang gi khyim na gnas pa dag phan tshun du 'di skad ces/

  863. 432b

    bdag cag gis de ring chos mnyan pa zab mo thos so// de ring bdag cag gis bsod nams kyi phung po bsam gyis mi khyab pa yongs su bzung ngo // bdag cag gis chos nyan pa des de bzhin gshes pa bye ba khrag khrig brgya stong phrag du ma dag mnyes par byas so/ / deng bdag cag chos mnyan pa 'dis sems can dmyal ba las yongs su thar to// dud 'gro'i skye gnas dang / gshin rje'i 'jig rten dang / yi dgas kyi yul las yongs su thar to// deng bdag cag chos mnyan pa 'dis ma 'ongs pa'i dus na/ tshe rabs brgya stong phrag du mar lha dang mir skye bar yongs su bzung bar 'gyur ro zhes gtam zer bar 'gyur/ khyim tha dad pa na gnas par gyur pa de dag sems can gzhan dag la gser 'od dam pa mdo sde'i dbang po'i rgyal po 'di las tha na dpe gcig brjod dam/ gser 'od dam pa mdo sde'i dbang po'i rgyal po 'di las tha na le'u gcig gam/ sngon 'byung ba gcig gar/ tha na byang chub sems dpa'i ming ngam/ de bzhin gshegs pa'i mtshan gcig gam/ tha na tshig bzhi pa'i tshigs su bcad pa gcig gam/ tshig gcig cig nyan nam/ sems can gzhan dag la thos par bgyid dam/ tha na gser 'od dam pa mdo sde'i dbang po'i rgyal po 'di mtshan gzhan dag la rab tu ston tam/ btsun pa bcom ldan 'das gang dang gang na sems can rnam pa tha dad ba de dag sa phyogs rnam

  864. 433a

    pa tha dad pa dag tu mdo sde'i gtam tshigs rnam pa sna tshogs 'di lta bu 'di dag gcig la gcig brjod dam/ thos par bgyid dam/ gtam rgyud brjod na/ btsun pa bcom ldan 'das sa phyogs de dag thams cad shin tu mdangs dang ldan pa dang snum par 'gyur ro// sa phyogs de dang de dag tu sems can de dag thams cad kyi phyir sa'i bcud rnam pa sna tshogs dang / yo byad thams cad rgyas par skye bar 'gyur/ rnam par 'phel bar 'gyur/ shin tu rgyas par 'gyur/ sems can de dag thams cad kyang bde bar 'gyur ro// nor che ba dang / longs spyod che ba dang / sbyin po la mos par 'gyur/ dkon mchog gsum la mngon par dad par 'gyur ro// de skad ces gsol pa dang / bcom ldan 'das kyis/ si'i lha mo brtan ma la 'di skad ces bka' stsal to// sa'i lha mo brtan ma sems can gang la la dag gser 'od dam pa mdo sde'i dbang po'i rgyal po 'di la sa tha na tshig gcig nyan na/ de dag mi'i 'jig rten 'di nas shi 'phos nas sum cu rtsa gsum pa'i lha'i ris kyi nang du/ lha'i rigs gang yang rung ba zhig tu skye bar 'gyur ro// sa'i lha mo sems can gang la la dag gser 'od dam pa mdo sde'i dbang po'i rgyal po 'di la mchod pa'i phyir/ gnas de dag legs par brgyan par byed dam/ tha na gdugs gcig gam/ ba dan gcig gam

  865. 433b

    ras bcos bu gcig gis g.yogs na/ sa'i lha mo rtag tu brgyan pa'i gnas de dag 'dod pa na spyod pa lha'i ris bdun po de dag tu lha'i rin po che sna bdun gyi gzhal med khang rgyan thams cad kyis legs par brgyan pa dag tu gnas par 'gyur ro/ / gang gi tshe sems can de dag ni mi'i 'jig rten 'di nas shi 'phos te rin po che sna bdun gyi gzhal med khang de dag tu skye ba de'i tshe/ sa'i lha mo rin po che sna bdun gyi gzhal med khang re rer yang lan bdun bdun du skye bar 'gyur ro/ / lha'i bde ba bsam gyis mi khyab pa yang myong bar 'gyur ro// de skad ces bka' stsal pa dang / bcom ldan 'das la/ sa'i lha mo brtan mos 'di skad ces gsol to// btsun pa bcom ldan 'das des na sa'i lha mo brtan ma bdag dge slong chos smra ba/ chos kyi stan la mchis pa de'i chos kyi stan gyi 'og logs kyi sa phyogs de dang de dag tu gnas par bgyi'o/ / ci nas kyang sangs rgyas bcom ldan 'das 'bum dag la dge ba'i rtsa ba bskrun pa'i sems can de dag gi don gyi slad du/ gser 'od dam pa mdo sde'i dbang po'i rgyal po 'di 'dzam bu'i gling du yun ring du gnas shing myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par 'gyur ba dang / ma 'ongs pa'i ngas na bskal pa be ba khrag khrig brgya stong phrag du mar lha dang mi'i bde ba bsam gyis mi khyab pa myong bar 'gyur

  866. 434a

    ba dang / de bzhin gshegs pa dang 'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / sems can dmyal ba dang / dudang 'gro'i skye gnas dang / gshin rje'i 'jig rten gyi sdug bsngal thams cad shin tu rgyun chad par 'gyur bar lus mi gang 'bar bgyis te/ dge slong chos smra ba de'i rkang pa la yan lag gi dam pa mgos brten par bgyi'o// gser 'od dam pa mdo sde'i dbang po'i rgyal po las/ sa'i lha mo'i le'u zhes bya ba ste bcu pa'o// / de nas gning sprin gyi sde dpon chen po yang dag shes gnod sbyin gyi sde dpon chen po nyi shu ma brgyad dang lhan cig tu stan las langs te/ gos phrag pa gcig tu bgos nas pus mo g.yas pa'i lha nga sa la btsugs to/ bcom ldan 'das ga la ba de logs su thal mo sbar ba btud nas/ bcom ldan 'das la 'di skad ces gsol to// btsun pa bcom ldan 'das da ltar dang ma 'ongs pa'i dus na gser 'od dam pa mdo sde'i dbang po'i rgyal po 'di grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ldong ngam/ pho brang 'khor gang du 'byung bar 'gyur ba der/ btsun pa bcom ldan 'das gnod sbyin gyi sde dpon chen po yang dag shes bdag gnod sbyin gyi sde dpon chen po nyi shu rtsa brgyad po de dag dang

  867. 434b

    lhan cig tu grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ldong ngam/ pho bang 'khor der mchi bar bgyi'o// lus mi gda' bar bgyi ste/ dge slong chos smra ba de bsrung bar bgyi'o// yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o/ / skyes pa'am/ bud med dam/ khyo'u 'am/ bu mo chos nyan pa de dag thams cad dang / gang su dag gser 'od dam pa mdo sde'i dbang po'i rgyal po 'di las tha na tshig bzhi pa'i tshogs su bcad pa gcig nyan pa dang / tha na tshig gcig dang / tha na gser 'od dam pa mdo sde'i dbang po'i rgyal po 'di las byang chub sems dpa'i ming gcig gam/ de bzhin gshegs pa'i mtshan gcig thos par gyur te bzung ba dang / tha na gser 'od dam pa mdo sde'i dbang po'i rgyal po 'di'i ming thos par gyur te bzung ba de dag thams cad kun tu bsrung bar bgyi'o/ / yongs su bskyab pa dang / yongs su bzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o// rigs de dag dang / khyim de dag dang / grong de dag dang / grong khyer de dag dang / grong rdal de dag dang / dgon pa de dag dang / pho brang 'khor de dag kyang kun tu bsrung bar bgyi'o//

  868. 435a

    yongs su bskyab pa dang / yongs su bskyang ba dang / yongasu bzung ba dang / chad pa spang ba dang / zhi ba dang / bde legs su 'gyur bar bgyi/ btsun pa bcom ldan 'das rgyu gang gis bdag gnod sbyin gyi sde dpon chen po yang dag shes zhes ming du chags par gyur ce na/ 'di ni btsun pa bcom ldan 'das nyid kyi mngon sum mo// btsun pa bcom ldan 'das bdag gis chos thams cad yongs su 'tshal to/ / chos thams cad khong du chud do// chos thams cad ji snyed pa dang / chos thams cad ji lta ba dang / gnas pa gang lags pa dang / chos thams cad gang dag lags pa dang / chos thams cad kyi rigs gang lags pa dang / btsun pa bcom ldan 'das chos thams cad bdag la mngon sum mo// btsun pa bcom ldan 'das chos thams cad la bdag gi ye shes kyi snang ba bsam gyis mi khyab bo/ / ye shes kyi ngag gsal ba bsam gyis mi khyab bo// ye shes kyi rgyu ba bsam gyis mi khyab bo// ye shes kyi phung po bsam gyis mi khyab bo/ / btsun pa bcom ldan 'das chos thams cad la bdag gi ye shes kyi yul 'jug pa bsam gyis mi khyab bo// btsun pa bcom ldan 'das ji ltar bdag chos thams cad yang dag bar 'tshal ba dang / yang dag par yongs su brtags pa dang / yang dag par yongs su 'tshal ba dang / yang dag par rnam par bltas pa dang / yang dag par khong du chud pa'i rgyu

  869. 435b

    des na/ btsun pa bcom ldan 'das bdag la gnod sbyin gyi sde dpon chen po yang dag shes zhes ming du chags so// btsun pa bcom ldan 'das bdag gis dge slong chos smra ba de'i tshig brgyan par bgyi ba'i slad du spobs pa nye bar bsgrub par bgyi'o/ / ci nas chos smra ba de lus mi ngal bar 'gyur ba dang / lus kyi dbang po bde bar 'gyur ba dang / rab tu dga' bar skye bar 'gyur ba dang / gang gi slad du sangs rgyas brgya stong dag la dge ba'i rtsa ba bskrun pa'i sems can rnams kyi don gyi slad du/ gser 'od dam pa mdo sde'i dbang po'i rgyal po 'di 'dzam bu'i gling du yun ring du gnas shing myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par 'gyur ba dang / ye shes kyi phung po bsam gyis mi khyab pa thob par 'gyur ba dang / shes rab dang ldan par 'gyur ba dang / bsod nams kyi phung po rab tu 'dzin par 'gyur ba dang / ma 'ongs pa'i dus na bskal pa bye ba khrag khrig brgya stong phrag du mar lha dang mi'i bde ba bsam gyis mi khyab pa myong bar 'gyur ba dang / de bzhin gshegs pa dang 'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad shin tu rgyun chad

  870. 436a

    bar 'gyur ba de'i spu'i bug rnams su mdangs stsal bar bgyi'o/ / de'i lus la mthu dang / stobs dang / brtson 'grus chen po bskyed par bgyi'o// de'i tshe shes kyi snang ba bsam gyis mi khyab par bgyi'o/ / de'i dran pa khong du chud par bgyi'o// de cher spro bar bgyi'o// gser 'od dam pa mdo sde'i dbang po'i rgyal po las/ yang dag shes kyi le'u zhes bya ba ste bcu gcig pa'o/ / // 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo bam po bzhi pa// / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho bai DUR+Ya dang gser gyi khwa dog bzang po gser du snang ba'i dpal de la phyag 'tshal lo/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan bye ba khrag khrig brgya stong phrag du mas sku legs par brgyan gang chos kyi sgron ma 'di 'bar ba mdzad pa shAkya thub pa de la phyag 'tshal lo/ / lha mo chen mo dpal yon tan gyi 'bru dang bkra shis dpag tu med pa phun sum tshogs pa de la phyag 'tshal lo// lha mo chen mo dbyangs can shes rab kyi yon tan dpag tu med pa 'dus pa de la phyag 'tshal lo/ / yang de'i tshe de'i dus na rgyal po stobs kyi dbang po'i tog gis/ bu rgyal po mdzes pa'i tog la dbang bskur nas ring po ma lon pa rgyal srid la gsar du

  871. 436b

    gnas pa la 'di skad ces smras so/ / bu gang ngas sngon dbang bskur nas ring po ma lon pa zhig na yab mchog gi dbang po'i tog las blangs pa rgyal po'i bstan bcos lha'i dbang po'i dam tshig ces bya ba zhig yod de/ ngas rgyal po'i bstan bcos lha'i dbang po'i dam tshig des lo nyi khri'i bar du rgyal po nyid byas par gyur te/ tha na sems kyi skad cig gcig tsam gyi tshod kyang sngon chos ma yin pas phyogs 'ga' zhig la gnas par ma shes so/ / bu rgyal po'i bstan bcos lha'i dbang po'i dam tshig ces bya ba de gang zhe na/ de nas rigs kyi lha mo de'i tshe de'i dus na rgyal po stobs kyi dbang po'i tog gis/ bu rgyal po mdzes pa'i tog la rgyal po'i bstan bcos lha'i dbang po'i dam tshig ces bya ba tshigs su bcad pa 'di dag gis rgya cher yang dag par rab tu bstan to/ / sems can kun la phan byed pa/ tsom thams cad gcod pa po// nyes byas thams cad 'jig byed pa// rgyal po'i bstan bcos bshad par bya// rgyal po thams cad so so nas// dga' ba'i sems su 'gyur byos la/ lha yi dbang po'i dam tshig kun// thal mo sbyar te mnyan par byos// rdo rje'i 'byung gnas ri dbang 'dir// lha yi dbang po 'dus pa na// tshangs dbang la ni dri ba'i phyir// 'jig rten skyong ba rnams kyang langs/ / khyod ni lha gtso tshangs pa ste// khyod ni lha rnams dbang phyug lags// khyod ni bdag cag the tshom gcod// bdag cag dogs pa gcod du gsol// mir skyes pa

  872. 437a

    yi rgyal po la/ / ji lta bu na l+yA zhes bya// gang gi rgyus na rgyal po la// lha sras zhes ni bgyi bar 'gyur// gal te lha ni ji lta bur// mi yi 'jig rten 'dir skye zhing / / mi bdag gyur te mi rnams la// rgyal po nyid ni bgyid par 'gyur// 'jig rten skyong bas tshangs dbang la// de skad yongs su dris pa dang // lha yi gtso bo tshangs pa des// 'jig rten skyong la 'di skad smras// de ltar 'jig rten skyong rnams kyis// da ltar bdag la dris pas na// sems can kun la phan pa'i phyir// bstan bcos dam pa kho bos bstan// mi yi gnas su skyes pa yi// rgyal po rnams kyi skye ba dang // rgyu gang gis na yul rnams su// rgyal por 'gyur ba bshad par bya// lha dbang rnams kyi byin rlabs kyis// ma yi rum du'ajug 'gyur to/ / lha yis sngar ni byin bams nas// phyi nas mngal du 'jug par 'gyur// mi yi 'jig rten skyes kyang ni// mi yi dbang por gyur pa yin// lha las skyes par gyur pas na/ / des na lha yi sras zhes bya// khyod ni lha kun bu yin zhes// sum cu rtsa gsum lha dbang gis// rgyal po'i sbrel ba byin nas ni// mi rnams kyi ni dbang por sprul// nyes par byas pa rnams 'gog pa/ / chos ma yin pa zhig pa dang // sems can legs byed dgongs pa dang // lha yi gnas su bgyi ba'i phyir// mi yi dbang po mi shes dang // lha li gas dang dri za'i shas// gdol pa'i shas dang /

  873. 437b

    srin shas kyis// nyes par byed pa zlog par byed// legs par bya ba byed rnams la// mi yi dbang po pha ma'i shas// rnam smin 'bras bu bstan pa'i phyir// lha yis rgyal por byin gyis brlabs/ / tshe 'di'i legs par byas pa dang // nyes par byas pa'i las rnams kyi// rnam smin 'bras bu bstan pa'i phyir// lha yis rgyal por byin gyis brlabs// yul na nyes byed gnas pa dag/ gang tshe rgyal pos yal bor zhing // sdig pa can gyi skye bo la// mthun pa'i chad pas mi gcod cing // nyes par byed pa yal bor po// de tshe chos min shin tu 'phel// 'thab mo dang ni g.yo rnams kyang // yul 'khor der ri phyi phyir 'byung // sum cu rtsa gsum khang pa na// lha yi dbang po 'khrug par 'gyur// yul na nyes byed gnas pa dag/ gang tshe rgyal pos yal bor ba/ / de tshe g.yo ni mi bzad pa// drag po rnams kyis yul 'joms 'gyur// pha rol dmag tshogs lhags nas su// yul 'khor de ni rnam par 'jig/ longs spyod rnams dang rigs kyang 'jig/ gang gi nor bsags yod pa yang // g.yo byed rnam pa mang po yis// phan tshun du ni 'phrog par 'gyur// bya ba gang gis rgyal po nyid// bya ba de ni mi byokhyod na/ / glang chen dbang pos rdzing bu bzhin// rang gi yul 'khor rnam par 'jig/ ma rungs pa yi rlung ldang zhing // ma rungs pa yi char pa 'bab// nyi ma dang ni zla ba dang // gza' dang

  874. 438a

    rgyu skar ma rungs 'gyur/ / rgyal pos yal bar bor na der// sa bon le tog me tog 'bras// legs par smin par mi 'gyur zhing // mu ge dag kyang 'byung bar 'gyur// yul na nyes byed gnas pa dag/ gang tshe rgyal pos ya 'khor ba// de tshe lha rnams khang pa na// yid ni dga' bar mi 'gyur ro// lha rgyal dbang po de dag kun// rgyal 'di chos dang mi ldan te// chos min phyogs la gnas pa'o zhes// phan tshun du ni smra bar 'gyur// rgyal 'dis ring por mi thogs par// lha rnams 'khrug par byed par 'gyur// lha rnams rab tu 'khrugs pas na/ de yi yul ni rnam par 'jig/ yul du chos min 'byung 'gyur zhing // mtshon chas kyang ni 'jig par 'gyur// g.yo rnams dang ni 'thab mo dang // nad kyang kun tu 'byung bar 'gyur// lha yi dbang po rab khros shing // lha rnams kyis kyang yal bar 'dor// yul 'khor de ni rnam par 'jig/ rgyal po de ni mya ngan rnyed// spun nam yang na bu yang rung // sdug pa rnams dang 'bral bar 'gyur/ / sdug pa'i chung ma dang yang 'bral// yang na bu mo 'chi bar 'gyur// skar mda' dag kyang ltung bar 'gyur// de bzhin nyi ma 'dra ba 'byung // pha ril gyi ni dmag tshogs dang / / mu ge shin tu 'byung bar 'gyur// de yi glang po 'phangs pa dang // blon po 'phangs pa 'chi bar 'gyur// de yi 'og tu rnga mo ni// 'phangs pa dag kyang

  875. 438b

    'chi bar 'gyur/ / khyim dang longs spyod nor rnams kyang // phan tshun du ni 'phrog par 'gyur// yul yul du ni mtshon cha yis// phan tshun dag tu 'debs par 'gyur// 'thab mo dag dang rtsod dang g.yo/ / yul rnams su ni 'byung bar 'gyur// yul 'khor du ni gdon 'jug cing // mi bzad pa yi nad kyang 'byung // de yi 'og tu sbyin gnas kyang // chos dang ldan pa ma yin 'gyur// de yi 'kho/ da blon po yang // chos dang ldan pa ma yin 'gyur// chos dang mi ldan skye bo la// de yi 'og tu mchod byed 'gyur// chos dang ldan pa'i sems can la// rtag tu chad pas gcod par 'gyur// chos dang mi ldan skye bo bkur// chos ldan chad pas bcad pas na// der ni chu dang rgyu skar rlung // rnam gsum rnam par 'khrug par 'gyur// chos min skye bo bzung bas na// dam chos ro yi snying po mdangs/ / sems can mdangs dang sa yi bcud// dngos po rnam gsum rnam par 'jig/ skye bo ngan pa rab bkur cing // skye bo dam pa smad pas ni// 'chi dang lce 'bab mu ge dang / / rnam pa gsum ni der 'byung 'gyur// 'bras bu le tog ro dang mdangs// de yi 'og tu med par 'gyur// sems can nad pa mang po dag/ yul rnams su ni 'byung bar 'gyur// dngar zhing che ba'i 'bras bu dag/ yul rnams na ni yod pa yang // kha ba dang ni tsha ba dang // chung ba dag ni nyid du 'gyur// rtse dang dgod dang dga' ba dang // sngon chad dga' ba'i dngos po

  876. 439a

    dang / / dga' ba nyams ni mi dga' 'gyur// nyon mongs brgya yis rnam par 'khrugs// lo tog rnams dang 'bras bu yi// snum dngos khu ba zad pas na/ lus dang khams dang dbang po la// de ltar tshim par mi 'gyur ro// sems can rnams ni mdog ngan zhing // mthu chung shin tu rid par 'gyur// kha zas mang po zos kyang ni// tshim par 'gyur/ ba ma yin no// stobs dang mthu dang brtson 'grus kyang // de yi 'og tu med par 'gyur// sems can brtson 'grus nyams pa dag/ yul rnams su ni 'byung bar 'gyur// sna tshogs nang kyis gzir ba yi/ / sems can nad mang 'byung bar 'gyur// srin po sna tshogs las gyur pa'i// gza' dang rgyu skar 'byung bar 'gyur// chos mi ni phyogs la rab gnas te// rgyal po chos dang mi ldan pas/ / 'jig rten gsum gyi dkyil 'khor na// khams gsum rnam par 'jig par 'gyur// gang tshe rgyal po phyogs gnas te// nyes byed yal bar 'dor ba'i tshe// 'di 'dra'i nyes pa du ma dag/ yul rnamasu ni 'byung bar 'gyur// dgos pa gang phyir lha dbang gis// rgyal po byin gyis brlabs pa yi// rgyal po nyid ni mi byed cing // nyes byed yal bar 'dor na ni/ / legs par byas pas sems can rnams// lha yi gnas su lhar yang skye// nyes par byas pa yi dgas dang // sems can dmyal dang dud 'gror skye// gang tshe rgyal po'i

  877. 439b

    yul rnams na/ / nyes byed yal bar 'dor ba'i tshe// sum cu rtsa gsum lha gnas nas// nyes pa byas pas ltung bar 'gyur// rgyal po nyid ni mi byed na// de ni bu yang ma yin la// yi rgyal po pa rnams kyi// gnas la nyes dang bcas par 'gyur// g.yo ni shin tu mi bzad pas// gang tshe yul 'khor 'jig 'gyur ba// de phyir lha yi dbang po yis// mi gnas rgyal po byin gyis brlabs/ / nyes pa byas pa zhi bya'i phyir// legs par byed la 'dzud pa ste// tshe 'di la ni sems can la// rnam smin skyed pa rgyal po yin// legs byas dang ni nyes byas kyi/ / las kyi rnam par smin pa'i 'bras// rnam pa tha dad bstan pa'i phyir// byed pa gang yin rgyal por brjod// bdag gi don dang gzhan don dang // yul gyi chos kyi don gyi phyir// lha tshogs rnams kyi byin gyis brlabs// lha rnams dag kyang rjes yi rang // yul 'khor rnams kyi skye bo ni// sdig can g.yon can gdul ba dang // yul gyi chos kyi don gyi phyir// srog dang rgyal srid rnams kyang btang / / chos ma yin pa bzod byed cing // shes bzhin yal bar 'dor na ni// yul na 'jigs pa mi bzad pa// de 'dra gzhan na yod ma yin// ji ltar g.yo rnams byung ba la/ / g.yo byed chad pas ma bcad na// yul du shin tu mi bzad pa'i// g.yo rnams phyir zhing 'byung bar 'gyur// glang chen rnams kyi rdzing chen bzhin// yul 'khor

  878. 440a

    de ni rnam par 'jig/ lha dbang rnams kyang khro bar 'gyur// lha yi gnas ni rnam par 'jig/ yul du dngos po thams cad ni// ma rungs par yang 'gyur bas na// de phyir sdig pa byed pa rnams/ / nyes pa'i rim bzhin gdul bar bya// chos kyis yul 'khor bskyang bar bya// chos ma yin pa spad mi bya// srog kyang yongs su gtang bya zhing // nyes mgon bya/ bar mi bya'o// skye bo gnyen dang skye bo gzhan// yul 'khor skye bo thams cad la// rgyal pos phyogs kyang gcig bya yi// phyogs su lhung ba gyur ta re// rgyal po chos dang ldan pa yi// grags pa 'jig rten gsum gang ste// sum cu rtsa gsum gnas rnams na// lha yi dbang po dgar 'gyur te// 'dzam bu'i gling na nged kyi bu// 'di ltar chos ldan rgyal po yin// chos kyis/ yul 'khor der bstan nas// legs pa byed la skye bo dgod// rgyal po de ni legs byed pas// skye bo dag ni 'dir 'gyed de// lha dang lha yi bu rnams kyis// lha gnas gang bar byed snyam mo/ chos kyis yul 'khor der bstan pas// rgyal po rnams ni rab tu dga'// lha dbang rab tu dang gyur pas// mi yi rgyal po de la bsrung // nyi zla dang ni de bzhin du// rgyu skar legs par rgyu bar 'gyur/ / rlung yang de bzhin ldang 'gyur zhing // char pa'ang dus su 'bab par 'gyur// lha gnas rnams dang de bzhin du// yul 'khor rnams su lo legs byed//

  879. 440b

    lha dang lha yi bu rnams kyis// lha yi gnas rnams gang bar byed// de lta bas na rgyal po yis// bdag gi 'phangs pa'i srog gtang gi/ gang gis 'jig rten bder 'gyur ba// dkon mchog chos ni mi btang ste/ / yon tan rnams kyis gang brgyan pa// chos dang ldan pas bsten par bya// rang gi skye bos rtag dga' ba// rtag tu sdig pa rnam par spangs// chos kyis yul 'khor bskyang bar bya/ / chos kyang yang dag bstan par bya// legs par byed la sems can dgod// nyes byed las ni bzlog par bya// gang tshe sdig pa byed pa rnams// tshul bzhin 'dul bar byed po'i tshe/ / yul 'khor du ni lo legs shing // rgyal po'i gzi brjid ldan par 'gyur// rgyal po grags dang ldan 'gyur zhing // skye dgu rnams kyang bde bar skyong // gser 'od dam pa mdo sde'i dbang po'i rgyal po las/ rgyal po'i bstan bcos lha'i dbang po'i dam tshig ces bya ba'i le'u ste bcu gnyis pa'o// // gang tshe 'khor los sgyur ba'i rgyal por gyur// de tshe rgya mtshor bcas pa'i sa rnams btang // gling bzhi rin chen gang bar bcas pa yang // sngon gyi rgyal bdag la ngas phul lo// chos kyi sku de yongs su btsal ba'i phyir// gang sngon yid du 'ong zhing 'phangs pa yi/ / dngos po de dag ngas ni ma btang med// bskal pa du mar 'phangs pa'i srog kyang btang // ji ltar sngon gyi bskal pa bsam yas na// rin chen gtsug tor can gyi bde bar

  880. 441a

    gshegs/ / mya ngan 'das pa'i bde bar gshegs de yi// bstan la legs byung zhes bya'i rgyal po byung // de ni gling bzhi'i dbang po 'khor los bsgyur// rgya mtshor thug pa'i sa la rab tu ston/ / rgyal dbang gsung phyir rgyal ba'i pho brang na// de tshe rgyal po dam pa gnyid kyis log/ rmi lam du ni sangs rgyas yon tan thos// chos smra rin tshon sogs pa gnyis bskyil na/ / rnam par lhang nger mdo sde'i rgyal po 'di// rab tu 'chad cing 'dug pa mthong bar gyur// rgyal po de ni gnyid kyis log las sang // de yi lus kun dga' bas khyab par gyur// mgu nas rgyal po'i khab nas mngon byung ste/ / nyan thos dge 'dun mchog gi gnas su song // rgyal ba'i nyan thos rnams la mchod byed cing // 'phags pa'i dge 'dun 'di na rin chen sogs// yon tan ldan pa'i dge 'dun gang yod ces// chos smra rin chen sogs pa kun tu dris// de yi tshe na rin chen sogs pa ni// phug gzhan zhig gi nang na 'dug gyur te// mdo sde'i rgyal po 'di ni rnam spel la/ / kha ton byed cing bde bar rab tu 'dug/ dge slong chos sgra rin chen sogs pa de// phun sum gzi brjid dpal gyis rab 'bar zhing // phug gzhan zhig gi nang na 'dug gyur ba de yi tshe na rgyal po de la bstan/ / 'di na chos smra rin chen sogs pa 'di// rgyal po'i spyod yul zab mo 'dzin pa ste// gser 'od dam pa zhes ni bya ba yi// mdo sde'i dbang po'i rgyal po

  881. 441b

    rtag tu ston/ / rin chen sogs pa'i rkang la phyag 'tshal te// rgyal po legs par byung bas 'di skad smras// gser 'od dam pa mdo sde'i dbang po'i rgyal// zla ba nya ba'i zhal 'dra bshad du gsol/ / rgyal po legs par byung ba de nyid la// rin chen sogs pas khas ni blangs pas na// stong gsum pa yi 'jig rten thams cad du// lha rnams thams cad rab tu dga' bar gyur// de tshe mi yi dbang pos sa phyogs ni// gtsang zhing mchog tu khyad par 'phags pa der// rin chen chu dang spos chus chag chag btab// me tog sil ma bkram ste khri bshams nas// rgyal pos khri de gdugs dang rgyal mtshan dang / / dar yug stong phrag du mas legs par brgyan// rgyal pos khri der tsan dan dam pa dag/ rnam pa sna tshogs rnams kyang mngon par gtor// lha dang klu dang lha min ma 'am ci/ / gnod sbyin dbang dang mkha' lding lto 'phye ches// lha yi me tog man da ra ba'i char// khri de la ni mngon par rab tu phab// chos 'dod lha ni bya ba khrag khrig stong // bsam gyis mi khyab gang dag lcags gyur pa// rin chen sogs pa mngon par byung ba na// sA la'i me tog dag gis mngon par 'thor// chos smra rin chen sogs pa de nyid kyang // shin tu lus bkrus gtsang ma'i gos bgos te/ / khri der nye bar song bar byas nas ni// thal mo sbyar ba byas te phyag kyang 'tshal// lha dbang dang ni lha dang lha mo rnams/ bar snang 'dug ras me tog

  882. 442a

    man da ra/ / char pa 'bebs shing sil snyan brgya stong phrag/ bsam gyis mi khyab rab tu sgrogs par byed// rin chen sogs pa dge slong chos smra des// phyogs bcu dag na sangs rgyas bye ba stong / / bsam gyis mi khyab pa dag dran byas nas// de ni mngon par 'dzegs te 'dug par gyur// sems can kun la snying brtse bskyed nas ni// snying rje'i sems kyang yang dag bskyed byas te/ / rgyal po legs par byung ba de la ni// de yi tshe na mdo sde 'di bstan te// rgyal po thal mo sbyar byas 'dug nas su// tshig gcig gis ni rjes su yi rang ste// chos kyi shugs kyis mig nas mchi ma byung / / de yi lus ni dga' bas khyab par gyur// mdo sde 'di la mchod pa bya ba'i phyir// de tshe rgyal po legs par byung ba yis// yid bzhin nor bu rin chen rgyal po blangs/ sems can rnams phyir smon lam btab pa ni// rin chen bdun dang ldan pa'i rkyen rnams dang // gang yang 'dzam bu'i gling 'dir sems can rnams// bde bar 'gyur ba'i nor bu chen po yi// char pa de ring 'dzam bu'i gling du phob// de yi tshe na rin chen sna bdun dang // dpung brgyan dang ni da shal rna cha mchog/ de bzhin zas dang skom dang gos rnams kyang // gling bzhi dag tu rab tu 'bab par gyur/ / rgyal po legs par byung bas 'dzam gling du// rin chen char pa 'bab pa de mthong nas// gling bzhi rin chen gang bar bcas pa ni// rin chen gtsug tor can gyi bstan la phul// de

  883. 442b

    bzhin gshegs pa shAkya thub pa nga/ / rgyal po legs par byung zhes bya bar gyur// gling bzhi dag ni rin chen gang bcas kyi// sa 'di de tshe nga yis yongs su btang // gang gis rgyal po legs par byung de la/ / de tshe mdo sde 'di ni rab bstan pa// rin chen sogs pa chos smra dge slong de// de bzhin gshegs pa mi 'khrugs der gyur to// ngas gang de tshe mdo sde 'di thos shing // tshig gcig gis ni rjes su yi rang ste/ / nga ni dge ba'i las ni de nyid dang // chos mnyan pa dang rjes su yi rang bas// gser gyi mdog dang bsod nams rgya yi mtshan// bltar sdug cing mig tu mngon mdzes la lha stong bye ba rab tu dga' ba byed/ / skye bos mthong na dga' lus rtag tu thob// bskal pa dag ni bye ba brgya stong phrag/ dgu bcu rtsa dgur 'khor los sgyur rgyal gyur// bskal pa brgya stong du ma mang por yang / / ngas ni khams kyi rgyal po myong bar gyur// bskal pa bsam gyis mi khyab brgya byin gyur// tshangs pa'i dbang po yid bzhin de bzhin no// gang dag tshad ni nam yang yod min pa'i// stobs bcu dpag med ngas ni mnyes par byas// ngas gang mdo thos rjes su yi rang ba// bsod nams phung po de ltar tshad med mang // bsam pa ji bzhin ngas ni byang chub thob// chos sku dam pa yang ni nges thob bo/ / gser 'od dam pa mdo sde'i dbang po'i rgyal po las/ legs par 'byung ba'i le'u zhes bya ba ste bcu gsum pa'o// / dpal ldan lha mo rigs kyi

  884. 443a

    kyi bu'am/ rigs kyi bu mo dad pa can gang la la zhig 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la yo byad thams cad kyis mchod pa chen po shin tu rgyas shing rgya che ba bsam gyis mi khyab pa byed par 'dod cing 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi spyod yul zab mo yongs su shes par 'dod pa des gtsug lag khang ngam/ dgon pa'i phyogs kyang rung ste/ gang la gser 'od dam pa mdo sde'i dbang po'i rgyal po 'di rgya cher yang dag par rab tu ston pa'i phyogs der des gdon mi za bar g.yengs pa med pa'i sems kyis rna blags te/ gser 'od dam pa mdo sde'i dbang po'i rgyal po 'di mnyan par bya'o// de nas bcom ldan 'das kyis don 'di nyid 'khor la rgya cher brjod pa'i phyir de'i tshe tshigs su bcad pa 'di dag gsungs so/ / gang zhig sangs rgyas thams cad la// bsam yas mchod pa byed 'dod cing // sangs rgyas kun gyi spyod yul ba/ / zab mo rab tu shos 'dod pas// gtsug lag khang ngam gnas khang ngam// gang na gser 'od dam pa yi// mdo sde dam pa 'di ston pa// sa phyogs der ni 'gro bar bya/ / mdo 'di bsam gyis mi khyab ste// yon tan rgya mtsho mtha' yang yas// sdug bsngal rgya mtsho du ma las// sems can thams cad thar par byed// mdo sde yi ni thog ma dang //

  885. 443b

    shus dang de bzhin tham mthong // mdo sde'i dbang po rab zab ste// 'di la dpe ni yod ma yin// gang+gA dang ni sa rnams dang // rgya mtsho da ni nam mkha' la// gnas pa'i rdul ni gang yang rung // dper bya ba ni mi nus so// chos kyi dbyings la 'jug pa yis// de yi tshe ni 'jug par bya// chos kyi bdag nyid mchod rten ni// zab mo rab brtan gang yin pa// mchod rten de yi dbus na ni// rgyal ba shAkya thub pa mthong // yid du 'ong ba'i dbyangs kyis su// mdo sde 'di ni rab tu ston// grangs med bsam gyis mi khyab pa'i// bskal pa bye ba ji snyed pa// lha yi dang ni mi rnams kyi/ bde ba dag ni rjes su myong // gang zhig mdo sde 'di nyan pa// de ltar bdag gis bsod nams kyi// phung po bsam yas bsgrub snyam du// de tshe des ni de ltar shes// mes gang 'obs kyis bskor ba yis/ / dpag tshad brgya dag 'da' byed cing // tshor ba drag po bzod byas nas// mdo sde mnyan par gang nus pa// gtsug lag khang ngam gnas khang du// zhugs nas de ma thag tu ni// sdig pa rnams ni med par 'gyur// rmi na mtshan nyid thams cad dang // gza' dang rgyu skar gnod pa dang // byad dang gdon ni mi bzang dang // zhugs nas de ma thag tu ni/ / thams cad gzhan du phyogs par 'gyur// klu yi rgyal po rnams kyis ni// rmi lam bstan pa ci 'dra bar// der ni pad+ma 'dra ba'i khri// de lta bur yang bsham par bya//

  886. 444a

    khri de la ni 'dug nas su// mdo sde 'di ni rab tu bstan// yi ger bris pa klog par byed// de bzhin yongs su chub par bya// khri de las ni babs nas su// yul gzhan song bar gyur na yang / / khri de la ni yod pa yi// cho 'phrul rnams kyang snang bar 'gyur// chos smra ba yi gzugs su yang // de na res 'ga' snang bar 'gyur// res 'ga' sangs rgyas gzugs su ste/ / res 'ga' byang chub sems dpa' yang // res 'ga' kun tu bzang po dang // de bzhin 'jam dpal gzugs su ste// ris 'ga' byams pa'i gzugs su yang // khri de la ni snang bar gyur// res 'ga' 'od ni 'ba' zhig snang // res 'ga' lha rnams snang bar 'gyur// yud tsam zhig ni dar snang nas// de nas mi snang bar yang 'gyur// sangs rgyas mthong na bsngags par 'gyur/ / thams cad du yang grub par byed// 'bru dang bkra shis phun sum tshogs// mtshan ma sangs rgyas sprul pa yin// rgyal dang dpal dang grags par byed/ / phyir rgol ba yang zlog par byed// pha rol dgra tshogs rab tu 'joms// g.yul du dgra rnams phung bar byed// rmi ngan thams cad zhi bar byed// sdig pa thams cad rab tu 'jig sdig pa thams cad rab zhi byed/ / g.yul 'gyed pa na rgyal bar byed// 'dzam bu'i gling 'di thams cad du// grags pas rab tu gang bar 'gyur// de yi dgra rnams thams cad ni// shin

  887. 444b

    tu 'pham pa nyid du 'gyur/ / rtag tu dgra ni tshim par 'gyur// sdig pa thams cad rnam par spangs// g.yul ngo'i rtsa las rnam par rgyal// dgra dang bral zhing mchog tu dga'// tshangs dbang sum cu rtsa gsum dbang / / de bzhin 'jig rten skyong rnams dang // lag na rdo rje gnod sbyin dbang // rgyal ba'i khyu mchog yang dag shes// klu yi dbang po ma dros dang // de bzhin du ni rgya mtsho dbang / / mi dbang ci dbang lha min dbang // de bzhin nam mkha' lding dbang po// de dag las ni sogs pa dang // lha rnams de dag thams cad kyang // chos kyi mchod rten bsam yas la/ / rtag tu mchod pa byed par 'gyur// zhe sar bcas pa'i sems can rnams// mthong nas shin tu dga' bar 'gyur// lha yi dbang po mchog de dag/ thams cad 'di snyam sems par 'gyur/ / lha rnams de dag thams cad kyang // phan tshun de ni smra byed pa// bsod nams dpal dang gzi brjid dag/ bsags pa de dag kun la ltos// dge ba'i rtsa ba sbyangs pa yi/ / mi rnams de dag 'dir lhags te// gang dag mdo sde zab mo 'di// nyan pa'i phyir ni 'dir lhags pa// dad pa bsam gyis mi khyab pas// chos kyi mchod rten gus dang bcas/ / de dag 'jig rten snying rjer ldan// de dag sems can phan byed pa// de dag zab mo'i chos rnams kyis// dam pa chos kyi ro yi snod// chos kyi dbyangs la 'jug pa yis// de

  888. 445a

    dag rab tu 'jug pa yin/ / gang dag gser 'od dam pa'i mdo// dge ba dam pa 'di nyan pa// de dag sngon chad sangs rgyas ni// brgya stong rnams la mchod pa yin/ dge ba'i rtsa ba de yis ni// mdo 'di nyan pa de dag la// lha dbang rgyal po de kun dang // dbyangs can dang ni de bzhin du// dpal dang rnam thos bu dang ni// de bzhin rgyal po bzhi rnams dang / / gnod sbyin brgya phrag stong po dag/ stobs chen rdzu 'phrul ldan rnams kyi// phyogs bzhi dag ni kun nas kyang // srung ba shin tu byed par 'gyur// dbang po zla ba gshin rje dang // rlung dang chu lha nyid dang ni// skam byed 'jug sel dbyangs can dang // sbyin sreg za dang skye dgu dang // stobs chen pha rol gnon byed pa// 'jig rten skyong ba de kun kyang // nyin mtshan g.yel ba med par ni/ / de dag rnams la srung byed pa// stobs chen gnod spri ni dbang gnyis dang // sred med bu dang dbang phyug che// yang dag shes la sogs pa dang // gzhan yang nyi shu rtsa brgyad dang / / gnod sbyin brgya phrag stong po dag/ stobs chen rdzu 'phrul ldan rnams kyis// 'jigs shing skrag pa thams cad ni// de dag la ni srung bar byed// lag na rdo rje gnod sbyin dbang / / gnod sprin dag ni lnga brgya dang // byang chub sems dpa' thams cad kyang // de dag la ni srung bar byed// gnod sprin dbang po nor bu bzang // de bzhin gang ba bzang po dang //

  889. 445b

    ci 'jigs dang ni 'brog gnas dang // dmar ser dang ni ser skya dang // gnod sbyin dbang po re re yang // gnod sbyin lnga brgya dag gis ni// gang dag mdo sde 'di thos pa// de dag rnams la/ srung byed 'gyur// dri za sna tshogs sde dang ni// rgyal ba'i khyu mchog rgyal po rgyal// nor bu'i mgul dang nges mgrin dang // de bzhin char pa'i bdag po dang // khams po che dang nag po dang / / de bzhin gser 'dra'i sgra dang ni// lngas rtsen dang nir rkang dang // de bzhin skal ba chen po dang // yur ba can dang chos skyong dang // spre'u de bzhin 'khri byed dang // khab kyi spu dang gnyis pashes dang / / de bzhin rin chen skra dang ni// yur chen can dang khyim med dang // 'dod pa'i mchog dang tsan dan dang // mthu bo che dang gangs can dang // bde ba'i ri nyid de bzhin// titeti/ stobs chen pha rol gnon byed pa// rdzu 'phrul ldan pa de dag kyang // gang dag mdo sde 'di dga' ba// de dag la ni srung bar byed// klu yi dbang po ma dros dang // de bzhin du ni rgya mtsho dang / / e la'i 'dab dang btang bzung dang // dga' bo nye dga' gnyis ka dang // klu ni brgya phrag stong po dag/ stobs chen rdzu 'phrul ldan rnams kyang // 'jigs shing skrag pa thams cad las/ / de dag la ni srung bar byed// stobs can sgra gcan mi gtong dang // thags zangs ris dang bde mchog dang // rab sim byed dang phrag rtsa ba dang // de bzhin 446a