Text
ff. 1b–387a · 772 folio sides
- 1b
/ rgya gar skad du/ d+harma tsakra pra brta na sU tra/ bod skad du/ chos kyi 'khor lo rab/ ni/ tu bskor ba'i mdo// 'phags pa dkon mchog gsum la gusan par phyag 'tshal lo/ / 'di skad
- 2a
bya/ / bdag gis thos pa dus gcig na/ bcom ldan 'das yul wA rA Na si'i drang srong lhung ba ri dgas rgyu ba'i gnas na bzhugs so/ / de nas bcom ldan 'das kyis/ dge slong lnga sde rnams bos te bka' stsal pa/ dge slong dang rab tu byung ba dag mtha' gnyis po 'di la gnas par mi bya'o/ / gang su dag 'dir 'dod pa rnams dang / bde ba
- 2b
la zhen pa ni mi rigs pa dang dman par 'gyur ro/ / so so'i skye bo rnams ni don med pa dang ldan pa'i phyir/ gang su dag lus dub pa dang / 'bral ba'i sdug bsngal bsngags par bya ba ma yin pa rnams kyi don med pa dang ldan no// dge slong dag 'di rnams ni mtha' gnyis kyi mtha' stede la 'jug par mi bya'o/ / de bzhin gshegs pa mngon par rdzogs par sangs rgyas nas dbu ma'i lam 'di gsungs so// mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las 'das pa la yang dag par 'jug go/ / dge slong dag de bzhin gshegs pas mngon par rdzogs par sangs rgyas na sa gsungs pa'i dbu ma'i lam gang zhe na/
- 3a
mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang mya ngan las 'das pa la yang dag par 'jug go/ / dbu ma'i lam ni 'phags pa'i lam yan lag brgyad de/ brgyad po 'di ni 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// dbu ma'i lam 'di yang de bzhin gshegs pa mngon par rdzogs par sangs rgyas nas gsungs so/ / mig byed pa dang / ye shes byed pa dang / zhi bar byed pa dang / mngon par shes pa dang / yang dag par khong du chud pa dang / mya ngan las 'das pa la yang dag par 'jug go// 'di yang dge slong dag sdug bsngal 'phags pa'i bden pa ste/ skye ba'i sdug bsngal
- 3b
dang / rga ba'i sdug bsngal dang / na ba'i sdug bsngal dang / 'chi ba'i sdug bsngal dang / mi sdug pa dang phrad pa'i sdug bsngal dang / sdug pa dang bral ba'i sdug bsngal dang / gang 'dod pa btsal te ma rnyed pa de yang sdug bsngal ba dang / mdor na nye bar len pa'i phung po lnga sdug bsngal lo// 'di yang dge slong dag sdug bsngal kun 'byung 'phags pa'i bden pa ste/ gang sred pa 'byung ba can dang / dga' ba'i 'dod chags dang ldan pa dang / de dag de la mngon par dga' ba ni/ 'di lta ste/ 'dod pa'i sred pa dang / 'khor ba la sred pa dang / 'khor ba dang bral ba la sred pa'o/ / 'di yang dge slong dag sdug bsngal 'gog pa 'phags pa'i bden pa ste/ gang zhig 'di bzhin sred pa ma lus pa la 'dod chags dang bral ba dang / 'gog pa dang / bor ba dang / so sor bsgyur ba dang / grol ba dang / grol ba la zhum pa med pa'o// 'di yang dge slong dag sdug bsngal 'gog par 'gro ba'i lam 'phags pa'i bden pa'o// 'di yang 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// dge slong dag 'di ni sdug bsngal 'phags pa'i bden pa ste/ sngar chos
- 4a
ma thos pa la mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o// de yang sdug bsngal 'phag pa'i bden pa ste/ dge slong dag 'di yongs su shes par bya'o// sngar chos ma thos pa la mig bskyed pa dang / ye shes bskyed pa dang / shes rab bskyed pa dang / rig pa bskyed pa dang snang ba bskyed pa'o/ / 'di ni sdug bsngal kun 'byung 'phags pa'i bden pa ste/ dge slong dag 'di ni sngar chos ma thos pa la mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o// 'di yang sdug bsngal kun 'byung 'phags pa'i bden pa ste/ rab tu spang bar bya'o// dge slong dag 'di ni sngar chos ma thos pa la mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o// 'di ni sdug bsngal 'gog pa 'phags pa'i bden pa ste/ dge slong dag 'di ni sngar chos ma thos pa la/ mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o// 'di yang sdug bsngal 'gog pa 'phags pa'i bden pa ste mngon sum du bya'o/ / dge slong dag 'di ni sngar chos ma thos pa la/ mig bskyed pa dang / ye shes bskyed pa dang / shes rab bskyed pa dang / rig
- 4b
pa bskyed pa dang / snang ba bskyed pa'o// 'di ni sdug bsngal 'gog par 'gro ba'i lam 'phags pa'i bden pa'o// dge slong dag 'di ni sngar chos ma thos pa la mig bskyed pa dang / ye shes/ bskyed pa dang / shes rab bskyed pa dang / rig pa bskyed pa dang / snang ba bskyed pa'o// 'di yang sdug bsngal 'gog par 'gro ba'i lam 'phags pa'i bden pa ste bsgom par bya'o// dge slong dag 'di ni sngar chos ma thos pa la mig bskyed pa dang / ye shes bskyed pa dang / shes rab bskyed pa dang / rig pa bskyed pa dang / snang ba bskyed pa'o// dge slong dag de ltar bshad pa rnam pa bzhi po 'di ni 'phags pa'i bden pa'o/ / 'di ltar lan gsum du bzlas te/ rnam pa bcu gnyis po ji ltar gyur pa rnams ye shes mthong ba shin tu rnam par dag pa yin no// dge slong dag nga spangs te/ lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bcas pa dang / skye dgu'i bdag po dang / lha dang mir bcas pa rnams las/ bla na med pa yang dag par rdzogs pa'i sangs rgyas gzhan med do// dge slong dag gang yang 'di ni 'phags pa'i bden pa bzhi po 'di ltar lan gsum du bzlas rnam pa bcu gnyis su ji ltar gyur pa'i ye shes mthong ba shin tu rnam par dag pa yin no/ / ji ltar dge slong dag nga ni 'jig rten lha dang bcas pa dang / bdud dang bcas pa dang / tshangs
- 5a
pa dang bcas pa dang / dge sbyong dang bcas pa dang / skye dgu'i bdag po dang / lha dang mir bcas pa rnams las/ bla na med pa yang dag par rdzogs pa'i sangs rgyas mngon par rdzogs par sangs rgyas nas so sor rtogs so/ / ye shes 'di yang bdag mthong bar gyur pa dang / sngar med pa'i rnam par grol ba dang / bdag ni lhag ma med par yang srid pa len pa med par mya ngan las 'das so/ / bcom ldan 'das kyis de skad ces bka' stsal pa dang / dge slong lnga sde bcom ldan 'das kyis gsungs pa la mngon par dga' 'o// 'di ltar lung du bstan pa de tshun chod nas/ tshe dang ldan pa ko'u di n+ya rdul spangs pa dang / dri ma med pa'i chos kyi mig skyes so// gang cung zad kun 'byung ba'i chos thams cad ni de 'gog pa'i chos yin no/ / bcom ldan 'das kyis chos kyi 'khor lo rab tu bskor zhing bskor nas/ sa'i lha rnams kyis bstod pa'i sgra bsgrags so// dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang bskor bar mi nus pa 'di ni/ bcom ldan 'das kyis yul wA rA Na si'i drang srong lhung ba dang / ri dgas rgyu ba'i gnas su bzhugs nas bla na med pa'i chos kyi 'khor lo rab tu ma bskor ba bskor to/ / de nas sa'i lha'i sgra thos nas/ rgyal chen ris bzhi'i lha rnams kyis bstod pa'i sgra bsgrags so// dge sbyong ngam/
- 5b
bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang bskor bar mi nus pa 'di ni/ bcom ldan 'das kyis yul wA rA Na si'i drang srong lhung ba dang / dgas rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to// rgyal chen ris bzhi'i lha rnams kyis bstod pa'i sgra thos nas/ sum cu rtsa gsum gyi lha rnams kyis bstod pa'i sgra bsgrags so/ / dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang bskor bar mi nus pa 'di ni/ bcom ldan 'das kyis yul wA rA Na si'i drang srong lhung ba dang / ri dgas rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to// sum cu rtsa gsum gyi lha rnams kyis bstod pa'i sgra thos nas/ 'thab bral gyi lha rnams kyis bstod pa'i sgra bsgrags so// dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang bskor bar mi nus pa 'di ni/ bcom ldan 'das kyi sayul wA rA Na si'i drang srong lhung ba dang / ri dgas rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to/ / 'thab bral gyi lha rnams kyis bstod pa'i sgra thos nas/ dga' ldan gyi lha rnams kyis bstod pa'i sgra bsgrags so// dge sbyong ngam/ bram ze 'am/ lha 'am/ bdud
- 6a
dam/ tshangs pa'am/ 'jig rten du gzhan sus kyang bskor bar mi nus pa 'di ni/ bcom ldan 'das kyis sul wA rA Na si'i drang stong ltung ba dang / ri dgas rtsub / gnas su bzhugs nas/ bla na med pa'i chos kyi 'khor lo ma bskor ba bskor to// dga' ldan gyi lha rnams kyis bstod pa'i sgra thos nas/ 'phrul dga'i lha rnams kyis bstod pa'i sgra bsgrags so/ / dge slong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang bskor bar mi nus pa 'di ni/ bcom ldan 'das kyis yul rA Na si'i drang srong lhung ba dang / ri dwags rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to// 'phrul dga'i lha rnams kyis bstod pa'i sgra thos nas gzhan 'phrul dbang byed kyi lha rnams kyis bstod pa'i sgra bsgrags so/ / dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du gzhan sus kyang bskor babar mi nus pa 'di ni/ bcom ldan 'das kyis yul wA rA Na si'i drang srong lhung ba dang / ri dwags rgyu ba'i gnas su bzhugs nas/ bla na med pa'i chos kyi 'khor lo ma bskor ba bskor to// gzhan 'phrul dbang byed kyi lha rnams kyis bstod pa'i sgra thos nas/ tshangs ris kyi lha rnams kyis bstod pa'i sgra bsgrags so// dge sbyong ngam/ bram ze 'am/ lha 'am/ bdud dam/
- 6b
tshangs pa 'am/ 'jig rten du gzhan sus kyang bskor bar mi nus pa 'di ni/ bcom ldan 'das kyis yul wA rA Na si'i drang srong lhung ba dang / ri dgas rgyu ba'i gnas su bzhugs nas bla na med pa'i chos kyi 'khor lo ma bskor ba bskor to/ / de nas skad cig dang yud tsam de la tshangs pa'i 'jig rten gyi bar du sgras khyab par gyur to// 'dir yang 'jig rten gyi khams stong phrag bcu yang dag par g.yos so/ / yang dag par rab tu g.yos so// yang dag par rab tu ldeg go// bag yod par gyur/ ya mtshan du gyur/ snang bar gyur/ 'jig rten rnams su de ltar gyur to/ / 'jig rten rnams su de ltar gyur te/ tshangs pas chos bstan pa thos nas/ lha rnams rang rang gnas su song ngo // de nas yang bcom ldan / 'das kyis ched du brjod pa ched du brjod de/ kun shes pa'i phyir ko'u Din+ya'o// kun shes pa rnams kyis ko'u Din+ya'o// de'i phyir 'di ni tshe dang ldan pa ko'u Din+ya te/ kun shes ko'u DiH zhes pa'i ming thob bo/ / chos kyi 'khor lo bskor ba'i mdo rdzogs so// / sangs rgyas kyi bstan pa la mi phyed pa'i dad pa dang ldan zhing / gtsug lag gnyis la thug legs par byang ba/ dpal 'byor dbang phyug dam pa dkar phyogs kyi zla ba ltar 'phel ba'i zha lu bsku zhang grags pa rgyal mtshon du dben sha'i bka' lung gis byang chub kyi zhing po rdo
- 7a
gdan las/ lho phyogs su dpag tshad drug brgya tsam bgrod pa'i gnas/ sing g+ha gling pa bram ze'i rigs las legs par rab tu byung zhing / bsnyen par rdzogs pasde snod gsum la thugs legs par byang ba'i paN+Di ta chen po A nan+da shI'i zhal snga nas/ mang du thos pa'i lo tsa ba shAkya'i dge slong nyi ma rgyal mtshan dpal bzang pos/ skang gnyis smra ba rnams kyi gdanas/ gtsug lag khang chen po dpal thar pa gling du bsgyur cing zhus te gtan la phab pa'o// @rgyu gar skad du/ taka ni dA naM/ bod skad du/ skyes pa rabs kyi gleng gzhi/ 'phags pa dkon mchog gsum la gus pas phyag 'tshal lo// bcom ldan 'das rgyal byed kyi tshal mgon med zas sbyin gyi kun dga' ra ba na bzhugs pa'i tshe/ gnas brtan chen po don mthong bcom ldan 'das kyi thad du song nas/ phyag byas te bskor ba byas phyogs gcig tu 'khod do// bcom ldan 'das kyi thad du 'di skad gsol to/ / btsun pa bdag ni sangs rgyas bcom ldan 'das kyi rgyud kyi chos thos par 'tshal lo// bka' stsal po/ don mthong yid la zung zhig dang / ngas ba par bya'o zhes byung ngo / / da yang 'dir srung bar byed pa po rab tu rtog pa'i shes rab dang zhi ba'i dgra bcom pa rnams kyi skyes rabs kyi gleng gzhi'i don gyi bsngags pa brjod do//
- 7b
ring ba'i gleng gzhi dang / bar pa'i gleng gzhi dang / nye ba'i gleng gzhi ste/ gleng gzhi gsum po 'di gzigs nas bsngags pa gang zhig nyan pa'o// de la dang po re zhig de rnams kyi gleng gzhi yongs su bcad pa rnams rig par bya'o/ / mar me mdzad kyi zhabs kyi drung 'dir sems dpa' chen pos smon lam btab bo// ji srid thams cad sgrol gyi lus spangs pa'i bar dang / dga' ldan gyi gnas su 'khrungs pa'i chos kyi gtam gyi bar gyi lam ni ring po'i gleng gzhi zhes bya'o// ji srid dga' ldan gyi gnas nas 'phos nas byang chub kyi snying por thams cad mkhyen pa thob nas chos kyi gtam gyi bar gyi gleng gzhi bar pa zhes bya ba'o/ / gang dang gang du zhugs nas/ de dang de thob pa rnams ni nye ba'i gleng gzhi zhes bya ba'o// de la 'dir ring po'i gleng gzhi zhes bya ba ni/ 'di nas bskal pa grangs med pa bzhi dang / bskal pa 'bum phrag gcig lhag pa nas 'go brtsams nas grong khyer 'jigs med ldan zhes bya ba byung ngo // der yang bram ze blo gros bzang po zhes bya ba gnas so/ / pha dang ma gnyis ka'ang rigs bzang ba'i mngal du zhugs te/ rigs bdun rgyud kyi bar du gzhan gyis rtsod pa dang / spyo ba dang / smod pa med cing rnam par dag go/ gzugs bzang ba/ blta na sdug pa rab tu mdzes pa mchog gi kha dog dang ldan pa'i skyes bu can no// de yang las gzhan mi byed par bram ze'i las 'ba' zhig slob bo//
- 8a
de yang khye'u gzhon nu'i dus su pha dang ma gnyis ka dus las 'das so// de nas de'i longs spyod spel ba'i blon pos nor gyi yi ge blangs te/ gser dang / dngul dang / nor bu dang / mu tig la sogs pas gang ba rnams sgor bton te gzhon nu 'di rnams ma'i nor yin no// 'di rnams pa'i nor yin no// 'di dag ni mes po dang yang mes kyi nor yin no/ / rigs bdun rgyud kyi bar gyi nor yin no zhes smras so// 'di rnams so sor bskyang ba'i phyir smras pa yin no// mkhas pa blo gros bzang pos bsams pa/ 'di'i nor rnams bzung nas bdag gi pha dang mes po la sogs pas 'jig rten pha rol tu 'gro ba na gser se ba gcig kyang khyer nas ma song gis/ bdag nyid kyis khyer nas 'gro bar rig par bya'o zhes rgyal po la smras nas/ grong khyer du rol mo bsgrags te/ skye bo thams cad la sbyin par byin nas/ dka' thub pa'i rab tu byung ba la rab tu byung ngo // 'di'i yang don gsal bar bya ba'i phyir gnas 'dir blo gros bzang pos gtam byas so/ / de yang 'di tsam 'ba' zhig ma yin te/ sangs rgyas kyi rgyur rgyun mi 'chad par gsungs la/ slar yang tshigs su bcad pas bcing tebashad kyang go dka' bas/ de dang de'i bar bar du tshigs su bcad pa'i tshig gis bsal ba dang bcas pa bshad par bya'o// bskal pa grangs med bzhi dang / bskal pa 'bum
- 8b
phrag gcig lhag nas 'gro brtsams nas sgra bcu rgyun chad med par 'jigs med ldan gyi grong khyer der byung ngo / / de'i sangs rgyas kyi rgyud bshad do// bskal pa grangs med bzhi dang ni/ 'bum phrag gcig ni lhag pa na// grong khyer 'jigs med ldan zhes pa// mthong ba yis ni dga' bar byed// rgyun mi 'chad pa sgra bcu bzhin// bza' dang btung ba yang dag ldan// de la de bcu rgyun mi 'chad pa ni/ glang po che'i sgra dang / rta'i sgra dang / shing rta'i sgra dang / rol mo'i sgra dang / rol mo mr-i dam ga'i sgra dang / bi wang gi sgra dang / glu'i sgra dang / rol mo sam+ba'i sgra dang / cha lang gi sgra dang / rgod pa dang 'thung ba dang / za ba'i sgra ste/ sgra bcu po 'di rnams ni rgyun mi 'chad pa yin no// sgra de rnams phyogs gcig tu bya ste/ glang po'i sgra dang rta'i sgra dang / / rol mo dung dang shing rta'i sgra// za dang 'thung ba de nyid dang // bza' dang btung ba'i sgra dang ni// sangs rgyas rgyud du tshigs su bcad pa 'di gsungs nas/ grong khyer yan lag nying lag ldan/ / 'dod pa thams cad nye bar gnas// rin chen bdun po yang dag ldan// skye bo sna tshogs yang dag gang // lha yi grong khyer phun tshogs bzhin// bsod nams can ni gnas pa'o/ / 'jigs med ldan pa'i grong khyer du// bram ze blo bzang zhes bya bas// longs spyod pa ni du ma bsags// nor dang 'bru ni mang po yi// nang gi gsang sngan
- 9a
@#'dzin pa dang / / rig byed gsum gyi pha rol son// mtshan nyid i thi hA sa dang // dam pa'i chos kyi pha rol son// de nas de nyid nyi ma gcig la mkhas pa blo gros bzang po de khang bzang mchog gi steng du gcig pur skyil mo krung bcas nas dben par bzhugs te bsams pa/ mkhas pa skye ba gzhan du ma'i mngal bzung na sdug bsngal lo// de bzhin du skye ba skye ba'i gnas su lus 'jig go/ / bdag skye ba'i chos can dang / rga ba'i chos can dang / na ba'i chos can dang / 'chi ba'i chos can no// de ltar gyur pas bdag ni skye ba med pa dang / rgas pa med pa dang / na ba med pa dang / sdug bsngal med pa'i bde ba dang / bsil ba dang / bdud rtsi lta bu'i mya ngan las 'das pa chen po tshol bar rigs/ so// nges par srid pa las grol ba'i mya ngan las 'das par 'gro ba'i lam gcig pu yin pa lta bu'o// de'i phyir gsungs pa/ dben par gcig pur gnas nas ni// de tshe bdag gis 'di ltar bsams/ / srid par skye ba sdug bsngal zhing // lus ni yongs su zhig pa nas// skye ba'i chos dang rgas pa'i chos// na ba'i chos dang de tshe bdag/ skye ba med dang 'chi med bde/ / mya ngan 'das pa yongs su btsal// gang tshe dri ngan lus 'di ni// sna tshogs mi gtsang gis gang zhing // don med bltos pa med pa yi// dor nas 'gro bar bya ba yin//
- 9b
de yi lam ni yod dam snyam// 'bad pa med par lam mi thob// de yi lam ni btsal bar bya// srid pa rnams las grol 'gyur snyam// de nas lhag par yang bsams pa/ ji ltar 'jig rten pa'i sdug bsngal gyi mi mthun pa'i phyogs su gyur pa'i bde ba zhes bya ba yod do/ / de ltar mi mthun phyogs srid pa yod na mya ngan las 'da' bar 'gyur ro snyam mo// de ltar yang gdung ba yod na de zhi bar byed pa'i bsil ba yod do// de bzhin du 'dod chags la sogs pa'i me zhi bar byed pa'i mya ngan las 'das pa yod par 'gyur ro snyam mo// ji ltar yang sdig pa dang mi mthun pa'i phyogs su gyur pa kha na ma tho ba med pa'i dge ba'i chos yod par 'gyur snyam pa nyid do/ / de dang de lta bu nyid kyis sdig pa can la sogs pa'i skye ba yod na/ skye ba thams cad zad par byed pa'i skye ba med par grags pa'i mya ngan las 'das pa yang yod par 'gyur snyam pa nyid do/ / de'i phyir gsungs pa/ ji ltar sdug bsngal yod pa na// bde ba zhes pa'ang yod pa yin/ / de ltar sred pa yod pa na// sred pa med pa'ang yod pa yin// ji ltar tsha ba yod gyur na// grang ba yang ni yod pa yin// de ltar me gsum yod gyur na// mya ngan 'das pa'ang yod pa yin/ / ji ltar sdig pa yod gyur na// dge ba yang ni yod pa yin// de ltar skye ba yod gyur na// skye ba med pa'ang yod par 'dod// gzhan yang bsams pa/ ji ltar
- 10a
bshang ba'i phung por skyes bu 'gyel bar gyur pa zhig/ zag ring po nas kha dog lnga dang ldan pa'i pad+ma dang mtsho chen po mthong na lam gang nas 'gro bar byas nas mchod 'jug par rigs so/ / de'i lam du mi 'gro na mtsho chen po'i skyon ma yin no// de ltar nyon mongs pa'i dri ma 'khrud ba na 'chi ba med pa'i mya ngan las 'da' ba'i mtsho chen po yod pa na der mi 'jug na/ 'chi ba med pa'i mya ngan las 'da' ba'i mtsho chen po'i skyon ni ma yin no// ji ltar yang chom rkun pas yongs su bskor ba'i skyes bu 'bros pa'i lam yod pa la myur du mi 'bros na lam gyi skyon ma yin te skyes bu'i skyon yin no/ / de ltar nyon mongs pas yongs su bskor nas bzung ba'i skyes bu la zhi ba mya ngan las 'da' ba'i lam yod par gyur pa na lam mi tshol ba ni lam gyi skyon ma yin te gang zag gi skyon yin no/ / ji ltar nad kyis gzir ba'i skyes bu la nad gso ba'i sman pa yod par gyur na gal te de'i gnas su nad gso ba'i sman pa mi tshol na sman pa'i skyon ma yin te nad pa'i skyon yin no/ / de ltar nyon mongs pa'i nad kyis gzir ba'i skyes bu la nyon mongs pa zhi bar byed pa'i mchog tu mkhas pa yod par gyur na/ slob dpon tshol bar mi byed na de ni skyes bu'i skyon yin te/ nyon mongs pa 'joms par byed pa'i slob dpon gyi skyon ni ma yin no// de'i phyir gsungs pa/ ji ltar mi gtsang gos pa'i mi// gang ba'i mtsho ni mthong bzhin
- 10b
du/ mtsho der 'jug par mi byed na// de ni mtsho yi skyon min no// de ltar nyon mongs dri 'khrud pa// bdud rtsi'i mtsho ni yod pa yi// mtsho de la ni mi 'jug na// bdud rtsi mtsho yi skyon min no// ji ltar chom rkun gyis bskor ba// 'gro ba'i lam ni yod pa la// skyes bu 'bros par mi byed na// de ni lam gyi skyon ma yin// ji ltar nyon mongs kyis bskor na// zhi ba'i lam ni yod pa la/ / de yi lam du mi 'jug na// zhi ba'i lam gyi skyon ma yin// ji ltar nad kyis gzir ba'i mi// gso dpyad byed pa yod gyur pa// nad ni zhi bar ma byed na// de ni sman pa'i skyon ma yin// de ltar nyon mongs pa yi nad// gzir cing sdug bsngal gyur pa'i tshe// slob dpon tshol bar mi byed na// slob dpon gyi ni skyon ma yin// gzhan yang bsams pa/ ji ltar rgyan gyis brgyan pa'i skyes bu'i mgrin pa la mi gtsang ba bcings na de dor nas bde bar 'gro ba bzhin du/ de ltar bdag kyang mi gtsang ba'i lus spangs te/ ltos pa med par mya ngan las 'das pa'i grong khyer du 'jug par rigs so/ / gzhan yang ji ltar skyes pa dang bud med kyis bshang ba'i gnas su bshang ba dor bar byas nas snod du blugs te khur nas 'gro bar byed pa ma yin gyi/ ltos pa med par skyug bro bas dor nas 'gro'o/ / de ltar bdag kyang mi gtsang ba'i lus la sogs pa ltos pa med par dor nas 'chi ba med pa'i mya ngan las 'das pa'i grong khyer du 'jug par rigs so//
- 11a
gzhan yang ji ltar gru mkhan rnams ni gru rdol ba rnams la ltos pa med par dor nas 'gro ba de bzhin du/ bdag kyang sgo dgu'i rma 'di rnams kyi nang nas 'bab pa'i lus 'di dor nas/ ltos pa med par mya ngan las 'das pa'i grong khyer du 'jug par rigs so// gzhan yang ji ltar skyes bu sna tshogs pa'i rin po che blangs nas chom rkun pa dang 'grogs te/ lam du 'gro na rang gi rin po che brlag par dogs pa'i 'jigs pas de rnams dor nas lam bzang por 'jug pa bzhin no// de ltar bdag kyang lus mi gtsang ba du ma can rin po che 'phrog pa'i chom rkun bzhin du gal te sred pa 'di byed na 'phags pa'i lam gyi dge ba'i chos kyi rin po che bdag gis brlag par dogs so/ / de'i phyir bdag gis chom rkun lta bu'i lus 'di dor nas mya ngan las 'das pa'i grong khyer du 'jug par rigs so/ / de'i phyir gsungs pa/ ji ltar mi yis dri nga ba// mgul la bcings na skyug bro ste// de dag spangs nas 'gro byed na/ byug mi zo zhing bde bar 'gro// de bzhin du ni dri nga lus// sna tshogs pa yis gang gyur pa// spangs nas 'gro bar byed pa ni// don med ltos pa med pa'o// ji ltar bshang ba'i gnas su ni/ / skyes pa bud med kyis bshangs nas// dor nas 'gro bar byed pa ni// don med ltos pa med pa yin// de ltar bdag gi lus 'di yang // mi gtsang sna tshogs kyis gang ba// dor
- 11b
nas bdag kyang 'gro bar bya/ / ji ltar bshang ba'i gnas bzhin no// ji ltar gru ni rdol gyur na// chu ni mang du 'byung bar 'gyur// de ni gru mkhan gyis dor nas// don med ltos pa med pa yin/ de ltar bdag gi lus 'di yang // bu ga dgu yang mi rtag pas// dor nas 'gro bar byed pa na// gru mkhan gru ni dor ba bzhin// ji ltar chom rkun lhan cig mi// nor ni khyer nas 'gro ba na// nor khyer 'jigs pa mthong ba nas/ / 'jigs nas dor nas 'gro byed bzhin// de bzhin du ni lus 'di ni// chom rkun chen po dang mtshungs shing // 'dir ni dor nas 'gro ba na// dge ba spyod pa 'jigs med do/ / de bzhin du mkhas pa blo gros bzang pos sna tshogs pa'i dpe 'di yis phan yon gyi don la rnam par bsams shing / rang gi khyim du dpag tu med pa'i longs spyod kyi phung po sngar ji ltar brjod pa bzhin du bkren pa la sogs pa rnams la sbyin pa chen po byin te/ nor gyi 'dod pa dang nyon mongs pa'i 'dod pa spangs nas grong khyer 'jigs med ldan gyi phyi rol tu song ste/ gcig pur gang can chos kyi ri zhes bya ba la brten nas/ der lo ma'i khang par 'chag par byed cing skyon lnga po ma bzlog la ma spangs bzhin du de ltar sems mnyam par gzhag pa dang por dang / byed pa brgyad dang ldan pa'i mngon par shes pas smra ba dang / stobs len pa dang / de ru gnas te skyon dgu dang ldan pa gyon pa'i gos spangs nas/ yon tan bcu gnyis dang ldan pa'i shing shun gyi dum bu'i gos gyon
- 12a
nas/ drang srong gi rab tu byung ba la rab tu byung ste/ de ltar rab tu byung nas skyon brgyad dang ldan pa'i lo ma'i khang pa de spangs nas yon tan bcu dang ldan pa'i shing gi drung du nye bar gnas so/ / 'byor pa thams cad spangs nas shing gi 'bras bu mchog za zhing 'dug pa'o// gnas su 'chag par byed pa'i dka' thub byed do// zhag bdun gyi nang de nyid du brgyad la snyoms par 'jug cing mngon shes lnga po thob par gyur te/ de bzhin du des don du gnyer bas mngon par shes pa'i stobs thob par gyur to// de'i phyir gsungs pa/ de ltar bdag gis bsams gyur pa// sna tshogs byed pa brgya yi nor/ / mgon dang mgon med rnams la sbyin// gangs can la ni nye bar song // gangs can dang ni mi ring bar// chos kyi ri zhes bya ba la// bdag gis de la mchog tu rten// lo ma'i khang pa legs byas so/ / de ru 'chag par byed pa dang // skyon ni lnga po rnam par spangs// yon tan brgyad dang yang dag ldan// mngon par shes pa'i stobs ldan no// skyon dgu dang ni ldan ba yi/ / der ni de nyid dor gyur nas// shing shun dum bu'i gos gyon te// yon tan bcu gnyis ldan pa'o// skyon ni brgyad dang ldan pa yi// lo ma'i khang pa spangs gyur nas// shing gi drung du nye bar 'dug/ yon tan bcu dang ldan pa yi// rmos dang bskrun pa'i 'bru rnams ni// lhag ma med par dor byas nas// yon tan ma lus ldan pa yi// shing thog mchog ni dang por zos// de ru dka' thub
- 12b
byas nas ni/ / 'dug dang 'chag pa'i gnas rnams su// zhag bdun gyi ni nang nyid du// mngon par shes pa'i stobs thob bo// 'dir yang gleng gzhi ni mkhas pa blo gros bzang pos brten pa'i lo ma'i khang pa dang 'chag pa ni rang gi lag gis byas pa ltar brjod do/ / 'dir yang don ni sems dpa' chen po gangs can gyi nang nas 'ongs pa dang / de ring chos kyi rir yong pa mthong nas lha'i dbang po brgya byin gyis sna tshogs pa'i lha'i bu la mkhas pa blo gros bzang po 'di ni rab tu 'byung bar 'dod pas song ste/ 'di'i gnas rnams gyis shig/ de'i tshig thos nas dga' ba'i gnas phug legs par lo ma'i khang par 'chag pa'i gnas byas so/ / bcom ldan 'das kyis yang de'i tshe bdag gis bsams nas goms par byas pa rdzogs pa las/ de'i dus su de'i rgyu mtshan gyis shA ri'i bu der chos kyi ri der/ gnas bzang po ni bdag gis byas// lo ma'i khang pa bzang por ldan// der ni 'chag cing gnas nas ni// skyon lnga po ni rnam par spangs// zhes gsungs so// 'chag pa'i skyon lnga po gang zhe na/ sra zhing mi snyoms pa dang / nang na shing rad rod can dang / nags thibs po dang / shin tu dog pa dang / shin tu yangs pa'o// sra zhing mi snyoms pa'i sa'i char 'chag cing 'chag pa na/ rkang pa la 'brum bu 'byung ba dang / sems rtse gcig tu mi gnas pa dang / las byed pa'i gnas mi 'grub la/ sa'i steng mnyam zhing 'jam par 'chag pa ni bde
- 13a
zhing / las byed pa'i gnas rdzogs pa de'i phyir tsha ba dang mi snyoms pa'i sa'i cha ni skyon gcig tu rig par bya'o// 'chag pa'i bar dang nang dang tha mar shing yod pa na bag med par 'ong zhing 'chag pa na dpral ba dang mgo la gnod pa byed pa ni nang gi shing gi gnod pa gnyis pa'o/ / rtswa dang 'khri shing la sogs pa nags tshal thibs po'i 'chag sar byed pa na mun pa nag po'i dus su sbrul la sogs pa'i srog chags rkang pas brdzis na 'chi ba 'am/ des mche bas rmugs nas gnod pa skyel ba ni nags thibs po'i skyon gsum pa'o// shin tu dog pa'i 'chag sa'i mchu ru khru gcig pa 'am/ khru phyed pa'i 'chag sa byed na nang du gcod pa dang / sen mo 'am sor mo 'chad par 'gyur ba ni shin tu dog pa'i skyon bzhi pa'o// shin tu yangs pa'i 'chag sar 'chag pa na sems g.yeng bar gyur pa dang / sems rtse gcig tu gnas pa mi thob pa ni shin tu yangs pa'i skyon lnga pa'o// 'chag sa'i mtho tshad kyi sngags su khru phyed dang ngo do// ngos gnyis su khru gcig tsam par dkyus su khru drug cu pa sa'i mthil 'jam pa dang mtshungs shing yangs pa bye ma dang bcas pa'i 'chag sa ni rigs so/ / mchod rten gyi rigs mar me ltar gsal ba gnas brtan chen po dbang chen gyi 'chags lta bu bya ba'i rigs so/ / de'i phyir gsungs pa/ de ru 'chags byas la skyon lnga po spang bar bya'o// yon tan brgyad dang ldan pa'i dge sbyong gi bde ba brgyad dang ldan pa'o//
- 13b
dge sbyong gi bde ba brgyad dang ldan pa zhes bya ba ni gang zhe na/ nor dang 'bru yongs su 'dzin pa'i 'dod pa med pa dang / kha na ma tho ba med pa'i bsod snyoms las 'dod pa med pa dang / bza' ba btsal ba'i 'dod pa med pa dang / nor gces pa'i yul mi sdug par byed pa 'am/ mgo re re'i khral la sogs pa len na rgyal po'i rigs kyis yul 'khor gyi sdug bsngal ba mi 'dod pa dang / nye bar mkho ba thams cad la 'dod pa med pa dang / chom rkun gyis 'phrog pa'i 'jigs pa med pa dang / rgyal po dang / rgyal tshab dang / blon po chen po'i nye bar 'tshe ba med pa dang / phyogs bzhir 'gro ba na 'tshe ba med pa ste/ de ltar der gnas na bde ba brgyad po nyams su myong bar nus so// de ltar yon tan brgyad dang ldan pa 'dir gnas par byas nas mngon par shes pa'i stobs thob par 'gyur zhing / de nas der gnas te/ zad par gyi las rnams byas nas mngon par shes pa dang snyoms par 'jug pa rnams bskyed pa'i phyir te/ mi rtag pa dang / sdug bsngal ba dang lhag mthong brtsams nas gnas thob par byed do/ / lhag mthong gi stobs blangs nas ji ltar gnas na de'i stobs blang bar nus so// de ltar der gnas nas de'i mngon par shes pa'i phyir lhag mthong gis stobs 'thun par byas pa ni khang pa byas pa'i don yin no/ / der skyon dgu dang ldan pa'i gos dor ba ni 'dir sngar rim pa bzhin du brjod pa de rnams de'i tshe khang mig chung ba
- 14a
dang / khang mig che ba dang / 'chags la sogs pa sa sar brgyan nas me tog dang / 'bras bu dang / shing ljon pa'i tshogs yid dga' bu dang / bsam bar+g+gan+tuH/ yid du 'ong ba gdug pa can gyi ri dgas med pa dang / gnod par byed pa'i bya'i tshogs med pa shin tu dben par gnas par bya'o// 'chags brgyan pa'i phyogs gnyis dang dbus su rgyub kyi gyi gzhi la brten nas bzhugs pa'i ched du 'chag sa'i nang du sa gzhi mnyam pa/ kha dog ser po rdo dang bsres pa/ lo ma'i khang pa'i nang du ral pa'i khor yug dang / shing shun gyi dum bu'i chos gos dang / dbyu gu gsum dang / bum pa la sogs pa dka' thub pa'i yo byad dang ldan pa/ bsti gnas kyi nang du chu dang bum pa chen por chu dang / dung chos kyi chu dang / kham phor dang / me khang dang / snod sol ba can dang / shing la sogs pa de ltar gang dang gang du rab tu 'byung ba la rigs so// de thams cad byas nas lo ma'i khang pa'i logs la gang zhig rab tu 'byung bar 'dod pa na 'di'i yo byad rnams blangs nas rab tu byung bar gyis shig ces yi ger bris nas/ las sna tshogs pa'i lha'i bu lha'i 'jig rten du song ngo // mkhas pa blo gros bzang pos gangs can gyi ri'i 'gram na chu klung rjes su 'brang ba dang bdag nyid kyi gnas dang / 'thun pa'i gnas su blta zhing chu klung bzlog pa'i las sna tshogs las sprul zhing brgya byin gyis byin pa'i gan
- 14b
yid la dga' ba mthong ngo / / 'chag sa'i dkyus kyi phyogs gcig tu 'gro zhing rkang pa'i rjes mi mthong bar rab tu byung ba rnams kyis thag ring po'i grong nas bsod snyoms btsal bas ngal zhing 'ongs nas lo ma'i khang par zhugs nas gnas so snyam du bsams so/ / de ma thag tu ma sleb par dus ring por ma sleb par so sor shes dgos so// shing gi khang pa'i khang mig gi sgor zhugs nang du phyin no/ / de dang de bltas pas rtsig pa chen po la yi ge bris pa bklags nas 'di rnams thams cad bdag gi yo byad du brtag par bya'o// de rnams blangs nas rab tu byung ngo zhes bsams so// bdag nyid kyi stod gos dang smad gos zung dag dor ro// de'i phyir gsungs pa der gos dor ro// de ltar bzhugs nas shA ri'i bu bdag de'i la ma'i khang pa dang skyon dgu dang bcas pa'i gos dor ro// de yang skyon dgu gsal bar mthong ste/ dka' thub pa'i rab tu byung ba rnams la gos skyon dgu dang ldan pa ni rnyed dka' ba'i skyon dang / gzhan 'dod pa skye ba'i skyon dang / longs spyod pa na myur du dri ma dang ldan pa'i skyon dang / dri ma can du gyur na 'khrud pa dang / tshol bya dgos pa dang / longs spyod pa na 'dral ba'i skyon dang / brnyings na 'tshem pa dang / lhan pa 'debs dgos pa dang / slar yang tshol ba na rnyed dka' ba'i skyon dang / dka' thub pa'i rab tu byung ba la mi rigs pa'i skyon dang / dgra la sogs pas 'phrog par 'gyur ba'i skyon dang / ji ltar yang gos ni dgra la sogs pas mi len
- 15a
pa de'i phyir de bzhin du sbed dgos pa dang / gyon pa na rgyan du 'gyur ba'i skyon dang / khyer nas 'gro ba na lus kyi khur po chen por 'gro ba'i skyon no// shing shun gyi gos zhes pa ni/ de'i tshe shA ri'i bus bdag 'di'i skyon dgu mthong nas gos dor ro// shing shun la rtswa mun dza dum bu dum bur byas nas sbyor zhing sgrog pa ni shing shun la smang gos dang stong gos don du gnyer ba'i phyir ro/ / yon tan bcu gnyis dang ldan pa zhes pa ni phan yon bcu gnyis dang ldan pa'i shing shun gyi gos kyi phan yon bcu gnyis dang ldan pa'i rin chung ba dang / blta na mdzes pa dang / rung ba dang / 'di rnams ni phan yon gcig pa dang / rang gis lag gis bya bar nus pa ni gnyis pa dang / longs spyod pa na dri ma can du gyur kyang myur du bkru bar nus pa ni gsum pa dang / longs spyod pa na/ brnyings par gyur kyang btsem par nus pa ni bzhi pa dang / slar yang rtsol ba na bde bar byed nus pa ni lnga pa dang / dka' thub pa'i rab tu 'byung ba la rigs pa ni drug pa dang / chom rkun pa la mi mkho ba ni bdun pa dang / gyon pa na dka' thub pa'i rgyan du 'gyur ba ni brgyad pa dang / gyon pa na yang bar 'gyur ba ni dgu pa dang / chos gos so so la 'dod pa chung ba ni bcu pa dang / slong ba na chos pa la kha na ma tho ba med pa ni bcu gcig pa dang / shing shun gyi gos stor na yang ltos pa med pa ni bcu gnyis pa'o// skyon brgyad dang ldan pa'i lo ma'i khang pa dor zhes pa ni ji ltar dor/
- 15b
de'i gos mchog gnyis kyi rigs su gyur pa a Na'o dza'i me tog gi 'phreng ba lta bu'i gos dmar po blangs nas smad du gyon te/ steng du gzhan yang kha dog ser po'i shing shun gyi gos gyon nas/ pun nA gI me tog gi stan dang 'dra ba'i rkang pa dang bcas pa'i gzig gi pags pa'i g.yang gzhi gyon te/ ral pa'i khor yug mgo bo la bcings nas gtsug phud brtan par bya ba'i phyir du mkhregs pa'i spyi khab btsugs so/ / mu tig dra ba bzhin du 'then thag byu ru'i kha dog lta bu'i bum pa nang du bcug ste gnas gsum gyi kyog po'i shing de blangs nas khur shing de'i phyogs gcig la bum pa dang / phyogs gnyis la lcags kyu dang / smyug 'khur dang / dbyug gu gsum pa la sogs pa bzung zhing khyer nas phrag pa'i khur du khyer te lag pa g.yas su 'khar ba bzung nas lo ma'i khang pa nas byung ste/ khru drug cu pa'i 'chag sa chen por phan tshun du 'chag par byed cing rang gi cha lugs la bltas nas/ bdag gi 'dod pa yongs su rdzogs par thob bo// bdag nyid mdzes par rab tu byung nas sangs rgyas dang / rang sangs rgyas la sogs pa'i skyes bu dpa' bos bsngags pa dang bstod cing rab tu byung ba zhes bya ba 'di ni khyim gyi 'ching ba spangs nas/ bdag gis nges par byung zhing rab tu byung ba mchog bdag gis thob pas dge sbyong gi chos bdag gis byas so/ / bde ba'i 'bras bu bdag gis thob nas spro ba skyes so// khur ngal bus sa la bzhag nas 'chag
- 16a
sa'i dbus su kha dog ser ba'i rdo'i steng du gser gyi gzugs brnyan lta bu bzhugs te/ nyin mo'i cha song nas srod kyi dus su lo ma'i khang pa'i nang du bzhugs nas/ shing khri legs po'i bzhog gi steng du nyal lo/ / lus la bser bus gos par byed cing nam gyi cha smad la langs te bdag yongs pa'i don la rtog cing bdag gis khyim gyi gnas kyi skyon mthong nas bdud rtsi la longs spyod pa dang / grags pa mtha' yas pa spangs nas/ dgon par gnas te nges par 'byung ba btsal ba'i phyir rab tu byung ngo // de nas bzung nas bag med pa'i spyod pa'i mi rtogs pa dang / rab tu dben pa spangs nas 'gro ba log pa'i sbrang mas za bas da ni bdag gi rab tu dben pa dor bar rigs so// bdag gis kyang khyim pa'i gnas zang zing dang bcas pa mthong ste phyin nas lo ma'i khang pa yid du 'ong ba 'di yang kha dog ser pos sa gzhi la zhal ba legs par byas nas/ dngul gyi kha dog ltar dkar ba'i rtsig pa rnams dang / thog phrug ron gyi rkang pa'i kha dog ltar dmar ba'i lo ma'i bla gab can no/ / sna tshogs pa'i kha dog can gyi shing khri'i stan la nyal ba dang / 'dug pa na bde bar lta ba de rnams ni ches cher lhag par khyim pa'i phun sum tshogs pa dang 'dra bar mthong ngo / / lo ma'i khang pa'i skyon bltas pas skyon brgyad mthong ste/ lo ma'i khang pa la longs spyod pa na skyon brgyad po ni/ shing mang po la nor mang po dgos pa dang / bsdus nas
- 16b
khang pa byed cing tshol ba ni skyon gcig pa dang / rtswa dngas 'dzad pa dang / yang dang yang zad pas na bcos dgos pa rgyun mi 'chad pa ni skyon gnyis pa dang / nyal ba'i gnas zhes bya ba ni chen po la rigs te/ dus ma yin par slong dgos pas sems gcig tu mi gnas pa dang / 'gro dgos pa ni skyon gsum pa dang / drang ba dang dro ba 'joms pa dang / lus bde bar byed pa ni skyon bzhi pa dang / khang pa'i nang du zhugs nas sdig pa byed par nus pa dang / ngo tsha ba bzlog pa ni skyon lnga pa dang / bdag gi yin no zhes bsrung ba ni skyon drug pa dang / khyim pa yod ces pa gnyis pabar skyon bdun pa dang / shig dang / 'dre shig khyi shig la sogs pa'i srog chags du ma gnas par 'gyur ba ni skyon brgyad pa'o// 'di rnams kyi skyon brgyad po rnams mthong nas sems dpa' chen pos lo ma'i khang pa spangs so/ / de'i phyir gsungs pa/ skyon brgyad dang ni ldan pa yi// lo ma'i khang pa spangs zhes pa// shing gi drung du gnas gyur na// yon tan bcu dang ldan pa yin/ / sib pa'i gnas rnams spangs pa dang // yon tan bcu dang ldan pa yi// shing gi drung du gnas pa'o// zhes brjod pa ni/ de la yon tan 'dru po 'di bsag mi dgom pa mam tan gcig dang / nyal bar gnas pa tsam gyis bsrung mi dgos par rnyed pa ni gnyis pa dang / daMr byi dor byed pa med par longs spyod pa dang / bde bar gnas pa dang / spong ba med pan
- 17a
gsum pa dang / ngo tsha ba na yib pa med cing der sdig pa byed pa med la sbed pa med pa ni bzhi pa dang / bla gab med pa'i gnas bzhin du lus rtag tu sdong ba med pa dang / yongs su 'dzin par mi 'dod pa ni drug pa dang / khyim gyi 'dod pa spangs pa ni bdun pa dang / mang po dgos pa'i 'dzin pa med pa dang / yongs su bsrung ba med pa dang / 'gro ba na 'dod pa med pa ni brgyad pa dang / sdod pa na dga' ba dang bcas pa med pa ni dgu pa dang / shing drung gi gnas ni song zhing song ba na rnyed sla ba dang / ltos pa med pa ni bcu pa'o// yon tan bcu po 'di mthong ste shing gi 'gram du gnas zhes brjod pa dang / 'di lta bu de rnams ni byed par bsams pa'o// sems dpa' chen po sang gi nyi ma la bsod snyoms la gshegs pas de ma thag tu grong du sleslob ste mi rnams spro ba chen po skyes nas bsod snyoms byin no/ / de'i gdugs tshod thon nas gnas su byon te sleb cing bzhugs nas bsams pa/ bdag gis bsod snyoms thob pa'i phyir rab tu byung ba ni ma yin no/ / zas zhim pa zhes bya ba 'dis nga rgyal gyi rgyags pa dang / skyes bu 'dod pa'i rgyugs pa 'phel ba dang / bza' ba'i gzhi la brten nas sdug bsngal mtha' med do// bdag gogis slar yang btab pa dang bskrun pa las skyes pa'i 'bru'i bza' ba spangs nas/ 'bras bu mchog gi bza' ba la brten par bya'o// des de nas de blangs te/ de ltar byas nas lus sdug bsngal
- 17b
du'abad pa byas pa dang / zhag bdun gyi nang du snyoms par 'jug pa brgyad po rnams dang / mngon par shes pa lnga skyes te/ de'i phyir gsungs pa/ btab dang bskrun pa'i 'bru rnams ni// lhag ma med par spangs pa dang / / yon tan du ma dang ldan pa'i// 'bras bu sogs la 'jug pa'o// der ni dka' thub kyis gnas dang // sdod dang 'chag pa'i gnas rnams su// zhag bdun gyi ni/ nang nyid du// mngon par shes pa'i stobs thob bo// de ltar mngon par shes pa thob nas/ blo gros bzang po dka' thub pas bde ba'i snyoms par 'jug pa la gnas so// de'i tshe mar me mdzad ces bya ba'i ston pa 'jig rten du byon par gyur to/ / de mngal du zhugs nas bltam pa dang / byang chub pa dang / chos kyi 'khor lo bskor ba na/ 'jig rten gyi khams stong phrag bcu po thams cad g.yos so/ / rab tu g.yos so// sgra sgrogs so// sgra cher sgrogs so// sngon gyi mtshan mar gyur pa sum cu rtsa gnyis dang / blo gros bzang po dka' thub pas snyoms par 'jug pa'i bde ba la gnas pas de rnams kyi sgra ma thos pa dang / de rnams kyi sngun gyi mtshan ma ma mthong ngo // de'i phyir gsungs pa/ stan gcig la ni brten nas su// bdag gis de ltar grub pa thob/ / rgyal ba mar me mdzad ces pa// 'jig rten 'dren pa byon par gyur// mngal du zhugs nas skyes gyur pa// sangs rgyas nas ni chos bstan pa// mtshan ma bzhi po mthong ma
- 18a
gyur/ bsam gtan bde bas ma thos so// de'i tshe stobs bcu ldan pa'i mar me mdzad zag pa zad pa 'bum phrag bzhi'i 'khor dang bcas pa go rims bzhin du sems can la phan pa'i phyir 'chag cing dga' ba can zhes bya ba'i grong khyer du byon te/ blta na sdug ces bya ba'i gtsug lag khang chen por zhugs so// dga' ba can b ya ba'i grong khyer na gnas pa'i mar me mdzad dge sbyong gi dbang phyug de nyid yang dag par rdzogs pa'i byang chub kyi mchog thob nas mchog gi chos kyi 'khor lo bskor ro/ / de ltar rims kyis sems can la phan pa'i don du 'chag cing dga' ba can gyi grong khyer du byon te/ blta na sdug gi gtsug lag khang chen por bzhugs pa de de na gnas pa rnams kyis thos nas mar gsar dang / zhun mar la sogs pa dang / sman dang / gos dang / mal cha la sogs pa dang / dri'i 'phreng ba la sogs pa lag tu thogs te/ gang gis sangs rgyas dang / gang gis chos dang gang gis dge 'dun dang / de rnams la 'dud cing de la dga' ba dang / de la shin tu gus pa dang bcas pas ston pa'i drung du song ste/ phyag byas nas dri la sogs pa'i mchod pa bya ste/ phyogs gcig tu 'khod cing chos bstan pa mnyan nas sang mgron du gnyer te rang gi sa nas song ngo // de rnams byas nas sang sbyin pa chen po sta gon bya ste grong khyer brgyan/ stobs bcu pa
- 18b
byon pa'i lam brgyan te chu yis sa gzhi mi mnyam pa'i gnas rnams su sa thugs nas sa gzhi mnyam par byas so/ / dngul gyi mdog lta bu'i bye mas spras so// me tog gi 'phreng ba nyid dang / me tog sil ma dgram par byas so// kha dog sna tshogs pa'i gos kyis rgyal mtshan dang / ba dan la sogs pa bsgreng bar byas so// chu shing gi shing dang bum pa gang ba rnams bsgrigs nas bzhag par byas so/ / de'i tshe blo gros bzang po dka' thub pas rang gi gnas nas steng du 'phags te/ mi de rnams kyis steng gi cha'i mkha' la 'gro ba de la mi rnams dga' zhing tshim pas mthong ste/ nam mkha' nas sa la phyogs gcig tu 'khod pa la mi rnams kyis dris so// bsod nams dang ldan pa rnams lam 'di rnams su zhig gis brgyan par byas// dede'i phyir gsungs pa/ yul dang phyogs kyi mthar gnas pa'i// de bzhin gshegs pa mgron du gnyer// de nyid byin nas lam 'di ni// sems ni dga' bas lam phyogs gcig bdag ni de tshe de yi dus/ / rang gi gnas ni byed pa dang // shing shun gos ni rlung gis g.yo// de tshe bdag ni mkha' la 'gro// dga' dang tshim dang bde ba yis// skye bo lam 'phyag byed ba mthong / / nam mkha' las ni byon nas su// de ma thag par mi la dris// dga' dang tshim la bde ba yi// mkhas shing rig pa'i skye bo che// lam ni sdom par byed pa na// su zhig
- 19a
phyir du lam 'di 'chos/ / mi rnams kyis smras pa/ btsun pa dka' thub pa blo gros bzang po nyid kyis mi mkhyen nam/ stobs bcu dang ldan pa'i mar me mdzad kyis yang dag par rdzogs pa'i sangs rgyas thob nas/ chos kyi 'khor lo bskor ro// sems can rnams la phan pa'i don du 'chag cing / bdag cag gi grong khyer du byon nas blta na sdug gi gtsug lag khang chen por bzhugs la bdag cag gis bcom ldan 'das de mgron du gnyer to/ / de'i phyir sangs rgyas bcom ldan 'das de byon pa'i lam brgyan par bya'o// dka' thub pa blo/ gros bzang pos bsams pa/ sangs rgyas zhes bya ba'i sgra tsam yang 'jig rten du rnyed par dka' 'o// de ltar sangs rgyas byon pa la bdag mi 'di rnams dang bcas pas stobs bcu pa'i lam brgyan par byed par rigs so/ / des mi rnams la gsungs pa/ gal te khyed rnams kyis lam 'di rnams sangs rgyas kyi ched du brgyan par gyis shig/ bdag la yang gnas gcig sbyin par gyis shig/ bdag gis kyang khyed rnams dang 'grogs nas lam brgyan par bya'o// de rnams kyis legs so zhes bsams nas/ dka' thub pa blo gros bzang po rdzu 'phrul dang ldan par shes nas chu yis gnod par byas pa'i gnas phan tshun du bsams nas/ de la gnas brgyan par gyis shig ces byin no// blo gres bzang po sangs rgyas la dga'
- 19b
nas bsams so/ / bdag gis gnas 'dir rdzu 'phrul gyis brgyan par nus so// ji ltar brgyan par byas kyang bdag gi yid tshim pa med do// bdag gis de ring lus rngub par byas so// sa rnams blangs nas gnas der thug go// de de yi phyogs de brgyan pa ma grub par stobs bcu ldan pa'i mar me mdzad thub pa chen po dang / mngon par shes pa drug dang ldan pa/ zag pa zad pa 'bum phrag bzhi'i 'khor dang bcas pa rnams la lha rnams kyis lha'i dri bzang dang / me tog gi 'phreng ba la sogs pas mchod par byed cing / lha'i glu dbyangs dang bcas pa sgrogs so/ / mi rnams kyis mi'i dri bzang dang / me tog gi 'phreng ba la sogs pas mchod par byed cing / mtha' yas pa'i sangs rgyas kyi rol pa'i rim no shi la'i steng du seng ge sgra sgrogs pa bzhin du/ de'i lam brgyan par byas nas lam du byon/ blo gros bzang po dka' thub pas mig gis bltas nas lam brgyan pa la stobs bcu pa byon no// skyes bu chen po'i mtshan bzang po sum cu rtsa gnyis kyis brgyan pa/ dpe byad bzang po brgyad cus nye bar gsal ba/ 'od 'dom gang gis yongs su bskor ba dang / nor bu'i kha dog lta bu nam mkha'i mthil la sna tshogs pa'i rnam pa glog gi 'od lta bu dus dang / dus ma yin par 'byung ba nyid zung dang zung du gyur pa dang / kha dog drug dang ldan pa'i tshogs sangs rgyas kyi 'od zer 'phro zhing / gzugs mchog
- 20a
thob pa'i bdag nyid bltas nas de ring bdag gis stobs bcu pa la srog yongs su gtong bar rigs so/ / bcom ldan 'das 'dzem pa'i steng du 'gro bar mi rigs so// nor bu'i spang leb kyi zam pa la zhabs gnon cing gshegs pa lta bur zag pa zad pa 'bum phrag bzhi dang lhan cig bdag gi rgyab gnon cing gshegs su gsol/ de ni bdag la yun ring bor phan pa dang bde bar 'gyur ro/ / skra bkrol te gzig gi pags pa dang / shing shun gyi gos dang / 'jim pa nag po'i steng nor bu'i spang leb kyi zam pa lta bu'i 'jim pa'i steng du nyal lo/ / de'i phyir gsungs pa/ bdag gis de la dri lung bstan// 'jig rten 'das pa'i sangs rgyas ni// rgyal ba mar me mdzad ces pa// 'jig rten 'dren pa byon pa yi// mi mnyam lam ni 'chos pa dang / / de yi lam ni byi dor byed// sangs rgyas zhes pa bdag gis thos// de ma thag tu dga' ba skyes// sangs rgyas sangs rgyas zhes brjod pa// yid bde dga' ba skyes par gyur/ / tshim zhing dga' ba skyes pa'i sems// de ru 'khor te rnam par bsam// 'dir ni sa bon bskrun byas nas// de ma thag tu bdag la skye// gal te sangs rgyas ched byi dor/ / ma bcos gnas gcig bdag la byin// bdag kyang byi dor byed pa yin// mi mnyam pa ni 'chos pa'o// de tshe lam ni byi dor bya// bdag la mi bcos gnas gcig byin//
- 20b
sangs rgyas sangs rgyas zhes bsam zhing // de tshe bdag ni lam 'di 'chos// bdag gi gnas ni ma grub par// thub pa chen po mar me mdzad// mngon shes drug po mtshungs ldan par/ 'bum phrag bzhi po rnams la ni// dri ma med cing zag pa zad// rgyal ba lam du byon par gyur// bsu ba byed pa po rnams ni// rol mo rnams ni dkrol ba dang // lha dang mi rnams yi/ rang byed// legs so zhes pa'i tshig byin no// lha yis mi rnams mthong ba dang // mi rnams kyis kyang lha rnams mthong // de gnyis kyi ni thal mo sbyor// de bzhin gshegs dang / thabs cig 'gro// lha dang lha yi rol mo dang // mi dang mi yi rol mo dang // gnyis ka yang ni rol mo dkrol// de bzhin gshegs dang thabs cig 'gro// lha mi me tog man+da ra// / pad+ma pa ri tshad tra ka/ phyogs dang mtshams su me tog 'thor// lha rnams mkha' la gnas nas so// tsam pa kaM shA la laM ni baM/ nA gA pun+d+ha gA ke ta kaM/ steng gi phyogs dang mtshams su 'thor/ / sa steng 'gro ba mi rnams so// der ni bdag gi skra bkrol nas// shing shun chos gos gzig lpags ni// 'jim pa'i steng du bting nas ni// kha bub tu ni bdag gis nyal// 'jim pa'i steng nas mi gshegs par// bdag ni gnon cing sangs rgyas rnams// slob ma 'khor bcas gshegs su gsol// bdag la phan par 'gyur ba yin// de 'jim pa'i
- 21a
steng du nyal nas slar yang mig gis blta zhing stobs bcu dang ldan pa'i mar me mdzad sangs rgyas kyi 'byor pa yang dag par bltas nas de ltar bsams so/ / gal/ te bdag gi nyon mongs pa thams cad gzhom par 'dod pa dang / dge 'dun rnams kyi gzhon nur 'gyur bar bya ba dang / dga' ba can gyi grong khyer du 'jug par 'dod do// gzhan gyi cha lugs kyis kyang nyon mongs pa 'di gzhom par byas nas mya ngan las 'das pa thob pa la don med do/ / stobs bcu dang ldan pa'i mar me mdzad bdag gis ji lta ba bzhin du bya'o// mchog gi byang chub thob nas skye bo mang po 'khor ba'i rgya mtsho la grur zhugs nas pha rol tu bsgral bar byas nas/ phyis mya ngan las 'das pa thob par bya ba 'di ni bdag gis rigs pa'o/ / de nas chos brgyad po gcig tu bsdu ste sangs rgyas 'dod par smon pas sems la lta zhing nyal lo// de'i phyir gsungs pa/ sa gzhi la ni nyal nas ni// bdag gis de ltar bsams pa na/ / bdag ni de ring 'dod pa yi// bdag gi nyon mongs gzhom pa'o// bdag ni cha lugs gzhan gyis kyang // 'dir ni chos 'di mngon du bya// thams cad mkhyen pa thob gyur nas/ / lha dang bcas pa sangs rgyas 'gyur// bdag nyid gcig pu grol nas ci// skyes bu mthu ldan mthong ba dang // thams cad mkhyen pa thob gyur nas// lha dang mi rnam
- 21b
yang dag bsgral/ / bdag gi 'di yi gzhi yis ni// mthu dang ldan pa mthong ba dang // thams cad mkhyen pa thob nas ni// skye bo mang po bdag gis bsgral// 'khor ba'i mdud pa bcad nas ni/ / srid gsum po ni zad byas la// chos kyi gru yi nang zhugs nas// lha dang mi rnams yang dag bsgral// gang zhig slar yang sangs rgyas don du gnyer ba'i phyir ro// mi yi lus ni mtshan mar ldan/ / ston pa'i lta ba'i rgyu dang ni// rab byung yon tan ldan pa dang // rigs pa dang ni 'dun pa dang // chos brgyad po ni bsdus nas su// smon lam mngon par 'phel ba'o// mi yi lus la gnas shing sangs rgyas nyid don du gnyer ba phun sum tshogs pa 'grub bo/ / klu 'am/ nam mkha' lding ngam/ lha rnams kyis de don du gnyer yang mi 'grub bo// mi yi lus su gyur cing skyes bu'i mtshan gnas pas ni de don du gnyer ba 'grub bo/ / bud med dam/ za ma 'am/ ma ning ngam/ mtshan gnyi pas ni 'grub pa ma yin no// skyes bur gyur nas de'i lus su 'dod pa dang dgra bcom pa thob par bya ba'i phyir du yongs su rdzogs par 'grub bo/ / gzhan gyis ni ma yin no// rgyu dang ldan zhing gal te 'tsho ba dang ldan pa'i sangs rgyas kyi drung du don du gnyer na don 'grub bo// sangs rgyas yongs su mya ngan las 'das nas mchod rten gyi drung du 'am/ byang chub shing gi drung du don du gnyer bas ni mi 'grub bo// sangs rgyas kyi drung du don du gnyer kyang rab tu byung ba'i mtshan ma dang ldan
- 22a
pas 'grub kyi/ khyim pa'i mtshan ma dang ldan pas ni ma yin no// rab tu byung yang mngon par shes pa lnga dang / snyoms par 'jug pa brgyad thob pas 'dod pa 'grub kyi yon tan 'di rnams dang bral bas ni ma yin no/ / yon tan dang ldan yang gang zhig 'tsho ba dang ldan pa'i lus sangs rgyas la yongs su btang na 'grub kyi/ gzhan du ni ma yin no// de yi gzhi 'dis gzhi yongs su rdzogs nas 'grub bo/ / gzhan gyis ni ma yin no// gzhi dang ldan yang gang zhig sangs rgyas kyi chos kyi phyir du 'dun pa chen po dang / spro ba chen po dang / rtsol ba chen po dang / yongs su 'bad pa rnams kyis 'grub bo/ / gzhan gyis ni ma yin no// de la 'dir 'dun pa chen po'i dpe ni/ gal te 'di ltar gang zhig 'jig rten thams cad kyi khor yug gi nang chu yis gang bar gyur pa la bdag gis lag pas rkyal te pha rol du 'gro bar nus na des sangs rgyas thob par 'gyur ro/ / yang na gang du gang zhig slar yang thams cad kyi khor yug gi nang du 'od ma mang pos bkang ste/ rkang pas nyed cing rdul du byed pas pha rol du 'gro bar nus na de yis sangs rgyas thob par nus so/ / yang na gang zhig slar yang thams cad kyi khor yug gi nang du mtshon cha rnams la gyen la bstan pa'i mtshon rtse mo bar med pas yongs su gang ba la/ rkang pas brdzi zhing pha rol du 'gro bar nus na des sangs rgyas thob par 'gyur ro// yang na gang zhig gis slar yang 'jig rten khor yug gi nang du sol ba'abar
- 22b
bas yongs su gang bar byas nas/ rkang pas brdzi zhing pha rol du 'gro bar nus na de yis sangs rgyas thob par 'gyur ro// gang zhig de rnams las gang zhig la sdug bsngal bar mi sems par bdag gis 'di rnams kyang pha rol tu bsgral ba'am/ 'gro ba 'am/ pha rol tu 'gro bar bya'o zhes shes so// de de ltar 'dun pa chen po dang / spro ba dang / rtsol ba dang / 'bad pa rnams dang yang dag par ldan na de yi don du gnyer ba 'grub bo/ / gzhan gyis ni ma yin no// blo gros bzang po dka' thub pa slar yang chos brgyad po 'di rnams bsdus nas sangs rgyas 'dod pa'i smon lam btab nas nyal lo// bcom ldan 'das mar me mdzad kyis kyang byon nas blo gros bzang po dka' thub pa'i mgo'i gam du bzhugs te/ nor bu seng ge'i khang pa'i gzeb kyi sgor bton pa bzhin du kha dog lnga pa rab tu dngas pa dang ldan pa'i spyan gyis gzigs nas 'jim pa'i steng na nyal ba'i blo gros bzang po dka' thub pa gzigs so/ / dka' thub pa 'di sangs rgyas thob pa'i phyir du smon lam 'debs shing nyal lo// 'di yi don du gnyer ba 'grub bam mi 'grub snyam du dgongs nas ma 'ongs pa'i ye shes kyis rtog cing dpyod do/ / 'di nas bskal pa grangs med pa bzhi dang / 'bum phrag gcig lhag 'das nas go'u ta ma zhes bya pa'i sangs rgyas su 'gyur zhes rtogs nas 'khor gyi nang du lung ston pas bka' stsal pa/ mchog gi dka' thub pa 'di 'jim pa'i steng na nyal ba khyed rnams kyis mthong ngam/ gsol pa/ btsun pa de
- 23a
bzhin du mthong ngo / / bka' stsal pa/ 'dis sangs rgyas thob par bsams nas nyal to// gsol pa/ 'di'i don du gnyer ba 'grub par 'gyur lags sam/ bka' stsal pa 'di nas bskal pa grangs med pa bzhi dang / 'bum phrag gcig lhag 'das nas go'u ta ma zhes bya ba'i sangs rgyas su 'gyur ro// de la slar yang 'di grong khyer ser skya'i gnas su 'khrungs par 'gyur ro// lha mo sgyu 'phrul ma chen mo zhes bya ba ni yum mo// rgyal po zas gtsang ma zhes bya ba ni yab bo// nyan thos kyi mchog ni gnas brtan nye rgyal dang / nyan thos gnyis pa ni gnas brtan pang nas skyes so// sangs rgyas kyi nye gnas ni kun dga' bo zhes bya ba'o// nyan thos ma'i mchog ni gnas brtan ma dge ma zhes pa dang / nyan thos ma gnyis pa ni gnas brtan ma ut+pa la'i mdog can zhes bya bar 'gyur/ ro// ye shes yongs su smin par gyur te/ nges par 'byung ba chen po byas nas dka' thub chen po rdzogs par bya te n+ya gro d+ha'i shing drung ngu'o thug blangs nas chu klung ne ra dza ra'i 'gram du gsol lo// byang chub kyi snying por gshegs te/ a shwad+d+ha'i shing drung du mngon par rdzogs par 'tshang rgya bar 'gyur ro// de'i phyir gsungs pa/ mar me mdzad pa 'jig rten mkhyen// sems can phan phyir 'jig rten byung // bdag gi mgo bo'i gam 'dug ste// 'di lta bu yi tshig gsungs so// dka' thub pa 'di ltos shig dang // dka' ba mchog gi ral pa 'dzin// 'di ni bskal pa mang 'das nas// 'jig rten du ni
- 23b
sangs rgyas 'gyur/ / ser skya dga' ba'i grong du 'khrungs// de bzhin gshegs pa nges par byung // dka' thub gnas su gnas nas ni// shin tu dka' ba'i dka' thub spyad// a tsa pa la'i shing drung du/ / de bzhin gshegs pa bzhugs nas su// der ni 'o thug blangs nas ni// nai ra dza ra'i 'gram gnas nas// ne ra dza ra'i 'gram du ni// 'o thug rgyal bas longs spyod do// lam gyi mchog gi ched du ni/ / byang chub gzhir ni byon 'gyur ro// bla med byang chub snying po la// de nas bskor ba byas nas ni// a shwad+d+ha yi drung du ni// grags chen zhes pa sangs rgyas 'gyur// 'di yi skye ba'i yum gyur pa/ / sgyu ma zhes par 'gyur ba yin// yab ni zas gtsang zhes bya'o// 'di ni go'u ta ma zhes par 'gyur// zag pa zad cing 'dod chags bral// zhi ba'i sems dang mtshungs par ldan// pang nas skyes dang nye rgyal ni// nyan thos rnams kyi mchog yin no// zhe gnas kun dga' bo zhes pas// rgyal ba de la zhabs tog byed// dag ma dang ni ut+pal mdog/ nyan thos ma yi mchog yin no/ / zag pa med cing 'dod chags bral// zhi ba'i sems dang mtshungs par ldan// de yi bcom ldan byang chub shing // a shwa d+tha zhes brjod pa'o// de thos nas blo gros bzang po dka' thub pa bdag gis don du gnyer ba 'grub par 'gyur bas yid bde ba thob par gyur to/ / skye bo mang pos stobs bcu dang ldan pa'i mar me mdzad kyi gsung thos nas/ blo gros bzang po dka' thub pa sangs
- 24a
rgyas kyi sa bon gyi myu gur gyur pas dga' ba dang bde ba skyes so/ / de lta bur gyur pa'i sems kyis/ ji ltar skyes bu chu klung gi pha rol du 'gro ba na mu 'gram drang po nas pha rol du 'gro bar mi nus na 'og gi cha'i mu gnas nas pha rol tu 'gro'o/ / de ltar 'di ltar bdag gis stobs bcu dang ldan pa'i mar me mdzad kyi bstan pa la lam gyi 'bras bu ma thob par gyur na gang gi tshe khyod ma 'ongs pa na sangs rgyas par 'gyur ro zhes so/ / de'i tshe khyod kyis mngon sum du lam 'bras bu mngon du byed pa bdag gis nus so// don du gnyer bar byas nas stobs bcu dang ldan pa'i mar me mdzad kyis kyang byang chub sems dpa'i bsngags pa brjod cing me tog snyim pa brgyad kyis gtor nas bskor ba byas te gshegs so/ / 'bum phrag bzhi po zag pa zad pa de rnams kyis kyang byang chub sems dpa' la dri bzang dang / me tog gis mchod nas bskor ba byas te gshe so// lha dang ma rnams kyis kyang de bzhin du mchod nas phyag btsal te song ngo // byang chub sems dpas thams cad song ba'i dus su nyal ba'i gnas nas langs te pha rol tu phyin pa bsams pa'i phyir me tog gi phung po'i steng du skyil krung bcas nas 'dug go/ de ltar byang chub sems dpa' bzhugs nas 'jig rten gyi khams stong phrag bcu'i khor yug gi lha rnam kyis leg so zhes bya ba byin no/ / 'phags pa blo gros bzang po dkar thub pa sngar gyi byang chub sems dpa' rnams kyis kyang skyil krung bcas te/ pha rol tu phyin pa sems shing sngon gyi dus
- 24b
na bzhugs bzhin du sdug bsngal gyi mtshan ma mthong nas/ de rnams kyi mtshan ma rnams kyang di ring skyes par gyur to// the tshom med par khyod sangs rgyas su 'gyur ro zhes bdag gis de rnams shes so// gang gis 'di rnams kyi mtshan ma mthong bar gyur pas de nges par sangs rgyas su 'gyur ro/ / de la khyod bdag nyid brtson 'grus brtan po mchog bzung nas/ byang chub sems dpa' rnams la sna tshogs pa'i bstod pa byas so/ / de'i phyir gsungs pa/ 'di yi tshig ni thos nas ni// mtshungs med drang srong chen po la// lha dang mi rnams rjes yi rang // sangs rgyas sa bon myu gu 'di// sgra ni chen po sgrogs byed cing / / gsal bar bzhad par byed pa dang // thal mo sbyar nas phyag byed pa// stong phrag bcu yi lha dang bcas// bstan pa 'di la 'bras ma thob// gal te 'jig rten mgon po 'di// ma 'ongs pa rnams 'das gyur nas// 'di ni sngon du 'gyur ba'o// ji ltar chu klung pha rol mi// 'gro ba po yi mu gnas la// 'og gi mu nas bzung nas ni// chu klung chen po'i pha rol 'gro// de ltar 'di ltar bdag gis ni/ / rgyal ba 'di ni gal te na// ma 'ongs pa ni mang song nas// 'di ni mngon sum gyur pa yin// mar me mdzad ni 'jig rten mkhyen// 'di ltar 'gyur zhes gsungs pa yin// / bdag gis las rnams bsal byas nas// rkang pa g.yas pa bteg byas so// gang zhig de la rgyal sras ni// bdag la kun gyis bskor ba byas// mi dang klu dang dri za rnams// phyag byas nas ni
- 25a
gshegs par gyur/ / dge 'dun bcas pa 'jig rten 'dren// bdag gis gshegs pa mthong ba na// dga' zhing tshim pa'i sems kyis ni// de tshe bdag gis stan las langs/ / bdag ni bde zhing bde bar 'gyur// dga' zhing dga' bar gyur pa ste// dga' dang ldan par skye ba dang // de yi tshe na skyil krung bcas// skyil krung la ni gnas nas su// de la bdag gis 'di/ ltar bsams// bdag gi bsam gtan dbang du gyur// ye shes kyi ni pha rol phyin// stong phrag gi ni 'jig rten na// nga dang mtshungs pa'i drang srong med// rdzu 'phrul chos ni bdag mi mtshungs// 'di 'dra ci bde gzhan ma thob/ / bdag gis skyil krung bcas na bdag/ stong phrag bcu lhag gnas nas su// sgra chen po ni sgrogs par byed// nges par khyod ni sangs rgyas 'gyur// gang zhig byang chub sa sngon ma rnams// skyil krung du ni bzhugs nas su// mtshan ma rnams ni mthong ba ni// de rnams de ring mthong ba yin// grang ba rnams ni med par gyur// dro ba rnams ni nye bar zhi// de rnams de ring so sor mthong // nges par khyod ni sangs rgyas 'gyur/ / stong phrag bcu yi 'jig rten khams// phan tshun du ni 'jigs med gyur// de rnams de ring so sor mthong // nges par khyod ni sangs rgyas 'gyur// rlung chen po ni mi ldang zhing // chu rnams rgyun las log pa dang // de rnams de ring so sor mthong // nges par khyod ni sangs rgyas 'gyur// zang skyes chu skyes me tog rnams// thams cad du ni me tog byed// de rnams de ring me tog
- 25b
byas/ / nges par khyod ni sangs rgyas 'gyur// 'khri shing yang na shing gyur pa// de ma thag tu 'bras bur gyur// de rnams de kun 'bras gyur pas// nges par khyod ni sangs rgyas 'gyur// nam// mkha' dang ni sa gzhi la// rin chen de dag 'od 'gyed do// de rnams de ring 'od 'gyed pas// nges par khyod ni sangs rgyas 'gro// lha rnams dang ni mi rnams ni// de dag rol mo'i sgra sgrogs so// / de rnams de ring sgra 'byin pas// khyod ni nges par sangs rgyas 'gyur// me tog sna tshogs pa yi tshogs// de ma thag tu char pa 'bebs// de rnams de ring char 'bebs pas// nges par khyod ni sangs rgyas 'gyur/ / rgya mtsho chen po mi g.yo zhing // 'jig rten stong phrag bcu po g.yo// de rnams de ring gyur pas na// nges par khyod ni sangs rgyas 'gyur// stong phrag bcu yi dmyal ba rnams// de ma thag tu bsreg dang bral/ / de rnams de ring zhi bas na// nges par khyod ni sangs rgyas 'gyur// nyi ma dri ma med pa dang // rgyu skar thams cad mthong ba dang // de rnams de ring mthong bas na// nges par khyod ni sangs rgyas 'gyur/ / char pa 'bab par ma gyur kyang // sa ni snum bag bcas pa dang // de rnams de ring sa la gyur// nges par khyod ni sangs rgyas 'gyur// rgyu skar tshogs ni rnam par gsal// nam mkha'i dbyings su rgyu skar rnams/ / zla ba dang ni 'grogs pa bzhin// nges par khyod ni sangs rgyas 'gyur// sa khung ri khung srog chags rnams// sems gcig pas ni pha rol mthong // de ring de rnams
- 26a
sems dga' bas/ / nges par khyod ni sangs rgyas 'gyur// sems can rnams ni mi dga' med// de ma thag tu dga' bar 'gyur// de ring de rnams dga' bas na// nges par khyod ni sangs rgyas 'gyur/ / de tshe nad rnams nye bar zhi// 'dod pa'i nad ni med pa'o// de ring de rnams mthong bas na// nges par khyod ni sangs rgyas 'gyur// de tshe chags pa bsrabs pa dang // skyon dang rmongs pa rnam par zhig/ de ring de kun dor bas na// nges par khyod ni sangs rgyas 'gyur// de yi tshe na 'jigs pa med// de ring de rnams mthong bas na// bdag gi rtags te kun gyis shes// nges par khyod ni sangs rgyas 'gyur/ / steng 'og rdul ni go bzlog 'gro// de ring yang ni de rnams mthong // bdag gi rtags te kun gyis shes// nges par khyod ni sangs rgyas 'gyur// dri rnams ngan pa song ba dang // lha yi dri ni/ 'ong ba dang // de ring de rnams ji ldang bas// nges par khyod ni sangs rgyas 'gyur// lha rnams thams cad mthong ba dang // gzugs med pa rnams spangs pa ni// de ring de kun mthong bas na// nges par khyod ni sangs rgyas 'gyur/ / dmyal ba rnams ni ji srid pa// de yi tshe na thams cad mthong // de rnams de ring kun mthong bas// nges par khyod ni sangs rgyas 'gyur// sgo chung dang ni ri yi rnams// de yi tshe/ ni mi mthong med// de ring nam mkha' bzhin du mthong // nges par khyod ni sangs rgyas 'gyur// rum du gnas dang 'thon pa na// skad cig tsam gyis ma yin no// de ring de rnams so sor mthong //
- 26b
nges par khyod ni sangs rgyas 'gyur// brtson 'grus brtan par byas nas ni// nges par 'byung ba ldog mi bya// bdag gis 'di rnams legs shes pas// nges par khyod ni sangs rgyas 'gyur// byang chub sems dpas stobs bcu dang ldan pa'i mar me mdzad dang / stong phrag bcu'i khor yug gi lha rnams kyi gsung thos nas/ yid bde ba cher skyes te bdag nyid spro bar gyur nas bsams pa/ sangs rgyas rnams kyi don yod pa'i gsung zhes bya ba ni/ sangs rgyas rnams kyi gsung las gzhan du mi 'gyur ba yin no// ji ltar nam mkha' la rdo 'phangs nas lhung bar 'gyur ba dang / skyes nas 'chi bar 'gyur ba dang / skya rengs shar na nyi ma 'char bar 'gyur ba dang / gnas nas seng ge langs na sgra phyung ste 'gro ba dang / sbrum ma yongs smin nas skye bar 'gyur bar nges so// nges par de bzhin du 'di ltar sangs rgyas rnams kyi gsung ni nges shing don yod par 'dod do/ / nges par bdag ni sangs rgyas su 'gyur ro// de'i phyir gsungs pa/ sangs rgyas kyi ni gsung thos nas// stong phrag bcu dang gnyis ka yi// tshim zhing dgyes la rab tu dga'/ / bdag gi de tshe 'di ltar bsams// gnyis ni mi gsung sangs rgyas ni// rgyal ba don yod pa yi gsungs// sangs rgyas rnams ni gzhan mi gsung // bdag ni nges par sangs rgyas 'gyur/ / ji ltar mkha' la rdo 'phangs pa// nges par sa la ldang bar 'gyur// de bzhin du ni sangs rgyas kyi// gsung ni nges par 'gyur ba bzhin// ji ltar sems can thams cad ni// nges par 'chi bar 'gyur
- 27a
pa'o/ / de bzhin du ni sangs rgyas kyi// gsung ni nges par 'gyur ba bzhin// ji ltar nam ni zad pa na// nges par nyi ma 'char bar 'gyur// de bzhin du ni sangs rgyas kyi// gsung ni nges par 'gyur ba bzhin/ / ji ltar seng ge'i gnas nas ni// seng ge'i sgra ni nges pa'o// de bzhin du ni sangs rgyas kyi// gsung ni nges par 'gyur pa bzhin// ji ltar sbrum ma smin gyur na// mngal nas// nges par skye bar 'gyur// de bzhin du ni sangs rgyas kyi// gsung ni nges par 'gyur ba bzhin// legs so bdag ni sangs rgyas su 'gyur ro// de ltar nges par byas nas sangs rgyas su byed pa'i chos tshol bas sangs rgyas su 'gyur pa'i chos gang zhig na yod/ gal te steng na yod dam 'og na'am/ phyogs mtshams rnams na yod dam ci/ go rims bzhin du chos kyi dbyings thams cad la brtsams nas/ sngar gyi byang chub sems dpas kyang bsnyen pa dang nges par brten par bya ba'i dang por sbyin pa'i pha rol tu phyin pa gzigs so/ / de ltar bdag gis kyang bdag la gdams pa/ mkhas pa blo gros bzang po khyod kyis kyang 'di nas bzung nas sbyin pa'i pha rol tu phyin pa rdzogs par bya'o/ / ji ltar na chu yi bum pa kha phub na bum par chu rnams mi gnas par sa la bo ba nyid slar yang bum pa la mi gnas so// de ltar 'di ltar nor ram/ grags pa 'am/ bu dang / chung ma 'am/ yan lag dang nying lag rnams ltos pa med par slong ba rnams kyi don du thams cad gang dang gang 'dod pa la lhag ma med par byas nas sbyin
- 27b
te byang chub kyi shing drung du bzhugs nas sangs rgyas thob bo/ / dang por sbyin pa'i pha rol tu phyin pa brtan par byas nas gnas par bya'o// de'i phyir gsungs pa/ bdag gis sangs rgyas byed pa'i chos// gang dang de ru btsal byas pa/ / steng dang 'og dang phyogs bcu dang // chos kyi dbyings kyi bar du'o// de tshe btsal ba na ni mthong // dang por sbyin pa'i pha rol phyin// sngon gyi skyes bu chen po yi// lam ni pa rol rjes su 'gro/ / 'di ni re zhig khyod kyis kyang // brtan por byas nas gzung bar gyis// gal te byang chub thob 'dod na// sbyin pa'i pha rol phyin par gyis// ji ltar bum pa gang gyur pa// gang gang kha ni phub pa na/ / chu ni lhag ma med par 'pho// bum pa'i nang du mi gnas so// de bzhin du ni slong ba mthong // mchog dman 'bring po gang yin pa// ma lus par ni sbyin par bya// kha bu bum pa de bzhin no/ / gzhan yang sangs rgyas su byed pa'i chos 'di 'ba' zhig ma yin par blta bar bya'o// lhag par tshol ba na gnyis pa tshul khrims kyi pha rol tu phyin pa mthong nas 'di lta bu'i sems su gyur to/ / mkhas pa blo gros bzang po dka' thub pa khyod kyis 'di nas bzung nas tshul khrims kyi pha rol tu phyin pa rdzogs par bya'o// dper na gzhan yang rgod g.yag ces bya ba srog la mi lta bar rang gi mjug ma'i rnga ma nyid bsrung ba de bzhin du/ khyod kyis kyang 'di nas bzung nas srog la mi lta bar tshul khrims bsungs na khyod kyis sangs rgyas thob par 'gyur ro// gnyis pa tshul khrims kyi pha rol tu phyin pa brtan par
- 28a
byas te gnas par bya'o/ / de'i phyir gsungs pa/ 'di tsam 'ba' zhig ma yin gyi// gang zhig byang chub thob byed chos// gzhan la yang ni btsal bar bya// gang zhig chos ni thob byed pa/ / de yi tshe na tshol ba mthong // gnyis pa tshul khrims pha rol phyin// sngon gyi skyes bu chen po yi// bsnyen dang bsten par byas pas so// re zhig gnyis pa 'di yis ni// brtan por byas nas gzung bar bya/ gal te byang chub thob 'i dod na// tshul khrims pha rol phyin par gyis// ji ltar rgod g.yag rnga ma ni// gang dang gang gis gzung ba na// ltos pa med par srog 'a dor ro// rnga ma la dga' khro ba meng // de bzhin du ni sa gzhi ru/ / tshul khrims yongs su rdzogs pa dang // rtag tu tshul khrims kun srung byed// rgod g.yag rnga ma bsrung ba bzhin// gzhan yang sangs rgyas su byed pa'i chos 'di 'ba' zhig ma yin par blta bar bya'o/ / lhag par tshol ba na gsum pa nges 'byung gi pha rol tu phyin pa mthong nas 'di lta bu'i sems su gyur to// mkhas pa blo gros bzang po dka' thub pa khyod kyis 'di nas bzung nas nges par 'byung ba'i pha rol tu phyin pa yang rdzogs par bya'o/ / ji ltar btson rar yun ring por bcings nas bzhag pa'i mi de la 'dod par mi byed do// gzhan yang shin tu sdug bsngal ba'i sems de la de bzhin du gnas par 'dod pa med do/ / de ltar 'di ltar khyod kyis kyang skye ba thams cad du btson rar bcings pa bzhin byas nas/ skye ba thams cad du shin tu sdug bsngal ba'i sems kyis grol bar 'dod pa'i
- 28b
sems kyis nges par 'byung ba mngon sum du 'gyur ro/ / de ltar byas na sangs rgyas thob par 'gyur ro// nges par 'byung ba'i pha rol tu phyin pa la brtan par byas te gnas so// de'i phyir gsungs pa/ 'di tsam 'ba' zhig ma yin gyi/ / gang zhig byang chub thob byed chos// gzhan pa yang ni btsal bar bya// gang zhig chos ni thob byed pa// de yi tshe na tshol ba mthong // gsum pa nges 'byung pha rol phyin// sngon gyi skyes bu chen po yi// bsnyen dang bsten par byas pas so// re zhig gsum pa 'di yis ni// brtan por byas te gzung bar bya// gal te byang chub thob pa dong na// nges 'byung pha rol phyin bar gyis/ / ji ltar skyes bu btson rar bcings// yun ring gnas shing sdug bsngal ba// de la dga' bar mi byed par// myur du 'grol bar 'dod par sems// de bzhin khyod ni skye kun tu// btson ra bzhin du lta bar gyis// nges par 'byung ba sngon du ni// skye ba las ni grol bar 'gyur// gzhan yang sangs rgyas su byed pa'i chos 'di 'ba' zhig ma yin par blta bar bya'o// lhag par tshol ba na bzhi pa shes rab kyi pha rol tu phyin pa mthong nas 'di lta bu'i sems su gyur to/ / mkhas pa blo gros bzang po dka' thub pa khyod kyis 'di nas bzung nas shes rab kyi pha rol tu phyin pa yang rdzogs par bya'o/ / dman pa dang / 'bring po dang / chen po rnams su mi sems par de rnams kyi gnas su song ste mkhas pa rnams la dri bar bya'o// ji ltar na bsod snyoms la 'gro ba'i dge slong
- 29a
dman pa la sogs pa'i gnas su song ste/ rigs kyi dbye ba ma spangs par go rom bzhin du bsod snyoms la 'gro ba myur du rang gi bza' ba'i tshad thob par 'gyur ro// de bzhin du khyod kyis kyang mkhas pa thams cad kyi drung du song ste dri bar byas nas sangs rgyas thob bo/ / bzhi pa shes rab kyi pha rol tu phyin pa la bsten par byas te gnas par gyis shig/ de'i phyir gsungs pa/ 'di tsam 'ba' zhig ma yin gyi// gang zhig byang chub thob byed chos// gzhan pa yang ni btsal bar bya// gang zhig chos ni thob byed pa// de yi tshe na tshol ba mthong // bzhi pa shes rab pha rol phyin// sngon gyi skyes bu chen po yi/ / bsnyen dang bstan par byas pas so// re zhig bzhi pa 'di yis ni// brtan por bya ste gzung bar bya// gal te byang chub thob 'dod na// shes rab pha rol phyin par gyis// ji ltar dge slong bsod snyoms pa/ / dman dang 'bring dang chen po yi// rigs rnams pa pyod par mi byed par// de ltar bza' ba'i zas thob bo// de bzhin khyod kyis dus kun tu// skye bo mkhas la yongs su dris/ / shes rab pha rol phyin song bas// byang chub thob par 'gyur pa yin// gzhan yang sangs rgyas su byed pa'i chos ni 'di 'ba' zhig ma yin par blta bar bya'o// lhag par btsal na lnga pa brtson 'grus kyi pha rol tu phyin pa thob nas 'di lta bu'i sems su gyur to/ / mkhas pa blo gros bzang po dka' thub pa khyod kyis 'di nas bzung nas brtson 'grus kyi pha rol tu phyin pa yang rdzogs
- 29b
pabar bya'o/ / ji ltar ri dgas kyi rgyal po seng ge dus thams cad du brtson grus brtan po dang ldan pa de bzhin du khyod kyis kyang skye ba thams cad du brtson 'grus brtan par bya'o// zhum pa med pa'i brtson 'grus byas na sangs rgyas thob par 'gyur ro/ / lnga pa brtson 'grus kyi pha rol tu phyin pa brtan par byas nas gnas par gyis shig/ de'i phyir gsungs pa/ 'di tsam 'ba' zhig ma yin gyi// gang zhig byang chub thob byed chos/ / gzhan pa yang ni btsal bar bya// gang zhig chos ni thob byed pa// de yi tshe na tshol ba mthong // lnga pa brtson 'grus pha rol phyin// sngon gyi skyes bu chen po yi// bsnyen dang bsten par byas pas so// re zhig lnga po 'di yis ni// gal te byang chub mchog 'dod na// brtson 'grus pha rol phyin par gyis// brtan por byas te gzung bar bya// ji ltar ri dgas rgyal po ni/ sdod dang 'gro ba'i gnas rnams su// zhum pa med pa'i brtson 'grus kyis// yid ni rtag tu brtan pa yin// de bzhin khyod kyis dus kun tu// brtson 'grus brtan por gyis la zung // brtson 'grus pha rol phyin gyur nas/ / byang chub thob par 'gyur ba yin// gzhan yang sangs rgyas su byed pa'i chos 'di 'ba' zhig ma yin par blta bar bya'o// lhag par tshol ba na drug pa bzod pa'i pha rol tu phyin pa mthong nas 'di lta bu'i sems su gyur to/ / mkhas pa blo gros bzang po dka' thub pa khyod kyis 'di nas bzung nas bzod pa'i pha rol tu phyin pa yang rdzogs par bya'o// bzang po dang ngan
- 30a
par byas pa la bzod par bya'o/ / ji ltar sa yi steng du gtsang ba dang mi gtsang ba gos par byas na sa gzhi khro bar mi byed pa bzhin du bzod cing bsran pa dang lhag par gnas pa de bzhin du'o/ / de ltar 'di ltar khyod kyis kyang gnod pa dang phan par byas kyang bzod cing bsran par byas na sangs rgyas thob par 'gyur ro// drug pa bzod pa'i pha rol tu phyin pa brtan par byas nas gnas par gyis shig/ de'i phyir gsungs pa/ 'di tsam 'ba' zhig ma yin gyi// gang zhig byang chub thob 'dod chos// gzhan pa yang ni btsal bar bya// gang zhig chos ni thob byed pa// de yi tshe na tshol ba mthong // drug pa bzod pa'i pha rol phyin/ / sngon gyi skyes bu chen po yi// bsnyen dang bsten par byas pas so// re zhig drug pa 'di yis ni// de la zhe sdang ma byas na// yang dag byang chub thob par 'gyur// ji ltar yang ni sa gzhi la/ / gtsang dang mi gtsang byugs pa na// thams cad blugs kyang bzod par byed// skyug bro ba ni byed pa med// de bzhin khyod kyis thams cad la// phan dang gnod pa byed pa na// bzod pa'i pha rol phyin gyur nas/ / byang chub yang dag thob par 'gyur// gzhan yang sangs rgyas su byed pa'i chos 'di 'ba' zhig ma yin par blta bar bya'o// lhag par tshol ba bdun pa bden pa'i rol tu phyin pa mthong nas 'di lta bu'i sems su gyur to/ / mkhas pa blo gros bzang po dka' thub pa khyod kyis 'di nas bzung nas/ bden pa'i pha rol tu phyin pa yang rdzogs par bya'o// thog mgo la
- 30b
lhung bar gyur na yang nor la sogs pa'i phyir du 'dun pa la sogs pa'i dbang gis shes nas brdzun mi smra'o/ / ji ltar na tha skar la sogs pa'i rgyu skar dus thams cad du rang rang 'gro ba'i lam dor nas lam gzhan nas mi 'gro bar rang gi lam nyid nas 'gro ba'o/ / de ltar 'di ltar khyod kyis kyang bden pa bzung nas brdzun mi byed pas ni sangs rgyas thob par 'gyur ro// bdun pa bden pa'i pha rol tu phyin pa brtan par byas nas gnas par gyis shig/ de'i phyir gsungs pa/ 'di tsam 'ba' zhig ma yin gyi// gang zhig byang chub thob 'dod chos// gzhan pa yang ni btsal bar bya// gang zhig chos ni thob byed pa// de yi tshe na tshol ba mthong // bdun pa bden pa'i pha rol phyin// sngon gyi skyes bu chen po yi// bsnyen dang bsten par byas pas so// re zhig bdun pa 'di yis ni// brtan par byas nas gnas par gyis/ de la rdzun ni mi smra bas// yang dag byang chub thob par gyis// ji ltar tha skar zhes bya ba// lha dang mi rnams mtshungs pa ni// dus kyi lo yi dus su ni// lam gzhan du ni mi 'gro'o// khyod kyis kyang ni de bzhin bde na/ / bden pa bzung nas mi 'gro ba// bden pa'i pha rol phyin gyur pas// byang chub yang dag thob par 'gyur// gzhan yang sangs rgyas su byed pa'i chos 'di 'ba' zhig ma yin par blta bar bya'o/ / lhag par tshol ba na brgyad pa lhag par gnas pa'i pha rol tu phyin pa mthong nas 'di lta bu'i sems su gyur to// mkhas pa blo gros bzang po dkara' thub pa khyod kyis 'di nas
- 31a
bzung nas lhag par gnas pa'i pha rol tu phyin pa yang dag par rdzogs par bya'o/ / gang zhig lhag par gnas par gyis de la lhag par gnas na g.yo ba med par 'gyur ro// ji ltar na ri bo ni phyogs thams cad nas rlung gis bskyod kyang g.yo bar mi 'gyur zhing bskyod par mi 'gyur cing / / rang gi gnas shig tu gnas so// de ltar 'di ltar khyod kyis kyang bdag nyid lhag par gnas pa rnams mi g.yo bar gyur na sangs rgyas thob par 'gyur ro/ / brgyad pa lhag par gnas pa'i pha rol tu phyin pa brtan par byas nas gnas par gyis shig/ de'i phyir gsungs pa/ 'di tsam 'ba' zhig ma yin gyi/ / gang zhig byang chub thob 'dod chos// gzhan pa yang ni btsal bar bya// gang zhig chos ni thob byed pa// nga yi tshe na tshol ba mthong // brgyad pa lhag gnas pa rol phyin/ / sngon gyi skyes bu chen po yi// bsnyen dang bsten par byas pas so// re zhig brgyad pa 'di yis ni// brtan par bya ste gnas par gyis// de la khyod ni g.yo med pas// yang dag byang chub thob par 'gyur/ / ji ltar ri bo'i brag chen po// g.yo ba med cing legs par gnas// rlung chen pos ni g.yo ba med// rang gi gnas su gnas pa nyid// de bzhin khyod kyis lhag gnas par/ / thams cad du ni mi g.yo bar// lhag gnas pha rol phyin gyur pas// yang dag byang chub thob par 'gyur// gzhan yang sangs rgyas su byed pa'i chos 'dibaba' zhig ma yin par
- 31b
blta bar bya'o/ / lhag par tshol ba na dgu pa byams pa'i pha rol tu phyin pa mthong bas de lta bu'i khams su gyur to// mkhas pa blo gros bzang po dka' thub pa khyod kyis 'di nas bzung nas byams pa'i pha rol tu phyin pa yang rdzogs par bya'o/ / phan pa dang mi phan par gyur kyang sems gcig tu bya'o// ji ltar chu ni sdig pa can gyi skye bo dang dge ba'i skye bos kyang bsil bar gyur cing gcig tu mtshungs par byas nas reg go/ de ltar na 'di ltar khyod kyis kyang sems can thams cad la byams pa'i sems gcig tu gyur nas sangs rgyas thob par 'gyur ro// dgu pa byams pa'i pha rol tu phyin pa brtan par byas te gnas par gyis shig/ de'i phyir gsungs pa/ 'di tsam 'ba' zhig ma yin gyi// gang zhig byang chub thob 'dod chos// gzhan pa yang ni btsal bar bya// gang zhig chos ni thab byang/ pa/ de yi tshe na tshol ba mthong // dgu pa byams pa'i pha rol phyin// sngon gyi skyes bu chen po yi// bsnyen dang bsten par byas pa'o// re zhig dgu pa 'di yis ni// byams par byas te gnas par gyis gal te byang chub thob 'dod na/ / byams pa mtshungs pa med par 'gyur// ji ltar chu zhes bya ba la// dge'am sdig pa'i skye bo ni// mtshungs par bsil bar gyur la reg/ rdul dang dri ma spong bar byed/ de ltar khyod kyis mi phan dang // phan la'ang mtshungs par byams par bya// byams pa'i pha rol phyin gyur nas// yang dag byang chub thob par 'gyur// gzhan yang sangs rgyas su
- 32a
byed pa'i chos 'di 'ba' zhig ma yin par blta bar bya'o/ / lhag par tshol ba na bcu pa btang snyoms kyi pha rol tu phyin pa mthong nas 'di lta bu'i sems su gyur to// mkhas pa blo gros bzang po dka' thub pa khyod kyis 'di nas bzung nas btang snyoms kyi pha rol tu phyin pa yang rdzogs par bya'o/ / bde ba 'am sdug bsngal yang bar ma la gnas par bya'o// ji ltar sa gzhi la gtsang ba dang mi gtsang bas byugs kyang bar mar gnas par 'gyur ro/ / de ltar 'di ltar khyod kyis kyang bde ba dang sdug bsngal ba la bar mar gnas par gyur na sangs rgyas thob par 'gyur ro// bcu pa btang snyoms kyi pha rol tu phyin pa brtan par byas la gnas par gyis shig/ de'i phyir gsungs pa/ 'di tsam 'ba' zhig ma yin gyi// gang zhig byang chub thob 'dod chos// gzhan pa yang ni btsal bar gyis/ gang zhig chos ni thob byed pa// de yi tshe na tshol ba mthong // bcu pa btang snyoms pha rol phyin// sngon gyi skyes bu chen po yi// bsnyen dang bsten par byas pas so// re zhig bcu pa 'di yis ni/ brtan par byas nas gnas par gyis// srang ni gang bar 'gyur ba bzhin// yang dag byang chub thob par 'gyur// ji ltar sa gzhi zhes bya la// gtsang dang mi gtsang byugs pa na// ltos pa med cing bdang sboms pas/ / khro ba med par spong ba yin// ji ltar khyod kyis kyang bde sdug/ dus rnams kun tu srang bzhin du// btang snyoms pha rol phyin gyur nas// yang dag byang chub thob par 'gyur//
- 32b
de nas bsams pa/ 'jig rten pa 'di rnams byang chub sems dpa' la byang chub rdzogs par byed pa dang sangs rgyas su byed pa'i chos de rnams nyid do// pha rol tu phyin pa bcu dor na gzhan med do// pha rol tu phyin pa bcu po 'di ni steng gi nam mkha' na yang med do/ / 'og gi sa gzhi la yang med do// shar la sogs pa'i phyogs rnams na yang med do// bdag nyid kho na'i snying gi sha'i nang na gnas so// de ltar de yi snying la so so gnas pa mthong nas thams cad brtan par bya ste gnas par bya'o/ / yang dang yang du dran par bya ste lugs las byung ba dang lugs las zlog pa brten par byed do// tha ma nas bzung ste thog ma'i bar bsam par bya'o/ / dang po nas bzung nas tha ma'i bar bsam mo// dbus nas bzung nas thog ma dang tha ma'i bar bsam par bya'o// thog ma dang tha ma nas bzung nas dbus kyi bar blta bar bya'o/ / lus yongs su gtong ba ni pha rol tu phyin pa zhes bya ba'o// phyi'i longs spyod yongs su gtong ba ni nye ba'i pha rol tu phyin pa zhes bya ba'o// srog yongs su gtong ba ni don dam pa'i pha rol tu phyin pa zhes bya ba'o/ / pha rol tu phyin pa bcu po dang / nye ba'i pha rol tu phyin pa bcu po dang / don dam pa'i pha rol tu phyin pa bcu po'o// me yi stengs su 'bru mar bskol ba bzhin du khor lug gi nang du rgya mtsho chen po ri bo mchog rab kyis bsrub pa bzhin du dran par bya ste/ de yi pha rol tu phyin pa bcu dran par byas nas chos kyi gzi sa 'bum phrag gnyis dang / stong phrag bzhi bcu lhag
- 33a
pa'i sa chen po 'di yi sngags la glang po che'i rkang pas gnon cing smyug ma 'chag pa bzhin du'o/ / bur shing gi 'khrul 'khor bzhin du btsir ba dang sgra chen po sgrogs pa bzhin du yang dag par sgrogs so/ / rab tu g.yos so// yang dag par rab tu g.yos te rdza mkhan gyi 'khor lo bzhin no// 'bru mar gyi 'phrul 'khor bzhin du yongs su bskor ro// de'i phyir gsungs pa/ 'di yi 'jig rten de rnams nyid/ / gang zhig byang chub thob byed chos// 'di ni sdeng dang gzhan na'ang med// brtan par bya ste sems la zhog/ rang bzhin gyis ni g.yo med par// 'di yi chos ni dran par byed/ / chos kyi gzhi yi sa gzhi ni// 'jig rten stong phrag rab tu g.yos// sems med pa yi sa gzhi ni// bur shing 'khrul 'khor bzhin du btsir// 'bru mar 'khrul 'khor bzhin du 'khor// de ltar sa ni rab tu g.yos// sa chen po 'di g.yos pas dga' ba can gyi grong khyer na gnas pa'i mi rnams ldang bar ma nus te/ bskal pa'i mtha' yi rlung gis bskyod pa'i sa'i shing chen po g.yos pa bzhin brgyal ba dang bag med pas 'gyel bar gyur to/ / bum pa la sogs pa'i snod ni 'dzad pa dang / phan tshun du phrad pa'i sgra dang phye ma dang dum bur gyur to// skye bo thams cad 'jigs par gyur nas ston pa'i drung nye bar song ngo / / bcom ldan 'das ci lags/ 'di'i klu 'khrugs pa 'am/ 'di'i 'byung po 'am/ gnod sbyin nam/ lha rnams sam/ gzhan rnams 'khrugs sam/ bdag
- 33b
cag gis 'tshal bar ma gyur to/ / gzhan yang 'di'i skye bo chen po thams cad la nye bar 'tshe bar gyur to// ci'i rgyu 'di'i 'jig rten gyi sdig pa las gyur tam/ yang na dge ba las gyur/ bdag cag la 'di rnams kyi rgyu mtshan rnams gsung du gsol zhes zhus so/ / ston pas de rnams kyi gtam thos nas khyed rnams 'jigs par ma byed cig/ khyed rnams cung zad kyang ma sems shig/ mtshan ma 'di rnams la khyed rnams la 'jigs pa med do/ / gang tshe bdag gis de ring mkhas pa blo gros bzang po dka' thub pa ma 'ongs pa na go'u ta ma zhes bya ba'i sangs rgyas su 'gyur ro zhes lung bstan to// de ni 'dir pha rol tu phyin pa dran par byed do/ / de pha rol tu phyin pa dran par byed cing dpyod do// de'i chos kyi gzi brjid kyis stong phrag bcu'i 'jig rten gyi khams thams cad skad cig tsam gyis g.yo ba dang sgra 'byin no zhes gsung ngo / / de'i phyir gsungs pa/ ji srid 'khor rnams yod pa la// sangs rgyas kyi ni sbrel bas na// de ni de ru sdug bsngal sems// brgyal bar gyur nas sa la nyal// bum pa stong phrag du ma dang / / snod chen brgya phrag mang po rnams// der ni bye ma zhib mor gyur// phan tshun thug cig 'chag pas so// brgyal dang skrag dang 'jigs pa dang // gnod cing gzir ba'i sems kyis 'gyel/ / skye bo thams cad gcig tu 'dus// mar me mdzad kyi drung du song // 'jig rten pa rnams ci phyir gyur// dge ba'am yang ni sdig gam ci// 'jig rten kun la nyer 'tshe byung // spyan
- 34a
ldan legs par gsung du gsol/ / de rnams kun la chos bstan cing // thub pa chen po mar me mdzad// 'jigs par ma byed dbugs dbyung gis// 'di yi sa gzhi g.yo bas ni/ gang zhig de ring bdag lung bstan// 'jig rten pa rnams sangs rgyas 'gyur// de ni chos ni dran par byed// sngon gyi rgyal ba bsten byas shing // de yi chos rnams dran byed pas// sangs rgyas sa ni ma lus pa/ / des na 'di yi sa rnams g.yos// lha dang bcas pa stong phrag bcu// skye bo chen po rnams kyis de bzhin gshegs pa'i gsung thos pas dga' ba dang tshim pa skyes nas/ me tog dang / ji bzang dang / byug pa rnams blangs te dga' ba can gyi grong khyer nas 'thon nas/ byang chub sems dpa'i drung du song ste me tog la sogs pas mchod nas phyag dang bstod pa bya ste/ dga' ba can gyi grong khyer nyid du gnas so/ / byang chub sems dpas kyang pha rol tu phyin pa bcu dran par byas nas brtson 'grus brtan par bya ste lhag par gnas nas stan las langs so// de'i phyir gsungs pa/ sangs rgyas kyi ni gsung thos nas/ / de ma thag tu 'jigs med sems// thams cad bdag gi drung du 'ongs// slar yang phyag ni byas nas so// sangs rgyas yon tan sems par byed// de tshe bdag gis stan las langs/ / mar me mdzad la phyag byas so// de nas byang chub sems dpa' stan las langs pa na stong phrag bcu'i lha thams cad 'dus nas lha'i me tog dang dri bzang gis mchod pa byas/ 'phags pa
- 34b
blo gros bzang po dka' thub pa de yis de ring stobs bcu dang ldan pa'i mar me mdzad kyi zhabs drung du don chen po don du gnyer ba'i phyir don du gnyer to/ / de yis de rnams la bar gcod med cing rdzogs par 'gyur// ro// de la 'jigs pa med pa dang / zhum pa med par 'gyur ro// sku la nang cung zad kyang mi 'byung zhing myur du pha rol tu phyin pa rdzogs par byas nas yang dag par rdzogs pa'i sangs rgyas grub par gyis shig/ ji ltar me tog can gyi shing ngam 'bras bu can gyi shing dus su me tog smin pa dang 'bras bu smin pa nyid do// de bzhin du khyod kyis kyang de'i dus su lhag par gnas par byed pa la myur du mchog rdzogs par byed pa la sogs pa'i bstod pa dang bkra shis pas bstod do/ / de bzhin du bstod pa byas nas lha rnams rang rang gi gnas su song ngo // byang chub sems dpas kyang lha la sogs pa'i bstod pa thos par byas nas/ bdag gis pha rol tu phyin pa bcu rdzogs par byas te bskal pa grangs med pa bzhi dang / 'bum phrag gcig lhag pa'i mthar sangs rgyas thob par 'gyur bas brtson 'grus brtan po lhag par gnas nas nam mkha' la 'phags te gangs can gyi gnas nyid la gshegs so/ / de'i phyir gsungs pa/ lha dang mi yi me tog rnams// lha dang mi rnams gnyis ka yis// stan las langs par gyur nas ni// me tog mtshungs par bsdus nas so// lha dang mi rnams gnyis ka yang // thams cad zhi bar gyur ces bstod// khyod kyis chen po don du gnyer// ji ltar 'dod pa de thob bo// dus min 'chi
- 35a
pa ring du song / / nad rnams thams cad nyams par gyur// khyod la bar chad mi 'byung ngo // mchog gi byang chub myur du thob// ji ltar dus su sleb pa na// ljon shing me tog bye bar gyur/ / de bzhin khyod kyis dpa' chen pos// sangs rgyas ye shes me tog gyur// gang zhig ji ltar rdzogs sangs rgyas// pha rol phyin bcu rdzogs par byas// de bzhin khyod kyi dpa' chen pos/ / pha rol phyin bcu rdzogs par gyis// ji ltar gang zhig rdzogs sangs rgyas// byang chub snying po rdzogs par gyur// de bzhin khyod kyi dpa' chen pos// rgyal ba'i byang chub rdzogs par gyis/ / gang zhig ji ltar rdzogs sangs rgyas// chos kyi 'khor lo bskor bar gyur// de bzhin khyod kyi dpa' chen pos// chos kyi 'khor lo bskor bar gyis// ji ltar zla ba nya ba bzhin/ / yongs su dag pas 'od 'gyed pa// de bzhin khyod kyis bsam rdzogs pa'i// stong phrag bcu yi 'od phyung zhig/ nyi ma sgra gcan las grol ba// tsha zhing 'od zer rab tu 'gyed// de bzhin 'jig rten grol byas nas/ / khyod kyi dpal ldan 'od zer phyung // gang zhig ji ltar chu klung ni// rgya mtsho chen po'i rjes su 'gro// de ltar lha mi'i 'jig rten tshogs// khyod kyi rjes su 'jug par 'gyur/ / de rnams khyod la bstod cing bsngags// chos bcu po la gnas byas nas// de yi chos rnams rdzogs byed cing // de tshe nags tshal chen por byin// mkhas pa blo gros bzang po'i gangs
- 35b
du bya ba rdzogs so/ / / dga' ba can gyi grong khyer du gnas pa rnams grong khyer du zhug nas sangs rgyas la sogs pa'i dge slong gi dge 'dun rnams la sbyin pa chen po btang ngo // ston de rnams la chos bstan cing bstan nas skye bo mang po skyabs su 'gro ba la gnas par byas te/ dga' ba can gyi grong khyer nas 'thon te lhag par gnas pa ji srid 'tsho'i bar de srid du gnas nas/ sangs rgyas kyi 'phrin las thams cad byed cing go rim bzhin du lhag ma med par yongs su mya ngan las 'das pa'i dbyings su yongs su mya ngan las 'das so/ / de la cung zad brjod pas de thams cad la sangs rgyas kyi rgyud la brjod pa'i rigs pa de bzhin du rig par bya'o/ / de la gsungs pa/ de tshe khyed rnams mchod ston byed// dge 'dun dang bcas 'jig rten 'dren// de la skyabs su 'gro ba yin// ston pa mar me mdzad pa la// de bzhin gshegs pas nges gsungs pa'i// gang zhig skyabs su 'gro bar gyur// gang zhig tshul khrims lnga dang ldan// gzhan yang tshul khrims bcu po yi// gang zhig la ni gzhan byin pa/ / mchog gi 'bras bu bzhi po dang // gang zhig la ni mtshungs med chos// so so yang dag rig pa byin// phun tshogs mchog ni gang zhig la// brgyan nas mi yi khru mchog byin/ / gang zhig la ni rig pa gsum// mngon par shes pa drug la zhugs// de yis rig pa skye bo'i tshogs// thub pa chen po'i gdams pa byin// de yis rgya chen por ni gyur//
- 36a
'jig rten mgon po'i bstan pa la'o// khyu mchog phrag pa 'gram chen po// mar me mdzad kyi mtshan dang ldan// skye bo mang po sgrol bar byed// ngan 'gro yongs su grol bar byed/ grol ba'i phyir du skye bo mthong // stong phrag brgya yi dpag tshad du// skad cig tsam gyi che bar song // thub pa chen po de mkhyen phyir// dang por 'dus pa'i sangs rgyas kyis// bye ba brgya po rtogs par byas/ / mgon po 'dus pa gnyis pa ni// 'bum phrag gcig gis rtogs par byas// gang tsha lha yi gnas su ni// sangs rgyas kyis ni chos bstan no// bye ba stong phrag dgu bcu yi/ 'dus pa gsum pa la ni gyur// de rnams 'dus pa gsum du gyur// ston pa mar me mdzad kyi'o// bye ba stong phrag brgya yis ni// dang po yi ni 'dus pa yin// slar yang nA ra d+ha yi phur rgyal ba gcig pur bzhugs pa ni/ / zag pa'i dri ma zad pa yi// bye ba brgya ni zhi ba dang // dpa' bo chen po ji srid bzhugs// ri yi steng na blta na sdug/ stong phrag bye ba dgu bcu yis// de tshe thub pa yi ni 'khor/ / bdag gis de yi dus su ni// sdom brtson dka' thub pa yi mchog/ bdag ni bar snang la ni 'gro// mngon shes lnga yi pha rol son// stong phrag bcu dang nyi shu ni// chos la 'dus par gyur pa'o/ / gcig dang gnyis kyi 'dus pa ni// bgrang du med cing grangs med do// rgya che ded dpon cang shes pa// de tshe rdzu 'phrul ldan zhing rdzogs// bcom ldan 'das ni mar me mdzad//
- 36b
bstan pa shin tu dag cing mdzes// 'bum phrag bzhi po rnams la ni// mngon shes drug dang rdzu 'phrul ldan// mar me mdzad ni 'jig rten mkhyen// rtag tu 'khor rnams yod dag ldan// gang zhig de yi dus su ni// mi rnams dngos po gtong ba dang // sems kyi lhag ma ma thob pa// de rnams skur pa 'debs par gyur// me tog bzang po'i chog rnyed pa// dgra bcom rnams ni de dang mtshungs/ / dri ma med cing zag pa zad// lha dang mi rnams nye bar mdzes// grong khyer dga' ba can zhes pa// blo gros bzang po rgyal po'i rigs// yum ni blo gros bzang mo yin// ston pa mar me mdzad yin no/ / bkra shis bzang po nye rgyal ni// nyan thos rnams kyi mchog yin no// legs 'ongs zhes pa nye gnas yin// ston pa mar me mdzad pa'o// dga' ba nyid dang shin tu dga'// nyan thos ma yi mchog yin no// bcom ldan de yi byang chub shing // bim pa la zhes bya ba yin// mtho tshad khru ni brgyad cu pa// thub pa chen po mar me mdzad// shing bzhin rab tu 'bar ba yi/ me tog sA la'i shing rgyas bzhin// lo na stong phrag brgya ru ni// drang srong chen po de yi tshe// de srid du ni gnas pa ste// skye bo mang po sgrol bar byed// chos kyi snang bar byas nas ni// skye bo mang po yang dag sgrol// me yi phung po bzhin du gsal// de nas nyan thos dang bcas 'das// de yang rdzu 'phrul de grags pa// rin chen 'khor lo de zhabs la// thams cad kun nas
- 37a
bral ba dang / / 'dus byas chos rnams gtong ba'o// mar me mdzad kyi 'og tu ni// 'dren pa ko'u Di n+ya zhes pa// gzi brjid dpag med mtha' yas grags// ring la sems dpa' gzhal du med/ / slar yang bcom ldan 'das mar me mdzad kyi 'og gi char bskal pa grangs med pa gcig 'das nas/ ston pa'i 'dren pa ko ru Di n+ya zhes bya ba byon no// de'i yang nyan thos 'dus pa gsum du gyur to/ / 'dus pa dang po la bye ba stong phrag brgya'o// 'dus pa gnyis pa la bye ba stong phrag gcig go// 'dus pa gsum pa la ni bye ba phrag dgu bcu'o// de'i tshe byang chub sems dpa' rnam par rgyal ba zhes bya ba 'khor lo sgyur ba'i rgyal por gyur to/ / bye ba stong phrag brgya yi grangs kyis sangs rgyas la sogs pa dge slong gi dge 'dun chen po rnams la sbyin pa chen po btang ngo // ston pas byang chub sems dpa' sangs rgyas su 'gyur ro zhes lung bstan par byas nas chos bstan no// des ston pa'i chos thos nas rgyal srid spangs nas rab tu byung ngo // des sde snod gsum po bslab nas snyoms par 'jug pa brgyad dang mngon par shes pa lnga bskyed do/ / bsam gtan ma bor bar tshangs pa'i 'jig rten du skyes so// slar yang sangs rgyas ko'u Di n+ya de yi grong khyer dga' ba can yin no/ shin tu dga' ba'i rgyal po ni yab bo// rigs bzang lha mo ni yum mo// bzang po dang legs bzang gnyis ni nyan thos rnams kyi mchog go// mi 'ga' zhes bya ba ni nye gnas so// rgyal
- 37b
ma dang re rgyal ma ni nyan thos ma'i mchog go/ / byang chub kyi dge ba'i shing ni sha l+ya'o// sku'i mtho tshad khru brgyad cu rtsa brgyad do// sku tshe'i tshad ni lo stong phrag brgya'o// de'i 'og gi char bskal pa gratra/ med pa gcig 'das nas bskal pa gcig gi nang de nyid du sangs rgyas bzhi byon par gyur to// bkra shis bzang po dang / thugs bzang po dang / nam gru can dang / mdzes pa can no// bcom ldan 'das bkra shis bzang po'i nyan thos kyi 'dus pa gsum du 'gyur te/ de yi 'dus pa dang po ni bye ba stong phrag brgya'i dge slong ngo // gnyis pa la stong phrag gcig go// gsum pa la bye ba phrag dgu bcu'o/ / ma'i spun gyi gzhon nu kun dga' bo zhes bya ba bye ba phrag dgu bcu'i 'khor dang bcas pa ni chos nyan pa'i phyir du'o// ston pa'i nye bar gnas pa rnams song ngo // ston pa de'i sngun gyi gtam rnams go rims bzhin du brjod par bya'o/ / de 'khor dang bcas pa so so yang dag par rig pa dang dgra bcom pa thob bo// ston pa des rigs kyi bu rnams la sngar gyi spyod pa rnams la blta zhing rdzu 'phrul las byung ba'i lhung bzed dang chos gos rnams gzigs te/ phyag g.yas pa brkyang nas dge slong rnams tshur shog cig ces gsungs pa dang / thams cad de ma thag zhing du rdzu 'phrul las byung ba'i lhung bzed dang chos gos bzung nas gnas brtan lo drug cu lon pa bzhin du gyur te/ cho ga phun sum tshogs par gyur nas ston pa la phyag byas te 'khor du gyur to// ji ltar gzhan
- 38a
yang sangs rgyas gzhan rnams la kun nas khru brgyad cu pa'i sku tshad nyid kyi 'od du gyur to/ / bcom ldan 'das de nyid kyi sku'i 'ong de lta bu nyid ma yin gyi/ dus rtag tu stong phrag bcu'i 'jig rten gyi khams su 'phro zhing gnas te/ shing dang / sa dang / ri dang / rgya mtsho la sogs pa'i phyogs lhag ma rnams dang / tshang dang la sogs pa gser gyis sbas pa bzhin no// sku tshe'i tshad ni stong phrag dgu bcu'o/ / de rnams kyi dus la zla ba dang nyi ma la sogs pa la rang gi 'od kyi snang ba'i nus pa med do// mtshan mo dang nyin mo'i bye brag mi shes so// sems can rnams kyi nyin mo nyim shar bab bzhin du sangs rgyas kyi 'od kyis rtag tu 'gro bar byed do/ / mtshan mo me tog zum pa dang snga dro'i dus su bya rnams skad 'byin pa la sogs pa la brten pas nyin mtshan shes par byed do// yang dag par rdzogs pa'i sangs rgyas gzhan rnams la ci'i phyir 'di lta bu med pa yin nam/ med pa ni ma yin te/ de rnams kyis kyang dgongs par gyur na/ stong phrag bcu'i 'jig rten gyi khams su gyur pa 'am de bas lhag par yang 'od 'phro bar byed do/ / slar yang bcom ldan 'das bkra shis bzang po sngar gyi don du gnyer ba'i dbang gis te/ gzhan gyi 'od 'dom gang ba bzhin no// sku'i 'od kyis rgyun mi 'chad pa nyid du stong phrag bcu'i 'jig rten gyi khams khyab par byas nas gnas so/ / de'i byang chub sems dpa'i spyod pa'i dus na thams cad sgrol bzhin du bdag nyid gnas so// de'i bu dang bu mor bcas pa ri bo bam ga bzhinadzur
- 38b
la bzhugs so/ / de nas mche ba gcig pa gdug pa can gyi gnod sbyin zhig gis skyes bu chen po sbyin pa gtong zhes thos nas bram ze'i gzugs kyis nye bar song ste sems dpa' chen po'i drung // du bu mo slong ngo // sems dpa' chen pos bram ze la bu dang bu mo sbyin no zhes bsams nas dga' ba dang tshim pas chu'i mthar thug pa'i sa rnams g.yos so// de nas gnod sbyin 'chag pa'i gnas kyi mthar tsog pur rgyab rten la 'dug ste sems dpa' chen po la lta zhing 'dug go/ de la des bu dang bu mo byin pa dang / des la phug za ba bzhin du bu dang bu mo zos nas/ gnod sbyin gyis skyes bu chen po de la blta ste/ kha gdangs nas me 'bar ba bzhin du khrag gi rgyun 'bab bo// de'i kha mthong nas kyang skra'i rtse mo tsam gyi yid mi bde ba yang ma skyes par ngas byin pa shin tu legs pa gcig go zhes sems so// slar yang lus la mchog tu dga' ba chen po skyes so/ / de dag 'di la byin pa'i bsod nams kyi phan yon gyis ma 'ongs pa na 'di lta bu'i rim pa'i 'od zer 'phro bar don du gnyer ro// de la don gcer ba'i rgyu mtshan gyis sangs rgyas gyur nas sku'i 'od de phyi rol du 'phro zhing de rnams la khyab par gnas so/ / gzhan yang 'di'i sngar gyi mdzad pa yod pas de byang chub sems dpa'i dus su sangs rgyas gcig gis sku gdung gi mchod rten mthong nas/ sangs rgyas 'di'i sku gdung la bdag gis 'tsho ba yongs su btang na rigs so snyam nas shing ras kyis dkris pa bzhin du/ lus thams cad gos
- 39a
gzhan gyis dkris shing rin po che'i cod pan gyon nas 'bum phrag gcig ri ba'i gser gyi snod du mar gyis bkang ste/ der ras 'di stong phrag brgya btsugs nas mar me sbar te mgo'i steng du bzhag cing lus thams cad kyang 'bar bar byas nas sku gdung gi mchod rten la skor bar byed do/ / de ltar mtshan thog thag snga dro'i skya rengs shar gyi bar du 'bad pa byed pa nyid kyi ba spu'i khung bu tsam yang dro bar ma gyur te/ pad+ma'i tshul du bzhugs pa bzhin no// chos zhes bya ba 'di rang nyid bsrungs na chos bsrungs par 'gyur ro// de'i phyir gsungs pa/ chos bzhin bsrung na chos spyod do// chos kyis bsgral na chos bzhin thob/ / legs par bsgral na chos phan yon// chos spyod ngan 'gror mi 'gro'o// 'di'i las kyi 'bras bu bcom ldan 'das de'i sku'i 'od kyis stong phrag bcu'i 'jig rten gyi khams khyab cing gnas so/ / de'i tshe bdag cag ni byang chub sems dpa' shin tu sred pa zhes bya ba'i bram zer gyur to// des ston pa mgron du gnyer ba'i phyir drung du song ste chos mnyan pa'i bshad pa thos nas btsun pa sang bdag gi gdugs tshod la byon pa zhu zhes so/ / bram ze dge slong da du tsam dgos zhes gsungs pa dang / btsun pa 'khor dang bcas pa'i dge 'dun du tsam bdog ces zhus so// de'i tshe ston pa'i 'dus pa dang po nyid tsam yod do/ / de'i phyir bye ba stong phrag brgya yod ces gsungs so// btsun pa 'khor thams cad dang bcas pa bdag gi khang par gdugs chod la byon par
- 39b
zhu zhes zhus pa dang / bcom ldan 'das kyis gnang ste bram zes sang don du gnyer cig/ khang par 'gro zhing bsams pa bdag gis dge slong 'di rnams la thug pa dang zan dang gos la sogs pa 'bul bar nus so/ / bzhugs pa'i gnas ji lta bu zhes bsams so// dpag tshad brgyad khri bzhi stong gi steng na gnas pa'i lha'i rgyal po'i la ba dmar po'o rdo leb la bzhugs pa na dro bar gyur te/ brgya byin gang zhig bdag gi gnas 'dir 'dor ba'i sems su zhig la yod snyam pa dang / lha'i dbang pos lha'i mig gis bltas pas skyes bu chen po de mthong nas/ 'di ltar shin tu sred pa'i bram ze sangs rgyas la sogs pa dge slong gi dge 'dun mgron du gnyer te/ bzhugs pa'i gnas kyang bsams kyi/ bdag kyang der phyin nas bsod nams kyi cha len par rigs so snyam nas shing mkhan gyi gzugs su sprul te/ ste'u dang dgra sta blangs te skyes bu chen po'i mdun du gnas par gyur nas/ gang su zhig kho bo gla byin te las ka byed pa yod ces smras so// skyes bu chen pos gzigs te/ gang zhig las ka/ byed nus zhes gsungs pa dang / bdag gis mi shes pa'i bzo med do// khang pa'am/ bsti gnas sam/ gang zhig cung zad byed pa'i bzo de bdag gis byed yang nus so zhes zer ro// byang chub sems dpas smras pa/ de'i phyir nga la las su bya ba yod de/ kho bos sang 'phags pa las bye ba phrag brgya pa'i dge slong gi dge 'dun mgron du gnyer to// de rnams bzhugs pa'i gnas byed
- 40a
par nus sam/ smras pa/ bdag gis bgyi'o// bdag la gla ster bar nus sam/ bu bdag gis nus so// legs so zhes bya ba legs par byas so// phyin nas sa phyogs gcig bltas nas dpag tshad bcu gnyis sam/ bcu gsum pa'i tshad kyis phyogs gcig tu zad par sngon po'i dkyil 'khor bzhin du steng mnyam par byas so// des 'di rnams kyi gnas tsam du rin po che sna bdun las byung ba'i bsti gnas sa 'og nas phyung nas bya'o zhes bsam zhing blta'o/ / de ma thag par sa gzhi brtol nas bsti gnas grub bo// de ni gser las byung ba'i ka zhu'i steng du gser las byung ba'i gdung ngo / / nor bu'i ka ba la byu ru'i rang bzhin no// b+hu ru'i ka ba la nor bu'i rang bzhin no// rin po che sna bdun las byung ba'i ka ba la rin po che sna bdun byung ba'i ka zhu nyid do// de nas bsti gnas kyi bar bar du g.yer kha'i dra ba 'phyang ba la blta zhing de bltas tsam nyid na dra ba 'phyang / gang la rlung gis skyod pa de la yan lag lnga pa'i rol mo sgra snyan sgrogs te/ lha'i glu dbyangs sgrogs pa bzhin no// bar bar du spos kyi 'phreng ba dang me tog gi 'phreng ba 'phyang ba la sems shing 'phreng ba 'phyang ba la'o// bye ba stong phrag brgya'i dge slong gi dge 'dun gyi grangs kyis stan dang rgyab rten rnams sa gzhi la brtol nas byung bar bsams so/ / de ma thag tu sa'i steng du grub bo// mtshams dang mtshams rnams su re re ra mu'i snod chen po grub pa bsams so// chu'i snod chen po de rnams grub bo// de dag
- 40b
thams cad sprul nas bram ze'i drung du song nas/ 'phags pa 'dir byon la bsti gnas gzigs mdzod/ bdag la gla sbyin par rigs so zhes zhus nas skyes bu chen po gshegs te bsti gnas gzigs/ nas de ma thag tu brgya byin mi snang bar gyur to// gzigs pa tsam na lus thams cad kha dog lnga dang ldan pa la dga' ba rgyun mi 'chad par 'phro bar gyur to// de nas bsti gnas gzigs nas 'di ltar yid la bsams so/ / bsti gnas 'di mir gyur pas bsgrubs pa ma yin no// slar yang bdag gi lhag pa'i bsam pa dang bdag gi yon tan rtogs pas nges par brgya byin gyi stan dro bar gyur nas brgya byin lha'i rgyal pos bsti gnas 'di byas par gyur to/ / de nas slar yang 'di lta bu'i tshul gyi bsti gnas su nyi ma gcig nyid la sbyin pa gtong ba ni bdag gi rigs pa ma yin no// nyi ma bdun du bdag gis ster bar bsams so/ / phyi rol gyi sbyin pas ji tsam gyis kyang byang chub sems dpa' rnams dgyes par mi nus so// rgyan gyis brgyan pa'i mgo bo bcad pa dang / dri ma med pa'i mig bton pa dang / snying gi sha bregs pa'am bcad nas byin pa'i dus su byang chub sems dpa' btang ba'i dgyes par 'gyur ro// bdag cag byang chub sems dpa' rnams kyi yang si ba'i skye rabs las nyi ma re rer dong tse khal lnga lnga ri ba'i rin gyis nyos nas sgo bzhi dang grong khyer gyi dbus su sbyin pa gtong ngo / / de'i sbyin pa de gtong bas yongs tshim pa med do// slar yang gang gi tshe brgya byin lha'i rgyal
- 41a
po bram ze'i gzugs kyis 'ongs nas mig blangs so/ / de'i tshe de'i mig bdon nas ster ba nyid kyis dgyes par 'gyur ro// skra'i rtse mo tsam yang sems la sdug bsngal par mi 'gyur ro/ / de bzhin du sbyin pa'i rgyus byang chub sems dpa' la tshim pa med do// de yi ster ba skyes bu chen po de yang zhag bdun du bdag gis bye ba stong phrag brgya'i grangs kyis dge slong gi dge 'dun rnams la sbyin pa gtong bar rigs so zhes bsams so/ / de yi bsti gnas su bzhugs nas zhag bdun du dga' ba pA na zhes bya ba'i sbyin pa byin no// dga' ba can zhes pa ni ches che ba'i snod shin tu che ba 'o mas bkang nas tshang dbang chen po'i steng du bzhag nas/ me sa 'o ma shin tu bska bar bskol te 'bras cung zad btab nas btsos te sbrang dang / dkar ba'i phye ma dang / mar gsar pa rnams bcos pa'i bza' ba'i 'o thug ni dga' ba pA na zhes brjod do/ / mi rnams kyis 'dren par ma nus na lha rnams kyis kyang bar bar du 'dren no// dpag tshad bcu gnyis sam bcu gsum pa'i tshad kyi gnas su dge slong rnams ma shong na/ slar yang dge slong de rnams rang rang gis mthus bzhugs so// zhag bdun gyi mthar dge slong thams cad kyi lhung bzed bkrus nas sman gyi phyir du mar gsar pa dang / zhun mar dang / sbrang dang / bu ram bskol ba'i chu rnams kyis lhung bzed bkang nas chos gos gsum dang bcas pa phul lo// dge 'dun gzhon nu rnams kyis dge slong
- 41b
gis thob pa'i chos kyi rgyu'i ras 'bum phrag gcig ri ba thob par gyur to/ / ston pa rjes su yi rang ba mdzad do// skyes bu 'dis 'di lta bu'i tshul gyis sbyin pa chen po byin no// gang gis don du 'gyur zhes rtog par byed do/ / ma 'ongs pa'i bskal pa 'bum phrag gcig lhag pa'i grangs med pa gnyis 'das pa na go'u ta ma zhes bya ba'i sangs rgyas su 'gyur zhes gzigs te/ skyes bu chen po bos nas khyod kyis dus 'di rnams 'das nas goru ta ma zhes bya ba'i sangs rgyas su 'gyur ro zhes lung bstan no/ / skyes bu chen pos lung bstan pa thos nas bdag ni sangs rgyas su 'gyur bas/ bdag khyim na gnas pa la don med kyis rab tu 'byung ngo snyam du bsams so// de de lta bu'i tshul dang ldan pas mchil ma dor ba bzhin du khyim spangs nas ston pa'i drung du rab tu byung nas sangs rgyas kyi gsung rab bslabs nas mngon par shes pa dang snyoms par 'jug pa bskyed de/ tshe'i mthar tshangs pa'i 'jig rten du skyes so// gzhan yang bcom ldan 'das bkra shis bzang po'i grong khyer mchog ces bya bar gyur to/ / yab ni mchog gi rgyal po'o// yum ni mchog ma zhes bya ba'o// ljang bzang dang / chos kyi sde gnyis ni nyan thos kyi mchog go/ bskyang ba zhes bya ba ni nye gnas so// zhi byed len dang / mya ngan med gnyis ni nyan thos ma'i mchog go/ byang chub shing ni klu shing ngo // sku'i mtho chad du khru brgyad cu rtsa brgyad pa'o// stong phrag dgu bcu'i lo ni sku tshe'i tshang ngo // stong phrag
- 42a
dgu bcu bzhugs nas mya ngan las 'das so/ / sangs rgyas mya ngan las 'das nas slar yang de ma thag par stong phrag bcu'i khor yug gi phyogs kun mun par gyur ro// khor yug thams cad kyi mi rnams cho nge chen po 'debs so/ / ko'u Di n+ya 'og tu ni// 'jig rten 'dren pa bkra shis bzang // 'jig rten nang ni mun bsal nas// chos kyi snang ba'i 'od bkye'o// de bzhin du stong phrag bcu'i 'jig rten gyi khams mun nag tu byas nas mya ngan las 'das so/ / bcom ldan 'das de'i 'og gi char yid bzang zhes bya ba'i ston pa byon no// de'i yang nyan thos kyi 'dus pa gsum ste/ 'dus pa dang po la bye ba stong phrag brgya'i dge slong ngo // 'dus pa gnyis pa la gser gyi ri la bye ba stong phrag dgu bcu'o// gsum pa la bye ba stong phrag brgyad cu'o// de'i s ems dpa' chen po klu'i rgyal po mnyam med ces bya bar gyur to/ / rdzu 'phrul gyi mthu dang ldan zhing des sangs rgyas byon pa thos nas gnyen gyi grogs rnams 'khor du byas te/ klu'i gnas nas 'thon te/ bye ba stong phrag brgya'i dge slong gi 'khor dang bcas pa'i bcom ldan 'das la lha'i rol mos nye bar mchod nas sbyin pa chen po phul lo// so so la lha'i gos gnyis gnyis phul bas skyabs su 'gro ba'i tshul khrims la gnas so/ / de yang ston pa des ma 'ongs pa na sangs rgyas su 'gyur bar lung bstan to// bcom ldan 'a das de'i grong khyer dge ba can zhes bya bar gyur te/ legs byin zhes bya ba'i rgyal po ni
- 42b
yab bo/ / dpal ldan pa zhes bya ba ni yum mo// nges 'gro dang goms byed ni nyan thos kyi mchog go// 'char byed ni nye gnas so// nyan pa dang / nye bar nyan pa gnyis ni nyan thos ma'i mchog go/ byang chub kyi shing ni klu shing ngo // sku'i mtho tshad du khru drug cu'o// sku tshe'i tshad ni lo stong phrag dgu bcu'o// bkra shIs bzang po'i 'og tu ni// 'dren pa thugs bzang zhes bya ba// chos rnams kun la mtshungs med pa/ / sems can kun gyi mchog yin no// de'i yang 'og gi char nam gru can gyi ston pa zhes bya ba byon no// de'i 'dus pa gsum du 'gyur te/ 'dus pa dang / po la bgrang du med pa zhes bya ba'o// gnyis pa la bye ba stong phrag brgya'i dge slong ngo // de bzhin du gsum pa yang ngo // de'i tshe byang chub sems dpa' lhag pa'i lha zhes bya ba'i bram zer gyur to/ / ston pa'i chos bshad pa thos nas skyabs su 'gro ba'i tshul khrims la gnas so// mgo'i steng du thal mo sbyar nas ston pa la de'i nyon mongs rnams spong ba'i bsngags pa brjod nas bla gos kyis mchod pas de yang sangs rgyas su 'gyur ro zhes lung bstan to/ / slar yang de'i bcom ldan 'das kyi grong khyer ni nam gru bzang ldan zhes bya bar gyur to// yab ni shin tu rgyas pa zhes bya ba'i rgyal po'o/ / yum ni shin tu rgyas ma zhes bya ba'o// chu lha dang lha tshangs pa ni nyan thob kyi mchog go// yang dag 'byung zhes bya ba ni nye gnas so// bzang mo dang legs bzang mo mnyan thos ma'i mchog
- 43a
byang chub kyi shing ni klu shing ngo / / sku'i mtho chang du khru brgya na'o// sgra tshe'i tshad ni lo stong phrag drug cu'o// thugs bzang gi ni 'og tu ni// 'dzin pa nam gru can zhes b+ha/ mchung/ pab med cing dpe med par// rgyal ba mnyam med mchog tu gyur// de'i 'og gi char mdzes byed ces bya ba'i ston pa byon no// de'i 'dus pa gsum du gyur te/ 'dus pa dang po la bye ba brgya'i dge slong ngo / / gnyis pa la bye ba dgu bcu'o// gsum pa la bye ba brgyad cu'o// de'i tshe byang chub sems dpa' mi pham pa zhes bya ba'i bram zer gyur to// ston pa'i chos bstan pa thos nas skyabs su gro ba'i tshul khrims la gnas so/ / sangs rgyas la sogs pa'i dge slong gi dge 'dun la sbyin pa chen po btang ngo // des yang sangs rgyas su 'gyur bar lung bstan to// slar yang bcom ldan 'das de'i grong khyer chos bzang zhes bya bar gyur to/ / yab ni chos bzang rgyal po'o// yum ni chos bzang ma zhes bya ba'o// mtshungs med dang legs spyan ni nyan thos kyi mchog go// yid ldan niH gnas so/ / rig ma dang legs skyes ma ni nyan thos ma'i mchog go/ byang chub kyi shing ni klu shing nyid do// sku mtho ched du khru lnga bcu rtsa brgyad do// sku tshe'i tshad ni lo stong phrag dgu bcu'o// nam gru can gyi 'og tu ni/ / 'dren pa mdzes byed ces bya ba// mnyam par gzhag cing thugs ni zhi// gang zag zla med mtshungs med do// de'i 'og gi char bskal pa grangs med pa
- 43b
gcig 'das nas bskal pa gcig gi nang du sangs rgyas gsum byon no/ / thugs ldan mthong ba dang / pad+ma dang / mi sbyin no// bcom ldan 'das thugs ldan mthong gi 'dus pa gsum du 'gyur te/ dang po la/ dge slong 'bum phrag gcig go/ gnyis pa la 'bum phrag bdun no// gsum pa la 'bum phrag drug go// de nas byang chub sems dpa' gnod sbyin gcig tu gyur to// rdzu 'phrul dang mthu chen po dang ldan pa'i bye ba stong phrag brgya du ma'i gnod sbyin rnams kyi bdag por gyur to/ / des bcom ldan 'das byon pa thos nas 'ongs te sangs rgyas la sogs pa'i dge slong gi dge 'dun la sbyin pa chen po btang ngo / / ston pas kyang ma 'ongs pa'i sangs rgyas su 'gyur ro zhes lung bstan no// gzhan yang bcom ldan 'das thugs ldan mthong gi grong khyer ni la ba can zhes bya bar gyur to// yab ni grags ldan rgyal po'o/ / yum ni grags 'dzin ma'o// nges bzang dang yid ldan ni nyan thos kyi mchog go/ chu lha ni nye gnas so// legs mdzes dang yid bzang ma ni nyan thos ma'i mchog go/ / byang chub kyi shing ni srid sgrub kyi shing ngo // sku'i mtho tshad khru lnga bcu rtsa brgyad do// 'bum phrag gcig gi lo ni sgra tshe'i tshad do// mdzes byed kyi ni 'og tu ni// rkang gnyis mchog gi rdzogs sangs rgyas/ / thugs bzang mthong dang 'chi med grags// gzi brjid ldan zhing ring mthong ngo // de'i 'og gi char pad+ma zhes bya ba'i ston pa byon no// de'i yang 'dus
- 44a
pa gsum du 'gyur te/ 'dus pa dang po la bye ba 'bum phrag gcig gi dge slong ngo // gnyis pa la 'a bum phrag gsum mo// gsum pa la grong med pa'i dgon par nags tshal chen po na dge slong 'bum phrag gnyis gnas so/ / de'i tshe de bzhin gshegs pa yang de'i nags tshal chen por bzhugs pa'i tshe/ byang chub sems dpa' seng ger skyes par gyur to// ston pas 'gog pa la snyoms par zhugs so/ / bzhugs pa mthong nas sems rab tu dang bas phyag byas nas bskor ba byas te/ dga' ba dang yid bde ba skyes so// lan gsum du seng ge'i sgra bsgrags so/ / zhag bdun du sangs rgyas kyi phyir du dga' ba ma spangs pas dga' ba dang bde ba nyid kyi spyod yul du ma phyin par srog yongs su btang ngo snyam ste blta zhing 'dug go/ ston pa zhag bdun nas 'gog pa'i snyoms par 'jug pa las langs nas/ seng ge la blta zhing dge slong gi dge 'dun rnams kyis kyang sems dang bar byas nas dge 'dun la phyag byed do zhes brjod cing dge slong gi dge 'dun shog ces bsams te dge slong rnams de ma thag tu byon no/ / seng ges dge 'dun la sems rab tu dang bar byed do// ston pas de'i sems la brtags te ma 'ongs pa na sangs rgyas su 'gyur ro zhes lung bstan no// slar yang bcom ldan 'das pad+ma'i grong ni tsam pa ka zhes bya bar gyur to/ / yab ni pad+ma'i rgyal po'o// yum ni mtshungs med ma zhes bya ba'o// sA la dang u pa sA la ni nyan thos kyi mchog go// chu lga zhes
- 44b
bya ba ni nye gnas so/ / dga' ma dang shin tu dga' ma ni nyan thos ma'i mchog go// byang chub kyi shing ni srona'i shing ngo // sku'i mtho tshang du khru lnga bcu rtsa brgyad do// sku tshe'i tshad ni lo stong phrag gcig go/ thugs ldan mthong gi 'og tu ni// rkang gnyis mchog gi rdzogs sangs rgyas// mtshan ni pad+ma zhes bya ba// gang zag zla med mtshungs med do// de'i 'og tu mi sbyin zhes bya ba'i ston pa byon no/ / de'i yang 'dus pa gsum du 'gyur te/ 'dus pa dang po la bye ba stong phrag brgya'i dge slong ngo // gnyis pa la bye ba 'bum phrag dgu bcu'o// gsum pa la bye ba brgyad cu dang 'bum phrag gcig go/ / de'i tshe byang chub sems dpa' drang srong gi rab tu byung ba la rab tu byung ste mngon par shes pa lnga dang snyoms par 'jug pa brgyad po dbang du gyur te/ sangs rgyas la sogs pa'i dge slong gi dge 'dun la sbyin pa chen po btang nas/ tsan dan dmar pos mchod nas de yang des ma 'ongs pa na sangs rgyas par 'gyur ro zhes lung bstan to// bcom ldan 'das de'i grong khyer ni 'byor ldan zhes bya bar gyur to/ / yab ni blo gros bzang po zhes bya ba'i rgyal po'o// yum ni yid ldan ma zhes bya ba'o// sA la bzang po dang / rgyal byed bshes gnyen ni nyan thos kyi mchog go/ gnas mchog ni nye gnas so/ / mchog ma dang 'bras bu can ma ni nyan thos ma'i mchog go/ byang chub kyi shing ni sron chen po'o// sku'i mtho tshang du khru brgyad cu rtsa brgyad pa'o// sku tshe'i tshad ni lo stong phrag dgu bcu'o//
- 45a
pad+ma yi ni 'og tu ni// rkang gnyis mchog gi rdzogs sangs rgyas// mtshan ni mi sbyin zhes bya ba// gang zag bla med mtshungs med do// sangs rgyas mi sbyin gyi 'og gi char 'di nas skal pa 'bum phrag gcig gis 'go nas brtsams te/ bskal pa gcig nyid kyi nang du sangs rgyas pad+ma mchog ces bya ba byon no// de'i yang 'dus pa gsum du 'gyur te/ 'dus pa dang po la bye ba stong phrag brgya'i dge slong ngo / / gnyis pa la baM b+hA ra'i ri la bye ba stong phrag dgu bcu'o// gsum pa la bye ba stong phrag brgyad cu'o// de'i tshe byang chub sems dpa' ral pa can zhes bya ba'i yul 'khor chen por skyes so/ / sangs rgyas la sogs pa'i dge 'dun rnams la chos gos dang bcas pa'i sbyin pa chen po btang ngo // de yang des ma 'ongs pa na sangs rgyas par 'gyur ro zhes lung bstan no/ / gzhan yang bcom ldan 'das pad+ma mchog gi dus su mu stegs zhes bya ba'i ming yang med do// lha dang mi thams cad sangs rgyas la skyabs su 'gro ba'o// de'i grong khyer ni ngang pa ldan zhes bya ba gyur to/ / yab ni kun dga' bo zhes bya ba'i rgyal po'o// yum ni legs ma zhes bya ba'o// lha'i spyan dang legs skyes ni nyan thos kyi mchog go/ yid bzang zhes bya ba ni nye gnas so// grogs med ma dang mtshungs med ma ni nyan thos ma'i mchog go/ byang chub kyi shing ni shA la'i shing nyid do// sku'i mtho tshad du khru brgyad cu rtsa brgyad do// sku'i 'od kun nas 'khor la dpag tshad bcu gnyis so//
- 45b
sku tshe'i tshad ni lo 'bum phrag gcig go/ mi sbyin gyi ni'o gnyid du// rkang gnyis mchog gi rdzogs sangs rgyas// rgyal ba pad+ma mchog ces pa// mi 'khrugs rgya mtsho lta bu'o// de'i 'og gi char bskal pa stong phrag gsum 'das nas/ blo gros bzang po dang / legs skyes zhes bya ba ni bskal pa gcig gi nang du sangs rgyas gnyis su gyur to// blo gros bzang po'i yang nyan thos kyi 'dus pa gsum du 'gyur te/ 'dus pa dang po la grong khyer blta na sdug ces bya ba na bye ba brgya'i zag pa zad pa'o// 'dus pa gnyis pa la yang bye ba dgu bcur 'gyur ro// 'dus pa gsum pa la ni bye ba brgyad cu'o/ / de'i tshe byang chub sems dpa' lus mchog ces bya ba bram ze'i khye'ur gyur to// sa'i 'og tu gter du bcug pa nyid bye ba brgyad cu'i nor rnams spel nas sangs rgyas la sogs pa'i dge slong gi dge 'dun la sbyin pa chen po phul te chos mnyan nas skyabs su 'gro ba'i sdom pa la gnas so/ / rab tu byung nas nags tshal du byon no// de yang ma 'ongs pa na sangs rgya bar lung bstan no// bcom ldan 'das blo gros bzang po'i grong khyer ni blta na sdug ces bya bar gyur to/ / yab ni legs sbyin zhes bya ba'i rgyal po'o// yum ni legs sbyin ma zhes bya'o// nges 'byung dang thams cad 'dod ni nyan thos kyi mchog go/ rgya mtsho zhes bya ba ni nye gnas so// dga' ma dang shin tu dga' ma ni nyan thos ma'i mchog go/ byang chub kyi shing ni shing nI pa chen po'o// sku'i mtho chang du khru brgyad cu rtsa brgyad do//
- 46a
@#sgra tshe'i tshad ni lo stong phrag dgu bcu'o// pad+ma mchog gi 'og tu ni// 'dzin pa blo bzang zhes bya ba// 'od zer drag cing ring la sems// thub pa 'jig rten kun gyi mchog de'i 'og gi char legs skyes zhes bya ba'i ston pa byon no/ / de'i yang nyan thos kyi 'dus pa gsum du gyur te/ 'dus pa dang po la dge slong stong phrag drug cu'o// gnyis pa la stong phrag lnga bcu'o/ / gsum pa la stong phrag bzhi bcu'o// de'i tshe byang chub sems dpa' 'khor lo sgyur ba'i rgyal por gyur te/ sangs rgyas byon zhes thos nas nye bar song ste/ chos thos nas sangs rgyas la sogs pa'i dge 'dun la rin po che sna bdun dang bcas pa'i gling chen po bzhi'i rgyal srid sbyin par btang nas/ ston pa'i drung du rab tu byung ngo // yul thams cad na gnas pa'i yul du skyes pa'i nor blangs nas gtsug lag khang rnams rdzogs par bya ste/ sangs rgyas la sogs pa'i dge slong rnams la sbyin pa chen po phul lo// de yang ma bongs pa na ston pas sangs rgya bar 'gyur ro zhes lung bstan no/ / bco ldan 'das de'i grong khyer ni bkra shis bzang po zhes bya bar gyur to// yab ni drag po zhes bya ba'i rgyal po'o// yum ni 'od ldan ma zhes bya ba'o// blta na sdug dang lha gnyis ni nyan thos kyi mchog go/ mi sbyin ni nye gnas so// glu ma dang glu ma'i 'phreng ba dang bcas pa ni nyan thos ma'i mchog go/ byang chub kyi shing ni 'o ngam chen po'o// de'i nang bu ka ba phra mo can no//
- 46b
sdong po ni thug zo'o// steng na ya lag rma ba'i gdugs ltar mdzes pa'i 'dab ma can no// bcom ldan 'das de'i sgra'i mtho tshang su khru lnga bcu'o// sku tshe'i tshad ni lo sbyong phrag dgu bcu'o// snang na/ bskal pa de nyid la// 'dren pa legs skyes zhes bya ba// khyu mchog dpung pa seng ge'i 'gram// ring la sems shing gzhal du med// de'i 'og gi char 'di nas bskal pa brgya dang bco brgyad kyi 'go nas brtsams nas bskal pa gcig la dga' mthong dang / don mthong dang / chos mthong ste sangs rgyas gsum byon no// dga' mthong gi yang nyan thos 'dus pa gsum du 'gyur te/ 'dus pa dang po la bye ba stong phrag brgya'i dge slong ngo // gnyis pa la bye ba dgu bcu'o// gsum pa la bye ba brgyad cu'o// de'i tshe byang chub sems dpa' 'od srungs zhes bya ba'i bram ze'i khye'ur gyur to/ / rig byed gsum gyi pha rol tu phyin nas ston pa'i chos bstan pa thos te bye ba stong phrag brgya'i nor yongs su btang nas/ dge 'dun gyi gtsug lag khang byed cing skyabs su song nas tshul khrims la gnas so/ / de nas ston pas bskal pa brgya dang bco brgyad 'das nas sangs rgyas su 'gyur ro zhes lung bstan no// bcom ldan 'a das de'i grong khyer ni yid ldan zhes bya bar gyur to yab ni legs sbyin zhes bya ba'i rgyal po'o/ / yum ni zla ba ma zhes bya'o// bskyangs pa dang kun mthong gnyis ni nyan thos kyi mchog go// mdzes byed ni nye gnas so// legs skyes ma dang chos sbyin ma
- 47a
gnyis ni nyan thos ma'i mchog go/ byang chub kyi shing ni pri yang ku'i shing ngo // sku'i mtho tshad du khru brgyad cu pa'o// sku tshe'i tshad ni lo stong phrag dgu bcu'o// legs skyes kyi ni/ 'og tu ni// rang byung 'jig rten 'dren pa nyid// mtshungs dang mi mtshungs ring du sems// dga' mthong grags pa chen po'o// de'i 'og gi char bcom ldan 'das don mthong zhes bya/ pa byon no// de'i yang nyan thos kyi 'dus pa gsum du 'gyur te/ 'dus pa dang po la 'bum phrag dgu bcu rtsa brgyad kyi dge slong ngo // gnyis pa la 'bum phrag brgyad cu rtsa brgyad do// de bzhin du gsum pa la yang ngo / / de'i tshe byang chub sems dpa' mtshams bzang zhes bya ba rdzu 'phrul dang ldan pa'i dka' thub par gyur to// lha'i 'jig rten gyi man+da ra ba'i me tog gi gdugs blangs nas ston pa la mchod do/ / de yang des lung bstan to// bcom ldan 'a das de'i grong khyer ni mdzes byed ces bya bar gyur to// yab ni rgya mtsho zhes bya ba'i rgyal po'o// yum ni blta na sdug ma'o// zhi ba dang nye bar zhi ba ni nyan thos kyi mchog go/ 'jigs med ni nye gnas so// chos ma dang chos bzang ma ni nyan thos ma'i mchog go/ byang chub kyi shing ni tsam pa ka'i shing ngo // sku'i mtho tshad du khru brgyad cu rtsa brgyad do// sku'i 'o da kun nas 'khor ba la dus thams cad du dpag tshad gcig gi bar du khyab cing gnas so// sku tshe'i tshad ni lo 'bum phrag gcig go// snying po'i bskal pa de nyid la// don mthong mo yi khyu mchog
- 47b
ni mun pa chen po bsal nas ni/ / yang dag byang chub mchog thob bo// de'i 'og gi char chos mthong zhes bya ba'i ston pa byon no// de'i yang nyan thos kyi 'dus pa gsum du 'gyur te/ 'dus pa dang po la bye ba brgya'i dge slong ngo // gnyis pa la bye ba bdun cu'o// gsum pa la bye ba brgyad cu'o// de'i tshe byang chub sems dpa' lha'i rgyal po brgya byin du gyur te/ lha'i dri bzang dang me tog dang / lha'i rol mo rnams kyis mchod de/ de yang ma 'ongs pa na sangs rgya bar lung bstan to// bcom ldan 'das de'i grong khyer ni skyabs zhes bya bar gyur to// yab ni skyabs kyi rgyal po zhes bya'o/ / yum ni shin tu dga' ma zhes bya ba'o// pad+ma dang lhar gyur pa ni nyan thos kyi mchog go// legs spyan zhes bya ba ni nye gnas so// dge ma dang bden ma zhes bya ba ni nyan thos ma'i mchog go/ byang chub kyi shing ni bim pa dzA la'i shing ngo // sku'i mtho tshang du khru brgyad cu'o// sku tshe'i tshad ni lo 'bum phrag gcig go// snying po'i bskal pa de zhidang la// chos mthong grags pa chen po yis mun pa chen po bcom nas ni/ / lha dang bcas pa snang bar mdzad/ de'i 'og gi char 'di nas bskal pa dgu bcu rtsa bzhi nas 'go brtsams nas bskal pa gcig la don grub ces bya ba'i sangs rgyas gcig byon no/ / de'i yang nyan thos kyi 'dus pa gsum du 'gyur te/ 'dus pa dang po la bye ba 'bum phrag gcig gi dge slong ngo // gnyis pa la bye ba dgu bcu'o//
- 48a
gsum pa la bye ba brgyad cu'o// de'i tshe byang chub sems dpa' gzi brjid drag po dang / mngon par shes pa'i stobs dang ldan pa'i dka' thub pa bkra shis bzang po zhes bya bar gyur to/ shing 'dzam bu chen po'i 'bras bu blangs nas de bzhin gshegs pa la phul lo// ston pas 'bras bu de gsol nas bskal pa dgu bcu rtsa bzhi'i 'og tu byang chub sems dpa' ma 'ongs pa na sangs rgyas su 'gyur ro zhes lung bstan no/ / bcom ldan 'das de'i grong khyer ni de d+hA ra zhes bya bar gyur to// yab ni rgyal ba'i sde zhes bya ba'i rgyal po'o// yum ni legs gyur ma zhes bya ba'o// mang du 'byung dang bshes gnyen bzang po ni nyan thos kyi mchog go/ nam gru can ni nye gnas so// zhi byed len ma dang legs brtan ma ni nyan thos ma'i mchog go// byang chub kyi shing ni karni ka'i shing ngo // sku'i mtho chad ni khru drug cu'o// sku tshe'i tshad ni lo 'bum phrag gcig go/ chos mthong gi ni 'og nyid du// 'jig rten 'dren pa don grub kyis// mun pa thams cad bcom nas ni// nam mkha' 'im shar ba bzhin/ de'i 'og gi char 'di nas bskal pa 'bum phrag dgu bcu rtsa gnyis nas 'go brtsams nas bskal pa gcig la dkar rgyal dang / gyur pa zhes bya ba'i sangs rgyas gnyis byon no/ / bcom ldan 'das dkar rgyal de'i yang 'dus pa gsum du gyur te/ 'dus pa dang po la bye ba brgya'i dge slong ngo // gnyis pa la bye ba dgu bcu'o// gsum pa la bye ba brgyad cu'o// de'i tshe
- 48b
byang chub sems dpa' longs spyod chen po dang / grags pa chen po dang ldan pa'i legs skyes zhes bya ba'i rgyal rigs su gyur pa/ dka' thub pa'i rab tu byung ba la rab tu byung nas rdzu 'phrul dang ldan par/ gyur te/ sangs rgyas byon pa thos nas lha'i me tog man+da ra ba dang / pad+ma dang / pA ri ts+tsha d+hI'i me tog rnams blangs nas 'khor bzhi'i nang du gshegs pa'i de bzhin gshegs pa la mchod nas/ nam mkha'i me tog gi bla res bres so/ / sangs rgyas des kyang 'di nas bskal pa dgu bcu rtsa gnyis nas sangs rgya bar 'gyur ro zhes lung stan to// bcom ldan 'das de'i grong khyer ni dge ma zhes bya ba'o// yab ni skye bo dad pa can zhes bya ba'i rgyal po'i rigs so// yum ni pad+ma zhes bya ba'o// tshangs pa'i lha dang 'char byed ni nyan thos kyi mchog go/ yang dag mchog ni nye gnas so// myur ma dang legs sbyin ma ni nyan thos ma'i mchog go/ byang chub kyi shing ni a sa na'i shing ngo // sku'i mtho tshad la khru drug cu'o// sku tshe'i tshad ni lo 'bum phrag gcig go/ don grub kyi ni 'og nyid du// gang zag zla med mtshung med pa/ / tshul khrims dpag med mtha' yas grags// 'jig rten 'dren pa dkar rgyal mchog/ de'i 'og gi char gyur pa zhes bya ba'i ston pa byon no// de'i yang 'dus pa gsum du gyur te/ 'dus pa dang po la 'bum phrag drug cu'i dge slong ngo // gnyis pa la 'bum phrag lnga bcu'o// gsum pa la 'bum phrag sum cu rtsa gnyis so// de'i tshe byang chub sems dpa' rnam par
- 49a
rgyal byed ces bya ba'i rgyal rigs su gyur to/ / rgyal po chen po'i rgyal rigs spangs nas ni ston pa'i drung du rab tu byung ste/ sde snod gsum bslabs nas skye bo mang po la dam pa'i chos ston cing 'chad pa dang / tshul khrims kyi pha rol tu phyin pa rdzogs par byas nas de yang de bzhin du 'tshang rgya bar 'gyur ro zhes lung bstan to// bcom ldan 'das de'i grong khyer ni gsal ldan zhes bya bar gyur to/ / yab ni rgyal ba'i sde zhes bya ba'i rgyal po'o// yum ni dpal ldan ma zhes bya'o// legs bsrungs dang chos kyi sde ni nyan thos kyi mchog go// 'jigs bcas ni nye gnas so// 'phreng ba ma dang nye ba'i 'phreng ba ma ni nyan thos ma'i mchog go/ byang chub kyi shing ni skyu ru ra'i shing ngo // sku'i mtho ched du khru lnga bcu rtsa brgyad do// sku tshe'i tshad ni lo stong phrag dgu bcu'o// snying po'i bskal ba de nyid la/ / ston pa bla na med par gyur// mtshungs dang mi mtshungs dpe med pa// 'jig rten mchog gi 'dren par gyur// de'i 'og gi char 'di nas bskal pa dgu bcu rtsa gcig la bcom ldan 'das rnam par gzigs zhes bya ba byon no/ / de'i yang 'dus pa gsum du gyur te/ 'dus pa dang po la dge slong 'bum phrag dgu bcu rtsa brgyad do// gnyis pa la 'bum phrag gcig go/ gsum pa la stong phrag brgyad cu'o// de'i tshe byang chub sems dpa' rdzu 'phrul ldan zhing mthu che bas mtshungs pa med pa'i klu'i rgyal por gyur te/ rin po che sna bdun gyis brgyan pa'i gser
- 49b
gyi ba dan chen po bcom ldan 'das la phul lo/ / des yang 'di nas bskal pa dgu bcu rtsa gcig na sangs rgya bar 'gyur ro zhes lung bstan no// bcom ldan 'das de'i grong khyer ni blo gros gnyen zhes bya bar gyur to/ / yab ni gnyen gyi rgyal po zhes bya ba'o// yum na blo gros gnyen ma zhes bya ba'o// phung po dang dkar rgyal ni nyan thos kyi mchog go// mya ngan med ni nye gnas so// bla bam dang zla ba'i bshes gnyen ma ni nyan thos ma'i mchog go/ byang chub kyi shing ni pA Di li'i shing ngo // sku'i mtho tshad du khru brgyad cu'o// sku'i 'od la rtag tu dpag tshad bdun du 'phro zhing gnas so/ / sku tshe'i tshad ni lo stong phrag brgyad cu'o// gyur pa yi ni 'og tu ni// rkang gnyis mchog gi rdzogs sangs rgyas// mtshan ni rnam par gzigs zhes bya// spyan ldan 'jig rten bskyed pa'o/ / de'i 'og gi char 'di nas bskal pa sum cu rtsa gnyis nas gtsug tor can dang / thams cad skyob ces pa'i sangs rgyas gnyis byon no// gtsug tor can gyi yang nyan thos kyi 'dus pa gsum du 'gyur te/ 'dus pa dang po la 'bum phrag gcig gi dge slong ngo // gnyis pa la 'bum phrag brgyad cu'o// gsum pa la 'bum phrag bcu'o// de'i tshe byang chub sems dpa' sgra'i dbang po zhes bya ba'i rgyal por gyur te/ sangs rgyas dang bcas pa'i dge 'dun rnams la chos gos dang bcas pa'i sbyin pa chen po phul lo// rin po che sna bdun gyi so sor brgyan pa'i
- 50a
glang po che phul nas/ glang po che'i tshad tsam ri zhing rung ba'i yo byad rnams phul lo// des yang 'di nas bskal pa sum cu rtsa gcig nas sangs rgyas su 'gyur ro zhes lung bstan to/ / gzhan yang bcom ldan 'das de'i grong khyer ni skya rengs ldan zhes par gyur to// yab ni skya rengs ldan zhes bya ba'i rgyal po'o// yum ni 'od ldan ma zhes bya ba'o// mngon 'byung dang yang dag 'byung ni nyan thos kyi mchog go/ dge bar byed pa ni nye gnas so// ma gi la dang pad+ma ni nyan thos ma'i mchog go/ byang chub kyi shing ni puN+Da ri ka'i shing ngo // sku'i mtho tshang du khru sum cu rtsa bdun du 'gyur ro/ / sku'i 'od dpag tshad gsum du 'phro zhing gnas so// sku tshe'i tshad ni lo stong phrag sum cu rtsa bdun no// rnam par gzigs kyi 'og tu ni// rkang gnyis mchog gi rdzogs sangs rgyas/ mtshungs meng rgyal ba gtsug tor can// gang zag zla med mtshungs med do// de'i 'o ga gi char thams cad skyob ces bya ba'i sangs rgyas byon no// de'i yang 'dus pa gsum du gyur te'adus pa dang po la 'bum phrag brgyad cu'i dge slong ngo / / gnyis pa la 'bum phrag sum cu rtsa bdun no// gsum pa la 'bum phrag drug cu'o// de'i tshe byang chub sems dpa' blta na sdug ces bya ba'i rgyal por gyur te/ sangs rgyas la sogs pa'i dge 'dun la chos gos dang bcas pa'i sbyin pa chen po phul nas de'i drung du rab tu byung ste/ spyod pa dang yon tan dang ldan pas sangs rgyas dkon mchog
- 50b
la ri mor byas te dga' bar gyur to/ / de yang bcom ldan 'das kyis 'di nas bskal pa sum cu rtsa gcig nas sangs rgyas su 'gyur ro zhes lung bstan to// gzhan yang bcom ldan 'das de'i grong khyer ni yid ldan zhes bya bar gyur to/ / yab ni legs par gnas zhes bya ba'i rgyal po'o// yum ni grags ldan ma zhes bya ba'o// nyan pa dang mchog ni nyan thos kyi mchog go// nye bar zhi ba ni nye gnas so/ / 'phreng ba ma dang 'greng ba dang bcas pa ma ni nyan thos ma'i mchog go// byang chub kyi shing ni sA la'i shing ngo // sku'i mtho tshang mi khru drug cur 'gyur ro// sku mo'i tshad ni stong phrag drug su// snying po'i bskal pa de nyid la// gang zag bla med mtshungs pa med// mtshan ni thams cad skyob ces pa// rgyal ba de ni 'jig rten bskyed// de'i yang 'og gi char bskal pa 'di la sangs rgyas bzhi byon no/ / log pa dang sel dang / gser thub dang / 'od srungs dang / bdag cag gi bcom ldan 'das so// gzhan yang bcom ldan 'das log pa dang sel gyi nyan thos kyi 'dus pa ni gcig go/ / de la stong phrag bzhi bcu'i dge slong ngo // de'i tshe byang chub sems dpa' dge ba zhes bya ba'i rgyal por gyur to// sangs rgyas la sogs pa dge 'dun la lhung bzed chos gos dang bcas pa'i sbyin pa nyid dang / mig sman dang / sman la sogs pa phul nas ston pa'i chos bstan pa thos nas rab tu byung ngo // de yang ston pas lung bstan to// gzhan yang bcom ldan 'das log pa dang sel
- 51a
de'i grong khyer dge ba zhes bya bar gyur to/ / yab ni mi sbyin bram ze'i zhes bya ba'o// sum ni bram ze mo grogs ma'o// bi d+ha ra dang yang dga' tshon nyan thos kyi mchog go/ zam ze blo gros ni nye gnas so// mnyam byed dang tsam pa ka ni nyan thos ma'i mchog go// byang chub kyi shing ni shing shi ri Sha chen po'o// sku'i mtho chang la khru bzhi bcur 'gyur ro// sku tshe'i tshad ni lo stong phra bzhi bcu'o/ / thams cad skyob kyi 'og tu ni// rkang gnyis mchog gi rdzogs sangs rgyas// mtshan ni log pa dang sel zhes// gnal med ring la sems dpa' 'o// de'i 'og gi char ston pa gser thub ces bya ba byon no/ / de'i yang nyan thos kyi 'dus pa gcig ste/ de la stong phrag sum cu'i dge slong du gyur to// de'i tshe byang chub sems dpa' ri zhes bya ba'i rgyal por gyur to// rngon po'i tsho gas mang po dang 'khor dang bcas pa chos bstan pa thos nas/ sangs rgyas la sogs pa'i dge slong gi dge 'dun rnams mgron du gnyer nas sbyin pa chen po phul te ston pa'i drung du song ste/ lhung bzed dang / rgya'i dar dang / grong khyer gsal ldan gyi yum gyi ras dang / la ba dang / du ku la'i ras dang / dar gos gser ma rnams phul te/ ston pa'i drung du rab tu byung ngo // de yang sangs rgyas su 'gyur bar lung bstan no/ / bcom ldan 'das de'i grong khyer ni mdzes ldan zhes bya bar gyur to// yab ni gnod sbyin zhes bya ba'i bram ze'o// yum ni mchog ma zhes bya ba'i bram
- 51b
ze mo'o/ / 'jigs byed dang mchog ni nyan thos kyi mchog go/ bkra shis zhes bya ba ni nye gnas so// rgya mtsho ma dang mchog ma ni nyan thos ma'i mchog go// byang chub kyi shing ni u dum wa ra'i shing ngosku'i mtho tshad la khru nyi shu'o/ / sku tshe'i tshad ni lo stong phrag sum cu'o// log par dad sel 'og tu ni// rkang gnyis mchog gi rdzogs sangs rgyas// mtshan ni rgyal ba gser thub bo// mi yi khyu mchog 'jig rten gtso// de'i 'og gi char 'od srungs zhes bya ba'i ston pa byon no// de'i yang 'dus pa gcig ste/ de la dge slong stong phrag nyi shu'o// de'i tshe byang chub sems dpa' 'od basbyor zhes bya ba'i bram ze'i khye'ur gyur nas/ rig byed gsum gyi pha rol tu son to// sa dang bar snang thams cad la grags so// bum pa byed pa'i rdza mkhan gyi grogs por gyur to/ / byang chub sems dpa' rdza mkhan dang 'grogs te ston pa'i drung du song ste/ chos kyi gtam thos nas rab tu byung ngo // brtson 'grus cher bskyed nas sde snod gsum bslabs te spyod pa dang ldan pa sangs rgyas kyi bstan pa mdzes par byed do/ / de yang ston pas lung bstan no// bcom ldan 'das de'i bltam pa'i bar grong khyer ni wA rA Na si zhes bya ba'o// yab ni tshangs byin zhes bya ba'i bram ze'o/ / yum ni 'byor ldan ma zhes bya ba'i bram ze mo'o// dkar rgyal dang b+hA ra d+h+wa dza ni nyan thos kyi mchog go// thams cad bshes gnyen ni nye gnas so// rjes su len ma dang stong rgyas ma ni nyan
- 52a
thos ma'i mchog go/ / byang chub kyi shing ni n+ya grong shing do// spu'i mtho ched du khru'i bur 'gyur to// mu tshe'i tshad la stong brag shA'o// gser thub can 'og tu ni/ rkang gnyis mchog gi rdzogs sangs rgyas mtshan ni rgyal ba 'od srung ngo // chos kyi rgyal ba 'od mdzad do// gzhan yang bskal pa gang la stobs bcu dang ldan pa'i mar me mdzad pa de la/ gzhan yang sangs rgyas gsum byon par gyur te/ de rnams kyi drung du byang chub sems dpa' lung ma bstan no// de'i phyir 'dir yang ma bstan te/ gzhan yang don gyi gtam 'dis 'di'i bskal pa nas bzung nas sangs rgyas thams cad mthong ba'i don du 'dir bshad do/ / sred mdzad dang ni blo gros mdzad// de nas skyabs ni mdzad pa yin// mar me mdzad ni rdzogs sangs rgyas// rkang gnyis mchog ni ko'u Di n+ya// bkra shis dang ni thugs bzang dang // thub pa nam gru mdzes byed dang // thugs ldan mthong dang pad+ma dang // mi sbyin dang ni pad+ma'i mchog/ blo gros bzang dang legs skyes dang / / grags chen blta na sdug pa dang // don mthong dang ni chos mthong dang // 'jig rten 'dren pa don grub dang // rdzogs sangs rgyas ni dkar rgyal gyur// rnam gzigs gtsug tor thams cad skyob/ / log pa dang sel gser thub dang // 'dren pa 'od srungs zhes bya'o// yang dag rdzogs sangs rgyas rnams ni// mnyam par gzhag cing 'dod chags bcom// 'od
- 52b
zer brgya pa bzhin du 'khrungs/ / mun pa chen po rnam par 'joms// me yi phung po bzhin du'abar// nyan thos dang bcas mya ngan 'das// de la dadag cag gi byang chub sems dpa' mar me mdzad la la sogs pa'i sangs rgyas nyi shu rtsa bzhi'i drung du smon lam btab nas bskal pa grangs med pa bzhi dang 'bum phrag gcig lhag pa nas byon no/ / gzhan yang bcom ldan 'das 'od srungs de'i 'og gi char gnas te yang dag par rdzogs pa'i sangs rgyas 'di las sangs rgyas gzhan med do zhes mar me mdzad la sogs pa'i sangs rgyas nyi shu rtsa bzhi'i drung du lung bstan pa thob bo/ / gzhan yang byang chub sems dpa' gang des/ mi yi bdag nyid rtags dang ldan// sgyu dang ston pa'i blta ba dang // rab tu byung zhing yon tan ldan// gzhi rnams dang ni 'dun pa dang // chos brgyad po ni tshogs pa dang / / smon lam rnams ni yang dag rdzogs// chos brgyad po 'di rnams tshogs par byas nas mar me mdzad kyi zhabs drung du smon lam btab cing sangs rgyas su byed pa'i chos 'di rnams gang dang gang du tshol ba'i spro ba skyes so/ / btsal ba de rnams mthong ba nas// dang po sbyin pa'i pha rol phyin// sbyin pa'i pha rol tu phyin pa la sogs pas sangs rgyas thob par byed pa'i chos rdzogs par byed pa nyid thams cad sgrol gyi bdag nyid byon no/ / byon nas gang de rnams byas pa'i smon lam byang chub sems dpa' rnams kyis phan yon bsngags par mdzad do// de bzhin yan lag thams cad
- 53a
ldan mi yis byang chub nges pa dang / / 'khor ba yun ring gzhi med pa// bskal pa bye ba brgya nyid dam// mnar med du mi skye'o// de bzhin du ni 'jig rten par/ bkres skom sred dang 'bar ba dang // yan lag thams cad mi 'chad 'gyur// srog chags phra mor mi 'gyur zhing // ngan pagro rnams su skye mi 'gyur// mi ru skyes par gyur pa na// de ni dmus long mi 'gyur zhing / / 'on par yang ni mi 'gyur la// lkugs dang gzhogs phyed na mi 'gyur// bud med du ni skye mi 'gyur// za ma ma ning mtshan gnyis dang // mtha' 'khob tu ni skye mi 'gyur/ / mi yi byang chub nges pa yin// mtshams med pa las grol ba dang // dag pa'i spyod yul thams cad du// log pa'i lta ba mi sten no// las kyi bya ba mthong ba dang // mthong la ni gnas nas su/ / 'du shes med par skye mi 'gyur// gtsang ma ris kyi lha rnams su// sgyu dang ming ni skye ba med// skyes bu dam pa nges 'byung sems// dngos dang dngos med ldan pa med gang zhig 'jig rten don du 'gro/ / pha rol phyin kun rdzogs par byed// phan yon de rnams ldog par thob pa 'am// des pha rol tu phyin pa rdzogs par byed do// grags pa dang ldan par bram ze'i dus su dang / dung gi bram ze'i dus su dang / nor rgyal gyi rgyal po'i dus su dang / blta na sdug chen po rgyal po'i dus su dang / khyab 'jug chen po'i dus su dang / rgyu mtshan gyi rgyal po chen po'i
- 53b
dus su dang / zla ba gzhon nu'i dus su dang / yul gyi mchog gi dus su dang / shi pi pa'i rgyal po'i dus su dang / thams cad sgrol gyi dus su ni sbyin pa'i pha rol tu phyin pa rdzogs pa'i bdag nyid de/ tshad med pa zhes bya'o// mtha' gcig tu yang dang yang byang chub sems dpa' mkhas pa'i ri bong gi skyes rabs las/ nyer 'ongs slong ba mthong ba na// rang gi lus ni yongs su btang // bdag gi/ sbyin la mnyam pa med// 'di rnams sbyin pa'i pha rol phyin// de ltar lus yongs su gtong bar byed pas sbyin pa'i pha rol tu phyin pa ste/ don dam pa'i pha rol tu phyin pa zhes bya ba skyes so// de bzhin du tshul/ khrims dang ldan pa'i klu'i rgyal po'i dus su dang / tsam po spyi'i klu'i rgyal po'i dus su dang / sa sbyin klu'i rgyal po'i dus su dang / mche ba drug pa'i glang po'i rgyal po'i dus su dang / rgyal ba dang mtshungs pa'i rgyal po'i bu zhum pa med pa'i dgra gzhon nu'i dus su ni tshul khrims kyi pha rol tu phyin pa rdzogs par skyes pa la tshad med do/ / mtha' gcig tu gzhan yang / de yi dung skyong skyes rabs las// gsal shing gis ni phug nas ni/ / mtshon cha blangs nas brdeg pa dang // grong dpon bu la khro mi byed// tshul khrims par phyin bdag gi 'di// de bzhin du lus yongs su gtong bar byed pa ni tshul khrims kyi pha rol tu phyin pa ste don dam pa'i pha rol tu phyin pa zhes bya ba skyes so/ / de bzhin du yid bzang gzhon nu'i dus su dang / glang chen skyong gzhon nu'i dus su dang / lcags khyim mkhas pa'i dus su ni rgyal srid chen po spang
- 54a
nas nges par 'byung ba'i pha rol tu phyin pa bdag nyid la skyes pa ni tshad med do/ / gzhan yang mtha' gcig tu de'i bu zhi ba chung ngu'i skyes rabs las/ rgyal po chen po lag tu thog mchil ma'i lbu ba bzhin du spangs/ / rgyal srid spangs kyang zhen pa med// bdag gi nges 'byung bar phyin 'di// de bzhin du nges par bdag gis rgyal srid spangs nas nges par 'byung ba'i pha rol tu phyin pa ste/ don dam pa'i pha rol phyin pa zhes bya ba skyes so/ / de bzhin du mkhas pa bi d+hA ra'i dus su dang / mkhas pa khyab 'jug chen po'i dus su dang / mkhas pa stog rtse ba'i dus su dang / mkhas pa a ra'i dus su dang / kun tu rgyu byang chub kyi dus su dang / mkhas pa sman chen po'i dus su ni shes rab kyi pha rol tu phyin pa rdzogs par bdag la skyes pa la tshad med do// gzhan yang mtha' gcig tu de'i phyir snod kyi skyes rabs las mkhas pa sde can gyi dus su dang / bdag gi shes rab tshol ba na// bram ze'i sdug bsngal grol ba dang // bdag gi shes rab mtshungs pa med// bdag gi shes rab par phyin 'di// pha che'i nang gi sbrul bdag gis blta ba ni shes rab kyi pha rol tu phyin pa ste don dam pa'i pha rol tu phyin pa zhes bya ba skyes so/ / de bzhin du brtson 'grus kyi pha rol tu phyin pa rdzogs par bdag la skyes pa tshad med do// gzhan yang mtha' gcig tu de'i skyes na yon gyi skyes rabs las/ ngogs ma mthong ba'i rgya mtsho'i dbus// mi rnams thams cad shi bar gyur// sdug bsngal med pa'i sems kyis ni// bdag gi brtson 'grus
- 54b
phar phyin 'di/ / rgya mtsho chen po las sgrol bar byed pa'i brtson 'grus kyi pha rol tu phyin pa zhes bya ba skyes so// bzod par smra ba'i skyes rabs las/ sems med pa la gcod pa bzhin// bdag la rno ba'i dgra sta yis/ / gsal ldan rgyal po la mi khro// bdag gi bzod pa'i bar phyin 'di// de ltar sems med pa'i dngos pos bzhin du bdag sdug bsngal chen po la lhag par gnas pa ni bzod pa'i/ pha rol tu phyin pa ste/ don dam pa'i pha rol tu phyin pa zhes bya ba skyes so// bu zhi ba chen po'i skyes rabs las/ bden pa'i tshig ni rjes su bsrung // bdag gi srog ni spangs nas su// rgyal rigs brgya phrag grol bar byed/ / bdag gi bden pa'i phar phyin 'di// de ltar srog spangs nas bden pa rjes su bsrung ba de ni bden pa'i pha rol tu phyin pa ste/ don dam pa'i pha rol tu phyin pa zhes bya ba skyes so// lkugs pa dang gzhogs phyed na pa'i tshul gyi skyes rabs las/ pha ma bdag la mi dgos shing // nor dang grags pa'ang dgos pa med// bdag ni thams cad mkhyen la dga'// de phyir brtul zhugs gnas pa'o/ / de ltar srog gi 'dod pa yongs su btang nas brtul zhugs la lhag par gnas pa ni lhag par gnas pa'i pha rol tu phyin pa ste/ don dam pa'i pha rol tu phyin pa zhes bya ba skyes so// rgyal po gcig gi skyes rabs las/ gang zhig bdag la skrag byed med// bdag gis gang la'ang 'jigs ma byas// byams pa'i stobs kyi steng gnas shing // de tshe stong pa nyid la dga'//
- 55a
de ltar srog yongs su gtong ba la mi lta zhing byams par byed pa de'i byams pa ni pha rol tu phyin pa ste/ don dam pa'i pha rol tu phyin pa zhes bya ba skyes so// ngang pa'i spu'i skyes rab las/ dur khrod du ni gnas pas sems// rus gong la ni brten byas nas// bdag gi gnas su nye bar 'ongs// gzugs la blta ba nyung ba med// de ltar grong gi khye'u la rdo la sogs pa blangs nas rdung ba nyid dang / me tog 'phreng ba dang / spos kyis nye bar spyod pa la sogs pas bde ba dang sdug bsngal bskyed kyang btang snyoms su 'dor ba de ni btang snyoms kyi pha rol tu phyin ste/ don dam pa'i pha rol tu phyin pa zhes bya ba skyes so/ / de rnams 'dir mdor bsdus pa'o// rgya cher yang slar 'di'i don dpyod pa'i sde snod las blang bar bya'o// de ltar pha rol tu phyin pa rdzogs nas thams cad sgrol gyi bdag nyid du gnas so/ / sems med pa yi sa gzhi yi// bde dang sdug bsngal mi shes kyang // bdag gi sbyin pa'i stobs de yis// lan bdun du ni rab tu g.yos// de ltar sa gzhi chen po g.yo ba la sogs pa bsod nams chen po byed cing tshe'i mthar shi 'phos te dga' ldan du skyes so// zhes pa ni mar me mdzad kyi zhabs drung nas bzung ste ji srid dga' ldan du skyes bapa de rnams kyi bar ni ring po'i gzhi zhes bya bar rig par bya'o/ / gzhan yang byang chub sems dpa' dga' ldan du bzhugs pa nyid nas sangs rgyas kyi sgra cher sgrogs pa zhes bya ba skyes pa na
- 55b
'jig rten 'dir sgra cher sgrogs pa gsum byung ste/ bskal pa'i sgra cher sgrogs pa dang / sangs rgyas kyi sgra cher sgrogs pa dang / 'khor lo sgyur ba'i sgra cher sgrogs pa'o// de la lo 'bum phrag/ gcig gi mthar bskal pa 'jig par 'gyur ro// zhes pa 'jig rten gyi ming du brjod pa ni 'dod pa na spyod pa'i lha mgo g.yogs kyi ma bsgribs pa dang / skra grol ba dang / ngu ba'i kha can lag pas mig gi mchi ma 'phyi ba/ gos dmar po gyon pa/ lhag par gzugs mi sdug pa'i cha byad 'dzin par gyur pa'i mi rnams lam la 'gro zhing 'di ltar brjod do// 'jig rten pa 'di nas lo 'bum phrag gcig 'das nas bskal pa 'jig par 'gyur ro/ / 'di yi 'jig rten rnams 'jig par 'gyur ro// rgya mtsho chen po yang bskams par 'gyur ro// sa gzhi chen po 'di dang ri'i rgyal po ri rab kyang thal bar 'gyur zhing 'jig go/ / tshangs pa'i 'jig rten gyi bar du 'jig rten 'jig par 'gyur ro zhes brjod do// 'jig rten pa rnams byams pa sgoms shig/ snying rje sgoms shig/ dga' ba sgoms shig/ btang snyoms sgoms shig/ mal rim gro gyis shig/ pha la rami gro gyis shig/ rigs kyi gtso bo la rim gro gyis shig ces pa 'di ni bskal pa'i sgra cher sgrogs pa zhes bya ba'o/ / lo stong phrag gcig 'das nas slar yang sangs rgyas thams cad mkhyen pa 'jig rten du byon no zhes brjod pa 'di 'jig rten skyong ba'i lha rnams 'di nas 'jig rten pa
- 56a
rnams lo stong phrag gcig 'das/ gzhan yang sangs rgyas 'jig rten du byon no zhes brjod cing sgra cher sgrogs pas rgyub 'di ni sangs rgyas kyi sgra cher sgrogs pa zhes bya ba yin/ no// gzhan yang lo brgya 'das nas 'khor lo sgyur ba'i rgyal po byon no zhes brjod pa ni lha nyid de/ 'jig rten pa rnams lo brgya 'angs nas 'khor lo sgyur ba'i rgyal po 'jig rten du byon zhes sgra cher brjod cing rgyu ba 'di ni 'khor lo sgyur ba'i sgra cher sgrogs pa zhes bya ba yin no/ / gsum po 'di ni sgra cher sgrogs pa yin no// de rnams las sangs rgyas kyi sgra cher sgrogs pa thos nas stong phrag bcu'i khor yug gi lha thams cad gnas gcig tu 'dus te/ che ge mo zhes bya ba'i byang chub sems dpa' sangs rgyas su 'gyur bar rtogs nas zhu ba'i phyir nye bar song ste/ zhus nas kyang sngar gyi mtshan ma skyes pa la/ zhus so// de'i tshe slar yang thams cad kyi re re'i khor yug gi rgyal po chen po bzhi'i ris dang / brgya byin dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs pa chen po dang bcas pa'i lha dang / khor yug gi lha rnams 'dus pa'o// dga' ldan gyi lha gnas su byang chub sems dpa'i drung du song ste/ drang srong chen po khyod kyis pha rol tu phyin pa bcu rdzogs pa ni brgya byin gyi phun sum tshogs par bya ba'i phyir ma yin/ bdud kyi phyir ma yin/ tshangs pa'i phyir don du gnyer ba rdzogs par bya ba'i phyir ma yin/ 'khor lo sgyur
- 56b
pa'i phun sum tshogs pa'i phyir don du gnyer ba rdzogs par bya ba'i phyir ma yin no/ / gzhan yang 'jig rten pa sgral ba'i phyir dang / thams cad mkhyen pa don du gnyer ba'i phyir rdzogs par byed do// de rnams ni da lta'i dus nas drang srong chen po sangs rgyas su 'gyur ba'i dus ni drang srong chen po sangs rgyas su 'gyur zhes zhus so// sems dpa' chen po lha la gnang ba ma byin te/ dus dang / gling dang / yul dang / rigs dang / yum dang / tshe dang / tshe'i bye brag lhag ma las med do// chen po lnga po zhes bya ba legs par gzigs shing gzigs so// de la dus dang dus ma yin pa zhes bya ba ste/ dang po dus la gzigs so// de la lo 'bum phrag gcig gi thog ma nas 'phel ba ni tshe'i dus dang dus ma yin pa'o// gang gi phyir de'i tshe sems can rnams kyi skye ba dang / rga ba dang 'chi ba rnams la gzigs so/ / sangs rgyas rnams kyi chos ston pa'i mtshan nyid lnga spangs nas gzhan pa ni med do// de rnams ni mi rtag pa dang / sdug bsngal ba dang / bdag med pa ston cing 'di rnams ci'i phyir 'chad pa nyid mi nyan pa dang / mi dad pa dang / mi sems pa'o// de ni dus ma yin no// de'i phyir mi sems pa dang ma nges pa'i snyan pa yin no// de'i phyir de ni dus ma yin pa'o/ / lo brgya pa dman pas tshe'i dus kyang de'i dus ma yin no// gang gi phyir de'i tshe sems can nyon mongs pa shin tu che ba yin no// nyon mongs pa shin tu che bas gdams pa byin no//
- 57a
gdams pa la mi gnas na tshul dbyug pa brgyab pa'i ri mo bzhin myur du 'gag go// de'i phyir de yang dus ma yin pa'o// lo 'bum phrag gcig nas gzung ba'i 'og tu 'o// brgya pa'i 'gor tshe'i dus te dus zhes bya ba yin no// de'i tshe yang lo brgya pa yin no// de nas sems dpa' chen po skye bar rigs so zhes dus la gzigs so// de nas gling la gzigs te/ gling bzhi 'khor dang bcas pa la gzigs na/ gling gsum po rnams su sangs rgyas mi 'byon no// 'dzam bu gling nyid du 'byon no// gling la gzigs pa'o// de nas 'dzam bu gling zhes bya ba dpag tshad stong phrag bcu'i tshad kyis che ba'o/ / yul gyi phyogs gang zhig tu sangs rgyas byon par 'gyur zhes yangs shing grol ba'i gnas blta zhing yul dbus la gzigs te/ yul dbus zhes bya ba ni shar gyi phyogs na ka dzaM ga la zhes bya ba'i grong rdal lo/ / de'i pha rol na shing sA la chen po'o// de nas gzhan yang bas mthu'i ljongs dang nye ba'i nang ngo // shar lho'i mtshams su sbru la can zhes bya ba'i chu klung ngo / / de nas gzhan yang bas mtha' ldangs dang nye ba'i nang ngo // lho phyogs su mo ta ka Ni ka zhes bya ba'i grong ngal lo// de nas gzhan yang bas mtha'i sngangs dang nye ba'i nangango // nub phyogs ka pa zhes bya ba bram ze'i grong rdal lo// de nas gzhan yang bas mdza'i ljongs dang nye ba'i nang ngo // byang gi phyogs su u shar ni ra'o// de nas gzhan yang bas mdza'i ljongs dang sa
- 57b
nang ngo / / 'di ltar 'dul bar bshad cing bstan no// dkyus su dpag tshad sum brgya'o// zheng du dpag tshad phyed dang sum brgya'o// mtha' bskor la dpag tshad dgu brgya'o// yul phyogs de rnams su ni sangs rgyas dang / rang sangs rgyas dang / nyan thos mchog rnams dang / nyan thos chen po brgyad cu dang / 'khor lo sgyur ba'i rgyal po dang / gzhan yang skyes bu chen por grags pa'i rigs dang / bram ze'i rigs dang / shing sA la chen po'i lta bu'i khyim bdag rnams 'khrung ba'i gnas so// de rnams las grong khyer ser skya zhes bya ba 'di'o// der bdag 'khrung bar rigs so zhes thugs kyis nges par byas so/ / de nas rigs la gzigs pa zhes bya ba ni/ sangs rgyas zhes bya ba rje'u'i rigs sam/ gdol pa'i rigs la mi 'khrung ngo // slar yang 'jig rten pa mos pa'i rgyal rigs sam/ bram ze'i rigs gnyis la 'khrung ngo // da lta ni rgyal rigs la 'jig rten pa sems so// de la 'khrung ngo // bdag gi yab ni zas gtsang ma zhes bya ba'i rgyal po yin te rigra la gzigs so// de nas yum la gzigs te/ 'dod pa chang la dga' ni sangs rgyas kyi yum zhes bya ba ma yin no// gzhan yang bskal pa 'bum phrag gcig la pha rol tu phyin pa rdzogs par byas nas 'khrung ngo / / nyams pa med pa'i tshul khrims lnga po nyid len no// lha mo sgyu 'phrul chen mo zhes bya ba 'di de dang 'drab bdag gi yum yin no// gzhan yang gang de tsam gyis che'o// zla ba bcu'i 'go nas
- 58a
zhag bdun du gzigs so/ / 'di ni chen po lnga la gzigs so// gzigs nas drang srong chen po bdag gi dus de sangs rgyas su 'gyur ba'i lha rnams kyis tshig gis gnang ngo // khyed rnams gshegs par zhu zhes lha de rnams btang nas dga' ldan gyi lha rnams kyis yongs su bskor te/ dga' ldan gyi dga' ba'i tshal du zhugs so// 'jig rten gyi lha thams cad dga' ba'i tshal na yod pa nyid do/ / de la 'di yi lha 'di nas shi 'phos nas bde ba'i 'gro bar skyes te/ 'di nas shi 'phos nas bde ba'i 'gro bar skyes so// sngar byas pa'i dge ba'i las byas pa rjes su dran zhing rgyu'o/ / de de ltar lha rnams kyis dge ba rjes su dran pa rnams 'khor du byas shing der rgyu'o// shi 'phos nas lha mo sgyu 'phrul ma chen mo'i mngal du zhugs so// de la legs par brjod pa'i// phyir 'di go rim bzhin du sngon gyi gtam brjod do// de'i tshe grong khyer ser sbyar dbyar zla 'bring po'i rgyu skar du brjod par skye bo thams cad rgyu skar la rtse zhing / lha mo sgyu 'phrul chen mo yang nya'i sngun du zhag bdun nas me tog 'brang ba dang spos kyi 'byor pa dang ldan pas rgyu skar la rtse zhing longs spyod do/ / zhag bdun gyi mthar snga dro langs nas dri bzang gi chus khrus byas te/ 'bum phrag bzhi'i longs spyod spel te sbyin pa chen po btang nas rgyan thams cad kyis brgyan/ kha zas bzang po zos te/ gso sbyong yan lag brgyad pa la gnas so// rgyan du byed pa la rigs pa'i dpal gyi khang pa'i nang du
- 58b
zhugs nas/ dpal gyi mal cha la nyal te gnyid du song nas 'di lta bu'i rmi lam mthong ngo // rgyal po chen po bzhi pos mal stan dang bcas pa nyid blangs nas gangs can gyi nang du song ngo // dpag tshad drug cu pa'i ma ni sha la'i steng du dang / dpag tshad bdun pa'i shing sA la chen po'i 'og tu bzhag nas phyogs gcig tu 'khod do// de nas de'i lha mo 'ongs nas/ lha mo sgyu 'phrul ma chen mo mtsho ma dros par khrid do/ / mi'i dri ma bsal ba'i phyir khrus byas te/ lha'i gos gyon nas dri bzang pos byug cing lha'i me tog 'dogs so// de nas mi ring bar dngul gyi ri de'i nang na gser gyi gzhal med khang 'dug go/ der shar du mgo bstan pa'i lha'i mal cha la der nyol zhes zer nas nyal lo// de nas byang chub sems dpa' glang po che dkar po gcig tu gyur to// de nas mi ring bar gser gyi ri gcig la der 'dzeg cing / de nas mar babs nas/ dngul gyi ri la 'dzeg go/ byang gi phyogs nas 'ongs te/ dngul gyi 'phreng ba dang mtshungs pa'i glang po che yi gnas pad+ma dkar po 'dzin cing / glang po che'i sgra sgrogs pas gser gyi gzhal yas khang du zhugs te/ rang gi mal cha la lan gsum du bskor ba byas nas glo g.yas pa phug nas lhor zhugs pa bzhin du gyur to// de ltar bre'i skar ma mchog la lhums su zhugs so/ / nyi ma gnyis pa la de'i snga dro sad de lha mos rgyal po la rmi lam rnams smras so// rgyal pos bram ze drug cu rtsa bzhi bos nas me tog gi 'phreng ba la sogs
- 59a
#pas ra bkra shis dang bsti stang byed cings la mal stan chen po bshams/ de la bzhugs pa'i bram ze rnams la mar gsar dang / sbrang rtsi dang / ka ra ba rnams dang bsres/ pa'i 'o thug rnams gser dang dngul las byas pa'i sder ma bkang ste/ gser dang dngul gyi sder mas so sor bkab nas bram ze rnams la phul lo// gzhan yang rgyal po gyon pa dang mtshungs pa'i gos dang ba gser rgya ma la sogs pa byin nas de rnams tshim par byas so/ / de nas de thams cad 'dod pa thams cad kyis tshim par gyur nas rmi lam bshad de ci 'dra bar 'gyur zhes dris so// bram ze rnams kyis smras pa/ rgyal po chen po 'jigs par ma byed cig/ khyod kyi lha mo'i lho'i nang du sems can zhugs te/ de yang nang gi de skyes bu'o// mngal gyi nang gi de bu mo ni ma yin no// de khyod kyi sras por 'gyur ro/ / de gal te khyim na gnas na 'khor lo sgyur ba'i rgyal por 'gyur ro// gal te khyim spangs nas rab tu byung na sangs rgya bar 'gyur ro// 'jig rten du zlog nas slar khyim na gnas nas skye ba med do/ / gzhan yang byang chub sems dpa' yus gyi mngal du zhugs pa de ma thag tu thun gcig nyid la stong phrag bcu'i 'jig rten gyi khams thams cad yang dag par g.yos so// yang dag par rab tu g.yos so/ / yang dag par sgra sgrogs so// mtshan ma sum cu rtsa gnyis sngon gyi mtshan mar gyur to// stong phrag bcu'i khor yug rnams su snang ba tshad med par khyab cing gnas so//
- 59b
de yang de'i dpal dalta ba 'di lta bu ste/ long ba rnams kyis mig thob bo// 'on pa rnams kyis rna bas sgra thos so// lkugs pa rnams kyis smra shes so// sgur po rnams drang por gyur to// gong po rnams kyis 'gro shes par gyur to/ / bcings pa'i sems can thams cad ni rjes su bcings pa las grol bar gyur to// dmyal ba thams cad kyi me zhi bar gyur to// yi dgas kyi yul pa rnams bkres pa dang / skom pa zhi bar gyur to// dud 'gro rnams phan tshun 'jigs pa med par gyur to// sems can thams cad kyi nang zhi bar gyur to// sems can thams cad dga' bzhin du smra bar gyur to/ / rta rnams skad snyan pa'i rnam par gyur to// glang po rnams ni sgra sgrogs so// rol mo rnams rang byung rang byung gi sgra sgrogs so// mi rnams kyi rkang pa dang lag pa'i rgyan rang rang ma reg pas so sor 'byin to/ / phyogs thams cad rab tu dngas par gyur to// sems can rnams bde ba bskyed pa'i phyir rlung 'jam po ldang bar gyur to// dus ma yin par sprin la char bab bo/ / sa la chu byung nas phyogs thams cad chur gyur to// bya rnams nam mkha' la 'gro ba spong ngo // chu klung rnams 'gro ba med par gnas so// rgya mtsho chen po'i chu ni mngar bar gyur to// gnas thams cad nyid du kha dog lnga po'i pad+mas sa'i steng thams cad khyab par gyur to// zang dang chu las skyes pa'i me tog rnams kha bye bar gyur to// ljon shing rnams kyi sdong po la sdong po'i pad+ma'i ma
- 60a
tog go/ / yal ga rnams la yal ga'i pad+ma'i me tog go// 'khri shing rnams la 'khri shing pad+ma'i me tog la bye'o// zang dang rdo'i steng du brtol nas steng nas steng du bdun bdun du gyur nas/ dan+na pad+ma zhes bya ba phyung ngo // nam mkha' nas thur du pad+ma 'phyang ngo // thams cad du me tog gi char bab bo// nam mkha' la lha'i rol mo'i sgra sgrogs so// stong phrag bcu'i 'jig rten gyi khams thams cad me tog dang / bdug spos dang / dri chab mchog tu skal ba bzang bar gyur to// 'di ltar byang chub sems dpa' mngal du zhugs pa nyid nas byang chub sems dpa' dang / byang chub sems dpa'i yum gyi nye bar 'tshe ba klog pa'i phyir ral gri lag tu thogs pa'i lha'i bu bzhis srung bar byed do// byang chub sems dpa'i yum ni skyes pa la 'dod chags mi skye zhing / rnyed pa dang grags pa thob par gyur to// skyid pa sku la dub pa med par byang chub sems dpa' de yang rum du zhugs nas/ nor bu rin po che rab tu dngas pa srad bu dmar po la brgyus pa bzhin du mthong ngo / / gang gi phyir yang byang chub sems dpa' zhugs pa'i rum zhes bya ba ni mchod rten gyi nang bzhin du sems can gzhan gyis reg pa dang longs spyod par mi nus so// de'i phyir byang chub sem dpa'i yum byang chub sems dpa' 'khrungs nas zhag bdun nas dus las 'das nas dga' ldan du skye bar 'gyur ro/ / ji ltar yang bud med gzhan zla ba bcu las dman pa 'am/ lhag pa'am/
- 60b
'dug pa 'am/ nyal nas skye'o// byang chub sems dpa'i yum ni de lta bu ma yin te/ de yang byang chub sems dpa' zla ba bcur rum du bsrungs nas/ 'greng ba la skye'o// 'di ni byang chub sems dpa'i yum thams cad kyi chos nyid do/ / lha mo sgyu 'phrul ma chen mo yang snod kyi nang gi 'bru mar bzhin du byang chub sems dpa' zla ba bcur rum du 'tsho zhing / rum yongs su rdzogs nas gnyen gyi gro du grong zhes rgyal po chen po zas gtsang gi drung du smras so/ / lha rigs kyi rgyud kyi grong khyer chen po lha bstan du bdag 'gro bar 'dod do// rgyal pos legs so zhes brjod nas gnang ngo // ser skya'i gzhi dang 'grong khyer lha bstan gnyis kyi bar gyi lam mtshungs par byas nas/ chu shing dang / bum pa gang ba dang / rgyal mtshan dang / ba dan la sogs pa'i rgyan 'dzugs su bcug nas lha mo gser gyi ngo li la bzhugs te/ blon po stong phrag gcig gis bteg ste/ 'khor mang po dang bcas pa btang ngo // grong khyer gnyis kyi bar du yang / gnyis ka'i grong khyer gnas pa'i lum+bi ni'i tshal zhes bya ba la bkra shis pa'i shing sA la'i shing yod do/ / de'i dus su rtsa ba nas rtse mo'i yal ga'i bar thams cad du bar ma chad par me tog kha bye bar gyur to// yal ga'i bar nyid dang / me tog gi bar kha dog sna lnga pa'i bung ba mang po lding ba dang / rnam pa sna tshogs pa'i bya mang po'i tshogs ni snyan pa'i sgra dbyangs sgrogs shing spyod do// lum+bi ni'i tshal thams cad ni shing rta sna tshogs pa'i chos bzhin du mthu dang dbang
- 61a
phyug ni rgyal po'i mdzes par byas pa'i 'dun sa lta bu de lha mos gzigs nas shing sA la'i tshal du rtse bar bsams pa skyes so/ / blon po rnams kyis lha mo bteg nas shing sA la'i tshal du zhugs so/ / de bkra shis pa'i shing A la'i rtsa bar gshegs te/ des shing sA la'i yal ga bzung bar sems par gyur te/ des shing sA la'i yal gshin tu legs pa me la sros nas bkug pa bzhin du mdud pa la lha mo'i lag par nye bar 'phyang ngo / / de'i lag pa brkyang nas yal ga'i rtse mo bzung ngo // de ma thag tu las kyi rlung gis bskyod do// de nas de'i phyogs kun tu yol ba byas nas ske thams cad phyir ring du gyur te/ shing sA la'i yal ga bzung nas 'dug pa nyid la de ltar de'i mngal nas bltams par gyur to// de ma thag rnam par dga' ba'i sems dang ldan pa'i tshangs pa bzhi pos gser gyi dra ba blangs nas sleb bo/ / de rnams kyis der gser gyi dra bas byang chub sems dpa' blangs te yum gyi mdun na 'dug go/ lha mo sems sdug bsngal bar ma byed cig/ khyod kyi sras dbang phyug dang grags pa dang bcas pa bltams so zhes smras so/ / de ltar yang sems can gzhan rnams ma'i rum nas 'thon pa na mi gtsang bas gos shing skyug bro ba can 'thon no// byang chub sems dpa' ni de lta bu ma yin no/ / gzhan yang chos kyi khri nas chos 'chad pa 'bab pa bzhin dang / skas la 'bab pa'i skyes bu bzhin du lag pa gnyis dang rkang pa gnyis brkyang nas 'dug pa nyid bzhin no// ma'i rum nas
- 61b
mi gtsang ba cung zad kyis kyang ma gos par dag cing 'jigs pa med pa bzhin no/ / yum ka shi ka'i ras kyi nang du nor bu rin po che bcug pa bzhin du 'od 'gyed cing yum gyi rum nas 'thon no// de ltar gyur pa'i byang/ chub sems dpa' de dang / byang chub sems dpa'i yum de dag par bya ba'i phyir nam mkha' nas chu'i rgyun gnyis babs pas byang chub sems dpa' dang yum gyi sku dag par byas so// de yang gser gyi dra bas blangs nas tshangs pa 'dug pa'i lag nas rgyal po chen po bzhi po rnams kyis bkra shis pa dang / bde ba la reg par gnas par bya ba'i phyir gzig gi pags pas sngar gyi bzhin du blangs so// de rnams kyi lag nas mi rnams kyis du gu la'i ras kyi steng du blangs so/ / mi rnams kyi lag tu btang nas sa la gnas so// shar phyogs la gzigs te stong phrag du ma'i khor yug rnams phan tshun du mthong ngo // de'i lha nga yi rnams kyis me tog gi 'phreng ba dang / spos la sogs pas mchod cing skyes bu chen po khyod lta bu 'di na med/ khyod kyi gong na gzhan su yang med do zhes smras so// de bzhin du phyogs bzhi dang / mtshams bzhi dang / 'og dang / steng ste phyogs bcu po thams cad legs par gzigs nas bdag dang mtshungs pa med par mthong ngo // de nas byang gi phyogs su gom pa bdun bgrod do// tshangs pa chen pos gdugs dkar po 'dzin cing / 'thab bral bas rnga yang g.yob pa/ lha gzhan rnams kyis rgyal po la nye bar mkho ba'i dngos po ma lus pa lag tu thogs nas rjes su 'gro'o// de nas gom pa bdun pa la gnas pa na 'jig rten pa
- 62a
rnams las bdag mchog go zhes pa la sogs pa'i shis pa brjod pa'i gtam brjod cing / seng ge'i sgra sgrogs so// byang chub sems dpas kyang skye ba gsum du yum gyi rum nas 'thon tsam na gtam du brjod do/ / sman chen por skyes pa dang / thams cad sgrol du skyes pa dang / 'dir skyes pa'o// sman chen por skyes pa na yum gyi rum nas 'thon ma thag nyid du brgya byin lha'i rgyal po 'ongs te tsan dan gyi snying po lag tu thogs nas song ngo / / de de rnams kyi khu tshur du bcug nas 'thon no// de nas yang yum gyis dris pa/ bu ci khyer nas 'ongs/ ma sman yin no// 'dis sman khyer nas 'ongs pa'i phyir sman gyi khye'u zhes bya bar ming btags so/ / des sman blangs nas chu'i snod kyi nang du bcug go/ 'ongs shing 'ongs pa'i long ba dang / 'on pa la sogs pa de rnams de nyid kyi nad thams cad nye bar zhi bas na sman par gyur to/ / de nas sman chen po sman chen po zhes brjod cing skyes pa'i tshig gi rgyus sman chen po nyid de'i ming du gyur to// gzhan yang thams cad sgrol du skyes pa na ma'i rum nas skyes tsam na lag pa g.yas pa brkyang nas yum bdag cag gi khyim na sbyin pa gtang rgyu 'dra bdog gam zhes brjod cing 'thon no/ / de nas de'i mas bu 'byor pa dang ldan pa'i rigs su khyod skyes so// bu'i lag pa rang gi lag pa'i steng du zhag ste nor bu rin po che stong phrag gcig gi snod bzhag go/ gzhan yang 'di skyes pa na 'dis seng ge'i sgra sgrogs so// de bzhin du byang chub sems dpa' skye ba gsum du ma'i rum nas skyes tsam nas gtam marjod
- 62b
do ji ltar yang rum du zhugs tsam dang bltams tsam na sum cu rtsa gnyis sngon gyi mtshan ma bzhin du skyes par gyur to/ / gzhan yang gang gi tshe bdag gi byang chub sems dpa' lum+bi ni'i tshal du bltams so// de ma thag tu lha mo sgra gcan 'dzin gyi ma dang / blon po mdun pa dang / blon po nag po 'char ka dang / rta'i rgyal po bsngags ldan dang / byang chub kyi shing dang / gter bzhi'i bum pa skyes so// de la gcig la rgyang grags bzhi dang / gcig la rgyang grags brgyad dang / gcig la rgyang grags bcu gnyis dang / gcig la rgyang grags bcu drug go// bdun po 'di lhan cig tu skyes pa yin no// grong khyer gnyis na gnas pa'i mi rnams kyis byang chub sems dpa' khrid nas grong khyer ser skya'i gzhi kho nar phyin no/ / nyi ma de nyid la grong khyer ser skya'i gzhi la rgyal po chen po zas gtsang gi sras po bltams so// gzhon nu 'di byang chub shing gi drung du bzhugs nas sangs rgyas su 'gyur ro zhes pa la/ sum cu rtsa gsum gyi gnas kyi lha rnams kyis dga' ba dang tshim pas lag pa gyen du bskyod pa nas rtse zhing bstod pa byed do/ / de'i tshe rgyal po chen po zas gtsang gi mchod gnas snyoms par 'jug pa brgyad thob pa'i dka' thub pa nag po lha len zhes bya ba kha zas bzang po la longs spyod do// nyin mo lim la mi gnas pa'i phyir sum cu rtsa gsum gyi gnas su 'gro zhing der bde bar 'dug nas lha de rnams blta'o/ / khyed rnams ci'i phyir 'di ltar dga' ba'i sems kyis rtse/ bdag kyang 'di rnams kyi ched du bya ba kho bo la ston
- 63a
cig ces dris so/ / lha rnams kyis smras pa/ drang srong chen po rgyal po chen po zas gtsang gi sras bltams so// des byang chub shing gi drung du bzhugs nas sangs rgyas su gyur nas/ chos kyi khor lo bskor ro// de nas mtha' yas pa'i sangs rgyas kyi rol mo blta ba dang / chos thams cad thob bo snyam pa 'di rnams kyi rgyu mtshan gyis dga' bar gyur to// dka' thub pas de'i tshig thos nas myur du lha'i yul nas babs te/ rgyal po'i gnas su 'ongs nas/ gdan bshams pa la 'dug ste/ bu rnams rgyal po chen po'i sras su gyur pa de bdag gis blta'o zhes smras so// rgyal pos rgyan dang ldan pa'i gzhon nu blangs nas dka' thub pa la phyag bya ba'i phyir byang chub sems dpa'i zhabs kyis bskor nas dka' thub pa'i ral pa'i steng na 'dug go/ byang chub sems dpas kyang de rnams kyi lus kyis phyag byed par rig pa las gzhan med do/ / gal te mi shes pas byang chub sems dpa'i dbul dka' thub pa'i rkang pa bzhag na de'i mgo tshal pa bdun du 'gas par 'gyur ro// dka' thub pas bdag nyams pa'i phyir du rigs pa ma yin no/ / stan las langs nas byang chub sems dpa' la thal mo sbyar ro// rgyal pos ya mtshan che ba gzigs nas rang gi sras la phyag byas so// dka' thub pas 'das pa'i bskal pa bzhi bcu dang / ma 'ongs pa'i bskal pa bzhi bcu ste/ bskal pa brgyad cu rjes su dran no// byang chub sems dpa'i mtshan nyid phun sum tshogs pa mthong nas sangs rgya bar
- 63b
'gyur ram mi 'gyur zhes brtags pas the tshom med pas sangs rgyas su 'gyur bar rtogs te/ 'di ya mtshan che ba'i skyes bu yin no zhes bsams nas bgad do// de nas 'di nas sangs rgyas nas bdag gis mthong ngam mi mthong zhes brtags pas mi mthong ngo / / bar du dus las 'das nas sangs rgyas brgya 'am/ sangs rgyas stong gshegs nas brtag par mi nus pa'i gzugs med pa'i gnas su skye bar nges par mthong ngo / / 'di lta bu'i tshul gyis ya mtshan che ba'i skyes bu mthong bar mi nus so snyam ste bdag gi sems shin tu sdug bsngal bar gyur nas dus so// de mi rnams kyis mthong ste/ bdag cag gi 'phags pa res 'ga' ni dgod/ res 'ga' ni ngu ba'i rgyu mtshan ci lags/ bdag cag gi sras 'phags pa la bar du gcod pa 'ong ngam zhes dris so// 'di la bar du gcod pa mi 'byung zhing the tshom med par sangs rgyas su 'gyur ro zhes smras so/ / 'o na gang gi phyir du zhes dris so// 'di lta bu'i tshul gyis skyes bu sangs rgya bar 'gyur ba bdag gis mthong bar mi 'gyur bas bdag shin tu nges par sdug bsngal lo// de'i phyir rang gi ched du mya ngan gyis ngu'o zhes smras so/ / des na ci'i phyir rang gi nye du rnams las 'ga' zhig gis 'di sangs rgyas su gyur nas mthong bar 'gyur ram mi 'gyur zhes brtags pas tsha bo na la ka'i gzhon nus mthong ngo / / de sring mo'i khang par song ste/ nA la ka gzhon nu de gang na yod/ 'phags pa khang pa na yod do// de bos la shog/ de rang gi gnas su 'ongs nas nA la ka la smras so// tsha bo rgyal po chen po zas
- 64a
gtsang gi rigs kyi bu 'khrungs so/ / 'di ni sangs rgyas kyi myu gu'o// lo sum cu rtsa lnga 'das nas sangs rgyas su 'gyur zhing / khyod kyis 'di mthong bar 'gyur bas da lta nyid du rab tu byung bgyis shig ces smras so/ / bye ba brgyad cu rtsa bdun gyi nor gyi rigs la skyes pa'i gzhon nus/ zhang po 'dis bdag la don med cing dgos pa med do zhes brjod par bsams so// de ma thag tu rang gi tshong gnas su ngur smrig gi gos nyid dang sa'i lhung bzed blangs nas/ sgra dang kha spu bregs te ngur smrig gi gos gyon nas/ gang zhig 'jig rten pa'i gang zag gi mchog gi mchog la bsams shing bdag rab tu byung bar 'gyur ro zhes bsams te/ byang chub sems dpa'i phyogs su thal mo sbyar nas yan lag lngas phyag byed do// lhung bzed snod du bcug nas phrag pa la gzar te gangs can du gshegs nas dge sbyong gi chos byed do des mchog tu mngon par rdzogs par sangs rgyas pa'i de bzhin gshegs pa'i drung du nye bar song ste/ nA la ka'i sa sa ma rtogs pa'i gtam thos nas slar yang gangs can du gshegs te dgra bcom pa t hob mchog tu rtogs dka' ba rtogs nas zla ba bdun nyid kyi nang du che 'das te gser gyi ri gcig la brten nas 'dug ste lhag ma med par yongs su mya ngan las 'das pa'i dbyings su yongs su mya ngan las 'das so/ / byang chub sems dpa' yang zhag lnga nas dbu khru bar byed cing ming 'dogs par rigs so zhes bsams nas rgyal po'i lo brang la dri ba zhi'i rigs kyis byug pa byas te/ ra
- 64b
che lnga'i me tog gcal du bkram nas chu med pa'i 'o ma bcos pa'i zug 'tshod cing rig byed gsum gyi pha rol tu son pa'i bram ze brgya rtsa brgyad mgron du gnyer te rgyal po'i pho brang du bzhugs nas/ kha zas 'cha po la longs spyod cing bkur sti chen po byas nas mtshan nyid ji lta bu zhes dris so/ / de rnams las dga' byed dang / rgyal mtshan dang / mtshan nyid dang / rigs kyi sngags pa dang / ko Di n+ya dang / lag pa can dang / gshin rje bzang dang / legs sbyin te/ de rnams de'i tshe bram ze brgyad yin no// yan lag drug gi bsngags brda sprang nas bram ze brgyad po 'di lta bu nyid kyi mtshan nyid so sor rjod nas dga' ldan gnas nas ma'i mngal du zhugs pa'i mtshan nyid 'di rnams kyis bshad do/ / de rnams las bram ze bdun gyis mdzub mo gnyis bsgrengs te don gnyis lung bstan no// mtshan nyid 'di dang ldan pa'i khyim na gnas na 'khor lo sgyur ba'i rgyal por 'gyur ro/ / rab tu byung na sangs rgya bar 'gyur ro// 'khor lo sgyur ba'i phun sum tshogs pa thams cad bshad pa rdzogs nas/ gzhan de rnams kyi nang nas thams cad kyi gzhon shos kyi rigs ni ko 'u Di n+ya bram ze'i khye'u'o zhes bya ba'o/ / byang chub sems dpa' de'i ming mtshan mchog rnams rdzogs par btags so// 'di ni khyim na gnas pa'i rgyu med pas mtha' gcig nyid du khyim na mi gnas par sangs rgya'o/ / mdzub mo gcig bsgrengs te 'di ltar lung bstan no// 'di ni sngar gyi gzhi byas pas phyis mir gyur pa na shes rab dang ldan no// bram ze bdun las lhag par gyur nas
- 65a
'di yi mtshan nyid rig par ldan nas khyim du gnas pa'i ming yang med do/ / the tsom med par sangs rgya bar 'gyur te 'gro ba gcig las gzhan ma mthong ngo // de'i phyir mdzub mo gcig bsgrengs te 'di ltar lung bstan no/ / de nas bram ze de rnams rang gi khyim du 'gro zhing bu rnams bos te/ bu bdag cag rnams rgan por gyur pas/ rgyal po chen po zas gtsang gi sras thams cad mkhyen pa thob par gyur pa na bdag cag dang mjal bar 'gyur ram mi 'gyur cha med kyis/ khyod de'i sras kyis thams cad mkhyen pa thob par gyur nas/ de'i bstan pa la rab tu byung zhig ces smras so// bram ze bdun po rnams kyis kyang ji srid tshe gnas kyi bar ji ltar byas pa'i las rtogs so/ / bram ze'i khye'u ko'u Di n+ya nyid nad med par gyur nas gnas so// de'i sems dpa' chen po blo dang ldan pa nges par 'byung ba chen pos mngon par byung nas go rims bzhin du lteng rgyas su song ngo / / sa phyogs 'di ni nyams dga' bas rigs kyi bu sa phyogs 'di dka' ba spyod pa'i gnas su rig par sems skyes pas der gnas te/ skyes bu chen po rab tu byung ngo zhes thos nas bram ze'i bu'i gnas su nye bar song ngo zhes smras so/ / gzhon nu don grub rab tu byung nas the tsom med par de sangs rgya bar 'gyur ro// gal te khyed rnams kyi pha nad med par gnas na/ de ring phyin nas rab tu byung ba byed do// gal te khyod kyang 'dod na 'dir 'ongs nas bdag gis skyes bu de'i rjes su rab tu 'byung bar bgyi'o// de thams cad 'dun pa gcig par ma nus par skye bo bzhi po
- 65b
las ko Do n+ya gtso bo byas nas skye rol tu byung ste/ de rnams kyi skye bo lnga po ni gnas brtan lnga sde zhes bya ba'i rigs su gyur to// gzhan yang de'i tshe rgyal po 'di skad du gang mthong nas bdag gi bu rab tu 'byung zhes/ 'dri'o// sngon gyi mtshan ma bzhi mthong bas de gang dang rgas shing 'khogs pa dang / na ba dang / 'chi ba dang / rab tu byung ba'o// rgyal pos 'di rnams bzung nas 'di lta bu'i tshul bdag gi bu dang nye bar 'ong du ma 'jug cig/ bdag gi sras kyis sangs rgyas thob kyang don med do// bdag gi sras stong phrag gnyis kyi gling 'khor dang bcas pa'i gling chen po bzhi po rnams kyi dbang phyug gi bdag po'i rgyal po byed cing / dpag tshad sum cu rtsa drug gi khor yug gi 'khor nam mkha'i dbyings su gshegs pa la blta bar 'dod do// slar yang 'di ltar brjod cing 'di lta bu'i rnam pa bzhi'i skyes bu gzhon nu'i mig lam du 'ong ba bsrung zhing phyogs bzhir rgyang grags bzhi bzhir bsrung ba bzhag go/ de'i nyi ma la yang bkra shis pa'i gnas su 'dus pa'i rigs kyi nye du stong phrag brgyad cu po re re'i bu brgya yongs su ster bar bsams so/ / 'di sangs rgyas su 'gyur ram/ rgyal por 'gyur ram/ bdag gis bu re re ster ro// gal te sangs rgyas par gyur na rgyal rigs kyi dge sbyong nyid kyis mdun rgyab thams cad du bskor nas 'gro ba yin no/ / gal te rgyal por gyur na rgyal rigs kyi gzhon nu nyid kyis mdun rgyab kun nas bskor nas 'gro'o zhes smra zhing 'bul lo// rgyal pos kyang byang chub sems dpa' la gzugs mchog dang ldan pa
- 66a
skyon thams cad spangs pa'i nu ma bsnun pa nyid gnas pa byin no/ / byang chub sems dpa' 'khor mtha' yas pa dpal dang skal ba 'phel ba dang ldan no// de nas nyi ma gcig la rgyal po'i 'bras 'debs pa la bkra shis byed do/ / de'i nyi ma la grong khyer thams cad du lha gshegs pa bzhin du brgyan no// bran dang las byed pa la sogs pas gos legs po gyon nas/ spos dang / me tog gi 'phreng ba la sogs pas brgyan par byas nas rgyal po'i pho brang gi nang du 'dus so/ / rgyal po'i gzhis rnams la zhing rmo ba stong phrag gcig rigs so// slar yang de'i nyi ma gcig gis dman pa'i zhing rmob brgya dang bcas pa'i glang gi gnyab shing gi thag pa dngul las byas pa dang / rgyal po 'dzin pa'i zhing rmo ba'i thod pa slar yang gsar las byas par gyur to// glang gi rwa gnyis la gser gyis bskus so// kha dang ske'i thag pa ni gser la'ang byas so/ / rgyal po'i 'khor chen po dang bcas pa byon nas sras blangs te gshegs so// gzhis kha'i gnas na shing 'dzam+bu gcig la lo ma mang pos grib ma stug por gyur pa zhig yod pa'i 'og tu gzhon nu'i mal stan chen po byas nas steng du bla res gser gyi skar ma dang mtshungs pa bres te/ lcags ri ltar yol bas phyogs kun nas bskor te/ rgyal po rgyan thams cad kyis brgyan par byas nas blon po 'khor dang bcas pa zhing rmo ba'i gnas su gshegs te/ der rgyal pos gser gyi thod pa bzung ngo // gcig gis dman pa'i brgyad brgya'i dngul gyi thong pa blon pos bzung ste/
- 66b
so nam byed pa'i skye bo rnams kyis thod pa lhag ma rnams bslangs so// de rnams kyis thod pa bzung nas/ de dang der sgal rmo'o// rgyal pos slar yang 'di nas par 'gro zhing pha rol nas tshur 'ongs// de'i gnas phun sum tshogs par 'gyur ro zhes bsams nas/ byang chub sems dpa' 'khor dang bcas pa bzhugs pa'i nu ma bsnun pa rnams rgyal po'i phun sum tshogs par blta'o// yol ba'i nang nas phyir 'thon no/ / byang chub sems dpa' de dang der gzigs pas gcig kyang mi snang ngo // myur bar langs nas skyil krung bcas te/ rlung 'byung ba dang rngub cing bzung bas bsam gtanas po skyes so// nu ma bsnun pa rnams kha zas za ba'i phyir phan tshun du 'gro zhing de ma thag cung zad thogs par gyur to// shing gzhan rnams kyi grib ma mi ldog cing / gzhan yang shing de'i grib ma rnams kun nas gnas so/ / nu ma bsnun pa rnams kyis sras 'phags pa zhes gcig tu brjod cing myur du yol ba steng du brdzes te nang du zhugs nas/ byang chub sems dpa' mal stan la skyil krung gis bzhugs pa de'i tshe 'phrul mthong nas song ste rgyal po la zhus so/ / lha gzhon nu 'di lta bu'i tshul gyis bzhugs so// 'di ltar shing gzhan rnams grib ma mi bzlog go/ shing 'dzam bu'i grib ma ni kun nas gnas so// rgyal po myur du byon nas cho 'phrul lta ste/ sras 'di la phyag gnyis pa ste zhes brjod nas sras la phyag 'tshal lo// de nas go rims bzhin du byang chub sems dpa' lo bcu drug pa'i na
- 67a
tshod du gyur to/ / rgyal pos byang chub sems dpa' la dus gsum du rjes su rigs par khang bzangs gsum byas nas gcig dgu thog/ gcig la bdun thog/ gcig la lnga thog go/ stong phrag bzhi bcu'i gar byed pa'i bud med rnams nye bar gnas par byas so// byang chub sems dpa' ni lha bzhin du ltang nga 'dra ba'i bud med rnams 'khor du byas nas rgyan gyis brgyan pa'i bud med du ma dang bcas pa skyes pa med pa'i rol mo sgrogs pa 'khor du bya ste/ phun sum tshogs pa chen po rjes su myong bar byed do// dus kyi res dang / dus kyi res la de dang de'i khang bzang du bzhugs so// gzhan yang sgra gcan 'dzin gyi ma de nyid btsun mo rnams kyi gtso mor gyur to/ / de'i de bzhin du phun sum tshogs pa chen po rjes su myong bar byed do// nyi ma gcig la nye du'i nang du 'di lta bu'i gtam byung ngo // don grub rtsed mos brjed nas gshegs shing bzo cung zad kyang mi slob bo// g.yul so so nas nye bar gyur na ci byed/ de'i tshe byang chub sems dpa' bos nas/ bu khyod kyi nye du rnams don grub bzo cung zad kyang mi slob cing rtsed mos gshegs nas 'gro'o zhes zer ro/ / 'dir g.yul byung na ji ltar byed ces bsams/ lha ngas bzo bslabs pa la dgos pa med do// grong khyer gyi mi rnams bdag gi brda lta ba'i sems yod na dril sgrogs shig/ 'di nas zhag bdun pa la nye du rnams la bzo bstan par bgyi'o// rgyal pos de bzhin du byas so// byang chub sems dpas sgra la 'phen pa dang / sprul 'phen
- 67b
pa dang / gzhu thogs pas 'dus par byas nas skye bo mang po'i nang du gzhan gzhu thogs pa dang thun mong ma yin pa nye du rnams la bzo bcu gnyis bstan no// de rnams mnga' 'joms pa'i skyes rabs las 'byung ba'i tshul bzhin du rig par bya'o/ / de'i nye du rnams kyi the tshom sel lo// gzhan yang byang chub sems dpa' skyed mos tshal du gshegs par bsams nas kha lo sgyur ba bos te/ shing rta chas su chu gcig ces smras so/ / des legs so zhes brjod cing tshig thos nas/ shing rta chen po'i 'khor lo'i mchog la ji ltar rigs pa'i rgyan thams cad kyis brgyan nas/ ku mu ta'i 'dab ma'i mdog dang 'dra ba'i bkra shis pa'i rnga bzhis shing rta khrid nas byang chub sems dpa' gshegs so zhes smras/ byang chub sems dpa' lha'i gzhal med khang bzhin du shing rta la zhon nas skyed mos tshal gyi phyogs su gshegs so/ / lha rnams kyis gzhon nu don grub kyi mngon par rdzogs par byang chub pa'i dus ni nye bar gyur to// sngar gyi mtshan ma rnams blta bar rigs so// lha'i bu gcig gi rgas pa/ 'khogs pa/ so byi ba/ sgra dkar ba/ sbyar ba/ rgyab grum pa'i lus can/ lag tu 'khar ba thogs pa/ skad 'dzer bar byed pa bstan no// de byang chub sems dpa' kha lo sgyur bas mthong ngo // de nas byang chub sems dpa' kha lo sgyur ba la dris so/ / skyes bu 'di gang zhig yin/ sgra yang gzhan dang mi 'dra ba ji lta bu/ gtso bo chen po'i mdo nas byung ba bzhin 'dri bar bya'o// de'i tshig thos nas skye ba
- 68a
mi rtag cing skyes par gyur pas thams cad rgas par 'gyur ro zhes sems sdug bsngal zhing de nyid du bzlog nas/ rang gi khang bzangs nyid du gshegs so// rgyal pos rgyu mtshan ci'i phyir bdag gi sras po myur du ldog pa ci'i phyir dris so/ / lha rgas shing 'khogs pa'i mi gcig mthong bas rab tu 'byung ngo // myur du bu la gar byed pa rnams sta gon gyis shig/ phun sum tshogs pa nyams su myong bar byas pas rab tu 'byung ba rjes su dran par mi 'gyur ro zhes smras nas srung bar byed pa spel te phyogs thams cad du rgyang grags brgyang brgyad du bzhag go/ gzhan yang nyi ma gcig la byang chub sems dpa' de bzhin du skyed mos tshal du gshegs pa na lhas sprul pa'i nad pa zhig mthong nas sngar bzhin du dris so/ / sems sdug bsngal bar gyur te/ slar yang bzlog nas rang gi khang bzangs su gshegs so// rgyal pos yang dris pa/ sngar de bzhin du byas nas/ slar yang spel te thams cad du rgyang grags bcu gnyis kyi sa'i char srung bar byed pa gzhag go/ yang nyi ma gzhan la byang chub sems dpa' de bzhin du skyed mos tshal du gshegs pa na lhas sprul pa'i dus las 'das pa zhig mthong nas sngar bzhin dris te/ sems sdug bsngal bar gyur nas/ slar yang bzlog ste khang bzang du gshegs nas rgyal pos dris ba sngar bzhin du byas nas/ slar yang bsrung ba spel te kun nas bskor bar dpag tshad gcig gi tshad la bsrung ba bzhag go/ slar yang nyi ma gzhan la skyed mos tshal du gshegs pa na de bzhin du lhas sprul
- 68b
ba'i gos bzang po legs pa gyon pa'i rab tu byung ba zhig gzigs nas/ 'di'i ming ci zhes kha lo ba la dris so// gang du yang sangs rgyas byon par ma gyur cing rab tu byung ba'i yon tan mi shes/ lha'i mthus slar yang lha rab tu byung ba yin zhes brjod de/ rab tu byung ba'i yon tan la bsngags pa brjod do// byang chub sems dpa' rab tu 'byung ba la 'dun pa skyes nas de'i nyin mo skyed mos tshal du gshegs so// slob dpon kha cig 'di skad zer te/ sngun gyi mtshan ma bzhi pa nyi ma gcig nyid la mthong ngo zhes zer ro// de ni mi 'thad do// de la nyin mo'i char rtse zhing bkra shis pa'i rdzing bur khrus byas/ nyi ma nub pa na bkra shis pa'i rdo leb kyi stan la bzhugs so/ / rang la rgyan gyis brgyan par sems so// de nas rjes su 'brang ba'i skyes bu rnams la kha dog sna tshogs pa'i gos dang rgyan rnam pa sna tshogs pas brgyan/ me tog gi 'phreng ba dang / spos dang / byug pa la sogs pa blangs nas phyogs kun tu bskor nas 'dug go/ de ma thag par brgya byin sdod pa'i gdan dro bar gyur to// gang zhig bdag gi gnas 'dor ba'i sems su zhig la skyes par gyur ces brtags so/ / byang chub sems dpa'i rgyan byed pa'i dus mthong ngo // las thams cad pa pos so// las thams cad pa gzhon nu don grub de ring gi mtshan phyed kyi dus su nges par 'byung ba chen pos 'thon no/ / 'di de'i phyi ma'i rgyan yin no// skyed mos tshal du song la skyes bu chen po lha'i rgyan gyis brgyan par gyis shig/ des de thos nas legs so zhes brjod de lha'i mthus
- 69a
de ma thag par nye bar song ste/ de'i rim gro pa dang mtshungs par gyur nas/ rim gro pa'i lag tu ras blangs nas byang chub sems dpa'i dbu la bcings so// byang chub sems dpas mgo la lag pa reg pa na 'di mi ma yin te/ lha'i bu yin par shes so// bcings pa tsam na bcings pa'i dbu'i cod pan nor bu rin po che'i rnam pa la stong phrag gcig gis du gu la'i ras kyis bcing so/ / slar yang 'ching ba na du gu la'i ras stong phrag gcig gis lan bcu dkris nas stong phrag bcus du gu la'i ras cings so// dbu ni chung zhing du gu la'i ras ni mang bas ji ltar bcing zhes mi bsam mo de rnams thams cad la 'khri shing sA ka la'i me tog tshad tsam che ba'o/ / yang na ku ba'i me tog gi tshad tsam du gyur to// byang chub sems dpa'i dbu ki dza la ka'i me tog ltar mtshungs pa'o// yang na ku spu ka'i me tog ltar gyur pa'o// de nas rgyan thams cad kyis so sor brgyan nas rol mo thams cad rang rang gi sgra 'byin zhing bram ze rnams rgyal bar gyur cig/ dga' bar gyur cig ces rnam pa sna tshogs pa'i bkra shis kyis bstod pa'i dbyangs byed do/ / rgyan thams cad kyis brgyan nas mchog gi shing rtal chibs so// de'i tshe grags 'dzin ma la bu btsas so// rgyal po zas gtsang gis thos nas/ bdag gi bu dga' bar bya ba'i phyir pho nya ba btang ngo // byang chub sems dpa' de thos nas sgra gcan 'dzin skyes pas 'ching ba skyes so zhes gsungs so// rgyal po bdag gi bu la ci'i phyir
- 69b
'a dri de'i tshig thos te 'di nas bzung ste bdag gi tsha bo gzhon nu sgrag can 'dzin nyid ming du gyur to zhes smras so/ / byang chub sems dpa' yang grags pa chen pos shin tu dga' ba dang / dpal dang / ska pa bzang po dang ldan pa'i grong khyer du gshegs so/ / de'i tshe go'u ta mi skye ma mo zhes bya ba rgyal rigs kyi bu mo khang bzang gi steng du 'dug pas grong khyer la skor ba byed pa'i byang chub sems dpa'i dpal dang ldan pa'i gzugs mthong nas/ dga' ba dang yid bde ba skyes te ched du brjod pa 'di ched du brjod do// de yi ma ni zhi bar gyur// de yi pha ni nges par zhi// de yi bud med nges zhir gyur// de yi yang ni de bdag mtshungs/ / byang chub sems dpas de thos nas bsam pa/ 'di 'di lta bur smras pa/ 'di lta bu'i tshul gyis bdag nyid kyi lus mthong bas ma'i sems zhi bar gyur/ pha'i sems zhi bar gyur/ skye dgu dang skye dgu'i bdag mo'i sems zhi bar gyur ces smra'o/ / ci'i phyir sems zhi ba zhes bya ba'i don gang / de nas nyon mongs pa'i chags pa med pa'i sems la de skad brjod do// 'dod chags kyi me zhi bar gyur pa ni zhi ba'i ming du gyur to/ / skyon gyi me dang gti mug gi me zhi bar gyur pa ni zhi ba'i ming du gyur to// nga rgyal dang lta ba la sogs pa'i nyon mongs pa kun skyes pa thams cad zhi ba ni zhi ba'i ming du brjod do// 'di bdag la tshig snyan pa brjod cing / bdag ni mya ngan las 'das pa tshol du 'gro zhing tshol lo// di ring nyid nas bdag khyim na gnas pa spangs nas nges par 'byung bas rab tu byung nas mya ngan las 'das pa tshol bar rigs
- 70a
so/ 'di ni bdag gi slob dpon mar gyur to// go'u ta mi skem mo la 'bum phrag gcig ri ba'i mu tig gi dra ba mgrin pa nas bkrol te bskur ro// des don grub gzhon nu bdag la chags shing zhen par gyur pas sems rten bskur ba yin pas/ des sems bde ba skyes par gyur to// byang chub sems dpa' ni dpal dang ldan pa skal ba bzang po dang ldan pa'i rang gi khang bzang du gshegs nas dpal gyi mal stan la gzims so/ / de ma thag tu rgyan thams cad kyis brgyan pa'i glu dang gar rnams legs par bslabs pa'i lha'i bu mo dang 'dra ba'i gzugs mchog dang ldan pa'i bud med rnams kyis rnam pasna tshogs pa'i rol mo bzung nas de la yongs su bskor nas/ mngon par dga' bar byed cing gar dang / glu dang / rol mo la sogs pa byed par rtsom mo// byang chub sems dpa' nyon mongs pa la mi dga' ba'i sems kyis gar la sogs pa la mngon par dga' ba med pas yud tsam gyi mnal du bzhud do/ / bud med de rnams kyang gang gi don du nged rnams kyis gar la sogs pa byed pa la de mnal du gshegs so/ / da ni ci'i phyir bdag cag ngal ba byed/ gang dang gang bslabs pa'i rol mo rnams la bzhag nas nyal lo// dri bzangs dang ldan pa'i 'bru mar gyi mar me dang ldan pa'i byang chub sems dpa' rab tu sad nas mal gyi steng du skyil krung gis bzhugs nas gzigs pas bud med rnams rol mo bzhag nas gnyid du song ba gzigs so/ / kha cig mchil ma lug pa dang / kha cig ni lus
- 70b
la mchil ma sa gos pa'i dri ma can du gyur pa dang / kha cig ni so 'cha' ba dang / kha cig ni ngar ngar 'byin pa dang / kha cig ni rA ma rmi 'chang pa dang / kha cig ni kha gdangs pa dang / kha cig ni gos zhus pa dang / bga' zhig gi ni mtshan ma snang ngo // byang chub sems dpas de rnams kyi rnam 'gyur gzigs nas thugs 'jigs pas 'dod pa la mi dga' bar gyur to// de'i rgyan du byas pa ni nye bar ldan pa brgya byin gyi pho brang dang mtshungs pa'i khang bzangs chen po yangs shing / rnam pa sna tshogs pa'i dri nga bas gang ba'i ro dang ldan pa'i dur khrod dang mtshungs par bsams so// srid pa gsum po me 'bar ba'i khyim dang mtshungs par bsams so/ / bdag la gnod par byed pa dang / ba tshe bar byed pa'o zhes ched du brjod pa 'chad cing shin tu rab tu byung bar 'dod par gyur to// de bdag gis di ring nyid nas nges par 'byung ba chen pos 'thon par bsams te/ mal nas bzhengs nas sgo dang nye bar gshegs te 'di na su yod ces dris so// blon po mdun pa them pa la sngas byas nas nyal lo// 'phags pa bu bdag blon po mdun pa yin no zhes smras so// da ni nges par 'byung ba chen pos 'thon par 'dod do// bdag gi rta cig la sga gyis shig/ des lha legs so zhes brjod nas rta'i sgra khyer te rta rar song nas dri bzang po dang ldan pa'i 'bru mar gyi mar me spar ba su ma na'i me tog can gyis dar gyi bla res kyi 'og na shin tu dga' ba'i sa phyogs la sdod pa'i rta'i rgyal po bsngags ldan mthong ngo / / da ni bdag gri 'di nyid kyi sgra bya bar rig nas bsngags ldan la sgra sgron no// des
- 71a
sgra smon par shes nas 'di skra smon pa na glo bsdams so/ / nyi ma gzhan la skyed mos tshal du rtsed mo la 'gro ba'i dus su skra 'di ltar ma byas so// bdag gi sras 'phags pa da ni nges par 'byung ba chen pos 'thon par 'dod par gyur to snyam nas/ sems dga' bas rta skad tsher tsher 'don pa de'i sgra grong khyer thams cad du grags par byed pa slar yang lha rnams kyis de'i sgra bkag nas sus kyang mi thos par byas so/ / byang chub sems dpas kyang blon po mdun pa rta'i gnas su btang nas re zhig bu la blta bar bsams so// grags 'dzin ma'i gnas su gshegs te sgo phye nas de ma thag par nyal sa'i nang du dri bzang po dang ldan pa'i 'bru mar gyi mar me sbar ba grags 'dzin ma su ma na'i me tog dang / ma la li ka'i me tog la sogs pa'i me tog mal gyi steng du khal gcig tsam bkram pa'i steng du/ bu'i mgo'i steng du lag pa bzhag nas gnyid du song ba la/ byang chub sems dpas sgo'i them pa'i steng du zhabs ya gcig bzhag ste 'khod pas gzigs so// gal te bdag gis lha mo'i lag pa nas 'then nas rang gi bu bslang bar bsams te/ lha mo gnyid sad na bdag nyid 'gro ba'i bar gcod du 'gyur zhing sangs rgyas su gyur nas bu blta'o sems te khang bzangs nas babs so// slar yang slob dpon kha cig 'di ltar smras te/ de'i tshe byang chub sems dpa' gshegs pa'i sngon rol gyi nyi ma bdun gyi gong du skyes so zhes zer ro// de 'dra gzhan du ma bshad pas 'di phyir 'di kho na gzung bar bya'o// 'di ltar byang chub sems dpa'
- 71b
khang bzangs nas babs nas rta'i ra ba nyid du gshegs te 'di ltar gsungs so/ / bu bsngags ldan khyod kyis nga ni nub gcig bsgral bar gyis shig/ bdag khyod kyi drin gyis sangs rgyas su gyur nas lha dang bcas pa'i 'jig rten thams cad bsgral bar bya'o/ / de nas bsngags ldan gyi rgyab tu chibs so// bsngags ldan gyi ske nas bzung nas chur khru bco brgyad pa/ de dang 'thun pa'i mtho tshong dang ldan zhing mthu dang mgyogs pa dang ldan la dung phyis pa'i kha dog ltar thams cad dkar ba dang mtshungs pa'o/ / gal te tsher tsher sgrogs pa 'am/ rmig pa'i sgra sgrogs pa'i sgras grong khyer thams cad grags par 'gyur ba'o// de'i phyir lha'ang gi mthus de sus kyang mi thos par de 'di ltar sgra sgrogs pa bkag go/ khrab khrab 'gro ba'i rkang lag gi rmig pa re re lha'i lag pa'i mthil du nye bar gzhag go/ byang chub sems dpas rta'i rgyab kyi dbus su bzhugs so/ / blon po mdun pa rta'i mjug ma nas zung zhig ces mtshan phyed kyi dus su sgo chen po dang nye bar phyin to// de'i tshe slar yang 'di ltar rgyal po chen pos 'di ltar byang chub sems dpa' gang gi dus su yang grong khyer chen po'i sgo phye nas phyi rol du 'gro bar mi nus par byed sgo ma'i sgo glegs re re la mi stong phrag re res dbye dgos par bskos so/ / byang chub sems dpa' stobs dang ldan pas glang po che'i grangs bye ba stong phrag bcu'i glang po che'i stobs 'dzin no/ / mi'i grangs kyis mi bye ba 'bum phrag gcig gi mi'i stobs 'dzin no// byang chub sems dpas bsams pa/ gal te sgo ma phyed na/
- 72a
da ni bsngags ldan gyi rgyab tu bzhugs pa nyid du blon po mdun pas rnga ma nas bzung ba dang lhan cig nyid du bsngags ldan brla btsir nas khru bco brgyad pa'i lcags ri'i mtho tshad la mchongs te 'da' bar bsams so/ / blon po mdun pas bsams pa/ gal te sgo ma phyed na/ bdag gis 'phags pa sras dpung pa la khyer nas lag pa g.yas pas bsngags ldan gyi gsus pa mtshan khu/ du bcug nas lcags ri la mchongs te 'da' bar bsams so// bsngags ldan gyis bsams pa/ gal te sgo ma phyed na bdag gis rang bdag po ji ltar rgyab tu bzhugs pa de bzhin nyid du blon po mdun pas rnga ma nas bzung nas lhan cig tu gnas pa nyid khur nas lcags ri la mchongs te 'a da' bar bsams so/ / gal te sgom phyed par gyur na ji ltar bsams pa de bzhin du gsum po'i ni na gang yang rung ba gcig nges par 'gyur ro/ / slar yang sgo srung ba'i lha rnams kyis sgo phye'o// de ma thag nyid du bdud kyis byang chub sems dpa' bzlog par bsam+ba nas 'ongs te nam mkha' la 'dug nas spras pa/ drang srong chen po nges par 'byung bas ma 'gro zhig/ 'di nas nyi ma bdun pa la khyod kyis rin po che'i 'khor lo thob par 'gyur ro// gling phran stong phrag gnyis kyis yongs su bskor ba'i gling chen po bzhi'i rgyal srid byed par 'gyur ro/ / drang srong chen po zlog cig ces smras so// khyod su zhig yin zhes dris so// bdag ni 'jig rten gyi dbang po yin zhes smras so// bdud rin po che'i 'khor lo bdag la yod par
- 72b
bdag gis shes te/ bdag la rgyal po'i dgos pa med do// stong phrag bcu'i 'jig rten gyi khams su sgra sgrogs shing sangs rgya bar 'gyur ro zhes brjod do// bdud kyis spras pa/ 'di nas/ bzung nas 'dod pa'i rnam par rtog pa 'am/ gnod sems kyi rnam par rtog pa 'am/ rnam par 'tshe ba'i rnam par rtog pa sems la bsams pa'i dus bu bdag gis shes so zhes smras so// grogs dang ma bral bar grib ma bzhin du rjes su 'breng bar 'gro'o/ / byang chub sems dpa' yang 'khor lo sgyur ba'i rgyal srid lag tu thogs kyang mchil ma'i thal ba bzhin du bltos pa med par dor nas bkur sti chen pos grong khyer nas phyir 'thon no/ / dbyar zla 'bring po'i nya la mchog gi skar ma bre'i dus su phyir 'thon nas slar yang grong khyer la bzlog nas blta bar brjod par bsams so// 'di ltar byang chub sems dpa'i thugs la 'khrungs tsam nyid na'o/ / skyes bu chen po khyod kyis log nas lta ba'i las kyi bsod nams khyod kyis byas pa med dam zhes brjod pa bzhin du/ sa gzhi chen po rdza mkhan gyi 'khor lo bzhin du phug nas bzlog go/ byang chub sems dpa' grong khyer la sngon du phyogs shing 'khod/ grong khyer la gzigs te de'i sa phyogs shig tu bsngags ldan ldog pa'i mchod rten gyi gnas gcig bstan no// bsngags ldan 'gro ba'i lam la mngon du phyogs par byas nas byon no/ / bkur sti chen po dang / dpal dang / skal ba bzang po dang ldan no// de'i tshe lha rnams kyis de'i mdun du stong phrag drug cu'i mar me chen po spar ro// rgyab kyi phyogs su yang mar me chen po stong
- 73a
thag drug cu sbar ro/ / g.yas kyi phyogs su yang mar me chen po stong phrag drug cu sbar ro// g.yon gyi phyogs su yang ma me chen po stong phrag drug cu sbar ro// lha gzhan rnams kyis kyang 'or yug gi ri'i steng du grangs med pa'i mar me stong phrag mang po spar ro/ / lha gzhan rnams dang / klu dang / 'dab bzangs la sogs pas lha'i spos dang / me tog gi 'phreng ba dang / phye ma dang / bdug pa la sogs bas mchod cing 'gro'o/ / bA raN+Di tra'i me tog nyid dang / man+da ra'i me tog sprin ltar 'jug pa rgyun du 'bab pa bzhin du nam mkha' la rgyun mi 'chang par me tog gi char babs par gyur to// lha'i glu dbyangs sgrogs par gyur to/ / kun nas bskor bar stong phrag drug cu rtsa brgyad kyi rol mo'i sgra sgrogs so// rgya mtsho'i dbus su 'brug gi sgra sgrogs pa bzhin no// ri bo gzha' shing 'dzin gyi 'gram du rgya mtsho'i sgra sgrogs pa'i dus bzhin du 'jug go/ / 'di ni dpal dang skal ba bzang po dang ldan pa'i byang chub sems dpa' gshegs pa'i mtshan gcig la rgyal srid gsum spangs nas dpag tshad sum cu'i mthar yid ldan zhes bya ba'i chu klung gi 'gram du bzhud do/ / ci'i phyir yang rta 'di'i pha rol tu yang 'gro bar mi nus sam/ mi nus pa ni ma yin te/ de ni khor yug gcig 'i nang du snga dro gcig la song nas bskor te de ma thag tu snga dro nyid du 'ong zhing rang gi mdun du kha zas byin pa za bar nus so/ / de'i tshe slar yang lha dang / klu dang / 'dab bzang la sogs pa nam mkha' la 'khod nas spos dang / me tog gi 'phreng ba la sogs pa babs te/ ji srid rta'i brla'i bar
- 73b
du lus nub pas 'thon par mi nus pa spos dang / me tog gi 'phreng ba la sogs pa ni/ ral pa ltar gdon par mi nus par shin tu thogs par gyur to// de'i phyir dpag tshad sum cu tsam nyid du song ngo // de nas byang chub sems dpa' chu klung gi 'gram du 'khod nas blon po mdun pa la dris pa/ chu klung 'di'i ming ci/ lha yid ldan zhes bgyi ba lags so// bdag kyang rab tu 'byung ba la yid dang ldan pa zhes bya bar gyur to// zhabs kyis brgyab ste rta bskul bar bya ste/ rta yis mchongs nas glang brgyad kyi skad tsam gyis chu klung gi zheng 'gram gyi pha rol tu 'ayod do// byang chub sems dpa' rta'i rgyab nas babs te dngul dang mtshungs par bye ma'i phung po'i steng du 'khod ngo / / mdun pa bos nas khyod kyis bdag gi rgyan rnams dang bsngags ldan khrid la song zhig/ bdag rab tu 'byung bar 'gyur ro// lha bdag kyang rab tu 'byung du gsol byang chub sems dpas khyod kyis rab tu 'byung ba mi thob pas song zhig/ lan gsum du zhus kyang ma gnang ngo // rgyan dang bsngags ldan lag pas gtad de bsams pa/ bdag gi sgra 'di dge sbyong dang mi mthun no snyam nas byang chub sems dpa' gzhan gyis kyang sgra breg par rung ba gzhan med do/ / de nas bdag nyid kyi ral gris bregs par bsams so// phyag g.yas pas ral gri bzung nas/ phyag g.yon pas cod pan dang bcas pa'i nor bu bzung ste bcad do/ / dbu skra ni sor gnyis par gyur cing / g.yas phyogs nas 'khyil bas dbu la gnas so// de rnams ji srid 'tsho'i bar de nyid kyi tshad du gyur te/ kha spu
- 74a
yang med par gyur to/ / slar dbu skra dang kha spu bzhar mi dgos par gyur to// byang chub sems dpa' cod pan dang bcas pa'i nor bu bzung nas gal te bdag sangs rgya bar 'gyur nam mkha' la 'khod cig/ ma yin na sa la lhung bar gyur cig ces nam mkha' la dor ro// de'i gtsug gi nor bu bcings pa dpag tshad gcig gi tshad tsam du song nas nam mkha' la 'khod ngo // lha'i rgyal po brgya byin gyi lha'i mig gis bltas pas dpag tshad gcig gi tshad tsam gyi rin po che'i za ma tog gi nang du bcug nas sum cu rtsa gsum gyi pho brang du gtsug gi nor bu bzhugs pa'i mchod rten bzhengs so/ / mchog gi dri yis bsgos pa'i gtsug phud bcad// gang zag mchog gis nam mkha' la ni dor// mig stong pa yis dbu skra mgo steng bzung // gser gyi za ma tog tu lha gnas khyer// sngar yang byang chub sems dpas bsams pa/ yul ka shi ka'i ras 'di dge sbyong bdag gi tshul dang 'thun pa ma yin no zhes bsams so// de nas sangs rgyas 'od srungs kyi dus su sngon gyi grogs po rdza mkhan tshangs pa chen por gyur to/ / sangs rgyas gcig gi bar du grogs po dang ma phrad do zhes bsams te/ de ni bdag gi grogs po nges par 'byung ba chen pos 'thon no// dge sbyong gi yo byad 'di bzung nas 'gro'o zhes bsams so/ / chos gos gsum dang lhung bzed dang / spu gri khab dang ska rags dang // chu tshags dang bcas brgyad yin no// dge sbyong rnams la rigs shing mkho// dge sbyong gi mkho ba'i yo byad brgyad po
- 74b
'di bslangs nas phul lo/ / byang chub sems dpas mchod par 'os pa'i rgyal mtshan gyon nas rab tu 'byung ba mchog gi cha byung bslangs te/ mdun pa la bdag gi tshig gis ma dang yab la bdag la nad med par gyur to zhes smros shig ces pas btang ngo / / mdun pas byang chub sems dpa' la phyag byas bskor ba byas nas song ngo // slar yang bsngags ldan gyis mdun pa dang byang chub sems dpa' gsung gleng byas shing 'dug pa thos nas/ bdag ni jo bo dang da 'phrad par mi 'gyur zhes bsams so// mig lam du spangs nas mya ngan la shin tu gnas pa bsran par ma nus te/ snying gas nas dus las 'das te sum cu rtsa gsum gyi gnas su bsngags ldan zhes bya ba'i lha'i bur skyes so/ / mdun pa la dang po'i mya ngan du gyur pa gcig go/ slar yang bsngags ldan dus las 'das pa'i rgyu mtshan gyis mya ngan gnyis pas gzi to/ ngu zhing smre sngags 'don zhing grong khyer du song ngo // byang chub sems dpa' de'i phyogs nyid du rjes su dga' ba zhes bya ba'i a mra'i tshal yod do// der nyi ma bdun nas rab tu 'byung ba'i bde bas gnas shing nyin mtshan 'da' 'o/ / nyi ma gcig nyid la dpag chang sum cu'i lam du zhabs kyis gshegs nas rgyal po'i khab tu byon no// byon nas sgo mthar chags su bsod snyoms la gshegs te/ grong khyer ba thams cad kyis byang chub sems dpa'i sku mthong nas glang po che nor skyong zhugs pa'i rgyal po'i khab bzhin dang / lha ma yin gyi dbang po zhugs pa'i lha'i grong khyer bzhin du kun tu 'khrugs par
- 75a
gyur te/ rgyal po'i mi 'ongs shing / lha 'di lta bu'i gzugs kyi sems can gcig grong khyer na bsod snyoms byed do// lha 'am/ mi 'am/ ba dab bzang steng 'di gang yin bdag ca/ gis ma shes so zhes smras so// rgyal po khang bzang gi steng du 'khod nas skyes bu chen po mthong ste ya mtshan dang rmad du byung ba skyes so// mi gcig bos nas/ song la rtogs shig/ gal te mi ma yin par gyur na grong khyer nas phyi rol tu song ste mi snang bar 'gyur ro/ / gal te lha yin par gyur na nam mkha' la 'gro'o// gal te klu yin na sa'i 'og tu 'gro bar 'gyur ro// gal te mi yin na ji ltar thob pa'i kha zas za'o zhes bsgo'o/ / skyes bu chen pos kyang kha zas 'dres pa rnams bsdus nas bdag la 'di tsam gyis chog par rtogs te/ zhugs pa'i sgo nyid nas grong khyer gyi phyi rol tu 'thon te/ ri skya bo'i grib ma la shar du sngun du phyogs pas bzhugs nas kha zas la longs spyod par brtsams so/ / de nas gang gi sgyu ma phyin ci log ste kha nas 'thon pa'i rnam par bsams par gyur to// de nas de'i bdag nyid kyis lus kyis 'di lta bu'i tshul gyi kha zas mig gis mthong ba yang dkon no/ / de'i phyir rigs so so'i kha zas la mi dga' bar sems nas/ 'di ltar rang la rang gis gdams so// don grub khyod rnyed sla ba'i bza' ba dang btung ba'i rigs lo gsum ba'i 'bras dri zhim po'i bza' ba sna tshogs pa'i ro dang bcas pa'i bza' ba'i gnas su skyes par gyur nas/ phyag dar khrod pa zhig mthong ste/ nam du'ang bdag ni 'di lta bu'i tshul du gyur nas bsod snyoms
- 75b
la 'gro zhing kha zas longs spyod do/ / de'i dus su bdag la de ltar 'gyur ro zhes bsams nas 'thon no// da ni 'di ci'i byed pa yin zhes 'di ltar rang la rang gis gdams nas rtogs pa meng par kha zas la longs spyod do/ / rgyal po'i mis 'di'i 'jug pa mthong nas song ste rgyal po la smras so// rgyal pos po nye ba'i gtam thos nas myur bar grong khyer gyi phyi rol tu 'thon nas byang chub sems dpa' dang nye bar song ste spyong lam la dad par gyur to/ / byang chub sems dpa' la dbang phyug thams cad rdzogs par phul lo// byang chub sems dpas rgyal po chen po bdag la dngos po'i 'dod pa 'am nyon mongs pa'i 'dod pa'i don med do/ / bdag ni mchog gi mngon par rdzogs par byang chub pa don du gnyer bas 'ongs so// rgyal pos rnam pa sna tshogs pa'i sbyin pa byin yang de'i thugs la mi 'phrod ngo // nges par khyod sangs rgya bar 'gyur ro/ / sangs rgyas su gyur nas slar yang dang por bdag grong khyer du byon par zhu zhes dam bca' bzung ngo // 'di ni 'dir mdor bsdus pa ste/ rgyas par ni slar yang 'di rab tu 'byung ba'i mdo dang bcas pa don dang gtam 'di ni blta zhing rig par bya'o/ / byang chub sems dpas kyang rgyal po la dam bca' byin nas go rims bzhin du spyod pa la gshegs shing kun nas tshon dang / nag po can dang / 'char byed gser dang dga' byed bu'i nye gnas su nye bar gshegs nas snyoms par 'jug par bskyed de/ sangs rgyas thob pa'i lam ni 'di ma yin no// de la snyoms par 'jug pa skyes kyang dgyes par ma gyur nas
- 76a
lha dang bcas pa'i 'jig rten pa'i rang gi stobs dang brtson 'grus rnams la legs par blta bar 'dod pas dka' ba chen po spyod pa'i bsams pas/ lteng rgyas su byon te sa phyogs 'di ni shin tu dga' ba yin no snyam nas de nyid du nye bar gnas par byas te dka' ba chen po spyod do/ / de yang ko'u Ni nu la sogs pa rab tu byung ba lnga grong dang / grong rdal dang / rgyal po'i pho brang rnams su bsod snyoms la rgyu zhing byang chub sems dpa'i gnas der 'ongs so/ / de nas lo drug tu dka' ba chen po spyad do// da ni sangs rgyas su 'gyur ro// da ni sangs rgyas su 'gyur ro zhes zhus pa'i gnas la byi dor la sogs pa byed cing sku la rim gro byed par gyur te/ nye bar gnas par gyur to// byang chub sems dpa' yang phyi ma'i mthar thug par dka' ba spyad par bsams so// til gcig dang 'bras kyi zhag ma gcig la sogs pa'i nyi ma 'da' zhing thams cad du yang kha zas thams cad spangs so/ / lha rnams kyis kyang ba spu'i bu ga re re nas mdangs ston to// de nas de'i kha zas med par sku rid par gyur te/ gser gyi kha dog can gyi sku yang nag por gyur te/ skyes bu chen po'i mtshan sum cu rtsa gnyis kyang mi snang bar gyur to// nyi ma gzhan la yang rlung dal bus bsam gtan byed cing sku la zug gzer chen po skyes nas 'du shes med par gyur te/ 'chag pa'i gnas su 'gyel lo// de nas lha gcig gis dge sbyong go'u ta ma dus las 'das so zhes brjod do// gcig gis 'gyel pa na dgra bcom pa thob bo zhes brjod do//
- 76b
der gang zhig gis dus las 'das so zhes brjod nas de song ste/ rgyal po chen po zas gtsang la smras pa/ khyed kyi sras dus las 'das so// bdag gis sras sangs rgyas ma thob par dus las 'das sam thob nas dus las 'das zhes dris so/ / sangs rgyas thob par ma nus so// dka' ba spyod pa'i gnas su 'gyel nas dus las 'das so// 'di thos nas rgyal po yid ma ches par gyur to// bdag gi sras sangs rgyas ma thob par dus las 'da' ba med do zhes bkag go/ gang gi phyir slar yang rgyal po yid ma ches nas dka' thub pa nag po lha len gyis phyag byed pa'i dus dang / 'dzam bu'i shing gi drung nyid du cho 'phrul mthong ba'i rgyu mtshan nyid kyis so/ / slar yang byang chub sems dpas 'du shes thob nas bzhengs so// lha de song nas rgyal po chen po khyod kyi sras po nang med par gyur to zhes smras so/ / rgyal pos sras po min par bdag gis shes so zhes smras so// sems dpa' chen po lo drug tu dka' bar byed cing 'di lta bu'i sems su gyur te/ 'di lta bu'i dka' thub spyod pa zhes bya ba nibyang chub kyi lam ma yin no zhes bsams nas/ kha zas cung zad la longs spyod par byed cing grong rdal rnams su bsod snyoms la sbubs bsod snyoms spyod do// de nas skyes bu chen po'i mtshan sum cu rtsa gnyis gsal bar gyur to/ / sku gser gyi kha dog lta bur gyur to// dge slong lnga sdenar/ 'dis lo drug tu dka' ba spyad kyang thams cad mkhyen pa'i ye shes thob par ma gyur to// nga ni grong la sogs par bsod snyoms
- 77a
spyod cing kha zas bslangs nas za ste/ rol chags par gyur na ci nus/ 'dis dka' ba spyad pa 'khrul lo// lus la khrus byed par 'dod pas lus kyi ba spu re re'i sgor chu zhugs nas 'dod pa'i thig ler gyur pa dang mtshungs so/ / bdag cag de'i 'dod pa'i rnam par rtog pa yod gnas su 'dug pas ci zhig bya/ skyes bu chen po spangs shing rang rang gi chos gos dang lhung bzed thog nas dpag tshad bco brgyad kyi lam du song ste drang srong lhung ba'i tshal du gnas so/ / de'i tshe de'i dus su lteng rgyas na sde can gyi grong rdal zhing pa'i khyim du skyes pa'i legs skyes ma zhes bya ba'i bu mo na tshed ldan par gyur te/ n+ya gro d+ha'i shing gcig don du gnyer to// gal te bdag dang mnyam par skyes pa'i rigs kyi khyim du song nas dang por mngal chags te/ bu rnyed na de la lo so sor ba bum phrag gcig ri ba'i gtor ma'i las bya'o// de'i don du gnyer ba 'grub bo// des sems dpa' chen po lo drug gi mthar dka' ba spyod pa rdzogs par byed do// da pyid zla tha chung gi nya la gtor ma'i las byed par sems so// de'i sngun nyid du stong phrag gcig gi ba bzhon ma shing dngar gyi nags su shing dngar za ba de rnams kyi 'o ma bzhos nas bzhon ma'i ba lnga brgya la byin no/ / de rnams kyi 'o ma bzhos nas ba bzhon ma phyed dang sum brgya la byin no// de bzhin du bzhon ma bcu drug gi 'o ma bzhos nas ba bzhon ma brgyad la byin no/ / de srid kyi 'o ma bska mo dang / dngar ba dang / mdangs dang / mdog dang ldan pa don du gnyer bar 'dod cing po ma skol lo// des dpyid zla tha chung gi
- 77b
nya'i nyin mo'i snga dro gtor ma'i las byed par sems shing / mtshan mo'i nam yangs kha'i dus su pab 'jo mkhan langs nas pa bzhon brgyad po 'jo ru song ba/ be'u ba'i nu ma la nye bar ma gyur par yang / ba'i ru ma'i gam du snod gsar pa nye bar gnas pa byas pa tsam na rang gi chos nyid kyis 'o ma'i rgyun gyis snod gang bar gyur to/ / legs skyes mas ya mtshan che ba de mthong ste/ 'o ma rang gi lag pas khyer nas sdod gsar par blugs pa la rang gi lag gis me gang btang ste 'tshod par brtsams nas/ der 'o thug bskol bas lbu ba chen po 'thon nas g.yas phyogs su 'khor zhing thur ma gcig tsam yang sa la ma lhung la/ zab na dub cung zad kyang med do/ / de'i tshe 'jig rten skyong ba bzhi po 'ongs nas thab srun par byed do// tshangs pa chen pos ni gdugs 'dzin no// brgya byin gyis ni ji ltar rigs pa'i me gtong bar byed de// stong phrag gnyis kyis yongs su bskor ba'i gling chen po bzhi'i lha dang mi rnams kyis ji ltar rig 'i mdangs rnams lha rang rang gi mthus bsdus nas bcug go/ mi rnams kyis kyang de bzhin du byas nas dus gzhan la lha rnams zan gyis gong bu re res mdangs 'jug go/ / slar yang byang chub pa'i nyin mo dang / yongs su mya ngan las 'da' ba'i nyin mo snod nyid du 'jug par byed do// legs skyes mas nyi ma gcig nyid la der rang nyid gsal bar gyur nas ya mtshan che ba du ma mthong ste dran mo rdzogs ma zhes bya ba pos nas/ rdzogs ma di ring bdag cag gi lha shin tu dgyes par gyur te/ bdag gis de rnams kyi dus su 'di
- 78a
lta bu'i rdul gyi ya mtshan che ba ma mthong bas myur du song la lha'i gnas su byi dor legs par gyis shig/ des legs so zhes brjod nas 'phags ma de'i tshig bzung ste myur ba myur bar shing gi drung du phyin no/ / byang chub sems dpa kyang de'i mtshan mo'i cha la rmi lam chen po lnga gzigs pa yongs su rtog cing the tshom med par bdag de ring sangs rgyas thob par 'gyur bar bya'o snyam du thugs brtan por mdzad nas dede'i nub mo 'das te sku'i byi dor mdzad nas bsod snyoms la gshegs pa'i dus kyi snga dro byon te/ shing nu gro d+ha'i drung du bzhugs nas rang gi 'od kyis shing thams cad snang bar mdzad do// de nas yang rdzogs ma de 'ongs nas byang chub sems dpa' shing gi drung na shar phyogs kyi 'jig rten gyi khams la gzigs shing gzogs pa mthong la/ sku la 'od zer 'thon pa'i 'od kyi shing thams cad gser gyi kha dog tu mthong ngo // des 'di ltar bsams te/ di ring bdag cag gi lha shing la babs nas rang gi lag nyid kyis gtor ma len cing bzhugs so zhes bsams pas sems tshim pa thob nas myur du song ste legs skyes ma la don de rnams smras so/ legs skyes mas de'i tshig thos nas sems tshim par gyur te/ di ring nas bzung nas bdag gi bu mo chen mo gnas su sdod cig ces bu mo la ji ltar rigs pa'i rgyan thams cad byin no// slar yang gang gi phyir sangs rgyas kyi yongs su rdzogs par thob pa'i nyin mo 'bum phrag gcig gi grangs kyi gser gyi sder ma chen po thob par rigs so/ / de'i phyir gser gyi sder ma chen po'i nang du'o thug ldugs pa'i sems skyes nas 'bum phrag gcig
- 78b
ri ba'i gser gyi sder ma chen po bslangs te/ 'o thug btsos pa'i nang du kha spub nas blug go// 'o thug thams cad pad+ma'i 'dab ma'i nang gi chu bzhin du chu'i thigs pa gcig tu gyur nas gser gyi sder du byung ngo // gser gyi sder/ ma gcig gang ba'i tshad tsam du gyur to// des gser gyi snod de la gser gyi snod gzhan gyis bkab nas gos kyis dril to// legs skyes ma rgyan gyis lus thams cad brgyan nas gser gyi sder ma de rang gi mgor bzhag ste/ mthu chen pos shing n+ya gro d+ha'i drung du phyin pa dang / byang chub sems dpa' mthong nas shin tu yid bde ba skyes par gyur to// shing gi lha yin nam zhes bsams nas blta ba'i gnas su dud cing dud cing song ste/ mgo'i steng gi gser gyi sder ma phab nas kha phye ste/ gser gyi ril ba spyi blugs kyis dri bzang pos bsgos pa'i chu bzung nas byang chub sems dpa' dang nye bar song ste 'khod do// grogs po rdza mkhan tshangs pa chen por gyur pas phul ba'i sa'i lhung bzed ni de rnam kyis dus su byang chub sems dpa' ma spangs kyang de de ma thag tu mi snang bar gyur/ byang chub sems dpas lhung bzed ma gzigs so// phyag g.yas pa brkyang nas chu bslang ste/ legs skyes mas snod dang bcas pa nyid kyis 'o thug skyes bu chen po'i phyag tu phul lo// skyes bu chen pos legs skyes ma la brtags pa na/ des rnam 'gyur shes nas 'phags pa bdag gis yid la yongs su phul gyis/ bzhes la ji ltar bzhed pa bzhin gshegs par zhu zhes phyag byas nas/ ji ltar bdag gi 'dod pa yongs su rdzogs par gyur to// 'di ltar nyid kyis kyang bsam pa yongs su rdzogs
- 79a
par gyur cig ces smras so/ / 'bum phrag gcig ri ba'i gser gyi sder ma chen po gcig shing gi lo ma brnyings bzhin du ltos pa med par song ngo // byang chub sems dpa' bzhugs pa las bzhengs nas shing la bskor te/ gser gyi sder ma bslangs nas chu klung ne rany+dza na'i 'gram du gshegs te/ byang chub sems dpa' grangs med pa 'bum phrag mang po rnams kyis mngon par byang chub pa'i nyin mo babs nas khrus byed pa'i gnas su legs par rab tu gnas pa'i mu gnas zhes bya ba yod do/ / de'i 'gram du sder ma bzhag ste babs nas khrus mdzad do// 'bum phrag du ma'i sangs rgyas rnams kyi na bza' dang mchod par 'os pa gyon nas shar phyogs su sngon du phyogs pas bzhugs nas/ ta la'i shing thog gi nang gi rus pa cig gi tshad tsam dang mnyam pa gcig gis dman lnga bcu'i gong bu byas nas chu med cing dang ra ba'i 'o thug thams cad gsol lo/ / de 'di ltar gang gis sangs rgyas su gyur nas zhag bzhi bcu zhe dgur byang chub kyi snying por bzhugs te zhag bzhi bcu zhe dgu'i kha zas su gyur to// de rnams kyi dus su kha zas gzhan med pa dang / khrus byed pa med pa dang / zhal shol ba med pa dang / sku lus kyi bya ba byed pa med do// bsam gtan gyi bde ba dang / lam gyi bde ba dang / 'bras bu'i bde ba nyid kyis nyin mtshan 'da' 'o// gzhan yang de'i 'o thug gsol nas gser gyi sder ma phyag tu bzhes te/ gal te bdag ni de ring sangs rgyas su 'gyur nus na/ sder ma 'di chu'i steng du gyen du 'gro bar gyur cig/ ma yin na thur la 'gro bar gyur cig ces chu la dor ro// des nu'i
- 79b
rgyun gyi rlabs chu klung gi dbus su song nas dbus kyi gnas nyid du rta mgyogs por 'gro ba bzhin du/ khru brgyad cu'i tshang tsam gyi steng du song zhing / chu lan cig 'khyil bas bying nas klu'i rgyal po nag po'i gnas su song ngo / / de nas sangs rgyas gsum po rnams kyis bshos gsol ba'i gser gyi sder ma chen po sel sil zhes sgra sgrogs par byed cing phyogs gcig tu de rnams thams cad kyi 'og tu gyur nas gnas so/ klu'i rgyal po nag pos de'i sgra thos nas kha sang sangs rgyas gcig thob par gyur cing / slar yang de ring sangs rgyas nyid thob par gyur nas mang pos stong pa byed par gyur to// byang chub sems dpas ni chu klung gi 'gram shing sA la'i tshal du nyin mo bzhugs nas srod kyi dus su me tog ku mu da kha' byed pa'i dus la lha rnams kyis brgyan par byas nas/ zheng la glang gi skad brgyad kyis thos pa'i tshad du lam byed pa la seng ge bzhin du sgra bsgrags nas/ byang chub kyi shing la mngon par phyogs pas bzung ngo // klu dang / gnod sbyin dang / 'dab bzangs la sogs pa rnams kyis lha'i spos dang me tog la sogs pa dang / klu'i klu dbyang la sogs pas mchod do/ / stong phrag bcu'i 'jig rten gyi khams rnams dri bzang por gyur cing me tog gi 'greng bar gyur nas thams cad legs so zhes brjod par gyur to// de'i tshe rtswa 'tshong bkra shis zhes bya bas rtsa blangs nas lam gyi sngon du 'ongs te skyes bu chen po'i rnam 'gyur rtogs nas rtsa spar mo brgyad phul lo/ / byang chub sems dpas rtswa blangs nas/ byang chub kyi snying po dang nye bar gshegs te lho phyogs kyi char zhal byang du
- 80a
mngon par phyogs pas 'khod do/ / de ma thag par lho phyogs kyi khor yug gis bying nas 'gro ba ni 'og mnar med pa'i bar du gyur pa bzhin no// lho phyogs kyi khor yug steng du langs nas 'gro/ ba ni srid pa'i rtse mor gyur pa bzhin no// byang chub sems dpas 'di yang dag par rdzogs pa'i sang+yas thob pa'i gnas ma yin no zhes dgongs shing bskor nas nub kyi phyogs kyi char gshegs te shar phyogs su mngon du phyogs pas 'khod do/ / de nas nub phyogs kyi khor yug 'og tu bying nas 'gro ba ni mnar med pa'i bar du gyur pa bzhin no// shar phyogs kyi khor yug steng du langs nas 'gro ba ni sring ba'i rtse mor gyur pa bzhin no// byang chub sems dpa' 'khod cing 'khod pa'i gnas ni mu khyud kyi mthar thug par mnan zhing so sor gnas pa'i shing rta'i 'khor lo chen po lta bur sa gzhi chen po la bying zhing bying nas 'gro bar gyur te/ byang chub sems dpas 'di ni byang chub thob pa'i gnas ma yin no zhes bskor nas byang phyogs kyi char gshegs te/ lho phyogs su sngun du phyogs pas 'khod do// de nas byang gi khor yug sa la bying nas mnar med kyi bar du gyur pa bzhin no/ / mA na khor yug gyen du langs nas srid pa'i rtse mo'i bar du gyur pa bzhin no// byang chub sems dpas 'di ni byang chub thob pa'i gnas ma yin no zhes bsams te bskor nas shar phyogs kyi char gshegs nas nub phyogs su sngun du phyogs pas 'khod do/ / slar yang shar phyogs kyi char sangs rgyas thams cad kyis skyil krung bcas pa'i gnas de g.yo bar mi 'gyur zhing mi ldeg go// sems dpa' chen pos 'di ni
- 80b
sangs rgyas thams cad kyis ma spangs shing mi g.yo ba'i gnas/ nyon mongs pa'i dra ba thams cad rnam par 'joms pa'i gnas su rtogs so// de'i rtswa rnams rtse mo nas bzung ste bkram nas de ma thag tu khru bcu ba pa'i tshad tsam gyi gdan du gyur to/ / de yang de lta bu'i tshul gyis ji ltar bzhag pa de bzhin du mi gnas so// ji ltar gzugs la mkhas pa'i ri mo byed pa rnams kyis ri mo bris pa bzhin du byang chub sems dpas byang chub shing gi sdong po la sku rgyab brten par byas nas zhal shar du sngun du phyogs par mdzad do/ / brtan pa'i sems su gyur nas bdag gi pags pa dang / rgyus pa dang / rus pa dang / khrag dang / sha rnams bskams par gyur kyang yang dag par rdzogs pa'i sangs rgyas ma thob par du ni stan 'di las lus bskyod par mi bya'o/ / thog brgya phrag babs kyang mi phyed cing pha rol gyis mi tshugs par stan la skyil krung gis bzhugs so// / de'i tshe lha'i bu'i bdud kyis gzhon nu don grub bdag gi dbang du byed par 'dod pas da ni bdag las 'da' bar byed du mi ster ro zhes bsams nas bdud kyi dmag dang nye bar song ste/ don 'di smras shing bdud kyi sgra zhes pas sgra bsgrags nas bdud kyi dmag khrid de 'thon nas/ bdud kyi sde bdud kyi mdun du dpag tshad bcu gnyis kyi sar 'gro'o// g.yas phyogs dang g.yon phyogs rnams su dpag tshad bcu gnyis 'gro'o// rgyab phyogs su ji srid khor yug gi mthar thug par byas nas gnas so/ / steng du dpag tshad dgu'o// 'khor thams cad kyi gtam byed pa'i sgra dpag tshad stong phrag gcig gi bar du sa gzhi 'brakra pa tsam gyi sgra thos so//
- 81a
de nas lha'i bu'i bdud dpag tshad phyed dang nyis brgya'i ri'i 'og pag ces bya ba'i glang po che'i rgyab tu zhon nas lag pa stong phrag gcig sprul nas mtshon cha sna tshogs pa blangs so// ga'an yang bdud kyi 'khor gyi grogs gnyis gcig dang mtshungs par mtshon cha'i rigs gnyis mi len no/ / kha dog rnam pa sna tshogs pa dang rnam pa sna tshogs pa'i gdong can sems dpa' chen po gzhom par bya ba'i phyir 'ongs so/ stong phrag bcu'i khor yug gi lha rnams slar yang sems dpa' chen po la stong pa byed cing gnas so// brgya byin lha'i rgyal pos rnam par rgyal ba bla na med pa'i dung 'bud cing 'khod do// slar yang dung de khru brgya nyi shur gyur to/ / gal te legs par bus na zla ba bzhi'i bar du rgyun mi 'chad cing de nas rgyun mi 'chad do// klu'i rgyal po nag po chen pos brgya phrag du ma'i stong pa byed cing gnas so// tshangs pa chen po gdugs dkar po bzung nas gnas so/ / slar yang bdud kyi dmag byang chub kyi snying por 'ongs shing 'ongs so// lha de rnams gcig tu 'khod par ma nus pas rang gi gnas su bros nas song ngo // klu'i rgyal po nag po sa la bying nas dpag tshad lnga brgya'i snye ma can gyi klu'i pho brang du song ste/ lag pa gnyis kha la bkab nas nyal lo// brgya byin gyi rnam par rgyal ba bla na med pa'i dung rgyab tu bkal te khor yug gi steng du 'khod do/ / tshangs pa chen pos gdugs dkar po khor yug gi steng du btsugs nas tshangs pa'i 'jig rten du song ngo // lha gcig gis kyang 'khod par ma nus te/ skyes bu chen po nyid gcig pu bzhugs so//
- 81b
bdud kyis/ rang gi 'khor la smras pa/ bu zas gtsang gi bu don grub dang 'dra ba'i skyes bu gzhan med pas/ bdag gis de'i mdun dugayul 'gyed par mi nus kyis/ rgyab kyi phyogs su g.yul bgyi'o/ zhes smras so// skyes bu chen pos kyang phyogs gsum la gzigs pas lha thams cad bros pa'i phyir gnas thams cad stong par mthong ngo // gzhan yang byang phyogs su gzigs pas bdud kyi dmag rnams bdag gzhom pa'i phyir 'ong ba gzigs so/ / 'di rnams kyi dmag gi tshogs bdag gcig pu'i phyir rtsol ba chen pos pha rol gnon par byed cing gnas 'dir 'ongs te/ bdag gi ma 'am/ pha 'am/ spun nam/ su yang rung bas gnyen las gzhan med do// gzhan yang gang gi phyir pha rol tu phyin pa bcu po nyid bdag gis dus yun ring por gnyen la dga' ba bzhin goms pa de'i phyir bdag gis pha rol tu phyin pa nyid kyis phub byas nas/ pha rol tu phyin pa nyid kyi mtshon thogs te/ 'di'i dmag gi tshogs rnam par gzhom par rigs so snyam nas pha rol tu phyin pa bcu po thugs la bsams nas bzhugs so// de nas lha'i bu'i bdud kyis don grub de ma thag tu 'bros par byed par rigs so zhes smras nas/ rlung gi dkyil 'khor nye bar gnas nas 'ongs so// de ma thag kho nar shar phyogs la sogs pa'i rlung gi dkyil 'khor rnams langs nas 'ongs te dpag tshad phyed dang / yang gnyis la sogs pa'i tshad kyi ro'i phung po blangs nas nags thibs po dang shing la sogs pa sa la bton zhing / thams cad du grong dang grong rdam
- 82a
phye ma dang rnam par phye mar byed pa'i nus pa ni skyes bu chen po'i bsod nams kyi gzi brjid kyi mthus gyes te/ byang chub sems dpa'i drung du 'ongs nas bla gos kyi grwa tsam yang bskul bar mi nus so/ / de nas chu yis gzhom pa'i phyir 'ongs nas gsod par bsams pa na char pa chen po 'a bab cing gnas so// de'i mthus steng nas steng du brgya phrag du ma brtsegs pa dang / stong phrag du ma brtsegs pa'i sprin chen po 'dus nas char 'bebs so/ / char pa'i rgyun gyi shugs kyis sa gzhi 'bugs par gyur to// nags tshal dang shing la sogs pa'i steng gi char sprin chen po 'ongs nas sems dpa' chen po chu thigs gcig tsam gyis kyang spang bar ma nus so/ / de nas rdo'i char bkug na ches che ba'i ri'i phung po du bar byed cing 'bar bar byas nas nam mkha' nas 'ongs te byang chub sems dpa'i drung du 'ongs nas g+ha'i me tog gi chun po'i gzugs 'bab bo/ / de nas mtshon cha'i char thams cad bkug nas mtshon so gcig pa dang / so gnyis pa dang / ral gri dang / mdung thung dang / spu gri la sogs pa'i mtshon cha rnams ngu bar byed cing 'bar bar byas nas nam mkha' la 'ongs te/ byang chub sems dpa'i drung du 'ongs nas lha'i me tog tu gyur to// de nas sol ba'i char bkug nas rgya skyegs kyi me tog gi kha dog can gyi sol ba nam mkha' nas 'ongs nas byang chub sems dpa'i zhabs drung du lha'i me tog tu gyur nas 'bab bo/ / de nas thal ba'i char bkug nas shin tu jo ba me'i kha dog can gyi thal ba nam mkha' nas 'ongs
- 82b
nas byang chub sems dpa'i zhabs drung du tsan dan gyi phye ma ltar gyur pa'i char 'bab bo/ / de nas bye ma'i char bkug nas shin tu phra ba'i bye ma rnams du bar byed cing 'bar bar byas nas nam mkha' nas 'ongs te byang chub sems dpa'i zhabs drung ngu lha'i phye ma ltar gyur nas char 'bab bo/ / de nas 'jim pa'i char pa rnams bkug nas 'jim pa rnams ngu bar byed cing 'bar bar byas nas nam mkha' nas 'ongs te byang chub sems dpa'i zhabs drung du lha'i byug par gyur nas 'bab bo/ / de nas 'di bzhin du 'jigs par byed pas don grub 'bros par bya ba'i phyir mun pa nye bar gnas par bya'o// de ni yan lag bzhi dang ldan pa'i mun nag chen por gyur nas/ byang chub sems dpa'i drung du bslab nas nyi ma'i 'od kyis mun pa bcom pa bzhin du mi snang bar gyur nas/ 'di ltar bdud dgu po 'di rlung dang / nar dang / rdo dang / mtshon cha dang / sol ba dang / thal ba dang / bye ma dang / 'jim pa dang / mun pa ste/ de rnams char du babs nas byang chub sems dpa' 'bros par byed par ma nus so// cis brjod cing ci'i phyir sdod// gzhon nu 'di la zung zhig/ rgyob cig/ thon cig ces 'khor rnams bos nas rang gis kyang ri'i 'og pag glang po che'i rgyab tu zhon nas 'khor lo'i mtshon la spangs te/ byang chub sems dpa'i drung du nye bar 'ongs nas don grub stan las longs shig/ 'di khyod la rigs pa ma yin gyi/ nged la rigs pa yin no zhes smras so// sems dpa' chen pos de'i tshig thos nas 'di ltar smras so// bdud khyod kyis pha
- 83a
rol tu phyin pa bcu ma rdzogs pa dang / nye ba'i pha rol tu phyin pa ma rdzogs pa dang / don dam pa'i pha rol tu phyin pa ma rdzogs pa dang / chen po lnga yongs su gtong ba med pa dang / gnyen gyi don du spyod pa med pa dang / 'jig rten gyi don gyi spyod pa med pa dang / sangs rgyas kyi spyod pa yongs su rdzogs pas stan 'di khyod la rigs pa ma yin no// stan 'di bdag kho na la rigs pa yin no// bdud khros par gyur nas khros pa'i shugs bsran par ma nus te/ skyes bu chen po la mtshon cha'i 'khor lo 'phangs so// de'i pha rol tu phyin pa bcu sem par byed cing bzhugs pa na steng gi char me tog gi 'phreng ba'i bla res bres pa bzhin du gyur to/ / de'i 'khor lo'i mtshon cha gzhan la de shin tu khros pas 'phangs te rdo ba 'thug po 'am/ rdo ba 'thug po'i ka ba 'bugs shing 'gro'o// slar yang de ni de'i me tog gi bla res su gyur nas gnas pa na bdud kyi 'khor lhag ma rnams de nas stan las langs te 'gro bar bsams nas ches che ba'i ri'i phung po 'phangs so/ / de rnams kyang skyes bu chen po'i pha rol tu phyin pa bcu la sems shing bzhugs pa na me tog gi chun por gyur nas sa la lhung ngo / / lha rnams khor yug gi mthar 'khod pa rnams ske bteg nas blta zhing / mgo bo bteg cing bteg nas don grub gzhon nu mchog gi sku'i bdag nyid nyams sam snyam nas ci byed na zhes bsams shing balnga'o/ / de nas skyes bu chen pos pha rol tu phyin pa rdzogs pa'i byang chub sems dpa' rnams mngon par rdzogs par byang chub pa'i nyin mo thob pa'i stan bdag la rigs pa yin no/
- 83b
zhes bshad nas/ 'khod pa'i bdud la smras so// bdud khyod kyis sbyin pa btang ba'i dbang po su yod ces smras so// bdud 'di rnams thams cad bdag gi dbang po yin no zhes bdud kyi dmag rnams la lag pa brkyang ngo / / de ma thag par bdud kyi 'khor rnams nga yang dbang po yin/ nga yang dbang po yin zhes brjod pa'i sgras sa gzhi yang ral pa bzhin du brjod pa'i sgrar gyur to// de nas bdud kyis/ skyes bu chen po la smras pa/ don grub khyod kyis sbyin pa btang ba'i dngos po la dbang po su yod ces smras so// skyes bu chen po khyod kyis re zhig sbyin pa byin pa'i dngos po la sems dang bcas pa rnams dbang po yin no// slar yang bdag la gnas 'di na sems dang bcas pa'i dbang po su yang med pas/ bdag nyid kyis skye ba'i mthar sbyin pa btang ba de sring gnas pa thams cad sgrol gyi lus kyi bdag nyid la gnas nas sbyin pa chen po bdun brgya pa bdun byin pa'i dngos po la sems med pa'i sa gzhi chen po 'thug po 'di dbang po yin no zhes chos gos kyi nang nas phyag g.yas pa bton te/ thams cad sgrol gyi bdag nyid kyi lus su gnas nas bdag gis sbyin pa bdun brgya pa bdun byin pa'i dngos po de la khyod kyis dbang po yin nam ma yin pa smros shig ces sa chen po la mngon du phyogs pas phyag brkyang ba na/ sa chen po sa bdag ni de'i tshe dbang po yin no zhes sgra sgrogs par gyur nas/ sgra chen po sgrogs pa brgya dang / stong phrag gcig dang / sgra chen po 'bum phrag gcig po rnams kyis bdud kyi dmag gi sgra rnams zil gyis mnan pa bzhin du gyur to//
- 84a
de nas skyes bu chen po don grub kyis sbyin pachen po byin pa ni mchog gi sbyin pa'o zhes thams cad stsol gyi sbyin brlan par byed cing dpag rang byed du sa brgya'i ri'i 'og bag gi glang po che pus mos la btsugs nas 'khod do/ / bdud kyi 'khor rnams phyogs dang mtshams rnams su bros nas gnyis lam gcig la 'gro ba med do// mgo'i rgyan nyid dang gyon pa'i gos dang por dor nas rang gi phyog byo nyid du 'bros so/ / de nas lha'i tshogs rnams kyis bdud bros nas 'gro ba mthong ste/ bdud rnams pham pas don grub gzhon nu rgyal bar gyur to zhes rgyal ba'i mchod pa byed par sems so/ / klu ni glu rnams la bskul lo// 'dab bzang ni 'dab bzang rnams la'o// lha ni lha rnams la'o// tshangs pas ni tshangs pa rnams la bskul lo// spos dang me tog gi 'phreng ba la sogs pa lag tu thogs nas byang chub shing gi drung du skyil krung gis bzhugs pa'i skyes bu chen po dang nye bar 'ongs so/ / de ltar bdud rnams zos nas song ngo // dpal ldan sangs rgyas rgyal bar gyur// sdig can bdud ni pham par gyur// rab dga' byang chub snying por sgrogs// de tshe drang srong klu tshogs rgyal// dpal ldan sangs rgyas rgyal bar gyur// sdig can bdud ni pham par gyur// rab dga' byang chub snying por sgrogs// 'dab bzang tshogs kyi drang srong rgyal/ / dpal ldan sangs rgyas rgyal bar gyur// sdig can bdud ni pham par gyur// rab dga' byang chub snying por sgrogs// sna tshogs de tshe drang srong rgyal// dpal ldan sangs rgyas rgyal bar gyur// sdig can bdud
- 84b
ni pham par gyur/ / rab dga' byang chub snying por sgrogs// tshangs tshogs de tshe rgyal bar sgrogs// mthar stong phrag bcu'i khor yug gi lha rnams kyis me tog dang / spos dang / byug pa rnams kyis mchod par byed do/ / rnam pa sna tshogs pa'i sdod pa byed cing 'khod do// 'di ltar skyes bu chen po nyi ma nub pa'i tshe bdud rnam par bcom nas chos gos kyi steng du byang chub kyi shing gi 'dab ma myu gu lta bu lhung zhing byu ru dmar pos mchod par byed pa lta bu'o/ / thun dang po la sngon gyi gnas rjes su dran pa ye shes kyi rtogs pa dang / thun par pa la lha'i spyan rnam par dag pas ye shes thob pa dang / thun tha ma la rten cing 'brel par 'byung ba'i ye shes thob bo/ / de nas rten 'brel bcu gnyis kyi rkyen gyis rnam par 'jug pa dang / mi 'jug pa'i lugs las byung ba dang / lugs las bzlog pa dran par byed cing dran par byed do// stong phrag bcus 'jig rten gyi khams nu'i mthar thug par byas nas lan bcu gnyis su yang dag par g.yos so/ / slar yang skyes bu chen pos stong phrag bcu'i 'jig rten gyi khams su sgra chen po sgrogs shing / skye rengs shar ba'i dus su thams cad mkhyen pa'i ye shes so sor myong ngo / / stong brag bcu'i 'jig rten gyi khams thams cad brgyan bzhin du rigs par gyur to// shar phyogs kyi khor yug go steng du rgyal mtshan dang ba dan btsugs pa'i sham bus nub kyi khor yug gi steng du chags so/ / de bzhin du nub phyogs kyi khor yug gi mtha'i steng du rgyal mtshan dang ba dan btsugs pa'i sham bus shar gyi khor yug gi steng
- 85a
du chags so/ / byang gi phyogs kyi khor yug gi steng du rgyal mtshan dang ba dan btsugs pa'i sham bus lho'i khor yug gi steng du chags so// lho'i phyogs kyi khor yug gi steng du rgyal mtshan dang ba dan btsugs pa'i sham bus byang gi khor yug gi steng du chags so/ / sa gzhi las langs pa'i rgyal mtshan dang ba dan tshangs pa'i gnas su chags so// tshangs pa'i 'jig rten gyi gnas su bcings pa'i rgyal mtshan dang ba dan sa gzhi'i steng du chags so/ / stong phrag bcu'i khor yug la me tog gi shing la me tog kha bye'o// 'bras bu'i shing la 'bras bu mang por gyur to// sdong po rnams la sdong po'i pad+ma me to kha bye'o/ / yal ga rnams la yal ga'i pad+ma'i me tog go/ 'khri shing rnams la 'khri shing gi pad+ma'i me tog go// nam mkha' nas thur du pad+ma'i me tog 'phyang ngo // thang dang rdo'i steng du brtol nas steng nas steng du bdun bducu brngu te rgyun gra pa'i pa ma tog ces bya ba byung ngo / / snong phrag bcu'i 'jig rten gyi khams khyad par du 'phags pa'i me tog gi gdan bzhin du gyur to// khor yug gi bar dpag tshad stong phrag brgyad kyi 'jig rten gyi bar gyi dmyal ba nyi ma bdun gyi 'od kyis kyang snang bar byed pa med pas na dkon no/ / de dang mtshungs pa'i 'jig rten gyi bar gyi dmyal ba pa de ma thag tu snang bar gyur to// dpag tshad brgyad khri bzhi stong tsam gyis zab pa'i rgya mtsho chen po'i chu dngar por gyur to/ / chu klung rnams ni 'gro ba gnas so// dmus long rnams kyi mig gis gzugs mthong ngo // 'on pa rnams kyis rnabs sgra thos so// gong po
- 85b
rnams kyis 'gro shes par gyur to/ / bcings pa'i sems can rnams na rjes su bcings pa las rgol bar gyur to// 'di ltar tshad med pa'i dpal du gyur nas mchod pa dang ya mtshan pa'i chos rab tu skyes so// thams cad mkhyen pa'i ye shes so so 'jig go/ sangs shes thams ca kyis bshad pa med du brjod pa ched du brjod do// skye bo'i 'khor ba ma lus par// dug med rnam par dug med tshol// khyim med pa ni tshol ba na/ skye ba'i sdug bsngal yang yang dang // khyim med pa na mthong bar gyur// slar yang khyim na byed pa med// de yi sdug bsngal thams cad bcom// dug gi ming can khyim gyi phung // sems ni 'du byed pa las grol/ / sred pa zad nas med par gyur// ces pa 'di ni dga' ldan gyi pho brang du gnas pa nas bzung ste ji srid byang chub snying po 'dir thams cad mkhyen pa thob pa de rnams kyi gnas ni gleng gzhi par ma zhes bya ba yin no/ / ga rA ni/ sa man rgyal byed tshal mgon med zas sbyin gyi kun dga' ra ba'i gnas su bzhugs pa dang / yangs pa can gyi nags tshal chen po khang pa brtsegs pa'i gnas su bzhugs so/ / de ltar de dang de'i gnas rnams su bzhugs shing de dang de'i gnas nyid thob ces brjod do// gang ci yang 'di ltar brjod pa de nas yang de dang po nas bzung nas 'di ltar rig bya'o/ / bcom lda rjod pa de lta bu'i sems skyes so// bdag gis bskal pa grangs med pa bzhi dang 'bum phrag gcig lhag pa nas
- 86a
skyil krung bcas pa 'di'i ched du dus 'di rnams la bdag gi mgo rgyan gyis brgyan pa'i mgrin pa nas bregs te sbyin par btang ba dang / spyan bzang po btung ba dang / snying gi sha bregs nas btang ba dang / gzhon nu dra ba 'dzin dang 'dra ba'i bu sbyin par btang ba dang / kr-iSh+Na dzi na'i gzhon nu ma dang mtshungs pa'i bu mo sbyin par btang ba dang / lha mo ma tri dang mtshungs pa'i chung ma rnams gzhan gyi bran gyi phyir sbyin par btang ngo / / 'di ni bdag gi 'dug stangs yin no// rgyal ba'i 'dug stangs yin no// mchog gi 'dug stangs yin no// ba di la bdag bzhugs nas bsams pa thams cad yongs su rdzogs so/ / re zhig gdan 'di las bdag mi ldang ngo snyam du bsams nas/ bye ba 'bum phrag du ma la snyoms par zhugs nas mnyam par gnas te zhag bdun du de nyid du bzhugs so// de'i phyir sangs rgyas zhes brjod do/ / de nas yang bcom ldan 'das kyis zhag bdun du 'dug stangs gcig gis bzhugs so// rnam par grol ba dang bde ba so sor rig cing bzhugs so// gzhan yang lha gang dang gang zhig dbung yang nges par don grub la bya ba yod dam/ 'dug stangs 'di la zhen pa ma spangs pa dang / rnam par rtog pa yongs su bskyed do zhes bsams nas/ ston pas lha rnams kyi rnam par rtog pa mkhyen nas/ de rnams kyi rnam par rtog pa nye bar zhi bar bya ba'i phyir/ steng gi nam mkha' la 'dug nas so sor cho 'phrul bstan no// byang chub kyi snying por mdzad pa'i cho 'phrul dang / nye du dang 'dus pa'i dus su mdzad pa'i
- 86b
cho 'phrul dang / klog pa'i mdo dang 'dus par mdzad pa'i cho 'phrul thams cad a mra srun pa dang / a mra'i shing gi drung du mdzad pa'i so so'i cho 'phrul dang mtshungs par gyur to// 'di ltar ston pas 'di lta bu'i cho 'phrul mdzad nas lha rnams kyi rnam par rtog pa nye bar zhi bar mdzad do/ / 'dug stangs kyis byang shar gyi char 'khod de/ 'di'i 'dug stangs kyis thams cad mkhyen pa'i ye shes so sor rtogs par byed do/ / bskal pa grangs med pa bzhi dpa' bum phrag gcig gis pha rol tu phyin pa yongs su rdzogs pa'i 'bras bu lhag par rtogs pa'i 'dug stangs kyis mig mi 'dzums par lta zhing zhag bdun du 'khod do/ de'i gnas su mig mi 'dzums pa'i mchod rten zhes bya ba byung ngo // de nas 'dug stangs la 'khod pa'i gnas kyi bar du 'chag par byas nas shar dang nub tu rin po che la 'chag cing 'chag pas zhag bdun du 'khod do/ / gnas der rin po che la 'chag pa'i mchod rten zhes bya ba byung ngo // gzhan yang zhag bdun pa bzhi pa la byang chub shing gi byang shar gyi char lha rnams kyis rin po che'i khang pa sprul lo// der 'dug stangs kyis bzhugs nas chos mngon pa'i sde snod ma lus par 'di rnams mtha' yas pa'i tshul gyis kun gnas par sems shing zhag bdun bzhugs so/ / chos mngon pa slar yang 'di skad smra'o// rin po che'i khang pa zhes bya ba rin po che las byung ba'i khang pa yin no zhes zer ro// sdud par byed pa po rnams slar yang 'di skad gsung ste/ rab tu byed pa bdun gyi chos mngon par rjes su dran par byed pa'i rin
- 87a
bo che'i khang pa yin nes gsung ngo / / gang gi phyir slar yang 'dir tshig gnyis ka'ang 'thang ngo // de'i phyir 'di gnyis ka'ang bzung bar bya'o// de nas sngar yang gnas de rin po che'i kha pa'i mchod rten zhes bya ba byung ngo / / 'di ltar byang chub shing dang nye ba nyid du zhag bdun pa bzhi pa song nas zhag bdun pa lnga pa la byang chub shing gi drung nas ra lug sbyong ba'i shing n+ya gro d+ha dang nye bar gshegs nas der yang chos la rnam par sems pa nyid kyis rnam par grol ba dang / bde bas so sor rig par mdzad nas bzhugs so// de'i tshe lha'i bu'i bdud dus 'di rnams kyi phyi ma la grib ma bzhin du phyogs gang du'ang ma spangs so/ / byang chub sems dpa' la skyon cung zad kyang ma mthong ngo // da ni nga'i dbang du bya ba las 'das pas yid mi bde ba thob par gyur cing lam chen por gnas nas rnam pa bcu drug gi rgyu mtshan la sems shing sa la ri mo bcu drug 'dri'o/ / bdag gis 'di bzhin du sbyin pa'i pha rol tu phyin pa ma rdzogs pa de'i phyir bdag 'di dang 'dra bar ma gyur to zhes ri mo gcig bris so// de bzhin du bdag 'di dang mtshungs par tshul khrims kyi pha rol tu phyin pa dang / nges 'byung gi pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / bden pa'i pha rol tu phyin pa dang / lhag par gnas pa'i pha rol tu phyin pa dang / byams pa'i pha rol tu phyin pa dang / btang snyoms kyi pha rol tu phyin pa rnams ma rdzogs so// de'i phyir bdag 'di dang
- 87b
mtshungs par ma gyur to snyam nas ri mo bcu bris so/ / bdag 'di dang mtshungs pa'i thun mong ma yin pa'i dbang po mchog gi gong ma'i ye shes so sor rig pa nye bar gnas par gyur pa'i pha rol tu phyin pa bcu ma rdzogs pa de'i phyir bdag 'di dang mtshungs par ma gyur to snyams nas ri mo bcu drug bris so/ / de bzhin du bdag 'di dang mtshungs pa'i thun mong ma yin pa'i bsam pa'i bag la nyal dang / ye shes kyi thugs rje chen po dang / snyoms par 'jug pa'i ye shes dang / so sor cho 'phrul gyi ye shes dang / sgrib pa med pa'i ye shes dang / thams cad mkhyen pa'i ye shes so sor gnas par gyur pa'i pha rol tu phyin pa bcu ma rdzogs pa de'i phyir bdag 'di dang mtshungs par ma gyur to snyam nas ri mo bcu drug bris so/ / 'di ltar 'di'i rgyu mtshan sems shing lam chen por ri mo bcu drug bris nas gnas so// de'i tshe sred ma dang kun tu dga' ma dang / dga' ma ste gsum po ni bdud kyi bu mo/ bdag cag gi pa ni ma mthong bar gyur pas de ma thag par ga na yod dam zhes blta zhing rgyu ba na de yid mi bde ba thob par gyur te/ sa la ri mo byed pa mthong nas pa dang nye bar song ste/ pha gang gi phyir sdug bsngal zhing yid mi bde bar byed ces dris so// bu mo dge sbyong chen po 'di bdag gi dbang du byed pa las 'das so zhes 'di rnams kyi dus su bltas pas skyon cung zad kyang ma mthong ngo / / de'i phyir bdag sdug bsngal zhing yid mi bde ba skyes so// 'di ltar gyur na de ltar ma bsam zhig/ bdag cag gsum gyis de dbang du byas nas khrid la 'ong ngo //
- 88a
smras pa/ bu mos mi nus te sras kyang dbang du bya bar mi nus pas skyes bu 'di ni mi g.yo ba'i dad pa la gnas so// smras pa/ pha bdag cag bud med yin pas da lta nyid du de la 'dod chags kyi zhags pas btsongs te khrid la 'ong ngo / / khyed ma sems shig/ de nas bud med de rnams bcom ldan 'das dang nye bar song ste/ dge sbyong khyod kyi zhabs la bsnyen bkur bdag cag gis bgyi'o zhes spras so/ / bcom ldan 'das nyid kyis de rnams kyi tshig la thugs ma gtad do// spyan rnam par grol ba' nga ma gzigs so// ji ltar de bla na med pa'i nye bar skye ba zad pa rnam par grol ba'i bsam pas dben pa'i bde ba nyid la nyams su myong bar mdzad cing bzhugs so/ / gzhan yang bdud kyi bu mo bsam pa mang zhing skyes bu dang mtshungs pa'i sems so// gang dang gang gzhon nu la dga' bar 'gyur ro// gang dang gang zhig na mod dang por gyur pa la dga' ba dang / gang dang gang zhig na chod par mar gyur pa la dga' ba dang / gang dang gang zhig na chod phyi mar gyur pa la dga' ba'o// bdag gis de lta bu'i rnam pa sna tshogs pa'i 'od la chags par bgyi'o zhes smras nas/ bu mo re res gzhon nu ma'i gzugs la sogs pa'i brgya phrag gis bdag nyid kyi lus sprul lo// gzhon nu ma'i gzugs dang / lang tsho ma'i gzugs dang dang po bu dang bu mo lan cig skyes pa'i gzugs dang / bar ma'i bud med kyi gzugs dang / lus rags mor gyur nas lan drug tu bcom ldan 'das dang nye bar song nas/ dge sbyong khyod kyi zhabs la bdag
- 88b
cag gis bsnyen bkur bgyi'o zhes smras so/ / bcom ldan 'das kyis de rnams kyi tshig la'ang thugs ma gtad do// ji ltar de bla na med pa nye bar skye ba rnam par grol lo// gzhan yang slob dpon gang zhig 'di skad smra'o/ / de rdzu 'phrul dang ldan pas bud med 'ongs pa la lta zhing bcom ldan pa das 'di lta bu'i gzugs kyis 'di rnams so byi ba dang / sgra dkar por gyur par byin gyis brlabs so zhes zer ro// de'i tshig gzung bar mi bya'o/ / ston pas 'di lta bu'i gzugs su byin gyis brlabs pa la ma mdzad do// gzhan yang bcom ldan 'das kyis ci mthong ba di lta bu'i 'bad pa byed pa de song zhig/ 'di lta bu'i tshul gyis 'dod chags dang ma bral ba la sogs pa'i mdun du bya bar rigs so/ / de bzhin gshegs pas slar yang 'dod chags spangs shing nyes pa spangs pa dang / gti mug spangs pas rang gi 'dod chags spangs pa'i phyir ro/ / gang zhig rgyal ba de la rgyal mi nus// gang zhig 'jig rten 'dir ni rgyal mi 'gyur// mtha' yas sangs rgyas spyod yul de mi gnas// rkang med kyis ni rkang yod la mi nus/ / gang gi sred pa'i dra ba bton gyur nas// de la sred pa rnams ni cung zad med// mtha' yas sangs rgyas spyod yul de nyid la// rkang med de yis rkang yod la mi nus// 'dir ni sangs rgyas kyi chos mchog gi sde las tshigs su bcad pa gnyis gsungs nas chos bstan to/ / bu mo rnams la pha zer ba'ang bden pa yin no// dgra bcom pa bde bar gshegs pa 'jig rten na mi'i mchog yin
- 89a
no zhes smras nas lha dang nye bar song ngo / / bcom ldan 'das kyis kyang 'dir zhag bdun bzhugs nas btang zung gi gnas su gshegs so// der zhag bdun du sku la yul ngan dang grang ba zhi bar bya ba'i phyir klu'i rgyal po btang zung zhes bya bas lus kyis lan bdun du dkris nas gdeng ka byas so/ / dri'i gtsang khang shin tu yangs par bzhugs pa bzhin rnam par grol ba dang / bde ba so sor rig par byed cing zhag bdun du bzhugs nas shing rA dza ya ta na dang nye bar gshegs so/ / der yang rnam par grol ba dang / bde ba so sor rig par byed pa nyid kyis bzhugs so// de rnams kyis re zhig zhag bdun phrag bdun yongs su rdzogs so/ / de rnams kyi bar du zhal shol ba med pa dang / sku la byi dor byed pa med pa dang / zhal zas gsol ba med par gyur to// bsam gtan gyi bde ba dang / lam gyi bde ba dang / 'bras bu'i bde ba nyid kyis nyin mtshan 'da' 'o// de nas de'i bdun phrag bdun gyi mthar gcig gis dman pa'i lnga bcu'i mtha'i nyi ma la der bzhugs nas zhal shol ba'i thugs skyes so/ / lha'i dbang po brgya byin gyis a ru ra mchog blangs nas phul lo// ston pas de gsol bas sku dngas par gyur to// de nas brgya byin nyid kyis so rtsi'i so shing nyid kyi so shing dang / zhal shol ba'i chu phul lo/ / ston pas so shing blangs nas so drud de mtsho chen po ma dros pa'i chus zhal bshal lo// de nyid du shing rA dza ya ta na'i drung du bzhugs so// de'i tshe gagon dang / bzang po zhes bya ba'i
- 89b
tshong dpon gnyis shing rta lnga brgya dang bcas pa lho phyogs kyi ljongs nas yul dbus su 'gro ba na rang nyid kyi sngar gyi gnyen/ lhar gyur pas shing rta thams cad bying nas 'gro bar mi nus par byin gyis brlabs pas ston pa la kha zas ster ba'i phyir spro ba skyes so/ / sbrang srubs pa'i 'khur ba'i gong bu blangs nas/ btsun pa bcom ldan 'a das bza' ba 'di thugs rje chen po bskyed la so sor bzhes par zhu zhes ston pa'i drung du nye bar 'khod do/ / bcom ldan 'das 'o thug pa zhes pa'i nyin mo nyid lhung bzed mi snang ba'i phyir/ de bzhin gshegs pa rnams kyi yang phyag gis len nam/ 'on kyang lhung bzed kyis bsdang zhes bsams so/ / de nas sems kyis shes nas phyogs bzhi'i rgyal po chen po bzhi po rnams kyis nor bu in+d+ra nI la'i lhung bzed blangs pa bcom ldan 'das kyis ma gnang ngo // slar yang sran ma mung+ga'i kha dog can gyi rdo las byung ba'i lhung bzed bzhi phul lo/ / bcom ldan 'das kyis lha'i bu bzhi po rnams la rjes su brtse bas lhung bzed bzhi po bzhes te/ steng nas steng du brtsegs nas bzhag ste gcig tu 'gyur bar byin gyis brlabs so/ bzhi po'ang lta ba'i phyir du kha la ri mo bzhir gyur te lhung bzed 'bring po'i tshad gcig tu gyur to// bcom ldan 'das la de'i so sor phul ba rin thang med pa'i rdo las byung ba'i lhung bzed du bza' ba'i phyir du bzhes nas yongasu longs spyad nas rjes su yi rang bar mdzad do/ / tshong dpon spun gnyis sangs rgyas dang chos la skyabs su 'gro zhing chog gnyis pa'i dge bsnyen du gyur to// de nas de rnams kyis btsun
- 90a
pas mchod par bya bar rigs pa'i dngos po gcig gis bslang zhes zhus so/ / de nas phyag g.yas pa rang gi mgo la byugs nas sgra'i gdung gnang ngo // de dag gis rang gi grong khyer rgya mchod rten bzhengs so/ / yang dag par rdzogs pa'i sangs rgyas kyis kyang de nas bzhengs nas slar yang ra lug skyong ba'i shing n+ya gro d+ha nyid du gshegs nas shing n+ya gro d+ha'i drung du bzhugs so// de nas de nyid du bzhugs tsam nyid na rang gis lhag par rtogs pa'i zab mo'i chos so sor bsam zhing sangs rgyas rnams kyis lhag par rtogs pa 'di ni chos so/ / gzhan gyis chos ston par mi nus par bsams nas rab tu 'jug pa'i rnam pa'i rnam par rtog pa skyes so/ / de nas mi mjed kyi bdag po tshangs pa 'jig rten nyams par 'gyur pa'i phyir ro zhes bsams nas stong phrag bcu'i khor yug gi brgya byin dang / 'thab bral bzang po dang / dga' ldan dang / 'phrul dga' dang / gzhan 'phrul dbang phyug dang / tshangs pa chen po rnams khrid nas ston pa'i drung du phyin nas/ btsun pa bcom ldan 'das chos bstan du gsol/ dang po'i tshul gyis chos bstan du gsol zhes zhus so// ston pas de rnams la gnang ba byin no// gang zhig la bdag gis dang por chos bstan par bya'o zhes dgongs shing mkhas pa kun len de'i chos 'di myur du shes par 'gyur ba'i thugs skyes so/ / slar yang gzigs te de dus las 'das nas zhag bdun lon par rtogs so// 'char byed la brtags pas/ de'ang dus las
- 90b
'das par mkhyen no/ / dge slong lnga sdes bdag la bsnyen bkur mang po byas pas lnga sde'i ched du bsams nas/ de rnams gang na gnas pa yin zhes brtags so// grong khyer wA rA Na si'i ri dgas rgya ba'i nags tshal na yod par mkhyen no/ / der gshegs nas chos kyi 'khor lo bskor ro zhes dgongs nas zhag 'ga' zhig tu byang chub kyi snying po kun tu nye ba nyid du bsod snyoms mdzad cing bzhugs nas/ dbyar zla 'bring po'i nyal grong khyer wA rA Na sir gshegs par dgongs nas tshe sa bcu bzhi'i mtshan gyi mthar nam langs pa na shin tu snga ba nyid du lhung bzed dang / snam sbyar bsnams nas dpag tshad bco brgyad yod pa'i lam la gshegs shing / lam gyi bar du nye bar gnas pa zhes bya ba'i 'tsho byed gcig gzigs so// de la rang gi sangs rgyas su gyur pa bshad do// nyi ma de nyid la srod kyi dus su drang srong lhung ba'i gnas su gshegs so/ / gnas brtan lnga sdes de bzhin gshegs pa byon pa ring po nyid nas mthong ste/ dge sbyong go'u ta ma 'di bza' ba mang po'i phyir lus yongs su rdzogs par gyur/ dbang po yongs su rdzogs par gyur/ gser gyi kha dog tu gyur nas 'ong gis/ 'di la phyag la sogs pa mi bya'o// 'di rigs chen por skyes pa yin pas gdan shom pa tsam 'os so// de'i phyir gangan tsam rigs so zhes gtam byed do/ / bcom ldan 'das la lha dang bcas pa'i 'jig rten rnams kyi sems dang spyod pa shes par nus pa'i ye shes yod do// de'ang 'di rnams ji ltar sems
- 91a
pa yin zhes bsams nas sems shes pa yin no/ / de nas lha dang mi thams cad la mthong ba med pa'i dbang gis thams cad du khyab par nus pa'i byams pa'i sems yang dag par bsdus nas/ ma mthong ba'i dbang gis byams pa'i sems kyis khyab par bcom ldan 'das kyis bsgoms nas de bzhin gshegs pa nye bar gshegs shing gshegs pa na/ sngar gyi bca' khrims rnams gnas par mi nus pas phyag phul zhing bsrung ba dang bsnyen bkur thams cad byas so/ / gzhan yang dge slong de rnams yang dag par rdzogs pa'i sangs rgyas grub pa mi shes pa'i phyir ming brjod pA na tshe dang ldan pa zhes smra ba thams cad pa'i tshig rjod par byed do/ / de nas bcom ldan 'das kyis dge slong dag bcom ldan 'das dang de bzhin gshegs pa'i ming tshe dang ldan pa zhes tha mal pa'i tshig brjod par mi rung ngo / / dge slong dag nga ni de bzhin gshegs pa dgra bcom pa yang dag par rdzogs pa'i sangs rgyas so zhes bdag nyid sangs rgyas grub par byed pa dang / gdan bshams pa mchog la sangs rgyas bzhugs te/ rgyu skar ze mchog gsum 'dzem pa la bye ba phrag bco brgyad kyi tshangs pa'i 'khor gyis bskor nas gnas brtan lnga sde bos te chos kyi 'khor lo bskor ba'i mdon mthar bshad do/ / de rnams la gnas brtan kun shes ko ru Di n+ya bshad pa'i rjes su 'brangs nas ye shes thob pa mdo'i mthar bye ba phrag bco brgyad kyi tshangs pa rnams kyis rgyun du zhugs pa'i
- 91b
'bras bu thob bo/ / ston pas de nyid du dbyar bzhugs so// slar yang nyi ma gnyis pa la gnas brtan brlangs pa la chos sbyin no zhes gtsug lag khang du bzhugs so// lhag ma bzhi po bsod snyoms la song ngo / / gnas brtan brlangs pas nyi ma phyed kyi nang du rgyun du zhugs pa'i 'bras bu thob bo// 'di lta bu'i thabs nyid kyis slar yang nyi ma phyi ma la gnas brtan bzang ldan dang / slar yang nyi ma phyi ma la gnas brtan ming can dang / slar yang nyi ma phyi ma la gnas brtan rta thul rnams/ de thams cad kyis rgyun du zhugs pa'i 'bras bu thob par byas nas tshes nyi shu la dge slong lnga po 'dus pa la bdag med pa'i mtshan nyid kyi mdo sde rnams bshad do/ / bshad pa'i mthar gnas brtan lnga sdes dgra bcom pa'i 'bras bu thob bo// de nas ston pas rigs kyi bu grags pa nye bar mi rten par gzigs nas/ de'i mtshan mo'i char sdug bsngal sems kyis khyim spangs nas 'thon pa la grags pa 'dir shog ces bos nas mtshan mo de nyid kyi cha la rgyun du zhugs pa'i 'bras bu dang / slar yang nyi ma gnyis pa la dgra bcom pa'i 'bras bu grub par byed do/ / gzhan yang slar de'i grogs po lnga bcu rtsa bzhis rab tu byung zhing dge slong du gyur nas dgra bcom par byed do// 'di ltar 'jig rten du dgra bcom pa drug cu rtsa gcig tu gyur to/ / ston pas dbyar bzhugs nas dgag dbye byas te dge slong drug cu po rnams phyogs phyogs su btang nas/ rang nyid lteng rgyas su gshegs pa'i bar gyi lam na
- 92a
ras bral can gyi tshal ni dpag tshad bcu 'o/ / gzhon nu bzang sde 'dul lo// de rnams las thams cad kyi mtha'i phyis rgyun du zhugs par gyur la/ thog ma ni phyir mi 'ong du gyur/ to// de rnams kyang dge slong gi gzugs kyis rab tu byung ba bgyis nas phyogs phyogs su btang ste/ lteng rgyas su gshegs so// stong phrag phyed dang gsum gyi cho 'phrul lta zhing lteng rgyas 'od srungs la sogs pa'i spun gsum po dang / ral pa can stong phrag gcig btul ba dge slong gi gzugs kyis rab tu byung bar byas nas ri bo ga ya'i rtse mo na sdod pa rnams la nyi ma'i rnam grangs kyi mdo sde bstan nas dgra bcom par byas te/ des dgra bcom pa stong phrag rnams 'khor du byas nas rgyal po gzugs can snying po la khas blangs byin pa dgrol bar bya ba'i dgongs pas rgyal po'i khab kyi grong khyer dang nye ba'i shing dngar gyi tshal du byon no/ / skyed mos tshal skyong ba rnams kyis ston pa byon no zhes rgyal po la smras so// rgyal pos thos te/ khri phrag bcu gnyis kyi bram ze dang khyim bdag 'khor du byas nas ston pa dang nye bar song ste/ 'khor lo sna tshogs pa'i steng du gser gyi bla res dang 'dra ba'i 'od zer phyogs phyogs su 'phro zhing bzhugs pa'i de bzhin gshegs pa'i zhabs la mgo bos phyag lag par byas nas 'khor dang bcas pa phyogs gcig tu 'khod do/ / de nas yang bram ze rnams dang khyim bdag la sogs pa 'di lta bu'i sems su gyur te/ 'on kyang dge sbyong chen pos lteng rgyas 'od srungs kyi
- 92b
rjes su tshangs par spyod pa spyad dam/ yang na lteng rgyas 'od srungs kyis dge sbyong chen po'i rjes su tshangs par spyod pa spyad ces bsams so// bcom ldan 'das kyis de rnams kyi sems kyi rtog pa thugs kyis mkhyen nas/ gnas brtan la tshigs su bcad pa gsungs so// lteng rgyas gnas su gnas nas ci zhig mthong // sbyin sreg 'dor ba'i rgyu mtshan ci zhig smra/ 'od srungs 'di yi don ni dri bar bya// khyod kyi ji ltar sbyin sreg spong ba yin/ / gnas brtan gyis kyang bcom ldan 'das kyi dgongs pa shes nas/ gzugs dang sgra dang de bzhin ro dang dri// bud med 'dod pa yang ni mchog sbyin spyod// 'di rnams dri ma legs par rtogs byas nas/ / de phyir ma yi sbyin sreg 'di spangs so// tshigs su bcad pa 'di brjod nas rang nyid nyan thos kyi 'dod pa gsal bar bya ba'i phyir de bzhin gshegs pa'i zhabs kyi bol du mgo bos reg nas/ bdag ston pa btsun pa bcom ldan 'das kyi nyan thos yin no zhes smras so// shing ta la gcig dang / shing ta la gnyis dang / shing ta la gsum dang / ji srid du shing ta la bdun gyi tshad tsam du nam mkha' la 'phags nas babs te/ de bzhin gshegs pa la phyag byas nas phyogs gcig tu 'khod do// de'i cho 'phrul blta zhing mi mang po rnams kyis e ma ho sangs rgyas kyi mthu chen po 'di lta bu'i blta ba bstan pas dgra bcom pa zhes bya ba la sems shing / lteng rgyas 'od srungs kyi blta ba'i dra ba bcad de de bzhin gshegs pas btul nas ston pa'i yon tan nyid brjod do// bcom ldan
- 93a
'das kyis kho bos 'di da ltar kho na ma yin par lteng rgyas bod srungs btul lo/ / 'das pa nyid du'ang 'di ngas btul lo zhes brjod nas don 'di 'das pa na mi sbyin chen po 'od srungs kyi skyes rabs su bshad pa'i bden pa bzhi po gsal bar bstan no/ / de'i mod la yul ma ga d+ha'i rgyal po 'khor khri brag bcu gcig dang bcas pas rgyun du zhugs pa'i 'bras bu thob bo// khri phrag gcig dge bsnyen du gyur to/ / rgyal po ston pa dang nye ba nyid du 'dug ste bslab pa'i gzhi lnga so sor rab tu thos nas skyabs su song ste sang gi gdugs tshod la mgron du gnyer nas/ stan las langs te bcom ldan 'das la bskor ba byas nas song ngo / / slar yang sang gi snga dro nyid bcom ldan 'das mthong ba dang ma mthong ba rgyal po'i khab na gnas pa rnams kyis bye ba phrag bco brgyad kyi grangs kyi mi rnams de bzhin gshegs pa blta bar 'dod pas snga dro nyid rgyal po'i khab nas shing dngar gyi tshal du song ste rgyang grags bcu gnyis su mi shong bar shing dngar gyi tshal thams cad rgyun mi 'chad par gyur to/ / mi thams cad kyis stobs bcu pa'i gzugs mchog thob par 'dod pa bdag nyid kyi sku la blta bas tshim par ma nus so/ / 'di lta bu'i sa gzhi'i kha dog yin no// 'di lta bu'i gzugs kyi gnas su de bzhin gshegs pa'i mtshan dang dpe byad bzang po la sogs pa'i rab tu byed pa thams cad kyang gzugs kyi sku dpal gyi bsngags par bya bar 'os so/ / 'di ltar gzugs mchog thob pa'i stobs bcu pa'i sku blta ba'i
- 93b
phyir mi mang po rgyun mi 'chad do/ / skyed mos tshal dang lam du dge slong gcig gis kyang phyi ru 'thon pa'i skabs med/ nyi ma de'i dus na bcom ldan 'das kyi gdugs tshod yol ba lta bur gyur to// de ma thag par brgya byin sdod pa'i stan dro ba'i rnam par mthong ste/ des rnam par brtags so// de'i rgyu mtshan shes nas bram ze'i khye'u'i gzugs su mngon par sprul te/ sangs rgyas dang / chos dang / dag 'dun so so la ji ltar rigs pa'i bstod pa rjod par byed do/ / stobs bcu pa'i sngun du chas nas lha'i mthus lam thob par byas so// 'dul zhing 'dul ba'i grogs sngon bcas// bram ze rnam grol ral pa dang / seng ge'i gzugs kyis 'thon nas ni// bcom ldan rgyal po'i khab nang byon// grol zhing grol ba'i grogs sngon bcas// bram ze rnam grol ral pa dang // seng ge'i gzugs kyis/ ba thon nas ni// bcom ldan rgyal po'i khab nang byon// brgal zhing brgal ba'i grogs sngon bcas// bram ze rnam grol ral pa dang // seng ge'i gzugs kyis 'thon nas ni// rgyal po'i khab nang bcom ldan byon/ / bcu po gsung ba'i stobs bcu pa// chos bcu la mkhas bcu la gnas// stong phrag bcu yi 'khor dang ldan// bcom ldan rgyal po'i khab nang byon// tshigs su bcad pa 'dis ni ston pa la bsngags pas bstod cing sngun du 'gro ba'i mi rnams kyis bram ze'i khye'u'i gzugs kyi dpal mthong nas bram ze'i khye'u 'di shin tu gzugs bzang ba'o/ / slar yang sngar mthong ba med do zhes
- 94a
bsams nas bram ze'i khye'u 'di gang na gnas pa yin/ gang zhig gi yin zhes smras so// de thos nas bram ze'i khye'us smras pa/ gang zhig bstan pa thams cad 'dul// klung zag zla med sangs rgyas te/ / dgra bcom bde gshegs pajig rten du// de ni bdag ni nye bar gnas// tshigs su bcad pa brjod de/ ston pas brgya byin gyis skabs phye ba'i lam du dge slong stong phrag gcig/ 'khor du byas nas rgyal po'i khab kyi nang du gshegs so// rgyal pos sangs rgyas la sogs pa'i dge 'dun la sbyin pa chen po phul lo// btsun pa bdag dkon mchog gsum spangs nas sdod par mi nus so// dus dang dus ma yin par bcom ldan 'das dang nye bar 'ong bar 'dod do// shing dngar can gyi skyed mos tshal shin tu thag ring ngo // slar yang bdag cag gi 'o da ma'i tshal zhes bya ba 'di shin tu nye bas gshegs pa dang / 'ong ba shin tu nye bas sangs rgyas la 'os pa'i gnas lags pas bzhes par zhu/ des gser gyi ril ba spyi blugs la me tog gi dris bsgos te/ nor bu'i kha dog can gyi chu blangs/ 'od ma'i tshal yongs su gtong zhing stobs bcu pa'i phyag tu chu bsgrengs nas der kun dga' ra ba bzhes nas/ sangs rgyas kyi bstan pa'i gzhi zhes brjod cing sa gzhi chen po g.yos so// 'dzam bu gling gi nang nas 'od ma'i tshal spangs pa'i sa gzhi g.yos pa 'di bzhes te/ sde gzhan ni med do// sing g+ha gling gi gtsug lag khang chen po spangs nas sa gzhi g.yos pa 'di bzhes te/ sde gzhan ni med do// ston
- 94b
pas 'od ma'i tshal gyi kun dga' ra ba bzhes nas rgyal po la rjes su yi rang bar mdzad cing stan las bzhengs te/ dge slong gi dge 'dun 'khor du byas nas 'od ma'i tshal du byon no// de'i tshe de'i dus na shA ri bu dang / mo'u 'a gal gyi bu kun tu rgyu gnyis po rgyal po'i khab la brten nas gnas shing bdud rtsi tshol bar sems so// de'i nang nas shA ri'i bus gnas brtan rta thul bsod snyoms la zhugs pa mthong bas sems rab tu dngas par gyur te/ bza' ba byin nas chos rnams gang dag rgyu las byung ba dang zhes pa'i tshigs bcad thos pas/ rgyun du zhugs pa'i 'bras bu thob par gyur to// rang gi grogs po kun tu rgyu mo ru 'gal la'ang tshogs su bcad pa de nyid smras so/ / des kyang rgyun du zhugs pa'i 'bras bu thob bo// de gnyis kyis kyang rang nyid rgyal ba la bltas nas rang gi 'khor dang bcas pa ston pa'i drung du rab tu byung ngo / / de rnams las mo'u 'a gal gyi bu chen po zhag bdun nas dgra bcom pa thob bo// gnas brtan shA ri'i bus zla ba phyed nas dgra bcom pa thob pa ste/ de gnyis po'ang ston pa'i nyan thos kyi mchog tu gnas par gzung ngo / / gnas brtan shA ri'i bus dgra bcom pa thob pa'i nyin mo nyid bcom ldan 'das kyi nyan thos kyi 'dus pa dang por byas so// slar yang de bzhin gshegs pa'i 'od ma'i tshal de nyid du bzhugs so/ / de'i tshe rgyal po chen po zas gtsang gis bdag gi sras lo drug tu dka' ba spyad nas mchog gi yang dag par rdzogs pa'i byang chub ste/ chos kyi 'khor lo bskor nas rgyal
- 95a
po'i khab kyi 'od ma'i tshal du bzhugs so zhes pa thos nas/ blon po phan tshun rnams bos te 'dir shog cig/ skyes bu stong phrag gcig gi 'khor khrid de/ rgyal po'i khab tu song la nga'i tshig gis khyed kyi yab rgyal po chen po zas gtsang khyed blta bar 'dod ces brjod pas bdag gi sras khrid la shog ces smras so/ / blon pos kyang lha de bzhin du bgyi'o zhes rgyal po'i gsung spyi bos blangs nas skyes bu stong phrag gcig gi 'khor de khrid de myur ba nyid du dpag tshad drug cu'i lam du song nas/ stobs bcu pa 'khor bzhi'i nang du bzhugs nas chos ston pa'i dus su gtsug lag khang du bzhugs so/ / de rgyal pos btang ba'i don re zhig bzhag nas 'khor thams cad kyi mthar 'khod de ston pa'i chos bstan pa thos nas/ ji ltar 'khod pa nyid bzhin du skyes bu stong phrag gcig dang lhan cig tu dgra bcom pa thob nas rab tu 'byung bar zhugs so/ / bcom ldan 'das kyis btsun pa rnams 'dir shog ces phyag brkyang ngo // thams cad de nyid du rdzu 'phrul las byung ba'i lhung bzed dang chos gos gsum bzung nas lo brgya lon pa'i gnas brtan lta bur gyur to/ / dgra bcom pa thob pa'i dus nas bzung ste/ slar yang 'phags pa zhes bya ba re zhig bar mar gnas par gyur te/ rgyal pos btang ba'i spring yig stobs bcu pa la ma brjod do/ / rgyal pos btang ba'i mi rnams las gcig kyang ma byung zhing / spring yig kyang ma thos so// 'dir shog la khyed song zhig dang de lta bu'i nges pas blon po gzhan gcig
- 95b
btang ngo / / des song nas yang sngar bzhin du 'khor dang bcas pa dgra bcom pa thob nas cang mi gsung bar gnas so// rgyal pos de lta bur nges pas skyes bu stong phrag re re'i 'khor dang bcas pa'i blon po/ dgu btang ngo // thams cad rang gi don rdzogs par byas nas cang mi smra bar gyur te de nyid du gnas so// rgyal pos spring yig tsam gyi lo rgyus kyang mthob bo zhes bsam nas/ mi 'di rnams nga la mi dgag/ ba'i rgyu mtshan gyis spri yig tsam gyi lo rgyus kyang mi brjod do// su zhig nga'i tshig bzhin byed par sems/ rgyal pos mi thams cad la brtags pas nag po 'char ka mthong ngo // de'i nga rgyal po'i don thams cad sgrub par byed pa'i blon po yin no/ / nang mi yin no// shin tu thugs ches pa yin no// de bzhin gshegs pa dang lhan cig la nyin gcig tu skyes pa yin no// de dang lhan cig tu rtse ba'i grogs po yin no/ / de nas blon po rgyal pos bos te/ bu nag po 'char ka bdag gi sras blta bar 'dod pas skyes bu stong phrag dgu btang ste mi gcig kyang ma 'ongs nas spring yig tsam gyi lo rgyus cibang ma byung / slar yang thams cad nad kyis thebs pa yin nam/ tshe'i bar chad du gyur pa yin nam/ bdag 'tsho ba nyid kyi bar du sras po blta bar 'dod de/ bdag gi bu blta bar nus sam zhes smras so/ / lha nus lags so// gal te rab tu byung yang blta bar nus so// bu khyod rab tu byung ba 'am ma byung yang / nga sras po blta'o zhes smras so// des lnga legs so zhes rgyal po'i gsung blangs nas
- 96a
rgyal po'i khab tu song ste/ ston pa chos ston pa'i dus su 'khor rnams kyi mthar 'khod de chos thos nas 'khor dang bcas pa dgra bcom pa'i 'bras bu thob par gyur te dge slong gi dngos por so sor gnas so/ / ston pa sangs rgyas su gyur nas dang po'i lo la drang srong lhung ba'i gnas su dbyar bzhugs te/ dgag dbye byas nas lteng rgyas su gshegs shing der zla ba gsum bzhugs te/ ral pa can spun rnams btul nas dge slong stong phrag gcig gi 'khor dang bcas pa dgun zla 'bring po'i nya la rgyal po'i khab tu gshegs nas zla ba gnyis bzhugs so/ / de rnams ni grong khyer wA rA Na si nas yongs pa'i bar te/ zla ba lnga song zhing dgun gyi dus thams cad 'das so// gnas brtan 'char ka 'ongs nas zhag bdun dang brgyad song ngo // des dpyid zla ra ba 'i nyal bsams pa/ dgun gyi dus 'das nas dpyid ka'i dus su sleb pa dang / mi rnams kyis 'bru rnams blangs te/ phyogs phyogs nas lam du byung bas rtswa rnams ljang khur gyur to// sa gzhi dang nags tshal gyi shing la sogs pa me tog shin tu mang ba kha bye ba ni lam du 'gro ba'i dus so/ / stobs bcu pa'i nye du dang phrad par byed pa'i lam du 'gro ba'i dus yin no// de nas bcom ldan 'das kyi drung du nye bar song nas/ btsun pa ljon shing de ni ljang khur gyur/ / shing gi lo ma sa la dud pa dang // de rnams bar nas 'od zer 'gyed pa yin// dpa' bo chen po gnyen gnas gshegs pa'i dus// ha cang mi dro mi grang zhing // mu ge dang ni bkres
- 96b
pa med/ / sa steng shing rnams ljang khur gyur// thub pa chen po dus 'dir gyur// tshigs su bcad pa drug cu tsam gyis stobs bcu pa la rigs kyi grong khyer du gshegs pa'i phyir bsngags par 'os pa'i bsngags pa rjod pa'o/ / de nas ston pa la 'char kas dbyangs sman pos gshegs pa'i bsngags par 'os pa'i bsngags pa gsungs so// btsun pa khyod kyi yab rgyal po zas gtsang blta bar 'dod pas nye du rnams rjes su 'dzin par zhu/ legs so 'char ka/ nye du rnams rjes su gzung bar bgyi'o zhes dge slong gi dge 'dun la smros shig/ gshegs pa'i gnas thams cad la byi dor gyis shig ces smros shig/ btsun pa legs so zhes gnas brtan song nas smras so// bcom ldan 'das kyis yul aM g+ha dang ma ga d+ha na gnas pa'i rigs kyi bu rnams stong phrag bcu dang bcas pa grong khyer ser skya'i gzhi na gnas pa'i stong phrag bcu po thams cad zag pa zad pa'i dge slong 'khor du byas nas rgyal po'i khab nas phyi rol tu 'thon te/ nyi ma re re la dpag tshad re re bgrod cing rgyal po'i khab nas dpag tshad drug cu'i grong khyer ser skya'i gzhir zla ba gnyis kyis sleb par dgongs shing bul ba' nga ma yin/ myur ba' nga ma yin par 'bring por gshegs so// gnas brtan gyis kyang bcom ldan 'das byon no zhes rgyal po'i drung du smra'o zhes bsams nas nam mkha' la song ste rgyal po'i gnas su bslab par gyur to/ / rgyal pos gnas brtan gzigs nas thugs rim par gyur
- 97a
te/ gdan bshams pa la bzhugs su bcug go// rang la byed pa bzhin bcos nas ro sna tshogs pa'i bza' bas lhung bzed bkang nas phul lo// gnas brtan langs nas 'gro bar bsams pa dang / bu bzhugs pa la gsol cig/ rgyal po chen po ston pa dang nye bar song ste bza' 'o// slar yang bu ston pa ga na yod/ stong phrag nyi shu'i dge slong 'khor du byas nas rgyal po chen po nyid blta ba'i phyir byon no/ / rgyal po thugs tshim par gyur nas smras pa/ khyod 'di gsol la bdag gi sras grong khyer 'dir ma byon gyi bar la 'di nyid nas lhung bzed du bza' ba khyer la song zhig ces smras so/ / gnas brtan gyis rgyal po'i gsung mnyan te/ rgyal pos gnas brtan gyis bza' ba gsol zin pa dang lhung bzed bkrus nas dri bzang po'i phye mas byugs te/ bza' ba mchog gis gang bar byas nas de bzhin gshegs pa la phul cig ces smras nas gnas brtan gyi lag par byin no/ / gnas brtan mi thams cad kyis mthong ba dang lhung bzed nam mkha' la 'phags so// rang nyid kyang nam mkha' la gshegs nas bza' ba'i lhung bzed bzung ste/ ston pa'i phyag tu phul nas ston pas kyang der bza' ba la longs spyod do// gnas brtan thabs 'dis nyi ma re re bzhin du bza' ba phul lo/ ston pas kyang lam gyi bar du rgyal po nyid kyi gdugs tshod la longs spyod do// gnas brtan gyis kyang gdugs tshong la longs spyod pa'i mthar nyi ma re re bzhin du di ring 'di tsam nas bcom ldan 'das
- 97b
byon no/ / di ring 'di tsam du bcom ldan 'das byon zhes pa dang / sangs rgyas kyi yon tan yang dag par ldan pa nyid brjod cing rgyal rigs thams cad ston pa ma mthong ba nyid kyis ston pa'i drung du rang nyid kyi sems dngas par mdzad do/ / de'i rgyu mtshan gyis gnas brtan la bcom ldan 'das kyis dge slong dag bdag gi nyan thos kyi nang nas rigs dad par byed pa rnams kyi mchog gang yin na 'di ni 'char ka zhes pa'o/ / 'di mchog tu bzung bas shAkya pa rnams kyis kyang bcom ldan 'das rjes su byon pa'i sngun la bdag la bdag cag gi nye du'i gtso bo blta'o zhes 'dus nas/ bcom ldan 'das bzhugs pa'i gnas rtog cing shAkya n+ya gro d+ha'i kun dga' ra ba yid du 'ong ba sta gon byas so/ / der thams cad nyer bsdogs byas nas spos dang me tog so so lag tu thogs te/ bsu ba byed cing rgyan thams cad kyis so sor brgyan nas/ gzhon nu dang gzhon nu ma grong khyer gyi khye'u dang bu mo sngar dang por btang ba rnams dang / de nas rgyal po'i gzhon nu dang gzhon nu ma dag de rnams kyi bar rang rang gis spos dang / me tog dang / phye ma la sogs pas mchod pa byed cing / bcom ldan 'das kyis bzhes nas n+ya gro d+ha'i kun dga' ra ba nyid du byon no// der bcom ldan 'das kyis stong phrag nyi shu'i zag pa zad pa'i dge slong 'khor du byas nas gdan bshams pa mchog la sangs rgyas bzhugs so/ / shAkya'i rigs ni nga rgyal dang ldan pa yin/ sems rtsub pa yin pas 'di ni don grub gzhon
- 98a
nu ded dang lhan cig gzhon nu yin no/ / nged ni phung po yin no// 'di ni sring mo'i bu yin no// 'di ni tsha bo yin no zhes bsams nas khye'u dang rgyal po'i gzhon nu zhes smras te/ khyed kyi phyag gis bdag khyed kyi rgyab tu sdod do zhes bsams so/ / de rnams de bzhin du gnas nas/ bcom ldan 'das kyis de rnams kyi bsam pa gzigs nas/ gnyen rnams bdag la phyag mi byed par 'dod kyang da lta phyag byed du gzhug dgos te/ mngon par shes pa'i gzhi dang / ye shes dang / bsam gtan dang ldan par 'jug pa bskyed dgos snyam ste/ bzhengs nas nam mkha' la gshegs so/ / de rnams kyi mgo la zhabs kyi rdul lhung ba bzhin du a mra bsrung ba'i a mra'i shing gi drung du so so'i cho 'phrul dang mtshungs par cho 'phrul mdzad do// rgyal pos de'i ya mtshan che ba mthong ngo zhes smras so/ / bcom ldan 'das khyod 'khrungs pa'i nyin mo dka' thub pa nag po lha len gyis phyag byed cing nye bar gnas pas khyod kyis zhabs bskyod pa bram ze'i spyi bo la nye bar gnas so// de mthong nas bdag gis kyang khyod la phyag byas so/ / 'di ni bdag gi phyag dang po yin no// bkra shis pa'i 'bru 'debs pa'i nyin mo 'dzam bu'i shing gi grib ma'i dpal gyi mal stan la khyod bzhugs pa na shing 'dzam bu'i grib mas ma btang bar mthong ba'i tshe'ang zhabs la phyag byas so/ / 'di ni bdag gi phyag gnyis pa yin no// da lta ni bdag gis sngar ma mthong ba'i cho 'phrul yang mthong bas khyed kyi zhabs la
- 98b
phyag bgyid do/ / 'di ni bdag gi phyag gsum pa yin no// slar yang rgyal pos bcom ldan 'das la phyag byed cing / phyag byed par mi nus pa'i shAkya'i rigs gcig kyang med do// thams cad kyis kyang phyag byed pa nyid do/ / de nas bcom ldan 'das la nye du rnams kyis phyag byed cing nam mkha' las babs nas gdan bshams pa'i mchog gi gung la bzhugs so// bcom ldan 'das bzhugs nas nye du rnams dang 'dus par gyur pa la thams cad sems gcig tu gnas so/ / de nas sprin chen po las pad+ma'i 'dab ma la chu mi chags pa lta bu'i char 'bebs so// chu zangs kyi mdog can sa la sgra sgrogs shing 'bab bo/ / 'bang bar 'dod pa rnams 'bang ngo // 'bang bar mi 'dod pa rnams mi 'bang ngo // thigs pa tsam yang mi ltung ngo // de mthong nas thams cad du ya mtshan pa dang rmad du byung ba skyes so/ / e ma ho ngo mtshar che/ e ma ho rmad du byung ngo zhes rjod par byed do// ston pas 'di kho na ma yin gyi/ bdag gi nye du dang phrad pa na pad+ma'i ba dab ma chu mi chags pa lta bu'i char 'bebs shing 'das pa'i dus su'ang ngas phab bo/ / 'di'i don byung ba ni thams cad sgrol gyi skye rabs su bshad do// chos bstan pa thos nas thams cad langs te phyag byas nas song ngo // gcig gis kyang rgyal po dang / rgyal tshab dang / blon po rnams sang bdag gi gnas su bsod snyoms khyer 'ong ngo zhes smra ba song ba de rnams las gcig kyang ma byung ngo // ston pas slar nyi ma gnyis pa
- 99a
la stong phrag nyi shu'i dge slong 'khor du byas nas grong khyer ser skya'i gzhir bsod snyoms la bzhud do/ / gang zhig mgron du gnyer ba dang / lhung bzed khyer ba su'ang med do// bcom l dan 'das sgo drung du 'khod de rnam par brtags pas ji ltar sngun gyi sangs rgyas rnams kyi rigs kyi grong khyer du byon nas bsod snyoms mdzad pa bzhin du gang ji ltar rigs par mi chen po'i khyim du 'gro zhing yang na go rims bzhin du bsod snyoms spyod do/ / de nas sangs rgyas gcig gis kyang ji ltar rigs par gshegs pa ma mthong bas bdag gis kyang da ni 'di'i rigs so// 'di sngon gyi sangs rgyas kyi rigs bzhin du bdag gis kyang rigs par gzung bar bya'o/ / bdag gi nyan thos kyang bdag nyid bzhin rjes su slob cing bsod snyoms la rdzogs par byon no// 'khod pa'i khyim nas bzung nas go rims bzhin du babasod snyoms la spyod do/ / 'phags pa gzhon nu don grub bsod snyoms la gshegs so zhes brjod do// nyis thog dang sum thog la sogs pa'i khang bzangs rnams su steng gi sgo chung phye nas mi thams cad blta bar gyur te/ lha mo sgra gcan 'dzin gyi yum yang ba phags pa'i bu grong khyer 'di nyid du rgyal po chen po'i mthus gser gyi do li la sogs pa la zhon te/ de ring nas sgra dang kha spu bregs shing ngur smrig gi gos gyon nas snod lag tu khyer te/ bsod snyoms la 'gro ba mdzes sam mi mdzes zhes steng gi sgo chung phye nas blta'o// sna tshogs pa'i 'dod chags dang bral ba yang dag par 'bar zhing sku lus
- 99b
kyi 'od kyis grong khyer gyi steng thams cad snang bar mdzad de/ 'dom gang ba'i 'od kun nas bskor zhing rab tu gsal ba/ dpe byad bzang po brgyad cu dang ldan pa/ skyes bu chen po'i mtshan sum cu rtsa gnyis kyis brgyan pa/ sangs rgyas kyi dpal dpe med par rnam par gsal ba mthong ngo // gtsug tor nas bzung nas zhabs kyi mthil gyi bar de srid do// dbu skra g.yas 'khyil 'jam nag sdum pa dang / dpral ba dri med nyi ma'i mthil bzhin no// sku dang 'tsham pa'i shangs ni mtho ba dang // mi yi seng ge 'od zer gsal bar mdzad// 'di lta bu la sogs pa'i mi'i seng ge la tshigs su bcad bas mngon par bstod do/ / khyed kyi sras po bsod snyoms la spyod do zhes rgyal po la smras so// rgyal po'i sems sdug bsngal bas gos nas bzung ste myur zhing myur bar phyir 'thon te/ bcom ldan 'das kyi drung du 'khod nas smras pa/ ci btsun pa bdag cag ngo tsha bas ci'i don du bsod snyoms mdzad/ dge slong 'di rnams kyi bza' ba bdag gis ster bar mi shes bsams pa yin nam ci lags/ rgyal po chen po'i rigs kyi spyod pa yin no// btsun pa bdag cag shAkya'i rigs zhes bya ba'i rigs so// de la rgyal rigs gcig kyang bsod snyoms byed pa'i mi tsam yang med do// rgyal po chen po'i rigs zhes bya ba ni khyod kyi rigs 'di yin no/ / bka' stsal pa/ rgyal po chen po mi dgyes pa ma mdzad cig/ slar yang bdag cag gi mar me mdzad dang / ko'u Di n+ya dang / 'od srungs zhes bya ba
- 100a
'di sangs rgyas kyi rigs yin no/ / 'di rnams dang gzhan sangs rgyas stong phrag du mas kyang bsod snyoms spyod cing 'tsho bar mdzad la/ brang gi dbus su 'khod pa nyid do// bag med lhag mar byed pa med/ / chos la spyod cing legs par spyod// chos la spyad na bde ba 'a byung // 'jig rten 'di dang phyi mar bde// chos kyi rkang pa'i tshigs su bcad pa 'di bstan cing bshad do// tshigs su bcad pa'i mthar rgyal pos rgyun du zhugs pa'i 'bras bu thob bo// chos spyod pa ni legs par spyod// nyes par spyod pa mi bya zhing // chos spyad pa yis bde ba 'byung // 'jig rten 'di dang pha rol tu'o/ / slar yang chos kyi rkang pa'i tshogs su bcad pa 'di thos nas lan cig phyir 'ong ba'i 'bras bu thob par gyur to// chos skyong ba'i skyes rabs thob nas phyir mi 'ong gi 'bras bu thob par gyur to// 'chi ba'i dus su gdugs dkar po'i 'og tu dpal gyi mal stan gyi steng du gzims pa nyid na dgra bcom pa thob par gyur to// dgon par gnas nas dka' thub spyod pa rgyal po la dgos pa med do// rgyun du zhugs pa'i 'bras bu mngon du byas nas/ slar yang bcom ldan 'das kyi lhung bzed bzung ste/ 'khor dang bcas pa khang bzangs chen po'i steng du spyan drangs nas gya nom pa'i bza' ba dang bca' ba rnams drangs so/ / gdugs tshod zin pa'i mthar sgra gcan 'dzin gyi ma ma gtogs pa'i btsun mo 'khor dang bcas pa thams cad 'ongs nas bcom ldan 'das la phyag byas so// gzhan yang des
- 100b
'khor gyi mi rnams la 'phags pa'i bu la phyag bgyis zhes brjod nas/ gal te kho mo la yon tan yod na 'phags pa'i bu rang nyid kyi gnas su 'byon no// byon pa nyid na de la phyag byed do zhes brjod nas ma 'ongs so/ / rgyal pos lhung bzed bzung nas bcom ldan 'das nyan thos mchog gnyis dang bcas pa rgyal po'i bu mo'i khang bzangs su gshegs te/ rgyal po'i bu mo rang nyid ji ltar mos pa'i phyag byed cing gzhan dang dga' ba cung zad kyang ma byed ces nas/ gdan bshams pa mchog gi gung la bzhugs so// de myur du 'ongs nas byin pa bzung ste/ zhabs kyi steng du mgo bo bzhag nas ji ltar 'dod pa'i phyag byas so/ / rgyal po dang rgyal po'i bu mos bcom ldan 'das la dga' ba mang pos yon tan la sogs pas yon tan dang ldan par brjod nas/ btsun pa bdag gi bu mos nyid kyis gos ngur smrig gyon pa thos nas/ de nas bzung ste deng gi bar du gos ngur smrig gyon no// nyid kyis gdugs tshod lan cig gsol ba thos nas bu mos kyang bza' ba lan cig zos so// nyid kyis mal stan chen po spangs pa thos nas/ nyal khri chung ba la nyal lo// nyid kyis me tog gi 'phreng ba dang spos la sogs pa la sred pa med par thos nas/ me tog gi 'phreng ba dang spos la sogs pa la chags med pa skyes so/ / rang gi nye du rnams bdag gis gso'o zhes 'phrin bskur nas/ gnyen gcig la'ang lta ba mi 'dug go/ bcom ldan 'das 'di lta bu'i yon tan dang ldan pa ni bdag gi
- 101a
bu mo yin no zhes gsol to/ / rgyal po chen po la mtshan mi che'o// 'di lta khyed srung bar byed pa'i rgyal po'i bu mo ye shes yongs su ma smin pa rang gis bsrung ngo // sngar bsrungs pa med cing ri la sogs pa la 'gro ba na/ ye shes yongs su ma rdzogs pa rang gis srungs so zhes gsungs nas/ mi 'am ci zla ba'i skyes rabs gsungs te/ gdan las bzhengs nas gshegs so/ / nyi ma gnyis pa la rgyal bu gzhon nu dga' bo rgyal por dbang bskur ba dang / khang pa gsar pa'i nang du zhugs te bkra shis pa'i bag ma blangs nas nye bar gnas so// de'i khyim dugashegs nas gzhon nu lhung bzed zung zhig ces rab tu dbyung bar dgongs nas bkra shis brjod do/ / gdan las bzhengs nas gshegs so// ljongs kyi dge ba'i bu mos 'gro ba mthong ngo // 'phags pa'i bu myur du shog ces brjod nas blta'o// des kyang bcom ldan 'das kyi lhung bzed de bzung bar ma nus nas gtsug lag khang nyid du gshegs so// bcom ldan 'das de la 'dod pa med pa nyid kyis rab tu'i'abyung ba byed do/ / 'di ltar bcom ldan 'das grong khyer ser skyar gshegs shing nyi ma gsum pa la dga' bo rab du byung bar byas so// nyi ma bdun pa la sgra gcan 'dzin gyi mas/ gzhon nu rgyan gyis brgyan nas/ bcom ldan 'das kyi drung du btang ngo // bu stong phrag nyi shu'i dge slong 'khor dang bcas pa 'di rnams ltos/ gser gyi kha dog can gyi tshangs pa'i gzugs kyi mdog can/
- 101b
dge sbyong 'di ni khyed kyi yab bo// 'di la gter chen po yod cing de 'thon pa nas bzung nas gter mthong ba med do// song la nor slongs shig/ bdag khyed kyi bu gzhon nu yin no// rgyal por dbang bskur ba thob nas 'khor lo sgyur ba la dbang byed par 'gyur ro/ / bdag la nor gyi don du nor stsal du gsol/ yab kyi nor bu bdag yin no zhes gsol cig ces smras pa dang / gzhon nu bcom ldan 'das dang nye bar song ste/ yab kyi drung du dga' ba skyes so// sems spro bar gyur to// dge sbyong de khyod kyi grib ma ni de'o zhes brjod nas/ gzhan yang rang gi rigs pas brjod cing 'khod do// bcom ldan 'das gdugs tshod kyi mthar rjes su yi rang ba mdzad nas gdan las bzhengs te gshegs so/ / gzhon nus bdag la dge slong nor stsal du gsol/ bdag la dge slong nor stsal du gsol/ bcom ldan 'das kyi rjes su 'brangs nas/ bcom ldan 'das kyis gzhon nu phyir log la/ nga'i rjes su ma 'gro zhes pa dang / rjes su 'brang ba rnams kyang bcom ldan 'das dang 'grogs nas byon te/ ldog par ma nus nas/ gzhon nu bcom ldan 'das dang lhan cig kun dga' ra ba nyid du phyin no// de nas bcom ldan 'das kyis bsams pa/ 'di yab kyi nor 'dod cing 'jig rten pa'i nor ni che ba dang bcas pa yin/ da ni gnon nu la byang chub snying po des thob pa'i 'phags pa'i nor rnam pa bdun byin na/ 'jig rten las 'das pa'i nor gyi bdag po byed par 'gyur bar dgongs
- 102a
nas/ tshe dang ldan pa shA ri'i bu bos te/ de'i phyir na shA ri'i bu khyod kyis gzhon nu sgra gcan 'dzin rab tu phyung zhes brjod nas rab tu byung bar byas so// slar yang rgyal po gzhon nu'i sdug bsngal cher skyes te bgran par ma nus nas/ bcom ldan 'das kyi gnas su phyin te/ btsun pa 'phags pa ma dang pa yis rjes su ma gnang ba'i bu rab tu 'byung bar byed pa ma legs so zhes dam pa bslangs so/ / bcom ldan 'das kyis de la dam pa byin no// slar yang nyi ma gnyis pa la rgyal po'i gnas su gdugs tshod gsol nas phyogs gcig tu 'khod do// / rgyal pos btsun pa nyid dka' ba spyod pa'i dus su lha gcig bdag gi drung du nye bar 'ongs nas khyed kyi bu dus las 'das so zhes smras so// de'i tshig la yid ches pa med cing / bdag gi sras byang chub ma thob bar du dus las 'da' bar mi byed do/ / de'i tshig bdag gis bkag go zhes brjod do// bcom ldan 'das kyis bka' stsal pa/ da lta ji ltar khyod yid ches par byed sngar rus pa mthong nas khyed kyi bu shi'o zhes zer ba la yid mos par ma byas so/ / 'di'i don 'byung ba ni chos skyong ba chen po'i skyes rabs su bshad do// gtam gyi mthar rgyal pos phyir mi 'ong ba'i 'bras bu la gnas so/ / de ltar bcom ldan 'das kyi yab 'bras bu gsum la so sor gnas nas dge slong gi dge 'dun 'khor du byas so// slar yang rgyal po'i khab tu gshegs nas bsil
- 102b
pa'i tshal du bzhugs so/ / de'i tshe khyim bdag mgon med zas sbyin gyis shing rta lnga brgya'i nor khyer nas rgyal po'i khab tu rang nyid dka' ba'i grogs kyi khang par song ste/ des sangs rgyas bcom ldan 'das byon no zhes pa zos nas shin du rdza bar lha'i mthus sgo phye ste/ ston pa'i drung du na bar song nas chos thos te/ rgyun du zhugs pa'i 'bras bu thob par gyur to// zhis gnyis pa la sa rgyas la sogs pa'i dge 'dun la sbyin pa chen po phul lo/ / mnyan yod du gshegs pa'i phyir du ston pa'i drung du dam bca' bslangs nas par rmi lam dpag tshad bzhi bcu rtsa lnga'i gnas su 'ja brag re re'i nor byin nas dpag tshad re re'i gtsug lag khang byas so/ / rgyal byed tshal bye ba phrag bco brgyad kyi dbyig gis chos nas las kha gsar ba byed cing dbus su stobs bcu pa'i dri'i gtsang khang byed do/ / de la bskor ba rnams la gnas brtan chen po brgyad cu'i bzhugs gnas so// tshig thog dang / nyis thog dang / khang pa ring po dang / bsti gnas la sogs pa'i bzhugs gnas dang / rdzing bu dang / 'chags dang / mtshan mo'i bzhugs gnas dang / nyin mo'i bzhugs gnas so// bye ba phrag bco brgyad kyis nor spel te/ yid du 'ong ba'i sa phyogs yid la 'thad pa'i gtsug lag khang byed do/ / stobs bcu pa byon pa'i phyir du po nya ba btang ste/ ston pas po nya ba'i 'phrin gsan nas dge slong gi dge 'dun chen po 'khor du byas te/ rgyal
- 103a
po'i khab nas phyir byon te go rims bzhin du grong khyer mnyan yod du byon no/ / gtso bo chen po'ing gtsug lag khang chen po sta gon byas nas de bzhin gshegs pa rgyal byed tshal dubyon pa'i nyin mo bu rgyan thams cad kyis brgyan no/ / slar yang brgyan pa nyid kyi gzhon nu lnga brgya dang bcas pa btang ngo // de 'khor dang bcas pa kha dog lnga'i gos yang dag par 'bar ba'i rgyal mtshan lnga brgya thogs nas stobs bcu pa'i mdun du song bar gyur to/ / de rnams kyi phyi ma la legs bzang chen mo dang / legs bzang ma chung ba de bu mo gnyis/ gzhon nu ma lnga brgya dang bcas pa gser gyis gang pa'i bum pa lag par thogs nas phyir 'thon no/ / de'i phyi ma la tshong dpon gyi chung ma rgyan thams cad kyis brgyan nas bud med lnga brgya dang bcas pa gser gyis gang ba'i sder ma chen po thogs nas phyir 'thon to/ / thams cad phyin nas tshong dpon rang nyid gos bzang po gyon no// de bzhin du gos bzang po gyon pa'i tshong dpon lnga brgya dang bcas pa bcom ldan 'das kyi drung du song ngo / / bcom ldan 'das kyi 'khor dge bsnyen 'di rnams mdun du byas nas/ dge slong gi dge 'dun chen po rnams 'khong du byas te/ rang nyid kyi sku lus kyi 'od kyis gser gyi bcud kyi gong bu lta bu dang mtshungs pa dang / nags tshal gyi bar du snang bar mdzad cing mtha' yas pa'i sangs rgyas kyi rol pa sangs rgyas kyi dpal zla med cing mtshungs pa med pa rgyal byed tshal gyi nang du byon
- 103b
no/ / de nas mgon med zas sbyin gyis zhus pa/ btsun pa gtsug lag khang 'di ji lta bu la dbul bar bgyi/ khyim bdag gtsug lag khang 'di 'ong ba dang 'gro ba'i dge slong gi dge 'dun rnams la bul cig/ legs so bcom ldan 'das zhes tshong dpon chen pos gser gyi ril ba spyi blugs blangs nas stobs bcu pa'i phyag tu chu bsgrengs te/ rgyal byed tshal gyi gtsug lag khang 'di 'gro ba dang 'ong ba'i phyogs bzhi'i sangs rgyas la sogs pa'i dge 'dun la sbyin zhes phul lo/ / ston pas gtsug lag khang bzhes nas rjes su yi rang ba mdzad do// grang dang dro bas mi nyams shing // de ltar ri dgas la sogs pa'i/ / sdig sbrul dang ni sbrang bu dang // ba mo dang ni char pas so// de ltar rlung dang shin tu dro// so sor lus la gos pa dang // khang nang gnas nas bde ba skyes// khang par bsam gtan lhag mthong rnams/ / dge bdun gtsug lag khang 'bul ba// sangs rgyas mchog gi bsngags par mdzad// skyes bu mkhas pas de yi phyir// bdag nyid kyi ni phyir du ni// dga' bas gtsug lag khang byed pa/ / mang du thos pa gnas pa yin// de rnams kyi ni bza' dang btung // gos dang mal na stan dang ni// de rnams sems ni drang pos dbul// rab tu dang ba'i sems kyis so/ / des ni de la chos bstan to// sdug bsngal thams cad nyer zhi'i phyir// gang de'i chos ni rtogs pa dang // rten med mya ngan 'das par byed// ces bya ba'i gtsug lag khang gi phan yon
- 104a
bshad do/ / mgon med zas sbyin gyis nyi ma gnyis pa nas bzung nas sbyin pa gtong ba'i 'gro brtsams so// sa khams byas pa'i khang bzangs ni zla ba bzhis grub bo// slar yang mgon med zas sbyin gyi gtsug lag khang chen po sla ba dgus grub bo/ / gtsug lag khang chen po la'adabye ba stong phrag bco brgyad nyid song ngo // 'di la gtsug lag khang chen po 'di nyid la byed phrag lnga bcu rtsa bzhi'i nor yongs su btang ngo / / slar yang 'das pa'i bcom ldan pa das rnam par gzigs kyi dus su/ tshong dpon kun gyi grogs zhes bya bas gser gyi glang po'i rkang pa'i rmig rjes lngabu'i sa gzhi nyos nas / gnas 'di nyid du dpag tshad gcig gi dge 'dun gyi kun dga' ra ba byas so// bcom ldan 'das gtsug tor can gyi dus su/ dpal 'phel zhes bya ba'i tshong dpon gyi bus gser gyi sder ma rgyun mi 'chad pas nyos pa'i sa gzhi'i gnas de nyid du rgyang grags bcu gnyis kyi tshad tsam gyi dge 'dun gyi kun dga' ra ba byas so/ / bcom ldan 'das thams cad skyob kyi dus su/ / tshong dpon bkra shis zhes bya bas gser gyi sa gzhi gser gyi rkang pa'i rjes lta bu'i sa gzhi nyos nas gnas de nyid du dpag tshad phyed kyi dge 'dun gyi kun dga' ra ba byas so// bcom ldan 'das log papar dad sel gyi dus su/ tshong dpon 'pho ba med pa zhes bya bas gser gyi ba gulta bu rgyun mi 'chad pa'i sa gzhi nyos nas gnas de nyid du rgyang grags bzhi'i tshad kyi dge 'dun gyi kun dga' rab
- 104b
byas so/ / bcom ldan 'das gser thub kyi dus su/ tshong dpon drag po zhes bya bas gser gyi rus sbal rgyun mi 'chad pa lta bu'i sa gzhi nyos nas gnas de nyid du rgyang grags gnyis kyi tshad kyi kun dga' ra ba byas so/ / bcom ldan 'das 'od srungs kyi dus su/ tshong dpon bkra shis bzang po zhes bya bas gser gyi pha gu rgyun mi 'chad pa lta bus sa gzhi nyos nas gnas de nyid du rgyang grags gcig gi tshad kyi kun dga' ra ba byas so/ / slar yang bdag cag gi bcom ldan 'das kyi dus su/ tshong dpon mgon med zas sbyin gyis bye ba phrag bco brgyad kyi dbyig gis gser gyi 'dra man du byas pa rgyun mi 'chad pa lta bus sa gzhi nyos nas gnas de nyid du rgyang grags phyed kyi kun dga' ra ba byas so/ / gnas 'di sangs rgyas thams cad kyis ma spangs pa'i gnas yin no// 'di ltar byang chub chen po'i snying po'i drung du thams cad mkhyen pa'i ye shes thob pa'i ji srid pa nas/ yongs su mya ngan las 'das pa'i mthar thug pa de srid du gang dang gang gis gnas su bcom ldan 'das bdag bzhugs pa 'di ni nye ba'i gleng gzhi zhes bya ba'o/ / de'i lugs kyis skyes rabs thams cad du bsngags par mdzad do// skyes pa rabs kyi gleng gzhi bshad pa rdzogs so// / paN+Di ta A nan+da shI'i zhal snga nas dang / mang du thos pa'i lo tsA ba shAkya'i dge slong nyi ma rgyal mtshan dpal bzang pos/ skad gnyis smra ba rnams kyi gdan sa gtsug lag khang chen po dpal
- 105a
thar pa gling du bsgyur cing zhus te gtan la bab pa'o/ / sa'i steng du nyi zla ltar gyur cig// rgya gar skad du/ A T+Ta nArbi/ ya sU tra/ bod skad du/ lcang lo can gyi pho brang gi mdo/ 'phags pa dkon mchog gsum la gus pas phyag 'tshal lo// 'di skad bdag gis thos pa dus gcig nA/ bcom ldan 'das rgyal po'o khab bya rgod phung po'i ri la bzhugs so/ / de nas rgyal po chen po bzhi po gnod sbyin mang po'i sde dang / dri za mang po'i sde dang / grul bum gyi sde mang po dang / klu'i sde mang po rnams phyogs bzhi bsrung zhing gnas so/ / phyogs bzhir tshan tshan du gnas so// phyogs bzhi skyong zhing gnas so// mtshan mo 'ongs te kha dog sna tshogs pa can gyis bya rgod phung po'i ri 'ba' zhig snang bar byas te/ bcom ldan 'das ga la ba der song zhing song nas/ bcom ldan 'das la phyag byas nas phyogs gcig tu 'khod do// gnod sbyin de rnams las kyang gang la las bcom ldan 'das la phyag byas nas phyogs gcig tu 'khod do/ / gang su dag gis bcom ldan 'das la bsnun gsol te bsnyun gsol nas/ ji ltar snying po dang snying po med pa'i gtam 'dri zhing phyogs gcig tu 'khod do// gang su dag gis bcom ldan 'das la thal mo sbyar ba'i phyag byas nas phyogs gcig tu 'khod do/ / gang su dag gis ming dang rigs dpyod cing phyogs gcig tu 'khod do// gang su dag cang mi smra bar phyogs gcig
- 105b
sa/ tu 'khod do// phyogs gcig tu 'khod nas de nas rgyal po chen po rnam thos kyi bus/ bcom ldan 'das la 'di skad ces gsol to// gnod sbyin ma rungs pa gang la la zhig bcom ldan 'das la ma dad par gyur to// gnod sbyin ma rungs pa gang la la zhig bcom ldan 'das la dad par gyur to// gnod sbyin 'bring po gang la la zhig btsun pa bcom ldan 'das la ma dad par gyur to// gnod sbyin 'bring po gang la la zhig btsun pa bcom ldan 'a das la dad par gyur to/ / gnod sbyin dman pa gang la la zhig btsun pa bcom ldan 'das la ma dad par gyur to// gnod sbyin dman gang la la zhig btsun pa bcom ldan 'das la dad par gyur to/ / gnod sbyin gang la la zhig btsun pa bcom ldan 'das la ma dad par gyur pa'i rgyu gang lags/ btsun pa bcom ldan 'das kyis srog gcod pa spong ba'i chos bstan pa dang / ma byin par len pa spong ba'i chos bstan pa dang / 'dod pa loka par spyod pa spong ba'i chos bstan pa dang / brdzun du smra ba spong ba'i chos bstan pa dang / myos par 'gyur ba'i chang gi btung ba spong ba'i chos bstan pa mdzad la/ gnod sbyin gang de rnams srog gcod pa spong ba la mi dga' bar gyur pa dang / ma byin par len pa spong ba la mi dga' bar gyur pa dang / 'dod pa log par spyod pa spong ba la mi dga' bar gyur pa dang / rdzun du smra ba spong ba la mi dga' bar gyur pa dang / myos par 'gyur ba'i chang gi btung ba spong ba la mi dga' bar gyur pas/ de rnams la mi dga' zhing mi 'dod par gyur to//
- 106a
btsun pa bcom ldan 'das kyi nyan thos ji snyed yod pa rnams 'brog dgon pa'i lam du zhugs nas nyal ba dang 'dug pa la brten to// sgra med cing dbyangs med par dben par gnas/ shing 'du 'dzi'i 'tshe ba med do// so sor dge sbyong rnams 'thun par gnas so// de na gnod sbyin ma rungs pa rnams kyi gnas yod do// gang zhig gis bcom ldan 'das kyi gsung rab la ma dang par gyur te/ de rnams dad par bya ba'i phyir btsun pa bcom ldan 'das la bslab par bya ste/ lcang lo can gyi pho zang gis bsrung du gsol/ dge slong ngam/ dge slong ma 'am/ dge bsnyen nam/ dge bsnyen ma rnams la bsrung ba dang / smra ba dang / 'tshe ba med pa dang / bde ba dang / legs par gnas so// bcom ldan 'das kyis cang mi gsung ba'i tshul gyis gnang ngo // de nas rgyal po chen po rnam thos kyi bus bcom ldan 'das kyis gnang ba shes te/ de'i tshe 'di ltar ljang lo can gyi ngo zang gis srungs shig ces gsol to// spyan ldan dpal dang ldan pa yi// rnam par gzigs la phyag 'tshal lo/ / 'byung po rnams la brtse ba yi// gtsug tor can la phyag 'tshal lo// mgon med rnams la gdung ba yi// thams cad skyob la phyag 'tshal lo// bdud kyi sde rnams 'joms ba li 'khor ba 'jig la phyag 'tshal lo/ / bram ze dpal dang ldan pa yi// gser thub la ni phyag 'tshal lo// sems can rnam grol mdzad pa yis// 'od srungs la ni phyag 'tshal lo// hAN+Di
- 106b
sras ni dpal dang ldan/ / nyi ma'i rgyud la phyag 'tshal lo// sdug bsngal kun las grol mdzad pa// gang zhig chos ni rab ston mdzad// gang yang 'jig rten par gyur pa// ji lta ba bzhin gzigs gyur pa'i/ / de rnams la ni phra ma med// 'jigs pa med pa chen po'o// gang zhig go'u ta ma phyag byed pa// lha dang mi la phan pa yin// rig pa dang ni zhabs su ldan// 'jigs pa med pa chen po ste/ nyi ma'i dkyil 'khor chen po ni// gang zhig tu ni nub cing 'char// gang du nyi ma nub gyur pa// de ni mtshan mor 'gyur ba yin// gang du nyi ma shar gyur pa// de ni nyin mo zhes brjod do// gting ni zab pa'i rgya mtsho yi// de ni chu yi bcud bzang ngo // de ltar der ni skyes gyur pa'i// rgya mtsho'i chu yi bcud bzhin no// 'dir ni shar gyi phyogs kyi ni// skye bo rnams la 'di brjod do// de yi phyogs ni kun skyong ba'i/ / rgyal po chen po grags chen ldan// dri za rnams kyi bdag po ste// ming ni rgyal po yul 'khor skyong // dri za 'khor dang bcas pa ni// glu dang gar gyis dga' bar byed de yi bu ni mang po rnams/ / ming ni gcig tu thos pa ste// dbang po zhes bya stobs dang ldan// de ni dgu bcu rtsa gcig go/ de yang sangs rgyas mthong ba dang // nyi ma'i gnyen gyi sangs rgyas ni// 'jigs dang bral ba chen po la// thag ring nas ni phyag bgyi'o// skyes bu cang mkhyen khyod phyag 'tshal// skyes bu mchog khyod phyag 'tshal lo// dge ba rtag tu gsung ba la// mi ma yin rnams khyod
- 107a
phyag 'tshal/ / rtag tu 'di ni nyan pa'o// de phyir de ltar 'di brjod de// rgyul ba goT tam phyag gyis shig/ rgyal ba go ru tam phyag bgyid do// rig pa dang ni zhabs su ldan/ sangs rgyas go'u tam phyag 'tshal lo// gang yang yi dgas rjod byed pa// phra ma rgyab kyi sha can dang // srog gcod pa la chags pa dang // skye bo ma lus 'joms pa'o// 'dir ni / yi phyogs gnas pa'i// skye bo rnams la 'di skad brjod// de yi gnas ni yongs skyong ba// rgyal po chen po grags ldan pa// grul bum rnams kyi bdag po ste// ming ni 'phags skyes po zhes bya/ / grul bum 'khor dang bcas pa ni// glu dang gar gyis dga' bar byed// de yi bu ni mang po rnams// ming ni gcig tu thos pa ste// dbang po zhes bya stobs dang ldan// de ni dgu bcu rtsa gcig go/ / de yang sangs rgyas mthong ba dang // nyi ma'i rgyud kyi sangs rgyas ni// 'jigs dang bral ba chen po la// thag ring nas ni phyag bgyi'o// skyes bu cang mkhyen khyod phyag 'tshal/ skyes bu mchog khyod phyag 'tshal lo// dge ba rtag tu gsung ba la// mi ma yin rnams khyod phyag 'tshal// rtag tu 'di ni nyan pa'o// de phyir de ltar 'di brjod de// rgyal ba go'u tam phyag gyis shig rgyal ba goru tam phyag bgyid do/ / rig pa dang ni zhabs su ldan// sangs rgyas go'u tam phyag 'tshal lo// nyi ma'i dkyil 'khor chen po ni// gang nas gang du shar gyur pa// der ni nyin mor 'gyur ba ste/
- 107b
nyin mo zhes ni brjod pa yin// gang du nyi ma nub gyur pa// de ni mtshan mor rjod par byed// gting ni zab pa'i rgya mtsho yi// de yi nu ni bcud bzang ngo // de ltar der ni skyes gyur pa'i// rgya mtsho'i chu yi bcud bzhin no/ / 'dir ni nub kyi phyogs kyi ni// skye bo rnams la 'di brjod do// de yi phyogs ni kun skyong ba'i// rgyal po chen po grags chen ldan// klu rnams kyi ni bdag po ste// 'di yi ming ni mig mi bzang / / klu yi 'khor dang bcas pa ni// glu dang gar gyis dga' bar byed// de yi bu ni mang po rnams// ming ni gcig tu thos pa ste// dbang po zhes bya stobs dang ldan// de ni dgu bcu rtsa gcig go/ de yang sangs rgyas mthong ba dang // nyi ma'i gnyen gyi sangs rgyas ni// 'jigs dang bral ba chen po la// thag ring nas ni phyag bgyi'o// skyes bu cang mkhyen khyod phyag 'tshal// skyes bu mchog khyod phyag 'tshal lo// dge ba rtag tu gsung ba la// mi ma yin rnams khyod phyag 'tshal// rtag tu 'di ni nyan pa'o// de phyir de ltar 'di brjod de// rgyal ba go'u ta ma phyag gyis shig/ nga rgyal ba go'u tam phyag bgyid do// rig pa dang ni zhabs su ldan// sangs rgyas go'u tam phyag 'tshal lo// gang zhig byang phyogs sgra mi snyan// lhun po blta na sdug ri dga'// der skyes pa yi mi rnams ni/ / bdag gir yongs su bzung ba med// de rnams sa bon 'debs pa med// rmo ba yang ni med pa yin// dka' spyad med par 'bras smin zhing // mi rnams yongs su longs spyod do//
- 108a
spyan med ma grugs shin tu dag/ dri bzang 'bras ni 'bras bur ldan// 'bras kyi 'o ma la 'tshed cing // de bzhin btsos nas longs spyod do// ba lang rkang gcig la zhon nus yul dang phyogs su 'gro bar byed/ / rkang pa gcig pa'i phyugs zhon nas// yul dang phyogs su 'gro bar byed// bud med kyi ni bzhon pa la// zhon nas yul dang phyogs su 'gro// skyes pa bzhon pa la zhon nas/ / yul dang phyogs su 'gro bar byed// gzhon nu ma li bzhon pa la// zhon nas yul dang phyogs su 'gro// gzhon nu'i bzhon pa la zhon nas// yul dang phyogs su 'gro bar byed/ / bzhon pa de rnams la zhon nas// phyogs kun tu ni rjes su 'gro// gtso bo rgyal po khyad med do// glang chen bzhon dang rta yi bzhon// lha yi bzhon pa la gnas nas// 9 bzangs dang ni phyogs dang ni/ / rgyal po chen po grags dang ldan// de'i yang grub pa'i grong khyer ni// dri med par snang la gnas pa// lcang lo can dang ku sha'i grong // pha rol ku sha'i grong dang ni// nATa'i grong dang pha rol gyi// ku shi ta yi grong yin no// byang gi phyogs na thams cad rgyas// skye bo'i tshogs pa mang po gnas// dgu bcu rtsa dgu grong mkha' la// rgyal po'i pho brang lhung lo can/ / slar yang drang srong chen po dang // rgyal po chen po lus ngan po// bI sA NA zhes pa rgyal po'i pho zang ngo // de'i phyir rgyal po chen po rnam thos kyi bu dang lus ngan po zhes brjod do// so so/
- 108b
rab tu gsal zhing zhi ba dang / de dang der ni de dang de mdangs dang / de'i gzi brjid dang / dpa' zhing stobs dang ldan pa'i rgyal po stobs dang ldan pa'i ming ngo // sa gzhi yang ni bcud ldan no// / gnas der sprin rnams char 'bebs par byed do// de ni b+ha ga la ba tI zhes pa'i rdzing bu'o// gang du gnod sbyin tshogs dang lhan cig tu gnas so// der ni rtag tu shing gi 'bras// sna tshogs bya rnams lhan cig gnas/ / rma bya khrung khrung sgra sgrogs shing // khu byug rnams ni tshan tshan gnas// shang shang te'u sgra sgrogs shing // de nas yang ni ngur ba dang // gong mo nags kyi bya ga ga ni// nags kyi rdzing bur gnas pa'o/ / ne tso ri skegs de sgra 'byin// dar+N+Na mA Na byA dkar ni// dus kun tu ni mdzes par byed// lus ngan rgyal po'i rdzing rtag mdzes// 'di ni byang gi phyogs kyi yul// skye bo rnams ni'adi bzhin brjod/ / de yi phyogs ni yongs skyong ba'i// rgyal po chen po grags dang ldan// gnod sbyin rnams kyi bdag po ste// 'di yi ming ni lus ngan po// gnod sbyin 'khor dang bcas pa ni// glu dang gar gyis dga' bar byed// de yi bu ni mang po rnams// ming ni gcig tu thos pa ste// dbang po zhes bya stobs dang ldan// de ni dgu bcu rtsa gcig go// de yang sangs rgyas mthong ba dang nyi ma'i gnyen gyi sangs rgyas ni/ / 'jigs dang bral ba chen po'o// thag ring nas ni phyag bgyi'o// skyes bu cang mkhyen khyod phyag 'tshal// skyes bu mchog khyod phyag 'tshal lo// dge ba rtag
- 109a
tu gsung ba la/ / mi ma yin rnams khyod phyag 'tshal// rtag tu 'di ni nyan pa'o// de phyir de lta 'di brjod de// rgyal ba goT tam phyag gyis shig/ rgyal ba go'u dam phyag bgyid do/ / rig pa dang ni zhabs su ldan// sangs rgyas go'u tam phyag 'tshal lo// 'dir ni drang srong chen pos lcang lo can gyi pho brang dang bcas pas srungs shig/ dge slong ngam/ dge slong ma 'am/ dge bsnyen nam/ dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs par gnas so// drang srong chen po gang su dag dge slong dang bcas pa 'am dge slong ma dang bcas pa 'am/ dge bsnyen dang bcas pa'am/ dge bsnyen ma dang bcas pa rnams la/ 'dir lcang lo can gyi pho brang gis de bsrung ba dang / yongs su rdzogs pa thams cad yid la zung zhig/ de'i yang mi ma yin rnams so// gnod sbyin nam/ gnod sbyin mo'am/ gnod sbyin gyi bu po 'am/ gnod sbyin gyi bu mo 'am/ gnod sbyin gyi blon po chen po 'am/ gnod sbyin gyi 'khor ram/ gnod sbyin g.yog 'khor ram/ dri za pho 'am/ dri za mo 'am/ dri za'i bu pho 'am/ dri za'i bu mo 'am/ dri za'i blon po chen po 'am/ dri za'i 'khor ram/ dri za'i g.yog 'khor ram/ grul bum phob ma/ grul bum mo 'am/ grul bum gyi bu pho'am/ grul bum gyi bu mo ba ma/ grul bum gyi blon po chen po 'am/ grul bum gyi 'khor ram/ grul bum gyi g.yog 'khor ram/
- 109b
klu pho ba ma/ klu mo 'am/ klu'i bu po 'am/ klu'i bu mo 'am/ klu'i glen pa chen po'am/ klu'i 'khor ram/ klu'i g.yog 'khor ram/ rab tu sdang ba'i sems kyis 'gro'am rjes su 'gro 'am/ rjes su 'gro ba dang / sdod pa dang / lhan cig tu spong pa dang / gnas pa dang / lhan cig tu gnas pa dang / nyal ba dang / lhan cig tu nyal ba rnams ni/ drang srong chen po 'di rnams ni mi ma yin zhes bya'o/ / grong ngam/ grang rdal lam/ bkur sngar byed pa 'am/ bsti stang du byed pa la drang srong chen po mi ma yin rnams kyis de thob pa ma yin no// rgyal po'i pho brang lcang lo can zhes bya ba la gzhi 'am gnas sa med do/ / drang srong chen po mi ma yin rnams dang / gnod sbyin rnams kyis lhan cig tu gnas pa'i nga mi thob bo// drang srong chen po gzhan yang mi ma yin rnams kyis bka' mnyan par bya'o/ dang so ga mi pa yin rnams kyis bdag la phan pa rdzogs pa dang / pha rol la smod pa dang / rtsod pa dang / drang srong chen po gzhan yang mi ma yin rnams la snod mar rab tu 'bar ba mge la bkon pa dang / drang srong chen po gzhan yang mi ma yin rnams kyi mgo bo tshal pa bdun du gshag par byed do// drang srong chen po gzhan yang mi ma yin ni gtum pa dang / drag pa dang / zo ba'o// de rnams kyis 'di ltar rgyal po chen po la rjod par byed do// rgyal po chen po la brjod ma nus na skyes bu la sogs pa la rjod
- 110a
bar byed do/ / rgyal po'i skyes bu la brjod par ma nus na/ de'i 'og ma'i skyes bu rnams la brjod par bya'o// drang srong chen po de'ang mi ma yin rnams rgyal po chen po la 'gal ba/ smra ba'o// drang srong chen po 'di lta ste/ ma ga d+ha'i yul gyi rgyal po la chom rkun byung na de ma thag tu rgyal po la rjod par byed do// rgyal po la brjod par ma nus na/ rgyal po'i skyes bu la rjod par byed do/ / skyes bu la brjod par ma nus na de'i 'o ga ma'i skyes bu la rjod par byed pa bzhin no// drang srong chen po de yang ma ga d+ha'i rgyal po la chom rkun gyis gnod pa byed par rjod do// drang srong chen po ba di lta bu'i mi ma yin yod pa rnams gtum pa dang / drag pa dang / khro ba'o// de ma thag tu rgyal po chen po rnams la rjod par byed do// rgyal po chen po la brjod par ma nus rgyal po'i skyes bu la rjod par byed do/ / skyes bu la brjod par ma nus na de'i 'og ma'i skyes bu la rjod par byed do// drang srong chen po de ni mi ma yin rnams rgyal po chen po rnams la dga' bar rjod par byed do// drang srong chen po mi ma yin gang zhig gnod sbyin po 'am/ gnod sbyin mo 'am/ gnod sbyin gyi bu ba ma/ gnod sbyin gyi bu mo 'am/ gnod sbyin gyi blon po chen po'am/ gnod sbyin gyi 'khor ram/ gnod sbyin gyi g.yog 'khor ram/ dri za po ba ma/ dri za mo 'a ma/ dri za'i bu pho 'am/ dri za'i bu mo ba ma/ dri za'i blon po chen po 'am/ dri za'i 'khor ram/ dri za'i g.yog 'khor
- 110b
ram/ grul bum po'am/ grul bum mo'am/ grul bum gyi bu pho 'am/ grul bum gyi bu mo 'am/ grul bum gyi blon po chen po 'am/ grul bum gyi 'khor ram/ grul bum gyi g.yog 'khor ram/ klu pho bam/ klu mo 'am/ klu'i bu po 'am/ klu'i bu mo 'am/ klu'i blon po chen po 'am/ klu'i 'khor ram/ klu'i g.yog 'khor ram/ rab tu sdang ba'i sems kyis dge slong ngam/ dge slong ma'am/ dge bsnyen nam/ dge bsnyen ma rnams 'gro ba'am/ rjes su 'gro ba ba ma/ rjes su 'gro ba dang / sdod pa dang lhan gcig tu sdod pa dang / gnas pa dang lhan cig tu sdod pa dang / gnas pa dang lhan cig tu gnas pa dang / nyal ba dang lhan cig tu nyal ba dang / 'di rnams ni gnod sbyin rnams dang gnod sbyin chen po rnams dang / sde dpon rnams dang / sde dpon chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o// 'dir gnod sbyin gyis bzung nas gnod sbyin 'dis ni 'phrog par byed pa dang / gnod sbyin 'dis 'tshe bar byed pa dang / gnod sbyin 'di rnam par mtho 'tsham par byed pa dang / gnod sbyin 'di gnod par byed pa dang / gnod sbyin 'di rnam par gnod par byed pa dang / gnod sbyin 'di ni mi gtong bar byed do// gnod sbyin rnams dang / gnod sbyin chen po rnams dang / sde dpon
- 111a
rnams dang / sde dpon chen po rnams gang zhe na/ dbang po zla ba chu zla dang // b+hA ra dA dza skye dgu'i bdag/ tsan+dan dang blong mchog dang / mgul ba mdzes dang mgul nges dang // skye dgu'i bla mar gyur pa dang // lha las byung ba'i kha lo ba// dri ba sna tshogs sde dang ni// mi rgyal rgyal ba'i khyu mchog dang // de bzhin ri dang gangs can dang // gang ba sprin drug phug dang ni// 'tshe ba dang ni btang bzung dang / / sna tshogs bshes gnyen gnya' shing 'dzin// sa skyong rab tu rtogs pa dang // ngo tsha mig dang khang pa dang // lnga len gtum po Al ba ka/ srid sgrub yid bzang bzhin bzang dang / / zho gdong nor bu nor bu spyod// de bzhin dbang phyug dang bcas so// 'di rnams ni gnod sbyin rnams dang / sde dpon rnams dang / sde dpon chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o// 'dir gnod sbyin gyis bzung nas/ gnod sbyin 'dis tshe 'phrog par byed pa dang / gnod sbyin 'dis 'tshe bar byed pa dang / gnod sbyin 'dis rnam par mtho 'tsham par byed pa dang / gnod sbyin 'di gnod par byed pa dang / gnod sbyin 'di rnam par gnod par byed pa dang / gnod sbyin 'dis ni mi gtong bar byed do// drang srong chen po 'dis ni lcang lo can gyi pho brang gis srungs shig/ dge slong dang / dge slong ma dang / dge bsnyen dang / dge bsnyen ma rnams la bsrung ba dang / sba ba dang / 'tshe ba med pa dang / bde ba dang /
- 111b
legs par gnas so// drang srong chen po de ni bdag cag rnams 'gro bar bgyi'o// bdag cag rnams ni bya ba mang ba dang byed pa mang bas so// bcom ldan 'das kyis bka' stsal pa/ rgyal po chen po khyed rnams da ni 'gro bar gyis shig/ de nas rgyal po chen po bzhi po rnams langs nas/ bcom ldan 'das la phyag byas te bskor ba byas nas der mi snang bar gyur to// gnod sbyin de rnams kyang lags nas gang su dag gis bcom ldan 'das la phyag byas te bskor ba byas nas de nyid du mi snang bar gyur to/ / gang su dag gis bcom ldan 'das la bskrun gsol te/ bsnyun gsol nas/ snying po med pa ji ltar zhes zhus pa de rnams de nyid du mi snang bar gyur to/ / gang su dag gis bcom ldan 'das ga la ba der thal mo sbyar nas de nyid du mi snang bar gyur to// gang la la zhig gis ming dang rigs rnam par dpyad nas de nyid du mi snang bar gyur to/ / gang la la zhig cang mi smra bar gyur te de nyid du mi sdang bar gyur to// lcang lo can gyi pho brang gi mdo las skabs rab mchog dang po'o// de nas yang bcom ldan 'das kyis de'i mtshan mo 'das nas/ dge slong rnams bos nas/ dge slong dag 'di'i mtshan mo rgyal po chen po bzhi po rnams dang / gnod sbyin gyi sde dpon chen po rnams dang / dri za'i sde mang po dang / grul bum gyi sde mang po dang / klu'i sde mang po dang / phyogs bzhi bsrung zhing gnas so// phyogs bzhir tshan tshan du gnas so// phyogs bzhi skyong zhing
- 112a
gnas so/ / mtshan mo 'o ngas te kha dog sna tshogs pa can gyis bya rgod phung po'i rib ba' zhig snang bar byas te/ bcom ldan 'das ga la ba der song ste song nas nga la phyag byas nas phyogs gcig tu 'khod do/ / dge slong dag dang / gnod sbyin de rnams gang la la zhig gis nga la phyag byas nas phyogs gcig tu 'khod do// gang su dag gis nga la bsnyun gsol te/ bsnyun gsol nas/ ji ltar snying po dang snying po med pa'i gtam 'dri zhing phyogs gcig tu 'khod do// gang su dag gis nga la thal mo sbyar nas phyogs gcig tu 'khod do// gang su dag gis ming dang rigs dpyod cing phyogs gcig tu 'khod do/ / gang su dag cang mi smra bar phyogs gcig tu 'khod do// phyogs gcig tu 'khod nas dge slong dag dang rgyal po chen po rnam thos kyi bus nga la 'di skad ces gsol nas/ gnod sbyin ma rungs pab yod pa rnams btsun pa bcom ldan 'das la ma dad par gyur to/ / gnod sbyin ma rungs pa gang la la zhig bcom ldan 'das la dad par gyur to// gnod sbyin 'bring po gang la la zhig btsun pa bcom ldan 'das la ma dad par gyur to/ / gnod sbyin 'bring po gang la la zhig btsun pa bcom ldan 'das la dad par gyur to// gnod sbyin dman pa gang la la zhig btsun pa bcom ldan 'das la ma dad par gyur to// gnod sbyin dman pa gang la la zhig btsun pa bcom ldan 'das la dad par gyur to// gnod sbyin gang la la zhig btsun pa bcom ldan 'das la ma dad par gyur pa'i rgyu gang lags/ btsun pa bcom ldan
- 112b
'das kyis srog gcod pa spong ba'i chos bstan pa dang / ma byin par len pa spong ba'i chos bstan pa dang / 'dod pa log par spyod pa spong ba'i chos bstan pa dang / brdzun du smra ba spong ba'i chos bstan pa dang / myos par 'gyur ba'i chang gi btung ba spong ba'i chos bstan pas so// gnod sbyin gang de rnams btsun pas srog gcod pa spong ba la mi dga' bar gyur pa dang / ma byin par len pa/ spong ba la mi dga' bar gyur pa dang / 'dod pas log par spyod pa spong ba la mi dga' bar gyur pa dang / brdzun du smra ba spong ba la mi dga' bar gyur pa dang / myos par 'gyur ba'i chang gi btung ba spong ba la mi dga' bar gyur pas so/ / de rnams la mi dga' zhing mi 'dod par gyur to// btsun pa bcom ldan 'das nyan thos ji snyed yod pa rnams 'brog dgon pa'i lam du zhugs nas nyal ba dang / 'dug pa dang / brten to// sgra med cing dbyangs med par dben par gnas shing 'du 'dzi'i 'tshe ba med do// so sor dge sbyong rnams 'thun cing gnas so// de na gnod sbyin ma rungs pa rnams kyi gnas yod do/ / gang zhig bcom ldan 'das kyi gsung rab la ma dad par gyur te/ de rnams dad par bya ba'i phyir btsun pa bcom ldan 'das la bslab par bya ste/ ljang lo can gyi pho brang gis bsrung du gsol/ dge slong ngam/ dge slong ma 'am/ dge bsnyen nam/ dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs par gnas so//
- 113a
dge slong rnams la bdag cag gis cang mi gsung ba'i tshul gyis gnang ba byin no// de nas rgyal po chen po rnam thos kyi bus gnang ba byin pa shes te/ de'i tshe 'di ltar lcang lo can gyi pho brang gis srungs shig ces gsol to/ / spyan ldan dpal dang ldan pa yi// rnam par gzigs la phyag 'tshal lo// sems can rnams la brtse ba yi// gtsug tor can la phyag 'tshal lo// mgon med rnams la gdung ba yi/ / thams cad skyob la phyag 'tshal lo// bdud kyi sde rnams 'joms pa yi// 'khor ba 'jig la phyag 'tshal lo// bram ze dpal dang ldan pa yi// gser thub la ni phyag 'tshal lo/ / sems can rnam grol mdzad pa yi// 'od srungs la ni phyag 'tshal lo// shAkya'i sras ni dpal dang ldan// nyi ma'i rgyud la phyag 'tshal lo// sdug bsngal kun las grol mdzad pa// gang zhig chos ni rab ston mdzad// gang yang 'jig rten par gyur pa// ji lta ba bzhin gzigs gyur pa'i// de rnams la ni phra ma med// 'jigs pa med pa chen po ni// gang zhig go'u tam phyag byed pa/ / lha dang mi la phan pa yin// rig pa dang ni 'bas su ldan// 'jigs pa med pa chen po ste// nyi ma'i dkyil 'khor chen po ni// gang zhig tu ni nub cing 'char// gang du'am nub gyur pa/ / der ni mtshan mor 'gyur ba yin// gang du nyi ma shar gyur pa'i// der ni nyin mo zhes brjod do// gting ni zab pa'i rgya mtsho yi// de yi chu yi bcud bzang ngo // de ltar der ni skyes gyur
- 113b
pa'i/ rgya mtsho'i chu yi bcud bzhin no// 'dir ri shar gyi phyogs kyi ni// skye bo rnams la 'di brjod do// de yi phyogs ni yongs skyong ba'i// rgyal po chen po grags chen ldan// dri za rnams kyi bdag po ste/ / ming ni rgyal po yul 'khor skyong // dri za 'a khor dang bcas pa ni// klu dang gar gyis dga' bar byed// de yi bu ni mang po rnams// ming ni gcig tu thos pa ste// dbang po zhes bya stobs dang ldan/ / de ni dgu bcu rtsa gcig go/ de yang sangs rgyas mthong ba dang // nyi ma'i gnyen gyi sangs rgyas ni// 'jigs dang bral ba chen po la// thag ring nas ni phyag bgyi'o// skyes bu cad mkhyen khyod phyag 'tshal/ / skyes bu mchog khyod phyag 'a tshal lo// dge ba rtag tu gsung ba la// mi ma yin rnams khyod phyag 'tshal// rtag tu 'di ni nyan pa'o// de phyir de ltar 'di brjod do// rgyal ba go'u tam phyag gyis shig/ rgyal ba go'u ta ma phyag bgyid do// rig pa dang ni zhabs su ldan// rgyal ba go'u tam phyag 'tshal lo// gang yang yi dgas rjod byed pa// phra ma rgyab kyi sha can dang // srog gcod pa la chags pa dang // skye bo ma lus 'joms pa'o// 'dir ni lho yi phyogs gnas pa'i// skye bo rnams la 'di skad brjod// de yi gnas ni yongs skyong ba// rgyal po chen po grags ldan pa/ grul bum rnams kyi bdag po ste// ming ni 'phags skyes po zhes bya// grul bum 'khor dang bcas pa ni// glu dang gar gyis dga' bar byed// de yi bu ni mang po rnams// ming ni gcig tu
- 114a
thos pa ste/ / dbang po zhes bya stobs dang ldan// de ni dgu bcu rtsa gcig go// de yang sangs rgyas mthong ba dang // nyi ma'i rgyud kyi sangs rgyas ni// 'jigs dang bral ba chen po la/ thag ring nas ni phyag bgyi'o// skyes bu cang mkhyen khyod phyag 'tshal// skyes bu mchog khyod phyag 'tshal lo// dge ba rtag tu gsung ba la// mi ma yin rnams khyod phyag 'tshal// rtag tu 'di ni nyan pa'o/ / de phyir de ltar 'di brjod de// rgyal ba go'u ta ma phyag gyis shig/ rgyal ba go'u tam phyag bgyid do// rig pa dang ni zhabs su ldan// sangs rgyas go'u ta ma phyag 'tshal lo// nyi ma'i dkyil 'khor chen po ni/ / gang nas gang du shar gyur pa// der ni nyin mor 'gyur pa ste// nyin mo zhes ni brjod pa yin// gang du nyi ma nub gyur pa// de ni mtshan mor rjod par byed// gting ni zab pa'i rgya mtsho yi/ de yi chu yi badrung bzang ngo // de ltar der ni skyes gyur pa'i// rgya mtsho'i chu yi bcung bzhin no// 'dir ni nub kyi phyogs kyi ni// skye bo rnams la 'di brjod de// de yi phyogs ni kun skyong ba'i// rgyal po chen po zags chen ldan/ / klu rnams kyi ni bdag po ste// 'di yi ming ni mig mi bzang // gru yi 'khor dang bcas pa ni// glu dang gar gyis dga' bar byed// de yi bu ni mang po rnams// ming ni gcig tu thos pa ste/ / dbang po zhes bya stobs dang ldan// de ni dgu bcu rtsa gcig go// de yang sangs rgyas mthong ba dang // nyi ma'i gnyen gyi sangs rgyas ni// 'jigs dang bral ba chen po la// zag ring nas ni phyag
- 114b
bgyid do/ / skyes bu cang mkhyen khyod phyag 'tshal// skyes bu mchog khyod byug 'tshal lo// dge ba rtag tu gsung ba la// mi ma yin rnams khyod phyaga' tshul// rtag tu 'di ni nyan pa'o// de phyir de ltar 'di brjod de/ / rgyal ba go'u tam phyag gyis shig/ rgyal ba ko'u tam phyag bgyid do// rig pa dang ni zhabs su ldan// sangs rgyas go'u tam phyug 'tshal lo// gang zhig byang phyogs sgra mi sman// lhun po blta na sdug ri dga'/ / der skyes pa yi mi rnams ni// bdag gir yongs su bzung ba med// de rnams sa bon 'debs pa med// rmo ba yang ni med pa yin// dka' spyad med pa 'bras smin nas// mi rnams yongs su longs spyod de/ / spun med ma grugs shin tu dag/ dri bzang 'bras ni 'bras bur ldan// 'bras kyi 'o ma la 'tshed cing // de bzhin btsos nas langs spyod do// ba lang rkang gcig la zhon nas// yul dang phyogs su 'gro bar byed// rkang pa gcig pa'i phyugs zhon nas// yul dang phyogs su 'gro bar byed// bud med kyi ni bzhon pa la// zhon nas yul dang phyogs su 'gro// skyes pa'i bzhon pa la zhon nas/ / yul dang phyogs su 'gro bar byed// gzhon nu ma yi bzhon pa la// zhon nas yul dang phyogs su 'gro// gzhon nu'i bzhon pa la zhon nas// yul dang phyogs su 'gro bar byed// bzhon pa de rnams la zhon nas/ / phyogs kun tu ni rjes su 'gro// gtso bo rgyal po khyad med do// glang chen bzhon dang rta yi bzhon// lha yi bzhon pa la gnas nas// khang bzang dang ni khyogs rnams ni// rgyal
- 115a
po chen po grags chen ldan/ / de'i yang grub pa'i grong khyer ni// dri med par snang la gnas pa// lcang lo can dang ku sha'i grong // pha rol ku sha'i grong dang ni// nA TA'i grong dang pha rol gyi/ / ku shi ta yi grong yin no// byang gi phyogs na thams cad rgyas// skye bo'i tshogs pa mang po gnas// dgu bcu rtsa dgu grong mkha' la// rgyal po'i pho brang lcang lo can// slar yang drang srong chen po dang / / rgyal po chen po lus ngan po// lcog ldan zhes pa rgyal po chen po'i pho brang ngo // de'i phyir rgyal po chen po rnam thos kyi bu dang lus ngan po zhes brjod do// so sor rab tu gsal zhing zhi ba dang / / de dang der ni de dang de mdangs dang / de'i gzi brjid dang / dpa' zhing stobs dang ldan pa'i rgyal po stobs dang ldan pa'i ming ngo // sa gzhi yang ni bcud ldan no// gnas der sprin rnams char 'bebs par byed do/ / der ni b+ha ga la ba tI zhes pa'i rdzing bu'o// gang du gnod sbyin tshogs dang lhan cig tu gnas so// der ni rtag tu shing gi 'bras// sna tshogs bya rnams lhan cig gnas/ / rma bya khrung khrung sgra sgrogs shing // khu byug rnams ni tshan tshan gnas// shang shang te'u sgra sgrogs shing // de nas yang ni ngur pa dang // gong mo nags kyi bya gag rnams// nags kyi rdzing bur gnas pa'o/ / ne tso ri skegs de sgra byin// daN+Da m+ba na bya dkar dang // dus kun tu ni mdzes par byed// lus ngan rgyal po'i rdzing rtag mdzes// 'di ni byang gi phyogs kyi yul// skye bo/
- 115b
/ rnams ni 'di bzhin brjod// de yi phyogs ni yongs skyed ba'i// rgyal po chen po grags dang ldan// gnod sbyin rnams kyi bdag po ste// 'di yi ming ni lus ngan po// gnod sbyin 'khor dang bcas pa ni/ glu dang gar gyis dga' bar byed// de yi bu ni mang po rnams// ming ni gcig tu thos pa ste// dbang po zhes bya stobs dang ldan// de ni dgu bcu rtsa gcig go/ de yang sangs rgyas mthong ba dang / nyi ma'i gnyen gyi sangs rgyas ni// 'jigs dang bral ba chen po la// thag ring nas ni phyag bgyi'o// skyes bu cang mkhyen khyod phyag 'tshal// skyes bu mchog khyod phyag 'tshal lo// dge brtag tu gsung ba la/ / mi ma yin rnams khyod phyag 'tshal// rtag tu 'di ni nyan pa'o// de phyir de ltar 'di brjod do// rgyal ba go'u ta ma phyag gyis shig/ rgyal ba go'u ta ma phyag bgyid do/ rig pa dang ni zhabs su ldan// sangs rgyas go ru tam phyag 'tshal lo// 'dir 'i drang srong chen pos lcang lo can dang bcas pas srungs shig/ dge slong ngam/ dge slong ma 'am/ dge bsnyen nam/ dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs par gnas so// drang srong chen po gang su dag dge slong dang bcas 'am/ dge slong ma dang bcas pa 'am/ dge bsnyen dang bcas pa 'am/ dge bsnyen ma dang bcas pa rnams dang / 'dir ni lcang lo can gyi pho brang gis de bsrung ba dang / yongs su rdzogs pa thams
- 116a
cad yongs su zung zhig/ de'ang mi ma yin rnams so// gnod sbyin nam/ gnod sbyin mo 'am/ gnod sbyin gyi bu po 'am/ gnod sbyin gyi bu mo 'am/ gnod sbyin kyi blon po chen po 'am/ gnod sbyin gyi 'khor ram/ gnod sbyin gyi g.yog 'khor ram/ dri za pho 'am/ dri za mo 'am/ dri za'i bu po 'am/ dri za'i bu mo 'am/ dri za'i blon po man po 'am/ dri za'i 'khor ram/ dri za'i g.yog 'khor ram/ grul bum po 'am/ grul bum mo'am/ grul bum gyi bu pho 'am/ grul bum gyi bu mo 'am/ grul bum gyi blon po chen po 'am/ grul bum gyi 'khor ram/ grul bum gyi g.yog 'khor ram/ klu lo 'am/ klu mo 'am/ klu'i bu po ba ma/ klu'i bu mo 'am/ klu'i blon po chen po 'am/ gru'i khor ram/ klu'i g.yog 'khor rnams rab tu sdang ba'i sems kyis 'gro ba 'am/ rjes su 'gro ba'am/ rjes su 'gro ba dang sdod pa dang lhan cig tu sdod pa dang / gnas pa dang lhan cig tu gnas pa dang / nyal ba dang lhan cig tu nyal ba rnams la/ zang srong chen po 'di rnams ni mi ma yin rnams zhes bya'o// grong ngam/ grong rdal lam/ bkur stir byed pa 'am/ bsti stang du byed pa rnams/ drang srong chen po mi ma yin rnams kyis de thob pa ma yin no// rgyal po chen po'i pho brang lcang lo can zhes bya ba gzhi 'am gnas sa med do// drang srong chen po mi ma yin rnams kyis
- 116b
gnod sbyin dang lhan cig tu gnas pa'ang mi 'thob bo/ / drang srong chen po gzhan yang mi ma yin rnams kyis bka' mnyan par bya'o// drang srong chen po gzhan yang mi ma yin rnams kyis bdag la ban pa rdzogs pa dang / pha rol la smod pa dang / rtsod pa dang / drang srong chen po gzhan yang mi ma yin rnams la snod mer rab tu 'bar ba mgo la bskon pa dang / drang srong chen po gzhan yang mi sa yin rnams kyi mgo bo tshal pa bdun du gshog par byed do/ / drang srong chen po gzhan yang mi ma yin pa ni gtum pa dang / drag pa dang / khro ba'o// de rnams kyi 'di ltar rgyal po chen po la brjod do/ / rgyal po chen po la brjod par ma nus na skyes bu la sogs pa la rjod par byed do// rgyal po chen po'i skyes bu la brjod par ma nus na/ de'i 'og ma'i skyes bul brjod par bya'o// drang srong chen po de'ang mi ma yin rnams rgyal po chen po la 'gal ba smra ba'o// drang srong chen po 'di lta ste/ ma ga d+hA'i yul gyi rgyal po la chom rkun byung na/ de ma thag tu rgyal po la rjod par byed do/ / rgyal po la brjod par ma nus na rgyal po'i skyes bu la rjod par byed do// skyes bu la brjod par ma nus na de'i 'og ma'i skyes bu la rjod par byed pa bzhin no// drang srong chen po de'ang ma ga d+ha'i rgyal po la chom rkun gyis gnod pa byed par brjod do/ / drang srong chen po 'di lta bu'i mi ma yin yod pa rnams gtum pa dang / drag pa dang / khro ba'o// de ma thag tu rgyal po chen po rnams
- 117a
la rjod par byed do/ / rgyal po chen po la brjod par ma nus na rgyal po'i skyes bu la rjod par byed do// skyes bra la brjod par ma nus na de'i 'og ma'i skyes bu la rjod par byed do// drang srong chen po mi ma yin rnams rgyal po chen po rnams la dga' brjod par byed do// drang srong chen po mi ma yin gang zhig gnod sbyin nam// gnod sbyin po 'ang/ gnod sbyi mo la/ gnod sbyin gyi bu pho 'am/ gnod sbyin gyi bu mo ba ma/ gnod sbyin gyi blon po chen po 'am/ gnod sbyin gyi 'khor ram/ gnod sbyin gyi g.yog 'khor ram/ dri za po 'am/ dri za mo 'am/ dri za'i bu pho 'am/ dri za'i bu mo 'am/ dri za'i blon po chen po 'am/ dri za'i 'khor ram/ dri za'i g.yog 'khor ram/ grul bum po 'am/ grul bum mo'am/ grul bum gyi bu po 'am/ grul bum gyi bu mo 'am/ grul bum gyi blon po chen po 'am/ grul bum gyi 'khor ram/ grul bum gyi g.yog 'khor ram/ gru pho 'am/ klu mo 'am/ klu'i bu pho 'am/ klu'i bu mo 'am/ klu'i blon po chen po 'am/ klu'i 'khor ram/ klu'i g.yog 'khor ram/ rab tu sdang ba'i sems kyis dge slong ngam/ dge slong ma ba ma/ dge bsnyen nam/ dge bsnyen ma rnams 'gro ba bam/ rjes su 'gro ba'am/ rjes su 'gro ba dang sdod pa dang lhan cig tu sdod pa dang / nyal ba dang lhan cig tu nyal ba dang / 'di rnams ni gnod sbyin rnams dang / gnod sbyin chen po rnams dang / sde
- 117b
dpon rnams dang / sde dpon chen po rnams la gsol bar byed pa dang / ngaro sgrogs par byed pa dang / sgra cher sgrogs par byed pa'o// 'dir glanod sbyin gyis bzung nas/ gnod sbyin 'dris tshe 'phrog par byed pa dang / gnod sbyin ni 'tshe bar byed pa dang / gnod sbyin 'di rnam par mtho 'tsham par byed pa dang / gnod sbyin 'di gnod par byed pa dang / gnod sbyin 'di rnam par gnod par byed pa dang / gnod sbyin 'dis mi gtong bar byed do// gnod sbyin rnams dang / gnod sbyin chen po rnams dang / sde dpon rnams dang / sde dpon chen po rnams gang zhes na/ dbang po zla ba chu zla dang // d+hA ra dwa dza skye dgu'i bdag/ tsan+dan dang ni 'dod mchog dang // mgul pa mdzes dang mgul nges dang // skye dgu'i bla mar gyur pa dang / lha las byung ba'i kha lo ba// dri za sna tshogs sde dang ni// mi rgyal rgyal ba'i khyu mchog dang // de bzhin ri dang gangs can dang / gang ba smin drug phug dang ni// 'tshe ba dang ni btang // bzung dang // sna tshogs bshes gnyen gzha' shing 'dzin// sa skyong rab tu rtogs pa dang // ngo tsha mig dang khang pa dang // lnga len gtum po A la pa ka/ srid sgrub yid bzang bzhin bzang dang / zho sdong nor bu nor bu spyod// de bzhin dbang phyug dang bcas so// 'di rnams ni gnod sbyin rnams dang / gnod sbyin chen po rnams dang / sde dpon rnams dang / sde dpon chen po
- 118a
la gsol bar byed pa dang / nga ro sgrogs par byed pa dang / sgra cher sgrogs par byed pa'o// 'dir gnod sbyin gyis bzung nas/ gnod sbyin 'dis tshe ba phrog par byed pa dang / gnod sbyin ni 'tshe bar byed pa dang / gnod sbyin 'dis rnam par mtho 'tsham par byed pa dang / gnod sbyin 'dri gnod par byed pa dang / gnod sbyin 'di rnam par gnod par byed pa dang / gnod sbyin 'a dis mi gtong bar byed do/ / drang srong chen po 'dis ni lhung lo can gyi pho brang gis srungs shig/ dge slong dang / dge slong ma dang / dge bsnyen dang / dge bsnyen ma rnams la bsrung ba dang sba ba dang / 'tshe ba med pa dang / bde ba dang / legs par gnas so// drang srong chen po da ni bdag cag rnams 'gro bar bgyi'o// bdag cag rnams ni bya ba mang ba dang / byed pa mang bas so/ / dge slong dag bdag gis da ni rgyal po chen po rnams la 'gro ba'i gnang ba byin no// de nas rgyal po chen po bzhi po rnams langs nas dag la phyag byas te/ bskor ba byas nas de nyid du mi snang bar gyur to/ / dge slong dag gnod sbyin rnams kyis kyang langs nas bdag la phyag byas bskor ba byas nas de nyid du mi snang bar gyur to// gang su dag gis bdag la bsnyun gsol te/ bsnun gsol nas/ snying po dang snying po med pa ji ltar zhes zhus pa de rnams de nyid du mi snang bar gyur to// gang su dag gis bdag ga la ba der thal mo sbyar nas 'dud pa byas te ma snang bar gyur to/
- 118b
gang la la zhig gis ming dang rigs rnam par dpyad nas de nyid du mi snang bar gyur to// gang la la zhig cang mi smra bar gyur to// de nyid du mi snang bar gyur to// dge slong dag kha ton du zung la lcang lo can gyi pho brang gis srungs shig/ dge slong dag chongs la lcang lo can gyi pho brang gis srungs shig/ dge slong dag kha ton dang bcas pas lcang lo can gyi pho brang gis srungs shig/ dge slong ngam/ dge slong ma 'am/ dge bsnyen nam/ dge bsnyen ma rnams la bsrung ba dang / sba ba dang / 'tshe ba med pa dang / bde ba dang legs par gnas so// bcom ldan pa das kyis de skad ces bka' stsal pa dang / dge slong de rnams bcom ldan 'das kyis gsungs pa la mngon par bstod do// skabs rab mchog gnyis pa ste lcang lo can gyi pho brang gi mdo rdzogs so// / paN+Di ta A nan+da shI'i zhal snga nas/ mang du thos pa'i lo tsa ba shAkya'i dge slong nyi ma rgyal mtshan dpal bzang pos skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab pa/ sa'i steng du nyi zla ltar gyur cig// / rgya gar skad du/ ma hA sa ma ya sU tra/ bod skad du/ 'dus pa chen po'i mdo/ 'phags pa dkon mchog gsum la gus pas phyag 'tshal lo// 'di skad bdag gis thos pa dus gcig na/ bcom ldan 'a ngas shAkya'i yul ser skya'i
- 119a
gzhi'i tshal chen po na dge slong gi dge 'dun chen po lnga brgya ste/ de thams cad kyang dgra bcom pa rnams dang lhan cig tu bzhugs so// 'jig rten gyi khams bcu'i lha rnams de ma thag tu 'dus te/ bcom ldan 'a das dang dge slong gi dge 'dun rnams blta ba'i phyir ro// de nas gnas gtsang ma'i ris kyi lha'i ris bzhi po rnams kyis 'di skad ces gsol to// 'di yang bcom ldan 'das kyis shAkya'i yul ser skya'i gzhi'i tshal chen po na dge slong gi dge 'dun chen po lnga brgya ste/ de thams cad kyang dgra bcom pa rnams dang lhan cig tu bzhugs so// 'jig rten gyi khams bcu'i lha rnams de ma thag tu 'dus te/ bcom ldan 'das kyi dge slong gi dge 'dun rnams blta ba'i phyir ro// gang dag de bzhin du bcom ldan 'das ga la ba der de dag song ste song nas/ bcom ldan pa das kyi thad du tshigs su bcad pa so sor brjod par bya'o// de nas lha de rnams kyi 'di lta ste/ skyes bu stobs dang ldan pa'i lag pa bskum pa las brkyang ba tsam dang / brkyang ba las bskum pa de bzhin du/ gnas gtsang ma'i lha rnams mi snang bar gyur te/ bcom ldan 'das kyi thad du snang bar gyur to// de nas lha de rnams kyis bcom ldan 'das la phyag byas nas phyogs gcig tu 'khod do/ / phyogs gcig tu 'khod nas yang lha de rnams kyis bcom ldan 'das kyi thad du tshigs su bcad pa 'di rnams gsol to// 'dus pa chen po'i tshal 'di ru// lha yi tshogs rnams
- 119b
'dus pa ste/ / chos 'di'i phyir du bdag 'ongs pa// dge 'dun mi pham 'dus pa blta// de nas lha gzhan rnams kyis bcom ldan pa ngas kyi thang du tshigs su bcad pa 'di gsol to// dge 'dun sems rnams dul ba dang / / rang gi sems ni drang por byas// kha lo sgyur bas drang por 'dzin// de bzhin mkhas pas dbang po bsrung // de nas lha gzhan rnams kyis bcom ldan 'das kyi thad du tshotshigs su bcad pa 'di gsol to/ / khyim gyi 'dring ba bton pa dang // dbang po nas ni sems 'gro zhing // dag cing dri med der 'gro ba// mig ldan glang po dul ba bzhin// de nas lha gzhan rnams kyis bcom ldan 'das kyi thad du tshigs su bcad pa 'di gsol to/ / gang zhig sangs rgyas skyabs 'gro ba// de ni ngan song 'gro mi 'gyur// mi yi lus ni spangs nas su// lha yi lus ni yongs rdzogs 'gyur/ / de nas bcom ldan 'das kyis dge slong rnams bos te/ de ma thag tu dge slong dag 'jig rten gyi khams bcu'i lha rnams 'dus te de bzhin gshegs pa dge slong gi/ dge 'dun dang bcas pa blta ba'i phyir ro// dge slong dag gang de rnams su gyur pa 'das pa'i dgra bcom pa yang dag rdzogs pa'i sangs rgyas de rnams bcom ldan 'das de tsam du gyur pa de bzhin du lha rnams 'dus par gyur to/ / 'di lta ste/ bdag kyang 'di skad ces smras ste/ dge slong dag lha'i tshogs rnams kyi ming brjod par bya ste/ dge slong dag rab tu gsal bar byed pa zhes bya ba'i
- 120a
lha'i tshogs dang / dge slong dag lha'i tshogs ston par byed pa zhes bya'o// de thos nas legs par yid la zung zhig dang ngas bshad par bya'o// de ltar btsun pa bcom ldan 'das la dge slong de rnams kyis so sor zhus nas/ bcom ldan 'das kyis 'di skad ces bka' stsal to// tshigs su bcad pa so sor bshad// gang du sa gzhi mthong gyur nas// ri yi phug tu gang gnas pa/ / de ru mnyam par 'jog par byed// sa gzhir seng ge 'jigs med bzhin// ba spu tsam yang g.yo ba med// sems ni dag cing dkar ba dang // chu ni rab tu dngas pab bzhin/ / lnga brgya po yis legs shes shing // ser skya'i tshal gnas mang po rnams// de nas dge slong ston pas bos// bstan pa la dga' nyan thos rnams// lha yi tshegs rnams 'ongs nas ni/ / dge slong rnams kyis de shes bya// lus ni gdung bar ma byed par// sangs rgyas bstan pa thos pas so// de rnams ye shes snang bar 'gyur// mi ma yin rnams mthong 'gyur ba/ / gang zhig gis ni brgya mthong zhing // stong dang bdun cu mthong ba yin// brgya dang stong phrag gcig dang ni// mi ma yin rnams mthong bar 'gyur// gang zhig gis ni mtha' med mthong / phyogs kun gang bar 'gyur ba mthong // de rnams kyis ni rtogs pa dang // spyan ldan rnam par dpyad nas ni// de phyir ston pa yis ni bos// bstan la dga' ba'i nyan thos kyis// lha yi
- 120b
tshogs rnams 'ongs nas ni/ / dge slong rnams kyis de shes bya// gang zhig la ni bdag bshad bya// go rim bzhin du mnyan par gyis// stong phrag bdun gyi gnod sbyin rnams// ser skya'i sa la gnas pa ni/ / rdzu 'phrul ldan zhing 'od dang ldan// kha dog dang ni grags par ldan// chos gtam bya phyir 'dir 'ongs te// zhi bas dge slong tshal du'o// stong phrag drug ni gangs can gyi// gnod sbyin kha dog sna tshogs lus// rdzu 'phrul ldan zhing 'o da dang ldan// kha dog dang ni grags par ldan// chos gtam bya phyir 'dir 'ongs te// zhi ba dge slong tshal du'o// sna tshogs bshes gnyen lnga brgya po/ / gnod sbyin kha dog sna tshogs lus// rdzu 'phrul ldan zhing 'ong dang ldan// kha dog dang ni grags par ldan// chos gtam bya phyir 'dir 'ongs te// zhi bas dge slong tshal du'o/ / rgyal khab gnod sbyin chu srin ni// ngos yangs ri la gnas pa yin// stobs ldan 'bum phrag gcig po ni// gnod sbyin rnams kyi 'khor gyis bskor// rgyal khab gnod sbyin chu srin ni/ / zhi bas dge slong tshal du'o// shar phyogs kyi ni rgyal po ni// ming ni yul 'khor srung zhes pa// dri za rnams kyi bdag po ste// rgyal po chen po grags chen ldan// de yi bu ni mang po rnams/ / ming ni gcig tu thos pa ste// dbang po zhes bya stobs chen po// rdzu 'phrul ldan zhing 'od dang ldan// kha dog dang ni grags par ldan// chos gtam bu phyi 'dir 'ongs te/
- 121a
zhi bas dge slong tshal du'o// lho yi phyogs kyi rang rgyal po ni// ming ni 'phags skyes po zhes bya// grul bum rnams kyi bdag po ste// rgyal po chen po grags chen ldan// de yi bu ni mang po rnams// ming ni gcig tu thos pa ste// dbang po zhes bya stobs chen po// rdzu 'phrul ldan zhing po de dang ldan// kha dog dang ni grags par ldan// chos gtam bya phyir 'dir 'ongs te// bas dge slong tshal du'o// nub kyis phyogs kyi rgyal po ni// ming ni mig mi bzang zhes grags// klu rnams kyi ni bdag po ste// rgyal po chen po grags chen ldan// de yi bu ni mang po rnams/ ming ni gcig tu thos pa ste// dbang po zhes bya stobs dang ldan// rdzu 'phrul ldan zhing stobs dang ldan// kha dog dang ni grags par ldan// chos gtam bya phyir 'dir 'ongs te// zhi bas dge slong tshal du'o/ / byang gi phyogs kyi rgyal po ni// de ming lus ngan po zhes grags// gnod sbyin rnams kyi bdag po ste// rgyal po chen po grags chen ldan// de yi bu ni mang po rnams// ming ni gcig tu thos pa ste/ / dbang po zhes bya stobs chen po// rdzu 'phrul ldan zhing 'od dang ldan// kha dog dang ni grags par ldan// chos gtam bya phyir 'dir 'ongs te// zhi bas dge slong tshal du'o// / shar phyogs na ni yul 'khor skyong // lho phyogs na ni 'phags skyes po// nub phyogs na ni mig mi bzang // byang phyogs na ni lus ngan po// de rnams rgyal po chen po bzhi// phyogs rnams bzhi po
- 121b
kun du'o/ / gzi brjid 'bar bas 'khong nas ni// ser sna'i gzhi li tshal du'o// de rnams sgyum rtsed mo bsam// drung ldan rnams ni nam mkhar 'khod// sgyu ma sU Di N+ye be Dan+ya// bir+ya ts+tsha bir+yA Do bcas/ / tsan+dan dang ni 'dong ma rog dang // mgul pa mdzes dang mgul nges dang // skye dgu'i bla mar gyur pa dang // lha las byung ba'i kha lo ba// dri za sna tshogs sde dang ni// mi rgyal rgyal ba'i khyu mchog dang / / mdun du rtse mo lnga de bzhin// g.yer ma dang ni nyi zer dang // de dang gzhan gyi rgyal po rnams// rgyal po dri za dang bcas dang // chos gtam bya phyir 'dir 'ongs nas// zhi bas dge slong tshal du'o/ / de nas gzhan yang nam mkha'i klu// yangs pa can du lhan cig gnas// la ba rta yi mchog dang ni// rab 'gro gnyen dang lhan cig pa// ya mu na dang yul 'khor skyong // klu yi spun dang grags ldan dang // sa srungs glang po chen po rnams// de yang nags kyi tshal du'o// gang zhig klu rgyal myur du len// lha dang bya dang rnam dag mig/ nam mkha' las 'ongs tshal der sleb/ sna tshogs 'dab bzang zhes de'i ming // 'jigs med byin pas klu yi rgyal// mkha' lding bzod pa rtogs pas so// phan tshun du ni mi rtsod cing // klu khyud sangs rgyas skyabs 'gro ba// rdo rje lag gis rgyal ba dang // lha ma yin ni rgya mtshor gnas// spun rnams de yi gnas dang ni// gzi brjid ldan zhing grags dang ldan// nag po mig sman 'jigs byed ldan// lha ma yin rnams khro
- 122a
byed dang / / thags bzang dang ni thags bzang ris// mtshan 'joms na mo ci dang bcas// stobs kyi bu ni brgya po rnams// thams cad rnam par snang mdzad ming // stobs/ kyi sde ni go bgos pa// sgra gcan bzang po spun du 'gro// btsun pa de ni 'dus nas ni// zhi bas dge slong tshal du'o// rlu dang lha dang sa dang ni// me dang rlung yang der phongs so// chu wA ru yi lha dang ni/ / zla ba dang ni grags par ldan// byams dang snying rje'i tshogs can dang // lha ni grags ldan mdun du'o// phyogs bcu'i 'jig rten tshogs rnams ni// thams cad kha dog sna tshogs lus/ / rdzu 'phrul ldan zhing 'ong dang ldan// kha dog dang ni grags par ldan// chos gtam bya phyir 'dir 'ongs te// zhi bas dge slong tshal du'o// khyab 'jug lha dang lhan cig tu// tha dang tha dad 'ongs pa dang / / zla ba de yi 'khor gyi lha// zla ba'i mdur byas 'khor dang ni// nyi ma'i 'khor gyi lha rnams dang // nyi ma'i mdun byas 'khor dang ni// rgyu skar de yi 'khor dang yang // mdun byas pa la ha ka dang // sa dang sa yi gtso bo dang // brgya byin yang yang sbyin pa dang // phyogs bcu'i 'jig rten tshogs rnams dang // thams cad kha dog sna tshogs lus// rdzu 'phrul ldan zhing 'ong dang ldan/ / kha dog dang ni grags par ldan// chos gtam bya phyir 'dir 'ongs te// zhi bas dge slong chal du'o// de nas nyer spyod lha dang ni// chu dang me yi rtse mo bzhin// sba ldan
- 122b
snang bar byed pa dang / / u ma'i me tog de bzhin du// chu lha dang bcas chos dang ni// ats+tsha ta dang du ma rnams// gzang lon mdzes pa'i mdun dang ni// mdun dang gnas dang du ma dang // phyogs bcu'i 'jig rten tshogs dang ni// thams cad kha dog sna tshogs lus// rdzu 'phrul ldan zhing 'od dang ldan// kha dog dang ni grags par ldan// chos gtam bya phyir 'dir 'ongs te// zhi bas dge slong tshal du'o/ / 'dus dang 'dus pa chen po ni// mi dang mi yi mchog dang ni// rol pa'i go 'phang mdun du dang // yid mchog dang ni go 'phang rtse// de nas lha yi mchod 'os dang / gang yang dmar po'i gos gyon dang // pha rol pha rol son chen dang // grags chen lha yi mdun gnas dang // phyogs bcu'i 'jig rten tshogs dang ni// thams cad kha dog sna tshogs lus// rdzu 'phrul ldan zhing 'od dang ldan/ / kha dog dang ni grags par ldan// chos gtam bya phyir 'dir 'ongs te// zhi bas dge slong tshal du'o// dkar dang drod dang dmar po dang // sngon bzhugs sdug po lhan cig dang / / dkar po 'dzin pa la sogs dang // mkhas pa'i lha ni sngon du'o// rtag tu glang chen myos 'brang ba// 'dres pa grags dang ldan pa dang // pradz+nyAn no mang po mdun du dang / gang zhig phyogs na mdzes pa dang // phyogs bcu'i 'jig rten tshogs rnams dang // thams cad kha dog sna tshogs lus// rdzu 'phrul ldan zhing 'od dang ldan// kha dog dang ni grags par ldan//
- 123a
chos gtam bya phyir 'dir 'ongs te// zhibs dge slong tshal du'o// dge slong ga' ldan 'thab bral dang // grags ldan shing dang ldan pa dang // 'phyang ba gnas dang gtso bo dang 'od dang bsam pa zhes bya dang / / 'phrul dga' ba ni sngun du dang // de nas gzhan 'phrul dbang byed sngun// phyogs bcu'i 'jig rten tshogs dang ni// thams cad kha dog sna tshogs lus// rdzu 'phrul ldan zhing 'od dang ldan/ / chos gtam bya phyir 'dir 'ongs te// zhi bas dge slong tshal du'o// sna tshogs drug po'o sde pa ni// thams cad kha dog sna tshogs lus// ming ni grags dang ldan pa sngon// gang gzhan 'dra ba lhan cig tu// ma lus rigs ni brjod pa dang // zag med tshogs ni pha rol 'argal// glang chen tshogs ni blta ba dang // zla ba bzhad pa gsum ldan dang // tshangs bzang mchog ni thob pa dang / / rdzu 'phrul ldan pa'i bu dang ni// de yi dga' ba'i gzhon nu ni// de rnams zhi bas tshal du'o// tshangs pa'i 'jig rten stong du ni// tshangs pa chen po nye bar 'khod// 'o dang ldan par skye ba dang / / grags ldan sna tshogs lus dang ni// dbang phyug bcu po sngon du dang // so so dbang du gyur pa dang // de yi dbus dang sngon du dang // 'phrog ma 'khor dang bcas pa'o// de rnams thams cad 'ongs gyur nas/ / dbang po lha dang tshangs bcas 'ongs// bdud kyi sde rnams 'ongs nas ni// go'u ta ma thugs ni blta ba dang // 'di ni zung zhig chings shig brjod// chags
- 123b
pa glang po bcings pa bzhin/ / 'khor dang bcas pas bskor nas ni// gang du'ang gtong ba ma yin no// de la 'di ni 'de chen dang // go'u tam sde la gnod mi nus// lag pa thal mo brdebs ba dang / / 'jigs par byed pa'i tshe de sgrog/ ji ltar rlung gi sprin rnams dang // mun nag glog dang bcas pa ni// de ma thag tu 'jigs dang bral// bsam pa khro ba med par gnas// lha de rnams thams cad dang tshangs pas bcom ldan 'das la phyag byas te/ bskor ba byas nas de nyid du mi snang bar gyur to// bdud kyi sde de rnams kyang cang mi smra bar tshul gyis song ngo // ston pas nyan thos bstan la dga' ba rnams bos te/ de yang 'jigs pa med byed dang // dag pa'i sangs rgyas bstan pa la// 'jigs med 'dod chags bral ba ni// de yi ba spurang g.yo ba med// g.yul ni kun las rgyal ba dang / / 'jigs pa 'das shing grags par ldan// lha dang lhan cig brjod pa dang // nyan thos rnams ni der gnas so// bcom ldan 'das kyis de smad ces bka' stsal pa dang / dge slong de rnams bcom ldan 'das kyis gsungs pa la mngon par bstod do// 'dus pa chen po'i mdo rdzogs so// // paN+Di ta A nan+da shrI'i zhal snga nas/ mang du thos pa'i lo tsa ba shAkya'i dge slong nyi ma rgyal mtshan dpal bzang pos skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan
- 124a
la bab pa/ sa'i steng du nyi ma dang zla ba ltar gyur cig/ tshig 'dir yod kun sngar 'gyur dang mtshungs// ts+tsha/ rgya gar skad/ duHme tri sU tra/ bod skad du/ byams pa'i mdo/ 'phags pa dkon mchog gsum la gus pas phyag 'tshal lo// ston pa dus gcig na/ ser skya'i gzhi dang / n+ya gro d+ha'i kun dga' ba dang / chu klung ro hi ni'i 'gram na bzhugs so// de nas tshe dang ldan pa shA ri'i bus ma 'ongs pa'i rgyal ba de'i phyir bcom ldan 'das la zhus pa/ khyed kyi rjes bstan blo brtan ni// ci 'dra'i sangs rgyas su 'gyur par/ / spyan ldan yongs su rgyas par ni// bdag ni rab tu nyan par 'dod// gnas brtan zhus pa gsan nas ni// bcom ldan 'das kyis 'di skad gsungs// bsod nams phung po mi nyung ba'i/ / grags pa cher po mi bam pa'i// yon tan thams cad brjod mi nus// mdor bsdus nas ni legs bshad pa// phyogs gcig tsam ni bstan par bya// shA ri'i bu nyon nga yi tshig/ 'di ni bskal pa bzang po ste// skye ba bye ba'i lo ru ni// byams pa zhes bya'i ming nyid kyis// rkang gnyis mchog gi sangs rgyas so// ji ltar nga bdas nas dang por dus lnga 'byung ste/ 'bras bu'i bar gyi dus dang / bsgrub pa'i bar gyi dus dang / lung gi bar gyi dus dang / rtags tsam gyi bar gyi dus dang / sku gdung gi bar gyi dus so// de la 'bras bu'i bar gyi
- 124b
dus ni/ sangs rgyas yongs su mya ngan 'das nas lo stong phrag gcig gi nad du rtogs pa skyed par nus so// de song zhing song ba'i dus su/ phyir mi 'ong ba rnams dang / lan cig phyir 'ong ba dang / rgyun du zhugs pa'o// de rnams yod pa na 'bras bu'i bar gyi dus med ces brjod par mi bya'o// lhag ma ni rgyun du zhugs pa ste/ de 'das nas 'bras bu'i bar gyi dus nub pa zhes bya'o// 'di ni 'bras bu'i bar gyi dus nub pa zhes bya ba yin no// bsgrub pa'i bar gyi dus zhes bya ba ni/ zhi gnas dang lhag mthong gi lam gyi 'bras bu bslab par mi nus par/ pham pa bzhi po bsrung bar nus pa tsam mo/ / song zhing song ba'i dus su/ pham pa bzhi po nyid bsrung ba tsam mo// pham pa bzhi po srung bar byed pa ni/ dge slong rnams stong phrag gcig gi nang na brgya tsam yod na'ang bsgrub pa'i bar gyi dus nub pa zhes mi bya'o/ / brgya'i nang na dge slong gcig tsam yod pa las sdom pa zhig pa dang / shi ba na bsgrub pa'i bar gyi dus nub pa zhes bya'o// 'di ni bsgrub pa'i bar gyi dus nub pa zhes bya'o/ / lung gi bar gyi dus zhes bya ba ni/ sangs rgyas kyi gsung rab sde snod gsum po'i don mi go zhing sgra tsam klog pa dang / po ti yod pa'i bar ni lung gi bar gyi dus yongs su rdzogs pa zhes bya'o/ / song zhing song ba'i dus su/ rtsod pa'i dus kyi rgyal po rnams chos ma yin pa byed par 'gyur ro// blon po la sogs pa rnams kyang chos
- 125a
ma yin pa byed par 'gyur te/ de nas yul 'khor rnams dang / ljongs rnams kyang de bzhin no// de rnams kyis chos ma yin pa'i rgyu yis lha rnams char legs par mi 'bebs so/ / 'bru rnams legs par mi smin no// de rnams kyi 'bru mi smin pas dge slong gi dge 'dun la bza' ba ster mi nus so// dge slong rnams kyis kha zas ma rnyed pas slob ma dang yang slob rnams 'dzin par mi nus so/ / song zhing song ba'i dus su/ lung gi bar gyi dus dman pa'o// dang po ni rab tu byed pa chen po nyams par 'gyur ro// de nub nas ya ma ka gi tshigs su bcad pa dang / / gzhi dang / gang zag dang / gdags pa dang / sku gdung gi gtam dang / rnam 'byed dang / chos bsdu ba nub par 'gyur ba'o// chos mngon pa'i sde snod nud nas/ mdo sde'i sde snod rub par 'gyur ro/ / de nas aM ga phyi ma'i sde pa nub par 'gyur ro// aM ga phyi ma'i sde pa nub nas/ yang dag par ldan pa'i sde pa nub par 'gyur ro// bar ma'i sde pa dang ring po'i sde pa nub par 'gyur ro/ / ring po'i sde pa nub nas 'dul ba dang bcas pa'i skyes rabs gnas so// 'dul ba'i sde snod la'ang ngo tsha dang ldan pa tsam 'dzin no// song zhing song ba'i dus su skyes pa'i rabs tsam yang 'dzin parami nus so/ / nub nas 'dul ba dang bcas pa'i skyes rabs gnas so// 'dul ba'i sde snod la'ang ngo tsha dang ldan pa tsam 'dzin no//
- 125b
song zhing song ba'i dus su/ skyes pa'i rabs tsam yang 'dzin par mi nus so// dang po thams cad sgrol gyi skyes pa'i rabs nub par 'gyur ro// tha mar lo ma med pa'i skyes pa'i rabs rub bar 'gyur ro/ / skyes rabs rnams nub nas 'dul ba'i sde snod 'ba' zhig 'dzin no// song zhing song ba'i dus su/ me gang zhig gis sangs rgyas kyi gsung rab kyi tshigs su bcad pa ca tsam dar bar byed na/ lung gi bar gyi dus nub pa med do// gang zhig rgyal po chos la dad pa'i dus su glang po che'i rgyab tu gser gyi za ma tog gcig bzhag ste/ nor stong phrag gcig de ru bcug nasangs rgyas kyis gsungs pa'i tshigs su bcad pa gcig gang gis shes pa des nor stong phrag de long zhes grong khyer gyi dbus su rol mo'i sgra lan gsum bsgrags nas de skad brjod de/ len par mi nus pa na nor stong phrag de rgyal po'i mdzod du'ang 'jog go/ de'i dus ni lung gi bar gyi dus nub pa'i dus su 'gyur ro// 'di ni lung gi bar gyi dus nub pa'i dus zhes bya ba yin no// song zhing song ba'i dus su/ chos gos 'dzin pa dang / lhung bzed 'dzin pa dang / gcer bu pa'i dge sbyong dang 'dra bar chag tshang ku ba'i snod/ slong ba'i snod dang / lag pa'i rtse mo la 'phyang ba'i tshul dang 'dra ba dang / dra ba'i nang du khyer nas 'gro ba'o// song zhing song ba'i dus su/ gos ngur smrig gis bdag la ci byed/ cung zad chos su byas pa'i dum du lag
- 126a
pa 'am/ mgrin pa 'am/ rna ba rnams su 'am/ sgra rnams la 'gegs so// bag ma len pa dang / so nam dang / tshong la sogs pa byas nas/ 'tsho ba'i phyir du spyod cing 'gro bar byed do/ / de'i tshe yon ster cing dge slong gi ched du de thams cad ster bar byed de/ de'i tshe ngas kun dga' bo dge 'dun gyi yon gyi 'bras bu ni grangs med par bshad do// song zhing song ba'i dus su/ 'di ci bdag gi don du ngur smrig gi dum bu btogs nas dgon pa'am nags tshal du skur bar byed do// de rnams kyi dus su rtags tsam 'dzin pa'i bar gyi dus nub par 'gyur ro/ / 'di ni rtags tsam 'dzin pa'i bar gyi dus nub pa'i dus zhes bya ba yin no// de nas yang dag par rdzogs pa'i sangs rgyas kyi bstan pa lo stong phrag lnga pa la rnyed pa dang bkur sti la sogs pa'i rnyed pa chung ngo / / sku gdung rnams rnyed bkur byed pa'i gnas su 'gro bar byed do// song zhing song ba'i dus su/ gnas thams cad du bkur sti dang bsti stang ma thob nas/ bstan pa tha ma'i dus su klu'i yul dang / lha'i 'jig rten dang / tshangs pa'i 'jig rten gyi gnas thams cad nas 'ongs nas/ sku gdung thams cad byang chub kyi snying po kho nar bsdus te sangs rgyas kyi sku ru gyur nas/ gshin rje'i rdzu 'phrul du ma ston pa dang 'dra bar gzhan la ston no// de'i gnas su sems can mir gyur pa'i ming yang med do// stong phrag bcu'i lha'i 'jig rten gyi khror
- 126b
yug gi bar thams cad 'dus nas/ di ring stobs bcu pa yongs su mya ngan las 'dab bar byed do// deng nas bzung nas mun nag tu gyur to zhes ngu bar byed do// sku gdung thams cad la me'i khams langs nas de'i sku lus lhag ma med par sreg par byed do/ / 'di ni sku gdung gi bar gyi dus nub pa zhes bya ba yin no// de nas lo stong phrag lnga po 'dir bstan pa nub par gyur nas 'jig rten pa rnams la mi dge ba lhag par 'phel bar byed do zhes bya ba'i don no/ / mi rnams la ngo tsha dang khrel med par 'gyur zhing / ma dang / bu mo dang / sring mo la sogs pa'i 'du shes me par 'gyur ro/ / phag dang lce spyang la sogs pa dang 'dra bar ngo tsha med par 'gyur ro// de nas mi dge ba la sbyor zhing tshe bri nas tshe lo bcu par 'gyur ro// lo lnga pa'i khye'u la lo lnga pa'i bu mo bag mar len no/ / yang lo lnga'i nang nyid du bu dang / bu mo dang / tsha bo dang / tsha mo'ang 'byung ngo // de'i dus su mtshon gyi bskal pa bar mar 'byung bar 'gyur ro// bskal pa bar ma gsum ste/ mu ge'i bskal pa bar ma dang / nad kyi bskal pa bar ma dang / mtshon gyi bskal pa bar ma'o// de la gang gi tshe 'jig rten gyi sems can rnams la 'dod pa lhag par skyes nas/ mu giH bskal pa bar mar 'gyur ro/ / gang gi tshe gti mug lhag par che ste/ nad kyi bskal pa bar mar 'gyur ro// gang gi tshe skyon du gyur pa de'i dus su mtshon gyi bskal pa bar mar 'gyur ro// mu
- 127a
ke'i bskal pa bar mas sems can rnams brlag par byas nas yi dgas su skye bar 'gyur ro/ / nad kyi bskal pa bar mas sems can rnams brlag par byas nas dud 'gror skye bar byed do/ / mtshon gyi bskal pa bar mas sems can rnams brlag par byas nas dmyal bar skye bar 'gyur ro// de'i tshe mi rnams phan tshun du ri dgas kyi 'du shes dang bcas pa thob par gyur nas/ mtshon so gcig pa dang / mtshon so gnyis pa dang / spu gri'i so dang 'dra ba'i mtshon cha rnams bzung nas phan tshun gsod par byed do// de rnams su mkhas pa gang zhig nges 'jon par thos nas ri'i sul la sogs par zhag bdun gyi kha zas zung ste yib nas sdod do/ / de rnams su ma yib pa'i sems can lhag ma rnams phan tshun du rdeg cing gsod de/ sa gzhi thams cad sha dang khrag tu 'gyur ro/ / de'i dus su sprin chen po 'dus nas char 'bebs par byed do// lha yis char phab pa'i rjes su dri zhim po'i char 'bab cing 'bab par byed do// de rnams kyi dus su gnas thams cad yid du 'ong bar 'gyur ro/ / gnas thams cad dag par gyur nas 'bras shun pa can gyi char 'bab cing 'bab par 'gyur ro// 'bras shun pa can gyi mar phab pa'i rjes su 'bras shun pa med pa'i char 'bab cing 'bab par 'gyur ro/ / de'i rjes su gos dang rgyan gyi char 'bab cing 'bab par byed do// de'i mthar pus mo nub tsam gyi tshang dang mnyam pa'i rin po che
- 127b
sna bdun gyi char 'bab cing 'bab par byed do/ / de'i phyir bcom ldan 'das kyis bka' stsal pa/ dri zhim pa yi char 'bab cing // shun can shun med 'bras kyi char// gos dang rgyan gyi char 'bab pa/ / de ltar dga' tshal mdzes pa bzhin// rin chen sna bdun ma lus pa'i// de yi gnas su char 'bab po// gnas kun gang bar byas nas ni// de tshe dga' tshal mdzes pa bzhin/ / de rnams 'das nas mi yib pa rnams 'thon te/ de rnams 'thon nas phan tshun du 'khyud pa dang / ngu ba dang / tshul khrims lnga la sogs pa'i dge ba'i chos rnams rjes su dran par byas nas rdzogs par rtsom mo/ / de nas tshe lo bcu'i mi rnams la skyes pa'i bu dang bu mo che lo nyi shu par 'phel lo// de nas mi rnams la lhag par chos 'phel bas go rims bzhin du tshe 'phel te tshe lo grangs med par 'gyur ro/ / de'i tshe sems can rnams la rgas da dang 'chi ba mi mthong bar 'gyur ro// de ltar sems can gzhan yang bag yod par 'gyur te/ dmyal ba'i sdug bsngal zhes bya ba ni ci zhes sems can rnams sems pa med do/ / de nas tshes grangs med pa rnams 'bri bar byed do// sngar bzhin du bri nas tshe lo brgyad khri par 'gyur ro// de'i dus su 'dzam bu'i gling thams cad du lha'i bu mo'i bskal pa dang 'dra bar bud med dang / de ltar skyes pa dang bcas pas gang bar 'gyur ro// lha'i char pa zla ba phyed du'abab pa dang / zhag bcwa
- 128a
dang / zhag lnga dang / nyin zhag phyed du sa'i bcud 'phel bar 'gyur ro// de'i tshe sa gzhi thams cad kyi cha mnyam pa dang / tsher ma dang / shing rang rod med cing / grong khyer la phyogs bzhi'i sgo dang ldan pa dang / grong khyer gyi dbus su dpag bsam gyi shing skye bar 'gyur ro// de'i phyir gsungs pa/ de nas de yi grong khyer ni// sna tshogs tshong dus so so dang / / legs par rang byung rdzing bu dang // dga' zhing rab tu gnas pa dang // dri ma med pa'i chu chen po// shin tu grang zhing dri bzang ldan// rnyog med mnyam zhing tshim pa dang / / de nas rnyog ma yang dag gnas// pad+ma ut+pal gyis gang zhing // rba rlabs dang ni rnyog pa med// ta la'i 'phreng ba bdun gnas shing // rin chen rang bzhin gyis khebs pa// lcags ri bdun dang ldan pa dang // grong khyer thams cad 'brel ba dang // rtswa can rgyal po'i pho brang ni// de tshe tog dang ldan par 'gyur// grong khyer phyogs kyi sgo bzhi ru// dpag bsam shing ni skye bar 'gyur/ / sngon po ser po dmar po dang // dkar po rab tu gsal ba'i 'od// lha yi gos ni skye bar 'gyur// lha yi drin gyis rgyan dang ni// longs spyod nye bar spyod pa rnams// thams cad steng nas 'byung ba yin/ / de nas grong khyer dbus su ni// khang dmig bzhi dang ldan pa yin// bsod nams las kyis grub pa ni// dpag bsam shing gi steng nas 'byung // ras bal ris
- 128b
ni bzang po dang / / ko ma yu dzum wa ra'i ras// bsod nams las kyis grub pa ni// dpag pasam shing gi steng nas 'byung // mri dam ka ni lag pas brdung // mur rdza dang a la mA r+tha/ bsod nams las las byung ba ni// dpag bsam shing gi steng nas 'byung // dpung rgyan dag gi rgyan dang ni// dpung rgyan dang ni do shal dang // rin chen rang bzhin mgul pa'i rgyan// bsod nams las las byung ba ni/ / dpag bsam shing gi steng nas 'byung // dpral ba kha yi rgyan dang ni// nor bu 'og bag lus la ldan// bsod nams las las byung ba ni// dpag bsam shing gi stang nas 'byung / / gzhan yang rnam pa sna tshogs pa'i// rgyan rnams kun gyis rnam par brgyan// bsod nams las las grub pa ni// dpag bsam shing gi steng nas 'byung // ma rmos ma btab rang byung ba'i/ / bsod nams las kyis skyes pa ni// ma zhig spun med dri ma med// 'bras kyi 'bras bu dri zhim ldan// 'bras rnams bde bar btsos pa ni// mi rnams yongs su longs spyod do/ / de yi 'bras la zal zel med// stong phrag brgya ni 'byung ba yin// 'bras kyi myu gu skye ba ni// thams cad du ni khyab par gnas// 'bras ste re re skye ba la// phul ni re re 'byung bar 'gyur/ / mi rnams kyi ni 'bras kyi dri// thams cad du ni longs spyod do// stong phrag gnyis kyi shing rta'i tshad// shing rta brgya yi tshad tsam dang // shing rta sum cu rtsa dgu dang // the chen bcu
- 129a
drug pa yi khal/ / de nas yang ni ku ba gnyis// de lta bu yi ba bras 'byung ngo // sa bon gcig la skye ba ni// skye bo rnams kyi bsod nams las// gang zhig tog dang / ldan par gnas// dung gi rgyal po mi yi bdag/ de yi tshe na de ltar 'gyur// yon tan gyi ni dpung rgyan 'dzin// bsam pa thams cad yongs su rdzogs// bzhin legs rna ba'i rgyan dang ldan// ha ri/ tsan dan lus la byugs// ka shi'i gos ni mchog tu gyon// nor ni rgya cher mang ba dang // ting cag pi wang gis sang byed// rtag tu shin tu skyid pa dang // de yi lus dang sems bde zhing // dpag tshad stong phrag bcu ru ni// 'dzam bu gling ni gnas pa yin// tsher ma med cing shing med pa// mnyam zhing 'jam la sngo bsangs gnas// de la nad ni gsum 'byung ste// 'dod dang zhen dang rgas pa'o/ / lnga brgya'i lo lon bud med ni// rgan dang gzhon pa bag mar len// gtan du gnyis ka bde ba yin// rtsod pa med par 'gyur ba yin// 'bras bu lo tog phun sum tshogs// 'khri shing gel ba shing gi tshal// rtswa ni sor gzhi pa ru skye// shin tu 'jam pa'i shing bal 'dra// ha cang mi grang mi dro zhing // char ni mnyam par 'bab pa dang // rlung ni shin tu chung ba dang / dus tshod mnyam par ldan pa dang // chu krung ta la mi dman zhing // de dang de yi sa yi cha// sa la rdo ni chu ldan la// sran nag sran chung tshad tsam mo// mu tig 'dra bas yongs su gang // rgyan
- 129b
rnams skyed mos tshal dang 'dra/ / dga' zhing yid du 'ong bar 'gyur// grong dang grong rdal mang pos gang // de dang do ni ce b.ru// 'od ma smus thun tshal bzhin no// b+ha gag 'bu ba tsam ny-i / dge zhing rgyas la rdzu 'phrul ldan// lugs la nye bar 'tshe ba med// rtag tu rtse zhing dga' ba dang // gcig tu bde bas tshim pa dang // rgyu skar bde bas bskor ba dang // dga' zhing tshim la rab tu dga'/ / bza' dang btung ba mang po za// sha chang chung bzhin mang ba ni// lha yi pho brang lcang lo bzhin// khang bzang rgyal po'i pho brang ni// nyams dga' sgra mi snyan bzhin no// 'dzam bu gling yang de zhin gyur/ / de'i dus su byang chub sems dpa' byams pa 'di ni bskal pa grangs med pa bcu drug dang / bskal pa 'bum phrag gcig lhag tsam du sbyin pa'i pha rol tu phyin pa dang / pa rol tu phyin pa sum cu rdzogs par byas nas thams cad sgrol bzhin du skye ba lhag ma'i lus sbyin pa chen po byas shing / pha rol tu phyin pa yongs su rdzogs par byas te/ de'i lus zhig nas dga' ldan du skye ba rdzogs par byas nas/ sangs rgyas 'byon par 'gyur ro zhes sgrogs so// stong phrag bcu yi khor yug gi lha rnams ni sangs rgyas 'byon par 'gyur ro zhes dam 'cha' 'o// phyogs lngar gzigs te dga' ldan gyi lha'i tshogs kyi 'khor gyis bskor la dga' ldan nas byon te/ tog ldan zhes bya ba'i rgyal po'i pho brang du dung gi rgyal po'i tshangs bzang mdun na 'don/ bram ze'i
- 130a
rigs kyi tshad ldan ma'i rum du zhugs te/ 'jig rten gyi khams stong phrag bcu g.yos so// zla ba bcu 'das nas drang srong lhung ba dang ri dgas rgyu ba'i gnas su mdza rum nas 'thon te rim pa bzhin du shes pa dang ldan par gyur te/ bdag nyid kyi bsod nams kyi mthus sa gzhi brtol nas steng du 'ongs te/ rin po che sna bdun gyi rang bzhin gyi khang bzang bzhin du lha mo zla ba'i gdong can ma la sogs pa lha'i bu mo bzhin du bud med mang po de rnams dang 'grogs nas/ lo stong phrag gcig lha bzhin du rjes su nyams su myong bar gyur te/ de'i nyin par rab tu byung ba'i gzugs gcig mthong nas gser gyi gze ba la mi dga' ba seng ge'i rgyal po bzhin du dpal 'byor ma lus pa rdzogs pa/ rin po che'i khang bzangs rnams la shin tu mi dga' bar gyur nas nges par 'byung ba'i 'dod pa skyes so/ / thams cad stong phrag bcu'i khor yug gi lha rnams lha'i me tog la sogs pa lag pas blangs nas/ 'jig rten gyi 'khor lo 'di gcig tu 'dus te/ dung gi rgyal po la sogs pa'i skye bo chen pos bzung nas dri bzang dang / 'phreng ba dang / bdu spos la sogs pas khang bzang la bskor nas 'dug go/ nam mkha'i lha rnams kyis lha'i me tog lag pas bzung nas legs so zhes bya ba'i sgra gcig tu 'byin par byed do// 'og min gyi bar du thams cad sgra gcig tu byed cing gnas so// de
- 130b
dus su rin po che'i khang bzang rdza mkhan gyi 'khor lo ltar 'khor zhing nam mkha' 'gro'o/ / zla ba nya ba la rgyu skar gyi 'phreng bas bskor ba bzhin no// byang chub sems dpa'i btsun mo chen mo la sogs pa nam mkha' la bzhud do/ / gang zhig sems dpa' chen po dang 'grogs nas 'gro ba'i sems kyi de rnams kyis rang rang gi nam mkha' mthong ste tshangs pa chen pos dpag tshad gsum gyi tshad dang mnyam pa'i gdugs dkar po 'dzin no/ / brgya byin lha'i rgyal pos dung la sogs pa bzung nas 'bud do// de ltar dpal dang skal ba bzang po dang ldan pa'i lha dang mi'i tshogs kyis bskor na'ang bzang gi klu shing byang chub shing drung du gshegs so/ / de'i tshad ni/ khru brgya nyi shu yal ga'i bar// yal ga'i mtho tshad de dang mnyam// 'khri nas steng nas 'og tu 'phyang / / rma bya'i gdugs bzhin mdzes pa'o// rtag tu rtse mor me tog gsal// lha yi dri bzang bsung ldang zhing // ke sar phul lu gang tsam mo// me tog bzag po 'khor lo tsam/ / phyogs phyogs rlung gis 'khyer bar byed// dpag tshad bcu ru khyab pa'o// steng gi me tog 'og tu lhung // byang chub snying por me tog brtsegs// de'i dus su nam mkha' la 'gro ba'i bya rnam pa sna tshogs pa'i tshogs kyis sgra snyan pas mchod do/ / de ltar glu shing gi byang chub kyi shing drung du gshegs te/ nam mkha' la 'phyang zhing sa'i cha thams cad nyams
- 131a
dga' ba'i gnas su sdod do/ / de la zhag bdun du dpal gyi snying por dka' ba spyod do// tshangs pa chen pos blangs nas dngos po rnams bzung nas rab tu byung ngo // ji skad pa'i 'khor thams cad kyang rab tu byung ngo / / de nas gzhan yang / stong phrag brgyad cu rtsa bzhi yis// bram ze'i rig byed mchog shes shing // byams pa rab tu byung bar 'gyur// de dang deni rab tu byung / / de la rab tu byung nas zla ba'i gdong can gyi lha mos shin tu dngar ba'i 'o thug phul lo// yongs su longs spyod nas/ srod kyi thun la byang chub kyi shing drung du sa bsnams nas skyil krung gis ma pham pa bzhugs so/ / shar gyi 'jig rten gyi khams kyi phyogs su gzigs shing bzhugs so// rim pa bzhin du dus la thams cad mkhyen pa'i ye shes so sor rtogs so/ 'di skad gsungs pa/ 'khor ba'i skye bo ma lus pa// dug med pa ni sprul ba'i phyir// dug med khyim ni byed pa ni// yang yang skye ba sdug bsngal ba// khyim ni byed pa mthong bar 'gyur/ khyim ni gzhan ni byed pa med// sdug bsngal thams cad gzhig pa dang // dug ldan khyim ni gzhig pa'o// sems kyi drug ni spong ba dang // sred pa zad nas grol bar 'gyur// cheng du brjod pa gsungs pa'o/ / byang chub kyi shing gi drung du zhag bzhi bcu rtsa dgu bzhugs nas tshangs pas gsol ba 'debs pa'i phyir// chos kyi 'khor lo bskor ba'i ched du drang srong lhung ba'i
- 131b
gnas su gshegs pa dang / de nas der gshegs pa na/ zhabs ni bteg dang bzhag pa na// me tog pad+ma skye bar 'gyur// 'dab mnam khru ni sum cu ba// 'dab chung khru ni nyi shu lnga// kes khru ni nyi shu pa/ / lte ba khru ni bcu drug pa// ke sar rnams mi khyab par gnas// pad+ma'i mdzod spu thams cad du'o// stobs bcu pa'i 'od kyis nyin mor byed pa'i 'od kyi zil gyis gnon mo// nyin mo dang mtshan mo mi phyed par gyur ro// de la srong dang tho rangs bya rnams skad sgrogs so// me tog kha zum pa dang bye bas mtshan mo dang nyin mor shes par byed do// gang dag gang du chos ston par byed pa de dang de ru ros kyi sgra sgrogs so/ / de'i phyir gsungs pa/ 'o da dang 'od zer tshad rnams ni// dbyangs dang dbyangs kyi tshad tsam mo// gzi brjid gzi yi tshad rnams ni// bsod nams bsod nams kyi ni tshad/ / shes rab shes rab kyi ni tshad// grags pa grags pa yi ni tshad// kha dog kha dog gi ni tshad// chos ni chos rnams kyi ni tshang // de nas stong phrag brgyad cu rtsa bzhi'i bram ze dang / bye ba phrag bco brgyad kyi tshangs pa rnams kyis bdud rtsi'i btung ba 'thung nas/ ji ltar bcom ldan 'das bsod nams kyi mthu yis rnam pa brgya phrag du ma'i 'od zer 'gro zhing / rnam pa brgya phrag du ma'i mtshan rdzogs pa/ mtshan sum cu rtsa gnyis mchog dang ldan pa/ dpe byad bzang po brgyad cu dang ldan pa/ brgya phrag du ma'i sku mdog rnam pa dum
- 132a
ya mtshan dang ldan par gyur pa/ brgya phrag du ma'i 'od zer de'i sku las 'thon par gyur to// de ni kha dog sngon po dang / kha dog ser po dang / kha dog dmar po dang / dog dkar po btsod kyi mdog lta bu'i 'od zer dang ldan pa'i sku mdog can no// de'i sku lus la byung ba ni shing ta la'i tshad tsam gyi 'od zer 'phro'o// dus dang dus mo yin pa dang / zung dang zungs yin pa dang / phung po dang phung po ma yin pa ni/ bcom ldan 'das kyi sku lus la lan gsum bskor ba byas nas rgyang ring du 'gro ba dang thung ngu 'gro ba'o// bcom ldan 'das de'i sku lus ni mtho tshad du khru brgyad cu rtsa brgyad par 'gyur ro/ / zhabs kyi 'og nas pus mo'i bar du khru nyi shu rtsa gnyis so// pus mo nas lte ba'i bar du khru nyi shu rtsa gnyis so// lte ba nas sgrog rus kyi bar du khru nyi shu rtsa gnyis so/ / sgrog rus nas spyi gtsug gi bar du khru nyi shu rtsa gnyis so// dpung pa gnyis kyi bar du khru nye shu rtsa lnga'i tshad do// sgrog rus re re'i dkyus ni khru lnga lnga'o// sman gnyis kyi rtse mo nas rtsa ba'i bar la khru bdun bdun no/ / spyan re re'i mchu ru khru lnga lnga'o// smin ma gnyis kyi dkyus su khru lnga lnga'o// smin ma gnyis kyi dbus kyi bar zheng khru lnga'o// shangs la khru bdun no/ / ya mchu ma mchu gnyis ki mchu ru khru bcu bcu'o// ljags kyi bzlums su khru lnga'o// gtsug tor la khru lnga'o// gsar gyi me long dang 'dra ba'i zhal gyi dkyil 'khor la khru nyi shu rtsa
- 132b
/ lnga'o// mgul pa la khru lnga'o// phyag gnyis kyi ring du khru bzhi bcu rtsa bzhi rtsa bzhi pa yin no// de ni 'di bzhin du dpe med pa'i sangs rgyas kyi dpal mtha' yas pa'i sangs rgyas kyi rol pa'o// stong phrag bcu'i 'jig rten gyi khor yug thams cad kyi lha rnams dang / de'i rjes su mi rnams kyi nang du gnas nas chos kyi 'khor lo bskor ro// chos ston pa'i gnas dang / bye ba 'dum phrag gcig gi lha dang mi'i 'ching ba grol ba dang / chos kyi dang po thob pa dang / chos kyi dang po ma thob pa rnams mtho ris skye bar 'gyur ro// de ltar mchog dang ldan pa'i byams pa su zhig gis mi mthong / da ni ma bsad pa dang / pa bsad pa dang / dge slong ma sun phyung ba dang / dge 'dun gyi dbyen byas pa dang / mtshams med pa lnga'i las byas pa dang / mchod rten bshig pa dang byang chub kyi shing bcad pa dang / byang chub sems dpa' bsad pa dang / dge 'dun gyi kha zas brlag par byas pa dang / shin tu ser sna che ba dang / log par lta bar nges pa dang / 'phags pa'i gang zag la skur pa 'debs pa dang / gcer bu pa'i rigs te/ de rnams kyis mi mthong ngo // tshigs bcad stong phrag gcig gis so sor brgyan pa 'di thams cad sgrol gyi skyes rabs chen po nyi ma gcig la skye bo rnams kyis bshad pa dang / mnyan pa dang / mar me stong phrag gcig gam/ stong phrag gcig gi me tog phal pa 'am/ stong phrag gcig gi ut+pal sngon po
- 133a
me tog gam/ mchod rten byed pa 'am/ sangs rgyas kyi sku gzugs byed pa 'am/ de la mchod pa byed pas ni byams pa sangs rgyas pa'i dus su/ de'i drung du dang po'i chos thob cing skye bar 'gyur ro/ / sems can lhag ma rnams kyis sbyin pa byin pa dang / tshul khrims bsrungs pa dang / gtsug lag khang sbyangs pa dang / byang chub kyi shing bskrun pa dang / mchod rten byas pa dang / mchod rten dang byang chub kyi shing la rim gro byas pa dang / skyed mos tshal bskrun pa dang / zam pa btsugs pa dang / lam bcos pa dang / mgron khang byas pa dang / khron pa byas pa dang / bstan pa'i bya ba byas pa dang / chos kyi gnas la byi dor byas pa dang / dri dang 'phreng ba la sogs pas mchod par byed pa dang / gus par byas nas chos mnyan pa dang / kha zas tsam gyi sbyin pa dge 'dun la gtong ba dang / pha dang ma la bsnyen bkur byed pa dang / rigs kyi gtso bo la bsnyen bkur byed pa dang / gso sbyong la gnas pa la kha zas ster ba dang / glo bur ba'i btsun pa la sbyin pa ster ba dang / bsod snyoms pa la ster ba dang / stan 'bul ba'i skye bos yang dag par rdzogs pa'i sangs rgyas byams pa mthong bar 'gyur ro// tha na me tog snyim pa gang tsam mam/ mar mo gcig tsam 'bul ba 'am/ gzhan bsod nams byed pa rnams la rjes su yi rang ba dang / lha 'am mi rnams kyi dge ba 'di rnams byed pa ni/ de'i dus su byon pa'i yang
- 133b
dag par rdzogs pa'i sangs rgyas byams pa mthong bar 'gyur ro/ / de la yang dag par rdzogs pa'i sangs rgyas byams pa mthong bar 'dod pa rnams kyis sbyin pa gtong ba dang / tshul khrims srung ba dang / gso sbyong gi las byed pa dang / sgom par byed pa dang / dge ba'i las kyis bag yod par gyur na gdon me za par mthong ngo // gang zhig tshangs par spyad pa spyod// thub pa'i gsung rab thos pa dang / de rnams 'khor ba las thol 'ang // tha me mchog myur 'chib med// nangs par spyad pa spyod byed cing // mchod 'os rnams la ster ba dang // gis spyong rnams la gnas pa dang // legs byams pa sgom par gyis/ / bag yod par ni 'gyur ba dang // rtag tu bsod nams bya ba byed// dge ba 'di rnams byas pa yis// sdug bsngal mthur ni byed pa'o// bcom ldan 'das kyis de skad ces bka' stsal nas/ dge slong de dag bcom ldan 'das kyis gsungs pa la mngon par bstod do// byams pa'i mdo rdzogs so// paN+Dita chen wA thAnam ldanas/ mang du thos pa'i lo ra shA pa'i dge slong nis rgyal mtshan dpal bzang pos/ gad gnyis smra ba rnams kyi gang nas gtsug lag 'ang chen po dpal thar pa nga 'i rjes te gtanas pa'o/ / brjed kyis dang tha stang gyur cig/ rdza gyu byams pa lung ban
- 134a
du/ mai tri b+hA ba na sU tra/ bod skad du/ byams pa bsgom pa'i mdo/ 'phags pa dkon mchog gsum la gus pas phyag 'tshal lo// 'di skad bdag gis thos pa dus gcig na/ bcom ldan 'das mnyan yong rgyal byed tshal mgon med zas sbyin gyi kun dga' ra ba na bzhugs so// de nas bcom ldan 'das kyis dge slong rnams bos nas/ dge slong dag btsun pa bcom ldan 'das kyi spyan lngar so sor 'ongs pa la/ bcom ldan 'das kyis kyang 'di skad ces bka' stsal to// sems rnam par grol bar bya ba'i phyir byams pa bsgom par bya'o// bsam pa brtan par bya ba'i phyir ro// mang du byed pa dang / zhi bar byed pa dang / gzhir byed pa dang / rjes su gnas par byed pa dang / 'dris par bya ba dang / shin tu brtson par bya'o// phan yon bcu gcig po so sor bshad par bya'o/ / bcu gcig gang zhe na/ bde bar nyal ba dang / bde bar sad pa dang / sdig pa'i rmi lam mi mthong ba dang / de la mi rnams dga' ba dang / mi ma yin rnams dga' ba dang / lha rnams kyis bsrung ba dang / me dang / dug dang / mtshon rnams kyis gnod par mi 'gyur ro// dus rtag tu sems shin tu dga' bar gnas pa dang / bzhin kyi mdangs rab tu gsal ba dang / sems gsal bar 'chi ba dang / ches cher bag yod par byed pas tshangs pa'i 'jig rten du skye ba'o// dge slong dag byams pa'i sems dang mi 'bral bar
- 134b
bya'o/ / bsam pas brten par bya'o// bsgom par bya ba dang / mang du byed pa dang / zhi bar byed pa dang / gzhir byed pa dang / rjes su gnas par byed pa dang / 'jis par bya ba dang shin tu brtson par bya'o/ / bcu gcig po rnams kyi phan yon rnams so sor bshad zin to// dge slong dag gzhan yang byams pa'i phan yon rnams bshad par bya'o// kha zas du ma thob pa dang / rang gi yul du nye bar gnas// mang po rnams ni 'tsho ba ni// gang gis byams pa ma spangs na'o// grong rdal gang gang 'gro ba dang // grong khyer rgyal po'i pho brang dang // thams cad du ni mchod par 'gyur/ / gang gis byams pa ma spangs na// de la chom rkun mi 'byung zhing // de la rgyal po gnod mi byed// sems can thams cad bshes su 'gyur// gang gis byams pa ma spangs na'o/ / khro med rang yul bde bar gnas// skye bo'i mdun sar smod med dga'// mchog gi gnyen dang ldan par 'gyur// gang gis byams pa ma spangs na'o// mchod na mchod pa thob par 'gyur/ / 'dud na so sor 'dud par byed// snyan dang grags pa thob par 'gyur// gang gis byams pa ma spangs na'o// bkur sti byas na bkur sti thob// gus par byas na gus pa thob/ / kha dog gzi brjid ldan par 'gyur// gang gis byams pa ma spangs na'o// me ltar rab tu 'bar ba yi// lha yi lus dang 'dra bar 'gyur// dpal dang bral bar mi 'gyur ro//
- 135a
gang gis byams pa sa spangs na'o// thugs rnams mang po thob pa dang // zhing la 'bru sang skye ba dang // rba dang bu mo mang bar 'gyur// gang gis byams pas spangs nAro/ / ri las zur du ltung ba dang // shing las 'og tu lhung ba dang // srung bar mi 'gyur gnas sa thob// gang gis byams pa ma spangs na'o// paTa'i shing keng 'jigs gyur pan// rlung gis bskyod par mi nus bzhin/ / dgra bos cung zad bya mi nus// gang gis byams pa ma spangs na'o// bcom ldan 'das kyis de skad ces bka' stsal pa dang / dge slong de dag bcom ldan 'das kyis gsungs pa la mngon par bstod do/ / byams pa bsgom pa'i mdo rdzogs so// / paN+Di ta chen po a nan+d+ra shI'i zhal snga nas/ mang du thos pa'i lo tsa ba shAkya'i dge slong nyi ma rgyal mtshan dpal bzang pos/ skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab pa'o// sa'i steng du nyi ma dang zla ba ltar gyur cig/ rgya gar skad du/ pany+tsa shik+ShA nu saM sa sU tra/ bod skad du/ bslab pa lnga'i phan yon gyi mdo 'phags pa dkon mchog gsum la gus pas phyag 'tshal lo/ / 'di skad bdag gis thos pa dus gcig na/ bcom ldan 'das gargar dang / chu srin byis pa gsod kyi ri dang / sman gyi nags
- 135b
ri dgas rgyu ba'i gnas na bzhugs so/ / de nas bcom ldan 'das snga dro'i dus su chos gos gyon/ lhung bzed thogs te/ pha na ku la'i khyim bdag gang na yod pa'i gnas der gshegs shing nye ba gshegs te/ gdan bshams pa la bzhugs so// de nas yang pha na ku li'i khyim bdag dang / ma na ku la'i khyim bdag mos/ bcom ldan 'das ga la ba der song zhing nye bar song nas/ bcom ldan 'das la phyag byas te/ phyogs gcig tu 'khod do// phyogs gcig tu 'khod nas/ pa na ku la'i khyim bdag des/ bcom ldan 'das la 'di skad ces gsol to// gang gi tshe btsun pa bcom ldan 'das/ ma na ku la'i khyim bdag mo bdag khye'u'i dus su bu mo gzhon nu ma blangs te/ ma na ku la'i khyim bdag mo las log par g.yem pa'i sems ma skyes so// lus kyikyiskyon gang yang ma byung ba las btsun pa bcom ldan 'das mthong ba'i chos 'di la phan tshun du mthong ngo / / skye ba gzhan du phan tshun du mthong bar bdag 'dod do// ma na kula'i khyim bdag mos/ bcom ldan 'das la 'di skad ces gsol to// gang gi tshe btsun pa bcom ldan 'das pa na ku la'i khyim bdag gzhon nu'i dus su bdag gzhon nu ma blangs so// pa na ku la'i khyim bdag las 'dod pa log par g.yem pa'i sems ma skyes so/ / lus kyi skyon ma byung ba gang las btsun pa bcom ldan 'das mthong ba'i chos 'di la phan tshun du mthong ngo // skye ba gzhan du phan tshun du mthong
- 136a
par bdag 'dod do/ / de nas bcom ldan 'das kyi bkar stsal pa/ khyim bdag dang khyim bdag mo gnyis po la 'dod pa yod par gyur pas/ mthong bu'i chos 'di la phan tshun du mthong bar gyur to/ / skye ba gzhan du mthong bar 'gyur ro// gnyis po dag dad pa mnyam pa dang / tshul khrims mnyam pa dang / gtong ba mnyam pa dang / shes rab mnyam pa rnams kyis mthong ba'i chos 'di la phan tshun du mthong bar gyur to/ / skye ba gzhan du mthong bar 'gyur ro// yang tshigs su bcad pa 'di bka' stsal to// gnyis ka dad dang chos tshig dang // / mnyam dang chos kyi 'tsho ba dang // phan tshun du ni dga' ba'i tshig/ de ltar skyes pa bud med gcig/ nor mang dang ni ldan pa dang // gnas ni bzang por skye bar 'gyur// dgra ni de la dga' ba dang gnyis ka mnyam pa'i tshul khrims kyis/ / 'di ltar chos ni sbyin pa dang // gnyis ka tshul khrims ldan pa dang / 'dod cing 'dod la yi rang bas// lha yi gnas su dga' bar 'gyur// de'i phyir bslab pa rnam pa lnga po bsrung bar bya'o/ / 'di lta ste/ srog gcod pa spong ba dang / ma byin par len pa spong ba dang / 'dod pa log par g.yem pa spong ba dang / brdzun du smra ba spong ba dang / myos par 'gyur pa'i chang gi btung ba spong ba'o// bslab pa lnga 'di ni bsrung bar bya'o// de nas yang dge slong rnams kyis tshul khrims lnga'i phan yon zhus pa/ gzhan yang btsun
- 136b
pa bcom ldan 'das srog gcod pa spangs pa'i rnam par smin pa ji ltar shes par bgyi/ ma byin par len pa spangs pa'i rnam par smin pa ji ltar shes par bgyi/ 'dod pa log par g.yem pa spangs pa'i rnam par smin pa ji ltar shes par bgyi/ brdzun du smra ba spangs pa'i rnam par smin pa ji ltar shes par bgyi/ myos par 'gyur ba'i chang gi bdung ba spangs pa'i rnam par smin pa ji ltar shes par bgyi de nas bcom ldan 'das kyis de rnams kyis dris pa de bstan cing rtogs par bya ba'i bka' stsal pa/ dge slong dag srog gcod pa ni sbrul dug can dang 'dra bar blta bar bya'o// sdig pa du ma dang ldan pa dang / yi dgas kyi skye gnas su skye ba dang / dud 'gro'i skye gnas su skye ba dang / dmyal ba'i skye gnas su skye bar 'gyur te/ de'i lus zhig nas shi ba'i pha rol tu dmyal ba yang sos su skye'o/ / de ni dmyal ba yang sos dmyal ba'i srungs mas yang dag par bsreg pa dang / mtshon sna tshogs pa bzung nas dum bur gcod cing lus la bug pa 'bugs par byed do// rnam pa lnga yis bcing ngo zhes pas las byed cing byed la/ dmyal ba'i sems can de yang yang du shi nas yang dang yang du 'tsho bas na yang sos su skye'o// de rnams de la yang sos kyi sdug bsngal drag po// chub pa/ tshab/ 'joms shing 'joms la gang zhig la thams cad lci zhing srog bcad pa'i rnam par smin pa de'o// de mir skyes kyang tshe thung bar 'gyur ro// dbang po yongs su ma chang bar
- 137a
'gyur ro/ / gzugs ngan pa dang / shes rab 'chal pa dang / rtag tu skrag pa dang / rtag tu khro ba dang / nad dang bcas pa dang / mya ngan dang bcas pa dang / dka' ba dang 'bral ba dang / thams cad dang 'bral ba dang / rtag tu yun ring du 'bral bar 'gyur ro// de'i phyir bcom ldan 'das kyis bka' stsal pa/ skye ba lnga brgyar yi dgas dang // nya sbrul ri dgas bug pa dang / / ma he khyi dang wa rnams ni// srog bcad pa yi nyes pa'o// 'di ni srog bcad pa'i rnam par smin pa'o// srog bcad pa ni spangs pa yis// skyes pa 'am ni bud med lus// thob par 'gyur te phan yon ni// yon tan nyi shu mi dman par// yan lag nying lag phun sum tshogs// lus ni shed dang ldan pa dang // rigs bzang por ni myur du skye// yan lag gtsang zhing 'jam pa dang / / tshe ring ba dang bde ba dang // dpa' zhing stobs dang ldan pa dang // cho ga ni mchog tu bzang ba dang // lha dang bcas pa dga' ba dang // 'jig rten pa yis ngan mi byed// 'phags bas tshig ngan mi brjod dang / / byad stems ngan pas mi 'chi zhing // mtha' yas pa yi 'khor dang ldan// kha dog gzugs dang yang dag ldan// nad dang mya ngan nyung ba dang // khyim gyi gnas ni mi spong dang / / gzhan gyis mi dgar mi 'gyur ro// srog gcod pa ni spangs pa yis// skyes pa 'am ni bud med kyis// phan yon 'di ni myong bar 'gyur// lha rnams dang ni mi rnams
- 137b
su'o/ / de lus zhig cing shi nas bde 'gro mtho ris lha'i 'jig rten du nye bar skye'o// ma byin par len pa ni ma byin pa'i pha rol gyi rdzas rnam par shes pa dang bcas pa dang / rnam par shes pa med pa gang rung khang pa phug nas rkub la sogs pa'o/ / pha rol bslus nas len pa dang / rang 'tsho ba'i phyir de rnams de lta bu'i rim pas ma byin par len pa de de'i lus zhig nas shi ba'i pha rol ngudu'abod du skye bar 'gyur ro/ / ngu 'bod ces pa'i ming ni ngu 'bod gnyis te/ 'bar ba'i ngu 'bong dang / ngu ba'i ngu 'bod ngo // 'bar ba'i ngu 'bong ni tshe bskal pa gcig tu gnas so// bar bar du ma 'bar bas yongs su gang ba'o/ / ngu ba'i ngu 'bod ni du ba 'tshub cing de gnyis la me 'bar bas ngu 'bod du sems can dmyal ba rnams 'tshed do// bu ga dgu nas me 'byung zhing lus bsreg go// 'di ni ngu ba'i ngu 'bod do// ngu ba'i ngu 'bod ni sems can dmyal ba rnams su 'tshed do// bu ga dgu nas du ba 'chub cing 'byung ngo // ji ltar zan 'tshed pa ltar lus 'tshed do// sems can gnyis ka mya ngan gyi sgra chen po sgrogs so/ / de dag ni der sdug bsngal drag cing rtsub pa dang tsha ba myong bar 'gyur ro// ma byin par len pa ni dge slong dag sbrul dug can 'dra bar blta bar bya'o// dmyal bar 'jug pa dang / yi dgas kyi yul du 'jug pa dang / dud 'gro'i skye gnas su skye bar 'gyur ro// gang zhig ma byin par len pa'i rnam par smin pa ni shin tu chen po'o// mir skyes kya
- 138a
longs spyod rnams nyams par 'gyur ba dang / ma byin par blangs pa'i sems can gyi lag tu dngos po cung zad kyang 'chags par mi 'gyur ro// bza' ba dang / bdud ba dang gos dang / stan la sogs pa rnyed dka' bar 'gyur ba dang / rgyun mi 'chad par zug rngu can dang / gzhan sdang ba dang / 'tshe bar 'gyur ro// gang dang gang rnyed pa de dang de ni nyams par 'gyur ro/ / gzhan gyis longs spyod par 'gyur ro// gang 'dod pa'i longs spyod ni rnyed dka' bar 'gyur/ dngos po yod pa rnams 'phel bar mi 'gyur ro// bde ba dang 'bral bar 'gyur ro// de'i phyir bcom ldan 'das kyis gsungs pa/ 'dir ni dbul dang bkren pa dang // gzugs ngan nye bar 'tshe ba dang // rigs ngan du ni skye ba ni// ma byin len pa'i nyes pa'o// ma byin par len pa'i rnam par smin pa'o/ / ma byin len pa spangs pa yis// skyes pa 'am ni bud med ni// thob par 'gyur te phan yon no// yon tan nyi shu mi dman par// rtag tu 'bru ni mang ba dang // mtha' yas longs spyod phun sum tshogs// sngar med pa ni rab tu 'phel// 'dod pa rnams ni brtan pa dang // gzugs sgra ro dang dri dang ni// reg bya rnams ni yid du 'ong // don du gnyer ba thams cad la/ / bsam pa thams cad myur du 'grub// de la rgyal po chom rkun dang // mi mdza' ba yis mi 'phrog dang // me 'am yang na chu dang ni// de rnams kyis ni 'tshe mi
- 138b
'gyur/ / 'di 'dra ba yi longs spyod ldan// gang zhig sder dang za ba la// med ces pa ni 'byung mi 'gyur// rtag tu bde bar gnas pa dang // ma byin len pa spangs pa yin// skyes pa'am ni bud med la/ / thob par 'gyur te phan yon no// lha rnams dang ni mi rnams su// de lus zhig cing shi nas bde 'gro mtho ris dang lha'i 'jig rten du nye bar skye'o// 'dod pa rnams la log par g.yem pas ni 'tsho ba'i 'jig rten 'dir 'dod par byed pa ni/ de'i lus zhig nas shi ba'i pha rol tu ngu'abod chen por skye zhing ltung bar 'gyur ro// de nas phyi ru chu bo rab med kyi ngogs gnyis su/ sha la ma li'i nags dpag tshad brgyad cu gyen du mnyam zhing mtho ba/ tsher ma sor bcu drug pa yal ga rnams thur la 'phyang ba/ lus po rgyung grags bcu gnyis dang ldan zhing lus la me gyen du 'bar ba/ dpag tshad drug cur gyen du 'gro zhing de la rtag tu sna tshogs pa'i mtshon gyis phan tshun du gsod cing / de ni shal ma li'i shing gi nags la shon no// lo stong phrag mang por shing gi tsher ma la 'dzeg go// gzhan yang dmyal ba'i srungs ma rnams kyis/ mtshon blangs nas brgyab pas ngu zhing mgo thur la bstan nas lhung ngo // ldang ba'i dus su lcags bsregs kyis gsal shing btsugs pa rnams la lhung ngo / / de rnams bshang lam nas 'thon pas/ de rnams kyis sdug bsngal myong bar 'gyur ro// rgyun du ngu zhing /
- 139a
/ dpag tshad drug cu pa'i ljags kyi bum par bskal pa gcig tu sdod do// me mdug gis yongs su gang bar dmyal ba'i srungs ma rnams kyis khar ldugs so// phyir bcom ldan 'das kyis bka' stsal pa/ ri nags brtsegs pa mnyam zhing mtho// shing ni tsher mar bcas pa dang // lcags kyi tsher ma rnon po yi// 'jig rten mi la bde ba med shing gi rtse mor gnas pa yi/ / dus kyi chung mas ci zhig bya// de'i phyir bcom ldan 'das kyis bka' stsal pa/ dge slong dag 'dod pa rnams la log par g.yem pa ni/ sbrul dug can dang 'dra bar blta bar bya'o/ / dmyal bar 'jug pa dang / yi dgas kyi yul du 'jug pa dang / dud 'gro'i skye gnas su skye bar 'gyur ro// gang zhig 'dod pa rnams la log par g.yam pa'i/ rnam par smin pa ni shin tu chen po'o// de mir skyes kyang sdug bsngal chen po myong bar 'gyur ro// de'i phyir bcom ldan 'das kyis bka' stsal pa/ skye ba lnga brgyar bud med 'gyur// de bzhin du ni ma ning 'gyur/ / skyug bro'i mdze can yang yang 'gyur// log par g.yem pa'i nyes pa'o// skye ba du mar nye bar 'tshe ba dang / dgra mang bar 'gyur ba dang / mi mdza' ba dang ngag tu lhan cig tu gnas par 'gyur ba dang / nyal dang ldang ba'i tshe sdug bsngal dang bcas pa dang / dus rtag tu khro ba dang / mis gnod par byed pa dang / rtag tu lus skur bar 'gyur ba dang / 'o na
- 139b
pa dang / skye ba nas skye bar dmus long la sogs par skye bar 'gyur ro// rnam par 'gyur bar nges pa dang / rtag tu sems mi dga' bar 'gyur ba dang / phan tshun du 'thab pa la dga' ba dang / dga' ba'i sems dang 'bral bar 'gyur ro// de lus zhig nas shi ba'i pha rol tu ngu 'bod chen po'i dmyal bar lhung zhing skye bar 'gyur ro// der yang de la sdug bsngal drag pa dang rtsub pa dang / tsha ba nyams su myong bar 'gyur ro// 'dod pa log par g.yem pa'i rnam par smin pa'o// log par g.yem pa spangs pa yi// skyes pa 'am ni bud med kyis// thob par 'gyur te phan yon ni// yon tan nyi shu mi dman pa// de la dgra ni med pa dang // 'jig rten thams cad dga' ba dang // bza' dang btung ba rnyed par sla// gos dang stan dang gnas rnams dang / / bde bar nyal dang bde bar 'dug/ de ni bde bar ldang ba dang // ngan song 'jigs las rnam par grol// mya ngan med dang 'jigs pa'ang med// nad rnams thams cad de la med/ / ma ning bud med du mi skye// cung zad gang ni don gnyer 'dod// de yi 'dod pa grub par 'gyur// phan tshun du ni mdza' ba mang // gzhan ni mi dga' de la med// dbang po kun ni tshang ba dang / / dge ba'i mtshan nyid yang dag ldan// bzod chung dang ni dogs pa med// skyes pa bud med dogs med do// log par g.yes pa spangs pa yi// skyes pa 'am ni bud med
- 140a
kyis/ phan yon 'di ni myong bar 'gyur// lha 'am yang na mi rnams kyis// de'i lus zhig nas shi ba'i pha rol tu mtho ris dang lha'i 'jig rten du bde 'gror skye bar 'gyur ro/ / gang zhig skyes pa 'dod pa yis// skye ba yang dang yang du ni// bud med gzhan la 'gro mi bya// sems kyi dri ma bkru ba'o// bud med gang zhig gis gyos sgyug la nye bar mi bsnyen pa dang / rang gi khyo la nye bar mi bsnyen pa dang / rang gi khyo la mi brtsi ba dang / rang gi khyo'i phu bo la mi 'dud pa dang / rang gi khyo'i sring mo rnams la gnod par byed pa dang / gzhan yang lag pa dang / rkang pa dang / rgyab la las su bya ba mi byed pa dang / bza' ba dang btung ba gang 'dod pa mi ster ba dang / de rnams la ngo tsha dang khrel du mi byed pa dang / rang gi khyo bo la klog par byed pa dang / skur pa btab na dmyal bar skye bar 'gyur ro// ljags bsregs kyi sa gzhi'i steng du nyal ba dang / 'bar bu'i lcags kyu kha ru bcug nas mchil pas rgyal gru ba bzhin du lho'i rtse mo hU~M rol tu byung ste/ zag pas btsas nas phyi rol tu 'don to// de ltar phyi rol tu rton pa la/ lce'i rtse mo la mtshon chag bachub pa'i gnas su ma ru skyem pa'i srin drachen thos pa'o/ / dekri gas pas chung ma dkyang slabar mi nus so// daltar de ni del ma song brag dumar 'tshed par 'gyur ro// bcos ras yang dmyal ba chematho p
- 140b
ar 'gyur ro/ / de'i phyir bcom ldan 'das kyis bka' stsal pa/ gang zhigazung med skyes pa 'dod// skye ba skye bar yang dang lung // sgra dang lha mo rdo bzhin du// rang gi khyon srang mi g+ha/ brdzun du smras pas slar yang thig nag tu skye bar 'gyur ro// der yang dmyal ba'i srungs ma rnams kyis sgra chen po'i tshig sgrogs shing / mtshon cha 'bar ba sna tshogs pa blangs nas lcags bsregs kyi sa gzhi la dmyal ba'i sems can gcig gis gcig 'drud pa dang / 'bar ba'i thig nag pos 'debs pa dang / 'bar ba'i mtshon cha bzung nas yang dag par bsgyur ba dang / zhib mas 'tshag pa bzhin du ste'u dang dgra stas 'jog pa dang / de rnams kyis sgra chen po sgrogs te ngu zhing gnas so// rang gi khrag 'thung zhing nang du der gnas pa de thig nag ste brdzun du smras pas skye'o/ / der sdug bsngal drag pa dang / rtsub pa dang / tsha ba'i tshor ba myong bar 'gyur ro// dge slong dag brdzun du smra ba ni sbrul dug can dang 'dra bar yid la bya'o// des sdug bsngal mang po byed do/ / dmyal bar 'jug pa dang / yi dgas kyi yul du 'jug pa dang / dud 'gro'i skye gnas su skye bar 'gyur ro// gang zhig brdzun du smra ba ni rnam par smin pa chen po'o// de mir skyes kyang snying rje med pa dang / skad bya rog gi dang 'dra ba dang / lce mi bde ba dang / so la srin 'byung ba dang / kha dri mo zhim pa dang / so mi snyoms pa dang / tshig rtsub pa dang / gre
- 141a
/ pa 'dzed pa dang / mchum bde ba dang / zag dog dang bcas pa dang / rtag tu sred pa dang ldan pa dang / de lus zhig pa'i pha rol tu thig nag tu skye bar 'gyur ro/ de'i phyir bcom ldan 'das kyis bka' stsal pa/ kha nas rnag gi dri ldang zhing // dpag tshad gcig tu dri ngan 'gro// chos ni shes par yang mi 'gyur// brdzun du smras pa'i nges pa'o// rdzun du smras pa'i rnam par smin pa'o// brdzun du smra ba spangs pa yis// skyes pa ba ma ni bud med na// thob par 'gyur te phan yon ni// sum cu rtsa gsum mi nyung ba// mig dang rna ba sna dang ni/ lce dang lus dang de bzhin yid// de la rnam par dag par 'gyur// pad+ma'i ze'u 'bru ltar mtshungs so// mig dang so ni mnyam pa dang // lus ni mi ring mi thung la// ha cang sgom / dang phra ba min// 'di ltar legs par bshad pa'i tshig/ ji ltar ut+pa la yi dri// rtag tu kun+da kha yi dri// g.yog rnams thams cad bsnyen bkur 'gyur// mchod par 'os par tshig gis so/ / chos rnams kun la mkhas pa dang // don dam tshig 'bru rnam par mkhas// sems kyi rtog la zhus pa med// rtag tu khyad par 'phags pa'i tshig/ brdzun du smra ba spangs pa yis/ / skyes pa 'am ni bud med kyis// phan yon 'dzin myong bar 'gyur// lha dang mi ru skyes pa na/ de'i lus zhig nas shi ba'i pha rol tu bde 'gro lha'i 'jig rten dang mtho ris
- 141b
su skye'o/ / brdzun du smra ba zhes bya ba ni kha na ma tho ba dang bcas pa'o// 'dod pa'i don rnams la rigs kyi bus mi bya ba nyid do// bden pa dang legs pa'i bcud rnams de lta bu ni blang bar bya'o// brdzun du smra ba zhes bya ba don med par byed pa'o// 'jig rten slu bar byed do// skye ba gzhan du mar mnar med pa'i dmyal bar skyes par 'gyur ro// de'i phyir 'tsho ba'i slad du brdzun du smra bar mi bya'o/ / thams cad mkhyen pa sangs rgyas byang chub sems dpa' sgrib pa dang bcas pa'i dus na'ang phra ma ni/ yung ba'i kha dog ltar yun ring por mi gnas so// phub ma'i phung po'i steng du phur pa btsugs na yun ring du mi gnas pa bzhin no/ / rta'i rgyab tu shing thog ril bu bzhag na yun ring du mi gnas pa bzhin du/ smras pa'i tshig la ral gris skye 'dreg pa'i tshe tshig gnyis mi spa bzhin no/ / bden par yun ring por smras pas dge sbyong dang bram zes pha rol tu sgrol bar byed do// chang 'thungs pa ni tsha ba'i dmyal bar ltung zhing skye bar 'gyur ro// der lhung ba'i sems can ni lo stong phrag mang por 'tshed par 'gyur ro/ / de nas phyir phyung nas chu bo rab med kyi ngogs su sbyar bar byed do// gang du'ang 'gro sa med par yang dang yang du rgyal bar byed do// der dmyal ba'i srungs ma rnams kyis mchil pas nya 'don pa ltar/ lcags bsregs kyi sa gzhi la rdeb par byed do// 'di ltar sgrogs te/ kye skyes bu khyod ci 'dod/ jo bo skom mo// dmyal ba'i srungs ma
- 142a
des lcags 'bar ba'i lcags kyus kha phye ste lcags bzhu ba'i khu ba ldugs par byed do/ / de la de'i mchu sreg go/ mgrin pa'ang sreg go/ zang sreg go/ rgyu ma sreg go// snying yang sreg go// bshang lam na mar 'thon par byed do// de rnams kyis sdug bsngal myong bar byed cing / dul 'dre bar byed do// de'i dus su'ang 'chi bar ni mi 'gyur te/ ji srid kyi bar du sdig pa'i las kyi 'bras bu myong bar byed do/ / de srid du de rnams kyis rnam par smin pa'i tshor ba myong bar byed do// de'i phyir bcom ldan 'das kyis bka' stsal pa/ tsha zhing rtsub pa'i chu bo na// rab med shin tu bgrod par dka'// lcags kyi pad+ma'i 'dab ma rnams// 'dab ma rno ba'i steng du 'gro// chu bo rab med gzhi med par// chos min ji ltar spyod par 'gyur// gang zhig chang bathung ba de ni sdig pa chung ba ma yin no/ / de mir gyur kyang rtag tu brjed ngas pa dang / lug ltar lkugs pa dang / shes rab 'chal pa dang / rig pa mi shes pa dang / rtag tu gnyid du 'gro ba dang / blo gros dman pa dang / gti mug che ba dang / 'jigs pa dang skrag par 'gyur ba dang / dogs par 'gyur ba dang / phra ma can dang / tshig mi brtan pa dang / ser sna can dang / zag dog can dang / nges par mi 'byung ba dang / ngo tsha med pa dang / khrel med pa dang / shes rab chung ba dang / dge ba'i chos rnams mi reg pa ste/ skye ba lnga brgyar
- 142b
nod sbyin ste/ / skye lnga brgyar gyi dang ni// mtha' yas smon par skye bar 'gyur// chang 'thungs pa mi nyes pa'o// myos par 'gyur ba'i mang gi brdung ba'i rnam par smin pa'o// 8/ 'thungs pa ni spangs pa yis// skyes pa'am ni bud med na// thob ste de yi phan yon ni// sum cu rtsa drug gi dman par// 'das dang ma 'ongs pa yi dus// da ltar byung ba cung zad du// myur du shes par 'gyur pa dang // rtag tu dran pa gnas pa dang // de ni smyo bar mi 'gyur zhing // khyad par 'phags pa'i shes rab dang // mi rmongs pa dang bag yod dang // tshig ni shin tu gsal ba dang / / ngo tsha shes shing tshig ni gsal// de ni log par smra mi 'gyur// phra ma dang ni tshig rtsub med// don med pa la mi bstod cing // nyin dang mtshan du de bzhin du// byas pa shes shing byas pa tshor/ / 'dod med gtong dang tshul khrims ldan// khro bo med cing tshig ni drang // 'jigs pa med cing rnam par mkhas// ngo na khrel yod phun sum tshogs// 'jigs pa dang ni dogs pa med/ yid gzhungs thos pa 'dzin pa dang // don yod skye bo mang nang mkhas// chang gi btung ba spangs pa yis// skyes pa 'am ni bud med kyis// phan yon 'di rnams myong bar 'gyur// lha rnams dang ni mi rnams su/ / de'i lus zhig nas shi ba'i pha rol tu bde 'gro mtho ris lha'i 'jig rten dang mtho ris su skye'o// tshul khrims 'di rnams bsrung bar bya'o// 'di gang zag gang su dag
- 143a
@#/ skyes pa 'am bud med kyis tshul khrims srung bar mi byed pa dang / skom par mi byed na de'i lus zhi gnas shi ba'i pha rol tu ngan song ngan 'gro log par ltung bar skye bar 'gyur ro// gang su dag tshul khrims srung bar byed pa dang / sgom par byed pa rnams ni/ de'i lus zhig nas shi ba'i pha rol tu bde 'gro mtho ris dang lha'i 'jig rten du skye bar 'gyur ro// bcom ldan 'das kyis de skad ces bka' stsal pa dang / dge slong de rnams bcom ldan 'das kyis gsungs pa la mngon par bstod do// tshul khrims lnga'i phan yon bstan pa'i mdo rdzogs so// / paN+Di ta chen po A nan+da shrI'i zhal snga nas/ mang du thos pa'i lo tsa ba shAkya'i dge slong nyi ma rgyal mtshan dpal bzang pos// skang gnyis sba ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab pa'o/ / sa'i steng du nyi ma dang zla ba ltar gyur cig// rgya gar skad du/ gi ri A nan+da sU tra/ bod skad du/ ri'i kun dga' bo'i mdo/ 'phags pa dkon mchog gsum la gus pas phyag 'tshal lo// 'di skad bdag gis thos pa dus gcig na/ bcom ldan 'das mnyan yod rgyal byed tshal mgon med zas sbyin gyi kun dga' ra ba na bzhugs so/ / de'i tshe de'i dus na tshe dang ldan pa ri'i kun dga' bo nad dam po sdug bsngal bas gzir to// de nas
- 143b
tshe dang ldan pa kun dga' bos bcom ldan 'das ga la ba der song zhing nye bar song nas/ bcom ldan 'das la phyag byas nas phyogs gcig tu 'dug go// phyogs gcig tu 'dug nas/ yang tshe dang ldan pa kun dga' bos/ bcom ldan 'das la 'di skad ces gsol to// btsun pa tshe dang ldan pa ri'i kun dga' bo nad dam po sdug bsngal bas gzir to// btsun pa bcom ldan 'das legs par mdzad du gsol/ dge slong tshe dang ldan pa ri'i kun dga' bo ga la ba der gshegs la rjes su brtse bas gshegs par zhu/ de nas bcom ldan 'das kyis/ tshe dang ldan pa kun dga' bo la bka' stsal pa/ der yang kun dga' bo khyod dge slong ri'i kun dga' bo'i thad du song la 'du shes bcu bshad par gyis shig/ rnam par shes pa dang ldan pa'i gnas su smra bar gyis shig/ gzhan yang dge slong ri'i kun dga' bos 'du shes bcu thos nas nad kyis gzir ba'i gnas rnams la so sor rig par 'gyur ro// bcu gang zhe na/ mi rtag pa'i 'du shes dang bdag med pa'i 'du shes dang / mi gtsang ba'i 'du shes dang / bar du gcod pa'i 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'jig rten thams cad la mngon par mi dga' ba'i 'du shes dang / 'du byed thams cad la mi rtag pa'i 'du shes dang / 'byung ba dang rngub pa rjes su dran pa'i
- 144a
'du shes so/ / mi rtag pa'i 'du shes pa zhe na/ 'di ni ma dang ldan pa kun dga' bo dgon pa'am/ shing d+hA ngas/ khang pa stong par song la 'dzin sa sor ga pa gzugs mi rtag pa dang / tshor ba mi rtag pa dang / 'du shes mi rtag pa dang / 'du byed mi rtag pa dang / rnam par shes pa mi rtag pa ste/ 'di rnams la nye bar len pa'i phung po lnga po mi rtag par blta bar bya'o/ / de la mi rtag pa'i 'du shes ston cig/ kun dga' bo bdag med pa'i 'du shes du zhe na/ 'di ni dge slong kun dga' bo/ dgon pa 'am/ shing drung ngam/ khang pa stong par song la 'di ni so sor rig par bya'o// mig bdag med pa dang / gzugs bdag med pa dang / rna ba bdag med pa dang / sgra bdag med pa dang / sna ba dag med pa dang / dri bdag med pa dang / lce bdag med pa dang / ro bdag med pa dang / lus bdag med pa dang / reg bya bdag med pa dang / yid bdag med pa dang / chos bdag med pa ste/ 'di rnams ni nang gi drug dang phyi'i skye mched drug bdag med pa'o// bdag med pa la blta zhing bsam par bya'o// kun dga' bo bdag med pa 'di rnams ston cig/ kun dga' bo mi gtsang ba'i 'du shes ni dge slong kun dga' bo 'di ni lus 'di nyid la spyi gtsug nas/ 'og gi rkang mthil gyi bar gyi lpags pa'i phyi shun gyi bar gang bar rnam pa sna tshogs pa'i mi
- 144b
gtsang ba so sor brtag par bya'o/ / lus 'di la sgra dang / ba spu dang / sen mo dang / so dang / lpags pa'i phyi shun dang / sha dang / chub dang / rus pa dang / rkang mar dang / mkhal ma dang / snying dang / mcher ba dang / glo ba dang / sul mang dang / pho ba dang / rgyu ma dang / rgyu ma'i gnyem dang / lgang pa dang / drug pa dang / mkhris pa dang / bad kan dang / tshigs dang / khrag dang / rdul dang / tshil dang / mchi ma dang / zhag dang / mchil ma dang / snabs dang / chu ser dang / gcin dang / grang pa ste/ mi gtsang ba'i rdzas sum cu gnyis so/ / lus 'di la mi gtsang bar blta bar bya'o// kun dga' bo mi gtsang ba 'di rnams bstan par gyis shig/ kun dga' bo bar du gcod pa rnams du zhe na/ dge slong kun dga' bo 'di ni dgon pa 'am/ shing drung ngam/ khang stong du song ste 'di rnams so sor brtag par bya'o// lus 'di ni sdug bsngal mang ba dang / bar du gcod pa mang ba ste/ lus 'di la rnams du ma'i nad 'byung ngo / / 'di lta ste/ mig gi nad dang / rna ba'i nang dang / sna'i nad dang / lce'i nad dang / lus kyi nang dang / mgo bo'i nang dang / rna ba'i nang gi nang dang / kha'i nang dang / so'i nad dang / tho dang / dbugs mi bde ba dang / pi na mo'i nang dang / tsha rims dang / lto ba'i nad dang / brgyal ba dang / gzhogs phyed na pa dang / gzer ba dang / gsung
- 145a
ba dang / mdze dang / sha 'bras dang / 'brum bu phra mo dang / gcong nad dang / brjed byed kyi nang dang / bas bldags dang / gsan pa dang / lus za ba dang / rak+Sha sa dang / bi tsar rtsi ka dang / khrag ma bris dang / sa d+hu ma ha dang / aM ga dang / si la ka dang / mtshan mar rdol ba dang / mkhris pa 'khrugs pa'i nang dang / bad kan 'khrugs pa'i nad dang / rlung 'khrugs pa'i nad dang / 'dus pa'i nad dang / dus su zas yi khar mi 'ong ba'i nad dang / mi mnyam pa'i nad 'khrugs pa dang / a u pa kasmi ka'i nang dang / las kyi rnam par smin pa'i nad dang / grang ba dang / dro ba dang / bkres rnga ba dang / skom pa dang / 'khru ba dang / chu nad de/ lus kyi nad 'di rnams ni bar du gcod par blta zhing bsgom par bya'o/ / kun dga' bo 'di ni bar du gcod par bstan par bya'o// kun dga' bo spong ba'i 'du shes rnams du zhe na/ dge slong kun dga' bo 'di ni 'dod pa las skyes pa ste/ mi gnas par dor bar bya'o// rnam par gzhig pa dang / goms par mi byed pa dang / mi bsgom par 'gro ba dang / rnam par 'tshe ba'i rnam rtog las skyes pa dang / mi gnas pa ste dor bar bya'o/ / rnam par gzhig pa dang / goms par mi byed pa dang / mi bsgom par 'gro ba ste/ skyes shing skyes pa'i sdig pa mi dge ba'i chos mi gnas pa ste dor bar bya'o//
- 145b
rnam par gzhig pa dang / goms par mi byed pa dang / mi bsgom par mi 'gro ba ste/ kun dga' bo 'don spong ba'i 'du shes so// kun dga' bo 'dod chags dang bral ba'i 'du shes bu zhe na/ dge slong kun dga' bo 'di ni dgon pa 'am/ shing drung ngam/ khang stong du song ste so sor brtag par bya'o// 'di ni zhi ba dang / gya nom par gang 'di ni 'dus byas thams cad gnas pa dang / skye ba dang / bsgyur ba dang / sred pa zad pa dang / 'gog pa dang / mya ngan las 'das pa'o// kun dga' bo 'di ni 'gog pa'i 'du shes so// kun dga' bo 'jig rten thams cad la mngon par mi dga' ba'i 'du shes du zhe na/ dge slong kun dga' bo 'di ni gang zhig 'jig rten pa thabs dang / nye bar skye ba dang / rtog pa dang / gnas pa dang / bag la nyal ba bor te/ dga' ba mi bskyed par ro// kun dga' bo 'di ni 'jig rten thams cad la mngon par mi dga' ba'i 'du shes su bstan par bya'o// kun dga' bo 'du byed thams cad mi rtag pa'i 'du shes du zhe na/ dge slong kun dga' bo 'di ni 'du byed thams cad la zhen pa med pa dang / spong ba dang / skyug bro ba ste/ kun dga' bo 'di ni 'du byed thams cad mi rtag pa'i 'du shes su bstan par bya'o// kun dga' bo dbugs rngub pa dang dbyung ba rjes su dran pa du zhe na/ dge slong kun dga' bo dgon pa'am/ shing drung ngam/ khang stong du song ste 'dug la skyil krung bcas te lus drang por bsrangs la
- 146a
gyen du bltas pa rjes su dran cing gnas par bya'o/ / de na dbugs thung ngu phyung na dbugs thung du byung ngo snyam du yang dag par shes so// dbugs ring du rngubs pa 'am thung ngu rngug/ na rngubs so snyam du yang dag par shes so// dbugs ring du phyung na dbugs ring du mthong ngo snyam du yang dag par shes so// dbugs thung ba ba ma thung ngu phyung na dbugs thung du phyung ngo snyam du yang dag par shes so/ / dbugs thung ba'am thung ngu rgyus na thung ngu blta ba dang yang dag par shes so// lus kyi thams cad yang dag par myong zhing dbugs thung ngu rgyus so zhes bslab par byas te/ lus kyi yang dag par myong zhing blta zhing bslab par bya'o/ / lus kyi 'du byed shin tu sbyangs nas dbugs thung ngu rngubs na rngubs pa la blta zhing bslab par bya'o snyam du yang dag par shes so// gnyis ka mthong zhing lus kyi 'du byed yang dag par sbyangs shing rlung thung ngu phyung ngo zhes gnas shing bslab par bya'o/ / gnyis ka mthong zhing lus kyi 'du byed la blta zhing gnas par bslab par bya'o// dga' ba yang dag par myong zhing dbugs thung ngu rgyus so snyam du bslab par bya'o// dga' ba yang dag par myong zhing blta zhing bslab par bya'o// bde ba yang dag par myong zhing dbugs thung ngu rgyus so snyam du bslab par bya'o/ / bde ba yang dag par myong zhing blta ba zhing bslab par bya'o// sems kyi 'du byed yang dag par myong zhing dbugs thung ngu rgyus so snyam du bslab par bya'o// sems kyi 'du
- 146b
byed yang dag par myong zhing blta zhing bslab par bya'o/ / gnyis ka mthong zhing sems kyi 'du byed yang dag par myong zhing dbugs thung ngu rgyus na rgyus so snyam du bslab par bya'o// gnyis ka mthong zhing sems kyi 'du byed yang dag par sbyangs so snyam du bslab par bya'o/ / sems yang dag par myong na dbugs thung ngu rngubs so zhes bslab par bya'o// sems yang dag par myong zhing yang dag bar sbyangs so snyam du bsgrub par bya'o/ / sems mngon par dga' ba bskyed pa dang dbugs thung ngu rgyas na rgyas so zhes bslab par bya'o// sems mngon par dga' ba bskyed pa dang shem rgya so snyam du bslab par bya'o/ / sems zhi gnas pas dbugs thung ngu rgyus so snyam du bslab par bya'o// sems zhi gnas la gnas pas lhag mthong du gnas par bslab par bya'o// sems rnam par grol bas dbugs thung ngu rgyus na rgyus so snyam bslab par bya'o// sems rnam par grol bas lhag mthong la gnas par bslab par bya'o// mi rtag par rjes su blta bas dbugs thung ngu rgyus na rgyus so snyam du bslab par bya'o/ / mi rtag par rjes su blta bas lhag mthong la gnas par bslab par bya'o// 'dod chags dang bral bar rjes su blta bas dbugs thung ngu rgyus na rgyus so snyam du bslab par bya'o/ / 'dod chags dang bral bar rjes su blta bas lhag mthong la gnas par bslab par bya'o// 'gog pa la rjes su blta bas dbugs thung ngu rgyus na rgyus so snyam du bsgra
- 147a
par bya'o/ / 'gog pa la rjes su blta bas lhag mthong la gnas par bslab par bya'o// so sor spong ba rjes su blta bas dbugs thung ngu rgyus so snyam du bslab par bya'o// so sor spong bar rjes su blta bas lhag mthong la gnas par bslab par bya'o/ / kun dga' bo dbugs rngubs pa dang dbyung ba rjes su dran pa 'di bshad par bya'o// der yang kun dga' bo khyed ri'i kun dga' po'i gnas su song la/ 'du shes bcu po 'di bshad par bya'o// gnas gzhan yang yod de/ dge slong ri'i kun dga' bos 'du shes bcu po 'di thos na de'i nad thams cad zhi bar 'gyur ro// de nas yang tshe dang ldan pa kun dga' bos bcom ldan 'das las mnyan te/ tshe dang ldan pa ri'i kun dga' bo'i gnas su song nas/ tshe dang ldan pa ri'i kun dga' bo la 'du shes bcu so sor bshad do/ / de nas tshe dang ldan pa ri'i kun dga' bos 'du shes bcu po 'di rnams thos nas de'i nad thams cad zhi bar gyur to// de'i nad thams cad zhi nas tshe dang ldan pa ri'i kun dga' bo las te/ tshe dang ldan pa ri'i kun dga' bo'i nang byis med par gyur to// tshe dang ldan pa ri'i kun dga' bo'i mdo rdzogs so// paN+Di ta chen po A nan+da shrI'i zhal snga nas/ mang du thos pa'i lo tsa ba shAkya'i dge slong nyi ma rgyal mtshan dpal bzang pos skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab
- 147b
pa'o/ / @/ rgya gar skad du/ bi tra ma tri sU tra/ bod skad du/ pha ma'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / der bcom ldan 'das kyis bka' stsal pa/ dge slong dag khyim gang dag na/ pha ma gnyis la legs par ri mo byed pa dang / legs par g.yog byed pa'i khyim de dag ni/ tshangs pa dang ldan pa yin no// de ci'i phyir zhe na/ dge slong dag rigs kyi bu'i pha ma gnyis ni/ rigs pa'i sgo nas tshangs pa dang 'dra ba'i phyir ro// dge slong dag khyim gang dag na/ pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni/ slob dpon dang ldan pa yin no// de ci'i phyir zhe na/ dge slong dag rigs kyi bu'i pha ma gnyis ni/ rigs pa'i sgo nas slob dpon dang 'dra ba yin pa'i phyir ro// dge slong dag khyim gang dag na/ pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni/ kun tu sbyin pa'i 'os su gyur pa dang ldan pa yin no// de ci'i phyir zhe na/ dge slong dag rigs kyi bu'i pha ma gnyis ni/
- 148a
rigs pa'i sgo nas kun tu sbyin pa'i 'os su gyur pa yin pa'i phyir ro// dge slong dag khyim gang dag na/ pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni/ mi dang ldan pa yin no// de ci'i phyir zhe na/ dge slong dag rigs kyi bu'i pha ma gnyis ni/ rigs pa'i sgo nas mi dang 'dra ba'i phyir ro// dge slong dag khyim gang dag na/ pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni/ lha dang ldan pa yin no// dge slong dag rigs kyi bu'i pha ma gnyis ni/ rigs pa'i sgo nas lha dang 'dra ba'i phyir ro// bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to// pha ma gnyis ni tshangs pa ste// de bzhin dang po slob dpon yin// bu yis kun sbyin 'os gyur pa// mi yang yin la lha yang yin// de phyir de gnyis phyag gi gnas/ / dril ba dang ni khrus rnams dang // rkang pa dag kyang bsku ba dang // yang na zas dang skom rnams dang // gos dang mal cha stan rnams kyis// mkhas pa dag gis kur sti bya/ / pha ma dag la bkur byas pa// des na mkhas pa de dag na// 'dir yang spang bar mi 'gyur la// shi na'ang mtho ris 'gro bar 'gyur/ bcom ldan 'a das kyis
- 148b
sa ces bka' stsal nas/ dge slong de dag yi ngas te/ bcom ldan 'das kyis gsungs pa la mngon par bstod do// pha ma'i ma rdzogs so// rgya gar skad du/ kam pi bang ka nA ma d+ham pa ri yA ya/ bod skad du/ las kyi rnam par 'gyur ba zhes bya ba'i chos kyi gzung bam po gcig go// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal skyabs med pa la zas sbyin gyi kun dga' ra ba na/ dge slong gi dge 'dun chen po brgya stong phrag phyed dang bcu gsum dang lhan cig tu bzhugs so// de nas to'u te ya'i bu sho ko ma na pa bcom ldan 'das ga la ba der song ste phyin nas/ bcom ldan 'das la 'di skad ces gsol to// go'u ta ma khyod la/ bdag cung shas shig 'dri na/ dris pa'i lan slar bka' stsal du gsol/ de skad ces gsol pa dang / bcom ldan 'das kyis/ sto'u te ya'i bu sho ko ma na pa la 'di skad ces gsungs so// ma na ba ji ltar 'dod pa'i bzhin du dris shig/ ngas khyod la bshang par bya'o// de nas sto'u de ya'i bu shu ko ma na bas/ bcom ldan 'das la 'di skad ces gsol to// kye go'u ta ma sems can rnams la tshe thung ba dang / tshe ring ba dang / nad mang ba dang / nang nyung ba dang / mi sdug pa dang /
- 149a
bzang po dang / dbang chung ba dang / dbang che ba dang / ma rabs kyi rigs dang / ya rabs kyi rigs dang / dbul po dang / phyug po dang / ngan pa dang / shes rab tu chung dang / sgyid sdug la sogs pa rnam pa mang du mchis na/ kye go'u ta ma las kyi rnam par smin pa gang gi phyir na sems can sna mang por 'gyur/ bcom ldan 'das kyis bka' stsal pa/ ma na ba khyod nyon la dge ba'i shin tu yid la zung zhig dang / de'i phyir ngas bshad do// ma na ba sems can rnams ni tshe rabs kyi las las gyur to// sbyin pa'i rnams kyang las/ skye ba'i rnams kyang las/ so sor rgyu ba'ang las te/ ma na ba sems can rnams ni las kyis rnam par bsgyur ro// de bas na ngan pa dang / bar ma dang / bzang po'i phyir sems can rnam pa mang po'ang las rnam pa mang po dang / mya ngan rnam pa mang po dang / lta ba rnam pa mang por sbyar ba ste/ 'di ltar nag po dang / dkar po las rnam par smin pa'i 'bras bu bshad do// ma na pa 'di lta ste/ las nag po rnams kyis ni/ sems cad dmyal ba dang / byol song dang / yi dgas dang / ring du 'khyams pa dang / a su ra la sogs pa ngan song du skye'o// las dkar por bgyis pa rnams kyis ni lha dang mir skye'o/ / ma na ba de lta bas na/ las kyi rnam par smin pas tshe thung ba'ang yod/ las kyis tshe ring por gyur pa'ang yod/ las kyis nad mang por gyur pa'ang
- 149b
yod/ las kyis nang nyung ngur gyur pa'ang yod/ las kyis mi sdug par 'gyur ba'ang yod/ las kyis bzang por 'gyur ba'ang yod/ las kyis dbang chung ngur 'gyur ba'ang yod/ las kyis dbang chen por 'gyur ba'ang yod/ las kyis ma rabs kyi ris su 'gyur ba'ang yod/ las kyis ya rabs kyi rigs su 'gyur ba'ang yod/ las kyis dbul por 'gyur ba'ang yod/ las kyis phyug por 'gyur ba'ang yod/ las kyis ngan por 'gyur ba'ang yod/ las kyis shes rab chen por 'gyur pa'ang yod/ las kyis sems can dmyal bar 'gyur ba'ang yod/ las kyis byol song gi skye gnas su skye bar 'gyur pa'ang yod/ las kyis ring du 'khyams par 'gyur ba'ang yod/ las kyis a su rar skye bar 'gyur ba'ang yod/ las kyis mir skye bar 'gyur ba'ang yod/ las kyis gzugs yod pa'i lhar skye ba'ang yod/ las kyis gzugs med pa'i lhar skye ba'ang yod/ las bzhin du mi 'gyur bar skye ba'ang yod/ las kyis 'gyur bar skye ba'ang yod/ las kyis yul gzhan du skye bar 'gyur pa'ang yod/ las ma bsams par byas pas skye bar 'gyur ba'ang yod do// las bsams te ma byas kyang skye bar 'gyur ba'ang yod/ las bsams te byas nas skye bar 'gyur ba'ang yod/ las ma bsams ma byas kyang skye bar 'gyur ba'ang yod do// gang zag las 'di lta bu 'dus pas na/ sems
- 150a
can dmyal bar skyes nas sems can dmyal ba'i tshe kun rdzogs te skye ba'i las kyang yod/ gang zags las 'di lta bu 'dus pas na/ sems can dmyal bar phri nam thag tu skyes pa'ang yod/ gang zag yang las 'di lta bur 'dus pas na/ sngar bde ba la phyi nas mi bde ba'i las kyang yod/ gang zag yang 'di lta bur 'dus pas na/ sngar mi bde ba la phyi nas bde bar 'gyur ba'i las kyang yod/ sems can gang zag thams cad kyang 'di lta bu 'dus pas na/ sngar bde la phyis kyang bde bar 'gyur ba'i las kyang yod/ gang zag yang 'di lta bu 'dus pas na/ ser sna byed pa'i las kyang yod/ gang zag yang 'di lta bu 'dus pas na/ dbul ba gtong phod pa'i las kyang yod/ gang zag yang 'di lta bu 'dus pas na/ phyug por gyur cing gtong phod pa'i las kyang yod/ gang zag yang 'di lta bu'i las 'dus pas na/ dbul ba ser sna can du 'gyur ba'i las kyang yod do// gang zag tshe zad la las ma zad pa'ang yod/ gang zag las zad pa tshe ma zad pa'ang yod/ gang zag tshe dang las bcas te zad par 'gyur ba'ang yod/ gang zag tshe dang las bcas te ma zad kyang mya ngan spangs par 'gyur ba'ang yod gang zag lus bde la sems mi bde bar 'gyur ba'ang yod/ gang zag lus mi bde la sems bde bar 'gyur ba'i las kyang yod/ gang zag lus kyang bde la sems kyang bde bar 'gyur
- 150b
ba'ang yod/ gang zag lus mi bde la sems kyang mi bde bar 'gyur ba'ang yod/ gang zag las 'di lta bu 'dus pas na/ sems can ngan pa'i sar yang skyes te/ gzugs legs/ ba dang // bzang po dang / sdug gu dang / kha dog mdzes pa dang / mdog sdum pa dang / mthong na dga' ba'i las kyang yod/ gang zag yang las 'di lta bu 'dus pas na/ ngan pa'i sar kyang skyes la/ gzugs ngan pa dang / lus rtsub pa dang / mi sdug par snang ba dang / mthong na yid du mi 'ong ba'i las kyang yod de/ ma na ba yang 'di lta ste/ mi dge ba bcu'i las kyi lam byas pa'i rgyus/ phyi rol gyi yul sa'i don du 'gyur ba'ang yod do// de la ji ltar las kyis tshe thung bar 'gyur zhe na/ chos bcus ni tshe thung bar 'gyur te/ bcu gang zhe na/ srog bcad pa dang / srog gcod du bcug pa/ srog gcod pa la bstod pa/ srog gcod pa la smon pa/ mngal nas med par byed pa/ mngal nas med par byed du bcug pa/ dgra bo la gsang par sems pa/ mi mdza' ba shi na dga' ba/ rten bcas shing sems can gsad pa/ 'thab mo la lta zhing dang pa dang bcu ste/ chos 'di bcus na tshe thung zhing nang mang bar 'gyur ro// ji ltar las bzang po byas pas tshe ring por 'gyur zhe na/ chos rnam pa bcus na tshe ring por 'gyur te/ bcu gang zhe na/ srog gcod pa spangs pa dang / srog gcod pa spang bar byed pa
- 151a
srog gcod pa spangs pa la bstod pa/ srog gcod pa spangs pa la smon pa/ gsad par chad pa'i sems can rnams gtong ba/ gsad par chad pa'i mi rnams gtong ba 'jigs shing skrag pa'i sems can rnams la bsgrubs byas pa/ mgon med pa'i sems can rnams la snying rje bar sems pa/ na ba'i sems can rnams la byams pas bsdud pa/ zil cing 'phongs pa'i sems can rnams la gos dang zas skom byin pa dang / chos bcus na tshe ring zhing nad med par 'gyur ro// ji ltar las kyis nang mang por 'gyur zhe na/ chos bcus nad mang por 'gyur te/ bcu gang zhe na/ dbyug pa dang thal mo la sogs pas btsogs pa dang / dbyug pa dang thal mo la sogs pas 'tshog tu bcug pa dang / dbyug pa dang thal mo la sogs pas 'chog pa la bstod pa/ dbyug pa dang thal mo la sogs pas 'chog pa la smon pa dang / pha ma rnams kyi sems nyon mongs pa/ mya ngan srid pa rnams kyi sems nyon mongs par mi mdza' ba rnams nan dga' ba/ mi mdza' ba rnams nang mi sos na dga' ba/ sman log pa byin pa/ zas mi chub za ba dang bcu ste/ chos 'di bcus na nang mang bar 'gyur ro// ji ltar las bzang po byas pas nad lung ngur bo ban na/ chos bcus na nad nyung bar 'gyur te/ bcu gang zhe na dbyug pa dang thal mo la sogs pas gzhan la mi 'chog pa/ dbyug pa
- 151b
dang thal mo la sogs pas chog tu mi gzhug pa/ dbyug pa dang thal mo la sogs pas 'chog par mi stong pa/ dbyug pa dang thal mo la sogs pas 'tshog pa la mi smon pa/ pha ma la sogs ban pa rnams la rim gro byed pa/ mya ngan bsrings pa rnams ra ba la rim gro byed pa/ mi mdza' ba rnams na na mi dga' ba/ mi mdza' ba rnams nad sos na dga' ba/ nad pa la sman byin pa zas zhu nas za ba dang bcu ste/ chos 'di bcus nang nyung bar 'gyur ro// ji ltar las kyi mi sdug par 'gyur zhe na/ chos bcus mi sdug par 'gyur te/ bcu gang zhe na/ khro ba/ gnod bcas pa/ cung zad las kyang khon du 'dzin pa/ gtum pa/ pha ma rnams la ngan du smra ba/ mya ngan bsrings pa rnams la ngan du smra ba/ mya ngan srid pa'i spyad pa kun la ngan du byed pa/ yang dag par gshegs pa'i mchod rten la 'od gcod pa/ gang zag mi sdug pa rnams rngan chan byed pa/ ci la'ang mi gtsang bar byed pa 'di dang bcu'o// ji ltar las kyis bzang por 'gyur zhe na/ chos bcus bzang por 'gyur te/ bcu gang zhe na/ mi khro ba/ gos byin pa/ yang dag par gshegs pa'i mchod rten la rtag tu phyag bdar byed pa/ gtsug lag khang la byi dor byed pa/ pha ma la snyan du smra ba/ mya ngan bsrings pa rnams la snyan du smra ba/ gang zag mi sdug pa rnams la rngan chan mi byed pa/ ci la'ang gtsang bar byed pa ste/ chos 'di dang bcu'o// ji ltar na las kyis
- 152a
dbang chung ngur 'gyur zhe na/ chos bcus na dbang chung ngur 'gyur te/ bcug pa zhe na/ gzhan gyis thob pa la phrag dog byed pa dang / gzhan gyis ma thob pa lnga dga' ba dang / gzhan gyis thob pa la mi dga' ba/ gzhan skyid pa dang / grags pa dang / tshigs su bcad cing sgra ba stod pa med pa la dga' ba/ gzhan skyid pa dang / grags pa dang / tshigs su bcad cing sgra bstod pa la mi dga' ba/ pha ma dang dge ba'i bshes gnyen la srid zhu mi byed pa/ mya ngan bsrings pa rnams la rim gro mi byed pa/ dbang chung ngu la mi dge ba'i rtsa ba skyed pa/ dbang chen po la dge ba'i rtsa ba gcod pa/ gang zag ngan pa byed pa rnams la bstod pa 'di dang bcu'o// ji ltar las kyis dbang cher 'gyur zhe na/ chos bcus na dbang cher 'gyur te/ bcu gang zhe na/ gzhan gyis thob pa la phrag dog mi byed pa/ gzhan gyis thob na dga' ba/ gzhan gyis ma thob pa la mi dga' ba/ gzhan skyid pa dang / grags pa dang / tshigs su bcad cing sgras pa stod pa med pa la mi dga' ba/ grags pa dang / tshigs su bcad cing sgras bstod pa la dga' ba/ byang chub kyi sems skye bar byed pa/ yang dag par gshegs pa'i mchod rten dang gnas byed pa/ dbang rlung ngu la mi dge ba'i rtsa ba gcod par byed pa/ dbang chen po rnams la dge ba'i rtsa ba bskyed pa dang bcu'o// ji ltar las kyis ma rabs su skye bar 'gyur zhe na/
- 152b
chos bcus nam rabs su skye bar 'gyur te/ bcu gang zhe na/ pha ma la pa mar mi 'dzin pa/ dge sbyong du mi shes pa/ bram zer mi shes pa/ rigs kyis btsun pa la mi bkur ba/ mkhan po dang / bla ma dang / thar par zhugs pa rnams la rim gro dang bsti stang du mi byed pa/ nams kyang mgron du mi gnyer ba/ pha ma la sri zhu mi byed pa/ mkhan po dang / bla ma dang / thar par zhugs pa rnams la khyad du gsod cing sri zhu mi byed pa/ rigs chen po las skyes pa'i gang zag rnams spong ba/ rigs chung ngu las skyes pa'i gang zag rnams la skur pa 'di dang bcu'o// ji ltar las kyis ya rabs su skye ba 'gyur zhe na/ chos bcus na ya rabs su skye bar 'gyur te/ bcu gang zhe na/ pha ma dran pa/ thar par zhugs par shes pa/ bram zer shes pa/ rigs kyis btsun pa la bkur ba/ mkhan po dang / bla ma dang / thar par zhugs pa rnams dang / thar pa spyod pa gzhan la'ang stan las langs te/ spag cing bsti stang ri mo dang / stan la sogs pa stob pa dang / pha ma la sri zhu byed pa/ mkhan po dang / bla ma thar par zhugs pa rnams la gzhun la'ang sri zhu byed pa/ ya rabs dang ma rabs su'ang khyad par mi byed cing snyoms pa/ yang dag par gshegs pa'i mchod rten gyi srog shing 'dzugs pa/ me tog gi 'phreng ba dang gdugs btsugs pa dang bcu'o// ji ltar las kyis dbul por
- 153a
'gyur zhe na/ chos bcus na dbul por 'gyur te/ bcu gang zhe na/ ma byin par len pa/ ma byin par len par 'jug pa/ ma byin par len pa la bstod pa/ @ byin par len pa la smon pa/ pha ma la 'tsho ba rnams gcod pa/ mkhan po dang / bla ma dang / thar par zhugs pa rnams kyi gtsug lag khang dang / gnas khang dang / mchod cing spyod pa kun gcod pa/ gzhan thob tu mi dga' ba/ gzhan gyis ma thob na dga' ba/ gzhan gyis thob pa la bgegs byed pa/ mu ge byung na smon pa dang bcu'o// ji ltar las kyis phyug por 'gyur zhe na/ chos bcus na phyug por 'gyur te/ bcu gang zhe na/ ma byin par len pa spong ba/ ma byin par len pa spong bar 'jug pa/ ma byin par len pa spong ba la dga' ba/ pha ma la 'tsho ba sbyin pa/ mkhan po dang / bla ma dang / lhag ma dang gzhan rnams la gtsug lag khang dang / gnas dang / rim par spyod pa dang / chos gos dang / mal stan dang / na ba'i gso sman dang / g.yog dang / 'tsho ba sbyin pa/ gzhan gyis thob pa la dga' bar sems pa/ gzhan gyis don thob par nan tan du bsgrubs pa/ gzhan gyis ma thob pa la mi dga'/ phyogs bcu thams cad du lo legs par ston pa/ sbyin pa la sogs pa gtong ba'i gang zag rnams la rab tu dga' ba dang bcu'o// ji ltar las kyis ngan par 'gyur
- 153b
zhe na/ chos bcus na ngan par 'gyur te/ bcu gang zhe na/ gang zag su'ang ste 'a dri mi shes pa/ yang dag pa'i chos ma yin pa kun 'phel bar byed pa/ yang dag pa'i chos spong ba/ yang dag ba'i chos 'chad pa la bsti stang dang ri mor mi byed pa/ ma gtsigs par smra ba la dge ba stong pa/ ngan pa'i gang zag rnams la 'khor zhing snyen pa/ yang dag pa la mkhas pa rnams spong ba/ log par lta ba la tshad mar 'dzin cing stod pa/ yang dag par lta ba la spong ba/ shes rab dang ldan pa'i gang zag rnams la spong ba dang bcu'o// ji ltar las kyis shes rab chen por 'gyur na na/ chos bcus na shes rab chen por 'gyur te/ bcu gang zhe na/ gang zag su'ang rung ste rim par 'dri shes pa/ mi mkhas pa'i dge sbyong dang / bram ze dang / ngan pa'i gang zag rnams la/ mi 'khor mi sten cing ri mo bsti stang mi byed pa/ mkhas pa'i gang zag rnams la 'khor zhing bsnyen nas ri mo bsti stang byed pa/ yang dag pa'i chos ma yin pa kun gtong ba/ yang dag pa'i chos 'phel bar byed pa/ chos kyi snod gang zag rnams mi 'jigs pa la goms par byed pa/ yang dag pa'i tshig snyan par smra ba la dge'o zhes bstod pa/ log par lta ba la mi smon pa/ yang dag pa'i lta ba la bstod pa dang bcu'o/ / ji ltar las kyis sems can dmyal bar skye bar 'gyur zhe na/ chos bcus na sems can dmyal bar 'gyur te/ bcu gang zhe na/ lus
- 154a
kyis ngan pa cher spyod pa/ ngag gis ngan pa cher spyod pa/ yid kyis ngan pa cher spyod pa/ chad par ltab/ rtag par lta ba/ bya ba'i mi rigs par ltab/ lan par med par byed pa/ mya ngan bsring ba la ngan du smra ba/ 'dod pa log par spyod du bcug pa dang bcu'o// ji ltar las kyis byol song du 'gyur zhe na/ chos bcus na byol song du 'gyur te/ bcu gang zhe na/ lus kyis ngan pa'i'abring du spyod pa/ ngag gis ngan pa 'bring du spyod pa/ yid kyis ngan pa 'bring du spyod pa/ 'dod pa sna tshogs kun g.yos pa'i las byas pa khro ba sna tshogs kun g.yos pa'i las byas pa/ glen pa sna tshogs kun g.yos pa'i las byas pa/ mi rigs pa byin pa/ byol song du 'gyur ba rnams la khro ba/ byang chub sems dpa'i smon lam gyi mthus seng ger skyes pa/ bram ze ched par byed pa kha ngan par byas pa'i las kyis spre'ur skyes pa lta bu dang bcu'o// ji ltar las kyis ring du'akhyams pa'i 'jig rten du skye bar 'gyur zhe na/ chos bcus ni ring du 'khyams pa'i 'jig rten du skye bar 'gyur te/ lus kyis ngan pa chung ngu spyod pa/ ngag gis ngan pa chung ngu spyod pa/ yid kyis ngan pa chung ngur spyod pa/ ngan pa la dad pa/ shin tu dad pa/ log pas 'tsho ba/ ser sna la dad cing mi gtong ba/ sbyin pa la bgegs byed pa/ 'dod pa la chags bzhin du shi ba/ bru ba tsha zhing
- 154b
nom pazhin du shib dang 'dun/ de ltar las kyis sa sa rA'i 'jig rten par 'gyur nan/ chos bzlas na u skA 'i 'jig rten du skye bar 'gyu / bcug rten/ thams/ cad la'ang lus kyis ngan pa cung zad spyod pa/ thams cad la'ang dag gis ngan pa cung zad spyod pa/ thams cad la'ang yid kyis ngan pa cung zad spyod pa/ ngar sems pa/ mi mtshungs pa'i da/ zla las lhag pa'i nga/ gong ma las lhag pa'i nga/ gong ma las kyang gong ma'i nga/ bdag la mi srid pa'i nga/ dge ba'i rtsa ba bskyed pa la log par smon pa dang 'acu ste/ chos 'di bcus nas su rang skye bar 'gyur ro// ji ltar las kyis mi'i 'jig rten skye ra 'gyur zhe na/ chos bzlas na ni'i 'jig rten du skye bar 'gyur to/ bcu gang zhe na/ dge ba bcwam lam ma nyams shing ma god pa ni mi'i 'jig rten du skye bar 'gyur ro/ / ji ltar las kyis 'dod pa drug na spyod pa'i lhar skye bar 'gyur zhe na/ chos bcus na/ 'dod pa drug na spyod pa'i lhar skye bar 'gyur te/ dge ba bcu'i lam las ma nyams shing brtson 'grus su bsdams pas na/ 'dod pa drug na spyod pa'i lhar skye bar 'gyur ro// ji lngar las kyis gzugs yod pa na spyod/ ba'i lhar skye bar 'gyur zhe na/ chos bcus na gzugs yod pa na spyod pa'i lhar skye bar 'gyur te/ bcu gang zhe na/ dge ba bcu'i las kyi lam la dad cing pha rol tu phyin pa drug tshad med pa
- 155a
bzhi kun rdzogs pa ni gzugs yod pa na spyod pa'i lhar skye bar 'gyur ro/ / ji ltar las kyis gzugs med pa na spyod pa'i lhar skye bar 'gyur zhe na/ dge ba bcu'i chos dang mi g.yo 'dzin pa bzhi'i chos spyad na/ gzugs med pa na spyod pa'i lhar skye bar 'gyur te/ mi g.yo ba bzhi ni/ gzugs thams cad las 'das te/ reg pa'i ming thams cad brjod du med pa nas/ chos sna tshogs smra bsam las 'das par nam mkha'i mtha' yas bsams nas/ nam mkha' mtha' yas skye mched stengs kyi mi g.yo 'dzin pa dang / nam mkha'i mtha' yas pa'i skye mched thams cad kun las 'das nas/ rnam par shes pa mtha' yas pa bsams nas/ rnam par shes pa mtha' yas pa'i skye mched stengs kyi mi g.yo mi 'dzin pa dang / rnam par shes pa mtha' yas pa'i skye mched thams cad las 'das nas/ cung zad kyang med par bsams te/ cung zad med pa'i skye mched stengs kyi mi g.yo mi 'dzin pa dang / cung zad med pa'i skye mched las 'das te sems med pa/ sems med pa ma yin pa bsams te/ sems med pa dang sems med pa ma yin pa'i skye mched stengs kyi mi g.yo mi 'dzin pa dang / chos 'di bzhis na/ gzugs med pa na spyod pa'i lhar skye bar 'gyur ro// ji ltar las kyis bzhin mi 'gyur bar skye ba gang zhe na/ dge ba'i rtsa ba las byas la des bdag cir smon lam
- 155b
btab pa dang / mtshams med pa'i sdig las byas pa de lta bu ni las bzhin mi 'gyur bar skye bar 'ong ngo // ji ltar las kyis 'gyur par skye zhe na/ sus dge ba'i las byas nas smon lam btab pa ni las des 'gyur zhing skye bar 'ong ngo / / ji ltar las kyis gang yul gzhan du skye bar 'gyur zhe na/ sangs rgyas kyang rung / chos kyang rung / dge 'dun yang rung / tshul khrims thub pa'i gang zag kyang rung ste/ de la shin tu dang par bsams nas byin pas/ yul gzhan du smon lam btab pa dang / las gang byas kyang rung ste/ bzang po dang ngan par 'gyur pa ni 'di lta ste/ dper na tshong pa bzhin te/ las de lta bus yul gzhan du song nas rnam par smin par gyur ro// ji ltar las kyis ma bsams par byas pa gang zhe na/ las byas nas 'gyod pa dang / khrel gyis dogs pa dang / nyes par sems pa dang / mi rigs pa dang / 'a chags pa dang / yal bar mi gtong ba dang / slar mi 'jug pa dang / da phyin chad mi byed par dam 'cha' ba dang / 'di lta bu'i las ni ma bsams par byas pa'o// ji ltar las bsams la ma byas pa gang zhe na/ lus kyi ma byas pa dang / sems rgyas shing las 'di bya'o zhes khar smras la/ ma byas pa de lta bu'i las ni bsams te ma byas pa'o/ / ji ltar las bsams te byas pa gang yin zhe na/ las gang byas kyang rung ste mi 'gyod pa/ khrel gyis dogs pa/ nyes par mi sems
- 156a
pa/ mi 'chags pa/ yal bar gtong ba/ slar 'jug pa/ phyin chad mi byed par dam mi 'cha' ba'o// ji ltar gang zag las 'di lta bu 'dus pas na/ sems can las dmyal bar skyes te/ sems can dmyal ba'i tshe kun rdzogs nas/ skye ba'i lam yin zhe na/ gang zag su'ang rung ste/ sems can dmyal ba'i las bsams te byas nas/ nges kyang mi 'gyod pa/ khrel gyis mi dogs pa dang / nyes par mi sems pa/ mi rigs par mi sems pa/ mi 'chags pa/ yal bar gtong ba/ slar ngan du 'jug pa/ phyin chad byed par dam 'cha' ba/ de lta bu'i las la dga' ba/ de lta bu la smon pa/ de lta bu'i las 'dus pa'i gang zag sems cad dmyal bar skyes te/ sems can dmyal ba'i tshe kun rdzogs nas slar skye'o/ / ji ltar gang zag las 'di lta bu 'dus pas sems can dmyal bar skyes te/ sems can dmyal ba'i tshe phyed zad nas slar skye ba'i las gang yin zhe na/ gang zag su'ang rung / sems can dmyal ba'i las byas pa nas 'gyod pa/ khrel gyis dogs pa/ nyes par sems pa/ mi rigs par sems pa/ 'chags pa/ yal bar mi gtong ba/ slar ngan du mi 'jug pa phyin chad mi byed par dma' cha' ba 'di lta bu'i las 'dus pa'i gang zag ni sems can dmyal bar skye ste/ sems can dmyal ba'i tshe phreng zad nas slar skye'o// ji ltar gang zag las 'dri
- 156b
lta bu 'dus pas/ sems can dmyal bar skyes ma thag tu slar skye ba'i las gang yin zhe na/ gang zag su'ang rung ste/ sems can dmyal ba'i las bsams te byas nas/ las de bas pa dang / 'gyod pa/ khrel gyis dogs pa/ nyes par sems pa/ mi rigs par sems pa/ 'chags pa/ yal bar mi gtong ba/ slar ngan du mi 'jug pa/ phyin chad mi byed par dam 'cha' ba/ de lta bu'i las la phyis mi dga' zhing mi smon pa/ spong zhing gtong ba/ phyis shin tu mi dga' ba'i yid bskyod pa/ 'di lta bu'i las 'dus pa'i gang zag ni sems can dmyal bar skyes ma thag tu slar skyes te/ de ni rgyal po ma skyes dgra bzhin no// ji ltar gang zag las 'di lta bu 'dus pas na/ sngar bde la phyis mi bde ba'i las gang yin zhe/ nagang zag su'ang rung ste/ byin pa byin yang yi rangs bzhin du ma byin/ dga' zhing bde ba'i yid du ma byas/ byin nas phyis 'gyod par sems pa/ gang zag de lta bu mir skyes na/ 'ang phyug po'i rigs su skye ste/ nor mang po dang / spyod pa mang po dang / mang po'i jo bor 'gyur te/ blon po dang / grogs po dang / gnyen dang / rigs gcig pa mang du 'dog pa dang / mdzod dang bang ba kun kyang gang ba/ shin tu bde zhing bzhon pa mang po dang ldan pa de lta bu ni/ skyid pa kun spyod de phyis dmas pa dang / zad par 'gyur te mi bde bar song ba las 'di lta bu 'du
- 157a
pa'i gang zag ni sngar btsan phyug cing bde la/ phyis bkres shing dmas pas mi bde bar 'gyur ro// ji ltar gang zag las 'dus pas/ sngar mi bde la phyis bde bar gyur pa'i las kyi 'bras bu ni gang yin zhe na/ gang zag su'ang rung ste/ sbyin pa sngar ma dang byin nas/ dad cing rangs pa'i sems phyis skyes pa'i gang zag de ni mir skyes na'ang dbul po'i rigs su skyes te zas dang spyod pa zhung ba/ nyon mongs shing zas dang gos med pa las/ phyis btsan phyug cing skyid par gyur te ci'i nga' phel te/ cis kyang mi brel bar 'gyur pa 'di lta bu'i gang zag ni sngar mi bde la phyis bde bar gyur pa'o/ / ji ltar gang zag las 'di lta bur gyur pas/ sngar kyang bde la phyis kyang bde bar 'gyur ba'i las gang yin zhe na/ gang zag su'ang rung ste/ sbyin pa byin pa mang po dang rangs par byin/ bdag kyang yid dga' ste byin pas phyis mi 'gyod pa'i gang zag de'i 'bras bu ni/ mir skyes na'ang phyug po'i rigs su skye ste/ nor mang po spyod pa dang / nor mang po'i jo bor 'gyur nas blon po dang / grogs po dang / gnyen dang / rigs gcig pa mang du bdog pa dang / bang mdzod thams cad kyang gang ba/ shin tu bde zhing bzhon pa mang po dang / de lta bu'i rigs su skye ste/ skyid pa de lta bu'i phyir skye zhing 'phel bar 'gyur te/ gang las 'di lta bu 'dus pas sngar yang bde/ phyis kyang bde bar 'gyur ro// ji
- 157b
ltar gang zag las 'di lta bu 'dus pas/ sngar mi bde la phyis kyang mi bde bar 'gyur ba'i las kyi bras bu ni gang yin zhe na/ gang zag su'ang rung ste/ dge ba'i grogs po spangs pa yin// sus kyang sbyin pa la ma bcug pa yin/ bdag nyid kyis kyang gzhan la byin pa ma byas pa gang yin pa'i gang zag de lta bu ni/ mir skyes na'ang dbul po bkren pa/ zan skom gyis 'phongs pa gos rgyab kyis 'phongs shing brel te/ nyon mongs bzhin du 'tsho ba dang / zan skom dang / gos rgyab kyis mi 'tsho ba dang / phyis kyang de las skyid cing spyod pa 'phel bar 'gyur ba'ang med de/ gang zag las de lta bu 'dus pas na sngar yang mi bde/ phyis kyang bde bar mi 'gyur ro// ji ltar gang zag las 'di lta bu 'dus pas na/ phyug la ser sna can du byed par 'gyur ba'i las kyi 'bras bu gang yin zhe na/ gang zag su'ang rung ste/ sbyin pa'i gnas la ci'ang bungs mi che zhing nyung ngu byin pa yin/ gtong ba la ni bsri zhing goms par byas pas/ gang zag de mir skyes na'ang phyug po'i rigs su skye ste/ nor dang spyod pa mang po yod kyang ser sna byed par 'gyur te/ de lta bu las 'dus pa'i gang zag ni phyug la ser sna che ba yin no// ji ltar phyug la gtong phod pa'i las kyi 'bras bu ni gang yin zhe na/ gang zag su'ang rung ste/ sbyin pa'i gnas la mang du byin zhing / sbyin pa phyir zhing goms par byas pa yin te/ gang zag de mir skyes na'ang phyug po'i
- 158a
rigs su skye ste/ zas dang spyod pas 'tsho zhing gtong ba yin te/ las de lta bu 'dus pa ni phyug la gdong phod pa'o// ji ltar na dbul la gtong phod pa'i las kyi 'bras bu yin zhe na/ gang zag su'ang rung / sbyin pa'i gnas ma yin pa la mang du byin yang / sbyin pa'i phyir zhing goms par byas pa yin pas/ gang zag der mir skyes na'ang dbul po'i rigs su skye ste/ zas dang spyod pas mi 'tsho zhing nyon mongs nas sdug cing gos zas kyis mi 'tsho yang gtong ba yin te/ las de lta bu 'dus pa'i gang zag ni dbul la gtong phod pa'o// ji ltar gang zag las 'di lta bu 'dus pas/ dbul la ser sna byed pa'i las su gyur pa yin zhe na/ gang zag su'ang rung / dge ba'i grogs po spangs pa/ sus kyang sbyin pa la ma bcug pa yin/ nyin kyis kyang sbyin pa ma byin pa yin/ sdig pa'i las kyang ma bsams ma byas pa yin te/ gang zag su'ang rung ste/ de mir skyes na'ang dbul po'i rigs su skyes te/ zas dang spyod pa la sogs pas mi 'tsho zhing nyon mongs nas sdug cing gos zas kyis brel nas ser sna byed pa yin te/ las de lta bu 'dus pa'i gang zag ni dbul po las ser sna byed pa'o// gang zag tshe zad la las ma zad pa gang zhe na/ gang zag su'ang rung / sems can dmyal bar shi nas/ yang sems can dmyal bar skye ba/ byol song las shi na' dbyol song du skye ba/ ring du 'khyams pa las shi na'ang
- 158b
ring du 'khyams par skye ba/ a su rar shi na'ang a su rar skye ba/ mi las shi na'ang mir skye ba/ de lta bu'i gang zag ni tshe zad la las ma zad pa yin no// gang zag las zad la tshe ma zad pa gang / zhe na/ gang zag su'ang rung ste/ sngon sgyid la phyis sdug par gyur pa/ snga na sdug la phyi nas skyid par gyur pa de lta bu'i gang zag ni las zad la tshe ma zad pa yin no// gang zag las dang tshe gnyis ka zad pa gang yin zhe na/ gang zag su'ang rung ste/ sems can dmyal bar shi nas byol song du skyes pa/ byol song las shi nas ring du 'khyams par skyes pa/ ring du 'khyams pa las shi nas a su rar skyes pa/ a su rar shi nas mir skyes pa/ mi las shi nas lhar skyes pa/ de lta bu'i gang zag ni las dang tshe gnyis ka zad pa yin no// gang zag las gang gis na tshe'ang ma zad/ las kyang ma zad la mya ngan spangs pa gang zhe na/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa gang zag de rnams las dang tshe ma zad mod kyi/ mya ngan spangs pa'o/ / gang zag lus bde la sems mi bde ba gang zhe na/ ma rabs kyis bsod nams byas nas/ 'khor lo bskor ba'i rgyal por gyur pa/ de lta bu'i gang zag ni lus bde la sems mi bde ba'o/ / gang zag sems bde la lus mi bde ba gang zhe na/ bsod nams ma byas pa'i dgra bcom pa ste/ khrims rdzogs pa 'gug pa lta bu dgra bcom pa'i gang zag ni/ sems bde
- 159a
la lus mi bde ba zhes bya'o/ / gang zag lus dang sems gnyis ka bde ba gang zhe na/ bsod nams byas pa'i dgra bcom pa ste/ khrims rdzogs pa rdo stobs lha bu'i gang zag ni lus dang sems gnyis ka bde ba'o/ / gang zag lus dang sems gnyis ka mi bde ba gang zhe na/ ma rabs kyi bsod nams ma byas pa de lta bu'i gang zag ni lus dang sems gnyis ka mi bde ba'o/ / ji ltar gang zag las 'di lta tha 'a dus pas na/ ngan pa'i sar skyes la gzugs legs pa dang / bzang po dang / sdug gu dang / kha dog mdzes pa dang / mdog snum pa dang / mthong na dga' ba'i las gang yin zhe na/ chags pa g.yos te tshul khrims nyams pa dang ldan pa'i gang zag ni ngan pa'i sar skyes la/ gzugs legs pa dang / bzang po dang / sdug gur 'gyur ro// ji ltar gang zag las 'di lta bu 'dus pas na/ ngan pa'i sar skyes la/ gzugs ngan pa dang / lus rtsub pa dang / mi sdug pa dang / mthong na mi sdug par 'gyur ba'i las gang zhe na/ khro ba skyes shing khrims mi thub pa dang ldan pa'i gang zag 'di lta bu 'dus pas na/ ngan pa'i sar skyes la gzugs ngan pa dang / lus rtsub pa dang / mi sdug par snang ba dang / mthong na yid du mi 'ong bar 'gyur ro// ji ltar gang zag las 'di lta bu 'dus pas na/ ngan pa'i sar skyes la/ dri mi zhim pa dang / dbang po ma tshang ba dang / dbang po mi mthun par
- 159b
/ 'gyur pa'i las gang yin zhe na/ glen par skyes shing khrims mi thub pa dang ldan pa/ gang zag las 'di lta bu dang 'dus pas na/ ngan pa'i sar skyes la dri mi zhim pa dang / dbang po ma tshang ba dang / dbang po mi mthun par 'gyur ro// ji ltar mi dge ba bcu'i las byas pa'i rgyus/ phyi rol gyi yul sa rnams ngan du 'ong 'gyur ba yin zhe na/ srog bcad na de'i lan gyis sa'i mdog nyams par 'ong ngo / / ma byin par blangs na de'i lan gyis ser ba dang / bye ba dang / byi ba dang / srin mang du 'ong bar 'gyur ro// mi tshangs par spyod pa byas pas/ de'i las kyis khug rna dang / rlung dang / rdul chen po 'ong ba'i sar skya'o// brdzun mang du byas pa'i las kyi 'bras bu ni/ khar mnam por 'gyur ba/ lkugs ma zhim par 'ong ngo // phra ma mang du byas pa'i las kyi 'bras bu ni yul mtho dman can dang / lcang lcong dang / mi gtsang ba dang / na rgong pa dang / rdo ba gram khrod can gyi yul du skye'o// kha 'khyal pa byas pa'i las kyi 'bras bu ni/ grog po mang ba rtsi shing dang / yal ga dang / ba dab ma tsher ma can dang / nags tshang tshing can gyi yul du skye'o// brkam par byed pa'i 'bras bu ni/ 'bru 'bras ci'ang phra mor 'ong ngo // khro byas pa'i lan gyis sa bon 'bras bu tsha ba dang / sgyur ba dang / kha bar 'ong ngo // log par bltas pa dang / byed du bcug pa'i las kyi rgyus ni/ sa bon dang 'bras bu chung zhing ngan par
- 160a
'ong ngo / / 'di ltar mi dge ba bcu'i las byas pas pha rol gyi yul sa rnams ngan par 'gyur zhing mi bde ba'i gnas su skye bar 'gyur ro// bcom ldan 'das kyis lang bka' stsal pa/ ma nab ngan pa rnam pa bcur 'gyur yang go zhing shes par byos shig/ bcu gang zhe na/ dgra mang du 'gyur ba/ yid du mi 'ong bar snang ba/ tshe thung ba/ sdig pa'i las la sems pa/ sems can rnams 'jigs par 'gyur ba/ mi dga' bzhin nyal ba/ mi dga' bzhin sad pa/ rmi lam ni sdig pa mthong ba/ phyis 'gyod pa/ tshe thung ba'i yas sems shing byed pa yin te/ shi nas lus dang bral na lam ngan par lhung zhing sems can dmyal bar skye'o// ma byin par blangs na las kyi rnam par smin pa bcur 'gyur te/ bcu gang zhe na/ da grar 'gyur ba yin/ dogs par 'gyur ba yin/ mi rigs par 'gro ba yin/ mtshan mo 'a khyams pa yin/ sdig pa'i grogs po kun gyis zin pa yin/ dge ba'i grog kun spangs pa yin/ / khyim mi thub pa yin/ rgyal pos gyod btab pa yin/ chad pas bcad pa yin/ mi skyid par byed par 'gyur ba'i las sems shing byed pa yin te/ shi nas lus dang bral nas lam ngan par ltung zhing sems can dmyal bar sme'o/ / mi tshangs par spyod pas na ngan pa bcur 'gyur ba shes par byos shig/ bcu gang zhe na/ gzhan gyi khyo shug dang
- 160b
hal ba yin/ glags tshol ba yin/ khyo shug dang 'thab pa yin/ khyo shug 'phrog pa yin/ mi dge ba'i chos kun skye ba yin/ dge ba'i chos kun byung zhing 'bri bar 'gyur ba yin/ bdag kyang bden par mi bsrung ba yin/ bu smad la sogs pa'ang bden par ma bsrungs pa yin/ dogs par 'gyur pa yin/ gnyen dang / grogs po dang / rigs gcig pa dgrar 'gyur ba'i las sems shing byed pa yin te/ shi nas lus dang bral na lam ngan par ltung zhing sems can dmyal bar skye'o// brdzun byas na ngan pa bcur 'gyur te/ bcu gang zhe na/ de'i lus lha rnams mi 'khor ba/ mi ma yin pa rnams 'khor ba/ gzhan gyis bslu ba/ bdag gi tshig mi brtan pa/ kha mnam pa/ drang por smras kyang su'ang yid mi ches pa/ brdzun po che de la dri ba'i mi rigs zhes zer ba/ de la tshigs su bcad cing bstod pa med par grags par 'gyur ba/ su'ang mi nyan pa'i tshig tu 'gyur ba/ kun tu ngan du brjod pa'i las sems shing byed pa yin te/ shi nas lus dang bral nas lam ngan par lhung zhing sems can dmyal bar skye'o// chang 'thungs na ngan pa bag med pa sum cu rtsa lngar 'gyur ba shes par byos shig/ sum cu rtsa lnga gang zhe na/ mngon par snang bzhin du nor zad pa/ ma dad pa mang po 'du ba/ 'thab mo dang rtsod pa rnams skye ba/ khrel zhing ngo ches
- 161a
mi 'dzem pa/ mi nyan par grags par byed pa/ shes rab nyams par byed pa/ skyid pa sngan chad ma bsags pa/ da yang mi sogs pa/ sgying pa'i gsags pa kun zad cing med par byas pa/ gsang ba'i rnams smra ba/ las su bya ba'i rnams shor ba/ zhan te ma mya ngan gyi rtsa ba/ mar mi 'dzin pa/ bar mi 'dzin pa/ thar par zhugs par mi shes pa bram zer mi shes pa/ rigs btsun pa la bsti stang rim gro mi byed pa/ sangs rgyas la rim gro mi byed pa/ chos la rim gro mi byed pa/ dge 'dun la rim gro mi byed pa/ sdig byed pa'i grogs po la rim gro byed pa/ dge ba'i grogs po kun spang zhing khyad du gsod pa/ ngon mi shes pa/ khrel gyis mi dogs pa/ sba zhing mdzes pa'i bag mi byed pa/ g.yem pa la bag med pa/ 'gro ba mang po'i yid du mi 'ong ba/ 'gro ba mang pos smad pa/ rigs chen po dang / gnyen pa dang / rigs gcig par spangs pa/ yang dag pa'i chos ma yin pa kun 'dzin pa/ yang dag pa'i chos kun spong ba/ nyes par byed kyis bstod pa'i mi rigs shes bla mas smad pa/ mya ngan las 'das pa dang ring du bral ba/ smon par 'gyur pa'i las sems shing ngan pa'i skyon sna tshogs su byed pa yin te/ shi nas sems can dmyal bar lhung zhing lus dang bral na'ang lam ngan par 'gro bas bla 'og kun gyis kyang mi btung zhing spang bar bya'o//
- 161b
man pa bde bar gshegs pa'i mchod rten la thal mo sbyar nas gus pas phyag byas na/ legs pa bcu thob par 'gyur te/ bcu gang zhe na/ chen po'i rigs su skye ba/ gzugs chab 'khor mang po/ pha ma la rim gro bsti stang che ba/ nor mang ba/ mang du thos pa/ dad pa dang ldan pa/ mang du dran pa/ shes rab chen po/ mtho ris kyi lam chen po thob par 'ong ngo // yang dag par gshegs pa'i mchod rten la phyag 'tshal na/ legs pa bcu thob par 'gyur te/ bcu gang zhe na/ gzugs bzang por 'gyur/ skad snyan par 'gyur/ ngag kun gyis mnyan par 'gyur/ 'khor kun gyis stong par 'gyur/ skyid pa dang ldan par 'gyur/ lha dang mi'i nang na'ang dbang che bar 'gyur/ spyod pa mang por 'gyur/ mtho ris su skye bar 'gyur/ mya ngan las 'das pa'ang myur du thob par 'gyur/ yang dag par gshegs pa'i mchod rten la gdugs phul na/ legs pa bcu thob par 'gyur te/ bcu gang zhe na/ gdugs dang 'dra bar 'gyur/ 'jig rten la mi gnod par 'gyur/ smon pa'i gnas su 'gyur/ 'jig rten gyi dbang por 'gyur/ las sems shing byed par 'gyur/ phyi phyir 'khor lo'i rgyal po thob par 'gyur/ dbang chen por 'gyur/ spyod pa mang por 'gyur/ mtho ris su skye bar 'gyur/ mya ngan las 'das pa'ang myur du thob par 'gyur ro// yang dag par gshegs
- 162a
pa'i mchod rten la dril bu phul na/ legs pa bcu thob par 'gyur te/ bcu gang zhe na/ gzugs bzang bar 'gyur ba yin/ dbyangs snyan pa yin/ yid du 'ong ba smra ba yin/ bya ka la bing ka'i sgra skad du smra ba yin/ kun gyis mnyan par 'gyur ba yin/ rtag tu dga' zhing rangs pa yin/ phyi phyir yid du 'ong ba'i sgra thos pa yin/ spyod pa mang po yin/ mtho ris su skye ba yin/ mya ngan las 'das par 'gyur ba yin no// yang dag par gshegs pa'i mchod rten la na bza' phul na/ legs pa bcu thob par 'gyur te/ bcu gang zhe na/ mdog 'jam pa yin/ lus rdul mi chags pa yin/ khrel ltas dang ldan pa yin/ mthong na dga' ba yin/ rtag tu gos dang ldan pa yin/ 'jam zhing bzang po gos rtag pa yin/ ci'ang rnyed pa yin/ spyod pa mang ba yin/ mtho ris su skye ba yin/ myur du mya ngan las 'das pa thob pa yin no// yang dag par gshegs pa'i mchod rten la me tog phul na/ legs pa bcu thob par 'gyur te/ bcu gang zhe na/ 'jig rten gyi nang na me tog dang 'dra bar 'gyur/ gsung gi dbang po gtsang bar 'gyur/ lus la mnam paji rnam par 'gyur/ lus gtsang mar 'gyur/ phyogs bcur khrims thub gzungs rgyas par 'gro/ kun kyang de las 'du bar 'gyur/ 'jig rten gyi nang na rnyed par 'gyur/ ngang pa'i chos
- 162b
nams mang du 'grub par 'gyur/ mtho ris su skye bar 'gyur/ myur du mya ngan las 'das par 'gyur ro// yang dag par gshegs pa'i mchod rten la me tog 'phreng ba phul na/ de'i legs pa bcu thob par 'gyur te/ bcu gang zhe na/ 'jig rten gyi nang na me tog gi 'phreng ba dang 'dra bar lus la mnam pa'i dri zhim par 'gyur/ lus gtsang bar 'gyur/ rtag tu dri zhim par 'gyur/ rgyan dang ldan par 'gyur/ 'khor gyi rnams gtong zhing nye bar 'gyur/ kho mo thams cad kyi yid du 'ong bar 'gyur/ spyod pa mang du 'gyur/ mtho ris su skye bar 'gyur/ myur du mya ngan las 'das par 'gyur/ yang dag par gshegs pa'i mchod rten la mar me phul na/ legs pa bcu thob par 'gyur te/ bcu gang zhe na/ 'jig rten gyi nang na mar ma dang 'dra bar 'gyur/ sha'i mig gtsang bar 'gyur/ 'phrul gyi mig thob par 'gyur/ mi shes pa'i mun pa nag po med par 'gyur/ shes rab kyi 'od thob pa 'gyur/ dge ba dang mi dge ba'i don rnams bye brag byed par 'gyur/ 'khor ba na 'khor yang mun pa dang myos par mi 'gyur/ spyod pa mang por 'gyur/ mtho ris su skye bar 'gyur myur du mya ngan las 'das par 'gyur ro/ / yang dag par gshegs pa'i mchod rten la spos phul na/ legs pa bcu thob par 'gyur ro// bcu gang zhe na/ 'jig rten gyi nang
- 163a
na spos dang 'dra bar 'gyur/ sna'i dbang po rno bar 'gyur/ lus dri zhim pa gtsang bar 'gyur/ rtag tu dri zhim par 'gyur/ gzugs bzang por 'gyur/ sems can dga' zhing 'du bar 'gyur/ 'jig rten gyi nang na rnyed par 'gyur/ dad pa'i chos rnams mang du 'grub par 'gyur/ mtho ris su skye bar 'gyur/ myur du mya ngan las 'das par 'gyur ro// yang dag par gshegs pa'i mchod rten la rnga phul na/ legs pa bcu thob par 'gyur te/ bcu gang zhe na/ gzugs bzang por 'gyur/ skad snyan par 'gyur/ smras pa yid du 'ong bar 'gyur/ skyid pa dang ldan par 'gyur/ rtag tu dga' bar 'gyur/ tshig kun gyis nyan par 'gyur/ phyi phyir sgra snyan pa thob par 'gyur/ spyod pa mang por 'gyur/ mtho ris su skye bar 'gyur/ myur du mya ngan las 'das par 'gyur ro// yang dag par gshegs pa'i mchod rten brtsigs na/ legs pa bcu thob par 'gyur te/ bcu gang zhe na/ rigs chen por 'gyur/ gzugs dang mig bzang zhing sdug par 'gyur/ dbang che zhing 'khor ma la snying nye bar 'gyur/ spyod pa mang por 'gyur/ kun bzlum pa'i gnas su 'gyur/ rigs su bcad pa dang / bstod cing bskyed pas phyogs bcur cher grags shing lha dang mi rnams kyis mchod par 'gyur/ byi phyir nor ma zhing 'khor lo sgyur ba'i rgyal por 'gyur/ byang chub sems
- 163b
dpa' rdo rje snying po'i lus su 'gyur/ myur du mya ngan las 'das par 'gyur/ stan gyi sbyin pa gtong bar byas na/ legs pa bcu thob par 'gyur te/ bcu gang zhe na/ 'jig rten gyi nang na bla mar 'gyur/ bzang por smad par 'gyur/ 'gro ba mang po la skyid pa'i sgra grags par 'gyur/ spyod pa mang por 'gyur/ mtho ris su skye bar 'gyur/ myur du mya ngan las 'das par 'gyur/ / lham gyi sbyin pa byas pas legs pa bcu thob par 'gyur te/ bcu gang zhe na/ bzhon pa kun gyis mi brel bar 'gyur/ rkang pa legs par 'gyur/ lam du zhugs na mthu dang ldan par 'gyur/ lus mi zhan par 'gyur/ lam du zhugs na rdo shing gis mi snang bar 'gyur/ rdzu 'phrul gyi rkang pa thob par 'gyur/ g.yog bran dang ldan pa bde bar 'gyur/ mtho ris su skye zhing myur du mya ngan las 'das par 'gyur ro// snod kyi sbyin pa gtong ba byas na/ legs pa bcu thob par 'gyur te/ bcu gang zhe na/ snod spyod dang ldan par 'gyur// 'jig rten gyi yon tan du 'gyur/ skom dang chung bar 'gyur/ skom na'ang btung ba dang ldan par 'gyur/ sems mnyen par 'gyur/ ring du 'khyams par ma skye bar 'gyur/ lha dang mi kun la dga' bar 'gyur/ spyod pa mang por 'gyur/ mtho ris su skye bar 'gyur/ myur du mya ngan las 'das par 'gyur ro// zas kyi sbyin pa gtong ba byas na/ legs pa bcu thob
- 164a
par 'gyur te/ bcu gang zhe na/ tshe ring bar 'gyur/ dbang dang ldan par 'gyur/ stobs dang ldan par 'gyur/ dran pa dang ldan par 'gyur/ smra ba dang ldan par 'gyur/ 'khor 'du zhing mgu bar byed par 'gyur/ lha dang mi kun mgu bar 'gyur/ longs spyod mang por 'gyur/ bde bar 'gyur/ mtho ris su skye bar 'gyur/ myur du mya ngan las 'das par 'gyur ro/ / gnas kyi sbyin pa gtong ba byas na/ legs pa bcu thob par 'gyur te/ bcu gang zhe na/ rgyal phran du 'gyur/ 'khor gyi rgyal por 'gyur/ gzhan gyis mi tshugs pa'i rgyal por 'gyur/ gling gcig gi rgyal por 'gyur/ gling gnyis kyi rgyal por 'gyur/ gling gsum gyi rgyal por 'gyur/ gling bzhi'i rgyal por 'gyur/ spyod pa mang por 'gyur/ mtho ris su skye bar 'gyur/ myur du mya ngan las 'das par 'gyur ro// thar par zhugs na/ legs pa bcu thob par 'gyur te/ bcu gang zhe na/ bu dang / chung ma dang / gnyen dang / 'du 'dzi la ma chags pa dang / ser sna med pa yin/ 'dod pa len pa med pa yin/ shing khrod na gnas pa la mi dga' ba med pa yin/ rin po tshe gsum la ri mor byed pa yin/ mi shes pa'i gnas las bral ba yin/ ngan par 'gro ba'i chos dang bral ba yin/ dge ba'i chos kun tshol ba yin/ lha dang mi la dben pa yin
- 164b
rtag tu yang dag par gshegs pa'i 'phags pa bzhan du thar par zhugs sha mas byed pa yin/ myur du ma bde ba las thar te mya ngan las 'das par 'gyur ro// skom gyi sbyin pa byas na/ legs pa bcu thob ste/ bcu gang zhe na/ dbang po thams cad tshang par 'gyur/ dpral ba'i dbyes legs par 'gyur/ smras pa kun mgu bar 'gyur/ sems mnyen par 'gyur/ skom dang chung bar 'gyur/ skom narang btung ba dang ldan par 'gyur/ ring ngur khyams par mi skye longs spyod mang bar 'gyur/ mtho ris sna bar 'gyur/ myur du mya ngan las 'das par 'gyur ro// bzhon pa sbyin gtong byas na/ legs pa bcu thob par 'gyur te/ bcu gang zhe na/ rkang pa 'jam pa yin/ rkang pa'i dbyibs legs par 'gyur/ rkang gis 'gro na lus la gnod par mi 'gyur/ mi mdza' ba med par 'gyur/ rdzu 'phrul gyi rkang pa dang ldan par 'gyur/ bzhon pas mi thel bar 'gyur/ spyod pa mang bar 'gyur/ bde bar 'gyur/ mtho ris su skye bar 'gyur/ myur du mya ngan las 'das par 'gyur ro// khrod dben par gnas pa la legs pa bcu thob par 'gyur te/ bcu gang zhe na/ mang po 'dus pa rnams spang ba/ shin tu dben par spyod pa/ bsam gtan la dmigs pa'i sems su 'gyur ba chung ngu byed pa/ sangs
- 165a
rgyas la bsnyen pa/ lus sangs rgyas la bsnyen pa/ lus dge zhing bde bar spyod pa/ bar ma dor mi 'khyams pa/ chos ji lta bur thos pa'i don rgyas pa shes pa/ mi g.yo 'dzin rab tu thob pa/ shes rab shin tu thob pa'o// slong ba legs pa bcu thob par 'gyur te/ bcu gang zhe na/ 'gro ba la goms par 'gyur/ gnas kun ring bar 'gyur/ rgyal spangs par 'gyur/ bdag rang khe dang ldan par 'gyur/ gzhan bsod nams la bkod par 'gyur/ bstan pa'i chos rgyas par 'gyur/ phyis byung ba'i rnams la snang bar byed par 'gyur/ thar par zhugs pa'i tshul las mi 'gal bar byed par 'gyur/ snang ba'i sems su 'gyur/ dge ba'i khrims tshangs pa'i sems slongs mo la zhugs pas phyogs gang du'ang mun par mi 'gyur ba yin/ thub cing mi 'jigs pas na/ legs pa bcu thob par 'gyur te/ bcu gang zhe na/ mi 'jigs bzhin du grong du 'jug pa/ mi 'jigs bzhin du grong nas 'byung ba/ mi 'jigs bzhin du rigs pa 'jug pa/ mi 'jigs bzhin du 'khor la chos 'chad pa/ mi 'jigs bzhin du dge 'dun gyi nang du 'jug pa/ mi 'jigs bzhin du mkhan po dang slob dpon gyi nang du 'gro ba// byams pa'i stobs rnams la spong ba/ mi 'jigs bzhin du chos gos dang / zas dang / mal stan dang / sman dang / g.yog la sogs pa rnams spyod pa mi 'jigs par kha ton dang / klog pa
- 165b
dus zad pa'i tshe yang mi 'jigs pa bzhin no/ / bcom ldan 'das kyis de skad ces gsungs pa dang / sto'uru de ya'i bu shu ko ma na bstan las langs te/ phyogs gcig tu 'dug ste/ pus mo g.yas pa'i lha nga sa la btsugs te/ bcom ldan 'das la logs su thal mo sbyar te phyag 'tshal nas/ 'di skad ces gsol to// bcom ldan 'das dkon mchog gsum la phyag 'tshal skyabs mchi'o/ / deng phan chad bdag gi nam du'ang dge ba'i bshes gnyen mdzad par dgongs su gsol zhes gsol to// las rnam par 'gyur ba bam po gcig pa rdzogs so// / rgya gar skad du/ A yu par+ya na ta sU tra/ bod skad du/ tshe'i mtha'i mdo/ dkon mchog gsum la phyag 'tshal lo// 'di skad bdag gi thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de nas bcom ldan 'das kyis/ dge slong rnams la bka' stsal pa/ dge slong dag khyed sems can rnams kyi tshe'i mtha' thos par 'dod dam/ bcom ldan 'das de'i dus la bab lags so// bde bar gshegs pa de'i dus la bab lags so// bcom ldan 'das sems can rnams kyi tshe'i mtha' bstan pa/ bcom ldan 'das las thos nas dge slong dag 'dzin par bgyid lags so// dge slong dag de'i phyir legs par rab tu nyon la yid la zung zhig dang
- 166a
bshad do/ / dge slong dag dmyal ba rnams kyi tshe'i tshad ni ring na bskal pa gcig ste/ bar ma dor 'chi ba ni yod do// dge slong dag dud 'gro rnams kyi tshe'i tshad ni ring na bskal pa gcig sde/ bar ma dor 'chi ba ni yod do// dge slong dag mi rnams kyi nyin zhag sum cu gang yin pa de yi dgas rnams kyi nyin zhag gcig go// nyin zhag de sum cu la zla ba gcig/ zla ba bcu gnyis la le gcig ste/ yi dgas rnams kyi tshe'i tshad ni lo de lta bu brtsis pa'i lo lnga brgya ste/ de'i mi'i brtsis na lo khri lnga stong yod de/ bar ma ngor 'chi ba ni yod do// de nas bcom ldan 'das kyis de'i tshe tshigs su bcad de bka' stsal pa/ ji ltar rab tu che ba'i lus 'greng zhing // mchu dang mig bskams shin tu sdug bsngal ba// rang gi sgras yog kha gdangs gnam du lta// sna ni khab ltar rab tu phra ba dang / / rus gong 'dra lus gcer bu rang sgras g.yog/ gzugs mi sdug pa 'greng zhing thod pa thogs// bkres dang skom dang ngal bas rab gzir gang // cho nges 'debs shing kun tu rgyug pa dag/ nyam thag skad 'byin sdug bsngal tshor ba myong // phan tshun phrag dog ser sna 'dir bsten cing // 'dir ni sdig pa'i las ngag byas pa yis// yi dgas 'jig rten du ni de dag skyes/ dge slong dag shar gyi lus 'phags kyi mi rnams kyi tshe'i tshad ni lo nyis brgya lnga bcu ste/ bar ma dor 'chi ba ni yod // dge slong dag nub kyi ba lang spyod kyi mi rnams kyi tshe'i tshad ni lo lnga brgya
- 166b
ste/ bar pa dor 'chib ni yod do// dge slong dag byang gi sku mi spyan gyi mi rnams kyi tshe'i tshad ni ma stong ste/ bar mdor 'chi ba ni med do// myu gang gis sgra mi snyan pa rnams kyi tshe'i tshang ma spyod/ thub la bar ma dor 'chi ba med ce na/ dge slong dag byang gi sgra mi snyan gyi mi rnams kyi ni bdag gi med cing yongs su 'dzin pa med la/ tshe nges pa yod cing 'di nas shi 'phos nas kyang khyad par du 'gro ste/ phyi ma la mtho ris su nye bar 'gro'o// dge slong dag rgyu nges na/ byang gi sgra mi snyan gyi mi rnams kyi tshe'i tshad lo stong thub la/ bar mdor 'chi ba med do// de nas bcom ldan 'das kyis de'i tshe tshigs su bcad de bka' stsal pa/ dbul bas sdug bsngal sems can dag/ gzhan gyi nor la smon pa byed// de dag dam pa ma bsten pas// gzhan gyi mngag gzhug ngan cing dman// longs spyod dag dang ldan pa yi/ / phyug cing nor mang sems can ni// nor dang 'bru dang skye bor ldan// de dag dam pa bsten pa yin// bsod nams phyug pas nyer 'tsho ba'i// dge ba'i las ni 'dir bas pas/ / 'byor pa chen po phun sum tshogs// lha bzhin du ni dga' ba yin// lkog gyur gang yin mi snang ste// mngon sum 'di la lta bar byos// gang dag kha cig 'jig rten na// bde ldan sngon byin 'bras bu yin/ / byang phyogs gling gi mi rnams ni// bdag gi med cing yongs 'dzin med// dpag bsam las byung gos sten pa// de ni sngon byin 'bras bu yin// de dag grang dang
- 167a
tsha ba med/ / de dag la ni nad med cing // gzugs dang kha dog phun sum tshogs// de ni sngon byin 'bras bu yin// byang phyogs gling na ma nyams shing // ma grugs dag cing gtsang ba dang / shin tu dkar ba'i sA lu skye// de ni sngon byin 'bras bu yin// nor bu 'od byed 'bar ba yis// de rnams rtag tu mdzes pa dang // de dag gi zas 'ju byed gang // de ni sngon byin 'bras bu yin/ / de dag la ni tshod ma dang // sran chod kyang ni cung zad med// kha dog dang ror ldan pa yi// sA lu dag ni rtag tu za// zas ni lan cig byin pa yis// stan las ma langs bar du ni/ / zad mi shes par sder la yod// de ni sngon byin 'bras bu yin// ku ba'i 'bras bu 'dra ba dang // bcad kyang yal ga las skyes te// brdas na btso mi dgos par za// de ni sngon byin 'bras bu yin/ / de dag 'a bab rlu bsil ba dang // bathungs kyang lto la mi gnod pa'i// yan lag brgyad ldan chu la yod// de ni sngon byin 'bras bu yin// rol mo'i ljon shing gang dag gis// de dag rtag tu rtse zhing dga'// yid ni rtag tu bde dang ldan// de ni sngon byin 'bras bu yin// de dag rol mo'i ljon shing bzang // gos kyi ljon shing mang po dang // spos kyi ljon shing phun sum tshogs/ / de ni sngon byin 'bras bu yin// spos dang me tog rol mo dang // de bzhin du ni gos rnams kyang // gang dag ji ltar 'dod pa bzhin// de dag de bzhin 'byung bar 'gyur// ne'u gsing
- 167b
dag ni sngon po la/ / shing bal lta bur rab 'jam pa// gang du de dag rtag rtse ba// de ni sngon byin 'bras bu yin// de dag la ni khro med cing // ser sna dang ni phrag dog med// phan tshun dag tu rtse byed pa/ de ni sngon byin 'bras bu yin// mtshan mo thun chod dang po la// skad cig tsam zhig char 'bab cing // rdul rnams med par byed pa ste// de ni sngon byin 'bras bu yin// de dag yongs su 'dzin med pas/ / ma dang bur yang mi shes shing // sdug bsngal bsam pas mya ngan med// de ni sngon byin 'bras bu yin// mdag gis kyang rang gi bu// lam stong dag tu bor te 'gro// mthe bo las ni 'o ma 'dzag/ de ni sngon sbyin 'bras bu yin// de dag gang yang ngu ba med// shi na yang ni bor te 'gro// bya dag gis ni gling ba phyags pa// de ni sngon byin 'bras bu yin// khor yug dag ni 'obs kyis bskor/ / glu gar yid du 'ong ba yis// gang du rtse zhing dga' byed pa// de ni sngon byin 'bras bu yin// mi yi tshe ni lo stong po// zad pa dag tu byas nas ni// bar ma dor ni 'chi ba med/ / de ni sngon byin 'bras bu yin// dpal ni rgyas par spyad nas su// mi yi lus ni bor nas kyang // lha yi nang du skye bar 'gyur// de ni sngon sbyin 'bras bu yin// dge slong dag 'dzam bu gling gi mi rnams la ni yar 'phel ba dang / mar 'grib pa yod de/ dge slong dag 'dzam bu gling ki mi rnams kyi tshe dpag tu med par yang 'gyur/ tshe lo brgyad khri pa dang
- 168a
tshe lo brgya pa dang / tshe lo bcu par 'gyur ro// dge slong dag 'dzam bu gling gi mi rnams kyi da ltar gyi tshe'i tshad ni lo brgya pa yin no// dge slong dag rtswar ni 'dzam bu gling gi ni/ rnams las ring du 'tsho ba gang yin pas legs par bde bar gnas nas lo brgya pa 'am/ lo brgya las cung zad cig lhag par thob bo// dge slong dag 'tsho ba'i gnas skab ni bcu myong bar 'gyur te/ gnas skabs dang po ni zhan cing gnas la du nyal ba ste byin pa yin no// gnas skabs gnyis pa ni rtse ba'i rang bzhin can gzhon du yin no// gnas skabs gsum pa ni 'dod pa la spyod pa ste lang tshol bab pa yin no/ / gnas skabs bzhi pa ni spro ba dang ldan zhing nyams stobs dang ldan pa yin no// gnas skabs lnga pa ni stobs dang ldan zhing shes rab dang ldan pa yin no// gnas skabs drug pa ni dpyod pa'i rang bzhin can te dran pa dang ldan pa yin no/ / gnas skabs bdun pa ni chos lugs khong du chud pa yin no// gnas skabs brgyad pa ni rgyal po sa bkur zhing rgan rabs su bkur ba yin no/ / gnas skabs dgu pa ni rgas shing 'khogs pa ste rgan po yin no// gnas skabs bcu pa ni tshe'i tshad mthar thug ste 'chir nye ba yin no// dge slong dag lo brgyar 'tsho bas gnas skabs bcu po de dag myong bar 'gyur ro/ / dge slong dag lo brgyar 'tsho ba ni/ dus tshigs sum brgyar 'tsho ste/ dgun gyi dus tshigs brgya dang / dpyid kyi dus tshogs brgya dang / dbyar
- 168b
gyi dus tshigs brgya rnams so/ / dus tshigs sum brgyar 'tsho ba ni/ zla ba bcu gnyis phrag brgyar 'tsho ste/ dgun bzhi dang / dpyid bzhi dang / dbyar bzhi rnams so// zla ba bcu gnyis phrag brgyar 'tsho ba ni/ zla ba phyed nyis stong bzhi brgyar 'tsho ba ste/ dgun brgyad dang / dpyid brgyad dang / dbyar brgyad rnams so// zla ba phyed nyis stong bzhi brgyar 'tsho ba ni/ nyin zhag sum khri drug stong du 'tsho ste/ dgun bcu gnyis dang / dpyid bcu gnyis dang / dbyar bcu gnyis rnams so// nyin zhag sum khri drug stong du 'tsho ba ni/ bar chad du 'gyur ba ma gtogs par zan bdun khri nyis stong za'o/ / de la 'di dag ni zan bar chad du 'gyur pa yin te/ 'khrugs nas ma zos pa dang / sdug bsngal bar gyur pas ma zos pa dang / 'phongs pa byung nas ma zos pa dang / smyung ba byas te ma zos pa dang / ma rnyed pas ma zos pa dang / rnyed kyang ma zos pa dang / gnyid log nas ma zos pa dang / ra ro ste ma zos pa dang / rab tu myos pas ma zos pa ste/ zos pa gang yin pa dang / ma zos pa gang yin pa de dag gcig tu bsdoms na/ ma'i mu no 'thung ba ma gtogs par bdun khri nyis stong du 'gyur ro// dge slong dag de ltar ngas 'dzam bu gling gi mi rnams kyi tshe'ang bshad// dus tshigs dang / zla ba dang / zla ba phyed dang / nyin zhag dang / zan dang / zan par chad du gyur pa'ang bshad pa yin no// dge slong dag mi rnams kyi lo lnga bcu gang yin pa de ni/ rgyal chen bzhi'i
- 169a
ris kyi lha rnams kyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste/ rgyal chen bzhi'i ris kyi lha rnams kyi tshe'i tshad ni lo de lta bur brtsis pa'i lha'i lo lnga brgya ste/ de mi'i ltar brtsis na lo sa ya phrag dgu yod de/ bar ma dor 'chi ba ni yod do// de sems can dmyal ba chen po yang sos kyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po yang sos kyi sems can dmyal ba rnams kyi tshe'i tshad ni lo de lta bur brtsis pa'i lo lnga brgya ste/ de'i mi'i ltar brtsis na lo bye ba phrag drug khri yod de/ bar ma dor 'chi ba ni yod do// de nas bcom ldan 'das kyis de'i tshe tshigs su bcad de bka' stsal pa/ lus kyis nyes par spyad byas shing / / ngag gis nyes par spyad pa dang // yid kyis nyes par spyad byas shing // gang zhig nyes pa gzhan ldan pa'i// yas de dag gis yang sos kyi// dmyal ba dag tu skye 'gyur te/ de ni bye ba phrag stong du/ / btags shing bcom pa 'tsho ba'o// phan tshun khon dang chags pa yi// mi rnams gsod pa'i mi dag ni// las de dag gis yang sos kyi// dmyal ba dag tu skye bar 'gyur// dge slong dag mi rnams kyi lo brgya gang yin pa de ni/ sum cu rtsa gsum pa'i lha rnams kyi nyin zhag gcig go/ nyin zhag de sum cu la zla ba gcig go/ zla ba bcu gnyis la lo gcig sde/ sum cu rtsa
- 169b
gsum pa'i lha rnams kyi tshe'i tshad ni lo de lta bur brtsis pa'i lha'i lo stong thub bo/ / ngo mo'i ltar brtsis na lo bye ba phrag gsum dang / sa ya phrag drug yod de/ bar ma dor 'chi ba ni yod do// de ni sems can dmyal ba chen po thig nag gi nyin zhag gcig go/ / nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po thig nag gi tshe'i tshad ni/ lo de lta bur brtsis pa'i lo stong thub bo/ / de mi'i ltar brtsis na lo bye ba phrag dgu khri drug stong rtsa gnyis yod de/ dus ma yin par 'chi ba ni yod do// de nas bcom ldan 'das kyis de'i tshe tshigs su bcad de bka' stsal pa/ pha ma dag dang sangs rgyas dang // nyan thos rnams la 'khru byed pa// de dag thig nag skye 'gyur te// sdug bsngal tshe rab myong bar 'gyur// gang zhig mi brtson 'jog pa dang / mi rnams mdza' ba'i dbyen byed pa// thig nag tu ni skye bar 'gyur// brdzun du smra ba'ang de bzhin te// las de yis ni thig nag gi/ dmyal ba rnams su de dag skye// dge slong dag mi rnams kyi lo nyis brgya gang yin pa de/ 'thab bral ba'i lha rnams kyi nyin zhag gcig go/ nyin zhag de sum cu la zla ba gcig go/ zla ba bcu gnyis la lo gcig ste/ 'thab bral ba'i lha rnams kyi tshe'i tshad ni lo de lta bur brtsis pa'i lha'i lo nyis stong thub bo/ / de mi'i lhar brtsis na lo bye ba phrag bcu bzhi dang / lo khri bzhi stong yod de/ bar ma dor 'chi ba ni yod do// de ni sems can dmyal
- 170a
ba chen po bsdus 'joms kyi nyin zhag gcig go/ nyin zhag de sum cu la zla ba gcig go/ zla ba bcu gnyis la lo gcig ste/ sems can dmyal ba chen po bsdus gzhom gyi sems can dmyal ba rnams kyi tshe'i tshad ni lo de lta bur brtsis pa'i lo nyis stong yod de/ de mi'i ltar brtsis na lo bye ba phrag sum 'bum drug khri brgyad stong rtsa gcig yod de/ bar ma dor 'chi ba ni yod do/ / de nas bcom ldan 'das kyis de'i tshe tshigs su bcad de bka' stsal pa/ mi dge'i las rnams gsum byas shing // las dge rnam gsum ma byas te// las de dag gis bsdus gzhom gyi/ / dmyal ba dag tu skye bar 'gyur// ba lang ra lug ma he dang // ri dgas bya gag phag rnams dang // de bzhin srog chags gzhan gsod pa// bsdus gzhom du ni skye bar 'gyur/ / dge slong dag mi rnams kyi lo bzhi brgya gang yin pa de/ dga' ldan gyi lha rnams kyi nyin zhag gcig go// nyin zhag de sum cu la zla ba gcig/ zla ba bcu gnyis la lo gcig ste/ dga' ldan gyi lha rnams kyi tshe'i tshad ni lo do lta bur brtsis pa'i lha'i lo bzhi stong thub ste/ de mi'i ltar brtsis na lo bye ba phrag lnga bcu rtsa bdun dang / lo sa ya phrag drug yod de/ bar ma dor 'chi ba ni yod do/ / de ni sems can dmyal ba chen po dra 'bod kyi nyin zhag gcig go// nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po
- 170b
ngu 'bod kyi sems can dmyal ba rnams kyi tshe'i tshad ni de lta bur brtsis pa'i lo bzhi stong ste/ de mi'i ltar brtsis na lo bya ba phrag sa ya gnyis dang / bye ba phrag dgu 'bum bzhi khri stong dang bye ba phrag brgyad yod de/ bar ma dor 'chi ba ni yod do// de nas bcom ldan 'das kyis de'i tshe tshigs su bcad de bka' stsal pa/ 'jigs su rung la drag shul can// lag pa gnyis ni khrag gis bskus/ / sdig pa'i las ni spyad pa yis// rtag tu ngu 'bod 'gro bar 'gyur// gzhal glugs g.yo dang sgyu byed mi// skye bo dag ni yid phyung bas// 'jigs su rung ba'i sgra 'byin zhing / yun ring du ni 'bod sreg 'gyur// dge slong dag mi rnams kyi lo brgyad brgya gang yin pa de/ 'phrul dga' lha rnams kyi nyin zhag gcig go/ nyin zhag de sum cu la zla ba gcig zla ba bcu gnyis la lo gcig ste/ 'phrul dga'i lha rnams kyi tshe'i tshad ni de lta bur brtsis pa'i lo brgyad stong thub ste/ de mi'i ltar brtsis na lo bye ba phrag nyis brgya sum cu dang / lo sa ya phrag bzhi yod de khar ma dor 'chi ba ni yod do/ / de ni sems can dmyal ba chen po ngu 'bod chen po'i nyin zhag gcig go// nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po ngu 'bod chen po'i sems can rnams kyi tshe'i nI lo de lta bu brtsis pa'i lo brgyad stong yod de/ de mi'i ltar brtsis na lo bye ba phrag sa ya nga sum
- 171a
dang / bye ba phrag lnga 'bum lnga khri nyis stong drug cu rtsa drug yod de/ bar ma dor 'chi ba ni yod do// de nas bcom ldan 'das kyis de'i tshe tshigs su bcad de bka' sprul pa/ lta ba'i thibs pos khyebs gyur cing // sad pa'i g.yogs pas g.yogs pa dag/ sdig pa'i chos ni spyod pa yis// ngu 'bod dag tu skye bar 'gyur// yid gcugs nyams pa'i mi dag ni// ba spu slong zhing 'bar ba yis// bskal pa'i khyim gyi nang chud nas// ngu 'a'od chen por sreg par 'gyur// gtams pa brnogs pa'i mi dag ni// ral gri yis ni lus btub cing // bya rgod bya rog 'ug pa khyis/ / 'gul zhing du ni za bar 'gyur// dge slong dag mi rnams kyi lo stong drug brgya gang yin pa de/ gzhan 'phrul dbang byed kyi lha rnams kyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste/ gzhan 'phrul dbang byed kyi tshe'i tshad ni lo de lta bur brtsis pa'i lha'i lo khri drug stong yod do// de mi'i ltar brtsis na lo sa ya phrag drug dang / lo bye ba phrag dgu brgya nyi shu rtsa gcig yod de/ bar ma dor 'chi ba ni yod do// de ni sems can dmyal ba chen po tsha ba'i nyi ma nag gcig go/ nyi ma nag de sum cu la zla ba gcig/ rgyu ba bcu gnyis la lo gcig ste/ sems can dmyal ba chen po tsha ba'i sems can dmyal ba rnams kyi tshe'i tshad ni lo de lta bur brtsis pa'i lo khri drug stong yod do// de mi'i ltar brtsis na lo
- 171b
bye ba phrag sa ya brgyad dang / bzhi 'bum dang / lo bye ba phrag khri drug stong lnga brgya sum cu yod de/ bar ma dor 'chi ba ni yod do// de nas bcom ldan 'das kyis de'i tshe tshigs su bcad de bka' stsal pa/ dge sbyong bram ze dge ba dang / de bzhin du ni pha ma la// gang zhig rtag tu brdung byed pa// de ni tsha bar skye bar 'gyur// 'dir ni gang zhig bzung ba yis// skye bo mang po brdung byed pa/ / las de dog gis tsha ba yi// dmyal ba rnams su skye bar 'gyur// dge slong dag khyed chu bur can du skyes pa'i sems can rnams kyi tshe'i mtha' nyan par 'dod dam// bcom ldan 'das de'i dus la bab lags so/ / bde bar gshegs pa de'i dus la bab lags so// bcom ldan 'das las dge slong dag gis gang chu bur can du skyes pa'i sems can rnams kyi tshe'i mtha' bstan pa thos nas/ dge slong dag 'dzin par bgyid lags so// dge slong dag de'i phyir legs par rab tu nyon la yid la zung zhig dang bshad do// dge slong dag 'di lta ste/ 'di la til yul ko sa la'i khal bcu tshad nyi shu shong ba'i khal bcu tshad nyi shu pa til gyis byur bur gang bar gyur pa de las mi la la zhig gis lo brgya 'das shing til 'bru gcig bor na til khal bcu tshad nyi shu shong ba'i khal bcu tshad nyi shu pa de thabs 'di myur du yongs su zad cing gtugs par gyur kyang / dge slong dag chu bur can du skyes pa'i sems can rnams kyi tshe
- 172a
tshad ni de lta ma yin par nga smra'o/ / chu bar can gyi nyi shu ji lta ba de ltar chu bur rdol gyi gcig yin no// chu bur rdol gyi nyi shu ji lta bu de ltar so tha ma tham kyi gcig yi no/ so tham tham kyi nyi shu ji lta ba de ltar gyi hud zer gyi gcig yin no// kyi hud zer gyi nyi shu ji lta ba de ltar a chu zer gyi gcig yin no// a chu zer gyi nyi shu ji lta ba de ltar ut+pal ltar gas pa'i gcig yin no/ / ut+pa la ltar gas pa'i nyi shu ji ltar pad+ma ltar gas pa'i gcig yin no// pad+ma ltar gas pa'i nyi shu ji lta ba de ltar pad+ma ltar gas pa'i chen po'i gcig yin no/ / lhas byin gyi phyogs dge slong ko kA li kas dge slong shA ri'i bu dang / mo'u 'gal gyi bu la zhe sdang gi sems bskyed pas rang gi lus de nyid kyis sems can dmyal ba chen po pad+ma ltar gas pa chen por skyes so/ / dge slong dag de lta bas na de'i phyir 'di ltar bslab par bya ste/ sdong dum tshig pa la'ang zhe sdang gi sems bskyed par mi bya na/ rnam par shes pa'i lus lha la smos kyang ci dgos pa de ltar dge sbyong dag khyed kyis bsgrub par bya'o/ / de nas bcom ldan 'das kyis de'i tshe tshogs su bcad de bka' stsal pa/ mi zhig skyes par 'gyur ba ni/ / gang gis bdag ni gcod byed pa'i// kha nas sta ri'i cho ga 'byung ba// nyes par smra ba smra ba na// gang dag spang bya stong byed cing // skye bo stong pa spong byed pa'i// sdig
- 172b
gang bde ba mi myong ba'i/ / sdig de de yi kha nas sogs// gang 'dir brgyan pos bdag nor yal// 'di ni sdig pa chung ngu ste// gang zhig bde gshegs sdang sems skyed// 'dir ni sdig pa che'o/ / ngag dang yid kyis kyang ni sdig byas shing // gang zhig 'phags la smod pa dmyal 'gro ste// stong phrag brgya ni chu bur rdol rnams su// chu bur can du sum cu rtsa drug go// sdig ba'i sems kyis bden par mi smra ba/ / bdag nyid brlag cing dmyal ba 'phel bar byed// de yid dri mas ma stsogs par byed de// kha na ma tho med pa de bzod do// dge slong dag sems can dmya ba chen po rab tu tsha ba'i tshe'i tshad ni bskal pa phyed de/ bar ma dor 'chi ba ni yod do// de nas bcom ldan 'das kyis de'i tshe tshigs su bcad de bka' stsal pa/ 'bras bu yid 'ong mtho ris su/ / skye 'gyur dge ba spangs nas ni// 'dir ni mi sdug las byas pas// rab tu tsha bar skye bar 'gyur// dge sbyong bram ze dge ba dang // pha dang ma yang bde bzhin te// gang yang bla ma gzhan gsod pa/ / rab tu tsha bar de 'tshed do// dge slong dag dmyal ba chen po mnar med pa'i tshe'i tshad ni bskal pa gcig ste/ bar ma dor 'chi ba ni yod do// mi gti mug can lhas byin gyis dge 'dun 'thun pa phye ba dang / de bzhin gshegs pa la ngan sems kyis khrag phyung ba dang / dge slong ma ngaza bcom pa bsad pas rang gi lus de nyid kyis dmyal ba chen po mnar med pa der
- 173a
skyes so/ / de nas bcom ldan 'das kyis de'i chu tshigs su bcad de bka' stsal pa/ 'phags pa rnams kyis bstan pa yis// chos kyis 'os par 'tsho rnams la/ sdig pa'i lta ba la brten nas// blo ngan gang zhig smod byed pa// tsher can 'od ma'i 'bras bu ltar// de ni 'bras bu rlag par byed// dge bar 'gyur ba brjod bya ste// sdig pa can dag ni mi brjod do/ / dge ba smras na legs par 'gyur// sdig pa smras na sreg 'gyur bas// gal te smra na dge par smra'i// sdig pa'i smras na rlag par 'gyur// byis pa rnams ni sdig smra ste// 'phags pa rnams ni ma yin no/ / 'dir ni ngan 'gror 'gro ba yi// las ni shas cher byas pas na// las de dag gis mnar med pa'i// dmyal ba dag tu skye bar 'gyur// dge slong dag tshangs ris kyi lha rnams kyi tshe'i tshad ni bskal pa phyed de/ bar ma dor 'chi ba ni yod do// dge slong dag tshangs pa'i mdun na 'don gyi lha rnams kyi tshe'i tshad ni bskal pa'i ba'i cha gsum thub ste/ bar ma dor 'chi ba ni yod do/ / dge slong dag tshangs chen gyi lha rnams kyi tshe'i tshad ni bskal pa gcig thub ste/ bar ma dor 'chi ba ni yod do// dge slong dag 'od chung gi lha rnams kyi tshe'i tshad ni bskal pa gnyis thub ste/ bar ma dor 'chi ba ni yod do// dge slong dag tshad med 'od kyi lha rnams kyi tshe'i tshad ni bskal pa bzhi thub ste/ bar ma dor 'chi ba ni yod do// dge slong dag 'od
- 173b
gsal gyi lha rnams kyi tshe'i tshad ni bskal pa brgyad thub ste/ bar ma dor 'chi ba ni yod do// dge slong dag dge chung gi lha rnams kyi tshe'i tshad ni bskal pa bcu drug thub ste/ bar ma dor 'a ba ni yod do/ / dge slong dag tshad med dge ba'i lha rnams kyi tshe'i tshad ni bskal pa sum cu rtsa gnyis thub ste/ bar ma dor 'chi ba ni yod do// dge slong dag dge rgyas kyi lha rnams kyi tshe'i tshad ni bskal pa drug cu rtsa bzhi thub ste/ bar ma dor 'chi ba ni yod do// dge slong dag sprin med kyi lha rnams kyi tshe'i tshad ni bskal pa brgya nyi shu rtsa lnga thub ste/ bar ma dor 'chi ba ni yod do// dge slong dag bsod nams skyes kyi lha rnams kyi tshe'i tshad ni bskal pa nyis brgya lnga bcu thub ste/ bar ma dor 'chi ba ni yod do// dge slong dag 'bras bu che ba'i lha rnams kyi tshe'i tshad ni bskal pa lnga brgya thub ste/ bar ma dor 'chi ba ni yod do// dge slong dga' du shes med pa'i sems can mi che ba rnams kyi tshe'i tshad ni bskal pa stong thub ste/ bar ma dor 'chi ba ni yod do// dge slong dag mi gdung ba'i lha rnams kyi tshe'i tshad ni bskal pa nyis stong thub ste/ bar ma dor 'chi ba ni yod do// dge slong dag shin tu mthong gi lha rnams kyi tshe'i tshad ni bskal pa bzhi stong thub sde/ bar mdor 'chi ba ni yod do/ / dge slong dag gya nom snang gi lha rnams kyi tshe'i tshad ni bskal pa brgyad stong thub ste/ bar ma dor 'chi ba ni yod do// dge slong dag 'og min gyi lha rnams kyi tshe'i chang ni bskal
- 174a
pa khri drug stong ste/ bar ma dor 'chi ba ni yod do// dge slong dag nam mkha' mtha' yas skye mched par 'gro ba'i lha rnams kyi tshe'i tshad ni bskal pa nyi khri ste/ bar ma dor 'chi ba ni yod do/ / dge slong dag rnam shes mtha' yas skye mched du nye bar 'gro ba'i lha rnams kyi tshe'i tshad ni bskal pa bzhi khri ste/ bar ma dor 'chi ba ni yod do// dge slong dag ci'ang/ med pa'i skye mched du nye bar 'gro ba'i lha rnams kyi tshe'i tshad ni bskal pa drug khri ste/ bar ma dor 'chi ba ni yod do// dge slong dag 'du shes med 'du shes med min skye mched du nye bar 'gro ba'i lha rnams kyi tshe'i tshad ni bskal pa brgyad khri ste/ bar ma dor 'chi ba ni yod do// dge slong dag de ltar dmyal ba chen po mnar med pa nas/ 'du shes med 'du shes med min skye mched kyi bar de dag ni dge slong dag srid pa'i rtsa ba dang / de dag ni srid pa'i rtse mo yin no// de dag ni srid pa 'byung ba yin te/ de dag ni 'gro ba lnga'i sems can rnams 'ong ba dang / 'gro ba dang / gnas pa dang / 'chi ba dang / skye bar snang ngo // srid pa 'byung bas chog shes par gyis shig/ nga ni srid pa mngon par sgrub pa chung ngu la'ang tha na de'i skad cig tsam yang bsngags pa mi mdzad do/ / de ci'i phyir zhe na/ srid pa mngon par sgrub pa ni/ sdug bsngal yin pa'i phyir te/ dper na mi gtsang ba'i nyung ngu yang mi zhim/ mang po lta ci smos de ltar de bzhin du nga ni srid
- 174b
pa mngon par sgrub pa rlung ngu la'ang than de'i skad cig tsam yang bsngags pa mi mdzad do/ / de ci'i phyir zhe na/ dge slong dag srid pa mngon par sgrub pa ni sdug bsngal yin pa'i phyir ro// so so'i skye bo byis pa thos pa dang mi ldan pa de dag ni 'gro ba lnga po'i 'khor ba gang du yang dang yang du dmyal ba rnams dang / yang dang yang du dud 'gro rnams dang / yang dang yang du ngan song ngan 'gro log par lhung ba rnams su kun tu rgyug/ kun tu rab tu rgyug go// dge slong dag de lta bas na ngas de'i phyir 'di ltar bslab par bya ste/ srid pa rgyun chad par bya ba gang yin pa la brtson par bya zhing / srid pa mngon bar bsgrub par mi bya'o/ / dge slong dag khyed kyis de ltar bslab par bya'o// bcom ldan 'das kyis de skad ces bka' stsal pa dang dge slong dag yi rangs te/ bcom ldan 'das kyis gsungs pa la mngon par bstod do/ / tshe'i mtha'i mdo rdzogs so// rgya gar gyi mkhan po bi shud+d+ha sing ha dang / lo tsab ban d+he dge ba dpal gyis bsgyur/ rgya gar gyi mkhan po bid+yA ka ra sing ha dang / lo tsA ba ban d+he dpal brtsegs kyis zhu chen bgyis te gtan la phab pa/ glegs bam du ma la gtugs nas zhus dag ci nus bgyis// / rgya gar skad du/ Ar+ya shi la ni k+ka pa sU tra/ bod skad du/ 'phags pa rdob langs pa'i mdo/ bam po dang po/ 'phags pa 'jam dpal gnon
- 175a
nur gyur pa la phyag 'tshal lo/ / 'di skad bdag gis zos pa dus gcig na/ bcom ldan 'das kyang rnams kyi ljongs rgyu ba spyad nas sdig par gshegs te/ sdig pa ni srin bu pad+ma'i nags khrod du bzhugs so/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo ku shi'i grong khyer ga la bar tshur shog/ btsun pa de bzhin no zhes gsol nas/ tshe dang ldan pa kun dga' bo bcom ldan 'das kyi ltar nyan to// yang de'i tshe ku shi'i grong khyer gyi gyad rnams ni gyad lnga brgya tsam ste/ de la gyad re re'ang gyad kyi 'khor brgya brgya dang ldan no/ / 'dun sa cig shos su 'dus te 'khod pa de dag par gyis gtam yang dag par brjod pa 'di lta bu byung ste/ shes ldan dag bcom ldan 'das gyad rnams kyi ljongs su rgyu ba spyad na/ sdig par gshegs te/ sdig par srin bu pad+ma'i nags khrod na bzhugs so// de sa la sdig par skyes pa'i gyad rnams kyis ri mor bya ba mchog gis ri mor byas/ mchod par bya ba mchog gis mchod/ bla ma la gus pa mchog gis kyang bsnyen bkur byas so// bcom ldan 'das kyis kyang de dag chos kyi sbyin pa dam pa gya nom pa bla na med pas phar gdags pa la mdzad do/ / de la da bcom ldan 'das gnas pa ji lta bus gnas pas ring po mi thogs par dge slong gi tshogs kyis yongs su bskor zhing / dge slong gi dge 'dun gyis mdun
- 175b
du bdar te/ badrag cag gi grong gi zhing du ku shi'i grong khyer du gshegs so snyam mo// de la gang po na bdag cag gis kyang bcom ldan 'das de la ri mor bya ba dang / mchod par bya bas bdag la phan par bya ba'i phyir/ ku shi'i grong khyer kun cho ga bzhin du phyag bdar dag bya/ chag chag legs par btab pa dang / byi dor legs par bya ba dag byas nas/ rgyan dang lhab lhub thams cad dang / bdug pa dang / 'phreng ba dang / me tog dang / spos dang / rol mo'i sgra gya nom pa dag gis brgyan pa bya/ gdugs dang / rgyal mtshan dang / ba dan dag gzugs par bya/ dus ston ngag tu gnas par bya/ bcom ldan 'das lam gang dag nas gshegs par brtson pa'i gshegs shul de'ang cho ga bzhin du phyag bdar dag bya'o// de phyin chad ni bdag cag thams cad/ kyis bsu ba byas 'ba' zhig na legs so snyam nas/ de nas de dag thams cad tshogs shing yang dag par dga' ste/ rtsod pa med cing rtse gcig la blo gcig pa dag tu byas nas/ ku shi'i grong khyer thams can cho ga bzhin du phyag bdar dag byed do/ / chag chag legs par gdab pa dang / byi dor legs par bya ba dag byas nas/ rgyan dang / lhab lhub thams cad dang / bdug pa dang / 'phreng ba dang / me tog dang / spos dang / rol mo'i sgra gya nom pa dag gis rgyan par byed/ gdugs dang / rgyal mtshan dang / bdan dag 'dzugs par byed/ dus ston yang rab tu
- 176a
gnas pa byed de/ gshegs shul gang nas bcom ldan 'das gshegs lam de'ang cho ga bzhin du phyag bdar dag byed do// yang de'i tshe ku shi'i grong khyer gyi bar dang / chu klung dbyig ldan gyi bar de gnyis kyi bar na rdo chen po yangs pa zhig gnas ma yin pa na 'dug ste/ lam po chen gnas pa na/ 'di lta ste/ gyen du ni 'dom bco lnga srid mngon du 'phags so// rgyar 'dom phyed dang brgyad do/ / de nas de dag 'di snyam du sems te/ gang 'o na bdag cag gis rdo chen po yangs pa 'di phyogs 'di nas gteg ste/ phyogs cig gcig tu gzhag par bya'o// de'i phyir bdag cag gi sa lam yang shin tu phyag bdar byas par 'gyur la/ de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur zhing / phyogs dang phyogs mtshams dag tu'ang bdag cag gi dge ba rgya chen po grags pa dang / sgra dang tshigs su bcad pas mngon par 'phags par gyur te/ gang dag gis rdo chen po yangs pa 'di phyogs 'di nas bteg nas/ phyogs gang yang rung ba zhig tu bzhag nas/ kye ma ku shi'i grong khyer gyi gyad dag ni dpa' ba dag byung ngo // kye ma ku shi'i grong khyer gyi gyad ngag ni rtul phod pa yan lag mchog gi gzugs dang ldan pa dag byung bar gyur to zhes zer ro snyam nas/ de ltar rjes su rnam par bsams te/ dam bca' ba dag byas so// shes ldan dag ku shi'i grong khyer gyi gyad
- 176b
dag gam/ gyad kyi bu gzhon nu dag nyon cig/ bdag gis lam 'di bsal bar brtson no// rdo chen po yangs pa 'di gnas ma yin pa na 'dug ste/ rgyal po'i lam na gnas pas/ gang // na bdag gis rdo chen po yangs pa 'di phyogs 'di nas bteg nas cig shos su gzhag par bya'o// de'i phyir bdag cag gis lam shin tu sbyangs par 'gyur zhing / de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur la/ phyogs dang phyogs mtshams su'ang bdag cag gis dge ba rgya chen po grags pa dang / sgra dang tshigs su bcad pas mngon par 'phags par 'gyur te/ gang dag gis rdo chen po yangs pa 'di phyogs 'di nas bteg nas phyogs cig shos su bzhag pas/ kye ma ku shi'i grong khyer gyi gyad dag ni dpa' ba dag byung ngo // kye ma ku shi'i grong khyer gyi gyad dag ni rtul phod pa yang lag mchog gi gzugs dang ldan pa/ ches stobs dang ldan pa dag byung ngo zhes zer gyis/ de'i phyir shes ldan dag rdo chen po yangs pa 'di ga la bar kun kyang dengs shig/ de bzhin no zhes smras nas/ ku shi'i grong khyer gyi gyad dag phan tshun gyi ltar nyan te/ de dag so so nas bzhon pa bzang po dag la zhon nas/ bdag cag ni sa steng 'di na ches stobs dang ldan pa'o snyam du rlom sems byed cing 'ongs pa dang / rigs dang / stobs dang / lus byad dang / dbang phyug gi rgyags pas dregs te/ sgra mthon po dang / sgra chen pos pa
- 177a
'a rjo / da klagams shing dag pa dang / smu ba / yid ba gasmras/ 'byod ba chen po mtshamags pa shA tho bye nas drus dang / domo dang / b.lang sngon po'i gtso bo dang / khyumachog dang / glang po na dang / chos kyi glang po che brgya phrag dum rmed nas/ rngochen po yangs pa da gal bde sod ste byin nas/ dzaH yangs pa de srid pa'i zag pa srabs lan mang du dkris nas/ kha cig gis ni sgras btsugs te rtswa mun dza dang / bal badza'i thag pa dang / rtas 'dren pa'i thag pa dag gis tshur 'dren par byed/ par barmen par byed do// kha cig ni thong lpags bzlas gzhi nas 'byin par 'dod do// kha cig ni das sta dag gis gcod par 'dod do// kha cig ni rdo rjes btub pa dag gis phye mang bya bar da sa/ narnams kyi rmongs kyis madru ga pa rnams te yongs su byu bar 'ad/ ga'i zlum ga dang b.lang gi gca pa dag gis bsgyel par 'dod do// batshig ni pa la 'i ma ng+yas / hU~M sa g-i pa da // 'jig hU~M gas kyis nas yang ba bya da / de'i rgyu na pa nga / ba dang/ n ig 'i tshigs 'dis nas/ tshigs cag dus dgagi sa pa dang / de dgasus pas ni sus la/ lus su pas ba ba skyid mug ste/ chen po sangs pan/
- 177b
bskul bar yang ma nus na/ bskrad pa'am/ 'phang par lta ga la nus/ de nas bcom ldan 'das dge slong gi tshogs kyis yongs su bskor zhing / dge slong gi dge 'dun du bdar te/ gang na rdo// chen po yangs pa de gnas pa'i phyogs de la gshegs so// ku shi'i grong khyer du skyes pa'i gyad rnams kyis bcom ldan 'das rgyang ring po kho na nas tshur gshegs pa mthong ste/ mthong nas kyang dga' mgu zhing rangs te/ dga' ba dang / bde ba dang / yid bde ba skyes shing / bla ma la gus pa chen po skyes nas thams cad kyis kyang bcom ldan 'das la bsu bar byed do// bcom ldan 'das kyi zhabs gnyis la mgo bos phyag 'tshal bar byed do// bcom ldan 'das la lan gsum skor bar byed de/ bcom ldan 'das la lan gsum bskor ba byas nas cang mi smra bar phyogs gcig tu 'khod do/ / bcom ldan 'das kyis/ ku shi'i grong khyer gyi gyang phyogs gcig tu 'khod pa dag la 'di skad ces bka' stsal to// gzhon nu dag ci 'di ngal ba chen po mchog gis kyang brtsams sam/ ngal bar byed dam/ de skad ces bka' stsal pa dang / bcom ldan 'das la/ ku shi'iri grong khyer gyi gyad rnams kyis 'di skad ces gsol to// btsun pa 'di la ku shi'i grong khyer gyi gyang bdag cag gis ni/ bcom ldan 'das gyad rnams kyi ljongs rgyub spyad nas sdig par gshegs te/ sdig pa'i srin bu pad+ma'i nags khrod na bzhugs so// de la sdig
- 178a
par skyes pa'i gyad rnams kyis ri mor bgyi ba mchog gis ri mor bgyis/ mchod pa'i mchog gis mchod/ bla ma la gus pa'i mchog gis kyang rim gror bgyis so// bcom ldan 'das kyis kyang de dag la chos kyi sbyin pa dam pa gya nom pa bla na med pas phan gdags par mdzad do// de la da bcom ldan 'das dge slong gi tshogs kyis yongs su bskor zhing dge slong gi dge 'dun gyis mdun du bdar te/ bdag gi grong gi zhing du ku shi'i grong khyer du gshegs so zhes thos lags te/ de skad thos nas kyang bdag cag 'di snyam du sems lags so/ / gang po na bdag cag gis kyang bcom ldan 'das de la ri mor bgyi ba dang / mchod par bgyi bas bdag la phan par bgyi ba'i slad du ku shi'i grong khyer thams cad cho ga bzhin du phyag bdar dag bgyi/ chag chag legs par btab pa dang / byi dor legs par bgyi ba dag bgyis nas/ rgyan dang lhab lhub thams cad kyis brgyan par bgyi/ de nas dri dang / 'phreng ba dang / me tog dang / bdug pa dang / rol mo'i sgra gya nom pa dag gis brgyan par bgyi/ bdugs dang / rgyal mtshan dang / ba dan dag kyang gzugs par bgyi/ dus ston yang rab tu gzhag par bgyi/ shul gang nas bcom ldan 'das gshegs par brtson par mdzad pa'i gshegs shul de la'ang cho ga bzhin du phyag bdar dag bgyi/ de slan chad bdag cag thams cad kyis bsu ba bgyis 'ba' zhig na
- 178b
legs so snyam nas/ de nas bdag cag thams cad tshogs shing yang dag par dga' bar bgyid la/ rtsod pa ma mchis shing rtse gcig ste/ blo gcig par gyur nas ku shi'i grong khyer thams cad ni cho ga bzhin du phyag bdar bgyis/ chag chag legs par btab pa dang / byi dor legs par bgyi ba dag bgyis nas/ rgyan dang lhab lhub thams cad dang / bdug pa dang / 'phreng ba dang / me tog dang / spos dang / rol mo'i sgra gya nom pa dag gis brgyan par bgyid/ gdugs dang / rgyal mtshan dang / ba dan dag kyang 'dzugs par bgyid/ dus ston yang rab tu 'jog par bgyid/ bcom ldan 'das shul gang nas gshegs pa'i shul de'ang cho ga bzhin du phyag ba dar dag bgyis pas/ gor ma chen po yangs pa de gnas ma lags pa na mchis shing shul po chen gnas pa mthong lags so/ / de nas bdag cag 'di snyam du sems so// gang 'o na bdag cag gis rdo chen po yangs pa 'di nas bteg ste/ phyogs gang yang rung bar gzhag go/ de'i phyir bdag cag gis lam yang shin tu phyag bdar bgyis par gyur la/ de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur zhing / phyogs dang phyogs mtshams ngag tu yang bdag cag gi dge ba rgya chen po grags pa dang / sgra dang tshigs su bcad pa mngon du 'phags par gyur te/ gang dag gis rdo chen po langs pa de phyogs 'di nas bteg ste/ phyogs
- 179a
cig shos su 'phangs pas/ kye ma ku shi'i grong khyer gyi gyad dpa' bo dag byung ngo // kye ma ku shi'i grong khyer gyi gyad rtul phod pa/ yan lag mchog gi gzugs dang ldan pa/ ches stobs dang ldan pa dag byung bar gyur to zhes zer ro snyam nas/ de ltar rjes su rnam par bsams te/ dam bca' ba khas blangs pa dag ni shes ldan dag ku shi'i grong khyer gyi gyang dag dang / gyad kyi bu gzhon nu dag nyon cig/ bdag cag gi lam 'di phyag bdar bya bar brtson no// rdo chen po yangs pa 'di ni gnas ma yin pa na 'dug cing / rgyal po'i lam na gnas te/ gang 'o na pa cag gis rdo chen po yangs pa 'di phyogs 'di nas bteg ste/ phyogs cig shos su gzhag par bya'o// de'i phyir bdag cag gis lam yang shin tu phyug bdar byas par 'gyur la/ de bzhin gshegs pa dgra bcom pa yang dag par rdzogs pa'i sangs rgyas kyang mchod par gyur te/ phyogs dang phyogs mtshams dag tu yang bdag cag gis dge ba rgya cher grags pa dang / sgra dang tshigs su bcad papas mngon par 'phags par 'gyur ba ni gang dag gis rdo chen po yangs pa 'di phyogs 'di nas bteg ste/ phyogs cig shos su 'phangs pas/ kye mA ku shi'i grong khyer gyi gyad dpa' bdag cig byung ngo / / kye ma gu shi'i grong khyer gyi gyang tshul long pa/ yan lag mchog gi gzugs dang ldan pa/ ches stobs dang ldan pa dag byung ngo zhes mer gyis/ shes ldan dag de'i phyir/
- 179b
rdo chen po yangs pa de ga la bar kun kyang phyir phyung ste deng zhig/ de bzhin no zhes smras nas/ de dag de nyid gcig la gcig gi ltar nyan te/ so so nas bzhon pa bzang po dag la zhon te/ bdag cag ni sa steng 'di na ches stobs dang ldan pa'o snyam du rlom sems byed cing 'ongs pa dang / rigs dang / stobs dang / lus byad dang / dbang phyug gi rgyags pas dregs te/ skad mthon po dang / skad chen pos gzha byed cing ca co byed la/ dga' mgu rangs shing dga' ba dang / bde ba dang / yid bde ba skyes te/ 'byor pa chen po mchog gis ku shi'i grong khyer nas phyir byung ste/ rta dang / rnga mo dang / ba lang sngon po'i mchog tu phyin pa dang / khyu mchog dang / glang po che dang / spos kyi glang po che brgya phrag du ma dad nas/ rdo chen po yangs pa de ga la ba der dong ste phyin nas/ rdo chen po yangs pa de rtsid pa'i thag pa sra bas rnam pa thams cad du dkris nas/ de dag dang de nyid kha cig gis ni skas btsugs te/ rtswa mun tsa dang / bal ba dza'i thag pa dang / rtas 'dren pa'i thag pa dag gis tshur drang bar bya/ phar drang bar bya'o// kha cig ni rmo lcags brgyas rtsa nas 'byin par 'dod do// kha cig ni dgra sta dag gis gcad par 'dong ngo // kha cig rdo rjes gdab pa dag pa dag gis phye mar bya bar 'dod do/ / kha cig ni lus kyi stobs mchu dag bsdams te yongs su bskul bar 'dod/ kha cig ni khyu mchog dag dang ba lang mchog tu phyin pa dag
- 180a
gis bsgyel bar 'dod/ kha cig ni glang po che'i tshogs kyis rab tu 'joms par 'dod/ kha cig ni sman gyi stobs kyis gzhig par 'dod/ kha cig ni gsang sngags/ kyi stobs kyis mi snang bar byed par 'dod par bya'o// de'i phyir bdag cag gis brtson pa dang / drang ba dang / 'bad pa de lta bu dag gis ci phyogs 'di nas bteg ste/ phyogs cig shos su gzhag go snyam pa dang / de dag dang de nyid lus ngal zhing lus dub pa/ lus skyibs dgu pas yid kyis sgyid lug ste/ gang 'di zhag nyi shu rtsa dgur brtson pa byas pa des kyang rdo cheno// yangs pa de phyogs de nas yongs bskul par yang ma nus na/ bsgreng ba 'am/ 'phang bar lta ga la zhig nus/ bcom ldan 'das kyis bka' stsal pa/ gzhon nu dag gang de bzhin gshegs par rdo chen po yangs pa de phyogs de nas bteg nas/ phyogs cig shos su 'phang bar byed 'dod dam/ btsun pa bcom ldan 'das mchog tu 'tshal lags so// bde bar gshegs pa mchog tu 'tshal lags so/ / de nas bcom ldan 'a das bla gos phrag pa gcig tu gzar te/ rdo chen po yangs pa de ga la ba der gshegs te phyin nas/ rdo chen po yangs pa de zhabs kyi mthe bo g.yas pas yang dag par rab tu bskul te/ yang dag par rab tu bskul nas kyang gzhi nas ma lus par phyung ste/ phyag g.yon pas blangs nas phyag g.yas kyi mthil
- 180b
du bzhag ste/ yud tsam zhig dgongs nas gyen du tshangs pa'i 'jig rten gyi bar du 'phangs te/ mig lam du mi snang bar gnas par gyur pa dang / de'i sgras kyang dag rngams par gyur to// bcom ldan 'das kyis bka' stsal pa/ gnas 'jog gi rgyud dag ma 'jigs shig/ gyen du 'phags pa tsam gyis kyang 'du byed thams cad ni mi rtag pa'o// chos thams cad ni bdag med pa'o/ / mya ngan las 'das pa ni zhi ba'o zhes sgra de lta bu mdzad do// skar 'khor nas kyang de bzhin gshegs pa'i phyag mthil de nyid du gnas par gyur to// bcom ldan 'das kyis de zhal gyi dbugs kyis rdul phra rab tsam du mdzad do/ / phye mar mdzad nas kyang phyogs dang phyogs mtshams dag tu rdul phra rab tu phye ma'i char mngon du 'bab par rtsom pa mdzad do// de nas kyang kyi tshogs de ni rdo chen po yangs pa de med par gyur pas/ mchog tu yid mi bde bar gyur to// de nas bcom ldan 'das kyi thugs kyis gyad kyi tshogs de'i sems kun mkhyen te/ chen po yangs pa med pas mchog tu yid mi bde bar thugs su chud nas/ phyi nas kyang rdo'i phye ma rdul phra rab tsam de ma tshang ba med cing tshang bar gcig tu bsdus te bsdoms nas/ rdo chen po yangs pa de 'dra ba kho nar mdzad de/ rnam par dben par phyogs cig shos su gnas par mdzad do// de nas kyang lnga brgya tsam po de dag bcom ldan 'das des ngo mtshar rmad du byung ba'i
- 181a
chos chen pos 'dun par mdzad de/ dga' mgu rangs shing dga' ba dang yid bde ba skyes nas/ bcom ldan 'das la 'di skad ces gsol to// bcom ldan 'das 'di ci lags/ de de bzhin gshegs pa'i yab yu ma las byung ba'i stobs lags sam/ 'on te rdzu 'phrul gyi stobs lags sam/ 'on te bsgom pa'i stobs lags/ gnas 'jog gi rgyud dag gang de bzhin gshegs pas rdo chen po yangs pa zhabs kyi mthe bo g.yas pas yang dag par rab tu bskul te/ gzhi nas ma lus par phyung nas phyag g.yon pas bzung ste/ phyag mthil g.yas par bzhag nas yud tsam dgongs te/ gyen du tshangs pa'i 'jig rten gyi bar du 'phangs pa 'di ni de bzhin gshegs pa'i yab yum las byung ba'i stobs so/ / gnas 'jog gi rgyud dag gang 'du byed thams cad ni mi rtag pa'o// chos thams cad ni bdag med pa'o// mya ngan las 'das pa ni zhi ba'o zhes rdo chen po yangs pa'i sgra mdzad pa 'di ni de bzhin gshegs pa'i rdzu 'phrul gyi stobs so/ / gnas 'jog gi rgyud dag gang de bzhin gshegs pas rdo chen po yangs pa de zhal gyi dbugs kyis phye mar mdzad nas/ phye ma rdul phra rab tsam dgod pa med cing ma tshang ba med par gcig tu bsdus te/ bsdoms nas rdo chen po yangs pa de 'dra ba kho nar mdzad de/ dben par phyogs gcig tu gnas par mdzad pa 'di
- 181b
de bzhin gshegs pa'i bsgom pa'i stobs so/ / btsun pa de bzhin gshegs pa dgra bcom pa yang dag par rdzogs pa'i sangs rgyas dag yab yum las byung ba'i stobs ji lta bu dang ldan pa lags/ gnas 'jog gi rgyud dag khyed de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas rnams kyi yab yum las byung ba'i stobs nyan par 'dod dam/ btsun pa bcom ldan 'das mchog tu 'tshal lags so// bde bar gshegs pa mchog tu batshal lags so// gnas 'jog gi rgyud dag de'i phyir khyed legs par rab tu nyon la yid la zung zhig dang ngas bshad do/ / gnas 'jog gi rgyud dag mi bcu'i stobs gang yin pa de ba lang phal gcig gi stobs so// ba lang phal bcu'i stobs gang yin pa de ba lang sngon po gcig gi stobs so/ / ba lang sngon po bcu'i stobs gang yin pa de khyu mchog gcig gi stobs so// khyu mchog bcu'i stobs gang yin pa de g.yag gcig gi stobs so// / g.yag bcu'i stobs gang yin pa de bse gcig gi stobs so// bse bcu'i stobs gang yin pa de glang po che phal gcig gi stobs so// glang po che phal bcu'i stobs gang yin pa de sgrags pa bar mi byed pa'i glang po che gcig gi stobs so/ / sgra gsal bar mi byed pa'i glang po che bcu'i stobs gang yin pa de sgra chen por byed pa'i glang po che gcig gi stobs so// sgra chen por byed pa'i
- 182a
glang po che bcu'i stobs gang yin pa de mche ba gcig gi stobs so/ / mche ba gcig pa'i glang po che bcu'i stobs gang yin pa de ri sngon po'i glang po che gcig gi stobs so/ ri ser po dang / ri dmar po dang / ri dkar po dang / dri mchog dang ldan pa dang / dI dang 'jam pa dang ldan pa dang / dri ut+pa la dang ldan pa dang / dr-i ku mu da dang ldan pa'i stobs kyang de bzhin no/ / mu ku da'i spos kyi glang po che'i stobs gang yin pa de pad+ma'i glang po che gcig gi stobs so// pad+ma'i glang po che bcu'i stobs gang yin pa de pad+ma chen po'i glang po che gcig gi stobs so/ / pad+ma chen po'i glang po che bcu'i stobs gang yin pa de gangs khrod du skyes pa'i glang po che gcig gi stobs so// gangs khrod du skyes pa'i glang po che bcu'i stobs gang yin pa de chen po che dang ldan pa bal glang spos kyi glang po che gcig gi stobs so/ / chen po che dang ldan pa bal glang spos kyi glang po che bcu'i stobs gang yin pa de chen po che dang ldan pa phyed po gcig gi stobs so/ / chen po che dang ldan pa phyed po gnyi spyi stobs gang yin pa de chen po che dang ldan pa gcig gi stobs so// chen po che dang ldan pa bcu'i stobs gang yin pa de rab gnon phyed po gcig gi stobs so/ / rab gnon phyed po gnyis kyi stobs gang yin pa de rab gnon gcig gi stobs so// rab gnon bcu'i stobs gang yin pa de stobs mchog gi stobs gcig go// stobs
- 182b
mchog gi stobs bcu gang yin pa de yan lag mchog gi stobs gcig go/ yan lag mchog gi stobs bcu gang yin pa de sred med kyi bu phyed kyi stobs gcig go// sred med kyi bu phyed po gnyis kyi stobs gang yin pa de sred med kyi bu'i stobs gcig go/ sred med kyi bu'i stobs sum brgya nyi shu gang yin pa de de bzhin gshegs pa dgra bcom pa yang dag par rdzogs pa'i sangs rgyas gcig gi yab yum las byung ba'i stobs so/ / de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni/ sku'i gdan gyi gnas re re la yang sred med kyi bu'i stobs pachang bar mdzad pa'i phyir ro/ / gang dag 'das pa dag dang / gang dag ma byon pa dag dang / gang yang nga da ltar byung ba'i dus na/ de bzhin gshegs pa dgra bcom pa yang dag par rdzogs pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni ma yin no// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni yab yum dag las byung ba'i stobs de lta bu dang ldan pa dag ni yin ning / gang dag 'das pa dag dang / gang dag ma byon pa dag dang / gang yang
- 183a
nga da ltar byung ba'i dus na/ de bzhin gshegs pa dgra bcom pa yang dag par rdzogs/ spangs rgyas thams cad mnyam pa dang mnyam ste/ mtshan mnyam pa/ yon tan/ mtshungs pa mnyam pa/ bsod nams kyi 'bras bu rnam par smin mnyam pa dag yin gyi/ rgyu gsum po rigs dang / sku tshe dang / sku lus mnyam pa dag ni ma yin no// btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi yab yum las byung ba'i stobs ni bdag cag gis thos lags na/ btsun pa de bzhin gshegs pa dgra bcom pa yang dag par rdzogs pa'i sangs rgyas dag bsod nams kyi stobs ji lta bu dang ldan pa dag lags/ gnas 'jog gi rgyud dag de bzhin gshegs pa las/ de bzhin gshegs pa dgra bcom pa yang dag par rdzogs pa'i sangs rgyas rnams kyi bsod nams kyi stobs kyi stobs nyan par 'dod dam/ btsun pa bcom ldan 'das mchog tu 'tshal lags so/ / bde bar gshegs pa mchog tu 'tshal lags so// gnas 'jog gi rgyud dag de'i phyir khyed legs par rab tu nyon la yid la zung zhig dang ngas bshad do// gnas 'jog gi rgyud dag 'dzam bu gling pa'i sems can rnams kyi bsod nams gang yin pa de/ rmi gcig gi bdag po 'khor lo sgyur ba'i bsod nams ngag tu nges par brtag par byas kyang / brgya'i
- 183b
char yang nye bar mi 'gro'o/ / stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// gnas 'jog gi rgyud dag gling gnyis kyi sems can rnams kyi bsod nams gang yin pa de/ gling gnyis kyi bdag po 'khor lo sgyur ba'i bsod nams dag tu nges par brtag par byas kyang / brgya'i char yang nye bar mi 'gro'o/ / stong gi cha dang / brgya stong gi cha dang / grangs dang / cha dang / bgrang ba dang / depe dang / rgyur yang nye bar mi 'gro'o// gnas 'jog gi rgyud dag gling gsum gyi skyes can rnams kyi bstod rnams gang yin pa de/ gling gsus kyi bdas pa la tshar mo sbyar ba'i bsod nam sa gang+gA ngas par brtag par sna kyang / badz+ran tshwa yang nab mo 'dul stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// gnas 'jog gi rgyud dag gling bzhi'i sems can rnams kyi bsod nams gang yin pa de/ gling bzhi'i bdag po'i 'khor lo sgyur ba'i bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// gnas 'jog gi rgyud dag yang 'khor lo sgyur ba bzhi byung ste/ gling gcig pa dang
- 184a
gling gnyis pa dang / gling gsum pa dang / gling bzhi pa'i 'khor los sgyur ba'o// de la gling gcig pa'i 'khor lo sgyur ba'i 'khor lo ni/ lcags las byas pa khor yug tu rgyang grags gcig yod par 'byung ngo / / gling gnyis pa'i 'khor lo sgyur ba'i 'khor lo ni/ zangs las byas pa khor yug tu rgyung grags gnyis yod pa 'byung ngo // gling gsum pa'i 'khor lo sgyur ba'i 'khor lo ni/ dngul las byas pa khor yug tu rgyang grags gsum yod pa 'byung ngo // gling bzhi pa'i 'khor lo sgyur ba'i 'khor lo ni/ gser las byas pa/ rtsibs stong pa/ lte ba dang bcas pa/ mu khyud dang bcas pa/ thams cad gser las byas pa/ lha rdzas 'od 'phro ba/ bod rab tu gsal ba/ khor yug tu rgyang grags bzhi yod pa 'byung ngo / / gnas 'jog gi rgyud dag gling bzhi pa'i 'khor lo sgyur ba dag/ bye ba phrag 'bum gyi bsod nams gang yin pa de/ rgyal chen bzhi'i ris lha rnams kyi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang / dpe dang rgyur yang nye bar mi 'gro'o/ / rgyal chen bzhi'i ris kyi lha dag bye ba phrag 'bum gyi bsod nams gang yin pa de/ rgyal po chen po bzhi'i bsod nams dag tu nges par brtag par byas cang
- 184b
brgya'i char yang nye bar mi 'gro'o/ / skyong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// rgyal po chen po bzhi'i bye ba phrag 'bum gyi bsod nams gang yin pa de/ sum cu rtsa gsum pa'i lha rnams kyi bsod nam+ba dag tu nges par brtag par byas kyang / brgya'i char yang nye bar mi 'gro'o// stong gi rwa dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi bgro'o// sum cu rtsa gsum pa'i lha dag bye ba phrag pa bum gyi bsod nams gang yin pa de/ / lha'i dbang po brgya byin gyi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang dpe dang / rgyur yang nye bar mi 'gro'o// lha'i dbang po brgya byin dag bye ba phrag 'bum gyi bsod nams gang yin pa de/ 'thab bral gyi lha rnams kyi bsod nams dag tu nges par brtag par byas kyang / brgya'i char yang nye bar mi bzo'o// stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// 'thab bral gyi lha dag bye ba phrag 'bum gyi bsod nams gang yin pa de/ lha'i bu rab 'thab bral gyi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang /
- 185a
brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// lha'i bu rab 'thab bral dag bye ba phrag 'bum gyi bsod nams gang yin pa de/ dga' ldan gyi lha rnams kyi bsod nams dag tu nges par brtag par byas kyang / brgya'i chur yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// dga' ldan gyi lha dag bye ba phrag 'bum gyi bsod nams gang yin pa de/ lha'i yongs su dga' ldan gcig gi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ / lha'i bu yongs su dga' ldan bye ba phrag 'bum gyi bsod nams gang yin pa de/ 'phrul dka'i lha rnams kyi bsod nams dag tu nges par brtag par byas kyang / brgya'i char yang nye bar mi 'gro'o/ / stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// 'phrul dga'i lha dag bye ba phrag 'bum gyi bsod nams gang yin pa de/ lha'i bu rab 'phrul dga' gcig gi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang
- 185b
brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// lha'i bu rab 'phrul dga' bye ba phrag 'bum gyi bsod nams gang yin pa de gzhan 'phrul dbang byed kyi lha rnams kyi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// gzhan 'phrul dbang byed kyi lha dag bye ba phrag 'bum gyi bsod nams gang yin pa de/ lha'i bu dbang sgyur gyi bsod nam dag tu nges par brtag par byas kyang / brgya'i mar yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ / lha'i bu dngang sgyur dag bye ba phrag 'bum gyi bsod nams gang yin pa de/ tshangs ris kyi lha rnams kyi bsod nams dag tu nges par brtag par byas kyang / brgya'i char yang nye bar mi 'gro'o/ / stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// tshangs ris kyi lha dag bye ba phrag 'bum gyi bsod nams gang yin pa de/ 'khor gyi bdag po tshangs pa'i bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs
- 186a
dang / cha dang / bgrang ba dang / dpe dang / rgyur yang nye bar mi 'gro'o// tshangs ris dag ji lta bar tshangs pa'i mdun na 'don dag dang / tshangs pa chen po dag dang / bong chung dag dang / tshad med 'od dag dang / 'od gsal dag dang / dge chung dag dang / tshad med dge dag dang / dge rgyas dag dang / sprin med dag dang / bsod nams skyes dag dang / 'bras bu che dag dang / mi che dag dang / mi gdung dag dang / gya nom snang dag dang / shin tu mthong dag dang / 'og min dag kyang de bzhin no// 'og min gyi lha dag bye ba phrag 'bum gyi bsod nams gang yin pa de/ rang sangs rgyas pase ru lta bu gcig gi bsod nams ngag tu nges par brtag par byas kyang / brgya'i char yang nye bar mi 'gro'o// stong gi cha dang / grangs dang cha dang / bgrang ba dang / dpe dang / rgyur yang nye bar mi 'gro'o// rang sangs rgyas bse ru lta bu dag bye ba phrag 'bum gyi bsod nams gang yin pa de/ byang chub sems dpa' byams pa gcig gi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi na dang / grangs dang / cha dang / bgrang ba dang / dpe dang / rgyur yang nye bar mi 'gro'o// byang chub sems dpa' byams pa dag bye ba phrag 'bum gyi bsod nams gang yin pa de/ byang chub sems dpa' srid pa tha ma gcig gi bsod nams dag tu nges
- 186b
par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / zangs dang / cha dang / bgrang ba dang / dpe dang / rgyur yang nye bar mi 'gro'o// byang chub sems dpa'i srid pa tha ma dag gang ga'i klung gi bye ma dang mnyam pa snyed kyi bsod nams gang yin pa de/ de bzhin gshegs pa dgra bcom pa yang dag par rdzogs pa'i sangs rgyas gcig gi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// gnas 'jog gi rgyud dag/ de bzhin gshegs pa dgra bcom pa yang dag par rdzogs pa'i sangs rgyas ngag ni/ bsod nams kyi stobs de lta bu dang ldan pa dag yin zhing / gang dag 'das pa dang / gang dag ma byon pa dang / gang yang nga da lta da ltar byung ba'i dus na/ de bzhin gshegs pa dgra bcom pa yang dag par rdzogs pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni ma yin no// btsun pa bdag cag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yang yum
- 187a
las byung ba'i stobs kyang thos lags/ bsod nams kyi stobs kyang thos lags na/ btsun pa de bzhin gshegs pa dgra bcom pa yang dag par rdzogs pa'i sangs/ rgyas dag shes rab kyi stobs ji lta bu dang ldan pa dag lags/ gnas 'jog gi rgyud dag khyed de bzhin gshegs pa las/ de bzhin gshegs pa dgra bcom pa yang dag par rdzogs pa'i sangs rgyas rnams kyi shes rab kyi stobs nyan par 'dod dam/ btsun pa bcom ldan 'das mchog tu 'tshal lags so// bde bar gshegs pa mchog tu 'tshal lags so// gnas 'jog gi rgyud dag de'i phyir khyed legs par rab tu nyon la yid la zung zhig dang ngas bshad do/ / gnas 'jog gi rgyud dag rgya mtsho chen po ni zabs su dpag tshad brgyad khri yod la/ rgyar dpag tu med pa de/ snag tsha'i nying khus yongs su gang bar gyur cing ri'i rgyal po ri rab dpag tshad brgyad khri chu'i nang nas mngon du 'phags te/ rin po sna bzhi las byas shing / ngos bzhi soyod pa/ de'i ngos gcig ni gser las byas pa yin/ ngos gnyis pa ni dngul las byas pa'o// gsum pa ni bai DUR+Sha las byas pa'o// bzhi pa ni shel las byas pa ste/ de la gser gyi ngos su ni byang gi sgra mi snyan gyi gling snang ngo / / dngul las byas pa'i ngos su ni shar gyi lus 'phags gling snang ngo // bai DUR+Ya las byas pa'i ngos na ni 'dzam bu'i gling snang ngo // shel las byas
- 187b
pa'i ngos na ni ba glang spyod kyi gling snang ngo / / ri'i rgyal po ri rab dpag tshad brgyad khri 'og tu chu'i nang du nub ste/ gser las byas pa'i sa steng gi bar na gnas pa de/ gro ga'i shog shog tsam du gyur la/ gling bzhin sems can gyi khams gang su dag yod pa yi ge pa rnams ni de tsam du gyur te/ sa chen po'i steng na d+hA dang / shing dang / shing gi yal ga dang / shing gi dum bu gang ci yang rung / smyu gu dag ni de tsam du gyur nas/ gnas 'jog gi rgyud dag sdug tsha'i snying khu rgya mtsho chen po tsam dang / gro ga'i shog shog ri rab tsam dang / yi ge pa dag gling bzhi pa'i sems can gyi khams tsam dang / smyu gu dag sa chen po'i steng na rtswa dang / shing dang / yal ga dang / shing gi dum bu tsamra ni ches myur du yongs su zad pa dang / yongs su gtugs par 'gyur gyi/ dge slong shA ri'i bu'i shes rab zad par 'gyur pa ni nga mi smra'o// gnas 'jog gi rgyud dag dge slong shA ri'i bu ni shes rab kyi stobs de lta bu dang ldan no// gnas 'jog gi rgyud dag 'di lta ste/ rnam par snang byed kyi nyi ma dag ni/ kun tu 'gro ba dang / phyogs snang bar byed do// de srid du stong gi 'jig rten na/ zla ba stod dang / nyi ma stong dang ri'i rgyal po ri rab stong dang / shar gyi lus 'phags stong dang / ba lang spyod stong dang / byang gi sgra mi snyan stong dang / 'dzam bu gling stong dang / rgyal chen bzhi'i ris kyi lha stong
- 188a
dang / sum cu rtsa gsum pa dag dang / 'thab bral dag dang / gzhan 'phrul dbang byed kyi lha stong stong dang / tshangs pa'i 'jig rten stong po 'di ni stong spyi phud kyi 'jig rten gyi khams zhes bya'o/ / stong chung ngu'i 'jig rten gyi khams stong gi stong gang yin pa 'di ni/ stong gnyis pa bar ma'i 'jig rten gyi khams zhes bya'o// stong gnyis pa bar ma'i 'jig rten gyi khams phrag stong gang yin pa 'di ni/ stong gsum gyi stong chen po'i 'jig rten gyi khams zhes bya'o// gnas 'jog gi rgyud dag stong gsum gyi stong chen po'i 'jig rten gyi kham de yang / shes rab dge slong shA ri'i bu dang 'dra ba dag gis gang bar gyur la/ de bzhin gshegs pa'i shes rab tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / rwa dang / bgrang ba dang / dpe dang / rgyur yang nye bar mi 'gro'o// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni shes rab kyi stobs de lta bu dang ldan pa dag yin zhing / gang dag 'das pa dag dang / gang dag ma byon pa dag dang / gang yang nga da lta da ltar byung ba'i dus na de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa dang mnyam pa ste/ mtshan mnyam pa/ yon tan mtshung
- 188b
pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni ma yin no// bcu pa bdag cag gis de bzhin gshegs pa las/ de bzhin gshegs pa dgra bcom pa yang dag par rdzogs pa'i sangs rgyas rnams kyi yab yum las byung ba'i stobs kyang thos lags/ bsod nams kyi stobs kyang thos lags/ shes rab kyi stobs kyang thos lags na/ btsun pa de bzhin gshegs pa dgra bcom pa yang dag par rdzogs pa'i sangs rgyas gang rdzu 'phrul gyi stobs ji lta bu dang ldan pa lags/ gnas 'jog gi rgyud dag khyed de bzhin gshegs pa las/ de bzhin gshegs pa dgra bcom pa yang dag par rdzogs pa'i sangs rgyas rnams kyi rdzu 'phrul gyi stobs nyan par 'dod dam/ btsun pa bcom ldan 'das mchog tu 'tshal lags so// bde bar gshegs pa mchog tu 'tshal lags so// gnas 'jog gi rgyud dag de'i phyir khyed lags par rab tu nyon la yid la zung zhig dang ngas bshad do/ / gnas 'jog gi rgyud dag dus 'di ni gcig ste/ rtswa bi ra na dang ldan par gnod sbyin 'dam bu dang 'dra bar rtsub pa'i dong ka'i shing drung na bzhugs so/ / yang de'i tshe bi ra na dang ldan pa na/ dka' ba 'brog dgon pa slong mo pas bsod snyoms rnyed par dka' ba'i mu ge byung ste/ dge slong dag kyang zas ngan pas yongs su
- 189a
dub pa yin no/ / de nas dge slong mo ru 'gal gyi bu dag la ba der song ste byin nas/ ngal 'di skad ces gsol to// btsun pa da ltar r+dz+dza bi ran dang ldan pa dka' ba 'brog dgon pa slong mo bas bsod snyoms rnyed par dka' ba'i mu ge byung lags te/ dge slong dag kyang ga yang zas ngan pas yongs su dub lags so// btsun pa bcom ldan 'das las bdag gis mngon du thos shing mngon du bzung lags te/ dog sa chen po 'di la dog sa las byung ba'i ro'i khams gya nom pa gang lags pa de ni/ 'o ga na gnas lags shing / bdag kyang bdag nyid kyi yang dag par shes pa mthong ba 'jug lags so// dog sa chen po 'di la dog sa las byung ba'i ro'i khams gya nom pa gang lags pa de ni/ 'og na gnas pa lags te/ btsun pa de'i slad du dog sa chen po bsgyur bar bdag 'tshal lags so// dog sa chen po 'di'i 'og na ro'i khams gya nom pa gang lags pa de steng na mchis par bgyi lags so/ / steng na mchis pa gang lags pa de 'og na mchis par bgyi lags so// de la 'di skad ces kyang ngas bka' stsal to// mo'u 'gal gyi bu sa chen po bsgyur bar 'dod dam/ des 'di skad ces gsol to// btsun pa dog sa chen po bsgyur bar 'tshal lags so// de la 'di skad ces bka' stsal to// gnas 'dir gnas te sa chen po
- 189b
bsgyur bar 'dod dam/ des 'di skad ces gsol to// btsun pa khor yug dang khor yug chen po dag gi gnas su gnas te/ dog sa chen po bsgyur bar 'tshal lags so// de la yang 'di skad ces bka' stsal to/ / mo ru 'gal gyi bus chen po bsgyur bar 'dodan/ gang dag sa la rten pa'i sems can dang / srog chags de dag ji ltar byed/ nges 'di skad ces gsol to/ / btsun pa ngog sa chen po bsgyur ba lags te/ gang dag dog sa la rten pa'i sems can dang / srog chags de dag lag pa g.yon pas blangs te gzung bar bgyi lags so// lag pa g.yas pas ni sa chen po bsgyur bar bgyi lags so// de la yang 'di skad ces bka' stsal to// mo'u 'gal gyi bu chen po sa chen po sgyur bar byed pa na/ ji lta bu'i 'du shes dang ldan par byed/ des 'di skad ces gsol to// btsun pa sa chen po bsgyur bar bgyi ba na/ 'du shes mchog tu yang ba dang ldan par bgyi lags te/ 'di lta ste/ skyes bu stobs dang ldan pa zhig chu shing gi 'dab ma bsgyur bar bgyid pa na/ 'du shes mchog tu ldan par 'gying lags so// btsun pa de bzhin du bdag sa chen po sgyur bar bgyid pa na/ 'du shes mchog tu lang ba dang ldan par bgyid lags so/ / de la yang 'di skad ces bka' stsal to// mo'u 'gal gyi bu legs so legs so// mo'u ba gal gyi bu khyod kyis rdzu 'phrul de dag dang thabs
- 190a
des sa chen po bsgyur bar ni nus par gyur na/ sa chen po bsgyur bar de bzhin gshegs pa khyod la gnang bar mi mdzad do// mo'u 'gal gyi bu de ci'i phyir zhe na/ sems can gang phal cher kha zas kyi ro la chags shing / kha zas kyi ro la rmongs te/ kun tu gti mug par 'gyur ro// mo'u 'gal gyi bu de ci'i phyir zhe na/ sa chen po'i stengs can na sa las byung ba'i ro'i khams gya nom pa de yang yun ring du mi gnas te/ / ring po mi thogs par de sa chen po'i steng nas thams cad kyi thams cad du nub par 'gyur ro// de'i phyir sems can dang / 'byung po dang / srog chags de dag kyang kha zas kyi ro la chags shing / kha zas kyi rol rmongs te/ mchog tu myos par 'gyur ba 'am/ srog chud nas shi ba'i dus byed par 'gyur te/ mo'u 'gal gyi bu de'i phyir sa chen po bsgyur ba de bzhin gshegs pa khyod la gnang bar mi mdzad do// gnas 'jog gi rgyud dag dge slong mo'u 'gal gyi bu ni rdzu 'phrul gyi stobs de lta bu dang ldan no/ / gnas 'jog gi rgyud dag 'di lta ste/ rnam par snang byed kyi nyi ma dag ni/ kun tu 'gro ba na phyogs snang bar byed do// de srid du stong gi 'jig rten na zla ba stong dang / nyi ma stong dang / ri'i rgyal po ri rab stong dang / shar gyi lus 'phags stong dang / ba lang spyod stong dang / byang gi sgra mi snyan stong dang / 'dzam bu gling stong dang / rgyal chen bzhi'i ris
- 190b
kyi lha stong dang / sum cu rtsa gsum pa dag dang / 'thab bral dag dang / dka' ldan dag dang / 'phrul dga' dag dang / gzhan 'phrul dbang byed kyi lha stong dang / tshangs pa'i 'jig rten stong po 'di ni/ stong spyi bud kyi 'jig rten gyi khams zhes bya'o// stong spyi bud kyi 'jig rten gyi khams stong gang yin pa de ni/ stong gnyis pa bar ma'i 'jig rten gyi khams zhes bya'o/ / stong gnyis pa bar ma'i 'jig rten gyi khams phrag stong gang yin pa 'di ni/ stong gsum gyi stong chen po'i 'jig rten gyi khams zhes bya'o// / / 'phags pa rdo 'phangs pa'i mdo bam po gnyis pa ste tha ma'o// gnas 'jog gi rgyud dag stong gsum gyi khams chen po'i 'jig rten gyi khams de'ang rdzu 'phrul dang ldan pa dge slong mo'u ba gal gyi bu dang 'dra ba dag gis gang bar gyur la/ de bzhin gshegs pa'i rdzu 'phrul nges par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / na dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ nyan thos dang rang sangs rgyas rnams kyi rdzu 'phrul ni lus kyis 'gro ba yin zhing / de bzhin gshegs pa dgra bcom pa yang dag par rdzogs pa'i sangs rgyas kyi rdzu 'phrul ni yid ltar mgyogs pa yin pa'i phyir te/ gnas 'jog gi rgyud
- 191a
ngag de bzhin gshegs pa dgra bcom pa yang dag par rdzogs pa'i sangs rgyas dag ni rdzu 'phrul gyi stobs de lta bu dang ldan pa dag yin zhing / gang dag 'das pa dag dang / gang dag ma byon pa drug dang / gang yang ngad lta da ltar byung ba'i dus ni/ de bzhin gshegs pa dgra bcom pa yang dag par rdzogs pa'i sangs rgyas pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni ma yin no// btsun pa bdag cag gis de bzhin gshegs pa las/ de bzhin gshegs pa dgra bcom pa yang dag par rdzogs pa'i sangs rgyas rnams kyi yab yum las byung ba'i stobs kyang thos lags/ bsod nams kyi stobs kyang thos lags/ shes rab kyi stobs kyang thos lags/ rdzu 'phrul gyi stobs kyang thos lags nabatsun pa de bzhin gshegs pa dgra bcom pa yang dag par rdzogs pa'i sangs rgyas dag bsgos pa'i stobs ji lta bu dang ldan pa dag lags/ gnas 'jog gi rlung dag khyed de bzhin gshegs pa las/ de bzhin gshegs pa dgra bcom pa yang dag par rdzogs pa'i sangs rgyas rnams kyi bsgom pa'i stobs nyan par 'dod dam/ btsun pa bcom ldan 'das mchog tu 'tshal lags
- 191b
so/ / bde bar gshegs pa mchog tu 'tshal lags so// gnas 'jog gi rgyud dag de'i phyir khyed legs par rab tu nyon la yid la zung zhig dang ngas bshad do// gnas 'jog gi rgyud dag 'dzam bu gling chu dang rgyar ni dpag tshad bdun stong yod de/ byang phyogs su ni yangs la/ lho phyogs su shing rta'i dbyibs so// gnas 'jog gi rgyud dag shar gyi lus 'phags gling ni nur dpag tshad brgyad stong yod de/ zla gam du gnas so// gnas 'jog gi rgyud dag pa lang spyod kyi gling ni chur dpag tshad dgu stong yod la/ kun tu zlum po'o// gnas 'jog gi rgyud dag byang gi sgra mi snyan gyi gling ni chur dpag tshad khri yod de/ kun nas gru bzhi'o// gnas 'jog gi rgyud dag gang gling bzhir dus med pa'i sprin chen po yang dag par 'ong ba'i dus de yod de/ de'i tshe gling chen po bzhi nas chu chen po'i rgyun dang / chu chen po'i phung po rgya mtsho chen por 'bab ste/ de bzhin gshegs pa chu'i thig pa re re ya/ chu'i thigs pa 'di ni 'dzam bu gling nas char 'bab pa'o// grong che ge mo dang / grong rdal che ge mo dang / ljongs che ge mo dang / ljongs kyi phyogs re ge mo dang / shing ljon pa che ge mo dang / sdong po che ge mo dang / yal ga dang / 'dab ma dang / me tog dang / 'bras bu dang / rtswa dang / shing dang / yal ga dang / shing gi dum bu che ge mo las nar 'bab pa'o// 'di ni ba lang spyod pa dang / shar gyi lus 'phags dang / byang gi sgra mi snyan gyi
- 192a
gling nas char 'bab pa'o/ / grong che ge mo dang / grong rdal che ge mo dang / ljongs che ge mo dang / ljongs kyi phyogs che ge mo dang / shing ljon pa che ge mo dang / sdong po ge mo dang / yal ga dang / 'dab ma dang / me tog dang / 'bras bu dang / rtswa dang / shing dang / yal ga dang / shing gi dum bu che ge mo las char 'bab po zhes yongs su dpyod par mdzad de/ chu'i thigs pa de yang rdul phra rab tsam du yongs su dpyod par mdzad do// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni bsgom pa'i stobs de lta bu dang ldan pa dag yin zhing / gang dag 'das pa dag dang / gang dag ma byon pa dag dang / gang yang ngad lta da ltar byung ba'i dus/ de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam papar smin pa mnyam pa dag yin gyi/ rgyu gsum po rigs dang / sku tshe dang / sru lus kyis mnyam pa dag ni ma yin no// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni/ stobs bcu gzhan dag dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor
- 192b
zhing / 'khor gyi nang du yang dag par seng ge'i sgra sgrogs par mdzad cing / gang dag 'a das pa dag dang / gang dag ma byon pa dag dang / gang yang ngad lta da ltar byung ba'i dus na/ de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni ma yin no// gnas 'jog gi rgyud dag stobs bcu gang dag dang ldan zhe na/ 'di la de bzhin gshegs pa dgra bcom pa yang dag par rdzogs pa'i sangs rgyas rnams ni gnas la yang gnas dang / gnas ma yin pa la yang gnas ma yin par yang dag pa ji lta ba bzhin du yang rab tu mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ gnas la yang gnas dang / gnas ma yin pa la yang gnas ma yin par yang dag pa ji lta ba bzhin du rab tu mkhyen te/ gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs dang po de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing
- 193a
'khor gyi nang du yang dag par seng ge'i sgra sgrogs par mdzad do/ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas rnams ni/ 'das pa dang / ma 'ongs pa dang / da ltar byung ba'i las dang / chos yang dag par len pa dag la gnas dang / rgyu dang / dngos po dang / rnam par smin par yang dag pa ji lta ba bzhin du rab tu mkhyen te/ gnas 'jog gi rgyud dag ji ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ 'das pa dang // ma 'ongs pa dang / da ltar byung ba'i las dang / chos yang dag par len pa dag la gnas dang / rgyu dang / dngos po dang / rnam par smin par yang dag pa ji lta ba bzhin du rab tu mkhyen to/ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs gnyis pa de dang ldan pa yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing / 'khor gyi nang du yang dag par seng ge'i sgra sgrogs par mdzad do// gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ bsam gtan dang / rnam par thar pa dang / ting nge 'dzin dang / snyoms par 'jug pa dag gis kun nas
- 193b
nyon mongs pa dang / rnam par byang ba dang / rnam par gnas pa dang / rnam par dag pa yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ bsam gtan dang / rnam par thar pa dang / ting nge 'dzin dang / snyoms par 'jug pa dag gis kun nas nyon mongs pa dang / rnam par byang ba dang / rnam par gnas pa dang / rnam par dag pa yang dag pa ji lta ba bzhin du rab tu mkhyen to// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs gsuM pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing / 'khor gyi nang du yang dag par seng ge'i sgra sgrogs par mdzad do// gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ sems can gzhan dag dang / gang zag gzhan dag gi dbang po mchog dang / mchog ma yin pa nyid yang dag pa ji lta ba bzhin du rab tu mkhyen te// gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ sems can gzhan dag dang / gang zag gzhan dag gis
- 194a
dbang po mchog dang mchog ma yin pa nyid yang dag pa ji lta ba bzhin du rab tu mkhyen to/ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs bzhi pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing / 'khor gyi nang du yang dag par seng ga'i sgra sgrogs par mdzad do/ / gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ sems can gzhan dag dang / gang zag gzhan dag gi mos pa sna tshogs nyid yang dag pa ji lta ba bzhin du rab tu mkhyen to// gnas 'jog gi rgyud dag 'di ltar de bzhin gshegs pa dgra bcom ba yang dag par rdzogs pa'i sangs rgyas rnams ni/ sems can gzhan dag dang / gang zag gzhan dag gi mos pa sna tshogs nyid yang dag pa ji lta ba bzhin du rab tu mkhyen to// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs lnga pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing / 'khor gyi nang du yang dag par seng ge'i sgra sgrogs par mdzad do// gnas 'jog gi rgyud dag gzhan yang de bzhin gshegs pa dgra bcom pa yang dag
- 194b
par rdzogs pa'i sangs rgyas rnams ni/ khams sna tshogs pa khams du ma dang ldan pa'i 'jig rten yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ khams sna tshogs pa khams du ma dang ldan pa'i 'jig rten yang pa ji lta ba bzhin du rab tu mkhyen to// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs drug pa de dag dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing // 'khor gyi nang du yang dag par seng ge'i sgra sgrogs par mdzad do// gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ thams cad du 'gro ba'i lam yang dag par ji lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ thams cad du 'gro ba'i lam yang dag pa ji lta ba bzhin du rab tu mkhyen to// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs bdun pa de dang ldan pa yin zhing / khyu mchog gi gnas rlabs po che zhal gyis 'a
- 195a
ste/ tshangs pa'i 'khor lo rab tu bskor zhing / 'khor gyi nang du yang dag par seng ge'i sgra sgrogs par mdzad do// gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ sngon gyi gnas rnam pa du ma yang dag par rjes su dran par mdzad de/ 'di lta ste/ tshe rabs gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum cu dang / bzhi bcu dang / lnga bcu dang / tshe rabs brgya dang / tshe rabs stong dang / tshe rabs brgya stong dang / tshe rabs brgya phrag du ma dang / tshe rabs stong phrag du ma dang / tshe rabs brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma yang dag par rjes su dran par mdzad cing / sems can 'byung ba de dag ni ming 'di dag ces bya bar gyur to// de dag tu bdag cag ming 'di dag ces bya bar gyur to// rigs dag ni 'di dag ces bya/ rus dag ni 'di dag ces bya/ zas dag ni lta bu dag cig za za/ bde ba dang sdug bsngal ba ni 'di lta bu dag cig myong / tshe ni 'di tsam zhig tu ring bar gyur//
- 195b
yun ni 'di srid dag cig tu gnas gnas/ tshe dag ni 'di tsam dag cig thub/ de dag dang bdag cag gnas de nas shi 'phos te/ che ge mo zhig tu skyes pa dag tu gyur/ de nas byung shi 'phos nas che ge mo zhig tu skyes pa dag tu gyur/ de nas kyang shi 'phos nas yang 'dir skyes pa dag tu gyur to zhes rnam pa dang bcas shing / yul phyogs dang bcas la/ gzhi las gyur pa dang bcas par sngon gyi gnas rnam pa du ma yang dag par rjes su dran par mdzad la/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas ni/ sngon gyi gnas rnam pa du ma yang dag par rjes su dran par mdzad de/ 'di lta ste/ tshe rabs gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum cu dang / bzhi bcu dang / lnga bcu dang / tshe rabs brgya dang / tshe rabs stong dang / tshe rabs brgya stong dang / tshe rabs brgya phrag du ma dang / tshe rabs stong phrag du ma dang / tshe rabs brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa du ma dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma yang dag par
- 196a
rjes su dran par mdzad cing / sems can 'byung ba de dag ni ming 'di dag ces bya bar gyur to// de dag tu bdag cag ming 'di dag ces bya bar gyur to// rigs dgra ni 'di dag ces bya/ rus dag ni 'di dag ces bya/ zas dag ni 'di lta bu zhig za za/ bde ba dang sdug bsngal ba ni 'di lta bu dag cig myong / tshe 'di tsam zhig tu ring bar gyur/ yul ni/ 'di srid dag cig gnas gnas/ tshe dag ni 'di tsam dag cig thub/ de dag dang bdag cag gnas de nas shi 'phos nas/ che ge mo zhig tu skyes pa dag tu gyur/ de nas kyang shi 'phos nas yang 'dir skyes pa dag tu gyur to zhes rnam pa dang bcas shing / yul phyogs dang bcas la/ gzhi ci las gyur pa dang bcas pas sngon gyi gnas rnam pa du ma yang dag par rjes su dran par mdzad do/ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs brgyad pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing / 'khor gyi nang du yang dag par seng ge'i sgra sgrogs par mdzad do// gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ lha'i spyan rnam par dag pa mi las 'das pas sems can shi 'pho ba dag dang //
- 196b
skye ba dag dang / mdog bzang po dag dang / mdog ngan pa dag dang / dman pa dag dang / gya nom pa dag dang / bde 'gro dag dang / ngan 'gror ba dag la gzigs par mdzad cing sems can las ji lta bzhin du nye bar dong ba dag dang / sems can 'byung ba de dag ni lus kyis nyes par spyod pa dang ldan pa dag dang / ngag dang yid kyis nyes par spyod pa dang ldan pa dag dang // 'phags pa rnams la skur pa 'debs pa dag dang / log par lta ba dag yin te/ log par lta ba'i las dang chos yang dag par len pa'i rgyus/ de'i rgyu dang de'i rkyen gyis lus zhig nas shi phan chad ngan song ngan 'gro log par ltung ba'i sems can myal ba rnams su skye bar 'gyur ro/ / yang na sems can 'byung ba dag ni lus kyis legs par spyod pa dang ldan pa dag dang / ngag dang yid kyis legs par spyod pa dang ldan pa dag dang / 'phags pa rnams la skur pa mi 'debs pa dag dang / yang dag par lta ba yin te/ yang dag pa'i lta ba'i las dang chos yang dag par len pa'i rgyus/ de'i rgyu dang de'i rkyen gyis lus zhig nas bde 'gro mtho ris kyi 'jig rten du lha rnams kyi nang du skye bar 'gyur ro zhes yang dag pa ji lta ba bzhin du rab tu mkhyen to/ / gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ lha'i spyan rnam par dag pa mi las 'das pas
- 197a
sems can 'chi 'pho ba dag dang / skye ba dag dang / mdog bzang po dag dang / mdog ngan pa dag dang / dman pa dang / gya nom pa dag dang / bde 'gro dang / ngan 'gror 'gro ba dag la gzigs par mdzad cing / sems can las ji lta ba bzhin du nye bar dong ba dag la/ sems can 'byung ba de dag ni/ lus kyis nyes par spyod pa dang ldan pa dag dang / ngag dang yid kyis nyes par spyod pa dang ldan pa dag dang / 'phags pa rnams la skur pa 'debs pa dag dang / log par lta ba dag yin te/ log par lta ba'i las dang chos yang dag par len pa'i rgyus/ de'i rgyu dang rkyen gyis lus zhig nas shi phan chad ngan song ngan 'gro log par ltung ba'i sems can dmyal ba dag tu skye bar 'gyur ro// yang na sems can 'byung ba de dag ni lus kyis legs par spyod pa dang ldan pa dag dang / ngag dang yid kyis legs par spyod pa dang ldan pa dag dang / 'phags pa rnams la skur pa mi 'debs pa dag dang / yang dag par lta ba dag yin te/ yang dag pa'i lta ba'i las dang chos yang dag par len pa'i rgyus/ de'i rgyu dang de'i rkyen gyis lus zhig nas bde 'gro dang mtho ris kyi 'jig rten du lha rnams kyi nang du skye bar 'gyur ro zhes yang dag pa ji lta ba bzhin du rab tu mkhyen to/ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs
- 197b
rgyas dag ni stobs dgu pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing / 'khor gyi nang du yang dag par seng ge'i sgra sgrogs par mdzad do/ / gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni zag pa zang nas/ zag pa med ba'i sems rnam par grol ba/ shes rab rnam par grol ba/ mthong ba'i chos nyid bdag nyid kyis mngon par mkhyen pas mngon du mdzad de/ rdzogs par mdzad nas rab tu mkhyen cing / nged cag gi skye ba 'di ni zad do/ / tshangs par spyod pa ni bsnyen to// mdzad pa mdzad do// 'di las srid pa gzhan rab tu mi mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni zag pa dag zad nas/ zag pa med pa'i sems rnam par grol ba/ shes rab rnam par grol ba/ mthong ba'i chos nyid la bdag nyid kyis mngon par mkhyen pas mngon du mdzad de/ rdzogs par mdzad nas rab tu mkhyen cing / nged kyi skye ba 'di ni zad do// tshangs par spyod pa ni bsnyen to// mdzad pa mdzad do// 'di las srid pa gzhan rab tu mi mkhyen to/ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs bcu pa de dang ldan pa dag yin zhing / khyu bachog
- 198a
gi gnas rlabs po che zhal gyis 'che ste/ tshangs pa'i 'khor lo rab tu bskor zhing / 'khor gyi nang du yang dag par seng ge'i sgra sgrogs par mdzad do// gang dag 'das pa ngag dang / gang dag ma byon pa dag dang / gang yang nga da lta da ltar byung ba'i dus na/ de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ma yin no/ / de nas bcom ldan 'das la/ ku shi'i grong khyer nas skyes pa gyad rnams kyis 'di skad ces gsol to// btsun pa 'o na ci gang stobs de dag las ches stobs dang ldan zhing / gang stobs de dag zil gyis gnon par bgyid pa'i stobs gzhan mchis lags sam/ gnas 'jog gi rgyud dag gang stobs de dag las ches stobs dang ldan zhing / gang stobs de dag zil gyis gnon par byed pa'i stobs gzhan yod de/ 'di lta ste/ gang de nyid kyi mtshan mo'i gung thun la/ mtshan gyis rnam par brgyan pa/ dpe byad bzang pos rnam par mdzes par byas pa'i sku 'di dang / stobs de dag gi snod du gyur pa'i sku srog 'di rab tu 'joms par 'gyur ba'i mi rtag pa nyid kyi stobs zhes bya'o// gnas 'jog gi rgyud 'di ni gang stobs de dag las
- 198b
ches stobs dang ldan zhing / gang stobs de dag zil gyis gnon par byed pa'i stobs gzhan de yin no// de nas bcom ldan 'das kyis de'i tshe tshigs su bcad pa dag bka' stsal pa/ lus las byung ba'i stobs dang bsod nams stobs/ / ye shegs stobs dang rdzu 'phrul stobs pas kyang // nga yi gzi brjid 'do pa mi rtag nyid// mchog tu stobs dang ldan par bzhed pa yin// gang du de dang 'dra ba'i sku lus ni/ / gser gyi ri yi dbang po'i rtse mo 'dra// mi rtag nyid kyi gzi brjid kyis bcom nas// nga yi 'jig pa 'ong bar 'gyur ba yin// mi rtag nyid kyi stobs ni stobs mchog par mkhas pa yis ni rnam par shes byas te/ / gang du mi rtag nyid ni mi 'ong ba'i// mi 'chi ba yi gnas de thob par bya'o// bcom ldan 'das las ku shi'i grong khyer nas skyes pa'i gyad rnams kyis de skad thos nas rmongs par gyur te/ ji ltar yang 'du shes thob pa dag tu gyur nas/ sa la 'gre ldog ste/ 'di lta ste/ shing gi sdong bu bzhin no// kha cig ni dpung pa dag bsnol te/ rab tu ngu bar byed do// kha cig ni sems kyi sdug bsngal dang kun tu ldan zhing 'khod do// kha cig ni chos nyid kho na la rton par byed de/ bcom ldan 'das kyis bdag cag la dang po nyid du 'dod/ pa dang / sdug pa dang / dga' ba dang / yid du 'ong ba thams cad las dngos po tha dad pa dang / med par 'byung ba dang / 'bral ba dang mi ldan pa 'byung bar 'gyur ro zhes gsungs/
- 199a
so snyam mo// de nas ku shi'i grong khyer nas skyes pa'i gyad rnams thi ba'i skad ltar snyan cing 'jebs pa ring 'jam pa'i dbugs phyung nas/ mchi ma dag phyung ste/ bcom// ldan 'das kyi zhabs gnyis la mgo bos phyag 'tshal nas phyogs gcig tu 'khod do// de nas bcom ldan pa das dge slong gi dge 'dun dang thabs cig tu rdo chen po yangs pa de'i phyogs gcig tu bzhugs so/ / ku shi'i grong khyer nas skyes pa'i gyad rnams kyang rdo chen po yangs pa de nyid kyi phyogs gcig tu 'khod do// de nas bcom ldan 'das ku shi'i grong khyer nas skyes pa'i gyad rnams la shad kyis sbyong ba ltar mdzad cing / ku shi'i grong khyer na skyes pa'i gyad rnams la 'di skad ces bka' stsal to// gnas 'jog gi rgyud dag rdo chen po yangs pa 'di ni bskal pa dang po pa'i mi rnams kyi rtsol ba'i rdor gyur te/ 'di ltar deng sang yang de la sor mo'i rjes dag snang ba'i phyir ro// gnas 'jog gi rgyud dag de ltar 'du byed thams cad ni/ mi rtag pa/ mi brtan pa/ yid brtan du mi rung ba/ rnam par 'gyur ba'i chos can dag yin te/ 'du byed thams cad kyi bar gyi chog pa nyid do// skyo bar bya ba'i rigs so// 'dod chags dang bral bar bya ba'i rigs so/ / rnam par grol bar bya ba'i rigs so// gnas 'jog gi rgyud dag rgya mtsho chen po ni rgyu bzhis bskam par mi nus so// bzhi gang dag gis she na
- 199b
'og tu ni gser gyi 'khor los kun tu bzung ba dang / ngos su ni khe yug gis yongs su bzung ba dang / steng nas ni klu chen po dag gis shing rta'i srog shing tsam du chu'i rgyun gyi char 'bebs par byed pa dang / chu bo chen po thams cad chu klung stong phrag du ma'i 'khor dang ldan pa rgya mtsho chen por 'bab par byed pa'o// de ltar sangs rgyas kyi bstan pa rgya mtsho 'di yang rgyu bzhis nub par mi 'gyur ro/ / bzhi gang dag gis she na/ 'og tu ni 'dul ba'i gser gyi 'khor los kun tu bzung ba dang / ngos su ni mdo sde'i khor yug gis yongs su bzung ba dang / chos mngon pa'i klu chen po'i char gyis kun tu yongs su gang bar byas pa dang / bsgom pa las byung ba'i dge ba'i rtsa ba'i chu klung dag gis yongs su rgyas par byas pa'o// gnas 'jog gi rgyud dag bon kyang sangs rgyas la dge ba'i rtsa ba bskyed pa ni/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad par yang thob par byed do// chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni/ 'khor bar zad par mi 'gyurayongs su gtugs par mi 'gyur zhing mya ngan las 'das pa mi zad pa yang thob par byed do/ / gnas 'jog gi rgyud dag 'dzam bu gling 'di ni chu dang zheng du dpag tshad bdun stong yod cing / byang phyogs su ni yang la/ lho phrogs su shing rta'i dbyibs yin no//
- 200a
de ni gom pa 'di skad cig yod do zhe'am/ gom pa brgya 'am/ gom pa stong ngam/ gom pa brgya stong zhig yod ces bgrang ba dang / tshad gzung bar ni nus kyi gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ / chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// gnas 'jog gi rgyud dag 'dzam bu'i gling lta zhog gi/ gnas 'jog gi rgyud dag shar gyi lus 'phags gling zhes bya ba chu dang rgyar dpag tshad brgyad stong yod cing / zla gam du gnas pa yod de/ de la yang gom pa 'di snyed cig yod do zhe 'am/ gom pa brgya 'am gom pa stong ngam/ gom pa brgya stong zhig yod do zhes bgrang ba dang tshad gzung bar ni nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bzang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// chos la dge ba'i rtsa ba bskyed pa dang / dgra
- 200b
'dun la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thog papar byed do/ / gnas 'jog gi rgyud dag 'dzam bu'i gling yang zhog/ shar gyi lus 'phags gling yang zhog go/ gnas 'jog gi rgyud dag ba lang spyod kyi gling zhes bya ba/ chu dang rgyar dpag tshad dgu stong yod cing / kun tu zlum po yod de/ de la yang gom pa 'di snyed cig yod do zhe'am/ gom pa brgya'am/ gom pa stong ngam/ gom pa brgya stong zhig yod do zhes bgrang ba dang bzung bar ni nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// gnas 'jog gi rgyud dag 'dzam bu'i gling yang zhog/ nub kyi ba lang spyod kyi gling yang zhog/ shar gyi lus 'phags gling yang log gi/ gnas 'jog gi rgyud dadag byang gi sgra mi spyan gyi gling zhes bya ba/ chu dang rgyar dpag tshad khri yod pa/
- 201a
kun tu gru bzhi pa yod de/ de la yang gom pa 'di snyed cig yod do zhe 'am/ gom pa brgya'am/ gom pa stong ngam/ gom pa brgya stong zhig yod do zhes bgrang ba dang tshad gzung bar ni nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// gnas 'jog gi rgyud dag gling bzhi pa'i 'jig rten gyi khams lta zhog gi/ gnas 'jog gi rgyud dag ri'i rgyal po khor yug dang / khor yug chen po dag yod do// de gnyis la yang srang 'di snyed cig yod do zhe 'am/ srang brgya'am/ srang stong ngam/ srang brgya stong zhig yod do zhes bgrang ba dang tshad gzung bar nus te/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// chos la dge ba'i rtsa ba bskyed pa
- 201b
dang / dge 'dun la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ / gnas 'jog gi rgyud dag gling bzhi pa'i 'jig rten gyi khams kyang zhog/ ri'i rgyal po khor yug chen po dag kyang zhog gi/ gnas 'jog gi rgyud dag rgya mtsho chen po ni zabs su dpag tshad brgyad khri yod cing / rgyar ni dpag tu med pa'o// de la yang bum pa 'di skad cig yod do zhe 'am/ bum pa brgya'am/ bum pa stong ngam/ bum pa brgya stong zhig yod do zhes bgrang ba dang tshad gzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// gnas 'jog gi rgyud dag gling bzhi pa'i 'jig rten gyi khams kyang zhog/ ri'i rgyal po khor yug dang / khor yug chen po dag kyang zhog/ rgya mtsho chen po yang zhog gi/ gnas 'jog gi rgyud dag ri'i rgyal po ri rab
- 202a
ni dpag tshad brgyad khri chu las gyen du mngon par 'phags so/ / de la yang srang 'di snyed cig yod do zhe 'am/ srang brgya'am/ srang stong ngam/ srang brgya stong zhig yod do zhes bgrang ba dang tshad gzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang dang tshad gzung bar mi nus te/ 'khor bar zad par mi 'gyur// yongs su gtugs par mi 'gyur zhing / mya ngan las 'das pa mi zad pa yang thob par byed do// chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do// gnas 'jog gi rgyud dag/ de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas dag ni sbyin pas dpag tu med pa dag gi phyir ro// tshul khrims kyis dpag tu med pa dag dang / bzod pas dpag tu med pa dag dang / brtson 'grus kyis dpag tu med pa dag dang / bsam gtan gyis dpag tu med pa dag dang / shes rab kyis dpag tu med pa dag dang / rdzu 'phrul gyis dpag tu med pa dag dang / rdzu 'phrul gyi cho 'phrul gyis dpag tu med pa dag dang / kun brjod pas dpag tu med pa dag dang / kun tu brjod pa'i
- 202b
cho 'phrul gyis dpag tu med pa dag dang / rjes su bstan pa dpag tu med pa dag dang / rjes su bstan pa'i cho 'phrul gyis dpag tu med pa dag dang / stobs bcu dang / mi 'jigs pa/ bzhi dang / ma 'dres pa'i dran pa nye bar gzhag pa gsum dang / thugs rje chen po dpag tu med pa'i phyir te/ gnas 'jog gi rgyud dag de ltar de bzhin gshegs pa dgra bcom pa yang dag par rdzogs pa'i sangs rgyas rnams ni yon tan dpag tu med pa dang ldan pa dag gi phyir ro/ / seng ge'i sgra chen po dang ldan pa'i chos kyi rnam grangs 'di bshad pa na/ stong gsum gyi stong chen po'i 'jig rten gyi khams 'di lan gsum du 'gul/ kun tu 'gul/ kun tu rab tu 'gul/ g.yos/ kun tu g.yos/ kun tu rab tu g.yos/ ldeg/ kun tu ldeg kun tu rab tu ldeg/ 'khrugs/ kun tu 'khrugs/ kun tu rab tu 'khrugs par gyur to// de nas 'khor gyi bdag po tshang pa dang / lha rnams kyi dbang po brgya byin rang gi ris na gnas pa gnyis 'di snyam du sems te/ sangs rgyas bcom ldan 'das 'di ni ku shi'i zong khyer dang nye bar bzhugs te/ ku shi'i grong khyer nas skyes pa'i gyad rnams rdzu 'phrul gyi mo 'phrul chen pos 'dun par mdzad nas/ ring po mi thogs par ngaphung po lhag ma med pa'i mya ngan las 'das pa'i dbyings su yongs su ngan las 'da' bar 'gyur gyis/ gang 'o na bdag cag
- 203a
dong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la tha mar blta ba'i phyir 'dong ngo snyam so// de nas 'khor gyi bdu bo tshangs pa dang / lha rnams kyi dbang po brgya byin rang gi ris nas mi sdung bar gyir te/ 'dod pa na spyod pa dang / gzugs na spyod pa'i lha rnams dang lhan cig bcom ldan 'das kyi spyan sngar 'khod do/ / 'khor gyi bdag po tshangs pa phyogs gcig tu 'jug pas de'i tshe tshigs su bcad pa dag gsol pa/ rdzogs pa'i sangs rgyas grags ldan pa// de dag mthong ba rnyed par dka'// u dum wa ra'i me tog bzhin// bskal pa bye bar rnyed par dka'// shAkya seng ge mi yi mchog/ ston khyod de bzhin rnyed par dka'// gzugs na spyod pa'i lhar btsas te// thal mo rab sbyar khyod la 'dud/ / lha rnams kyi dbang po brgya byin phyogs gcig tu 'dug pas de'i tshe tshigs su bcad pa dag gsol pa/ bdag gi chos mig rnam par dag/ snying la chos kyi sgron ma 'bar/ / ngan song sgo rnams bcad lags te// bdag la ngan 'gro'i 'jig ma mchis// e ma'o ston pa thugs rje can// phan par bzhed dang thugs brtse ba// 'dod par spyod pa'i lhar bcas te/ / thal mo rab sbyar khyod la 'dud// mi thogs yongs su mya ngan 'da'// khyod la tha mar lta ba lags// 'khor gyi bdag po tshangs pa dang / lha rnams kyi dbang po brgya
- 203b
byin gyis de skad ces gsol nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi thad nas zhal du phyogs shing lta bas dong ste/ mgo bos phyag 'tshal nas/ de nyid du mi snang bar gyur to// de nas bcom ldan 'das kyi 'khor ji ltar lhags pa bzhin du thugs su chud nas bsams pa dang / phra rgyas dang / khams dang / rang bzhin rnam par mkhyen te/ 'phags pa'i bden pa bzhi yang dag par rab tu rtogs par byed pa'i chos bstan pa de lta bu mdzad par gyur te/ de thos pa kho na las ku shi'i grong khyer nas skyes pa'i gyad rnams kyis/ kha cig gis ni dro bar gyur pa'i dge ba'i rtsa ba dag bskyed do// kha cig gis ni rtse mo dag bskyed do// kha cig gis ni bzod pa chung ngu dang 'bring dag bskyed do// kha cig gis ni bden pa dang rjes su 'thun pa'i chos kyi mchog rnams bskyed do// kha cig gis ni rgyun du zhugs pa'i 'bras bu mngon du byas so/ / kha cig gis ni lan cig phyir 'ong ba'i 'bras bu mngon du byas so// kha cig gis ni phyir mi 'ong ba'i 'bras bu mngon du byas so// kha cig gis ni rab tu byung nas nyon mongs pa thams cad spangs te/ dgra bcom pa nyid mngon du byas so// kha cig gis ni nyan thos kyi byang chub tu sems bskyed pa dag tu gyur to// kha cig gis ni rang byang chub tu sems
- 204a
bskyed pa dag tu gyur to/ / kha cig gis ni bla na med pa yang dag par rdzogs pa'i byang chub tu sems bskyed pa dag tu gyur to// sangs rgyas bcom ldan 'das rnams kyi 'bras bu yod pa'i chos kyi 'bras bu ston pa dag yin te/ 'khor de las gang phal cher ni sangs rgyas la gzhol ba dang / chos la 'bab pa dang / dge 'dun la dga' bar rnam par gnas so/ / 'di ni bcom ldan 'das kyi 'dul ba rnams 'dus pa chen po tha mar byung ba yin no// de nas ku shi'i grong khyer nas skyes pa'i gyad rnams yid byung ba mchog gis yid byung bar gyur cing / bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi thad nas dong bar gyur to// 'phags pa rdo'i phangs pa'i mdo rdzogs so/ / // lo tsa ba bzang skyong gis bsgyur/ dpal brtsegs kyis zhu ched bgyis// // / rgya gar skad du/ badz+ra pa ti ni kA ya shu b+hU shu b+ha pa la parI k+Sha sU tra/ bod skad du/ ltung ba sde lnga'i dge ba dang mi dge ba'i 'bras bu brtag pa'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra
- 204b
ban bzhugs so/ / de nas bcom ldan 'das kyis/ dge slong rnams la bka' stsal pa/ dge slong dag 'dzam bu'i gling pa'i mi rnams kyi lo lnga bcu gang yin pa de ni/ rgyal chen bzhi'i ris kyi lha rnams kyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig tu brtsis pa'i lo lnga brgya ni rgyal chen bzhi'i ris kyi lha rnams kyi tshe'i tshad do// dge slong dag bslab pa'i chos gang dag srung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston pa ni lus zhig nas bde 'gro rgyal chen bzhi pa'i ris kyi lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing / lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro// dge slong dag rgyal chen bzhi'i ris kyi lnga rnams kyi lo lnga brgya gang yin pa de ni/ dmyal ba chen po yang sos kyi nyin zhag gcig go/ nyi ma nag de sum cu la zla ba gcig/ zla ba bcu gnyis la lo gcig tu bcis pa'i lo lnga brgya ni dmyal ba chen po yang sos kyi tshe'i tshad do/ / dge slong dag bslab pa'i chos gang dag mi srung ba dang / mi sbed pa dang / yongs su mi skyong ba dang / de dag las 'da' bar byed pa dang /
- 205a
'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po yang sos su byar 'gyur te/ de dag der yang sdug bsngal drag pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro// dge slong dag 'dzam bu'i gling pa'i mi rnams kyi lo brgya gang yin pa de ni sum cu rtsa gsum gyi lha rnams kyi nyin zhag gcig go/ / nyin zhag de sum cu la zla ba gcig/ zla ba bcu gnyis la lo gcig tu brtsis pa'i lo stong ni sum cu rtsa gsum pa'i lha rnams kyi tshe'i tshad do// / dge slong dag so sor bshags pa'i chos gang dag bsrung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston pa de ni lus zhig nas bde 'gro sum cu rtsa gsum gyi lha rnams su skye bar 'gyur te/ de dag der yang lnga'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing / lha'i gzugs dang / s+thA dang / dri dang / ro dang / reg bya dang / lha'i g.yog 'khor dang ldan par 'gyur ro// dge slong dag sun cu rtsa gsum gyi lha rnams kyi le stong gang yin pa de ni dmyal ba chen po thig nag gi nyin zhag gcig go/ / nyin zhag de sum cu la zla ba gcig/ zla ba bcu gnyis la lo gcig tu brtsis
- 205b
pa'i lo stong ni dmyal ba chen po thig nag gi tshe'i tshad do/ / dge slong dag so sor bshags pa'i chos gang dag mi srung ba dang / mi sbed pa dang / yongasu mi sbyong ba dang / de dag las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po thig nag tu skye bar 'gyur te/ de dag der yang sdug bsngal drag pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro// nyes byas kyi ltung ba brtag pa'o// dge slong dga' dzam bu gling pa'i mi rnams kyi lo nyis brgya gang yin pa de ni mtshe ma'i lha rnams kyi nyin zhag gcig go/ nyin zhag sum cu la zla ba gcig/ zla ba bcu gnyis la lo gcig tu brtsis pa'i lo nyis stong ni mtshe ma'il+la rnams kyi tshe'i tshad do/ / dge slong dag ltung byed kyi chos gang dag srung ba dang / sbed pa dang / yongs su sbyong ba dang / 'da' bar mi byed pa dang / de dag las 'das pa ston pa dang / rab tu ston pa de ni lus zhig nas bde 'gro mtshe ma'i lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing / lnga'i gzugs dang / sba dang / dri dang / ro dang / reg bya dang / lha'i g.yog 'khor dang ldan par 'gyur ro// dge slong dag mtshe ma'i lha rnams
- 206a
kyi lo nyis stong gang yin pa de ni dmyal ba chen po bsdus 'joms kyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig tu brtsis pa'i lo nyis stong ni dmyal ba chen po bsdus 'joms kyi tshe'i tshad do/ / dge slong dag ltung byed kyi chos gang dag mi srung ba dang / mi gled pa dang / yongs su mi skyong ba dang / de dag las 'das babar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba bsdus 'joms su skye bar 'gyur te/ de dag der yang sdug bsngal shin tu drug pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro// ltung byed kyi snang ba brtag pa'o// dge slong dag 'dzam bu gleng pa'i mi rnam kyi lo bzhi brgya gang yin pa de ni dga' ldan gyi lha rnams kyi nyin zhag gcig go/ nyin zhag de sum cul zla ba gcig/ zla ba bcu gnyis la lo gcig tu brtsis pa'i lo bzhi stong ni dga' ldan gyi lha rnams kyi tshe'i tshad do/ / dge slong dag sbom po'i chos gang dag srung ba dang / sbed pa dang / yongs su sbyong ba dang / 'da' bar mi byed pa dang / de dag las 'das pa ston pa dang / rab tu ston pa de ni lus zhig nas bde 'gro dgar ldan gyi lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i
- 206b
bde ba dang / lha'i dbang phyug la dbang byed cing / lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro// dge slong dag dga' ldan gyi lha rnams kyi lo bzhi stong gang yin pa de ni/ dmyal ba chen po ngu 'bod kyi nyin zhag gcig go// nyin zhag de sum cu la zla ba gcig go/ zla ba bcu gnyis la lo gcig tu brtsis pa'i lo bzhi stong ni dmyal ba chen po ngu 'bod kyi tshe'i tshad do/ / dge slong dag sdom pa'i chos gang dag mi srung ba dang / mi sbed pa dang / yongs su mi skyong ba dang / de dag las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po ngu 'bod du skye bar 'gyur te/ de dag der yang sdug bsngal shin tu drag pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro// sbom po'i ltung ba brtag pa'o// dge slong dag 'dzam bu gling pa'i mi rnams kyi lo brgyad brgya gang yin pa de ni/ 'phrul dga'i lha rnams kyi nyin zhag gcig go/ nyin zhag de sum cu la zla ba gcig go// zla ba bcu gnyis la lo gcig tu brtsis pa'i lo brgyad stong ni 'phrul dga'i lha rnams kyi tshe'i tshad do/ / dge slong dag lhag ma'i chos gang dag srung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab
- 207a
tu ston pa de ni lus zhig na bde 'gro 'phrul dga'i lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i/ bde ba dang / lha'i dbang phyug la dbang byed cing / lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro// dge slong dag 'phrul dag ni lha rnams kyi lo brgyad stong gang yin pa de ni/ dmyal ba chen po ngu 'bod chen po'i nyin zhag gcig go/ nyin zhag de sum cu la zla ba gcig go/ zla ba bcu gnyis la lo gcig tu brtsis pa'i lo brgyad stong ni dmyal ba ngu 'bod chen po'i tshe'i tshad do/ / dge slong dag lhag ma'i chos gang dag mi srung ba dang / mi sbed pa dang / yongs su mi sbyong ba dang / de dag las 'da' pabar byed pa dang / 'das pa de dag mi ston pa dang / rab tu mi ston pa de na lus zhig nas shi ba'i 'og tu dmyal ba chen po ngu 'bod chen por skye bar 'gyur te/ de dag der yang sdug bsngal shin tu drag pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro// lhag ma'i ltung ba brtag pa'o// dge slong dag 'dzam bu gling pa'i mi rnam kyi lo brgya phrag bcu drug gang yin pa de ni/ gzhan 'phrul dbang byed kyi lha rnams kyi nyin zhag gcig go/ nyin zhag de sum cu la zla ba gcig go/ zla ba bcu gnyis la lo gcig tu brtsis
- 207b
pa'i lo stong phrag bcu drug ni gzhan 'phrul dbang byed kyi lha rnams kyi tshe'i tshad do/ / dge slong dag pham par 'gyur ba'i chos bzhi po gang dag srung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston pa de ni lus zhig nas bde 'gro gzhan 'phrul dbang byed kyi lha rnams su skye bar 'gyur te/ de dag der ya lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing / lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro/ / dge slong dag gzhan 'phrul dbang byed kyi lha rnams kyi lo stong phrag bcu drug gang yin pa de ni/ dmyal ba chen po che ba'i nyi na zhag gcig go/ nyin zhag de sum cu la zla ba gcig/ zla ba bcu gnyis la lo gcig tu brtsis pa'i lo khri drug stong ni dmyal ba chen po tsha ba'i tshe'i tshad do// dge slong dag pham par 'gyur ba'i chos bzhi po gang dag mi srung ba dang / mi sbed pa dang / yongs su mi skyong ba dang / de dag las 'das par byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po tsha bar skye bar 'gyur te/ de dag der yang sdug bsngal drag pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro// pham par 'gyur ba'i chos bzhi'i ltung ba
- 208a
brtag pa'o/ / dge slong dag de lta bas na/ gang de dag bstan bcos thos pa rnams kyi bdag la phan par bya ba dang / snying brtse ba dang / snying rje ba dang / don 'dod pa dang / phan pa tshol bas snying brtse ba 'dis khyed cag rnams kyis 'di ltar bya ste/ dge slong dag dgon pa dang / shing drung dang / khang stong dang / ri khrod dang / ri phug dang ba la pun dz+nyA b+hu ba ka sha dang / dur khrod dang / nags 'dab dang / bas mtha'i gnas mal du gnas te/ 'di dag nges par bsam par bya'o// dge slong dag bag yod par gyis shig/ ci nas kyang phyis 'gyod par 'gyur ba de ltar ma byed cig/ 'di ni nga'i rjes su bstan pa'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / ltung bsde lnga'i dge ba dang mi dge ba'i 'bras bu brtag pa'i mdo rdzogs so// rgya gar gyi mkhan po A tsAr+ya dz+nyA na shrI gu pa ta dang / bod kyi lo tsa ba dge slong shAkya blo gros kyis bsgyur cing gtan la phab pa// rgya gar skad du/ ku mA ra dr-iSh+TaM ta sU tra/ bod skad du/ gzhon nu'i dpe'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'dasa'o/
- 208b
sa la'i ljongs rgyu zhing gshegs pa dang / mnyan yod du byon nas/ mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// ko sa la'i rgyal po gsal gyis dge sbyong go'u ta ma ko sa la'i ljongs rgyu zhing gshegs pa dang / mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te shes ldan go'u ta ma de bla na med pa yang dag par rdzogs pa'i byang chub mngon par sangs rgyas par bdag nyid zhal gyis 'che'o zhes thos so/ / thos nas kyang bcom ldan 'das gang na ba der song ste phyin nas/ bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas te/ phyogs gcig tu 'dug go/ phyogs gcig tu 'dug nas/ ko sa la'i rgyal po gsal rgyal gyis/ bcom ldan 'das la 'di skad ces gsol to// kye go'u ta ma bdag gis shes ldan go'u ta ma bla na med pa yang dag par rdzogs pa'i byang chub mngon par sangs rgyas par bdag nyid zhar gyis che'o zhes thos lags na/ go'u ta ma gang dag de skad ces lung bstan pa de dag ji ga dge sbyong go'u ta ma la skur pa 'debs pa ma lags sam/ thal bar smra ba lags sam/ shes ldan go'u tams gsungs pa bzhin smra ba lags sam/ chos smra ba lags sam/ chos
- 209a
dang 'thun pa'i chos lung ston pa lags sam/ jig de dag gi drung du pha rol po chos dang 'thun par rtsod pa'i rjes su rtsod pa mchis na/ smod pa'i chos kyi gnas su mi 'gyur lagasam/ rgyal po chen po gang dag de skad du smra ba de dag ni de skad du lung ston pa bden te/ nga la skur pa 'di 'debs pa ma yin/ thal bar smra ba ma yin/ de ni gsungs pa bzhin smra ba yin/ chos dang 'thun pa'i chos lung ston pa yin te/ de dag gi drung du pha rol po chos dang 'thun pa'i rtsod pa'i rjes su rtsod pa 'ongs na/ smod pa'i chos kyi gnas su mi 'gyur ro// rgyal po chen po de ci'i phyir zhe na/ ngas bla na med pa yang dag par rdzogs pa'i byang chub mngon par sangs rgyas so// shes ldan go'u ta ma de skad gsungs mod kyi/ shes ldan go'u tam la bdag yid mi ches lags so/ / de ci'i slad du zhe na/ kye go'u ta ma re zhig rgan zhing rgan pa'i dge sbyong dang bram ze ni 'di dag lags te/ 'di lta ste/ 'od srungs rdzogs byed dang / kun tu rgyu ga nag lhas kyi bu dang / smra 'dod kyi bu mo'i bu yang dag rgyal ba can dang / mi pham sba'i la ba can dang / ka t+ya'i bu nog can dang / gcer bu pa gnyen gyi bu gang lags pa de dag kyang / da dung bla na med pa dag par rdzogs pa'i byang chub mngon par rdzogs par sangs rgyas par bdag nyid g.yar gyis mi 'che lags na/ shes ldan ko'u ta ma 'khrungs
- 209b
nus ring por ma lags pa gsar du rab tu byung bas lta smos kyang ci 'tshal/ rgyal po chen po gzhon nu bzhi po 'di dag la khyad du gsad par mi bya/ zil gyis gnon par mi bya ste/ bzhi kang zhe na/ rgyal po chen po rgyal rigs gzhon nu khyud du gsad par mi bya/ gzhon nu la zil gyis gnan par mi bya'o// rgyal po chen po sbrul gzhon nu la khyad du gsad par mi bya/ gnon nul zil gyis gnan par mi bya'o/ / rgyal po chen po ma chung ngu la khyad du gsad par mi bya/ zil gyis gnan par mi bya'o// rgyal po chen po dge slong gzhon nu khyang du gsad par mi bya/ gzhon nu la zil gyis gnan par mi bya'o// de ci'i phyir zhe na/ dge slong gzhon nur gyur kyang de rdzu 'phrul che zhing mthu che ba'i dgra bcom par 'gyur ro// bcom ldan 'das kyis de skad ces/ / bka' stsal nas ni bde gshegs kyis// de skad ces ni bka' stsal nas// ston pas gzhan yang 'di skad gsungs// rgyal rigs dpe med ldan pa dang / rigs btsun grags par ldan pa ni// blo dang ldan pas de bzhin zhes// khyad du mi gsad zil mi gnan// rgyal po rgyal rigs mkhas pa yis// rgyal srid dag ni thob gyur nas/ / chad pas gsad pa'i gnas de yod// de bas de la shin tu btud// de la rang gi srog bsrung zhing // rang gi don la lta bas ni// de ni khyad du mi gsad cing // de
- 210a
la legs par bag kyang bya/ / gal te grong ngam dgon pa'ang rung // gang du sbrul ni mthong gyur na// tho dang ldan pas de bzhin zhes// khyad du mi gsad zil mi gnan/ / 'di ltar sbrul ni rgyu ba na// rigs ni rnam pa sna tshogs la// glags rnyed nas ni gnon nus kyang // skyes pa bud med du ma zin// de ltas rang gi srog srung zhing // rang gi don la wA bas ni/ / de ni khyad du mi gsad cing // de la legs pa bag kyang bya// 'bar ba mang ba za byed pa// byin za lam sngon ldan pa de// chung yang khyad du mi gsad cing // mkhas pas zil gyis gnan mi bya/ / nye bar len pas byin za ni// chung ngu gyur las chen por 'gyur// me lce 'bar bas myur bar ni// grong dang grong khyer sreg par byed// de phyir bdag srog srung byed pas/ de ni khyad du mi gsad cing // bdag nyid don la legs lta bas// de la legs par bag kyang bya// byin za lam sngon ldan gyur pa'i// me yis tshang tshing gang bsregs pa// de la nyin mtshan 'das gyur pas/ / la lar lo ma skye bar 'gyur// gang gis tshul khrims ldan pa yi// dge slong rnyed nas sreg byed pa// de la bu dang tsha bo dang // 'go skal yod par mi 'gyur te// ta la'i mgo bzhin mi ring bar// rigs rgyud dang yang bral bar 'gyur// de phyir bdag srog srung byed pas// de ni khyad du gsad mi bya// bdag nyid don la legs lta bas// de la legs
- 210b
par bag kyang bya/ / rgyal rigs dpe byad ldan pa dang // brang 'gro mo dang de zhin du// dge slong tshul khrims ldan pa de// mkhas pas zil gyis gnan mi bya// de phyir bdag srog srung byed pas/ / de ni khyad du gsad mi bya// bdag nyid don la legs lta bas// de ni legs par spang bar bya// de nas ko sa la'i rgyal po gsal rgyal gyis bcom ldan 'das kyis bka' stsal pa la mngon par bstod cing rjes su yi rang ba byas nas bcom ldan 'das kyi zhabs la mgo bos phyag 'tshal te/ bcom ldan 'das kyi spyan snga nas phyir song ngo // gzhon nu dpe'i mdo rdzogs so/ / rgya gar skad du/ nan+do pa nan+da nA ga rA dza da ma na sU tra/ bod skad du/ klu'i rgyal po dga' bo nye dga' 'dul ba'i mdo/ 'phags pa dkon mchog gsum la gus pas phyag 'tshal lo// 'di skad bdag gis thos pa dus gcig na/ bcom ldan 'das mnyan yod rgyal byed tshal mgon med zas sbyin gyi kun dga' ra ba na bzhugs so/ / khyim bdag mgon med zas sbyin dus gcig na/ bcom ldan 'das kyis chos bstan pa thos nas/ btsun pa dge slong lnga brgya dang bcas pa sang nang par bdag gi khyim du gdugs tshod la 'byon par zhu zhes mgron du gnyer to/ / bcom ldan 'das kyis de la gnang nas/ de'i nyin mo'i lhag ma dang mtshan mo'i mtha' 'das nas tho
- 211a
rangs kyi dus su stong phrag bcu'i 'jig rten gyi khams la thugs kyis rnam par dgongs so/ / de nas klu'i rgyal po dga' bo nye dga' zhes bya ba ye shes kyi sgo nas mngon du byas so/ / de la nges par legs pa'i sa bon yod dam zhes brtags pa na/ 'di ni log par lta ba can dkon mchog gsum la dad pa med par gzigs so// gzigs nas gang zhig 'di ni log par lta ba las rnam par grol bar bya ba'i phyir/ 'dul bar byed pa gnas brtan chen po mo'u 'galal gzigs so// de nas mtshan mo tho rangs kyi dus su sku'i byi dor mdzad nas/ tshe dang ldan pa kun dga' bo bos te bka' sprul pa/ kun dga' bo dge slong lnga brgya dang bcas pa'i bcom ldan 'das lha'i 'jig rten du gshegs so zhes ston cig/ des btsun pa bka' bzhin 'tshal lo zhes gsol nas dge slong rnams la don de smras so// de'i nyi ma la dga' bo nye dga' nyer ba sdogs byas so// de lha'i rin po che'i steng du skyil krung gis gnas te/ lha'i gdugs dkar po bzung ngo // klu dang klu mo gar byed cing klu'i 'khor g.yog du mas bskor te/ lha'i snod nye bar bzhag nas bza' ba dang btung ba rnam pa sna tshogs pa la rtog par byed do/ / de nas bcom ldan 'das kyis klu'i rgyal po ji lta bar gzigs so// de ltar byas pa gzigs nas de'i mgo bo'i steng gi bla bres kyi steng nyid nas bcom
- 211b
ldan pa das dge slong lnga brgya dang bcas pas gshegs te/ sum cu rtsa gsum gyi lha'i bar mngon sum du gyur to// de'i tshe de'i dus na klu'i rgyal po dga' bo nye dga' de lta bu'i gzugs kyis sdig pa'i lta bar lhung ba lta ba ngan pa'i sems skyes so/ / dge sbyong mgo reg 'di nga'i steng nas sum cu rtsa gsum gyi lha'i 'jig rten gyi gnas su gshegs par 'gyur ro// 'di ni da lta nas nga'i mgo bo la rkang pa'i rdul mgo bo'i steng du lhung bar byed pas 'gro ru mi ster ro snyam ste/ langs nas ri rab kyi rtsa bar song ngo // rang gi gzugs bor te ri bo mchog rab steng 'og thams cad rang gi lus kyis lan bdun du dkris nas steng du gdengs ka byas te/ sum cu rtsa gsum pa rnams kyis mi mthong bar bya ba'i phyir ro// de nas tshe dang ldan pa yul 'khor skyong gis bcom ldan 'das la 'di skad ces gsol to/ / btsun pa sngar bzhin gnas 'di'i phyogs su 'dug nas ri'i mchog rab mthong ngo // ri bo mchog rab 'khor dang bcas pa mthong ngo // su ma cu rtsa gsum mthong ngo / / rnam par rgyal ba'i khang bzang mthong ngo // rnam par rgyal ba'i khang bzang gi steng gi rgyal mtshan mthong ngo // btsun pa ci'i rgyu ci'i rkyen lags/ da ni ri mchog rab mi mthong bar 'gyur/ bcom ldan 'das kyis bka' stsal pa/ yul 'khor skyong 'di ni klu'i rgyal po dga' bo nye dga' zhes bya ba khyed rnams la khros par gyur te/ ri ngo
- 212a
mchog rab lan bdun du lus kyis dkris nas steng du gdengs kas bsgribs so/ / mun pa mun nag tu byas nas gnas so// gsol pa/ btsun pa bdag gis 'dul bar bgyi'am/ bcom ldan 'das kyis gnang ba ma byin no// de nas tshe dang ldan pa bzang ldan dang / tshe dang ldan pa sgra gcan 'dzin te/ go rims bzhin du dge slong thams cad kyis zhus so/ / bcom ldan 'das kyis rjes su gnang ba ma byin no// thams cad kyi rjes su gnas brtan chen po mo'u 'gal gyi bus btsun pa bdag gis gdul bar bgyi'am zhes zhus pa dang / mo'u 'a gal gyi bu thul cig ces bcom ldan 'das kyis gnang ba byin no// gnas brtan rang gi lus bor la klu'i rgyal po'i lus chen por sprul te/ dga' bo nye dga'i lus kyi steng du lan bcu bzhi lus kyis dkri ba dang / de'i gdengs ka'i steng du rang gi gdengs ka bya'o// ri bo mchog rab dang bcas pa thams cad non cig ces bka' stsal pa dang / gnas brtan moru 'gal gyi bus de bzhin du byas so/ / de nas klu'i rgyal po dga' bo nye dgas kha rlangs kyi du ba btang ngo // gnas brtan gyis kyang khyed kyi lus la kha rlangs kyi du ba yod la/ nged la med pa yin nam/ klu'i rgyal po dga' bo nye dga'i du bas gnas brtan la gnod par ma gyur to// gnas brtan gyi kha rlangs kyi du bas klu'i rgyal po la gnod par gyur to// klu'i rgyal po rab
- 212b
shu' bar ro/ / gnas brtan gyis khyed kyi lus la 'bar ba yod pa bzhin da la med dam zhes 'bar bar byas so// klu'i rgyal po'i me 'od kyis gnas brtan la gnod par ma gyur to// gnas brtan gyi me 'od kyis klu'i rgyal po la gnod par gyur to// klu'i rgyal pos bsams pa/ 'di ni bdag gi lus ri bo mchog rab dang bcas pa nges pa gnan nas dung dang me 'bar bar byed do snyam nas/ khyed gang yin ces dris so// bdag mo'u 'gal zhes bya ba'o// btsun pa rang gi gzugs kyis gnas par gyis shig/ gnas brtan gyis klu'i lus dor nas/ de'i rna ba g.yas pa'i bug nas zhugs te/ rna ba g.yon pa'i bu gnas 'thon no// yang rna ba g.yon pa'i bu ga nas zhugs nas/ rna ba g.yas pa'i bu ga nas 'thon no// de bzhin du sna g.yas pa'i bu ga nas zhugs nas/ sna g.yon pa'i bu ga nas 'thon te/ yang sna g.yon pa'i bu ga nas zhugs nas/ sna g.yas pa'i bu ga nas 'thon no// de nas klu'i rgyal po'i kha gdangs so// gnas brtan khar zhugs nas/ gsus pa'i nang du mdun rgyab tu yang dang yang du rgyus so// bcom ldan 'das kyis mo'u 'gal rdza 'phrul cher yid la gyis shig/ klu rdzu 'phrul chen po dang ldan pa yin no zhes bka' stsal to// gnas brtan gyis btsun pa bdag gis rdzu 'phrul gyi rkang pa bzhi bsgoms pa dang /
- 213a
mang du byas pa dang / brtson par byas pa dang / gzhir byas pa dang / rjes su bsgrubs pa dang / 'dris par byas pas legs par brtsams so// btsun pa dga' bo nye dga' lta zhog/ dga' bo nye dga' dang mtshungs par brgya'i tshogs dang / stong gi tshogs dang / 'bum gyi tshogs kyang bdag gis gdul bar nus so zhes gsol to// klu'i rgyal pos bsams pa/ nang na rgyu ba bdag gis ma mthong ngo // phyir 'byung ba'i tshe mche ba gnyis kyi bar du bza' 'o snyam nas/ btsun pa phyir shog/ nga'i lto ba'i nang du yang dang yang du rgyu ba dang / sdod pas ci bya zhes pas gnas brtan phyir byon nas gnas so// klu'i rgyal pos mthong nas/ 'di yin nam zhes smras te/ sna'i rlung phyir btang ngo // gnas brtan bsam gtan bzhi po mnyam par thob pas/ ba spu'i bu ga gcig tu yang sna'i rlung gis bskyod par ma nus so// de las gzhan pa'i dge slong rnams kyis dang po rnams kyi cho 'phrul thams cad byed par nus kyis/ gnas 'di rnams la rab tu zhugs nas/ bsam gtan bzhi po myur du bsgrub par mi nus so// de'i phyir bcom ldan 'das kyis klu'i rgyal po 'dul ba de rnams la gnang ba ma byin no/ / klu'i rgyal po bdag gis dge slong 'di'i ba spu'i bu ga tsam yang sna'i rlung gis bskyod par ma nus pas rdzu 'phrul chen por bsams so// gnas
- 213b
brngan gyis dge slong gi gzugs dor nas/ 'dab bzang bya khyung gi gzugs su mngon par sprul/ 'dab bzang gi lus de mthong nas klu'i rgyal po bros par gyur to// 'dab bzang gi rjes su 'breng bar klu'i rgyal pos rang gi gzugs dor nas bram ze'i khye'u'i gzugs su sprul to/ / btsun pa khyod la skyabs su 'gro'o zhes rjod par byed cing gnas brtan gyi zhabs la phyag 'tsha lo/ / gnas brtan gyis ston pa'i thad du shog cig 'gro ba yin no zhes klu'i rgyal po btul nas dug med par byas te/ bcom ldan 'das kyi drung du phyin no// klu'i rgyal pos bcom ldan 'das la phyag byas te/ btsun pa khyod la skyabs su 'gro'o zhes gsol te/ bcom ldan 'das kyis legs so zhes bka' stsal nas/ dge slong 'khor dang bcas pa mgon med zas sbyin gyi gnas su gshegs so/ / mgon med zas sbyin gyi sa btsun pa yun ring por mi byon pa ci zhes gsol pa dang / bcom ldan 'das kyis mo'u 'gal gyi bu dang / dga' bo nye dga' gnyis g.yul bkye'o zhes bka' stsal te/ btsun pa su zhig phar su zhig rgyal bar gyur ces gsol pas/ khyim bdag mo'u 'gal gyi bu rgyal bar gyur/ dga' bo nye dga' pham par gyur to zhes bka' stsal to/ / mgon med zas sbyin gyis btsun pa bcom ldan 'das la zhag bdun du rim pa bzhin du gdugs tshod gsol bar zhus/ gnas brtan
- 214a
la bkur sti dang bsti stang bgyid par zhus so/ / sangs rgyas la sogs pa'i dge slong lnga brgya po rnams la bkur sti dang bsti stang zhag bdun du bgyid par 'tshal lo// bcom ldan 'das kyis de skad ces bka' stsal pa dang / dge slong de rnams bcom ldan 'das kyis gsungs pa la mngon par bstod do// klu'i rgyal po dga' bo nyo dga' 'dul ba'i mdo rdzogs so/ / / paN+Di ta chen po a nan+ta shrI'i zhal snga nas/ mang du thos pa'i lo tsA ba shAkya'i dge slong nyi ma rgyal mtshan dpal bzang pos skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab pa'o/ / sa'i steng du nyi ma dang zla ba ltar gyur cig// / rgya gar skad du/ ma hA kA sh+ya ba sU tra/ bod skad du/ 'od srungs chen po'i mdo// 'phags pa dkon mchog gsum la gus pas phyag 'tshal lo// 'di skad bdag gis thos pa dus gcig na/ rgyal po'i khab 'o dma'i tshal ka lan ta ka'i gnas na bzhugs so// de'i tshe de'i dus na tshe dang ldan pa 'od srungs chen po bi bya li'i phug na bzhugs te/ nad dam pos gzir zhing sdug bsngal bar gyur to/ / de nas bcom ldan 'das srod la'i dus su so sor thams cad rtog cing bzhugs so// tshe dang ldan pa 'od srungs chen po ga la ba der gshegs shing nye bar gshegs
- 214b
te/ gdan bshams pa la bzhugs te/ bzhugs nas yang bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srungs khyod ji ltar bza' ba 'dod dam/ ji ltar sdug bsngal myong / ji ltar zhi bar 'gyur/ zhi bar byed pa'i thabs kyis mi zhi ba ma yin no// de nas tshe dang ldan pa 'od srungs chen pos gsol pa/ btsun pa bdag ni bza' ba dang btung ba la mi sred par gyur/ bdag nad dam pos gzir bar gyur te/ zhi ba 'am mi zhi bar 'gyur/ zhi bar byed pa'i thabs mdzad du gsol/ byang chub kyi yan lag bdun po / 'di ngas legs par bshad pa bya'o// de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to// bdun po gang zhe na/ dran pa yang dag byang chub kyi yan lag pa di 'od srungs ngas yang dag pa'i byang chub kyi yan lag tu bshad do/ / de mang du bsgoms par byas pa na/ mngon par shes pa dang / byang chub pa dang / mu ngan las 'das par gyur to/ / yang 'od srungs ngas chos rnam par 'byed pa yang dag pa'i byang chub kyi yan lag tu bshad do// de mang du bsgoms par byas pa na/ mngon par shes pa dang byang chub pa dang / mya ngan las 'das par gyur to// yang 'od srungs ngas brtson 'grus yang dag byang chub kyi yan lag tu bshad do// de mang du bsgoms par byas pa na/ mngon
- 215a
par shes pa dang / byang chub pa dang / mya ngan las 'das par gyur to// yang 'od srungs ngas dga' ba yang dag byang chub kyi yan lag tu bshad do// de mang du sgom par byas pa na/ mngon par shes pa dang / byang chub pa dang / mya ngan las 'das par gyur to// yang 'od srungs ngas shin tu sbyangs pa yang dag byang chub kyi yan lag tu bshad do// de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to// yang 'od srungs ngas ting nge 'dzin yang dag byang chub kyi yan lag tu bshad do// de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to// yang 'od srungs ngas btang snyoms yang dag byang chub kyi yan lag tu bshad do/ / de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to// 'od srungs 'di ni byang chub kyi yan lag bdun te ngas bshad do/ / de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to// bcom ldan 'das de bzhin gshegs pas gsungs pa'i byang chub kyi yan lag la bslab par bya'o/ / bcom ldan 'das kyis de skad ces bka' stsal pa dang / tshe dang ldan pa 'od srungs chen po bcom ldan 'das kyis gsungs pa la mngon par bstod do// /
- 215b
dam thag tu nang zhi bar gyur nas/ tshe dang ldan pa 'od srungs chen po langs so// tshe dang ldan pa 'od srungs chen po'i nad zhi bar gyur to// gnas brtan 'od srungs chen po'i mdo rdzogs so// / paN+Di ta chen po A nan+da shrI'i zhal snga nas/ sang du thos pa'i lo tsa ba shAkya'i dge slong nyi ma rgyal mtshan dpal bzang pos skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab pa'o/ / sa'i steng du nyi ma dang zla ba ltar gyur cig/ snga 'gyur yod// / rgya gar skad du/ sUr+ya sU tra/ bod skad du/ nyi ma'i mdo/ 'phags pa dkon mchog gsum la gus pas phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na rgyal byed tshal mgon med zas sbyin gyi kun dga' ra ba na bzhugs so/ / de'i tshe lha'i bu nyi ma lha ma yin gyi dbang po sgra gcan 'dzin gyis bzung ngo // de nas lha'i bu nyi mas bcom ldan 'das rjes su dran pa yid la bya ste/ de'i dus su tshigs su bcad pa 'di gsol to// sangs rgyas dpa' bo do la 'dud// thams cad myur du grol bar gyis// bdag 'di'i kha ru bcug pas na/ / bdag ni khyod la skyabs su mchi// de nas bcom ldan 'das kyis lha'i bu nyi ma'i ched du/ lha ma yin gyi dbang po sgra gcan 'dzin la tshigs su bcad pa bka' stsal pa/ sangs
- 216a
rgyas 'jig rten la brtse bas/ / dgra bcom de bzhin gshegs pa la// nyi ma skyabs su song bas na// sgra gcan 'dzin gyis nyi ma mthong // gang zhig mun pa snang bas gsal bar byed/ / rnam snang dag po'i gzi brjid dkyil 'khor can// nam mkha'i nyi ma sgra gcan sgrib ma byed// nyi ma 'di ni sgra ga can gyis thong zhig/ de nas lha ma yin gyi dbang po sgra gcan 'dzin gyis lha'i bu nyi ma grol bar byas nas/ sngar gyi gzugs bzhin du gang su zhig gis lha ma yin gyi dbang po thag bzang ris kyi drung du song zhing song nas sems mi dga' zhing yi mug pas ba spu langs par gyur te/ phyogs gcig tu 'dug go// phyogs gcig tu 'dug nas/ lha ma yin gyi dbang po sgra gcan 'dzin la/ lha ma yin gyi dbang po thags bzang ris byas tshigs su bcad pa sa/ byor mid ni skrag par 'gyur// !/ can yodzin gyim nyas zang // gzugs stongs patha sa // kyi 'jigs pas 'dis ma/ des smras pa/ sangs rgyas tshigs bcad thos nas ni// bdag gis nyi ma ma btang na// mgo bo tshal pa bdun 'gas shing // 'tsho ba la ni bde ba med// nyi ma'i mdo rdzogs so// paN+Di ta chen po A nan+da shri'i zhal snga nas/ mang du thos pa'i lo tsA ba shAkya'i dge slong nyi ma rgyal mtshan dpal bzang pos skad gnyis smra ba rnams kyi gdan sa gtsug lag
- 216b
khang chen po dpal thar pa gling du bsgyur cing zhus te gtan la phab pa'o/ / sa'i steng dunyi ma dang zla ba ltar gyur cig// rgya gar skad du/ tsan+da sU tra/ bod skad du/ zla ba'i mdo/ 'phags pa dkon mchog gsum la gus pas phyag 'tshal lo// 'di skad bdag gis thos pa dus gcig na/ bcom ldan 'das mnyan yodan rgyal byed tshal mgon med zas sbyin gyi kun dga' ra ba na bzhugs so/ / de nas de'i tshe lha'i bu zla ba lha ma yin gyi dbang po sgra gcan 'dzin gyis bzung nas/ de nas lha'i bu zla bas bcom ldan 'das rjes su dran pa yid la byas te de'i dus su tshigs su bcad pa 'di gsol to/ / sangs rgyas dpa' bo de la 'dud// thams cad myur du grol bar gyis// bdag 'di'i kha ru bcug pas na/ bdag ni khyod la skyabs su 'gro// de nas bcom ldan 'das kyis lha'i bu zla ba'i ched du/ lha ma yin gyi dbang po sgra gcan 'dzin la tshigs su bcad pa bka' stsal pa/ sangs rgyurgyas 'jig rten la brtse bas/ / dgra bcom de bzhin gshegs pa la// zla ba skyabs su song bas na// sgra gcan 'dzin gyis zla bathong // de nas lha ma yin gyi dbang po sgra gcan 'dzin gyis lha'i bu zla bgrol bar byas nas/ sngar gyi gzugs bzhin du gang su zhig gis lha ma yin gyi dbang po thags bzang ris kyi drang du song zhing song nas/ sems mi dga' zhing yi mug
- 217a
pas ba spu langs par gyur pas phyogs gcig tu 'dug go/ phyogs gcig tu 'dug nas yang lha ma yin gyi dbang po sgra gcan 'dzin la/ lha ma yin gyi dbang po thags bzang ris kyis tshigasasu bcad pa smras pa/ ci phyir yid ni skrag par gyur// sgra ga can 'dzin gyis zla ba thong // gzugs kyi rnam 'gyur kun tu ngan// ci phyir 'jigs pas 'di ru lhags/ sgra gcan 'dzin gyis tshig smras pa// sangs rgyas tshigs bcad thos nas ni// zla ba bdag gis ma btang na// mgo bo tshol pa bdun 'gas shing // 'tsho ba la ni bde ba med// zla ba'i mdo rdzogs so/ / / paN+Di ta chen po A nan+da shri'i zhal snga nas/ mang du thos pa'i lo ts+tsha ba shAkya'i dge slong nyin rgyal mtshan dpal bzang pos skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab pa'o/ / sa'i steng du nyi ma dang zla ba ltar gyur cig/ snga 'gyur yang yod/ rgya gar skad du/ ma hA ma g+ha la sU tra/ bod skad du/ bkra shis chen po'i mdo/ 'phags pa dkon mchog gsum la gus pas phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal byed tshal mgon med zas sbyin gyi kun dga' ra ba na bzhugs so// de nas lha du ma rnams mtshan mo kha dog sna tshogs pa
- 217b
dang ldan pa'i 'o da rnams kyis dus gcig la rgyal byed tshal 'od kyis snang bar byas nas/ bcom ldan 'das gang du bzhugs pa der lhags te lhags nas/ bcom ldan 'das la phyag byas nas phyogs gcig tu 'khod do/ / phyogs gcig tu 'khod nas/ lha de rnams kyis bcom ldan 'das la tshigs su bcad pa mang du zhus so// lha dang mi rnams mang po yis// bkra shis pa ni bsam gyur pa/ / bkra shis pa la the tshom skyes// bkra shis mchog ni gsung du gsol// lha'i yang lha yis bka' stsal pa// sdig pa thams cad rnam par 'joms// 'jig rten kun la phan pa'i don/ / bkra shis de rnams khyed la bshad// byis pa rnams la bsnyen mi bya// mkhas pa rnams la bsnyen par bya// mchod la mchod pa'i lan bya ba// 'di ni mchog gi bkra shis so/ / sngar byas pa yi bsod nams kyis// 'thun pa'i yul du gnas pa dang // bdag nyid mchog gi smon lam bya// 'di ni mchog gi bkra shis so// bden dang lag pa'i bzo dang ni/ / 'dul ba'i sbyor bas legs par bslab// gang gis 'di ni legs par bslab// gang gis legs par bshad pa'i tshig/ 'di ni mchog gi bkra shis so// pa dang ma la bsnyen bkun bya/ bu dang chung ma rjes su gzung // mi mthun pa yi las mi bya// 'di ni mchog gi bkra shis so// sbyin pa chos kyi spyod pa dang // gnyen 'dun rnams ni rjes su gzung // kha na ma tho'i las
- 218a
mi bya/ 'di ni mchog gi bkra shis so// sdig la dga' ba spang bar bya// chang gi btung ba rnam par spang // gang zhig chos la bag yod pa// 'di ni mchog gi ba/ shis so// glo bur bla ma gus par bya// byas pa shes shing gus par bya// dus su chos ni mnyan par bya// 'di ni mchog gi bkra shis so// tshig ngan pa ni bzod par bya// dge sbyong rnams ni mthong bar bya/ / dus su chos kyi 'bel gtam bya// 'di ni mchog gi bkra shis so// dka' thub dang ni tshangs spyod bya// 'phags pa'i bden pa mthong bar bya// mya ngan 'das pa mngon sum bya/ / 'di ni mchog gi bkra shis so// 'jig rten chos la dris pa na// gang zhig sems ni g.yo mi bya// mya ngan mi dga' med bzod bya// 'di ni mchog gi bkra shis so// de ltar bshad par byas pa rnams/ / thams cad du ni rgyal ba dang // thams cad du ni zhi bar 'gro// de rnams de la mchog bkra shis// bcom ldan 'das kyis de skad ces bka' stsal nas/ lha de rnams bcom ldan 'das kyis gsungs pa la mngon par bstod do// bkra shis chen po'i mdo rdzogs so// paN+Di ta chen po A nan+da shri'i zhal snga nas/ mang du thos pa'i lo tsA ba shAkya'i dge slong nyi ma rgyal mtshan dpal bzang pos skad gnyis smra ba rnams kyi gdan sa gtsug lag khang chen po dpal thar pa gling du bsgyur cing nus te gtan la phab pa'o/ / sa'i
- 218b
steng du nyi ma dang zla ba ltar gyur cig/ snga 'gyur yang yod// rgya gar skad du/ Ar+ya k+ke sang ka ra pa ri prits+tsha nA ma mahA yA na sU tra/ zod skad du/ 'phags pa bde byed kyis nus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das shAkya'i yul na/ ser b+ha'i gnas na shAkya rnams shing n+ya kro d+ha'i kun dga' ra ba na dge slong lnga brgya'i dge slong gi dge 'dun chen po dang thabs cig tu bcwa so/ / de'i tshe shAkya'i bu bde byed ces bya ba ser skya'i gnas kyi grong khyer chen po nas byung ste/ shing n+ya gro d+ha'i kun dga' ra ba ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal nas phyogs gcig tu 'dug go/ de nas shAkya'i bu bde byed bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / bcom ldan 'das byang chub sems dpa' chos du dang ldan na/ bla na med pa yang dag par rdzogs pa'i byang chub las phyir mi ldog par 'gyur/ tshegs chung ngus kyang skyes bu chen po'i mtshan sum chu rtsa gnyis mngon par sgrub par bgyid/ sangs rgyas kyi zhing nas sangs rgyas kyi zhing du mchi bar bgyid/ mongs pa ma mchis par 'gum pa'i dus
- 219a
bgyid par 'gyur/ skyes nas kyang mngon par shes pa lnga dang ldan par 'gyur/ mi khom pa thams cad rnam par spong zhing / khom pa 'byor pa thob par 'gyur// gzugs kyang thob par 'gyur/ spobs pa thogs pa ma mchis pa dang ldan par yang 'gyur/ phyir mi ldog pa'i chos dang ldan zhing / stong pa nyid la lhag par mos par yang 'gyur/ rtag tu rab tu 'byung ba la mngon par dga' bar 'gyur/ khyim na gnas kyang rtag tu tshangs par spyod pa la mngon par dga' bar 'gyur lags/ de skad ces gsol pa dang / bcom ldan 'das kyis// shAkya'i bu gzhon nu bde byed la 'di skad ces bka' stsal to// rigs kyi bu khyod de bzhin gshegs pa la don 'di yongs su zhu bar sems pa ni rigs kyi bu khyod skye bo mang po la phan pa dang skye bo mang po la bde ba dang / 'jig rten la snying brtse ba dang // skye bo phal po che'i don dang / lha dang mi rnams la phan pa dang bde ba'i phyir zhugs pa yin te/ legs so legs so// de'i phyir rigs kyi bu khyod legs par rab tu nyon la yid la zung zhig dang / ngas khyod la bshad do// byang chub sems dpa' chos bzhi dang ldan na ji skad smos pa'i yon tan de dag rjes su 'thob ste// bzhi gang zhe na/ rigs kyi bu 'di la byang chub sems dpa' bzod pa'i stobs dang ldan zhing / bzod pa la gnas pa de pha rol gshe yang slar mi gshe ba dang / brdegs kyang slar mi rdeg pa dang
- 219b
mtshang drus kyang slar mtshang mi 'dru ba dang / khros kyang slar mi khro ba ste/ rigs kyi bu chos bzhi po de dag dang ldan pa'i byang chub sems dpa' ni bla na med pa yang dag par rdzogs pa'i byang chub las phyir mi ldog cing / ji skad smras pa'i yon tan phun sum tshogs pa yang rjes su 'thob par 'gyur ro// bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas gzhan yang 'di skad ces bka' stsal to// kun tu spros kyang gshe bar mi byed la// gnod byas gzhan la de ni gnod mi byed// de ni mi lus spangs pa byas nas kyang / / byang chub sems dpa' yon tan de dag 'thob// sdig pa'i tshig rnams rtag tu srung byed cing // sdig pa'i sems kyi dbang du mi 'gro la// sdig las log ste 'bras bu de thob nas/ / ye shes mchog nyid myur du thob par 'gyur// skye bo gang dga' tshog rdung dga' byed cing // khro gtum gnod par sems pa'i sems ldan rnams// sangs rgyas ye shes yongs su spangs nas su/ / mi mkhas de dag sdug bsngal mi bzad ldan// de lta bas na gzhan la mi 'tshog cing // rgyu dang mi rgyu rnams la dbyug pa spong // sems can kun la phan dang snying brtser ldan/ / des 'dir ye shes dam pa myur du 'thob// skye bo rmongs pa khros pas zil non pa// 'jig rten mkhas pa'i stan las de ring ste// de ni log lta/
- 220a
rnams kyi ngan 'dzin yin// de lta bas na mkhas mis dkrug mi bya// byang chub sems dpa' gang 'di mi khro zhing // bden pa rjes srung gzhan la mi gnod pa/ spyad pa dkon pa 'di dag rdzogs byas nas// sum cu rtsa gnyis mtshan mdzes phun sum tshogs// mi mkhas rtag tu phung zhing sdang sems ldan// pha dang ma la'ang 'di ni gus mi byed// kun nas nyon mongs rtsa bar rab gnas pa// skyes bu tha ma'i nyes pa 'di rnams yin// de bas rtag tu bzod pa kho na bsten// dge slong chos smra ba la bsten par bya// dge ba'i bshes gnyen yongs su mi gtong ste/ / de la byang chub mchog ni dka' ba med// rigs kyi bu gzhan yang byang chub sems dpa' chos bzhi dang ldan na bla na med pa yang dag par rdzogs pa'i byang chub/ las phyir mi ldog cing / ji skad smos pa'i yon tan phun sum tshogs pa yang rjes su 'thob bo// bzhi gang zhe na/ rigs kyi bu 'di la chos don du gnyer ba dang / chos 'dod pa dang / chos kyi kun dga' la dga' ba mos pa dang / chos 'dzin pa dang / chos ston pa yin/ bud med yongs su spong zhing bud med la sten par mi byed pa yin/ sbyin pa'i bdag po dang / kun 'gyed pa'i ngang tshul can dang / kun 'gyed pa la dga' ba dang / rmugs pa dang gnyid yongs su spong ba yin/ stong pa nyid la mos pa dang / stong pa nyid la gnas pa yin te/ rigs kyi
- 220b
bu chos pa ni po de dag dang ldan pa'i byang chub sems dpa' ni bla na med pa yang dag par rdzogs pa'i byang chub las phyir mi ldog cing / ji skad smos pa'i yon tan de dag kyang 'thob par 'gyur ro// bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas gzhan yang 'di skad ces bka' stsal to// sems can gang dag chos ni 'dod pa dang / / chos kyi don du brtson 'grus skyed pa dkon// gang dag chos kyi 'khor lo skor byed pa// de dag ye shes dam pa thob par 'gyur// gzhan las thos nas yang dag 'dzin byed cing / / pha rol don du gnyer la chos ston pa// shes ldan de dag 'khor du zhum pa med// bla med byang chub mchog la reg par 'gyur// log par lhung rgyu bud med rnam par spang / / rgyal sras rtag tu tshangs par spyod par 'gyur// tshangs par spyod la bstan par de gnas shing // 'khor lo bla med dam pa skor bar byed// bud med rnams la mtshan ma dga' yod de/ / 'di ltar sdug bsngal nyam thag skem par 'gyur// de dag bsten na zhi ba med pa ste// de bas yongs su spongs la byang chub spyod// de nas shAkya'i bu bde byed bstan pa 'di thos nas/ tshim zhing mgu la yi rangs shing rab tu dga' ste/ dga' ba dang yid bde ba skyes nas/ rang gi lus las rgyan bkrol te/ bcom ldan 'das ga la bde logs su gtor to// de
- 221a
nas bcom ldan 'das kyi mthus rgyan de dag bcom ldan 'das kyi dbu'i drang zad kyi steng gi bar snang la rin po che'i khang pa brtsegs pa zhig tu 'dug par gyur nas/ rin po che'i khang pa brtsegs pa de nas mi rgyan thams cad kyis brgyan pa lnga brgya byung nas/ bcom ldan 'das la rgyan rnams 'thor zhing / bla na med pa yang dag par rdzogs pa'i byang chub tu/ yang sems bskyed nas/ tshig 'di skad ces bcom ldan 'das bdag cag gis dge ba'i rtsa ba 'di sems can thams cad dang thun mong du bgyi ste/ bla na med pa yang dag par rdzogs pa'i byang chub tu yongs su bsngo bar bgyi'o zhes 'dzer to/ / de nas shAkya'i bu bde byed kyis kyang sprul pa'i mi de dag mthong ngo // mthong nas kyang lus kyi spu zing zhes byed par gyur te/ bcom ldan 'das la 'di skad ces gsol to/ / bcom ldan 'das mi 'di rnams gang nas mchis/ shar phyogs sam/ lho phyogs sam/ nub phyogs sam/ byang phyogs sam/ 'og gam/ steng gi phyogs sam/ 'on te phyogs gang nas mchis/ bcom ldan 'das kyis bka' stsal pa/ rigs kyi bu mi 'di rnams ni shwar phyogs nas mA 'ongs/ lho drang nub dang / byang phyogs dang / 'og dang / steng gi phyogs dang / phyogs mtshams gang nas kyang ma 'ongs te/ 'di rnams ni lha ma yin/ glu ma yin/ gnod sbyin ma
- 221b
yin/ dri za ma yin/ lha mu yin ma yin/ nam mkha' lding ma yin/ mi 'am ci ma yin/ lto 'phye chen po ma yin/ mi ma yin/ mi ma yin pa ma yin no// sa'i khams la mi sten/ chu'i khams la mi sten/ me'i khams la mi sten/ rlung gi khams la mi spen/ nam mkha'i khams la mi sten to// 'di dag la ni gzugs med/ tshor ba med/ 'du shes med/ 'du byed rnams med/ sems med/ yid med/ rnam par shes pa med/ las med/ las kyi rnam par smin pa med/ 'jig rten 'di med/ 'jig rten pha rol med/ 'ong ba med/ 'gro ba med/ gnas pa med/ 'chi 'pho med/ skye ba med do// 'on kyang rigs kyi bu 'di dag ni sprul pa zhes bya ba yin no// 'di dag ni gzhi med pa zhes bya ba yin no// 'di/ dag ni srog med pa zhes bya ba yin no// 'di dag ni skyes bu med pa zhes bya ba yin no// 'di dag ni gang zag med pa zhes bya ba yin no// 'di dag ni mtshan nyid med pa zhes bya ba yin no// 'di dag ni dben pa zhes bya ba yin no/ / 'di dag ni stong pa zhes bya ba yin no// 'di dag ni ngo bo nyid med pa zhes bya ba yin no// bde byed rigs kyi bu dang / rigs kyi bu mo gang dag de ltar chos thams cad sprul pa lta bur 'dod pa dang / bzod pa dang / khong du chud pa dang / mngon par dad pa dang / yid ches pa dang / gzhan gyi dring mi 'jog par gyur pa'i rigs kyi bu dang / rigs kyi
- 222a
bu mo de dag ni bde byed nga'i bu zhes bya'o/ / nga'i rjes su skyes pa zhes bya'o// snang ba 'dzin pa zhes bya'o// 'od byed pa zhes bya'o// mun pa bsal ba zhes bya'o/ / nyon mongs pa spangs pa zhes bya'o// ston pa zhes bya'o// bsod nams kyi zhing zhes bya'o// yon gyi gnas zhes bya'o// dge sbyong zhes bya'o// bram ze zhes bya'o// tshor ba po zhes bya'o/ / glang po zhes bya'o// mi skye ba'i chos la bzod pa dang ldan pa zhes bya'o// byang chub sems dpa' zhes bya'o// sems dpa' chen po zhes bya'o// phyir mi ldog pa'i chos dang ldan pa zhes bya'o/ / byang chub sems dpa'i chos dang ldan pa zhes bya'o// lung bstan pa zhes bya'o// rigs kyi bu gang su yang rung ba dag de ltar chos thams cad sprul pa lta bur mi 'dod/ mi bzod// mi 'jug/ mi mos/ mi dad / thos nas kyang sdang zhing skrag la dngang bar 'gyur ba dang / slar zlog pa dang / phyir gshe ba'i rigs kyi bu de dag ni dge sbyong ma yin pa zhes bya'o// bram ze ma yin pa zhes bya'o/ / mu stegs can zhes bya'o// dmigs pa can zhes bya'o// dkrugs ma pa zhes bya'o// sdig pa'i grogs po zhes bya'o// yongs su spang bar bya ba zhes bya'o// byang chub sems dpa' ngan g.yo can zhes bya'o/ / byang chub sems dpa' 'chal pa zhes bya'o// byang chub sems dpa' ltar bcos pa zhes bya'o// byang chub sems dpa' sreng lta bu zhes bya'o// byang
- 222b
chub sems dpa' sun 'byin pa zhes bya'o/ / byang chub sems dpa' gtum pa zhes bya'o// de nas bdud sdig can sdug bsngal zhing yid mi bde nas/ bcom ldan 'das ga la ba der song ste phyin nas/ bcom ldan 'das la 'di skad ces gsol to// bcom ldan 'das chos kyi rnam grangs 'di bshad pas sems can ji snyed cig gi don mdzad/ bcom ldan 'das kyis bka' stsal pa/ sdig can chos kyi rnam grangs 'di bshad pas 'dod pa na spyod pa dang / gzugs na spyod pa'i lha'i bu brgyad khri bzhi stong gis mi skye ba'i chos la bzod pa thob bo// dge slong lnga brgya len pa med par zag pa rnams las sems rnam par grol lo/ / dge slong ma bdun cu rtsa lngas kyang mi skye ba'i chos la bzod pa thob bo// byang chub sems dpa' bde byed dang / dge bsnyen lnga brgya gzhan dag kyang mi skye ba'i chos la bzod pa thob bo/ / dge bsnyen ma nyi shu rtsa lnga yang chos rnams la chos kyi mig rdul med cing dri ma dang bral ba rnam par dag ste/ de dag thams cad kyang mi skye ba'i chos la bzod pa dang ldan par gyur to/ / de dag thams cad kyang 'di nas shi 'phos nas de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi sangs rgyas kyi zhing 'jig rten gyi khams bde ba can du skye bar 'gyur ro/ / der skyes nas thams cad lhan cig 'thun par sangs rgyas bcom ldan 'das dpag tu med pa rnams
- 223a
kyi sangs rgyas kyi byang chub 'dzin par 'gyur/ rjod par 'gyur/ ston par 'gyur/ yang dag par rab tu ston par 'gyur/ de dag phyis gang+gA'i klung gi bye ma snyed kyi bskal pa 'das nas bskal pa bzang po zhes bya ba 'dri 'di nyid la/ stong gsum gyi stong chen po'i 'jig rten gyi khams 'dir bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de nas bdud sdig can sdug bsngal zhing yid mi bde la 'gyod cing mchi mas brnangs la du bzhin du 'gyur te/ de nyid nas phyir 'gro zhing tshig 'di skad du/ bcom ldan 'das chos kyi rnam grang 'di slan chad mi bshad du gsol zhes smras so// bcom ldan 'das kyis bka' stsal pa/ sdig can khyod de skad ma smra zhig/ de ci'i phyir zhe na/ bcom ldan pa das thams cad kyi chos kyi 'khor lo skor ba 'di ni thogs pa med pa yin no/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di byang chub sems dpa' nges par 'byung ba zhes bya bar zung zhig/ bde byed kyis nus pa zhes bya bar yang zung zhig/ kun dga' bo ngas chos kyi rnam grangs 'di khyod la gtang ngo // gzung ba dang / bklag pa dang /
- 223b
bshad pa dang / gzhan dag la yang rgya cher ya dag par rab tu bstan par bya ba'i phyir yongs su gtad do// de ci'i phyir zhe na/ kun dga' bo rigs kyi bu 'am/ rigs kyi bu mo theg pa chen po la yang dag par zhugs pa gang gis shes rab kyi pha rol tu phyin pa ma gtogs par pha rol tu phyin pa lnga po dag la bskal pa bcur spyad pa bas/ rigs kyi bu 'am/ rigs kyi bu mo gang zhig chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston pa dang / tha na glegs bam du byas te 'chang ba de ni/ de bas bsod nams ches mang du bskyed pa'i phyir ro// de nas bcom ldan 'das kyis de'i tshe tshigs su bcad pa 'di dag bka' stsal to// gang zhig tshul 'di ma thos par/ bskal pa bcur ni sbyin byin yang // bla na med pa'i sbyin pa zhes// de ni bsngags par mi 'gyur ro// gang zhig bskal pa bcu rnams su// 'jig rten pa yi tshul khrims bsrung // de ni dmigs la gnas pas na// tshul khrims de ni ngag mi 'gyur// gang zhig sangs rgyas kyis bsngags pa'i// mdo sde zab mo 'di 'dzin pa// tshul khrims de ni bla na med// sangs rgyas kun gyis bsngags pa yin/ / gang 'dir bskal pa bcu rnams su// bzod pa smra ba'i mir gyur la// gshe bar byed pa'i srog chags rnams// kun la bzod par byed gyur
- 224a
kyang / 'di na tshul 'di ma thos na// bzod pa de ni bsngags ma yin// gang zhig mdo sde 'di 'dzin cing // gzhan dag la yang rab ston na// bzod pa de ni bla na med/ / sangs rgyas kun gyis bsngags pa yin// gang zhig tshul 'di ma thos par// bskal pa dag ni bcu rnams su// 'chag pa dag las mi 'da' yang // brtson 'grus de ni bsngags ma yin/ / gang zhig sangs rgyas kyis bshad pa// mdo sde zab mo 'di 'dzin na// brtson 'grus de ni bla na med// sangs rgyas kun gyis bsngags pa yin// gang zhig bskal pa bcu rnams su/ / bsam gtan ldan pa'i mir gyur la// bsam gtan ro la de gnas na// bsam gtan pa zhes de mi brjod// nang dang phyi rol rnams la yang // rdul tsam chos kyang mi rtog na/ / bsam gtan de ni bla na med// de ni bsam gtan pa zhes bya// de ltar sbyin dang tshul khrims dang // bzod pa dang ni brtson 'grus dang // bsam gtan shes rab mnyam nyid kyis/ de ni byang chub myur thob 'gyur// bcom ldan 'das kyis de skad ces bka' stsal nas/ tshe dang ldan pa kun dga' bo dang // shAkya'i bu bde byed dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa
- 224b
bde byed kyis zhus pa zhes bya ba theg pa chen po'i mdo rdzogs so/ / rgya gar gyi mkhan po pradz+nyA wa ma dang / zhu chen gyi lo tsA ba ban+de ye shes sde la sogs pas bsgyur cing zhus te gtan la phab pa/ / / rgya gar skad du/ Ar+ya a na ba ta nA ga rA dza pa ri prits+tsha nA ma ma hA ya na sU tra/ bod skad du/ 'phags pa klu'i rgyal po ma dros pas zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na bcom ldan lnga po'i khab na bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe bcom ldan 'das 'khor brgya stong phrag du mas bskor nas mdun gyis byas te chos ston to// de nas klu'i rgyal po ma dros pa dang / klu'i rgyal po dbum phrag drug cu rtsa brgyad dang / klu'i bu mo brgyad khri ba zhi stong gis bskor te/ mdun du bdar nas sil snyan dang klu dbyangs len cing / klu'i mthu chen po dang / klu'i rdzu 'phrul na pos me tog dang / bdug pa dang / spos dang / 'phreng ba dang / byug pa dang / bye ma dang / gos dang / gdugs dang / rgyal mtshan dang / ba ngan rnams thogs te/ bcom/
- 225a
ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ ji ltar thogs pa'i me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / sil snyan dang / pheg rdob pa de dag gis bcom ldan 'das la mchod pa byas te/ gus pa dang bcas/ zhe sa dang bcas shing rang gi skye bo'i 'khor dang phyogs gcig tu 'dug go/ 'dug nas kyang thal mo sbyar te/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdage phyogs 'ga' zhig zhu'o/ / de skad ces gsol pa dang / bcom ldan 'das kyis mkhyen bzhin du/ klu'i rgyal po ma dros pa la 'di skad ces bka' stsal to// klu'i bdag po khyed sems can rnams kyi ched du/ de bzhin gshegs pa la ci 'dri ba zhig yongs su dri bar 'dod/ gsol ba/ bcom ldan 'das bdag byang chub sems dpa' sems can gyi mchog/ sems can chen po skyes bu dam pa seng ge ltar rnam par rtsen pa'i sems can rnams kyi ched du/ de bzhin gshegs pa
- 225b
yongs su zhu bar 'tshal lo/ / bcom ldan 'das pa jig rten gyi yongs su 'dren pa/ 'jig rten gyi chos kyis mi gos pa/ spyod pa dang bsam pa rnam par dag pa/ phan pa'i dngos po la yang dag par zhugs pa/ gsol ba ma btab par sems can thams cad la dge ba'i bshes gnyen bgyid pa/ stobs bcu'i stobs kyi shugs la yang dag par zhugs pa/ ngan pa'i tshogs can gyi tshogs kyi smra ba yang dag par rab tu 'jom pa/ bdud dang phyir rgol ba bcom pa/ sems ma num pa/ brtson 'grus brtan pa'i go cha shin tu bgos pa/ yid yongs su mi skyo ba dge ba'i rtsa ba'i tshogs dpag tu ma mchis pa bsags pa/ tshul khrims dang thos pas mi ngoms pa/ sems can thams cad la sems mnyam pa/ tha dad pa'i 'du shes dang bral ba/ mtha' lta ba gnyis ka dang bral ba/ rten cing 'brel par 'byung ba la 'jug pa/ shes pa la mkhas pa/ sangs rgyas kyi chos kyi tshul zab mo la rab tu zhugs pa// zab cing gting dpag dka' ba dang / nyan thos dang rang sangs rgyas kyi yid la bgyid pa dang bral ba/ thams cad mkhyen pa'i sems ma bskyud pa/ bsam pa rdo rje lngar brtan te mi phyed pa/ blo zla ba ltar dri ma ma mchis shing shin tu dkar ba/ sems nam mkha'i dkyil dang mtshungs pa/ bskal pa grangs ma mchis par yid yongs su mi skyo bar sa 'dzin pa/ sems sa dang / chu dang / me dang
- 226a
rnam sa pa/ dus sa nga/ / dang/ duN+Dal dang / rnas pa dang / mas pa mas ca dang / mtshanam med pa da / smon pa med pa la smon lam shin du btab pa/ smras dang / ma lam dang / mag yor dang / zag cha dang / sIs m+b+ha dang / mu b+ha lta bu'i chos kyi tshul la ci tu rmugs pa/ sangs rgyas dang / chos dang / dge 'dun gyi gdung rigs 'dzin pa/ chos kyi 'khor lo rab tu bskor ba/ dka' ba dang / mchog tu dga' ba dang / rang b.rab tu zag su rnams ma mchog par babyung shi tu dkar gcig makyang ba/ yid la bgying pas 'dres pa/ rnas pa'i mchog thams cad dang ldan pa sems can rnams kyi cha yang gi de bzhin pa shegs pas sangs sun par 'tshal mo/ / bcom ldan 'das byang chub sems dpa' sems dpa' chen pa dbus kyang blad par du ba pags pa'i chos la rab tu rnags pam dang mas mas kyi nga nga shegs pa la yongams sa / / bam pa 'das thas ba mas pa na pa rnams mas ma byam kyil sa la ma la ba sa sa 'arnal pa'i mang sa #
- 226b
gdon mi 'tshal ba la 'jug pa shes pa'i sgo la 'jug pa/ rang sangs rgyas gdul ba'i slad du brten pa'i chos la 'jug pa shes pa'i sgo la 'jug pa/ theg pa chen po pa gdul ba'i slad du chos thams cad la 'jug pa shes pa'i sgo la 'jug pa/ bdud kyi phyogs tshar gcod pa/ lta bar gyur pa thams cad rnam par 'jig pa/ nyon mongs pa thams cad dang bral ba/ sems cad thams cad kyi sems kyi spyod pa rab tu shes pa/ so so yang dag par rig pa la 'jug pa/ chos thams cad rab tu ston pa/ ji ltar mos pa bzhin chos las rnam par grol bar bgyid pa de/ byang chub sems dpa' rnams la phan gdags pa'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bshad du gsol/ bcom ldan 'das ji ltar na byang chub sems dpa' nga rgyal dang / rgyags pa dang / dregs pa bcom pas ye shes kyi stobs can rnams lags/ ji ltar na las kyi rnam par smin pa la rten pas chos kyi stobs can rnams lags/ ji ltar na 'jig rten gyi zang zing dang chos kyi sbyin pa la ser sna ma mchis pas sbyin pa'i stobs can rnams lags/ ji ltar na rnam par smin pa mi re bar bdog pa thams cad yongs su gtong ba rnams lags/ ji ltar na smon lam gyis yang dag par song zhing ngan song thams cad kun tu chud pas tshul khrims kyi stobs can rnams lags /
- 227a
ji ltar na sems can sdang ba thams cad dang du len pa'i rang bzhin can pas bzod pa'i stobs can rnams lags/ ji ltar na lus dang srog la mi lta bas brtson 'grus kyi stobs can rnams lags/ ji ltar na rab tu zhi ba la gnas shing bsam gtan las ldog pa yang mkhas pas bsam gtan gyi stobs can rnams lags/ ji ltar na sdig pa'i lta ba rnams dang bral zhing / ma rig pa dang gti mug gi mun pa dang yang bral bas shes rab kyi stobs can rnams lags/ ji ltar na sems can yongs su smin par bgyi ba la yongs su smin par bgyi ba'i go cha 'tshal bas thabs kyi stobs can rnams lags/ ji ltar na lha'i mig dang / lha'i rna ba dang / pha rol gyi sems 'tshal ba/ sngon gyi skye ba dang rdzu 'phrul gyi bgyi bas rnam par rtsen pas mngon par shes pa thob pa rnams lags/ ji ltar na spobs pa rgyun mi 'chad cing tshig dang yi ge mi zad pas spobs pa'i stobs can rnams lags/ ji ltar nathos pa thams cad kun tu 'dzin pas gzungs thob pa rnams lags/ ji ltar ra chos dkon mchog gcig la yang dag par gzhol bas bskyud pa ma mchis pa dang / rgya mtsho'i phyag rgya'i 'dzin rab tu thob pa rnams lags/ ji ltar na sangs rgyas la lta ba rnams par dag pa la yang dag par gzhol bas sangs rgyas rjes su dran pa bskyud pa ma mchis pa rnams lags/ chos
- 227b
la lta ba rnam par dag pa la yang dag par gzhol bas chos rjes su dran pa rab tu thob pa rnams lags/ phyir mi ldog pa'i dge 'dun la yang dag par gzhol bas dge 'dun rjes su dran pab rab tu thob pa rnams lags/ byang chub kyi sems ma bskyud pas tshul khrims rjes su dran pa rab tu thob pa rnams lags/ 'jig rten gyi zang zing dang chos kyi sbyin pa la ser sna ma mchis pas gtong ba rjes su dran pa rab tu thob pa rnams lags/ dga' ldan gyi gnas su skye ba gcig gis thogs pa'i byang chub sems dpa' rnams rjes su dran pas lha rjes su dran pa bsgyud pa ma mchis pa rnams lags/ de nas klu'i rgyal po ma dros pas/ bcom ldan 'das la zhu ba 'di dag zhus nas/ de'i 'og tu tshigs su bcad de zhus pa/ 'jig rten dron rnams mdzad pa rang byung ba/ / lhag pa'i bsam dang bsam pa ci 'dra dang // 'jug pa'i spyod dang spyod pa ci 'dra ba// byang chub sems dpa' rnams la bshad du gsol// byams pa sbyor dang snying rjer 'jug pa dang / dga' la 'jug cing btang snyoms sgom pa dang // bsam gtan rnam thar rnams la sbyor dag pa/ de ni ma smad bdag la bshad du gsol// yang dag spong dang dran pa nyer gzhag dang / / rdzu 'phrul stobs dang dbang po lam sgom dang // byang chub yan lag bden dang yang dag rig/ yon tan 'byung gnas rnams la bshad du gsol// sbyin du la
- 228a
sdom dang tshul khrims phun sum tshogs/ / bzod dang des dang de bzhin brtson 'grus dang // shes rab thob pas rab tu rtogs pa rnams// ji ltar 'gyur ba de dag bshad du gsol/ / mngon shes rig dang so so yang dag rig/ dran dang shes bzhin de bzhin bag yod dang // thabs dang ldan dang tshul ni rtogs pa rnams// byang chub sems dpa' rnams la de bshad gsol/ / dga' dang mchog tu dang ba yon tan dga'// 'phags pa'i sbyangs dang rig dang nor bdun dang // dgon par gnas shing nyon mongs ma mchis gnas// ji ltar 'gyur de de dag bshad du gsol/ / ji ltar spobs pa phun sum tshogs pa dang // gzungs la'ang shin tu rab tu gnas pa dang // rgyun mi 'chang bar chos ni ston pa dang // bskyud pa ma mchis thos pa 'dzin par 'gyur/ / zhi gnas rjes su 'thun dang lhag mthong dang // shes rab zab dang shin tu blo yangs dang // ye shes mtha' yas rtogs pa mnyam med du// byang chub sems dpa' mkhas pa ji ltar 'gyur/ / bdud kyi stobs bcom shin tu thul bar dka'// ngan pa'i tshogs can pha rol smra ba 'joms// ri rab 'dra bar mi g.yo shin tu 'phags// dga' ba'i sems can zla ba lta bur spyod/ / stong pa mtshan med skyon med rnam grol dang // sgyu ma smig rgyu lta bur chos nges dang // 'dus byas rmi lam ngo bo nyid mos pa// de ni ma smad bdag la bshad du gsol//
- 228b
de nas bcom ldan 'das kyis/ klu'i rgyal po ma dros pa la 'di skad ces bka' stsal to// klu'i bdag po legs so legs so// klu'i bdag po khyod ji ltar sngon gyi dge ba'i rtsa ba'i rgyu thun pa dang / snying rje chen po ma btang ba dang / gsol ba ma btab par sems can thams cad la dge ba'i bshes gnyen byed pa dang / 'khor ba na yongs su ma skyo ba dang / sangs rgyas dang / chos dang / dge 'dun gyi rigs rgyun mi gcod pas/ de bzhin gshegs pa la don 'di 'dri bar sems pa ni yang legs so// klu'i bdag po de'i phyir legs par shin tu nyon la yid la zung zhig dang / ji ltar byang chub sems dpa' rnams kyis 'di dag dang / yon tan gyi khyad par gzhan dag kyang thob par 'gyur ba ngas khyod la bshad ngo // klu'i rgyal po ma dros pas bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis/ de la 'di skad ces bka' stsal to// klu'i bdag po byang chub sems dpa' chen po chos gcig dang ldan na/ rnam pa'i mchog thams cad dang ldan pa'i sangs rgyas kyi chos rnams yongs su 'dzin to// chos gcig po gang zhe na/ 'di lta ste/ sems ca thams cad mi gtong ba'i thams cad mkhyen pa'i sems so/ / de'i thams cad mkhyen pa'i sems de'ang rnam pa sum cu rtsa gnyis kyis shin tu bsdus pa yin te/ sum cu rtsa gnyis
- 229a
gang zhe na/ 'di lta ste/ bsam pas bsdus pa yin/ lhag pa'i bsam pas bsdus pa yin/ byams pa chen pos bsdus pa yin/ snying rje chen pos bsdus pa yin/ yongs su mi skyo bas bsdus pa yin// stobs kyis bsdus pa yin/ rnam par gnon pas bsdus pa yin/ mthus bsdus pa yin/ so so brtags pas bsdus pa yin/ / dge ba'i bshes gnyen gyis bsdus pa yin// chos spyod pas bsdus pa yin// dge ba spyod pas bsdus pa yin/ bsdu ba'i dngos pos bsdus pa yin// sdom pas bsdus pa yin/ thabs kyis bsdus pa yin// bcos ma ma yin pas bsdus pa yin/ ji skad smras pa de bzhin byed pas bsdus pa yin// phyir bya ba'i re ba med pas bsdus pa yin// ngo tsha shes pas bsdus pa yin/ khrel yod pas bsdus pa yin/ mchog tu dga' bas bsdus pa yin/ dad pas bsdus pa yin/ brtson 'grus kyis bsdus pa yin/ dran pas bsdus papa yin/ ting nge 'dzin gyis bsdus pa yin/ shes rab kyis bsdus pa yin/ dge ba'i rtsa ba thams cad kyis bsdus pa yin/ theg pa dman pa la 'dod pa med pas bsdus pa yin/ rgya chen po la mos pas bsdus pa yin/ sems can la lta bas bsdus pa yin/ sangs rgyas dang / chos dang / dge 'dun gyi rigs mi gcod pas bsdus pa yin te/ klu'i bdag po/
- 229b
thams cad mkhyen pa'i sems de rnam pa sum cu rtsa gnyis po dag gis bsdus na/ rnam pa'i mchog thams cad dang ldan pa'i sangs rgyas kyi chos rnams yongs su 'dzin to// klu'i bdag po gzhan yang thams cad mkhyen pa'i sems de tshogs bsags pa rnam pa bcu drug gis thams cad mkhyen pa'i ye shes kyi rjes su 'gro bar 'gyur te/ bcu drug gang zhe na/ 'di lta ste/ tshul khrims kyi tshogs bsags pa yin/ zos pa'i tshogs bsags pa yin/ shes rab kyi tshogs bsags pa yin/ de bzhin gshegs pa la mchod pa dang rim gro bya ba'i tshogs bsags pa yin/ dgon pa na gnas pa'i tshogs bsags pa yin/ ji ltar thos pa'i chos ston pas tshogs bsags pa yin/ tshangs pa'i gnas pa bzhi'i tshogs bsags pa yin/ dga' bar 'gyur ba'i chos kyi tshogs bsags pa yin/ dge ba bcu'i lam gyi tshogs bsags pa yin/ lus dang / ngag dang / sems kyi rgyan gyi tshogs bsags pa yin/ sbyangs pa'i yon tan yo byad basbyangs pa'i tshogs bsags pa yin/ 'dod pa chung ba dang / chog shes pa dang / rab tu dben pa'i tshogs bsags pa yin/ phung po gsum ba'i chos kyi rnam grangs kyi yongs su bsngo ba'i tshogs bsags pa yin/ ni gnas kyi tshogs bsags pa yin/ lhag mthong gi tshogs bsags pa yin/ dge ba'i rtsa ba thams cad
- 230a
kyi tshogs bsags pa yin te/ klu'i bdag po thams cad mkhyen pa'i sems de tshogs bsags pa rnam pa bcu drug pa de dag gis thams cad mkhyen pa'i ye shes kyi rjes su 'gro bar 'gyur ro/ / klu'i bdag po gzhan yang thams cad mkhyen pa'i sems de lam log pa dang / lam ngan pa nyi shu rtsa gnyis dang bral te rnam par spangs na thams cad mkhyen pa'i ye shes thob par 'gyur te/ nyi shu rtsa gnyis gang zhe na/ 'di lta ste/ nyan thos kyi sems dang bral ba yin/ rang sangs rgyas kyi sems dang bral ba yin/ nga rgyal dang bral ba yin/ lhag pa'i nga rgyal dang bral ba yin/ g.yo dang bral ba yin/ 'jig rten gyi gsang tshig kun tu 'dzin pa dang bral ba yin/ log par zhugs pa dang bral ba yin/ yongs su skyo ba dang bral ba yin/ skrag pa dang bral ba yin/ khengs pa dang rtsod pa dang bral ba yin/ 'dod chags dang / zhe sdang dang / gti mug dang bral ba yin/ las kyi sgrib pa dang bral ba yin/ chos kyi sgrib pa dang bral ba yin/ bdag la bstod pa dang gzhan la smad pa dang bral ba yin/ slob dpon chos 'chab pa dang bral ba yin/ brjed ngas pa'i 'du shes dang bral ba yin/ sdig pa'i grogs po dang bral ba yin/ dge ba'i bshes gnyen la 'khu ba dang bral ba yin/ pha rol tu phyin pa drug gi mi mthun pa'i phyogs dang bral ba
- 230b
yin/ 'di ltar ser sna dang / ngan pa'i ngang tshul dang / gnod sems dang / le lo dang / g.yeng ba dang / 'chal pa'i shes rab dang bral ba yin/ chad pa dang rtag pa dang bral ba yin/ thabs mi mkhas pa'i bsdu ba dang bral ba yin/ sdig pa thams cad dang bral ba yin te/ klu'i bdag po thams cad khyen pa'i sems de la ma log pa dang lam ngan pa nyi shu rtsa gnyis po 'di dag dang bral te/ rnam par spangs na thams cad mkhyen pa'i ye shes thob par 'gyur ro// klu'i bdag po gzhan yang thams cad mkhyen pa'i sems bskyed pa de/ rgyal mtshan bcu gnyis kyis mngon par 'phags na/ bdud thams cad dang / bdud kyi ris thams cad dang / pha rol rgol ba thams cad kyis thul par dka' ba yin te/ bcu gnyis gang zhe na/ tshul khrims kyi rgyal mtshan gyis mngon par 'phags pa yin/ ting nge 'dzin gyi rgyal mtshan gyis mngon par 'phags pa yin/ shes rab kyi rgyal mtshan gyis mngon par 'phags pa yin/ rnam par grol ba'i rgyal mtshan gyis mngon par 'phags pa yin/ rnam par grol ba'i ye shes kyi rgyal mtshan gyis mngon par 'phags pa yin/ snying rje chen po'i rgyal mtshan gyis mngon par 'phags pa yin/ thabs kyi rgyal mtshan gyis mngon par 'phags pa yin/ stong pa nyid dang / mtshan ma med pa dang / smon pa med pa'i rgyal mtshan
- 231a
gyis mngon par 'phags pa yin/ srog chags rnams la sems can med pa dang / srog med pa dang / gang zag med pa'i rgyal mtshan gyis mngon par 'phags pa yin/ rten cing 'brel par 'byung ba khong du chud pas mthar lta ba dang bral ba'i rgyal mtshan gyis mngon par 'phags pa yin/ rang gi sems yongs su dag pas sangs rgyas kyis byin gyis brlabs pa'i rgyal mtshan gyis mngon par 'phags pa yin/ thams cad mkhyen pa'i ye shes rlom sems dang / rtog pa dang / rnam par rtog pa dang / yongs su rtog pa dang bral ba'i rgyal mtshan gyis mngon par 'phags pa yin/ byang chub kyi sems mi brjed pa'i rgyal mtshan gyis mngon par 'phags pa yin te/ klu'i bdag po thams cang mkhyen pa'i sems bskyed pa de/ rgyal mtshan bcu gnyis po de dag gis mngon par 'phags na/ bdud thams cad dang / bdud kyi ris thams cad dang / pha rol rgol ba thams cad kyis thul par dka' ba yin no/ / klu'i bdag po gzhan yang thams cad mkhyen pa'i sems de'i gnas gnyis te/ gnyis gang zhe na/ 'di lta ste/ ji skad smras pa de bzhin byed pa'i gnas dang / dge ba'i rtsa ba thams cad yang dag pa'i byang chub tu yongs su sngo ba'i gnas te/ gnas ni gnyis po de dag go// gru'i bdag po gzhan yang thams cad mkhyen pa'i sems de'i
- 231b
chud mi za ba gnyis te/ gnyis gang zhe na/ sems can thams cad la zhe sdang ba med pa'i sems dang / log par zhugs pa rnams la cher snying rje ba ste/ gnyis po de dag go/ klu'i bdag po gzhan yang thams cad mkhyen pa'i sems de'i zung du 'brel pa'i chos gnyis te/ de gnyis dang 'brel na/ thams cad mkhyen pa'i sems des nyan thos dang rang sangs rgyas thams cad zil gyis gnon par 'gyur te/ gnyis gang zhe na/ thabs dang / shes rab sde/ gnyis po de dag go// klu'i bdag po gzhan yang thams cad mkhyen pa'i sems de'i rton pa gnyis gang zhe na/ bsgrub pa rnams la 'gyod pa med pa dang / 'gyur ba la yid mi ches pa ste/ gnyis po de dag go// klu'i bdag po gzhan yang thams cad mkhyen pa'i sems de'i yi ge gnyis te/ gnyis gang zhe na/ nyan thos dang rang sangs rgyas kyi theg pa la 'dod pa med pa dang / theg pa chen po la phan yon du mthong ba ste/ gnyis po de dag go// klu'i bdag po gzhan yang thams cad mkhyen pa'i sems de'i rgyun chad gnyis te/ gnyis gang zhe na/ sgyu dang g.yo'i rgyun chad pa dang / mi drang ba'i rgyun chad pa ste/ rgyun chad pa gnyis po de dag go/ / klu'i bdag po gzhan yang thams cad mkhyen pa'i sems de'i sgrib pa gsum ste/ gsum ga zhe na/ lus kyis nyes par spyod pa dang / ngag gis nyes par
- 232a
spyod pa dang / yid kyis nyes par spyod pa ste/ gsum po de dag go/ klu'i bdag po gzhan yang thams cad mkhyen pa'i sems de'i sgrib pa med pa gsum ste/ gsum gang zhe na/ lus kyis legs par spyod pa dang / ngag gis legs par spyod pa dang / yid kyis legs par spyod pa ste/ sgrib pa med pa gsum po de dag go// klu'i 'das po gzhan yang thams cad mkhyen pa'i sems de'i sgrib pa bzhi ste/ bzhi gang zhe na/ 'di lta ste/ dam pa'i chos spong ba dang / bla ma rnams la mi gus pa dang / byang chub sems dpa' la zhe sdang ba dang / bdud kyi las khong du mi chud pa ste/ sgrib pa bzhi po de dag go/ klu'i bdag po gzhan yang thams cad mkhyen pa'i sems de'i sgrib pa med pa bzhi ste/ bzhi gang zhe na/ dam pa'i chos yongs su 'dzin pa dang / bla ma rnams la gus pa dang / byang chub sems dpa' rnams la ston pa ltar 'phangs par sems pa dang / bdud kyi las khong du rud pa ste/ sgrib pa med pa bzhi po de dag go// klu'i bdag po gzhan yang thams cad mkhyen pa'i sems de'i rim thang med pa'i chos thob pa lnga ste/ lnga gang zhe na/ rnam par smin pa la mi re bar gtong ba dang / skye ba rnams la mi gnas pa'i tshul khrims dang / sems can thams cad mi gtong ba'i snying rje chen po dang / byams pa dang
- 232b
byams pa rnams la mi lta bar lus dang srog yongs su gtong ba dang / 'thob pa dang / bkur sti dang / tshigs su bcad pa mi tshol bar chos ston pa ste/ klu'i bdag po thams/ cad mkhyen pa'i sems de'i rin thang med pa'i chos thob pa lnga po de dag go// klu'i bdag po gzhan yang thams cad mkhyen pa'i sems de'i rtul ba lnga ste/ lnga gang zhe na dge ba'i bshes gnyen la bsten pa dang / 'khor ba na yongs su mi skyo ba dang / ye shes la mngon pa'i nga rgyal med pa dang / dus ma yin par rnyed pa rnam par spong ba dang / sangs rgyas kyi ye shes mtha' yas pa la zhum pa med pa ste/ klu'i bdag po thams cad mkhyen pa'i sems de'i rtul ba lnga po de dag go// klu'i bdag po gzhan yang thams cad mkhyen pa'i sems de'i khyad par du 'phags pa gang dag nyan thos dang rang sangs rgyas rnams la med pa lnga ste/ lnga gang zhe na/ nyan thos las rnam par grol ba'i ye shes khyad par du 'phags pa dang / rang sangs rgyas las rnam par grol ba'i ye shes khyad par du 'phags pa dang / chos thams cad bdag med pa shes pas khyad par du 'phags pa dang / sems can thams cad kyi sems kyi spyod pa shes pas khyad par du 'phags pa dang / bag chags kyi mtshams sbyor ba yang dag par 'jom pa shes pas khyad par du 'phags pa ste/ khyad
- 233a
bar du 'phags pa lnga po de dag go/ / klu'i bdag po gzhan yang thams cad mkhyen pa'i sems de'i mchog tu dga' ba lnga ste/ lnga gang zhe na/ ngan 'gro las shin tu 'das pas mchog tu dga' ba dang / thams cad mkhyen pa dang nye bar gyur pas mchog tu dga' ba dang / sangs rgyas kyi ye she yang dag par mthong ba yongs su rdzogs pas mchog tu dga' ba dang / tshul khrims la nan tan byed pa la 'gyod pa med pas mchog tu dga' ba dang / sems can gyi don bya ba myong bas mchog tu dga' ba ste/ mchog tu dga' ba lnga po de dag go/ klu'i bdag po gzhan yang thams cad mkhyen pa'i sems de'i stobs lnga ste/ lnga gang zhe na/ nga rgyal bcom pas ye shes kyi stobs dang / thos pa dang ma bral bas shes rab kyi stobs dang / khong khro ba med pas byams pa'i stobs dang / mtshan yongs su rdzogs pas bzod pa'i stobs dang / 'khor du bag tsha ba dang 'jigs pa dang bral bas mi 'jigs pa'i stobs te/ stobs lnga po de dag go/ klu'i bdag po gzhan yang thams cad mkhyen pa'i sems de'i rigs pa gang gis/ rigs pa ma yin par mi ltung ba'i rigs pa lnga ste/ lnga gang zhe na/ las kyi rnam par smin pa la yid ches pa'i rig pa dang / rten cing 'brel par 'byung ba dang mi 'gal ba'i rigs pa dang / dus
- 233b
dang dus ma yin pa la so sor rtog pa'i rigs pa dang / yang dag par sbyor ba'i rigs pa dang / dge ba'i chos thams cad sgrub pa'i rigs pa ste/ rigs pa lnga po de dag go// klu'i bdag po gzhan yang thams cad mkhyen pa'i sems kyi shing ljon pa de'i snang ba lnga dang / sa bon lnga dang / rtsa ba lnga dang / sngo po lnga dang / yal ga lnga dang / lom lnga dang / me tog lnga dang / 'bras bu lnga'o/ / de la de'i snang ba lnga gang zhe na/ nyon mongs pa dang bral ba'i snang ba dang / rang gi sems nges par sems pa'i snang ba dang / shes rab kyi snang ba dang / mig lnga'i snang ba dang / thams cad mkhyen pa'i ye shes kyi snang ba ste/ snang ba lnga po de dag go/ de la sa bon lnga gang zhe na/ bsam pa dang / lhag pa'i bsam pa dang / sems can la lta ba dang / mos pa dang / rgya chen po la mos pa ste/ sa bon lnga po de dag go/ de la rtsa ba lnga gang zhe na/ byams pa chen po dang / snying rje chen po dang / dge ba'i rtsa bas mi ngoms shing dge ba'i rtsa ba thams cad yongs su sngo ba dang / nyes pa chags pa dang / theg pa gzhan mi 'dod pa ste/ rtsa ba lnga po de dag go// de la sdong po lnga gang zhe na/ thabs la mkhas pa dang / shes rab kyi pha rol tu phyin pa dang / sems can yong su smin par byed pa dang / dam pa'i chos yongs su 'dzin pa dang / rjes su chags pa dang khong khro ba dang bral bas btang snyoms pa ste/ sdong po lnga po de dag go// de la yal ga lnga gang zhe na/
- 234a
sbyin pa dang / tshul khrims dang / bzod pa dang / brtson 'grus dang / bsam gtan te/ yal ga lnga po de dag go/ de la lo ma lnga gang zhe na/ tshul khrims dang / thos pa dang / khyim nas 'byung ba dang / dgon pa la gnas pa dang / 'phags pa'i rigs chog shes pa ste/ lo ma lnga po de dag go/ de la me tog lnga gang zhe na/ bsod nams bsags pas mtshan phun sum tshogs pa dang / sbyin pa sna tshogs bsags pas dpe byad bzang po phun sum tshogs pa dang / sems nges par sems pas byang chub kyi yan lag phun sum tshogs pa dang / chos rnam par 'grel pas spobs pa phun sum tshogs pa dang / gzungs rab tu thob pas brjed ngas pa med pa phun sum tshogs pa ste/ me tog lnga po de dag go// de la 'bras bu lnga gang zhe na/ 'di lta ste/ slob pa'i 'bras bu thob pa dang / mi slob pa'i 'bras bu thob pa dang / rang sangs rgyas kyi 'bras bu thob pa dang / phyir mi ldog pa'i byang chub sems dpa'i sa'i 'bras bu thob pa dang / thams cad khyen pa'i ye shes kyi 'bras bu thob pa ste/ 'bras bu lnga po de dag go// klu'i bdag po thams cad mkhyen pa'i sems kyi shing ljon pa de 'dra ba'i de'i snang ba ni de lta bu'o/ / sa bon ni de lta bu'o// rtsa ba ni de lta bu'o// sdong po ni de lta bu'o// yal ga ni de lta bu'o// lo ma ni de lta bu'o// me tog ni de lta bu'o// 'bras bu
- 234b
ni de lta bu'o/ / klu'i bdag po de lta bas na byang chub sems dpa' thams cad mkhyen pa'i shing ljon pa 'di lta bu yongs su 'dzin pa'i 'dod pas thams cad mkhyen pa'i sems mi brjed par byas// klu'i rgyal po gang gis thams cad mkhyen pa'i sems shin tu bzung ba nges gang dag yongs su zin par ma gyur pa'i yon tan phun sum tshogs pa de dag ngas ma mthong ngo // klu'i bdag po 'di lta ste/ dper na gang dag shing gang gi sa bon bzung bar gyur pa des de'i rtsa ba dang / sdong po dang / yal ga dang / lo ma dang / me tog dang / 'bras bu rnams kyang bzung ba yin no// klu'i bdag po de bzhin du gang gis thams cad mkhyen pa'i sems shin tu bzung ba des/ byang chub kyi phyogs kyi chos rnams bzung ba yin/ klu'i bdag po de lta bas na thams cad mkhyen pa'i ye shes kyi 'byung gnas/ byang chub sems dpa'i yon tan la 'jug pa'i chos kyi sgo'i le'u 'di zung zhig/ chongs shig/ lhogs shig/ 'khor la yang rgya cher yang dag par rab tu shod cig khyod kyis de ltar bslab par bya'o/ / bcom ldan 'das kyis thams cad mkhyen pa'i ye shes kyi 'byung gnas kyi le'u 'di bshad pa na/ 'khor de las klu bdun khri nyis stong gis bla na med pa yang dag par rdzogs pa'i byang chub sems bskyed do/ / dge ba'i rtsa ba bskrun pa'i klu gzhon nu rnams dang / klu'i bu mo rnams dang / klu'i rgyal po rnams ni rjes su 'thun pa'i bzod pa rab tu thob par
- 235a
/ gyur to// sngar 'dus pa'i byang chub sems dpa' lnga brgya ni mi skye ba'i chos la bzod pa rab tu thob par gyur to// de nas klu'i bu de dag dang / klu'i bu mo dang / klu'i rgyal po de dag steng gi bar snang la lus mi snang bar 'khod de/ dus kyi rjes su 'brang ba'i sprin chen po byin gyis brlabs nas/ bcom ldan 'das la mchod pa'i las kyi phyir lha'i tsan ngan sbrul gyi snying po'i phye ma'i char rab tu phab bo/ / mu tig gi dra bas kyang thams cad dang ldan pa'i yul bying 'dzan khebs par byas so// do shal dang zla gam lta bu rnams kyis kyang nam mkha'i ngos thams cad mngon par khebs par byas so/ / de nas bcom ldan 'das la/ klu'i rgyal po ma dros pas 'di skad ces gsol to// bcom ldan 'das ji tsam du de bzhin gshegs pas byang chub kyi sems dang / thams cad mkhyen pa'i sems dang / yon tan ngag dang / rnam pa dang / 'jug pa rab tu bshad pa ni ngo mtshar to// bcom ldan 'das byang chub sems dpa' dag rnam par dag pa'i lam gang la zhugs nas/ shin tu mthar thug pa rab tu thob par 'gyur te/ stobs bcu'i stobs nyid dang / mi 'jigs pa bzhi'i 'jigs pa med pa nyid dang / sangs rgyas kyi chos yongs su rdzogs par ma gyur gyi bar du/ bar skabs su zhum pa dang gong bar mi 'gyur ba/ byang chub sems dpa' rnam
- 235b
kyi rnam par dag pa'i lam/ byang chub sems dpa'i spyod yul zhes bgyi ba de bzhin gshegs pas bshad du gsol/ de skad ces gsol pa dang / bcom ldan 'das kyis/ klu'i rgyal po ma dros pa la 'di skad ces bka' stsal to// klu'i bdag po byang chub sems dpa' rnams kyi rnam par dag pa'i lam ni brgyad po 'di dag ste/ brgya gang zhe na/ 'di lta ste/ pha rol tu phyin pa'i lam dang / bsdu ba'i dngos po'i lam dang / mngon par shes pa'i lam dang / tshad med pa'i lam dang / yan lag brgyad pa'i lam dang / sems can thams cad la sems mnyas pa'i lam dang / rnam par thar pa gsum gyi lam dang / mi skye ba'i chos la bzod pa rab tu thob pa'i lam ste/ klu'i bdag po byang chub sems dpa' rnams kyi rnam par dag pa'i lam ni brgyad po de dag go/ de la pha rol tu phyin pa'i lam ni/ thams cad mkhyen pa nyid du yongs su bsngos pa'o// de ci'i phyir zhe na// thams cad mkhyen pa nyid du yongs su ma bsngos pa'i sbyin pa ni/ sbyin pa'i pha rol tu phyin pa zhes bya ba'i ming mi 'thob bo// de bzhin du tshul khrims dang / bzod pa dang / brtson 'grus dang / bsam gtan dang / shes rab thams cad mkhyen pa nyid du yongs su ma bsngos pa ni/ shes rab kyi pha rol tu phyin pa zhes bya ba'i ming mi 'thob ste/ de'i phyir thams
- 236a
cang mkhyen pa nyid du yongs su bsngos pa ni/ pha rol tu phyin pa'i lam zhes bya'o// de la bsdu ba'i dngos po'i las ni gzhan dag chos la mos par byed pa'o// de ci'i phyir zhe na/ klu'i bdag po 'di ltar byang chub sems dpa' des sems can gang dag bsdu ba'i dngos po bzhi po dag gis bsdus par gyur pa de dag des chos bstan pa kun tu shes par 'gyur te/ de'i phyir gzhan dag chos la mos par byed pa ni/ bsdu ba'i dngos po'i lam zhes bya'o// de la mngon par shes pa'i lam ni gang lha'i mig gis sangs rgyas kyi zhing thams cad mthong / sems can dang / shi 'pho dang / skye ba'ang mthong / sangs rgyas bcom ldan 'das nyan thos kyi dge 'dun dang bcas pa'ang mthong ngo // de dag mthong nas kyang rnam pa gang dag yongs su gzung bar bya ba de dag ni yongs su 'dzin/ gang dag yongs su spang bar bya ba de dag ni yongs su spong ngo // gang lha'i rna bas sangs rgyas bcom ldan 'das rnams kyis gsungs pa thos so/ / thos nas kyang 'dzin cing chud mi gzon to// de sems can gzhan dag dang / gang zag gzhan rnams kyi sems kyi rgyu ba'ang rab tu shes te/ shes nas kyang so so ci rigs par ston to// de sngon gyi gnas rjes su dran te/ dran nas kyang sngon byas pa'i dge ba'i rtsa ba chudang mi gzon to// rdzu 'phrul gyis kyang sangs
- 236b
rgyas kyi zhing mtha' yas pa dag tu 'gro zhing / sems cad gang dag rdzu 'phrul gyis 'dul ba de dag kyang rdzu 'phrul gyis 'dul te/ de'i phyir mngon par shes pa'i lam zhes bya'o// de la tshad med pa'i lam ni gang sdug pa'i rnam par lhung ba'i tshangs pa rnams dang / gzugs na spyod pa'i lha gzhan dag gi sems kyi 'jug pa'ang rab tu shes te/ 'di ni byams pa'i sems/ 'di ni snying rje'i sems/ 'di ni dga' ba'i sems/ 'di ni btang snyoms kyi sems so zhes ji lta bus 'dul ba de bzhin du rab tu 'dren te/ de'i phyir tshad med pa'i lam zhes bya'o/ / de la yan lag brgyad pa'i lam ni sems can thams cad kyi rjes su song ba dang / nyan thos kyi theg pa'i rjes su song ba dang / rang sangs rgyas kyi theg pa'i rjes su song ba dang / theg pa chen po'i rjes su song ba ste/ thams cad kyi rjes su 'gro bas de'i phyir yan lag brgyad pa'i lam zhes bya'o// de la sems can thams cad la sems mnyam pa'i lam ni 'di'i ni bya'o/ / 'di'i mi bya'o// 'di la ni bsad do// 'di la ni mi bshad do// 'di ni sbyin gnas so// 'di ni sbyin gnas ma yin no zhes de rnam par rtog pa la mi spyod de/ sems can thams cad la mnyam pa nyid kyi rjes su 'gro bas/ de'i phyir sems can thams cad la sems mnyam pa'i lam zhes bya'o//
- 237a
de la rnam par thar pa gsum gyi lam ni/ dmigs pa thams cad spang ba'i phyir/ stong pa nyid dang / rtog pa dang / rnam par rtog pa dang / yongs su rtog pa dang / mtshan ma dang / rnam par rtog pa thams cad spang ba'i phyir mtshan ma med pa dang / khams gsum pa la rton pa spang ba'i phyir smon pa med pa ste/ de'i phyir rnam par thar pa gsum gyi lam zhes bya'o/ / de la mi skye ba'i chos la bzod pa rab tu thob pa'i lam ni/ byang chub sems dpa' lung bstan pa rab tu thob pa yin te/ mi skye ba la bzod pa de dang ldan par rig nas/ sangs rgyas bcom ldan 'das rnams byang chub sems dpa' bla na med pa yang dag par rdzogs pa'i byang chub tu lung ston te/ de'i phyir mi skye ba'i chos la bzod pa rab tu thob pa'i lam zhes bya'o// klu'i bdag po byang chub sems dpa' rnams kyi rnam par dag pa'i lam brgyad po 'di dag ni/ gcig pu bgrod pa'i lam du yang dag par 'du ba ste/ 'di ltar byang chub sems dpa' grogs med par gcig pu gnyis su med par skad cig gcig dang ldan pa'i shes rab kyis byang chub kyi snying por gang thob par bya ba de rjes su 'thob pa'o/ / de zhes bya ba ci zhe na/ gang 'di chos thams cad kyi de bzhin nyid rjes su 'thob pa ste/ de'i phyir de bzhin gshegs pa zhes bya'o// klu'i bdag po byang chub sems dpa' rnams kyi rnam par dag pa'i lam brgyad po 'di dag ni/ sems can tha dad pa dang /
- 237b
sna tshogs la spyod pa rnams la bstan pa ste/ gang 'di mi dmigs pa nye bar bzung nas/ bstan pa de thams cad ni bstan pa gcig pa'o// de la la ma de'i rnam par dag pa gang zhe na/ lam 'di ni rdul med pas rdul dang bral ba'o/ / lam 'di ni shin tu mi 'khrugs pas zhe sdang med pa'o// lam 'di ni shes rab kyi snang bas rmongs pa med pa'o// lam 'di ni rang bzhin gyis rnam par dag pas/ kun nas nyon mongs can ma yin pa'o// lam 'di ni phyin ci log bzhi las byung ba'i phyir skye ba med pa'o// lam 'di ni ngo bo nyid kyis yang dag pa ma yin par mthong bas ngo bo nyid med pa'o/ / lam 'di ni 'dod pa dang / gzugs dang / gzugs med pa rnam par shes pas zag pa med pa'o// lam 'di ni dmigs pa tha dad pa dang bral bas nye bar zhi ba'o/ / lam 'di ni gar yang mi 'gro zhing / gang nas kyang mi 'ong bas 'ong ba dang 'gro ba med pa'o// lam 'di ni nyon mongs pa thams cad mi gnas pas legs par gnas pa'o// lam 'di la ni bdud rnams kyi 'gro ba med do/ / lam 'di ni mu stegs can rnams kyis ma yin no// lam 'di la ni mngon pa'i nga rgyal can rnams kyi skabs med do// lam 'dir ni mi brtson pa rnams 'jug pa ma yin no/ / lam 'di ni dmigs pa can rnams dang shin tu ring zhing rnam par ring ngo // lam 'di ni skyes bu ngan pa rnams kyis rnam par spang ba'o// lam 'di ni skyes
- 238a
bu dam pa rnams kyis bsten pa'o/ / lam 'di ni rnal 'byor spyod pa rnams rjes su 'dong ba'o// lam 'di ni tshul bzhin la brtson pa rnams kyi bgrod par bde ba'o// 'di ni yang dag par lta ba la yang dag par gnas pa rnams kyi lam du 'jug pa'o// lam 'di ni brtson pa rnams la mi sgrib pas yangs pa'o// lam 'di ni yang dag par song ba dang / yang dag par zhugs pa rnams la mi sgrib pa'o/ / lam 'di ni 'dod chags dang / zhe sdang dang / gti mug gi nyon mongs pa rnams kyi dri ma med pa'o// lam 'di shin tu kun nas nyon mongs pa can ma yin pa rnam par dag pa ste/ de'i phyir rnam par dag pa'i lam zhes bya'o// klu'i bdag po gang la la ngag rnam par dag pa'i lam 'di la zhugs pa dang / 'jug pa dang / 'jug pa 'gyur ba de dag thams cad ni chos kyi dbyings rnam par dag pas/ bdag gi dbyings rnam par dag par rjes su rtogs so// bdag gi dbyings rnam par dag pas/ chos kyi dbyings rnam par dag pa rjes su rtogs so/ / chos kyi dbyings rnam par dag pas/ sems can gyi khams thams cad rnam par dag par rjes su rtogs so// sems can gyi khams thams cad rnam par dag pas/ mig gi khams rnam par dag par rjes su rtogs pa nas/ yid kyi khams kyi bar du rnam par dag par rjes su rtogs so// yid kyi khams rnam par dag pas/
- 238b
'dod pa dang / gzugs dang / gzugs med pa'i khams rnam par dag par rjes su rtogs so// 'dod pa dang / gzugs dang / gzugs med pa'i khams rnam par dag pas/ nam mkha'i khams rnam par dag par rjes su rtogs so/ / nam mkha'i khams rnam par dag pas/ chos thams cad rnam par dag par rjes su rtogs te/ 'di ltar na nam mkha' rnam par dag pa'i rnam par dag pa 'dis chos thams cad mnyam mo/ / de ltar na nam mkha' rnam par dag pa dang / chos thams cad rnam par dag pa dang / bdag rnam par dag pa 'di ni gnyis su med de gnyis su dbyer med do/ / gnyis su med pa rnam par dag pa 'das lam de rnam par dag pa ste/ de'i phyir rnam par dag pa'i lam zhes bya'o// de la tshor ba med pas lam de ni tshor ba med pa ste/ tshor ba thams cad kyi rgyun bcad pa'o// de la ni mya ngan las 'das pa'i tshor ba'ang med de/ de'i phyir tshor ba med pa zhes bya'o// lam de ni sems dang / yid dang / rnam par shes pa dang bral bas/ de la ni chos la sems pa ci'ang med de/ de'i phyir rnam par dag pa'i lam zhes bya'o// bcom ldan 'das kyis rnam par dag pa'i lam bsgom pa'i yon tan gyi le'u 'di bshad pa na/ yongs su sbyang ba byas pa'i srog chags khri nyis stong gis bzod pa rab tu thob par gyur to// de nas bcom ldan 'das la/ klu'i rgyal po ma dros
- 239a
pas 'di skad ces gsol to/ / bcom ldan 'das byang chub sems dpa' ji ltar 'phags pa'i lam bsgom par bgyi/ bcom ldan 'das kyis bka' stsal pa/ klu'i bdag po 'di la byang chub sems dpa' 'phags pa rnam par dag pa'i lam bsgom par 'dod pas/ rnam par dag pa'i spyod pa la mkhas par bya ste/ des lus yongs su dag par bya/ ngag dang sems yongs su dag par bya'o// de la lus yongs su dag pa gang zhe na/ gang rang gi lus stong pa nyid pas/ sems can thams cad kyi lus stong pa nyid du rjes su rtog pa dang / rang gi lus dben pas/ sems can thams cad kyi lus dben pa nyid du rjes su rtogs pa dang / rang gi lus bems po pas/ sems can thams cad kyi lus bems por rjes su rtogs pa dang / rang gi lus g.yo ba med pas/ sems can thams cad kyi lus g.yo ba med par rjes su rtogs pa dang / rang gi lus mig yor dang 'dra bas/ sems can thams cad kyi lus mig yor lta bur rjes su rtogs pa dang / rang gi lus rnam par dag pas/ sems can thams cad kyi lus rnam par dag par rjes su rtogs pa ste/ 'di ni lus rnam par dag pa zhes bya'o/ / klu'i bdag po gzhan yang lus yongs su dag pa ni/ lus kyi las la mngon par 'du mi byed par rtog pa ste/ de mngon par 'du byed pa la'ang mngon par 'du mi
- 239b
byed par rtog cing / mngon par 'du byed pa dang / mngon par 'du mi byed pa'ang mnyas par byed/ mngon par 'du mi byed pa dang / mngon par 'du byed pa'ang mnyam par byed pa'o// de lus kyang yongs su shes shing / lus kyi chos nyid kyang rab tu shes so// de la lus kyi chos nyid gang zhe na/ sngon gyi mtha' nas ma skyes pa ni chos nyid do// phyi ma'i mthar mi 'pho ba ni chos nyid ngo // da ltar byung ba na mig yor lta bu'i chos nyid de/ 'di ni lus kyi chos nyid ces bya'o// gzhan yang lus kyi chos nyid ni rgyu dang rkyen tshogs pa'i chos nyid de/ rgyu dang rkyen gang yin pa de dag kyang sems pa med pa'i phyir stong pa/ g.yo ba med pa/ ngo bo nyid kyis dben pa'o// klu'i bdag po byang chub sems dpa' lus kyi chos nyid 'di dag lta bu 'di dag la rtog pa gang yin pa 'di'ang lus yongs su dag pa'o/ / gzhan yang lus yongs su dag pa ni ji ltar de bzhin gshegs pa'i sku zag pa med cing khams gsum du gtogs pa ma yin pa de bzhin du/ rang gi lus kyang zag pa med cing khams gsum du gtogs pa ma yin par rtogs pa ste/ de zag pa med pa'i lus kyis srid par skye ba sgrub kyang zag pa med pa yang dag pa'i mtha' de'ang mi 'dor ro// de zag pa med pa'i lus kyis gzugs kyi lus yongs su grub pa'ang ston la/ rang bzhin gyis lus kyi chos nyid kyi rang bzhin 'di'ang mi 'dor ro// de de bzhin gshegs pa'i sku rnam par dag pas/ rang gi lus
- 240a
rnam par dag par rtogs pa dang / rang gi lus rnam par dag pas/ sems can thams cad kyi lus rnam par dag par rtog pa 'di'ang lus yongs su dag pa'o// de la ngag yongs su dag pa gang zhe na/ gang 'phags pa rnams dang / gang 'phags pa ma yin pa rnams kyi ngag thams cad ni rnam par dag pa yin na/ sgro btags par na ni/ byis pa so so'i skye bo rnams kun nas nyon mongs par 'gyur/ legs par thos pa dang / nyes par thos pa rnams la rjes su chags pa dang khong khro bar 'gyur ro// yang ngag thams cad ni 'dod chags dang bral ba/ zhe sdang dang bral ba/ gti mug dang bral ba ste/ de dag la chags pa dang / zhe sdang dang / rmongs pa'i yi ge rnams mi 'byung bas/ de'i phyir ngag thams cad rnam par dag pa zhes bya'o// ngag ni gsog ste/ gsog la ni 'dod chags dang / zhe sdang dang / gti mug gi nyon mongs pa rnams kyis nyon mongs par 'gyur pa med do// ngag ni gzung ba ma yin pa ste/ mig gis gzung bar bya ba ma yin pa nas/ yid kyi bar gyis gzung bar bya ba ma yin pa'o// ngag ni rlung dang 'dra ste/ rlung gis 'gyur ba'i tshogs pa med pa mi 'byung ngo // ngag ni brag cha dang 'dra ste/ gang 'phags pa rnams dang / 'phags pa ma yin pa rnams kyi ngag ni nang na'ang mi gnas/ phyi rol tu'ang ma yin/ gnyis ka med par yang mi dmigs te/ rnam par rtog pa dang / rnam par dpyod pa gang dag gis
- 240b
/ ngag 'byung ba'i rnam par rtog pa dang / rnam par dpyod pa de dag kyang mi gnas pa/ gnas pa med pa/ rnam par rig pa med pa'o// klu'i bdag po de lta bas na de bzhin gshegs pa'i gsung 'byung ba gang yin pa dang / gzhan sems can rnams kyi ngag gang yin pa de thams cad kyang med pa/ gsog/ brdzun pa/ slu ba'i chos can no// gsol pa/ bcom ldan 'das de bzhin gshegs pa yang dag pa gsung ba ma lags sam/ bka' stsal pa/ gru'i bdag po de de bzhin te/ de bzhin gshegs pa ni yang dag par gsung ba'o// de ci'i phyir zhe na/ de bzhin gshegs pas 'dus byas thams cad ni ma byung bar mkhyen te/ ji ltar mkhyen pa de bzhin du de ston to// don 'dis na/ de bzhin gshegs pa ni yang dag pa gsung ba'o// klu'i bdag po de bzhin gshegs pa'i gsung yi ge la dpyod pa gang yin pa'i yi ge de dag la sems can thams cad kyang dpyod de/ de bas na sems can thams cad ni chos kyi 'khor lo sgor yang / chos kyi ngo bo mi shes so// de'i phyir de dag gi yi ge la dpyod pa ni de byed pa'i sdug bsngal yang dag par zad par bya ba'i phyir 'byung ba ma yin no// klu'i bdag po de ltar ni byis pa so so'i skye bo thams cad ni/ sgra thams cad la mngon par zhen to// de dag ni tha snyad thams cad la yang nyon mongs pa rnams dang ma 'dres pa'i ngaga' byung ngo //
- 241a
nyon mongs kyang kun nas nyon mongs pas kun nas nyon mongs par 'gyur ba ni ma yin no// ngag la dpyod cing rnam par byang bar byed kyang / chos nyid kyi rang bzhin gyis// rnam par dag par 'gyur pa ma yin te/ klu'i bdag po 'di ni ngag yongs su dag pa zhes bya'o// de la sems yongs su dag pa gang zhe na/ sems kyi rang bzhin ni kun nas nyon mongs par byar mi nus so/ / de ci'i phyir zhe na/ sems ni rang bzhin gyis 'od gsal yang de ni glo bur gyi nyon mongs pa dang / nye ba'i nyon mongs pa rnams kyis nye bar sgron mongs so// de la byang chub sems dpa'i ni glo bur gyi nye ba'i nyon mongs rnams kyi skabs mi 'byed de/ de rang bzhin gyis shin tu rnam par dag pa'i sems kyi las gang gis dge ba'i rtsa ba de dag la sogs pa'i sems de'ang sems kyi rang bzhin nyid du rab tu shes so/ / sems kyi las gang gis sems can thams cad la byams pas khyab par byed pa'i sems de'ang sems dang mnyam pa nyid du rab tu shes so/ / sems kyi las gang gis dge ba'i rtsa ba thams cad byang chub tu yongs su sngo ba'i sems de'ang byang chub dang mnyam pa nyid du rab tu shes so// de ltar sems yongs su dag pa 'dod chags la spyod pa thams cad dang lhan cig gnas kyang 'dod chags kyi dri mas kun tu gos par mi 'gyur ro/ / de bzhin du zhe sdang la spyod pa dang / gti mug la spyod pa dang /
- 241b
mnam pa la spyod pa'i sems rnams dang lhan ci gnas kyang de dag gis dri mas kun tu gos par mi 'gyur ro// de ltar sems yongs su dag de 'dod pa'i khams su skyes te/ gzugs na spyod pa'i tshangs pa rab tu zhi ba'i spyod lam can rnams dang lhan cig gnas shing 'dug kyang de dag gis zil gyis gnon mi nus kyi/ byang chub sems dpa' de nyid kyis lha de dag zil gyis lha de dag zil gyis gnon to/ / de ltar sems yongs su dag pa de gzugs kyi khams su skyes la/ 'dod pa'i khams kyi sems can rnams dang lhan cig tu gnas shing 'dug kyang yongs su skyo ba mi bskyed cing bdag brjod pas/ sems can de dag la brnyas pas sems mi bskyed do// de ltar sems yongs su dag pa de ting nge 'dzin dang snyoms par 'jug pa thams cad la snyoms par zhugs kyang / de ting nge 'dzin dang snyoms par 'jug pa de dag gis dbang gis mi skye'o// de ci'i phyir zhe na/ klu'i bdag po 'di ltar byang chub sems dpa' de'i sems nges par sems pa thabs mkhas pas mngon par bsgrubs pa'i phyir ro/ / klu'i bdag po de ltar byang chub sems dpa' rnam par dag pa'i lam 'di la sgom pa rnam par dag pa'i spyod pa la mkhas pa yin no// klu'i bdag po dngos po sgoms pas lam sgom pa ma yin/ dngos po rnam par 'jigs pas lam sgom pa ma yin/ dngos po khams len pas ma yin/ dngos po khams mi len pas
- 242a
lam sgom pa ma yin/ dngos po srid pas ma yin/ dngos po mi srid pas lam sgom pa ma yin/ dngos po skye ba ma yin/ dngos po 'gags pas las sgom pa ma yin/ dngos po 'dzin pas ma yin/ dngos po 'dor bar lam sgom pa ma yin/ bdag tu ma yin/ bdag med par ma yin/ sems can du ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes su ma yin te/ shad bu sgom pa sa lam sgom pa ma yin/ phung po mi rtag par sgom pas lam sgom pa ma yin/ phung po sdug bsngal bar sgom pas ma yin/ phung po bdag med par sgom pas ma yin/ phung po zhi bar sgom pas ma yin/ phung po 'dod chags dang bral bar sgom pa ma yin/ phung po sgyu ma lta bur sgom pas lam sgom pa ma yin/ phung po rmi lam lta bur sgom pas ma yin/ phung po mig yor lta bur sgom pas ma yin/ phung po brag cha lta bur sgom pas lam sgom pa ma yin/ phung po stong pa nyid du sgom pas lam sgom pa ma yin/ phung po mtshan ma med par sgom pas ma yin/ phung po smon pa med par sgom pas la ma sgom pa ma yin no// de ci'i phyir zhe na/ 'di ltar gang stong pa de ni dngos po ma yin/ dngos po med pa ma yin no// gang mtshan ma med pa dang / smon pa med pa de ni dngos po ma yin/ dngos po med pa ma yin te/ 'di ni lam
- 242b
sgom pa zhes bya'o/ / phung po dang / khams dang / skye mched sgom pas lam sgom pa ma yin/ ma rig pa la 'dod chags dang bral bar sgom pa sa lam sgom pa ma yin pa nas/ rga shi'i bar la 'dod chags dang bral bar sgom pas la ma sgom pa ma yin no/ / de bzhin du 'jig rten pa dang / 'jig rten las 'das pa dang / 'dus byas dang / 'dus ma byas dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa sgom pas lam sgom pa ma yin te/ klu'i bdag po gang chos thams cad dngos por yang mi byed/ dngos po med par yang mi byed pa 'di ni lam sgom pa zhes bya'o// chos thams cad la mi gnas par sgom pa dang / blang ba med pa dang / dor ba med par sgom pa 'di ni lam sgom pa zhes bya'o/ / bcom ldan 'das kyis rnam par dag pa'i lam sgom pa'i yon tan gyi le'u 'di bshad pa'i tshe/ 'khor gyi dkyil 'khor de las srog chags dgu khri nyis sdong chos rnams la chos kyi mig rdul med cing dri ma dang bral ba rnam par dag go/ srog chags khri nyis stong ni rjes su 'thun pa'i bzod pa rab tu thob par gyur to// srog chags bdun stong ni mi skye ba'i chos la bzod pa rab tu thob par gyur te/ de dag thams cad kyis mgrin gcig tu 'di skad ces smras so// bcom ldan 'das rigs kyi bu 'am/ rigs kyi bu mo gang dag gis rnam par
- 243a
dag pa'i lam sgom pa 'di mnyan te/ zos nas mi dngang zhing khong du chud par byed la/ 'dzin pa de dag ni de bzhin gshegs pas bla na med pa yang dag par rdzogs pa'i byang chub 'dzin par 'gyur ro/ / de dag ni de bzhin gshegs pas bskor ba'i chos kyi 'khor lo rjes su skor bar 'gyur ro// de dag ni de bzhin gshegs pa'i dam pa'i chos dkon mchog rjes su srung bar 'gyur ro/ / de dag ni seng ge'i khri la 'dug cing / ji ltar de bzhin gsheg pa dgra bcom pa yang dag par rdzogs pa'i sangs rgyas kyis da ltar bsgrags pa de bzhin du seng ge'i sgra sgrogs par 'gyur ro/ / de dag ni bdud kyi dkyil 'khor pham par byed par 'gyur ro// de dag ni pha rol rgol ba thams cad tshar chod par 'gyur ro// de dag ni chos kyi tog sgreng bar 'gyur ro// / de dag ni chos kyi sgron me 'bar bar byed par 'gyur ro// de dag ni chos kyi dung rab tu 'bud par 'gyur ro// de dag ni chos kyi rnga rdung bar 'gyur ro// de dag ni chos kyi char 'bebs par 'gyur ro/ / de nas bcom ldan 'das kyis klu de dag dang / 'khor bzhi po de dag gis legs par smras pa la rjes su yi rang bar mdzad nas/ glu'i rgyal po ma dros pa la tshigs su bcad de bka' stsal pa/ dngos por 'du shes gang gis kyang // lam sgom nus pa ma yin te// lam 'di la ni 'di lta bur// dngos por 'du shes yod ma yin// dngos
- 243b
po dngos por byed pas min/ / dngos med dngos po med byed pas// nam mkha' rnam dag gang 'dra ba'i// lam sgom nus pa ma yin no// gang zhig lam ni dngos byed min// dngos med dngos po med byed min/ / dngos dang dngos med bral ba de// ma tshogs gi lam ni sgom pa'o// bdag tu lam sgom ma yin la// bdag med sgom pas ma yin te// 'di ltar gnyis su med pa'i lam/ / grub cing bde ba bla na med// de bzhin srog dang gso ba dang // gang zag kyang ni de bzhin te// gang zag med pa'i lam 'di ni// srog med rab tu gnas pa med// stong pa nyid la gnas nas su// gang dag la la lam sgom pa// de dag 'phags pa'i lam las ring // de dag la ma sgom ma yin no// stong pa nyid la lam med de// lam sgom pa yang yod ma yin/ / de ltar mtshan nyid gcig pa ni// mtha' 'das stong pa stong pa nyid// skye ba'i mtshan nyid lam ma yin// mtshan nyid med pa'ang de ma yin// gang zhig ma skyes mi 'gog pa/ de ni lam sgom yin par gsungs// phung po lnga ni sgyu ma ltar// gang gis 'du shes 'jug pa dang // dngos por 'dzin pa'i 'du shes can// lam la sgom pa ga la yin// lam 'di 'jig rten 'das pa ste/ / 'di la phung po'i dngos med na// phung po rnam par 'jig pa'i phyir// sgom par nus pa ma yin no// phung po'i de bzhin nyid de ni// de bzhin nyid du rab tu bstan// /
- 244a
de bzhin kho na de la ni// gzhan du 'gyur ba mi dmigs so// de bzhin nyid ni lam sgom min// de la yod dang med pa mnyam// de bzhin nyid la de bzhin shes// de ni lam la sgom pa yin/ / chos rnams kun ni de bzhin nyid// ngas ni de ltar sangs rgyas te// de nyid rtogs par bya ba'i phyir// lam la sgom par byed pa yin// gang zhig lam ni mi shes shing // lhag par byed pa'ang ma zhugs pa// sangs rgyas chos rnams tshol ba na// de la thogs pa 'byung bar 'gyur// ngas ni ji ltar lam bsgoms shing // ji lta bur ni reg pa ltar// de bzhin nyid la gnas nas su/ / ji ltar de ni bshad par bya// theg pa dman pa 'byung ba'i phyir// lam 'di tshad dang bcas pa yin// theg pa chen po 'byung ba'i phyir// 'di ni lam gyi dam pa yin// gang dag la la lam thob la/ / thob nas rgyun chad mi byed pa// de dang de dag lam thob ste// lam sgom pa ni sgom par byed// mnyam ste mi mamam med pa'i lam// lam du 'jug cing drang shis pa// ngan pa'i lam kun rnams spangs nas// byang chub rjes su thob par byed// ji ltar klu yi rgyal po khyod// rang gi gnas na 'dug byed cing // gnas nas g.yos pa med par yang // rgya mtsho 'di ni gang bar byed/ / de ltar sems can chen po dag/ lam sgom pa ni bsgoms nas su// chos kyi dbyings las ma g.yos par// ye shes rgya mtsho'i gengs par byed// ji ltar klu yi rgyal po
- 244b
khyod/ / sa rnams 'di dag thams cad la// chu yi rgyun gyis ngoms byed kyang // de ring nang na gnas pa min// de ltar sems can chen po dag/ skom pa 'di la bsgoms nas ni// sems can chos kyis tshim byed kyang / / nang na gnas pa ma yin no// ji ltar klu yi rgyal po khyod// pha rol gnon pa gdung ba med// de ltar dpa' bo lam thob pa// nyon mongs pas ni gdung ba med// sems can gang dag lta gnas shing // log pa'i lam du lhung ba dag/ lam 'di la ni rab gnas na// de dag mya ngan 'da' bar 'gyur// lam 'di la ni gnas nas su// byang chub sems dpa' grags chen po/ / bdud sdig can dang de bzhin du// pha rol mu stegs can rnams 'dul// gang tshe lam ni thob gyur pa// de tshe g.ye ba med par 'gyur// 'jig rten chos rnams zil mnan nas/ / pad+ma lta bur rab tu spyod// byang chub sems las ma nyams shing // lam 'di la ni mnyam gzhag pa// sems can gzhan rnams stong dag kyang // byang chub la ni rab tu 'dzud// lam 'di la ni rab gnas nas// mngon par shes pa lnga thob nas// rdzu 'phrul thams cad rnam 'phru zhing // srog chags rnams la chos ston to// de dag lus dang ngag dang yid// thams cad du ni yongs dag cing / / bsam gyis mi khyabs sems can khams// 'phags pa'i lam la rab tu 'dzud// dmigs pa med pa'i bzod pa gang // rig rtogs khong du chud rtogs pa//
- 245a
de bzhin gshegs kyi rtogs thob nas// srog chags rnams la chos ston to// 'jig rten 'di 'gro gang yin pa// de bzhin gshegs 'gro de yin te// de dag khong du chud rtogs na/ / de dag 'gro ba med par 'gyur// sems cad kun gyi 'gro gang yin// de dag 'gro ba des 'gro zhing // sangs rgyas chos 'dir bslabs nas su// sgyu ma'i chos kyis rnam par sprul/ / ji ltar lam ni 'di sgom zhing // gang dag lam la sgom byed pa// de dag bsngags dang yon tan rnams// 'dren pa dag ni kun gyis gsungs// de dag gi ni yon tan mtha'// / nga rgyalam na yang rtogs mi nus// gang dag lam ni 'di sgom pa// de dag dngos po med la gnas// gang dag mi sgyu mi 'byung zhing // lam 'di la ni rab zhugs pa// de la dmigs can thams cad dang / / bdud kyis gting dpogs ma yin no// de dag gus bcas dran pa dang // blo gros rtogs dang gzungs rnams dang // spobs pa thob cing tshul khrims dang // thos dang gtong ba rnam par 'phel/ / gang dag lam ni 'di sgom pa// lus dag cing ni ngag dag la// sems dag shin tu sbyangs pa rnams// rab dag shin tu rnam dar dag/ gang dag la ma ni 'di sgom pa/ 'phags pa'i rtogs pa rjes 'thob cing // zab mo'i tshul la mkhas pa ste// chags med ye shes 'khrugs pa med// gang dag 'das pa'i sangs rgyas dang // gang dag ma 'ongs pa
- 245b
ltar byung / / rdzogs pa'i sangs rgyas gang ji snyed// lam thob pas na mchod pa yin// mdo sde 'di la gang dga' ba// sems can des rnyed legs par rnyed// de bzhin gshegs pa shin tu mthong / de dag dam chos rab tu thos// de nas bcom ldan 'das kyis chos bstan pas/ klu'i rgyal po ma dros pa tshim zhing mgu la yi rangs shing rab tu dga' ste/ dga' ba dang yid bde ba skyes nas/ bcom ldan 'das la 'di skad ces gsol to// bcom ldan 'das dge slong gi dge 'dun dang mngon par 'tshal ba/ mngon par 'tshal ba'i byang chub sems dpa' sems dpa' chen po rnams dang thabs cig tu dgung zla gsum bdag gi gnas ma dros par bzhugs par bcom ldan 'das kyis gnang bar mdzad du gsol/ bdag gis rngo ci thog tu kun tu spyod pas/ bcom ldan 'ad sa la bsnyen bkur 'tshal lo/ / de ci'i slad du zhe na/ bcom ldan 'das gang bdag gis 'di lta bu'i chos thos pa ni/ bdag gis de bzhin gshegs pa la slar bgyi ba'i rngo mi thog go/ de bzhin gshegs pa la mchod pa des bdag slad kyis kyang 'di 'dra ba'i chos thos pa dang 'bral bar mi 'gyur bas/ bcom ldan 'das bdag la thugs brtse ba'i slad du gnang bar mdzad du gsol/ de la bcom ldan 'das kyis ma gnang ngo // zla ba gnyis gsol te/ yang de bzhin du bcom ldan 'das kyis ma gnang ngo // zla ba phyed gsol ba dang / thugs brtse
- 246a
ba'i slad du bcom ldan 'das kyis de la cang mi gsung bas gnang bar mdzad do/ / de nas klu'i rgyal po ma dros pas/ bcom ldan 'das kyis cang mi gsung bas gnang bar rig nas/ tshim zhing mgu la yi rangs shing rab tu dga' ste/ dga' ba dang yid bde ba skyes nas/ gnyen dang 'khor du bcas pas bcom ldan 'das kyi zhabs la phyag 'tshal nas/ bcom ldan 'das kyi drung nas song ste/ sprin bsdus/ 'brug bsgrags nas/ ba dzam bu'i gling du mar pa'i rgyun mngon par phab ste rang gi gnas su phyin to// de nas klu'i rgyal po ma dros pas bu thu bo legs sbyin zhes bya ba bos nas/ legs sbyin dang / legs gnas dang / zhi ba ldan dang / dbang po zhi dang / rnam par 'phrul dang / gze brjid re dang / gzi brjid dpag med dang / dpag med 'dzin dang / yon tan dpag med 'dzin dang / kun nas kha dog dang / gzi brjid mchog dang / nor mi zad dang / bzod ldan la sogs pa bu lnga brgya theg pa chen po la yang dag par zhugs pa thams cad la bsgo ba/ gzhon nu khyed shes par gyis shig/ kho bos de bzhin gshegs pa dge slong gi dge 'dun dang / mngon par shes pa/ mngon par shes pa'i byang chub sems dpa' sems dpa' chen po rnams dang thabs cig tu zla ba phyed spyan drangs nas/ bcom ldan 'das kyis kho bo la thugs brtse ba'i phyir gnang ngo // de la khyed thams cad lhan cig 'dus la/ klu'i rtse ba
- 246b
dang / klu'i dga' ba dang / klu'i dbyibs spongs shig/ 'dod pa la rtse ba dang / gzugs dang / sgra dang / dri dang / ro dang / reg pa la mngon par chags pa spongs la/ de bzhin gshegs pa mchod pa la rab tu 'dun par bya'o/ / dran pa dang / shes bzhin dang / bag yod pa la gnas par rdzis la/ bcom ldan 'das la bsnyen bkur gyis shig/ de ci'i phyir zhe na/ bcom ldan 'badas de ni bag mnga' ba'o/ / 'khor kyang bag yod pa'o// cang mkhyen pa'o// 'khor yang cang shes pa'o// zhi ba'o// 'khor kyang zhi ba'o// dul ba'o// 'khor kyang dul ba'o// de la khyed zla ba phyed kyi bar du chung ma'i 'khor gyi nang du ma 'jug cig/ 'dod pa'i rnam par rtog par mi bskyed cing / rnam par rtog par mi bya'o// gnod sems kyi rnam par rtog pa mi bskyed cing / rnam par rtog par mi bya'o// 'tshe ba'i rnam par rtog pa mi bskyed cing / rnam par rtog par mi bya'o// gzhan yang bcom ldan 'das la chos nyan pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa de dag kyang bong gis/ de la khyed kyis ji ltar kho bo smra bab par mi 'gyur ba de lta bu'i gnas dang bkod pa ston cig/ de ltar bcom ldan 'das la mchod pa byas na/ 'khor yi rangs par 'gyur ro// de nas klu'i rgyal po ma dros pas nang mi rnams la bsgo nas/ bcom
- 247a
ldan 'das la mchod pa'i las kyi phyir gangs kyi ra'i rgyal po dang / mtsho chen po ma dros pa gnyis kyi bar du/ 'khor gyi khyams mtha' dpag chad bdun brgyu ba/ sngon po dag pa dang / 'dzam bu chu klung gi gser gyis spras pa/ rdo rje sna tshogs rnam par bkra ba mngon par sprul to// 'khor gyi khyams der rin po che'i shing ljon pa brgyad khri ba'i stong rin po che thams cad kyis legs par brgyan pa/ me tog dang 'bras bu thams cad dang ldan pa dag sprul to// rin po che'i shing ljon pa brgyad khri bzhi stong re re la'ang lo ma rin po che thams cad kyis legs par brgyan pa/ mu tig dmar po'i do shal sbyangs pa stong stong sprul to// 'khor gyi khyams der khang bzangs rin po che thams cad kyis legs par brgyan pa/ gdugs dang / rgyal mtshan dang ba dan bsgrengs pa stong sprul to/ / khang bzangs de dag thams cad du'ang seng ge'i khri lha'i ras bcos ma zung bye ba phrag du ma bting ba/ rtsa ba gser la rin po che thams cad kyis spras pa brgyad khri bzhi stong bzhag go/ / khang bzangs thams cad du'ang klu'i bu mo stong stong bkod de/ thams cad kyang me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan thogs pa sha stag go// steng gi bar snang yang rin po che'i dra ba'i gdugs kyis mngon par khebs par byas so// rin po che'i dra ba'i gdugs thams cad las kyang kha dog
- 247b
du ma/ kha dog sna tshogs kyi gos dang / gdugs dang / rgyal mtshan dang / ba dan phal po che brgyad stong mngon par sbyangs so// ba dan thams cad la'ang rin po che'i dril bu g.yer kha'i rnga ba brgyus te de dag rlung gis bskyod na snyan pa yid du 'ong ba'i sgra 'byung ngo / / zhal zas ro brgya dang ldan pa'ang bshams so// de nas klu'i rgyal po ma dros pas 'di lta bu'i bkod pa 'di dag byas nas/ de'i nub mo 'das pa dang / nye du dang 'khor du bcas pas thal mo sbyar nas/ bcom ldan 'das la dus sgron cing bskul ba'i phyir tshigs su bcad de gsol pa/ ye shes 'byung gnas ye shes 'byor pa'i mdzod/ / ye shes mtha' yas mkhyen pa khyod la gsol// ye shes che ba gang du'ang chags mi mnga'// ye shes stobs mchog mnga' ba gshegs su gsol// phyogs bcu'i srog chags mang po thams cad kyi/ / sems kyi spyod pa mkhyen pa'i thub chen po// bdag gis gang zag mchog ni spyan drangs pa// drang srong chen po khyod la bdag dus skul// bzhed nyung cho ga mkhyen gso gang slag/ shin tu mkhyen bzhin sdug bsngal rnams las grol// don med mi gsung spyod pa'i cho ga mkhyen// bcom ldan phung po mi mnga' dus 'di lags// kun tu grags pa yon tan ye shes 'phags// ma bskul rtag tu byams thugs bshes gnyen mdzad/ / thub pa dag cing rnam dag nam mkha' bzhin// 'dren pa bshos sbyar lags te dus 'di lags// bsgrengs pa mi mnga' stobs bcu shugs
- 248a
mnga' ba/ / bco brgyad sangs rgyas chos rnams rab tu rdzogs// spyi gtsug bltar mi gda' ba thugs rje 'phags// mgon po tshogs dang thabs cig gshegs su gsol/ gzugs ni gzugs mchog mtshan gyis shin tu brgyan// sku ni dpe byad bzang pos mdzes par spras// phan pa'i chos ston mchog tu dga' mdzad pa// bcom ldan thub chen dus ni 'di lags so// tshangs pa'i dbyangs dang dbyangs snyan 'jam pa'i dbyangs// ka la bing ka 'jam dbyangs seng ge gnon// thams cad dbyangs mchog srid 'khod tshams mdzad pa// bdag la dga' mdzad gzigs shing gshegs su gsol/ / sangs rgyas zhing 'dir de zhin gshegs kyi thugs// 'tshal pa sems can gang yang ma mchis te// bcom ldan 'das ni kun gyi spyod pa mkhyen// rtag tu dus spyod dus de 'di lags so/ / 'di ni lha dang mi dang klu bdag mang skong na// stobs bcu'i stobs mnga' pha rol dpung rnams 'joms pa po// thub chen thub mchog log pa'i lam rnams rnam par 'jig/ dran rtog blo gros ldan 'dir rtogs dang blo gros mdzod// ngan pa'i tshogs can tshogs 'jom khrel mnga' dpal mos dgyes// phan pa mdzad cing bde mdzad yon tan brgyas bltams pa// thug+sa rje rab tu bskyed nas klu brgya rnams 'dul zhing / / mtshungs pa med pa'i mi mchog 'dir ni gshegs su gsol// phan blo thugs brtse ldan zhing 'gro la phan dgyes pa// ji ltar 'gro ba pha rol
- 248b
spyod 'byed blo gros can/ / stobs bcu'i spyod pa rnam par 'byed pa rab gsung ba// dran rtogs blo gros ldan 'di rtogs dang blo gros mdzod// de nas bcom ldan 'das kyis/ klu'i rgyal po ma dros pas dus bskul bar mkhyen nas/ dge slong rnams la bka' stsal pa/ dge slong dag klu'i rgyal po ma dros pas dus bskul gyis/ gnas der zla ba phyed gnas pa ltar gtsug lag khang skyong gi chos gos dang lhung bzed thogs zhes sgo zhig/ de nas bcom ldan 'das byang chub sems dpa' bdun khri nyis stong dang / rdzu 'phrul che zhing mthu che ba'i nyan thos nyis stong gis bskor zhing mdun du bdar nas/ bya rgod kyi phung po'i ri las rdzu 'phrul gyis gshegs so// bcom ldan 'a das nam kha'i ngos la gshegs nas/ 'od gang gis stong gsum gyi stong chen po'i 'jig rten gyi khams gsal bar 'gyur ba de lta bu'i 'od sku las phyung bas/ 'dod pa na spyod pa dang / gzugs na spyod pa'i lha'i bu dag gis/ bcom ldan 'das tshogs chen pos bskor zhing / nam sakhri ngos las mtsho chen po ma dros par gshegs pa mthong nas de dag 'di snyam du/ bcom ldan 'das 'di lta bu'i tshogs kyis bskor te/ zla ba phyed gang na bzhugs pa der chos ston du nges so snyam du sems so/ / de nas lha'i bu brgya stong mang po phyi bzhin 'brang ste/ gang dag bcom ldan 'das la blta bar 'dod pa dang / gang dag chos nyan par 'dod pa dang / gang dag klu'i rgyal po ma
- 249a
dros pa'i gnas dang bkod pa blta bar 'dod pa de dag/ bcom ldan 'das gshegs pa'i rjes bzhin dong ngo // de la lha'i bu kha cig ni lha'i me tog gi char mngon par 'bebs shing / bcom ldan 'das gshegs pa'i rjes bzhin dong ngo // lha'i bu kha cig ni tsan dan sbrul gyi snying po'i phye ma'i char mngon par 'bebs shing / bcom ldan 'das gshegs pa'i rjes bzhin dong ngo / / lha'i bu kha cig ni sil snyan dang glu dbyangs len cing / bcom ldan 'das kyi bsngags pa brjod de/ bcom ldan 'das gshegs pa'i rje bzhin dong lha'i bu kha cig ni rang gi lus kyis gos dang / gdugs dang / rgyal mtshan dang / ba dan bsgreng ba'i char 'bebs shing / bcom ldan 'das gshegs pa'i rjes zhi na dong ngo // gnas gtsang ma'i ris kyi lha'i bu dag ni/ nyi ma dang / zla ba dang / rgyu skar dang / skar ma zil du rlag par byed pa'i lha'i 'od kha dog bzang po rab tu zhi ba dang ldan pa'i lus kyis/ bcom 'das gshegs pa'i rjes bzhin dong ngo / / brgya byin dang / tshangs pa dang / 'jig rten skyong ba rnams kyang rang rang gi bkod pa rnams kyis/ bcom ldan 'das gshegs pa'i rjes bzhin dong ngo // de nas bcom ldan 'das lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / byang chub sems dpa' dang / nyan thos
- 249b
chen po'i tshogs du mas bskor nas gang sa ri'i rgyal po'i lho phyogs kyi ngos la bzhugs so/ / de nas bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsa to/ mo'u 'gal gyi bu khyod song ste/ klu'i rgyal po ma dros pa la de bzhin gshegs pa byon na/ ci dus la bab bam zhes sbron cig/ de nas tshe dang ldan pa mo'u 'gal gyi bu chen po de'i tshe/ shing ta la bdun srid du nam mkha' la mngon par 'phags nas/ bya'i rgyal po nam mkha'i lding gi gzugs su rang gi lus byin gyis brlabs nas/ klu'i rgyal po ma dros pa'i gnas la bltas so/ / de nas ma dros pa na gnas pa'i klu dang / klu'i bu mo sngangs skrag ste spu zing zhes byed nas/ phyogs phyogs su rab tu 'bros shing 'di skad ces gang gnas 'dir nam mkha' sding rgyu ba de dag thams cad gang nas 'ongs zhes 'dzer to/ / de nas klu'i rgyal po ma dros pas lag pa g.yas pas/ klu dang klu'i bu mo de dag la ma 'jigs ma 'jigs/ 'di ni btsun pa mo'u 'gal gyi bus rdzu 'phrul rnam par sprul pa'o zhes dbugs 'byin cing 'jog/ 'god/ rab tu 'god do// de nas tshe dang ldan pa mo'u 'gal gyi bu chen pos bskul nas song ngo // de nas klu'i rgyal po ma dros pa bu dang bcas/ chung ma dang bcas/ gnyen dang 'khor du bcas te/ me tog thams cad dang / bye ma thams cad dang / bdug pa thams cad dang / byug
- 250a
pa thams cad dang / gos dang / gdugs dang / rgyal mtshan dang / ba dan dang / sil snyan dang / pheg thogs nas/ bcom ldan 'das ga la ba der dong ste/ phyin nas/ bcom ldan 'das la ci rigs su mchod pa byas so// de nas bcom ldan 'das lha dang / klu dang / gnod sbyin dang / dri za dang / lha ma yin dang / nam mkha' lding dang mi'am ci dang / lto 'phye chen po dang / byang chub sems dpa' dang / nyan thos chen po du mas bskor nas/ klu'i rgyal po ma dros pa'i 'khor gyi khyams su gshegs so// gshegs nas seng ge'i khri ji ltar bshams pa la skyil mo krung bcas te bzhugs so/ / 'khor thams cad kyang khri la so sor ci rigs par 'khod do// de nas klu'i rgyal po ma dros pas/ bcom ldan 'das bzhugs par rig nas/ rang gi lag nas bza' ba dang / bca' ba dang / myang ba mi'i las 'das pa lha'i ro bro ba can/ ro brgya dang ldan pa'i zhal zas bzang po mang pos tshim par bstabs so/ / tshim par bstabs nas lhung bzed bzhag ste/ phyag bcabra par rig nas/ bcom ldan 'das la chos bshad par gsol ba btab bo// de nas bcom ldan 'das phye ma red kyi nges kyi tshe/ nang du yang dag 'jog las bzhengs nas chos bstan pa'i phyir bzhugs so// de nas sa'i dkyil 'khor kun tu dpag tshad stong nas bar snang gi bar du lha dang / klu dang /
- 250b
gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag gis yongs su gang bar gyur to// de nas bcom ldan 'das la/ klu'i rgyal po ma dros pas 'di skad ces gsol to// de bzhin gshegs pas 'khor 'di las byang chub tu sems ma bskyed pa'i sems can rnams ni/ byang chub tu sems skyed par 'gyur pa dang / byang chub tu sems bskyed pa rnams ni/ phyir mi ldog par 'gyur ba dang / 'khor bas skrag pa'i sems can rnams ni/ slob par yang ma lags/ mi slob par yang ma lags pa 'gyur ba dang / slob pa dang mi slob par 'gyur ba dang / 'khor ba la mngon du phyogs pa'i sem sa can rnams ni yid 'byung bar 'gyur ba dang // lha dang / klu dang / gnod sbyin gyi 'khor 'di ni 'gro ba dman pa dang bral zhing rgya chen po'i 'gro bar 'gyur ba dang / zab mo la mos pa'i byang chub sems dpa' rnams ni sems dang bsam pa rnam par dag par 'gyur ba dang / de bzhin gshegs pa bzhugs kyang rung / yongs su mya ngan las 'das kyang rung ste/ bdag dam pa'i chos yongs su 'dzin par 'gyur bar bgyi ba'i slad du chos bstan du gsol/ de nas bcom ldan 'das kyis/ klu'i rgyal po ma dros pa la 'di skad ces bka' stsal to// klu'i bdag po de'i phyir legs par shin tu nyon la yid la zung zhig
- 251a
dang / ngas khyod la bshad do// bcom ldan 'das de bzhin no zhes gsol te/ klu'i rgyal po ma dros pas bcom ldan 'das kyi ltar nyan pa dang / bcom ldan 'das kyis/ de la 'di skad ces bka' stsal to// klu'i bdag po byang chub sems dpa' chos gcig dang ldan na/ lha dang bcas pa'i 'jig rten mngon par 'du bar 'gyur ro// chos gcig po gang zhe na/ 'di k+ta ste/ zab mo'i chos la rab tu sbyor ba'i bag yod pa'o// de la zab mo'i chos la rab tu sbyor ba'i bag yod pa gang zhe na/ klu'i bdag po 'di la byang chub sems dpa' sems dpa' chen po rten cing 'brel par 'byung ba la 'jug cing / mthar lta ba gnyis ka dang bral la/ yod pa dang med par khas mi len pas chos thams cad kyi rkyen gyi kha na las par yang dag par rjes su mthong ste/ gang rgyu med pa las byung ba'i chos de yang dag par rjes su ma mthong nas/ de 'di snyam du sems te/ chos gang rgyu'i kha na las pa de ni rkyen gyi kha na las pa'o// gang rkyen gyi kha na las pa de ni ma skyes pa'o/ / gang ma skyes pa de ni stong pa'o// gang stong pa de ni mtshan ma med pa'o// gang mtshan ma med pa de ni smon pa med pa'o// gang smon pa med pa de ni zhi ba'o// gang zhi ba de ni nye bar zhi paba'o/ / gang nye bar zhi ba de ni mi g.yo ba'o// gang mi g.yo ba de ni rang bzhin gyis bems po'o// gang rang bzhin gyis bems po gang yin pa de ni rkyen gyi kha na las pa'o// gang rkyen gyi kha na las pa de la
- 251b
ni bdag med/ bdag gi med pa'o// gang rkyen gyi kha na las pa de ni yongs su 'dzin pa med pa'i tshul gyis brjod du med pa'o// klu'i bdag po byang chub sems dpa' sems dpa' chen po bag yod pa can ni/ rton pa bzhi la rten te/ bzhi gang zhe na/ don la rton gyi/ tshig 'bru la ma yin pa dang / ye shes la rngon gyi/ rnam par shes pa la ma yin pa dang / nges pa'i don la rton gyi/ drang ba'i don la ma yin pa dang / chos nyid la rton gyi/ gang zag la ma yin te/ 'di ni rton pa bzhi la rton pa'o// de la don ni gang / ye shes ni gang / nges pa'i don ni gang / chos nyid ni gang zhe na/ don zhes bya ba la gang stong pa nyid ni don te/ don gang yin pa de la lta ba rjes su rgyas par mi byed do// gang mtshan ma med pa ni don te/ de la rnam par rtog pa rjes su rgyas par mi byed do// gang smon pa med pa ni don te/ de la khams gsum pa rjes su rgyas par mi byed de/ 'di ni don zhes bya'o// klu'i bdag po gzhan yang don zhes bya ba ni gang / chos dang chos ma yin pa gnyis su dbyer med pa'o/ / gang chos rnam par gzhag pa brjod du yod pa sgra dang tshig gi lam gyis brjod du med cing / gnas pa med pa dang / gang zag med pa de ni don te/ sems can dang gang zag tu tha snyad 'dog pa 'di ni don zhes bya'o/ / gzhan yang don zhes bya ba ni/ gang chos don du gnyer ba yin gyi/ 'thob pa don du gnyer ba ma yin no// ji ltar na byang chub sems dpa' chos don du gnyer gyi/ 'thob
- 252a
pa don du gnyer ba ma yin zhe na/ gang mig don du gnyer ba ma yin/ gzugs don du gnyer ba ma yin/ rna ba dang / sgra dang / sna dang / dri dang / lce dang / ro dang / lus dang / reg bya don du gnyer ba ma yin/ yid don du gnyer ba ma yin/ chos don du gnyer ba ma yin/ gzugs la mngon par zhen pa don du gnyer ba ma yin/ tshor ba la ma yin/ 'dra shes la ma yin/ 'du byed la ma yin/ rnam par shes pa la mngon par zhen pa don du gnyer ba ma yin/ 'dod pa dang / gzugs dang / gzugs med pa la mngon par zhen pa don du gnyer ba ma yin/ bdag la mngon par zhen pa don du gnyer ba ma yin/ sems can la ma yin/ srog la ma yin/ gso ba la ma yin/ skyes bu la ma yin/ gang zag la mngon par zhen pa don du gnyer ba ma yin/ de bzhin gshegs pa'i gzugs kyi skul mngon par zhen pa don du gnyer ba ma yin/ chos kyi yi ge la mngon par zhen pa don du gnyer ba ma yin dge 'dun gyi tshogs la mngon par zhen pa don du gnyer ba ma yin/ sbyin la mngon par zhen pa don du gnyer ba ma yin/ tshul khrims dang / bzod pa dang / brtson 'grus dang / bsam gangs lam yin/ shes rab la mngon par zhen pa don du gnyer ba ma yin pa nas/ chos thams cad kyi bar la mngon par zhen pa don du gnyer ba ma yin te/ de ltar na byang chub sems dpa' chos don
- 252b
duganyer ba zhes bya'o/ / gang don de dag la don nas tshig gis brjod du med pa 'di ni don zhes bya'o// de la shes pa gang zhe na/ sdug bsngal la mi skye bar shes pa dang / kun 'byung ba la sgo btags pa med par shes pa dang / 'gog pa la shin tu zad par shes pa dang / lam la 'ong ba dang 'gro ba med par shes pa dang / phung po rnams la sgyu ma lta bur shes pa dang / khams rnams la chos kyi dbyings dang dbyer med par shes pa dang / skye mched rnams la grong stong lta bur shes pa dang / chos rnams la rab tu rnam par 'byed pa shes pa dang / sems can dbang po/ mchog dang mchog ma yin pa shes pa dang / dran pa la brjed pa med par shes pa dang / dran pa nye bar gzhag pa rnams la dran pa med cing yid la byed pa med par shes pa dang / yang dag par spong ba rnams la dge ba dang mi dge ba rnams su yang dag par shes pa dang / rdzu 'phrul gyi rkang pa rnams la lus dang sems yang dag par shes pa dang / dbang po rnams kyi rim pa shes pa dang stobs rnams la brdzi ba med par shes pa dang / byang chub kyi yan lag rnams la chos thams cad rtogs par shes pa dang / lam la 'dus ma byas par shes pa dang / zhi gnas la zhi bar shes pa dang / lhag mthong la chos rab tu rnam par 'byed par shes pa dang / sngon gyi mtha' las byung bar shes pa dang / phyi ma'i mthar mi 'pho bar shes pa dang / bar ma la mi gnas
- 253a
par shes pa dang / lus la gzugs brnyan lta bur shes pa dang / tshig la brag cha lta bur shes pa dang / sems la sgyu ma'i chos lta bur shes pa 'di ni shes pa zhes bya'o/ / de la nges pa'i don gyi mdo sde gang zhe na/ gang rten cing 'brel bar 'byung ba 'di bstan pa ste/ 'di ltar ma rig pa 'gags pa nas/ rga shi 'gags pa'i bar la bdag med par bstan pa dang / sems can med pa dang / srog med pa dang / gso ba med pa dang / gang zag med par yongs su bstan pa ste/ ji ltar gzings lta bu'i mdo las chos kyang spang bar bya na// chos ma yin pa lta ci smos zhes gsungs pa lta bu'o// de la rnam par thar pa'i sgo gsum yongs su ston pa dang / dus gsum mnyam pa nyid dang / bslab pa gsum la mi dmigs par slob ste/ ji ltar 'du byed thams cad 'gro ba med par mthong nas/ yang dag pa nyid mi 'gyur ba la 'jug cing 'jig rten las 'das pa'i dbang po rnams dang / stobs rnams dang / byang chub sems dpa'i shes rab la 'du shes dang yid la byed pa thams cad mi 'byung ba 'di ni/ nges pa'i don gyi mdo sde'o zhes gsungs pa lta bu'o// de la chos nyid gang zhe na/ de bzhin gshegs pa byung yang rung // ma byung yang rung / chos nyid 'di ni 'dug pa nyid de/ chos kyi dbyings dang / chos gnas pa dang / chos mi 'gyur ba nyid dang / yang dag pa'i mtha' ni chos nyid ces bya'o// gang de bzhin
- 253b
nyid dang / phyin ci ma log pa de bzhin nyid dang / gzhan ma yin pa de bzhin nyid dang / gnyis su med pa nyid dang / yang dag pa nyid dang / de kho na nyid dang / yang dag pa'i mtha' sngon gyi mtha' ma yin pa dang / sngon gyi mtha' yang dag pa'i mtha' ma yin pa 'di ni chos nyid ces bya'o// theg pa chen po pha rol tu phyin pa drug las byung ba ni chos nyid ces bya'o// rang sangs rgyas kyi theg pa rten cing 'brel par 'byung ba las byung ba dang / sgra'i rjes su 'gro ba la mos pa las byung ba/ nyan thos kyi theg pa 'di ni chos nyid ces bya'o// longs spyod chen po'i phyir sbyin pa'ang/ / chos nyid ces bya'o// mtho ris su skye ba'i phyir tshul khrims dang / shes rab chen po'i phyir thos pa dang / ma bral ba'i phyir sgom pa ni chos nyid ces bya'o// klu'i bdag po gzhan yang tshul bzhin ma yin pa yid la byed pa'i rgyu las byung ba ni 'khor ba'o/ / tshul bzhin yid la byed pa'i rgyu las byung ba ni chos nyid do// nyon mongs pa'i stobs can ni byis pa'o// shes rab kyi stobs can ni mkhas pa ste/ 'di ni chos nyid ces bya'o// chos nyid ces bya ba ni 'di lta ste/ chos thams cad kyi dbyings su yang dag par gzhol ba'o// klu'i bdag po de ltar na gang rten cing 'brel par 'byung ba la rton pa de ni/ rton pa bzhi po de dag la rton pa'o// gang rton pa bzhi po dag la rton pa de ni/ chad pa dang rtag pa la rton pa ma yin te/ de'i phyir sus rten cing 'brel par 'byung ba
- 254a
mthong ba des chos mthong ngo / / sus chos mthong ba des de bzhin gshegs pa mthong ngo zhes bya'o// klu'i bdag po rton cing 'brel par 'byung ba zhes bya ba ni/ 'brel par 'byung ba ma yin pa'o/ / 'brel par 'byung ba ma yin pa ni mi skye ba'o// mi skye ba ni chos so// chos ni 'dod chags dang bral ba'o// 'dod chags dang bral ba ni de bzhin gshegs pa'o// rten cing 'brel par 'byung ba zhes bya ba ni rkyen las 'byung ba ste/ brjod du med pa'o chos nyid do// chos nyid mngon par rdzogs par byang chub pa'i phyir de bzhin gshegs pa'o// klu'i bdag po rten cing 'brel par 'byung ba zhes bya ba ni/ shes rab kyi mig gis chos mthong ba ste/ chos mthong ba ni de bzhin gshegs pa'o// klu'i bdag po chos nyid de lta bu la mos pa'i byang chub sems dpa' ni bag yod pa zhes bya'o/ / klu'i bdag po byang chub sems dpa' bag yod pa ni/ nyon mongs pa rnams la rgyu bar mi byed pa dang / 'phags pa rnams la dad par byed pa dang / 'phags pa ma yin pa rnams su mi gtong ba dang / 'phags pa'i rigs kun tu srung bar byed pa dang / dam pa'i chos yongs su srung bar byed pa dang / mang du thos pa brjed par mi byed pa dang / tshul khrims kyi phung po 'dor bar mi byed pa dang / ting nge 'dzin gyi phung po shin tu dkar bar byed pa dang / shes rab kyi phung po las mi g.yo ba dang / rnam par grol ba'i phung po shin tu gnas pa dang / rnam par grol
- 254b
ba'i ye shes mthong ba'i phung po la rab tu gnas pa'o/ / klu'i bdag po byang chub sems dpa' bag yod pa ni/ sangs rgyas kyi chos tshad med pa la mos so// sangs rgyas kyi ye shes tshad med pa yongs su tshol lo/ / sangs rgyas kyi spobs pa tshad med pa la 'jug go// sangs rgyas kyi so so yang dag par rig pa tshad med pa la 'jug go// sangs rgyas kyi rnam par sprul pa tshad med pa'i rjes su 'gro'o// sems can gyi bsam pa tshad med pa'i rjes su 'jug go/ sangs rgyas kyi zhing tshad med par 'gro'o// de bzhin gshegs pa tshad med pa mthong ngo // chos tshad med pa nyan to// don rtogs pa tshad med pa'i rjes su 'gro'o/ / sems can gyi khams tshad med pa yongs su smin par byed do// spyod pa tshad med pa la 'jug go/ bag yod pa de na bdag gi kha na las pa yin gyi/ gzhan gyi kha na las pa ma yin no/ / de ci'i phyir zhe na/ klu'i bdag po bag yod pa'i byang chub sems dpa' ni/ rang gi sems nges par sems pa ste/ des sems nges par sems pa gsum gyis sems nges par bsam par bya'o/ / gsum gang zhe na/ 'di lta ste/ nyon mongs pa nges par sems pa dang / yul la nges par sems pa dang / nye bar len pa la nges par sems pa ste/ sems nges par sems pa gsum po de dag gis so/ / gzhan yang nges par sems pa gsum ste/ gsum gang zhe na/ zhi gnas la rtse gcig pa dang / lhag mthong la mkhas pa dang / chos la nan tan byed pa ste/
- 255a
gsum po de dag go/ gzhan yang sems nges par sems pa gsum ste/ gsum gang zhe na/ sems zhi ba dang / sems dul ba dang / sems yid du 'ong ba ste/ gsum po de dag go// gzhan yang sems nges par sems pa gsum ste/ gsum gang zhe na/ drang po dang / sgyu med pa dang / gnyer ba med pa ste/ gsum po de dag go// gzhan yang gsum ste/ tshul 'chos pa med pa dang / mnyen pa dang / 'grogs na bde ba ste/ gsum po de dag go// gzhan yang gsum ste/ gsum gang zhe na/ stong pa nyid la nges par sems pabapa dang / mtshan ma med pa la nges par sems pa dang / smon pa med pa la nges par sems pa ste/ sems nges par sems pa gsum po de dag go// gzhan yang gsum ste/ 'du byed thams cad la mi rtag par sems nges par sems shing / 'du byed thams cad la sdug bsngal bar sems nges par sems pa dang / chos thams cad la bdag med par sems nges par sems pa dang / mya ngan las 'das pa ni zhi bar sems nges par sems pa ste/ sems nges par sems pa gsum po de dag go/ klu'i bdag po de la byang chub sems dpa'i sems nges par sems ba'i mchog ni 'di lta ste/ chos thams cad kyi dbyings mnyam pa nyid khong du chud pa dang / byams pa chen pos sems can thams cad la sems mnyam pa dang / snying rje chen pos sem
- 255b
can thams cad yongs su mi gtong ba dang / dga' ba chen pos 'khor ba na yongs su mi skyo ba dang / btang snyoms chen pos rjes su chags pa dang / khong khro ba med pa dang / bdog pa thams cad yongs su gtong bas rnam par smin pa la re ba med pa dang / tshul khrims dang / bslab pa dang / sbyangs pa'i yon tan thams cad la yang dag par 'dzin pas/ bdag la mi bstod cing gzha la mi smod pa dang / sems can thams cad kyis nyes par byas pa bzod pa dang / de dag de ltar rab tu thar par bya ba'i sems kyis brtson 'grus brtan pa dang / dge ba'i rtsa ba bsgrub pa'i phyir lus dang srog la mi lnga ba dang / sangs rgyas kyi ya shes dang / ting nge 'dzan dang / snyoms par 'jug pa bsgrub pas sems la bdag dbang ba ste/ ting nge 'dzin dang snyoms par 'jug pa'i dbang gis skye ba ma yin pa dang / shes rab dang / mngon par shes pa dang / ye shes la mkhas pas 'du mi byed pa las mi nyams pa dang / thabs la khas pas sems can thams cad dang 'thun par 'jug pa dang / ye shes dang rnam par grol ba kun tu bsrung bas nyan thos dang / rang sangs rgyas kyi ye shes dang / theg pa chen po khong du chud par bya ba'i phyir sangs rgyas kyi ye shes kyi rjes su 'gro ba dang / dam pa'i chos gzung ba'i phyir sdug bsngal mi mjed pa dang / chos yang dag par bstan pa'i phyir thob pa dang bkur sti thams cad
- 256a
la mi chags pa dang / mtshan yongs su rdzogs par bya ba'i phyir bsod nams kyis mi ngoms pa dang / shes rab yongs su skong bas thos pas mi ngoms pa dang / thos pa yongs su skong bas dge ba'i bshes gnyen la bsten pa dang / dge ba'i chos yongs su skong bas gus pa dang bcas pa dang / bla ma rab tu thob par bya ba'i phyir nga rgyal bcom pa dang // nga rgyal tshar ga cad pa'i phyir bsam pa phun sum tshogs pa dang / lhag pa'i sems pa yongs su skong bas g.yo mod pa dang / g.yo dang bral bas ji skad smras pa bzhin byed pa dang / de byed pa'i phyir mi ba slu ba dang / bden pa'i tshig la rab tu gnas pa dang / ngag gi skyon thams cad rnam par spangs pa ste/ brdzun gyi tshig dang bral ba dang / yang dag pa dang / yang dag pa dang / yang dag pa las skyes pa dang / bden pa dang / bden pa las skyes pa ni sems nges par sems pa'o// klu'i bdag po 'di ltar byang chub sems dpa' sems nges par sems pa de lta bu gang yin pa de ni bag yod pa zhes bya'o/ / klu'i bdag po byang chub sems dpa' bag yod pa la ni bdud kyis tshad mi rnyed do// de ci'i phyir zhe na/ klu'i bdag po 'di ltar byang chub sems dpa' ni tshad du bya ba ma yin pa'i chos spyod do/ / de la tshad du bya ba'i chos rnams gang zhe na/ 'dod chags ni tshang du bya ba'o// zhe sdang dang gti mug ni tshang du bya ba'o// /
- 256b
byang chub sems dpa' ni las 'das pas/ de'i phyir tshad med pa zhes bya'o// dmigs par lta ba ni tshad du bya ba'o// stong pa nyid la gnas pa'i byang chub sems dpa' la ni bdud kyis tshad mi rnyed do/ / rtog pa dang / rnam par rtog pa dang / yongs su rtog pa'i mtshan ma thams cad ni tshad du bya ba'o// mtshan ma med pa la gnas pa'i byang chub sems dpa' la ni bdud kyis tshad mi rnyed do/ / khams gsum pa ni tshad du bya ba'o// smon pa med pa la gnas pa'i byang chub sems dpa' la ni bdud kyis tshad mi rnyed do// nyan thos dang rang sangs rgyas kyi theg pa ni chad du bya'o/ / theg pa chen po la zhugs pa'i byang chub sems dpa' la ni bdud kyis tshad mi rnyed do// klu'i bdag po de lta bus kyang byang chub sems dpa'i bdud kyi las ni gnyis po 'di dag ste/ gnyis gang zhe na/ bla ma rnams la mi gus pa dang / bdag brjod pas mngon pa'i nga rgyal byed pa'o// gnyis po de dag ni bdud kyi las te/ de dag byang chub sems dpas yongs su spang bar bya'o/ / gzhan yang bdud kyi las gnyis te/ gnyis gang zhe na/ byang chub sems dpa'i sde snod pha rol tu phyin pa'i lam 'dor ba dang / 'jig rten pa 'jig rten rgyang ba phan pa'i gsang tshig dang / nyan thos dang rang sangs rgyas kyi theg pa dang rab tu ldan pa'i mdo sde kun 'dzin pa'o// gnyis po de dag ni bdud kyi las te/ de dag byang chub sems dpas
- 257a
so sa su da g+sa/ / gzhanas kyi// gnyis ga na/ bas dang la ba gas papa dang / shes rab dang bral pa'i thabs te/ gnyis pa d+hA/ go/ de la thabs dang bral ba'i shes rab ni 'di lta ste/ sems can thams cad la mi lta bar 'dus ma byas pa'i chos la rtog pa'o// shes rab dang bral ba'i thabs ni 'di lta ste/ dmigs/ bar lta bar byung ba'i bsdu ba'i dngos po mna'o// gnyis po de dag ni bdud kyi las te/ de dag zung chub sems dpas yongs su srung bar bya'o// gzhan yang bdud kyi las gtses te/ ga gang de na/ thob pazung dus pasam gtan rnyed pa dang / mang du sa kyang bdag bstod pag// gnyis po de dag ni bdud kI las te/ dedag byung chub sems dpas yongs su lung bar gyu gzhan yang bdud kyi las gnyis te/ gnyis gang zhe na/ dge ba'i rtsa ba dang bral bas skye ba yongs su 'dzin pa dang / dag ba rtse ba bsags kyang theg pa chung ngu 'dod pa'o// gnyis po de dag ni dung gyi las te/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dam pa'i chos mi srung ba dang / sems can yongs su smin par byed pa'o/ / gnyis po de dag ni bdud kyi las te/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ byang chub sems dpa' la
- 257b
sdang ba dang / chos smra ba'i bsngags pa mi brjod pa dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dge ba'i rtsa ba yang dag par blangs pa 'dor ba dang / mi dge ba'i sems dang du len pa'o// gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dgon pa la gnas kyang 'dod pa dang / gnod sems dang / 'tshe ba'i rnam par rtog pa dang / 'khor gyi tshogs kyi nang du zhugs kyang 'thob pa dang bkur stis bskor ba dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ snod ma yin pa la ston pa dang // snod du gyur pa khyad du gsod pa dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ bdud kyi las 'di lta bu 'di khong du mi chud pa dang / thams cad mkhyen pa'i sems la g.yeng ba'o// gnyis po de dag ni bdud kyi las te/ de dag byang chub sems dpas yongs su spang bar bya'o/ / glu'i bdag po 'di ltar bag yod pa 'di lta bu la gnas pa'i byang chub sems dpa' la bdud kyi las de lta bu de dag mi 'byung ngo // klu'i bdag po bag yod pa'i byang chub sems
- 258a
dpa' ni stobs bskyed pa bcu drug rab tu 'thob po/ / bcu drug gang zhe na/ 'di lta ste/ dran pa'i stobs bskyed pa rab tu 'thob pa dang / blo gros kyi stobs bskyed pa rab tu ba thob pa dang / rtogs pa'i stobs bskyed pa rab tu 'thob pa dang / ngo tsha shes pa'i stobs bskyed pa rab tu 'thob pa dang / mos pa'i stobs bskyed pa rab tu 'thob pa dang / bsod nams kyi stobs bskyed pa rab tu 'thob pa dang / gzungs stobs bskyed pa rab tu 'thob pa dang / spobs pa'i stobs bskyed pa rab tu 'thob pa dang / gzugs kyi stobs bskyed pa ra tu 'thob pa dang / longs spyod kyi stobs bskyed pa rab tu 'o thob pa dang / lus kyi stobs bskrad pa rab tu 'thob pa dang / sems kyi stobs bskyed pa rab tu 'thob pa dang / rdzu 'phrul gyi stobs bskyed pa rab tu 'thob pa dang / chos ston pa'i stobs bskyed pa rab tu 'thob pa dang / bdud tshar bcad pa'i stobs bskyed pa rab tu 'thob pa dang / nan tan gyi stobs bskyed pa rab tu 'thob bo/ / de la dran pa'i stobs bskyed pa gang zhe na/ dran pa gang gis sangs rgyas thams cad kyis gsungs pa kun tu 'dzin pa dang rab tu 'dzin pa'o// blo gros kyi stobs bskyed pa ni gang byang chub sems dpa' de'i blo gros de sangs rgyas kyis gnang ba dang / sems can thams cad kyis mi phyed pa yin no// rtogs pa'i stobs bskyed pa ni gang sgras bstan
- 258b
pa'i don thams cad rtogs par 'gyur ro/ / ngo tsha shes pa'i stobs bskyed pa ni gang mi dge ba'i chos rnam par spangs nas dge ba'i chos thams cad dang ldan pa'o// mos pa'i stobs bskyed pa ni gang sdug bsngal rnyed kyang bla'i/ bya ba ma yin pa mi byed pa'o// bsod nams kyi stobs bskyed pa ni gang bdud kyi sde bye ba brgyas kyang zil gyis gnon mi nus pa'o// gzungs kyi stobs bskyed pa ni gang sangs rgyas thams cad kyis gsungs pa thos shing / de thams cad kun tu 'dzin pa dang / mi brjed pa dang / de gzhan dag la'ang ston pa'o// spobs pa'i stobs bskyed pa ni gang nges pa'i tshig gzhan dang / gzhan gyis thogs pa med cing / rgyun chad pa med la chags pa med par bskal pa brgya stong du 'chad pa'o// gzugs kyi stobs bskyed pa ni gang byang chub sems dpa' de'i gan du/ brgya byin dang / tshangs pa la sogs pa nye bar 'ong na/ mog mog par 'gyur ba'o// longs spyod kyi stobs bskyed pa ni gang lag na rin po che dang pongs spyod mi zad pa'o/ / lus kyi stobs bskyed pa ni gang pha rol gyis gnon pa thams cad kyis mi brdzi ba'o// sems kyi stobs bskyed pa ni gang sems gcig gis sems can thams tshad kyi sems kyi spyod pa rab tu shes pa'o/ / rdzu 'phrul gyi stobs bskyed pa 'i gang rdzu 'phrul gyis 'dul ba'i sems can rnams la rdzu 'phrul dang cho 'phrul thams cad kyi chos ston pa'o// chom
- 259a
ston pa'i stobs bskyed pa ni 'di lta ste/ ci rigs par chos ston pas gang byang chub sems dpa'i chos bstan pa shes pa de dag yang dag par sdug bsngal zad par bya ba'i phyir nges par 'byung ba'o/ / bdud tshar bcad pa'i stobs bskyed pa ni 'di lta ste/ sangs rgyas kyi chos la bya ba mi 'dor bas stobs mnyam pa med pa yin no// nan tan gyi stobs bskyed pa ni 'di lta ste// ji skad smras pa de bzhin du byed pa ste/ de dag ni stobs bskyed pa rab tu 'thob pa bcu drug go// klu'i bdag po de ltar byang chub sems dpa' gang stobs bskyed pa bcu drug po de dag 'thob par 'dod pa'i byang chub sems dpa' des rtag tu bag yod par bya'o/ / klu'i bdag po 'di lta ste/ dper na rgya mtsho chen por chu thams cad 'bab bo// klu'i bdag po de bzhin du bag yod par sangs rgyas kyi chos thams cad yang dag par 'du'o/ / klu'i bdag po 'di lta ste/ dper na sa las sa bon thams cad skye'o// klu'i bdag po de bzhin du bag yod pa la dge ba'i chos thams cad skye'o/ / klu'i bdag po 'di lnga ste/ dper na 'khor lo sgyur ba'i rgyal po la sems can thams cad dga' 'o// klu'i bdag po de bzhin du bag yod pa'i byang chub sems dpa' la lhar bcas pa'i 'jig rten dga' 'o/ / de nas de'i tshe bcom ldan 'das kyis tshigs su bcad pa 'di dag gsungs so// byang chub sems dpa' mkhas pa gang dag cig/ sangs rgyas
- 259b
byang chub rjes su thob 'dod pa/ / des ni bag med spyod pa rnam spangs nas// rtag tu bag yod pa la brtson 'grus bya// mkhas pa rten pa'i chos la mos pa dag/ mthar lta ba la gnas par mi byed de/ / rgyu med rkyen med chos ni yod ma yin// chos ni rgyur bcas rkyen bcas rab tu shes/ rkyen las skyes pa gang yin de ma skyes// de la skye ba ngo bo nyid kyis med// rkyen la rag las gang yin stong par gsungs/ / stong nyid gang shes de ni bag yod pa'o// rkyen khar gang las de ni mtshan ma med// smon lam ldan pa zhi zhing nye bar zhi// mi g.yo bems po rtswa dang shing lta// bu// de la bdud kyi yul ni bag yod ma yin// rkyen gyi khar las 'di ni gang shes pa// de 'dir nga dang nga yir 'byung mi 'gyur// de ni bdag min bdag gi ma yin par// de ltar gang shes de ni bag yod pa'o/ / rje yod ma yin yongs su 'dzin med la// bzung ba med cing grol bar bya ba med// bcings med grol med rang bzhin 'o da gsal ba// chos rnams rtag tu shes pa bag/ yod pa'o// don la rton gyi tshig 'brur dga' ma yin// rtag tu ye shes spyod yul rnam shes grol// nges pa'i don gyi mdo sde'i tshul shes pa// de ni chos la rton gyi gang zag min// sangs rgyas bstan 'dir don ni stong nyid don// de bzhin mtshan ma med dang smon las grol// srid pa gsum dang rtog dang ltar mi gnas// mdo don gang yin de ni bag yod pa'o// sgra dang
- 260a
brjod pas brjod du med pas na/ / chos dang chos min gnyis su gang mi byed// chos rnams 'jog byed pa yang yod min te// gang zag med pa'i don 'di bag yod pa'o/ / chos don gnyer gyi nyon mongs don gnyer min// mig gzugs mi gnyer rna dang sgra la min// sna dri mi gnyer lce dang ro la min// lus reg ma yin yid dang chos la min// gzugs kyi skye dang gnas pa don mi gnyer/ / tshor min 'du shes ma yin 'du byed min// rnam par shes pa'i gnas pa'i de don mi gnyer// de 'dra de ni chos don gnyer zhes bya// khams gsum pa yi gnas pa'ang don mi gnyer/ / bdag dang sems can mi gnyer lta rmongs min// gzugs lus nam yang don du gnyer ma yin// mig blo ma yin yid kyang don mi gnyer// dge 'dun mi gnyer chos kyang don mi gnyer/ / sbyin pa nam du'ang don du mi gnyer zhing // tshul khrims bzod min brtson 'grus bsam gtan min// bdag gi bye brag shes rab don mi gnyer// chos kun don du mi gnyer gang yin pa/ / de ni rtag tu chos gnyer rgyal bas gsungs// nams kyang don rnams mi gnyer gang yin pa// de ni sangs rgyas bstan 'dir bag yod yin// skye ba med shes sangs rgyas ye shes te/ / skye med gang yin de ni 'byung ba min// 'byung ba med la zhi ba'ang yod ma yin// de ltar gang shes de ni lam sgom yin// phung po lnga ni sgyu ma lta bur shes// ji ltar cho
- 260b
dbyings de ltar chos rnams shes/ / nang gi grong stong 'dra bar rab tu shes// de ltar gang shes de ni bag yod pa'o// chos kyi dbyer med pa dang dbye ba dang / de bzhin sems can dbang po rnams kyang shes/ / dran pa nye bar gzhag la dran mi 'jug/ de 'dra ye shes stobs can bag yod pa'o// yang dag spong la gnyis su rab shes dang // de ni rdzu 'phrul sems stobs rab tu shes// stobs la thul pa yod pa ma yin dang // dbang po rnams kyi rim pa shes pa dang // byang chub yan lag bsam gtan khong du chud// mkhas la 'dus ma byas pa'i chos mngon shes// zhi gnas la ni sems rab zhi bar she/ / lhag mthong gis ni chos rnams dbye ba rtogs// chos rnams sngon gyi mtha' nas 'byung ba med// phyi ma'i mtha' yang 'pho ba gang yang med// de bzhin chos kun bar la'ang gnas min par/ / de ltar gang shes de ni bag yod pa'o// lus ni snying po med de gzugs brnyan 'dra// ngag kyang stong pa brag cha lta bu ste// sems kyang sgyu ma lta bur rlung ba dra bar/ / de ltar gang shes de ni bag yod pa'o// nges pa'i don mdo'i tshul ni rab shes shing // brten nas 'byung tshul khong du chud rtogs la// ma rig pa dang skye 'chi 'gog pa dag/ nges don gang shes de ni bag yod pa'o// rnam par thar pa'i sgo dang dus gsum dang // bslab pa gsum dang dmigs pa med pa dang // bdag med sems can med srog gang zag med// chos dang rno min
- 261a
gzings dang 'dra bar bstan/ / ma skyes thob dang mi 'gyur 'byung ba dang // 'jig rten 'das pa'i dang po shes rab sgom// de la sems pa cung zad mi 'byung ste// de yi tshul rtogs pa ni bag yod pa'o/ / sangs rgyas byung ngam mya ngan 'das kyang rung // chos dbyings de ni rtag tu gnas pa ste// yang dag don ni rtag tu mthong ba mkhas// chos nyid 'di shes pa ni bag yod pa'o/ / sngon gyi mtha' gang de ni yang dag mtha'// de yi mtha' ni rgya che chos rnams kun// nam mkha'i mtha' ni rtag tu sems can mtha'// chos nyid 'di shes pa ni bag yod pa'o// chos nyid las kyi rnam smin med shes kyang // dge dang mi dge'i las ni chud mi za// pha rol phyin la gnas pa ma gtogs par// ye shes kyis ni sangs rgyas theg mi mthong // dben par gnas parang rgyal theg pa ste/ / nyan thos rnam par grol ba'i sgra phyir 'brang // sbyin pa yis ni longs spyod rab tu 'thob// tshul khrims kyis ni mtho ris nyid par mthong // thos pas shes rab re bzhin bsgom pa 'thob/ / 'dus byas kun ni chal bzhin min las byung // gang dag mya ngan 'das kun tshul bzhin gyis// 'di 'dra'i chos nyid 'di ni bag yod pa'o// byis pa dag ni rtag tu nyon mongs phye/ / mkhas pa ye shes kyis ni chos ston to// chos dbyings rtag tu sgrib pa med pa la// chos 'di thams cad mtshungs par rab tu 'jug/ brten nas 'byung ba rab tu
- 261b
shes pa yi/ / de yi yon tan bzhi po 'di yin te// don dang ye shes de bzhin chos nyid dang // nges pa'i don shes ni bag yod pa'o// chos kun brten pa yin par gang shes pa// des na chos mthong ba de bar gshegs kyang mthong / / de ni chos nyid brten nas 'byung bar mnyam// chos nyid rtag tu 'dod chag bral ba thob// brten nas byung bas gnas te thob 'gyur te// chos ni sgra dang bral zhing yi ge med/ / chos 'di rjes su rtogs pa de yi phyir// sangs rgyas la ni de bzhin gshegs zhes bya// shes rab mig gi sa brten pa mthong ba ste// mthong ba med par mthong ba chos mthong ba'o/ / shes rab mig gis brten pa gang mthong ba// de ni sangs rgyas mthong ba yin zhes bya// de ni phyir zhing nyon mongs mi spyod de// rtag tu 'phags pa la ni dad par byed// zhig pa'i chos kyang 'dor ba ma yin zhing // 'phags pa'i rigs ni kun tu srung bar byed// mkhas pa thos pa brjed par mi byed pa// doni sangs rgyas bstan pa yongs su srung // 'phags pa'i tshul khrims spong bar mi byed de/ / mkhas pa ting nge 'dzin las rtag mi nyams// shes rab phung po las ni mkhas mi g.yo// rnam par grol ba'i phung por rtag tu gnas// rnam grol ye shes rnam par mthong ba la/ / rab tu gnas par gang gyur pag yod pa'o// sangs rgyas chos rnams mtha' yas rab rtogs pa// de ni thub pa'i ye shes mtha' yas tshol// sangs
- 262a
rgyas byang chub spobs pa phun sum dang / / so sor rig dang sems can bsam pa shes// sems can dag gi bsam pa tshad med shes// skad cig gcig gis mtha' yas zhing du 'gro/ / tshad med pa yi de bzhin gshegs mthong nas// de dag las thos chos ni 'dzin par byed// thos nas de ni de bzhin don kyang rtogs// sems can tshad med yongs su smin par byed/ / de dag gi ni spyod pa tshad med shes// dran dang ldan pa gang yin bag yod pa'o// rtag tu bdag gi khar las bag yod pa// rang sems nges par sems pa yon tan 'jug/ sems la nges sems nyon mongs yod ma yin/ / de ni nam du'ang yul gyi nyams pa med// skye dang gnas dang 'jig pa shes pa ni// nye bar len pa kun las sems dben te// lhag mthong dang ni zhi gnas la yang mkhas/ / de yi sgrub pa nyams par mi 'gyur ro// shin tu zhi zhing dul sems las su rung // rtag tu drang zhing g.yo med yon po min// tshul 'chos med cing mnyen la nges pa ste// 'a'adi ni nges par sems pa'i phan yon no// stong pa mtshan nyid med cing dben par gnas/ 'khor bsdug bsngal ba dang mi rtag shes// rtag tu chos bdag med cing mya ngan 'das// nges par sems pa'i sems spyod pag yod pa'o/ / rtag tu thams cad mkhyen pa'i sems 'dzin cing // sems can rnams la byams pa'i sems mnyam pa// snying rjes sems can rnams ni mi gtong zhing // dga'
- 262b
bas 'khor ba na ni skyo ba med/ / btang snyoms chen po skyon rnams spangs pa ste// kun stong 'dod chags bral ba 'dod pa med// sbyangs pa thams cad dang ni migayeng bsnyen// byas dang mabyas bzod pas ci mi snyam/ / sems can thar bar bu phyir ngoms med sems// de ni rtsom pa brtan par zhi ba tshol// lus dang srog la'ang de ni mi lta zhing // ting 'dzid kun la rim gyis bsam gtan byed/ / ting 'dzin dbang gis de ni skyes ma yin// shes rab kyis ni 'dus ma byas shes kyang // thabs kyis 'dus ma byas par de mi lhung // mkhas pa sems can kun dang 'thun par 'jug/ nyan thos rnams la bden pa'i gtam brjod kyang // rnam par grol la mkhas pa de mi reg/ sems can thams cad la ni snying brtse zhing // de ni thams cad mkhyen pa nyid la re// gang la 'di ba dra'i phan yon 'di yod pa// sangs rgyas bstan 'dir de ni bag yod yin// de ni de bzhin chos nyid la yang gnas// de yi spyod pa bdud kyis shes ma yin// bag yod pa la tshad ni yod min te/ / nyon mongs mtshan ma dag la tshad yod do// de ni mtshan ma med cing nyon mongs bral// de yi yul ni bdud kyis shes mi nus// gang rnams g.yo zhing rlom sems rtog pa dag/ de ni bdud kyi las su ngas bshad do// dmigs pa kun las rnam par rab grol ba// thams cad bdud kyis thul ba ma yin no// bag yod/
- 263a
pa la dra pa brjed pa med// bag yod pa la tho gros brjed pa med// bag yod pa ni rtogs dang mos pa dang // ngo tsha shes dang khrel long mi spyod med// de phyir de ba rimag ces pa'i bsod nams dang / / shes rab dang ni bag yod 'di thos nas// gang dag chos dang chos nyid rab gnas pa// sangs rgyas thams cad ci 'drar de 'gyur ro// phyogs bcu'i sangs rgyas gang rnams ji snyed dang / / byang chub sems dpa' mchod par gang 'dod pa// de dag gis ni bag yod 'di thos na// bsam pas nan tan snying por byed par 'gyur// gang dag gis ni bag yod 'di thos nas/ / dga' zhing dad pa rgya che rnyed gyur pa// rtag tu bag yod par ni rab 'gyur zhing // de dag rang byung sangs rgyas nyid du 'gyur// bcom ldan 'das kyis bag yod pa'i le'u 'di bshad pa'i tshe/ srog chags bzhi khri nyis stong gis bla na med pa yang dag par rdzogs pa'i byang chub tu sems bskyed do// srog chags khri nyis stong ni mi skye ba'i chos la bzod pa rab tu thob par gyur to/ / srog chags brgyad stong ni rjes su 'thun pa'i bzod pa rab tu thob par gyur to// srog chags sum khri nyis stong ni chos rnams la chos kyi mig rdul med cing ma dang bral ba rnam par dag gau dge slong brgya ni ma lus par kun shes pa brda sprod par gyur to/ / stong gsum gyi stong chen po'i 'jig rten gyi khams 'di'ang rnam pa drug tu g.yos nas/ sdang ba chen pos 'jig
- 263b
rten gyi khams 'di khyab par gyur to/ / gangs ri'i rgyal po dang / mtsho chen po ma dros pa thams cad du'ang sngon mthong ma thos pa'i me tog gis pus mo nub pa tsam gyur to// 'di lta ste/ sangs rgyas kyi mthu dang / klu'i rgyal po ma dros pa'i dad pa'i rgyus chos kyi rnam grangs 'di la mchod pa'i las kyi phyir// mtsho ma dros pa thams cad rin po che'i pad+ma dri rab tu zhim pa/ kha dog brgya stong du ma tshad shing rta'i 'khor lo tsam brgya stong du ma mu med pas gang bar gyur to/ / de nas klu'i rgyal po'i bu theg pa chen po la yang dag par zhugs pa lnga brgya po de dag thams cad kyis so so nas bcom ldan 'das la mchod pa'i las kyi phyir rin po che'i gdugs rnams phul nas 'di skad ces gsol to/ / bcom ldan 'das sangs rgyas ni bdag cag gi chad du byung lags so// de ci'i slad du zhe na/ 'di ltar bcom ldan 'das bdag cag 'jig rten thams cad dang mi mthun pa'i chos 'di thos nas kyang ma sngangs/ ma skrag/ spangs par ma gyur gyi/ 'di lta bu'i chos nyan pa la slar zhing ngoms ma 'tshal ba'i slad du'o/ / bcom ldan pa das byang chub sems dpa' sangs rgyas 'byung ba ci 'dra/ chos kyi 'khor lo bsgo ba ci 'dra/ dam pa'i chos yongs su bzung ba ci 'dra ba bshad du gsol/ bcom ldan 'das kyis bka' stsal pa/ bzhin bzangs dag de'i phyir legs par shin tu nyon la yid la zung zhig dang ngas bshad do// bcom
- 264a
ldan 'das leg so zhes gsol te/ klu'i rgyal po de dag bcom ldan 'das kyi lhar nyan pa dang / bcom ldan 'das kyis/ de dag la 'di skad ces bka' stsal to// bzhin bzangs dag dad pa 'byung ba ni/ byang chub sems dpa'i sangs rgyas 'byung ba'o// dad pa dad pa zhes bya ba de gang zhe na/ 'jig rten pa dang / 'jig rten las 'das pa'o// de la 'jig rten pa'i dad pa ni gang dge ba'i chos rnams kyi sngon du 'gro ba dang / las kyi rnam par smin pa la rton pa dang / las dang mi 'gal ba dang / 'phags pa rnams la sten pa dang / bsti stang du byas te dad par gnas pas gdung ba med pa dang / bsti stang du byas te chos nyan pa dang / sgrib pa sel ba dang / byang chub kyi yan lag sgom pa dang / chos yongs su tshol ba dang / longs spyod sbyin zhing 'gyed pa dang / ngang tshul ngan pa tshul khrims la 'god pa dang / yang dag pa la sbyor ba dang / gshe ba dang sdang ba rnams dang bar byed pa dang / thams cad mkhyen pa'i sems las mi 'gong ba dang / sangs rgyas la dad pa mi phyed pa dang / chos la dad cing mi spong ba dang / dge 'dun la yang dag par dad pa dang / nga rgyal las kyang nga rgyal rnam par spangs nas sems mtshungs pa dang / yul la ye shes chags pa med pa dang / lus dang srog gi phyir yang sdig pa'i las mi spyod pa dang / ji skad smras pa de bzhin byed
- 264b
pa dang / bdud kyi yul las shin tu 'das pa dang / 'phags pas gnang ba'i lus dang / ngag dang / yid kyi las kha na ma tho ba med pa dang / chog shes pas 'tsho ba rnam par dag pa dang / shes pas yang dag par 'jug pas shes rab kyi phung po'i rtsa ba yongs su tshol ba dang / nor bdun yang dag par 'du ba dang / stobs kyi sngon du 'gro dbang po 'gro ba dang / log par lta ba la kha na ma tho bar 'du shes pa dang / yang dag par lta ba la yang dag par sbyor ba dang / rjes su bstan pa la 'thun par 'dzin pa dang / gso sla zhing dag nga sla ba dang / dmigs pa med pa'i sems kyis bsti stang du byas te nye bar 'gro ba dang / 'khor ba la skyo ba'i sems dang / mya ngan las 'das pa la yon tan dang phan yon du lta ba dang / dam pa'i chos yongs su tshol ba la brtson pa dang / de bzhin gshegs pa'i bstan pa la khyis nas 'byung ba'i sems dang / tshangs par spyod par gnas pa la chog mi shes pa dang / pha rol rjes su gzung bar byed pas nges par sbyin pa dang / byas pa gzo ba dang / byas pa shes pa dang / byas pa la re ba med pa dang / bdag gi 'thob pas rlom sems su mi byed pa dang / pha rol gyi 'thob pa la phrag dog med pa dang / bzod pa dang / nges pa dang / kha na ma tho ba la nyes par lta ba dang / ltung ba byung ba la mi gleng ba dang / dbang po'i sgo srung ba dang / mal cha spong
- 265a
zhing gtong ba dang / dgon pa la phyogs pa yid la byed pa dang ma bral bas rtag par rgyun du dben pa la gzhol ba dang / yang dag par dga' bar 'gyur ba'i chos rnams la 'dzin pa med pa'i sems dang / rtsod pa med pa dang / nga rgyal las kyang nga rgyal rnam par spong ba dang / bdag gi nyes pa la lta ba dang / pha rol gyi nyes pa bzod par byed pa dang tshul khrims kyi tshogs yongs su tshol ba dang / ting nge 'dzin gyi tshogs sgrub pa dang / lam gyi tshogs la brtson pa 'di ni bzhin bzang dag 'jig rten pa'i dad pa zhes bya ste/ bzhin bzangs dag gang 'jig rten pa'i dad pa 'byung ba ni sangs rgyas 'byung ba zhes bya'o/ / de la 'jig rten las 'das pa'i dad pa gang zhe na/ dad pa gang gis thams cad stong par yid ches pa dang / lta bar song ba thams cad dang bral ba dang / chos thams cad mtshan ma med pa dang smon pa med par yid ches pa dang / chos thams cad mngon par 'dus ma byas pa ste/ 'ong ba dang 'gro ba las log par yid ches pa dang / chos thams cad lus dang / ngag dang / sems dang bral zhing 'dod chags dang bral bar yid ches pa dang / bdag dang / sems can dang / srog dang / gang zag dang / 'dod chags dang / 'dod chags dang bral ba dang / chos thams cad de bzhin nyid la gnas par yid ches pa dang / 'brang ba med pa'i tshul gyis chos thams cad gsog dang /
- 265b
nam mkha' bcangs pa dang 'dra zhing / byis pa srid pa dang mtshungs la gsob dang 'dra bar yid ches pa dang / chos thams cad sngon gyi mtha' dang phyi ma'i mthar ngo bo nyid med de/ yang dag pa'i mtha' ma yin pa la gnas par yid ches pa dang / chos thams cad nam mkha'i mtha' dang 'dra zhing / chos kyi dbyings su yang dag par 'du la/ dus gsum las shin tu ba da sa shing zag pa med par yid ches pa dang / chos thams cad 'dod pa'i srid pa la lta ba dang / ma rig pa dang bral zhing nye bar smon mongs pa med la/ rang bzhin gyis yongs su dag cing rang bzhin gyis 'od gsal bar yid ches pa dang / chos thams cad glo bur gyi nyon mongs pa las kun tu 'byung ba la mi ltos shing spos pa thams cad kyi spyod pa yang dag par chad la/ btang snyoms shing rjes su chags pa dang khong khro ba dang bral zhing blang ba med par yid ches pa dang / chos thams cad sems kyis sgro btags pa med cing dor ba med par yid ches pa dang / chos thams cad dngos po dang / dngos po med pa la mi gnas shing ci rang ma yin la/ nus pa cung zad kyang med par yid ches pa dang / chos thams cad nam mkha' dang 'dra ste/ dngos po thams cad las dben zhing gnas pa med par yid ches pa dang / gdegs pa med pa dang / gzhog pa med pa'i tshul gyis chos thams cad chu shing gi phung po ltar snying po med par yid ches
- 266a
pa dang / chos thams cad 'dus ma byas dang 'dra bar gyur la/ mya ngan las 'das pa dang mtshungs shing rang bzhin gyis nye bar zhi bar yid ches pa 'di ni/ bzhin bzangs dag 'jig rten las 'das pa'i dad zhes bya ste/ bzhin bzangs dag gang 'jig rten las 'das pa'i dad pa 'byung ba de ni/ sangs rgyas 'byung ba zhes bya'o// bzhin bzangs dag sangs rgyas pa byung ba zhes bya ba de ni/ chos thams cad skye ba med pa la bya'o// bzhin bzangs dag chos thams cad skye ba med pa zhes bya ba de ni/ mnyam pa nyid kyi tshig bla dgas so// de ci'i phyir zhe na/ 'di ltar gzugs 'byung ba ni sangs rgyas 'byung ba ma yin no// sangs rgyas 'byung ba ni gzugs skye ba med pas rab tu phye ba'ang ma yin no// tshor ba dang / 'du shes dang / 'du byed rnams dang / rnam par shes pa 'byung ba ni sangs rgyas 'byung ba ma yin no// sangs rgyas 'byung ba ni rnam par shes pa skye ba med pas rab tu phye ba'ang ma yin no// phung po dang / khams dang / skye mched 'byung ba ni sangs rgyas 'byung ba ma yin no/ / sangs rgyas 'byung ba ni phung po dang // khams dang / skye mched skye ba med pas rab tu phye ba'ang ma yin no// rig pa 'byung ba dang / ma rig pa 'byung ba ni sangs rgyas 'byung ba ma yin no// sangs rgyas 'byung ba ni rig pa dang / ma rig pa skye ba med pas rab tu phye ba'ang ma yin no// rga shi'i bar du 'byung ba ni sangs rgyas 'byung
- 266b
ba ma yin no/ / sangs rgyas 'byung ba ni rga shi skye ba med pas rab tu phye ba'ang ma yin no// skye ba skye ba dang / mi skye ba skye ba ni sangs rgyas 'byung ba ma yin no// sangs rgyas 'byung ba ni skye ba ma skye bas rab tu phye ba'i da ma yin no/ / dran pa nye bar gzhag pa 'byung ba ni sangs rgyas 'byung ba ma yin no// sangs rgyas 'byung ba ni dran pa med cing yid la byed pa med pas rab tu phye ba'ang ma yin no/ / de bzhin du bsdu ste/ byang chub kyi phyogs kyi chos sum cu rtsa bdun nas/ lam gyi bar du 'byung ba ni sangs rgyas 'byung ba ma yin no// sangs rgyas 'byung ba ni lam skye ba dang mi skye ba dang mi skye bas rab tu phye ba'ang ma yin no/ / shes rab 'byung ba ni sangs rgyus 'byung ba ma yin no// sangs rgyas 'byung ba ni shes rab 'byung ba med pas rab tu phye b.rang ma yin no// bcom ldan 'das kyis sangs rgyas 'byung ba 'di bstan pa na/ glu gzhon nu lnga brgya po de dag rjes su 'thun pa'i bzod pa thob par gyur to// de nas bcom ldan 'das kyis de'i tshe tshigs su bcad pa'adi dag gsungs so/ / dad par 'byung ba rgyal ba 'byung // 'thung ba med pas rab tu phye// gang dag dad pa med pa ni// de dag sangs rgyas mi 'byung ngo // dad pa dkar po'i chos rnams kyi// sngon du 'gro dang bskyed par gsungs/ / dad pa las kyi rnam smin dang // las dang 'gal bar mi 'gyur ba'o// dang ni 'phags pa ston pa dang // bsti stang byas te bsnyen bkur byed// sems
- 267a
la gdung ba med pa dang / / dang bskyed par byed pa'o// bsti stang byas te chos nyan cing // sgrib pa rnam par sel ba dang // byang chub yan lag sgom pa dang // lam gyi rjes su 'thun pa'o/ / chos kyi longs spyod tshol ba dang // sbyin pa'i rjes su bsngags pa dang // tshul khrims ldan dang ngang tshul ngan// de la dad pa yang dag 'jug/ byang chub sems las ma 'a gong zhing / / gshe dang sdang ba dang bar byed// sangs rgyas chos la dang mi phyed// dge 'dun la yang dad pa'o// nga rgyal las kyang nga rgyal spong // khyi dang 'dra bar nga rgyal med// yul la chags pa ma yin pa// de ni dad pa'i mtshan nyid do// dad dang ldan pa bdag shes te// sdig pa'i las ni mi byed cing // bden pa'i tshig tu smra byed la// ji skad smras pa de bzhin byed/ / dad ldan chags las rab tu 'das// dad ldan yid la rnyog pa med// dad ldan lus dang ngag dang yid// 'phags pa rnams dang 'thun par 'jug/ dad pas 'tsho ba yongs sbyong zhing / / rtag tu ye shes tshol bar byed// shes rab phung po'i rtsa ba gang // thos pa de tshol dad pa'o// stobs rnams dang ni dbang po dang // nor bdun yang dag 'du ba dang // log par lta ba rnam spong zhing // yang dag lta ba tshol bar byed// bla ma rnams kyis bstan pa la// dang dang ldan pa 'thun par 'dzin// gso sla zhing ni dgang sla ste// sdug bsngal med
- 267b
pas tshol bar byed/ / dmigs med pa yi sems kyis ni// bsti stang byas te chos 'dri zhing // 'khor bas rtag tu skyo ba dang // mya ngan 'da' ba'i yon tan dga'// bstan la khyim nas myur 'byung dang / / tshangs pa'i spyod la mi chags dang // thar pa'i tshogs ni gang yin pa// de dag dad dang ldan pas tshol// sems can mang po rjes su 'dzin// phan pa byas zhes drin mi bgrang / / dad dang ldan pa byas pa la// phyir bya bar ni sbyor ba med// bdag gi 'thob pas mi skems shing // gzhan gyi 'thob la phrag dog med// bzod dang nges pa phun sum tshogs/ g.yo med drang zhing mnyen pa yin// dad dang ldan ni mngon mthong yang // gzhin gyis nyes pa mi gleng zhing // dbang po dang ni yid zhi la// dgon par gnas la 'dun pa yin// dpe par gzhol ba'i sems kyis ni/ / yang dag dga' bar 'gyur la 'dun// 'thab pa dang ni rtsod med cing // bdag gi nyes pa yang dag mthong // tshul khrims sdom pa yongs su tshol/ ting nge 'dzin dang lam sgom la// rtag tu brtson zhing dang ldan pa// de ni dad ldan mtshan nyid do// 'jig rten 'das pa'i ji snyed dang // dad pa de yi rjes su 'gro// sangs rgyas gsungs pa zab mo yi/ / chos ni rnam par 'jig mi byed// dad ldan stong par yid ches te// de la lta ba yod ma yin// chos kun mtshan ma med par ni// the tshom med cing
- 268a
rnam rtog med/ / smon lam rnam par spong byed cing // 'ong ba dang ni 'gro ba rtogs// chos rnams mngon par 'du mi byed// lus dang sems ni g.yel mi gtong / / bdag dang sems can rdul sel cing // 'dod chags med pa'i chos la dang // dad pa de bzhin nyid la gnas// lam gyi 'gro ba khong du chud// yang dag mtha' ni mtha' min zhing / / de ni nam mkha'i mtha' 'dra bar// chos rnams kun la yid ches te// ye shes dbyings la mnyam par gzhag/ chos kun zag pa yod min zhing // dus gsum las ni shin tu 'das/ / srid dang las dang ma rig dang // lta ba dang ldan mi 'dzin to// chos rnams thams cad 'od gsal zhing // nyon mongs can min rang bzhin dag/ shes nas nyon mongs glo bur gyis/ / sems ni 'byung bar byed ma yin// chos rnams thams cad ltos med cing // de dag la ni rgyu ba med// btang snyoms gyur cing g.yo ba med// de ni nyes pa mi 'dzin to// blang ba med cing dor ba med// gzung ba med cing grol ba med// bcangs pas byis pa brid 'dra ba// chos rnams gsog tu yid kyang ches// gsog dang gdeg pa med pa dang // snying po med de chu shing 'dra/ / rang bzhin gyis ni slu ba ste// gnas med cing ni dngos po med// chos kun ci yang med pa ste// don ni cung zad med par shes// chos rnams nam mkha' mtshungs
- 268b
pa dang / / 'a dra bar gyur pas 'dus ma byas// chos rnams mya ngan 'das 'dra zhing // rang bzhin gyis ni zhi bar dang // dad pa de la'ang dad byed de// nam mkhar 'phangs pa'i rdo ba bzhin// byang chub sems dpa' gang zhig la// dad pa 'di 'dra 'di yod pa// de la sangs rgyas rnams 'byung ste// bsnyen bkur bya ba'ang de bzhin no// gzugs 'byung ba ni sangs rgyas dag/ 'byung bar bstan pa ma yin no/ / 'gog pas ma yin ldang bas min// 'gro bas ma yin 'ong bas min// gzugs kyis skye med gang yin dang // 'gog pa min dang gnas min dang // 'ong ba med cing 'gro med pa/ / 'di ni sangs rgyas 'byung bar 'dod// byang chub sems dpa' shes ldan la// de bzhin phung po lnga rnams kyis// skye ba med pas rab bye ba// sangs rgyas 'byung zhes ngas bstan to// gnas med pa la gnas bcas nas// khams dang skye mched phung po yi// skye ba med par rab phye ba// sangs rgyas 'byung bar de bstan to// rig pa skye bar gyur na ni// de ltar 'khor ba 'bri 'gyur/ rkyen 'di rab tu bstan pas na// des ni sangs rgyas rab tu phye// mi skye ba dang skye ba dang // 'gog pa med la gang gnas pa// dngos po'i 'du shes can des ni// nga la bsnyen bkur byed mi nus/ / dran pa 'byung ba 'di yis ni// sangs rgyas 'byung bar brtan ma yin// dran med yid la byed med pa// de ni sangs rgyas yin par bstan// byang chub phyogs kyi chos nyid kyis//
- 269a
phyogs rnams kun kyang de bzhin te// de yi skye ma gang yin pa// de ni sangs rgyas 'byung bar 'dod// nga yi sangs rgyas 'byung 'di 'dra// 'dzin gang dag rtogs gyur pa/ / de dag nga yi bstan la dang // de dag la ni chags pa med// bzhin bzangs dag de la byang chub sems dpa'i chos kyi 'khor lo bskor ba gang zhe na/ bzhin bzangs dag chos kyi 'khor lo bskor ba zhes bya ba ni gang / 'di lta bu'i chos 'di khong du chud pa dang / dga' ba dang / mos pa dang / dad pa dang / 'dzin pa dang / kun 'dzin pa dang / len pa dang / dran pa ma brjed pa dang / tshul bzhin yongs su rtog pa dang / snying rje chen po mi nyams pa dang / thams cad mkhyen pa'i sems kyis gzhan dag la 'chad pa dang / ston pa dang / yang dag par rab tu ston pa dang / skyo ba la mi mjed pa dang // 'thob pa dang bkur sti la ma chags pa dang / dus dus su bskul ba dang / dran par byed pa dang / yongs su 'dzin pa dang / rjes su yongs su 'dzin pa 'di ni chos kyi 'khor lo bskor ba zhes bya'o/ / bzhin bzangs dag gzhan yang ji ltar de bzhin gshegs pas chos kyi 'khor lo bskor ba'i chos kyi 'khor lo de'i rnam pa la 'jug pa cung zad tsam zhig bshad par bya'o/ / de bzhin gshegs pas chos skye ba dang / chos ma yin pa skye ba'i phyir chos kyi 'khor lo ma bskor to// chos gzhig pa dang / chos ma yin pa gzhig pa'i
- 269b
phyir chos kyi 'khor lo ma bskor to/ / de bzhin gshegs pas so so'i skye bo'i chos ni dman pa/ 'phags pa'i chos ni rgya che ba'i phyir chos kyi 'khor lo ma bskor gyi// bzhin bzangs dag de bzhin gshegs pas so so'i skye bo'i chos dang / 'phags pa'i chos rang bzhin gyis ma skyes pa'i phyir chos kyi 'khor lo bskor to// chos kyi 'khor lo de ni yang dag par yongs su ma chad par bskor bas de'i phyir de ma chad pa'i 'khor lo'o/ / chos kyi 'khor lo de rten cing 'brel bar 'byung ba'i lugs dang 'thun par bskor bas de'i phyir de ni mi skye ba'i 'khor lo'o/ / 'khor lo de ni gnyis kyis mi bskor te/ mig dang gzugs kyis bskor bas mi bskor ba nas/ yid dang chos kyi bar gyis bskor bas mi bskor ba'i bar du ste/ de'i phyir de mi gnyis pa'i 'khor lo'o/ / 'khor lo do 'das pa'i chos la dmigs pa'i rnam pas mi bskor/ ma 'ongs pa dang da ltar byung ba'i chos la dmigs pa'i rnam pas mi bskor te/ de'i phyir de mi dmigs pa'i 'khor lo'o/ / 'khor lo de bdag tu lta ba kun nas ldang bas mi bskor/ sems can dang / srog dang / gso ba dang / gang zag tu lta ba kun nas ldang bas mi bskor te/ de'i phyir de stong pa nyid kyi 'khor lo'o// 'khor lo de mtshan ma la dmigs pa'i 'du shes dang / spros pa yid la byed pas mi bskor te/ de'i phyir de mtshan ma med pa'i
- 270a
'khor lo'o/ / 'khor lo de 'dod pa'i khams thob par bya ba'i phyir mi bskor// gzugs dang gzugs med pa'i khams thob par bya ba'i phyir mi bskor te/ de'i phyir de smon pa med pa'i 'khor lo'o/ / 'khor lo de 'di dag ni so so'i skye bo'i chos// 'di dag ni slob pa'i chos/ 'di dag ni mi slob pa'i chos/ rnam pa 'di lta bu dag ni sangs rgyas kyi chos so zhes chos tha dad pa'i phyir mi bskor te/ de'i phyir tha dad pa med pa'i 'khor lo'o// 'khor lo de chos kyi brda la mi 'jug ste/ de'i phyir de gnas pa med pa'i 'khor lo'o// bzhin bzangs dag chos kyi 'khor le zhes bya ba ni don dam pa'i 'khor lo ste/ bden pa mi phyed pa'i rnam pas bskor ba'o// dus gsum mnyam pas ji lta ba bzhin gyi 'khor lo'o// dngos por lta ba las rab tu 'das pa'i phyir dngos po med pa'i 'khor lo'o/ / lus dang sems ma 'dres shing / yid dang rnam par shes pa dang bral bas dben pa'i 'khor lo'o// 'gro ba lnga dang 'phrad pa ma yin pas kun gzhi med pa'i 'khor lo'o/ / 'byung ba chen po ngo bo nyid kyis dngos po mod pas yang dag pa'i 'khor lo'o// yang dag par sbyor zhing slu ba ma yin pas mnyam pa'i 'khor lo'o/ / yi ge mi zad pas mi zad pa'i 'khor lo'o// chos thams cad chos kyi dbyings su yang dag par 'du bas chos kyi dbyings kyi 'khor lo'o// sngon gyi mtha' mtha' ma
- 270b
yin par bskor bas yang dag pa'i mtha'i 'khor lo'o/ / ngo bo nyid kyis ngo bo nyid med pas de bzhin nyid kyi 'khor lo'o// rang gi yid la byed pa rgyun bcad pas mngon par 'du mi byed pa'i 'khor lo'o/ / 'phags pa'i spyod yul thob par byed pa'i phyir 'dus ma byas pa'i 'khor lo'o// nang kun tu ston pas stong pa nyid kyi 'khor lo'o// phyi rol la mi 'jug pas mtshan ma med pa'i 'khor lo'o/ / phyi nang gi dang ma 'dres pas smon pa med pa'i 'khor lo'o// brjod pa med pa'i tshul gyis brjod du med pa'i 'khor lo'o// bzhin bzangs dag chos kyi 'khor lo de de bzhin gshegs pas sems can gyi dbang po la bskor kyang rung / ma bskor kyang rung / brjod du med pa'i chos nyid 'di mi 'dor te/ bzhin bzangs dag 'di ni byang chub sems dpa'i chos kyi 'khor lo bskor ba zhes bya'o/ / chos kyi 'khor lo bskor ba 'di bstan pa'i tshe/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po de dag gis ca co dang gzha'i sgra phyung ste 'di skad ces gsol to// de bzhin gshegs pas 'di 'dra ba'i chos kyi 'khor lo 'di bskor zhing pha rol shes par mdzad pa ni mdzad dka' ba mdzad pa'o/ / bcom ldan 'das nam mkha'i 'khor lo bskor ba de ni/ chos kyi 'khor lo bskor ba'o// gang dag gis 'tshal ba de dag gis kyang
- 271a
de dang mnyam pa nyid du 'tshal ba dang / bcom ldan 'das sems bskyed pa de dag la rjes su yi rang ngo // gang dag chos kyi 'khor lo bskor ba 'di thos nas byang chub tu sems skyed par 'gyur ba de dag kyang chos kyi 'khor lo 'di lta bu skor bar 'gyur ro/ / de ltar bstan pa 'di thos nas/ 'khor de las srog chags khris bla na med pa yang dag par rdzogs pa'i byang chub tu sems bskyed do/ / bzhin bzangs dag de la byang chub sems dpa' dam pa'i chos yongs su 'dzin pa gang zhe na/ bzhin bzangs dag dam pa'i chos yongs su 'dzin pa zhes bya ba ni/ chos thams cad yang dag par sdud pa ste/ chos thams cad yang dag par bsdus pa 'di ni dam pa'i chos yongs su 'dzin pa zhes bya'o// bzhin bzang dag gzhan yang dam pa'i yongs su 'dzin pa ni/ gang de bzhin gshegs pas spyod pa brgyad khri bzhi stong dang / chos kyi phung po brgyad khri bzhi stong bstan pa'i chos kyi phung po brgyad khri bzhi stong de dag sdud pa de ni dam pa'i chos yongs su 'dzin pa zhes bya'o/ / bzhin bzangs dag ji ltar de bzhin gshegs pas byang chub mngon par rdzogs par sangs rgyas pa de bzhin du chos kyi 'khor lo bskor to/ / de bzhin du yongs su mya ngan las 'das so// de bzhin nyid ji lta ba dang / de bzhin nyid gang yin pa de la chos thams cad kyi skye ba med// 'gag pa med do// gang ma skyes
- 271b
mi 'gog pa de la 'dzin pa med/ 'thab pa med/ rtsod pa med/ bstan pa med/ shin tu brjod du med pa de la dam pa'i chos bsdu ba gang yang med do// de'i phyir ba med/ yongs su 'dzin pa med pa med pa ni dam pa'i chos zhes bya'o/ / de nas klu'i rgyal po ma dros pa'i bu mya ngan med pa zhes bya bas/ bcom ldan 'das la 'di skad ces gsol to// bcom ldan 'das bdag dam pa'i chos yongs su 'dzin pa la spobs so/ / bcom ldan 'das kyis bka' stsal pa/ mya ngan med pa khyod spongs par gyis shig/ gsol pa/ bcom ldan 'das 'di lta ste/ dper na rgya mtsho chen po na rin po che bdag gi ma mchis pa/ yongs su 'dzin pa ma mchis pa/ yongs su gzung ba ma mchis pa/ gang dag mchis pa de dag bsrung bar bgyis pa ma lags mod kyi// 'on kyang bcom ldan 'das ded dpon dang / ded dpon chen po gang dag lus dang srog la mi lta bar rin po che de dag 'tshal ba'i slad du/ rgya mtsho chen por zhugs pa de dag 'dzam bu'i gling du ma phyin par bar mdor rgya mtsho'i nang du 'khyams par mi 'gyur bar shin tu bsrung bar bgyis te/ de dag rgya mtshor zhugs shing 'ong ba dang 'gro ba'i tshe bsrung ba chen po bgyis nas/ de ltar rin po che de dag 'dzam bu'i gling du byin pa dang / skye bo mang po 'tsho bar 'gyur ro// bcom ldan 'das de bzhin du de bzhin gshegs pas chos gang mngon par rdzogs par sangs rgyas pa de shin tu mngon
- 272a
par grub pa ma mchis te/ de ni sgra dang bcas pa'i 'jig rten gang gang gis kyang yongs su gzung bar myi nus mod kyi/ 'on kyang bcom ldan 'das byang chub sems dpas sems dpa' chen po gang dag 'di 'dra ba'i chos dkon mchog de bzhin nyid mngon par rdzogs par sangs ma rgyas pa/ mngon par rdzogs par byang chub par bgyi ba'i slad du go cha 'tshal ba de dag shin tu yongs su bsrung bar bgyis te/ skyes bu dam pa de dag shin tu yongs su bzung na/ theg pa chen po 'dir nges par 'byung bar 'gyur ro// de dag byung bar gyur na/ chos kyi 'khor lo bskor bar 'gyur te/ dam pa'i chos yongs su 'bar bar 'gyur ro// bcom ldan 'das de lta bas na gang 'di chos smra ba theg pa chen po la yang dag par zhugs pa rnams yongs su 'dzin pa dang / srung ba dang / skyob pa dang / sbed pa dang / rim gro bgyid pa dang / bla ma'i yongs su spyad pa bgyid pa de ni/ dam pa'i chos yang dag par phul yongs su 'dzin pa lags so// de nas bcom ldan 'das kyis klu'i rgyal po ma dros pa'i bu mya ngan med pa la legs so bya ba gnang ste/ mya ngan med pa legs so legs so// gang 'di chos smra ba theg pa chen po la yang d+mar zhugs pa rnams yongs su 'dzin pa dang / kun tu bsrung ba 'di ni dam pa'i chos yongs su 'dzin pa yin no// chos smra ba yongs su bzung bas dam pa'i chos yongs su gzung ba yin mod kyi/ 'on kyang mya ngan
- 272b
med pa dam pa'i chos yongs su 'dzin pa bcu ste/ bcu gang zhe na/ khengs pa med pa dang / lhag pa'i nga rgyal med pa dang / g.yo med pa dang / chos don du gnyer ba dang / chos 'dod pa dang / chos yongs su tshol ba dang / chos la so sor rtog pa dang / chos la nan tan byed pa dang / chos sgrub par gnas shing mos la rnam par grol ba ste/ bcu po de dag ni dam pa'i chos yongs su 'dzin pa'o/ / gzhan yang dam pa'i chos yongs su 'dzan pa bcu ste/ bcu gang zhe na/ mya ngan med pa 'di la rigs kyi bu 'am/ rigs kyi bu mos chos smra ba zhig yod par thos na/ phyogs der phyag 'tshal ba dang / mthong bar dga' ba dang / 'ongs nas mgu bar byed pa dang / stan 'ding zhing gos dang zas sbyar ba dang / kun tu srung bar byed pa dang / bsti stang byas te bsnyen bkur byed pa dang / des bshad pa nyan pa dang / ji ltar thos pa ltar gzhan dag la'ang ston pa dang / de'i mi snyan pa 'gag pa dang / de'i bsngags pa brjod pa ste/ mya ngan med pa bcu po de dag ni dam pa'i chos yongs su 'dzin pa'o// mya ngan med pa gzhan yang sbyin pa bzhi po 'di dag ni dam pa'i chos yongs su 'dzin par 'gyur ba ste/ bzhi gang zhe na gro ga dang / snag tsha dang / spug gu dang / glegs bam sbyin pa dang / chos smra ba rnams la gos dang / zas dang / mal cha dang / na ba'i gso sa sman dang / yo byad sbyin pa dang / chos
- 273a
thos nas chos smra ba rnams la g.yo mod par legs so zhes bya ba sbyin pa dang / chos sbyin pa ni bzhi pa ste/ sbyin pa bzhi po de dag ni dam pa'i chos yongs su 'dzin par 'gyur ba'o/ / mya ngan med pa brtson 'grus bzhi po 'di dag ni/ dam pa'i chos yongs su 'dzin par 'gyur ba ste/ bzhi gang zhe na/ chos ston pa'i brtson 'grus dang / chos kun tu tshol ba'i brtson 'grus dang / chos smra ba la bsnyen bkur bya ba'i brtson 'grus dang / dam pa'i chos spong ba'i sems can rnams chos dang 'thun par tshar bcad pa'i brtson 'grus te/ mya ngan med pa brtson 'grus bzhi po de dag ni dam pa'i chos yongs su 'dzin par 'gyur ba'o// de nas bcom ldan 'das kyis zhus pa lung bstan pas/ klu gzhon nu lnga brgya po de dag chom zhing mgu la yi rangs te/ bcom ldan 'das la bsnyen bkur bya ba dang / kun tu spyad pa'i phyir gnyen dang 'khor du bcas pa dang / rang rang gi lus phul nas 'di skad ces gsol to// deng slan chad yongs su mya ngan las 'das kyi bar du/ bdag cag bcom ldan 'das kyi zham ring na rtag par rgyun du mchis la/ 'di lta bu'i dam pa'i chos kun tu bsrung zhing sba ba'i slad du spro bar bgyi'o/ / bcom ldan 'das bdag cag ni de bzhin gshegs pa yongs su mya ngan las 'das nas/ sku ma gyis shing gcig tu mkhregs pa la mchod par bgyid pa dang / rin po che sna bdun gyi mchod
- 273b
rten bgyi bar 'tshal lo/ / de nas tshe dang ldan pa 'od srungs chen pos/ klu gzhon nu de dag la 'di skad ces smras so// de bzhin gshegs pa ni sems can thams cad la cher thugs rje che bas ring bsrel yungs 'bru tsam byin gyis brlab pa mdzad na/ rigs kyi bu dag khyed de bzhin gshegs pa'i sku ma gyes shing gcig tu mkhregs pa la mchod pa bya'o zhes de skad zer ba ni/ skye bo phal po che dge ba'i chos kyi bar chad byed par 'dod pa yin no/ / de nas klu gzhon nu lnga brgya po de dag gis/ tshe dang ldan pa 'od srungs chen po la 'di skad ces smras so// btsun pa 'od srungs khyod de skad ma gsung zhig/ rang gi shes rab dang / de bzhin gshegs pa'i shes rab dang / ye shes mtshungs pa snyam du ma sgyun cig/ de bzhin gshegs pa ni thams cad mkhyen pa/ thams cad gzigs pa ste/ byin gyi rlabs dang / rdzu 'phrul gyi rnam par 'phrul pa'i ye shes kyi stobs can te/ de bzhed na stong gsum gyi stong chen po'i 'jig rten gyi khams kyi lha dang / klu dang / gnod sbyin gyi gnas thams cad dum gyes shing / gcig tu mkhregs pa'i sku byin gyis rlob ste/ de dag thams cad kyis kyang gzhan ni ma yin gyi/ de bzhin gshegs pa la bdag cag mchod pa byed par shes so// btsun pa 'od srungs chen po yang gang gi tshe/ de bzhin gshegs pa yongs su mya ngan las 'da' ba de'i tshe/ sems can thams cad kyi sems mos pas sku gdung byin gyis rlob bo// btsur pa 'od
- 274a
srungs chen po gal te de bzhin gshegs pa 'og min gyi gnas su yungs 'bru tsam gyi sku gdung gcig byin gyis brlabs nas/ des 'dzam bu'i gling thams cad du khyab par sdaspang ba de'ang sangs rgyas kyi rnam par sprul pa'o/ / de nas tshe dang ldan pa rab 'byor gyis/ klu'i rgyal po'i bu de dag la 'di skad ces smras so// rigs kyi bu dag de bzhin gshegs pa yongs su mya ngan 'da' 'am/ smras pa/ btsun pa rab 'byor gang dag skyes pa de dag yongs su mya ngan las 'da' 'o// smras pa/ rigs kyi bu dag khyed de bzhin gshegs pa skyes so snyam mam/ smras pa/ debazhin nyid ji ltar byung ba de ltar skyes so// smras pa/ gal te de bzhin nyid ji ltar skye ba de ltar skyes na/ de la ni chos gang gi skye ba'ang med do// smras pa/ btsun pa rab 'byor gang de bzhin nyid skye ba de sangs rgyas skye ba'o/ / smras pa/ gang sangs rgyas skye ba 'di 'dra na/ yongs su mya ngan 'da' ba ci 'dra/ smras pa/ btsun pa rab 'byor ji ltar skye ba med pa de ltar 'gag pa med do/ / de ltar chos kyi 'khor lo bskor ro// de ltar yongs su mya ngan las 'da'/ bcom ldan 'das kyis gtam 'di bka' stsal cing bshad pa'i tshe/ mtsho chen po ma dros pa rin po che'i pad+ma tshang shing rta'i 'khor lo tsam dri rab tu zhim pa/ 'dab ma brgya stong du ma dang ldan pa/ rin po che'i dra bas g.yogs pas gang bar gyur to// de dag gi nang nas rin po che'i pad+ma gcig shin tu mdzes
- 274b
shing bltan rab tu sdug la mchog tu 'bar bar gyur to/ / tshe dang ldan pa kun dga' bos pad+ma bkod pa de dag mthong ngo // mthong nas bcom ldan 'das la 'di skad ces gsol to// bcom ldan 'das 'di su'i ltas sngon du byung ba lags/ bcom ldan 'das kyis bka' stsal pa/ kun dga' bo cung zhig sdod cig dang mthong bar 'gyur ro zhes/ bcom ldan 'das kyis de skad gsung nas ring po ma lon par 'og gi 'jig rten gyi khams bcom ldan 'das rin chen rtog gi sangs rgyas kyi zhing rin po che bkod pa'i 'jig rten gyi khams nas byang chub sems dpa' drug khri byung ste/ de dag rin po che'i pad+ma de dag la skyil mo krung bcas nas 'khod par kun tu snang ngo / / pad+mo de la'ang 'jam dpal gzhon nur gyur pa 'dug par kun tu sdang ngo // de nas thams cad dang ldan pa'i 'khor de ngo mtshar du gyur nas thal mo sbyar te/ byang chub sems dpa' de dag la phyag 'tshal nas/ 'jam dpal gzhon nur gyur pa bar snang la 'phags pa dang / brgya byin dang / tshangs la sogs pa lha rnams de'i steng ma rin po che'i gdugs 'dzin cing phyag 'tshal to/ / de nas 'jam dpal gzhon nur gyur pa dang lhan cig lhags pa'i byang chub sems dpa' de dag kyang shing ta la bdun tsam du nam mkha' la 'phags nas/ bcom ldan 'das la mchod pa'i las kyi phyir/ sngon ma mthong ma thos pa'i me tog gi mar nam mkha'i ngos las rab tu phab bo// me tog de dag las 'di lta bu'i sgra
- 275a
'di byung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen tog bcom ldan 'das de/ bcom ldan 'das la gnod pa chung ngam/ nyam nga ba chung ngam/ bskyod pa yang ngam/ 'tsho ba dang / stobs dang / bde ba la reg par gnas sam zhes spun gsol lo zhes de skad gsung ngo // 'jam dpal gzhon nur gyur pa 'di byang chub sems dpa' brgyad khri dang lhan cig tu/ klu'i rgyal po ma dros pa'i rnam par dag pa'i lam gyi chos sgo'i le'u nyan du mchis pa de/ bcom ldan 'das kyis chos kyi bka' mchid kyis yang dag par dga' bar mdzod cig ces sgra byung ngo / / de nas 'jam dpal gzhon nur gyur pa dang / byang chub sems dpa' de dag par snang de las babs nas/ bcom ldan bdas kyi zhabs la mgo bos phyag 'tshal te/ rin po che'i pad+ma de dag la 'khod do// de nas bcom ldan 'das kyis mkhyen bzhin du 'jam dpal gzhon nur gyur pa la 'di skad ces bka' stsal to/ / 'jam dpal khyod ci sems na/ byang chub sems dpa' rnams dang lhan cig tu 'dir 'ongs/ 'jam dpal gyis gsol pa/ bcom ldan 'das 'di na chos ston pa/ bdag cag bcom ldan 'das de bzhin gshegs pa rin chen tog gi sangs rgyas kyi zhing rin po che bkod pa'i 'jig rten gyi khams na mchis pas thos nas/ bdag cag bcom ldan 'das la blta ba dang /
- 275b
chos kyi rnam grangs 'di zhan par 'tshal ba'i slad du 'dir mchis so// de nas bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das de bzhin gshegs pa rin chen tog gi sangs rgyas kyi zhing 'jig rten gyi khams pad+ma bkod pa de/ 'di nas thag ji srid mchis na/ skyes bu dam pa 'di dag 'di ltar myur bar 'dir mchis/ 'jam dpa' gyis smras pa/ btsun pa 'od srungs chen po gal te rdzu 'phrul gyi stobs phun sum tshogs pa khyod 'jig rten gyi khams der 'gro na tshe'i tshang zad cing yongs su mya ngan las 'das kyang sangs rgyas kyi zhing der mi phyin te/ 'jig rten gyi khams de 'di nas de srid do// bcom ldan 'das kyis bka' stsal pa/ 'od srungs chu bo gang+gA'i klung drug cu'i bye ma snyed kyi sangs rgyas kyi zhing 'das pa na/ 'jig rten gyi khams rin po che bkod pa zhes bya ba de nas byang chub sems dpa' sems dpa' chen po 'di dag lhags so// gnas brtan gyis gsol pa/ bcom ldan 'das de dag ji srid kyis 'dir mchis/ 'jam dpal gyis spras pa/ gnas brtan gyi sems len pa med pas zag pa las ji srid kyis sems rnam par grol ba de srid kyis so// gnas brtan gyis spras pa skyes bu dam pa de dag 'di 'dra bar mgyogs par lhags pa ni ngo mtshar to/ / 'jam dpal gyis smras pa/ gnas brtan 'od srungs chen po'i sems ji srid kyis rnam par grol/ smras pa/
- 276a
skad cig pa 'gyur ba srid kyis so// 'jam dpal gyis smras pa/ gnas brtan gyi sems rnam par grol lam/ smras pa/ 'jas dpal rnam par grol lo// 'jam dpal gyis smras pa/ sems de gang gis bcings na gang las rnam par grol/ gnas brtan gyis spras pa/ 'jam dpal gal te sems bcings par gyur na ni rnam par mi grol te/ rnam par grol ba'i ye shes mthong bar mi 'gyur ro/ / smras pa/ btsun pa 'od srungs chen po'i sems bcings pa med na/ rnam par grol ba gang yin/ smras pa/ gang bcings pa med par yongs su shes pa rnam par grol ba'o/ / smras pa/ btsun pa 'od srungs chen po'i sems gang gis sems gang yongs su shes/ 'das pas sam/ 'on te ma 'ongs pas sam/ 'on te da ltar byung bas sam/ gang 'das pa de ni zad pa/ gang ma 'ongs pa de ni ma phyin pa/ gang da ltar byung ba ni gnas pa med pa yin/ sems gang gis sems yongs su shes/ smras pa/ 'jam dpal 'di ni 'gog pa ste/ de la sems kyis bgrang ba gang yang med do// 'jam dpal gyis spras pa/ btsun pa 'od srungs sems 'gog pa yongs su shes sam/ spras pa/ sems 'gog pa ni yongs su shes par mi nus so/ / spras pa/ sems de thams cad 'gog par lhung ba ste/ de'i phyir chung ba dkyang yongs su shes par 'gyur ba med do// spras pa/ 'jam dpal khyod spobs par gyis shig/
- 276b
bo la ni khyod la lan gdab pa'i nus pa med do// 'jam dpal gyis spras pa/ btsun pa 'od srungs chen po 'di la ji snyam du sems/ zag chal spobs pa yod dam/ spras pa/ meng ngo // de tsi phyir zhe na/ brag cha ni rten cing 'brel par 'byung ba'i phyir ro// smras pa/ btsun pa 'od srungs chen po chos thams cad kyang brag cha lta bum yin nam/ smras pa/ 'jam dpal de de bzhin no// 'jam dpal gyis smras pa/ btsun pa 'od srungs chen po 'di la ji snyam du sems/ brag cha'i spob pa bcad nus sam/ smras pa/ mi brjod pas de bcad do// smras pa/ btsun pa 'od srungs chen po de de bzhin te/ kun mi 'dri bas byang chub sems dpa'i spobs pa 'chad do// btsun pa 'od srungs chen po gal te bskal par yongs su 'dri na yang / kho bo'ang bskal par spobs par 'gyur ro// / de nas bcom ldan 'das la/ tshe dang ldan pa pod srungs chen pos 'di skad ces gsol to// bcom ldan 'das ji ltar des brtan pas 'khor 'di dag gi yun ring po'i don dang / phan pa dang bde bar 'gyur ba dang / chos nyid 'di mngon sum du 'gyur bar bgyi ba'i slad du/ 'jam dpal gzhon nur gyur pa la bskul du gsol/ de nas byang chub sems dpa'i 'khor der byang chub sems dpa' sems dpa' chen po shes rab brtsegs zhes bya ba 'dus par gyur te 'dug pa des 'jam dpal gzhon nur gyur pa la 'di skad ces smras so/ / 'jam dpal gnas brtan 'od
- 277a
srungs chen po 'di ci'i phyir sems shing / dman pa dman pa lta bus ston/ 'di ci'i phyir gnas brtan zhes bya/ 'jam dpal gyis smras pa/ ba di ni nyan thos te/ 'jigs pa med pa ma yin no/ / shes rab brtsegs kyis smras pa/ ci 'di theg pa chen po la ma zhugs sam/ smras pa/ rigs kyi bu de ni ma yin te/ 'di ni nyan thos kyi theg pas rnam par grol ba'o smras pa/ 'jam dpal nyan thos kyi theg pa zhes bya ba 'di ji lta bu/ smras pa/ rigs kyi bu bcom ldan 'das shAkya thub pa de bzhin gshegs pa theg pa gsum brtsams te chos ston to// gsum gang zhe na/ nyan thos kyi theg pa dang / rang sangs rgyas kyi theg pa dang / theg pa chen po ste/ theg pa gsum po de dag go/ de ci'i phyir zhe na/ sems can 'di dag ni dman pa la mos pa'i phyir ro/ smras pa/ 'jam dpal stong pa nyid tshad med/ mtshan ma med pa tshad med/ smon pa med pa tshad med na/ ci'i phyir nyi tshe ba'i 'du shes su mdzad/ smras pa/ rigs kyi bu de bzhin gshegs pa ni thabs la mkhas pa ste/ gang gi phyir stong pa nyid tshad med/ mtshan ma med pa tshad med/ smon pa med pa tshad med kyang nyi tshe ba'i 'du shes kyis mos par mdzad do// smras pa/ 'jam dpal bdag phyir zhing dman pa la mos pa'i sems can rnams dang 'phrad par 'gyur du 'ong kis 'gro'o/ / 'jam dpal gyis smras pa/ rigs kyi bu re zhig sdong la/ sku'i rgyal po ma dros pa'i
- 277b
spobs pa ji tsam pa dang / chos nyid tshad med pa' nga nyon cig/ de nas tshe dang ldan pa 'od srungs chen pos/ byang chub sems dpa' shes rab brtsegs la 'di skad ces smras so// rigs kyi bu de bzhin gshegs pa rin chen tog de ci 'dra ba'i chos ston/ smras pa/ sangs rgyas dang byang chub sems dpa' rnams kyi gtam ste/ ro gcig pa dang / tshad med pa'i chos las byung ba dang / phyir mi ldog pa dang / sangs rgyas nyid du 'gyur ba dang / gzhan la mos pa ma yin pa dang / thams cad mkhyen pa'i ye shes su yang dag par 'du ba'o// 'jigs pa med pa ma yin pa'i sems can rnams ni der mi skye ste/ bcom ldan pa das de'i chos bstan pa ni de 'dra'o/ / de nas klu'i rgyal po ma dros pas/ 'jam dpal gzhon nur gyur pa la 'di skad ces smras so// 'jam dpal khyod de bzhin gshegs pa gang la blta bar 'dod de 'dir 'ongs/ ci gzugs de bzhin gshegs par blta 'am/ smras pa/ de ni ma yin no// smras pa/ ci tshor ba dang / 'du shes dang / 'du byed dang / rnam par shes pa de bzhin gshegs par blta bas/ smras pa/ de ni ma yin no// smras pa/ ci gzugs kyi mi rtag pa de bzhin gshegs par blta 'am/ smras pa/ de ni ma yin no// smras pa/ ci tshor ba dang / 'du shes dang / 'du byed dang / rnam par shes pa'i mi rtag pa de bzhin gshegs par blta 'am/ smras pa/ de ni ma yin no// smras pa/ ci gzugs kyi sdug bsngal ba dang / bdag med pa dang / zhi ba dang / stong
- 278a
pa dang / mtshan ma med pa dang / smon pa med pa dang / mngon par 'du mi byed pa de bzhin gshegs par blta 'am/ smras pa/ de ni ma yin no// smras pa/ ci tshor ba dang / 'du shes dang / 'du byed dang / rnam par shes pa'i sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du mi byed pa de bzhin gshegs par blta ba ma/ smras pa/ de ni ma yin no// smras pa/ ci gzugs kyi mtshan nyid de bzhin gshegs par blta 'am// spras pa/ de ni ma yin no// smras pa/ ci rnam par shes pa'i mtshan nyid kyi bar du de bzhin gshegs pa bska 'am/ smras pa/ de ni ma yin no// smras pa/ ci sha'i mig gis de bzhin gshegs par blta 'am/ smras pa/ de ni ma yin no// smras pa/ ci lha'i mig gis de bzhin gshegs par blta'am/ smras pa/ de ni ma yin no// smras pa/ ci shes rab kyi mig gis de bzhin gshegs par blta ba ma/ smras pa/ de ni ma yin no// smras pa/ 'jam dpal de de bzhin gshegs pa la blta ba ji lta bu yin/ 'jam dpal gyis spras pa/ klu'i bdag po de bzhin gshegs pa ci 'dra ba de 'dra bar de la blta'i// smras pa/ 'jam dpal de bzhin gshegs pa ci 'dra/ spras pa/ klu'i bdag po de bzhin gshegs pa ni mi mnyam pa dang mnyam pa/ mtshungs pa med pa/ rab tu 'dra ba med pa'o// mi mnyam pa zhes bya ba ni de la gnyen po med pa'o// mi mnyam pa dang mnyam pa zhes bya ba ni
- 278b
de la gnyen po mnyas pabang med pa'o/ / mtshungs pa med ces bya ba ni gzugs kyi mtshan nyid ma yin pa'i phyir ro// rab tu 'dra ba med ces bya na/ rtags med cing mtshan ma med pa'i phyir ro// klu'i bdag po de bzhin gshegs pa ni de 'dra ste/ de ltar blta bar bya'i/ sha'i mig dang / lnga'i mig dang / shes rab kyi mig gis blta ba ma yin no// de ci'i phyir zhe na/ sha'i mig ni sdang ba mthong ba yin la/ de bzhin gshegs pa ni mun pa dang / snang ba yin pas/ sha'i mig gis de blta bar mi nus so// lha'i mig ni mngon par 'du byed pa'i mtshan nyid yin la/ de bzhin gshegs pa ni shin tu mngon par 'dus ma byas pas/ lha'i mig gis de lta bar mi nus so// shes rab kyi mig gis ni byung ba yongs su shes pa'i mtshan nyid yin la/ de bzhin gshegs pa ni shin tu mi 'byung bas/ shes rab kyi mig gis de blta bar mi nus so// smras pa/ 'jam dpal de bzhin gshegs pa mthong ba shin tu rnam par dag pa ji lta bu yin/ smras pa/ klu'i bdag po gang gi tshe mig gi rnam par shes pa'i rnam par shes pa dang / sems kyang mi skye la gzugs kyi rnam par shes pa'i rnam par shes pa dang / rnam par shes pa'ang mi 'gog pa de tsam gyis na/ de bzhin gshegs pa mthong ba shin tu rnam par dag pa yin no/ / de nas byang chub sems dpa' sems dpa' chen po gang dag de bzhin gshegs pa rin chen tog gis sangs rgyas kyi zhing nas lhags pa de dag
- 279a
ngo mtshar du gyur nas 'di skad ces smras so/ / gang dag gis klu'i rgyal pos zhus pa 'di thos pa dang / thos nas mos pa dang / mi sdang mi skrag la 'dzin pa dang / ston pa'i skyes bu dam pa de dag ni/ de bzhin gshegs pa legs par mthong ba yin no// bdag cag kyang 'dir lhags shing tshul 'di thos pas bdag cag don med par ma gyur to// gang na chos kyi rnam grangs 'di spyod pa'i grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor de dag na/ de bzhin gshegs pa yongs su mya ngan las mi 'da' pa dang / dam pa'i chos kyang nub par mi 'gyur bar rig par bya'o// chos kyi rnam grangs 'dis bdud kyi dkyil 'khor tshar bcad do// mu stegs can gyi gnas thams cad pham par byas so// de nas klu'i rgyal po ma dros pas/ 'jam dpal gzhon nur gyur pa la 'di skad ces smras so// 'jam dpal mi spyod pa la spyod pa'i byang chub sems dpa' byang chub rnyed dka' ba ma yin no zhes bya ba ni/ bajam dpal ji ltar na byang chub sems dpa' mi spyod pa la spyod pa zhes bya/ 'jam dpal gyis smras pa/ klu'i bdag po gtong ba phun sum tshogs pa rnams kyi spyod pa'i stong pa nyid gang yin pa de nyid ser sna can rnams kyi spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o// tshul khrims dang / bzod pa dang / brtson 'grus dang / bsam gtan yang de bzhin no//
- 279b
shes rab dang ldan pa rnams kyi spyod pa'i stong pa nyid gang yin pa de nyid shes rab 'chal pa rnams kyi spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o// klu'i bdag po gzhan yang 'dod chags la spyod pa rnams kyi spyod pa'i stong pa nyid gang yin pa de ni/ 'dod chags dang bral ba rnams kyi spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o/ / zhe sdang la spyod pa rnams dang / gti mug la spyod pa rnams kyang de bzhin no// cha mnyam pa la spyod pa rnams kyi spyod pa'i stong pa nyid gang yin pa de nyid nyon mongs pa med pa rnams kyi spyod pa'i stong pa nyid de/ spyod pa mnyam pa de ni mi spyod pa la zhes bya'o// klu'i bdag po gzhan yang de bzhin gshegs pas spyod pa brgyad khri bzhi stong dang / chos kyi phung po brgyad khri bzhi stong gang dag gsungs pa/ spyod pa brgyad khri bzhi stong po de dag gi spyod pa'i stong pa nyid gang yin pa de nyid 'phags pa rnam par grol ba'i spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o/ / klu'i bdag po gzhan yang gang gi tshe byang chub sems dpa' spyad pa spyod na/ spyod pa de la mi spyod pas spyod de/ spyad pa spyod pa na spyod de yang dag par rjes su mi mthong zhing / mngon par zhen pa med pa la mi rtog cing rlom sems su mi byed de/ de'i phyir mi spyod pa la spyod pa zhes bya'o// smras pa/ 'jam dpal ci'i phyir byang chub sems dpa' mi spyod pa la spyod pa
- 280a
zhes bya/ smras pa/ klu'i bdag po gang byang chub sems dpa'i sems dang po bskyed pa nas bzung ste/ byang chub kyi snying po'i bar du dge ba spyod pa dang / mi skye ba'i spyod pa dang / dngos po med pa'i spyod pa dang / gzung ba med pa'i spyod pa dang / kun gzhi med pa'i spyod pa dang / nyon mongs pa med pa'i spyod pa dang / ngo bo nyid med pa'i spyod pa dang / 'byung ba med pa'i spyod pa dang / rgyu ba med pa'i spyod pa dang / gnas med pa'i spyod pa dang / yang dag pa'i spyod pa dang / cho ga'i spyod pa dang / spyod pa de lta bu la mos pa'i byang chub sems dpa' ni mi spyod pa'i spyod pa la spyod pa'o/ / gang gi tshe byang chub sems dpa' mi skye ba'i spyod pa la spyod par gyur pa na/ mtshan nyid med pa'i rjes su song zhing rgyu ba med la/ shes rab la mos pas rnam par grol te/ rnam par grol nas kyang gnyis su med pa'i mtha' las kyang mi 'da' la/ yang dag pa'i mtha' yang mngon sum du 'gyur zhing / yang dag pa'i mtha' de mngon du byed pa'ang ma yin te/ de'i phyir byang chub sems dpa'i mi skye ba'i chos la bzod pa rab tu 'thob bo// de nas klu'i rgyal po ma dros pas/ yang 'jam dpal gzhon nur gyur pa la 'di skad ces smras so// 'jam dpal mi skye ba'i chos la bzod pa thob pa ji lta bu/ spras pa/ gzugs mi skye bar bzod pa rab tu thob pa ni/ mi skye ba la bzod pa rab tu thob pa zhes bya'o// de bzhin du tshor ba dang
- 280b
'du shes dang / 'du byed dang / rnam par shes pa mi skye bar bzod pa rab tu thob pa ni/ mi skye ba la bzod pa rab tu thob pa zhes bya'o// chos thams cad kyi bar du mi skye bar bzod pa rab tu thob pa ni/ mi skye ba la bzod pa rab tu thob pa zhes bya'o// klu'i bdag po gzhan yang byang chub sems dpa'i mi skye ba la bzod pa rab tu thob pa des bzod pa rab tu thob ste/ de ni kun tu 'gro ba zhes bya'o/ / de rab tu thob pas sems can thams cad bzod pa rab tu thob pa nyid du yang dag par rjes su mthong ngo // kun tu 'gro ba'ang mi skye ba nyid du yang dag par rjes su mthong ngo // sems can thams cad kyang ngo bo nyid med pa nyid du yang dag par rjes su mthong ngo / / sems can thams cad ma skyes pa nyid du yang dag par rjes su mthong ngo // sems can thams cad de'i mtshan nyid du yang dag par rjes su mthong ngo / / mnyam pa nyid la gzhan chos phra rab kyang yang dag par rjes su mi mthong ngo // bzod pa de yang skad cig pa'o// cis skad cig pa zhe na/ gzugs dang / mig gi rnam par shes pa nas/ yid dang / chos dang / yid kyi rnam par shes pa'i bar gyis so// ji ltar mig la sogs pas skad cig pa de bzhin du/ sngon gyi mtha'i bzod pa yang skad cig pa/ phyi ma'i mtha' dang da ltar byung ba'i bzod pa yang skad cig pa'o// ji ltar dus gsum gyi bzod pa skad cig pa de bzhin du/ sems can thams cad kyang skad cig pa'o// cis
- 281a
skad cig pa zhe na/ 'dod chags dang / zhe sdang dang / gti mug gi nyon mongs pa rnams kyis skad cig pa'o// ji ltar sems can thams cad skad cig pa de ltar byin l og gis nyon mongs pa skye ba gang yin pa de dag kyang skad cig pa'o/ / de ltar ye shes dang ldan pa ni skye ba la bzod pa rab tu thob pa'i byang chub sems dpa' ni/ sems can thams cad rnam par grol ba la nye bar yang dag par rjes su mthong ngo / / de ci'i phyir zhe na/ 'di ltar byang chub sems dpa' de 'di snyam du sems te/ bdag gi nyon mongs pa ji ltar skad cig pa dang / ji ltar gsog yin pa ltar sems can thams cad kyi nyon mongs pa yang de ltar skad cig pa'o/ / de ltar gsog go/ rnam par grol ba la ni nyon mongs pa de dag gi rtsa ba med do// stobs med do// gal te de dag shin tu rnam par grol ba ma yin na ni/ su yang mya ngan las 'da' bar mi gyur pa bzhin na/ gang gi phyir de dag shin tu rnam par grol ba de'i phyir/ de dag rnam par grol ba'i ngo bo nyid du gnas so// / de ltar ye shes dang ldan pa'i byang chub sems dpa' ni/ sems can yongs su smin par byed pa la skyo ba med do// de ci'i phyir zhe na/ chos thams cad bcings pa med pas/ rang bzhin gyis rnam par grol bar yang dag par rjes su mthong ba'i phyir ro/ / de ji snyam du sems te/ sems can 'di dag ni rang bzhin gyis shin tu kun nas nyon mongs pa can ma yin la/ rang bzhin gyis rnam par grol
- 281b
pa ma yin na/ spro btags pa'i nyon mongs pas kun nas nyon mongs so// sems can 'di dag ni rang bzhin gyis shin tu kun nas nyon mongs pa can ma yin la/ rang bzhin gyis rnam par grol ba yin na/ yang dag pa ma yin pa yongs su rtogs pas kun nas nyon mongs so// sems can 'di dag ni rang bzhin gyis shin tu kun nas nyon mongs pa can ma yin la/ rang bzhin gyis rnam par grol ba yin na/ 'du shes dang / sems dang / yid la byed pas kun nas nyon mongs so// klu'i bdag po mi skye ba'i chos la bzod pa rab tu thob pa'i byang chub sems dpa' ni sangs rgyas kyi yul yang ma thob/ so so'i skye bo dang / slob pa dang / mi slob pa dang / rang sangs rgyas kyi yul labang mi gnas/ yul thams can kyang spong / yul la 'dod chags kyis chags pa'ang med/ yul la zhe sdang gis sdang ba'ang med/ yul la gti mug gis nyon mongs pa'ang med do// yul la 'dod chags dang bral ba thob pa'ang ma yin la/ 'dod chags dang bral ba'i mtha' la'ang gnas shing / sems can yongs su smin par bya ba dang / rang gi yul la nyon mongs pa med par longs spyod pa'i phyir yul thams cad kyang mi spong ngo // de bdud kyi yul la'ang rgyu zhing / sangs rgyas kyi yul gyi ngo bo nyid kyi mtshan nyid kyang mi 'dor ro// chos kyi dbyings kyi yul yang rnam par 'khrug par mi byed la/ sems can gyi khams kyi yul la'ang gnas so// chos
- 282a
thams cad yul med cing / yul dang bral bar yang rab tu shes shing las kyi yul la'ang 'jug go// shes rab kyis las med cing las kyi rnam par smin pa med par/ yang so sor rtog la/ mngon par 'du byed pa'i yul la'ang mngon par 'du byed do// mngon par 'du mi byed pa'i yul la'ang mi 'jug la/ btang snyoms pa'ang ma yin no// dge ba mngon par 'du byed pa dang / chos thams cad ma skyes par yang yang dag par rjes su mthong la/ 'phags pa'i skyon med pa la 'jug pa'ang ma yin no// de skad ces smras pa dang / klu'i rgyal po ma dros pas/ 'jam dpal gzhon nur gyur pa la 'di skad ces smras so// 'jam dpal byang chub sems dpa' 'phags pa'i skyon med pa la mi 'jug ces de skad smra na/ byang chub sems dpa' skyon med pa la 'jug pa gang yin/ spras pa/ klu'i bdag po phyir mi ldog pa la 'jug pa'i byang chub sems dpa' ni skyon med pa la 'jug pa'o// klu'i bdag po yid la byed pa po thams cad la nga'i ba med par byang chub sems dpas rab tu shes kyang / ngar 'dzin pa dang / nga yir 'dzin par zhugs pa'i sems can rnams kyi ched du brtson 'grus rtsom mo// smras pa 'jam dpal byang chub sems dpa' ngar 'dzin pa dang / nga yir 'dzin pa gang las rnam par grol te/ ngar 'dzin pa dang / nga yir 'dzin pas bcings pa'i sems can rnams la snying rje bskyed
- 282b
pa gang yin/ smras pa/ phung po lngar sgro btags pa la gnas pa'i byang chub sems dpa' ngar 'dzin pa dang / nga yir 'dzin pa rab tu shes shing / phung po dang / khams dang / skye mched kyis rlom sems su'ang mi byed la/ phung po dang / khams dang / skye mched la gnas pa'i sems can rnams kyi ched du bsams bzhin du srid pa'ang len te/ de skye la 'du byed thams cad mi skye bar yang yang dag par rjes su mthong / skye ba dang / mi skye ba'i phyir/ skye ba dang / mi skye ba thams cad kyang yang dag par rjes su mthong ngo // klu'i bdag po shes rab ni byang chub sems dpa'i skyon med pa la 'jug pa ste/ thabs kyis kyang zhugs pas srid par 'gro ba rnams su kun tu snang ngo // klu'i bdag po stong pa nyid ni byang chub sems dpa'i skyon med pa la 'jug pa ste/ thabs kyis kyang zhugs pas lta bar lhung ba'i sems can rnams la snying rje chen po bskyed do/ / mtshan ma med pa ni byang chub sems dpa'i skyon med pa la 'jug pa ste/ thabs kyis kyang zhugs pas rnam par rtog pa la spyod pa'i sems can rnams la snying rje chen po skyed do/ / smon pa med pa ni byang chub sems dpa'i skyon med pa la 'jug pa ste/ thabs kyis kyang zhugs par smon lam la spyod pa'i sems can rnams la snying rje chen po skyed do/ / klu'i bdag po byang chub sems dpa' bdag med pa'i chos la'ang 'jug la/ sems can thams cad kyang mi rtag pa nyid dang / srog med dang / gang zag med pa la'ang
- 283a
'jug la/ byang chub kyi sems kyang mi brjed pa dang / 'dus ma byas pa'i chos la'ang 'jug la/ skyes bu chen po'i mtshan sum cu rtsa gnyis kyi dge ba'i rtsa ba'ang sogs pa dang / shin tu zhi zhing nye bar ni la/ ma rig pa shin tu ma zhi zhing / nye bar yang ma zhi ba dang / bag la nyal yang dag par 'joms la/ sngon gyi dam bcas pa'ang mi 'dor ba dang / sems dang yid dang / rnam par shes pa dang yang ma bral la/ thams cad mkhyen pa'i sems la'ang mnyam par gzhag pa dang / nga rgyal thams cad kyang yang dag par 'joms la/ sems can thams cad kyi dbang po rtog pa la'ang mkhas pa dang / 'phags pa'i yon tan yang brjod la/ 'phags pa ma yin pa'i chos la gnas par yang brtson pa dang / spros pa'ang med la/ spros pa la yang 'jug pa dang / nye bar yang zhi la/ nye bar ma zhi ba'ang yongs su 'dzin pa dang / mi g.yo zhing rnam par mi g.yo ba'ang rgyun mi gcod la/ sangs rgyas kyi zhing gi rgyan rnam par bsgrub par yang nye bar gnas pa ni/ klu'i bdag po byang chub sems dpa'i skyon med pa 'jig rten las 'das pa ste/ 'jig rten las ldog pa'ang ma yin pa'o// glu'i bdag po de ltar gang shes rab dang / thabs dang ldan pa dang / 'phags pa'i ting nge 'dzin 'di ni byang chub sems dpa'i skyon med pa la 'jug pa'o// klu'i bdag po 'di lta ste/ dper na nyan thos kyi skyon med pa la 'jug pa
- 283b
ni log par mi ltung ba'i chos te/ rgyun du zhugs pa zhes bya'o// klu'i bdag po de bzhin du byang chub sems dpa'i skyon med pa la 'jug pa ni log par mi lhung ba'i chos te/ phyir mi ldog pa zhes bya'o/ / klu'i bdag po nyan thos kyi skyon med pa la 'jug pa ni mi 'da' ba ste/ gdon mi za bar 'bras bu thob par byed pa'o// byang chub sems dpa'i skyon med pa la 'jug pa ni 'da' ba ste/ nyan thos kyi 'bras bu thob par mi byed kyi/ byang chub kyi snying po'i 'bras bu dang nye bar byed pa'o// de'i phyir nyan thos kyi skyon med pa ni tshad du bya ba'o// byang chub sems dpa'i ni tshad du bya ba ma yin no/ / klu'i bdag po 'di lta ste/ dper na skyes bu gnyis shig g.yang sa chen por lhung ba las/ de la skyes bu gcig ni bdi 'dra ba'i stobs dang / brtson 'grus dang / rtul ba dang / thabs dang / sngon gyi sbyor ba dang / rigs pa dang ldan par gyur pa zhig pas lhung yang brtson 'grus chen po'i stobs kyis g.yas chen po de nas drangs nas/ slar g.yang sa chen po de'i khar phyin te/ gnas so// cig shos ni stobs bskyed pa chung la thabs la mi mkhas pas ltung ba de bzhin du/ klu'i bdag po byang chub sems dpa' yang shes rab kyi stobs bskyed pas/ chos thams cad stong pa nyid dang / mtshan ma med pa dang / smon pa med pa dang / mngon par 'du byed pa med par rnam par lta zhing nye bar rtog la/ sems can thams cad la dmigs pa'i snying rje chen pos yang
- 284a
dag par btang ba'i thabs la mkhas pas yang thams cad mkhyen pa'i sems la gnas so/ / nyan thos kyi theg pa can ni chos la so sor brtags nas 'bras bu mngon du byed do/ / klu'i bdag po g.yang sa chen po zhes bya ba de ni 'dus ma byas kyi chos kyi tshig bla dwags so// brtson 'grus kyi stobs dang ldan pa'i skyes bu zhes bya ba de ni byang chub sems dpa'i cho ga bla dgas so/ / g.yang du lhung nas slar zlog ma nus pa zhes bya ba de ni nyan thos kyi theg pa can gyi tshig bla dgas so// klu'i bdag po gang dag skyon med pa 'di thos pa de dag ni nges par bla na med pa yang dag par rdzogs pa'i byang chub tu 'byung zhing / byang chub sems dpa'i skyon med pa dang yang nye bar 'gyur ro// de nas bcom ldan 'das la/ klu'i rgyal po'i bu rnam par 'phrul pa zhes bya bas 'di skad ces gsol to/ / bcom ldan 'das bdag zang zing ma mchis pa'i sems kyis chos kyi rnam grangs 'di ring du gnas par bgyid pa dang / dam pa'i chos yongs su gzung ba'i slad du byang chub tu sems bskyed cing sangs rgyas dang / chos dang / dge 'dun la skyabs su mchi'o// bdag sangs rgyas kyi ye shes kyis sems kyi rang bzhin gyis byang chub rang bzhin dang / byang chub kyi rang bzhin gyis chos thams cad kyi rang bzhin mngon par yang dag par khong du chud par bgyis te rab tu bshad par bgyi'o/ / bcom ldan 'das gang dag rnam par dag pa'i lam gyi chos kyi sgo'i le'u 'di nyam pa
- 284b
de dag ni bdud kyis byin gyis brlabs pa lags so/ / de ci'i slad du zhe na/ bcom ldan 'das chos kyi rnam grangs 'di la nges par 'byung ba'i byang chub sems dpa' ni 'byung ba'i lam thams cad du nges par 'byung ba lags pa'i slad du'o/ / de nas tshe dang ldan pa rab 'byor gyis/ klu'i rgyal po'i bu rnam par 'phrul pa la 'di skad ces smras so// rigs kyi bu khyod kyis gang sems kyi rang bzhin gyis byang chub mngon par rdzogs par 'tshang rgya zhes bya ba de la sems kyi rang bzhin de gang yin/ smras pa/ btsun pa rab 'byor gyi rang bzhin gang yin pa'i rang bzhin de sems kyi rang bzhin no/ / smras pa/ rab 'byor gyi rang bzhin ji lta bu/ smras pa/ gang 'dod chags dang / zhe sdang dang / gti mug gi rang bzhin no// smras pa/ 'dod chags dang // zhe sdang dang / gti sug gi rang bzhin ji lta bu/ smras pa/ rtogs pa dang / rnam par rtogs pa'i rang bzhin no// de ci'i phyir zhe na/ rab 'byor 'di la ji snyam du sems/ rtogs pa med na/ 'dod chags dang / zhe sdang dang / gti mug skye bar 'gyur ram/ smras pa/ de ni ma yin no// smras pa/ gang mi rtog cing rnam par mi rtog pa de mi skye ba'o// gang mi skye ba de rang bzhin te/ 'di ni 'dod chags dang // zhe sdang dang / gti mug rnams kyi rang bzhin no// btsun pa rab 'byor gyis sems kyi rang bzhin zhes bya ba de gang yin zhes smras pa la/ 'od gsal ba de ni sems kyi rang bzhin no// gang sems kyi
- 285a
'od gsal ba de la 'dod chags dang / zhe sdang dang / gti mug med do// smras pa/ rigs kyi bu nyon mongs pa gang dag skye ba de dag skye ba na gang las skye/ spras pa/ btsun pa rab 'byor phyin ci log las nyon mongs pa rnams skye mod kyi/ sems kyi rang bzhin ni nam yang kun nas nyon mongs pa ma yin no// btsun pa rab 'byor gal te sems kyi rang bzhin kun nas nyon mongs pa can yin du zin na ni/ gang yang shin tu rnam par dag par mi 'gyur ba zhig na/ gang gi phyir sems kyi rang bzhin kun dang nyon mongs pa can ma yin pa de'i phyir/ nyon mongs pa yongs su shes par rnam par dag pa zhes bya'o/ / rab 'byor gyis smras pa/ rigs kyi bu ji ltar na nyon mongs pa rnams yongs su shes pa gang yin/ smras pa/ btsun pa rab 'byor rkyen yod par 'gyur na skye'i/ rkyen med na mi skye bar tshul bzhin yid la byed pa ni nyon mongs pa rnams yongs su shes pa'o/ / smras pa/ rigs kyi bu ji ltar na byang chub sems dpa' tshul bzhin la rab tu brtson pa yin/ smras pa babatsun pa rab 'byor gang gi tshe byang chub sems dpa' sbyor ba thams cad dang mi ldan par gnas pa de'i tshe/ tshul bzhin la brtson pa yin no// btsun pa rab 'byor gzhan yang gang gi tshe byang chub sems dpa' sems dpa' chen po nyan thos dang / rang sangs rgyas kyis rnam par grol ba'i chos ston kyang / rnam par grol ba der mi ltung ba 'di yang byang chub sems dpa'i tshul bzhin la sbyor ba'o//
- 285b
btsun pa rab 'byor gzhan yang gang gi tshe byang chub sems dpa' sems dpa' chen po rang gi nyon mongs pa dben pas/ sems can thams cad kyi nyon mongs pa dben par khong du chud pa de'ang de'i tshul bzhin la sbyor ba'o/ / gzhan yang gang gi tshe byang chub sems dpa' sbyor ba la sbyor ba ma yin pa dang / sbyor ba ma yin pa la sbyor bar mthong ba de'ang byang chub sems dpa'i tshul bzhin la sbyor ba'o/ / de nas tshe dang ldan pa rab 'byor gyis/ klu'i rgyal po'i bu rnam par 'phrul pa la 'di skad ces smras so// rigs kyi bu byang chub sems dpa' sbyor ba la sbyor ba ma yin pa dang / sbyor ba ma yin pa la sbyor bar mthong ba ji lta bu/ smras pa/ btsun pa rab 'byor chos kyi dbyings gnyis su med pa'i tshul gyis gang mig dang gzugs nas/ yid dang chos kyi bar de dag ni sbyor ba ma yin par blta'o/ / sbyor ba ma yin pa zhes bya ba ni/ khams gsum du nying mtshams mi sbyor ba ste/ de la byang chub sems dpa' thabs kyis nying mtshams sbyor ba de ni sbyor ba zhes bya'o// btsun pa rab 'byor de ltar rab tu brtson pa'i byang chub sems dpa' ni tshul bzhin la rab tu brtson pa zhes bya'o/ / de nas bcom ldan 'das kyis klu'i rgyal po'i bu de la legs so zhes bya ba gnang ste/ skyes bu dam pa khyod kyis ji ltar sangs rgyas kyi mthus byang chub sems dpa'i tshul bzhin la sbyor ba 'di de ltar bstan pa ni legs so legs so/ / byang chub sems dpa' gang dag theg pa chen po 'di
- 286a
la tshul bzhin de lta bu la rab tu brtson pa de dag ni thams cad mkhyen pa nyid du nges pa yin par lta'o/ / de nas bcom ldan 'das la/ klu'i rgyal po'i bu rnam par 'phrul pas 'di skad ces gsol to/ / bcom ldan 'das ji ltar na byang chub sems dpa' sems dpa' chen po zang zing ma mchis pa'i sems kyis sangs rgyas dang / chos dang / dge 'dun la skyabs su mchis pa lags/ bka' stsal pa/ rigs kyi bu gang gi phyir byang chub sems dpa' chos thams cad bdag med pa dang / sems can med pa dang / srog med pa dang / gang zag med par shes nas gzugs su ma yin/ mtshan du ma yin/ chos su ma yin par de bzhin gshegs pa yang dag par rjes su mthong ba de lta bu ni/ zang zing med pa'i sems kyis sangs rgyas la skyabs su song ba yin no/ / de bzhin gshegs pa'i chos nyid gang yin pa de ni chos kyi dbyings so// chos kyi dbyings gang yin pa de ni thams cad kyi rjes su song ba zhes bya ste/ de ltar chos thams cad chos dbyings kyi rjes su song bar mthong ba de lta bu ni/ zang zing med pa'i sems kyis chos la skyabs su song ba yin no// gang chos kyi dbyings 'dus ma byas pa rab tu sgom pa dang / nyan thos kyi theg pa la 'dus ma byas pa ston pa dang / 'dus byas dang / 'dus ma byas gnyis su med pa 'di lta bu ni/ zang zing med pa'i sems kyis dge 'dun la skyabs su song ba yin no// bstan
- 286b
pa 'di bshad pa'i tshe/ klu'i rgyal po'i bu rnam par 'phrul pas rjes su 'thun pa'i chos la bzod pa rab tu thob par gyur to// de nas klu'i rgyal po ma dros pa chung ma'i 'khor dang bcas/ bu dang bcas/ gnyen dang 'khor du bcas te dngos po thams cad kyis/ sangs rgyas dang / chos dang / dge 'dun la skyabs su song nas/ rang gi gnas bcom ldan 'das dge slong gi dge ba'adun dang bcas pa la phul te/ 'di skad ces gsol to// bcom ldan 'das bdag smon lam 'debs pa ni 'di lags te/ gang dag gi gnas 'di nas klung chen po bzhi 'bab pa/ rgya mtsho chen po bzhir 'bab pa'i rgya mtsho chen po de dag dang / bcom ldan 'das klung chen po pa di dag la 'tshal ba'i sems can rkang gnyis pa dang / rkang bzhi pa dang / rkang mangs dang / ri dgas dang / bya gang lags pa de dag rgyu des bla na med pa yang dag par rdzogs pa'i byang chub tu gyur cig/ gang dag byang chub tu smon pa dedag kyi rgyu des rnam pa grol bar gyur cig/ de nas de'i tshe sangs rgyas 'jus pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas bcom ldan 'das kyi zhal gyi sgo nas kha dog dum pa'i 'od zer byung nas/ mtha' yas mu med pa'i 'jig rten gyi khams 'od kyis khyab par byas te/ slar log nas de bzhin gshegs pa'i dbu'i gtsug tu nub bo// de nas tshe dang ldan pa kun dga' bos/
- 287a
bcom ldan 'das la tshigs su bcad de gsol pa/ mtshungs pa ma mchis gzugs mngar mthong na dga'/ skyes mchog bcom ldan skyes bu khyu mchog pa// 'jig rten das la 'jig rten sgron ma mdzad/ / gzi mngara' bzhad pa'i don 'di bdag la gsungs// bsod nams brgya mnga' bsod nams lhag pa po// ye shes kyis 'phags ye shes snang mdzad pa// chos dbang mi mtshungs chos kyi bka' mchid can// bcom ldan ci yi don du bzhad pa ston// dben pa gzigs shing rtag tu dben la dgyes// dbang po zhi ba zhi gnas pha rol phyin// zhi la rab ni zhi gnas dgyes pa po/ / bzhad don yon tan mthar phyin bdag la gsungs// 'jam pa'i gsung can tshangs pa'i dbyangs 'byin pa// bya mchog mang po'i sgra dang sil swan sgra// sgra dbyangs yan lag thams cad rdzogs pa'i dbyangs/ / thub pa bzhad par sbyor ba bdag la gsungs// thub pa shes rab 'byung gnas shes rab grol// rtag tu mnyam gzhag 'phrul pa'i thugs mi mnga'/ / thams cad mkhyen pa sems can spyod la mkhas// mtshungs med bzhad pa'i don ni legs par gsungs// ye shes mi phyed dbang gi mthar phyin pa// rdzu 'phrul mtha' yas pa yi stobs ston cing / / stobs bcu dbang gis dbang gi pha rol gshegs// bde bar gshegs khyod ci slad 'dir 'dzum ston// sku 'od dpag gis snang ba mdzad pa po// khyod kyi 'od kyis
- 287b
gzhan 'od gsal mi 'gyur/ / ji ltar rgyal ba'i bo da ni gda' ba ltar// nyi zla zhugs dang nor bu'i ma lags so// bsod nams chen po the tsom mi mnga' ba// rdzogs pa'i byang chub sems dpa' phyogs gsal mdzad/ / bcom ldan ci slad bzhad pa ston pa de// mi mtshungs ye shegs mnga' bas bdag lung ston// de skad ces gsol pa dang / bcom ldan 'das kyis// tshe dang ldan pa kun dga' bo la 'di skad ces bka' stsal to/ / kun dga' bo klu'i rgyal po ma dros pa de bzhin gshegs pa la 'di 'dra ba'i bkod pa 'di dag gis mchod par byed pa mthong ngam/ gsol pa// bcom ldan 'das mthong lags so// bcom ldan 'das kyis bka' stsal pa/ klu'i rgyal po ma dros pa'adis byang chub bsgrubs pa'i phyir/ sangs rgyas bye ba phrag dgu bcu rtsa dgu'i gan du tshangs par spyod pa sprad do/ / gang gi tshe de bzhin gshegs pa mar me mdzad kyis nga la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de'i tshe de'i dus na/ klu'i rgyal po 'di tshong dpon gyi bu rnam par dag pa'i blo gros zhes bya bar gyur te/ des nga la lung bstan pa thos nas smon lam btab pa/ bdag kyang ma 'ongs pa'i dus na/ ji ltar khye'u blo gros bzang po 'di lung bstan pa bzhin du lung bstan par gyur cig ces smras so// kun dga' bo klu'i rgyal po ma dros pa 'di ji ltar da ltar nga la 'bul ba de
- 288a
bzhin du/ bskal pa bzang po'i de bzhin gshegs pa thams cad la'ang rang gi gnas brgyan nas 'bul bar 'gyur te/ de bzhin gshegs pa de dag thams cad kyis kyang de'i lhag pa'i bsam pa mkhyen nas/ rnam par dag pa'i lam gyi chos kyi rnam grangs 'di 'chad par 'gyur ro// sa phyogs 'di nyid du de bzhin gshegs pa log par dad sel dang / gser thub dang 'od srungs yang bzhugs nas/ rnam par dag pa'i lam gyi chos kyi sgo'i le'u 'di gsungs so// klu'i bdag po ma dros pa 'di bskal pa bzang po'i de bzhin gshegs pa thams cad la mchod pa byed par 'gyur/ chos kyang nyan par 'gyur ro// de'i 'og tu de bzhin gshegs pa grangs med pa ma nyes par byed par 'gyur/ tshangs par spyad pa'ang spyod par 'gyur/ dam pa'i chos kyang yongs su 'dzin par 'gyur te/ bskal pa grangs med pa bdun stong lnga brgyan/ de bzhin gshegs pa dgra bcom pa yang dag par rdzogs pa'i sangs rgyas ma dros pa zhes bya ba nyid du 'gyur ro/ / kun dga' bo de bzhin gshegs pa ma dros pa byang chub thob pa'i tshe/ sems can gang yang 'dod chags kyi gdung ba dang / zhe sdang gi gdung ba dang / gti mug gi gdung ba dang / pha rol gyi gdung bas gdung bar 'gyur te/ sems can de dag thams cad kyang nges par tshe'i tshad du 'gyur ro// kun dga' bo de bzhin gshegs pa ma dros pa'i tshe'i tshad ni lo bye ba phrag brgyad
- 288b
cur 'gyur ro/ / kun dga' bo de bzhin gshegs pa ma dros pa'i sangs rgyas kyi zhing ni bai DUR+Ya las grub par 'gyur te/ sa chen po de ni 'dzam bu'i klung gi gser gyi pad+mas khebs par 'gyur/ dang mi de dag gi longs spyod dang / yongs su spyad pa dang / bza' ba dang / btung ba'ang ba sems pa tsam gyis 'byor bar 'gyur/ mi de dag thams cad mngon par shes pa lngas nam mkha' la 'gro bar 'gyur/ dga' ldan gyi lha rnams kyi longs spyod dang yongs su spyad pa ci 'dra bar mi de dag gi yang de 'dra bar 'gyur ro// sems can de dag gnyis kyi gnyis sbyor ba ma yin gyi/ de dag thams cad chos kyi dga' ba la dga' mos par 'gyur/ nyon mongs pa rnams kyang rab tu zhi bar 'gyur ro// de bzhin gshegs pa de'ang yongs su mi skyo bar chos ston par 'gyur ro// ji ltar da ltar nga rdzu 'phrul gyi cho 'phrul thams cad kyis chos ston pa ltar/ de sha thang bar chos ston par mi 'gyur ro// sems can de dag kyang chos brjod pa tsam gyis 'dul bar 'gyur ro// de ci'i phyir zhe na/ 'di ltar sangs rgyas kyi zhing de na lha dang mi rnams la chos kyi gtam gcig ston par 'gyur ba'i phyir ro// sangs rgyas kyi zhing de na nyin mtshan zhes so sor bgrang du med par 'gyur ro// de ci'i phyir zhe na/ kun dga' bo de bzhin gshegs pa ma dros pa de'i rang gi lus las 'od bkye bas thams cad dang ldan pa'i sangs rgyas kyi zhing de gsal bas khyab par 'gyur ro// de nas
- 289a
sems can dag 'di snya mdud de bzhin gshegs pa chos kyi bka' mchid mdzad par 'gyur ro snyam du de sems par 'gyur zhing / de dag 'od des bskul ba dang / chos mnyan pa'i phyir nam mkha' las 'dong bar 'gyur ro/ / de ltar de dag 'dus nas de bzhin gshegs pa de shing ta la bdun srid du steng gi bar snang la 'phags te/ nam mkha' la gnas pa'i seng ge'i khri la 'dug nas/ sems can de dag la chos ston par 'gyur ro// de ltar 'dug pa dang / sangs rgyas kyi zhing de thams cad du snang bar 'gyur te/ dper na zla ba nye ba'i dkyil 'khor bzhin no/ / de na dge ba'i rtsa ba yongs su smin pa'i sems can de dag 'di snyam du ji ltar bcom ldan 'das de'i seng ge'i khri gnas med pa de bzhin du chos thams cad kyang gnas med de/ nam mkha' ngo bo nyid do snyam du sems par 'gyur te/ de dag de nyid kyis mngon par rtogs par 'gyur// bzod pa'ang rab tu thob par 'gyur ro// de bzhin gshegs pa de na rdo rje'i sgo la 'jug pa zhes bya ba'i chos kyi rnam grangs ston to/ / 'di lta ste/ dper na rdo rje ni gang dang gang du bab pa de dang de dag 'jom mo// de bzhin du de bzhin gshegs pa de'i chos bstan pa'ang bag la nyal dang // kun nas ldang ba thams cad 'jom mo// kun dga' bo de bzhin gshegs pa ma dros pa de gang gi tshe yongs su mya ngan las 'da' ba de'i tshe/ byang chub sems dpa' smon lam khyad par 'phags
- 289b
zhes bya ba 'di nga'i 'og tu de bzhin gshegs pa kun tu snang ba zhes bya bar 'gyur te/ sangs rgyas kyi zhing yang 'di 'dra ba nyid du 'gyur ro zhes/ byang chub sems dpa' smon lam khyad par 'phags/ pa lung bstan nas yongs su mya ngan las 'da' 'o// de nas klu'i rgyal po ma dros pa'i bu rtag tu dad pa thob ces bya ba des/ nor bu rin po che'i gdugs rin po ches spras pa de bzhin gshegs pa la phul lo/ / phul nas 'di skad ces gsol to// bcom ldan 'das de'i tshe de'i 'dus na byang chub sems dpa' smon lam khyar par 'phags zhes bgyi bar 'gyur ba de gang lags/ de nas bcom ldan 'das kyis/ klu'i rgyal po'i bu rtag tu dad pa thob kyi lhag pa'i bsam pa mkhyen nas/ tshe dang ldan pa kun dga' bo la bka' stsal pa/ kun dga' bo de'i tshe de'i dus na byang chub sems dpa' smon lam khyad par 'phags zhes bya bar 'gyur ba de gzhan yin pa snyam du khyod sems na/ de ltar mi blta'o// de ci'i phyir zhe na/ kun dga' bo klu'i rgyal po'i bu rtag tu dad pa thob pa 'di nyid de'i tshe de'i dus na byang chub sems dpa' smon lam khyad par 'phags zhes bya bar 'gyur te/ bcom ldan 'das ma dros pa de'i 'og tu de bzhin gshegs pa dgra bcom pa yang dag par rdzogs pa'i sangs rgyas kun tu snang ba zhes bya ba 'jig rten du 'byung ngo / / bcom ldan 'das kyis zhus pa lung bstan cing / rnam par dag pa'i lam gyi chos kyi rnam grangs 'di
- 290a
mthar phyin pa'i dus shes nas/ phyogs bcu nas 'dus pa'i byang chub sems dpa' sems dpa' chen po de dag dang / brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams tshim zhing mgu la yi rangs shing rab tu dga' ste/ dga' ba dang yid bde ba skyes nas mngon par dga' ste/ stan las langs nas/ bcom ldan 'das la tshul bzhin du mchod de/ rang rang gi sangs rgyas kyi zhing dang rang rang gi gnas su dong ngo / / de nas klu'i rgyal po sa dros pa bu dang bcas/ chung ma dang bcas/ gnyen dang 'khor du bcas te/ klu'i rgyal po lha srungs su mngon par sprul nas/ bcom ldan 'das kyi gzhal med khang rnam pa'i mchog thams cad dang ldan pa'ang mngon par sprul te/ bcom ldan 'das der bzhugs nas/ byang chub sems dpa'i dge 'dun dang bcas/ nyan thos kyi dge 'dun dang bcas par bkod de/ rang gi gnas nas byung nas/ bcom ldan 'das kyi zhabs 'bring du song ste/ des bcom ldan 'das 'khor byang chub sems dpa' dang bcas/ nyan thos kyi dge 'dun dang bcas pa bya rgod phung po'i ri la bskyal nas/ bcom ldan 'das kyis gnang ste/ rang gi gnas su song ngo // de nas bcom ldan 'das kyis/ tshe dang ldan pa kun dga' bo
- 290b
la bka' stsal pa/ kun dga' bo chos kyi rnam grangs 'di zung zhig/ gsol pa/ bdag gis bzung lags so// bcom ldan 'das kyis bka' stsal pa/ kun dga' bo de'i phyir rnam par dag pa'i lam gyi chos kyi rnam grangs 'di 'khor bzhi po dag la rgyun mi 'chad par ston cig/ de ltar na khyod dam pa'i chos yongs su gzung ba bya bar 'gyur ro// bcom ldan 'das klu'i rgyal po ma dros pa'i gnas nas/ bya rgod phung po'i ri la gshegs so zhes rgyal po'i khab kyi bram ze dang khyim bdag rnams kyis thos nas/ de dag thams cad dad pa thob ste/ lhan cig tu bcom ldan 'das ga la ba der dong ngo / / de dag de ltar phyin pa dang / sangs rgyas bcom ldan 'das kyis rnam par dag pa'i lam gyi chos kyi rnam grangs 'di nyid las brtsams te/ de lta de ltar chos bstan nas/ 'khor de las srog chags khris byang chub tu sems bskyed do// srog chags lnga stong ni chos kyi mig skyes so// bcom ldan 'das kyis de skad ces bka' stsal pa dang / tshe dang ldan pa kun dga' bo dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa klu'i rgyal po ma dros pas zhus pa zhes bya ba theg pa chen po'i mdo rdzogs so// rgya gar gyi mkhan po dzi na mi tra dang / dA na shI la dang /
- 291a
ban+de ye shes sde dang / yi ge pa dkon sring thal sogs pas zhu chen bgyis te gtan la phab pa/ rgyu garang skad du/ su bar+Na a ba dA na ma/ bod skad du/ gser mdog gi rtogs pa brjod pa/ dkon mchog gsum la phyag 'tshal lo// 'di ltar rjes su thos te/ gnas brtan 'od srungs chen po yongs su mya ngan las bdas nas/ gnas brtan kun dga' bo bdag nyid chen po/ gnas brtan shA ra dwa ti'i bu dang shes rab mnyam pa/ de bzhin gshegs pa bzhin du snying rje chen po sems shing / yul dang / grong khyer dang / grong rdal dang / tshong dus la sogs pa de dang der gdul bya de dang / thabs kyi bye brag de dang de dag gis 'dul bar gyur to// ji tsam na dus gzhan zhig gi tshe/ gdul bya'i dbang gis sems can bye ba brgya stong dpag tu med pa la dam pa'i chos ston pa'i bdud rtsi'i char 'bebs pas/ yang dag par tshim par byed cing / yangs pa can gyi gnas a mra bsrung ba'i tshal gang na gnas so/ / yang de'i tshe rgyal po'i khab kyi grong khyer na/ ded dpon nyi ma zhes bya ba phyug pa/ nor mang ba/ longs spyod che ba/ yongs su bzung ba/ yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas te/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod
- 291b
par byed do/ / de rtse zhing dga' lha myugur spyod kyang / bu'ang med/ bu mo'ang med de/ de bu med pas/ bu shin tu 'dod pas yongs su gdungs shing 'dug pa na/ sum cu rtsa gsum gyi lha'i nang na/ lha'i bu bsod nams kyi mthu chen po dang ldan pa zhig la/ 'chi ba'i ltas rnam pa lnga byung bar gyur pa dang / sangs rgyas 'byung bas brgyan pa'i 'jig rten la bltas nas/ mya ngan las 'das pa la mngon par dga' bas/ mi'i nang du mtshams sbyor bar 'dod pa dang / lha'i dbang po brgya byin gyis/ lha'i bu de'i 'chi 'pho ba mthong zhing / sangs rgyas kyis brgyan pa'i 'jig rten gyi khams la bltas nas/ mya ngan las 'da' ba mngon par 'dod pas/ mi rnams kyi nang du nying mtshams sbyor bar yang 'dod pa mthong ngo // mthong nas grang lha'i bu de'i thad du song ste/ 'di skad ces smras so/ / grogs po khyod mi rnams kyi nang du nying mtshams sbyor bar 'dod na/ rgyal po'i khab kyi grong khyer na ded dpon nyi ma'i chung ma yod pa'i mngal du nying mtshams sbyor cig/ des smras pa/ ko'u shi ka ded dpon de ni dad pa med pa ste/ de la ni sangs rgyas kyi bstan pa la rab tu dad pa med do// brgya byin gyis smras pa/ grogs po nying mtshams sbyor cig dang / ji ltar ded dpon de sangs rgyas kyi bstan pa la mngon par dad pa de ltar ngas bya'o/ / lha'i bus spras pa/ ko'u shi ka gal te ded dpon chung ma dang bcas par ji srid 'tsho'i bar du dkon mchog gsum la skyabs su 'gro na/
- 292a
ltar na ni ded dpon de'i chung ba'i mngal du nying mtshams sbyar bar bya'o// de nas lha'i dbang po brgya byin sum cu rtsa gsum nas mi snang bar gyur te/ rgyal po'i khab kyi grong / khyer du ded dpon nyi ma'i khyim gyi steng gi khang pa'i gzhi la gnas par gyur pa dang / lha'i dbang po brgya byin gyi kha dog gi mthus khyim de thams cad lha'i snang bas snang bar byas so// ded dpon nyi mas lha'i snang ba de mthong zhing bltas nas/ yang ngo mtshar gyi mig gdangs te/ phyogs bzhir lta bar bsams pa dang / ji tsam na lha'i dbang po brgya byin mthong nas/ yang myur ba nyid du de'i rkang pa gnyis la phyag byas te smras pa/ gang khyed bdag gi khang par byon pas khang pa 'di dag ltar byas pa ni rnyed pa shin tu legs par rnyed do// khyed 'dir byon pa'i dgos pa gang yin pa gsungs shig/ lha'i dbang po brgya byin gyis smras pa/ ded dpon khyed ni bu med de/ bu yod par mngon par dga' na/ chung ma dang bcas par deng nas gzung ste ji srid 'tsho'i bar du dkon mchog gsum la skyabs su song zhig/ khyed la bu yod par 'gyur ro// ded dpon nyi ma dga' ba dang / mgu ba dang / rab tu dga' ba'i yid kyis spras pa/ lha'i dbang po khyod kyis ji ltar bka' sbal pa de ltar 'tshal te/ bdag chung ma dang bcas par deng nas gzung ste ji srid 'tsho'i bar du dkon mchog gsum la skyabs su mchi'o// de nas lha'i dbang po brgya byin gyis/ ded
- 292b
dpon nyi ma chung ma dang bcas par skyabs su 'gro ba la bkod nas/ rgyal po'i khab nas mi snang bar gyur te/ sum cu rtsa gsum gyi gnas su lha'i bu de'i gzhal yas khang du 'khod par gyur to/ / de nas lha'i dbang po brgya byin gyis/ lha'i bu de la gtam gyi rnam pa rgyas par spras pa dang / ji tsam na lha'i bu de sum cu rtsa gsum gyi lha'i gnas nas 'phos te/ rgyal po'i khab kyi grong khyer du ded dpon nyi ma'i chung ma'i mngal du zhugs par gyur to/ / de gang gi tshe de'i mngal du 'phos pa de nyid kyi tshe/ ded dpon gyi chung ma'i lus la kha dog shin tu rgyas pa byung ba dang / dri yid du 'ong pa byung bar gyur to/ / bud med mkhas pa rnams la ni thun mong ma yin pa'i chos rnam pa lnga yod de/ lnga gang zhe na/ skyes pa chags par yang shes shing / ma chags par yang shes pa dang / dus shwe shing / sa bon shes pa dang / mngal du 'jug pa shes pa dang / gang las mngal du 'jug pa de shes pa dang / khye'ur gyur par shes shing / bu mor gyur par shes te/ gal te khyezar gyur na ni dgu g.yas par rten cing gnas la/ gal te bu sor gyur na ni dgugayon par rten cing gnas so// de nas dga' ba dang mchog tu dga' ba'i yid kyis tshul sbas pa/ d+he sras dgyes pa skyed du gsol/ bdag sems can dang ldan par gyur te/ ci nas kyang bdag dku g.yas par rten cing gnas pa las na/ nges par khye'ur 'gyur ro// des de thos pa
- 293a
dang / de'ang shin tu dga' ba dang mchog tu dga' ba'i yid kyis ro stod bteg nas/ lag pa g.yas pa brkyang ste/ ched du brjod pa ched du brjod pa/ kye ma 'ongs kyang yun ring du mngon par 'dod pa'i bu'i gdong la blta bar 'gyur la/ skyes shing byung nas kyang nga'i bya ba byas te/ de rigs rgyud phun sum tshogs shing / nga'i rigs yun ring du gnas par byed pa dang / bdag cag shi zhing dus byas nas kyang nor nyung ngu'am/ mang po sbyin par btang / bsod nams ni byas nas 'di de gnyis gang dang gang du skyes pa'i rjes bzhin du 'gro bar gyur cig ces bdag cag gi ming gis yon sngo bar 'gyur ro/ / 'di ni sems can dang ldan par 'gyur to snyam du shes nas steng gi khang bzangs kyi gzhi la nyam nga ba med par 'jog ste/ de'i mngal yongs su smin par bya ba'i phyir/ yid du mi 'ong ba'i sgra cung zad kyang mi thos shing / grang ba dang / grang ba'i yo byad dang / dro ba dang / dro ba'i yo byad dang / sman pas bstan pa'i kha zas ha cang kha ba ma yin pa dang / ha cang sgyur ba ma yin pa dang / ha cang lan tshwa che ba ma yin pa dang / ha cang dang rab ma yin pa dang / ha cang tsha ba ma yin pa dang / ha cang bska ba ma yin pa ste/ khab dang / sbyar ba dang / lan nA che ba dang / dang rab dang / tshab dang / bska ba spangs pa'i kha zas kyis bsnyen bkur byed cing / do shal dang se mo dos lus brgyan nas/ lha'i bu mo dga' ba'i tshal na rgyu ba bzhin du khri'u dang / khri nas khrir rgyu ste/ 'og gi sa
- 293b
gzhi la mi 'bab bo/ / de zla ba brgyad dam/ dgu lon pa dang / khye'u gzugs bzang ba/ blta na sdug pa/ mdzes pa/ yan lag dang nying lag thams cad dang ldan pa/ gser bcoma'i mdog gis kha dog shin tu rgyas pa dang ldan pa/ 'gro ba tham cad kyi yid dang mig 'phrog pa dang / gser gyi mdog can gyi gos kyis lus dkris pa/ de'i yan lag thams cad nas tsan dan gyi dri 'byung ba/ de'i kha nas ut+pa la'i dri 'byung ba/ de skyes pa tsam gyis khyim der gos kyi char dang / me tog kar ni kar ra'i char bab ste/ gos de dag kyang gser gyi mdog can yin no// de nas ngo mtshar du 'byung ba de dang de'i gzugs phun sum tshogs pa rgya chen po mthong ba dang / ded dpon nyi ma'i chung ma dang / 'khor rnams shin tu ngo mtshar skyes par gyur to// ded dpon nyi ma sgo'i phyi rol/ na gnas pa la ded dpon khyed kyi sras bltam gyis dgyes pa skyed cig ces go bar byas pa dang / de dga' ba dang / mgu ba dang / rab tu dga' ba'i yid kyis khyim du zhugs pa dang / ji tsam du zhon nu shin tu gzugs bzang ba/ blta na sdug pa/ mdzes pa/ yan lag dang nying lag thams cad dang ldan pa/ gser btso ma'i kha dog lta bus mdog rgyas pa dang ldan pa/ 'gro ba thams cad kyi mig dang yid 'phrog pa/ gser gyi mdog can gyi gos kyis lus dkris pa/ 'di'i yan lag thams cad nas tsan dan gyi dri 'byung ba/ 'di'i kha nas ut+pa la'i dri byung ba/
- 294a
de skyes pa tsam gyis khyim der gos kyi char dang / me tog kar ni ka ra ra'i char bab ste/ gos de dag kyang gser gyi mdog can du mthong ngo // mthong nas kyang dga' ba dang / mgu ba dang / rab tu dga' ba skyes te/ ched du brjod pa dag ched du brjod pa/ e ma'o rnyed pa rnams ni shin tu rnyed do// e ma'o gang 'di lta bu'i bsod nams kyi mthu chen po dang ldan pa'i bu skyes pa ni bdag gi yid la bsam pa rdzogs par gyur to zhes dga' ba dang / rab tu dga' ba'i yid kyis gos de rnams dge sbyong dang / bram ze dang / 'phongs pa dang / 'phongs shing sdug bsngal bab dang / mdza' bshes dang / gnyen dang / snag gi gnyen mtshams rnams la byin te/ gzhon nu de'i btsas pa'i btsas ston bdun gsum nyi shu rtsa gcig gi bar du rgya cher byas nas/ grogs po dag khye'u 'di'i ming cir gdags zhes ming 'dogs par byed pa dang / nye du rnams kyis smras pa/ gzhon nu 'di ni gser btso ma'i kha dog gis shin tu rgyas pa dang ldan te/ de bas na gzhon nu 'di ni ming gser mdog ces gdags par bya'o zhes te/ de la gser mdog ces bya ba'i ming btags so// gzhon nu gser mdog de ma ma brgyad po pang na tsho ba'i ma ma gnyis dang / nu ma snun pa'i sa ma gnyis dang / dri ma phyi ba'i ma ma gnyis dang / rtsen grogs kyi ma ma gnyis te/ ma ma brgyad la rjes su gtad nas/ de ma ma brgyad po dag gis 'o ma dang / zho dang / mar dang //
- 294b
zhun mar dang / mar gyi nying khu dang / gzhan yang yo byad kyi bye brag gtso bo gtso bo dag gis skyed par byed/ sring bar byed cing rdzingan gnas pa'i pad+ma bzhin du myur du skyed par byed do// de gang gi tshe chen por gyur pa de'i tshe/ yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa la nye bar zhugs shing / brtag pa brgyad po gzhi brtag pa dang / go sa brtag pa dang / rin po che brtag pa dang / shing rta brtag pa dang / glang po che brtag pa dang / rta brtag pa dang / gzhon nu brtag pa dang / gzhon nu ma brtag pa dang / 'byed pa dang / klog pa la mkhas pa dang / g.yer por gyur to// de'ang bsod nams kyi skal ba chen po dang ldan pa/ bsam pa dge ba dang / bdag dang gzhan la phan par zhugs pa/ snying rje chen po dang ldan pa/ bdag nyid chen po chos 'dod pa/ skye dgu rnams la mnyes gshin pa ste/ de bstan bcos thams cad klog pa dang / de shin tu bsod nams kyi mthu che ba yin pas gos la sogs pa dang / nor rnams gang bsam pa gang gsol ba de thams cad de bzhin du 'byor par 'gyur mod kyi/ bdag ni 'di ltar bsod nams kyi mthu chen po dang ldan no snyam du mi sems so// ded dpon nyi ma 'di snyam du bdag dkon mchog gsum la skyabs su 'gro ba'i drin gyis bu skyes so zhes/ bcom ldan 'das kyi bstan pa la shin tu yang mngon par dad nas de dus dang dus su bcom ldan 'das kyi bstan pa la bya ba byed par gyur to//
- 295a
yang de'i tshe de'i dus na/ rgyal po'i khab kyi grong khyer du ded dpon dri ma med pa zhes bya ba rgya mtsho nas gru grub ste sngar 'ongs nas/ des bcom ldan 'das dge slong nyis brgya lnga bcus bskor ba la bshos drangs te/ dge slong re re zhing chos gos gsum gsum phul ba dang / skyes bu dam pa 'di rgya mtsho chen por zhugs dang / ded dpon gyi sgra ni 'bras bu dang bcas par gyur te/ 'di ltar bcom ldan 'das kyi bstan pa la bya ba byas so zhes bya ba'i grags pas 'jig rten thams cad du khyab par gyur pa dang / ded dpon nyi mas thos pa na 'gran 'dod par gyur te/ nga'ang rgya mtsho chen por zhugs la/ gal te de nas gru legs par grub na/ bcom ldan 'das la zhus te/ bcom ldan 'das kyi nyan thos 'dzam bu'i gling na ji snyed cig gnas pa de rnams gcig tu bsdus nas zas bsod pa rnams kyis tshim par byas la/ dge slong re re zhing rin che ba'i chos gos gsum gsum gyis dgab par bya'o snyam nas/ des chung ma la gtam de smras pa dang / des smras pa/ bdag po khyed kyi yang dag rtog pa 'byor par gyur cing yid la re ba rdzogs par gyur cig/ de nas ded dpon nyi mas/ rgyal po'i khab kyi grong khyer du lan gsum gyi bar du dril pasgras te/ tshong pa lnga brgyas yongs su bskor nas rgya mtsho chen por zhugs so/ / de rgya mtsho chen po der zhugs pa dang / bcom ldan 'das yongs su mya ngan las 'das so// de de nyid na gnas pa'i tshe/ gnas brtan 'od srungs chen po'ang yongs su mya ngan
- 295b
las 'das so/ / ji tsam nas dus gzhan zhig na gzhon nu gser mdog bod ma'i tshal du song ba dang / de na dge slong zhig mi rtag pa nyid dang rab tu ldan pa'i tshigs su bcad pa 'don par gyur te/ tshe 'di nyin dang mtshan mo dang // 'gro ba dang ni ldog pa dang // chu klung chen po'i rgyun bzhin du// phyir mi ldog par 'gro bar 'gyur// chu chung gi ni nya lta bur// gang zhig nyin mtshan 'da' ba yis// tshe ni shin tu thung gyur na// de la bya dgar ci zhig yod// gson mtha' 'chi ba yin pas na// lus 'di yongs su rga ba dang / nad kyi tshad ni myur 'jig cing // rnag gi tshogs kyang 'jig par 'gyur/ / kye ma lus 'di mi thogs par// stong zhing rnam shes dang bral nas// dur khrod bor ba'i mgal du ma ltar// sa yi steng du 'gyel bar 'gyur// rgyun du nad kyis mngon gdungs shing // rtag tu mi gtsang 'dzag pa dang // rga dang 'chi bas cher 'grib pa'i// lus 'di do ma cir mi rung // myur du 'jig cing na ba dang // rnag dang ldan pa'i lus 'di yis// grub dang bde ba bla med dang // zhi mchog don du gnyer bar gyis// tshigs su bcad pa 'di thos pa dang / gzhon nu gser mdog 'khor ba las yongs su skyo zhing mya ngan 'das pa'i yon tan mthong nas dge slong de la phyag byas te dris pa dang / 'phags pa 'di ci zhig lags/ dge slong gis smras pa/ rigs kyi bu 'di ni sangs rgyas kyi bka' yin no// de thos pa dang / bcom ldan 'das kyi bstan pa la dad pa chen po skyes
- 296a
nas rab tu byung ba dang / thar pa mngon par 'dod par gyur to// de nas dge slong de la rim gro byas te/ rkang pa gnyis la bdud nas smras pa/ 'phags pa bdag rab tu 'byung bar 'tshal/ gyis thugs brtse bas nye bar bzung ste rab tu 'byung du gsol/ dge slong gis smras pa/ rigs kyi bu pa dang ma gnyis kyis gnang ngam/ des spras pa/ ma gnang lags so// dge slong gis smras pa/ rigs kyi bu song la pha dang ma la dris shig dang / pha dang ma gnyis kyis ma gnang bar rab tu 'byin par mi byed do// des smras pa/ de bzhin du bgyi'o// de nas gzhon nu gser mdog khor bas 'jigs shing skyo ba'i yid dang / rang gi khyim du dong ste/ ma'i rkang pa la gtugs nas yum mkhyen par mdzod cig/ bdag ni legs par gsungs pa'i chos 'dul ba la rab tu 'byung ngo // de skad ces smras pa thos pa dang / ma shin tu mya ngan gyis gdungs te/ brang brdungs nas smras pa/ bu khyod ni nga'i bu gcig pa/ sdug pa/ yid du 'ong ba mdzes pa/ rjes su 'thun pa/ yid la re ba/ rgyas pa thob pa yin na/ khyod ji ltar nga yang spangs nas rab tu 'thung / des smras pa/ yu ma sdug pa rnams ni nges par 'bral bar 'gyur te/ de mkhyen par mdzod cig/ bdag legs par gsungs pa'i chos 'dul ba la rab tu dbyung bar rjes su gnang bar mdzad du gsol/ des thos pa dang / yid la gdung ba chen po skyes nas/ de mchims brnangs bzhin du smras pa/
- 296b
nga khrag dron po kha nas skyugs par 'gyur gyis/ lan gsum gyi bar du de skad ma zer cig/ des yang bsams pa/ 'di'i 'bad pa 'di lta bu las na ngas bzlog par mi nus kyis/ thabs shig sbyar bar bya'o snyam mo/ / de nas des spras pa/ bu khyod kyi pha ni sangs rgyas kyi bstan pa la bya ba bya'o snyam nas/ rgya mtsho chen por zhugs kyis/ de ji srid ma 'ongs de srid khyod la rjes su mi gnang ngo/ / gal te 'ongs nas khyod rjes su gnang nas rab tu dbyung bar bya'o// de ma la gus pa yin pas bsams pa/ gal te yang 'di la smras na ni brgya la 'di gdung ba shin tu chen po skye bar 'gyur gyis/ / ji srid nga'i pha 'ongs pa de srid du 'dug par bya'o snyam nas de cang mi smra bar 'dug go/ gang gi tshe gzhon nu gser mdog tshong dus su rgyu ba na/ de'i tshe de gzugs phun sum tshogs pa rgya chen po mthong ba dang / 'jig rten pa rnams bltas kyang ngoms par ma gyur te/ de skye bo'i tshogs mang po'i yid myong bar gyur to// de'i gzugs phun sum tshogs pas yid drangs kyang 'dod pa la shin tu rgyab kyis phyogs pa mthong nas/ mas bsams pa/ kyi hud 'di'i 'bad pa 'di lta bu 'dis na/ nga spangs nas rab tu 'byung bar 'gyur ro snyam mo// de nas rtag tu dogs pa dang bcas pas rjes su 'thun pas 'jug par brtsams so/ / gzhon nu gser mdog ni yang dang yang du mkhas pa dang / dge sbyong dang / bram ze rnams sten par byed cing / de der legs par bshad pa thar
- 297a
pa'i lam dang rjes su 'thun pa/ gang dang thos pa de dang de glegs bam la 'dri'o// rgyal po'i khab kyi grong khyer gyi phyi rol na/ ded dpon nyi ma'i skyed mos tshal me tog dang 'bras bu dang / chu phun sum tshogs pa zhig kyang yod pa dang / de na gzhon nu gser mdog pa'i skyed mos tshal der nyin re song nas legs par bshad pa'i glegs bam dag klog cing 'dug go/ yang de'i tshe rgyal po'i khab kyi grong khyer na/ ka shi mdzes dga' mo zhes bya ba'i bud med spang ba tshong ma gzugs dang / lang tsho dang / sgyu rtsal phun sum tshogs pa skye bo mang po'i snying du sdug pa zhig gnas pa dang / rgyal po ma skyes dgra'i blon po rab gtum zhes bya ba rgyal pos shin tu bkur ba de bu mo ka shi mdzes dga' mo la shin tu yang sems chags pas nyin re zhing rang gi skyed mos tshal du song nas de dang lhan cig rtse zhing dga' la dga' mgur spyod par gyur to/ / ji tsam na dus gzhan zhig gi tshe bu mo ka shi mdzes dga' mo rgyan thams cad kyis brgyan te/ rgyal po'i khab nas byung nas/ blon po rab gtum gyi skyed mos tshal du chas pa dang / gzhon nu gser mdog rgyal po'i khab kyi grong khyer nas byung ste/ rang gi skyed mos tshal du 'gro ba bu mo ka shi mdzes dga' mos bltas pa dang / gzhon nu gser mdog shin tu yang gzugs bzang ba/ blta na sdug pa/ mdzes pa/ yan lag dang nying lag thams cad dang ldan pa/ skye bo thams cad kyi yid 'phrog pa/ gser gyi
- 297b
mdog can gyi gos ser po lus la gyon pa mthong ba dang / yang de 'di snyam du sems te/ e ma'o gzugs phun sum tshogs pa/ rgya che ba/ e ma'o kha dog shin tu rgyas pa 'di lta bu bud med gang gi khyor gyur pa des ni skal bzang po byas pa yin no snyam du sems shing / de de la sems shin tu zhen pas rtog cing / gang 'di lta bu'i skyes bu dang lhan cig dga' zhing rtse ba ma myong ba'i bud med de ni zhal ba chung ba yin no/ / yang bsams pa/ bdag ni gzugs kyis 'tsho ba/ skyes bu rnams kyis thun mong du gyur pa yin la/ gzhon nu 'di ni lang tsho la bab pa dang ldan pa yin gyis/ ma la bdag 'di dang ldan cig kun tu sbyor bar 'gyur ba de ltar brid par bya'o snyam nas/ de de'i mdun du 'dug ste/ bud med kyi steg pa'i mtshan ma dag basman par brtsams pa dang / bdag nyid chen po de rang bzhin gyis 'dod pa la rgyab kyis phyogs shing mya ngan las 'das pa la gzhol bas de la sems gtod par ma gyur pa dang / des bsams pa/ 'di ni nges par nga la mi sems pa ni ngo tsha ba yin gyis/ yang 'di skyed mos tshal du 'gro bas/ dra'ang de nyid du song la der 'di zhog tu srid par bya'o snyam nas/ de de'i phyi bzhin 'brang ba dang / gzhon nu gser mdog gis shes nas/ de'i sngon du skyed mos tshal du zhugs te sgo bcad do// bu mo ka Ni/ mdzes dga' mos spras pa/ gzhon nu bdag ni khyod la bsams te 'ongs na/ khyod 'di lta bu'i rang bzhin ngan pa byed pa ni rigs pa ma yin zhes spras pa/ des de la tshig gi lanas blan pa dang / des pasarba/
- 298a
pa 'di la rgyu gnyis yod de/ shin tu 'dod pa don du mi gnyer ba dang / yang na ches bzang ba gzhan zhig la zhen pa yin te/ rnam pa thams cad du 'di la nga'i gzugs sam tshig gis mgu bar byed mi nus kyis/ 'di la reg pas mgu bar bya'o snyam nas/ 'dis nga mthong nas sgo bcad na gang zhig gis 'di ni lkog tu chags par 'gyur ba'i thabs ci zhig yod/ yang na 'di ngas shes kyis/ nang par 'di'i ches sngon du song la/ skyed mos tshal du 'dug gis/ phyis 'di 'ong ba dang / 'khyud pa la sogs pa'i lus kyi reg pa rnams kyis ji ltar nga'i dbang du 'gyur ba de ltar mgu bar bya'o// snyam mo// de de ltar rjes su sems shing slar log nas grong khyer du zhugs te/ nyi ma de la rab gtum gyi skyed mos tshal du ma song ngo // blon po rab gtum yang rang gi skyed mos tshal du de yun ring du rtog pas yongs su dub pa dang / nyi ma nub pa'i dus su grong khyer du zhugs nas de rang gi khyim du nas/ ka shi mdzes dga' mo la ci'i phyir khyed deng nga'i skyed mos tshal du ma 'ongs zhes pho 'ab dang ba dang bu mo mdzes dga' mos rje'i sras deng ni bdag klad nad kyis shin tu gdungs pa gang yin pa des khyed kyi skyed mos tshal du ma 'ongs so zhes bslus so/ / 'jig rten na ni mdzes mo dang / dgra dang / mal pa yod pas/ gzhan zhig gis spras pa/ de la ni klang ba'i nad kyis gzir ba med de/ gzhan du na 'di gzhon nu gser mdog gi skyed mos tshal du song nas/ skyes mos mal de nas slar 'ongs pa
- 298b
mthong ngo zhes smras pa thos pa dang / 'di ltar bud med kyi yul nas byung ba'i sha kho na ni shi khon gyi tha chad yin pas/ blon po rab gtum khro bas kun tu 'khrug par gyur nas bsams pa/ ci nas kyang bu mo ka shi mdzes dga' mo dang / gzhon nu gser mdog gnyis ka med par 'gyur ba de lta bu'i gnod pa bya'o snyam ste/ de khro ba'i mes snying bsregs bzhin du mtshan mo de sdug bsngal bas 'da' bar byas so// de nas mtshan mo 'das te na ma nangs pa dang / skyes bu yid brtan du rung ba gzhan zhig bos te smras pa/ rgyal po'i khab kyi phyi rol gyi skyed mos tshal du 'deng / der nga la shin tu che ba'i dgos pa zhig yod kyis/ ral gri thogs shig/ des kyang blon po de bzhin du bgyi'o zhes smras te/ skyes bu de ral gri thogs nas de'i phyi bzhin du 'brangs so// de nas blon po rab gtum skyes bu de dang lhan cig tu rgyal po'i grong khyer nas byung ste/ ded dpon nyi ma'i skyed mos tshal du zhugs nas gnas so// bu mo ka shi mdzes dga' mo'ang lus la go sa dang rgyan sna tshogs kyis brgyan te rgyal po'i khab nas ded dpon nyi ma'i skyed mos tshal du song ste/ de der zhugs pa dang / ji tsam na blon po rab gtum mthong ba dang / slar kun tu skrag pas bsams pa dang / 'di ni rang bzhin gyis gtum pas nges par na deng ngal gnod pa chen po byed par 'gyur ro snyam nas slar log par 'dod pa dang / de nas blon po rab gtum gyis mthong nas khro ba'i mes yid bsregs pas/ 'phral bar khro gnyer
- 299a
gsum bsdus te shin tu brgyugs so/ / de nas tshamachom med par de'i sgra nas bzung nas/ snying rje med pas mgo thur du sa la bsgyel te/ bshal bzhin du 'di skad ces smras te/ khyod 'dir 'ongs nas gzhon nu gser mdog dang lhan cig dga' mgu spyad nas nga la klad pa na bas shin tu gzir te des khyed kyi gan du ma 'ongs so zhes smra 'am/ ngas deng gang gis slar yang 'tsho ba'i 'jig rten mi mthong zhing / gzhon nu gser mdog dang lhan cig dga' mgu spyod par mi 'gyur par de lta bu'i chad pa gcad par bya'o// bu mo ka shi mdzes dga' mos de thos pa dang / phan tshun drud pa'i sdug bsngal la ma bsams par mchims brnangs shing skad 'dar zhing kyi hud da ni 'tsho bar mi 'gyur ro snyam nas/ lus 'dar bzhin du blon po rab gtum gyi rkang pa gnyis la gtugs te/ snying rje rje skad du gcom chung ngus tshig re re nas smras pa/ rje'i sras bzod par mdzod cig/ bdag ni bsad par 'os pa ma lags te/ bud med kyi yul ni rtag tu skyon dang bcas pa lags kyis/ deng nas brtsams nas slan chad 'di ltar yang mi bgyid kyi/ ji srid 'tsho'i bar du khyed kyi 'bangs mo bgyid kyis/ ma brtags pa 'di mdzad par srog stsol cig/ rang bzhin ngan pa de de lta bu'i snying rje rje skad du gcom chung ngus tshig re re nas spras kyang khro ba'i me 'phel ba nyid do/ / de nas de'i grogs po'i skyes bu la smras pa// ral gri 'dis mgo drud pa myur du chod la sa la ltung bar gyis shig ces smras pa dang / de nas
- 299b
skyes bu des bdag ngan pa de'i rigs pa dang mi ldan pa'i tshig ngan pa thos pa dang / 'dar bar gyur cing bsams pa/ kye ma'o snying med pa/ bud med 'di ni 'dis rnam pa du mar rjes su longs spyad na// de ji ltar na nyes pa chung ngu'i phyir gsod par 'dod/ kye ma 'ong yang 'tsho ba'i 'jigs pa dang skrag pas skyes bu tha ma sbrul gyi drug dang mtshungs pa'i gam du gnas par byed/ da ni rnam pa thams cad du nyam nga ba chen por zhugs so/ / 'dir ji ltar bsgrub par bya/ yang na gsal bar smra bar bya'i/ gal te gsal ba smras na sdig pa dang chos ma yin pa las ldog kyang srid do snyam nas kun tu skyo ba dang / de la bud med de shin tu snying rje bas rgyud zhi bar byas pas mig mchi mas khengs pa dang thal mo sbyar te/ blon po rab gtum la smras pa/ jo bo bzod par mdzod cig/ 'di lta bu'i bya ba ma yin pa la bdag sbyar ba ni mi rigs so/ / bdag ni brtse ba med pa ma lags te/ gsod ma pa yang ma lags na/ ji ltar na bdag gsod ma pa rnams kyang byed par spro ba ma yin pa'i las gang yin pa de la bdag pos btsud dam/ bud med 'di'ang shin tu gzugs bzang ba/ blta na sdug pa/ mdzes pa/ sgyu rtsal shes par grags pa/ rgyal po'i khab na gnas pa rnams dang / phyogs gzhan nas lhags pa'i skye bo mkhas pa rnams kyi snying du sdug pa/ 'di ni mi rnams kyi thun mong gi dga' ba'i gnas su gyur pa lags na/ bdag po shes rab dang ldan zhing mkhas pa'i mi rnams rjes su chags pa'i gnas 'di
- 300a
la sdang bar ji ltar byed/ 'di lta bu'i 'jig rten gnyis ka dang 'gal bar gyur pa'i rtsom pa 'di las ldog par mdzod cig/ bzod par mdzod la/ bdag dang khyed kyang nyes par spyod pa'i me 'dis bsregs par 'os pa ma yin no/ / gtso bo gzhan yang / shin tu gzhon pa'i yan lag 'di// gzugs dang lang chos rnam brgyan pa// 'di ni mi yi dga' ba dag/ gzugs dang ldan pa bzhin du shes/ / dman zhing snying ni rje rje lha'i// sman pa'i tshig ni 'di dag gis// gtso bo khyod la gsol 'debs na// bdag gi yid ni mgu bar mdzod// khyed tshigs 'bar ba thos pas na/ / deng na bdag nyid 'dar bar gyur// gang zhig 'di 'dra gsod gyur pa// snying rje med pa su zhig mchis// shin tu snying rje med pa yi// kla klo'ang gsong mi spro na// gtso bos bdag yid ji ltar/ na/ 'di gsod par ni spro ba bskyed// gang zhig phyugs kyis mthong na yang // rjes chags chen po skye bar 'gyur// de la gang zhig mir gyur nas// mtshon gyis 'debs pa bgyi ba mchis// gtso bo shin tu mi bzad pa'i/ / las 'di mnyan pa'ang rigs min na// spyod par bgyid pa smos ci 'tshal// de bas bzod pa mdzad pa'i rigs// de nas skyes bu rang bzhin ngan pa bsam pa nyams pa de la/ de lta bu'i snying la bab par tshig snyan pa des smras su zin kyang / rang gi sems zhi ba ma rnyed par gyur te/ de khros pas smin ma bsdus shing bzhin mi sdug pas de la smras pa/ kA ye mi khyod gang nga'i tshig las 'da'
- 300b
bar byas te/ 'di la khyod rjes su chags par byed nas gsod par mi 'dod dam/ rnam pa thams cad du khyod kyis 'di bsad par gyur na legs kyis/ gal te ma bsad na deng khyod nyid kyi srog med par bya'o// de nas skyes bu de de'i tshig rtsub mo'i rtsom pa shes nas/ 'jigs pas sems pa la zhugs par gyur te/ kye ma'o bdag ni shin tu nyam nga bar zhugs te/ gal te 'di'i tshig bzhin ma byas na nges par de bdag nyid srog dang bral bar byed do/ / gang zhig 'di lta bu'i bud med rnam pa du mar nye bar longs spyod pa'i yang gsod par brtson na/ deng mi gsod par ltag la 'gyur/ ci 'di lta bu'i skye bo'i tshogs kyi yid du 'ong ba'i bud med kyi lus la mtshon gyis bdebs par byed na/ bdag nyid mir yang ci rung gis/ rnam pa thams cad du rang gi srog bral ba ni bla'i/ 'di lta bu 'di la bsnun par mi bya'o/ zhes nges par bsams nas yang de'i bsam pa slar skyes pa/ gang 'di ral gri khyer la 'bros par bya yis/ des ni nga'i lus dang bu mo ka shi mdzes dga' mo'i lus kyang yongs su srung par 'gyur/ ro snyam nas/ de la ral gri thogs nas skyed mos tshal nas byung nas bang thams cad gtugs pa dang bros par gyur to// blon po rab gtum gyis kyang de'i rjes bzhin sgo'i phyi rol gyi bar bsnyags so// de nas bu mo ka shi mdzes dga' mo dag nyid srog stor ba las slar rnyed pa tsam du sems shing rings pa rings par bros te/ ra ba'i rtsar phyin pa dang / ra ba de'ang mtho bas rgal bar ma nus pa na/ blon po rab gtum
- 301a
slar log nas ji srid phyogs de na bu mo ka shi mdzes dga' mo mthong nas/ phan tshun kun du blta bar brtsams pa dang / ji tsam nar ba'i rtsar phyin pa mthong nas/ rings pa rings par de'i gam du 'gro bar brtsams so/ / de na'ang sbrul nag po zhig gnas te/ des bu mo de'i rkang pa g.yas pa nas bzung ba dang / des de mthong nas thos so// bu mo ka shi mdzes dga' mos bsams pa/ blon po rab gtum 'di 'ongs nas/ gsod par 'gyur ro snyam pa der gtod pa'i yid dang 'chi ba'i 'jigs pas sbrul nag pos zin pa ma shes par/ a ti mu ga ta'i tshad tshing du zhugs pa dang blon po rab gtum yang a ti mug ta'i yal ga'i tshang tshang du phyin to/ / de nas rang bzhin ngan pa/ snying rje med pa'i sems kyi zhe sdang drag pos kun tu 'khrugs pa'i yid kyis/ bu mo ka shi mdzes dga' mo a ti mug ta'i yal ga'i tshang tshing nas drangs te/ de'i mgo la rkang pa'i rting pa dang rdog pas bsnun to// bud med de ni shin tu gzhon sha can yin pa sa/ rdog pas bsnun pa de dag dug gi shugs kyis brgyal bar gyur to/ / blon po rab gtum de lta bar brtsams pa dang / ji tsam na sems med par sa la 'gyel bar mthong nas/ de 'di snyam du sems te/ 'di ni shi zin gyis/ bu gzhan gcig la spras ba ba ga' zhog gis mthong na mi rung ngo snyam nas/ rab brgal te lam gzhan nas rgyal po'i khab tu zhugs so// der phyin nas rgyal po'i skyes bu gzhan gcig la spras pa/ shes ldan dag song la/
- 301b
ded dpon nyi ma'i skyed mos tshal ltos shig/ de yang chas so// gzhon nu gser mdog kyang rgyal po'i kha ba nas byung ste/ skyed mos tshal der phyin pa dang / ji srid cig na bu mo ka shi mdzes dga' phan tshun du bshal cing drud pa dang / skra grol la sems med par sa la 'gyel bar mthong ba dang / de skyo ba chen po skyes par gyur nas/ des bsams pa/ 'di rang bzhin ngan pa 'di snying rje med pa'i sems dang / 'jig rten pha rol spangs pa sha kho na dang bcas pa su zhig gis 'dir khyer te 'ongs nas bsad par gyur/ kyi hung ngan cing sdug bsngal te/ 'di lta bu'i bud med brtse med par gsod pa'i sems can su zhig byung bsnyam nas/ skyed mos tshal de thams cad du bltas na su yang ma mthong ba dang / de 'di snyam du sems te/ bud med 'di nas kun gyis shes pa yin la/ de skyed mos tshal 'dir bsad nas 'dir su'ang mi snang ba ni/ rnam pa thams cad 'ga' zhig gis rang gi rang bzhin ngan pa sbas nas/ grags pa ma yin pa'i ser ba nga'i mgor dbab pa'i phyir des 'dir mngon du phyung ngo snyam nas/ de de ltar mi dga' bzhin du lag pa 'gram pa lag ta shin tu sems pa la zhugs shing 'dug pa dang / rgyal po'i skyes bu de rnams kyang phyin nas der zhugs te/ skyed mos tshal de blta bar brtsams pa dang / ji tsam na bu mo ka shi mdzes dga' mo phan tshun kun bshal nas drud pa dang / skra grol zhing sa la drud pa 'gyel pa mthong ba dang / gzhon nu gser mdog gi sngon gyi las kyi rnam par smin pa'i stobs kyis de sus
- 302a
kyang nges pa ma rnyed cing brgyal ba yin nas/ 'on te dus byas pa yin par shes par yang ma gyur to// de nas rgyal po'i skyes bu de dag phan tshun du smras pa/ shes ldan dag bud med/ 'di ni 'ga' zhig gis bsad do zhes te/ de rnams kyis skyed mos tshal kun tu bltas na gzhon nu gser mdog ma gtogs par su yang mthong bar ma gyur pa dang / de rnams kyis/ gzhon nu gser mdog la dris pa/ gzhon nu bud med 'di sus bsad/ des smras pa/ shes ldan dag ngas kyang ma shes te/ 'di kho bos kyang 'di kho na ltar mthong ngo // de nas rgyal po'i skyes bu de dag phan tshun smras par rtsom pa/ shes ldan dag gzhon nu 'di shin tu dul ba yin pas 'di ni las 'di byed par mi srid la/ 'dir gzhan su'ang mthong bas yu bu cag ni rnam pa thams cad du shin tu nyas nga bar zhugs la/ 'di la ji ltar bsgrub par bya/ de las gcig gis smras pa/ shes ldan dag yu bu cag 'di yongs su dpyod nus pa ma yin gyis/ bud med 'di dang gzhon nu zhal mchu'i gnas su khyer na/ der blon po// rnams kyis yongasu dpyod par 'gyur ro// de nas rgyal po'i skyes bu de rnams kyis/ bud med de khyogs la bteg pa dang / gzhon nu gser mdog kyang khyer te/ zhal mchu'i gnas su song ngo // zhal/ mchu'i gnas de na'ang blon po rab gtum rjes su 'thun pa'i las byed pa rnams dang lhan cig 'dug cing 'dug par gyur pa dang / rgyal po'i skyes bu de rnams 'ong ba des ring po nyid nas mthong nas
- 302b
dris pa/ shes ldan dag 'di ci zhig yin/ bud med 'di bdag cag rnams kyis ded dpon ma'i skyed mos tshal du dus byas pa mthong lags te/ skyed mos tshal der yang bdag cag rnams kyis bltas na/ gzhon nu gser mdog ma gtogs pa su'ang ma mthong nas 'di nyid la bdag gis gzhon nu bud med 'a di su zhig gis bsad ces dris na/ shes ldan dag ngas kyang mi shes te/ kho bos kyang 'di kho na ltar mthong ngo zhes gleng na/ da ni 'di gtso bo khyed rnams nyid kyis rnam par dpyod cig/ blon po rab gtum gyis smras pa/ khyed rnams 'dir yud tsam zhig sdod cig/ ngas rgyal po la zhu bar bya'o zhes smras nas/ des rgyal po ma skyes dgra'i pho brang du song ste/ sgo srungs kyi skyes bu la dris pa/ kye skyes bu lha ci zhig mdzad/ des smras pa/ steng gi khang bzangs kyi gzhi na skyes pa med par bud med kyi rol mos rtse bar mdzad/ dga' bar mdzad/ dga' mgur spyod par mdzad do// des skabs rnyed pas sgo dpon chen mo zhig la smras pa/ song la lha la blon po'i gyi zhu ba 'di skad zhus shig/ ded dpon nyi ma'i bus skyed mos tshal du bu mo ka shi mdzes dga' mo bkum la/ de'ang g.yar gyis ches par mi bgyid na/ 'di la bdag cag rnams kyis ji ltar bsgrub par bgyi/ de song ste rgyal po la zhus pa/ rgyal po dga' rol mo de shin tu chags nas smras pa/ song la blon po la khyed rnams nyid kyis legs par spyod cig ces smras so// de phyir byung ste blon po rab gtum
- 303a
lhas 'di skad bka' stsal to zhes smras so/ / de nas blon po rab gtum zhal mche'i gnas su 'ongs nas/ rgyal po'i skyes bu rnams la smras pa/ shes ldan dag khyed song la gsod ma pa rnams sbron cig/ de rnams kyis kyang sbran pa dang / blon po rab gtum gyis/ gsod ma pa rnams la smras pa/ gzhon nu 'dis bu mo ka shi mdzes dga' mo 'di bsad kyis/ khyed rnams song la ngan par spyod pa 'di rgyab lag dam por chings la sgra rtsub pa'i rnga brdung zhing lam po che dang / tshong du sa dang / bzhi mdo dang / sum mdo rnams su bsgrags pa'i sgor bsgrags pa// grong khyer gyi lho phyogs kyi sgor phyung ste/ dur khrod chen por khyer la gsal shing la skyon cig/ shi ba dang bu mo ka shi mdzes dga' mo dang lhan cig ro bsregs pa'i gnas gcig la zhog la sregs shig/ de nas gsod ma pa rnams kyis gzhon nu gser mdog shin tu gzugs bzang ba/ gser btso ma'i ri'i rtse mo lta bur dpal gyis 'bar ba la bltas te/ kun tu yi mug par gyur nas/ phan tshun smras pa/ shes ldan dag ji ltar yu bu cag gsod ma pa yin yang / skyes bu mthong bar dka' ba khyad par can 'di lta bu ji ltar gsad par bya/ rnam pa thams cad du yu bu cag nyid rang gi srog stor ba ni blo'i// 'di lta bu gsad par ni mi bya'o/ / blon po rab gtum gyis phan tshun gcig la gcig smra bar byed pa de mthong ba dang / de rnams la smras pa/ shes ldan dag ci ste 'dug/ 'di myur du khyer cig/
- 303b
de rnams kyis thal mo sbyar te gsol ba btab pa/ bdag po bzod par mdzod cig/ ji ltar bdag cag gsod ma pa rnams kyang 'di lta bu'i skyes bu khyad par can skye bo mang po'i yid du 'ong ba gsod bapar ni rngo mi thog go/ blon po rab gtum shin tu 'khrugs nas/ gal te khyed rnams kyis 'di ma bsad na/ deng khyed rnams nyid bu dang / nang mi dang / gnyen 'dun dang bcas pa rnams kyi srog med par bya'o zhes smras pa dang / de rnams skrag pas phan tshun smras pa/ shes ldan dag blon po 'di rtsom pa ni rags dang mi ldan pa ste/ gang 'di gzhon nu gser mdog 'di ltar mthong bapar dka' ba/ skyes bu khyad par can yongs su spong bar brtson na de yu bu cag rnams kyi bu dang / chung ma dang / gnyen 'dun dang bcas pa gsod par lta ci ste mi byed/ de 'di lta bu shin tu nyam nga bar zhugs na/ 'di la ji lta bur bsgrub par bya/ yang de rnams 'chi bas 'jigs skrag pas blo skyes pa/ gzhon nub de ni skye bo mang po'i yid du 'ong ba yin na 'di re zhig lam po cher bskyer gyis/ skye bo mang po'i tshogs gang yon pa 'di thar pa byed pa'i gnas ni yod de/ 'di gsod pa la btang snyoms su 'jog pa su zhig gis nus snyam nas/ de rnams de'i gam du song nas 'di rgyab lag bcing ngo snyam nas/ de'i gzugs phun sum tshogs pa rgya chen po rnam par mdzes pa mthong ba dang reg par ma nus so// de nas yan lag dang nying lag 'dar zhing mchim 'ja/
- 304a
la skad 'dzer bzhin du smre sngags 'don par brtsom pa/ kyi hud 'di lta bu'i sdig pa byed du bcug pa ni/ bdag cag ni shin tu sdug bsngal te/ su zhig gis 'di lta bu'iH ba ma yin pa la sbyar bar gyur/ de nas blon po rab gtum gyis shin tu rtsub pa dang bcas pa'i lung yang bsgo ba/ khyed rnams ci la 'gor/ de nas de rnams skrag cing kun du bred par gyur pas de rnams mchi mas mig khengs shing 'dar bzhin du de bzung ste/ gser gyi mdog can gyi gos ser po de nyid kyis rgyab lag tu bcings so// rgyab lag tu bcing bas bcings pa de mthong ba dang / blon po rab gtum ma gtogs pa zhal mche ba'i gnas su tshogs pa'i skye bo'i tshogs de dag thams cad de dang bral ba'i gdung bas sems kyi rgyud zhum par gyur nas mchi ma klog par gyur te/ kyi hud nga ni mthong bar dka' ba'i gzhon nu 'di lta bu med par 'gyur ro zhes smras so/ / de nas gsod ma pa rnams kyis de lam po cher gdeg pa dang / de nas bar skabs der ca co'i sgra phyung ba dang / ca co'i sgra thos pas rgyal po'i khab na gnas pa dang / phyogs sna tshogs pa nas lhags pa'i skyes bu dang / bud med dang / khye'u dang / bu mo dang / skye bo'i tshogs rnams 'dus par gyur pa dang / gzhon nu gser mdog rgyab lag tu bcing ba dam pos bcings pa la bltas te/ thams cad skyo ba'i yid kyis rtabs bag dang bcas par 'dri bar rtsom pa/ shes ldan dag 'di co zhag yin/ de nas
- 304b
gsod ma pa de rnams mchi ma shin tu 'dzag cing skad 'dzer bzhin na/ spre zhing spras pa/ gzhon nu 'dis bu mo ka shi mdzes dga' mo bsad de zhes bsgrags nas bsad pa'i phyir yongs su spangs/ lam po che dang / tshong dus dang / bzhi mdo dang / sum mdo rnams su bsgrags pa'i sgor bsgrags nas 'di dur khrod chen por khyer te ring por mi thogs par gsod pa yin no// de thos pa dang skye bo'i tshogs chen po de dang bral ba'i sdug bsngal gyis gdungs pas sgra gcig tu gsang mthon pos cho de 'debs pa la zhugs te/ kyi hud kyi hud ji ltar na gzhon nu 'di 'di ltar gzugs bzang ba// blta na sdug pa/ mdzes pa/ yan lag dang nying lag thams cad 'byes pa dang ldan pa/ gser btso ma lta bu'i kha dog rgyas pa dang ldan pa/ skye bo thams cad kyi mig dang / yid 'phrog pa mkhas pa/ dul ba/ des pa/ brin pa/ snying rje can/ bdag nyid che ba/ chos 'dod pa/ skye dgu rnams la mnyes gshin pa gsod na ci ste dam pa rnams nub par gyur tam/ ci'i phyir chos nub par gyur tam/ ci'i phyir chos sa yin pa'i sa 'byor par gyur cing / rgyal srid dbang phyug la gnas par gyur tam/ kyi hud sdug bsngal lo// 'di yi gzugs dang mdog mdangs dang / phun tshogs rgyan gyi mchog rnams ni// mthong zhing mthong zhing bdag cag rnams// sngon chad mchog tu dga' bar gyur// da ltar de nyid gsod ma pa'i// skyes bus zin pa mthong bas na// mya ngan
- 305a
/ drag pos zil mnan pas/ bdag cag snying ni gas sngam byed// yid dang mig ni 'phrog byed cing // skye bo mang po yid 'ong gang // de la ci phyir rgyal po yi// chad pa dag ni 'bebs par gyur/ / rtag tu bltas par gyur kyang ni// lus can ngom par mi 'gyur pa// snying rje spangs pa'i blon po yis// gsod pa'i phyir ni ci yi phyir// gang zhig thub pa lta bu yi// kun spyod dul bar ldan grags pa'i// de la nyes pa 'di 'dra ba// 'byung bar 'gyur pa ga la srid// 'di ltar yon tan car 'di dang // 'bral bar 'dir ni nyes gnas pa// kye ma chos min mel tse byed/ / chos ni shi'am gnyid log gyur// de la bud med rnams shin tu dga' ba yin pas/ der bud med la la ni de dang bral ba'i sdug bsngal gyis gdungs pas sa la 'gre ldog par byed do// la la ni brang brdung ngo // la la ni dran pa stor bar gyur te/ de re re zhing bu gcig pa dang bral ba lta bu'i sdug bsngal nyams su myong bar gyur to// bdag nyid chen po de ni skye bo mang po'i yid du 'ong ba yin pas/ rgyal po'i khab kyi grong khyer na gnas pa'i skye bo'i tshogs chen po de dang bral ba'i sdug bsngal gyis gdungs pas tshe de 'debs pa la zhugs pa'i phyir/ rgyal po'i khab kyi grong khyer shin tu 'khru par shes shing de dang bral ba'i sdug bsngal gyis gdungs pas g.yo bar gyur to/ / ded dpon nyi ma'i khyimanas bu mo gcig lam po che der song ba dang / des ji ltar gyur pa de thos pa dang / de brang
- 305b
brdung smre sngags 'don te/ rings pa rings par khyim du song nas/ gzhon nu gser mdog gi ma gang na ba der song ste phyin pa dang / de'i mdun du bdag zhid 'gyel te/ de nas gzhon nu gser mdog gi mas rtabs bag gis dris pa/ bu mo ci zhig yin/ spros shika/ de gsang mthon pos cho nges 'debs shing rje'i sras gzhon nu gser mdog gis skyed mos tshal du bu mo ka shi mdzes dga' mo bsad ces grags so zhes zer nas/ ma brtags par rgyu ba lag bcing ba dam par bcings nas gsod pa'i phyir yongs su spangs pa'i phyir te/ gsod ma pa rnams kyis yongs su bskor nas lam po che dang / tshong dus dang / bzhi mdo dang / sum mdo rnamasu bsgrags pa'i sgor bsgrags te/ dur khrod chen por khyer nas 'di yun ring por mi thogs par byed do// de thos pa dang / gzhon nu gser mdog gi ma mya ngan drag pos non te/ brgyal nas sa la 'gyel te/ lam po cher zhugs pa dang / de bu dang bral ba'i sdug bsngal gyis gdungs pas yid rmongs pa dang / smre sngags 'don cing re re nas dris pa/ lam gang nas gzhon nu gser mdog khyer bar gyur/ kyi hud bu sdug ma mthong gis skyobs shig skyobs shig/ bu sdug nga la ston cig ces zer zhing ngu bzhin du lam po che'i dbus su chas pa dang / ji lta ji ltar ded dpon gyi chung mas gzhon nu gser mdog ma mthong ba de lta de ltar sdug bsngal mi babad pa'i drug pams kyis sh-i te cho nge 'debs shing re re'i rkang pa la gtugs nas
- 306a
thal mo sbyar te/ gsol ba 'debs pa/ bdag gi skyabs mdzod cig/ sbubs mdzod cig/ ji srid gzhon nu lam 'di nas 'da' bar ma gyur gyi bar du myur dus pa dbye bar mdzod cig/ lam 'di las bdag gi bu gser mdog khyer ba de ji ltar mthong bar 'gyur ba de lta bu'i drin gyis bdag la bskyab tu gsol/ de'ang de ni skabs ma phyed pas/ kyi hud rnyed par ma gyur ces zer zhing lus thams cad bdag nyid kyis sa la brdabs te/ de na chu nas bton pa'i nya bzhin du sa la 'gre ldog pa dang / bya khrung khrung phrug gu stor ba ltar snying rje rje skad du ngu ba dang / ba be'u sbyor ba 'ba' sgra 'don pa bzhin smre sngags 'don te/ gyi hung bu sdug cing yid du 'ong ba/ kyi hung bzod pa/ kyi chung rjes su 'thun pa/ kyi hud yid la re ba brgyas thob pa/ kyai hud gzugs bzang ba/ blta na sdug pa/ mdzes pa/ kyi hud yan lag dang nying lag thams cad 'byes pa dang ldan pa/ kyi hud gser btso ma'i kha dog lta bu/ mdog shin tu rgyas pa dang ldan pa/ dud skye bo thams cad kyi mig dang yid 'phrog pa/ kyi hud skye bo thams cad kyi yid du 'ong ba/ gyi hud mi kun dga' bar byed pa/ kyi hud mkhas pa/ dul ba/ rnam par byang ba/ yid du 'ong ba'i chog spras pa/ kyi hud snying rje can/ chos 'dod pa/ sems can la mnyes gshin pa/ kyi hud nga'i rigs kyi sgron ma/ kyi hud nga'i snying du sdug pa/ kyi hud nga'i snying thams cad paM/
- 306b
hungad nga'i gces pa rnams bsdus pa/ kyi hud nga'i mig gi bdud rtsi/ kyi hud nga'i sdug pa'i 'ching ba/ kyi hung ba'i rigs kyi thams cad pa/ kyi hud ji ltar na ma brtag par mgon med par gsad pa'i phyir khyer bar gyur ces smras so/ / slar yang thal me sbyar te/ grong khyer ba rnams la gsol ba bdebs shing yid du 'ong bas smras pa/ kyi hud dga' bral bcom pa bdag/ nga ni dko/ ji ltar gnas// 'di ni rmis pa ba ma yang na myos// 'on te sems ni 'khrug gyur tam// dge ba bu yi mya ngan ni// drag pos yid ni g.yengs bzhin du// de ni yang yang smre sngags 'don// grong khyer pa la gsol ba 'debs/ / ma dul ba 'am gzugs ngan pa// bdag gi yid 'ong ma yin pa'i// bdag gi bu ni khyer gyur na// khyed rnams btang snyoms byed la rag/ yon tan can gyi phyogs byed pa/ / gal te brtse ba yod ce na// ji ltar ngas ni bu mthong ba// de ltar grong khyer pa rnams mdzod// deng bdag gi ni tsin dan sogs// byug pa rnams kyis ma byugs shing // 'gi'u wang thig les yan lag la/ / mang du brgyan pa ma byas so// gdu bu la sogs rgyan rnams kyis// bdag gis deng de ma brgyan cing // phebs pas yongs su ma 'khyud la// 'o yang mang du ma byas so// ngal bskor ba ma byas shing // 'di yis phyag kyang ma byas na// tsham tshom med par 'di lta bur// nga yi bu ni khyer bar byed// deng bdag phyogs kun stong pa ste// bdag gis lus ni 'dar ba dang
- 307a
snying yang sreg par 'gyur ba dang / / yid ni kun tu rmongs par gyur// brtse ba med pa'i gsod ma pas// rings pa rings par khyer gyur pas// snying du sdug pa'i bu 'di ni// kyi hud kyi hud slar mi mthong / / bu yi mya ngan 'di 'dra bas// rtswa bzhin snying ni bsregs gyur pa// bdag gis sdig pa mi bzad pa// skye ba gzhan du byas par nges// bden pa gang gis bdag gis sems/ / sdig can dgra la'ang ma bskyed pa'i// bden pa des ni bdag gi bu// 'phongs pa 'di las thar par shog/ ces smras so// ded dpon nyi ma yang rgya mtsho chen po la gru legs par grub nas rgyal po'i khab tu phyin te/ de rgyal po'i khab kyi grong khyer du phyin pa na/ bkra mi shis pa'i ltas mthong ste/ de'i snying 'dar ba dang / yan lag rdul ba dang / mig 'gul ba dang / bya rnams de'i mdun du sgra drag po sgrogs par rtsom par gyur pa dang / de ltas la mkhas shing / bya skad la mkhra bra sems pab zhugs par gyur te/ 'di lta bu'i ltas ngan pa kun tu mthong ba las na/ gzhon nu gser mdog deng nges par sdug bsngal chen pos kyang gnas par yang nges la/ yang mtshan ma 'di dag ni de dang bral bar ston pa yin no// yang smras pa/ ji ltar bdag mig 'gul ba dang // ji ltar bya rnams sgra sgrogs las/ / nga ni nges par bu dang deng // bral ba nye bar gnas pa yin// ji ltar yan lag rdul ba dang // nga yi snying ni 'dar ba las// nges par bu dang bral ba ste// mi bzad par ni nye bar gnas// de 'di ltar
- 307b
sdug bsngal brgya stong sems shing lus dang yan lag rdul la 'dar bas/ gom pa ba dor mi nus bzhin du nyam thag pas rgyal po'i khab tu zhugs pa dang / ji srid cig na skye bo'i tshogs mang po nga ro 'don ba'i sgra thos nas de smre sngags kyi sgra de'i rjes su 'thungs nas/ lam po cher zhugs pa dang / ji srid cig na skye bo'i tshogs mang srin pos gtses pa bzhin du grong khyer na sdug bsngal gyis gdungs/ nga ro 'don pa mthong nas/ des mdun nas 'ong ba'i skyes bu gzhan zhig la dris pa/ kye nang rje 'di ci zhig yin/ des kyang 'di ni ded dpon nyi ma yin no snyam du ma shes nas/ des smras pa/ ded dpon n yi ma zhes bya ba'i bu gzhon nu gser mdog ces bya ba gzugs la sogs pa yon tan phun sum tshogs pa dang ldan pa zhig yod pa des skyed mos tshal du bu mo ka shi mdzes dga' mo bsad ces grag go zhes nas/ ma brtags par gsad pa'i phyir yongs su spangs te/ lam po che dang / tshong dus dang / bzhi mdo dang / sum mdor bsgrags nas/ ring por mi thogs par dur khrod chen por khyer te/ gsod par 'gyur ro// de thos pa dang / ded dpon nyi ma bu dang bral ba'i sdug bsngal gyis gdungs pas 'phral du brgyal te sa la 'gyel to// de nas chu gtor bas slar dbugs phyung ba dang / mchi ma'i nu rlabs kyis gdong gi pad+ma khebs bzhin du kun tu 'khod la/ de lta bzhin du kyi hud lam gang nas gzhon nu gser mdog khyer bar gyur ces zer zhing lam po che'i dbus su rings pa rings par
- 308a
song ba dang / ji srid cig na chungs sgra grol ba/ lag pa gnyis kyis brang brdung pa/ nyam thag pa'i da ro dang / de dang de'i smre sngags 'don pa/ bu dang bral ba las zung ba sdug bsngal mi bzad pa/ rngub pa/ chab/ yid du mi 'ong ba'i tshor ba nyams su myong bar mthong nas/ de'ang drag cing nyam thag pa'i skad 'dzer zhing / brnangs bzhin du mchi mas mig khengs pa dang / de'i gam du song ngo // chung mas de mthong ba dang / nyis 'gyur bas lhag pa'i sdug bsngal gyi zug rngus gzir te/ mchi ma'i chu rlabs kyis bzhin gyi pad+ma khebs shing rtabs bag tu rings pa rings par langs te/ de'i mdun du bdag nyid 'gyel bar gyur to// de nas ded dpon nyi mas nyam thag pa'i nga ro sme zhing 'khyud nas bslang ba dang / de de'i rkang pa gnyis la gtugs te smras pa/ ded dpon skyabs mdzod cig/ skyabs mdzod cig/ ngal bu'i slongs mo stsol cig/ yang smras pa/ skal ba ngan cing dga' bral ba// da ltar dbugs ni dbyung du gsol// bu dang bral bar gyur pa yi// sdug bsngal drag pos rnam par du// gang dag skyes tshe bdag po khyed// mchog tu dgyes par gyur pa yi// yid du 'ong ba'i bu de nyid// deng ni gsod phyir khyer bar gyur// dul zhing des la mkhas pa dang / / bstan chos kun la mkhas gyur cing // gang zhig gzugs ni mnyam med pa// mkhas par gyur pa'i bu khyer ro// khyed kyi rigs rgyud cha gur cing // rigs kyi mtshams sbyor 'dzin pa
- 308b
dang / dpal ldan rigs ni gsal byed pa'i// khyed kyi smon ma med par gyur// 'di ni snying gi thams cad de// 'di ni dga' ba'i 'ching ba yin// mi rnams mig gi bdud rtsi 'di// gshed marnam gyis khyer bar gyur/ / 'di dag thams cad bcings pa dang // mig ni 'di dag 'gag pa ste// bu zhes brtag pa'i snying gang yin// 'di ni bton te khyer gyur// bu 'di rab tu thar pa'i phyir// 'bad pa de ni myur du mdzod/ / nor ni thams cad byin nas su// bdag dag bu ni thar par mdzod// khyod kyi legs rtogs 'byor pa dang // khyad yid bsam pa grub nas ni// 'di ltar yang yin 'tsho ba yi// / khyed kyi bu ni blta bar bgyi// de nas ded dpon nyi ma bu dang bral ba'i sdug bsngal gyis yid gdungs par gyur kyang / brtan pas ba sran tshugs pa'i sems dang thal mo sbyar te/ grong khyer pa rnams la smras pa/ kye kye grong khyer pa rnams nyon cig/ ji ltar na nga la 'di lta bu'i sdug bsngal nye bar gnas pa la khyed rnams btang snyoms su byed pa ni rigs pa ma yin te/ ci'i phyir 'brog stong pa bzhin du grong khyer gyi dbus su ma brtags par khyed rnams kyis mthong bzhin du nga'i gzhon nu yon tan gsal bar ston pa lta bur gsod pa'i phyir khyer na/ ci'i phyir sems las chung bas gnas/ ci'i phyir nye bar sbyang ba'i thabs mi sems/ ci'i phyir gzhon nu thar pa'i don brtson par mi byed/ de rnams kyis smras pa/ ded dpon 'di lta bu'i gzhon nu'i yon tan dang ldan pa 'di ni/ khyed gcig pu
- 309a
la 'di ltar sdug bsngal bar ma zad kyi/ gzhan du na bdag cag thams cad kyang sdug bsngal mod kyi/ 'on kyang gzhon nu thar bar bya ba'i thabs ma mthong nas/ gang 'di lta bu'i yi mug pas gnas pa yin no/ / ded dpon nyi mas smras pa/ shes ldan dag khyed rnams kyis yongs su shes pa nyid de/ gzhon nu 'di ji ltar shin tu snying rje ba dang ldan pa/ bdag nyid che ba/ chos 'dod pa/ sems can thams cad la mnyes gshin pa yin te/ 'dis 'di lta bu bya ba ma yin pa la 'jug pa sems kyis kyang mi nus na/ kun tu spyod par byed pa lta smos kyang ci dgos/ de bas na gzhon nu de slar dpyad pa'i don la 'dad pas rtsom par gyis shig/ gal te gzhon nu legs par dpyad nges par sdug bsngal 'di las thar par 'gyur ro// khyed rnams kyang dam pa skye bo thams cad la thun mong du gyur pa yin pas/ khyed rnams kyis de gsol ba la nyes pa ni gang yang ma mthong ste/ gzhan du na bdag la rjes su brtse ba kho nar snang ba dang / dam pa nyid kyis na yon tan la rjes su dga' ba nyid ston par gyur gyis/ de bas na gang snying rje'i sems nye bar 'jog pa song la/ rgyal po'am/ blon po la zhus shig/ gal te de don sred pas shin tu rigs pa dang ldan pa'i khyed rnams kyi tshig kyang gzhan du mi 'gyur ro/ / bdag kyang bu dang bral bas shin tu gdungs kyis/ bdag gi nor 'di thams cad kyang phul la/ ji ltar gnon legs par dpyod
- 309b
pa da ltar mdzod cig/ ded dpon de ni kun gyis pa shes pa dang / mdza' bor byas pa yod pas de rnams kyi de'i tshig dang / gzhon nu'i yon tan la dga' bas khas blangs so// de nas grong khyer ba de rnams kyi tha snyad la shin tu byung ba'i grong khyer ba zhig rgyal po'i pho brang du btang ste bsgo ba/ gal te deng gzhon nu shin tu legs par spyod par mdzad na/ bdag cag rnams kyis kyang rgyal po la gser srang 'bum dbul lo/ / de nas tha snyad la byang ba'i grong khyer pa de zhal mche ba'i gnas su song ba dang blon po rab gtum gyis 'ong ba ring po nas mthong ste smras pa/ shes ldan khyed 'dir 'odra ba'i dgos pa ci zhig yod/ des smras pa/ rgyal po'i khab na gnas pa'i grong khyer pa rnams 'di skad du zhu ba gsol te/ gzhon nu gser mdog 'di ni shin tu gzugs phun sum tshogs pa rgya chen po dang ldan pas/ skye bo mang po'i yid du 'ong ba lags pa las/ de dang bral na/ rgyal po'i khab na gnas pa'i skye bo'i tshogs shas cher sdug bsngal bar gyur pa dang / 'di ni rtag tu chos la mngon par dga' ba'i phyir dang / dul ba la sogs pa'i yon tan dang ldan pas sdig pa'i nyes pa gang la'ang mngon par dga' ba ma lags te/ da bdag cag rnams gser srang 'bum 'bul la/ ded dpon nyi ma'i nor thams cad kyang 'bul bar bdag cag la sogs kyis/ gzhon nu gser mdog slar bzlog pa shin tu legs par dpyad nas sbyang du gsol/ de ltar mdzad na
- 310a
ni bdag cag rnams kyis gsol ba'ang 'bras bu dang bcas par 'gyur la/ rgyal po'i bang mdzod kyang 'phel bar 'gyur ro// blon po rab gtum gyis thos nas khros te smras pa/ shes ldan 'dir ci zhig ma brtags pa yod nas gang la slar dpyod par bya/ rgyal po'i bang mdzod rgyas par 'gyur ro zhes gang zhig smras na/ de'ang ci nged kyis rigs pa dang mi ldan par bsags ba'i nor gyis rgyal po'i bang mdzod 'phel bar bya/ khyed rnams kyis rgyal po'i dgongs pa'ang mi shes te/ gang 'di ltar thabs 'di lta bus rnam pa thams cad du yangs pa can gyi grong khyer gyi mi rnams kyi thabs kyi sbyor bas nges par rgyal po la gnod pa chen po byed par 'dod pa yin te/ 'di ltar ma brtags par skye bo rnams rlag par byed pas rgyal po ni mi rigs par byed pa nyid yin no zhes/ rgyal po'i grags pa ma yin pa sgrogs par 'dod pa yin no zhes smras te/ des de tshar bcad pa dang / tshar bcad pa nas/ gshin rje'i skyes bu dang 'dra ba'i mi shin tu yang drag po'i las can la rtag tu goms pa'i dbang gis rgyud snying rje med par byas pa brtse ba med pa bzhi zhig yod de/ de rnams bos nas smras pa/ myur bar song la gsod pa rnams bskul zhing / nga'i tshig kyang 'di skad/ 'di grong khyer nas myur du tho na la/ ji ltar bsgo ba'i las kyis gsod cig/ khyed rnams kyis nga'am rgyal po'i lung ma gtogs pa gzhan/ gang gi tshig gis kyang ma btang zhig/ de ltar byas na legs kyis/
- 310b
gzhan du byas na ngas khyed rnams chad pa chen pos gcad par bya'o zhes smros shig/ des kyang bdag po de ltar bgyi'o zhes smras te/ rgyal po'i skyes bu de dag de'i tshig mnyan nas lag tu ral gri thogs te chas so/ / gsod ma pa de rnams kyang phyi ba shol gyi thabs brgya snyed byed cing / dal bu dal bus gzhon nu gser mdog lam po che dang / tshong dus dang / bzhi mdo dang / sum mdo rnams su sgrogs shing yongs su bskor te/ kye ma kyi hu da gzhon nu 'di gtong bar su zhig byed par 'gyur/ bdag cag kyang 'di lta bu'i bya ba ma yin pa mi byed pa su zhig sgrub par 'gyur zhes smra'o// rgyal po'i skyes bu de dag kyang ral gri phyung ba lag na thogs te/ phyin nas des gsod ma pa de rnams la des ji ltar bsgo ba de yang smras so// 'di skad kyang smras te/ gal te 'di myur bar grong khyer las bton te ji ltar bsgo ba bzhin du ma bsad na nged kyis khyed cag 'a phral du gsad par bya'o/ / de rnams kyis shin tu yang gdug cing ral gri phyung ba lag na thogs pa gshin rje'i skyes bu dang mtshungs pa de la bltas nas kun tu skrag par gyur to/ / de nas pachibs 'jigs skrag pas sems pa la zhugs te/ kyi hud sus kyang gzhon nu'i sbubs ma byas pa ni sdug bsngal lo// bdag cag rnams kyang 'dis 'phral du gsod par 'gyur ro snyam nas mchi mas khengs pa'i mig dang / rgyal po'i skyes bu de rnams kyis bsrungs bzhin du gzhon nu gser mdog grong khyer nas phyung bar brtsams pa dang / de grong khyer las byin par 'gyur ba
- 311a
la bltas te srog chags brgya stong dpag tu med pa sgra gcig tu gsang mthon pos mo nges 'debs pa la zhugs te/ kyi hud ded dpon nyi ma thams cad dang bral bar gyur pa ni sdug bsngal lo/ / ded dpon nyi ma 'di'i pha ma'i rigs chad par gyur to// ded dpon nyi ma 'di'i rigs kyi sgron ma nub par gyur to// ded dpon nyi ma 'di'i rigs rnams kyi kun tu dga' ba nub par gyur to// ded dpon nyi ma 'di'i rigs kyi gtsug gi nor phrogs so/ / ded dpon nyi ma 'di'i mig phrogs par gyur to// ded dpon nyi ma 'di'i rigs kyi rgyan phrogs par gyur to// ded dpon nyi ma 'di'i snying phyung dongo/ ded dpon nyi ma 'di'i srog lus dang ldan bzhin du phrogs so// kyi hud 'di'i 'brog stong par 'khyam pa bzhin du yongs su bskor nas phyung ba la sus kyang skyabs ma byas pa ni sdug bsngal lo/ di ni rgyal po'i khab kyi grong khyer gyis zla ba 'di'i 'chi bdag gi sgra gcan gyis bzung ngo // rgyal po'i khab kyi grong khyer gyi nyi ma 'di nam mkha'i dkyil du nub bo// rgyal po'i khab kyi grong khyer na gnas pa'i mig gi bdud rtsi 'di mthong ba'i lam na mi gnas par gyur to/ / rgyal po'i khab kyi grong khyer pa rnams dga' ba'i rgyun 'di mi sdang bar gyur to// rgyal po'i khab kyi grong khyer kyi rgyan 'di phrogs par gyur to/ / rgyal po'i khab kyi grong khyer rnams gtsug gi nor bu 'di phrogs par gyur to// rgyal po'i khab kyi grong khyer na gnas pa'i grong khyer ba rnams kyi yid du 'ong ba phrogs
- 311b
te khyer na/ rgyal po'i khab kyi grong khyer na gnas pa'i mi rnams su zhig la mig mi 'dzums par lta bar byed/ da ni gang zhig mthong na yid dga' bar byed ces yi chad par gyur to// blon po rab gtum gyis skyes bu gzhan zhig slar log nas gzhon nu gser mdog grong khyer nas phyung ngo zhes smras pa dang / des thos nas/ yid shin tu dga' bar gyur to// de nas grong khyer pa rnams kyi pho nya des de thos nas re thag chad par gyur to/ / de song nas grong khyer pa rnams la rnam pa de dag rgya cher smras so// de thos pa dang / grong khyer pa rnams kyang re thag bcad cing shin tu yi mug pas phan tshun smra ba/ shes ldan dag rtsod pa'i rgyal po 'dis pa chos dang ldan pa/ chos kyi rgyal po de lta bu bsad nas/ da ni 'di lta bu'i yon tan dang ldan par grags pa/ skye bo mang po'i yid du 'ong ba/ khyad par can gyi skyes bu nyes pa med pa/ gnod pa mi byed pa 'di lta bu gsod pa ni e ma'o snying rje med pa/ e ma'o yon tan med pa/ a ma'o khyad par mi shes pa'o// blon po rnams kyang gang 'di lta bu'i gzugs phun sum tshogs pa rgya chen po dang ldan pa ni/ mchod par 'os pa yin na/ ba di lta bu'i yon tan dang ldan pa'i skyes bu khyad par can ci'i phyir ma brtags par gsod cing yongs su spangs par byed/ yang na dus 'di lta bu nye bar gnas pa yin te/ gang dam pa ma yin pa rnams ni 'phel bar 'gyur la/ yon tan 'di lta bu dang ldan pa'i skyes bu dang bral bar 'gyur ba ni dus 'gribs pa'i nyes pa'i bdag nyid 'byung ba yin no//
- 312a
ded dpon nyi sa la rnam pa 'di dag rgya cher smras pa de thos nas/ ded dpon nyi ma re thag chad par gyur te/ mya ngan drag po'i sdug bsngal gyis gdungs nas brgyal te sa la 'gyel bar gyur to/ de nas chu gtor bas dbugs slar byung ba dang / yi mug pa'i yid kyis kun tu dga' ba dang bral ba su zhig da ltar nga'i bu gsod par byed ces gsang mthon pos cho nges 'debs pa la zhugs te/ hung mig ni dga' byed pa'i// nga yi rigs ni brgyan gyur pa'i// skal ldan pa ni nga lta bu// smres med par gsod par byed// nga yi yid ni rmongs pa dang // phyogs rnams da ni 'khrug par byed// khyod bral mya ngan mes gdungs pas/ / kye ma bdag nyid tshig par gyur// kyi hud mkhas shing shin tu dul// snying rje la ni dga' gyur pa// bu khyod la ni sdug bsngal dag/ mi bzad ji ltar 'ongs par gyur// bu khyod 'ongs par gyur pa'i tshe/ / dga' ba mnyam med ngas thob la// bu bzangs khyod dang bral ba yis// slar yang mya ngan mes gdungs 'gyur// brtse med khyad par mi shes pa'i// e ma'o rgyal po'i thon po dag/ gang zhig 'di 'dra'i khrims ldan pas// bu khyod rnam par ma brtags so// e ma 'o sa bdag de yis ni// gang gis 'di ltar de ma brtags// bu khyod yongs su spangs gyur pa// rang gi brtse med gsal sgrogs yin/ / khyad par du yang dam pa ngan// sems ni nges par nub pa ste// bu gang yon tan ldan pa yang // smre sa med par gsod par byed// yon tan ldan mi 'di 'dra ba// gsod krung
- 312b
btang snyoms byed pa ni/ / grong khyer gyi ni lha thams cad// de dag bros par gyur tam ci// dbang bcas 'jig rten skyong bcas dang // gang yang mthu chen po yi lha// thugs brtse ba yis nye bzung ste/ / de rnams bdag gi bu srungs shig/ brtul zhugs grub pa'i bdag nyid che// thub pa gang zhig da ltar bzhugs// de ni thugs brtse sngon bzhag ste// bdag gi bu ni bsrung du gsol// yang de'i blo skyes pa ci'i phyir bdag blo zhum par byed/ gang bcom ldan 'das 'gro ba thams cad kyi gnyen gcig pu thugs rje dang ldan pa de rjes su dran par bya'o// bcom ldan 'das de yang mgon med pa rnams kyi mgon// skyabs med pa rnams kyi skyabs/ skyob pa med pa rnams kyi skyob pa/ dpung gnyen med pa rnams kyi dpung gnyen yin la/ de bzhin du bcom ldan 'das des nyam thag par zhugs pa'i sems can mang po 'jigs pa chen po de dang de las thar par mdzad de/ de yang tshong pa rgya mtsho'i dbus su chud pa/ chu srin dang nyi ma'i 'jig pas skrag pa rnams la/ de rjes su dran pa tsam gyi 'jigs pa chen po de las yongs su skyob par mdzad pa dang / de bzhin du sor 'phreng gis drag cing gtum pas mtshon cha phyar te/ skyes bu du ma bsad la/ de srog dang bral bar 'dod pa las 'jigs pa de las skyob par mdzad pa dang de bzhin du sngon gyi skye bo'i sha kho na dang rjes su 'brel ba'i stobs kyis srog chags brgya sto dum gsod cing khro ba'i me shin tu 'bar ba/ mi'i sha dang rkang la chags pas bldan pa ma/ lce las kha
- 313a
chu'i thigs pa 'dzag cing / mche ba ring zhing rno ba gtsigs pas 'jigs su rung ba'i gnod sbyin la zas kyi phyir de'i kha'i gan du phyag bzhag ste/ 'brog gnas las sems can 'chi ba'i 'jigs pa las yongs su skyob par mdzad pa yin pas na/ bcom ldan 'das de ni bdag gi bu yang nyam nga ba chen po 'di las yongs su thar bar mdzad par spyod kyis/ gang 'di bcom ldan 'das thugs rje chen po dang ldan pa/ mchog tu mnyes gshin pa'i rang bzhin can de bdag gis rjes su dran par bya'o snyam nas/ gam du gnas pa'i dge bsnyen zhig la/ bcom ldan 'das da ltar gang na bzhugs pa dris pa dang / dge bsnyen de/ bcom ldan 'das rjes su dran nas/ mchi ma 'dzag cing skad 'dzer bzhin du smras pa/ ded dpon gang zhig 'jig rten ded dpon gyur// gang zhig 'jig rten bde sogs pa/ / 'jig rten kun gyi gnyen gcig pu// ston pa che na de mya ngan 'das// gang zhig smon med rnams kyi sgro na// gang zhig skyabs dang dpung gnyen gyur// rgyal ba sdu ma zad mar me bzhin 'jig rten sgron ma mya ngan 'das/ / de skad thos pa dang / ded dpon nyi ma bcom ldan 'das dang bral bas nyis 'gyur gyis mya ngan gyi zug rngus zug ste sa la 'gyeb te/ de nas chu gtor ba dang dbugs slar rnyed de bslang ba dang / phyogs gang du bcom ldan 'das yongs su mya ngan 'das pa der phyogs te/ gsab mthon pos chongs 'debs pa la zhugs te/ kyi hud chos rgyal thams cad mkhyen// nyes pa'i
- 313b
dgra tshogs 'dul mdzad pa/ / mgon med 'gro ba spangs nas ni// 'jig rten mgon po ci'i phyir gshegs// kyi hud mdzad pa grags gyur gtso// sems can kun tu gnyen gcig pu// sbyor ba kun las yang dag ldan/ / mya ngan 'das las ston pa po// kyi hud kye ma 'jig rten 'di// ma rig pas ni mig khebs pa// mgon po khyod dang bral bas na// 'khor bar rnam par 'khyam par gyur// dpa' bo gzhan la rje brtse ba/ / khyed ni mya ngan 'das gshegs pas// 'jig rten 'di ni mgon med nges// mgon du su zhig bsten par gyur// gang zhig khyed chos las byung ba'i// gdul bya rgyal ba'i sras po rnams// / de kun khyed dang bral gyur na// gnas ni gang zhig bgyid par gyur// mang po'i bsam pa 'bras bcas mdzad// sdug bsngal nges par gdul mdzad nas// 'gro ba re thag bcad mdzad de// thub khyod phyogs ni gang du bzhud/ / gang phyir khyod gsung mnyan par ni// dga' bas grong khyer pa mchis na// khyod ni da ltar mya ngan 'das// dam chos su zhig rjes su ston// kyi hud snang byed 'jig rten 'di// mi 'am lhar bcas 'jig rten na/ / mgon po shin tu rnyed dka' ba'i// thub pa khyod dang bral bas bcom// srog chags chos la yid dga' ba'i// bstan la dga' rnams mgon po khyed// mya ngan 'das pa thos gyur na/ / de dag ji ltar bgyid par gyur// thugs rjes rang gcig dpa' bo ni// brtser ldan khyod la brten nas su// gang zhig yon tan thob gyur pa// slar de su zhig ston par bgyid// ci
- 314a
bying 'jig rten gsum don du/ / thugs rje chen po skyed mdzad pa'i// 'jig rten de srid mkhyen pa zer ldan// ci'i phyir btang snyoms khyed bsten mdzad// kyi zung yon tan rin chen rgyas// bskal pa bye bar bsgrub pa ni// 'chi bdag sa pog gis zin te// chos kyi gru ni 'gyel bar gyur// gyi hung ma rig mdongs pa gang // blo dang ldan pa po 'bral ba// 'jig rten skyong ba mgon po ru// rab tA'ajig cing ngal byer gyur/ / kye ma 'jig rten che ba ni// mnyam pa nyid du nye gnas te// sangs rgyas rin chen chen po dang // 'di na ltar bral bar gyur// rgyu mchog med pa'i ba lang bzhin/ khyekhyod kyi dge slong tshogs rnams stong // mkhas pa rnams ni mthong na snying // ci yi phyir nags ma gyur// lha rnams dad pa yan lag gi/ mchog btud nas ni spyi bo la// zhabs kyi rdul gyi mchog gyur pa/ / gang zhig yang ni 'jig par 'gyur// sems can kun la mnyam brnyes pas// rtag tu gnod pa byed pa dag/ gang yin pa la da rung khyod// phyogs lhung mdzad par ma mthong ngo // / yan lag brgyad ldan sman gyis ni// nyon mongs nad gso mdzad pa po// ston pa thugs rje char ldan pa// sman pa'i rgyal po med par gyur// kyi hud brtse med 'jig rten mgon// mya ngan 'das pa ha cad sngas/ / 'jig rten long bar gyur pa la// bla med mig ni stsol ba yin// khyod ni mya ngan 'das dang deng // sdig pa med pa'i rin chen bu// gsod don du ni 'dir spangs na// su zhig 'phral du thar
- 314b
bar bgyid/ / mgon med rnams kyi skyob pa khyod// bgrod pa mchog tu gshegs gyur pa// kyi phung bu ni 'tsho ba yi// re ba nga ni ma mchis so// bdag nyi chen po khyed kyis gang // sdug pa kun dang bral 'gyur zhes/ / gsung gi dam pa bka' stsal te// legs gsungs yin par deng 'tshal to// de de ltar rnam pa mang por smre sngags 'don cing dge bsnyen de la smras pa/ kye bcom ldan 'das de'i nyan thos chen po 'ga' zhig lus pa yod dam/ bcom ldan 'das kyis bstan pa gang la rjes su gtad nas yongs su mya ngan las 'da' bar mdzad/ de nas dge bsnyen des smras pa/ ded dpon bcom ldan 'das kyi sa gnas brtan 'od srungs chen po la yongs su gtad na sa mya ngan las 'das so/ / gnas brtan 'od srungs chen pos kyang / bcom ldan 'das kyi bka' nyid kyis/ gnas brtan kun dga' bo la bstan pa rjes su gtad nas mya ngan las 'das so zhes thos te/ da lta ni gnas brtan kun dga' bo bdag nyid che ba/ bstan pa mdzes par 'dzin pa yin te/ de da ltar de bzhin gshegs pa bzhin du snying rjes grong dang / grong khyer dang / grong rdal dang / tshong dus la sogs pa de dang der song nas sdug pa'i sems can rnams rjes su 'dzin par byed de// de bzhin du sems can dge ba'i ma bskyed pa rnams ni dge ba'i rtsa ba skyed par byed do/ / dge ba'i rtsa ba'i rgyun yang dag par bsags pa rnams ni yongs su smin par byed do// dge ba'i rtsa ba'i rgyud yongasu smin pa rnams ni rnam par grol bar
- 315a
byed do/ / de bzhin du sman pa bzang po bzhin du nyon mongs pa'i nad kyis zin pa'i m+b+ha can rnams ni/ chos ston pa'i sman gyi sbyin pas gso bar byed do// nyi ma bzhin du nyon mongs pa'i mun par zhugs pa'i sems can rnams la ni/ dam pa'i chos ston pa'i 'od zer gyi tshogs kyis nyon mongs pa'i mun pa sel bar byed do// zla ba bzhin du tshig gi 'od zer gyi tshogs kyis gdul bya'i ku mu ta'i tshal gyi kha bye bar byed do/ / 'khor lo sgyur ba'i rgyal po bzhin du gdul bya'i khams kyi rgyal po stong phrag dam pa'i chos ston pas gdul bar byed do// seng ge ltar rang gi shes rab kyi spobs pa'i sgras mu stegs ngan pa'i ri dgas kyi tshogs 'byer ba byed to/ / lam ston pa ltar yang dag par ston pas gdul bya'i tshong pa rnams sgrol bar byed do// ded dpon ltar dam pa'i chos kyi zong la 'jug par byed do/ / spri na chen po ltar dge ba'i rtsa ba'i sa bon skyed par byed do// pha dang ma ltar phan pa dang gnod pa nye bar ston par byed cing / ma dul ba'i sems can rnams 'dul bar byed do// ma grol/ ba rnams ni grol bar byed do// dbugs ma byin pa rnams ni dbugs 'byin par byed do// yongs su mya ngan las ma 'das pa rnams ni yongs su mya ngan las 'da' bar byed do// de bzhin du nyam thag pa chen pos nyen pa'i sems can rnams ni/ 'jigs pa chen po las thar par byed do// mdor na bdag nyid chen po de ni/ sangs rgyas kyi bya ba byed do// de nyid rjes su dron cig dang / de ni khyod kyi bu 'am pa
- 315b
rga ba 'di las thar par byed par nus/ de thos pa dang / ded dpon nyi ma srog stor ba las slar rnyed pa bzhin du shin tu dga' ste/ rtabs bag gis dris pa/ 'phags pa kun dga' bo de da ltar gang na bzhugs/ des spras pa/ ded dpon gnas brtan kun dga' bo ni da ltar yangs pa can gyi a mra sbyong ba'i nags na bzhugs so zhes thos so// de nas ded dpon nyi ma de ma thag langs te/ pus mo'o ngaganyis sa la btsugs nas yangs pa can gang na ba der btud nas/ bu dang bral ba'i sdug bsngal gyis nyen cing / mchi ma'i chu rlabs kyis gdong gi pad+ma khebs bzhin du mchi mas kun tu khyab pa dang / lta zhing bsam pa drag pos gnas brtan kun dga' bo la gsol ba 'debs pa la zhugs par gyur to// gal te khyod ni slob dpon mchog/ sems can bsam mkhyen mchog yin na// bsam dang bag la nyal mkhyen to/ / gsol ba 'debs pa 'di gson cig/ sangs rgyas bcom ldan slob ma ni// rdzu 'phrul che dang mya ngan 'das// de yi bstan pa 'phel byed pa'i// khyod gcig pu ni lus par gyur// khyod ni 'gro ba'i dpung gnyen dang // khyod ni dbugs phyin gyur pa yin// rtag tu sems can don mdzad pa// da ltar dgos pa gzigs par mdzod// mgon khyod ma lus bsrung ba ni// 'di 'dra di ring bzhugs bzhin du/ / skyes med par bdag gis// ci phyir 'di ltar gsod par byed// gal te 'gro don mi mngara' na// khyod 'dra bani bzhugs mi 'gyur// 'gro ba dang ldan gsod bzhin du// 'di la ji ltar bdang
- 316a
snyoms mdzad/ / 'gro ba'i don du sru lus ni// brtul zhugs bzang po 'dzin mdzad pa'i// thugs rje de mngon mdzad nas ni// bdag gi bu la dgongs su gsol// las kyi sgo kum bcom gyur cing / / skyabs med dpung med/ nyen pa yin// mya ngan 'a dam la nub pa bdag/ chung mar bcas pa gdon du gsol// shAkya seng ges khyod nyid ni// da ltar gtso bor bstan mdzad na// 'gro la phan mdzad gzhan gang lag/ / gzhan gang la ni gsol ba gdab// gtso bo khyod ni ma gtogs par// bu yi skyabs gzhan ma mchis pas// de bas rings par byon nas ni// bdag gi bu ni bsgrub tu gsol/ bu yi mya ngan bzod dka' la// rang bzhin ngan pa'i dgras zin pa'i// chung mar bcas pa dga' bral la// kun dgas deng ni dga' bskyed gsol// de nas bar skabs der gnas brtan kun dga' bo snying rjes gdungs bzhin du nyin lan gsum mtshan lan gsum du nyan thos kyi mig gis 'jig rten la bltas te/ su ni 'grib/ su ni 'phel/ su ni gsod par gyur/ su ni nyam nga bar gyur/ su ni sdug bsngal bar gyur/ su ni ngan song la gzhol/ su ni ngan song la bab/ su ni ngan song la 'bab/ su ni ngan song gi lam las blan te mtho ris dang thar pa la gzhag par bya/ su ni 'dod pa'i 'dam du bying ba la gnas rbang bar bya/ su ni 'phags pa'i nor dang bral ba las 'phags pa'i nor gyi dbang phyug gi bdag po la rab tu gzhag par bya zheganas rtan kun dga' bos/ gnas brtan shA ri'i bu dang mnyam pa'i mig gis bltas na/
- 316b
gzhon nu gser mdog dge ba'i rtsa ba'i tshogs nye bar bsags pa/ nyam thag pa chen pos nyen par gyur pa mthong ngo // mthong nas kyang yang de nyid nas gnas gzhan du rdzu 'phrul gyis glang po che'i sna lnga bur lag pa brkyang nas de'i mod kho na la rgyal po ma skyes dgra khang bzangs kyi steng gi gzhi na shin tu bag med par gnas pa la/ se gol gyi sgras go bar byas nas sgra gsal bar smras pa/ rgyal po chen po gang gzhon nu gser mdog rang nyid kyis rnam par ma dpyad pa ni legs par byas pa ma yin no/ / de yang da lta gnod pa med cing nyes pa ma byas bzhin du rgyal po'i khab nas phyung ste/ dur khrod chen por khyer nas gsod kyis/ de las zlo ga cig/ de nas gnas brtan kun dga' bo'i tshig de thos pa dang / rgyal po rtabs bag tu rings par gnas brtan kun dga' bo khang bzangs kyi steng na 'dug pa la phyag byas te/ langs nas sgra chen por phyogs bzhir bos pa/ kye nyon cig/ gang dur khrod chen por rings par rings par song nas/ gzhon nu gser mdog gsod par byed pa la/ nga'i tshig gis thar par byed pa de la ngas gser gyi za ma tog chen po dang / yul gyi mchog lnga sbyin no// rgyal po'i tshig de thos pa dang / gzhon nu de ni skye bo mang po'i yid du 'ong ba yin pas/ srog chags brgya stong du mas rings par brgyugs par gyur to/ / de nas bar skabs der gshed ma pa rnams rgyal po'i skyes bu de rnams kyis bsrungs nas/ gzhon nu gser mdog khyer te dur khrod chen por phyin te/ bu mo ka shi mdze
- 317a
dga' mo yang rang gi nye du rnams kyis gos sngon po dang / ser po dang / dmar po dang / dkar pos brgyan pa byas pa'i khyogs la bteg ste/ dur khrod chen por khyer nas/ gnyen rnams kyis de phyogs gcig tu bzhag ste/ shing bsdus nas ro bsregs pa'i shing brtsig pa la zhugs par gyur to// gshed ma de rnams kyis spras pa/ khyed rnams kyis re zhig 'di'i ro bsreg pa'i shing ma brtsigs par ji tsam na khyed kyis nged kyi gzhon nu gser mdog gsal shing la bskyon te/ bsad kyi bar du yud tsam zhig sdod cig/ de ci'i phyir zhe na/ gzhon nu gser mdog 'di dang bu mo ka shi mdzes dga' mo ro bsregs pa'i shing gcig la bzhag ste/ bsreg par bya'o zhes smras nas/ gsal shing sa la btsugs par rtsom par gyur to// de nas gzhon nu gser mdog gsal shing sa la btsugs pa la bltas nas/ ma rjes su dran te sdug bsngal drag pos rgyud zhu bar byas pas/ mchi ma klog pa la zhugs par gyur te/ da ltar ma nga dang bral bar thos dang / gnas skabs cir gyur cig gu/ gang gi tshe thun dang po'i mtshan phyed la ma mthong na yang shin tu gnod pa drag po myong na/ des deng bu gcig bang dang bral na srog ji ltar 'dzin par 'gyur/ kyi hud nga ni 'di lta bu skal ba ngan pa ste/ nga skyes pas mang dang bral ba'i sdug bsngal nyams su myong bar gyur to// de nas gshed ma pa rnams kyis gsal shing de sa la btsugs te phan tshun smra bar rtsom pa/ bdag cag las su zhig gis gzhon
- 317b
nu 'di gsal shing la bskyon par bya/ der yang re re nas spu byed pa la zhugs te/ khyed rnams kyis skyon cig/ nga ni deng mgo bo'i nad kyis shin tu gzir to// de bzhin du nga ni rgyab nas gzer ro// nga ni mtshan/ khung nas gzer ro zhes zer zhing de rnams gang yang bya ba ma yauni pa de byed par sprog ma gyur to// de nas gzhon nu gser mdog de rnams phan tshun smra ba thos nas gsal shing sa la btsugs pa la bltas nas/ kyi hud da ni nges par nga med par 'gyur ro zhes 'khor ba'i nyes pa la skyo zhing thar pa'i lam mngon par 'dod pas bdag nyid dga' ba dang bral bar shes nas/ mchog tu 'jigs pa'i mya ngan gyis g.yo ba'i mig gis lta zhing cho nges 'debs pa la zhugs te/ kyi hud sdug bsngal lo// da ni nga'i shin tu rnyed par dka' ba'i dam pa'i chos kyi dga' ston rnyed nas/ don gyi bya ba ma byas pa nyid na 'chi bar 'gyur ro// kyi hud yang 'khor bar 'khor bar 'gyur ro// slar 'khor ba'i btson ra chen por gnas par 'gyur ro// yang 'khor ba'i 'brog stong par yongs su 'khyam par 'gyur ro// yang 'khor ba'i tshang tshing chen por zhugs par 'gyur ro/ / yang 'khor ba'i g.yang sa chen por rab tu lhung bar 'gyur ro// yang 'khor ba'i 'dam rdzab kyi nang du gnas par 'gyur ro// yang bdag ni yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa la sogs pa'i dmyal ba rnams su skye bar 'gyur ro// slar yang bdag glang po che dang / ba lang
- 318a
dang / ma he dang / ri bong dang / sha ra ba dang / ri dgas ru ru dang / byi la ste sna tshogs pa'i skye gnas su skye bar 'gyur ro// slar yang rtag tu bkres pa dang skom pa la sogs pa'i sdug bsngal chen po dang / sdug bsngal ba dang / yid mi bde bas nyen pa rnams dang / bza' ba dang btung ba'i sgra tsam yang mi thos shing bshang ba dang / gcin dang / mchil ma dang / ngar snabs la sogs pa za zhing yi dgas lkog ma'i lba ba can du skye bar 'gyur/ dper na u dum 'bar ba'i me tog brgya lam lan 'ga' na 'byung ba ltar/ de bzhin gshegs pa dgra bcom pa yang dag par rdzogs pa'i sangs rgyas ni/ 'jig rten du brgya la ma lan 'ga' na 'byung bar 'gyur ro zhes thos te/ de bzhin gshegs pas gsungs pa'i chos 'dul ba 'jig rten du ston par mdzad pa yang 'byung bar dka' bar shes so/ / dal 'byor ni rnyed par dka' 'o// mir skye ba ni rnyed par dka' 'o// 'phags pa'i yul du skyes pa dang / dbang po tshang ba dang / glen pa ma yin pa dang / 'on pa ma yin pa dang / lkugs pa ma yin pa dang / lag brdas mi smra ba dang / legs par bshad pa dang / nyes par bshad pa'i chos rnams kyi don bshad pa rnyed par dka' 'o zhes thos la/ bdag kyang sgru dang bral bas deng ni med par 'gyur te/ mi khom pa brgyad las thar pa'i mir skye ba nyid kyang da ni 'bras bu med par 'gyur na/ de la da ci zhig bya/ ci bcom ldan 'das thugs rje chen po dang ldan pa'i
- 318b
sangs rgyas bzhugs na ni/ gang zhig rjes su dran phrang gnas skabs 'di lta bu mgon med pa/ skyabs med pa/ skyob pa med pa/ dpung gnyen med pa/ snang ba med pa/ shin tu nyam thag pa'i sdug bsngal gyis nyen par gyur pa la thugs rje chen po'i dbang gis byon nas yongs su skyob par mdzad par gyur pa zhig na/ bcom ldan 'das de yang nga'i skal ba ngan pa'i nyes par myur bar yong su mya ngan las 'das pas/ de la da su zhig gnas skabs rjes su dran par bya/ su zhig nga la de bzhin du thugs rje chen pos byon nas yongs su skyob par byed par 'gyur zhes re thag chad de dpyod 'dar ba la zhugs pa dang / de la yang blo skyes pa/ gnas brtan kun dga' bo zhes bya ba bdag nyid chen po bzhugs kyis/ de rjes su dran par bya ste/ bdag nyid chen po de sems can thams cad la phan par sems pa la rtse gcig pa'i rgyud dang ldan pa/ bcom ldan 'das de dang / gnas brtan 'od srungs chen pos bstan pa ma lus par rjes su gtad pa yin te/ des da ltar sems can thams cad la phan par mdzad pa de ni rdzu 'phrul che zhing mthu che ba yin par thos te/ gnas brtan kun dga' bos ni 'phongs pa 'di las bdag yongs su skyob par spyod kyis/ de nyid rjes su dran par bya'o snyam du bsams nas/ mchi mas mig khengs shing 'khor ba'i 'jigs pas skyo la mchog tu yid byung bar gyur pa'i bsam pa drag pos gnas brtan kun dga' bo spyan drangs pa la zhugs so// 'khor ba'i
- 319a
'jigs pas skrag gyur pa/ / dga' dang bral bas gnas pa dag/ gnas brtan kun dga' bo la zhu// bdag la khyod gsan mdzad par rigs// kun mkhyen thugs rje'i bdag nyid can/ / de ni mya ngan 'das gyur nas// bdag nyid chen po 'od srungs la// 'gro ba'i don gyi khur gtod do// gnas brtan 'od srungs chen po ni// don byas mya ngan 'das nas ni// 'gro ba'i don ni 'byor pa'i phyir/ / khyed nyid la ni khur yang gtad// 'jig rten gnyen gyur rdzogs sangs rgyas// 'gro ba kun la phan brtson dang // grags ldan 'od srungs chen po yang // da ltar mya ngan 'das par gyur/ / khyed ni mgon med rnams kyi mgon// 'jigs pa rnams la mi 'jigs stsol// ngal ba rnams kyi bsti sa dang // skyabs don gnyer ba rnams kyi skyabs// ston pa'i bya ba mkhyen mdzad pas/ khyed nyid 'jig rten gnyen gcig pu// sangs rgyas slob ma rnams kyi mchog/ khyed ni bstan pa gces mdzad pa// gal te sdug bsngal sa 'og las// deng bdag gdon par mdzad pan// khyod las gzhan pa'i mgon po ni// da ltar med pas bdag bcom lags// skyes nas nges par 'chi bas na// bdag nyid skrag pa ma lags kyi// ji ltar 'khor ba'i btson ra las// 'byin par mdzad pa khyed kyis mkhyen/ / de bzhin mi khom brgyad spangs pa'i// dal ba thob pa rnyed dka' la// don ma byas pas 'chi 'gyur bas// des bdag shas cher sdug bsngal gyur// sangs rgyas thams cad
- 319b
gziganas ni/ / 'byung ba nges par rnyed dka' bas// khyed gshegs nas ni ji ltar bdag/ 'bras med mi 'gyur de ltar mdzod// khyed ni thugs rje'i mi g.yo ba// srog chags kun la mngar gyur pa// thar pa'i lam ni mngon 'dod pa'i// bdag la btang snyoms mi mdzad rigs// gal te khyod ni gtso can te// sems can kun gyi don brtson na// shin tu nyam ngar zhugs gyur pa// bdag la gzigs bar mdzad du gsol/ / de ltar skyob pa med pa la// lha yi spyan gyis gzigs nas ni// khyod deng myur du gshegs nas su// bdag la bsgrub par mdzad pa'i rigs// de nas bar skabs der gnas brtan kun dga' bo bdag nyid che ba/ 'gro ba ma lus pa'i don yongs su rdzogs par bya ba'i phyir nges par zhugs pa/ snying rje dang ldan pa des de bzhin du sems can mtha' yas pa'i spyod pa la lta zhing ban par sems pa'i rgyud dang ldan pa'i lha'i mig gis mchog tu nyon mongs pa dang ldan pa/ gzhon nu gser mdog gnas skabs 'di lta bur 'dug pa mthong ba dang / sems kyi 'jug pa snying rjes yang dag par bskul nas/ lha'i snang bas sa'i dkyil 'khor rnams snang bar byas/ dgra bcom pa lnga brgyas yongs su bskor te/ 'bral du rdzu 'phrul gyis nam mkha'i gzhi la 'phags te/ mtshams kyi sprin gyis g.yogs pa bzhin du nam mkha'i ngos kun tu bkang ste/ sa'i dpal gyi tshogs bzhin du dpal gyis lus 'bar bar gyur cing / dur khrod du mngon par bltas te yang dag par chas pa dang /
- 320a
rgyal po ma skyes dgra khang bzangs kyi steng na 'dug pas/ gnas brtan kun dga' bo dge slong gi dge 'dun dang lhan cig zla ba kham pa lta bur nye bar bskor te/ rdzu 'phrul gyis nam mkha' la 'phags nas/ mtshams kyi sprin bzhin du nam mkha'i ngos brgyan te/ dur khrod chen por mngon par phyogs nas 'gro ba mthong ngo // de mthong ba dang / yang de 'di snyam du sems te/ gnas brtan kun dga' bo ni gzhon nu gser mdog gi phyir gshegs pa yin la/ de bzhud nas kyang ngo mtshar shin tu che ba'i chos ston par mdzad pa yin gyi/ nga yang dur khrod chen por 'gro bar bya'o snyam mo de nas de'i mod la gnas brtan kun dga' bo 'khor dang bcas pa la phyag byas te/ khang bzangs nas rangs pa rings par babs te/ srog chags brgya stong du mas yongs su bskor nas rkang pa nyid kyis dur khrod chen por chas so/ / bar skabs der gshed ma pa rnams la rgyal po'i skyes bu de rnams kyis mtshon phyar te bsdigs pa/ ci'i phyir 'di ltar phyi bgol byed/ myur du gzhon nu 'di gsal shing la skyon cig/ de nas gshed ma pa de rnams skrag ste/ gzhon nu gser mdog gsal shing la bskyon par bya'o zhes smras nas gsal shing la skyon par brtsams pa dang / gzhon nu gser mdog 'khor ba'i nyes pa yid byung ba'i sems dang re thag chad par gyur pas chonges 'debs pa la zhugs te/ kyi hud 'phags pa kun dga' bos bdag yongs su spangs te gang la mkhyen par gsol/ yang
- 320b
yongs su ma skyabs pa ni sdug bsngal lo/ / de nas bar skabs der gnas brtan kun dga' bo bdag nyid che bas ring po nyid nas 'ongs bzhin du/ skad shin tu gsal bas phyogs kun tu khyab par byas te/ gzhon nu gser mdog la dbulas dbyung ba'i phyir smras pa/ bu ma 'jigs shig/ khyed lta bu'i gdul bya rnams kyi don du ngas sbrul dug can lta bu'i lus 'di gzung ba yin gyis/ bu ma 'jigs shig/ ngas der khyod nyam nga ba 'di las yongs su thar par bya'o// deng ngas sangs rgyas bcom ldan 'das kyi thugs la dgongs pa rdzogs par bya'o// deng nyid ngas de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa dang / gnas brtan 'od srungs chen pos bstan pa nga la gtad pa de yang 'bras bu yod par bya'o// deng ngas de bzhin gshegs pa'i nyan thos rnams kyi mchog gi bdag nyid che ba nye bar bstan par bya'o/ / deng khyod kyi yid la re ba yongs su rdzogs par bya'o// deng khyod kyi bachi ba'i 'jigs pa 'di dang 'khor ba'i 'jigs pa bsal bar bya'o/ / deng khyod kyi the tsom gyi rnam par yin nam ma yin snyam pa'i zug rngu dbyung bar bya'o// lta ba ngan pa'i rab rib kyis khebs pa'i mig ye shes kyi mig sman gyi thur mas rnam par snang bar bya'o// deng khyed kyi khro ba'i me gzhig par bya'o// deng khyod 'dod chags dang bral bas bskyab par bya'o// deng khyod kyis dge ba'i sa bon bskyed par bya'o// deng khyod 'khor ba'i 'dam las gdon par bya'o//
- 321a
deng khyod sdug bsngal gyi rgya mtsho las bsgral bar bya'o// deng khyod 'khor ba'i 'brog dgon pa'i mthar dbyung bar bya'o// deng khyod nyon mongs pa'i 'ching ba gcad par bya'o// deng khyod nyon mongs pa'i sgo glegs bcag par bya'o// deng ngas ji ltar khyod kyi mtha' bye ba brgya stong dpag tu med par shin tu rnyed par dka' ba nyon mongs pa dang / nye ba'i nyon mongs pa spangs nas dgra bcom pa nyid thob pa de ltar ngas bya'o/ / deng ni nyon mongs bud shing kun// ye shes me yis bsreg par bya// deng ni the tsam med pa'i blos// rigs dang bral ba nyid du 'gyur// deng ni bu khyod mi thogs par/ / yun rings bskyed pa'i skye ba'i shing // ye shes chen po'i rdo rje yis// bcad dka' shin tu gcod par gyur// chags chu dregs pa'i dpa' glong can// nga rgyal chu rlabs srid mtsha la brtson pa'i gzings la legs zhon te/ / khyod ni rab tu rgal bar 'gyur// skye ba'i lhun can rga ba'i rtse// 'chi ba'i ri khrod dog pa ni// ye shes rdo rje chen po yis// sdug bsngal ri bo gzhig par 'gyur/ bskal pa bye ba brgya stong du// gang zhig khyod kyi ma thob gnas// de 'dra'i shin tu rnyed dka' ba'i// gnas med deng ni thob par 'gyur// de nas gnas brtan kun dga' bo las de dag thos pa dang / gzhon nu gser mdog srog stor ba las slar rnyed pa bzhin du dbugs phyin cing shin tu dga' bas ba spu ldang ba dang / nam mkha'i ngos su shas cher blta bzhin gnas brtan kun dga' bo la dga' bas bsdus pa'i
- 321b
yid rtse gcig tu gyur to/ / de nas rgyal po'i skyes bu de rnams kyis/ gsod ma pa rnams la smras pa/ shes ldan dag dge slong nam mkha'i ngos la rten cing 'ong ba 'di dag ni snying rje can yin pas 'di dag 'ongs nas gal te bar chod byed kyi/ myur du gzhon nu 'di gsal shing la skyon cig/ khyed rnams rgyal po'i khrims las 'das pas/ sdug bsngal chen po thob par gyur ta re/ de nas gshed ma pa de rnams bu dang / bu mo dang / nang mi dang / nye du srog dang bral bas 'jigs skrag nas/ gzhon nu gser mdog steg ste gsal shing la gzug par brtsams pa dang / gnas brtan kun dga' bos de'i mod kho na la ji ltar gsal shing de'i steng du zla ba'i dkyil 'khor dang 'gran du rung ba/ lte ba yangs pa dang ldan pa'i pad+ma chen po byung bar gyur la/ zla ba de'i steng du lte ba la gzhon nu gser mdog skyil mo krung gis 'dug pa de ltar byin gyis brlabs so/ / pad+ma de'i lte ba'i steng na gzhon nu gser mdog skyil mo krung gis 'dug pa mthong ba dang / nam mkha' las lha bye ba brgya stong dpag tu med pa ca co'i sgra 'don te/ kye ma'o bstan pa'i bdag nyid che// kun mkhyen gyi ni rmad byung gang // de bzhin gshegs pa'i rnam 'phrul gang // de bzhin nyan thos rnams kyang byed// de ni 'phags pa kun dga' bos/ / bdag nyid che mtho rab ston cing // bde gshegs bzhin du byed pa ni// yang dag shin tu rmad byung che// 'phongs pa'i mun pa sel ba yi// rgyal ba nyi ma nub gyur
- 322a
kyang / kye ma'o gnas brtan kun dga' bo// dpal ldan nyi ma 'di shar ro// 'gro ba'i nam mkha'i dkyil 'khor du// gnas brtan kun dga'i zla ba yi// rang gi shes rab bdag nyid che/ / 'od kyis dri ma med par byas// bde gshegs sgron ma dang bral bas// 'gro ba mun pas khyab gyur la// 'phags pa kun dga'i sgron ma yis// deng ni yang dag gsal bar byas// yon tan bsam mi khyab kun ldan/ / sangs rgyas rin chen nub gyur kyang // dpal ldan 'gro ba'i gtsug nor bu// 'phags pa kun dga' yang dag 'phags// de nas gnas brtan kun dga' bos ston ka'i zla ba'i dkyil 'khor bltar med pa bas lhag pa'i 'od ldan pa/ mtshams kyi sprin gyis bskor ba'i nyi ma lta bu'i sa'i dpal ma lus pa bzhin du dpal gyis lus 'bar bar gyur pa/ rang gi gzi brjid kyis nyi ma'i 'od zil gyis mnan pa/ dgra bcom pa lnga brgyas yongs su bskor te phyin pa dang / nam mkha'i ngos nyid na ga na sa bzhin du gser mdog la gsungs pa/ 'jig rten du ni lan bga' zhig/ mig ldan g.yul gyi mthar byon pa// lha'i dang mi yi ston pa yi// de bzhin gshegs pa 'byung bar 'gyur// sdug bsngal thams cad rnam sel ba'i// chos gang rab tu ston pa dang // sdug bsngal sdug bsngal kun 'byung dang // sdug bsngal yang dag 'das pa dang // 'phags pa'i lam ni yan lag brgyad// zhi ba mya ngan 'das 'gro ba// chos 'di ston par mdzad pa na/ sdug
- 322b
bsngal thams cad sel byed pa'i/ / shes pa mi shes bcom nas ni// sngar ni 'byung bar mi 'gyur ro// de nas tshig 'di thos pa'i rjes thogs nyid la gzhon nu gser mdog 'jig tshogs la lta ba'i ri bo mthon po nyi shu ye shes kyi rdo rjes bcom nas/ rgyun du zhugs pa'i 'bras bu mngon sum byas so// de nas gzhon nu gser mdog tshong pa rnyed pa lta bu 'am/ zhing pa lo legs pa lta bu ba ma/ dpa' bo g.yul las rgyal ba lta bu 'am/ 'khor lo sgyur ba'i rgyal po thob pa ltar mchog tu dga' ba dang mgu ba skyes par gyur nas/ de nyid du gnas bzhin du lag pa thal mo sbyar te/ gnas brtan kun dga' bo la mngon par bstod par brtson pa/ gnas brtan kun dga' phyag 'tshal lo// gnas brtan mchog la phyag 'tshal lo// rgyal sras rnams kyi tog gyur pa'i// thub pa che la phyag 'tshal lo// e ma'o/ khyod kyi thugs rje rgyas// e ma'o thugs rje mchog ldan pa// gang gi bdag ni nyam nga ba// chen po las ni deng thar mdzad// 'jigs pas nyen cing mgon med bdag/ mgon po khyod kyis thar mdzad pas/ / 'jig rten mgon zhes mi yul gyi// gnas su khyed kyis sgra bsgrags gyur// sdug bsngal tshabs gdungs pa yi// 'jig rten khyod kyis 'dzin mdzad cing // byams dang snying rje'i bsil ba'i 'od/ / thub pa zla ba shar ba yin// dge ba'i bshes dang mjal nas ni// khyod kyis bdag la gang thob mdzad// bya ba de ni mas min zhing // pha dang gnyen rnams kyis ma yin// ngan song thams
- 323a
cad sgo bcad cing / / thar pa'i sgo ni kun tu phye// rgya mtsho thams cad bskams pa dang // rus pa'i ri las thar par mdzad// 'khor ba thog mtha' dbus med cing // nyon mongs 'jigs pa dkrug pa las/ / blo dang bcas pa'i yon tan gyis// khyod kyis mthar ni bzhag par gyur// thog med dus na zhen pa yi// lta ba'i zug rngu legs 'byin pa'i// sman pa'i mchog 'di rnyed pas na/ / bdag nyid nad med bde ba skyes// de nas lha rnams kyis gnas brtan kun dga' bo'i sems la bltas nas skad cig ma de nyid la/ dur khrod chen po'i rdo dang / gseg ma dang gyo mo rnams bsal ba dang / tsan dan gyi chus chag chag patab cing / spos kyi dri zhim pos gtul te/ gdugs dang / rgyal mtshan dang / ba dan dang / rta babs bsgreng ba dang / mu tig gi do shal gyi tshogs dang / gos kyi rgyun 'phyang mang po sbyangs pa dang / me tog dri zhim po sna tshogs kyi sil ma bkram ste/ lha rnams dga' ba'i tshal du shin tu nyams dga' bar byas so// der yang gnas brtan kun dga' bo'i don du rin po che sna tshogs par rnam par spel cing spras pas/ khyad par can du phye zhing thams cad lha'i gser las byas pa/ rkang brten dang bcas pa'i lha'i seng ge'i khri chen po bcas pa dang / dgra bcom pa lnga brgya po de rnams kyi don du yang lha'i gdan rnams bting ngo // de nas gnas brtan kun dga' bo nam mkha' las babs te/ seng ge'i khri de'i steng du bzhugs so//
- 323b
dgra bcom pa lnga brgya po de rnams kyang babs te gdan bshams pa la 'dug par gyur to// rgyal po ma skyes dgra yang srog chags brgya stong dpag tu med pas yongs su bskor nas phyin pa dang / tsam na 'byor pa de dag kyang mthong zhing / gzhon nu gser mdog zla ba'i dkyil 'khor dang 'gran du rung ba'i pad+ma'i lte ba'i steng na 'dug pa/ sprin rum stug mo las byung ba'i ston ka'i zla ba rgyas pa lta bu'am gser gyi mchod sdong ltar dpal gyis 'bar ba mthong ba dang / de bltas te/ sems kyi rgyud ngo mtshar shin tu bsdus par gyur nas pa spu ldang bar gyur pa dang / mchog tu dga' ba'i rlabs 'khyil ba'i gdong gi pad+ma rgyas pa dang / mchog tu dad pa'i shugs kyis sems shin tu bsdus pa dang / lus thams cad kyis gnas brtan kun dga' bo'i zhabs gnyis la phyag byas so// de nas zhabs la byugs te langs nas/ pus mo gnyis sa la btsugs te/ lag pa thal mo sbyar nas/ gnas brtan kun dga' bo la lha bzhin du smras pa/ gang gis deng nyid 'gro ba 'di// yongs su skyob par mdzad pa dang / bdag nyid kyang ni don mdzad pa'i// slob dpon mchog la phyag 'tshal lo// dge dang skye bo 'di dag la// khyod kyi dgongs pas ma mdzad na// smod pa'i ser ba 'bebs pa yis// thub pa bdag ni rlag par 'gyur/ / thub pa sems la btang snyoms mdzad// gal te skyobs khyod mi bzhugs na// rjes su 'gyod pa'i nags mes ni// bdag ni deng nyid sreg par 'gyur// e mtsho
- 324a
ye shes che ba nyid/ / thugs rje'i thugs ni dam pa yis// rmad du byung ba spyod pa 'di// e ma'o yang dag bstan par mdzad// sdig pa med kyi cho 'phrul dang // rmad byung chen po 'di mthong na/ / de bzhin gshegs pa mchog tu ni// zhi bar gshegs pa min snyam sems// nyam thag gyur pa'i 'jig rten gyi// khyod ni mgon yin khyod dpung gnyen// sems can kun la phan mdzad pas/ / bcom ldan bzhin mnyes gshin pa po// bcom ldan 'das de 'khums pa dang // dga' ba gang zhig sngon skye ba// rgyal ba'i bstan pa gces 'dzin pa// khyed de de dang 'dra bar 'khums/ / de nas rgyal po des gnas brtan kun dga' bo la de ltar mngon par bstod nas langs te/ mchog tu dga' bas yid brgyan pa dang / rings pa rings par gsal shing gi gan du seng ste/ lag pa gnyis brkyang nas yid du 'ong ba'i bu stor ba las/ sla ra rnyed pa ltar mchog tu dga' bas gzhon nu gser mdog rang nyid kyi stan de las phab ste/ dam du 'khyud nas yang nas yang du mgo la 'o byas shing dga' bas byung ba'i mchi ma sa kun tu khebs pas/ gzhon nu gser mdog la mig mi 'dzums par lta zhing smras pa/ nyam thag 'di las khyod thar nas// gnas pa de ltar mthong ban/ dga' bar gyur pa de 'dra ston// rgyal po thob na'ang ma myong ngo // zla ba rgyas pa'i mdangs 'phrog cing // ut+pal sngon po 'dab 'dra'i mig/ bu yi gdong gi pad+ma ni// mthong ba dag ni blta bar bya//
- 324b
bco ma gser gyi mdangs ldan zhing // yon tan phun tshogs rnams kyis brgyan// yan lag thams cad 'bres gyur pa'i// khyed lus mthong ba blta bar bya// snying rje med cing bdag nyid ngan// gang gi rang bzhin ngan smras nas/ / su ni mi rnams yid 'ong khyod// bsad pa'i phyir ni yongs su spangs// spyod pa dul bar ldan pa dang // tshig ni mnyan cing dga' byed la// gzugs ni shin tu rmad byung 'di// su yi yid du mi 'ong smras// yon tan ldan pa su zhig sdang // gang zhig rtag tu snying rje 'brang // rdo rje snying po mnyam sems gang // khyab par mi shes su zhig yin// bu sdug khyod la sdang ba gang // de'i ni rdo yi rang bzhin nam// sems dang bral bar byas pa 'am// snying ni phyung bar gyur par nges// skye bo kun la sdug pa khyod// gang gis gsod par lung bsgo ba// rdo rje rab 'bar thogs nas ni// nga yi spyi bor ba phen pa yin// mgul par mtshon gyi sa 'debs pa dang // mdung gis snying kar rab bsnun cing // grags pa smin pa'i ser ba 'di// su zhig gis ni dbab par brtsams// kyi hud su las mi bzed pa'i/ / tshig gi las 'di byed du bcug/ su zhig nga yi dgrar 'brel gyur// nga ni gang yid mi 'ong gyur// su zhig 'chi bdag gis 'khyud pa// su zhig srog las spyo bar gyur// gang gis khyod la lung bsgo ba/ / myur du smra bar bya ba'i rigs// de nas gzhon nu gser mdog sems pa la zhugs par gyur te/ gal te rgyal po 'di la blon po rab gtum bdag la las 'di byed du bcug go zhes spras
- 325a
na ni/ da lta nyid du blon po rab gtum gsod par 'gyur te/ blon po rab gtum la rgyal pos las 'di byed par gyur pa'i gnas yod na 'dir ji ltar bsgrub par bya/ yang bsam pa/ las bdag gir bya ba la dmigs par bya ste/ nges par na ngas skye ba gzhan du sdig pa mi dge ba'i las byas pa gang yin pa de'i rnam par smin pa 'di yin te/ sngon gyi las kyi rnam par smin pa ma gtogs par/ sdig pa med pa ltar gsod par spong bar su zhig byed ces nges par bsams nas/ rgyal po la smras pa/ lha cig gang la 'di 'dra ba'i// rnam smin nye bar gnas pa 'di// sdig pa sngon gyi tshe rabs su/ / bdag nyid kyis ni byas pa'i las// yid du mi 'ong zhes bya de'i// rnam smin la ni yongs spyod na// khyod la dag gis su zhig bstan// de skad ces smras nas/ gnas brtan kun dga' bo'i gan du song ste/ lus thams cad kyis gnas brtan kur dga' bo rkang pa gnyis la phyag byas pa dang / gnas brtan kun dga' bos smras pa/ bu mo mdzes dga' mo 'di ni dug gi shugs kyis zin pa yin gyi/ de bden pa'i byin gyi rlabs kyis slong la/ bde legs su bgyis te skye bo'i tshogs mang po yang yid ches par gyis shig/ gzhon nu gser mdog gnas brtan kun dka' bo'i lung mnyan te/ sems can thams cad la lhag pa'i bsam pas 'jug pa'i sems dang / bden pa'i byin gyi rlabs byed pa la zhugs te/ bden pa dang ldan pa'i tshig gang gis/ bu mo
- 325b
ka shi mdzes dga' mo 'di la 'dod chags sam/ zhe sdang ngam/ gti mug gam/ the tsom mam/ gzhan yang ci yang rung ba'i nyon mongs pa 'am/ nye ba'i nyon mongs pa rba na phran tshegs tsam yang ma skyes pa'i bden pa dang bden pa'i tshig 'dis 'di'i lus la dug rnam par 'jig par gyur cig ces smras so/ / de nas bden pa'i byin gyi rlabs byas pa'i mong kho na la/ bu mo kA shi mdzes dga' mo'i lus la dug med par gyur te/ bde bar gnas nas gnyid log pa las sad pa bzhin du langs nas de lus bde bar gyur pa dang / langs pa bltas nas/ skye bo mang po'i tshogs dang / lha rgya stong du ma rnams kyis sgra gcig tu sgra gsang mthon pos spras pa/ e ma'o ngo mtshar che ste/ e ma'o gzhon nu'i bsam pa ni rnam par dag go/ gzhon nu 'di ni rdzu 'phrul che ba dang mthu che ba ste/ gang 'dir bden pa'i byin gyi rlabs kyi stobs kyis/ 'dis bu mo ka shi mdzes dga' mo bslang zhing yid du 'ong ba'i srog gis bskyabs par gyur to// de nas bu mo ka shi mdzes dga' mo phyog kun tulta bar rtsom pa dang / ji srid cig na dur khrod chen por gnas brtan kun dga' bo dge slong gi dge 'dun lnga brgya dang thabs cig tu zla ba kham ltar bskor nas/ rin po che sna tshogs kyis spras pa'i lha'i seng ge'i khri chen po la bzhugs pa dang / rgyal po ma skyes dgra yang srog chags brgya stong dpag tu med pas yongasu bskor ba dang / bdag nyid kyang gos sngon po dang / ser po dang / dmar po
- 326a
dang / dkar po'i khyogs la bteg pa mthong ngo // mthong nas kyang sems som nyi dang bcas pas sems pa la zhugs te/ ci 'di rmi lam yin nam/ 'on te sems kyi 'khrul pa yin nam/ yang na 'ga' zhig gis nga la sgyu ma'i las 'di lta bu bstan pa yin nam snyam pa dang / ji tsam na de'i nye du rnams kyis de rgya cher brjod de/ yang smras pa/ gang khyod kyi 'tsho ba 'di/ dang 'di dag thams cad na gnas brtan kun dga' bo byon nas/ rnam pa thams cad yod par gyur to// de skad ces thos pa dang / bu mo ka shi mdzes dga' mo gnas brtan kun dga' bo la mchog tu dga' ba skyes te/ rab tu dad pa shin tu rtogs pa zhugs so// de nas bu mo ka shi mdzes dga' mo skyed mos tshal yang dag par dran zhing blon po rab gtum yang dran te/ kun nas skyo ba'i yid kyis 'chi ba'i 'jigs pa'i yi mug pas rmongs pa'i mig dang gnas skabs de dang 'dra bar gzhan yang shes shing bud med kyis dngos por gyur pa'i mya ngan byed pa la zhugs te/ e ma'o bud med bya ba ni shin tu yang rmad pa ste/ sdug bsngal thams cad kyi gnas su gyur pa gang zhig thob nas/ gnas skabs 'di lta bur gyur to snyam nas/ kun tu skyo ba'i yid kyis myur bar langs te/ gos gcig blangs nas gnas brtan kun dga' bo'i gam du nye bar song ste/ gos gcig po de phud nas gnas brtan kun dga' bo la phul nas zhabs gnyis la phyag byas te/ dad pa'i shugs drag pos gnas brtan kun dga' bo'i
- 326b
yon tan rjes su dran pa sngon du 'gro bas bden pa'i byin gyi rlabs bya bar brtsams pa/ bden pa dang bden pa'i tshig gang gis thub pa khyod kyi sku 'phags pa dang / sangs rgyas kyi slob ma thams cad kyi mchog brnyes pa/ mchog dang / dam pa dang / khyad par du 'phags pa dang / rab mchog dang / bla ma dang / bla na med pa dang / nyan thos kyi gtso bo dang / nyan thos kyi seng ge dang / nyan thos kyi khyu mchog dang / nyan thos kyi cang shes dang / nyan thos kyi pad+ma dang / nyan thos kyi ku mu da dang / nyan thos kyi puN+Da ri ka dang / nyan thos kyi kha lo sgyur ba dang / nyan thos kyi deng dpon dang / nyan thos kyi zla ba dang / nyan thos kyi nyi ma dang / nyan thos kyi rin po che dang / nyan thos kyi gtsug gi nor bu dang / brtan pa'i grub pa dang / bstan pa'i gces pa 'dzin pa dang / dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ rdzu 'phrul che ba pathu che ba/ byin gyi rlabs che ba/ sbyin gnas chen po yin pa'i bden pa dang bden pa'i tshig 'dis de nyid bdag gi bud med kyi dbang po mi snang bar gyur nas/ skyes pa'i dbang po 'byung bar gyur cig ces smras so/ / de nas bden pa'i byin gyi rlabs gsol ba'i mod kho na la/ de'i bud med kyi dbang po mi spang bar gyur nas skyes pa'i dbang po zung bar gyur te/ gzugs bzang ba/ mdzes pa/ bldan sdug
- 327a
pa/ lus la gos dang rgyun rnam pa sna tshogs kyis brgyan pa'i skyes par gyur/ nam mkha'i ngos nas 'di'i lha'i gos rnam pa sna tshogs pa yid du 'ong ba yang bab par gyur to// gzhan yang der gos kyi char de bab pa na ji ltar skad cig de la dur khrod chen po nyi ma'i 'od zer yang mi snang bar gyur pa de ltar na nam mkha' dkyil 'khor khebs pa zhig bab bo/ / de nas gnas brtan kun dga' bo'i yon tan gyi bdag nyid che ba/ lha dang mi rnams 'dun par byed pa'i ngo mtshar de mthong ba dang / nam mkha'i ngos na gnas pa'i lha bye ba brgya stong du mas ca co'i sgra phyung ste/ e ma'o ngo mtshar / che'o// e ma'o rmad du byung ba chen po/ e ma'o gnas brtan kun dga' bo/ yon tan gyi bdag nyid chen po/ e ma'o rgya che ba nyid/ e ma'o sbyin pa'i zhing rnam par dag par gang la gos gcig phul ba tsam gyi smon lam btab pa'i rjes thogs nyid la bu mo ka shi mdzes dga' mo'i bud med kyi dbang po mi snang bar gyur nas/ skyes pa'i dbang po byung zhing 'di lta bu'i 'byor pa dang ldan par gyur to/ / de nas lha'i bu de rnams rab tu drang ba'i yid kyis lha'i me tog gi chur 'bebs pa dang / lha'i rol mo shin tu brdung bar gyur to// de nas skyes bu ka shi mdzes dga' bo gnas brtan kun dga' bo'i che ba'i mthu stobs kyi shin tu yid du 'ong zhing bdag nyid ji ltar 'dod par 'phral du smin pa'i 'bras bu la bltas te/ mchog tu ngo mtshar du gyur pas 'dun par gyur pa'i
- 327b
sems kyi rgyud la mchog tu dga' ba skyes nas spu ldang bas lus rtsub par byas pa dang / langs te pus mo gnyis sa la btsugs na sa thal mo sbyar te/ gnas brtan kun dga' bo la stod pa byed pa la zhugs so/ / gang gis de nyid mgon med bdag/ khyod kyis bdag la srog stsal ba// shin tu rnam dag yon tan bsags// dpag yang rnyed dka' phyag 'tshal lo// rnam dag ye shes spyan ldan pa/ / gal te khyod skyabs ma mdzad na// bdag srog lhag ma ma mchis te// thub khyod bdag srog stsol ba lags// e ma'o yon tan che bdag khyod// e ma'o sems can phan bzhed pa// gang zhig nyam thag mi bzad pa/ / 'di las 'gro ba khyod kyis bskyabs// e ma'o khyod ni sbyin pa'i zhing // shin tu rnam dag rab rnyed dka'// gang la gos gcig phul bas kyang // rin chen 'di 'dra thob par gyur/ / bdag gis thub pa re khyod la// da ltar gos gcig phul ba yis// 'phral du 'bras bu bzang po 'di// ji ltar mngon par 'dod pa thob// nyes pa chen po dag gi yang // gzhir 'gyur bzhin du shes pa gang / / bud med nyid de de spangs nas// skyes pa nyid du bdag gyur to// de yang lha dang 'dra ba 'di// lha yi rgyan gyis rnam par brgyan// nam mkha' las kyang gos kyi char// yid du 'ong ba 'bab par 'gyur/ / bzhin bzangs yon tan ldan 'di la// gang zhig bsnyen bkur mi byed pa// rmongs sogs nyon mongs dag rnams kyis// skal ngan deng ni bslus pa yin// des de ltar gnas
- 328a
brtan kun dga' bo la mngon par bstod nas/ las kyi 'bras bu mngon sum du mthong ba dang / sems pa la zhugs te/ da ni bdag nyid 'ong ba dang / yid du mi 'ong ba'i las kyi 'bras bu mngon sum du mthong ba bzhin du slar yang khyim gyi nang na 'dug pa ni bdag gi tshul dang 'thun pa ma yin no snyam nas/ des gnas brtan kun dga' bo'i rkang pa la phyag byas nas smras pa/ 'phags pa bdag legs pa'i gsungs pa'i chos 'dul ba la rab tu 'byung zhing bsnyen par rdzogs nas dge slong gi dngos por gyur nas/ gnas brtan gyi thad du tshangs par spyad par bgyi'o// des yang gnas brtan kun dga' bos rab tu phyung ba nas/ ji ltar nyon mongs pa thams cad spangs te/ dgra bcom pa'i 'bras bu thob par gyur pa de ltar chos bstan to// de nas par skabs der ded dpon nyi ma chung ma dang bcas pa bu dang bral ba'i mya ngan gyi sdug bsngal gyis gzir cing / rgyal po'i khab kyi grong khyer gyi dbus kyi sum ma de na/ sa las ldang zhing bdag nyid 'gyel bar gyur par/ yang dang yang sa la 'gro ldog par byed cing / lag pa gnyis kyis dag nyid la btegs te/ kyi hud bu kyi hud bu zhes nyam thag pa'i sgra'i nga ro mthon par gyur pa na/ ded dpon nyi mas gnas brtan kun dga' bo nam mkha'i dkyil nas byon te/ gzhon nu gser mdog yongs su skyob cing / dur khrod chen po na ngo mtshar dang rmad du byung bas bzhugs so zhes thos pa dang / yang chung ma dang bcas par bdud rtsi'i rgyun lus la
- 328b
blug pa bzhin du yid mchog tu dga' ba dang / 'khor lo sgyur ba'i rgyal por dbang bskur ba thob pa bzhin du mchog tu dga' ba skyes par gyur nas/ de'i mod la langs te rings par 'gro ba'i gom stabs kyis rgyal po'i khab nas phyung ste/ dur khrod chen por phyin pa dang / ji srid cig na gzhon nu gser mdog ston ka'i zla ba rgyas pa sgra gcan gyis zin pa las rnam par thar pa lta bur gnas brtan kun dga' bo'i gam du 'dug pa de dang / gnas brtan kun dga' bo'i yon tan gyi stobs las byung ba'i 'byor pa yang mthong ngo // de nas lha dang mi'i yid sdud par byed pa'i rmang du zung ba'i cho 'phrul de yang mthong nas/ gnas brtan kun dga' bo la yid mgu ba skyes te/ mchog tu dad pa'i shugs kyis brlan pa'i sems kyi rgyud dang / lus thams cad kyis/ gnas brtan kun dga' bo'i zhabs gnyis la phyag byas te/ langs nas pus mo gnyis sa la btsugs te/ dga' ba'i mchi ma'i chu rlabs kyis bzhin gyi pad+ma khebs pa dang / thal mo sbyar te/ gnas brtan kun dgag bo la stod par byed par brtsams pa/ e ma'o skal ba che khyod kyi// bdag nyid chen po ston mdzad pa// gang zhig nyam thag mi bzad las// khyod kyis 'gro ba'i skyabs mdzad do// e ma'o thugs brtse'i bdag nyid che/ / e ma'o ye shes phun sum tshogs// bcom ldan thams cad mkhyen pa bzhin// rnam dag yang dag bstan pa mdzad// de bzhin bdag gi bu sdug 'di// sdug bsngal rgyamatsha
- 329a
m a ma se mas mas
- 329b
mdog la mig mi 'dzums par lta zhing smras pa/ ston ka'i zla rgyas gzugs kyi dpal// mngangs dang gzi ni 'phrog pa'i lus// yid la re ba brgyas thob pa// mthong gis khyed la slar yang blta/ sdum zhing sngo la yangs pa dang // mtha' mar mig ni bsngags 'os po// khyed gdong gnas brtan kun dga' bo// byon nas slar yang blta ba yin// de nas gzhon nu gser mdog 'khor ba'i nyes pas kun tu skyo ba'i sems dang pha dang ma la gnang ba gsol te/ gnas brtan kun dga' bo'i rkang pa gnyis la btud nas/ gnas brtan bdag legs par gsungs pa'i chos 'dul ba la rab tu byung zhing bsnyen par rdzogs nas/ dge slong gi dngos po thob par gyur nas/ legs par gsungs pa'i chos 'dul ba la tshangs par spyad par 'tshal lo// de'ang gnas brtan kun dga' bos rab tu byung nas/ ji ltar 'di skad cig ma de nyid la nyon mongs pa thams cad spangs nas/ dgra bcom pa nyid thob pa de ltar yang dag par rjes su bstan pa dang / des kyang dgra bcom pa nyid thob ste/ sngon gyi skye ba gcig nas gcig tu brgyud par bltas par brtsams pa dang / ji tsam pa bdag nyid bsod nams kyi mthu chen po dang ldan par mthong bas/ de 'di snyam du sems te/ bdag nyid kyis 'di ltar shes kyis/ nga ni bsod nams kyi mthu chen po dang ldan pa yin par shes la/ ngas ni ji tsam zhig sbyin pa byin pa dang / bsod nams byas pa mthar phyin par 'gyur ba yin la/ de ni da ltar yang sems
- 330a
can rnams bsod nams gus pa bskyed par bya ba'i phyir/ bsod nams kyi bdag nyid che ba bstan par bya'o snyam mo// de nas gos de rang gi lus las bud pa dang / yang de lta bu'i gnyis pa byung bar gyur to/ / de nas yang dang yang du dbud par brtsams pa dang / de bzhin du yang dang yang du byung bar gyur te/ des phud cing phud cing gnas brtan kun dga' bo'i mdun du gos kyi phung po chen po zhig byas la/ gos kyi phung po de dag kyang shin tu rin che ba/ 'dzam bu chu bo'i gser gyi phung po la nyi ma 'am kha'i 'od zer gyis phog pa ltar 'od 'bar bar 'dug pa la skye bo'i tshogs mang pos bltas nas mchog tu ngo mtshar gyi dga' ba'i yid kyis smras pa/ e ma'o ngo mtshar che ba/ e ma'o rmad du byung ba/ e ma'o bsod nams kyi bdag nyid chen po/ e ma'o legs par byas pa'i bsod nams kyi bdag nyid chen po 'dis rtag tu rgyun mi 'chad par rin po che'i gos phud du zin kyang mthar thug pa yang mi snang ngo / / de nas des gos de rnams kyang pha dang ma la byin la/ de gnyis kyis kyang gnas brtan kun dga' po la sogs pa dge slong gi dge 'dun thog mar byas pa nas/ ji srid dur khrod chen por 'dus pa'i skye bo'i tshogs chen po rnams la byin te/ der srog chags re re la yang gos zung re bsko na yang / dge slong gser mdog gi bsod nams kyi mthus gos de yang yongs su gtugs par ma gyur to/ / de nas dge slong gser mdog steng gi nam mkha' la mngon par 'phags te/ rdzu 'phrul gyis rgyal po'i
- 330b
khab kyi grong khyer du song nas/ sum mdo'i dbus su 'dug ste/ mdun du gser mdog can gyi gos lus las phud cing gos kyi phung po chen po byas te/ smras rgyal po'i khab kyi grong khyer 'gengs shing smras pa/ shes ldan dag ngas gos kyi phung po 'di yongs su btang gis/ khyed rnams gang la ji tsam dgos pa de tsam long zhig ces bsgrags pa thos pa dang / skad cig ma de nyid la srog chags brgya stong dpag tu med pa 'dus par gyur pa dang / ji tsam na grong khyer gyi dbus kyi sum mngon gser gyi mdog can gyi gos ser po'i phung po shin tu che ba/ 'dzam bu'i chu bo gser gyi phung po la nyi ma 'char ka'i 'od kyis phog pa ltar 'bar bar gyur pa dang / tshe dang ldan pa gser gyi mdog can gser btso ma'i ri'i rtse ltar dpal gyis mchog tu 'bar zhing nam mkha'i dkyil na 'dug pa mthong ba dang / skye bo'i tshogs mang po mchog tu ngo mtshar gyis bsdus pa'i sems kyis rgyud dang mchog tu dga' ba'i rlabs kyis gang ba'i bzhin pad+ma dang / de la lta zhing bsams pa dang / e ma'o ngo mtshar che/ e ma'o rmad du byung ba/ bdag nyid chen po 'das las gang zhig byas na/ gang gis 'di lta bur rdzu 'phrul che ba/ mthu che bar 'gyur ba/ gal te bdag cag rnams kyis kyang da ltar byas te/ gang gis bdag cag rnams kyang 'di ltar mthu che bar 'gyur pa de ltar bya'o zhes mngon par 'dod pa skyes shing / som nyi'i dpyang thag la 'ju bzhin du phan tshun smra bar rtsom pa na/ de rnams
- 331a
'di snyam du sems te/ 'di ni 'di ltar bdag nyid che ba/ rdzu 'phrul che ba/ mthu che ba/ brtul zhugs grub pa/ lha'i shes pa dang ldan pa yin pas 'di nyid la yongs su dri bar bya'o snyam mo/ / de nas skye bo'i tshogs chen po de ngo mtshar gyis mchog tu mig gdangs pa dang / lag pa thal mo sbyar te/ nam mkha'i dkyil du zhen par lta zhing / tshe dang ldan pa gser mdog la phyag byas te sgra gcig tu smras pa/ lnga yi ye shes spyan dang ni// skal ba chen po khyod ldan pas// gang gis khyod ni mthu che ba// de ni yang dag bshad pa'i rigs// 'jig rten 'di dang pha rol tu// longs spyod dang ni yon tan rnams// phun tshogs gang gis thob par 'gyur// de ni bdag cag la bshad rigs// de nas sems can chen po de// snying rjes drangs pa'i yid ldan pas// de dag tshim pa'i tshig chen gyi/ / sgras ni phyogs rnams 'gengs par 'gyur// 'di nyid don ni bshad pa'i phyir// khyed rnams la ni ngas 'di bstan// go rims bzhin du ngas bshad kyis// nga yi tshig 'di mnyan par/ gyis/ kha jig rten 'di dang pha rol tu// longs spyod dang ni yon tan rnams// phun tshogs bsod nams kyis 'thob cing // bsod nams kyis bdag rdzu 'phrul che// gal te sdug bsngal khyed mi 'dod/ / bde ba phun sum tshogs 'dod na// bsod nams sogs pa bde 'gyur bas// myur ba nyid du bsod nams kyis// 'jig rten 'di dang pha rol tu// bde ba gang ci'ang rung ba dang // mya ngan
- 331b
'das pa thob pa ni/ / bsod nams nyid kyi 'bras bu yin// nor can tshong dpon bram ze dang // ded dpon la sogs gang dag ni// longs spyod rgya chen spyod 'gyur ba// de ni bsod nams 'bras bu yin/ mngon par yid dga' bu dang 'khor// mdza' bo la sogs phun tshogs pa// gang zhig mi la yod gyur pa// de ni bsod nams 'bras bu yin// gzugs dang mdangs ni phun sum tshogs// yid dang mig ni 'phrog byed pa/ / 'thob cing mi yul rgyal srid gang // de ni bsod nams 'bras bu yin// mi phyed pa yi 'khor nyid dang // mi zad nor gyi phun sum tshogs// mi yul na ni nges thob gang / de ni bsod nams 'bras bu yin// skye ba dran zhing skal bzangs dang // thos ldan tshig ni bzung bar 'os// mis ni gang zhig 'thob 'gyur ba// de ni bsod nams 'bras bu yin// longs spyod phun tshogs rgya chen dang / / rtag par gnyen dang lhan cig tu// dga' bas mi yul gang spyod pa// de ni bsod nams 'bras bu yin// grangs med nor gyi phun tshogs dang // 'gran zla med cing brtan pa nyid/ / mi la gang zhig yod 'gyur ba// de ni bsod nams 'bras bu yin// gang zhig sgra mi snyan gling ni// bdag gi med cing yongs 'dzin med// mi yi tshe ni nges gyur pa// de ni bsod nams 'bras bu yin/ / 'bras kyi sA lu'i 'bras bu ni// ma rmos par ni rin che ba// gang zhig de ni mi rnams spong // de ni bsod nams 'bras bu yin// dpag bsam shing las sna tshogs pa'i//
- 332a
gos dang rgyan rnams byung ba yis// mi rnams rab tu 'gengs gyur pa// de ni bsod nams 'bras bu yin// gang zhig smra mag sgra mi snyan gling ni// mi rnams 'phros pa'i rjes thogs la/ / de ni lha rnams dag tu skyes// de ni bsod nams 'bras bu yin// bdud rtsi 'bras chan sogs phun tshogs// sa bla yi ni lha bu ltar// lha yi longs spyod la spyod pa// de ni bsod nams 'bras bu yin/ / gang gi mthu yis rgyal po'i dpal// lha 'dra'i phun sum tshogs thob pa'i// mi yi dbang por rnam mdzes pa// de ni bsod nams 'bras bu yin// byis par 'khor lo sgyur ba nyid sa chen la ni longs spyod thob/ / lha dbang bzhin du rnam mdzes gang // de ni bsod nams 'bras bu yin// ma lus pa yi mi rnams dang // rin chen bdun sogs phun tshogs pa'i// 'khor lo sbyar la spyod pa gang / / de ni bsod nams 'bras bu yin// phun tshogs sum cu rtsa dbang 'dra// thob nas gang zhig spyod pa dang // thag bzangs ris sogs lha rnams la// de ni bsod nams 'bras bu yin// 'jig rten skyong ba bzhi rnams kyi// nor gyi gzhi yi 'byor pa la// dga' bas sna tshogs longs spyod gang // de ni bsod nams 'bras bu yin// dga' ba'i tshal la sogs par ni// lha mo rnams dang lhan cig tu/ / 'byor pa lha rnams spyod pa gang // de ni bsod nams 'bras bu yin// sna tshogs lha yi rgyal srid sogs// phun sum tshogs la lha dbang ni// rtag tu dga' bas spyod pa dang // de ni bsod
- 332b
nams 'bras bu yin/ / gzhal yas khang gnas lha rnams ni// ji ltar mngon 'dod lha rnams kyi// longs spyod la ni longs spyod gang // de ni bsod nams 'bras bu yin// gang su gnas ni bcu po yi/ / tshe dang mdog la sogs pa yis// lha rnams las kyang lhag pa'i lha// de ni bsod nams 'bras bu yin// 'dod khams mchog gyur sna tshogs pa'i// lha yi longs spyod phun sum tshogs// 'dod khams dbang phyug la spyod gang // de ni bsod nams 'bras bu yin// lha rnams dang ni mi rnams su// ji ltar dga' ba'i 'dod pa ni// 'bad pa med pa thob gyur gang // de ni bsod nams 'bras bu yin/ gang yang tshangs pa la sogs pas// bsam gtan sa pa bsam gtan gyi// bde ba'i dam pa thob gyur pa// de ni bsod nams 'bras bu yin// bsam gtan bsam gtan las byung ba// sred pa zad pa'i bde ba gang // zhi ba'i bde ba thob gyur pa// de ni bsod nams 'bras bu yin// rdzogs sangs rgyas dang nyan thos gang // yon tan mchog dang ldan gyur cing // rdzu 'phrul che zhing bdag nyid ni/ / de ni bsod nams 'bras bu yin// gang yang bskal pa brgya 'das nas// rang sangs rgyas kyi byang chub ni// bdag nyid che ba thob gyur pa// de ni bsod nams 'bras bu yin// chad med pa dang dpe med pa'i/ / yon tan gyis ni legs brgyan pa// rdzogs sangs rgyas su gyur pa gang // de ni bsod nams 'bras bu yin// gzugs dang lang tsho bsngags par 'os// skyes bu rigs
- 333a
kyi rgyun gyur dang / / rang dang rjes 'thun yid 'phrog pa'i// bud med bsod nams dag gis 'thob// bsod nams kyis ni mtho ris thob// lha yi bu mo'ang bsod nam kyis/ 'dod pa kun yang yang dag 'byor// mngon 'dod bsod nams rnams kyis 'thob// bsod nams kyis ni blo rno dang // de bzhin blo gros dri med 'a thob// bsod nams kyis ni gnas la dang // bsod nams kyis ni dran gsal 'thob// sdug pa nyid dang sla mkhas dang // dbyangs snyan grags ldan bsod nams kyis// dge ba'i bshes gnyen 'byon pa rnams// thams cad bsod nams dag gi sa 'thob/ / bsod nams kyis ni mi 'thob pa'i// bde ba 'jig rten dag na med// de bas bde ba 'dod rnams kyis// rtag tu bsod nams bsags par byas// de bzhin gshegs pa rnams gzigs la/ / bsod nams cung zad ngas byas pas// 'bras bu shin tu rgya che ba// ji ltar mngon par 'dod pa 'thob// 'dod khams lha tshogs drug po ru// rgyal srid dbang phyug bdag po ni// skye ba stong phrag bye ba ru/ / nga yis bde ba yang dag spyad// dpag med 'gran zla med pa dang // de bzhin mi yi dam pa yi// 'khor lo sgyur sogs gyur pa yis// nga yis longs spyod phun tshogs spyad// bsod nams de yi bdag nyid che/ / nga ni gang dang gar skyes pa// de dang der ni mthu che ba'i// bde dang bdag ni ldan par gyur// gzug ldan zos pa phun sum tshogs// kha nas ut+pal dri byung zhing // sdug cing tshig ni
- 333b
gzung 'os dang / / shin tu yid 'ong dbyangs snyan ldan// da lta'ang bsod nams de nyid kyis// nga yi gzugs sogs yon tan ni// phun sum tshogs shing yid 'ong ba// mngon par 'dod pa 'di la ltos/ nor ches longs spyod che ba yi// rgyal chen rigs su skyes pa dang // 'dzam bu chu bo'i gser 'dra ba'i// gos kyis lus la bkab pa yin// nga'i lus yan lag thams cad las// tsan da lta bu'i dri 'byung zhing / / kha nas ut+pal sngon po yi// dri nyid 'byung bar gyur pa yin// gos dang rin chen la sogs pa'i// phun tshogs gang zhig mngon 'dod na// de yang bsams pa tsam gyis ni// thams cad du ni 'byor par gyur// shAkya seng ge'i bstan pa la// rab tu byung ba ngas rnyed nas// dgra bcom nyid ni ngas thob ste// nga ni bsil 'gyur mya ngan 'das// nga yi skye ba tha ma ste// yang srid bdag la yod ma yin/ / gnas med mya ngan 'das nas ni// slar yang nga ni 'ong mi 'gyur// rnam smin 'bras bu rgyas pa yi// las gang bsgrub par gyur pa ni// de 'dra 'di ltar yod zin kyang // de yi mthar thug ma gtogs so/ / de ltar de las rmad du byung ba dang / dpag tu med pa dang / bsam gyis mi khyab pa'i bsod nams kyi che ba'i bdag nyid thos pas/ srog chags brgya stong bye ba dpag tu med pa mchog tu dad pas brlan pa'i sems kyi rgyud dang / bcom ldan 'das kyi bstan pa la bsnyen bkur bya ba la rgyab kyis phyogs pa rnams kyang sbyin pa ni gtong / bsod nams ni byed cing / smon lam
- 334a
'debs par gyur to/ / de nas tshe dang ldan pa gser mdog gis skye bo'i tshogs mang po de ltar rnam pa du mar bsod nams la gus pa bskyed par bya ba'i phyir/ bsod nams bdag nyid chen rab tu bshad nas/ steng gi nam mkha' de nyid nas rdzu 'phrul gyis dur khrod chen por song ste/ gnas brtan kun dga' bo la sogs dge slong gi dge 'dun rnams rims bzhin du phyag byas nas/ phyogs gcig tu 'dug go/ de nas rgyal po ma skyes dgras blon po rab gtum phrag dog gi rang bzhin gyis bu mo ka shi mdzes dga' mo la sdug bsngal 'di dang 'di byas la gzhon nu gser mdog la skur pa btab ste/ nyes pa med pa nyid du gsad pa'i phyir yongs su spangs so zhes ji ltar grags pa thos so// thos nas kyang shin tu khros pas 'khrugs pa'i mig gis nang 'khor rnams la smras/ shes ldan dag ci'i phyir lta bu'i skyes bu ngan pa 'dis las su bya ba'i tha snyad bya/ blon po rab gtum ni ngas rnam pa thams cad du spangs so// blon po rab gtum yang de nyid du 'dus par gyur to// de nas blon po rab gtum gyis rgyal po'i tshig de thos pa dang / 'chi ba'i 'jigs skrag cing yi mug la rmongs pa'i mig gis yan lag thams cad rab tu 'dar bzhin du myur bar langs te/ rings par bros par brtsams pa dang / deskye bo'i tshogs mang po'i nang du zhugs te gnas pas/ de'i phyi nas srog chags brgya stong du ma zhig gis bdas te/ skye bo'i tshogs mang pos kun nas yongs su bskor nas bzung ngo // bzung nas kyang
- 334b
thal lcag dang rdog pa la sogs pas bsnun pa la zhugs te/ de brdegs bzhin du shin tu sdug bsngal drag po'i shugs kyis nyam thag cing cho nges 'debs pa la zhugs pa/ 'phags pa kun dga' bo yongs su skyobs shig/ bdag ni mgon med pa/ skyob pa med pa/ skyabs med pa/ snang ba med pa lags kyis/ sdug pa'i srog gis bskyab tu gsol/ gnas brtan kun dga' bos kyang skye bo'i tshogs mang po la smras pa/ shes ldan dag khyed rnams kyis 'di ma gsad cig/ ngas rgyal po ma skyes dgra la shes par bya'o// de nas skye bo'i tshogs de rnams kyis gnas brtan kun dga' bo'i tshig mnos nas de btang ngo / / gnas brtan kun dga' bos kyang rgyal po la gzigs pa dang / rgyal pos gsol pa/ ci zhig gsung / gnas brtan kun dga' bos smras pa/ rgyal po 'di thong zhig/ rgyal pos gsol padam zhig bcas la gtang bar bgyi ste/ gal te legs par gsungs pa'i chos 'dul ba la rab tu byung nas ji srid 'tsho'i bar du gnas brtan gyi bsnyen bkur bgyid na gtang bar bgyi'o// gnas brtan kun dga' bos smras pa/ de bzhin du bya'o// de'ang skye bo'i tshogs de rnams kyi brtse ba med par brdegs pa sdug bsngal drag po'i tshor bas bcom nas brgyal te 'dug pa dang / gnas brtan kun dga' bos// tshe dang ldan pa gser mdog la gsungs pa/ bden pa'i byin gyi rlabs kyis blon po rab gtum gyi lus la sdug bsngal gyi tshor ba rab tu sol cig/ de nas tshe dang ldan pa gsar mdog sems can thams cad
- 335a
la phan pa'i lhag pa'i bsam pas rab tu zhugs pa'i sems dang / bden pa'i byin gyi rlabs byed pa la zhugs te/ bden pa dang bden pa'i tshig gang gis blon po rab gtum 'di ltar shin tu gnod pa byed pa yin yang / bdag gis tha na khong khro ba phran tshegs kyang ma skyed pa'i bden pa dang bden pa'i tshig des 'di'i lus la sdug bsngal gyi tshor ba med de sngar sos par gyur cig/ bden pa'i byin gyi rlabs byas pa'i mod kho na la blon po rab gtum gyi lus sdug bsngal gyi tshor ba dang bral te/ lus bde bar gyur nas langs te/ bcom ldan 'das kyi bstan pa la shin tu dad par gyur nas/ gnas brtan kun dga' bo'i gan du song ste zhabs gnyis la phyag byas nas smras pa/ gnas brtan kun dga' bo bdag ni legs par gsungs pa'i chos 'dul ba la rab tu byung ste bsnyen par rdzogs shing dge slong gi dngos po thob par bgyis la/ bdag gnas brtan kun dga' bo'i thad du tshangs par spyod pa spyad par bgyi bar 'tshal lo// de nas gnas brtan kun dga' bos kyang rab tu phyung ste/ ji ltar de skad cig ma de nyid la nyon mongs papa thams cad spangs nas/ dgra bcom pa nyid thob pa de ltar rjes su bstan pa dang / des kyang dgra bcom pa nyid thob pa dang / de nam mkha'i dkyil du 'phags te/ cho 'phrul rnam pa sna tshogs pas skye bo'i tshogs mang po yid tshim par byas nas/ nam mkha'i dkyil nas babs te/ gnas brtan kun dga' bo la sogs pa dge slong gi dge 'dun rnams la rims bzhin du phyag byas nas phyogs gcig tu 'dug go//
- 335b
de nas rmad du byung ba de dang / gnas brtan kun dga' bo'i bdag nyid che ba mthong nas/ 'khor de rnams gnas brtan kun dga' bo la rab tu dad par gyur to// de nas 'khor de rnams de ltar mngon par dad pa/ la gzigs nas/ gnas brtan kun dga' bos gang zhig thos pas srog chags brgya stong dpag tu med pa rnams kyis khyad par chen po thob par gyur pa de ltar chos bstan par mdzad de/ la las rgyur du zhugs pa'i 'bras bu thob pa nas/ dgra bcom pa mngon sum du byas pa'i bar dang / la la ni nyan thos kyi byang chub tu sems bskyed pa nas/ la la ni sangs rgyas la gzhol ba dang / chos la 'bab papa dang / dge 'dun la bab pa'i bar la rnam par bkod do// ded dpon nyi ma chung pa dang bcas pas kyang bden pa mthong bar gyur te// de nas lha brgya stong dpag tu med pa rab tu dang ba'i yid dang ldan pa rnams kyis lha'i gos kyi char phab cing / lha'i rol mo rnams kyang brdungs par gyur pa dang / lha'i me tog ut+pal dang / pad+ma dang / ku mu da dang / puN+Da ri ka dang / man+da ra ba la sogs pa me tog pus mo nub pa tsam rnam pa sna tshogs pas dur khrod chen po der gcal par bkram mo/ / de nas rgyal po ma skyes dgras lha dang mi rnams shin tu 'dun par byed pa'i cho 'phrul rmad du byung ba de mthong ba dang / mchog tu dad pas sems gyikyi rgyud dga' bar gyur nas ched du brjod pa ched du brjod de/ e ma'o ngo mtshar ba/ e ma'o rmang du byung ba/ e ma'o 'phags pa kun dga' bo rang gi yon tan gyi bdag nyid chen po rab tu bstan te/ e ma'o/
- 336a
bzhin gshegs pa'i bstan pa'i bdag nyid che ba gsal bar mdzad pa/ e ma'o gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa de dang / gnas brtan 'od srungs chen pos 'di la bstan pa rnam par gtad pa de ni 'bras bu yod par mdzad do// e ma'o de bzhin gshegs pa'i nyi ma nub par gyur nas/ 'phags pa kun dga' bo'i nyi mas rang gi yon tan gyi 'od zer gyi dra bas phyogs thams cad khyab par mdzad do/ / e ma'o de bzhin gshegs pa'i zla ba mi rtag pa'i lha ma yin gyi dbang po sgra gcan gyis zin nas/ 'phags pa kun dga' bo'i zla bas de ring blo gros kyi 'od zer rnam par bkye bas gdul bya'i ku mu ta'i nags rab tu rgyas par mdzad do/ / e ma'o de bzhin gshegs pa dang bral ba'i sdug bsngal tsha ba rtsub pa'i nyi ma'i zer gyis kun tu gdungs pa/ gnas brtan kun dga' bo'i sprin chen pos rang gi gsung gi bdud rtsi'i char gyis 'jig rten rnams tshim par mdzad do// e ma'o de bzhin gshegs pa'i thugs la dgongs pa yang dag par rdzogs par mdzad do/ / e ma'o de bzhin gshegs pa'i bstan pa'i sgrub nyid bstan par mdzad do// e ma'o de bzhin gshegs pa'i bstan pa gces par 'dzin pa nyid gsal bar mdzad do// e ma'o nyan thos kyi mchog nyid 'bras bu yod par mdzad do/ / shin tu rmad du byung ba 'di dang rang gi yon tan gyi bdag nyid che ba'i stobs dang / mtha' yas pa'i sems can rnams rdzogs par mdzad pas thams cad
- 336b
mkhyen pa'i yon tan gyi bdag nyid che ba rab tu mdzad do/ / e ma'o bdag nyid chen po 'dis bcom ldan 'das thugs rje chen po dang ldan pa de'i bka' drin la lan glan pa'i blo gros ston par mdzad pa yin no// de nas rgyal po de gnas brtan kun dga' bo la rab tu dad pa'i shugs kyis bsdus pa'i sems kyi rgyud dang / gnas brtan kun dga' bo'i gan du song ste/ lus thams cad kyis gnas brtan kun dga' bo'i zhabs gnyis la phyag byas te/ langs nas pus mo gnyis sa la btsugs te rab tu dad pas ba spu langs pas rtsub par byas pas lus dang lag pa thal mo sbyar te/ gnas brtan kun dga' bo la mngon par bstod par rtsom pa/ skyes bu'i mchog la phyag 'tshal lo// thos pa'i rgya mtsho phyag 'tshal lo// rgyal ba'i bstan pa gces 'dzin pa// rmad byung bsam yas phyag 'tshal lo// se ma'o sangs rgyas bstan pa yi/ / bdag nyid che ba yang dag bstan// rmad byung bsam gyis mi khyab pa'i// 'gro la phan bde khyod kyis mdzad// gang de bcom ldan 'das dang ni// 'phags pa 'od srungs blo ldan pas// khyod la bstan pa rnams gtad pa// deng de 'bras bu bcas par mdzad// rmad byung bsam gyis mi khyab pa'i// 'gro ba'i don chen mdzad pa 'di// kun mkhyen yon tan bdag nyid che// de ring khyod la gzugs brnyan gyur/ / gal te rdzogs pa'i sangs rgyas ni// de ltar 'gro don mdzad gyur kyang // 'di ni kun mkhyen thams cad gzigs// thugs rje ldan pas mtshar mi che// khyed ni nyan thos nyid 'gyur zhing //
- 337a
thugs rje che ldan ji bzhin du// sems can don chen gang mdzad pa// 'di ni shi tu ngo mtshar che// e ma'o 'di ltar bag med pa// ma ga d+ha yi skye bo 'dis// khyed 'dra phan la brtson mdzad pa/ / rnyed pa legs par rnyed pa yin// de bzhin gshegs pa'i gnas 'di ni// bstan pa khyod la gtad gyur pa// gang gis deng ni bde gshegs bzhin// rmad byung shin tu chen po mdzad// de nas de gnas brtan kun dga' bo'i yon tan gyi bdag chen po'i ngo mtshar gyis yang dag par rdzogs pa'i sangs rgyas rjes su dran nas rtag tu phyag 'tshal ba/ rdzogs pa'i sangs rgyas rkang gnyis mchog/ gang khyod nyan thos 'di lta bur// rtag tu 'gro la phan brtson pa// dpa' chen po la phyag 'tshal bstod// de bzhin gshegs pa'i bdag nyid che// mthong ba nyid du yang dag bstan// ji ltar 'gro tshogs 'di khyed kyis/ / stong pa smin pa snyam du sems// de nas rgyal pos/ gnas brtan kun dga' bo la zhus pa/ gnas brtan ded dpon nyi ma chung ma dang bcas pas sug las ci zhig bgyis na// las de'i rnam par smin pas phyug pa dang / nor che ba dang / longs spyod che bar gyur pa dang / bcom ldan 'das kyi bstan pa la bden pa mthong bar gyur/ dge slong ka shi mdzes dga' bo dang / dge slong rab gtum gyis las ci zhig bgyis na/ gang gis drug pa dang / nor che ba dang / longs spyod che bar skyes shing / bcom ldan 'das kyi bstan pa la rab tu byung nas/ nyon mongs pa thams cad spangs te/ dgra
- 337b
bcom pa nyid mngon sum du bgyis/ dge slong gser mdog gis las ci zhig bgyis na/ las de'i rnam par smin pas phyug cing nor che la/ longs spyod che ba'i rigs su skyes shing / 'di ltar gzugs bzang ba dang / blta na sdug pa dang / mdzes pa dang / yan lag dang / nying lag thams cad dang ldan pa dang / gser btso ma'i mdog gi kha dog gi shin tu rgyas pa dang ldan pa dang / 'gro ba thams cad kyi yid dang mig 'phrog pa dang / gser gyi mdog can gyi gos kyis lus dkris pa dang / 'di'i yan lag thams cad nas tsan dan gyi dri byung ba dang / 'di'i kha nas ut+pa la'i dri 'byung ba dang / de skyes pa tsam gyis khyim der gos kyi char dang / me tog kar ni ka ra ra'i char 'bab par gyur cing / gos de dag kyang gser gyi mdog can nyid du gyur pa dang / 'di ltar shin tu rdzu 'phrul che ba mthu che ba dang / bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis pa lags/ gnas brtan kun dga' bos gsungs pa rgyal po chen po 'di rnams nyid kyis sngon gyi skye ba gzhan du las gang zhig byas shing bsags pas/ 'di rnams kyis las byas shing bsags pa dag gzhan su zhig gis so sor myong bar 'gyur/ rgyal po chen po las byas shing bsags pa dag pa dag ni sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang
- 338a
mi dge ba byas shing bsags pa dag ni zin pa'i phung po dang / khams dang / skye mched rnams la rnam par smin par gyur te/ las rnams bskal pa brgyar yang ni// chud mi za ba'ang tshogs dang dus/ / rnyed na lus can rnams la ni// 'bras bu dag tu 'gyur ba nyid// rgyal po chen po sngon byung ba 'das pa'i dus na/ 'di nas bskal pa dgu bcu rtsa gcig na/ bcom ldan 'das rnam par gzigs zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ste/ de gnyen ldan zhes bya ba'i rgyal po'i pho brang nas byung ste/ gnyen ldan gyi tshal zhes bya ba na bzhugs so// yang de'i tshede'i dus na rgyal po'i pho brang gnyen ldan narna can zhes bya ba ded dpon phyug pa/ nor mang ba/ longs spyod che ba/ yongs su bzung ba/ yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa/ rgyal po'i pho brang gnyen ldan na skyes bu'i mchog tu gyur pa zhig gnas pa dang / des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do// de ltar rtse zhing dga' la dga' mgur spyod pas chung ma sems can dang ldan par gyur pa nas/ ji srid ded dpon rna can tshong pa lnga brgyas bskor te/ rgya mtsho chen por zhugs
- 338b
kyi bar du sbyar ro/ / de'ang mngal du ji ltar skye bar gyur pa de ltar ded dpon na can gyi tshong sar gtogs pa dang / zhing du gtogs pa dang / yul gzhan du gtogs pa'i nor gyi rigs las der la la ni mes tshig la la ni rkun mas khyer/ la la ni mi rnams kyis khyer te bros par gyur to// ji tsam na ded dpon rna can gyi chung ma zla ba tshang ba dang bu skyes par gyur te/ pags pa nag po shin tu gzugs mi sdug pa/ mi sdug pa'i mtshan ma bco brgyad kyis lus smad par bya ba/ de'i kha dang de'i lus las gang zhig bsnams na khyim na gnas pa'i 'khor shin tu'ang gdong rgyab kyis phyogs par 'gyur ba/ de lta bu'i shin tu'ang dri mi zhim par gyur to/ / khye'u de skyes pa tsam gyis gang gi khyim der rdzas ma lus par tshig par gyur pa de lta bu'i me byung ba dang / ded dpon gyi chung ma nyam thag pas khye'u de thogs te khyim de las byung ngo // gang gi tshe yang me des khyim de dang rdzas ma lus par bsregs nas/ rang nyid zhi bar gyur pa de'i tshe/ ded dpon gyi chung ma gnas ngan pa phyed tshig pa'o zhig ral can zhig tu zhugs nas gos phyed sa la bting ste/ byis pa bskal nas tsha ba'i dbugs ring po phyung ste/ ded dpon rjes su dran zhing ngu ba la zhugs so// kyi hud 'di lta bu'i phyin ci log kun tu gnas pa ni sdug bsngal lo// ded dpon rna can gyi bran po dang / bran mo dang las byed pa'i skyes bu de rnams kyis rgud pa gang yin pa de mthong ba dang / yu bu cag kun kyang rlag par 'gyur gyis 'deng zhes smras te/ skrag pas ded dpon gyi chung ma spangs nas thams cad bros par
- 339a
gyur to/ / der mngag gzhug pa'i bu mo gcig gis bsams pa/ ngas ni ded dpon rna can gyi khyim phun sum tshogs pa du ma la kun tu longs spyad nas/ daded dpon gyi chung ma gnas skabs 'di lta bur gyur pa na/ gcig pu spangs nas bdag bros pa gang yin pa ni bdag gis tshul dang 'thun pa ma yin no snyam nas/ de gcig pu ded dpon rna can gyi chung ma'i gam na 'dug go/ ded dpon gyi chung ma de'i nor thams cad mer bsregs pas nyi ma gcig gi bza' ba'ang med par gyur to/ / de nas bu mo mngag gzhug ma ded dpon rna can gyi mdza' bo dang / 'brel pa dang / gnyen rnams gang yin pa de rnams gyi gam du song ste smras pa/ bzhin bzangs ngag ded dpon rna can gyi chung ma gnas skabs 'di lta bur gnas na de gso zhing bskyang bar mdzod cig dang zhes smras pa dang / gang gnas de rnams de gso zhing bsgyang ba la zhugs pa de nyid kyi tshe/ de rnams kyi rigs la'ang sdug bsngal brgya phrag byung bar gyur pa dang / de rnams kyis bsams pa/ ded dpon rna can gyi bu 'di ni shin tu 'ang bkra mi shis pa zhig ste/ 'di'i bsod nams ma yin pa'i stobs kyis ded dpon rna can gyi khyim gyi 'byor pa shin tu rgya che ba rnam par 'jig par gyur la/ de gal te yu bu cag rnams kyis gso zhing bskyang ste/ yu bu cag rnams kyi khyim du'ang 'di lta bu'i gnas skabs 'byung bar 'gyur gyis/ 'di ltar rnam pa thams cad du ming yang bzung bar rigs pa ma yin no snyam nas/ bu mo mngag gzhug ma de la smras pa/ khyod phyi nas kyang nged kyi khyim du 'jug par
- 339b
ma byed cig/ bu mo de ltar bar bcad pa dang / bsams pa/ de ni ded dpon gyi chung ma rnam pa thams cad nas thams cad du sme ba med par gyur na/ 'di ji ltar bsgrub par bya/ gzhan du na ngas ni khur 'di blangs pa/ yin gyis/ shin tu 'bad pa nyid kyis dbadag gis ded dpon gyi chung ma bskyung bar bya'o snyam mo// de nas gzhan gyi khyim du song nas gla ba'i las byed pa zhugs nas de gla gang dag rnyed pa thob pa des ded dpon gyi chung ma dang / bdag nyid dang / khye'u gso ba la zhugs so// khye'u de ni shin tu'ang mi sdug pas mi sdug ces ming btags so// bu mo mngag gzhug ma de'ang las kyi dbang gis/ nyi ma re re zhing gla'i rnyed pa thob par gyur to/ / de nas srog chags gsum po shin tu nyam nga bas gso bar rtsom pa dang / ded dpon gyi chung mas bsams pa/ nga ni bran po dang / bran mo dang / las byed pa'i mi dang / mdza' bshes dang nye du rnams kyis yongs su spangs nas/ gang bdag cung zad 'tsho ba 'di ni bu mo mngag gzhug ma 'di'i yon tan yin pas/ 'di ni nga'i ma dang 'dra bar brtse ba yin mod kyi/ des dus ji srid cig tu gcig bus las byed mi nus te/ yongs su skyo bar 'gyur la/ gla ci tsam rnyed pa des kyang 'tsho mi nus kyis/ des na ngas kyang rang gi las kyi nyes pa nyams su myong bar bya zhing / gla mi'i las bya'o zhes rnam par bsams nas/ bu mo mngag gzhug ma de dang lhan cig gzhan gyi khyim du zhugs te/ gla ma'i las byed par brtsams pa dang / de ni shin tu'ang gzhon sha can yin pas bkres pa la sogs pa'i sdug bsngal
- 340a
gyis yongs su gzir cing las su byed pa na yang dang yang du rgyal bar gyur to/ / de nas yongs su skyo bas dbugs tsha ba ring po byung nas/ ded dpon na can rjes su dran zhing ngu ba la zhugs te/ kyi hud 'di lta bu'i phyin ci log kun tu gnas pa ni sdug bsngal lo// gang grong khyer ma lus pa'i mchog tu gyur cing / dpal gyi phun sum tshogs pa nyams su myong nas kyang tshe bdi nyid la grong khyer thams cad kyi mchog tu gyur nas/ da ltar gzhan gyi khyim du gla mi'i las byed pa'i sdug bsngal dang / yid mi bde ba chen po rjes su myong bar gyur to// de de ltar sdug bsngal gyis yongs su gzir cing ngu ba bltas nas bu mo mngag gzhug ma de cho nge 'debs pa la zhugs te/ kyi hud tshe 'di nyid la ded dpon rna can gyi chung ma ras ka shi pa la sogs pa gos sna tshogs gyon pa dang / lus dri zhim pa'i me tog gi 'phreng ba du mas brgyan pa dang / mkhur ba la rdzas dri zhim po du ma sbyar/ dri zhim pos bsgos pa dang / lha'i bu mo bzhin du dga' ba'i tshal gyi skyed mos tshal du song nas/ bran po dang / bran mo dang / las byed pa'i mi dang / mdza' bshes dang / nye du rnams dang / zas dang / skom dang / gos dang / rgyan la sogs pa ci rigs par 'gyed pa yin na/ da ni tshe 'di nyid du skra g.yangs shing lus la dri ma'i tshogs kyis gos pa dang / bkres pa la sogs pa'i sdug bsngal gyis lus dang yan lag la sogs pa thams cad yongs su bskams pa/ ras brnyings shing de ngas la shin tu dri ma can gyi dum bu'i rnying pa
- 340b
zhig brgya stong gi gnas su gyur pas/ sbed pa'i phyogs bkab pa/ grong khyer pa thams cad kyi tha chad du gyur nas/ gzhan gyi khyim du gla mi'i las byed pa'i sdug bsngal ba dang / yid mi bde ba chen po nyams su myong bar gyur to/ / kye ma'o bskal pa'i phyin ci log/ kye ma'o longs spyod rnams kyi shin tu g.yo ba/ kye ma'o las rnams kyi rnam pa sna tshogs pa'ang smras pa/ dar gyi gos sogs rab gyon zhing / rgyan rnams kun gyis rab brgyan te/ sngon chad lha yi bu mo 'dra// da ltar lam po che na 'khyam// skal ba de nyid zad gyur pas// lus la dri mas gos gyur cing // ras dri nga yi dum bu gyon// da ltar 'di 'dran gyur pa yin// sngon ni lha yi bu mo ltar// skyes pa'i mig gi bdud rtsir gyur// da ltar yi dgas mo 'dra bar// mthong nas de nyid yid kyang skyo// sngon ni nor gyis phun sum tshogs// grong khyer dga' ba'i mchog gyur gang / / de ni da ltar 'phongs pa bas// shin tu 'phongs pa nyid du gyur// sngon ni phun tshogs chen po la// dga' bas yongs su longs spyod pa// mya ngan sdug bsngal ldan pa yi/ gnas skabs deng 'dis thob par gyur// kye ma'o 'khor ba'i bdag nyid ngan// kye ma'o phun tshogs mi brtan nyid// gang zhing de lta'i bder gyur nyid// sdug bsngal snod can nyid du gyur// de nas deng dpon gyi chung ma de mngag gzhug pa'i bu mo dang lhan cig tu rim pa de nyid kyis gzhan gyi khyim du gla mi'i las byed pa la zhugs pa na/ gzhon nu gzugs ngan gyi bsod nams kyi dbang gis nyin re bzhin gla'i rnyed pa 'gribs
- 341a
par gyur to/ / ji tsam na dus gzhan zhig gi tshe nyi ma nub kyi bar nyin mo las byed du bcug kyang ci'ang rnyed par ma gyur pa nas/ ji srid las kyang sus kyang byed du ma bcug pa dang / ji tsam na ded dpon gyi chung ma mngag gzhug ma'i bu mo de dang lhan cig kun tu smra ba rtsom pa/ yang da ni las kyang byed du ma bcug gis/ rnam pa thams cad du slong mo spyad par bya'o zhes pagros te/ de slong phor thogs nas slong mo spyad pa la zhugs so/ / gang gi tshe gzhon nu mi sdug pa 'gro nus pa de'i tshe de la mas bu da ni khyod rang nyid slong mo spyod du song la/ longs spyod cig ces smras nas/ des de la slong por byin pa dang / de slong por thogs nas tshong dus su zhugs pa dang / debang pags pa'i mdog shin tu gnag pa/ gzugs shin tu mi sdug pa/ mtshan ma ngan pa bco brgyad dang ldan pas smad par 'os pa mthong ba dang / 'jig rten pa rnams shin tu'ang rgyab kyis phyogs par gyur nas thur du lta zhing 'gro'o/ / de gang gi khyim gyi sgor song ba der de'i lus las dri shin tu mi zhim pa 'byung ba dang / mod kho na la sna khung gnyis bkag nas shing dang / rdo dang gyo mo la sogs pas brdegs te 'di nas myur du song zhig ces/ grong khyer gyi mi gtsang ba 'dam rdzab 'gro shes lta bur lta zhing skrod par byed de/ gang dang gang du song ba de dang der shing dang / rdo dang / gyo mo la sogs pa rnams kyis brdegs nas smod par byed do/ / des slong mo gcig kyang rnyed par ma gyur cing / shing dang / rdo dang / gyo mo la sogs pa rnams kyis brdegs pa des slong por yang chag par gyur nas smre sngags
- 341b
'don bzhin du ma'i drung du phyin te/ shin tu'ab zhums par gyur pas cho nges 'debs pa la zhugs so// de nas des mthong ba dang / brang brdungs te smras pa/ kyi hud bu khyod sdug bsngal te// su la'ang gnod pa ma byas bar/ snying rje spangs pa gang zhig gis// 'di ltar brdegs pas khyod sdug bsngal// de nas gzhon nu mi sdug pas sgra dang bcas par rab tu ngus te smras pa/ gang dang gang gi khyim sgor ni// slong mo spyad phyir bdag 'gro ba/ / de dang der ni gyo mo rdo// shing la sogs pas bdag la brdegs// de thos pa dang / ded dpon gyi chung mas gzhon nu mi sdug pa'i mgul nas 'khyud de sgra bcas pas ngus te smras pa/ nyes pa med kyang shin tu ni/ / gang dag gzhan gyis brdegs gyur pas// skye ba gzhan du du khyod kyis// sdig pa mi bzad byas par nges// kyi hud khyod ni sdug bsngal lo// bde ba kun dang rnam bral ba// shin tu mi sdug gyur pa na// dman pa ji tsam mthong na ko/ sems ldan snying rje cis mi skye// kyi hud bcom zhing nyams pa bdag/ bu khyod kyi ni slongs mo'i snod// bcom pas lus kyang bcom yin te// slongs mo tsam gyis 'tsho ba yin// pa dang ma dang bral ba dang // khyim gyi rten ni med gyur la// gang gis snying rje spangs nas ni// khyod kyi slong snod de bcag gyur// rigs rgyud thams cad nyams gyur cing // bshes dang gnyen gyis rnam spangs pas/ bla ma mdza' bo mgon gyur nyid// slongs sdod su yis bcag par gyur// kyi hung bu sdug dman pa mthong nas ni// khyod la su yis dpa' tshul bstan par gyur// kyi hung sngon gyi rang gi las kyis
- 342a
ni/ bu sdug khyod ni gnod pas bcom par gyur// kyi hud dman pa'i bu la dpa' ba ni// gang gi snying la brtse ba mi sems pas// rdo dang so bag rtsub pa lta bu yi// sems ldan kang yin de ring khyod kyis smos/ / kyi hud sgo brgyas bcom pa yi// sdug bsngal gyis gdungs slongs mo rgyu// ji ltar khyod la gzhan brdeg par// 'jig rten yid ni spro bar gyur// bkres dang skom pas yongs dub cing / / phun tshogs kun gyis rnam spangs pa// nad dang sdug bsngal rnams kyis gdungs// khyed la su zhig brdeg par brtson// nyam thag dman pa'i bzhin gyis ni// ngu zhing bkres pas rab gzir ba/ / lkog ma bskams pa mthong na deng // khyed la su yis brtse ma byas// deng ni nad kyis zil mnan cing // sdug bsngal ldan pa brtse spangs te// rigs bsnyems dregs pas dkrugs pa ni// gang gi bu khyod ji ltar brdegs// kyi hud gang gis khyod bkres gzir// slongs mos nyer bsags gyur pa li// bza' ba chung ngu de yang deng // khyi dang wa yang spyod par byed// kyi hud bu sdug sngal ngan pa/ / nga ko da ni ji ltar byed// sngon byas sdig pa byed pa po// mi sdug las kyis bcom par gyur// de ltar de rnam pa du mas mya ngan byed bzhin du/ chag cing grugs pa'i gnas kyi bum bu'i mdun du khrag gis rgyun gyis yan lag gos pa'i bu la 'khyud nas/ phyag dar dang / gyo mo dang / mi gtsang ba dang / tsher ma sogs pas khyab pa'i sar bsnyal te/ dal bu dal bus lag pas mnye bar brtsam pa dang /
- 342b
ji tsam na srang bar de na tshong dpon gyi bu dang / ded dpon gyi bu dang / gzhan yang mtho zhing mtho ba'i bram ze dang / khyim bdag rnams ka shi ka'i ras dang / ba ku la'i ras dang / ko dam pa'i ras dang / dar dang / mo na dar dang / ras phra zhing rin che ba sna tshogs gyon pa dang / mgul gdub dang / gdu bu dang / dpung rgyan dang / rna cha dang / do shal dang / se mo do sna tshogs pa'i rgyan gyis brgyan pa dang / dri zhim pa'i me tog gi tshogs kha bye ba rnam pa sna tshogs kyis lus la spyad pa 'gro ba mthong ba dang / de bdag nyid shin tu sdug bsngal ba'i gnas skabs la bltas shing bu mi sdug pa de'ang de bzhin dman pa la bltas nas dbugs tsha ba ring po byung ste/ mchi ma dang bcas par shin tu dman pa'i tshigs gsang mthon por smras pa/ phun tshogs du ma brgyas khyab pa// rin chen gyis ni rgya mtsho bzhin// rgyas pa'i rigs su gyur rnam kyab/ bde ba'i mchog la rjes su spyad// rgud pa'i cha las byung bas na// phyag dar khrod kyi gseb gnas shing // zas ma rnyed pas bkres pa dang // shin tu nyam ngas 'tsho bar gyur// mya ngan rgya mtsho sdug bsngal chu rlabs 'jigs/ / gdung ba'i chu srin mi babad brgya yis khyab// dbul ba'i chu klung rgya mtshor zhugs gyur nas// kyi hud bcom zhes sgra ni rnam par sgrogs// rgud pa'i chu srin brgya yis kun tu dkrug/ 'phongs pa'i dba' rlabs 'jigs pa rab tu g.yo// nad ces 'jigs pa mi bzad nub pa yi// dbu ba'i rang bzhin chu bor zhugs par gyur// sdug bsngal rdo grod nad ni rtsub pas khyab// gdung
- 343a
ba'i seng ge'i sgra yis gang ba'i yug/ mya ngan bya ni brgya phrag lcags gyur pa// dbul ba'i sdug bsngal gnas ni thob par gyur// bag med 'khrul pa bdag gis bsams pas sngon/ dam pa rnam+ba la sbyin pa ma byin pas// da ltar 'di na skal ngan dman pa yi// dregs ldan gdong la rtag tu lta bar byed// dman dang skal ba dang bral rmongs dang ni// slongs mo spyod la slongs mo mang du ma byin pa/ / gang des gnas khang tsam yang 'byor par ma gyur pa'i// dman zhing 'phongs pa'i mi bzad dag tu zhugs par gyur// nges par sa steng kun gyis bkur ba'i bla ma dang // yang dag phrad kyang brnyas shing bsnyen bkur ma byas pa/ / gang des de ltar yu bu'ang brnyas par gyur pa dang // da ltar 'gro ba'i 'phongs pa'i snod du gyur pa yin// gang gis rdo dang bong ba yis// 'gro 'di bdag cag brdegs gyur pa/ / sngon gyi skye bar legs bsdams pa// mang po nges par brdegs pa yin// gang gis 'jig rten pa rnams ni// kun nas yongs su smod gyur pa// sngon na bla ma'i skye bo la// yongs su spyos bapar gyur par nges/ / gang 'di brnyas pa'i sdug bsngal ni// shin tu mi bzad rjes thob pa// sngon chad bla ma'i skye bo la// yongs su brnyas par gyur par nges// yu bus sngon gyi skye ba la// glo bur lhags la gos dag ni/ / ma byin pa ni gang yin pas// da ltar yu bu gos med gyur// gang gis gnyen bshes dang bral te// yu bu sdug bsngal yun ring du// skye bo mang po ngu ba yi// nga ro 'don du bcug pa yin
- 343b
gang gis gseg ma rdos khyab pa'i/ / sa gzhir yu bu nyal gyur pa// sna tshogs gos kyis bkab pa ya// mal stan sden ma byin pa yan// stan ni rnam pa sna tshogs pa// dam pa rnams ni ma byin pas// gang gis cheram mang po yis// khyab pa'i sa yi gzhi la gnas// gang gis tsher mas khyab pa yi// sa gzhir yu bu rnams rgyug/ sngon chad lham dang bzhon pa ni// bde ba skyes pa ma byin yin// nyi ma'i 'od tshogs rnams kyis dbus kyi cha snang byas/ / phyag dar phung po gang gis 'di na yu bu gnas// slong ba'i 'gro la khang pa'i gnas tsam phal cher ni// gnas kyi ser snas nges par ma byin gyur pa yin/ gang gis da ltar yu bu shin tu kha bskams la// mgrin pa bskams shing kha dang 'gram pa yongs bskams pa// yid la chu 'dod kun tu bltas nas sngon chad ni// de la bsil gyur chu ni sbyin pa ma byin yin// slong dang sdug 'phongs pa la zas ma byin pa dang // gnyen dang mdza' ba bshes min rtsa lag tshogs la'ang min// legs par spyad nas thams cad las kyi longs spyod pa// des na 'dir ni zas bral yu bu yongs su 'khyam/ / srid pa gzhan du rnam pa mang por nges par ni// gzhan gyi don sgrub mkhas pa rnams la'ang ma tshang 'dru bas// gang gi 'di na da ltar 'jig rten dman pa'i yang // shin tu mtshang 'dru'i gnas su lu bu nye bar gyur/ / yu bus nges par rnam mang du// rigs kyis khengs shing dregs rten la// yon tan ldan pa lang brdegs pas na// gang gis da ltar mi bzang skyed// 'khor pa'i rgya mtsho'aji
- 344a
nyid du/ / nad rnams thams cad sel byed pa'i// sman ni sngon chad ma byin pas// gang gis nad kyis sngon gdungs yin// pha ma khrus ma byas shing ma dang bshes la'ang min// bla ma tshim par ma byas 'jig rten mgon la' nga min// gang gis khrus dang btung bral bya bas skye gyur cing // 'di na sdug bsngal brgya yis skal bcom mgon med gyur// bkres dang skom pas yongs dub cing / / bza' dang bgo ba rnam bral ba// rang dang sdug bsngal gyis gdungs pa// yu bu su zhig skyong bar gyur// 'jig rten du ni rnyed dka' ba'i// gang gis de ni srog ster cing // yu bus gang gis bran dang ni/ / de ring su yi las byed bya// kye ma'o dbul ba sdug bsngal te// kye ma'o bsod nams ma byas nyid// 'di ltar rgyas pa'i grong khyer du'ang // mgon med yu bu ji bzhin no// / 'di dang lta ba'i gzhan dag dang / ded dpon gyi chung ma bkres pas yongs su gdungs pa'i yid dang / bdag nyid smre sngags 'don cing gnas so// ded dpon rna can yang rgya mtsho chen por gru zhig pa dang / stes dbang gis byis pa gcig dang lhan cig spang leb la 'jus te chu'i gnas las brgal nas shin tu nyam thag pa chen pos sdong mo rku zhing rgyal po'i pho zang gnyen ldan du phyin pa dang / de der phyi rol kyi zhing gcig tu mtshan mo gnas par gyur pa na/ de'ang zho shas 'tsho ba'i skyes bu gzhan zhig gnas pa des de shes pa dang / de 'di snyam du sems te/ ded dpon 'di shin tu rid pa dang / bdog pa'i
- 344b
rdzas thams cad nyams pa dang / khyeru gcig dang lhan cig 'ongs na de la khyim gyi lo rgyus ji ltar brjod par bya/ yang na rang nyid kyis shes par 'gyur gyis snyam nas/ des de la lag pa bkru ba'i chu byin/ te/ ma sha'i snum 'khur gnyis byin no// de nas ded dpon rna can gyi lag pa stong pas khyim du 'jug par mi bya'o snyam nas/ ma sha'i snum 'khur gcig bzhag nas khye'u'i lag tu gtad cing / gcig phyed phyed du bgos te bza' ba'i don du khye'u de dang lhag cig zos so/ / de nas nyi ma gnyis pa ma sha'i snum 'khur de thogs shin tu rtsub cing lus nyam chung dang / shin tu dri ma dang bcas pa'i ras gcig tsam zhig gyon nas rgyal po'i pho brang gnyen ldan zhugs te rang gi khyim du chas so/ / gzhon nu mi sdug pa'ang na mnangs pa'i dus nyid na bkres pa dang skom pas yongs su nyam chung ba'i bzhin dang / skal ba ngan pa bdag 'di na gnas pa ci zhig bya/ srog kyang dgos pa med kyis/ song la bdag nyi gsod par bya'o snyam nas/ des ma la smras pa/ ma bdag ni pha'i skyed mos tshal du mchi zhes smras te/ skyed mos tshal der chas so/ ded dpon rna can yang rang gi khyim dang nye bar phyin pa dang / ji tsam zhig nas ring po ma lon par dur khrod kyi mdog can gyi sa'i tshogs tsam lhag ma lus par mthong nas bltas te/ 'di ci zhig yin zhes bsams nas/ gnas zhig pa'i phyed du ma der zhugs pa dang / gnas zhig pa'i phyed du ma de na chung ma bran mo zhig dang lhan cig gnas la shin tu dman pas zham chung ba'i bzhin dang / ras kyi dum bu/
- 345a
dri ma can gyis zhi ngas rked pa'i phyogs bkab/ dri ma'i tshogs kyis lus la gos pa mthong ngo // mthong nas kyang kyi hud 'di ci zhig yin zhes smras te/ brgyal nas sa la 'gyel ba dang / rlung grang mos phyog pas yun ring mo zhig nas dran pa rnyed de/ de chung ma'i thad du phyin pa dang / 'di ci zhig yin zhes smras te/ gsang mthon pos cho nges 'debs pa la zhugs so// de nas chung mas ji ltar gyur thos pa dang / dbugs tsha ba ring por phyung ste smras pa/ ngas ni nges par sbyin pa'i zhing la bya ba ma byas pa gang gis 'di ltar rgud par gyur na/ da 'di la ji ltar bsgrub par bya/ gang la skyabs su 'gro bar bya/ su'i bzhin la blta bar bya/ 'jig rten dman zhing gzhan pa la thugs brtse ba ni su zhig yin/ su zhig 'ongs nang dbul ba'i rgya mtsho 'di las brgal bar bya/ su zhig 'ongs na rgud pa'i 'dam 'di lta bu bkru bar bya/ su zhig 'ongs na sdug bsngal gyi chu bo 'di las brgal bar bya/ su zhig 'ongs na dbul ba'i dgra 'di las rgyal bar bya/ su zhig 'ongs na sdug bsngal thams cad kyi rtsa ba'i shing dbyung bar bya// su zhig 'ongs na sdug bsngal gyi zhing 'di rtsa nas gdon par bya/ su zhig 'ongs na bkres pa dang skom pa'i mche ba gtsigs pa'i kha nas ha ha zhes 'jigs pa'i sgra gcan gyis dbul ba'i srin po chen po med par bya/ su zhig 'ongs na dbul ba'i gyad 'di las rgyal bar bya/ su zhig 'ongs na bkres pa dang skom pa la sogs pas rab tu 'bar ba'i me 'di gsad par bya/ su zhig 'ongs na rgud pa gsol ba'i glang po
- 345b
che 'di gdul bar bya/ su zhig 'ongs na nga'i sdug bsngal dpag tu med pa'i dug gi mche ba dang ldan pa'i dbul ba'i sbrul chen 'di'i dug 'di dug med par bya/ su zhig 'ongs na nga'i thams cad 'phrog pa'i dbul ba'i dpa' bo bzlog par bya/ su zhig 'ongs na nga'i sdug bsngal thams cad kyis bsdams pa'i bdag nyid can gyi dbul ba'i lcags sgrog 'di gcad par bya/ su zhig 'ongs na nga'i dbul ba'i btson ra 'di las brgal bar bya/ su zhig 'ongs na nga'i dbul sgo glegs 'di dbye bar bya/ su zhig 'ongs na nga'i dbul ba'i gshin rje 'di mi snang bar bya/ su zhig 'ongs na nga'i sred pa'i rgya mtsho 'di las brgal bar bya/ su zhig 'ong na nga'i dbul ba'i 'brog dgon pa 'di las thar par bya zhes bya ba la sogs pa snying rje zhing dman pa la dmigs pa'i tshig rnam pa du mas brjod cing cho nge 'debs par gyur to/ / gnas skabs der sangs rgyas bcom ldan 'das rnams ni mi mkhyen pa'ang / mi gzigs pa'am/ thugs su mi chud pa 'am/ rnam par mi rig pa ci'ang mi mnga' ba ni chos nyid yin pas/ sangs rgyas bcom ldan 'das ston ka'i nyi ma 'char ka ltar 'od zer dmar ser 'gyed pa dang / nor bu rang gi yon tan gyis yongs su spras pas/ kun nas dmar ser du snang ba dang / nyi ma 'char khas phye ba'i pad+ma'i ge sar ma lus pa'i tshogs dang / ut+pa la dang / margad dang / 'ja' tshon dang / dri ma med pa'i glog 'khyil ba dang / mar gyi rgyun blug pa'i me'i tshogs ltar shin tu 'bar ba'i 'od kyi tshogs bkra shis pa'i 'od zer gyi tshogs kyis rab rib dpag tu med pa'i
- 346a
tshogs rnam par 'jig cing / rga shi'i srid pa'i gzeb 'dzin par mdzad pa/ dge ba'i rtsa ba dpag tu med pa la mnyam par gzhag par stob su gyur pas/ ku mu da dang / dung dang / kun da dang / dri ma med pa'i dngul dang / mu tig dang / kha ba dang / pad+ma'i rtsa ba dang / dri ma med pa'i glang po che'i so bcag pa dang / 'dzam bu'i chu bo'i gser gyi phung po'i rtse na gnas pa'i mig stong ldan gyi gzhu lha bu 'i 'o da zer 'khyil ba'i snang ba dang / na ma mkha' mtha' med par zla ba brgya spong 'char ba lngar da kar zhing 'jam pa la/ snam zhing g.yas su 'khyil ba'i 'o da la dom gang ba dang / smin ma mdzes pa'i bar nas byung ba'i smin mtshams kyi mdzod spu rnam par mdzes pa dang / pad+ma kha bye ma thag lta bu'i zhal mnga' ba/ bskal pa grangs med pa gsum du phyag dang / zhabs dang / spyan dang / yan lag gi mchog dbu dang nyid kyi sha dang / rkang dang / pad+ma gzhon nu lta bu'i rang bzhin dang ldan pa'i sras dang / btsun mo dang / glang po dang / rta dang / shing rta dang / rgyan dang / gos dang / stan dang mal stan dang / nor bu dang / gser dang / dngul dang / dngos po thams cad dang / rgyal srid la sogs pa yongs su gtong bas bla na med pa'i byang chub kyi tshogs yongs su 'phel bar mdzad pa/ chag pa mi mnga' ba/ bdud kyi stobs rnams rab tu bcom par mdzad pas ston ka'i zla ba dri ma med pa ltar shin tu dkar zhing gsal ba'i grags pa'i tshogs stong gi 'phreng bas bskor ba/ ri bo la 'char ka'i zla
- 346b
ba'i 'od zer gyi tshogs kyi lcug ma'i ral pa'i dkyil 'khor dang / nyi ma 'char ka'i 'od zer gyi tshogs dang / sprin gyi tshogs las 'byung ba'i glog brgya stong dang / brgya byin gyi glang po che'i mche ba mdung gis bsgyel ba dang / sa 'og 'khrugs pa dang / 'o ma'i rgya mtsho'i dba' rlabs ches pa dang / dbang po'i gzhu'i 'od kyi rtse mo dang / nor bu mar gang bcag pa dang / zla ba rgyas pa dang / pad+ma'i 'dab ma dang / klur dbang po'i gtsug gi nor bu dang / bai DUR+Ya'i rdo leb dang / tsam pa ka rgyas pa ma med pa lta bu'i 'od kyi dkyil 'khor gyis sku la bskor bar gyur pa/ nyid kyi thugs su chud pa'i ye shes kyi mes nyon mongs pa'i tshang tshing sreg par mdzad pa/ lha brgya stong gis zhabs la btud cing cod pan gyi gtugs pas nor bu dang / gser gyi 'od zer gyis shin tu mdzes shing brgyan pa'i zhabs dang pad+ma dang ldan pa/ glang po che gzhon nu'i dkan dang / rgya skyegs kyi khu ba dang / pad+ma dang / ston ka'i mtshams kyi sprin gyi tshogs dang / a sho ka dang / le brgan rtsi'i me tog gi chun po dang / zangs kyi mdog can gyi zhabs dang ldan pa/ sen mo srang cing zangs ltar dmar ba'i zla tshes rgod pa'i lta bu'i dri ma med zhabs kyi pad+ma dang ldan pa/ sred pa'i 'khri shing bton pa/ gti mug gi mun pa ma lus par rnam par bsal ba/ 'gro ba ma lus pa'i gnyen du gyur pa/ dgos pa med par gzhan la mnyes gshin par gyur pa// ye shes kyi spyod yul bsam gyis mi khyab pa/ 'dod chags chen po'i dug rnam par bsal ba/ dka' ba brgya stong gi bsnyen pa'i yon tan tshogs
- 347a
dang ldan pa/ bsod nams kyi tshogs nye bar bsags shing shes rab kyis spras pas nyon mongs pa ma lus pa'i shing rtsa nas 'don par mdzad pa/ tshangs pa dang / dbang po dang / khe dag dang me dang / gshin rje dang / bden bral dang / chu lha dang / rlung lha dang / lus ngan po dang / dbang ldan la sogs bstan pa/ mngon par bstod pa/ thugs rje chen dang ldan pa/ 'jig rten la phan par zhugs pa/ bsrung ba gcig pu ba/ nyag gcig dpa' ba/ zla med pa/ gnyis su mi gsung ba/ zhi gnas dang lhag mthong la gnas par mdzad pa/ 'dul ba'i bsdus pas gsum gyi gzhi la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs legs par gnas pa/ bsdu ba'i dngos po bzhi la yun ring po nas goms pa/ yan lag lnga spangs pa/ yan lag lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ byang chub kyi yan lag bdun gyi me tog gis phyug pa/ yan lag brgyad pa'i lam ston par mdzad pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba las khyad par du 'phags pa rnams ni/ nyin lan gsum mtshan lan gsum du sangs rgyas kyi spyan gyis 'jig rten la rnam par gzigs nas/ su ni 'phel/ su ni 'grib/ su ni gnod par gyur/ su ni nyam nga bar gyur/ su ni sdug
- 347b
bsngal bar gyur/ su ni ngan song la gzhol/ su ni ngan song la bab/ su ni ngan song la 'bab/ su ni 'khor ba'i rgya mtsho chen po las nye bar gdon par bya/ su ni deng ngas 'khor ba'i srin pos rnam par gtses pa las thar par bya/ su ni deng ngas dbul ba'i sbrul gyis dug pa las yongs su bsgrub par bya/ su ni deng ngas zhe sdang gi mes lus kun nas bsregs pa la dam pa'i chos kyi char gyis dbang bskur bar bya/ su ni/ dengangs gti mug gi mun nag gi nang du zhugs pa la/ rab rib med pa'i snang ba bla na med pa'i ting nge 'dzin mchog gi rtse mo la bskyon par bya/ su ni deng ngas sdug bsngal thams cad zad par byed pa'i lam gyi mchog yan lag brgyad pa bstan par bya/ su ni deng ngas dbul ba'i sgo glegs mtha' med pa gzhig par bya/ su ni deng ngas mi shes pa'i rab rib kyis mig mdongs pa la ye shes kyi mag sman rjes su sbyin par byasu ni dengangs lcags sgrog chen pos bcings pa las thar par bya zhes mkhyen pa'i gzigs pa 'jug go/ yang smras pa/ rgya mtsho chu srin rnams kyi gnas// dus rlabs yol bar 'gyur yang srid// 'dul bar bya ba'i sras rnams la/ / sangs rgyas dus las yol ba med// de nas bcom ldan 'das yang dag par rdzogs pa'i sangs rgyas rnam par gzigs 'jig rten ma lus pa 'di dag la gzigs par gyur pa dang / bcom ldan 'das kyi ded dpon rna can dbul ba'i sdug bsngal gyi 'dam rdzab tu shin tu mya ngan gyis sme zhing gnas par gzigs so/ / gzigs nas kyang yang thugs rje chen pos yang dag par bskul ba'i thugs dang
- 348a
lhung bzed bsnams shing chos gos mnabs te/ gnyen ldan gyi skyed mos tshal nas mngon par byung nas gnyen ldan du gshegs so// yang dag par rdzogs pa'i sangs rgyas rnam par gzigs rgyal po'i pho brang gnyen ldan du bsod snyoms la gshegs pa dang / de mthong nas rgyal po dang / blon po dang / tshong dpon dang / bram ze dang / khyim bdag dang / grong khyer gyi skye bo rnams dang / ded dpon rnams yang dag par rdzogs pa'i sangs rgyas rnam par gzigs 'di bsod snyoms la byon gyis/ bcom ldan 'das 'di'i bsod snyoms ngas gang bar bya'o snyam nas/ srog chags brgya stong dpag tu med pa rnams bza' ba dang bca' ba rnams thogs te gnas so/ / de nas bcom ldan 'das yang dag par rdzogs pa'i sangs rgyas rnam par gzigs ded dpon rna can la rjes su thugs brtse bas tshong dus kyi dbus na thugs rab tu zhi zhing sku la nyi ma 'char ka'i 'od pas lhag pa'i 'od kyis 'bar ba lta bu dang / ston ka'i zla ba rgyas pa'i mtshams kyi sprin gyis bskor ba lta bu dang / lha'i skyed mos tshal gyi dpag bsam gyi shing lta bu dang / gser gyi mchod sdong bdud rtsi'i byu ru'i shing gi yal gas brgyan pa lta bu dang / gser gyi gzhong pa'i steng du til mar gyi mar me bltams pa lta bu dang / rin po che'i ri bo rin po che phra mo sna tshogs kyis sbas pa lta bu dang / ngang pa'i rgyal po gser gyi pad+ma'i rdul gyis gos pa lta bu dang / sa srungs dal gyis 'bab pa'i pad+ma'i dngul gyis brgyan pa lta bu dang / seng ge ldong ros
- 348b
kyis byugs pa lta bu dang / sa thams cad kyi dpal gyi tshogs lta bu sku shin tu 'bar ba lta bu dang / zhabs kyi mthil gnyis shin tu legs par byas pa'i shing rta'i 'khor le nor bus spras pa'i 'od dang ldan pa lta bu dang / zhabs kyi mthil rab tu gsar pa'i pad+ma kha rgyas pa ltar shin tu mnyen zhing gzhon sha chags pa dang / zhabs kyi mthil dpal be'u dang / g.yung drung dang / dga' ba 'khyil ba dang / zhwa dang ldong ros kyis brgyan pa dang / zhabs gnyis la zla ba rgyas pa'i dbyibs lta bu la zangs shin tu sbyangs pa lta bu'i mdangs dang / 'od dang ldan pa'i sen mo shin tu dri ma med pa gcig tu gsal ba legs par skyes pa/ blta na sdug cing mtho ba'i sen mo dag dang / zhabs kyi sen mo'i thig le'i 'phreng bas spras shing mnyam pa med pa dang / legs par skyes pa dang / ring zhing zlum pa la yangs pa'i sor mo dang / 'jam zhing shin tu mnyen la shing ba la ltar reg na bde ba'i rting pa gnyis dang / dpal gyis 'bar ba'i nyi ma nam mkha'i dkyil na 'dug pa lta bur phyogs kyi dkyil 'khor thams cad ma lus par kun tu snang bar mdzad cing / ded dpon na can gyi gnas zhig pa'i phyed du ma der byon to/ / de nas yang dag par rdzogs pa'i sangs rgyas rnam par gzigs kyis gser bcom bzhin du spyad pa'i 'od 'phro ba lta bu dang / mar gyi rgyun gyis blug pa'i me'i cho ga lta bu dang / shin tu kha rgyas pa'i king shu ka dang / a sho ka dang / ut+pal dmar po dang / u rata da ka dmar po dang / ka ra wI ra dang / tsam pa ka dang / le brgan rtsi'i khu ba dang / mtshams kyi sprin dang / glang po che'i
- 349a
dkan dang / pad+ma dmar po dang / glog brgya stong pas lhag pa'i 'od zer yang dag par 'gyed par mdzad cing / gang gis de'i mod kho na la gnas zhig pa'i phyed dum phyi dang / nang du// bcas pa gser bzhun ma ltar snang bar gyur pa de ltar mdzad do// de mthong nas ded dpon na can gyis 'di ci zhig yin snyam ste langs pa dang / bcom ldan pa das yang dag par rdzogs pa'i sangs rgyas rnam par gzig mtshan sum cu rtsa gnyis kyis brgyan pa/ chos zhes bya ba lus dang ldan pa lta bu dang / mar gyi sbyin blugs blug pa'i rjes thogs kyi me lta bu dang / gser bzhus pa'i khu ba'i mdangs dang / kar ni ka ra dang / gur ku ma dang ka le brgan rtsi dang / ldong ros dang / ba p+la dang / ut+pa la dmar po dang / ston gyi mtshams kyi sprin dang / rma bya'i lkog ma'i mdangs dang / gser dang / mthing shun dang / mtshal dang / a ti mug ta dang / ku ran da ka lta bu'i 'od kyi dkyil 'khor gyis sku la bskor ba mthong ngo / / mthong nas ded dpon rna can de shin tu dad pa chen po skyes te/ ngas bcom ldan 'das la ci zhig dbul bar bya snyam du bsams te/ bdag nyid kyi 'byor pa la bltas pa dang / ma sha'i snum 'khur gcig po yod par mthong ba de blangs te/ chung ma la smras pa/ bzang mo ngas ni lag pa stong pas nga khyim du 'jug par mi bya'o snyam nas/ ma sha'i snum 'a khur gcig khyer te 'ongs te/ bcom ldan 'das yang dag par rdzogs pa'i sangs rgyas rnam par gzigs 'di'ang yon gnas kyi dam pa/ dman pa dang zhan pa rnams la rjes su thugs brtse ba yin la/ 'di la
- 349b
sbyin pa'i sa bon nyung zad tsam zhig btab pas kyang dbul ba'i sdug bsngal rtsa nas 'byin par mdzad pa yin na/ bcom ldan 'das de la ngas ma sha'i snum 'khur 'di dbul bar bya ba ma/ des smras pa/ rje'i sras legs kyis de ltar mdzod cig/ 'di tsam gyi dge ba'i rtsa bas kyang 'khor ba na bde ba'i rgyur 'gyur ro// de skad ces smras pa dang / ded dpon gyis bsams pa/ ma sha'i snum 'khrur 'di ni shin tu zhan pa yin la/ nga ni grong khyer 'di nyid du de lta bu zhig tu gyur nas/ da 'di lta bu'i ngan pa rgyal po dang / blon po dang / bram ze dang / khyimi bdag dang / grong khyer gyi skye bo dang / ded dpon rnams kyis gal te mthong bar ji ltar na/ bcom ldan 'das la dbul bar bya/ gzhan du na lo mas dkris pa dbul bar bya ste/ de ltar na ni 'di rnams kyis shes par mi 'gyur ro snyam rang gi gnas zhig pa'i phyed dum gyi nang du zhugs te/ lo ma btsal ba ra bsams pa dang / ci'ang rnyed par ma gyur to// de nas ded dpon de shin tu'ang yi mug par gyur te/ kyi hud 'di lta bu'i skal ba zhan pa ni sdug bsngal lo zhes dbugs ni tsha ba ring po phyung nas/ de'i mod la gnas zhig pa'i phyed du ma de nas byung ste/ dad pa chen po'i shugs kyis ma sha'i snum 'a khur de yang dag par rdzogs pa'i sangs rgyas rnam par gzigs kyi lhung bzed du phul lo/ phul nas kyang zhabs gnyis la phyag byas te/ smon lam byed par brtsams pa/ bcom ldan 'das sbyin par bya'i chos yongs su phul ba'i dge ba'i rtsa ba 'dis skye ba 'di nyid nas bzung ste/ nyin
- 350a
zhag gcig tsam yang dbul por nam du'ang ma gyur cig/ shin tu phyug pa dang / nor dang yo byad yongs su rdzogs pa dang ldan par gyur cig/ bcom ldan 'das yang dag par rdzogs pa'i sangs rgyas rnam par gzigs kyi zhabs la/ ded dpon rna can gyis btud pa tsam de nyid kyi rjes thogs kho na la shin tu zhan cing rid pa de mi snang bar gyur nas/ sngon gyi mdog mdangs lta bu dang ldan par gyur to/ / de nas ded dpon rna can gyis smon lam btab nas langs pa dang / yang dag par rdzogs pa'i sangs rgyas rnam par gzigs slar bzhud de gnyen ldan gyi skyed mos tshal du gshegs so/ / de nas ded dpon rna can gnyen ldan gyi tshong dpon dang ded dpon rnams kyis ngo shes par gyur to// de nas der ded dpon zhig gis/ grong khyer pa de rnams la 'di skad ces smras so// nga dang khyed rnams kyis ded dpon rna can rgud par gyur pa la btang snyoms su 'jog pa ni rigs pa ma yin no/ / de nas ras gcig bting ste yang smras pa/ grogs po dag mang pos ni cig gcig legs par gdon nus kyis/ gcig gis ni mang po ma yin pas de la gang gis 'dir yongs su gtang ba de ras 'di'i steng du zhog cig ces smras pa dang / du ma zhig gis mgul gdub dang / gdu bu dang / dpung rgyan dang / de shal dang / se mo dang / lag gdub la sogs pa rgyan brgya stong dpag tu med pa zhig byin pa dang / ka shi'i ras dang / du gu la'i ras dang / dar dang / mon dar la sogs pa shin tu za zhing
- 350b
rigs che ba sna tshogs pa'i gos zung brgya stong dpag tu med pa byin te/ de la skad cig ma de nyid du gos dang / rgyan gyi phung po chen po zhig tu gyur to// de nas ded dpon rna can gyis 'byor pa de la brtags nas chung ma la smras pa/ bzang mo zhing gshin pa la sbyin pa'i sa bon btab pa'i myu gu 'thon pa la ltos/ de'ang dga' ba dang mgu d+ha skye ste/ yang dag par rdzogs pa'i sangs rgyas rnam par gzigs de la phyag byas nas/ rgyan dang gos de rnams gnas zhig pa'i phyed dum der zhugs par brtsams so// khye'u mi sdug pa'ang pha'i skyed mos tshal der zhugs nas bkres pas gdungs pa'i yid dang / rang nyid mchog tu gzugs ngan pas 'di ltar yang dang yang du mya ngan byed cing bsams pa/ shin tu sdig pa'i las phyed pa dang / mchog tu sdug bsngal ba'i skal ba can/ shin tu gzugs ngan pa/ mthong na bkra mi shis pa/ nga gson pas kyang dgos pa ci zhig yod de/ bdag nyid kyis srog dpral bar bya'o snyam nas/ sgyid lug pa'i yid kyis mod kho na la/ pa la'i shing gi yal ga'i rtse mor 'dzeg pa dang / shing gi yal ga chag nas shing gi yal ga dang lhan cig tu ltung ste/ tshor bas nyam thag cing 'dug go/ bar skabs der sangs rgyas bcom ldan 'das la ni mi mkhyen pa 'am/ mi gzigs pa 'am thugs su mi chud pa 'am/ rnam par mi rig pa ci'ang mi mnga' bas/ yang dag par rdzogs pa'i sangs rgyas rnam par gzigs kyis sangs rgyas kyi lha'i spyan rnam par dag pa mi las 'das pas/ khye'u
- 351a
mi sdug pa de ltar sdug bsngal ba gzigs so/ / gzigs nas kyang thugs rje chen pos yang dag par bskul te/ skyed mos tshal der rdzu 'phrul gyis gshegs nas nyid kyi sku las 'od zer 'gyed par mdzad do/ / bkres pa dang skom pa'i sdug bsngal de'ang rgyun chad par gyur nas/ de'i mod la langs pa dang / yang dag par rdzogs pa'i sangs rgyas rnam par gzigs bskal pa bye ba brgya stong dpag tu med par mthong ba shin tu rnyed par dka' ba/ mtshan sum cu rtsa gnyis kyi snang bas 'bar bar byas pa'i sku dang ldan pa mthong ngo // de mthong ba'i mod la bcom ldan 'das yang dag par rdzogs pa'i sangs rgyas rnam par gzigs la dad pa chen po skyes te/ des kyang yung bas btsos pa'i gos kyi dum bu khru gang gyon te 'dug pa las/ des dad pa skyes pa'i shugs kyis lus las phud de/ de dang kar ni ka'i me tog gcig dad pa'i shugs chen pos 'phral du bcom ldan 'das rnam par gzigs kyi sku la gsol lo/ / de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ji ltar gos kyi dum bu de de bzhin gshegs pa'i sku'i tshang dang ldan pa tsam du gyur nas sku la gsol ba dang / me tog kar ni ka'ang dbu'i steng du shing rta'i 'phang lo tsam du gyur nas gdugs ltar gnas pa de ltar byin gyis brlabs so/ / de mthong ba dang / khye'u mi sdug pa shin tu'ang dad pa chen po skyes nas/ de dad pa chen po'i shugs kyis yang dag par rdzogs pa'i sangs rgyas rnam par gzigs kyi zhabs gnyis la phyag byas te/ sgra gas
- 351b
chen pos smon lam byed par brtsams pa/ rkang gnyis mchog gyur sbyin pa ni// 'di yis 'di nas gzugs ngan nyid// deng nas brtsams te legs spangs nas// bdag ni gzugs bzang nyid thob shog/ gser gyi mdog can go sa rnams ni// gser sbyangs lta bu gyon pa dang // bdag gi lus dang kha nas kyang // tsan dan ut+pal dri ltar shog/ gser gyi kha mdog snang gyur cing // 'jig rten kun ni yid du 'ong / nad kun las ni rnam thar cing // bstan bcos don kun pha rol phyin// kun tu'ang nor dang yang dag ldan// sdug bsngal thams cad rnam spangs pa// kun mchog kun gyi bya bar 'os// rgyan kun gyis ni rnam brgyan shog/ rdzogs sangs don kun grub gyur cing // sems can rnams la mnyes gshin shog/ dri med yon tan dpal kun ldan// bde zhing rdzas kun ldan par shog/ de nas smon 'di bras pa dang / dus mnyam pa nyid la/ khye'u mi sdug pa'i gzugs mi sdug pa 'phral du mi snang bar gyur te/ mdzes pa/ blta na sdug pa/ lus kyi pags pa'i mdog gser gyi mdog can gyi gzugs bzang bar gyur to/ / 'phral du de la nam mkha' de las gser gyi mdog can gyi gos byung bas lus la bkab cing rin che ba'i dbu rgyan dang / rna ma la sogs pa rgyan gyi khyad par rnams byung bas brgyan to/ / lha rnams kyis kyang me tog kar ni kar dang / ut+pal dang / tsam pa ka dang / pad+ma dang / ku mu da dang / man+da ra ba la sogs pa me tog gi char chen po phab pa dang / lha'i can ngan dang /
- 352a
a ka ru dang / gur ku ma dang / ta ma la'i lo ma'i phye ma'i char phab cing / 'di skad ces kyang smras so// e ma'o de bzhin gshegs pa la bskrun pa'i sbyin pa'i sa bon khyad par can gyi myu gu yang dag par byung ba yin no/ / lha'i me tog dang phye ma'i char yang pus mo nub pa tsam du skyed mos tshal de thams cad du phab nas gnas so// de nas yang dag par rdzogs pa'i sangs rgyas rnam par gzigs skyed mos tshal de nas mngon par byung ste/ gnyen ldan gyi skyed mos tshal du gshegs so// de nas ded dpon rna can gyis kyang chung ma la smras pa/ bzang mo gang zhig skyes nas nged la 'di/ bu'i rgud pa byung bar gyur pa'i bu de gar song // des smras pa/ de skyed mos tshal du 'gro'o zhes zer ro// des smras pa/ de de nyid du yi mug pas bdag nyid gsod par 'gyur gyis/ der myur du bzhud cig/ ded dpon rna can gyis smras pa/ yu bu'i bu'i ming ni ci/ gzugs ni ji lta bu zhig yod/ des smras pa/ rje'i sras shin tu blta na mi sdug pas mi sdug pa zhes bgyi'o// de nas ded dpon nga shin tu myur ba'i/ gom stabs kyis skyed mos tshal der song ba dang / gzhon nu mi sdug pa lus gser gyi mdog can shin tu rin che ba'i gos ser po phra ba lus la gyon pu/ rgyan thams cad kyis brgyan pa/ mthong na yid 'phrog pa/ lha'i bu gzhon nu bzhin du dpal gyis mchog tu 'bar bar mthong ngo // mthong nas kyang e ma'o gang la 'di lta bu yod pa 'di ni skyes bu skal ba dang ldan pa'o zhes zer zhing
- 352b
gzhon nu la smras pa/ khye'u khyod su'i bu yin/ des smras pa/ rna can zhes bya ba ded dpon zhig yod de/ nga ni de'i bu yin no// ded dpon na can gyis bsums pa/ gzhan du 'das nang bstangs so snyam du sems shing / shin tu ltad mo skyes te/ mig mi 'dzums par lta zhing gzhon nu de la yang smras so// kye gzhon nu su'i bu yin pa bden par smros shika/ mi sdug pas smras pa/ 'dir ci zhig brtag par bya ste/ nga ni bden pa nyid du ded dpon rna can gyi bu yin no/ / des smras pa/ e ma'o gzhon nu 'di ni nga la shin tu'ang bstings so snyam nas smras pa/ gzhon nu ngas ni shin tu mi sdug go zhes thos nas/ khyod ni gzugs bzang na/ de thabs gang gis khyod gzugs bzang bar gyur/ gzhon nu mi sdug pas dga' bas mig gdangs te sgra gsang chen pos smras pa/ deng ni dbul ba'i sdug bsngal med// sems ni yongs su gdungs pa na// shing gi yal ga'i rtser 'dzegs te/ / bdag gis rang nyid lhung bar byas// lhung nas yan lag snad pas gzir// bdag ni brgyal ba nyid du gyur// sems med dbugs ni ma thon par// skad cig tsam zhig rnam par gnas// de nas rnam gzigs rdzogs sangs rgyas/ / sems can rnams la rjes brtse ba// mgon po bdag la thugs brtse'i phyir// skyed mos tshal ni 'dir byon to// sum cu rtsa gnyis mtshan 'chang zhing // pags pa gser ni sbyangs pa 'dra// btso ma'i gser 'dra'i 'od rnams kyis// phyogs bcu'i dag ni 'gengs par mdzad// de sku'i 'od zer rab bsil bas// bdag la reg pa tsam gyis na// mnyam med bdud rtsi'i rgyun gyis ni//
- 353a
'di dag thams cad tshim par mdzad// bkres skom ltung ba'i sdug bsngal dang // ma lus bdag gi bkra mi shis// de yi mod la zhi gyur cing // bdag ni sems kyang rnyed par gyur/ / 'di ci yin zhes spro bcas par// bdag yangs de tshe thub pa ni// shin tu mdangs bzang 'gro ba yi// phun sum tshogs pa'i gnas gyur mthong // bdag gis blta bya rin chen de// mgon po dpal gyi mchog gis ni/ / phyogs rnams rgyas par gsal mdzad pa// mthong nas bdag sngar dad par gyur// de nas rab dga'i sems kyis su// bdag gi gos kyi dum bu ni// yung bas btsos pa de nyid la/ / mchog tu dga' bas phul bar gyur// kar ni ka yi me tog gcig/ bdag gis brtul zhugs bzang de la// gtor ba de yang thub pa yi// steng du gdugs bzhin gnas par gyur// des kyang dga' zhing mgu ba yi// zhabs gnyis la ni rab btud de// shin tu dang ba bskyed pa yi// bdag gis smon lam 'di byas so// mgon po sbyin pa 'di yis ni// de nyid bdag ni gzugs ngan pa// yongs su spangs shing gzugs bzang ba'ang // srid pa'i rgya mtshor thob par shog/ gser gyi mdog can gos rnams kyang // gser sbyangs lta bu gyon pa dang // bdag gi lus dang kha dog dang / tsan ngan ut+pal dri ldan shog/ bdag gis smon lam de dag ni// 'di ni byas par gyur pa na// gzugs dang kha dog 'di 'dra ba// yid du 'ong ba byung bar gyur// gos ni rin thang cher gyur pa// ser
- 353b
zhing shin tu 'jam pa dag/ bdag gi lus la 'phral du ni// skad cig de nyid dag la byung // nam mkha'i ngos nas lha rnams kyis// me tog dang ni tsan dan dang // a ka ru dang nga ma la// a mahA/ char 'di phab// ca co rnam pa chen po dang // yid 'phrog pa yi rnga brdung zhing // sangs rgyas bcom ldan phyag 'tshal zhes// bya ba'i sgra ni smra bar gyur// deng ni dge ba 'di byas pas/ bdag gi gzugs ni 'di dag dang / / gser 'dra'i mdog ni yid 'ong ba// 'di ni byung bar gyur pa yin// de nas ded dpon rna can gyis de skad thos pa dang / 'phral du dad pa'i shugs kyis ba spu'i bu ga thams cad ldang bar gyur cing de bzhin gshegs pa rnam par gzigs la yang dang yang du phyag 'tshal zhing / mchog tu'ang dga' ba skyes pa dang / bu gzugs bzang ba la mig mi 'dzums par bltas te smras pa/ bu tshur shog yu bu 'deng / de nas gzhon nu gzugs bzangs kyis bdag ni ba 'di las skyes pa yin no snyam nas shin tu gus pa dang bcas pas pha'i rkang pa la phyag byas nas/ yab legs par byon dam smras te pha dang lhan cig khyim du chas so/ / de'i tshe lha'i dbang po brgya byin lha'i shes pas 'og tu 'jug par gyur pa yin pas de 'di snyam du sems te/ ded dpon rna can 'di ni sangs rgyas bcom ldan 'das la lhag par bya ba byas pa yin na/ de rtswa khyim na gnas pa ni rigs pa ma yin no snyam nas/ lha'i bu las sna tshogs pa la spras pa/ las sna tshogs pa song la/ ded dpon rna can gyi khang pa rin po che sna bzhi las gru bzhi
- 354a
rnam pa gyis shig/ de nas las sna tshogs pas brgya byin gyi tshig mnyan te/ skad cig ma de nyid la rgyal po'i pho brang gnyen ldan du 'ongs nas rin po che sna bzhi'i pha gu las brtsigs shing ka bas bteg pa/ khyams mtho zhing mdzes pa/ skar khung dang / sgo khang dang / ngos na lcog gis legs par bkod pa'i yan lag can dang / gdung phran la spang leb legs par bkod pa/ shin tu mthong ba'i khang pa zur bzhi pa shin tu yid du 'ong ba'i rta babs kyis sgo nye bar mdzes pa dang / ston ka'i sprin mdzes pa dang / gangs kyi phung po dang / zla ba'i 'od zer dang / pad+ma'i rtsa ba ltar dkar ba/ gdugs dang / rgyal mtshan dang / ba dan bsgreng ba dang / mu tig gi chun 'phyang dang / gos kyi chun 'phyang gi tshogs btags pa/ grong khyer gyi mchog ma lus pa nye bar mdzes par byed pa'i gnas su gyur pa/ shin tu 'bar ba'i gser gyi rang bzhin can gsar du mngon par 'byung ba'i a nu'i rgyan byas shing / yan lag brgyad pa'i chus yongs su gang ba'i bum pa brgyad kyis sgo nye bar gnas par byas pa/ dpag tu med pa'i dngul dang bai DUR+Ya dang / shel dang / spug dang / mthon ka dang / mthon ka chen po la sogs pa'i rin po che rnams kyis yongs su bskor cing / gter du mas yongs su khengs pa/ rin po che'i rdzing dang / yo byad kyis yongs su gang ba'i khang pa'i mchog gcig byas so/ / de nas ded dpon rna can khyim du 'ongs pa dang / de'i chung ma dga' zhing mgu la rangs pas gser gyi ril ba las chu byin te smras pa/ rje'i sras khyed kyi bsod nams
- 354b
kyi mthus 'ga' zhig gis 'di lta bu'i khang pa'i mchog byas so/ / de nas ded dpon na can gzhal yas pang de la mngon par lnga zhing mchog tu dga' ba dang 'ang bde ba ma sa nas bcom ldan la shin du'ang dad pa skyes te/ ba g+huny+dza ba dang / thal mo spyi bor sbyar te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bsam gyis mi khyab pa'i sa bzhin gyi nor bu rin po che bsod nams kyi zhing bla na med pa la phyag 'tshal lo zhes spras te/ phyag byas nas rab tu dga' bas rgyas pa'i bzhin dang smras pa/ e ma'o yon tan rang bzhin zhing // rnas pa thams cad rab spangs pa/ / gang du bdag gis sa bon btag// 'bras bu de nyid stsol bar mdzad// sbyin pa ngan ngon de tsam ni// legs par sbyar ba kun bral gang / nyams dka' mthong ba'i gser dang ni/ rin chen rang bzhin khyim 'di gang // rtsig pa'i lhag ma lus pa tsam// bdag khyim mya ngan 'brel byed pa'i// sprin dang nges par bral ba yi// zla ba'i zer ltar dkar 'di gang // bye ba 'bus rtol bu ga yi// skaskur khung ldan pa'i khyim yang gang // rin chen rab mchog du ma yi// skar khung ldan pa'i khyim 'di gang // khros pa'i khyis khyab tsher ma dang // mi gtsang tshogs kyi gzengs de gang / khyim 'di sngon chad de 'dra las/ / rin chen gsags 'di gang yin mtshar// sbrul gyis bor ba'i pags ring ni// 'brang ba'i gos kyis khyabade gang // phra ba'i gos ni phran chags bkra/ rdzayab
- 355a
ba 'di ni gang / / khyi mos bsdus pa'i rus gong ni// dkar pos gsal bkram khyim de gang // dri zhim me tog bzang po ni// sil mas nye bar mdzes 'di gang // mya ngan ma ma'i rgyun gyis ni/ / rtag tu brlan pa'i khyim de gang // dri zhim gla rtsi tsan dan gyi// chu yis chag chag btab 'di gang // me lces tshig cing khwa rnams kyis// mi gtsang rta babs can de gang / gser dang rin chen mu tig mchog/ 'phreng bas nye bar mdzes 'di gang // spang leb chag pa'i sgo yis ni// bsgribs pa yi ni khyim de gang // shel las bsgrubs pa'i sgo legs ni// sgo 'phar ldan pa 'di ni gang dang ni yun ring nyams pa nya/ / 'jig du ma phyed pa'i khyim de gang // nor bu'i rang bzhin ka ba dang // sgo khang gis ni brgyan 'di gang // smre sngags sgra yis kun tu yang // khyab pa'i bzhi mdo de ni gang // rol mo'i sgra dang gling bu yi/ / skad dang yang dag ldan 'di gang // sngon ni thod pa'i tshigs dang ni// phyag dar phung pos khengs de gang // rin chen phung po mdzes pa rnams// nang du bsags pa 'di ni gang // ldog dang gdung phran bkod pa rnams/ / ma lus lhags par gyur te gang // nang na mthon ka chen po dang // shel ni rin chen bzhag 'di gang // stan dang bral ba'i so phag ni// gcig la brten par gyur te gang // sna tshogs gos g.yogs nang tshangs can/ / brgya phrag dang ni ldan de gang // sngon na gseg mas khyab gyur pa'i// sa yi cha yi mal de gang // rgya chen dang ldan dpal gyi khri// nyams su dga' ba khri 'di gang /
- 355b
rtswa sa g.yogs pa yi mal stan ni// bdag la rab tu rtsu ba de gang // shing bal yang zhing 'jam pa'i stan// deng rab yid du 'ong ba gang // khyim ni khyi yis gang gyur pas// shin tu dri ma zhim de gang // gzhal ya khang na yid 'ong ba'i// dri zhim dam pas bsgos 'di gang // sngon chad khang pa'i phyi nang na// gos dengs snal mas khyab de gang // sna tshogs rin chen mchog gyur pas// rnam spras nyams dga' 'di ni gang / / khA yis mi gtsang ri mo ni// dkar po brgya rab 'phyang de gang // rgya chen sna tshogs mu tig gi/ dra bas nye bar mdzes 'di gang // sdug bsngal tshig sme lag pa dag bsgreng ba'i khang pa de ni gang / / dri med gdugs dang ba dan dag/ bsgreng bas brgyan par gyur 'di gang // skyob pa bsod nams zhing gyur pa// gang zhig byon pas bdag deng nyid// dbul ba'i rgya mtsho las sgrol ba/ / mgon po de la phyag 'tshal lo// gang zhig byon pas bdag cag ni// phun tshogs 'di 'dra thob gyur pa// thams cad mkhyen pa rnam par gzigs// 'jig rten mgon la phyag 'tshal lo/ / rnam par rgyal bzhin bsam yas pa'i// yon tan dpag med rnams kyis brgyan// yang dag byon nas deng bdag nyid// gzhal yas khang mchog thob par mdzad// ston pa de ni legs rnyed pas/ / ti sa'i rtse mo bsgreng ba lnga'i// ston ka'i zla ba ltar dkar ba'i// gzhal yas khang mtho thob par gyur// de nyid grong khyer 'dir mgon med// dngul ba'i sdug bsngal can gyur nas/
- 356a
de nyid kun gyi mchog gyur cing // nor che ba dang ldan par gyur// sa bon de nyid btab tsam gyis// 'bras bu 'phral du stsol ba po// 'jig rten mchog gyur khyab bdag de/ su zhig gis ni mchod 'os min// de nas ded dpon rna can dad pa'i shugs drag pos sems kyi rgyud brlan pa dang / bsams pa/ bcom ldan 'das byon nas ngal 'byor pa 'di lta bu thob par mdzad pa yin pas/ da yang ngas dang po nyid du bcom ldan 'das de bzhin gshegs pa rnam par gzigs khang pa 'dir spyan drangs la/ nyan thos kyi tshogs dang bcas pa la bshos gtsang dbul bar bya'o snyam nas gus pa chen pos de bzhin gshegs pa rnam par gzigs nyan thos kyi dge 'dun dang bcas pa khang pa'i nang du spyan drang ste/ zhal zas ro brgya pa nyin zhag bdun gyi bar du drangs nas zhabs gnyis la phyag byas te/ ji srid 'tsho'i bar du yo byad thams cad kyis bsnyen bkur byas par gyur to// de nas nyi ma gzhan zhig la zhing bsrung ba'i skyes bu zho shas 'tshe ba zhig rje bo sa 'bras chan gyi thum po zhig byin pa dang / de thogs te zhing las la chas pa na/ lam gyi bar zhig tu zho shas 'tshe ba'i skyes bu de dge bsnyen gzhan zhig las ded dpon rna can gyis ma sha'i sdum 'khur gcig sangs rgyas bcom ldan 'das la phul pas 'byor pa 'di dang 'di lta bu thob ces zhes thos so/ / thos nas kyang skyes bu des/ dge bsnyen de la smras pa/ kye bzhin bzang
- 356b
bcom ldan 'das de che ba'i yon tan ji lta bu zhig yod/ des smras pa/ bzhin bzangs bcom ldan 'das de'i yon tan de'i khyad par smra bar ga la nus/ 'on kyang mdor bsdus pa'i don 'dzi ci/ bcom ldan 'das yang dag par rdzogs pa'i sangs rgyas de ni skyes bu rab mchog gi mtshan gyis brgyan pa/ kaser g+hi ri skar snang ba/ nyi ma dang zla ba las lhag pa'i 'od gcig phru pa dul ba/ brtul zhugs bzang ba/ thugs dul ba/ gsung snyan pa/ cha lugs bzang ba/ sku mdzes pa/ zhal mdzes pa/ spyan mdzes pa/ 'phrin las bzang ba/ chos bzang babazod pa dang ldan pa/ spobs pa dang ldan pa/ des pa/ shin tu 'dren pa/ dul ba mkhyen pa/ zhi ba mkhyen pa/ spyan yangs pa/ byas pa mkhyen pa/ dbang po rab tu zhi ba dbang po'i rta shin tu dul ba/ dbang po shin tu zhi ba/ chos kyi rgyal po chen po/ sems can gyi snying po chen po pa/ 'jig rten gyi mgon po chen po/ ye shes kyi rtog chen po/ smra ba'i dpa' bo chen po/ bsod nams kyi mdzod chen po/ chos kyi gru chen po/ ded dpon chen po/ sbyin gnas chen po/ grub chen po/ chos kyi sbyin bdag chen po/ sred pa rnams gcod par mang pa rmongs pa nges par 'jig par mdzad pa/ khro ba zhi bar mdzad pa/ thar pa ston par mdzad pa/ chos yang dag par 'jog par mdzad pa/ ngan pa las 'pho bar mdzad pa/ lam bzang po
- 357a
par mdzad pa/ the tsom gcod par mdzad pa/ bden pa yang dag par ston par mdzad pa/ nyon mongs pa zhi bar mdzad pa/ bdud 'joms par mdzad pa/ 'jig rten rnams sgrol bar mdzad pa/ tshangs pas mchod pa/ brgya byin gyis yang dag par bkur ba/ 'jig rten thams cad pas lhag pa/ 'jig rten thams cad kyis mdzes pa/ sems can thams cad kyi mchog/ sdug bsngal thams cad gcod par mdzad pa/ thams cad rig pa/ tshul dang dul ba la mkhas pa/ zag pa thams cad las 'das pa/ smra ba'i gtso bo zil gyis ma mnan pa/ nyes pa thams cad zil gyis ma g.yengs pa/ don thams cad la mngon par brtson pa/ gzugs dang ldan pa/ tshul khrims dang ldan pa/ bsam gtan dang ldan pa/ brtson 'grus dang ldan pa/ ye shes dang ldan pa/ re ba mi mnga' ba/ sgyu mi mnga' ba/ nad mi mnga' ba/ spros pa mi mnga' ba/ skyon med par zhugs pa/ 'jug pa dang zad pa'i stobs nye bar ston par mdzad pa/ sems can thams cad la byams pa'i dgongs pa can/ sdig pa rnams las grol ba/ lhag par mos pa dang ldan pa/ bla na med pa/ gtso bo/ ston pa po / nyon mongs pa'i nad kyis gdungs pa rnams kyi sman pa chen po/ rang byung khyab bdag yang dag par sdom pa'i rang nyid can/ mthu tshad med pa/ mdzad pa nyung ba/ cho ga mkhyen pa dang ldan pa/ dus dang
- 357b
zhan pa/ ye shes dang ldan pa/ non mongs pa'i dgralas nges par rgyal ba/ me rab tu zhi ba/ mi bskyod pa'i chos dang ldan pa/ mchog tu sdug bsngal ba'i 'jig rten ma rig pa'i 'das la nub pa/ la gzigs shing / de las nyid kyis yang dag par 'don par spyod pa/ nyid kyi mthu'i bdag nyid sems can thams cad la mtshungs par yod par bzhed pa'i thugs rje chen pos don mdzad pa'i zla gros kyi mchog gis 'di las 'gro ba 'don par mdzad pa/ ji ltar sdug bsngal ba rnams gdon par bya/ ji ltar skrag pa rnams dbugs dbyung bar bya/ ji ltar na 'khor bar nub pa rnams gnon pabapar bya/ ji ltar na bsregs pa rnams tshim par bya zhes de lta bu'i brtan po yang dag par bskyed de/ brtson 'grus mchog rtsom par mdzad cing sku tshe bye ba brgya stong du snga ma bzhin du zas dang / skom dang / gnas dang / lham dang / bza' ba dang / gdugs dang / bzhon pa dang / stan la sogs pa yid du 'ong ba dang / glang po che dang / rta dang / chung ma dang / bu dang / blon po dang / blon mo dang / mgo dang / mig dang / bdag gi sha dron po bcad nas brgya byin khra'i gzugs can la sogs pa dang / sems can thams cad la tha bra thams cad kyis phan par dgongs pa/ dus thams cad du'ang rgas pa dang / na ba dang / 'phongs pa dang / kun tu rmongs pa dang / kun tu la khrul ba dang / 'khrugs pa dang / mi bde bar gnas pa rnams la gzigs nas thams cad nyid
- 358a
kyis dbugs phyung ste/ yod dam med pa la'ang dpyod pa ji lta bas rten par mdzad pa/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la sogs pa yon tan sku tshe brgya stong du mar bsags pas zhi ba'i byang chub kyi mchog bla na med pa rnyed pa'o// gzhan yang yang dag par rdzogs pa'i sangs rgyas grags pas khyab pa/ dbugs 'byin pa'i chos thugs rjes ston pa/ ye shes yongs su rdzogs pa/ brtson 'grus che ba/ dam bcas pa thams cad mthar phyin par mdzad pa/ nyes pa thams cad las nye bar bsal ba/ dul ba dang / zhi ba dang / dbang po'i yul thams cad la ma chags pa/ tham cad kyi dbang phyug/ lus kyi tha ma brnyes pa/ tshad med pa'i mthu'i 'od kyis brgyan pa'i ye shes kyi mdzod/ zla ba rgyas pa bas lhag pa'i 'od dang ldan pa'i zhal mnga' ba/ lha'i dbang po dang / lha ma yin gyi dbang po dang / klu'i dbang po rnams kyis mos pas rab tu dang ba dang / rtag tu phyag byas pagazi brjid rab tu 'bar ba/ bsod nams dang grags pa dang ldan pa/ drang srong chen por byung ba/ gser shin tu sbyangs pa/ chos kyi dbang phyug/ mchog gi chos kyi pha rol tu phyin pa/ sems can gyi mchog/ cang shes pa/ grol ba/ dpa' ba/ lha'i yang lha/ yang dag par rdzogs pa'i sangs rgyas de'i yon tan ma lus par ston pa su zhig gis nus/ gzhan yang / gzugs
- 358b
dang mdangs bzangs thams cad kyi/ / phun sum tshogs pas legs brgyan pa// skur ldan sangs rgyas ma gtogs pa// 'di 'dra'i mchog gzhan yod ma yin// sangs rgyas 'dra ba'i ston ba med/ / sangs rgyas 'dra ba'i blo bzangs med// sangs rgyas 'dra ba'i rtogs pa med// sangs rgyas 'dra ba'i thub pa med// sangs rgyas 'dra ba'i snod med de// sangs rgyas 'dra ba'i bde// ldan med// sangs rgyas 'dra ba'i dul ba med// sangs rgyas 'dra ba'i gtso bo med// sangs rgyas 'dra ba'i smra ba med// sangs rgyas 'dra ba'i pha med de// sangs rgyas 'dra ba'i gnyen 'dun med/ / sangs rgyas 'dra ba'i bshes med de// bdag gi med cing dregs med pa// 'jigs pa med cing nyes pa med// srid pa'i dgon pa nges rgyal zhing // 'gran zla med cing skyon mi mnga'// mdzes/ dul zhi zhing gtsang ba dang // dran ldan stobs ldan dbang dang ldan// sems can kun la phan mdzad pa// sangs rgyas 'dra ba gzhan med do// mdor na yon tan dam pa ni// khyad par sna tshogs ldan pas na/ / khams gsum na ni sangs rgyas dang // mnyam pa med par gzung bar gyis// de thos pa dang / zho shas 'tsho ba'i skyes bu de dad pas ba spu ldang zhing shin tu rnyed par dka' ba'i snga/ pa 'phral du skyes te/ des smras pa/ ded dpon rna can gyis sred pas de lta bu'i sbyin gnas dam pa bcom ldan 'das de bzhin gshegs pa rnam par gzigs la ma sha'i snum khur gcig phul
- 359a
nas skad cig de nyid la ded dpon de dbul pa med par gyur cig ces de ltar sems kyi nor bu rin po cher gyur pa/ de bzhin gshegs pa las rnyed de/ shin tu zhan pa langs spyod rgyur gyur pa'i smon lam btab pa yin la/ nga'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bskal pa bye ba brgya stong dpag tu med par yang mi mthong ba/ shin tu blta bar 'os pa/ bla na med pa/ bsgral pa brgya stong dpag tu med par sems can thams cad kyi don la zhugs par bsags pa'i bsod nams kyi tshogs mnga' ba/ thugs rje chen po las mi ldog pa/ 'khor ba du ma nyon mongs pa'i dug can gyi sbrul chen pos zin pa'i dman pa rnams la rjes su thugs brtse ba/ rnam par lhung ba'i 'gro ba rnams la khyad par du mnyes gshin pa/ rjes su mi spong ba'i nye du yin la/ ngas ni dus dpag tu med par longs spyod ma bsgrubs pa yin te/ ngas zhing las kyis bsgrubs pa'i 'bras chan gyi slongs mo shin tu zhan pa rnyed pa 'di phul la mnyes par byas te/ de'i tshe gang gis sems can thams cad kyi mchog tu 'gyur ba de lta bu'i smon lam gdab par bya'o snyam pa'i yid la brjod pa'i rjes thogs nyid la/ bcom ldan 'das yang dag par rdzogs pa'i sangs rgyas rnam par gzigs kyis sems dang sems kyi rtog pa mkhyen nas/ rdzu 'phrul gyis gshegs te de'i mdun du bzhugs so// las byed pa'i
- 359b
skyes bu des de bzhin gshegs pa rnam par gzigs sku blta bas chog mi shes pa/ gser shin tu sbyangs pa lhur mngon par mdzes pa'i mdangs dang ldan pa'i lha'i rtse mo la nyi ma 'chur ka'i/ 'od zer rnam par 'byung bas mtshams rnams snang bar byas pas/ shin tu gsal bar byas pa lta bu'i sku la 'od dang ldan pa mthong ngo // mthong nas kyang mchog tu dga' ba dang / yid bde ba skyes nas/ dad pa'i shugs chen pos 'bras chan gyi thum po blangs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs kyi lhung bzed du phul te/ dad pa'i shugs chen pos zhabs gnyis la phyag byas te/ smon lam byed par brtsams pa/ mgon po bsod nams 'di yis ni// skye ba 'di nas bzung nas su// sems can kun la phan sems shing // snying rje'i bdag nyid can gyur cig/ ji ltar khyod ni mtshan ldan zhing // bla med byang chub brnyes gyur pa// de bzhin bdag kyang rdzogs byang chub// dri med// yang dag thob gyur cig/ ji ltar khyed ni kun mkhyen cing // chos rnams ji ltar ston mdzad pa// brnyes pa de bzhin bdag kyang ni/ kun mkhyen nyid ni thob par shog/ ji ltar khyod bdud las rgyal zhing / chos kyi 'khor lo bskor mdzad pa// de bzhin bdag kyang nges rgyal nas// chos kyi 'khor lo bskor gyur cig/ ji ltar mgon pos 'khor ba yi// rgya mtsho'i ngogs su sgrol mdzad bzhin//
- 360a
thub pa'i dam pa de ltar ni// bdag gis sems can mang dgrol bgyi// de nas bcom ldan 'das yang dag par rdzogs pa'i sangs rgyas rnam par gzigs char dang bcas pa'i sprin bzhin zab cing gsal ba'i gsung gis bka' stsal pa/ bzhin bzangs don grub ces bya'i ston par ni/ mthu ldan khyod ni ston par 'gyur ba ste// bdud sde bcas las 'di na mngon rgyal bzhin// kun nas 'jig pa mngon par lhung byed 'gyur/ / de nas yang dag par rdzogs pa'i sangs rgyas rnam par gzigs kyis// skyes bu de bla na med pa yang dag par rdzogs pa'i byang chub tu lung bstan te/ lung bstan zin pa dang / ji ltar gyur pa de rgyal po'i pho brang gnyen ldan kun tu grags par gyur to// ji tsam na rgyal po gnyen ldan gyis thos pa dang / de rang nyid song ste dge ba'i rtsa ba'i tshogs des spro ba'i sem kyis skyes bu de la bsnyen bkur chen pos glang po'i rgyab la bskyon te/ pho brang du khyer nas stan phyed la bzhag ste/ rgyal srid kyi phyed byin pas mchod pa dang / des smras pa/ rgyal po chen po bdag ni 'dod mngon du gnyer ba ma legs te/ bdag rab tu byung nas tshangs par spyod pa spyad par gnang bar mdzad du gsol/ de'ang rgyal pos gnang nas/ de legs par gsungs pa'i chos 'dul ba la rab tu byung nas/ de der ji srid 'tsho'i bar du spyod pa spyad de/ dus byas nas 'phrul dga'i lha rnams su skyes so// rgyal po gnyen ldan yang dus byas nas/ de rgyal srid la bzhag go// des kyang dus
- 360b
cung zad cig rgyal srid byas nas dus byas pa dang / blon po rnams kyis bsnyen bkur chen pos gzugs bzang rgyal por bskos te/ des lo drug khri'i bar du chos kyi rgyal po byas te/ de nas shi'i / nas dga' ldan gyi lha'i nang du skyes so// rgyal po chen po 'di ji snyam du sems/ de'i tshe de'i dus na gzugs bzang zhes bya ba'i rgyal po de gzhan yin pa snyam sems na/ de ltar mi blta ste/ gser mdog 'di de'i tshe de'i dus na gzugs bzang zhes bya ba'i rgyal por gyur te/ gang 'dis de bzhin gshegs pa rnam par gzigs la yung bas btsos pa'i glo kyi dum bu phul nas smon lam btab las de'i rnam par smin pa 'dis lha dang mi rnams kyi nang du/ lha dang mi rnams kyi bde ba dpag tu med pa nyams su myong ste/ gang dang gang du skyes pa de dang der lus gser gyi mdog can dang / gser gyi mdog can gyi gos lus la gyon pa dang / bcas pa'i dus su'ang kar ni ka ra'i me tog gi char bab par gyur pa dang / ji srid da ltar yang rang gi lus las gos gcig pud na de'i skad cig nyid la/ lus las skye bar 'gyur ba'i bsod nams kyi mthu chen po dang ldan pa yin no// de'i tshe de'i dus na dang dpon rna can zhes bya ba de ni ded dpon nyi ma 'di nyid yin no// ded dpon rna can gyi chung ma gang yin pa de ni da ltar ded dpon nyi ma'i chung ma yin no/ / bran mo ni ka shi mdzes dga' mo yin no// de'i tshe de'i dus na bran po ni blon po ba ga du ma yin no// yang rgyal po ma skyes dgras/ gnas brtan kun
- 361a
dga' bo la 'di skad ces gsol to/ / btsun pa kun dga' bo dge slong gser mdog gis las ci zhig bgyis na/ las gang gi rnam par smin pas nyes pa med cing gnod pa mi byed par gsal shing bskyon pa dang / rab tu byung nas kyang dgra bcom pa nyid thob pa lags/ gnas brtan kun dga' bos bka' stsal pa/ rgyal po chen po sngon byung ba 'das pa'i dus na/ yang dag par rdzogs pa'i sangs rgyas zla ba zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ste/ de rgyal po'i pho brang gzhan zhig na nye bar rten cing bzhugs so// yang de'i tshe de'i dus na gtsug lag khang gzhan zhig na/ dge slong ga ge mo zhes bya ba'i chos ston pa zhig gnas pa dang / des dus dang dus su 'ong zhing 'gro ba'i bram ze dang khyim bdag rnams la ston par byed na/ de la rnyed pa dang bkur sti chen po thob par gyur to// ji tsam dus gzhan zhig ma pham pa zhes bya ba'i dge slong chos smra ba/ rig pa dang grol ba'i spobs pa can sna tshogs pa'i gtam dang snyan pa'i gtam dang / yul gyi ljongs rgyu zhing gtsug lag khang der 'ong ba dang / de 'khor bzhi po la tshangs par spyod pa/ thog mar dge ba dang / bar du dge ba dang / tha mar dge ba dang /
- 361b
don bzang po/ tshig 'bru bzang po/ ma 'dres pa/ yongs su dag pa/ yongs su byang ba/ yongs su rdzogs pa/ yang dag par ston te/ des yul phyogs de na gnas pa'i skye bo tha cad mngon par dad par byas shing / de chos gos dang / bsod snyoms dang / mal stan dang / nad kyi gsos sman dang / yo byad rnams rnyed par gyur cing / gzhi na gnas pa'i chos smra ba de'i rnyed pa dang bkur sti chud par gyur pa dang / de 'di snyam du sems te/ dge slong ma pham pas nga'i rnyed pa dang bkur sti rgyun gcad par bya ste/ ji srid 'di na gnas pa de srid kyi bar du ngas rnyed pa dang bkur sti ga la rnyed kyis/ 'gro ba'i phyir thabs bsam par bya'o snyam mo// yang bsams pa/ 'di ni thos pa mang ba yin pas/ bsnyen bkur med pas 'jig pa yin te/ de bas na bsnyen bkur med pa la sbyar bar bya'o snyam nas/ bram ze mo gzhon nu mo zhan zhig la smras pa/ sring mo ngas khyod la ras zung gcig sbyin par bya yis/ khyod kyis 'di dang lhan cig mi tshangs par spyad par bya ba yin no zhes/ dge slong ma pham pa la skur pa thob cig/ des smras pa/ 'phags pa ngas de ltar smras na/ nga su zhig len par gyur te/ ji srid 'tsho'i bar du pha dang ma gso bar byed pa zhig tu mi 'gyur ram/ des smras pa/ ngas ji ltar na skye bo mang pos shes par mi 'gyur ba de ltar bya yis/ gzhan du nang 'di na dge slong gzhan gsum mam/ bzhi dang lhan cig/
- 362a
'dug gis/ de tshe khyod gsang ba'i tshig gis smros shig/ de de ltar bgyi'o zhes khas blangs so// ji tsam na nyi ma gzhan zhig na chos ston pa'i dge slong de dge slong de rnams dang lhan cig gnas khang gi sgo na 'dug ste gtam gyi sbyor bar gnas pa dang / bram ze'i bu mo de 'ongs nas smras pa/ 'phags pa khyed rnams ni rab tu byung ba lags so snyam nas bdag cag ba phebs pas/ 'gro zhing rgyu bar bya'o snyam du bdag sems na/ gang dge slong ma pham pa 'das bdag stobs kyis bzung nas/ gzhon nu ma'i tshul nyams par byas nas/ ci 'di rigs pa lags sam/ de nas dge slong de rnams kyis rna ba bkag ste/ sring mo de skad ma zer cig/ 'di ni mnyan par bya ba ma yin no// de nas chos ston pa'i dge slong des legs par byas pa ma yin no/ / legs par byas pa ma yin no zhes zer zhing dge slong ma pham pa'i grags pa ma yin pa sgrogs so// ji tsam na thos pa gcig nas gcig tu brgyud pas dge slong ma pham pas thos so// / thos nas kyang smras pa/ su zhig de skad zer/ yang smras pa/ dge slong chos ston pa 'di de skad zer ro// de nas de'i chos smra ba'i dge slong gang na ba der song ste phyin nas smras pa/ btsun pa bdag gis khyed la gnod pa ci zhig byas na/ gang 'di lta bu bsngags pa ma yin pa sgrogs par byed/ des de la sems shin tu 'khrugs pas ngag gi las shin tu mi bzad pa smras pa/ khyod
- 362b
kyis ni gang gis gsal shing la gzugs par 'os pa de byas so/ / de thos pa dang / dge slong ma pham pa 'di snyam du sems te/ dka' thub can 'di ni nye bar bcom zhing nyams par gyur to snyam nas chos gos dang lhung bzed blangs te/ ji ltar yongs su longs spyod pa'i mal stan bsdus nas/ gtsug lag khang de nas byung ste chas so// de chas pa mthong nas/ dge slong dang / dge slong ma dang / yul de na gnas pa'i skye bo'i tshogs rnams bzlog pa'i phyir phyi bzhin 'brangs so// chos smra ba'i dge slong de'ang 'di snyam du ngas ni bzang po byas pa ma yin te/ gang rnyed pa dang bkur sti/ tsam gyi phyir 'di lta bu'i ngan song tsam du 'gro bar 'jug pa'i las byed pa la zhugs pa ni/ bdag gis legs par byas pa ma yin no snyam nas 'gyod pa skyes te yid mi bde bar gyur nas bsams pa song la bzod pa gsol bar bya'o snyam nas rings pa rings par gtsug lag khang de nas byung ste/ shin tu skyo ba'i yid dang / mchi ma'i rgyun gyis brlan par gyur pa'i dman pa'i bzhin dang / byis pa gzhon nu bzhin du gsang mthon pos ngu zhing bram ze dang khyim bdag brgya stong dpag tu med pas mthong bzhin du/ dge slong ma pham pa'i rkang pa la phyag byas nas/ mi rigs par bgyis kyis mthol lo mthol lo zhes 'chags par rtsom ste/ btsun pa byis pa ji lta ba dang / rmongs pa ji lta ba dang / bye brag mi phyed pa ji lta ba'i mi dge bas rnyed pa dang bkur stis zil gyis
- 363a
mnan te/ bdag gis khyed la med bzhin du bsngags pa ma yin pa bsgrags pa de bzod par mdzod cig/ mi rigs par bgyis pa de 'chags kyis thugs brtse bas zung la bzod par mdzod cig/ dge slong ma pham pas/ tshe dang ldan pa bzod kyis zhes smras te/ shin du skyo ba'i sems dang / shing drung gzhan zhig na rten cing 'dug nas/ skyil mo krung bcas te lus drang por bsrang nas dran pa nye bar bzhag ste/ des de nyid du shin tu skyo bas brlan par byas pa'i sems dang / 'bad cing rtsol la brtson 'grus brtsams pas/ 'khor ba'i 'khor lo phol mig lnga dang bcas pa g.yo ba dang mi g.yo ba shes pas na/ ji srid dbang dang nye pang dang bcas pa'i lha rnams kyis mchod cing rjed la/ mngon par bstod pa'i dgra bcom pa zhig tu gyur nas de ngang ba'i rgyal po 'dab ma brkyang ba bzhin du nam mkha'i dkyil du mngon par 'phags te/ skye bo'i tshogs chen po yid mngon par dad par byed pa'i cho 'phrul sna tshogs pa bya bar brtsams so/ / dge slong chos smra ba de'ang nam mkha'i dkyil na gnas pa de la bltas te/ kyi hud 'di lta bu'i drang srong chen po la ngan sems kyis smad cing skur pa btab bo zhes smras nas/ brgyal te sa la 'gyel bar gyur to/ / bar skabs der yang dag par rdzogs pa'i sangs rgyas zla ba thugs rje chen pos yongs su gdung ba'i thugs dang ldan pas dge slong chos smra ba 'di khrag dron po skyugs
- 363b
nas 'chi bar gyur na mi rung ngo snyam dgongs nas/ rdzu 'phrul gyis phyogs der gshegs so// des bcom ldan 'das yang dag par rdzogs pa sangs rgyas zla bas 'khor lo dang / gsung drung dang / dga' ba 'khyil ba dang / dra bas 'brel ba/ bsod nams dpag tu med pa las byung ba skrag pa dbugs 'byin par mdzad pa'i phyag gis dge slong chos smra ba'i mgo la byugs so// des reg pa tsam gyis dran pa slar rnyed de de langs nas/ bcom ldan 'das dang / dge slong gi dge 'dun la bdag ni mi rigs pa'o// mi rigs pa'o zhes 'chags par brtsams so// de nas bcom ldan 'das yang dag par rdzogs pa'i sangs rgyas zla bas de'i tshe tshigs su bcad de gsungs pa/ skyes bu skyes pa'i kha nas ni// tshig ngan smra bar byed pa yi// tshig gi sta re skyes gyur nas bdag nyid gcod par byed par 'gyur/ / gang zhig smad 'os skye bo bstod byed cing // bstod 'os skye bo rnam par smod byed pa// de ni kha yis 'thab krol kun sogs shing // 'thab krol can gang de ni bde mi 'thob/ / gang 'dir tshe los rang nor 'pham byed pa// 'thab krol de ni cung zad tsam du zad// gang yid bde bar gshegs la yid 'khrug pa// de 'dir 'thab krol shin tu chen po yin/ / ngag yid 'phags pas smad pa'i sdig rten na// bye bar chu bur can dang stong phrag ni// bzhi bcu gcig tu chu bur rdol ba yi// sems can dmyal ba rnams su skye bar 'gyur// sdig
- 364a
ba'i sems kyis mnyes skyon brjod pa/ / bdag nyid gsad phyir dmyal ba spel bar zad// stobs ldan nyes med pa dag bzod byed cing // de las sems kyang 'khrug par mi byed do/ / sems ni 'khrugs par gyur pa'i rgyus// sems can ngan 'gror 'gro gyur la// sems ni rab tu dang ba'i rgyus// sems can bde 'gro rnams su 'gro// de nas bcom ldan 'das yang dag par rdzogs pa'i sangs rgyas zla bas ji srid chos dang ldan pa'i gtan gyis yang dag par mgu bar gyur gyi bar du mdzad do/ / gdan las bzhengs nas gshegs so/ rgyal po chen po 'di ji snyam du sems/ de'i tshe de'i dus na dge slong chos ston pa de gzhan zhig yin pa snyam du sems na/ de ltar mi blta ste/ gzhan du na dge slong gser mdog 'di nyid yin te/ de'i tshe de'i dus na dge slong de la sems 'khrug cing ngag gi las rtsub po smras pas/ las de'i rnam par smin pas skye ba lnga brgya'i bar du sems can dmyal nyams su myong nas mir skyes nas kyang skye ba lnga brgya'i bar du nyes pa med cing gnod pa mi byed bzhin du gsal shing la bskyon te/ da ltar las de nyid kyi dbang gis yang gnod pa mi byed par gsal shing la bskyon pa yin/ gal te 'dis las de mi rigs pa yin par phan tshun bshags pa ma byas na ni/ sems can dmyal ba re rer yang skye ba lnga brgya lnga brgya myong bar 'gyur zhing / skye ba lnga brgyar
- 364b
ni yi dgas rnams su/ skye ba lnga brgyar ni dud 'gro rnams su skye bar 'gyur ro// gang yang 'dis bcom ldan 'das yang dag par rdzogs pa'i sangs rgyas zla ba'i bstan pa la rab tu byung ste/ tshangs par spyod pa spyad pas las de'i rnam par smin pas da ltar yang 'di bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa'i 'bras bu nyid mngon sum du byas pa yin no/ / rgyal po chen po de bas bdag nyid sdug bsngal bar mi 'dod pas gzhan dag la tha na sems kyis smad pa tsam yang mi bya'o// grags pa med pa'i 'jig pas gzhan dag la grags pa ma yin/ pa bsgrags par mi bya'o// bdag nyid bde bar 'dod pas gzhan rnams kyi bde ba dbrog par mi bya'o// de nas chos kyi rnam grangs 'di bstan pa na/ srog chags brgya stong du ma dpag tu med pas khyab par rtogs par gyur te/ la la ni rgyun du zhugs pa'i 'bras bu dang / la la ni lan cig phyir 'ong ba'i 'bras bu'o// la la ni rab tu byung bas nyon mongs pa thams cad spangs te/ dgra bcom pa nyid mngon sum du byas so/ / la las ni bla na med pa yang dag par rdzogs pa'i byang chub tu sems bskyed do// la las ni nyan thos kyi byang chub tu'o// la la ni skyabs su song zhing bslab pa'i gzhi rab tu bzung pabar gyur to/ / yang 'khor phal mo che sangs rgyas la gzhol ba dang / chos la bab pa dang / dge 'dun la bab pa bzhag par gyur to// de nas ded dpon nyi ma bla gos phrag pa gcig tu gzar nas/
- 365a
pus mos g.yas pa'i lhangs la btsugs te thal mo sbyar nas/ gnas brtan kun dka' bo la 'di skad ces gsol to// 'phags pa kun dga' bo bdag gis sangs rgyas la sogs pa'i dge slong gi dge 'dun rnams bskum pa'i nang du spyan drangs la zhal zas ro drug cu pa'i bshos drangs te/ dge slong re re zhing srang 'bum ri ba'i chos gos dbul bar bya'o snyam du dgongs nas/ bcom ldan 'das de yongs su mya ngan las 'das pas/ da ni 'phags pa kun dga' bo la sogs pa dge slong gi dge 'dun rnams la bshos gtsang sbyar bar 'tshal lo// gnas brtan kun dga' bos bka' stsal pa/ ded dpon de bzhin du gyis shig/ ngas ji ltar bcom ldan 'das kyi nyan thos kyi dge 'dun 'dzam bu'i gling na ji snyed cig gnas pa thams cad 'dir 'dus par 'gyur ba de ltar bya'o/ / de nas dad dpon nyi ma rab tu dka' bas rgyas pa'i yid dang / rgyal po'i khab kyi grong khyer gyi phyi rol 'du ba'i gnas rdo dang / gyo mo dang / gseg ma bsal te/ tsan dan gyi chus chag chag btab nas/ gdugs dang / rgyal mtshan dang / ba dan bsgreng ste/ mu tig dang gos kyi chun 'phyang gdags shing me tog sna tshogs kyis gcwal bkram pa dang / spos dri zhim po'i spos snod nye bar bkram pa dang / shin tu mdzes pa'i tha re dang / rta babs bres pa'i shin tu nyams dga' ba byed du bcug ste/ de nyid kyi mtshan mo gtsang zhing bsod pa'i bza' ba dang bca' ba rnams
- 365b
g.yos te/ nang par snga mo nyid du langs nas gdan bshams te chu snod bzhag nas/ gnas brtan kun dga' bo la pho nyas dus la bab par gsol pa/ btsun pa bza' dang bca' ba rnams lha gon bgyis lags te da de'i dus la bab pa lags par mkhyen par mdzad du gsol/ de nas gnas brtan kun dga' bo rdzu 'phrul gyis nam mkha'i dkyil du mngon par 'phags te/ 'dzam bu'i gling 'di ma lus par gser btso ma lta bu'i mdog gis kun tu snang bar mdzad nas rang nyid kyis gaN+DI brdungs te/ chu dang bcas pa'i sprin gyi 'brug sgra bzhin du zab cing gsal ba'i skad kyis sgra bsgrags pa/ bcom ldan 'das kyi nyan thos las gang dag rdzu 'phrul thob pa rnam ni rang nyid kyi rdzu 'phrul gyis shog cig/ gang dag so so'i skye bo rnams ni nga'i rdzu 'phrul gyis shog nig te nA gaN+DI de thos pas kha pa can dang / 'bigs byed dang / ma la ya dang ba ri ya tra dang / spos kyi ngad ldan dang / ri'i rgyal po ri rab dang / gnya' shing 'dzin dang / gshol mda' 'dzin dang / seng ldeng can dang / blta na sdug dang / rta rna dang / rnam par 'dud dang / mu khyud 'dzin la sogs pa nags tshul dang / 'bab chu dang / g.ya' chu dang / rgya mtsho dang / grong rdal dang / shing gi mchog dang / gtsug lag khang rnams na gang dag gnas pa dang chu mdo dang / khang stong dang / dur khrod la sogs pa na dge slong gang zhig ting nge 'dzin la snyoms par zhugs shing bde ba thob nas/ rab tu gnas pa rnams skad cig ma de la de dag thams cad
- 366a
nam mkha'i dron+da a sho ka dang / king shu ka dang / zangs dang / dus 'tshams kyis sprin dri ma med pas nam mkha' khebs pa lta bur byas te/ rgyal po'i khab kyi grong khyer du/ lhags nas 'du ba'i gnas der tshogs te/ skad cig ma de nyid la dge slong bye ba phrag gsum yang dag par 'dus par gyur te/ bye ba gcig ni zag pa zad pa rnams so// gnyis pa ni bslab pa la zhugs pa rnams so/ / gsum pa ni so so'i skye bo dge ba can rnams te/ de nas rgan pa'i rim pa ji lta ba bzhin du gdan pa shams pa la bzhugs so// de nas ded dpon nyi mas gnas brtan kun dga' bo la sogs pa dge slong gi dge 'dun rnams bde bar bzhugs par rig nas gtsang zhing bsod pa'i bza' ba dang btung ba rnams rang gi lag nas kun tu tshim par bstabs te/ ji srid dge slong gi dge 'dun gyis longs spyad par rig nas/ phyag bcabs shing lhung bzed bsdus nas/ chos gos gsum po brgya stong du ma gsol bar 'dod nas/ dge slong gi dge 'dun de rnams la bltas/ pa dang / yid shin tu dga' ba skyes par gyur to// dge slong gser mdog gis de'i bsam pa shes nas smras pa/ yab khyed thugs las chung bar mdzod cig/ bdag nyid kyis dge slong gi dge 'dun rnams la gser mdog can gyi chos gos gsum gsum dbul bar bgyi'o/ / de nas dge slong gser mdog gis rang gi lus las gser gyi mdog can gyi gos phud cing bud cing srang 'bum ri ba'i chos
- 366b
gos gsum gsum dge slong bye ba phrag gsum la rgan pa'i rim pa bzhin du bstabs so/ / bar skabs der lha brgya stong du ma ca co'i sgra sgrogs shing rol mo sna tshogs yang dag par brdung ba dang / lha'i me tog dang / phye ma dang / gos kyi char bab par gyur to// ji ltar phyogs der phyogs sna tshogs nas lhags pa'i skye bo'i tshogs rnams dang / rgyal po ma skyes dgra btsun mo dang / gzhon nu dang / blon po dang / grong khyer pa rnams dang / skye bo'i tshogs dang bcas pa rnams kyis rnam pa de lta bu'i ngo mtshar la bltas nas/ rmad du byung ba'i mig gdangs te/ lan gsum gyi bar du ched du brjod pa ched du brjod de/ e ma'o bsod nams kyi 'bras bu'i rnam par smin pa/ e ma'o bsod nams kyi stobs/ e ma'o sbyin gnas kyi zhing la sbyin pa'i sa bon btab pa'i rnam par smin pa gda' bar mi byed pa yin na/ mkhas pa su zhig gis rnam pa 'di lta bu'i bsod nams kyi 'bras bu'i rnam par smin pa yang dag par mthong na/ sbyin pa'i zhing la su zhig sbyin par mi byed ces zer zhing / de ltar srog chags brgya stong du ma rnams spyi bor thal mo sbyar te/ sgra gsang mthon pos sangs rgyas la phyag 'tshal lo zhes zer bar gyur to// de nas gnas brtan kun dga' bos sbyin pa'i rabs ston pa mdzad do/ / de nas ded dpon nyi ma stan las langs te/ bla gos phrag pa gcig tu gzar nas/ pus mo gnyis sa la btsugs te/ gnas brtan kun dga' bo
- 367a
gang na ba der thal mo sbyar te/ phyag byas nas lan gsum gyi bar du ched du brjod pa ched du brjod de/ btsun pa gang bdag cag la 'phags pa kun dga' bos mdzad pa 'di ni mas kyang ma bgyis/ phas kyang ma bgyis/ rgyas pos kyang ma bgyis/ lha rnams kyis kyang ma bgyis/ nang mi dang nye du'i tshogs yid du 'ong bas ma bgyis/ sngon gum pa rnams kyis ma bgyis te/ khrag dang mchi ma'i rgya mtsho ni bskams pa nas ji srid/ rgyal dang lha mi rnams kyis mchod gyur cing // skye ba rga shi'i skyon dang rnam bral bas// srid pa brgya stong dag na mthong dga' ba/ / thub pa khyod mthong deng bdag 'bras bcas gyur// de nas gnas brtan kun dga' bos rgyal po dang bcas pa'i 'khor de rnams la chos dang ldan pa'i gtam yang dag par brtan pa dang / yang dag par 'dzin du 'jug par mdzad/ yang dag par gzengs bstod pa dang / yang dag par rab tu dga' bar mdzad nas/ lha brgya stong de dag dang / rgyal po'i khab na gnas pa'i srog chags brgya stong gis phyag byas nas gdan las bzhengs te gshegs so/ / de ltar na sangs rgyas bcom ldan 'das la ni bya ba cung zad cig kyang byas na'ang 'bras bu chen por 'gyur ba yin no/ / gser mdog gi rtogs pa brjod pa rdzogs so// rgya gar gyi mkhan po d+harma shrI b+ha dra dang / zhu chen gyi lo tsa ba dge slong rin chen bzang
- 367b
pos zhus te gtan la phab pa/ @rgya gar skad du/ kun la a pa dan+t+ra ma/ zod skad du/ kunA la'i rtogs pa brjod pa/ sas rgyas nga byang chub dpa' thams cad la phyag 'tshal lo/ / kun la'i rtogs pa brjod pa la/ 'di ltar rgyal po a sho ka na tshod gsum gyi tshad du gyur pa la/ den tshod dang po la ni 'dod pa'i a sho gar gyur te/ na chod gnyis pa la ni gtum pa'i a sho kar gyur te/ gang gis btson ra bzang po byas nas skye bo'i srog brlag par gyur to// na tshod gsum pa la ni chos kyi a sho kar gyur te/ gang gis chos kyi rgyal po brgyad khri bzhi stong rab tu gnas shing spyan phye'o/ / de nas nyi ma de nyid la rgyal po a sho ka'i btsun mo pad+ma can zhes bya ba la bu btsas pa dang / de las bu gzugs bzang ba/ mdzes pa/ blta na sdug pa/ de'i mig shin tu mdzes pa zhig skyes so// de nas skyes bu nyung rum zhig rgyal po'i thad du song ste smras pa/ lha khyed la sras bltam gyis dgyes pa bskyed du gsol/ rgyal pos smras pa/ de ni nga yis dga' ba rgya chen thob// dpa' bo'i rigs kyi sgra ni bsgrags gyur cing // chos kyi rgyal srid rnam par 'phel ba na/ bu skyes pas na chos ni rnam 'phel 'gyur// de nas rgyal po mya ngan med des btsas ston bya bar brtsams te/ grong khyer pa ta li pu tra thams cad dang ldan pa/ legs par chag chag btab cing phyag 'dar byas shing sbyangs te/ rdo dang / gsan
- 368a
ma dang / gyo mo bsal zhing / shing dang / so bag dang / mi gtsang ba'i 'dam rdzab dang / phyag dar gyi tshogs med par byas nas dar dang me tog gi chun 'byung btags te bdug spos kyi snod las spos brtul nas khyim dang / srang bar dang / bzhi mdo dang / sum mdo la sogs pa brgyan par byas pa ni 'di lta ste/ ras dang / dar dang / be'u ras dang / dar la dang / zar ma'i ras dang / du gu la'i ras dang / ras yug chen la sogs pa btags pa dang / rnga yab dang / mdzes pa'i gdu bu dang / dpung rgyan dang / do shal dang / se mo do dang mu tig gi chun 'phyang dang / dril bu dang / nor bu chu shel dang / me shel la sogs pa dang / nor bu chen po'i rna rgyan btags pa dang / ba dan sngon po dang / ser po dang / dmar po dang / dkar po dang / le brgan bsgreng ba shing dang khyim la btags pa dang / ras kyi bla re dang / dar gyi bla res spud pas grong khyer pa ta la'i pu tra kun nas dri za'i rgyal po'i gnas dang 'dra bar rnam par bzhag par gyur to/ / pa ta la pu tra dang / pa ta la pu tra'i nye 'khor ji snyed par sil snyan gyi sgra sgrogs pa rnams rab tu gnas pa ni 'di lta ste/ gar mkhan dang / gar ston pa dang / gtam brjod pa dang / bzhad gang phyed pa dang / mdzes pa byed pa dang / glu len pa dang / mig 'phrul mkhan dang / mchong pa dang / bud med kyi cha lugs 'gebs pa dang /
- 368b
'khar gsil dkrol ba dang // rnga rked nyeg brdung ba dang / byis pa lnga tshogs pa dang / srang bar na rtse ba ste/ de dag thams cad srung dang / srang bar dang / bzhi mdo dang / sum mdo de bram cad du rang rang gi bya ba thams cad kyis mdzes par byas so/ / grong khyer gyi sgo bzhir yang sbyin pa ni gtong / bsod nams dag byed pa ni 'di lta ste/ zas 'dod pa rnams la ni zas/ gos 'dod pa rnams la ni gos/ dri dang / 'phreng ba dang / byug pa 'dod pa rnams la ni dri dang / 'phreng ba dang / byug pa/ ras zung dang / ra sa ya ba dang / kar sha pa na 'dod pa rnams la ni/ ras zung dang / ras ya ba dang / kAr sha pa na sbyin par byed pa dang / kun tu dga' ba'i rol mo rnams rdung / spyi bo la til mar gyis ni nyug par byed do// zhag gcig la ji lta ba de bzhin du gsum pa nas/ bdun pa nas/ nyin zhag nyi shu rtsa gcig gi bar du ba tsas ston rgya cher byas te/ pang na 'tshe ba'i ma ma gnyis dang / dri ma 'phyi ba'i ma ma gnyis dang / nu ma bsnun pa'i ma ma gnyis dang / rtsed grogs kyi ma ma gnyis te ma ma brgyad la gtod do// de ltar gzhon nu de ma ma brgyad po thams cad kyis rang gi bzo legs par byas pas yongs su bskyangs shing // mkhas pa dang ldan pa rnams kyis 'o ma dang / mar gsar dang / zho dang / mar gyi snying po dang / sbrang rtsis skyed par byed par rtsom par gyur to// de nas rgyal po a sho ka bu lta bar mngon
- 369a
par dka' bas sngas rnams la gzhon nu ci 'dra ba blta bar bya'o zhes smras so/ / de nas ma ma rnams kyis rgyal po la bsten pa'i phyir khyer ba dang / mthong nas rgyal pos gzhon nu'i ming ji ltar gdags par bya zhes bsam pa dang / gang gi phyir da 'di chos la rab tu zhugs pa na skyes pas na de'i phyir chos 'phel ba nyid ming gdags par bya'o zhes smras nas gzhon nu rgyal po a sho kas blangs so/ / de nas rgyal po sa gzhon nu la bltas te dga' bzhin du smras pa/ nga yi bu la mig bzang legs skyes pa// ut+pal sngo 'dra rab yangs rdzi ma can/ gang gis bzhin brgyan mdzes par byas pa ni// sgra gcan kha las thar pa'i zla ba 'dra// ji tsam na rgyal pos blon po rnams la smras pa/ khyed rnams kyis 'ga' zhig la 'di lta bu'i mig yod par mthong ngam/ blon po rnams kyis smras pa/ lha ma mthong lags so// de nas de na gnas pa'i 'khor rnams la de skad rgyal pos smras pa dang / ri'i rgyal po kha ba can na long bsten pa'i zam ze rnams de nyid du lpags pa dang / de rnams la rgyal pos gzhon nu bstan te/ khyed rnams kyis kyang 'ga' zhig la 'di lta bu'i mig yod pa mthong ngam/ lha mir gyur ba rnams la ni ma mthong ste/ de lha mod kyi 'on kyang lha ri'i rgyal po kha ba can na kun nal zhes pa'i byad la 'di lta bu'i mig mchis so// sang smras pa/ ri rgyal kha ba can ni brag gi rtsa// me tig
- 369b
mang zhing chu bran rab 'bab pa/ / de na kun la zhes bya ba'i bya// 'di yi mig dang rnam par 'dra ba yod// de nas rgyal pos bya kun la myur du khyer la shog cig ces smras pa dang / de'i steng gi dpag tshad gcig tsam du gnod sbyin rnams kyis thos so/ / 'og gri dpag tshad gcig tsam du ni klu rnams kyis thos so// de nas gnod sbyin gyis skad cig ma de nyid la bya kun la khyer te 'ongs so// de nas rgya pos gzhon nu dang / ku na la'i mig la shin tu yun ring por btags na cung zad kyang ma rtags so// de nas rgyal pos smras pa/ e ma'o gzhon nu dang kun la'i mig shin tu 'dra ba yin pas na/ gzhon nu la ming kun la zhes gdags par bya'o// yang smras pa/ sa bdag de ni mig la rjes dga' bas// de tshe bu la kun la zhes smras/ de nas 'phags pa'i sems kyi rgyal po'i bu// de yi ming ni sa stengs rab tu grags// de nas rgya cher gzhon nu chen por gyur pa'i bar du ste/ de la gser 'phreng can zhes bya ba'i bu mo chung ma'i don du bkug nas byin te/ pha'i bzo'i gnas dang las kyi gnas 'di lta ste/ glang po che'i gnyar zhon pa dang / rta la zhon pa dang / shing rta'i thabs dang / mda' gzhu'i thabs dang / lcags kyus bsgyur ba'i thabs dang / mda' bo che 'phen pa'i thabs dang / lcags mda' 'phen pa'i thabs dang / thag mdung 'phen pa'i thabs dang / mdun du brtsu ba dang / phyir bsnur ba dang / bcad pa dang / dral ba dang / rgyang
- 370a
nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che ba dang / dgas pa dang / 'dzin stangs dang / kom stabs la byang bar gyur to/ / rgyal po a sho kas de'i don du khyim gsum byed du bcug ste/ gcig ni dgun gyi'o// gnyis pa ni so ka'i 'o// gsum pa ni dbyar gyi'o// de la re zhig dgun gyi ni gcig tu dro ba'o/ / so ka'i ni gcig tu bsil ba'o// dbyar gyi ni gnyis ka yod pa ste/ shin tu grang ba'ang ma yin/ shin tu dro ba'ang ma yin pa'o// chung ma rnam pa gsum 'jog ste/ che ba dang / bar ma dang / chung ba'o// de nas gzhon nu lha'i bu mo dang 'dra ba'i bud med kyi rab mchog dgod pa dang / mig zur dang / skrag pa dang / gar dang / klu'i nye bar spyod pa la mkhas ba rnams dang lhan cig khang bzangs kyi steng gzhir gtigs pa na/ btsun mo ka ser 'greng can dang lhan cig dga' ba dang / rtse ba dang / yongs su spyod pa nas/ ji srid dus gzhan zhig na rgyal po kun la dang lhan cig khyim bya'i kun dga' ra bar song ba dang / de nas gnas brtan grags pa mngon par shes pa drug dang ldan pa de mthong ngo // mthong nas kyang kun la'i mig ni yun ring por mi thogs par 'jig par 'gyur ro/ / 'gyur nas des rgyal po la smras pa/ ci'i phyir gzhon nu'i las la ma sbyar/ de nas rgyal po ku na la la smras pa/ kun la dge 'dun gyi gnas brtan ji
- 370b
skad gsung ba de gyis shig/ de nas gzhon nus gnas brtan gyi rkang pa gnyis la btud de smras pa/ gnas brtan ci zhig bka' stsal pa/ gnas brtan gyis smras pa/ kun la'i mig ni mi rtag pa'o zhes yid la gyis shig/ yang smras pa/ gang du 'gro mang rjes su chags gyur nas// mi phan thob pa'i las rnams byed pa yi// mig ni rab g.yo sdug bsngal stong ldan par// rtag tu so / sor rtogs byos kun la// de de bzhin slob par byed pa'i yid la byed pa dang rab tu ldan zhing gcig pur mngon par dga' ba dang / rab tu zhi ba la mngon par dga' bar gyur to// de'ang rgyal po'i pho brang gi gnas dben par 'dug cing / mig gis nyes dmigs dang skye mched mi rtag pa la sogs pa'i rnam pa yongs su rtog par byed do// de nas rgyal srungs ma zhes bya ba'i btsun mo dam pas phyogs der song ba dang / des kun la de gcig pu 'dug pa mthong nas/ mig la rjes su chags pas lus la kun tu 'khyud de smras pa/ khyod kyi lus las nges 'bab pa'i// 'dod chags ma ni stobs can gyis/ / nags me stobs can g.yo ba ni// mang pos rnam par bsregs par gyur// gzhon nu bdag dang lhan cig tu// dga' ba rjes su myong bar bya// de thos pa dang / ku nalas lag gnyis kyis rna ba bkag ste smras pa/ khyed ni tshig 'di smra bar mi rigs te// bu yi ma bzhin khyed ni bdag gi ma// 'di ni ngan 'gro lam gyi sgo yin pas// chos min 'dod chags yongs su
- 371a
spangs par gyis/ / de nas rgyal srungs mas smras pa/ 'dir nyes pa ci zhig mthong / gzhan yang gzhon nu re zhig nyon cig/ dper na nyi ma'i gzi brjid bsten pa'i tsha bas gdungs te chu ni 'thung ba dang / / ji ltar lus ni chu yis tshim par byed la sdig pa yod par rig ma yin// de bzhin 'dod pa'i me ni chen pos lhag par shin tu gdungs par gyur pa na// lus la reg pa'i chu yi dga' ba de las khyod la chos min ci zhig 'byung / / ku na las smras pa/ nga yi grags par mi 'gyur mchog tu brnyas shing phyi nas rjes su 'gyod par 'gyur// nga yi kun du spyod pa mi de bzhin rigs nyams pa yang nyid du 'gyur/ / 'phags pa nyid du mi 'gyur bkren gyur ngan par tshig gis gcad par 'gyur// spros pas 'gyur gyis grags par mi 'gyur chos kyang mi snang nyid du 'ong bar 'gyur/ / rgyal srungs mas smras pa/ kun la de lta ba yin mod kyi/ gang 'jigs par 'gyur 'di 'ga' zhig gis mthong nas grags par 'gyur ba ma yin te/ de'ang rnam par dben zhing mi'i 'du ba dang bral ba'i phyir ro/ / yang smras pa/ yu bu'i mthong nas smra ba ni// bud med dag gam slas rnams kyang // gang yang yod pa ma yin te// de bas bdag gi tshig nyon cig/ 'dod dang bcas pa'i bud med ni// dben par yongs su spong byed na// de yi chos chen 'jig 'gyur zhing // thos pa las grags thos tsam ci// gzugs kyi rjes su 'thun pa yi// sbyin
- 371b
gnas sdig med mthong nas ni/ / der gang legs pa'i mdangs rnams dang // da tshod dang ni 'dra bar gyis// kun las smras pa/ gang khyod kyis 'di na gnas kyang mi mthong ngo zhes smras na/ de re zhig nyon cig/ 'di ni gzi brjid 'bar ba'i shing la gnas pa'i me lhas bdag ni mthong 'gyur la// tshangs pas mthong zhing brgya byin dag dang chu lha zla ba gshin rje dag gis mthong // gzhan yang gzhal yas khang pa mchog na gnas pa gzhan gyis nges par mthong 'gyur na/ / byis pa khyed kyis bdag dang gnyen gyi skye bo mi mthong rang yang mthong ma gyur// mi ni gang zhig dben par mi 'jug byed na de ci me yis mi tshig gam/ / gang zhig degs pas 'bras bu dang ra ltar gang zag de ni nyams par mi 'gyur ram// mi ni gang zhig brang 'gro gdug pas zin pa de ni gnod par mi 'gyur ram/ mi ni gang zhig dben par rtogs par sdig byed gos mi 'gyur de mi srid dam// de nas rgyal srungs mas smras pa/ gzhon nu re zhig khyod de ltar bur zhen pas gnas par ma byed cig/ de yang dus kyi sgo yi rdzong byi da'i rir yang 'dod pa'i don du rab 'jug la// 'dod pa'i rgya mtsho chu yang rgal cing mdza' bo gang yin dag kyang dbye ba yod/ / 'dod pa'i phyir ni brtul zhugs thal ba shing gos 'chang ba'i dka' thub de des dug// de 'dir bde bar yang dag thob pa 'di la ci phyir kun tu chags mi byed/ / kun las spras pa/ khyed kyis nga ni zil gnon mi 'gyur te// lha yi bu mo 'dra ba'i bud med dag/ de yang dmyal ba sdug bsngal yod pas na// gzhan gyi
- 372a
bud med yongs su spong ba yin/ / de nas rgyal srungs mas rang gi 'dod pa'i rnam pa thob par ma gyur pas khros te smras pa/ shin du 'dod pas gdungs par gyur pa na// gal te 'di ni nga ni mi 'dod na/ / blo ngan khyod ni ring po mi thogs par// dngos po thams cad med par 'gyur bar 'ong // mig ni gnyis po gang yin pas// khyod ni 'di ni dregs thos pas// mi rigs par ni de dag gi/ rgud par gyur la blta bar bya// kun las smras pa/ chos ni rnam dag gyur na bdag ni myur du 'chi bar gyur kyang bla// skye bo dam pas dag smad gyur pa'i 'tshe ba bdag la dgos ma yin/ gang las mtho rise dag dang chos 'jig 'gyur ba'i 'tshe des ci zhig bya// mkhas pas zil gyis mnan pa'i bkren 'gyur ba dag ni 'chi ba yin mod kyi// ji tsam na rgyas srungs ma de kun la'i glags/ skabs tshol zhing gnas par gyur to// de nas rgyal po a sho kas byang phyogs kyi grong khyer rdo 'jog pa dang rtsod par gyur pa thos pa dang / rgyal po rang nyid chas par gyur to// de nas blon po rnams kyis sprasmras pa/ lha gzhon nu brdzang du gsol/ des ni thul bar 'gyur lags so// de nas rgyal pos/ kun la bos te smras pa/ ku na la grong khyer rdo 'jog gdul bar 'gro nus sam/ kun las smras pa/ lha rab tu mchi lags so// de nas rgyal pos yid la rab dad pa'i// bu zhes bya ba'i bsam pa shes pa dang // brtse ba phun tshogs na chod la rigs pa'i// chas pa'i rkyen ni lung du
- 372b
bsgo bar gyur/ / de nas rgyal po a sho kas grong khyer brgyan pa dang / lam mdzes par byas te/ rgan po dang / nad pa dang / bkren pa rnams rang gi lam nas bsal te/ gzhon nu dang ldan cig shing rta la zhon te/ pa ta li pu tra nas byung ste/ bskyal nas ldog pa na ku nA la'i mgul nas yongs su 'khyud nas mig lta zhing ngus te smras pa/ 'dab chags rab mchog kun la mtshungs paba'i/ mig ni yangs shing ut+pal sngon po dang // 'dra ba 'di la lta ba gang yin pa// de ni dpal yod bde ldan rim nad bral// ji tsam na bram ze mtshan mkhan zhig gis mthong ba dang / kun la'i mig yun ring por mi thogs par 'jig par 'gyur te/ rgyal po a sho ka de'i mig gnyis la shin tu chags pa ltas mkhan des mthong nas smras pa/ mi dbang bu yi mig ni rnam dag la/ sa dag kyang ni mig la rjes chags pas// rnam dag dpal yid dang rjes 'thun pa// ring po mi thogs 'jig par 'gyur bar mthong // lha yul lta bur rab dga'i grong khyer 'di// gzhon nu mthong ba las byung skom pa dag/ mig dang bral nas de bzhin 'di yi sems// mya ngan dag gis yongs su gdungs par 'gyur// ji tsam na kun la rim gyis grong khyer rdo 'jog tu nye bar phyin pa dang // rdo 'jog gi grong khyer pas thos nas/ dpag tshad phyed dang gsum gyi bar du grong khyer brgyan pa dang / lam mdzes par byas te/ bum pa gang ba mar gsar gyis brgyan pas mdun bsus so// yang
- 373a
bshad pa/ rdo 'jog pa yi grong bas thos nas ni// rin chen bum pas gang ba la sogs pa'i// mchod pa thogs te mdun du song nas ni// sa bdag de la mang du rjed/ par gyur// mdun bsus nas thal mo sbyar te smras pa/ bdag cag rnams ni gzhon nu la 'gal bar bgyid pa'ang ma lags la/ rgyal po a sho ka la'ang ma lags mod kyi/ 'on kyang blon de/ mi bsrun pa dag 'ongs nas brnyas par bgyis lags mod/ ji tsam na ku na la bsnyen bkur chen pos grong khyer rdo 'jog tu zhugs par gyur to// de nas rgyal po a sho ka nad chen po zhig byung bar gyur to/ / de'i kha nas ngan skyugs 'ong zhing ba spu'i bu ga thams cad nas mi gtsang ba 'dzag par gyur kyang gso bar ma nus so// de nas rgyal pos smras pa/ ku na la khug cig/ de rgyal srid la gzhag par bya ste// kho bo'ang slar 'tsho bas ci zhig bya/ de thos nas rgyal srungs mas bsams pa/ gal te kun la rgyal srid la bzhag na/ nga'i 'tsho ba med par 'gyur ro snyam nas/ des smras pa/ lha bdag gis sos bar bgyi lags kyis/ 'on kyang sman pa rnams nang du mchi ba dgag tu gsol/ ji tsam na rgyal pos sman pa rnams 'ong ba bkag par gyur to// de nas rgyal srungs mas/ sman pa rnams la smras pa/ gal te skyes pa 'am/ bud med 'di lta bu'i nad kyis zin pa yod na de khyed rnams nga la ston cig/ de nas ri khrod pa gzhan zhig de lta bu'i nad kyis zin pa dang / de'i chung mas sman pa la nad de smras pa dang /
- 373b
sman pas smras pa/ nad pa de nyid 'ong du chug cig/ bltas la sman bstan par bya'o// ji tsam na de bkug nas sman pa'i gam du phyin pa dang / sman pas rgyal srungs ma'i gam du khyer ro// rgyal srungs mas kyang shin tu dben pa'i sa phyogs su de bsad nas bltas pa dang / de zhu ba'i gnas na rgyu ma'i 'bu chen po zhig byung ba ste/ de steng du 'gro ba dang / de'i ngan skyugs gyen du 'byung ngo // gal te thur du 'gro na ni 'og tu 'byung ngo // des der na le sham btags te blugs kyang ma shi'o// de bzhin du pi pi ling dang / sring ga dang / lan tshwa la sogs pa blud pa nas/ ji tsam na sgog skya brud pa dang reg pa tsam gyis she nas bshang ba'i lam nas byung ngo / / des de lta bu'i rnam pa rgyal po la go bar byas te/ lha sgog skya gsol cig/ de nas khyed sos par 'gyur ro// rgyal pos smras pa/ lha mo nga ni rgyal rigs spyi bo nas dbang bskur ba yin na/ ji ltar na sgog pa la yongs su longs spyod/ btsun mos smras pa/ lha 'di ni srog gi don gyi sman yin pas nye bar spyod par mdzod cig/ ji tsam rgyal pos yongs su longs spyad nas 'bu de'ang shi ste bshang ba'i lam nas byung ngo / / rgyal po sos par gyur nas/ des rgyal srungs ma la mchog sbyin par brtsams te/ khyod la mchog ci zhig sbyin par bya/ des smras pa/ bdag la zhag bdun gyi bar du rgyal srid gsol cig/ 'o na kho bo car 'gyur/ btsun mos smras pa/ zhag bdun 'das pa dang / lha nyid rgyal po mdzod cig/ ji tsam na rgyal
- 374a
@srungs ma la zhag bdun gyi bar du rgyul srid byin no/ / de blo skyes pa dang / de ni bdag gis kun la kho na gcugs mngon du bya'o zhes des rdo 'jog pa'i grong khyer ba rnams kyis/ kun la'i mig brlag par gyis shig ces bcos ma'i yi ge bris te/ de'ang rgyal po mya ngan med kyis bka' stsal pa/ shin tu dpa' zhing stob dang pha rol gnon pa thogs pa med pa'i rtsal gyis rnam par gnon pa thob pa'i rgyal po rgya mtsho bzhi dang / sa'i bdag po spyi bo'i cod pan gyis stan dang / rkang par yongs su gtugs pa/ mya ngan dang bral bas mya ngan med pa/ ma ga d+ha'i grong khyer nas pa ta la'i pu tra dang / rdo 'jog la gnas pa'i bar la rgyun mi 'chad par dge ba'i las kyi rtsom pas nye bar 'tsho ba/ sde choms gsum pa'i grong khyer gyi skas la gnas pa'i skye bo rnams la ji ltar grong khyer ba rnams kyis shes par 'gyur ba de ltar khong du chud par gyis shig/ 'dir nga'i bu zhes btags pa'i dgra bcos ma'i spyod pa 'jam pa la mkhas pas sbyar ba'i rgyu'i bsgyings pas thal mo sbyar ba byas pa/ rigs kyi sol bar gyur pa'i ku na la des/ shin tu gcam sag gi tshul gyis kho bo phebs par byas nas bag phebs pas gnod pa byed cing / btsun mo'i 'khor la g+ha bar byed pas/ gang gi phyir 'di ni ma brtags par byed pa/ snying rje med pa/ 'jig rten pha rol spangs pa/ pha'i chung ma la yongs su lta bas de'i mod la dngos po'i rjes su zhugs pa/ gzugs
- 374b
kyis khengs shing ma'i phyogs la dregs pas 'phel bar byed pa/ rigs kyi chos gzhung lugs sun 'byin par byed pa'i mig gnyis myur du phyung nas bkren pa nyid du gyis la shin tu dengs pa'i gos bskon te/ chung ma dang bcas par phyi rol du skrod cing / gang gi mig gnyis kyis dregs shing khengs zhes gyis la/ de'ang skye bo rnams kyis mthong bar gyis shig/ lan gyi yi ge'ang gtong bar ma byed cig/ byas pa mi gzo ba'i 'phongs pa thos pas kyang nga'i snying 'dar bar ma byed cig/ ngas khyed rnams la gzhung lugs su bzhag pa'i lung bsgo ba 'di khyed rnams kyis gyis shig/ yang smras pa/ rgyal po mya ngan med gtum stobs ldan pa'i// bka' bzhin rdo 'jog grong khyer pa yis gyis// rgyal po la gnod kun la zhes bya'i// mig gnyis myur du dbyung ba nyid du gyis// de ltar rgyal srungs ma des yi ge bris nas/ rgyal po mya ngan med pa'i ba so'i rgyas yi ge la rgya gdab par bya'o snyam nas/ ji tsam na rgyal srungs mas yi ge de rgyal po gnyid log pa dang / ba so'i rgyas gdab par bya'o// snyam ste/ rgyal po dang nye bar song ba rgyal po skrag pas sad gyur to// chung mas smras pa/ lha 'di ci zhig lags/ rgyal pos smras pa/ lha mongs rmi lam mi dge ba mthong ste/ bya rgod gnyis kyis ku na la'i mig byin par 'dod par mthong ngo / / btsun mos smras pa/ gzhon nu bde bar gnas lags kyis/ de bzhin du rgyal po skrag pas sad nas smras pa/ lha mo ngas rmi lam rmis so// rgyal srungs mas smras pa/
- 375a
rmi lam ji lta bu/ rgyal pos smras pa/ ku na la la sgra dang sen mo ring po 'chang zhing gos dri ma can gyon pa mthong ngo // btsun mos smras pa/ gzhon nu bde bar gnas lags kyis ji tsam na rgyal po gnyid kyis log pa dang / rgyal srungs mas yi ge de ba so'i rgyas btab nas rdo 'jog tu bskur ro// yang rgyal po gnyid log pa na rang gi so lhags par gyur pa rmis so// de nas rgyal po mtshan mo de nyid 'das pa dang / ltas mkhan rnams bos te/ rmi lam bzlas nus 'di dag ston par gyis shig ces bsgo'o// lhas mkhan rnams kyis smras pa/ lha gung gis 'di lta bu'i ltas mthong ba des ni bu'i mig 'jig par mthong bar 'gyur ro/ / yang smras pa/ gang gis ni dengs pa dang // rmi lam nang na so lpags pa// bu yi mig ni 'jig pa dang // brlag pa'i bu ni des mthong 'gyur// de skad thos pa dang nga rgyal po mya ngan med stan las myur bar langs te/ phyogs bzhir lha rnams la gsol pa 'debs pa la zhugs par gyur to// smras pa/ sangs rgyas chos dang tshogs kyi gtsor gyur pa'i// dge 'dun mngon dang lha ni gang yin dang / / gang sang 'jig rten drang srong dka' thub mchog/ bdag gi bu sdug 'phongs las bsrung bar mdzod// yi ge de'ang rim gyis rdo 'jog tu phyin to// de nas rdo 'jog pa'i grong khyer ba rnams kyis yi ge de mthong nas kun la'i yon tan rgya chen pos yongs su mgu bas mi dga' ba des brda sprod par ma nus te/ yun ring por rnam par dpya' nas rgyal po gtum po ngang tshul ngan pa bu
- 375b
la'ang bzod par mi byed na/ bdag cag rnams la bzod par lta ga la byed/ yang smras pa/ thub pa'i tshul ngan dub pa dang // 'byung po kun la phan 'dod pa'i// kun la la'ang sdang byed na// bdag cag rnams la cis ni/ 'byung // ji tsam na grong khyer ba'i skye bo de rnams kyis yi ge de gzhon nu la bstan to// de nas gzhon nus pa'i yi ge spyi bos blangs te yi ge pa la smras pa/ yi ge pa khyed kyis rgyal pos 'di ci zhig byas pa yi ge kloH shig/ rgyal po mya ngan med rang nyid kyis bris so zhes bya ba'i bar du'o// de nas yi ge bklags pa dang / mig mchi ma dang bcas par gyur cing kun tu rmongs par gyur pas lag pa las yi ge lhung bar gyur to// mi ge ba gnyis pas blangs pa dang / de'ang kun rmongs par gyur nas de bzhin du lag pa las lhung bar gyur to// de bzhin du yi ge pa mang pos blangs te/ yi ge'i don thos pa dang / kun la'i yon tan dran pas kyi hud 'di ci zhig yin zhes rnam par shIng yi ge lhung bar gyur to/ / de nas gzhon nu de rnams kyi sbyor ba de mthong nas spras pa/ ri dgas gzhon nu'i mig 'dra zhing // bzhin ni pad+ma'i 'dab 'dra ba// pad+ma zhes bya snyan smra ba'i// nga'i ma'i dus ni ma byas sam// lha yis mthong na dga' ba yi// rgyal srungs ma zhes bya ba de// gang zhig mya ngan nad kyis ni// de ni dus byas ma gyur tam// mig bzang 'jig rten grags par gsal bar ni// grong khyer mchog gi bde 'byor mthong nas ni/ / ji ltar mchims mig khebs 'khrugs pa dang // skye bo'i du sma 'dra ba 'di ci yin// de bas na re zhig yi ge khyer la shog dang / 'dir ci zhig bris pa nga nyid kyis bklag par
- 376a
bya'o zhes gzhon nu rang nyid yi ge klog pa la zhugs par gyur pa dang / rgyal po a sho ka rang nyid kyis bris so zhes bya ba'i bar du rgyas par ro// de nas gzhon nus yi ge bklags nas gnas brtan grags pas smras pa/ mngon du gyur par byas te/ gnas brtan grags pas mig ni mi rtag pa'o zhes legs par gsungs so// de nas gzhon nus smras pa/ khyed rnams la 'ga' zhig gis bag phebs pa nyid kyis mig 'byin par spro 'am/ de ni bya dgos so// de rnams 'ga' yang spro bar ma gyur to// ji tsam na rigs ngan rnams bkug nas kun la'i mig phyung zhig ces smras pa dang / de rnams kyis thal mo sbyar te smras pa/ bdag cag rnams kyis rngo mi thogs te/ de ci'i phyir zhe na/ gang zhig zla ba'i mdangs ldan pa// bzhin las 'byin par byed pa'i mi// de ni zla 'dra'i zhal las ni// khyed kyi spyan ni 'byin par bgyid// de nas gzhon nus rdo 'jog pa'i grong khyer pa rnams la gang bsod nams 'dod pa de chos kyi rgyal po can du shog cig ces dril bsgrags so/ / ji tsam na chos kyi rgyal po can du mar me'i 'phreng ba byas nas/ nyi ma gnyis pa la dge slong rnams bza' ba dang bca' bas bsnyen bkur bya ba dang / me tog gi gdugs btags par byas so// de ltar byas nas chos kyi rgyal po'i gnas nas byung ste/ skye bo'i tshogs chen pos bskor nas rdo lab gzhan pa gang na ba der song ste phyin pa dang / der 'dug ste gser gyi sgom blangs nas smras pa/ gang zhig spro ba des gser gyi sgrom 'di long la nga'i mig 'di phyung zhig ces smras kyang thams cad du 'ga' yang spro bar ma gyur to//
- 376b
tsam na rgyal po mya ngan med pa'i rmi lam du skyes bu spyi cer mig ser ba gnyis kyis gzhon nu'i mig 'byin pa byed par mthong ba ci 'dra ba de lta bu nyid ring po kho nas 'ong ba gzhon nus mthong nas smras pa/ kye grong khyer pa rnams skyes bu 'ong ba 'di dag ngas nga'i mig dbyung bar bya'o/ / gzhon nus skyes bu de gnyis la bos te dris pa/ khyed kyis nga'i mig 'byin par spro 'am/ skyes bu gnyis kyis smras pa/ gal te khyed dga' na mgo bo'ang 'gas par nus na/ chu'i chu bur lta bu'i mig gnyis lta smos kyang ci dgos/ de nas gzhon nu stan las langs te/ thal mo sbyar ba byas nas thams cad dang ldan pa'i 'khor rnams la bzod pa la zhugs par gyur to/ / bdag ni byis par gyur pas gang byas dang // dbang cher gyur pa 'on te mi rigs byas// de ni dpal nyams shin tu sdug bsngal ba// bdag la brtse bas bzod par bya ba'i rigs// gzhan yang / gzugs rnams mthong bar gyur pa 'di// tha ma dag tu gyur pa yi// gzhon nu kun la la ni// gnod byas gang yin bzod par gyis// de'i tshe gzhon nus gnas brtan gyi tshig mngon sum du byas nas/ de rjes su dran bzhin du smras pa/ rgud pa 'di ni mkhyen nas su// mig gi bdag nyid kun la// mi rtag yang dag ltos shig ces// de nyid smra ba de yis gsungs// de ni bdag gi dge ba'i bshes// don yod phan par bzhed pa yin// gang zhig chos 'di ston pa ni// 'phongs la brtan par byed pa yin// mi rtag 'gyur bas de ni rtag min par// bla mas bstan pa khyed kyis yid la gyis// dngos po 'di dag rang bzhin g.yo bas na// deng khyod gnod la'ang
- 377a
nga mi 'jigs/ / ji ltar sa bdag gnod pa ltar// khyed kyi mig ni 'byung bar gyis// mi rtag sogs kyis zag med pa'i// snying po'i mig ni nga len to// de nas kun las/ skyes bu de la smras pa/ kye skyes bu des na nga'i mig gcig phyung la nga'i lag tu byin cig/ ji tsam na skyes bu des kun la'i mig 'byin par brtsams so// de nas srog chags brgya stong chos nges 'debs pa la zhugs te/ kyi hud sdug bsngal lo/ / dri med zer ldan zla ba 'di// nam mkha' las ni ltung bar gyur// pad+ma dkar po'i nags las kyang // dpal gyi pad+ma 'byin par byed// de nas srog chags brgya stong du bzhin du des kun la'i mi gcig phyung ste lag tu byin no/ / de nas gzhon nus mig de blangs te yongs su bsgo bas smras pa/ 'byung ba chen po'i mthu dang ni// las kyi rgyu las 'di byung ste// srog med 'tshe ba med stong pa// me'i srog gis rnam spangs pa'o/ / ji ltar sngon chad sha yi gong bu khyod// byed bzhin deng ni gzugs la cis mi lta// mi mkhas khyod la bdag tu gnas byed pa// de bslus de na smras par bya ba yin// dbu ba 'dra zhing chu bur dag dang mtshungs/ / shin tu nyam chung gnod byed rang dbang med// de ltar mthong ba brtag tu dregs med cing // de ni slar yang sdug bsngal mthong mi 'gyur// de ltar rnam par bsams pa dang // des dngos po thams cad la mi rtag pa nyid du mthong zhing rgyun du zhugs pa'i 'bras bu thob par gyur par skye bo'i tshogs rnams kyis kyang shes so/ / de nas gzhon nus bden pa mthong ba dang / skyes bu de la smras pa/
- 377b
bag phebs pas ji ltar mngon par 'dod par mig gnyis pa'ang phyung zhig/ ji tsam na skyes bu des mig ni gnyis pa'ang phyung nas kun la'i lag tu byin no// de nas kun la'i sha'i mig byung ba dang / chos kyi mig rnam par dag pas smras pa/ nga yi sha yi mig phyung yang // 'on kyang shin tu rnyed dka' 'di// shes rab mig ni drag pas// ma smad pa ni nga yis thob// rgyal pos rang gi mig gi ni// btags pa spangs// par gyur kyang ni// chos kyi rgyal po'i sras gyur pa// bdag nyid chen po thob par gyur// dbang phyug las ni nyams gyur kyang // mya ngan sdug bsngal rnam spangs pas// sdug bsngal mya ngan rnam 'jig pa'i// chos kyi dbang phyug thob par gyur// de nas ku na la'i mig phyung ba mthong ba dang / skye ba'i tshogs chen pos mgrin gcig tu smre sngags 'don cing / la la ni gos dang rgyan rnams gcod par byed// la la ni sa la 'gre zhing ldog par byed/ la la ni dbyig pa dang gtun shing lag na thogs te skyes bu gnyis po de brlag pa'i phyir brtson par byed do// gzhan dag ni rgyal po la yongs su smod de/ kye ma'o rgyal po khro bo'i stobs can/ kye ma'o rgyal po shes rab zhan pa/ kye ma'o rgyal po dbang phyug gis dregs gang na bu gcig par gyur la yang gnas skabs 'di lta bu'i tshul rnams mang por smra bzhin du/ grong khyer du zhugs par gyur to/ / ji tsam du kun las 'di ni rgyal po mya ngan med kyi bka' ma yin gyi/ gzhan du sbyor ba 'di ni rgyal srungs ma yin no zhes thos so// thos nas yang smras pa/ gang gis sbyor ba 'di ni bskur
- 378a
@#pa yis/ / gang zhig myong gnas rang don byas gyur pa'i// rgyal po zhes pa yun ring bder gyur cing // lha mo'i tshe dang stobs ni bskyangs par shog/ de nas gser 'phreng can kun la'i/ mig phyung ngo zhes thos so// thos nas kyang khyo la brtse bas kun la'i thad du song ste/ 'khor rnams bsal nas/ kun la'i mig phyung ba lus la khrag gis gang ba mthong ba dang / brgyal te sa la 'gye gyur to/ / de ji tsam na chus gtor te bslang ngo // de nas ci zhig ltar 'du shes rnyed pa dang / nga ro dang bcas par rab tu ngu zhing smras pa/ khyed kyi mig ni yid du 'ong ba dang / nga yis bltas na shin tu dkar gyur pa/ / de na da ltar bltas na 'jigs skyed cing // sems kyi mya ngan ma lus 'byin par byed// de nas kun las chung ma la rjes su brtse bas smras pa/ mya ngan la sten rigs pa ma yin gyis 'du bathong ci'i phyir zhe na/ 'di ni rang gis byas pa'i las kyi 'bras bu nye bar gnas pa yin no// 'jig rten 'di las bdag nyid can du shes// 'gro ba sdug bsngal dngos po dang ldan par// shes nas sdug dang / bral ba zhen mi bya// de bas sdug pa mchi ma 'byin mi rigs// gzhan yang mig byung ba ngas da ci zhig bya/ nye du'i gan du song / khyod kyis sdug bsngal gyi skal ba can du ma byed cig/ gser 'phreng mas smras pa/ skyes bu gang zhig dpal rgyas bud med ni// brtse bas rjes 'jug pa la ngo mtshar med// gang tshe dpal nyams pa na rjes 'brang ba'o// bud med de ni mi nang lha dang mtshungs//
- 378b
de nas kun la chung ma dang lhan cig grong khyer nas byung ba dang / de mngal du zhugs pa nas brtsams te shin tu gzhon sha can gyi lus dang ldan pas/ las ci'ang byed par mi nus kyi/ gzhan dun pi wang dag brdung zhing glu dag len par nus so/ / de nas de gser 'phreng ma'i lag pa la 'jus te/ gzhon nu skyed byed phrag par khur nas 'di smras so// bu sdug dpa' bo'i rigs las skyes// khyod dngang rab sdug bsngal te/ / yu bus mthar ni slongs mo thob// mi bzad las ni sngon byas yin// sgyu ma lta bur mi brtan pa'o// dbang phyug la ni su yi ston// mya ngan med kyi bur gyur la// gnas skabs 'di 'dra thob par gyur/ / las byas pa ni tshigs pa dang // ldan pa'i 'bras 'di lta bu// las ni lhan cig byas pa na// lhan cig longs ni spyad par gyur// de bas na ci zhig bya ste kha ta li pu trar song la rgyal po mya ngan med la gsol ba gdab par bya'o/ / 'dzam gling dbang phyug mnga' bdag de// nga yi dka' ba byed pa'i pha// de ni sbyin pa'i gnas yin zhing // nga la rtag tu rjes brtse yin// de nas kun la pibi wang brdung zhing glu len pa dang / gzhan gyi khyim rnams su tshul 'dis 'tsho ba sgrub cing chas so// bsnyen bkur chen po las nyams shing // long ba skal dman sems can ni// slongs mos rgyu bar byed pa la/ / chos ldan skyes bur su zhig ster// pha dang ma spangs longs spyod dang // zas dang mal cha khyim med pa// nyam ngar rab zhugs long ba la// slongs mo su yis ster bar mdzad// longs spyod glog 'gyu 'dras
- 379a
@bzhin/ zil pa'i chu thigs 'dra ba las// 'gro bkren snyan tshig sbyin pa yis// snying po myur du len par gyis// dbul po sgra ni mdzes gyur cing // 'jig rten kun gyis brnyas pa dang // dpal nyan khyim khyim slongs mos rgyu// nga la ma yis spongs mo byin// de nas kun las slongs mo rnyed pa rnams chung ma dang lhan cig yongs su longs spyod par gyur to// gser 'phreng ma'ang lam gang nas pa li pu tra nas 'ongs pa'i lam de nyid nas rjes su 'brang bas 'gro'o/ / da song ba dang chos kyi 'khor lo'i gnas su phyin to// de nas kun las/ gser 'phreng ma la dris pa/ bzang mo gang yu bus phyin pa'i grong khyer 'di gang zhig yin/ btsun mos mthong ba dang / brgyal te sa la 'gyel bar gyur to// skad cig tsam na 'du shes rnyed de/ smras pa/ gang tshe dpal dang ldan par 'gro ba na// skya bo bye ba gnas 'dir lhag par lhags/ / khyed mig bral nas deng ni 'dir 'ongs pas// 'du byed g.yo ba de nyid cir mi rung // ji tsam gyis na pa ta li pu trar byin to// de nas skyed mos tshal yid 'phrog pa zhes bya brgyal po mya ngan med kyis rang gi bu kun la'i don du byas pa zhig yod pa der zhugs par brtsams te zhugs pa dang / ji tsam na skyed mos tshal bsrung gyis mthong nas smras pa/ long ba bkra mi shis shing ma bsngags pa 'di su zhig yin na/ sked mos tshal 'dir zhugs/ kye ma'o long ba 'dzam bu gling gi dbang phyug gi rgyal po mya ngan med kyi bu ku na la zhes bya ba'i don du skyed mos tshal 'di bsung ba khyed kyis mi
- 379b
sam/ gser 'phreng mas smras pa/ kyi hud sdug bsngal lo// skyed mos tshal ni nags rgyas par// nga yi bu 'dir dga' 'gyur zhes// bu la brtse bas sa bdag gis// gang gi de ni byas gyur pa// bdag cag gnas pa'i don du der/ / 'chi ba zhan pas phyin gyur na// skal dman pas ma shes nas// de las da ltar smod par gyur// gang du gzhon nu gru'i sgra snyan cing yid du 'odra ba dang / bai DUR+Ya'i rkang rten dang ldan pa'i mal khri la nyal nas rtse zhing rol pa'i gnas pas dga' ba'i gnas pa gang yin pa de bgrod pa tsam yang thos par ma gyur to/ / de nas kun las de yid bsring bar bya ba'i phyir smras pa/ bde bar gshegs pas rgyal srid dpal dag ni/ / sgyu ma rmi lam smig rgyu 'dra bar gsungs// phun tshogs rgud pa de la rim byung na// mkhas pa su zhig rgyal srid bde bar 'dod// de nas gzhon nu slar log nas// ba ta li pu trar 'jug par bya'o zhes nges par bsams nas der phyin pa dang sgor gser 'breng ma ngu ba la zhugs par gyur to/ / kun las smras pa 'di ci zhig yin/ des smras pa/ gang la sngon ni byung ba ni// gang gis grong khyer brgyan gyur pa'i 'ad ni de la de med de/ / 'phreng ba bskams pa dor bar gyur// ji tsam na rim gyis pa'i glang po che'i bres su mtshan mo gnas bcas par gyur to// de nas rgyal po mya ngan med de'i mtshan mo khang bzangs kyi steng na nyal ba dang / mtshan phyed kyi dus 'das pa na sad pa dang / de gzhon nu yid la byed pa la zhugs te/ nga'i bu bden pa'i tshig can de cir 'gyur zhig gu/ rgyal srungs mas smras pa/ gzhon nu
- 380a
bde bar gnas lags kyis/ rgyal pos smras pa/ nga yi bu yi pho nya med// 'phrin med yi ge'ang yod min na// de yis nga ni brjed gyur tam// 'on te nga la sdos par gyur// de nas glang po re'i rdzi bo des smras pa/ kye glu mkhan longs shig/ re zhig pi wang bsgrengs la glu long zhig/ kho bos mnyan par bya'o// de nas kun la langs nas pi wang len pa la zhugs te/ de ji ltar mig phyung bas bden pa mthong ba yang byas nas/ slongs mo pa'i tshul gyis pa ta li su 'phyin pa dang / rigs las byung ba'i glu len par brtsams so// mi gang mig dang bral bar gyur pa de la srog gis dgos pa ci zhig yod/ gnyen gyi skye bos spangs shing khros pa'i bzhin ras dag la lta bar byed pa na/ mu shing bshig ltar snying po med pa'i 'dus byas dag la mkhas pa su mi skyo// gang gis nga ni rin chen rang bzhin shing ltar 'bad pas rnam par gsos gyur cing / / bu yi sred pas ku na la zhes ming btags bya dang mig ni 'drar gyur pa// mi yi bdag por bur gyur kyang bkren pa'i tshul dung ni spyod pa byed gzhan yang skye mched rnams kyi ngo bo nyid/ / mig sogs ye shes sgron ma ni// dag pa'i shes rab kyis mthong gang // de ni skye ba rnams las grol// gal te khyod ni srid pa'i sdug bsngal rnams kyis gzir// srid pa'i nyes pa rnam par nges byas tho ru bya/ / gal te 'di na brtan pa'i 'dod gyur na// skye mched rnams la brtan pa nyid du gsol ba thob// de'i klu'i sgra de rgyal po mya ngan med kyis thos so// thos nas kyang
- 380b
dga' bzhin du smras pa/ klu ni ku na la'i dang rab tu 'ang ldan gyur cing // yun ring zhig na pi wang sgra yang thos gyur cing // ci 'dir kun la ni 'ongs gyur tam// ma 'ongs par ni bdag ni mthong bar gyur/ de nas rgyal po mya ngan med kyis/ nyung rum gyi skyes bu zhig la smras pa/ kye skyes bu gcig glu'i sgra 'di ni kun la dang rab tu 'dra bas/ brtan dang zhum pa mi mthun par// ston pa lta bur shes par gyur/ debs 'dir ni sgra 'di yis// brtan las shin g.yos gyur te// seng ge nyid kyi sgra yis ni// glang po rab tu skrag par gyur// de nas nyung rum glang po me'i bres su song ba dang / kun la mig phyung ba rlung dang tsha bas lus tshig pa de mthong ba dang ngo ma shes so/ / de nas glang po che skyong ba la smras pa/ 'di su zhig yin/ glang po che'i rdzi bos smras pa/ 'di ni long ba mig med pa zhig go/ de song nas rgyal po la gsol pa/ lha long ba zhig pi wang thogs nas rlung ma dang lhan cig lha'i glang po'i bris na mchis so// de thos nas rgyal pos bsams pa/ ji ltar na rmi lam mi dge ba mthong ba las na/ gzhon nu'i mig nges par nyams par gyur to snyam mo/ / yang smras pa/ nga yis sngon ni rmi lam du// mtshan ma ji ltar mthong ba las// the tshom med par kun la'i// mig ni brlag pa nyid du nges// de nas rgyal po rab tu dka' zhing smras pa/ bu yi sdug bsngal dogs pa yis// nga yi sems ni zhir ma gyur// de ni nga thad nyid du// myur du kho nar khyer la shog/ ji srid na skyes bu de'ang glang po'i bres su song ste/ kun la la smras pa// khyed su'i bu yin//
- 381a
khyed kyi ming ni ci zhes bya/ kun las smras pa/ mya ngan med pa zhes bya rgyal// dpa' bo yi rigs dpa' ba// gang gis sa 'di rgyas par ni// mngag gzhug par ni dbang du gyur/ nga ni rgyal po de yi bu// kun la zhes rnam par grags// sangs rgyas nyi ma'i gnyen gyur pa// chos can sras kyang nga yin no// de nas kun la chung ma dang ldan cig rgyal po mya ngan med kyi gan du song ngo // de nas rgyal po mya ngan med kyis kun la'i mig phyung ba rlung dang than pas lus tshig pa/ phyag dar gyi dum bu bsdus pa'i gos gyon pa dang / smad dkris byas pas ngo shes par ma gyur gyi/ dbyibs tsam zhig mthong nas smras pa/ bu khyod kun la yin nam/ lha de lta lags te bdag ni kun la'o// de thos pa dang rgyal po brgyal nas sa la 'gyel to// de nas kun la'i gdong la bltas na/ mig bral mya ngan gyis ni sems gdungs shing // mya nga med ba sar lhung 'du shes bral/ / kyi hud bu gcig pu gcig gces par smra// dziHman rgyal po chus gtor nas sa las bslang ste stan la bzhag go/ de nas rgyal po ci zhig ltar 'du shes rnyed nas kun la pang par bzhag ste smras pa/ de nas yud tsam dbugs ni phyung nas su// mgul pa'i mchi mar bcas pas mgul 'khyud de// bu yi gdong pa la yongs su byugs nas su// rgyal po rnam pa mang po smra bar gyur// kun la dang mtshungs pa'i ming btag nas// nga yis rang bzhin de yi ming btags gang // bu de'i mig ni phyung ba la brtags nas// kun la zhes ji ltar smra bar bya// yang smras pa/ khyed kyi mdzes shing mdzes ldan
- 381b
bzhin 'di ni/ / nam mkha' zla ba skar ma dang bral ltar// mdzes pa'i mig dang bral bar khyed sus byas// bu sdug re zhig smros shig smros shig dang // snying rje med pa'i sems ldan su yid khyed// thub 'dra'i 'phags ba'i bden pa rtogs gyur pa/ / khyod kyi mig bzang dgra med kho na bzung nas// rang bzhin 'di byas nga yi mya ngan rtsa// don 'di myur ba nyid du smros shig smos// nga'i lus 'di yang 'jig par 'gyur du 'ong / / khyed kyi bzhin rgud mya ngan gyis dregs pa// dgra yis dregs bcad bsregs pa lta bur gyur// de nas kun las/ pha la smras pa/ 'das pa'i don la mya ngan bya ba'i mi rigs te// sngon las rnams la sangs rgyas kyang mi gda'/ / de bzhin rang rgyal 'bras bu la gnas dang // so so'i skye bo'ang grol bar mi 'gyur zhes// thub pa'i gsung ni khyod kyis ma gsan nam// rgyal po skyes bus mi dge'i las byas rnams/ / 'bras bu med par nam yang mi 'gyur na// 'di ni rang byas las kyi 'bras bu lags// 'di ni gzhan gyis byas zhes ji ltar smra// rgyal po chen po bdag nyid nongs bgyis te// nongs can ma yin nam yang 'dra ba min/ / mtshon dang rdo rje dug dang sbrul rnams kyis// nam mkha' 'gyur zhing gnod byed mi nus so// las kyi bdag nyid can ni lus mtshon pa'i// lus can rnams la mi dge'i sdug bsngal 'byung // de nas rgyal po mya ngan med mya ngan gyi mes gdungs pa'i yod kyis smras pa// nga yi bu yi mig bzangs su yis phyung bar gyur// su yin shin tu sdug pa'i srog ni gtong bar zhugs// nga yi yid 'di mya ngan ma
- 382a
yis bsregs gyur gyi/ / gang la chad pas gcad bya bu sdug myur du spros/ kun las smras pa/ gzhon nu kun la yi ni// mig ni gnyis ka phyung zhig ces// tshems kyi rgyu yis rgyas btang nas/ / yi ge g+ha yis bskur ba lags// rgyal pos spras pa/ bya ba 'di dag rnams bsams pa// rmi lam du yang madran na// ci yo phyir na tshig 'di dag/ nga ni rab tu smra bar byed// de nas gnon/ nu'i mig mchi mas gang ba dang bcas pa'i rgyal po la bltas nas smras pa/ mi yi bdag po mya ngan dag gis 'khrugs ma mdzad// rang gi mig dang bral bas mdzes pa min la gzigs// 'di ni mi yis rang byas sdig pa'i khur bskur te/ sa bdag gzhan byas 'bras bu gzhan ni spyod mi 'gyur// sa bdag mi dge'i las rnams byas par gyur pa bdag/ smin pa'i dus su 'jig par nam sang mi 'gyur te// de 'dra'i 'bras bu 'di ni rang gis byas pa la/ / gzhan gyis 'di dag byas zhes ji ltar brjod par bgyi// lha gzhan yang / bcom ldan 'das kyis ji skad gsungs pa ma gsan nam/ 'jig rten gsum gyi snying po lha mis mchod gyur pa/ / stobs kyis stobs phyug pa yang stobs mtha' las mi thar// mngon byas las las nam yang thar par mi 'gyur na// 'di na bdag 'dra gzhan dag spos kyang ci zhig 'tshal/ / ji tsam na rgyal po mya ngan med kyi sbyor ba 'di ni rgyal srungs mas byas so zhes thos so// thos nas kyang rgyal pos/ rgyal srungs ma bos te smras pa/ skal med ci phyir sar ni nub ma gyur//
- 382b
chos shig nga yang mi dgar byas pa nas// chos min ldan pa bdag dpal 'phrog 'dra ba// shin tu sdig byed khyod ni spang bar bya// de nas rgyal po khro ba ma 'bar ba dang / rgyal srungs ma la bltas te smras pa/ 'di'i mig byung ngam 'on te 'di yi lus/ / sen mo shin tu rno bas dral ba 'am// yang na gson por mdung rtsa bskyon pa'am// 'di'i lus sog les rnam par dag par bya// yang na lce ni spu gros gtub bya zhing // gra stas bsnun pas mgo bo gcod bye// yang na bskal ba'i me 'drar gzhug bya zhing // 'on te dug gis lus ni dgang bar bya// de la sogs pa gsod byas sbyor ba ni// rnam mang mi yi dbang pos smras pa dang // snying rje'i bdag can kun las thos nas// bdag nyid chen po de la gsol ba 'debs// de nas rgyal po mya ngan mad khro ba'i me kun tu 'bar bas dkrugs pa dang / rgyal srungs ma rlags pa'i thabs tshol ba la kun las spyi bos phyag byas te/ snying rje rje skad du smras pa/ ded lta bud med ni gsad par rigs pa ma lags so// rgyal pos smras pa/ gang gis khyod dang nga'i lus bcom rab tu byas gyur la// 'di lta'i tshig ni smra byed pa// khyod ni rigs pa ma yin no// kun las smras pa/ de de ltar lags su zin kyang / bdag ni de'i tshe nas da lta dang de'i bar du 'di dang / gshad ma'i skyes bu de gnyis la gzhon nu skyed byed la khong khro ba'i sems med ba de bzhin du de rnams la snying rje dang byams pa'i sems nyid shin tu bsgoms lags so/ / rgyal pos smras pa/ khyod snying rje'i dbang du gyur pa yin par tshig 'di lta bu la su zhig yid ches par gyur/ kun las
- 383a
smras pa/ nges par nang du bdag nyid tshad mar gyur pa dang // de bzhin du mngon par shes pa drug dang ldan pa bdag chen po gzhan gyi sems shes pa gzhan dag dbang du gyur pa lags so// rgyal pos smras ba/ gal te de lta yin na/ nga dang 'jig rten rnams kyi mngon du gyis shig/ de 'dra 'di ltar shi ba'i rgyal po phug ron gyi don du lus bcad nas bden pa brdar bas sngon gyi lus ji lta ba bzhin du gyur to zhes thos kyis kyang bden pa brdar bas sngon gyi mig ji lta ba bzhin du gyis shig/ de bzhin du bgyi'o zhes smras nas/ kun las bram ze dang khyim bdag brgya stong du ma 'dus pa dang / rgyal po 'khor dang bcas pa'i nang du bcom ldan 'das kyi thugs rje la sogs pa'i yon tan mngon du byas te shar phyogs su bltas nas bden pa'i tshig 'di skad ces brjod do/ / bden pa gang gis rgyal srungs ma dang skyes bu gnyis po'i bar la de'i tshe dang da lta'i bar du skyo ba'i sems med cing / bdag bu gcig pa skyed byed ji ltar snying rje dang byams pa'i sems mnyam par gyur pa'i bden pa'i tshig des sngon gyi mig ji lta ba bzhin du gyur cig/ tshig brjod pa dang dus mnyam pa nyid du kun la'i mig sngon gyi ji lta ba ni na du gyur to/ / de nas rgyal po dang grong khyer ba rnams kye ma kye ma zhes sgragasang mthon po sgrogs shing rnam pa de lta bu'i ngo mtshar la lha'o// de nas rgyal po mya ngan med kyis kun la rgyal tshab tu dbang bskur ba la zhugs pa dang / kun las smras pa/ rgyal po chen po bdag la ni rgyal srid dgos pa ma mchis te/ bdag gis ni bden pa mthong lags so// de nas gzhon nu skyed byed rgyal tshab tu dbang bskur ro// de nas par skabs su'ang rgyal srungs
- 383b
ma'i phyir gsol ba 'debs pa/ gal te rgyal srungs ma ni 'phags min las bgyid kyang // khyed 'phags las mdzod bud med 'gum mi bgyid// bzod dang 'dra ba'i stobs ni yod min zhes// bde gshegs bsngags pas gtso bo bzod mdzad rigs/ / ji tsam na rgyal po mya ngan med shin tu khros pas rgyal srungs ma rgya skyegs kyi khang par bcug ste bsregs so// rdo 'jog pa'i grong khyer pa rnams kyang rab tu bcom mo// / !/ rgya gar skad du/ dri shwa ta mA la/ bod skad du/ dpe'i 'phreng ba/ 'jam dpal gzhon nur ba la phyag 'tshal lo// dang por smra ba rnams kyi rab mchog ston pa dang / srid pa gsum gyi 'dod chags rnams 'joms chos dang ni/ / thams cad mkhyen pa'i bstan pa bdud rtsi'i snod gyur pa// gang zag mchog brgyad kyis rgyan dge 'dun rab btud cing // bsam rdzogs rtsib logs 'tsher la sogs pa de dang de/ / thams cad yod spu'i khyu mchog dad pas mchod byas te// dpe yi 'phreng ba 'di ni bdag gis bshad par bya// rab blo'i legs sbyar ma sbas 'din de bsnyun gyis// yon tan dang skyon gyi mtshan nyid khong du chud pa las/ / mchod par bya ba dang / mchod par bya ba ma yin pa rtogs par 'gyur bas/ yon tan dang skyon gyi mtshan nyid khong du chud pa la rab tu 'bad par bya'o// de'ang 'di ltar rjes su thos te/ yul gan d+ha ra nas tshong pa kha cig yul bcom brlag tu song ba dang / de de na mchod rten rnams la yang dang yang du phyag 'tshal zhing / dge sbyong rnams la'ang bsnyen bkur dang bcas pas phyag byed par gyur pa dang
- 384a
de la 'di ni dge bsnyen yin no snyam du shes nas/ bram ze rnams kyis bzhad gad byas par gyur to zhes gag go// de nas re zhig cig sos ka'i dus kyi phyi dro'i tshe/ bram ze zhig 'am srang na du/ go/ der yang bram ze kha cig khrus byas shing dris byugs pa dang / zas la spyad pas dbang po tshim pa dang / gang gA'i phyogs na lag na rnga yab thogs shing / mchod phyir dkar po thogs la/ gcig tu shas cher rgod de gtam la rjes su chags shing dga' bas kun tu 'khod par gyur pa dang / de rnams kyis dge bsnyen de la bltas te rab tu brgad do// bram ze gzhan zhig gis kyang smras pa/ sangs rgyas kyi dge bsnyen khyed tshur sho ga/ stan yod par 'dug cig/ de der 'dug pa dang / bram ze zhig gis dris pa/ gang lha chen po dang khyab 'jug la sogs pa'i lha rnams spangs nas/ sangs rgyas la mchod pa gats+tsha ba rnams kyis rang bzhin 'di ci zhig yin/ des brgad de smras pa/ bdag cag ni sangs rgyas bcom ldan 'das kyi phyogs gcig shes kyi/ lha chen po la sogs pa'i lha rnams kyi yon tan ni mi shes te/ rgyu des na sangs rgyas bcom ldan 'das la mchod pa byed pa yin no/ / des de'i tshig thos pa dang / bram ze kha cig gis smras pa/ legs ldan lha chen po'i yon tan mi shes pa 'di ni khyod glan pa yin// gang gis phyir/ 'di na lha min gro khyer mkha' la rgyu/ / skyes pa bud med rgan dang gzhon bcas pas// gzhu chen blangs nas 'bar ba mda' yis ni// me yis rtswa bzhini skad cig bdag gis bsregs// dge bsnyen gyis smras pa/ gang rang bzhin gyi 'chi
- 384b
ba'i chos can gyi srog chags rnams la gsod pa'i phyir 'bad pa dang ldan pa'i sems can gyi khyad par 'dra ba la ni kho bo mi dga'a'o/ / su zhig zil pa'i thigs pa naM/ rtswa yi rtse la rags pa dag/ ngang gis 'jig pa'i chos can la/ / gzhig pa'i phyir ni 'bad par byed// re zhig gzhan thams cad rtswa zhog gi/ ci khyed rnams nga rol la gnod pa byed pa yon tan yin par shes sam/ de nas bram ze de dag thams cad kyis dus gcig tu spras pa/ lha ma yin gsod pa ni yon tan yin par rab tu shes so// dge bsnyen gyis dbugs phyung ste smras pa/ las gang la ni dam pa rnams// ngo mtshar gyur pa de nyid la// dam pa min pa dregs gyur pa// kye ma 'jig rten ngo mtshar che/ / zhes bya ba ni 'jig rten pa legs par smras pa yin no// mdor na/ yon tan skyon sogs brtags la bya ba dang // lha min sad pas rgyas pa'i yon tan ni// rgya chen rjes la yon tan nges dga' rnams/ / mchod pa'i 'bras bu 'dod pa rgya chen yin// skyon rnams la ni yon tan du shes shing // skyon dang ldan la dam par shes pas mchod// 'bras bu rgya chen 'thob par mi 'gyur gyi// lta ba ngan pa dag kyang 'phel bar 'gyur/ / tshig de bram ze rgang po kha cig gis thos pa dang / khro bas 'bar ba'i mig gis dge bsnyen de la blta sa bzhin brnyas pa dang bcas pas lag pa g.yon pas ston cing smras pa/ gan+d+ha ra barmongs pa rnams de / dam smra zhig/ gal te lha ma yin gsod pa la dga' ba'i lha chen po la sogs pa'i lha rnams mchod par bya ba ma yin na mchod par bya bar su zhig 'gyur/ dge bsnyen gyis spras pa/ gang yin
- 385a
tan yang dag pa dang ldan par gyur te/ bram ze chen po ltos shig/ gang zhig stobs ldan 'tshe ba rnams// gal te mchod byar de 'gyur na// dred dang gzig dang stag la yang // 'gro ba rtag tu mchod par 'gyur/ / yon tan skyon mkhas dam pa ni// su yang 'di 'dod mi byed de// dred la sogs pa'i gdug pa rnams// yon tan med la mchod mi byed// mi 'tshe la sogs yon tan yin// 'tshe srogs skyon du shes par bya/ / yon tan skyon rnams mi shes pas// skyon ni yon tan dag tu shes// gang gis shin tu drag po'i las// 'jig rten byis pas mthong nas su// mchod pa'i rgyal mi mkhas pas// de nyid la ni mchod byar shes/ / gan+d+ha ra ba ni nges par yang // skyon dang yon tan rtog dang ldan// des na sangs rgyas bcom ldan la// dad kyi lha chen sogs la min// bram zes smras pa/ kye gan+d+ha ra ba re zhig sangs rgyas zhes bya ba 'di su zhig yin/ dge bsnyen gyis smras pa/ shAkya'i rigs su legs 'khrungs pa// kun mkhyen nyes pa kun las rgyal// sems can kun la phan bzhad pa// drang srong chen po sangs rgyas yin/ / bram zes smras pa/ gal te sangs rgyas drang srong chen po yin par shes na/ gzhan la gnod pa byed pa de mchod pa bya ba ma yin par smra 'am/ 'di na 'pho ba dang / me 'bar ba dang / rgyas pa dang / gnas 'jog dang / rgyun shes dang / phur bu gsum pa/ rgyun shes kyi bu la sogs pa drang srong chen po rnams kyis dmod pa 'debs so zhes 'jig rten na grags so// gal te sangs rgyas
- 385b
de drang srong chen por gyur na/ nges par des kyang dmod pa 'debs par byed par 'gyur ro// dge bsnyen gyis rna ba bkag nas smras pa/ sdig par ma gyur cig/ sangs rgyas bcom ldan 'das ni dmod pa 'debs par mi mdzad do// bram zes smras pa/ sdig pa zhi bar gyur cig ces 'dir ci phyir smra/ gal te sangs rgyas dmod pa 'debs par mdzad na ni/ de yang dag par 'tshe ba can du 'gyur ro// 'on te su la'ang dmod pa mi 'debs na/ sangs rgyas 'di la mthu ci'ang med do// de nas bram ze de rnams kyis/ gnyis ka ltar 'gal ba'i tshig gan+d+har ba khyad du bsad nas/ gsang mthon pos brgyad par brtsams so// dge bsnyen dang ma 'khrul pa nyid dang / smras pa/ sangs rgyas bcom ldan 'das mthu chen po ni mnga' ba yin mod kyi/ 'on kyang dmod pa'i rgyu dang bral bas gang la'ang dmod pa mi mdzad do// bram ze chen po ltos shig chags can gang la kun tu chags/ / de dang bral na de khros te// bya dang bya min rnam rmongs pas// phyi nas dmod pa gtong bar 'gyur// de bzhin gshegs pa'i'adod chags bral// rmongs pa dang bral khro las rgyal/ / sems can thams cad phan mdzad na// da ni dmod pa ji ltar mdzad// de nas bram ze de yid la bzung ba'i rgyu rnams kyis rdzas su dpog cing / dge bsnyen du la smras pa// kye gan+d+ha ra ka gal te sangs rgyas dmod pa mi byed na/ nges par phan 'dogs par yang mi byed do// dmod pa dang phan 'dogs pa'i nus pa dang bral ba ni/ drang srong chen por yang mi 'gyur ro// dge bsnyen gyis smras pa/ sangs rgyas bcom ldan
- 386a
'das dmod pa'i nus pa mi mnga' ba 'di ni de ltar bden mod kyi/ 'on kyang phan 'dogs par ni spyod pa nyid yin te/ khyed rnams yang ltos shig/ gzhan gyi sdug bsngal la sngar ngas// de ni dmod/ pa mi mdzad kyis// 'jig rten phan 'dogs brtson pas na// phan yang ni mdzad yin// rga na 'chi ba'i sdug bsngal gyis// ngang gis 'jig rten sdug bsngal na// rma la lan tshwa ji bzhin du// mkhas pa su zhig dmod pa 'debs/ / de yang byams pa la gnas shing // rtag tu snying rje'i bdag nyid can// de bzhin gshes pa gsung bsil ba'i// chu yis 'jig rten tshim par mdzad// de nas bram ze de rnams yud tsam zhig mgo thur du smad nas bsams te/ dge bsnyen de la zhe sa dang bcas pa'i mig gdangs pas bltas te smras pa/ kye gan+d+ha ra shin tu btags pa'i gnas rnyed nas/ khyod kyi rab tu dad pas bdag cag ngo mtshar du byas so// mang du smras pas ci zhig bya ste/ gan+d+ha ra zhes bya ba'i yi ge ni don phyin ci ma log par grags pa yin te/ de ci'i phyir zhe na/ go zhes bya bas ru bzhed// sa de gang zhig yang dag 'dzin// skyes bu dam pa de rnams ni// dam pas sa 'dzin ces bshad do/ / ci yi phyir nas 'di ni// khyed cag rnams kyi 'dzin mi byed// gang phyir khyed kyi yon tan bsngags// mgon po sangs rgyas la brten yin// de nas dge bsnyen des bram ze rnams kyi sems snod du rung bar byas par shes te/ da ni sangs rgyas kyi yon tan bshad pa'i dus yin no snyam nas/ yang dag par dga' ba'i bzhin gyis gzengs bstod de smras pa/ gang khyed rnams sangs rgyas bcom ldan 'das la dad pa
- 386b
skyed par gyur pas/ bdag ni mchog tu'ang dga' ba skyes par gyur mod kyi/ 'on kyang 'di nyid 'phel bar bya ba'i phyir yon tan dang skyon gyi mtshan nyid rjes su dran par bya ste/ de ci'i phyir zhe na/ gang tshe 'gro bar brtogs de yi tshe/ nga rgyal ba yon tan rgya mtshog cishi bar mthong // zhi dang tshul khrims ting 'dzin shes rab kyis// sangs rgyas dang mnyam gang na'ang yod ma yin// dper na ri rab mnyam pa'i ri bo med// rgya mtsho mnyam pa'i mtsho ni yod ma yin/ / de bzhin sangs rgyas dang mnyam sa steng ngam// mkha' la lus can mchog de yod ma yin// shAkya'i khyu mchog des ni gang phyir ngal ba dka' bar ma zhugs ci zhig yod// thub pas phan pa'i don du lan mang dgongs te ma gzigs de ni gang zhig yod/ / de la skyabs song drang srong des ni phan gdags ma byas de ni gang zhig yod// 'di ni des gsungs lam gnas nyon mongs dgras bcom de ni su zhig yod// mu stegs kun las rgyal te bde bar gshegs zhes yon tan rnam rgyas dri med grags pa'i kha bye gzhan su yod/ / phug na seng ge lta bur lha yul sa steng dag na 'jigs med rang gi gsung ngam sgrog pa gzhan su yod// rtag tu yid 'ong gsung gis las dang nyon mongs dag gi gnas skabs rjes su ston par mdzad pa'ang gzhan su yod/ / gang gis mchod rten mkha' la sprin dkar lta bur 'gro ba yang dag brgyan pa 'ga' yang 'din yod ma yin// de nas bram ze de rnams de bzhin gshegs pa'i yon tan gyi bsngags pa thos pa dang sangs rgyas la mngon par dad par gyur to/ / 'dis ci zhig ston pa yin zhe na/ de ltar sangs rgyas kyi yon tan thos pas bcom ldan 'das la mngon par dad par shes la/ dad pa la ni
- 387a
gzhan rnams yang dag par bzhugs par bya'o zhes nye bar ston pa'i mdo brtsams pa yin no/ / de'ang dge slong dag khyed rnams kyis gang rjes su brtse ba dang / snying brtse bar bya'o zhes rgya cher gsungs pa'i phyir te/ sangs rgyas mchog la sogs pa'i yon tan gyi phan yon gyi mdo sde dag la'ang nye bar sbyar bar bya'o// gus par bya ste chos mnyan pa la rang brjod par bya'o/ / yang ci zhig ston can/ da ltar sangs rgyas kyi yon tan thos pa don gzhan la mngon par zhen pa'i bram ze rnams kyang bcom ldan 'das la mngon par dad par gyur na/ sangs rgyas kyi yon tan thos pa stan pa dkrugs pa lta spos kyang ci zhig dgos/ / khyed rnams sangs rgyas kyi yon tan thos pas drad pa rnam par 'phel bar ci'i phyir mi 'gyur te/ de bas na sangs rgyas dang sangs rgyas kyi bka' dag gi bsngags pa mnyan par shin tu 'dod pa'i khyim na gnas pa dang / rab tu byung ba khyad rnams kyis ma g.yangs par mnyan par bya'o zhes 'di ni yang dag par skul bar byed pa yin no/ / sangs rgyas mchog gi dpe skye dang po rdzogs so// / rgya gar gyi mkhan po d+ham shrI b+ha dra dang / lo tso ba ban te tshul khrims yon tan gyis brgyar