Text
ff. 1b–416a · 830 folio sides
- 1b
rgya gar skad du/ Ar+ya ak+Sha ya ma ti ni rde sha nA ma ma hA yA na sU tra/ bod skad du/ 'phags pa blo gros mi zad pas bstan pa zhes bya ba theg pa chenapo'i mdo/ / // bam po
- 2a
bya/ / dang po// sangs rgyas dang / byang chub sems dpa' dang / 'phags pa nyan thos dang / rang sangs rgyas thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ de bzhin gsheg pa'i spyod yul/ rin po che'i bkod pa'i 'khor gyi khyams/ de bzhin gshegs pa thams
- 2b
cad kyi mkhyen pa/ bsod nams chen po rgyan gyi tshogs bsags pa/ spyod pa chen po'i rgyu mthun pa'i 'bras bu/ sangs rgyas thams cad kyi chos rnam par smin pas mngon par grub pa/ byang chub sems dpa' sems dpa' chen po'i gnas na chos kyi dbyings mtha' yas par bstan pa/ de bzhin gshegs pa'i rnam par sprul pa'i byin gyi rlabs chags pa med pa'i spyod yul gyi ye shes la 'jug pa/ dga' ba chen po yang dag par skyed pa/ dran pa dang / blo gros dang / rtogs pa la 'jug pa/ mdzes pa'i rdzu 'phrul kun nas ma smad pa/ ye shes rnam par dpyod pa/ de la ma chags pa'i rtogs pa la 'jug pa/ phyi ma'i mtha'i bskal par mngon par bstod
- 3a
pa yon tan thams cad kyi tshogs dpag tu med pa na bzhugs te/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni rab tu bskor/ slob ma shin tu dul ba mtha' yas pa'i tshogs ni mnga'// chos thams cad la dbang ni brnyes/ sems can thams cad kyi bsam pa'i tshul ni shin tu mkhyen/ dbang po dam pa'i mchog ni brnyes/ sems can thams cad kyi nyon mongs pa'i bag chags kyi mtshams sbyor ba legs par 'jom pa la ni mkhas/ sangs rgyas kyi mdzad pa lhun gyis grub pa ni rgyun ma chad cing / dge slong brgya stong phrag drug cu'i dge slong gi dge 'dun chen po dang thabs cig ste/ thams cad kyang cang shes pa'i sems dang ldan pa/ yang dag par shes pas sems shin tu rnam par grol ba/ nyon mongs pa'i bag chags kyi mtshams sbyor ba thams cad legs par 'jom pa la brtson pa/ de bzhin gshegs
- 3b
pa chos kyi rgyal po'i sras/ sangs rgyas kyi chos zab mo la gnas par mkhas pa/ dmigs pa med pa'i chos las nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin gshegs pa'i bka' la shin tu zhugs pa sha stag go/ byang chub sems dpa'i dge 'dun chen po dang yang thabs cig ste/ sangs rgyas kyi zhing sna tshogs nas 'dus pa grangs med/ tshad med/ dpag tu med pa/ bsam gyis mi khyab/ mtshungs pa med/ dpe med/ gzhal du med/ bskyod du med/ brjod du med pa'i byang chub sems dpa' sems dpa' chen po rnams dang thabs cig ste/ sems kyi skad cig la sangs rgyas kyi zhing mtha' yas pa rtsal gyis gnon cing / 'ong ba dang 'gro ba la mkhas pa/ de bzhin gshegs pa thams cad la mchod cing rim gro byed par byung ba/ sangs rgyas kyi chos mnyan pa dang / yongs su tshol bas mi ngoms pa/ rtag tu rgyun mi 'chad par sems can thams cad yongs su smin par bya ba la brtson pa/ thabs dang shes rab bstan pa'i mchog thob pa/ sgrib pa med pa'i rnam par thar pa dang / ye shes la rab tu gnas pa/ rtog pa dang / rnam par rtog pa dang / spros pa thams cad las yang dag par 'das pa/ thams cad mkhyen pa nyid kyi sa la nye bar gyur pa sha stag la 'di lta ste/ byang chub sems dpa' glog gi lha zhes bya ba dang /
- 4a
byang chub sems dpa' g.yul las rnam par rgyal ba dang / byang chub sems dpa' rnam par snang ba'i snying po dang / byang chub sems dpa' rtsal gyis dpa' ba/ dang / byang chub sems dpa' yid gnyis shin tu 'jom pa dang / byang chub sems dpa' sgra rnam par grags pa dang / byang chub sems dpa' rnam par lta ba'i mig dang / byang chub sems dpa' mun pa dang bral ba dang / byang chub sems dpa' byams pa dang / 'jam dpal la sogs pa byang chub sems dpa' sems dpa' chen po grangs med/ dpag tu med/ bskyod du med/ bsam gyis mi khyab pa/ mtshungs pa med/ dpe med/ gzhal du med/ tshad med/ brjod du med pa'i yang brjod du med pa dag dang yang thabs cig de nas bcom ldan 'das byang chub sems dpa'i spyod pa la rab tu 'jug pa dang / nges par 'byung ba'i sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs pa/ sangs rgyas kyi chos zab mo thams cad dang / stobs bcu dang / mi 'jigs pa yongs su 'grub pa'i ye shes kyi 'byung gnas chos thams cad la dbang byed pa'i tshul dang / gzungs kyi phyag rgya'i sgor 'jug pa/ so so yang dag par rig pa shin tu rnam par nges pa la gzud pa'i sgor 'jug pa/ mngon
- 4b
par shes pa chen po'i ye shes la gzung pa'i sgor 'jug pa/ phyir mi ldog pa'i chos kyi 'khor lo mi skye zhing mi ldog pa'i chos rab tu ston pa/ bgrod pa gcig pa'i lam du yang dag par gzhol ba/ theg pa thams cad theg pa gcig tu mtshungs pa nyid la yang dag par gzhol ba/ tshul gcig pa'i chos kyi dbyings dbyer med pa la 'jug pa/ sems can thams cad kyi bsam pa dang dbang po la gzud par bstan pa'i snying po'i rjes su song ba'i chos rnam par nges pa bdud kyi 'khor thams cad shin tu rnam par 'joms pa byed pa/ tshul bzhin gyi chos la gzud pa'i sgor 'jug pa/ nyon mongs pa dang / lta bar gyur pa thams cad 'dul ba/ chags pa med pa'i shes rab dang / ye shes rjes su 'jug pa/ mtha' yas shing mtshungs pa med pa'i bsngo ba la mkhas pa'i thabs kyi ye shes bstan pa/ sangs rgyas kyi chos thams cad kyi mnyam pa nyid kyi ye shes kyi rjes su 'jug pa/ thogs pa med pa'i ye shes kyi byin gyi rlabs kyis sgor 'jug pa/ chos thams cad ji lta ba bzhin du shin tu gtan la bab par bstan pa/ mi rtog rnam par mi rtog pa'i mnyam pa nyid la 'jug pa/ rten cing 'brel bar 'byung ba zab mo khong du chud pa/ bsod nams dang ye shes kyi tshogs chen po thams cad bsags pas sangs rgyas kyi sku dang / gsung dang / thugs kyi mnyam pa
- 5a
nyid kyi rgyan gyi rjes su song ba/ dran pa dang / blo gros dang / rtogs pa dang / mos pa dang / shes rab mi zad pa mngon par sgrub pa/ nyan thos kyi theg pas gdul ba'i phyir 'phags pa'i bden pa la gnas pa dang / rang sangs rgyas kyi theg pas gdul ba'i phyir/ lus dang sems rab tu dben pa'i ye shes/ theg pa chen pos gdul ba'i phyir/ thams cad mkhyen pa'i ye shes kyi sar dbang bskur ba thob pa/ de bzhin gshegs pa'i yon tan brjod pa'i phyir/ chos thams cad la dbang byed pa'i tshul la 'jug pa gsung ngo // / ston to// rab tu ston to// mos par mdzad do// 'dzin du 'jug go// klog tu 'jug go/ shes par mdzad do// rnam par rig par mdzad do// rab tu shes par mdzad do// rab tu par mdzad do/ / 'grel to// rnam par 'byed do// gsal bar mdzad do// yang dag par rab tu ston to// de nas bcom ldan 'das de lta bu shin tu gdon mi za ba'i don 'dus pa chen po'i le'u chos kyi rnam grangs 'di rgya cher yang dag par rab tu ston pa na/ shar phyogs nas gser gyi 'od chen po snang bar gyur te/ gser gyi 'od snang ba des rin po che bkod ba'i pho brang gi dkyil 'khor thams cad dang / stong gsum gyi stong chen po'i 'jig rten gyi khams 'di yang gser gyi 'od chen po des snang bar gyur to// de bzhin gshegs pa'i 'od dang /
- 5b
byang chub sems dpa' dbang bskur ba thob pa rnams kyi 'od ma gtogs par/ gang gzhan stong gsum gyi stong chen po'i 'jig rten gyi khams 'di'i nyi ma dang / zla ba'i 'od dang / brgya byin/ dang / tshangs pa dang / 'jig rten skyong ba rnams kyi 'od dang / lha dang / mi dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / !/ 'phye chen po rnams kyi 'od dang / me dang / nor bu dang / rin po che dang / glog dang / skar ma rnams kyi 'od thams cad mog mog por byas te/ zil gyis non cing spa gong bar gyur to// gang stong gsum gyi stong chen po'i 'jig rten gyi khams 'di 'jig rten gyi bar na bsags pa'i gzugs su gyur pa dang / mun gnag mi snang ba'i gan du nyi ma dang zla ba 'di ltar rdzu 'phrul che ba/ 'di ltar mthu che ba/ 'di ltar dbang che bas kyang / lham me lhan ne lhang nger ma gyur pa de dag kyang 'od des sa ler gyur to// 'od de la rtswa dang / shing gel ba dang / sman dang / nags tshal rnams sgrib par mi byed do/ / ri nag po rnams ma yin/ gangs kyi ri dang / ri rab dang / khor yug dang / khor yug gi ri chen po dang / ri btang bzung dang / btang bzung chen po yang rung ste/ ri'i rgyal po chen po thams cad kyang sgrib par mi byed do// mnar med pa'i sems can dmyal ba chen po yan chad thams cad du thal te/ stong gsum gyi stong chen po'i 'jig rten
- 6a
gyi khams thams cad snang bar byas nas sa ler gyur to/ / gang sems can dmyal ba pa rnams dang / byol song gi skye gnas pa rnams sam/ gshin rje'i 'jig rten pa'i sems can rnams kyi lus la 'od des phog par gyur pa de dag thams cad kyi sdug bsngal gyi tshor ba med par gyur te/ lus dang sems rab tu tshim par gyur cing bdag nyid bde ba thams cad dang ldan pa snyam du shes so/ / rin po che bkod pa'i pho brang gi dkyil 'khor du bcom ldan 'das kyi spyan sngar/ 'khor gyi dkyil 'khor gyi khor yug thams cad du rin po che sna bdun gyi pad+mo kha tshon shing rta'i 'khor lo tsam 'dab ma bye ba brgya stong du ma dri zhim zhing sna tshogs blta na sdug pa kha dog dang ldan zhing yid du 'ong ba/ steng rin po che'i gdugs kyi dra bas g.yogs pa/ ka tsa linI ltar 'jam zhing reg na bde ba bye ba phrag drug cu sa'i 'og nas byung ste mngon par 'phags so/ / rin po che'i pad+mo de dag re re nas dri gang byung ba de dag gis stong gsum gyi stong chen po'i 'jig rten gyi khams dri des kun tu rgyus te/ gang stong gsum gyi stong chen po'i 'jig rten gyi khams 'di'i lha dang mi'i spos de dag thams cad pad+mo'i dri des zil gyis non par gyur to// lha dang / mi dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyi sna'i rnam par shes pa la pad+mo'i dri nges phog pa de dag tham
- 6b
cad kyang chos kyi dga' ba dang ldan te/ bdag nyid nyon mongs pa dang bral ba snyam du shes so// tshe dang ldan pa dga' bos gser gyi 'od dang / pad+mo bkod pa de dag byung ba mthong nas kyang ngo mtshar du gyur/ rmad du gyur nas stan las langs te/ bla gos phrag pa g.yas par gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar te phyag 'tshal nas/ bcom ldan 'das la 'di skad ces gsol to// bcom ldan 'das 'di lta bu'i 'od blta na sdug pa 'di rab tu gda' zhing pad+mo bkod pa sngon ma mthong ma thos pa 'di lta bu byung ba su'i ltas sngon du byung ba lags/ de skad ces gsol pa dang / bcom ldan 'das kyis/ tshe dang ldan pa dga' bo la 'di skad ces bka' stsal to// / dga' bo 'di ni shar phyogs nas byang chub sems dpa' blo gros mi zad pa zhes bya ba/ byang chub sems dpa' bye ba phrag drug cus bskor cing mdun du bdar nas lhan cig tu 'ong ste/ de dag 'ong ba'i lhas sngon du byung ba'o/ / bcom ldan 'das kyis de skad ces bka' stsal nas ring po ma lon par/ de nas de'i tshe byang chub sems dpa' blo gros mi zad pas cher g.yo bar byed cing 'od zer ni rab tu gtong ste/ byang chub sems dpa'i rdzu 'phrul chen po dang / byang chub sems dpa'i mthu chen po dang / byang chub sems dpa'i rnam par 'phrul pa chen pos me tog gi char
- 7a
chen po ni 'bebs/ sil snyan bye ba khrag khrig brgya stong dang / glu rab tu len cing / byang chub sems dpa' bye ba phrag drug cus bskor te/ mdun du bdar nas lhan cig tu rin po che bkod pa'i pho brang gi dkyil 'khor gang na ba dang / bcom ldan 'das ga la bar 'ongs te lhags nas/ bcom ldan 'das kyi spyan sngar steng gi bar snang la ta la bdun srid na 'khod nas thal mo sbyar te/ stong gsum gyi stong chen po'i 'jig rten gyi khams 'di thams cad dbyangs kyis go bar byed cing / bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ / rdul med rdul bral dpa' bo 'dod chags bral// ye shes rab rib mi mnga' spyan gsum sbyangs// nyes byang dri ma gsum gyi tha ba spangs// / phyag 'tshal rdul bral sangs rgyas thugs rje can// gti mug dra ba bcad cing 'jigs dang bral// stobs bcu rgol ba mang pos thul bar dka'// lam log zhugs pa pha rol tshogs skrag mdzad/ / seng ge lta bur mi bsnyengs sa la gshegs// nyes pa kun bral sa dang mtho ris na// khyod kyi yan lag dri med 'od rab 'bar// mun dang rab rab mi shes kun bsal nas/ / sprin gyi rgya grol nyi ma bzhin du lhan// 'gro ba 'di rnams skyabs med sdug bsngal gyur// rga bas mnar cing skyabs dang dpung med la// sems can mchog gis snying rje brtse
- 7b
bskyed nas/ / sman pa bzhin du grol bar mdzad cing gshegs// srid mtsho ma rig gting dang rgal dka' dang // nyon mongs rnam rtog sna tshogs dpa' glong las// gzhan las ma thas bdag nyid rab rgal te/ / pad+mo bzhin du chags pa med par gshegs// chos 'di thams cad rang bzhin bdag med de// ri khrod sgra bzhin du yang rkyen las byung // ma byas byed pa po dang tshor med par/ / 'jig rten mgon po sems can phan phyir gsungs// 'jig rten chos rnams ri yi chu bzhin g.yo// mi mkhas skye bos bsnyems pa'i snying po med// ston ka'i sprin bzhin thams cad chos mkhyen nas/ / srid las rgal cing srid pa kun la smod// pad+mo dmar po pad+mo rgyas 'dra'i spyan// gzi brjid nyi ma zla ba brgya las 'das// 'jig rten kun gyis bstod bsngags bstod par 'os/ / mi 'dul mnyam dang bral la phyag 'tshal lo// mi yi khyu mchog mtha' yas pha rol gshegs// yon tan khyad par kun gyi pha rol phyin// bde gshegs yon tan 'di dang dpag tu med/ / sangs rgyas bsod nams zhing la mgos phyag 'tshal// de nas byang chub sems dpa' blo gros mi zad pas/ byang chub sems dpa' bye ba phrag drug cu po de dag dang bcas pas/ bcom ldan 'das la tshul dang 'dra ba'i tshigs su bcad pa 'di dag gis mngon par bstod nas/ steng gi bar snang las babs te/ bcom
- 8a
ldan 'das kyi zhabs la mgo bos phyag 'tshal nas/ bcom ldan 'das la lan bdun bskor ba byas te/ bcom ldan 'das kyis bka' stsal nas/ 'khor dang bcas te pad+mo'i snying po de dag la skyil mo krung du 'khod do/ / de nas sangs rgyas kyi mthus/ tshe dang ldan pa shA ra dwa ti'i bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar te phyag 'tshal nas/ bcom ldan 'das la 'di skad ces gsol to// bcom ldan 'das byang chub sems dpa' blo gros mi zad pa 'di gang nas mchis/ de bzhin gshegs pa de'i mtshan dang / 'jig rten gyi khams de'i ming ci zhes bgyi/ 'jig rten// gyi khams de 'di nas ji srid cig na mchis/ bcom ldan 'das kyis bka' stsal pa/ shA ra dwa ti'i bu/ de'i phyir khyod kyis byang chub sems dpa' blo gros mi zad pa 'di la dris shig/ dang / 'di nyid khyod la ston to// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu khyod gang nas 'ongs/ de bzhin gshegs pa de'i mtshan dang / 'jig rten gyi khams de'i ming ci zhes bya/ 'jig rten gyi khams de 'di nas ji srid cig na yod/ blo gros mi zad pas smras pa/ gan+da
- 8b
brtan shA ri'i bu la da dung du yang 'ong ba dang 'gro ba'i 'du shes 'byung ngam/ smras pa/ rigs kyi bu bdag gis 'du shes ni kun shes so// smras pa/ btsun pa shA ra dwa ti'i bu 'du shes kun shes pa ni gnyis ka la blo mi 'jug na/ de ci'i phyir khyod 'di ltar gang khyod gang nas 'ongs snyam du sems/ btsun pa shA ra dwa ti'i bu 'ong ba zhes bya ba ni bsdu ba'i tshig go/ btsun pa shA ra dwa ti'i bu/ 'gro ba zhes bya ba de ni bsal ba'i tshig go// gang la bsdu ba'i tshig med pa dang / bsal ba'i tshig med pa de la 'ong ba yang med/ 'gro ba yang med de/ 'ong ba dang 'gro ba med pa ni 'phags pa rnams kyis 'gro ba'o/ / btsun pa shA ra dwa ti'i bu/ 'ong ba zhes bya ba de ni las kyi rang bzhin gyi mtshan nyid do// btsun pa shA ra dwa ti'i bu 'gro ba zhes bya ba de ni las kyi rang bzhin zad pa'i mtshan nyid do/ / gang la las kyi rang bzhin gyi mtshan nyid med pa dang / las kyi rang bzhin zad pa'i mtshan nyid med pa de la 'ong ba yang med/ 'gro ba yang med de/ 'gro ba dang 'ong ba med pa ni 'phags pa rnams kyi 'gro ba'o// btsun pa shA ra dwa ti'i bu 'ong ba zhes bya ba de ni smon lam gyi mtshan nyid do// btsun pa shA ra dwa ti'i bu 'gro ba zhes bya ba de ni smon lam zad pa'i mtshan nyid do/ / gang la smon lam gyi mtshan nyid dang / smon lam zad pa'i mtshan nyid med pa de la 'ong ba yang med/ 'gro ba yang med de/
- 9a
'ong ba dang 'gro ba med pa ni 'phags pa nyid kyi 'gro ba'o// btsun pa shA ra dwa ti'i bu 'ong ba zhes bya ba de ni skye ba'i mtshan nyid do// btsun pa shA ra dwa ti'i bu/ 'gro ba zhes bya ba de ni 'gog pa'i mtshan nyid do// gang la skye ba'i mtshan nyid med pa dang / 'gog pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa ni 'phags pa rnams kyi 'gro ba'o/ / btsun pa shA ra dA ti'i bu/ 'ong ba zhes bya ba de ni rnam par rig pa'i sgo'i mtshan nyid do// btsun pa shA ra dA ti'i bu/ 'gro ba zhes bya ba de ni rnam par rig pa'i sgo zad pa'i mtshan nyid do/ / gang la rnam par rig pa'i mtshan nyid med pa dang / rnam par rig pa'i sgo zad pa'i mtshan nyid med pa de la 'ong ba yang med// 'gro ba yang med de/ 'ong ba dang 'gro ba med pa ni 'phags pa rnams kyi 'gro ba'o// btsun pa shA ra dwa ti'i bu/ 'ong ba zhes bya ba de ni 'ong ba'i yul lo// btsun pa shA ra dwa ti'i bu/ 'gro ba zhes bya ba de ni 'gro ba'i yul lo/ / gang la 'ong ba'i yul med pa dang / 'gro ba'i yul med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o// / btsun pa shA ra dwa ti'i bu/ 'ong ba zhes bya ba de ni rkyen gyi mtshan nyid do// btsun pa shA ra dwa ti'i bu 'gro ba zhes bya ba de ni rkyen zad pa'i mtshan nyid do// gang la rkyen gyis mtshan nyid zad pa dang / rkyen
- 9b
zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o// btsun pa shA ra dwa ti'i bu/ 'ong ba zhes bya ba de ni rten cing 'brel pabar 'byung ba'i mtshan nyid do/ / btsun pa shA ra dwa ti'i bu/ 'gro ba zhes bya ba de ni rten cing 'brel par 'byung ba zad pa'i mtshan nyid do// gang la rten cing 'brel par 'byung ba'i mtshan nyid med pa dang / rten cing 'brel par 'byung ba zad pa'i mtshan nyid med pa de la 'ong ba yang med/ 'gro ba yang med de/ 'ong ba yang med/ 'gro ba yang med pa de ni 'phags pa rnams kyi 'gro ba'o// btsun pa shA ra dwa ti'i bu/ 'ong ba zhes bya ba de ni rgyu las byung ba'i mtshan nyid do// btsun pa shA ra dwa ti'i bu/ 'gro ba zhes bya ba de ni rgyu las byung ba zad pa'i mtshan nyid do// gang la rgyu las byung ba'i mtshan nyid med pa dang / rgyu lnga/ byung ba zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o// btsun pa shA ra dwa ti'i bu/ 'ong ba zhes bya ba de ni tha snyad kyi sgra dang / yi ge dang brda'o// btsun pa shA ra dwa ti'i bu/ 'gro ba zhes bya ba de ni tha snyad kyi sgra dang / yi ge dang / brda kun shes pa'o// gang la tha snyad kyi sgra dang / yi ge dang brda med pa dang / tha snyad kyi sgra dang / yi ge dang brda kun shes pa med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o// de nas tshe dang
- 10a
ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu khyod kyi spobs pa 'di lta bu'i phyir ma yin gyi/ ci nas de lta bu/ sngon ma thos pa'i gnas rnams mnyan pa'i phyir 'dri'o// rigs kyi bu 'di lta ste dper na/ yul btsas dang sho gam gcod pa'i skyes bu zhig yod de/ des mi ring ngam khur thogs te/ lam nA/ 'gro ba'i mi zhig la/ kye skyes bu khyod ci zhig thogs zhes 'dri zhing / nga la yul btsas dang sho gam byin cig ces zer ba de bzhin du/ rigs kyi bu bdag cag nyan thos gzhan gyi sgra'i rjes su 'gro ba gzhan las thos pa la mos pa bdag gi sems kyi rgyud la snang ba nye bar gnas pa rnams kyis rtag tu rgyun mi 'chad par khyod lta bu skyes bu dam pa rnams la gang las nyan thos dang / rang sangs rgyas mang po 'byung bar 'gyur ba'i theg pa chen po 'di rjes su gzung ba'i phyir dri bar bya ste/ de bas na rigs kyi bu khyod gang nas 'ongs/ de bzhin gshegs pa de'i mtshan dang / 'jig rten gyi khams de'i ming ci zhes bya/ 'jig rten gyi khams de 'di nas ji srid cig na yod pa legs par ston cig/ blo gros mi zad pas smras pa/ btsun pa shA ra dwa ti'i bu/ de bzhin gshegs pa 'di khyod kyi mdun na bzhugs kyis/ 'di la zhus shig dang / des khyod la lan ldon par 'gyur te/ 'khor thams cad kyi the tshom med par 'gyur ro// de nas bcom ldan 'das la/
- 10b
dang ldan pa shA ra dwa ti'i bus 'di skad ces gsol to// bcom ldan 'das byang chub sems dpa' blo gros mi zad pa 'di gang nas mchis/ de bzhin gshegs pa de'i mtshan dang / 'jig rten gyi khams de'i ming ci zhes bgyi/ 'jig rten gyi khams de 'di nas ji srid cig na mchis/ 'di ltar de bzhin gshegs pa de'i mtshan dang / de bzhin gshegs pa de'i zhing gi ming thos nas/ tshad med grangs med pa'i sems can gyis byang chub kyi go cha gyon par 'gyur bar de bzhin gshegs pas bstan du gsol/ bcom ldan 'das bde bar gshegs pas bstan du gsol/ bcom ldan 'das kyis bka' stsal pa/ shA ra dwa ti'i bu de'i phyir legs par rab tu nyon la yid la zung zhig dang ngas khyod la bshad do/ / 'jig rten gyi khams de'i yon tan yongs su brjod pa dang / byang chub sems dpa' de dag dang / de bzhin gshegs pa de'i ming thos nas dad pa dang mos bas/ de bzhin gshegs pa'i ye shes mi chags shing sgrib pa med pa la skrag par mi bya'o// the tshom za bar mi bya'o// de nas tshe dang ldan pa shA ra dwa ti'i bus legs so bcom ldan 'das zhes gsol nas/ bcom ldan 'das la slar nyan pa dang / bcom ldan 'das kyis 'di skad ces bka' stsal to// sha ra dwa ti'i bu sangs
- 11a
rgyas kyi zhing 'di nas shar phyogs logs su sangs rgyas kyi zhing gang+gA'i klung gi bye ma dang mnyam pa bcu'i rdul phra rab snyed kyi 'jig rten gyi khams 'das pa na/ mi 'dzums pa zhes bya ba'i 'jig rten gyi khams yod de/ de na kun tu bzang po zhes bya ba de bzhin gshegs pa dgra bcom pa yang dag par rdzogs pa'i sangs rgyas da ltar bzhugs te 'tsho zhing skyong la chos kyang 'chad de/ byang chub sems dpa' blo gros mi zad pa de nas 'ongs so// shA ra dwa ti'i bu mi 'dzums pa'i 'jig rten gyi khams de na nyan thos dang rang sangs rgyas rnams kyi ming yang med de/ de bzhin gshegs pa de'i dge 'dun yang byang chub sems dpa' 'ba' zhig ste/ sngon yongs su sbyang ba byas pa/ sbyin pa dang / dul ba dang / mi 'gyur ba dang / des pa dang / tshul khrims dang / thos pa dang / bag yod pa dang / sbyangs pa'i yon tan dang / yo byad bsnyungs pa la rab tu gnas pa/ bzod pa'i stobs kyis khong khro ba med pa/ byang chub tu brtson 'grus brtan pas dge ba'i rtsa ba'i tshogs bsags pa/ bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pas rnam par rol pa'o// shes rab kyi 'od dang / snang ba chen pos
- 11b
sangs rgyas kyis chos thams cad kyi tshig rab tu dbye ba bstan pa'i ye shes la mkhas pa/ byams pa'i sems nam mkha' dang mtshungs pa/ snying rje'i bsam pa brtan pas sems can thams cad yongs su smin par bya ba'i cho ga shes pa/ dga' bas chos la yang dag par dga' bar byed pa/ nyes pa dang / rjes su chags pa dang / khong khro ba dang / nga rgyal shin tu spangs pa/ btang snyoms kyis gnyis dang bral ba/ stong pa nyid dang / mtshan ma med pa dang / smon pa med pa'i chos kyi tshul la rab tu gnas pa/ bdud kyi lcags kyu dang / nyon mongs pa 'thab mo'i rnyog pa rnam par sel ba/ sems can thams cad kyi bsam pa dang / dbang po'i mchog dang / mchog ma yin pa shes pa'i rnam par rig pa/ so sor ci rigs par chos kyi nor gyi ye shes rab tu sbyin pa/ sems sa dang / chu dang / me dang / rlung dang mtshungs pa/ pha rol rgol ba dang / log pa'i tshogs can gyi tshogs thams cad rab tu 'joms pa/ g.yul las rnam par rgyal te/ rgyal mtshan dang / ba dran sgreng zhing mi zlog par dpa' ba/ sangs rgyas kyi chos zab mo dang / stobs bcu dang / mi 'jigs pas 'khor gyi 'jigs pa dang / bag tsha ba med pa/ rten cing 'brel par 'byung ba la 'jug pa/ yod pa dang /
- 12a
med pa dang / gnyis ka'i mthar lta ba dang bral ba/ dbu ma'i lam du zhugs pa/ bdag dang bdag gi dang / sems can dang / srog dang skye ba dang / gso ba dang / skyes bu dang / gang zag dang / shed can dang / shed las skyes pa dang / byed pa po dang / tshor ba po dang / rtag pa dang / chad pa dang 'byung ba dang / 'jigs pa dang / lta bar gyur pa'i kun nas ldang ba thams cad dang bral ba/ gzungs dang / mdo sde'i rgyal po dang / de bzhin gshegs pa'i phyag rgyas btab pa/ chags pa med pa'i ye shes kyi byin gyi rlabs kyis/ bskal pa bye ba khrag khrig brgya stong du sgra bsgrags kyang / spobs pa rgyun mi 'chad pa/ sangs rgyas kyi rdzu 'phrul dang / rnam par 'phrul pa dang / cho 'phrul ston pas/ sangs rgyas kyi zhing mtha' yas pa gnon pa dang rnam par gnon pa dang / 'gro ba dang 'ong ba la mkhas pa 'jigs pa dang / khro ba dang / nga rgyal dang / rgyags pa dang / dregs pa kun chad pas/ seng ge'i sgra mngon par bsgrags pa/ sems can rab 'bring tha ma thams cad kyi bshes gnyen brtan pa/ rab tu mya ngan las 'das pa 'god pa/ chos kyi sprin las 'jug gi sgra 'byung zhing / rig pa dang / rnam par grol ba'i glog
- 12b
dang / bdud rtsi'i char rab tu 'bebs pa/ chos rin po che rab tu gtor bas/ dkon mchog gsum gyi rigs mi 'chad par byed pa/ nor bu rin po che lta bur bsam pa dag cing / phyi nang du blo rab tu sbyangs pa/ mtshan dang dpe byad bzang po'i mchog dang / rang gi gzi brjid kyi rgyan dang / dge ba'i rtsa ba brgya stong gis shin tu brgyan pa/ sangs rgyas kyi chos thams cad la dbang bskur bar skye ba gcig gis thogs pas rgyal tshab tu gyur pa/ sems can thams cad kyi mos pa dang / rnam par rol pa dang / 'dul ba rnams la 'dul ba'i cho ga shes pa/ byang chub kyi sa'i snying po rdo rje'i gdan gnon pa dang / rnam par gnon pa la mi 'jigs pa'i thabs shes pa/ sangs rgyas thams cad kyi bya ba dang / sangs rgyas kyi sku rab tu ston cing rab tu bzung ba dang / tshar gcod pas sems la dpa' zhing dbang byed pa dang / bla na med pa'i chos kyi 'khor lo rin po che rab tu bskor ba sha stag ste/ shA ra dwa ti'i bu/ bcom ldan 'das de'i dge 'dun ni de lta bu'i byang chub sems dpa' sha stag go// de nas 'khor de dag thams cad kyis/ byang chub sems dpa' de dag gi 'di lta bu'i bsngags pa dang / yon tan gyi legs pa 'di thos nas/ dga' zhing mgu rangs te/ rab tu dga' ba dang / mos
- 13a
pa dang / yid bde ba skyes nas/ 'phrul gyi me tog ut+pal dang / pad+ma dang / ku mu da dang / pun+na ri ka dang / man+dA ra ba dang / man+da ra ba chen pos bcom ldan 'das dang / byang chub sems dpa' blo gros mi zad pa dang / byang chub sems dpa' de dag la gtor nas/ ched du brjod pa 'di skad brjod do// skyes bu dam pa 'di 'dra ba blta ba dang / phyag bya ba dang / bsnyen bkur bya ba rnyed pa ni bdag cag gis thob pa rab tu thob bo// gang gis byang chub sems dpa'i yon tan gyi legs pa 'di ngag thos nas/ bla na med pa yang dag par rdzogs pa'i byang chub tu sems bskyed pa'i sems can de dag gis kyang thob pa rab tu thob bo// de na srog chags brgya stong phrag sum cu rtsa drug gis bla na med pa yang dag par rdzogs pa'i byang chub tu sems bskyed do/ / de nas yang bcom ldan 'das kyis/ gnas brtan shA ra dwa ti'i bu la bka' stsal pa/ shA ra dwa ti'i bu yang mi 'dzums pa'i 'jig rten gyi khams de na ngan song dang / mi khom pa dang / sdug bsngal gyi sgra yang med/ ltung ba'i 'khrul pa dang / nyon mongs pa'i sgra yang med/ log pa'i yon tan dang / bslab pa las 'das pa'i sgra yang med/ bud med du skye bar 'gyur ba'i sgra yang med/ sar sa dang / ngan pa'i ngang /
- 13b
tshul dang / gnod sems dang / le lo dang / g.yeng ba dang / 'chal pa'i shes rab kyi sgra yang med/ sgrib pa dang / chod pa dang / kun nas ldang ba dang / bag chags kyi sgra yang med/ rab 'bring tha ma'i sgra yang med/ sems can dang / theg pa dang / zhing tha dad pa'i sgra yang med/ sangs rgyas tha dad pa'i sgra yang med/ chos tha dad pa'i sgra yang med/ dge 'dun tha dad pa'i sgra yang med/ bza' ba dang / btung ba dang / bkres pa dang / skom pa'i sgra yang med/ ngar 'dzin pa dang / nga yir 'dzin pa dang / yongs su bzung ba'i sgra yang med/ bdud kyi lta ba kun nas ldang ba dang / bag chags kyi sgra yang med do// 'jig rten gyi khams de ni yangs shing rgya che ste/ gling bye ba khrag khrig brgya stong phrag drug cu yod de/ byang chub sems dpa'i smon lam gyis/ nyi ma dang zla ba gcig gi 'od kyis kun tu snang ngo // 'jig rten gyi khams de yang la mthil bzhin du mnyam zhing / bai nur+ya sngon po'i sa gzhi la rin po che thams cad kyi pad+mos rab tu sbas te/ ka tsa lin+di wAr 'jam zhing reg na bde ba re DUr bres shing / rin po che shing gi rabs kun brgyan pa/ rtag tu me tog rgyas pas mdzes par byas pa/ rdo dang / gseg ma dang / gyo mo dang / bong ba dang / ri nag po med de/ ri rab
- 14a
kyis shin tu brgyan pa/ lha dang mi kun tu longs spyod pa bye brag med cing sems can de dag gi zas kyang chos kyi dga' ba dang / bsam gtan gyi zas te/ 'jig rten gyi khams de na/ kun tu bzang po de bzhin gshegs po dgra bcom pa yang dag par rdzogs pa'i sangs rgyas bla na med pa'i chos kyi rgyal po ma gtogs par rgyal po gzhan gang yang med do/ / bcom ldan 'das de yang byang chub sems dpa' de dag la yi ge dang / sgra'i dang / brda'i tshig rab tu dbye bas chos mi ston te/ gzhan du na byang chub sems dpa' de dag bcom ldan 'das de'i drung du lhags te/ mig mi 'dzums par bltas pas/ sangs rgyas rjes su dran pa'i ting nge 'dzin rab tu thob ste/ mi skye ba'i chos la bzod par lung bstan pa yang byin no// de'i phyir na 'jig rten gyi khams de yang mi 'dzums pa zhes bya'o// de la sangs rgyas rjes su dran pa gang zhe na/ gang gzugs kyi mtshan nyid kyis rab tu ma phye ba/ tshe dang / rigs dang / rus dang / cho rigs kyis rab tu ma phye ba/ sngon gyi mtha'i dkar po'i spyod pas rab tu ma phye ba phyi ma'i mtha'i shes pa la sems pas rab tu ma phye ba/ da ltar byung ba la gnas pas rab tu ma phye ba/ phung po dang / khams dang / skye mched kyis rab tu ma phye ba
- 14b
mthong ba dang / thos pa dang / bye brag phyed pa dang / rnam par rig pas rab tu ma bye ba/ sems dang / yid dang / rnam par shes pas rab tu ma phye ba/ spros pa dang / rgyu bas rab tu ma phye ba/ skye ba dang / gnas pa dang / 'jig pas rab tu ma phye ba/ gzung ba dang / rtsod pa dang / gtang bas rab tu ma phye ba/ dran pa dang / yid la byed pas rab tu ma phye ba/ rtog pa dang / rnam par rtog pa dang / yongs su rtog pas rab tu ma phye ba/ chos kyi mtshan nyid dang / rang gi mtshan nyid kyis rab tu ma phye ba gcig dang tha dad pa dang / so so bas rab tu ma phye ba/ sems kyi dmigs pa bgrang bas rab tu ma phye ba/ nang dang phyir g.yo bas rab tu ma phye ba/ rnam par rtog pa'i mtshan ma dang / blang ba dang / dor bas rab tu ma phye ba/ kha dog dang / dbyibs dang / mtshan mas rab tu ma phye ba/ spyod lam dang / spyad pa dang / spyod pas rab tu ma phye ba/ tshul khrims dang / ting nge 'dzin dang / shes rab dang / rnam par grol ba dang / rnam par grol po'i ye shes mthong ba yid la byed pas rab tu ma phye ba/ stobs dang / mi 'jigs pa dang / sangs rgyas kyi chos ma 'dres par sgro btags pas rab tu ma phye ba yin te/ 'di ltar sangs rgyas rjes su dran pa ni bsam gyis
- 15a
mi khyab pa/ rgyu ba med pa/ rnam par mi rig pa'i mtshan nyid de/ nga'i ba med pa/ yid la byed pa dang bral ba/ mi dran pa yid la byed pa med pa'i gnas/ phung po dang / khams dang / skye mched 'byung ba dang / 'jig pa'i gnas ma yin/ thogs pa ma yin/ 'jug pa ma yin/ gnas pa ma yin mi gnas pa ma yin/ rab tu gnas pa ma yin/ yang dag par gnas pa ma yin/ gzugs kyi rnam par shes pa'i gnas pa ma yin/ tshor ba dang / 'du shes dang / 'du byed dang / rnam par shes pas shes par bya ba'i gnas ma yin/ sa'i khams kyi rnam par shes pa'i gnas ma yin/ chu'i khams kyi ma yin/ me'i khams kyi ma yin/ rlung gi khams kyi ma yin/ rnam par shes pa'i khams kyi gnas ma yin/ mig dang gzugs kyi rnam par shes pa'i gnas ma yin/ de bzhin du rna ba'i ma yin/ sgra'i ma yin/ sna'i ma yin/ dri'i ma yin/ lce'i ma yin/ ro'i ma yin/ lus kyi ma yin/ reg bya'i ma yin/ yid kyi ma yin/ chos kyi rnam par shes pa'i gnas ma yin no// yang sangs rgyas rjes su dran pa ni dmigs pa thams cad la mi gnas pa'o// mtshan ma thams cad mi ldang ba'o// g.yo ba
- 15b
dang / sems pa dang / spyod pa thams cad kyi rgyu ba med pa'o// mthong ba dang / thos pa dang / bye brag phyed pa dang / rnam par rig pa mi skye ba'o// dbang po dang / rnam/ par grol ba'i mtshan nyid thams cad kyi rjes su mi 'gro ba'o// sems gcig nas gcig tu mtshams sbyor ba med pa'o// rtog pa dang / rnam par rtog pa thams cad nye bar zhi ba'o/ / nyes pa dang / chags pa dang / khong khro ba bcom pa'o// rgyu'i mtshan nyid rnam par chad pa'o// pha rol dang / tshu rol dang / dpung dang / mthar 'dzin pa thams cad yang dag par chad pa'o/ / sgro btags pa med pas 'od gsal ba'o// phye ba med pa'i phyir dga' ba med pa'o// myang ba med pa'i phyir bde ba med pa'o// thog ma nas zhi bas yongs su gdung ba med pa'o/ / 'bad pa thams cad dang bral bas rnam par grol ba'i mtshan nyid do// gzugs med pas lus med pa'o// tshor ba med pas tshor bar gyur pa med pa'o/ / mdud pa med pas mdud pa dang bral ba'o// 'du mi byed pas 'dus ma byas pa'o// rnam par shes pa med pas rnam par mi rig pa'i mtshan nyid do/ / mi 'dzin pas len pa med pa'o// mi gtong bas dor ba med pa'o// gnas med pas mi gnas pa'o// tshor ba dang bral bas mi 'dug pa'o// mi 'byung bas med par
- 16a
mi 'gyur ba'i mtshan nyid do/ / dran pa dang yid la byed pa dang / sems dang sems las byung ba'i chos thams cad kyis ma bzung ba/ brnyas pa med pa len pa med pa/ dor ba med pa/ rab tu zhi ba/ thog ma nas ma skyes pa/ mi skye bas rab tu phye ba/ chos kyi dbyings su yang dag par 'du ba/ mnyam zhing mi mnyam pa med par gyur pa/ nam mkha' dang mtshungs shing mnyam pa/ mig dang gzugs kyi lam las 'das pa/ de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi lam las 'das pa yin te/ sangs rgyas rjes su dran pa 'di 'dra ba byang chub sems dpa' de dag gis rab tu thob bo/ / de dag gis sangs rgyas rjes su dran pa 'di thob ma thag tu/ chos thams cad la bsgribs pa med pa'i ye shes 'thob par 'gyur te/ sangs rgyas bcom ldan 'das thams cad kyis gsungs pa 'dzin cing brjed par yang mi byed/ dran par yang mi byed de/ sgra'i don thams cad rnam par gdon mi za bar rnyed par 'gyur ro// shA ra dwa ti'i bu/ kun tu bzang po de bzhin gshegs pa ni ji ltar 'di na gzhan gyi sgra dang / so so rang gis tshul bzhin yid la byed par 'gyur ba gnyis kyi rgyu dang / rkyen med pa
- 16b
yang dag par lta ba mi ston te/ shA ra dwa ti'i bu/ byang chub sems dpa' de dag gis de bzhin gshegs pa de mthong ma thag tu don rnam par gdon mi za ba las pha rol tu phyin pa drug yongs su rdzogs par byed do/ / mi skye ba'i chos la bzod pa'i lung bstan pa yang rab tu thob bo// de ci'i phyir zhe na/ gang gzugs kyi mtshan nyid la chags pa spangs pa 'di ni/ sbyin pa'i pha rol tu phyin pa'o// gang gzugs kyi mtshan nyid bor ba 'di ni/ tshul khrims kyi pha rol tu phyin pa'o// gang gzugs kyi mtshan nyid zad pa'i chos nyid 'di ni bzod pa'i pha rol tu phyin pa'o/ / gang gzugs kyi mtshan nyid la dben par mthong ba 'di ni/ brtson 'grus kyi pha rol tu phyin pa'o// gang gzugs kyi mtshan nyid sems la mi 'jog pa 'di ni/ bsam gtan gyi pha rol tu phyin pa'o// gang gzugs kyi mtshan nyid la spros pa'i rgyu ba med pa 'di ni/ shes rab kyi pha rol tu phyin pa'o// de ltar byang chub sems dpa' de dag gis/ bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas mthong ma thag tu/ don rnam par gdon mi za ba las pha rol tu phyin pa drug yongs su rdzogs nas/ mi skye ba'i chos la bzod pa'i lung bstan pa thob bo// ji ltar bcom ldan 'das kun tu bzang po de bzhin gshegs
- 17a
/ pa'i sangs rgyas kyi zhing mi 'dzums pa'i 'jig rten gyi khams na/ de lta bu'i byang chub sems dpa' yongs su dag pa yod pa lta bu'i sangs rgyas kyi zhing nyung ngo // de nas tshe dang ldan pa shA ra dwa ti'i bus/ byang chub sems dpa' blo gros mi zad pa dang / byang chub sems dpa' de dag la 'di skad ces smras so// skyes bu dam pa dag gang khyed kyis bcom ldan 'das kun tu bzang po de bzhin gshegs pa de dang / byang chub sems dpa' de dag dang mi 'dzums pa'i 'jig rten gyi khams de mthong ba ni thob pa rab tu thob bo// blo gros mi zad pas smras pa/ btsun pa shA ra dwa ti'i bu/ khyod mi 'dzums pa'i 'jig rten gyi khams dang / bcom ldan 'das kun tu bzang po de bzhin gshegs pa de dang / pad+mo bkod pa de dag dang / byang chub sems dpa' de dag lta 'dod dam/ shA ra dwa ti'i bus smras pa/ rigs kyi bu 'khor 'di dag thams cad kyi'ang dge ba'i rtsa ba rab tu 'phel bar 'gyur gyis bdag gis blta'o// de nas byang chub sems dpa' blo gros mi zad pa de'i tshe na/ sangs rgyas kyi zhing thams cad rab tu ston pa zhes bya ba'i ting nge 'dzin la snyoms par zhugs te/ rigs kyi bu de snyoms bapar zhugs ma thag tu/ de nas 'khor de dag thams cad dang / gnas brtan shA ra dwa ti'i bus mi 'dzums pa'i 'jig rten gyi khams de dang / bcom ldan 'das kun tu bzang po de bzhin gshegs pa
- 17b
dgra bcom pa yang dag par rdzogs pa'i sangs rgyas de dang / pad+mo bkod pa de dag dang / byang chub sems dpa' de dag mthong ste/ mthong nas kyang thams cad rang rang gi stan las langs te/ thal mo sbyar nas/ bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' de dag la phyag 'tshal lo// de nas sangs rgyas kyi mthu dang / byang chub sems dpa' blo gros mi zad pa'i byin gyi rlabs kyis de dag gi lag pa g.yas par sngon ma mthong / sngon ma thos pa'i me tog gi phur ma dri rab tu zhim zhing / sna tshogs blta na sdug pa/ kha dog dang ldan zhing yid du 'ong ba byung bar gyur te/ de dag gis me tog de dag shar phyogs su bcom ldan 'das kun tu bzang po de bzhin gshegs ba dgra bcom pa yang dag par rdzogs pa'i sangs rgyas gang na ba de logs su me tog gi phur ma de dag gtor to/ / me tog gtor ba de dag sangs rgyas kyi zhing der chags te/ kun tu bzang bopo de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' de dag la mngon par gtor nas/ de dag gis 'jig rten gyi khams thams cad me tog gis gang bar gyur to/ / byang chub sems dpa' de dag gis kyang / bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs
- 18a
rgyas de la/ bcom ldan 'das 'di ltar blta na sdug pa'i me tog gi char 'di dag ga las bab ces zhus so// bcom ldan 'das kyis bka' stsal pa/ rigs kyi bu rnams 'di ni/ byang chub sems dpa' blo gros mi zad pa bcom ldan 'das shAkya thub pa de bzhin gshegs pa de la blta ba dang / phyag 'tshal ba dang / mchod pa dang / bsnyen bkur bya ba dang / chos mnyan pa'i phyir/ mi mjed kyi 'jig rten gyi khams bcom ldan 'das shAkya thub pa'i sangs rgyas kyi zhing der phyin nas/ 'jig rten gyi khams der phyogs bcu nas 'dus pa'i byang chub sems dpa' de dag gis me tog 'di dag gtor te/ bcom ldan 'das de yang 'dus pa chen po'i le'u zhes bya ba'i chos kyi rnam grangs ston te/ der yang tshad med pa'i sems can gyis chos mngon du rtogs par gyur to/ / de dag gis gsol pa/ gang na bcom ldan 'das shAkya thub pa de bzhin gshegs pa bzhugs pa'i sangs rgyas kyi zhing de gang na/ 'jig rten gyi khams de 'di nas ji srid na mchis/ bcom ldan 'das des bka' stsal pa/ sangs rgyas kyi zhing 'di nas nub phyogs logs su sangs rgyas kyi zhing gang+gA'i klung gi bye ma dang mnyam pa bcu'i rdul phra rab snyed kyi 'jig rten gyi khams 'das pa na/ mi mjed ces bya ba'i 'jig rten gyi khams yod de/ de na bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i
- 18b
sangs rgyas da ltar bzhugs te/ 'tsho zhing skyong la chos kyang 'chang ngo // de dag gis gsol pa/ bcom ldan 'das bdag cag gis mi mjed kyi 'jig rten gyi khams de dang / bcom ldan/ 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas de dang / byang chub sems dpa' de dag blta'o// de nas de'i tshe kun tu bzang po de bzhin gshegs pa dgra bcom pa yang dag par rdzogs pa'i sangs rgyas kyi sku las 'od phyung ste/ 'od des sangs rgyas kyi zhing de dag thams cad las thal nas/ mi mjed kyi 'jig rten gyi khams de dang / bcom ldan 'das shAkya thub pa de bzhin gshegs pa dang / byang chub sems dpa' 'di dag rang gi byang chub sems dpa' de dag la bstan te/ de dag gis mthong nas thams cad rang gi stan las langs te thal mo sbyar nas/ bcom ldan 'das shAkya thub pa 'di dang / byang chub sems dpa' 'di dag la phyag 'tshal zhing tshig 'di skad smra'o// bcom ldan 'das 'di ltar 'jig rten gyi khams 'di na skra'i rtse mo bzhag pa tsam yang byang chub sems dpas ma gang ba ma mchis na/ byang chub sems dpa' 'di snyed gang nas 'dus/ bcom ldan 'das des bka' stsal pa/ rigs kyi bu rnams byang chub sems dpa' 'di dag ni phyogs bcu'i sangs rgyas kyi zhing tshad med pa nas chos nyan pa'i phyir 'dus so// de nas tshe dang
- 19a
ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// de ci'i phyir rigs kyi bu khyod kyi ming blo gros mi zad pa zhes btags/ zlo glos/ mi zad pas smras pa/ btsun pa shA ra dwa ti'i bu/ blo gros mi zad pa zhes bya ba 'di ni/ chos thams cad dmigs su med pa'i rgyu mthun pa'o// de ci'i phyir zhe na/ chos thams cad mi zad pa'i phyir ro/ / smras pa/ rigs kyi bu khyod byang chub sems dpa' rnams kyi chos mi zad pa bstan pa las brtsams te spobs par gyis shig/ blo gros mi zad pas smras pa/ btsun pa shA ra dwa ti'i bu/ byang chub sems dpa' rnams kyi thog ma sems bskyed pa yang mi zad pa'o// de ci'i phyir zhe na/ ma 'dres pa'i phyir ro// sems de ni nyon mongs pa thams cad dang ma 'dres par skyes so// theg pa gzhan la mos pa thams cad dang ma 'dres par skyes so// theg pa gzhan la 'dod pa med pas sems de ni ma 'brel bar skyes so// pha rol rgol ba thams cad kyis mi 'phrogs pas na/ sems de ni sra bar skyes so// sems de ni bdud thams cad kyis mi phyed par skyes so// dge ba'i rtsa ba thams cad yang dag par bsgrub pa'i phyir/ sems de ni brtan par skyes so// 'dus byas mi rtag par shin tu rig pas na/ sems de ni rtag par skyes so// sangs rgyas kyi chos thams cad sdud pas/ sems de ni mi g.yo bar skyes so// log pa'i nan tan thams cad dang
- 19b
bral bas/ sems de ni mi brdzi bar skyes so// mi bskyod pas na/ sems de ni shin tu gnas par skyes so// gnyen po med pas na/ sems de ni dpe med par skyes so// chos thams cad la/ nges par 'bigs pas na/ sems de ni rdo rje lta bur skyes so// tshad med pa'i bsod nams kyi tshogs bsags pas na/ sems de ni mu med par skyes so// sems can thams cad kyi bsam pa la sems de ni mnyam par skyes so/ / tha dad du 'byed pa med pas na/ sems de ni mi mnyam pa med par skyes so// rang bzhin gyis kun nas nyon mongs pa med pas na/ sems de ni rnam par dag par skyes so/ / shes rab kyi 'od gsal ba'i phyir/ sems de ni dri ma med par skyes so// lhag pa'i bsam pa ma nor bas na/ sems de ni shin tu nges par bsams te skyes so/ / byams pa nam mkha' dang mnyam zhing mtshungs pas na/ sems de ni yangs par skyes so// sems can thams cad kyi go 'byed pas na/ sems de ni rgya cher skyes so// ma chags pa'i ye shes la btang bas na/ sems de ni bsgribs pa med par skyes so// snying rje chen po rgyun mi bcad de/ sems de ni thams cad kyi rjes su song bar skyes so// bsngo ba'i cho ga shes pas na/ sems de ni rgyun ma chad par skyes so// thams cad mkhyen pas rab tu bstod de/ sems de ni mngon du 'gro bar bya bar skyes so// theg pa gzhan la zhugs pas/ sems de ni blta bar khro/
- 20a
pa'o// sems de ni sems can thams cad kyi bltar mi mthong bar skyes so// sems de ni sangs rgyas kyi chos thams cad kyi sa bon du skyes so// sems de ni chos thams cad kyis mi bshigs par skyes so/ / sems de ni bde ba'i dngos po thams cad kyi gnas su skyes so// sems de ni bsod nams kyi tshogs kyis brgyan par skyes so// sems de ni ye shes kyi tshogs kyis rab tu rtogs te skyes so/ / sems de ni sbyin pa'i tshogs kyis rab tu bsags te skyes so// sems de ni tshul khrims kyi tshogs kyis smon lam gyis 'phags par skyes so/ / sems de ni bzod pa'i tshogs kyis bsnyen par dka' bar skyes so// sems de ni brtson 'grus kyi tshogs kyis rgyal bar dka' bar skyes so// sems de ni bsam gtan gyi tshogs kyis zhi ba'i mtshan nyid du skyes so/ / sems de ni shes rab kyi tshogs kyis thogs pa med par skyes so// byams pa chen po bsags pas sems de ni gnod pa med par skyes so// snying rje chen po bsags pas/ sems de ni rtsa ba sra bar rab tu gnas pa'o// sems de ni dga' ba chen po bsags pa ste/ mgu ba dang mos pa dang rab tu dga' ba la gnas par skyes so// sems de ni btang snyoms chen po bsags pa ste/ bde ba dang / sdug bsngal gyis mi skul bar skyes so// sems de ni sangs rgyas thams cad kyis byin gyi rlabs kyis byin du brlabs par
- 20b
skyes so/ / sems de ni dkon mchog gsum gyi rigs mi gcad pa'i phyir/ tshul rgyun mi 'chad par skyes so// sems de ni phyogs bcu'i sangs rgyas kyi zhing thams cad kyi 'khor gyi dkyis 'khor du rab tu grags par skyes so/ / btsun pa shA ra dwa ti'i bu thams cad mkhyen pa'i sems 'di 'dra bar skyes pa la zad pa gang yang yod dam/ shA ra dwa ti'i bus smras pa/ rigs kyi/ bu de lta ma yin no// gang thams cad mkhyen pa'i sems bskyed pa 'di lta bu zad par 'dod pa ni/ nam mkha' la zad par 'dod do// blo gros mi zad pas smras pa/ btsun pa shA ra dwa ti'i bu/ de bzhin gshegs pa'i sems de ni mi zad pa ste/ byang chub kyi sems de ni de'i rtsa bar skyes pas na/ de'i phyir de mi zad pa'o// btsun pa shA ra dwa ti'i bu/ de bzhin gshegs pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po ni mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// btsun pa shA ra dwa ti'i bu/ de bzhin gshegs pa'i bsam gtan dang / rnam par thar pa dang / ting nge 'dzin dang / snyoms par 'jug pa rnams mi zad pa ste/ byang chub kyi sems de ni de dag gi rtsa bar skyes pas na de'i phyir mi zad pa'o// btsun pa shA ra dwa ti'i bu/ de bzhin gshegs pa'i sbyin pa dang / tshul khrims dang /
- 21a
bzod pa dang / brtson 'grus dang / bsam gtan dang / shes rab kyi pha rol tu phyin pa rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir mi zad pa'o// btsun pa shA ra dwa ti'i bu/ de bzhin gshegs pa'i byams pa dang / snying rje dang / dga' ba dang / btang snyoms rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// btsun pa shA ra dwa ti'i bu/ de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// btsun pa shA ra dwa ti'i bu/ mdor na sangs rgyas kyi chos thams cad mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// dkon mchog gsum gyi rigs rgyun mi gcod pas na mi zad pa'o/ / sems can gyi khams mi zad pas na mi zad pa'o// de'i ye shes la btang bas na mi zad pa'o// sems can thams cad kyi sems kyi spyod pa rtogs pas na mi zad pa'o// sngon gyi smon lam gyi rgyun mi gcod pas na mi zad pa'o// 'dus ma byas su bsngos pas na mi zad pa'o// 'dus ma byas la sems can yongs su smin par byed pas na mi zad pa'o//
- 21b
zad pa'i ye shes dang / mi skye ba'i ye shes mi zad pas na mi zad pa'o// 'byung ba med cing 'jig pa med pas na mi zad pa'o// chos thams cad thog ma nas zad pa ste/ ye shes de mngon par rtogs pas na mi zad pa'o/ / 'di ni btsun pa shA ra dwa ti'i bu/ byang chub sems dpa' rnams kyi byang chub kyi sems mi zad pa'o// gzhan yang btsun pa shA ra dwa ti'i bu/ byang chub sems dpa' rnams kyi bsam pa mi zad pa ste/ de ci'i phyir zhe na/ bsam pa de yang ma byas pas na/ bcos pa ma yin no// g.yo med pas na byas pa ma yin no// rab tu rtogs pas na g.yo med pa'o/ / rgyu med pas na rab tu rtogs pa'o// dag pas na sgyu med pa'o// drang bas na dag pa'o// gya gyu med pas na drang ba'o// gsal bas na gya gyu med pa'o// mi mnyam pa med pas na gsal ba'o/ / sra bas na mi mnyam pa med pa'o// mi phyed pas na sra ba'o// ma khrang bas na mi phyed pa'o// mi g.yo bas na mkhrang ba'o// mi gnas pas na mi g.yo ba'o// de la ma chags pas na mi gnas pa'o/ / bye brag tu 'phags pas ni de la ma chags pa'o// ma smad pas na bye brag tu 'phags pa'o// legs par byas pa'i las kyi phyir ma smad pa'o// ma bshungs pas na legs par byas pa'i las so/ / 'gyod pa med pas na ma bshungs pa'o// gdung ba med pas na 'gyod pa med pa'o// bden par gyur pas na mi gdung ba'o// bslu ba med pas
- 22a
na bden par gyur pa'o/ / ji skad smras pa de bzhin byed pas na mi slu ba'o// legs par byas pas na ji skad smras pa de bzhin byed pa'o// rjes su sbyor ba med pa na legs par byas pa'o/ / 'khrul pa med pas na rjes su sbyor ba med pa'o// legs par gnas pas na 'khrul pa med pa'o// phyir mi zlog pas na legs par gnas pa'o// sems can la lta bas na/ phyir mi zlog pa'o// snying rje chen po'i rtsa ba'i phyir sems can la lta ba'o// yongs su mi skyo bas na snying rje chen po'i rtsa ba'o// sems can yongs su smin par bya ba'i cho ga shes pas na/ yongs su mi skyo ba'o// bdag bde ba med pas na/ sems can yongs su smin par bya ba'i cho ga shes pa'o// lan mi re bas na bdag la bde ba med pa'o// ma chags pas na la na re ba med pa'o/ / chos kyi phyir 'gro bar gyur pas na ma chags pa'o// sems can mthu chung ba'i rnams la lta bas na chos kyi phyir 'brang bar gyur pa'o// dpung gnyen du gyur pas na sems can mthu chung ngu la lta ba'o/ / skyabs su gyur pas na dpung gnyen du gyur pa'o// mgon du gyur pas na skyabs su gyur pa'o// nyon mi mongs pas na mgon du gyur pa'o// shin tu brtags pas na nyon mi mongs pa'o/ / brgal ba med pas na shin tu brtags pa'o// bsam pa dge bas na brgal ba med pa'o// ci yang med pas na bsam pa dge ba'o// shin tu yongs su dag pas
- 22b
na ci yang med pa'o/ / shin tu dkar bas na/ shin tu yongs su dag pa'o// nang gi dri ma med pas na shin tu dkar ba'o// phyi rol dag pas na nang dri ma med pa'o// rnam pa thams/ cad yongs su dag pas na// phyi rol dri ma med pa ste/ btsun pa shA ra dwa ti'i bu/ byang chub sems dpa' rnams kyi bsam pa de ni ser sna spang ba'i phyir blta ste/ sems can ser sna can rnams yongs su smin par byed pas bsam pa mi zad par blta'o/ / bsam pa ni ngan pa'i ngang tshul gyi dri ma spang ba'i phyir blta ste/ sems can ngan pa'i ngang tshul can rnams yongs su smin par byed pas/ bsam pa mi zad par blta'o// bsam pa ni gnod sems kyi tha ba dang / nyes pa spang ba'i phyir blta ste/ gnod par byed pa'i sems can rnams yongs su smin par byed pas bsam pa mi zad par blta'o/ / bsam pa ni le lo spang ba'i phyir blta ste/ sems can le lo can rnams yongs su smin par byed pas/ bsam pa mi zad par blta'o// bsam pa ni sems g.yeng ba 'dor ba'i phyir blta ste/ sems can thams cad sems g.yeng ba'i rnams yongs su smin par byed pas/ bsam pa mi zad par blta'o// bsam pa ni 'chal pa'i shes rab spang ba'i phyir blta ste/ sems can 'chal pa'i shes rab can rnams yongs su smin par byed pas/ bsam pa mi zad par blta'o// btsun pa shA ra dwa ti'i bu mdor na/ sems
- 23a
can thams cad kyi mi dge ba'i chos thams cad spang ba'i phyir blta ste/ sems can thams cad dge ba'i rtsa ba la sbyor du 'dzud pas/ bsam pa mi zad par blta'o// btsun pa shA ra dwa ti'i bu/ 'di ni byang chub sems dpa' rnams kyi bsam pa mi zad pa zhes bya'o// gzhan yang btsun pa shA ra dwa ti'i bu/ byang chub sems dpa' rnams kyi bsam pa mi zad pas na sbyor ba mi zad pa yin te/ de ci'i phyir zhe na/ sbyin pa'i bsam pa ni byang chub sems dpa'i sbyor ba mi zad pa ste/ gang yang bdog pa thams cad yongs su gtong bar snang ba 'di ni de'i sbyor ba'o// tshul khrims kyi bsam pa ni byang chub sems dpa'i sbyor ba mi zad pa ste/ gang yang tshul khrims dang / bslab pa dang / sbyangs pa'i yon tan dang / yo byad bsnyungs pa yang dag par 'dzin par snang ba 'di ni de'i sbyor ba'o/ / bzod pa'i bsam pa ni byang chub sems dpa'i sbyor ba mi zad pa ste/ gang yang sems can thams cad la khong khro ba med pa'i sems su snang ba 'di ni de'i sbyor ba'o// brtson 'grus kyi bsam pa ni byang chub sems dpa'i sbyor ba mi zad pa ste/ gang yang dge ba'i rtsa ba thams cad kyi sngon du 'gro bar snang ba 'di ni de'i sbyor ba'o// bsam gtan gyi bsam pa ni byang chub sems dpa'i sbyor ba mi zad pa ste/ gang yang bsam gtan yongs su sbyong bar snang ba 'di ni de'i sbyor ba'o// shes rab kyi bsam pa ni byang chub sems dpa'i sbyor ba mi zad pa ste/ gang yang thos pa yongs
- 23b
su sbyong bar snang ba de ni de'i sbyor ba'o/ / byams pa dang / snying rje dang / dga' ba dang / btang snyoms kyi bsam pa ni byang chub sems dpa'i sbyor ba mi zad pa ste/ gang yang sems can rnams la phan pa dang / bde bar bya ba dang / chos kyi dka' ba la mos shing chags pa dang / khong khro ba spang bar snang ba 'di ni de'i sbyor ba'o// gang lus kyi las rnam gsum gyi sdom pa yongs su dag pa'i phyir/ lus kyi bsam pa ni byang chub sems dpa'i sbyor ba mi zad pa'o// ngag gi nyes pa rnam bzhi yongs su spang ba'i phyir/ ngag gi bsam pa ni byang chub sems dpa'i sbyor ba mi zad pa'o/ / gnod sems dang / chags pa dang / log par lta ba med pa'i phyir/ sems kyi bsam pa ni byang chub sems dpa'i sbyor ba mi zad pa'o// chos la slob dpon 'chab pa med pa'i phyir/ thos pa'i bsam pa ni byang chub sems dpa'i sbyor ba mi zad pa'o// thams cad mkhyen dpa'i sems su sbyor ba'i phyir/ slob dpon mi 'chab pa'i bsam pa ni byang chub sems dpa'i sbyor ba mi zad pa'o// sems can gzhan byang chub kyi sems yang dag par 'dzin du 'jug pa'i phyir/ thams cad mkhyen pa'i bsam pa ni byang chub sems dpa'i sbyor ba mi zad pa'o// yang dag pa'i dge ba'i rtsa ba la rab tu dpa' ba'i phyir/ sems can gzhan byang chub kyi sems yang dag par 'dzin du 'jug pa'i bsam pa ni byang chub sems dpa'i sbyor ba mi zad pa'o// byang chub tu bsngo ba'i phyir dge ba'i rtsa ba la sbyor
- 24a
ba'i bsam pa ni byang chub sems dpa'i sbyor ba mi zad pa'o/ / sangs rgyas kyi chos thams cad yang dag par sdud pa'i phyir byang chub tu bsngo ba'i bsam pa ni byang chub sems dpa'i sbyor ba mi zad pa'o/ / dam pa'i chos kun 'dzin pa'i phyir/ sangs rgyas kyi chos thams cad yang dag par sdud pa'i bsam pa ni/ byang chub sems dpa'i sbyor ba mi zad pa'o// nyes pa 'chags pa'i phyir dam pa'i chos kun 'dzin pa'i bsam pa ni byang chub sems dpa'i sbyor ba mi zad pa'o/ / sdig pa 'thol ba'i phyir nyes pa bshags pa'i bsam pa ni byang chub sems dpa'i sbyor ba mi zad pa'o/ / bsod nams thams cad kyi rjes su yi rang ba'i phyir/ sdig pa 'thol ba'i bsam pa ni byang chub sems dpa'i sbyor ba mi zad pa'o// tshad med pa'i bsod nams kyi tshogs bsags pa'i phyir/ bsod nams thams cad kyi rjes su yi rang bas bsam pa ni byang chub sems dpa'i sbyor ba mi zad pa'o// sangs rgyas thams cad la gsol ba 'debs pa'i phyir// tshad med pa'i bsod nams kyi tshogs bsags pa'i bsam pa ni byang chub sems dpa'i sbyor ba mi zad pa'o/ / dam pa'i chos yongs su 'dzin pa'i phyir/ sangs rgyas thams cad la gsol ba bdebs pa'i bsam pa ni/ byang chub sems dpa'i sbyor ba mi zad pa'o// skyes bu dam pa'i las kyi phyir/ dam pa'i chos yongs su 'dzin pa'i bsam pa ni byang chub sems dpa'i sbyor ba
- 24b
mi zad pa'o/ / khur blangs pa sgrol ba'i phyir/ skyes bu dam pa'i las kyi bsam pa ni byang chub sems dpa'i sbyor ba mi zad pa'o// go cha sra zhing mi 'dor ba'i phyir/ khrur blangs pa smob/ pa'i bsam pa ni byang chub sems dpa'i sbyor ba mi zad pa'o// sems can thams cad kyi bya ba rab tu bsgrub pa'i phyir/ go cha ma zhing mi 'dor ba'i bsam pa ni byang chub sems dpa'i sbyor ba mi zad pa'o// yang btsun pa shA ra dwa ti'i bu bzhi po 'di dag ni/ byang chub sems dpa' rnams kyi sbyor ba mi zad pa 'o// bzhi gang zhe na/ byang chub kyi sems kyi sbyor ba mi zad pa dang / chos kyi sbyin pa ston pa'i sbyor ba mi zad pa dang / sems can yongs su smin par byed pa'i sbyor ba mi zad pa dang / dge ba'i rtsa ba bsags pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ dgon pa la gnas shing sbyangs pa'i yon tan dang / yo byad bsnyungs pa'i rjes su 'gro ba la mi ngoms pa'i sbyor ba mi zad pa dang / bsod nams dang ye shes kyi tshogs bsags pa la mi ngoms pa'i sbyor ba mi zad pa dang / thos pa btsal ba la mi ngoms pa'i sbyor ba mi zad pa dang / byang chub tu bsngo ba'i shes pas mi ngoms pa'i sbyor ba ni mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ bgrang bar rtogs pa'i sbyor ba mi zad pa dang / gzhal bar rtogs pa'i sbyor ba
- 25a
mi dad pa dang / dpyad par rtogs pa'i sbyor ba mi zad pa dang / so sor brtag pa rtogs pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ kun nas nyon mongs pa'i rgyu rtogs pa'i sbyor ba mi zad pa dang / rnam par byang ba'i rgyu rtogs pa'i sbyor ba mi zad pa dang / kun nas nyon mongs pa'i rgyu yongs su brjod pa'i sbyor ba mi zad pa dang / rnam par byang ba'i yon tan dang / phan yon yongs su brjod pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa ste/ bzhi gang zhe na/ phung po la brtag pa'i sbyor ba mi zad pa dang / khams la brtag pa'i sbyor ba mi zad pa dang / skye mched la brtag pa'i sbyor ba mi zad pa dang / rten cing 'brel par 'byung ba la brtag pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ 'du byed mi rtag par yongs su brtan pa'i sbyor ba mi zad pa dang / 'du byed sdug bsngal bar yongs su brtan pa'i sbyor ba mi zad pa dang / chos thams cad bdag med par yongs su bstan pa'i sbyor ba mi zad pa dang / mya ngan las 'das pa zhi ba la nye bar spyod pa bstan pa'i sbyor ba mi zad pa ste/ bzhi po de dag ni sbyor ba mi zad pa'o// btsun pa shA ra dwa ti'i bu mdor na byang chub sems dpa'i sbyor ba ji snyed pa de dag thams cad ni/
- 25b
thams cad mkhyen pa la gzhol ba/ thams cad mkhyen pa la 'jog pa/ thams cad mkhyen pa la 'bab pa ste/ thams cad mkhyen pa yang mi zad pas na/ de'i phyir byang chub sems dpa' rnams kyi sbyor ba thams cad kyang mi zad pa'o/ / btsun pa shA ra dwa ti'i bu 'di ni byang chub sems dpa' rnams kyi sbyor ba mi zad pa zhes bya'o// gzhan yang btsun pa shA ra dwa ti'i bu/ byang chub sems dpa' rnams kyi bsam pa mi zad pa yin te/ de ci'i phyir zhe na/ dge ba'i rtsa ba thams cad la lhag par mi dmigs pa'i phyir ro// tha na byang chub sems dpa' gang cung zad sems pa de dag thams cad dge ba'i rtsa ba lhag par mi zad par dmigs pa'i rgyur 'gyur te/ sa nas sar gzhog pa'i phyir 'pho ba'i lhag pa'i bsam pa'o// bye brag gi 'gro ba'i phyir rgal ba'i lhag pa'i bsam pa'o/ / gong nas gong du bye brag tu 'phags pas na/ rtse mor lhag pa'i bsam pa'o// bye brag gi chos kun 'dzin pas na/ bye brag tu 'phags pa'i lhag pa'i bsam pa'o// sangs rgyas kyi chos thams cad la mngon sum pa'i lhag pa'i bsam pa'o/ / bye brag tu bsten pa'i chos rnams la lhag par dmigs pa'i lhag pa'i bsam pa'o// rtsom pa thams cad las sgrol ba'i lhag pa'i bsam pa'o/ / 'bad pas yongs su mi skyo bas na/ gdon mi za bar byas pa'i lhag pa'i bsam pa'o// brtul zhugs thams cad yongs su 'gengs pas na/ brtul zhugs grub pa'i lhag pa'i/
- 26a
bsam pa'o// grogs bdag yin pas na/ go skabs med pa'i lhag pa'i bsam pa'o// dmu rgod ma yin pas na/ cang shes kyi sa'i lhag pa'i bsam pa'o// 'phags pas na dul ba'i sa'i lhag pa'i bsam pa'o// skye bo mi bsrun pa dang / nyon mongs pa dang ma 'dres pas na/ ma 'dres pa'i lhag pa'i bsam pa'o// yan lag gi dam pa mgo yongs su gtong bas na/ sbyin par dka' ba yongs su gtong ba'i lhag pa'i bsam pa'o// sems can ngan pa'i ngang tshul can rnams kyi dpung gnyen pas na/ tshul khrims dka' ba'i lhag pa'i bsam pa'o// / sems can mthu chung ba rnams kyi nyes pa bag la zhi bar byed pas na/ bzod pa dka' ba'i lhag pa'i bsam pa'o// nyan thos dang / rang sangs rgyas thams cad kyi byang chub lag mthil du 'ongs pa 'dor pas na/ brtson 'grus dka' ba'i lhag pa'i bsam pa'o// bsam gtan gyi ro mi myong bas na/ bsam gtan dka' ba'i lhag pa'i bsam pa'o// dge ba'i rtsa ba thams cad kyi tshogs la mi smod pas na/ shes rab dka' ba'i lhag pa'i bsam pa'o// sems can thams cad kyi bya ba bsgrub pa'i phyir/ brtsams pa dang / spyod pa las sgrol ba'i lhag pa'i bsam pa'o// shes pas rab tu brtags pas na nga rgyal dang / che ba'i nga rgyal dang / nga rgyal bas che ba'i nga rgyal dang / nga'i nga rgyal dang / mngon pa'i nga rgyal dang / chung ba'i nga rgyal dang / log pa'i nga rgyal med pa'i lhag pa'i
- 26b
bsam pa'o/ / lan re ba med pas na/ sems can thams cad sbyin pa'i gnas kyi lhag pa'i bsam pa'o// sangs rgyas kyi chos zab mo la rab tu rtogs pa'i phyir/ mi dngang ba'i lhag pa'i bsam/ pa'o// byin gyi rlabs kyi 'gro bas na/ khyad par du 'gro ba'i lhag pa'i bsam pa'o// khur blangs pa sgrol bas na/ ma zhum pa'i lhag pa'i bsam pa'o// rtag tu brtson pas na mi zad pa'i lhag pa'i bsam pa'o/ / yang lhag pa'i bsam pa zhes bya ba ni 'byung po rnams la nges pa'o// sems can thams cad la byams pa'o// 'phags pa rnams la phan par sems pa'o// 'phags pam yin pa la snying rje ba'o/ / bla ma la ri mor byed pa'o// dpung gnyen med pa rnams la dpung gnyen no// skyabs med pa rnams la skyabs so// gling med pa rnams la gling ngo // mgon med pa rnams la mgon no/ / grogs med pa rnams la grogs so// gya gyu can rnams la drang ba'o// rmu rgod rnams la gsal ba'o// g.yo can rnams la g.yo med pa'o// sgyu can rnams la sgyu med pa'o// byas pa mi gzo ba rnams la byas pa gzo ba'o// 'khu ba rnams la byas pa tshor ba'o// mi phan pa rnams la phan 'dogs pa'o// log par gyur pa rnams la bden pa'o// pho theg can la nga rgyal med pa'o/ / legs par smra ba rnams la mi smad pa'o// gzhan gyi 'khrul pa la mi rtsod pa'o// log par zhugs pa rnams la kun srung ba'o// thabs kyis dge ba spyod pa thams cad la nyes par mi lta
- 27a
pa'o/ / sbyin pa'i gnas rnams la rim gro byed pa'o// bstan pa la mthun par 'dzin pa'o// bstan pa dang gdams pa la bka' blo bde ba'o// dgon par gnas pa la gus par byed pa'o/ / rnyed pa dang / bkur sti dang / tshogs su bcad pa mi 'dod pa'o// lus dang srog la mi lta ba'i lhag pa'i bsam pa dag pas na tshul 'chos pa med pa'o// ngag bsdams pas na kha gsag med pa'o/ / bdag gi rnyed pas chog shes pas na/ gzhogs slongs med pa'o// sems nyon mi mongs pas na las su rung ba'o// dge ba'i rtsa ba dang tshogs thams cad sogs pas na/ 'khor bar mi gzhol ba'o/ / sems can thams cad la lta bas na/ sdug bsngal thams cad la mi 'byed pa'o// de'i phyir na skyes bu dam pa de dag gi lhag pa'i bsam pa thams cad mi zad pa yin te/ bsod nams thams cad kyis nye bar brten pa dang / sems can thams cad nye bar 'tsho ba dang / ye shes mi zad pa yang dag par bsgrubs pa'i phyir/ 'khor ba'i nyon mongs pa thams cad kyis zad par mi nus so// btsun pa shA ra dwa ti'i bu 'di ni byang chub sems dpa' rnams kyi lhag pa'i bsam pa mi zad pa'o// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// / rigs kyi bu byang chub sems dpa' rnams kyi mi med pa gzhan la la yod dam/ blo thos mi med pas smras pa/ btsun pa shA ra date du yod do// byang chub sems dpa' rnams kyi ston pa yang mi med pa'o//
- 27b
de ci'i phyir zhe na/ tshad med pa'i phyir ro// btsun pa shA ra dwa ti'i bu/ byang chub sems dpa' rnams kyi sbyin pa yongs su sbyor ba yongs su spyong ba yang tshad med pa ste/ tshe dang / spobs pa dang / bde ba dang / stobs dang / kha dog nye bar brtan pa'i phyir/ zas 'dod pa rnams la zas sbyin pa'o// nyon mongs sred pa bsal ba'i phyir/ btung ba 'dod pa rnams la btung ba sbyin pa'o// bde ba dang 'byor pa'i dngos po thams cad bsdu ba'i phyir/ banon pa 'dod pa rnams la banon pa sbyin pa'o// khrel ba dang / ngo tsha ba dang / mdog gser gyi la dog yongs su sbyang ba'i phyir/ gos 'dod pa rnams la gos sbyin pa'o// de bzhin gshes/ pa'i 'phrul gyi spyan yongs su gzigs par bya ba'i phyir/ mar me 'dod pa rnams la mar me sbyin pa'o// de bzhin gshegs pa'i 'phrul gyi stan yongs su dag par bya ba'i phyir/ sil snyan 'dod pa rnams la sil snyan sbyin pa'o/ / tshul khrims dang / thos pa dang / ting nge 'dzin gyi dris byug pa'i phyir/ spos dang byug pa 'dod pa la spos dang byug pa sbyin pa'o// gzungs dang / spobs pa dang / byang chub kyi yan lag gi me tog thob par bya ba'i phyir/ 'phreng ba 'dod pa rnams la 'phreng ba sbyin pa'o// lus kyi dri yid du 'ong ba thob par bya ba'i phyir/ phye ma 'dod pa rnams la phye ma sbyin pa'o// skyes bu chen po'i ro bro ba'i mchog yongs su rdzogs par bya ba'i phyir/ bro ba thams cad 'dod pa la tho ba thams cad sbyin pa'o// sems can thams cad kyi gnas dang / skyabs dang / mgon dang / dpung gnyen
- 28a
bya ba'i phyir/ gnas 'dod pa rnams la gnas sbyin pa'o// sgrib pa thams cad rab tu sbyang ba dang / 'phags pa dang / 'phrul dang / tshangs pa'i gnas de bzhin gshegs pa'i gzims cha thob par bya ba'i phyir/ mal cha 'dod pa rnams la mal cha sbyin pa'o// stong gsum gyi stong chen po thams cad kyi byang chub kyi snying po rdo rje'i gdan thob par bya ba'i phyir/ spyan 'dod pa rnams la stan sbyin pa'o/ / byang chub kyi yo byad thams cad yongs su bkang ba'i phyir/ yo byad 'dod pa rnams la yo byad sbyin pa'o// mai rga mi 'chi ba'i bdud rtsi'i bde ba yongs su bskang ba'i phyi na ba dang / sman 'dod pa rnams la sman sbyin pa'o// rang dbang dang / rang nyam dang / rang byung gi ye shes yongs su bskang ba'i phyir/ byang chub sems dpa' rnams kyi bran po dang / bran mo yongs su gtong ba'i sbyin pa'o/ / skyes bu chen po'i mtshan dam pa sum cu rtsa gnyis yongs su bskang ba'i phyir/ byang chub sems dpa' rnams kyi gser dang / dngul dang / nor bu dang / mu tig dang / bai DUR+Ya dang / dung dang / man shel dang / byi ru dang / rin po che thams cad yongs su gtong ba'i sbyin pa'o// dpe byad bzang po brgyad cu yongs su rdzogs par bya ba'i phyir/ byang chub sems dpa' rnams kyi rgyan sna tshogs sbyin pa'o/ / gtsug tor bltar mi mthong ba thob par bya ba'i phyir/ byang chub sems dpa' rnams kyi gtsug gi nor bu dang / cod pan sbyin pa'o// theg pa chen po
- 28b
yongs su rdzogs par bya ba'i phyir/ byang chub sems dpa' rnams kyi rta dang / ba glang dang / shing rta dang / dpung bu chung dang / bzhon pa sbyin pa'o// bsam gtan gyi yan lag dang / yan lag/ gi tshogs yongs su rdzogs par bya ba'i phyir/ byang chub sems dpa' rnams kyi bza' shing gi ra ba dang / gzhal med khang dang / dka' thub kyi nags tshal dang / gtsug lag khang yongs su gtong ba'i sbyin pa'o/ / bla na med pa yang dag par rdzogs pa'i byang chub mngon par rdzogs par 'tshang rgya ba'i phyir/ byang chub sems dpa' rnams kyi bu pho dang / bu mo dang / chung ma dang / sdug pa yod su gtong ba'i sbyin pa'o/ / dam pa'i chos kyi mdzod dang / bang ba kun dgang ba'i phyir/ byang chub sems dpa' rnams kyi nor dang / 'bru dang / mdzod dang / bang ba yongs su gtong ba'i sbyin pa'o/ / rnam pa thams cad kyi mchog dang ldan pa/ dam pa'i chos kyi rgyal po byang chub kyi snying por 'gro ba'i phyir/ byang chub sems dpa' rnams kyi grong dang / grong khyer dang / grong rdal dang yul dang / pho brang 'khor dang / rgyal po'i pho brang dang / 'dzam bu'i gling dang / gling bzhi pa'i rgyal po'i srid dang / skyid pa thams cad yongs su gtong ba'i sbyin pa'o// chos kyi dga' ba dang / mos pa rab tu thob par bya ba'i phyir/ byang chub sems dpa' rnams kyi bde ba dang / dga' ba'i rtsed mo thams cad gtong ba'i sbyin pa'o// dam pa'i chos kyi rkang pas byang chub
- 29a
kyi snying por 'gro ba'i phyir/ byang chub sems dpa' rnams kyi rkang pa sbyin pa'o// sems can thams cad la dam pa'i chos kyi lag pa sbyin pa'i phyir/ byang chub sems dpa' rnams kyi lag mthil sbyin pa'o/ / dbang po nyams pa rdzogs par bya ba'i phyir/ byang chub sems dpa' rnams kyi rna ba dang sna sbyin pa'o// sems can thams cad bsgribs pa med pa'i sangs rgyas kyi spyan dang / chos kyi spyan thob par bya ba'i phyir/ byang chub sems dpa' rnams kyi mig sbyin pa'o// khams gsum thams cad las bye brag tu 'phags pa'i mchog thams cad mkhyen pa'i ye shes thob par bya ba'i phyir/ byang chub sems dpa' rnams kyi yan lag gi dam pa mgo sbyin pa'o// snying po med pa'i lus las snying po blang zhing nye bar 'tsho ba'i phyir/ byang chub sems dpa' rnams kyi sha dang khrag yongs su gtong ba'i sbyin pa'o/ / 'jam pa dang / snum pa dang / mdog gser gyi kha dog lta bu yongs su dag par bya ba'i phyir/ byang chub sems dpa' rnams kyi pags pa yongs su gtong ba'i sbyin pa'o/ / sangs rgyas kyi sku rdo rje ltar mi shigs shing sra ba dang / mthu bo che mkhrang ba thob par bya ba'i phyir/ byang chub sems dpa' rnams kyi rus pa dang / rkang sbyin pa'o/ / gzhan yang btsun pa shA ra dwa ti'i bu/ byang chub sems dpa' rnams la mi mthun pa'i longs spyod yongs su tshol ba'i sbyin pa med do// sems can la gnod pa'i sbyin pa med do//
- 29b
nga rgyal skyed cing sbyin pa med do// 'jigs pa dang / smag pa dang / ngo tsha bas sbyin pa med do// mgron du gnyer te yongs su mi gtong ba'i sbyin pa med do// ji skad smras pa las chung ba'i sbyin/ pa med do// bzang po yod pa la bzang po ma yin pa'i sbyin pa med do// snying thag pa nas ma yin pa'i sbyin pa med do// g.yo dang sgyus sbyin pa med do// bcos ma'i sbyin pa med do// las kyi rnam par smin pa la 'chel ba'i sbyin pa med do/ / log pa'i bsam pas sbyin pa med do// gti mug gi bsam pas sbyin pa med do// snrel zhe'i bsam pas sbyin pa med do// phyin ci log gi bsam pas sbyin pa med do/ / ma dad par sbyin pa med do// mi dga' bar sbyin pa med do// gnas pa'i sbyin pa med do// ngor bltas te sbyin pa med do// sems can tha dad pa'i sbyin pa med do// sbyin pa'i gnas 'dam zhing sbyin pa med do/ / sems can thams cad la sbyin pa'i gnas ma yin par brnyas shing sbyin pa med do// tshul khrims dang ldan pa dang / ngan pa'i ngang tshul can la bstod pa dang / smad par sbyin pa med do/ / la na re ba'i sbyin pa med do// grags pa dang / sgra dang / tshigs su bcad pa'i phyir sbyin pa med do// bdag la bstod pa dang / gzhan la smod pa'i sbyin pa med do// yongs su gdung ba'i sbyin pa med do/ / phyis mi dga' ba'i sbyin pa med do// 'gyod pa'i sbyin pa med do// gnod par sbyin pa med do// gzhan gyi re ba la bab pa'i sbyin pa med do// smad par sbyin pa med do// las kyi rnam
- 30a
par smin pa la re ba'i sbyin pa med do/ / dpags te sbyin pa med do// khro ba dang / zhe sdang dang / gti mug dang / gnod sems skyed pa'i sbyin pa med do// slong ba la gnod pa'i sbyin pa med do/ / 'phya ba dang / bzhad gang du byas te sbyin pa med do// byin phyogs su sbyin pa med do// bsgyur te sbyin pa med do// bsti stang du ma byas pa'i sbyin pa med do// bdag gi lag gis ma dar ba'i sbyin pa med do/ / mi rtag pa'i sbyin pa med do// shin tu ma byang ba'i sbyin pa med do// gzhan la brnyogs pa'i sbyin pa med do// yongs su chad par byas te sbyin pa med do// ji ltar bstan pa las chung ba'i sbyin pa med do/ / spro ba las mi spro bar gyur pa'i sbyin pa med do// sems can zhing ma yin zhes sbyin pa med do// sems can zhing yin zhes sbyin pa med do// chung ngu la brnyas shing sbyin pa med do/ / sbyin pa rgya chen po la bsnyems shing sbyin pa med do// log pa'i nan tan gyis sbyin pa med do// skye bar mos shing sbyin pa med do// gzugs dang / longs spyod dang dbang la mngon par dga' bas sbyin pa med do/ / brgya byin dang / tshangs pa dang / 'jig rten skyong ba dang / lha thams cad du skye bar smon cing sbyin pa med do// nyan thos dang / rang sangs rgyas kyi theg par bsngo zhing sbyin pa med do/ / gzhon nu dang / rgyal po'i skyid pa 'dod pas sbyin pa med do// tshe gcig tu zad pa'i sbyin pa med do// phyin chad chog cing mi dgos pa'i sbyin pa med do//
- 30b
thams cad mkhyen pa'i sems su ma bsngos pa'i sbyin pa med do// mi rigs pa'i sbyin pa med do// dus la ma bab pa'i sbyin pa med do// dug dang mtshon sbyin pa med do// sems can la gtse zhing sbyin/ pa med do// byang chub sems dpa' rnams kyi sbyin pa ni mkhas pas smad pa med do// sbyin pa de ni stong pa nyid kyi rnam pas bsgrubs pa ste/ de'i phyir de mi zad pa'o// sbyin pa de ni mtshan ma med pas yongs su bsgos pa ste/ de'i phyir de mi zad pa'o// sbyin pa de ni smon pa med pa la rab tu gnas pa ste/ de'i phyir de mi zad pa'o// sbyin pa de ni mngon par 'dus ma byas pa'i yongs su bsngos pa ste/ de'i phyir de mi zad pa'o// sbyin pa de ni yang dag par zin pa ste/ de'i phyir de mi zad pa'o// sbyin pa de ni khams gsum pa dang ma 'dres pa ste/ de'i phyir de mi zad pa'o// sbyin pa de ni 'bras bu rgyu mthun pa rnam par grol ba ste/ de'i phyir de mi zad pa'o// sbyin pa de ni bdud thams cad shin tu tshar gcod pa ste/ de'i phyir de mi zad pa'o// sbyin pa de ni nyon mongs pa thams cad dang ma 'dres pa ste/ de'i phyir de mi zad pa'o// sbyin pa de ni bye brag tu 'gro ba ste/ de'i phyir de mi zad pa'o// sbyin pa de ni legs par byas pa gdon mi za ba ste/ de'i phyir de mi zad pa'o// sbyin pa de ni byang chub kyi lam gyi tshogs bsags pa ste/ de'i phyir de mi zad pa'o// sbyin pa de ni yang dag par bsngo ba ste/ de'i phyir de mi zad pa'o// sbyin pa de ni byang chub kyi snying po'i rkyen bkod pa rnam par grol ba'i rgyu mthun pa'i
- 31a
'bras bu ste/ de'i phyir de mi bad pa'o// sbyin pa de ni sems can thams cad kyi 'tsho ba ste/ de'i phyir de mi zad pa'o// sbyin pa de ni mtha' med pa ste/ de'i phyir de mi zad pa'o/ / sbyin pa de ni yongs su mi 'gribs pa ste/ de'i phyir de mi zad pa'o// sbyin pa de ni kun tu mi gtogs pa ste/ de'i phyir de mi zad pa'o// sbyin pa de ni yongs su ma chad pa de// de'i phyir de mi zad pa'o/ / sbyin pa de ni yangs pa ste/ de'i phyir de mi zad pa'o// sbyin pa de ni mi gnas pa ste/ de'i phyir de mi zad pa'o// sbyin pa de ni thug pa med pa ste/ de'i phyir de mi zad pa'o// sbyin pa de ni kha na ma tho ba med pa ste/ de'i phyir de mi zad pa'o// sbyin pa de ni mi skur ba ste/ de'i phyir de mi zad pa'o// sbyin pa de ni mi thul ba ste/ de'i phyir de mi zad pa'o// sbyin pa de ni zil gyis mnon pa ste de'i phyir de mi zad pa'o/ / sbyin pa de ni thams cad mkhyen pa'i ye shes la btang ba ste/ de'i phyir de mi zad pa'o// de ni btsun pa shA ra dwa ti'i bu/ byang chub sems dpa' rnams kyi sbyin pa mi zad pa zhes bya'o// 'phags pa blo gros mi zad pas bstan pa theg pa chen po'i mdo// // bam po gnyis pa// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so/ / rigs kyi bu byang chub sems dpa' rnams kyi sbyin pa mi zad pa 'di ni khyod kyis legs par smras na/ rigs kyi bu byang chub sems dpa' rnams
- 31b
kyi tshul khrims mi zad pa las brtsams te/ ji ltar byang chub sems dpa' rnams kyi tshul khrims mi zad byang spabs par gas shag/ blo gros mi bad pas smras pa/ btsun pa shA ra/ dwa ti'i bu rnam pa drug cu rtsa lngas byang chub sems dpa' rnams kyi tshul khrims kyi phung po yongs su dag pa mi zad pa yin na// drug cu rtsa lnga pa gang zhe na/ 'di lta ste/ sems can thams cad la mi gnod pa dang / gzhan gyi longs spyod la mi rku ba dang / gzhan gyi chung ma la ma chags pa dang / sems can thams cad la mi slu ba dang / bdag gi 'khor gyis chog pas phra ma med pa dang / tshig drag po bzod pas mi brlang ba dang / tshig shin tu spong bas tshig 'khyal pa mi smra ba dang / gzhan bde ba la dga' bas chags pa med pa dang / mi snyan pa dang ngan du zer ba'i tshig gi lam bzod pas gnod sems med pa dang / ston pa gzhan gyis bstan pa med pas yang dag par lta ba dang / sems rnyog pa dang bral bas/ sangs rgyas la dad pa dang / chos nyid kyi chos la dad pa'i phyir/ chos la dad pa dang / 'phags pa'i tshogs thams cad la dga' bas dge 'dun la dad pa dang / bsti stang dang bcas pas bla ma'i rim gro byed pa dang / sangs rgyas dang / chos dang / dge 'dun la yan lag lngas phyag 'tshal bas/ lus rab tu btud pa dang / kha na ma tho ba rdul tsam gyis kyang 'jigs par lta bas/ tshul khrims mi lhod pa dang / theg pa gzhan la mi rten pas/ tshul khrims
- 32a
ma ral ba dang / nyam nga bar skye ba spong bas/ tshul khrims mnyams pa dang / skye bo mi srun pa dang / nyon mongs pa dang ma 'dres pas/ tshul khrims ma 'dres pa dang dkar po'i chos phyogs gcig tu 'phel bas/ tshul khrims ma nyams pa dang / ji ltar 'dod pa bzhin du 'gro bas rang dbang gi tshul khrims dang / mkhas pas ma smang pas rab tu bsngags pa'i tshul khrims dang / dran pa dang shes bzhin rab tu nye ba 'phags pas/ rnam pa mchog gi tshul khrims dang / thams cad du kha na ma tho ba med pas ma smad pa'i tshul khrims dang / dbang po bsrungs pas shin tu sbas pa'i tshul khrims dang / sangs rgyas kyi chos thams cad la sems pas rnam par grags pa'i tshul khrims dang / rigs pa la tshod shes pas 'dod pa chung ba'i tshul khrims dang / chags pa rab tu spangs pas chog shes pa'i tshul khrims dang / lus dang sems dben pas rang bzhin gyis dben pa'i tshul khrims dang / 'du 'dzi spangs pas dgon pa la gnas pa'i tshul khrims dang / gzhan gyi ngor mi lta bas/ 'phags pa'i rigs kyis chog pa'i tshul khrims dang / dge ba'i rtsa ba dag gi khur lus pas sbyangs pa'i yon tan dang / yo byad bsnyungs pa'i tshul khrims dang / lha dang mi mgu bar byed pas ji ltar smras pa de ltar spyod pa'i tshul khrims dang / sems can thams cad kyi dpung gnyen du gyur pas/ byams pa'i tshul khrims dang / sems
- 32b
can thams cad kyi sdug bsngal thams cad bzod pas snying rje'i tshul khrims dang / sems ma zhum pas mgu ba'i tshul khrims dang / chags pa dang / khong khro ba spangs pas btang snyoms kyi tshul khrims dang / bdag gi sems la nges par rtog pas/ bdag gi nyes pa la rtog pa'i tshul khrims dang / gzhan gyi sems srung bas gzhan gyi 'khrul pa nyes pa la mi blta ba'i tshul khrims dang / sems can yongs su smin par byed pas/ sbyin pa'i tshul khrims dang / tshul khrims rab tu bsrungs pas shin tu bzung ba'i tshul khrims dang / sems can thams cad la sems mi khro bas bzod pa'i tshul khrims dang / phyir mi ldog pas brtson 'grus kyi tshul khrims dang / bsam gtan gyi yan lag gi tshogs 'phel bar byed pas/ bsam gtan gyi tshul khrims dang / thos pa'i dge ba'i rtsa bas mi ngoms shes rab kyi tshul khrims dang / thos pa'i snying po len pa'i phyir/ thos pa tshol ba'i tshul khrims dang / byang chub kyi yan lag gi tshogs spel ba'i phyir/ dge ba'i bshes gnyen la bsten pa'i tshul khrims dang / lam nyam nga ba 'dor ba'i phyir/ sdig pa'i grogs po spong ba'i tshul khrims dang / mi rtag pa'i 'du shes la rtog pas lus la mi blta ba'i tshul khrims dang / dge ba'i rtsa ba la rings par byed pas/ 'tsho ba la yid mi rton pa'i tshul khrims dang / bsam pa dag pa'i phyir 'gyod pa med pa'i tshul khrims dang / sbyor ba dag pa'i phyir bcos pa med pa'i tshul khrims dang / lhag pa'i bsam pa dag
- 33a
pa'i phyir/ yongs su gdung ba med pa'i tshul khrims dang / las legs par byas pa'i phyir/ mi dka' ba med pa'i tshul khrims dang / pho theg med pa'i phyir nga rgyal med pa'i tshul khrims dang / 'dod chags dang bral ba'i phyir/ mi rgod pa'i tshul khrims dang / drang ba'i phyir g.yel ba med pa'i tshul khrims dang / cang shes pa'i phyir/ mu cor mi smra ba'i tshul khrims dang / mi 'khrugs pa'i phyir/ dul ba'i tshul khrims dang / nye bar zhi ba'i phyir/ zhi ba'i tshul khrims dang / ji skad du smras pa ltar byed pas/ bka' blo bde zhing mthun par 'dzin pa'i tshul khrims dang / bsdu ba'i dngos po mi 'dor bas sems can yongs su smin par byed pa'i tshul khrims dang / bdag gi nor chud mi gzon pa'i phyir/ dam pa'i chos kun srung ba'i tshul khrims dang / thog ma nas shin tu dag pas bsam pa thams cad yongs su 'gengs pa'i tshul khrims dang / de'i tshul khrims su bsngos pas de bzhin gshegs pa'i tshul khrims la gzhol ba'i tshul khrims dang / sems can thams cad la sems snyoms pa'i phyir/ sangs rgyas kyi ting nge 'dzin dang / snyoms par 'jug pa'i tshul khrims te/ btsun pa shA ra dwa ti'i bu/ rnam pa drug cu rtsa lnga po de dag gis byang chub sems dpa' rnams kyi tshul khrims kyi phung po yongs su dag pa mi zad pa yin no/ / gzhan yang btsun pa shA ra dwa ti'i bu/ gang la bdag tu sgro btags pa med pa dang / sems can du ma yin/
- 33b
srog tu ma yin/ gso bar ma yin/ skyes bur ma yin/ gang zag tu ma yin/ shed las skyes par ma yin/ shed bdag tu sgro btags pa med pa de ni tshul khrims so// gang la gzugs su sgro btags pa med pa de ni/ tshor bar ma yin/ 'du shes su ma yin/ 'du byed du ma yin/ rnam par shes par sgro btags pa med pa de ni tshul khrims so// gang la sa'i khams su sgro btags pa med pa dang / chu'i khams su ma yin/ me'i khams su ma yin/ rlung gi khams su sgro btags pa med pa de ni tshul khrims so// gang la mig gi mtshan mar sgro btags pa med pa dang / gzugs kyi mtshan mar sgro btags pa med pa de bzhin du rna bar ma yin/ sgrar ma yin/ snar ma yin/ drir ma yin/ lcer ma yin/ ror ma yin/ lus su ma yin/ reg byar ma yin/ yid kyi mtshan mar sgro btags pa med pa dang / chos su sgro btags pa med pa de ni tshul khrims so// gang la lus dang / ngag dang / sems su sgro btags pa med pa de ni tshul khrims so// gang rtse gcig pa'i phyir// zhi gnas kyi mtshan nyid de ni tshul khrims so// chos rnam par 'byed pa la mkhas pas/ lhag mthong gi mtshan nyid de ni tshul khrims so// gang stong pa nyid rig pa dang / mtshan ma med pa'i mtha' dang / smon pa med cing khams gsum pa dang ma 'dres pa de ni tshul khrims so// gang mngon par 'dus ma byas pa/ ma skyes pas rab tu phye ba/ mi skye ba la bzod pa de ni tshul khrims so// gang ma byas shing //
- 34a
bya ba med pa de ni tshul khrims so// gang sngon gyi mthar ma byung ba dang / phyi ma'i mthar ma 'phos pa dang / bar du mi gnas pa de ni tshul khrims so// gang sems dri ma med pab dang / rnam par shes pa la mi gnas pa dang / yid la byed pa dang ma 'dres pa de ni tshul khrims so// gang 'dod pa'i khams la mi rten pa dang / gzugs kyi khams la mi gnas pa dang / gzugs med pa'i khams na mi 'dug pa de ni tshul khrims so// gang 'dod chags kyi rdul med pa dang / gnod sems kyi tha ba dang / nyes pa dang / khong khro ba bsal ba dang / gti mug gi mun pa dang ma rig pa med pa de ni tshul khrims so/ / gang rtag pa med pa dang / chad pa med pa dang / rkyen las byung ba la 'jug pa dang mi 'gal ba de ni tshul khrims so// gang ngar 'dzin pa med pa dang / nga yir lta ba bor ba dang / 'jig tshogs la lta ba la mi gnas pa de ni tshul khrims so// gang ming dang brda la mngon par ma chags pa dang / gzugs dang mtshan nyid la mi gnas pa dang / ming dang gzugs dang ma 'dres pa de ni tshul khrims so/ / gang rgyu'i bag la nyal ba dang / lta ba dang kun nas ldang ba dang / kun nas ma langs pa dang / sgrib pa dang / 'gyod pa la mi gnas pa de ni tshul khrims so// gang la chags pa mi dge ba'i rtsa ba'i gnas med pa dang / zhe sdang mi dge ba'i rtsa ba'i gnas med pa dang / gti mug mi dge ba'i rtsa ba'i gnas med pa de ni tshul khrims so// gang mi dga' ba med pa dang // /
- 34b
yongs su gdung ba med pa dang / shin tu byang ba'i mtshan nyid de ni tshul khrims so// gang chos kyi skus sangs rgyas kyi rigs mi gcod pa dang / chos kyi dbyings dbyer med pa'i phyir/ chos kyi rigs mi gcod pa dang / 'dus ma byas kyis rab tu phye ba'i phyir/ dge 'dun gyi rigs mi gcod pa de ni tshul khrims so// btsun pa shA ra dwa ti'i bu tshul khrims mi zad pa ni rgyun mi zad pa'i phyir blta'o// de ci'i phyir zhe na/ so so'i skye bo rnams kyi tshul khrims ni skye ba'i gnas kyis zad par 'gyur ro// phyi rol pa'i lnga mngon par shes pa rnams kyi tshul khrims ni/ mngon par shes pa nyams pas zad par 'gyur ro/ / mi rnams kyi tshul khrims ni/ dge ba bcu'i las kyi lam zad pas zad par 'gyur ro// 'dod pa'i khams kyi lha'i bu rnams kyi tshul khrims ni/ bsod nams zad pas zad par 'gyur ro/ / gzugs kyi khams kyi lha'i bu rnams kyi tshul khrims ni tshad med pa dang / bsam gtan zad pas zad par 'gyur ro// gzugs med pa'i khams kyi lha'i bu rnams kyi tshul khrims ni/ ji lta bur snyoms par zhugs pas skyes pa zad nas zad par 'gyur ro// slob pa dang / mi slob pa dang / nyan thos thams cad kyi tshul khrims ni mya ngan las 'das pa'i mthar zad par 'gyur ro// rang sangs rgyas rnams kyi tshul khrims ni snying rje chen po dang bral bas zad par 'gyur ro// btsun pa shA ra dwa ti'i bu/ byang chub sems dpa' rnams kyi tshul khrims mi zad pa ste/ de ci'i phyir zhe na/
- 35a
'di ltar tshul khrims de las tshul khrims thams cad 'byung ste/ btsun pa shA ra dwa ti'i bu 'di lta ste/ sa bon mi zad pas thob pa mi zad do// btsun pa shA ra dwa ti'i bu de bzhin du byang chub kyi sems kyi sa bon ni mi zad pas na/ de bzhin gshegs pa'i tshul khrims mi zad par rig par bya ste/ de'i phyir na skyes bu dam pa de dag ni/ tshul khrims mi zad pa zhes bya'o// 'di ni btsun pa shA ra dwa ti'i bu/ byang chub sems dpa' rnams kyi tshul khrims mi zad pa zhes bya'o// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so/ / rigs kyi bu byang chub sems dpa' rnams kyi tshul khrims mi zad pa 'di ni/ khyod kyis legs par smras na/ rigs kyi bu byang chub sems dpa' rnams kyi bzod pa mi zad pa las brtsams te/ ji ltar byang chub sems dpa' rnams bzod pa mi zad par 'gyur ba la khyod spongs par gyis shig/ blo gros mi zad pas smras pa/ btsun pa shA ra dwa ti'i bu rnam pa sum cu rtsa gnyis kyis byang chub sems dpa' rnams kyi bzod par blta'o/ / sum cu rtsa gnyis gang zhe na/ bag la nyal ba spangs pa'i phyir bzod par blta'o// mi gnod pa'i phyir bzod par blta'o// / yongs su mi gdung ba'i phyir bzod par blta'o// gnod sems med pa'i phyir bzod par blta'o// 'khon du 'dzin pa med pa'i phyir bzod par blta'o// mi khro ba'i phyir bzod par blta'o// 'thab
- 35b
mo med pa'i phyir bzod par blta'o/ / rtsod pa med pa'i phyir bzod par blta'o// yul gyis rma mi phyin pa'i phyir bzod par blta'o// bdag dang gzhan bsrung ba'i phyir bzod par blta'o// byang / chub kyi sems dang mthun pa'i phyir bzod par blta'o// tshul bzhin du rab tu rtog pa'i phyir bzod par blta'o// skyo zhing 'dod chags dang bral ba'i phyir bzod par blta'o// las kyi rnam par smin pa la rten pa'i phyir bzod par blta'o/ / lus kyi rgyun gyi phyir bzod par blta'o// ngag dang sems yongs su dag pa'i phyir bzod par blta'o// bsam pa brtan pa'i phyir bzod par blta'o// yi ge la dbang ba'i phyir bzod par blta'o/ / yongs su rtog pa med pa'i phyir bzod par blta'o// bdag gi sems la nges par rtogs pa'i phyir bzod par blta'o// gzhan gyi sems bsrung ba'i phyir bzod/ par blta'o// tshangs pa'i 'jig rten gyi lam du 'gro ba'i phyir bzod par blta'o// lha dang mi'i phun sum tshogs pa myong ba'i phyir bzod par blta'o// mtshan dang dpe byad bzang po rdzogs par byed pas bzod par blta'o/ / tshangs pa'i sgra skad 'byin pa'i dbyangs thob pas bzod par blta'o// nyes pa thams cad bcom pas bzod par blta'o// gnod sems kyi nyes pa'i tha ba thams cad bcom pas bzod par blta'o/ / khong khro ba thams cad spangs pas bzod par blta'o// mi dge ba'i rtsa ba thams cad spangs pas bzod par blta'o// phyir rgol ba thams cad rab tu bcom
- 36a
pa'i phyir bzod par blta'o/ / gzhan gyis gnod par bya ba thams cad las shin tu 'das pa'i phyir bzod par blta'o// sangs rgyas kyi chos thams cad thob pa'i phyir bzod par blta'o/ / btsun pa shA ra dwa ti'i bu/ rnam pa sum cu rtsa gnyis po de dag gis byang chub sems dpa' rnams kyi bzod par blta'o// de la bzod pa yongs su dag pa gang zhe na/ ngag zag cha'i sgra dang mtshungs par shin tu rtogs pa'i phyir/ smyos pa la slar mi spro ba dang / lus gzugs brnyan dang mtshungs par rab tu rtogs pa'i phyir/ brdeg pa la phyir mi rdeg pa dang / sems sgyu ma dang mtshungs par shin tu rig pa'i phyir/ gshe ba la phyir mi gshe ba dang / bsam pa zhi ba'i phyir khros pa la phyir mi khro ba dang / rang gi yon tan rdzogs pa'i phyir bsngags pa ma yin pas khong khro bar mi 'gyur ba dang / ma thos par mi sems pa'i phyir bsngags pas dga' bar mi 'gyur ba dang / shin tu dul ba'i phyir rnyed pas dga' ba med pa dang / rab tu zhi ba'i phyir ma rnyed pas khong khro ba med pa dang / shes pas rab tu brtags pa'i phyir grags pa la ngo mtshar du mi 'dzin pa dang / blo yangs pa'i phyir ma grags pas zhum par mi 'gyur ba dang / legs par gnas pa'i phyir smad pas dmas par mi sems pa dang / mi g.yo ba'i phyir bstod pas ma thos par mi sems pa dang / sems can la lta ba'i phyir sdug bsngal gyis mi skyo ba dang / 'dus byas kyi bde ba mi rtag pa'i phyir/ bde bas
- 36b
dka' bar mi 'gyur ba dang / mi gnas pa'i phyir bdag rten na chos rnams kyis mi gos pa dang / gzhan la mi gnod pa'i phyir bdag la gnod pa pazod pa dang / byang chub kyi yan lag gtsos/ yongs su rdzogs par bya ba'i phyir/ yan lag dang nying lag gcod pa'ang nyams su len pa dang / sangs rgyas kyi sku 'dod pa'i phyir bdag gi lus gcod pa yang bzod pa dang / legs par byas pa'i las kyi stobs bskyed pa'i phyir/ ngan du byas pa thams cad bzod pa dang / mu stegs can thams cad 'joms pas dpa' ba'i phyir gdung ba dang / yongs su gdung ba la mi 'byed pa dang / brgya byin dang / tshangs pa dang / 'jig rten skyong ba rnams zil gyis gnon pa'i phyir/ brtul zhugs thams cad la brtson pa'o// gzhan yang btsun pa shA ra dwa ti'i bu bzod pa zhes bya ba ni gang 'di shin tu rma mi phyin pa ste/ de ci'i phyir zhe na/ mi migs pa'i phyir ro// gshe'o zhes bzod pa de ni gnyis ka la dmigs pa'i bzod pa ste/ de ni shin tu bzod pa ma yin no// 'di la su zhig gshe zhes bzod pa de ni/ chos la bgrang zhing rtog pa'i bzod pa ste/ de ni shin tu bzod pa ma yin no// ci bdag gi mig la mig gshe ba 'am zhes bzod pa dang / de bzhin du ci bdag gi rna ba dang / sna dang / lce dang / lus dang / yid la yid gshe 'am zhes bzod pa de ni/ skye mched la rtog pa'i bzod pa ste/ de ni
- 37a
shin tu bzod pa ma yin no/ / 'di la gang su yang gshe ba med do zhes bzod pa de ni/ bdag med pa la rtog pa'i bzod pa ste/ de ni shin tu bzod pa ma yin no// 'di dag ni yi ge'i sgra 'byung ba'o zhes bzod pa de ni zag cha'i sgra la bzod pa ste/ de ni shin tu bzod pa ma yin no// 'di'ang mi rtag pa'o// bdag kyang mi rtag pa'o zhes bzod pa de ni/ mi rtag pa la 'jug pa'i bzod pa ste/ de ni shin tu bzod pa ma yin no// 'di ni phyin ci log yin gyi/ bdag ni phyin ci ma log pa yin no zhes bzod pa de ni mtho dman gyi bzod pa ste/ de ni shin tu bzod pa ma yin no/ / bdag ni sbyor gyi/ 'di ni mi sbyor ba'o zhes bzod pa de ni sbyor ba dang mi sbyor ba'i bzod pa ste/ 'di ni shin tu bzod pa ma yin no// bdag ni legs pa'i lam la gnas/ 'di ni ngan pa'i lam la gnas so zhes bzod pa de ni/ lam dang lam ma yin pa'i bzod pa ste/ de ni shin tu bzod pa ma yin no// bdag ni mi rtag pa la bzod kyi/ rtag pa la bdag mi bzod do zhes bzod pa de ni gnyen pos spangs pa'i bzod pa ste/ de ni shin tu bzod pa ma yin no// bdag sdug bsngal la bzod kyi/ bde ba la mi bzod do// bdag ni bdag med pa bzod kyi/ bdag la ni bdag mi bzod do// bdag ni mi sdug pa la bzod kyi/ sdug pa la bdag mi bzod do zhes bya ba de ni gnyen pos spong ba'i bzod pa ste/ de ni shin tu bzod pa ma yin no// bdag
- 37b
ni stong pa nyid la bzod kyi/ lta ba'i rnam pa la bdag mi bzod do// bdag ni mtshan ma med pa la bzod kyi/ mtshan mar rnam par rtog pa la bdag mi bzod do// bdag ni smon pa med pa la bzod kyi/ smon pa la bdag mi bzod do// bdag ni mngon par 'du mi byed pa la bzod kyi/ mngon par 'du byed pa la bdag mi bzod do// bdag ni nyon mongs pa thams cad zad pa la bzod kyi/ nyon mongs pa la bdag mi bzod do// bdag ni dge ba la bzod kyi/ mi dge ba la bdag mi bzod do// bdag ni 'jig rten las 'das pa la bzod kyi/ 'jig rten pa la bdag mi bzod do/ / bdag ni kha na ma tho ba med pa la bzod kyi/ kha na ma tho ba dang bcas pa la bdag mi bzod do// bdag ni zag pa med pa la bzod kyi/ zag pa dang bcas pa la bdag mi bzod do/ / bdag ni rnam par byang ba la bzod kyi/ kun nas nyon mongs pa la bdag mi bzod do// bdag ni mya ngan las 'das pa la bzod kyi/ 'khor ba la bdag mi bzod do zhes bya ba de ni gnyen pos spong ba'i bzod pa ste/ de ni shin tu bzod pa ma yin no// de la shin tu bzod pa gang zhe na/ gang stong pa nyid rtogs pa de la lta bar gyur pa la yang bsal ba med/ stong pa nyid sgro 'dogs pa yang med de/ lta bar gyur pa nyid stong pa'o zhes gang 'di la bzod pa de ni shin tu bzod pa'o// gang mtshan ma med par rtogs pa de la mtshan ma'i rnam par
- 38a
rtog pa yang bsal ba med/ mtshan ma med par sgro 'dogs pa yang med de/ mtshan ma'i rnam par rtog pa nyid stong pa ste/ gang 'di la bzod pa de ni shin tu bzod pa'o// gang smon pa med par rtogs pa de la smon pa bsal ba yang med/ smon pa med par spro 'dogs pa yang med de/ smyon pa nyid stong pa ste/ gang 'di la bzod pa de ni shin tu bzod pa'o// gang mngon par 'du mi byed par rtogs pa de la mngon par 'du byed pa bsal ba yang med/ mngon par 'du mi byed par sgro 'dogs pa yang med de/ mngon par 'du byed pa nyid stong pa ste/ gang 'di la bzod pa de ni shin tu bzod pa'o/ / gang nyon mongs pa zad par rtogs pa de la nyon mongs pa bsal ba yang med/ nyon mongs pa zad par sgro 'dogs pa yang med de/ nyon mongs pa nyid stong pa ste/ gang 'di la bzod pa de ni shin tu bzod pa'o// gang dge ba rtogs pa de la mi dge ba bsal ba yang med/ dge bar sgro 'dogs pa yang med de/ mi dge ba nyid stong pa ste/ gang 'di la bzod pa de ni shin tu bzod pa'o// gang 'jig rten las 'das par rtogs pa de la/ 'jig rten pa bsal ba yang med/ 'jig rten las 'das par sgro 'dogs/ pa yang med de/ 'jig rten nyid stong pa ste/ gang 'di la bzod pa de ni shin tu bzod pa'o// gang kha na ma tho ba med par rtogs pa de la kha na ma tho ba dang bcas pa bsal ba yang med/ kha na/
- 38b
ma tho ba med par sgro 'dogs pa yang med de/ kha na ma tho ba dang bcas pa nyid stong pa ste/ gang 'di la bzod pa de ni shin tu bzod pa'o// gang zag pa med par rtogs pa de la/ gang zag pa bsal ba yang med/ zag pa med par sgro 'dogs pa yang med de/ zad pa nyid stong pa ste/ gang 'di la bzod pa de ni shin tu bzod pa'o// gang rnam par byang ba rtogs pa de la kun nas nyon mongs pa bsal ba yang med/ rnam par byang bar sgro 'dogs pa yang med de/ kun nas nyon mongs pa nyid stong pa ste/ gang ba de la bzod pa de ni shin tu bzod pa'o// gang mya ngan las 'das par rtogs pa de la 'khor ba bsal ba yang med/ gang mya ngan las 'das par sgro 'dogs pa yang med de/ 'khor ba nyid stong pa ste/ gang 'di la bzod pa de ni shin tu bsod pa'o// gang ma skyes pa/ ma bskyed pa/ ma byung ba/ ma phyung ba de la 'jigs pa gang yang med do// gang 'di la bzod pa de ni shin tu bzod pa'o// gang ma byas pa/ mngon par 'dus ma byas pa/ sgro btags pa med pa rnam par ma brtags pa/ ma bsgrubs pa/ ma bstan pa/ nye bar ma gtugs pa de la skye ba gang yang med de/ gang skye ba med pa de ni mi skye ba'o// gang mi skye ba de ni shin tu bzod pa'o// gang de ltar bzod pa de ni mi skye ba'i bzod pa'o// gang mi skye ba'i bzod pa de ni skye ba med pa'i bzod pa'o// gang skye ba med pa'i bzod pa de ni shin tu bzod pa ste/ de ltar bzod pa rtogs pa'i byang chub
- 39a
sems dpa' ni lung bstan pa'i bzod pa rab tu thob bo/ / btsun pa shA ra dwa ti'i bu/ 'di ni byang chub sems dpa' rnams kyi bzod pa mi zad pa zhes bya'o// byang chub// sems dpa' blo gros mi zad pas bzod pa mi zad pa'i le'u chos kyi rnam grangs 'di rab tu bstan pa'i tshe/ 'khor de dag thams cad kyis byang chub sems dpa' blo gros mi zad pa la legs so zhes bya ba byin te/ sngon ma mthong sngon ma thos pa'i me tog dang / bdug pa dang / dri dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan gyis byang chub sems dpa' blo gros mi zad pa la mchod pa'i phyir gtor ro// sil snyan rnams kyang dkrol te ched du brjod pa yang brjod do// gang gis bzod pa mi zad pa de thos te/ mi skrag kun tu skrag par mi 'gyur ba'i sems can de dag ni/ de bzhin gshegs pa'i bzod pa can du 'gyur ro zhes byas nas/ ji tsam du stong gsum gyi stong chen po'i 'jig rten gyi khams 'di spyi bud bcings pa yongs su gang bar gyur pa de tsam du de dag gis me tog dang / bdug pa dang / dri dang / 'phreng ba dang / byug pa dang / phye ma dang / gos dang / gdugs dang / rgyal mtshan dang lha'i ba dan de dag gis gtor ro/ / de nas bcom ldan 'das kyis/ byang chub sems dpa' blo gros mi bad pa la bka' stsal pa/ rigs kyi bu khyod kyis me tog dang / bdug pa dang / dri dang /
- 39b
'phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan 'di dag gi snod gyis shig/ blo gros mi zad pas gsol pa/ bcom ldan 'das byang chub sems dpa' rnams kyi snod ni byin gyi rlabs kyi stobs bskyed pa'i slad du bdag gi lus lags te/ bdag gis bgyis lags so// de nas byang chub sems dpa'abro gros mi zad ba de'i tshegazugs thams cad lus su 'jug pa zhes bya ba byang chub sems dpa'i ting nge 'dzin la snyoms par zhugs te/ de snyoms par zhugs ma thag tu me tog dang / bdug pa dang / dri dang 'phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan de dag thams cad lte ba'i dkyil 'khor gyi dbus su song ste/ de'i lus la yang bri ba dang gang bar yang mi mngon no/ / de nas byang chub sems dpa' bkod pa chen po zhes bya ba 'khor der 'ongs te 'dug pas byang chub sems dpa' blo gros mi zad pa la 'di skad ces smras so/ / rigs kyi bu khyod ting nge 'dzin gang la gnas pas de snyed kyi me tog dang / bdug pa dang / dri dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan rnams khyod kyi lus su song yang khyod kyi lus la bri ba 'am/ gang bar yang mi mngon pa'i ting nge 'dzin de'i ming ci zhes bya/ blo gros mi zad pas spras pa/
- 40a
rigs kyi bu ting nge 'dzin 'di'i ming gzugs thams cad lus su 'jug pa zhes bya'o// byang chub sems dpa' bkod pa chen pos smras pa/ rigs kyi bu ting nge 'dzin 'di'i// yul ci/ blo gros mi zad pas smras pa/ rigs kyi bu stong gsum gyi stong chen po'i 'jig rten gyi khams 'di'i snod gzugs su snang ba ji snyed yod pa de dag thams cad bdag gi lus su bcug kyang / bdag gi lus kyi chos nyid la 'phel ba 'am/ 'bri ba med do// de nas 'khor de'i byang chub sems dpa' dang lha dang mi rnams las kha cig 'di snyam du sems te/ bdag cag gis kyang ting nge 'dzin 'di'i mthu blta'o snyam pa dang / de nas bcom ldan 'das kyis byang chub sems dpa' de dag dang / lha dang mi de dag gi bsam pa mkhyen nas/ byang chub sems dpa' blo gros mi zad pa la 'di/ skad ces bka' stsal to// rigs kyi bu khyod kyis ting nge 'dzin 'di'i mthu ston cig/ de nas byang chub sems dpa' blo gros mi zad pas ting nge 'dzin de la shin tu bsgoms pa'i phyir 'khor de dag thams cad dang / phyogs bcu nas 'dus pa'i byang chub sems dpa' de dag dang / bcom ldan 'das kyang dge slong gi tshogs kyis bskor ba bdag gi lus su bcug ste/ bcug nas kyang rgyan thams cad bkod pa'i 'jig rten gyi khams rgyan gyi rgyal po de bzhin gshegs pa'i sangs rgyas kyi zhing na/ byang chub sems dpa' rnams kyi spyod pa dang / yongs su longs spyod pa ji lta ba de lta bu'i spyod pa dang
- 40b
yongs su longs spyod pa bstan te/ 'khor de dag thams cad kyang byang chub sems dpa' blo gros mi zad pa'i lus kyi nang du bdag nyid song ba snyam du shes so// de nas byang chub sems/ dpa' blo gros mi zad pa cho 'phrul chen po 'di 'dra ba bstan nas/ 'khor de dag thams cad dang / phyogs bcu nas 'dus pa'i byang chub sems dpa' de dag dang / bcom ldan 'das kyang dge slong gi tshogs kyis bskor ba phyir so so'i gnas su bzhag go/ / de nas byang chub sems dpa' bkod pa chen pos/ byang chub sems dpa' blo gros mi zad pa la 'di skad ces smras so// rigs kyi bu ting nge 'dzin 'di'i mthu ngo mtshar to/ / blo gros mi zad pas smras pa/ rigs kyi bu kho bos stong gsum gyi stong chen po'i 'jig rten gyi khams thams cad bdag gi lus su bcug kyang / bdag gi lus kyi chos nyid la bri ba 'am/ gang bar yang mi mngon no// bzod pa mi zad pa'i le'u chos kyi rnam grangs 'di bstan pa dang / cho 'phrul 'di bstan pa'i tshe/ lha dang mi'i skye dgu khrag khrig phrag bdun cu rtsa drug bla na med pa yang dag par rdzogs pa'i byang chub tu sems skyes so/ / byang chub sems dpa' stong phrag gnyis po mi skye ba'i chos la bzod pa rab tu thob par gyur to// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi bzod pa mi zad pa 'di ni/ khyod kyis legs par smras na
- 41a
rigs kyi bu byang chub sems dpa' rnams kyi brtson 'grus mi zad pa las brtsams te/ ji ltar byang chub sems dpa' rnams brtson 'grus mi zad par 'gyur ba khyod spobs par/ gyis shig/ blo gros mi zad pas smras pa/ btsun pa shA ra dwa ti'i bu brgyad po 'di rnams ni byang chub sems dpa' rnams kyi brtson 'grus yang dag par blangs pa ste/ brgyad po gang zhe na/ 'di lta ste/ go cha mi zad pa dang / pha rol gnon pa mi zad pa dang / yang dag par bsgrub pa mi zad pa dang / sems can yongs su smin par byed pa mi zad pa dang / bsod nams kyi tshogs mi zad pa dang / ye shes kyi tshogs mi zad pa dang / shes rab kyi tshogs mi zad pa dang / sangs rgyas kyi chos thams cad bsgrub pa'i tshogs mi zad pa'o// btsun pa shA ra dwa ti'i bu/ de la byang chub sems dpa'i go cha/ mi zad pa gang zhe na/ gang 'di 'khor ba na yongs su mi skyo ba ste/ de bskal pa 'di snyed gcig tu go cha bgo'o// bskal pa 'di snyed cig tu go cha mi bgo'o zhes bskal pa bgrang bas na byang chub mi tshol gyi bsam gyis mi khyab pa'i go cha gyon par byed de/ gal te nyin zhag gcig la yang 'khor ba'i sngon gyi mtha' tsam la/ de lta bu'i nyin zhag gis zhag bco lnga zhing zla ba phyed/ zhag sum cu la zla ba gcig/ zla ba bcu gnyis shing lor 'gyur la/ lo'i bgrang ba 'di lta bus lo stong phrag brgya la byang chub kyi sems gcig bskyed cing / de bzhin gshegs pa dgra bcom pa yang dag par rdzogs pa'i
- 41b
sangs rgyas gcig mthong ba la 'jug pa de lta bu dang / bgrang ba de 'dra bas gang+gA'i klung gi bye ma snyed kyi byang chub kyi sems bskyed pa dang / de bzhin gshegs pa mthong bas sems can gcig gi sems kyi spyod pa shes pa ste/ 'jug pa de lta bu dang / bzang ba de 'dra bas sems can thams cad la yang de snyed kyi byang chub kyi sems bskyed pa dang / de bzhin gshegs pa mthong bas so so re rer sems can thams cad kyi sems kyi spyod pa shes kyang mi gong ba'i go cha'o/ / sbyin pa'i pha rol tu phyin pa yongs su rdzogs par bya ba'i phyir 'jug pa de lta bu dang / bgrang ba de 'dra bas gang+gA'i klung gi bye ma snyed kyi de bzhin gshegs pa la rim gro byed pa dang / tshul khrims kyi pha rol tu phyin pa yongs su rdzogs par bya ba'i phyir 'jug pa de lta bu dang / bgrang ba de 'dra bas gang+gA'i klung gi bye ma snyed kyi de bzhin gshegs pa la rim gro byed pa dang / de bzhin du bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par bya ba'i phyir/ gang+gA'i klung gi bye ma snyed kyi de bzhin gshegs pa la rim gro byed pa dang / de bzhin du byang chub kyi phyogs kyi chos thams cad yongs su rdzogs par bya ba dang / mtshan dang dpe byad bzang po thams cad yongs su rdzogs par bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa thams cad yongs su rdzogs par bya ba'i phyir/ gang+gA'i klung gi phye
- 42a
ma snyed kyi de bzhin gshegs pa la rim gro byed pa dang / 'jug pa de lta bu dang / bgrang ba de 'dra bar gang+gA'i klung gi bye ma snyed kyi sangs rgyas 'byung bas skyes bu chen po'i mtshan gcig mngon par bsgrubs pa de lta bu'i rnam grangs su mtshan dang dpe byad thams cad yongs su 'grub/ mngon par sgrub par byed kyang mi gong ba'i go cha de ni/ byang chub sems dpa'i go cha mi zad pa zhes bya'o/ / de la byang chub sems dpa'i pha rol gnon pa mi zad pa gang zhe na/ byang chub sems dpa'i pha rol gnon pa mi zad pa ni/ gang stong gsum gyi stong chen po'i 'jig rten gyi khams mes yongs su gang ba las kyang 'bogs te/ de bzhin gshegs pa blta bar mos pa'o// byang chub sems dpa'i pha rol gnon pa ni chos mnyan pa'i rgyu'i mos pa'o// byang chub sems dpa'/ pha rol gnon pa ni sems can yongs su smin par byed pa'i rgyu'i mos pa'o// byang chub sems dpa'i pha rol gnon pa ni dge ba'i chos thams cad kyi rgyu'i mos pa'o// byang chub sems dpa'i pha rol gnon pa ni thams cad mkhyen pa'i ye shes kyi rgyu'i mos pa'o/ / byang chub sems dpa'i pha rol gnon pa la/ pha rol gyi don gyi phyir gnon pas na de'i phyir pha rol gnon pa zhes bya ste/ pha rol zhi bar bya ba'i phyir/ pha rol gdul ba'i phyir/ pha rol yongs su mya ngan las bzla ba'i phyir gnon pas na de'i phyir pha rol gnon pa zhes bya'o// mi ljon pa dang / ma zhum pa dang / brtan pa
- 42b
dang mi zlog pa dang / dge ba'i bsam pa dang / snying rje chen po la rab tu gnas shing / rtag tu sems can gyi don la brtson par gnon pas na/ de'i phyir pha rol gnon pa zhes bya'o// thams cad du gom pa 'dor ba dang / gom pa gzhog cing 'gro ba na byang chub kyi sems mngon du byed do// sems can la lta bar kyang lta zhing nyon mongs pa'i phyogs su yang mi ltung ste/ 'di ni byang chub sems dpa'i pha rol gnon pa mi zad pa zhes bya'o/ / de la byang chub sems dpa'i yang dag par bsgrub pa mi zad pa gang zhe na/ gang ji lta bur dge ba'i sems skyes shing / byung ba byang chub kyi phyir bsngos pa 'di ni byang chub sems dpa'i yang dag par sgrub pa mi zad pa'o/ / de ci'i phyir zhe na/ byang chub tu bsngos pa'i phyir te/ byang chub tu bsngos pa'i dge ba'i rtsa ba ni byang chub kyi snying po la ma 'dug gi bar du bar ma dor gang yang zad pa'am/ dngas par mi 'gyur ro// btsun pa shA ra dwa ti'i bu/ 'di lta ste dper na/ chu'i thigs pa rgya mtsho chen por lhung ba ni bskal pas ma bsregs kyi bar du bar ma dor zad pa 'am/ dengs par mi 'gyur ro// de bzhin du byang chub tu bsngos pa'i dge ba'i rtsa ba yang byang chub kyi snying po la ma 'dug gi bar du/ bar ma dor gang yang zad pa 'am/ dengs par mi 'gyur ro// yang dag par bsgrub pa zhes bya ba de ni gang 'di yang dag pa'i nan tan te/ yang dag par zhugs pa ni dge ba'i rtsa ba gang yang dag par sgrub pa rnams
- 43a
sems can thams cad bskyab pa dang / sems can thams cad yongs su smin par bya ba dang / sems can thams cad dge ba'i rtsa ba la gzud par bya ba'i phyir dge pa'i rtsa ba de dag yongs su sngo bar byed de/ thams cad mkhyen pa'i ye shes mngon par bsgrubs pa'i phyir dge ba'i rtsa ba de dag yongs su bsngo'o// sems can thams cad nye bar 'tsho ba'i phyir/ dge ba'i rtsa ba de dag yongs su bsngo'o// sems can thams cad yongs su mya ngan las bzla ba dang / thams cad mkhyen pa'i ye shes la rab tu dgod pa'i phyir/ dge ba'i rtsa ba de dag yongs su bsngo'o// / de ni byang chub sems dpa'i yang dag par bsgrub pa mi zad pa zhes bya'o// de la byang chub sems dpa'i sems can yongs su smin par byed pa mi zad pa gang zhe na/ sems can gyi khams ni tshad med de/ de la byang chub sems dpas bgrang ba 'di lta bus 'phags par bya'o// gal te bdag gis nyin gcig tu stong gsum gyi stong chen po'i 'jig rten gyi khams su gtogs pa'i sems can thams cad yongs su smin par bya ste/ 'di lta bu'i tshul gyis tshad med grangs med bsam gyis mi khyab pa'i bskal par sems can gyi khams yongs su smin par byas te/ de snyed du tshad med pa de snyed du grangs med pa/ de snyed du bsam gyis mi khyab pa'i sems can gyi khams yongs su smin par bya ste/ de lta bur byas kyang sems can rnams kyi brgya'i cha gcig tu yang smin par ma byas//
- 43b
stong gi cha 'am/ brgya stong gi cha 'am/ bye ba'i cha 'am/ bye ba brgya'i cha'am/ bye ba stong gi cha dang / bye ba brgya stong gi cha dang / grangs su 'am/ char ram/ bgrang bar ram/ dper ram/ rgyur yang yongs su smin par ma byas so zhes gal te rab tu bstan pa 'di thos nas/ byang chub sems dpa' mi smag kun tu mi skrag cing skrag par mi 'gyur ba de/ ni/ brtson 'grus brtsams pa'i byang chub sems dpa' rig par bya ste/ 'di ni byang chub sems dpa'i sems can yongs su smin par byed pa mi zad pa'o// de la byang chub sems dpa'i bsod nams kyi tshogs mi zad pa gang zhe na/ byang chub sems dpa'i bsod nams ni tshad med de/ de la byang chub sems dpas bgrang ba 'di 'dra bar 'jug par bya'o// sems can thams cad 'das pa dang / da ltar byung ba dang / ma 'ongs pa'i slob pa dang / mi slob pa thams cad dang / nyan thos dang / rang sangs rgyas thams cad kyi bsod nams ji snyed pa bsod nams de snyed brgyar bsgyur bas/ de bzhin gshegs pa'i spu'i khung bu gcig 'grub bo// de bzhin du spu'i khung bu thams cad re re nas yongs su 'grub ste/ spu'i khung bu thams cad du gtogs pa'i bsod nams kyi phung po ji snyed du brgyar bsgyur te/ gtan pa med pa'i bsod nams kyi phung po gcig yang dag par bsgrubs pa des de bzhin gshegs pa'i sku la dpe byad
- 44a
bzang po gcig 'grub ste/ de bzhin du re re nas dpe byad bzang po thams cad yongs su 'grub bo// dpe byad bzang po thams cad du gtogs pa'i bsod nams kyi phung po ji snyed pa stong du bsgyur te/ gtan pa med pa'i bsod nams kyi phung po gcig bsgrubs pa des/ de bzhin gshegs pa'i sku la skyes bu chen po'i mtshan gcig mngon par 'grub pa ste/ de bzhin du skyes bu chen po'i mtshan sum cu re re nas mngon par 'grub ste/ skyes bu chen po'i mtshan sum cur gtogs pa'i bsod nams kyi phung po ji snyed du stong phrag bcur bsgyur te/ gtan pa med pa'i bsod nams kyi phung po gcig yang dag par bsgrubs pa des/ de bzhin gshegs pa'i sku la smin mtshams kyi mdzod bu skyes bu chen po'i mtshan mngon par 'grub bo// mdzod pur gtogs pa'i bsod nams kyi phung po ji snyed pa de las stong phrag brgyar bsgyur ba'i bsod nams kyi phung po yang dag par bsgrubs pa/ de bzhin gshegs pa'i ska la dbu'i gtsug tor dang / spyi bo bltar mi snang ba skyes bu chen po'i mtshan mngon par 'grub bo/ / gtsug tor du gtogs pa'i bsod nams kyi phung po de las bye ba phrag brgya stong du bsgyur ba de bas kyang lhag pa'i bsod nams kyi phung po yang dag par bsgrub pas/ de bzhin gshegs pa'i chos kyi rung 'grub par 'gyur te/ chos kyi dung des de bzhin gshegs pa bzhed na/ mtha' yas mu med pa'i 'jig rten gyi khams su dbyangs kyis go bar mdzad
- 44b
cing chos 'dul ba la bsam pa dang / dad pa ji lta ba bzhin du sems can thams cad kyi dbang po yang tshim par mdzad do// byang chub sems dpa' bsod nams kyi tshogs la 'jug pa 'di thos nas mi skrag mi dngang zhing / dngang bar mi 'gyur ba 'di ni byang chub sems dpa'i bsod nams kyi tshogs mi zad pa'o// de la byang chub sems dpa'i ye shes kyi tshogs mi zad pa gang zhe na byang chub sems dpa'i ye shes kyi tshogs ni tshad med de/ de la byang chub sems dpa' bgrang ba 'di 'dra bar 'jug par bya'o// gang stong gsum gyi stong chen po'i 'jig rten gyi khams kyi sems can de dag thams cad dad pa'i phyir bgrang ba'i ye shes dang ldan par gyur na/ de dag gis chos kyi phyir bgrang ba'i ye shes dang ldan pa'i brgya'i char yang nye bar mi 'gro'o// stong gi char yang brgya stong gi char yang / bye ba'i char yang / bye ba stong gi char yang / bye ba brgya stong gi char yang / grangs su yang / char yang / bgrang bar yang / dper yang / rgyur yang nye bar mi 'gro'o/ / de bzhin du chos kyi phyir yang bgrang ba'i ye shes dang ldan pa rnams ni/ brgyad pa'i ye shes dang ldan pa la'o// brgyad pa'i ye shes dang ldan pa rnams ni/ rgyun du zhugs pa'i ye shes dang ldan pa la'o/ / rgyun du zhugs pa'i ye shes dang ldan pa rnams ni lan cig phyir 'ong ba'i ye shes dang ldan pa la'o// lan cig phyir 'ong ba'i ye shes dang ldan pa
- 45a
rnams ni/ phyir mi 'ong ba'i ye shes dang ldan pa la'o// phyir mi 'ong ba'i ye shes dang ldan pa rnams ni/ dgra bcom pa'i ye shes dang ldan pa la'o// dgra bcom pa'i ye shes dang ldan pa rnams ni/ rang sangs rgyas kyi ye shes dang ldan pa la'o// rang sangs rgyas kyi ye shes dang ldan pa rnams ni/ bskal pa brgya las byung ba'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang rgyu'i bar du yang nye bar mi 'gro'o// bskal pa brgya las byung ba'i byang chub sems dpa'i ye shes dang ldan pa rnams nibazod pa rab tu thob pa'i byang chub sems dpa'i ye shes dang ldan pa la'o/ / bzod pa rab tu thob pa'i byang chub sems dpa'i ye shes dang ldan pa rnams ni/ phyir mi ldog pa'i byang chub sems dpa'i ye shes dang ldan pa la'o/ / phyir mi ldog pa'i byang chub sems dpa'i ye shes dang ldan pa rnams ni/ skye ba gcig gis thogs pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang rgyu'i bar du yang nye bar mi 'gro'o// gang stong gsum gyi stong chen po'i 'jig rten gyi khams kyi sems can de dag thams cad skye ba gcig gis thogs pa'i byang chub sems dpa'i ye shes dang ldan par gyur na/ byang chub kyi snying por 'dug pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang rgyu'i bar du yang
- 45b
bar mi 'gro'o/ / gang mtha' yas mu med pa'i 'jig rten gyi khams kyi sems can de dag thams cad byang chub kyi snying po la 'dug pa'i byang chub sems dpa'i ye shes dang ldan par gyur na yang de dag gis/ de bzhin gshegs pa'i gnas dang gnas ma yin pa mkhyen pa'i ye shes kyi stobs kyi brgya'i char yang nye bar mi 'gro ba dang / rgyu dang dpe'i bar du yang nye bar mi 'gro'o// de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa bco brgyad rnams yongs su 'grub pa'i rim pa yang de bzhin te/ byang chub sems dpa' gang ye shes kyi tshogs la 'phag pa 'di thos nas/ mi skrag kun tu mi skrag/ kun tu skrag par mi 'gyur ba de ni/ byang chub sems dpa'i ye shes kyi tshogs mi zad pa zhes bya'o// de la byang chub sems dpa'i shes rab kyi tshogs mi zad pa gang zhe na/ gang sems can thams cad kyi sems mi gcod pa la 'jug pa shes pa de ni shes rab kyi tshogs mi zad pa'o// sems can thams cad kyi 'das pa dang / ma 'ongs pa dang / da ltar byung ba'i sems ji snyed pa de dag sems can gcig gi sems gcig la yod par gyur la/ de lta bu'i tshul gyis sems can thams cad de snyed du tshad med pa'i sems kyis gang bar gyur te/ gang 'das pa dang / ma 'ongs pa dang / da ltar byung ba'i sems can de dag thams cad kyi 'dod chags dang / ne thang dang / gti thug
- 46a
dag sems can gcig gi sems gcig la yod par gyur te/ de lta bu'i rnam grangs su sems can thams cad de snyed du tshad med pa'i nyon mongs pas gang ba'i sems su g yur na yang de la byang chub sems dpa' gang shes rab kyi tshogs gcig bsgrubs pas sems can de dag gi sems su gtogs pa'i sems bskyed pa ji snyed pa'i sems bskyed pa de dag thams cad so so'i dmigs pas byung ste/ zhig cing zhu ba rnams shes par 'gyur ba de lta bu'i shes rab kyi tshogs bskyed par bya'o// shes rab des kyang sems can de dag gi sems su snang ba dang / nyon mongs par snang ba dus gsum dang ldan pa gang mi shes pa med do// 'di lta ste/ btsun pa shA ra dwa ti'i bu nam mkha' 'dis gang yang ma khyab pa med do// de bzhin du byang chub sems dpa'i shes rab 'dis kyang / dus gsum dang ldan pa'i sems can de dag gi sems su snang ba 'am/ nyon mongs par snang ba de dag gang yang mi shes pa med de/ 'di ni byang chub sems dpa'i shes rab kyi tshogs mi zad pa zhes bya'o/ / de la byang chub sems dpa'i sangs rgyas kyi chos thams cad yang dag par sgrub pa'i tshogs mi zad pa gang zhe na/ gang dge ba'i rtsa ba'i tshogs thams cad bsags pa dang / pha rol tu phyin pa thams cad kyi tshogs bsags pa dang / byang chub kyi phyogs kyi chos thams cad bsags pa de ni/ byang chub kyi chos thams cad yang dag par
- 46b
sgrub pa'i tshogs mi zad pa'o/ / thog ma sems bskyed pa nas bzung ste/ byang chub kyi snying po la 'dug gi bar du gang byang chub tu sems bskyed pa dang / dmigs pa dang / sbyor ba bsags pa dang / dge ba'i sems bskyed pa'i tshogs gang gis sangs rgyas kyi chos thams cad yang dag par bsgrubs pa 'di ni/ byang chub sems dpa'i sangs rgyas kyi chos thams cad yang dag par sgrub pa'i tshogs mi zad pa zhes bya ste/ btsun pa shA ra dwa ti'i bu brgyad po 'di dag ni byang chub sems dpa' rnams kyi brtson 'grus yang dag par blang ba'o// gzhan yang btsun pa shA ra ti'i bu/ byang chub sems dpa' rnams kyi brtson 'grus mi zad pa ni/ gang lus kyi dge ba'i las kyi rten dang / ngag gi dge ba'i las kyi rten dang / yid kyi dge ba'i las kyi rten to// de ci'i phyir zhe na/ brtson 'grus gang ji snyed pa de thams cad lus dang / ngag dang / sems dang ldan pa ste/ lus dang ngag gi brtson 'grus pas ni sems kyi brtson 'grus mchog ces bya'o// sems kyi brtson 'grus de gang zhe na/ sems 'gro ba dang / sems gnas pa ste/ de la sems 'gro ba gang zhe na/ gang byang chub kyi sems kyi rtsom pa'o// de la sems gnas pa gang zhe/ na/ gang byang chub kyi sems zhi ba'o// de la sems 'gro ba gang zhe na/ gang sems can la snying rje ba'o// sems gnas pa gang zhe na/ gang bdag med pa la bzod pa'o// de la 'gro ba
- 47a
/ gang na/ gang sems na nas r+b+ba rmA smra// gnas ga shAn/ gang sa thams cad mi smrad / del 'grogs pa na/ gang 'khor ban skyo ba'o/ / gnas pa gang zhe na/ khams gsum de la mi dmigs pa'o// de la 'gro ba gang zhe na/ bdog pa thams cad yongs su gtong du'o// gnas pa gang zhe na/ gang sbyin pas mi snyems pa'o/ / de la 'gro ba gang zhe na/ gang bslab pa yang dag par len pa'o// gnas pa gang zhe na/ gang bslab pas mi snyems pa'o// de la 'gro ba gang zhe na/ bzod cing mi mjed pa'o// gnas pa gang zhe na/ gang sems la rma mi byin pa'o// de la 'gro ba gang zhe na/ dge ba'i rtsa ba thams cad rtsom pa'o// gnas pa gang zhe na/ gang sems dben pa'o/ / de la 'gro ba gang zhe na/ gang bsam gtan yang dag par sgrub pa'o// gnas pa gang zhe na/ gang sems la nges par rtog pa'o// de la 'gro ba gang zhe na/ gang thos pa la mi ngoms pa'o// gnas pa gang zhe na/ gang tshul bzhin sbyor ba'o// de la 'gro ba gang zhe na/ gang thos pa bzhin du chos ston pa'o// gnas pa gang zhe na/ gang brjod du med pa'i chos nyid do/ / de la 'gro ba gang zhe na/ gang shes rab kyi tshogs yongs su tshol ba'o// gnas pa gang zhe na/ spros pa shin tu chad pa'o// de la 'gro ba gang zhe na/ gang tshangs
- 47b
pa'i gnas rnams sogs pa'o/ / gnas pa gang zhe na/ gang yang dag pa'i shes pas/ btang snyoms pa'o// de la 'gro ba gang zhe na/ mngon par shes pa lnga yongs su rdzogs par byed pa'o/ / gnas pa gang zhe na/ zag pa med pa 'dris par byed pa'o// de la 'gro ba gang zhe na/ gang dran pa nye bar gzhag pa bskyed pa'o// gnas pa gang zhe na/ gang dran pa yid la byed pa med pa'o/ / de la 'gro ba gang zhe na/ gang yang dag par spong ba sbyor ba'o// gnas pa gang zhe na/ gang dge ba dang / mi dge ba'i sems dang bral ba'o// de la 'gro ba gang zhe na/ gang rdzu 'phrul gyi gnas sgrub pa'o// gnas pa gang zhe na/ gang lhun gyis grub pa'i bya ba la 'jug pa'o// de la 'gro ba gang zhe na/ gang dbang po la mkhas pa'o// gnas pa gang zhe na/ gang dbang po med pa'i chos la rtog pa'o// de la 'gro ba gang zhe na/ gang stobs lnga yang dag par sgrub pa'o// gnas pa gang zhe na/ gang mi brdzi ba'i ye shes so// de la 'gro ba gang zhe na/ gang byang chub kyi yan lag 'byung ba'o// gnas pa gang zhe na/ gang chos rab tu 'byed pa la mkhas pa'i ye shes so// de la 'gro ba gang zhe na/ gang lam gyi tshogs 'tshol ba'o// gnas pa gang zhe na/ gang gar yang mi 'gro ba'o// de la 'gro ba gang zhe na/ gang zhi gnas tshol ba'o// gnas pa gang zhe na/ gang zhi gnas kyi sems zhi ba'o// de la 'gro ba gang zhe na/ gang
- 48a
lhag mthong spyod pa'o/ / gnas pa gang zhe na/ gang chos nyid shes pa'o// de la 'gro ba gang zhe na/ gang rgyu rtogs pa'o// gnas pa gang zhe na/ gang rgyu kun shes ba'o/ / de la 'gro ba gang zhe na/ gang gzhan gyi sgra thos pa'o// gnas pa gang zhe na/ gang chos la nan tan byed pa'o// de la 'gro ba gang zhe na/ gang lus kyi rgyan no// gnas bkang zhe na/ gang lus kyi chos nyid do// de la 'gro ba gang zhe na/ gang dag gi rgyan no// gnas pa gang zhe na/ gang 'phags pa'i mi smra ba'o// de la 'gro ba gang zhe na/ gang rnam par thar pa gsum la mos pa'o/ / gnas pa gang zhe na/ gang byed pa med pa'o// de la 'gro ba gang zhe na/ gang bdud bzhi yongs su spong ba'o// gnas pa gang zhe na/ gang bag chags dang / nyon mongs pa'i mtshams sbyor ba thams cad bsal ba'o// de la 'gro ba gang zhe na/ gang thabs su lta ba'o// gnas pa gang zhe na/ gang shes rab tu blta ba'o// de la 'gro ba gang zhe na/ gang rtsom par blta ba'o// gnas pa gang zhe na/ gang sgrol bar blta ba'o// de la 'gro ba gang zhe na/ gang brdar blta ba'o// gnas pa gang zhe na/ gang don rnam par blta ba ste/ 'di ni sems kyi brtson 'grus zhes bya'o/ / de la sems kyi brtson 'grus mi zad pa de yongs su rdzogs par bya ba'i phyir/ gang 'gro ba thams cad la gnas pa dang / mtshan ma thams cad dang bral ba dang / de
- 48b
mtshan ma'i las thams cad du yang 'jug la/ ye shes kyi las la yang gnas pa ste/ de las thams cad kyang ye shes kyi bya ba byed do// de la byang chub sems dpa'i ye shes kyi las gang zhe na/ gang dge ba'i rtsa ba'i rgyu dang / sems can thams cad la snying rje chen po'i rgyur 'dus byas kyang mi gtong zhing / sangs rgyas kyi ye shes kyi rgyur 'dus ma byas su mi ltung ste/ 'di ni byang chub sems dpa' rnams kyi brtson 'grus kyi pha rol tu phyin pa mi zad pa zhes bya'o/ / brtson 'grus kyi pha rol tu phyin pa mi zad pa 'di bstan pa na/ lha dang mi'i skye dgu bye ba khrag khrig bdud cu rtsa drug bla na med pa yang dag par rdzogs pa'i byang chub tu sems skyes so/ / byang chub sems dpa' stong phrag sum cu rtsa gnyis kyang mi skye ba'i chos la bzod pa thob par gyur to// gzhan yang btsun pa shA ra dwa ti'i bu byang chub sems dpa' rnams kyi bsam gtan yang mi zad pa ste/ de la byang chub sems dpa' rnams kyi bsam gtan mi zad pa gang zhe na/ byang chub sems dpa' rnams kyi bsam gtan mi zad pa ni rnam pa bcu drug ste/ de ni nyan thos dang / rang sangs rgyas thams cad la med do// de la rnam pa bcu drug po gang zhe na/ 'di lta ste/ de bzhin gshegs pa'i bsam gtan yongs su rdzogs par bya ba'i phyir/ byang chub sems dpa' rnams kyi bsam gtan de la ma chags pa'o// bdag bde ba la ma chags pa'i phyir/ byang chub sems dpa'
- 49a
bya/ rnams kyi bsam gtan ni ro mi myang ba'o// sems can thams cad kyi nyon mongs pa spangs pa'i phyir/ byang chub sems dpa' rnams kyi bsam gtan ni snying rje chen po la dmigs pa'o/ / 'dod pa'i khams su dmigs pa'i phyir/ byang chub sems dpa' rnams kyi bsam gtan ni ting nge 'dzin ldog pa'o// sems can thams cad kyi sems kyi spyod pa kun shes pa'i phyir/ byang chub sems dpa' rnams kyi bsam gtan ni mngon par shes pa yongs su sbyang ba byas pa'o// sems la dbang zhing shes pa'i phyir/ byang chub sems dpa' rnams kyi bsam gtan ni sems las su rung ba'o/ / gzugs dang gzugs med pa'i khams zil gyis gnon pa'i phyir/ byang chub sems dpa' rnams kyi bsam gtan ni bsam gtan dang / rnam par thar pa dang / ting nge 'dzin dang / snyoms par 'jug pa dang ldan pa thams cad shes pa'o// nyan thos dang / rang sangs rgyas thams cad kyi snyoms par 'jug pa zil gyis gnon pa'i phyir/ byang chub sems dpa' rnams kyi bsam gtan ni zhi ba dang rab tu zhi ba'o// shin tu mthar thug pa'i phyir/ byang chub sems dpa' rnams kyi bsam gtan ni mi 'khrugs pa'o// nyon mongs pa dang bag chags kyi mtshams sbyor ba thams cad shin tu 'joms pa'i phyir/ byang chub sems dpa' rnams kyi bsam gtan ni log pa'i nan tan gyi gnyen po'o// 'jig rten thams cad
- 49b
las bsgral ba'i phyir/ byang chub sems dpa' rnams kyi bsam gtan ni shes rab la 'jug pa'o// sems can thams cad bsgral ba'i phyir/ byang chub sems dpa' rnams kyi bsam gtan/ ni sems can thams cad kyi bsam pa sngon du 'gro ba'o// de bzhin gshegs pa'i bsam gtan mi zad pa yongs su rdzogs par bya ba'i phyir/ byang chub sems dpa' rnams kyi bsam gtan ni dkon mchog gsum gyi rigs mi gcod pa'o/ / rtag tu mnyam par gzhag pa'i phyir/ byang chub sems dpa' rnams kyi bsam gtan ni mnyams pa'o// sangs rgyas kyi chos thams cad yongs su rdzogs par bya ba'i phyir/ byang chub sems dpa' rnams kyi bsam gtan ni chos thams cad la dbang byed pa'i ye shes so// ye shes kyi bdag nyid che ba'i phyir/ byang chub sems dpa' rnams kyi bsam gtan ni mi g.yo ba ste/ btsun pa shA ra dwa ti'i bu 'di ni byang chub sems dpa' rnams kyi bsam gtan gyi pha rol tu phyin pa rnam pa bcu drug ste/ gang nyan thos dang / rang sangs rgyas rnams la med pa'o// de la bsam gtan yongs su sbyang ba gang zhe na/ gang mngon par shes pa dang / ye shes yongs su rdzogs pa'o// de la mngon par shes pa ni gang ye shes ni gang zhe na/ gang gis gzugs su snang ba thams cad mthong ba 'di ni mngon par shes pa zhes bya'o// gang gis gzugs thams cad kyi chos nyid mi zad par shes kyang / mi zad pa'i
- 50a
chos mngon sum du mi byed pa 'di ni ye shes zhes bya'o/ / gang gis slar grags pa thams cad thos pa de mngon par shes pa zhes bya'o// gang sgra kun sngon gyi mtha' dang / phyi ma'i mtha' brjod du med par shes pa 'di ni ye shes zhes bya'o// gang gis sems can thams cad kyi sems kyi spyod pa shes pa 'di ni mngon par shes pa zhes bya'o// gang sems 'gog par shes la/ 'gog pa mngon sum du mi byed pa 'di ni ye shes zhes bya'o// gang thog ma'i mtha' dang phyi ma'i mtho' rjes su dran pa 'di ni mngon par shes pa zhes bya'o// gang dus gsum la ma chags pa shes pa 'di ni ye shes zhes bya'o/ / gang sangs rgyas thams cad kyi zhing du 'gro ba 'di ni mngon par shes pa zhes bya'o// gang gis zhing nam mkha' dang mtshungs par shes pa 'di ni ye shes zhes bya'o/ / gang dbyer med pa'i chos 'dod pa 'di ni/ mngon par shes pa zhes bya'o// gang chos thams cad mnyam par mthong ba'i shes pa 'di ni ye shes zhes bya'o// gang 'jig rten thams cad dbyer med pa'i mtshan nyid 'di ni mngon par shes pa zhes bya'o/ / gang 'jig rten pa'i chos thams cad dang ma 'dres par shes pa 'di ni ye shes zhes bya'o// gang brgya byin dang tshangs pa dang / 'jig rten skyong ba rnams zil gyis gnon pa 'di ni mngon par shes pa zhes bya'o// gang nyan thos dang / rang sangs rgyas thams cad kyi spyi bor shes pa 'di ni ye shes zhes bya
- 50b
/ 'di dag ni btsun pa shA ra dwa ti'i bu/ byang chub sems dpa' rnams kyi bsam gtan yongs su sbyang ba zhes bya'o// yang sems can thams cad kyi nyon mongs pa dang / sems g.yeng ba ji snyed par byang chub sems dpa' rnams kyi bsam gtan gyi tshogs dang / sems gzhag pa shes pa yang de snyed de/ sems can thams cad kyi nyon mongs pa dang / sems ba ji snyed pa de snyed du byang chub sems dpas kyang bsam gtan gyi tshogs yang dag par bsgrub par bya'o/ / mnyam pa nyid de la gnas pas na de'i phyir mnyam par gzhag pa zhes bya'o// sems can mnyam pa nyid dang / sems mnyam pa nyid dang / bsam pa mnyam pa nyid dang / lhag pa'i bsam pa mnyam pa nyid dang / sbyor ba mnyam pa nyid dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab mnyam pa nyid dang / sangs rgyas kyi chos thams cad mnyam pa nyid la gnas pas na/ de'i phyir mnyam par gzhag pa zhes bya'o/ / ting nge 'dzin gang dang mnyam pa byang chub kyang de dang mnyam mo// byang chub gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// byang chub gang dang mnyam pa stong pa'ang de dang mnyam mo//
- 51a
stong pa nyid gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// stong pa nyid gang dang mnyam pa mtshan ma med pa yang de dang mnyam mo// mtshan ma med pa gang dang mnyam pa sems can thams cad kyang de dang mnyam mo/ / sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de phyir snyoms par zhugs pa zhes bya'o/ / mtshan ma med pa gang dang mnyam pa smon pa med pa'ang de dang mnyam mo// smon pa med pa gang dang mnyam pa sems can thams cad kyang de dang mnyam mo/ / sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// smon pa med pa gang dang mnyam pa mngon par 'du mi byed pa'ang de dang mnyam mo// mngon par 'du mi byed pa gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mngon par 'du mi
- 51b
byed pa gang dang mnyam pa mi skye ba'ang de dang mnyam mo/ / mi skye ba gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mi skye ba gang dang mnyam pa mi 'byung ba'ang de dang mnyam mo// mi 'byung ba gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mi 'byung ba gang dang mnyam pa dngos po med pa yang de dang mnyam mo// dngos po med pa gang dang mnyam pa sems can thams cad kyang de dang mnyam mo/ / sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ / dngos po med pa gang dang mnyam pa rnam par dag pa'ang de dang mnyam mo// rnam par dag pa gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// bdag gi sems mnyam pas/
- 52a
sems can thams cad kyi sems mnyam pa nyid de la zhugs pas na/ de'i phyir snyoms par zhugs pa zhes bya'o// phan par byed pa dang / phan par mi byed pa thams cad la snyoms shing / sa dang mnyam pa'i sems/ chu dang mnyam pa'i sems/ me dang mnyam pa'i sems/ rlung dang mnyam pa'i sems/ nam mkha' dang mnyam pa'i sems te/ mi mtho mi dma' bar gnas shing / mi g.yo bar gyur pa/ spyod lam thams cad du mnyam par bzhag pas/ ma bcos pa'i spyod lam/ rang bzhin gyis snyoms par zhugs pa/ mi rgod pa/ mi g.yeng ba/ mu cor mi smra ba/ tshig ma 'chal pa/ don shes pa/ chos shes pa/ dus shes pa/ tshod shes pa nyi tshod shes pa/ 'jig rten thams cad kyi rjes su bsnyegs shing / 'jig rten dang ma 'dres pa/ 'jig rten gyi chos brgyad las 'das pa/ nyon mongs pa thams cad dang ma 'dres pa// 'du 'dzi'i nang na yang spyod lam dben pa ste/ de lta bu'i chos la gnas pa'i byang chub sems dpa' ni mnyam par gzhag pa'i gnas kyang mi 'dor la/ 'jig rten pa'i bya ba thams cad du yang 'jug ste/ 'di ni btsun pa shA ra dwa ti'i bu byang chub sems dpa'i thabs dang shes rab kyis mngon par bsgrubs pa'i bsam gtan gyi pha rol tu phyin pa zhes bya'o// de la byang chub sems dpa
- 52b
thabs ni gang shes rab ni gang zhe na/ gang byang chub sems dpa' mnyam par ma gzhag pa'i tshe/ sems can la lta ba'i phyir/ snying rje chen po'i dmigs pa la sems 'dogs pa 'di ni byung / chub sems dpa'i thabs shes bya'o// gang zhi ba dang rab tu zhi bas bsam gtan du byed pa 'di ni de'i shes rab bo// gang byang chub sems dpa' mnyam par gzhog pa'i tshe/ sangs rgyas kyi ye shes kyi phyir 'gro ba 'di ni de'i thabs so/ / chos gang la yang mi gnas par/ bsam gtan du byed pa 'di ni de'i shes rab bo// gang byang chub sems dpa' mnyam par gzhog pa na/ dam pa'i chos kun gzung ba la lta ba 'di ni de'i thabs so/ / gang chos kyi dbyings dbyer med par bsam gtan byed pa 'di ni de'i shes rab bo// gang byang chub sems dpa' mnyam par gzhog pa'i tshe// sangs rgyas kyi sku'i rgyan mngon du byed pa 'di ni de'i thabs so// gang chos kyi sku dbyer med par bsam gtan byed pa 'di ni de'i shes rab bo// gang byang chub sems dpa' mnyam par gzhog pa na/ sangs rgyas kyi gsung tshangs pa'i sgra dbyangs la sems pa 'di ni de'i thabs so// gang chos nyid brjod du med par bsam gtan byed pa 'di ni de'i shes rab bo// gang byang chub sems dpa' mnyam par gzhog pa na/ sems rdo rje lta bur byin gyis rlob pa 'di ni de'i thabs so// gang rang bzhin gyis g.yeng ba med par bsam gtan byed pa 'di ni de'i shes rab bo// gang mnyam
- 53a
par gzhog pa na/ sngon gyi smon lam gyis sems can yongs su smin par byin gyis rlob pa 'di ni de'i thabs so// gang sems can thams cad la bdag med par bsam gtan byed pa 'di ni de'i shes rab bo/ / gang mnyam par gzhog pa na/ dge ba'i rtsa ba thams cad la lhag par dmigs te/ bsam gtan byed pa 'di ni de'i thabs so// gang dge ba'i rtsa ba'i gnas nam mkha' dang mtshungs par bsam gtan byed pa 'di ni de'i shes rab bo// gang mnyam par gzhog pa na/ sangs rgyas kyi zhing yongs su dag pa mngon du byed pa 'di ni de'i thabs so/ / gang zhing nam mkha' dang mtshungs par bsam gtan byed pa 'di ni de'i shes rab bo// gang mnyam par gzhog pa na/ byang chub kyi snying po'i rgyun bkod par dmigs pa mngon du byed pa 'di ni de'i thabs so/ / gang nyon mongs pa thams cad zhi bar bya ba'i phyir bsam gtan byed pa 'di ni de'i shes rab bo// gang mnyam par gzhog pa na/ chos kyi 'khor lo rab tu bskor bar 'dod pa 'di ni de'i thabs so/ / gang bskor ba yang med/ mi bskor ba'ang med par bsam gtan byed pa 'di ni de'i shes rab bo// gang byang chub sems dpa' mnyam par gzhog pa na/ byang chub kyi yan lag gi tshogs la mi g.yeng ba mngon du byed pa 'di ni de'i thabs so// gang nyon mongs pa dang / nye ba'i nyon mongs pa'i gdung ba de bzhin gshegs pa'i
- 53b
ye shes kyis mkhyen pa sems dang ldan pa dang / sems dang mi ldan pa dang / 'du shes med pa dang / 'du shes su kun shes pa ji snyed pa de dag bsal ba'i phyir/ byang chub sems dpa' thams cad kyi mi 'gyur ba dang mthun par bsam gtan byed pa 'di ni de'i shes rab ste/ de lta bu dang ldan pa'i byang chub sems dpa' ni bsam gtan gyi pha rol tu phyin pa mi zad pa yin no// bdud thams cad kyis kyang de la glags mi rnyed cing de la sangs rgyas kyi chos thams cad kyi snod kyang byed par gnas pa yin te/ thams cad mkhyen pa'i ye shes kyang thob bo// bsam gtan mi zad pa zhi ba 'di bstan pa na/ byang chub sems dpa' stong phrag sum cu rtsa gnyis nyi ma'i sgron ma'i ting nge 'dzin thob par gyur to// ci'i phyir/ ting nge 'dzin de nyi ma'i sgron ma zhes bya zhe na 'di lta ste/ nyi ma 'char ba na/ zla ba dang skar ma'i sgron ma dang / mar me'i sgron ma dang / rtswa me'i sgron ma thams cad mog mog por 'gyur ro// de bzhin du byang chub sems dpa' ma'i sgron ma'i ting nge 'dzin thob na ma rabs dang nyi che ba'i shes rab thams cad shes rab kyi snang bas spa bkong ste slob pa dang / mi slob pa thams cad kyi shes rab dang / rang sangs rgyas kyi shes rab dang / de ma yin pa gzhan sems can pa la thams cad kyi shes rab kyang shis rab kyi snang bas sra bkong bas na/ de'i phyir nyi ma'i sgron ma zhes bya'o// bsam gtan gyi pha rol
- 54a
phyin pa la gnas pa'i byang chub sems dpa'i ting nge 'dzin rnam pa mang po bye ba khrag khrig brgya stong du ma thob ste/ de dag las phyogs tsam zhig bstan to// glog gi sgron mas rgyan dang zla ba'i 'od/ / dge bkod rnam snang de bzhin bsam mi khyab// 'phags par snang dang dri ma dag pa dang // thams cad chos la dbang byed yon tan 'od// mya ngan med dang / brtul zhugs grub pa dang // grags pa brtan dang kun nas 'phags pa dang // chos kyi sgron ma chos dpa' ri rab che// chos kyi dbang po chos shes dbang byed dang // chos kyi phung po rnam par 'thor ba dang / / chos rnams 'dzin pa rnam par dag pa dang // pha rol sems kyi spyad par spyod pa dang // rgyal mtshan rtse mo dpung rgyan nyon mongs sel// bdud bzhi'i stobs rnams rab tu 'joms pa dang / / 'phags bcu 'phags pa stobs dang ldan pa dang // chags mod chags pa shin tu gcod pa dang // lag na sgron ma shin tu sgra bsgrags dang // sa 'dzin dag dang brtan pa'i rang bzhin dang / / ri rab sgron ma mi pham rgyal ba dang // shes rab skyed dang ye shes ta la la// bsam gtan 'byung gnas mtha' yas dbang byed dang // sems rnams las su rung bar byed pa dang / / byed dang byas dang tshor byed med pa dang // chu yi zla ba nyi ma'i dbyangs dag dang // ting 'dzin mi gtong bdud rnams 'joms pa dang // rnam pa sna tshogs 'du shes med pa
- 54b
dang / stag dang glang po shin tu dul ba dang // rgyal ba kun gyi rjes su dran pa dang // chos dran dge 'dun ye shes dbang byed dang // mi ldog pa dang ldog pa med pa dang // mig mi 'dzums dang bdag med rab dag dang / / rtag tu stong pa'i rnam par 'jug pa dang // rtag tu mtshan med rtag tu mi smon dang // bsam gtan dag la gnas pa mi chags dang // rdo rje lta bu'i ting nge 'dzin ces bya/ / mngon par 'phags dang nges par bcom pa dang // kun nas 'khyil dang sgra rnams dag pa dang // nges par rtog dang nyon mongs bral ba dang // yengs pa nam mkha' lta bu zhes kyang bya/ / gzud pa dang ni yon tan 'jug pa dang // dran rtogs blo gros shes rab sgrub pa dang // spobs pa dag ni mi zad byed pa dang // sgra ston pa dang 'dren pa mthong ba dang / 'dzin pa zhes kyang bya ba'i ting nge 'dzin// chud mi za dang legs byas sbyin pa dang // 'gro ba tshim par byed dang bltar mi mthong // rab tu rtogs dang dga' mgu skyed pa dang // byams pa 'phags pa'i ting nge 'dzin dag dang / / snying rje chen po'i rtsa ba bsam pa dag/ dga' ba'i rnam pa dag la 'jug pa dag/ btang snyoms gnyis las chags las grol ba dang // chos don chos byed ye shes ta la la/ / mi 'khrugs pa dang ye shes rgya mtsho dang // 'gro ba tshim byed rnam pa dul ba dang // rnam par grol ba'i ye shes dbang byed dang // rdo rje rgyal mtshan snying
- 55a
po'i pad+mo dang / / pad+mo 'das dang 'jig rten chos bral dang // mi g.yo ba zhes bya ba'i ting 'dzin dang // rdo rje lta bu'i ting nge 'dzin dag dang // dpa' bar 'gro zhes bya ba'i ting nge 'dzin/ / sangs rgyas dgongs dang de bzhin mi 'khrugs dang // gzi brjid can dang gzi brjid 'od zer dang // rnam par grol ba'i ye shes mchog sbyin dang // sangs rgyas rgyun rnams shin tu bkod pa dang / / kun tu snang dang sangs rgyas zhing dag dang // sems can bsam rab rab tu 'jug pa dang // mgu byed shin tu mgu byed ting 'dzin dang // byang chub lam gyi rjes su mthun pa dang / / pha rol byin brgyan gtsug na rin po che// byang chub yan lag me tog sbyin pa dang // rnam par grol ba'i 'bras bu sbyin pa ste// mi 'chi dbyangs dang dmigs med rlung bzhin 'gro/ / rin chen mtha' dang rgya mtsho'i shugs 'dzin dang // ri dang brag rnams rdob par byed pa dang // rdzu 'phrul don chen yang dag skyed pa dang // tshad med pa yi sangs rgyas mthong ba dang / / thos pa thams cad 'dzin dang mi ga yeng dang // skad cig gcig la ye shes sbyin pa dang // yon tan mtha' yas rgya mtsho rnam par dag/ de ltar ting 'dzin 'di dag mtha' yas dpag med de/ / bsam gtan bye ba khrag khrig dag gi pha rol song // byang chub sems dpa' dam pa mchog rab 'jigs med pa// gtan mchog sems dpa' chen po ting 'dzin rnam
- 55b
dag rtogs/ / 'di ni btsun pa shA ra dwa ti'i bu byang chub sems dpa' rnams kyi bsam gtan mi zad pa zhes bya'o// 'phags pa blo gros mi zad pas bstan pa zhes bya ba theg pa chen po'i mdo/ / bam po gsum pa/ de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi bsam gtan mi zad pa 'di ni/ khyod kyis legs par smras na/ rigs kyi bu byang chub sems dpa' rnams kyi shes rab mi zad pa las brtsams te/ ji ltar byang chub sems dpa' rnams shes rab mi zad par 'gyur ba khyod spobs par gyis shig/ blo gros mi zad pas smras pa/ btsun pa shA ra dwa ti'i bu/ byang chub sems dpa' rnams kyi shes rab mi zad pa yin te/ shes rab de'i rnam pa ni ji lta bu/ 'jug pa ni ci zhe na/ thos pa'i rnam pa ni rnam pa'o// tshul bzhin yid la byed pa ni 'jug pa'o// thos pa yang rnam pa ni ji lta bu/ 'jug pa ni ci zhe na/ byang chub sems dpa' rnams kyi thos pa'i rnam pa ni brgyad cu rtsa bzhi ste/ 'di lta ste/ mos pa'i rnam pa dang / bsam pa'i rnam pa dang / lhag pa'i bsam pa'i rnam pa dang / sbyor ba'i rnam pa dang / dge ba'i bshes gnyen gyi rnam pa dang / nga rgyal med pa'i rnam pa dang / bag yod pa'i rnam pa dang / ri mor byed
- 56a
pa'i rnam pa dang / mthun pa'i rnam pa dang / bka' blo bde ba'i rnam pa dang / bsnyen bkur byed pa'i rnam pa dang / rna blags te nyan pa'i rnam pa dang yid la byed pa'i rnam pa dang / mi g.yeng ba'i rnam pa dang / gnas kyi rnam pa dang / rin po cher 'du shes pa'i rnam pa dang / sman du 'du shes pa'i rnam pa dang / nyon mongs pa'i nad thams cad rab tu zhi bar byed pa'i rnam pa dang / dran pa'i snod kyi rnam pa dang / rtogs pa shes pa'i rnam pa dang / blo gros 'dod pa'i rnam pa dang / blo la 'jug pa'i rnam pa dang sangs rgyas kyi chos la mi ngoms par nyan pa'i rnam pa dang / gtong ba spel ba'i rnam pa dang / dul zhing cang shes pa'i rnam pa dang / mang du thos pa la bsten pa'i rnam pa dang / gus par dga' ba myong bar byed pa'i rnam pa dang / lus bde ba'i rnam pa dang / sems rab tu dga' ba'i rnam pa dang / mi skyo bar nyan pa'i rnam pa dang / don nyan pa'i rnam pa dang / chos nyan pa'i rnam pa dang / nan tan nyan pa'i rnam pa dang / gzhan gyis bstan pa nyan pa'i rnam pa dang / chos ma thos pa nyan pa'i rnam pa dang / mngon par shes pa nyan pa'i rnam pa dang / theg pa gzhan la 'dod pa med pa'i rnam pa dang / pha rol tu phyin pa nyan pa'i rnam pa dang / byang chub sems dpa'i sde snod nyan pa'i rnam pa dang / bsdu ba'i dngos po nyan pa'i rnam pa dang / thabs
- 56b
mkhas pa nyan pa'i rnam pa dang / tshangs pa'i gnas nyan pa'i rnam pa dang / dran pa dang shes bzhin nyan pa'i rnam pa dang / skye ba la mkhas par nyan pa'i rnam pa dang / mi skye ba la mkhas pa nyan pa'i rnam pa dang / mi sdug pa'i rnam pa dang / byams pa'i rnam pa dang / rten cing 'brel par 'byung ba'i rnam pa dang / mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa nyid kyi rnam pa dang / mtshan ma med pa'i rnam pa dang / smon pa med pa'i rnam pa dang / mngon par 'du mi byed pa'i rnam pa dang / dge ba mngon par 'du byed pa'i rnam pa dang / bden par byin gyis brlabs pa'i rnam pa dang / chud mi gzan pa'i rnam pa dang / rang dbang gi rnam pa dang / bdag gi sems bsrung ba'i rnam pa dang / brtson 'grus mi gtong ba'i rnam pa dang / chos la nges par rtog pa'i rnam pa dang / nyon mongs pa'i gnyen po'i rnam pa dang / bdag gi phyogs bsrung ba'i rnam pa dang / pha rol gyi phyogs dang nyon mongs pa tshar gcod pa'i rnam pa dang / nor bdun la bsten pa'i rnam pa dang / dbul ba thams cad tshar gcod pa'i rnam pa dang / mkhas pas bsngags pa'i rnam pa dang / mkhas pa mngon par dga' ba'i rnam pa dang / 'phags pas kun shes pa'i rnam pa dang / 'phags pa ma yin pa mos par byed pa'i rnam pa dang / bden pa mthong ba'i rnam pa dang / phung po'i
- 57a
nyes pa spong ba'i rnam pa dang / 'dus byas kyi nyes pa yongs su 'jal ba'i rnam pa dang / don la rton pa'i rnam pa dang / chos la rton pa'i rnam pa dang / ye shes la rton pa'i rnam pa dang / nges pa'i don gyi mdo sde la rton pa'i rnam pa dang / sdig pa thams cad mi bya ba'i rnam pa dang / bdag dang gzhan la phan pa'i rnam pa dang / legs par byas pa'i las kyi rnam pa dang / mi 'gyod pa'i rnam pa dang / bye brag tu 'gro ba'i rnam pa dang / sangs rgyas kyi chos thams cad thob pa'i rnam pa ste/ 'di dag ni byang chub sems dpa' rnams kyi thos pa rnam pa brgyad cu rtsa bzhi zhes bya'o/ / de la btsun pa shA ra dwa ti'i bu/ byang chub sems dpa' rnams kyi tshul bzhin yid la byed pa la 'jug pa sum cu rtsa gnyis te/ sum cu rtsa gnyis gang zhe na/ 'di lta ste/ zhi gnas kyi gnas la 'jug pa dang / lhag mthong la rnam par dpyod pa'i 'jug pa dang / sems las su rung ba la 'jug pa dang / lus dben pa la 'jug pa dang / sems dben pa la 'jug pa dang / rten cing 'brel par 'byung ba la 'jug pa dang / bden pa'i rjes su mthun pa la 'jug pa dang / tshad pa med pa la 'jug pa dang / rtag pa med pa la 'jug pa dang / rgyu dang rkyen la 'jug pa dang / bdag med pa dang / sems can med pa dang / srog med pa dang / gang zag med pa la 'jug pa dang / 'ong ba dang / 'gro/
- 57b
ba dang / gnas pa med pa la 'jug pa dang / mi 'pho zhing rgyu dang 'bras bu chud mi za ba la 'jug pa dang / stong pa nyid dang / mtshan ma med pa dang / smon pa med pa 'dris par byed pa 'jug pa dang / stong pa nyid dang / mtshan ma med pa dang / smon pa med pa mngon sum du mi byed pa la 'jug pa dang / bsam gtan dang / ting nge 'dzin dang / snyoms par 'jug pas skye ba la 'jug pa dang / bsam gtan dang / ting nge 'dzin dang / snyoms par 'jug pas skye bas dbang byed pa med pa la 'jug pa dang / mngon par shes pa'i ye shes bskyed pa la 'jug pa dang / zag pa zad pa mngon sum du mi byed par 'jug pa dang / nang du rtog pa la 'jug pa dang / mi 'gyur mi 'da' ba la 'jug pa dang / 'dus byas kyi nyes pa kun 'jal ba la 'jug pa dang / 'dus ma byas kyi chos mngon sum du mi byed par 'jug pa dang / sems can thams cad la bdag med par rtogs pa la 'jug pa dang / snying rje chen po mi gtong ba la 'jug pa dang / skye ba thams cad la 'jigs par lta ba la 'jug pa dang / rtag tu bsams bzhin du shes pas srid pa thams cad yongs su 'dzin par 'jug pa dang / skyo zhing 'dod chags dang bral bar 'jug pa dang / 'dod chags dang bral ba'i chos mngon sum du mi byed par 'jug pa dang / 'dod pa'i dga' ba'i yon tan btang snyoms pa la 'jug pa dang / chos kyi dga' ba mi gtong ba la 'jug pa dang / spros pa dang //
- 58a
rnam par rtog pa thams cad spong ba la 'jug pa dang / thabs mkhas pa'i spros pa dang / rnam par rtog pa mi spong bar 'jug pa ste/ btsun pa shA ra dwa ti'i bu/ 'di dag ni byang chub sems dpa' rnams kyi tshul bzhin yid la byed pa la 'jug pa sum cu rtsa gnyis zhes bya'o/ / gzhan yang btsun pa shA ra dwa ti'i bu/ tshul bzhin zhes bya ba de ni rigs pa'i tshig go/ de ni tshul gyi tshig go/ de ni sgo'i tshig go/ de ni kha'i tshig go/ de ni rgyu'i tshig go/ de ni rkyen gyi tshig go// de ni mi 'gog pa'i tshig go/ de ni mi 'gal ba'i tshig go// de ni btang snyoms kyi tshig go// de ni len pa med pa'i tshig go// de ni dor ba med pa'i tshig go// de ni rkyen med pa'i tshig go// de ni mi rten pa'i tshig go// de ni mi gnas pa'i tshig go// de ni ma g.yos pa'i tshig go// de ni rnam par ma g.yos pa'i chog go/ / de ni sgro btags pa med pa'i tshig go// de ni mnyam pa nyid kyi tshig go/ de ni mi mnyam pa med pa'i tshig go// de ni bden pa'i tshig go// de ni yang dag pa'i tshig go/ de ni mi 'gyur ba'i tshig go// de ni phyir bya ba med pa'i tshig go// de ni zhi ba'i tshig go// de ni rab tu zhi ba'i tshig go// de ni nye bar zhi ba'i tshig go// de ni spros pa med pa'i tshig go// de ni blang ba// med pa'i tshig go// de ni bzhag pa med pa'i tshig go// de ni ma tshang ba med pa'i tshig go// de ni lhag pa med pa'i tshig go// de ni phyir dbyung ba med pa'i tshig go// de ni gnyen po med pa'i tshig go//
- 58b
de ni dam pa'i tshig go/ de ni de kho na'i tshig go// de ni de bzhin nyid kyi tshig go// de ni ma nor ba de bzhin nyid kyi tshig go// de ni gzhan ma yin pa de bzhin nyid kyi tshig go// de ni ji lta ba bzhin gyi tshig go/ / de ni chud mi za ba'i tshig go/ de ni yang dag pa'i mtha'i tshig go// de ni dus gsum mnyam pa nyid kyi tshig go// de ni dus gsum yongs su ma chad pa'i tshig go// de ni gzugs la rnam par shes pa mi gnas pa'i tshig go/ / de ni tshor ba dang / 'du shes dang / 'du byed dang / rnam par shes pa la rnam par shes pa mi gnas pa'i tshig go// de ni sa'i khams la rnam par shes pa mi gnas pa'i tshig go/ / de bzhin du de ni chu'i khams dang / me'i khams dang / rlung gi khams la rnam par shes pa mi gnas pa'i tshig go/ de ni mig dang / gzugs dang / mig gi rnam par shes pa'i khams la mi gnas pa'i tshig go/ de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa'i khams la mi gnas pa'i tshig go/ de ni don la rton pa'i tshig go// de ni chos la rton pa'i tshig go// de ni ye shes la rton pa'i tshig go/ de ni nges pa'i don gyi mdo la rton pa'i tshig go// gzhan yang btsun pa shA ra dwa ti'i bu/ tshul
- 59a
bzhin zhes bya ba ni chos thams cad do/ / de ci'i phyir zhe na/ ji ltar bdag la bdag med pa de bzhin du chos thams cad rigs pas mthong ba dang / ji ltar sems can la bdag med pa de bzhin du/ chos thams cad rigs pas mthong na/ de ltar mthong ba na tshul bzhin mthong ba'o// 'khor ba'i khams kyi tshul bzhin gang yin pa mya ngan las 'das pa'i dbyings kyi tshul bzhin yang de bzhin no zhes gang gi de ltar mtshungs shing bye brag med par mthong ba de ni/ tshul bzhin rab tu sbyor ba zhes bya'o// gang gi kun nas nyon mong ba'i rang bzhin dang / rnam par byang ba'i rang bzhin mtshungs shing bye brag med par mthong ba de ni tshul bzhin rab tu sbyor ba zhes bya'o/ / gang rigs pa dang / mi rigs par mi sems pa de ni/ tshul bzhin rab tu sbyor ba yin te/ btsun pa shA ra da ti'i bu/ mdor na byang chub sems dpa'i tshul bzhin sbyor ba ji snyed pa de dag thams cad kyi gnas ni sems can no// de sems can gyi gnas kyang mi spong la/ chos kyi gnas kyang 'khrugs par mi byed de/ de ni byang chub sems dpa'i tshul bzhin la 'jug pa'i sbyor ba zhes bya'o// de ltar btsun pa shA ra dwa ti'i bu/ de'i chos kyi rnam pa dang / thos pa'i rnam pa dang / tshul bzhin la 'jug pa'i sbyor ba rgyu mthun pa'i 'bras bu de ni shes rab ces bya'o/ / de la shes rab ni 'grogs pa bcu drug dang / lhan cig mi gnas te/ bcu drug po gang zhe na/ 'di lta ste/ ma rig pa'i 'grogs pa
- 59b
dang lhan cig mi gnas so/ / de bzhin du 'du byed dang / rnam par shes pa dang / mi dang gzugs dang / skye mched drug dang / reg pa dang / tshor ba dang / sred pa dang / len pa dang srid pa dang / skye ba dang / rga shi'i 'gog pa'i 'grogs pa dang lhan cig mi gnas so// ma rig pa 'gog pa'i 'grogs pa dang lhan cig mi gnas so// de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi 'gog pa'i 'grogs pa dang lhan cig mi gnas so/ / 'jig tshogs la lta ba'i 'grogs pa dang lhan cig mi gnas te/ 'jig tshogs la lta ba'i rtsa ba las byung ba/ lta bar gyur pa drug cu rtsa gnyis kyi 'grogs pa dang lhan cig mi gnas so/ / mtho dman gyi 'grogs pa dang lhan cig mi gnas pa nas/ 'jig rten gyi chos rnyed pa dang / ma rnyed pa dang / grags pa dang / ma grags pa dang / smad pa dang / bstod pa dang / bde ba dang / sdug bsngal gyi bar gyi 'grogs pa dang lhan cig mi gnas so// khro ba dang / khon du 'dzin pa dang / 'chab pa dang / yongs su gdung ba dang phrag dog dang / ser sna dang / sgyu dang / g.yo dang / ngo tsha ba dang / khrel med pa dang / popho theg pa dang / rtsod pa dang / rgyags pa dang / bag med pa dang / nga rgyal
- 60a
dang / che ba'i dargyal dang / dargyal pas che ma'i ngargyal dang / nga'i rgyal dang / drung b.ring rgyal dang / mngon pa'i rgyal dang / log pa'i rgyas rnams 'grogs pa dang lhan cig mi gnas pa nas/ nye ba'i nyon mongs pa thams cad kyi bar gyi 'phrogs pa dang lhan cig mi gnas so// 'dod chags dang / zhe sdang dang / gti mug gi kun nas ldang ba za mo dang / sbom po dang / chung ngu dang / 'bring dang / chen po'i 'grogs pa dang lhan cig mi gnas pa nas/ nyon mongs pa'i kun nas ldang ba thams cad kyi bar gyi 'grogs pa dang lhan cig mi gnas so/ / gti mug gi mun pa rab rib kyi ling tog dang / sgrib pa dang / chod pa'i 'grogs pa dang lhan cig mi gnas pa nas/ kun nas ldang ba nyams par 'gyur ba'i chos thams cad kyi bar gyi 'grogs pa dang lhan cig mi gnas so/ / 'dod pa dang / 'thab mo'i rnyog pa dang / phung po dang / nyon mongs pa dang / 'chi bdag dang / lha'i bu'i bdud rnams dang lhan cig mi gnas pa nas/ bdud kyi las thams cad kyi bar dang lhan cig mi gnas so// bdag dang / sems can dang / srog dang / gso ba dang / skyes bu dang / gang zag dang / shed las skyes pa dang / shed bdag tu 'dzin pa la mngon par chags pa dang lhan cig mi gnas pa nas/ 'dzin pa la mngon par chags pa'i bar dang lhan cig mi gnas
- 60b
so/ / las kyi sgrib pa dang / chos kyi sgrib pa dang / nyon mongs pa'i sgrib pa dang / lta ba'i sgrib pa dang / 'gro ba'i sgrib pa dang / rnam par smin pa'i sgrib pa dang / shes pa'i sgrizla pa dang lhan cig sa garnas pa nas/ gzugs kyi mam sa sbyor bdams can kyi dang ldan cig gnasan// rtog pa dang / rnam par rdzon pa dang / san rtog pa dang / mtshan dang / dmigs pa dang / mthong ba dang / thos pa dang / bye brag phyed pa dang / rnam par rig pa rnams dang lhan cig mi gnas pa nas/ mdud pa dang sgro btags pa thams cad kyi bar dang lhan cig mi gnas so/ / bdag dang / rtag pa dang / gtsang ma dang / bde ba'i 'grogs pa dang lhan cig mi gnas pa nas/ phyin ci log thams cad kyi bar dang lhan cig mi gnas so// sems can gyi sems kyi spyod pa brgyad khri bzhi stong gi bar dang lhan cig mi gnas pa nas/ chos kyi phung po brgyad khri bzhi stong gi bar dang lhan cig mi gnas so// ser sna dang / gtong ba dang / ngan pa'i ngang tshul dang tshul khrims dang / gnod sems dang / bzod pa dang / le lo dang / brtson 'grus dang / g.yeng ba dang / bsam gtan dang / 'chal pa'i ye shes dang / shes rab dang / lhan cig mi gnas pa nas/ pha rol tu phyin pa'i phyogs dang mi mthun pa'i phyogs sems pa dang lhan cig mi gnas so// nges pa dang / ma nges pa dang / yang dag pa dang / log pa dang /
- 61a
ngabya bya// dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang 'dus ma byas dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa dang lhan cig mi gnas pa nas/ chos thams cad kyi mi mthun pa'i phyogs dang / gnyen po'i bar dang lhan cig mi gnas so// theg pa tha dad pa dang / sems can tha dad pa dang / zhing tha dad pa dang / sangs rgyas tha dad pa dang / chos tha dad pa dang / dge 'dun tha dad pa dang lhan cig mi gnas so// tha dad pa thams cad kyi bar dang lhan cig mi gnas so// mi shes pa dang / shes pa dang / rnam par shes pa dang / kun rdzob dang / don dam pa dang lhan cig mi gnas pa nas/ mtshan ma yid la byed pa thams cad kyi bar dang lhan cig mi gnas so// de shes rab ni gang rgyu ba med cing lus med pa/ mtshan nyid med pa/ mtshan ma med pa/ 'dus ma byas pa ste/ de ni mtshan ma dang / yid la byed pa thams cad dang / sems dang / yid dang / rnam par shes pa dang / gnas dang / ming dang / mtshan ma dang / gcig pa dang / tha dad pa dang lhan cig mi gnas so// btsun pa shA ra dwa ti'i bu/ shes rang ni 'grogs pa bcu drug po
- 61b
de dag dang lhan cig mi gnas so/ / de la shes rab kyi yul gang zhe na/ 'di lta ste/ chos brgyad la mkhas pa'o// chos brgyad la mkhas pa gang zhe na/ 'di lta ste/ phung po la mkhas pa dang / khams la mkhas pa dang / skye mched la mkhas pa dang / bden pa la mkhas pa dang / rten cing 'brel par 'byung ba la mkhas pa dang / dus gsum la mkhas pa dang / theg/ pa kun la mkhas pa dang / chos thams cad kyi bar la mkhas pa'o// de la byang chub sems dpa'i phung po la mkhas pa gang zhe na/ gang 'di phung po rnams kyi dper bya ba bstan pa ste/ lbu ba'i/ gong bur bstan pa dang / chu'i chu bur du bstan pa dang / smig rgyur bstan pa dang / chu shing gi phung por bstan pa dang / sgyu mar bstan pa dang / rmi lam du bstan pa dang / zag char bstan pa dang / mig yor du bstan pa dang / gzugs brnyan du bstan pa dang / sprul par bstan pa'o// de ci'i phyir zhe na/ gzugs ni dbu ba'i gong bu lta bu ste/ dbu ba'i gong bu ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// dbu ba'i gong bu'i rang bzhin gang yin pa gzugs kyi rang bzhin yang de bzhin te/ gang 'di la mkhas pa de ni phung po la mkhas pa zhes bya'o// tshor ba ni chu'i chu bur lta bu'o// 'du shes ni smig rgyu lta bu'o// 'du byed ni chu shing lta bu'o// rnam par shes
- 62a
ba ni sgyu ma lta bu ste/ sgyu ma bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin/ sgyu ma'i rang bzhin gang yin pa rnam par shes pa'i rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni rmi lam lta bu ste/ rmi lam yang bdag/ ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// rmi lam gyi rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o/ / phung po rnams ni brag cha lta bu ste/ brag cha ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin/ brag cha'i rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni mig yor lta bu ste/ mig sor yang bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// mig yor gyi rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni gzugs brnyan lta bu ste/ gzugs brnyan ni/
- 62b
bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin/ gzugs brnyan gyi rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni sprul pa lta bu ste/ sprul pa yang bdag ma yin/ sems can ma/ yin/ srog ma yin/ gso ba ma yin/ skyes bu ma yin/ gang zag ma yin no// sprul pa'i rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o/ / phung po zhes bya ba de ni 'jig rten te/ 'jig rten yang 'jig pa'i mtshan nyid do// 'jig rten gyi rang bzhin gang yin pa de rang bzhin kyis mi rtag pa'o/ / rang bzhin gyis sdug bsngal ba'o// rang bzhin gyis stong pa'o// rang bzhin gyis bdag med pa'o// rang bzhin gyis zhi ba ste/ gang 'di la mkhas pa de ni byang chub sems dpa'i phung po la mkhas pa zhes bya'o/ / de la byang chub sems dpa'i khams la mkhas pa gang zhe na/ gang chos kyi dbyings la 'jug pa'i ye shes so// chos kyi dbyings sa'i khams yin mod kyi/ chos kyi dbyings sra ba'i mtshan nyid ni ma yin no// chos kyi dbyings chu'i khams yin mod kyi/ chos kyi dbyings brlan pa'i mtshan nyid ni ma yin no// chos kyi dbyings me'i khams yin mod kyi
- 63a
chos kyi dbyings smin par byed pa'i mtshan nyid ni ma yin no/ / chos kyi dbyings rlung gi khams yin mod kyi/ chos kyi dbyings g.yo ba'i mtshan nyid ni ma yin no// chos kyi dbyings mig gi khams yin mod kyi chos kyi dbyings lta ba'i mtshan nyid ni ma yin no/ / chos kyi dbyings rna ba'i khams yin mod kyi/ chos kyi dbyings nyan pa'i mtshan nyid ni ma yin no// chos kyi dbyings sna'i khams yin mod kyi/ chos kyi dbyings snom pa'i mtshan nyid ni ma yin no// chos kyi dbyings lce'i khams yin mod kyi/ chos kyi dbyings myang bar byed pa'i mtshan nyid ni ma yin no/ / chos kyi dbyings lus kyi khams yin mod kyi/ chos kyi dbyings nom pa'i mtshan nyid ni ma yin no// chos kyi dbyings yid kyi khams yin mod kyi/ chos kyi dbyings rnam par rig pa'i mtshan nyid ni ma yin no/ / chos kyi dbyings mig gi rnam par shes pa'i khams yin mod kyi/ chos kyi dbyings gzugs rnam par rig pa'i mtshan nyid ni ma yin no// chos kyi dbyings rna ba'i rnam par shes pa'i khams yin mod kyi/ chos kyi dbyings sgra rnam par rig pa'i mtshan nyid ni ma yin no// chos kyi dbyings sna'i rnam par shes pa'i khams yin mod kyi/ chos kyi dbyings dri rnam par rig pa'i mtshan nyid ni ma yin no/ / chos kyi dbyings lce'i rnam par shes pa'i khams yin mod kyi/ chos kyi dbyings ro rnam par rig pa'i mtshan nyid ni ma yin no// chos kyi dbyings lus kyi/
- 63b
rnam par shes pa'i khams yin mod kyi/ chos kyi dbyings reg bya rnam par rig pa'i mtshan nyid ni ma yin no// chos kyi dbyings yid kyi rnam par shes pa'i khams yin mod kyi/ chos kyi dbyings chos rnam par rig pa'i mtshan nyid ni ma yin no/ / chos kyi dbyings gzugs kyi khams yin mod kyi/ chos kyi dbyings mig gi rnam par shes pas rnam par rig par bya ba'i mtshan nyid ni ma yin no/ / chos kyi dbyings sgra'i khams yin mod kyi/ chos kyi dbyings rna ba'i rnam par shes pas rnam par rig par bya ba'i mtshan nyid ni ma yin no// chos kyi dbyings dri'i khams yin mod kyi/ chos kyi dbyings sna'i rnam par shes pas rnam par rig par bya ba'i mtshan nyid ni ma yin no// chos kyi dbyings ro'i khams yin mod kyi/ chos kyi dbyings lce'i rnam par shes pas rnam par rig par bya ba'i mtshan nyid ni ma yin no/ / chos kyi dbyings reg bya'i khams yin mod kyi/ chos kyi dbyings lus kyi rnam par shes pas rnam par rig par bya ba'i mtshan nyid ni ma yin no// chos kyi dbyings chos kyi khams yin mod kyi/ chos kyi dbyings yid kyi rnam par shes pas rnam par rig par bya ba'i mtshan nyid ni ma yin no// chos kyi dbyings gzugs kyi khams yin mod kyi/ chos kyi dbyings gzugs su rnam par rig pa'i mtshan nyid ni ma yin no/ / chos kyi dbyings sgra'i khams yin mod kyi/ chos kyi dbyings sgrar rnam par rig pa'i mtshan nyid ni ma yin no// chos kyi dbyings dri'i
- 64a
khams yin mod kyi/ chos kyi dbyings spyir rnam par rig pa'i mtshan nyid ni ma yin no// chos kyi dbyings ro'i khams yin mod kyi chos kyi dbyings tho ba'i rnam par rig pa'i mtshan nyid ni ma yin no/ / chos kyi dbyings reg bya'i khams yin mod kyi/ chos kyi dbyings reg byar rnam par rig pa'i mtshan nyid ni ma yin no// chos kyi dbyings chos kyi khams yin mod kyichos kyi dbyings chos su rnam par rig pa'i mtshan nyid ni ma yin no/ / chos kyi dbyings dang bdag gi khams de ni mtshungs pa'o// chos kyi dbyings dang 'dod pa'i khams dang / gzugs kyi khams dang / gzugs med pa'i khams de ni mtshungs pa'o// chos kyi dbyings dang 'khor ba'i khams dang / mya ngan las 'das pa'i dbyings de ni mtshungs pa'o// chos kyi dbyings dang sems can gyi khams dang / nam mkha'i khams dang / chos thams cad kyi khams de ni mtshungs pa'o// ci'i phyir de mtshungs she na/ stong pa nyid du mtshungs pas na/ de ni mtshungs pa'o/ / mtshan ma med par mtshungs pa dang / smon pa med par mtshungs pa dang / mngon par 'du mi byed par mtshungs pa dang / skye ba med par mtshungs pa dang / 'byung ba med par mtshungs pa dang / dngos po med par mtshungs pa dang / chos thams cad tha dad pa med par mtshungs pa dang / sgrib pa med par mtshungs pa dang / nam mkha'i khams su mtshungs pa dang /
- 64b
ngan las 'das pa'i dbyings su mtshungs pas de dag mtshungs so// 'dus byas kyi khams la 'jug pa dang / 'dus ma byas kyi khams la 'jug pa tshad med de/ gang bstan pa de chos kyi dbyings kyi tshul gyi sgo nas 'jug pa 'di ni byang chub sems dpa'i khams la mkhas pa zhes bya'o/ / de la byang chub sems dpa'i skye mched la mkhas pa gang zhe na/ gang chos kyi skye mched la 'jug pa'i ye shes chos kyi skye mched ni mig gi skye mched yin mod kyi/ chos kyi skye mched lta ba'i mtshan nyid ni ma yin no// chos kyi skye mched rna ba'i skye mched yin mod kyi/ chos kyi skye mched mnyan pa'i mtshan nyid ni ma yin no/ / chos kyi skye mched sna'i skye mched yin mod kyi/ chos kyi skye mched snom pa'i mtshan nyid ni ma yin no// chos kyi skye mched lce'i skye mched yin mod kyi/ chos kyi skye mched myang ba'i mtshan nyid ni ma yin no/ / chos kyi skye mched lus kyi skye mched yin mod kyi/ chos kyi skye mched nom pa'i mtshan nyid ni ma yin no// chos kyi skye mched yid kyi skye mched yin mod kyi/ chos kyi skye mched chos rnam par rig pa'i mtshan nyid ni ma yin no// chos kyi skye mched gzugs kyi skye mched yin mod kyi/ chos kyi skye mched mig gi rnam par shes pas rnam par rig par bya ba'i mtshan nyid ni ma yin no/ / chos kyi skye mched sgra'i skye mched yin mod kyi/ chos kyi skye mched rna ba'i rnam par shes pas rnam par rig par bya ba'iri mtshan nyid ni ma yin no// chos kyi skye mched dri'i skye mched yin mod kyi/
- 65a
chos kyi skye mched sna'i rnam par shes pas rnam par rig par bya ba'i mtshan nyid ni ma yin no// chos kyi skye mched ro'i skye mched yin mod kyi/ chos kyi skye mched lce'i rnam par shes pas rnam par rig par bya ba'i mtshan nyid ni ma yin no/ / chos kyi skye mched reg bya'i skye mched yin mod kyi/ chos kyi skye mched lus kyi rnam par shes pas rnam par rig par bya ba'i mtshan nyid ni ma yin no// chos kyi skye mched chos kyi skye mched yin mod kyi/ chos kyi skye mched yid kyi rnam par shes pas rnam par rig par bya ba'i mtshan nyid ni ma yin te/ 'di ni byang chub sems dpa'i skye mched la mkhas pa zhes bya'o/ / gzhan yang skye mched la mkhas pa ni/ mig gi skye mched ni bdag dang bdag gis stong ngo // de bzhin du rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched dang / gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang / chos kyi skye mched ni bdag dang bdag gis stong ngo / / ji ltar bcom ldan 'das kyis kyang mig ni bdag dang bdag gis stong ste/ 'di ni de'i rang bzhin no// de bzhin du rna ba dang / sna dang / lce dang / lus dang / yid ni bdag dang bdag gis stong ste/ 'di ni de'i rang bzhin no// de bzhin du gzugs dang / sgra dang / dri dang / ro dang / reg bya dang / chos rnams ni bdag dang
- 65b
bdag gis stong ste/ 'di ni de'i rang bzhin no zhes gsungs so// 'di ltar gang skye mched rnams la skye mched du mi byed cing / mi dge ba'i chos rnams kyang mi sogs/ dge ba'i chos kyang 'bri bar mi byed la/ dge ba dang mi dge ba la 'du shes gnyis su mi 'gyur ba 'di ni/ byang chub sems dpa'i skye mched la mkhas pa zhes bya'o// gzhan yang skye mched la mkhas pa ni/ mig gi skye mched kyi 'dod chags kyi gnas dang / rten ni gzugs kyi skye mched de/ mig gzugs la 'dod chags dang bral bar mthong la/ 'dod chags dang bral ba'i chos kyang mngon sum du mi byed pa 'di ni/ byang chub sems dpa'i skye mched la mkhas pa zhes bya'o// de bzhin du rna ba'i skye mched kyi sgra'i skye mched dang / sna'i skye mched kyi dri'i skye mched dang / lce'i skye mched kyi ro'i skye mched dang / lus kyi skye mched kyi reg bya'i skye mched dang / yid kyi skye mched kyi 'dod chags kyi gnas dang / rten ni chos kyi skye mched de/ gang yid chos la 'dod chags dang bral bar mthong la/ 'dod chags dang bral ba'i chos kyang mngon sum du mi byed pa de ni/ byang chub sems dpa'i skye mched la mkhas pa zhes bya'o// skye mched ces bya ba ni 'phags pa'i skye mched dang / 'phags pa ma yin pa'i skye mched do// de la 'phags pa'i skye mched ni gang lam sgrub pa'o// 'phags pa ma yin pa'i skye mched ni gang lam dang mi mthun pa'o// de la byang chub sems dpa'i lam
- 66a
la gnas nas/ lam dang mi mthun par spyod pa'i sems can rnams la snying rje chen po skyed cing / lam gyi skye mched kyang mi 'dor ba 'di ni byang chub sems dpa'i skye mched la mkhas pa zhes bya'o/ / de la byang chub sems dpa'i bden pa la mkhas pa gang zhe na/ 'jug pa bzhi ni byang chub sems dpa'i bden pa la mkhas pa yin te/ 'jug pa bzhi gang zhe na/ gang 'di sdug bsngal shes pa dang / kun 'byung ba shes pa dang / 'gog pa shes pa dang / lam shes pa'o// de la sdug bsngal shes pa zhes bya ba ni/ gang phung po rnams kyi mi skye ba shes pa'o// kun 'byung ba shes pa zhes bya ba ni/ gang sred pa kun 'joms pa'i shes pa'o// 'gog pa shes pa zhes bya ba ni ma rig pa dang / bag la nyal rnams mi 'byung ba'o// lam shes pa zhes bya ba ni// mnyam pa nyid du gyur pa'i chos thams cad la sgro mi 'dogs pa ste/ de ni byang chub sems dpa'i bden pa'i shes pa'o// de la byang chub sems dpa'i 'phags pa'i bden pa bzhi po de dag la de lta bur shes rab dang / ye shes kyis rab tu shes kyang / sems can la lta ba'i phyir mngon sum du mi byed cing / sems can rnams kyang yongs su smin par byed de/ 'di ni byang chub sems dpa'i bden pa la mkhas pa zhes bya'o/ / gzhan yang byang chub sems dpa'i bden pa rnam gsum ste/ rnam pa gsum gang zhe na/ gang 'di kun rdzob kyi bden pa dang / don dam pa'i bden pa dang / mtshan
- 66b
nyid kyi bden pa'o/ / de la kun rdzob kyi bden pa gang zhe na/ ji snyed du 'jig rten gyi tha snyad yi ge dang / sgra dang / brdas bstan pa'o// don dam pa'i bden pa ni/ gang la sems kyi rgyu ba/ med pa ste/ yi ge lta ci smos/ mtshan nyid kyi bden pa ni gang 'di mtshan nyid thams cad mtshan nyid gcig pa ste/ mtshan nyid gcig po gang mtshan nyid med pa'o// de la byang chub sems dpa'i kun rdzob kyi bden pa ston pas yongs su mi skyo/ don dam pa'i bden pa mngon sum du byed par yang mi ltung / mtshan nyid kyi bden pas bden pa gcig tu rtogs kyang / sems can rnams yongs su smin par byed de/ 'di ni byang chub sems dpa'i bden pa la mkhas pa zhes bya'o// gzhan yang bden pa rnam pa gnyis te/ rnam pa gnyis po gang zhe na/ gang 'di tha snyad kyi bden pa dang / don dam pa'i bden pa'o/ / de la tha snyad kyi bden pa ni gang dus su bden par smra ba ste/ gang 'di sdug bsngal gyi bden pa dang / kun 'byung ba'i bden pa dang / 'gog pa'i bden pa dang / lam gyi bden ba dang / ji snyed du 'jig rten gyi tha snyad de/ yi ge dang / sgra dang / brdar bstan pa'o// don dam pa'i bden pa ni gang 'di mya ngan las 'das pa mi rmongs pa'i sems can te/ de ci'i phyir zhe na/ rtag tu chos kyi de bzhin nyid kyi phyir de'i rigs ni rtag pa'o// de la byang chub sems dpa'i tha snyad kyi bden pa bstan pas kyang yongs su mi skyo/ don dam pa'i bden pa mngon sum du byed par yang mi ltung
- 67a
la sems can rnams kyang yongasasu smin par byed pa 'di ni/ byang chub sems dpa'i bden pa la mkhas pa zhes bya'o// gzhan yang bden pa ni gcig sde gnyis su med do// de la bden pa gcig ni gang 'di chos thams cad kyi sgro 'dogs pa med cing / sgro 'dogs par ltung ba'i sems can rnams kyang bden pa la rab tu 'jug pa'o// de la byang chub sems dpa'i sgro 'dogs pa med pa'i bden pa bstan pas kyang mi skyo la/ sgro 'dogs pa med pa'i bden pa gcig bstan pa yang mngon sum du mi byed cing / sems can rnams yongs su smin par byed pa 'di ni/ byang chub sems dpa'i bden pa la mkhas pa zhes bya'o/ / gzhan yang phung po lnga ni sdug bsngal ba ste/ gang phung po lnga rnams kyi sdug bsngal gyi mtshan nyid 'di ni sdug bsngal zhes bya'o// gang gis sdug bsngal gyi mtshan nyid stong par rtogs pa 'di ni/ sdug bsngal la sdug bsngal du 'du shes pa'i 'phags pa'i bden pa'o// gang phung po lnga'i sred pa'i rgyu dang / lta ba'i rgyu bag la nyal 'di ni kun 'byung ba zhes bya'o// / gang gis sred pa'i rgyu dang / lta ba'i rgyu de dag mi len pa dang / sgro mi 'dogs pa dang / reg par mi byed pa 'di ni/ kun 'byung ba la kun 'byung ba shes pa 'phags pa'i bden pa shes pa'o// / gang phung po lnga rnams shin tu zad de/ 'gags pas sngon gyi mthar mi 'byung ba dang / phyi ma'i mthar mi 'pho ba dang / da ltar byung bar phyin pa med pa 'di ni 'gog pa 'phags pa'i bden pa ste
- 67b
de la gang gis de ltar shes pa 'di ni/ 'gog pa la 'gog par shes pa 'phags pa'i bden pa zhes bya'o// lam gang la rten te/ sdug bsngal shes pa dang / kun 'byung ba shes pa dang 'gog pa shes pa la reg cing gnyis su med pa'i ye shes su 'jog pa de ni/ sdug bsngal 'gog par 'gro ba'i lam 'phags pa'i bden pa zhes bya'o// gang 'di la stong pa nyid du shes pa 'di ni/ lam la lam du shes pa 'phags pa'i bden pa zhes bya'o/ / gang gis 'phags pa'i bden pa bzhi po 'di dag la de ltar ye shes kyis rtog cing / bden pa'i rtog pas mi rtog pa 'di ni byang chub sems dpa'i bden pa la mkhas pa zhes bya'o/ / gzhan yang tshor ba thams cad sdug bsngal te/ 'di ni sdug bsngal ba zhes bya'o// tshor ba de la rnam par 'byed cing / rig par byed pa 'di ni/ sdug bsngal la sdug bsngal du shes pa 'phags pa'i bden pa zhes bya'o/ / tshor ba de rgyu gang gis kun 'byung ba 'di ni/ kun 'byung ba zhes bya ste/ gang gis rgyu de yang dag pa ji lta ba bzhin du rab tu shes pa 'di ni// kun 'byung ba la kun 'byung bar shes pa 'phags pa'i bden pa'o// gang tshor ba thams cad rab tu chad de tshor ba med pa yang tshor zhing / tshor ba 'gog pa la yang rtog la/ sems can la lta ba'i phyir tshor ba 'gog pa mngon sum du mi byed pa 'di ni/ 'gog pa la 'gog par shes pa 'phags pa'i bden pa zhes bya'o// tshor ba gang gis bsgrubs pa'i lam de ni gzings lta bu ste/ gang tshor ba 'dod pa de ni//
- 68a
lam 'dod pa ma yin no// 'di ni lam la lam du shes pa'i 'phags pa'i bden pa zhes bya'o// gang de ltar bden pa bzhi po 'di mthong ba dang / rnam par dag pas mnyam par mngon par rtogs pa 'di ni/ byang chub sems dpa'i bden pa la mkhas pa zhes bya'o// gzhan yang mdor na skye ba ni sdug bsngal ba ste/ 'di ni sdug bsngal ba zhes bya'o// gang mi skye ba la rtog pa'i shes pa 'di ni/ sdug bsngal ba la sdug bsngal du shes pa 'phags pa'i bden pa zhes bya'o// srid pa'i rkyen gyis skye ba ste/ gang srid pa de kun 'byung ba'o// gang srid pa 'jig pa shes pa 'di ni kun 'byung ba la kun 'byung bar shes pa'i 'phags pa'i bden pa zhes bya'o/ / skye ba thams cad ni skye ba med pa ste/ mi skye ba ni 'gog pa'o// gang ma skyes pa de la 'gog pa gang yang med do// / gang 'gog pa med par shes pa 'di ni/ zad pa'i 'gog pa shes pa 'phags pa'i bden pa zhes bya'o// gang 'di ltar bgrang ba dang / 'jal ba dang / tshol ba dang / rtog pa dang / 'jug pa'i shes pa 'di ni/ lam la lam du shes pa 'phags pa'i bden pa zhes bya'o// gang bden pa'i shes pa 'di la 'jug cing / bden pa'i shes pa la yang mi gnas pa 'di ni/ byang chub sems dpa'i bden pa la mkhas pa zhes bya'o/ / de la byang chub sems dpa'i rten cing 'brel bar 'byung ba la mkhas pa gang zhe na/ 'di lta ste/ tshul bzhin ma yin pa kun 'byung ba las ma rig pa kun 'byung
- 68b
ngo/ / ma rig pa kun 'byung ba las 'du byed kun 'byung ngo // 'du byed kun 'byung ba las rnam par shes pa kun 'byung ngo // rnam par shes pa kun 'byung ba las ming dang gzugs kun 'byung ngo // ming dang gzugs kun 'byung ba las/ skye mched drug kun 'byung ngo // skye mched drug kun 'byung ba las reg pa kun 'byung ngo // reg pa kun 'byung ba las tshor ba kun 'byung ngo // tshor ba kun 'byung ba las/ sred pa kun 'byung ngo // sred pa kun 'byung ba las/ len pa kun 'byung ngo // len pa kun 'byung ba las/ srid pa kun 'byung ngo // srid pa kun 'byung ba las/ skye kun 'byung ngo / / skye ba kun 'byung ba las rga shi dang / mya ngan dang / smre sngags 'don pa dang / sdug bsngal ba dang / yi mug pa dang / 'khrug pa kun 'byung ste/ de ltar na sdug bsngal gyi phung po chen po 'di 'ba' zhig 'byung bar 'gyur ro/ / g.yo ba med pa/ byed pa med pa/ bdag po med pa/ 'dzin pa med pa'i chos ji ltar gnas pa bzhin du 'byung ste/ gang 'di la shes pa 'di ni byang chub sems dpa'i rten cing 'brel par 'byung ba la mkhas pa zhes bya'o/ / gzhan yang gang dge ba'i rgyu 'am/ mi dge ba'i rgyu 'am/ mi g.yo ba'i rgyu 'am/ 'khor ba'i rgyu 'am/ mya ngan las 'das pa'i rgyu de dag thams cad byang chub sems dpas yang dag pa ji lta ba bzhin du shes te/ sems can gang dag gi dbang po tshad yod pa'i rgyu la 'jug cing / dbang po'i chos kyi rgyu 'di
- 69a
'bras bu'i rgyu 'grub par byed do zhes 'dzin pa dang / ma zin pa'i chos rnams la gang de ltar rgyu kun 'byung ba las skye ba la mkhas pa 'di ni byang chub sems dpa'i rten cing 'brel bar 'byung ba la mkhas pa zhes bya'o/ / gzhan yang rten cing 'brel par 'byung ba la mkhas pa ni/ tshul bzhin ma yin pa 'gags pas/ ma rig pa 'gag/ ma rig pa 'gags pas/ 'du byed 'gog/ 'du byed 'gags pas/ rnam par shes pa 'gag/ rnam par shes pa 'gags pas/ ming dang gzugs 'gag/ ming dang gzugs 'gags pas/ skye mched drug 'gag/ skye mched drug 'gags pas/ reg pa 'gag/ reg pa 'gags pas/ tshor ba 'gag/ tshor ba 'gags pas/ sred pa 'gag/ sred pa 'gags pas/ len pa 'gag/ len pa 'gags pas/ srid pa 'gag/ srid pa 'gags pas/ skye ba 'gag/ skye ba 'gags pas/ rga shi dang / mya ngan dang / smre sngags 'don pa dang / sdug bsngal ba dang yi mug pa dang / 'khrug pa rnams 'gag par 'gyur te/ de ltar sdug bsngal gyi phung po chen po 'di 'ba' zhig kyang 'gag par 'gyur ro// g.yo ba med pa/ byed pa med pa/ bdag po med pa/ 'dzin pa med pa'i chos ji ltar gnas pa bzhin du 'gog par 'gyur ro// gang 'di la mkhas pa 'di ni byang chub sems dpa'i rten cing 'brel par 'byung bar 'gyur ba la mkhas pa zhes bya'o// gzhan yang
- 69b
chos thams cad ni rgyu la rag lus pa'o/ / rkyen la rag lus pa'o// tshogs la rag lus pa'o// chos gang rgyu dang / rkyen dang / tshogs la rag lus pa de bdag la rag ma lus pa'o// sems can la rag ma lus pa'o/ / srog la rag ma lus pa'o// gang zag la rag ma lus pa'o// gang bdag la rag ma lus pa dang / sems can la rag ma lus pa dang / srog la rag ma lus pa dang / gang zag la rag ma lus pa de 'di 'am/ sngon nam/ gzhan zhes gang yang bgrang du med de/ gang de lta bu rtogs pa 'di ni/ byang chub sems dpa'i rten cing 'brel par 'byung ba la mkhas pa zhes bya'o/ / gzhan yang gang byang chub sems dpa'i byang chub kyi rkyen thams cad kyang nye bar gzhog la/ rkyen de dag kyang zad cing 'gog par rtogs te/ sems can la lta ba'i phyir zad cing 'gog pa'i ye shes su mi rtog pa 'di ni byang chub sems dpa'i rten cing 'brel par 'byung ba la mkhas pa zhes bya'o/ / de la byang chub sems dpa'i dus gsum la mkhas pa gang zhe na/ gang bdag dang sems can gzhan gyi 'das pa'i sems dang sems las byung ba dge ba dang / mi dge ba rnams rjes su dran pa ste/ mi dge ba'i sems dang sems las byung ba rnams dran nas kyang / rnam par smod pa dang dge ba'i sems dang sems las byung ba'i rnams dran nas kyang byang chub tu bsngo ba 'di ni 'das pa la mkhas pa zhes bya'o/ / gang ma 'ongs pa'i sems dang sems las byung ba/ dge ba'i
- 70a
rtsa ba'i tshogs la nges par rtog cing byang chub kyi phyir las mngon sum du bsam pa ste/ gang dge ba'i sems bskyed pa skye bar 'gyur ba de dag ni/ bla na med pa yang dag par rdzogs pa'i byang chub tu bsngo bar bya'o/ / mi dge ba'i sems dang sems las byung ba'i skabs mi sbyin no zhes gang de lta bur sems la bsgo ba de ni ma 'ongs pa la mkhas pa'o// da ltar byung ba la mkhas pa gang zhe na/ gang da ltar byung ba'i dus kyi sems dang sems las byung ba'i sems tshul bzhin sbyor bas dge ba'i rtsa ba mngon par 'du byed pa dang / mi dge ba'i sems las zlog pa dang / dge ba'i sems dang sems las byung ba'i rnams byang chub tu mngon du byed pa de ni de ltar byung ba la mkhas pa'o/ / gang 'di dag la mkhas pa de ni byang chub sems dpa'i dus gsum la mkhas pa zhes bya'o// gzhan yang gang 'das pa'i dus kyi chos rnams stong par mos pa dang / ma 'ongs pa'i dus kyi chos rnams stong par mos pa dang / da ltar byung ba'i dus kyi chos rnams stong par mos pa ste/ de ltar shes rab dang ye shes kyi dus gsum stong pa nyid du yang rtog la/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bsod nams thams cad rjes su thabs kyi ye shes kyis yi rangs te/ gang 'di la mkhas pa 'di ni byang chub sems dpa'i dus gsum la mkhas pa zhes bya'o// gzhan yang 'das pa'i ngas na zad pa'i chos rnams kyi phyi ma'i mthar 'phos par mi lta zhing
- 70b
dge ba mngon par 'du byed pa la brtson 'grus kyang mi gtong ste/ mi dge ba mngon par 'du mi byed pa dang / gang ma 'ongs pa'i dus kyi chos rnams mi skye mi 'byung bar rtog cing / byang chub tu bsngo ba'i brtson 'grus kyang mi 'dor ba dang / da ltar byung ba'i dus na chos rnams 'dug pa med cing mi gnas par rtog ste/ byang chub sems dpa' lhag pa'i bsam pa rab tu brtan pa ni/ byang chub kyi sems kyang mi brjed de/ 'di ni byang chub sems dpa'i dus gsum la mkhas pa zhes bya'o// gzhan yang gang 'das pa de ni zad pa'o// gang ma 'ongs pa de ni ma phyin pa'o// da ltar byung ba ni gnas pa med de/ gang de ltar sems dang sems las byung ba skye ba dang / zhig pa dang / zhum pa rnams la rtog cing / byang chub bsgrub pa'i dge ba'i rtsa ba rnams kyang yang dag par sgrub pa 'di ni byang chub sems dpa'i dus gsum la mkhas pa zhes bya'o/ / gzhan yang gang mngon par shes pa la mkhas pas 'das pa'i dus dran te/ sngon dge ba'i rtsa ba bskyed pa rnams dran nas byang chub tu bsngo ba dang / gang ma 'ongs pa'i dus na ma 'ongs pa'i sems bskyed pa rnams rab tu shes pa dang / de la smon pa yongs su rdzogs par byed pa dang / gang da ltar byung ba'i dus na dge ba'i rtsa ba skyes shing byung ba'i rnams yid/ la byed cing / byang chub tu bsngo bar byin gyis rlob pa 'di ni dus gsum la mkhas pa zhes bya'o// gzhan yang gang sems can thams cad yongs su smin par bya ba'i phyir/ 'das pa'i bsod nams kyi
- 71a
rjes su dran nas/ sems can gang ji lta bar smin par bya ba de dag thams cad de bzhin du yongs su smin par byed de/ gang ma 'ongs pa'i dus kyi sangs rgyas mnyes par bya bas/ sems can yongs su smin par bya ba de dag thams cad de bzhin du yongs su smin par byed pa dang / gang da ltar byung ba'i sems can rnams chos bstan pa 'am/ rdzu 'phrul dang cho 'phrul gyis yongs su smin par bya ba de dag thams cad kyang / de bzhin du yongs su smin par byed de/ gang dus gsum 'di dag la bdag gi don dang / gzhan gyi don dang / byang chub kyi don de dag ma chags par yongs su rdzogs par byed pa 'di ni/ byang chub sems dpa'i dus gsum la mkhas pa zhes bya'o// de la byang chub sems dpa'i theg pa kun la mkhas pa gang zhe na/ gsum po 'di ni theg pa ste 'byung ngo / / gsum po gang zhe na/ 'di lta ste/ nyan thos kyi theg pa dang / rang sangs rgyas kyi theg pa dang / theg pa chen po'o// gzhan yang theg pa gnyis te/ gnyis gang zhe na/ lha'i theg pa dang / mi'i theg pa'o// de la byang chub sems dpa'i nyan thos kyi theg pa la mkhas pa gang zhe na/ sangs rgyas 'byung ba med par nyan thos kyi theg pa yang med do// de ci'i phyir zhe na/ nyan thos rnams kyi yang dag par lta ba ni/ gzhan gyi sgra'i phyir 'gro ba ste/ de la nyan pa ni gang 'di'i tshul khrims sdom pa ste/ ji ltar bslab par bcas pa'i rjes su 'jug pa ni/ tshul khrims kyi
- 71b
phung po yongs su rdzogs par 'gyur ro/ / tshul khrims kyi phung po yongs su rdzogs nas/ ting nge 'dzin gyi phung po yongs su rdzogs par byed do// ting nge 'dzin gyi phung po yongs su rdzogs nas shes rab kyi phung po yongs su rdzogs par byed do/ / shes rab kyi phung po yongs su rdzogs nas rnam par grol ba'i phung po yongs su rdzogs par byed do// rnam par grol ba'i phung po yongs su rdzogs nas rnam par grol ba'i ye shes mthong ba'i phung po yongs su rdzogs par byed pa ste/ gang 'di la mkhas pa 'di ni nyan thos kyi theg pa la mkhas pa zhes bya'o// gzhan yang nyan thos kyi theg pa la mkhas pa ni gang bsod nams dang bsod nams ma yin pa dang / mi g.yo ba'i 'du byed rnams la rnam par smod pa dang / khams gsum pa thams cad la skyo zhing / 'dod chags dang bral ba dang / 'du byed thams cad la mi rtag pa dang / sdug bsngal bar rtog pa dang / chos thams cad la bdag med par rtog pa dang / zhi ba mya ngan las 'das pa la mngon par dga' ba dang / skad cig kyang srid par skye bar mi 'dod pa dang / rtag tu 'jigs par lta ba dang / rtag tu yid mi rton pa dang / phung po rnams la gsod par 'du shes pa dang / khams rnams la rab tu gdug pa'i dug ltar rtog pa'i 'du shes pa dang / skye mched rnams la grong stong par 'du shes pa dang / skye ba'i gnas thams cad la mi smon pa'i 'du shes pa dang / mya ngan las 'das pa la gnas dang skyabs su
- 72a
'du shes pa dang / gang 'di ltar ston pa dang / rab tu ston pa 'di ni byang chub sems dpa'i nyan thos kyi theg pa la mkhas pa zhes bya'o// de la byang chub sems dpa'i rang sangs rgyas kyi theg pa la mkhas pa gang zhe na/ rnam pa gang dang / rkyen gang gis rang sangs rgyas rnams 'byung bar 'gyur ba'i rnam pa de dag dang / rkyen de dag byang chub sems dpas yang dag pa ji lta ba bzhin du shes te/ de dag gang zhe na/ 'di lta ste/ mos pa dang / brtson 'grus dang / bag yod pa chen pos nyan thos kyi lta bu ma yin pa/ sbyin pa'i bsod nams kyi tshogs bsags pa dang / tshul khrims kyi bsod nams kyi tshogs bsags pa dang / thos pa nyung ba la chos kyi nan tan byed pa ste/ sangs rgyas bcom ldan 'das la yang rim gro dang / bsnyen bkur byed pa la yang zhum pa med cing dbang po bar ma ste/ rtag tu rab tu 'byung ba la gzhol ba dang / don nyung ba dang / byed pa chung ba dang / 'du 'dzi la mi dga' zhing dben pa la dga' ba dang / mal stan dang bral ba dang bsnyen par dka' ba dang / mthu che ba dang / sbyin pa'i gnas kyi sa la mngon par dga' ba dang / brtun te rten cing 'brel par 'byung ba la lta ba dang / dbyings gcig tu 'byung bar rtog pa dang / rang byung ba'i ye shes kyis rab tu rgal ba dang / dmigs pa la 'dug pa'i thob pa dang / bsam gtan dang / rnam par thar pa dang / ting nge 'dzin dang / snyoms par 'jug pa
- 72b
rgyun mi chad pa dang / gzhan gyi dring la mi 'jog pa'i ye shes bskyed pa dang / dmigs pa gang yang rung ba la rkyen gyi ye shes rtogs pa ste/ de ltar 'chad pa dang / ston pa dang / rab tu ston pa/ 'di ni byang chub sems dpa'i rang sangs rgyas kyi theg pa la mkhas pa zhes bya'o// de la byang chub sems dpa'i theg pa chen po la mkhas pa gang zhe na/ byang chub sems dpa'i theg pa chen po la mkhas pa ni tshad med de/ de las phyogs tsam zhig bstan to// theg pa de ni sems can thams cad kyi go skabs 'byed pas na tshad med pa'o// theg pa de ni mi tshigs pa'i ye shes la bta ba ste/ bsgribs pa med pa'o/ / theg pa de ni sems can thams cad nye bar 'tsho ba ste/ bsod nams kyi tshogs dang / dge ba'i rtsa ba thams cad bsags pa'o// theg pa de ni sems can thams cad kyi sems kyi spyod pa la las su rung ba'i phyir/ pha rol tu phyin pa thams cad yongs su sbyang ba byas pa'o// theg pa de ni thogs pa med par byang chub kyi snying por 'grogs pa nas/ thams cad mkhyen pa'i ye shes kyi tshogs sgrol ba'o/ / theg pa de ni sems can thams cad sbyin pa'i gnas kyi phyir/ sems can thams cad la thogs pa med pa'i 'od zer mnyam par gtong ngo // theg pa de ni sangs rgyas kyi chos thams cad mngon du gyur pa'i phyir/ lam ngan pa'i 'jigs pa thams cad las 'das pa'o// theg pa de ni byang chub kyi phyogs kyi chos thams cad dang / rten cing 'brel par 'byung ba'i rgyal tshan dang / ba dan/
- 73a
bsgreng ba de/ bdud dang pha rol rgol ba dang / log pa'i tshogs mang po rab tu 'joms pa'o// theg pa de ni sangs rgyas kyi theg pa sgrib pa med par gyur pa ste/ mtha' dang mtha' med pa dang / rtag pa dang / chad pa dang / 'byung ba dang / 'jig pa dang / lta bar gyur pa thams cad dang / kun nas ldang ba dang / sgrib pa dang / chod pa dang / the tsom dang / 'gyod pa sel ba'o// theg pa de ni bsam pa dang / snying rje chen pos phye bas na/ chos thams cad phun sum tshogs pa/ rin po che thams cad dang ldan pa/ phun sum tshogs pa thams cad rnyed pa/ mi slu ba'i lam du 'gro ba/ sems can thams cad nye bar 'tsho ba'o// theg pa de ni thams cad du kha na ma tho ba med pa ste/ stobs bcu dang / mi 'jigs pa dang / sangs rgyas kyi chos ma 'dres pa/ dang mtshan dang dpe byad bzang po dang / lus dang ngag dang sems kyi rgyan gyis brgyan pa ste/ gang 'di la mkhas pa de ni byang chub sems dpa'i theg pa chen po la mkhas pa zhes bya'o// de la byang chub sems dpa'i chos thams cad la mkhas pa gang zhe na/ chos thams cad ces bya ba ni mdor na 'dus byas dang 'dus ma byas so// de la byang chub sems dpas 'dus byas dang 'dus ma byas la mkhas par bya ste/ de la byang chub sems dpa'i 'dus byas la mkhas pa gang zhe na/ gang de dag lus kyi 'du byed dge ba dang / ngag gi 'du byed dge ba dang / yid kyi 'du byed dge ba mngon par 'dus byas pa de
- 73b
dag thams cad dang / bla na med pa yang dag par rdzogs pa'i byang chub tu bsngo ba 'di ni/ byang chub sems dpa'i 'dus byas la mkhas pa zhes bya'o// gang yang dge ba'i lus dang / ngag dang / yid kyi 'du byed mngon par 'dus byas pa de dag thams cad byang chub tu tsom pas/ thams cad mkhyen pa'i phyir sngo ba 'di ni de'i 'dus ma byas la mkhas pa zhes bya'o// gzhar yang 'dus byas la mkhas pa ni pha rol tu phyin pa lnga rnams yang dag par bsgrub pa ste/ lnga gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / bcom 'grus kyi pha rol tu phyin pa dang / bsam gtan gyi pha rol tu phyin pa ste/ 'di ni byang chub sems dpa'i 'dus byas la mkhas pa zhes bya'o// gang yang shes rab kyi pha rol tu phyin pa ste/ 'dus byas kyi ye shes las pha rol tu phyin pa lnga la mi smod cing / pha rol tu phyin pa thams cad kyi tshogs dang / dge ba'i rtsa ba bsags pa'i phyir/ byang chub sems dpa'i rnam par grol ba zag pa med pa// thams cad mkhyen pa'i phyir bsngo ba 'di ni/ de'i 'dus ma byas la mkhas pa'o// gzhan yang 'dus byas la mkhas pa ni/ gang sems can thams cad la thogs pa med pa'i 'od zer mnyam par gtong ba'i phyir/ bsdu ba'i dngos po bzhis sems can sdud pa 'di ni/ byang chub sems dpa'i 'dus byas la mkhas pa'o// gang yang sems can med pa dang / bdag med pas mi 'dzin mi len pa dang /
- 74a
reg par mi byed cing bsdu ba'i dngos po la mkhas pa de yang 'dus ma byas la mos pas thams cad mkhyen par bsngo ba 'di ni de'i 'dus ma byas la khas pa'o// gzhan yang 'dus ma byas la mkhas pa ni 'khor ba'i rgyun gyi nyon mongs pa rnams gcod pa dang / 'khor ba'i rgyun gyi dge ba'i rtsa ba rnams mi gcod pa dang / byang chub bsgrub pa'i kun nas sbyor ba rnams kyi rgyun 'brel ba'i nyi tshe ba'i kun nas sbyor ba rnams mi spyod pa 'di ni 'dus byas la mkhas pa zhes bya'o/ / gang yang stong pa nyid dang / mtshan ma med pa dang / smon pa med pa'i chos rnams la 'dris par byed pa'i ye shes rtog pa la mkhas pa dang / byang chub tu gzhan gyi dring la mi 'jog cing / 'dus ma byas kyang mngon sum du mi byed pa 'di ni/ de'i 'dus ma byas la mkhas pa zhes bya'o// gzhan yang 'dus byas la mkhas pa ni gang khams gsum na yang spyod la/ khams gsum na spyod pa'i nyon mongs pas kyang mi gos pa 'di ni 'dus byas la mkhas pa zhes bya'o// gang yang khams gsum nas 'byung ba'i ye shes rab tu shes kyang 'byung ba dang / dbyings su mi ltung ba 'di ni de'i 'dus ma byas la mkhas pa'o// gang chos thams cad la mkhas pa zhes smras pa 'di ni/ thams cad mkhyen pa'i tshig bla dgas so// de ci'i phyir zhe na/ rtag tu dran pa dang / blo gros dang shes rab la mkhas pas thams cad mkhyen pa'i ye shes tshad med cing / mi chags pa yongs su rdzogs par byed de/ de'i phyir chos thams cad la
- 74b
mkhas pa zhes bya'o/ / btsun pa shA ra dwa ti'i bu/ mkhas pa brgyad po de dag gis kun zin pa'i byang chub sems dpa' rnams kyi shes rab ni mi zad pa yin no// gzhan yang dge ba dang / mi dge ba'i chos rnams rab tu shes pa ni shes rab bo/ / nges par 'byed pa'i chos rnams la rtog pa ni shes rab bo// 'phags pa'i chos mngon du gyur pas na/ shes rab ni tshad mar gyur pa'o// shes rab ni lta bar gyur pa dang / kun nas ltung ba dang / sgrib pa dang / chod pa thams cad yang dag pa ji lta ba bzhin du rab tu rtogs pa'o// shes rab ni 'dod pa dang / re ba dang / smon pa rnams kyi smon lam dang bral ba'o/ / shes rab ni nyon mongs pa'i yongs su gdung ba thams cad zhi bas na sim par byed pa'o// shes rab ni chos la dga' ba dang / mos pa'i rgyun ma chad pas na rab tu dga' bar byed pa'o/ / shes rab ni don shes pa mngon sum du gyur pas na/ rab tu rten pa'o// shes rab ni byang chub kyi phyogs sum cu rtsa bdun gyi chos rnams kyi rten to// shes rab ni theg pa ji lta ba bzhin du 'bras bu thob par gyur pas na/ thob pa'i mtshan nyid do// shes rab ni rang bzhin gyis ye shes snang bas na rab tu shes pa'i mtshan nyid do// shes rab ni 'ong ba thams cad las sgrol bas na yang dag par rab tu sgrol ba'o/ / shes rab ni yang dag par mi 'gyur bar 'dren pa'o// shes rab ni dge ba'i chos thams cad rab tu sdud pa'o// shes rab ni sngon gyi nyon mongs pa dang bag la nyal ba rnams
- 75a
dang bar byed pa'o/ / shes rab ni rtse mor phyin pa'i chos rnams kyi mchog go// shes rab ni rang byung gi ye shes rtogs pa'i phyir rab bo// shes rab ni khams gsum pa thams cad dang ma 'dres pa'i phyir rgyu ba dang bral ba'o/ / shes rab ni thabs kun gyis zin pa'o// shes rab ni 'phags pa thams cad kyis yongs su bzung ba'o// shes rab ni mtshan ma dang rtog pa thams cad dang bral ba'i phyir tshad kyis mi rtog pa'o/ / shes rab ni ma rig pa dang / gti mug gi mun pa thams cad dang bral bas na/ bag med pa'i gnyen pa'o// shes rab ni rnal 'byor spyod pa'i sa la gnas pa thams cad kyi sbyor ba'o/ / shes rab ni theg pa thams cad la yang dag par zhugs pa rnams kyi 'dren pa'o// shes rab ni ma rig pa dang / gti mug gi rab rib kyi ling tog sel ba'i phyir snang bar byed pa'o// shes rab ni mig la ji ltar dad pa rnams mig thams cad sbyin par byed pa'o// shes rab ni mig dang gzugs kyi lam las 'das pa'i phyir/ de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi lam las 'das pa'i phyir gnas pa med pa'o// shes rab ni bden pa las byung bas na/ don dam pa'o// shes rab ni rab tu dul ba rnams kyis mi 'khrugs pa'o/ / shes rab ni ye shes kyi sgo rnams kyi snang ba'o// shes rab ni thams cad du chub ste mi zad pa'o// shes rab ni rkyen la 'jug pa ste mi 'gal ba'o//
- 75b
shes rab ni 'dzin pa dang / nyon mongs pa'i bcing ba thams cad gcod pa'i phyir rnam par thar pa'i lam mo// shes rab ni nyon mongs pa thams cad dang ma 'dres pa'o// shes rab ni 'grogs pa dang / sgrib pa dang / sgrib par 'gyur ba'i chos thams cad dang lhan cig mi gnas pa'o// sems can thams cad kyi sems dang spyod pa ji snyed par shes pa dang / shes rab kyi las kyang de snyed do/ / sems can thams cad kyi nyon mongs pa dang / bag la nyal ji snyed par shes rab kyi dpyod pa'i ye shes kyang de snyed do// sems can thams cad kyi nyon mongs pa'i sgo ji snyed par shes rab la 'jug pa'i sgo yang de snyed do/ / nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas rnams kyi shes rab ji snyed pa dang / shes rab kyi gnas dang rten yang de snyed do/ / de la byang chub sems dpas bslab par bya'o// 'di ni btsun pa shA ra dwa ti'i bu/ byang chub sems dpa' rnams kyi shes rab mi zad pa ste/ shes rab mi zad pa de dang ldan pas shes rab mi zad pa thob par 'gyur ro/ / shes rab mi zad pa bstan pa'i chos kyi le'u 'di bstan pas byang chub sems dpa' sngon yongs su sbyang ba byas pa stong phrag sum cu rtsa gnyis mi skye ba'i chos la bzod pa thob par gyur to/ / de nas byang chub sems dpa' blo gros mi zad pas/ tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu/ byang chub sems
- 76a
dpa' rnams kyi byams pa yang mi zad pa ste/ de ci'i phyir zhe na/ thug pa med pa'i phyir ro// byang chub sems dpar rnams kyi byams pa ni thug pa med par byams pa ste/ de dag gi byams pa nye bar bsgrub pa yongs su chad pa med do// 'di ltar sems can gyi khams ji tsam pa de tsam du byang chub kyi sems la mos pa'i sems bskyed pas khyab par byed do// btsun pa shA ra dwa ti'i bu/ 'di lta ste dper na/ nam mkha'i bu ga 'dis gar yang ma khyab pa med do// de bzhin du btsun pa shA ra dwa ti'i bu/ byang chub sems dpa'i byams pa 'dis kyang gang ma khyab pa'i sems can 'di gang yang med do/ / 'di lta ste dper na/ sems can gyi khams ni tshad med de/ de la zad pa med do// de bzhin du byang chub sems dpa'i byams pa bsgom pa yang tshad med de/ de la zad pa med do/ / 'di ltar nam mkha' mi zad pas na sems can mi zad do// sems can mi zad pas na byams pa mi zad de/ de'i phyir skyes bu dam pa de dag gi byams pa mi zad pa zhes bya'o// de skad ces smras pa dang / gnas brtan shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu sems can gyi khams 'di ji tsam/ blo gros mi zad pas smras pa/ btsun pa shA ra dwa ti'i bu sa'i khams dang / chu'i khams dang / me'i khams dang / rlung gi khams ji snyed pa de bas kyang sems can gyi khams ches mang ngo // smras pa/ rigs
- 76b
kyi bu dpe bya bar nus sam/ blo gros mi zad pas smras pa/ btsun pa shA ra dwa ti'i bu/ nus mod kyi/ chu chung ngus ni ma yin no// 'di lta ste/ btsun pa shA ra dwa ti'i bu dper na/ shar phyogs su gang+gA'i klung gi bye ma snyed kyi 'jig rten gyi khams rnams dang / de bzhin du lho phyogs dang / de bzhin du rub phyogs dang / de bzhin du byang phyogs dang / de bzhin du phyogs bcu kun tu phyogs re rer yang gang+gA'i klung gi bye ma snyed kyi 'jig rten gyi khams de dag thams cad rgya mtsho chen po chus gang ba gcig tu gyur la/ de la gang+gA'i klung gi bye ma snyed kyi sems can rnams 'dus te/ skra'i rtse mo brgyar gshegs pa'i chas/ chu'i thigs pa gcig blangs pa de bzhin du/ gzhan yang gang+gA'i klung gi bye ma snyed kyi sems can rnams 'dus te/ gang+gA'i klung gi bye ma snyed kyi bskal pa nA/ skra'i rtse mo brgyar gshegs pa'i chas/ chu'i thigs pa gnyis blangs te mtshan ma gzhag pa 'di dang / bgrang ba 'di lta bus bskal pa gang+gA'i klung gi bye ma snyed cig/ gang+gA'i klung gi bye ma snyed kyi sems can gyis/ skra'i rtse mo brgyar gshegs pa'i chas/ chu'i thigs pa re re blangs pas chu'i phung po de tsam zad par gyur kyang / sems can gyi khams de ni thug pa'am/ zad pa gang yang med do// btsun pa shA ra dwa ti'i bu/ de bzhin du sems can gyi khams tshad med de/ de dag la byang chub sems dpa'i byams pas khyab par byed do// btsun pa shA ra dwa ti'i bu 'di ji snyam du sems/ gang gi byams pa de lta bur bsgom pa'i
- 77a
dge ba'i rtsa ba tshad med pa de zad par nus sam/ smras pa/ rigs kyi bu de ni ma yin te/ byams pa bsgom pa'i dge ba'i rtsa ba 'di 'dra ba su zad par 'dod pa de ni nam mkha' zad par 'dod do/ / byang chub sems dpa' gang gis byams pa mi zad pa 'di thos nas skrag par mi 'gyur na/ de dag kyang byams pa mi zad par 'phags par 'gyur ro// blo gros mi zad pas smras pa/ btsun pa shU ra dwa ti'i bu/ byams pa ni bdag srung zhing gzhan la phan par gnas pa ste/ mchog tu rtsod pa med pa dang / gnod sems kyi tha ba'i nyes pa dang / khro ba dang khon du 'dzin pa thams cad rab tu 'joms pa'o/ / bag la nyal dang / kun nas ldang ba dang bral ba ste/ dad pa skyed cing sems can thams cad kyi 'khrul pa la nyes par mi lta ba'o// yongs su gdung ba med cing / lus dang sems bde ba skyed pa ste/ gzhan gyi gnod par bya ba las shin tu 'das pa'o// nyes pa thams cad kyi 'jigs pa dang bral ba ste/ 'phags pa'i lam dang mthun zhing gshe ba dang / sems gtum pa'i sems can rnams dad par byed pa dang / g.yul ngo thams cad las sgrol ba ste/ dbyig pa dang mtshon cha bcang ba ma yin no// sems can thams cad thar par bya ba la dga' ba/ khong khro ba thams cad dang bral ba/ tshul 'chos pa dang / kha gsag dang / gzhogs slongs thams cad dang bral ba/ rnyed pa dang / bkur sti dang / tshigs su bcad pa 'byung bar byed pa/ brgya byin dang / tshangs
- 77b
pas phyag byas pa/ rang gi gzi brjid kyis rab tu brgyan pa/ mkhas pas rab tu bsngags pa/ byis pa thams cad srung ba/ tshangs pa'i lam dang mthun pa/ 'dod pa'i khams dang ma 'dres pa/ sems can thams cad thar pa'i lam gyi mchog/ theg pa thams cad yang dag par bsdus pa/ zang zing med pa'i bsod nams kyis bzung ba/ bsod nams kyi tshogs thams cad bsags pa/ rdzas las byung ba'i bsod nams thams cad kyis zil gyis mi non pa/ skyes bu chen po'i mtshan sum cu rtsa gnyis dang / dpe byad bzang po brgya cus brgyan pa/ dbang po nyams pa dang / ma tshang ba thams cad spangs pa/ bde 'gro thams cad dang / mya ngan las 'das pa'i lam dang mthun pa/ ngan song thams cad dang mi khom pa brgyad las 'das pa/ chos kyi dga' ba la dga' zhing mos pa/ 'dod pa dang / longs spyod dang / dbang thams cad mngon par mi 'dod pa/ sems can thams cad la sems snyoms pa/ sbyin pa'i sbyor ba tha dad pa dang bral ba/ tshul khrims dang bslab pa thams cad kyi sgo/ rngalam ngan pa'i ngang tshul can thams cad yongs su skyob pa/ bzod pa'i stobs ston pa/ nga rgyal dang / rgyags pa dang / dregs pa thams cad dang bral ba/ 'phags pa rnams 'jug pa'i bsam gtan dang / ting nge 'dzin dang / snyoms par 'jug pas rtsa ba/ mi 'khrugs pa'i brtson 'grus brtsams shing yang dag par sbyor ba/ bya ba thams cad las yang dag par sgrol ba/
- 78a
bsam gtan dang / rnam par thar pa dang / ting nge 'dzin dang / snyoms par 'jug pas/ nyon mongs pa thams cad las byung ba/ gsang ba thos pa 'dzin pas/ sems la nges par rtogs pa'i shes rab kyi rgyu skyed pa/ bdag gi phyogs dang gzhan gyi phyogs la nges pa/ bdud kyi phyogs dang / nyon mongs pa rnams bsal ba/ bde bar gnas pa bsnyen bkur dang / rab tu 'grol ba'i rgyu mthun pa la sems pa'i spyod lam srung bar byed pa/ rgod pa thams cad las 'das pa/ nga rgyal gyi las sel ba/ ngo tsha ba dang / khrel yod/ pas byugs shing dri zhim pa ste/ bag chags dang nyon mongs pa'i mtshams kyi dra nga ba sbyong ba'o// btsun pa shA ra dwa ti'i bu/ byams pa ni sems can thams cad yongs su skyob pa ste/ byams pa chen po ni bdag gi bde ba gtong zhing / sems can rnams la bde ba sbyin pa'o// nyan thos rnams kyi byams pa ni bdag skyob pa'o// byang chub sems dpa' rnams kyi byams pa chen po ni sems can thams cad yongs su skyob pa'o/ / btsun pa shA ra dwa ti'i bu/ byams pa ni chu bo las sgrol ba'o// 'di ltar btsun pa shA ra dwa ti'i bu/ byams pa ni gsum po 'di dag ste/ gsum gang zhe na/ 'di lta ste/ sems can la dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o// de la thog ma sems bskyed pa'i byang chub sems dpa' rnams
- 78b
kyi byams pa ni sems can dmigs pa'o/ / spyod pa la zhugs pa'i byang chub sems dpa' rnams kyi byams pa ni chos la dmigs pa'o// mi skye ba'i chos la bzod pa rab tu thob pa'i byang chub sems dpa' rnams kyi byams pa ni dmigs pa med pa ste/ 'di ni btsun pa shA ra dwa ti'i bu/ byang chub sems dpa' rnams kyi byams pa mi zad pa zhes bya'o// gzhan yang btsun pa shA ra dwa ti'i bu byang chub sems dpa' pa rnams kyi snying rje chen po yang mi zad pa ste/ de ci'i phyir zhe na/ sngon du 'gro ba'i phyir ro// btsun pa shA ra dwa ti'i bu/ 'di lta ste dper na/ dbugs phyir 'byung ba dang / rngub pa ni skyes bu'i srog gi dbang po'i sngon du 'gro ba'o// de bzhin du theg pa chen po yang dag par bsgrub pa'i phyir/ byang chub sems dpa'i snying rje chen po ni sngon du 'gro ba'o// 'di lta ste dper na 'khor los sgyur ba'i rgyal po'i 'khor lo rin po che ni/ rin po che sna bdun gyi sngon du 'gro ba'o// de bzhin du byang chub sems dpa' rnams thams cad mkhyen pa'i ye shes yang dag par bsgrub pa la snying rje chen po sngon du 'gro ba'o/ / 'di lta ste dper na/ tshong dpon nam/ khyim bdagi bu gcig pa la snying zag pa nas sdug pa bzhin du/ snying rje chen po la rab tu gnas pa'i byang chub sems dpa' yang sems can thams cad la snying thag pa nas sdug pa yin no/ / btsun pa shA ra dwa ti'i bu/ snying rje chen po zhes bya ba ni/ 'di bdag nyid kyis bya bas na de'i phyir snying rje chen po zhes bya'o// rang gis
- 79a
bya bas na snying rje chen po'o/ / gzhan gyis skabs mi rnyed pas na/ snying rje chen po'o// g.yo med pa las byung bas na/ snying rje chen po ni bsam pa zag pa nas bya ba'o// med pa las byung bas na/ snying rje chen po ni sbyor bar bya'o// phyir mi ldog pa las byung bas na/ snying rje chen po ni lhag pa'i bsam pas bya ba'o// ma bcos pa las byung bas na/ snying rje chen po ni rang bzhin rig pa'o/ / lam drang po las byung bas na/ snying rje chen po ni rang bzhin gyis yongs su dag pa'o// gsal ba las byung bas na/ snying rje chen po ni sems gya gyu med pa'o// sems can thams cad la 'dud pa las byung bas na/ snying rje chen po ni nga rgyal med pa'o// sems can tshad med pa'i phyir snying rje chen po ni tshad med pa las byung ba'o// de bzhin gshegs pa'i sku thob pa las byung bas na snying rje chen po ni bdag gi lus la mi lta ba'o/ / sdig pa thams cad mi bya ba las byung bas na/ snying rje chen po ni srog la yid mi rton pa'o// byang chub kyi sems las byung bas na/ snying rje chen po ni pha rol srung ba'o/ / bdag gi sems yongs su dag pa las byung bas na/ snying rje chen po ni sems can srung ba'o// sems can thams cad kyi sdug bsngal sel ba las byung bas na/ snying rje chen po ni dbul po sdug bsngal ba dang mgon med pa la lta ba'o/ / blo mi g.yo ba las byung bas na/ snying rje chen po ni dam bcas pa la brtan pa'o// bdag dang sangs rgyas dang lha rnams mi slu ba las
- 79b
byung bas na/ snying rje chen po ni bden pa la lnga ba'o// legs par byas pa'i las las byung bas na/ snying rje chen po ni spyod pa dag pa'o// pha rol la bde ba rab tu sbyin pa las byung bsar snying rje chen po ni bdag bde bar gtong ba'o/ / sred pa med pa las byung bas na/ snying rje chen po ni gzhan gyi bde bskyed pa'o// brtson 'grus brtan pa rtsom pa las byung bas na/ snying rje chen po ni sems can thams cad kyi khur khyer ba'o/ / sems can mthu chung ba'i nyes pa bzod pa las byung bas na/ snying rje chen po ni bla ma'i bzod pa yang dag par blangs pa'o// sems can na ba rnams la rim gro byed pa las byung bas na/ snying rje chen po ni chags pa dang / smad pa sel ba'o// chung ngu la dad pa'i sems car rnams yongs su smin par bya ba las byung bas na/ snying rje chen po ni chos kyi dbang thob pa'o/ / pha rol gyi yon tan brjod pa las byung bas na/ snying rje chen po ni bdag gi yon tan bcas pa'o// zag pa med pa'i bden pa 'dod pa las byung bas na/ snying rje chen po ni sdug bsngal thams cad bzod pa'o/ / las legs pa byas te mi 'gyod pa las byung bas na/ snying rje chen po ni 'dod pa dang sdug pa'i dngos po yongs su gtong ba'o// ngan pa'i ngang tshul can gyi sems can rnams srung ba las byung bas na/ snying rje chen po ni tshul khrims legs par bsrung ba las byung ba'o// rdo rje'i lus thob pa las byung bas na/ snying rje chen po ni lus la gnod par bya ba la bzod pa'o//
- 80a
lus dang srog la mi lta ba las byung bas na/ snying rje chen po na sems can thams cad yongs su sbyin par byed pa'o// yan lag dang nying lag gtong ba las byung bas na snying rje chen po ni srog la mi lta ba'o/ / bdag gi dge ba'i rtsa ba mi 'dod pa las byung bas na/ snying rje chen po ni sems can pha rol po'i dge ba'i rtsa ba skyed pa'o// phyir yang 'dod pa'i khams su dmigs pa las byung bas na/ snying rje chen po ni bsam gtan gyi ro mi myang ba'o// chags pa med pa'i ye shes snang ba las byung bas na/ snying rje chen po ni kun nas snang ba'o// dge ba'i rtsa ba dang tshogs kun la mi smod pa las byung bas na/ snying rje chen po ni shes rab la mi ltos pa'o// sems can thams cad kyi bsam pa rdzogs par bya ba las byung bas na/ snying rje chen po ni kun tu skye ba'o// sngon gyi smon lam mi gtong ba las byung bas na/ snying rje chen po ni sems can thams cad rab tu thar par byed pa'o// 'dus byas la sems can yongs su smin par bya ba las byung bas na/ snying rje chen po ni 'dus ma byas pa la mi reg pa'o/ / sangs rgyas kyi tshul khrims la sems can rnams rab tu 'god pa las byung bas na/ snying rje chen po ni sems can ngan pa'i ngang tshul can rnams la lta ba'o// des na btsun pa shA ra dwa ti'i bu/ byang chub sems dpa'i 'byung ba gang yang rung ba de dag thams cad ni snying rje chen po las skyes te/ de'i phyir snying rje chen po zhes bya ba'o// 'di ltar sbyin par byed pa
- 80b
dang / tshul khrims su byed pa dang / bzod par byed pa dang / brtson 'grus su byed pa dang / bsam gtan du byed pa dang / shes rab tu byed pa dang / thabs su byed pa dang / byang chub kyi phyogs kyi chos thams cad byed pa ni snying rje chen po'o// bdag gi byed pa dang / rang byung gi ye shes sgrub par byed pa dang / legs par bya ba byed pa dang / 'gyod pa med par byed pa dang / gdon mi za bar byed pa ni snying rje chen po'o// sems can thams cad kyi bya ba ci yod ces so so nye bar gnas pa las byung bas na/ de'i phyir snying rje chen po zhes bya'o// 'di ni btsun pa shA ra dwa ti'i bu/ byang chub sems dpa' rnams kyi snying rje chen po mi zad pa zhes bya'o// gzhan yang btsun pa shA ra dwa ti'i bu/ byang chub sems dpa' rnams kyi dga' ba chen po yang mi zad pa ste/ de la dga' ba chen po yang gang zhe na/ sangs rgyas kyi chos rnams drar pa dang / rjes su drad pa dang / dga' ba dang / mos pa dang / rab tu dga' ba dang / sems ma gong zhing mi brdzi ba dang / sred pa med pa dang / 'dod pa'i dga' ba thams cad gtong ba dang / chos kyi dga' ba thams cad kyi rten dang / sems rab tu dga' ba dang / lus rab tu sim pa dang / sangs rgyas la dga' zhing yid 'phar ba dang / de bzhin gshegs pa'i sku la dga' zhing mos pas/ mtshan dang dpe byad bzang po'i rgyar tshol ba la mkhas pa dang / dga' ba'i
- 81a
chos mnyan pas mi skyo ba dang / de kho na'i chos la rten pa'i nan tan dang / dga' ba dang / mgu ba dang / rangs pa dang / rab tu dga' bas chos la mos pa dang / rtag tu rgyun mi 'chad par sems can rnams la khong khro ba med pa'i blo dang / sangs rgyas kyi chos tshol ba la dad pa dang / chos la dad pa de yang mi 'dor ba dang / sangs rgyas kyi chos rgya chen po la mos shing rnam par grol ba dang / nyi tshe ba'i thegs pa bsal te sems bskyed pa dang / ser sna med pas ma zhum par sems bskyed pa dang / slong ba la sbyin pa byin nas 'khor gsum yongs su dag par sbyangs pa dang / sbyin pa la dga' ba dang / tshul khrims can la dad pa dang / ngan pa'i ngang tshul can la rjes su 'dzin cing byams pa dang / bdag gi tshul khrims/ yongs su dag pas ngan 'gro'i 'jigs pa thams cad las shin tu 'da' ba dang / dbugs 'byin pa dang / de bzhin gshegs pa'i tshul khrims la bsngo ba dang / brtan zhing mi phyed pa dang / pha rol ngan du zer ba dang / mi snyan par smra ba'i tshig gi lam la khong khro ba med pa'i sems kyis bzod cing nges pa dang / nga rgyal med pa dang / bla ma la 'dud cing ri mor byed pa dang / rtag tu/ 'dzum pa'i bzhin dang / khro gnyer med pa dang / gsong por smra ba dang / tshul 'chos pa med pa dang / kha gsag med pa dang / gzhogs slong med pa dang / bsam pa dag pa
- 81b
dang / sems la brlangs pa med pa dang / gya gru med pa dang / thams cad la legs par lta ba dang / skyon med par lta ba dang / ltung ba la mi rtsod pa dang / yang dag par dga' bar 'gyur ba'i chos kyi rjes su 'jug pa dang / byang chub sems dpa' rnams la pags pa ltar 'phangs pa dang / chos rnams la bdag bzhin du 'phangs pa dang / de bzhin gshegs pa la srog bzhin du 'phangs pa dang / bla ma la pha ma bzhin du 'phangs pa dang / sems can rnams la bu bzhin du 'phangs pa dang / mkhan po dang / slob dpon la sangs rgyas bzhin du 'phangs pa dang / yon tan rnams la yan lag gi dam pa mgo bzhin du 'phangs pa dang / pha rol tu phyin pa rnams la rkang lag bzhin du 'phangs pa dang / chos smra ba rnams la rin po che thams cad bzhin du 'phangs pa dang / sangs rgyas kyi chos thams cad la yid bzhin gyi nor bu bzhin du 'phangs pa dang / rjes su bstan pa la dga' ba'i rtsed mo bzhin du 'phangs pa dang / chog shes pa la nad med pa bzhin du 'phangs pa dang / chos btsal ba la sman bzhin du 'phangs pa dang / skul zhing dran par byed pa la sman pa bzhin du 'phangs pa ste/ de ltar btsun pa shA ra dwa ti'i bu/ gang dbang po thams cad la dpa' ma gong ba 'di ni dga' ba chen po zhes bya'o// dga' ba chen po zhes bya ba ni rtogs pa'i ye shes kyi phyir zhi ba'i rnam pa'o// rnam par mi rgod pa'i phyir rab tu zhu/
- 82a
ba'i rnam pa'o// khengs pa ma yin pa'i phyir shin tu byung ba'i rnam pa'o// mi g.yeng ba'i phyir dbang po dka' ba'i rnam pa'o// mi nyams pa'i phyir brtul zhugs/ kyi rnam pa'o// 'dod pa'i phyir nges pa'i rnam pa'o// bka' blo bde ba'i phyir thos pa'i rnam pa'o// sems las su rung ba'i phyir nye bar zhi ba'i rnam pa'o// las legs par byas pa'i phyir dga' ba'i rnam pa'o/ / kha na ma tho ba med pa'i phyir/ mi 'gyod pa'i rnam pa'o// ma g.yos pa'i phyir shin du gnas pa'i rnam pa'o// mi gnas pa'i phyir ma g.yos pa'i rnam pa'o// / thul par dka' ba'i phyir bsnyen dka' ba'i rnam pa'o// chud mi za ba'i phyir don gyi rnam pa'o// ma nor ba de bzhin nyid kyi phyir/ bden pa'i rnam pa'o// de byed pa'i phyir de kho na'i rnam pa'o// / stobs kyi phyir mos pa'i rnam pa'o// mi brdzi ba'i phyir stobs kyi rnam pa'o// sangs rgyas kyi chos tham pas yang dag pa ji lta ba bzhin du tshol bas mi skyo ba'i phyir/ sangs rgyas kyi chos yongs su rdzogs par byed pa'i rnam pa'o/ / 'di ni btsun pa shA ra dwa ti'i bu/ byang chub sems dpa' rnams kyi dga' ba chen po mi zad pa zhes bya'o// gzhan yang btsun pa shA ra dwa ti'i bu byang chub sems dpa' rnams kyi btang snyoms kyang mi zad pa ste/ de la byang chub sems dpa' rnams kyi btang snyoms rnam pa gsum ste/ rnam pa gsum gang zhe na/ nyon mongs pa la btang snyoms
- 82b
pa dang / bdag dang gzhan bsrung ba'i btang snyoms pa dang / dus dang dus ma yin pa la btang snyoms pa'o// de la nyon mongs pa la btang snyoms pa gang zhe na/ bsti stang du byas pas ma thos par mi sems pa dang / bsti stang du ma byas pas dmas par mi sems pa dang / rnyed pas snyems pa med pa dang / ma rnyed pas yi chad pa med pa dang / grags pa la mngon par dga' ba med nga dang ma grags pas zhum pa med pa dang / smad pas srong shi bar mi 'gyur ba dang / bsngags pa la chos nyid rab tu gnas pa dang / sdug bsngal la so sor rtogs pa'i stobs dang / bde ba la mi rtag cing sdug bsngal bar rtog pa'i stobs dang / sdug pa 'dor ba dang / khong khro ba spong ba dang / mdza' ba dang mi mdza' ba la sems mnyam pa dang / tshul khrims can dang / ngan pa'i ngang tshul can la blo mnyam pa dang / legs par byas pa dang nyes par byas pa la gnyis su mi 'byed pa dang / sdug pa dang mi sdug par mi lta ba dang / legs par thos pa dang / nyes par thos pa la mi 'byed pa dang / legs par smras pa dang / nyes par smras pa la bag la nyal med pa dang / ro myang ba'i nyes pa rnams la mtshungs par yongs su 'jal ba dang / sems can thams cad la bsam pa mnyam pa dang / lus dang srog la mi lta ba dang / rab dang / 'bring dang / tha ma la 'od zer mnyam pa dang / bsngags
- 83a
pa dang / bsngags pa ma yin pa la sems mnyam pa dang / bden pa dang mi bden pa la bdag gi sems yongs su dga' ba ste/ btsun pa shA ra dwa ti'i bu de ltar gang bsti stang du byed pa dang / gnod par byed pa dang mtho dman du mi sems shing de la byang chub sems dpa' btang snyoms pa yin te/ 'di ni btsun pa shA ra dwe ti'i bu/ bya chub sems dpa' rnams kyi nyon mongs pa la btang snyoms pa zhes bya'o/ / de la byang chub sems dpa' rnams kyi bdag dang gzhan bsrung ba'i btang snyoms gang zhe na/ 'di la byang chub sems dpa' lus dang yan lag dang nying lag rnams bcad kyang / khong khro bar mi byed cing mi tshol te/ btang snyoms pa yin no// lus kyi rnam par 'gyur ba las sam/ ngag gi rnam par 'gyur ba las kyang rung ste/ gnyis ka la bzod pas na/ de'i phyir btang snyoms zhes bya'o// mig gi rnam pas kyang rma mi phyin/ gzugs kyi rnam pas kyang rma mi phyin te/ gnyis kas kyang rma mi byin to/ / de bzhin du rna ba las ma yin/ smras ma yin/ snas ma yin/ dris ma yin/ lces ma yin/ ros ma yin/ lus kyis ma yin/ reg byas ma yin/ yid kyis rnam pas kyang rma mi phyin/ chos kyi rnam pas kyang rma mi phyin te/ de'i phyir btang snyoms zhes bya'o// rma mi phyin zhing nyams pa med pas de'i phyir btang snyoms
- 83b
zhes bya'o/ / rma phyung ba la rma mi 'byin pas de'i phyir btang snyoms zhes bya'o// bdag dang gzhan dang gnyis ka bsrung bas de'i phyir btang snyoms zhes bya'o// phan par 'dod pa dang mi phan par 'dod pa la mnyam par sbyor bas btang snyoms zhes bya'o/ / btang snyoms ni mchog tu brtsod pa med pa'o// btang snyoms ni bdag gi sems nges par rtogs pa'o// btang snyoms ni gzhan gyi sems bsrung ba'o/ / btang snyoms ni bdag la rtog pa'o// btang snyoms ni sems can la gnod pa med pa'o// btang snyoms ni byang chub sems dpa'i mnyam par gzhag pa'i gnas skabs yin te/ 'di ni byang chub sems dpa'i bdag dang gzhan srung ba'i btang snyoms zhes bya'o// de la byang chub sems dpa'i dus dang dus ma yin pa la btang snyoms pa gang zhe na/ sangs rgyas bcom ldan 'das rnams byang chub sems dpa' thams cad du btang snyoms par bka' mi stsol te/ de ci'i phyir zhe na/ byang chub sems dpa' rtag tu bdag dang gzhan dge ba'i chos btsal ba la brtson bzhin 'bad par bya ste/ des dus dang dus ma yin par btang snyoms par bya'o// de la dus dang dus ma yin pa'i btang snyoms gang zhe na/ snod ma yin pa dang / nyan par mi 'dod pa'i sems can la btang snyoms pa dang / ma rnyed pa dang / smad pa dang / ma grags pa dang / sdug bsngal ba la btang snyoms pa dang / sems can
- 84a
nyan thos kyi theg pa can mi 'gyur ba la zhugs pa la btang snyoms pa dang / sbyin pa'i dus na tshul khrims brtul ba'i btang snyoms dang / bzod pa'i dus na brtson 'grus brtul ba'i btang snyoms dang / brtson 'grus kyi dus na bsam gtan brtul ba'i btang snyoms dang / bsam gtan gyi dus na sbyin pa la chags pa brtul ba'i btang snyoms dang / shes rab kyi dus na pha rol tu phyin pa lnga la dmigs pa'i brtul ba'i btang snyoms te/ 'di ni dus dang dus ma yin pa la btang snyoms pa zhes bya'o// de ltar gang mi bya ba'i chos mi byed pa 'di ni btang snyoms zhes bya ste/ de dang de la mi rtsol ba'o// gang gdon mi za bar bya ba'i chos la gnas pa med pa dang / brtson 'grus dang / stobs dang / mos pa dang / mthu dang // brtson pa mi 'dor ba ste/ dge ba'i chos de dang de dag yongs su rdzogs par byed pa 'di ni/ btsun pa shA ra dwa ti'i du/ byang chub sems dpa' rnams kyi btang snyoms mi zad pa zhes bya'o// 'phags pa blo gros mi zad pas bstan pa theg pa chen po'i mdo/ bam po bani pa/ gzhan yang btsun pa shA ra dwa ti'i bu/ byang chub sems dpa' rnams kyi mngon par shes pa lnga mi zad pa ste/ lnga gang zhe na/ 'di lta ste/ 'phrul gyi mig dang / 'phrul gyi rna ba dang / pha rol gyi sems shes pa dang / sngon gnas pa dran pa
- 84b
dang rdzu 'phrul gyi bya ba shes pa'o/ / de la byang chub sems dpa' rnams kyi 'phrul gyi mig gang zhe na/ gang lha thams cad kyi 'phrul gyi mig dang / gang klu thams cad dang / gnod sbyin thams cad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa thams cad kyi 'phrul gyi mig dang / gang slob pa dang / mi slob pa dang / nyan thos thams cad kyi 'phrul gyi mig dang / rang sangs rgyas thams cad kyi 'phrul gyi mig de dag pas byang chub sems dpa' thams cad mkhyen pa las byung ba/ rgya chen po las byung ba rnams kyi 'phrul gyi mig ni ches mchog go/ ches dam pa'o// ches rab bo// ches 'phrul lo// ches gsal lo// ches bzang ngo // ches stobs dang ldan no// ches 'od gsal te/ 'phrul gyi mig des ji snyed phyogs bcu mtha' yas mu med pa'i 'jig rten gyi khams kyi gzugs su snang ba che yang rung / chung yang rung / bzang yang rung / ngan yang rung ring yang rung / nye yang rung ste/ de dag thams cad de dag gi 'phrul gyi mig des shes shing snang ba dang / rtogs pa dang / shin tu rig pa dang / shin tu mthong bar 'gyur g ang phyogs bcu mtha' yas mu med pa'i 'jig rten gyi khams kyi gzugs med pa ma gtogs par 'gro ba kun tu skyes pa'i sems can gang de dag thams cad kyi 'chi 'pho dang skye ba yang dag
- 85a
pa ji lta ba bzhin rab tu shes so/ / de dag gi las kyi rgyu yang dag pa ji lta ba bzhin du rang tu shes so// de dag gi las kyi 'bras bu dang / dbang po'i rim pa yang dag pa ji lta ba bzhin rab tu shes so/ / phyogs bcu mtha' yas mu med pa'i 'jig rten gyi khams na/ gang sangs rgyas bcom ldan 'das rnams kyi sangs rgyas kyi zhing gi yon tan bkod pa de dag thams cad mthong ste/ mthong nas kyang bdag gi tshul khrims yongasasu dag pas rang gi zhing gi yon tan bkod pa yongs su dag pa'i phyir/ bsod nams dang ye shes kyi tshogs bsags pa rnams yongs su bsngo ste/ tshul khrims kyi yon tan la gnas pa de dag gi sngo ba yongs su 'grub par 'gyur ro// de dag 'phrul gyi mig des sangs rgyas bcom ldan 'das de dag gi byang chub sems dpa'i dge 'dun de dag thams cad kyang mthong ngo / / mthong nas kyang gang skyes bu dam pa de dag gi cho ga dang / spyod pa dang / spyod yul dang / dran pa dang / shes bzhin dang / spyod lam dang / gnas dang / mthu dang / chos dang / rnam par thar pa dang / ye shes dang / rten dang / gzungs dang / spobs pa la mkhas pa dang / shes rab dang / ye shes dang / thabs mkhas pa la 'jug pa de dag thams cad yongs su rdzogs par byed do// de dag gi mig de ni gzugs thams cad mthong bas na bsgrib pa med pa'o// de dag
- 85b
gi mig de ni gzug thams cad la mi chags pas na chags pa med pa'o/ / de dag gi mig de ni bag la nyal ba dang / lta ba dang / kun nas ldang ba las rnam par grol ba'o// de dag gi mig de ni rang bzhin gyis 'od gsal bas na rnam par dag pa'o/ / de dag gi mig de ni yul thams cad la mi gnas pa'o// de dag gi mig de ni nyon mongs pa dang / bag la nyal thams cad la mi skye ba'o// de dag gi mig de ni the tsom med pas na/ rab rib med pa'o// de dag gi mig de ni sgrib par 'gyur ba'i chos thams cad la kun nas ma langs pa'o// de dag gi mig de ni chos thams cad du snang ba la gsal ba thob pa'o/ / de dag gi mig de ni ye shes kyi phyir 'brang ba ste/ rnam par shes pa'i spyod yul ma yin no// de dag gi mig de ni nyon mongs pa thams cad kyis ma chags mi sdang ma rmongs pa'o/ / de dag gi mig de ni 'phags pa'i dbang po nges par 'byed pa la ston pa'o// de dag gi mig de ni sems can thams cad la 'od zer mnyam par gtong bas na/ thogs pa med pa'i mtshan nyid do/ / de dag gi mig de ni sems kyi mi dge ba'i chos dang bral bas na bden pa'o// de dag gi mig de ni rang bzhin gyis kun nas nyon mi mongs pas na dri ma med pa'o// de dag gi mig de ni bsam pa ma btang bas na/ sangs rgyas kyi spyan gyis mngon par bsgrubs pa'o// de dag gi mig de ni sdug pa dang / khong khro ba dang bral ba'i phyir ma chags ma bcings pa'o//
- 86a
de dag gi mig de ni don gyi spyod yul bden pas nye bar bsgrubs shing / chos rnam par dag pa shes pa'i lam la ma chags par spyod pa'o// de ci'i phyir zhe na/ 'di ltar skyes bu dam pa de dag ni snying rje chen po la gnas pa/ chos rig pa/ don rtogs pa/ kha na ma tho ba med pa/ ji ltar mthong ba dang / thos pa bzhin du chos smra ba/ mi dge ba la rgyab kyis bltas pa/ byang chub kyi snying po la mngon par phyogs pa/ sems gang du yang thogs pa med pa/ 'jungs pa rnams la gtong ba dang ldan pa/ ngan pa'i ngang tshul can rnams la snying brtse ba/ sems kyis gnod par sems pa rnams la gnod par mi sems pa/ le lo can rnams la brtson 'grus sgrub par byed pa/ sems g.yeng ba rnams la bsam gtan gyi yan lag ston pa/ 'chal pa'i shes rab can rnams la shes rab kyi mig sbyin pa/ lam ngan par zhugs pa rnams la lam ston pa/ chung ngu la dad pa rnams sangs rgyas kyi chos rgya chen po la mos par byed pa thams cad mkhyen pa'i ye shes la 'dzud pa/ byang chub yongs su rdzogs par bya ba'i phyir/ mngon par shes pa ma nyams pa rnams te/ 'di ni byang chub sems dpa' rnams kyi 'phrul gyi mig mngon par shes pa mi zad pa zhes bya'o/ / de la byang chub sems dpa' rnams kyi 'phrul gyi rna ba mngon par shes pa mi zad pa gang zhe na/ gang lha thams cad kyi 'phrul gyi rna
- 86b
ba dang / gang klu thams cad dang / gnod sbyin thams cad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa thams cad kyi 'phrul gyi rna ba dang / gang slob pa dang / mi slob pa'i nyan thos thams cad kyi 'phrul gyi rna ba dang / gang rang sangs rgyas thams cad kyi 'phrul gyi rna ba de dag pas// byang chub sems dpa' thams cad mkhyen pa las byung ba/ rgya chen po las byung ba rnams kyi 'phrul gyi rna ba ches mchog go// ches dam pa'o// ches rab bo// ches gsal lo// ches bzang ngo / / ches stobs dang ldan pa'o// ches 'od gsal te/ 'phrul gyi rna ba des gang phyogs bcu mtha' ya sa mu med pa'i 'jig rten gyi khams na gang sgrar grags pa/ lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i sgra rnams dang gang yang 'phags pa'i sgra/ nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas kyi sgra de dag thams cad de'i 'phrul gyi rna ba'i dbang po la grags par 'gyur te/ de na sems can dmyal ba dang / byol song gi skye gnas dang / gshin rje'i 'jig rten pa dang / sbrang bu dang / bye ma leb dang / skur/
- 87a
bu dang / bung ba dag gi sgra de dag thams cad kyang thos so// sems kyi dmigs pa dge ba dang / mi dge ba dang / lung du mi ston pa gang gis sems can de dag gi ngag gi las 'byung ba thams cad kyang yang dag pa ji lta ba bzhin du rab tu shes so/ / ngag gi las gang dge ba'i rgyu yongs su 'dzir pa dang / ngag gi las gang mi dge ba'i rgyu yongs su 'dzin pa dang / ngag gi las gang lung du mi ston pa'i rgyu yongs su 'dzin pa de dag thams cad kyang yang dag pa ji lta ba bzhin du rab tu shes so// ngag gi las gang 'dod chags bag la nyal la zhe sdang bas 'byung ba dang / ngag gi las gang 'dod chags bag la nyal la rmongs pas 'byung ba dang / ngag gi las gang zhe sdang bag la nyal la chags pas 'byung ba dang / ngag gi las gang zhe sdang bag la nyal la rmongs pas 'byung ba dang / ngag gi las gang gti mug pag la nyal la chags pas 'byung ba dang / ngag gi las gang gti mug bag la nyal la zhe sdang las 'byung ba dang ngag gi las gang 'dod chags bag la nyal la chags pas 'byung ba dang / ngag gi las gang zhe sdang bag la nyal la zhe sdang las 'byung ba dang / ngag gi las gang gti mug bag la nyal la rmongs pas 'byung ba de dag thams cad yang dag pa ji lta ba bzhin du rab tu shes so/ / ngag gi las gang bsam pa dag la sbyor ba nyams pa dang / ngag gi las gang las sbyor ba dag la bsam/
- 87b
pa nyams pa dang / ngag gi las gang bsam pa'ang dag la/ sbyor ba'ang dag pa dang / ngag gi las gang bsam pa'ang ma dag la/ sbyor ba'ang ma dag pa de thams cad thogs pa med/ pa'i 'phrul gyi rna ba mngon par shes pa'i ye shes kyis yang dag pa ji lta ba bzhin du rab tu shes so// de dag 'phrul gyi rna ba mngon par shes pa'i ye shes des 'phags pa dang / 'phags pa ma yin pa'i sgra rnams thos te/ thos nas kyang 'phags pa'i sgra la chags par yang mi 'gyur/ 'phags pa ma yin pa'i sgra la khong khro bar yang mi 'gyur te/ de 'phags pa'i sgra la bya bas pa chen po thob cing / 'phags pa ma yin pa ri sgra la snying rje chen po thob bo// sgra thams cad la'ang sngon gyi mtha' dang / phyi ma'i mtha' bye brag 'byed pa shes pa yang dag pa ji lta ba bzhin du rab tu shes so/ / de dag 'phrul gyi rna ba'i mngon par shes pa'i ye shes des/ sangs rgyas thams cad kyis gsungs pa thos te/ thos nas kyang dran pa dang / shes bzhin dang dran pa mi brjed pa'i chos nyid kyis thams cad 'dzin to/ / bzung nas kyang brjed par mi byed cing / gnod sems bzhin du sems can rnams la dran par byed de/ snying po dang / snying po ma yin pa'i chos rnams kyang rab tu shes so/ / de bzhin gshegs pa gcig gi chos bstan pa nyan pa na/ de bzhin gshegs pa gang gis chos bstan pa la sgrib pa'i bya ba 'am kun nas ldang ba'i
- 88a
bya ba mi byed de/ snga phyi med par sangs rgyas bcom ldan 'das thams cad kyis gsungs ma kun 'dzin to// gang dge ba dang / mi dge ba dang / srang du mi kon pa 'i b+hU/ rnams thos pa'ang dus dus su shes bzhin du smra'o// gal te 'khor gyi dus yin kyang / chos bstan pa'i dus ma yin par rig nas/ chos kyang mi ston par gzhog go/ chos ston pa'i dus yin la/ 'khor gyi dus ma yin na/ dbang gcig par gyur kyang thams cad la mi ston te/ bden par lung ston pa'ang gzhan la gnod na lung mi ston cing / mi bden pa'i lung bstan pa las/ don dang ldan zhing gzhan rjes su gzung ba dang / mthun na thabs mkhas pa dang / bdag gi sems yongs su dag pas lung ston to// sgra ji lta bu nyan par 'dod pa de lta bu'i sgra thos te/ sgra ji lta bu nyan par mi 'dod pa de lta bu'i sgra mi thos so// 'khor gang na chos bstan pa de'i sems can rnams kyi rna ba'i gnas kyi shes pa yang dag pa ji lta ba bzhin du shes te/ shes nas kyang rang bzhin de 'dra ba'i chos ston to// de la sems can gang chos shes par byed pa de dag ni de'i chos bstan pa thos so// sems can gang chos shes par byed pa ma yin pa de dag ni de'i chos bstan pa mi thos so/ / de'i rna ba'i khams de chos kyi dbyings shin tu byed par dag pa yin/ de'i rna ba'i khams ye shes rnam par dag pa yin/ de'i rna ba'i
- 88b
khams de bdag gi khams rnam par dag pa yin/ de dag gi rna ba'i khams de sems can gyi khams dang / srog gi khams dang / gang zag gi khams rnam par dag pa yin/ des rna ba'i khams de sgra dang / yi ge dang / nges pa'i tshig ji lta ba bzhin du thos pas shin tu brtags pa yin/ gang yang 'gro ba lngar skyes pa'i sems can rnams kyi sgra dang / yi ge dang / nges pa'i tshig dang / sgra sna tshogs pa de dag la skad ji lta ba bzhin 'jug pas chos ston to// de'i 'phrul gyi rna ba'i khams de theg pa gzhan la mi nyan pa'i phyir/ de bzhin gshegs pa'i 'phrul gyi snyan du bsngos te/ 'di ni byang chub sems dpa' rnams kyi 'phrul gyi rna ba'i mngon par shes pa mi zad pa zhes bya'o// de la byang chub sems dpa' rnams kyi pha rol gyi sems shes pa'i mngon par shes pa mi zad pa gang zhe na/ pha rol gyi sems shes pa zhes bya ba ni/ gang sems can thams cad kyi sngon gyi mtha'i sems shes pa dang / phyi ma'i mtha'i sems shes pa'o/ / da ltar byung ba'i sems shes pa'o// de 'das pa'i sems shes pas sems can rnams kyi sngon gyi rgyu'i sems la 'jug pa dang / sems can 'di'i sems 'di ni rgyu che'o// / sems can 'di'i sems 'di ni rgyu 'bring ngo // sems can 'di'i sems 'di ni rgyu chung ngo // sems can 'di'i dbang po rnams ni sbyin pa'i rnam pa'i rgyu dang ldan no// sems can 'di'i
- 89a
dbang po rnams ni tshul khrims kyi rnam pa'i rgyu dang ldan no/ / sems can 'di'i dbang po rnams ni bzod pa'i rnam pa'i rgyu dang ldan no// sems can 'di'i dbang po rnams ni brtson 'grus kyi rnam pa'i rgyu dang ldan no/ / sems can 'di'i dbang po rnams ni bsam gtan gyi rgyu dang ldan no// sems can 'di'i dbang po rnams ni shes rab kyi rnam pa'i rgyu dang ldan no/ / sems can 'di'i dbang po rnams ni byams pa'i rnam pa'i rgyu dang ldan no// sems can 'di'i dbang po rnams ni snying rje'i rnam pa'i rgyu dang ldan no// sems can 'di'i dbang po rnams ni/ dga' ba'i rnam pa'i rgyu dang ldan no// sems can 'di'i dbang po rnams ni btang snyoms kyi rnam pa'i rgyu dang ldan no// sems can 'di'i dbang po rnams ni nyan thos kyi theg pa'i rnam pa'i rgyu dang ldan no/ / sems can 'di'i dbang po rnams ni rang sangs rgyas kyi theg pa'i rnam pa'i rgyu dang ldan no// sems can 'di'i dbang po rnams ni theg pa chen po'i rnam pa'i rgyu dang ldan no// sems can 'di'i rgyu'i stobs can te/ dge ba'i rtsa ba'i rgyu'i rgyun mi 'chad pa dang ldan na/ sems can des sbyor ba'i rgyus rigs chung ngur skyes so// sems can 'di'i bsam pa dag la sbyor ba ma dag pa'o/ / sems can 'di'i sbyor ba dag la/ bsam pa ma dag pa'o// sems can 'di'i bsam pa dag la sbyor ba'ang dag pa'o// sems can 'di'i bsam
- 89b
pa'ang ma dag la sbyor ba'ang ma dag pa'o zhes gang sems can thams cad kyi sngon gyi rgyu'i dbang po las sems kyi spyod pa shes pa de dag thams cad yang dag pa ji lta ba bzhin du rab tu shes te/ shes// nas kyang so so ci rigs par chos ston pa 'di ni/ sngon gyi mtha'i pha rol gyi sems shes pa zhes bya'o// de la phyi ma'i mtha'i pha rol gyi sems shes pa gang zhe na/ sems can 'di'i da ltar gyi sbyin pa'i rgyu ni/ ma 'ongs pa'i dus na 'di'i tshul khrims kyi rgyur 'gyur ro// sems can 'di'i da ltar gyi tshul khrims kyi rgyu ni/ ma 'ongs pa'i dus na 'di'i bzod pa'i rgyur 'gyur sems can 'di'i da ltar gyi bzod pa'i rgyu ni/ ma 'ongasa'i dus na 'di'i brtson 'grus kyi rgyur 'gyur ro// sems can 'di'i da ltar gyi brtson 'grus kyi rgyu ni ma 'ongs pa'i dus na 'dis bsam gtan gyi rgyur 'gyur ro/ / sems can 'di'i da ltar gyi bsam gtan gyi rgyu ni/ ma 'ongs pa'i dus na 'di'i shes rab kyi rgyur 'gyur ro// sems can 'di'i da ltar gyi 'jig rten pa'i shes pa dang spyod pa'i rgyu ni ma 'ongs pa'i dus na 'di'i 'jig rten las 'das pa'i rgyur 'gyur ro/ / sems can 'di'i da ltar gyi dbang po tha ma'i rgyu ni ma 'ongs pa'i dus na 'di'i theg pa chen po'i rgyur 'gyur ro zhes de ltar ma 'ongs pa'i dus na/ sems can rnams kyi rgyu gang dang / rkyen gang dang / rnam pa gang 'byung bar 'gyur ba'i sems can rnams kyi rgyu de dag dang
- 90a
rkyen de dag dang / rnam pa de dag byang chub sems dpas yang dag pa ji lta ba bzhin rab tu shes so// de sems can thams cad yongs su smin par bya ba la skyo bar mi/ 'gyur te/ de'i sems la 'jug pa'i shes pa dang / chos kyi snod du gyur pa ji snyed pa de snyed du chos ston to// de 'bras bu yod par chos ston pa yin te/ chos kyi gtam la ser sna mi byed pa 'di ni/ phyi ma'i mtha'i pha rol gyi sems shes pa zhes bya'o// de la da ltar gyi pha rol gyi sems shes pa gang zhe na/ gang da ltar gyi dus na sems can thams cad kyi sems dang sems las byung ba skye ba de dag thams cad byang chub sems dpas yang dag pa ji lta ba bzhin rab tu shes te/ des 'dod chags dang bcas pa'i sems kyang / 'dod chags dang bcas pa'i sems su yang dag pa ji lta ba bzhin du rab tu shes so/ / 'dod chags dang bral ba'i sems kyang 'dod chags dang bral ba'i sems su yang dag pa ji lta ba bzhin du rab tu shes so// de bzhin du zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / nyon mongs pa dang bcas pa dang / nyon mongs pa dang bral ba dang / bsdus pa dang / g.yeng ba dang / zhum pa dang / ma num pa dang / rgod pa dang / mi rgod pa dang / zhi ba dang / ma zhi ba dang / chung
- 90b
ngu dang / yangs pa dang / chen por gyur pa dang / tshad med pa'i sems kyang tshad med pa'i sems su yang dag pa ji lta ba bzhin du rab tu shes te/ de ltar nyon mongs pa gang dang gang gis sems bsgribs par gyur pa de dag thams cad yang dag pa ji lta ba bzhin du rab tu shes te/ shes nas kyang shes rab kyis ji ltar nyon mongs pa las 'byung bar 'gyur ba'i chos ston to/ / de 'khor gang du 'gro bar phog ma nyid du 'khor de'i sems la blta ste/ bltas nas kyang so so ci rigs par chos ston to// de ltar gang sems can de dang de dag gi dbang po mchog dang mchog ma yin par shes pa de dag thams cad yang dag pa ji lta ba bzhin du rab tu shes te/ bdag gi sems bsgribs pa dang / gzhan gyi sems bsgribs par mi 'gyur ro// de ci'i phyir zhe na/ 'di ltar byang chub sems dpa' de'i sems kyi rgyu ni ye shes kyis rig pa/ dran pas rig pa/ blo gros kyis rig pa/ rtogs pas rig pa/ shes rab kyis rig pa/ byang chub kyi rig pa'o// sems kyi rgyun ni nyon mongs pa dang bral la/ bag chags kyi mtshams sbyor ba nyon mongs pa yang dag par chad pa/ dag pa/ dri ma med pa/ 'od gsal ba/ kha na ma tho ba med pa/ moM brlang ba/ nyon mongs pa med pa/ rnyog pa med pa/ chos thams cad snang bas rig pa/ sems can thams cad kyi
- 91a
sems kyi spyod pa la zhugs shing / sems kyi rgyun shin tu rig pa ste/ de ltar gang de lta bu'i chos la sems 'bab pa shes par 'jug pa 'di ni/ byang chub sems dpa'i pha rol gyi sems shes pa'i mngon par shes pa mi zad pa'o/ / de la byang chub sems dpa'i sngon gnas pa dran pa/ shes pas mngon sum du byed pa'i mngon par shes pa gang zhe na/ de dran pa des mngon gnas pa'i rjes su dran te/ dran pa de ni chos kyi dbyings kyi gnas kyis shin tu byin gyis brlabs pa'o// rab tu rig pas na mi g.yo ba'o// ye shes yongs su sbyang ba byas pas na mi rgod pa'o/ / zhi gnas la rab tu gnas pas na gtse ba med pa'o// lhag mthong gis shin tu zin pas na nor ba med pa'o// mngon sum du shes pas na gzhan gyi dring la mi 'jog pa'o/ / dran zhing mi brjed pa'i chos can pas na dran par bya ba'o// theg pa chen po rab tu shes pa'i phyir/ bsod nams kyi tshogs bsags pa'o// gzhan la rag ma lus pas na ye shes kyi tshogs bsags pa'o/ / thams cad kyi pha rol tu 'gro ba'i phyir/ pha rol tu phyin pa thams cad kyi tshogs bsags pa'o// de dran pa des sngon gnas pa rjes su dran te des skye ba gcig kyang dran no/ / gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu dang
- 91b
skye ba brgya yang dran no/ / skye ba stong dang / skye ba brgya stong dang / skye ba brgya phrag mang po dang / skye ba stong zug mang po dang / skye ba brgya stong zag mang po dang / sdud pa'i bskal pa dang / 'gyur ba'i bskal pa dang / sdud pa'i bskal pa mang po dang / 'gyur ba'i bskal pa mang po dang / sdud pa dang / 'gyur ba'i bskal pa mang po yang rjes su dran no/ / bskal pa brgya dang / bskal pa stong dang / bskal pa brgya stong dang / bskal pa brgya phrag mang po dang / bskal pa stong phrag mang po dang / bskal pa brgya stong phrag mang po yang dran te/ gang du bdag ming 'di zhes bya ba/ rigs 'di zhes bya ba/ rus 'di zhes bya ba/ kha dog 'di 'dra ba/ kha zas 'di 'dra ba/ tshe'i tshad 'dzin pa gang du gnas pa 'di tsam du bde ba dang / sdug bsngal myong ste/ sems can gzhan yang ming 'di zhes bya bar gyur te/ bdag de nas shi 'phos nas che ge mo zhig tu skyes/ de nas kyang shi 'phos nas 'dir skyes te/ de ltar rnam pa dang bcas pa dang / mtshan ma dang bcas yul dang bcas te/ sngon gnas pa rnam pa mang po dran no// des bdag dang sems can gzhan gyi sngon gyi mtha' nas gzung ste/ sngon gnas pa rjes su dran no// de bdag gi dge ba'i rtsa ba dang / sems can gzhan gyi dge ba'i rtsa ba sngon gyi rgyu las byung ba la dran zhing /
- 92a
bdag gi dge ba'i rtsa bdun nas byang chub tu yongs su bsngo'o// sems can gzhan gyi dge ba'i rtsa badran na/ sems cad rnams byang chub tu sems bskyed do// gang sngon gyi 'du byed kyi sdug bsngal de dag kyang mi rtag pa dang / sdug bsngal ba dang / stong pa nyid dang / bdag med pa'i phyir bzang ngo // des mi rtag pa dang / sdug bsngal ba dang / stong pa nyid dang / bdag med pa'i phyir 'brang bas gzugs kyis dregs pa med pa yin/ kha dog gis dregs pa med pa yin/ nad med pas dregs pa med pa yin/ lang tshos dregs pa med pa yin/ 'tsho bas dregs pa med pa yin/ longs spyod kyis dregs pa med pa yin/ 'khor gyis dregs pa med pa yin/ dbang bas dregs pa med pa yin/ brgya byin du 'dod pa med pa yin/ tshangs par 'dod pa med pa yin/ 'jig rten skyong bar 'dod pa med pa yin/ 'khor los sgyur bar 'dod pa med pa yin// skye ba thams cad 'dod pa med pa yin no// 'dod pa dang / rgyal po'i skyid pa dang / dbang thams cad kyang bdag la bde ba'i phyir mi 'dod de/ gzhan du na sems can yongs su smin par bya ba'i phyir/ bsams bzhin du srid par skye ba 'dzin to// de mi rtag pa dang / sdug bsngal ba dang / stong pa nyid dang / bdag med pas 'brang bas sngon gyi
- 92b
nyon mongs pa'i spyod pas ngo tsha bas 'dzem ste/ nyam nga zhing rnam par smod do// da ltar gyi tshe yang thog gi phyir yang mi bya ba mi byed cing / de sngon gyi dge ba'i rtsa ba rnams byang chub tu sngo ste/ rgyas par byed do// da ltar gyi dge ba'i rtsa ba yang sems can thams cad dang thun mong du sngo'o// des mi mthun par yongs su bsngo ba spangs te/ sangs rgyas kyi rigs dang chos kyi rigs dang / dge 'dun gyi rigs rgyun mi 'chad pa dang / thams cad mkhyen pa'i phyir bsngo ste/ 'di ni byang chub sems dpa' rnams kyi sngon gnas pa dran pa shes pa mngon sum du byed pa'i mngon par shes pa mi zad pa'o/ / de la byang chub sems dpa' rnams kyi rdzu 'phrul bya ba shes pa mngon par shes pa gang zhe na/ gang mos pa dang / brtson 'grus dang / sems dang / dpyod pas rab tu shes pa'i chos rnams sgrub pa dang / las su rung ba dang / dbang byed pa nas/ rdzu 'phrul gyi rkang pa bzhi po 'di dag shin tu bsgoms pa'i phyir/ mngon par 'du byed pa med pa'i rdzu 'phrul mngon du thob par 'gyur te/ de rdzu 'phrul dang / cho 'phrul rnam pa mang po myong bar 'gyur ro// de rdzu 'phrul dang / cho 'phrul de dag ni sems can la lta ba'i phyir/ sems can yongs su smin par byed par 'gyur te/ de rdzu 'phrul dang / cho 'phrul gang dang gang gis sems can
- 93a
gdul bar bya ba'i rdzu 'phrul dang / cho 'phrul de dag sems can rnams la rab tu ston te/ gzugs su 'am/ stobs su 'am/ byin gyi rlabs kyang rung ste/ gzugs dang kha dog tu snang ba gang gis sems can 'dul bar 'gyur ba'i gzugs dang kha dog tu snang ba de dang de dag sems can rnams la nye bar ston te/ sangs rgyas kyi gzugs dang kha dog tu snang ba 'am/ byang chub sems dpa'i gzugs dang kha dog tu snang ba 'am/ rang sangs rgyas kyi gzugs dang / kha dog tu snang ba 'am/ nyan thos kyi gzugs dang kha dog tu snang ba 'am/ brgya byin gyi gzugs dang kha dog tu snang ba 'am/ 'jig rten skyong ba'i gzugs dang kha dog tu snang ba 'am/ 'khor los sgyur ba'i gzugs dang kha dog tu snang ba 'am/ de bzhin du 'jug sel dang / 'gro skems dang / dbang po chen po dang / tshangs pa dang / skye dgu'i bdag po'i gzugs dang kha dog tu snang ba 'am// gang de ma yin pa'i gzugs dang kha dog tu snang ba'i gzhan dag gis za na byol song gi skye gnas kyi gzugs dang kha dog tu snang bas kyang sems can 'dul bar 'gyur na/ gzugs dang kha dog tu snang ba de dang de dag bstan te/ sems can rnams kyi mos pa ji lta ba bzhin du chos ston to// de stobs gang dang gang gis stobs bsnyems pa dang / khro ba dang / nga rgyal dang / rgyags
- 93b
pa dang / dregs pa'i shas che ba'i sems can rnams gdul bar bya ba dang / de'i stobs nye bar ston te/ yang na brgya byin gyi stobs sam/ yang na tshangs pa'i stobs sam/ yang / na 'jig rten skyong ba'i stobs sam/ yang na 'khor los sgyur ba'i stobs sam/ yang na tshan chen po'i stobs sam/ yang na mthu bo che'i stobs kyi bani cha'am/ yang na mthu bo che stobs kyi byed dam/ yang na mthu bo che'i stobs kyang rung ste/ byang chub sems dpa' stobs gang dang ldan pas sor mo gsum gyis ri rab ri'i rgyal po bteg te/ daphang du dpag tshad brgya stong phrag drug cu rtsa brgyad tsam nas/ rgyang mar dpag tshad stong phrag brgyad cu rtsa bzhir 'phangs pa 'di lta ste/ skyu ru ra'i 'bru gcig bzhin du 'jig rten gyi khams gzhan du 'phangs kyang byang chub sems dpa' de'i stobs la nyams pa med do/ / stong gsum gyi stong chen po'i 'jig rten gyi khams 'di ltar rgya che zhing yangs pa'i chu'i khams nas bzung ste/ steng du 'og min gyi bar lag mthil gyi steng du bzhag ste bskal pa'am/ bskal pa las lhag par 'dug la/ spyod lam thams cad kyang ston te/ byang chub sems dpa' de lta bu'i stobs dang ldan pas/ sems can stobs snyems shing / khro ba dang / nga rgyal dang / rgyags pa dang / dregs pa'i shas che ba'i rnams la stobs snyems pa dang / khro ba dang / nga rgyal dang / dregs
- 94a
/ pa gdul ba'i phyir chos ston to// de rdzu 'phrul gyi rkang pa de dag gis byin gyi rlabs kyis ye shes thob bo// byang chub sems dpa'i byin gyi rlabs kyis ye shes des gang dang gang la byin gyis brlabs pa de de bzhin du 'gyur te/ des gal te rgya mtsho chen po phyugs rjes tsam du gyur cig ces phyags rjes su byin gyis brlabs na/ phyugs rjes tsam du 'dug go/ phyugs rjes kyang rgya mtsho chen por gyur cig ces byin gyis brlabs na/ rgya mtsho chen po nyid du 'dug go// gal te bsregs pa'i bskal pa rnams chu'i phung por gyur cig ces byin gyi brlabs na/ de chu'i phung po nyid du 'dug go// chu'i phung po yang me'i phung por gyur cig ces byin gyis brlabs na me'i phung po nyid du 'dug go// me'i phung po yang rlung gi rung por gyur cig ces byin gyis brlabs na rlung gi phung po nyid du 'dug go/ rlung gi phung po yang me'i phung por gyur cig ces byin gyis brlabs na me'i phung po nyid du 'dug go// me'i phung po yang sa'i phung por gyur cig ces byin gyis brlabs na/ de sa'i phung po nyid du 'dug go// sa'i phung po yang me'i phung por gyur cig ces byin gyis brlabs na de me'i phung po nyid du 'dug go// de bzhin du tha ma dang 'bring dang / rab kyi chos gang dang gang byin gyi rlabs kyis byin du brlabs pa de dag ni de bzhin du 'dug go// de'i byin gyi rlabs de ni sangs rgyas bcom ldan 'das ma gtogs par
- 94b
brgya byin nam/ tshangs pa 'am/ bdud dam/ bdud kyi ris kyi lha 'am/ sus kyang rung ste/ 'jig rten du chos dang mthun pas sus kyang bskyod pa 'am/ bskul pa 'am/ mi snang bar byed mi nus te/ sems can gyi ris na gang byang chub sems dpa'i byin gyi rlabs de la bskyod pa 'am/ bskul ba 'am/ mi snang bar byed nus pa'i sems can de gang yang med do/ / byang chub sems dpa'i byin gyi rlabs dang / ye shes kyi stobs bskyed pa des brjod pa sna tshogs dang / dga' ba dang mgu ba la dam par 'dzin pa'i sems can rnams la/ sgra ji lta ba bzhin du 'jug pas chos ston to// de'i rdzu 'phrul gyi rkang pa de dag kyang mngon par 'phags so// bdag nyid dbang ba/ bdud dam nyon mongs pa thams cad kyi yul las/ 'das pa'o// sangs rgyas kyi yul la 'jug pa'o// sems can thams cad la mi gnod par sbyor ba'o// dge ba'i rtsa ba dang / tshogs thams cad bsags pa'o// bdud dang bdud kyi ro sA lha rnams kyis mi 'phrogs pa ste/ 'di ni byang chub sems dpa' rnams kyi rdzu 'phrul gyi bya ba shes pa mngon par shes pa mi zad pa ste/ 'di ni btsun pa shA ra dwa ti'i ru byang chub sems dpa' rnams kyi mngon par shes pa lnga mi zad pa zhes bya'o/ / gzhan yang btsun pa shA ra dwa ti'i bu/ byang chub sems dpa' rnams kyi bsdu ba'i dngos
- 95a
bzhi mi zad pa ste/ bzhi gang zhe na/ 'di lta ste/ sbyin pa dang / snyan par smra ba dang / don spyod pa dang / don mthun pa'o// de la sbyin pa ni gang / nga zing sbyin pa dang / chos sbyin pa'o// de la snyan par smra ba ni gang slong ba dang / chos nyan pa rnams la tshig 'jam zhing snyan par smra ba'o// de la don spyod pa ni gang bdag dang gzhan gyi don bsam pa bzhin du rdzogs par byed pa'o/ / de la don mthun pa ni gang theg pa gang la yon tan du 'du shes pa'i theg pa de nyid la chos dang zang zing len pa rnams rab tu 'god pa'o// gzhan yang sbyin pa ni gang slong ba rnams kyi yid mgu bar sbyin pa'o// snyan par smra ba ni slong ba rnams la mi smod pa'o// de la don spyod pa ni gang slong ba rnams kyi don yongs su rdzogs bapar byed pa'o/ / de la don mthun pa ni gang theg pa de nyid la yang dag par 'dzud pa'o// gzhan yang sbyin pa ni bsam pa zag pa nas gtong ba'o// snyan par smra ba ni gang sbyor ba la yongs su chad pa med pa'o/ / don spyod pa ni gang lhag pa'i bsam pas byin te 'gyod pa med pa'o// don mthun pa ni gang theg pa chen po la sngo ba'o// gzhan yang sbyin pa ni gang byams pa'i rjes su 'gro ba'i sems kyis yongs su gtong ba'o/ / snyan par smra ba ni gang la dga' ba dang / rab tu dga' bar gyur pa'i sems mi gtong ba'o// don spyod pa ni gang snying rje chen po yongs su dag pa'i sems bskyed/
- 95b
pas sems can thams cad kyi bya ba la brtson pa'o// don 'thun pa ni gang btang snyoms dang ldan pa'i sems mtho dman med cing / thams cad mkhyen pa'i ye shes la yongs su sngo ba'i sems so/ / gzhan yang sbyin pa ni gang chos bzhin 'tshal ba'i longs spyod rnams yongs su gtong ba'o// snyan par smra ba ni gang la sbyin pa byin pa de dag chos la rab tu 'dzud pa'o// don spyod pa ni gang bdag gi don dang gzhan gyi don ston pa'o/ / don 'thun pa ni gang sems can thams cad kyi don gyi phyir thams cad mkhyen par sems bskyed pa'o// gzhan yang sbyin pa ni gang nang dang phyi'i dngos po rnams yongs su gtong ba'o/ / snyan par smra ba ni gang chos thams cad kyi yon tan shes pa la slob dpon mi 'chab pa'o// don spyod pa ni gang bdag gi don btang ste gzhan gyi don byed pa'o// don 'thun pa ni gang longs spyod kun bsdus te/ lag mthil du bzhag pa yang gzhan la byin nas mi dga' ba med pa'o// de la chos sbyin pa gang zhe na/ gang ji lta bur thos pa'i chos rnams ston pa'o/ / snyan par smra ba ni gang zang zing med pa'i sems kyis chos yang dag par rab tu ston pa'o// don spyod pa ni gang gzhan la lung 'bog pa dang / kha ton phog pas mi skyo ba'o// don 'thun pa ni gang thams cad mkhyen pa'i sems dang ma bral bas chos rnyed pa dang / gzhan yang rab tu 'dzud pa'o// gzhan yang chos kyi sbyin pa ni chos nyan pa'ong shing lhags pa rnams la mi skyo
- 96a
zhing mi g.yeng bar chos ston pa'o/ / gang snyan par smra ba ni gang don du rgyang ring por yang song ste/ dam pa'i chos yang dag par ston pa'o// don spyod pa ni gang chos 'dod pa'i gang zag rnams lhung bzed ma tshang ngam/ chos gos dang / zas dang / mal stan dang / na ba'i gsos sman dang / yo byad med dam/ gzhan yang de dag la gang dang gang gis brel ba de dag thams cad byin te/ lhag pa'i bsam par song ba'i sems kyi rgyud kyis chos ston pa'o// don mthun pa ni gang chos kyi sbyin pa byin te/ bla na med pa yang dag par rdzogs pa'i byang chub tu yang dag par 'dzud cing yongs su bsngo ba'o/ / gzhan yang chos sbyin pa ni gang sbyin pa thams cad kyi mchog ni chos sbyin pa yin par rig nas chos kyi sbyin pa yongs su gtong ngo/ / snyan par smra ba ni gang phan pa'i dngos po'i phyir chos ston to// don spyod pa ni gang don la rton pa'i chos ston gyi/ yi ge la rton pa ni ma yin no// don mthun pa ni gang sangs rgyas kyi chos thams cad rdzogs par bya ba'i phyir chos ston pa'o/ / zhan yang chos sbyin pa ni/ gang sbyin pa'i pha rol tu phyin pa'o// snyan par smra ba ni gang tshul khrims kyi pha rol tu phyin pa dang / bzod ra'i pha rol tu phyin pa'o/ / don spyod pa ni gang brtson 'grus kyi pha rol tu phyin pa'o// don mthun pa ni gang bsam gtan gyi pha rol tu phyin pa dang / shes rab kyi pha rol tu phyin pa'o// gzhan yang
- 96b
chos sbyin pa ni thog ma sems bskyed pa'i byang chub sems dpa' rnams kyi'o/ / snyan par smra ba ni spyod pa la zhug pa'i byang chub sems dpa' rnams kyi'o// don spyod pa ni phyir mi ldog pa'i byang chub sems dpa' rnams kyi'o/ / don mthun pa ni skye ba gcig gis thogs pa'i byang chub sems dpa' rnams kyi'o// gzhan yang chos sbyin pa ni/ byang chub kyi phyir rtsa ba dang sa bon gyi gzhi'o// snyan par smra ba ni byang chub kyi myu gu dang 'dab ma yongs su rdzogs pa'o// don spyod pa ni byang chub kyi me tog yongs su rgyas pa'o// don mthun pa ni byang chub kyi 'bras bu mngon par 'grub pa ste/ 'di ni btsun pa shA ra dwa ti ri bu/ byang chub sems dpa' rnams kyi bsdu ba'i dngos po bzhi mi zad pa'o// gzhan yang btsun pa shA ra dwa ti'i bu/ byang chub sems dpa' rnams kyi so so yang dag par rig pa bzhi mi zad pa ste/ bzhi gang zhe na/ gang 'di don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// de la don so so yang dag par rig pagang zhe na/ gang chos thams cad la don dam par shes pa ste/ chos shes pa dang / so sor rtog pa shes pa dang / rjes su 'gro ba shes pa dang / rgyu shes pa dang / rkyen shes pa dang / gnyis su med par shes pa dang /
- 97a
/ tshogs par shes pa dang / tha mar mi 'gro bar shes pa dang / bar na mi 'dug par shes pa dang / rkyen la 'jug pa shes pa dang / chos kyi dbyings dbyer med par shes pa dang / de bzhin nyid kyi rjes su 'jug pa shes pa dang / yang dag pa'i mtha' la gnas pa shes pa dang / stong pa nyid rtogs pa'i shes pa dang / mtshan ma med pa la spyod pa'i shes pa dang / smon pa med pa la smon lam med par shes pa dang / mngon par 'du mi byed pa la mngon par 'du byed pa med par shes pa dang / tshul gcig la 'jug pa'i shes pa dang / bdag med pa la rtogs pa'i shes pa dang / sems can med par rtogs pa'i shes pa dang / srog med par phyogs gcig tu rtogs pa'i shes pa dang / gang zag med pa don dam par shes pa dang / 'das pa'i dus la ma chags pa'i shes pa dang / ma 'ongs pa'i dus la thug pa med par shes pa dang / da ltar byung ba'i dus na thams cad kha na ma tho ba med par shes pa dang / phung po rnams la sgyu mar shes pa dang / khams rnams la myur du gdug pa'i dug tu rtogs pa'i shes pa dang / skye mched rnams la grong stong par rtogs pa'i shes pa dang / nang nye bar zhi bar shes pa dang / phyi rol tu rgyu ba med par shes pa dang / yul rnams la sgyu ma dang / bye brag med par shes pa dang / dran pa la gnas pa'i shes pa dang / bzod pa'i
- 97b
rjes su 'gro ba'i shes pa dang / blo gros kyis so sor rtogs pa'i shes pa dang / bdag la rtog pa'i shes pa dang / bden pa la rab tu rtogs pa'i shes pa dang / sdug bsngal la mi 'byung bar shes pa dang / kun 'byung ba la mngon par 'du mi byed par shes pa dang / 'gog pa la mtshan nyid med par shes pa dang / lam la rgal bar shes pa dang / chos la tshig rab tu dbye bar shes pa dang / dran pa nye bar gzhag pa rnams la dran pa med pa dang / yid la bya ba med par shes pa dang / yang dag par spong ba rnams la dge ba dang / mi dge ba gnyis su 'jug pa'i shes pa dang / rdzu 'phrul gyi rkang pa rnams la lus dang sems yang bar shes pa dang / dbang po rnams la 'jug par shes pa dang / stobs rnams la mi brdzi bar shes pa dang / byang chub kyi yan lag rnams la chos thams cad yang dag par ji lta ba bzhin du rtogs par shes pa dang / lam la 'gro ba dang 'ong ba med par shes pa dang / zhi gnas la gnas par shes pa dang / lhag mthong la snang bar shes pa dang / sgyu ma la bsgrubs par shes pa dang / smig rgyu la nor par shes pa dang / rmi lam la yang dag pa ma yin pa mthong bar shes pa dang / brag cha la rkyen du dmigs pa'i shes pa dang / mig yor la mi 'pho bar shes pa dang / mtshan nyid sna tshogs la mtshan nyid gcig tu shes pa dang / 'dus pa la 'bral
- 98a
bar shes pa dang / phyir gyi mtshams la phyir gyi mtshams med par shes pa dang / nyan thos kyi theg pa la gzhan gyi sgra'i rjes su 'gro bar shes pa dang / rang sangs rgyas kyi theg pa la rkyen la 'jug pa dang / rab tu dben zhing rtse gcig par shes pa dang / theg pa chen po la dge ba'i rtsa ba dang / tshogs thams cad spel bar shes pa 'di ni don so// so yang dag par rig pa zhes bya'o// gzhan yang don so so yang dag par rig pa ni/ don so so yang dag par rig pa gang gis chos thams cad la don la rton pas rton pa ste/ de ci'i/ phyir zhe na/ chos thams cad ni ma lus par stong pa ste/ gang stong pa'i don de ni don no// chos thams cad ni ma lus par mtshan ma med pa ste/ gang mtshan ma med pa'i don de ni don no/ / chos thams cad ni ma lus par smon pa med pa ste/ gang smon pa med pa'i don de ni don to// chos thams cad ni ma lus par mngon par 'du mi byed pa ste/ gang mngon par 'du mi byed pa'i don de ni don to/ / chos thams cad ni ma lus par mi skye ba ste/ gang ma lus par mi skye ba'i don de ni don no// chos thams cad ni ma lus par ma byung ba ste/ gang ma lus bar ma byung ba'i don de ni don no/ / chos thams cad ni ma lus par dngos po med pa ste/ gang ma lus par dngos po med pa'i don de ni don no// chos thams cad ni ma lus par dben pa
- 98b
ste/ gang ma lus par dben pa'i don de ni don no// chos thams cad ni ma lus par bdag med pa/ sems can med pa/ srog med pa/ gang zag med pa ste/ gang bdag med pa/ dang / sems can med pa dang / srog med pa dang / gang zag med pa'i don de ni don te/ gang 'di lta bu'i chos rtogs pa de ni don so so yang dag par rig pa zhes bya'o// gang 'dir bstan pa ni thogs pa med par bstan pa/ chags pa med par bstan pa/ mi zad par bstan pa/ chos thams cad thob par bstan pa ste/ don bstan pa de ni so so yang dag par rig pa yin no/ / don so so yang dag par rig pa de ni/ chos thams cad bstan pa mi zad pa yin te/ sangs rgyas bcom ldan 'das rnams kyis kyang yang dag par bka' stsal cing / yang dag par rjes su thugs rang ba'o/ / yang dag pa dang / de kho na dang / ma log pa dang / gzhan ma yin pa yin te/ shes rab dang / ye shes kyi rtogs pa thams cad du kha na ma tho ba med pa ste/ 'di ni don so so yang dag par rig pa zhes bya'o// de la chos so so yang dag par rig pa gang zhe na/ gang chos thams cad la rjes su 'jug pa ste/ dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas dang /
- 99a
'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba'i char gtogs pa dang / 'khor ba dang mya ngan las 'das par nye bar song ba rnams la chos kyi dbyings mnyam pa nyid du shes pa dang / byang chub mnyam pa nyid du shes pa dang / khams mnyam pa nyid du shes pa 'di ni chos so so yang dag par rig pa zhes bya'o/ / gzhan yang chos so so yang dag par rig pa ni gang 'dod chags kyi spyod pa'i sems can rnams kyi sems la 'jug cing 'bab par shes pa dang / bcos pa'i 'dod chags spyod pa dang / ma bcos pa'i 'dod chags spyod pa dang / snrel zhi'i 'dod chags spyod pa dang / lta ba'i 'dod chags spyod pa dang / mi bzod pa'i 'dod chags spyod pa dang / 'jam pa'i 'dod chags spyod pa dang / yang dag pa'i 'dod chags spyod pa dang / kun rdzob kyi 'dod chags spyod pa dang / sbyor ba'i 'dod chags spyod pa dang / bsam pa'i 'dod chags spyod pa dang / lhag pa'i 'dod chags spyod pa dang / 'chal pa'i 'dod chags spyod pa dang / mtshan nyid kyi 'dod chags spyod pa dang / mtshan nyid mi mthun pa'i 'dod chags spyod pa dang / rnam par gzhag pa'i 'dod chags spyod pa dang / sngon gyi mtha'i rkyen gyi 'dod chags spyod pa dang / phyi ma'i mtha'i rkyen gyi 'dod chags spyod pa dang / da ltar
- 99b
byung ba'i rkyen gyi 'dod chags spyod pa dang / sems can nang du 'dod chags la/ phyi rol du 'dod chags med pa yang yod/ sems can phyi rol du 'dod chags la/ nang du 'dod chags/ med pa yang yod/ sems can nang du yang 'dod chags la/ phyi rol du yang 'dod chags pa yang yod/ sems can nang du yang 'dod chags med la/ phyi rol du yang 'dod chags med ba yang yod/ sems can gzugs la 'dod chags la/ sgra dang / dri dang / ro dang / reg la 'dod chags med pa yang yod/ sgra la 'dod chags la/ gzugs dang / dri dang / ro dang / reg la 'dod chags med pa yang yod/ dri la 'dod chags la/ gzugs dang / sgra dang // ro dang / reg pa la 'dod chags med pa yang yod/ ro la 'dod chags la/ gzugs dang / sgra dang / dri dang / reg pa la 'dod chags med pa yang yod/ sems can reg pa la 'dod chags la/ gzugs dang / sgra dang / dri dang / ro la 'dod chags med pa yang yod do/ / 'di ni sems can 'dod chags la spyod pa rnams kyi 'jug pa ste/ 'jug pa'i sgo 'dis sems can rnams kyi 'dod chags la spyod pa stong phrag nyi shu rtsa gcig go/ / sems can rnams kyi zhe sdang la spyod pa yang stong phrag nyi shu rtsa gcig go// sems can rnams kyi gti mug la spyod pa yang stong phrag nyi shu rtsa gcig go// sems can rnams kyi cha
- 100a
mnyam pa la spyod pa yang stong zag nyi shu rtsa gcig ste/ gang sems can spyod pa stong phrag brgyad cu rtsa bzhi po de dag gis sems kyi 'jug pa dang 'bab pa shes pa dang so so ci rigs par chos ston pa shes pa dang / dus las mi 'da' bar shes pa dang / snod kyi bye brag ji lta ba bzhin du shes pa dang / 'bras bu yod par chos bstan pa shes pa dang / ma chad ma lhag par chos bstan pa shes pa de ni/ chos so so yang dag par rig pa zhes bya'o// de la nges pa'i tshig so so yang dag par rig pa gang zhe na/ gang sems can thams cad kyi skad la 'jug pa shes pa ste/ lha'i skad dang / klu'i skad dang / gnod sbyin gyi skad dang / dri za dang / lha ma yin dang / nam mkha' lding dang mi 'am ci dang / lto 'phye chen po dang / mi dang mi ma yin pa'i skad la 'jug pa ste/ 'dor na ji snyed du 'gro ba lngar skyes pa'i sems can rnams kyi skad dang / sgra dang / dbyangs dang / tshig gi lam dang / nges pa'i tshig dang / brda dang / spyod pa ji snyed pa de dag thams cad rab tu shes te/ shes nas kyang sgra de dag dang / nges pa'i chog de dang de dag gis sems can de dang de dag la sgra la 'jug pa ji lta ba bzhin du chos ston te/ 'di ni nges pa'i tshig so so yang dag par rig pa zhes bya'o// gzhan yang nges pa'i tshig
- 100b
so so yang dag par rig pa ni chos 'di dag la 'di lta bur brtags par bya/ chos 'di dag la 'di lta bur brtul bar bya/ chos 'di dag 'di lta bur khong du chud par bya'o// chos 'di dag 'di lta bur yi ges brtag par bya'o zhes chos gcig gi tshig kyang shes/ gnyis kyi tshig kyang shes/ mang po'i tshig kyang shes/ skyes pa'i tshig kyang shes/ bud med kyi tshig/ kyang shes/ ma ning gi tshig kyang shes/ 'das pa'i tshig kyang shes/ ma 'ongs pa'i tshig kyang shes/ da ltar byung ba'i tshig kyang shes/ yi ge gcig sgro btags pa yang shes yi ge du mar sgro btags pa yang shes/ sgro btags pa med pa yang shes te/ 'di ni nges pa'i tshig so so yang dag par rig pa zhes bya'o// gzhan yang nges pa'i tshig gis chos thams cad 'gog pa la tshig gis chos shes pa 'di ni nges pa'i tshig so so yang dag par rig pa zhes bya'o/ / de'i nges pa'i tshig de ni thogs pa med pa/ 'khrul pa med pa/ shin tu rnam par bzhag pa/ zlos pa med pa/ mi drag pa/ ma brtags pa/ zur phyin pa/ rnam par gsal ba/ don dang yi ges bskor ba/ ji lta ba bzhin du 'khor tshim par byed pa/ rnam pa sna tshogs pa/ zab pa/ zab mor snang ba/ kun rdzob dang don dam pas brgyan pa/ rang gi sems dang / shes pa dang / lta ba rtogs pa
- 101a
dang / sangs rgyas kyis bka' stsal pa/ sems can thams cad mgu bar byed pa ste/ 'do ni nges pa'i tshogs sa yang dag par rig pa zhes bya'o// de la thos so so yang dag par rig pa gang zhe na/ 'di lta ste/ chags pa med par lung bsgo ba bstan pa shes pa dang / ma tshang ba med par lung bsgo ba bstan pa shes pa dang / thogs pa med par lung bsgo ba bstan pa shes pa dang / spobs pa myur ba/ spobs pa drag pa dang / spobs pa mgyogs pa dang / spobs pa 'bras bu yod pa dang / ji ltar dris pa bzhin du spobs pa dang / lan thebs pa med pa'i spobs pa dang / spobs pa mi 'bri ba dang / shin tu 'brel pa'i spobs pa dang / rtogs pa'i spobs pa dang / chos la dga' ba'i spobs pa dang / bzod// pa'i stobs la gnas pa'i spobs pa dang / zab mo la spobs pa dang / sna tshogs kyi spobs pa dang / kun rdzob dang don dam pa'i spobs pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la spobs pa dang / sangs rgyas kyi chos thams cad kyi tshig rab tu dbye ba bstan pa la spobs pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam zab mo la spobs pa dang /
- 101b
zhi gnas dang / lhag mthong la spobs pa ste/ spobs pa so so yang dag par rig pa zhes bya ba ni/ gang nges pa'i tshig la rtog pas tshig gi chos shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / bden pa la 'jug pa shes pa'i spobs pa'o// theg pa thams cad la spobs pa'o// yang dag pa ji lta ba bzhin du bstan pas sems can thams cad kyi sems kyi spyod pa tshim par bya ba la spobs pa ste/ mi 'dor/ mi lkug pa'i tshig dang / mi brlang ba'i tshig dang / brtan pa'i tshig dang / mi rtsub pa'i tshig dang / snum pa'i tshi ga dang / dge ba'i tshig dang / rab tu grol ba'i tshig dang / mi 'dzings pa'i tshig dang / zur phyin pa'i tshig dang / nges pa'i tshig dang / mi g.yo ba'i tshig dang / mi rgod pa'i tshig dang / zhi ba'i tshig dang / gzung ba'i tshig dang / mnyan pa'i tshig dang / ldan pa'i tshig dang / zla ba med pa'i tshig dang / shin tu rigs pa'i tshig dang / ma tshang ba med pa'i tshig dang / snyan pa'i tshig dang / 'jam pa'i tshig dang / ma smad pa'i tshig dang / shin tu sdud pa'i tshig dang / 'phags pa thams cad kyis rab tu bsngags pa'i tshig dang / zhing mtha' yas par go bar byed pa rjes su song ba'i dbyangs dang / tshangs pa'i sgra skad la
- 102a
rtog cing ko bar byed pa'i rjes su song ba'i dbyangs dang / sangs rgyas kyis bka' stsal pa'i spobs pas sems can gzhan dang / gang zag gzhan gyi dbang po mchog dang mchog ma yin pa shes pas chos ston te/ de'i chos ston pa de yang de byed pa yang dag par sdug bsngal zad pa'i phyir 'byung bar 'gyur te/ 'di ni spobs pa so so yang dag par rig pa zhes bya'o/ / 'di ni btsun pa shA ra dwa ti'i bu/ byang chub sems dpa' rnams kyi so so yang dag par rig pa bani mi zad pa'o// gzhan yang btsun pa shA ra dwa ti'i bu byang chub sems dpa' rnams kyi rton pa ba ni yang mi zad pa ste/ bzhi gang zhe na/ 'di lta ste/ don la rton gyi yi ge la mi rton pa dang / ye shes la rton gyi rnam par shes pa la mi rton pa dang / nges pa'i don gyi mdo la rton gyi drang ba'i don gyi mdo la mi rton pa dang / chos nyid la rton gyi gang zag la mi rton pa'o// de la don ni gang / yi ge ni gang zhe na/ yi ge/ zhes bya ba ni gang 'jig rten gyi chos dang / bya ba la 'jug pa bstan pa'o// don ces bya ba ni gang 'jig rten las 'das pa'i chos rtogs pa'o// yi ge zhes bya ba ni gang sbyin pa dang / dul ba dang / sdom pa dang / nges pa bstan pa'o// don ces bya ba ni gang sbyin pa dang / dul ba dang / rlom pa dang / nges pa'i mnyam pa nyid shes pa'o//
- 102b
zhes bya ba ni gang 'khor ba'i nyes pa bsgrags shing brjod pa'o// don ces bya ba ni gang 'khor ba la mi dmigs par rtogs pa'o// yi ge zhes bya ba ni gang mya ngan las 'das pa'i yon tan dang leg pa brjod pa'o/ / don ces bya ba ni gang rang bzhin gyis mya ngan las 'das pa'i chos thams cad la rnam par mi rtog pa'o// yi ge zhes bya ba ni gang theg pa ji ltar rnam par gzhag pa bzhin du ston pa'o/ / don ces bya ba ni gang chos kyi dbyings dbyer med pa de tshul gcig pa la 'jug pa shes pa'o// yi ge zhes bya ba ni gang badrog pa thams cad yang dag par gtong ba'o// don ces bya ba ni gang 'khor gsum yongs su dag par shes pa'o/ / yi ge zhes bya ba ni gang lus dang ngag dang yid kyi sdom pa dang / tshul khrims dang / bslab pa dang / sbyangs pa'i yon tan dang / yo byad bsnyungs pa thams cad yang dag par len pa bstan pa'o// don ces bya ba ni gang lus dang ngag dang yid mi dmigs pa dang / sdom pa dang / tshul khrims dang bslab pa dang / sbyangs pa'i yon tan dang / yo byad bsnyungs pa yang dag par bslang ba bstan pa yongs su dag par shes pa'o// yi ge zhes bya ba ni gang gnod sems kyi tha ba dang / nyes pa dang / khro ba dang / khon du 'dzin pa dang / nga rgyal dang / rgyags pa dang / dregs pa thams cad rab tu 'jom zhing / bzod pa'i stobs
- 103a
dang / nges pa bstan pa'o// don ces bya ba ni gang mi skye ba'i chos la bzod pa thob pa'o// yi ge zhes bya ba ni gang dge ba'i rtsa ba thams cad yang dag par bsgrub pa la brtson 'grus brtsam pa bstan pa'o/ / don ces bya ba ni gang blang ba dang dor ba la mi gnas pa'i brtson 'grus so// yi ge zhes bya ba ni gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa'o// don ces bya ba ni gang 'gog pa'o snyoms par 'jug pa shes pa'o// yi ge zhes bya ba ni gang thos pa thams cad 'dzin pa shes rab kyi rtsa ba'o/ / don ces bya ba ni gang brjod du med pa'i don shes pa'o// yi ge zhes bya ba ni gang byang chub kyi phyogs kyi chos sum cu rtsa bdun gyi chos yang dag par bstan pa'o/ / don ces bya ba ni gang byang chub kyi phyogs sgrub pa'i 'bras bu mngon sum du byed pa'o// yi ge zhes bya ba ni gang sdug bsngal ba dang / kun 'byung ba rnams yang dag par rab tu bstan pa'o/ / don ces bya ba ni gang 'gog pa'i 'bras bu mngon sum du byed pa'o// yi ge zhes bya ba ni gang ma rig pa la sogs pa rga shi'i bar du yang dag par ston pa'o// don ces bya ba ni gang ma rig pa 'gog pa nas rga shi'i 'gog pa'i bar du'o/ / yi ge zhes bya ba ni gang zhi gnas dang lhag mthong gi tshogs bstan pa'o// don ces bya ba ni gang rig pa dang / rnam par grol ba'i
- 103b
ye shes so/ / yi ge zhes bya ba ni gang 'dod chags dang / zhe sdang dang / gti mug dang / cha mnyam pa'i spyod pa'i sems can rnams bstan pa'o// don ces bya ba ni gang sems rnam par grol ba mi 'khrugs pa'i ye shes so/ / yi ge zhes bya ba ni gang sgrib pa dang / bsgribs par 'gyur ba'i chos rnams yang dag par bstan pa'o// don ces bya ba ni gang bsgrib pa med pa'i ye shes dang / rnam par thar pa'o// yi ge zhes bya ba ni gang dkon mchog gsum gyi yon tan dang / bsngags pa mtha' yas pa bstan pa'o// don ces bya ba ni gang sangs rgyas kyi chos kyi sku mthong ba dang / 'dod chags dang bral zhing 'gog pa'i chos nyid dang / 'dus ma byas kyi sangs rgyas dang / chos dang / dge 'dun gyi yon tan sgrub pa'i ye shes so// yi ge zhes bya ba ni gang thog ma sems bskyed pa nas bzung ste/ byang chub kyi snying po la 'dug pa'i bar gyi byang chub sems dpa'i yon tan gyi tshogs bstan pa'o// don ces bya ba ni gang sems skad cig ma gcig dang ldan pa'i shes rab kyis thams cad mkhyen pa'i ye shes mngon par rdzogs par 'tshang rgya ba ste/ mdor na gang chos kyi phung po stong phrag brgyad cu rtsa bzhi bstan pa 'di ri ke nes bya'o/ / gang sems can thams cad kyi skad dang / yi ge dang / snang bar byed pa dang / brjod du med pa'i don de ni don te/ 'di ni ro la rngon gyi yig la mi rton pa zhes bya'o/
- 104a
de la rnam par shes pa ni gang / ye shes ni gang zhe na/ rnam par shes pa zhes bya ba ni rnam par shes pa gnas pa bzhi ste/ bzhi gang zhe na/ 'di lta ste/ rnam par shes pa gnas pa na/ gzugs la nye bar 'gro zhing gnas so// rnam par shes pa gnas pa na tshor ba la nye bar 'gro ba dang / 'du shes la nye ba 'gro ba dang / 'du byed la nye bar 'gro zhing gnas pa ste/ 'di ni rnam par shes pa zhes bya'o// de la ye shes gang zhe na/ gang phung po bzhi la gnas pa'i rnam par shes pa'i phung po kun shes pa ste/ 'di ni ye shes zhes bya'o/ / gzhan yang rnam par shes pa ni sa'i khams rnam par shes pa dang / chu'i khams dang / me'i khams dang / rlung gi khams rnam par shes pa 'di ni rnam par shes pa zhes bya'o/ / gang khams rnam pa bzhi po 'di dag la gnas pa'i rnam par shes pa la chos kyi dbyings dbyer med par shes pa 'di ni ye shes zhes bya'o// gzhan yang rnam par shes pa ni/ gang mig gis shes par bya ba'i gzugs rnams la rnam par rig pa dang / de bzhin du rna bas shes par bya ba'i sgra rnams dang / snas shes par bya ba'i dri rnams dang / lces shes par bya/ ba'i ro rnams dang / lus kyis shes par bya ba'i reg bya rnams dang / yid kyis shes par bya ba'i chos rnams la rnam par rig pa 'di ni rnam par shes pa zhes bya'o// gang yang nang nye bar/
- 104b
zhi zhing phyi rol du rgyu ba med pa dang / ye shes la rton pas chos gang yang mi rtog cing rnam par mi rtog pa 'di ni ye shes zhes bya'o// gzhan yang dmigs pa las rnam par shes pa ba dang / yid la byed pa las rnam par shes pa skye ba dang / kun tu rtog pa las rnam par shes pa skye ba 'di ni rnam par shes pa zhes bya'o// gang yang 'dzin pa med pa dang / snyems pa med pa dang / dmigs pa med pa dang / rnam par rig pa med pa dang / rtog pa med pa 'di ni ye shes zhes bya'o// gzhan yang 'dus byas rgyu ba'i chos la rnam par shes pa skye ste/ 'dus ma byas la ni rnam par shes pa rgyu ba med pa'o// gang 'dus ma byas su shes pa de ni ye shes so// gzhan yang skye ba dang 'jig pa la gnas pa ni rnam par shes pa'o// mi skye ba dang mi 'gog pa la gnas pa ni ye shes te/ 'di ni ye shes la rton gyi rnam par shes pa la mi rton pa zhes bya'o// de la nges pa'i don gyi mdo ni gang / drang ba'i don gyi mdo ni gang zhe na mdo gang lam la 'jug par bstan pa de dag ni drang ba'i don ces bya'o/ / mdo gang 'bras bu la 'jug pa'i phyir bstan pa de dag ni nges pa'i don ces bya'o// mdo gang kun rdzob sgrub par bsdu pa de dag ni drang ba'i don ces bya'o/ / mdo gang don dam pa bstan pa de dag ni nges pa'i don ces bya'o// mdo gang las kyi bya ba la 'jug par bstan pa de dag ni drang ba'i don ces bya'o// mdo/
- 105a
gang las dang nyon mongs pa zad par bya ba'i phyir bstan pa de dag ni nges pa'i don ces bya'o// mdo kang kun nas nyon mongs pa bshad pa'i phyir bstun pa de dag ni drang ba'i don ces bya'o/ / mdo gang rnam par byang ba yongs su bstan par bya ba'i phyir bstan pa de dag ni nges pa'i don ces bya'o// mdo gang 'khor ba la skyo bar bya ba bstan pa de dag ni drang ba'i don ces bya'o/ / mdo gang 'khor ba dang mya ngan las 'das pa gnyis su med pa la 'jug par bstan pa de dag ni nges pa'i don ces bya'o// mdo gang chog dang yi ge sna tshogs su bstan pa de dag ni drang bo'i don ces bya'o/ / mdo gang zab mo blta dka' ba khong du chud par dka' bstan pa de dag ni nges pa'i don ces bya'o// mdo gang tshig dang yi ge mang zhing sems can gyi sems dga' bar bya ba bstan pa de dag ni drang ba'i don ces bya'o/ / mdo gang tshig dang yi ge nyung la sems nges par rtogs par byed par bstan pa de dag ni nges pa'i don ces bya'o// mdo gang bdag dang / sems can dang / srog dang / gso ba dang / skyes bu dang / gang zag dang / shed las skyes pa dang / shed bdag dang / byed pa po dang / tshor ba po dang / sku rnam pa sna tshogs su bshad pa dang / bdag po med pa la bdag po dang bcas par bstan pa de dag ni drang ba'i don ces bya'o// mdo gang stong pa nyid dang / mtshan ma med pa dang / smon pa med
- 105b
pa dang / mngon par 'du mi byed pa dang / ma skyes pa dang / ma byung ba dang / dngos po med pa dang / bdag med pa dang / sems can med pa dang / srog med pa dang / gang zag med pa dang / bdag po med pa dang / rnam par thar pa'i sgo'i bar du bstan pa de dag ni nges pa'i don ces bya ste/ 'di ni nges pa'i don gyi mdo la rton gyi/ drang ba'i ron gyi mdo la mi rton pa zhes bya'o/ / de la chos nyid ni gang / gang zag ni gang zhe na/ gang zag tu lta ba la gnas te/ gang chos kha cig la rtsom pa 'di ni gang zag ces bya'o// gang zag tu lta ba de'i rtsom pa yongs su shes pa 'di ni chos nyid ces bya'o/ / gzhan yang so sora'i skye bo'i gang zag dang / so so'i skye bo'i dge ba'i gang zag dang / dad pa'i phyir 'gro ba'i gang zag dang / chos kyi phyir 'gro ba'i gang zag dang / brgyad pa'i gang zag dang / rgyun du zhugs pa'i gang zag dang / lan cig phyir 'ong ba'i gang zag dang / phyir mi 'ong ba'i gang zag dang / dgra bcom pa'i gang zag dang / rang sangs rgyas kyi gang zag dang / byang chub sems dpa'i gang zag dang / gang zag gcig 'jig rten du 'byung ba na/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mo'i skye bo phal po che'i don gyi phyir phan pa'i phyir/ bde ba'i phyir/ lha dang mi rnams kyi ston pa
- 106a
sangs rgyas bcom ldan 'das gang zag gcig pu 'jig rten du byung ste/ de ni gang zag ces bya'o// gang zag gi sgra de dag thams can ni de bzhin gshegs pas/ kun rdzob kyi tshig gi gnas kyi sems can rnams drang ba'i phyir bstan pa ste/ de la gang mngon par chags pa de dag ni rton pa ma yin zhes bya ba ste/ de dag rton pa la gzud pa'i phyir bcom ldan 'das kyis kyang chos nyid la rton par gyis shig/ gang zag gi phyir ni ma yin no zhes gsungs so// de la chos nyid gang zhe na/ 'di lta ste/ 'gyur ba med pa dang / btags pa med pa dang / byang ba med pa dang / rnam par byang ba med pa dang / mi gnas pa dang / rab tu mi gnas pa dang / rtsa ba med pa dang / thams cad du mnyam pa dang mnyam pa la mnyam pa dang / mi mnyam pa la mnyam pa dang / mnyam pa dang mi mnyam pa la mnyam pa dang / rtog pa med pa dang / brtson pa med pa dang / chos thams cad la skyon med pa rnyed pa dang / shin tu nam mkha'i ngo bo dang / mtshan nyid 'di ni mtshan nyid ces bya'o// de la gang chos nyid la rton pa de ni khams gang la yang mi rton no// de bas na chos kyi / sgo'i tshul la 'jug pa 'dis chos thams cad kyang chos nyid du 'gyur ro// 'di ni chos nyid la rton gyi gang zag la mi rton pa zhes bya ste/ 'di dag ni btsun pa shA ra dwa ti'i bu/ byang
- 106b
sems dpa' rnams kyi rton pa bzhi mi zad pa'o/ / gzhan yang btsun pa shA ra dwa ti'i bu/ byang chub sems dpa' rnams kyi bsod nams dang ye shes kyi tshogs kyang mi zad pa/ yin te/ de la byang chub sems dpa' rnams kyi bsod nams kyi tshogs mi zad pa gang zhe na/ 'di lta ste/ sbyin pa'i bsod nams bya ba'i dngos po dang / tshul khrims dang bsgom pa'i bsod nams bya ba'i dngos po dang / byams pa'i sems la snyoms par 'jug pa dang / snying rje chen po'i sbyor ba dang / dge ba thams cad rtsom pa dang / bdag dang gzhan gyi sdig pa bshags pa dang / slob pa dang mi slob pa thams cad dang / rang sangs rgyas dang / thog ma sems bskyed pa dang / phyir mi ldog pa dang / skye ba gcig gis thogs pa'i byang chub sems dpa' rnams kyi dus gsum du yang dag par bsgrub pa'i bsod nams thams cad la rjes su yi rang ba dang ldan pa'i bsod nams bya ba'i dngos po dang / slob pa dang mi slob pa thams cad dang / rang sangs rgyas dang / thog ma sems bskyed pa dang / phyir mi ldog pa dang / skye ba gcig gis thogs pa'i byang chub sems dpa' rnams kyi byang chub tu sems bskyed pa la rjes su yi rang ba dang ldan pa'i bsod nams bya ba'i dngos po dang / 'das pa dang / ma 'ongs pa dang / da ltar byung ba'i sangs rgyas bcom ldan
- 107a
'das rnams kyi dge ba'i rtsa ba thams cad la rjes su yi rang ba dang ldan pa'i bsod nams bya ba'i dngos po dang / sangs rgyas thams cad dang / byang chub sems// dpa' thams cad dang / 'phags pa thams cad dang / slob pa dang / mi slob pa thams cad la chos kyi sbyin pa gsol ba dang / tshe bsring bar gsol ba dang ldan pa'i bsod nams bya ba'i dngos po dang / dge ba'i rtsa ba thams cad la rjes su yi rang ba dang / bskul ba dang / gsol ba'i dge ba'i rtsa ba bsags pa rnams dang / byang chub tu bsngo ba dang ldan pa'i yid la bya ba'i dngos po dang / sems can byang chub tu sems ma bskyed pa rnams byang chub tu sems bskyed pa dang / byang chub tu sems bskyed pa rnams la pha rol tu phyin pa'i lam ston pa dang / sems can phongs pa rnams la longs spyod kyis yang dag par sdud pa dang / sems can nad pa rnams la sman sbyin zhing g.yo ba med par rim gro byed pa dang / mthu chung ba la bzod pa bsgom pa dang / ltung ba mi 'chab pa dang / sdig pa 'chags pa dang / sangs rgyas bcom ldan 'das bzhugs pa dang / yongs su mya ngan las 'das pa rnams la mchod pa dang / bsnyen bkur thams cad byed pa dang / mkhan po dang slob dpon la ston pa bzhin du dga' ba dang / chos rnams la rin thang med pa'i rin po che tshol ba ltar
- 107b
brtson pa dang / chos smra ba rnams la sangs rgyas bzhin du dga' ba dang / dpag tshad brgyar yang so zhing dam pa'i chos mnyan pa la mi ngoms pa dang / chos la slob dpon 'chab pa med pa dang / zang zing med par chos sbyin pa dang / chos la rin thang med pa'i rin po che bzhin du 'phangs pa dang / pha ma la bsnyen bkur byed pa dang / byas pa gzo ba dang / byas pa tshor ba dang / byas nas 'gyod pa med pa dang / bsod nams bsags pas mi ngoms pa dang / lus bsdams pas lus kyi tshul 'chos pa med pa dang / ngag bsdams pas ngag gi tshul 'chos pa med pa dang / yid bsdams pas yid kyi tshul 'chos pa med pa dang / de bzhin gshegs pa'i mchod rten rab tu 'jog pas tshangs pa'i bsod nams kun 'dzin pa dang / gtan pa med pa'i mchod sbyin gtong bas mtshan yongs su rdzogs par byed pa dang / dge ba'i rtsa ba'i tshogs sna tshogs bsags pas/ dpe byad bzang po yongs su rdzogs par byed pa dang / nga rgyal med pas lus brgyan pa dang / ngag gi nyes pa thams cad spangs pas ngag brgyan pa dang / sems can thams cad la khong khro ba med pa'i sems kyis sems brgyan pa dang / mngon par shes pas rnam par 'phrul pas sangs rgyas kyi zhing gis sangs rgyas brgyan pa dang / 'dod chags dang bral ba'i chos nyid kyis chos brgyan pa dang / phra ma med pa dang / zhe gcod pa med pa dang /
- 108a
'byed pa'i tshig mi smra bas 'khor brgyan pa dang / bstan pa la ser sna med par byed pas chos gzung bar 'gyur ba dang / legs so zhes bya ba byin pas rab tu dag ba dang / gus par chos nyan pa dang / legs par bshad pa brjod pas 'bras bu yod par chos ston pa dang / sangs rgyas bcom ldan 'das rnams la brtul zhugs kyi nag tshal phul bas sgrib pa spong zhing / byang chub kyi shing rgyan du 'gyur ba dang / sangs rgyas bcom ldan 'das rnams kyi dge ba'i rtsa ba thams cad kyi sngon du 'gro bas byang chub kyi snying po'i rkyen du 'gyur ba dang / las dang nyon mongs pa thams cad kyis mi gos pas/ shi 'phos yongs su dag pa dang / rin po che dang / sdug pa'i dngos po thams cad la mi lta bar kun gtong bas lag na rin po che rab tu thob pa dang / gter mi zad pa rab tu byin pas longs spyod mi zad pa dang / bzhin 'dzum zhing khro gnyer med pas sems can rnams mthong ma thag tu dga' bar 'gyur/ ba dang / sems can thams cad la 'od zer mnyam par gtong bas mnyam pa nyid du rnam par thob pa dang / ma lobs pa'i sems can zil gyis mi gnon pas 'od bkod pa gtong ba dang tshul khrims kyi bsod nams bsags pas skye ba yongs su dag pa dang / ltung ba la rtsod par mi byed pas mngal gyi gnas yongs su dag pa dang / dge ba bcu'i las kyi lam yongs su dag
- 108b
pas lha dang mir skye ba dang / brtan pa thams cad la rnam par mi rtog pas rnam par gnon pa don yod pa dang / chos thams cad slob dpon 'chab pa med pas chos thams cad la dbang ba dang / bsam pa yongs su dag pas 'jig rten thams cad la dbang ba dang / sems can yongs su sbyong bas rang gi sangs rgyas kyi zhing yongs su sbyong ba dang / las kyi rnam par smin pa la rton pas lhag pa'i bsam pa yongs su dag pa dang / nyi tshe ba'i spyod pa mi 'dod pas sangs rgyas kyi chos rgya chen po la dad pa dang / thams cad mkhyen pa'i sems mi gtong bas bsod nams thams cad yongs su 'dzin pa dang / dad pa sngon du 'gro bas nor bdun yongs su rdzogs par 'gyur ba dang / lus dang srog la mi lta bas sangs rgyas kyi chos kun 'dzin pa dang / yi dam bcas pa sgrol bas 'jig rten thams cad mi slu ba dang / dge ba'i chos thams cad sngon du 'gro bas sangs rgyas kyi chos thams cad rdzogs par 'gyur ba dang / de ltar rgyu gang dang gang gis sangs rgyas kyi chos thams cad yongs su rdzogs par 'gyur ba de dang de dag yang dag par bsgrub pa 'di ni/ btsun pa shA ra dwa ti'i bu/ mdor na byang chub sems dpa' rnams kyi bsod rnams kyi tshogs mi zad pa zhes bya ste/ rgya cher ni bskal pa 'am/ de bas kyang lhag par bshad do// de la byang chub sems dpa' rnams kyi ye shes kyi tshogs mi zad pa gang zhe na/
- 109a
rgyu gang dang rkyen gang gis ye shes rtogs par 'gyur ba'i rgyu de dag dang rkyen de dag byang chub sems dpa' yang dag par sgrub ste/ de la rgyu ni gang / rkyen ni gang zhe na/ gang 'di ni ye shes kyi yongs su tshol ba la rab tu mos pa dang / ye shes rtogs pa'i dge ba'i bshes gnyen rnams la rtag tu bsten pa dang / 'grogs pa dang / bsnyen bkur byed pa dang / gang yang sangs rgyas kyi ye shes kyi phyir 'brang zhing / nyan thos dang rang sangs rgyas kyi ye shes kyi phyir mi 'brang ba dang / dge ba'i bshes gnyen de dag la nga rgyal med cing bla ma bzhin du dga' ba dang / ston pa bzhin du dga' ba ste/ dge ba'i bshes gnyen de dag gis kyang 'di bsam pa phun sum tshogs pa'o zhes rig nas yang dag par brjod pa dang / ye shes kyi gtam sgrub par byed do// snod du rig nas rgyun mi 'chad par phyir rol ma yin pa'i chos ston to// de chos de dag thos nas chos kyi tshogs la sbyor bar byed de/ gang chos kyi tshogs la sbyor ba de ni de'i ye shes kyi tshogs yin no/ / de la chos kyi tshogs su sbyor ba gang zhe na/ gang 'di'i don nyung ba dang / bya ba nyung ba dang / smra ba nyung ba dang / yo byad nyung ba dang / srod dang tho rangs la mi nyal zhing rnal 'byor la brtson pa dang / thos pa'i don la rtog pa dang / yang dang yang tshol ba dang / sems la rnyog pa med pa dang / sgrib pa rnams gnon pa dang / ltung
- 109b
ba rnams las 'byung ba shes pa dang / 'gyod pa med pa dang / kun nas ldang ba med pa dang / nan tan snying por byed pa dang / chos la gzhol ba dang / chos la 'bab pa dang chos la bab pa dang / mthu dang ldan pa dang / ye shes tshol ba la mgo'i thod la me 'bar ba lta bu dang / de la ma chags par gnas pa dang / tshul khrims la mi lhod pa dang / brtson pa mi gtong ba dang / bye brag tu 'gro ba dang / 'du 'dzi la mi dga' ba dang / gcig pu dga' dang / dkon pa la mngon du phyogs shing yid la byed pa dang / 'phags pa'i rigs kyis chog shes pa dang / sbyangs pa'i yon tan la sems mi skyo ba dang / chos kyi dga' ba la dga' zhing mos pa dang / 'jig rten pa'i sngag pa dran par mi byed pa dang / 'jig rten las 'das pa'i chos tshol ba dang / dran pa nyams pa med pa dang / don rtogs pa'i rjes su 'gro ba dang / blo gros kyi lam dang mthun pa dang / bstan pas sdom pa dang / rkyen gyis ye shes su 'gro ba dang / khrel dang ngo tsha bas brgyan pa dang / ye shes kyi rjes su 'gro ba lhur byed pa dang / mi shes pa sel ba dang / ma rig pa dang / mug gi mun pa dang / rab rib kyi mun pas chod pa bsal ba dang / shes rab kyi mig rnam par dag pa dang / blo shin tu rnam par dag pa dang / blo rgya che ba dang / blo ma zhum parang
- 110a
blo ma gyes pa dang / blo rab tu gsal ba dang / mngon sum du shes pa dang / yon tan gzhan la rag ma lus pa dang / bdag gi yon tan mi snyems pa dang gzhan gyi yon tan kun brjod pa dang / legs par bya ba'i las byed pa dang / las kyi rnam par smin pa dang 'gal bar mi byed pa dang / las yongs su dag pa'i ye shes 'di ni btsun pa shA ra dwa ti'i bu/ byang chub sems dpa' rnams kyi ye shes kyi tshogs mi zad pa zhes bya'o// gzhan yang ye shes kyi tshogs rnam pa bzhi po 'di dag ni ye shes kyi tshogs rab tu sogs par 'gyur te/ bzhi po gang zhe na/ 'di lta ste/ chos smra ba rnams la gro ka dang / smyu gu dang / snag tsha dang / glegs bam sbyin pa dang / chos smra ba rnams la chos kyi stan sna tshogs sbyin pa dang / chos smra ba rnams la rnyed pa dang / bkur sti dang / tshigs su bcad pa sbyin pa dang / chos smra ba rnams la chos kun sdud pa'i phyir g.yo med par legs so zhes bya ba sbyin pa ste/ sbyin pa bzhi po de dag ni ye shes kyi tshogs sogs par 'gyur ro// bsrung ba bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos smra ba rnams rje bo bzhin du bsrung ba dang / dge ba'i rtsa ba bsrung ba dang / yul dang ljod kyi phyogs srung ba dang / phan pa'i dngos po srung ba ste/
- 110b
srung ba bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro// bstan pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos smra ba rnams la zang zing gis bstan pa dang / chos bstan pa dang / shes rab bstan pa dang / ye shes bstan pa ste/ bstan pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro// stobs lnga po 'di dag ni byang chub sems dpa' rnams kyi ye shes kyi tshogs sogs par 'gyur te/ lnga gang zhe na/ 'di lta ste/ mos pa'i phyir dad pa'i stobs dang / thos pa tshol ba'i phyir brtson 'grus kyi stobs dang / byang chub kyi sems ma nyams pa'i phyir dran pa'i stobs dang / mnyam pa nyid la sems nges par rtogs pa'i phyir ting nge 'dzin gyi stobs dang / thos pa'i stobs kyi phyir shes rab kyi stobs te/ stobs lnga po de dag ni byang chub sems dpa' rnams kyi ye shes kyi tshogs sogs par 'gyur ro/ / tshul khrims bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos la rab tu dga' ba'i tshul khrims dang / chos yongs su tshol ba'i tshul khrims dang / chos kyi dbyings la nges par rtog pa'i tshul khrims dang /
- 111a
byang chub tu bsngo ba'i tshul khrims te/ bzhi po 'di dag ni byang chub sems dpa' rnams kyi tshogs sogs par 'gyur ro// bzod pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos tshol ba la brtson pas mi snyan pa dang / ngan du smra ba'i tshig gi lam bzod pa dang / chos tshol ba la brtson pas rlung dang / nyi ma dang / grang ba dang / tsha ba dang / bkres pa dang / skom pa bzod pa dang / chos tshol ba la brtson pas mkhan po dang slob dpon gyi rjes su 'brang ba'i bzod pa dang / chos tshol ba la brtson pas na stong pa nyid dang / mtshan ma med pa dang / smon pa med pa'i chos la bzod pa ste/ bzod pa bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ / brtson 'grus bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ nyan pa'i brtson 'grus dang / 'dzin pa'i brtson 'grus dang / bstan pa'i brtson 'grus dang / nan tan gyi brtson 'grus te/ brtson 'grus bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ / bsam gtan gyi yan lag bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ dben
- 111b
pa dang / rtse gcig pa dang / bsam gtan dang mngon par shes pa tshol ba dang / sangs rgyas kyi ye shes kyi phyir 'brang ba ste/ bsam gtan gyi yan lag bzhi po 'di dag ni byang chub sem dpa' rnams kyi ye shes kyi tshogs sogs par 'gyur ro/ / shes rab kyi snang ba bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chad pa la mi gnas pa dang / rtag pa la mi 'jug pa dang / rten cing 'brel par 'byung ba dang mi 'gal ba dang / bdag med pa la bzod pa ste/ shes rab kyi snang ba bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ / thabs bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ 'jig rten gyi rjes su 'jug pa dang / sems can gyi rjes su 'jug pa dang / chos kyi rjes su 'jug pa dang / ye shes kyi rjes su 'jug pa ste/ thabs bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro/ / lam bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ ba ni gang zhe na/ 'di lta ste/ shes rab kyi pha rol tu phyin pa'i lam dang / sa'i lam dang / byang chub kyi phyogs kyi lam dang / thams cad mkhyen pa'i ye shes kyi lam ste/ lam
- 112a
po de dag ni byang chub sems dpa' rnams kyi ye shes kyi tshogs sogs par 'gyur ro/ / mi ngoms pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ thos pas mi ngoms pa dang / bstan pas mi ngoms pa dang / dpyod pas mi ngoms pa dang / shes pas mi ngoms pa ste/ mi ngoms pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro// gzhan yang ye shes kyi tshogs ni gang sems can thams cad kyi rjes su 'gro ba dang / chos thams cad kyi rjes su 'gro ba dang / sbyin pa las kyang ye shes kyi tshogs su blta'o// de bzhin du tshul khrims dang / bzod pa dang / brtson 'grus dang bsam gtan dang / shes rab las kyang ye shes kyi tshogs su blta'o// byams pa dang / snying rje dang / dga' ba dang / btang snyoms las kyang ye shes kyi tshogs su blta ste/ de ci'i phyir zhe na/ byang chub sems dpa'i rtsom pa ji snyed pa de dag thams cad ye shes kyis sgrub pa'o// ye shes sngon du 'gro ba'o// ye shes la rten pa'o// thams cad mkhyen pa'i ye shes la gnas pa ste/ ye shes dang ldan pa thams cad mkhyen pa yin/ bdud thams cad kyis kyang de la glags mi rnyed do// de la sangs rgyas kyi chos kyi snod thams cad
- 112b
kyang nye bar gnas pa yin te/ sangs rgyas kyi byin gyi rlabs kyang thob bo// thams cad mkhyen pa'i ye shes kyang rab tu sbyin te/ 'di ni ye shes kyi tshogs mi zad pa zhes bya'o// 'di dag/ ni btsun pa shA ra dwa ti'i bu/ byang chub sems dpa' rnams kyi bsod nams kyi tshogs dang ye shes kyi tshogs mi zad pa'o// // blo gros mi zad pas bstan pa bam po lnga pa ste tha ma'o/ / gzhan yang btsun pa shA ra dwa ti'i bu/ byang chub sems dpa' rnams kyi dran pa nye bar gzhag pa bzhi sgom pa yang mi zad pa ste/ bzhi gang zhe na/ gang 'di lus la lus kyi rjes su lta ba'i dran pa nye bar gzhag pa dang / tshor ba la tshor ba'i rjes su lta ba'i dran pa nye bar gzhag pa dang / sems la sems kyi rjes su lta ba'i dzin pa nye bar gzhag pa dang / chos rnams la chos kyi rjes su lta ba'i dran pa nye bar gzhag pa'o// de la byang chub sems dpa'i lus la lus kyi rjes su lta ba'i dran pa nye bar gzhag pa ni ji ltar na/ byang chub sems dpa'i lus la lus kyi rjes su lta zhing gnas shen/ de bdag gi lus dang bzhin gyi lus la lus kyi rjes su lta zhing gnas te/ lus kyi thog ma'i mtha' yang rtog/ lus kyi khyi ma'i mtha' la yang rtog/ lus kyi daltar gyi mtha' la rtog te/ kyes lus 'di ni byin ci log las byung ba/ rgyu dang rkyen gyis grub pa/ tshor ba med pa
- 113a
/ dang / byed pa med pa dang / bdag po med pa/ 'dzin pa med pa/ rgyu dang rkyen rnams kyis byung ba ste/ 'di lta ste/ phyi rol gyi rtswa dang / shing gel ba dang / rtsi dang / nags tshal 'di dag rgyu dang rkyen gyis 'byung zhing / tshor ba med pa/ byed pa med pa/ bdag po med pa/ yongs su 'dzin pa med pa'o// de bzhin du bdag gi lus 'di yang rtswa dang / shing gel ba dang / rtsi dang / nags tshal dang / shing dang / rtsig pa dang / lam dang / gzugs brnyan lta bu ste/ phung po dang / khams dang / skye mched kyis yongs su gzung ba dang / tshor ba med pa/ byed pa med pa/ bdag po med pa/ 'dzin pa med pa/ bdag dang bdag gi lam/ rtag pa 'am/ brtan pa 'am/ ther zug pa 'am/ mi g.yo ba 'am/ mi gnod pa 'am/ mi 'gyur ba'i chos can gyis stong ste/ lus 'di la bdag gir mi bya'i/ bdag gi lus snying po med pa 'di la snying po mngon par 'tshang rgya bar bya'o// snying po de yang gang zhe na/ gang 'di de bzhin gshegs pa'i sku ste/ bdag gis de bzhin gshegs pa'i sku chos kyi sku/ rdo rje'i sku/ mi shigs pa'i sku/ brtan pa'i sku/ khams gsum thams cad las bye brag tu 'phags pa'i sku de bdag gis bsgrub par bya'o// bdag gis lus
- 113b
nyes pa du ma'i skyon chags mod kyi/ 'on kyang de bzhin gshegs pa'i sku nyes pa thams cad dang bral ba rab tu thob par bya'o// des legs pa mthong bas na/ so sor rtogs pa'i stobs kyis 'byung ba chen po'i gnas kyi lus spong ste/ bdag gis lus 'di yang sems can thams cad kyi bya ba ci yod pa la zad par bya'o// 'di lta ste/ phyi rol gyi sa'i khams dang / chu'i khams dang / me'i khams dang / rlung gi khams dang / 'byung ba chen po bzhi po de dag sgo sna tshogs dang / rnam pa sna tshogs dang / dmigs pa sna tshogs dang / rnam grangs sna tshogs dang / yo byad sna tshogs dang / longs spyod sna tshogs kyi sems can thams cad kyi nye bar spyod pa dang / kun spyod par gyur te/ de bzhin du bdag gi lus 'byung ba chen po bzhi la gnas pa 'di yang sgo sna tshogs dang / rnam pa sna tshogs dang / dmigs pa sna tshogs dang / rnam grangs sna tshogs dang / yo byad sna tshogs dang / longs spyod sna tshogs rgya cher sems can thams cad kyi longs spyod du 'gyur bar bya'o zhes des don gyi dbang 'di mthong bas/ lus la sdug bsngal bar yang rtog cing / sems can la lta ba'i phyir lus kyi sdug bsnga gyis kyang yongs su mi skyo'o/ / lus la mi rtag par rtog cing / skye ba dang shi 'pho bas kyang yongs su mi skyo'o// lus la bdag med par rtog cing sems can thams cad yongs su smin par
- 114a
bya ba'i phyir yang yongs su mi skyo'o/ / lus la zhi bar rtog cing / lus zhi ba'i phyir btang snyoms su yang mi ltung ngo // lus la stong pa nyid dang / mtshan ma med pa dang / smon pa med pa dang / dben par yang rtog la/ lus kyi stong pa nyid dang / mtshan ma med pa dang / smon pa med pa dang / dben pa'i mthar yang mi ltung ngo // bzhin du lus la mngon par 'du mi byed pa dang / mi skye ba dang / ma byung ba dang / dngos po med pa dang / ji lta ba bzhin du rnam par dag par yang rtog la/ lus mngon par 'du mi byed pa dang / mi skye ba dang / ma byung ba dang / dngos po med pa dang / ji lta ba bzhin du rnam par dag pa'i mthar yang mi ltung ngo // lus tshor ba med pa dang / lus byed pa med pa dang lus la bdag po med pa dang / lus 'dzin pa med pa dang / lus dbyer med pa dang / lus ro gcig pa dang / lus nam mkha'i dngos po nyid dang / lus rang bzhin gyis yongs su mya ngan las 'das par yang rtog la/ lus la tshor ba med pa dang / byed pa med pa dang / bdag po med pa dang / 'dzin pa med pa dang / dbyer med pa dang / ro gcig pa dang nam mkha'i ngo bo nyid dang / rang bzhin gyis yongs su mya ngan las 'das pa'i mthar yang mi ltung ngo // lus la lus kyi rjes su lta zhing gnas pa de lus la rdzas dang snying po yang dag par
- 114b
rjes su mthong ngo / / de nang gi lus la lus kyi rjes su lta zhing gnas pas nang na gnas pa'i nyon mongs pa rnams kyi skabs mi 'byed do// de phyi rol gyi lus la lus kyi rjes su lta zhing gnas pas/ phyi rol gyi rjes su song ba'i nyon mongs pa dang lhan cig tu mi gnas so// de lus nyon mongs pa med pas/ yongs su dag pa'i lus dang ldan pa yin/ de lus kyi las yod su dag pa dang ldan pas/ lha dang mi'i nang na mtshan gyis mnyam par brgyan pa'i lus thob ste/ de'i lus mtshan gyis mnyam par brgyan pas lha dang mi rnams mngon du 'dod par 'gyur ro// de ltar byang chub sems dpa' lus la lus kyi rjes su lta zhing gnas te/ 'di ni byang chub sems dpa'i lus la lus kyi rjes su lta ba'i dran pa nye bar gzhag pa zhes bya'o// de la byang chub sems dpa'i tshor ba rnams la tshor ba'i rjes su lta ba'i dran pa nye bar gzhag pa ni/ ji ltar na byang chub sems dpa' tshor ba la tshor ba'i rjes su lta zhing ka nas she na/ 'di la byang chub sems dpa' 'di snyam du sems te/ gang cung zad tshor ba de dag thams cad sdug bsngal ba snyam nas/ des tshor ba shin tu rtogs pa dang / ye shes kyi rtogs pa dang / shes rab kyis rtogs pa dang / nye bar zhi ba rtogs pas bde ba'i tshor ba la yang tshor bar byed de/ de 'dod chags kyi bag la nyal yang bag la nyal bar mi 'gyur ro// sdug bsngal gyi tshor bas reg na yang ngan song
- 115a
dang mi khom par skyes pa'i sems can thams cad la snying rje chen po skyed de/ de khong khro ba'i bag la nyal yang dag la nyal bar mi 'gyur ro// bde ba yang ma yin/ sdug bsngal ba yang ma yin pa'i tshor bas reg ste/ bde ba yang ma yin/ sdug bsngal ba yang ma yin pa'i tshor ba yang tshor bar byed de/ de ma rig pa'i bag la nyal yang bag la nyal bar mi 'gyur ro/ / de tshor ba dang ldan pa'i dran pas tshor ba gang yang rung ste/ bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin par tshor na de dag thams cad las 'byung ba'i ye shes mthong bar sgom mo/ / de sems can thams cad kyi tshor ba kun shes par bya ba'i phyir/ go gyon te sems can 'di dag ni tshor ba las byung bar yang dag pa ji lta ba bzhin du mi shes te/ de dag 'byung ba mi shes pas bde ba'i tshor bas reg na ni chags par 'gyur/ sdug bsngal gyi tshor bas reg na ni khong khro bar 'gyur/ sdug bsngal yang ma yin/ bde ba yang ma yin pa'i tshor bas reg na ni rmongs par 'gyur te/ bdag ni shes rab dang ye shes su ldan pa'i tshor bas tshor ba thams cad dang bral ba'i thabs mkhas/ pa dang / snying rje chen pos zin pa'i dge ba'i rtsa ba'i tshogs kyis sems can de dag gi tshor ba thams cad bsal ba'i phyir chos bstan pa bsgom mo// yang ci'i phyir tshor ba zhes bya zhe na/
- 115b
ma rtogs pa'i tshor ba ni sdug bsngal du 'gyur/ ye shes kyis rtogs pa'i tshor ba ni bde bar 'gyur te/ de la ye shes kyis rtogs pa'i tshor ba ba par 'gyur ba gang zhe na/ 'di la bdag gam/ sems can nam/ srog gam/ 'gro ba 'am/ gso ba 'am/ skyes bu 'am/ gang zag gam/ shed las skyes pa 'am/ shed bdag kyang rung ste/ gang gis kyang tshor bar 'gyur mod kyi/ mngon par chags pa ni tshor ba'o// yongs su 'dzin pa ni tshor ba'o// nye bar len pa ni tshor ba'o// dmigs pa ni tshor ba'o// phyin ci log ni tshor ba'o/ / rnam par rtog pa ni tshor ba'o// lta ba dang bag la nyal ni tshor ba'o// mig tu 'du shes pa ni tshor ba'o// de bzhin du rna ba dang / sna dang / lce dang / lus dang / yid du 'du shes pa ni tshor ba'o// gzugs su 'du shes pa ni tshor ba'o// de bzhin du sgra dang / dri dang / ro dang / reg bya dang / chos su 'du shes pa ni tshor ba ste/ gang yang mig dang gzugs 'dus te reg pa'i rkyen las skyes pa'i bde ba yang rung sdug bsngal ba'ang rung / bde ba yang ma yin/ sdug bsngal ba yang ma yin/ pa yang rung ste/ 'di ni tshor ba zhes bya'o// de bzhin du rna ba dang / slar 'dus te reg pa'i rkyen dang / sna dang drir 'dus te reg pa'i rkyen dang / lce dang ror 'dus te reg pa'i
- 116a
rkyen dang / lus dang reg byar 'dus te reg pa'i rkyen dang / gang yang yid dang / chos su 'dus te reg pa'i rkyen las skyes pa'i tshor ba bde ba yang rung sdug bsngal ba yang rung / bde ba yang ma yin/ sdug bsngal ba yang ma yin pa yang rung ste/ 'di ni tshor ba zhes bya'o// gzhan yang rnam grangs su na tshor ba ni gcig pu ste/ 'od sems kyi rnam par rig pa'o// tshor ba ni gnyis te/ gang 'di nang gi dang / byi'i'o// tshor ba gsum ste/ gang 'di 'das pa rnam par rig pa dang / ma 'ongs pa rnam par rig pa dang / da ltar byung ba rnam par rig pa'o// tshor ba bzhiste/ gang 'di khams pani rnam par rig pa'o// tshor ba lnga ste/ gang 'di phung po lnga yid la byed pa'o// tshor ba drug ste/ gang 'di skye mched kur rtog pa'o// tshor ba bdun te/ gang 'di rnam par shes pa gnas pa bdun no// tshor ba brgyad de/ gang 'di log pa'i sbyor ba brgyad do// tshor ba dgu ste/ gang 'di sems can gyi gnas dgu'o// tsher ba bcu ste/ klung 'di mi dge ba bcu'i lam rnams so// 'di ni tshor ba kun gyi tshul te/ dmigs pa ji snyed pa de sems yid la byed pa'o/ / ji snyed du yid la byed pa de skad du kun rtog pa'o// ji snyed du kun rtog pa de snyed du tshor ba ste/ de'i phyir na sems can tshad med pa rnams kyi tshor ba tshad med pa
- 116b
zhes bya'o/ / de la byang chub sems dpa' tshor ba rnams la tshor ba'i rjes su lta zhing gnas pas sems can thams cad kyi tshor ba skye ba dang / 'jig pa dang / gnas pa shes pa bskyed par bya'o/ / sems can thams cad kyi tshor ba skye ba dang / 'jig pa dang / gnas pa dang / dge ba dang / mi dge ba'i tshor ba shes pa 'di ni byang chub sems dpa'i tshor ba rnams la chor ba'i rjes su lta ba dran pa nye bar gzhag pa zhes bya'o/ / de la byang chub sems dpa'i sems la sems kyi rjes su lta ba'i dran pa nye bar gzhag pa gang zhe na/ gang byang chub sems dpa' de'i byang chub kyi sems ma brjed pa/ dran pas bsrungs shing mi g.yeng ba ste/ de sems la 'di ltar rtog go// sems ni skyes nas zhig cing zhu ste/ mi gnas pa'o// nang na yang mi 'dug/ phyi rol du yang mi 'phos/ gnyis ka med par yang mi dmigs te/ gang bdag gi byang chub tu thog ma sems skyes pa ni 'gag ste/ yal zhing med par gyur pas yul na mi gnas/ phyogs na mi gnas te/ de ni gdags par mi nus te/ sems bskyed pa gang gis byang chub kyi phyir dge ba'i rtsa ba rnams yang dag par bsgrubs pa de dag kyang zad cing 'gags te yal zhing med par gyur pas yul na mi gnas/ phyogs na mi gnas pa ste/ de yang gdags par mi nus so// sems bskyed pa gang gis dge ba'i rtsa ba de dag byang chub tu bsngos pa/
- 117a
de dag kyang de'i rang bzhin de'i mtshan nyid de/ sems kyis sems mi shes so// sems kyis sems mi mthong ngo // sems kyis sems kyi mtshams mi sbyor ro/ / gang byang chub kyi sems dang / dge ba'i sems der yang lhan cig mi 'grogs/ dge ba'i sems dang / bsngo ba'i sems der yang lhan cig mi 'grogs/ gang bsgo/ ba'i sems dang / byang chub kyi sems der yang lhan cig mi 'grogs so// de la gang gis de dag bla na med pa yang dag par rdzogs pa'i byang chub tu 'tshang rgya bar 'gyur ba'i sems de gang yin zhes gal te byang chub sems dpa' de dag gis de ltar rtog pa na/ mi skrag kun tu mi skrag/ kun tu skrag par mi 'gyur na/ sems la sems kyi rjes su lta zhing mi gnas so// yang de 'di snyam du sems te/ rgyu dang 'bras bu chud mi za ba'i phyir/ rten cing 'brel par 'byung ba ni shin tu za ba ste/ sems kyi chos nyid de lta bu yin du zin kyang / chos thams cad rgyu dang rkyen la rag las shing / tshor ba med pa/ byed pa med pa/ bdag po med pa/ 'dzin pa med pa ste/ de dag ni ji ltar 'dod pa de bzhin du rnam par sgrub ste/ bdag gis kyang rnam par sgrub pa la brtson par bya ste/ sems kyi chos nyid 'di'ang mi spong ngo snyam mo// de la sems kyi chos nyid ni gang / rnam par sgrub pa ni gang zhe na/ sems
- 117b
sgyu ma lta bu ste/ 'di la gang yang sbyin pa med de/ 'di ni sems kyi chos nyid ces bya'o// gang yang bdog pa thams cad yongs su btang ste/ sangs rgyas kyi zhing yongs su dag pa'i phyir bsngo ba 'di ni rnam par bsgrub po zhes bya'o/ / sems ni rmi lam lta bur rab tu zhi ba'i mtshan nyid de/ 'di ni sems kyi chos nyid ces bya'o// gang yang tshul khrims dang bslab pa dang / sbyangs pa'i yon tan dang / byang chub kyi tshogs sogs pa thams cad mkhyen pa'i phyir yongs su bsngo ba 'di ni rnam par bsgrub pa zhes bya'o// sems ni mig yor lta bu/ te/ pog ma nas yongs su ma grub sa 'di ni sems kyi chos nyid ces bya'o// gang yang bzod pa dang / des pa rnams mi skye ba'i chos la bzod pa yongs su rdzogs par bya ba'i rgyu bsngo ba 'di ni rnam par sgrub pa zhes bya'o/ / sems ni smig rgyu lta bu ste/ shin tu dben pa'i phyir dben pa 'di ni sems kyi chos nyid ces bya'o// gang yang dge ba'i rtsa ba thams cad la brtson 'grus brtsams pa rnams sangs rgyas kyi chos thams cad rdzogs par bya ba'i phyir bsngo ba 'di ni rnam par sgrub pa zhes bya'o/ / sems ni gzugs med pa/ bstan pa med pa thogs pa med pa/ rnam par rig pa med pa ste/ 'di ni sems kyi chos nyid ces bya'o// gang yang bsam gtan dang / rnam par thar pa dang / ting nge 'dzin dang /
- 118a
snyoms par 'jug pa thams cad sangs rgyas kyi ting nge 'dzin thob par bya ba'i phyir// yongs su bsngo ba 'di ni rnam par sgrub pa zhes bya'o// sems ni gzung ba med pa/ / mtshan ma med pa/ bstan du med pa/ gnas pa med pa ste/ 'di ni sems kyi chos nyid ces bya'o// gang yang dris pa'i tshig rab tu dbye ba bstan pa shes pa thams cad sangs rgyas kyi ye shes yongs su rdzogs par bya ba'i phyir bsngo ba 'di ni rnam par sgrub pa zhes bya'o/ / sems ni dmigs pa med par mi skye ba ste/ 'di ni sems kyi chos nyid ces bya'o// gang dge ba'i rtsa bar dmigs pa thams cad la sems nye bar 'jog pa 'di ni rnam par sgrub pa zhes bya'o// sems ni rgyu med par mi skye ba ste/ 'di ni sems kyi chos nyid ces bya'o// gang yang byang chub kyi phyogs kyi chos thams cad kyi rgyur sems bskyed pa 'di ni rnam par sgrub pa zhes bya'o// yul drug la rnam par grol bar sems mi skyed de/ 'di ni sems kyi chos nyid ces bya'o/ / gang yang sangs rgyas kyi chos thams cad kyi yul gyi rgyur sems mngon par sgrub pa 'di ni/ rnam par sgrub pa zhes bya'o// sems la sems kyi rjes su lta zhing gnas/ pa'i byang chub sems dpa' mngon par shes pa thob par bya ba'i phyir sems nye bar 'dogs te/ de mngon par shes pa thob pa'i sems kyi sems can thams cad kyi sems dang spyod pa rab
- 118b
tu shes te/ shes nas kyang de lta bu'i rang bzhin gyis chos ston to// sems la sems kyi rjes su lta zhing gnas pa'i byang chub sems dpa' snying rje chen po thob par bya ba'i phyir/ sems/ nye bar 'dogs te/ de snying rje chen po thob pa'i sems kyis sems can thams cad yongs su smin par byed pas mi skyo'o// sems la sems kyi rjes su lta zhing gnas pa'i byang chub sems dpa' sems zad pa'i phyir sems mi skyed/ sems 'gog pa'i phyir yang ma yin te/ 'khor ba'i rgyun gyi dge ba'i rtsa ba kun nas sbyor ba la sems mngon par sgrub pa'o// sems kyi dran pa dang / shes pa des ma skyes ma byung / mi 'gog mi 'gyur bar zhugs pa'i chos su gnas kyang / nyan thos dang rang sangs rgyas kyi sar mi ltung ste/ nam sangs rgyas kyi chos thams cad yongs su rdzogs par ma gyur gyi bar du sems kyi rgyu de nye bar 'dogs te/ sems kyi skad cig gcig dang ldan pa'i ye shes kyis bla na med pa yang dag par rdzogs pa'i byang chub tu mngon par 'tshang rgya ste/ 'di ni byang chub sems dpa' rnams kyi sems la sems kyi rjes su lta ba'i dran pa nye bar gzhag pa'o// de la byang chub sems dpa'i chos rnams la chos kyi rjes su lta ba'i dran pa nye bar gzhag pa gang zhe na/ 'phags pa'i shes rab kyi mig gis mthong ba'i chos de dag byang chub kyi snying po la 'dug gi bar du bar ma dor brjed par mi 'gyur
- 119a
chos rnams la chos kyi rjes su lta ning gnas pa'i byang chub sems dpas gang stong pa las rnam par grol ba dang / mtshan ma med pa las rnam par grol ba dang / smon pa med pa las rnam par grol ba dang / mngon par 'du mi byed pa las rnam par grol ba dang / mi skye ba las rnam par grol ba dang / ma byung ba las rnam par grol ba dang / dngos po med pa las rnam par grol ba'i chos rdul tsam yang mi mthong ngo / / chos rnams la chos kyi rjes su lta zhing gnas pa'i byang chub sems dpas chos gang rten cing 'brel par 'byung ba las rnam par grol ba rdul tsam yang mi mthong ngo / / chos rnams la chos kyi rjes su lta zhing gnas pa'i byang chub sems dpas chos nyid mthong gi/ chos ma yin pa mi mthong ste/ de la chos gang zhe na/ 'di lta ste/ bdag med pa'i don dang / sems can med pa'i don dang / srog med pa'i don dang / gang zag med pa'i don dang / chad pa med pa'i don dang / rtag pa med pa'i don dang 'byung ba med pa'i don dang / 'jig pa med pa'i don de ni chos zhes bya'o// de la chos ma yin pa gang zhe na/ 'di lta ste/ bdag tu lta ba dang / sems can du lta ba dang / srog tu ltar dang gang zag tu lta ba dang / chad par lta ba dang / rtag par lta ba dang / 'byung bar lta ba dang / 'jig par lta ba ste/ 'di ni chos ma yin pa zhes bya'o// 'di ltar yang chos
- 119b
thams cad ni chos so/ / chos thams cad ni chos ma yin pa'o// de ci'i phyir zhe na/ stong pa nyid dang / mtshan ma med pa dang / smon pa med par kun shes pas chos thams cad ni chos yin no/ / ngar 'dzin pa dang / nga yir 'dzin pa lta ba la mngon par chags pas chos thams cad ni chos ma yin pa'o// de ltar chos rnams la chos kyi rjes su lta zhing gnas pa'i byang chub sem dpas gang las sangs rgyas kyi chos med pa dang / gang las byang chub med pa dang / gang las lam med pa dang / gang las thar pa med pa dang / gang las 'byung ba med pa de gang yang mi mthong ngo / / des chos thams cad 'byung bar shes pas/ sems can rnams la sgribs pa med pa zhes bya ba'i snying rje chen po'i ting nge 'dzin gyi sgo thob par 'gyur ro// des chos thams cad dang nyon mongs pa thams cad la yang sgyu mar 'du shes thob ste/ chos 'di dag ni nyon mongs pa med pa'o// 'di dag ni nyon mongs pa dang bcas pa ma yin no// de ci'i phyir zhe na/ 'di/ ltar de dag ni nges pa'i don gyi don la rton te/ nyon mongs pa'i tshogs kyang med/ phung po gyur pa yang med do// 'dod chags kyi dngos po med/ zhe sdang gi dngos po med/ gti mug gi dngos po med de/ nyon mongs pa 'di dag rtogs pa'i phyir byang chub ste/ nyon mongs pa'i ngo bo nyid gang yin pa byang chub kyi ngo bo nyid de yin no zhes de 'di lta bur dran pa mngon par gzhag kyang /
- 120a
gang la yang nye bar mi gzhog/ rab tu mi gzhog/ rnam par mi gzhog/ chos nyid de dag gnas par rab tu shes te/ de'i phyir chos kyi dbyings gnas pa/ zhes bya'o// gnas kyang na chos kyi dbyings 'dug 'dug pa'i gnas de na sems can gyi khams kyang 'dug go// sems can gyi khams gnas gang na 'dug pa den nam mkha'i khams kyang 'dug ste/ de bas na chos thams cad nam mkha' dang mtshungs pa zhes bya'o// chos rnams la chos kyi rjes su lta zhing gnas pa'i byang chub sems dpa' ni sangs rgyas kyi chos la rtor pa yin no/ / de chos thams cad kyang sangs rgyas kyi chos su mos so// de zad pa'i ye shes kyang bskyed de/ 'dus byas kyang zad par mi byed do// mi skye ba'i ye shes kyang mngon par sgrub ste/ de sems can la lta ba'ang skyed cing / mi skye ba'i mtha' yas mi spong ngo // chos dran pa nye bar gzhag pa zhes bya ba ni/ chos thams cad dran pa de la gnas te/ nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas kyi chos rnams dang / chos su btags pa ji snyed pa de dag thams cad de'i dran pa la gnas par 'gyur phyi ma'i mtha'i bar du yang dran pa des mi brjed cing mi nyams par 'gyur ro/ / chos thams cad ma lus par dran pa de la gnas te/ dran pa des phyi ma'i mtha'i bar du yang mi brjed cing
- 120b
/ nyams par mi 'gyur ro// chos rnams la chos kyi rjes su lta ba'i dran pa nye bar gzhag pa zhes bya ba de ni tshad med pa shin tu bstan pa'i tshig ste/ kun tu spyod yul pa/ sangs rgyas kyi chos dam/ cad kyi phyir 'brang ba/ sems can thams cad mgu bar byed pa/ bdud thams cad pham par byed pa/ rang byung gi ye shes rtogs par byed pa'i tshig 'di ni/ byang chub sems dpa' chos rnams la chos kyi rjes su lta ba'i dran pa nye bar gzhag pa zhes bya'o/ / 'di dag ni btsun pa shA ra dwa ti'i bu/ byang chub sems dpa' rnams kyi dran pa nye bar gzhag pa bsgom pa mi zad pa bzhi'o// gzhan yang btsun pa shA ra dwa ti'i bu/ byang chub sems dpa' rnams kyi yang dag par spong ba bzhi yang mi zad pa ste/ bzhi gang zhe na/ 'di lta ste/ sdig pa mi dge ba'i chos ma skyes pa rnams mi skyed pa'i phyir/ mos pa skyed 'bad cing brtson 'grus rtsom ste/ sems rab tu 'dzin cing yang dag par smon pa dang / sdig pa mi dge ba'i chos skyes pa rnams spang ba'i phyir/ mos pa skyed 'bad cing brtson 'grus rtsom ste/ sems rab tu 'dzin cing yang dag par smon pa dang / dge ba'i chos ma skyes pa rnams bskyed pa'i phyir/ mos paskyed 'bad cing brtson 'grus rtsom ste/ sems rab tu 'dzin cing yang dag par smon pa dang / dge ba'i chos skyes pa rnams gnas pa dang / sgom pa dang / phyir zhing skye ba dang / chung mi za ba dang / mi 'am
- 121a
pa dang / rgya cher bya ba'i phyir mos paskyed 'bad cing brtson 'grus rtsom ste/ sems rab tu 'dzin cing yang dag par smon pa'o// sdig pa mi dge ba'i chos ma skyes pa rnams mi bskyed pa'i phyir mos pa skyed ces bya ba ni/ tshul bzhin yid la byed pa'i tshig bla dgas so// 'bad cing brtson 'grus rtsom mo zhes bya ba ni tshul bzhin yid la byed pa mi 'dor ba'i tshig bla dgas so/ / sems rab tu 'dzin cing yang dag par smon ces bya ba ni tshul bzhin du rtog pa'i tshig bla dgas so// de ci'i phyir zhe na/ tshul bzhin rab tu sbyor ba ni sdig pa mi dge ba'i chos rnams mi spyod do/ / de la sdig pa mi dge ba'i chos rnams gang zhe na/ gang 'di tshul khrims kyi mi mthun pa'i phyogs dang / ting nge 'dzin gyi mi mthun pa'i phyogs dang / shes rab kyi mi mthun pa'i phyogs so/ / de la tshul khrims kyi mi mthun pa'i phyogs gang zhe na/ gang 'di tshul khrims nyams pa dang / gang gzhan tshul khrims nyams par byed pa gang yang rung ste/ gang tshul khrims kyi phung po'i mo mthun pa'i phyogs su 'gyur ba 'di ni tshul khrims kyi mi mthun pa'i phyogs zhes bya'o// de la ting nge 'dzin gyi mi mthun pa'i phyogs gang zhe na/ 'di cho ga nyams pa ste/ gzhan sems g.yeng bar byed pa gang yang rung ste/ ting nge 'dzin gyi phung po'i mi mthun pa'i phyogs su 'gyur ba 'di ni/ ting nge 'dzin gyi mi mthun pa'i phyogs zhes
- 121b
bya'o/ / de la shes rab kyi mi mthun pa'i phyogs gang zhe na/ gang 'di lta ba nyams pa ste/ gang gzhan lta ba nyams par byed pa kun nas ltung ba dang / sgrib pa dang / chod par 'gyur ba gang yang rung ste/ shes rab kyi phung po'i mo mthun pa'i phyogs su 'gyur ba 'di ni/ shes rab kyi mi mthun pa'i phyogs zhes bya ba ste/ 'di ni sdig pa mi dge ba'i chos rnams zhes bya'o// tshul bzhin yid la byed pa gang gis 'di lta bu'i mi dge ba'i chos ma skyes pa rnams skye ba'i go skabs mi sbyin pa 'di yang dag par spong ba dang po'o/ / gang yang sdig pa mi dge ba'i chos skyes pa rnams spang ba'i phyir/ mos bskyed 'bad cing brtson 'grus rtsom ste/ sems rab tu 'dzin cing yang dag par smon ces bya ba 'di ni tshul bzhin yid la byed pa'i tshig bla dgas so// de ci'i phyir zhe na/ sdig pa mi dge ba'i chos de dag sems la phung por gyur pa med de/ yul na mi gnas phyogs na mi gnas so// gdags par mi nus so// sdig pa mi dge ba'i chos de dag sems la spyod pa rnams spang ba shes pa ni/ rgyu dang dmigs pa gang gis sdug pa'i rnam par 'dod chags sam/ khong khro ba'i rnam par zhe sdang ngam/ ma rig pa'i rnam par gti mug skye ba'ang rung ste/ de dag la tshul bzhin yid la byed/ mi sdug pas ni 'dod chags zhi bar byed/ byams pas ni zhe sdang / rten cing 'brel bar 'byung ba la 'jug pas ni gti mug zhi bar byed pa ste/ gang nyon mongs pa 'di dag
- 122a
zhi ba 'di ni spong ba zhes bya'o/ / tha snyad btags pa bzung gi/ don dam par ni de la gang spang ba'i chos gang yang mi dmigs te/ chos thams cad mnyam pa nyid du mngon sum pas na/ de'i phyir yang dag par spong ba zhes bya ste/ 'di ni yang dag par spong ba gnyis pa'o// gang yang dge ba'i chos ma skyes pa rnams bskyed pa'i phyir mos pa skyed 'bad cing brtson 'grus rtsom ste/ sems rab tu 'dzin cing yang dag par smon ces bya ba 'di ni tshad med pa'i chog shin tu bstan pa'o// de ci'i phyir zhe na/ gang byang chub sems dpas yang dag par bsgrub par bya ba'i dge ba'i chos de dag ni tshad med de/ de dag la mos pa ni dge ba'i chos thams cad kyi rtsa ba'o// brtson 'grus kyis ni dge ba'i chos thams cad yang dag par sgrub bo// sems yang dag par 'dzin pas ni dge ba'i chos thams cad sgrol bar byed do/ / dge ba'i chos dag la dpyod cing rnam par dpyod pa ste/ 'di ni yang dag par spong ba gsum pa'o// gang yang dge ba'i chos skyes pa rnams 'dug pa dang / bsgom pa dang / phyir zhing skye ba dang / chud mi za ba dang / mi nyams pa dang / rgya cher bya ba'i phyir mos pa skyed 'bad cing brtson 'grus rtsom ste/ sems rab tu 'dzin cing yang dag par smon ces bya ba ni byang chub tu bsngos pa'i dge ba'i rtsa ba'i chog bla dgas so/ / de ci'i phyir zhe na/ byang chub tu bsngos pa'i dge ba'i rtsa ba ni byang chub kyi snying po'i mthar ma gyur kyi bar du bar ma
- 122b
dor chud mi za'o/ / de ci'i phyir zhe na/ 'di ltar dge ba'i rtsa ba de ni khams gsum pa thams cad la mi gnas pa ste/ dge ba'i rtsa ba gang khams gsum la gnas pa de dag ni yongs su zad par 'gyur gyi/ gang khams gsum la mi gnas pa'i dge ba'i rtsa ba thams cad mkhyen pa nyid du bsngos pa de ni/ byang chub kyi snying po'i mthar gyur gyi bar du bar ma dor gang yang zad par mi 'gyur ro// 'di ni byang chub sems dpa'i yang dag par spong ba bzhi pa ste/ de dag ni btsun pa shA ra dwa ti'i bu/ byang chub sems dpa' rnams kyi yang dag par spong ba mi zad pa bzhi'o// gzhan yang btsun pa shA ra dwa ti'i bu/ byang chub sems dpa'i rdzu 'phrul gyi rkang pa bzhi mi zad pa ste/ bzhi gang zhe na/ 'di lta ste/ mos pa dang / brtson 'grus dang / sems dang / dpyod pa'o// de dag gis rtsa ba'i rten dang / gnas ni byams pa dang / snying rje dang / dga' ba dang / btang snyoms dang / tshad med pa bzhi rnams te/ de tshad med pa bzhi po 'di dag la brten cing bsgoms te mang du byas pas sems las su rung ba thob par 'gyur ro/ / sems las su rung ba thob pas bsam gtan dang po la mnyam par gzhog go// de bzhin du gnyis pa dang / de bzhin du gsum pa dang / de bzhin du bzhi pa la yang mnyam par gzhog ste/ des bsam gtan thob pas lus dang sems yang ba thob par 'gyur ro// de lus dang sems yang ba
- 123a
dang ldan pas mngon par shes pa la 'jug pa rab tu sgrub bo/ / de mngon par shes pa la 'jug pa rab tu sgrub pa dang ldan pas/ dad pa las sam/ brtson 'grus las sam/ sems las sam/ dpyod pa las rdzu 'phrul gyi rkang pa skyed do// de la dad pa ni gang chos 'di dag mngon du byed pa'o// brtson 'grus ni gang chos de dag sgrub pa'o// sems ni gang chos de dag la rtog pa'o/ / dpyod pa ni gang chos de dag la mkhas pa ste/ de rdzu 'phrul gyi rkang pa sgrub pa rnams kyis yang dag par sgrub te/ de'i phyir na rdzu 'phrul gyi rkang pa zhes bya'o// de la mos pas ni sgrub bo// brtson 'grus kyis ni rdzogs par byed pa'o// sems kyis ni rnam par 'jog go// dpyod pas ni rnam par 'byed do// de la byang chub sems dpa' rnams kyi rdzu 'phrul gyi rkang pa ni mos pa las byung ba/ mngon par 'du mi byed pa/ rang gi sems bskyed pas dbang byed pa/ ji ltar 'dod pa bzhin du 'gro ba/ yongs su sbyang ba byas pa/ rtsa ba shin tu gnas pa thams cad du rgyu zhing rlung dmar bzhin du thogs pa med pa/ nam mkha'i mthar thug pa'o// de dag ni btsun pa shA ra dwa ti'i ru/ byang chub sems dpa' rnams kyi rdzu 'phrul gyi rkang pa mi zad pa bzhi'o/ / gzhan yang btsun pa shA ra dwa ti'i bu/ byang chub sems dpa' rnams kyi dbang po lnga rnams mi zad pa ste/ de la dbang po lnga gang zhe na/ gang 'di la
- 123b
dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o// de la dad pa'i dbang po gang zhe na/ dad pa gang gis chos bani la dad pa ste/ bzhi gang zhe na/ 'di lta ste/ 'khor ba na spyod pa'i 'jig rten pa'i yang dag par lta ba la dad pa ste/ de las kyi rnam par smin pa'i phyir dad pa yin dge ba'am/ sdig pa 'am/ las ci byas pa de dag de'i rnam par smin pa myong bar 'gyur ro snyam ste/ srog gi phyir yang sdig pa'i las mi byed pa dang / byang chub sems dpa'i spyod pa la dad pa ste/ spyod pa de la zhugs nas kyang / theg pa gzhan la 'dod pa mi skye ba dang / chos thams cad la don dam pa nges pa'i don zab mo rten cing 'brel par 'byung ba bdag med pa/ sems can med pa/ srog med pa/ gso ba med pa/ gang zag med par rnam par dpyod pa dang / stong pa nyid dang / mtshan ma med pa dang / smon pa med pa'i mtshan nyid du dad pa ste/ lta bar gyur pa thams cad bag la nyal bar mi byed pa dang / stobs dang / mi 'jigs pa la sogs pa sangs rgyas kyi chos thams cad la dad pa ste/ dad pa'i phyir the tshom dang bral/ nem nur dang bral bas/ sangs rgyas kyi chos de dag yang dag par sgrub pa ste/ 'di ni dad pa'i dbang po zhes bya'o// de la brtson 'grus kyi dbang po gang zhe na/ chos gang la dad pa'i dbang
- 124a
pos dang par gyur pa'i chos de dag brtson 'grus kyi dbang pos yang dag par sgrub ste/ 'di ni brtson 'grus kyi dbang po zhes bya'o// de la dran pa'i dbang po gang zhe na chos gang brtson 'grus kyi dbang pos yang dag par sgrub pa'i chos de dag dran pa'i dbang pos chud mi gzon te/ 'di ni dran pa'i dbang po zhes bya'o// de la ting nge 'dzin gyi dbang po gang zhe na/ dran pa'i dbang pos chos gang chud mi gzon pa'i chos de dag ting nge 'dzin gyi dbang pos rtse gcig tu byed do// 'di ni ting nge 'dzin gyi dbang po zhes bya'o// de la shes rab kyi dbang po gang zhe na/ chos gang ting nge 'dzin gyi dbang pos rtse gcig tu byas pa'i chos de dag shes rab kyi dbang pos rab tu rtog cing / shin tu rtog par byed de/ gang chos de dang de dag la gzhan gyi dring mi 'jog par shes shing so so rang gis shes pa 'di ni/ shes rab kyi dbang po zhes bya'o// de ltar na dbang po lnga po 'di dag ni lhan cig 'grogs shing rjes su 'brel ba ste/ sangs rgyas kyi chos thams cad yongs su rdzogs par byed do/ / lung bstan pa'i sar yang gzhog go// btsun pa shA ra dwa ti'i bu 'di lta ste/ dper na phyi rol gyi dbang po lnga mngon par shes pa rnams sems can mngal du song ba rnam lanam de'i pho'i dbang po dang / mo'i dbang po mngon par grub par ma gyur kyi bar du lung mi ston to// de bzhin du sangs rgyas bcom ldan 'das rnams kyang / byang chub sems dpa' rnams la
- 124b
nam 'jig rten las 'das pa'i dbang po lnga po 'di dag dang ma ldan gyi bar du bla na med pa yang dag par rdzogs pa'i byang chub tu lung mi ston to/ / de dag ni btsun pa shA ra dwa ti'i bu/ byang chub sem/ dpa' rnams kyi dbang po lnga mi zad pa'o// gzhan yang btsun pa shA ra dwa tI'i bu/ byang chub sems dpa' rnams kyi stobs rnams myi bad pa ste/ ril byengad chub sems dpa' rnams kyi stobs mi zad pa gang zhe na/ stobs lnga po 'di dag ste/ lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang shes rab kyi stobs so/ / de la dad pa'i stobs gang zhe na/ gang 'di mos pa dang / dad pa dang / mi brdzi ba ste/ gal te bdud sdig can sangs rgyas kyi gzugs su de'i drung du 'ongs nas chos la rtog pa'i mos pa gang yang rung ba las 'bral bar byed cing / mos pa zlog par byed na yang / dad pa'i stobs la mos pa'i byang chub sems dpa' ni/ dad pa'i stobs de las bskyod pa'am/ bskul ba 'am/ bslang bar mi nus te/ 'di ni dad pa'i stobs zhes bya'o// de la brtson 'grus kyi stobs gang zhe na/ byang chub sems dpas brtson 'grus rtsom pa gang dang gang rtsom pa dang / dge ba'i chos gang dang gang la sbyor ba de dang de la stobs skyed pa sra bar 'gyur te/ stobs bskyed pa de dang ldan pa'i byang chub sems dpa' gnas de las ma rgal gyi bar du yi ma de las lhar bcas pa'i
- 125a
'jig rten gyis kyang bskyod pa 'am/ bskul ba 'am/ bsrung bar ci nus pa 'di ni brtson 'grus kyi stobs zhes bya'o// de la dran pa'i stobs gang zhe na/ de chos dran pa gnas gang dang gang la sems 'jog pa de las nyon mongs pa gzhan gang yang rung bas gtong bar mi nus te/ de'i dran pa'i stobs skyed pa des nyon mongs pa thams cad 'joms shing / byang chub sems dpa'i dran pa de ni nyon mongs pa thams cad kyis mi brdzi ba yin te/ 'di ni dran pa'i stobs zhes bya'o// de la ting nge 'dzin gyi stobs gang zhe na/ gang 'du 'dzi thams cad las dben par gnas shing spyod pa ste/ de sgra dang tshig gi lam thams cad kyis shin tu ston kyang / de'i bsam gtan dang po la sgra'i tsher ma yang sgrib par mi byed do// de dge ba la rtog pa dang / dpyod par dpyod kyang de'i bsam gtan gnyis pa la sgrib par mi 'gyur ro/ / de dga' ba dang mgu ba yang skyes pa yin la/ de'i bsam gtan gsum pa la yang sgrib par mi 'gyur ro// de sems can thams cad smin par bya ba dang / dam pa'i chos yongs su gzung ba'i phyir/ btang snyoms par yang mi 'gyur la/ de'i bsam gtan bzhi pa la yang sgrib par mi 'gyur ro// de bsam gtan bzhi po de dag gis spyod de/ bsam gtan dang mi mthun pa'i phyogs kyi chos rnams kyis kyang thul bar mi nus so// de mnyam par gzhag pa'i gnas kyang mi 'dor/ ting nge 'dzin gyi dbang gis kyang /
- 125b
mi skye ste/ 'di ni ting nge 'dzin gyi stobs zhes bya'o// de la shes rab kyi stobs gang zhe na/ gang 'jig rten pa dang / 'jig rten las 'das pa'i chos la mi thul bar shes pa ste/ skyes shing byung ba na yang slob dpon med par bzo'i las dang / rig pa dang / sngags dang / stobs kyi gnas thams cad mngon du 'gyur ro// 'jig rten na dam pa/ bya dka' ba/ bzod par dka' bathob par dka' ba/ ji snyed pa de dag byang chub sems dpa' la mngon du 'gyur ro// gang yang 'jig rten las 'das pa'i chos gang gis 'jig rten las 'da' ba de dag kyang / byang chub sems dpa'i shes rab dang / ye shes kyi stobs bskyed pas rjes su rtog ste/ lha dang mi dang lha ma yin du bcas pa'i 'jig rten gyis kyang mi brdzi ba 'di ni shes rab kyi stobs zhes bya ste/ de dag ni/ btsun pa shA ra dwa ti'i bu/ byang chub sems dpa' rnams kyi stobs lnga mi zad pa'o// gzhan yang btsun pa shA ra dwa ti'i bu byang chub sems dpa' rnams kyi byang chub kyi yan lag rnams mi zad pa ste/ de la byang chub sems dpa' rnams kyi byang chub kyi yan lag mi zad pa gang zhe na/ byang chub kyi yan lag ni bdun po 'di dag ste/ bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag
- 126a
dang shin tu sbyangs pa yang dag byang chub kyi yan lag dang / tIt+ta nge 'dzin yang dag byang chub kyi yan lag dang / btang snyoms yang dag byang chub kyi yan la/ go/ de la dran pa yang dag byang chub kyi yan lag gang zhe na/ dran pa gang gis chos rnams rtogs par 'gyur ba dang / chos rnams la so sor rdog pa dang / chos rnams la dpyod pa dang / chos rnams la kun 'gro ba dang / chos rnams la bsam pa dang / chos rnams la rjes su rtog pa ste/ de dran pa des chos rnams kyi rang gi mtshan nyid rtogs par 'gyur ro// chos rnams kyi rang gi mtshan nyid gang zhe na/ chos thams cad rang gi mtshan nyid kyis gang gis de ltar dran zhing rtogs pa 'di ni/ dran pa yang dag byang chub kyi yan lag ces bya'o// de la chos rnam par 'byed pa yang dag byang chub kyi yan lag gang zhe na/ gang chos kyi phung po stong phrag brgyad cu rtsa ba ni rnam par 'byed pa shes pa ste/ chos gang dang gang ji lta ji lta bur rnam par dbye ba nges pa'i don yang nges ba'i don du/ drang ba'i don yang drang ba'i don du/ kun rdzob kyi don yang kun rdzob kyi don du/ don dam pa yang don dam par/ brda yang brdar rnam par gdon mi za ba yang rnam par gdon ming bar/ chos de dang de dag de lta de lta bur rnam par 'byed pa 'di ni/ chos rnam par 'byed pa yang dag byang chub kyi yan lag ces bya'o// de la brtson 'grus yang dag byang chub kyi phan la/
- 126b
gang zhe na/ gang dran pa 'di dang / chos rnam par 'byed pa dang / dga' ba dang / shin tu sbyangs pa dang / ting nge 'dzin dang / btang snyoms shes pa 'di rab tu 'dzin pa dang / mos pa dang stobs dang / rtsal dang / phyir mi ldog pa dang / dad pa dang / mthu dang / brtson pa mi gtong ba dang / lam mngon par rtogs par bya ba'i phyir/ brtson pa 'di ni brtson 'grus yang dag byang chub kyi yan lag ces bya'o/ / de la dga' ba yang dag byang chub kyi yan lag gang zhe na/ chos la dga' ba dang / chos la mos pa dang / chos la rab tu dga' ba gang gis sems ma gong ba dang / dad cing spro ba ste/ chos la dga' ba gang gis lus dang sems shin tu byang bar 'gyur ba dang / nyon mongs pa rnams sel ba 'di ni dga' ba yang dag byang chub kyi yan lag ces bya'o/ / de la shin tu sbyangs pa yang dag byang chub kyi yan lag gang zhe na/ gang lus shin tu byang bar gyur pa dang / sems shin tu byang bar gyur pas nyon mongs pa bsal ba dang / sgrib pa dang bral ba dang / zhi gnas la 'jug pa'i dmigs pa la sems gzhog pa 'di ni/ shin tu sbyangs pa yang dag byang chub kyi yan lag ces bya'o// de la ting nge 'dzin yang dag byang chub kyi yan lag gang zhe na/ gang sems mnyam par bzhag pas chos kyi ye shes mngon par 'tshang rgya'i/ sems mnyam par ma bzhag pas ni ma yin no// gang
- 127a
sems mnyam par bzhag pas chos de dag mngon par 'tshang rgya'i/ sems mnyam par ma bzag pas ma yin te/ khams dang / bag la nyal dang / kun nus ldang ba de dag kyang ma dor bar mngon par 'tshang mi rgya ste/ gzhan du chos thams cad mnyam pa nyid dang / chos thams cad tha dad pa med pas/ chos thams cad mnyam pa nyid du mngon par 'tshang rgya ste/ 'di ni ting nge 'dzin yang dag byang chub kyi yan lag ces bya'o// de la btang snyoms yang dag byang chub kyi yan lag gang zhe na/ gang 'di ni chos bde ba dang / yid mi bde ba'i phyogs kyis sems kun nas mi gzung ba dang / 'jig rten gyi sems kyi mi 'phrogs pa dang / mtho dman du mi gnas pa'i phyir mi bskul ba yin te/ mi gnod/ mi 'phrogs/ mi 'chags/ mi sdang / 'phags pa'i bden pa'i lam dang mthun pa 'di ni btang snyoms yang dag byang chub kyi yan lag ces bya ste/ de dag ni btsun pa shA ra dwa ti'i bu/ byang chub sems dpa' rnams kyi byang chub kyi yan lag mi zad pa bdun no/ / gzhan yang btsun pa shA ra dwa ti'i bu/ byang chub sems dpa' rnams kyi lam mi zad pa ste/ de la byang chub sems dpa' rnams kyi lam gang zhe na/ lam zhes bya ba ni 'phags pa'i lam yan lag brgyad de/ 'di ltar yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i
- 127b
las kyi mtha' dang / yang dag pa'i 'tsho ba dang / yang dag pa'i 'bad pa dang / yang dag pa'i dran pa dang / yang dag pa'i ting nge 'dzin to// de la yang dag pa'i lta ba gang zhe na/ gang 'di 'phags pa'i 'jig rten las 'das pa ste/ bdag tu lta ba las langs pa ma yin/ sems can du lta ba ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes par ma yin/ shed bdag tu ma yin/ byed pa por ma yin/ tshor ba por lta ba las langs pa ma yin te/ rtag pa dang chad par lta ba las langs pa ma yin/ 'byung dang 'jig par lta ba las langs pa ma yin/ dge ba dang / mi dge ba dang / lung du mi ston par lta ba las langs pa yang ma yin pa nas/ 'khor ba dang mya ngan las 'das par sbyor ba'i bar las langs pa yang ma yin te/ 'di ni yang dag pa'i lta ba zhes bya'o// de la yang dag pa'i rtog pa gang zhe na/ rtog pa gang gis 'dod chags dang / zhe sdang dang / gti mug gi nyon mongs pa 'byung bar 'gyur ba'i kun tu rtog pa de dag la mi rtog go/ / rtog pa gang gis tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po rnams 'byung bar 'gyur ba'i rtog pa de dag la mi rtog pa 'di ni yang dag pa'i rtog pa zhes bya'o/ / de la yang dag pa'i ngag gang zhe na/ ngag gang gis bdag la yang yongs su mi gdung zhing
- 128a
gzhan la yang ma yin pa dang / bdag kyang nyon mongs shing / gzhan la yang ma yin pa dang / bdag la yang mi gnod cing gzhan la yang ma yin te/ ngag gang gis 'phag pa'i lam la 'jug pa de lta bu mnyam par gzhag pa la sbyor ba'i ngag dang ldan pa yin te/ 'di ni yang dag pa'i ngag ces bya'o// de la yang dag pa'i las kyi mtha' gang zhe na/ gang las kyang gnag la rnam par smin pa yang gnag pa de lta bu'i las mi 'byung ba dang / gang las kyang dkar la rnam par smin pa yang dkar ba de lta bu'i las mngon par 'du byed pa dang / gang las kyang dkar gnag la rnam par smin/ pa yang dkar gnag tu 'gyur ba'i las de dag mi byed pa dang / las gang mi gnag mi dkar zhing / rnam par smin pa yang med la/ las kyi las zad par 'gyur ba'i las de dag mngon par 'du byed pa ste/ de las kyi phyir 'brang bas yang dag pa'i las kyi mtha' la brtson pa zhes bya ste/ 'di ni yang dag pa'i las kyi mtha' zhes bya'o// de la yang dag pa'i 'tsho ba gang zhe na/ gang 'phags pa'i rigs dang / sbyangs pa'i yon tan dang / yo byad bsnyungs pa mi gtong ba dang / tshul 'chos pa med pa dang / kha gsag med pa dang / gzhogs slong med pa dang / mgu sla ba dang / gso sla ba dang / cho ga mchog gis tshul khrims dang / gzhan gyis thob pa la phrag dog med pa dang / bdag gis thob pa la chog shes pa dang / kha na ma tho ba med pa dang / 'phags pas gnang ba'i 'tsho ba 'di ni
- 128b
yang dag pa'i 'tshe ba'o/ / de la yang dag pa'i 'bad pa gang zhe na/ 'bad pa gang log pa ste/ 'phags pas ma gnang ba/ 'dod chags dang / zhe sdang dang / gti mug gi nyon mongs pa bag la nyal gyi 'bad pa de mi 'dod cing / 'dad pa de'i yang dag pa 'phags pa'i lam dang / bden pa la 'jug pa dang / mya ngan las 'das par 'gro ba'i lam du gtong ba'i 'bad pa de'i rjes su 'gro ba 'di ni yang dag pa'i 'bad pa zhes bya'o/ / de la yang dag pa'i dran pa gang zhe na/ dran pa gang shin tu nye bar gzhag pa dang / mi bskul ba dang / drang ba dang / gya gyu med pa dang / 'khor ba'i nyes pa dang skyon la lta ba dang / mya ngan las 'das pa'i lam du 'dren pa ste/ dran pa dang / gzhungs pa dang / 'phags pa'i lam mi brjed pa 'di ni yang dag pa'i dran pa zhes bya'o// de la yang dag pa'i ting nge 'dzin gang zhe na/ yang dag par mnyam pa dang / gang chos thams cad kyi mnyam pa ste/ ting nge 'dzin gang la gnas pas sems can thams cad rab tu thar par bya ba'i phyir/ yang dag par mi 'gyur ba la 'jug pa 'di ni/ yang dag pa'i ting nge 'dzin ces bya'o// gzhan yang byang chub sems dpa'i ting nge 'dzin 'di la gnas nas/ sems can thams cad rab tu thar par bya ba'i phyir/ yang dag pa mi 'gyur ba la 'jug pa 'di ni/ byang chub sems dpa'i yang dag pa'i ting nge 'dzin mi zad pa zhes bya'o// 'di ni 'das pa dang / ma 'ongs pa dang / da ltar byung ba'i
- 129a
sangs rgyas bcom ldan 'das rnams kyi lam ste/ de byang chub sems dpa' mngon par sangs rgyas nas/ 'chad pa dang / ston pa dang / rab tu ston pa dang 'dzin du 'jug pa dang / mos par byed pa dang / klog tu 'jug pa dang / shes par byed pa dang / rnam par shes par byed pa dang / rab tu shes par byed pa dang / rab tu 'dzin pa dang / rnam par 'grel pa dang / rnam par 'byed pa dang / gsal bar byed pa dang / yang dag par smon pa 'di ni/ btsun pa shA ra dwa ti'i bu/ byang chub sems dpa' rnams kyi lam ma zad pa zhes bya'o/ / gzhan yang btsun pa shA ra dwa ti'i bu/ byang chub sems dpa' rnams kyi zhi gnas dang / lhag mthong yang mi zad pa yin te/ de la zhi gnas mi zad pa gang zhe na/ gang sems zhi ba dang / rab tu zhi ba dang / nye bar zhi ba dang / mi g.yeng ba dang / dbang po bsdams pa dang / mi 'god pa dang / mi 'phyar ba dang / mu cor mi smra ba dang / mi brtan pa med pa dang / mi g.yo ba dang / nges pa dang / sbas pa dang / cang shes pa dang / las su rung ba dang / rtse gcig pa dang / gcig pur dga' ba dang / 'du 'dzi spong ba dang / dben par dka' dang lus dben pa dang / sems ma spang ba dang / dgon pa mngon du lta zhing yid la byed pa dang / 'dod pa nyung ba dang / 'dod pa med pa dang / 'dod chen med pa dang / chog shes pa dang /
- 129b
'tsho ba yongs su dag pa dang / cho ga phun sum tshogs pa dang / spyod lam sbas pa dang / dus shes pa dang / tshod shes pa dang / nyi tshod shes pa dang / tshor 'dzin pa dang / mgu sla ba dang / gso smra ba dang / so sor brtags pa'i stobs kyi mi mtho mi dma' ba dang / ngan du smras pa dang / ngan du smra ba dang / mi snyan pa'i tshig gi lam bzod pa dang / rnal 'byor pa la mngon du lta ba'i sems bskyed pa dang / nang du yang dag 'jog pa la mngon par dga' ba dang / bsam gtan gyi yan lag yid la byed pa dang / byams pa bskyed pa dang / snying rje chen po mngon par bsgrub pa dang / dga' ba la gzhol ba dang / btang snyoms bsgom pa dang / bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched dang / 'du shes rang tshor ba 'gog pa dang / mthar gyis snyoms par 'jug pa dgu po 'di dag ni zhi gnas zhes bya ste/ 'di ltar zhi gnas kyi tshogs ni tshad med pa ste/ zhi gnas kyi tshogs de dag la gang brtson pa 'di ni zhi gnas mi zad pa zhes bya'o/ / de la byang chub sems dpa' rnams kyi lhag mthong mi zad pa gang zhe na/ gang shes rab kyi cha dang mthun pa'i bsgom pa'i lam ste/ chos rnams la
- 130a
g.yo ba med par shes pa dang / bdag med pa dang / sems can med pa dang / srog med pa dang / gso ba med pa dang / gang zag med par shes pa dang / phung po rnams la sgyu mar mthong ba'i shes pa dang / khams rnams la myur du gdug pa'i sbrul lta bur mthong ba'i shes pa dang / skye mched rnams la grong stong par mthong ba'i shes pa dang / bden pa rnams la shin tu rtogs par mthong ba'i shes pa dang / rten cing 'brel par 'byung ba dang mi 'gal bar mthong ba'i shes pa dang / lta ba thams cad dang bral bar mthong ba'i shes pa dang / rgyu dang 'bras bu dang rnam par smin pa la chud mi za bar mthong ba'i shes pa dang / 'bras bu thob pa mngon sum du bya ba la rtog par mthong ba'i shes pa dang / yang dag pa la 'jug pa mthong ba'i shes pa ni lhag mthong zhes bya ste/ lhag mthong zhes bya ba yang chos rnams la yang dag par mthong ba'o// chos rnams la ji lta ba bzhin du mthong ba'o// chos rnams la de kho na nyid du mthong ba'o// chos rnams la gzhan ma yin pa nyid du mthong ba'o/ / chos rnams la stong nyid dang / mtshan ma med pa dang / smon pa med par mthong ba'o// chos rnams la mngon par 'du mi byed pa dang / de bzhin du ma skyes pa dang ma byung ba dang / dngos po med pa dang / ji lta ba bzhin du rnam par dag pa dang / dben par mthong ba'o// chos rnams la g.yo ba med pa dang / byed pa med pa dang / bdag po med pa
- 130b
dang / 'dzin pa med pa dang / dbyer med cing ro gcig pa dang / nam mkha'i ngo bo nyid dang / rang bzhin gyis mya ngan las 'das par mthong ba'o// lhag mthong zhes bya ba yang yod pa'i rnam par yang mi mthong / med pa'i rnam par yang mi mthong / skye ba dang / 'jig pa dang / gnas pa'i rnam par yang mi mthong / dmigs pa'i mtshan ma'i rnam par mi mthong ste/ de mthong mod kyi ci yang mi mthong ngo / / nam mthong ba med pa de ni mthong ba ste/ lhag mthong gis kyang mthong ba yang ma yin/ ma mthong ba yang ma yin par mthong ste/ nam de ltar mthong ba de na yang dag pa nyi mthong ngo / / yang dag pa nyid mthong bas lhag mthong la mkhas pa thob par 'gyur ro// de la byang chub sems dpa' lhag mthong gis de ltar mthong yang mngon par 'du mi byed par yang mi ltung zhing dge ba'i rtsa ba mngon par 'du byed pa las kyang mi ldang ngo / / 'di ni byang chub sems dpa' rnams kyi lhag mthong mi zad pa zhes bya'o// de dag ni btsun pa shA ra dwa ti'i bu/ byang chub sems dpa' rnam kyi zhi gnas dang lhag mthong mi zad pa'o/ / gzhan yang btsun pa shA ra dwa ti'i bu/ byang chub sems dpa' rnams kyi gzungs dang spobs pa mi zad pa yin te/ de la gzungs mi zad gang zhe na/ gzungs zhes bya ba ni gang sngon dge ba'i rtsa ba'i tshogs bsags pa'i dran pas chos kyi phung po stong phrag brgyad cu rtsa bzhi 'dzin pa dang / kun 'dzin pa dang / mi brjed pa dang /
- 131a
dran pas kun 'dzin pa 'di ni gzungs zhes bya'o// gang gzungs zhes bya ba ni gang gis sangs rgyas bcom ldan 'das kyis gsungs pa thams cad 'dzin pa dang / byang chub sems dpa' thams cad dang / rang sangs rgyas thams cad dang / nyan thos thams cad dang / sems can thams cad kyis smras pa 'dzin pa dang / legs par smras pa thams cad ma lus par 'dzin pa ste/ 'di ni gzungs zhes bya'o// nam yang bskal pa gzhan du 'phos par gyur tam/ tshe gzhan du 'phos par gyur pa de na yang byang chub sems dpa' de'i gzungs kyi dran pa'i ye shes ma rung bar yang mi 'gyur/ nyams par yang mi 'gyur te/ nam phyi ma'i mtha'i bar du chos thams cad 'phags pa'i shes rab kyi mig gis lag mthil na skyu ru ra'i 'bru 'dug pa bzhin du mthong ste/ 'di ni gzungs mi zad pa zhes bya'o// de la spobs pa mi zad pa gang zhe na/ spobs pa zhes bya ba ni gang 'di ma chags pa'i spobs pa dang / thogs pa med pa'i spobs pa dang / mi 'phrogs pa'i spobs pa dang / ma rmongs pa'i spobs pa dang / myur ba'i spobs pa dang / dga' ba'i spobs pa dang / spobs pa drag po dang / mi 'gyur ba'i spobs pa dang / spobs pa rno ba dang / spobs pa mgyogs pa ste/ de'i spobs pa de ni las kyi rnam par smin pas yongs su sbyangs pa/ sangs rgyas kyis byin gyis brlabs pa/
- 131b
lha rnams kyis yongs su bzung ba/ khyad par lung bstan pa/ 'bras bu yod par chos ston pa/ mya ngan las 'das pa'i lam du 'gro ba ste/ de de lta bu'i spobs pa rdzogs pa yin no// gzugs su snang ba ji snyed par byang chub sems dpa' de'i mdo dang tshigs su bcad pa bstan pa spobs par snang ba yang de snyed do// sgrar grags pa ji snyed par byang chub sems dpa' de'i mdo dang tshigs su bcad pa bstan pa la spobs par snang ba yang de snyed de/ 'di bstan to// 'di bshad do zhes de mi rtag cing mngon par 'du byed pa med mod kyi/ 'khor gang dang gang du 'gro yang rung ste/ gal te rgyal rigs kyi 'khor du 'am/ gal te bram ze'i 'khor du'am/ gal te rje'u rigs kyi 'khor du 'am/ gal te khyim bdag gi 'khor du 'am/ gal te dge sbyong gi 'khor du 'am/ gal te rgyal chen bzhi'i 'khor du 'am/ gal te sum cu rtsa gsum pa'i 'khor du 'am/ gal te mtshe ma'i 'khor du 'am/ gal te dga' ldan gyi 'khor du 'am/ gal te 'phrul dga'i 'khor du 'am/ gal te gzhan 'phrul dbang byed kyi 'khor du 'am/ gal te bdud kyi 'khor du 'am/ gal te tshangs pa'i 'khor du yang rung ste/ de dang der de'i lhun gyis grub pas sems can thams cad kyi dad pa dang / dbang po rnams la chos spobs par 'gyur te/ de 'dod na tshe gzhan nam/ bskal pa gzhan gyi bar du yang mi ldang zhing thogs pa med par chos ston to//
- 132a
de chos ston pa des kyang de byed pa'i sdug bsngal yang dag par zad par bya ba'i phyir 'byung bar 'gyur te/ 'di ni byang chub sems dpa' rnams kyi spobs pa mi zad pa'o// de dag yang btsun pa shA ra dwa ti'i bu/ byang chub sems dpa' rnams kyi gzungs dang spobs pa mi zad pa'o// gzhan yang btsun pa shA ra dwa ti'i bu/ byang chub sems dpa' rnams kyi chos kyi mdo bzhi mi zad pa ste/ bzhi gang zhe na/ 'di lta ste/ 'du byed thams cad mi rtag par byang chub sems dpa' rnams kyi mi zad par bstan pa shes pa la 'jug pa dang 'du byed thams cad sdug bsngal du byang chub sems dpa' rnams kyi mi zad par bstan pa shes pa la 'jug pa dang / chos thams cad bdag med par byang chub sems dpa' rnams kyi mi zad pa bstan pa shes pa la 'jug pa dang / zhi ba mya ngan las 'das par byang chub sems dpa' rnams kyi mi zad par bstan pa shes pa la 'jug pa ste/ de la mi rtag pa'i don gang zhe na/ med pa'i don gang / mi chags pa'i don te/ dngos po rnam par 'gog pa'i don ni ma yin no// mi rtag pa'i don ni chos la bdag med pa ste/ ngo bo nyid kyis dben pa'i phyir de la 'jig pa gang yang med de/ 'di ni mi rtag pa'i don to// de la sdug bsngal gyi don gang zhe na/ dga' ba med pa'i don ni sdug bsngal gyi don to// dga' ba zad pa'i don ni sdug bsngal gyi don to// smon pa
- 132b
med pa'i don ni sdug bsngal gyi don to/ / sdug bsngal gyi sgra rab tu bstan pa'i don ni sdug bsngal gyi don to// nam mkha' rab tu bzhag pa'i don ni sdug bsngal gyi don te/ 'di ni sdug bsngal gyi don ces bya'o/ / de la bdag med pa'i don gang zhe na/ bdag ni shin tu bdag med pa ste/ gang bdag med pa'i ron de ni gsob bo// gsog go// rag lus pa'o// stong pa'o// stong pa'i don ni bdag med pa'i don te/ 'di ni bdag med pa'i don ces bya'o// de la zhi ba'i don gang zhe na/ zhi ba ni zhi bas zhi bar mi 'gyur te/ zhi ba nyid zhi ba'o// ma zhi ba'ang zhi bas zhi bar mi 'gyur te/ gang zhi ba'i don de ni mtshan ma thams cad nye bar zhi ba ste/ 'di ni zhi ba zhes bya'o// zhi ba ni mya ngan las 'das pa ste/ 'di ni zhi ba'i don ces bya'o// de dag ni btsun pa shA ra dwa ti'i bu/ byang chub sems dpa' rnams kyi chos kyi mdo bzhi mi zad pa'o// gzhan yang btsun pa shA ra dwa ti'i bu/ byang chub sems dpa' rnams kyi bgrod pa gcig pa'i lam mi zad pa yin te/ de la bgrod pa gcig pa'i lam gang zhe na/ bgrod pa gcig pa'i lam la byang chub sems dpa' rnams gzhan gyi dring la mi 'jog pa yin te/ bgrod pa gcig/ pa'i lam zhes bya ba ni/ byang chub sems dpa' gcig pu gnyis ma yin zhing grogs med par bla na med pa yang dag par rdzogs pa'i byang chub tu go cha gyon te/ bdag gi brtson 'grus dang /
- 133a
mthu dang / stobs kyis yongs su gzung ba dang / lhag pa'i bsam pa gzhan gyi go skabs med par bdag nyid byed cing / bdag gi mthu stobs kyis 'phags te des de lta bu go cha sra ba bgos nas/ gang yang cung zad sems can thams cad kyis thob par bya ba yod pa de dag bdag gis kun rnyed par bya/ gang 'phags pa thams cad dang / theg pa la gsar du zhugs pa'i byang chub sems dpa' rnams kyis thob par bya ba de dag bdag gis kun thob par bya'o/ / sbyin pa ni bdag gi grogs ma yin gyi/ bdag ni sbyin pa'i grogs so// tshul khrims dang / bzod pa dang / brtson 'grus dang / bsam gtan dang / shes rab ni bdag gi grogs ma yin gyi/ bdag tshul khrims dang / bzod pa dang / brtson 'grus dang bsam gtan dang / shes rab kyi grogs so// bdag la ni pha rol tu phyin pa rnams kyis rim gror mi bya'i/ bdag gis pha rol tu phyin pa rnams la rim gror bya'o// bdag la ni bsku ba'i dngos po rnams kyis rim gror mi bya'i/ bdag gis ni bsdu ba'i dngos po rnams la rim gror bya'o// bdag la ni dge ba'i rtsa ba thams cad kyis rim gror mi bya'i/ bdag gis ni dge bar rtsa ba thams cad la rim gror bya'o/ / gang 'di lta bu'i chos la grogs med par bdag nyid byed cing gzhan gyi go skabs med par/ bdag gcig pu gnyis ma yin zhing / grogs med par rdo rje
- 133b
sa'i snying po la 'dug ste/ bdud stobs dang bcas pa rnams btul la/ sems kyis skad cig ma gcimu dang ldan pa'i shes rab kyis bla na med pa yang dag par rdzogs pa'i byang chub tu mngon pa rdzogs par 'tshang rgya bar bya'o zhes bdag mngon par rdzogs par 'tshang rgya ba 'di ni/ btsun pa shA ra dwa ti'o bu/ byang chub sems dpa' rnams kyi bgrod pa gcig pa mi zad pa zhes bya'o// gzhan yang btsun pa shA ra dwa ti'i bu/ byang chub sems dpa' rnams kyi thabs mi zad pa ste/ de la thabs gang zhe na/ thabs gang gis byang chub sems dpa' sangs rgyas kyi chos thams cad rnam par sgrub cing slong ba ste/ thabs ni byang chub sems dpa'i dge ba'i chos thams cad nye bar gzhog pa'o// thabs ni bsam pa nges par rtog pa'o// thabs ni sbyor ba rgyun mi 'chad pa'o/ / thabs ni lhag pa'i bsam pas bye brag tu 'phags pa'i chos 'dod pa'o// thabs ni sbyin pa'i pha rol tu phyin pa thams cad yongs su rdzogs par byed pa'o// thabs ni tshul khrims kyis skye ba thams cad 'dzin pa'o/ / thabs ni bzod pas byang chub kyi phyir lus dang ngag dang sems kyi rgyan no// thabs ni brtson 'grus kyis 'jug pa dang gnas pa la brtson pa'o// thabs ni bsam gtan gyis bsam gtan las phyir ldog pa shes pa'o// thabs ni shes rab kyis 'dus ma byas spong ba'o// thabs ni byams pas dpung gnyen med pa rnams kyi skyabs so//
- 134a
thabs ni snying rjes 'khor ba la mi smod pa'o// thabs ni dga' bas dga' ba dang / mi dga' ba la bzod pa'o// thabs ni btang snyoms kyi dge ba'i rtsa ba dang / tshogs thams cad 'phel ba'o/ / thabs ni 'phrul gyi mig gis sangs rgyas kyi spyan thob pa'o// thabs ni 'phrul gyi rna bas sangs rgyas kyi snyan thob pa'o// thabs ni pha rol gyi sems shes pas dbang po mchog dang mchog ma yin pa thob pa'o/ / thabs ni sngon gyi gnas rjes su dran pas dus gsum la chags pa med pa'i ye shes so// thabs ni rdzu 'phrul gyi bya ba shes pas de bzhin gshegs pa'i rdzu 'phrul rab tu thob pa'o/ / thabs ni sems can rnams kyi bsam pa la 'jug pa'o// thabs ni spyod pa'i mtshan nyid shes pa'o// thabs ni rgal nas 'jug pa'o// thabs ni nyon mongs pa med pas nyon mongs pa'o/ / thabs ni khur bor bas khur thogs pa'o// thabs ni tshad yod pa tshad med par ston pa'o// thabs ni tshad med pa tshad yod par ston pa'o// thabs ni dbang po zhan pa rnams la gsal bar byed pa'o/ / thabs ni dus dang dus ma yin pa shes pa'o// thabs ni lam dang lam ma yin par 'gro ste/ ngan pa'i lam la gnas pa'i sems can las lam bzang por 'god do/ / thabs ni nyung ngu las mang por byed do// mang po las tshad med par byed pa'o// thabs ni bye ba'i sems can rnams 'dum par byed do// thabs ni tha ma dang 'bring dang rab la gnas
- 134b
pa'o/ / thabs ni mya ngan las 'das pa'i rig pa las 'khor ba'i rig par ltung ngo // thabs ni thar pa las bcing ba tshol lo// thabs ni shes par bya ba zad pa med de/ shes par bya ba zad par yang mi ltung ngo / / thabs ni spyod lam thams cad 'khrul par byed do// spyod lam rnams las kyang mi nyams so// thabs ni sems can la lta ba'i tshul khrims la ma yin no// thabs ni bsku bas lta ba la rten gyi/ rtsod pas ni ma yin no// thabs ni sgra 'byin pa'o// thabs ni khams gsum las spyod yul ba'o// thabs ni rnam par thar pa'i sgo gsum thob pa'i mtshan nyid spyod yul ba'o// / thabs ni 'phags pa ma yin pa'i skye bo dang 'dres pa'o// 'phags pa'i skye bo dang ma 'dres pa'o// thabs ni mya ngan las 'das pa las gud du phyogs shing 'khor ba la mngon du bltas pa'o// thabs ni bdud kyi spyod yul na nyon mongs pa med par snang ba'o// thabs ni thams cad nas thams cad de/ thams cad nas thams cad pa'ang ma yin te/ 'di ni btsun pa shA ra dwa ti'i bu/ byang chub sems dpa' rnams kyi thabs mi zad pa zhes bya ste/ de dag ni btsun pa shA ra dwa ti'i bu/ byang chub sems dpa' rnams kyi mi zad pa brgyad cu ste/ mi zad pa 'dir sangs rgyas kyi chos thams cad rjes su chud cing 'dus pa'o/ / mi zad pa'i sgo'i chos kyi le'u 'di byang chub sems dpa' blo gros mi zad pas bstan pa na/ srog chags brgya stong phrag bdun cu rtsa brgyad sngon bla na med pa yang
- 135a
dag par rdzogs pa'i byang chub tu sems ma skyed pa sems bskyed gyur gyur to/ / byang chub sems dpar sbyong phrag lnga bcu rtsa gnyi sa ni mi zla ba'i chos la bzod pa thob par gyur to/ / 'khor de dag thams cad kyang chos kyi rnam grangs 'di la mchod pa bya ba'i phyir me tog dang / 'phreng ba dang / me tog gi gdugs dang / me tog gi snyan gyi gong rgyan kha dog dang ldan pa/ dri dang ldan pa rnam pa sna tshogs kyis bcom ldan 'das dang byang chub sems pa' blo gros mi zad pa la mngon par gtor to// lha rnams kyis kyang steng gi nam mkha' la glu blangs te/ 'di skad du ched brjod pa yang ched du brjod do/ / gang sangs rgyas bcom ldan rnams kyis bskal pa bye ba khrag khrig brgya stong grangs med par bsgrubs pa/ bla na med pa yang dag par rdzogs pa'i byang chub de ni/ byang chub sems dpa' blo gros mi zad pas chos kyi rnam grangs 'di las mi zad pa'i rnam pas bstan to/ / sems can su mi zad pa'i sgo'i le'u chos kyi rnam grangs 'di nyan cing thos nas mos pa dang / kun 'dri ba dang / 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par ston pa de dag kyang mi zad pa 'di dag dang ldan par 'gyur ro// / de nas bcom ldan 'das kyis nyid kyi sku las phrag pa'i ras phud de/ byang chub sems dpa' blo gros mi zad pa la chos kyi dgab pa'i phyir byin nas/ 'di skad ces bka' stsal to// legs
- 135b
so legs so/ / skyes bu dam pa mi zad pa'i chos kyi rnam grangs 'di khyod kyis legs par smras so// khyod la de bzhin gshegs pa rjes su yi rang ngo // gang khyod la ngas rjes su yi rang ba de yang gang+gA'i klung gi bye ma snyed kyi sangs rgyas bcom ldan 'das rnams kyis rjes su yi rang ngo / / de ras byang chub sems dpa' blo gros mi zad pas phrag pa'i ras de lag pa gnyis kyis blangs te/ spyi bo la bzhag nas 'di skad du smras so/ / bcom ldan 'das gang bcom ldan 'das kyis gsol ba 'di lha dang / mi dang / lha ma yin du bcas pa'i mchod rten no// de nas phyogs bcu kun nas rin po che'i gos dang / rin po che'i gdugs dang / rin po che'i ba dan dang / lnga ldi rin po che'i rtsa ba can 'ongs par snang ste/ de dag 'ongs nas byang chub sems dpa' blo gros mi zad pa'i lus la mngon par 'gebs par byed do/ / rin po che'i gos dang / rin po che'i gdugs dang / rin po che'i ba dan dang / lde ldi rin po che'i rtsa ba can de dag las sgra 'di skad byung ste/ legs so legs so// blo gros mi zad pa khyod kyis mi zad pa'i sgo'i le'u legs par smras te/ khyod kyis legs par smras pa la rjes su yi rang ngo // de nas bcom ldan 'das la/ tshe dang ldan pa shA ra dwa ti'i bus 'di skad ces gsol to/ / bcom ldan 'das rin po che'i gos rnams dang rin po che'i gdugs rnams dang / rin po che'i bdar rnams dang / lnga ldi rin po che'i rtsa ba can 'di dag gang nas mchis/ 'di
- 136a
lta bu'i sgra dag gang nas byung / bcom ldan 'das kyis bka' stsal pa/ shA ra dwa ti'i bu 'di dag ni byang chub sems dpa' blo gros mi zad pa sngon byang chub sems dpa'i spyad pa spyod pa na/ sems can gang bla na med pa yang dag par rdzogs pa'i byang chub tu yongs su smin par byas pa de dag da ltar phyogs bcu'i 'jig rten gyi khams su bla na med pa yang dag par rdzogs pa'i byang chub tu mngon par sangs rgyas te/ de bzhin gshegs pa de dag gis byang chub sems dpa' blo gros mi zad pa la byas pa gzo ba dang / byas pa tshor bar 'dzin pas skyes bu dam pa 'di'i yang dag pa'i / yon tan brjod cing / 'dus pa chen po'i chos kyi rnam grangs 'di la yang mchod par bya ba'i phyir chos kyi dgab pa 'di dag bskur ro// de nas 'khor de dag thams cad byang chub sems dpa' blo gros mi zad pa la rab tu dga' ba dang / mos pa dang / ri mo shin tu cher bskyed nas tshig 'di skad ces kyang smras so// gang bdag cag gis byang chub sems dpa' blo gros mi zad pa la blta ba dang / phyag 'tshal ba dang / mchod pa dang / bsnyen bkur bya ba dang / chos bstan pa 'di yang mnyan pa rnyed pa ni/ bdag cag gis rnyed pa rab tu rnyed do// gang gis byang chub sems dpa' blo gros mi zad pa'i ming tsam thos pa yang rnyed pa rab tu rnyed pa yin na/ gang gis 'di mngon sum du sha'i mig gis mngon par chos kyi rnam grangs 'di yang nyan pa dang / mos par byed pa dang / kun 'dri/
- 136b
ba dang / 'dzin pa dang / 'chang ba dang / klog pa dang / ston pa dang / kur chub par byed pa dang / gzhan la yang rgya cher rab tu ston pa lta ci smos/ de nas bcom ldan 'das kyis de dag thams cad kyis legs par smras pa la rjes su thugs rang ba mdzad de/ tshe dang ldan pa shA ra dwa ti'i bu la bka' stsal pa/ shA ra dwa ti'i bu byang chub sems dpa'i theg pa can gyi rigs kyi bu pho 'am/ rigs kyi bu mo gang gis tshe'i tshad bskal par gnas pa'i sangs rgyas bcom ldan 'das rnams la sbyin pa byin la/ tshul khrims dang / brtul zhugs yang dag par blang ba thams cad la slob cing / sems can thams cad kyis nyes par byas pa yang bzod la/ mgo'i thod pa la me 'bar ba bzhin du brtson 'grus brtsams shing gnas te/ bsam gtan rtse gcig dang ldan la shes rab kyi bye brag la mkhas kyang / chos kyi rnam grangs 'di dang bral ba de'i pha rol tu phyin pa rnams yongs su ma rdzogs par ngas bshad do// shA ra dwa ti'i bu byang chub sems dpa'i theg pa can gyi rigs kyi bu pho dang / rigs kyi bu mo gang gis chos kyi rnam grangs 'di nyan pa dang / mos pa dang / 'dri ba dang / 'dzin pa dang / 'chang ba dang / klog pa dang / kun chub par byed pa dang gzhan la yang rgya cher yang dag par ston pa dang / bsgom pa'i rnal 'byor la zhugs shing gnas pa de ni/ pha rol tu phyin pa rnams yongs su rdzogs par 'gyur ba dang / myur du bla na med pa yang
- 137a
dag par rdzogs pa'i byang chub tu mngon par 'tshang rgya bar ngas bshad do/ / de ci'i phyir zhe na/ shA ra dwa ti'i bu byang chub sems dpa' gang chos kyi rnam grangs 'di la zhugs te/ gzhan la rgya cher rab tu ston pa 'di ni/ de'i sbyin pa'i pha rol tu phyin pa yongs su rdzogs pa'o// de ci'i phyir zhe na/ sbyin pa rnams kyi nang na/ gang chos kyi sbyor ba 'di ni mchog go// gang byang chub kyi sems ma nyams pas/ chos kyi rnam grangs 'di la brtson zhing / tshul khrims dang / brtul zhugs dang / sdom pa 'di ni de'i tshul khrims kyi pha rol tu phyin pa yongs su rdzogs pa ste/ de ci'i phyir zhe na/ byang chub sems dpa'i tshul khrims dang bslab pa thams cad ni chos kyi rnam grangs 'di las rab tu bstan to// byang chub sems dpa' chos kyi rnam grangs 'di las bzod pa bstan pa de ni/ sems can thams cad kyis kyang bskyod par mi nus te/ gang 'di chos thams cad kyi rjes su song ba'i bzod pa 'di ni de'i bzod pa'i pha rol tu phyin pa'i mchog go// gang chos kyi rnam grangs 'di la 'jug pa dang / ston pa dang / sbyor ba dang bsgom pa 'di ni/ lus dang / ngag dang / sems kyis brtson 'grus ni de'i brtson 'grus kyi pha rol tu phyin pa'o// gang chos kyi rnam grangs 'di la sems nges par rtog cing mi g.yo ba dang / rtse gcig pa dang / rtog pa 'di ni nga'i bsam gtan gyi pha rol tu phyin pa'i mchog go// gang chos kyi rnam grangs 'di la mngon sum
- 137b
du shes pa dang / gzhan gyi dring la mi 'jog par shes pa dang / rnam par 'byed pa shes pa dang / nan tan shes pa 'di ni de'i shes rab kyi pha rol tu phyin pa'i mchog ste/ de ltar na shA ra dwa ti'i duchos kyi rnam grangs 'di la rab tu sbyor ba'i byang chub sems dpa' ni dka' ba chung ngus pha rol tu phyin pa drug po 'di dag la sgom pa yongs su rdzogs par 'gyur ro/ / shA ra dwa ti'i bu rnam grangs 'dis kyang 'di ltar rig par bya ste/ byang chub sems dpa' gang chos kyi rnam grangs 'di lus la yod pa 'am/ glegs bam du byas kyang rung ste/ sangs rgyas kyi chos thams cad de'i lag mthil du phyin par shes par bya'o/ / gal te 'byung ba chen po rnams gzhan du gyur kyang / byang chub sems dpa' de'i byang chub ni mi 'gyur ro// de ci'i phyir zhe na/ shA ra dwa ti'i bu 'di ni/ byang chub sems dpa' phyir mi ldog pa rnams kyi rgya ste/ byang chub sems dpa' de dag kyang rgya 'di las 'tshal bar gang rgyu 'di'i phyir 'brang ba de dag ni sangs rgyas kyi chos de dag thams cad kyi phyir 'brang ba ma yin no/ / de nas rgyal po chen po bzhi stobs dang bcas/ 'khor dang bcas pa bcom ldan 'das la thal mo sbyar te/ bcom ldan 'das bdag cag ni/ gang chos kyi rnam grangs 'di 'dzin pa'i rigs kyi bu po 'am/ rigs kyi bu mo de dag gi g.yog dang / rim gro bgyi bar rab tu spro ste/ bcom ldan 'das chos smra ba de dag la bdag cag gis ston par 'du shes bskyed par
- 138a
bgyi'o/ / de ci'i slad du zhe na/ bcom ldan 'das theg pa thams cad ni 'di las 'ong ngo // de nas bcom ldan 'das la/ brgya byin lha'i dbang pos 'di skad ces gsol to/ / bcom ldan 'das bdag cag gis bcom ldan 'das las chos kyi rnam grangs brgya stong mang po thos kyang / shin tu gdon mi za ba'i chos kyi don 'di lta bu bstan pa bdag cag sngon nam yang ma thos so/ / bcom ldan 'das grong dang / grong khyer dang / grong rdal dang / yul dang / rgyal po'i pho brang 'khor gang dang gang na chos kyi rnam grangs 'di 'chad pa dang / rab tu ston pa de dang der bdag sum cu rtsa gsum pa'i lha rnams dang bcas te/ chos mnyan pa'i slad du mchi'o// chos smra ba de dag la yang chos kyi bsrung bar bgyi/ rigs kyi bu de dag ci nas 'jigs pa ma mchis par gyur cing 'khor gyi 'jigs pa med pa dang / chos kyi rnam grangs 'dir zhugs te/ gzhan la yang rgya cher rab tu ston par brtson 'grus dang / stobs dang / mthu dang / spro ba dang / spobs pa dang dran pa dang / blo gros dang / rtogs pa rab tu stsal bar bgyi'o// bcom ldan 'das kyis bka' stsal pa/ ko'u shi ka gang khyod kyis chos smra ba rnams srung bar byed pa de ni legs so legs so/ / ko'u shi ka chos smra ba bzung bas ni dam pa'i chos yongs su bzung bar 'gyur ro// dam pa'i chos yongs su bzung bas ni sems can thams cad yongs su bzung bar 'gyur ro//
- 138b
de nas bcom ldan 'das la/ tshangs pa mi mjed kyi bdag pos 'di skad ces gsol to// bcom ldan 'das bdag dang tshangs ris kyi lhar bcas pas/ bsam gtan gyi dga' ba dang bde ba btang ste/ gang dang gang na chos kyi rnam grangs 'di spyod pa de dang der chos kyi rnam grangs de mnyan pa'i slad du mchi'o// de chos smra ba de dag gis ltas bzhis ni 'dir tshangs pa mi mjed kyi bdag po tshangs ris kyi lha rnams dang bcas te chos nyan pa'i phyir lhags so zhes 'tshal bar bgyi ste/ bzhi gang zhe na/ 'di lta ste/ snang ba chen po mthong ba dang / lha rdzas kyi dri mnam pa dang / chos smra ba des chos kyi rnam grangs 'di la nges pa'i tshig gis nges pa'i tshig dang tshig gi mtshams sbyar bar tshig gi mtshams su mi brjed cing / dran par spobs pa dang / 'khor de dag thams cad kyang mi g.yeng zhing chos la gus par yid la bgyid pas chos nyan pa ste/ ltas bzhi po 'di dag gis 'dir tshangs pa mi mjed kyi bdag po tshangs ris kyi lha rnams dang bcas te chos nyan pa'i phyir lhags so/ zhes bgyi'o// de nas bcom ldan 'das la/ bdud sdig can gyis 'di skad ces gsol to// bcom ldan 'das chos kyi rnam grangs 'dis bdag gi stobs dang bzhon par bcas pa thams cad stobs chung bar bgyis te/ de ci'i slad du zhe na/ bcom ldan 'das byang chub sems dpa' gang gis chos kyi rnam grangs 'di thos pa de na de nyid kyis byang chub sems dpa' de bla na med
- 139a
pa yang dag par rdzogs pa'i byang chub tu lung bstan lags te/ bcom ldan 'das sangs rgyas kyi zhing gang na byang chub sems dpa' de garas pa de na de nyid sangs rgyas zhes bgyi'o/ / blo gros mi zad pa byang chub sems dpa' gang chos kyi rnam grangs 'di'i gzi brjid kyi tshogs dang stobs bskyed pas/ bdag gi nga rgyal dang / rgyags pa dang / dregs pa rnams bcom pas chos smra ba de bsrung ba dang / bskyab pa dang / sba ba'i phyir dam bca' bar bgyi'o// chos kyi rnam grangs 'di spyod pa der sems bskyed pa'i bag tsam gyis kyang bar chad mi bgyi'o// de nas bcom ldan 'das kyis/ tshe dang ldan pa dga' bo la bka' stsal pa/ dga' bo chos kyi rnam grangs 'di dam pa'i chos ring du gnas par bya ba'i phyir zung zhig/ lhogs shig/ kun chub par gyis shig dga' bos gsol pa/ bcom ldan 'das bdag gis chos kyi rnam grangs 'di bzung mod kyi/ byang chub sems dpa' sems dpa' chen po lta bur bdag gis chos kyi rnam grangs 'di rgyas par bgyid mi nus so/ / bcom ldan 'das kyis bka' stsal pa/ dga' bo chos kyi rnam grangs 'di rgyas par rnam par dbye ba'i phyir byed pa chung bar gyis shig/ 'khor 'di na gang chos kyi rnam grangs 'di rgyas bar byed pa dam pa'i chos yongs su 'dzin pa'i byang chub sems dpa' rnams tshogs shing 'khod do/ / de nas 'khor de nas byang chub sems dpa' bye ba phrag drug cus dam pa'i chos yongs su gzung ba'i
- 139b
phyir/ bcom ldan 'das la 'di skad ces gsol to// bcom ldan 'das bdag cag gis 'dus pa chen po'i le'u chos kyi rnam grangs 'di phyogs bcu'i 'jig rten kun tu ma lus par rdzogs par rgyas par bgyi'o/ / mi mjed kyi 'jig rten gyi khams 'dir yang byang chub sems dpa' sems dpa' chen po byams pa dam pa'i chos gzung ba'i slad du/ dam pa'i chos bsrung ba'i slad du/ chos kyi rnam grangs 'di rgyas par bgyid de/ bcom ldan 'das yongs su mya ngan las 'das nas/ phyi ma'i dus lnga brgya tha ma la chos kyi rnam grangs 'di byang chub sems dpa' gang gi rna bar grags par 'grur ba dang / 'dzin pa dang / 'chang ba dang / klog pa dang / ston pa de ni byang chub sems dpa' byams pa'i byin gyi rlabs su rig par bgyi'o// de nas bcom ldan 'das kyis/ dam pa'i chos kun 'dzin pa'i byang chub sems dpa' de dag la bka' sprul pa/ legs so// skyes bu dam pa dag ji ltar khyod da ltar nga'i mdun du dam pa'i chos yongs su 'dzin pa de bzhin du/ khyod gang+gA'i klung gi bye ma snyed kyi sangs rgyas bcom ldan 'das kyi spyan sngar dam pa'i chos yongs su 'dzin par khas blangs pa legs so legs so/ / de nas bcom ldan 'das la/ byang chub sems dpa' sems dpa' chen po blo gros mi zad pas 'di skad ces gsol to/ / bcom ldan 'das gang bdag gis chos kyi rnam grangs 'di la bdag gi blo mi ldan pas yi ge ma rdzogs pa rnams bcom ldan 'das dang / mi zad pa'i chos dang /
- 140a
ldan pa'i byang chub sems dpa' sems dpa' chen po 'di dag la bdag bzod pa gsol lo// bcom ldan 'das kyis bka' stsal pa/ blo gros mi zad pa so so yang dag par rig pa thob pa'i byang chub sems dpa' rnams la don dang / chos dang / nges pa'i tshig dang / spobs pa rnams la 'khrul pa med do// 'gog pa la yang 'khrul pa med do// gang de lta bu'i chos rnams rtogs par khong du chud pa'i skyes bu dam pa de dag ni yang dag pa'i don rnam par gdon mi za bar thob pa yin no/ / blo gros mi zad pa khyod ni so so yang dag par rig pa bzhi'i dam pa'i mchog thob cing / dbang rnyed pa theg pa chen po 'di la gzhan gyi dring la mi 'jog cing rnam par gdon mi za ba'i dam pa'i mchog thob pa ste/ blo gos mi zad pa sa 'di thob pa'i byang chub sems dpa' rnams la lus kyi 'khrul pa dang / ngag gi 'khrul pa dang / sems kyi 'khrul pa gang yang med do// de dag thams cad ni ye shes sngon du 'gro ba'i lus dang ngag dang yid kyi las dang ldan pa yin no// blo gros mi zad pa khyod ni sangs rgyas bye ba khrag khrig brgya stong mang pos chos bstan pa'i phyir rjes su dgongs so/ / blo gros mi zad pa nga lta bu rnams kyis khyod 'dra ba'i skyes bu dam pa rnams la shin tu bzod do// de nas bcom ldan 'das la/ tshe dang ldan pa dga' bos 'di skad ces gsol to// bcom ldan 'das chos kyi rnam grangs 'di'i ming ci lags 'di ji lta bur gzung bar bgyi/ bcom ldan 'das kyis bka'
- 140b
stsal pa/ de'i phyir dga' bo khyod kyi rnam grangs 'di blo gros mi zad pas bstan pa dang / mi zad pa'i don dang / tshig dang / yi ge mi zad pa bstan pa dang / 'dus pa chen po'i le'u dang blo gros mi zad pa'i le'u zhes kyang zung zhig/ dga' bo khyod kyis 'dus pa chen po'i le'u chos kyi rnam grangs 'di bzung na/ de las chos la dran pa'i stobs kyi mthu bskyed pa 'bum 'gyur thob par 'gyur ro/ / gzhan dag la yang bstan na sems can thams cad la sangs rgyas kyi bya bas nye bar gnas par 'gyur ro// bcom ldan 'das kyis de skad ces bka' stsal nas/ byang chub sems dpa'i tshogs de dag thams cad dang / byang chub sems dpa' sems dpa' chen po blo gros mi zad pa dang / gnas brtam shA ra dwa ti'i bu dang / dge slong de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do// 'dus pa chen po'i le'u 'bum pa las blo gros mi zad pas bstan pa zhes bya ba theg pa chen po'i mdo rdzogs so/ / / zhu chen gyi lo ts+tsha ba ban+te d+harma tA shI las zhus skad gsar bcad kyis kyang bcos te gtan la phab pa/ / rgya gar skad du/ Ar+ya ta thA ga ta ma hA ka ru Na nir di sha nA maM ma hA yAn sU tra/ bod skad du/ 'phags pa de bzhin
- 141a
gshegs pa'i snying rje chen po bstan pa zhes bya ba bes pa chen po'i mdo/ / bam po dang ngo // sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri sngon rgyal ba bzhugs bzhugs pa/ mchod rten chen po de bzhin gshegs pa'i byin gyis rlabs kyis byin gyis brlabs pa/ sa'i snying po byang chub sems dpas mngon par bstod pa/ chos kyi ga na lha dang / klu dang / gnod sbyin dang / dri za dang / lha ma yin gyis phyag byas pa'i sa phyogs dge ba'i rtsa ba yang dag par bskul ba/ de bzhin gshegs pa 'byung ba/ chos kyi sgo mngon par brjod pa/ byang chub sems dpa' 'byung ba/ yon tan tshad med pa las yang dag par byung ba de bzhin gshegs pa'i spyod yul na/ bcom ldan 'das chos thams cad kyi mnyam pa nyid ni mngon par rdzogs par sangs rgyas chos kyi 'khor lo ni shin tu bskor/ slob ma shin tu dul pa mtha' yas pa'i tshogs ni mnga'/ chos thams cad la mnga' dbang ni brnyes/ sems can thams cad kyi bsam pa sgrub pa ni legs par mkhyen/ dbang po dam pa'i pha rol tu phyin pa ni brnyes/ sems c an thams cad kyi bag chags kyi mtshams sbyor ba legs par 'jom pa la ni mkhas sangs rgyas kyi mdzad pa lhun gyis grub pa ni rgyun mi 'chad cing dge slong stong phrag drug cu'i dge slong gi dpe
- 141b
'dun chen po dang thabs cig tu bzhugs te/ thams cad kyang cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ shes rab shin tu rnam par grol ba/ nyon mongs pa'i bag chags kyi mtshams sbyor ba thams cad legs par bcom pa/ de bzhin gshegs pa chos kyi rgyal po'i sras/ chos zab mo la gnas par mkhas pa/ chos dmigs pa med pa'i chos kyis nges par byung ba/ spyod lam mdzes pa/ phun sum tshogs pa sbyin pa'i gnas chen por gyur pa/ de bzhin gshegs pa'i bka' la shin tu zhugs pa sha stag go// byang chub sems dpa'i dge 'dun dpag tu med pa dang yang thabs cig ste/ byang chub sems dpa' sems dpa' chen po thams cad mkhyen pa/ chags pa med pa'i spyod yul gyis nges par byung ba/ byams pa chen po dang / snying rje chen po'i chos kyi sprin las lhag mthong dang / rig pa dang / rnam par grol ba'i glog byung zhing / bdud rtsi'i chu'i rgyun gyi char 'bebs pas 'gro ba thams cad tshim par byed pa/ sems can thams cad la sems sa dang mnyam pa/ rjes su chags pa dang / khong khro ba dang bral byang chub kyi phyogs kyi chos sna tshogs kyi lo tog yang dag par 'phel bar byed pa/ nyi ma'i dkyil 'khor bas lhag pa'i shes rab kyi 'od zer rab tu gtong bas gti mug gi mun pa sel ba'i lam gyi snang ba
- 142a
thob pa kun tu ston pa dang / sems can gyi pad+ma kha 'byed pa dang / dge ba'i rtsa ba yongs su smin par byed pa dang / sred pa'i chu skems pa dang / shes pa'i las kyi mtha' la rab tu 'jog pa la mngon par shes pa chen po dang zhi gnas kyi rgyu ba/ zla ba lta bur 'gro ba/ thams cad la sems mnyam pas mngon par zhi bar bya ba'i bsam pa tshim par bya ba'i thabs la mkhas pas 'grib pa dang / 'phel ba kun tu ston pa/ ri rab lta bu'i lhag pa'i bsam pas tshangs pa'i gnas pa'i rin po che shin tu brtan te/ ngos bzhi nas yul gyis rlung thams cad kyis mi bskul cing / 'jig rten gyi chos la mngon par 'phags pa'i sangs rgyas kyi zhing thams cad kun tu bstan pa snang bar gyur pa/ rgya mtsho chen po ltar gzungs dang / dran pa'i snod rgya chen po chos kyi chus yongs su gang ba dang / byang chub sems dpa'i spyod pa rin po ches 'gro ba thams cad nye bar 'tsho ba/ ri dgas kyi rgyal po ltar bden pa'i rkang pa dang / byams pa rab tu 'phel ba'i mjug ma dang / zhi gnas dang lhag mthong gi mig dang ldan zhing chos zab mo la skrag pa med pas/ pha rol rgol ba thams cad 'joms pa/ bskal pa brgya stong phrag dpag tu med cing / mtha' yas thug pa med par byang chub sems dpa'i spyod pa rgyan ma bcad pas/ yon tan thams cad dang ldan pa ga stag dang thabs cig pa la 'di lta ste/ byang chub sems dpa' sems dpa' chen po kun nas sdang rong sgrib pa med por lta ba zhes bya
- 142b
ba dang / byang chub sems dpa' sems dpa' chen po zhing thams cad kyi rgyan bkod pa kun tu ston pa zhes bya ba dang / byang chub sems dpa' sems dpa' chen po de bzhin gshegs pa'i rigs las byung ba'i spyod pa'i blo gros zhes bya ba dang / byang chub sems dpa' sems dpa' chen po spyod lam thams cad kyis 'dul ba mi 'khrugs pa kun tu ston pa zhes bya ba dang / byang chub sems dpa' sems dpa' chen po spobs pa mtha' yas pa'i tog gi rgyal mtshan rnam par sprul pa'i dbyangs zhes bya ba dang / byang chub sems dpa' sems dpa' chen po gser bzang po rnam par bsags pa'i 'od kyi gzi brjid kyi 'od zer zhes bya ba dang / byang chub sems dpa' sems dpa' chen po shes rab kyi rnam par nges pa'i tshi ga la spobs pa zhes bya ba dang / byang chub sems dpa' sems dpa' chen po bsod nams dang ye shes kyi tshogs dpag tu med pas brtan pas bsags pa zhes bya ba dang / de la sogs pa byang chub sems dpa' sems dpa' chen po grangs med dpag tu med dag dang thabs cig go/ / de nas bcom ldan 'das byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs yang dag par rab tu ston to// de nas bcom ldan 'das mngon par rdzogs par sangs rgyas nas/ lo bcu drug bzhes te tshangs par spyod pa rgyas par gyur par mkhyen/ byang chub sems dpa' 'dus pa chen po de yang gzigs
- 143a
shing mkhyen te/ kye ma byang chub sems dpa' 'dus pa 'di dag ni de bzhin gshegs pa'i chos kyi mdzod 'dzin par mkhyen nas 'di snyam du gang gi phyir ngas byang chub sems dpa' rgya cher rjes su yongs su gzung ba dang / 'di lta ste/ byang chub sems dpa' sems dpa' chen po rnams de bzhin gshegs pa'i yul la gzud pa'i phyir/ de bzhin gshegs pa'i rnam par 'phrul pa chen po dang / de bzhin gshegs pa'i cho 'phrul chen pos byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs yang dag par bstan par bya'o snyam du dgongs so/ / de nas de'i tshe bcom ldan 'das de bzhin gshegs pa'i ting nge 'dzin sangs rgyas kyi yul rnam par sprul pa ji lta ba bzhin du yang dag par ston pa zhes bya ba la snyoms par zhugs so/ / bcom ldan 'das de bzhin gshegs pa'i ting nge 'dzin sangs rgyas kyi yul rnam par sprul pa ji lta ba bzhin du yang dag par ston pa zhes bya ba de la snyoms par zhugs ma thag tu/ de nas de'i tshe sangs rgyas kyi mthus steng gi bar snang la 'dod pa'i khams dang / gzugs kyi khams kyi bar du 'khor gyi khyams/ sangs rgyas kyi gnas de bzhin gshegs pa'i dge ba'i rtsa bas mngon par grub pa/ byang chub sems dpa'i bsam pa yongs su sbyong ba/ phyogs bcu'i 'jig rten gyi khams snang bar byed pa/ sems can tshad med pa'i
- 143b
bsam pa tshim par byed pa/ lha'i gzhal med khang thams cad zil gyis gnon pa/ phyogs bcu'i byang chub sems dpa' yang dag par skul ba/ gzhi bai DUR+Ya dkar po'i dbyibs dang / 'dzam bu'i gling gi gser gyi khang pa dag dang / dpal gyi snying po'i rta babs dag dang / rin po che rdo'i snying po'i sgo khang dag dang / nor bu rin po che'i snying po'i kha khyer dag dang / rin po che drim med pa'i 'od kyi stegs bu dag dang / rin po che kun nas 'od kyi khang pa brtsegs pa dag dang / rin po che thams cad kyi dgab pa dang / mu tig gi rgyan 'phreng rab tu dpyangs pa dang / gdugs dang / rgyal mtshan dang / ba dan bsgreng ba dang / lha'i dar gyi lda ldi mngon par dpyangs pas bsngags pa bstan pa dpag tu med cing thug pa med pa dang / stong gsum gyi stong chen po'i 'jig rten gyi khams kyi tshad tsam zhig byung ste/ 'khor gyi khyams de yang tsan dan sbrul gyi snying pos bskus pa/ tsan dan dus kyi rjes su 'brang ba'i dri yid du 'ong ba dang ldan pa/ dri'i mchog a ka ru dam pa'i snying pos bdugs pa/ klu'i mu tig dang / rin po che'i me tog gis rnam par spras pa/ me tog sil ma bkram pa rin po che'i shing dang / rin po che'i mkha' rten gyis mdzes par byas pa ste/ phyogs bcu'i 'jig rten gyi khams thams cad na rgyan mdzes pa bkod pa ji snyed pa de dag thams cad 'khor gyi khyams de nyid na kun tu snang ngo / / der gdan seng ge'i khri bye ba khrag khrig brgya stong phrag mang po dpag tu
- 144a
med pa/ grangs med pa/ sna tshogs pa/ blta na sdug pa/ mtho ba/ rab tu bzang ba/ yangs pa/ rgya che ba/ yid du 'ong ba/ yid dka' bar byed pa dag byung bar gyur to/ / gling bzhi pa'i 'jig rten gyi khams 'dir them skas kha khyer mi bdun gyi 'phang tsam gyis bskor ba/ rgyar dpag tshad phyed kyis yongs su bzung ba/ rin po che an+da rnyil dang mthon ka chen pos snying por gyur pa/ brgya byin thogs pa'i nor bu rin po che chen po'i gdugs can tshangs pa'i ne tso 'am/ ci dang rin po che ser pos sbas pa/ rin po che'i dril bu g.yer kha'i dra ba kun tu s+yo pas sgra 'byung ba/ sa'i steng nas 'khor gyi khyams la thug gi bar du gyen du mngon par 'phags pa/ drang ba/ ma g.yo ba/ bzhi stong byung bar gyur to// gling bzhi pa'i 'jig rten gyi khams 'dir ji lta ba bzhin du stong gsum gyi stong chen po'i 'jig rten gyi khams thams cad kyi gling bzhi pa'i 'jig rten gyi khams thams cad du yang de lta bu'i them skas chen po dag byung bar gyur to/ / de nas bcom ldan 'das dgongs shing mkhyen bzhin du/ ting nge 'dzin de las bzhengs par gyur to// bcom ldan 'das ting nge 'dzin de las bzhengs ma thag tu stong gsum gyi stong chen po'i 'jig rjer gyi khams 'di rnam pa drug tu g.yos te/ snang ba chen po yang byung bar gyur to// de nas bcom ldan 'das byang chub sems dpa'i tshogs dang thabs cig nyan thos kyi tshogs dang thabs cig tu byang chub sems dpa'i tshogs kyis
- 144b
yongs su bskor cing / nyan thos kyi tshogs kyis mdun du bdar te/ lha dang klus mngon par bstod cing / me tog gi char chen po ni 'bebs/ na bza'i char chen pos ni mngon par 'geg/ phye ma dang / spos dang / byug pa'i char chen po ni 'thor/ sil snyan dang / sgra dbyangs chen po ni rab tu sgrogs/ 'jig rten gyi khams dpag tu med pa ni rab tu g.yo bar mdzad 'jig rten gyi khams grangs med pa ni snang bar mdzad cing / sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi cho 'phrul chen po dang / sangs rgyas kyi khyu mchog tu gyur pa chen po dang / sangs rgyas kyi byin gyi rlabs chen po dang / sangs rgyas kyi gzi brjid chen po dang / sangs rgyas kyi byin chen po dang / sangs rgyas kyi rnam par 'phrul pa chen pos bya rgod phung po'i ri las mi snang bar gyur te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po bye ba phrag du ma zham ring du 'brang zhing nor bu rin po che sna tshogs kyi them skas kyi dbus nas 'khor gyi khyams bkod pa ga la ba der gshegs so/ / de nas rgyal po chen po bzhi la sogs pa rgyal chen bzhi'i ris kyi lha rnams kyis bcom ldan 'das them skas su zhugs par rig nas/ bcom ldan 'das la mchod pa'i las kyi phyir/ lha'i me tog gi sprin gyi char rab tu phab ste/ thal mo sbyar nas/ bcom ldan 'das la
- 145a
mngon par bstod pa/ nyi zla me dang nor bu'i 'od dang lha yul pa yi lha 'od shin tu dri med pa/ thub pas 'od kyis thams cad zil gyis mnan nas ngan song gsum po dag kyang zhi bar mdzad/ ri bo lhun po dang ni kho ra khor yug rtse mo brnyil te zhing rnams gsal bar gyur pas na/ dga' zhing yid rnams mgu nas don rnams thams cad grub pa'i rgyal ba la ni skyabs su mchi/ de nas rgyal chen bzhi'i ris kyi lha rnams kyis bcom ldan 'das la tshigs su bcad pa 'dis mngon par bstod nas/ bcom ldan 'das gshegs pa'i zham ring du 'brang ngo // de nas lha'i dbang po brgya byin la sogs pa sum cu rtsa gsum gyi lha rnams kyis bcom ldan 'das them skas su zhugs par rig nas/ bcom ldan 'das la mchod pa'i las kyi phyir lha'i spos kyi sprin gyi char rab tu phab ste/ thal mo sbyar nas bcom ldan 'das la mngon par bstod pa/ rdzu 'phrul dam pa brnyes shing rab tu mtshungs pa med pa rnam par 'phrul pa shin tu ston// rgyal ba nyi ma dza 'phags te zhing rnams bye ba brgya dag tu yang rab tu gda'/ / rgyal bas rang gi yon tan kun gyis zhing rnams thams cad rgyan te shin tu mdzes mdzad pa// gang zhig shin tu mnyam med mtshungs pa med cing rdzu 'phrul dbang du gyur la phyag 'tshal lo/ / de nas sum cu rtsa gsum pa'i lha rnams kyis/ bcom ldan 'das la tshigs su ram 'dis mngon par bstod ras bcom ldan 'das kyi zham
- 145b
ring du 'brang ngo / / de nas lha'i dbang po rab 'thab bral la sogs pa 'thab zal gyi lha rnams kyis bcom ldan 'das them skas su zhugs par rig nas/ bcom ldan 'das la mchod pa'i las kyi phyir/ lha'i na bza'i sprin gyi char rab tu phab ste/ thal mo sbyar nas bcom ldan 'das la mngon par bstod pa/ bde gshegs khyod kyis mkhyen pa mtha' yas yangs pas sems can bsam pa mkhyen/ mkha' 'dra'i lam gyi rnam gsum dag la chags med thams cad mkhyen pa nyid// sems kyi 'jug pa gcig gis 'gro ba'i sems kyi spyod pa thams cad mkhyen// des na srid pa gsum po dag na lus can rnams kyis mchod par 'os/ / de nas 'thab bral gyi lha rnams kyis/ bcom ldan 'das la tshigs su bcad pa 'dis mngon par bstod nas/ bcom ldan 'das kyi zham ring du 'brang bar gyur to/ / de nas lha'i dbang po rab dga' ldan la sogs pa dga' ldan gyi lha rnams kyis bcom ldan 'das them skas su zhugs par rig nas/ bcom ldan 'das la mchod pa'i las kyi phyir/ lha'i rin po che'i sprin gyi char rab tu phab ste/ thal mo sbyar nas bcom ldan 'das la mngon par bstod pa/ gang gi slad du sgra dang yi ge ma mchis gang du'ang rgyu ba ma mchis pas/ khyod kyis chos rnams mi g.yo ya ma brla dang sgyu ma'i smig rgyu 'drar mkhyen nas// bcom ldan 'das kyi thugs rjes sems can rnams la ched du chos mchog gsungs pas na// chos kyi dngos po'i rang
- 146a
bzhin mkhas pa bdag med gsung ba'i rgyal la phyag 'tshal lo/ / de nas dga' ldan gyi lha rnams kyis bcom ldan 'das la tshigs su bcad pa 'dis mngon par bston pa bcom ldan 'das kyi zham ring du 'brang ngo / / de nas lha'i rgyal po rab 'phrul dka' la sogs pa 'phrul dga'i lha rnams kyis bcom ldan 'das them skas su zhugs par rig nas/ bcom ldan 'das la mchod pa'i las kyi phyir/ lha'i rgyan gyi sprin gyi char rab tu phab ste thal mo sbyar nas/ bcom ldan 'das la tshigs su bcad pa 'dis mngon par bstod do// chos kyi zong gis rang gi stobs bcu mkha' 'dra 'od zer ldan pa dang / / thugs rje brnyes nas byams pa'i dgongs pas sems can rnams la gzugs ston pa// gru tshul chos la gnyis su med par zhugs kyang rgyal ba mtshungs par mkhyen/ / chos kyi khyad par sems lhag don kun grub pa'i rgyal la phyag 'tshal lo// de nas 'phrul dga'i lha rnams kyis bcom ldan 'das la tshigs su bcad pa 'dis mngon par bstod nas/ bcom ldan 'das kyi zham ring du 'brang bar gyur to// de nas lha'i rgyal po dbang sgyur la sogs pa gzhan 'phrul dbang byed kyi lha rnams kyis bcom ldan 'das them skas su zhugs pa dang / 'khor gyi khyams su mngon par phyogs par rig nas/ bcom ldan 'das la mchod pa'i las kyi phyir/ mu tig gi do shal gyi sprin gyi char rab tu phab ste/ thal mo sbyar nas
- 146b
bcom ldan 'das la tshigs su bcad pa 'di dag gis mngon par bstod do/ / tshul khrims dri ma mi mnga' rnam dag rnam par nges pa dam pa ting nge 'dzin mchog mi g.yo ba// mnyam med blo ldan rgya mtsho 'dra bar gnas shing srid las rnam grol dbang sgyur zhabs la phyag 'tshal lo/ / rim gyis byams dang ldan pa'i thugs rje yis ni bden pa'i lam gyi rnams la rab tu gnas mdzad pa// rnam thar gsum gyi lam gyi khyim na gnas pa'i bde gshegs seng ge khyod la bdag cag phyag 'tshal lo/ / snying rje'i 'chu ba ting nge 'dzin gyis rnam 'phel ba// zhi gnas 'dab ma rnam par grol ba'i me tog rgyas/ / slob ma'i tshogs kyi bung bas nges par bsnyen gyur pa// bde gshegs pad+ma la ni spyi bos phyag 'tshal lo// mnga' bdag g.yo ba ma mchis tshul khrims sar gnas pas/ brtson 'grus mtshungs pa ma mchis stobs kyis yang dag 'phags// yul gyi rlung rnams langs pa chen pos mi g.yos pa// sangs rgyas ri bo dam pa khyod la phyag 'tshal lo// mnga' bdag thugs rjes dbyangs kyi dkyil 'khor rnam dag pa/ / blo gter blo mchog gis ni rab tu 'joms mdzad pa// sems can brgya dag gis ni mang pos mchod gyur pa// bde gshegs zla ba khyod la bdag cag phyag 'tshal lo/ / mkha' ltar zhi ba'i rnam par thar pa'i lam gshegs pa// shes rab 'od kyis phyogs bcu dag ni rgyas 'gengs shing // skye bo mang po mtshungs med pad+ma kha 'byed pa// sangs
- 147a
rgyas nyi ma dam pa khyod la phyag 'tshal lo/ / mnga' bdag phyogs bcu'i 'jig rten gsum po dag na yang // 'dren pa khyod dang mnyam pa dmigs par ma gyur te// khyod ni yon tan kun gyis yang dag grub pa lags/ / bdag cag khyod la bstod pas ngoms par gyur ma lags// lha dbang klu dang lha ma yin gyis phyag bgyis pa// lha mchog brgya dag gis kyang yang dag mngon bstod pa/ / bsngags pa brgya phrag mang pos yang dag mngon bstod pa// bde bar gshegs pa bstod 'os khyod la phyag 'tshal lo// de nas gzhan 'phrul dbang byed kyi lha rnams kyis bcom ldan 'das la tshigs su bcad pa 'di dag gis mngon par bstod nas/ bcom ldan 'das kyi zham ring du 'brang ngo // de nas bcom ldan 'das de ltar sangs rgyas kyi yul rnam par sprul pa tshad med pas lha 'bum gyis mngon par bstod nas/ 'khor gyi khyams rin po che bkod par gshegs te/ ji ltar bcom ldan 'das gling bzhi pa'i 'jig rten gyi khams mi mjed 'dir them skas nas 'khor gyi khyams rin po che bkod par gshegs par shes pa de bzhin du/ stong gsum gyi stong chen po'i 'jig rten gyi khams thams cad kyi gling bzhi pa'i 'jig rten gyi khams thams cad na yang gshegs par shes so/ / de nas bcom ldan 'das 'khor gyi khyams stong gsum gyi yongs su gzung ba rin po che bkod par gdan seng ge'i khri ji ltar bshams pa la bzhugs so// byang chub sems dpa' dang /
- 147b
nyan thos chen po dag kyang stan ci rigs pa la 'khod par gyur to// de nas bcom ldan 'das de'i tshe sangs rgyas kyi ting nge 'dzin rnam par thar pa sgrib pa med pa la sangs rgyas rnam par rol pa zhes bya ba la snyoms par zhugs so/ / bcom ldan 'das sangs rgyas kyi ting nge 'dzin rnam par thar pa sgrib pa med pa la sangs rgyas rnam par rol pa zhes bya ba snyoms par zhugs ma thag tu/ de nas bcom ldan 'das kyi sku'i spu'i khung bu thams cad kyi sku'i khung bu re re nas kyang 'od zer gang+gA'i klung gi bye ma snyed byung ste/ byung nas kyang shar phyogs kyi 'jig rten gyi khams thams cad snang bar byas so// de bzhin du lho dang / nub dang / byang gi phyogs rnams dang / 'og dang / steng dang / phyogs mtshams rnams kyi 'jig rten gyi khams thams cad snang bar byas so// 'jig rten gyi khams rnam par snang bar byas ma thag tu de nas sems can dmyal ba pa'i sems can thams cad kyi sems can dmyal ba'i sdug bsngal gyi tshor ba rgyun chad do/ / dud 'gro'i skye gnas pa'i sems can rnams dang gshin rje'i 'jig rten pa'i sems can rnams kyi sdug bsngal gyi tshor ba yang rgyun chad do/ / sems can thams cad kyang skad cig de la 'dod chags kyis gnod par ma gyur cig/ zhe sdang gri ma yin/ gti mug gis ma yin/ nyon mongs pa gzhan gyis kyang gnod par ma gyur to// de'i tshe sems can thams cad kyang byams pa'i sems dang la ma lta bu'i 'du shes su gyur to// byang chub
- 148a
sems dpa' yang dag par bskul ba'i phyir/ sangs rgyas kyi mthus de bzhin gshegs pa'i 'od de las tshigs su bcad pa 'di byung ngo // gang gis brtson 'grus stobs ni mtha' yas yangs pa brtan pa brtsams gyur te/ / gang gis brtson 'grus chen po stobs kyis bskal pa dag las phyir phyogs spangs// gang gis yon tan dag ni phyogs bcu rnams na mthu ldan rab brjod pa/ / shAkya thub pa'i 'od yangs 'gro ba thams cad snang bar byed pa mdzes// gang chos rgya chen bla med mnyan slad de yi zhabs la phyag 'tshal te// mkhas pa blo gros brtan pa dag ni bskal pa grangs med rtag tu nyan/ / blo rgyas gang zhig rdzogs bu'i byang chub sems dpa'i bsam pa tshim skyed pa// thub pa des ni gang phyir sems can bde bar bzhed pas 'di dag byung // mnga' bdag gang zhig brtson 'grus kyis ni bdud stobs mu stegs tshogs bcas pham mdzad nas// pad+ma byung ba bzhin du 'phags shing phyogs bcu dag tu lhun po ji bzhin mdzes// gang zhig nyi ma bzhin du sku yi 'od kyis 'gro ba ma lus snang mdzad pa/ / de yi chos kyi 'khor lo bzhag pa don chen gsan du rgyal ba gshegs su gsol// rab tu bskor bar ma gyur mtshungs pa med cing rgyal ba kun gyis bskor gyur pa/ / 'khor lo dam pa stobs bcu sems can thugs brtse phyir ni de ring bskor ba mdzad// srog chags rnams kyis bsten pa rnyed dka' legs pa rgya chen de ring 'byung bar 'gyur//
- 148b
/ gang dag dad pa dang ba che yangs don du gnyer ba de dag de ring ltos// de nas 'od zer de dag gis sangs rgyas kyi zhing thams cad tshigs su bcad pa 'di dag gis gang bar byas/ byang chub sems dpa' thams cad yang dag par bskul/ 'jig rten gyi khams thams cad rab tu g.yo ba par byas/ sems can thams cad bde bar byas/ nyon mongs pa'i khams thams cad rnam par sbyangs mun pa mun nag thams cad bsal/ bdud kyi khyim thams cad mog mog por byas nas/ byang chub sems dpa'i 'khor dpag tu med pa dang / 'jig rten gyi khams mi mjed du slar 'ongs te/ bcom ldan 'das kyi dbu'i gtsug tu mi snang bar gyur to// de nas shar phyogs na de bzhin gshegs pa dri med rnam dag rin chen 'od byang chub kyi yan lag dang ldan pa'i chos rgyun mi 'chad pa'i 'od zer bkod pa'i rgyal po'i sangs rgyas kyi zhing 'jig rten gyi khams yon tan mtha' yas pa'i rin po che'i bsod nams bkod pas/ rgya che ba dang ldan pa na byang chub sems dpa' me tog dpal gyi snying po chos thams cad la dbang sgyur ba zhes bya ba 'od des bskul ma thag tu/ byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas/ skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan
- 149a
'das kyi spyan sngar 'dug nas/ de nas bcom ldan 'das kyi zhabs la mgo bos phyag 'tshal te/ lan khri bskor ba byas nas/ bcom ldan 'das la mchod par las kyi phyir/ lha'i nor bu bai DUR+Ya'i dra ba'i char rab tu phab ste/ bcom ldan 'das la tshogs su bcad pa 'di dag gis mngon par bstod do// bcom ldan rab tu mtshungs med yon tan pha rol phyin/ khyod kyi yon tan bsngags 'phreng phyogs bcu kun na brjod// khyod kyi yon tan tshogs mchis zhing gang yon tar gter// der ni chos ston gnyer ba bdag cag rab tu mchis// chos dbyings mnyam nyid rnam rtog ma mchis ji bzhin du// bcom ldan dri med 'od kyis mnyam pa nyid mkhyen kyang // shin tu bslabs pa'i sgyu ma mkhan ltar chos kyi rgyal// sems can rnam par dgrol slad tha dad bstan par mdzad/ / de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas/ shar phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khor do// de nas lho phyogs na de bzhin gshegs pa yon tan mtha' yas rin chen spobs pa'i sangs rgyas kyi zhing 'jig rten gyi khams sangs rgyas kyi spobs pa na/ byang chub sems dpa' rin chen srog shing zhes bya ba 'od des bskul ma thag tu/ byang chub sems dpa' gang+gA'i klung bcu'i bye ma snyed kyis
- 149b
yongs su bskor cing mdun du bdar te lhan cig tu sangs rgyas kyi zhing de nas mi snang bar gyur nas/ skad cig zang cig yud tsam re la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas/ des bcom ldan 'das kyi zhabs la mgo bos phyag 'tshal te/ lan khri bskor ba byas nas/ bcom ldan 'das la mchod pa'i las byed cing / gser gyi dra bas bcom ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do// bcom ldan thugs rje'i sprin gyis 'jig rten rgyas bkang nas/ / 'od kyi glog phyung stong pa bdag med sgra bsgrags te// yan lag brgyad dang ldan pa'i lam gyi chu yis zhi mdzad cing // dkar po'i stobs dbang nags tshal gel ba 'phel bar mdzad/ / bde gshegs shes rab 'od kyis gti mug mun bsal nas// ring nas srid mtshor gnyid log sems can sang mdzad de// lam yang bstan cing sred pa dag kyang bskams par mdzad/ / thar pa'i grong gnas rnams kyi mig kyang rnam par sbyong // de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas/ lho phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do// de nas nub phyogs na de bzhin gshegs
- 150a
pa kun nas snang ba'i sangs rgyas kyi zhing 'jig rten gyi khams snang ba dang ldan pa na/ byang chub sems dpa' sgra bsgrags pa'i stobs kyi rgyal po zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te lhan cig tu sangs rgyas kyi zhing de nas mi snang bar gyur nas/ skad cig zang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas/ des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas/ bcom ldan 'das la mchod pa'i las byed cing / nor bu mu tig gi do shal gyi 'phreng ba'i dra bas bcom ldan 'das la mngon par bkab ste/ tshogs su bcad pa 'di dag gis bcom ldan 'das la mngon par bstod do// khyod kyi sku yi 'phrin las nam mkha'i khams 'dra zhing // smon lam dge bas dag pa bye ba phrag mar ldan/ dri med rnam par dag cing zag pa med pa des// phyogs bcu'i sangs rgyas zhing rnams bsam gyis mi khyab gsal// khyod kyi chog ni rgyan chags gsal zhing mtshungs pa ste// 'gro ba bsam dag bsam pa mnyam nyid yongs tshim bgyid/ / sems kyi rgyu dang rnam rtog gang yang mi mnga' yang // sems can bsam pa rnams la rgyal ba dag gi 'byung // de nas byang chub
- 150b
sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas/ nub phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ / de nas byang phyogs na de bzhin gshegs pa yon tan mtha' yas rin chen spobs pa'i sangs rgyas kyi zhing 'jig rten gyi khams rin po che thams cad kyis spras pa na/ byang chub sems dpa' blo mchog rgya mtsho zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te/ lhar cig tu sangs rgyas kyi zhing re nas mi snang bar gyur nas/ skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas/ de sa bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas/ bcom ldan 'das la mchod pa'i las byed cing / ror bu'i do shal dang / rin po che'i dra bas bcom ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do// 'dzam bu chu gser btso ma lta bur ser ba'i sku/ / kun nas spyan mnga' phyogs bcu dag tu rnam par mdzes// mtshungs med sku la sems can gang dag nges rtogs pa// de dag skyon med bde zhing dga' ba thob par 'gyur/
- 151a
gang gis lhun po brtsegs pa'i lta bu'i khrun tsam du// 'jig rten mkhyen pa mtshungs med rgyal ba bltas kyang ni// de yis rdzu 'phrul kun gyi stobs dang brtson 'grus kyis/ rnam par sprul pas rgyal ba'i spyi gtsug mthong mi nus// de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas/ byang phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do// de nas shar dang lho'i mtshams phyogs na/ de bzhin gshegs pa mya ngan thams cad bcom pa'i sangs rgyas kyi zhing 'jig rten gyi khams mya ngan med pa nA/ byang chub sems dpa' kun nas snang ba zhes bya ba 'od des bskul ma thag tu/ byang chub sems dpa' gAgad+hA'i klung bcu'i bye ma snyed kyis yongs su bskor kyi mdu du da te/ lhan cig tu sangs rgyas kyi zhing de nas mi snang bar gyur nas/ skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas/ des bcom ldan 'das kyi zhabs la mgo bos phyag 'tshal te/ bcom ldan 'das la lam khri bskor ba byas nas/ bcom ldan 'das la mchod pa'i las byed cing / rin po che'i dra bas bcom ldan 'das la mngon par bkab ste/ tshogs su bcad pa 'di dag gis bcom ldan 'das la mngon
- 151b
par bstod do/ / spu yis mtha' dpung ma mchis pa yi zhing 'dzin kyang // sems can rnams la mi gnod zhing la mi gnod pas// mig med rnams kyis rgyal ba'i spyod yul 'tshal bar dka' sangs rgyas sras ni rgyal ba'i byin gyis yang dag 'tshal/ / zhing gcig phyogasal zhing mang rab 'byam ston mdzad de// kun tu bstan kyang rnam par 'phel dang 'grib ma mchis// bsam pa chen po dang ldan ci 'drar gyur de la/ / dpag med rdzu 'phrul rnam par sprul pas de ston to// de nas byang chub sems dpa' de dag gis byang chub sems dpa'i bstod pa tshad med pa de dag gis bcom ldan 'das la mngon par bstod nas/ shar dang lho'i phyogs mtshams logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do// de nas lho dang nub kyi/ mtshams phyogs na/ de bzhin gshegs pa thugs rje chen pos sems can thams cad la gzigs pa'i sangs rgyas kyi zhing 'dzin gyi khams mig bzang po na/ byang chub sems dpa' snying rje chen po sems pa zhes bya ba 'od des bskul ma thag tu/ byang chub sems dpa' grad+hA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas/ skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas
- 152a
des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas/ bcom ldan 'das la mchod pa'i las byed cing na bza'i dra bas bcom ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do// sems can dam pa g.yag rnga thogs pa ji bzhin du/ tshul khrims dri med nor bu rin chen 'dra ba srung // tshul khrims med gzigs mgon po shin tu thugs rje zhing // bdag la stod pa mi mdzad gzhan la smod mi mdzad// lhun po ji bzhin khyod bstan bla ma rgya chen ston/ / chu gter zab mo bzhin du shir tu gting dpag dka'// srid pa dog par bcings pa kun nas grol ba ste// sems can khrag khrig nyes pa chen pos bcings las grol/ de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas/ lho dang nub kyi mtshams phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ / de nas nub dang byang gi mtshams phyogs na/ de bzhin gshegs pa 'od bkod pa'i rgyal po'i sangs rgyas kyi zhing 'jig rten gyi khams mun pa dang bral ba na/ / byang chub sems dpa' 'od zer dra ba can zhes bya ba 'od des bskul ma thag tu/ byang chub sems dpa' gang+gA'i klung bcu'i bye ma snyed kyis yongs su bskor cing mdun
- 152b
du bdar te/ lhan cig tu sangs rgyas kyi zhing de nas mi snang bar gyur nas/ skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas/ des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas/ bcom ldan 'das la mchod pa'i las byed cing rgyan gyi dra bas bcom ldan 'das la mngon par bkab ste/ tshogs su bcad pa 'di dag gis bcom ldan 'das la mngon par bstod do// srid pa'i rang bzhir sgyu ma'i rang bzhin rtogs mdzad nas/ / byed pa sgyu ma lta bu dngos po med par ston// sgyu ma lta bu'i sems can khams ni 'dul mdzad kyang // 'di na sems can rang bzhin ma mchis mkhas ma mchis/ dper na mi zhig gnyid kyis log pa'i rmi lam na// gzugs mthong yang dag 'du shes de bzhin mthong ma lags// 'dus byas dngos po ma mchis rmi lam 'dra bar gsungs// chos rnams snang yang 'di na chos la chags ma mchis/ / de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas/ nub dang byang gi mtshams phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do// de nas byang dang shar gyi mtshams phyogs na/ de bzhin gshegs pa
- 153a
nam mkha'i dkyil 'khor dri ma med pa rnam par sems pa'i sangs rgyas kyi zhing 'jig rten gyi khams yongs su dag pa dri ma med par rab tu gnas pa na/ byang chub sems dpa' blomathar yas dri ma med ces bya ba 'od des bskul ma thag tu/ byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas/ skad cig zang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par/ bcom ldan 'das kyi spyan sngar 'dug nas/ des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas/ bcom ldan 'das la mchod pa'i las byed cing / rtag tu sgra 'byung ba'i sil snyan gyi dra bas bcom ldan 'das la mngon par bka ba ste/ tshigs su bcad pa 'di dag gis bcom ldan 'das la mngon par bstod do// zab mo'i chos la mkhas shing rab tu zhi la mos/ / khyod kyis chos kun stong zhing mtshan ma med par mkhyen// khyod kyi thugs kyi dgongs pa 'jig rten kun ma 'tshal// mtha' yas blo mnga' sems kyis bsam pa cho ga mkhyen/ / sems can gcig gi spyod bzhin sems can kun gyi spyod// gang dag dus gsum ldan pa de dag khyod kyis mkhyen// sems can 'du shes mi 'jug sems kyis 'du shes min//
- 153b
'du shes yongs shes mkhas shing mnyam pa nyid dang ldan// de nas byang chub sems dpa' de dag gis byang chu sems dpa'i bstod pa tshad med pa de dag gis bcom ldan 'das la mngon par bstod nas/ byang dang shar gyi phyogs mtshams logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do// de nas 'og gi phyogs na de bzhin gshegs pa rin chen ut+pa la dmar po'i dpal gyi sangs rgyas kyi zhing 'jig rten gyi khams rnam par snang byed du snang ba na/ byang chub sems dpa' spobs pa'i rgyar bkod pa zhes bya ba 'od nges bskul ma thag tu/ byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas/ zang cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas/ des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas/ bcom ldan 'das la mchod pa byed cing / nor bu rin po che'i gling gi 'phreng gi dra bas bcom ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do// gal te khrag khrig zhing na ji skad rdul mchis pa// de snyed bde gshegs sras po
- 154a
rgyal ba'i drung lhags te/ / bskal pa bye ba stong mang zhu ba zhus pa dag/ de dag thams cad tshig gcig dus kyis go bar mdzad// blo la mkhas pa rab rdzogs shes rab shin tu rdzogs/ / gzungs dang ting 'dzin rab rdzogs bsod nams mtha' yas te// bskal pa mang po mtha' yas bsngags pa rab brjod kyang // skra rtses rgya mtsho ji bzhin zad par mi nus so// de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas/ 'og gi phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ / de nas steng gi phyogs na de bzhin gshegs pa sgra bsgrags mchog gi rgyal po'i sangs rgyas kyi zhing 'jig rten gyi khams rgyan gyis brgyan pa na byang chub sems dpa' chos thams cad rnam par 'phrul pa'i rgyal po zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te/ ldan cig tu sangs rgyas kyi zhing de nas mi snang bar gyur nas/ skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas/ des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas/ bcom ldan 'das la mchod pa'i las byed cing
- 154b
rgyan thams cad bkod pa dang / rin po che'i dril bu g.yer kha'i dra bas bcom ldan 'das la mngon par bkab ste/ tshogs su bcad pa 'di dag gis bcom ldan 'das la mngon par bstod do// bde gshegs sku yi 'phrin las mtha' dang dpung ma mchis// bla med rnams kyi gsung thugs spyod yul mtha' yas pa// de ni sangs rgyas mkhyen gyi sems can gzhan gyis min// dper nam mkha'i mtha' ma skye bos mi rnyed bzhin/ / mtshungs med spyod pa mtha' dpung med pa ji bzhin du// byang chub 'khor lo de bzhin 'od de mya ngan 'das// sa bon ji bzhin de ltar 'bras bu 'byung bapa ltar/ / de bzhin phyogs bcur rgyal ba'i gnas kyang tshad ma mchis// de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon bapar bstod nas/ steng gi bar snang la dong ste/ rang gi rdzu 'phrul gyi stobs kyis sprul pa'i rang rang gi stan dag la 'khod do// de ltar phyogs bcu dag nas byang chub sems dpa' bcu 'dus pa la sogs pa byang chub sems dpa' tshad med pa dag 'od des bskul ma thag tu skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'khod do/ / de nas bcom ldan 'das dran pa dang ldan zhing mkhyen bzhin du ting nge 'dzin de las bzhengs te/ gsung bsal ba'i sgra mdzad nas/ gsung
- 155a
bsal ba'i sgra des stong gsum gyi stong chen po'i 'jig rten gyi khams dbyangs kyis go bar gyur te/ stong gsum gyi stong chen po'i 'jig rten gyi khams 'di na gang dag dad pas dang zhing snod du gyur pa'i dge slong dang / dge slong ma dang / dge bsnyen dang / dge bsnyen ma dang / mi dang mi ma yin pa de gang gis/ bcom ldan 'das kyi gsung bstar ba'i sgra de thos nas/ lus dang sems tshim par gyur te/ sangs rgyas kyi mthus ji ltar byung ba'i them skas dag nas/ skad cig thang cig yud tsam de la 'khor gyi khyams rin po che bkod par byin te de dag gis bcom ldan 'das kyi zhabs la mgo bos phyag 'tshal nas/ phyogs gcig tu ji ltar mthun pa'i stan dag la 'khod do// gsung bsal ba'i sgra de nyid kyis tshangs pa'i lha rnams dang tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi che ba dang / mi gdung ba dang / gya nom snang ba dang / shin tu mthong ba dang / 'og min gyi lha rnams kyang bskul nas/ skad cig thang cig yud tsam de la 'khor gyi khyams rin po che bkod par phyin te/
- 155b
de dag gis bcom ldan 'das kyi zhabs la mgo bos phyag 'tshal nas/ stan rab tu bstan pa dag la 'khod do// de nas bcom ldan 'das kyis 'khor 'dus pa chen po de mkhyen nas/ smin mtshams kyi mdzod spu nas byang chub sems dpa'i stobs nye bar ston pa zhes bya ba'i 'od zer phyung ste/ des thams cad dang ldan pa'i byang chub sems dpa'i tshogs la lan bdun bskor ba byas nas/ byang chub sems dpa'i tshogs de nyid kyi spyi bor mi snang bar gyur to/ / de nas byang chub sems dpa' me tog dpal gyi snying po chos thams cad la dbang sgyur ba 'od des reg ma thag tu/ de'i tshe sangs rgyas kyi mthus byang chub sems dpa'i ting nge 'dzin rgyan thams cad bkod pa zhes bya ba la snyoms par zhugs so/ / byang chub sems dpa'i me tog dpal gyi snying pos chos thams cad la dbang sgyur ba byang chub sems dpa'i ting nge 'dzin rgyan thams cad bkod pa la snyoms par zhugs ma thag tu/ de nas de'i tshe 'khor gyi khyams rin po che bkod pa'i dbus na/ bcom ldan 'das kyi gdan seng ge'i khri 'phang du shing ta la bye ba khrag khrig brgya stong phrag brgya cu tsam du mtho ba/ rin po che thams cad kyis spras pa/ kha khyer rgyan thams cad las byas pa/ ras bkod pa thams cad bting ba/ me tog sil ma sna tshogs thams cad bkram pa/ bla re yid du 'ong ba thams cad bres pa/ byang chub sems dpa'i lus thams cad kyis yang dag par bzung ba/ 'khor thams cad kyi mig gis bltas pa/
- 156a
sems can thams cad kyi bsam pa ji lta ba bzhin du ston pa/ bsam pa tshim par byed pa zhig byung bar gyur to// de nas byang chub sems dpa' me tog dpal gyi snying po chos thams cad la dbang sgyur bas/ de bzhin gshegs pa'i gdan seng ge'i khro chen po bskul bar bsngags pa mtha' yas zhes bya ba mngon par sprul nas/ dran pa dang ldan zhing shes bzhin du ting nge 'dzin de las langs te/ gus pa dang bcas shing zhe sa dang bcas par thal mo sbyar nas/ bcom ldan 'das la tshigs su bcad de gsol pa/ nyi ma'i 'od kyis 'gro ba'i dgos pa rab tu bgyid/ / lha dbang gzi brjid yon tan sum cu rtsa gsum dga'// tshangs pa'i dbyangs kyis tshangs pa'i 'jig rten rnam par mdzes// sangs rgyas mthu yi yul gyis rnam par 'phrul pa 'di/ / chos rnams mi g.yo nam mkha'i rang bzhin lam badz+ra// smram smig rgya lta bu chu li za 'dra zhing // rje med byed pa po dang tshor ba po med par// mkhyen nas mgon po 'dir ni rnam par bsgrub pa ston/ / bkod pa sems kyi dbang 'gro rnams ni gzugs can min// rnam bsgrub thams cad sems kyi rang bzhin dbang du 'gro// bkod pa thams cad 'dir ni sgyu ma'i rang bzhin 'dra/ / rnam bsgrub bdag gi ma mchis gang na'ang gnas ma mchis// gang gis sems rgyun ma mchis rang bzhin dag 'tshal ba// de la glo bur gnas pa'i nyon mongs ma mchis so//
- 156b
rtog dang kun rtog yongs su rtog las sems grol ba// de ni sgyu ma'i rnam par sprul pa sna tshogs ston// sa steng rdul tsam mngon par 'phags pa ma mchis kyang // sa steng nor bu rin chen sna tshogs kun tu ston/ / gdan gang bzhugs nas sems can bye ba 'dul 'gyur ba// khyod kyis seng ge'i khri gdan rab mdzes bdag gis bgyis// gdugs dang rgyal mtshan mchog dang dar gyi 'phreng ba bsgreng / / de ni gang du'ang 'gro ba ma mchis 'ong ma mchis// khyod kyis gang nas chos rnams 'dul ba mkhyen nas kyang // sems can dam pa rnam par 'phrul pa sna tshogs ston/ / tshangs pa'i dbyangs ltar legs shing shin tu bsrung ba'i gsung // 'jig rten sgron ma mdzad pa bsod nams gzi brjid mang // bdag la thugs brtse'i slad du 'dzegs gdan la bzhugs/ / rga dang 'chi dang nu ba gcod pa'i chos bshad gsol// khyod la bsnyen bkur bgyi dang chos ni mnyan rmad du// rnam dag sems can 'di rnams phyogs bcur gnas lhags/ / gang gi don du lhags pa'i don de stsal du gsol// seng ge'i khri la bzhugs te chos kyang bshad du gsol// de nas bcom ldan 'das kyis byang chub sems dpa' me tog dpal gyi snying po chos thams cad la dbang sgyur ba'i lhag pa'i bsam pa mkhyen nas/ gdan seng ge'i khri de la bzhugs so// de nas bcom ldan 'das sgrib pa med pa'i rnam par thar pa bsnyes
- 157a
nas byang chub sems dpa'i spyod pa la 'jug pas nges par 'byung ba'i sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs pa dang / sangs rgyas kyi chos zab mo thams cad dang / stobs bcu dang / mi 'jigs pa yongs su sgrub pa dang / ye shes kyi 'byung gnas chos thams cad la dbang sgyur ba'i gzungs kyi phyag rgya'i sgor 'jug pa/ so so yang dag par rig pa la rnam par gtan la bab pa la gzhol ba'i sgor 'jug pa mngon par shes pa chen po'i ye shes gzhol ba'i sgor 'jug pa/ phyir mi ldog pa'i 'khor lo mi skye ba'i chos ston pa/ theg pa thams cad theg pa gcig tu mnyam pa nyid du yang dag par 'du ba/ chos kyi dbyings tshul gcig cing ma 'dres pa la 'jug pa/ sems can thams cad kyi bsam pa dang / dbang po la 'jug pa ston pa snying po dang ldan pa/ chos rnam par gdon mi za ba/ bdud kyi dkyil 'khor thams cad rnam par 'jom par byed pa/ tshul bzhin gyi chos kyi tshul la gzhol bar 'jug pa/ nyon mongs pa dang lta bar gyur pa thams cad 'dul ba/ chags pa med pa'i ye shes kyi rjes su 'jug pa/ thug pa med par yongs su bsngo ba la mkhas pa'i thabs dang ye shes ston pa/ sangs rgyas thams cad kyi mnyam pa nyid kyi ye shes la 'jug pa/ chags pa med pa'i byin gyi rlabs kyi sgor 'jug pa/ chos thams cad ji lta ba bzhin
- 157b
du rnam par nges pa ston pa/ rtog pa med pa/ rnam par rtog pa med pa/ mnyam pa nyid du 'jug pa/ bsod nams dang ye shes kyi tshogs thams cad bsags pa'i phyir rten cing 'dre par 'byung ba zab mo mnyam pa nyid rtogs par byed pa/ sangs rgyas kyi sku dang / gsung dang / thugs mnyam pa nyid kyi rgyan dang ldan pa/ dran pa dang / blo gros dang / rtogs pa dang / mos pa dang / shes rab zad mi shes pa mngon par sgrub pa/ nyan thos kyi theg pas 'dul ba'i phyir/ 'phags pa'i bden pa'i tshul la 'jug pa/ rang sangs rgyas kyi theg pas 'dul ba'i phyir/ lus dang / ngag dang / sems rab tu dben par shes/ theg pa chen pos 'dul ba'i phyir thams cad mkhyen pa'i ye shes kyi sar dbang bskur ba rab tu thob pa de bzhin gshegs pa'i yon tan thams cad brjod pa'i phyir/ chos thams cad la dbang sgyur ba'i tshul la 'jug pa 'di lta bu'i chos kyi rnam grangs yang dag par rab tu bstan pa dang / bsnyad pa dang / bshad pa dang / bklag pa dang / gsung ba dang / rnam par shes par bya ba dang / byang chub sems dpa'i tshogs thams cad kyi bsam pa yongs su bskang ba dang / de bzhin gshes pa'i rnam par sprul pa yang dag par bstan pa dang / 'khor gyi the tshom thams cad gcad pa dang / bdud kyi dkyil 'khor thams cad tshar gcad pa dang / de bzhin gshegs pa'i
- 158a
bstan pa 'bar bar bya ba dang / sangs rgyas kyi mdzad pa chen po yongs su thob par bya ba'i phyir/ bcom ldan 'das gdan seng ge'i khri de la bzhugs so// bam po gnyis pa/ de nas sangs rgyas kyi mthus byang chub sems dpa' rin chen srog shing zhes bya bas sangs rgyas kyi rgyan bkod pa zhes bya ba'i ting nge 'dzin la snyoms par zhugs nas/ thams cad dang ldan pa'i 'khor sangs rgyas kyi rgyan gyis brgyan par byin gyis brlabs so// de nas sangs rgyas kyi mthus byang chub sems dpa' sgra bsgrags stobs kyi rgyal pos pad+ma bkod pa zhes bya ba'i ting nge 'dzin la snyoms par zhugs nas/ thams cad dang ldan pa'i 'khor gyi lag pa rnams su me tog gi lda ldi dag dang / me tog gi skon bu rnams byin gyis brlabs te/ me tog gi lda ldi dang / me tog gi skon bu de dag gis bcom ldan 'das dang / byang chub sems dpa'i tshogs thams cad la mngon par 'thor ro// de nas sangs rgyas kyi mthus byang chub sems dpa' blo gros rgya mtshos dri bkod pa zhes bya ba'i ting nge 'dzin la snyoms par zhugs nas/ thams cad dang ldan pa'i 'khor gyi sku'i khung bu thams cad du tsan dan sbrul gyi snying po drir byin gyis brlabs so/ / de nas sangs rgyas kyi mthus byang chub sems dpa' 'od zer dra ba can gyi 'od bkod pa zhes bya ba'i ting nge 'dzin la snyoms par zhugs nas/ thams cad dang
- 158b
ldan pa'i 'khor la lus kyi 'od mtha' yas par byin gyis brlabs so/ / de nas sangs rgyas kyi mthus byang chub sems dpa' snying rje chen po sems pas mig mi 'dzums pa zhes bya ba'i ting nge 'dzin/ la snyoms par zhugs nas/ thams cad dang ldan pa'i 'khor de bzhin gshegs pa la mngon par phyogs shing mig mi 'dzums par byin gyis brlabs so// de nas sangs rgyas kyi mthus byang chub sems dpa' blo mtha' yas dri med kyis chos la mchog tu dga' bar bya ba'i ting nge 'dzin la snyoms par zhugs nas/ thams cad dang ldan pa'i 'khor chos don du gnyer zhing chos la dga' ba dang / mos par byin gyis brlabs so// de nas sangs rgyas kyi mthus byang chub sems dpa'i spobs pa'i rgyan bkod pas rab tu zhi ba dang ldan pa zhes bya ba'i ting nge 'dzin la snyoms par zhugs nas/ thams cad dang ldan pa'i 'khor sgrib pa lnga rnam par sel bar byin gyis brlabs so// de nas sangs rgyas kyi mthus byang chub sems dpa' chos thams cad rnam par 'phrul pa'i rgyal pos brjed pa med par spyod pa zhes bya ba'i ting nge 'dzin la snyoms par zhugs nas/ thams cad dang ldan pa'i 'khor byang chub kyi sems dran zhing / de bzhin gshegs pa la dmigs pa mi brjed par byin gyis brlabs so/ / de nas de'i tshe sangs rgyas kyi mthus byang chub sems dpa' sems dpa' chen pos zil gyis mi non pa zhes bya ba'i ting nge 'dzin la snyoms par zhugs nas/ thams cad
- 159a
dang ldan pa'i 'khor bdud dang phyir rgol ba bcom par byin gyis brlabs so/ / de nas de'i tshe sangs rgyas kyi mthus byang chub sems dpa' bdud rab tu 'jom pas bdud kyi dkyil 'khor thams cad rnam par 'jom pa zhes bya ba'i ting nge 'dzin la snyoms par zhugs te/ byang chub sems dpa' bdud rab tu 'jom pa bdud kyi dkyil 'khor rnam par 'joms pa'i ting nge 'dzin de la snyoms par zhugs ma thag tu/ de nas de'i tshe stong gsum gyi stong chen po'i 'jig rten gyi khams na bdud bye ba phrag brgya ji snyed pa de dag thams cad dpung dang bcas/ g.yog 'khor dang / bcas te/ myur ba myur bar rings su rang rang gi bdud kyi gnas nas mi snang bar gyur te/ 'khor gyi khyams rin po che bkod par bcom ldan 'das kyi spyan sngar 'khod nas/ de dag gis bcom ldan 'das kyi zhabs la mgo bos phyag 'tshal te/ lha'i mchod pa rnams brgya stong phrag du mas bcom ldan 'das la mchod nas gus pa dang bcas shing zhes dang bcas par thal mo sbyar te/ bcom ldan 'das la gsol ba btab pa/ bcom ldan 'das bdag cag gsol ba 'tshal na/ bcom ldan 'das chos bshad du gsol/ bde bar gshegs pa chos bshad du gsol/ byang chub sems dpa' bdud rab tu 'joms pa'i byin gyi rlabs kyis bdag cag bdud kyi sug las 'dor zhing slan chad sems can rnams la mig gis mi rtsol bar 'gyur
- 159b
ba'i las mi bgyid do/ / bcom ldan 'das bdag cag la dbugs dbyung ba stsol cig dang / bcom ldan 'das kyi thang du mchis te/ bdag cag chos mnyan par bgyid do// de nas bcom ldan 'das kyis bdud de dag dbug dbyung ba'i phyir 'di skad ces bka stsal to/ / grogs po dag legs so legs so// gang gi phyir khyed bdud kyi las kyang 'or la/ de bzhin gshes pa la chos bshad par gsol ba yang thob cig dang / de nyid khyed kyis bdud kyi lam thams cad las 'da' ba'i rgyur 'gyur ro// de ci'i phyir zhe na/ sangs rgyas la dge ba'i rtsa ba bskyed pa'i stobs bskyed pa'i phyir ro/ / grogs po dag 'di lta ste dper na/ mun pa mun nag lo du mar bsags pa ni mar me gcig gis med par 'gyur ro// grogs po dag de bzhin du nyon mongs pa'i mun pa mun nag bskal pa brgyar bsags pa yang ye shes kyi stobs bskyed pa gcig gis med par 'gyur ro/ / grogs po dag 'di lta ste/ dper na zla ba'i dkyil 'khor gcig dang / nyi ma'i dkyil 'khor gcig dang / nor bu rin po che chen po gcig gis mun pa mun nag thams cad sel to// grogs po de bzhin du dge ba'i sems lhag mthong dang ldan pa gcig gis mi shes pa'i mun pa mun nag thams cad sel to/ / grogs po dag de'i phyir khyed dge ba ri rtsa ba 'dis rim gyis mi shes pa'i mun pa mun nag thams cad bsal nas/ chos kyi snang ba chen po thob par 'gyur ro// de nas
- 160a
byang chub sems dpa' chos kyi dbang phyug gi rgyal po zhes bya ba 'khor de nyid du 'dus par gyur te/ 'dug pa des bcom ldan 'das la 'di skad ces gsol to// bcom ldan 'das sangs rgyas kyi yul de bzhin gshegs pas byin gyis brlabs pa drang kun tu bstan pa 'di ni bsam gyis mi khyab bo/ / deng ni de bzhin gshegs pa byang chub sems dpa'i spyod pa la 'jug pas/ nges par 'byung ba'i sgrib pa med pa'i sgo zhes bgyi ba 'dus pa chen po'i le'u chos kyi rnam grangs bshad bzhed par the tshom ma mchis so// de ci'i slad du zhe na/ bcom ldan 'das e ma byang chub sems dpa'i rnams kyi 'dus pa 'drini ci te/ bcom ldan 'das 'di ni byang chub sems dpa' bsam gyis mi khyab pa'i go cha bgos pa/ mngon par shes pa'i ye shes chen pos rnam par rol pa phyogs bcur sgra baspags pa/ sems shin tu byung bar bgyis te/ dri ma ma mchis pa rig pa dang / rnam par grol bas snang bar gyur pa dang / sangs rgyas thams cad kyis bstod cing bsngags pa/ chos thams cad la dbang drug gis dbang gyur ba/ pha rol tu phyin pa thams cad kyi pha rol tu son / thabs la mkhas pa thams cad las nges par byas pa/ 'dud kyi 'apo dang / cod pa dang / nyon mongs pa mas cad pasal ni bas kyi rgol pa dang / ngan pa'i chogs can gyi chogs thams cad rab tu 'dul ba/ tsam thams cad rab tu dbye ba brgyan pa
- 160b
shes pa la mkhas pa/ shes rab kyi pha rol tu phyin pa chags pa ma mchis pa'i pha rol tu son pa/ dran pa dang / blo gros dang / rtogs pa dang / khrel yod pa dang / mos pa dang gzungs dang / ye shes rab tu thob pa/ byin gyi rlabs thogs pa ma mchis shing spobs pa rgyun mi 'chad pa/ sems can thams cad kyi dbang po mchog dang mchog ma lags pa shes pa la mkhas pa/ sems can thams cad kyi mos pa ji lta ba bzhin du chos ston pa/ 'khrul pa ma mchis par kha na ma tho ba ma mchis pa'i chos ston pa/ sems can thams cad kyi sgra dang skad la mkhas pa/ mi 'am ci dang / bya ka la bing+ga dang / khrung khrung kI s+thA dang / tshangs pa'i sgra dbyangs can shin tu bshes gnyen bgyis pas/ sems can thams cad yongs su mya ngan las 'das pal 'god pa/ byams pa chen po dang / snying rje chen po'i lhag pa'i bsam pa can brtan zhing shin tu gnas la/ mi g.yo zhing ji skang smra ba de bzhin du bgyid pa/ rgyal mtshan yang dag par sgreng bar bgyid pa/ rdo rje ltar sra zhing mi chags pa'i khor yug lta bu smon pa ma mchis pa'i smon lam dang ldan pa/ rten cing 'brel bar 'byung ba zab mo blta dka' zhing rtogs par dka' ba la zhugs pa/ chad pa dang rtag par mtha' gnyis ka dang / lta bar gyur pa thams cad dang / bag chags kyi mtshams sbyor ba yang dag par bcad pa/ tshogs can
- 161a
chen po'i tshogs kyi rgyal po yongs su 'gug pa/ ded dpon chen po bskal pa grangs med par chos dkon mchog gi bsod nams yang dag par bsgrubs pa/ sman pa'i rgyal po chen po sems can thams cad kyi nyon mongs pa gzugs can ma lags pa'i nad gso bar bgyid pa/ seng ge'i sgra chen po sgrogs pa/ snrel zhi'i rgyud dang / spre'u tshugs kyi rgyud thams cad dang de bzhin gshegs pa'i gsang ba la mi skrag pa/ mtshan dang dpe byad bzang pos lus legs par brgyan pa/ gtan pa med pa'i mchod sbyin bgyid pa thams cad la sems dpa' ba bdud bzhi dang nyon mongs pa'i yul 'dul ba/ mnyan pa lta bur gyur pa/ dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin la snyoms par 'jug pa shin tu yongs su sbyang ba bgyid pa/ sems can thams cad rab tu sgrol ba la brtson pa ri lta bur gyur pa/ 'jig rten gyi chos brgyad po rnyed pa dang / ma rnyed pa dang / grags pa dang / ma grags pa dang / smad pa dang / bstod pa dang / bde ba dang sdug bsngal las log pa/ dga' ba dang / dang ba dang / mchog tu dga' ba'i chos la sems zhugs pa chos dkon mchog gi 'od zer dang ldan pa/ shes rab kyis ngoms nas ngoms par bgyid pa/ pad+ma lta bu 'dus byas kyi chos thams cad kyis mi gos pa dang / 'od kyi dkyil 'khor rnam
- 161b
par dag pa/ zla ba dang / nyi ma dang / brgya byin dang / tshangs pa'i 'od mog mog por bgyid pa/ rgya mtsho'i phyag rgya'i ting nge 'dzin rab tu thob pa/ chos dkon mchog thams cad la yang dag par gzhol ba/ dkon mchog gsum gyi gdung mi gcod pa/ sems can thams cad yongs su smin par bgyi ba dang / 'dul ba'i go cha 'tshal ba/ sangs rgyas kyi chos dkon mchog thams cad kyi mdzod yang dag par 'dzin pa/ bsngags pa mtha' yas pa dang yang dag par ldan pa/ bsod nams tshad ma mchis pa bsags pa/ rnam pa thams cad kyi mchog dang ldan pa'i thams cad mkhyen pa'i ye shes la nye bar gyur pa/ phyi ma'i mtha'i mu'i bskal par bslag pa mthar mi phyin phyin pa 'di lta bu rnams kyi 'dus pa lags so// bcom ldan 'das de la bdag 'di snyam du bcom ldan 'das ni byang chub sems dpa'i spyod pa la 'jug pa nges par 'byung ba sgrib pa med pa'i sgo zhes bgyi ba 'dus pa chen po'i le'u'i chos kyi rnam grangs bshad bzhed pa snyam bgyid do/ / bcom ldan 'das ji tsam du sangs rgyas 'byung ba ni phan 'dog par gyur pa/ sems can thams cad tshim par 'gyur ba/ ma 'ongs pa'i byang chub sems dpa' rnams kyi dge ba'i rtsa ba yang dag par bskyed pa/ sems dang po bskyed pa'i byang chub sems dpa' rnams kyi bsam pa yongs su sbyong ba/ spyod pa la zhugs pa'i byang chub sems dpa' rnams tshul gcig la 'jug pa/ phyir mi
- 162a
ldog pa'i byang chub sems dpa' rnams sangs rgyas kyi chos la dbang bskur ba/ skye ba gcig gis thogs pa'i byang chub sems dpa' rnams kyi rgyu dang 'bras bu chud mi za ba nges pa'i sems can rnams la rkyen nye bar sgrub pa/ ma nges pa'i sems can rnams la snying rje chen po nye bar sgrub pa/ log pa nyid du nges pa'i sems can rnams lam la 'jud pa/ theg pa gsum la mos pa'i sems can rnams la rnam par dgod pa ston pa ste/ ngo mtshar to// bcom ldan 'das sangs rgyas 'byung ba ni lha dang mi dang lha ma yin du bcas pa'i 'jig rten gyi rgyan lags so// de ci'i slad du zhe na/ bcom ldan 'das sangs rgyas byung bar gyur na/ ngo mtshar rmad du byung ba'i chos 'di lta bu 'di dag 'jig rten du 'byung bar 'gyur ro// bcom ldan 'das skyes bu dam pa 'di dag gis 'khor gyi khyams 'dir sems bskyed pa gcig gis bkod pa gang byin gyis brlabs pa 'di ni nyan thos dang / rang sangs rgyas thams cad kyis bskal pa brgya phrag stong du yang ston pa'i rngo mi thog go// bcom ldan 'das de la bdag 'di snyam du bgyid de/ e ma ji tsam du gang rdzu 'phrul gyi rnam par sprul pa'i cho 'phrul 'di lta bu 'di mthong yang nyan thos kyi theg pa 'am/ rang sangs rgyas kyi theg pa la re ba bskyed pa'i sems can shes rab 'chal pa can de dag ni ngo mtshar che ba snyam bgyid do/ / de ci'i slad du zhe na/ bcom ldan 'das byang chub sems dpa' sems dang po bskyed pa nyid kyis nyan thos dang rang sangs rgyas thams
- 162b
cang zil gyis non pa'i slad du'o/ / bcom ldan 'das 'di ltaste/ dper na shes rab 'chal pa'i rang bzhin can gyi mi la la nig nor bu rin po che be DUR+Ya bor nus nor bu mching bul dmigs pa snyam du sems pa dang / bcom ldan 'das gang dag theg pa chen po bor nas/ nyan thos dang rang sangs rgyas kyi theg pa la dmigs par bgyi ba snyam du sems pa'i sems can dag ni 'dra ba nyid du bdag la gda' 'o/ / bcom ldan 'das rigs kyi bu 'am/ rigs kyi bu mo gang dag lhag pa'i bsam pas bla na med pa yang dag par rdzogs pa'i byang chub tu sems skyed pa dang / bskyed par 'gyur ba de dag thams cad kyis ring po mi thogs pa chos 'di lta bu dang ldan par 'gyur ro/ / byang chub sems dpa' chos kyi dbang phyug gi rgyal pos bstan pa 'di bshad pa na/ lha dang mir bcas pa'i skye dgu'i 'khor de las srog chags bye ba khrag khrig brgya stong phrag sum cus bla na med pa yang dag par rdzogs pa'i byang chub tu sems bskyed do/ / rgyun bkod pa zhes bya ba 'dus pa'i le'u'o// nas bcom ldan 'das kyis byang chub sems dpa' 'dus pa chen po de gzigs nas/ e ma byang chub sems dpa' 'dus pa 'di dag ni chos don du gnyer ba/ de bzhin gshegs pa ni chos kyi mdzod 'dzin par mkhyems/ byang chub sems dpa'i tshud pa la 'jug pas ches par 'byung bsgrib pa med pa'i sgo'i ma bu chos kyi rnam grangs rab tu bgang pa'i phyirang mi 'jigs pas thobs pa sa bya ba'i 'ong bar skyes bu chen cha
- 163a
mtshan spyi gtsug nas byung ngo / / bcom ldan 'das kyis 'od zer de phyung ma thag tu de nas thams cad dang ldan pa'i byang chub sems dpa'i tshogs la lan bdun bskor ba byas te byang chub sems dpa' gzungs kyi dbang phyug gi rgyal po'i lus la lan brgyar bskor ba byas nas/ byang chub sems dpa' gzungs kyi dbang phyug gi rgyal po'i spyi gtsug tu mi snang bar gyur to// 'od des byang chub sems dpa' gzungs kyi dbang phyug gi rgyal po la reg ma thag tu/ de nas sangs rgyas kyi mthus byang chub sems dpa' gzungs kyi dbang phyug gi rgyal pos thams cad dang ldan pa'i byang chub sems dpa'i tshogs kyi 'od dang / seng ge'i khri dang / lus brgya 'gyur du zil gyis mnan nas/ lam me lhang nge lhan ne'o// de nas byang chub sems dpa' gzungs kyi dbang phyug gi rgyal pos/ de bzhin gshegs pa'i byin gyi rlabs rig nas stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das ka la ba de logs su thal mo sbyar ba btud nas/ bcom ldan 'das kyi dbu'i gtsug gi drang zad kyi steng gi bar snang la rin po che'i gdugs de bzhin gshegs pa'i rgyan ces bya ba yu ba ni bai DUR+Ya/ g.yogs ma gser/ snying po ni rin po che ne tso 'am tsi rtsibs ni an+da rnyil las byas pa/ mu tig gi do shal rab tu dpyangs pa/ dar gyi lda ldis mdzes par byas pa/ dril bu g.yer kha'i dra ba 'khrol ba/
- 163b
/ byang chub sems dpa'i lus kyis bzung ba/ rgyar stong gsum gyi stong chen po'i 'jig rten gyi khams kyi tshad tsam zhig byin gyis brlabs so// de bzhin gshegs pa la mchod pa'i las kyi phyir/ rin po che'i gdugs de lta bur byin gyis brlabs nas me tog gi char yang phab ste/ sil snyan dang / sgra dbyangs rtag tu rgyun mi 'chad par sgra 'byung bar byin gyis brlabs nas/ bcom ldan 'das la tshigs bcad pa 'di dag gis mngon par bstod do/ / kun tu snang ba kun nas 'od zer can// don rnams ma lus ston pa kun nas spyan// rang byung chos kyi ngo bo nyid la mkhas// bsam gyis mi khyab yon tan kun dang ldan/ / skyes bu khyu mchog gis ni 'od zer phyung // zhal yang rnam par sbyong zhing 'od mdzad pa// 'dren pa des ni bdag gi lus la yang // lan brgyar bskor ba bgyis nas spyi bor zhi// mi yi 'dren pa'i 'od kyis reg pas na// gang dag bdag gis sngon thob dran pa dang // blo gros spobs pa snang ba de bzhin gzungs// rnam pa sdong du khyad par 'phags par gyur// bdag lus rab sim sems ni rnam par dag/ bdag gi blo gros dga' mgu mnyam par gyur// gzhan yang sangs rgyas mkhyen pa mtha' yas dang // spobs pa bdag gi lus la rab tu zhugs// sangs rgyas mthu/ chen bsnyen par dka' ba la// nyam chung dag gis mnyes par bgyid mi nus// sangs rgyas gnang nas 'gro kun pan slad du// sangs rgyas la ni zhu ba zhu bar 'tshal// rdzogs pa'i byang chub sems
- 164a
dpa'i spyod 'jug dang / / 'jig rten rnam 'dren dag gis 'byung ba dang // snang dang nges 'byung rnam par sprul pa dang // dbang bskur ye shes yongs su zhu bar 'tshal/ theg mchog dam pa rtogs par khong chud cing // mtha' yas rgya che ba yi 'khor lhags dang // gang dag rgya chen chos don gnyer ba dag/ de dag kan smad sangs rgyas la yang zhu// bdud kyi dkyil 'khor shin tu tshar bcad cing / / sangs rgyas bstan pa 'di ni shin tu bzung // bcom ldan phung po ma mchis dam chos mdzod// lus can rnams la bshad pa'i dus 'di lags// skyes bu khyu mchog mkhyen pa mtha' yas pas/ / bcom ldan de la bdag gi blo mi chud// bde gshegs mkhyen pa shes pas mi dpogs pas// mkhas pa yangs pa bdag ni zhu bar 'tshal// ji ltar bcom ldan khyod kyi mkhyen 'jug dang / / ji ltar yun ring nas ni bslabs pa dang // chos kyi dbang phyug rgyal po rab bslabs pa// 'dren pa rnams kyi spyod yul bshad du gsol// de nas byang chub sems dpa' gzungs kyi dbang phyug gi rgyal pos tshigs su bcad pa 'di dag gis bcom ldan 'das la mngon par bstod nas/ bcom ldan 'das la 'di skad ces gsol to// bcom ldan 'das de bzhin gshegs pa'i yul ni bsam gyis mi khyab/ byang chub sems dpa'i spyod yul ni tshad ma mchis te/ bcom ldan 'das bdag gis de bzhin gshegs pa ni yongs su mi skyo bar chos ston pa lags par rig cing de bzhin gshes
- 164b
pa ni sems can thams cad mi gtong ba'i thugs rje chen po la gnas par mthong nas don 'di zhu bar 'tshal lo/ / bcom ldan 'das byang chub sems dpa' rnams kyi rgyan dag ni gang lags/ bcom ldan 'das byang chub sems dpa' rgyan gang dag gis brgyan pa/ byang chub sems dpa'i spyad pa spyod pa na mdzes pa lags/ bcom ldan 'das ji ltar na byang chub sems dpa'i chos kyi snang ba bsam gyis mi khyab pa thob nas/ gti mug gi mun pa dang bral zhing the tsom ma mchis pa dang / chos kyi sgo chen po shin tu yongs su sbyangs pa rnams lags/ bcom ldan 'das ji ltar na byang chub sems dpa' sems can thams cad mi gtong ba'i snying rje chen po dang / snying rje chen po la gnas pa mchog dang ldan zhing sems can thams cad yongs su mi gtong bar gnas pa rnams lags bcom ldan 'das ji ltar na byang chub sems dpa' dag byang chub sems dpa'i las yang dag pa la zhugs pa dang / legs par bgyid pa'i las bgyid pa dang / las kyi mtha' gdung ba ma man+di/ pa rnams lags/ bcom ldan 'das ci nas kyang byang chub sems dpa' bdud dang phyir rgol ba bcom zhing the tsom dang bral nas de bzhin gshegs pa'i yul la 'jug par 'gyur ba dang / byang chub sems dpa'i yul la mngon du 'phags par 'gyur ba dang / sems can thams cad kyi bsam pa la 'jug par 'gyur ba dang / sems can thams cad kyi sems kyi spyod pa dag yongs su 'tshal
- 165a
bar 'gyur ba dang / sangs rgyas kyi zhing rnams rnam par sbyong bar 'gyur ba dang / bdud kyi dkyil 'khor tshar gcod par 'gyur ba dang / de bzhin gshegs pa'i bstan pa yang dag par 'dzin par 'gyur ba dang / myur du chos thams cad la dbang sgyur ba thob par 'gyur bar de bzhin gshegs pa blo shin tu rnam par nges pas/ byang chub sems dpa'i spyod pa la 'jug pas mngon par 'phags pa'i chos kyi sgo de legs par bshad du gsol/ de skad ces gsol pa dang / bcom ldan 'das kyis/ byang chub sems dpa' gzungs kyi dbang phyug gi rgyal po la 'di skad ces bka' stsal to/ / skyes bu dam pa khyod legs so legs so// khyod ji ltar de bzhin gshegs pa'i spyod yul tshad med pa la rnam par nges pa thob nas/ khyod blo rnam par nges pa 'di lta bus de bzhin gshegs pa la don 'di 'dri bar sems pa ni skyes bu dam pa khyod legs so/ / de'i phyir rigs kyi bu khyod shin tu legs par nyon la yid la zung zhig dang / byang chub sems dpa' sems dpa' chen pos ji ltar yon tan 'di dag dang / byang chub sems dpa'i yon tan tshad med pa gzhan dag kyang yongs su rdzogs par 'gyur ba dang / myur du chos thams cad la dbang sgyur ba thob par 'gyur ba ngas khyod la bshad do/ / byang chub sems dpa' gzungs kyi dbang phyug gi rgyal pos bcom ldan 'das legs so zhes gsol te/ bcom ldan 'das kyi ltar nyan pa dang / bcom
- 165b
ldan 'das kyis 'di skad ces bka' stsal to/ / rigs kyi bu byang chub sems dpa' rnams kyi rgyan ni bzhi po 'di dag ste/ bzhi gang zhe na/ 'di lta ste/ tshul khrims kyi rgyan dang ting nge 'dzin gyi rgyan dang / shes rab kyi rgyan dang / gzungs kyi rgyan te/ rigs kyi bu byang chub sems dpa' rnams kyi rgyan ni bzhi po 'di dag go// rigs kyi bu de la byang chub sems dpa' rnams kyi tshul khrims kyi rgyan gang zhe na/ rigs kyi bu byang chub sems dpa' rnams kyi tshul khrims kyi rgyun ni gcig ste/ gcig gang zhe na/ 'di lta ste/ sems can thams cad la gnod pa mi byed pa ste/ byang chub sems dpa' zhe sdang ba'i sems med pa ni sems can thams cad kyi yid du 'ong zhing dga' ba ste/ rigs kyi bu 'di ni byang chub sems dpa' rnams kyi/ tshul khrims kyi rgyan gcig go// rigs kyi bu byang chub sems dpa' rnams kyi tshul khrims kyi rgyar ni gnyis po 'di dag ste/ gnyis gang zhe na/ 'di lta ste/ ngan 'gro'i sgo gcod pa bde 'gro'i sgo 'byed pa ste/ gnyis po 'di dag go// rigs kyi bu byang chub sems dpa' rnams kyi tshul khrims kyi rgyan ni gsum po 'di dag ste/ gsum gang zhe na/ 'di lta ste/ lus rnam par dag pa dang / ngag rnam par dag pa dang / yid rnam par dag pa ste/ gsum po 'di dag go// rigs kyi bu byang chub sems dpa' rnams kyi tshul khrims kyi rgyan ni bzhi po 'di dag
- 166a
ste/ bzhi gang zhe na/ 'di lta ste/ gang 'dod pa de 'byor pa dang / gang smon pa de yang dag par 'grub pa dang / gang 'dod pa de thob pa dang / gang rtsom pa de nyams 'og tu chud par byed pa ste/ bzhi po 'di dag go// rigs kyi bu byang chub sems dpa' rnams kyi tshul khrims kyi rgyan ni lnga po 'di dag ste/ lnga gang zhe na/ 'di lta ste/ tshul khrim dang ldan pa'i ting nge 'dzin sgyu med pa yin/ shes rab sgyu med pa yin/ rnam par grol ba sgyu med pa yin/ rnam par grol ba'i ye shes mthong ba sgyu med pa yin/ yongs su mya ngan las 'das pa chen po bla na med pa yin te/ lnga po 'di dag go// rigs kyi bu byang chub sems dpa' rnams kyi tshul khrims kyi rgyan ni drug po 'di dag ste/ drug gang zhe na/ 'di lta ste/ yid la gcags pa med pa'i tshul khrims kyi phyir skyon med pa'i tshul khrims dang / kha na ma tho ba med pa'i tshul khrims kyi phyir nyams pa med pa'i tshul khrims dang / 'dren ma ma yin pa'i tshul khrims kyi phyir/ 'dres pa ma yin pa'i tshul khrims dang / dge ba'i chos shin tu rnam par 'phel ba'i phyir/ sra sre ma yin pa'i tshul khrims dang / gang gis 'dod par 'gro ba'i tshul khrims kyi phyir rang dga'i tshul khrims dang / gzhan la rag ma lus pa'i shes pas/ rang gi dbang sgyur ba'i tshul khrims te/ drug po 'di dag go// rigs kyi bu byang chub sems dpa' rnams kyi tshul khrims kyi rgyan ni bdun
- 166b
po 'di dag ste/ bdun gang zhe na/ 'di lta ste/ tshul khrims dang ldan pa'i sbyin pa rnam par dag pa dang / bzod pa rnam par dag pa dang / brtson 'grus rnam par dag pa dang / bsam gtan rnam par dag pa dang / shes rab rnam par dag pa dang / thabs rnam par dag pa dang / bag yod pa rnam par dag pa ste/ bdun po 'di dag go// rigs kyi bu byang chub sems dpa' rnams kyi tshul khrims kyi rgyan ni brgyad po 'di dag ste/ brgyad gang zhe na/ 'di lta ste/ spobs pa phun sum tshogs pa dang / sa phun sum tshogs pa dang / rnam par 'phro ba med pa phun sum tshogs pa dang / lhod pa med pa phun sum tshogs pa dang / khon du 'dzin pa med pa phun sum tshogs pa dang / sangs rgyas 'byung ba mnyes par byed pa phun sum tshogs pa dang / dal pab phun sum tshogs pa dang / dge ba'i bshes gnyen mgu bar byed pa phun sum tshogs pa ste/ brgyad po 'di dag go// rigs kyi bu byang chub sems dpa' rnams kyi tshul khrims kyi rgyan ni dgu po 'di dag ste/ dgu gang zhe na/ 'di lta ste/ 'jigs pa med pa yin/ skrag pa med pa yin/ bsam pa nges pa yin/ nye bar zhi ba yin/ bsil ba yin/ bcings pa lhod pa yin/ sems las su rung ba yin/ sems cad shes pa yin/ dul ba'i sa rjes su thob pa yin te/ dgu po 'di dag go// rigs kyi bu byang chub sems dpa' rnams kyi tshul khrims kyi rgyan ni bcu po 'ang
- 167a
dag ste/ bcu gang zhe na/ 'di lta ste/ mtshan dang dpe byad bzang po yongs su rdzogs pa'i phyir/ lus kyi rgyan dang / dzi kad smras pa de bzhin byed pa'i phyir ngag gi rgyan dang / nyon mongs pa med pa'i phyir sems kyi rgyan dang / smon lam yongs su rdzogs pa'i phyir/ zhing gi rgyan dang / bsam pa yongs su sbyong ba'i phyir sems can yongs su smin par byed pa'i rgyan dang / sdig pa thams cad mi byed pa'i phyir/ skye ba'i rgyan dang / de bzhin gshegs pa'i spyod pa la rjes su slob pa'i phyir/ byang chub sems dpa'i spyod pa'i rgyan dang / nga rgyal med pa'i phyir shes pa'i rgyan dang / dge ba'i rtsa ba yongs su bsngo ba'i phyir/ byang chub kyi snying po'i rgyan dang / tshul khrims kyi rtsa ba la gnas pa mi 'dor ba'i phyir/ stobs dang mi 'jigs pa dang / sangs rgyas kyi chos ma 'dres pa'i rgyan te/ rigs kyi bu bcu po 'di dag ni byang chub sems dpa' rnams kyi tshul khrims kyi rgyan no// rigs kyi bu de la byang chub sems dpa' rnams kyi ting nge 'dzin gyi rgyan gang zhe na/ rigs kyi bu byang chub sems dpa' rnams kyi ting nge 'dzin gyi rgyan ni gcig ste/ gcig gang zhe na/ 'di lta ste/ sems can thams cad la byams pa ste/ 'di ni gcig go// rigs kyi bu byang chub sems dpa' rnams kyi ting nge 'dzin gyi rgyan ni gnyis po 'di dag ste/ gnyis gang zhe na/ 'di lta ste/ drang ba dang / mnyen
- 167b
pa ste/ gnyis po 'di dag go/ rigs kyi bu byang chub sems dpa' rnams kyi ting nge 'dzin gyi rgyan ni gsum po 'di dag ste/ gsum gang zhe na/ 'di lta ste/ sgyu med pa dang / g.yo med pa dang / bcos pa med pa ste/ gsum po 'di dag go// rigs kyi bu byang chub sems dpa' rnams kyi ting nge 'dzin gyi rgyan ni bzhi po 'di dag ste/ bzhi gang zhe na/ 'di lta ste/ 'dun pas 'gro ba ma yin par mi 'gro ba dang / zhe sdang gis 'gro ba yin par mi 'gro ba dang / gti mug gis 'gro ba ma yin par mi 'gro ba dang / 'jigs pas 'gro ba ma yin par mi 'gro ba ste/ bzhi po 'di dag go// rigs kyi bu byang chub sems dpa' rnams kyi ting nge 'dzin gyi rgyan ni lnga po 'di dag ste/ lnga gang zhe na/ 'di lta ste/ sgrib pa lnga spong ba ste/ lnga po de dag gang zhe na/ 'dod pa la 'dun pa dang / gnod sems dang / rmugs pa dang / gnyid dang / rgod pa dang / 'dod pa dang / the tsom ste/ sgrib pa lnga po 'di dag spong ba'o// rigs kyi bu byang chub sems dpa' rnams kyi ting nge 'dzin gyi rgyan ni drug po 'di dag ste/ drug gang zhe na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa ste/ drug po 'di dag go// rigs kyi bu byang chub sems dpa' rnams
- 168a
kyi ting nge 'dzin gyi rgyan ni bdun po 'di dag ste/ bdun gang zhe na/ 'di lta ste/ byang chub kyi sems mi brjed pa'i byang chub kyi yan lag bdun sgom pa ste/ dran pa yang dag byang chub kyi yan lag dang / chos rab tu 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ bdun po 'di dag go// rigs kyi bu byang chub sems dpa' rnams kyi ting nge 'dzin gyi rgyan ni brgyad po 'di dag ste/ brgyad gang zhe na/ 'di lta ste/ 'phags pa'i lam yan lag brgyad pa bsgom pa ste/ 'di ltar yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ brgyad po 'di dag go// rigs kyi bu byang chub sems dpa' rnams kyi ting nge 'dzin gyi rgyan ni dgu po 'di dag ste/ dgu gang zhe na rigs kyi bu byang chub sems dpa' brjed pa med pa'i sems kyis snying rje chen po'i gnas la gnas te/ sems can thams cad yongs su mi gtong bar gnas nas 'dod pa dag las dben pa
- 168b
sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po rdzogs par byas te gnas so/ / de rtog pa dang dpyod pa dang bral zhing nang yongs su dag ste/ sems kyi rgyud gcig tu gyur pas/ rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so/ / de dga' ba'i 'dod chags dang bral bas btang snyoms la gnas shing / dran pa dang shes bzhin can yin te bde ba lus kyis myong la/ 'phags pa rnams kyis gang de dran pa dang ldan pa/ bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa rdzogs par byas te gnas so/ / de bde ba yang spangs te snga nas sdug bsngal yang spangs shing / yid bde ba dang yid mi bde ba yang nub pas/ bde ba yang ma yin/ sdug bsngal ba yang ma yin pa bdang snyoms dang / dran pa yongs su dag pa/ bsam gtan bzhi pa rdzogs par byas te gnas so// de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas/ nam mkha' mtha' yas skye mched rdzogs par byas te gnas so//
- 169a
de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched rdzogs par byas te gnas so/ / de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched rdzogs par byas te gnas so// / de rnam pa thams cad du ci yang med pa'i skye mched las yang dag par 'das nas/ 'du shes med 'du shes med min skye mched rdzogs par byas te gnas so// de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa'i snyoms par 'jug pa la snyoms par 'jug kyang / thabs mkhas pa yang dag pa'i mtha'i / mngon sum du yang mi byed la/ sngon gyi byin gyi rlabs kyis yang langs nas sems can rnams kyang yongs su smin par byed pa ste/ ting nge 'dzin gyi rgyan ni dgu po 'di dag go// rigs kyi bu byang chub sems dpa' rnams kyi ting nge 'dzin gyi rgyan ni bcu po 'di dag ste/ bcu gang zhe na/ 'di lta ste/ mi 'khrugs pas nges par sems pa dang / zhi gnas yongs su rdzogs par byed pa dang / mngon par brtson par mi 'dor ba dang / nang du yang dag 'jog sbed pa dang / dge ba'i rtsa ba rnams chud mi za ba dang / sems dben pa dang / lus shin tu sbyangs pa dang
- 169b
chos rnams la sems shing 'jal la so sor rtog pa dang / sems la dbang sgyur ba dang / 'phags pa'i rigs rab tu 'thob pa ste/ rigs kyi bu byang chub sems dpa' rnams kyi ting nge 'dzin gyi rgyan ni bcu po 'di dag go/ / rigs kyi bu de la byang chub sems dpa' rnams kyi shes rab kyi rgyan gang zhe na/ rigs kyi bu byang chub sems dpa' rnams kyi shes rab kyi rgyan ni gcig ste/ gcig gang zhe na/ 'di lta ste/ chos thams cad la the tsom med pa ste/ 'di ni gcig go/ rigs kyi bu byang chub sems dpa' rnams kyi shes rab kyi rgyan ni gnyis po 'di dag ste/ gnyis gang zhe na/ 'di lta ste/ 'gyod pa dang bral ba dang / kun nas ldang ba dang bral ba ste/ gnyis po 'di dag go// rigs kyi bu byang chub sems dpa' rnams kyi shes rab kyi rgyan ni gsum po 'di dag ste/ gsum gang zhe na/ 'di lta ste/ gti mug spong ba dang / ma rig pa'i sgo nga'i sbubs nges par gcog pa dang / mun pa mun nag sel ba ste/ gsum po 'di dag go// rigs kyi bu byang chub sems dpa' rnams kyi shes rab kyi rgyan ni bzhi po 'di dag ste/ bzhi gang zhe na/ 'di lta ste/ sdug bsngal yongs su shes par bya ba'i shes pa dang / kun 'byung ba spang ba'i snang ba dang 'gog pa mngon sum du bya ba'i mngon gsal dang / lam bsgom pa'i byin gyis rlabs te/ bzhi po 'di dag go// rigs kyi bu byang chub sems dpa' rnams kyi shes rab kyi rgyan ni
- 170a
po 'di dag ste/ lnga gang zhe na/ 'di lta ste/ dmigs pa med pas tshul khrims kyi phung po yongs su dag pa dang / shes rab mchog gi bsam gtan pa yin pas/ ting nge 'dzin gyi phung po yongs su dag pa dang / gnyis dang bral bas rnam par grol ba'i phung po yongs su dag pa dang / dus gsum mnyam pa nyid pas rnam par grol ba'i ye shes mthong ba'i phung po yongs su dag pa dang / 'dod chags dang bral ba'i chos nyid pas/ chos kyi phung po yongs su dag pa ste/ lnga po 'di dag go// rigs kyi bu byang chub sems dpa' rnams kyi shes rab kyi rgyan ni drug po 'di dag ste/ drug gang zhe na/ 'di lta ste/ 'khor gsum yongs su dag pa'i sbyin pa'i pha rol tu phyin pa ni sgyu ma dang mnyam pa nyid pas/ bdag gi 'khor yongs su dag pa dang rmi lam dang mnyam pa nyid pas sems can gyi 'khor yongs su dag pa dang / rnam par smin pa la re ba med pas/ byang chub kyi 'khor yongs su dag pa'o// 'khor gsum yongs su dag pa'i tshul khrims kyi pha rol tu phyin pa ni gzugs brnyan lta bu'i phyir lus kyi 'khor yongs su dag pa dang / brag cha lta bu'i shes pas ngag gi 'khor yongs su dag pa dang / sgyu ma dang mnyam pa nyid pas sems kyi 'khor yongs su dag pa'o/ / 'khor gsum yongs su dag pa'i bzod pa'i pha rol tu phyin pa ni nyes par spras pa'i tshig rnams la khong khro ba med yongs su dag pa dang / bstod pa dang /
- 170b
bsngags pa dang / rjes su 'chags pa spong ba yongs su dag pa dang / yan lag dang nying lag gcod pa dag la chos kyi sku rab tu rtog pa yongs su dag pa'o// 'khor gsum yongs su dag pa'i brtson 'grus kyi pha rol tu phyin pa ni 'khor ba rmi lam lta bur mos pas yongs su mi skyo ba yongs su dag pa dang / rdo rje lta bu'i bsam pas brtan pa yongs su dag pa dang / mtshan ma thams cad las sgrol bas/ blang ba med pa dang / dor ba med pa yongs su dag pa'o// 'khor gsum yongs su dag pa'i bsam gtan gyi pha rol tu phyin pa ni 'gyur bar shes pas/ de las ma chags pa yongs su dag pa dang / mngon par shes pa med pas lhag mthong yongs su dag pa dang / mngon par shes pa skyed pas dmigs yongs su dag pa'o// 'khor gsum yongs su dag pa'i thabs kyi pha rol tu phyin pa ni sems can yongs su smin par byed pas bsdu ba'i dngos po yongs su dag pa dang / dam pa'i chos yongs su 'dzin pas gzungs yongs su dag pa dang / sangs rgyas kyi zhing gi rgyan ni phyir smon lam yongs su dag pa ste/ drug po 'di dag go/ rigs kyi bu byang chub sems dpa' rnams kyi shes rab kyi rgyan ni bdun po 'di dag ste/ bdun gang zhe na/ 'di lta ste/ dran pa nye bar gzhag pa rnams la dran pa med cing yid la byed pa med pa dang / yang dag par spong ba rnams la skye ba med pa dang / 'gag pa med par shes pa dang / rdzu 'phrul gyi rkang pa rnams kyis lus dang
- 171a
sems dben pa dang / dbang po rnams la dbang por yongs su shes pa dang / stobs rnams kyis bdud dang nyon mongs pa thams cad tshar gcod pa dang / byang chub kyi yan la/ rnams kyis chos thams cad kyi ngo bo nyid dang / lam rnams la 'ong ba med pa dang / 'gro ba med par shes pa ste/ bdun po 'di dag go// rigs kyi bu byang chub sems dpa' rnams kyi shes rab kyi rgyun ni brgyad po 'di dag ste/ brgyad gang zhe na/ 'di lta ste/ shin tu zhi ba'i phyir zhi gnas shes pa dang / rab rib dang bral ba'i phyir lhag mthong shes pa dang / chos kyi phung po rjes su rtogs pa'i phyir phung po shes pa dang / nam mkha'i khams dang mnyam pa nyid kyi phyir khams shes pa dang / grong stong pa dang mnyam pa nyid kyi phyir skye mched shes pa dang / bdag med pa'i phyir rten cing 'brel par 'byung ba shes pa dang / mi 'khrugs pa'i phyir bden pa shes pa dang / yang dag pa ji lta ba bzhin rab tu rtog pas chos thams cad nges par rtogs pa shes pa ste/ brgyad po 'di dag go/ rigs kyi bu byang chub sems dpa' rnams kyi shes rab kyi rgyan ni dgu po 'di dag ste/ dgu gang zhe na/ 'di lta ste/ sngon gyi mtha' dag pas 'das pa shes pa dang / phyi ma'i mtha' dag pas ma 'ongs shes pa dang bar gyi mtha' dag pas/ da ltar byung ba shes pa dang / rgyu chud mi za bas nges pa rnam pa shes pa dang / rkyen phye bar sgrub pas ma nges pa rnams shes pa dang / yongs su smin par byed pas/
- 171b
log pa nyid du ma nges pa rnams shes pa dang / chos kyi skus rab tu phye ba'i phyir sangs rgyas thams cad mnyam pa nyid du shes pa dang / 'dod chags dang bral ba'i chos kyi phyir chos thams cad mnyam pa/ nyid du shes pa dang / 'dus ma byas kyis rab tu phye ba'i phyir/ 'phags pa thams cad mnyam pa nyid du shes pa ste/ dgu po 'di dag go// rigs kyi bu byang chub sems dpa' rnams kyi shes rab kyi rgyan ni bcu po 'di dag ste/ bcu gang zhe na/ 'di lta ste/ rnam par bsgrub pa'i mtshan nyid kyi phyir sgyu ma lta bur shes pa dang / yongs su rtog pa'i mtshan nyid kyi phyir rmi lam lta bur shes pa dang / rnam par 'khrul pa'i mtshan nyid kyi phyir smig rgyu lta bur shes pa dang / 'pho ba med pa'i mtshan nyid kyi phyir gzugs brnyan lta bur shes pa dang / 'du 'phrod kyi mtshan nyid kyi phyir mig yor lta bur shes pa dang / rkyen gyi mtsham / nyid kyi phyir brag cha lta bur shes pa dang / chos kyi dbyings 'dres pa med pa'i mtshan nyid du shes pa dang / de bzhin nyid gnas med pa'i mtshan nyid du shes pa dang / yang dag pa'i mtha' mi 'khrugs pa'i mtshan nyid du shes pa dang / 'dus byas dang 'dus ma byas kyi mtshan nyid du shes pa ste/ rigs kyi bu byang chub sems dpa' rnams kyi rgyar ni bcu po 'di dag go// rigs kyi bu de la byang chub sems dpa' rnams kyi gzungs kyi rgyan gang zhe na/ rigs kyi bu byang chub sems dpa' rnams kyi gzungs kyi rgyan ni gcig ste/ gcig gang zhe na/ 'di lta ste/ dran pa brjed pa med pa ste/ 'di ni gcig go// rigs kyi bu byang
- 172a
chub sems dpa' rnams kyi gzungs kyi rgyan ni gnyis po 'di dag ste/ gnyis gang zhe na/ 'di lta ste/ kun tu 'dzin pa dang / 'dzin pa ste/ gnyis po 'di dag go rigs kyi bu byang chub sems dpa' rnams kyi gzungs kyi rgyan ni gsum po 'di dag ste/ gsum gang zhe na/ 'di lta ste/ don la mkhas pa dang / tshig 'bru la mkhas pa dang / nges pa'i tshig la mkhas pa ste/ gsum po 'di dag go// rigs kyi bu byang chub sems dpa' rnams kyi gzungs kyi rgyan ni bzhi po 'di dag ste/ bzhi gang zhe na/ 'di lta ste/ chags pa med pa'i tshig dang / rtsub pa ma yin pa'i tshig dang / rab tu 'gro ba'i cho ga dang / brdzun pa med pa'i tshig ste/ bzhi po 'di dag go// rigs kyi bu byang chub sems dpa' rnams kyi gzungs kyi rgyan ni lnga po 'di dag ste/ lnga gang zhe na/ 'di lta ste/ thos pa thams cad kyi nang nas don la rton pa dang / yi ge'i tshogs thams cad kyi nang nas ye shes la rton pa dang / mdo sde thams cad kyi nang nas nges pa'i don gyi mdo sde la rton pa dang / gang zag gi sgra thams cad las chos nyid la rton pa dang / 'jig rten thams cad las 'jig rten las 'das pa la rngon pa ste/ lnga po 'di dag go// rigs kyi bu byang chub sems dpa' rnams kyi gzungs kyi rgyan ni drug po 'di dag ste/ drug gang zhe na/ 'di lta ste/ ji skad smras pa de bzhin du byed pa dang / bden pa'i rjes su mthun pa'i tshig rab tu 'thob pa dang /
- 172b
nga rgyal med pas gzung bar 'os pa'i tshig dang / g.yo med pas blang bar 'os pa'i tshig dang / snying rje chen po la sbyor bas 'bras bu yod pa'i chos ston pa dang / snod pa la mkhas pas chad par chos ston pa dang / 'jig rten shes pas dus su chos ston pa ste/ drug po 'di dag go// rigs kyi bu byang chub sems dpa' rnams kyi gzungs kyi rgyan ni bdun po 'di dag ste/ bdun gang zhe na/ 'di lta ste/ mgyogs pa'i spobs pa dang / shugs can gyi spobs pa dang / myur ba'i spobs pa dang / chags pa med pa'i spobs pa dang / rgyun chad med pa'i spobs pa dang / 'khrul pa med pa'i spobs pa dang / shin tu nges pa'i tshig gi spobs pa ste/ bdun po 'di dag go// rigs kyi bu byang chub sems dpa' rnams kyi gzungs kyi rgyan ni brgyad po 'di dag ste/ brgyad gang zhe na/ 'di lta ste/ lha'i skad shes pa dang / klu'i skad shes pa dang / gnod sbyin gyi skad shes pa dang / dri za'i skad shes pa dang / lha ma yin gyi skad shes pa dang / nam mkha' lding gi skad shes pa dang / mi 'am ci'i skad shes pa dang / lto 'phye chen po'i skad shes pa nas/ sems can thams cad kyi bar gyi skad shes pa ste/ brgyad po 'di dag go// rigs kyi bu byang chub sems dpa' rnams kyi gzungs kyi rgyan ni dgu po 'di dag ste/ dgu gang zhe na/ 'di lta ste/ 'khor gyi nang du spa gong ba med pa dang / smra ba'i nang du zhum pa med pa dang / chos bshad pa'i nang du 'jigs pa med pa dang / 'dri ba rnams la nges par 'byung ba shes pa dang / mngon
- 173a
pa'i nga rgyal can rnams la snrel zhing bstan pa shes pa dang / yang dag par zhugs pa rnams la rjes su mthun pa bstan pa shes pa dang / khengs pa dag la lag na rdo rje ston pa/ dang mngon par chags pa rnams la theg pa'i bskal pa ston pa dang / yongs su smin pa rnams la theg pa'i rim pa ji lta ba bzhin du ston pa ste/ dgu po 'di dag go// rigs kyi bu byang chub sems dpa' rnams kyi gzungs kyi rgyan ni bcu po 'di dag ste/ bcu gang zhe na/ 'di lta ste/ dogs pa thams cad la the tshom med par ston pa shes pa dang / blos chos bskyed pa'i sgo dang / shes rab kyi snang ba gzhan la rag ma las pa dang / yi ge bstan pa mi zad pa dang / don bstan pa rgyun chad pa med pa dang / sangs rgyas kyi bsngags pa mtha' yas pa yang dag pa rab tu brjod pa dang / kun nas nyon mongs pa'i skyon mu med par brjod pa dang / rnam par byang ba bsngags pa tshad med pa ston pa dang / dbang po thams cad la gzhol bar 'jug pa chags pa med pa dang / sangs rgyas kyi snang ba'i so so yang dag par rig pa la 'jug pa shes pa ste/ rigs kyi bu byang chub sems dpa' rnams kyi gzungs kyi rgyan ni bcu po 'di dag go// de nas bcom ldan 'das kyis don de nyid rgya cher bstan pa'i phyir tshigs su bcad pa 'di dag gsungs so/ / gang gis theg mchog dam pa 'di mdzes pa// blo gros chen po rnams kyi rgyan bzhi ste// tshul khrims ting 'dzin de bzhin shes rab mchog/ shin tu
- 173b
rnam nges don dang de bzhin gzungs/ / de ni lus can kun gyi yid 'ong dka'// lus dang ngag rnams dang ni yid dag cing // de yi rnam par lhung ba kun 'chad pa// 'di ni tshul khrims ldan pa'i rgyan yin no/ / lA mi rnams kyi nang du mkhas pa skye// de yi smon lam ji ltar 'dod bzhin 'brug/ nan tan snying por byed dang yang dag ldan// 'di ni tshul khrims dag pa'i rgyan yin no// de yi ting 'dzin sgyu ma ma yin te/ / shes rab rnam grol de bzhin ye shes mthong // de yi mya ngan 'das pa sgyu ma yin// 'di ni tshul khrims rnam par dag pa'i rgyan// tshul khrims skyon med tshul khrims rnam par dag tshul khrims sra sre ma yin 'dren ma med/ / de yi rang dga' de bzhin rang dbang yin// 'di ni gang dag tshul khrims dag pa'i rgyan// tshul khrims kyis ni sbyin pa dag par 'gyur// bzod pa dag cing de bzhin brtson 'grus dag/ bsam gtan dag cing de bzhin shes rab dag/ thabs dang de bzhin bag yod dag pa yin// g.yo ba med cing gtan la shin tu gnas// sa mchog thob cing rnal 'byor rnam 'phro med/ / lhod pa spangs shing dgang sla gso yang sla// 'di ni gang dag tshul khrims dag pa'i rgyan// brtson 'grus 'bar zhing tshul khrims bsngags pa ste// de yi sems ni nam yang gdung mi 'gyur/ / de la yid la gcags par 'gyur med de// 'di ni gang dag tshul khrims dag pa'i rgyan// 'jigs pa med cing mi skrag mi num ste// bsam pa nges shing zhi la yid rab ni// 'dir ni de yi
- 174a
bcing ba sdod par gyur/ / 'di ni gang dag tshul khrims dag pa'i rgyun// grags chen sems ni las su rung ba yin// de ni dul zhing de bzhin cang shes yid// 'di ni rang lus mtshan gyi rgyan byed pa/ / 'di ni gang dag tshul khrims dag pa'i rgyan// de ni ji skad smras pa de bzhin te// mkhas pa de ni ngag gi rgyan thob ste// de ni nyon mongs med pas rtag sems rgyan/ 'di ni gang dag tshul khrims dag pa'i rgyan// khyad par 'phags pa'i zhing ni legs par brgyan// theg pa mchog la sems can yongs smin te// gang phyir sdig pa thams cad mi byed pas/ rang gi skye ba legs par rgyan pa byed// byang chub spyod pa rtag tu rgyan byed cing // byang chub snying po dam pa rgyan par byed// stobs dang mi 'jigs pa dag rgyan byed cing // nga rgyal med pas shes pa legs par rgyan/ / de ni byams pas sems can kun khyab byed// mkhas pa rtag tu dran pa mnyen pa yin// g.yo med cing ni sgyu med bcos pa med// gti mug 'dod sdang 'jigs pas 'gro ba yin// de ni sgrib pa lnga po rnam par sel/ / bag yod gyur nas rjes su lam drug sgom// byang chub yan lag bdun dang lam sgom ste// mthar gyis dgu dang ting 'dzin bsam gtan byed// rnal 'byor pa ni zhi gnas nges sems sbyor/ / de ni tshul bzhin dge ba chud mi gzon// dben dang shin tu sbyangs dang so sor rtog/ 'phags pa'i rigs la dbang ni sgyur ba yin// chos rnams la ni the tshom med par gyur// de la
- 174b
/ kun nas ldang dang 'gyod pa med// de la ma rig gti mug mun pa med// bden pa snang zhing yongs su shes pa shes// tshul khrims dag pa dmigs pa med pa ste// shes rab dam pa bsam gtan ting 'dzin dag/ gnyis gsal nas ni rnam par grol ba dag/ lhag pa'i nga rgyal med cing shes pa dag/ dus gsum dag la ye shes mthong mi chags// 'dod chags bral ba'i shes pas chos kyang dag/ dag nas 'dir ni de la rlom sems med// 'di ni gang dag shes dang ldan pa'i rgyan// shes rab kyis ni sbyin pa brgyan gyur te// rmi lam sgyu ma tshol ba med pa'i phyir// bdag dang byang chub de bzhin sems can rnams// 'khor gsum po dag de ni rnam par sbyong // shes rab kyis ni tshul khrims brgyan gyur te// gzugs brnyan sgyu ma brag cha 'dra ba'i phyir// lus dang ngag rnams dang ni de bzhin sems// 'khor gsum po dag de ni rnam par sbyong // shes rab kyis ni bzod par brgyan gyur te// mkhas dang mtho min dma' bar 'gyur min dang / dam pa'i chos sku rtag tu rab rtog pa// 'khor gsum po dag de ni rnam par sbyong // shes rab kyis ni brtson 'grus brgyan gyur te// skyo ba med cing bsam pa brtan pa dang // de ni zang ba med cing dor med pa/ / 'khor gsum po dag de ni rnam par sbyong // shes rab kyis ni bsam gtan brgyan gyur te// de la ma chags 'gyur dang lhag mthong dang // mkhas
- 175a
dang mngon par shes pa bskyed pa dang / / 'khor gsum po dag de ni rnam par sbyong // shes rab kyis ni thabs kyang rgyan byed de// shin tu 'dud dang bzungs dang yang dag smon/ / 'khor gsum po dag de ni rnam skyong zhing // sems can chos dang de bzhin zhing rnams sbyong // dran pa nye bar gzhag la dran mi 'jug/ yang dag spong ba rnams la gnyis med de/ rdzu 'phrul gyis ni lus dang sems kyang dben// sems can gyis ni dbang po kun mi shes// bdud dang nyon mongs rnams kyis zil mi non// chos kyi rang bzhin tshul bzhin rjes su rtogs// de bzhin lam la 'ong med 'gro ba med// 'di ni gang dag shes rab ldan pa'i rgyan// de ni shin tu zhi ba'i zhi gnas shes// de yi lhag mthong spyod yul mtha' yas te// chos kyi phung po ji bzhin phung po shes/ / khams ni nam mkhar mtshungs shing 'dra bar shes// des ni stong pa lta bur skye mched shes// rten pas bsags pas chos rnams 'byung med de// don dam bden par 'khrugs pa med par shes/ / tshul bzhin gyis ni nges par rtogs par shes// dus gsum la ni chags med ye shes 'jug/ rnam par gzhag phyir phung po gsum yang shes// dkon mchog gsum ni mtshan nyid gcig tu shes/ / 'di ni gang dag shes rab ldan pa'i rgyan// rnam bsgrubs mtshan nyid sgyu ma lta bur shes// yongs brtags rtsa ba rmi lam ji bzhin no// rnam 'khrul mtshan nyid smig rgyu 'dra ba ste/
- 175b
'pho med chos rnams gzugs brnyan mtshan nyid do// 'du 'phrod byung ba mig yor lta bu ste// rkyen rnams kyis ni brag cha ji bzhin no// chos kyi dbyings ni rtag tu ma 'dres shes// de bzhin nyid ni gnas med de rab shes/ / yang dag mtha' ni rtag tu mi g.yo chos// 'dus ma byas dang 'dus byas gnyis su med// shes rab zab cing blo ni rab yangs pa// brgyan nas sangs rgyas chos rnams bar byed/ / de ni nam yang dran pa brjed pa med// chos rnams kun tu 'dzin cing 'dzin par byed// don dang tshig 'bru la ni rtag tu mkhas// nges tshig shes pa rtag par rtogs khong chud// chags med tshig dang rtsub pa ma yin dang / / rab tu grol ba'i tshig dang brdzun med tshig/ thos pa kun don rtag tu rtog pa dang // mkhas pa de ni ye shes rngon par byed// nges don mdo sde rdogs par rab tu shes/ gang zag med pa'i chos nyid rton byed cing // 'jig rten 'das pa'i chos nyid la yang rton// de ni gzungs kyis brgyan par gyur pa yin// de yi tshig ni bden pa'i rjes su mthun// gzung bar 'os dang dus su 'os pa yin/ / de yi chos bstan de ni 'bras bu yod// chad pa dang ni dus su rgyun chags 'jug/ de yi spobs pa mgyogs pa skye ba ste// shug can dang ni myur dang rtag mi chags/ / rgyun chad med dang 'khrul med nges pa'i tshig/ legs par brgyus pa'i 'phrengs pas legs brgyan bzhin// lha dang klu yi skad ni rab tu shes// gnod sbyin dag dang dri za lha
- 176a
min dang / / mkha' lding mi 'am ci dang lto 'phye che// sems can kun gyi skad kyang rab tu shes// 'khor lhags shes nas spa gong med pa ste// smra ba mthong nas zhum par 'gyur ba'ang med/ / 'jigs pa med par chos kyi gtam yang brjod// 'dri ba rnams la nges 'byung rab tu shes// lhag pa'i nga rgyal can mthong snrel zhi yi// gtam brjod rnal 'byor mthong nas rjes su mthun/ / nga rgyal can la lag na rdo rje ston// yul mngon chags la sreg pa'i bskal pa ste// theg pa gsum gyi rim pa'i gtam yang brjod// dogs pa kun kyi the tshom gcod pa ste/ / blo yis chos rnams mngon sum gyur pa yin// de yi shes rab nam yang gzhan mi ltos// yi ge thams cad rtag tu zad med shes// don rnams nges pa dag la rgyun chags te/ / de ni sangs rgyas chos rnams mtha' yas brjod// de ni gzungs kyis brgyan par gyur pa yin// kun nas nyon mongs skyon ni mtha' yas shes// rnam par byang ba'i phan yon thug pa med/ / de bzhin sems can dbang po thams cad shes// sangs rgyas snang ba'i so so rig pa thob// de ni gzungs kyis brgyan par gyur pa ste// de yi yon tan 'di dang gzhan dag kyang // bskal par rgyun chad med par rab brjod kyang / / yon tan mtha' ni rtogs par mi nus so// / bam po gsum pa/ bcom ldan 'das kyis/ gzhan
- 176b
yang byang chub sems dpa' gzungs kyi dbang phyug gi rgyal po la bka' stsal pa/ rigs kyi bu snang ba gang dag gis snang bar gyur na/ byang chub sems dpa' mun pa mun nag dang bral zhing / byang chub sems dpa'i spyod pa yongs su dag pa spyod par 'gyur ba/ byang chub sems dpa' rnams kyi snang ba ni brgyad po 'di dag go// brgyad gang zhe na/ 'di lta ste/ dran pa'i snang ba dang / blo gros kyi snang ba dang / rtogs pa'i snang ba dang / chos kyi snang ba dang / shes pa'i snang ba dang / bden pa'i snang ba dang / mngon par shes pa'i snang ba dang / sgrub pa'i snang ba ste/ rigs kyi bu byang chub sems dpa' rnams kyi snang ba ni brgyad po 'di dag go/ rigs kyi bu de la byang chub sems dpa' rnams kyi dran snang ba gang zhe na/ rigs kyi bu byang chub sems dpa' rnams kyi dran pa'i snang ba ni brgyad po 'di dag ste/ brgyad gang zhe na/ 'di lta ste/ sngon byas pa'i dge ba'i rtsa ba chud mi gzon pa dang / dge ba'i rtsa ba ma byas pa sogs pa dang / thos pa'i chos rnams mi brjed pa dang / don rnam par nges pa rjes su thob pa dang / yul drug gis mi 'phrogs pa dang / mi dge ba'i chos spong zhing dge ba'i chos yongs su rdzogs par bya ba'i phyir/ dran pa rgya chen po phun sum tshogs par gyur pa dang / de dran pa phun sum tshogs par rig nas/ sangs rgyas bcom ldan 'das rnams kyi chos kyi grong khyer srung bar 'jog pa dang / dran pa sngon du 'gro bas chos thams
- 177a
cad la snang ba thob pa yin te/ rigs kyi bu byang chub sems dpa' rnams kyi dran pa'i snang ba ni brgyad po 'di dag go// rigs kyi bu byang chub sems dpa' rnams kyi blo gros kyi snang ba ni brgyad po 'di dag ste/ brgyad gang zhe na/ 'di lta ste/ don gyi blo gros yin gyi/ tshig 'bru'i blo gros ma yin pa dang / ye shes kyi blo gros yin gyi/ rnam par shes pa'i blo gros ma yin pa dang / chos kyi blo gros yin gyi/ nyon mongs pa'i blo gros ma yin pa dang / rigs pa'i blo gros yin gyi/ 'gal ba'i blo gros ma yin pa dang / byang chub kyi sems kyi blo gros yin gyi/ nyan thos dang rang sangs rgyas kyi blo gros ma yin pa dang / rlabs po che'i blo gros yin gyi/ dman pa'i blo gros ma yin pa dang / sangs rgyas kyi blo gros yin gyi/ bdud kyi blo gros ma yin pa dang snying rje chen po'i blo gros yin gyi/ sems can la rnam par 'tshe ba'i blo gros ma yin pa ste/ rigs kyi bu byang chub sems dpa' rnams kyi blo gros snang ba ni brgyad po 'di dag go// rigs kyi bu byang chub sems dpa' rnams kyi rtogs pa'i snang ba ni brgyad po 'di dag ste/ brgyad gang zhe na/ 'di lta ste/ chos thams cad rtogs par khong du chud par 'gyur ba dang / dgongs te bstan pa rnams rtogs par khong du chud par 'gyur ba dang / sems can gyi bsam pa rtogs par khong du chud par 'gyur ba dang / so so yang dag par rig pa'i shes pa rnams rtogs par khong du chud par
- 177b
'gyur ba dang / rten cing 'brel par 'byung ba zab mo rtogs par khong du chud par 'gyur ba dang / snrel zhi'i rgyud bstan pa rtogs par khong du chud par 'gyur ba dang / spyi'u tsugs kyi rgyud brtan pa rtogs par khong du chud par 'gyur ba dang / sangs rgyas kyi chos thams cad rtogs par khong du chud par 'gyur ba ste/ rigs kyi bu byang chub sems dpa' rnams kyi rtogs pa'i snang ba ni brgyad po 'di dag go// rigs kyi bu byang chub sems dpa' rnams kyi chos kyi snang ba ni brgyad po 'di dag ste/ brgyad gang zhe na/ 'di lta ste/ sems can rnams la las kyi bya ba la 'jug pa ston pas 'jig rten pa'i chos kyi snang ba dang / thar pa 'dod pa rnams la ye shes kyis ston pas 'jig rten las 'das pa'i chos kyi snang ba dang / lam shin tu bsgoms pa'i phyir sgrib pa med pa'i chos kyi snang ba dang / 'dod pa dang / srid pa dang / ma rig pa dang / lta ba'i zag pa mi slong ba'i phyir zag pa med pa'i chos kyi snang ba dang / 'phags pa rnams kyi nges par gyur pa mngon sum du byed pa'i phyir/ 'dus ma byas kyi chos kyi snang ba dang / glo bur gyi nyon mongs pa la shin tu rtogs pa'i phyir/ kun nas nyon mongs pa'i chos kyi snang ba dang / sems rang bzhin gyis 'od gsal ba'i phyir/ rnam par byang ba'i chos kyi snang ba dang / chos rnams shin tu nye bar zhi ba'i phyir mya ngan las 'das pa'i chos kyi snang ba ste/ rigs kyi bu byang chub sems dpa' rnams kyi chos kyi snang ba ni
- 178a
brgyad po 'di dag go/ / rigs kyi bu byang chub sems dpa' rnams kyi shes pa'i snang ba ni brgyad po 'di dag ste/ brgyad gang zhe na/ 'di lta ste/ brgyad pa'i shes pa'i snang ba dang / rgyun du zhugs pa'i shes pa'i snang ba dang / lan cig phyir 'ong ba'i shes pa'i snang ba dang / phyir mi 'ong ba'i shes pa'i snang ba dang / dgra bcom pa'i shes pa'i/ snang ba dang / rang sangs rgyas kyi shes pa'i snang ba dang / byang chub sems dpa'i shes pa'i snang ba dang / yang dag par rdzogs pa'i sangs rgyas kyi mkhyen pa'i snang ba ste/ rigs kyi / bu byang chub sems dpa' rnams kyi shes pa'i snang ba ni brgyad po 'di dag go// rigs kyi bu byang chub sems dpa' rnams kyi bden pa'i snang ba ni brgyad po 'di dag ste/ brgyad gang zhe na/ 'di/ lta ste/ bden pa bsgom pa gang gis nges par gyur pa la 'jug pa de la de'i snang ba dang / bden pa bsgom pa gang gis 'bras bu dang po 'thob par 'gyur ba de la de'i snang ba dang / bden pa bsgom/ pa gang gis 'bras bu gnyis pa 'thob par 'gyur ba de la de'i snang ba dang / bden pa bsgom pa gang gis 'bras bu gsum pa 'thob par 'gyur ba de la de'i sdang ba dang / bden pa bsgom pa gang gis 'bras bu bzhi pa 'thob par 'gyur ba de la de'i snang ba dang / bden pa bsgom pa gang gis rang sangs rgyas nyid 'thob par 'gyur ba de la de'i snang ba dang / bden pa bsgom pa gang gis byang
- 178b
chub sems dpa'i bzod pa rab tu 'thob par 'gyur ba de la de'i snang ba dang / bden pa bsgom pa gang gis sangs rgyas kyi byang chub mngon par rdzogs par 'tshang rgya bar 'gyur ba de la de'i snang ba ste/ rigs kyi bu byang chub sems dpa' rnams kyi bden pa'i snang ba ni brgyad po 'di dag go// rigs kyi bu byang chub sems dpa' rnams kyi mngon par shes pa'i snang ba ni brgyad po 'di dag ste/ brgyad gang zhe na/ 'di lta ste/ lha'i mig gis gzugs thams cad yang dag par mthong ba'i phyir gsal ba'i snang ba dang / lha'i rna bas sgra thams cad thos pa'i phyir/ nges par rtogs pa'i snang ba dang sngon gyi gnas bskal pa grangs med pa rjes su dran pa'i phyir rjes su dran pa'i snang ba dang / sems can thams cad kyi sems la lta ba'i phyir/ rang bzhin gyis 'od gsal bar snang ba dang / sangs rgyas kyi zhing mtha' yas par rdzu 'phrul gyis 'gro ba'i phyir/ nam mkha' sgrib pa med pa'i snang ba dang / zag pa med pa'i shes pa yongs su rdzogs par byed pa'i phyir shes pa'i snang ba dang / sems can thams cad nye bar 'tsho ba'i phyir/ bsod nams kyi tshogs kyi snang ba dang / sems can thams cad kyi dogs pa gcod pa'i phyir/ ye shes kyi tshogs kyi snang ba ste/ rigs kyi bu byang chub sems dpa' rnams kyi mngon par shes pa'i snang ba ni brgyad po 'di dag go// rigs kyi bu byang chub sems dpa' rnams kyi sgrub pa'i snang ba ni dgu po 'di dag ste/
- 179a
dgu gang zhe na/ 'di lta ste/ 'di sgrub pas ye shes kyi snang ba dang / sgrub pas shes rab kyi snang ba dang / sgrub pas blo'i snang ba dang / sgrub pas yang dag pa'i lta ba'i snang ba dang / sgrub pas zhi gnas kyi snang ba dang / sgrub pas lhag mthong gi snang ba dang / sgrub pas sems can gyi bsam pa'i snang ba dang / sgrub pas 'khrugs pa med par sems rnam par grol ba'i snang ba dang / sgrub pas shin tu mthar thug pa'i snang ba ste/ rigs kyi bu byang chub sems dpa' rnams kyi sgrub pa'i snang ba ni dgu po 'di dag go// de nas bcom ldan 'das kyis de'i tshe tshigs su bcad pa 'di dag gsungs so/ / dran pa de dang yang dag 'dres pas na// sngon chad las dge bsags pa chud mi zo na// phra bar sngo ba'i phun sum tshogs pa de/ phyi phyir zhing ni yang dag sgrub par byed// thos pa'i chos rnams la ni brjed par med// rnam par nges pa myur du 'thob par 'gyur// nye bar zhi bas yul rnams las ni spras// dran dang ldan pa mi dge rnams dang bral/ / dran pa rgya bo che ni shin tu bsags// bya ba bya ba dag ni rnam par 'byed// dran pa dag dang ldan par rig nas ni// rgyal ba rang byung dag gis byin gyis rlob// dam pa'i chos kyi grong khyer skyong byed pa// de ni 'gro ba rnams la chos ston nus// shes rab ldan pa mun pa rnam bral te// lha dang mi rnams kyi ni don kyang byed// blo gros bzang ldan snang ba
- 179b
thob gyur nas/ / dogs pa dang ni the tshom rnams kyang gcod// dran pa ldan pa rang byung ye shes kyis// byang chub myur du rjes su rtogs par byed// de ni don gyi blo gros can yin gyi// tshig 'bru'i rjes su mi rgyug sgra la'ang min/ / sems can dag pa ye shes blo gros can// rnam par shes pa'i blo gros 'dod ma yin// chos kyi blo gros ldan par gyur pa de// nyon mongs blo gros sel cing gti mug bral/ / shes rab dang ni thabs kyi tshul shes pa// de ni rgyal ba'i byang chub 'gal mi byed// de ni sangs rgyas 'gyur ba'i blo gros ldan// nyan thos 'gyur min rang rgyal 'gyur ma yin/ / rtag tu rlabs chen blo gros can yin gyi// de ni blo gros chung ngu 'dod ma yin// sangs rgyas blo gros rtag tu ldan yin gyi// bdud kyi blo gros su ni 'gyur ma yin// blo gros ldan pa/ snying rje cher gzhol gyi// sems can gang la'ang rnam par 'tshe ba min// chos 'ga' bstan pa gang yin de la ni// the tshom med cing rtogs pa khong du chud// de ni dgongs te gsungs la mkhas 'gyur zhing / / sems can spyod pa rnams la rtogs dang ldan// so so yang dag rig la rtogs ldan zhing // de yi shes pa 'jug pa chags pa med// rkyen byung byed pa po dang rnam bral bar/ / rten pa'i chos rnams dag ni rab tu shes// de ni snrel zhi'i rgyud la mkhas gyur cing // spyi'u tshugs tshul ni rtogs par khong du chud// sangs rgyas kyis ni chos bshad ji snyed pa/
- 180a
thams cad kyang ni rtogs par khong du chud// 'jig rten pa yi chos kyi snang ba yis// lha mi rnams kyi las kyi bya ba shes// 'jig rten las ni 'das pa'i ye shes kyis// shes rab snang ba dang ni ldan pa yin// kha na ma thor bcas dang ma tho med// ye shes rab tu gsal ba chen po 'jug/ lam ni shin tu bsgoms par gyur pa'i phyir// rtag tu 'bras bu yod pa'i chos ston to/ / zag par bcas dang zag pa med pa yi// chos la de yi snang ba rab tu 'jug/ de ni zag pa thams cad spong byed cing // lha dang mi rnams kyi ni don kyang byed// 'dus ma byas dang 'dus byas chos rnams la/ / de yi shes pa rtag tu rab tu 'jug/ de ni de yis dri bral rab rib med// skyon med thob nas sdud pa rnams kyang spyod// rnam par byang dang kun nas nyon mongs la de yi dam pa sgrib pa med pa 'jug/ rang bzhin gyis ni sems 'od gsal ba dang // kun nas nyon mongs pa yi tshul yang shes// ji ltar mya ngan 'das par gyur pa ni// skye ba med cing 'byung ba med par shes/ / 'di 'dra 'di ni theg pa chen po la// chos kyi snang ba mtha' yas gyur pa yin// de ni brkyang pa yi ni shes pa dang // rgyun du zhugs la shes pa 'jug pa dang // lan cig phyir 'ong ba ye shes pa dang / / phyir mi 'ong la shes pa 'jug pa dang // de ni dgra bcom pa dang rang rgyal dang // 'jig rten mgon po byang chub sems dpa' dag/ kun la de ye shes dang sgrub pa rnam/
- 180b
lhag ma lus pa med par rab tu 'jug/ gang gis 'bras bu thob par 'gyur ba dang // 'khrugs med don dam nges par 'byung 'gyur ba// de la rab bsgoms smrab dpa' bo rnams// bden pa'i snang ba dag dang ldan pa yin/ / bden pa dag ni bsgom pa byas pas na// skyon med 'jug dang 'bras bu dang po 'thob// gnyis dang gsum dang de bzhin bzhi pa dang // rang rgyal rnams kyi 'bras/ bu thob par 'gyur// bsgom pa gang gis su ni smra ba'i rtag/ de dag bzod pa dag ni thob 'gyur dang // gang gis rgyal ba byang chub 'tshang rgya ba// bden pa de dag la ni snang bar 'gyur/ lha yi mig gis su ni de yis kyang // gzugs kyi rnam pa dag ni thams cad mthong // lha yi rna ba nges par rtogs pa yin// phyogs bcu dag gi sgra rnams rtogs par 'gyur// sngon gyi gnas shes pa yi snang ba yis/ / bskal pa khrag khrig dag ni rjes su dran// 'od gsal ba ye shes pa'i snang ba yis// gzhan gyi sems kyi spyod pa rnams la mkhas// rdzu 'phrul gyi ni shes pa'i snang ba yis/ / phyogs bcu'i zhing ni khrag khrig rnams su 'gro// zag pa med pa'i shes pa'i snang ba ni// nam mkha' dang ni mtshungs shing 'dra ba yin// bsod nams kyi ni snang ba mtha' yas pa'i/ da mngon shes thob pa 'gro banye bar 'gro// de ye shes pa chags pa med pa yis// 'gro ba'i dogs pa dag ni gcod par byed// nan tan snying por byed pa'i rnal 'byor pa// dran dang /
- 181a
blo gros rtogs dang chos shes snang // bden pa yi ni snang ba mtha' yas te// mngon par shes pa'i snang bar gyur pa yin// sgrub pas ye shes dang ni shes rab dang / rgya chen blo dang spobs pa mtha' yas dang // yang dag lta ba dang ni lhag mthong dang // shin tu 'khrugs pa med pa mthar thug gyur// snang ba shin tu rnam par dag pa brkyang // 'di dag mthu chen gang la yod pa ni/ / re zhig byang chub 'thob par ma gyur kyang // de ni sangs rgyas mdzad pa byed par 'gyur// bcom ldan 'das kyis/ gzhan yang byang chub sems dpa' gzungs kyi dbang phyug gi rgyal po la bka' stsal pa/ rigs kyi bu byang chub sems dpa'i rnam pa bcu drug gis sems can rnams la byang chub sems dpa'i snying rje chen po skye'o// bcu drug gang zhe na/ rigs kyi bu 'di la byang chub sems dpa' 'di snyam du kye ma sems can 'di dag ni 'jig tshogs la lta bas bcings pa lta ba sna tshogs dang 'dres pa dag ste/ lta ba thams cad spang ba'i phyir de dag la chos bstan bar bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni yod pa ma yin pa'i phyin ci log tu gyur nas/ mi rtag pa la rtag par 'du shes/ sdug bsngal ba la bde bar 'du shes/ bdag med pa la bdag tu 'du shes/ mi sdug pa la sdug par 'du shes pa dag ste/ phyin ci log thams cad spang ba'i phyir de dag la chos bstan par bya'o//
- 181b
snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni ngar 'dzin pa dang / nga yir 'dzin pa la gnas pa/ dngos po med pa la dngos por 'du shes pa dag ste/ ngar 'dzin pa dang / nga yir 'dzin pa spang ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni sgrib pa lngas bsgribs te/ 'dod pa'i zug rngus zug pa/ khong khro ba med de/ rmugs pa dang gnyid la chags pa/ dam pa ma yin pa la 'gyod pa kun nas langs zab mo'i chos rnams la nges pa ma thob pa dag ste/ sgrib pa thams cad spang ba'i phyir/ de dag la chos bstan par bya'o snyam du sems can rnam la byang chub sems dpa'i snying rje chen po skye ba dang / kye ma sems can 'di dag ni skye mched drug gi chags pas chags te/ mig gis gzugs rnams mthong nas/ mtshan mar 'dzin cing mngon rtags su 'dzin pa yin/ rna bas sgra thos/ snas dri bsnams lces ro myangs/ lus kyis reg bya rnams la reg/ yid kyis chos rnams rnam par shes nas/ mtshan mar 'dzin cing mngon rtags su 'dzin pa dag yin te/ skye mched drug gis chags pa spang ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can
- 182a
'di dag ni nga rgyal dang / lhag pa'i nga rgyal dang / nga rgyal las kyang nga rgyal dang / nga'o snyam pa'i dargyal dang / mngon pa'i nga rgyal dang / cung zad pa'i nga rgyal dang / lhag pa'i nga rgyal gyis bcom pas/ chung ngu dag pas bdag cag che'o snyam du bdag la rlom sems su byed pa/ mtshungs pa dag pas ni me/ che ba dag pas kyang bdag ches che'o snyam du bdag la rlom sems su byed pa/ gzugs la bdag tu khas len pa nas/ rnam par shes pa'i bar la bdag tu khas len pa/ ma thob par bdag la thob pa snyam du shes pa/ bdag cag ni 'phags pa'o snyam du bdag la sems pa/ log par lta ba yang dag pa'i lta bar mos pa dag ste/ nga rgyal gyi rnam pa thams cad spang ba'i phyir/ de dag la chos bstan par bya'o/ snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni lam ngan par zhugs pa/ 'phags pa'i lam dang bral ba dag ste/ lam ngan pa spang zhing 'phags pa'i lam thob par bya ba'i phyir/ de dgal chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni sred pa'i khol lo/ chung ba dang / bu bo dang / bu mo la yongs su zhen pas spags pa/ rang dbang med pas/ bdag la mi dbang bdag ste/ rang dbang yod cing bdag la dbang bar bya ba dang / kar dam
- 182b
bar 'gro bar bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni phan tshun mi 'phrod pa khro ba dang / zhe sdang dang / gnod sems mang ba dag ste/ khro ba dang / zhe sdang dang / gnod sems spang bar bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni sdig pa'i grogs pos yongs su zin pa/ dge ba'i bshes gnyen dang bral ba/ sdig pa'i las byed pa dag ste/ dge ba'i bshes gnyen gyis yongs su zin pa dang / sdig pa'i grogs po yongs su spang bar bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni brkam pa chags pa'i zil gyis non pa/ chog mi shes shing 'phags pa'i shes rab kyi gnas pa dang bral ba dag ste/ chags pa spang ba dang 'phags pa'i shes rab skyed pa'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni las kyi rnam bar smin pa med par lta zhing / rtag pa dang chad pa la gnas pa dag ste/ rten cing 'brel par 'byung ba zab mo dang / las dang bya ba la gzung ba'i phyir/ de dag la chos bstan par
- 183a
bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni ma rig pa dang / gti mug gis ldongs pa/ bdag dang sems can dang / srog dang / gso ba dang / skyes bu dang / gang zag la mngon par zhen pa dag ste/ 'phags pa'i shes rab kyi mig rnam par dag par bya ba dang / lta bar gyur pa thams cad spang bar bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni 'khor ba la mngon par dga' ba/ phung po lnga'i gshed mas yongs su zin pa dag ste/ khams gsum thams cad las dbyung ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni bdud kyi zhags pa'i 'ching bas bcings pa g.yo ba dang / rlom sems la gnas pa dag ste/ bdud kyi zhags pas bcings pa thams cad las rnam par dgrol ba dang / g.yo ba dang / rlom sems spang ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen poskye ba dang / kye ma sems can 'di dag ni mya ngan las 'das pa'i sgo bcad cing ngan 'gro'i sgo bye ba dag ste/ mya ngan las 'das pa'i sgo dbye ba dang / ngan 'gro'i sgo gcad pa'i phyir
- 183b
de dag la chos bstan par bya'o snyam du sems can rnams la byang chub sems dpa'i snying rje chen po skye ba ste/ rigs kyi bu rnam pa bcu drug po 'di dag gis sems cad rnams la byang chub sems dpa'i snying rje chen po skye'o/ / rigs kyi bu 'di dag ni byang chub sems dpa' rnams kyi las ma 'dres pa sum cu rtsa gnyis te/ de dag la brtson na byang chub sems dpa' rnams legs par byed pa'i las byed pa rnams yin no/ / sum cu rtsa gnyis gang zhe na/ 'di lta ste/ sems can dag gti mug gi gnyid kyis log pa dang / bdag shes rab kyis sad pa mthong nas/ shes rab kyis sems can rnams sad par byed pa 'di ni/ byang chub sems dpa'i las ma 'dres pa dang po'o// sems can dag chung ngu la mos pa dang / bdag rgya chen po la mos par mthong nas/ theg pa chen po la sems can rnams yang dag par 'dzin du 'jug pa dang / sems can dag chos ma yin pa 'dod pa dang / bdag chos la gnas par mthong nas/ sems can rnams chos 'dod pa la rab tu 'god pa dang / sems can dag 'tsho ba yongs su ma dag pa dang / bdag 'tsho ba yongs su dag par mthong nas/ sems can rnams 'tsho ba yongs su dag pa la sbyor ba dang sems can dag lta bar gyur par bying ba dang / bdag yang dag pa'i lta ba la zhugs par mthong nas/ sems can rnams 'phags pa'i yang dag pa'i lta ba la rab tu 'god pa dang / sems can
- 184a
dag ma rig par gyur cing / tshul bzhin ma yin pa yid la byed pa bsags par mthong zhing bdag rig pa'i rjes su mthun pa'i tshul bzhin yid la byed pa la gnas par rig nas sems can rnams rig pa'i rjes su mthun pa'i tshul bzhin yid la byed pa la rab tu 'god pa dang / sems can dag log pa'i chos la gnas pa dang / bdag yang dag par chos la zhugs par mthong nas/ yang dag pa'i chos bsgrub par bya ba'i phyir/ sems can rnams la chos ston pa dang / sems can dag ser sna can du gyur te/ kun tu 'dzin pa'i sems dang ldan pa dang bdag bdog pa thams cad yongs su gtong bar mthong nas/ sems can rnams bdog pa thams cad yongs su gtong ba la sbyor ba dang / sems can dag ngang tshul ngan pa can du gyur te/ sdom pa la mi gnas pa dang / bdag tshul khrims yongs su dag par mthong nas/ sems can rnams tshul khrims kyi sdom pa la rab tu 'god pa dang / sems can dag gnod sems mang zhing mo ba'i shas che ba dang / bdag bzod pa'i stobs dang / byams pa la gnas par mthong nas sems can rnams bzod pa'i stobs dang / byams pa'i gnas pa yang dag par 'dzin du 'jug pa dang / sems can dag le lo can du gyur te/ brtson 'grus chung ba dang / bdag le lo med cing brtson 'grus brtsams par mthong nas/ sems can rnams brtson
- 184b
'grus rtsom pa la sbyor ba dang / sems can dag sems g.yengs shing dran pa nyams pa dang / bdag mnyam par bzhag ste/ bsam gtan la bsam gtan byed par mthong nas sems can rnams sems mi g.yeng ba dang / dran pa dang shes bzhin la rab tu 'god pa dang / sems can dag shes rab 'chal par gyur te/ dman zhing gti mug dang ldan pa dang bdag shes rab dang ldan zhing gti mug dang bral bar mthong nas/ sems can rnams shes rab chen po dang gti mug dang bral ba yang dag pa 'dzin du 'jug pa dang / sems can dag rigs pa ma yin par ltung zhing yang ba'i byed pa brtsams pa dang / bdag thabs mkhas pa dang ldan zhing / yang dag pa'i las brtsams par mthong nas/ sems can rnams thabs mkhas pa yang dag pa'i las rtsom pa yang dag par 'dzin du 'jug pa dang / sems can dag nyon mongs pas bcom zhing kun tu rtog pa dang / rnam par rtog pa dang / yongs su rtog pa'i spyod yul bar gyur pa dang / bdag nyon mongs thams cad las log par mthong nas/ sems can rnams nyon mongs pa thams cad spong ba la rab tu 'god pa dang / sems can dag 'jig tshogs la lta ba'i bcing bas bcings shing dmigs pa rab tu gnas pa dang / bdag 'jig tshogs la lta ba yongs su shes pa dang ldan zhing dmigs pas bcings pa las yongs su grol
- 185a
bar mthong nas/ sems can rnams 'jig tshogs la lta ba yongs su shes pa dang / dmigs pa dang bral ba la sbyor ba dang / sems can dag ma dul zhing ma sbas te/ byang ba ma yin pa dang / bdag dul zhing sbas te byang bar mthong nas/ sems can rnams dul ba dang / sbas pa dang / byang ba la rab tu 'god pa dang / sems can dag byas pa mi gzo zhing byas pa mi shes te/ dge ba'i rtsa ba 'joms pa dang / bdag byas pa gzo zhing byas pa shes te/ dge ba'i rtsa ba bsrung bar gnas par mthong nas/ sems can rnams byas pa gzo ba dang / byas pa shes pa dang / dge ba'i rtsa ba chud mi gzon pa la rab tu 'god pa dang / sems can dag chu bor lhung zhing sdig pa 'dod pa'i dbang du song ba dang / bdag chu bo thams cad las yang dag par 'das par mthong nas/ sems can rnams chu bo thams cad las yang dag par 'da' ba la sbyor ba dang / sems can dag bka' blo mi bde zhing / mthun par 'dzin pa ma yin pa dang / bdag bka' blo bde zhing mthun par 'dzin par mthong nas/ sems can rnams bka' blo bde zhing mthun par 'dzin pa yang dag par 'dzin du 'jug pa dang / sems can dag phongs pa mang zhing dam pa ma yin pa la yongs su zhen pa dang / bdag ma phongs pa mang zhing dge ba bdud rtsi la gnas par mthong nas sems can rnams yongs su zhen pa dang bral
- 185b
zhing dge ba'i rtsa ba la gnas par sbyor ba dang / sems can dag dbul zhing 'phags pa'i nor bu dang bral ba dang / bdag 'phags pa'i nor dang ma bral zhing nor bdun dang ldan par mthong nas sems can rnams 'phags pa'i nor thob par bya ba la rab tu 'god pa dang / / sems can rnams rtag tu na zhing khams rnam pa bzhi po'i sbrul gdug pas zin pa dang / bdag nad med cing bde la 'gyur ba med par mthong nas/ sems can rnams nad thams cad spong ba yang dag par 'dzin du 'jug pa dang / sems can dag mi shes pa'i mun pas kun tu gti bes shing / ye shes kyi snang ba dang bral ba dang / bdag ye shes kyi snang ba thob par mthong nas/ sems can rnams ye shes kyi snang ba chen po la rab tu 'god pa dang / sems can ngag khams gsum la chags pas chags shing rgyud lnga'i 'gro ba'i 'khor lo'i rjes su 'jug par mthong zhing / bdag khams gsum yongs su shes pa la mkhas par shes nas/ sems can rnams khams gsum yongs su shes pa la mkhas pa yang dag par 'dzin du 'jug pa dang / sems can dag g.yon phyogs kyi lam du zhugs shing g.yas phyogs kyi lam dang bral ba dang / bdag g.yas phyogs kyi lam la gnas par mthong nas/ sems can rnams g.yas phyogs kyi lam la rab tu 'god pa dang / sems can dag lus dang srog la chags shing nyes pa ma mthong ba dang / bdag lus dang srog
- 186a
la mi lta zhing nyes pa mthong ba yin par mthong nas/ sems can rnams lus dang srog la mi lta ba dang / nyes pa mthong ba la rab tu 'god pa dang / sems can dag sangs rgyas dang / chos dang / dge 'dun dang bral ba dang / bdag dkon mchog gsum gyi rigs rkun mi gcod par gnas par mthong nas/ sems can rnams dkon mchog gsum gyi rigs rgyun mi gcod pa la 'dzud pa dang / sems can rnams dam pa'i chos las nyams pa dang / bdag dam pa'i chos yongs su 'dzin par gnas par mthong nas/ sems can rnams dam pa'i chos yongs su 'dzin pa la rab tu 'god pa dang / sems can dag ston pa rin po che dang ring du gnas shing rjes su dran pa drug dang bral ba dang / bdag rjes su dran pa drug ma btang bar mthong nas/ sems can rnams rjes su dran pa drug bsgom pa la rab tu 'god pa dang / sems can dag las dang nyon mongs pa'i sgrib pas bsgribs pa dang / bdag las dang nyon mongs pa dang bral bar mthong nas/ sems can rnams las dang nyon mongs dang bral ba la rab tu 'god pa dang / sems can dag mi dge ba'i chos thams cad dang ldan zhing / dge ba'i chos thams cad spangs pa dang / bdag mi dge ba'i chos thams cad spangs shing / dge ba'i chos thams cad dang ldan par mthong nas/ sems can rnams mi dge ba'i chos thams cad spong ba dang
- 186b
dge ba'i chos thams cad yongs su rdzogs par byed pa la rab tu 'god pa ste/ rigs kyi bu byang chub sems dpa'i las sum cu rtsa gnyis po 'di dag ni byang chub sems dpa' rnams kyi yang dag phul yin te/ de dag la gnas nas byang chub sems dpa' rnams legs par byed pa'i las byed pa rnams yin no// rigs kyi bu yang byang chub sems dpa'i las ni tshad med do// de ci'i phyir zhe na/ rigs kyi bu sems can rnams kyi kun nas nyon mongs pa'i sgo ji snyed par byang chub sems dpa' rnam par byang ba'i sgo yang dag par bsgrub par bya ba yang de snyed do// rigs kyi bu gal te gang dag ga d+hA'i klung gi bye ma snyed kyi 'jig rten gyi khams kyi sems can de dag thams cad nyan thos kyi theg pa 'am/ rang sangs rgyas kyi theg pa la rab tu gnas par gyur kyang sems can de dag thams cad kyi las gang yin pa de/ sems dang po bskyed pa'i byang chub sems dpa'i las kyi brgya'i char yang nye bar mi 'gro// stong gi cha dang / brgya stong gi cha dang / bye ba'i cha dang / bye ba brgya phrag stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ nyan thos dang / rang sangs rgyas dag ni rang gi rgyud kyi nyon mongs pa spong bar nye bar gnas pa yin gyi/ byang chub sems dpa' dag ni sems can thams cad kyi nyon mongs pa spong bar nye bar gnas pa yin no// rigs kyi bu de ltar na
- 187a
sems can thams cad kyi las gang yin pa dang / nyan thos dang rang sangs rgyas thams cad kyi las gang yin pa bas 'dir byang chub sems dpa'i las nyid mchog ces brjod do// de ci'i phyir zhe na/ byis pa so so'i skye bo rnams kyi las ni phyin ci log dang ldan pa/ nyan thos dang rang sangs rgyas thams cad kyi las ni nyi tshe ba dang ldan pa yin gyi/ byang chub sems dpa'i las ni byin ci log med cing tshad med pa'i rnam pa'i yon tan rtsom pa ste/ byang chub sems dpa' rgyu 'dis sems can thams cad dang / nyan thos dang / rang sangs rgyas thams cad zil gyis non to/ / de nas byang chub sems dpa' gzungs kyi dbang phyug gi rgyal po tshim zhing mgu la yi rangs shing rab tu dga' ste/ dga' ba dang yid bde ba skyes nas/ bcom ldan 'das kyis gsungs pa la mngon par dga' ste/ rjes su yi rang nas yang bcom ldan 'das la 'di skad ces gsol to// bcom ldan 'das ji tsam du de bzhin gshegs pas byang chub sems dpa'i rgyan dang / byang chub sems dpa'i snang ba dang / byang chub sems dpa'i snying rje chen po dang / byang chub sems dpa'i las legs par gsungs pa de dag ni ngo mtshar to// bcom ldan 'das de bzhin gshegs pa dam bcom pa yang dag par rdzogs pa'i sangs rgyas kyis yang bshad du gsol/ bcom ldan 'das ji ltar sems can dag la sangs rgyas bcom ldan 'das rnams kyi mur+tha
- 187b
rje chen po 'jug/ de bzhin gshegs pa'i thugs rje chen po ni ji tsam/ rnam pa ni gang lags/ rtags ni gang lags/ mtshan ma ni gang lags/ gnas ni gang lags sangs rgyas bcom ldan 'das rnams 'phrin las ni ji ltar mdzad/ de bzhin gshegs pa'i 'phrin las ni ji tsam/ rnam pa ni gang lags/ rtags ni gang lags/ mtshan ma ni gang lags/ gnas ni gang lags/ de bcom ldan 'das thams cad mkhyen pa/ thams cad gzigs pa/ de bzhin gshegs pa'i 'phrin las rnams mngon sum du gyur pas mngon sum du bdag la legs par yang dag par bshad du gsol/ de skad ces gsol ba dang / bcom ldan 'das kyis/ byang chub sems dpa' gzungs kyi dbang phyug gi rgyal po la 'di skad ces bka' stsal to/ / rigs kyi bu khyod de'i phyir shin tu legs par nyon la yid la zung zhig dang / de bzhin gshegs pa'i snying rje chen po dang / de bzhin gshegs pa'i 'phrin las la 'jug pa tsam cung zad cig khyod la bshad par bya'o/ / rigs kyi bu sems can rnams la sangs rgyas bcom ldan 'das rnams kyi thugs rje chen po ni skye ba yang med/ 'jug pa yang med do zhes brjod par bya'o/ / de ci'i phyir zhe na/ sangs rgyas bcom ldan 'das rnams kyi thugs rje chen po ni rtag tu 'jug pa'i phyir ro// de ni bskal pa grangs med par yongs su sbyang ba byas pas yang dag
- 188a
par bskyed pa ste/ 'jug pa yang med/ ldog pa yang med do// sangs rgyas bcom ldan 'das rnams kyi thugs rje chen po ni ma btang ba/ sems can thams cad la gnas pa'o/ / de bzhin gshegs pa'i thugs rje chen po de ni ji tsam du las yongs su thob par bya bar sla ba ma yin pa de tsam du tshad med/ de tsam du bsam gyis mi khyab ste/ de tsam du mi zad cing de tsam du ring du song ba'o/ / de ci'i phyir zhe na/ rigs kyi bu de bzhin gshegs pas ji ltar byang chub thob pa de ltar sems can rnams la thugs rje chen po 'jug go// byang chub ci 'dra ba thugs rje chen po yang de 'dra'o/ / de bzhin gshegs pas byang chub ji ltar thob ce na/ de bzhin gshegs pas rtsa ba med pa dang / gnas med par byang chub 'thob bo// de la rtsa ba ni gang / gnas ni gang zhe na/ 'jig tshogs ni rtsa ba'o// yang dag pa ma yin pa kun rtog pa ni gnas so// de gnyis ni de bzhin gshegs pa'i byang chub dang mnyam pa nyid kyis mnyam par yongs su shes te/ de'i phyir de bzhin gshegs pas rtsa ba med pa dang / gnas med par byang chub mngon par rdzogs par sangs rgyas zhes bya'o// sems can 'di dag gis ni rtsa ba med pa dang / gnas med pa'i chos 'di dag khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen
- 188b
po 'jug go/ / rigs kyi bu byang chub ni zhi ba dang nye bar zhi ba'o// de la zhi ba ni gang / nye bar zhi ba ni gang zhe na/ nang ni zhi ba'o// phyi ni nye bar zhi ba'o// de ci'i phyir zhe na/ mig ni bdag dang bdag gis stong ste/ de ni de'i rang bzhin no// rna ba dang / sna dang / lce dang / lus dang / yid ni bdag dang bdag gis stong ste/ de ni de'i rang bzhin no/ / mig stong par yongs su shes nas gzugs rnams la mi rgyug ste/ de'i phyir nye bar zhi ba zhes bya'o// rna ba stong par yongs su shes nas sgra rnams la mi rgyug ste/ de'i phyir nye bar zhi ba zhes bya'o/ / sna stong par yongs su shes nas/ dri rnams la mi rgyug ste/ de'i phyir nye bar zhi ba zhes bya'o// lce stong par yongs su shes nas/ ro rnams la mi rgyug ste/ de'i phyir nye bar zhi ba zhes bya'o// lus stong par yongs su shes nas reg bya rnams la mi rgyug ste/ de'i phyir nye bar zhi ba zhes bya'o// yid stong par yongs su shes nas chos rnams la ma rgyug ste/ de'i phyir nye bar zhi ba zhes bya'o// sems can 'di dag gis ni zhi ba dang / nye bar zhi ba khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ / rigs kyi bu sems rang bzhin gyis 'od gsal ba'i phyir byang chub rang bzhi gyi 'o gsal ba'o// ci'i phyir rang bzhin 'od gsal ba zhes bya zhe na/ rang bzhin
- 189a
gang yin pa de ni kun nas nyon mongs pa med pa/ nam mkha' dang mtshungs pa/ nam mkha'i rang bzhin/ nam mkha' dang mnyam par gzhol ba/ nam mkha' dang maH ba ste/ rang bzhin de ni shin tu 'od gsal ba nyid do// byis pa so so'i skye bo rnams kyis ni rang bzhin 'od gsal ba 'di khong du ma chung bas/ glo bur gyi nyon mongs pa rnams kyis kun nas nyon mongs te/ rang bzhin 'od gsal ba de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go// rigs kyi bu byang chub ni blang ba med pa dang dor ba med pa'o/ / de la blang ba med pa ni gang / dor ba med pa ni gang zhe na/ blang ba med pa zhes bya ba ni chos thams cad mi 'dzin pa'o// dor ba med pa zhes bya ba ni chos thams cad mi 'dor ba'o/ / de la de bzhin gshegs pa blang ba med pa dang / dor ba med par chu bor 'jug pa na/ ji ltar de bzhin nyid la pha rol med pa dang / pha rol med pa ma yin par yang dag par rjes su mthong ba de ltar rgal to/ / de ltar de bzhin gshegs pas chos thams cad pha rol med pa dang / pha rol dang bral bar mngon par rdzogs par sangs rgyas te/ de'i phyir de bzhin gshegs pa zhes bya'o/ / byis pa so so'i skye bo dag gis ni blang ba med pa dang / dor ba med pa 'di khong du ma chud pas/ de dag gis khong du chud par bya'o snyam du sems can rnams la de bzhin gshegs pa'i
- 189b
thugs rje chen po 'jug go/ / rigs kyi bu byang chub ni mtshan ma med pa dang / dmigs pa med pa'o// de la mtshan ma med pa ni gang / dmigs pa med pa ni gang zhe na/ mig gi rnam par shes pa dmigs su med pa ni mtshan ma med pa'o/ / gzugs yang dag par rjes su mi mthong ba ni dmigs pa med pa'o// rna ba'i rnam par shes pa dmigs su med pa ni mtshan ma med pa'o// sgra mnyan du med pa ni dmigs pa med pa'o/ / sna'i rnam par shes pa dmigs su med pa ni mtshan ma med pa'o// dri ba snam du med pa ni dmigs pa med pa'o// lce'i rnam par shes pa dmigs su med pa ni mtshan ma med pa'o/ / ro myang du med pa ni dmigs pa med pa'o// lus kyi rnam par shes pa dmigs su med pa ni mtshan ma med pa'o// reg bya reg par byar med pa ni dmigs pa med pa'o// yid kyi rnam par shes pa dmigs su med pa ni mtshan ma med pa'o/ / chos yang dag par rjes su mi mthong ba ni dmigs pa med pa'o// de ltar na mtshan ma med pa dang / dmigs pa med pa ni 'phags pa rnams kyispyod yul lo/ / 'phags pa rnams kyi spyod yul gang zhe na/ gang khams gsum pa'i spyod yul ma yin pa de ni 'phags pa rnams kyi spyod yul lo// de ltar na gang spyod yul ma yin pa de ni 'phags pa rnams kyi spyod yul te/ 'phags pa'i spyod yul 'di byis pa so so'i skye bo rnams kyis khong du ma chud pas/ de dag gis khong du chud par bya'o snyam du sems can rnams la de bzhin
- 190a
gshegs pa'i thugs rje chen po 'jug go/ / rigs kyi bu byang chub ni 'das pa ma yin/ ma 'ongs pa ma yin/ da ltar byung ba ma yin te/ dus gsum mnyam pa 'khor gsum yongs su chad pa'o/ / de la 'khor gsum yongs su chad pa gang zhe na/ gang 'das pa la sems mi 'jug pa dang / ma 'ongs pa la rnam par shes pa mi 'jugs pa dang / da ltar byung ba la yid la byed pa mi 'jug pa'o/ / de sems dang yid dang rnam par shes pa mi gnas pas 'das pa la rtog par mi byed/ ma 'ongs pa la mi sems da ltar byung ba smos par mi byed do// de la dus gsum mnyam pa nyid dang / 'khor gsum yongs su dag pa 'di sems can rnams kyis khong du ma chud pas/ de dag gis khong du chud par bya'o snyam du sems can rnams la de bzhin/ gshegs pa'i thugs rje chen po 'jug go// rigs kyi bu byang chub ni lus med cing 'dus ma byas pa'o// de la lus med pa ni gang mig gi rnam par shes pas rnam par shes par bya ba ma yin/ rnab dang sna dang / lce dang / lus dang / yid kyi rnam par shes pas rnam par shes par bya ba ma yin pa'o// 'dus ma byas zhes bya ba ni gang la skye ba med pa dang / 'jig pa med pa dang / gnas pa med pa ste/ de ni mtshan nyid gsum dang bral ba'i 'dus ma byas zhes bya'o// 'dus ma byas ji lta bar 'dus byas kyang de bzhin du khong du chud bar bya'o// de ci'i phyi
- 190b
/ zhe na/ chos thams cad kyi rang bzhin gang yin pa de ni med pa'o// med pa gang yin pa de la ni gnyis med do// lus med pa dang / 'dus ma byas 'ang byis pa so so'i skye bo dag gis khong du ma chud par/ de dag gis khong du chud bar bya'o snyam du sems can rnams la de bzhin gshegs pa'i thugs rje chen po 'jug go// rigs kyi bu byang chub ces bya ba de ni dbyer med pa dang gnas so// de la gnas ni kang / dbyer med pa ni gang zhe na/ de bzhin nyid ni gnas so// gnas pa med pa ni dbyer med pa'o// chos kyi dbyings ni gnas so// tha dad pa ma yin pa ni dbyer med pa'o/ / yang dag pa'i mtha' ni gnas so// g.yo ba med pa ni dbyer med pa'o// stong pa nyid ni gnas so// dmigs su med pa ni dbyer med pa'o// mtshan ma med pa ni gnas so// rnam par rtog sa med pa ni dbyer med pa'o// smon ma med pa ni klanas so// smon lam 'debs pa med pa ni dbyer med pa'o// sems can med pa nyid ni gnas so// sems can ngo bo nyid med pa ni dbyer med pa'o/ / nam mkha' ni gnas so// dmigs su med pa ni dbyer med pa'o// skye ba med pa ni gnas so// 'gog pa med pa ni dbyer med pa'o// 'dus ma byas ni gnas so/ / rgyu ba med pa ni dbyer med pa'o// byang chub ni gnas so// nye bar zhi ba ni dbyer med pa'o// mya ngan las 'das pa ni gnas so// mngon par grub pa med pa ni dbyer med pa'o//
- 191a
de ltar dbyer med pa ni/ gnas 'di sems can rnams kyis khong du ma chud pas/ de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ rigs kyi bu byang chub ni lus kyis kyang mngon par rdzogs par 'tshang mi rgya// sems can gyos kyang ma yin no// de ci'i phyir zhe na/ lus ni bem/ po'o// sems ni sgyu ma lta bu'o// gang lus dang sems 'di lta bur khong du chud pa de ni tha snyad btags nas byang chub ces bya'i// byang chub ni lus sam/ sems sam/ chos sam/ chos ma yin pa 'am/ yang dag pa 'am/ yang dag pa ma yin pa 'am/ bden pa 'am/ brdzun pa gang gis kyang brjod par bya ba ma yin no// de ci'i phyir zhe ra/ byang chub ni chos thams cad kyis brjod par bya ba ma yin no/ / byang chub ni gang gis tshig tu tha snyad gdags par 'gyur ba'i dbyibs ni ji'ang med de/ ji ltar ram mkha'i dbyibs med cing brjod par bya ba ma yin pa de bzhin du byang chub kyang dbyibs med cing brjod par bya ba ma yin no/ / de ltar yang dag pa ji lta ba bzhin du yongs su btsal na chos thams cad ni brjod par bya ba ma yin pa ste/ chos la tshig med do/ / tshig la yang chos med do// chos kyi tshul gyi rnam pa 'di sems can rnams kyis khong du ma chud pas/ de dag gis khong du chud par bya'o snyam du sems can rnams la de bzhin
- 191b
gshegs pa'i thugs rje chen po 'jug go/ / rigs kyi bu byang chub ni gzung du med pa dang / gzhi med pa'o// de la gzung du med pa ni gang / gzhi med pa ni gang zhe na/ mig yongs su shes pa ni gzung du med pa'o/ / gzugs dmigs su med pa ni gzhi med pa'o// rna ba yongs su shes pa ni gzung du med pa'o// sgra dmigs su med pa ni gzhi med pa'o// sna yongs su shes pab ni gzung du med pa'o/ / dri dmigs su med pa ni gzhi med pa'o// lce yongs su shes pa ni gzung du med pa'o// ro dmigs su med pa ni gzhi med pa'o// lus yongs su shes pa ni gzung du med pa'o/ / reg bya dmigs su med pa ni gzhi med pa'o// yid yongs su shes pa ni gzung du med pa'o// chos dmigs su med pa ni gzi med pa'o// de ltar de bzhin gshes pas byang chub gzung du med pa dang / gzhi med par mngon par rdzogs par sangs rgyas so// mngon par rdzogs par sangs rgyas nas kyang mig gzung du med pa/ gzugs gzhi ma yin/ rnam par shes pa gnas pa med do// rna ba gzung du med/ sgra gzhi ma yin/ rnam par shes pa gnas pa med do// sna gzung du med/ dri gzhi ma yin/ rnam par shes pa gnas pa med do/ / lce gzung du med/ ro gzhi ma yin/ rnam par shes pa gnas pa med do// lus gzung du med/ reg bya gzhi ma yin/ rnam par shes pa gnas
- 192a
pa med do/ / yid gzung du med/ chos gzhi ma yin/ rnam par shes pa gnas pa med do// de rnam par shes pa gnas pa med pas sems can thams cad kyi sems kyi gnas rnams rab tu shes so/ / sems can dag gi sems kyi gnas rnams gang zhe na/ sems can rnams kyi sems kyi gnas ni bzhi po 'di dag go// bzhi gang zhe na/ 'di lta ste/ gzugs sems can rnams kyi sems kyi gnas dang / tshor ba dang / 'du shes dang / 'du byed dag sems can rnams kyi sems kyi gnas te/ sems kyi gnas de dag kyang de bzhin gshegs pas gnas med par mkhyen to/ / gnas med pa'i mtha' 'di sems can rnams kyis khong du ma chud pas/ de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ / rigs kyi bu byang chub ces bya ba de ni stong pa nyid kyi tshig bla dgas so// stong pa nyid gang gis byang chub stong pa'i stong pa nyid des chos thams cad stong ngo / / stong pa nyid ji lta ba de bzhin du chos de dag thams cad de bzhin gshegs pas mngon par rdzogs par sangs rgyas te/ stong pa nyid kyis stong pa nyid mngon par rdzogs par sangs rgyas pa ma yin no/ / de ni 'di lta ste/ stong pa nyid dang byang chub ces bya ba tshul gcig par shes pa ste/ de la gnyis gang gis stong pa nyid dang / byang chub gnyis su dbye ba'i gnyis cung zad kyang
- 192b
med do/ / de ci'i phyir zhe na/ chos thams cad ni gnyis su med pa/ gnyis su dbyer med pa/ mtshan nyid med pa/ mtshar ma med pa/ rgyu ba med pa/ rab tu rgyu ba med pa kun tu 'byung ba med pa'o/ / gang stong pa zhes bya ba de ni mngon par zhen pa med cing 'dzin pa med pa'i tshig bla dgas so// 'di la don dam par gang stong pa zhes bya ba'i chos gang yang dmigs su med kyang stong pa zhes kyang brjod do/ / ji ltar nam mkha' la nam mkha' brjod kyang / nam mkha' brjod par bya ba ma yin pa de bzhin du stong pa la stong pa zhes brjod kyang stong pa ni brjod par bya ba ma yin no// 'di lta ste/ ming med pa la ming du tha snyad 'dogs pa de ni chos thams cad la 'jug pa'o// ming de yang yul na gnas pa ma yin/ phyogs na gnas pa ma yin no// ji ltar ming yul na gnas pa ma yin/ phyogs na gnas pa ma yin pa de bzhin du ming gang gis chos gang brjod pa'i chos de yang yul na gnas pa ma yin/ phyogs na gnas pa ma yin no// de ltar de bzhin gshes pas chos de dag thams cad mkhyen te/ gzod ma nas ma skyes pa dang / ma 'gags pa dang / mtshan nyid med pa dang / sems dang / yid dang / rnam par shes pa dang bral ba dang yi ge med pa dang / sgra med par shes so// ji ltar shes pa de bzhin du rnam par grol te/ bcings pa yang med/ grol ba yang med do// mnyam pa nyid 'di yang byis pa so so'i skye bo dag
- 193a
gis khong du ma chud pas/ de dag gis khong du chud par bya'o snyam du sems can rnamal de bzhin gshegs pa'i thugs rje chen po 'jug go// rigs kyi bu byang chub ni rnam mkha' dang mnyam pa ste/ nam mkha' ni mnyam pa yang ma yin/ mi mnyam pa yang ma yin no// byang chub kyang mnyam pa yang ma yin/ mi mnyam pa yang ma yin no// chos gang la yang dag par yongs su 'grub pa med pa de mnyam pa'am/ mi mnyam par brjod pa ma yin no// de ltar de bzhin gshegs pas chos thams cad mnyam pa'ang ma yin/ mi mnyam pa'ang ma yin par mngon par rdzogs par sangs rgyas te/ ji ltar chos cung zad tsam yang mnyam par yang mi byed/ mi mnyam par yang mi byed pa de ltar mngon par rdzogs par sangs rgyas so// chos 'di dag/ ci 'dra ba de 'dra bar yang dag pa'i ye shes kyis mkhyen to// yang dag pa'i ye shes kyang gang zhe na/ 'di lta ste/ chos thams cad ni rtsa ba med pa/ ma skyes pa/ ma 'gags pa ste/ de dag ni ma byung nas kyang 'bral ba'o// de dag ni bdag po med par 'gyur ba/ bdag po med par 'bral ba'o// de ltar 'byung ba dang 'jig pa la brten nas 'jug kyang 'di la 'jug pa gang / yang med de/ lam bcad pa'i phyir de de bzhin gshegs pa chos ston to zhes kyang brjod do// lam chad pa de yang sems can rnams kyis khong du ma chud pas/ de dag gis khong du chud par bya'o//
- 193b
snyam du sems can rnams la de bzhin gshegs pa'i thugs rje chen po 'jug go// rigs kyi bu byang chub ces bya ba de ni ji lta ba bzhin gyi gnas so// de la ji lta ba bzhin gyi gnas gang zhe na byang chub ji lta bar gzugs kyang de bzhin te/ de bzhin nyid las mi 'da' 'o// byang chub ji lta bar tshor ba dang / 'du shes dang / 'du byed rnams dang / rnam par shes pa yang de bzhin te/ de bzhin nyid las mi 'da' 'o// byang chub ji lta bar sa'i khams dang / chu'i khams dang / me'i khams dang / rlung gi khams kyang de bzhin te/ de bzhin nyid las mi 'da' 'o// byang chub ji lta bar mig gi khams dang / gzugs kyi khams dang / mig gi rnam par shes pa'i khams kyang de bzhin te/ de bzhin nyid las mi 'da' 'o// byang chub ji lta bar rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos khams dang / yid kyi rnam par shes pa'i khams kyang de bzhin te/ de bzhin nyid las mi 'da' 'o// chos su btags pa ni 'di dag tu zad de/ 'di ltar phung po dang / khams dang /
- 194a
skye mched du btags pa'o// de dag ni de bzhin gshegs pas ji lta ba bzhin du mngon par rdzogs par sangs rgyas so// phyin ci ma log par mngon par rdzogs par sangs rgyas so/ / de dag ni sngon ji lta bar phyis kyang de bzhin/ bar du yang de bzhin te/ sngon gyi mthar yang ma skyes/ phyi ma'i mthar yang mi 'pho/ bar du yang dben pa dag go// de ltar na 'di ni ji lta ba bzhin gyi gnas yin no/ / gcig ji lta bar thams cad kyang de bzhin/ thams cad ji lta bar gcig kyang de bzhin te/ ji lta ba bzhin la ni gcig pa 'am/ mang ba mi dmigs so// lta ba bzhin gyi gnas 'di'ang byis pa so so'i skye bo rnams kyis khong du ma chud pas/ de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go// rigs kyi bu byang chub ni rnam pa la 'jug pas/ rnam pa med pa la zhugs pa'o// de la rnam pa ni gang / rnam pa med pa ni gang zhe na/ rnam pa zhes bya ba ni dge ba'i chos thams cad rtsom pa'o/ / rnam pa med pa zhes bya ba ni chos thams cad mi dmigs pa'o// rnam pa zhes bya ba ni gnas med pa'i sems kyi gnas so// rnam pa med pa zhes bya ba ni mtshan ma med pa'i ting nge 'dzin/ gyi rnam par thar pa'i sgo'o// rnam pa zhes bya ba ni chos rnams la sems pa dang / 'jal ba dang / bgrang ba dang / so sor rtog pa'o// rnam pa med pa zhes bya ba ni 'jal ba las
- 194b
shin tu 'das pa'o/ / 'jal ba las shin tu 'das pa gang zhe na/ gang la rnam par shes pa'i las med pa'o// rnam pa zhes bya ba ni 'dus byas la so sor rtog pa'o// rnam pa med pa zhes bya ba ni 'dus ma byas mngon sum du byed pa'o/ / rnam pa dang rnam pa med pa la 'jug pa 'di yang byis pa so so'i skye bo rnams kyis khong du ma chud pas/ de dag gis khong du chub par bya'o snyam du sems can rnams la de bzhin gshegs pa'i thugs rje chen po 'jug go/ / rigs kyi bu byang chub ni zag pa med pa dang / nye bar len pa med pa'o// de la zag pa med pa ni gang / nye bar len pa med pa ni gang zhe na/ zag pa med pa zhes bya ba ni zag pa bzhi dang bral ba'i phyir te/ 'di lta ste/ 'dod pa'i zag pa dang bral ba dang / srid pa'i zag pa dang bral ba dang / ma rig pa'i zag pa dang bral ba dang / lta ba'i zag pa dang bral ba'i phyir ro// nye bar len pa med pa zhes bya ba ni nye bar len pa bzhi dang bral ba'i phyir te/ 'di ltar 'dod pa'i nye bar len pa dang bral ba dang / lta ba'i nye bar len pa dang bral ba dang / bdag tu smra ba'i nye bar len pa dang bral ba dang / tshul khrims dang brtul zhugs mchog tu 'dzin pa'i nye bar len pa dang bral ba'i phyir ro/ / de la nye bar len pa bzhi po 'di dag thams cad kyang ma rig pas mun par byas shing sred pas bsnyen te/ bdag go snyam du mngon par zhen
- 195a
pas nye bar len pa dag go/ / de la de bzhin gshegs pas bdag nye bar len pa'i rtsa ba yongs su shes nas/ bdag rnam par dag pas sems can rnam par dag par rtogs so/ / bdag rnam par dag pa gang yin pa dang / sems can thams cad rnam par dag pa gang yin pa de gnyis su med cing gnyis su dbyer med do// gnyis su med pa'i don gang yin pa de skye ba med do/ / skye ba dang 'gag pa med pas sems dang / yid dang / rnam par shes pa rnams mi 'jug go// gang la sems dang / yid dang / rnam par shes pa mi 'jug pa de la yongs su rtog pa gang gis tshul bzhin ma yin pa yid la byed par 'gyur ba'i yongs su rtog pa gang yang med do/ / der tshul bzhin yid la byed pa dang ldan pas/ ma rig pa kun nas mi slong ngo // gang ma rig pa kun nas mi ldang ba de srid pa yan lag bcu gnyis kun nas mi ldang ngo // gang srid pa'i yan lag bcu gnyis kun nas mi ldang ba de mi skye'o// gang mi skye ba de nges par gyur pa'o// gang nges par gyur pa de nges pa'i don to// nges pa'i don gang yin pa de don dam pa'o// don dam pa gang yin pa de gang zag med pa'i don to// gang zag med pa'i don gang yin pa de brjod du med pa'i don to/ / brjod du med pa'i don gang yin pa de rten cing 'brel par 'byung ba'i don to// rten cing 'brel bar 'byung ba'i don gang yin pa de chos kyi don to// chos kyi don gang yin pa
- 195b
de de bzhin nyid kyi don to/ / de bzhin nyid kyi don gang yin pa de de bzhin gshegs pa'i don to// des na sus rten cing 'brel par 'byung ba mthong ba des chos mthong ngo // sus chos mthong ba des de bzhin gshegs pa mthong ngo zhes bya ste/ ji ltar de bzhin nyid kyis yongs su btsal na ci yang mi mthong ba de ltar mthong ngo // de la ci yang zhes bya ba gang zhe na/ 'di lta ste/ mtshan ma dang dmigs pa'o/ / des gang gi tshe sems med cing dmigs pa med par mthong ba de'i tshe/ yang dag par mthong ngo // de ltar de bzhin gshegs pas chos de dag mnyam pa nyid kyis mnyam par mngon par rdzogs par sangs rgyas so/ / zag pa med pa dang nye bar len pa med pa 'di yang sems can rnams kyis khong du ma chud pas/ de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ / rigs kyi bu byang chub ni dag pa dang / dri ma med pa dang / nyon mongs pa med pa'o// de la dag pa ni gang / dri ma med pa ni gang / nyon mongs pa med pa ni gang zhe na/ stong pa nyid ni dag pa'o// mtshan ma med pa ni dri ma med pa'o// smon pa med pa ni nyon mongs pa med pa'o// skye ba med pa ni dag pa'o// mngon par 'du byed pa med pa ni dri ma med pa'o// 'byang ba med pa ni nyon mongs pa med pa'o// rang bzhin ni dag pa'o// yongs su dag pa ni dri ma med pa'o// 'od gsal ba ni nyon mongs pa med
- 196a
pa'o/ / spros pa med pa ni dag pa'o// ma spros pa ni dri ma med du'o// spros pa nye bar zhi ba ni nyon mongs pa med pa'o// de bzhin nyid ni dag pa'o// chos kyi dbying ni dri ma med pa'o/ / yang dag pa'i mtha' ni nyon mongs pa med pa'o// skabs 'byed pa ni dag pa'o// nam mkha' ni dri ma med pa'o// nam mkha' ni nyon mongs pa med pa'o// nang yongs su shes pa ni dag pa'o/ / phyi rol du mi rgyu ba ni dri ma med pa'o// nang dang phyi mi dmigs pa ni nyon mongs pa med pa'o// phung po yongs su shes pa ni dag pa'o// khams kyi ngo bo nyid ni dri ma med pa'o// skye mched 'dor ba ni nyon mongs pa med pa'o// 'das pa la zad par shes pa ni dag pa'o// ma 'ongs pa la mi skye bar shes pa ni dri ma med pa'o// da ltar byung ba la chos kyi dbyings gnas par shes pa ni nyon mongs pa med pa'o/ / de ltar na dag pa dang / dri ma med pa dang / nyon mongs pa med pa ni 'di lta ste/ zhi ba'i gnas kyi gnas gcig tu yang dag par 'du'o// zhi ba gang yin pa de rab tu zhi ba'o/ / rab tu zhi ba gang yin pa de nye bar zhi ba'o// nye bar zhi ba gang yin pa de nye bar zhi bar byed pas mtshan ma med pa zhes bya'o// mtshan ma med pa gang yin pa de nye bar zhi ba'o// nye bar zhi ba gang yin pa de blo gros zhes bya'o// rigs kyi bu de ltar na nam mkha' ji lta bar byang chub kyang de bzhin no// byang chub ji lta bar chos rnams kyang de bzhin no// chos rnams ji lta bar
- 196b
sems can rnams kyang de bzhin no/ / sems can rnams ji lta bar zhing rnams kyang de bzhin no// zhing rnams ji lta bar mya ngan las 'das pa yang de bzhin no// des na chos thams cad ni mya ngan las 'das pa dang mnyam pa zhes bya ste/ mthar phyin cing mur thug pa'i phyir gnyen po med pa'o// gnyen po med pa'i phyir chos thams cad ni gzod ma nas dag pa/ gzod ma nas dri ma med pa gzod ma nas nyon mongs pa med pa'o/ / de la de bzhin gshegs pas de lta bu'i tshul dang mthun par chos thams cad mngon par rdzogs par sangs rgyas te/ ma dag pa dang / dri ma med pa ma yin/ pa dang / nyon mongs pa dang bcas pa'i sems can ni khams la rnam par gzigs nas/ sems can thams cad la rnam par rol pa zhes bya ba'i thugs rje chen po 'jug go// de bzhin gshegs ba ni thabs mkhas pas tshangs pa la bzhes te/ gsol ba ma btab par chos kyi 'khor lo mi skor ro// de nas tshangs pa gtsug phud can tshangs pa brgya stong phrag brgyad kyis yongs su bskor te mdun du bdar nas lhan cig tu tshangs pa'i 'jig rten nas mi snang bar gyur te/ de bzhin gshegs pa'i spyan sngar 'dug nas/ des de bzhin gshegs pa'i zhabs gnyis la gtugs te chos kyi 'khor lo bskor ba'i slad du bcom ldan 'das kyi chos bshad du gsol/ bde bar gshegs pas chos bshad du gsol zhes de bzhin gshegs pa la gsol ba btab bo// de'i tshe tshangs pa
- 197a
gtsug phud can gyis de bzhin gshegs pa la tshigs su bcad pas kyang gsol pa/ / khyod kyis chos ni zhi zhing rab zhi la// dag cing rnam dag dri med 'od gsal te// brjod med sgra med yi ge med 'phags par// sangs rgyas ye shes kyis ni thugs su chud// yun ring gnyid log gti mug rgyags pas bsgribs// nor ba'i sems can sad par mdzad slad du// de slad khyod kyis bskal pa bye bar ni// brtul zhugs dka' thub shin tu dka' ba spyad// gang dag sngon gyi rgyal ba'i rgyus lhag pa// de dag chos mchog 'di ni rtogs 'gyur te// 'di na sems// can dge bsam mang mchis kyis// de bzhin gshegs pas chos rab 'khor lo bskor// khyod kyis bdud 'khor shin tu tshar bcad de// khyod kyis bdud rtsi'i sgo ni rab tu phye// ded dpon chen po lam log 'khyams pa yi/ / sems can dag ni 'phags pa'i lam du khrid// khyod kyi sangs rgyas thugs rje bla na med// 'gro la phan par bsam gyis mi khyab 'jug/ ston pa khyod la pabadag ni gsol 'debs kyis/ / chos mchog 'khor lo rab tu bskor du gsol// ji ltar rgyal ba 'khor ba 'jig gis bskor// ji ltar gser thub rgyal bas bskor ba dang // bde ga shegs 'od srungs kyis kyang bskor ba ltar/ / bcom ldan 'das kyang chos kyi 'khor lo bskor// ji ltar sprin gyi chu yis tshim bgyis te// de yis lo thog sman rnams bskyed pa ltar// thugs
- 197b
/ rje'i sprin gyis 'jig rten khyab mdzad de// de bzhin gshegs pa khyod kyis chos char phob// rnam par 'dren mchog gang zhig skyes ma thag/ 'gro ba thar par mdzad slad sgra phyung ba// de dus deng lags lha mi sgom pa rnams/ / chos chen chu yis skom pa bsal du gsol// rigs kyi bu de ltar de bzhin gshegs pas tshangs pa gtsug phud can gyis gsol ba btab par mkhyen nas nyid kyis thugs rje chen po ma btang bas/ grong khyer wA ra NA si drang srong lhung ba ri dgas kyi nags su dge sbyong dang bram ze 'am/ lA 'am/ bdud dam/ tshangs pa 'am/ gang gis kyang 'jig rten du chos dang mthun par ma bskor ba'i chos kyi 'khor lo bla na med pa bskor te/ der mi rtag pa'i sgras stong gsum gyi stong chen po'i 'jig rten gyi khams go bar byas so// ko'u de rgyas kyang thog mar chos kun tu shes so/ / de nas de'i tshe ched du brjod pa 'di ched du brjod do// brjod du med cing zab pa ste// yi ge med cing dam pa'i don// ko'u de n+yas ni 'di shes pas/ nga yi 'bad pa don med min// de bzhin gshegs pas chos kyi 'khor lo bskor bas/ sems can grangs med dpag tu med pa dag btul bar gyur to// de bzhin gshegs pa thugs rje chen bos rnam par rol par rig nas/ sems can tshad med grangs med pa dag gis byang chub tu sems bskyed par gyur to// rigs kyi bu sangs rgyas bcom ldan 'das rnams kyi thugs rje chen po ma
- 198a
pa bcu drug po 'di ni lhun gyis grub par rtag tu 'jug pa ste/ yang gtang bar bya ba ma yin no// thugs rje chen po de dang ldan pas de bzhin gshegs pa sems can re re'i ched du yang bskal pa gang+gA'i klung gi bye ma snyed du sems can dmyal ba chen po rnams su gnas par spro ste/ gal te sems can de dag 'phags pa'i chos 'dul ba la 'dul bar 'gyur ba lta ru/ bzhin gshegs pa yang yongs su mo skyo zhing / thugs rje chen po de yang yongs su mi mnyam mo// de ltar sems can rnams la sangs rgyas bcom ldan 'das rnams kyi thugs rje chen po bsam gyis mi khyab pa 'jug go/ / nyan thos dang rang sangs rgyas rnams kyi snying rje ni pags pa'i rnam pa lta bu'o// byang chub sems dpa' rnams kyi snying rje ni sha'i rnam pa lta bu'o// sangs rgyas bcom ldan 'das rnams kyi thugs rje chen po ni rus pa dang / rkang gi rnam pa lta bu'o// nyan thos rnams kyi snying rje ni sangs rgyas kyi ye shes la rjes su yi rang ba'o// byang chub sems dpa' rnams kyi snying rje ni byang chub kyi sems yang dag par 'dzin du 'jug pa'o/ / sangs rgyas bcom ldan 'das rnams kyi thugs rje chen po ni byang chub tu lung ston par byed pa'o// nyan thos rnams kyi snying rje ni byams pa la ltos pa'o/ / dbyang chub sems dpa' rnams kyi snying rje ni sems can yongs su smin pa la ltos pa'o// sangs rgyas bcom ldan 'das rnams kyi thugs rje chen po ni shin tu yongs su smin par bya ba la ltos
- 198b
pa'o/ / nyan thos rnams kyi snying rje ni rtsom par yongs su skyo ba'o// byang chub sems dpa' rnams kyi snying rje ni rtsom pa nyams 'og tu chud par byed pa'o// sangs rgyas bcom ldan 'das rnams kyi thugs rje chen po ni/ rtsom pa thams cad nyams 'og tu chudang par byed pa'o// rigs kyi bu de ltar na sangs rgyas bcom ldan 'das rnams kyi thugs rje chen po ni mchog yin te/ gang gis sangs rgyas kyis 'dul ba'i ched du bskal pa 'am/ bskal pa brgya 'am/ bskal pa stong ngam/ bskal pa brgya drag stong du gnas kyang de srid du shin tu yongs su mya ngan las 'da' bas yongs su mya ngar las mi 'da' 'o/ / rigs kyi bu khyod kyis rnam grangs 'dis kyang 'di ltar rig par bya'o// rigs kyi bu sngon byung ba 'das pa'i dus na/ bskal pa grangs med pa bas kyang ches grangs med par gyur pa de'i tshe de'i dus na/ dri mchog gi bskal pa la 'jig rten gyi khams dri ldan du de bzhin gshegs pa dgra bcom pa yang dag par rdzogs pa'i sangs rgyas tsan dan khyim zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ngo / / bcom ldan 'das tsan dan khyim de bzhin gshegs pa de'i tshe'i tshad ni lo brgyad khri bzhi stong phrag bcu drug thub par gyur to// de'i nyan thos kyi 'dus pa
- 199a
ni nyan thos bcud cu rtsa bzhi phrag bcu drug go/ / bcom ldan 'das tsan dan gyi khyim de bzhin gshegs pa de'i spu'i khung bu gcig nas dri'i ngang byung ba gang yin pa des stong gsum gyi stong chen po'i 'jig rten gyi khams der dri zhim po'i drir byed do/ / 'jig rten gyi khams de na dri nga ba 'byung ba med do// yang 'jig rten gyi khams de na rtsig pa dang / shing dang / ri dang gzugs su snang ba rnams de bzhin gshegs pa'i dri des yongs su bsgos par gyur te/ des na 'jig rten gyi khams de dri ldan zhes bya'o// sems can gang dag 'jig rten gyi khams der skyes par gyur pa de dag thams cad de bzhin gshegs pa'i dri des lus dang / ngag dang / yid spyod pa kha na ma tho ba med par gyur to// sems can gang dag bcom ldan 'das de'i bstan pa la rab tu byung ba de dag kyang dri de bsnams pas bsam gtan bzhi dag bskyed par gyur to/ / 'jig rten gyi khams der sangs rgyas stong phrag bcu cig car byung bar gyur te/ thams cad kyang 'di ltar tsan dan khyim zhes bya bar ming mthun par gyur to/ / des na bskal pa de dri mchog ces bya'o// bcom ldan 'das tsan dan khyim de bzhin gshegs pa de sangs rgyas kyi mdzad pa mdzad nas/ yongs su mya ngan las 'da' ba'i dus kyi tshe/ sems can sangs rgyas kyis 'dul ba gang zhig ngas gdul bar bya zhes sems can gyi khams la rnam par gzigs nas/ des lha'i spyan rnam
- 199b
bar dag pa mi'i las 'das pas 'du shes med 'du shes med min gyi lha'i nang na sems can sngon dge ba'i rtsa ba bskyed pa/ rgya chen po la mos pa/ sangs rgyas kyis 'dul ba gcig cig der bskal pa stong phrag brgyad cu rtsa bzhir gnas nas/ de nas shi 'phos te mi rnams dang skal ba mnyam par skye zhing / gal te 'dod pa rnams la ma rtses par theg pa chen po'i bsngags pa thos pa lta na/ bla na med pa yang dag par rdzogs pa'i byang chub tu sems bskyed par 'gyur/ bla na med pa yang dag par rdzogs pa'i byang chub las phyir mi ldog par 'gyur ba zhig gzigs so/ de nas bcom ldan 'das tsan dan khyim de bzhin gshegra pa de thams cad thabs la mkhas pas thugs rje chen po mngon sum du mdzad nas/ dge slong rnams la bka' stsal pa/ dge slong dag nga yongs su mya ngan las 'da' ba'i dus la bab kyis/ deng yongs su mya ngan las 'da' bar bya'o// de nas bcom ldan 'das tsan dan khyim de bzhin gshegs pas thugs rje chen po la lta bas yongs su mi skyo ba zhes bya ba'i ting nge 'dzin la snyoms par zhugs nas yongs su mya ngan las 'das pa bstan to/ / de yongs su mya ngan las 'das nas sku gdung ni rgyas par gyur to// de'i dam pa'i chos ni lo brgyad khri bzhi stong phrag brgyad du gnas par gyur to/ / de'i dam pa'i chos gnas pa yang skye bo mang pos thos par gyur te/ de'i dam pa'i chos ltar bcos pa gang yang med par gyur to//
- 200a
bcom ldan 'das de ting nge 'dzin gyi stobs bskyed pa dang / rdzu 'phrul gyi byin gri rlabs kyis bskal pa stong phrag brgyad cu rtsa bzhir sku mi snang bar gnas par gyur to// de ltar bskal pa stong phrag brgyad cu rtsa bzhi po de dag 'das nas sems can de 'du shes med 'du shes med min skye mched kyi lha rnams kyi nang nas shi 'phos te/ mi'i 'jig rten du tshong dpor zhig gi rigs su skyes par gyur to/ / khye'u de gang gi tshe lo brgyad lon par gyur pa de'i tshe/ bcom ldan 'das tsan dan khyim de bzhin gshegs pa de bskal ba stong phrag brgyad cu rtsa bzhi 'das nas ting nge 'dzin las bzhengs te/ khye'u de'i mdun du sangs rgyas kyi kha dog dang gzugs kyis bzhugs nas/ khye'u de ma gtogs par gzhan gang gis kyang ma mthong ste/ des ci nas kyang khye'u de sems thag pa nas bla na med pa yang dag par rdzogs pa'i byang chub tu sems bskyed de/ bla na med pa yang dag par rdzogs pa'i byang chub las phyir mi ldog par 'gyur ba de ltar theg pa chen po 'di las brtsams te khye'u de la bstan to/ / 'dod pa'i nyes pa'i gtam yang dag par bshad do// bcom ldan 'das des de lhag pa'i bsam pa phun sum tshogs par rig nas/ lha'i bu dag khye'u 'di bskal pa grangs med pa brgya stong phrag bdun cu rtsa gnyis na/ bla na med pa yang dag par rdzogs pa'i byang chub tu mngon par rdzogs par 'tshang rgya ste/ de bzhin gshegs pa rin chen mchog ces bya bar 'jig rten du 'byung ngo zhes
- 200b
lung bstan to/ / de'i lung bstan pa de ni khye'u de ma gtogs par mir gyur pa gang gis kyang ma thos so// lha'i bu snod du gyur pa stong zag bcu gnyis kyis de'i lung bstan pa de thos nas/ blun med pa yang dag par rdzogs pa'i byang chub tu sems bskyed par gyur to/ / 'di skad du gang gi tshe/ bcom ldan 'das rin chen mchog de bzhin gshegs pa des byang chub brnyes par gyur pa de'i tshe/ bdag cag sangs rgyas kyi zhing der skye bar shog cig ces smon lam yang btab bo// bcom ldan 'das des de dag thams cad sangs rgyas kyi zhing der skye bar bya ba'i phyir/ de bzhin gshegs pa rin chen mchog de khyed la/ bla na med pa yang dag par rdzogs pa'i byang chub tu lung ston par 'gyur ro zhes lung bstan to// de nas bcom ldan 'das tsan dan khyim de bzhin gshegs pa des byang chub sems dpa' de dag lung bstan nas/ de'i 'og tu shin tu yongs su mya ngan las 'da' bas yongs su mya ngan las 'das par gyur to// de'i sku gdung ni lha rnams kyis mchod par gyur to// rigs kyi bu sangs rgyas bcom ldam sa rnams ni gang na nyan thos dang rang sangs rgyas thams cad kyis med pa de lta bu'i thugs rje chen po dang ldan no/ / rigs kyi bu de ltar sangs rgyas bcom ldan 'das rnams ji ltar sangs rgyas kyi rigs rgyun mi gcod pa de ltar gang dag sangs rgyas rnams la yon 'phrul ba de dag gi dge ba'i rtsa ba de yang yongs su mya ngan las ma 'das kyi bar du rgyun mi 'chad de/ rgyu chung
- 201a
mi za ba'i phyir ro/ / de bzhin gshegs pa'i thugs rje chen po bstan pa 'di bshad na/ 'khor de las sems can gang+gA'i klung gi bye ma'i sum cha snyed kyis ni bla na med pa yang dag par rdzogs pa'i byang chub tu sems bskyed par gyur to/ / byang chub sems dpa' gang+gA'i klung gi bye ma'i phyir snyed kyis ni rjes su mthun pa'i bzod pa thob par gyur to// byang chub sems dpa' gang+gA'i klung gi bye ma snyed kyis ni snying rje chen po rnam pa bcu drug thob par gyur to/ / sangs rgyas kyi chos thams cad dbang bskur ba dang ldan pa'i chos kyi bzod pa yang thob par gyur to// de nas thams cad dang ldan pa'i 'khor des bstan pa 'di thos nas/ tshom zhing mgu la yid rangs shing rab tu dga' ste/ dga' ba dang yid bde ba skyes nas/ bcom ldan 'das la legs so zhes bya ba gsol te/ lha dang mi'i mchod pas bcom ldan 'das la mchod do// // bam po bzhi pa// de nas bcom ldan 'das kyis yang byang chub sems dpa' gzungs kyi dbang byug gi rgyal po la bka' stsal pa/ rigs kyi bu de la de bzhin gshegs pa'i las gang zhe na/ rigs kyi bu de bzhin gshegs pa'i las ni sum cu rtsa gnyis po 'di dag go// sum cu rtsa gnyis gang zhe na/ rigs kyi bu 'di la de bzhin gshegs pas ye shes bla na med pas gnas la yang gnas su yang dag pa ji lta ba bzhin du rab tu mkhyen to// gnas ma yin pa la yang gnas ma yin par
- 201b
yang dag pa ji lta ba bzhin du rab tu mkhyen to/ / rigs kyi bu de la gnas ni gang gnas ma yin pa ni gang de na/ rigs kyi bu 'di ni gnas ma yin ming go skabs med de/ gang lus kyis nyes par spyad pa dang / ngag gis nyes par spyad pa dang / yid kyis nyes par spyad pa'i rnam par smin pa 'dod pa dang / sdug pa dang / dga' ba dang / yid du 'ong bar 'gyur ba 'di ni gnas med do/ / 'di ni gnas yin zhing go skabs yod pa ste/ gang lus kyis legs par spyad pa dang / ngag gis legs par spyad pa dang / yid kyis legs par spyad pa'i rnam par smin par 'dod pa dang / sdug pa dang / dga' ba dang / yid du 'ong bar 'gyur ba 'di ni gnas yin no// rigs kyi bu gnas ma yin zhing go skabs med de/ gang ser snas longs spyod chen po mngon par 'grub pa dang / 'chal pa'i tshul khrims kyis lha dang mir skye ba dang / gnod sems kyis mdzes par 'gyur ba dang / le los mngon par rtogs pa 'thob pa dang / sems rnam par g.yengs pas nges par gyur pa la 'jug pa dang / gang 'chal pa'i shes rab kyis bag chags kyi mtshams sbyor ba legs par 'jom par 'gyur ba ni gnas ma yin zhing go skabs med de/ de ni gnas ma yin no// 'di ni gnas yin zhing go skabs yod pa ste/ gang sbyin pas longs spyod chen po mngon par 'grub pa dang / tshul khrims kyis lha dang
- 202a
mir skye ba dang / bzod pas mdzes par gyur pa dang / brtson 'grus kyis mngon par rtogs pa 'thob pa dang / bsam gtan gyis nges par gyur pa la 'jug/ gang shes rab kyis bag chags kyi mtshams sbyor ba thams cad legs par 'jom pa 'di ni gnas yin zhing go skabs yod do// gnas ma yin zhing go skabs med de/ gang mtshams med pa byed pa sems gnas par 'gyur ba 'di ni gnas med do/ / gang tshul khrims rnam par dag pa'i sems gnas par 'gyur ba 'di ni gnas yin zhing ko skabs yod do// gnas ma yin zhing go skabs med de/ gang dmigs pa can gyi rjes su mthun pa'i bzod pa 'thob par 'gyur ba 'di ni gnas med do// gang stong pa nyid la mos par bzod pa 'thob par 'gyur ba 'di ni gnas yin zhing go skabs yod do/ / gnas ma yin zhing go skabs med de/ gang 'gyod pa la rab tu gnas pa'i sems shin tu sbyangs par gyur pa 'di ni gnas med do// gang kun nas ldang ba med pa'i sems shin tu sbyangs par 'gyur ba 'di ni gnas yin ming go skabs yod do/ / gnas ma yin zhing go skabs med de/ gang bud med kyi lus de nyid kyis 'khor los sgyur ba'i rgyal po'am/ brgya byin nam tshangs pa'am/ sangs rgyas su 'jig rten du 'byung ba 'di ni gnas med do// 'di ni gnas yin ming gi skabs yod de/ gang bud med kyi lus brjes nas 'khor los /
- 202b
rgyal po 'am/ brgya byin nam/ tshangs pa 'am/ sangs rgyas su 'jig rten du 'byung ba 'di ni gnas yin zhing go skabs yod do// gnas ma yin zhing go skabs med de/ gang 'khor los sgyur ba'i rgyal po mi mnyam pas rgyal srid byed pa 'di ni gnas med do/ / gang mnyam pas byed pa de ri gnas yin zhing go skabs yod do// gnas ma yin zhing go skabs med de/ gang byang gi sgra mi snyan gyi mi log par ltung bar 'gro ba 'di ni gnas med do/ / bde 'gror 'gro ba ni gnas yin zhing go skabs yod do// gnas ma yin zhing go skabs med de/ gang srog gcod pa'i skye dgu gang zag srog gcod pa'i rgyus tshe ring bar 'gyur ba nas/ log par lta ba dag log par lta ba can log pa'i las yang dag par blangs pa'i rgyus 'phags pa'i lam 'thob par 'gyur ba'i bar 'di ni gnas med do/ / 'di ni gnas yin zhing go skabs yod de/ gang srog gcod pa spangs pa'i rgyus tshe ring bar 'gyur ba nas/ yang dag par lta ba 'phags pa'i lam 'thob par 'gyur ba'i bar 'di ni gnas yin no/ / gnas ma yin zhing go skabs med de/ gang brgyad pa 'bras bu ma thob par ldang ba 'di ni gnas med do// gang 'bras bu thob nas ldang ba 'di ni gnas yin zhing go skabs yod do/ / gnas ma yin zhing go skabs med de/ gang rgyun du zhugs pa srid pa brgyad pa mngon par 'grub pa 'di ni gnas med do// gang de ltar thogs kyang srid pa bdun
- 203a
du 'gyur ba 'di ni gnas yin no/ / gnas ma yin zhing go skabs med de/ gang lan cig phyir 'ong ba srid pa gnyis pa mngon par 'grub pa 'di ni gnas med do// gang lan cig phyir 'ong ba 'jig rten 'dir 'ongs nas/ sdug bsngal mthar 'byin par byed pa 'di ni gnas yin zhing gau skabs yod do// gnas ma yin zhing ko skabs med de/ kang phyir mi 'ong ba 'jig rten 'dir 'ong ba 'di ni gnas med do/ / gang de nyid du yongs su mya ngan las 'da' ba 'di ni gnas yin zhing go skabs yod do// gnas ma yin zhing go skabs med de/ gang dgra bcom pa nying mtshams sbyor bar 'gyur ba 'di ni gnas med do/ / gang dgra bcom pa la nying mtshams sbyor ba med pa gnas yin zhing go skabs yod do// gnas ma yin zhing go skabs med de gang 'phags pa'i gang zag ston pa gzhan gyi lung nod pa 'di ni gnas med do/ / gang lha gzhan med pa 'di ni gnas yin no// gnas ma yin zhing go skabs med de/ gang mi skye ba'i chos la bzod ba rab tu thob pa'i byang chub sems dpa' phyir mi ldog par 'gyur ba 'di ni gnas med do/ / gang byang chub mngon par rdzogs par 'tshang rgya ba 'di ni gnas yin no// gnas ma yin zhing go skabs med de/ gang byang chub sems dpa' byang chub kyi snying po la 'dug nas mngon par rdzogs par sangs ma rgyas par ldang ba 'di ni gnas med do// gang byang chub mngon par rdzogs par sangs rgyas
- 203b
nas ldang ba 'di ni gnas yin no/ / gnas ma yin zhing go skabs med de/ gang de bzhin gshegs pa la bag chags kyi mtshams sbyor ba snang ba 'di ni gnas med do// gang de bzhin gshegs pa'i bag chags kyi mtshams sbyor ba thams cad legs par bcom pa 'di ni gnas yin zhing go skabs yod do/ / gnas ma yin zhing go skabs med de/ gang de bzhin gshegs pa'i ye shes thogs pa 'gyur ba 'di ni gnas med do/ / gang de bzhin gshegs pa'i ye shes thogs pa med pa 'di ni gnas yin no// gnas ma yin zhing go skabs med de/ gang de bzhin gshegs pa'i spyi gtsug mthong bar 'gyur ba 'di ni gnas med do/ / gang de bzhin gshegs pa'i spyi gtsug bltar mi mthong ba 'di ni gnas yin no// gnas ma yin zhing go skabs med de/ gang sangs rgyas kyi mthu ma gtogs par de bzhin gshegs pa'i sems kyi rgyu ba shes pa 'di ni gnas med do/ / gang mi shes pa 'di ni gnas yin no// gnas ma yin te/ gang de bzhin gshegs pa la sems mnyam par ma bzhag pa dmigs pa 'di ni gnas med do/ / gang de bzhin gshegs pa rtag tu mnyam par bzhag pa 'di ni gnas yin no// 'di ni gnas ma yin te/ gang de bzhin gshegs pa la log pa'i tshig 'byung ba 'di ni gnas med do/ / gang bden pa'i tshig 'byung ba 'di ni gnas yin no// rigs kyi bu gnas ma yin zhing go skabs med de/ de bzhin
- 204a
gshegs pa la 'khrul pa dmigs pa 'di ni gnas med do/ / 'di ni gnas yin zhing go skabs yod do// gang de bzhin gshegs pa la 'khrul pa med pa 'di ni gnas yin no/ / rigs kyi bu de ltar gang de bzhin gshes pa'i gas dang gam ma yin par mkhyen pa'i stobs de yi ge rnams kyis tshad bstan du med de/ yang dag pa'o// de khona'o// gzhan/ ma yin pa nyid do// de la 'di skad ces bya'o// sa kun 'grub par 'gyur yang srid// nam mkha' g.yo bar 'gyur srid kyi// sangs rgyas gnas min bshad pa ni// gnas su 'gyur ba mi srid do/ / skyes bus kha dog lnga can du// nam mkha' gzugs su byed kyang srid// sangs rgyas gnas min bshad pa ni// gnas su 'gyur ba mi srid do// tha ma dang ni 'bring dang mchog/ gang dag sangs rgyas gnas bshad pa// de kun de bzhin bshad pa ste// gzhan du 'gyur ba yod ma yin// tha ma dang ni 'bring dang mchog/ gang dag gnas min bshad pa yang / / de kun de bzhin bshad pa ste// gzhan du 'gyur ba yod ma yin// gnas dang gnas min rab shes pa// sems can bsam pa ji bzhin du// des ni phyad par yang dag dang / / chos kyang srog chags rnams la bshad// dge sbyong dang ni bram ze bzhin// gang du thams cad rgyug byed cing // gnas dang gnas min mi shes pa// sangs rgyas la ni
- 204b
de med do/ / gnas gang dang ni ldan pas na// sems can thar byed dpung 'gyur ba// yon tan kun ldan sangs rgyas kyis// de ni yang dag rab tu bshad// sems can gang dag snod min gang / / de la sangs rgyas btang snyoms mdzad// gang gis dus na 'grol 'gyur ba// de yi dus la rab tu bzhes// gang gis sems can thar byed pa// kha na ma tho ba med pa'i las/ sangs rgyas blo mchog ldan pa yi// 'phrin las dang po 'di yin no// gnas dang gnas min bshad pa ni// dpag tu med cing grangs med de// drang srong chen po'i stobs 'di ni/ pha rol rgol bas thub par dka'// rigs kyi bu gzhan yang de bzhin gshegs pas 'das pa dang / ma 'ongs pa dang / da ltar byung ba'i las rnams dang len pa rnams gnas dang / rgyu dang / dngos po dang / rnam par smin pa la mkhas pa/ yang dag pa ji lta ba bzhin du rab tu mkhyen to// ji ltar rab tu mkhyen ce na/ rigs kyi bu 'di la 'das pa'i las len pa gang dge ba'i rgyu las 'byung ba/ mi dge ba dang bral ba/ gang ma 'ongs pa'i dus na/ dge ba'i rgyu las byung ba 'byin pa de/ de bzhin gshegs pas rab tu mkhyen to// las len pa gang mi dge ba'i rgyu las byung ba/ dge ba dang bral ba kang ma 'ongs pa'i dus na/ mi dge ba'i rgyu 'byin pa de'ang de bzhin gshegs pas rab tu mkhyen to// las len pa gang ma 'ongs pa'i dus na
- 205a
dman pa la sten par 'gyur ba de'ang de bzhin gshegs pas yang dag pa ji lta ba bzhin du rab tu mkhyen to/ / las len pa gang ma 'ongs pa'i dus na khyad par la sten par 'gyur ba de yang de bzhin gshegs pas rab tu mkhyen to/ / las len pa gang da ltar byung ba'i dus na dman pa la sten la/ ma 'ongs pa'i dus na khyad par la ster bar 'gyur ba de'ang de bzhin gshegs pas rab tu mkhyen to/ / las len pa gang da ltar byung ba'i dus na khyad par la bsten la/ ma 'ongs pa'i dus na dman pa la sten par 'gyur ba de yang de bzhin gshegs pas rab tu mkhyen to// las len pa gang da ltar byung ba'i dus na yang dman pa la sten la/ ma 'ongs pa'i dus na dman pa la sten par 'gyur ba de yang de bzhin gshegs pas rab tu mkhyen to// las len pa gang da ltar byung ba'i dus na yang khyad par la sten la/ ma 'ongs pa'i dus na yang khyad par la sten par 'gyur ba de yang de bzhin gshegs pas rab tu mkhyen to// las len pa gang 'das pa ni sbyor ba dman la/ de ma 'ongs pa'i dus na rgya che zhing / sbyor ba rgya che bar 'gyur ba de'ang de bzhin gshegs pas rab tu mkhyen to// las len pa gang rtsom pa chung la khyad par chen por 'gyur ba dang / las len pa gang rtsom pa chen por gyur la khyad par chung ngur 'gyur ba dang / las len pa gang nyan thos te kyi rgyu 'byin pa de yang de bzhin gshegs pas rab tu mkhyer 'o// las len
- 205b
pa gang rang sangs rgyas nyid kyi rgyu 'byin pa de'ang de bzhin gshegs pas rab tu mkhyen to/ / las len pa gang sangs rgyas nyid kyi rgyu 'byin pa de'ang de bzhin gshegs pas rab tu mkhyen to// las len pa gang da ltar byung ba na sdug bsngal la/ ma 'ongs pa na rnam par smin pa bde bar 'gyur ba dang / las len pa gang da ltar byung ba na bde la/ ma 'ongs pa na rnam par smin pa sdug bsngal bar 'gyur ba dang / las len pa gang da ltar byung ba na yang sdug bsngal la/ ma 'ongs pa na yang rnam par smin pa sdug bsngal bar 'gyur ba dang / las len pa gang da ltar byung ba na yang bde ba/ ma 'ongs pa na yang rnam par smin pa bde bar 'gyur ba de'ang de bzhin gshegs pas rab tu mkhyen to// rigs kyi bu de ltar na 'das pa dang / ma 'ongs par nga / da ltar byung ba'i sems can rnams kyi las gang yin pa dang / rkyen gang dag yin pa dang / rnam par smin pa gang dag yin pa de de bzhin gshegs pas de kho na dang / gzhan ma yin pa la sten par yang dag pa ji lta ba bzhin du rab tu mkhyen to/ / mkhyen nas kyang de bzhin du chos ston te/ 'di ni de bzhin gshegs pa'i de bzhin gshegs pa'i 'phrin las gnyis pa'o// de la 'di skad ces bya'o// de bzhin gshegs pa rgyu la mkhas pa ste// las kyi rnam smin tshul mkhyen spyan dang ldan// dus gsum dag la chags pa mi mnga' ste// sems can kun gyi spyod pa rab tu mkhyen// rgyu ni gang
- 206a
zhig bde bar 'gyur ba ste/ / lha dang mi yi rnam par smin ldan dang // gang yang sdug bsngal dag tu 'gyur byed pa// de ni bde bar gshegs pas rab tu mkhyen// dge ba dang ni mi dge'i las rnams kyi/ / rgyu dang rnam par smin pa cir 'gyur ba// de ni bde bar gshegs pas rab mkhyen te// nor bu rin chen phyag tu bzhag pa bzhin// las gang chung ngu'i rgyu las/ byang gyur la// tshad med rgyu las 'byin par 'gyur ba dang // gang yang rgya che ba dang chung ngu yang // de ni ji lta bzhin du sangs rgyas mkhyen// gang yang nyan thos kyi ni rgyu 'byin dang // rkyen gyi theg pa de bzhin 'byin pa dang // gang yang rgyal ba'i rgyu ni 'byin 'gyur ba// de kun bde bar gshegs pas rab tu mkhyen// rgyu ni gang zhig sdug bsngal 'gyur byed lo// de yang bde pab dag tu 'gyur ba dang / / rgyu ni gang zhig bde bar 'gyur byed la// de yang sdug bsngal dag tu 'gyur ba dang // rgyu ni bde ba sdug bsngal gnas pa dang // rgyu yang bde la bde bar gnas pa dang // las kyi ngo bo nyid kyi chos nyid ni// rgyu dang ldan par bde gshegs rab tu mkhyen// dus gsum dag tu sems can thams cad kyi// rgyu gang las 'jug byed dang las kyang ni// gzhan ma yin par sangs rgyas ye shes kyis/ / de bzhin rgyal bas chad par rab tu mkhyen// rigs kyi bu gzhan yang de bzhin gshegs pas sems can gzhan rnams dang / gang zag gzhan dag
- 206b
ga mos pa du ma mos pa sna tshogs yang dag pa ji lta ba bzhin du rab tu mkhyen to/ / rigs kyi bu de bzhin gshegs pas sems can gzhan dag dang / gang zag gzhan rnams kyi mos pa du ma dang / mos pa sna tshogs yang dag pa ji lta ba bzhin du ji ltar mkhyen ce na/ gang zag gang 'dod chags la gnas shing zhe sdang la mos pa dang // gang zag gang zhe sdang la gnas shing 'dod chags la mos pa dang / gang zag gang gti mug la gnas shing 'dod chags dang / zhe sdang dang / gti mug la mos pa de'ang de bzhin gshegs pas rab tu mkhyen to// gang zag gang dge ba la gnas shing dge ba la mos pa de'ang de bzhin gshegs pas rab tu mkhyen to/ / gang zag gang dag sbyor ba dman zhing bsam pa rgya chen po la mos pa de dag kyang de bzhin gshegs pas rab tu mkhyen to/ / gang zag gang dag sbyor ba rgya che zhing bsam pa dman pa la mos pa de dag kyang de bzhin gshegs pas rab tu mkhyen to// mos pa gang gis sbyor ba dman zhing khyad par la gnas par 'gyur ba dang / mos pa gang gis sbyor ba khyad par du 'phags shing dman pa la gnas par 'gyur ba dang / mos pa gang gis log pa nyid du nges la/ nges pa'i khams thob par 'gyur ba dang / mos pa gang gis ma nges la yang dag pa nyid du nges pa'i khams thob par 'gyur ba dang / mos pa gang gis yang dag pa nyid du nges la rnam par grol ba thob par 'gyur ba
- 207a
de'ang de bzhin gshegs pas yang dag pa ji lta ba bzhin du rab tu mkhyen to/ / mos pa gang gis 'dod pa'i khams las yang dag par 'da' bar 'gyur ba dang / mos pa gang gis gzugs kyi khams las yang dag par 'da' bar 'gyur ba dang / mos pa gang gis khams gsum pa las yang dag par 'da' bar 'gyur ba de yang de bzhin gshegs pas rab tu mkhyen to/ / mos pa gang gis dman pa la sten cing khyad par gnon par 'gyur ba dang / mos pa gang gi khyad par du gyur nas kyang dman pa la gnas par 'gyur ba de yang de bzhin gshegs pas rab tu mkhyen to/ / mos pa gang gis skye ba tha dad pa dang / kha dog tha dad pa dang / yongs su longs spyod pa tha dad pa yongs su 'dzin par 'gyur ba de'ang de bzhin gshegs pas rab tu mkhyen to/ / mos pa gang gis rtse mo las nyams par 'gyur ba dang / mos pa gang gis rnam par grol ba thob par 'gyur ba de'ang de bzhin gshegs pas rab tu mkhyen to// mkhyen nas kyang de bzhin du chos ston to/ / 'di ni de bzhin gshegs pa'i de bzhin gshegs pa'i 'phrin las gsum pa'o// de la 'di skad ces bya'o// 'jig rten mos pa sna tshogs mos pa du ma blo gros tshad med pa/ / de yi mos pa de bzhin gshegs pas lhag ma ma lus mkhyen par gyur// 'di na gang gi mos pa zhe sdang rgyus byung 'dod chags gnas pa dang // zhe sdang gnas shing gti
- 207b
mug mos pa sangs rgyas kyis ni rab tu mkhyen/ / gti mug gnas pa'i sems ni dge dang 'dod chags la yang 'jug pa dang // de'i 'og gang 'jug pa dang sems can pa dman la rgya chen pos// bsam pa rgya che ba dang gang dag sbyor ba rgya chen yod kyang ni// mos pa dman par gyur pa de yang bde bar gshegs pas rab tu mkhyen// mos pa gang gis sems can sbyor ba dman la rgya cher 'gyur ba dang / sems can blo gros rgya chen 'gyur la dman par 'gyur ba de yang mkhyen// log pa nyid du gang nges pa yang yang dag nyi du nges 'gyur dang // khams gsum pa las rnam par grol ba'i mas pa'ang sangs rgyas rab tu mkhyen/ / dus gsum thams cad dag gi sems can kun gyi skye dang kha dog dang // de bzhin longs spyod tha dad pa dang rtse mo las ni nyams 'gyur dang // gang yang rnam par grol bar 'gyur ba'i mos pa rgyal bas thams cad mkhyen/ / mkhyen nas chos ston mdzad pa 'di yang bde gshegs 'phrin las yin zhes gsungs// rigs kyi bu gzhan yang de bzhin gshegs pas khams du ma dang / khams sna tshogs can gyi 'jig rten yang dag pa ji lta ba bzhin du rab tu mkhyen to// ji ltar rab tu mkhyen ce na/ khams gang gis 'jig rten bsod nams kyi 'du byed sogs pa'i khams de yang de bzhin gshegs pas yang dag pa ji lta ba bzhin du rab tu mkhyen to/ / khams gang gis bsod nams ma yin pa'i 'du byed sogs pa de yang de bzhin gshegs pas
- 208a
rab tu mkhyen to/ / khams gang gis mi g.yo ba'i 'du byed sogs pa de yang de bzhin gshegs pas rab tu mkhyen to// khams gang gis 'byung ba'i khams la 'jog par 'gyur ba de yang de bzhin gshegs pas rab tu mkhyen to/ / gzhan yang de bzhin gshegs pas mig gi khams dang / gzugs kyi khams dang / mig gi rnam par shes pa'i khams rab tu mkhyen to/ / ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to// rna ba'i khams dang / sgra'i khams dang rna ba'i rnam par shes pa'i khams rab tu mkhyen to/ / ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to// sna'i khams dang dri'i khams dang / sna'i rnam par shes pa'i khams rab tu mkhyen to// ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ / lce'i khams dang / ro'i khams dang / lce'i rnam par shes pa'i khams rab tu mkhyen to// ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to// lus kyi khams dang / reg bya'i khams dang / lus kyi rnam par shes pa'i khams rab tu mkhyen to// ji ltar rab tu
- 208b
mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to// yid kyi khams dang / chos kyi khams dang / yid kyi rnam par shes pa'i khams rab tu mkhyen to/ / ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to// sa'i khams dang / chu'i khams dang / me'i khams dang / rlung gi khams rab tu mkhyen to// ji ltar rab tu mkhyen ce na/ nam mkha'i khams ji lta ba de bzhin du rab tu mkhyen to// 'dod pa'i khams dang / gzugs kyi khams dang / gzugs med pa'i khams rab tu mkhyen to// ji ltar rab tu mkhyen ce na/ kun tu rtog pa las byung bar rab tu mkhyen to// 'dus byas kyi khams ni mngon bar 'du byed pa'i mtshan nyid du rab tu mkhyen to/ / 'dus ma byas kyi khams ni mngon par 'du ma byed pa'i mtshan nyid du rab tu mkhyen to// kun nas nyon mongs pa'i khams ni glo bur gyi nyon mongs pa'i mtshan nyid du rab tu mkhyen to/ / rnam par byang ba'i khams ni rang bzhin gyis 'od gsal ba'i mtshan nyid du rab tu mkhyen to// 'khor ba'i khams ni tshul bzhin ma yin pa ma rig ba'i mtshan nyid du rab tu mkhyen to/ / mya ngan las 'das pa'i dbyings ni tshul bzhin rig pa'i mtshan nyid du rab tu mkhyen to// de ltar na 'jig rten gnas pa'i khams gang yin pa dang /
- 209a
rab tu gnas pa'i khams gang yin pa dang / rjes su khrid pa'i khams gang yin pa dang / thos pa'i khams gang yin pa dang / sbyor ba'i khams gang yin pa dang bsam pa'i khams gang yin pa dang / nges par sems pa'i khams gang yin pa dang / rten pa'i khams gang yin pa de de bzhin gshegs pas rab tu mkhyen to// mkhyen nas kyang de bzhin du/ chos ston te/ 'di ni de bzhin gshegs pa'i de bzhin gshegs pa'i 'phrin las bzhi pa'o// de la 'di skad ces bya'o// mi yi seng ge khams rnams kun gyi tshul la mkhas// gang du gang gi khams ni ci 'drar 'jug pa dang / / khams gang dge ba rgya chen kun tu 'byung byed pa// de kun bde bar gshegs pas ma lus rab tu mkhyen// bsod nams bsod nams min dang mi g.yo rgyas byung myong / / gang gis 'byung ba thob par 'gyur bzhi pa'i khams// khams gang gnas nas khams las rnam par grol 'gyur ba// khams de shes rab chen po bde bar gshegs pas mkhyen// mig gi khams dang de bzhin gzugs dang yid kyi khams// rang bzhin stong par rgyal ba spyod pa'i bdag nyid mkhyen// de bzhin rna ba sna dang lce dang de bzhin lus// yid dang chos kyi khabs kyang rtag tu stong par mkhyen/ / chu dang me dang sa dang rlung gi khams 'di dag/ nam mkha' mnyam par mi yi seng ges rab tu mkhyen// 'dod pa dang ni gzugs dang gzugs med khams 'di dag/ yongs su
- 209b
rtog las yang dag byung bar ma lus mkhyen/ / nyon mongs khams ni rgyal bas rang bzhin med par mkhyen// rnam byang rang bzhin 'dra bar bde bar gshegs pas mkhyen// mi mkhas ngag gi 'khor ba rtag tu 'dus byas dang / / mya ngan 'das pa gang la mtshan nyid gsum med dang // khams gang mi dge bas ni 'jug pa'i mtshan nyid dang // gang yang dge bas 'jug pa thams cad gcod pa dang // sna tshogs khams dang du ma'i khams can 'jig rten 'di// sangs rgyas mkhyen kyang ngas mkhyen snyam du rlom sems med// nam mkha' ji lta bzhin du mtha' yas phyogs rnams kyi// khams rnam de bzhin mi yi seng ges rab tu mkhyen/ / rgyal ba'i ye shes dam pa de ni thug ma med// de yi mtha' ni 'gro ba rnams kyis shes mi nus// 'di ni skyo ba rdul med rnams kyi 'phrin las bzhi// de yi sems can 'dul ba'i khams rnams cho ga mkhyen/ / gang dag las legs byas pas dul gyur de dag la// 'khrul pa brgya lam na yang nam yang mi 'byung ngo // rigs kyi bu gzhan yang de bzhin gshegs/ pas sems can gzhan dag dang // gang zag gzhan rnams kyi dbang po'i rim pa yang dag pa ji lta ba bzhin du rab tu mkhyen to// rigs kyi bu de bzhin gshegs pas ji ltar sems can gzhan dag dang / / gang zag gzhan rnams kyi dbang po'i rim pa yang dag pa ji lta ba bzhin du rab tu mkhyen ce na// rigs kyi bu 'di la de bzhin gshegs pas sems can dbang po rtul po rnams kyang sems can
- 210a
dbang po rtul bar yang dag pa ji lta ba bzhin du rab tu mkhyen to/ / de bzhin du dbang po 'bring yang rab tu mkhyen to// dbang po rno ba yang rab tu mkhyen to// dbang / po khyad par du 'phags pa yang rab tu mkhyen to// dbang po dman pa yang rab tu mkhyen to// yongs su rtog pa'i dbang po ji lta bus mthar phyin pa'i 'dod chags skye ba dang / mthar phyin pa zhe sdang skye ba dang / mthar phyin pa'i gti mug skye ba de'ang de bzhin gshegs pas rab tu mkhyen to// yongs su rtog pa'i dbang po ji lta bus 'dod chags dang / zhe sdang dang / gti mug bcos ma skye ba de'ang de bzhin gshegs pas rab tu mkhyen to/ / yongs su rtog pa'i dbang po ji lta bus snrel zhi'i 'dod chags dang / zhe sdang dang / gti mug skye ba de'ang de bzhin gshegs pas rab tu mkhyen to/ / yongs su rtog pa'i dbang po ji lta bus tshar bcad cing 'dod chags dang / zhe sdang dang / gti mug skye ba de yang de bzhin gshegs pas rab tu mkhyen to// yongs su rtog pa'i dbang po ji lta bus dbang po gang dag dge ba'i rgyu las byung ba dang / dbang po gang dag mi dge ba'i rgyu las byung ba dang / dbang po gang dag mi g.yo ba'i rgyu las byung ba dang / dbang gang dag 'byung ba'i rgyu las byung ba de dag thams cad kyang de bzhin gshegs pas rab tu mkhyen to/ / rigs kyi bu gzhan yang de bzhin gshegs pas mig gi dbang po rab tu mkhyen to//
- 210b
pa'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / pho'i dbang po dang / mo'i dbang po dang / srog gi dbang po dang / bde ba'i dbang po dang / sdug bsngal gyi dbang po dang / yid bde ba'i dbang po dang / yid mi bde ba'i dbang po dang / btang snyoms kyi dbang po rab tu mkhyen to// dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po rab tu mkhyen to// mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po rab tu mkhyen to// dbang po gang mig gi dbang po'i rgyu las byung la/ rna ba'i dbang po la gnas par 'gyur te/ sna dang lce dang lus kyi dbang po la ma yin pa de'ang de bzhin gshegs pas rab tu mkhyen to// dbang po gang rna ba'i dbang po'i rgyu las byung la/ sna'i dbang po la gnas par 'gyur ba dang / dbang po gang sna'i dbang po'i rgyu las byung la/ lce'i dbang po la gnas par 'gyur ba dang / dbang po gang lce'i dbang po'i rgyu las byung la/ lus kyi dbang po la gnas par 'gyur ba dang / dbang po gang lus kyi dbang po'i rgyu las byung la/ mig gi dbang po la gnas par 'gyur ba de yang de bzhin gshegs pas rab tu mkhyen to// sems can gang sbyin pa'i
- 211a
dbang po can yin la/ de yang tshul khrims la sbyor ba de la de bzhin gshegs pas dbang po mchog dang mchog ma yin pa mkhyen pas sbyin pa'i gtam ston to// sems can tshul khrims kyi dbang po can yin la/ de'ang sbyin pa la sbyor ba de la de bzhin gshegs pas dbang po mchog dang mchog ma yin pa mkhyen pas tshul khrims kyi gtam ston to// sems can gang bzod pa'i dbang po can yin la/ de'ang brtson 'grus la sbyor ba de la de bzhin gshegs pas dbang po mchog dang mchog ma yin pa mkhyen pas bzod pa'i gtam ston to// sems can gang brtson 'grus kyi dbang po can yin la/ de'ang bzod pa la sbyor ba de la de bzhin gshegs pas dbang po mchog dang mchog ma yin pa mkhyen pas brtson 'grus kyi gtam ston to// sems can gang bsam gtan gyi dbang po can yin la/ de'ang shes rab la sbyor ba de la de bzhin gshegs pas dbang po mchog dang mchog ma yin pa mkhyen pas bsam gtan gyi gtam ston to// sems can gang shes rab kyi dbang po can yin la/ de'ang bsam gtan la sbyor ba de la de bzhin gshegs pas dbang po mchog dang mchog ma yin pa mkhyen pas shes rab kyi gtam ston to// de bzhin du byang chub phyogs kyi chos thams cad la yang rgyas par khong du chud par bya'o/ / sems can gang nyan thos kyi theg pa'i dbang po can yin la/ de yang rang sangs rgyas kyi theg pa la sbyor ba de la/ de bzhin
- 211b
gshegs pas dbang po mchog dang mchog ma yin pa mkhyen pas nyan thos kyi theg pa'i gtam ston to/ / sems can gang rang sangs rgyas kyi theg pa'i dbang po can yin la/ de'ang nyan thos kyi theg pa la sbyor ba de la de bzhin gshegs pas dbang po mchog dang mchog ma yin pa mkhyen pas rang sangs rgyas kyi theg pa'i gtam ston to/ / sems can gang theg pa chen po'i dbang po can yin la de'ang nyan thos kyi theg pa la sbyor ba de la de bzhin gshegs pas dbang po mchog dang mchog ma yin pa mkhyen pas theg pa chen po'i gtam ston to/ / sems can gang tha ma'i dbang po can yin la de'ang theg pa chen po la sbyor ba de la de bzhin gshegs pas dbang po mchog dang mchog ma yin pa mkhyen pas tha ma'i gtam ston to/ / sems can skal ba med pa'i dbang po can skal ba med par snang ba de dag de bzhin gshegs pas snod ma yin par rig nas btang snyoms su 'jog go/ / sems can skal ba yod pa'i dbang po can skal ba yod par snang ba dag la de bzhin gshegs pas skal ba yod par rig nas/ ri mor byas shing chos ston to// rigs kyi bu de ltar de bzhin gshegs pas sems can thams cad kyi dbang po yongs su smin pa rnams kyang rab tu mkhyen/ dbang po yongs su ma smin pa rnams kyang rab tu mkhyen/ 'byung ba ma yin pa'i dbang po rnams kyang rab tu mkhyen/ 'byung ba dang bcas pa'i dbang po rnams kyang rab tu mkhyen te/ sems can gyi dbang po'i rnam
- 212a
pa gang yin pa dang / sbyor ba gang yin pa dang / bsam pa gang yin pa dang / gang gi rgya las byung ba dang / rkyen gang yin pa dang / dmigs pa gang yin pa dang rgyu mthun pa gang yin pa dang / sems can gyi dbang po'i mtha' gang yin pa de dag thams cad de bzhin gshegs pas yang dag pa ji lta bzhin du rab tu mkhyen te/ 'di ni de bzhin gshegs pa'i de bzhin gshegs pa'i 'phrin las lnga pa'o/ / de la 'di skad ces bya'o// gang zhig dbang po shes pa'i pha rol son pa sems can bsam pa rnams la mkhas/ gang gi dbang po'i spyod pa ci 'drar gyur pa thams cad rgyal bas rab tu mkhyen// rgyal bas dbang po khyad par can dang 'bring dang tha ma'i cho ga mkhyen gyur te// gang gis 'gro ba 'grol byed mtshungs ba med pa'i las 'di khyad par 'phags pa yin/ / gang gis mthar phyin pa yi nyon mongs kyur dang gang gis bcos par gyur pa dang // dbang po gang gis gsog tu gyur pa dang ni gang gi sprul zhir gyur pa dang / / nyon mongs pa dag tshar gcod gyur dang dge ba'i dbang po dang ni mi g.yo dang // de bzhin mi dge ba dang gzhan ngag grol bar 'gyur ba dag kyang rab tu mkhyen// gang gis mig dang yid dang pho mo srog gi dbang po dang ni bde ba dang / / sdug bsngal dang ni yid bde ba dang gang gis yid mi bde bar 'gyur ba dang // gang gis btang snyoms dang dang brtson 'grus dran dang
- 212b
shes rab de bzhin rtse gcig 'gyur/ / kun shes byed dang kun shes dbang po'i cho ga dang ni grol ba'i dbang po gang yin mkhyen// mig gi rgyu las byung la rnam par gnas par byed kyi rna dang lce la min/ / lus kyi bar ni rgyu las byung bar gyur la de dag mig la gnas pa dang // sbyin pa'i dbang po yin la tshul khrims snang ba'i mi de la ni sbyin pa'i gtam// tshul khrims dbang po yin la sbyin par snang ba'i mi de la ni tshul khrims gtam/ / zod pa'i dbang po yin la brtson 'grus snang ba'i mi la bzod pa'i gtam ston to// brtson 'grus dbang po yin la bzod par snang ba'i mi de la ni brtson 'grus gtam/ / bsam gtan dbang po yin la shes rab snang ba'i mi la bsam gtan gtam ston to// shes rab dbang po yin la bsam gtan snang ba'i mi la shes rab gtam ston to/ / gang dag nyan thos theg pa'i dbang po yin la rang rgyal sbyor ba byed pa'i mi// de dag la ni nyan thos gtam ston byed kyi rang rgyal gtam ni spong bar byed// gang gi dbang po rkyen gyi theg par denges la sgral sbyor bar gnas byed pa/ / de dag la ni rkyen gyi theg pa bstan pa'i cho ga ngag dbang rab tu ston// gang dag dbang po theg pa chen por nges la sbyor ba dman pa'i mi rnams gang yin pa/ de dag la ni thugs rje che la gnas pa'i rgyal ba pha rol phyin gtam ston// skal ba yod med mkhyen nas rgyal ba gsung zhing kha cig la ni btang snyoms 'jog/ dbang po yongs su smin dang gang
- 213a
yang dbang po yongs pa smin pa stobs bcus bstan/ / mi yi dbang po'i spyod pa'i rnam pa gang dang gang gi sbyor ba ji lta dang // bsam pa ji lta ba dang rkyen gang yin/ dang ji ltar rgyu gang yin pa rab tu mkhyen// dmigs pa ji lta ba dang mthar thug ci 'drar gyur pa rgyu mthun de bzhin du// rang byung ye shes kyis mkhyen ston pa'i 'phrin las 'di na nor pa yod ma yin/ / rigs kyi bu gzhan yang de bzhin gshegs pas thams cad du 'gro ba'i lam yang dag pa ji lta ba bzhin du rab tu mkhyen to// ji ltar rab tu mkhyen ce na/ yang dag pa nyid du nges pa'i sems can gyi khams kyang rab tu mkhyen to/ / ma nges pa'i sems can gyi khams kyang rab tu mkhyen to// log pa nyid du nges pa'i sems can gyi khams kyang rab tu mkhyen to// nges pa dang bcas pa'i sems can gyi khams kyang de bzhin du rab tu mkhyen to// sems can gang dag rgyu'i stobs can sngon gyi sbyor ba phun sum tshogs pa/ zur tsam gyis go ba dbang po rno ba'i sems can de dag la de bzhin gshegs pas chos bstan kyang rung / ma bstan kyang rung ste/ rnam par grol ba'i skal ba yod pa de dag de bzhin gshegs pas sngon gyi rgyu'i stobs mkhyen nas/ ci nas de dag myur du rnam par grol bar 'gyur ba de ltar chos ston to// ma nges pa'i sems can gyi khams kyang rab tu mkhyen te/ gang dag rkyen gyi stobs can yongs su smin
- 213b
par bya ba'i mtshan nyid kyi sems can de dag gal te mthur par 'doms shing rjes su ston pa dang thad na/ rnam par grol bar 'gyur gyi/ ma zad na rnam par grol bar mi 'gyur ba de dag la yang de bzhin gshegs pa de lta de ltar rgyu dang rkyen dang ldan pa'i gtam yang dag par gsung ste/ 'di ltar de bzhin gshegs pa las de lta bu'i chos thos nas/ tshul bzhin rab tu sbyor bas 'bras bu thob par 'gyur ba de dag gi don du sangs rgyas bcom ldan 'das rnams 'byung ngo / / log pa nyid du nges pa'i sems can gyi khams kyang de bzhin du rab tu mkhyen te/ yongs su sbyang ba ma byas pa/ kho re chung ba/ blun pa snod du ma gyur pa'i sems can de dag la de bzhin gshegs pas chos bstan kyang rung / ma bstan kyang rung ste/ sems can de dag rnam par grol ba'i/ skal ba med pas de dag de bzhin gshegs pas snod ma yin par rig nas btang snyoms su 'jog ste/ de dag gi ched du byang chub sems dpa' rnams go cha gyon to// rigs kyi bu gzhan yang de bzhin gshegs pas 'dod chags kyi lam rnam pa gsum rab tu mkhyen te/ rnam pa gsum gang zhe na/ 'dod chags kyi lam sdug pa'i rnam pa las skye ba yang yod/ 'dod chags kyi lam rjes su chags pa'i rnam pa las skye ba yang yod/ 'dod chags kyi lam sngon gyi rgyu las skye ba yang yod do// zhe sdang gi lam rnam pa gsum yang rab tu mkhyen te/ zhe sdang gi
- 214a
lam khong khro ba'i rgyu las skye ba yang yod/ zhe sdang gi lam bsam pa yongs su ma rdzogs pa las skye ba'ang yod/ zhe sdang gi lam sngon gyi bag chags las skye yang yod do/ / gti mug gi lam rnam pa gsum yang rab tu mkhyen te/ gti mug gi lam ma rig pa'i rgyu las skye ba yang yod/ gti mug gi lam 'jig tshogs la lta ba'i rgyu las skye ba yang yod/ gti mug gi lam the tshom gyi rgyu las skye ba yang yod de/ de dag kyang de bzhin gshegs pas rab tu mkhyen to// rigs kyi bu gzhan yang dbang po rno ba'i phyir mngon par shes pa myu ra la dka' ba'i lam yang de bzhin gshegs pas rab tu mkhyen to/ / dbang po rdul ba'i phyir mngon par shes pa bul la/ dka' ba'i lam yang rab tu mkhyen to// dbang rno ba'i phyir mngon par shes pa myur la smra ba'i lam yang rab tu mkhyen to/ / dbang po rdul ba'i phyir mngon par shes pa myur la dka' ba'i lam yang rab tu mkhyen to// dmigs pa bor ba'i phyir mngon par shes pa bul la bul ba'i lam yang rab tu mkhyen to/ / lam gyi rgyun ma bcad pa'i phyir mngon par shes po myur la bul ba'i lam yang rab tu mkhyen to// yongs su thug pa med par dbugs 'byin pa'i phyir mngon par shes pa bul la myur ba'i lam yang rab tu mkhyen to/ / de la ma chags pa'i phyir mngon par shes pa myur la bul ba'i lam yang rab tu mkhyen to//
- 214b
so sor rtog pa'i stobs yongs su rdzogs par byed kyi/ sgom pa'i stobs la ma yin pa'i lam yang yod de/ de'ang de bzhin gshegs pas rab tu mkhyen to// sgom pa'i stobs yongs su rdzogs par byed kyi/ so sor rtog pa'i stobs la ma yin pa'i lam yang yod de/ de'ang de bzhin gshegs pas rab tu mkhyen to// so sor rtog pa'i stobs kyang yongs su rdzogs par mi byed la/ sgom pa'i stobs la yang ma yin pa'i lam yang yod de/ de yang de bzhin gshegs pas rab tu mkhyen to// so sor rtog pa'i stobs dang / sgom pa'i stobs kyang yongs su rdzogs par byed pa'i lam yang yod de/ de'ang de bzhin gshegs pas rab tu mkhyen to// bsam pa phun sum tshogs la sbyor ba phun sum tshogs pa ma yin pa'i lam yang yod de/ de'ang de bzhin gshegs pas rab tu mkhyen to// sbyor ba phun sum tshogs la/ bsam pa phun sum tshogs pa ma yin po'i lam yang yod de/ de'ang de bzhin gshegs pas rab tu mkhyen to/ / bsam pa yang phun sum tshogs pa ma yin la/ sbyor ba yang phun sum tshogs pa ma yin pa'i lam yang yod/ bsam pa yang phun sum tshogs la sbyor ba yang phun sum tshogs pa'i lam yang yod de/ / de yang de bzhin gshegs pas rab tu mkhyen to// lus sbyong gi ngag la ma yin/ sems la ma yin pa'i lam yang yod/ ngag sbyong gi
- 215a
lus la ma yin/ sems la ma yin pa'i lam yang yod/ lus dang ngag dang sems kyang sbyong ba'i lam yang yod/ lus la ma yin/ ngag la yang ma yin la/ sems kyang mi sbyong ba'i lam yang yod de/ de ltar sems can thams cad kyi 'jug pa'i rgyu las byung ba dang / log pa'i rgyu las byung ba'i lam ji snyed pa de dag thams cad du de bzhin gshegs pa'i ye shes mthong ba thogs pa med pa 'jug ste/ 'di ni de bzhin gshegs pa'i de bzhin gshegs pa'i 'phrin las drug pa'o// de la 'di skad ces bya'o// bde bar gshegs pas lam kun rab tu mkhyen cing nges dang rgyu dang bcas pa'i sems can khams kyang mkhyen// ma nges yongs su smin par bya ba'i mtshan nyid dang ni de bzhin snod min log par lta ldan dang / / 'dod chags rnam gsum lam ldan dag dang zhe sdang rnam pa gsum dang de bzhin gti mug ldan pa dang // nyon mongs khams kyi rnam pa mtha' yas pa dang las rgyu dang rkyen kyang ston pas rab tu mkhyen/ / rno bar gyur la dka' ba'i lam dang de bzhin dbang po rnams ni zhang phyir bul bar 'gyur ba dang // rno bar gyur la bla ba'i lam dang de bzhin thul la 'jig rten gyi ni mgon pos rab tu mkhyen/ / bul ba'i lam la de yi blo yang bul zhing de bzhin bul bar gyur la rno zhing dag pa'ang yod// bul bar gyur la myur ba'i lam dang de bzhin de la/
- 215b
ma chags phyir ni shin tu myur ba dang // so sor rtog pa skyed par byed kyi bsgom pa'i lam ni skyed par mi byed pa yi lam yang yod// sgom pa'i skyed par byed dang khyad par can gyi sbyor dang ldan pas gnyis ka skyed pa med pa'ang yod/ / bsam pa rnam par sbyong bar byed kyi sbyor ba dag par byed pa ma yin pa yi lam yang yod// gnyis ka sbyor bar byed pa'ang yod de de yang sangs rgyas bdag nyid chen po thams cad gzigs pas mkhyen/ / lus ni rnam par sbyong bar byed kyi ngag la ma yin pa dang sems kyang sbyong bar mi byed yod// tshig dang de bzhin lus kyang sbyong bar byed kyi nam yang sems ni rnam par sbyong bar mi byed dang / / sems ni rnam par sbyong bar byed kyi nam yang dag ni rnam par sbyong bar mi byed pa yang yod// ngag dang de bzhin sems kyang sbyong bar byed kyi nam yang lus ni rnam par sbyong bar mi byed dang / / lus dang de bzhin sems kyang sbyong bar byed pa'i lam dang ji ltar 'jug par 'gyur dang ldog pa yang // ye shes dang ni sems gzigs pas mkhyen 'di yang bde gshegs 'phrin las khyad par 'phags pa drug/ rigs kyi bu gzhan yang de bzhin gshegs pas bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang ldan pa thams cad yang dag pa ji lta ba bzhin du rab tu mkhyen to//
- 216a
ji ltar rab tu mkhyen ce na/ sems can rnams kyi kun nas nyon mongs pa skye ba'i rgyu gang yin pa dang / rkyen gang yin pa de de bzhin gshegs pas rab tu mkhyen sems can rnams rnam par dag par 'gyur ba'i rgyu gang yin pa dang / rkyen gang yin pa de'ang de bzhin gshegs pas rab tu mkhyen to// de la rgyu ni gang / rkyen ni gang zhe na/ sems can rnams kyi kun nas nyon mongs pa'i rgyu ni tshul bzhin ma yin pa yid la byed pa'o/ / sems can rnams kyi kun nas nyon mongs pa'i rkyen ni ma rig pa'o// ma rig pa ni rgyu'o// 'du byed/ rnams ni rkyen to// 'du byed ni rgyu'o// rnam par shes pa ni rkyen to// rnam par shes pa ni rgyu'o// ming dang gzugs ni rkyen to// ming dang gzugs ni rgyu'o// skye mched drug ni rkyen to/ / skye mched drug ni rgyu'o// reg pa ni rkyen to// reg pa ni rgyu'o// tshor ba ni rkyen to// tsher da ni rtswa'o// sred du ni rkyen to// sred pa ni rgyu'o// nye bar len pa rkyen to/ / nye bar len pa ni rgyu'o// srid pa ni rkyen to// sring pa ni rgyu'o// skye ba ni rkyen to// skye ba ni rgyu'o// rga shi ni rkyen to// rga shi ni rgyu'o// nyon mongs pa rnams ni rkyen to/ / nyon mongs pa rnams ni rgyu'o// las rnams ni rkyen to// lta ba ni rgyu'o// sred pa ni rkyen to// bag la nyal ni rgyu'o// kun nas ldang ba ni rkyen to// 'di ni sems
- 216b
can rnams kyi kun nas nyon mongs pa'i rgyu'o/ / 'di ni rkyen to// de la sems can rnams kyi rnam par dag par 'gyur ba'i rgyur gang / rkyen+da ni gang zhe na/ sems can rnams kyi rnam par dag pa'i rgyu gnyis dang rkyen gnyis so/ / gnyis gang zhe na/ gzhan las rjes su mthun pa'i sgra dang / so so bdag nyid tshul bzhin yid la byed pa ste/ gnyis po 'di dag so gzhan yang sems can rnams kyi rnam par dag pa'i rgyu gnyis dang rkyen gnyis te/ zhi gnas la rtse gcig pa dang / lhag thong la mkhas pa'o// gzhan yang rgyu gnyis dang rkyen gnyis te/ 'ong ba med pa shes pa dang / 'gro ba med pa shes pa'o// gzhan yang rgyu gnyis dang rkyen gnyis te/ skye ba med par rab tu rtogs pa dang / nges par gyur pa la reg par byed pa'o// gzhan yang rgyu gnyis dang rkyen gnyis te/ rkang par ldan pa dang / rig pas rnam par grol ba mngon sum du byed pa'o// gzhan yang rgyu gnyis dang rkyen gnyis te/ rnam par thar ba'i sgo la sgom pa dang / rang bzhin gyis rnam par grol ba shes pa'o// gzhan yang rgyu gnyis dang rkyen gnyis te/ zad pa shes pa dang / mi skye ba shes pa'o// gzhan yang rgyu gnyis dang rkyen gnyis te/ bden pa rjes su rtog pa dang / bden pa rjes su thob pa ste/ 'di ni sems can rnam par dag pa'i chu'o// 'di ni rkyen te/ de'ang de bzhin//
- 217a
gshegs pas rab tu mkhyen to// rigs kyi bu gzhan yang kun nas nyon mongs pa la dmigs pa tshad med/ rnam par dag pa la dmigs pa yang tshad med de/ yang dag pa ji lta ba bzhin du so sor rtogs pas kun nas nyon mongs pa la dmigs pa/ rnam par byang ba la dmigs pa yang 'jog pa'ang yod/ lhag pa'i nga rgyal gyis 'dzin pas rnam par dag pa la dmigs pa/ kun nas nyon mongs pa la dmigs par 'jog pa yang yod de/ de la snrel ni'i rnam grangs kyis de bzhin gshegs pa'i ye shes 'jug go/ rigs kyi bu de bzhin gshegs pa ni ye shes 'di lta bu dang ldan pas/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas dpyod pa dang bcas pa/ dben pa las skyes pa'i dga' ba dang bde ba can bsam gtan dang po la snyoms par zhugs te/ 'gog pa las ldang ngo // 'gog pa la snyoms par zhugs te bsam gtan dang po las ldang ngo / / rnam par thar pa brgyad la rjes su mthun par snyoms par 'jug go// mi mthun par yang snyoms par 'jug go// thor rgal du yang snyoms par 'jug go/ / ting nge 'dzin ni snyoms par 'jug par ston/ snyoms par 'jug pa ni ting nge 'dzin du ston kyang de bzhin gshegs pa'i ting nge 'dzin la 'dres pa gang yang med cing
- 217b
de bzhin gshegs pa la ni dmigs pas ting nge 'dzin la snyoms par 'jug par bya ba med do/ / de bzhin gshegs pa'i ting nge 'dzin gcig gis ting nge 'dzin thams cad mngon par 'grub ste/ de bzhin gshegs pa ni ting nge 'dzin gcig las ma bzhengs par ting nge 'dzin thams cad la snyoms par 'jug kyang / de bzhin gshegs pa la sems gcig nas gcig tu 'jug pa med do/ / de bzhin gshegs pa la sems mnyam par ma bzhag pa mi dmigs so// de bzhin gshegs pa'i ting nge 'dzin ni sus kyang lta bar mi nus te/ nyan thos kyi ting nge 'dzin ni rang sangs rgyas kyi ting nge 'dzin gyis zil gyis non to/ / rang sangs rgyas kyi ting nge 'dzin ni byang chub sems dpa'i ting nge 'dzin gyis zil gyis non to// byang chub sems dpa'i ting nge 'dzin ni de bzhin gshegs pa'i ting nge 'dzin gyis zil gyis non to/ / de bzhin gshegs pa'i ting nge 'dzin ni zil gyis mi non pa ste/ 'di la de bzhin gshegs pa'i ye shes ri zil gyis mi non par 'jug go/ / gdams pa gang dang rjes su bstan pa gang gis nyan thos rnams ting nge 'dzin skyed pa'ang de bzhin gshegs pas rab tu mkhyen to// de bzhin du rang sangs rgyas dang / de bzhin du byang chub sems dpa' rnams kyi de dag kyang de bzhin gshegs pas rab tu mkhyen to// mkhyen nas kyang de bzhin du 'dom zhing de bzhin du rjes su ston te/ 'di ni de bzhin
- 218a
gshegs pa'i de bzhin gshegs pa'i 'phrin las bdun pa'o/ / de la 'di skad ces bya'o// 'dir ni 'gro ba'i kun nas nyon mongs rgyu dang rkyen// rgyal ba rang byung ye shes ldan pas de kun mkhyen/ / de bzhin mngon par brtson rgyus rnam dag 'gyur ba yi// rgyu dang rkyen de chos kyi rjes ni rab tu mkhyen// tshul bzhin ma yin rgyu ste rkyen ni ma rig pa// rgyu ni ma rig pa ste rkyen ni 'du byed yin// rnam par shes dang ming dang gzugs dang dbang po drug/ thams cad srid pa'i yan lag 'gro ba'i rgyu dang rkyen// nyon mongs rnams ni rgyu ste de bzhin las rnams rkyen/ / lta ba rgyu ste de bzhin srid pa rkyen du gsungs// kun tu sbyor dang bag la nyal ba 'dir rgyu ste// mig gang rgyu las kun tu byung ba de 'dir rkyen// 'gro ba rnam dag 'gyur ba rgyu dang rkyen gnyis te/ / gzhan las mthun pa'i sgra thos pa dang thos nas kyang // chos rnams stong par nang du tshul bzhin rtog byed pa// de ni srid pa'i mtsho las rnam par grol bar 'gyur/ / zhi gnas lhag mthong gnyis ka zung du 'brel ldan pas// bsgom pa gang du'ang 'gro ba med cing 'ong ba med// de la skye ba med cing 'chi 'pho dang ni rtog med de// de ni skyon med reg cing rnam par dag par 'gyur/ / rkang par gnas nas rig pa gsum ni rjes su nyal// bag yod gyur nas rnam thar gsum gyi sgo la sgom// zad pa dang ni mi skye shes dang
- 218b
bden pa thob/ / 'di ni rnam dag lam du 'dren pa'i rgyu dang rkyen// rgyal ba bsam gtan gcig la yang dag snyoms zhugs nas// 'gog par reg ste de bzhin zan dang ldan par bzhengs/ rjes su mthun dang mi mthun pa dang thod rgal du// chos kyi rgyal po rnam thar brgyad la snyoms par 'jug/ mtshungs pa med pa mnyam pa nyid la gnas nas ni// ting 'dzin gcig las ting 'dzin bye ba mtha' yas ston/ / sems can 'dres pa med cing chos la rnam rtog med// de phyir rgyal ba mnyam par ma bzhag sems kyang med// gang dag nyan thos de bzhin rang rgyal ting nge 'dzin/ / byang chub sems dpa'i ting 'dzin rnam pa bye ba dag/ de kun bde gshegs ting nge 'dzin gyis zil gyis non// gdams pa shes la mkhas pa bde gshegs 'phrin las so/ / rigs kyi bu gzhan yang de bzhin gshegs pas bdag dang sems can gzhan rnams dang // gang zag gzhan dag gi sngon gyi gnas rnam pa du ma rjes su dran no// 'di lta ste/ skye ba gcig rjes su dran no// gnyis sam/ gsum mam/ bzhi 'am/ lnga 'am/ bcu 'am/ nyi shu 'am/ sum cu 'am/ bzhi bcu 'am/ lnga bcu 'am skyob brgya'am/ skyeb stong pa/ rlob brgyan gastong sa/ skye 'bye ba brgya za gastong pa/ 'jig pa'i bsal pa'am/ 'chags pa'i bskal pa'am/ 'jas
- 219a
'chags pa'i bskal pa 'am/ 'jig pa'i bskal pa du ma 'am/ 'chags pa'i bskal pa ru ma 'am/ 'jig pa dang 'chags pa'i bskal pa dur rjes su dran no/ / sems can de dag ming 'di zhes bya bar gyur to// nga der byung ste/ ming ni 'di zhes bya/ rus ni 'di zhes bya/ rigs ni 'di zhes bya/ kha zas ni 'di lta bu zhig za za kha dog ni 'di lta bu/ dbyibs ni 'di lta bu/ yun ni 'di srid gcig tu gnas gnas/ bde ba dang sdug bsngal ni 'di lta bu zhig myong ste/ bdag de nas shi 'phos nas che ge mo zhig tu skyes so/ / de nas shi 'phos nas 'dir skyes pa rnam pa dang bcas/ yul phyogs dang bcas/ gzhi ci las gyur pa dang bcas par bdag dang sems can gzhan dag gi sngon gyi gnas rnam pa du ma rjes su dran no/ / de sems can de'i sngon gyi gnas rjes su dran no// sngon gyi rgyu ji lta bu dang / rgyu gang gis sems can gang kun tu 'byung ba de'i sngon gyi rgyu de bzhin gshegs pas rab tu mkhyen te/ / mkhyen nas kyang de bzhin du chos ston to// 'das pa'i sems can thams cad kyi sems kyi rgyu ba yang de bzhin gshegs pas rab tu mkhyen to// sems kyi dmigs pa gang gi 'og tu gang la dmigs pa'i sems skye ba dang / dmigs pa gang gis skyes pa dang / dmigs pa gang ma tshang bas 'gags pa de'ang de bzhin gshegs pas rab tu
- 219b
/ mkhyen to// de ltar ji tsam du sems can gcig gi sems gcig nas gcig tu brgyud de 'jug pa sems de lta bu zhig gi 'og tu sems 'di lta bu zhig byung ba de bskal pa ga ng+gA'i klung gi bye ma snyed du yang tshig tu bstan pas bstan par dka' ba'o/ / de bzhin du sems can thams cad kyi'ang de lta bur so so'i sems gcig nas gcig tu brgyud pa de bzhin gshegs pas rab tu mkhyen to// yongs su brtag pa nye bar bzung ste/ de bzhin gshegs pas phyi ma'i mtha'i mur thug par bstan kyang de'i ye shes mthar thug par mi 'gyur ro// de bzhin gshegs pa'i sngon gyi gnas rjes su dran pa'i mkhyen pa 'di ni bsam gyis mi khyab cing mtshungs pa med la tshad med de/ de'i mtha'i gnas ni bstan par sla ba ma yin no// sangs rgyas kyi khyu mchog tu gyur pas de bzhin gshegs pa sems can de dag la/ kye sems can dag dge ba'i rtsa ba sangs rgyas la bskyed pa 'am/ nyan thos la bskyed pa 'am/ rang sangs rgyas la bskyed pa de lta bu de dran par gyis shig/ dran par gyis shig ces dran par mdzad do// 'di lta ste/ sangs rgyas kyi mthus de dag gis kyang dran par 'gyur ro// de bzhin gshegs pas de dag la dge ba'i rtsa ba la dmigs pa des gang gi phyir ci nas kyang theg pas rnam par grol ba las phyir mi ldog par 'gyur ba de lta de ltar chos ston te/ 'di ni de bzhin gshegs pa'i de bzhin gshegs pa'i 'phrin las brgyad
- 220a
pa'o/ / de la 'di skad ces bya'o// 'di ni bdag dang de bzhin gzhan dag gi/ sngon gyi mtha' ni bye ba khrag khrig dag/ thug pa med pa 'jig rten sgron mas dran/ / skyu ru ra lnga phyag mthil bzhag pa bzhin// ming rus de bzhin kha dog rnam rtog dang // tshe gnas 'chi 'pho dang ni 'gro ba dang // rgyu gang gis ni sems can gang 'ongs pa/ / de la dus mkhyen nas ni chos kyang ston// 'gro ba'i sems dang sems las byung ba'i chos// gang dag 'das pa mtha' yas thug med dang // gang gi 'og tu sems ni gang 'byung ba/ ye shes che ldan rgyal bas thams cad mkhyen// sems can gcig gi sems ni snga ma gang // 'das pa gang yin bde bar gshegs pas mkhyen// bskal pa gang+gA'i klung gi bye snyed du// de ni bstan kyang de la thug pa med// gang yang sngon gyi spyod pa bye ba dag/ mtha' yas thug pa med pa bstan kyang ni// mtshungs pa med pa'i ye shes mi zad de// bde gshegs mkhyen pa rgya mtsho de 'dra'o/ / sems can gang dag bsam pa dge gyur dang // gang gis sngon chud rgyal ba bsti stang byas// sangs rgyas rdzu 'phrul stobs kyi shugs gnas te// sngon chad dkar po byas pa dran par byed/ / sngon chad dkar po de byas ci 'dra ba// sangs rgyas mthus ni de dag dran par 'gyur// de dran nas kyang theg pa gsum gnas te// de dug thar lam dge las
- 220b
phyir mi ldog/ bde gshegs rnams kyi sngon byung mtha' yas pa// sems can kun gyis bsam par mi nus te// gang gis sems can thug pa med 'atul ba// skyes bu chen po rnams kyi 'phrin las brgyad/ / rigs kyi bu gzhan yang de bzhin gshegs pas/ lha'i mig rnam par dag pa mi'i las shin tu 'das pas/ sems can rnams 'chi 'pho ba dang skye ba dang bzang po dang / ngan pa dang / kha dog mdzes pa dang / kha dog mi sdug pa dang / bde 'gror 'gro ba dang / ngan 'gror 'gro ba rnams gzigs so// kye ma sems can 'di dag ni lus kyis nyes par spyod pa dang ldan pa/ ngag gis nyes par spyod pa dang ldan pa/ yid kyis nyes par spyod pa dang ldan pa/ 'phags pa rnams la skur pa 'debs pa log par lta ba dag ste/ log par lta ba'i las yang dag par blangs pa'i rgyus lus zhig ste/ shi ba'i 'og tu ngan song ngan 'gror log par ltung ba sems can dmyal ba rnams su skye bar 'gyur ro// sems can 'di dag ni lus kyis legs par spyod pa dang ldan pa/ ngag gis legs par sbyor pa dang ldan pa/ yid kyis legs par sbyor ba dang ldan pa/ 'phags pa rnams la skur pa mi 'debs pa/ yang dag par lta bdag ste/ yang dag par lta ba yang dag par blangs pa'i rgyus lus zhig ste shi ba'i 'og tu bde 'gro mtho ris kyi 'jig rten du lha rnams kyi nang du skye bar 'gyur ro zhes ji ltar las/
- 221a
kyi nye bar 'gro ba'i sems can dag rab tu mkhyen to// de la de bzhin gshegs pa'i lha'i mig ni 'di yin te/ mig des phyogs bcu'i 'jig rten chos kyi dbyings kyis klas pa/ nam mkha'i khams kyi mthas gtugs pa/ tshad med pa/ grangs med pa/ bgrang ba las shin tu 'das pa'i sangs rgyas kyi zhing dag na/ zhing gang dag kha cig snang ba de dag thams cad ni 'jig pa dang / 'chags par gzigs so// sems can gang dag kha cig snang ba de dag thams cad ni 'chi 'pho ba dang skye bar gzigs so// byang chub sems dpa' gang dag kha cig snang ba de dag thams cad ni 'chi 'pho ba dang / mngal du 'jug pa dang / btsa' bar gzigs so// sangs rgyas gang dag kha cig snang ba de dag thams cad ni mngon par rdzogs par 'tshang rgya ba dang / chos kyi 'khor lo skor ba dang / tshe'i 'du byed 'dor ba dang yongs su mya ngan las 'da' bar gzigs so// nyan thos gang dag kha cig snang ba de dag thams cad ni rnam par grol ba/ yongs su mya ngan las 'da' bar gzigs so// rang sangs rgyas gang dag kha cig snang ba de dag thams cad ni rdzu 'phrul ston cing yon tan sbyong bar gzigs so// sems can gang dag snang bar ma gyur pa dag dang / gang dag phyi rol gyi mngon par shes pa lnga dang ldan pa rnams kyi mig gi lam du ma gyur pa dang / nyan thos rnams kyi ma yin pa dang / rang sangs rgyas rnams kyi ma yin
- 221b
pa dang / byang chub sems dpa' dag gis yin pa de gakyang de bzhin gshegs pa'i lha'i mig la snang bar 'gyur ro// shing ta'i 'phang lo tsas kyis stsogs spang ba gyur pa'i sems can gang dag de bzhin gshegs pal snang bar 'gyur ba de dag ni ches mang ki/ stong gsum gyi stong chen po'i 'jig rten gyi khams kyi lha dang mi rnams kyi de lta ma yin te/ de ltar snang bar ma gyur pa'i sems can gyi khams ni tshad med do// sangs rgyas kyis 'dul ba'i sems can yang yin shes/ de bzhin gshegs pa'i lha'i mig gis/ sangs rgyas kyi ning thams cad du sems can gyi khams la rnam par gzigs te/ sangs rgyas kyis 'dul ba'i sems can gyi rigs bstan pa de dag gi mdun na/ de snyed kyi de bzhin gshegs pa bzhugs shing sems can de dag 'dul yang de dag ma yin pa'i sems can gzhan gyis mi shes te/ 'di ni de bzhin gshegs pa'i de bzhin gshegs pa'i 'phrin las dgu pa'o// del 'di ga ces bya'o/ / de bzhin gshegs pa'i lha'i mig ni dri med 'od gsal te// mig ni rnam srungs mtha' yas bsod nams gzi brjid ga pi brjid gyur// phyogs bcu dag gi nyid rnam kun tu mtshan nyid rnams gzigs te/ / gang dag 'byung dang gang dag 'byung bar 'gyur dang gang dag byung // de na sems can gzugs med gang dag yod pa dang // bde 'gro ngan 'gro dag na
- 222a
rab 'bring tha ma gang 'chi dang / / sdig pa byed pa gang dag ngan 'gro rnams su 'gro ba dang // gang yang mtho ris bsod nams las can de dag rgyal bas gzigs/ byang chub sems dpa' gang dag zhing rnams kun na spyad spyod dang // mngal du 'jug dang 'byung dang byang chub shang drung 'gro ba dang // gang dag la la byang chub shing drung gnas nas bdud 'dul/ pa/ de kun sangs rgyas thams cad gzigs pas lha yi mig gis gzigs// sangs rgyas chos kyi rgyal po gang dag byang chub mchog sangs rgyas// gang dag chos kyi 'khor lo bskor zhing lha dang mi rnams grol/ / sangs rgyas mdzad pa mchog mdzad nas ni rgyal ba tshe 'dor dang // gang yang mya ngan 'das pa ston pa de dag rgyal bas gzigs// gang dag 'dren pa'i chos thos nas ni tshul bzhin rab sbyor ba/ / dam pa bsil bar gyur pa rims med zhi ba'i gnas la reg/ gang yang bdag kyang chos thos nas ni srid pa'i rgya mtsho las// rgal te bde ba pha rol phyin pa de dag rgyal bas gzigs/ / gsang ba pa dang nyan thos rang rgyal byang chub sems dpa' yi// lha mig lam du ma gyur sems can khams ni mtha' yas gang // de bzhin gshegs pa'i lha'i mig rnam dag dri ma med pa yis/ / sems can kun gyi lus phra shin tu gnas pa rnams kyang gzigs// gang yang 'phang lo tsam la sems can khams phra rgyal bas gzigs/
- 222b
des ni ches mang stong gsum lha mi'i skye dgu de lta yin// 'gro ba yangs pa dag na sems can khams 'khor mtha' yas pa// rab tu shes kyang thams cad gzigs la sems can 'du shes med/ / de bzhin gshegs pas 'dul ba'i sems can dbang po rno ba gang // de yi mdun na 'jig rten mgon po chos mchog gsung yang ni// sems can tshogs gzhan gang gis kyang ni de bzhin gshegs mi mthong / / 'di ni 'dren pa'i lha yi mig gi stobs kyi 'phrin las yin// rigs kyi bu gzhan yang de bzhin gshegs pa zag pa thams cad zad pas bdag skye ba ni zad/ tshangs par spyod pa ni bsten/ bya ba ni byas te/ 'di las srid pa gzhan mi shes so zhes/ zag pa med pa sems rnam par grol ba/ rang gi mngon par shes pas mngon sum du byas nas/ rdzogs par byas te gnas so// de la de bzhin gshegs pa'i zag pa zad pa mkhyen pa de ni dag pa/ dri ma med pa/ yongs su dag pa/ 'od gsal ba/ bag chags kyi mtshams sbyor ba thams cad legs par bcom pa'o// nyan thos rnams kyi zag pa zang ba ni tshad yod pa bag chags legs par bcom pa'o// rang sangs rgyas rnams kyi dgapa zad pa ni tshad yod pa/ snying rje chen po dang bral ba spobs pa dang bral ba'o// de bzhin gshegs pa'i zag pa zad pa ni rnam pa thams cad kyi mchog dang ldan pa dang / bag chags kyi mtshams
- 223a
sbyor ba thams cad legs par bcom pa/ snying rje chen pos kun tu bzung ba mi 'jigs pa dang spobs pa dang ma bral ba/ 'jig rten thams cad kyis zil gyis mi non pa ste/ sems kyi skad cig gcig dang ldan pa'o// de ci'i phyir zhe na/ de bzhin gshegs pa la las kyi bag chags med/ nyon mongs pa'i bag chags med/ spyod lam 'khrul pa'i bag chags med do/ / 'di lta ste/ dper na nam mkha' rang bzhin gyis yongs su dag pas rdul dang / du ba dang lhan cig mi gnas pa de bzhin du de bzhin gshegs pa'i zag pa zad pa mkhyen pa de yang las dang nyon mongs pa'i bag chags thams cad dang lhan cig mi gnas so/ / de zag pa zad pa mkhyen pa de lta bu la rab tu gnas ma thag tu zag pa dang bcas pa/ len pa dang bcas pa'i sems can rnams la zag pa zad par bya ba dang / len pa spang ba'i phyir chos ston to// kye ma sems can yang dag pa ma yin pa kun tu rtog pa las k un tu byung ba dag khyed zag pa dang len pa de dag la yang dag pa ji lta ba bzhin du so sor rtogs shig ces de dag la de bzhin gshegs pas ci nas kyang zag pa rnams yang dag pa ma yin par yang dag pa ji lta ba bzhin rab tu shes par 'gyur ba dang / rab tu shes nas kyang chos gang yang mi len te/ de dag mi len pas yongs su mya ngan las 'da' bar 'gyur ba/ de lta de ltar
- 223b
da rtse bar mthod pa'i dang rnams kyis chog nyon rigs kyi su 'din na bzhin gshegs pa 'di bzhin gshegs pa 'dzim ma bya'o/ / del 'di ga nas byang/ 'i bas pazang bas khyer pa mi/ shin tuN+Da ches sgribs tshad me ldan// rgyobs ban+d+ha stobs ni ni yis drang chub mchog/ mim 'dzin rtogs shing rab tu/ kun na kyi zag zad shes pa ni/ / bag chags ma bcom tshad dang ldan pa yin// mi yi mchog ki rab mchog 'dren pa yi// bag chags bcom zhing tshad dang ldan ma yin// de bzhin gang dag rang rgyal byang chub reg/ de la snying rje che dang spobs pa med// zag pa dag ni yongs su zad gyur nas// snying rje che dang spobs pa tshad kyang med// sangs rgyas zag zad mkhyen la kanas nas ni/ / 'gro ba zag pa yang dag ma yin mkhyen// rig pa'i gnas kyi tshul 'di ma shes pas// sems can 'di dag thams cad log par sbyor// de la rgyal bas snying rje mi zad bskyed/ / mi rtag stong pa bdag med chos kyang sngon// chos 'di dngos med sgyu ma lta bur ni// rtog la zhi mchog yang dag thob par bgyis// 'di ni srog dang gang zag shed skyes dang / / shed bu de bzhin byed pa po med kyang // sems can 'di kun log par zhen pas na// snying rje bskyed pa ston pa thar pa 'chad// bde bar gshegs pa
- 224a
yongs su skyo med cing / / yang dag shes la nam yang nyes pa med// des ni rgyal ba rtag tu rnal 'byor brtson// 'gro la bar phyir chos kyang rab tu ston// 'di ni pha rol rgol ba rab dul ba// stobs bcu ldan gyi rgyal dang mthun pa'i las// stobs bcu mnga' ba stobs der gnas nas ni// tshungs med 'khor lo dam pa rab tu bskor// / bam po lnga pa// rigs kyi bu gzhan yang de bzhin gshegs pa de bzhin gshegs pa'i mi 'jigs pa bzhi po dag la rab tu gnas te 'phrin las mdzad cing yang dag par rdzogs pa'i sangs rgyas so zhes bdag nyid zhal gyis 'che ba de la lha dang bcas pa'i 'jig rten gang gis kyang chos 'di dag mngon par rdzogs par sangs ma rgyas so/ zhes chos dang 'thun pas de bzhin gshegs pa la rgol mi nus so/ / ci'i phyir de bzhin gshegs pa yang dag par rdzogs pa'i sangs rgyas zhes bya zhe na/ de bzhin gshegs pas chos thams cad kyi mnyam pa med par yang dag pa mngon par rdzogs par sangs rgyas te/ so so'i skye bo'i chos rnams gang yin pa dang / slob pa'i chos rnams gang yin pa dang / mi slob pa'i chos rnams gang yin pa dang / rang sangs rgyas kyi chos rnams gang yin pa dang / byang chub sems dpa'i chos rnams gang yin pa dang / sangs rgyas kyi chos rnams gang yin pa de
- 224b
dag thams cad de bzhin gshegs pas mnyam pa nyid du yang dag par mngon par rdzogs par sangs rgyas so/ / 'jig rten pa dang / 'jig rten las 'das pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas kyi chos gang yin pa de dag thams cad kyang de bzhin gshegs pas mnyam pa nyid du yang dag par mngon par rdzogs par sangs rgyas so/ / de la mnyam pa nyid gang zhe na/ lta ba'i ngo bo nyid kyis stong pa nyid du mnyam pa nyid do// mtshan ma'i ngo bo nyid kyis mtshan ma med par mnyam pa nyid do// khams gsum pa'i ngo bo nyid kyis smon pa med par mnyam pa nyid do// skye ba'i ngo bo nyid kyis mi skye bar mnyam pa nyid do// mngon par 'du byed pa'i ngo bo nyid kyis mngon par 'du byed pa med par mnyam pa nyid do// 'byung ba'i ngo bo nyid kyis 'byung ba med par mnyam pa nyid do// kun gzhi'i ngo bo nyid kyis kun gzhi med par mnyam pa nyid do/ / dus gsu gyi ngo bo nyid yin pas ji lta ba bzhin du mnyam pa nyid do// ma rig pa dang / srid pa dang sred pa'i ngo bo nyid kyis rig pa dang / rnam par grol bar mnyam pa nyid do/ / 'khor ba'i ngo bo nyid kyis mya ngan las 'das par ma'am pa nyid dang / de ltar de bzhin gshes pas chos thams cad mnyam pa nyid du mngon par rdzogs par
- 225a
sangs rgyas pas/ de'i phyir yang dag par rdzogs pa'i sangs rgyas zhes bya'o// de bzhin gshegs pas ji ltar chos de dag mngon par rdzogs par sangs rgyas pa de bzhin du thugs rje chen po la gnas te/ bstan pa sna tshogs dang / rnam grangs sna tshogs dang / rkyen sna tshogs rnams kyis sems can gzhan dag dang / gang zag gzhan rnams la yang dag par rab tu ston te/ de'i chos de yang de byed pa'i sdug bsngal yang dag par phrad pa byang ba'i phyir nges par 'byung ngo // gang dag ston pa ma yin par ston pa'o zhes khas 'che ba dang / yang dag par rdzogs pa'i sangs rgyas ma yin par yang dag par rdzogs pa'i sangs rgyas so zhes khas 'che ba de dag de bzhin gshegs pa'i mi 'jigs pa 'dis zil gyis non par 'gyur zhing med par yang 'gro bar 'gyur te/ 'di ni de bzhin gshegs pa'i de bzhin gshegs pa'i 'phrin las bcu gcig pa'o// de la 'di skad ces bya'o// rang byung gis ni chos rnams kun/ / mnyam pa nyid du rjes rtogs pas// des na yang dag rdzogs sangs rgyas// de bzhin gshegs pas mnyam par gzigs// so so'i skye bo'i chos rnams dang / / slob dang mi slob chos rnams dang // rang rgyal chos rnams gang yin pa// de dag sangs rgyas chos dang mnyam// 'jig rten pa dang de bzhin du// 'jig rten
- 225b
las ni 'das pa dang / / dge dang mi dge gang yin pa// mya ngan 'das dang mtshungs shing 'dra// stong pa mtshan ma med pa dang // smon pa rnam par spangs pa dang // skye med pa 'du byed/ sa du dug sadadu sa n i thub pa'i las kyi mchog/ rigs kyi bu gzhan yang de bzhin gshegs pas nga zag pa zad do zhes bdag nyid zhal gyis 'che ba de la lha dang bcas pa'i 'jig rten gang gis kyang khyod zag pa 'di dag ma zad do zhes chos dang mthun pa de bzhin gshegs pa la rgol mi nus so/ / de la de bzhin gshegs pa'i zag pa zad pa ni 'di yin te/ 'dod pa'i zag pa rnams las de bzhin gshegs pa'i sems rnam par grol bas 'dod chags la spyod pa'i bag chags thams cad legs par bcom mo/ / srid pa'i zad pa rnams las de bzhin gshegs pa'i sems rnam par grol bas zhe sdang la spyod pa'i bag chags thams cad legs par bcom mo/ / ma rig pa'i zag pa rnams las de bzhin gshegs pa'i sems rnam par grol bas gti mug la spyod pa'i bag chags thams cad legs par bcom mo/ / lta ba'i zag pa rnams las de bzhin gshegs pa'i sems rnam par grol bas nyon mongs pa la spong ba'i bag chags thams cad legs par bcom ste/
- 226a
de'i phyir 'jig rten gyi kun rdzob nya bar bzung nas de bzhin gshegs pa'i zag pa zad pa zhes bya'o// don dam par na ni 'phags pa'i shes rab dang / ye shes kyi mdun na gang yongs su shes par bya ba 'am/ spang bar bya ba 'am/ bsgom par bya ba 'am/ mngon sum du bya bar 'gyur ba'i chos gang yang mi gnas so// de ci'i phyir zhe na/ gang zag pa zhes bya ba de ni nam du yang mi zad pa yin no// de ni shin tu zad pa nyid yin no// de ni shin tu zad pa nyid yin gyi/ gnyen pos zad pa zhes ni mi bya ste/ de ni ji lta ba bzhin du zad pa'o/ / ji lta ba bzhin du zad pa gang yin pa de la zad pa gang yang med do// gang la zad pa gang yang med pa de 'dus ma byas pa'o// 'dus ma byas pa gang yin pa de la skye ba med/ 'jig pa med/ gnas pa med/ de'i phyir de bzhin gshegs pa rnams byung yang rung / ma byung yang rung ste/ chos nyid dang chos kyi dbyings de ni gnas nyid do/ / chos kyi dbyings de ji ltar gnas pa de bzhin du de la ye shes zhugs te/ ji ltar 'jug pa med pa dang / ldog pa med pa de ltar zhugs so// de lta bu'i chos kyi tshul gyis zag pa dang zag pa spong ba mi dmigs te/ de bzhin gshegs pa ni thugs rje chen po la gnas nas/ sems can rnams kyi zag pa spang ba'i phyir sems can rnams 'chos
- 226b
ston to/ / 'di ni de bzhin gshegs pa'i de bzhin gshegs pa'i 'phrin las bcu gnyis pa'o// de la 'di skad ces bya'o// rgyal ba'i 'dod pa'i zag pa spangs pas na// 'dod chags bag chags phyis ni yong ma yin// mi dbang srid pa kun las rnam grol bas// de yi nyes pa ma lus yang dag chad// bde gshegs rig pa kun la gnas pas na// de yi gti mug lhag ma ma lus bral// mi yi seng ge lta ba kun dang bral// des ni nyon mongs spyod pa'i bag chags med// kun gyis zag pa zad pa thob 'gyur bar// rgyal ba kun rdzob tu ni chos ston to/ / gang zhig 'phel ba dang ni zad 'gyur ba// chos de dam pa'i don du yong ma yin// zad pa gnyen pos zad pa ma yin te// sngon nas zad pas de phyir zad ces bstan/ / zag pa gang yin de ni 'dus ma byas// de la mtshan nyid gsum ni yod ma yin// dbyings de gnas pa yin te 'gyur ba med// dbang gi pha rol son pas chos rnams mkhyen/ / de dag shes nas de bzhin chos ston te// 'di ni rgyal ba'i 'phrin las bcu gnyis pa// rigs kyi bu gzhan yang de bzhin gshegs pas bar du gcod pa'i chos rnams m tshungs par bar du gcod par yang dag pa ji lta ba bzhin du rab tu mkhyen pa de la lha dang bcas pa'i 'jig rten gang gis kyang chos 'di dag bar du gcod par mi 'gyur ro zhes chos dang mthun
- 227a
pas de bzhin gshegs pa la rgol mi nus so/ / de la bar du gcod pa'i chos rnams gang zhe na/ bar du gcod par 'gyur ba'i chos gcig ste/ gcig gang zhe na/ 'di lta ste/ dang ba med pa'i sems so// bar du gcod pa'i chos gnyis te/ gnyis gang zhe na/ 'di lta ste/ ngo tsha shes pa med pa dang / khrel med pa'o// bar du gco par 'gyur pa'i chos gsum ste/ gsum gang zhe na/ 'di lta ste/ lus kyis nyes par spyad pa dang / ngag gis nyes par spyad pa dang / yid kyis nyes par spyad pa ste gsum po 'di dag go/ / bar du gcod par 'gyur ba'i chos bzhi ste/ bzhi gang zhe na/ 'di lta ste/ 'gro ba ma yin par 'gro ba bzhi ste/ 'dun pas 'gro ba ma yin par 'gro ba dang // zhe sdang gis 'gro ba ma yin par 'gro ba dang / gti mug gis 'gro ba ma yin par 'gro ba dang / 'jigs pas 'gro ba ma yin par 'gro ba ste/ bzhi po 'di dag go// bar du gcod par 'gyur ba'i chos lnga ste/ lnga gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / chang 'thung ba ste/ lnga po 'di dag go// bar du gcod par 'gyur ba'i chos drug ste/ drug gang zhe na/ 'di lta ste/ sangs rgyas la mgus pa yin/ chos la ma gus pa yin/
- 227b
dge 'dun la ma gus pa yin/ bslab pa la ma gus pa yin/ ting nge 'dzin la ma gus pa yin/ gtong ba la mgus pa yin te/ drug po 'di dag go// bar du gcod par 'gyur ba'i chos bdun te/ bdun gang zhe na/ 'di lta ste/ nga rgyal dang / che ba'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyalang cung zad snyam pa'i nga rgyal dang / log pa'i nga rgyal te/ bdun po 'di dag go// bar du gcod par 'gyur ba'i chos brgyad de/ brgyad gang zhe na/ 'di lta ste/ log par lta ba dang log pa'i rtog pa dang / log pa'i ngag dang / log pa'i las kyi mtha' dang / log pa'i 'tsho ba dang / log pa'i rtsol ba dang / log pa'i dran pa dang / log pa'i ting nge 'dzin te/ brgyad po 'di dag go/ bar du gcod par 'gyur ba'i chos dgu ste/ dgu gang zhe na/ 'di lta ste/ bdag la gnod pa byas so// byed do// byed par 'gyur ro zhes kun nas mnar sems skyed pa dang / bdag gi mdza' bo gang yin pa de la gnod pa byas so// byed do// byed par 'gyur ro zhes kun nas mnar sems kyi sems bskyed pa dang / bdag dang mi mdza' ba gang yin pa de'i don byas so/ / byed do// byed par 'gyur ro zhes kun nas mnar sems kyi sems bskyed pa ste/ dgu po 'di dag go// bar nga gcod par 'gyur ba'i
- 228a
chos bcu ste/ bcu gang zhe na/ 'di lta ste/ mi dge ba bcu'i las kyi lam rnams yin no// bcu gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / ngag rtsub po dang / tshig bkyal pa dang / brnab sems dang / gnod sems dang log par lta ba ste/ tshul bzhin ma yin pa yid la byed pa dang ldan pa'i kun tu sbyor bar 'gyur ba'i chos rnams la ro myang ba la rjes su lta zhing gnas pa dang / phyin ci log dang ldan pa ste/ sgrib pas kun nas bsgribs pa dang / sred pa dang / lta ba la mngon par zhen pa'i zang zing dang bcas pa dang / phung po dang bcas pa'i lus kyi las dang / ngag gi las dang / yid kyi las ji snyed pa de dag thams cad bar du gcod pa'i chos su de bzhin gshegs pas mkhyen cing bar du gcod par 'gyur ro zhes de bzhin gshegs pa de bzhin du yang dag pa ji lta ba bzhin du ston te/ 'di dag ni bar du gcod par 'gyur ba'i chos rnams so// bar du gcod par gyur pa'i chos de dag zhi bar bya ba dang / nye bar zhi bar bya ba dang / sdang bar bya ba'i phyir de bzhin gshegs pa chos ston te/ 'di ni de bzhin gshegs pa'i de bzhin gshegs pa'i 'drin las bcu gsum pa'o// de la 'di skad ces bya'o// rgyal ba yis
- 228b
ni chos gang rjes rtog pa/ de dag rten na rnam par grol mi 'thob// gang la dang ba spong ba yod pa dang // gang la ngo tsha khrel ltas cung zad med// de bzhin lus dang ngag dang sems sdom pa/ gang dag la ni nam yang med pa dang // 'dun pa dang ni zhe sdang gti mug nas// srog gcod gzhan gyi longs spyod 'jig pa'i bdag/ gzhan gyi chung ma brdzun smra de bzhin chad // ma gus drag po dag dang nga rgyal bdun/ / log pa brgyad ni gang yin de dag kyang // thams cad rnam par grol ba'i lam gyi bgegs// kun nas mnar sems dngos po dgur gsungs dang // mi dge bcu po'i las kyi lam rnams dang // gang yang tshul bzhin mi ldan de dag la// mngon par shes dang thar pa nam yang med// de dag phyin ci log dang ldan pa dang // mthar zhe na yang dag ma yin chags rig nas/ / chos rnams 'di dag rnam par spang ba'i phyir// rgyal ba'i dbang po byams pas 'chad pa mdzad// rigs kyi bu gzhan yang de bzhin gshegs pas 'phags pa'i nges par 'byung ba'i lam ni de byed pa'i sdug bsngal yang dag par zad par 'gyur ba'i 'phags pa'i nges par 'byung ba'i lam du yang dag pa ji lta ba bzhin du rab tu mkhyen te/ de la sten na sems can rnams nges par 'byung ba de la lha dang bcas pa'i 'jig rten gang gis kyang 'di nges par 'byung ba'i lam ma yin no zhes chos dang mthun pas de bzhin gshegs pa la rgol mi nus so/ /
- 229a
nges par 'byung ba'i lam gang zhe na/ 'di lta ste/ sems can rnam par dag par 'gyur ba'i bzod pa gcig pu'i lam mo// nges par 'byung ba'i lam gyi chos gnyis te/ gnyis gang zhe na/ 'di lta ste/ zhi gnas dang lhag mthong ngo // nges par 'byung ba'i lam gyi chos gsum ste/ gsum gang zhe na/ 'di lta ste/ stong pa nyid dang mtshan ma med pa dang / smon pa med pa dang / gsum po 'di dag go// nges par 'byung ba'i lam gyi chos bzhi ste/ bzhi gang zhe na/ 'di lta ste/ lus su gtogs pa'i dran pa dang / tshor bar gtogs pa dang / sems su gtogs pa dang / chos su gtogs pa'i dran pa de pa'i po dag go/ de la nang gi lus la lus kyi rjes su lta ba'i dran pa nye bar gzhag pa dang phyibyi'i lus la lus kyi rjes su lta ba'i dran pa nye bar gzhag pa dang / nang dang phyi'i lus la lus kyi rjes su lta ba'i dran pa nye bar gzhag pa dang / nang gi tshor ba dang / phyi'i tshor ba dang / nang dang phyi'i tshor ba la tshor ba'i rjes su lta ba'i dran pa nye bar gzhag pa dang / nang gi sems dang / phyi'i sems dang / nang dang phyi'i sems la sems kyi rjes su lta ba'i dran pa nye bar gzhag pa dang / nang gi chos dang / phyi'i chos dang / nang dang phyi'i chos rnams la chos kyi rjes su lta ba'i dran pa nye bar gzhag pa ste/ bzhi po 'di dag go// nges par 'byung
- 229b
ba'i lam gyi chos lnga ste/ lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ lnga po 'di dag go/ / nges par 'byung ba'i lam gyi chos drug ste/ drug gang zhe na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa ste/ drug po 'di dag go// nges par 'byung ba'i lam gyi chos bdun te/ bdun ga zhe na/ 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ bdun po 'di dag go// nges par 'byung ba'i lam gyi chos brgyad de/ brgyar gang zhe na/ 'di lta ste/ yang dag pa'i lta ba dang / yang dag pa'i rtog pa dang yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i
- 230a
ting nge 'dzin te/ brgyad po 'di dag go// nges par 'byung ba'i lam gyi chos dgu ste/ dgu gang de ra/ 'di lta ste/ bsam gtar dang po dang / bsam/ gtan gnyis pa dang / bsam gtan gsum pa dang / bsam gtan bzhi pa dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci yang med pa'i skye margyad kyi snyoms par 'jug pa dang / 'du shes meng 'du shes med min gyi mched kyi snyoms par 'jug pa dang / 'du shes dang tshor ba 'gog pa'i snyoms par 'jug pa ste/ dgu po 'di dag go// nges par 'byung ba'i lam gyi chos bcu ste/ bcu gang zhe na/ 'di lta ste/ dge ba bcu'i las kyi lam rnams so/ / bcu gang zhe na/ 'di lta ste/ srog gcod pa spong ba dang / ma byin par len pa spong ba dang / 'dod pas log par g.yem pa spong ba dang / brdzun du smra ba spong ba dang / phra ma spong ba dang / ngag rtsub po spong ba dang / tshig 'khyal pa spong ba dang / brnab sems spong ba dang / gnod sems spong ba dang / log par lta ba spong ba ste/ nges par 'byung ba'i lam gyi chos bcu po 'di dag go// de ltar ji tsam byang chub kyi phyogs kyi chos dge ba/ tshul khrims kyi phung po dang ldan pa 'am/ ting nge 'dzin gyi phung po dang ldan pa
- 230b
'am/ shes rab kyi phung po dang ldan pa 'am/ rnam par grol ba'i phung po dang ldan pa 'am/ rnam par grol ba'i ye shes mthong ba'i phung po dang ldan pa 'am/ 'phags pa'i bden pa dang ldan pa de yang nges par 'byung ba'i lam zhes bya'o/ / gzhan yang nges par 'byung ba'i lam zhes bya ba ni gang yang dag par sgrub pa'o// yang dag par sgrub pa gang yin pa de la ni sogs pa 'am/ mi sogs pa'am/ blang ba 'am/ dor ba 'am/ gzung ba 'am/ spang ba'i chos gang yang med do// de ci'i phyir zhe na/ yang dag par zhugs pa ni gnyis la blo mi 'jug ste/ chos thams cad gnyis su med par yang dag pa ji lta ba bzhin du ye shes kyis mthong ba ni nges par 'byung ba'i lam ste/ de bzhin gshegs pa nges par 'byung ba'i lam de sems can rnams la yang dag par ston to/ / de la bsten na de byed pa'i sdug bsngal yang dag par zad par 'gyur ba'i phyir sems can rnams nges par 'byung ste/ 'di ni de bzhin gshegs pa'i de bzhin gshegs/ pa'i 'phrin las bcu bzhi pa'o// de la 'di skad ces bya'o// gang sbyangs bde ba tshad med 'gyur ba dang // gang bsten pas ni mi ni zho rag pa// thams cad rgyal bas pakhyen te rang thos shig/ mkhyen nas 'chi med 'gro ba'i lam ston to// rgyal bas bsngags pa dge ba byang chub phyogs// dge chos mang po ji snyed yod pa dag/ blo gros can gyis sten na mi 'grol ba'i// gnas med
- 231a
ces ni bde bar gshegs pas bshad/ / yang dag chos la mkhas dang yang dag ldan// tshul bzhin gyis ni nyon mongs rgya chen zhi// chos min ma zhen chos la'ang ma yin pa/ / de ni rnam grol nad med zhi la reg/ rten la mkhas pa gang zhig chos rnams la// gsob gsog ya ma brla dang mkha' 'dra dang // sgyu ma'i gzugs mtshungs rmi lam 'drar rtog pa/ / de ni srid pa'i mtsho las thar par 'gyur// 'di ni drang srong rgyal po thub pa'i las// snying rje bskyed nas skye bo myos pa dag/ gang phyir srod pa'i 'khor lo las 'grol ba// de phyir de dag 'dri ba med pa yin// rigs kyi bu gzhan yang gang gi phyir de'i lus 'khrul pas byis pa 'am/ mkhas pas kyang rung ste/ chos dang mthun pas rgol bar 'gyur ba'i 'khrul pa de bzhin gshegs pa la med do/ / de ci'i phyir zhe na/ sangs rgyas bcom ldan 'das rnam ni sku'i 'phrin las 'khrul pa med pa dang ldan pa ste/ kun tu gzigs pa dang / rnam par gzigs pa dang / bskum pa dang / smyung ba dang / chos gos snam sbyar dang / mthong ba dang / lhung bzed dang / chos gos thogs pas spyod lam mdzes pa/ bzhud pa dang / byon pa dang / 'chag pa dang / bzhengs pa dang / bzhugs pa dang / gzims pa dang / grong dang / grong khyer dang / grong rdal du
- 231b
'jug pa dang / 'byung ba na zhabs kyi mthil sa la mi reg ste/ 'khor lo rtsibs stong pa sa las 'byung zhing / dri yid du 'ong ba'i pad+ma mngon par 'byung ste/ de la de bzhin gshegs pa'i zhabs 'jog go/ / de la gang dud 'gro'i skye gnas su song ba'i sems can gang dag de bzhin gshegs pa'i zhabs la reg pa de dag zhag bdun rab tu bde ba dang ldan par 'gyur ro/ / shi 'phos na bde 'gro mtho ris kyi 'jig rten du skye bar 'gyur ro// de bzhin gshegs pa'i sku la chos gos sor bzhi tsam gyis mi reg mod kyi/ rnam par 'thor rlung gis kyang bzlog par mi nus so/ / sku'i 'od kyis mnar med pa'i bar gyi sems can bde bar byed de/ de'i phyir de bzhin gshegs pa'i sku la 'khrul pa med ces bya'o// rigs kyi bu yang gang gi phyir de'i gsung gi 'khrul pas byis pa 'am/ mkhas pas kyang rung ste/ chos dang 'thun pas rgol bar 'gyur ba'i gsung gi 'khrul pa de bzhin gshegs pa la med do// de ci'i phyir zhe na/ rigs kyi bu de bzhin gshegs pa ni dus su gsung ba/ tshogs su gsung ba/ yang dag par gsung ba/ bden par gsung ba/ ji skad gsungs pa de bzhin du mdzad pa'o/ / shin tu nges pa'i tshig dang ldan pa'o// sems can thams cad tshim par byed pa'i tshig dang ldan pa'o// mi zlos pa'i tshig dang ldan pa'o// don dang tshig 'grus
- 232a
brgyan pa'i tshig dang ldan pa'o/ / skad cig brjod pas sems can thams cad kyi bsam pa tshim par byed pa ste/ de'i phyir de bzhin gshegs pa'i gsung 'khrul pa/ med ces bya'o// rigs kyi bu yang gang gi phyir de'i thugs 'khrul pas byis pa 'am/ mkhas pas kyang rung ste/ chos dang mthun pas rtsod par 'gyur ba'i sems kyi 'khrul pa de bzhin gshegs pa la med do/ / de ci'i phyir zhe na/ 'di ltar de bzhin gshegs pa ni mnyam par gzhag pa'i gnas mi 'dor zhing / sangs rgyas kyi mdzad pa thams cad mdzad kyang / sems der mi gtong zhing / chos thams cad la chags pa med pa'i ye shes mthong ba 'jug ste/ de'i phyir de bzhin gshegs pa'i sems 'khrul pa med ces bya'o// ji ltar de'i sems 'khrul pa med pa de bzhin du/ 'khrul pa thams cad sel ba'i phyir/ sems can rnams la chos ston te/ 'di ni de bzhin gshegs pa'i de bzhin gshegs pa'i 'phrin las bcom pa'o/ / de la 'di skad ces bya'o// sku dang gsung dang thugs kyi 'khrul pa dag/ rnam par 'dren la cung zad yod ma yin// 'jig rten mgon po kha na ma tho med// 'khrul med 'gro la phan byed kun nas gzigs/ / ji ltar rgyal ba cung zad 'khrul med pa// de ltar chos mchog zhi ba 'gro la ston// 'khrul pa 'di dag thams cad rnam spangs pa// 'di
- 232b
ni rgyal ba'i 'phrin las bco lnga pa/ / rigs kyi bu gzhan yang de'i ca co gang las bdud dam/ bdud kyi ris kyi lha 'ang/ gzhan mu stegs can rnams kyis glags rnyed par 'gyur/ ba'i ca co de bzhin gshegs pa la med do// de ci'i phyir zhe na/ de bzhin gshegs pa la ca co'am/ rjes su ca co red do// de ci'i phyir zhe ra/ de bzhin gshegs pa ni rjes su chags pa 'am/ khong khro ba dang bral ba ste/ sems can thams cad kyis bkur sti byas kyang ma thos par mi sems sems can thams cad kyis bkur sti ma byas kyang sro shi ra mi 'gyur ro/ / gang gi phyir de 'gyod pas rjes su ca co 'byung bar 'gyur ba bya dka' ba'i bya ba 'am/ mthar ma phyin pa cung zad kyang de bzhin gshegs pa la med do// de bzhin gshegs pa ni 'jig rten gang dang yang rtsod pa ma yin te/ de'i phyir de bzhin gshegs pa la ca co med do// de bzhin gshegs pa ni nyon mongs pa med pa la gnas pa ste/ nga'i ba med pa yongs su 'dzin pa med pa/ len pa med pa/ mdud pa thams cad dang bral ba ste/ de'i phyir de bzhin gshegs pa la ca co med do// ji ltar de la ca co med pa de bzhin du// sems can thams cad kyi ca co thams cad spang ba'i phyir chos ston te/ 'di ni de bzhin gshegs pa'i de bzhin gshegs pa'i 'phrin las bcu drug pa'o// de la 'di skad ces bya'o// bsngags
- 233a
pa thos kyang mtho bar sems pa med/ / mi bsngags thos kyang sro shir mi 'gyur te// rjes su chags dang khong khror 'gyur ba med// sngon spyod legs par spyad pa smad pa min/ / rgyal bas nyon mongs med pa rtag tu bsgoms// de la nga yi med cing 'dzin bdud med// ji ltar gnas pa de ltar chos ston te// 'di ni bden pa mthong ba lam gyi mchog/ rigs kyi bu gzhan yang bsnyel ba gang gis chos gang la yang rmongs par 'gyur ba'i bsnyel ba de bzhin gshegs pa la med do// de ci'i phyir zhe na/ de bzhin gshegs pa ni bsam gtan dang / rnam par thar pa dang / ting nge 'dzin dang / snyoms par 'jug pa thams cad la bsnyel ba med do// de bzhin gshegs pa ni sems can thams cad kyi sems kyi spyod pa dang / g.yo ba la rnam par lta zhing so so ci rigs par chos ston pa la bsnyel ba med do// de bzhin gshegs pa ni don dang / chos dang / nges pa'i tshig dang / spobs pa so so / yang dag par rig pa rnams la bsnyel ba med do// de bzhin gshegs pa ni 'das pa dang / ma 'ongs pa dang / da ltar byung ba chags pa med pa'i ye shes mthong ba la bsnyel ba med do// de bzhin gshegs pa ji ltar bdag bsnyel ba med pa de ltar sems can thams cad brjed par mi 'gyur bar chos ston te/ 'di ni de bzhin gshegs pa'i de bzhin gshegs pa'i 'phrin las
- 233b
bcu bdun pa'o/ / de la 'di skad ces bya'o// chos dang ye shes rnam par spyod yul la// rnam par 'dren pa bsnyel ba med pa ste// bsam pa ji bzhin chos rnams bstan pa'i phyir// sems can bsam pa rnams la spyod mtha' yas// so so yang dag rig la bsnyel ba med// dus gsum la ni ye shes bsgribs pa med// ji ltar mi bsnyel de ltar chos ston te// 'di ni skyes mchog rnams kyi 'phrin las yin// rigs kyi bu gzhan yang de bzhin gshegs pa la sems mnyam par ma bzhag pa med de/ de bzhin gshegs pa ni 'chag gam/ bzhengs sam bzhugs sam/ gzims sam/ bshos gsol lam/ gsung ngam/ cang mi gsung yang rung ste/ rtag tu mnyam par gzhag pa/ ting nge 'dzin zab mo mchog thob pa/ sgrib pa med pa'i bsam gtan la bsam gtan byed pa ste/ de bzhin gshegs pa'i byin gyi rlabs ma gtogs par sems can gyi ris na sems can gang mnyam par gzhag kyang rung / mnyam par ma gzhag kyang rung ste/ su yang de bzhin gshegs pa'i sems la blta bar nus pa med do// de bzhin gshegs pa ji ltar rtag tu mnyam par gzhag pa de ltar de bzhin gshegs pa sems can rnams ting nge 'dzin las mi g.yeng bar bya ba'i phyir chos ston te/ 'di ni de bzhin gshegs pa'i de bzhin gshegs pa'i 'phrin las bco brgyad
- 234a
pa'o/ / de la 'di skad ces bya'o// bzhengs sam bzhugs sam 'chag pa rnams su yang // sangs rgyas sems ni mnyam par ma gzhag nam yang med/ mi gsung bzhugs dang gsung ba dang ni bshos gsol dang // rgyal ba mnyam par gzhag pa g.yeng ba mi dmigs so// gang zhig bde gshegs mnyam par gzhag pa'i sems shes pa gang zag de ni phyogs bcu dag na'ang yod ma yin/ / de ni ji ltar mnyam gzhag de ltar 'gro ba la// rtag tu chos rnams ston te 'di ni rgyal ba'i las// rigs kyi bu gzhan yang tha dad pa'i 'du shes gang gis sems mi mnyam par gnas 'gyur ba'i tha dad pa'i 'du shes de bzhin gshegs pa la med do/ / de ci'i phyir zhe na/ nam mkha' bzhin du zhing mi zad pa'i phyir/ de bzhin gshegs pa zhing rnams la tha dad pa'i 'du shes med do/ / rang bzhin gyis bdag med pa'i phyir/ de bzhin gshegs pa sems can rnams la tha dad pa'i 'du shes med do// chos kyi dbyings 'brel ba med cing mnyam pa nyid du shes pa'i phyir de bzhin gshegs pa sangs rgyas kyi zhing rnams la tha dad pa'i 'du shes med do/ / 'dod chags dang bral ba'i chos nyid kyi phyir/ de bzhin gshegs pa chos rnams la tha dad pa'i 'du shes med do/ / de bzhin gshegs pa ni tshul khrims dang ldan pa rnams la yang rjes su chags pa med/ tshul khrims 'chal pa rnams la yang kho
- 234b
khro ba med/ phan btags pa rnams la yang lan du phan 'dogs pa med/ gnod pa byas pa rnams la yang lan du gnod pa byed pa med/ 'dul bar 'os pa rnams la yang mnyam pa nyid du ma yin/ log par nges pa rnams la yang spyod pa ma yin gyi/ de bzhin gshegs pa ni chos thams cad la mnyam pa nyid du gnas pa ste/ de'i phyir de bzhin gshegs pa la tha dad pa'i 'du shes med ces bya'o/ / ji ltar de bzhin gshegs pa la tha dad pa'i 'du shes med pa de ltar sems can thams cad kyi tha dad pa'i 'du shes spangs pa'i phyir chos ston te/ 'di ni de bzhin gshegs pa'i de bzhin gshegs pa'i 'phrin las bcu dgu pa'o/ / de la 'di skad ces bya'o// zhing dang sems can de bzhin chos rnams la// tha dad 'du shes bde bar gshegs la med/ / mnyam nyid gnas shing grags pa che rnams la// tha dad 'du shes nam yang yod ma yin// khrims ldan kha na ma tho med pa'i khrims// sems can 'dul ba'i 'os dang gdul dka' ba/ / de la rkang gnyis dam pa sems mnyam ste// sems can tha dad 'dzin pa thar par byed// rigs kyi bu gzhan yang de bzhin gshegs pa la so sor ra brtags pa'i btang snyoms med do/ / de ci'i phyir zhe na/ de bzhin gshegs pa'i btang snyoms ni lam bsgoms pa yin gyi/ lam ma bsgoms pa ma yin te/ lus bsgoms pa/
- 235a
sems bsgoms pa/ tshul khrims bsgoms pa'o// de bzhin gshegs pa'i btang snyoms ni shes rab bsgoms pa yin gyi/ ma bsgoms pa'i ma yin no// de bzhin gshegs pa'i ba'ang snyoms ni ye shes dang ldan pa yin gyi/ gti mug dang ldan pa ma yin no// de bzhin gshegs pa'i btang snyoms ni 'jig rten las 'das pa yin gyi/ 'ji rten par lhung ba ma yin no/ / de bzhin gshegs pa'i btang snyoms ni 'phags pa nges par 'byung ba yin gyi/ 'phags pa ma yin pa nges par mi 'byung ba yin no// de bzhin gshegs pa'i btang snyoms ni chos kyi 'khor lo bskor ba ste/ sems can la snying rje chen po dang bral ba ma yin no// de bzhin gshegs pa'i btang snyoms de ni rang gi tshul gyis grub pa sde/ gnyen po'i rjes su song ba ma yin/ mtho bar sems pa ma yin/ dma' bar sems pa ma yin te/ gnas pa mi g.yo bar gyur pa/ dmig pa dang bral ba/ rtog pa dang sel ba las shin tu 'das pa/ dus la lta ba/ dus las ma yol ba/ mi g.yo ba/ mi sems pa/ mi rtog pa/ rnam par mi rtog pa/ rnam par ma bsgrubs pa/ bstan du med yang dag pa/ de kho na de bzhin nyid/ gzhan ma yin pa de bzhin nyid de/ de bzhin gshegs pa ni btang snyoms chen po de lta bu phun sum tshogs pas/ sems can thams
- 235b
cad la btang snyoms de lta bu yongs su rdzogs par bya ba'i phyir chos ston te/ 'di ni de bzhin gshegs pa'i de bzhin gshegs pa'i 'phrin las nyi shu pa'o// de la 'di skad ces bya'o// legs spyad lam mchog shin tu bsgoms pa'i phyir// so sor ma brtags btang snyoms yod ma yin// gang zag mchog ni lus dang de bzhin sems// tshul khrims shes rab bden pa shin tu bsgoms/ / rgyal ba rjes su chags dang khong khro med// rtog dang rnam par rtog dang rnam bsgrubs med// btang snyoms yang dag de bzhin gzhan ma yin// de lta yin yang 'gro ba kun la 'chad/ / rigs kyi bu gzhan yang de bzhin gshegs pa 'dun pa nyams pa med do// de la 'dun pa gang zhe na/ 'di lta ste/ dge ba'i chos la 'dun pa'o// de'ang/ gang zhe na/ byams pa chen po la de bzhin gshegs pa'i 'dun pa nyams pa med do// snying rje chen po la de bzhin gshegs pa'i 'dun pa nyams pa med do// chos ston pa la 'dun pa nyams pa med do/ / sems can 'dul ba la 'dun pa nyams pa med do// sems can yongs su smin par bya ba la 'dun pa nyam pa med do// rab tu dben pa la 'dun pa nyams pa med do/ / sems can byang chub yang dag par 'dzin du 'jug pa la 'dun pa nyams pa med do// dkon mchog gsum gyi rigs rgyun mi gcod pa la 'dun pa nyams pa med do// de bzhin
- 236a
gshegs pa ni 'dun pas 'gro ba ma yin gyi/ de bzhin gshegs pa'i 'dun pa ni ye shes mngon du 'gro ba nyid de/ de'i phyir de bzhin gshegs pa'i 'dun pa nyams pa med ces bya'o/ / sems can thams cad la bla na med pa'i 'dun pa yongs su rdzogs par bya ba'i phyir chos kyang ston to// 'di ni de bzhin gshegs pa'i de bzhin gshegs pa'i 'phrin las nyi shu rtsa gcig pa'o/ / de la 'di skad ces bya'o// rgyal ba'i 'dun pa rtag tu dge ba'i chos kyi tshul la 'dod cing dga'// sems can rab tu thar par bya phyir byams dang snying rje'i chos kyang sbyin/ / sems can yongs smin bya dang nags tshal dga' la mos panyams pa med// rab tu mang po byang chub 'dzin 'jug dkon mchog gsum gyi rgyun mi gcod// 'dod chag dang zhe sdang dang ni 'jigs dang gti mug gis ni 'gro ma yin/ / khyad par gyur nas mkhas te shes pas byas pa'i chos kun rtogs par 'gyur// rgyal ba sems can 'dun bral le lo can dag mthong nas 'dun la sbyor/ / gang gis 'gro ba 'dul ba'i las ni mtshungs pa med pa'i shes pas rig/ rigs kyi bu gzhan yang de bzhin gshegs pa'i brtson 'grus nyams pa med do/ / de la de bzhin gshegs pa'i brtson 'grus ni 'di yin te/ 'di lta ste/ 'dul ba'i sems can rnams la yal bar mi 'dor ba'i brtson 'grus dang / chos nyan pa dag la
- 236b
brnyas pa med pa'i brtson 'grus so/ / gal te de bzhin gshegs pas chos kyi snod chos nyan pa gang bskal par yang chos nyan pas skyo bar mi 'gyur ba de snyed na/ de bzhin gshegs pa yang chos ston cing kha zas dang bral ba'i rgyud du gyur kyang bskal par yang mi ldang ngo / / de bzhin gshegs pa ni sems can la lta bas/ tha na gang na sangs rgyas kyis 'dul ba'i sems can gcig gi phyir yang sangs rgyas kyi zhing gang+gA'i klung gi bye ma snyed 'da' zhing bzhud de/ de bzhin gshegs pa la sku mnyel ba 'am/ gsung mnyel ba 'am/ thugs mnyel ba med do/ / de bzhin gshegs pa ni sems shin tu sbyangs pa/ brtson 'grus brtsams pa/ brtson 'grus kyi bsngags pa smra ba ste/ yang dag par sbyor ba'i brtson 'grus gang gis sems can rnams kyis 'phags pa'i rnam par grol ba thob par 'gyur ba'i brtson 'grus de sems can rnams la bsngags pa byed de/ 'di ni de bzhin gshegs pa'i de bzhin gshegs pa'i 'phrin las nyi shu rtsa gnyis pa'o/ / de la 'di skad ces bya'o// brtson 'grus gang gis mi yi seng ge 'phags 'gyur ba// brtson 'grus stobs de'i bsdam pa rtag tu rjod par byed/ / brtson 'grus stobs ni gang du'ang nyams pa yod min te// gnor du gyur pa rnyed nas chos kyang ston par byed// bde bar gshegs kyi brtson 'grus gnas
- 237a
@pa yod min te/ / lus dang ngag dang sems ni gang du'ang skyo ba med// ji ltar rang byung brtson 'grus kun tu sdig pa med// de ltar tho grangs sems can dag 'dzin du 'jug/ rigs kyi bu gzhan yang de bzhin gshegs pa'i dran pa ni thams cad kyi thams cad rnam pa thams cad kyi thams cad du nyams pa med do// de ci'i phyir zhe na/ de bzhin gshegs pa la bsnyel ba med do// rigs kyi bu de bzhin gshegs pas bla na med pa yang dag par rdzogs pa'i byang chub mngon par rdzog par sangs rgyas ma thag tu 'das pa dang // ma 'ongs pa dang / da ltar byung ba'i sems can rnams kyi sems kyi rgyud la rnam par gzigs kyang de la de bzhin gshegs pa la bsnyel ba shin tu med do// sems can gyi spyod pa ji lta ba bzhin/ du mkhyen kyang de la de bzhin gshegs pas ye shes yang gtong ba med do// de bzhin gshegs pa ni phung po gsum du rnam par dgod pa dang / sems can gyi dbang po la 'jug pa dang / sems can gyi bsam pa la 'jug pa dang / sems can gyi spyod pa rnam par gzigs pas dran pa nyams pa med pa nyid de/ de bzhin gshegs pa ni dran par byas sngam/ bsams sam rnam par brtags te sems can rnams la chos ston pa med do/ / ston kyang nyams pa med do// de ci'i phyir zhe na/ de bzhin gshegs pa'i dran pa ni ji ltar yang
- 237b
nyams pa med do/ / de ji ltar bdag dran ming bsnyel ba med pa de ltar sems can rnams la chos ston te/ 'di ni de bzhin gshegs pa'i de bzhin gshegs pa'i 'phrin las nyi shu rtsa/ gsum pa'o// de la 'di skad ces bya'o// ston pa'i dran pa gang yang nyams med de// rgyal ba'i dran pas dran par bya ba med// rgyal bas gang tshe byang chub sangs rgyas nas// 'gro ba'i sems ni ma lus rnam par mkhyen// bsam pa dbang po sems can spyod pa dag/ phyis yang rnam par shes par bya ba med// lhun gyis grub pa'i bya bar gnas nas ni// rgyal ba'i dbang po 'gro la chos ston to// rigs kyi bu gzhan yang de bzhin gshegs pa'i ting nge 'dzin nyams pa med do// de bzhin gshegs pa'i ting nge 'dzin gang yin pa de ni chos thams cad mnyam pa nyid dang / chos thams cad mi mnyam pa ma yin pa dang / chos thams cad ji lta ba bzhin no// ci'i phyir de bzhin gshegs pa'i ting nge 'dzin nyams par mi/ 'gyur zhe na/ de bzhin nyid gang dang mnyam pa de dang ting nge 'dzin mnyam mo// ting nge 'dzin gang dang mnyam pa de dang de bzhin gshegs pa mnyam ste/ de'i phyir mnyam par gzhag pa zhes bya'o/ / 'dod chags kyi mtha' gang dang mnyam pa 'dod chags dang bral ba'i mtha' yang de dang mnyam mo// zhe sdang gi mtha' gang dang mnyam pa zhe sdang dang bral ba'i
- 238a
mtha' yang de dang mnyam mo/ / gti mug gi mtha' gang dang mnyam pa gti mug dang bral ba'i mtha' yang de dang mnyam mo// 'dus byas kyi mtha' gang dang mnyam pa 'dus ma byas kyi mtha' yang de dang mnyam mo/ / 'khor ba'i mtha' gang dang mnyam pa mya ngan las 'das pa'i mtha' yang de dang mnyam ste/ mnyam pa nyid de dag la snyoms par zhugs pas de'i phyir mnyam par gzhag pa zhes bya'o/ / de'i phyir de bzhin gshegs pa'i ting nge 'dzin nyams pa med ces bya'o// de ci'i phyir zhe na/ mnyam pa nyid de la nyams pa med/ yongs su nyams pa med do/ / de bzhin gshegs pa'i ting nge 'dzin de yang mig dang ldan pa ma yin/ rna ba dang / sna dang / lce dang / lus dang / yid dang ldan pa ma yin mod kyi// de bzhin gshegs pa dbang po ma tshang ba yang ma yin no// de bzhin gshegs pa'i ting nge 'dzin ni sa'i khams la mi gnas so// chu'i khams la ma yin/ me'i khams la ma yin te/ rlung gi khams la yang mi gnas so// 'dod pa'i khams la mi gnas/ gzugs kyi khams la mi gnas/ gzugs med pa'i khams la mi gnas/ 'jig rten 'di la mi gnas/ 'jig rten pha rol la mi gnas so// mi gnas pa'i phyir nyams pa med do// de'i phyir de bzhin gshegs pa'i ting nge 'dzin nyams pa med ces bya'o// de bzhin gshegs
- 238b
pa sems can thams cad kyang ting nge 'dzin de thob par bya ba'i phyir chos ston te/ 'di ni de bzhin gshegs pa'i de bzhin gshegs pa'i 'phrin las nyi shu rtsa bzhi pa'o// de la 'di skad ces bya'o/ / sangs rgyas rtag tu mnyam par gzhag/ de yi ting 'dzin nyams pa med// chos rnams kun dang mnyam par ldan// sangs rgyas mnyam nyid mnyam par gzhag/ sa chu me la ma yin te/ / rlung dang 'dod gzugs gzugs med la// rgyal ba gnas te bsam gtan min// des de'i ting 'dzir nyams pa med// rigs kyi bu gzhan yang de bzhin gshegs pa'i shes rab nyams pa med do/ / shes rab gang zhe na/ gang chos thams cad rab tu shes pa ste/ gzhan gyi dring mi 'jog pa'i shes pa'o// sems car gzhan dag dang / gang zag gzhan rnams la chos yang dag par ston pa'i shes pa'o/ / so so yang dag par rig pa la mkhas pas tshig rab tu dbye ba shes pa'o// tshig gcig la 'jug pas bskal pa brgya stong du gnas shing ston pa shes pa'o/ / ji ltar dris pa gzhan du the tshom gcod pa shes pa'o// thams cad du chags pa med pa'i shes pa'o// theg pa gsum po rnam par dgod pa bstan pa shes pa'o/ / sems can gyi sems kyi spyod pa brgyad khri bzhi stong yongs su shes pa'i shes pa'o// chos kyi phung po brgyad khri ba'i stong so so ci rigs par ston pa shes
- 239a
#bya'o/ / 'di ni dri bzhin gshegs pa'i shes rab mtha' yas pa/ drug sa med pa/ 'dus med pa/ tshad med pa bstan pa'o// ji ltar de bzhin gshes pa la nyams pa med cing yongs su nyams pa med pa de ltar sems can tham cad kyang shes rab mi zad par bya ba'i phyir chos ston te/ 'di ni de bzhin gshegs pa'i de bzhin gshegs pa'i 'phrin las nyi shu rtsa lnga pa'o/ / de la 'di skad ces bya'o// shes rab kyis ni tshul rnams mngon sum ste// so so yang dag rig dbang pha rol son// bsams bzhin rang byung sems can chos ston te/ / yig 'bru gcig la mtha' yas tshig rnams 'jug/ 'gro ba'i spyod pa thug med rab shes nas// de bzhin brgyad khri bzhi stong chos ston kyang // nam yang bde gshegs shes rab nyams med de/ / stobs bcu'i las 'di 'gro las khyad par 'phags// rigs kyi bu gzhan yang de bzhin gshegs pa'i rnam par grol ba nyams pa med do// de bzhin gshegs pa'i rnam par grol ba gang zhe na/ nyan thos rnams kyi rnam par grol ba ni sgra'i rjes su 'gro ba'o// rang sangs rgyas rnams kyi rnam par grol ba ni rkyen khong du chud pa'o// / sangs rgyas rnams kyi rnam par grol ba ni chags pa dang / 'dzin pa thams cad dang bral bas rnam par grol ba zhes bya ste/ sngon gyi mthar yang ma bcings/ phyi ma'i mthar
- 239b
'du gas/ / su/ skye 'dzi / / 'od du/ / res kya nga / rlud l+le 'dzin sprulas rnam par rlo ste/ 'dzin pa pa seMn la sa rnam se ms rang bzhin 'dugs la ba dri bzhin du shes pa 'o/ dan phyi sems kyi sa do cig gcig dang ldan pa'i shes rab kyis than med pa yang dag par rdzogs pa'i byang chub mngon pa rdzog sus bshes pa'o/ / ji ltar de bzhin gshegs pas mngon par rdzogs par sangs rgyas pa de lngar de bzhin gshegs pa sems can gzhan dag dang / gang zag gzhan rnams la chos thon / 'dri ni de bzhin gshegs pa'i de bzhin gshegs pa'i 'dzin las nyi shu rtsa drug pa'o// de la 'di skad ces bya'o// nyan thos rnams kyi rnam grol ze rjes 'gro// rang sangs rgyas kyi rkyen nas skyes pa'o/ / spangs nas ma spyad nams kyinam grol ni/ gas las rab 'das dri sring nam mtha' 'dra// sems ni sngon nas bcings ra ma gyur te// sems gyur 'di dag rang bzhin rnam par grog/ / ji ltar rnam grol de ltar yang dag shes// shes nas rnam grol nyams pa gang yang med// rigs kyi bu gzhan yang de bzhin gshegs pa
- 240a
lus kyi las thams cad ye shes sngon du 'gro zhing ye shes kyi rjes su 'brang ba'o/ / de bzhin gshegs pa lus kyi las de dang ldan pas blta bas kyang sems can rnams 'dul/ smra bas kyang sems can rnams 'dul/ cang mi smra bas kyang sems can rnams 'dul/ za bas kyang sems can rnams 'dul/ spyod lam gyis kyang sems can rnams 'dul/ mtshan dag gis kyang sems can rnams 'dul/ dpe byad bzang po dag gis kyang sems can rnams 'dul/ spyi gtsug bltar mi snang bas kyang sems can rnams 'dul/ bltas pa tsam gyis kyang sems can rnams 'dul/ 'od stong pas kyang sems can rnams 'dul/ gom pa 'dor bas kyang sems can rnams 'dul/ grong khyer du 'jug pa dang 'byung bas kyang sems can rnams 'dul te/ sangs rgyas bcom ldan 'das rnams kyi spyod lam gang sems can 'dul bar mi 'gyur ba de// gang yang med do// de'i phyir de bzhin gshegs pa'i lus kyi las thams cad ye shes mngon du 'gro zhing ye shes kyi rjes su 'brang ba zhes bya'o// 'di ni de bzhin gshegs pa'i de bzhin gshegs pa'i 'phrin las nyi shu rtsa bdun pa'o/ / de la 'di skad ces bya'o// 'dren pa rnams kyi spyod lam ston pa dang // 'gro dang 'jug dang de bzhin 'byung ba dang
- 240b
dpe byad bzang dang mtshan dang spyi gtsug gis/ / sangs rgyas dag ni sems can 'dul bar sbyor// rnam par 'dren tshe 'od gtong ba// de tshe skye bo du ma bde bar gyur// 'od kyis reg pas 'dul bar rab tu 'gro// 'di ni rkang gnyis dam pa rnams kyi las// rigs kyi bu gzhan yang de bzhin gshegs pa'i ngag gi las thams cad ye shes sngon du 'gro zhing ye shes kyi rjes su 'brang ba'o/ / de ci'i phyir zhe na/ de bzhin gshegs pa ni 'bras bu yod pa'i chos ston pa'o// phe par lung ston pa'o// shin tu nges pa'i tshig smra ba'o// de bzhin gshegs pa'i ngag de yang kun shes par byed pa'o// rnam par shes par byed pa'o// mi mtho ba'o// mi dma' ba'o// ma yo ba'o// lngapa ljib can ma yin pa'o// gya gyu ma yin pa'o// mi brlang ba'o// mi rtsub pa'o// ma 'chal ba'o// 'jam pa'o// mnyen pa'o// las su rung ba'o// rar po ma yin pa'o// byung rgyal ma yin pa'o/ rtabs pa ma yin pa'o// rnam par myur ba ma yin pa'o// rab tu myur ba ma yin pa'o// shin tu rnam par bye ba'o// shin tu nges pa'i tshig go// shin tu dga' skyed pa'o/ / shin tu snyan pa'o// shin tu gdang sa snyan pa'o// shin tu gsal ba'o// thags thogs med pa'o// rdzogs pa'o// snyan pa'o// 'brel ba'o// bsgrags pa'o// mchod par/
- 241a
/ sa'o// / rdzu 'o// 'o// 'o// pa'o/ na d+hu myur phyin pa'o/ / gsas skyed pa'o// rab tu tsholala'o// 'di ga la ba'o// rlung ga// m-i dman pa'o// pa 'di ngas 'o// pom yin pa/ skyed pa'o// lus rnam par byed pa'o// sems dga' skyed pa'o// 'dod chags N+DI ba byed pa'o// de sdang 'dul ba'o// gti mug sel ba'o// bdud 'jom pa'o// // 'as / na skye byed pa'o// dz+nyApa gyu'o// ra ngs pa'i rje/ / rgya mtsho rgyams kyi 'o// byin kyima'o// ba'i sna byu to// zung chung gilnga'o// mabya'i/ kA do// bkrag so b+ha'o// gang shA d+hA'aM rnaH/ dang pa'i rgyal po d+hA'o// ri dgas kyi rgyal po'i l+la'o// si la ng+tha dang / bai lcang n+ya gsum pa dang ba r+b+ba dang / thaMd na dang / dung dang / sim kan gyi kun shes par bya'o/ / rnam par shes par bya'o// gsal ba'o// yid du 'ong ba'o// mnyan par 'os pa'o// mapara'o// brdzun pa ma yin pa'o// rna ba med par byed/
- 241b
pa'o// dge ba'i rtsa ba skyed pa'o// tshig dang yi ge nyams pa med pa'o// tshig dang yi ge shin tu nges pa'i tshig go// don dang ldan pa'o// chos dang ldan pa'o// dus dang ldan pa'o/ tshigs thams cad dang ldan pa'o// dus las mi yol ba'o// dbang po mchog dang mchog ma yin pa she ba ston pa'o// sbyin pas brgyan pa'o// tshul khrims kyis rnam par dag pa'o// bzod pas yang dag par bsgrubs pa'o/ / brtson 'grus kyis lus sbyangs pa'o// bsam gtan gyis las su rung bar byas pa'o// shes rab kyis nges par brtags pa'o// byams pas shin tu bsags pa'o/ / snying rjes skyo ba med pa'o// rab tu dga' ba'o// 'od gsal ba'o// btang snyoms kyis nges par brtags pa'o// theg pa gsum rnam par 'jog pa'o// / dkon mchog gsum gyi rigs rgyun mi gcod pa'o// phung po gsum rnam par 'byed pa'o// rnam par thar pa'i sgo gsum gyis rnam par sbyangs pa'o// bden pas yongs su bsgos pa'o// ye shes kyis yongs su bsgos pa'o// mkhas pasu ma smad pa'o// 'phags pas bsngags pa'o// nam mkha'i tshad kyi rjes su 'gro ba'o// rnam pa thams cad kyi mchog dang ldan pa'o/ / rigs kyi bu de bzhin gshegs pa'i ngag ni de lta bu ste/ de'i phyir de bzhin gshegs pa'i ngag gi las thams cad ye shes sngon du 'gro zhing ye shes kyi rjes su 'brang ba zhes bya'o//
- 242a
'di ni de bzhin gshegs pa'i de bzhin gshegs pa'i 'phrin las nyi shu rtsa brgyad pa'o// de la 'di skad ces bya'o// mtshungs pa med pa'i ngag ni gsal zhing dri med yon tan kun gyis 'phags/ / zhing stong rgyas par 'gengs shing skad cig las kyang skad rnams kun grags te// sems can kha cig nyan thos theg dang de bzhin rang rgyal theg pa thos// thos nas sangs rgyas bdag nyid chen pos de bzhin byang chub 'dir yid 'dzud// yi ge rnams ni mtshams sbyor ma yin phan tshun 'gal bar 'gyur ba'ang min// de ltar chos rab ston kyang sems ni rnam par rtog par 'gyur ba med/ / ji ltar brag cha g.yo ba med cing byed pa med par sgra sgrog pa// de ltar mi yi dam pa sgra rnams sgrog cing sems can tshim par byed// rigs kyi bu gzhan yang de bzhin gshegs pa'i yid kyi las thams cad ye shes sngon du 'gro zhing ye shes kyi rjes su 'brang ba'o/ / de ci'i phyir zhe na/ de bzhin gshegs pa ni sems kyis brjod par bya ba ma yin/ yid kyis ma yin/ rnam par shes pas ma yin gyi/ de bzhin gshegs pa ni ye shes pa ni ye shes kyis rab tu phye ba ste/ ye shes kyi bdag por gyur pa'o/ / de bzhin gshegs pa'i ye shes de ni sems can thams cad kyi sems kyi rjes su song ba'o// sems can thams cad kyi yid kyi rjes su zhugs pa'o// sems can thams
- 242b
cad kyi shes pa rig pa'o/ / chos thams cad nges par bsam pa'o// ting nge 'dzin thams cad la gzhan gyi dring mi 'jog pa'o// dmigs pa las shin tu 'das pa'o// rkyen las skye ba dang bral ba'o/ / srid pa gsum bsal ba'o// nga rgyal gyi rim pa thams cad las shin tu 'das pa'o// bdud kyi las thams cad las rnam par grol ba'o// sgyu dang g.yo thams cad dang bral ba'o/ / ngar 'dzin pa dang / nga yir 'dzin pa spungs pa'o// ma rig pa dang / gti mug gi mun pa dang / rab rib kyi ling tog dang bral ba'o// lam gyi yan lag shin tu yongs su bsgoms pa'o/ / nam mkha' ltar rnam par mi rtog pa'o// chos kyi dbyings dang dbyer med pa ste/ de bzhin gshegs pa'i yid kyi las ye shes sngon du 'gro bA ni de lta bu'o/ / 'di ni de bzhin gshegs pa'i de bzhin gshegs pa'i 'phrin las nyi shu rtsa dgu pa'o// de la 'di skad ces bya'o// rgyal ba rkang gnyis dbang po sems dang yid kyis gzhal ma yin/ / ye shes rnam pa dag gis 'dren pa kun gyi las rnams dag/ bde gshegs ye shes de ni sems can kun gyi bsam pa la// mnyam pa nyid du rjes su zhugs shing chos dbyings rang bzhin no/ / bsam gtan dang ni de bzhin ting 'dzin kun dang rab tu ldan// sems dang yid kyi rnam par rtog pa kun tu rgyu ba med// bdud kyi yul las grol zhing
- 243a
bdud kyi las las shin tu 'das/ / nam mkha'i rang bzhin mtshungs shing dri med rnam par 'gyur ba med// rigs kyi bu gzhan yang 'das pa'i dus la de bzhin gshegs pa'i ye shes mthong ba chags pa med cing thogs pa med pa 'jug go/ / ji ltar 'jug ce na/ 'das pa'i dus kyi sangs rgyas kyi zhing byung ba dang zhig pa ji snyed pa de dag thams cad bgrang ba'i tshul gyis rab tu mkhyen to/ / sangs rgyas kyi zhing de dag na rtswa dang / shing gel ba dang / sman dang / nags tshal du gyur pa de dag thams cad kyang rab tu mkhyen to/ / sangs rgyas kyi zhing de dag na sems can gyi tshogs sems can du btags par gyur pa ji snyed pa de dag thams cad kyang rab tu mkhyen to// sems can de dag gi spyod pa sna tshogs su gyur pa ji snyed pa de dag thams cad kyang rab tu mkhyen to/ / sangs rgyas kyi zhing de dag tu sangs rgyas byung ba ji snyed pa de dag thams cad kyang rab tu mkhyen do// sangs rgyas re res chos bstan cing brjod pa ji snyed pa de dag thams cad kyang rab tu mkhyen to/ / sems can ji snyed cig nyan thos kyi theg par btul ba de dag thams cad kyang rab tu mkhyen to// sems can ji snyed cig rang sangs rgyas kyi theg par btul ba de dag thams cad kyang rab tu mkhyen to/ / sems can ji snyed cig theg pa chen por btul ba de dag thams cad kyang rab tu mkhyen to//
- 243b
sangs rgyas kyi zhing rnam par phye ba thams cad kyang rab tu mkhyen to// dge slong gi dge 'dun rnam par phye ba'ang rab tu mkhyen to// tshe'i tshad rnam par phye ba'ang rab tu mkhyen to// chos gnas pa rnam par phye ba'ang rab tu mkhyen to/ / dbugs dbyung ba dang rngub pa'ang rab tu mkhyen to// zas kyi mchog gi longs spyod kyang rab tu mkhyen to// sems can thams cad kyi 'das pa'i rnam pa dang / 'chi 'pho dang / 'gro bar skye ba rnams kyang de bzhin gshegs pas rab tu mkhyen to// dbang po sna tshogs dang / spyod pa sna tshogs dang / bsam pa sna tshogs rnams kyang rab tu mkhyen to/ / sems kyi rgyud kyang rab tu mkhyen to// sems gang gi 'og tu sems gang byung ba de dag thams cad kyang de bzhin gshegs pas mngon sum gyi shes pa dang / rjes su rtogs pa'i shes pas bgrang ba'i tshul gyis rab tu mkhyen te/ de dang de bzhin gshegs pa'i sems kyi rgyun 'das pa btang ba rnams kyang dmigs so// de bzhin gshegs pas bgrang ba'i tshul gyis ye shes de lta bu dang ldan pas sems can rnams la bsam pa ji lta ba bzhin du phyed par chos ston te/ 'di ni de bzhin gshegs pa'i de bzhin gsheg/ pa'i 'phrin las sum cu pa'o// de la 'di skad ces bya'o// zhing dang sems can dag ni chos smra la// sangs rgyas ye shes chags med tshad kyang med// 'dren pas sems
- 244a
can gang dag thar byas dang / / zhing du dge slong dge 'dun gyur grangs dang // sems can bsam pa dbang po gang yin dang // dbyibs dang sgra yi rim pa gang dang sems/ / ming dang sbyor ba gang dag 'das pa kun// rdzogs pa'i sangs rgyas yang dag gzigs pas rtogs// rigs kyi bu gzhan yang ma 'ongs pa'i dus la de bzhin gshegs pa'i ye shes mthong ba chags pa med cing thogs pa med pa 'jug go/ / ji ltar 'jug ce na/ sems can nam/ chos sam/ zhing gang dag kha cig ma 'ongs pa'i dus na 'byung ba 'am/ 'gag pa 'am/ 'byung bar 'gyur ba 'am/ 'jig par 'gyur ba de dag thams cad de bzhin gshegs pas rab tu mkhyen to// bskal pa'i mes tshig par 'gyur ba ji snyed pa dang / chus 'jig par 'gyur ba ji snyed pa dang / sangs rgyas kyi zhing gnas par 'gyur ba ji snyed pa dang / sangs rgyas kyi zhing de dag na sa'i khams su 'gyur ba ji snyed pa dang rdul phra rab kyi rdul du 'gyur ba ji snyed pa dang / rtswa dang / shing gel ba dang / sman dang / nags tshal du 'gyur ba ji snyed pa dang / skar ma'i gzugs su 'gyur ba ji snyed pa dang / zhing rab 'byam re re sangs rgyas 'byung bar 'gyur ba ji snyed pa dang / nyan thos 'byung bar 'gyur ba ji snyed pa dang / rang sangs rgyas 'byung bar 'gyur
- 244b
ba ji snyed pa dang / byang chub sems dpa' 'byung bar 'gyur ba ji snyed pa dang / zas kyi mchog gi longs spyod dang / dbugs 'byung ba dang / rngub pa dang / 'chag pa dang 'dug pa dang / spyod lam du 'gyur ba ji snyed pa dang / de bzhin gshegs pa rab 'byam re res nyan thos kyi theg pa dang / rang sangs rgyas kyi theg pa dang / theg pa chen pos sems can thar par 'gyur ba ji snyed pa de dag thams cad de bzhin gshegs pas rab tu mkhyen to/ / zhing rab 'byam re re na sems can rnams kyi skye ba'i gnas ji snyed pa dang sems dang sems las byung ba ji snyed cig 'byung bar 'gyur ba de dag thams cad de bzhin gshegs pas rab tu mkhyen kyang / de bzhin gshegs pa'i ma 'ongs pa'i sems kyi rgyun bskal bar 'gyur ba ma yin par ma 'ongs pa la lta bas sems can rnams la chos ston to/ / 'di ni de bzhin gshegs pa'i de bzhin gshegs pa'i 'phrin las sum cu rtsa gcig pa'o/ / de la 'di skad ces bya'o// dri med mig gis ma 'ongs dus na ni// cung zad 'byung bar 'gyur dang 'jig 'gyur dang // sangs rgyas zhing rnams kun na rgyal ba dang / de dag thams cad ma lus sangs rgyas mkhyen// ma 'ongs pa yi dmigs par gtong ba ni// de yi sems ni nams kyang g.yeng ba med// sems can rnams la de bzhin chos
- 245a
ston te/ 'di ni gang gnyis mchog gi 'phrin las yin// rigs kyi bu gzhan yang da ltar byung ba'i dus la de bzhin gshegs pa'i ye shes mthong ba chags pa med/ cing thogs pa med pa 'jug go// ji ltar 'jug ce na/ 'di la de bzhin gshegs pas phyogs bcu dag na da ltar byung ba'i sangs rgyas kyi zhing thams cad bgrang bar rnam pa gsum gyis tshul gyis rab tu mkhyen to/ / da ltar byung ba'i sangs rgyas thams cad rab tu mkhyen to// da ltar byung ba'i byang chub sems dpa' thams cad rab tu mkhyen to// da ltar byung ba'i nyan thos thams cad rab tu mkhyen to/ / da ltar byung ba'i rang sangs rgyas thams cad rab tu mkhyen to// de ltar byung ba'i skar ma'i gzugs thams cad rab tu mkhyen to// da ltar byung ba'i rtswa dang / shing gel pa dang / sman dang / nags tshal rnams rab tu mkhyen to// phyogs bcu dka na da ltar sa'i khams rdul phra rab kyi rdul gyi char babs pa thams cad bgrang ba'i tshul gyis rab tu mkhyen to/ / phyogs bcu'i chu'i khams sgra'i rtse mos blangs pa'i thigs pa thams cad bgrangs pa'i tshul gyis rab tu mkhyen to// phyogs bcu'i me'i khams kyi skye ba dang 'gags thams cad kyang bgrang ba'i tshul gyis rab tu mkhyen to/ / phyogs bcu'i rlung gi khams thams cad kyang gzugs su gyur pa la bab pa'i tshul gyis rab tu mkhyen to// phyogs bcu'i nam
- 245b
mkha'i khams thams cad kyang skra'i rtse mos rgyas par dgang ba'i tshul gyis rab tu mkhyen to/ / da ltar byung ba'i sems can gyi khams rnam pa gsum yang rab tu mkhyen to// da ltar byung ba'i sems can dmyal ba pa'i sems can gyi khams kyang rab tu mkhyen to/ / de'i skye ba'i rgyu dang thar pa'i rgyu yang rab tu mkhyen to// da ltar byung ba'i dud 'gro'i skye gnas su song ba'i sems can gyi khams kyang rab tu mkhyen to/ / de'i skye ba'i rgyu dang thar pa'i rgyu yang rab tu mkhyen to// da ltar byung ba'i gshin rje'i 'jig rten gyi sems can gyi khams kyang rab tu mkhyen to// de'i skye ba'i rgyu dang thar pa'i rgyu yang rab tu mkhyen to/ / da ltar byung ba'i mir gyur pa'i sems can gyi khams kyang rab tu mkhyen to// de'i skye ba'i rgyu dang thar pa'i rgyu yang rab tu mkhyen to// da ltar byung ba'i lha'i sems can gyi khams kyang rab tu mkhyen to/ / de'i skye ba'i rgyu dang thar pa'i rgyu yang rab tu mkhyen to// da ltar byung ba'i sems can rnams kyi sems kyi rgyun kyang rab tu mkhyen to// da ltar nyon mongs pa dang bcas/ nyon mongs pa dang bral ba'ang rab tu mkhyen to// da ltar byung ba'i sems can gdul bar 'os pa rnams kyi dbang po dag kyang rab tu mkhyen to// gdul bar 'os pa ma yin pa dag gi dbang po rnams kyang rab tu mkhyen to/ / de bzhin gshegs pas de ltar rab tu mkhyen kyang / de bzhin gshegs pa la gnyis kyi rjes su 'brang ba'i rnam par
- 246a
shes pa med cing gnyis su med pa la gzud pa'i phyir sems can rnams la chos kyang ston te/ 'di ni de bzhin gshegs pa'i de bzhin gshegs pa'i 'phrin las sum cu rtsa gnyis pa'o/ / de la 'di skad ces bya'o// rgyal ba rnams kyi spyod yul thug pa med// tshad med gzhal du med cing bsam mi khyab// nam mkha' mtshungs shing dpe yang med pa skye/ / 'gro ba kun gyis shes par mi nus so// phyogs bcu dag na da ltar byung ba yi// 'gro ba'i bya bar gyur pa ji snyed pa// de dag thams cad rgyal bas rjes su mkhyen/ / 'di ni rang byung rnams kyi las kyis mchog/ rigs kyi bu de bzhin gshegs pa'i 'phrin las ni sum cu rtsa gnyis po 'di dag ste/ de bzhin gshegs pa'i 'phrin las de dag dang ldan pas sems can gyi khams 'dul lo/ / de bzhin gshegs pa'i 'phrin las ni tshad med mod kyi/ sems can rnams gzud pa'i phyir mdo tsam du tshad kyis bstan to// / dam po drug pa// rigs kyi bu gzhan yang de bzhin gshegs pa'i de bzhin gshegs pa'i 'phrin las gang yin pa de ni tshad med pa'o// bas kyis mi khyab pa'o/ / 'jig rten thams cad kyis rnam par shes par bya ba ma yin pa'o// yi ge rnams kyis brjod par bya ba ma yin pa'o// gzhan dag gis thob par dka' ba'o//
- 246b
sangs rgyas kyi zhing thams cad du rgyun chad pa med pa'o// sangs rgyas thams cad dang mnyam pa nyid du rjes su song ba'o// 'bad pa'i bya ba thams cad las shin tu 'das pa'o// nam mkha' dang mnyam pa nyid pas rnam par mi rtog pa'o// chos kyi dbyings kyi bya ba yin pas sna tshogs su byar med pa'o// de ci'i phyir zhe na/ rigs kyi bu sangs rgyas bcom ldan 'das rnams ni gtam sna tshogs kyi ched du 'byung ba ma yin te/ sems can sna tshogs kyi gtam gyi phyir ma yin/ zhing sna tshogs kyi gtam gyi phyir ma yin/ bstan pa sna tshogs kyi gtam gyi phyir ma yin/ bsam pa sna tshogs kyi gtam gyi phyir ma yin/ rnam par grol ba sna tshogs kyi gtam gyi phyir ma yin/ yongs su mya ngan las 'das pa sna tshogs kyi gtan/ gyi phyir ma yin gyi/ de bzhin gshegs pa ni chos kyi dbyings ro gcig pa dang / sgrib pa med pa/ sems can thams cad la go skabs 'byed pa/ mngon par rdzogs par sangs rgyas nas sems can rnams chos khong du chud par bya ba'i phyir sgrib pa med pa'i chos kyi 'khor lo 'di lta ste/ phyir mi ldog pa'i 'khor lo rab tu bskor ro// rigs kyi bu 'di lta ste dper na/ nor bu mkhan mkhas pa/ nor bu sbyang ba'i cho ga shin tu shes pa des nor bu'i rigs las sbyang ba ma yin pa'i nor bu rin po che blangs nas bul tog gi chu rnon po sa bkrus te/
- 247a
sgra nag po'i la bas byi dor bya bas byi dor byed kyang de tsam gyis brtson 'grus rgyun mi gcod kyi/ de'i 'og tu dngul chu rnon po dang bcas pas bkrus te/ shing dang / snam bu sa byi dor bya bas byi dor byed do// de tsam gyis kyang brtson 'grus rgyun mi gcod de/ de'i 'og tu yang sman chen po'i khu bas bkrus te/ ras phra mos byi dor bya bas byi dor byed do// byi dor byas te nor bu mching bu'i rigs dang bral nas bai DUR+Ya zhes bya'o// rigs kyi bu de bzhin du de bzhin gshegs pas yongs su ma dag pa'i sems can gyi khams rig nas/ mi rtag pa/ dang sdug bsngal ba dang / bdag med pa dang / mi sdug pa yid 'byung bar 'gyur ba'i gtam gyis 'khor ba la mngon par dga' ba'i sems can rnams yid 'byung bar byed 'phags pa'i chos 'dul ba la 'jug par byed do/ / de tsam gyis de bzhin gshegs pa brtson 'grus rgyun mi gcod cing / de'i 'og tu stong pa nyid dang / mtshan ma med pa dang smon pa med pa'i gtam gyis/ de bzhin gshegs pa'i tshul khong du chud par byed do// de tsam gyis kyang de bzhin gshegs pa brtson 'grus rgyun mi gcod kyi/ de'i 'og tu phyir mi ldog pa'i 'khor lo'i gtam/ 'khor gsum yongs su dag pa'i gtam gyis sems can de dag de bzhin gshegs pa'i yul la 'dzud do// sems can rgyu dang rang bzhin sna tshogs
- 247b
pa de dag mnyam du zhug nas de bzhin gshegs pa'i chos nyid khong du chud pas sbyin gnas bla na med pa rnams zhes bya'o/ / de'i phyir rigs kyi bu khyod kyis ji ltar de bzhin gshegs pa'i 'dzin/ las bsam gyis mi khyab pa dang / kun gyi rjes su song ba dang / thams cad du kha na ma tho ba med pa dang / dus gsum gyi rjes su song ba dang / dkon mchog gsum gyi rigs rgyun mi gcod pa rnam grangs 'dis kyang 'di ltar rig par bya ste/ de bzhin gshegs pa ni de bzhin gshegs pa'i 'phrin las bsam gyis mi khyab pa de la'ang gnas so// nam mkha'i rang bzhin gyis lus kyang mi 'dor ro/ / sangs rgyas kyi zhing thams cad du'ang ston to// brjod du med pa'i chos ston pa'i tshig kyang mi 'dor ro// sgra ji bzhin gyi rnam par rig byed kyis sems can rnams la tshwa kyang ston to/ / sems can thams cad kyi sems dmigs pa dang / bral ba dang / sems can thams cad kyi bsam pa'ang rab tu mkhyen to// sangs rgyas bcom ldan 'das rnams ni byang chub sems dpa'i bsam pa rnam par dag par bya ba'i phyir 'byung ngo // rigs kyi bu gang rgyun chad pa med pa/ rgyun chags pa/ rgyun mi gcod pa/ byang chub sems dpa' lung bstan pa'i gtam rgyun mi gcod pa 'di ni de bzhin gshegs pa rnams kyi de bzhin gshegs pa'i 'phrin las yang dag pa'o// de bzhin
- 248a
gshegs pa'i 'phrin las bstan pa 'di bshad pa na/ phyogs bcu'i sangs rgyas kyi zhing dpag tu med pa/ grangs med pa/ bgrang ba las shin tu 'das/ pa dag rnam pa drug tu g.yos par gyur to// snang ba chen pos kyang gsal bar gyur to// me tog sil mas kyang gtor bar gyur to// 'khor gyi khyams rin po che bkod par gzi brjid che ba gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / dge slong dang / dge slong ma dang / dge bsnyen dang / dge bsnyen ma ji snyed 'dus pa de dag thams cad kyis de bzhin gshegs pa'i 'phrin las bstan pa'i chos kyi rnam grangs 'di thos nas tshim zhing mgu ste yi rangs nas/ de bzhin gshegs pa la mchod pa'i las kyi phyir/ me tog dang / bdug pa dang / thos dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan rnam pa sna tshogs dang / sil snyan dang / bag rdob pa dang / klu dbyangs byed pas bcom ldan 'dra yul mchod do// dbu'i gtsug tu gos rnams kyis kyang gtor to// thig le lta bu'i rgyan dang / rna cha dang / dpung rgyan dang / nor bu'i rgyan ske
- 248b
dang mu tig gi rgyan 'phreng dang / rgyan zla gam dang / spen tog rgyan dang / rgyan ne'u le can dang / sor gdub rgyan dang / gdu bu dang / rgyan ta la 'dab dang / rgyan ldum khrims can dang / se ral 'phreng dang / rkang gdub dang / do shal dang / mgo rgyan dang / lag rgyan dang / rna rgyan dang / rkang rgyan rnams kyis kyang gtor to/ / rin po che be nurma dag kyang gtor to// 'dzam bu'i chu bo'i gser rin po che rnams dang / rin po che rdo'i snying po rnams dang / rin po che dpal gyi snying po rnams dang / rin po che an da rnyil rnams dang / rin po che me mdog rnams dang / rin po che dkar 'od rnams dang / rin po che kha dog mtha' yas pa rnams kyis kyang gtor to// gser phye dang / dngul phye dang / a ka ru'i phye ma dang / rgya spos kyi phye ma dang / tsan dan gyi phye ma dang / tsan dan dus kyi rjes su 'brang ba'i phye ma dang / tsan dan dmar po'i phye ma dang / ke sa ra'i phye ma rnams kyis kyang mngon par gtor to// lha'i me tog rnams kyang mngon par gtor ba la 'di lta ste/ me tog man da ra ba dang / man da ra ba chen po dang / yongs 'du dang man dzu sha ka dang / man dzu sha ka chen po dang / mdog mdzes dang / mdog mdzes chen po dang / sba la dang / sba la chen po dang / me tog 'khor lo dang
- 249a
'khor lo dri med dang / 'dab brgya dang / 'dab stong dang / 'dab 'bum dang / kun nas 'od dang / kun tu bsud da / kun tu cher skar mig tu sdug pa dang / skar 'od dang / 'od byed dang / kha dog mtha' yas dang / me tog de lta bu dag kyang mngon par gtor to// chu nas skyes pa'i me tog ut+pal dang pad+ma dang / ku mu da dang / pad+ma dkar po rnams kyang gtor to// thang las skyes pa snu ma'i me tog dang / pa ri sha ka dang / a ti mug ta ka dang / tsam pa ka dang / ngan 'tshang dang / da ru ka ri dang s+ya sngar dang / me tog btang bzung dag kyang gtor ro// sil snyan dang / pheg rdob pa dag kyang kun du yang dag par sbyar ba la 'di ste/ stereg rdob pa dang / gling bu dang / rnga bo che dang / rung dang / rdza rnga dang / 'khar rnga dang / sil snyan dang / glu dbyangs rnam pa sna tshogs kyang byas so// dang / rin po ma nga dang / m+b+hi smA nA tika ki d+hA 'greng gir dang la stan dang / ril po char dag mngon par phab bo/ / byang chub sems dpa' gang dag phyogs bcu'i 'jig rten gyi khams sna tshogs nas 'dus pa de dag steng gi bar snang la mngon par 'phags te/ bcom ldan
- 249b
'das la mchod pa'i las kyi phyir rang rang gi lus bor ro/ / byang chub sems dpa' de dag gis lus bor ma thag tu de nas steng gi bar snang la thams cad dang ldan pa'i 'khor gyi khyams rin po che'i bkod pas khebs par byas te/ rin po che'i dra ba mu tig gi rgyan 'phreng du ma sbyangs pa/ kun nas mig mangs ris su bres pa/ shin tu yongs 'du las byas pa/ dril bu g.yer kha'i dra bas mdzes par byas pa/ rin po che'i pad+mas sbas pa byung bar gyur to// mu tig gi rgyan 'phreng de dag gi mu tig gi 'bru re re las kyang byang chub sems dpa'i lus dpag tu med cing grangs med pa dag byung bar kun tu snang ngo / / de dag byung nas bcom ldan 'das la lan bdun bskor ba byas te/ rin po che bkod pa'i pad+ma'i seng ge'i khri de dag la 'khod do// phyogs bcu'i sangs rgyas kyi zhing tshad med pa nas sangs rgyas bcom ldan 'das tshad med pa dag gis chos kyi rnam grangs 'di la mchod pa'i las kyi phyir/ de bzhin gshegs pa re res kyang bskal par brjod pa yongs su thug pa med pa zhes bya ba'i mchod pa bkod pa bsgrubs te/ 'jig rten gyi khams mi mjed 'dir btang ba dang / sangs rgyas kyi mthus bkod pa de dag 'jig rten gyi khams mi mjed 'dir byin te/ de dag gi 'khor gyi khyams rin po che bkod pa la rgyan gyi mchog gis brgyan par gyur to// 'khor 'di la sems can tshad med pa dag bla na me pa yang
- 250a
dag par rdzogs pa'i byang chub tu sems bskyed do/ / byang chub sems dpa' tshad med pa dag mi skye ba'i chos la bzod pa thob par gyur to// de nas bcom ldan 'das kyis thams cad dang ldan pa'i byang chub sems dpa'i tshogs la glang po che'i lta stangs kyis gzigs nas 'di skad ces bka' stsal to/ / skyes bu dam pa khyed rnams las rgyan bkod pa bsam gyis mi khyab pa/ byang chub sems dpa'i ting nge 'dzin byin gyis brlabs pa/ de bzhin gshegs pas btang ba/ rnam par brtags pa ma yin pa/ ma 'khrugs pa/ ma rnyis pa/ ma nyams pa 'di ni de bzhin gshegs pa byams pa mngon par rdzogs par sangs rgyas nas lo bcu drug lon te/ 'khor gyi khyams rin po che bkod par 'dug nas/ byang chub sems dpa' spyod pa la 'jug pas nges par 'byung ba sgrib pa med pa'i sgo/ 'dus pa chen po'i le'u chos kyi rnam grangs 'di rgya cher yang dag par rab tu ston pa na bstan pa dang / thams cad dang ldan pa'i byang chub sems dpa'i tshogs 'dun par bya ba dang / mchod pa 'dis de bzhin gshegs pa byams pa dang / bskal pa bzang po'i de bzhin gshegs pa thams cad la mchod par su spro/ de nas byang chub sems dpa' chos thams cad rnam par 'phrul pa'i rgyal po zhes bya ba 'khor de nyid du 'dus par gyur nas 'dug pa de pad+ma'i stan las langs te/ pus mo g.yas pa'i lha
- 250b
nga pad+ma'i snying po la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das bdag rgyan bkod pa rnam par ma btags pa/ ma 'khrugs pa/ ma rnyis pa/ ma nyams pa 'dis de bzhin gshegs pa byams pa dang / de ma lags pa'i bskal pa bzang po'i de bzhin gshegs pa dgra bcom pa yang dag par rdzogs pa'i sangs rgyas gzhan thams cad la'ang mchod pa bgyid par spro'o/ / de'i tshe bdud rnam par 'phrul pa zhes bya ba shin tu gnas pa'i gling bzhi pa na gnas pa 'khor de nyid du 'dug nas/ byang chub sems dpa' chos thams cad rnam par 'phrul pa'i rgyal po la 'di skad ces smras so// rigs kyi bu snod sems bkod pa 'di dris par ma gyur kyi bar du 'dzin pa'i khyod kyis snod de ji tsam zhig/ de skad ces smras pa dang / byang chub sems dpa' chos thams cad rnam par 'phrul pa'i rgyal pos bdud rnam par 'phrul pa la 'di skad ces smras so/ / rigs kyi bu snod ji snyed pa de dag thams cad ni 'chag par 'gyur ba bar du gcod pa dang bcas pa dag go// nam mkha' ni mi shigs pa bar du gcod pa med pa ste/ snod de thams cad kyi mchog yin no/ / grogs po mig mi 'dzums par nga'i lus la ltos shig dang / snod chen po mthong bar 'gyur ro// de nas bdud rnam par 'phrul pas/ byang chub sems dpa' chos
- 251a
thams cad rnam par 'phrul pa'i lus la mig mi 'dzums par bltas pa dang / des byang chub sems dpa' chos thams cad rnam par 'phrul pa'i lus dkyis lte ba'i dkyil 'khor na chu'i rgyal por snang ba zhes bya ba'i 'jig rten gyi khams mthong ngo / / ci'i phyir chu'i rgyal po snang ba zhes bya zhe na/ 'jig rten gyi khams de chus rab tu gang ste/ rgya mtsho gcig ltar snang ngo / / de na de bzhin gshegs pa rin chen ut+pa la'i dpal zhes bya ba bzhugs so// 'tsho'o// gzhes so// byang chub sems dpa' nyi tshe la chos kyang ston to// chu'i phung po de las rin po che bkod pa'i pad+ma mngon par 'phags te/ de la bcom ldan 'das de dang byang chub sems dpa' de dag bzhugs so// de nas bdud rnam par 'phrul pas thal mo sbyar te/ byang chub sems dpa' chos thams cad rnam par 'phrul pa'i rgyal po la phyag 'tshal to/ / de nas byang chub sems dpa' chos thams cad rnam par 'phrul pa'i rgyal pos bdud rnam par 'phrul pa la 'di skad ces smras so/ / grogs po khyod kyis byang chub sems dpa' rnams kyi snod mthong ngam/ smras pa/ mthong ngo // skyes bu dam pa khyod kyis snod 'di lta bu 'dis bskal pa bye ba khrag khrig brgya phrag stong du rin po che bkod pa chen po ma bskams pa ma rnyis pa 'di 'dzin par nus sam/ de nas bdud rnam par 'phrul pas/ bcom ldan 'das la phyag 'tshal te tshig
- 251b
'di skad kyang smras so/ / bcom ldan 'das bdag gis sngon chad skyes bu dam pa 'di'ang ma mthong / chos kyi rnam grangs 'di'ang ma thos pas/ ci bdag nyan thos kyi theg pas myur du yongs su mya ngan las 'das par bgyi 'am snyam pa las/ deng bdag gis chos kyi rnam grangs 'di'ang thos/ byang chub sems dpa' chos bam cad rnam par 'phrul pa'i rnam par 'phrul pa'i byin gyi rlabs 'di'ang mthong bas lhag pa'i bsam pas bla na med pa yang dag par rdzogs pa'i byang chub tu sems bskyed par bgyi'o/ / bcom ldan 'das gal te bskal pa gang+gA'i klung gi bye ma snyed du sems can dmyal ba chen por bsregs la/ de'i 'og tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur du lags kyang / bla na med pa yang dag par rdzog pa'i byang chub 'di lta bu yongs su mi gtong ngo / / de nas bcom ldan 'das kyis bdud rnam par 'phrul ba la legs so zhes bya ba gnang ste/ skyes bu dam pa khyod kyis bla na med pa yang dag par rdzogs pa'i byang chub tu go cha bgos pa dang / rnam par sprul pa'i byin gyi rlabs 'di lta bu dang ldan par legs so legs so// de nas byang chub sems dpa' seng ge'i tog ces bya ba 'khor de nyid du 'dus par gyur te 'dug pa des/ byang chub sems dpa' gzungs kyi dbang phyug gi rgyal po la 'di skad ces smras so// rigs kyi bu byang chub sems dpa' dag gzungs gang
- 252a
la rab tu gnas na/ sangs rgyas thams cad kyis gsungs pa kun 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par byed 'gyur ba byang chub sems dpa' rnams kyi gzungs gang yin/ de skad ces smras pa dang / byang chub sems dpa' gzungs kyi dbang phyug gi rgyal pos/ byang chub sems dpa' seng ge'i tog la 'di skad ces smras so/ / rigs kyi bu byang chub sems dpa' rnams gzungs gang dag la rab tu gnas na sangs rgyas bcom ldan 'das rnams kyis gsungs pa kun tu 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par byed par 'gyur ba/ byang chub sems dpa' rnams kyi gzungs ni brgyad po 'di dag go/ / brgyad gang zhe na/ 'di lta ste/ sgra dbyangs rnam par dag pa zhes bya ba'i gzungs dang / mi zad pa'i za ma tog ces bya ba'i gzungs dang / 'khyil ba mtha' yas pa zhes bya ba'i gzungs dang / rgya mtsho'i phyag rgya zhes bya ba'i gzungs dang / pad+ma bkod pa zhes bya ba'i gzungs dang / chags pa med pa'i sgor 'jug pa zhes bya ba'i gzungs dang so so yang dag par rig pa rnam par nges pa la 'jug pa zhes bya ba'i gzungs dang / sangs rgyas kyi rgyan byin gyis brlabs pa zhes bya ba'i gzungs te/ rigs kyi bu byang chub sems dpa'
- 252b
rnams gzungs ni brgyad po 'di dag ste/ byang chub sems dpa' rnams gzungs 'di dag la rab tu gnas nas/ sangs rgyas thams cad kyis gsungs pa kun tu 'dzin to// chos bstan pa/ na zad par mi 'gyur ro// legs par bshad pas sems can thams cad tshim par byed par 'gyur ro// de nas byang chub sems dpa' seng ge'i tog gis/ byang chub sems dpa' gzungs/ kyi dbang phyug gi rgyal po la 'di skad ces smras so// rigs kyi bu khyod byang chub sems dpas gang thos pas gzungs 'di dag thob par bya ba'i phyir brtson par 'gyur ba'i gzungs 'di dag rgya cher rnam par dbye ba la 'jug pa bstan pa la spobs par gyis shig/ byang chub sems dpa' gzungs kyi dbang phyug gi rgyal pos smras pa/ de'i phyir rigs kyi bu khyod kyis shin tu legs par nyon la yid la zung zhig dang / gzungs 'di dag rgya cher rnam par dbye ba la 'jug pa la kho bos khyod la bshad par bya'o// rigs kyi bu de la sgra dbyangs rnam par dag pa'i gzungs gang zhe na/ rigs kyi bu 'di la byang chub sems dpa' gzungs 'di la rab tu gnas pa na/ chags pa med pa la 'jug pa'i sgo shin tu rnam par dag pas snying po dang ldan pa'i blos shin tu gnas te/ chos bstan pa'i byin gyi rlabs nges par byas nas chos ston pa nas sangs rgyas kyi zhing gcig dbyangs kyis go bar byed do// gnyis sam/ gsum sam/ bzhi 'am
- 253a
lnga 'am/ bcu 'am/ nyi shu 'am/ sum cu 'am/ bzhi bcu 'am/ lnga bcu 'am/ brgya dbyangs kyis go bar byed do// sangs rgyas kyi zhing stong dbyangs kyis go bar byed pa nas/ sangs rgyas kyi zhing stong phrag bcu 'am/ nyi shu 'am/ sum cu 'am/ bzhi bcu 'am/ lnga bcu 'am/ brgya'i bar du dbyangs kyis ko bar byed do// sangs rgyas kyi zhing bye ba khrag khrig brgya stong phrag mtha' yas mu med pa'i bar dag dbyangs kyis go bar byed do/ / de rgyang grags kyi tshad tsam gyi seng ge'i khrir byin gyis brlabs te/ de la 'dug nas chos ston to// ji ltar mos pa'i sems can rnams mos pa de lta bus tshim par bya ba'i phyir/ dpag tshad phyed kyi tshad tsam mam/ dpag tshad kyi tshad tsam mam/ ri rab kyi tshad tsam mam/ tshangs pa'i 'jig rten gyi tshad tsam gyi seng ge'i khrir byin gyis brlabs te/ de la 'dug nas chos ston to// de ltar seng ge'i khri de la 'dug pa na phyogs bcu'i sangs rgyas thams cad snang bar 'gyur ro// sangs rgyas bcom ldan 'das de dag gis chos gang bshad pa de thams cad kyang thos so// thos nas kyang gzungs kyi stobs kyis kun tu 'dzin to// mi brjed do// chos des chos kyi don so sor yang myong bar byed do/ / des chos gzhan nyan pas chos ston pa la sgrib par mi byed do// chos ston pas chos nyan pa la sgrib par mi byed do// yi ke'i sgra gcig la 'jug pas yi ge'i kla
- 253b
thams cad la 'jug pa ston to/ / yi ge'i dang po a zhes bya ba brjod pa'i tshul gyis chos kyi sgo mtha' yas pa brjod de/ 'di lta ste/ 'ong ba med pa'i mtshan nyid kyi tshul gyis chos thams cad ni 'ong ba med pa'o/ / 'pho ba med pa'i tshul gyis chos thams cad ni song ba med pa'o// gnas med pa'i tshul gyis chos thams cad ni gnas med pa'o// gzod ma nas rnam par dag pa'i phyir chos thams cad ni ngo bo nyid med pa'o/ / gzod ma nas ma skyes pa'i phyir chos thams cad ni rtsa ba med pa'o// gzod ma nas byung ba med pa'i phyir chos thams cad ni mtha' ma med pa'o// rnam par/ grol ba med pa'i tshul gyis chos thams cad ni zad pa med pa'o// mngon par 'du bya ba med pa'i tshul gyis chos thams cad ma skyes pa'o// byed pa po med pa'i tshul gyis chos thams cad ni skye ba med pa'o/ / rgyu ba med pa'i tshul gyis chos thams cad ni 'byung ba med pa'o// phan tshun yang dag par 'du ba'i tshul gyis chos thams cad ni mi mthun pa med pa'o// bdag po med pa'i tshul/ kyigyis chos thams cad ni ma 'gags pa'o// ston pa med pa'i tshul gyis chos thams cad ni rgyu ba med pa'o// mi rtog cing rnam par mi rtog pa'i tshul gyis chos thams cad ni spros pa med pa'o// shin tu sgra la zhugs pa'i phyir chos thams cad ni brjod pa med pa'o// sgra med pa'i phyir chos thams cad ni smra ba med pa'o// rnam par gnas pa med pa'i phyir chos thams cad ni bstan du
- 254a
med pa'o/ / rtog pa med pa'i phyir chos thams cad ni rnam par brtags pa ma yin pa'o// rnam par bsgrubs pa ma yin pa'i phyir chos thams cad ni rlom sems med do// rlom sems med pa'i phyir chos thams cad ni g.yo ba med pa'o// nam mkha' dang mnyam pa'i phyir chos thams cad ni rnam par shes pa med pa'o// tshig gi lam med pa'i phyir chos thams cad ni tha snyad med pa'o/ / yul na mi gnas pa'i phyir chos thams cad ni gnas med pa'o// phyogs na mi gnas pa'i phyir chos thams cad ni skye ba med pa'o// nyon mongs pa med pa'i phyir chos thams cad ni gzod ma nas rnam par dag pa'o/ / bdag gi rang bzhin med pa'i phyir chos thams cad ni bdag med pa'o// gzod ma nas rnam par dag pa'i phyir chos thams cad ni sems can med pa'o// dbang po med pa'i phyir chos thams cad ni srog med pa'o// don dang bral ba'i phyir chos thams cad ni gang zag med pa'o// nang nye bar zhi ba'i phyir chos thams cad ni gzod ma nas stong pa'o// mtha' med par byung ba'i phyir chos thams cad ni mtshan ma med pa'o// nye bar len pa med pa'i phyir chos thams cad ni smon pa med pa'o// 'dus byas ma yin pa'i phyir chos thams cad ni mngon par 'du byed pa med pa'o/ / gnas med pa dang gnas las shin tu 'das pa'i phyir chos thams cad ni 'dus ma byas pa'o// gzhan gyi dring mi 'jog pa'i phyir chos thams cad ni thun mong ma
- 254b
yin pa'o/ / len pa med pa'i phyir chos thams cad ni blang ba med pa'o// lus 'dor ba med pa'i phyir chos thams cad ni dor ba med pa'o// lus med pa'i phyir chos thams cad ni ngo bo nyid med pa'o// rnam pa rnam par dag pa'i phyir chos thams cad ni rnam pa med pa'o// byed pa po med pa'i phyir chos thams cad ni las med pa'o// 'pho ba med pa'i phyir chos thams cad ni rnam par smin pa med pa'o/ / sa bon med pa'i phyir chos thams cad ni gdung ba med pa'o// 'dzin pa med pa'i phyir chos thams cad ni mtshan ma med pa'o// mdud pa med pa'i phyir chos thams cad ni log pa'i las med pa'o/ / rnam par bsgrubs pa ma yin pa'i phyir chos thams cad ni mdud pa med pa'o// byas pa ma yin pa'i phyir chos thams cad ni rnam par bsgrubs pa ma yin pa'o// zag pa mi slong ba'i phyir chos thams cad ni zag pa med pa'o/ / gzod ma nas byung ba med pa'i phyir chos thams cad ni ma byung ba'o// gnyen po med pa'i phyir chos thams cad ni gsal ba'o// rnam pa sna tshogs med pa'i phyir chos thams cad ni gnyen po med pa'o/ / 'byung ba chen po las ma byung ba'i phyir chos thams cad ni gzugs can ma yin pa'o// tshor ba med pa'i phyir chos thams cad ni tshor ba med pa'o// / 'du shes kyi lam las shin tu 'das pa'i phyir chos thams cad ni 'du shes med pa'o// sred pa dang bral ba'i phyir chos thams cad ni 'du byed pa med pa'o// so sor rnam par rig pa med pa'i phyir chos//
- 255a
thams cad ni rnam par shes pa med pa'o// khams nam mkha' dang mtshungs pa'i phyir chos thams cad ni khams med pa'o// yul gyi lam las shin tu 'das pa'i phyir chos thams cad ni 'dren pa med pa'o/ / rgyu ba med pa'i phyir chos thams cad ni yul med pa'o// kun brtags pa ma yin pa'i phyir chos thams cad ni 'dod pa med pa'o// 'jug pa med pa'i phyir chos thams can ni gzugs med pa'o/ / nges par sems pa med pa'i phyir chos thams cad ni gzugs med pa ma yin pa'o// 'khrugs pa spangs pa'i phyir chos thams cad ni 'khrugs pa med pa'o// gzung ba ma yin pa'i phyir chos thams cad ni bsam gyis mi khyab pa'o/ / gnyis su dbyer med pa'i phyir chos thams cad ni yid med pa'o// yul gyi lam las shin tu 'das pa'i phyir chos thams cad ni gzung ba med pa'o/ / brtags pa med pa'i phyir chos thams cad ni kun gzhi med pa'o// rten pa dang mi mthun pa med pa'i phyir chos thams cad ni ther zug ma yin pa'o// mtshan ma med pa'i phyir chos thams cad ni ming med pa'o/ / phan tshun gcig nas gcig tu brgyud pa med pa'i phyir chos thams cad ni 'dres pa med pa'o// gnas med pa'i phyir chos thams cad ni gnas pa med pa'o// 'gyo pa med pa'i phyir chos thams cad ni brjod pa med pa'o/ / sdig dang bral ba'i phyir chos thams cad ni 'gyod pa med pa'o// dri ma med pa'i phyir chos thams cad ni bag chags med pa'o//
- 255b
gzod ma nas rnam par dag pa'i phyir chos thams cad ni dri ma med pa'o// nyon mongs pa med pa'i phyir chos thams cad ni gzod ma nas rnam par dag pa'o// rten pa med pa'i phyir chos thams cad ni nyon mongs pa med pa'o/ / g.yos pa med pa'i phyir chos thams cad ni rten pa med pa'o// chags pa med par 'jug pa'i phyir chos thams cad ni g.yo ba med pa'o// sgrib pa med pa'i phyir chos thams cad ni chags pa med par 'jug pa'o/ / nam mkha' dang mtshungs pa'i phyir chos thams cad ni sgrib pa med pa'o// rnam par rtog pa med pa'i phyir chos thams cad ni nam mkha' dang mtshungs pa'o/ / rgyu ba med pa'i phyir chos thams cad ni gzugs can ma yin pa'o// snang ba med pa'i phyir chos thams cad ni bstan du med pa'o// snang ba dang bral ba'i phyir chos thams cad ni snang ba med pa'o/ / mi mnyam pa med pa'i phyir chos thams cad ni mnyam pa med pa'o// nam mkha' dang mtshungs pa'i phyir chos thams cad ni mi mnyam pa med pa'o// gsal ba med pa'i phyir/ chos thams cad ni mun pa med pa'o// gnyen po med pa'i phyir chos thams cad ni snang ba med pa'o// ltung ba dang bral ba'i phyir chos thams cad ni kha na ma tho ba med pa'o// las byas pa med pa'i phyir chos thams cad ni kha na ma tho ba med pa'o/ / brdzun pa slu ba'i chos yin pa'i phyir chos thams cad ni ji lta ba bzhin ma yin pa'o// gzod ma nas gnas pa'i phyir chos thams cad ni phye ba med
- 256a
pa'o/ / gzugs can ma yin pa'i phyir chos thams cad ni lta ba po med pa'o// sgra med pa'i phyir chos thams cad ni nyan pa po med pa'o// ji med pa'i phyir chos thams cad ni snom pa po med pa'o/ / ro med pa'i phyir chos thams cad ni myang ba po med pa'o// reg bya med pa'i phyir chos thams cad ni reg pa po med pa'o// chos med pa'i phyir chos thams cad ni rnam par shes pa po med pa'o/ / sems dang / yid dang / rnam par shes pa dang bral ba'i phyir chos thams cad ni dmigs pa med pa'o// byang chub dang mtshungs shing 'dra ba'i phyir chos thams cad ni bsam gyis mi khyab pa'o/ / gzod ma nas ma skyes pa'i phyir chos thams cad ni gzod ma nas yongs su mya ngan las 'das pa'o// rigs kyi bu de ltar sgra dbyangs rnam par dag pa'i gzungs rab tu thob pa'i phyir/ byang chub sems dpa'i yi ge'i dang po a zhes bya ba yongs su brjod pa na/ bskal pa 'am/ bskul pa las lhag par chos ston kyang / yi ge a zhes bya ba'i sgra mi 'dor bar ston to/ / de bzhin du sbyar te/ yi ge thams cad kyi nang nas yi ge gang dang gang gis chos ston par rtsom pa'i yi ge de dang de zad par mi 'gyur ro// rgyun chad pa med par chos kyi tshul don dang tshig 'bru dang ldan pa ston to/ / gzungs 'di la rab tu gnas pa'i byang chub sems dpa' ni spyod lam gyis lus rnam par dag pa yin no// spobs pas ngag
- 256b
rnam par dag pa yin no/ / byams pa bsgom pas sems rnam par dag pa yin no// chos dang zang zing sbyin pa la ser sna med pas sbyin pa rnam par dag pa yin no// tshul khrims nyams pa med pas tshul khrims rnam par dag pa yin no/ / zhe 'gras pa'i sems med pas bzod pa rnam par dag pa yin no// legs par byed pa'i las byed pas brtson 'grus rnam par dag pa yin no// / de la ma chags pas bsam gtan rnam par dag pa yin no// ye shes kyi snang ba rab rib med pas shes rab rnam par dag pa yin no// kha na ma tho ba med pas las rnam par dag pa yin no// lha'i mig yongs su dag pas mig rnam par dag pa yin no/ / lha'i rna ba thob pa dang / de bzhin gshegs pa thams cad kyis chos bstan pa nyan pas rna ba rnam par dag pa yin no// de bzhin gshegs pa'i tshul khrims kyi dri la snom pa'i phyir sna rnam par dag pa yin no/ / ro zhim po la brkam pa med pa'i phyir lce rnam par dag pa yin no// rdzus te skye bas mngal gyi dri mas mi gos pa'i phyir lus rnam par dag pa yin no/ / chos rab tu 'byed pa la mkhas pas sems rnam par dag pa yin no// mtshan gyis legs par brgyan pas gzugs rnam par dag pa yin no// yid du 'ong ba'i sgra brjod pas sgra rnam par dag pa yin no/ / tshul khrims dang / thos pa dang / gtong ba'i dris yongs su bsgos pas dri rnam par dag pa yin no// skyes bu chen po'i mtshan ro bro ba'i/
- 257a
mchog thob pas ro rnam par dag pa yin no// 'jam zhing mnyen pa'i rkang lag thob pas reg pa rnam par dag pa yin no// chos la snang ba thob pas chos rnam par dag la yin no/ / ji ltar thos pa'i chos rnams ma brjed pas dran pa rnam par dag pa yin no// bdud kyi lam las shin tu 'das pas blo gros rnam par dag pa yin no// chos za ba mo rtogs par khong du chud pas rtogs pa rnam par dag pa yin no/ / gzungs 'di la rab tu gnas pa'i byang chub sems dpa' ni sangs rgyas kyi zhing ji snyed sgras go bar byed pa de 'od kyis rgyas par 'gengs so// 'di lta ste/ gzungs 'di nyid kyi ma 'dres pa'i khyad par rab tu thob pas 'od des phyogs bcu'i sangs rgyas thams cad kyis gzungs pa'i 'od kyi tshul 'byung bar byed do// rigs kyi bu sgra dbyangs rnam par dag pa'i gzungs 'di ni gang cung zad gzhol bar 'jug pa ste/ sma dbyangs rnam par dag pa'i gzungs 'di bstan pa ni tshad med de/ yi ge rnam par phye bas bsam gyis// mi khyab pa'o// nges par bstan pas mtha' yas pa'o// rnam par gdon mi za bas tshad med pa'o// bshad pas thug pa med pa'o// gzhol bar 'jug pas chags pa med pa'o// rigs kyi bu de la mi zad pa'i pha ma tog gi gzungs gang zhe na/ 'di lta ste/ gzungs kyi bstan pa mi zad pa ste/ gzugs mi rtag go zhes mi rtag par bstan pa mi zad pa dang / gzug
- 257b
sdug bsngal lo zhes sdug bsngal bar bstan pa mi zad pa dang / gzugs bdag med pa'o zhes bdag med par bstan pa mi zad pa dang / gzugs zhi ba'o zhes zhi bar bstan pa mi zad pa dang // gzugs dben pa'o zhes dben par bstan pa mi zad pa dang / gzugs lbu ba rdos pa lta bu'o zhes lbu ba rdos pa lta bur bstan pa mi zad pa dang / gzugs sgyu ma lta bu'o zhes sgyu ma lta bur bstan pa mi zad pa dang / gzugs smig rgyu lta bu'o zhes smig rgyu lta bur bstan pa mi zad pa dang / gzugs chu'i zla ba lta bu'o zhes chu'i zla ba lta bur bstan pa mi zad pa dang / gzugs rmi lam lta bu'o zhes rmi lam lta bur bstan pa mi zad pa dang / gzugs brag cha lta bur bstan pa mi zad pa dang / gzugs mig yor lta bur bstan pa mi zad pa dang / gzugs gzugs brnyan lta bu'o zhes gzugs brnyan lta bur bstan pa mi zad pa dang / gzugs ngo bo nyid med pa'o zhes ngo bo nyid med par bstan pa mi zad pa dang / gzugs dngos po med pa'o zhes dngos po med par bstan pa mi zad pa dang / gzugs gnas med pa'o zhes gnas med par bstan pa mi zad pa dang / gzugs stong pa'o zhes stong par bstan pa mi zad pa dang / gzugs mtshan ma med pa'o zhes mtshan ma med par bstan pa mi zad pa dang / gzugs smon pa med pa'o zhes smon pa med par bstan pa mi zad pa dang / gzugs mngon
- 258a
par 'du byed pa med do zhes mngon par 'du byed pa med par bstan pa mi zad pa dang / gzugs ma skyes pa'o zhes ma skyes par bstan pa mi zad pa dang / gzugs skye ba med pa'o zhes skye ba med par bstan pa mi zad pa dang / gzugs sngon gyi mthar ngo bo nyid med pa'o zhes sngon gyi mthar ngo bo nyid med par bstan pa mi zad pa dang / gzugs phyi ma'i mthar ngo po nyid med pa'o zhes phyi ma'i mthar ngo bo nyid med par bstan pa mi zad pa dang / gzugs bar du ngo bo nyid med pa'o zhes bar du ngo bo nyid med par bstan pa mi zad pa dang / gzugs rab tu zhi ba'o zhes rab tu zhi bar bstan pa mi zad pa dang / gzugs nye bar zhi ba'o zhes nye bar zhi bar bstan pa mi zad pa dang / gzugs rgyu ba med pa'o zhes rgyu ba med par bstan pa mi zad pa dang gzugs spros pa med pa'o zhes spros pa med par bstan pa mi zad pa dang / gzugs bsam gyis mi khyab pa'o zhes bsam gyis mi khyab par bstan pa mi zad pa dang / gzugs mtshungs pa med pa'o zhes mtshungs pa med par bstan pa mi zad pa dang / gzugs bdag med pa'o zhes bdag med par bstan pa mi zad pa dang / gzugs sems can med pa'o zhes sems can med par bstan pa mi zad pa dang / gzugs srog med pa'o zhes srog med par bstan pa mi zad pa dang / gzugs gso ba med pa'o zhes gso ba med par bstan pa mi zad pa dang
- 258b
gzugs gang zag med pa'o zhes gang zag med par bstan pa mi zad pa dang / gzugs bems po'o zhes bems por bstan pa mi zad pa dang / gzugs g.yo ba med pa'o zhes g.yo ba med par bstan pa mi zad pa dang / gzugs byed pa med pa'o zhes byed pa med par bstan pa mi zad pa dang / gzugs rtswa dang / rtsig pa dang / shing dang / bong ba dang / mig yor lta bu'o/ zhes rtswa dang / rtsig pa dang / shing dang / bong ba dang / mi ka yor lta bur bstan pa mi zad pa dang / gzugs rnam par bsgrubs pa'i mtshan nyid do zhes rnam par bsgrubs pa'i mtshan nyid du bstan pa mi zad pa dang / gzugs 'byung ba chen po bzhi las gyur pa'o zhes 'byung ba chen po bzhi las gyur par bstan pa mi zad pa dang / gzugs sgra med pa'o zhes sgra med par bstan pa mi zad pa dang / gzugs rnam par rig pa ma yin pa'o zhes rnam par rig pa ma yin par bstan pa mi zad pa dang / gzugs brjod du med pa'o zhes brjod du med par bstan pa mi zad pa dang / gzugs rang gi ngang gis yongs su dag pa'o zhes rang gi ngang gis yongs su dag par bstan pa mi zad pa dang / gzugs rten cing 'brel par 'byung ba'o zhes rten cing 'brel par 'byung bar bstan pa mi zad pa dang / gzugs chad pa med pa'o zhes chad pa med par bstan pa mi zad pa dang / gzugs rtag pa med pa'o zhes rtag pa med par/
- 259a
bstan pa mi zad pa dang / gzugs byed pa po med pa'o zhes byed pa po med par bstan pa mi zad pa dang / gzugs tshor ba po med pa'o zhes tshor ba po med par bstan pa mi zad pa dang / gzugs las kyi rnam par smin pas sgrub pa'o zhes las kyi rnam par smin pas grub par bstan pa mi zad pa dang / gzugs chos kyi dbyings dang mnyam pa'o zhes chos kyi dbyings dang mnyam par bstan pa mi zad pa dang / gzugs de bzhin nyid la rab tu gnas pa'o zhes de bzhin nyid bstan pa mi zad pa dang / gzugs yang dag pa'i mtha' la rab tu gnas pa'o zhes yang dag pa'i mtha' bstan pa mi zad pa dang / gzugs nga'i ba med pa'o zhes nga'i ba med par bstan pa mi zad pa dang / gzugs yongs su 'dzin pa med pa'o zhes yongs su 'dzin pa med par bstan pa mi zad pa dang / gzugs zin pa med pa'o zhes zin pa med par bstan pa mi zad pa dang / gzugs bsam gyis mi khyab pa'o zhes bsam gyis mi khyab par bstan pa mi zad pa dang / gzugs mtshungs pa med pa'o zhes mtshungs pa med par bstan pa mi zad pa dang / gzugs tshad med pa'o// zhes tshad med par bstan pa mi zad pa dang / gzugs thug pa med pa'o zhes thug pa med par bstan mi zad pa dang / gzugs byang chub kyi rang bzhin no zhes byang chub kyi rang bzhin du bstan pa mi
- 259b
bad pa dang / gzugs nam mkha' dang mnyam pa'o zhes nam mkha' dang mnyam par bstan pa mi zad pa dang / gzugs mya ngan las 'das pa'i rang bzhin no zhes mya ngan las 'das pa'i rang bzhin du bstan pa mi zad pa'o/ / de bzhin du phung po rnams dang / khams rnams dang / skye mched rnams dang / ming gi tshogs dang / tshig gi tshogs dang / yi ge'i tshogs thams cad dang chos thams cad kyi bar la'ang sgra gcig brjod pa la 'jug pas bstan pa mi zad pa shes par thams cad la rgyas par sbar ro/ / 'byung ba chen po bzhi las gyur pa lus kyi za ma tog 'di'i mi zad pa yongs su brjod pa shes pa dang / rin po che'i za ma tog chos kyi rnam grangs mi zad pa la 'jug pa shes pa dang / bstan pa shes pa mi zad pa 'di ni mi zad pa'i za ma tog gi gzungs zhes bya ste/ gang cung zad 'jug pa tsam zhig bstan gyi/ bskal pa 'am/ de las lhag par yang mi zad pa'i za ma tog ces brjod du yod do// rigs kyi bu de la 'khyil mtha' yas kyi gzungs gang zhe na/ mtha' zhes bya ba ni chad pa dang rtag pa'o// 'khyil ba zhes bya ba ni rten cing 'brel par 'byung ba'i yan lag bcu gnyis pa ste/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched
- 260a
drug gi rkyen gyis reg pa/ reg pa'i rkyen kyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar de ltar sdug bsngal gyi phung po chen po 'di 'ba' zhig 'byung bar 'gyur ro/ / de la sngags kyi dgongs pa mtha' yas pa dang / sngags bstan pa'i sgo mtha' yas pa dang / gzhol bar 'jug pa mtha' yas pa 'di ni 'khyil ba mtha' yas pa'i gzungs zhes pa'o/ / mtha' zhes bya ba ni len pa dang 'dor ba'o// 'khyil pa zhes bya ba ni mi len/ mi 'dor ba'o// mtha' zhes bya ba ni// skye ba dang 'gag pa'o// 'khyil ba zhes bya ba ni skye ba med pa dang / 'gag pa med pa'o// mtha' zhes bya ba ni kun nas nyon mongs pa dang rnam par byang ba'o// 'khyil pa zhes bya ba ni rang bzhin gyis rnam par dag pa'o/ / mtha' zhes bya ba ni mtshan ma dang spros pa'o// 'khyil pa zhes bya ba ni kun tu 'byung ba med pa'o// mtha' zhes bya ba ni rtog pa dang rnam par rtog pa'o// 'khyil ba zhes bya ba ni rtog pa med pa dang rnam par rtog pa med pa'o// mtha' zhes bya ba ni rgyu dang lta ba'o// 'khyil ba zhes bya ba ni rgyu dang lta ba yongs su shes pa'o// mtha' zhes bya ba ni
- 260b
ming dang gzugs so/ / 'khyil ba zhes bya ba ni rnam par rig byed ma yin pa'o// mtha' zhes bya ba'i 'dus byas dang / 'dus pa byas pa'o// 'khyil ba zhes bya ba ni 'khor gsum soH/ su dag pa'o// mtha' zhes bya ba ni nang dang phyi'o// 'khyil ba zhes bya ba ni rnam par shes pa mi gnas pa'o// mtha' zhes bya ba ni las dang rnam par smin pa'o// 'khyil ba zhes bya ba ni las med pa dang / rnam par smin pa med pa'o// mtha' zhes bya ba ni dge ba dang mi dge ba'o// 'khyil ba zhes bya ba ni mngon par 'du byed pa med pa'o// mtha' zhes bya ba ni kha na ma tho ba dang bcas pa dang / kha na ma tho ba med pa'o// 'khyil ba zhes bya ba ni gnyis su med pa'o// mtha' zhes bya ba ni las dang nyon mongs pa rnams so// 'khyil ba zhes bya ba ni rang bzhin gyis 'od gsal ba'o/ / mtha' zhes bya ba ni bdag dang bdag med pa'o// 'khyil ba zhes bya ba ni shin tu rnam par dag pa'o// mtha' zhes bya ba ni 'khor ba dang mya ngan las 'das pa'o// 'khyil zhes bya ba ni chos thams cad rang bzhin gyis yongs su mya ngan las 'das pa'o/ / rigs kyi bu de ltar mtha' yas pa bstan pa tshad med do// 'khyil ba bstan pa tshad med do// 'khyil ba mtha' yas pa'i gzungs 'di la rab tu gnas pa'i byang chub sems dpa' ni mtha' yas pa'i rjes su song / chos 'khyil ba'i rjes su song bas bskal pa brgya stong phrag mtha' yas par chos
- 261a
@sngon kyang / don dang tshig 'brus gsungs kyi ye shes 'di'i mthar mi phyin to// don 'khyil ba mtha' yas pa'i gzungs la gzhol bar 'jug pa dang / rjes su 'gro pa bstan pa dang / ye shes kyi snang ba rjes su rtog pa dang / rnam par dag pa'i sgo la rab rib med pa'i ye shes kyi rjes su 'gro ba rjes su rtogs pa'o// rigs kyi bu de la rgya mtsho'i byas rgyu'i gzungs gang zhe na/ rigs kyi bu 'di ltaste/ dper na gling bzhi pa chen po'i 'jig rten gyi khams na gang dag gzugs su snang ba dang / sems can gyi gzugs su snang ba 'am/ ri'i gzugs su snang ba 'am/ shing gi gzugs su snang ba 'am/ rtswa dang / shing gel ba dang / sman dang / nags tshal dang / lo tog gi gzugs su snang ba 'am/ zla ba dang nyi ma dang / skar ma dang / nor bu dang / sprin dang / me dang / glog gi gzugs su snang ba 'am/ grong dang / grong khyer dang / grong rdal gyi dbyibs kyi gzugs su snang ba 'am/ gzhal med khang dang longs spyod kyi gzugs su snang ba 'am/ skyed mos tshal dang / chu mig dang / mtshe'u dang / lteng ka dang / 'bab chu'i gzugs su snang ba 'am/ nye bar spyad pa 'am/ yongs su spyad pa thams cad kyi gzugs su snang ba ngan pa dang / 'bring dang / rab dang / gzugs su snang ba de dag thams cad rgya mtsho chen po la brgya dang bcas par ni/
- 261b
nyung / mi mang/ lhag pa med pas de'i phyir rgya mtsho chen po zhes bya'o// rigs kyi bu de bzhin du rgya mtsho'i phyag rgya'i gzungs la rab tu gnas pa'i byang chub sems dpa' yang sems can thams cad la lus rgya mtsho dang mtshungs pa yin no/ / sems can thams cad la ngag rgya mtsho dang mtshungs pa yin no// sems can thams cad la sems rgya mtsho dang mtshungs pa yin no// phyogs bcu dag na sangs rgyas bcom ldan 'das chos ston pa'i gsung gi 'phrin las ji snyed 'jug pa de dag byang chub sems dpa' de'i ba'i sgo nas rgyas btab pa dang mtshungs par 'byung ngo / / byang chub s ems dpa' de bzhin gshegs pa'i phyag rgyas btab pa de gang ci brjod pa de thams cad de bzhin gshegs pa'i phyag rgyas rnam par mi rtog par phyag rgya thams cad ston pa la gzhan gyi dring mi 'jog par 'gyur ro/ / de la phyag rgya bstan pa ni 'di yin te/ 'di lta ste/ a zhes bya ba ni mngon par 'du byed pa med pa'i phyag rgya'o// ra zhes bya ba ri chos thams cad la 'dod chags dang bral ba thob pa'i phyag rgya'o/ / pa zhes bya ba ni don dam bstan pa'i phyag rgya'o// tsa zhes bya ba ni mig rnam par dag pa'i phyag rgya'o// na zhes bya ba ni ming dang gzugs thams cad yongs su shes pa'i phyag rgya'o/ / la zhes bya ba ni srid pa'i 'khri shing dang bral ba'i phyag rgya'o// da zhes bya ba ri stobs bcu yongs su dag pa'i phyag rgya'o// ba zhes bya ba ni stobs dang byang chub kyi
- 262a
yan lag yongs su dag pa'i phyag rgya'o/ / Da zhes bya ba ni khrag khrug dang bral ba dang / gdung bas gdungs pa dang bral ba'i phyag rgya'o// Sha zhes bya ba ni mngon par shes pa drug thob pa'i phyag rgya'o/ / ba zhes bya ba ni g.yon phyogs kyi lam rnam par spangs pa'i phyag rgya'o// ta zhes bya ba ni de kho na bstan pa'i phyag rgya'o// ya zhes bya ba ni ji ltar bzhin gyi phyag rgya'o/ / sta zhes bya ba ni khengs pa'i za ba dang bral ba'i phyag rgya'o// ka zhes bya ba ni the tshom dang bral ba'i phyag rgya'o// sa zhes bya ba ni bden pa bstan pa'i phyag rgya'o// ma zhes bya ba ni lam rnam par dag pa'i phyag rgya'o// ga zhes bya ba ni zab mo la 'jug pa'i phyag rgya'o// s+tha zhes bya ba ni mthu dang stobs kun tu bstan pa'i phyag rgya'o// dza zhes bya ba ni rga shi las shin tu 'da' ba'i phyag rgya'o/ / shA zhes bya ba ni gcan gzan gyi nyes pa rnam par spang ba'i phyag rgya'o// d+ha zhes bya ba ni chos kyi dbyings 'dres pa med pa'i phyag rgya'o// sha zhes bya ba ni zhi gnas yongs su rdzogs pa'i phyag rgya'o/ / kha zhes bya ba ni nam mkha' mi zad pa'i chos nyid kyi phyag rgya'o// k+Sha zhes bya ba ni zad pa'i shes pa dang mi skye ba'i phyag rgya'o// su zhes bya ba ni rmugs pa'i sgrib pa rnam par spangs pa'i phyag rgya'o/ / sa zhes bya ba ni sems can thams cad kun tu shes par byed pa'i phyag rgya'o// ha shes bya ba ni nyam pa la sten pa'i chos rnam
- 262b
par spang ba'i phyag rgya'o/ / ba zhes bya ba ni dngos po dang dngos po med pa rjes su rtogs par byed pa'i phyag rgya'o// tsha zhes bya ba ni 'dod pa dang / zhe sdang dang / 'jigs pa dang / gaN+DI mug rnam par spangs pa'i phyag rgya'o/ / sma zhes bya ba ni dran pa dang / shes bzhin dang / brjod pa med pa'i phyag rgya'o// hA zhes bya ba ni bod pa'i phyag rgya'o// sa zhes bya ba ni nyon mongs pa thams cad dor ba'i phyag rgya'o/ / g+ha zhes bya ba ni thibs po dang / ling tog dang / ma rig pa sel ba'i phyag rgya'o// dza zhes bya ba ni mthar thug par 'gro ba'i phyag rgya'o// Na zhes bya ba ni gya nom pa'i chos rjes su rtogs par byed pa'i phyag rgya'o// pa zhes bya ba ni 'bras bu thob par byed pa'i phyag rgya'o// ma zhes bya ba ni phung po yongs su shes par bya ba'i phyag rgya'o/ / dzA zhes bya ba ni rims nad sel ba'i phyag rgya'o// shwa zhes bya ba ni ngo mtshar rmad du byung ba'i chos mngon par rdzogs par byang chub par bya ba'i phyag rgya'o// ba zhes bya ba ni lam gyi rgyun gcod cing mya ngan las 'das pa rjes su thob par byed pa'i phyag rgya'o/ / la zhes bya ba ni yi ge'i mtha' thug pa med pa'i phyag rgya'o// rigs kyi bu de ltar byang chub sems dpa' rnam pa ji snyed kyis chos ston pa'i yi ge de dag thams cad kyi phyag rgya bstan pa rab tu shes te/ rigs kyi bu 'di rgya mtsho'i phyag rgya'i gzungs kyi sgor 'jug pa'o//
- 263a
rigs kyi bu de la pad+ma bkod pa zhes bya ba'i gzungs de gang zhe na/ rigs kyi bu 'di la byang chub sems dpa' gzungs 'di la rab tu gnas pa ni 'khor gyi dkyil 'khor/ gang dang gang du chos ston pa de dang der de'i sh+tha lta sna tshogs pa blta na sdug pa byung ste/ de pad+ma'i stan du la 'dag pa byung ste/ de pad+ma'i stan de la 'dug ma thag tu steng gi bar snang las pad+ma'i char 'bab bo/ / pad+ma de dag las kyang chos bstan pa rnam pa sna tshogs 'byung ste/ 'di lta ste/ zab mo bstan pa dang / sna tshogs bstan pa dang / dpe brjod pa bstan pa dang / mdo dang dbyangs kyis bsnyad pa dang lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa'i sde dang / de lta bu byung ba dang / skyes pa'i rabs dang / rmad du byung ba'i sde dang / shin tu rgyas pa dang / chos gtan la rab pa bstan pa dag ston pa 'byung ngo // pad+ma las chos brjod pa byung ba de'ang de byed pa'i sdug bsngal yang dag par zad par 'gyur ro// byang chub sems dpa' de'ang btang snyoms su byed cing smra ba dang / mnyam par gzhag pa'i gnas kyang mi 'dor ro// pad+ma 'byung ba las nges par 'byung ba de'ang de byed pa'i sdug bsngal yang dag par zad par 'gyur te/ sangs rgyas kyi mdzad pa'ang byed do// byang chub sems dpa' de'i lus kyi sku'i khung bu thams cad nas 'od zer dag 'byung ngo // 'od zer de dag las kyang pad+ma dag
- 263b
'byung ngo / / pad+ma de dag las kyang byang chub sems dpa'i gzugs rnams 'byung ste/ de dag phyogs bcu'i 'jig rten gyi khams mtha' yas mu med pa dag tu dong nas sangs rgyas kyi mdzad pa byed de/ 'di ni pad+ma bkod pa'i gzungs kyi sgor 'jug pa'o// rigs kyi bu de la chags pa med pa'i sgor 'jug pa zhes bya ba'i gzungs gang zhe na/ 'di lta ste/ bstan pa gcig la mi chags so// bstan pa gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dag la mi chags so/ bstan pa nyi shu dang / sum cu dang / bzhi bcu dang / lnga bcu dang / drug cu dang / bdun cu dang / brgyad cu dang / dgu bcu dang / brgya dag la mi chags so// bstan pa stong la mi chags so/ / bstan pa bye ba brgya phrag stong la mi chags so// bstan pa ther 'bum dang / khrag khrig dang / gtams dang / dkrigs dang / mi 'khrugs pa dang / tshad med pa dang grangs med pa dang / mtshungs pa med pa dang / gzhal du med pa dang / dpag tu med pa la mi chags so// bstan pa gang+gA'i klung gi bye ma'i rdul phra rab kyi rdul snyed la mi chags so// bstan pa 'dzam bu'i gling gi rdul phra rab kyi rdul snyed la mi chags so// bstan pa gling bzhi pa'i rdul phra rab kyi rdul snyed la mi chags so// bstan pa stong gsum gyi stong chen po'i nyi shu dang
- 264a
sum cu dang / bzhi bcu dang / lnga bcu'i sangs rgyas kyi ning gi rdul phra rab kyi rdul snyed la mi chags so// bstun pa sangs rgyas kyi ning kad+hA'i klung gi bye ma snyed kyi rdul/ za rab kyi rdul snyed la mi chags pa nas/ bstan pa sangs rgyas kyi zhing thams cad kyi rdul za rab kyi rdul snyed la mi chags so// rigs kyi bu de ltar chos kyi sgo gang dang gang brtsams pa'i chos kyi sgo de dang de'i bstan pa sangs rgyas kyi zhing thams cad kyi rdul phra rab kyi rdul snyed de dag bstan pa gcig gis ston to/ / gnyis dang / gsum dang / bzhi dang / lnga dang / bcu dang nyi shu dang / sum cu dang / bzhi bcu dang / lnga bcu dang / brgya dang / stong dang / tshad med pa'i bstan pas ston to// ldan pa dang / 'byor pa dang / shin tu nges pa'i/ tshig dang / don dang tshig 'bru dang ldan par ston kyang / chags pa med cing rgyun chad pa med de/ 'di ni chags pa med pa'i sgor 'jug pa zhes bya ba'i gzungs so// rigs kyi bu// de la so so yang dag par rig pa rnam par nges pa la 'jug pa zhes bya ba'i gzungs gang zhe na/ gang don so so yang dag par rig pa bstan pa mi zad pa shes pa dang / chos so so yang dag par rig pa bstan pa mi zad pa shes pa dang / nges pa'i tshig so so yang dag par rig pa bstan pa mi zad pa shes pa dang / spobs pa so so yang dag par rig pa bstan pa mi zad pa shes pa ste/
- 264b
shes pa 'di lta bu rab tu thob pa de la shar phyogs kyi sems can ji snyed pa de dag thams cad gcig tu 'dus te/ rang don la mkhas pa yongs su dris/ gang dag lho phyogs sems can de dag gis ni chos la mkhas pa yongs su dris gang dag nub phyogs kyi sems can de dag gis ni nges pa'i tshig la mkhas pa yongs su dris/ gang dag byang phyogs kyi sems can de dag gis ni spobs pa la mkhas pa yongs su dris na/ de la byang chub sems dpa'i ngag gi las kyang de snyed du tshad med de/ dus gcig tu brjod cing skad sna tshogs la 'jug pa brjed par mi 'gyur/ sems g.yengs par mi 'gyur ro// skad la 'jug pa shes pas skad thams cad kyi rjes su zhugs te/ skad gcig brjod pas sems can thams cad kyi rnam par rigs pa tshim par byed de/ 'di ni so so yang dag par rig pa rnam par nges pa la 'jug pa zhes bya ba'i gzungs so// rigs kyi bu de la sangs rgyas kyi rgyan byin gyi rlabs pa zhes bya ba'i gzungs gang zhe na/ rigs kyi bu 'di la byang chub sems dpa' gzugs 'di lta bu rab tu thob pa/ chos kyi stan chen po la 'dug pa/ 'khor gyi dkyil 'khor chen po'i dbus na 'dug pa'i spyi gtsug gi drang zad kyi steng na/ de bzhin gshegs pa'i sku gser gyi mdog can mtshan dang dpe byad kyis legs par brgyan pa'i lus dang ldan pa'i gzugs 'byung ste/ de bzhin
- 265a
gshegs pa'i gzugs des phyag g.yas pa de'i spyi gtsug tu 'jog go/ / phyag bzhag ma thag tu byang chub sems dpa' de sangs rgyas kyi rgyan gyis brgyan pa'i lus kyi las/ dang ldan par 'gyur ro// sangs rgyas kyi rgyan gyis brgyan pa'i ngag gi las dang ldan par 'gyur ro// sangs rgyas kyi rgyan gyis brgyan pa'i yid kyi las dang ldan par 'gyur ro// de chos de lta bu dang ldan te/ / 'khor thams cad kyi sems kyi bsam pa la 'jug pas so so ci rigs par chos ston to// zhag gcig gam/ zhag gnyis sam/ gsum mam/ zhag bdun nam/ zla ba byed dam/ zla ba gcig gam/ dus sam/ lo khyud khor ram/ lo brgya 'am/ lo stong ngam/ lo brgya phrag stong ngam/ ji tsam du 'dod pa de tsam du kha zas dang bral ba'i rgyud kyis chos ston kyang / de bzhin gshegs pa'i byin gyis shin tu yongs su gzung ba'i phyir de'i chos kyi sgo yongs su zad par mi 'gyur/ lus dang sems ngal bar mi 'gyur ro// shes pa chen po bzhi dang ldan par 'gyur te/ bzhi gang zhe na/ sems can gyi bsam pa dang tshig rab tu dbye ba shes pa dang / so so yang dag par rig pa mi zad pa shes pa dang / theg pa ji ltar rnam par dgod par shes pa dang / so so ci rigs par chos ston par shes pa dang ldan par 'gyur te/ rigs kyi bu 'di ni sangs rgyas kyis rgyan byin gyis brlabs pa'i gzungs gang cung zad
- 265b
gzhol ba'i sgor 'jug pa zhes bya'o/ / gzungs 'di ni mi zad pa/ thug pa med pa'i rjes su song ba/ de bzhin gshegs pa'i mtshams dang bcas pa/ bstan pa tshad med pa'o// rigs kyi bu byang chub sems dpa' rnams kyi gzungs ni brgyad po 'di dag ste/ gzungs de dag la rab tu gnas pa'i byang chub sems dpa' rnams ni sas rgyas thams cad kyis gsungs pa kun tu 'dzin to/ / chos ston pa ni mi zad par 'gyur ro// legs par bshad pas sems can thams cad tshim par byed par 'gyur ro// de nas de'i tshe byang chub sems dpa' gzungs kyi dbang phyuphyag gi rgyal pos tshigs su bcad pa 'di dag smras so/ / bde gshegs rnams kyis rab tu gsungs pa'i gzungs brgyad po// theg pa 'dir ni de dag rnam par nges thob pa// mdo sde bye ba stong phrag thug pa med 'chad kyang / / de ni don dang tshig 'bru gang la'ang chags pa med// yid 'ong shin tu snyan cing chags par 'gyur ba'i dbyangs// bye ba stong phrag tshad med zhing du go byed pa/ / sems can rnams kyis de thos mya ngan 'das par 'gro// sgra dbyangs rnam par dag pa'i gzungs 'di thug pa med// yi ge thams cad shes pa mkhas pa blo gros ldan// bskal pa mang por 'chad kyang chos la zad pa med/ / rtsa ba'i tshig gcig brjod pa'ang zad par mi 'gyur te// mi zad chos kyi za ma tog 'di dran pa yis// gang gis gzugs thob tha mar thug
- 266a
par yongs bcad pa/ / mnyam nyid tshul bzhin chos la sems pa blo gros ldan// mthar 'dzin thams cad rnam par spangs te yongs dag pa// khyu mchog gyur pa de ni/ dbus la gnas mi 'gyur// gang gis mtsho chen phyag rgya'i gzungs ni rab thob pa// de yi kha nas phyag rgya bsam yas brjod pa na// gang dag gling bzhi'i gzugs kyi rnam pa ji snyed pa/ de dag kun dang rgya mtsho mtsho chen bcas mi rtog/ 'khor du gal te bdag nyid chen po de chos ston// nam mkha' las ni pad+ma dag gi char chen 'bab// pad+ma dag las chos rnams bye ba rab tu 'byung / / 'di ni pad+ma bkod pa'i gzungs te yongs su dag/ chags pa med pa'i gzungs ni gal te zod gyur na// tshig gcig brjod pa rab tu smra dang gnyis dag dang // gsum dang bzhi dang lnga dang bye ba dag dang ni/ / khrag khrig thug pa med par smra la chags pa med// gang gis rnam par gdon mi za ba'i gzungs thob pa// don dang chos dang nges tshig spobs pa ji snyed pa// phyogs bcu'i sems can ji snyed mang pos yongs dris na/ / de dag the tshom kun bcad dogs pa med par 'gyur// gang gis sangs rgyas rnam par 'phrul pa'i gzungs thob pa// gzi brjid chen po de ni stan la 'dug pa na/ / sangs rgyas phyag g.yas de yi spyi bor 'jog mdzad de// de yang rgyal ba'i spobs pa ci 'dra bzhin du 'gyur// gang gis gzungs rnams 'di dag rab tu thob gyur//
- 266b
pa/ de yi yon tan bsam yas thug pa med 'gyur te// ga d+hA'i snyed kyis bskal pa bye ba stong brjod kyang // khyu mchog gyur pa'i bsngags pa brjod pas zad pa med// gang gis gzungs kyi mchog rnams rab tu thor gyur pa/ / de yi shes pa srid pa gsum la mnyam 'jug ste// pad+ma bzhin du srid pa gsum las 'phags 'gyur zhing // ri rab bzhin du yul rnams kyis ni mi bskyod 'gyur/ / gang gis gzungs kyi mchog rnams rab tu thob gyur pa// de ni srid kun rnam par spangs pa'i spyad spyod de// mu stegs can gyi tshogs kun 'joms pa sgrog pa na/ seng ge bzhin du 'khor du 'jigs pa med par 'gyur// sa ltar dge ba rnams ni rnam par skyed par 'gyur// chu ltar dri ma rnams ni rab tu ded par 'gyur// me ltar rlom sems med cing rnam rtog med par 'gyur/ / rlung ltar yul rnams la ni chags pa med par 'gyur// gang gis gzungs kyi mchog rnams rab tu thob gyur pa// de ni sgra tshe shes dang dbang po 'khrug pa med/ de ni sman pa bzhin du 'gro ba thar byed 'gyur// phan par 'dod pas chos kyi bkru spyan sbyin par byed// gang gis gzungs kyi mchog rnams rab tu thor gyur pa// skye bo tshogs rnams de la blta bas mi ngoms te/ / zla ba bzhin du dge ba dag ni rnam sbyong 'gyur// sems snyoms gzi brjid chen po 'od zer mnyam par gtong // gang gis gzungs kyi mchog rnams rab tu thob gyur pa/
- 267a
de ni 'gro ba'i sred pa ma lus gam par byed// nyi ma bzhin du 'od byed mun pa sel bar 'gyur// gnyid log sems can srid pa gsum las sad par byed// gang gis gzungs kyi mchog rnams rab tu thob gyur pa/ / de ni kun la cung zad tsam yang 'dzin pa med// de ni rgyal po bzhin du 'jig rten dbang phyug che// rnam thos bu bzhin nor ldan chos rnams ston par byed/ gang gis gzungs kyi mchog rnams rab tu thob gyur pa// rdzu 'phrul chen po dran ldan klu dang 'drar 'gyur te// sprin gyi bya ba byed cing mkha' las glog phyung nas// zhi bar bya phyir de ni chos kyi char pa 'bebs/ / gang gis gzungs kyi mchog rnams rab tu thob gyur pa// 'khor rnams thams cad khyu mchog gyur pa'i gdong du lta// brgya byin bzhin du smad pa ma yin gzugs mchog ldan/ / blo chen 'gro ba rnams la chos dang don rnams sems// gang gis gzugs kyi mchog rnams rab tu thob gyur pa/ de ni tshangs pa'i gnas pa yongs dag bsam gtan byed// tshangs pa bzhin du mnyam gzhag snying rje ldan par 'gyur// 'jig rten 'di kun zil gyis mnan nas bsam gtan byed// gang gis gzungs kyi mchog rnams rab tu thob gyur pa/ deni phyogs bcu'i sangs rgyas mang la mchod par byed// de ni rtag tu mngon shes lnga las nyams mi 'gyur// zhing brgya bsam gyis mi khyab dag tu mkha' nas 'gro// gang gis gzungs
- 267b
kyi mchog rnams rab tu bo gyur pa/ / de ni ring por mi thogs sangs rgyas yon tan 'thob// phyogs na rgyal ba rnams ni de yi bsngags rjod de// bu gcig pa zhig yon tan ldan pa bzhin/ du bstod// gang gis gzungs kyis mchog rnams rab tu thob gyur pa// de yi spobs pa 'phreng ba legs brgyas ji bzhin te// mdo sde zab mo sna tshogs mang po 'chad pa na// spobs pa rgya tshe yangs shing zad pa med par 'gyur/ / gang gis gzungs kyi mchog rnams rab tu thob gyur pa// de la rgyags pa med cing g.yo med nga rgyal med// dran ldan blo gros ldan zhing blo ldan rtogs dang / ldan/ ye shes mtha' yas spyod yul nam mkha' bzhin du 'gyur// gang gi sa gzungs kyi mchog rnams rab tu thob gyur pa// de yis 'dus byas nyes pa thams cad rab tu chad/ shes rab ye shes thabs dang zung du 'brel bar 'gyur// byams dang snying rje dag kyang zung du 'brel bar 'gyur// gang gis gzungs kyi mchog rnams rab tu thob gyur pa// de ni spra tshe 'khrul pa cung zad mi dmigs te/ / bdag nyid che de sems can rnams kyi sgra skad shes// spyod dang dbang po dang ni mos pa thams cad shes// gang gis gzungs kyi mchog rnams rab tu thob gyur pa/ / des ni chos la lhag mthong dge dang dran pa dang // rdzu 'phrul dang ni spong dang dbang po stobs lnga dang // byang chub yan lag de bzhin lam mchog zhi gnas 'thob// gang gis
- 268a
gzungs kyi mchog rnams rab tu thob gyur pa/ / de ni bde gshegs rnams kyi spyod yul rang gis rtogs// pha rol phyin pa dag gis kun gyi pha rol son// bsdu ba'i dngos po kun la mkhas shing blo gros ldan/ / gang gis gzungs kyi mchog rnams rab tu thob gyur pa// de la nam yang 'khrul pa cung zad mi dmigs te// des pa de ni zhi zhing nyer zhi myos pa med// de ni spyod la rab tu gnas gyur shin tu dul// gang gis gzungs kyi mchog rnams rab tu thob gyur pa// de ni bde gshegs spyan sngar pad+ma'i steng na 'dug/ de yi lus ni chos rgyus byung ba rdul dang bral/ / de yi lus la mngal gyi dri mas gos mi 'gyur// gang gis gzungs kyi mchog rnams rab tu thob gyur pa// de ni rgyal ba kun gyis byin brlabs chos smra ste// de ni lus dang ngag yid las rnams gang byed pa/ / thams cad shes pas byas te skye bo phan par byed// gang gis gzungs kyi mchog rnams rab tu thob gyur pa// de ni sgra tshe bsngags pa zad par mi 'gyur te/ / sems can thams cad 'dren pa shes rab cher gyur kyang // de yi bsngags pa bskal pa mang por bsam mi khyab// / bam po bdun pa ste/ tha ma'o// de nas bcom ldan 'das kyis byang chub sems dpa' sems dpa' chen po gzungs kyi dbang phyug gi rgyal po la legs so zhes bya ba gnang ste/ gzungs
- 268b
dbang phyug gi rgyal po khyod kyis gzungs rnam par nges pa bstan pa 'di legs par bshad pa dang / ji ltar yang khyod chos 'di dag la gzhan gyi dring la mi 'jog pa dang / ji ltar yang khyod sngon gyi de bzhin gshegs pa rnams kyi gzungs kyi sgo'i tshig zab mo rnams yongs su 'dri ba'i rang bzhin can du gyur pa legs so legs so/ / de'i phyir gzungs kyi dbang phyug gi rgyal bo khyod kyis rnam grangs 'dis kyang 'di ltar rig par bya'o/ / gzungs kyi dbang phyug gi rgyal po sngon byung ba 'das pa'i dus na/ bskal pa grangs med pa'i yang ches grangs med pa/ rgyas pa/ tshad med pa/ bsam gyis mi khyab par gyur pa de'i tshe de'i dus na/ rnam par snang byed kyi bskal pa la/ 'jig rten gyi khams dri ma med par de bzhin gshegs pa dri ma med par snang ba zhes bya ba sangs rgyas bcom ldan 'das zhes bya ba'i bar du gyur pa 'jig rten du byung ngo / / 'jig rten gyi khams dri ma med pa de'ang bai DUR+Ya dag par gyur te/ me long lta bur shin tu byi dor byas pa lag mthil ltar mnyam pa'o/ / 'jig rten gyi khams der rin po che sna bdun gyi shing ljon pa rin po che'i yal ga dang / lo ma dang / me tog dang / 'bras bur ldan pa dag byung bar gyur to// 'dzam bu'i chu bo'i gser gyi pad+ma tshad shing rta'i 'phang lo tsam du gyur pa/ sna tshogs pa blta na sdug pa dag kyang byung bar gyur to// lha dang mi de dag kyang rin po che'i khang pa brtsegs pa la yongs
- 269a
su longs spyod par gyur to/ / zas dang skom yang bsams pa tsam gyi 'byor te/ 'di lta ste/ dper na gzhan 'phrul dbang byed kyi lha rnams kyi longs spyod dang yongs su spyod palha dang mi dag gi longs spyod dang yongs su spyod pa'ang de 'dra bar gyur to/ / lha dang mi de dag kyang 'dod chags chung ba/ zhe sdang chung ba/ gti mug chung ba/ rnam par bzang ba shin tu rnam par rig par byed par gyur to/ / 'jig rten gyi khams de na nyi ma dang zla bar btags pa rnams med par gyur te/ bcom ldan 'das de bzhin gshegs pa dri ma med par snang ba de'i lus kyi 'od kyis thams cad dang ldan pa'i sangs rgyas kyi zhing gsal bar gyur to/ / 'jig rten gyi khams de na pad+ma kha zums pas mtshan mo zhes bya ba dang / pad+ma kha bye bas nyin mor bgrangs pa ma gtogs par nyin mtshan du gdags pa med do/ / bcom ldan 'das de bzhin gshegs pa dri ma med par snang ba de'i byang chub sems dpa'i dge 'dun ni byang chub sems dpa' rab tu byung ba snyoms par zhug pa'i byang chub sems dpa' bye ba brgya phrag drug cur gyur to/ / khyim pa tshad med pa dag ni bla na med pa yang dag par rdzogs pa'i byang chub la yang dag par zhugs par gyur to// de na theg pa chen po ma gtogs par theg pa rnam par dgod pa gzhan med par gyur to/ / bcom ldan 'das de ni phyir mi ldog pa dag pa'i gtam yang dag par ston to// bcom ldan 'das de'i tshe'i tshad ni bskal pa byed
- 269b
du gyur to/ / mi rnams kyang bar ma dor 'chi ba'i dus byed pa med par gyur to// sangs rgyas kyi zhing de na gang dag sa la gnas pa'i khang pa brtsegs pa rnams na gnas pa de dag ni mi zhes bya ba'i grangs su 'gro'o/ / gang dag nam mkha' la gnas pa'i khang pa brtsegs pa rnams na gnas pa de dag ni lha zhes bya ba'i grangs su 'gro ba ma gtogs par/ lha dang mi rnams kyi kha dog dang // yongs su spyod pa tha dad du bya ba med par gyur to/ / 'jig rten gyi khams de na bcom ldan 'das chos kyi rgyal po bla na med pa de ma gtogs par rgyal po gzhan gang yang med do// lha dang mi de dag thams cad kyang de bzhin gshegs pa la mchod pa'i las byed pa dang / chos nyan pa la 'dun par gyur pa ma gtogs par lha gzhan med/ ston pa gzhan med/ gzhan la phyag mi 'tshal/ las gzhan mi byed/ gzhan yid la mi byed par gyur to// 'jig rten gyi khams de na bud med du gdags pa med do// sems can de dag bslab pa gsum po dag la slob pa ma gtogs par lhung bar gdags pa med do/ / bslab pa las 'da' bar gdags pa med do// bslab pa gsum gang zhe na/ 'di lta ste/ lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa'o// de la lhag pa'i tshul khrims kyi bslab pa gang zhe na/ gang thams cad mkhyen pa'i sems mi gtong ba dang / mngon par 'du byed pa thams
- 270a
cad rnam par spong ba'o/ / de la lhag pa'i sems kyi bslab pa gang zhe na/ gang ting nge 'dzin la rab tu gnas nas lhag pa'i shes rab thob pa'o// de la lhag pa'i shes rab kyi bslab pa gang zhe na/ gang shes rab kyi pha rol tu phyin pa la rab tu gnas nas so so yang dag par rig pa thob pa'o// byang chub sems dpa' de dag ni lung phog pa med par bslab pa 'di lta bu dag la slob pa dag go/ / 'jig rten gyi khams de ni de lta bur yongs su dag par gyur to// bcom ldan 'das de'i chos bstan pa'ang de lta bur yongs su dag par gyur to// de'i tshe byang chub sems dpa' 'od dpal zhes bya ba 'khor de nyid du 'dus te 'dug par gyur pa de stan las langs te/ bcom ldan 'das de bzhin gshegs pa dri ma med par snang ba de la 'di skad ces gsol to// bcom ldan 'das gzungs gzungs zhes bgyi na/ bcom ldan 'das byang chub sems dpa' dag gzungs gang la rab tu gnas nas sangs rgyas bcom ldan 'das thams cad kyis gsungs pa kun tu 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par bgyid pa'i gzungs de gang lags/ de skad ces gsol pa dang bcom ldan 'das de bzhin gshegs pa dri ma med par snang ba des/ byang chub sems dpa' 'od dpal la 'di skad ces bka' stsal to// rigs kyi bu khyod gang gi phyir de bzhin gshegs pa
- 270b
la don 'di yongs su 'dri bar sems pa legs so legs so/ / rigs kyi bu rin chen sgron ma zhes bya ba'i gzungs yod de/ byang chub sems dpa' dag gzungs de la rab tu gnas nas/ sangs rgyas thams cad kyis gsungs pa kun tu 'dzin to// legs par bshad pas sems can thams cad tshim par byed do// de skad ces bka' stsal pa dang / de bzhin gshegs pa dri ma med par snang ba la/ byang chub sems dpa' 'od dpal gyis 'di skad ces gsol to// bcom ldan 'das gang thos pas bdag cag de bzhin du sgrub cing gzungs 'di 'thob par 'gyur ba/ de bzhin gshegs pas rin chen sgron ma'i gzungs la gang cung zad 'jug pa tsam zhig legs par bshad du gsol/ de nas de bzhin gshegs pa dri ma med par snang bas byang chub sems dpa' 'od dpal la tshigs su bcad de bka' stsal pa/ nyon mongs rnams kyi rdul dang bral gyur te// dri ma med cing dri ma kun tu spangs// sems ni rtag tu dag cing dri med pa// 'di ni rin chen smon ma'i gzungs yin no/ / lus kyis ngag rnams dag cing yid kyis ni// zla ba lta bur dri bral dri med 'od// byams pa'i sems dang yid kyang snyoms gyur pa// 'di ni rin chen sgron ma'i gzungs/ yin no// gnyis su lta ba dag las rnam grol zhing // rtog dang rnam par rtog de kun tu bral// 'du shes rnams ni yongs su shes gyur pa// 'di ni rin chen sgron ma'i gzungs yin no//
- 271a
dran dang blo gros rtogs la 'jug par 'grub// shes rab che ldan yon tan rnams dang ldan/ nam mkha'i dkyil ltar dri ma med cing dag/ 'di ni rin chen sgron ma'i gzung yin no/ / dkon mchog gsum po rgyan mi 'chad pa dang // dri gsum rnam spangs srid pa gsum las grol// gnyis la yid gnyis za ba mthar 'byin pa// rin chen sgron ma'i gzungs ni dag pa yin/ 'dod chags dang ni zhe sdang gti mug bcom// dus ngan skyon spangs yon tan kun dang ldan// nyon mongs mun pa rab rib sel byed pa// rin chen sgron ma gzungs kyi mchog yin no// 'jig rten dag na sgra skad tha ma dang // 'bring dang mchog ni ji snyed yod pa dag/ sgra rnams kun la shin tu zhugs gyur pa// rin chen sgron ma'i gzungs ni rdul dang bral// zab mo'i tshogs rnams dang ni ldan gyur cing / / tshig dang yig 'bru sna tshogs mtha' yas mang // bdag dang sems can dag tu lhung ba med// gnyis med ldan pa 'di ni gzungs yin no// so so yang dag rig ma thob gyur cing / / rkang pa snying po bzhi la rab gnas te// bsam gtan bzhi dang yang dag rab ldan pa// 'di ni rin chen sgron ma'i gzungs yin no// dam pa'i don gyi chos kyi tshul gyur cing // tshangs pa'i gnas pa bzhi dang bsdu dang ldan// mngon par shes pa lnga la 'gro byed pa// 'di ni rin chen sgron ma'i gzungs yin no// dran pa nye bar gzhag pa rnams la gnas// yang dag slong
- 271b
ba rnams dang rtag tu 'thun/ / rdzu 'phrul rkang pa bzhi la skyod byed pa// 'di ni rin chen sgron ma'i gzungs yin no// dbang po lnga po dag dang ldan gyur cing // stobs lnga dag la gnas pa mi g.yo'i shugs/ / byang chub yan lag rnams dang rab ldan pa// 'di ni rin chen sgron ma'i gzungs yin no// yan lag brkyang ba'i lam gyis 'gro byed cing // zhi gnas mchog dang lhag mthong zung ngu 'brel/ / rig dang rnam par grol bas 'gro byed pa// 'di ni rin chen sgron ma'i gzungs yin no// sa rnams gnon pa dag ni rab ldan zhing // mtshams sbyor grol ba'i lam dang rjes su 'thun/ / nyes pa rnams ni kun tu spangs gyur pa// 'di ni rin chen sgron ma'i gzungs yin no// 'jig rten thams cad na ni snang byed cing // nyi dang zla ba'i 'od kyi dkyil 'khor ltar// rnam par dag cing mig ni 'byed byed pa// 'di ni rin chen sgron ma'i gzungs yin no// 'dir ni lha mig dag ste rab rib med// shes rab mchog gi mig kyang rnam par dag/ 'dir ni chos kyi mig kyang dag gyur te/ / rgyal ba dam pa'i spyan ni rnam par dag/ 'dir ni nyon mongs bdud kyang dag par gyur// phung po lnga yi nyes pa 'dir yongs dag/ 'dir ni 'chi bdag bdun kyang dag gyur cing / / 'di ni sde dang bcas pa'i bdud kyang bcom// 'dir ni gzungs la rab tu gnas nas su// bye ba khrag khrig dag gi zhing du 'gro// sangs rgyas khrag khrig dag kyang /
- 272a
mthong 'gyur zhing // bla na med pa'i chos kyang nyan par byed// rgya chen chos ni thos par gyur nas kyang // gzungs kyi dran pa'i stobs kyis 'dzin par byed// don dang tshig 'bru dag kyang zung ldan par/ / sems ldan thams cad la ni ston par byed// rgyu dang rkyen gyis rnam par phye bas na// sems ni skad cig 'jig par shes gyur te// chos rnams rab tu dbye ba shes thob pa/ / gzungs 'di la ni gnas par gyur pa yin// spobs pa thob cing gsum rig chags pa med// mig gsum rnam par dag pa'ang rab tu thob// rnam par thar pa gsum gyi don kyang thob/ / 'dir ni gzungs rnams thob par 'gyur dang ldan// gang dag gzungs rnams mang po gzhal yas shing // tshad med pa dag nges par bstan pa yang // gzungs/ kyi dam pa 'di ni thob gyur na// de dag thams cad rab tu thob par 'gyur// bsam gtan gang dag rnam thar gang dag dang // snyoms 'jug ting 'dzin gang dag mtha' yas dang // mngon par shes pas rnam par rol dang gzungs/ / mtha' yas de dag la ni rab tu 'jug/ ji ltar rgya mtsho dpag tu med pa la// mtha' yas sgo nas rlung mtsho mtshe'u 'jug pa// de ltar gzungs 'di 'dzin par byed pa yang / / mtha' yas chos rnams kyi ni sgo mor 'jug/ zad pa med pa'i sgra la 'jug pa yang // zad pa med pa'i shes pas khong du chud// gzungs 'di
- 272b
smra bar byed pa de yi ni/ / bsod nams thams cad zad par mi 'gyur ro// gzungs 'di rab tu thob par gyur pa ni// rin chen dam pa ni med lag tu 'gyur// gzugs dang mtshan rnams dang ni/ rigs dang yang // rus dang skye ba dag ni rnam par dag/ zab mo'i tshul dag la ni 'jug pa dang // mi skye ba la bzod dang ma skyes dang // phyir mi ldog pa'i shes pa'i sa dag kyang // gzungs 'di yin par nges par bstan pa yin/ / byang chub bla med mchog 'di tshol byed pa'i// byang chub sems dpa' mang po gang dag gis// gzungs 'di rab tu thob par gyur na ni// byang chub bla na med/ pa rnyed mi dka'// gang dag phyogs bcu rnams na bde bar gshegs// 'gro la phan dang bde phyir chos ston pa// gzungs kyi dam pa 'di ni thob gyur na// de dag spobs pa rgyun chad mi 'gyur ro// gzungs 'di rab tu thob par gyur pa dag/ dga' dang mos dang bsam pa shes nas ni// de dag 'a bras bu yod pa ston pas na// sems can khrag khrig dag ni tshim par byed// gzungs 'di la ni gnas pa'i dpa' bo dag/ 'khor lo dam pa rab tu skor byed cing // sems can sdug bsngal sna tshogs rnams las 'grel// theg pa dam pa la yang 'jog par byed// bskal pa bye ba khrag khrig mang por ni/ / bsngags dang yon tan legs par brjod byas kyang // drang srong chen pos de yi yon tan gyi// mtha' ma brjod du nus par mi 'gyur ro// rigs kyi bu de ltar bcom ldan 'das de bzhin
- 273a
gshegs pa dri ma med par snang ba des gzungs bstan pa 'di bshad pa na/ byang chub sems dpa'i 'khor chen po de las byang chub sems dpa' stong phrag sum cu rtsa gnyis kyis gzungs thob par gyur to/ / byang chub sems dpa' sems dpa' chen po 'od dpal gyis ni rin chen sgron ma'i gzungs 'di thob par gyur to// gzungs kyi dbang phyug gi rgyal po khyod de'i tshe de'i dus na byang chub sems dpa' 'od dpal zhes bya bar gyur pa de gzhan zhig yin pa snyam du dogs shing / yid gnyis su gyur tam/ the tshom za bar blta na/ khyod kyis de ltar mi blta'o// de ci'i phyir zhe na khyod nyid de'i tshe de'i dus na byang chub sems dpa' 'od dpal zhes bya bar gyur to/ / gzungs kyi dbang phyug gi rgyal po khyod kyis de tshun chad bgrang ba las 'das pa'i de bzhin gshegs pa dag la gzungs rnam par nges pa 'di yongs su dris so/ / yongs su dri ba byas so// des na khyod da lta yang de bzhin gshegs pa la yongs su 'dri ba la de ltar 'jigs pa med cing / gzungs kyi rnam par nges pa 'di'ang ston to/ / khyod kun tu lta ba'i blos chos 'di mngon sum du gyur pas/ rnam grangs 'dis na ngas khyod byang chub sems dpa' gzungs thob pa dang / byang chub sems dpa' dran pa dang ldan pa rnams kyi / mchog tu bstan to// de nas byang chub sems dpa' shes rab brtsegs zhes bya ba 'khor de nyid du 'dug par gyur pa des/ bcom ldan 'das la 'di skad ces gsol to// bcom
- 273b
ldan 'das ji ltar na byang chub sems dpas rin chen smon ma'i gzungs 'di rab tu 'thob cing / thob nas kyang chab 'tshal bar mi bgyid pa dang / 'di lta ste/ gzungs kyi stobs bskyed pas sems can thams cad nye bar 'tshe ba lags/ de skad ces gsol pa dang / bcom ldan 'das kyis/ byang chub sems dpa' shes rab brtsegs la 'di skad ces bka' stsal to// rigs kyibu gang gi tshe byang chub sems dpa' shes rab kyi rtsa ba la gnas par gyur pa dang / shes rab kyi las byed par gyur pa de'i tshe gzungs 'di rab tu thob bo// chud za bar mi byed do// sems can tham cad kyi nye bar 'tshe bar yang 'gyur ro/ / de skad ces bka' stsal pa dang / bcom ldan 'das la/ byang chub sems dpa' shes rab brtsegs kyis 'di skad ces gsol to// bcom ldan 'das shes rab kyi rtsa ba ni gang lags/ shes rab kyi las ni gang lags/ de bzhin gshegs pas legs par bshad du gsol/ bcom ldan 'das kyis bka' stsal pa/ de'i phyir rigs kyi bu/ khyod shin tu legs par nyon la yid la zung zhig dang / ngas khyod la bshad par bya'o// rigs kyi bu byang chub sems dpa' ma thos pa'i chos nyan pa gang yin pa 'di ni shes rab kyi rtsa ba'o// ji ltar/ thos pa'i chos gzhan dgal rgya cher yang dag par ston pa gang yin pa 'di ni shes rab kyi las so// dpyod pa ni shes rab kyi rtsa ba'o// gang dpyad pa gzhan dag la nye bar ston pa 'di ni shes rab kyi
- 274a
so/ / nam pa migs rab // sems can rnams rgyal ba zhin larab tu dasod pa 'ang gas sa kyim// yang dag par byu rab kyi rtsa ba'o/ / yang dag par sgrub pa ni shes rab kyi las so// sems la nges par sems pa ni shes rab kyi rtsa ba'o// sems la nges par sems pa yang dag par ston pa ni shes rab kyi las so// rab tu dben par gnas pa ni shes rab kyi rtsa ba'o// lus dang sems dben par shes pa na shes rab kyi las so// gcig pur dga' ba ni shes rab kyi rtsa ba'o// gcig pur bgrod pa'i lam sgrub pa ni shes rab kyi las so/ / zhi gnas dang lhag mthong sgom pa ni shes rab kyi rtsa ba'o// rig pa dang rnam par grol ba 'thob pa ni shes rab kyi las so// rnam par thar pa gsum sgom pa ni shes rab kyi rtsa ba'o/ / rig pa gsum mngon sum du byed pa ni shes rab kyi las so// dran pa nye bar gzhag pa sgom pa ni shes rab kyi rtsa ba'o// dran pa med cing yid la byed pa med pa ni shes rab kyi las so/ / yang dag par spong ba sgom pa ni shes rab kyi rtsa ba'o// chos thams cad rang bzhin gyis spangs par rab tu shes pa ni shes rab kyi las so// rdzu 'phrul gyi rkang pa sgom pa ni shes rab kyi rtsa ba'o/ / mngon par 'du bya ba med par rdzu 'phrul thob pa ni shes rab kyi las so// dad pas mos te yid ches pa ni shes rab kyi rtsa ba'o// chags pa thams
- 274b
cad las yang dag par 'da' ba ni shes rab kyi las so/ / sems mi 'dzum pa ni shes rab kyi rtsa ba'o// lus dang sems shin tu sbyangs pa ni shes rab kyi las so// dran pa dang shes bzhin ni shes rab kyi rtsa ba'o/ / dran pas bya ba rjes su dran pa ni shes rab kyi las so// ting nge 'dzin rim gyis rjes su rtogs par byed pa ni shes rab kyi rtsa ba'o// rtag tu mnyam par gnas pa 'thob pa ni shes rab kyi las so/ / shes rab kyi dbang po la rten pa ni shes rab kyi rtsa ba'o// dbang po mchog dang mchog ma yin pa shes pa ni shes rab kyi las so// stobs lnga'i gnas shes pa ni shes rab kyi rtsa ba'o// bdud dang nyon mongs pas mi rdzi ba ni shes rab kyi las so// byang chub kyi yan lag dang rjes su mthun pa'i bzod pa ni shes rab kyi rtsa ba'o/ / chos thams cad kyi rang bzhin rjes su rtogs pa ni shes rab kyi las so// lam gyi yan lag yang dag par sgrub pa ni shes rab kyi rtsa ba'o// chos thams cad gzings lta bur shes nas chos dang chos ma yin pa la mi gnas pa ni shes rab kyi las so/ / sduka bsngal dang / kun 'byung ba dang / 'gog pa/ lam sgom pa ni shes rab kyi rtsa ba'o// 'gog pa mngon sum du byed pa ni shes rab kyi las so/ / drang ba'i don gyi mdo sde kun chub par byed pa ni shes rab kyi rtsa ba'o// nges pa'i don gyi mdo la rton pa ni shes rab kyi las so// thos pa thams
- 275a
cad 'dzin pa ni shes rab kyi rtsa ba'o/ / don la rton pa ni shes rab kyi las so// rnam par shes pa la so sor rtog pa ni shes rab kyi rtsa ba'o// ye shes la rton pa ni shes rab kyi las so/ / gang zag gi sgra la mngon par zhen pa med pa ni shes rab kyi rtsa ba'o// chos nyid la rton pa ni shes rab kyi las so// 'du byed thams cad mi rtag par so sor rtog pa ni shes rab kyi rtsa ba'o/ / gdod ma nas ma skyes par rab tu shes pa ni shes rab kyi las so// 'du byed thams cad sdug bsngal bar so sor rtog pa ni shes rab kyi rtsa ba'o// chos thams cad mngon par 'du bya ba med par shes pa ni shes rab kyi las so/ / chos thams cad la bdag med par so sor rtog pa ni shes rab kyi rtsa ba'o// sems can gzod ma nas rnam par dag par shes pa ni shes rab kyi las so/ / mya ngan las 'dres pa la zhi bar so sor rtog pa ni shes rab kyi rtsa ba'o// chos thams cad rang bzhin gyis yongs su mya ngan las 'das par shes pa ni shes rab kyi las so/ / don thos nas skrag pa med pa ni shes rab kyi rtsa ba'o// de na so so yang dag par rig pa ni shes rab kyi las so// yang dag pa'i chos nyid thos nas skrag pa med pa ni shes rab kyi rtsa ba'o/ / chos so so yang dag par rig pa ni shes rab kyi las so// nges pa'i tshig thams cad la skrag pa med pa ni shes rab kyi rtsa ba'o// nges pa'i tshig so so yang dag par rig
- 275b
ni shes rab kyi las so/ / sangs rgyas kyi spobs pa thos nas skrag pa med pa ni shes rab kyi rtsa ba'o// spobs pa so so yang dag par rig pa ni she rab kyi las so// sems can la dmigs pa/ dang / chos la dmigs pa'i byams pa ni shes rab kyi rtsa ba'o// dmigs pa med pa'i byams pa ni shes rab kyi las so// bdag la byed pa dang / gzhan la byed pa la snying rje ni shes rab kyi rtsa ba'o/ / mtha' gnyis ka bsal ba'i snying rje chen po ni shes rab kyi las so// chos la sems pa la mchog tu dga' bar byed pa'i dga' ba ni shes rab kyi rtsa ba'o// blang ba med pa dang dor ba med pa ni shes rab kyi las so/ / rjes su chags pa dang / khong khro ba dang bral ba'i btang snyoms ni shes rab kyi rtsa ba'o// gnyis dang bral ba ni shes rab kyi las so// sangs rgyas rjes su dran pa ni shes rab kyi rtsa ba'o// chos kyi sku rab tu shes pa ni shes rab kyi las so// chos rjes su dran pa ni shes rab kyi rtsa ba'o// 'dod chags dang bral ba'i chos nyid ni shes rab kyi las so/ / dge 'dun rjes su dran pa ni shes rab kyi rtsa ba'o// 'dus ma byas su so sor rtogs pa ni shes rab kyi las so// gtong ba rjes su dran pa ni shes rab kyi rtsa ba'o// nyon mongs pa thams cad yongs su gtong ba ni shes rab kyi las so// tshul khrims rjes su dran pa ni shes rab kyi rtsa ba 'o// tshul khrims mngon par 'du bya ba med par shes pa ni shes rab kyi
- 276a
las so/ / lha rjes su dran pa ni shes rab kyi rtsa ba'o// rnam par dag pa'i chos nyid ni shes rab kyi las so// thos pa la rtog pa ni shes rab kyi rtsa ba'o// 'jig rten thams cad la rtog pa ni shes rab kyi las so/ / ma byas pa'i las byed pa ni shes rab kyi rtsa ba'o// las kyi rnam par smin pa med par shes pa ni shes rab kyi las so// nga rgyal med pa ni shes rab kyi rtsa ba'o/ / ye shes chen po thob pa ni shes rab kyi las so// bdag gi don ni shes rab kyi rtsa ba'o// gnyis ka'i don ni shes rab kyi las so// chos kyi phung po brgyad khri bzhi stong kun tu 'dzin pa ni shes rab kyi rtsa ba'o/ / chos kyi phung po brgyad khri bzhi stong yongs su shes pa ni shes rab kyi las so// chos bstan pa shes pa ni shes rab kyi rtsa ba'o// 'bras bu yod pa'i chos ston pa ni shes rab kyi las so/ / sems can rnams byang chub yang dag par 'dzin du 'jug pa ni shes rab kyi rtsa ba'o// shes rab kyi pha rol tu phyin pa dang / thabs mkhas pas sems can rnams phyir mi ldog pa'i sa la rab tu 'god pa 'di ni shes rab kyi las so/ / srid par 'gro bar skye ba thams cad kyis skrag pa ni shes rab kyi rtsa ba'o// bsams bzhin du skye ba ni shes rab kyi las so/ / sgra'i rjes su 'gro ba'i bzod pa ni shes rab kyi rtsa ba'o// bsgoms pa las byung ba'i bzod pa ni shes rab kyi las so// zad pa shes pa ni shes
- 276b
rab kyi rtsa ba'o/ / mi skye ba'i shes pa ni shes rab kyi las so// rjes su mthun pa'i bzod pa ni shes rab kyi rtsa ba'o// mi skye ba'i chos la bzod pa ni shes rab kyi las so// phyir mi ldog pa'i sa ni shes rab kyi rtsa ba'o/ / dbang bskur ba'i sa ni shes rab kyi las so// byang chub kyi snying po la 'dug pa ni shes rab kyi rtsa ba'o// gang ci shes par bya ba dang thob par bya ba dang / rtogs par bya ba dang / mngon par rdzogs par 'tshang rgya bar bya ba de thams cad sems kyis skad cig gcig dang ldan pa'i shes rab kyis bla na med pa yang dag par rdzos pa'i byang chub mngon par rdzogs par 'tshang rgya ba 'di ni shes rab kyi las so/ / shes rab kyi rtsa ba dang las bstan pa 'di bshad pa na/ phyogs bcu'i sangs rgyas kyi zhing zangs med dpag tu med pa dag rnam pa drug tu g.yos par gyur to/ / 'khor gyi khyams rin po che bkod pa yang rnam pa drug tu g.yos so// de nas bcom ldan 'das la/ byang chub sems dpa' shes rab brtsegs kyis 'di skad ces gsol to/ / bcom ldan 'das gang gis phyogs bcu'i sangs rgyas kyi zhing grangs ma mchis dpag tu ma mchis pa 'di dag rab tu g.yos par gyur pa dang nam mkha' la gnas pa'i 'khor gyi khyams 'di'ang rnam pa drug tu g.yos par gyur pa'i rgyu gang lags/ rkyen gang lags/ bcom ldan 'das kyis bka' stsal pa/
- 277a
rigs kyi bu shes rab kyi rtsa ba dang las bstan pa'i chos kyi rnam grangs 'di 'das pa'i de bzhin gshegs pa rnams kyis sngon bshad pa na/ rigs kyi bu khyod nyid kyis nam mkha' yongs su 'dzin pa 'di nyid du de bzhin gshegs pa de dag la yongs su dris shing yongs su dri ba byas te/ sa chen po g.yo ba 'jig rten du byung ba'i rgyu ni 'di yin no// rkyen ni 'di yin no/ / de nas bcom ldan 'das la/ byang chub sems dpa' so so yang dag par rig pa la spobs pa zhes bya bas 'di skad ces gsol to// bcom ldan 'das ci'i slad du byang chub sems dpa' shes rab brtsegs pa la shes rab brtsegs zhes bgyi/ bcom ldan 'das kyis bka' stsal pa/ rigs kyi bu sngon byung ba 'das pa'i dus na/ dri ma med pa'i bskal pa la/ 'jig rten gyi khams 'byung ba bzang po na/ de bzhin gshegs pa dpal sbas zhes bya ba sangs rgyas bcom ldan 'das zhes bya ba'i bar du gyur pa 'jig rten du byung ngo // 'jig rten gyi khams 'byung ba bzang po de'i sems can rnams ni bde bar tshim pas gnas par gyur to/ / de bzhin gshegs pa dpal sbas de'i byang chub sems dpa'i dge 'dun ni byang chub sems dpa' stong phrag bzhi bcu rtsa gnyis su gyur to/ / de'i nyan thos kyi dge 'dun ni nyan thos stong phrag brgyad cu rtsa bzhir gyur to// rigs kyi bu de ltar bcom ldan 'das de bzhin gshegs pa dpal
- 277b
sbas des byang chub sems dpa' de dag gi spobs pa rgya chen po nye bar gzung ste/ dri ba bye ba zag brgya ched du mdza byang chub sems dpa' de dag la bka' stsal pa/ skyes bu dam pa khyed kyi nang nas su dus ji srid cig na dri ba bye ba phrag brgya po 'di dri ba re re la bstan pa bye ba phrag brgya brgyas lan 'debs par spro/ de'i nang nas byang chub sems dpa' kha cig gis gsol pa mtshan mo 'di bas te lan gdab par bgyi'o/ / kha cig gis gsol pa/ dkrung bdun na'o// kha cig gis gsol pa/ dgung tha byed na'o// kha cig gis gsol pa/ bcom ldan 'das dris pa 'di dag bdag cag gis dgung zla gcig na lan gdab par bgyi'o/ / de'i tshe byang chub sems dpa' dran pa'i blo zhes bya ba 'khor de nyid du 'dus te/ 'dug par gyur pa des bcom ldan 'das de bzhin gshegs pa dpal spras de la 'di skad ces gsol to/ / bcom ldan 'das bdag stan las mi ldang zhing spyod lam 'khrug pa ma mchis par de bzhin gshegs padabang du bgyi ste/ dri ba 'di bas par lan gdab par bgyi'o// skyes bu dam pa des seng ge'i sgra bsgrags ma thag tu de nas stong gsum gyi stong chen po'i 'jig rten gyi khams 'di rnam pa drug tu g.yos so/ / snang ba chen po'ang 'jig rten du byung bar gyur to// snang ba des bskul nas sa bla'i lha nas bzung ste/ ka nas katsang ma'i ris kyi bar gyi lha rnams 'dus so// dge slong
- 278a
dang / dge slong ma dang / dge bsnyen dang / dge bsnyen ma stong phrag mang po'ang 'dir 'dus par gyur to// de ltar skad cig thang cig yud tsam de la dpag tshad stong phrag bcur 'khor gyi dkyil 'khor gcig tu gnas par gyur to/ / de nas byang chub sems dpa' dran pa'i blos 'khor 'dus pa chen po de mthong nas/ rang gi bsod nams kyi stobs dang ye shes kyi stobs dang / dran pa'i stobs dang / gzugs kyi stobs dang / spobs pa'i stobs dang / mi 'jigs pa'i stobs dang / sangs rgyas kyi byin kI thams dang stobs kyi dri ba ched du mdzad pa bye ba phrag brgya po de dag kun tu bzung nas/ bcom ldan 'das de'i spyan sngar thams cad dang ldan pa'i 'khor de'i mdun du dri ba bye ba phrag brgya po re re la bstan pa'i bye ba phrag brgyas lan btab ste/ byed pa dang / rgyun chad pa med pa dang / rjes su ldan pa dang / rjes su 'brel ba dang / tshig dang yig 'brur ldan pa shin tu nges pa'i tshig rnams kyis de'i lan btab pa dang / 'khor de las srog chags stong phrag drug cus bla na med pa yang dag par rdzogs pa'i byang chub tu sems bskyed do// byang chub sems dpa' stong phrag pa ni bcu ni mi skye ba'i chos la bzod pa rab tu thob par gyur to/ / bcom ldan 'das de bzhin gshegs pa dpal sbas des de la legs so zhes bya ba byin te/ legs so zhes bya
- 278b
ba'i sgra des stong gsum gyi stong chen po'i 'jig rten gyi khams da nas kyis go bar byas so/ / sa r+b+ba'i lha rnams nas bzung / gnas gtsang ma'i ris kyi bar gyi lha rnams kyis kye ma gang / shes rab dang / spobs pa dang / bstan pa 'di 'dra ba 'di ni byang chub sems dpa' shes rab brtsegs su 'gyur ro zhes smra phyung ste smra bsgrags so// de ltar na de shes rab brtsegs zhes ming du btags so/ / rigs kyi bu de'i tshe de'i dus na byang chub sems dpa' dran pa'i blo zhes bya bar gyur pa de gzhan yin pa snyam du dogs shing yid gnyis su gyur tam/ the tshom za ba lta na khyod kyis de ltar mi blta'o/ / de ci'i phyir zhe na/ byang chub sems dpa' shes rab brtsegs 'di nyid de'i tshe de'i dus na byang chub sems dpa' dran pa'i blo zhes bya bar gyur to// de nas bcom ldan 'das kyis don 'di rgya cher brjod pa'i phyir de'i tshe tshigs su bcad pa 'di dag gsungs so/ / ma myos gyur nas ma thos chos rnams rtag nyan pa// shes rab rtsa ba sems can dag pas thos nas ni// 'dzin cing byams pas 'gro ba dag la ston byed pa// shes rab las te byang chub sems dpa' rtag tu byed// dpyod pa'i dran pa chen po 'di ni shes rab rtsa// dpyad nas 'gro la rtag tu ston pa shes rab las/ / gal te tshul bzhin rab sreg 'di ni shes rab rtsa// de la sbyar nas ston pa shes rab las shes bya// yang dag sbyor la gal te sbyor ba shes rab rtsa// grub cing ston par byed pa
- 279a
de ni shes rab las/ / sems la nges par sems rnyed 'di ni shes rab rtsa// nges par sems par spyod pa 'di ni shes rab las// gcig pu dben par spyod pa 'di ni shes rab rtsa/ / lus dang sems la nga'i med pa 'di ni shes rab las// gang tshe 'du 'dzes 'jigs gyur de ni shes rab rtsa// gcig pu bgrod pa'i lam la reg byed shes rab las// ni gnas lhag mthong dga' ba 'di ni shes rab rtsa/ / rig dang rnam par krol la reg 'di shes rab las// rnam thar gsum la mngon par brtson pa shes rab rtsa// rigs gsum mngon du byed pa shes rab las shes bya/ / gal te dran pa nyer gzhag sgom pa shes rab rtsa// dran med yid la byed med de ni shes rab las// sdig pa spangs te dge ba spyod pa shes rab rtsa// chos 'di rang bzhin spangs pa de ni shes rab las/ / gal te rdzul 'phrul rkang pa bzhi sgom shes rab rtsa// lhun grub rdzu 'phrul thob pa 'di ni shes rab las// dad pas mos nas yid ches pa ni shes rab rtsa// chags pa thams cad gang bral de ni shes rab las/ / zhum med rtag tu brtson pa de ni shes rab rtsa// lus dang yid sems rab sbyangs 'di ni shes rab las// dran dang shes bzhin mkhas pa 'di ni shes rab rtsa/ / gnas rnams kun la mi gnas 'di ni shes rab las// rang gi ting 'dzin rtogs pa de ni shes rab rtsa// rang bzhin mnyam par bzhag la spyod 'di shes rab las// gal te
- 279b
shes rab dbang por rab gnas shes rab rtsa/ / 'gro ba'i dbang po thams cad shes pa shes rab las// stobs lnga po dag rjes su sgom pa shes rab rtsa// bcom nas ye shes thob pa de ni shes rab las/ / byang chub yan lag rjes mthun bzod pa shes rab rtsa// chos kun rjes su gang rtogs de ni shes rab las// lam gyi yan lag skye gnas grub pa shes rab rtsa// chos dang chos min spong ba 'di ni shes rab las/ / sdug bsngal rang bzhin mkhas pa 'di ni shes rab rtsa// gal te 'gog pa mngon sum byed 'di shes rab las// drang ba'i don gyi mdo sde tshig 'dzin shes rab rtsa/ / nges pa'i don la rton pa 'di ni shes rab las// thams cad thos pas mi ngoms 'di ni shes rab rtsa// don la rab tu rton pa 'di ni shes rab las// rnam par shes pa tshul bzhin tshol la shes rab rtsa/ / ye shes la ni shes rab rton 'di shes rab las// gang zag gang la'ang ma zhen 'di ni shes rab rtsa// gal te chos nyid rton pa 'di ni shes rab las// 'du byed mi rtag yongs su tshol ba shes rab rtsa/ / gal te gzod nas ma skyes shes pa shes rab las// 'du byed sdug bsngal mos par byed pa shes rab rtsa// chos rnams 'dus ma byas su mos pa shes rab las/ / chos rnams bdag med the tshom med pa shes rab rtsa// sems can 'di dag gdod nas dag de shes rab las// mya ngan 'das la zhi bar mos pa shes rab rtsa// 'gro ba
- 280a
shin tu mya ngan 'das 'di shes rab las/ / don gyi rjes su rtog pa 'di ni shes rab rtsa// don rtog so so yang dag rig pa shes rab las// gal te chos nyid mos par byed/ pa shes rab rtsa// chos la so so yang dag rig pa shes rab las// sgra rnams kun la skrag pa med 'di shes rab rtsa// des tshig so so yang dag rig 'di shes rab las// smag med blo yi spobs pa de ni shes rab rtsa/ / spobs pa so so yang dag rig pa shes rab las// gal te sems can gnas pa'i byams de shes rab rtsa// dmigs pa med pa'i byams thob de ni shes rab las// bdag dang gzhan la snying rje 'di ni shes rab rtsa// gang gis gnyis kar mi rtogs de ni shes rab las// mchog tu dga' la dga' ba thob 'di shes rab rtsa// dga' med gdung ba med pa 'di ni shes rab las/ / byams dang gnod par mi byed de ni shes rab rtsa// gnyis las sems grol thob pa 'di ni shes rab las// blo gros ldan pa sangs rgyas dran 'di shes rab rtsa// kang tshe chos sku rjes su rtogs pa shes rab las// chos kyang rtag tu dran pa 'di ni shes rab rtsa// chos rnams 'dod chags bral bar rtogs pa shes rab las// yon tan las ni dge 'dun drin te shes rab rtsa/ / de yang 'dus ma byas su rtogs pa shes rab las// blo ldan gtong ba dran pa de ni shes rab rtsa// gang phyir nyon mongs kun 'dor 'di ni shes rab las//
- 280b
tshul khrims shin tu dag ma dran 'di shes rab tu// tshul khrims zad pa med la gnas ni shes rab las// che ba'i bdag nyid lnga dran 'di ni shes rab rtsa// dag nas dag pa dran pa 'di ni shes rab las/ / gang phyir bsgribs te thos pa tshol ba shes rab rtsa// gzhan dag las ni phyis mi tshol ba shes rab las// legs par byed pa'i las byed 'di ni shes rab rtsa// las phyis mngon par 'du mi byed pa shes rab las/ / nga rgyal med cing 'dud par byed pa shes rab rtsa// ye shes che ba'i bdag nyid thob 'di shes rab las// bdag gi don la brtson 'gyur 'di ni shes rab rtsa/ / sems can rnams kyi don byed 'di ni shes rab las// gal te chos kyi phung po 'dzin byed shes rab rtsa// sems can spyod pa rjes su rtogs byed shes rab las// gzhan gyi/ blo la yang dag thob byed shes rab rtsa// sems can theg gsum nges 'byung byed pa shes rab las// blo gros ldan pa sbyin dang snyan par smra ba ngo // don byed sems can yongs smin shes rab rtsa// gal te don mthun pa yis sangs rgyas yon tan 'god// 'di ni skyes bu dam pa rnams kyi shes rab las// srid pa kun tu 'bar shes skrag pa shes rab rtsa// mi skye bzod pa thob pa de ni shes rab las/ phyir mi ldog pa'i sa 'di shes rab rtsa ba ste// dbang bskur ba yis thob de ni shes rab las// gal te byang chub shing drung 'dug pa shes rab rtsa// kun mkhyen ye shes reg pa 'di ni shes
- 281a
rab las/ / byang chub sems 'di shes rab rtsa ba zhes kyang bya// sems ni gnas su gang byed de ni shes rab las// gang dag byang chub sems la rtag gnas mi g.yo ba// de dag shes rab kyis ni rtag tu las bya byed/ / rtsa ba 'di 'dra byang chub spyod pa mchog gi sems// sangs rgyas stobs dang de bzhin so so yang dag rig/ de yi bsngags pa bskal pa bye ba mang brjod kyang // sangs rgyas yon tan tha mar thug par 'gyur ba med// gang dag 'das pa'i bde gshegs de bzhin da ltar byung // gang dag ma 'ongs pa dang phyogs bcu'i thub dbang po// tshad med pa la bsnyen bkur tshad med byed 'dod gang / / de ni ma myos byang chub sems la dga' ba yin// de nas bcom ldan 'das la/ byang chub sems dpa' gzungs kyi dbang phyug gi rgyal pos 'di skad ces gsol to/ / bcom ldan 'das kye ma ji tsam du sangs rgyas bcom ldan 'das rnams kyi bla na med pa yang dag par rdzogs pa'i byang chub 'di shin tu rnam par nges shing yi ge rnams kyis bstan pa mtha' yas pa/ don gyi 'jug pa mtha' yas pa/ mi brtson pa rnams kyis 'jug pa dka' ba/ rten cing 'brel par 'byung ba rjes su rtogs pas zab pa/ gnyis pa spyod pa rnams kyis 'tshal bar dka' ba skye mched drug la rten pa rnams kyi mthong bar dka' ba/ theg pa dman pa la mos pa rnams kyis yid ches par dka' ba/ nyan thos dang rang sangs rgyas rnams kyis ma lags pa/ byang
- 281b
chub sems dpa' rnams kyi spyod yul chos thams cad kyi phyag rgya chos kyi dbyings mnyam pa nyid pas che ba ma mchis pa/ nam mkha'i mtshan nyid kyi slad du 'gyur ba ma mchis pa/ shin tu 'das pas kun gzhi ma mchis pa/ sems can thams cad kyi spyod pa rab tu shes pa/ rgyu thams cad yongs su shes pa/ shes rab kyi pha rol tu phyin pa'i snang ba nges par 'byung ba rnams kyis 'byung ba/ dge ba'i rtsa ba rnams kyis thabs so so yang dag par rig pa thob pa rnams kyis rnam par dbye bar bgyi ba/ mngon par shes pa thob pa rnams kyis rnam par dgrol bar bgyi ba/ tshul gcig la gnas pa rnams kyis mnyam pa nyid du rtogs par bgyi ba/ sna tshogs ma mchis par spyod pa rnams la khyad par ma mchis pa/ nam mkha' dang mnyam pa/ gnyen po ma mchis pas mnyam pa nyid pas mi mnyam pa ma mchis pa/ sangs rgyas thams cad dang mnyam pa nyid pas mi mnyam pa dang mnyam pa 'gog pas rab tu phye bas gnyis dang bral ba/ yi ge rnams kyis dpyad du ma mchis pa/ don gyis yang dag par bzhag pa/ smras rnam par rig par bgyi ba/ don dam par brjod du ma mchis pa/ kun rdzob tu brjod du ma mchis pa/ dkon mchog gsum gyi mthu dang ldan pa/ theg pa gsum la rnam par rtog pa/ rnam par thar pa'i sgo gsum po dag rab tu ston pa/ khams gsum pa las shin tu 'das pa/ rig pa gsum po dag khong du chud par
- 282a
bgyid pa/ rdo rje lta bu'i ting nge 'dzin bskyed pa/ chos thams cad kyi gnas sangs rgyas kyi ye shes las byung ba/ sems can thams cad kyi nye bar 'tsho ba/ sangs rgyas thams cad kyis gsal bar mdzad pa ni ngo mtshar to/ / bcom ldan 'das rigs kyi bu 'am/ rigs kyi bu mo gang dag sangs rgyas bcom ldan 'das rnams kyis byang chub bstan pa tshad ma mchis pa 'di la mos par bgyid pa dang / bla na med pa yang dag par rdzogs pa'i byang chub tu'ang sems skyed par bgyid pa dang / dam pa'i chos yongs su gzung ba'i slad du mdo sde 'di lta bu 'di nyan par bgyid pa dang / mos par bgyid pa dang / 'dzin pa dang / 'chang ba dang / klog pa dang / kun chub par bgyid pa dang / gzhan dag la'ang rgyas par yang dag par ston par bgyid pa de dag bcom ldan 'das bsod nams mang du skyed pa lags so/ / de bzhin gshegs pa rnams la'ang byas pa gzo ba dang / byas pa 'tshal ba lags so// bcom ldan 'das kyis bka' stsal pa/ rigs kyi bu de de bzhin no// ji skad smras pa de bzhin te/ de dag bsod nams mang du skyed par 'gyur ro// rigs kyi bu gang gis de bzhin gshegs pa'i spyan gyis gzigs pa'i sangs rgyas kyi zhing thams cad rin po che thams cad kyis rab tu bkang ste/ de bzhin gshegs pa rnams la sbyin pa byin pa bas/ gang gis dam pa'i chos yongs su gzung ba dang / dkon mchog gsum rgyun
- 282b
mi 'chad par bya ba'i phyir mdo sde 'di lta bu 'di nyan tam/ mos sam/ 'dzin tam/ 'chang ngam/ klog gam/ kun chub par byed da/ ston tam/ gzhan dag la'ang rgyas par yang dag par ston tam/ bsgom pa'i rnal 'byor la brtson par gnas na/ 'di ni de bas bsod nams mang du skyed do// de nas bcom ldan 'das kyis de'i tshe tshigs su bcad pa 'di dag bka' stsal to// sangs rgyas spyan gyis zhing gang ngas mthong ba/ / rin chen bkang ste de bzhin gshegs byin yang // 'di lta bu yi chos 'di ma thos na// de ni bsod nams chung zhes nga smra'o// gang gis dam pa'i don ldan phra zab pa/ / mdo sde bzang po 'di ni thos gyur nas// kun tu 'dzin cing bzung nas klog byed pa// 'di ni de bas bsod nams mchog tu 'phags// 'di ltar rgyal ba'i chos kyi nyer gnas shing // chos kyis nges par 'byung gi zang zing min/ / de bas gang zhig bde gshegs chos 'dzin pa// de ni sangs rgyas kun la byas pa gzo// de nas bcom ldan 'das kyis/ byang chub sems dpa'i tshogs chen po de la bka' stsal pa/ skyes bu dam pa dag khyed kyi nang nas nga yongs su mya ngan las 'das pa'i phyin/ dam pa'i chos yun ring du gnas par bya ba'i phyir chos kyi rnam grangs 'di rgyas par bya ba// dang sangs rgyas bcom ldan 'das rnams kyi byang chub 'di yongs su bsrung bar su spro/ de nas byang chub sems dpa'i 'khor de'i nang nas byang chub sems dpa' bye ba phrag drug cus mgrin gcig
- 283a
tu tshig smras pa/ bcom ldan 'das bdag cag rnams de bzhin gshegs pa'i byang chub bskal pa grangs ma mchis par bsgrubs pa 'di 'dzin pa dang / slad ma'i tshe slad ma'i dus de na'ang rgyas par bgyid par spro'o/ / bcom ldan 'das 'on gyis kyang ci nas de'i dus na skye bo mang po gnas par 'gyur ba/ dge ba'i rtsa ba bskrun pa'i sems can de dag gi rna bar grags par 'gyur bar de bzhin gshegs pas chos kyi rnam grangs 'di byin gyis brlab tu gsol/ de nas bcom ldan 'das kyis de'i tshe tshigs su bcad pa 'di dag bka' stsal to// rdzogs pa'i sangs rgyas bden pa gsungs/ / bden pa'i chos la rab tu gnas// byin gyis brlabs kyis de dag la// mdo sde 'di ni byin gyis brlabs// snying rje chen po'i go cha bgos// byams pa de dag rab tu gnas/ / kun la byams pa nyid kyi phyir// mdo sde 'di ni byin gyis brlabs// bsod nams tshogs ni phun sum tshogs// ye shes tshogs kyis byung gyur pa// tshogs rnams kun dang ldan pa yis/ / mdo sde 'di ni byin gyis brlabs// bdud rnams thams cad nges 'jom la// smra ba thams cad rab 'dul zhing // lta ba thams cad rgyun gcod pa// mdo sde 'di ni byin gyis brlabs/ / 'jig rten skyong dang brgya byin dang // de bzhin lha ma yin rnams dang // lha dang dri za klu dag dang // ngas ni byin gyis brlabs par byas// sa dang de bzhin bar snang la//
- 283b
rnams mang po gang 'khod pa// sangs rgyas rnams kyi byin rlabs kyis// tshul 'di rab tu 'dzin par 'gyur// 'khor 'di bsrung bar bya ba'i phyir// tshangs pa'i gnas pa rnams ldan zhing / bden pa bzhi pos brgyan gyur pa// mdo sde 'di ni byin gyis brlabs// nam mkha' gzugs can byed kyang srid// gzugs ni gzugs med byed srid kyi// sangs rgyas rnams kyi byin rlabs ni// rnam par dkrugs par mi nus so// de nas bcom ldan 'das la/ rgyal po chen po dag gis mgrin gcig tu tshigs su bcad pa 'di gnyis gsol to// de bzhin gshegs pa bdag cag rnams// mdo 'di kun tu bsrung slad du// rtsa lag dang ni bcas rnams kyis// bsrung ba bzang po bgyi bar 'tshal// mkhas pa byang chub blo gros bkyis// gang dag 'dzin par bgyid pa dag/ de dag la ni phyogs bzhi nas/ / rtag par kun tu bsrung bar bgyi// de nas bcom ldan 'das la/ lha rnams kyi dbang po brgya byin gyis tshigs su bcad pa 'di gnyis gsol to// bdag ni bcom ldan mdzad pa gtso/ / 'dren pa chos kyi dbang bdag lags// mgon po mdo sde mchog 'di las// sangs rgyas 'byung ba rab tu bstan// sangs rgyas rnams ni thams cad kyi// mdzad pa gzo ba bsrung bgyid cing / / 'di 'dra'i mdo dang de bzhin du// mdo sde 'dzin pa bsrung bar 'tshal// de nas bcom ldan 'das la/ mi mjed kyi bdag po tshangs pas tshigs su bcad pa 'di gnyis
- 284a
gsol to/ / bsam gtan gang dang tshad med dang // theg pa kun gyis 'byung ba gang // de dag don ldan zab mo yi// mdo sde 'di las nges par 'byung // bdag ni tshangs// pa'i bde bor te// gang na tshul 'di 'chad par ni// mnyan pa'i slad dang de bzhin du// bsrung ba'i slad du mchi bar bgyi// de nas bcom ldan 'das la/ lha'i bu rab dga' ldan gyis tshigs su bcad pa 'di gnyis gsol to/ / gang zhig sangs rgyas gsungs pa yi// mdo sde 'di ni 'dzin 'gyur ba// skye ba gcig gis rab gnas nas// dga' ldan rnams su gnas/ par 'gyur// mgon po bdag ni lha yul pa'i// phun su tshogs pa bor nas su// tshul 'di rab tu ston bgyid cing // 'dzam bu gling du gnas par spro// de nas bcom ldan 'das la/ bdud kyi bu ded dpon gyis tshigs su bcad pa 'di gnyis gsol to// gang zhig don dang ldan pa yi// mdo sde 'di ni 'dzin 'gyur ba// de dag bdud las 'di spangs pas// bdud kyi dbang du mi mchi'o// de bzhin gshegs pa bdag kyang ni// mdo 'di kun tu bsrung slad du// ci nas kyang ni rgyas 'gyur bar// brtson par bgyid cing 'dun par bgyid// de nas bcom ldan 'das la// bdud sdig can gyis tshigs su bcad pa 'di gnyis gsol to// rnam par 'dren pa gang zhig ni// nyon mongs thams cad tshar gcod pa// 'di 'dzin mgyid pa de
- 284b
dag la/ / bdag ni sgrib par mi bgyid do// mdo sde mchog ni 'byung ba der// bdud kyi ko skabs ma mchis so// mgon pos gsungs pa dran bgyid pa// de la bsrung ba bgyi bar 'tshal/ de nas bcom ldan 'das la/ lha'i bu mtshams rab kyis tshigs su bcad pa 'di gnyis gsol to// sangs rgyas kun gyi byang chub ni// mdo sde 'di las rab bshad pas// gang zhig mdo rje 'di 'dzin pa/ / des ni sangs rgyas kun la mchod// mgon po bdag ni mdo sde 'di// lha ni bye ba rnams la bshad// gang dag gus par nyan pa dag/ byang chub yang dag 'dzin du stsal/ / de nas bcom ldan 'das la/ byang chub sems dpa' byams pas tshigs su bcad pa 'di gnyis gsol to// mi gang byang chub rab zhugs te// dam chos yongs su bsrung slad du/ / bdag kyang gtong bgyid de dag ni// gsol ba ma btab bshes gnyen lags// bdag ni dga' ldan mchis nas su// sangs rgyas kyi ni byin rlabs kyis// 'di lta bu yinado sde 'di/ / shin tu rgyas par bgyi bar 'tshal// de nas bcom ldan 'das la/ tshe dang ldan pa 'od srungs chen pos tshigs su bcad pa 'di gnyis gsol to// ston pa las ni bdag gis su/ mdo sde stong phrag mang thos kyang // bdag gis mdo sde 'di lta bu// sngon chad nam yang ma thos so// mngon sum du ni mdo sde 'di// blangs shing kun tu gzung lags te// byang chub
- 285a
sems dpa'i ched du ni/ / shin tu rgyas par bgyi bar 'tshal// de nas bcom ldan 'das kyis brgya byin dang / tshangs pa dang / 'jig rten skyong ba de dag dang lha'i bu de dag dang / byang chub sems dpa' de dag dang / nyan thos chen po de dag la legs so zhes bya ba gnang ste/ skyes bu dam pa dag khyed kyis dam pa'i chos yongs su gzung ba'i phyir 'di lta bu'i seng ge'i sgra bsgrags pa legs so legs so/ / skyes bu dam pa dag khyed la bsgo'o// khyed kyis khong du chud par bya'o// sems can gang dag theg pa chen po la zhugs pa/ bzod pa ma thob pa de dag sangs rgyas bcom ldan 'das rnams kyi byin gyi rlabs kyi chos kyi rnam grangs 'di kun tu gzung ste/ bzung nas kyang kun chub par byas nas/ bla na med pa yang dag pa/ rdzogs pa'i byang chub tu lung bstan pa ma thob kyi bar du de bzhin gshegs pa bdun pa las 'da' bar mi 'gyur ro// gang dag nyan thos kyi theg pa par 'gyur ba de dag ni de bzhin gshegs pa byams pa'i nyan thos 'dus pa dang po'i grangs su chud par 'gyur ro/ / rang sangs rgyas kyi theg pa pa gang dag chos kyi rnam grangs 'di 'dzin par 'gyur ba de dag ni nga yongs su mya ngan las 'das pa'i 'og tu gzhan las ma thos par rang byang chu 'thob par 'gyur ro/ / gzungs kyi dbang phyug gi rgyal pos yongs su zhus pa bstan pa'i chos kyi rnam grangs 'di bcom ldan 'das kyis bstan pa na/ sems can dpag tu med pa
- 285b
dag byang chub tu sems bskyed do/ / byang chub sems dpa' grangs med pa dag ni phyir mi ldog pa la rab tu gnas so// 'jig rten gyi khams grangs med pa dag ni rnam pa drug tu g.yos so// snang ba chen pos kyang / gsal bar gyur to// me tog sil mas kyang gtor bar gyur to// phyogs bcu'i 'jig rten gyi khams nas 'dus pa'i byang chub sems dpa' de dag gis bcom ldan 'das dang / chos kyi rnam grangs 'di la mchod pa'i las kyi phyir thams cad dang ldan pa'i 'khor gyi khyams rin po che bkod pa/ rin po che sna bdun gyi me tog gis rnam par bkra bar byas te ched du brjod pa 'di ched du brjod do// bcom ldan 'das bdag cag gis rnyed par bgyi ba legs par rnyed do/ / gang gi slad du bdag cag gis rnam par nges pa'i chos kyi rnam grangs 'di lta bu thos pas bdag cag 'dir mchis pa don mchis pa lags so// kye ma bcom ldan 'das shAkya thub pa'i sku tshe yongs su bskyang du gsol/ 'dzam bu'i gling gi mi rnams la chos kyi rnam grangs 'di yun ring du gnas par gyur cig/ dge slong dang / dge slong ma dang / dge bsnyen dang dge bsnyen ma gang dag mdo sde 'di lta bu 'dzin pa de dag kyang dus ring por yun ring du chos yongs su skyong bar gyur cig/ sems can thams cad la'ang phan pa byed par gyur cig/ de nas bcom ldan 'das la/ byang chub sems dpa' gzungs kyi dbang phyug gi rgyal pos 'di skad ces gsol to// kye ma bcom ldan 'das ji tsam du rnam par nges pa'i chos rnam grangs 'di ni don bzang ba dang /
- 286a
tshig 'bru bzang ba dang / legs par brgyan pa dang / byang chub sems dpa' thams cad mchog tu dga' ba skyed pa dang / bdud dang pha rol rgol ba thams cad 'jom pa dang chos thams cad la mkhas pa 'dzin pa dang / sems can thams cad kyi bsam sa tshim par bgyid pa dang / theg pa thams cad kyi nges par 'byung ba'i phyir 'byung ba dang / de bzhin gshegs pa thams cad kyi yon tan la 'jug pa'i rjes su song ba dang / thams cad kyis brtson par bgyi ba la gti mug ma mchis par ston pa ngo mtshar to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol ba dang / bcom ldan 'das kyis/ byang chub sems dpa' gzungs kyi dbang phyug gi rgyal po la 'di skad ces bka' stsal to// de'i phyir gzungs kyi dbang phyug gi rgyal po khyod kyis chos kyi rnam grangs 'di de bzhin gshegs pa'i snying rje chen po bstan pa zhes bya bar zung zhig/ de bzhin gshegs pa'i las don yod pa nyan pa lung bstan pa zhes bya bar yang zung zhig bcom ldan 'das kyis de skad ces bka' stsal nas/ byang chub sems dpa' gzungs kyi dbang phyug gi rgyal po dang / byang chub sems dpa'i tshogs dang / nyan thos kyi tshogs de/ thams cad dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa de bzhin gshegs
- 286b
pa'i snying rje chen po bstan pa zhes bya ba theg pa chen po'i mdo rdzogs so/ / / rgya gar gyi mkhan po shI len dra bo d+he dang / zhu chen gyi lo tsa ba ban+d+he ye shes sdes bsgyur cing zhus te/ skad gsar bcad kyis kyang bcos nas gtan la phab pa// // rgya gar skad du/ Ar+ya tsa turba nir hA ra nA ma ma hA yA na sU tra/ bod skad du/ 'phags pa bzhi pa bsgrub pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong lnga brgya tsam gyi dge slong gi dge 'dun chen po dang / byang chub sems dpa' brgya stong thams cad kyang go/ cha chen po bgos pa sha stag dang / 'dod pa na spyod pa dang / gzugs na spyod pa'i lha'i bu rnams dang thabs cig tu bzhugs te/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston to/ / de nas 'jam dpal gzhon nur gyur pas bcom ldan 'das la mchod pa'i las kyi phyir rin po che'i gdugs dpag tshad bcu'i tshad tsam thogs te/ bcom ldan 'das kyi dbu'i gtsug tu 'dzin to// de nas 'khor de nyid du dka' ldan gyi ris kyi lha'i bu dpal bzangs ldan zhes bya ba bla na med pa yang dag par rdzogs pa'i byang chub las phyir mi ldog
- 287a
pa g.yog dang bcas te 'khor de nyid du 'dus par gyur nas/ 'dug pa de stan las langs te/ gos phrag pa gcig tu gzar nas/ pus mo g.yas pa'i lha nga sa la btsugs te 'jam dpal gzhon nur gyur pa ga la ba de logs su thal mo sbyar ba btud nas/ 'jam dpal gzhon nur gyur pa la 'di skad ces smras so// 'jam dpal khyod dung de bzhin gshegs pa la mchod pa'i las mdzad pas mtsham mam/ 'jam dpal gyis smras pa/ lha'i bu 'di ji snyam du sems/ rgya mtsho chen po chu thams cad len pas gzhar yang chog shes sam/ lha'i bus smras pa/ 'jam dpal de ni ma lakra so/ / 'jam dpal gyis smras pa/ lha'i bu de bzhin du rgya mtsho chen po mtsho gting dpag dka' ba de lta bu'i thams cad mkhyen pa'i ye shes tshad med/ dpag tu med pa btsal bar bya ste/ byang chub sems dpas de bzhin gshegs pa la mchod pa'i las kyis gzhar yang tshim par mi bya'o/ / lha'i bus smras pa/ 'jam dpal byang chub sems dpas ci la dmigs te/ de bzhin gshegs pa la mchod par bgyi/ 'jam dpal gyis smras pa/ lha'i bu byang chub sems dpas dmigs pa bzhis de bzhin gshegs pa la mchod par bya'o// bzhi gang zhe na/ 'di lta ste/ thams cad mkhyen pa nyid la dmigs pa dang / sems can thams cad rab tu bkrol ba la dmigs pa dang / dkon mchog gsum gyi gdung mi 'chad par bya ba la dmigs pa dang / sangs rgyas kyi zhing gi yon tan bkod pa
- 287b
yongs su bzung ba la dmigs pa ste/ lha'i bu byang chub sems dpas dmigs pa bzhi po de dag gis de bzhin gshegs pa la mchod par bya'o// lha'i bus smras pa/ 'jam dpal khyod kyis tshangs pa'i ris kyi lha'i bu'i nang du tshangs pa gtsug pud can la byang chub sems dpa'i lam bzhi pa bsgrub pa zhes bgyi ba'i chos kyi rnam grangs bshad pa de/ 'jam dpal legs par bshad du gsol/ de la ni bdag dang thams cad dang ldan pa'i 'khor 'di'ang nyan par 'tshal lo// 'jam dpal byang chub sems dpa' rnams la chos kyi ser sna ma mchis/ slob dpon gyi chos kyi dpe mkhyud kyang ma mchis/ 'jam dpal gyis smras pa/ lha'i bu de'i phyir lekra par rab tu nyon la yid la zung zhig dang / bzhi pa bsgrub pa zhes bya ba'i chos kyi rnam grangs de ngas khyod la bshad do// lha'i bu bzhi po 'di dag ni byang chub sems dpa' rnams kyi lhag pa'i bsam pa'i sems bskyed par rig par bya'o/ / bzhi gang zhe na/ lha'i bu 'di la byang chub sems dpa' sems can dpag tu med pa bsdu ba'i phyir sems bskyed pa dang / sems can dpag tu med pa yongs su smin par bya ba'i phyir sems bskyed pa dang / dge ba'i rtsa ba dpag tu med pa bsags pa'i phyir sems bskyed pa dang / sangs rgyas kyi chos dpag tu med pa mngon par rdzogs par rtogs par bya ba'i phyir sems bskyed pa ste/ lha'i bu bzhi po de dag ni byang chub sems dpa'i lhag pa'i bsam pa'i sems bskyed par rig par bya'o//
- 288a
lha'i bu bzhi po 'di dag ni byang chub sems dpa' rnams kyi sems bskyed pa zag lta bu yin no// bzhi gang zhe na/ slong ba rnams la khong khro ba med pa'i sems dang / log/ par zhugs pa rnams la snying rje ba'i sems dang / shes rab las ma nyams pa'i sems dang / rtsom pa nyam 'og tu chud par byed pa'i sems te/ lha'i bu bzhi po de dag ni byang chub sems dpa' rnams kyi sems bskyed pa brag lta bu yin no/ / lha'i bu bzhi po 'di dag ni byang chub sems dpa' rnams kyi sems bskyed pa mngon par 'phags pa yin no// bzhi gang zhe na/ tshul khrims mngon par 'phags pa dang / thos pa mngon par 'phags pa dang / byam pa chen po mngon par 'phags pa dang / snying rje chen po mngon par 'phags pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi sems bskyed pa brtan pa/ snying po can mi phyed pa rdo rje lta bu'o// bzhi gang zhe na/ bsam pa las mi phyed pa dang / mdza' ba las mi phyed pa dang nan tan las mi phyed pa dang / theg pa chen po las mi byed pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi sems bskyed pa bsnyed dka' ba yin no// bzhi gang zhe na/ nyon mongs pa dang ma 'dres pa dang / rnyed pa dang / bkur sti dang / tshigs su bcad pa thams cad dang ma 'dres pa dang / theg pa dman pa dang ma 'dres pa dang / skye bo mi bgrungs
- 288b
pa thams cad dang ma 'dres pa ste/ bzhi po de dag / lha'i bu bzhi po 'di dag ni byang chub sems dpa' rnams kyi sems bskyed pa than med pa'o// bzhi gang zhen/ 'phangs pa'i dngos po bams cad yongs su gtong ba'i sems dang / byin nas 'gyod pa med pa'i sems dang / rnam par smin pa la re ba med pa'i sems dang / byang chub tu yongs su sngo ba'i sems te/ bzhi po de dag go/ lha'i bu bzhi po 'di dag ni byang chub sems dpa' rnams kyi spyi bor phyin pa'i chos so// bani gang zhe na/ shes rab kyi pha rol tu phyin pa dang / thabs la mkhas pa dang / dam pa'i chos yongs su 'dzin pa dang / sems can yongs su smin par byed pa ste/ bzhi po de dag ko/ lha'i bu bzhi po 'di dag ni byang chub sems dpa' rnams kyi byang chub kyi lam rton par byed pa'o// bzhi gang zhe na/ pha rol tu phyin pa rnams la brtson pa dang / bsdu ba'i dngos po rnams kyi rjes su mthun pa dang / tshangs pa'i gnas bsgrub pa dang / mngon par shes pas rnam par rtse ba ste/ bzhi po de dag go// lha'i bu bzhi po 'di dag ni byang chub sems dpa' rnams kyi chos gya nom pa dam pa mchog yin no// bzhi gang zhe na/ sems can thams cad la khong khro ba med pa dang gang dag de dang 'gal bar byed pa de dag nyid rab tu thar par bya bar sems bskyed pa dang / ji tsam gyi yul rgya chen po zhig 'byor kyang de la bag yod pa dang / ji tsam du dbul bas 'phongs par gyur
- 289a
kyang chos spyod pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi mos pa'o// bzhi gang zhe na/ khyim par gyur na bdag gi longs spyod kyis chog shes pa dang / gzhan gyi nor la mngon par 'dod pa med pa dang / rab tu byung na 'phags pa'i rigs kyis chog shes pa dang / sbyangs pa'i yon tan dang yo byad bsnyungs pa ste/ bzhi po de dag go/ lha'i bu bzhi po 'di dag ni byang chub sems dpa' rnams kyi sbyin pa'o// bzhi gang zhe na/ chos sbyin pa dang / zang zing sbyin pa dang / shog shog dang / snag tsha dang / smyug gu dang / glegs bam sbyin pa dang / chos smra ba las nan tan snying po nyid dang / longs spyod pa zhes bya ba sbyin pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi snying po nyid do// bzhi gang zhe na/ zos pa las nan tan snying po nyid dang / longs spyod pa rnams las gtong ba'i snying po nyid dang / lus las bla ma la bsnyen bkur bya ba'i snying po nyid dang / srog las dge ba'i rtsa ba bskyed pa'i snying po nyid de/ bzhi po de dag go// lha'i bu bzhi po 'di dag ni byang chub sems dpa' rnams kyis yongs su gtang bar mi bya'o// bzhi gang zhe na/ byang chub kyi sems yongs su gtang bar mi bya ba dang / dam pa'i chos yongs su gtang bar mi bya ba dang / sems can thams cad yongs su gtang bar mi bya ba dang / dge ba'i rtsa ba'i chos thams cad yongs su btsal ba yongs su gtang bar
- 289b
mi bya ba ste/ bzhi po de dag go// lha'i bu bzhi po 'di dag ni byang chub sems dpa' rnams kyi skyed mos tshal lo// bzhi gang zhe na/ dgon pa la gnas pa dang / dben pa la mngon par dga' ba dang / dge ba'i chos la 'dun pa dang / thabs mkhas pas sems can yongs su smin par byed pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi gzhal med khang ngo / / bzhi gang zhe na/ tshangs pa'i gnas dang / 'phel ba'i gtam gyis chos nyan pa la dga' ba myong bar byed pa dang / stong pa nyid la nges par sems pa dang / skye bo rigs mthun pa dang 'du ba ste/ bzhi po de dag go// lha'i bu bzhi po 'di dag ni byang chub sems dpa' rnams kyi nor mi zad pa'o// bzhi gang zhe na/ thos pa'i nor dang / chos ston pa'i nor dang / sems can dbul po sdud pa'i nor dang / byang chub tu yongs su sngo ba'i nor te/ bzhi po de dag go// lha'i bu bzhi po 'di dag ni byang chub sems dpa' rnams kyi gter ro// bzhi gang zhe na/ gzungs kyi gter dang sposlobs pa'i gter dang / chos kyi gter dang / longs spyod zad mi shes par yongs su sngo ba'i gter te/ bzhi po de dag go/ lha'i bu bzhi po 'di dag ni byang chub sems dpa' las rnams kyi mngon par 'byung ba'o/ / bzhi gang zhe na/ 'du 'dzi las 'byung ba dang / yul thams cad las 'byung ba dang / 'phags pa ma yin pa'i bsam pa las 'byung ba dang / khams gsum thams
- 290a
cad las 'byung ba ste/ bzhi po de dag ni mngon par 'byung ste/ bzhi po de dag ni mngon par 'byung ba'o// lha'i bu bzhi po 'di dag ni byang chub sems dpa' rnams kyi brtse pa'o/ / bzhi gang zhe na/ dngos po thams cad la mi blta ba'i phyir bdag gi ba med cing yongs su 'dzin pa med pa'i bde ba dang / yul spangs pas dben pa'i bde ba dang / nyon mongs pa med pa'i phyir zhi ba'i bde ba dang / sems can thams cad yongs su mi gtong ba'i phyir mya ngan las 'das pa'i bde ba ste/ bzhi po de dag go// lha'i bu bzhi po 'di dag ni byang chub sems dpa' rnams kyi mchog tu dga' ba'o/ / bzhi gang zhe na/ de bzhin gshegs pa mthong bas mchog tu dga' ba dang / chos thos pas mchog tu dka' ba dang / sbyin pa la 'gyod pa med pas mchog tu dga' ba dang / sems can thams cad la bde ba skyed pas mchog tu dga' ba ste/ bzhi po de dag go// lha'i mu bzhi 'di dag ni byang chub sems dpa' rnams kyi bden pa'o// bzhi gang zhe na/ byang chub kyi sems mi gtong ba dang / yi dam las mi nyams pa dang / skyabs su song ba dag yongs su mi gtong ba dang / ngag bsdams pas tshig thams cad bden pa ste/ bzhi po de dag go/ lha'i bu bzhi po 'di dag ni byang chub sems dpa' rnams kyi dge ba'i chos so/ / bzhi gang zhe na/ dge ba'i chos thams cad la lhag pa'i bsam pas sbyor ba dang / ma bslabs pa thams cad la mi brnyas pa dang / gsol ba ma btab par sems can thams cad
- 290b
la bshes gnyen du gyur pa dang / yon tan thams cad bsgrub pa la phyir bya ba'i re ba med pas lan la mi re ba ste/ bzhi po de dag go/ lha'i bu bzhi po 'di dag ni byang chub sems dpa' rnams kyi spyod pa rnam par dag pa'o/ / bzhi gang zhe na/ bdag med pa'i phyir tshul khrims rnam par dag pa dang / sems can med pa'i phyir ting nge 'dzin rnam par dag pa dang / srog med pa'i phyir shes rab rnam par dag pa dang / gang zag med pa'i phyir rnam par grol ba rnam par dag pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi rkang pa'o// bzhi gang zhe na/ chos kyi rkang pa dang / don gyi rkang pa dang / sbyangs pa'i yon tan dang yo byad basbyangs pas 'jug pa'i rkang pa dang / byang chub kyi lam gyi tshogs sogs pa'i rkang pa ste/ bzhi po de dag go/ lha'i bu bzhi po 'di dag ni byang chub sems dpa' rnams kyi lag pa'o/ / bzhi gang zhe na/ dad pa'i lag pa dang / tshul khrims kyi lag pa dang / thos pa'i lag pa dang / shes rab kyi lag pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi mig go// bzhi gang zhe na/ las legs par byas pa'i phyir sha'i mig dang / mngon par shes pa las mi nyams pa'i phyir lha'i mig dang / shin tu thos pa'i stobs dang ldan pa'i phyir shes rab kyi mig dang / chos thams cad las nges par sems pa'i phyir chos kyi mig ste/ bzhi po de dag go// lha'i bu bzhi po 'di dag ni
- 291a
byang chub sems dpa' rnams kyi mi ngoms pa'o/ / bzhi gang zhe na/ sbyin pas mi ngoms pa dang / dgon pa la gnas pas mi ngoms pa dang / chos nyan pas mi ngoms pa dang / dge ba'i chos kyi tshogs thams cad kyis mi ngoms pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi dka' ba byed pa'o// bzhi gang zhe na/ sems can mthu chung ba rnams la bzod cing dang du blang ba dka' ba byed pa dang / dbul po la bdog pa thams cad yongs su gtang bar bsam pa dka' ba byed pa dang / yan lag gi mchog mgo slong ba la khong khro ba med pa'i sems dka' ba byed kyi steng du/ dge ba'i bshes gnyen du sems bskyed pa dang / skye ba mi rtogs pas bsams bzhin du skye bar byed pa'i dka' ba byed pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi nad med pa'o/ / bzhi gang zhe na/ khams mnyam pas nad med pa dang / nyon mongs pa'i gdung ba med pas nad med pa dang / sems can thams cad bde bar mnyam par gzhog pas nad med pa dang / chos thams cad la the tsom med pas nad med pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi bdag gis phyogs so// bzhi gang zhen/ pha rol tu phyin pa'i phyogs dang / byang chub kyi phyogs kyi chos kyi phyogs dang / dge ba'i bshes gnyen yang dag pa'i phyogs dang / sdig pa'i thams cad mi bya ba'i phyogs dang / bzhi
- 291b
po de dag go/ lha'i bu bzhi po 'di dag ni byang chub sems dpa' rnams kyi mi bskyod pa'o// bzhi gang zhe na/ byang chub kyi sems mi bskyod pa/ yi dam mi bskyod pa dang / ji skad smras pa de bzhin du byed pa las mi bskyod pa dang / yang dag pa'i nan tan las mi bskyod pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi tshogs so// bzhi gang zhe na// zhi gnas kyi tshogs dang / lhag mthong gi tshogs dang / thos pa'i tshogs dang / dge ba'i rtsa ba thams cad kyi tshogs te/ bzhi po de dag go/ lha'i bu bzhi po 'di dag ni byang chub sems dpa' rnams kyi chos zung du 'brel bar 'gyur ba'o/ / bzhi gang zhe na/ bsam pa dang sbyor ba zung du 'brel ba dang / gtong ba dang sngo ba zung du 'brel pa dang / byams pa dang snying rje zung du 'brel pa dang / thabs dang shes rab zung du 'brel ba ste/ bzhi po de dag go/ lha'i bu bzhi 'di dag ni byang chub sems dpa' rnams kyi chos kyi sgrib pa'i rgyu mthun pa'i rmi lam mo// bzhi gang zhe na/ khron pa rdul can mthong zhing de'i gting na'ang zla ba'i dkyil 'khor mthong ba dang / mtshe'u dang / rdzing bu 'am/ khron pa rnyog pa can mthong zhing de'i gting na yang zla ba'i dkyil 'khor mthong ba dang / bar snang la sprin chen pos yog cing de la'ang zla ba'i dkyil 'khor mthong ba dang / bar snang la rlung dang / rdul dang / du bas 'khrigs par mthong zhing de la'ang zla ba'i dkyil 'khor mthong ba ste/ bzhi po de dag go/
- 292a
lha'i bu bzhi po 'di dag ni byang chub sems dpa' rnams kyi las kyi sgrib pa rgyu mthun pa'i rmi lam mo// bzhi gang zhe na/ g.yang sa chen po nas bdag g.yang du lhung bar mthong pa dang lam mtho dman can du mthong ba dang / bdag lam srang dog par zhugs par mthong ba dang / rmi lam na phyogs bslad cing 'jigs pa mang po mthong ba ste/ bzhi po de dag go/ lha'i bu bzhi po 'di dag ni byang chub sems dpa' rnams kyi nyon mongs pa'i sgrib pa'i rgyu mthun pa'i rmi lam mo/ / bzhi gang zhe na/ dug drag pos 'khrugs par mthong ba dang / gcan gzan gtum po phal po/ che'i sgra thos pa dang / bdag g.yon can gyi nang na gnas par mthong ba dang / bdag gi lus dri ma can dang / gos dri ma can du mthong ba ste/ bzhi po de dag go/ lha'i bu bzhi po 'di dag ni byang chub/ sems dpa' rnams kyi gzungs 'thob pa'i rgyu mthun pa'i rmi lam mo// bzhi gang zhe na/ gter chen po rin po che sna tshogs kyis gang ba mthong ba dang / rdzing bu me tog pad+ma rgyas pas yongs su gang ba mthong ba dang / bdag gos dkar po'i thugs rnyed par mthong ba dang / lha zhig spyi bo'i gtsug nas gdugs 'dzin par mthong ba ste/ bzhi po de dag go/ lha'i bu bzhi po 'di dag ni byang chub sems dpa' rnams kyi ting nge 'dzin thob pa'i rgyu mthun pa'i rmi lam mo/ / bu mo bzang mo rgyan bzang po sa brgyan pa me tog sil ma 'bul bar mthong ba dang / nam mkha' la bya ngang pa dkar po thal kar gyi khyu skad
- 292b
'byin cing 'gro bar mthong ba dang / de bzhin gshegs pa 'od mang pos brgyan pa'i phyag spyi bor 'jog par mthong ba dang / de bzhin gshegs pa me tog pad+ma la bzhugs shing bsam gtan mdzad par mthong ba ste/ bzhi po de dag ko/ lha'i bu bzhi po 'di dag ni byang chub sems dpa' rnams kyi de bzhin gshegs pa mthong ba'i rgyu mthun pa'i rmi lam mo// bzhi gang zhe na/ zla ba'i dkyil 'khor 'char papar mthong ba dang / nyi ma'i dkyil 'khor 'char bar mthong ba dang / me tog pad+ma kha 'bus par mthong ba dang / tshangs pa'i dbang po'i rab tu zhi ba'i spyod lam mthong ba ste/ lha'i bu bzhi po de dag ni byang chub sems dpa' rnams kyi de bzhin gshegs pa mthong ba'i rgyu mthun pa'i rmi lam mo/ / lha'i bu bzhi po 'di dag ni byang chub sems dpa' rnams kyi rang gi mtshan nyid kyi rgyu 'thun pa'i rmi lam mo// bzhi gang zhe na/ shing sA la chen po'i 'dab ma dang / me tog dang / 'bras bu sna tshogs kyis gang bar mthong ba dang / 'khar ba'i snod gser gyis gang bar mthong ba dang / nam mkha'i ngos gdugs dang / rgyal mtshan dang / ba dan gyis gang bar mthong ba dang / 'khor los sgyur ba'i rgyal po chen po mthong ba ste/ bzhi po de dag go// lha'i bu bzhi po 'di dag ni byang chub sems dpa' rnams kyi bdud 'dul ba'i rgyu mthun pa'i rmi lam mo/ / bzhi gang zhe na/ gyad chen pos kyang thams cad mnan nas/ ba dan thogs te 'gro bar mthong ba dang / dpa' bo chen po g.yul las 'das te 'gro ba mthong
- 293a
pa dang / rgyal por dbang bskur bar mthong ba dang / bdag nyid byang chub kyi snying po la 'dug cing bdud 'dul bar mthong ba ste/ bzhi po de dag go/ lha'i bu bzhi po 'di dag ni byang chub sems dpa' rnams kyi phyir mi ldog pa'i rtags kyi rgyu mthun pa'i rmi lam mo/ / bzhi gang zhe na/ mgo la thod dkar pos bcings par mthong ba dang / bdag gtan pa med pa'i mchod sbyin byed par mthong ba dang / bdag chos kyi stan chen po la 'dug par mthong ba dang / de bzhin gshegs pa byang chub kyi snying po la bzhugs shing chos ston par mthong ba ste/ bzhi po de dag go// lha'i bu bzhi po 'di dag ni byang chub sems dpa' rnams kyi byang chub kyi snying po thob pa'i rgyu mthun pa'i rmi lam mo/ / bzhi gang zhe na/ bum pa mthong ba dang / bya tsa shas bskor bar mthong ba dang / gang dang gang du 'gro ba de dang de nyid du shing thams cad dang ldan zhing 'dud la phyag 'tshal bar byed pa dang / gser gyi kha dog lta bu'i snang ba chen po mthong ba ste/ lha'i bu bzhi po 'di dag ni byang chub sems dpa' rnams kyi byang chub kyi snying po mthong ba'i rgyu mthun pa'i rmi lam mo/ / 'jam dpal gzhon nur gyur pas bzhi pa sgrub pa'i chos kyi rnam grangs 'di bshad pa na/ lha'i bu dpal bzang ldan dga' mgu yi rangs te/ rab tu dga' zhing dga' ba dang yid bde ba skyes nas/ 'khor dang bcas pas 'jam dpal gzhon nur gyur pa la mchod pa'i las bya ba'i phyir lha'i me tog man+da ra ba dag dang / ut+pal dang /
- 293b
pad+ma dang / ku mu da dang / pad+ma dkar po dag gis thams cad dang ldan pa'i 'khor la gtor ro// me tog de dag gtor ma thag tu/ de nas de'i tshe sangs rgyas kyi mthus steng gi bar snang la me tog pad+ma shing rta'i 'phang lo tsam gyi tshad blta na sdug pa/ bsu nga dang ldan pa yid du 'ong ba dag byung bar gyur to// me tog de dag gi dbus kyi snying po la byang chub sems dpa' lus skyes bu chen po'i mtshan sum cu rtsa gnyis kyis brgyan pa dag byung bar gyur to/ / de nas 'jam dpal gzhon nur gyur pa la/ lha'i bu dpal bzangs ldan gyis 'di skad ces smras so// 'jam dpal byang chub sems dpa' 'di dag gang nas lhags/ 'jam dpal gyis smras pa/ lha'i bu me tog 'di dag ga las 'ongs pa nyid nas so// lha'i bus smras pa/ 'jam dpal me tog 'di dag ni sprul pa ste/ bdag gis khyod la mchod pa'i las bgyi ba'i slad du gtor to/ / 'jam dpal gyis smras pa/ lha'i bu ji ltar me tog 'di dag sprul pa yin pa ltar/ byang chub sems dpa' de dag gi lus la'ang de bzhin du blta'o// de nas de'i tshe bcom ldan 'das 'dzum pa mdzad do// 'di ni sangs rgyas bcom ldan 'das gang gi tshe 'dzum pa mdzad pa'i chos nyid de/ de'i tshe bcom ldan 'das kyi zhal gyi sgo nas 'od zer kha dog sna tshog kha dog du ma 'di lta ste/ sngon po dang / ser po dang / dmar po dang / dkar po dang / le brgan dang / shel gyi kha dog lta bu dag byung ngo // de dag gis kyang 'jig rten gyi khams mtha' yas mu
- 294a
med pa snang bas khyab par byas nas/ steng du tshangs pa'i 'jig rten gyi bar du mngon par byung ste/ gzi brjid kyis nyi ma dang zla ba'i gzi brjid zil gyis mnan nas slar log ste/ bcom ldan 'das kyi dbu'i gtsug tu nub bo// de nas lha'i bu dpal bzangs ldan stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pas bstod pa/ gser bzang dri ma med pa'i 'od kyi gzi brjid ldan/ da skyes chen mtshan ni sum cu rtsa gnyis sna tshogs mnga'// yon tan khrag khrig yon tan gzhal yas gzi brjid can// mgon po ci yi slad du 'dzum pa ston pa mdzad// sgra snyan 'byin par mdzad cing rab tu gsung 'brel ba/ / tshangs pa'i dbyangs su gsung zhing 'jam pa'i tshigs gsung ba// nor bdun 'od zer rgya chen bde gshegs blo gros ldan// ka la bing+ka'i gsung can ci slad 'dzum pa gsungs/ / mi mchog skyes su dam pa ngan pa'i tshogs can 'atul// bdud kyi stobs ni rtag par mtha' mar 'byin par mdzad// lha dang lha mi nam mkha' lding gis rtag mchod pa// stobs bcu ldan pas ci yi slad du 'dzum pa bstan/ / dri med dri bral dri ma gsum spangs pa// bla banya ba'i dkyil 'khor lta bur zhal rgyas pa// mun pa rab rib sgrib pa'i dul gyi nyes gcod pa// bde dang bde
- 294b
ldan sbyin par mdzad pa 'dzum don gsungs/ / bde bar gshegs pas dang lha lha yul phan pa mchog/ bde dang bde ldan sbyin mdzad yon tan mtha' yas pa// mtshungs shing 'brel la legs gsungs gsal ba'i gsung ldan pa/ / 'dzum bstan 'di yi don ni ji ltar rtogs par bgyi// ling tog stug po mun pa rab rib rnams bsal ba// shes rab sgron ma 'od kyis gzi brjid ldan pa'o// glang chen khyu mchog stabs dang seng ge'i stabs ltar brjid 'gro ba'i/ / don 'dzum dam pa'i don ni bstan du gsol// mi yi dam pa mya ngan tshogs chen 'dul mdzad pa// zab cing mthong bar dka' la gting tshod dpag dka' ba/ / srid pa'i chu ni skems mdzad mnyam pa med pa can// rgyu med stobs bcu ldan gyis 'dzum pa ci slad bstan// rga shi zhi bar bgyi ba bdud rtsi'i don stsol ba// zhabs ni bajam zhing dra ba dag dang 'khor lo ldan/ / blun pa sbyong mdzad srid pa gsum na mnyam med pa// ye shes chen po mnga' bas 'dzum don bstan du gsol// de skad ces gsol pa dang / bcom ldan 'das kyis/ lha'i bu dpal bzangs ldan la 'di skad ces bka' stsal to// lha'i bu khyod kyis byang chub sems dpa' steng gi bar snang la seng ge'i khri pad+ma'i snying po la 'khod pa 'di dag mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ lha'i bu byang chub sems dpa' phyogs bcu nas 'dus pa 'di dag thams cad ni 'jam dpal gzhon
- 295a
nur gyur pa'i drung du chos mnyan pa dang / bzhi pa sgrub pa'i chos kyi rnam grangs 'di nyan pa'i phyir lhags so// yang byang chub sems dpa' 'di dag thams cad ni 'jam dpal gzhon nur gyur pas yongs su smin par byas pa yin no/ / yang byang chub sems dpa' 'di dag thams cad ni bla na med pa yang dag par rdzogs pa'i byang chub tu skye ba gcig gis thogs pa tephyogs bcu'i 'jig rten gyi khams ming sna tshogs kyi sangs rgyas kyi zhing gzhan dang gzhan dag tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / lha'i bus gsol pa/ bcom ldan 'das bdag gis byang chub sems dpa' 'di dag ni grangs rtogs par rngo mi thogs na ji snyed cig ni mchis/ de nas bcom ldan 'das kyis/ tshe dang ldan pa shA ri'i busu la bka' stsal pa/ shA ri'i bu khyod kyis byang chub sems dpa' 'di dag gi grangs rtogs par nus sam/ gsol pa/ bcom ldan 'das bdag gis stong gsum gyi stong chen po'i 'jig rten gyi khams na gang skar ma'i gzugs de dag thams cad ni skad cig thang cig yud tsam cig gcig gis bgrang bar spro'i/ bcom ldan 'das bdag gis byang chub sems dpa' 'di dag ni lo brgyar yang bgrang bar spro ba ma lags so/ / bcom ldan 'das kyis bka' stsal pa/ shA ri'i bu gal te 'dzam bu'i gling 'di rdul za rab kyi rdul gyis gang bar gyur kyang rdul za rab de
- 295b
dag bzang ba'i tshul gyis mtha' rtogs par nus kyi/ byang chub sems dpa' 'di dag ni bgrang ba'i tshul gyis mtha' rtogs par mi nus te/ byang chub sems dpa' 'dus pa 'di dag ni de tsam du tshad med do/ / gsol pa/ bcom ldan 'das byang chub sems dpa' 'di dag gang du byang chub mngon par rdzogs par 'tshang rgya ba'i sangs rgyas kyi zhing de snyed mchis par ga la 'gyur/ bcom ldan 'das kyis bka' stsal pa/ shA ri'i bu kha rog 'dug de skad ma smra zhig/ shA ri'i bu sangs rgyas kyi zhing tshad med pa dag de bzhin gshegs pas stong ngo // shA ri'i bu yongs su brtag pa bzung na gal te de bzhin gshegs pa'i tshe'i tshad bskal pa ga d+hA'i klung gi bye ma snyed du gyur la/ nyi ma re re thams cad la'ang chos bshad pa ka d+hA'i klung gi bye ma snyed 'jug par gyur cing / chos bshad pa thams cad la'ang byang chub sems dpa' gang+gA'i klung gi bye ma snyed lung bstan par gyur la/ gang gis shar phyogs su sangs rgyas kyi zhing gang+gA'i klung gi bye ma snyed 'das na byang chub sems dpa' gcig mtshan mar bzhag kyang sangs rgyas kyi zhing rnams de bzhin gshegs pa dag gis de tsam du stong na/ phyogs bcu'i sangs rgyas kyi zhing gang de bzhin gshegs pa'i sha'i spyan tha mal pas gzigs par 'gyur ba'i sangs rgyas kyi zhing de dag tu skyes pa'i sems can de dag gi sems de bzhin gshegs pas mkhyen pa'i de bzhin gshegs pa de dag gis stong pa lta ci smos/ de nas nyan thos chen po de dag dang / thams cad dang ldan pa'i
- 296a
'khor de ngo mtshar du gyur nas/ tshig 'di skad du bdag cag gi ston pa de dag de ltar rdzu 'phrul che/ de ltar mthu che ba/ de ltar ye shes gzigs pa chen po dang ldan te/ bdag cag gis rnyed pa legs par rnyed do zhes smras so/ / de nas byang chub sems dpa' gang phyogs bcu'i 'jig rten gyi khams nas 'dus pa steng gi bar snang la 'khod pa de dag par snang de las babs nas bcom ldan 'das dang 'jam dpal gzhon nur gyur pa'i zhabs la mgo bos phyag 'tshal te/ bskor nas phyogs bcur dong ngo // de nas 'jam dpal gzhon nu gyur pa la/ lha'i bu dpal bzangs ldan gyis 'di skad ces smras so/ / 'jam dpal khyod kyis mdzad pa mdzad cing sems can tshad med pa byang chub tu yongs su smin par mdzad pa legs so legs so// 'jam dpal khyod kyis byang chub sems dpa' rnams kyi byang chub yongs su smin par bgyid pa'i chos las brtsams te spobs par mdzod cig/ 'jam dpal gyis smras pa/ lha'i bu byang chub sems dpa' rnams kyi byang chub yongs su smin par byed pa'i chos ni sum cu rtsa lnga'o/ / sum cu rtsa lnga gang zhe na/ 'di lta ste/ dus su skul ba dang / tshod la skul ba dang / ran par skul ba dang / dbang po la skul ba dang / brtan par skul ba dang / pha rol tu phyin pa la skul ba dang / thabs la skul ba dang / lhag pa'i bsam pa la skul ba dang / byams pa chen po la skul ba dang / snying rje chen po la
- 296b
skul ba dang / theg pa chen po la skul ba dang / theg pa dman pa la skul ba dang / bden pa la skul ba dang / de bya ba la skul ba dang / chos bsrung bar skul ba dang / thos pa bstan par bskul ba dang / sems can sna tshogs su mi 'bye bar skul ba dang / tshul khrims 'chal pa dang / tshul khrims dang ldan pa la sbyin pa'i gnas su mtshungs par skul ba dang / bdud kyi las bstan par skul ba dang / dam bcas pa nyams 'og tu chud par skul ba dang / 'khor bas yongs su mi skyo bar skul ba dang / bdud 'dul bar skul ba dang / byas pa shes pa dang / byas pa gzo bar skul ba dang / rgyu zad pa la 'jug par skul ba dang / rnam par thar pa'i sgo la mi 'jigs par skul ba dang / de bzhin gshegs pa la mchod pa dang / rim gro bya bar skul ba dang / sems can thams cad la ji lta bya snyam pa la spro bar skul ba dang / 'jig rten gyi chos dang ma 'dres par skul ba dang / dgon pa la dga' bar skul ba dang / 'dod pa chung zhing chog shes par skul ba dang / 'das pa dang ma 'ongs pa ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla bar skul ba dang / dkon mchog gsum gyi gdung mi 'chad par skul ba dang / sangs rgyas kyi zhing gi yon tan bkod pa yongs su dag pa blang bar skul ba ste/ lha'i bu byang chub sems dpa' rnams kyi byang chub yongs su smin par byed pa'i chos ni sum
- 297a
cu rtsa lnga po de dag go/ lha'i bu de ltar byang chub sems dpa' yongs su smin par byas pa ni bla na med pa yang dag par rdzogs pa'i byang chub la skyon du med pa yin te/ de ni phas kyi rgol ba thams cad kyis thul bar mi nus so/ / de ni phyin chad kyang byang chub sems dpa'i dregs pa bcus dregs par mi 'gyur ro// bcu gang zhe na/ tshul khrims kyis dregs pa dang / thos pas dregs pa dang / spobs pas dregs pa dang / rnyed pa dang / bkur sti dang / tshigs su bcad pas dregs pa dang / dgon par gnas pas dregs pa dang / sbyangs pa'i yon tan dang yo byad bsnyungs pas dregs pa dang / gzugs dang / longs spyod dang / dbang phyug dang / g.yog 'khor gyis dregs pa dang / brgya byin dang / tshangs pa dang / 'jig rten skyong ba bsnyen bkur byed pas dregs pa dang / bsam gtan dang mngon par shes pas dregs pa dang / sangs rgyas dang / chos dang / dge 'dun la dad pa'i lha dang / klu dang / gnod sbyin dang / dri za dang / lha ma yin dang / nam mkha' lding dang mi 'am ci dang / lto 'phye chen po dag 'dod pa dang / bstod pa dang / bsngags par byed pa des kyang bsnyems pa med pa yin te/ lha'i bu byang chub sems dpa'i dregs pa bcu po de dag gis mi snyems/ rab tu mi snyems so// de nas 'jam dpal gzhon nur gyur pa la/ lha'i bu dpal bzangs ldan gyis 'di skad ces smras so// 'jam dpal khyod phyogs gang na gnas pa dang / chos
- 297b
kyi rnam grangs de gang na spyod pa der ni sangs rgyas 'byung bar blta'o/ / de na ni chos kyi 'khor lo bskor bar blta'o// bcom ldan 'das kyis bka' stsal pa/ de de bzhin no// lha'i bu de de bzhin te/ ji skad smras pa bzhin no// phyogs gang na 'jam dpal gzhon nur gyur pa gnas pa de ni stong pa ma yin par mngon no// gang na chos kyi rnam grangs 'di spyod par 'gyur ba de na/ de bzhin gshegs pa chos kyi bdag po nyid brtson par mdzad do/ / gang na chos kyi rnam grangs 'di la nyan par byed/ mos par byed pa'i sems can de dag ni nga'i yin par 'gyur ro// gang dag chos kyi rnam grangs 'di nyan pa dang mos pa'i sems can de dag ni de bzhin gshegs pas 'dul bar blta'o/ / gang dag chos kyi rnam grangs 'di 'dzin pa dang / de bzhin nyid du nan tan byed pa de dag ni/ bla na med pa yang dag par rdzogs pa'i byang chub las phyir mi ldog pa yin no/ / de nas bcom ldan 'das kyis/ byang chub sems dpa' byams pa dang / gnas brtan 'od srungs chen po dang / tshe dang ldan pa kun dga' bo la bka' stsal pa skyes bu dam pa dag ji tsam du chos kyi rnam grangs 'di blang ba dang / gzung ba dang / bshad pa dang / kun chub par byed pa'i phyir khyed la gtad do// nga ni ring por mi thogs par yongs su mya ngan las 'da' bar 'gyur gyi/ de'i phyir khyed kyis sems can thams cad la sangs rgyas kyi bya ba'i chos kyi rnam grangs 'dis gnas par gyis shig/ byams pas gsol pa/ bcom ldan 'das bdag gis
- 298a
chos kyi rnam grangs 'di bzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa byams pa de'i phyir khyod kyis chos kyi rnam grangs 'di bzhi pa bsgrub pa dang / byang chub sems dpa'i lam dang / byang chub sems dpa' yongs su smin par byed pa zhes bya bar zung zhig bcom ldan 'das kyis de skad ces bka' stsal nas/ byang chub sems dpa' byams pa dang / tshe dang ldan pa 'od srungs chen po dang / tshe dang ldan pa kun dga' bo dang / lha dang / mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa bzhi pa bsgrub pa zhes bya ba theg pa chen po'i mdo rdzogs so// / rgya gar skad du/ Ar+ya a bi kap+pa pra be sha nA ma d+hA ra Ni/ bod skad du/ 'phags pa rnam par mi rtog par 'jug pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ khams gsum pa thams cad las khyad par du 'phags pa rnam par mi rtog pa'i chos kyi dbyings kyi snying po'i khang bzangs na/ dge slong gi dge 'dun chen po dang / byang chub sems dpa'i tshogs chen po dang thabs cig tu bzhugs te/ 'di lta ste/ bya
- 298b
chub sems dpa' sems dpa' chen po rnam par mi rtog pa dang / rnam par mi rtog snang ba dang / rnam par mi rtog zla ba dang / rnam par rtog med dpa' bo dang / rnam par rtog med chos ston mkhas dang / rnam par rtog med ngo bo nyid dang / rnam par rtog med blo gros dang / rnam par rtog med nga ro dang / rnam par rtog med khyab byed dang / rnam par rtog med dbang phyug dang / rnam par rtog med dbang phyug chen po dang / rnam par rtog med byams pa chen po'i dbang phyug dang / byang chub sems dpa' sems dpa' chen po spyan ras gzigs dbang phyug dang thabs gcig go/ de nas bcom ldan 'das 'khor brgya stong du mas yongs su bskor te/ mdun gyis bltas nas/ 'di lta ste/ theg pa chen po la chos rnam par mi rtog pa nyid las brtsams te cho/ ston to// de nas bcom ldan 'das kyis/ thams cad dang ldan pa'i byang chub sems dpa'i 'khor la kun tu gzigs nas/ byang chub sems dpa' rnams la bka' stsal pa/ rigs kyi bu dag khyed kyis rnam par mi rtog par 'jug pa zhes bya ba'i gzungs zung zhig/ de bzung na byang chub sems dpa' myur ba myur bar sangs rgyas kyi chos rnams sgrub cing / rtag tu phyed par du rang 'gro'o// de nas 'khor de nyid kyi byang chub sems dpa' sems dpa' chen po rnam par mi rtog snang ba zhes bya ba stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/
- 299a
bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen pos gang thos nas 'dzin pa dang / klog pa dang / tshul bzhin yid la bgyid pa dang / gzhan dag la'ang rgya cher ston par 'gyur bar/ rnam par mi rtog par 'jug pa'i gzungs bshad du gsol/ de skad ces gsol pa dang / bcom ldan 'das kyis bka' stsal pa/ rigs kyi bu dag de'i phyir legs par nyon la rab tu yid la zung zhig dang / ngas rnam par mi rtog par 'jug pa'i gzungs bshad do// bcom ldan 'das legs so zhes gsol te/ byang chub sems dpa' sems dpa' chen po de dag bcom ldan 'das kyi ltar nyan pa dang / bcom ldan 'das kyis/ de dag la 'di skad ces bka' stsal to/ rigs kyi bu dag 'di la byang chub sems dpa' sems dpa' chen po rnam par mi rtog pa'i dbang du bya ba'i chos thos te/ rnam par mi rtog pa la bsam pa bzhags nas/ rnam par rtog pa'i mtshan ma thams cad yongs su spong ste/ de thog ma nyid du 'di lta ste/ gzung ba 'am/ 'dzin pa'ang rung / rang bzhin la rnam par rtog pa'i mtshan ma thams cad yongs su spong ngo // de la gang zag pa dang bcas pa'i dngos po'i mtshan ma de ni rang bzhin la rnam par rtog pa'i mtshan ma'o/ / zag pa dang bcas pa'i dngos po ni nye bar len pa'i phung po lnga rnams te/ 'di lta ste/ gzugs
- 299b
nye bar len pa'i phung po dang / tshor ba nye bar len pa'i phung po dang / 'du shes nye bar len pa'i phung po dang / 'du byed nye bar len pa'i phung po dang / rnam par shes pa nye bar len pa'i phung po'o// ji ltar rang bzhin la rnam par rtog pa'i mtshan ma de dag yongs su spong zhe na/ snang bar 'gyur ba'i tshul gyis mngon du 'gyur ba dag yid la mi byed pas yongs su spong ngo // de rang bzhin la rnam par rtog pa'i mtshan ma de dag rim gyis yongs su slong ba na de ma yin pa gzhan gnyen po la rnam par rtog pa'i mtshan ma rnams snang bar 'gyur ba'i tshul gyis kun tu 'byung zhing mngon du 'gyur te/ 'di lta ste/ sbyin pa la dpyod pa rnam par rtog pa'i mtshan ma dang / tshul khrims la dpyod pa rnam par rtog pa'i mtshan ma dang / bzod pa la dpyod pa rnam par rtog pa'i mtshan ma dang / brtson 'grus la dpyod pa rnam par rtog pa'i mtshan ma dang / bsam gtam la dpyod pa rnam par rtog pa'i mtshan ma dang / shes rab la dpyod pa rnam par rtog pa'i mtshan ma ste/ 'di lta ste/ ngo bo nyid la dpyod pa 'am/ yon tan la spyod pa 'am/ snying po la spyod pa'ang rung / des de dag kyang yid la mi byed pas yongs su spong ngo // des de dag yongs su spong ba na/ gzhan de kho na la dpyod pa'i rnam par rtog pa'i mtshan ma rnams snang bar 'gyur ba'i tshul gyis kun tu 'byung zhing mngon du 'gyur te/ 'di lta ste/ stong pa nyid la dpyod pa rnam par rtog pa'i mtshan ma dang / de bzhin
- 300a
nyid la dpyod pa rnam par rtog pa'i mtshan ma dang / yang dag pa'i mtha' la dpyod pa rnam par rtog pa'i mtshan ma dang / mtshan ma med pa dang / don dam pa dang / chos kyi dbyings la dpyod pa rnam par rtog pa'i mtshan ma ste/ 'di lta ste/ rang gi mtshan nyid la dpyod pa 'am/ yon tan la dpyod pa 'am/ snying po la dpyod pa'ang rung / des de kho na la dpyod pa rnam par rtog pa'i mtshan ma de dag kyang yid la mi byed pas yongs su spong ngo / / des de dag yongs su spong ba na/ gzhan 'thob pa la dpyod pa rnam par rtog pa'i mtshan ma rnams snang bar 'gyur ba'i tshul gyis kun tu 'byung zhing mngon du 'gyur te/ 'di lta ste/ sa dang po 'thob pa la dpyod pa rnam par rtog pa'i mtshan ma nas/ sa bcu pa'i bar du 'thob pa la dpyod pa rnam par rtog pa'i mtshan ma dang mi skye ba'i chos la bzod pa 'thob pa la dpyod pa rnam par rtog pa'i mtshan ma dang / lung bstan pa 'thob pa la dpyod pa rnam par rtog pa'i mtshan ma dang / sangs rgyas kyi zhing yongasasu dag pa 'thob pa la dpyod pa rnam par rtog pa'i mtshan ma dang / sems can yongs su smin par byed pa 'thob pa la dpyod pa rnam par rtog pa'i mtshan ma dang / dbang bskur ba 'thob pa la dpyod pa rnam par rtog pa'i mtshan ma nas/ rnam pa thams cad mkhyen pa nyid 'thob pa'i bar la dpyod pa rnam par rtog pa'i mtshan ma ste/ 'di lta ste/ rang gi mtshan nyid la dpyod pa 'am/ yon tan la dpyod
- 300b
pa 'am/ snying po la spyod pa'ang rung / des 'thob pa la dpyod pa rnam par rtog pa'i mtshan ma de dag kyang yid la mi byed pas yongs su spang ngo // de ltar byang chub sems dpa' sems dpa' chen po rnam par rtog pa'i mtshan ma'i rnam pa thams cad yid la mi byed pas yongs su spong bas na/ rnam par mi rtog pa'i dbyings la ni ma reg mod kyi/ rnam par mi rtog pa'i dbyings la shin tu brtson pa yin te/ re zhig rnam par mi rtog pa'i dbyings la ni ma reg mod kyi/ rnam par mi rtog pa'i dbyings la reg par 'gyur ba'i tshul bzhin gyi ting nge 'dzin yod do// de yang dag par sbyor pab de dang bsten pas rjes su 'gro/ / sgom pas rjes su 'gro// mang du bya bas rjes su 'gro// yang dag par yid la bya bas rjes su 'gro bas na/ mngon par 'du bya ba med cing / lhun gyis grub pas rnam par mi rtog pa'i dbyings la reg ste rim gyis yongs su sbyong ngo / / ci'i phyir rnam par mi rtog pa'i dbyings la rnam par mi rtog pa zhes bya zhe na/ dpyad pa'i rnam par brtag pa thams cad las shin tu 'das pa dang / bstan pa dang / dper rnam par brtag pa thams cad las shin tu 'das pa dang / dbang por rnam par brtag pa thams cad las shin tu 'das pa dang / yul du rnam par brtag pa thams cad las shin tu 'das pa dang / rnam par rig par rnam par brtag pa thams cad las shin tu 'das pa dang / nyon mongs pa thams cad dang / shes bya'i sgrib pa thams cad kyi gnas
- 301a
med pa'i phyir te/ de'i phyir rnam par mi rtog pa'i dbyings la rnam par mi rtog pa zhes bya'o// rnam par mi rtog pa de'ang gang zhe na/ rnam par mi rtog pa ni gzugs med pa bstan du med pa/ rten med pa/ snang ba med pa/ rnam par rig pa ma yin pa gnas med pa'o// byang chub sems dpa' sems dpa' chen po rnam par mi rtog pa'i dbyings la rab tu gnas pas ni/ shes bya dang khyad par med par rnam par mi rtog pa'i ye shes kyi chos thams cad nam mkha'i dkyil dang mtshungs par mthong ngo // rnam par mi rtog pa'i rjes la thob pa'i rashes pas ni/ chos thams cad sgyu ma dang / smig rgyu dang / rmi lam dang / mig yor dang / zag cha dang / gzugs brnyan dang / chu zla dang / sprul pa dang mtshungs par mthong ngo // bde ba chen po la gnas pa shin tu rgyas pa'ang 'thob bo/ / sems phun sum tshogs pa shin tu rgyas pa'ang 'thob bo// shes rab dang / ye shes che zhing shin tu rgyas pa'ang 'thob bo// bshad pa chen po la dbang ba shin tu rgyas pa'ang 'thob bo/ / dus thams cad du sems can thams cad kyi don gyi rnam pa thams cad kyang byed nus par 'gyur te/ sangs rgyas kyi mdzad pa lhun gyis grub pa'ang rgyun mi gcod do/ / rigs kyi bu dag 'di lta ste/ dper na brag gcig tu mkhregs shing sra ba'i 'og na yid bzhin gyi nor bu rin po che chen po sna tshogs 'od gsal ba 'di lta ste/ dngul rin po che
- 301b
dang / gser rin po che dang / rdo'i snying po rin po che tha dad pas yongs su gang ba'i gter chen po zhig yod la/ de nas gter chen po 'dod pa'i mi la la zhig 'ongs pa de la/ gter chen po mngon par shes pa'i mis 'di skad du/ kye skyes bu brag gcig tu mkhregs shing sra ba de'i 'og na rin po che 'od gsal bas yongs su gang ba'i rin po che'i gter chen po yod de/ de'i 'og na yid bzhin gyi nor bu rin po che'i gter yod kyi/ khyod kyis thog ma kho nar rdo'i rang bzhin thams cad rkos shig/ de brkos dang / dngul du snang ba'i rdo khyod la snang bar 'gyur te/ de la khyod kyis gter chen por 'du shes mi bya'i/ de yongs su shes par byos te rkos shig/ de bskos dang / gser du snang ba'i rdo snang bar 'gyur te/ de la'ang khyod kyis gter chen por 'du shes mi bya'i/ de'ang yongs su shes par byos te rkos shig/ de bskos dang rin po che sna tshogs su snang ba'i rdo snang bar 'gyur te/ de la'ang khyod kyis gter chen por 'du shes mi bya'i/ de'ang yongs su shes par byos terkos shig/ kye skyes bu khyod kyis de ltar brtson par byas na/ bgo ba'i mngon par 'du bya ba med cing 'bad mi dgos par yid bzhin gyi nor bu rin po che'i gter chen po mthong bar 'gyur ro// yid bzhin gyi nor bu rin po che'i gter chen po de rnyed na/ khyod phyug cing nor che la/ longs spyod che bar 'gyur te/ bdag dang gzhan gyi don la mthu yod par 'gyur ro// zhes smra ba ltar rigs kyi bu
- 302a
dag ji tsam du don 'di shes par bya ba'i phyir 'di dper byas te/ zag gcig tu mkhregs shing sra ba zhes bya ba de ni 'du byed kyi rnam pa kun nas nyon mongs pa dang gnyis la so sor nye bar gnas pa'i tshig bla dgas so/ / 'og na yid bzhin gyi nor bu rin po che'i gter chen po zhes bya ba de ni rnam par mi rtog pa'i dbyings kyi tshig bla dgas so// yid bzhin gyi nor bu rin po che'i gter chen po 'dod pa'i mi zhes bya ba de ni byang chub sems dpa' sems dpa' chen po'i tshig bla dgas so/ / gter chen po mngon par shes pa'i mi zhes bya ba de ni de bzhin gshegs pa dgra bcom pa yang dag/ par rdzogs pa'i sangs rgyas kyi tshig bla dgas so// brag ces bya ba de ni rang bzhin la rtog pa'i mtshan ma rnams kyi tshig bla dgas so// rkos shig ces bya ba de ni yid la mi byed pa'i tshig bla dgas so// dngul du snang ba'i rdo zhes bya ba de ni gnyen po la rnam par rtog pa'i mtshan ma rnams kyi tshig bla dgas so/ / gser du snang ba'i rdo zhes bya ba de ni stong pa nyid la sogs pa la rnam par rtog pa'i mtshan ma rnams kyi tshig bla/ dgas so// rin po che sna tshogs su snang ba'i rdo zhes bya ba de ni 'thob pa la rnam par rtog pa'i mtshan ma rnams kyi tshig bla dgas so// yid bzhin gyi nor bu rin po che'i gter chen po rnyed ces bya ba de ni rnam par mi rtog pa'i dbyings la rig pa'i tshig bla dgas so/ / rigs kyi bu dag de ltar depe nye bar bkod pa 'dis rnam par mi rtog pa'i dbyings su 'jug pa khong du chud par bya'o// rigs kyi bu dag ji ltar na yang byang chub/
- 302b
sems dpa' sems dpa' chen po rnam par rtog pa'i mtshan ma ji ltar bstan pa de dag la nye bar rtog cing / rnam par mi rtog pa'i dbyings su 'jug ce na/ rigs kyi bu dag 'di la byang chub sems dpa' sems dpa' chen po de ltar rnam par mi rtog pa'i dbyings su rab tu gnas pa ni/ gzugs kyi rang bzhin la rnam par rtog pa'i mtshan ma mngon du gyur na/ 'di ltar nye bar rtog ste/ gang bdag gi gzugs zhes spyod na rnam par rtog pa la spyod pa'o/ / gzhan dag gis gzugs zhes spyod na rnam par rtog pa la spyod pa'o// gzugs 'di yod do zhes spyod na rnam par rtog pa la spyod pa'o// gzugs skye'o// 'gog go/ kun nas nyon mongs pa'o/ / rnam par byang ba'o zhes spyod na rnam par rtog pa la spyod pa'o// gzugs med ces spyod na rnam par rtog pa la spyod pa'o// gzugs ngo bo nyid kyis kyang med/ rgyur yang med// 'bras bur med/ las su'ang med/ ldan par yang med/ 'jug par yang med ces spyod na rnam par rtog pa la spyod pa'o// gzugs la rnam par rig pa tsam zhes sbyor na/ rnam par rtog pa la sbyor pa'o/ / ji ltar gzugs med pa de bzhin du/ gzugs su snang ba'i rnam par rig pa'ang med do zhes spyod na rnam par rtog pa la spyod pa'o snyam mo// rigs kyi bu dag 'di ltar byang chub sems dpa' sems dpa' chen po gzugs kyang mi dmigs/ gzugs su snang ba'i rnam par rig pa'ang mi dmigs mod kyi/ rnam par rig pa thams cad kyi thams cad du chud gzon pa ni ma yin no// rnam par rig pa la ma
- 303a
gtogs par chos gang yang dmigs la/ rnam par rig pa de'ang dngos po med par yang dag par rjes su mi mthong / rnam par rig pa ma gtogs par dngos po med par yang yang / dag par rjes su mi mthong / gzugs su snang ba'i rnam par rig pa med pa de dang / rnam par rig pa de dag gcig par yang yang dag par rjes su mi mthong / tha dad par yang yang dag par rjes su mi mthong / rnam par rig pa dngos po med pa de la dngos por yang yang dag par rjes su mi mthong / dngos po med par yang yang dag par rjes su mi mthong ste/ rigs kyi bu dag rnam pa thams cad pa'i rnam par rtog pa thams cad kyis/ gang rnam par ma brtags pa de rnam par mi rtog pa'i dbyings so zhes kyang yang dag par rjes su mi mthong ngo // rigs kyi bu dag 'di ni rnam par mi rtog pa'i dbyings su 'jug pa'i tshul yin/ te/ de ltar byang chub sems dpa' sems dpa' chen po rnam par mi rtog pa'i dbyings la rab tu gnas pa yin no// de bzhin du tshor ba dang / 'du shes dang / 'du byed dang / rnam par shes pa dang de bzhin du sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / de bzhin du thong pa nyid la sogs pa nas/ rnam pa sems cad mkhyen pa nyid kyi bar du gyur ro// rigs kyi bu dag 'di la byang chub sems
- 303b
dpa' sems dpa' chen po rnam pa thams cad mkhyen pa nyid la dpyod pa'i rnam par rtog pa mngon du gyur na/ 'di ltar nye bar rtog ste/ gang bdag gi rnam pa thams cad mkhyen pa nyid ces spyod na/ de/ rnam par rtog pa la spyod pa'o// gzhan dag gi rnam pa thams cad mkhyen pa nyid ces spyod na rnam par rtog pa la spyod pa'o// rnam pa thams cad mkhyen pa nyid ni 'di'o zhes spyod na rnam par rtog pa la spyod pa'o/ / rnam pa thams mkhyen pa nyid 'thob ces spyod na rnam par rtog pa la spyod pa'o// rnam pa thams cad mkhyen pa nyid ni nyon mongs pa dang / shes bya'i sgrib pa thams cad spong ba'o zhes spyod na rnam par rtog/ pa la spyod pa'o// rnam pa thams cad mkhyen pa nyid ni shin tu rnam par byang ba'o zhes spyod na/ rnam par rtog pa la spyod pa'o// rnam pa thams cad mkhyen pa nyid med do zhes spyod na/ rnam par rtog pa la spyod pa'o/ / rnam pa thams cad mkhyen pa nyid la ngo bo nyid kyis kyang med/ rgyur yang med/ 'bras bur yang med/ las su'ang med/ ldan par yang med// 'jug par yang med do zhes spyod na/ rnam par rtog pa la spyod pa'o// rnam pa thams cad mkhyen pa nyid rnam par rig pa tsam mo zhes spyod na/ rnam par rtog pa la spyod pa'o// ji ltar rnam pa thams cad mkhyen pa nyid med pa de bzhin du/ rnam pa thams cad mkhyen pa nyid du snang ba'i rnam par rig pa yang med do zhes spyod na/ rnam par rtog pa la spyod pa'o snyam mo// rigs kyi bu dag 'di ltar byang chub sems dpa' sems dpa' chen po ji ltar rnam pa thams
- 304a
cad mkhyen pa nyid mi dmigs pa de bzhin du/ der snang ba rnam par rig pa'ang mi dmigs mod kyi/ rnam par rig pa thams cad kyi thams cad du chud gzon pa ni ma yin no// rnam par/ rig pa ma gtogs par chos gang yang mi dmigs la/ rnam par rig pa de'ang dngos po med par yang dag par rjes su mi mthong / rnam par rig pa ma gtogs par dngos po med pa'ang yang dag par rjes su mi mthong / rnam pa thams cad mkhyen pa nyid du snang ba'i rnam par rig pa med pa de dang / rnam par rig pa de gcig par yang yang dag par rjes su mi mthong / tha dad par yang yang dag par rjes mi mthong / rnam par rig pa dngos po med pa de la dngos por yang yang dag par rjes su mi mthong / dngos po med par yang yang dag par rjes su mi mthong ste/ rigs kyi bu dag rnam pa thams cad pa'i rnam par rtog pa thams cad kyis/ gang rnam par ma brtags pa de/ rnam par mi rtog pa'i chos kyi dbyings so zhes yang dag par rjes su mi mthong ngo // de ltar 'di ni rnam par mi rtog pa'i dbyings la 'jug pa'i tshul yin te/ rigs kyi bu dag de ltar na byang chub sems dpa' sems dpa' chen po rnam par mi rtog pa'i dbyings la rab tu gnas pa yin no/ / rigs kyi bu dag chos kyi rnam grangs 'di 'dzin pa dang / yi ger 'dri ba dang / 'chang pa dang / klog pa'i bsod nams ni rab tu mang gi/ lus gang+gA'i klung gi bye ma snyed yongs su btang ba ni de lta ma yin no// 'jig rten gyi khams gang+gA'i klung gi bye ma snyed yongs su gang ba'i sbyin pa byin pa ni de
- 304b
lha ma yin no/ / de bzhin gshegs pa'i gzugs brnyan rin po che las byas te/ 'jig rten gyi khams kang+gA'i klung gi bye ma snyed yongs su bkang ba'i bsod nams kyi phung po ni de lta ma yin no// de nas de'i tshe/ bcom ldan 'das kyis tshigs su bcad pa 'di dag gsungs so// dam chos 'di la rgyal ba'i sras// rnam par mi rtog bsam gyur nas// rnam rtog bgrod dka' rnams 'das te// rim gyis mi rtog thob par 'gyur/ / de las rab zhi mi g.yo mchog/ dbang byed mnyam la mi mnyam pa// rnam par mi rtog bde ba ni// byang chub sems dpas thob par 'gyur// bcom ldan 'das kyis de skad ces bka' stsal nas/ byang chub sems dpa' rnam par mi rtog snang ba dang / thams cad dang ldan pa'i 'khor dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa rnam par mi rtog par 'jug pa'i gzungs rdzogs so// // / rgya gar skad du/ Ar+ya bi ma la kIr ti ni ra de sha nA ma ma hA yA na sU tra/ bod skad du/ 'phags pa dri ma med par grags pas bstan pa zhes bya ba theg pa chen po'i mdo/ sangs rgyas dang / byang chub sems dpa' dang / 'phags pa nyan thos dang / rang sangs rgyas 'das pa dang / da ltar gyi dang / ma byon pa thams cad la phyag 'tshal lo// 'di skad bdag gis thos pa dus gcig na/ bcom ldan 'das yangs pa'i grong
- 305a
khyer na a mra srung ba'i tshal na dge slong brgyad stong gi dge slong gi dge 'dun chen po dang thabs cig tu bzhugs te/ thams cad kyang dgra bcom pa/ zag pa zad pa/ nyon mongs pa med/ padabang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa sha stag go// byang chub sems dpa' sum khri nyis stong dang yang thabs gcig ste/ mngon par shes pa mngon par shes pa'i byang chub sems dpa' sems dpa' chen po mngon par shes pa chen po yongs su sbyangs pa las nges par byung ba/ sangs rgyas kyi byin gyi rlabs kyis byin gyis brlabs pa/ chos kyi grong khyer bsrung ba/ dam pa'i chos yongs su 'dzin pa/ seng ge'i sgra chen po sgrogs pa/ phyogs bcur sgra shin tu grags pa/ gsol ba ma btab par sems can thams cad kyi dge ba'i bshes gnyen du gyur pa/ dkon mchog gsum gyi rigs mi 'chad par byed pa/ bdud dang phyir rgol ba bcom pa/ phas kyi rgol ba thams cad kyis zil gyis mi non pa/ dran pa dang / blo gros dang / rtogs pa dang / ting nge 'dzin dang / gzungs dang / spobs pa phun sum tshogs pa dang / sgrib pa dang kun nas ldang ba thams cad dang
- 305b
/ bral ba/ sgrib pa med pa'i rnam par thar pa la gnas pa/ spobs pa rgyun mi 'chad pa/ sbyin pa dang / dul ba dang / mI 'gyur ba dang / yang dag par sdom pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs la mkhas pa dang / smon lam dang / stobs dang / ye shes kyi pha rol tu phyin pa las nges par byung ba/ mi dmigs pa dang / mi skye ba'i chos la bzod/ ba dang ldan pa/ phyir mi ldog pa'i chos kyi 'khor lo bskor ba/ mtshan nyid med pa'i phyag rgyas btab pa/ sems can thams cad kyi dbang po shes pa la mkhas pa/ 'khor thams cad kyis zil gyis minon pa'i mi 'jigs pas rnam par gnon pa/ bsod nams dang ye shes kyi tshogs chen po bsags pa/ mtshan dang dpe byad bzang po thams cad kyis lus legs par brgyan la/ gzugs dam pa 'dzin pa rgyun dang bral ba/ ri rab kyi rtse mo mtho ba bzhin du snyan pa dang grags pa mngon par 'phags pa/ lhag pa'i bsam pa rdo rje ltar sra bas sangs rgyas dang / chos dang / dge 'dun la mi phyed pa'i dad pa rnyed pachos rin po che'i 'od zer las bdud rtsi'i char shin tu 'bebs pa/ sems can thams cad kyi skad sba ba dang / dbyangs kyi yan lag dang / sgra rnam par dag pa'i dbyangs dang ldan pa/ chos zab mo rten cing 'brel par 'byung ba la 'jug cing / mtha' dang mtha' med par lta ba'i bag chags kyi mtshams sbyor ba yongs su gcod pa/ seng ge ltar 'jigs pa med cing // sgra mngon par sgrogs pa/ chos chen po'i
- 306a
'brug sgra sgrogs pa/ mtshungs pa dang / mi mtshungs pa'i chos las yang dag par 'das pa/ chos rin po che'i shes rab dang / bsod nams kyi tshogs yang dag par bsgrub pa'i ded dpon chen po/ drang ba dang / zhi ba dang / phra ba dang / mthong bar dka' ba dang / rtogs par dka' ba'i chos kyi tshul la mkhas pa 'ong ba dang / 'gro ba dang / sems can gyi bsam pa rgyu ba'i rjes su zhugs pa'i ye shes kyi yul dang ldan pa/ mi mnyam pa dang mnyam pa'i sangs rgyas kyi ye shes la dbang bskur bas dbang bskur ba/ stobs bcu dang / mi 'jigs pa dang / sangs rgyas kyi chos ma 'dres pa la nye bar gyur pa/ ngan song gi 'jigs pa dang / ngan 'gro log par lhung ba'i 'jigs pa'i 'obs thams cad las rgal bas/ bsam bzhin du srid pa'i 'gro bar skye ba ston pa/ sman pa'i rgyal po chen po sems can thams cad 'dul ba'i cho ga la mkhas pa/ sems can thams cad kyi nyon mongs pa'i nad rnam par rtog pa/ ci rigs par chos kyi spyan sbyar ba rab tu sbyor ba/ yon tan mthar ba'i 'byung gnas dang ldan pa/ sangs rgyas kyi zhing mtha' yas par yon tan bkod pas legs par brgyan pa/ mthong ba dang thos pa 'bras bu yod pa/ gom pa dor ba 'bras bu yod pa/ bskal pa bye ba khrag khrig brgya stong dpag tu med par yon tan yongs su brjod kyang / yon tan gyi chu bo mtha' yas pa sha swa ga la 'di lta ste/ byang chub sems dpa' mnyam par lta zhes bya ba dang / mnyam mi mnyam lta
- 306b
dang / ting nge 'dzin rnam par sprul pa'i rgyal po dang / chos kyi dbang phyug dang / chos kyi tog dang / 'od kyi tog dang / 'od bkod pa dang / rin po che bkod pa dang / bkod pa chen po dang / thobs pa brtsegs ba dang / rin po che brtsegs pa dang / lag na rin po che dang / phyag na phyag rgya rin po che dang / rtag tu lag brkyang dang / rtag tu lag bteg dang / rtag tu gdung dang / rtag tu dga' dgod dbang po dang / mchog tu dga' ba'i rgyal po dang / lha'i rgyal po dang / smon lam la zhugs pas phyin pa dang / so so yang dag par rig pa rab tu bsgrags pa thob pa dang / nam mkha'i mdzod dang / rin chen sgron ma 'dzin dang / rin chen dpa' dang / rin chen dga' dang / rin chen dpal dang / mig 'phrul can dang / dra ba can gyi 'od dang / dmigs pa med pa'i bsam gtan dang / shes rab brtsegs dang / rin chen gtong dang bdud 'joms dang / glog gi lha dang / rnam par 'phrul pa'i rgyal po dang / mtshan brtsegs yang dag 'das dang / seng ge'i nga ro mngon par bsgrags pa'i dbyangs dang / ri'i rtse mo kun tu 'jom pa'i rgyal po dang spos kyi glang po che dang / spos kyi bal glang po che dang / rtag tu 'bad dang / brtson pa mi 'dor dang / rab kyi blo gros dang / mdzes par skyes dang / pad+ma'i dpal gyi snying po dang / pad+ma bkod dang / spyan ras gzigs dbang phyug dang / mthu chen thob dang / tshangs pa'i dra ba can dang / rin chen mdan dkar can dang / bdud las rgyal dang / zhing snyoms brgyan dang / nor bu rin chen gdugs dang / gtsug na
- 307a
#/ gser dang / gtsug na nor bu dang / byams pa dang / 'jam dpal gzhon nur gyur pa dang / de dag la sogs pa byang chub sems dpa' bum khri nyis stong ngo // gling rten po ni pan 'jig rten gyi khams mya ngan med pa nas/ tshangs pa ral pa can la sogs pa'i tshangs pa khri bcom ldan 'das la blta ba dang / phyag 'tshal ba dang / bsnyen bkur bya ba dang / chos nyan pa'i phyir lhags pa de dag kyang 'khor de nyid du 'dus so/ / gling chen po bzhi pa'i so so nas kyang brgya byin khri nyis stong lhags te/ de dag kyang 'khor de nyid du 'dus so// de bzhin du gzhan yang dbang che ba dbang che bar grag+sas pa'i tshangs pa dang / brgya byin dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyang 'khor de nyid 'dus par gyur to/ / de bzhin du 'khor bzhi po dge slong dang / dge slong ma dang / dge bsnyen dang / dge bsnyen ma rnams kyang der lhags so// de nas bcom ldan 'das dpal gyi snying po'i seng ge'i khri la bzhugs te/ 'khor brgya stong du mas yongs su bskor cing mdun gyis bltas nas chos ston to// rgya mtsho'i nang nas ri'i rgyal po ri rab mngon par 'phags pa bzhin du 'khor thams cad zil gyis mnan te/ lham me/ lhan ne/ lhang nger dpal gyi snying po'i seng ge'i khri la bzhugs so// de nas byang chub sems dpa' li tsa byi gzhon nu dkon mchog 'byung gnas
- 307b
li tsa byi gzhon nu lnga brgya tsam dang lhan cig tu rin po che sna bdun gyi gdugs thogs nas/ yangs pa'i phreng khyer chen po nas byung nas/ a mra srung ba'i tshal ga la ba dang / bcom ldan 'das ka la ba der sos ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan bdun du bskor ba byas nas/ rin po che'i gdugs ji lta bu thogs pa de dag gis bcom ldan 'das la mngon par bkab ste/ mngon par bkab nas/ phyogs gcig tu 'khod do// rin po che'i gdugs de dag phul ma thag tu/ de'i mod la sangs rgyas kyi mthus rin po che'i gdugs de dag gcig tu gyur te/ rin po che'i gdugs des stong gsum gyi stong chen po'i 'jig rten gyi khams 'di thams cad khebs par snang ngo // stong gsum gyi stong chen po'i 'jig rten gyi khams kyi chu zheng de dag kyang / rin po che'i gdugs chen po de nyid kyi nang na snang ngo // stong gsum gyi stong chen po'i 'jig rten gyi khams 'di na/ ri'i rgyal po ri rab gang dag yod pa rnams dang / gangs kyi ri dang / ri btang bzung dang / btang bzung chen po dang / spos kyi ngad ldang dang / rin po che'i ri dang / ri nag po dang / khor yug dang / khor yug chen po dang / de dag thams cad kyang rin po che'i gdugs chen po de nyid kyi nang na sdang ngo / / stong gsum gyi song chen po'i 'jig rten gyi khams 'din/ rgya mtsho chen po gang dag yod pa rnams dang / mcho dang / mtshe'u dang / rdzing dang / 'bab cwa
- 308a
dang / chu zan dang / lu ma 'bab pa de dag thams cad kyang / rin po che'i gdugs chen po de nyid kyi nang du snang ngo // stong gsum gyi stong chen po'i 'jig rten gyi khams 'di/ nA nyi ma dang / zla ba'i gzhal med khang dang / skar ma'i gzugs dang / lha'i gnas dang / klu'i gnas dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i gnas rnams dang / rgyal chen bzhi pa'i gnas dang / grong dang / grong khyer dang / grong rdal dang / yul 'khor dang / rgyal po'i pho brang 'khor ji snyed yod pa de dag thams cad kyang / rin po che'i gdugs chen po gcig po de nyid kyi nang na snang ngo // phyogs bcu'i 'jig rten na sangs rgyas bcom ldan 'das rnams kyis chos ston pa gang 'byung ba de'ang rin po che'i gdugs chen po gcig po de las 'byung ba'i sgra grag go/ / de nas bcom ldan 'das las de lta bu'i cho 'phrul chen po 'di mthong nas/ thams cad dang ldan pa'i 'khor de ngo mtshar du gyur te/ tshim zhing mgu nas/ rangs te rab tu dga' zhing dga' ba dang / yid bde ba skyes nas/ de bzhin gshegs pa la phyag 'tshal te/ mig mi 'dzums par lta zhing 'khod do// de nas li tsa byi gzhon nu dkon mchog 'byung gnas kyis bcom ldan 'das las de lta bu'i cho 'phrul chen po 'di mthong nas/ pus mos g.yas pa'i lha nga sa la btsugs te/ bcom ldan 'das ga la ba de logs su bal mo sbyar btud nas/ bcom
- 308b
ldan 'das la tshigs su bcad pa 'di dag gis mngon par bstod do/ / gtsang zhing mdzes pa pad+ma'i 'dab ltar yangs pa'i spyan// dgongs pa dag cing zhi gnas pha rol phyin mchog brnyes// dge ba'i las bsags yon tan rgya chen dpag mi lang / / dge sbyong zhi ba'i lam 'dren khyod la phyag 'tshal lo// skyes bu khyu mchog 'dren pa'i rdzu 'phrul khyod gzigs shig/ bde bar gshegs pa'i zhing mchog rab gsal kun kyang gda'/ / khyod kyi chos kyi bka' mchid rgya chen 'chi med 'gro// de dag thams cad nam mkha' 'di yi dkyil na gda'// khyod kyis chos kyi rgyal srid mchog 'di chos kyi rgyal/ / rgyal bas 'gro ba rnams la chos kyi nor yang stsal// chos rnams rab tu 'byed mkhas don dam ston mdzad pa// chos kyi dbang phyug chos rgyal khyod la mgos phyag 'tshal// mchis pa ma lags pa dang ma mchis ma lags dang // chos 'di thams cad rgyu las brten nas byung ba dang // 'di la bdag med tshor ba po dang byed med cing // dge sdig las ci'ang chud mi za zhes gsung gis ston/ / thub dbang khyod kyis bdud dpung stobs can rab btul nas// byang chub mchog rab zhi ba mi 'chi bde ba brnyes// de la tshor med sems dang yid kyi rgyu ba med// mu stegs ngan pa'i tshogs rnams kyis de mi rtogs/ / rmad byung chos kyi rgyal po lha mi mngon sum du// lan gsum bzlas te chos kyi 'khor lo rnam mang po// shin tu zhi ba rang bzhin rnam dag rab tu bskor// de tshe dkon mchog gsum po
- 309a
@dag kyang nye bar bstan/ / khyod kyis dkon mchog chos kyis legs par gang btul ba// de dag rtog pa ma mchis rtag tu rab ku ni// khyod ni kye gan 'chim par byin sman pa'i mchog/ yon tan rgya mtsho dpag mi yang la mgos phyag 'tshal// bsti stang legs par bgyis pas mi skyod ri rab bzhin// tshul khrims ldan dang tshul khrims 'chal la mtshungs par byams mnyam pa nyid la bzhugs shing thugs kyang nam mkha' bzhin/ / sems can dkon mchog 'di las su zhig mchod mi bgyid// thub pa chen po 'khor rnams 'dus pa 'di dag ni// khyod kyi zhal du rab tu dang ba'i yid kyis lta/ / thams cad kyis kyang rgyal ba rang gi mdun na mthong // de ni rgyal ba'i ma 'dres sangs rgyas mtshan lags so// bcom ldan 'das kyis gsung gcig rab tu phyung ba yang / / 'khor rnams kyis ni gsung la tha dad rnam par rig/ 'gro ba dag gis rang gi don bzhin rnam rig pa// de ni rgyal ba'i ma 'dres sangs rgyas mtshan lags so// gsung gcig rab tu bsgrags pa mdzad pa de yi ni/ / kha cig bag chags bsgos shing kha cig rtog par bgyis// som nyi 'tshal ba 'dren pa rab tu mi mdzad de// de ni rgyal ba'i ma 'dres sangs rgyas mtshan lags so/ / stobs bcu 'dren pa'i rtsal mnga' khyod la phyag 'tshal lo// 'jigs pa mi mnga' 'jigs bral khyod la phyag 'tshal lo// ma 'dres pa yi chos rnams nges par rab rtog
- 309b
pa/ 'gro ba thams cad 'dren pa khyod la phyag 'tshal lo// kun tu sbyor ba'i bcings pa gcod la phyag 'tshal lo// pha rol phyin nas skam la bzhugs la phyag 'tshal lo// dub pa'i 'gro ba sgrol/ pa khyod la phyag 'tshal lo// 'khor ba'i 'gro bar mi gnas pa la phyag 'tshal lo// sems can rnams dang 'gro bar zhugs shing kun 'grogs kyang // 'gro ba thams cad las ni rnam par grol ba'i thugs/ / pad+ma dag ni chu skyes chu yis yong mi gos// thub pa'i pad+mas stong pa nyid ni nges par bsgom// mtshan ma thams cad rnam pa kun tu rab tu bsal// khyod ni ci la'ang smon par mdzad pa yong mi mnga'/ / sangs rgyas dag gi mthu chen bsam gyis mi khyab ste// nam mkha' lta bur mi gnas pa la bdag phyag 'tshal// de nas bcom ldan 'das la li tsa byi gzhon nu dkon mchog 'byung gnas kyis/ tshigs su bcad pa de dag gis mngon par bstod nas/ bcom ldan 'das la 'di skad ces gsol to// bcom ldan 'das li tsa byi gzhon nu lnga brgya tsam po 'di dag thams cad kyang / bla na med pa yang dag par rdzogs pa'i byang chub tu yang dag par zhugs te/ 'di dag kyang byang chub sems dpa' rnams kyi sangs rgyas kyi zhing yongs su dag pa gang lags zhes sangs rgyas kyi zhing yongs su dag pa sun/ bcom ldan 'das de bzhin gshegs pas byang chub sems dpa' de dag la sangs rgyas kyi zhing yongs su dag pa legs par bshad du gsol/ de skad ces gsol ba dang
- 310a
bcom ldan 'das kyis li tsa bI gzhon nu dkon mchog 'byung gnas la legs so zhes bya ba byin te/ legs so legs so// gnon nu khyod gang sangs rgyas kyi zhing yongs su dag pa las brtsams te de bzhin gshegs pa la dri ba legs so/ / de'i phyir gzhon nu khyod legs par rab tu nyon la yid la zung zhig dang / byang chub sems dpa' rnams kyis sangs rgyas kyi zhing yod/ su dag pa las brtsams te ngas khyod la bshad do// bcom ldan 'das legs so zhes gsol nas/ li tsa byi gzhon nu dkon mchog 'byung gnas dang / li tsa byi gzhon nu lnga brgya tsam po de dag bcom ldan 'das kyi ltar nyan pa dang / bcom ldan 'das kyis/ de dag la 'di skad ces bka' stsal to// rigs kyi bu sems can gyi zhing ni byang chub sems dpa'i sangs rgyas kyi zhing ngo // de ci'i phyir zhe na/ byang chub sems dpa' ji tsam du sems can rnams la rgyas par byed pa de tsam du sangs rgyas kyi zhing yongs su 'dzin to// sems can rnams ji lta bus 'dul bar 'gyur ba de lta bu'i sangs rgyas kyi ni yongs su 'dzin to/ / sangs rgyas kyi ming la 'jug pa ji lta bus sems can rnams sangs rgyas kyi ye shes la 'jug par 'gyur ba de lta bu'i sangs rgyas kyi zhing yongs su 'dzin to// sangs rgyas kyi/ zhing la 'jug pa ji lta bus sems can rnams 'phags pa lta bu'i dbang po skye bar 'gyur ba de lta bu'i sangs rgyas kyi zhing yongs su 'dzin to// de ci'i phyir zhe na/ rigs kyi bu byang chub sems dpa' rnams
- 310b
kyi sangs rgyas kyi zhing ni/ sems can gyi don las byung ba'i phyir ro// dkon mchog 'byung gnas 'di lta ste/ dper na nam mkha' la ji lta bur bya bar 'dod pa de bzhin du byed mod kyi/ nam mkha' lA ni byar mi rung zhing brgyan du'ang mi rung ba de bzhin du/ dkon mchog 'byung gnas chos thams cad nam mkha' dang mtshungs par shes nas/ byang chub sems dpa' sems can yongs su smin par bya ba'i phyir sangs rgyas kyi zhing ji lta bur bya bar 'dod pa de ltar sangs rgyas kyi zhing byed mod kyi/ sangs rgyas kyi zhing nam mkha' ni byar mi rung zhing brgyan du mi rung ngo // dkon mchog 'byung gnas 'on kyang bsam pa'i zhing ni/ byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du sems can g.yo med pa dang / sgyu med pa rnams skye bar 'gyur ro// rigs kyi bu lhag pa'i bsam pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du dge ba'i rtsa ba dang / tshogs thams cad bsags pa'i sems can rnams skye bar 'gyur ro// sbyor ba'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du dge ba'i chos thams cad la gnas pa'i sems can rnams skye bar 'gyur ro// byang chub sems dpa'i sems bskyed pa rgya chen po ni sangs rgyas kyi zhing ste/ de byang chub thob pa'i sangs rgyas kyi zhing der theg pa chen po la yang dag par zhugs pa'i sems can rnams skye bar 'gyur ro//
- 311a
sbyin pa'i zhing byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der bdog pa thams cad yongs su gtong ba'i sems can rnams skye bar 'gyur ro/ / tshul khrims kyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der bsam pa thams cad dang ldan zhing dge ba bcu'i las kyi lam yotra su bsrung ba'i sems can rnams skye bar 'gyur ro/ / bzod pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der mtshan sum cu rtsa gnyis kyi// brgyan cing / bzod pa dang / dul ba dang / zhi gnas dam pa'i pha rol tu son pa'i sems can rnams skye bar 'gyur ro// brtson 'grus kyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der dge ba'i chos thams cad la brtson 'grus brtsams pa'i sems can rnams skye bar 'gyur ro// bsam gtan gyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der dran pa dang shes bzhin gyis mnyam par gzhag pa'i sems can rnam skye bar 'gyur ro// shes rab kyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der yang dag pa nyid du nges pa'i sems can rnams skye bar 'gyur ro// tshad med pa bzhi rnams ni byang chub sems dpa'i sangs rgyas kyi zhing
- 311b
ste de byang chur thob pa'i sangs rgyas kyi zhing der byams pa dang / snying rje dang / dga' ba dang / btang snyoms la gnas pa'i sems can rnams skye bar 'gyur ro// bsdu ba'i dngos po bzhi rnams ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der rnam par grol ba thams cad kyis yongs su zin pa'i sems can rnams skye bar 'gyur ro// thabs la mkhas ba ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der/ thabs dang dpyod pa thams cad la mkhas pa'i sems can rnams skye bar 'gyur ro// byang chub kyi phyogs kyi chos sum cu rtsa bdun gyi chos rnams ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam bsgrubs pa shes pa'i sems can rnams skye bar 'gyur ro// yongs su bsngo ba'i sems ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du yon tan thams cad kyi rgyan rnams snang bar 'gyur ro// mi khom pa brgyad rab tu zhi bar bstan pa ni/ byang chub sems dpa'i sangs rgyas kyi zhing ste/ / de byang chub thob pa'i sangs rgyas kyi zhing du ngan song thams cad shin tu chad cing mi khom pa brgyad med par 'gyur ro// bdag nyid bslab pa'i gzhi rnams la gnas shing pha rol gyi
- 312a
ltung ba mi gleng ba ni/ byang chub sems dpa'i sangs rgyas kyi zhing ste/ de byang chub thob pa'i sangs rgyas kyi ming der ltung ba'i sgra yang mi zag par 'gyur ro// dge ba bcu'i las kyi lam yongs su dag pa ni/ byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der tshe nges pa dang / longs spyod che ba dang / tshangs par spyod pa dang / bden pa'i rjes su 'jug pa'i tshig gis brgyan pa dang / ngag 'jam pa dang / 'khor mi phyed pa dang / bye ba sdum pa la mkhas pa dang / phrag dog dang bral ba dang / gnod sems kyi sems med pa dang / yang dag par lta ba dang ldan pa'i sems can rnams skye bar 'gyur ro/ / rigs kyi bu de ltar na byang chub sems dpa'i byang chub kyi sems bskyed pa ci 'dra bar bsam pa'ang de 'dra'o// bsam pa ci 'dra bar sbyor ba yang de 'dra'o/ / sbyor ba ji snyed par lhag pa'i bsam pa'ang de snyed do// lhag pa'i bsam pa ji snyed par nges par sems pa yang de snyed do// nges par sems pa ji snyed par sgru ba ma'ang de rnyed do// sgrub pa ji snyed par yongs su bsngo ba'ang de snyed do// yongs su bsngo ba ji snyed par thabs rnams kyang de snyed do// thabs rnams ji snyed par zhing yongs su dag pa'ang de snyed de/ zhing yongs su dag pa ji lta ba bzhin du sems can yongs su dag pa'ang de bzhin no/ / sems can yong su dag pa ji lta ba bzhin du// ye shes yongs su dag pa'ang de bzhin no// ye shes yongs su dag pa ji ltar bzhin du/ bstan
- 312b
pa yongs su dag pa'ang de bzhin no/ / bstan pa yongs su dag pa ji lta ba bzhin du/ ye shes bsgrub pa yongs su dag pa'ang de bzhin no// ye shes bsgrub pa yongs su dag pa ji lta ba bzhin du rang gi sems yongs su dag pa'ang de bzhin te/ rigs kyi bu de lta bas na byang chub sems dpa' sangs rgyas kyi zhing yongs su dag par byed 'dod pas/ rang gi sems yongs su sbyang ba la nan tan bya'o// de ci'i phyir zhe na ji lta bur byang chub sems dpa'i sems yongs su dag pa de 'dra bar/ sangs rgyas kyi zhing yongs su dag par 'gyur ro// de nas sangs rgyas kyi mthus tshe dang ldan pa shA ri'i bu 'di snyam du sems te/ te ji lta bur sems yongs su dag pa de 'dra bar byang chub sems dpa'i sangs rgyas kyi ming yongs su dag par 'gyur na/ bcom ldan 'das shAkya thub pa byang chub sems dpa'i spyad pa spyod pa na/ sems/ yongs su ma dag gam ci na sangs rgyas kyi zhing 'di 'di lta bur yongs su ma dag par snang snyam mo// de nas bcom ldan 'das kyis/ tshe dang ldan pa shA ri'i bu'i sems kyi yongs su rtog pa thugs kyis mkhyen nas/ tshe dang ldan pa shA ri'i bu la 'di skad ces bka' stsal to// shA ri'i bu 'di ji snyam du sems/ nyi ma dang zla ba yongs su ma dag gam ci na/ dmus long dag gis mi mthong gsol pa/ bcom ldan 'das de lta ma lags so// de ni dmus long gis nongs kyi/ nyi ma dang tha bas mnongs so// bka' stsal pa/ shA ri'i bu de bzhin du sems can la las de bzhin gshegs
- 313a
pa'i sangs rgyas kyi zhing gi yon tan gyi rgyan bkod pa mi mthong ba de ni/ sems can rnams kyis mi shes pas nyes kyi/ de la de bzhin gshegs pas nyes pa ni ma yin no// shA ri'i bu de bzhin gshegs pa'i sangs rgyas kyi zhing ni yongs su dag mod kyi/ khyod kyis de mi mthong ngo // de nas tshangs pa ral pa can gyis/ gnas brtan shA ri'i bu la 'di skad ces smras so// btsun pa shA ri'i bu de bzhin gshegs pa'i sangs rgyas kyi zhing yongs su ma dag go zhes ma zer cig/ btsun pa shA ri'i bu bcom ldan 'das kyi sangs rgyas kyi zhing yongs su dag pa 'di lta ste/ dper na btsun pa shA ri'i bu gzhan 'phrul dbang byed kyi lha rnams kyi gnas kyi bkod pa bzhin du bcom ldan 'das shAkya thub pa'i sangs rgyas kyi zhing gi bkod pa'ang kho bos de dang 'dra bar mthong ngo / / de nas gnas brtan shA ri'i bus/ tshangs pa ral pa can la 'di skad ces smras so// tshangs pa kho bos ni sa chen po 'di mtho dman dang / tsher ma dang / g.yang sa dang / ri'i rtse mo dang / ngam grog dang / mdzin ngan gyis rab tu gang bar mthong ngo // tshangs pa ral pa can gyis smras pa/ 'di ltar sangs rgyas kyi zhing 'di 'dra bar yongs su ma dag par mthong ba ni/ btsun pa shA ri'i bu'i sems la mtho dman yod cing sangs rgyas kyi ye shes la bsam pa yongs su ma dag par nges so/ / gang dag btsun pa shA ri'i bu sems can thams cad la sems mnyam zhing sangs
- 313b
rgyas kyi ye shes la bsam pa yongs su dag pa de dag gis ni/ sangs rgyas kyi zhing 'di yongs su dag par mthong ngo // de nas bcom ldan 'das kyis stong gsum gyi stong chen po'i 'jig rten gyi khams 'di la zhabs kyi mthe bos bsnun pa dang / bsnun ma thag tu 'jig rten gyi khams 'di rin po che ru ma brtsegs pa dang / rin po che brgya stong du ma'i tshogs dang / rin po che brgya stong du ma so so bkod par gyur pa 'di lta ste/ dper na de bzhin gshegs pa rin po che bkod pa'i 'jig rten gyi khams yon tan rin chen mtha' yas bkod pa bzhin du 'jig rten gyi khams 'di'ang de 'dra bar snang ngo // de nas thams cad dang ldan pa'i 'khor de ngo mtshar du gyur cing / bdag nyid kyang rin po che'i pad+ma bkod pa la 'dug pa snyam byed do// de nas bcom ldan 'das kyis/ tshe dang ldan pa shA ri'i bu la bka' stsal pashA ri'i bu khyod kyis sangs rgyas kyi zhing gi yon tan bkod pa 'di mthong ngam/ gsol pa/ bcom ldan 'das mthong lags so// sngon ma mthong ma thos pa'i bkod pa 'di dag gda' 'o// bka' stsal pa/ shA ri'i bu sangs rgyas kyi zhing 'di ni rtag tu 'di 'dra mod kyi/ sems can dman pa rnams yongs su smin par bya ba'i phyir/ de bzhin gshegs pas sangs rgyas kyi zhing de lta pur nyes pa mang po'i skyon chags par ston te/ shA ri'i bu 'di lta ste/ dper na lha'i bu rnams rin po che'i snod gcig tu zas za yang bsod nams ji lta bur bsags pa'i bye brag gis lha'i
- 314a
zas bdud rtsi nye bar gnas pa de bzhin du/ shA ri'i bu sems can sangs rgyas kyi zhing gcig tu skyes pa dag kyang / sems ji ltar yongs su dag pa bzhin du sangs rgyas rnams kyi sangs rgyas kyi zhing gi yon tan bkod pa mthong ngo / / sangs rgyas kyi zhing gi yon tan gyi rgyan bkod pa 'di snang ba na/ srog chags brgyad khri bzhi stong bla na med pa yang dag par rdzogs pa'i/ byang chub tu sems skyes so// li tsa byi gzhon nu gang dag li tsa byi gzhon nu dkon mchog 'byung gnas dang lhan cig tu lhags pa lnga brgya po de dag kyang rjes su mthun pa'i bzod pa thob par gyur to// de nas bcom ldan 'das kyis rdzu 'phrul de dag brtul ba dang / de nas yang sangs rgyas kyi zhing de phyir sngon gyi rang bzhin du gyur par snang ngo // de na nyan thos kyi theg pa can gyi lha dang mi rnams 'di snyam du sems te/ kye ma'o 'du byed 'di dag thams cad ni mi rtag go snyam du rig nas/ srog chags su mkhri nyis stong chos rnams la chos kyi mig rdul med cing dri ma dang bral ba rnam par dag go/ dge slong brgyad stong ni len pa med par zag pa rnams las sems rnam par grol lo// sangs rgyas kyi zhing rgya chen po la mos pa'i srog chags brgyad khri bzhi stong yang chos thams cad rnam par bsgrubs las nye bar gzhag pa'i mtshan nyid du rig nas/ bla na med pa yang dag par rdzogs pa'i byang chub tu sems skyes so// sangs rgyas kyi zhing yongs su dag pa gleng gzhi'i
- 314b
le'u ste dang po'o/ / yang de'i tshe yang pa'i grong khyer chen po na/ li tsa byi dri ma med par grags pa zhes bya ba zhig 'dug ste/ sngon gyi rgyal ba la lhag par bya ba byas shing dge ba'i rtsa ba bskyed pa/ sangs rgyas mang po la bsnyen bkur byas pa/ bzod pa thob pa/ spobs pa thob pa/ mngon par shes pa chen pos rnam par rtsen pa/ gzungs thob pa/ 'jigs pa thob pa/ bdud dang phyir rgol ba bcom pa/ chos kyi tshul zab mo la shin tu zhugs pa/ shes rab kyi pha rol tu phyin pa las nges par byung ba/ thabs mkhas pa rtogs par khong du chud pa/ spobs pa dang ldan pa/ sems can gyi bsam pa dang spyod pa la mkhas pa/ sems can gyi dbang po mchog dang mchog ma yin pa shes pa las nges par byung ba/ so so ci rigs par chos ston pa/ theg pa chen po 'di la brtson par byas shing nges par byas pa/ shin tu brtags te las byed pa/ sangs rgyas kyi spyod lam la gnas pa/ blo dam pa/ rgya mtsho lta bu'i rjes su zhugs pa/ sangs rgyas thams cad kyis bstod cing bkur te rab tu bsngags pa/ brgya byin dang / tshangs pa dang / 'jig rten skyong ba thams cad kyis phyag byas bde sems can yongs su smin par bya ba'i phyir thabs la mkhas pas yangs pa'i grong khyer chen po na gnas te/ sems can mgon med pa dang / dbul po rnams bsdu ba'i phyir longs spyod zad mi shes pa/ sems can tshul
- 315a
khrims 'chal pa rnams bsdu ba'i phyir tshul khrims yongs su dag pa/ sems can sdang ba dang / rab tu sdang ba dang / gnod sems can dang / tshul khrims 'chal pa dang khro sems can rnams bsdu ba'i phyir bzod pa dang dul ba thob pa/ sems can le lo can rnams bsdu ba'i phyir brtson 'grus 'bar ba/ sems 'khrugs pa'i sems can rnams bsdu ba'i phyir bsam gtan dang / dran pa dang / ting nge 'dzin la gnas pa/ sems can 'chal pa'i shes rab can rnams bsdu ba'i phyir shes rab rnam par nges pa thob pa/ gos dkar po gyon la/ dge sbyong ga spyod lam phun sum tshogs pa/ khyim gyi gnas na gnas pa/ 'dod pa'i khams dang / gzugs kyi khams dang / gzugs med pa'i khams dang ma 'dres pa/ bu dang / chung ma dang / skyes rnams ston kyang rtag tu tshangs par spyod pa/ g.yog bran gyis yongs su bskor bar snang yang rtag tu dben par spyod pa/ rgyan gyis brgyan par snang yang rtag tu mtshan dang ldan pa zas skom gyi zas za bar snang yang rtag tu bsam gtan gyi dkar ba'i zas za ba/ rtsed mo dang rgyan po'i grwa thams cad na snang yang rtsed mo dang rgyan po la chags pa'i sems can rnams yongs su smin par byed cing / rtag tu don yod par spyod pa/ ya mtshan can thams cad tshol yang sangs rgyas la mi byed pa'i bsam pa dang ldan pa/ 'jig rten pa dang / 'jig rten las 'das pa'i gsang sngags
- 315b
dang bstan bcos kyi rnam pa shes kyang / rtag tu chos kyi kun dka' la dga' mos pa/ 'du 'dzi kun gyi nang na snang yang thams cad kyi nang na gtso bor mchod pa/ 'jig rten pa dang mthun par bya/ ba'i phyir/ rgan rabs dang / bar ma dang / gzhon nu'i grogs su gyur cing chos bzhin du smra ba/ tha snyad thams cad du 'jug kyang rnyed pa dang longs spyod la re ba med pa/ sems can thams cad gdul ba'i phyir lam gyi bzhi mdo dang / sum mdo thams cad na'ang snang ba/ sems can rnams bsrung ba'i phyir rgyal po'i bya ba rnams la'ang zhugs pa/ theg pa dman pa la mos pa bzlog cing theg pa chen po la sems can rnams yang dag par gzud pa'i phyir chos nyan pa dang / yang dag par brjod pa thams cad na'ang snang ba/ byis pa rnams yongs su smin par bya ba'i phyir yi ge'i grwa khang thams cad du'ang 'gro ba/ 'dod pa'i nyes pa yang dag par bstan pa'i phyir/ smad 'tshong gi khyim kun tu'ang 'jug pa/ dran pa la yang dag par gzhag pa'i phyir chang 'tshong ba'i khyim thams cad du'ang 'jug pa/ chos kyi mchog bstan pa'i phyir tshong dpon gyi nang na'ang tshong dpon du kun gyis bkur ba/ 'dzin pa thams cad kyi len pa yongs su gcad pa'i phyir khyim bdag gi nang du'ang khyim bdag tu kun gyis bkur ba/ bzod pa dang / des pa dang / stobs la rab tu dgod pa'i phyir rgyal rigs kyi nang du'ang rgyal rigs su kun gyis bkur ba/ nga rgyal dang / rgyags pa dang /
- 316a
bya/ dregs pa shin tu gzhom pa'i phyir bram ze'i nang du yang bram zer kun gyis bkur ba/ rgyal po'i bya ba thams cad chos dang mthun par bkod pa'i phyir blon po'i nang du blon por kun gyis bkur ba/ rgyal po'i longs spyod dang dbang phyug la chags pa bzlog pa'i phyir gnon nu'i nang du'ang gnon nu kun gyis bkur ba/ bud med gzhon nu yongs su smin par bya ba'i phyir btsun mo'i 'khor gyi nang du'ang nyung rum du kun gyis bkur ba/ tha mal pa'i bsod nams khyad par du 'phags par dmigs par bya ba'i phyir skye bo phal ba dang yang mthun par 'jug pa/ dbang phyug/ gi bdag por bstan pa'i phyir brgya byin gyi nang du'ang brgya byin du kun gyis bkur ba/ ye shes kyi khyad par bstan pa'i phyir tshangs pa'i nang du'ang tshangs par kun gyis bkur ba/ sems can thams cad yongs su smin par bya ba'i phyir 'jig rten skyong ba'i nang du dang 'jig rten skyong du kun gyis bkur ba ste/ de ltar li tsa byi dri ma med par grags pa tshad med pa'i thabs la mkhas pa'i ye shes dang ldan te/ yangs sa'i grong khyer chen po na gnas shing 'dug go// de thabs la mkhas pas bdag nyid na blta bur bstan nas de la nad 'dri ba'i phyir yangs pa'i grong khyer chen po nas rgyal po dang / rnon po dang / dbang po dang / gnon nu'i 'khor dang / bras ze dang / khyim bdag dang / tshong dpon dang / thong ba dang / yul mo dang / de ma yin pa thog chags stong phrag pa
- 316b
nad 'drir 'ongs te/ der lhags pa de dag la/ li tsa byi dri ma med par grags pas 'byung ba chen po bzhi'i lus 'di nyid las brtsams nas chos ston te/ grogs po dag lus 'di ni 'di ltar mi rtag pa/ 'di ltar mi brtan pa/ 'di ltar yid brtan du mi rung ba/ 'di ltar nyam chung ba/ 'di ltar snying po med pa/ 'di ltar zhigs pa/ 'di ltar yun thung ba/ 'di ltar sdug bsngal ba/ 'di ltar nad mang ba/ 'di ltar 'gyur ba'i chos can no// grogs po dag 'di ltar lus 'di ni nad mang po'i snod de/ mkhas pas de la gnas par mi bya'o// grogs po dag lus 'di ni cang mi bzod pa ste/ lbu ba rdos pa lta bu'o// lus 'di ni ring du mi gnas pa ste/ chu'i chu bur lta bu'o// lus 'di ni nyon mongs pa'i srid pa las byung ste/ smig rgyu lta bu'o// lus 'di ni snying po med pa ste/ chu shing gi sdong po lta bu'o// kye ma lus 'di ni rus pa rgyus pas sbrel ba ste/ 'khrul 'khor lta bu'o// lus 'di ni phyin ci log las byung ba ste/ sgyu ma lta bu'o// lus 'di ni yang dag pa ma yin pa mthong ba ste/ rmi lam lta bu'o// lus 'di ni sngon gyi las kyi gzugs brnyan snang ba ste/ gzugs brnyan lta bu'o// lus 'di ni rkyen la rag lus pa'i phyir brag cha lta bu'o/ / lus 'di ni sems 'khrugs shing 'gyes pa'i mtshan nyid de/ sprin lta bu'o// su 'di ni skad cig tu 'jig pa dang ldan zhing mi gnas pa ste/ glog dang mtshungs so// lus 'di ni
- 317a
rkyen sna tshogs las byung ba ste/ bdag po med pa'o// lus 'di ni sa dang 'dru ste/ byed pa med pa'o// lus 'di ni chu dang 'dra ste/ bdag med pa'o// lus 'di nI ma/ dang 'dra ste/ srog med pa'o// lus 'di ni rlung dang 'dra ste/ gang zag med pa'o// lus 'di ni nam mkha' dang 'dra ste/ rang bzhin med pa'o// lus 'di ni 'byung ba chen po rnams kyi gnas te/ yang dag pa ma yin pa'o// lus 'di ni bdag dang bdag gi med pa ste/ stong pa'o// lus 'di ni rtswa dang / shing dang / rtsig pa dang / bong ba dang / mig yor lta bu ste/ bems po'o// lus 'di ni rlung gi 'khrul 'khor dang ldan pas 'byung ste/ tshor ba med pa'o// lus 'di ni rnag dang mi gtsang ba bsags pa ste/ gsog go// lus 'di ni rtag tu bsku ba dang / mnye ba dang / 'jig pa dang / 'gyes pa'i chos can te/ gsob bo// lus 'di ni nad bzhi brgya rtsa bzhis gtses pa'o// lus 'di ni rtag tu rga bas zil gyis gnon pa ste/ khron pa rnying pa dang 'dra'o/ / lus 'di ni 'chi ba'i mtha' ste/ mthar mi kunas pa'o// lus 'di ni phung po dang / khams dang / skye mched kyis yongs su zin pa ste/ gshed ma dang / sbrul gdug pa dang / grong stong pa lta bu ste/ khyed kyis de lta bu'i lus de la yid byung ba dang / skyo ba skyed cing de bzhin gshegs pa'i sku la mos pa bskyed par bya'o// grogs po dag de bzhin gshegs
- 317b
pa'i sku ni chos kyi sku ste/ ye shes las skyes pa'o// de bzhin gshegs pa'i klu ni bsod nams las skyes pa/ sbyin pa las skyes pa/ tshul khrims las skyes pa/ ting nge 'dzin las skyes/ pa/ shes rab las skyes pa/ rnam par grol ba las skyes pa/ rnam par grol ba'i ye shes mthong ba las skyes pa/ byams pa dang / snying rje dang / dga' ba dang / btang snyom sa las skyes pa/ sbyin pa dang / dul ba dang / yang dag par sdom pa las skyes pa/ dge ba bcu'i las kyi lam las skyes pa/ bzod pa dang nges pa las skyes pa/ brtson 'grus brtan pa'i dge ba'i rtsa ba las skyes pa/ bsam gtan dang / rnam par thar pa dang / ting nge 'dzin dang / snyoms par 'jug pa las skyes pa/ thos pa dang / shes rab dang / thabs las skyes pa/ byang chub kyi phyogs kyi chos sum cu rtsa bdun las skyes pa/ zhi gnas dang lhag mthong las skyes pa/ stobs bcu las skyes pa/ mi 'jigs pa bzhi las skyes pa/ sangs rgyas kyi chos ma 'dres babaco brgyad las skyes pa/ pha rol tu phyin pa thams cad las skyes pa/ mngon par shes pa dang rig pa las skyes pa/ mi dge ba'i chos thams cad spong ba las skyes pa/ dge ba'i chos thams cad yang dag par sdud pa las skyes pa/ bden pa las skyes pa/ yang dag pa nyid las skyes pa/ bag yod pa las skyes pa'o// grogs po dag de bzhin gshegs pa'i sku ni dag pa'i las
- 318a
tshad med pa las skyes pa ste/ khyed kyis de lta bu'i sku de la mos pa bskyed par bya'o// sems can thams cad kyi nyon mongs pa'i nad rab tu spang ba'i phyir bla na med pa yang dag par rdzogs pa'i byang chub tu sems bskyed par bya'o/ / de bzhin du li tsa byi dri ma med par grags pas de ltar nad 'dri ba tshogs pa de dag la/ ci nas sems can brgya stong mang po dag bla na med pa yang dag par rdzogs pa'i byang chub tu sems mngon par bskyed pa de lta de lta bur chos 'chad do/ / thabs la mkhas pa bsam gyis mi khyab pa'i le'u zhes bya ste gnyis pa'o// / de nas li tsa byi dri ma med par grags pa 'di snyam du sems te/ bdag ni na zhing mi bde ste/ khri'i steng na 'dug na/ de bzhin gshegs pa dgra bcom pa yang dag par rdzogs pa'i sangs rgyas kyis bdag la ma dgongs te/ thugs brtse ba'i phyir nad 'dri ba 'ga' yang ma btang ngo snyam mo// de nas bcom ldan 'das kyis li tsa byi dri ma med par grags pa'i sems kyi rtog pa de lta bu mkhyen nas/ bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu khyod li tsa byi dri ma med par grags pa'i nad 'drir song zhig/ de skad ces bka' stsal pa dang / bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das bdag li tsa byi dri ma med par grags pa'i zo dri zhing mchi bar mi spo'o// de ci'i slad du
- 318b
zhe na/ bcom ldan 'das bdag gis mngon par 'tshal ba dus gcig na/ bdag shing zhig gi rlung nang du yang dag bzhag par gyur pa na/ li tsa byi dri ma med par grags pa yang shing de'i drung ga la ba der mchis nas/ bdag la 'di skad ces mchi'o// btsun pa shA ri'i bu ji ltar khyod kyis nang du yang dag bzhag pa de lta bu'i nang du yang dag 'jog pa la nang du yang dag gzhag par mi bya'o/ / ji ltar khams gsum du lus dang sems mi snang bar 'gyur ba de ltar nang du yang dag gzhag par gyis shig/ ji ltar 'gog pa las kyang mi ldang zhing / spyod lam kun tu yang snang bar 'gyur ba de ltar nang du yang dag gzhag par gyis shig/ ji ltar thob pa'i mtshan nyid kyang mi 'dor la/ so so'i skye bo'i mtshan nyid du snang ba de ltar nang du yang dag gzhag par gyis shig/ ji ltar khyod kyis sems nang na'ang mi 'dug la/ phyi rol gyi gzugs la'ang mi rgyu ba de ltar nang du yang dag gzhag par gyis shig/ ji ltar lta bar gyur pa thams cad las kyang mi g.yo zhing / byang chub kyi phyogs kyi chos sum cu rtsa bdun rnams la'ang snang ba de ltar nang du yang dag gzhag par gyis shig/ ji ltar 'khor ba na spyod pa'i nyon mongs pa rnams kyang mi spong la/ mya ngan las 'das pa la'ang yang dag par gzhol bar 'gyur ba de ltar nang du yang dag gzhag par gyis shig/ btsun pa shA ri'i bu gang de ltar nang du yang dag bzhag pa la nang du yang dag 'jog na/ de dag
- 319a
la bcom ldan 'das kyis nang du yang dag 'jog par bka' stsal to zhes mchi nas/ bcom ldan 'das bdag gis chos nyid de thos nas/ de la sgrar tshig lan ldon pa'i rngom thog cing cang mi mchi bar gyur te/ de'i slad du bdag skyes bu dam pa de'i zo 'dri zhing mchi bar mi spro'o// de nas bcom ldan 'das kyis/ tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu khyod li tsa byi dri ma med par grags pa'i nad 'drir song zhig/ mo'u 'gal gyi bus kyang gsol pa/ bcom ldan 'das bdag skyes bu dam pa de'i bro 'dri zhing mchi bar mi spro'o/ / de ci'i slad du zhe na/ bcom ldan 'das bdag gis mngon par 'tshal ba dus gcig na/ yangs pa'i grong khyer chen po'i srang zhig gi sgo na khyim bdag rnams la bdag chos ston cing mchis pa'i drung der li tsa byi dri ma med par grags pa mchis nas/ bdag la 'di skad ces mchi'o// btsun pa mo'u 'gal gyi bu ji ltar ston pa ltar ni khyim pa gos dkar po can rnams la de ltar chos mi bstan to/ / btsun pa mo'u 'gal gyi bu chos de ji lta bzhin du chos bstan par bya ste/ btsun mo'u 'gal gyi bu chos ni sems can med pa ste/ sems can gyi rdul dang bral ba/ bdag med pa ste/ 'dod chags kyi rdul dang bral ba srog med pa ste/ skye ba dang 'chi 'pho dang bral ba/ gang zag med pa ste/ sngon gyi mtha' dang phyi ma'i mtha' yongs su ma chad pa/ zhi ba dang nye bar ni
- 319b
ba'i mtshan nyid/ 'dod chags dang bral ba dmigs pa med par 'gro ba/ yi ge med pa/ tshig thams cad chad pa/ brjod du med pa/ rlabs thams cad dang bral ba/ thams cad kyi rjes su/ song ba ste/ nam mkha' dang mnyam zhing mtshungs pa/ kha dog dang / rtags dang / dbyibs med pa/ rgyu ba thams cad dang bral ba/ nga'i ba med pa/ nga yir 'dzin pa med pa/ rnam par rig pa med pa ste/ sems dang / yid dang / rnam par shes pa dang bral ba/ gnyen po med pa'i phyir 'dra ba med pa/ rgyu dang mi mthun zhing rkyen du sgro 'dogs pa med pa/ chos kyi dbyings su yang dag par 'du ba'i phyir chos thams cad ni mnyam par gzhag pa/ rjes su mi 'gro ba'i tshul gyis de bzhin nyid kyi rjes su song ba/ shin tu ma g.yos pa'i phyir yang dag pa nyid kyi mtha' la gnas pa yul drug la mi rten pas ma g.yos pa/ mi gnas pas gang du'ang 'gro ba dang 'ong ba med pa/ stong pa nyid du yang dag par 'du ba/ mtshan pa med pas rab tu phye ba/ smon pa med pa'i mtshan nyid rtogs pa dang sel ba med pa/ dor ba med cing gzhag pa med pa/ skye ba dang 'jig pa med pa/ kun gzhi med pa/ mig dang / rna ba dang / sna dang / lce dang / lus dang / yid kyi lam las yang dag par 'das pa/ ma khengs pa/ mdud pa/ gnas pa mi g.yo bar gyur pa/ rgyu ba thams cad dang bral ba ste/ btsun pa mo'u 'gal gyi mu chen po de lta bu'i chos la bstan pa ji lta ru
- 320a
zhig yod/ btsun pa mo'u 'gal gyi bu chen po chos bstan pa zhes bya ba de'ang sgro btags pa'i tshig ste/ gang dag nyan pa de dag kyang sgro btags pas nyan to// btsun pa mo'u 'gal gyi bu gang la sgro btags pa'i tshig med pa de la chos ston pa'ang med de/ thos pa'ang med/ shes pa'ang med do// 'di lta ste/ dper na sgyu ma'i skyes bus sgyu ma'i skyes bu dag la chos bstan pa bzhin no/ / de lta bur sems gnas pas/ chos bstan par bya'o// khyod kyis sems can gyi dbang po la mkhas par bya'o// shes rab kyi mig gis legs par mthong ba dang / snying rje chen po mngon du gyur pa dang / theg pa chen po'i bsngags pa brjod pa dang / sangs rgyas la byas pa gzo ba dang / bsam pa dag pa dang / chos kyi nges pa'i tshig gi rnam par shes pas dkon mchog gsum gyi rigs mi 'chad par bya ba'i phyir khyod kyis chos bstan par bya'o zhes mchi ste/ bcom ldan 'das de lta de lta bur des chos bstan pas/ khyim bdag gi 'khor de las khyim bdag brgyad brgya bla na med pa yang dag par rdzogs pa'i byang chub tu sems skyes so/ / bdag kyang spobs pa ma mchis par gyur te/ bcom ldan 'das de'i slad du bdag skyes bu dam pa de'i bro 'dri zhing mchi bar mi sngo'o/ / de nas bcom ldan 'das kyis/ tshe dang ldan pa 'od srungs chen po la bka' stsal pa/ 'od srungs khyod l-i
- 320b
byi nI mA med par grags pa'i nad 'drir so zhig/ 'od blangs chen mos kyang gsol pa/ bcom ldan 'das bdag skyes bu dam pa de'i zo 'dri zhing mchi bar mi spro'o// de ci'i mad du zhe na/ bdag gis mngon par 'tshal ba dus gcig na/ dbul po'i nang du bsod snyoms la mchis na/ li tsa byi dri ma med pa der mchis nas/ bdag la 'di skad ces mchi'o// 'di ltar sems can chen po'i khyim bkol te dbul po'i khyim rnams su 'gro ba ni/ btsun pa 'od srungs chen po'i byams pa phyogs gcig pa yin gyis/ btsun pa 'od srungs chen po chos mnyam pa nyid la gnas par bya'o// dus thams cad du sems can thams cad la bsams te bsod snyoms btsal bar bya'o// zas med par zas btsal bar bya'o// gzhan gyi ril por 'dzin pa bsal ba'i phyir khyod bsod snyoms la 'gro bar bya'o/ / grong stong par byin gyis brlabs te khyod grong du 'gro bar bya'o// skyes pa dang bud med yongs su smin par bya ba'i phyir khyod grong khyer du 'jug par bya'o// sangs rgyas kyi rigs kyis khyod khyim du 'gro bar bya'o/ / mi len pas bsod snyoms blang bar bya'o// dmus long dang mtshungs par gzugs rnams la blta'o// zag cha dang 'dra bar sgra rnams mnyan to// rlung dang mtshungs par dri rnams la bsnam mo// rnam par rig pa med pas ro rnams myang ngo // ye shes la reg pa med mas reg bya rnams la reg par bya'o// sgyu ma'i skyes bu'i rnam par rig
- 321a
pas chos rnams la rig par bya'o/ / gang bdag gi dngos po dang gzhan gyi dngos po med pa de ni mi 'bar ba'o// gang mi 'bar ba de ni zhi bar mi 'gyur ro// gal te gnas brtan 'od srungs chen po log pa nyid brgyad las kyang ma 'das la/ rnam par thar pa brgyad la'ang snyoms par 'jug cing log pa'i mnyam pa nyid kyis yang dag pa'i mnyam pa nyid la 'jug pa dang bsod snyoms gcig kyang sems can thams cad la sbyin zhing / sangs rgyas thams cad dang 'phags pa thams cad la'ang 'bul te phul nas/ gdod bdag gis bza' ba lta na/ ji ltar nyon mongs pa dang bcas pa'ang ma yin/ nyon mongs pa dang bral ba'ang ma yin pa de ltar bza' 'o// mnyam par gzhag pa'ang ma yin/ langs pa'ang ma yin par bza' 'o// 'khor ba la'ang mi gnas la/ mya ngan las 'das pa la'ang mi gnas par bza' 'o// btsun pa khyod la gang dag bsod snyoms sbyin par byed pa de dag kyang 'bras bu che bar yang mi 'gyur 'bras bu chung bar yang mi 'gyur/ 'bri bar yang mi 'gyur/ khyad par du yang mi 'gyur/ sangs rgyas gshegs par yang dag par gzhol bar bya ba'i nyan thos 'gro bar yang dag par gzhol bar mi bya'o/ / gnas brtan 'od srungs chen po de ltar yul 'khor gyi bsod snyoms don yod par bza' 'o zhes mchi ste/ bcom ldan 'das bdag chos bstan pa 'di thos nas ngo mtshar du gyur te/ byang
- 321b
chub sems dpa' thams cad la phyag 'tshal lo/ / khyim na gnas pa'ang 'di lta bu'i spobs pa dang ldan na su zhig bla na med pa yang dag par rdzogs pa'i byang chub tu sems mi skyed snyam nas de tshun chad bdag gis sems can gang yang theg pa chen po ma lags par nyan thos kyi theg pa dang / rang sangs rgyas kyi theg pa la sngan chad ma btsud do// bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o/ / de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor khyod li tsa byi dri ma med par grags pa'i nang 'drir song zhig/ rab 'byor gyis kyang gsol pa/ bcom ldan 'das bdag skyes bu dam pa de'i bro 'dri zhing mchi bar mi spro'o// de ci'i slad du zhe na/ bcom ldan 'das bdag gis mngon par 'tshal ba dus gcig na/ yangs pa'i grong khyer chen por li tsa byi dri ma med par grags pa'i khyim du bsod snyoms la mchis pa dang / li tsa byi dri ma med par grags pas bdag gi lhung bzed 'tshal nas/ zas bzang pos bkang ste/ 'di skad ces mchi'o// btsun pa rab 'byor khyod gal te zang zing gi mnyam pa nyid kyis chos thams cad kyi mnyam pa nyid rjes su rtogs shing / chos thams cad kyi mnyam pa nyid kyis sangs rgyas kyi chos kyi mnyam pa nyid rjes su rtogs na/ gzod bsod snyoms 'di long zhig/ btsun pa rab 'byor khyod gal te 'dod chags dang / zhe sdang dang
- 322a
gti mug kyang ma spangs pa de dag dang lhan cig tu'ang mi gnas/ gal te 'jig tshogs la lta ba'ang ma bskyod la/ bgrod pa gcig pa'i lam du'ang song / khyod kyis ma rig pa dang / srid pa'i sred pa'ang ma bcom la/ rig pa dang rnam par grol ba'ang ma skyed/ mtshams med pa'i mnyam pa nyid dang / khyod kyis rnam par grol ba'ang mtshungs/ khyod grol ba'ang / ma yin la/ bcings pa'ang ma yin/ khyod kyis 'phags pa'i bden pa bzhi po'ang ma mthong la/ bden pa ma mthong ba'ang ma yin/ 'bras bu thob pa'ang ma yin la/ so so'i skye bo'ang ma yin/ so so'i skye bo'i chos las kyang ma log/ khyod 'phags pa'ang ma yin/ ma 'phags pa'ang ma yin/ chos thams cad dang yang ldan la/ chos thams cad kyi 'du shes dang yang bral/ khyod kyis ston pa'ang ma mthong la/ chos kyang ma thos dge 'dun la'ang bsnyen bkur ma byas shing / ston pa drug po gang yin pa de dag 'di lta ste/ 'od srungs rdzogs byed dang / kun tu rgyu gnag lhas kyi bu dang / sgra 'dod kyi bu mo'i bu yang dag rgyal ba can dang / ka t+ya'i bu nog can dang / mi pham skra'i la ba can dang / gcer du pa gnyen gyi bu de dag btsun pa'i ston pa yin te/ de dag la brten nas khyod rab tu byung zhing ston pa drug po de dag gar 'gro bar 'phags pa rab 'byor kyang 'gro la/ lta bar gyur pa thams cad
- 322b
kyi nang du'ang khyod chud cing / mtha' dang dbus kyang mi rnyed/ khyod mi khom pa brgyad du yang 'jug la dal ba'ang thob/ khyod kun nas nyon mongs pa dang yang mnyam par gyur la/ rnam par// byang ba'ang khong du chud/ gang sems can thams cad kyi nyon mongs pa med pa de btsun pa'i yang nyon mongs pa med pa yin/ khyod kyis sbyin pa'ang rnam par ma sbyangs/ btsun pa khyod la su dag bsod snyoms sbyin par byed pa de dag kyang log par lhung bar byed/ khyod bdud thams cad dang yang lhan cig/ nyon mongs pa thams cad kyang khyod kyi grogs su gyur/ nyon mongs pa'i ngo bo nyid gang yin pa btsun pa'i ngo bo nyid kyang de yin/ sems can thams cad la'ang khyod kyis gsad pa'i sems nye bar bzhag/ sangs rgyas thams cad la'ang khyod kyis skur/ sangs rgyas kyi chos thams cad la'ang mi snyan par byas/ dge 'dun la'ang khyod mi rton cing / nam yang yongs su mya ngan las mi 'da' na gdod khyod kyis bsod snyoms 'di long zhig ces mchi ste/ bstan pa 'di de las thos nas bcom ldan 'das de la bdag gis ji skad bshad/ ji skad smra/ ji ltar bgyi snyam ste/ phyogs bcu mun par gyur nas/ bdag gi lhung bzed de'ang bor te/ khyim nas slar 'byung bar bgyis na/ li tse byi dri ma med par grags phra bdag la 'di skad ces mchi'o// btsun pa rab 'byor yi ge dag la ma 'jigs par lhung bzed 'di long zhig/ btsun
- 323a
pa rab 'byor 'di ji snyam du sems/ gal te de bzhin gshegs pa'i sprul pa la de skad byas na de ci skrag par 'gyur ram/ bdag gi de la rigs kyi bu de lta ma yin no zhes bgyis so/ / des bdag la smras pa/ btsun pa rab 'byor sgyu ma sprul pa'i rang bzhin gyi chos thams cad la skrag par ma byed cig/ de ci'i phyir zhe na/ tshig de dag thams cad kyang de'i rang bzhin te/ de ltar mkhas pa dag yi ge rnams la'ang mi chags shing / de dag la skrag par yang mi byed pa'i phyir ro// de ci'i phyir zhe na/ yi ge de dag thams cad ni yi ge med pa ste/ rnam par grol ba ni ma gtogs so// chos thams cad ni rnam par grol ba'i mtshan nyid do// bstan pa 'di bshad pa na/ lha'i bu nyis brgya chos rnams la chos kyi mig rdul med cing dri ma dang bral ba rnam par dag go/ lha'i bu lnga brgya ni rje su mthun pa'i bzod pa thob par gyur to// bdag kyang spobs pa ma mchis par gyur nas/ de la slar lan ldon rngo ma thog ste/ bcom ldan 'das de'i slad du bdag skyes bu dam pa de'i zo 'dri zhing mchi bar mi spro'o/ / de nas bcom ldan 'das kyis/ tshe dang ldan pa byams ma'i bu gang po la bka' stsal pa/ gang po khyod li tsa byi dri ma med par grags pa'i nad 'drir song zhig/ gang pos kyang gsol pa/ bcom ldan 'das bdag skyes bu dam pa de'i zo 'dri zhing mchi bar mi spro'o// de ci'i slad du me na/ bcom ldan
- 323b
'das bdag gis mngon par 'tshal ba dus gcig na/ nags tshal chen po'i nang gcig na nags tshal chen po'i sa phyogs shig na las dang po pa'i dge slong dag la chos ston cing mchis na li tsa byi dri ma med par grags pa der mchis nas/ bdag la 'di skad ces mchi'o// btsun pa gang po snyoms par zhugs te/ dge slong 'di dag gi sems ltos 'chos ston cig/ rin po che'i snod chen por zan rul ma blugs shig/ dge slong 'di dag gi bsam pa ji lta bu shes par gyis la nor bu rin po che bai DUR+Ya mching bu'i nor bu dang mtshungs par ma byed cig/ btsun pa gang po sems can gyi dbang po dag la ma brtags par nyi tshe ba'i dbang po nye bar ma sgrub cig/ rma med pa la rnam dbyung zhig/ lam chen por 'jug par 'dod pa srang dog par ma gzud cig/ rgya mtsho chen po ba lang gi rme/ rjes su ma rlags shig/ ri rab yungs 'bru'i nang du ma gzhug cig/ nyi ma'i 'od srin bu me khyer gyis ma zlog cig/ seng ge'i sgra sgrog par 'dod pa rnams wa'i sbru la ma gzud cig/ btsun pa gang po dge slong 'di dag thams cad ni theg pa chen lnga yang dag par zhugs pa las byang chub kyi sems stor ba sha stag ste/ btsun pa gang po 'di dag la nyan thobs kyi chos kyi theg pa ma ston cig/ nyan thos kyi theg pa ni yang dag pa ma yin te/ sems can gyi dbang po'i rim pa shes pa las nyan thos 'di dag ni kho bos dmus long dang 'dra ba snyam byed do// de nas
- 324a
li tsa byi dri ma med par grags pa de'i tshe/ ji ltar dge slong de dag sngon gyi gnas rnam pa mang po rjes su dran par gyur pa de lta bu'i ting nge 'dzin la snyoms par zhugs nas de dag la yang dag par rdzogs pa'i byang chub kyi phyir/ sangs rgyas lnga brgya la bsnyen bkur byas pa'i dge ba'i rtsa ba dang ldan pa ste/ de dag gi byang chub kyi sems de'ang mngon du gyur nas/ de dag skyes bu dam pa de'i rkang pa la mgo bos phyag 'tshal te/ thal mo sbyar bar gyur pa dang / des yang de dag la bla na med pa yang dag par rdzogs pa'i byang chub las phyir mi ldog par 'gyur ba de lta bu'i chos bstan nas bcom ldan 'das bdag gis 'di snyam du bsams so/ / nyan thos kyi pha rol gyi sems dang / bsam pa ma brtags par su la'ang chos mi bstan to// de ci'i slad du zhe na/ nyan thos la ni sems can thams cad kyi dbang po mchog dang mchog ma lags pa la mkhas pa'ang ma mchis/ ji ltar de bzhin gshegs pa dgra bcom pa yang dag par rdzogs pa'i sangs rgyas bzhin du rtag tu mnyam par gzhag pa'ang ma lags so snyam bgyid de/ bcom ldan 'das de'i rmad du bdag skyes bu dam pa de'i bro 'dri zhing mchi bar mi spro'o// de nas bcom ldan 'das kyis/ tshe dang ldan pa ka t+ya'i bu chen po la bka' stsal pa/ kat+ya'i bu khyod li tsa byi dri ma med par grags pa'i nad 'drir song zhig/ ka t+ya'i bus kyang gsol pa/ bcom ldan 'das bdag
- 324b
skyes bu dam pa de'i bro 'dri zhing mchi bar mi spro'o/ / de ci'i slad du zhe na/ bcom ldan 'das bdag gis mngon par 'tshal ba dus gcig na/ bcom ldan 'das kyis/ dge slong rnams la gdams pa mdor bka' stsal te/ mdo de'i tshig gtan la dbab pa'i slad du/ bdag gis 'di lta ste/ mi rtag pa'i don dang / sdug bsngal ba'i don dang / bdag med pa'i don dang / zhi ba'i don gyi chos bstan na/ li tsa byi dri ma med par grags pa der mchis nas/ bdag la 'di skad mchi'o// btsun pa ka t+yA'i bu chen po rgyu ba dang bcas pa/ skye ba dang bcas pa/ 'jig pa dang ldan pa'i chos nyid ma ston cig/ btsun pa ka t+ya'i bu chen po gang shin tu ma skyes pa/ ma skyed/ skyed par mi 'gyur/ ma 'gags/ mi 'gag/ 'gag par mi 'gyur ba de ni mi rtag pa'i don to/ / gang phung po lnga po dag la stong pa nyid du rtogs pas/ skye ba med pa rtogs pa'i don de ni sdug bsngal gyi don to// gang bdag dang bdag med pa gnyis su med pa nyid de ni bdag med pa'i don to/ / gang rang gi ngo bo nyid med pa dang / gzhan gyi ngo bo nyid med pa de ni mi 'bar te/ gang mi 'bar ba de ni zhi bar mi 'gyur zhing / gang rab tu zhi ba de ni zhi ba'i don to// bstan pa 'di bshad pa na/ dge slong de dag len pa med par zag pa rnams las sems rnam par grol lo// bcom ldan 'das de'i slad du bdag ni skyes bu dam pa de'i bro 'dri zhing mchi bar mi spro'o//
- 325a
de nas bcom ldan 'das kyis/ tshe dang ldan pa ma 'gags pa la bkar stsal pa/ ma 'gags pa khyod li tsa byi dri ma med par grags pa'i nad 'drir song zhig/ ma 'gags pas kyang gsol pa/ bcom ldan 'das bdag skyes bu dam pa de'i zo 'dri zhing mchi bar mi spo'o// de ci'i slad du zhe na/ bcom ldan 'das bdag gis mngon par 'tshal ba dus gcig na/ bdag 'chag sa zhig na/ 'chag pa der tshangs pa chen po dge ba bkod pa zhes bgyi ba tshangs pa khri dang lhan ci khyog de snang bar bgyis nas/ bdag ga la ba der mchis te/ bdag gi rkang pa la mgo bos phyag bgyis nas/ phyogs gcig tu 'khod de bdag la 'di skad ces mchi'o// btsun pa ma 'gags pa khyod bcom ldan 'das kyis lha'i mig can gyi mchog tu gsungs na/ tshe dang ldan pa ma 'gags pa'i lha'i mig gis ji srid tshun chad mthong / bdag gis de la 'di skad ces bgyis so// grogs po dag kho bos ni bcom ldan 'das shAkya thub pa'i sangs rgyas kyi zhing stong gsum gyi stong chen po'i jig rten gyi khams ni 'di lta ste/ dper na skyes bu mig dang ldan pa'i lag mthil du skyu ru ra'i 'bras bu bzhag pa bzhin du mthong ngo zhes bka' mchid 'di bgyis pa dang / li tsa byi dri ma med par grags pa phyogs der mchis te/ bdag gi rkang pa la mgo bos phyag bgyis nas/ bdag la 'di skad ces mchi'o// btsun pa ma 'gags pa lha'i mig mngon par 'du byed
- 325b
pa'i mtshan nyid dam/ 'on te mngon par 'du mi byed pa'i mtshan nyid yin/ de gal te mngon par 'du byed pa'i mtshan nyid yin na ni/ phyi rol gyi mngon par shes pa lnga dang mtshungs so// ci ste mngon par 'du mi byed pa yin na ni/ mngon par 'du mi byed pa ni 'dus ma byas pa yin te/ des ni mthong bar mi nus na/ gnas brtan gyis ji ltar mthong zhes mchis nas/ bdag cang mi mchi bar gyur te/ tshangs pa de'ang skyes bu dam pa de las bstan pa 'di thos nas/ ngo mtshar du gyur te/ phyag 'tshal nas 'di skad ces smras so// 'jig rten na lha'i mig can gang lags/ smras pa/ sangs rgyas bcom ldan 'das rnams ni/ 'jig rten na lha'i mig can te/ de dag ni mnyam par gzhag pa'i gnas kyang mi 'dor la/ sangs rgyas kyi zhing thams cad kyang gzigs te/ gnyis kyis rab tu bye ba'ang ma yin no// de nas tshangs pa g.yog 'khor khris chos bstan pa 'di thos nas/ lhag pa'i bsam pas bla na med pa yang dag par rdzogs pa'i byang chub tu sems bskyed do/ / des bdag dang skyes bu dam pa de la phyag bgyis te/ gus par smras nas de nyid du mi gda' bar gyur to// bdag kyang spobs pa ma mchis par gyur to/ / de'i slad du bdag skyes bu dam pa de'i zo 'dri zhing mchi bar mi spro'o// de nas bcom ldan 'das kyis/ tshe dang ldan pa nye bar 'khor la
- 326a
bka' stsal pa/ nye bar 'kho khyod li tsa byi dri ma med par grags pa'i nad 'drir song zhig/ nye bar 'khor gyis kyang gsol ba/ bcom ldan 'das bdag skyes bu dam pa de'i zo 'dri zhing mchi bar mi spro'o/ / de ci'i slad du zhe na/ bcom ldan 'das bdag gis mngon par 'tshal ba dus gcig na/ dge slong gnyis shig ltung ba byung nas/ bcom ldan 'das la ngo tsha de/ bcom ldan 'das kyi drung du ma mchis kyis/ de gnyis bdag ga la ba der mchis te/ bdag la 'di skad ces btsun pa nye bar 'khor bdag cag gnyis la ltung ba byung ste/ ngo tsha nas bcom ldan 'das kyi drung ngu'ang ma mchis na/ tshe dang ldan pa nye bar 'khor khyod kyis/ bdag cag gnyis kyi the tsom bsal te/ bdag cag lhung ba las phyung zhig ces mchi nas bcom ldan 'das bdag dge slong de gnyis la chos kyi gtam ston pa'i phyogs der li tsa byi dri ma med par grags pa'ang mchis nas/ des bdag la 'di skad ces mchi'o// btsun pa nye bar 'khor khyod kyis dge slong 'di gnyis kyi ltung ba de phyir dam du ma bya/ rnyog ma can du ma bya bar 'di gnyis kyi ltung ba'i 'gyod pa sol cig/ btsun pa nye bar 'khor ltung ba ni nang na'ang mi gnas/ phyi rol du'ang ma 'phos/ gnyis ka med par yang mi dmigs so// de ci'i phyir zhe na/ bcom ldan 'das kyis bka' stsal pa/ sems kun nas nyon mongs
- 326b
pas sems kun nas nyon mongs so/ / sems rnam par byung bas rnam par dag par 'gyur ro zhes gsungs pa'i phyir te/ btsun pa nye bar 'khor sems ni nang na'ang ma yin/ phyi rol na'ang ma yin/ gnyis ka med par yang mi dmigs so// sems ji lta bar lhung ba'ang de zhin no// ltung ba ji lta bar chos thams cad kyang de bzhin te/ de bzhin nyid las mi 'da' 'o/ / btsun pa nye bar 'khor sems kyi rang bzhin gang yin pa dang / sems kyi rang bzhin gang gis btsun pa'i sems rnam par grol ba'i sems kyi rang bzhin de nam yang kun nas nyon mongs par gyur tam/ smras pa/ de ni ma yin no// smras pa/ btsun pa nye bar 'khor sems can thams cad kyi sems ni de'i rang bzhin te/ btsun pa nye bar 'khor kun tu rtog ni nyon mongs pa ste/ mi rtog pa rnam par mi rtog pa ni rang bzhin no// phyin ci log ni kun nas nyon mongs pa ste/ phyin ci ma log pa ni rang bzhin no// bdag tu sgro 'dogs pa ni kun nas nyon mongs pa ste/ bdag med pa ni rang bzhin no// btsun pa nye bar 'khor chos thams cad ni skyes nas 'jig cing mi gnas pa ste/ sgyu ma dang sprin dang glog lta bu/ chos thams cad ni mi sdod pa ste/ skad cig tsam yang mi 'dug go// chos thams cad ni rmi lam dang smig rgyu dang 'dra ste/ yang dag pa ma yin pa mthong ba'o// chos thams cad ni chu zla dang gzugs brnyan
- 327a
dang 'dra ste/ sems kun tu rtog pa las byung ba'o// gang dag gis de ltar shes pa de dag ni 'dul ba 'dzin pa zhes bya ste// gang dag de ltar btul ba de dag ni legs par/ btul ba'o// de nas dge slong de gnyis 'di skad ces mchi'o// khyim bdag 'di ni shin tu shes rab dang ldan te/ bcom ldan 'das kyis 'dul ba 'dzin pa rnams kyis mchog tu gsungs pa btsun pa nye bar 'khor 'di ni de tsam ma yin no/ / de gnyis la bdag gis 'di skad ces bgyis so// dge slong khyed kyi 'di la khyim bdag snyam pa'i 'du shes ma skyed cig/ de ci'i phyir zhe na/ de bzhin gshegs pa ma gtogs par gang dag 'di'i spobs pa'i rgyun gcod pa'i nyan thos sam/ byang chub sems dpa' sems dpa' chen po de gang yang med de 'di'i shes rab kyi snang ba ni de 'dra'o/ / de nas dge slong de gnyis kyi the tsom bsal nas/ de nyid du lhag pa'i bsam pas bla na med pa yang dag par rdzogs pa'i byang chub tu sems bskyed de/ de gnyis kyis skyes bu dam pa de la phyag 'tshal nas/ 'di skad ces sems can thams cad kyis kyang de lta bu'i spobs pa thob par gyur cig ces mchi'o// de'i slang du bdagu skyes bu dam pa de'i bro 'dra zhing mchi bar mi spro'o/ / de nas bcom ldan 'das kyis/ tshe dang ldan pa sgra gcan zin la bka' stsal pa/ sgra gcan zin khyod li tsa byi dri ma med par grags pa'i nad
- 327b
'drir song zhig/ sgra gcan zin gyis kyang gsol pa/ bcom ldan 'das bdag skyes bu dam pa de'i nad 'dri zhing mchi bar mi spro'o// de ci'i slad du zhe na/ bcom ldan 'das bdag gis mngon par 'tshal ba dus gcig na/ li tsa byi gzhon nu mang zhig bdag ga la ba der mchis nas/ bdag la 'di skad ces mchi'o// btsun pa sgra gcan zin khyod bcom ldan 'das kyi sras yin te/ 'khor los sgyur ba'i rgyal srid bor nas rab tu byung na/ khyod kyis gang la dmigs rab tu byung ba'i yon tan dang phan yon gang lags zhes mchi nas/ bdag de dag la ci rigs par rab tu byung ba'i yon tan dang / phan yon ston cing mchis na/ li tsa byi dri ma med par grags pa'ang bdag ga la ba der mchis nas/ des bdag la phyag bgyis te/ 'di skad ces mchi'o// btsun bapasgra gcan za na rab tu byung ba'i yon tan dang / phan yon ji ltar khyod ston pa de ltar mi bstan to// de ci'i phyir zhe na/ rab tu byung ba ni yon tan med cing phan yon med pa yin no// btsun pa sgra gcan zin gang la 'dus byas 'jug pa de la yon tan dang phan yon yod kyi/ rab tu byung ba ni 'dus ma byas par sbyor ba yin te/ 'dus ma byas la ni yon tan dang phan yon med do// btsun pa sgra gcan zin rab tu byung ba ni gzugs can ma yin te/ gzugs dang bral ba'o// thog ma dang tha ma'i mthar lta ba dang bral ba'o// mya ngan las 'das pa'i lam mo// mkhas pa rnams kyis
- 328a
bsngags pa'o/ / 'phags pa rnams kyis yongs su gzung ba'o// bdud thams cad pham par byed pa'o// 'gro ba lnga las sgrol ba'o// mig lnga rnam par spyong pa'o/ / stobs lnga 'thob pa'o// dbang po lnga thob pa'i rten to// gzhan dag la mi gnod pa'o// sdig pa'i chos dang ma 'dres pa'o// pha rol mu stegs can rab tu 'dul ba'o// gdags pa las yang dag par 'das pa'o// 'dod pa'i 'dam la zam pa'o// yongs su 'dzin pa med pa'o// nga'i ba med cing / nga yir 'dzin pa dang bral ba'o// len pa med pa'o// 'khrug pa med pa'o// 'khrug pa spangs pa'o// rang gi sems 'dul zhing gzhan gyi sems bsrung ba'o// zhi gnas dang mthun pa'o// thams cad du kha na ma tho ba med pa ste/ de ni rab tu byung ba zhes bya/ gang dag de ltar rab tu byung ba de dag ni legs par rab tu byung ba'o// gzhon nu khyod kyang legs par gsungs pa'i chos 'di lta bu la rab tu byung zhig/ sangs rgyas 'byung ba'ang rnye par dka' 'o/ / dal ba 'byor pa'ang rnyed par dka' 'o// mir 'gyur ba'ang rnyed par dka' 'o// gzhon nu de dag gis 'di skad ces smras so// khyim bdag bdag cag gis thos na de bzhin gshegs pa ni pha mas ma btang bar rab tu mi 'byin zhe'o/ / des de dag la smras pa/ gzhon nu khyed kyis bla na med pa yang dag par rdzogs pa'i byang chub tu sems bskyed la nan tan gyis
- 328b
sgrubs shig dang / de nyid khyed kyi rab tu byung zhing bsnyen par rdzogs pa yin no// de nas li tsa byi gzhon nu sum stong nyis brgya bla na med pa yang dag par rdzogs pa'i byang chub tu sems bskyed do// bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod li tsa byi dri ma med par grags pa'i nad 'drir song zhig/ kun dga' bos kyang gsol pa/ bcom ldan 'das bdag skyes bu dam pa de'i bro 'dri zhing mchi bar mi spro'o// de ci'i slad du zhe na/ bcom ldan 'das bdag gis mngon par 'tshal ba dus gcig na/ bcom ldan 'das kyi sku la snyun cig byung nas/ de la 'o ma zhig 'tshal te/ bdag bram ze shing sA la chen po lta bu zhig gi sgo drung na lhung bzed thogs shing mchis pa dang / li tsa byi dri ma med par grags pa phyogs der mchis nas/ bdag la phyag bgyis te/ 'di skad ces mchi'o// btsun pa kun dga' bo ci'i phyir/ nang par sngar lhung bzed thogs nas/ khyim gyi sgo drung 'di na 'dug/ de la bdag gis 'di skad ces bgyis so// bcom ldan 'das kyi sku la spyan cig byung ste de la 'o ma zhig dgos nas/ de tshol lo zhes bgyis pa dang / des bdag la 'di skad ces mchi'o// btsun pa kun dga' bo de skad ma zer cig/ btsun pa kun dga' bo de bzhin
- 329a
gshegs pa'i sku ni rdo rje ltar mkhregs pa ste mi dge ba thams cad kyi bag chags ni spangs/ dge ba'i chos thams cad dang ni ldan pa yin na/ de la spyan ga las 'byung de la nyam nga ba ga la yod/ btsun pa kun dga' bo bcom ldan 'das la skur pa ma 'debs par cang ma zer bar slar song zhig/ gzhan su la'ang de skad ma smra zhig/ gzi brjid che ba gzi brjid che ba'i lha'i bu rnams dang / sangs rgyas kyi zhing gud nas lhags pa'i byang chub sems dpa' rnams kyis thos sa re/ btsun pa kun dga' bo 'khor los sgyur ba'i rgyal po dge ba'i rtsa ba chung ngu dang ldan pa la'ang nad med na/ bcom ldan 'das dge ba'i rtsa ba tshad med pa dang ldan pa/ de la snyun ga la mnga' ste/ de ni gnas med do// btsun pa kun dga' bo kho bo ngo tsha bar ma bya bar slar song zhig/ gzhan mu stegs can spyod pa pa dang / kun tu rgyu dang / gcer bu pa dang / 'tsho ba pa dag gis thos sa re/ de dag 'di snyam du kye ma'o 'di dag gi ston pa ni bdag nyid kyang na ba las skyob mi nus na/ sems can nab dag gi skyabs lta ga la nus snyam du sems sa re/ btsun pa kun dga' bo gab cing mi snang bar bzhud cig/ sus kyang thos sa re/ btsun pa kun dga' bo de bzhin gshegs pa rnams ni chos kyi sku ste/ kha zas kyis gsos pa'i lus ma yin no// de bzhin gshegs pa rnams ni 'jig rten las 'das
- 329b
pa'i sku yin te/ 'jig rten gyi chos thams cad las yang dag par 'das pa'o// de bzhin gshegs pa'i sku la gnod pa med de/ zag pa thams cad las rnam par log pa'o// de bzhin gshegs pa'i sku ni 'dus ma byas pa ste/ 'du byed thams cad dang bral ba'o// btsun pa kun dga' bo de lta bu la nad yod par 'dod pa ni mi rigs shing 'dra ba ma yin no zhes mchi nas/ de la bcom ldan 'das las bdag gis log par thos shing log par bzung bar ma gyur grang snyam ste/ bdag rab tu ngo tsha bar gyur to// de nas bdag gis bar snang las sgra thos pa kun dga' bo khyim bdag ji ltar ston pa de de bzhin te/ 'on kyang bcom ldan 'das snyigs ma lnga'i dus la byung bas de'i phyir sems can rnams dman zhing dbul ba'i spyod pas rnam par 'dul tede bas na kun dga' bo ngo tsha bar ma byed par 'o ma khyer la slar song zhig ces mchi'o/ / bcom ldan 'das li tsa byi dri ma med par grags pa dris pa lan 'debs pa bstan pa 'di 'dri ste/ bcom ldan 'das de'i slad du bdag skyes bu dam pa de'i zo 'dri zhing mchi bar mi spro'o/ / de bzhin du nyan thos lnga brgya tsam mi spro bar gyur pa de dag gis/ rang gi spobs pa bcom ldan 'das la gsol te/ gang dag li tsa byi dri ma med par grags pa dang gtam byas pa de thams cad kyang bcom ldan 'das la gsol to/ / de nas bcom ldan 'das kyis/ byang chub sems dpa' byams pa
- 330a
la bka' stsal pa/ byams pa khyod li byi dri ma med par grags pa'i nad 'drir song zhig/ byams pas kyang gsol pa/ bcom ldan 'das bdag skyes pa ma pa de'i zo 'dra/ zhing mchi bar mi spro'o// de ci'i slad du zhe na/ bcom ldan 'das bdag gis mngon par 'tshal ba dus gcig na/ lha'i bu yongs su dga' ldan la sogs pa dga' ldan ris kyi lha'i bu rnams dang lhan cig tu/ 'di ltar byang chub sems dpa' sems dpa' chen po rnams kyi phyir mi ldog pa'i sa la brtsams te/ chos kyi bka' mchid mchi ba'i phyogs der li tsa byi dri ma med par grags pa mchis des bdag la 'di gang ces mtsho'o/ / byams pa khyod bcom ldan 'das kyis blan med pa yang dag par rdzogs pa'i byang chub tu skye pa gcig gis thogs par yang byas na na/ rnams pa te ste ba gang gis lung bstan/ byams pa ci 'das pas sam/ 'on te ma 'ongs pas sam/ 'on te da ltar gyis de la gang 'das pa'i skye ba de ni zad pa'o// gang ma 'ongs pa de ni ma byin pa'o// da ltar gyi skye ba la ni gnas pa'ang med de/ 'di lta ste// bcom ldan 'das kyis bka' stsal pa/ 'di ltar dge slong dgra khyed ni skad cig gcig tu skye ba'o// rga'o// 'chi'o// 'pho'o// 'byung ngo zhes gsungs so// skye ma med pa ni nges par gyur pa la 'jug pa de/ mi bya ba ni lung bstan pa'ang med/ mi skye ba ni mngon par rdzogs par 'tshang rgya ba'ang ma yin na/ byams pa khyod de
- 330b
bzhin nyid skye bas sam/ de bzhin nyid 'gags pas sam/ ji ltar lung bstan pa de bzhin nyid ni mi skye mi 'gag pas sam/ ji ltar lung bstan pa de bzhin nyid mi skye mi 'gag cing skye bar mi 'gyur la 'gag par mi 'gyur te/ gang sems can thams cad kyi de bzhin nyid dang / gang chos thams cad kyi de bzhin nyid dang / glang 'phags pa thams cad kyi de bzhin nyid de ni/ byams pa khyod kyi yang de bzhin nyid do/ / gal te khyod de lta bur lung bstan na ni sems can thams cad kyang lung bstan pa yin no// de ci'i phyir zhe na/ de bzhin nyid ni gnyis kyis rab tu phye ba ma yin tha dad pas rab tu phye ba ma yin pa'i phyir te/ byams pa khyod gang gi tshe byang chub mngon par rdzogs par 'tshang rgya ba de'i tshe/ sems can thams cad kyang de lta bu'i byang chub mngon par rdzogs par 'tshang rgya bar 'gyur ro/ / de ci'i phyir zhe na/ sems can thams cad rjes su rtogs pa ni byang chub yin pa'i phyir ro// byams pa khyod gang gi tshe yongs su mya ngan las 'da' ba de'i tshe sems can thams cad kyang yongs su mya ngan las 'da' bar 'gyur ro/ / de ci'i phyir zhe na/ sems can thams cad yongs su mya ngan las ma 'das par de bzhin gshegs pa yongs su mya ngan las mi 'da' ste/ de dag gis sems can thams cad shin tu yongs su mya ngan las 'das shing mya ngan las 'das pa'i rang bzhin can du mthong ba'i phyir ro// byams pa de lta bas na/
- 331a
lha'i bu 'di rnams ma brid ma slu zhig/ byang chub la ni su'ang mi gnas mi ldog gis/ byams pa lha'i bu 'di dag byang chub la kun tu rtog par lta ba de 'dor du chug cig byang chub ni lus kyis mngon par rdzogs par 'tshang rgya ba ma yin/ sems kyis kyang ma yin/ byang chub ni mtshan ma thams cad rnam par zhi ba'o// byang chub ni dmigs pa thams cad kyis sgro btags pa med pa'o/ / byang chub ni yid la byed pa thams cad rgyu ba med pa'o// byang chub ni lta bar gyur pa thams cad yongs su chad pa'o// byang chub ni yongs su rtog pa thams cad dang bral ba'o/ / byang chub ni g.yo ba dang / sems pa dang / spyod pa thams cad dang bral ba'o// byang chub ni smon lam thams cad la mi 'jug pa'o// byang chub ni 'dzin pa thams cad dang bral zhing ma chags par 'jug pa'o/ / byang chub ni chos kyi dbyings kyi gnas kyis gnas pa'o// byang chub ni de bzhin nyid rjes su rtogs pa'o// byang chub ni yang dag pa nyid kyi mtha' la gnas pa'o/ / byang chub ni yid dang chos med pas gnyis su med pa'o// byang chub ni nam mkha' dang mnyam pas mnyam mo// byang chub ni skye ba dang / 'jig pa dang / gnas pa dang / gzhan du 'gyur ba med pas 'dus ma byas pa'o// byang chub ni sems can thams cad kyi sems dang / spyod pa dang / bsam pa yongs su shes pa'o// byang chub ni skye mched rnams kyi sgom
- 331b
yin pa'o/ / byang chub ni bag chags thams cad kyi mtshams sbyor ba'i nyon mongs pa dang bral bas ma 'dres pa'o// byang chub ni gnas dang gnas ma yin pa dang bral bas yul la mi gnas shig phyogs la mi gnas pa'o/ / byang chub ni kunu nas mi snang zhing de bzhin nyid la mi gnas pa'o// byang chub ni ming tsam ste/ ming de'ang g.yo ba med do// byang chub ni blang ba dang dor ba med pas rnam med pa'o/ / byang chub ni 'khrug pa med pa ste/ rang bzhin gyis yongs su dag pa'o// byang chub ni rab tu snang ba ste/ ngo bo nyid rnam par dag pa'o// byang chub ni 'dzin pa med pa te/ shin tudamigs pa med pa'o/ / byang chub ni chos thams cad kyi mnyam pa nyid khong du chud pas tha dad pa med pa'o// byang chub ni dper bstan pa dang bral bas dpe med pa'o// byang chub ni shin tu khong du chud par dka' ba'i phyir phra ba'o/ / byang chub ni nam mkha'i rang bzhin pas na thams cad du song ba ste/ de ni lus kyis sam sems kyis mngon par rdzogs par 'tshang rgya bar mi nus so// de ci'i byir zhe na/ lus ni rtswa dang / shing dang / rtsig pa dang / las dang / mig sor lbu ba'o// sems ni gzugs med pa/ bstan du med pa/ rten med pa'o// rnam par rig pa med pa'o// bcom ldan 'das bstan pa 'di bshad pa na/ 'khor de las lha'i bu nyis brgya mi skye ba'i chos la bzod pa thob bo// bdag kyang spobs pa ma mchis par gyur te/ bcom ldan 'das de'i
- 332a
slad du bdag skyes bu dam pa de'i zo 'dri zhing mchi bar mi spro'o/ / de nas bcom ldan 'das kyis/ li tsa byi gzhon nu 'od bkod pa la bka' stsal pa/ 'od bkod pa khyod li tsa byi dri ma med par grags pa'i nad 'drir song zhig/ 'od bkod pas kyang gsol pa/ bcom ldan 'das bdag skyes bu dam pa de'i bro 'dri zhing mchi bar mi spro'o// de ci'i slad du zhe na/ bcom ldan 'das bdag gis mngon par 'tshal ba dus gcig na/ bdag yangs pa'i grong khyer chen po nas byung ba dang / li tsa byi dri ma med par grags pa nang du mchi ba dang mjal te/ de bdag la gus par smras pa dang / bdag gis 'di skad ces bgyis so// khyim bdag khyod ga las 'ongs/ des bdag la smras pa/ byang chub kyi snying po nas 'ongs so// bdag gis de la smras pa/ byang chub kyi snying po zhes bya ba de gang gi tshig bla dgas lags/ des bdag la 'di skad ces mchi'o// rigs kyi bu byang chub kyi snying po zhes bya ba de ni bcos ma ma yin pa'i phyir/ bsams pa'i snying po'o// rtsom pa las sgrol ba'i phyir de ni sbyor ba'i snying po'o// khyad par khong du chud pa'i phyir de ni lhag pa'i bsam pa'i snying po'o// yang dag par mi brjed pa'i phyir de ni byang chub kyi sems kyi snying po'o/ / rnam par smin pa la mi re ba'i phyir de ni sbyin pa'i snying po'o// smon lam yongs su rdzogs pa'i phyir de ni tshul khrims kyi snying po'o//
- 332b
sems can thams cad la khong khro ba'i sems med pas de ni bzod pa'i snying po'o// phyir mi ldog pa'i phyir de ni brtson 'grus kyi snying po'o// sems las su rung ba'i phyir de ni bsam gtan gyi snying po'o/ / mngon sum du mthong ba'i phyir de ni shes rab kyi snying po'o// sems can thams cad la sems mnyam pa'i phyir de ni byams pa'i snying po'o// gnod pa thams cad bzod pa'i phyir de ni snying rje'i snying po'o/ / chos kyi kun dga' la dga' zhing mos pa'i phyir de ni dga' ba'i snying po'o// rjes su chags pa dang / khong khro ba spangs pa'i phyir de ni btang snyoms kyi snying po'o// drug mngon par shes pas de ni mngon par shes pa'i snying po'o// mi rtog pa'i phyir de ni rnam par thar pa'i snying po'o// sems can yongs su smin par byed pa'i phyir de ni thabs kyi snying po'o/ / sems can thams cad sdud pa'i phyir de ni bsdu ba'i dngos po'i snying po'o// nan tan snying por byed pa'i phyir de ni thos pa'i snying po'o// tshul bzhin so sor rtog pa'i phyir de dag nges par sems pa'i snying po'o/ / 'dus byas dang 'dus ma byas slong ba'i phyir de ni byang chub kyi phyogs kyi chos kyi snying po'o// 'jig rten thams cad mi slu ba'i phyir de ni bden pa'i snying po'o// ma rig pa'i zag pa zad pa nas/ rga shi'i bar gyi zag pa zad pa'i phyir de ni rten cing 'brel par 'byung ba'i snying po'o// yang dag pa ji lta ba bzhin du mngon par rdzogs par byang
- 333a
chub pa'i phyir de ni nyon mongs pa thams cad rab tu zhi ba'i snying po'o/ / sems can thams cad ngo bo nyid med pa'i phyir de ni sems can thams cad kyi snying po'o// stong pa nyid mngon par rdzogs par byang chub pa'i phyir de ni chos thams cad kyi snying po'o// mi g.yo ba'i phyir de ni bdud thams cad rab tu 'jom pa'i snying po'o// 'jug pa dang bral ba'i chos de ni khams gsum pa'i snying po'o/ / mi 'jigs shing mi sbyangs pa'i phyir de ni seng ge'i sgra sgrogs pa'i brtson 'grus snying po'o// thams cad du ma smad pa'i phyir de ni stobs dang / mi 'jigs pa dang ma 'dres pa dang / sangs rgyas kyi chos thams cad kyi snying po'o// nyon mongs pa ma lus pa'i phyir de ni rig pa gsum gyi snying po'o// thams cad mkhyen pa'i ye shes yang dag par grub pa'i phyir de ni sems kyi skad cig gcig la chos thams cad ma lus par khong du chud pa'i snying po'o/ / rigs kyi bu de ltar ji tsam du byang chub sems dpa' rnams pha rol tu phyin pa dang ldan pa dang sems can yongs su smin par byed pa dang ldan pa dang / dam pa'i chos yongs su 'dzin pa dang ldan pa dang / dge ba'i rtsa ba dang ldan pa'i gom pa 'dor ba dang / 'degs pa de thams cad kyang byang chub kyi snying po nas 'ongs so/ / sangs rgyas kyi chos rnams las 'ongs shing / sangs rgyas kyi chos rnams la gnas so// bcom ldan 'das bstan pa 'di bshad pa
- 333b
na/ lha dang mi lnga brgya tsam gyis byang chub tu sems bskyed de/ bdag kyang de nas spobs pa ma mchis par gyur to// bcom ldan 'das de'i slad du bdag skyes bu dam pa de'i zo 'dri zhing mchi bar mi spro'o/ / de nas bcom ldan 'das kyis/ byang chub sems dpa' 'gro ba 'dzin la bka' stsal pa/ 'gro ba 'dzin khyod li tsa byi dri ma med par grags pa'i nad 'drir song zhig/ 'gro ba 'dzin gyis kyang gsol pa/ bcom ldan 'das bdag skyes bu dam pa de'i bro 'dri zhing mchi bar mi spro'o// de ci'i slad du zhe na/ bcom ldan 'das bdag gis mngon par 'tshal ba dus gcig na/ rang gi gnas na mchis pa'i dus/ bdud sdig can lha'i bu mo khri nyis stong gis yongs su bskor te/ brgya byin gyi cha byad kyis sil snyan dang glu dbyangs len cing bdag ga la ba der mchis te/ bdag gi rkang pa la mgo bos phyag 'tshal nas/ de 'khor dang bcas pa bdag la mdun gyis bltas te/ phyogs gcig tu mchis so// bdag ni de la brgya byin lha'i dbang po lags snyam bgyid de/ bdag gis de la 'di skad ces bgyis so// ko'u shi ka khyod legs par 'ongs so// 'dod pa'i dga' ba thams cad la bag yod par gyis shig/ lus dang / srog dang / longs spyod rnams las snying po blangs pa dang / mi rtag par rtog pa mang du gyis shig/ de nas des bdag la 'di skad ces mchi'o// skyes
- 334a
bu dam pa lha'i bu mo khri nyis stong 'di dag bdag las khyod kyis long la 'di dag khyod kyi g.yog gyis shig ces mchi ba dang / de la bdag gis 'di skad du/ ko'u shi ka rung ba ma yin pa'i dngos po dag dge slong shAkya'i sras la ma 'bul cig/ 'di dag ni nged la rung ba ma yin no zhes bgyis so// bka' mchid de bgyis pa dang / li tsa byi dri ma med par grags pa der mchis nas/ bdag la 'di skad du rigs kyi bu 'di la brgya byin snyam du 'du shes ma skyed cig/ 'di ni bdud sdig can te/ khyod la co dri ba'i phyir 'ongs te/ brgya byin// nI ma yin no zhes mchi'o// de nas li tsa byi dri ma med par grags pas/ bdud sdig can de la 'di skad du/ bdud sdig can lha'i bu mo 'di rnams dge sbyong shAkya'i sras la ni rung ba ma yin gyis/ nga la byin cig ces bgyis pa dang / de nas bdud sdig can 'jigs shing skrag nas mi dga' ste/ li tsa byi dri ma med par grags pa 'dis bdag la bslus su 'ong ngo zhes de mi snang bar bgyi bar 'tshal ba ma nus te/ rdzu 'phrul thams cad bstan kyang mi snang bar ma nus so// de nas bar snang las sgra byung ste/ sdig can khyod kyis lha'i bu mo 'di rnams skyes bu dam ba 'di la phul cig dang / gdod bdag gi gnas su 'gro nus par 'gyur ro// de nas bdud sdig can 'jigs shing skrag nas mi 'tshal bzhin du lha'i bu mo de rnams phul lo// de nas dri ma med
- 334b
par grags pas lha'i bu mo de rnams blangs te/ lha'i bu mo de dag la 'di skad ces smras so// khyed bdud sdig can gyis nga la byin gyis/ da bla na med pa yang dag par rdzogs pa'i byang chub tu sems skyed cig/ des de dag la byang chub tu yongs su smin par 'gyur ba'i rjes su mthun pa'i gtam bgyis pas de dag byang chub tu sems bskyed do// de nas yang des de dag la khyed kyis dbyang chub tu sems bskyed zin gyis/ da phan chad khyed chos kyi kun dga' la dga' zhing mos par gyis la/ 'dod pa la dga' zhing mos par ma byed cig ces bsgo'o// de dag gis smras pa chos kyi kun dga' la dga' ba de gang lags/ des smras pa/ sangs rgyas la mi byed par dad cing dga' ba dang / chos nyan par 'dod cing dka' ba dang / dge 'dun la bsnyen bkur bya bar dga' ba dang / nga rgyal med cing bla ma dag la bsti stang byed par dga' ba dang / khams gsum las 'byung bar dga' ba dang / yul rnams la mi gnas par dga' ba dang phung po rnams la gshed ma lta bur rtog pa la dga' ba dang / khams rnams la sbrul gdug pa dang mtshungs par rtog pa la dga' ba dang / skye mched rnams la grong stong pa lta bur dben par dga' ba dang / byang chub kyi sems kun tu bsrung bar dga' ba dang / sems can la phan par byed par dga' ba dang / sbyin pa la bgo bsha' byed par dga' ba dang / tshul khrims
- 335a
la mi lhod par dga' ba dang / bzod pa la bzod cing dul bar dga' ba dang / brtson 'grus la dge ba yang dag par sgrub par dga' ba dang / bsam gtan la yongs su sbyor bar dga' ba dang / shes rab la nyon mongs pa'i snang ba med par dga' ba dang / byang chub la rgya cher dga' ba dang / bdud tshar gcod par dga' ba dang / nyon mongs pa rnams nges par gzhom par dga' ba dang / sangs rgyas kyi zhing rnam par sbyang bar dga' ba dang / mtshan dang dpe byad bzang po yongs su sgrub pa'i phyir/ dge ba thams cad bsags par dga' ba dang / chos zab mo thos pas mi skrag par dga' ba dang / rnam par thar pa'i sgo gsum la 'dris par byed pa'i dga' ba dang / mya ngan las 'das pa'i dmigs pa la dga' ba dang / byang chub kyi snying po'i rgyan la dga' ba dang / dus ma yin par thob par mi byed pa la dga' ba dang / skal ba mnyam pa'i skye bo la sten par dga' ba dang / skal ba mi mnyam pa rnams la zhe mi sdang zhing khong khro ba med pa'i dga' ba dang / dge ba'i bshes gnyen rnams la sten par dga' ba dang / sdig pa'i grogs po dag rnam par spang bar dga' ba dang / chos la mos shing dad de mchog tu dga' ba'i dga' ba dang / thabs la sdud pa'i dga' ba dang / bag yod par byang chub kyi phyogs kyi chos sten pa la dga' ba ste/ de ltar na byang chub sems dpa' chos kyi kun dga' la
- 335b
dga' zhing mos pa yin no/ / de nas bdud sdig can gyis/ lha'i bu mo de dag la 'di skad ces smras so// da bdag cag gi gnas su 'dong gis tshur gshegs/ de dag gis smras pa/ khyod kyis bdag cag khyim bdag 'di la phul bas da ni chos kyi kun dga' la dga' zhing mos par bya'i/ 'dod pa la ni dga' zhing mos par mi bya'o// de nas bdud sdig can gyis/ li tsa byi dri ma med par grags pa la 'di skad ces smras so/ / byang chub sems dpa' sems dpa' chen po ni bdog pa thams cad yongs su 'dor zhing / sems 'dzin pa med pa lags na/ khyim bdag khyod kyis lha'i bu mo 'di rnams dgye bar gsol/ dri ma med par grags pas smras pa/ 'di rnams bkye ba yin gyis/ sdig can g.yog dang bcas te deng zhig/ sems can thams cad kyi chos kyi bsam pa yongs su rdzogs par gyur cig/ de nas lha'i bu mo de dag gis dri ma med par grags pa la phyag 'tshal nas/ 'di skad ces smras so// khyim bdag ji ltar bdag cag bdud kyi gnas na gnas par bgyi/ smras pa/ sring mo dag mi zad pa'i sgron ma zhes bya ba'i chos kyi sgo yod de/ de la nan tan gyis shig/ de'adra gang zhe na/ 'di lta ste/ sring mo dag sgron ma gcig las sgron ma brgya stong 'bar bar byas kyang sgron ma de 'bri bar mi 'gyur ba de bzhin du/ sring mo dag byang chub sems dpa' gcig gis sems can brgya stong mang po rnams byang chub la
- 336a
bkod kyang / byang chub sems dpa' de'i sems dran pa mi 'bri/ yongs su mi 'bri ba'i steng du rnam par 'phel lo// de bzhin du dge ba'i chos thams cad kyang ji lta ji ltar gzhan dag la bsgo zhing bstan pa de lta de ltar dge ba'i chos thams cad kyi rnam par 'phel te/ 'di ni mi zad pa'i sgron ma zhes bya ba'i chos kyi sgo'o// bdud kyi gnas de na khyed gnas pa'i tshe/ lha'i bu dang lha'i bu mo tshad med pa rnams byang chub kyi sems la mos par gyis shig/ de ltar na khyed de bzhin gshegs pa la byas pa gzo bar 'gyur ro// sems can thams cad kyi 'tsho bar yang 'gyur ro/ / de nas lha'i bu mo de dag li tsa byi dri ma med par grags pa'i rkang pa la mgo bos phyag 'tshal te/ bdud dang lhan cig slar mchis so// bcom ldan 'das li tsa byi dri ma med par grags pa'i rnam par 'phrul pa'i khyad par de bdag gis mthong ste/ bcom ldan 'das de'i slad du bdag skyes bu dam pa de'i zo 'dri zhing mchi bar mi spro'o/ / de nas bcom ldan 'das kyis/ tshong dpon gyi bu legs par byin la bka' stsal pa/ rigs kyi bu khyod li tsa byi dri ma med par grags pa'i nad 'drir song zhig legs par byin gyis kyang gsol pa/ bcom ldan 'das bdag skyes bu dam pa de'i zo 'dri zhing mchi bar mi spro'o// de ci'i slad du zhe na/ bcom ldan 'das bdag gis mngon par 'tshal ba dus
- 336b
gcig na/ bdag gi pha'i sdum pa na mchod sbyin chen po bgyi ba'i slad du dge sbyong dang / bram ze thams cad dang / dbul po dang / sdug bsngal ba dang / bkren pa dang / sdug 'phongs pa dang slong ba thams cad la sbyin pa stsal te/ gdugs bdun du mchod sbyin chen po bgyid pa der gdugs tha ma la li tsa byi dri ma med par grags pa mchod sbyin chen po'i sa der mchis nas/ bdag la 'di skad ces mchi'o// tshong dpon gyi bu ji ltar khyod mchod sbyin byed pa de ltar mchod sbyin mi bya'i/ khyod kyis chos kyi mchod sbyin bya'o// zang zing gi mchod sbyin gyis khyod la rtsa zhig bya/ bdag gis de la 'di skad ces bgyis so// chos kyi mchod sbyin de ji ltar sbyin par bya/ des bdag la smras pa/ chos kyi mchod sbyin gang gis snga phyi med par sems can thams cad yongs su smin par 'gyur ba de ni chos kyi mchod sbyin no/ / de'ang gang zhe na/ 'di lta ste/ byang chub kyi rnam par mngon par bsgrubs pa'i byams pa chen po dang / dam pa'i chos bsdus pas mngon par bsgrubs pa'i snying rje chen po dang / sems can thams cad kyi mchog tu dga' ba la dmigs pas mngon par bsgrubs pa'i dga' ba chen po dang / shes pa bsdus pas mngon par bsgrubs pa'i btang snyoms chen po dang / zhi ba dang dul bas mngon par bsgrubs pa'i sbyin pa'i pha rol tu phyin pa dang / sems can tshul khrims 'chal pa rnams yongs su smin par
- 337a
byed par mngon par bsgrubs pa'i tshul khrims kyi pha rol tu phyin pa dang / bdag med pa'i chos kyis mngon par bsgrubs pa'i bzod pa'i pha rol tu phyin pa dang / byang chub tu brtson pas mngon par bsgrubs pa'i brtson 'grus kyi pha rol tu phyin pa dang / lus dang sems dben pas mngon par bsgrubs pa'i bsam gtan gyi pha rol tu phyin pa dang / thams cad mkhyen pa'i ye shes kyis mngon par bsgrubs pa'i shes rab kyi pha rol tu phyin pa dang / sems can thams cad yongs su smin par byed pas mngon par bsgrubs pa'i stong pa nyid la bsgom pa dang / 'dus byas yongs su spong bas mngon par bsgrubs pa'i mtshan ma med pa la bsgom pa dang / bsams bzhin du skye bas mngon par bsgrubs pa'i smon pa med pa la bsgom pa dang / dam pa'i chos yongs su 'dzin pas mngon par bsgrubs pa'i stobs rtul ba dang / bsdu ba'i dngos pos mngon par bsgrubs pa'i srog gi dbang po dang / sems can thams cad kyi bran dang slob mar gyur pas mngon par bsgrubs pa'i nga rgyal med pa dang / snying po med pa las snying po len pas mngon par bsgrubs pa'i lus dang / srog dang / longs spyod rnyed pa dang / rjes su dran pa drug gis mngon par bsgrubs pa'i dran pa dang yang dag par dga' bar 'gyur ba'i chos mngon par bsgrubs pa'i bsam pa dang / yang dag pa'i nan tan gyis mngon par bsgrubs pa'i 'tsho ba yongs su dag pa dang / dad pa dang mchog tu
- 337b
dga' ba la sten pas mngon par bsgrubs pa'i 'phags pa la bsnyen bkur byed pa dang / 'phags pa ma yin pa la khong khro ba med pas mngon par bsgrubs pa'i sems nges par sems pa dang / rab tu byung bas mngon par bsgrubs pa'i lhag pa'i bsam pa dang / nan tan gyis mngon par bsgrubs pa'i thos pa la mkhas pa dang / nyon mongs pa med pa'i chos rtogs pas mngon par bsgrubs pa'i dkon pa la gnas pa dang / sangs rgyas kyi ye shes thob par byed pas mngon par bsgrubs pa'i nang du yang dag 'jog pa dang / sems can thams cad nyon mongs pa las rnam par grol ba'i rnal 'byor gyis mngon par bsgrus/ ba'i rnal 'byor spyod pa'i sa dang / mtshan dang dpe byad bzang po dang / sangs rgyas kyi zhing gi rgyan dang / sems can yongs su smin par byed pas mngon par bsgrubs pa'i bsod nams kyi tshogs dang / sems can thams cad kyi sems dang spyod pa la 'jug par chos ston pas mngon par bsgrubs pa'i ye shes kyi tshogs dang / chos thams cad la blang ba med pa dang / dor ba med pa tshul gcig ba'i ye shes kyis mngon par bsgrubs pa'i shes rab kyi tshogs dang / nyon mongs pa thams cad dang / sgrib pa thams cad dang / mi dge ba'i chos thams cad spong bas mngon par bsgrubs pa'i dge ba'i rtsa ba thams cad kyi tshogs dang / thams cad mkhyen pa'i ye shes khong du chud pa dang / dge ba'i chos kyis mngon par bsgrubs pa'i byang chub kyi phyogs kyi chos thams cad yang dag par
- 338a
'byung ba de ni/ rigs kyi bu chos kyi mchod sbyin te/ chos kyi mchod sbyin de la gnas pa'i byang chub sems dpa' mchod sbyin byin pa mchod sbyin shin tu byed pa yin te/ lha/ dang bcas pa'i 'jig rten gyi sbyin gnas su 'gyur ro// bcom ldan 'das de lta bur khyim bdag des bstan pa 'di bshad pa'i tshe/ bram ze'i 'khor de nas bram ze nyis brgya bla na med pa yang dag par rdzogs pa'i byang chub tu sems skyes so/ / bdag kyang dad cing ngo mtshar du gyur te/ skyes bu dam pa de'i rkang pa la phyag bgyis nas/ mu tig gi do shal brgya stong ri ba bdag gi mgul nas bkrol te stsal na/ mu tig gi do shal de len du ma btub nas/ de la bdag gis 'di skad ces bgyis so// 'di long la gang la mos pa la byin cig ces bgyis pa dang / des mu tig gi do shal blangs te dum bu gnyis su bgyis nas/ cha gcig ni mchod sbyin gyi gnas de na 'jig rten thams cad kyis smad pa/ grong khyer gyi nang na dbul po la stsal to// cha gcig ni de bzhin gshegs pa bzod par dka' ba la phul te/ ji ltar 'khod pa de dag thams cad kyis smig rgyu'i 'jig rten gyi khams de dag dang / de bzhin gshegs pa bzod par dka' ba de yang mthong zhing mu tig gi do shal de de bzhin gshegs pa bzod par dka' ba'i spyi bo'i steng na/ mu tig gi do shal gyi khang pa brtsegs pa bkra ba/ blta na sdug pa/ gru bzhi lham pa
- 338b
ka ba bzhi zug pa/ ngos mnyam zhing rab tu rnam par phye ba byung ba mthong bar des de lta bu'i cho 'phrul bstan nas tshig 'di skad ces smras so// sbyin pa po sbyin bdag gang ji ltar de bzhin gshegs pa la sbyin gnas su 'du shes pa de 'dra bar grong khyer gyi dbul po dang tha dad pa med par mnyam zhing snying rje chen po'i sems dang / rnam par smin pa la mi re bas yongs su gtong ba de ni/ chos kyi mchod sbyin yongs su rdzogs pa'o zhes bgyis pa dang / de na grong khyer gyi dbul po des cho 'phrul de mthong / chos bstan pa de'ang thos nas/ bla na med pa yang dag par rdzogs pa'i byang chub tu sems bskyed do/ / bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o// de ltar byang chub sems dpa' sems dpa' chen po de dag thams cad kyang gang skyes bu dam pa de dang skabs su gtam gang dag brjod pa so so'i bstan pa bshad de 'gro bar mi spro'o/ / nyan thos dang byang chub sems dpa' btang bar smras pa'i le'u ste gsum pa'o// / / de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal khyod li tsa byi dri ma med par grags pa'i nAd 'drir song zhig/ 'jam dpal gyis kyang gsel pa/ bcom ldan 'das li tsa byi dri ma med par chags pa ni bsnyen par dka' zhing zab mo'i tshul la spobs par rab tu zhugs pa/ tshig sbrel zhi dang
- 339a
rdzogs pa'i tshig sgrub pa la mkhas pa/ spobs pa rgyun mi 'chad pa/ sems can thams cad la khong khro ba ma mchis pa'i blo dang ldan pa/ byang chub sems dpa'i bgyi ba thams cad tshar phyin pa/ byang chub sems dpa' thams cad dang / sangs rgyas thams cad kyi gsang ba'i gnas la shin tu zhugs pa/ bdud thams cad kyi gnas rnam par zlog pa la mkhas pa/ mngon par shes pa chen pos rnam par rtsen pa/ thabs dang shes rab las nges par byung ba/ chos kyi dbyings pa gnyis su ma mchis shing dbyer ma mchis pa'i spyod yul gyi dam pa'i mchog thob pa/ chos kyi dbyings bkod pa gcig pa/ rnam pa mtha' yas pa'i bkod par chos ston pa la mkhas pa/ sems can thams cad kyi dbang po bkod pa thob par bgyid par 'tshal ba la mkhas pa/ thabs mkhas pa rtogs par khong du chud pa/ dris pa gtan la 'bebs pa thob pa ste/ de ni go cha chung ngus mgu bar mi nus kyis kyang / sangs rgyas kyi byin rlabs kyis der mchis te/ nus pa ji lta ba dang / mthu ji lta ba bzhin du bshad par 'tshal lo// de nas 'khor de na byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba de dag dang / lha'i bu de dag 'di snyam du sems so// 'jam dpal gzhon nur gyur pa dang / skyes bu dam pa de gnyis smra ba las/ der
- 339b
ni chos bsgrag pa'i gtam chen po gdon mi za bar 'byung ngo snyam ste/ de nas byang chub sems dpa' brgya stong dang / nyan thos lnga brgya tsam dang / brgya byin dang / tshangs pa dang / 'jig rten skyong ba shin tu mang ba dang / lha'i bu brgya stong phrag mang po dang / lha'i bu brgya stong phrag shin tu mang po rnams chos mnyan pa'i phyir 'jam dpal gzhon nur gyur pa'i phyi bzhin dong ngo // de nas 'jam dpal gzhon nur gyur pa byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba de dag dang / lha'i bu de dag thams cad kyis yongs su bskor cing mdun du bdar te/ yangs pa'i grong khyer chen por zhugs so// de nas dri ma med par grags pa 'di snyam du sems te/ 'jam dpa' gzhon nur gyur pa 'khor mang po dang 'ong gis/ bdag gi khyim 'di stong par byin gyis brlab bo snyam ste/ des khyim de stong par byin gyis brlabs nas/ de na sgo ba'ang med do// khri gang la dri ma med par grags pa na ba nyal zhing 'dug pa'i khri gcig po de ma gtogs par/ de na khri 'am/ khri'u 'am/ stan gang yang mi snang ngo // de nas 'jam dpal 'khor dang bcas pa dri ma med par grags pa'i gnas ga la ba der dong ste lhags nas/ nang du 'ongs pa dang khyim de stong par mthong ste/ de na sgo ba'ang med/ dri ma med par grags pa nyal zhing 'dug pa'i khri gcig pu de las gzhan
- 340a
khri'am/ khri'u 'am/ stan ma mthong ngo // de nas li tsa byi dri ma med par grags pas 'jam dpal gzhon nur gyur pa mthong ste/ mthong nas 'di skad ces spras/ so// rdza'ajam dpal legs par 'ongs so// 'jam dpal shin tu legs par 'ongs so// sngon ma 'ongs ma mthong ma thos pa mthong ngo // 'jam dpal gyis smras pa/ khyim bdag ji skad zer ba de bzhin te/ gang 'ongs pa de ni phyis mi 'ong ngo // gang song ba de'ang phyis mi 'gro'o// de ci'i phyir zhe na/ 'ongs pa la ni 'ong bar shes pa yang med cing / song ba la yang 'gro bar shes pa med pa la/ gang mthong ba de ni phyir yang blta bar bya ba ma yin pa'i phyir/ skyes bu dam pa khyod bzod dam/ 'tsho 'am/ khyod kyi khams rnams mi 'khrug gam/ khyod kyi nad de 'byang ngam/ mi skye 'am/ bcom ldan 'das kyang khyod la gnod pa chung ngam/ nyam nga ba nyung ngam/ na ba chung 'am/ bskyod pa yang ngam/ 'tsho ba dang / stobs dang / bde pab dang kha na ma tho ba med pa dang / bde bar reg pa la gnas sam zhes gsung ngo // khyim bdag khyod kyi nad 'di ci las byung / byung nas ji srid lon/ ji ltar gnas/ ji tsam na zhi bar 'gyur/ dri ma med par grags pas smras pa/ 'jam dpal ma rig pa dang / srid pa'i sred pa ji srid par kho bo'i nad 'di'ang de srid do// sems can thams cad kyi nang
- 340b
ji srid par kho bo'i nad kyang de srid do/ / nam sems can thams cad nad dang bral bar gyur pa de na/ kho bo'i nad kyang 'byung ngo // de ci'i phyir zhe na/ 'jam dpal byang chub sems dpa'i 'khor ba'i gnas ni sems can te/ nad ni 'khor ba la gnas so// nam sems can thams cad nad dang bral bar gyur pa de na/ byang chub sems dpa' yang nad med par 'gyur ro/ / 'jam dpal 'di lta ste/ dper na tshong dpon gyi bu gcig pa na bar gyur na/ de na ba'i phyir pha ma gnyis kyang na bar 'gyur ro// ji srid du bu gcig pa de nad med par ma gyur pa de srid du pha ma gnyis kyang sdug bsngal bar 'gyur te/ 'jam dpal de bzhin du byang chub sems dpa' ni sems can thams cad la bu gcig pa bzhin du sdug pa yin te/ sems can thams cad na bas/ de yang na bar 'gyur/ sems can la nad med na/ de yang na ba med do// gang 'jam dpal khyod nad 'di ci las byung zhes zer ba yang byang chub sems dpa' rnams kyi nad ni snying rje chen po las byung ngo / / 'jam dpal gyis smras pa/ khyim bdag khyod kyi khyim 'di stong na/ khyod la g.yog 'ga' yang med dam/ smras pa/ 'jam dpal sangs rgyas kyi zhing thams cad kyang stong ngo / / smras pa/ cis stong / smras pa/ stong pa nyid kyis stong ngo // smras pa/ stong pa nyid la stong pa nyid ci zhig yod/ smras pa/ kun tu rtog pa ni stong pa nyid kyis stong
- 341a
pa'o/ / smras pa/ stong pa nyid kun tu rtag par nus sam/ smras pa/ yongs su rtog pa de yang stong pa ste/ stong pa nyid ni stong pa nyid ni stong pa nyid la mi rtog go/ smras pa/ khyim bdag stong pa nyid gang du btsal/ smras pa/ 'jam dpal stong pa nyid ni lta bar gyur pa drug cu rtsa gnyis las btsal lo// smras pa/ lta bar gyur pa drug cu rtsa gnyis gang las btsal/ spras pa de bzhin gshegs pa'i rnam par grol ba las btsal lo/ / smras pa/ de bzhin gshegs pa'i rnam par grol ba'ang gang las btsal/ smras pa/ sems can thams kyi sems dang spyod pa las btsal lo/ / 'jam dpal gang khyod la g.yog kyang med dam zhes zer ba ni/ bdud thams cad dang phas kyi rgol ba thams cad ni kho bo'i g.yog yin no// de ci'i phyir zhe no/ bdud rnams ni 'khor ba'i bsngags pa smra ba ste/ 'khor ba ni byang chub sems dpa'i g.yog go// phas kyi rgol ba rnams ni lta bar gyur pa rnams kyi bsngags pa smra ba ste/ byang chub sems dpa' ni lta bar gyur pa thams cad las migayo'o// de bas na bdud thams cad dang / phas kyi rgol ba thams cad ni kho bo'i g.yog go// 'jam dpal gyis smras pa/ khyim bdag khyod kyi nad ci 'dra/ smras pa/ gzugs med cing bstan du med do// sbas pa/ nad de lus dang ldan nam/ 'on te sems dang ldan/ smras pa/ lus dben pas na lus
- 341b
dang ldan pa'ang ma yin/ sems sgyu ma'i chos nyid pas na/ sems dang yang mi ldan no// smras pa/ khyim bdag 'di lta ste/ sa'i khams dang / rtsa'i khams dang / me'i khams dang / rlung gi khams dang / khams 'di bzhi las khams gang gnod par gyur/ smras pa/ 'jam dpal sems can thams cad kyi nang khams de lta bu gang yin pa des kho bo'ang na'o// 'jam dpal ji ltar na byang chub sems dpas byang chub sems dpa' na ba yang dag par dga' bar bya/ 'jam dpal gyis smras pa/ lus mi rtag pa ste/ yid byung zhing 'dod chags dang bral bas ni ma yin no/ / lus sdug bsngal ba ste/ mya ngan las 'das pa la dga' bas ni yin no// lus bdag med pa ste/ 'on kyang sems can smin par bya bas so// lus zhi ba nyid kyis te/ shin tu zhi nga nyid kyis ni ma yin no// nyes par spyod pa thams cad bstan pa ste/ 'pho bas ni ma yin no// bdag na bas sems can gzhan na ba la snying rje ba dang / sngon gyi mtha'i mu'i sdug bsngal rjes su dran pa dang / sems can gyi don bye ba rjes su dran pa dang / dge ba'i rtsa ba mngon du bya ba dang / gzod ma nas rnam par dag pa dang / sred pa med pa dang / rtag tu brtson 'grus brtsams pas nad thams cad med par byed pa'i sman pa'i rgyal por 'gyur ro zhes de ltar byang chub sems dpas byang chub sems dpa' na ba yang dag par dga' bar bya'o/ / 'jam dpal
- 342a
gyis smras pa/ rigs kyi bu byang chub sems dpa' na bas/ ji ltar rang gi sems nges par bsam par bya// dri ma med par grags pas smras pa/ 'jam dpal byang chub sems dpa' na bas ni/ bdag gi sems la 'di ltar nges par bsam par bya'o// nad ni sngon gyi mtha' nas yod pa ma yin pa phyin ci log gi las kun nas ldang ba las byung ngo // yang dag pa ma yin pa kun tu rtog pa'i nyon mongs pa las byung ste/ don dam par ni 'di la gang gi na ba zhes bya ba'i chos de gang yang mi dmigs so// de ci'i phyir zhe na/ 'byung ba chen po bzhi las gyur pa'i lus 'di/ khams 'di dag la bdag po gang yang med de/ skyed pa'ang med do// lus 'di la bdag med de/ bdag tu mngon par zhen pa ma gtogs par/ 'di la don dam par na gang nad ces bya ba ni mi dmigs te/ de bas na bdag ni mngon par zhen pa med cing / nad kyi rtsa ba kun shes pa la gnas par bya'o zhes des bdag tu 'du shes pa rgyan bcad de chos kyi 'du shes bskyed par bya'o/ / lus 'di ni chos mang po 'dus pa ste/ skye ba na'ang chos kho na skye/ 'gag pa na'ang chos kho na 'gag ste/ chos de dag ni phan tshun du mi tshor mi shes te/ chos de dag skye na'ang 'di snyam du bdag skye'o snyam du mi sems/ 'gag pa na'ang 'di snyam du bdag 'gag go snyam du mi sems so// des chos kyi 'du shes kun shes par bya ba'i phyir sems bskyed par
- 342b
bya ste/ gang bdag gis 'di ltar chos su 'du shes pa de'ang phyin ci log te/ byin ci log ni nad chen po'o// bdag ni nad dang bral bar byaste/ nad rab tu srang ba'i phyir brtson par bya'o// de la nad spang ba de gang zhe na/ 'di lta ste/ ngar 'dzin pa dang / nga yir 'dzin pa zangs pa'o// ngar 'dzin pa dang / nga yir 'dzin pa blangs pa de gang zhe na/ 'di lta ste/ gnyis dang bral ba'o/ / de la gnyis dang bral ba gang zhe na/ 'di lta ste/ nang dang phyi rol du kun tu spyod pa med pa'o// de la nang dang phyi rol du kun tu spyod pa med pa de gang zhe na/ 'di lta ste/ mnyam pa nyid las mi g.yo ba/ rab tu mi g.yo ba/ rnam par mi g.yo'o// mnyam pa nyid gang zhe na/ bdag mnyam pa nyid nas/ mya ngan las 'das pa mnyam pa nyid kyi bar du'o// de ci'i phyir zhe na/ 'di lta ste/ bdag dang mya ngan las 'das pa gnyis ka'ang stong pa'i phyir ro// de gnyis ka cis stong zhe na/ ming du brjod pas de gnyis stong ste/ de dag kyang yongs su ma grub pa'o/ / de ltar mnyam pa nyid mthong ba des/ nang nyid gzhan ma yin/ stong pa nyid gzhan du mi byed de/ nad nyid stong pa nyid do// tshor ba de ni tshor ba med par rig par bya ste/ des tshor ba 'gog pa yang mngon du mi bya'o/ / sangs rgyas kyi chos yongs su rdzogs pa la tshor ba gnyis ka dor mod kyi/ ngan 'gror skyes pa'i sems can thams cad la snying rje chen po mi bskyed pa'ang
- 343a
ma yin no/ / ji ltar sems can 'di dag la tshul bzhin nges par sems pas nad sel bar 'gyur ba de ltar bya'o// 'di dag la chos gang yang nye bar sbyar bar yang mi bya// bsal bar yang mi bya ste/ de gzhi gang las nang byung ba de yongs su shes par bya ba'i phyir de dag la chos bshad par bya'o// gzhi de gang zhe na/ 'di lta ste/ lhag par dmigs pa ni gzhi'o// lhag par dmigs pa'i gzhi la ji tsam du dmigs pa de tsam du nad kyi gzhi'o// ci la lhag par dmigs she na/ khams gsum la lhag par dmigs so// lhag par dmigs pa'i gzhi yongs su shes pa gang zhe na/ 'di lta ste/ dmigs pa med cing mi dmigs pa'o// gang mi dmigs pa de ni lhag par mi dmigs pa'o// ci mi dmigs she na/ 'di lta ste/ bdag tu lta ba dang / pha rol tu lta ba dang lta ba gnyis su mi dmigs te/ des na mi dmigs pa zhes bya'o// 'jam dpal de ltar byang chub sems dpa' na bas rga ba dang / na ba dang / 'chi ba dang / skye ba spang ba'i phyir bdag gi sems la nges par bsam par bya'o/ / 'jam dpal byang chub sems dpa' rnams kyi nad ni de lta bu yin te/ gal te de lta ma yin du zin na 'bad pa don med par 'gyur ro// 'di lta ste/ dper bya/ na phyir rgol ba bcom pas dpa' po zhes bya ba de bzhin du/ rga ba dang / na ba dang / 'chi ba'i sdug bsngal zhi bar byed pas byang chub sems dpa' zhes bya'o// byang chub sems dpa' na ba des
- 343b
'di snyam du ji ltar bdag gi nad yang dag par ma yin zhing / yod pa ma yin pa de bzhin du/ sems can thams cad kyi nad kyang yang dag pa ma yin zhing / yod pa ma yin no zhes brtag par bya ste/ de de ltar rtog pa na/ phan yon du lta bar mi ltung zhing // sems can rnams la snying rje chen po skye ste/ glo bur gyi nyon mongs pazang ba'i phyir mngon par brtson pa'i snying rje chen po sems can rnams la skye ba ni ma gtogs so/ / de ci'i phyir zhe na/ phan yon du lta bar ltung ba'i snying rje chen pos ni skye ba rnams su byang chub sems dpa' skyo bar 'gyur ro// phan yon du lta ba'i kun nas ldang ba dang bral ba'i snying rje chen pos ni byang chub sems dpa' skye ba rnams su skyo bar mi 'gyur ro/ / lta ba kun nas ldang ba kun tu ldang zhing mi skye ste/ de sems kun nas ldang ba med par skye bas de grol bzhin du skye/ de grol bzhin du 'byung ngo // grol bzhin du skye zhing / grol bzhin du 'byung bas sems can bcings pa rnams bcings pa las dgrol ba'i chos ston par nus shing mthu yod do// 'di lta ste/ bcom ldan 'das kyis bdag nyid bcings pas pha rol bcings pa las 'grol ba de ni gnas med de/ bdag grol bas pha rol bcings pa las 'grol ba de ni gnas yod do zhes gsungs te/ de bsna na byang chub sems dpa' grol bar bya'i/ bcings par ni mi bya'o// de la bcings pa gang / grol ba gang zhe na/ thabs med par srid pa'i 'gro ba yongs su 'dzin pa ni/ byang chub sems dpa'i
- 344a
bcings pa'o/ / thabs kyis srid pa'i 'gro bar 'jug pa ni grol ba'o// thabs med pas bsam gtan dang / ting nge 'dzin dang / snyoms par 'jug pa'i ro myang ba ni byang chub sems dpa'i bcings pa'o/ / thabs kyis bsam gtan dang ting nge 'dzin gyi ro myang ba ni grol ba'o// thabs kyis ma zin pa'i shes rab ni bcings pa'o// thabs kyis zin pa'i shes rab ni grol ba'o// shes rab kyis ma zin pa'i thabs ni bcings pa'o// shes rab kyis zin pa'i thabs ni grol ba'o// de la thabs med pas zin pa'i shes rab bcings pa gang zhe na/ 'di lta ste/ stong pa nyid dang mtshan ma med pa dang / smon pa med pa la nges par sems shing / mtshan dang / dpe byad bzang po dang / sangs rgyas kyi zhing gi rgyan dang / sems can yongs su smin par bya ba la nges par mi sems pa ni thabs med pas zin pa'i shes rab ste bcings pa'o/ / de la thabs kyis zin pa'i shes rab grol ba gang zhe na/ 'di lta ste/ mtshan dang / dpe byad bzang po dang / sangs rgyas kyi zhing gi rgyan dang / sems can yongs su smin par bya ba la sems nges par sems shing / stong pa nyid dang / mtshan ma med pa dang / smon pa med pa la 'dris par byed pa 'di ni thabs kyis zin pa'i shes rab ste grol ba'o/ / de la shes rab kyis ma zin pa'i thabs bcings pa gang zhe na/ 'di lta ste/ lta ba thams cad dang / nyon mongs pa kun nas ldang ba dang / bag la
- 344b
nyal ba dang / rjes su chags pa dang / khong khro ba la gnas pa'i dge ba'i rtsa ba rtsom pa thams cad byang chub tu mi sngo ba ni shes rab kyis ma zin pa'i thabs te bcings pa'o// de la shes rab kyis zin pa'i thabs grol ba gang zhe na/ 'di lta ste/ lta ba thams cad dang / nyon mongs pa kun nas ldang ba dang / bag la nyal ba dang / rjes su chags pa dang / khong khro ba spangs pa'i dge ba'i rtsa ba rtsom pa thams cad byang chub tu yongs su bsngos la/ des kyang mi snyems pa de ni byang chub sems dpa'i shes rab kyis zin pa'i thabs te grol ba'o// 'jam dpal de la byang chub sems dpa' na bas de ltar chos de dag la nges par bsam par bya ste/ gang lus dang / sems dang / nad la mi rtag pa dang / sdug bsngal ba dang / stong pa dang / bdag med par rtog pa de ni de'i shes rab bo/ / gang yang lus kyi nang yongs su spong bas mi skyo ste/ 'khor ba'i rgyun mi gcod cing / sems can gyi don sbyor ba la rjes su sbyor ba 'di ni de'i thabs so// gzhan yang gang lus dang / sems dang / nad rnams phan tshun gcig nas gcig tu gsar pa yang ma yin/ brnyings pa yang ma yin par rtog pa de ni de'i shes rab bo// gang yang lus dang / sems dang nad rnams shin tu shi ba dang / 'gog pa mi skye ba de ni de'i thabs so// 'jam dpal de ltar byang chub sems dpa' na bas rang gi sems nges par bsam par bya mod kyi/ des nges par sems pa dang /
- 345a
nges par mi sems pa la gnas par mi bya'o// de ci'i phyir zhe na/ gal te nges par sems pa la gnas pa de ni byis pa'i chos so// ci ste nges par mi sems pa la gnas na// de ni nyan thos kyi chos so// de lta bas na byang chub sems dpas nges par sems pa dang mi sems pa la gnas par mi bya'o// gang de la mi gnas pa ni byang chub sems dpa'i spyod yul lo// gang so so'i skye bo'i spyod yul yang ma yin/ 'phags pa'i spyod yul yang ma yin pa de ni/ byang chub sems dpa'i spyod yul lo// gang 'khor ba'ang spyod yul la/ nyon mongs pa'ang spyod yul ma yin pa de ni/ byang chub sems dpa'i spyod yul lo// gang mya ngan las 'das par rtog pa'ang spyod yul la/ gtan du yongs su mya ngan las 'das pa rang spyod yul ma yin pa de ni/ byang chub sems dpa'i spyod yul lo/ / gang bdud bzhi ston pa'ang spyod yul lo// bdud kyi yul thams cad las yang dag par 'das pa'ang spyod yul ma yin pa de ni byang chub sems dpa'i spyod yul lo// gang thams cad mkhyen pa'i ye shes tshol ba'ang spyod yul la/ dus ma yin par ye shes thob pa'ang spyod yul ma yin pa de ni/ byang chub sems dpa'i spyod yul lo// gang bden pa bzhi shes pa'ang spyod yul la/ dus ma yin par bden par rtogs par byed pa'ang spyod yul ma yin pa de ni/ byang chub sems dpa'i spyod yul lo// gang nang du so sor rtog pa'ang spyod yul la/ bsams
- 345b
bzhin du srid par skye bar yongs su 'dzin pa'ang spyod yul ba de ni/ byang chub sems dpa'i spyod yul lo// gang mi skye ba so sor rtog pa'ang spyod yul la/ nges par gyur pa la 'jug pa'ang spyod yul ma yin pa de ni/ byang chub sems dpa'i spyod yul lo// gang rten cing 'brel bar 'byung ba 'ang spyod yul la/ lta ba thams cad kyi yul yang spyod yul ma yin pa de ni/ byang chub sems dpa'i spyod yul lo/ / gang sems can thams cad kyi 'du 'dzi yang spyod yul la/ nyon mongs pa'i bag la nyal yang spyod yul ma yin pa de ni/ byang chub sems dpa'i spyod yul lo// gang dben pa'ang spyod yul la/ lus dang sems zad pa'i gnas kyang spyod yul ma yin pa de ni/ byang chub sems dpa'i spyod yul lo// gang khams gsum yang spyod yul la/ chos kyi dbyings dbye bar bya ba'ang spyod yul ma yin pa de ni/ byang chub sems dpa'i spyod yul lo// gang stong pa nyid kyang spyod yul la/ yon tan gyi rnam pa thams cad tshol ba'ang spyod yul ba/ de nibyang chub sems dpa'i spyod yul lo// gang mtshan ma med pa'ang spyod yul la/ sems can rab tu grol bar bya ba la dmigs shing rtog pa'ang spyod yul ba de ni/ byang chub sems dpa'i spyod yul lo/ / gang smon pa med pa'ang spyod yul la/ bsams bzhin du srid pa'i 'gro bar ston pa'ang spyod yul ba de ni/ byang chub sems dpa'i spyod yul lo// gang mngon par 'du mi byed pa'ang
- 346a
spyod yul la/ dge ba'i rtsa ba thams cad mngon par 'du byed pa rgyun mi gcod pa'ang spyod yul ba de ni/ byang chub sems dpa'i spyod yul lo// pha rol tu phyin pa drug kyang / spyod yul la/ sems can thams cad kyi sems dang / spyod pa'i pha rol tu 'gro ba'ang spyod yul ba de ni/ byang chub sems dpa'i spyod yul lo// gang mngon par shes pa drug kyang spyod yul la/ zag pa zad pa'ang spyod yul ma yin pa de ni byang chub sems dpa'i spyod yul lo// gang dam pa'i chos la gnas pa'ang spyod yul la/ lam ngan pa la mi dmigs pa'ang spyod yul ba de ni/ byang chub sems dpa'i spyod yul lo/ / gang tshad med pa bzhi la yang spyod yul la/ tshangs pa'i 'jig rten du skye ba la mi re ba'ang spyod yul ba de ni/ byang chub sems dpa'i spyod yul lo// gang rjes su dran pa drug kyang spyod yul la/ zag pa thams cad kyang spyod yul ma yin pa de ni/ byang chub sems dpa'i spyod yul lo// gang bsam gtan dang / ting nge 'dzin dang / snyoms par 'jug pa'ang spyod yul la/ ting nge 'dzin dang / snyoms par 'jug pa'i dbang gis mi skye ba'ang spyod yul ba de ni// byang chub sems dpa'i spyod yul lo// gang dran pa nye bar gzhag pa'ang spyod yul la/ lus dang / tshor ba dang / sems dang / chos kyang shin tu spyod yul ma yin pa de ni/ byang chub sems dpa'i spyod yul lo// gang yang dag par spong ba'ang spyod
- 346b
yul la/ dge ba dang mi dge ba gnyis su dmigs pa'ang spyod yul ma yin pa de ni/ byang chub sems dpa'i spyod yul lo// gang rdzu 'phrul gyi rkang pa sgrub pa'ang spyod yul la/ lhun gyis grub pa'i rdzu 'phrul gyi rkang pa la dbang sgyur ba'ang spyod yul ba de ni byang chub sems dpa'i spyod yul lo/ / gang dbang po lnga'i yang spyod yul la/ sems can thams cad kyi dbang po mchog dang mchog ma yin pa shes pa'ang spyod yul ba de ni/ byang chub sems dpa'i spyod yul lo// gang stobs lnga la gnas pa'ang spyod yul la/ de bzhin gshegs pa'i stobs bcu la mngon par dga' pabapa'ang spyod yul ba de ni/ byang chub sems dpa'i spyod yul lo// gang byang chub kyi yan lag bdun yongs su 'grub pa'ang spyod yul la/ blo rab tu dbye ba shes pa la mkhas pa la'ang spyod yul ba de ni/ byang chub sems dpa'i spyod yul lo// gang lam la gnas pa'ang spyod yul la/ lam ngan pa la mi dmigs pa'ang spyod yul ba de ni// byang chub sems dpa'i spyod yul lo// gang zhi gnas dang lhag mthong gi tshogs tshol ba'ang spyod yul la/ shin tu zhi bar mi ltung ba'ang spyod yul ba de ni/ byang chub sems dpa'i spyod yul lo// gang chos thams cad skyo ba med pa'i mtshan nyid du rtog pa'ang spyod yul la/ mtshan dang dpe byad bzang po dang / sangs rgyas kyi sku dang / rkyen yongs su grub pa'ang spyod yul ba de ni/ byang chub sems dpa'i spyod yul lo// gang nyan thos dang
- 347a
rang sangs rgyas kyi tshul ston pa'ang spyod yul la/ sangs rgyas kyi chos las mi nyams pa'ang spyod yul ba de ni/ byang chub sems dpa'i spyod yul lo// gang rang bzhin rab tu rnam par dag par gyur pa'i chos thams cad kyi rjes su 'gro ba'ang spyod yul la/ sems can thams cad ji ltar mos pa bzhin du spyod lam ston pa'ang spyod yul ba de ni/ byang chub sems dpa'i spyod yul lo/ / gang sangs rgyas kyi zhing thams cad la shin tu 'jig pa dang / 'chags pa med pa nam mkha'i rang bzhin du rtog pa'ang spyod yul la/ sna tshogs su bkod pa dang / du mar bkod pa'i sangs rgyas kyi zhing gi yon tan bkod pa ston pa'ang spyod yul ba de ni/ byang chub sems dpa'i spyod yul lo// gang chos kyi 'khor lo rab tu bskor ba dang / yongs su mya ngan las 'das pa chen po ston pa'ang spyod yul la/ byang chub sems dpa'i spyod pa mi stong pa'ang spyod yul ba de ni/ byang chub sems dpa'i spyod yul lo// bstan pa 'di bshad pa na/ 'jam dpal gzhon nur gyur pa dang lhan cig tu lhags pa'i lha'i bu de dag las lha'i bu brgya stong bla na med pa yang dag par rdzogs pa'i byang chub tu sems skyes so/ / na ba yang dag par dka' bar bya ba'i le'u ste bzhi pa'o// de nas tshe dang ldan pa shA ri'i bu 'di snyam du sems te/ khyim 'di na stan dag kyang med na/ byang chub sems dpa' 'di dag dang / nyan thos chen po 'di dag ci la 'khod snyam mo// de nas mi
- 347b
tsa byi dri ma med par grags pas/ tshe dang ldan pa shA ri'i bu'i sems kyi rtog pa shes nas/ tshe dang ldan pa shA ri'i bu la 'di skad ces smras so// btsun pa shA ri'i bu ci chos 'dod de 'ongs sam/ 'on stan 'dod/ smras pa/ kho bo ni chos 'dod de 'ongs kyi/ stan 'dod pa de ni ma yin no// smras pa/ btsun pa shA ri'i bu de bas na gang chos 'dod pa de ni bdag gi lus kyang 'dod pa ma yin na/ sngan 'dod par lta ga la 'gyur/ btsun pa shA ri'i bu gang chos 'dod pa de ni gzugs dang / tshor ba dang / 'du shes dang / 'du byed dang // rnam par shes pa 'dod pa ma yin no// phung po dang / khams dang skye mched 'dod pa ma yin no/ / gang chos 'dod pa de ni 'dod pa'i khams dang / gzugs kyi khams dang / gzugs med pa'i khams 'dod pa ma yin no// gang chos 'dod pa de ni sangs rgyas la mngon par zhen pa 'dod pa ma yin/ chos dang dge 'dun la mngon par zhen pa 'dod pa ma yin no// btsun pa shA ri'i bu gzhan yang gang chos 'dod pa de ni sdug bsngal yongs su shes par 'dod pa ma yin/ kun 'byung ba spang bar 'dod pa ma yin/ 'gog pa mngon du bya bar 'dod pa ma yin/ lam bsgom par 'dod pa ma yin na// de ci'i phyir zhe na/ chos ni spros pa med pa/ yi ge med ba ste/ de la sdug bsngal shes par bya/ kun 'byung ba spang bar bya/ 'gog pa mngon du bya/ lam bsgom par bya'o zhes gang 'bros par byed pa de ni chos 'dod pa ma yin te/ de ni spros pa 'dod
- 348a
pa'o/ / matsun pa shA ri'i bu chos ni nye bar zhi zhing rab tu zhi ba ste/ de la gang dag skye ba dang / 'jig pa la spyod pa de dag ni chos 'dod pa ma yin/ dben pa 'dod pa ma yin te/ de ni skye ba dang 'jig pa 'dod pa'o// btsun pa shA ri'i bu gzhan yang chos ni rdul med cing rdul dang bral ba ste/ de la gang dag chos gang la chags na/ tA na mya ngan las 'das pa la'ang rung ste/ de dag ni chos 'dod pa ma yin gyi/ de dag ni 'dod chags kyi rdul 'dod pa'o// chos ni yul ma yin te/ gang dag yul bgrang ba de dag ni chos 'dod pa ma yin gyi/ de dag ni yul 'dod pa'o// chos ni blang ba med pa/ dor ba med pa ste/ gang dag chos gang la 'dzin pa dang / gtong ba de dag ni chos 'dod pa ma yin te/ de dag ni 'dzin pa dang gtong ba 'dod pa'o// chos ni kun gni med pa ste/ gang kun gzhi la dga' ba de dag ni chos 'dod pa ma yin gyi/ de dag ni kun gzhi 'dod pa'o// chos ni mtshan ma med pa ste/ gang dag gi rnam par shes pa mtshan ma'i rjes su 'jug pa de dag ni chos 'dod pa ma yin te/ de dag ni mtshan ma 'dod pa'o// chos ni gnas pa ma yin te/ gang su dag chos dang lhan cig gnas pa de dag ni chos 'dod pa ma yin gyi/ de dag ni gnas pa 'dod pa'o// chos ni mthong ba dang / thos pa dang / bye brag phyed pa dang / rnam par rig pa ma yin te/ gang dag mthong ba dang / thos pa dang / bye brag byed pa dang / rnam par rig pa la spyod pa de dag ni
- 348b
mthong ba dang / thos pa dang / bye brag byed pa dang / rnam par rig pa 'dod pa yin te/ de dag ni chos 'dod pa ma yin no// btsun pa shA ri'i bu chos ni 'dus byas dang / 'dus ma byas med pa ste/ gang dag 'dus byas spyod yul ba de dag ni/ chos 'dod pa ma yin gyi/ de dag ni 'dus byas bu 'dzin pa 'dod pa'o// btsun pa shA ri'i bu de lta bas na/ khyod chos 'dod par bya na/ khyod kyi chos thams cad mi 'dod par bya'o/ / chos bstan pa 'di bshad pa na/ lha'i bu lnga brgya chos rnams la chos kyi mig rnam par dag go/ de nas li tsa byi dri ma med par grags pas/ 'jam dpal gzhon nur gyur pa la smras pa/ 'jam dpal khyod kyis phyogs bcu'i sangs rgyas kyi zhing brgya stong grangs med pa dag tu sangs rgyas kyi zhing rgyu zhing 'gro ba na/ sangs rgyas kyi zhing gang na seng ge'i khri thams cad kyi mchog yon tan thams cad dang ldan pa dag mthong / de skad ces smras pa dang / 'jam dpal gzhon nur gyur pas li tsa byi dri ma med par grags pa la 'di skad ces smras so// rigs kyi bu 'di nas shar phyogs su sangs rgyas kyi zhing gang+gA'i klung sum cu rtsa gnyis kyi bye ma snyed 'das pa na/ 'jig rten gyi khams lhun po'i rgyal mtshan zhes bya ba yod de/ de na de bzhin gshegs pa lhun po'i sgron ma'i rgyal po zhes bya ba bzhugs te/ 'tsho zhing gzhes so// de bzhin gshegs pa de'i sku ni dpag tshad 'bum phrag brgyad cu rtsa bzhi'o// bcom ldan 'das de'i seng ge'i khri'i tshed ni
- 349a
dpag tshad 'bum zag drug cu rtsa brgyad do/ / byang chub sems dpa' de dag gi lus kyang dpag tshad 'bum zag bzhi bcu rtsa gnyis so// byang chub sems dpa' de dag gi seng ge'i khri yang dpag tshad 'bum phrag sum cu rtsa bzhi yod do/ / rigs kyi bu de bzhin gshegs pa lhun po'i sgron ma'i rgyal po de'i sangs rgyas kyi zhing 'jig rten gyi khams lhun po'i rgyal mtshan de na seng ge'i khri thams cad kyi mchog yon tan dang ldan pa dag yod do/ / de nas li tsa byi dri ma med par grags pas de'i tshe de lta bu'i bsam pa kun bsam zhing / de lta bu'i rdzu 'phrul mngon par 'du byed pa mngon par byas te/ gang 'jig rten gyi khams lhun po'i rgyal mtshan de nas bcom ldan 'das de bzhin gshegs pa lhun po'i sgron ma'i rgyal po des seng ge'i khri sum khri nyis stong bskur te/ de tsam du 'phang mtho ba/ de tsam du yangs pa/ de tsam du blta na sdug pa/ gang byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba dang / lha'i bu de dag gis sngon ma mthong ba de dag steng gi nam mkha' las 'ongs te/ li tsa byi dri ma med par grags pa'i khyim du so sor gnas so// seng ge'i khri sna tshogs sum khri nyis stong ma 'dos par shong ste/ khyim de'ang de tsam du yangs par snang ngo // yangs pa'i grong khyer chen po'ang bsgribs par gyur pa med pa/ 'dzam bu'i gling dang gling bzhi pa'ang bsgribs pa med de/ de dag thams cad kyang sngon ji lta ba
- 349b
de bzhin du snang ngo / / de nas li tsa byi dri ma med par grags pas/ 'jam dpal gzhon nur gyur pa la 'di skad ces smras so// 'jam dpal seng ge'i khri dang 'tsham pa'i lus su byin gyis rlobs la/ byang chub sems dpa' 'di dag dang / seng ge'i khri 'di la 'dug cig/ de nas byang chub sems dpa' gang mngon par shes pa thob pa de dag ni bdag gi lus dpag tshad 'bum phrag bzhi bcu rtsa gnyis par byin gyis brlabs te/ seng ge'i khri la 'khod do// byang chub sems dpa' gang dag las dang po pa de dag ni seng ge'i khri de dag la 'dug ma nus so// de nas li tsa byi dri ma med par grags pas ji ltar byang chub sems dpa' de dag mngon par shes pa lnga 'grub par 'gyur ba de lta de lta bur byang chub sems dpa' de dag la chos bstan te/ de dag gis mngon par shes pa thos nas lus dpag tshad 'bum phrag pa ni bcu rtsa gnyis par mngon par sprul te/ seng ge'i khri de dag la 'khod do// nyan thos chen po de dag kyang seng ge'i khri de dag la 'khod ma nus te/ de nas li tsa byi dri ma med par grags pas/ tshe dang ldan pa shA ri'i bu la smras pa/ btsun pa shA ri'i bu seng ge'i khri la 'dug cig/ smras pa/ skyes bu dam pa seng ge'i khri 'di dag mthong ning che bas 'dug mi nus so// smras pa/ btsun pa shA ri'i bu bcom ldan 'das de bzhin gshegs pa lhun po'i sgron ma'i rgyal po de la phyag gyis shig dang / 'dug nus par 'gyur ro// de nas nyan thos chen po de dag gis
- 350a
bcom ldan 'das de bzhin gshegs pa lhun po'i sgron ma'i rgyal po de la phyag 'tshal nas/ gdod de dag seng ge ri khri la 'khod do// de nas tshe dang ldan pa shA ri'i bus li tsa byi dri ma med par grags pa la 'di skad ces smras so/ / rigs kyi bu khyim chung ngu'i nang seng ge'i khri 'di lta bur mtho zhing che ba/ sna tshogs 'di lta bu dag stong phrag 'di snyed chud pa dang / 'di dag gis yangs pa'i grong khyer chen po'ang bsgribs par ma gyur/ 'dzam bu'i gling gi grong dang / grong khyer dang / grong rdal dang / yul 'khor dang / rgyal po'i 'khor dang / gling chen po bzhi la'ang cung zad kyang ma bsgribs/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i gnas rnams kyang bsgribs par ma gyur te/ sngon ci 'dra ba phyis kyang de bzhin du snang ba ni ngo mtshar to// li tsa byi dri ma med par grags pas smras pa/ btsun pa shA ri'i bu de bzhin gshegs pa dang byang chub sems dpa' rnams la ni rnam par thar pa bsam gyis mi khyab pa zhes bya ba yod do/ / rnam par thar pa bsam gyis mi khyab pa de la gnas pa'i byang chub sems dpa' ni/ ri'i rgyal bo ri rab de tsam du mtho ba/ de tsam du che ba/ de tsam du 'phags pa/ de tsam du yangs pa'ang yungs 'bru'i nang du 'jug ste/ yungs 'bru de'ang skyes pa'ang med/ ri rab kyang gong ba'ang med la
- 350b
bya ba de'ang ston to/ / rgyal chen bzhi'i ris kyi lha rnams dang / sum cu rtsa gsum pa'i lha rnams kyang bdag cag gang du bcug mi shes so// rdzu 'phrul gyis 'dul ba'i sems gzhan dag gis ni ri'i rgyal po ri rab de lungs 'bru'i nang du bcug par shes shing mthong ngo / / de ni btsun pa shA ri'i bu byang chub sems dpa' rnams kyi rnam par thar ba bsam gyis mi khyab da'i yul la 'jug pa'o// btsun pa shA ri'i bu gzhan yang rnam par thar pa bsam gyis mi khyab pa'i sa la gnas pa'i byang chub sems dpa' ni/ rgya mtsho chen po bzhi'i chu'i phung po rnams pa spu'i khung bu gcig tu ldugs te/ nya dang / rus sbal dang / chu srin byis pa gsod dang / sbal pa dang / chu las skyes pa'i srog chags gzhan dag la'ang gnod par gyur pa med/ klu dang / gnod sbyin dang / dri za dang lha ma yin rnams kyang 'di snyam du bdag cag gar btsud snyam yang mi sems la bya ba de'ang snang zhing sems can de dag la gnod cing 'khrugs par gyur pa'ang med do/ / stong gsum gyi stong chen po'i 'jig rten gyi khams 'di'ang rdza mkhan gyi 'khor lo bzhin lag sa g.yas pas blangs te bskor nas/ 'jig rten gyi khams kang+gA'i klung gi bye ma snyed du 'phangs kyang sems can rnams bdag cag gang du byung / gang nas 'ongs mi shes so// slar yang blangs nas gnas bzhin du bzhag kyang 'ong ba dang 'gro bar mi shes mod kyi bya ba de'ang kun snang ngo // btsun pa shA ri'i bu gzhan yang 'khor
- 351a
pa tshad med pas 'dul ba'i sems can dag kyang yod/ 'khor ba bsnyung bas 'dul ba dag kyang yod de/ de la rnam par thar pa bsam gyis mi khyab pa la gnas pa'i byang chub sems dpa' ni 'khor ba tshad med pas 'dul ba'i sems can rnams 'dul ba'i dbang gi phyir zhag bdun yang bskal pa 'das par ston to/ / 'khor ba bsnyung bas 'dul ba'i sems can rnams la ni bskal pa'ang zhag bdun gyis 'das par ston to/ / de la 'khor ba tshad med pas 'dul ba'i sems can rnams ni zhag bdun la'ang bskal pa 'das pa snyam du sems so// gang 'khor ba ba ltung ba 'dul ba'i sems can de dag ni bskal pa'ang zhag bdun gyis 'das par shes so/ / de ltar rnam par thar pa bsam gyis mi khyab pa la gnas pa'i byang chub sems dpa' ni sangs rgyas kyi zhing thams cad kyi yon tan thams cad kyi yon tan bkod pa rnams sangs rgyas kyi zhing gcig tu ston to/ / sems can thams cad kyang lag pa g.yas pa'i mthil du bzhag ste/ sems kyis mgyogs pa'i rdzu 'phrul gyis 'gro zhing / sangs rgyas kyi zhing kun tu ston kyang / sangs rgyas kyi zhing gcig nas kyang ma g.yos so// phyogs bcu'i sangs rgyas bcom ldan 'das la mchod pa ji snyed yod pa de thams cad spu'i khung bu gcig tu ston to/ / phyogs bcu na zla ba dang / nyi ma dang / skar ma'i gzugs ji snyed pa de thams cad kyang spu'i khung bu gcig tu ston to// phyogs
- 351b
bcu na rlung gi dkyil 'khor ldang ba ji snyed pa de dag thams cad kha'i nang du brngubs kyang de'i lus zhig pa'ang med cing / sangs rgyas kyi zhing de dag gi rtswa dang nags tshal rnams nyal ba'ang med do// zlab na'i sangs rgyas kyi bang rnams pardegs pa'i 'anas pa tshig pa'i ma'i zung ba kun rang gi sor bcu byung / rlung sa byam 'ang byed do// 'o Sh+Tas chub kyi ming kA dra'i chu gi bye ma snyed 'das pa nas/ sangs rgyas kyi zhing de steng du phyung ste/ gshegs nas gyen du sangs rgyas kyi zhing gang+gA'i klung gi bye ma snyed 'das par steng du 'jog ste/ 'di lta ste/ dper na skyes bu mthu chen po zhig gis khab kyi rtse mos rgya shug gi lo ma la btsugs te bteg pa bzhin no// de ltar rnam par thar pa bsam gyis mi khyab pa la gnas pa'i byang chub sems dpa' sems can thams cad 'khor mos sgyur ba'i gzugs su byin gyis rlob bo/ / de bzhin du 'jig rten skyong ba'i gzugs su byin gyis rlob bo// brgya byin gyi gzugs su byin gyis rlob bo// tshangs pa'i gzugs su byin gyis rlob bo// nyan thos kyi gzugs su byin gyis rlob bo// rang sangs rgyas kyi gzugs su byin gyis rlob bo// byang chub sems dpa'i gzugs su byin gyis rlob bo/ / sems can thams cad sangs rgyas kyi gzugs su byin gyis rlob bo// phyogs bcu na sems can rab 'bring tha ma thams cad kyi sgrar grags pa dang / sgrar btags pa gang ji snyed
- 352a
pa la gnas pa'i byang chub sems dpa' rnams thabs la mkhas pas sems can yongs su smin par bya ba'i phyir bdud byed do/ / btsun pa 'od srungs chen po phyogs bcu'i 'jig rten gyi khams dpag tu med pa dag na/ byang chub sems dpa' la slong ba gang dag gis lag pa 'am/ rkang pa 'am/ rna ba 'am/ sna 'am/ khrag gam/ rgyus pa 'am/ rus pa 'am/ rkang pa 'am mig gam/ ro stod dam/ mgo 'am/ yan lag dang nying lag ga ma/ rgyal po'i srid dam/ yul 'khor ram/ ljongs sam/ chung ma dang / bu po dang / bu mo dang / bran po dang / bran mo dang / rta dang / glang po che dang / shing rta dang / bzhon pa dang / gser dang / dngul dang / nor bu dang / mu tig dang / dung dang / man shel dang / byu ru dang / bai DUR+Ya dang / nor bu rin po che rnams kyang rung / bza' ba dang / btung ba dang / bro ba rnams sam/ gos rnams kyang rung / nyam nga bar bya ste/ slong ba de dag thams cad kyang phal cher rnam par thar pa bsam gyis mi khyab pa la gnas pa'i byang chub sems dpa' rnams te/ thabs la mkhas pas lhag pa'i bsam pa brtan pa 'di dag ston to// de ci'i phyir zhe na/ btsun pa 'od srungs chen po byang chub sems dpa' rnams ni dka' thub drag pas na/ de lta bur ston te/ go skabs ma phye bar byang chub sems dpa' la nyam nga bar byed pa'i mthu skye bo bal po che la med do// go skabs ma phye bar gsad
- 352b
pa 'am/ bslang bar yang mi nus so// btsun pa 'od srungs 'di lta ste/ dper na srin bu me khyer gyis nyi ma'i dkyil 'khor gyi 'od zil gyis mnan par mi nus pa de bzhin du/ btsun pa 'od srungs go skabs ma phye bar byang chub sems dpa'i thad du 'gro ba 'am/ bslang bar mi nus so// btsun pa 'od srungs chen po 'di lta ste/ dper na bal glang glang po che la brdeg pa ni bong bus bzod par mi nus te de bzhin du btsun pa 'od srungs chen po byang chub sem dpa' ma yin pas/ byang chub sems dpa' la nyam nga bar byed mi nus kyi/ byang chub sems dpa' nyid byang chub sems dpa' la nyam nga bar byed de byang chub sems dpas nyam nga bar byas pa byang chub sems dpas bzod do/ / btsun pa 'od srungs chen po de ni rnam par thar pa bsam gyis mi khyab pa la gnas pa'i byang chub sems dpa' rnams kyi thabs shes pa'i stobs la 'jug pa'o/ / rnam par thar pa bsam gyis mi khyab pa bstan pa'i le'u ste lnga pa'o// // de nas 'jam dpal gzhon nur gyur pas/ li tsa byi dri ma med par grags pa la 'di skad ces smras so/ / skyes bu dam pa byang chub sems dpa' sems can thams cad la ji ltar blta bar bya/ smras pa/ 'jam dpal 'di lta ste/ dper na skyes bu mkhas pa chu zla la lta ba de bzhin du/ byang chub sems dpas sems can thams cad la blta bar bya'o// 'jam dpal 'di lta ste/ dper na sgyu ma mkhan dag sgyu ma mkhan gyis sprul pa'i mi la blta ba de bzhin du/ byang
- 353a
pa de dag thams cad sangs rgyas kyi gsung dbyangs dang / sangs rgyas kyi sgra dang / chos kyi sgra dang / dge 'dun gyi sgrar byin gyis rlob ste/ sgra dbyangs de las kyang mi rtag pa dang / sdug bsngal ba dang / stong pa dang / bdag med pa'i sgra dbyangs 'byung bar byed de/ phyogs bcu'i sangs rgyas bcom ldan 'das rnams rnam pa ji snyed du bstan pas chos ston pa de dag thams cad sgra dang dbyangs de dag las 'byung bar byed do/ / btsun pa shA ri'i bu 'di ni rnam par thar pa bsam gyis mi khyab pa la gnas pa'i byang chub sems dpa' rnams kyi yul la 'jug pa cung zad tsam zhig bstan par zad de/ btsun pa shA ri'i bu rnam par thar pa bsam gyis mi khyab pa la gnas pa'i byang chub sems dpa' rnams kyi yul la 'jug pa bstan/ pa ni bskal pa las lhag pa 'am/ de las 'das par yang kho bos bshad do// de nas gnas brtan 'od srungs chen pos byang chub sems dpa'i rnam par thar pa bsam gyis mi khyab pa bstan pa 'di thos nas/ ngo mtshar du gyur te/ kanas brtan shA ri'i bu la 'di skad ces smras so// tshe dang ldan pa shA ri'i bu 'di lta ste/ dper na mi dmus long gi mdun du la las gzugs su gyur pa thams cad bstan kyang / dmus long des gzugs gcig kyang mi mthong ba de bzhin du/ tshe dang ldan pa shA ri'i bu rnam par thar pa bsam gyis mi khyab pa'i sgo 'di bstan pa'i
- 353b
tshe nyan thos dang rang sangs rgyas thams cad dmus long dang 'dra bar mig med de/ bsam gyis mi khyab pa'i rgyu gcig tsam yang mngon sum du ma gyur na/ rnam par thar pa bsam gyis mi khyab pa 'di/ thos na/ mkhas pa su zhig bla na med pa yang dag par rdzogs pa'i byang chub tu sems mi skyed/ dbang po shin tu nyams shing sa bon tshig pa dang / rul ba ltar theg pa chen po 'di la snod du ma gyur na/ da ji ltar bya/ nyan thos dang rang sangs rgyas thams cad kyis chos bstan pa 'di thos nas cho nges btab ste/ stong gsum gyi stong chen po'i 'jig rten gyi khams su go bar bya'o// byang chub sems dpa' thams cad kyis ni/ rnam par thar pa bsam gyis mi khyab pa 'di thos na rgyal bu gzhon nus cod pan blang ba bzhin du rab tu dga' bas/ spyi bos blang zhing 'di la mos pa'i stobs shin tu bskyed par bya'o/ / gang rnam par thar pa bsam gyis mi khyab pa 'di la mos pa de la bdud thams cad kyang ci zhig byed par 'gyur/ gnas brtan 'od srungs chen pos bstan pa 'di bshad pa/ na/ lha'i bu sum khri nyis stong gis bla na med pa yang dag par rdzogs pa'i byang chub tu sems bskyed do// de nas li tsa byi dri ma med par grags pas/ gnas brtan 'od srungs chen po la 'di skad ces/ smras so// btsun pa 'od srungs chen po phyogs bcu'i 'jig rten gyi khams dpag tu med pa dag na/ bdud ji snyed bdud byed pa de dag thams cad kyang rnam par thar pa bsam gyis mi khyab
- 354a
chub sems dpas sems can thams cad la blta bar bya'o/ / 'jam dpal 'di lta ste/ dper na me long gi dkyil 'khor la bzhin blta ba de bzhin du/ byang chub sems dpas/ sems can thams cad la blta bar bya'o// 'jal dpal 'di lta ste/ dper na smig rgyu la chu ltar byang chub sems dpas sems can thams cad la blta bar bya'o// 'jam dpal 'di lta ste/ dper na brag cha'i sgra skad lta bur byang chub sems dpas sems can thams cad la blta bar bya'o/ / 'jam dpal 'di lta ste/ dper na nam mkha'i sprin gyi phung po lta bur byang chub sems dpas sems can thams cad la blta bar bya'o/ / 'jam dpal 'di lta ste/ dper na dbu brdos pa'i sngon gyi mtha' lta bur byang chub sems dpas sems can thams cad la blta bar bya'o// 'jam dpal 'di lta ste/ dper na chu'i chu bur 'byung ba dang / 'jig pa ltar byang chub sems dpas sems can thams cad la so sor brtag pa'o// 'jam dpal 'di lta ste/ dper na chu shing li snying po blta ba ltar byang chub sem dpas sems can thams cad la so sor brtag go/ / 'jam dpal 'di lta ste/ dper na glog gi 'pho ba ltar byang chub sems dpas sems can thams cad la so sor brtag go// 'jam dpal 'di lta ste/ dper na khams lnga pa ltar byang chub sems dpas sems can thams cad la so sor brtag go/ 'jam dpal 'di lta ste/ dper na skye mched bdun pa ltar byang chub sems dpas sems can thams cad
- 354b
la so sor brtag go/ / 'jam dpal 'di lta ste/ dper na gzugs med pa dag la gzugasu snang ba ltar byang chub sems dpas sems can thams cad la so sor brtag go/ 'jam dpal 'di lta ste// dper na sa bon brdos pa las myu gu 'grub pa ltar byang chub sems dpas sems can thams cad la so sor brtag go/ 'jam dpal 'di lta ste/ dper na sbal pa'i spu'i gos ltar byang chub sems dpas sems can thams cad la so sor brtag go/ / 'jam dpal 'di lta ste/ dper na shi ba 'dod pa'i rtse mo la dga' ba ltar byang chub sems dpas sems can thams cad la so sor brtag go/ 'jam dpal 'di lta ste/ dper na rgyun du zhugs pa'i 'jig tshogs la blta ba ltar byang chub sems dpas sems can thams cad la so sor brtag go/ 'jam dpal 'di lta ste/ dper na lan cig phyir 'ong ba la srid pa gsum pa ltar byang chub sems dpas sems can thams cad la so sor brtag go/ / 'jam dpal 'di lta ste/ dper na phyir mi 'ong ba la mngal du 'jug pa ltar byang chub sems dpas sems can thams cad la so sor brtag go/ 'jam dpal 'di lta ste/ dper na dgra bcom pa la 'dod chags dang zhe sdang dang gti mug bzhin du byang chub sems dpas sems can thams cad la so sor brtag go/ 'jam dpal 'di lta ste/ dper na bzod pa thob pa'i byang chub sems dpa' la ser sna dang / 'chal ba'i tshul khrims dang / gnod sems dang / rnam par 'tshe ba'i sems bzhin du byang chub sems dpas sems
- 355a
can thams cad la so sor brtag go/ / 'jam dpal 'di lta ste/ dper na de bzhin gshegs pa la bag chags bzhin du/ byang chub sems dpas sems can thams cad la so sor brtag go/ / 'jam dpal 'di lta ste/ dper na mi dmus long gis gzugs mthong ba ltar byang chub sems dpas sems can thams cad la brtag go/ 'jam dpal 'di lta ste/ dper na 'gog pa la skoms par zhugs pa dbugs 'byung ba dang brngub pa de bzhin du/ byang chub sems dpas sems can thams cad la so sor brtag go/ 'jam dpal 'di lta ste/ dper na nam mkha' la ni bya'i rjes bzhin du/ byang chub sems dpas sems can thams cad la so sor brtag go/ 'jam dpal 'di lta ste/ dper na ma ning la dbang po skye ba bzhin du byang chub sems dpas sems can thams cad la so sor brtag go/ / 'jam dpal 'di lta ste/ dper na mo gsham gyi bu rnyed pa bzhin du byang chub sems dpas sems can thams cad la so sor brtag go/ 'jam dpal 'di lta ste/ dper na de bzhin gshegs pas sprul pa'i nyon mongs pa'i ma skyes pa bzhin du byang chub sems dpas sems can thams cad la so sor brtag go/ 'jam dpal 'di lta ste/ dper na rmi lam na snang ba sad pa na mthong ba bzhin du byang chub sems dpas sems can thams cad la so sor brtag go/ / 'jam dpal 'di lta ste/ dper na kun tu mi rtog pa la nyon mongs pa bzhin du byang chub sems dpas sems can thams cad la
- 355b
so sor brtag go/ / 'jam dpal 'di lta ste/ dper na rgyu med pa las me 'byung ba bzhin du byang chub sems dpas sems can thams cad la so sor brtag go// 'jam dpal 'di lta ste/ dper/ na yongs su mya ngan las 'das pa'i zhing mtshams sbyor ba bzhin du byang chub sems dpas sems can thams cad la so sor brtag go// 'jam dpal de lta bur yang dag pa nyid bdag med par rab tu rtogs so/ / byang chub sems dpas sems can thams cad la so sor brtag go/ smras pa/ rigs kyi bu gal te byang chub sems dpas sems can thams cad la de lta bur so sor brtag na/ ji ltar na de sems can thams cad la byams pa chen po skye bar 'gyur/ smras pa/ 'jam dpal nam byang chub sems dpas de ltar so sor rtog pa na/ de ltar chos yongs su shes nas/ sems can 'di dag la'ang bdag gis chos bstan to snyam ste/ de lta bas na de sems can thams can la yang dag pa'i skyabs kyi byams pa skye ste/ len pa med pa'i phyir/ nye bar zhi ba'i byams pa'o// nyon mongs pa med pas na gdung ba med pa'i byams pa'o// dus gsum mnyam pa nyid kyi phyir/ ji bzhin pa nyid kyi byams pa'o// kun nas ldang ba med pa'i phyir/ 'gal ba med pa'i byams pa'o/ / phyi nang ma 'dres pa'i phyir/ gnyis su med pa'i byams pa'o// shin tu mthar thug pa'i phyir/ mi 'khrugs pa'i byams pa'o// bsam pa rdo rje ltar mi byed pa'i phyir/ brtan pa'i
- 356a
byams pa'o/ / rang bzhin gyis yongs su dag pa'i phyir/ yongs su dag pa'i byams pa'o// bsam pa mnyam pa'i phyir/ mnyam pa'i byams pa'o// dgra bcom pa'i phyir/ dgra bcom pa'i byams pa'o// sems can yongs su smin par bya ba rgyun mi 'chad pa'i phyir/ byang chub sems pa'i byams pa'o// yang de bzhin nyid khong du chud pa'i phyir/ de bzhin gshegs pa'i/ byams pa'o// sems can gnyid kyis log pa rab tu sad par byed pa'i phyir/ sangs rgyas kyi byams pa'o// rang mngon par rdzogs par byang chub pa'i phyir/ rang byung gi byams pa'o// ro mtshungs pa'i phyir/ byang chub kyi byams pa'o// rjes su chags pa dang khong khro ba spangs pa'i phyir/ sgro btags pa med pa'i byams pa'o// theg pa chen po yongs su snang bar byed pa'i phyir/ snying rjes chen po'i byams pa'o/ / stong pa dang bdag med par so sor rtog pa'i phyir/ yongs su mi skyo ba'i byams pa'o// slob dpon dpe mkhyud med pa'i phyir/ chos kyi sbyin pa'i byams pa'o// tshul khrims 'chal pa'i sems can la lta ba'i phyir/ tshul khrims kyi byams pa'o// bdag dang pha rol srang ba'i phyir/ bzod pa'i byams pa'o// sems can thams cad kyi khur khyer ba'i phyir/ brtson 'grus kyi byams pa'o/ / ro myang ba med pa'i phyir/ bsam gtan gyi byams pa'o// dus su 'thob par byed pa'i phyir/ shes rab kyi byams pa'o// thams cad du sgo ston pa'i phyir/ thabs kyi byams
- 356b
pa'o/ / bsam pa rnam par dag pa'i phyir/ tshul 'chos pa med pa'i byams pa'o// bsam pa thag pa nas byed pa'i phyir/ g.yo med pa'i byams pa'o// nyon mongs pa med pa'i phyir/ lhag pa'i bsam pa'i byams pa'o/ / bcos ma ma yin pa'i phyir/ sgyu med pa'i byams pa'o// sangs rgyas kyi bde ba la 'god pa'i phyir/ bde ba'i byams pa ste/ 'jam dpal de ni byang chub sems dpa'i byams pa chen po'o/ / smras pa/ de'i snying rje chen po gang yin/ smras pa/ dge ba'i rtsa ba ci byas pa sems can thams cad la gtong ba'o// smras pa/ de'i dga' ba chen po gang yin/ smras pa/ gang byin nas yid dga' bar 'gyur te/ mi 'gyod pa'o// smras pa/ de'i btang snyoms gang yin/ smras pa/ gang gnyis ka'i don du 'gyur ba'o// smras pa/ 'khor ba'i 'jigs pas skrag pa gang la brtan par bya/ smras pa/ 'jam dpal byang chub sems dpas khor ba'i 'jigs pas skrag pa ni/ sangs rgyas kyi che ba nyid la brtan par bya'o// smras pa/ sangs rgyas kyi che ba nyid la gnas par 'dod pas gang la gnas par bya/ / smras pa/ sangs rgyas kyi che ba nyid la gnas par 'dod pas// sems can thams cad la snyoms par gnas par bya'o// smras pa/ sems can thams cad la snyoms par gnas par 'dod pas gang la gnas par bya/ smras pa/ sems can thams cad la snyoms par gnas par 'dod pas/ sems can thams cad rab tu thar par
- 357a
bya ba'i phyir gnas par bya'o/ / smras pa/ sems can thams cad rab kumar bar bya bar 'dod pas ji lta bur bya// smras pa/ sems can thams cad rab tu thar par bya bar 'dod pas/ nyon mongs pa las rab tu thar par bya'o// smras pa/ nyon mongs pa spang bar 'dod pas ji ltar rab tu sbyar bar bya/ smras pa/ nyon mongs pa spang bar 'dod pas tshul bzhin rab tu sbyar bar bya'o// / smras pa/ ji lta bur rab tu sbyar na tshul bzhin rab tu sbyor ba yin/ smras pa/ skye ba med pa dang / 'gag pa med pa la rab tu sbyor ba ni/ tshul bzhin rab tu sbyor ba yin no// smras pa/ ci mi skyed/ ci mi 'gog/ smras pa/ mi dge ba rnams ni mo skyod cing / dge ba rnams mi 'gog go// smras pa/ dge ba dang mi dge ba'i rtsa ba gang / smras pa/ 'jig tshogs ni rtsa ba'o// smras pa/ 'jig/ tshogs kyi rtsa ba gang / smras pa/ 'jig tshogs kyi rtsa ba ni 'dod pa dang chags pa'o// smras pa/ 'dod pa dang chags pa'i rtsa ba gang / smras pa/ 'dod pa dang chags pa'i rtsa ba ni/ yang dag pa ma yin pa kun rtog pa'o/ / smras pa/ yang dag pa ma yin pa kun rtog pa'i rtsa ba gang smras pa/ yang dag pa ma yin pa kun rtog pa'i rtsa ba ni/ phyin ci log gi 'du shes so// smras pa/ phyin ci log gi 'du shes kyi rtsa ba gang / smras pa/ phyin ci log gi 'du shes kyi rtsa ba ni rten med pa'o// smras pa/ rten med pa'i rtsa ba gang / smras pa/ 'jam dpal gang
- 357b
rten med pa de'i rtsa bar 'gyur ba ci zhig yod de/ de ltar chos thams cad ni rten med pa'i rtsa ba la gnas pa'i// de nas khyim de na gang gnas pa'i lha mo des byang chub sems dpa' sems dpa' chen po/ de dag gis chos bstan pa 'di thos nas dga' zhing mgu rangs te/ bdag gi lus rags pa bstan nas/ lha'i me tog dag gis byang chub sems dpa' sems dpa' chen po de dag dang / nyan thos chen po de dag la mngon par gtor te/ gtor ba dang / byang chub sems dpa' rnams kyi lus la me tog gang dag bab pa de dag ni sa la lhung ngo // nyan thos chen po rnams kyi lus la me tog gang dag bab pa de dag ni de nyid du chags nas sa la ma lhung ngo / / de nas nyan thos chen po de dag rdzu 'phrul gyi cho 'phrul gyis me tog de dag sbugs kyang ma lhung ngo // de nas lha mo des/ tshe dang ldan pa shA ri'i bu la 'di skad ces smras so/ / btsun pa shA ri'i bu me tog 'di dag sprugs te ci bya/ smras pa/ lha mo me tog 'di dag ni rung ba ma yin pas na bdag me tog 'di dag 'dor ro// lha mos smras pa/ btsun pa shA ri'i bu de skad ces ma smra zhig/ de ci'i phyir zhe na/ me tog 'di dag ni rung ba yin no// de ci'i phyir zhe na/ 'di dag me tog de dag ni mi tog/ rnam par mi rtog pa ste/ gnas brtan shA ri'i bu nyid rtog cing rnam par rtog go/ / btsun pa shA ri'i bu gang dag legs par gsungs pa'i chos 'dul ba la rab tu byung nas// rtog pa dang rnam par rtog par de dag ni rung ba ma yin
- 358a
pa'o/ / gnas brtan ni rtog cing rnam par rtog pa ste/ gang dag mi rtog pa de dag ni rung ba'o// btsun pa shA ri'i bu 'di ltar rtog pa dang / rnam par rtog pa spangs pa'i phyir/ byang chub sems dpa' sems dpa' chen po 'di dag gi lus la me tog mi chags pa la ltos/ 'di lta ste/ dper na 'jigs pa'i rang bzhin can gyi mo la ni mi ma yin pa rnams kyis glags rnyed do// de bzhin du 'khor ba'i 'jigs pas skrag pa rnams la ni gzugs dang / sgra dang / dri dang / ro dang / reg byas glags rnyed par 'gyur ro// gang dag 'du byed thams cad kyi nyon mongs pa'i 'jigs pa dang bral ba de dag la ni/ gzugs dang / sgra dang / dri dang / ro dang / reg byas ci zhig byar yod/ gang dag bag chags ma spangs pa de dag la ni me tog kyang 'chags kyi/ gang dag bag chags spangs pa de dag gi lus la me tog mi 'chags te/ de bas na bag chags thams cad spangs pa rnams kyi lus la ni me tog mi 'chags so// de nas tshe dang ldan pa shA ri'i bus/ lha mo de la 'di skad ces smras so/ / lha mo khyod khyim 'di'i nang du zhugs nas yun ji srid lon/ lha mos smras pa/ gnas brtan gyis rnam par grol ba la zhugs nas yun ji srid pa'o// smras pa/ lha mo khyod khyim 'dir gnas nas ring po ma lon pa lta zhig/ smras pa/ gnas brtan gyis rnam par grol zhugs nas ji srid lon/ de nas gnas brtan cang mi zer bar gyur to// smras pa/ gnas brtan shes rab chen po dang ldan pa'i
- 358b
mchog ni ci'i phyir mi smra zhing / da dus la bab na/ dris pa'i lan mi glan/ smras pa/ lha mo rnam par grol ba ni brjod du med na/ de ji skad du brjod mi shes so// smras pa/ gnas brtan gyis gang yi ge brjod pa de thams cad kyang rnam par grol ba'i mtshan nyid do/ / de ci'i phyir zhe na/ rnam par grol ba'i bya ba gang yin pa de ni nang na'ang med/ phyi rol na'ang med/ gnyis ka med par yang mi dmigs so// / de bzhin du yi ge de nang na'ang med/ phyi rol na'ang med/ gnyis ka med par yang mi dmigs so// de lta bas na btsun pa shA ri'i bu yi ge btsal bas rnam par grol ba ma ston cig/ de ci'i phyir zhe na chos thams cad mnyam pa ni 'phags pa'i rnam par grol ba yin pa'i phyir ro/ / smras pa/ lha mo 'dod chags dang / zhe sdang dang / gti mug dang bral ba'i phyir rnam par grol ba ma yin nam/ lha mos smras pa/ 'dod chags dang / zhe sdang dang / gti mug dang bral bas rnam par grol ba'o zhes bya'o zhes bya ba 'di ni mngon pa'i nga rgyal can rnams la bstan pa ste/ gang dag mngon pa'i nga rgyal med pa de dag la ni 'dod chags dang / zhe sdang dang / gti mug gi rang bzhin nyid rnam par grol ba'o// de nas tshe dang ldan pa shA ri'i bus/ lha mo de la 'di skad ces smras so// legs so legs so// lha mo khyod kyis ci thob cing ci la mngon sum du byas na/ khyod de lta bu'i spobs pa dang ldan/ smras pa/ btsun pa shA ri'i bu bdag gis ni ci'ang thob pa'ang med/ mngon sum du byas pa'ang med de/ des na bdag gi spobs pa 'di
- 359a
'dra'o/ / gang dag 'di snyam du bdag gis thos cing mngon sum du byas so snyam pa de dag ni legs par gsungs pa'i chos 'dul ba la nga rgyal can zhes bya'o// smras pa/ lha mo khyod nyan thos kyi theg pa pa 'am/ rang sangs rgyas kyi theg pa pa 'am/ theg pa chen po pa 'am/ smras pa/ bdag ni nyan thos kyi theg pa ston pas na/ nyan thos kyi theg pa pa'o// bdag ni rten pa'i chos la 'jug pas na/ rang sangs rgyas kyi theg pa pa'o// bdag ni snying rje chen po mi gtong bas na/ theg pa chen po pa yin mod kyi/ 'on kyang btsun pa shA ri'i bu ston tsam pa ka'i tshal du zhugs na/ e ran da'i dri la mi snom gyi/ tsam pa ka'i tshal du zhugs na/ tsam pa ka nyid kyi dril snom pa de bzhin du/ btsun pa shA ri'i bu khyim 'di na sangs rgyas kyi chos kyi yon tan gyi dri dang ldan pa gnas pas/ nyan thos dang rang sangs rgyas kyi dri la mi snom mo// btsun pa shA ri'i bu khyim 'dir brgya byin dang / tshangs pa dang / 'jig rten skyong ba dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag khyim 'dir lhags pa de dag kyang skyes bu dam pa 'di'i chos thos pas/ sangs rgyas kyi chos kyi yon tan gyi dris byang chub kyi sems bskyed nas 'dong ngo // btsun pa shA ri'i bu bdag khyim 'di ni lo bcu gnyis tshun chad gnas te/ byams pa chen po dang / snying rje chen por ldan pa dag sangs rgyas kyi chos bsam gyis mi khyab pa dang ldan pa ma gtogs par nyan thos dang rang sangs rgyas
- 359b
dang ldan pa'i gtam sngon ma thos so/ / btsun pa shA ri'i bu khyim 'di na ngo mtshar rmad du byung ba'i chos rnam pa brgyad rtag tu rgyun mi 'chad par snang ngo // brgyad po gang zhe na/ khyim 'di na gser gyi kha dog gi 'od rtag tu rgyun mi 'chad pas na/ mtshan mo dang nyin par du'ang mi mngon/ khyim 'dir zla ba dang nyi ma'ang mi mngon/ mi snang ste/ de ni ngo mtshar rmad du byung ba'i chos dang po'o// btsun pa shA ri'i bu gzhan yang gang dag khyim 'dir zhugs pa de dag zhugs ma thag tu nyon mongs pas gtse ba med de/ de ni ngo mtshar rmad du byung ba'i chos gnyis pa'o// btsun pa shA ri'i bu gzhan yang khyim 'di na rta tu brgya byin dang / tshangs pa dang / 'jig rten skyong ba dang / sangs rgyas kyi zhing thams cad nas lhags pa'i byang chub sems dpa' rnams dang mi 'bral te/ de ni ngo mtshar rmad du byung ba'i chos gsum pa'o// btsun pa shA ri'i bu gzhan yang khyim 'di na rtag tu rgyun mi'i chad par chos bsgrags pa dang / pha rol tu phyin pa drug dang ldan pa'i gtam dang / phyir mi ldog pa'i chos kyi 'khor lo'i gtam dang mi 'bral te/ de ni ngo mtshar rmad du byung ba'i chos bzhi pa'o// btsun pa shA ri'i bu gzhan yang khyim 'di ni rtag tu lha dang mi'i sol stan dang / glu'i dbyangs dang rol mo byed de/ sil stan de dag la sangs rgyas kyi chos tshad med ba bsgrub pa'i sgra dus thams cad du 'byung ste/ 'di ni ngo mtshar rmad du byung ba'i chos lnga pa'o// btsun pa shA ri'i bu gzhan yang khyim 'di ni rin po che thams cad kyi gang ba/ zad mi shes pa'i gter chen po bzhi yod de/
- 360a
de'i mthus sems can dbul zhing bkren pa thams cad kyis khyer te dong yang zad mi shes te/ de ni ngo mtshar rmad du byung ba'i chos drug pa'o// btsun pa shA ri'i bu gzhan yang khyim 'di na de bzhin gshegs pa shAkya thub pa dang / 'od dpag med pa dang / mi 'khrugs pa dang / dkon mchog dpal dang / dkon mchog 'od 'phro dang / dkon mchog zla ba dang / dkon mchog bkod pa dang / bzod/ dka' dang / don thams cad grub pa dang / rin chen mang dang / seng ge bsgrags pa dang / de bzhin gshegs pa seng ge sgra la sogs pa phyogs bcu'i de bzhin gshegs pa tshad med pa rnams skyes bu dam pa 'dis bsams ma thag tu gshegs te/ gshegs nas kyang de bzhin gshegs pa'i gsang ba zhes bya ba'i chos kyi sgrol 'jug pa bstan nas/ slar gshegs te/ de ni ngo mtshar rmad du byung ba'i chos bdun pa'o/ / btsun pa shA ri'i bu gzhan yang khyim 'di na lha thams cad kyi gnas kyi bkod pa dag dang / sangs rgyas kyi zhing gi yon tan bkod pa thams cad snang ste/ de ni ngo mtshar rmad du byung ba'i chos brgyad pa'o// btsun pa shA ri'i bu khyim 'di na ngo mtshar rmad du byung ba'i chos brgyad po de dag snang ste/ 'di lta bu bsam gyis mi khyab pa'i chos mthong na/ nyan thos kyi chos la su zhig 'dod par 'gyur/ smras pa/ lha mo khyod bud med kyi dngos po las bsgyur na ci nyes/ smras pa/ bdag gis lo bcu gnyis kyi bar du bud med kyi dngos po btsal na'ang nga rung ma rnyed do// btsun pa shA ri'i bu sgyu ma mkhan gyis bud med sprul pa de la/ 'di ltar khyod
- 360b
bud med kyi dngos po las bsgyur na ci zhes zhes bya na/ de ji skad zer bar 'gyur/ smras pa/ de la yang dag pa yongs su grub pa gang yang med do// smras pa/ btsun pa shA ri'i bu de bzhin du chos thams cad yongs su ma grub pa ste/ sgyu mas sprul pa'i ngo bo nyid la bud med kyi dngos po bsgyur na/ ci zhes zhes khyod de snyam sems/ de nas lha mo des 'di lta bur byin gyi rlabs pas byin gyis brlabs nas/ ji ltar gnas brtan shA ri'i bu lha mo de ci 'dra ba de 'dra bar snang ste/ lha mo de'ang gnas brtan shA ri'i bu ci 'dra ba de 'dra bar snang ngo // de nas lha mo shA ri'i bu'i gzugs su gyur pa des shA ri'i bu lha mo'i gzugs su gyur pa de la/ 'di ltar btsun pa shA ri'i bu bud med kyi dngos po las bsgyur na ci zhes zhes dris so// shA ri'i bu lha mo'i gzugs su gyur pas 'di skad ces smras so// kho bo skyes bu'i gzugs ni mi snang bar gyur te/ kho bo bud med kyi lus su gyur na gang bsgyur ba mi shes so// smras pa/ gal te gnas brtan gyis bud med kyi gzugs las slar bsgyur ba nus na ni bud med thams cad kyang bud med kyi dngos po las 'gyur ro// ji ltar gnas brtan bud med ma yin pa las bud med du snang ba de bzhin du/ bud med thams cad kyang bud med kyi gzugs su snang ste/ bud med ma yin pa las bud med kyi gzugs su snang ngo // de la dgongs te bcom ldan 'das kyis chos thams cad bud med kyang ma yin/ skyes pa'ang ma yin zhes gsungs so// de nas lha mo des byin gyis rlabs te btang ba dang / tshe dang ldan pa shA ri'i bu slar yang ba dag gi
- 361a
gzugs dang ldan par gyur to/ / de nas lha mo des/ shA ri'i bu la 'di skad ces smras so// btsun pa shA ri'i bu khyod kyis bud med kyi gzugs su byas pa de ga re/ smras pa/ bdag gis byas pa'ang med/ bsgyur ba'ang med do// smras pa/ de bzhin du chos thams cad kyang byas pa'ang med/ bsgyur ba'ang med do// gang ma byas shing / bsgyur ba med pa de ni sangs rgyas kyi bka' 'o// smras pa/ lha mo khyod 'di nas shi 'phos na gang du skye/ smras pa/ de bzhin gshegs pas sprul pa de gar skye bar bdag kyang der skye'o// smras pa/ de bzhin gshegs pas sprul pa ni 'chi 'pho'ang med/ skye ba'ang med do// smras pa/ chos thams cad kyang de bzhin te/ 'chi 'pho med cing skye ba med do// smras pa/ lha mo khyod ji srid na byang chub mngon par rdzogs par 'tshang rgya bar gyur/ smras pa/ gang gi tshe gnas brtan khyod so so'i skye bo'i chos dang ldan par 'gyur bapa de'i tshe/ bdag kyang byang chub mngon par rdzogs par 'tshang rgya'o// smras pa/ lha mo kho bos so so'i skye bo'i chos dang ldan par 'gyur ba de ni gnas ma yin no/ / smras pa/ btsun pa shA ri'i bu de bzhin du bdag kyang byang chub mngon par rdzogs par 'tshang rgya ba de ni gnas ma yin no// de ci'i phyir zhe na/ byang chub ni gnas pa med pa la gnas pa'i phyir te/ de la bas na gnas ma yin pa la ni sa yang gdor pa rdzogs par 'arar ba med // gnas 'i'i ras sas pa/ de bzhin gshegs pas gsangs pa ni gang+gA'i klang gi be ma sed kyi de
- 361b
bzhin gshegs pa rnams mngon par rdzogs par sangs rgyas so/ / mngon par rdzogs par 'tshang rgya'o// mngon par rdzogs par 'tshang rgya bar 'gyur ro zhes gsungs so// lha mos smras pa/ btsun pa shA/ ri'i bu 'das pa dang / ma 'ongs pa dang / da ltar byung ba'i sangs rgyas rnams zhes bya ba de ni yi ge dang bgrang ba'i brda'i tshig bla dgas te/ sangs rgyas rnams ni 'das pa 'am/ ma 'ongs pa dang / da ltar byung ba ma yin te/ byang chub ni dus gsum las yang dag par 'das pa'o// gnas brtan gyis dgra bcom pa thob bam/ smras pa/ thob pa med pa'i rgyus thob bo// smras pa/ de bzhin du mngon par rdzogs par byang chub pa med pa'i rgyus mngon par rdzogs par byang chub bo/ / de nas li tsa byi dri ma med par grags pas/ tshe dang ldan pa gnas brtar shA ri'i bu la 'di skad ces smras so// btsun pa shA ri'i bu/ lha mo 'di ni sangs rgyas bye ba khrag khrig phrag dgu bcu rtsa gnyis la bsnyen bkur byas te/ mngon par shes pa'i ye shes la rnam par rtse ba/ smon lam las yang dag par byung ba/ bzod pa thob pa/ phyir mi ldog pa la yang dag par zhugs pa ste/ sems can yongs su smin par bya ba'i phyir smon lam gyi dbang gis ji ltar 'dod pa de bzhin du gnas so// lha mo'i le'u ste drug pa'o/ / / de nas 'jam dpal gzhon nur gyur pas/ li tsi byi dri ma med par grags pa la 'di skad ces smras so// rigs kyi bu ji ltar na byang chub sems dpa' sangs rgyas kyi chos
- 362a
rnams la 'gro bar song ba ma yin/ smras pa/ 'jam dpal gang gi tshe byang chub sems dpa' 'gro ba ma yin par 'gro ba de'i tshe/ byang chub sems dpa' sangs rgyas kyi chos rnams la 'gro bar song ba ma yin no/ / smras pa/ byang chub sems dpa'i 'gro ba ma yin par 'gro ba gang / smras pa/ gang gi tshe mtshams med pa lnga'i 'gro bar 'gro yang / gnod sems dang / rnam par 'tshe ba dang / rab tu sdang bar mi 'gyur pa yin/ sems can dmyal ba'i 'gro bar 'gro yang / nyon mongs pa'i rdul thams cad dang bral ba yin/ dud 'gro'i 'gro bar 'gro ya glen pa'i mun pa mun nag dang bral ba yin/ / lha ma yin gyi 'gro bar 'gro yang / nga rgyal dang / rgyags pa dang / dregs pa med pa yin// gshin rje'i 'jig rten du 'gro bar 'gro yang / bsod nams dang ye shes kyi tshogs thams cad blangs pa yin/ mi g.yo ba dang gzugs med pa'i 'gro bar 'gro yang / de'i 'gro ba la yang dag par 'jug pa ma yin/ 'dod chags kyi 'gro bar 'gro yang / 'dod pa'i longs spyod thams cad la 'dod chags dang bral ba yin/ zhe sdang gi 'gro bar 'gro yang / sems can thams cad la khong khro ba med pa yin/ gti mug gi 'gro bar 'gro yang / chos thams cad la shes rab kyi nges par sems dang ldan pa yin/ ser sna'i 'gro bar 'gro yang / lus dang srog la mi lta bas/ phyi dang nang gi dngos po yongs su gtong ba yin/ tshul khrims 'chal pa'i 'gro bar 'gro yang
- 362b
kha na ma tho ba cung zad la'ang 'jigs par lta zhing / sbyangs pa'i yon tan dang yo byad bsnyungs pa thams cad la gnas pa yin/ gnod sems kyi tha ba dang / khong khro ba'i 'gro bar 'gro yang / shin/ tu gnod sems med cing byams pa la gnas pa yin/ le lo'i 'gro bar 'gro yang / brtson 'grus rtson pa rgyun mi 'chad cing dge ba'i rtsa ba thams cad yongs su tshol ba la brtson pa yin/ dbang po 'khrul pa'i 'gro bar 'gro yang / rang bzhin gyis snyoms par zhugs shing bsam gtan don yod pa yin/ 'chal pa'i shes rab kyi 'gro bar 'gro yang / shes rab kyi pha rol tu phyin pa'i 'gro bar song zhing 'jig rten pa dang 'jig rten las 'das pa'i bstan bcos thams cad la mkhas pa yin/ tshul 'chos pa dang / kha gsag byed pa'i 'gro bar 'gro yang / ldem po ngag la mkhas shing thabs mkhas pa'i spyod pa tshar phyin pa'ang yin/ nga rgyal gyi 'gro ba'ang ston la/ 'jig rten thams cad kyi zam pa dang stegs su 'gyur ba'ang yin/ nyon mongs pa'i 'gro bar 'gro yang / shin tu kun nas nyon mongs pa med tsacing rang bzhin gyis yongs su dag pa'ang yin/ bdud kyi 'gro bar 'gro yang / sangs rgyas kyi chos thams cad la gzhan gyi dring la mi 'jog pa'ang yin/ nyan thos kyi 'gro bar 'gro yang / sems can rnams la ma thos pa'i chos thos par byed pa'ang yin/ rang sangs rgyas kyi 'gro bar 'gro yang / sems can thams cad yongs su smin par bya ba'i phyir/ snying rje chen po las byung ba'ang yin/ dngul
- 363a
po'i 'gro bar 'gro yang / longs spyod zad mi shes pa'i rin po che lag na thogs pa'ang yin/ dbang po nyams pa'i 'gro bar 'gro yang / gzugs bzang zhing mtshan gyis legs par brgyan pa'ang yin/ / rigs ngan par skye ba'i 'gro bar 'gro yang / bsod nams dang ye shes kyi tshogs bsags pas de bzhin gshegs pa'i gdung rab tu skye bar 'gyur ba'ang yin// zham chung zhing mdog ngan pa zhan pa'i 'gro bar 'gro yang / blta na sdug pa dang / sred med kyi bu'i lus lta bu thob pa'ang yin/ sems can thams cad la rga ba dang / na ba dang / mi bde ba'i spyod pa'ang ston la/ 'chi ba'i 'jigs pa las shin tu 'das shing rab tu choms pa'ang yin/ longs spyod kyi 'gro bar 'gro yang / btsal ba thams cad med cing mi rtag pa'i 'du shes la so sor rtog pa mang ba'ang yin/ byang chub sems dpa' slas dang gar thabs mang po ston kyang dben par spyod cing / 'dod pa'i 'dam las rgal ba yang yin/ khams dang skye mched kyi 'gro bar 'gro yang / gzungs thob cing spobs pa sna tshogs kyis brgyan pa yang yin/ mu stegs can gyi 'gro bar 'gro yang / mu stegs su ma gyur pa'ang yin/ 'jig rten thams cad kyi 'gro bar 'gro yang / 'gro ba thams cad las phyir ldog pa yang yin/ mya ngan las 'das pa'i 'gro bar 'gro yang 'khor ba'i rgyun yang mi gtong ba yin te/ 'jam dpal de ltar na byang chub sems dpa'i 'gro ba ma yin par 'gro ba ste/ sangs rgyas kyi chos rnams la 'gro bar song ba yin no// de nas li tsa byi dri ma med pa grags
- 363b
pas/ 'jam dpal gzhon nur gyur pa la 'di skad ces smras so// 'jam dpal de bzhin gshegs pa rnams kyi rigs ni gang yin/ smras pa/ rigs kyi bu 'jig tshogs ni de bzhin gshegs pa rnams kyi rigs so/ / ma rig pa dang / srid pa'i sred pa ni rigs so// 'dod chags dang / zhe sdang dang / gti mug ni rigs so// phyin ci log bzhi ni rigs so// sgrib pa lnga ni rigs so// skye mched drug ni// rigs so// rnam par shes pa gnas pa 'dun ni rigs so// log pa brgyad ni rigs so// kun nas mnar sems kyi dngos po dgu ni rigs so// mi dge ba'i las kyi lam bcu ni rigs so// rigs kyi bu 'di ni de bzhin gshegs pa rnams kyi rigs te/ rigs kyi bu mdor na lta bar gyur pa drug cu rtsa gnyis ni de bzhin gshegs pa rnams kyi rigs so// smras pa/ 'jam dpal ci la bsams te de skad smra/ smras pa/ rigs kyi bu 'dus ma byas mthong ba nges par 'jug pa la gnas pas ni bla na med pa yang dag par rdzogs pa'i byang chub tu sems skyed mi nus so// nyon mongs pa'i 'byung gnas 'dus byas la gnas pa/ bden pa ma mthong bas ni bla na med pa yang dag par rdzogs pa'i byang chub tu sems skyed mi nus so// rigs kyi bu 'di lta ste/ dper na dgon drung gi sa phyogs su me tog ut+pa la dang / mud dang / pad+ma dang / pad+ma dkar po dang / dri mchog rnams mi skye ste/ 'dam bu dang chu gling du bskyed na/ me tog ut+pal dang / pad+ma dang / ku mu da dang / pad+ma dkar po dang / dri mchog rnams skye'o//
- 364a
rigs kyi bu de bzhin du 'dus ma byas/ nges pa thob pa'i sems can rnams la ni/ sangs rgyas kyi chos rnams mi skye'o// nyon mongs pa'i 'dam bu dang chu gling du gyur pa'i sems can rnams la ni/ sangs rgyas kyi chos rnams skye'o// 'di lta ste dper na/ nam mkha' la sa bon mi skye'i/ sa la gnas shing skye ba de bzhin du/ 'dus ma byas nges pa thob pa'i sems can la sangs rgyas kyi chos mi skye'o// 'jig tshogs la lta ba ri sa dang mnyam pa bskyed na/ byang chub kyi sems skye ste/ de nas sangs rgyas kyi chos rnams skye'o// rigs kyi bu rnam grangs 'dis nyon mongs pa thams cad ni de bzhin gshegs pa rnams kyi rigs su rig par bya'o/ / rigs kyi bu 'di lta ste dper na/ rgya mtsho chen por ma zhugs pas/ rin tang med pa'i rin po che phyin mi nus so// de bzhin du nyon mongs pa'i rgya mtshor ma zhugs pas ni thams cad mkhyen pa'i sems bskyed par mi nus so/ / de nas gnas brtan 'od srungs chen pos 'jam dpal gzhon nur gyur pa la legs so zhes bya ba byin te legs so legs so// 'jam dpal tshig 'di ni legs par smras te/ 'di ni yang dag go// nyon mongs pa de ni de bzhin gshegs pa rnams kyi rigs te/ bdag cag lta bu ni byang chub tu sems bskyed pa 'am/ sangs rgyas kyi chos la mngon par rdzogs par 'tshang rgya bar ga la nus/ mtshams med pa lnga dang ldan pas ni byang chub kyi sems bskyed par yang nus/ sangs rgyas kyi chos rnams kyang mngon par rdzogs par 'tshang rgya bar nus so// 'di lta ste/ dper na skyes bu dbang po ma tshang ba la 'dod pa'i
- 364b
yon tan lnga ni/ yon tan med cing nus pa med pa ste/ de bzhin du kun tu sbyor ba thams cad spangs pa'i nyan thos la ni sangs rgyas kyi chos thams cad yon tan med cing nus pa med de/ de la phyir dmigs par mi nus so/ / 'jam dpal de lta bas na/ so so'i skye bo rnams ni de bzhin gshegs pa la byas pa gzo'o// nyan thos rnams la ni byas pa gzo ba ma yin no// de ci'i phyir zhe na/ so so'i skye bos ni sangs rgyas kyi yon tan thos pas/ dkon mchog gsum gyi gdung rgyun mi 'chang par bya ba'i phyir bla na med pa yang dag par rdzogs pa'i byang chub tu sems bskyed kyi/ nyan thos kyis ni ji srid 'tsho ba'i bar du sangs rgyas kyi chos stobs dang mi 'jigs pa rnams thos kyang / bla na med pa yang dag par rdzogs pa'i byang chub tu sems skyed par mi nus pa'i phyir ro// de nas byang chub sems dpa' gzugs thams cad ston pa zhes bya ba 'khor der 'dus te 'dug pa des/ li tsa byi dri ma med par grags pa la 'di skad ces smras so// khyim bdag khyod kyi pha ma dang / bu dang / chung ma dang / bran pho dang / bran mo dang / las byed pa dang / zho shas 'tsho ba rnams ga re/ mdza' bshes dang / nye du dang / snag gi gnyen mtshams rnams ga re/ g.yog dang / rta dang / glang po che dang / shing rta dang / dpung bu chung dang / banon pa rnams ga re/ de skad ces smras pa dang / li tsa byi dri ma med par grags pas/ byang chub sems dpa' gzugs thams cad ston pa la tshigs su bcad pa 'di dag smras so// byang chub sems dpa' rnams ngag gi/ ma ni shes rab pha rol phyin/
- 365a
pa ni thabs la mkhas pa ste// 'dren pa rnams ni de las skyes// chos la dga' ba chung ma ste// byams dang snying rje bu mo yin// chos dang bden gnyis bu po yin// stong pa'i don sems khyim yin no/ / de bzhin nyon mongs thams cad ni// ci dgar dbang byed slob ma'o// mdza' bshes byang chub yan lag ste// des ni byang chub mchog reg 'gyur// de grogs rtag tu 'grogs pa ni// pha rol phyin pa drug rnams so/ / bsdu ba de yi bud med khyim// glu dbyangs chos rnams bstan pa'o// gzugs rnams de yi skyed mos tshal// byang chub yan lag me tog rgyas// 'bras bu rnam grol ye shes te// chos kyi nor chen gtong ba'o// rnam par thar pa rdzing yin te// ting nge 'dzin gyi chu yis bkang // rnam dag pad+mas kun khebs pa// de la 'khru ba dri ma med// mngon shes de yi bzhon pa ste// theg pa chen po bla na med// kha lo sgyur ba byang chub sems/ / lam ni zhi ba yan lag brgyad// de yi rgyan ni mtshan rnams dang // dpe byad bzang po brgyad cu'o// bsam pa dag dge de dag gis// gos ni khrel yod ngo tsha shes// de dag dam chos nor dang ldan// rab tu sbyor ba chos ston pa/ / nan tan dag ni rnyed chen te// yongs su bsngo ba byang chub phyir// mal ni bsam gtan bani dag ste// 'tsho ba dag pas kun tu bting // de dag sad pa ye shes te// rtag tu thos pa mnyam par bzhag/ de dag zas ni bdud rtsi ste// rnam grol khu ba btung ba yin// bsam pa rnam dag khrus yin te// spos kyi bsku ba tshul khrims so// nyon mongs dgra rnams bcom pas na// de dag dpa' bo mi pham pa/
- 365b
bdud bzhi dag kyang rab tu btul// byang chub dkyil 'khor rgyal mtshan bsgreng // bsams bzhin skye ba ston mod kyi// skye ba med cing 'byung ba med// zhing kun tu yang snang ba ni// nyi ma shar ba bzhin du'o// 'dren/ pa mchod pa thams cad kyis// sangs rgyas bye ba mchod nas kyang // bdag dang sangs rgyas rnams la ni// nams kyang gnas par yong mi byed// ji ltar sems can phan pa yang // sangs rgyas zhing rnams sbyang mod kyi/ / nam mkha' lta bur zhing rnams gyur// sems can sems can 'du shes med// sems can kun gyi gzugs rnams dang // sgra skad gang rnams 'byin pa dag/ 'jigs med byang chub sems dpa' rnams/ / skad cig gcig gis ston par byed// bdud kyi lam rnams shes mod kyi// bdud rnams kyi yang rjes su 'jug/ thabs kyi pha rol phyin pa dag/ de yi bya ba kun kyang ston// sgyu ma'i chos rnams martsen pas/ / sems can yongs su smin pa'i phyir// rga ba dang nin par 'gyur// bdag nyid shi bar rab tu ston// sa rnams rab tu tshig par ni// bskal pas bsreg par kun ston te// sems can rtag par 'du shes pa/ / mi rtag par ni rab bstan to// sems can bye ba stong rnams kyang // yul gcig tu ni mgron du gnyer// thams cad khyim du zan byin te// thams cad byang chub phyir bsngo'o// blags dang rig pa ni yong dang // bathog nas rnam pa mang po dag / thams cad kyi yang pha rol phyin/ sems can thams cad bde bo byed// 'jig rten la mtshan ji snyed pa// de dag kun tu rab byung nas/
- 366a
lta ba tha dad gyur pa yi// sems can rnams ni yongs su 'grel// zla ba'am nyi mar de gyur te// brgya byin tshangs pa skye dgu dbang // chu dang mer yang rab gyur te// sa dang rlung du'ang de bzhin no/ / nad kyi bskal pa bar ma la// de ni rtsi mchog dam par 'gyur// des ni sems can rnam grol zhing // nad rnams med cing bde bar 'gyur// mu ge'i bskal pa bar ma la// zas dang skom du bsgyur nas su// bkres shing skom pa med byas te// srog chags rnams la chos ston to// mtshon gyi bskal pa bar ma la// de dag byams pa sgom gyur te// sems can bye ba brgya mang po// gnod sems med la 'dzud par byed// g.yul chen 'dres pa'i nang du ni// de dag phyogs la mnyam par 'gyur// byang chub sems dpa' stobs chen rnams// 'dum zhing 'dul bar dga' bar byed// sangs rgyas zhing ni ji snyed pa// bsam gyis mi khyab dmyal bar yang / / sems can rnams la phan pa'i phyir// bsams bzhin du ni der 'gro'o// ji snyed dud 'gro'i skye gnas kyi// 'gro bar rab tu bstan pa ni// thams cad du yang chos ston to// / de'i phyir rnam par 'dren ces bya// 'dod pa'i longs spyod rnams kyang ston// bsam gtan la yang bsam gtan ston// bdud rnams rab tu 'jom byed cing // de dag glags rnyed 'gyur mi byed// ma dbus nas ni pad+ma ltar/ / yang dag ma yin de ston na// de bzhin 'dod dang bsam gtan yang // yang dag ma yin de ston to// bsams bzhin smad 'tshong rnams su bsgyur// skyes pa rnams ni bsdu ba'i
- 366b
phyir/ / 'dod chags lcags kyus brjod nas su// de dag sangs rgyas ye shes 'god// sems can rnams la phan pa'i phyir// grong mi dang ni ded dpon dang // mdun na 'don dang blon po dang // blon po chen po rtag tu 'gyur/ / sems can dbul po rnams la ni// zad mi shes pa'i gter du 'gyur// gang la sbyin pa byin pa yang // de dag byang chub sems bskyed btsud// nga rgyal khengs pa'i sems can la// de dag mtshan chen mchog gyur te/ / nga rgyal kun kyang bcom nas su// bla med byang chub tshol du btsud// 'jigs skrag sems can rnams la ni// rtag tu de yi mdun na 'dug/ de dag mi 'jigs byin nas kyang // byang chub tu ni smin par byed// de dag lnga mngon shes pa yi// drang srong tshangs par spyod gyur te// bzod dang nges pa tshul khrims dang // sdom pa la ni sems can dgod// rim gro lhar byed sems can rnams// 'jigs pa med pas 'dir mthong nas// bran dang g.yog tu shin 'gyur// slob mar yang ni nye bar 'gro// yan lag gang dang gang rnams kyis// sems can chos la dgar gyur pa// thabs chen shin tu bslabs pas dag/ bya ba dag ni thams cad ston// de dag slob pa mtha' yas shing // spyod yul rnams kyang mtha' yas te// ye shes mtha' yas rdzogs pas ma/ srog chags mtha' yas grol bar byed// bskal pa dag ni bye ba dang / / bskal pa bye ba phrag brgyar ni// bcom ldan sangs rgyas rnams kyis kyang // de yi yon tan mtha' rjod dka'// gang rnams shes rab med pa yi// sems can dman pa ma
- 367a
gtogs par/ / mkhas pas chos 'di thos gyur nas// byang chub mchog la su mi smon// de bzhin gshegs pa'i rigs kyi le'u ste bdun pa'o// / de nas li tsa byi dri ma med par grags pas/ byang chub sems dpa' de dag la 'di skad ces smras so// skyes bu dam pa dag byang chub sems dpa' rnams kyi gnyis su med pa'i chos kyi sgor 'jug pa gang yin/ spobs par gyis shig/ byang chub sems dpa' chos rnam par 'phrul pa zhes bya ba der 'dus pa nges 'di skad ces smras so// rigs kyi bu skye ba dang 'jig pa ni nyes te/ gang ma skyes ma byung ba de la 'jig pa gang yang med de/ mi skye ba'i chos la bzod pa thob pa ni/ gnyis su med pa la 'jug pa'o// byang chub sems dpa' dpal sbas kyis smras pa/ nga dang nga'i ba zhes bya ba de ni gnyis te/ bdag tu sgro btag pa med na/ nga'i bar mi 'gyur te/ gang sgro btags pa med pa de ni gnyis su med pa la 'jug pa'o// byang chub sems dpa' dpal brtsegs kyis smras pa/ kun nas nyon mongs pa dang / rnam par byang ba zhes bya ba de ni gnyis te/ kun nas nyon mongs pa yongs su shes nas rnam par byang ba la rlom sems su mi 'gyur zhing / rlom sems thams cad legs par 'jom pa dang / mthun par 'gro ba'i lam de ni gnyis su med pa la 'jug pa'o/ / byang chub sems dpa' skar bzangs kyis smras pa/ g.yo ba dang rlom sems de ni gnyis te/ gang g.yo ba med pa rlom sems su mi byed/ yid la mi byed pa lhag par bya ba med pa lhag
- 367b
par bya ba dang bral ba de ni gnyis su med par 'jug pa'o/ / byang chub sems dpa' lag bzangs kyis smras pa/ byang chub kyi sems dang nyan thos kyi sems kyis bya ba de ni gnyis te/ gang sgyu ma'i sems dang / mtshungs par mthong ba de ni/ byang chub kyi sems kyang med/ nyan thos kyi sems kyang med de/ gang sems kyi mtshan nyid mtshungs pa de ni/ gnyis su med par 'jug pa'o// byang chub sems dpa' mi rna dzums/ kyis smras pa/ len pa dang mi len pa de ni gnyis te/ gang mi len pa de ni mi dmigs te/ gang mi dmigs pa de la rtog pa dang / bsal bar mi byed/ chos thams cad mi byed mi spyod pa de na/ gnyis su med par 'jug pa'o/ / byang chub sems dpa' mig bzangs kyis smras pa/ mtshan nyid gcig pa dang mtshan nyid med pa zhes bya ba de ni gnyis so// gang rtogs par mi byed/ kun rtogs par mi byed/ mtshan nyid gcig par mi byed// mtshan nyid med par mi byed do// gang mtshan nyid dang mtshan nyid mi 'dra ba la/ mtshan nyid mtshungs par 'jug pa de ni/ gnyis su med par 'jug pa'o// byang chub sems dpa' skar rgyal gyis smras pa/ dge ba dang mi dge ba zhes bya ba ni gnyis te/ gang dge ba dang mi dge ba mi slong zhing / mtshan ma dang mtshan ma med pa la gnyis su med par rtog pa ni gnyis su med par 'jug pa'o/ / byang chub sems dpa' seng ges smras pa/ kha na ma tho bar bcas pa dang / kha na ma tho ba med pa zhes bya ba de ni gnyis te/ gang gis rdo rje ltar rab tu 'bigs pa'i ye shes kyis
- 368a
mi 'ching / mi 'grol ba de ni gnyis su med par 'jug pa'o// byang chub sems dpa' seng ge blo gros kyis smras pa/ 'di ni zag pa dang bcas pa/ 'di ni zag pa med pa'o zhes bya ba de ni gnyis te/ gang mnyam pa nyid kyi chos thob pas zag pa dang / zag pa med pa'i 'du shes su mi byed/ 'du shes med par gyur pa'ang ma yin/ mnyam pa nyid la mnyam pa nyid thob pa'ang med cing / 'du shes kyi 'dun pa med pa de ltar gang 'jug pa de ni/ gnyis su med par 'jug pa'o// byang chub sems dpa' bde mos kyis smras pa/ 'di ni bde ba 'di ni mi bde ba'o zhes bya ba de gnyis te/ gang de shes shin tu rnam par dag pa'i phyir/ grangs thams cad dang bral zhing blo nam mkha' dang mtshungs pas mi chags pa de ni/ gnyis su med par 'jug pa'o// byang chub sems dpa' sred med kyis smras pa/ 'di ni 'jig rten pa'o// 'di ni 'jig rten las 'das pa'o zhes bya ba de ni gnyis te/ gang 'jig rten gyi rang bzhin stong pa de la/ cung zad kyang rgal ba'ang med/ 'jug pa'ang med/ 'gro ba'ang med// mi 'gro ba'ang med de/ gang la mi rgal/ mi 'jug/ 'gro ba'ang med/ mi 'gro ba'ang med pa de ni gnyis su med par 'jug pa'o// byang chub sems dpa' 'dul ba'i blo gros kyis smras pa/ 'khor ba dang mya ngan las 'das pa zhes bya ba de ni gnyis te/ 'khor ba'i ngo bo nyid mthong bas/ mi 'khor zhing yongs su mya ngan las mi 'da' ste/ gang de ltar rtogs pa de ni/ gnyis su med par 'jug pa'o// byang chub
- 368b
sems dpa' mngon sum du mthong gis smras pa/ zad pa dang mi zad pa zhes bya ba de ni gnyis te/ zad pa ni shin tu zad pa ste/ gang shin tu zad pa de la/ zad par bya ba ma yin pas na/ de'i phyir mi zad pa zhes bya'o/ / gang mi zad pa de ni skad cig pa ste/ skad cig pa la zad pa med do// de lta bur rab tu zhugs pa de ni/ gnyis su med pa'i chos kyi sgor zhugs bya'o// byang chub sems dpa' kun nas sbas kyis smras pa/ bdag dang bdag med do zhes bya ba de ni gnyis te/ gang bdag gi dngos po mi dmigs pa de ci zhig/ bdag med par byed par 'gyur ba de dag gi ngo bo nyid mthong bas gnyis su med pa ni/ gnyis su med par 'jug pa'o/ / byang chub sems dpa' glog gi lhas smras pa/ rig pa dang ma rig pa zhes bya ba de ni gnyis te/ ma rig pa'i rang bzhin ltar rig pa'ang de bzhin te/ ma rig pa gang yin pa de ni lung du ma bstan pa/ bgrang du med pa/ bgrang ba'i lam las 'das pa'o// gang 'di la mngon par rtogs pa de ni gnyis su med par 'jug pa'o// byang chub sems dpa' mthong dgas smras pa/ gzugs nyid stong pa ste/ gzugs bshig pa las stong pa ma yin gyi/ gzugs kyi rang bzhin ni stong pa ste/ de bzhin du tshor ba dang / 'du shes dang / 'du byed dang / rnam par shes pa stong pa nyid ces bya ba de ni gnyis so// rnam par shes pa nyid ni stong pa nyid de/ rnam par shes pa bshis pas stong pa ma yin gyi// rnam par shes pa'i rang bzhin stong pa nyid do// 'di la gang gis len pa'i phung po lnga la de bzhin shes shing / de lta bur la
- 369a
shes kyis rig pa de ni/ gnyis su med par 'jug pa'o// byang chub sems dpa' 'od kyi tog gis smras pa/ khams bzhi po'ang gzhan la/ nam mkha'i khams kyang gzhan no zhes bya ba de ni gnyis te/ khams bzhi po na nam mkha'i rang bzhin no// sngon gyi mtha' yang nam mkha'i rang bzhin no// phyi ma'i mtha' yang nam mkha'i rang bzhin no// bzhin du da ltar yang nam mkha'i rang bzhin te/ gang de ltar khams la 'jug pa'i ye shes de ni/ gnyis su med par 'jug pa'o// byang chub sems dpa' rab kyi blo gros kyis smras pa/ mig dang gzugs so zhes bya ba de ni gnyis te/ gang mig yongs su shes pas/ gzugs la mi chags/ mi sdang / mi rmongs pa de ni zhi ba zhes bya'o// de bzhin du rna ba dang sgra/ sna dang/ dri/ lce dang ro// lus dang reg/ yid dang chos de dag ni gnyis so// gang yang yid yongs su shes nas chos la mi chags/ mi sdang / mi rmongs pa de ni zhi ba zhes bya'o// de ltar zhi ba la gnas pa ni gnyis su med par 'jug pa'o/ / byang chub sems dpa' blo gros mi zad pas smras pa/ sbyin pa thams cad mkhyen pa nyid du yongs su bsngo ba de ni gnyis te/ sbyin pa'i ngo bo nyid ni thams cad mkhyen pa'o/ / thams cad mkhyen pa'i ngo bo nyid ni yongs su bsngo ba'o// de bzhin du tshul khrims dang // bzod pa dang / brtson 'grus dang / bsam gtan dang / shes rab
- 369b
thams cad mkhyen pa nyid du yongs su bsngo ba de ni gnyis so/ / thams cad mkhyen pa nyid ni shes rab kyi rang bzhin no// yongs su bsngo ba yang thams cad mkhyen pa'i rang bzhin te/ gang / tshul gcig pa 'di la 'jug pa de ni gnyis su med par 'jug pa'o// byang chub sems dpa' blo zab kyis smras pa/ stong pa nyid kyang gzhan la/ mtshan ma med pa dang / smon pa med pa'ang gzhan no zhes bya ba de ni gnyis te/ stong pa gang yin pa de la mtshan ma gang yang med do// mtshan ma med pa la smon pa med/ smon pa med pa la sems dang / yid dang / rnam par shes pa rgyu ba med de/ gang rnam par thar pa gcig gi sgo de la rnam par thar pa thams cad kyi sgo rnams su blta bar bya ba de ni gnyis su med pa'i sgor 'jug pa'o// byang chub sems dpa' dbang po bzhi bas smras pa/ sangs rgyas dang / chos dang / dge 'dun no zhes bya ba de ni gnyis te/ sangs rgyas kyi rang bzhin ni chos so// chos kyi rang bzhin ni dge 'dun te/ de dag thams cad kyang 'dus ma byas pa'o/ / 'dus ma byas ni nam mkha' bo// chos thams cad kyi tshul ni nam mkha' dang mtshungs te/ gang de ltar rjes su 'gro ba de ni/ gnyis su med par 'jug pa'o// byang chub sems dpa' thogs pa med pa'i mig gis smras pa/ 'jig tshogs dang 'jig tshogs 'gog pa zhes bya ba de ni gnyis te/ 'jig tshegs nyid ni 'gog pa'o// de ci'i phyir zhen
- 370a
'jig tshogs su lta ba mi skye ba med cing / gang lta ba de 'jig tshogs so zhes sam/ 'jig tshegs 'gog ces mi tog ste/ de mi rtog/ rnam par mi rtog/ shin tu mi rtog pas 'gog pa'i rang bzhin du 'gyur te/ mi 'byung mi 'jig pa de ni gnyis su med par 'jug pa'o// byang chub sems dpa' shin tu dul bas smras pa/ lus dang / ngag dang // yid kyi sdom pa zhes bya ba de ni gnyis su med de/ de ci'i phyir zhe na/ chos 'di dag ni mngon par 'du mi byed pa'i mtshan nyid de/ lus kyi mngon par 'du mi byed pa gang yin pa/ ngag gi mngon par 'du mi byed pa'ang de'i mtshan nyid do/ / yid kyi mngon par 'du mi byed pa'ang de'i mtshan nyid do// gang chos thams cad kyi mngon par 'du mi byed pa de yin par shes par bya/ rjes su rig par bya ste/ gang 'di la mngon par 'du mi byed par shes pa de ni gnyis su med par 'jug pa'o/ / byang chub sems dpa' bsod nams zhing gis smras pa/ bsod nams dang bsod nams ma yin pa dang / mi g.yo ba mngon par 'du bya ba mngon par 'du byed do zhes bya ba de ni gnyis te/ gang bsod nams dang bsod nams ma yin pa dang / mi g.yo ba mngon par 'du mi byed pa de ni gnyis su med pa'o/ / bsod nams dang bsod nams ma yin pa dang / mi g.yo ba 'du byed rnams kyi rang gi mtshan nyid stong pa ste/ de la bsod nams kyang med/ bsod nams ma yin pa'ang med//
- 370b
/ mi g.yo ba'ang med/ mngon par 'du byed pa'ang med de/ gang de ltar mi sgrub pa de ni gnyis su med par 'jug pa'o// byang chub sems dpa' pad+ma bkod pas smras pa/ bdag kun nas ldang ba las skyes pa de ni gnyis te/ bdag yongs su shes pa de ni gnyis mi slong ngo // de ltar gnyis su med par gnas pa la/ rnam par rig pa med pas/ rnam par rig pa med pa de ni gnyis su med par 'jug pa'o/ / byang chub sems dpa' dpal gyi snying pos smras pa/ dmigs pas rab tu phye ba de ni gnyis so// gang mi dmigs pa de ni gnyis su med pa ste/ de'i phyir gang len pa med cing dor ba med pa de ni gnyis su med par 'jug pa'o/ / byang chub sems dpa' zla ba'i bla mas smras pa/ mun pa dang snang ba'o zhes bya ba de ni gnyis te/ mun pa'ang med snang bzang med pa de ni gnyis su med pa'o/ / de ci'i phyir zhe na/ 'di ltar 'gog par snyoms par zhugs pa la mun pa'ang med// snang ba'ang med do// chos thams cad kyi mtshan nyid kyang de bzhin te/ gang mnyam pa nyid 'di la 'jug pa de ni gnyis su med par 'jug pa'o// byang chub sems dpa' lag na phyag rgya rin po ches smras pa/ mya ngan las 'das pa la mngon par dga' zhing 'khor ba la mi dga' ba de ni gnyis te/ gang mya ngan las 'das pa la yang mngon par dga' ba'ang med/ 'khor ba la yang mi dga' ba med pa de ni gnyis su med pa'o// de ci'i phyir zhe na/ gang bcings pa
- 371a
las ni grol bar bstan gyi/ gang shin tu ma bcings pa de thar pa ga la tshol/ ma bcings ma grol ba'i dge slong ni dga' ba dang / mi dga' ba'ang mi skyed de/ de ni gnyis su med par 'jug pa'o/ / byang chub sems dpa' nor bu brtsegs pa'i rgyal pos smras pa/ lam dang lam ngan pa'o zhes bya ba de ni gnyis te/ lam du zhugs pa la ni lam ngan pa mi spyod do// mi spyod/ pa la gnas pa ni lam gyi 'du shes sam/ lam ma yin pa'i 'du shes su mi 'gyur ro// 'du shes yongs su rig pa ni blo gnyis su mi 'jug ste/ de ni gnyis su med par 'jug pa'o// byang chub sems dpa' bden dgas smras pa/ bden pa dang brdzun pa zhes bya ba de ni gnyis te/ bden pa mthong bas kyang bden pa gnyis yang dag par rjes su mi mthong na/ brdzun pa lta ga la mthong / de ci'i phyir zhe na/ sha'i mig gis ni mi mthong gis/ shes rab kyi mig gis mthong ste/ ji ltar mi mthong / rnam par mi mthong ba dag de ltar mthong ngo // gang la mthong ba'ang med/ rnam par mthong ba'ang med de/ gnyis su med par 'jug pa'o// de ltar byang chub sems dpa' de dag gis rang rang gi bstan pa bshad nas/ 'jam dpal gzhon nur gyur pa la 'di skad ces smras so// 'jam dpal byang chub sems dpa'i gnyis su med par 'jug pa gang yin/ 'jam dpal gyis smras pa/ skyes bu dam pa khyed kun gyis kyang legs par smras mod kyi/ khyed kyis bshad pa de thams cad ni gnyis
- 371b
so/ / bstan pa gcig ni ma gtogs te/ brjod du med pa/ smrar med pa/ bshad du med pa/ bsgrag tu med pa/ bstan du med pa/ gdags su med pa de ni gnyis su med par 'jug pa'o// / de nas 'jam dpal gzhon nur gyur pas/ li tsa byi drim med par grags pa la 'di skad ces smras so// kho bo cag gis ni rang rang gi bstan pa bshad zin na/ rigs kyi bu khyod kyang gnyis su med pa'i chos kyi sgo bstan pa la spobs par gyis shig/ de nas li tsa byi drim med par grags bcang mi smra bar gyur to// de nas 'jam dpal gzhon nur gyur pas/ li tsi byi jim med par grags pa la legs so zhes bya ba byin te/ legs so legs so// rigs kyi bu 'di ni byang chub sems dpa' rnams kyi gnyis su med par 'jug pa yin te/ de la yi ge dang / sgra dang / rnam par rig pa'i rgyu ba med do// bstan pa 'di bshad pa na/ byang chub sems dpa' lnga stong gnyis su med pa'i chos kyi sgor zhugs pas mi skye ba'i chos la bzod pa thob par gyur to// gnyis su med pa'i chos kyi sgor zhugs pa'i le'u ste brgyad pa'o/ / // de nas tshe dang ldan pa shA ri'i bus 'di snyam du bsams te/ gdugs chod la'ang bab na/ sems dpa' chen po 'di dag mi ldang na 'di dag zan gar za snyam mo/ / de nas li tsi byi dri ma med par grags pas tshe dang ldan pa shA ri'i bu'i sems kyi rtog pa sems kyis shes nas/ tshe dang ldan pa shA ri'i bu la 'di skad ces smras so// btsun pa shA ri'i
- 372a
bu de bzhin gshegs pas rnam par thar pa brgyad po gang dag gsungs pa'i rnam par thar pa de dag la gnas par gyis la/ zang zing dang 'dres pa'i rgyud kyis chos mnyan cig/ btsun pa shA ri'i bu yud tsam zhig sdod cig dang / sngon ma myong ba'i kha zas za bar 'gyur ro// de nas de'i tshe la tsi byi dri ma med par grags pa de lta bu'i ting nge 'dzin la snyoms par zhugs te/ 'di 'dra ba'i rdzu 'phrul mngon par 'du bya ba mngon par 'dus byas so/ / gang steng gi phyogs su sangs rgyas kyi zhing 'di nas sangs rgyas kyi zhing gang+gA'i klung bzhi bcu rtsa gnyis kyi bye ma snyed 'das pa na/ 'jig rten/ gyi khams spos thams cad kyi dri mchog ces bya ba yod de/ byang chub sems dpa' de dag dang / nyan thos chen po de dag la bstan to// de na de bzhin gshegs pa spos mchog brtsegs pa zhes bya ba da ltar bzhugs te 'tsho zhing gzhes so/ / 'jig rten gyi khams der phyogs bcu'i sangs rgyas kyi zhing thams cad kyi mi dang / lha'i dri 'byung ba de bas 'jig rten gyi khams de'i shing las ches khyad par du 'phags pa 'byung ngo / / 'jig rten gyi khams de na nyan thos dang / rang sangs rgyas rnams kyi ming yang med de/ byang chub sems dpa' 'ba' zhig gi tshogs 'dus pa de dag la de bzhin gshegs pa spos mchog brtsigs pa de chos ston to/ / 'jig rten gyi khams de na/ khang pa brtsegs pa thams cad kyang spos la byas/ 'chags dang / skyed mos tshal dang / gzhal med khang thams cad kyang
- 372b
spos la byas so/ / gang byang chub sems dpa' de dag zas za ba'i zas de'i dris 'jig rten gyi khams tshad med pa khyab bo// de'i tshe bcom ldan 'das de bzhin gshegs pa smos mchog brtsegs pa byang chub sems dpa' de dag dang thabs cig tu bshos gsol ba'i phyir zhugs te/ de nas lha'i bu spos bkod pa'i zas zhes bya ba theg pa chen po la yang dag par zhugs pa de bcom ldan 'das dang / byang chub sems dpa' de dag gi rim gro dang / bsnyen bkur byed par brtson no// de nas thams cad dang ldan pa'i 'khor des/ 'jig rten gyi khams de na bcom ldan 'das de dang / byang chub sems dpa' de dag bshos la bkod de bzhugs pa mthong ngo / / de nas li tsa byi dri ma med par grags pas/ byang chub sems dpa' de dag thams cad la 'di skad ces smras so// skyes bu/ dam pa khyed kyi nang na sangs rgyas kyi zhing de nas zas len par su spro/ de na 'jam dpal gyi byin gyi rlabs kyis su yang spro ba med do// de nas li tsa byi dri ma med par grags pas/ 'jam dpal gzhon nur gyur pa la 'di skad ces smras so/ / 'jam dpal khyod kyi 'khor 'di 'dra ba ngo mi tsha'am/ smras pa/ rigs kyi bu de bzhin gshegs pas ma bslabs pa la brnyas par mi bya'o zhes ma gsungs sam/ de nas li tsa byi dri ma med par grags pa mal de nas ma langs par/ byang chub sems dpa' de dag gi mdun du sprul pa'i byang chub sems dpa' lus gser
- 373a
gyi kha dog lta bur mtshan dang dpe byad bzang pos legs par brgyan pa zhig sprul te/ gang gis 'khor de dag thams cad mog mog por byas par 'gyur ba de lta bu'i gzugs su snang bar gyur to/ / de nas li tsa byi dri ma medra par grags pas/ sprul pa'i byang chub sems dpa' de la 'di skad ces smras so// rigs kyi bu khyod steng gi phyogs su song la sangs rgyas kyi zhing gang+gA'i klung bzhi bcu rtsa gnyis kyi bye ma snyed 'das pa na/ 'jig rten gyi khams spos thams cad kyi dri mchog ces bya ba yod de/ de na de bzhin gshegs pa spos mchog brtsegs pa zhes bya ba da ltar bshos gsol ba'i phyir bzhugs pa der song la/ de bzhin gshegs pa de'i zhabs la mgo bos phyag tshol la/ 'di skad ces gsol cig/ li tsa byi dri ma med par grags pa bcom ldan 'das kyi zhabs la lan brgya stong du mgo bos phyag 'tshal nas/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ 'tsho'am/ stobs dang / bde ba dang / kha na ma tho ba mi mnga' zhing bde bar reg pa la gnas sam zhes bsnyun gsol zhing 'di skad ces kyang mchi'o// bcom ldan 'das kyis gsol ba'i pham phabs bdag la stsal bar gsol/ des 'jig rten gyi khams mi mjed du sangs rgyas kyi mdzad pa bgyid par 'gyur ro// dman pa la mos pa'i sems can
- 373b
'di dag kyang rgya chen po la dang bar bgyid do/ / de bzhin gshegs pa'i mtshan kyang rgyas par bgyis par 'gyur ro zhes gsol cig/ de nas sprul pa'i byang chub sems dpa' des li// tsa byi dri ma med par grags pa la legs so zhes zhes byas nas/ de mnyan te/ byang chub sems dpa' de dag gi mdun nas bzhin gyen du bltas te song na/ byang chub sems dpa' de dag gis de 'gro bar ma mthong ngo / / de nas sprul pa'i byang chub sems dpa'i des 'jig rten gyi khams spos thams cad kyi dri mchog ces bya ba der phyin nas/ bcom ldan 'das de bzhin gshegs pa spos mchog brtsegs pa de'i zhabs la mgo bos phyag 'tshal te/ 'di skad ces gsol to// bcom ldan 'das byang chub sems dpa' drim med par grags pa/ bcom ldan 'das kyi zhabs la mgo bos phyag 'tshal nas/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ 'tshe'am stobs dang / bde ba dang / kha na ma tho ba mi mnga' zhing bde bar reg pa la gnas sam zhes bsnyun gsol lo// de nas bcom ldan 'das kyi zhabs la lan brgya stong du mgo bos phyag 'tshal nas 'di skad ces gsol to/ / bcom ldan 'das gsol ba'i zhal zas kyi pham phabs bdag la stsal bar gsol/ des 'jig rten gyi khams mi mjed 'dir
- 374a
sangs rgyas kyi mdzad pa bgyid par 'tshal lo/ / dman pa la mos pa'i sems can 'di dag kyang sangs rgyas kyi chos rgya chen po la blo gros mos par bgyid cing / sangs rgyas kyi mtshan kyang rgyas par bgyis par 'gyur ro zhes mchi'o// de nas bcom ldan 'das de bzhin gshegs pa spos mchog brtsegs pa'i sangs rgyas kyi zhing gi byang chub sem dpa' de dag ngo mtshar du gyur nas/ bcom ldan 'das de bzhin gshegs pa spos mchog brtsegs pa de la 'di skad ces gsol to// bcom ldan 'das sems can chen po 'di lta bu ga las mchis/ 'jig rten gyi khams mi mjed de gang na mchis/ dman pa la mos pa zhes bgyi ba de ci lags zhes/ bcom ldan 'das de la byang chub sems dpa' de dag gis de skad zhus pa dang / de nas bcom ldan 'das kyis/ byang chub sems dpa' de dag la 'di skad ces bka' stsal to// rigs kyi bu 'og gi phyogs na/ sangs rgyas kyi zhing 'di nas sangs rgyas kyi zhing gang+gA'i klung bzhi bcu rtsa gnyis kyi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa shA thub pa zhes bya ba snyigs ma lnga'i sangs rgyas kyi zhing na/ dman pa la mos pa'i sems can rnams la chos ston to// de na byang chub sems dpa' dri ma med par grags pa zhes bya ba
- 374b
rnam par thar pa bsam gyis mi khyab pa la gnas pa byang chub sems dpa' rnams la chos ston te/ des nga'i ming yongs su bsgrags pa dang / 'jig rten gyi khams 'di'i bsngags pa rab tu bstan pa dang / byang chub sems dpa' de dag gi dge ba'i rtsa ba shin tu 'bar bar bya ba'i phyir sprul pa'i byang chub sems dpa' btang ngo // de nas byang chub sems dpa' de dag gis 'di skad ces gsol to/ / bcom ldan 'das byang chub sems dpa' de'i che ba ji snyed na de'i sprul pa 'di yang / rdzu 'phrul dang / stobs dang / mi 'jigs pa 'di lta bur/ gyur/ bcom ldan 'das des bka' stsal pa/ byang chub sems dpa' de'i che ba ni 'di 'dra ste/ des phyogs bcu'i sangs rgyas kyi zhing thams cad du sprul pa 'gyed de/ sprul pa de dag sangs rgyas kyi zhing de dag gi sems can thams cad la sangs rgyas kyi bya bas nye bar gnas par 'gyur ro/ / de nas bcom ldan 'das de bzhin gshegs pa spos mchog brtsegs pas/ dri thams cad dang ldan pa'i snod du dri thams cad bsgos pa'i zas blugs te/ de sprul pa'i byang chub sems dpa' de la byin no// de nas de'i tshe byang chub sems dpa' brgya stong phrag dgu bcu yang der 'gro bar chas te/ bcom ldan 'das bdag cag kyang 'jig rten gyi khams mi mjed der bcom ldan 'das shAkya thub pa de la
- 375a
blta ba dang / phyag 'tshal ba dang / bsnyen bkur bgyi ba dang / dri ma med par grags pa de dang / byang chub sems dpa' de dag kyang blta ba'i slad du mchi'o/ / bcom ldan 'das des bka' stsal pa/ rigs kyi bu dag da de'i dus la bab par shes na deng zhig/ rigs kyi bu dag sems can de rnams myos shing bag med par gyur tare/ dri rnams med par gyis la deng zhig/ 'jig rten gyi khams mi mjed de'i sems can de dag sra gong bar 'gyur du 'ong gis/ rang gi gzugs kyang sgyur cig/ 'jig rten gyi khams de la'ang ngan par 'du shes bskyed nas/ khong khro ba'i 'du shes ma skyed cig/ de ci'i phyir zhe na/ rigs kyi bu sangs rgyas kyi zhing ni nam mkha'i zhing ste/ sems can rnams yod su smin par bya ba'i phyir sangs rgyas bcom ldan 'das rnams ni sangs rgyas kyi yul thams cad mi ston to/ / de nas sprul pa'i byang chub sems dpa' des zhal zas de thogs nas/ byang chub sems dpa' brgya stong phrag dgu bcu dang lhan cig tu sangs rgyas kyi mthu dang / dri ma med par grags pa'i byin gyi rlabs kyis skad cig yud tsam thang cig de nyid la 'jig rten gyi khams spos thams cad kyi ji mchog de nas mi snang bar gyur te/ li tsa byi dri ma med par grags pa'i khyim na 'dug go// de nas li tsa byi dri ma med par grags pas seng ge'i khri snga ma ci
- 375b
'dra ba de lta bu'i seng ge'i khri brgya stong phrag dgu bcu byin gyis brlabs te/ de la byang chub sems dpa' de dag 'khod do// de nas sprul pa'i byang chub sems dpa' des zhal zas kyis/ bkang ba'i snod de dri ma med par grags pa la byin no// de nas zhal zas de'i dris yangs pa'i grong khyer chen po bdugs par gyur te/ 'jig rten gyi khams stong gi bar du dri zhim po bsnam par gyur to/ / gang yangs pa'i grong khyer bram ze dang / khyim bdag rnams dang / li tsa byi rnams kyi dbang po li tsa byi zla ba gdugs kyis dri ma bsnams nas/ ngo mtshar du gyur/ rmad du gyur te/ lus dang sems sim par gyur nas/ li tsa byi brgyad khri bzhi stong tshang ba dang lhan cig tu/ li tsa byi dri ma med par grags pa'i khyim du zhugs so// de dag gi khyim de na byang chub sems dpa' gang dag seng ge'i khri de tsam du mtho ba/ de tsam du che zhing yangs pa la 'khod pa mthong ste/ mthong nas de dag shin tu mos shing rab tu dga' ba chen po skyes te/ de dag thams cad kyis nyan thos chen po de dag dang / sems can chen po de dag la phyag 'tshal nas/ phyogs gcig tu 'khod do// sa la spyod pa'i lha'i bu rnams dang / 'dod pa na spyod pa dang / gzugs yod pa na spyod pa'i lha rnams kyang dri ngas bskul nas/ li tsi byi dri ma med par grags pa'i khyim du lhags so// de nas li tsa byi dri ma med par grags pas/ gnas brtan
- 376a
shA ri'i bu dang / nyan thos chen po de dag la 'di skad ces smras so// btsun pa rnams de bzhin gshegs pa'i zhal zas bdud rtsi thugs rje chen pos yongs su bsgos pa zol/ nyi tshe ba'i spyod pa la sems nye bar ma 'dogs shig/ sbyin pa byin ma nus sa re/ de na nyan thos kha cig 'di snyam du sems so// zhal zas nyung ngu 'di la 'di lta bu'i 'khor 'dis ji ltar bza' snyam mo/ / de nas sprul pa'i byang chub sems dpa' des nyan thos de dag la 'di skad ces smras so// tshe dang ldan pa dag khyed rang gi shes rab dang / bsod nams dang / de bzhin gshegs pa'i shes rab dang bsod nams su ma snyoms shig/ de ci'i phyir zhe na/ de 'di lta ste/ dper na rgya mtsho chen po bzhi ni zad kyang srid kyi/ zhal zas 'di la zad pa cung zad kyang med do/ / sems can thams cad kyis zhal zas 'di kham ri rab tsam du bskal par zos kyang / 'di zad par mi 'gyur ro// de ci'i phyir zhe na/ tshul khrims/ dang / shes rab dang / ting nge 'dzin mi zad pa las byung ba de bzhin gshegs pa'i zhal zas snod du las pa 'di zad par mi nus so// de nas zhal zas des 'khor thams cad la tshim par byas kyang zhal zas de zad par ma gyur to/ / byang chub sems dpa' dang / nyan thos dang / brgya byin dang / tshangs pa dang / 'jig rten skyong ba rnams dang / sems can
- 376b
gzhan gang gis zhal zas de zos pa de dag kyang ji ltar 'jig rten gyi khams bde ba thams cad kyis rab tu brgyan pa na/ byang chub sems dpa' rnams kyi bde ba ci 'dra ba de lta bu'i bde ba lus la skyes so/ / de dag gi spu'i khung bu nas kyang 'di lta bu'i dri 'byung ba 'di lta ste/ dper na 'jig rten gyi khams spos thams cad kyi dri mchog de na shing rnams la dri 'byung ba bzhin no// de nas li tsa byi dri ma med par grags pa shes bzhin du/ bcom ldan 'das de bzhin gshegs pa spos mchog brtsegs pa'i sangs rgyas kyi zhing nas lhags pa'i byang chub sems dpa' rnams la 'di skad ces smras so/ / rigs kyi bu dag de bzhin gshegs pa spos mchog brtsegs pa de'i chos ston pa ci 'dra/ de dag gis smras pa/ de bzhin gshegs pa de ni yi ge dang nges pa'i tshig gis chos mi ston te/ dri de nyid kyis byang chub sems dpa' rnams 'dul bar 'gyur te/ spos kyi shing gang dang gang gi drung du byang chub sems dpa' de dag 'dug pa de dang de dag/ las 'di 'dra ba'i dri 'byung ste/ gang dri de bsnams ma thag tu byang chub sems dpa'i yon tan thams cad 'byung gnas zhes bya ba'i ting nge 'dzin rab tu 'thob par 'gyur ro// ting nge 'dzin de thob ma thag tu de dag thams cad nas byang chub sems dpa'i yon tan rnams skye'o/ / de nas byang chub sems dpa' de dag gis/ li tsa byi dri ma med par grags pa la 'di skad ces
- 377a
smras so/ / 'di na bcom ldan 'das shAkya thub pa chos bstan pa ji lta bu rab tu ston par mdzad/ smras pa/ skyes bu dam pa rnams sems can 'di dag ni gdul dka' ste/ sems can dmu rgod gdul dka' ba 'dri rnams la dmu rgod gdul dka' ba'i gtam rnams rab tu ston to// dmu rgod gdul dka' ba rnams gdul ba dang / dmu rgod gdul dka' ba gdul ba'i gtam de gang zhe na/ 'di lta ste/ 'di ni sems can dmyal ba'o// 'di ni dud 'gro'i skye gnas so// 'di ni gshin rje'i 'jig rten no// 'di ni mi khom pa'o/ / 'di ni dbang po nyams par skye ba'o// 'di ni lus kyis nyes par spyod pa'o// 'di ni lus kyis nyes par spyod pa'i rnam par smin pa'o// 'di ni ngag gis nyes par spyod pa'o// 'di ni ngag gis nyes par spyod pa'i rnam par smin pa'o// 'di ni yid kyis nyes par spyod pa'o// 'di ni yid kyis nyes par spyod pa'i rnam par smin pa'o// 'di ni srog gcod pa'o// 'di ni ma byin par len pa'o/ / 'di ni 'dod pa la log par g.yem pa'o// 'di ni brdzun du smra ba'o// 'di ni bla ma'o// 'di ni ngag rtsub pa'o// 'di ni tshig bkyal ba'o// 'di ni brnab sems so// 'di ni gnod sems so// 'di ni log par lta ba'o// 'di ni de dag gi rnam par smin pa'o// 'di ni ser sna'o// 'di ni ser sna'i 'bras bu'o// 'di ni 'chal ba'i tshul khrims so//
- 377b
'di ni khro ba'o// 'di ni le lo'o// 'di ni g.yeng ba'o// 'di ni 'chal pa'i shes rab bo// 'di ni 'chal pa'i shes rab kyi 'bras bu'o// 'di ni bslab pa'i gzhi las 'das pa'o// 'di ni so sor thar pa'o// 'di ni bya ba'o// 'di ni mi bya ba'o// 'di ni rnam par 'byor to// 'di ni spong ba'o// 'di ni sgrib pa'o// 'di ni sgrib pa med pa'o// 'di ni ltung ba'o// 'di ni ltung ba las byung ba'o// 'di ni lam mo// 'di ni lam ngan pa'o// 'di ni dge ba'o// 'di ni mi dge ba'o// 'di ni kha na ma tho ba dang bcas pa'o// 'di ni kha na ma tho ba med pa'o// 'di ni zag pa dang bcas pa'o// 'di ni zag pa med pa'o// 'di ni 'jig rten pa'o// 'di ni 'jig rten las 'das pa'o// 'di ni 'dus byas so// 'di ni 'dus ma byas so// 'di/ ni kun nas nyon mongs pa'o// 'di ni rnam par byang ba'o// 'di ni 'khor ba'o// 'di ni mya ngan las 'das pa'o zhes de lta bur chos rnam pa du mar bshad pas/ rta dmu rgod lta bu'i sems rab tu gnas par byed do/ / 'di lta ste/ dper na rta'am/ bal glang dmu rgod gnad du brdab pa tshun chad kyis dul bar 'gyur ro// de bzhin du sems can dmu rgod gdul dka' ba rnams kyang / sdug bsngal thams cad smos pa'i gtam gyis dul bar 'gyur ro// byang chub sems dpa' de dag gis smras pa/ 'di ltar bcom ldan 'das shAkya thub pa sangs rgyas kyi che ba
- 378a
bzhag ste/ ngan cing dbul bas sems can dmu rgod rnams 'dul ba ngo mtshar to// byang chub sems dpa' gang 'di lta bur sangs rgyas kyi zhing yangs pa na 'khod pa de// dag gi snying rje chen po'ang bsam gyis mi khyab bo// de nas la tsi byi dri ma med par grags pas smras pa/ skyes bu dam pa dag de de bzhin te/ ji skad smras pa de bzhin no// gang 'dir skyes pa'i byang chub sems dpa' 'di dag gi snying rje chen po shin tu brtan no/ / de dag 'jig rten gyi khams 'dir tshe gcig la sems can gyi don shin tu mang du byed de/ 'jig rten gyi khams spos thams cad kyi dri mchog der bskal pa brgya stong gis kyang sems can gyi don de ltar byed mi nus so/ / de ci'i phyir zhe na/ skyes bu dam pa dag 'jig rten gyi khams mi mjed 'dir gang de dag yongs su 'dzin par 'gyur ba'i dge ba bsags pa'i chos bcu yod de/ de dag gi sangs rgyas kyi zhing gzhan na med do// bcu gang zhe na/ 'di lta ste/ dbul po rnams la ni sbyin pas sdud do/ / tshul khrims 'chal pa rnams la ni tshul khrims kyis sdud do// khong khro ba rnams la ni bzod pas sdud do// le lo can rnams la ni brtson 'grus kyis sdud do// sems g.yeng ba rnams la ni bsam gtan gyis sdud do/ / shes rab 'chal pa rnams la ni shes rab kyis sdud do// mi khom par 'gyur ba rnams la ni mi khom pa brgyad las 'da' ba ston to// nyi tshe bar
- 378b
spyod pa rnams la ni theg pa chen po ston to/ / dge ba'i rtsa ba ma skyed pa rnams la ni dge ba'i rtsa bas sdud do// bsdu ba'i dngos po bzhis rtag tu rgyun mi 'chad par sems can yongs su smin par byed pa ste/ dge ba bsags pa'i chos bcu po 'di dag rab tu 'dzin par 'gyur pa de dag ni/ sangs rgyas kyi zhing gzhan na med do// byang chub sems dpa' de dag gis smras pa/ chos du dang ldan na/ byang chub sems dpa' 'jig rten gyi khams mi mjed 'di nas shi 'phos nas/ ma smas ma snad par sangs rgyas kyi zhing yongs su dag par 'gyur/ smras pa/ chos brgyad dang ldan na/ byang chub sems dpa' 'jig rten gyi khams mi mjed 'di nas shing phos nas/ ma smas ma snang par sangs rgyas kyi zhing yongs su dag par 'gro bar 'gyur ro// brgyad gang zhe na/ sems can thams cad la bdag gis phan par bya ste/ 'di dag las ni phan pa cung zad kyang mi btsal lo// sems can thams cad kyi sdug bsngal thams cad bzod par bya ste/ des dge ba'i rtsa ba thams cad sems can thams cad la gtang bar bya'o snyam pa dang / sems can thams cad la khong khro ba med pa dang / byang chub sems dpa' thams cad la ston pa lta bur dga' ba dang / thos pa dang ma thos pa'i chos rnams thos na mi spong ba dang / gzhan gyi rnyed pa la phrag dog med pa dang / bdag gi rnyed pas mi snyems shing sems nges par sems pa dang / bdag gi
- 379a
'khrul pa la so sor rtog cing gzhan gyi nyes pa mi gleng ba dang / bag yod pa la dga' zhing yon tan thams cad yang dag par len pa ste/ chos brgyad po de dag dang ldan na/ chub sems dpa' 'jig rten gyi khams mi mjed nas shi 'phos nas/ ma smas ma smad par sangs rgyas kyi zhing yongs su dag par 'gro bar 'gyur ro// de nas li tsi byi dri ma med par grags pa dang / 'jam dpal gzhon nur gyur pas de ltar 'khor der 'dus pa la de ltar chos bstan pas/ 'di ltar srog chags 'bu ma tshang ba bla na med pa yang dag par rdzogs pa'i byang chub tu sems skyes so// byang chub sems dpa' khri ni mi skye ba'i chos la bzod pa thob par gyur to/ / sprul pa'i zhal zas blangs pa'i le'u ste dgu pa'o// / yang de'i tshe bcom ldan 'das a mra bsrung ba'i tshal na chos ston pa'i 'khor gyi khyams de'ang rgya che zhing yangs par gyur to/ / 'khor de'ang gser gyi kha dog lta bur snang ngo // de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das 'di ltar a mra bsrung ba'i tshal 'di rgya che zhing yangs par gyur pa dang / 'khor thams cad kyang gser gyi kha dog tu gda' ba 'di su'i snga ltas lags/ bcom ldan 'das kyis bka' stsal pa/ kun dga' bo 'di ni lo tsa byi dri ma med par grags pa dang / 'jam dpal gzhon nur gyur pa gnyis 'khor mang pos yongs su bskor cing mdun du bdar te/ de bzhin gshegs pa'i drung du 'ong
- 379b
bde'i snga ltas so/ / de nas li tsa byi dri ma med par grags pas/ 'jam dpal gzhon nur gyur pa la 'di skad ces smras pa/ 'jam dpal sems can chen po 'di dag kyang / de bzhin gshegs pa mthong zhing phyag 'tshal bar 'gyur gyis/ yu bu cag bcom ldan 'das kyi drung du 'dong ngo // 'jam dpal gyis smras pa/ rigs kyi bu de'i dus la bab par shes na 'dong ngo // de nas li tsa byi dri ma med par grags pas 'di lta bu'i rdzu 'phrul mngon par 'du bya ba mngon par 'dus byas pas ji ltar 'khor thams cad seng ge'i khri de dag dang bcas te/ lag pa g.yas pa'i steng du bzhag nas bcom ldan 'das ga la ba der dong ste/ der phyin pa dang / de dag sa la bzhag ste/ bcom ldan 'das kyi zhabs la mgo bos phyag 'tshal nas/ bcom ldan 'das la lan bdun bskor te/ phyogs gcig tu 'dug go/ de nas de bzhin gshegs pa spos mchog brtsegs pa'i sangs rgyas kyi zhing nas lhags pa'i byang chub sems dpa' de dag kyang seng ge'i khri las babs te/ bcom ldan 'das kyi zhabs la mgo bos phyag 'tshal nas/ bcom ldan 'das la thal mo sbyar te phyag 'tshal zhing phyogs gcig tu 'khod do// byang chub sems dpa' sems dpa' chen po de dag dang / nyan thos chen po de dag thams cad kyang seng ge'i khri las babs te/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de bzhin du brgya byin dang /
- 380a
tshangs pa dang / 'jig rten skyong ba dang / lha'i bu de dag thams cad kyang bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de nas bcom ldan/ 'das kyis byang chub sems dpa' de dag la chos kyi gtam gyis yang dag par dga' bar byas nas/ 'di skad ces bka' stsal to// rigs kyi bu dag rang rang gi seng ge'i khril 'khod cig/ bcom ldan 'das kyis de skad bka' stsal nas/ de dag 'khod do// de nas bcom ldan 'das kyis/ shA ri'i bu la 'di skad ces bka' stsal to// shA ri'i bu khyod kyis sems can gyi mchog byang chub sems dpa' rnams kyis rnam par sprul pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ de la khyod kyis 'du shes ji lta bur skyes/ gsol pa/ bcom ldan 'das bdag de la bsam gyis mi khyab pa'i 'du shes skyes lags so// ji ltar bsam pa dang / gzhal ba dang / bgrang bar mi nus pa de lta bur de dag gis bgyid pa bsam gyis mi khyab pa mthong ngo / / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das sngon ma bsnams pa'i dri zhig gda' na/ 'di lta bu su'i dri lags/ bcom ldan 'das kyis bka' stsal pa/ kun dga' bo byang chub sems dpa' 'di dag gi lus kyi spu'i khung bu thams cad nas dri 'byung ba yin no// shA ri'i bus smras pa/ tshe dang
- 380b
/ ldan pa kun dga' bo kho bo cag gi lus kyi spu'i khung bu thams cad nas kyang 'di lta bu'i dri byung ngo // smras pa/ dzi de ci las byung / smras pa/ li tsa byi dri ma med par grags pa 'dis de bzhin gshegs pa spos mchog brtsegs pa'i sangs rgyas kyi zhing 'jig rten gyi khams spos thams cad kyi dri mchog nas zhal zas de blangs te zos so cog thams cad kyi lus las dri 'di lta bu byung ngo / / de nas tshe dang ldan pa kun dga' bos/ li tsi byi dri ma med par grags pa la 'di skad ces smras so// dri 'di ji srid kyi bar du 'chags par 'gyur/ smras pa/ ji srid zas ma zhu ba'i bar du'o// kun dga' bos smras pa/ zas de yun ji srid na zhu bar 'gyur/ sbas pa/ zhag bdun phrag bdun gyis zhu bar 'gyur te/ de nas yang zhag bdun gyi bar du des mdangs rgyas par 'gyur ro// ma zhu ba'i gnod par yang mi 'gyur ro// btsun pa kun dga' bo dge slong gang nges pa la ma zhugs par zhal zas 'di zos na/ de dag nges pa la zhugs na 'ju bar 'gyur ro// nges pa la zhugs pa gang gis zhal zas 'di zos pa de dag sems yongs su ma grong gyi bar du mi 'ju'o/ / sems can byang chub tu sems ma skyed pa gang dag gis de zos pa de dag byang chub tu sems bskyed na de 'ju bar 'gyur ro// byang chub tu sems bskyed pa gang dag gis zos pa de dag bzod pa ma thob kyi bar du mi 'ju'o/ / bzod pa thob pa gang dag gis zos pa de dag skye ba gcig gis thogs pa na 'ju bar 'gyur ro// btsun pa kun dga' bo 'di lta ste/ dper na sman bro ldan zhes bya ba ltor/
- 381a
song na/ dug thams cad med par ma gyur gyi bar du mi 'ju ste/ sman de phyis 'ju bar 'gyur ba de bzhin du/ btsun pa kun dga' bo nyon mongs pa thams cad kyi dug med par ma/ gyur gyi bar du zas de 'ju bar mi 'gyur te/ zas de phyis gdod 'ju bar 'gyur ro// de nas tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das zhal zas 'di ni sangs rgyas kyi mdzad pa bgyid do/ / bka' stsal pa/ kun dga' bo de de bzhin te/ ji skad smras pa bzhin no// kun dga' bo gang dag na byang chub sems dpa' sangs rgyas kyi mdzad pa byed// pa'i sangs rgyas kyi zhing rnams kyang yod do// gang dag na 'od kyis sangs rgyas kyi mdzad pa byed pa'i sangs rgyas kyi zhing rnams kyang yod do// gang dag na byang chub kyi shing gis sangs rgyas kyi mdzad pa byed pa'i sangs rgyas kyi zhing rnams kyang yod do/ / gang dag na de bzhin gshegs pa'i mtshan dang gzugs mthong bas sangs rgyas kyi mdzad pa byed pa'i sangs rgyas kyi zhing rnams kyang yod do// gang dag na chos gos kyis sangs rgyas kyi mdzad pa byed pa'i sangs rgyas kyi zhing rnams kyang yod do/ / de bzhin du zhal zas kyis sangs rgyas kyi mdzad pa byed pa dang / de bzhin du chu dang / skyed mos tshal dang / gzhal med khang dang / khang pa brtsegs pa'i sangs rgyas kyi mdzad pa byed pa dag kyang yod do// kun dga' bo gang dag na sprul pa rnams sangs rgyas kyi mdzad pa byed pa'i sangs rgyas kyi zhing rnams kyang yod do//
- 381b
kun dga' bo nam mkhas sangs rgyas kyi mdzad pa byed pa'i sangs rgyas kyi zhing dag kyang yod do// de bzhin du nam mkha' dang bar snang dag sangs rgyas kyi mdzad pa byed de/ de lta bus sems can de dag 'dul ba 'gyur ro/ / kun dga' bo de bzhin du rmi lam dang / gzugs brnyan dang / chu zla dang / zag cha dang / sgyu ma dang / smig rgyu dang / dper bstan pa dang / yi ge dang / nges pa'i tshig ston pas sems can dag la sangs rgyas kyi mdzad pa byed pa dag kyang yod do/ / gang dag na yi ge rnam par rig par byed pas sangs rgyas kyi mdzad pa byed pa'i sangs rgyas kyi zhing dag kyang yod do// kun dga' bo gang na smra ba dang / brjod pa med pa dang / mi bstan pa dang / mi brjod pas sems can de dag la sangs rgyas kyi mdzad pa byed de/ de lta bur yongs su dag pa'i sangs rgyas kyi zhing rnams kyang yod do// kun dga' bo sangs rgyas bcom ldan 'das rnams kyi spyod lam dang / longs spyod dang / yongs su spyod pa'i sems can rnams 'dul ba'i phyir sangs rgyas kyi mdzad pa mi byed pa ni gang yang med do// kun dga' bo bzhi po de dag dang / nyon mongs pa'i sgo brgya stong phrag brgyad cu rtsa bzhis sems can rnams kun nas nyon mongs pa de dag thams cad kyis sangs rgyas bcom ldan 'das rnams sangs rgyas kyi mdzad pa/ byed do// kun dga' bo 'di ni sangs rgyas kyi chos thams cad kyi sgor 'jug pa zhes bya ba'i chos kyi sgo ste/ chos kyi sgo 'dir zhugs pa'i byang chub sems dpa' de ni yon tan rgya chen po bkod pa thams cad
- 382a
dang ldan pa'i sangs rgyas kyi zhing rnams la zhum pa'ang med/ gong ba'ang med/ yon tan rgya chen po bkod pa thams cad dang ldan pa'i sangs rgyas kyi zhing rnams la dga' ba'ang med/ snyems pa'ang med de/ de bzhin gshegs pa rnams la'ang rab tu ri mo mi bskyed do// sangs rgyas bcom ldan 'das chos thams cad mnyam pa nyid thugs su chud pa rnams kyi sems can yongs su smin par bya// ba'i phyir sangs rgyas kyis zhing sna tshogs su ston pa de ni ngo mtshar to// kun dga' bo 'di lta ste/ sangs rgyas kyi zhing rnams kyi yon tan gzhan dang gzhan du sna tshogs su 'gyur yang / bya lam gyis khebs pa'i sangs rgyas kyi zhing nam mkha' la tha dad pa med pa de bzhin du/ kun dga' bo de bzhin gshegs pa rnams kyi gzugs kyi sku tha dad du 'gyur yang / de bzhin gshegs pa rnams kyi chags pa med pa'i ye shes ni tha dad pa ma yin no/ / kun dga' bo sangs rgyas thams cad kyi gzugs dang / kha dog dang / gzi brjid dang / sku dang / mtshan dang / rigs btsun pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / stobs rnams dang / mi 'jigs pa rnams dang / sangs rgyas kyi chos rnams dang / byams pa chen po dang / snying rje chen po dang / phan par dgongs pa dang / spyod lam dang / spyod pa dang / lam dang / tshe'i tshad dang / chos ston pa dang / sems can yongs su smin par byed pa dang / sems can rnam
- 382b
par grol ba dang / zhing yongs su dag pa dang / sangs rgyas kyi chos thams cad yongs su rdzogs par mtshungs te/ de bas na yang dag par rdzogs pa'i sangs rgyas zhes bya'o// de bzhin gshegs pa zhes bya'o/ / sangs rgyas zhes bya'o// kun dga' bo tshig de gsum gyi don rgyas pa dang / tshig rnam par dbye ba gang yin pa de ni/ khyod tshe'i tshad bskal par 'dug kyang bde bar kun chub par sla ba ma yin/ no// stong gsum du gtogs pa'i sems can rnams kun dga' bo khyod 'dra bar mang du thos pa dang / dran pa dang / gzungs thob pa rnams kyi nang na mchog tu gyur pa kun dga' bo dang 'dra bas sems can de dag thams cad kyis kyang yang dag par rdzogs pa'i sangs rgyas zhes bya ba dang / de bzhin gshegs pa zhes bya ba dang / sangs rgyas zhes bya ba'i tshig de gsum gyi don gdon mi za ba bstan pab ni bskal par yang kun chub par mi nus so/ / kun dga' bo de ltar sangs rgyas kyi byang chub ni tshad med de/ de bzhin gshegs pa rnams kyi shes rab dang spobs pa bsam gyis mi khyab bo// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das deng slan chad bdag mang du thos pa'i mchog go zhes dam mi bca' 'o// bcom ldan 'das kyis bka' stsal pa/ kun dga' bo khyod zhum pa'i sems ma skyed cig/ de ci'i phyir zhe na/ kun dga' bo khyod nyan thos rnams la dgongs te mang du thos pa'i mchog go zhes ngas bstan gyi/ byang chub sems dpa'i nang na
- 383a
ni ma yin no/ / kun dga' bo byang chub sems dpa' lta zhog gi/ de dag ni mkhas pa dag gis tshod gzung bar bya ba ma yin te/ kun dga' bo rgya mtsho thams cad kyi gting ni tshad bzung ba nus kyi/ byang chub sems dpa' rnams kyi shes rab dang / ye shes dang / dran pa dang / gzungs dang / spobs pa'i gting ni tshad bzung bar mi nus so// kun dga' bo byang chub sems dpa'i spyod pa rnams la khyod btang snyoms su gyis shig/ de ci'i phyir zhe na/ kun dga' bo li tsa byi dri ma med par grags pa 'dis snga dro gcig la bkod pa bstan pa ni/ nyan thos dang rang sangs rgyas rdzu 'phrul thob pa thams cad kyis bskal pa bye ba brgya stong du yang / rdzu 'phrul dang rnam par sprul pa'i cho 'phrul thams cad kyis kyang ston mi nus so// de nas bcom ldan 'das de bzhin gshegs pa spos mchog brtsegs pa'i sangs rgyas kyi zhing nas lhags pa'i byang chub sems dpa' de dag thams cad kyis thal mo sbyar te/ de bzhin gshegs pa la phyag 'tshal zhing tshig 'di skad ces gsol to// bcom ldan 'das bdag cag gis/ 'di ltar sangs rgyas kyi zhing 'di la ngan par 'du shes skyed pa yid la bgyis pa rnams spang bar 'tshal lo// de ci'i slad du zhe na/ bcom ldan 'das sangs rgyas bcom ldan 'das rnams kyi sangs rgyas kyi yul dang / thabs mkhas pa ni bsam gyis mi khyab ste/ de dag sems can thams cad yongs su smin par bgyi ba'i slad du/ ji lta ji lta bur bzhed pa de lta de lta bur zhing bkod pa ston to// bcom ldan 'das bdag cag/
- 383b
'jig rten gyi khams spos thams cad kyi dri mchog der mchis kyang / bcom ldan 'das rjes su dran par 'gyur ba'i chos kyi rdzongs shing bdag cag la stsal bar gsol/ de skad ces gsol pa dang / bcom ldan 'das kyis bka' stsal pa/ rigs kyi bu byang chub sems dpa'i rnam par thar pa zad pa dang / mi zad pa zhes bya ba yod do// de la khyed kyis bslab par bya'o// de'ang gang zhe na/ zad pa zhes bya ba ni 'dus byas so/ / mi zad pa zhes bya ba ni 'dus ma byas te/ de la byang chub sems dpa' 'dus byas zad par mi bya/ 'dus ma byas la'ang gnas par mi bya'o// de la 'dus byas mi zad pa ni 'di lta ste/ byams pa chen po las ma nyams pa'o// snying rje chen po ma btang ba'o// lhag pa'i bsam pas yang dag par btsud pa'i thams cad mkhyen pa'i sems mi brjed pa'o// sems can yongs su smin par byed pa la mi skyo ba'o/ / bsdu ba'i dngos po mi gtong ba'o// dam pa'i chos yongs su gzung ba'i phyir lus dang srog 'dor ba'o// dge ba'i rtsa ba dag la chog mi shes pa'o// yongs su bsngo bar mkhas pa la 'khod pa'o// chos tshol ba la le lo med pa'o/ / chos bstan pa la slob dpon dpe mkhyud mi byed pa'o// de bzhin gshegs pa la blta ba dang / mchod pa'i dngos po la brtson pa'o// bsams bzhin du skye bas mi skrag pa'o// phun sum tshogs pa dang / rgud pa dag la mkhengs mi bdud pa'o// ma bslabs pa rnams mi brnyas shing / lobs pa rnams la ston pa ltar 'phangs par sems pa'o// nyon mongs pa rgyas pa rnams la tshul bzhin nye bar
- 384a
sbyor ba'o/ / dben pa la dga' zhing de la ma chags pa'o// bdag gi bde ba la mazhen cing / pha rol bde ba la zhen pa'o// bsam gtan dang / ting nge 'dzin dang / snyoms par 'jug pa la mnar med pa ltar 'du shes pa'o/ / 'khor ba la skyed mos tshal dang / mya ngan las 'das pa lta bur 'du shes pa'o// slong ba rnams la dge ba'i bshes gnyen du 'du shes pa'o// bdog pa thams/ cad yongs su gtong la/ thams cad mkhyen pa nyid rdzogs par byed par 'du shes pa'o// tshul khrims 'chal pa rnams la bsgrub par 'du shes pa'o// pha rol tu phyin pa rnams la pha mar 'du shes pa'o/ / byang chub kyi phyogs kyi chos rnams la bdag po g.yog tu 'du shes pa'o// dge ba'i rtsa ba'i tshogs thams cad kyis chog mi shes shing / sangs rgyas kyi zhing thams cad kyi yon tan bdag gi zhing du bsgrub pa'o/ / mtshan dang dpe byad bzang po yongs su bkang ba'i phyir gtan pa med pa'i mchod sbyin yongs su gtong ba'o// sdig pa thams cad mi byed pas lus dang / ngag dang / sems brgyan pa'o// lus dang ngag yongs su dag cing sems yongs su dag pas/ bskal pa grangs med par 'khor ba'o// sems dpa' bas sangs rgyas kyi yon tan tshad med pa thos kyang zhum par mi 'gyur ba'o// nyon mongs pa'i dgra tshar gcad pa'i phyir/ shes rab kyi mtshon rnon po thogs pa'o// sems can thams cad kyi khur bkur ba'i phyir phung po dang / khams dang / skye mched kun shes pa'o// bdud kyi sde gzhom pa'i phyir brtson
- 384b
'grus 'bar ba'o/ / nga rgyal med pa'i phyir ye shes tshol ba'o// chos gzung ba'i phyir 'dod pa nyung zhing chog shes pa'o// 'jig rten thams cad na mthong na dga' bar bya ba'i phyir 'jig rten gyi chos thams cad dang / ma 'dres pa'o// 'jig rten dang mthun par bya ba'i phyir spyod lam thams cad las ma nyams pa'o// bya ba thams cad yang dag par bstan pa'i phyir mngon par shes pa skyed pa'o// zos pa thams cad bzung ba'i phyir gzungs dang / dran pa dang / ye shes so// sems can thams cad kyi the tshom gcad pa'i phyir dbang po mchog dang mchog ma yin pa shes pa'o// chos bstan pa'i phyir byin gyi rlabs thogs pa med pa'o// spobs pa thob pa rab tu rnyed pas spobs pa thogs pa med pa'o/ / dge ba bcu'i las kyi lam yongs su dag pas lha dang mi'i phun sum tshogs pa myong ba'o// tshad med pa bzhi rab tu skyed pas tshangs pa'i lam du 'god pa'o// chos bstan par gsol ba dang / rjes su yi rang bar legs so zhes bya ba byin pas sangs rgyas kyi dbyangs rab tu thob pa'o// lus dang / ngag dang / yid sdom pa khyad par du 'gro ba dang / chos thams cad lam chags pas/ sangs rgyas kyi spyod lam rab tu thob pa'o// byang chub sems dpa'i dge 'dun sdud pas/ theg pa chen po la yang dag par 'dzud pa'o// yon tan thams cad chud mi za bas bag yod pa yin te/ rigs kyi bu de ltar na byang chub sems dpa' chos la brtson zhing / byang chub sems dpa' 'dus byas zad par mi byed do// ji ltar 'dus ma byas la mi gnas she na/ gang gi tshe stong pa nyid
- 385a
la byang bar byed cing / stong pa nyid mngon sum du'ang mi byed/ mtshan ma med pa la yongs su byang bar byed kyang / mtshan ma med pa mngon sum du'ang mi byed/ smon pa med pa la yo su byang bar byed kyang / smon pa med pa mngon sum du'ang mi byed/ mngon par 'du mi byed pa la yongs su byang bar byed kyang / mngon par 'du mi byed pa mngon sum du'ang mi byed/ mi rtag par so sor rtog kyang dge ba'i rtsa bas chog mi shes/ sdug bsngal bar so sor rtog kyang bsams bzhin du skye/ bdag med par so sor rtog kyang bdag yongs su 'dor ba'ang ma yin/ zhi bar so sor rtog kyang shin tu zhi ba'ang mi skyed/ dben par so so rton kyang lus dang sems kyang 'bad/ gnas med par so sor rtog kyang / dkar po'i chos kyi gtam spong ba'ang ma yin/ 'byung ba med par so/ sor rtog kyang sems can rnams kyi khur blangs pa'ang thogs/ zag pa med par so sor rtog kyang 'khor ba'i rgyud las slong bar yang byed/ rgyu ba med par so sor rtog kyang / sems can yongs su smin par bya ba'i phyir rgyu bar yang 'gyur/ bdag med par so sor rtog kyang / sems can la snying rje chen po mi'i dor/ mi skye bar so sor rtog kyang / nyan thos kyi nges par yang mi ltung gsog dang / gso ba dang / snying po med pa dang / bdag po med pa dang gnas med pa so sor rtog kyang / bsod nams gsog ma yin pa dang / ye shes gso ba ma yin pa dang / brnag
- 385b
pa yongs su rdzogs shing rang byung ba'i ye shes su dbang bskur ba dang / rang byung ba'i ye shes la brtson pa dang / nges pa'i don sangs rgyas kyi rigs la rab tu gnas pa yin te/ rigs kyi bu/ de ltar na de lta bu'i chos la mos pa'i byang chub sems dpa' ni/ 'dus ma byas la mi gnas shing / 'dus byas kyang zad par mi byed do// rigs kyi bu gzhan yang byang chub sems dpa' ni bsod nams kyi tshogs yang dag par bsgrub pa'i phyir 'dus ma byas la mi gnas so/ / ye shes kyi tshogs yang dag par bsgrub pa'i phyir 'dus byas zad par mi byed do// byams pa chen po dang ldan pa'i phyir 'dus ma byas la mi gnas so/ / snying rje chen po dang ldan pa'i phyir 'dus byas zad par mi byed do// sems can yongs su smin par bya ba'i phyir 'dus ma byas la mi gnas so// sangs rgyas kyi chos rnams la mos pa'i phyir 'dus byas zad par mi byed do/ / sangs rgyas kyi mtshan yongs su rdzogs par bya ba'i phyir 'dus ma byas la mi gnas so// thams cad mkhyen pa'i ye shes yongs su rdzogs par bya ba'i phyir 'dus byas zad par mi byed do/ / thabs la mkhas pa'i phyir 'dus ma byas la mi gnas so// shes rab kyis shin tu brtags pa'i phyir 'dus byas zad par mi byed do// sangs rgyas kyi zhing yongs su dag par bya ba'i phyir 'dus ma byas la mi gnas so/ / sangs rgyas kyi byin gyi rlabs kyis phyir 'dus byas zad par mi byed do// sems can gyi don myong ba'i phyir 'dus ma byas la mi gnas so//
- 386a
chos kyi don yang dag par bstan pas 'dus byas zad par mi byed do// dge ba'i rtsa ba'i tshogs kyi phyir 'dus ma byas la mi gnas so// dge ba'i rtsa ba'i bag chags kyi phyir 'dus byas zad par mi byed do/ / smon lam yongs su rdzogs par bya ba'i phyir 'dus ma byas la mi gnas so// smon pa med pa'i phyir 'dus byas zad par mi byed do// bsam pa yongs su dag pa'i phyir 'dus ma byas la mi gnas so/ / lhag pa'i bsam pa yongs su dag pa'i phyir 'dus byas zad par mi byed do// mngon par shes pa lngas rnam par rtsen pa'i phyir 'dus ma byas la mi gnas so// sangs rgyas kyi ye shes kyi mngon par shes pa drug gi phyir 'dus byas zad par mi byed do/ / pha rol tu phyin pa'i tshogs yongs su bskang ba'i phyir 'dus ma byas la mi gnas so// dus yongs su ma rdzogs pa'i phyir 'dus byas zad par mi byed do/ / chos kyi nor kun bsdu ba'i phyir 'dus ma byas pa mi gnas so// nyi tshe ba'i chos mi 'dod pas 'dus byas zad par mi byed do// chos kyi sman kun sdud pa'i phyir 'dus ma byas la mi gnas so// ci rigs par chos kyi sman sbyor ba'i phyir 'dus byas za ba mi byed do/ / dam bcas pa la brtan pa'i phyir 'dus ma byas la mi gnas so// dam bcas pa nyams 'og tu chud par bya ba'i phyir 'dus byas zad par mi byed do/ / chos kyi rtsi thams cad bsgrub pa'i phyir 'dus ma byas la mi gnas so// 'di ltar chos chung ngu'i sman sbyor ba'i phyir 'dus byas zad par mi byed do// de nyon mongs pa'i nad thams cad
- 386b
yongs su shes pa'i phyir 'dus ma byas la mi gnas so/ / nad thams cad zhi ba'i phyir 'dus byas zad par mi byed do// rigs kyi bu de ltar na byang chub sems dpa' 'dus byas zad par mi byed cing 'dus ma byas la mi gnas te/ de ni byang chub sems dpa' rnams kyi rnam par thar pa'i sgo zad pa dang / mi zad pa zhes bya ba yin no// skyes bu dam pa dag khyed kyis kyang de la brtson par gyis shig/ de nas byang chub sems dpa' de dag bstan pa 'di thos nas/ tshim zhing mgu la yi rangs te rab tu dga' nas/ dga' ba dang yid bde ba skyes te/ bcom ldan 'das la mchod pa bya ba dang / byang chub sems dpa' de dag dang / chos kyi rnam grangs 'di la mchod pa bya ba'i phyir stong gsum gyi stong chen po'i 'jig rten gyi khams 'di thams cad bye ma dang / spos dang / bdug pa mang po thams cad dang me tog gis pus mo nub tsam du khebs par byas te/ bcom ldan 'das kyi 'khor gyi dkyil 'khor du yang mngon par dgram pa byas nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas ched du brjod pa brjod cing / de nas sangs rgyas kyi zhing 'di nas mi snang bar gyur te/ skad cig yud tsam thang cig gis 'jig rten gyi khams spos thams cad kyi dri mchog der 'khod do/ / zad pa dang mi zad pa zhes bya ba'i chos kyi le'u ste bcu pa'o// // de nas bcom ldan 'das kyis// li tsa byi dri ma med par grags pa la 'di skad ces
- 387a
bka' stsal to/ / rigs kyi bu khyod gang gi tshe de bzhin gshegs pa la blta bar 'dod par gyur pa de'i tshe/ khyod de bzhin gshegs pa la ji ltar lta/ de skad ces bka' stsal pa dang / bcom ldan 'das la/ li tsa byi dri ma med par grags pas 'di skad ces gsol to// bcom ldan 'das gang gi tshe bdag de bzhin gshegs pa la lta bar 'tshal ba de'i tshe/ de bzhin gshegs pa mi mthong bas lta lags so/ / sngon gyi mtha' nas ma skyes pa dang / phyi ma'i mthar mi 'pho ba dang / da ltar gyi dus la'ang mi gnas par lta lags so// de ci'i slad du zhe na/ gzugs kyi de bzhin nyid kyi rang bzhin te/ gzugs ma mchis pa'o// tshor ba'i de bzhin nyid kyi rang bzhin te/ tshor ba ma mchis pa'o// 'du shes kyi de bzhin nyid kyi rang bzhin te/ 'du shes ma mchis pa'o// 'du byed kyi de bzhin nyid kyi rang bzhin te/ 'du byed ma mchis pa'o// rnam par shes pa'i de bzhin nyid kyi rang bzhin te/ rnam par shes pa ma mchis pa'o// khams bzhi ni mi gnas pa ste/ nam mkha' dang // mtshungs pa'o// skye mched drug ni ma skyes pa ste/ mig gi lam las shin tu 'das pa/ rna ba'i lam las shin tu 'das pa/ sna'i lam las shin tu 'das pa/ lce'i lam las shin tu 'das pa/ lus kyi lam las shin tu 'das pa/ yid kyi lam las shin tu 'das pa/ khams gsum pa dang ma 'dres pa/ dri ma gsum dang bral ba// rnam par thar pa gsum gyi rjes su mchis pa/ rig
- 387b
pa gsum thob pa/ ma thob pa yang dag par thob pa/ chos thams cad la ma chags pa'i mthar phyin pa yang dag pa nyid kyi mtha'// mtha' ma mchis pa de bzhin nyid la rab tu gnas pa/ de phan tshun du bral/ ba/ rgyus ma bskyed pa/ rkyen la rag ma lus pa/ mtshan nyid ma mchis pa/ mtshan nyid ma mchis pa dang bcas pa ma lags pa/ mtshan nyid gcig pa'ang ma lags pa// mtshan nyid tha dad pa'ang ma lags pa/ rtogs par 'gyur ba'ang ma lags pa/ kun tu rtogs par 'gyur ba'ang ma lags pa/ rnam par rtogs par 'gyur ba'ang ma lags pa/ pha rol na'ang ma lags pa/ chu rol na'ang ma lags pa/ dbus na'ang ma lags pa/ 'di na'ang ma lags pa/ pha bi na'ang ma lags pa/ de na'ang ma lags pa/ gzhan na'ang ma lags pa/ rnam par shes pas 'tshal ba bgyi ba'ang ma lags pa/ rnam par shes pa la gnas pa'ang ma lags pa/ mun pa'ang ma lags pa/ snang ba'ang ma lags pa/ ming ma mchis pa/ mtshan ma mchis pa/ nyam chung ba'ang ma lags pa/ stobs dang ldan pa'ang ma lags pa/ yul la mi gnas shing phyogs na mi gnas pa/ dge ba'ang ma lags pa/ mi dge ba'ang ma lags pa/ 'dus byas kyang ma lags pa/ 'dus ma byas kyang ma lags pa/ gang gi don du'ang brjod pa ma lags pa/ sbyin par yang ma lags pa/ ser snar yang ma lags pa/ tshul khrims su'ang ma lags pa/ 'chal pa'i tshul
- 388a
khrims su'ang ma lags pa/ bzod par yang ma lags pa/ gnod sems su'ang ma lags pa/ brtson 'grus su'ang ma lags pa/ le lor yang ma lags pa/ bsam gtan du'ang ma lags pa/ g.yeng bar yang ma lags pa/ shes rab tu'ang ma lags pa/ 'chal pa'i shes rab tu'ang brjod pa ma lags pa/ bden par yang ma lags pa/ brdzun par yang ma lags pa/ nges par 'byin pa'ang ma lags pa/ nges par mi 'byin pa'ang ma lags pa/ 'gro bar bgyi ba'ang ma lags pa/ 'gro bar mi bgyi ba'ang ma lags pa/ smras pa dang spyod pa thams cad shin tu chad pa ste/ zhing du gyur pa'ang ma lags pa/ zhing du ma gyur pa'ang ma lags pa/ sbyin par 'os pa'ang ma lags pa/ sbyin par mi 'os pa'ang ma lags pa/ gzung ba'ang ma lags pa/ / reg par bgyi ba'ang ma lags pa/ mtshan ma mchis pa/ 'du ma bgyis pa/ grangs dang bral ba/ mnyam pa nyid kyis mnyam pa/ chos nyid kyis mtshungs pa mtshungs pa ma mchis pa/ brtson 'grus mtshungs pa ma mchis pa/ gzhal ba las shin tu 'das pa/ song ba'ang ma lags pa/ zhugs pa'ang ma lags pa/ shin tu 'das pa'ang ma lags pa/ mthong ba dang / thos pa dang / bye brag byed pa dang / rnam par rig pa'ang ma lags pa/ mdud pa thams cad ma mchis pa/ thams cad mkhyen pa'i ye shes dang mtshungs pa thob pa/ chos
- 388b
thams cad la snyoms shing / chos thams cad la bye brag ma mchis pa thob pa// thams cad kha na ma tho ba ma mchis pa/ ci'ang ma mchis pa/ snyigs ma ma mchis pa/ mi rtog pa/ rnam par mi rtog/ pa/ ma bgyis pa/ ma skyes pa/ ma 'thon pa/ ma byung ba/ kun nas ma byung ba/ 'byung bar 'gyur ba'ang ma lags pa/ 'byung bar mi 'gyur ba'ang ma lags pa/ 'jigs pa ma mchis pa/ kun gzhi ma mchis pa/ mya ngan ma mchis pa/ dga' ba ma mchis pa/ rlabs ma mchis pa/ tha dad pa bstan pa/ thams cad kyis brjod par bgyi ba ma lags pa ste/ bcom ldan 'das de bzhin gshegs pa'i sku ni 'di 'dra ste/ de la de ltar blta lags so// gang gis de ltar mthong ba de ni yang dag par mthong ba lags so// gang gis rnam pa gzhan du mthong ba de ni log par mthong ba lags so/ / de nas bcom ldan 'das la/ tshe dang ldan pa shA ra'i bus 'di skad ces gsol to// bcom ldan 'das rigs kyi bu dri ma med par grags pa 'di sangs rgyas kyi zhing gang nas shi babos te sangs rgyas kyi zhing 'dir mchis/ bcom ldan pa das kyis bka' stsal pa/ shA ri'i bu khyod kyis skyes bu dam pa 'di la khyod gang nas shi 'phos te 'dir skyes zhes dris shig/ de nas tshe dang ldan pa shA ri'i bus/ li tsa byi dri ma med par grags pa la 'di skad ces smras so// rigs kyi bu khyod gang nas shi 'phos te 'dir skyes/ dri ma med par grags pas smras pa/ gnas brtan gyis chos gang mngon sum
- 389a
du byas pa'i chos de la 'chi 'pho 'am skye ba gang yang yod dam/ smras pa/ chos de la 'chi pho 'am skye ba gang yang med do// smras pa btsun pa shA ri'i bu de bzhin du chos thams cad 'chi 'pho med cing / skye ba med pa la ci'i phyir na de lta bur khyod gang nas shi 'phos shing / 'dir skyes snyam du sems/ btsun pa shA ri'i bu gang sgyu ma mkhan gyis sprul pa'i bud med dam/ skyes pa la khyod gang nas shi 'phos shing / 'dir skyes zhes dris na/ de la lan ji skad ces gdab/ smras pa/ rigs kyi bu sprul pa la 'chi 'pho'ang med/ skye ba'ang med na/ de ci zhig lan 'don/ smras pa/ btsun pa shA ri'i bu chos thams cad ni sprul pa'i rang bzhin no zhes de bzhin gshegs pas ma gsungs sam/ smras pa/ rigs kyi bu de de bzhin no// smras pa/ btsun pa shA ri'i bu chos thams cad sprul pa'i rang bzhin lta bu la/ ci'i phyir khyod 'di snyam du khyod ga las shi'i phos te 'dir skyes snyam du sems/ btsun pa shA ri'i bu 'chi 'pho zhes bya ba ni mngon par 'du byed pa'i mtshan nyid do// skye ba zhes bya ba de ni nga mngon par 'du byed pa'i rgyun no/ / de la byang chub sems dpa' 'chi 'pho'ang dge ba'i rtsa ba mngon par 'du byed pa zad par mi byed do// de skye ba'ang mi dge ba'i rgyu 'brel bar mi byed do// denas bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu rigs kyi bu 'di ni 'jig rten gyi khams mngon par dga' ba nas de bzhin gshegs pa mi 'khrug pa'i
- 389b
drung nas 'dir bongs so/ / gsol pa/ bcom ldan 'das skyes bu dam pa 'di sangs rgyas kyi zhing de tsam du rnam par dag pa nas mchis te/ sangs rgyas kyi ning nongs pa mang po'i skyon chags pa la/ mngon par dga' ba ngo mtshar to// de nas li tsa byi dri ma med par grags pas smras pa/ shA ri'i bu 'di ji snyam du sems/ nyi ma'i 'od rnams mun pa dang lhan cig 'grogs sam/ smras pa/ de ma yin no/ / rigs kyi bu de gnyis mi 'grogs te/ nyi ma'i dkyil 'khor shar ma thag tu mun pa thams cad med par 'gyur ro// smras pa/ ci'i phyir na 'dzam bu'i gling du nyi ma 'char/ smras pa/ de ni snang bar bya ba dang / mun pa bsal ba'i phyir ro// smras pa/ btsun pa shA ri'i bu de bzhin du byang chub sems dpa' dag ni sems can rnams yongs su sbyang ba dang / ye shes kyi snang ba bya ba dang / mun pa chen po bsal ba'i phyir/ bsams bzhin du sangs rgyas kyi zhing yongs su ma dag pa rnams su skye ste/ nyon mongs pa rnams dang lhan cig mi gnas shing sems can thams cad kyi nyon mongs pa'i mun pa'ang rnam par sel to/ / de nas 'khor de dag thams cad 'jig rten gyi khams mngon par dga' ba de dang / de bzhin gshegs pa mi 'khrugs pa de dang / byang chub sems dpa' de dag dang / nyan thos chen po de dag bdag cag gis blta'o snyam du skom par gyur to// de nas bcom ldan 'das kyis 'khor de dag thams cad kyi sems kyi rtog pa thugs kyis mkhyen nas/ li tsa byi dri ma med par
- 390a
grags pa la 'di skad ces bka' stsal to/ / rigs kyi bu 'khor 'di ni 'jig rten gyi khams mngon par dga' ba de dang / de bzhin gshegs pa mi 'khrugs pa de mthong bar 'dod kyis/ 'khor 'di la khyod kyis ston cig/ de nas li tsa byi dri ma med par grags pas 'di snyam du bsams te/ bdag seng ge'i khri 'di las ma langs par 'jig rten gyi khams mngon par dga' ba de dang / byang chub sems dpa' brgya stong du ma dang / lha dang / klu dang / gnod sbyin dang / dri za dang / lha ma yin gnas pa khor yug gi ris bskor ba dang bcas pa dang / babab chu dang / mtshe'u dang / chu mig dang / mtsho dang / rgya mtsho'i 'obs dang bcas pa dang / ri rab dang / ri bo dang / de'u dang / bog ring bcas pa dang / zla ba dang / nyi ma dang / skar mar bcas pa dang lha dang / klu dang / gnod sbyin dang / dri za'i gnas su bcas pa dang / tshangs pa'i gnas dang / 'khor du bcas pa dang / grong dang / grong khyer dang / grong rdal dang / ljongs dang / yul 'khor dang / mir bcas pa dang / bud med dang / khyim du bcas pa dang / byang chub sems dpa' bcas pa dang / nyan thos kyi 'khor dang bcas pa dang // de bzhin gshegs pa mi 'khrugs pa'i byang chub kyi shing dang / de na de bzhin gshegs pa mi 'khrugs pa'ang 'khor rgya mtsho snyed kyi nang na bzhugs shing chos 'chad pa dang / gang pad+ma dag phyogs bcu
- 390b
na sems can rnams la sangs rgyas kyi mdzad pa byed pa de dag dang / rin po che'i skas gsum 'dzam bu'i gling nas sum cu rtsa gsum pa'i gnas kyi bar na mngon par 'phags pa'i skas de la/ sum cu rtsa gsum/ ba'i lha rnams ni/ de bzhin gshegs pa mi 'khrugs pa la blta ba dang / phyag bya ba dang / bsnyen bkur bya ba dang / chos mnyan pa'i phyir 'dzam bu gling du 'bab/ 'dzam bu'i gling gi mi rnams ni/ sum cu/ rtsa gsum pa'i lha rnams blta ba'i phyir/ sum cu rtsa gsum pa'i gnas su 'dzeg pa de lta bu'i yon tan tshad med pa tshegs pa/ 'jig rten gyi khams mngon par dga' ba de'i chu'i phung po nas bzung ste/ 'og min gnas kyi bar du rdza mkhan gyi 'khor lo bzhin du nyi tsher bcad de lag pa g.yas pas blangs nas/ me tog gi 'phreng ba bzhin du thogs te/ 'jig rten gyi khams mi mjed der gzhug go// bcug nas kyang 'khor 'di thams cad la bstan par bya'o snyam mo// de nas li tsa byi dri ma med par grags pa de 'di lta bu'i ting nge 'dzin la snyoms par zhugs nas/ 'di lta bu'i rdzu 'phrul mngon par 'du bya ba mngon par byas te/ 'jig rten gyi khams mngon par dga' ba de nyi tsher bcad nas/ lag pa g.yas pas blangs te/ 'jig rten gyi khams mi mjed 'dir bcug go// de na nyan thos dang / byang chub sems dpa' dang / lha dang / mi gang dag lha'i mig dang mngon par shes pa drug thob pa de dag gis skad cher pos pa/ bcom ldan 'das bdag cag 'tshal to// bde bar gshegs pa bdag cag 'tshal to// de bzhin
- 391a
gshegs pa bdag cag gi sbyangs mdzod cig ces gsol pa dang / 'dul ba'i don du bcom ldan 'das kyis/ de la 'di skad ces bka' stsal pa/ byang chub sems dpa' dri ma med par grags par khyer ba de ni nga'i yul ma yin no/ / de nas lha dang mi la sogs pa gzhan dag gis ni bdag cag gar khyer mi shes mi mthong ngo // 'jig rten gyi khams mngon par dga' ba de 'jig rten gyi khan mi mjed 'dir bcug kyang / 'jig rten gyi khams 'di gang ba'am/ dri bar yang ma gyur te/ dog cing gzer ba'ang med do// 'jig rten gyi khams mngon par dga' ba de'ang zib med de/ snga na ji lta ba bzhin du phyi na'ang de bzhin du snang ngo / / de nas bcom ldan 'das shAkya thub pas/ 'khor de dag thams cad la bka' stsal pa/ kye grogs po dag 'jig rten gyi khams mngon par dga' ba dang / de bzhin gshegs pa mi 'khrugs pa dang / sangs rgyas kyi zhing bkod pa dang / nyan thos bkod pa dang / byang chub sems dpa' bkod pa 'di dag la ltos shig/ de dag gis gsol ba/ bcom ldan 'das mthong lags so// bka' stsal pa sangs rgyas kyi zhing 'di 'dra ba yongs su gzung bar 'dod pa'i byang chub sems dpa' de bzhin gshegs pa mi 'khrugs pa'i byang chub sems dpa'i spyod pa thams cad kyi rjes su bslab par bya'o/ / de ltar 'jig rten gyi khams mngon par dga' ba bstan pa'i rdzu 'phrul gyi cho 'phrul dang / de bzhin gshegs pa mi 'khrugs pa bstan pas/ 'jig rten gyi khams mi mjed 'dir lha dang / mi dang / skye dgu las
- 391b
khri phrag bcu bzhi bla na med pa yang dag par rdzogs pa'i byang chub tu sems skyes so/ / kun gyis kyang 'jig rten gyi khams mngon par dga' ba der skye bar smon lam btab ste/ bcom ldan 'das kyis kyang de dag thams cad// / 'jig rten gyi khams mngon par dga' bar skye bar lung bstan to// de ltar li tsa byi dri ma med par grags pas 'jig rten gyi khams mi mjed 'dir sems can yongs su smin par bya ba ji snyed yod pa de dag thams cad smin par byas nas/ 'jig rten gyi khams mngon par dga' ba de slar gnas ji lta ba bzhin du bzhag go// de nas bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu khyod kyis 'jig rten gyi khams mngon par dga' ba de dang / de bzhin gshegs pa mi 'khrugs pa de mthong ngam/ gsol pa/ bcom ldan 'das bdag gis mthong lags so// sems can thams cad kyang sangs rgyas kyi zhing gi yon tan bkod pa de 'dra bar gyur cig/ sems can thams cad kyang rigs kyi bu li tsi byi dri ma med par grags pa ji lta ba de 'dra ba'i rdzu 'phrul dang ldan par gyur cig/ bdag cag kyang skyes bu dam pa 'di lta bu mthong ba thob pa ni rnyed pa legs par rnyed lags te/ gang dag tha na da ltar gyi de bzhin gshegs pa 'am/ yongs su mya ngan las 'das pa'i chos kyi rnam grangs 'di thos pa'i sems can dag kyang rnyed pa rab tu rnyed par 'gyur na/ gang dag thos nas mos pa dang / yid ches pa dang / 'dzin pa dang / 'chang ba dang / klog pa dang / kun chub par byed pa dang / mos nas ston pa dang / rab tu
- 392a
'don pa dang / gzhan dag la'ang 'chad pa dang / sgom pa'i rnal 'byor la rjes su sbyor ba rnams lta spos kyang ci 'tshal/ chos kyi rnam grangs 'di gang dag gi sug par thob par gyur pa de/ dag kyang chos rin po che'i gte re rnyed par 'gyur ro// gang dag chos kyi rnam grangs 'di kha ton du bgyid pa de dag kyang de bzhin gshegs pa'i grogs su gyur pa lags so// gang dag chos 'di la mos pa rnams la rim gro dang bsnyen bkur bgyid pa de dag ni/ chos yang dag par srung ba lags so// gang dag chos kyi rnam grangs 'di legs par bris te 'chang ba dang / ri mor bgyid pa de dag gi khyim na de bzhin gshegs pa bzhugs par 'gyur ro/ / gang dag chos kyi rnam grangs 'di la rjes su yi rangs pa de dag ni bsod nams thams cad yongs su bzung ba lags so// gang dag chos kyi rnam grangs 'di las tha na tshig bzhi pa'i tshogs su bcad pa gcig tsam dang / sdom pa'i tshig tsam yang gzhan dag la ston pa de dag ni/ chos kyi mchod sbyin chen po bgyid pa lags so// gang dag chos kyi rnam grangs 'di la bzod pa dang / 'dun pa dang / blo gros dang / rtog pa dang / lta ba dang / mos pa dag ni de nyid de dag la lung bstan pa lags so// 'jig rten gyi khams mngon par dga' ba blangs pa dang / de bzhin gshegs pa mi 'khrugs pa bstan pa'i le'u ste bcu gcig pa'o// / denas bcom ldan 'das la/ lha'i dbang po brgya byin gyis 'di skad ces gsol to// bcom ldan 'das bdag gis sngon de bzhin gshegs pa dang / 'jam dpal gzhon nur gyur pa las
- 392b
chos kyi rnam grangs brgya stong mang po thos kyang ji ltar chos kyi rnam grangs 'di la rnam par sprul pa bsam gyis mi khyab pa'i chos kyi tshul la 'jug pa rab tu bstan pa 'di lta bu ni sngon nam yang ma thos lags so/ / bcom// ldan 'das sems can gang dag chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa de dag kyang the tshom ma mchis par 'di lta bu'i chos kyi snod du gyur na/ gang dag bsgom pa'i rnal 'byor la rjes su sbyor ba rnams lta smos kyang ci 'tshal te/ de dag gis ngan song thams cad ni bcad/ de dag gis bde 'gro'i lam thams cad ni phye/ de dag sangs rgyas thams cad kyis ni gzigs/ de dag gis phas kyi rgol ba thams cad ni bcom/ de dag gis bdud thams cad ni shin tu pham par bgyis/ de dag gis byang chub sems dpa'i lam ni rnam par sbyangs// de dag byang chub kyi snying po la ni gnas// de dag de bzhin gshegs pa'i spyod yul la ni yang dag par 'jug par 'gyur ba lags so// bcom ldan 'das rigs kyi bu 'am// rigs kyi bu mo gang dag chos kyi rnam grangs 'di 'chang ba de dag la bdag 'khor thams cad dang bcas pas rim gro dang g.yog bgyi'o/ / grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor gang na chos kyi rnam grangs pa'i spyod pa dang / 'chad pa dang / rab tu ston pa der chos nyan pa'i slad du bdag g.yog dang bcas te mchi'o// rigs kyi bu ma dad pa rnams ni dad pa bskyed par bgyi/ dad pa rnams ni chos dang ldan pas bsrung zhing bskyab par
- 393a
bgyi'o/ / de skad ces gsol pa dang / bcom ldan 'das kyis/ lha'i dbang po brgya byin la 'di skad ces bka' stsal to// legs so legs so// lha'i dbang po khyod kyis legs par smras pa de la/ de bzhin gshegs pa'ang rjes su yi rang ngo // lha'i dbang po 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub de ni chos kyi rnam grangs 'di las bstan te/ lha'i dbang po de bas na gang chos kyi rnam grangs 'di 'dzin pa dang / than glegs pa ma la 'a dri ba dang / 'dzin pa dang / klog pa dang / kun chub par byed pa'i rigs kyi bu 'am/ rigs kyi bu mo de dag gis ni 'das pa dang / ma byon pa dang / da ltar byung ba'i sangs rgyas bcom ldan 'das rnams mchod par 'gyur ro// lha'i dbang po rigs kyi bu pho 'am/ rigs kyi bu mo gang gis stong gsum gyi stong chen po'i 'jig rten gyi khams 'di de bzhin gshegs pas yongs su gang ba 'di lta ste/ dper na bu ram shing gi tshal lam/ 'dam bu'i tshal lam/ smig ma'i tshal lam// til gyi zhing ngam/ seng ldeng gi tshal bzhin du rab tu gang ba rnams la bskal pa'am/ bskal pa las lhag par rim gror byas/ tha mar byas/ bsti stang du byas te/ de bzhin gshegs pa de dag la mchod pa thams cad dang / bde ba'i yo byad thams cad kyis mchod pa dang / de bzhin gshegs pa de dag yongs su mya ngan las 'das nas kyang / de bzhin gshegs pa re re la'ang mchod pa'i phyir/ gcig tu mkhregs pa ma zhig pa'i sku
- 393b
gdung gi mchod rten rin po che thams cad las byas pa/ rgyur ni gling chen po bzhi pa'i 'jig rten gyi tshad tsam/ 'phang du ni tshangs pa'i 'jig rten du phyin pa/ gdugs dang / ba dan dang / srog shing bsgrengs pas mdzes par rab tu byas te/ de bzhin du de bzhin gshegs pa thams cad kyi mchod rten so sor byas nas// des de la bskal pa 'am/ bskal pa las lhag par me tog thams cad dang / spos thams cad dang / rgyal mtshan thams cad dang / ba dan thams cad kyis mchod pa byas shing rnga dang sil snyan rnams brdungs te mchod na/ lha'i dbang po 'di ji snyam du sems/ rigs kyi bu 'am/ rigs kyi bu mo de dag de'i gzhi las bsod nams mang du bskyed dam/ gsol pa/ bcom ldan 'das mang lags so// bde bar gshegs pa mang lags te/ bskal pa bye ba brgya stong gis kyang bsod nams kyi phung po de'i mthar phyin par mi nus lags so/ / bcom ldan 'das kyis bka' stsal pa/ lha'i dbang po khyod mos par bya'o// khyod kyis khong du chud par bya'o// gang rnam par thar pa bsam gyis mi khyab pa bstan pa'i chos kyi rnam grangs 'di 'dzin tam/ klog gam/ kun chub par byed pa'i rigs kyi bu bo 'am/ rigs kyi bu mo de bsod nams shin tu mang du skyed do// de ci'i phyir zhe na/ lha'i dbang po sangs rgyas bcom ldan 'das rnams kyi byang chub ni chos las byung ste/ de chos kyis mchod par nus kyi/ zang zing gis ni ma yin pa'i phyir ro// lha'i dbang po khyod kyis rnam grangs 'dis kyang 'di ltar rig par bya ste// lha'i
- 394a
dbang po sngon byung ba 'das pa'i dus na/ bskal ba grangs med pa'i yang ches grangs med pa/ rgya chab/ tshad med pa/ bsam gyis mi khyab par gyur pa de'i dus de'i tsha na/ bskal pa rnam par sbyong ba la 'jig rten gyi khams cher bkod par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das sman gyi rgyal po zhes bya ba 'jig rten du byung ste/ de bzhin gshegs pa dgra bcom pa yang dag par rdzogs pa'i sangs rgyas sman gyi rgyal po de'i tshe'i tshad ni bar gyi bskal pa nyi shur gyur to/ / de'i nyan thos kyi dge 'dun ni bye ba khrag khrig phrag sum cu rtsa drug yod do// byang chub sems dpa'i dge bdun ni bye ba khrag khrig phrag bcu gnyis yod do/ / lha'i dbang po de'i tshe de'i dus na/ 'khor los sgyur ba'i rgyal po rin chen gdugs zhes bya ba gling bzhi la dbang ba/ rin po che sna bdun dang ldan pa zhig byung ste/ de la bu dpa' ba/ rtul phod pa/ yan lag mchog gi gzugs dang ldan pa/ pha rol gyi snga rab tu 'jom pa stong du tshang ba yod do// rgyal po rin chen gdugs des bcom ldan 'das de bzhin gshegs pa sman gyi rgyal po 'khor dang bcas pa la bar gyi bskal pa lnga'i bar du bde ba'i yo byad thams cad kyis ri mor byas so/ / lha'i dbang po bar gyi bskal pa lnga po de dag 'das nas/ rgyal po rin chen gdugs kyis/ bu stong
- 394b
la 'di skad ces smras so/ / kye khyed shes par gyis shig/ ngas ni de bzhin gshegs pa la mchod pa byas kyis/ da khyed kyis kyang de bzhin gshegs pa la mchod par gyis shig/ de nas rgyal bu gzhon nu de// dag pa rgyal po rin chen gdugs la legs so zhes smras nas/ de mnyan te de dang lhan cig tshogs nas/ de bzhin gshegs pa sman gyi rgyal po la bskal pa bar ma lnga'i bar du bde ba'i yo byad thams cad kyis rim gro byas so/ / de'i nang nas rgyal bu zla gdugs zhes bya ba de gcig pu dben par song nas/ 'di snyam du sems te/ mchod pa de bas mchod pa gzhan ches khyad par du 'phags shing rgya che ba yod/ dam snyam pa dang / sangs rgyas kyi byin gyi rlabs kyis bar snang de las lha dag 'di skad ces zer ro// skyes bu dam pa chos kyi mchod pa ni mchod pa thams cad kyi nang na mchog go/ des smras pa/ chos kyi mchod pa de gang yin/ lhas smras pa/ skyes bu dam pa khyod de bzhin gshegs pa sman gyi rgyal po de'i drung du song la/ chos kyi mchod pa de gang lags zhes zhus shig dang / bcom ldan 'das des khyod la lung ston to/ / de nas lha'i dbang ngo po// rgyal bu zla gdugs gzhon nu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sman gyi rgyal po ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas/ rgyal bu zla gdugs kyis/ bcom ldan 'das de bzhin gshegs pa snan gyi
- 395a
rgyal po de la 'di skad ces gsol to/ / bcom ldan 'das chos kyi mchod pa chos kyi mchod pa zhes bgyi ba'i chos kyi mchod pa de gang lags/ bcom ldan 'das kyis bka' stsal pa/ rigs kyi bu chos kyi mchod pa ni gang de bzhin gshegs pas gsungs pa'i mdo sde zab mo zab mor snang ba/ 'jig rten thams cad dang mi mthun pa rtogs par dka' ba/ mthong bar dka' ba/ khong du chud par dka' ba/ phra ba/ zhib pa/ mi dmigs pa/ byang chub sems dpa'i sde snod kyi nang du gtogs pa gzungs dang mdo sde'i rgyal po'i phyag rgyas btab pa/ phyir mi ldog pa'i 'khor lo ston pa/ pha rol tu phyin pa drug las byung ba/ 'dzin pa rnams yongs su bzung ba dang / byang chub kyi phyogs kyi chos dang ldan pa/ byang chub kyi yan lag sgrub par gtogs pa/ sems can la snying rje chen po 'jug pa/ byams pa chen po ston pa bdud kyi lte bar gyur pa thams cad med pa/ rten cing 'brel par 'byung ba bstan pa/ bdag med pa/ sems can med pa/ srog med pa/ gang zag med pa/ stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung ba dang ldan pa/ byang chub kyi snying po sgrub pa/ chos kyi 'khor lo rab tu bskor ba/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i dbang po rnams kyis rab tu bstod cing bsngags pa/ dam pa'i chos kyi rigs rgyun mi gcod pa/ chos kyi mdzod 'dzin pa/
- 395b
chos kyi mchod pa'i mchog la zhugs pa/ 'phags pa'i skye bo thams cad kyis yongs su gzung ba/ byang chub sems dpa'i spyod pa thams cad yang dag par ston pa/ yang dag par don gyi chos so so yang dag pa'i rig pa la 'jug pa/ chos kyi mdo mi rtag pa dang / sdug bsngal ba dang / bdag med pa dang / zhi ba las nges par byung ba/ ser sna can dang / tshul khrims 'chal pa dang / gnod sems can dang / le lo// can dang / brjed ngas pa dang / shes rapa 'chal ba spa 'gong ba dang / phas kyi rgol ba lta ba ngan pa dang / dmigs pa la mngon par zhen pa thams cad sdang bar byed pa/ sangs rgyas thams cad kyis bstod pa/ 'khor ba'i phyogs kyi gnyen po/ mya ngan las 'das pa'i bde ba yang dag par ston pa de lta bu'i mdo sde rnams gang yang dag par ston pa dang / 'chang ba dang / so sor rtogs pa dang / dam pa'i chos kun sdud ba de ni chos kyi mchod pa zhes bya'o/ / rigs kyi bu gzhan yang chos kyi mchod pa ni gang chos la chos su nges par sems pa/ chos la chos bzhin nan tan byed pa dang / rten cing 'brel par 'byung bar mthun pa mthar lta ba thams cad dang bral ba/ skye ba med pa/ 'byung ba med pa la bzod pa/ bdag med pa/ sems can med par 'jug pa// rgyu dang rkyen dang mi 'gal/ 'thab pa med pa/ rtsod pa med pa/ nga'i ba med pa/ ngar 'dzin pa dang bral ba/ don la rton gyi/ tshig 'bru la mi rton pa/ ye shes la rton gyi/ rnam par shes pa la mi rton pa/ nges pa'i don gyi mdo sde la rton gyi/ drang ba'i don kun rdzob la mngon par ma/
- 396a
zhen pa/ chos nyid la rton gyi/ gang zag tu lta ba dmigs par 'dzin pa la mngon par ma zhen pa/ sangs rgyas kyi chos nyid ji lta ba bzhin du khong du chud pa/ kun gzhi med par 'jug pa// / kun gzhi yang dag par 'jom pa/ ma rig pa rnam par zhi ba nas/ rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i bar du rnam par zhi zhing / de ltar rten cing 'brel par 'byung ba'i yan lag bcu gnyis la 'di lta ste/ sems can la lta bas zad mi shes pa mngon par bsgrub pas mngon du bsgrub cing / lta ba rnams la mi lta ba 'di'ang rigs kyi bu bla na med pa chos kyi mchod pa zhes bya'o/ / lha'i dbang po de ltar rgyal bu zla gdugs de bcom ldan 'das de bzhin gshegs pa sman gyi rgyal po de las chos kyi mchod pa de lta bu thos pa dang / rjes su mthun pa'i chos kyi bzod pa thob bo/ / gos dang rgyan ci thogs pa bcom ldan 'das de la phul nas tshig 'di skad ces smras so// bcom ldan 'das de bzhin gshegs pa yongs su mya ngan las 'das kyang / dam pa'i chos yongs su gzung ba dang / dam pa'i chos la mchod pa bgyi ba'i slad du bdag dam pa'i chos yongs su bzung bar spro'o// bcom ldan 'das ji ltar bdag gis bdud dang phyir rgol ba rnams bcom nas/ bcom ldan 'das kyi dam pa'i chos yongs su 'dzin par 'gyur ba de ltar de bzhin gshegs pas byin gyis brlabs par gsol/ de bzhin gshegs pas de'i bsam pa mkhyen nas/ phyi ma'i dus phyi ma'i tshe na/ dam pa'i chos kyi
- 396b
grong khyer skyong zhing srung ba dang / yongs su 'dzin par 'gyur bar lung bstan to// lha'i dbang po de nas rgyal bu zla gdugs de de bzhin gshegs pa de bzhugs bzhin du dad pas khyim nas khyim ma yin par rab tu byung ste// dge ba'i chos la brtson 'grus brtsams nas gnas so// de brtson 'grus brtsams shing dge ba'i chos la rab tu gnas pas/ ring po ma lon par mngon par shes pa lnga bskyed de/ gzungs rnams rtogs par khong du chud par gyur to/ / de spobs pa rgyun mi 'chad pa thob pas/ bcom ldan 'das de bzhin gshegs pa sman gyi rgyal po de yongs su mya ngan las 'das nas kyang mngon par shes pa dang / gzungs kyi stobs kyis bcom ldan 'das de bzhin gshegs pa sman gyi rgyal po des chos kyi 'khor lo rab tu bskor ba bzhin du/ bar gyi bskal pa bcu'i bar du rjes su bskor to// lha'i dbang po de ltar dge slong zla gdugs dam pa'i chos yongs su bzung ba la mngon par brtson pas/ sems can bye ba brgya phrag bcu ni bla na med pa yang dag par rdzogs pa'i byang chub las phyir mi ldog par byas par gyur to// srog chags khrag khrig phrag bzhi bcu ni nyan thos dang rang sangs rgyas kyi theg pa la btul lo/ / sems can tshad med pa rnams ni mtho ris su skye bar byas so// lha'i dbang po de'i tshe de'i dus na rin chen gdugs zhes bya ba 'khor los sgyur ba'i rgyal bor gyur pa de gzhan yin pa snyam du 'dzin na/ lha'i dbang po khyod kyis de ltar mi blta'o// de ci'i phyir zhe na/ rin chen 'od 'phro de bzhin gshegs pa de de'i tshe de'i dus na rin chen gdugs zhes bya ba'i 'khor los sgyur
- 397a
ba'i rgyal por gyur to/ / rgyal po rin chen gdugs de'i bu stong yod pa de dag ni da ltar gyi bskal pa bzang po'i byang chub sems dpa' 'di dag yin te/ gang bskal pa bzang po 'di la sangs rgyas stong tshang bar 'byung ba'o/ / de las bzhini byung ste/ lhag ma rnams kyang 'byung bar 'gyur ro// 'khor ba 'jig la sogs pa snang mdzad la thug pa'i bar du ste/ tha mar ni de bzhin gshegs pa snang mdzad ces bya ba 'byung ngo / / lha'i dbang po de'i tshe de'i dus na bcom ldan 'das de bzhin gshegs pa sman gyi rgyal po de'i dam pa'i chos yongs su bzung ba dang / rgyal bu zla gdugs zhes bya ba de gzhan yin pa snyam du 'dzin na/ khyod kyis de ltar mi blta'o// de ci'i phyir zhe na/ lha'i dbang po nga de'i tshe de'i dus na rgyal po zla gdugs zhes bya bar gyur to// lha'i dbang po rnam grangs 'dis kyang 'di ltar rig par bya ste/ lha'i dbang po ji tsam de bzhin gshegs pa rnams la mchod pa'i nang na chos kyi mchod pa ni mchog ces bya'o/ / mchog dang / dam pa dang / mchogar rab dang / gya nom pa dang / bla ma dang / bla na med pa zhes bya'o// lha'i dbang po de bas na nga la zang zing gis ma mchod par chos kyi mchod pas mchod cig/ nga la zang zing gis bsti stang ma byed par chos kyi bsti stang gis ri mor gyis shig/ de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ byams pa ngas bla na med pa yang dag par rdzogs pa'i byang chub bskal pa bye ba grangs med par yang dag par bsgrubs pa 'di khyod la gtang
- 397b
do/ / ci nas phyi ma'i dus phyi ma'i tshe/ chos kyi rnam grangs 'di lta bu khyod kyis byin gyi rlabs kyis yongs su bzung bas/ 'dzam bu'i gling du rgyas par 'gyur zhing ma nub par gyis shig/ de ci'i phyir zhe na/ byams pa ma 'ongs pa'i dus na/ rigs kyi bu po dang / rigs kyi bu mo dang / lha dang / klu dang / gnod sbyin dang / dri za dang / lha ma yin dge ba'i rtsa ba bskyed pa/ bla na med pa yang dag par rdzogs pa'i byang chub la yang dag par zhugs pa de dag chos kyi rnam grangs 'di ma thos pas nyams par gyur ta re/ 'di lta bu'i mdo sde thos nas shin tu dga' zhing dad pa rnyed par 'gyur ba dang / spyi bos len par 'gyur ba'i rigs kyi bu dang / rigs kyi bu mo de dag bsrung ba'i phyir byams pa khyod kyis de'i dus na mdo sde 'di lta bu 'di rgyas par gyis shig/ byams pa byang chub sems dpa' rnams kyi phyag rgya ni 'di gnyis te/ gnyis gang zhe na/ tshig dang chog 'bru sna tshogs la dad pa'i phyag rgya dang / chos kyi tshul zab mos mi skrag cing yang dag pa nyid ji lta ba bzhin du 'jug pa'i phyag rgya ste/ byams pa de gnyis ni byang chub sems dpa' rnams kyi phyag rgya'o/ / byams pa de la byang chub sems dpa' gang dag tshig dang tshig 'bru sna tshogs la dad cing lhur len pa de dag ni las dang po pa yin te/ tshangs par spyad nas ring por ma lon par rig par bya'o/ / byams pa gang dag mdo sde zang mo ma gos pa phrugs dang snrel zhi'i rgyud kyi tshig dang / rim pa rab tu dbye ba 'di 'den pa dang / nyan pa dang / mos pa dang / ston par 'gyur ba'i byang chub sems dpa' de dag ni ring
- 398a
tshangs par spyad par rig par bya'o/ / byams pa de la las dang po pa'i byang chub sems dpa' ni rgyu gnyis kyis bdag la rma 'byin te/ chos zab mo la nges par sems par mi 'gyur ro// gnyis gang zhe na/ sngon ma thos pa'i mdo sde zab mo thos na skrag cing the tsom du gyur nas rjes su yi rang bar mi byed cing / 'di lta ste/ bdag cag gis sngon ma thos na/ de gang nas 'ongs zhes spong bar byed do// rigs kyi bu gang dag mdo sde zab mo 'dzin pa dang / chos zab mo'i snod du gyur pa dang / chos zab mo ston pa de dag la mi sten mi 'grogs/ bsnyen bkur mi byed cing / de dag la bsti stang mi byed par gyur te/ bar bar du de dag la mi snyan par yang brjod do// rgyu de gnyis kyis las dang po pa'i byang chub sems dpa' bdag nyid la rma 'byin te/ chos zab mo la nges par mi rtog go/ rgyu gnyis kyis zab mo la mos pa byang chub sems dpa' bdag nyid la rma 'byin te/ ma skyes pa'i chos la'ang bzod pa thob par mi 'gyur ro// gnyis gang zhe na/ las dang po baspyad nas/ ring po ma lon pa'i byang chub sems dpa' rnams la brnyas shing khyad du gsod de 'dzin du mi 'jug/ mi byed mi ston pa dang / gang zab mo la shin tu dad pas bslab pa la ri mo byed cing / 'jig rten gyi zang zing sbyin pas ni sems can rjes su 'dzin gyi/ chos kyi sbyin pas ma yin te/ byams pa zab mo la mos pa'i byang chub sems dpa' rgyu 'di gnyis kyis bdag nyid la gnod par 'gyur te/ mi skye ba'i chos
- 398b
la bzod pa'ang myur du thob par mi 'gyur ro/ / de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to// ngo mtshar to// bcom ldan 'das// legs par gsungs so// bcom ldan 'das bdag gis da slan chad de lta bu'i nongs pa rnams spang bar dgyi'o// de bzhin gshegs pas bla na med pa yang dag par rdzogs pa'i byang chub bskal pa bye ba khrag khrig brgya stong grangs ma mchis par bsgrubs pa 'di bsrung bar bgyi'o/ / gzung bar bgyi'o// ma 'ongs pa'i rigs kyi bu po dang / rigs kyi bu mo snod du gyur pa de dag la mdo sde 'di lta bu lag tu son par bgyi'o/ / dran pa dag gis mdo sde 'di 'dra ba'i mdo sde 'di lta bu la mos pa dang / 'dzin pa dang / 'chang ba dang / kun chub pa dang / 'dzud pa dang / 'dri ba dang / gzhan la'ang rgya cher 'chad par 'gyur ba'i dran pa nye bar gzhag pa bsgrub par bgyi'o/ / bcom ldan 'das bdag gis de dag brtan par bgyi'o// bcom ldan 'das de'i dus na 'di lta bu'i mdo sde la mos pa dang / 'jug pa de ni bcom ldan 'das byams pa byang chub sems dpa'i byin gyi rlabs lags par rig par bya'o/ / de nas bcom ldan 'das kyis/ byang chub sems dpa' byams pa la legs so zhes bya ba byin te/ legs so legs so// byams pa khyod kyi tshig de ni dge bar smras te/ de bzhin gshegs pa'ang khyod kyi dge bar smras pa de la rjes su yi rang bzhin snang ba yin no// de nas byang chub sems dpa' de dag gis dpya
- 399a
gcig tu tshig 'di skad ces smras so/ / bcom ldan 'das bdag cag kyang de bzhin gshegs pa yongs su mya ngan las 'das nas/ sangs rgyas kyi zhing so so nas mchis te/ de bzhin/ gshegs pa'i sangs rgyas kyi byang chub 'di rgyas par bgyi'o// rigs kyi bu de dag kyang mos par bgyi'o// de nas bcom ldan 'das la/ rgyal po chen po bzhis kyang 'di skad ces gsol to// bcom ldan 'das grong dang / grong khyer dang / grong rdal dang / yul dang / pho brang 'khor gang dang gang du chos kyi rnam grangs 'di lta bu spyod pa dang / 'chad pa dang / yang dag par ston pa dang / de dag tu bcom ldan 'das bdag cag rgyal po chen po bzhi'ang stobs dang bcas/ bzhon pa dang bcas/ 'khor dang bcas te nyan pa'i slad du mchi'o// chos smra ba de'i 'khor dpag tshad brgya tshun chad kun bsrung bar bgyi ste/ ci nas kyang chos smra ba de la glags lta ba/ glags tshol bas glags mi rnyed par bgyi'o// de nas bcom ldan 'das kyis/ tshe dang ldan pa dga' bo la 'di skad ces bka' stsal to/ / dga' bo khyod kyis chos kyi rnam grangs 'di zung zhig/ chongs shig/ gzhan la'ang rgyas par ston cig/ gsol pa/ bdag gis chos kyi rnam grangs 'di ni bzung na/ bcom ldan 'das chos kyi rnam grangs 'di'i ming ci/ ji ltar gzung bar bgyi/ bcom ldan 'das kyis bka' stsal pa/ dga' bo de bas na chos kyi rnam grangs 'di dri ma med par grags pas bstan pa dang / phrugs su sbyar ba snrel
- 399b
zhi'i mngon par bsgrub pa dang / bsam gyis mi khyab pa'i rnam par thar pa'i le'u zhes kyang bya ba'i chos kyi rnam grangs 'di dga' bo khyod kyis zung zhig/ de skad ces bka' stsal nas/ bcom ldan 'das dgyes so/ / li tsa byi dri ma med par grags pa dang / 'jam dpal gzhon nur gyur pa dang / tshe dang ldan pa dga' bo dang / byang chub sems dpa' de dag dang / nyan thos chen po de dag dang / lha dang / mi dang lha ma yin dang / dri zar bcas pa'i 'jig rten dang / thams cad dang ldan pa'i 'khor de dag thams cad yi rangs te/ bcom ldan 'das kyis gsungs pa la mngon par bstod do// sngon gyi sbyor ba dam pa'i chos gtad pa'i le'u zhes bya ste bcu gnyis so/ / // 'phags pa dri ma med par grags pas bstan pa zhes bya ba theg pa chen po'i mdo rdzogs so// / zhu chen gyi lo tsA ba ban+te d+harma tA shI las bsgyur cing nus te gtan la phab pa'o// / rgya gar skad du/ b+hU ma sUH/ bod skad du/ sa'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das sum bcu rtsa gsum na/ sum cu rtsa gsum pa'i lha rnams kyi gnas/ shing yongs su 'dus brtol gyi rtsa ba na bzhugs te/ de nas bcom ldan 'das la/ lha rnams kyi dbang po brgya byin gyis tshigs su bcad pa'i dbyangs kyis zhu ba zhus pa/ skye bo gang zhig
- 400a
bde 'gror mchis/ / skye bo gang zhig mtho ris skye// gang zhig nyin dang mtshan rnams su// rtag tu bsod nams 'phel bar 'gyur// lha rnams kyi dbang po brgya byin gyis de skad ces tshigs su bcad pa'i dbyangs kyis zhu ba zhus pa dang / tshigs su bcad pa'i dbyangs nyid kyis zhus pa'i lan gsungs pa/ kun dga' ra ba nags tshal skyed// skye bo gang zhig zam pa byed// chu steng khang dang chu mig dang / / gang zhig ngal bso gnas ster dang // dad dang tshul khrims phun tshogs ldan// mkhas shing ser sna dang bral zhing // 'dod pa kun la ma chags na// rtag tu sems can phan brtson pa'i// skye bo de ni bde 'gror 'gro/ / skye bo de ni mtho ris skye// de ni nyin dang mtshan rnams su// rtag tu bsod nams 'phel bar 'gyur// ser sna dang ldan ltar mi 'gro// byis de sbyin pa ster mi byed// brtan rnams sbyin pa yi rang ba// des 'di gzhan du bde bar 'gyur// zhing gi skyon ni rtswa yin ltar// skyes bu 'di la 'dod chags skyon// de bas chags dang bral rnams la// byin dang 'bras bu chen por 'gyur// gang zhig sangs rgyas chos rnams dang // dge 'dun dag dang mchod rten dang // skyes pa'am yang na bud med dag/ tshul khrims ldan pa'i mi la byin// gang dang gang du skye 'gyur ba// ji ltar mi yi rgyal po bzhin// lha rnams kyi ni mchog 'gyur zhing // lhag pa'i rgyal po byed par 'gyur/ / 'khor bar yongs su 'khor ba na// sbyin pa ma gtogs gnyen med pas// blo ldan phun tshogs 'dod pa yis// rab tu 'bad de sbyin pa byin// gang zhig mda' rgyang gang tsam zhig/ sa 'di
- 400b
sbyin pa rab gtong ba/ / de ni lha yi gnas song nas// mtho ris dag tu bskal par dga'// gang zhig kun dgra'i ra ba tsam// sa ni sbyin par gtong byed pa// tshangs pa'i mdun na rang bskyed de// mtho ris dag tu bskal par dga'/ / brgya byin gtsug lag khang gi phyir// sa ni sbyin par gtong byed pa// tshangs pa'i bsod nams rab bskyed de// mtho ris dag tu bskal par dga'// sa ni 'bru yi 'phreng bcas sa// rmos pa mtshan mar bcas byin na// bskal pa bye ba stong phrag tu// de ni skye ba nyams mi 'gyur// tshul khrims ldan la khyad par du// 'bras bu zhing ni gang gis 'byin// gang gi sbyin pa de yis ni// 'bras bu mi zad das thob 'gyur/ / sa ni sA lu bu ram shing // nas ni ldang bas brgyan pa dag/ gang zhig sbyin par byed pa de// lha mchog bde ba rab 'phel 'gyur// ral gri seng ge gdan dang gdugs// rta mchog glang po mchog rnams dang / / sa sbyin pa yi me tog ste// brgya byin 'bras bu thar pa yin// gang zhig sa ni len pa dang // gang zhig sa ni ster byed pa// gnyis ka phan byed yin pa'i phyir// nges par mtho ris dag tu 'gro/ / brgya byin ji ltar chu la ni// til mar thigs pas khyab byed pa// de bzhin sa ni sbyin pa la// yang dag brten las bsod nams 'phel// ji ltar 'o ma yod pa'i ba// 'o ma 'byin pas be'u gso// bskal bzang de bzhin sa gtong ba// sa yis yongs su gsos par 'gyur// de bzhin sa rab sbyin pa yis// zho dang mar gsar chu bo dang // 'o ma'i chu ni 'bab pa yis// tshim par byed pa nyid du 'gyur// rgyal
- 401a
#po 'dod chags kyis gdungs nas/ / thig pa gang zhig rgyas sbyar ba// dor byed tsam zhig gan gyur la// byin pas pa 'gror 'gro bar 'gyur// rgyal po 'dod chags kyis gdungs te// tshig pa gang zhig byas gyur pa/ / dor phyed tsam zhig dge 'dun la// byin pas bde 'gror 'gro bar 'gyur// rtswa las sa ni yongs su brtag/ ma yi phyogs las be'u brtags te// rta ni pa yi phyogs las brtag/ tshul khrims 'tsho bas mi rnams so/ / bsam gtanas rab sbyin pa las// gang zhig zlog par byed pa dang // de dag bsdus 'joms ri bo ri// dmyal bar mi ni 'gro bar 'gyur// sa dang mnyam pa'i sbyin pa byed// sbyin dang mnyam pa'i gter med la/ / bden dang mnyam pa'i bsod nams med// brdzun pas gzhan pa'i sdig pa med// de nas brgya byin stobs ldan pa'i// bde sogs bdag pos lus btud de// rin chen rang bzhin sa bya bas// dkon mchog gsum la kun tu mchod/ / sa'i mdo rdzogs so// / rgya gar gyi mkhan po pad+ma kar warma dang / zhu chen gyi lo tsha ba dge slong rin chen bzang pos bsgyur cing zhus te gtan la phab pa// 'khar gsil 'chang ba'i kun tu spyod pa'i cho ga/ 'khar gsil yang dag par len par 'dod pas/ btsun pa gcig gi drung du pus mo btsugs te 'di skad du bya'o// btsun pa dgongs su gsol/ bdag ming 'di zhes bgyi ba deng btsun pa las 'khar gsil 'chang ba'i slob dpon du gsol lo zhes lan gsum du bzlas par bya'o// des kyang 'di skad du dgongs shig/ tshe dang ldan pa khyod
- 401b
bla na med pa'i byang chub tu sems bskyed nas 'khar gsil yang dag par blangs te chos bzhin spyod par byed dam/ lag pa yongs su mi gtsang bas de gzung bar mi bya/ dge 'dun gyi gnas su 'jug pa'i mgo dang mche/ dbyung bar byas la gzhag par mi bya/ gal te khyim pa'i khyim du 'jug na ma rtse rgyab logs su bstan par bya/ gal te snga dro khyim pa'i khyim du bsod snyoms la 'gro dgos pa'i rkyen tshogs byung na 'khar gsil lan gsum du dkrol bar bya'o/ / lan gsum du dkrol te ma 'ongs na lan lnga'i bar du dkrol bar bya'o// lan lnga'i bar du dkrol te ma 'ongs na lan bdun gyi bar du dkrol bar bya'o// lan bdun gyi bar du dkrol te ma 'ongs na khyim gzhan du lan bdun gyi bar du dkrol bar bya'o/ / khyim bdun gyi bar du phyin te chog par gyur na yang der zas kyi bya ba bya'o zhes lan gsum gyi bar du bzlas par bya'o// 'khar gsil bcang ba'i chos nyi shu rtsa lnga yod de/ sa la sbrul yod pa bsrung ba'i phyir bcang bar bya ba dang / rgas pa'i phyir bcang bar bya ba dang / bsod snyoms spyod pa'i phyir bcang bar bya ba dang / 'byung zhing 'jug pa na'ang sku gzugs mthong ba'i tshe sgra dbyung bar bya ba dang / 'khar gsil thogs nas dge 'dun gyi nang du 'jug par mi bya ba dang / dro yol phan chad 'khar gsil thogs nas 'gro bar mi bya ba dang / phrag pa gnyis la bkal te mgo bo gnyis la dpyad par mi bya ba dang / phrag pas bkur bar mi bya ba dang / lag par dkyog par mi bya ba dang / 'khar gsil thogs nas bshang gci'i sar 'gro bar mi bya ba dang / mkhan po dang slob dpon 'khar gsil thogs te 'gro ba'i rjes bzhin du 'gro bar mi bya ba dang / gang zag bzhi yan chod 'khar gsil
- 402a
thogs te 'gro ba'i rjes nas 'khar gsil thogs te 'gro bar mi bya ba dang / yon bdag gi khyim du phyin na 'khar gsil lus dang bral bar mi bya ba dang / yon bdag gi sgor phyin pa dang lan gsum du dkrol bar bya'o/ / gal te ma 'ongs na lan lnga'i bar du dkrol bar bya'o// lan lnga'i bar du dkrol te ma 'ongs na lan bdun gyi bar du dkrol bar bya'o// lan bdun gyi bar du dkrol te ma 'ongs na khyim gzhan du dkrol bar bya ba dang / bdag phyir byung na 'khar gsil lag pa g.yas pa la skyes te gzhag par bya ba dang / gnas khang na bzhag pa'i tshe sa la reg par mi bya ba dang / rtag tu gar nyal ba'i khri'i drung du nye bar gnag par bya ba dang / skabs skabs su phyi bdar bya ba dang / 'khar gsil gyi mgo ya yo med par bya ba dang / bsod snyoms la 'gro ba'i tshe dge tshul lam khyim pa las bral bar mi bya ba dang / nad pa'i sar mtshan mo gnas na 'khar gsil bkur bar bya ba dang / lam ring por skyel du 'gro na 'khar gsil bkur bar bya ba dang / lam ring po nas mgron du gnyer ba yod de/ der 'gro zhing 'dug dgos par gyur na 'khar gsil bkur bar bya ba dang gshed du 'gro dgos par gyur na 'khar gsil bkur bar bya ba dang / bdag gi drung du bsnyen par bya ba'i phyir gzhan la reg cing sa la ri mo bri bar bya'o// 'khar gsil 'chang ba'i kun du spyod pa'i cho ga rdzogs so/ / @'phags pa 'khar gsil gyi mdo/ sangs rgyas dang byang chub sems dpa' thams cad la phyag 'tshal lo// de nas bcom ldan 'das kyis/
- 402b
dge slong rnams la bka' stsal pa/ khyed kyis 'khar gsil 'di yongs su bcang bar bya ste/ de ci'i phyir zhe na/ 'das pa'i sangs rgyas rnams kyis kyang 'khar gsil 'di bsnams so// ma byon pa'i sangs rgyas rnams kyis kyang 'khar gsil 'di bsnams so/ / da ltar gyi sangs rgyas rnams kyis kyang 'khar gsil 'di bsnams pa yin te/ nga da ltar mngon par rdzogs par sangs rgyas nas/ 'khar gsil bsnams pa de bzhin// du/ 'das pa dang / ma byon pa dang / da ltar bzhugs pa'i sangs rgyas rnams kyis kyang nyan thos rnams la 'khar gsil bcang bar bya'o zhes ston par mdzad pas/ deng mngon par rdzogs par sangs rgyas nas kyang sangs rgyas rnams kyi chos ji lta ba bzhin du khyed la bstan pa yin gyis/ khyed kyis kyang 'khar gsil bcang bar bya'o// de ci'i phyir zhe na/ 'khar gsil zhes bya ba ni/ ye shes kyi 'khar ba zhes kyang bya'o// yon tan gyi 'khar ba zhes kyang bya ste/ 'phags pa'i ye shes rab tu ston pa'i phyir ye shes kyi 'khar ba zhes bya'o// yon tan gyi gzhi sgrub pa'i phyir yon tan gyi 'khar ba zhes bya'o// 'khar gsil 'di ni 'phags pa'i gang zag gi rigs can skyes bu dam par mtshon pa'i lam gyi chos la phyogs pa'i rgyal mtshan rjes su dran pa rnam par gzhag pa'i don gyi spyod pa yin pas/ de'i phyir khyod kyis chos bzhin du bcang bar bya'o/ / de nas tshe dang ldan pa 'od srungs chen po stan las langs te/ gos tshags bcos nas/ bla gos phrag pa gcig tu gzar te thal mo sbyar nas pus mos btsugs te/
- 403a
bcom ldan 'das ci'i slad du 'khar gsil zhes bgyi/ ji ltar ni bcang bar bgyi/ bcom ldan 'das kyis bshad du gsol/ bdag cag rnams kyis kyang bka' bzhin du spyod par 'tshal lo zhes gsol pa dang / bcom ldan 'das kyis/ 'od srungs la bka' stsal pa/ legs par nyon la yid la zung zhig dang / ngas bshad par bya'o// de la 'khar gsil zhes bya ba ni yang ba yin te/ gang gis 'khar ba 'di la brten pa de dag nyon mongs pa bsal nas khams gsum las nges par 'byung ba'i phyir yang ba zhes bya'o/ / 'khar gsil zhes bya ba ni snang bar byed pa yin te/ 'khar gsil 'dzin pa'i gang zag gang yin pa de dag shes rab kyi snang ba thob par 'gyur ba'i phyir snang bar byed pa zhes bya'o/ / 'khar gsil zhes bya ba ni phyir mi ldog par byed pa yin te/ 'khar gsil 'dzin pa'i gang zag gang yin pa de dag srid pa gsum las nges par 'byung zhing / yang mngon par zhen pa nyid du mi 'gyur ba'i phyir mi ldog par byed pa zhes bya'o// 'khar gsil zhes bya ba ni khong du chud par byed pa yin te/ gang 'khar gsil 'dzin par byed pa yin zhe na/ sdug bsngal dang / stong pa dang / khams gsum gyi nyon mongs pa'i kun nas dkris par khong du chud pa dang / bden pa bzhi dang / rten cing 'brel par 'byung ba bcu gnyis po 'di dag gsal bar rtogs par 'gyur ba'i phyir khong du chud par byed pa zhes bya'o/ / 'khar gsil zhes bya ba ni nga rgyal med par byed pa yin te/ gang 'khar gsil 'dzin pa de dag nga rgyal gyi las rab tu spong bar 'gyur ba'i phyir nga
- 403b
rgyal med par byed pa zhes bya'o/ / 'khar gsil zhes bya ba ni rgyang bsrings pa yin te/ gang 'khar gsil 'di 'dzin pa'i gang zag gang yin pa de dag 'dod pa lnga thag ring du byed pa de dag 'dod pas sred pa'i kun nas dkris pa spong ba dang / phung po lnga po rnams rnam par 'thor ba dang / srid pa lnga po dag yongs su spong ba dang / mya ngan las 'das pa la phyogs shing 'du byed kyi las kyang ring du spong ba'i phyir rgyang bsrings pa zhes bya'o// 'khar gsil zhes bya ba ni len par byed pa yin te/ gang 'khar gsil 'dzin par byed pa de dag sangs rgyas rnams kyi tshul khrims dang / ting nge 'dzin dang / shes rab rin po che blangs pas rnam par grol ba thob par 'gyur ba'i phyir len par byed pa zhes bya'o/ / 'khar gsil zhes bya ba ni yongs su sgrub par 'gyur ba yin te/ gang 'khar gsil 'dzin pa dag sangs rgyas rnams kyi chos kyi sde snod mngon par sgrub pa dang / ji ltar sten pab bsgrubs pas ma nyams par phun sum tshogs par 'gyur ba'i phyir mngon par 'grub par 'gyur ba zhes bya'o/ / bcom ldan 'das kyis bka' stsal pa/ 'od srungs 'khar gsil zhes bya ba'i yi ge'i don rgya che zhing mang bas yongs su rdzogs par brjod mi nus kyang / khyed kyis re zhig de bzhin du yongs su gzung bar bya'o// bcom ldan 'das la/ 'od srungs kyis 'di skad ces gsol to// bcom ldan 'das 'khar gsil zhes bya ba'i/ don ni de lta bu lags na/ ci'i slad du ye shes kyi 'khar ba zhes bgyi ba nas/ dran par gzhag pa'i don gyi spyod pa zhes bgyi ba'i bar gyi don gang lags pa bcom ldan 'das kyis bkas bshad du gsol/
- 404a
bcom ldan 'das kyis bka' stsal pa/ 'khar gsil zhes bya ba ni ye shes kyi spyod pa sgrub pa dang / mang du thos pa rgya cher sgrub pa dang / 'jig rten dang 'jig rten las 'das pa'i shes rab dang / dge ba dang / mi dge ba dang / 'dus byas dang / 'dus ma byas dang / zag pa dang bcas pa dang / zag pa med pa rnam par thogs pa med par khong du chud cing / shes rab mngon par 'grub par byed pa'i phyir ye shes kyi lag ba zhes kyang bya'o/ / tshul khrims dam por srung ba dang / bzod pa dang / bsam gtan la sems rtse gcig tu g.yeng ba med par sgom pa dang / rtag tu bsod nams kyi las bsgrubs pas mgo thod la me 'bar ba bzhin skad cig tsam du yang mi gtong ba'i phyir yon tan gyi 'khar ba zhes bya'o/ / 'khar gsil 'di yongs su 'dzin pa gang yin pa de dag ni gang gi spyod pa rnam pa bcu drug po 'di lta ste/ bden pa bzhi po sdug bsngal ba dang / kun 'byung ba dang / 'gog pa dang / lam dang / tshad pa bzhi po byams pa dang / snying rje dang / dga' ba dang / btang snyoms dang / bsam gtan bzhi po bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / gzugs med pa'i snyoms par 'jug pa bzhi po nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min gyi skye mched kyi phun sum tshogs pa dang / gzhan yang spyod pa sum cu rtsa bdun po 'di lta ste/ byang chub kyi phyogs kyi chos sum cu rtsa bdun phun sum tshogs shing chos de dag gsal bar rnam par
- 404b
byed pa dang / bdag nyid kyi lus kyis mngon sum du byas pas sgra'i rjes su mi 'brang ba dang / chos de dag bdag nyid rnam par rtsen pa dang / stong pa dang / mtshan ma med pa dang / smon pa med pa'i rnam par thar pa'i sgor 'jug pa la rang dbang du gyur cing dga' ba med pa gang yin pa de ni 'phags pa zhes bya ste/ nang yon tan de lta bu dang ldan pa'i phyi rol 'khar gsil 'dzin pa yin te/ 'dis na gang gdon mi za bar 'phags ba'i yon tan tshul khrims dang / bzod pa dang / bsam gtan dang / shes rab dang / rig pa gsum dang / mngon par shes pa drug dang / rnam par thar pa brgyad po rnams phun sum tshogs pa yin te/ gang zag de 'phags pa yin par mtshon pa nyid kyis gus pa skyed par 'gyur ba'i phyir/ 'phags pa'i gang zag gi rtags zhes bya'o// skyes bu dam pa mtshon pa zhes bya ba ni/ nang na ye shes kyi ngo bo nyid dang ldan pa sa dam pa zhes bya ste/ gang zag de 'phags pa yin par mtshon pa nyid kyis gus pa skyed par 'gyur ba'i phyir/ 'phags pa'i nang na ye shes kyi ngo bo nyid dang ldan pas yon tan gyi gzhi sgrub pa dang / chos gong nas go/ du rtsol zhing legs par sgrub par byed do zhes ston par byed pa'i phyir skyes bu dam par mtshon pa zhes bya'o// gang zag gsal ba de ring por mi thogs par shes rab kyis mngon par sgrub nas/ 'dus ma byas kyi gnas rab tu zhi zhing dben pa mya ngan las 'das pa'i bde ba don dam pa'i gnas kyi lam du 'jug par 'gyur ro/ / zhes shes rab byed pa'i phyir lam gyi chos la phyogs pa'i rgyal mtshan zhes bya'o//
- 405a
rjes su dran pa rnam par gzhag pa'i don gyi spyod pa zhes bya ba ni/ 'khar ba 'di rim pa gsum dang ldan par dum bu gsum gyi rim pa mthong ba nyid kyis ngan song gsum gyi sdug bsngal rjes su dran nas/ tshul khrims dang / ting nge 'dzin dang / shes rab sgom par byed pa dang / gnod pa gsum po rga ba dang / na ba dang / 'chi ba rjes su dran nas/ dug gsum po 'dod chags dang / zhe sdang dang / gti mug yongs su sel bar byed pa dang / khams gsum po dag mi rtag pa yin pa nyid du rjes su dran nas/ dkon mchog gsum la mngon par yid ches shing gus pa dang / srid pa gsum gsal ba dang / dag pa gtsang ba dang / las rnam gsum rnam par sbyang ba dang / rig pa gsum dang ldan par mi 'dod pa dang / rnam par thar pa gsum la 'jug pa dang / rjes su dran pa drug gi gnas gsum thob pa dang / ye shes thag ring du byed pa gsum rtogs par 'gyur ba'i phyir dum bu gsum rim par rnam par gzhag pa yin no/ / gzhan yang bzhi gral du byas pa ni/ skye ba rnam pa bzhi yongs su bcad pa dang / bden pa bzhi rjes su dran par bya ba dang / tshad med pa bzhi bsgom pa dang / bsam gtan bzhi la 'jug par bya ba dang / snyoms par 'jug pa bzhi yongs su dag par bya ba dang / dran pa nye bar gzhag pa bzhi rab tu bstan pa dang / yang dag pa'i spong ba bzhi brtan par bya ba dang / ting nge 'dzin gyi rkang pa bzhi thob par bya ba'i phyir/ bzhi gral du rnam par gzhag pa yin no// dbus kyi shing gtogs par rnam pa lngar gzhag pa ni lta ba lnga po dag spang ba dang / 'gro
- 405b
ba lnga po dag gi 'khor ba'i sdug bsngal gyi 'khrug pa yongs su spong ba dang / dbang po lnga sgom pa dang / stobs lnga dang ldan par bya ba dang / sgrib pa lnga po dag bsal ba dang / phung po lnga po dag rnam par bshig pa dang / cha lnga dang ldan pa'i chos kyi sku thob par bya ba'i phyir rnam pa lngar gzhog pa yin no/ / sril sgril bcu gnyis su bstan pa ni/ rten cing 'brel par 'byung ba yan lag bcu gnyis su drad par bya zhing thogs pa med par bya ba dang / sgo bcu gnyis pa'i bsam gtan bsgom par bya ba dang / sems la skyon med par rjes su dran par bya'o// rim pa gsum dang ba'i sgril du bsdus te grangs bdun du bstan pa ni/ de bzhin gshegs pa'i byang chub kyi yan lag bdun gyi chos rjes su dran par bya ba dang / 'phags pa'i nor bdun mngon par bsgrub par bya'o// mar rtse gtogs par brgyad du bstan pa ni/ lam yan lag brgyad pa rjes su bstan par bya ba dang / rnam par thar pa brgyad thob par bya ba dang / mi khom pa brgyad yongs su bsal ba'i phyir rnam pa brgyad pa yin no// 'khar gsil gyi don mdor bstan pa de lta bu yin pas khyed kyis legs par yongs su gzung bar bya'o/ / bcom ldan 'das la/ 'od srungs kyis gsol pa/ bcom ldan 'das 'phags pa'i gsung rab la ji skad bstan pa bzhin du 'tshal zhes gsol lo/ / de nas 'od srungs chen pos/ yang bcom ldan 'das la 'di skad ces gsol to// bcom ldan 'das dus gsum gyi de bzhin gshegs pa rnams kyi chos kun
- 406a
mtshungs pa zhig lags sam/ bcom ldan 'das kyis bkar sprul pa/ kha cig 'khar ba batshungs kyang spyod pa mi mtshungs pas kha cig gi tshen ni ngani bsgril du byas pa'o/ / kha cig gi tshe na ni gnyis bsgril du byas pa ste/ sril sgril gyi grangs la ni bye brag tu gyur pa med pa/ nga ni deng 'dir bzhi bsgril sil sil bcu gnyis su byas pa'i bstan bde spyod do/ / gnyis bsgril du byas pa ni de bzhin gshegs pa 'od srungs kyis rnam par gzhag pa yin te/ sems can rnams bden pa gnyis po kun rdzob kyi bden pa dang / don dam pa'i bden pa'i rjes su dran par bya ba'i ched du don 'di rnams bzhag pa yin no/ / de'i tshe bcom ldan 'das kyis de skad ces bka' stsal nas/ tshe dang ldan pa 'od srungs chen po 'khor stong nyis brgya dang / 'khor 'dus pa chen po rnams shin tu dga' zhing gus par mngon par bstod do// 'phags pa 'khar gsil zhes bya ba theg pa chen po'i mdo rdzogs so// rgya gar skad du/ Ar+ya ka l+ya mi tra se pa na ma sU tra/ bod skad du/ 'phags pa dge ba'i bshes gnyen bsten pa'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das grong khyer ku sha na/ gyad kyi nye 'khor shing sA la zung gi tshal na/ nyan thos kyi dge
- 406b
'dun dang bcas par bzhugs te/ de nas bcom ldan 'das yongs su mya ngan las 'da' ba kho na'i dus kyi tshe dge slong rnams la bka' stsal pa/ dge slong dag khyed kyis 'di ltar bslab par bya ste/ dge ba'i bshes gnyen dang / dge ba'i grogs dang / dge ba'i sten dang gnas par bya'i/ sdig pa'i bshes gnyen dang / sdig pa'i grogs po dang / sdig pa'i sten dang gnas par mi bya'o zhes dge slong dag khyed kyis de ltar bslab par bya'o// de nas bcom ldan 'das la/ tshe dang ldan pa kun dga' bos 'di skad ces gsol to/ / btsun pa 'dir bdag gcig pu dben par mchis nas nang du yang dag 'jog la zhugs pa na sems la 'di lta bu'i sems kyi yongs su rtog pa byung ste/ 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i phyed lags kyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma lags so/ snyam bgyid do// bcom ldan 'das kyis bka' stsal ba/ kun dga' bo khyod 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i phyed yin gyi sdig pa'i bshes gnyen dang / sdig pa'i grogs po dang / sdig pa'i sten ni de lta ma yin no zhes ma zer cig/ de ci'i phyir zhe na/ kun dga' bo 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i sten
- 407a
'di ni de lta ma yin no/ / de ci'i phyir zhe na/ kun dga' bo ba shes gnyen dang / ngal brten nas sems can skye ba'i chos can las yongs su grol bar 'gyur ba dang / sems can rga ba dang / na ba dang / khaching dang/ mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams la rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can las yongs su grol bar 'gyur ba'i phyir ro// kun dga' bo de bas na rnam grangs kho nas khyod kyis 'di ltar rig par bya ste/ 'di lta ste/ dge ba'i bshes dang / dge ba'i grogs po dang / dge ba'i stan 'di ni tshangs par spyod pa'i ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i sten 'di ni de lta ma yin no zhes kun dga' bo khyod kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// 'phags pa dge ba'i bshes gnyen bsten pa'i mdo rdzogs so// rgya gar skad du/ Ar+ya ta thA ga tA na ma bud+d+ha Te tra gu No g+had+hamA rA ya/ bod skad du/ 'phags pa de bzhin gshegs pa rnams kyi sangs rgyas kyi zhing gi yon tan brjod pa'i chos kyi rnam grangs/
- 407b
sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul mnyam dga' na/ chos kyi dgon pa byang chub snying po na/ nor bu rdo rjes spras pa'i pad+ma'i snying po'i seng ge'i khri la bzhugs te/ byang chub sems dpa'i dge 'dun chen po sangs rgyas kyi zhing brjod pa med pa bye ba khrag khrig brgya stong phrag bcu'i rdul phra rab snyed kyi byang chub sems dpa' sems dpa' chen po dang thabs cig go/ de'i tshe byang chub sems dpa'i 'khor gyi dkyil 'khor 'dus pa de nyid du/ byang chub sems dpa' sems dpa' chen po 'od bsam gyis mi khyab pa'i rgyal po zhes bya ba 'dus par gyur te 'dug go/ de nas byang chub sems dpa' sems dpa' chen po 'od bsam gyis mi khyab pa'i rgyal po sangs rgyas kyi mthus stan las langs te/ byang chub sems dpa'i tshogs thams cad la smras pa/ kye rgyal ba'i sras dag 'jig rten gyi khams mi mjed kyi bskal pa de ni/ bcom ldan 'das de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can gyi nyin zhag gcig go/ kye rgyal ba'i sras dag gang 'jig rten gyi khams bde ba can gyi bskal pa de ni/ bcom ldan 'das de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par dga' ba'i nyin zhag gcig go/ kye rgyal ba'i sras dag gang 'jig rten gyi khams mngon par dga'//
- 408a
ba'i bskal pa de ni/ bcom ldan 'das de bzhin gshegs pa rdo rje snying pos rab tu 'dun pa'i sangs rgyas kyi zhing 'jig rten gyi khams ngur smrig gi rgyal mtshan gyi nyin zhag gcig go/ kye rgyal ba'i sras dag gang 'jig rten gyi khams ngur smrig gi rgyal mtshan gyi bskal pa de ni/ bcom ldan 'das de bzhin gshegs pa shin tu rnam par gdon mi za bar pad+mo rab tu rgyas pa'i sku'i sangs rgyas kyi zhing 'jig rten gyi khams phyir mi ldog pa'i 'khor lo dbyangs kyi nyin zhag gcig go/ / kye rgyal ba'i sras dag 'jig rten gyi khams phyir mi ldog pa'i 'khor lo dbyangs kyi bskal pa de ni/ bcom ldan 'das de bzhin gshegs pa chos kyi rgyal mtshan gyi 'jig rten gyi khams rdul dang bral ba'i nyin zhag gcig go// kye rgyal ba'i sras dag 'jig rten gyi khams rdul dang bral ba'i bskal pa de ni/ bcom ldan 'das de bzhin gshegs pa seng ge'i sangs rgyas kyi zhing 'jig rten gyi khams mar me ldan gyi nyin zhag gcig go// rgyal ba'i sras dag gang 'jig rten gyi khams mar me ldan gyi bskal pa de ni/ bcom ldan 'das de bzhin gshegs pa rnam par snang mdzad kyi sangs rgyas kyi zhing 'jig rten gyi khams 'od bzang po'i nyin zhag gcig go/ kye rgyal ba'i sras dag gang 'jig rten gyi khams 'od bzang po'i bskal pa de ni/ bcom ldan 'das de bzhin gshegs pa chos kyi 'od zer rab tu rgyas
- 408b
pa'i sku'i sangs rgyas kyi zhing 'jig rten gyi khams bda' bar dka' ba'i nyin zhag gcig go/ kye rgyal ba'i sras dag 'jig rten gyi khams 'da' bar dka' ba'i bskal pa de ni bcom ldan 'das de bzhin gshegs pa mngon par shes pa thams cad blo gros 'od zer rgyal po'i sangs rgyas kyi zhing 'jig rten gyi khams rnam par brgyan gyi nyin zhag gcig go/ rgyal ba'i sras dag 'jig rten gyi khams rnam par brgyan pa'i bskal pa de ni/ bcom ldan 'das de bzhin gshegs pa zla ba'i thugs kyi sangs rgyas kyi zhing 'jig rten gyi khams me long gi dkyil 'khor dbyangs kyi nyin zhag gcig go/ kye rgyal ba'i sras dag gang 'jig rten gyi khams brtag cing bgrang ba la 'jug pa'i tshul 'dis sangs rgyas kyi zhing brgya stong phrag bcur tshad ba'i rdul phra rab snyed 'das pa'i pha rol na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dpal bzang po'i sangs rgyas kyi zhing gang na// byang chub sems dpa' kun tu bzang po'i spyod pa'i sa yongs su sbyong ba'i khyad par can 'jig rten gyi khams pad+mo dpal gyi nyin zhag gcig go/ kye rgyal ba'i sras dag rigs kyi bu 'am/ rigs kyi bu mo la la zhig de bzhin gshegs pa rnams kyi sangs rgyas kyi zhing gi yon tan brjod pa'i chos kyi rnam grangs 'di 'chang ngam/ 'dzin tam/ klog gam/ kun chub par byed//
- 409a
dam/ gzhan dag la'ang rgya cher yang dag par rab tu ston na/ de 'chi ba'i dus kyi tshe phyogs bcu mtha' yas pa'i sangs rgyas kyi zhing rgya mtsho ba 'byams dag gi/ sangs rgyas bcom ldan 'das rnams de'i mdun na bzhugs par 'gyur te/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du skye ba dran par 'gyur ro/ / de bzhin gshegs pa dgra bcom pa yang dag par rdzogs pa'i sangs rgyas kyis gnang ste/ byang chub sems dpa' sems dpa' chen po 'od bsam gyis mi khyab pa'i rgyal po dga' zhing de skad ces smras so/ / byang chub sems dpa' sems dpa' chen po'i 'khor gyi dkyil 'khor thams cad byang chub sems dpa' sems dpa' chen po 'od bsam gyis mi khyab pa'i rgyal pos spras pa la mngon par bstod do/ / 'phags pa de bzhin gshegs pa rnams kyi sangs rgyas kyi zhing gi yon tan brjod pa'i chos kyi rnam grangs rdzogs so// rgya gar skad du/ Ar+ya arba bsti ro nA ma d+ha rba par+yA ya/ bod skad du/ 'phags pa don rgyas pa zhes bya ba'i chos kyi rnam grangs sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med
- 409b
zas sbyin gyi kun dga' ra ba na bzhugs so/ / de nas tshe dang ldan pa shA ri'i bus/ dge slong rnams la smras pa/ tshe dang ldan pa dag khyed la chos thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dzes pa/ yongs su rdzogs pa/ yongs su dag pa/ yongs su byang ba/ tshangs par spyod pa bstan par bya ste/ 'di lta ste/ don rgyas pa zhes bya ba'i chos kyi rnam grangs rab tu bshad kyis/ de legs par rab tu nyon la yid la zung zhig dang bshad do// don rgyas pa'i chos kyi rnam grangs gang / zhe na/ tshe dang ldan pa dag dal ba tshogs pa bcu gnyis po 'di dag ni 'phags pa'i chos thob par 'gyur ba ste/ 'di lta ste/ bdag gi 'byor pa dang / gzhan gyi 'byor pa dang / ma nyid dang / yul dbus su skyes pa dang / dbang po rnams ma tshang ba med pa nyid dang / las kyi mtha' ma btang ba nyid dang / gnas la dad par gyur pa dang / sangs rgyas rnams byung ba dang / dam pa'i chos bstan pa dang / chos bstan pa rnams gnas pa dang / gnas pa rnams rjes su 'jug pa dang / gzhan la so sor snying brtse ba ste/ de ltar na tshe dang ldan pa dag dal ba tshogs pa bcu gnyis po 'di dag ni 'phags pa'i chos 'thob par 'gyur ba yin no/ / tshe dang ldan pa dag smra ba'i dge slong gtam smra bas gzhan dag la rnam pa nyi shus
- 410a
gtam bya ste/ 'di lta ste/ dus su dang / gus pa dang / 'tsham pa dang / mtshams 'byor pa dang / rjes su 'brel ba dang / ri mo dang / 'dod pa dang / mgu ba dang / spro ba dang / mi smod pa dang / rigs pa dang / 'brel pa dang / ma 'chol ba dang / ji lta ba bzhin gyi sems dang / phan pa dang / phan pa'i sems dang / snying brtse ba'i sems dang / rnyed pa dang / bkur sti dang / tshogs su bcad pa la mi brten par bya'o// gtam de dag smra ba na/ bdag la bstod par mi bya/ gzhan la smad par mi bya bar gtam bya'o/ / tshe dang ldan pa dag chos nyan par 'dod pas rnam pa bcu drug gis mnyan par bya ste/ 'di lta ste/ dus su chos mnyan par bya ba dang / bkur sti bya ba dang / gus par nyan pa dang / ma rangs pa med pa dang / bsgo ba bzhin nyan pa dang / klan ka mi tshol ba dang / chos la gus par bya ba dang / chos smra ba'i gang zag la gus par bya ba dang / chos la mi brnyas pa dang / chos smra ba'i gang zag la mi brnyas pa dang / bdag la mi brnyas pa dang / rtse gcig pa'i sems dang / kun shes par bya ba'i sems dang / rna blags te mnyan pa dang / sems bsdus pa dang / sems thams cad kyis bsams te chos mnyan par bya'o// de de ltar chos yang dag par nyan pa dang / mya ngan las 'das pa gtsor bya ba la dad cing sems dang bskye
- 410b
bar 'gyur ro/ / mya ngan las 'das pa gtsor bya ba la sems mchog tu dga' ba dang yi rengs pa skye bar 'gyur ro// mya ngan las 'das pa gtsor bya ba zang zing med pa'i dga' ba skye bar 'gyur/ ro// mya ngan las 'das pa gtsor bya ba la/ nye ba'i nyon mongs pa rnams spong zhing / sems mnyam par 'jog pa dang / som nyi rnams sel ba dang / lta ba drang por byed par 'gyur ro// mya ngan las 'das pa gtsor bya ba la/ sems rnal 'byor du 'gyur ba dang / rtul ba dang / rjes su brtson pa dang / spong ba dang / nang du yang dag 'jog dang don gyi mchog thob par 'gyur ro// mya ngan las 'das pa gtsor bya ba la/ 'du byed thams cad zhi ba dang / stong pa nyid du dmigs pa dang / srid pa zad pa dang / 'dod chags dang bral ba dang / 'gog pa dang / mya ngan las 'das pa la sems rab tu 'jug cing dang ba dang / yang dag par gnas pa dang / rnam par grol bar 'gyur ro// mya ngan las 'das pa gtser bya ba dang / phung po mi rtag pa nyid dang / phung po gsog nyid dang / phung po gso ba nyid dang / phung po snying po med pa nyid dang / phung po 'jig pa nyid la sems rab tu 'jug cing dang ba dang / yang dag par gnas pa dang / rnam par grol bar 'gyur ro// mya ngan las 'das pa gtsor bya ba dang / 'phags pa'i bden pa bzhi shes par bya ba la mig rnam par dag par 'gyur ro// mya ngan las 'das pa gtsor bya ba la/ rnam par grol ba yongs su rdzogs par 'gyur ro//
- 411a
tshe dang ldan pa dag 'phags pa nyan thos de ltar chos yang dag par nyan na/ sgrogs pa la'ang mtho mi 'tsham/ chos kyi gtam gyi ro'ang myong bar 'gyur/ ston pa la'ang chos nyid kyi rim gro byed/ bdag gi don yang rjes su 'thob/ mya ngan las 'das pa'ang 'thob par 'gyur ro// chos 'di dag ni de'i shes rab yongs su smin par 'gyur ba ste/ 'di lta ste/ dge ba'i bshes gnyen la bsten pa dang / dge ba'i ngang tshul nyid dang / sems shes rab can nyid dang / bka' blo bde ba nyid dang / gus par nyan pa dang / yongs su 'dri ba dang / dam pa'o// chos nyan pa dang / dam pa'i chos rtag tu byed pa dang / skyo bar bya ba'i chos rnams la skyo ba dang / de bzhin du kun tu skyo ba la'ang tshul bzhin du yid la byed pa dang / mi dge ba'i chos thams cad spong bas/ dge ba'i chos rnams la tshul bzhin du rab tu 'jog pa dang / de rnam par byang ba dang / ting nge 'dzin la dbang 'thob cing / tshul bzhin du'ang yid la byed pa'o// tshe dang ldan pa dag 'phags pa nyan thos de ltar yang dag par tshul bzhin yid la byas pa'i bdag nyid kyis/ 'du shes bcu po 'di lta ste/ mi sdug pa'i 'du shes dang / mi rtag pa'i 'du shes dang mi rtag pa la sdug bsngal ba'i 'du shes dang / sdug bsngal la bdag med pa'i 'du shes dang / zas la mi 'phrod pa'i 'du shes dang / 'jig rten thams cad la mngon par mi dga'i ba'i 'du shes dang /
- 411b
snang ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dag bsgom par bya'o// tshe dang ldan pa dag mi sdug pa'i 'du shes kyi bar du gcog pa'i chos ni bcu bzhi ste/ 'di lta ste/ bud med dang lhan cig gnas pa dang / dran pa g.yengs pas bud med la lta ba dang / bag med pa dang / 'dod chags shas che ba nyid dang / sdug pa'i mtshan ma'i rjes su brtson pa dang / mi gtsang ba la so sor mi rtog pa dang / las kyi mtha' la zhugs pa'i gang zag dang lhan cig sbyor ba dang / de dag dang mthun par byed pa dang / gus par mi nyan pa dang / yongs su mi 'dri ba dang / dbang po rnams kyi sgo ma bsrungs pa dang / zas kyi tshad mi rig pa dang / dben pa la mngon par mi dga' ba dang / ji lta ba bzhin la so sor mi rtog/ pa'o// mi rtag pa'i 'du shes kyi bar du gcod pa ni 'du byed la rjes su chags pa'o// mi rtag pa la sdug bsngal ba'i 'du shes kyi bar du gcod pa'i chos ni drug ste/ 'di lta ste/ le lo dang / 'gyod pa dang / yal ba dang / bag med pa dang / mi brtson pa dang / ji lta ba bzhin so sor mi rtog pa'o// sdug bsngal ba la bdag med pa'i 'du shes kyi bar du gcod pa ni bdag tu lta ba'o// zas la mi 'phrod pa'i 'du shes kyi bar du gcod pa ni ro la sred pa'o/ / 'jig rten thams cad la mngon par mi dga' ba'i 'du shes kyi bar du gcod pa ni/ 'jig rten gyi sna tshogs dag la 'dun pa dang / 'dod
- 412a
chags kyi rjes su chags pa'o/ / snang ba'i 'du shes kyi bar du gcod pa'i chos ni bcu gcig ste/ 'di lta ste/ de tshom dang / yid la mi byed pa dang / lus kyi gnas ngan len/ dang / gnyid dang / rmugs pa dang / ha cang brtson 'grus grags pa dang / ha cang brtson 'grus zhan pa dang / dga' ba dang / thobs pa med pa dang / 'du shes sna tshogs dang / ha cang smra ba mang ba dang / gzugs rnams la nges par rtogs pa nyid do// 'dod chags dang bral ba'i 'du shes kyi bar du gcod pa ni kun tu 'dod chags pa'o// 'gog pa'i 'du shes kyi bar du gcod pa ni/ chos la mtshan ma'i rjes su 'brang ba'o/ / 'chi ba'i 'du shes kyi bar du gcod pa ni/ gson pa la 'chums pa'o// tshe dang ldan pa dag chos gsum po gces spras byed pa dang / 'dun pa spong ba dang / de la mang du gnas pa ni bar du gcod pa ma bcom pa de dag yang dag par 'joms pa'o/ / tshe dang ldan pa chos dag chos bcu bzhi ni mi sdug pa'i 'du shes la gces spras byed pa ste/ 'di lta ste/ bud med dang lhan cig mi gnas pa dang / dran pa nye bar gnas pas bud med la mi lta ba dang / bag yod pa dang / 'dod chags shas chung ba dang / sdug pa'i mtshan ma'i rjes su mi brtson pa dang / mi sdug pa la so sor rtog pa dang / las kyi mtha' la zhugs pa'i gang zag dang lhan cig mi sbyor ba dang / de dag dang mthun par mi byed pa dang / gus par mnyan pa dang / yongs su 'dri ba dang / dbang po'i sgo rnams bsdams pa
- 412b
nyid dang / zas kyi tshod rig pa nyid dang / dben pa la mngon par dga' ba dang / ji lta ba bzhin du las so sor rtogs pa'o// tshe dang ldan pa dag mi sdug pa'i 'du shes kun tu bsten bsgoms lan mang du byas na/ 'dod pa'i 'dod chags spong bar 'gyur ro// mi rtag pa'i 'du shes kun tu bstan bsgoms lan mang du byas na/ 'du byed spong bar 'gyur ro// mi rtag pa la sdug bsngal ba'i 'du shes kun tu bsten bsgoms lan mang du byas na/ le lo dang 'gyod pa spong bar 'gyur ro// sdug bsngal ba la bdag med pa'i 'du shes kun tu bsten bsgoms lan mang du byas na/ bdag tu lta ba spong bar 'gyur ro// zas la mi 'phrod pa'i 'du shes kun tu bsten bsgoms lan mang du byas na/ ro la srid pa spong bar 'gyur ro// 'jig rten thams cad la mngon par mi dga' ba'i 'du shes kun tu bsten bsgoms lan mang du byas na/ 'jig rten gyi sna tshogs dag la 'dun pa dang / 'dod chags kyi rjes su chags pa spong bar 'gyur ro// sna ba'i 'du shes kun tu bsten bsgoms lan mang du byas na/ ye shes mthong bar 'gyur ro// 'dod chags dang bral ba'i 'du shes kun tu bsten bsgoms lan mang du byas na/ kun tu 'dod chags pa spong bar 'gyur ro// 'gog pa'i 'du shes kun tu bsten bsgoms lan mang du byas na/ phung po zad par 'gyur ro// 'chi ba'i 'du shes kun tu bsten bsgoms lan mang du byas na/ gson pa la 'chums pa spong bar 'gyur ro// tshe dang ldan pa dag 'phags pa nyan thos de ltar yang dag par tshul bzhin byed pa'i bdag nyid
- 413a
la bar du gcod pa'i chos nyi shu ste/ 'di lta ste/ mi brtson pa dang / mi brtson pa dang 'grogs pa dang / yongs su mi 'a dri ba dang / mi mthun pa'i lung dang / lug ltar lkugs pa nyid dang / sred pa can nyid dang / bya ba mang ba nyid dang / las kyi mtha' nyes par byas pa nyid dang / brtson pa btang ba nyid dang / bar du gcod pa rnams thos na nyam nga ba dang / khengs pa dang / mi mthun par 'dzin pa nyid dang / brjed ngas pa nyid dang / bag med pa dang yul du mi gnas pa dang / dbang po rnams kyi sgom bsrungs pa nyid dang / zas kyi tshod mi rig pa nyid dang / nam gyi cha stod dang / nama? gyi cha slad la mi nyal bar sbyor bar rjes su mi brtson pa nyid dang / dben pa la mngon par mi dga' ba dang / ji lta ba bzhin la so sor mi rtog pa'o// tshe dang ldan pa dag bar du gcod pa ma bcom pa de dag yang dag par 'joms par 'gyur ba'i gces spras byed pa'i chos ni bcu gcig ste/ 'di lta ste/ 'dun pa thob pa dang / phan yon mthong ba nyid dang / mngon par spro ba dang / rnam par 'byed pa dang / rgyal ba dang / chos rnams kyi mtshan ma'i rjes su 'brang ba dang / bdag la mi brnyas pa dang / gus par nyan pa dang / yongs su 'dri ba dang / dben pa la mngon par dga' ba dang / ji lta ba bzhin la so sor rtog pa'o/ / tshe dang ldan pa dag 'phags pa nyan thos de ltar yang dag par tshul bzhin yid la byed pa'i bdag nyid kyi gces spras byed pa'i chos nyi shu ste/ 'di lta ste/ brtson pa dang / brtson pa dang 'grogs
- 413b
pa dang / yongs su 'dri ba dang / mthun pa'i lung dang / lug ltar lkugs pa ma yin pa nyid dang / sred pa can ma yin pa nyid dang / bya ba mi mang ba nyid dang / las kyi mtha' legs par byas pa nyid dang / brtson pa ma btang ba nyid dang / bar du gcod pa rnam thos na nyam mi nga ba dang / ma khengs pa dang / mthun par 'dzin pa nyid dang / dran pa nye bar gzhag pa nyid dang / bag yod pa dang / yul du gnas pa dang / dbang po rnams kyi sgo bsrungs pa nyid dang / zas kyi tshod rig pa nyid dang / nam gyi cha stod dang / nam gyi cha smad la mi nyal bar sbyor ba'i rjes su brtson pa nyid dang / dben pa la mngon par dga' ba dang / ji lta ba bzhin la so sor rtog pa'o// tshe dang ldan pa dag gnas nyi shu rtsa gnyi/ po 'di dag ni rab tu byung bas yang dang yang du so sor brtag par bya ste/ bdag ni khyim pa'i rtags spangs pa/ mi sdug pa'o zhes gnas 'di rab tu byung bas yang dang yang du so sor brtag par bya'o// bdag ni mi 'dra ba khas blangs pa ste/ bdag gi cha byad dang bya ba gzhan yin no/ / bdag gi 'tsho ba ni gzhan la rag las pa ste/ ji srid 'tsho'i bar du bdag gi 'di lta ste/ chos gos dang / bsod snyoms dang / mal stan dang / na ba'i gsos sman dang / yo byad pha rol las btsal dgos pa'o/ / bdag ni ji srid 'tsho'i bar du bdag mi rnams kyi 'dod pa dag las ldog pa byas pa'o// bdag ni ji srid 'tsho'i bar mi rnams kyi rtsed mo'i dga' ba dag las ldog par byas pa'o// cig bdag gi bdag tshul khrims dag gis ma smad dam/ cig bdag la tshangs pa mtshungs par spyod pa mkhas pa rnams kyis chos nyid kyis ma smad dam/ cig bdag nyid ma smad dam/ ma nyams par spong ngam/ cig yul 'khor
- 414a
gyi bsod snyoms don yod ba ma pa'am/ cig gcig pu kun dga' ba stong par mngon par dag pa 'am/ bdag ji lta bu'i gyur pas nyin mtshan 'da'/ cig 'du byed thams cad zhi ba/ stong pa nyid du/ dmigs pa/ sred pa zad pa/ 'dod chags dang bral ba'i mya ngan las 'das pa la bdag gi sems rab tu 'jug pa dang / dang ba dang / yang dag par gnas pa dang / rnam par grol bar gyur tam/ cig phung po mi rtag pa nyid dang phung po gsog nyid dang / phung po gsob nyid dang / phung po snying po med pa nyid la bdag gi sems rab tu 'jug pa dang / dad pa dang / yang dag par gnas pa dang / rnam par grol bar tam/ cig bdag 'chi ba'i tshe tshangs pa mtshungs par spyod pa mkhas pa rnams kyis bdag la dris na/ yul yul po ma yin zhing / bag tsha ba med pa dang / 'jigs pa med pa dang / 'jigs pa med par yang dag par lung ston par lung bstan par bya ba dag gang yin/ pa dge slong gi 'bras bu bzhi las 'bras bu gang yang rung ba zhig 'thob bam/ bdag ni skye ba'i chos can te/ skye ba'i chos nyid las ma 'das pa/ rga ba'i chos can/ na ba'i chos can/ 'chi ba'i chos can te/ bdag gi 'dod chags pa dang / sdug pa dang / 'phangs pa dang / yid du 'ong ba thams cad dang 'bye ba dang / med pa dang / 'bral ba dang / mi ldan par 'gyur ba'o// bdag ni las bdag gir bya ba/ las kyi skye gnas pa/ las kyi bgo skal la spyod pa/ las/ bstan par bya ba ste/ las dge ba'am/ mi dge ba gang dang gang byed la/ las de dang de nyid kyi skal ba can du 'gyur ro snyam du gnas 'di rab tu byung bas yang dang yang du so sor brtag par bya'o// gnas nyi shu rtsa
- 414b
gnyis po 'di dag la yang dang yang du so sor rtog pa de'i dge sbyong gi 'du she yongs su rdzogs par 'gyur ro/ / dge sbyong gi 'du shes yongs su rdzogs na/ 'du shes bdun mongs su rdzogs par 'gyur te/ ga par rgyun tu byed pa dang / rgyun du 'jug pa dang / brnab sems dang gnod sems med pa dang / yang dag pa'i dran pa dang / nga rgyal med pa dang / 'tsho ba'i yo byad rnams dang de'i tshe dang / ting nge 'dzin la dbang thob yongs su rdzogs pa'o// tshe dang ldan pa dag sems dang / yid dang / rnam par shes pa gang yun ring por gzugs la chags pa dang / sgra la chags pa dang / dri la chags pa dang / ro la chags pa dang / reg bya la chags pa dang / gzugs dang / sgra dang / dri dang / ro dang / reg bya dag gis kun tu bsags pa nye bar bsags pa de ni/ so sor brtags pas 'di lta ste/ mi 'chi ba'i dbyings la nye bar rnam par bzhag pa ma yin par 'gyur ro// tshe dang ldan pa dag so so'i skye bos rnam pa nyi shus sems skyo bar bya ste/ bdag ni rtogs pas gsog yin no// ma dul bar 'chi bar 'gyur ro// g.yang sar ltung bar 'gyur ro// 'jigs pa dang bcas pa'i phyogs su 'gro bar 'gyur ro// 'jigs pa med pa'i phyogs mi shes pa'o// las mi shes pa'o// ting nge 'dzin ma thob pa'o// yang srid pa ni sdug bsngal ba'o// dal ba phun sum tshogs pa ni rnyed par dka' ba'o// 'dod par gsod par byed par rtag tu rjes su bcings pa'o// bdag ni 'gro ba las ma 'das pa'o// bdag ni ngan song dag las yongs su ma grol ba'o// bdag ni lte bar gyur pa dpag tu med pa dang yang dag par ldan pa'o// bdag ni mtshams med pa'i las rnams mi bya ba'i phyir gags pa ma byas pa'o// bdag ni skye ba'i
- 415a
'khor ba thog ma dang tha ma med pa'i mtha' ma byas pa'o/ / mthar ma byas na byed pa gzhan med do// ma byas na bde ba'i ngo bo med do// las byas pa rnams ni chud za ba med do// bdag ni ma rig par gyur cing mi mkhas pa 'chi ba'i dus byed par 'gyur ro zhes so so'i skye bos sems skyo bar bya'o/ / de rnam pa nyi shu de rnams kyis sems skyo// shin tu skyo/ skrag/ shin tu skrag/ bkag/ shin tu bkag na/ rnam pa gzhan nyi shus sems myur ba myusbyar bar yang dag par gnas te/ de sems kyi mtshan ma yid la byed pa'i sems myur ba myur bar yang dag par gnas so// de sems bla na med pa 'am/ sems rtse gcig pa 'am/ ting nge 'dzin mtshan gyi ma 'am/ ting nge 'dzin la gnas pa'i mtshan ma 'am/ ting nge 'dzin las ldang ba'i mtshan ma 'am/ zhi gnas kyi mtshan ma 'am/ rab tu 'dzin pa'i mtshan ma 'am/ btang snyoms kyi mtshan ma 'am/ spyod yul ma yin pa spang ba'am/ spyod yul la gus ba'am/ mdor bstan pa 'am/ dmigs kyis bsal ba 'am/ kun tu skyo ba mang ba 'am/ bla ma la bsten pa'am/ yang dag pa'i sbyor ba yid la byed pa'i sems myur ba myur bar yang dag par gnas so// de dbugs brngub pa dang / 'byung ba dran pa bsgom pa'i sems myur ba myur bar yang dag par gnas so/ / de dran pa nye bar gzhag pa rnams sgom pa'i sems myur ba myur bar yang dag par gnas so// tshe dang ldan pa dag 'phags pa nyan thos de ltar yang dag par tshul bzhin yid la byed pa'i bdag nyid kyi bar du gcod pa ni bcu gcig tu rig par bya ste/ 'di lta ste/ yang dang yang du tshogs par 'du ba dang / zas la 'du ba nyid dang / las la dga' ba nyid dang / smra ba la dga' ba nyid dang / 'du 'dzi'i gtam la dga' ba nyid dang / 'du 'dzi/
- 415b
la dga' ba nyid dang / bdag tu 'dzin pa dang / 'phyar ba dang / bag med pa dang / yul du mi gnas pa'o// tshe dang ldan pa dag bar du gcod pa ma bcom pa de dag yang dag par 'jom pa mkhas pa bcu la bslab par bya ste/ 'di lta ste/ ting nge 'dzin mkhas pa dang / ting nge 'dzin la gnas pa la mkhas pa dang / ting nge 'dzin las ldang ba la mkhas pa dang / rab tu 'dzin pa la mkhas pa dang / btang snyoms la mkhas pa dang / skye mched la mkhas pa dang / thabs la mkhas pa dang / mngon par sgrub pa la mkhas pa'o// tshe dang ldan pa dag 'phags pa nyan thos de ltar mngon par sgrub pa la mkhas pa la mchog tu dga' dngos po bcu gsum skye ba na skye ste/ dad pa can de ston pa 'am/ chos sam/ dge 'dun nam/ khadag gi tshul khrims sam/ gzhan gyi tshul khrims sam/ bdag gis sbyin par bya ba'i chos rnams sam/ bdag gi sbyin pa 'am/ gzhan gyi rtogs pa yid la byed pa na/ mchog tu dga' ba skye ba 'di ni dad pa can gyi mchog tu dga' ba'i dngos po yin no/ / bcom ldan 'das de bdag gis sdug bsngal gyi chos mang po sel ba'o zhes mchog tu dga' ba skye ba 'di ni dad pa can gyi mchog tu dga' ba'i dngos po yin no// bcom ldan 'das de bdag gis bde ba'i chos mang po sgrub pa'o zhes mchog tu dga' ba skye ba 'di ni dad pa can gyi mchog tu dga' ba'i dngos po yin no/ / bcom ldan 'das de bdag gis sdig pa mi dge ba'i chos rnam pa du ma sel ba'o zhes mchog tu dga' ba skye ba 'di ni dad pa can gyi mchog tu dga' ba'i dngos po yin no/ / bcom ldan 'das de bdag gis dge ba'i chos rnam pa du ma sgrub pa'o zhes mchog tu dga' ba skye ba 'di ni dang can gyi mchog tu dga' ba'i dngos po yin no// tshe dang ldan pa dag
- 416a
@##'phags pa nyan thos chos bzhi la rten na/ chos lnga sgom pa yongs su rdzogs par 'gyur te/ 'dun pa dang / brtson 'grus dang / dben pa dang / phyir mi ldog pa'o// chos lnga po gang dag bsgom pa yongs su rdzogs par 'gyur zhe na/ mchog tu dga' ba dang / dga' ba dang / shin tu sbyangs pa dang / bde ba dang / ting nge 'dzin no// tshe dang ldan pa dag de chos lnga po de dag kun tu bsags shing nye bar bsags na/ zug rngu brgyad med par 'gyur te/ 'di lta ste/ 'dod chags kyi zug rngu dang / zhe sdang gi zug rngu dang / gti mug gi zug rngu dang / nga rgyal gyi zug rngu dang / sred pa'i zug rngu dang / lta ba'i zug rngu dang / the tsom dang som nyi'i zug rngu'o// zug rngu brgyad po 'di dag med par gyur na/ mi slob pa'i chos bcu 'thob par 'gyur te/ mi slob pa'i yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i tshol ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang / yang dag pa'i rnam par grol ba dang / yang dag pa'i ye shes so// de mi slob pa'i chos bcu po de dag skyes shing thob ste ldan na 'phags par 'gyur te/ yang la