Text

ff. 1b–418a · 834 folio sides

  1. 1b

    / rgya gar skad du.Ar+ya ga ga na gan dza pa ri br-id nA ma ma hA yA na sU tra/ bod skad// du/ 'phags pa nam mkha'i mdzod kyis zhus pa zhes bya batheg pa chen po'i mdo/ / //

  2. 2a

    bya bya bya// bam po dang po// // sangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa'i dus gcig na/ bcom ldan 'das de bzhin gshegs pa'i spyod yul rin po che bkod pa'i 'khor gyi khyams/ de bzhin gshegs pa'i gnas bsod nams chen po'i rgyan gyi tshogs bsags pa/ sprod pa chen

  3. 2b

    po'i rgyu 'thun pa/ sangs rgyas kyi chos thams cad rnam par smin pas mngon par grub pa/ byang chub sems dpa' sems dpa' chen po'i gnas mtha' yas pa nges par bstan pa/ de bzhin gshegs pa'i rnam par sprul pa'i byin gyi rlabs mi chags pa'i spyod yul gyi ye shes la 'jug pa dga' ba rgya chen po rab tu bskyed pa/ dran pa dang / blo gros dang / rtogs pa la 'jug pa/ kun nas ma smad pa/ ye shes kyis rnam par dpyod pa/ de'i rang bzhin ma yin pa la 'jug pa/ phyi ma'i mtha'i bskal par mngon du bstod pa/ yon tan gyi tshogs thams cad dpag tu med pa na bzhugs te/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni rab tu bskor/

  4. 3a

    slob ma shin tu dul ba mtha' yas pa'i tshogs ni mnga'/ chos thams cad la mnga' ni brnyes/ sems can thams cad kyi bsam pa'i bya ba ni shin tu mkhyen/ dbang po dam pa'i pha rol tu ni byon/ sems can thams cad kyi nyon mongs pa'i bag chags kyi mtshams sbyor ba yang dag par 'joms pa la ni mkhas shing / sangs rgyas kyi mdzad pa lhun gyis grub pa ni rgyun ma bcad do// dge slong sa ya phrag drug gis dge slong gi dge 'dun chen po dang thabs cig ste/ thams cad kyang cang shes kyi sems dang ldan pa/ yang dag pa'i shes pas sems shin tu rnam par grol ba/ nyon mongs pa thams cad kyi bag/ chags kyi mtshams sbyor ba yang dag par 'joms pa la brtson pa/ de bzhin gshegs pa chos kyi rgyal po'i sras/ chos zab mo la gnas par mkhas pa/ dmigs su med pa'i chos las nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin gshegs pa'i

  5. 3b

    bka' la shin tu zhugs pa sha stag go/ / sangs rgyas kyi zhing sna tshogs nas 'dus pa'i byang chub sems dpa' sems dpa' chen po dpag tu med/ grangs med/ bsam gyis ma khyab/ mtshungs pa med pa/ gzhal du med pa// tshad med brjod du med pa'i yang brjod du med pa'i byang chub sems dpa'i tshogs chen po dang yang thabs cig te// thams cad kyang sems kyi skad cig gis sangs rgyas kyi zhing mtha' yas par 'gro ba la mkhas pa/ de bzhin gshegs pa thams cad la mchod pa dang / rim gro bya ba la mkhas pa/ chos mnyan pa la mi ngoms par yang dag par tshol ba/ rtag tu/ rgyun mi 'chad par sems can thams cad yongs su smin par byed pa la brtson pa// thabs dang shes rab dam pa'i pha rol tu phyin pa/ sgrib pa med pa'i rnam par thar pa la rab tu gnas pa// rtog pr-i dang / rnam par rtog pa dang / spros pa thams cad las yang dag par 'das pa thams cad mkhyen pa'i ye shes la nye bar gyur pa sha stag la 'di lta ste/ byang chub sems dpa' glog gi lA zhes bya ba dang / byang chub sems dpa' g.yul las rnam par rgyal ba zhes bya ba dang / byang chub sems dpa' rnam par snang mdzad snying po zhes bya ba dang / byang chub sems dpa' rnam par gnon pa dpa' bo zhes bya ba dang / byang chub sems dpa' yid gnyis yang dag par 'joms pa zhes bya ba dang / byang chub sems dpa' rnam par bsgrags ldan zhes bya ba

  6. 4a

    dang / byang chub sems dpa' rnam par lta ba'i mig ces bya ba dang / byang chub sems dpa' mun pa dang bral zhes bya ba dang // de dag la sogs pa byang chub sems dpa' sems dpa' chen po dpag tu med/ tshad med/ grangs med/ bsam gyis mi khyab/ mtshungs pa med/ gzhal du med/ dpag gis mi lang / brjod du med pa'i yang brjod du med pa dag dang yang thabs cig go/ / de nas bcom ldan 'das 'dus pa chen po'i le'u zhes bya ba'i chos kyi rnam grangs byang chub sems dpa' sems dpa' chen po rnams la rab tu ston te/ 'dus pa chen po'i le'u chos kyi rnam grangs 'di bshad pa na thams cad dang ldan pa'i 'khor de nam mkha'i dkyil na 'khod cing bkod pa chen po'i khang pa brtsegs pa'i nang na bdag 'dug pa snyam du shes so/ / khang pa brtsegs pa de dag gi bkod pa de nyid sems can rnams kyi mig sngar snang bar gyur te/ khang pa brtsegs pa na 'khod pa'i byang chub sems dpa' sems dpa' chen po rnams dang / nyan thos chen po rnams dang / gzhan yang lha dang / klu dang / gnod sbyin dang / dri za'i 'khor de dag thams cad ma gtogs par stong gsum gyi stong chen po'i 'jig rten gyi khams na gzugs su snang ba lhag ma gzhan thams cad med par gyur te/ / thams cad kyang nam mkha' lta bur gyur pa snyam du shes so// 'di lta ste/

  7. 4b

    dper na bskal pas shin tu bsregs te/ nam mkha' bzhin du gyur pa na stong gsum gyi stong chen po'i 'jig rten gyi khams na gzugs su snang ba gang yang mig sngar snang bar mi 'gyur ba de bzhin du/ de'i tshe na gang gzugs su snang ba rnams sems can dag gi mig sngar mi snang bar gyur to// 'di lta ste/ dper na de bzhin gshegs pa rin po che bkod pa gcig pa'i 'jig rten gyi khams bkod pa chen po zhes bya ba na/ byang chub sems dpa' de dag gi khang pa brtsegs pa yongs su longs spyod pa de 'dra ba'i khang pa brtsegs pa de na snang ngo // nam mkha' la khang pa/ brtsegs pa 'dug pa de dag ma gtogs par stong gsum gyi stong chen po'i 'jig rten gyi khams 'di sa'i steng dang gzhi'i bar du thams cad kyang mi snang ba snyam du rab tu shes te/ ri'i rgyal po ri rab dang / khor yug gi ri dang / khor yug gi ri chen po dag sems can gang gi mig sngar yang mi snang bar gyur to// grong dang / grong khyer dang / grong rdal dang / ljongs dang / yul 'khor dang rgyal po'i pho brang 'khor rnams kyang mi snang ste/ gzhan du na nam mkha'i dkyil na gnas pa'i khang pa brtsegs pa de dag nyid du shes shing / bcom ldan 'das kyi seng ge'i khri ni 'phang du dpag tshad khrir 'phags par rab tu snang ngo / / gang la bcom ldan 'das bzhugs pa'i seng ge'i khri de'i 'od kyis kyang stong gsum gyi stong chen po'i 'jig rten gyi khams snang ba chen pos khyab par gyur te/ gang stong gsum gyi

  8. 5a

    stong chen po'i 'jig rten gyi khams 'di'i nyi ma dang / zla ba dang / skar ma dang / brgya byin dang / tshangs pa dang / 'jig rten skyong ba'i 'od de dag thams cad kyang mos mog por byas par gyur to/ / de nas byang chub sems dpa'i 'khor de dag thams cad kyis 'di lta bu'i tshe 'phrul ngo mtshar dang drang du byung ba mthong nas/ phan tshun du lbab/ khang pa brtsegs pa 'di'i bkod pa ci 'dra ba de ni/ bdag cag gi tshe'i tshad bskal par 'dug par gyur kyang / bdag cag gis rgya cher rnam par dbye ba bstan par sla ba ma yin te/ de tsam du khang pa brtsegs pa 'di dag gi yon tan bkod pa ni tshad med do zhes 'dzer to/ / de nas bcom ldan 'das kyi mthus gnas brtan shA ri'i bu khang pa brtsegs pa de nas langs nas nam mkha' la 'dug ste/ pus mo g.yas pa'i lhang btud nas/ bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// bcom ldan 'das nam mkha' la mchis pa'i khang pa brtsegs pa 'di ma lags pa/ gzhan stong gsum gyi stong chen po'i 'jig rten gyi khams thams cad nam mkhar gyur cing / nam mkha'i rang bzhin du gda' ba 'di su'i snga ltas lags/ bcom ldan 'das kyis bka' stsal pa/ sha ri'i bu khyod kyis khang pa brtsegs pa 'di mthong ngam/ gsol pa/ bcom ldan 'das mthong lags so// bcom ldan

  9. 5b

    'das kyis bka' stsal pa/ shA ri'i bu khyod kyis khang pa brtsegs pa 'di dag gi bsngags pa yongs su brjod pa'i mtha' shes par nus sam/ gsol pa/ bcom ldan 'das bdag gi tshe'i tshad nges par gyur kyang / khang pa brtsegs pa 'di dag gi bsngags pa'i mtha' rtogs par mi nus so// bka' stsal pa/ shA ri'i bu ji ltar 'khor 'di dag thams cad nam mkha' la song zhing / 'ang pa brtsegs pa bkod pa chen por zhugs par snang ba bzhin du/ bkod pa chen po'i 'jig rten gyi khams kyi khang pa brtsegs pa de'ang 'di 'dra'o// gsol pa/ bcom ldan 'das bkod pa chen po 'jig rten gyi khams de gang gi phyogs na mchis/ bcom ldan 'das kyis bka' stsal pa/ shA ri'i bu de ni 'di nas shar phyogs su sangs rgyas kyi zhing brgyad kyi rdul phra rab kyi rdul gyis yongs su gang bsnyed kyi sangs rgyas kyi zhing rnams 'das pa na/ bkod pa chen po zhes bya ba'i 'jig rten gyi khams na/ de bzhin gshegs pa rin po che bkod pa gcig pa zhes bya ba da lta na bzhugs te/ 'tsho zhing gzhes la chos kyang ston to/ / shA ri'i bu bkod pa chen po'i 'jig rten gyi khams de na/ byang chub kyi sems rin po che las rin po che gzhan mi 'byung ngo // de bas na de bzhin gshegs pa de rin po che bkod pa gcig pa zhes bya'o/ / de bzhin gshegs pa de'ang nam byang chub sems dpa' de dag la chos 'chad pa de na seng ge'i khri dang bcas te/ ta la bye ba phrag brgyad cu srid kyi nam mkha'i dkyil du

  10. 6a

    mngon par 'phags so/ / byang chub sems dpa' de dag kyang khang pa brtsegs pa bkod pa chen po der nam mkha'i dkyil du mngon par 'phags nas/ de bzhin gshegs pa de la chos nyan te/ de bzhin gshegs pa de'ang nam mkha'i dkyil yongs su dag pa zhes bya ba'i chos kyi phyag rgya yang dag par rab tu ston to// shA ri'i bu bkod pa chen po'i 'jig rten gyi khams de na gang byang chub sems dpa' de dag gi khang pa brtsegs pa'i yongs su longs spyod pa de ni bskul par yang brjod mi nus so/ / shA ri'i bu khyod kyis nga'i seng ge'i khri 'di mthong ngamagasol pa/ bcom ldan 'das mthong ngo // bcom ldan 'das kyis bka' stsal pa/ shA ri'i bu bcom ldan 'das de bzhin gshegs pa rin po che bkod pa gcig de'i seng ge'i driyang 'di 'dra ste/ de la bcom ldan 'das de bzhugs nas/ byang chub sems dpa' de dag la rnam pa sum cu rtsa gnyis la 'jug pa/ nam mkha'i dkyil yongs su dag pa'i chos kyi phyag rgyu yang dag par rab tu ston to/ / rnam pa sgyus cu rgya gnyis la 'jug pa nam mkha'i dkyil yongs su dag pa'i chos kyi phyag rgya gang zhe na/ 'di ltaste/ dngom po med pas chos thams cod yod pa dang med pa dang bral ba dang / rnam par rig pa'i mtshan nyid pas/ chos thams cad dngos po med pa dang / snang bar 'gyur ba med pas chos thams cad rnam par rig pa med pa dang /

  11. 6b

    rgyu dang dmigs pa med pas chos thams cad snang bar gyur pa med pa dang / nye bar zhi ba'i mtshan nyid pas/ chos thams cad dmigs pa med pa dang / gnyis su med pas chos thams cad nye bar zhi ba dang / so so tha dad pa med pas chos thams cad gnyis su med pa dang / tshul gcig la zhugs pas chos thams cad tha dad pa med pa dang / ngo bo nyid kyi mtshan nyid dang bral bas chos thams cad tshul gcig pa dang / dus gsum las yang dag par 'das pas/ chos thams cad ngo bo nyid med pa dang / thams cad la mi gnas pas chos thams cad nam mkha'i dkyil dang / thams cad du mi snang bas chos thams cad mi gnas pa'i sgo dang / yul gyi lam las yang dag par 'das pas chos thams cad snang ba med pa dang / nang dang phyi rnam par dag pas chos thams cad yul med pa dang / rang bzhin gyis kun nas nyon mongs pa can ma yin pas/ chos thams cad rnam par dag pa dang / ngo bo nyid kyis nye bar zhi bas/ chos thams cad rang bzhin gyis yongs su dag pa dang // sems dang / yid dang / rnam par shes pa med pas/ chos thams cad nye bar zhi ba dang / gzod ma nas ma byung bas chos thams cad mtshan nyid med pa dang / nga'i ba med cing yongs su 'dzin pa med pas/ chos thams cad gzod ma nas ma byung ba dang / bdag po med pas// chos thams cad nga'i ba med cing yongs su

  12. 7a

    'dzin pa med pa dang / rang bzhin gyis bdag med pas chos thams cad bdag do med pa dang / gzong sa nas rnam par dag pas/ chos thams cad rang bzhin gyis / med pa dang / ldog pa med pas chos thams cad gzod pa nas rnam par dag pa dang / sgyu ma'i mtshan nyid kyi rang bzhin pas/ chos thams cad ldog pa med pa dang / dngos po med pas chos thams cad sgyu ma lta bu dang / mngon par 'du mi byed pa'i mtshan nyid pas/ chos thams cad dngos po med pa dang / sems dang lus dben pas// chos thams cad mngon par 'dus ma byas pa dang / mtshan nyid med cing mtshan nyid kyi gni'i mtshan nyid med pas/ chos thams cad dben pa'i mtshan nyid dang / rang gi mtshan nyid las ma g.yos pas chos thams cad mtshan nyid med pa dang / gnas dmigs su med pas chos thams cad ma g.yos pa dang / dmigs pa med pa'i mtha' la rab tu gnas pas/ chos thams cad gnas pa med pa dang / kun gzhi med pas chos thams cad dmigs pa med pa dang / kun gni dang bral bas chos thams cad kun gzhi med pa ste// shA ri'i bu de ltar de bzhin gshegs pa rin po che bkod pa gcig pa de byang chub sems dpa' de dag la rnam pa sum cu rtsa gnyis la 'jug pa nam mkha'i dkyil yongs su dag pa'i chos kyi phyag rgya yang dag par rab tu ston te/ de thos pas kyang byang chub sems dpa' tshad med pa dag mngon par shes pa rnam par dag pas rnam par shes pa la bzod pa/

  13. 7b

    chos thams cad la dbang byed pa rjes su 'thob bo// yang shA ri'i bu bkod pa chen po'i 'jig rten gyi khams de'i byang chub sems dpa' rnams ni sbyin pas brgyan cing bskal pa grangs med par gtong ba rjes su song ba/ tshul khrims kyis brgyan cing bro shin tu byang ba bzod pas brgyan cing sems can thams cad la zhe 'gras pa med pa'i sems dang ldan pa/ brtson 'grus kyis brgyan cing sangs rgyas kyis chos kyis chos thams cad kyi tshogs bsags pa// bsam gtan gyis brgyan cing / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa thams cad kyis rnam par rtsen pa// shes rab kyi sa brgyan/ cing bag chags kyi mtshams sbyor ba'i nyon mongs pa thams cad dang bral ba/ byams pa chen pos brgyan cing / sems can thams cad yongs su skyob par gnas pa/ snying rje chen pos brgyan cing sems can thams cad yongs su mi gtong bar gnas pa/ dga' ba chen pos brgyan cing sems can thams cad dga' ba dang / bde ba dang / rab tu dga' ba la so sor 'god pa'i rgyun mi gcod pa btang snyoms chen pos brgyan cing / sems can thams cad mi mtho mi dma' ba la 'god pa rgyun mi gcod par sbyor ba sha stag go// yang shA ri'i bu bcom ldan 'das de bzhin

  14. 8a

    gshegs pa rin pa cha spyod pa gcig pa de'i sangs nasu bi zhing na byang chub sems dpa' sems dpa' chen po rnam mnga'i mdzod ces pa ba 'dugaste/ bsod nangs kyig/ brjid kyis shin tu brjid pa/ ye shes mthong ba thogs pa med pa/ mtshan rnams kyis lus brgyan pa/ dpe byad bzang po rnams kyis byams pa brgyan pa/ spobs pas ngag brgyan pa gzungs kyis sems brgyan pa/ thos pas dran pa brgyan pa/ nges par sems pas bden pa brgyan pa/ rtogs pas don rtogs pa brgyan pa/ bsam pas dam bcas pa brgyan pa/ khyad par du 'gro bas lhag pa'i bsam pa brgyan pa/ sbyor bas brgyan cing chos thams cad la the tsom med par gyur pa/ btang snyoms chen pos brgyan cing mtho dman med pa/ mngon par shes pa chen pos brgyan cing / rdzu 'phrul gyis rnam par rtsen pa thams cad mngon par shes pa/ bsod nams kyis brgyan cing // lag na rin po che gtong ba mngon par grub pa/ ye shes kyis brgyan cing sems can thams cad kyi sems kyi bsam pa la zhugs pa/ blos brgyan cing sems can thams cad dge ba'i rtsa ba rtogs par byed pa// mig gis brgyan cing mig lnga'i yul la shin tu rnam par dag pa rna bas brgyan cing sgra dang / don thams cad rtogs pa snying po dang ldan pa/ so so yang dag par rig pas brgyan cing / don dang / chos dang / nges pa'i tshig dang / spobs pa so so yang dag par rig pa

  15. 8b

    mi zad par ston pa/ stobs kyis brgyan cing / de bzhin gshegs pa'i stobs bcu rjes su thob pa/ mi 'jigs pas brgyan cing / pas kyi rgol ba thams cad kyis zil gyis mi non pa/ yon tan gyis brgyan cing sangs rgyas kyi yon tan mtha' yas pa thob pa/ chos kyis brgyan cing spu'i bu ga thams cad nas chos sgrog pa/ so sor rig pa'i rjes su song ba/ snang bas brgyan cing sangs rgyas kyi chos thams cad lag mthil du thob pa/ 'od kyis brgyan cing sangs rgyas kyi zhing thams cad snang bar byed pa/ kun nas ston pas brgyan cing chad par lung ston pa/ gdams pa dang rjes su bstan pas brgyan cing / de byed pa'i chos tshar phyin pa/ rdzu 'phrul gyi cho 'phrul gyis brgyan cing rdzu 'phrul rnam par dag pas rnam par grol ba thams cad ston pa/ sangs rgyas thams cad kyis mngon par bstod pas brgyan cing gzhan la rag ma lus pa'i ye shes la gnas pa/ tshogs thams cad kyi yon tan gyis brgyan cing sangs rgyas thams cad kyi chos 'dul ba'i rjes su zhugs pa ste/ shA ri'i bu gang bkod/ pa 'di lta bu kun tu snang ba 'di ni byang chub sems dpa' nam mkha' mdzod kyi byin gyi rlabs so// shA ri'i bu byang chub sems dpa' sems dpa' chen po nam mkha' mdzod de nga la blta ba dang phyag 'tshal ba dang / bsnyen bkur bya ba dang / 'dus pa chen po'i le'u chos kyi rnam grangs 'di rab tu yongs su gzung ba dang / phyogs bcu'i 'jig rten gyi khams nas 'dus pa'i

  16. 9a

    byang chub sems dpa' 'di dag chos kyi dga' ba dang / bde ba dang / mchog tu dga' ba bskyed pa dang / theg pa chen po 'di'ang rab tu yongs su gzung ba dang / byung / chub sems dpa' thams cad kyi byang chub kyi phyogs kyi chos kyang yongs su gzung ba'i phyir nga'i gan du 'ong ngo // de nas byang chub sems dpa' sems dpa' chen po nam mkha' mdzod de bzhin gshegs pa rin po che bkod pa gcig pa de la gsol nas/ byang chub sems dpa' bye ba phrag bcu gnyis kyis yongs su bskor te/ mdun du bdar nas lhan cig tu mngon du gyur pa'i rdzu 'phrul mngon par 'du mi byed pa/ sangs rgyas kyi rnam par rol pa dang / rdzu 'phrul gyi rkang pas bkod pa chen po'i 'jig rten gyi khams de nas mi snang bar gyur te/ sems kyi skad cig gcig 'byung ba tsam gyis mi mjed kyi 'jig rten gyi khams 'dir phyin nas de bar snang la 'dug ste/ bkod pa chen po'i 'jig rten gyi khams kyi me tog dang / 'phreng ba dang / phye ma dang spos dang / byug pa dang / gdugs dang / rgyal mtshan dang / ba dan ci 'dra ba de 'dra ba'i char rab tu phab pa 'di lta ste/ zla ba dang / zla ba chen po dang / shin tu mdzes pa'i zla ba dang nyi ma'i 'od dang / nyi ma rab tu 'bar ba dang / me shal dang / mdog mdzes dang / mdog mdzes chen po dang / mdog mdzes par 'dug pa dang / sbrul dang / sgra la chen po dang / sgra la

  17. 9b

    rab tu mdzes pa dang / dri ma med dang / kun tu dri ma med pa dang / rnam dag 'od dang / gser du snang dang / nam mkha' snang dang / reg gyur dang / dri chen dkar dang / 'dab brgya pa dang / ze ba stong ldan dang / mya ngan sel dang / dga' byed dang / lhas bstod dang / klu'i me tog dang / dga' bde kun skye dang / bsam gtan yan lag dang / dris dga' dang // lus sems tshim byed dang / stong gsum dri dang / nad kun zhi byed dang / nad kun sel dang / bdag gi gzi brjid kyis brgyan cing dpag tu med pa'i bsod nams kyis grub pa/ phyogs bcu'i byang chub sems dpas reg pa de lta bu'i me tog gis stong chen po'i 'jig rten gyi khams 'di kun tu khebs par byas pas/ bcom ldan 'das kyi 'khor gyi dkyil 'khor thams cad du me tog pus mo nub tsam/ du gang bar gyur to// de nas thams cad dang ldan pa'i 'khor des sngon ma thos ma mthong ba'i me tog de mthong nas/ bcom ldan 'das la 'di skad ces gsol to// bcom ldan/ 'das 'di lta bu'i me tog blta na sdug pa 'di dag ga las mchis/ bcom ldan 'das kyis bka' stsal pa/ skyes bu dam pa byang chub sems dpa' sems dpa' chen po nam mkha'i mdzod de bkod pa chen po'i 'jig rten gyi khams de nas 'dir 'ongs te/ de nam mkha'i dkyil du 'dug nas/ 'di lta bu'i me tog gi char rab tu phab bo// de nas byang chub sems dpa' sems dpa' chen po

  18. 10a

    nam mkha'i mdzod byang chub sems dpa' bye ba phrag bcu gnyis po de dag dang lhan cig tu nam mkha'i dkyil de nas babs te/ bcom ldan 'das kyi zhabs la mgo bos phyag 'tshal nas/ lan gsum bskor ba byas te/ bcom ldan 'das la 'di skad ces gsol to// bcom ldan 'das de bzhin gshegs pa rin po che bkod pa gcig pa ni/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / byang chub sems dpa' sems dpa' chen po nam mkha' mdzod la sogs pa byang chub sems dpa' bye ba phrag bcu gnyis po 'dus pa chen po'i le'u chos kyi rnam grangs nyan 'tshal ba 'di dag ji ltar chos thams cad la dbang bgyid cing chos chen po dang ldan pas/ slar ldog par 'gyur ba'i chos kyi bka' mchid kyis/ bcom ldan 'das kyis mgu bar mdzod cig ces de skad kyang gsung ngo // de nas byang chub sems dpa' nam mkha'i mdzod kyis bcom ldan 'das kyi seng ge'i khri'i steng gi bar snang la dpag tshad stong phrag bcu tsam gyi rin po che'i gdugs su byin gyis brlabs nas/ bcom ldan 'das la thal mo sbyar te/ phyag 'tshal nas tshigs su bcad pa dag gis mngon par bstod pa/ chos dang don dang yon tan ye shes 'phags pas na// yongs dag rnam dag snga nas dag cing dri ma med// gnas med nam mkha' 'dra bar mi g.yo rab tu brnyes//

  19. 10b

    rab zab kun nas spyod yul min la phyag 'tshal lo// rgyal ba chos kyi skus ni rab phye sku mnyam yang // gzugs mdzes ldan zhing gzugs bzang sku yang ston par mdzad// sems can rnams la phan pa'i thugs rje rab bskyed nas/ / bsod nams brgya pa'i mtshan gyi sku yi mchog kyang ston// khyod ni mi gsung rtog med sgra dang tshig kyang med// tshig gis rang bzhin drag cha'i mtshan nyid gzung du med/ sgra med rtag med yi ge med pa mkhyen nas kyang // byams pa khyod ni snying rje can pas rgyal ba'i tshig kyang gsung // sems can kun gyi sems dang sems byung rjes su rig/ khyod ni sems kyi rang bzhin sgyu ma'i mtshan nyid mkhyen/ / sems kyi rgyud kyi rang bzhin ci 'dra rab mkhyen kyang // sems dang yid rnams la ni khyod kyi sems mi gnas// 'gro ba rnams la khyod kyis spyod pa kun bstan te// bde bar gshegs pa'i sku ni 'gyur ba yong ma mchis/ / gang gi gzugs dang sems dang yon tan ci 'dra bar// mtshan dang spyod lam dag kyang de yi tshul tu ston// bde gshegs chos 'di la ni nga yir 'dzin pa med/ / khyod ni chos la gnas pa med cing 'dzin pa med// sems can mang po kun rtog chos kyis 'dul mkhyen nas// khyod ni bla na med pa'i chos rnams rtag tu ston// rgyal ba'i sku la 'khor 'di kun gyis bltas pa na/ / gzugs dang mtshan ma tha dad skal ba mi mnyam gnas// khyod kyi sku ni mi 'gyur rtog med mtshan med de// 'khor rnams ji lta'i sems dang bsam bzhin tshim par mdzad// chos 'di

  20. 11a

    thams cad rgyu dang rkyen las skyes pa ste/ / byed med ngo bo nyid med kun tu rtog las skyes// bde gshegs de 'dra'i chos kyi tshul rnams mkhyen nas su// byang chub mi 'gyur zhib bla na med pa brnyes/ / mtha' dang de bzhin dbus bcad rnam par rtog pa med// stong zhing gsog la rang bzhin gsob ste ya ma brla// khyod kyis de 'dra'i chos nyid rnam dag mkhyen nas su// 'gro ba rnams la rgyu dang las dang byed pa ston/ / chos 'di sems can med cing srog dang gang zag med// nam mkha' mtshungs mnyam pas ni mang yang rnam par dag/ sems can gan du nyer gshegs yang dag bdag med pa/ mi 'chi 'dus ma byas la sems can mang sad mdzad// brtson 'grus mthu dang stobs kyis byang chub 'di chol phyir// khyod kyis bskal pa bsam yas bye ba phrag brgyar bshad// sgrub pa med pa'i nan tan mtshan nyid byang chub ste/ / gang phyir spyod pa'i don de rjes su thob par gyur// chos rnams mnyam pa nyid ni mnyam par bzhag mkhyen pas// rab dang 'bring dang tha ma dag kyang mnyam par mkhyen/ / mnyam pa nyid la mnyam nyid rtag bzhugs rnam mi rtog/ de phyir rgyal ba mnyam par bzhag cing mi 'gyur ba// phung po khams dang dbang po ji ltar sgyu ma bzhin// 'jig rten gsum po chu zla 'dra ste 'pho ba med/ / sems can rnams ni rmi lam lta bur dngos med de// mkhyen pas rmi lam bzhin du rtogs nas chos 'di gsung // byang chub mchog rab brta yi rang bzhin khyod kyis brnyas/

  21. 11b

    / de ni thob dang mthob pa zhes brjod du med// ji ltar byang chub khyod kyis de bzhin 'khor lo yang // tshul dang tshul min 'jug pa'i mtshan dral rab tu bskor// brgal nas sems can mang po bsam yas/ rab sgrol ba// grol nas bcings pa'i nang na mchis pa shin tu 'grol// theg chen bla med 'di la 'gro ba dbugs 'byin cing // nges 'byin mnyam pa brnyes pa mya ngan 'das la 'god// gang na'ang sems can nam yang mya ngan 'das ma mchis/ / sems can gdod nas rnam dag sems can nyid mi sgrub// sems can sgyu ma'i mtshan du byang chub sangs rgyas nas// 'di yi mtha' rnams sems can mang po rtogs par mdzad/ / nam mkha' la ni gzugs rnams nam yang mi snang bzhin// de ltar 'gro ba kun gyi gzugs ni gzugs nyid mtshungs// chos de gzugs dang gzugs med gzugs min mtshan nyid de// gang gis/ de ltar don rnams yang dag dang ni rtogs pa// ji tsam rgyal ba'i bsngags pa dag gi dper bgyis pa// de dag thams cad bsngags pa 'di la mthong chags te// rang gi yon tan rnams kyi 'dren bsngags nam mkha' 'dra/ / gnyis med bsngags brjod 'di ni rgyal ba'i bsngags pa'o// sangs rgyas 'gro bsad par mdzad cing dmigs med pa// sems med sems nyid brnyes pa khyod la phyag 'tshal lo// ji ltar 'dren pa kun gyis mi yi seng ge bsngags// de ltar de bzhin nyid phyir yang dag yon tan bsngags// sems can thams cad bdag med mtshan nyid ye shes mnyam// thams cad rtogs nas chos

  22. 12a

    dbyings rjes su rig par bgyid/ / chos kun 'dod chags bral ba'i mtshan gyi tshul shes pa// des ni mnyam pa nyid kyis 'dren pa mchod par 'gyur// byang chub sems dpa' sems dpa' chen po nam mkha'i mdzod kyis tshigs su bcad pa 'di dag smras ma thag tu/ nam mkha' la 'dug pa'i khang pa brtsegs pa bkod pa chen po de'ang rnam pa drug tu rab tu g.yos so// bar snang las kyang gang sangs rgyas bcom ldan 'das rnams kyis bskal pa grangs med pa bye ba khrag khrig brgya stong du yang dag par bsgrubs pa/ bla na med pa yang dag par rdzogs pa'i byang chub de ni byang chub sems dpa' sems dpa' chen po nam mkha'i mdzod kyis tshigs su bcad pa'i dbyangs kyis kun brjod do/ / byang chub sems dpa' de dag ni rmi lam na'ang mngon par zhen pas dmigs par lta ba mi 'byung ngo / / gang dag tshigs su bcad pa'i chos kyi tshul 'di thos nas mos pa dang / gang yang thos nas sgrub pa de dag ni/ ji ltar byang chub sems dpa' nam mkha' mdzod da ltar seng ge'i sgra sgrog pa bzhin du de dag kyang seng ge'i sgra sgrog par 'gyur ro zhes de lta bu'i sgra byung ngo / / de nas byang chub sems dpa' nam mkha'i mdzod kyis tshigs su bcad pa 'di dag smras nas// bcom ldan 'das la 'di skad ces gsol to/ / bcom ldan 'das bdag kyang 'dus pa chen po'i le'u chos kyi rnam grangs 'di'i ming thos nas/ mi mjed kyi 'jig rten gyi khams 'dir bcom ldan 'das

  23. 12b

    la blta ba dang / phyag bgyi ba dang / bsnyen bkur bgyi ba dang / chos kyi rnam grangs 'di la'ang chos snang bar bgyi ba gang cung zad bstan pa'i slad du 'dir mchis so// bcom ldan 'das gang skyes bu dam pa/ 'di dag gis chos kyi rnam grangs 'di la rang rang gi chos la the tsom du gyur pa nges par bstan pa/ bcom ldan 'das de bzhin gshegs pa la yongs su zhu ste/ de bzhin gshegs pa nges pa'i blo la rab tu gnas pas de dag gi the tsom thams cad kyang rab tu bsal cing / sangs rgyas kyi chos thams cad snang bar bgyis pa de legs so// bcom ldan 'das gal te de bzhin gshegs pas bdag la skabs phye na/ chos rnam par nges pa la 'jug pa'i bka' mchid cung zad cig bdag zhu'o// de ci'i slad du zhe na/ bcom ldan 'das ni mi chags pa'i ye shes can te/ sems can thams cad kyi dbang po mchog dang / mchog ma lags pa mkhyen pa/ ye shes la mkhas pa/ bcom ldan 'das ni snang ba brnyes pa ste/ mun pa thams cad dang bral ba/ bcom ldan 'das ni don mkhyen pa ste/ tshigs thams cad rab tu dbye ba'i ye shes la mkhas pa/ bcom ldan 'das ni dus mkhyen pa ste/ chod las mi 'da' zhing phyed par lung ston pa/ bcom ldan 'das ni chod mkhyen pa ste/ sems can thams cad la so so ci rigs par chos ston pa/ bcom ldan 'das ni rnam par rol pa ste/ mngon par shes pa dang rdzu 'phrul gyi rkang pa rnam par nges pa'i ye shes la mkhas pa/ bcom ldan 'das ni shin tu rnam par gzigs pa'i blo dang ldan pa ste/ sems

  24. 13a

    can thams cad kyi sems kyi spyod pa phyag mthil du 'jog par kun ston pa/ bcom ldan 'das ni mngon par 'phags pa ste/ spyi gtsug bltar mi mthong ba/ bcom ldan 'das ni zil gyis mnon pa ste/ stong gsum gyi stong chen po'i 'jig rten gyi khams na dpa' bo gcig po// bcom ldan 'das ni rang byung ba ste/ slob dpon med par chos thams cad rang gis mngon par rdzogs par sangs rgyas pa/ bcom ldan 'das ni 'dren pa ste/ 'dren pa med pa dang lam ngan par zhugs pa rnams la yang dag pa'i lam ston pa/ bcom ldan 'das ni sman pa'i rgyal po ste/ thog ma dang tha ma ma mchis pa'i 'dod pa ste/ nyon mongs pa dang / kun tu sgrib pa dang / shin tu sgrib pa dang / kun nas ldang bas bsgribs pa'i 'jig rten gnas pa rnams nad ma mchis pa/ 'chi ba ma mchis pa'i gnas kyi lam la rab tu 'god pa/ bcom ldan 'das ni stobs dang drag shul 'chang ba ste/ gnas dang gnas ma yin pa mkhyen pa la mkhas shing gsum rig pa'i rig pa brnyes pa/ bcom ldan 'das ni mi 'jigs pa chen po brnyes pa ste/ zag pa zad cing mnyam pa nyid mngon par rdzogs par sangs rgyas te/ kun nas nyon mongs pa dang rnam par byang ba mkhyen pa la mkhas pa/ lha dang bcas pa'i 'jig rten gyi mdun du khyu mchog seng ge'i sgra sgrog pa/ bcom ldan 'das ni sangs rgyas kyi chos ma 'dres pa dang ldan pa ste/ dus gsum la thogs pa med pa'i ye shes can/ bcom ldan 'das ni sku dang / gsung dang / thugs

  25. 13b

    yongs su dag pa ste/ 'khrul pa dang ca co mi mnga' ba/ snyoms par 'jug pa thams cad dang / rnam par grol ba'i ye shes gzigs pa/ bcom ldan 'das ni byams pa chen po la gnas pa ste/ zhe/ 'gras pa med pa'i blo dang ldan pa/ sems can thams cad la sems snyoms pa/ nam mkha' dang mtshungs pa'i 'od zer gyis gzigs pa'i spyan dang ldan pa/ bcom ldan 'ad ni thugs rje chen po la gnas pa ste/ legs par byas pa dang / nyes par byas pa dang / bde ba dang sdug bsngal bas mi bskyod pa dang / sems can thams cad mnyam par 'jug pa'i blo dang ldan pa// bcom ldan 'das ni sangs rgyas thams cad dang mnyam pa ste/ mnyam pa'i ye shes gnyis su med pa la zhugs pa/ bcom ldan 'das ni bye brag med pa ste/ nam mkha' lta bur shin tu rnam par dag cing // sems can thams cad la mnyam par sbyor ba/ bcom ldan 'das ni 'dod pa med pa ste/ shes rab kyis ngoms pa/ rnyed pa dang / bkur sti dang / tshigs su bcad pa dang bral ba/ bcom ldan 'das ni thams cad mkhyen cing thams cad gzigs pa/ spyan lnga'i tshul yongs su dag pa'o// bcom ldan 'das de ltar de bzhin gshegs pa yon tan dang / chos dang / ye shes tshad ma mchis pa dang ldan par bdag gis rig nas chos rab tu brjod pa'i sgo yongs su zhu bar 'tshal te/ gus pa dang bcas shing chos la gces smras su bgyi ba dang ldan pa ste/ nga rgyal ma mchis shing sems can thams cad chos la sbyor ba

  26. 14a

    thams cad mkhyen pa'i ye shes mngon par bsgrubs pas chos 'tshal ba'i slad du de bzhin gshegs pa la yongs su zhu'o/ / de skad ces gsol pa dang / bcom ldan 'das kyis/ byang chub sems dpa' sems dpa' chen po nam mkha'i mdzod la 'di skad ces bka' stsal to// legs so legs so// skyes bu dam pa ji ltar khyod gang+gA'i klung gi bye ma snyed kyi sangs rgyas bcom ldan 'das rnams la dris pa rnams lung bstan pa thob pa/ / rigs kyi bu khyod ci dang ci 'dod pa de bzhin gshegs pa la dris shig dang / dris pa de dang de nyid lung bstan pas ngas khyod kyi sems rangs par bya'o/ / de nas byang chub sems dpa' sems dpa' chen po yon tan gyi rgyal po rab tu snang ba zhes bya ba 'khor der 'dus par gyur te/ 'dug pa des byang chub sems dpa' sems dpa' chen po nam mkha'i mdzod la 'di skad ces smras so/ / ci zhig gi phyir rigs kyi bu khyod de bzhin gshegs pa la zhu bar 'dod// de nas byang chub sems dpa' sems dpa' chen po nam mkha'i mdzod kyis/ byang chub sems dpa' sems dpa' chen po yon tan gyi rgyal po rab tu snang ba la tshigs su bcad pas smras pa/ gang rnams sems dang sems la sems yid mtshungs// shin tu bsams sems ye shes mnyam la gnas/ / sems la sems med par ni zhugs pa'i tshul// de dag don du rgyal la bdag zhu'o// snang ba thob cing mun pa dri ma med// yid gnyis can gyi yid gnyis blo gcod pas//

  27. 14b

    nges byas rnam par thar pa lag bzhag pa// de dag ched du bde bar gshegs la zhu// bdag la bdag med shin tu rnam dag yid// sems can don zhugs sems can med la dga'// sems can bdag med// gnyis las thar byed pa// rnam par nges pa'i chos kyi gtam 'dri'o// cho ga spyod pa brtul zhugs yongs su dag/ bsam pa dag cing sems ni nam mkha' 'dra// lhun po lta bur brtan zhing mi g.yog/ de dag ched du yon tan mdzad la zhu// blo zlogs brtan pa brtson 'grus kun nas bzang // dpa' bo bdud kyi dgra yi nga rgyal bcom// nyon mongs rab tu nyon mongs dri sbyong ba// mthong dga' de dag don du 'di zhu'o/ / thos sbyin tshul khrims bzod pa brtson 'grus dga'// bsam gtan rnam thar shes rab mchog tu gyur// mngon shes bsam gtan rnam par grol ba'i 'od// rab dag dri med don du bdag zhu'o// stong pa mtshan ma med cing mi smon gnas// bsams bzhin shi 'pho dang ni skye ba ston// skyes pa med cing mi gnas 'chi 'pho med// de dag don du mi yi spyod pa lu// nyan thos rang rgyal skye bo gzhan dag gis/ rtogs par dka' zhing zab mo mthong dka' ba// skye bo kun gyi yid rnams bskul ba yi// chos kyi gtam ni bde bar gshegs la zhu// legs par byas pa rdzogs pa'i chos la dga'// chos la chos med 'dzin pa gnyis las 'grol/ / rtag tu mnyam bzhag mchog gi chos la dga'// sems kyang nam mkha' mtshungs pa'i don du zhu// gang dag sangs rgyas rigs gnas chos la dga'// rtag tu sangs//

  28. 15a

    rgyas bstod pa kun med blo// grags pa mtha' yas 'jig rten gsum du thos// yon tan rgya mche de phyir 'di zhu'o// de nas bcom ldan 'das la/ byang chub sems dpa'// sems dpa' chen po nam mkha' mdzod kyis 'di skad ces gsol to// bcom ldan 'das ji ltar na byang chub sems dpa' dag sbyin pa nam mkha' dang mtshungs pa rnams lags tshul khrims nam mkha' dang mtshungs pa dang / bzod pa nam mkha' dang mtshungs pa dang / brtson 'grus nam mkha' dang mtshungs pa dang / bsam gtan nam mkha' dang mtshungs pa dang / shes rab nam mkha' dang mtshungs pa dang / bsod nams nam mkha' dang mtshungs pa dang / ye shes nam mkha' dang mtshungs pa rnams lags// sangs rgyas kyis gnang ba'i sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang mi 'bral ba rnams lags/ sangs rgyas kyis gnang ba'i lha rjes su dran pa dang mi 'bral ba rnams lags/ mya ngan las 'das pa dang mnyam pa thob cing byang chub sems dpa' spyod pa'ang spyod de/ sems can thams cad kyis spyod pa'i mtshan nyid dang cho ga shes pa rnams lags/ sangs rgyas bcom ldan 'das rnams kyi chos dkon mchog gi mdzod 'dzin pa dang / mtshan nyid kyi ngo bo nyid kyi chos gang de bzhin gshegs pas mngon par rdzogs par sangs rgyas pa'i mtshan

  29. 15b

    nyid kyi ngo bo nyid de'i chos thams cad yongs su 'dzin pa dang / thog ma nas sems can rnam par dag pas/ sems can thams cad yongs su smin par bgyid pa dang / sangs rgyas kyi chos thams cad yang dag par bsgrub pa'i slad du/ tshul bzhin du'ang rab tu sbyor ba rnams lags/ mngon par shes pa las ma nyams shing chos thams cad la dbang bgyid pa rnams lags/ nyan thos dang rang sangs rgyas thams cad kyis shin tu rtogs par dka' ba'i chos kyi tshul zab mo la zhugs pa rnams lags/ rten cing 'brel par 'byung ba la 'jug pa'i shes pa la mkhas te/ mtha' gnyis su lta ba thams rung dang bral ba rnams lags/ / de bzhin gshegs pa'i phyag rgyas btab pas de bzhin nyid dbyer med pa shes pa la mkhas pa rnams lags/ chos kyi dbyings kyi tshul rab tu zhugs shing chos kyi dbyings thams cad la yang dag par gzhol ba rnams lags/ bsam pa rdo rje ltar sra zhing mi phyed de theg pa chen po 'di la legs par gnas shing mi g.yo ba rnams lags/ sangs rgyas kyi yul rjes su thob cing rang gi yul yongs su dag pa rnams lags/ gzungs thob pa rtag tu mi brjed par spyod pa rnams lags/ spobs pa thogs pa med cing rgyun mi 'chang la rtag tu sangs rgyas kyi byin gyi rlabs kyis byin gyis brlabs pa rnams lags/ skye ba dang / 'chi 'pho ba dang / 'byung ba rnams la dbang thob pa rnams lags/ bdud bzhi'i lam las yang dag par 'das shing / bdud dang phyir rgol ba thams

  30. 16a

    cad bcom pa rnams lags bsod nams kyi tshogs tshad med pa bsags shing sems can thams cad kyi 'tsho bar gyur pa rnams lags/ sangs rgyas rnams ma byung yang / sangs rgyas kyi mdzad pas sems can rnams la nye bar gnas pa rnams lags// rgya mtsho'i phyag rgya'i ting nge 'dzin thob cing / sems can thams cad kyi sems dang spyod pa la mi chags pa rnams lags/ chags pa thams cad las yang dag par 'das pa dang / nam mkha' la rlung mar lta bu'i sems dang ldan pa rnams lags/ cho ga dang spyod pa'i tshul shes pa dang mun pa dang bral zhing snang ba thob pa rnams lags/ gzhan gyi dring la mi 'dzeg cing rang byung gi ye shes shin tu rtogs pa rnams lags/ myur du theg pa chen po la thams cad mkhyen pa'i ye shes 'di thob par 'gyur lags de skad ces gsol pa dang / bcom ldan 'das kyis// byang chub sems dpa' sems dpa' chen po nam mkha'i mdzod la 'di skad ces bka' stsal to// skyes bu dam pa khyod legs so legs so/ / skyes bu chen po khyod de bzhin gshegs pa la don 'di 'dri bar sems pa legs so// 'di lta ste/ khyod ni sems can thams cad kyis gsol ba ma btab pa'i bshes gnyen// sangs rgyas kyi chos thams cad la snang ba thob pa/ byams pa chen po dang snying rje chen po'i go cha bgos pa/ bgrang ba las 'das pa'i sangs rgyas la bsnyen bkur byas pa/ rtag tu chos tshol bas mi ngoms pa

  31. 16b

    ye shes kyi mtshon cha can/ nga rgyal gyi rnam pa thams cad las yang dag par 'das pa/ rtag tu rgyun mi 'chad par sems can gyi don la brtson pa/ 'jig rten gyi chos brgyad las yang dag par 'das pa/ nam mkha' dang mtshungs pa'i sems kyis thams cad mkhyen pa'i ye shes yang dag par sgrub pa ste/ skyes bu dam pa khyod kyi yon tan rnams kyi mtha' rtogs par slab ma yin no// de'i phyir rigs kyi bu khyod legs par rab tu nyon la yid la zung zhig dang / ji ltar byang chub sems dpa' sems dpa' chen po rnams yon tan rnams dang gzhan dag kyang thob par 'gyur ba bshad do// bcom ldan 'das legs so zhes gsol nas/ byang chub sems dpa' nam mkha'i mdzod bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rigs kyi bu chos bzhi dang ldan na/ byang chub sems dpa' sbyin pa nam mkha' dang mtshungs pa yin te/ bzhi gang zhe na/ 'di lta ste/ bdag rnam par dag pas sems can rnam par dag pa la 'jug pa dang / sems can rnam par dag pas sbyin pa rnam par dag pa la 'jug pa dang / sbyin pa rnam par dag pas bsngo ba rnam par dag pa la 'jug pa dang / bsngo ba rnam par dag pas/ byang chub rnam par dag pa la 'jug pa ste/ rigs kyi bu chos bzhi po de dag dang ldan na// byang chub sems dpa' sbyin pa nam mkha' dang mtshungs pa yin no// des rnam par dag pa brgyad kyi sgo nas sbyin pa de sbyin te/ brgyad gang

  32. 17a

    zhe na/ 'di lta ste/ ngar 'dzin pa rnam par dag par sbyin pa de sbyin/ nga yir 'dzin pa rnam par dag par sbyin pa de sbyin/ rgyu rnam par dag par sbyin pa de sbyin// lta ba rnam par dag par sbyin pa de sbyin/ mtshan ma rnam par dag par sbyin pa de sbyin/ tha dad pa rnam par dag par sbyin pa de sbyin/ rnam par smin pa la mi re ba rnam par dag par sbyin pa de sbyin/ nam mkha' dang mtshungs pa'i sems rnam par dag par sbyin pa de sbyin te/ rnam par dag pa brgyad po 'di dag gi sgo nas sbyin pa de sbyin no// ji ltar na nam mkha' mtha' med pa de bzhin du sems mtha' med par byas te/ sbyin pa de sbyin/ ji ltar nam mkha' rgya che zhing bsgribs pa med pa de bzhin du/ byang chub tu bsngos te sbyin pa de sbyin/ ji ltar nam mkha' la gzugs med pa de bzhin du/ gzugs thams cad la mi gnas par sbyin pa de sbyin/ ji ltar nam mkha' la tsher ba med pa de bzhin du tshor ba thams cad dang bral bar sbyin pa de skyon/ ji ltar nam mkha' la 'du shes med pa de bzhin du// 'du shes thams cad kyi 'dud pa med par sbyin pa de sbyin/ ji ska nam mkhara' 'dus ma byas pa de bzhin du/ 'dus byas thams cad med par ston pa'i sbyin/ ji ltar nam mnga' mtshan nyid rnam par rig pa med pa'i bzhin du/ rnam par shes pa mi gnas par sbyin bde sbyin/ ji ltar nam mkhas sangs rgyas kyi zhing thams cad khyab pa de bzhin du/ sems can la byams pas khyab par sbyin pa de sbyin/ ji ltar nam mkha' mi zad pa de bzhin du/ dkon mchog gsum gyi

  33. 17b

    rigs mi zad par bsngo zhing sbyin pa de phyin/ ji ltar nam mkha' la mun pa mad pa de bzhin du/ nyon mongs pa thams cad kyi mun pa med par sbyin pa de sbyin/ ji ltar nam mkhar nag par rab tu snang ba de bzhin du/ sems kyi rang bzhin yongs su dag par sbyin pa de sbyin// ji ltar nam mkha' sems can thams cad kyi go skabs 'byed pa de bzhin du/ sems can thams cad nye bar 'tsho bar sbyin pa de sbyin/ ji ltar nam mkha' la nga'i ba med pa de bzhin du/ sems can thams cad yid la byed pa thams cad dang bral bar sbyin pa de sbyin/ ji ltar sprul pas sprul pa la sbyin pa de sbyin pa lta bur rnam par mi rtog cing // lhun gyis/ 'grub ste/ sems dang / yid dang / rnam par shes pa dang bral zhing chos thams cad la re ba med pa de ltar gnyis dang bral ba'i phyir/ sgyu ma'i mtshan nyid kyi ngo bo nyid rnam par dag par byang chub sems dpas sbyin pade sbyin te/ rigs kyi bu gang de lta bur sbyin pa yongs su gtong ba de ni shes rab kyis ni sems can thams cad kyi nyon mongs pa thams cad yongs su 'dor zhing / thabs kyi ye shes kyis ni sems can thams cad mi gtong ba ste/ rigs kyi bu de lta bur gtang ba'i sems ni/ byang chub sems dpa' sbyin pa nam mkha' dang mtshungs pa yin no// de nas byang chub sems dpa' sems dpa' chen po lag na mar me zhes bya ba 'khor de nyid du 'dus par gyur te 'dug pa des/ bcom ldan 'das la 'di skad ces gsol to// bcom ldan 'das byang chub sems dpa' gang dag gi sbyin pa

  34. 18a

    yongs su gtong ba 'di 'dra ba lags/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po gang de dag rnam pa med pa ste/ rnam pa/ rnam par dag pa sems can gyi rnam pa ste/ sems can rnam par dag pa chos kyi rnam pa ste/ chos rnam par dag pa ye shes kyi rnam pa ste/ ye shes rnam par dag pa shes rab kyi rnam pa ste/ shes rab rnam par dag pa sems kyi rnam pa ste/ sems rnam par dag pa 'jig rten gyi rnam pa ste/ 'jig rten rnam par dag pa/ gzugs med pa gzugs su ston pa dang / mi ston pa'i ye shes rnam par dag pa/ mun pa med cing mun pa rab tu snang bar byed pa/ mtshan ma thams cad rnam par bshig pas mtshan ma med pa'i mthar gyur pa/ mthar phyin pa'i ye shes rnam par dag pa/ mi zad pa'i bzod pa dang ldan pa/ de bzhin gshegs pa'i ye shes kyis mkhyen pa'i lung bstan pa thob/ mtshams bcad cing byang chub sems dpa'i nges par gyur pa la zhugs pa/ phyir mi ldog pa'i phyag rgyas btab cing dbang bskur ba thob pa/ sangs rgyas kyi chos thams cad la yang dag par zhugs shing mnyam pa nyid kyis mnyam par spyod pa/ legs par spyod pa la spyad pa/ sems can thams cad kyi spyod pa'i mtshan nyid dang chog shes pa'i byang chub sems dpa' sems dpa' chen po de dag gi spyod yul te/ skyes bu dam pa de dang de dag ni de lta bu'i sbyin pa sbyin par byed do// bstan pa

  35. 18b

    'di bshad pa na/ byang chub sems dpa' khri drug stong nam mkha' dang mtshungs pa'i sbyin pa la bzod pa skyes so// de nas bcom ldan 'das kyis de'i rje tshigs su bcad pa 'di dag gsungs so/ / dag pa'i sems kyis rtag tu sbyin pa byin// byang chub phyir te rnam smin yang mi 'dod// dga' zhing mgu nas rjes su gdung med de// rab tu grol nas rtag tu sbyin pa byin// mkhas pas chos rnams sgyu 'drar shes nas su/ / lus dang srog la'ang chags par mi 'gyur zhing // de dag la ni nams kyang 'dzin pa med// de ltar de dag bsam pa byang chub nges// thams cad btang yang mi dgar mi 'gyur zhing / / de la zhum pa med de gong ba med// de yis nam mkha' mtshungs par chos rnams bsgoms// de bas dga' bar mi 'gyur zhum pa'ang med// bdag gi rang bzhin snga nas rnam par dag/ byang chub rnam par dag pas sbyin pa sbyin// de ni sems kyi rgyud la mi chags par// spros pa med par sbyin pa rab tu sbyin// sems mnyam nyid kyang mnyam pas kun tu sbyin pa gtong // rab 'bring tha ma gsum yang med par sbyin// bsam pa yongs dag dri ma med pa yis// thams cad gtong yang rnam par smin mi 'dod// lus dang tshe ni mi rtag sgyu ma 'dra// longs spyod rmi lam glog bzhin snying po med/ / 'jig rten kun la snying rje brtse bskyed nas// 'jig rten chos kyis mgos sbyin pa sbyin// nyon mongs dag phyir bdag gi nor kun gtong // rgyal ba'i tshig gi gnas su 'gyur snyam

  36. 19a

    ste/ / bdud rnams kyis kyang bdag la glags mi rnyed// de ltar brtags nas thams cad gtong ba yin// stobs bcus sbyin pa rtsa ba yin zhes gsungs// de la rab tu gnas/ dang tshul khrims ldan// tshul khrims yon tan gnas nas bsam gtan rnyed// bsam gtan ma chags shes rab rdzogs par byed// sbyin pa dang ni dul bas sems rab tshim// nyon mongs rnams kyang tshi gnas phyir mi skye/ / sbyin pa bdag dang gzhan la phan pa gsungs// phan dang bde ba 'dus byas sbyin pas mgu// sbyin gtong nyon mongs spangs shing dge ba'i phyir// des na 'dzin pa la ni chags mi 'gyur/ / pha rol nyon mongs phyir ni mi gtong ste// bdag blo rnam dag byang chub phyir gtong ngo // ji lta ji ltar ma zhum sems kyis gtong // de ltar des ni byang chub yon tan mthong // ji lta ji ltar byang chub yon tan mthong / / de lta de ltar sems can brgya tshim byed/ de nas yang bcom ldan 'das kyis/ byang chub sems dpa' sems dpa' chen po nam mkha' mdzod la bka' stsal pa/ rigs kyi bu chos bzhi dang ldan na/ byang chub sems dpa' sems dpa' chen po tshul khrims nam mkha' dang mtshungs pa yin te/ bzhi gang zhe na/ 'di lta ste/ gzugs brnyan lta bu'i lus mnyam pa nyid de dang / drag cha lta/ bu'i sgra mnyam pa nyid dang / sgyu ma lta bu'i sems mnyam pa nyid dang / nam mkha' lta bu'i blo mnyam pa nyid de/ rigs kyi bu chos bzhi po de dag dang ldan na/ byang chub sems dpa' tshul khrims nam mkha' dang

  37. 19b

    mtshungs pa yin no/ / rigs kyi bu brgyad po 'di dag ni byang chub sems dpa'i sems kyi tshul khrims yongs su dag pa ste/ brgyad gang zhe na/ 'di lta ste/ sems rnam par dag pa'i phyir/ byang chub kyi sems dang mi 'thal ba dang / tshad mar gyur pa rnam par dag pa'i phyir/ nyan thos dang rang sangs rgyas kyi sems med pa dang / dam bcas pa rnam par dag pa'i phyir/ bslab pa thams cad mi 'dor ba dang / skyon lam yongs su dag pa'i phyir/ skye ba thams cad du mi 'jug pa dang / mngon par 'du mi byed pa yongs su dag pa'i phyir mi lhod pa dang / mtshan ma yongs su dag pa'i phyir/ byang chub tu bsngo ba dang // nyon mongs pa yongs su dag pa'i phyir/ kun nas gdung ba med pa dang / byang chub yongs su dag pa'i phyir/ smon lam yongs su rdzogs pa ste/ rigs kyi bu brgyad po de dag ni byang chub sems dpa' rnams kyi tshul khrims yongs su dag pa'o/ / gzhan yang tshul khrims yongs su dag pa ni nam mkha' dag pa ste// tshul khrims de'ang dag pa'o// nam mkha' dri ma med pa ste/ tshul khrims de'ang dri ma med pa'o/ / nam mkha' zhi ba ste/ tshul khrims de'ang zhi nga'o// nam mkha' mi mtho ba ste/ tshul khrims de'ang mi mtho ba'o// nam mkha' mi dma' ba ste// tshul khrims de'ang mi dma' ba'o// nam mkha' gzung du med pa ste/ tshul khrims de'ang gzung du med pa'o// nam mkha' gnas med pa ste/ tshul khrims de'ang gnas med pa'o// nam mkha' med pa med ma yin te/ tshul

  38. 20a

    khrims de'ang med pa ma yin pa'o/ / nam mkha' rtag pa ste/ tshul khrims de'ang rtag pa'o// nam mkha' mi zad pa ste/ tshul khrims de'ang mi zad pa'o// nam mkha' mtshan ma med pa ste/ tshul khrims de'ang mtshan ma med pa'o// nam mkha' rgyu ba med pa ste/ tshul khrims de'ang rgyu ba med pa'o// nam mkha' spros pa med pa ste/ tshul khrims de'ang spros pa med pa'o/ / nam mkha' zag pa med pa ste/ tshul khrims de'ang zag pa med pa'o// nam mkha' 'dus ma byas pa ste/ tshul khrims de'ang 'dus ma byas pa'o// nam mkha' mi 'gyur ba ste/ tshul khrims de'ang mi 'gyur ba'o/ / nam mkha' rnam par mi rtog pa ste/ tshul khrims de'ang rnam par mi rtog pa'o// nam mkha' thams cad du song ba ste/ tshul khrims de'ang thams cad du song ba'o// nam mkha' mchod mi phyed pa ste/ tshul khrims de'ang mchod ma phyed pa'o// nam mkha' mtshungs par sbyor ba ste/ tshul khrims de'ang mtshungs par sbyor ba'o// nam mkha' rang bzhin gyis kun nas nyon mongs pa can ma yin pa ste/ tshul khrims de'ang rang bzhin gyis kun nas nyon mongs pa can ma yin pa'o// rigs kyi bu de ltar gnas pa'i byang chub sems dpa' tshul khrims nam mkha' dang mtshungs pa yin no/ / de nas bcom ldan 'das kyis de'i tshe tshigs su bcad pa 'di skad gsungs so// sems zhi tshul khrims dri med srung zhing gdung ba med// lus

  39. 20b

    dang sems kyang rnam dag ngag yid thams cad bsdams/ / mkhas pa rtag tu nang zhi tshul khrims dregs mi snyems// blo 'chang sems la mi gnas byang chub sems la rton// las gang ma byas ma bsams de bzhin ma brtags te/ de ni dmar sngo ser min kha dog gzugs mi gnas// gzung med mi bden mig yo dben pa nam mkha' bzhin// tshul khrims lta ba gnas med mkhas pa kun gyis bsngags tshul khrims de ni rab zhi zhi byed nyon mongs zhi/ / zhi gnas lhag mthong dag gi mthar phyin mthar ston pa// gang su bcings las grol ba de dag tshul khrims bsnyen// de bas tshul khrims thar byed byang chub rtsa ba'i gzhi/ / gang su sbyangs pa dgon gnas 'dod nyung chog shes pa// yo byad bsnyungs shing bsam gtan dben tshogs sems sbyangs pa// tshul khrims de yi gnas nges sems rkang thar pa'i rten// de phyir tshul khrims brgyan pa lam bde thams cad sgrub/ / g.yo ba rlom sems kun bral lta ba'i nyon mongs gcod// nam mkha' mtshungs mnyam byams pas khyab cing mthar 'dzin sbyong // byang chub phyir nges mi gtong byang chub kun mi rtog/ gang mkhas chog shas de 'dra tshul khrims pha rol phyin// / 'gra pa rnamam bla mdzod kyi mdo bam po gnyis pa/ rigs kyi bu de la ji ltar na byang chub sems dpa' bzod pa nam mkha' dang mtshungs pa yin zhe na/ rigs kyi bu chos bzhi dang ldan na// byang chub sems dpa' bzod pa nam mkha' dang mtshungs pa yin te/ bzhi gang zhe na/ 'di lta ste

  40. 21a

    tshig nam mkha' dang mtshungs pa'i phyir/ gshe yang slar mi gshe ba dang / lus nam mkha' dang mtshungs pa'i phyir brdegs kyang slar mi rdeg pa dang / sems nam mkha' dang mtshungs pa'i phyir/ spos kyang slar mi spro ba dang / bsam pa nam mkha' dang mtshungs pa'i phyir/ khros kyang slar mi khro ba ste/ rigs kyi bu chos bzhi po de dag dang ldan na/ byang chub sems dpa' bzod pa nam mkha' dang mtshungs pa yin no/ / rigs kyi bu byang chub sems dpa' rnams kyi bzod pa nam mkha' dang mtshungs pa yongs su dag pa 'di brgyad de/ brgyad gang zhe na/ 'di lta ste/ nam mkha' la zhe 'gras pa med de/ sems can thams cad la zhe 'gras pa med pa'i bzod pa yongs su dag pa dang / nam mkha' la rjes su chags pa med de/ rnyed pa dang bkur sti la rjes su chags pa med pa'i bzod pa yongs su dag pa dang / nam mkha' ni mnyam par sbyor ba ste/ sems can thams cad la sems mnyam pa'i bzod pa yongs su dag pa dang / nam mkha' ni ma snang ma nyams pa ste/ lus dang sems zad pas nyams pa med pa'i bzod pa yongs su dag pa dang / nam mkha' ni bag la nyal thams cad spangs pa ste/ bag la nyal med pa'i bzod pa yongs su dag pa dang / nam mkha' ni yid dang dmigs pa med pa ste/ yid dang dmigs pa med pa'i bzod pa yongs su dag pa dang / nam mkha' ni ma skyes ma byung ba ste/ ma skyes ma byung ba'i bzod pa can gyi bzod

  41. 21b

    pa yongs su dag pa dang / nam mkha' ni gzugs dang / gzugs med pa thams cad la khyab pa ste/ byams pas khyab pa'i bzod pa yongs su dag pa'o// rigs kyi bu brgyad po de dag ni byang chub sems dpa' rnams kyi bzod pa yongs su dag pa nam mkha' dang mtshungs pa'o/ / rigs kyi bu byang chub sems dpa' rnams kyi chos la nges par rtog pa'i bzod pa ni 'di brgyad de/ brgyad gang zhe na/ 'di lta ste/ stong pa nyid la bzod kyang lta ba gzhig pa'i phyir ma yin pa dang / mtshan ma med pa la bzod kyang mtshan ma sel ba ma yin pa dang / smon pa med pa la bzod kyang / byang chub tu smon pa med pa med pa ma yin pa dang / mngon par 'du mi byed pa la bzod kyang / 'dus byas rnam par gzhig pa'i phyir ma yin pa dang / skye ba med pa la bzod kyang / 'dus ma byas kyi mtshan nyid kyis ma yin pa dang / 'byung ba med pa la bzod kyang / skye ba dang gnas pas ma yin pa dang / sems can med pa la bzod kyang / dngos po rnam par gzhig pa'i phyir ma yin pa dang / ji lta ba bzhin du bzod kyang dus rnam par gzhig pa'i phyir ma yin pa ste/ rigs kyi bu brgyad po de dag ni byang chub sems dpa' rnams kyi chos la nges par rtog pa'i bzod pa'o// bzod pa zhes bya ba ni 'di dag/ bdag la ka she'ang bzod do snyam pa de ni nga yir 'dzin pa'i bzod pa ste/ 'don nam mkha' dang mtshungs pa'i bzod pa ma yin no// 'di dag gsheb padag gis bzod par bya'o snyam pa de ni 'dzin pa'i

  42. 22a

    bzod pa ste/ de ni nam mkha' dang mtshungs pa'i bzod pa ma yin no// 'di dag ni yi ge snor ba'o snyam pa de ni sgra dang skad kyi bzod pa ste/ de ni nam mkha' dang mtshungs pa'i bzod pa ma yin no/ / 'di'ang stong pa bdag kyang stong pa'o snyam pa de ni yid la byed pa sbyor ba'i bzod pa ste/ de ni nam mkha' dang mtshungs pa'i bzod pa ma yin no// bdag gis bzod pa bya'o snyam pa de ni rnam par rig pa'i bzod pa ste/ de ni nam mkha' dang mtshungs pa'i bzod pa ma yin no// 'di lta ste/ dper na shing sA la chen po rig la yod par la la zhig 'ongs te/ shing sA la bcad na/ de la shing sA la bcad pa'i lhag ma rnams 'di snyam du 'di dag ni bcad do// bdag ni ma bcad do snyam du mi sems te/ de dag la rjes su chags pa'ang med/ khong khro ba'ang med de/ mi rtog/ rnam par mi rtog/ yongs su mi rtog pa de bzhin du/ gang bzod pa ni byang chub sems dpa'i bzod pa nam mkha' dang mtshungs pa yongs su dag pa'i mchog go/ de nas bcom ldan 'das kyis de'i tshe tshogs su bcad pa 'di dag gsungs so// zad pa shes pa bzod pa mi zad gtsang // yid ni yul la ma chags shin tu bsgoms// phyi nang shin tu rnam dag mi gnas pa/ / nam mkha' mtshungs mnyam sems mchog bzod pa'o// lus 'di gzugs brnyan rtsi shing rtsig pa 'dra// sems kyang gzugs med mi snang sgyu ma 'dra// chos 'di lta ba'i gar+tha

  43. 22b

    med nam mkha' bzhin/ / lus kyang mi 'gyur yid la khro ba med// bkur sti byed la dka' dang zhe sdang med// mtho dang dma' bar rnam par rtog pa med// theg pa gang 'dra sa ltar sbyor ba de/ sems can dag pa bstan 'dir bzod smras yin// srog med gang zag bdag med sems can med// chos 'di thams cad stong par gang bzod cing // rgyu dang rkyen dang byed dang 'gal mi byed// de ni bstan 'dir bzod mchog yang dag nyid// kha ngan zer ba'i tshig thos mi gshe zhing // byed pa med pa nam mkha'i sprin sgra bzhin// bdag rnams bsal yid stong pa'i mchog mthong de// bstan 'dir sems can gtsang ma bzod smra yin/ / rigs kyi bu de la ji ltar na byang chub sems dpa' brtson 'grus nam mkha' dang mtshungs pa yin zhe na/ rigs kyi bu chos bzhi dang ldan na/ byang chub sems dpa' sems dpa' chen po brtson 'grus nam mkha' dang mtshungs pa yin te/ bzhi gang zhe na/ 'di lta ste/ dge ba'i rtsa ba thams cad la rtsom yang chos thams cad yongs su ma grub par rab tu shes pa dang / sangs rgyas thams cad la mchod pa dang / rim gro bya ba mngon par 'du byed kyang / de bzhin gshegs pa rnams chos kyi sku mnyam par yang dag par rjes su mthong ba dang / sems can yongs su smin par byed kyang / sems can rnam par dag pas sems can mi dmigs pa dang / sangs rgyas thams cad kyi dam pa'i chos yongs su 'dzin kyang / 'dod chags dang bral bar bya

  44. 23a

    pa'i chos yang dag par rjes su mi mthong ba ste/ rigs kyi bu chos bzhi po de dag dang ldan na/ byang chub sems dpa' sems dpa' chen po brtson 'grus nam mkha' dang mtshungs pa yin no/ / rigs kyi bu byang chub sems dpa' rnams kyi brtson 'grus yongs su dag pa 'di brgyad de/ brgyad gang zhe na/ brtson 'grus gang gis lus brgyan pa'i lus de gzugs brnyan lta bur rig pas mi dmigs pa dang / brtson 'grus gang gis tshig mngon par 'du byed pa'i tshig de ya ma brlar rnam par brtags te mi dmigs pa dang / brtson 'grus gang gis sems ting nge 'dzin gyi gnas su 'jog pa'i sems de sems kyi chos nyid kyis rnam par brtags te mi dmigs pa dang / brtson 'grus gang gis pha rol tu phyin pa'i phyogs thams cad rab tu sdud par byed kyang / de gcig nas gcig tu sems zad pa'i chos nyid kyis shin tu brtags te mi dmigs pa dang / brtson 'grus gang gis byang chub kyi phyogs kyi chos thams cad yang dag par sgrub kyang byang chub de dngos po'i mtshan nyid du rnam par brtags te yang dag par rjes su mi mthong ba dang / brtson 'grus gang gis sangs rgyas kyi zhing yongs su sbyong bar byed pa'i zhing de'ang nam mkha' dang tshungs pas rnam par brtags te mi dmigs pa dang // brtson 'grus gang gis thos pa thams cad 'dzin par byed pa de sgra brag cha dang mtshungs par yang dag par rjes su mi mthong ba dang / brtson 'grus gang gis sangs rgyas kyi chos thams cad rab tu sgrub pa

  45. 23b

    de'ang chos kyi dbyings dbyer med pa'i mtshan nyid du rnam par brtags nas mi dmigs pa ste/ rigs kyi bu brgyad po de dag ni byang chub sems dpa' rnams kyi brtson 'grus yongs su dag pa'o// rigs kyi bu 'di gnyis ni byang chub sems dpa' rnams kyi brtson 'grus te/ gnyis gang zhe na/ 'di lta ste/ sbyor ba'i brtson 'grus dang / yongs su chad pa'i brtson 'grus so// de la sbyor ba'i brtson 'grus/ ni/ lus dang / ngag dang / sems dang rab tu ldan pa'o// yongs su chad pa'i brtson 'grus ni ldan pa med pa/ 'dor ba med pa/ gnas pa med pa ste/ nam byang chub sems dpa' lus dang ngag dang / sems sbyor ba'i brtson 'grus rtsa ba nas mi gnas par shin tu brtags nas/ mi dmigs shing yongs su chad pa'i brtson 'grus ni chos kyi dbyings kyi rjes su 'jug pas rjes su 'gro ba ste/ de ltar na byang chub sems dpa'i brtson 'grus nam mkha' dang mtshungs pa yin no// ji ltar nam mkha' gzugs med cing sems can thams cad rab tu rgyu ba de bzhin du/ byang chub sems dpa' rnams kyi brtson 'grus de'ang chos thams cad la mi gnas shing sems can thams cad yongs su smin par byed do/ / ji ltar nam mkhas gzugs thams cad la go skabs 'byed cing bla gab med pa de bzhin du/ byang chub sems dpa' rnams kyi brtson 'grus de'ang sems can thams cad la go skabs 'byed cing lta ba thams cad dang bral ba'o// ji ltar nam mkha' las rtswa dang /

  46. 24a

    nags tshal dang / lo tog skye'ang rtsa ba med cing gnas med pa de bzhin du/ byang chub sems dpa' rnams kyi brtson 'grus de'ang sangs rgyas kyi chos thams cad skyed kyang 'jig tshogs la lta ba'i rtsa ba la gnas pa med do/ / ji ltar nam mkha' thams cad du song yang 'pho ba'i mtshan nyid ma yin pa de bzhin du/ byang chub sems dpa'i brtson 'grus de'ang dge ba'i chos thams cad kyi rjes su song yang 'pho ba'i mtshan nyid ma yin no/ / ji ltar nam mkha' mtshungs par sbyor zhing / gzugs tha dad par ston pa de bzhin du/ byang chub sems dpa' rnams kyi brtson 'grus de'ang sems can thams cad la chos thams cad mtshungs par sbyor zhing spyod pa sna tshogs kun tu ston to/ / nam byang chub sems dpa' gang kun tu sgrub par byed pa de mnyam pa nyid pas yang dag par rjes su mi mthong zhing gang la rtsom pa de'ang rnam par brtags na mi dmigs te/ de ltar na byang chub sems dpa'i brtson 'grus nam mkha' dang mtshungs pa yin no// de nas bcom ldan 'das kyis de'i tshe tshogs su bcad pa 'di dag gsungs so/ / brtson 'grus dag gi stobs kyis mthu bskyed nas// lus dang srog la'ang 'phangs par mi byed cing // bdag nyid chen po byang chub spyad papa spyod/ / sems can phan pa'i don byed pan sems pa// sngon gyi srid par 'dus byas ji srid pa// byang chub yon tan phyir ni de srid 'khor// de dag skyo bar 'gyur ba'ang yong med de// phyi phyir

  47. 24b

    brtson 'grus dag ni rab tu skyed/ / sems can bsam mi khyab pa 'grol bar brtson// sangs rgyas bsam mi khyab pa mchod par brtson// zhing rnams bsam gyis mi khyab blta bar brtson/ bsam gyis mi khyab bdud rnams gdul bar brtson// sbyin pa bsam gyis mi khyab gtong bar brtson// tshul khrims bsam gyis mi khyab bsgoms par brtson// bzod pa bsam gyis mi khyab bsgom par brtson/ / brtson 'grus bsam gyis mi khyab dge bar brtson// bsam gtan bsam gyis mi khyab sems par brtson// shes rab bsam gyis mi khyab bsgom par brtson// byams pa bsam gyis mi khyab bsgom par brtson/ / don dang yon tan sgrub par rab tu brtson// srog dang lus kyang mi 'phangs brtson par byed// nyon mongs thab kun las rnam par grol// stong pa rnam thar bdag med mngon par brtson/ / bdag la bdag med che ba'i bdag nyid brtson// lta bas rnam grol byang chub phyir yang spyod// sgyu ma smig rgyu'i ngo bo nyid du brtson// sems med sems kyang sems ma yin pa thob// g.yo ba med pa'i chos rnams ston par brtson/ / 'gro ba kun tu spyod cing rnam par grol// bshad cing klog pa la ni rab tu brtson// chos dang chos min gnyis las shin tu 'das// sgra dang yi ge'i ngo bo nyid la brtson// 'gro ba rnams la mdo sde stong rnams smra// sangs rgyas yon tan rnams ni mtha' yang med// sems can spyod pa rnams la'ang mtha' med de// mkhas pa de la rtag tu brtson 'grus sbyor// sems can

  48. 25a

    spyod mtha' med la rab tu 'jug/ chos 'di rnams ni skye med 'gog med de// mkhas pa de dag sems kyang mi zhum zhing // phyi phyir brtson 'grus rlabs chen rab bskyed de// 'di/ 'dra'i chos la sems can bsgom du btsud// rigs kyi bu de la ji ltar na byang chub sems dpa' bsam gtan nam mkha' dang mtshungs pa yin zhe na/ rigs kyi bu chos bzhi dang ldan na/ byang chub sems dpa' bsam gtan nam mkha' dang mtshungs pa yin te/ bzhi gang zhe na/ 'di lta ste/ sems nang du yang dag 'jog la/ nang du sems gnas par yang yang dag par rjes su mi mthong ba dang / sems phyi rol nas kyang bzlog la/ phyi rol tu sems rgyu ba mi dmigs pa dang / bdag gi sems mnyam pa nyid kyis sems can thams cad kyi sems kyang mnyam pa nyid du snyoms par 'jug pa dang / sems mnyam pa nyid de'ang sems sgyu ma'i chos su mnyam pa nyid du snyoms par 'jug pa ste/ rigs kyi bu chos bzhi po de dag dang ldan na/ byang chub sems dpa' bsam gtan nam mkha' dang mtshungs pa yin no/ / rigs kyi bu byang chub sems dpa' rnams kyi bsam gtan yongs su dag pa ni 'di brgyad de/ brgyad gang zhe na/ 'di lta ste/ bsam gtan byed kyang phung po la gnas te bsam gtan mi byed pa dang / bsam gtan byed kyang khams la gnas te/ bsam gtan mi byed pa dang / bsam gtan byed kyang mched la gnas te/ bsam gtan mi byed pa dang / bsam

  49. 25b

    gtan byed kyang 'jig rten 'di la gnas te/ bsam gtan mi byed pa dang / bsam gtan byed kyang 'jig rten pha rol la gnas te/ bsam gtan mi byed pa dang / bsam gtan byed kyang 'dod pa'i khams la gnas te/ bas gtan mi byed pa dang / bsam gtan byed kyang gzugs kyi khams la gnas te/ bsam gtan mi byed pa dang / bsam gtan byed kyang gzugs med pa'i khams la gnas te/ bsam gtan mi byed pa ste/ rigs kyi bu brgyad po de dag ni byang chub sems dpa' rnams kyi bsam gtan yongs su dag pa'o// gzhan yang nges par rtog pa'i sems ni bsam gtan yongs su dag pa ste/ de la nges par rtog pa'i sems nyid gang zhe na/ gang chos rnams la mi mtho mi dma' ba/ mi stod mi smod pa/ 'gyur ba med pa/ rnam par mi rtog pa/ sogs pa med pa/ 'bri ba med pa/ 'dzin pa med pa/ gtong ba med pa/ mun pa med pa/ snang ba med pa/ rtog pa med pa dang / rnam par rtog pa med pa/ 'du shes med pa/ yid la byed pa med pa/ gcig pa 'ang ma yin/ gnyis pa'ang ma yin/ gnyis pa yin pa'ang ma yin pa/ g.yo ba med pa/ rlom sems med pa/ spros pa med pa/ sogs pa med pa/ phri ba med pa/ sgom pa med pa/ 'jig pa med pa ste/ gang mtshan ma dang / dmigs pa thams cad la mi gnas pa'o// gang sems mi gnas pa de ni sems nges par rtog pa'o// sems nges par rtogs pa ni gzugs rnam

  50. 26a

    la mi rgyu ga ste/ mig dang / gzugs dang / rnam par shes pa rig cing rang gi mtshan nyid rnam par dag par bsam gtan byed do// sems nges par rtog pa ni sgra rnams la mi rgyug ste/ rna ba dang / sgra dang / rnam par shes pa rig cing rang gi mtshan nyid rnam par dag par bsam gtan byed do// sems nges par rtog pa ni dri rnams la mi rgyug ste/ sna dang / dri dang // rnam par shes pa rig cing rang gi mtshan nyid rnam par dag par bsam gtan byed do// sems nges par rtog pa ni ro rnam la mi rgyug ste/ lce dang / ro dang / rnam par shes pa rig cing rang gi mtshan nyid rnam par dag par bsam gtan byed do/ / sems nges par rtog pa ni reg pa rnams la mi rgyug ste/ lus dang / reg pa dang / rnam par shes pa rig cing rang gi mtshan nyid rnam par dag par bsam gtan byed do/ / sems nges par rtog pa ni chos rnams la mi rgyug ste/ yid dang / chos dang / rnam par shes pa rig cing / rang gi mtshan nyid rnam par dag par bsam gtan byed do// rigs kyi bu 'di lta ste/ dper na bskal pas bsreg pa na nam mkha' mi 'tshig cing / chus 'jig pa na nam mkha' gsher bar mi 'gyur ba de bzhin du/ byang chub sems pa'i bsam gtan nam mkha' mtshungs pa'ang nyon mongs pa thams cad kyis mi 'tshig cing / bsam gtan dang / rnam par thar pa dang / ting nge 'dzin dang / snyoms par 'jug pa thams cad la'ang ma chags pa yin no// mnyam par

  51. 26b

    bzhag pa'ang yin la/ sems rnam par g.yengs pa'i sems can rnams kyang shin tu 'god do// mnyam par bzhag kyang dga' ba med la/ langs nas kyang khong khro ba med pa yin no// 'phags/ pa'i skye bo rnams la zhi ba nye bar ston kyang 'phags pa ma yin pa'i skye bo rnams yongs su smin par bya ba'i phyir/ brtson 'grus rab tu 'bar bar yang byed do// mnyam par gzhag cing mnyam pa'ang yin/ la/ mi mnyam par spyod pa rnams la tha dad par ston pa'ang rab tu ston to// mnyam pa nyid kyis mi mnyam pa'ang mi mthong la/ mi mnyam pas mnyam pa nyid dang 'gal bar yang mi byed do// de ni mi 'gal zhing 'gal ba med pa nam mkha' dang mtshungs pa'i sems kyi bsam gtan pa zhes bya'o/ / shes rab che ba'i bsam gtan pa zhes bya'o// rnam par shes pa rab tu mi gnas pa'i bsam gtan pa zhes bya'o/ / gang gis bsam gtan de ltar mngon par rtogs pa'i byang chub sems dpa' de bsam gtan nam mkha' dang mtshungs pa ste/ mi gnas pa'i bsam gtan yin no// de nas bcom ldan 'das kyis de'i tshe tshigs su bcad pa 'di dag gsungs so/ / bsam gtan rnams kyi dbang po yongs su dag/ dran pa rtse gcig yid ni mnyam par gzhag gnas rnams thams cad la yang mi gnas shing / / 'gro ba kun la mnyam nyid snyoms par bzhag/ nang dang phyi rol dag na gnas pa yi// phung po skye mched khams la mi gnas shing // nye bar zhi ba dben pa spyod yul te// mkhas pa de

  52. 27a

    ngag rtag tu mnyam par gzhag/ mnyam pa nyid kyis rtag tu mnyam bzhag pa/ chos kyi dbyings dang mnyam zhing mtshungs pa'i yod// shin tu dben pa'i sems kyang ston byed cing mkhas pa bsam gtan kun la'ang mi chags so/ / 'gro ba rnams kyang yongs su smin bya'i phyir// 'chi 'pho skye ba 'chi ba nyer ston kyang // ting nge 'dzin las de dag mi nyams te// de ni sems rtogs dbang gis de 'dra'o/ / gzugs med ting nge 'dzin kyang spyod yul la// sems can rnams ni yongs su smin bya'i phyir// 'dod pa'i khams su'ang rab tu snang byed do// de dag bdag dang sems can mi gan+da so/ / nam mkha' dang ni mtshungs pa'i spyod yul te// sgyu ma dang yang mtshungs shing smig rgyu 'dra// rmi lam chu zla sprin gyi mtshan nyid du// chos rnams shes nas rtag tu mnyam par bzhag/ 'gro ba kun gyi shes pa'i spyod yul du/ / 'gro ba rnams la sems dang blo 'jug cing // sems rgyud la ni bsgribs pa med pa ste// rang gi sems kyi rgyud kyang rab tu shes// bsam gtan rdzu 'phrul mngon shes mkhas pa yis/ / zhing rnams mang po bye bar de 'gro zhing // mi shes nyon mongs thams cad spangs pa yi// rgyal ba bsam mi khyab la mchod par byed// dbang po rnams ni dul zhing zhi ba'i yid// zhi gnas pha rol phyin cing mi rtog pa/ / de ni 'gro ba rnams la zhi ba'i yid// rtag tu ye shes stobs la mnyam par bzhag/ mnyam pa nyid dang mnyam pa'ang yong med la// mnyam pa nyid ces bya ba mtshan med de// mnyam

  53. 27b

    nyid de la gang dag rab gnas pa/ / de dag rtag tu mnyam par gzhag pa yin// rigs kyi bu ji ltar na byang chub sems dpa' shes rab nam mkha' dang mtshungs pa yin zhe na/ rigs kyi bu chos bzhi dang ldan na/ byang chub sems dpa' sems dpa' chen po shes rab nam mkha' dang mtshungs pa yin te/ bzhi gang zhe na/ 'di lta ste/ nam mkha' rnam par dag pas sems can thams cad rnam par dag bapar 'jug pa dang / ye shes rnam par dag pas/ rnam par shes pa thams cad rnam par dag par 'jug pa dang / chos kyi dbyings rnam par dag pas bdag dang / sems can dang / srog dang / gang zag rnam par dag par 'jug pa dang / don rnam par dag pas/ yi ge thams cad rnam par dag par rab tu rtogs pa ste/ rigs kyi bu chos bzhi po de dag dang ldan na/ byang chu sems dpa' shes rab nam mkha' dang mtshungs pa yin no/ / rigs kyi bu byang chub sems dpa' rnams kyi shes rab yongs su dag pa ni 'di brgyad de/ brgyad gang zhe na/ 'di lta ste/ dge ba'i chos thams cad yang dag par sgrub kyang rtag par lta bar mi sbyor ba dang / mi dge ba'i chos thams cad spong bar brtson 'grus rtsom yang chad par lta bar mi ltung ba dang / rten cing 'brel par 'byung ba la 'jug kyang mi skye ba'i bzod pa dang 'gal bar mi byed pa dang / so so yang dag par rig pa bzhi shes par snang yang / nges pa'i tshig gi spobs pa la mi chags pa dang / chos kyi sdom bzhi'ang ston la mi rtag pa dang / sdug bsngal ba dang /

  54. 28a

    bdag med pa dang / zhi ba nyid du dngos po yang dag par rjes su mi mthong ba dang / las dang bya ba la 'jug pa rab tu ston kyang las med cing rnam par smin pa med pa las kyang mi g.yo ba dang / spros pa med pa'i chos shes pa la gnas pa yin yang / chos thams cad kyi tshig rab tu dbye ba nges par bstan pa rab tu ston pa dang / chos thams cad kyi snang ba rab tu rnyed pa yin yang / kun nas nyon mongs pa dang / rnam par byang ba'ang sems can rnams la rab tu ston pa ste/ rigs kyi bu brgyad po de dag ni byang chub sems dpa' rnams kyi shes rab yongs su dag pa'o// yang shes rab ces bya ba 'di ni rnam par rtog pa kun nas 'bar ba med pa'i phyir/ nye bar zhi ba'i tshig go// rang gi mtshan nyid kyis rnam par dag pa'i phyir 'di ni mi 'gyur ba'i tshig go// gnas med pa'i phyir 'di ni rnam par mi rtog pa'i tshig go/ / yang dag pa 'di ji lta ba'i phyir 'di ni ji lta ba bzhin gyi tshig go/ 'gyur ba ma yin pa'i phyir 'di ni bden pa'i tshig go// ma rung bar mi 'gyur ba'i phyir 'di ni yang dag pa'i tshig go// bcings pa yang dag par gcod pa'i phyir 'di ni yid rno ba'i tshig go/ / 'phags pa'i yon tan gyi phyir 'di ni ngoms pa'i tshig go// shin tu brtags pa'i phyir 'di ni nges par 'byed pa'i tshig go// brjod du med pa'i phyir 'di ni don gyi tshig go/ / khyad par med pa'i phyir 'di ni mtshungs pa ches po// mi shigs pa'i phyir 'dzin snying po'i tshig go// mi gnas pa'i phyir 'di ni ma g.yos pa'i tshig go// rab tu 'bigs pa'i phyir 'di na rdo rje

  55. 28b

    tshig go/ / byed pa byas pa'i phyir 'di ni sgrol pa'i tshig go// rang bzhin gyis kun nas nyon mongs pa med pa'i phyir 'di ni rnam par dag pa'i tshig go// snang ba mi dmigs pa'i phyir/ 'di ni mun pa med pa'i tshig go sgro btags pa med pa'i phyir 'di ni gnyis su med pa'i tshig go/ / shin tu zab cing byang ba'i phyir 'do ni zad pa'i tshig go// 'dus ma byas pa'i phyir 'di ni mo zad pa'i tshig go// sbyar ba med pa'i phyir 'dus ma byas kyi tshig go/ / shin tu rnam par dag pa'i phyir/ 'di ni nam mkha'i tshig go// bsgribs med pa'i phyir 'di ni nam mkha'i tshig go// gnas pa'i gnas kyi phyir 'di ni kun nas gsal byed kyi tshig go// ngo bo nyid med pa'i phyir 'di ni mi dmigs pa'i tshig go/ / rnam par shes pa dang ye shes gnyis su med pa'i phyir 'di ni ye shes kyi tshig go// gnyen po med pa'i phyir 'di ni mi brdzi ba'i tshig go// mngon par ma grub pa'i phyir 'di ni lus med pa'i tshig go/ / kun tu rtog pa'i sdug bsngal gyi phyir/ 'di ni yongs su shes pa'i tshig go// sred pa'i bag la nyal yang dag par bcom pa'i phyir/ 'di ni kun 'byung spangs pa'i tshig go/ rab tu ma byung ba'i phyir/ 'di ni 'gog pa'i tshig go// gnyis su med pa'i lam la rab tu 'jug pa'i phyir/ 'di ni sgom pa'i tshig go// rdzogs pa'i sangs rgyas pas rab tu phye ba'i tshig go// rdzogs pa'i sangs rgyas pas rab tu phye ba'i phyir/ 'di ni sangs rgyas kyi tshig go// rab tu 'dod chags dang bral ba'i phyir/ 'di ni chos kyi tshig ste/ gang de lta bu'i chog la 'jug pa'i ye shes snang ba gzhan gyi

  56. 29a

    dring la mi 'jog pa 'di ni shes rab ces bya'o/ / gang nges par bstan pa thams cad nam mkha' dang mtshungs par bstan pa'i rjes su 'gro ste/ rjes su 'gro bas chos chung ngu la'ang mi rtog rnam par mi rtog pa 'di ni/ byang chub sems dpa'i shes rab kyi pha rol tu phyin pa nam mkha' dang mtshungs pa'o// de nas bcom ldan 'das kyis de'i tshe tshigs su bcad pa 'di dag gsungs so// shes rab lta dang mun pa nyon mongs gcod// rtag tu bag chags nyon mongs rab bsal cing // rgyu dang rkyen dang byed pa nges par ston// mtha' rnams thams cad yongs su gcod par byed// bdag dang sems can la yang mi gnas shing / / gang zag srog la'ang rtag tu gnas pa med// dngos dang dngos med gnyis las thar byed de// shes rab pha rol 'gro bar rab tu bstan// shes rab bdud las rgyal te nyon mongs med/ / shes rab chu bo las bsgral rab tu sgrol// shes rab ye shes byed cing rnam par sbyong // shes rab thar pa bde ba'i mchog kyang ston// shes rab kyis ni sgrib pa'i rtsa ba sbyong // phung po khams ni yongs su shes pa'i mtshan/ / mtshan dang mtshan gzhi mtshungs mtshan grol byed pa// shes rab thob pa srid pa gsum na mdzes// yongs su dag spyod shes rab ces bya ste// 'jig rten thams cad kyis ni mi gos spyod/ / spyad pa spyod pa rab tu rtogs par spyod// shes rab dag pa'i mi ni rnam par mdzes// mig lnga dag ni yongs su dag byed cing // dbang po lnga ni rab tu snang bar byed// 'gro ba lnga/

  57. 29b

    rnams rab tu gcod par byed// phung po lnga ni zad phyir chos ston to// pha rol tshu rol rtag tu mi gnas shing // chos kyi dbyings gnas gnas la shin tu gnas// bar snang dang ni mtshungs mnyam 'dra ba ste/ / sangs rgyas ye shes rjes su 'thun zhing 'phags// rnyed dang ma rnyed gnyis ka'i mtha' las grol// dbus la rtog pa kun rtog mi rtog pa// gang na 'phags pa thams cad song ba yi// 'chi ba med pa'i lam du 'jug pa ston/ / sdug bsngal shes shing de bzhin sred pa spangs// lam rnams ston cing 'gog pa'ang rab tu 'chad// bden pa shes pas shes rab 'di 'jug ste// des ni sngon gyi mtha yang rab tu bcad/ / zhing rnams thams cad zhing mtshungs zhing ma yin// chos rnams thams cad chos mtshungs rab tu dben// sems can thams cad bdag med sems can mtshungs// shes rab blo spyod pas ni 'di shes so/ / rigs kyi bu de la byang chub sems dpa' rnams kyi bsod nams nam mkha' dang mtshungs pa gang zhe na/ rigs kyi bu sangs rgyas kyi chos ni nam mkha' dang mtshungs te/ de dag ni byang chub kyi sems kyi sa bon de'ang nam mkha' dang mtshungs so/ / rigs kyi bu byang chub sems dpa' bsod nams ji snyed mngon par 'du byed pa de rang byang chub kyi sems dang mi 'bral te/ dge ba'i rtsa ba bsags pa de dag kyang thams cad mkhyen pa nyid du sngo bar byed cing / de dag thams cad kyang nam mkha' dang mtshungs par tshad med par rab tu gnas so// de la byang chub sems dpas 'di ltar nam mkha' tshad med pa'i

  58. 30a

    phyir/ bdag gis bsod nams tshad med pa mngon par 'du bya'o snyam du sems bskyed par bya'o// de ci'i phyir zhe na/ tshad med par brtsams pas tshad med pa'i don 'phel ba yin te/ de la byang chub sems dpa' bsod nams kyi tshogs tshad med pa la brtson par bya'o// rigs kyi bu tshad med pa bcu po 'di dag ni/ gang byang chub sems dpas bsod nams kyi tshogs kyis yongs su rdzogs par bya ba ste/ bcu gang zhe na/ 'di lta ste/ mtshan dang dpe byad bzang po yongs su rdzogs pas/ lus kyi rgyan tshad med pa yongs su rdzogs par bya ba dang / sems can thams cad kyi rjes su song ba'i dbyangs kyi dkyil 'khor rnam par dag pas/ ngag gi rgyan tshad med pa yongs su rdzogs par bya ba dang / sems can thams cad kyi sems kyi rjes su 'jug pas/ sems kyi rgyan tshad med pa yongs su rdzogs par bya ba dang / spyod pa dang / ye shes dang / spyod lam tshad med pas sems can yongs su smin par bya ba tshad med pa yongs su rdzogs par bya ba dang / rnam pa tshad med pa rnams kyi sangs rgyas kyi zhing yongs su dag pa tshad med yongs su rdzogs par bya ba dang / bsod nams dang sems nges par rtog pa dang / spyod pa tshad med pas/ sangs rgyas kyi spyod lam tshad med pa yongs su rdzogs par khya ba dang / rgyan bkod pa thams cad dang / spyod pa thams cad kyis byang chub kyi snying po'i rgyan tshad med pa yongs su rdzogs par bya ba dang / gtan pa med pa'i mchod sbyin yongs su rdzogs pas/ mdzod

  59. 30b

    spu yongs su byang ba tshad med pa yongs su rdzogs par bya ba dang / bla ma la rim gro byed cing 'dud pa tshad med pa dang / nga rgyal bcom pa tshad med pas/ dbu'i gtsug tor spyi gtsug bltar mi mthong ba tshad// med pa yongs su rdzogs par bya ba dang / sgyu dang g.yo med par 'ong ba dang / 'gro ba dang 'thun par 'dzin pas don yod par rnam par gnon pa tshad med pa yongs su rdzogs par bya ba ste/ rigs kyi bu tshad med pa bcu po de dag ni byang chub sems dpas bsod nams kyi tshogs kyis yongs su rdzogs par bya'o/ / gzhan yang rigs kyi bu nam byang chub sems dpa' sems nam mkha' dang mtshungs par gyur pa de na/ nam mkha' tshad med pas/ de'i rtsom pa thams cad kyang tshad med pas kun tu gnas te/ de bas na bsod nams nam mkha' dang mtshungs zhes bya'o// rigs kyi bu de la ji ltar na byang chub sems dpa' ye shes nam mkha' dang mtshungs pa yin zhe na/ gang sems can thams cad kyi sems la ye shes des khyab par byed cing / sems can thams cad kyi sems 'dod chags dang bcas pa'i sems kyang 'dod chags dang bcas pa'i sems su yang dag pa ji lta ba bzhin du rab tu shes so/ / zhe sdang dang bcas pa'i sems kyang zhe sdang dang bcas pa'i sems su yang dag pa ji lta ba bzhin du rab tu shes so/ / gti mug dang bcas pa'i sems kyang gti mug dang bcas pa'i sems su yang dag pa ji lta ba bzhin du rab tu shes so// nye ba'i nyon mongs pa dang bcas pa'i sems kyang des nye ba'i nyon

  60. 31a

    mongs pa dang bcas pa'i sems su yang dag pa ji lta ba bzhin du rab tu shes so/ / des bdag 'dod chags med pa'i chos kyi rang bzhin las ma g.yos par sems can gzhan rnams dang gang zag gzhan dag la 'dod chags 'dul ba'i phyir chos 'chad do/ / de bdag nyid zhe sdang med pa'i chos kyi rang bzhin las ma g.yos par sems can gzhan rnams dang / gang zag gzhan dag la zhe sdang 'dul ba'i phyir chos 'chad do/ / de bdag nyid gti mug med pa'i chos kyi rang bzhin las ma g.yos par sems can gzhan rnams dang / gang zag gzhan dag la gti mug 'dul ba'i phyir chos 'chad do// des bdag nyid nye ba'i nyon mongs pa med pa'i chos kyi rang bzhin las ma g.yos par sems can gzhan rnams dang / gang zag gzhan dag la nyon mongs pa thams cad 'dul ba'i phyir chos 'chad do// des 'dod chags dang / zhe sdang dang / gti mug gi nyon mongs pa rnam par dag par bya ba'i phyir chos 'chad do// 'dod chags dang / zhe sdang dang / gti mug dang / nye ba'i nyon mongs pa'i sems la dman par yang yang dag par rjes su mi mthong / 'dod chags dang / zhe sdang dang / gti mug dang / nye ba'i nyon mongs pa med pa'i sems la mchog tu yang yang dag par rjes su mi mthong ngo // de ci'i phyir zhe na/ 'di ltar byang chub sems dpa de gnyis su med pa'i mtha'i sgo nas chos kyi dbyings yongs su shes te/ chos kyi dbyings gang yin pa de 'dod chags kyi dbyings/ chos kyi dbyings gang yin pa

  61. 31b

    de zhe sdang gi dbyings/ chos kyi dbyings gang yin pa gti mug gi dbyings/ chos kyi dbyings gang yin pa de nyon mongs pa'i dbyings so// de bas na chos thams cad chos kyi dbyings su yang dag par 'du'o// zhes bya ste/ chos kyi dbyings ni gar yang 'gro ba'ang med/ mi 'gro ba'ang med do// chos thams cad ni chos kyi dbyings kyi rjes su song ste/ gang bdag gi dbyings shes pa des chos kyi dbyings kyang shes so/ / de ltar na chos kyi dbyings dang bdag gi dbyings de dag mi gnyis so// de ci'i phyir zhe na/ bdag rnam par dag pas chos kyi dbyings kyang rnam par dag go// de bzhin du chos thams cad kyang rnam par dag pa ste/ gang rnam par dag pa de rab tu snang ba'o// gang rab tu snang ba de bla gab med pa'o// gang bla gab med pa de la mtshan ma thams cad kyi skabs med do// gang mtshan ma med pa de la gan/ pa gang yang med de/ mi gnas pa ni nam mkha' 'o// gang de ltar ye shes kyi rjes su 'gro zhing ye shes des chos thams cad kyi rjes su 'gro ba de ni/ byang chub sems dpa'i ye shes nam mkha' dang mtshungs pa'o/ / rnga rigs kyi bu de la byang chub sems dpa'i sangs rgyas kyis gnang ba'i sangs rgyas rjes su dran pa gang zhe na/ gang tshul khrims las sangs rgyas rjes su dram zhing / zag pa med pa'i tshul khrims las kyang mi nyams pa'o/ / ting nge 'dzin las sangs rgyas rjes su dran zhing / chos kyi dbyings mnyam pa thams cad las kyang mi 'gyur ba'o// shes rab las sangs rgyas rjes su dran zhing /

  62. 32a

    chos thams cad rgyu ba med par yang rnam par mi rtog pa'o// rnam par grol ba las sangs rgyas rjes su dran zhing / sems gnyis la'ang mi gnas pa'o// rnam par grol ba ye shes mthong ba las sangs rgyas rjes su dran zhing shes pa thams cad la'ang mi chags pa'o/ / stobs las sangs rgyas rjes su dran zhing / dus gsum mtshungs pa'i ye shes las kyang mi g.yo ba'o/ / mi 'jigs pa las sangs rgyas rjes su dran zhing / zag pa thams cad dang lhan cig tu'ang mi gnas pa'o// sangs rgyas kyi chos thams cad kyang sangs rgyas rjes su dran zhing / chos kyi dbyings mnyam pa nyid du'ang rnam par mi rtog pa'o/ / gzhan yang sangs rgyas rjes su dran pa ni gang / gzugs las sangs rgyas yang dag pa rjes su mi mthong la/ gzugs kyi ngo bo nyid shes pas/ dran pa'i ye shes kyi rjes su'ang 'gro ba'o// de bzhin du tshor ba dang / 'du shes dang / 'du byed dang / rnam par shes pa las sangs rgyas yang dag pa rjes su mi mthong la/ rnam par shes pa'i ngo bo nyid shes pas dran pa'i ye shes kyi rjes su'ang 'gro ba'o/ / phung po dang / khams dang / skye mched rnams las sangs rgyas yang dag par rjes su mi mthong la/ phung po dang / khams dang / skye mched kyi ngo bo nyid shes pas/ dran pa'i ye shes kyi rjes su'ang 'gro ba'o// gang yang chos thams cad kyi ngo bo nyid shes pas/ shes rab che ba'i dran pa de ni yid la byed pa thams cad med de/

  63. 32b

    lta ba thams cad kun nas ldang ba med pa'o// gang de lta bu'i rnyog pa med pa'i dran pas/ dran pa nye bar gzhag pa shes pa de ni/ sangs rgyas kyis gnang ba'i sangs rgyas rjes su dran pa zhes bya'o// gzhan yang sangs rgyas rjes su dran pa ni/ gang spyod lam thams cad du sangs rgyas la mngon par chags par mi byed/ 'greng ba dang / 'chags pa dang / 'dug pa dang / nyal ba dang / 'gro ba dang 'ong ba dang / spa ba dang / mi smra bar yang sangs rgyas la mngon par chags par mi byed do// de mngon par ma chags pas dran pa'ang dran par mi byed/ mi dran pa'ang dran par mi byed do// de dran pa yid la mi byed pas/ gzugs dang / mtshan dang / chos nyid du'ang sangs rgyas rjes su mi dran no// rigs kyi bu 'di ni sangs rgyas kyis gnang ba'i sangs rgyas rjes su dran pa ste gang la mtshan ma dang dmigs pa thams cad kun tu spyod pa med pa'o/ / rigs kyi bu de la byang chub sems dpa' rnams kyi sangs rgyas kyis gnang ba'i chos rjes su dran pa gang zhe na/ chos zhes bya ba ni 'dod chags med pa'o/ / de la gang chos ci la chags kyang rung / de dag la chos rjes su dran pa gang yang med do// chos zhes bya ba ni kun gzhi med pa'o// de la gang chos gang la sbyor ba de dag la chos rjes su dran pa gang yang med do/ / chos zhes bya ba ni nye bar zhi ba ste/ gang sems dang yid 'bar bar byed pa de dag la chos rjes su dran pa gang yang med do// chos zhes bya ba ni mtshan

  64. 33a

    ma med pa ste/ gang mtshan ma'i rjes su 'brang ba'i rnam par shes pa de dag la chos rjes su dran pa gang yang med do// chos zhes bya ba ni 'dus ma byas pa ste/ gang 'dus byas su rab tu bzhag pa la gnas pa de dag la chos rjes su dran pa gang yang med do/ / yang chos rjes su dran pa ni gang gis 'du byed thams cad skye ba med par mthong ste/ yang dag pa nyid skyon med pa la 'jug pa'o/ / byang chub sems dpas chos thams cad rang bzhin gyis ma skyes par rig nas/ mi skye ba'i chos la bzod pa rab tu 'thob bo// gang de lta bu'i gnas ni yang dag pa'i chos kyis gnas so// gang gis de ltar mngon par rtogs pa de ni/ chos thams cad mngon par rtogs pa ste/ 'di ni slob pa dang / mi slob pa dang / rang sangs rgyas dang / byang chub sems dpa' dang / yang dag par rdzogs pa'i sangs rgyas rnams kyis mngon par rtogs pa'o/ / de ltar mnyam par bzhag pa ni/ 'phags pa thams cad kyi rnam par grol ba ste/ de la chos gang yang kun tu spyod pa med do// chos gang yang kun tu spyod pa med pa de ni/ sangs rgyas kyis gnang ba'i chos rjes su dran pa'o// rigs kyi bu de la byang chub sems dpa'i sangs rgyas kyis gnang ba'i dge 'dun rjes su dran pa gang zhe na/ dge 'dun zhes bya ba ni 'dus ma byas pa skyed de/ mngon par 'du byed pas rjes su dran par mi nus so// gang na lus kyi las dang / ngag gi las dang / yid kyi las kun tu spyod pa med pa de ni mngon par

  65. 33b

    'du mi byed pa zhes bya'o/ / de la 'dus byas zhes bya ba ni gdags pa dang tha snyad do// 'dus ma byas pa ni gdags pa thams cad yang dag par 'jom pa'o// tha snyad thams cad las yang dag par 'das pa ste/ rigs kyi bu 'di ni sangs rgyas kyis gnang ba'i dge 'dun rjes su dran pa'o// rigs kyi bu de la byang chub sems dpa'i sangs rgyas kyis gnang ba'i gtong ba rjes su dran pa gang zhe na/ gtong ba zhes bya ba ni phung po thams cad 'dor zhing rab tu gtong ba'o/ / de ci'i phyir zhe na/ des chos gang yang btang ba med do// 'di ltar de la gang gtong ba'i chos gang yang snang bar mi 'gyur te/ 'di la gang chos thams cad mi 'dzin pa de ni gtong ba'i mchog go/ gang 'dzin pa de ni mi gtong ngo // gang mi gtong ba de ni mi snyems so// gang mi snyems pa de ni dmigs par mi byed do// dmigs par mi byed pa de la sems rgyu ba med do/ / rgyu ba med pa ni sems kyis rnam par rig pa med pa'o// gang la sems kyis rnam par rig pa med pa de ni rnam par shes pa mi gnas pa'o// rnam par shes pa mi gnas pa de ni sangs rgyas gnang ba'i gtong ba rjes su dran pa'o/ / gang yang byang chub sems dpa'i gtong ba de ni thams cad mkhyen par bsngos pa ste/ gang thams cad mkhyen pa ni chos thams cad kyi mnyam pa nyid do/ / gang mnyam pa nyid la gnas pa ni rab tu gtong zhing byang chub tu'angasngo ste/ de rjes su dran yang chos gang yang rjes su dran pa med do// de ci'i phyir zhe na/ thams cad mkhyen pa ni chos dang /

  66. 34a

    chos ma yin pa gnyis dang ldan pa ma yin te/ gang 'di gnyis su med pa de la yid byed pa ci'ang med do// rigs kyi bu de ltar chos shes pa la rab tu sbyor ba'i byang chub sems dpa' ni sangs rgyas kyis gnang ba'i gtong ba rjes su dran pa yin no/ / rigs kyi bu de la byang chub sems dpa'i sangs rgyas kyis gnang ba'i tshul khrims rjes su dran pa gang zhe na/ tshul khrims zhes bya ba ni 'dus ma byas pa ste/ zag pa med pa/ smon lam med pa/ lhun gyis grub pa/ brtul zhugs grub pa/ brtul zhugs thams cad yongs su rdzogs pa ste/ rnam par rig pa'i mtshan nyid ma yin no/ / ting nge 'dzin gyi gnas te/ sems kyi dmigs pa'i gnas ma yin no// shes rab kyi rtsa ba ste/ spros pa'i mtshan nyid ma yin no// rnam par grol ba'i rgyu 'thun pa ste/ gnyis kyis rab tu phye ba ma yin no/ / mkhas pas rab tu bsngags pa ste/ gzugs snang ba ma yin no// nyon mongs pa zhi ba ste/ so so rnam par rig pa'i mtshan nyid ma yin no// bde ba thams cad kyi rjes su 'gro zhing gnyen pos bskyed pa ma yin te/ gang de lta bu'i tshul khrims rjes su dran zhing dran pa la rnyog pa med pa de ni rigs kyi bu gnang ba'i tshul khrims rjes su dran pa zhes bya'o// rigs kyi bu de la byang chub sems dpa'i sangs rgyas kyis gnang ba'i lha rjes su dran pa gang zhe na/ lha'i ris gnyis rjes su dran par bya ste/ gnyis gang zhe na/ gnas gtsang ma'i ris kyi lha dang / skye ba gcig gis thogs

  67. 34b

    pa'i byang chub sems dpa' dga' ldan gnas na 'khod pa rnams so/ / de la byang chub sems dpas gnas gtsang ma'i ris kyi lha rnams rjes su dran no// yang skye ba gcig gis thogs pa'i byang chub sems dpa' dga' ldan gnas na gang dag 'khod pa de dag ni spyi bo lta bu bcus rjes su dran te/ bcu gang zhe na/ pha rol tu phyin pa thams cad kyi nang na/ shes rab kyi pha rol tu phyin pa spyi bor gyur pa dang / mngon par shes pa thams cad kyi nang na/ mi nyams pa'i mngon par shes pa dang / sa thams cad kyi nang na dbang bskur ba'i sa dang / byang chub kyi phyogs kyi chos thams cad kyi nang na/ yang dag pa'i lta ba dang ting nge 'dzin mi nyams pa dang / so so yang dag pa'i nang na don dang / spobs pa rgyun mi 'chad pa dang / shes pa thams cad kyi nang na/ chags pa med pa'i ye shes la 'jug pa dang / dbang po tham cad kyi nang na rab 'bring tha ma la 'jug pa shes pa dang / stobs dang mi 'jigs pa la snang ba'i ye shes rjes su 'gro ba dang / spyan thams cad kyi nang na/ sangs rgyas kyi spyan kun tu gzigs pa dang / sangs rgyas kyi chos thams cad 'di dag gi lag mthil du song ba ltar 'dug pa dang / byang chub kyi snying po la 'dug nas sems kyi skad cig gcig dang ldan pa'i shes rab kyis mngon par rdzogs par byang chub pa'o zhes spyi bo'i/ / chos rnam pa bcu po de dag gis rjes su dran no// de'i dran pa de ni lta bas ma 'khrugs/ bag la nyal dang / kun nas ldang bas ma 'khrugs/ yid la byed pas ma 'khrugs/

  68. 35a

    spros pas ma 'khrugs pa ste/ de lta bu'i dran pa rnyog pa med pas/ lha rjes su dran pa 'di ni rigs kyi bu sangs rgyas kyis gnang ba'i lha rjes su dran pa zhes bya'o// rigs kyi bu de la ji ltar na byang chub sems dpa' mya ngan las 'das pa dang / mnyam pa nyid thob kyang / byang chub sems dpa'i spyad pa'ang spyod pa yin zhe na/ mya ngan las 'das pa zhes bya ba ni nyon mongs pa thams cad rab tu zhi ba ste/ tshor ba thams cad rgyun bcad pa/ dmigs pa thams cad zhi ba/ phung po dang / khams dang / skye mched rnams kyi nying mtshams sbyor ba med pa ste/ skyes bu dam pa de mya ngan las 'das pa dang mnyam pa nyid thob cing sngon gnas bcas pa'i snying rje chen po dang / thabs dang / shes rab dang / ye shes kyis ni rnam par rol/ sangs rgyas kyi byin gyi rlabs kyis shin tu byin gyis brlabs/ shes rab dang ye shes ni shin tu bsgoms/ sngon gyi byin gyi rlabs kyis ni bsam pa yongs su dag pa/ sgyu mas rnam par rol pa'i ting nge 'dzin la ni gnas te/ nyon mongs pa gang gis 'khor ba rab tu bskyed pa'i 'khor bar 'ching ba de dag rab tu spangs shing / ye shes gang gis mya ngan las 'das par ston pa de la dbang thob pas mi skye ba las skye zhing mi 'byung ba las 'byung ba ste/ mya ngan las 'das pa dang mnyam pa nyid du yang dag par zhugs kyang / sems can yongs su smin par bya ba'ang mi 'chad do// de ni rigs kyi bu byang chub sems dpa' rnams kyi phrugs su tshang ba zhes bya ba'i ye shes kyi sgo ste/ ye

  69. 35b

    shes kyi sgo gang la gnas pas/ byang chub sems dpa' mya ngan las 'das pa dang mnyam pa nyid thob kyang / byang chub sems dpa'i spyad pa spyod pa'o// rigs kyi bu de la ji ltar na byang chub sems dpa' sems can thams cad kyi spyod pa'i mtshan nyid dang / cho ga shes pa yin zhe na/ rigs kyi bu sems can rnams kyi spyod pa ni brgyad khri bzhi stong ste/ 'di ni sdom gyi rtsa ba'i tshig go// gang yang sems can thams cad kyi spyod pa tshad med pa/ bsam gyis mi khyab pa/ brjod du med pa de sangs rgyas kyi ye shes kyis mkhyen te/ nyan thos dang rang sangs rgyas kyi ye shes kyis mi rig/ byang chub sems dpa'i ye shes kyis mi rig pa de la/ byang chub sems dpa' sangs rgyas kyi byin gyi rlabs dang / rang gi shes pas sems can thams cad kyi spyod pa'i mtshan nyid kyi rjes su rab tu 'jug ste/ spyod pa de'i gang ngo bo nyid dam/ gang mtshan nyid kyang rung ste/ rgyu'i mtshan nyid dam/ rkyen gyi mtshan nyid dam/ byed rgyu'i mtshan nyid dam/ tshogs pa'i mtshan nyid dam/ tha dad pa'i mtshan nyid dam/ mi 'dra ba'i mtshan nyid dam/ 'dod chags kyi mtshan nyid dam/ zhe sdang gi mtshan nyid dam/ gti mug gi mtshan nyid dam/ skal ba mnyam pa'i mtshan nyid dam/ sems can dmyal ba'i mtshan nying dam/ dud 'gro skye gnas kyi mtshan nyid dam/ gshin rje'i 'jig rten gyi mtshan nyid dam/ lha'i mtshan nyid dam/ mi'i mtshan nyid dam/ nyan thos kyi nges par 'gyur ba'i mtshan

  70. 36a

    nyid dam/ rang sangs rgyas kyi nges par 'gyur ba'i mtshan nyid dam/ sangs rgyas kyi nges par 'gyur ba'i mtshan nyid dam/ ring po'i rgyu'i mtshan nyid dam/ bar ba'i rgyu mtshan nyid dam/ nye ba'i rgyu'i mtshan nyid kyang rung ste/ spyod pa de dag thams cad kyi mtshan nyid yang dag pa ji lta ba bzhin du rab tu shes te/ ye shes thams cad la kha na ma tho ba med pa yin no// rigs kyi bu de ltar na byang chub sems dpa' sems can thams cad kyi spyod pa'i mtshan nyid dang cho ga shes pa yin no// rigs kyi bu de la ji ltar na byang chub sems dpa' sangs rgyas bcom ldan 'das bdag gi chos dkon mchog gi mdzod 'dzin pa yin zhe na/ rigs kyi bu sangs rgyas bcom ldan 'das bdag gi chos dkon mchog gi mdzod ni mi zad pa ste/ sems can thams cad kyi spyod pa'i mtshan nyid la rab tu 'jug pa ji snyed pa sangs rgyas bcom ldan 'das rnams kyi chos dkon mchog gi mdzod la gzung ba'i ye shes la 'jug pa'ang de snyed do/ / ji ltar sems can gyi spyod pa mi zad cing mtha' med pa de bzhin du/ sangs rgyas bcom ldan 'das rnams kyi chos dkon mchog gi mdzod kyang mi zad cing mtha' med pa'o// chos dkon mchog gi mdzod ces bya ba ni/ gang gi nub mo de bzhin gshes bas byang chub brnyes pa nas/ gang gi nub mo yongs su mya ngan las 'das pa de'i bar du/ de bzhin gshegs pas bshad pa dang / 'chad pa dang / 'chad par 'gyur ba de thams cad ni de

  71. 36b

    bzhin no/ / ma nor ba de bzhin no// gzhan ma yin pa'o// tsa'i phyir de bzhimanas bya zhe na/ de bzhin nyid ni bra la yang dag par zhugs pas de'i phyir de bzhin zhes bya'o// tsa'i phyir nas nor pa de bzhin nyid ces bya zhe na/ don dam pa'i bden pa la yang dag par zhugs pa de'i phyir ma nor ba de bzhin zhes bya'o// ci'i phyir na gzhan ma yin pa de bzhin nyid ces bya zhe na/ de dag gi ngo bo nyid ma yin par gzhan du mi btsal te/ de'i phyir gzhan ma yin pa'o// yang sangs rgyas bcom ldan 'das rnams kyi chos dkon mchog gi mdzod ni/ stong gsum gyi stong chen po'i 'jig rten gyi khams gtogs pa'i sems can rnams mang du thos pa kun dga' bo lta bur gyur kyang / de dag thams cad kyis bskal pa bye ba phrag stong du'ang yi ge khong du chud par mi nus so// yang don gcig tu bstan te/ ji lta ba bzhin du bstan pa 'di lta bu ni sangs rgyas bcom ldan 'das rnams kyi chos dkon mchog gi mdzod do// de byang chub sems dpa' rnams 'dzin te/ ji ltar yi ge thams cad mi brjed cing / don thams cad mi nyams par sems can thams cad mgu bar byed/ sangs rgyas thams cad rab tu mnyes par byed/ bdud thams cad pham par byed/ mu stegs can gzhan thams cad tshar gcod/ nyon mongs pa thams cad zhi bar byed cing de dag la chos dkon mchog rab tu klog pa de ltar 'dzin to// rigs kyi bu de ltar na byang chub sems dpa' sangs rgyas

  72. 37a

    bcom ldan 'das rnams kyi chos dkon mchog gi mdzod 'dzin pa yin no/ / yang rigs kyi bu chos gang gi ngo bo nyid du ngas chos rnams mngon par sangs rgyas pa de'i ngo bo nyid du/ byang chub sems dpas chos rnams gzung bar bya'o// yang ji lta bur de bzhin gshegs pas chos rnams mngon par rdzogs par sangs rgyas she na/ yongs su ma grub pa'i tshul gyis sgyu ma'i ngo bo nyid dang / yul las shin tu 'das pa'i tshul gyis rmi lam gyi ngo bo nyid dang / shin tu skye ba med pa'i tshul gyis smig rgyu'i ngo bo nyid dang / mi 'pho ba'i tshul gyis migayor gyi ngo bo nyid dang / rang bzhin med pa'i tshul gyis gzugs brnyan gyi ngo bo nyid dang / rag las pa'i tshul gyis stong pa'i ngo bo nyid dang / rnam par mi rtog pa'i tshul gyis mtshan ma med pa'i ngo bo nyid dang / sems chags pa med pa'i tshul gyis smon pa med pa'i ngo bo nyid dang / 'dod chags thams cad dang bral ba'i tshul gyis 'dod chags pa'i ngo bo nyid dang / grangs thams cad las 'das pa'i tshul gyis 'dus ma byas pa'i ngo bo nyid du/ de ltar rigs kyi bu tha snyad du gzhan gyi rnam par rig pa la brten nas/ de 'dra bar chos de ngas mngon par rdzogs par sangs rgyas te/ gang chos de'i ngo bo nyid kyi mtshan nyid de ni tshig gis brjod par mi nus so/ / de la chos rnams 'dzin par 'dod pa'i byang chub sems dpas de lta bu'i ngo bo nyid kyi chos rnams mngon par rdzogs par sangs rgyas par byas te/ yi ge dang

  73. 37b

    nges pa'i tshig gos kyang sems can gzhan rnams dang / gang zag gzhan dag la bstan par bya'o// rigs kyi bu de la ji ltar na byang chub sems dpa' thog ma nas sems can rnam par dag pas sems can rnams yongs su smin par byed ce na/ rigs kyi bu sems can gyi khams ni thog ma nas rnam par dag pa ste/ de la sems can rnams kyi rtsa ba'i dngos po med de/ byang chub sems dpa' chos thams cad kyi rtsa ba yongs su chad par rig nas/ sems can gang rnams yongs su smin par byed pa de la bdag tu lta bar mi 'gyur/ sems can du lta bar ma yin/ srog tu lta bar ma yin/ gang zag tu lta bar yang mi 'gyur ro// de'ang 'di snyam du sems te/ sems can zhes bya ba 'di ni phyin ci log ste/ rgyur lta ba'i kun nas dkris pa dang / ma rig pa dang / srid pa dang / sred pa 'dus pa dang / yang dag pa ma yin pa kun tu rtog pa las sems can zhes brjod snyam mo// de la byang chub sems dpas med pa phyin ci log las byung ba'i nyon mongs pa rab tu spang ba'i phyir/ sems can rnams la chos ston te/ dngos po gang yang chud mi gzon to// sems can med cing sems can dben pas sems can rnams yongs su smin par byed de/ de ltar byang chub sems dpa' thog ma nas rnam par dag pas sems can rnams yongs su smin par byed do/ / rigs kyi bu de ji ltar na byang chub sems dpa' tshul bzhin la rab tu sbyor bas sangs rgyas kyi

  74. 38a

    chos thams cad yang dag par sgrub ce na/ tshul bzhin zhes bya ba ni rten cing 'brel par 'byung ba la 'byung ba'o// de ci'i phyir zhe na/ rgyu dang rkyen ci 'dra ba de 'dra bar 'bras bu ma par grub bo/ / sbyin pa ni longs spyod chen po'i rgyu ste/ de la byang chub sems dpa' gang gtong ba de'ang thams cad mkhyen par bsngos nas/ sbyin pa'i pha rol tu phyin pa yongs su rdzogs par byed do// tshul khrims ni lha dang mir skye ba'i rgyu ste/ lha dang mir skyes nas/ byang chub sems dpa' sems can rnams tshul khrims la rab tu 'dzud de/ tshul khrims yang dag par bzung ba de'ang thams cad mkhyen par bsngos nas/ tshul khrims kyi pha rol tu phyin pa yongs su rdzogs par byed do// bzod pa dang nges pa ni lus dang / ngag dang / sems kyi rgyan gyi rgyu ste/ lus dang / ngag dang / sems brgyan pas/ byang chub sems dpa' bdag la phan pa dang / gzhan la phan par zhugs pa yin te/ phan par 'dod pa/ bzod pa'i gnas de'ang thams cad mkhyen par bsngos nas/ bzod pa'i pha rol tu phyin pa yongs su rdzogs par byed do// brtson 'grus ni sangs rgyas kyi chos thams cad sdud pa'i rgyu ste/ byang chub sems dpa' brtson 'grus brtsams nas/ dge ba'i rtsa ba thams cad yang dag par sgrub cing / dge ba'i rtsa ba thams cad yang dag par sgrub pa'i brtson 'grus de'ang thams cad mkhyen par bsngos nas/ brtson 'grus kyi pha rol tu phyin pa yongs su rdzogs par

  75. 38b

    byed do/ / bsam gtan ni sems dga' ba dang cang shes pa'i rgyu ste/ byang chub sems dpa' sems dga' ba dang cang shes pas zhi gnas kyi tshogs kun tu skong ste/ zhi gnas kyi tshogs de'ang thams cad mkhyen par bsngos nas/ bsam gtan gyi pha rol tu phyin pa yongs su rdzogs par byed do// thos pa ni shes rab chen po'i rgyu ste/ byang chub sems dpa' shes rab chen po ni dmigs par lta ba mi 'dzin cing / dmigs pa med pa'i thos pa de'ang thams cad mkhyen par bsngos nas/ shes rab kyi pha rol tu phyin pa yongs su rdzogs par byed do// de bzhin du dge ba'i chos thams cad de dge ba'i chos kyi rgyu gang dang gang bsags pa de dang de'i 'bras bu lhun gyis grub pas mngon par skye bar 'gyur te/ rgyu dang rkyen de ni tshul bzhin yid la byed pa zhes bya'o// gzhan yang tshul bzhin zhes bya ba la chos thams cad kyi tshul bzhin ni bdag yin te/ ji ltar bdag la bdag med pa de bzhin du/ sems can thams cad la bdag med do// ji ltar bdag stong pa de bzhin du/ chos thams cad stong ngo / / ji ltar bdag ming du btags pa tsam du zad pa de bzhin du/ chos thams cad kyang ming du btags pa tsam du zad do// de ltar tshul bzhin la rab tu sbyor ba'i byang chub sems dpa' noni chos thams cad mnyam par sbyor ro/ / gang chos thams cad mnyam pa nyid de ni sangs rgyas kyi chos thams cad mnyam pa nyid de/ de ltar tshul bzhin la sbyor ba'i byang chub sems dpa' ni sangs rgyas

  76. 39a

    kyi chos rnams yang dag par sgrub bo/ / rigs kyi bu de la ji ltar na byang chub sems dpa' mngon par shes pa las ma nyams shing / chos thams cad la dbang byed pa yin zhe na/ de la rigs kyi bu dge sbyong ngam/ bram ze 'jig tshogs la lta ba ma bcom pas mngon par shes pa bskyed pa de dag ni/ mngon par shes pa rnams las nyams par yang 'gyur ro// yang byang chub sems dpa' ni 'jig tshogs la lta ba'i rtsa ba las byung ba'i lta bar gyur pa drug cu rtsa gnyis yang dag par bcom nas/ lta ba dang len pa thams cad med par mngon par shes pa skyed de/ ye shes dang ldan/ shes rab dang ldan/ blo dang ldan/ bzod pa dang ldan/ tshul khrims dang ldan te/ ting nge 'dzin la snyoms par zhugs shing / lus dben/ sems dben te/ 'di 'dra ba'i ye shes kyis nad nye bar zhi zhing phyi rol du mi rgyu ba/ yul med pa'i yul can/ cang shes pa'i sems dang ldan pa/ dga' ba'i sems dang ldan pa/ shin tu brtags pas brtags pa/ rab tu dkar ba'i blo/ nyon mongs pas ma 'khrugs pa/ snang ba thob pa/ ye shes rab rib med pa/ bsod nams kyi tshogs bsags pa/ ye shes kyi tshogs bsags pa/ zhi gnas kyi tshogs bsags pa lhag mthong gi tshogs bsags pa/ sbyin pas brtan pa/ tshul khrims kyis brgyan pa/ bzod pa'i go gyon pa/ brtson 'grus kyi ya lang bgos pa/ bsam gtan la gnas pa/ shes

  77. 39b

    rab shin tu bsgoms pa'i blo dang ldan pa/ byams pas rjes su 'thun pa/ snying rje la rab tu gnas pa/ thabs kyis mngon par bsgrubs pa de lta bu'i chos dang ldan pas mngon par shes pa skyed de/ byang chub kyi snying po'i bar du mngon par shes pa de dag gis shin tu 'phags shing / de mngon par shes pa de dag gis chos thams cad la dbang byed pa yin te/ gzugs thams cad mthong / thams cad thos/ sems can thams cad la 'jug cing bskal pa grangs med pa rjes su dran te/ rdzu 'phrul thams cad kyis rnam par 'phrul/ zag pa zad pa'i bde ba rnyed cing yid kyi rnam par rtog pa ji snyed pa la rnam par rtog pa dang / rnam par dpyod pa thams cad la dbang byed pa yin te/ des chos thams cad la de bzhin du lhun gyis grub par gnas so// rigs kyi bu de ltar na byang chub sem dpa' mngon par shes pa las mi nyams shing chos thams cad la dbang byed pa yin no/ / rigs kyi bu de la ji ltar na byang chub sems dpa' chos kyi tshul zab mo la rab tu zhugs shing / nyan thos dang rang sangs rgyas thams cad kyis rtogs par dka' ba yin zhe na/ rigs kyi bu zab mo zhes bya ba ni rten cing 'brel par 'byung ba'o// rten cing 'brel par 'byung ba'i tshul ni 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis

  78. 40a

    reg pa reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'di 'ba' zhig 'byung bar 'gyur ro/ / sems can rnams kun nas nyon mongs par 'gyur ba'i rgyu dang rkyen gang yin pa de la byang chub sems dpa'i ye shes rab tu 'jug ste/ de ni rten cing 'brel par 'byung ba kun 'byung ba'i tshul zhes bya'o/ / de la rten cing 'brel par 'byung ba 'gog pa'i tshul gang zhe na/ 'di lta ste/ ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar sdug bsngal gyi phung po chen po 'di 'ba' zhig 'gag par 'gyur ro// de ni rigs kyi

  79. 40b

    bu rten cing 'brel par 'byung ba 'gog pa'i tshul zhes bya'o/ / sems can rnams rnam par dag par 'gyur ba'i rgyu gang rkyen gang yin pa de la byang chub sems dpa'i ye shes rab tu 'jug ste/ de ni chos kyi tshul zab mo la 'jug pa zhes bya ste/ gang nyan thos dang rang sangs rgyas thams cad kyis ma yin pa'o// de ci'i phyir nyin thos dang rang sangs rgyas thams cad kyis ma yin zhe na/ sems can thams cad kyi kun nas nyon mongs pa dang / rnam par byang ba shes pa ni sangs rgyas bcom ldan 'das rnams kyi yul lo// rang gi ye shes dang / sangs rgyas kyi byin gyi rlabs kyis byang chub sems dpa' kyang de'i mtshams sbyor ba shes so/ / gzhan yang zab mo zhes bya ba ni/ 'jig tshogs dang / bdag rnam par dag pa dang / chos thams cad rnam par dag pa'o// de ci'i phyir zhe na/ 'jig tshogs ni kun tu btsal kyang mi dmigs so/ / gang mi dmigs pa de ni zab mo'o// bdag ni sangs rgyas thams cad kyis kyang ma brnyes so// de ci'i phyir zhe na/ bdag thog ma nas kyang rnam par dag ste/ ji ltar bdag rnam par dag pa de bzhin du/ chos thams cad rnam par dag go/ de ci'i phyir rnam par dag pa zhes bya zhe na/ de la chos gang yang ma skyes ma bskyed/ mi 'gag/ ma 'gags pa ste/ de bas na rnam par dag pa zhes bya'o// mun pa med pa/ snang ba med pa/ kun gni med pa/ rab rib med pa/ don dam pa zab mo gang la mig med cing mig 'gog pa med pa nas/

  80. 41a

    yid kyi bar du med cing yid 'gog pa med ste/ de ni yul du bgrang ba ma yin no// gang yul ma yin zhing yul med pa de ni don dam pa ste/ de'i phyir zab mo zhes bya'o// de la sems dang yid 'dzin pa med de/ rtogs par dka' ba/ mthong bar dka' ba/ khong du chud par dka' ba de lta bu'i chos tshul zab mo la ye shes gzhan gyi dring la mi 'jog cing / sems can gzhan la'ang rab tu ston te/ de ltar na byang chub sems dpa'i chos kyi tshul zab mo la rab tu zhugs pa/ nyan thos dang rang sangs rgyas thams cad kyis gting dpag dka' ba yin no// / 'jagra pa nam ma bA mdzed kyi mdobam po gsum pa/ rigs kyi bu de la ji ltar na byang chub sems dpa' rten cing 'brel par 'byung ba la 'jug pa'i shes pa la mkhas te/ mtha' gnyis su lta ba thams cad dang bral ba yin zhe na/ rigs kyi bu 'di la byang chub sems dpa' 'di snyam du sems te/ gang brten pa de ni ci'ang ma yin pa/ gang brten pa de ni dngos po med pa/ gang brten pa de ni yongs su ma grub pa/ gang brten cing 'brel par 'byung ba de ni mi rtag pa/ sdug bsngal ba/ bdag med pa/ zhi ba/ gang brten pa de la ni bdag med/ sems can med/ srog med gso ba med/ skyes bu med/ gang zag med/ shed las skyes med/ shed bu med/ gang brten pa de la ni yang dag par 'byung ba gang yang med/ gang brten pa de la ni ci'ang med pa/ rtsol

  81. 41b

    ba med pa/ stong pa/ mtshan ma med pa/ dben pa/ rgyu ba med pa/ ma spros pa/ spros pa med pa ste/ de'i phyir skye ba na chos kho na skye/ 'gag pa na chos kho na 'gag ste/ 'di la bdag gam/ sems can nam/ srog gam/ gso ba 'am/ skyes bu 'am/ gang zag gam/ shed las skyes sam/ shed bu med ces bya'o// chos gang dag rten cing 'brel/ par 'byung ba de dag la ni skye ba ci'ang med cing bdag po med de/ de'i phyir chos thams cad ni rtswa dang / shing dang / rtsig pa dang / lam dang / mig yor lta bu zhes bya ste/ ji ltar phyi rol gyi dngos po rnams skye ba na/ skyed par byed pa med/ 'gag pa na'ang 'gog par byed pa med pa de bzhin du/ nang gi chos rnams skye ba na'ang skyed par byed pa med/ 'gag pa na'ang 'gog par byed pa med de/ gzhan du na rkyen rnams yod na 'byung gi/ rkyen ma tshang na 'gog go snyam du sems te/ de ltar shes pa la sbyor ba ni mthar lta ba thams cad rab tu spong ngo // de la mthar lta ba gang zhe na/ mtha' zhes bya ba ni chad pa dang rtag pa ste/ gang de mi skyed cing rnam par mi 'jig pa ni chad pa dang / rtag pa dang bral ba ste/ de'i phyir dag pas na mthar lta ba thams cad rnam par dag pa ste/ rigs kyi khu de ltar na byang chub sems dpa' rten cing 'brel par 'byung ba la 'jug pa'i shes pa la mkhas te/ mthar lta ba thams cad dang bral yin no// rigs kyi bu de la ji ltar na byang chub sems dpa' de

  82. 42a

    bzhin gshegs pa'i phyag rgyas btab pas/ de bzhin nyid du dbyer med pa shes pa la mkhas pa yin zhe na/ de bzhin gshegs pa'i phyag rgyas btab pa zhes bya ba la de bzhin nyid dbyer med pa de ni phyag rgya ste/ bye ba med pa/ 'jug pa med pa/ mngon par zhen pa med pa/ mi bskyod pa/ bskyod par bya ba ma yin pa ste/ lha dang / mi dang / lha ma yin du bcas pa'i 'jig rten gyis bskyod par mi nus so/ / de ci'i phyir zhe na/ lha dang / mi dang / lha ma yin du bcas pa'i 'jig rten ni phyag rgya des btab pa nyid do// de bzhin gshegs pa'i phyag rgya de ni shin tu mi skye ba'i phyag rgya/ shin tu stong pa nyid kyi phyag rgya/ shin tu mtshan ma med pa'i phyag rgya/ shin tu smon pa med pa'i phyag rgya/ shin tu 'dus ma byas pa'i phyag rgya/ shin tu 'dod chags dang bral ba'i phyag rgya/ shin tu de bzhin nyid kyi phyag rgya/ shin tu yang dag pa'i mtha'i phyag rgya/ shin tu nam mkha'i phyag rgya ste/ dper na nam mkha' la rgya mi snang ba de bzhin du/ de bzhin gshegs pa'i phyag rgya de'ang spyan lnga mi snang ste/ rang gi mtshan nyid kyi phyag rgyas btab pa'o// de bzhin gshegs pas chos kyi tha snyad ji snyed du 'dogs pa de dag thams cad ni de bzhin gshegs pa'i phyag rgyas btab bzhin du tha snyad 'dogs so/ / de la gang dag rnam par shes pa'i spyod yul ba de dag ni chos rnam par 'jog par byed do// gang dag rnam par shes pa la mi gnas pa de dag ni chos rnam par 'jog

  83. 42b

    par mi byed/ chos tha dad du mi byed do// de dag de bzhin gshegs pa'i phyag rgyas btab pas na/ de dag de bzhin nyid 'byed par mi byed do// de la de bzhin nyid tha dad pa gang zhe na/ gang dag tha ma dang / 'bring dang / rab kyi chos rnams su rnam par rtog pa'o// gang dag chos thams cad la mi rtog cing rnam par mi rtog pa de bzhin nyid tha dad du mi byed do// gang ji snyed mang por brtags shing rnam par brtags kyang de bzhin nyid dbye bar mi nus te/ dper na sems can thams cad ni nam mkha' la rnam par rgyu yang nam mkha'i khams ni 'dres par yang mi byed do// de bzhin du sems can thams cad de bzhin nyid la rnam par rgyu yang de bzhin nyid ni 'dres par mi byed do/ / gang 'dir de lta bu'i chos rnams shes pa'i byang chub sems dpa' de lta bu ni de bzhin gshegs pa'i phyag rgyas btang pa yin te/ de bzhin nyid kyang 'dres par mi byed do// rigs kyi bu de la ji ltar na byang chub sems dpa' chos kyi dbyings kyi tshul la zhugs shing / chos kyi dbyings thams cad la yang dag par gzhol ba yin zhe na/ chos kyi dbyings zhes bya ba ni rdul thams cad dang bral ba'i phyir/ 'dod chags dang bral ba'i dbyings so// yang dag par bsgrubs pa med pa'i phyir ma skyes pa'i dbyings so/ / ma byung ba'i phyir mi 'gog pa'i dbyings so// 'gro ba med pa'i phyir mi 'gro ba'i dbyings so// rga ba med pa'i phyir 'ong ba med pa'i dbyings so// 'byung ba med pa'i phyir gnas

  84. 43a

    med pa'i dbyings so/ / dus gsum mnyam pa'i phyir ji lta ba bzhin gyi dbyings so// gzod ma nas rnam par dag pa'i phyir/ bdag gi dbyings so// don dam pa yin ba'i phyir gang zag med pa'i dbyings so/ / gnas med pa'i phyir rnam par rig pa med pa'i dbyings so// 'dre ba med pa'i phyir kun gzhi med pa'i dbyings so// nges par gyur pa'i phyir skye ba med pa'i dbyings so/ / rang bzhin gyis yongs su dag pa'i phyir nam mkha'i dbyings so// gnyen po med pa'i phyir mya ngan las 'das pa'i dbyings te/ 'di ni chos kyi dbyings kyi tshul la 'jug pa zhes bya'o/ / rigs kyi bu chos thams cad de ltar zhugs pas de la/ byang chub sems dpa' de ltar chos kyi tshul la zhugs pa'i gang ci smra ba dang / rjod pa dang / ston pa de thams cad ni chos kyi dbyings su yang dag par gzhol ba nyid do/ / chos kyi dbyings kyi tshul la zhugs pa de 'dod chags kyi khams dang / chos kyi dbyings de dag gnyis su med par rab tu shes so// de ci'i phyir zhe na/ 'dod chags ni chos kyi dbyings kyi rang bzhin can no// zhe sdang gi khams dang / chos kyi dbyings de dag ni gnyis su med de/ de ci'i phyir zhe na/ zhe sdang ni chos kyi dbyings kyi rang bzhin can no// gti mug gi khams dang / chos kyi dbyings de dag ni gnyis su med de/ de ci'i phyir zhe na/ gti mug ni chos kyi dbyings kyi rang bzhin can no// nyon mongs pa'i khams dang / chos kyi dbyings

  85. 43b

    de dag ni gnyis su med de/ de ci'i phyir zhe na/ nyon mongs pa ni chos kyi dbyings kyi rang bzhin can no// 'dod pa'i khams dang / chos kyi dbyings de dag ni gnyis su med de/ de ci'i phyir zhe na/ 'dod pa'i khams ni chos kyi dbyings kyi rang bzhin no// gzugs kyi khams dang / chos kyi dbyings de dag ni gnyis su med de/ de ci'i phyir zhe na/ gzugs kyi khams ni chos kyi dbyings kyi rang bzhin can no/ / gzugs med pa'i khams dang / chos kyi dbyings de dag ni gnyis su med de/ de ci'i phyir zhe na/ gzugs med pa'i khams ni chos kyi dbyings kyi rang bzhin can no// mig gi khams dang / chos kyi dbyings de dag ni gnyis su med de/ de ci'i phyir zhe na/ mig ni chos kyi dbyings kyi rang bzhin can no// gzugs kyi khams dang / chos kyi dbyings de dag ni gnyis su med de/ de ci'i phyir zhe na/ gzugs ni chos kyi dbyings kyi rang bzhin can no// mig gi rnam par shes pa'i khams dang / chos kyi dbyings de dag ni gnyis su med de de ci'i phyir zhe na/ mig gi rnam par shes pa ni chos kyi dbyings kyi rang bzhin can no// yid kyi bar gyi khams dang / chos kyi dbyings de dag gnyis su med de/ de ci'i phyir zhe na/ yid kyi khams ni chos kyi dbyings kyi rang bzhin can no/ / yid kyi rnam par shes pa'i khams dang / chos kyi dbyings de dag ni gnyis su med de/ de ci'i phyir zhe na/ yid kyi rnam par shes pa ni

  86. 44a

    chos kyi dbyings kyi rang bzhin can no/ / phung po'i khams dang / chos kyi dbyings de dag ni gnyis su med de/ de ci'i phyir zhe na/ phung po'i khams ni chos kyi dbyings kyi rang bzhin can no/ / sa'i khams dang / chu'i khams dang / me'i khams dang / rlung gi khams dang / chos kyi dbyings de dag ni gnyis su med de/ de ci'i phyir zhe na/ sa dang / chu dang / me dang / rlung ni chos kyi dbyings kyi rang bzhin can no// chos kyi phung po brgyad khri bzhi stong dang / spyod pa brgyad khri bzhi stong dang / chos thams cad kyi bar dang / chos kyi dbyings de dag ni gany+dza su med de/ de ci'i phyir zhe na/ chos thams cad ni chos kyi dbyings kyi rang bzhin can te/ byang chub sems dpa' gang chos mnyam pa nyid 'di la zhugs pa de ni chos kyi dbyings thams cad la yang dag par gzhol ba'i phyir/ chos thams cad rab tu shes pa yin te/ rigs kyi bu de ltar na byang chub sems dpa' chos kyi dbyings kyi tshul la zhugs pa yin no// rigs kyi bu de la ji ltar na byang chub sems dpa' bsam pa rdo rje ltar sra zhing mi phyed de/ theg pa chen po 'di la legs par gnas shing mi g.yo ba yin zhe na/ rigs kyi bu byang chub sems dpa' bsam pa rdo rje ltar sra zhing mi phyed pa bcu gnyis kyis na/ lha dang bcas pa'i 'jig rten gyis mi phyed pa yin te/ bcu gnyis gang zhe na/ 'di lta ste/ byang chub kyi sems mi byed pa/ bsam pa dang lhag pa'i

  87. 44b

    bsam pas sbyor ba mi phyed pa dang / sbyin pa mi phyed pa dang / tshul khrims dang / bzod pa dang / brtson 'grus dang / bsam gtan dang / shes rab mi phyed pa dang / byams pa chen po dang / snying rje chen po mi phyed pa dang / bsdu ba'i dngos po mi phyed pa dang / sems can yongs su smin par byed pa mi phyed pa dang / sangs rgyas kyi zhing yongs su dag pa mi byed pa dang / 'khor bas yongs su mi skyob mi phyed pa dang / dge ba'i rtsa ba bas mi ngoms pa mi phyed pa dang / mtshan dang dpe byad bzang po'i phyir gtan pa med pa'i mchod sbyin byed pa mi phyed pa dang / dam pa'i chos yongs su gzung ba'i phyir lus dang srog 'dor ba mi phyed pa dang / sems can gzhan dang / gang zag gzhan gyi phyir dge ba'i rtsa ba bsngo ba mi phyed pa dang / sangs rgyas kyi chos thams cad yang dag par bsgrub pa mi phyed pa ste/ rigs kyi bu gang gi tshe byang chub sems dpa' chos 'di lta bu 'di dag las mi phyed pa de'i tshe/ bsam pa rdo rje ltar sra zhing mi phyed pa yin no// 'di lta ste/ dper na nor bu rin po rdo rje ni nor bu rin po che thams cad 'bigs kyang bdag nyid ni mi 'bigs so/ / de bzhin du byang chub sems dpa' bsam rdo rje ltar sra zhing mi phyed pa'ang sems can thams cad kyi bag la nyal dang / nyon mongs pa kun nas ldang ba dang / lta bar gyur pa rnams sel kyang / bdag nyid ni theg pa chen po 'di las mi phyed do// rigs kyi bu de ltar na byang chub sems dpa' bsam

  88. 45a

    pa rdo rje ltar sra zhing mi byed de/ theg pa chen po 'di la legs par gnas shing mi g.yo ba yin no// rigs kyi bu de la ji ltar na byang chub sems dpa' sangs rgyas kyi yul rjes su thob cing rang gi yul yongs su dag pa yin zhe na/ sangs rgyas kyi yul zhes bya ba ni yul ma yin pa/ yul med pa/ yul thams cad yongs su dag pa'o// de la byang chub sems dpa' ni sangs rgyas kyi yul yongs su dag pas/ rang gi yul yongs su sbyong ste/ de 'di snyam du mig gi yul ni sangs rgyas kyi yul yin yang / sangs rgyas kyi yul ni su dang yang nye ba 'am ring ba ma yin no/ / de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni mig gi yul gang yang med do// rna ba'i yul ni sangs rgyas kyi yul yin yang / sangs rgyas kyi yul ni su dang yang nye ba 'am ring ba ma yin no// de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni rna ba'i yul gang yang med do/ / sna'i yul ni sangs rgyas kyi yul yin yang / sangs rgyas kyi yul ni su dang yang nye ba'am ring ba ma yin no// de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni sna'i yul gang yang med do// lce'i yul ni sangs rgyas kyi yul yin yang / sangs rgyas kyi yul ni su dang yang nye ba'am ring

  89. 45b

    ba ma yin no/ / de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni lce'i yul gang yang med do// lus kyi yul ni sangs rgyas kyi yul yin yang sangs rgyas kyi yul ni su dang yang nye ba 'am ring ba ma yin no/ / de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni lus kyi yul gang yang med do/ / yid kyi yul ni sangs rgyas kyi yul yin yang / sangs rgyas kyi yul ni su dang yang nye ba'am ring ba ma yin no// de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni yid kyi yul gang yang med do// phung po rnams dang / khams rnams dang / skye mched rnams dang / rten cing 'brel par 'byung ba yan lag bcu gnyis pa la'ang de bzhin no/ / rigs kyi bu de ltar na byang chub sems dpa' sangs rgyas kyi yul dben pa nyid kyis yul thams cad dben par 'jug go// rang gi zhing yongs su dag par sangs rgyas kyi zhing la zhugs pa de ni chos gang dag de'i dbang po drug la snang bar 'gyur ba de dag thams cad la sangs rgyas kyi yul dben pas 'jug go/ / ji ltar de bzhin gshegs pa'i yul chags pa med cing thogs pa med pa de bzhin du/ de yul thams cad la'ang mi chags mi thogs te/ rigs kyi bu de ltar na byang chub sems dpa' sangs rgyas kyi yul la rjes su zhugs shing rang

  90. 46a

    gi yul yongs su dag pa yin no/ / rigs kyi bu de la ji ltar na byang chub sems dpa' gzungs thob pa rtag tu mi brjed par spyod pa yin zhe na/ rigs kyi bu 'di la byang chub sems dpa' gzungs yongs su sbyang ba bya bas gzungs thob par 'gyur te/ de la gzungs yongs su sbyang ba byed pa gang zhe na/ rigs kyi bu sum cu rtsa gnyis po 'di dag ni gzungs yongs su sbyang ba byed pa ste/ sum cu rtsa gnyis po gang zhe na/ 'di lta ste/ chos 'dod pa dang / chos don du gnyer ba dang / chos kyi kun dga' la dga' mos pa dang / chos la mos pa dang chos la 'bab pa dang / chos la bab pa dang / mang du thos pa rnams la sten cing bsnyen la bsnyen bkur byed pa dang / slob dpon dang / mkhan po rnams la nga rgyal med cing btsun par gus par byed pa dang / chos yongs su tshol bas mi ngoms pa dang / rjes su bstan pa rnams la bka' blo bde zhing 'thun par 'dzin pa dang / chos smra ba'i gang zag rnams la ston pa tsam du shes shing 'khrul pa mi tshol ba dang / kun 'dzin pa dang / 'dzin pa dang / klog pa dang / ston pa la le lo med pa dang / chos la slob dpon gyi dpe mkhyud med cing zang zing med par chos sbyin pa dang / shes rab kyi rtsa ba'i gnas thos pa dang / tshul bzhin gyi chos la sbyor ba dang / ji ltar thos pa'i chos la so sor brtag pa'i phyir/ mang du thos pa mu med pa byas pa dang /

  91. 46b

    tshangs par spyod pa la gnas pa mu med par bcas pa dang / rtag tu dben pa la sems gzhol ba dang / rjes su dran pa drug rjes su dran pa dang / yang dag par chags par 'gyur ba drug ma 'dor ba dang / gus par bya ba'i gnas drug yongs su mi gtong ba dang / sems can thams cad la khong khro ba med pa'i sems kyis chos la sbyor ba dang / rten cing 'brel par 'byung ba dang mi 'gal ba'i las dang bya ba la 'jug pa dang / rnam par thar pa'i sgo gsum la sems nges par rtogs pa la mi skrag pa dang / 'phags pa'i rigs dang / sbyangs pa'i yon tanas 'dzin pas yongs su yi mi 'chad pa dang / dam pa'i chos yongs su gzung ba la sems zhum pa med pa dang / sems can la lta bas snying rje che ba dang / chos la lta bas lus dang srog 'dor ba dang ye shes la lta bas rtag tu nga rgyal med pa dang / sems can yongs su smin par bya ba la yongs su mi skyo ba ste/ 'di ni gzungs yongs su sbyang ba byed pa zhes bya'o// rigs/ kyi bu de la gzungs gang zhe na/ gang kun bzung ba'i chos rnams mi brjed pa dang / ji ltar thos pa'i chos rnams mi brjed pa dang / dran pa rjes su dran pa dang / rtogs par khong du chud pa dang / blo gros 'dod pa dang / yi ge mi zad pa dang / nges pa'i tshig dang skad la 'jug pa shes pa dang / spobs pa bstan pa thogs pa med cing rgyun mi 'chad pa dang / nges pa'i

  92. 47a

    don gyi mdo sde rtogs pa la 'jug pa shes pa dang / drang ba'i don gyi mdo sde rtogs pa la 'jug pa shes pa dang / kun rdzob mi zad pa bstan pa shes pa dang / rngon dam pa dbyer med pa'i de kho na bstan pa shes pa dang / bden pa la 'jug pa nges par shes pa dang / dran pa nye bar gzhag pa'i rjes su 'jug pa shes pa dang / yang dag par spong ba'i bco 'grus mi 'gong ba shes pa dang / rdzu 'phrul gyi rkang pas rnam par rol pa shes pa dang / dbang po'i rim pa shes pa dang / stobs la gnas pa mi bskyod par shes pa dang / byang chub kyi yan lag rtogs pa dang 'thun pa shes pa dang / lam la 'jug pa'i gnas shes pa dang / zhi gnas kyis sems gnas par shes pa dang / lhag mthong gis chos sgrol bar shes pa dang / rig pa dang rnam par grol ba'i rjes su 'thun pa shes pa dang / so so yang dag par rig pa la 'jug pa shes pa dang / mngon par shes pa'i ye shes skyed pa shes pa dang / pha rol tu phyin pa drug la 'jug pa shes pa dang / bsdu ba'i dngos po bzhi so so ci rigs par shes pa dang / sgra skad dang ngag gi lam la 'jug pa shes pa dang / chos kyi brda ston pa shes pa dang / don dbyer med par shes pa dang / tshig 'bru mi zad par shes pa dang / sems can thams cad tshim par bya ba shes pa dang / so so ci rigs par chos ston pa shes pa dang / sangs rgyas thams

  93. 47b

    cad kyis gsungs pa dran pas 'dzin pa shes pa dang / tshig dang yi ge thams cad mtshams sbyar ba'i nges pa'i tshig la 'jug pa shes pa dang / kun nas nyon mongs pa dang / rnam par byang ba yang dag pa ji lta ba bzhin du rtogs pa shes pa dang / rgyu dang bya ba la 'jug pa shes pa dang / chos thams cad la snang ba rab rib med par shes pa ste/ 'di ni gzungs zhes bya'o// lus dang / ngag dang / sems dang 'dra ba'i chos kun tu 'dzin pa gang yin pa de ni mi zad pa ste/ chos kyi char 'bebs pa dang / nyon mongs pa'i gdung ba rab tu zhi bar byed pa dang / sangs rgyas kyi chos thams cad rnam par skyed pa 'di yin te/ gzungs thob pa sangs rgyas kyi chos thams cad la mi brjed par spyod pa zhes bya'o// rigs kyi bu de ltar na byang chub sems dpa' gzungs thob pa rtag tu mi brjed par spyod pa yin no/ / rigs kyi bu de la ji ltar na byang chub sems dpa' spobs pa thogs pa med cing rgyun mi 'chad la/ rtag tu sangs rgyas kyi byin gyi rlabs kyis byin gyis brlabs pa yin zhe na/ rigs kyi bu nyi shu rtsa bzhi po 'di dag ni byang chub sems dpa' rnams kyi spobs pa yin ste/ nyi shu rtsa bzhi gang zhe na/ 'di lta ste/ spobs pa myur ba dang / spobs pa mgyogs pa dang / spobs pa thogs pa med pa dang / spobs pa rgyun mi 'chad pa dang / shin tu nges pa'i tshig la spobs pa dang / zab mo la spong

  94. 48a

    pa dang / sna tshogs la spobs pa dang / legs par brgyan pa'i spobs pa dang / zhum pa med pa'i spobs pa dang / 'jigs pa med pa'i spobs pa dang / tshogs su bcad pa sna tshogs bstan pa'i tshig la spobs pa dang / mdo dang rtogs pa brjod pa dang / sngon byung ba la spobs pa dang / mi 'thun pa'i spobs pa dang / tshig rab tu dbye ba bstan pa mi zad pa la spobs pa dang / spobs pa shin tu gsal zhing shin tu mdzes pa dang / tshig btsun zhing gzung ba'i spobs pa dang / chos ston pa 'bras bu yod pa'i spobs pa dang / lha'i 'khor gyi rgyan gyi spobs pa dang / the tsom thams cad gcod pa'i spobs pa dang / 'jig rten pa dang / 'jig rten las 'das pa'i chos la spobs pa dang / 'khrul pa med pa'i spobs pa dang 'khor la byams pa dang / snying rje dang / dga' ba dang / btang snyoms kyi spobs pa dang / skye ba dran pa mngon par shes pa'i spobs pa dang / sangs rgyas kyi byin gyi rlabs kyis byin gyis brlabs pa'i spobs pa yin te/ rigs kyi bu nyi shu rtsa bzhi po de dag ni/ byang chub sems dpa' rnams kyi spobs pa yin no// de dag kyang yongs su sbyang ba bya ba nyi shu rtsa bzhis 'grub ste/ nyi shu rtsa bzhi gang zhe na/ 'di lta ste/ bla ma'i ngag mi gcog pas myur ba'i spobs par 'gyur ro// tshur shog ces bya ba dang / song zhes bya ba la g.yo med pas spobs pa mgyogs par

  95. 48b

    'gyur ro/ / nyon mongs pa thams cad la chags pa med pas spobs pa med par 'gyur ro// de la ma chags par gnas pas spobs pa rgyun mi 'chad par 'gyur ro// phra ma'i tshig med pas shin tu nges pa'i tshig la spobs par 'gyur ro/ / rten cing 'brel par 'byung ba rtogs pas zab mo la spobs par 'gyur ro// sbyin pa sna tshogs bsags pas sna tshogs la spobs par 'gyur ro// chung ma legs par brgyan te/ rab tu byin pas legs par brgyan pa'i spobs par 'gyur ro// byang chub sems las mi nyams pa'i zhum pa med pa'i spobs par 'gyur ro// tshul khrims kyi phung po legs par kun tu gsungs pas 'jigs pa med pa'i spobs par 'gyur ro/ / gdugs dang / rgyal mtshan dang / ba dan dang / dril bu sna tshogs byin pas tshogs su bcad pa sna tshogs bstan pa'i nges pa'i chog la spobs par 'gyur ro/ / sbyin pa dang ldan pa dang / rim gro byed pa dang / bsnyen bkur byed pa sngon du 'gro bas mdo dang rtogs pa brjod pa dang / sngon byung ba la spobs par 'gyur ro/ / sdug bsngal ba dang / dbul ba dang / mgon med pa la mi brnyas pas mi thul ba'i spobs par 'gyur ro// gter mi zad pa sbyin pa dang / pha rol chos la sbyor bas tshig rab tu dbye ba mi zad pa la spobs par 'gyur ro/ / tshig bden pa dang / tha ba med pa dang / ngag rtsub po med pa'i ngag gi las dang ldan pas spobs pa shin tu gsal zhing mdzes par 'gyur ro//

  96. 49a

    bla ma'i tshig khyad du mi gsod pa dang / gzhan gyi tshig mi gcog pas tshig btsun zhing gzung ba'i spobs par 'gyur ro// rang gi yon tan gyi chos sgrub pas chos bsten pa 'bras bu yod pa'i spobs par 'gyur ro/ / bdag la mi stod pa dang / gzhan la mi smod pa dang / 'phangs pa'i dngos po yongs su gtong bas lha'i 'khor gyi rgyan gyi spobs par 'gyur ro// chos la slob dpon gyi dpe mkhyud med pa dang / chos ji ltar thos pa bzhin du ston pas the tsom thams cad gcod pa'i spobs par 'gyur ro// bstan chos thams cad shes pa dang / gzhan la mi gnod pa dang / nad pa rnams kyi nad g.yog byed pa dang / sman rab tu sbyin pas 'jig rten pa dang / 'jig rten las 'das pa'i chos thams cad la spobs par 'gyur ro// pha rol la 'khrul pa'i skabs mi tshol ba dang / gzhan dag gi ltung ba mi gleng ba dang / 'khrul pa la mi rtogs pas 'khrul pa med pa'i spobs par 'gyur ro// sems can thams cad la sems snyoms ba dang sems can thams cad la mtshungs par sbyor ba dang / mya ngan las 'das pa'i lam la 'god pa dang / rnyed pa dang / bkur sti dang / tshigs su bcad pa thams cad don du mi gnyer bas/ 'khor la byams pa dang / snying rje dang / dga' ba dang / btang snyoms kyi spobs par 'gyur ro// dka' blo bde ba dang / nges pa dang / ji skad smras pa de bzhin byed pa dang /

  97. 49b

    sems dga' ba dang / gzhan gyi rgyud 'khrug par mi byed pas/ skye ba dran pa'i mngon par shes pa'i spobs par 'gyur ro// theg pa chen po las mi nyams pa dang / theg pa dman pa mi 'dod pa dang / sems can la snying rje ba dang / thams cad nan tan la 'god pas sangs rgyas kyis byin gyis brlabs pa'i spobs par 'gyur ro// sems can gzhan la go bar byed pas de'i phyir spobs pa zhes bya'o/ / sems can gzhan la nan tan du bya ba ston pas de'i phyir spobs pa zhes bya'o// gzhan gyi sems kyi rgyud tshim par byed pas/ de'i phyir spobs pa zhes bya'o// sems can gzhan gyi sems dang 'thun par ston pas de'i phyir spobs pa zhes bya'o/ / rigs kyi bu chos dang / yon tan dang / ye shes de lta bu dang ldan pa'i byang chub sems dpa' ni spobs pa thogs pa med cing rgyun mi 'chad la/ rtag tu sangs rgyas kyi byin gyi rlabs kyis byin gyis brlabs pa yin no// rigs kyi bu de la ji ltar na byang chub sems dpa' skye ba dang / 'chi 'pho dang / 'byung ba rnams la dbang thob pa zhe na/ rigs kyi bu chos bcu gnyis dang ldan na/ byang chub sems dpa' skye ba dang / 'chi 'pho dang / 'byung ba rnams la dbang thob pa yin te/ bcu gnyis gang zhe na/ 'di lta ste/ sdig pa'i grogs po yongs su spangs shing rtag tu dge ba'i bshes gnyen la sten pa dang / lta ba shin tu yongs su dag pa dang / sangs rgyas kyis gnang ba'i tshul khrims

  98. 50a

    kyi phung po yongs su dag pa dang / ting nge 'dzin dang / snyoms par 'jug pa dang / ldang ba shes pa dang / shes rab dang / thabs zung du 'brel ba dang / mngon par shes pa ma nyams pa 'thob pa dang / ma skyes pa dang / ma byung bar so sor rtogs pa dang / bsams bzhin du skye ba dang / smon lam yongs su rdzogs pa dang / sems can la lta ba'i byams pa la sbyor ba dang / snying rje chen po la'ang nges par sems pa dang / chos la sgyu ma lta bur rtog pa dang / 'chi 'pho med par 'pho zhing skye ba dang / chos kyi mtshan nyid rmi lam gyi ngo bo nyid kyi chos la 'jug pa dang / phyin ci log gi chos la yang dag pa ji lta ba bzhin du rtog pa dang / sangs rgyas bcom ldan 'das rnams kyis byin gyis brlabs nas skye ste/ 'pho zhing 'byung la skye ba dang / 'pho ba dang 'byung bar yang mi sems pa'o// rigs kyi bu byang chub sems dpa' gang dang gang du skyes nas/ sems can gyi don byed pa'i skyes pa'i rabs bstan pa tshad med pa'i skyes pa'i rabs de dag thams cad ni rtsa ba gnyis la gnas pa ste/ 'di lta ste/ mngon par shes pa'i ye shes la gnas pa dang / snying rje chen po'i rtsa ba la gnas pa'o// rigs kyi bu de ltar na byang chub sems dpa' skye ba dang / 'chi 'pho dang / 'byung ba rnams la dbang thob pa yin no// rigs kyi bu de la ji ltar na byang chub sems dpa' bdud bzhi'i lam las

  99. 50b

    yang dag par 'das shing bdud dang phyir rgol ba thams cad yang dag par bcom pa yin zhe na/ rigs kyi bu 'di la byang chub sems dpa' chos thams cad sgyu ma lta bur shes shing rtogs pas phung po'i bdud las yang dag par 'da' 'o/ / ji ltar thos pa'i chos la tshul bzhin so sor rtogs pas nyon mongs pa'i bdud las yang dag par 'da' 'o// rten cing 'brel par 'byung ba rtogs/ pas 'chi bdag gi bdud las yang dag par 'da' 'o// byang chub kyi sems las mi nyams pas lha'i bu'i bdud las yang dag par 'da' 'o// yang des bdud kyi las rnams bcom pa yin/ te/ des bdud kyi las rnams bcom pa gang zhe na/ gang dag gis byang chub sems dpa' la bdud kyis glags mi rnyed pa ste/ theg pa dman pa 'dod pa bdud kyi las dang / byang chub kyi sems mi srung ba bdud kyi las dang / sems can tha dad par sbyin pa bdud kyi las dang / skye ba la gnas pa'i tshul khrims bdud kyi las dang / de bzhin du sbyar te/ gzugs su bsngos pa'i bzod pa dang / 'jig rten gyi bya ba la brtson pa'i brtson 'grus dang / de la chags shing ro myang ba'i bsam gtan dang / shes rab kyis chos ngan pa la spong pa bdud kyi las dang 'khor bas yongs su skyo ba bdud kyi las dang / dge ba'i rtsa ba yongs su mi sngo ba bdud kyi las dang / nyon mongs pa la smod pa bdud kyi las dang / ltung ba 'chab pa bdud kyi las

  100. 51a

    dang byang chub sems dpa' la sdang ba bdud kyi las dang / dam pa'i chos spong ba bdud kyi las dang / byas pa rgyun gcod pa bdud kyi las dang / pha rol tu phyin pa rnams yongs su mi tshol ba bdud kyi las dang / dam pa'i chos mnyan par mi 'dod pa bdud kyi las dang / chos la slob dpon gyi dpe mkhyud byed pa bdud kyi las dang / zang zing dang 'brel bar chos ston pa bdud kyi las dang / thabs dang bral bas sems can yongs su smin par byed pa bdud kyi las dang / bsdu ba'i dngos po 'dor ba bdud kyi las dang / tshul khrims 'chal pa rnams la khong khro ba bdud kyi las dang / tshul khrims dang ldan pa rnams la mi gus pa bdud kyi las dang / nyan thos kyi bslab pa'i rjes su 'thun pa bdud kyi las dang / rang sangs rgyas kyi theg pa can gyi rjes su 'jug pa bdud kyi las dang / dus ma yin par sgrub 'dod pa bdud kyi las dang / snying rje chen po bor nas rigs la rtogs pa bdud kyi las dang / 'dus ma byas 'dod pa bdud kyi las dang / 'dus byas la smod pa bdud kyi las dang / sems can gyi ci bya'o cog la g.yel ba bdud kyi las dang / nga rgyal la gnas shing mi 'dud pa dang / lce gnyis smra ba dang g.yo sgyu dang ldan pa dang / bcos ma la dga' ba dang / mi drang ba dang / rtsub cing ba rlang ba dang / sdig pa la mi smod pa dang / chos kyi drungs 'byin pa dang / thos pa cung zad

  101. 51b

    tsam gyis chog par 'dzin pa dang / chos ma yin pa don du gnyer ba dang / chos ma yin pa 'dod pa dang / slob pa dang / chod pa dang / kun nas ldang ba rnam par mi gnod pa bdud kyi las dang / sems kyi dri ma mi rtog pa bdud kyi las dang / dge sbyong gi dri la mi mjed pa bdud kyi las te/ rigs kyi bu ji tsam du mi dge ba'i chos la 'jug pa dang / dge ba'i chos 'dor ba de thams cad ni bdud kyi las so/ / chos bzhis ni bdud kyi las 'di dag las shin tu 'da' ste/ bzhi gang zhe na/ 'di lta ste/ byang chub kyi sems ma brjed pa'i pha rol tu phyin pa drug po dag dang / dad pa dang / brtson 'grus la gnas pa'i bag yod pa dang / thabs mkhas pa la gnas te/ sems can yongs su smin par byed pa dang / chos kyi tshul zab mo la gnas te/ dam pa'i chos yongs su 'dzin pas so// rigs kyi bu de ltar chos la sbyor ba'i byang chub sems dpa' ni bdud bzhi'i lam las yang dag par 'das shing bdud dang phyir rgol ba thams cad bcom pa yin no/ / rigs kyi bu de la ji ltar na byang chub sems dpa' bsod nams tshad med pa bsags shing sems can thams cad 'tsho bar gyur pa yin zhe na/ rigs kyi bu 'di la byang chub sems dpa' ni sems can rnams la byams pas gnas pa yin/ 'byung po rnams la snying rje bar gnas pa yin/ bsam gtan

  102. 52a

    rnams la de la ma chags par gnas pa yin/ spong ba rnams la bdog pa thams cad yongs su gtong ba yin/ bsod nams ngag gis longs spyod mi zad pa yin bsam pa dag pas lag na rin po che yin/ mtho dman gyi yid med pas sems dang mtshungs pa yin/ tshul khrims yongs su dag pas bsam pa 'byor pa yin/ mchod sbyin thams cad sgrub pas sems grol zhing sgo bsgribs pa med pa yin/ chos rnam par 'byed pas gzungs dang spobs pa phun sum tshogs pa yin/ sangs rgyas kyi zhing tshad med par 'gro bas mngon par shes pa'i ye shes la gnas pa yin no/ / ji ltar phyi rol gyi 'byung ba chen po bzhi po 'di dag sems can thams cad kyi 'tsho bar gyur pa de bzhin du/ bdag gi nang gi 'byung ba chen po 'di dag kyang sems can thams cad kyi 'tsho bar gyur cig/ bdag gi dge ba'i rtsa ba dang / chos shes pa la mkhas pa gang yin pa de sems can thams cad kyi 'tsho ba ma yin par ma gyur cig ces de ltar dge ba'i rtsa ba rnams kyang yongs su bsngo ste/ de ltar na byang chub sems dpa' bsod nams tshad med pa bsags shing / sems can thams cad kyi 'tsho bar gyur pa yin no// rigs kyi bu de la ji ltar na byang chub sems dpa' sangs rgyas rnams ma byung yang sangs rgyas kyi mdzad pas sems can rnams la nye bar gnas pa yin zhe na/ rig kyi bu 'di la byang chub sems dpa' ni gnas dang

  103. 52b

    gnas ma yin pa'i bya ba shes pas stobs bcu yongs su sbyang bar bya ba tshar phyin pa yin/ zag pa zad pa'i bya ba shes pas mi 'jigs pa bzhi yongs su sbyang bar bya ba tshar phyin pa yin/ dus gsum la chags pa med pa'i ye shes kyi bya ba shes pas sangs rgyas kyi chos ma 'dres pa bco brgyad yongs su sbyang bar bya ba tshar phyin pa yin/ sangs rgyas kyi spyan snang ba thob pas/ spyan lnga yongs su sbyang bar bya ba tshar phyin pa yin/ byang chub kyi snying por 'gro ba thob pas/ mngon par shes pa thams cad yongs su sbyang bar bya ba tshar phyin pa yin/ nyon mongs pa'i bag chags yang dag par bcad pas/ dge ba'i chos thams cad yongs su bskang ba tshar phyin pa yin/ bsod nams kyi tshogs thams cad bsags pas lus dang / ngag dang / sems dang / mtshan dang dpe byad bzang po'i rgyan yongs su sbyang bar bya ba tshar phyin pa yin/ dbang bskur ba thob pas sa bcu yongs su sbyang bar bya ba tshar phyin pa yin/ ye shes kyi tshogs bsags pas sangs rgyas kyi chos thams cad yongs su sbyang bar bya ba tshar phyin te/ rigs kyi bu de ltar na byang chub sems dpa' sangs rgyas rnams ma 'byung yang sangs rgyas kyi mdzad pas sems can rnams la nye bar gnas pa yin no// rigs kyi bu de la ji ltar na byang chub sems dpa' rgya mtsho'i phyag rgya'i ting nge 'dzin thob cing sems can thams cad kyi sems dang spyod pa la mi chags pa yin zhe na/ rigs bu 'di lta ste/ dper na

  104. 53a

    'dzam bu'i gling na sems can rnams kyi gzugs snang ba ji snyed pa de dag thams cad dang 'dra ba'i phyag rgya rgya mtsho chen po la yod de/ de'i phyir rgya mtsho chen po zhes bya'o// de bzhin du sems can thams cad kyi sems su snang ba 'am/ gzugs su snang ba 'am/ sgrar snang ba ji snyed pa de dag thams cad rgya mtsho'i phyag rgya'i ting nge 'dzin la gnas pa'i byang chub sems dpa'i sems kyi snang ba gcig la snang bar 'gyur te/ de'i phyir rgya mtsho'i phyag rgya'i ting nge 'dzin ces bya'o// 'di lta ste/ dper na rgya mtsho chen po ni ro gcig pa yin no// de bzhin du byang chub sems dpa' yang chos la rnam par grol ba'i ror shes pas ro gcig pa yin no/ / 'di lta ste/ dper na rgya mtsho chen po ni dus las mi yol ba yin no// de bzhin du byang chub sems dpa' yang dus dang dus ma yin pa la so sor rtog pas/ byang chub kyi snying po'i dus las mi yol lo// 'di lta ste/ dper na rgya mtsho chen po ni shi ba'i ro dang lhan cig mi gnas so// de bzhin du byang chub sems dpa' yang bag chags kyi nyon mongs pa thams cad dang / nyan thos dang / rang sangs rgyas kyi sems can thams cad dang lhan cig mi gnas so// 'di lta ste/ dper na rgya mtsho chen po ni chu thams cad zad pas bri ba 'am/ gang ba med do// de bzhin du byang chub sems dpa' yang chos thams cad zad pas chos kyi dbyings bri ba'am gang bar mi byed do// 'di lta ste/ dper na rgya mtsho chen po ni kha tshon tshad med do// de bzhin du byang chub sem

  105. 53b

    dpa' yang shes rab kyis tshad med do/ / 'di lta ste/ dper na rgya mtsho chen po ni zab cing gting dpag dka' ba yin no// de bzhin du byang chub sems dpa' yang zab cing nyan thos dang / rang sangs rgyas thams cad kyis gting dpag dka' ba yin no/ / 'di lta ste/ dper na rgya mtsho chen po ni sems can tshad med pa'i gnas yin no// de bzhin du byang chub sems dpa' sems can yongs su smin par bya ba tshad med pa'i gnas yin no/ / 'di ni rgya mtsho'i phyag rgya'i ting nge 'dzin la 'jug pa yin te/ rigs kyi bu de ltar zhugs pa'i byang chub sems dpa' ni sems can thams cad kyi sems dang po spyod pa la mi chags pa yin no/ / rigs kyi bu de la ji ltar na byang chub sems dpa' chags pa thams cad las yang dag par 'das pa yin zhe na/ chags pa zhes bya ba ni gang chos rnams la lta ba kun nas ldang ba'o/ / byang chub sems dpa' ni lta ba kun nas ldang ba thams cad dang bral bas chags pa thams cad las yang dag par 'das pa yin no// 'di lta ste/ dper na rlung dmar ni nam mkha'i dkyil la ma chags so/ / de bzhin du byang chub sems dpa' rlung dmar lta bu'i sems dang ldan pa'ang sems can thams cad la mi chags so// yang skyes bu dam pa de dag ni spyad pa dang / cho ga'i tshul shes pa yin te/ de la cho ga ni dran pa'o// spyad pa ni rnam par mi g.yeng ba'o// de dag ni mun pa dang bral zhing snang ba thob pa'ang yin te/ de la mun pa zhes bya ba ni gang chos rnams la mi shes pa'o//

  106. 54a

    snang ba zhes bya ba ni gang chos rnams la ye shes thogs pa med pa ste/ de'i phyir de dag mun pa dang bral zhing snang ba thob pa zhes bya'o// skyes bu dam pa de dag ni ye shes gzhan gyi dring la mi 'jog cing rang gis ye shes thob pa yin te/ de ci'i phyir zhe na/ de dag rang byung gi ye shes la mngon par gnas shing sems can gzhan ye shes 'dod par byed pa yin no// gang gi tshe byang chub sems dpa' chos gtan la 'bebs pa'i ye shes bstan pa 'di la gzhan gyi dring la mi 'jog cing rang gis ye shes thob par gyur pa de'i tshe/ myur du thams cad mkhyen pa'i ye shes thob par 'gyur ro/ / de nas bcom ldan 'das kyis de'i tshe tshigs su bcad pa 'di dag gsungs so// gang zhig lta ba kun las sems dben zhing // mkhas pa bsod nams tshogs ni rab byed la// mtshan ma ldang ba yongs su spangs nas su/ / byang chub phyir bsngos de ni zad mi 'gyur// nga rgyal las kyang nga rgyal kun spangs nas// de ni ye shes tshogs rnams tshol bar byed// mtha' yas blo ldan nam mkha'i ngo bo nyid/ / kun mkhyen ye shes yongs su rdzogs par byed// rgyal ba'i sras de sangs rgyas rjes dran pa// gzugs dang mtshan gyis chos su ma yin te// nang na sems dang yid ni mi rgyu ba// de ni 'thun par sangs rgyas rjes su dran// chos ni 'dod chags bral zhing rang bzhin dben// zhi zhing rab zhi rtag tu mtshan ma med// gang zhig dmigs pa thams cad 'gyur pa// de 'dir chos ni

  107. 54b

    rjes su dran pa yin/ / 'phags pa'i dge 'dun shin tu 'dus ma byas// stong pa mtshan med smon lam rnam par grol// de la sems med dra na dang 'jug pa med// de ni dge 'dun rjes su dran pa yin/ phung po yongs su gtang ba thams cad gtong // nyon mongs dngos po thams cad legs par 'dor// snyems pa med cing rtogs dang rnam rtog dag/ 'di ni gtong ba legs par rjes su dran/ / tshul khrims zag pa med cing 'dus ma byas// lus dang ngag dang yid kyis 'jug pa med// 'byung ba med cing sring gsum mi gnas pa// de ni tshul khrims rjes su dran pa yin// / lhagang dag cing dri med nyon mongs med// dga' ldan gnas pa dbang bskur thob myur ba// sems can dag pa de dag 'dir dran zhing // bdag kyang myur du de 'drar 'gyur snyam sems// de bzhin gshegs kyi dam chos 'dzin pa ni/ / nyon mongs dngos po thams cad 'dzin mi byed// chos dang chos min gnyis las rnam par grol// de 'dra de ni rgyal ba'i chos 'dzin yin// rgyal bas byang chub mtshan nyid gang brnyes pa/ / chos kyi mtshan nyid de ni yongs 'dzin cing // gang gis rdul med mtha' 'di rab shes pa// de ni sangs rgyas kun gyi chos 'dzin yin// bdag ni/ rab tu dag pas sems can dag/ chos kun dag par mkhas pa sus rtog pa// de ni sems dag rang bzhin 'od gsal te// sems can gdon phyir rtag tu yongs smin byed// sems

  108. 55a

    can khams rnams ma rung mi byed cing / / de ni bri zhing gang bar mthong ba med// lta ba nor pa rab spang bar ston// de 'dra de ni sems can mang po sbyong // 'jig rten yul kun rab tu gang ston pa/ / des ni sangs rgyas yul yang rab tu bstan// sangs rgyas yul ni nam mkha' mtshungs pa ste/ de bzhin 'jig rten yul yang rab tu shes// sgra skad dbyangs dang yi ge thams cad ni/ / brag cha 'dra ba de yis rab mthong zhing // de la nyan pa'ang shin tu yod min par// de ltar rab tu shes pa gzungs 'thob bo// kun tu 'dzin dang 'dzin cing klog pa dang / / chos rnams bstan pa'i rnam par rab bshad kyang // bdag dang sems can chos su rlom sems med// de ni gzungs la rab tu gnas pa yin// rgyal ba kun gyis gsungs pa 'dzin byed cing / / legs par gsungs pas sems can tshom byed pa// dran dang ting nge 'dzin dang bral mi 'gyur// gzungs la nges pa'i yon tan 'di dag go// chos ni rnam pa kun tu bsags med pas// chos la mi 'phro 'phros pa med pa'ang min// dper na klu ni char rgyun 'bebs pa ltar// de ltar de yang chos kyi char pa 'bebs// yon tan 'byung gnas rnams kyi spobs pa ni// thogs med rgyun chags rgyun chad mi 'gyur bar/ / mdo sde stong phrag bye ba rab tu 'chad// sems can dbang por sems can 'du shes med// sangs rgyas mthu yis bskal pa bye stong du// rgyun mi 'chang par chos ni rab

  109. 55b

    ston cing / / bsam pa ji bzhin sems can tshim par byed// spobs pa'i tshul gyis sangs rgyas yon tan gnas// chos 'di thams cad nam mkha' 'dra ba zhes// gang gis chos rnams kun gyi tshul shes la/ / sems can srog dang gang zag mi 'dzin pa// de ni rgyal ba rnams kyi dam chos 'dzin// sems can thams cad shin tu mya ngan 'das// de dag de ltar kun tu skye ba med// su yi bzod 'di dri med 'od gsal ba// de ni bstan pa 'di la bag yod yin// phung po yang dag sgyu ma lta bur mthong // chos dbyings ci 'dra de bzhin khams rnams shes// dbang po drug ni grong stong 'drar mthong ba/ / de ni phung po'i bdud las yang dag 'da'// sprin brtsegs phung po lta bur nyon mongs rnams// bag yod tshul bzhin rab tu rtog byed cing // chos la mi rtog rnam par mi rtog pa/ / de ni nyon mongs bdud las yang dag 'da'// gang zhig skye ba rtag tu skye med shes// 'di la gang yang 'pho med 'gro ba med// chos rnams 'ongs med song ba med shes pa// de ni 'chi/ bdag bdud kyi dbang mi 'gro// gang zhig g.yo dang rlom sems mi byed cing // byang chub gnas kyang byang chub 'du shes med// bdag dang sems can med kyang snying rje 'jug/ de ni dpung dang bcas pa'i bdud 'dul lo/ / rnam shes ye shes gnyis ni mnyam par mthong // 'dus byas mi gnas 'dus ma byas la min// 'gro ba'i sems ni sgyu ma 'drar mthong ba// de ni sems pa'i rdzi ba

  110. 56a

    med pa yin/ / pha rol tshu rol gang la'ang mi chags la// chos ldan gru ni yang dag su sbyor zhing // sems can sgrol yang sems can 'du shes med// mnyam pa zhes bya byang chub sems dpa' de/ / srid pa gsum po 'brog dgon 'dra ba dang // stong pa 'gyur ba med par rab shes shing // lam gyi rim gyis rtag tu sems can sgrol// de ni ded dpon bdud rtsi lam ston pa// mdzangs pa de ni tshul dang tshul mi mkhas// chos rnams 'dod nas stong par rab tu shes// tshul dang rigs pas mya ngan 'das la 'dzud// byang chub sems dpa' de ni 'dren ces bya// sems kyi rgyud ni gzhan dang gzhan du 'gyur/ / sems ni sems la rnams kyang mtshams mi sbyor// 'gro ba'i sems rgyud de dag rab shes pa// byang chub sems dpa' yongs su 'dren ces bya// nam mkha'i ngo bo nyid dang chu zla ltar/ / chos rnams thams cad dag cing rnam dag ces// nyon mongs kun dang 'dre bar mi byed pa// sems can dag pa de ni ma smad pa// gang zhig chos gcig gis ni chos rnams kun/ / sgyu ma smig rgyu 'dra bar gzung med dang // gsog dang brdzun dang rtag pa med par shes// de ni byang chub snying por myur du 'gro// chos gtan la 'bebs pa bstan pa 'di bshad pa na/ / lha dang / mi dang / lha ma yin dang / mi 'am ci dang / lto 'phye chen po'i srog chags khrag khrig phrag bdun cu rtsa gnyis bla na med pa yang dag par rdzogs pa'i byang chub tu sems bskyed do//

  111. 56b

    byang chub sems dpa' sum khri nyis stong ni mi skye ba'i chos la bzod pa thob par gyur to// stong gsum gyi stong chen po'i 'jig rten gyi khams 'di'ang rnam pa drug tu rab tu g.yos so// snang ba chen pos kyang 'jig rten gyi khams khyab par gyur to/ / lha brgya stong dag kyang me tog gi char rab tu 'bebs shing sil snyan dag kyang dkrol nas 'di skad ces gang dag bstan pa 'di thos mos pa dang / 'dzin pa dang / nan tan byed pa'i sems can de dag ni sangs rgyas kyi yul du rjes su dong ba yin no// gang du sangs rgyas bcom ldan 'das rnams byung ba'i sangs rgyas kyi zhing 'di thams cad mkhas pa rnams kyis rgyan gyis legs par brgyan pa byas te phyag bya'o/ / de ci'i phyir zhe na/ sangs rgyas byung bar gyur na/ chos 'di lta bu 'di rab tu ston par 'gyur ro// skyes bu dam pa bsam gyis mi khyab pa'i chos dang ldan pa 'di dag kyang mthong bar 'gyur ro zhes ched brjod pa ched du brjod do/ / de nas bcom ldan 'das kyis zhus pa lung bstan pas/ byang chub sems dpa' sems dpa' chen po nam mkha' mdzod mngon du rangs par mdzad pas mu tig gi dra ba 'od dri ma med cing rnam par dag pa stong gsum yongs su gang ba ri ba bcom ldan 'das kyi sku la mngon par gsol nas/ bcom ldan 'das la 'di skad ces gsol to/ / sangs rgyas bcom ldan 'das rnams kyi ye shes ni chag pa mi mngal zhing sgrib pa mi mnga' ba/ bstan pa ni rgyun mi 'chad pa/ de bzhin gshegs pa ni sems can thams cad kyi sem

  112. 57a

    la gzigs shing / dbang po mchog dang mchog ma yin pa mkhyen pa'i ye shes la mkhas pa'o// bcom ldan 'das kyis 'di 'dra ba'i chos kyi tshul gyi rnam pa bstan pa des 'khor thams cad kyi sems tshim par gyur to/ / theg pa chen po 'di'ang rgyas par brjod pa mdzad par gyur to// phyogs bcu'i 'jig rten gyi khams nas 'dus pa'i byang chub sems dpa' 'di dag la'ang chos kyi snang ba chen pos rgyas par mdzad par gyur to/ / bcom ldan 'das de bzhin gshegs pas bdag la'ang chos 'byung ba'i sgo bstan pas chos 'byung ba'i sgo des chos 'byung ba'i sgo tshad ma mchis pa bstan par bgyi'o/ / / 'phag pa nam ma mdzod kyi mngosas po bzhi pa/ de nas byang chub sems dpa' sems dpa' chen po myur bar spobs pa zhes bya ba de 'khor de nyid du 'dus par gyur te 'dug pa des/ byang chub sems dpa' nam mkha' mdzod la 'di skad ces smras so// rigs kyi bu gang khyod kyi ming nam mkha' mdzod ces bya ba de/ ci nam mkha' khyod kyi mdzod dam/ smras pa/ rigs kyi bu de bzhin te/ nam mkha' ni kho bo'i mdzod do// myur bar spobs pas smras pa/ rigs kyi bu nam mkha'i mdzod kyi bye brag bdag cag gis kyang blta'o// de nas bcom ldan 'das kyis/ byang chub sems dpa' nam mkha'i mdzod la bka' stsal pa/ rigs kyi bu khyod kyis nam mkha' mdzod kyi khyad par ston cig/ de nas byang chub sems dpa' nam mkha'i mdzod kyis/

  113. 57b

    byang chub sems dpa' myur bar spobs pa la 'di skad ces smras so// rigs kyi bu khyod kyi ying la gang 'dod pa de kho bos nam mkha' las char dbab bo// de nas byang chub sems dpa' myur bar/ spongs pa 'di snyam du sems te/ de bzhin gshegs pa rin po che ut+pala'i dpal gyi 'jig rten gyi khams pad+ma bkod pa zhes bya ba na/ 'od thams cad rnam par snang ba zhes bya ba'i pad+ma rgya ni rgyang grang kyi tshad/ 'dab ma bye ba stong phrag mang po 'jam zhing gzhon pa/ gos ka tsa yin di ka ltar reg na bde ba/ dris ni sangs rgyas kyi zhing khyab pa/ kha dog mang po brgya stong dang ldan pa/ mthong na yid du 'ong zhing chog mi shes pa/ pad+ma de mthong ba dang dri bsnams pas byang chub sems dpa' de dag ting nge 'dzin thob par 'gyur ba de dag gis mthong ste/ 'khor 'dir de 'dra ba'i pad+ma'i char phob cig snyam pa dang / byang chub sems dpa' myur bar spobs pas bsams ma thag tu/ de nas byang chub sems dpa' nam mkha' mdzod kyi byin gyi rlabs kyis nam mkha'i ngos las de 'dra ba'i pad+ma'i char mngon par phab ste/ de na 'khor de dag thams cad pad+ma de dag gi dri tshor zhing mthong bas dga' ba'i zas zhes bya ba'i ting nge 'dzin la snyoms par zhugs so// 'khor de thams cad ting nge 'dzin las langs te/ byang chub sems dpa' nam mkha'i mdzod la phyag 'tshal nas 'di skad ces 'dzer to// skyes bu dam pa'i byin gyi rlabs dang / ye shes kyi

  114. 58a

    stobs legs so legs so/ / sems can thams cad kyang 'di 'dra ba'i byin gyi rlabs thob par gyur cig/ de na byang chub sems dpa' rin chen bkod ces bya ba 'du bar gyur te 'dug pa des/ byang chub sems dpa' nam mkha' mdzod la 'di skad ces smras so// rigs kyi bu khyod kyis nam mkha' las gser phyi'i char phob cig/ byang chub sems dpa' rin chen bkod kyis tshig de skad ces smras ma thag tu/ de'i mod la nam mkha' las gser phye'i char mngon par phab bo// de nas yang byang chub sems dpa' rin chen bkod kyis/ byang chub sems dpa' nam mkha' mdzod la 'di skad ces smras so/ / rigs kyi bu khyod kyis nam mkha' las rin po che thams cad kyi char phob cig/ tshig de skad ces smras ma thag tu/ de'i mod la phyogs bcu na ji tsam rin po che grangs med dpag tu med pa ming tha dad pa la dog tha dad pa yod pa de dag gi char chen po mngon par phab pa 'di lta ste/ gser dang / dngul dang / shel dang / bai DUR+Ya dang / rdo'i snying po dang / mu tig dmar po dang spug dang / dpal gyi snying po'i ze ba can dang / dri med dang / rin chen bu ru dang / zla ba'i 'od dang / me shel dang / snang byed dang / 'od mchog dang / 'dzam gling 'od dang me 'od dang / dung dang / man shel dang / bu ru dang / an+da rnyil dang / yon tan 'byung gnas dang / rab tu zhi ba'i 'od dang / chu 'od dang / chu mdog dang / chu dang bar byed dang / sa'i 'od dang

  115. 58b

    mi phyed pa'i gnas dang / mig mi bzod pa dang / brgya byin thogs pa dang / rgyal ba dang / cher rgyal ba dang / gzi brjid 'bar dang / dpal gyi snying po'i rgyal po dang / rdo rje'i ze ba can dang 'jig rten snang byed dang / skar ma dga' dang / 'od 'dzin dang / zla gam dang / 'dzam bu'i chu 'od dang / 'dzam bu'i gling gi 'od dang / 'od stong ldan dang / skar mda'i sgo dang // me'i 'od dang / rgyal bas brgyan pa dang / tsha bzhi byed dang / gdung ba med pa dang / nad sel ba dang / mig sbyong dang / rna ba dang / sna dang / lce dang / lus dang / yid sbyong dang / yan lag rnam par snang ba dang / rnam par snang ba'i 'od dang / 'od sngon po dang / 'od ser po dang / dkar po dang / shel gyi kha dog dang / rin po che'i dra ba dang / rin po che thams cad yang dag par bsdus pa dang / ming de lta bu dang / ming de ma yin pa'i rin po che'i char rab tu bab ste/ nor bu rin po che de dag gi ming bskal par yang zad par sla ba ma yin no// de nas byang chub sems dpa' dus kyi rgyal po zhes bya ba des/ byang chub sems dpa' nam mkha' mdzod la 'di skad ces smras so// rigs kyi bu mi mjed kyi 'jig rten gyi khams 'di na sems can sdug bsngal zhing dbul ba zas dang skom med pa/ gcer bu gos med pa/ gos ral po gyon pa dang / yi dgas rnams bkres shing skom pas yongs su zin pa/ gcer bu rang gi sgras yog pa/ mchil ma dang / ngar snabs dang /

  116. 59a

    khrag dang / rnag pa 'dod pa de lta bu'i sems can de dag bskyab pa'i phyir/ zas dang / skom dang / gos kyi char khyod kyis phob cig/ de nas de ma thag tu byang chub sems dpa' nam mkha' mdzod kyi byin gyi rlabs kyis/ bza' ba dang / bca' ba dang / myang ba dang / bldag pa sna tshogs kyi char rab tu phab ste/ ro brgya dang ldan pa'i khu ba dang btung ba thams cad kyi char gyi rgyun shing rta'i srog shing tsam gyi char mngon par phab bo/ / gos kha dog du ma dang / kha dog tha dad pa dang / kha dog brgya stong du ma dang / phra zhing 'jam pa ka tsa lin di ka ltar reg na bde ba'i char rab tu bab ste/ de nas stong gsum gyi stong chen po'i 'jig rten gyi khams na bkren pa dang / dbul po thams cad dang / yi dgas thams cad kun tshim par byas so// de nas byang chub sems dpa' sman pa'i rgyal po zhes bya ba des/ byang chub sems dpa' nam mkha'i mdzod la 'di skad ces smras so// rigs kyi bu sems can na ba g.yog med/ nang du mas reg pa yod pa de dag gi don du/ sman chen po'i char gang gis na ba de dag thams cad nad las yongs su thar par 'gyur ba phob cig/ de nas de ma thag tu bar snang las bdud rtsi'i sman gyi char mngon par rab tu phab ste/ des nad thams cad las yongs su thar par gyur to/ / de nas byang chub sems dpa' ngan song spong zhes bya ba des/ byang chub sems dpa' nam mkha' mdzod la 'di skad ces smras so// rigs kyi bu

  117. 59b

    khyod kyis ngan song gsum zhi bar gyis shig/ de nas de ma thag tu bar snang las 'od rab tu btang ste/ sems can dmyal ba pa dang / dud 'gro'i skye gnas pa dang / gshin rje'i 'jig rten pa'i sems can rnams 'od des reg pa de dag thams cad bde ba dang rab tu ldan par gyur te/ ngan song gsum po thams cad rab tu zhi bar gyur te/ 'di ltar sbyin pa yongs su gtong ba la rab tu sbyor ba'i bar du me tog dang / 'phreng ba dang / spos dang / byug pa dang / phye ma dang / chos gos dang / gdugs dang / rgyal mtshan dang / ba dan la sogs pa dang / rol mo sna lnga dang ldan pa dang / glu'i dmangs dang / bran po dang / bran mo dang / chung ma dang / khye'u dang / bu mo dang / slas dang / rta dang / bal glang dang / shing rta dang / dpung bu chung dang / bzhon pa dang khyim dang / grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dang / skyed mos tshal dang / yang thog dang / khang pa brtsegs pa dang / khang bzangs dang / rta babs dang / skar khung dang / zla ba kham pa lta bu dang / khri dang / khyogs dang / glang bzhi pa dang / glang bcu drug pa nas/ rtswa cang shes stong gis drang ba dang ldan pa'i shing rta'i bar gyi char bar snang las mngon par rab tu bab bo/ / de nas byang chub sems dpa' nam mkha' mdzod kyis de lta bur byin gyis brlabs nas byang chub sems dpa'i tshogs chen po la smras

  118. 60a

    @pa/ rigs kyi bu dag 'di dag long la byin cig/ yongs su gtong bar gyis te/ sbyin pa'i pha rol tu phyin pa yongs su rdzogs par gyis shig/ de nas byang chub sems dpa'/ tshul khrims kyi rgyan ces bya ba des/ byang chub sems dpa' nam mkha' mdzod la 'di skad ces smras so// rigs kyi bu khyod kyis sbyin pa'i pha rol tu phyin pa'i char ni phab na/ de'ang tshul khrims kyi pha rol tu phyin pa'i char pob cig/ des tshig de skad ces smras ma thag tu/ phyogs bcu na sangs rgyas dang byang chub sems dpa' rnams tshul khrims kyi yon tan gyi rgyan gyi bsngags pa ji snyed brjod pa de snyed kyi tshul khrims kyi yon tan dang bsngags pa'i sgra bar snang las byung ngo / / de bzhin du bzod pa dang / brtson 'grus dang / bsam gtan dang / shes rab kyi yon tan gyi sgra yang ji tsam phyogs bcu na sangs rgyas dang / byang chub sems dpa' rnams yi ge dang / nges pa'i tshig dang / brda dag gis chos kyi sgo brgya stong ston pa'i chos kyi sgra de dag thams cad ma chad ma lhag khyad ma zhugs par bar sna las ma lus par rdzogs par byung ngo / / chos kyi sgra des stong gsum gyi stong chen po'i 'jig rten gyi khams thams cad go bar byas so// de na tshad med grangs med pa'i sems can theg pa gsum la yongs su smin par byas par gyur to/ / de nas byang chub sems dpa' kun tu snang ba zhes bya ba de 'di snyam du sems so// byang chub sems dpa' nam mkha' mdzod kyis bkod pa 'jig rten 'di 'ba' zhig na

  119. 60b

    'am 'jig rten gyi khams gzhan dag na'ang yod snyam pa dang / de nas byang chub sems dpa' nam mkha' mdzod kyis/ byang chub sems dpa' kun tu snang ba'i sems kyi kun tu rtog pa sems kyis shes so// shes nas kyang byang chub sems dpa' kun tu snang la 'di skad ces smras so// rigs kyi bu khyod shin tu dri ma med cing shin tu rnam par dag pa'i lha'i mig rnyed na/ rigs kyi bu khyod kyis phyogs bcu'i 'jig rten gyi khams rnams su ci mthong ltos shig/ de nas byang chub sems dpa' kun tu snang bas lha'i mig gis phyogs bcu'i 'jig rten gyi khams rnams su bltas na/ des phyogs bcu'i sangs rgyas kyi zhing grangs med dpag tu med pa dag na/ ji ltar 'jig rten gyi khams 'dir rin po che thams cad kyi char rab tu phab pa dang / chos kyi sgra thams cad grag pa de bzhin du/ sangs rgyas kyi zhing de dag na'ang ma tshad ma lhag khyad ma zhugs par 'di lta bu'i bya ba rnams rab tu 'byung bar mthong ngo / / de nas byang chub sems dpa' kun tu snang ba ngo mtshar du gyur nas/ byang chub sems dpa' nam mkha' mdzod kyi smon lam gyi byin gyi rlabs pa de ni bsam gyis mi khyab ste/ ga lar yang cog car sangs rgyas kyi zhing thams cad du skyes bu dam pas 'di 'dra ba'i char sngon par rab tu phab po zhes ched du brjod pa 'di ched du brjod do/ / de nas sangs rgyas kyi mthu dang / byang chub sems dpa' nam mkha' mdzod kyi byin gyi rlabs kyis thams cad dang ldan pa'i 'khor des gang du rin po che'i char dang / chos kyi char rab tu 'bab

  120. 61a

    pa'i sangs rgyas kyi zhing de dag mthong ngo / / yang byang chub sems dpa' nam mkha' mdzod kyis/ rin po che'i char dang / chos kyi char gyi cho 'phrul 'di bstan pas bgrang ba las/ 'das pa'i sems can rnams byang chub tu sems skyes so// de nas rgyal po'i khab nas bud med yugs mo lnga brgya byung nas/ byang chub sems dpa' nam mkha' mdzod ga la ba der dong ste lhags nas byang chub sems dpa' nam mkha' mdzod la 'di skad ces smras so/ / skyes bu dam pa khyod sems can thams cad kyi 'dod pa rdzogs par mdzad na/ bdag cag la'ang khyo stsol cig/ de nas de ma thag tu byang chub sems dpa' nam mkha' mdzod kyi byin gyi rlabs kyis bud med de dag gi sngon gyi khyo nyid kha dog dang / mtshan ma dang / dbyibs ci 'dra ba de lta bu'i skyes pa lnga brgya nam mkha' las babs nas/ byang chub sems dpa' nam mkha' mdzod kyi mdun na 'khod do// de nas byang chub sems dpa' nam mkha' mdzod kyis/ bud med de dag la 'di skad ces smras so// sring mo dag bdag bdag gi khyo ji lta ba bzhin du khri cig/ de nas bud med de dag gis ji lta bur rang rang gi khyo gang yin pa khrid nas dga' mgu rangs shing rab tu dga' ste/ yid bde ba skyes nas rang rang gi khyim du dong ngo / / de nas sprul pa'i skyes bu de dag gis zhag bdun du bud med de dag ji ltar bla na med pa yang dag par rdzogs pa'i byang chub las phyir mi ldog pa de lta de ltar smin par byas so//

  121. 61b

    de nas yang bud med lnga brgya po de dag byang chub sems dpa' nam mkha' mdzod kyi thad du lhags nas tshigs su bcad pa 'di skad ces smras so// chos kyi rang bzhin stong pa sgyu ma 'dra// chos kyi mtshan/ nyid de ni sngon ma 'tshal// de phyir khyod kyis sprul pa'i khyo stsal te// bdag cag theg pa'i mchog la des smin bgyis// chos 'di thams cad yang dag sprul pa ste// g.yo ba med cing byed med snga nas stong zag med ye shes dag gis rab rtogs te/ / slan chad nyon mongs dbang du mi mchi'o// byang chub mchog gi sems ni bskyed par bgyi// sems can thams cad mgron du gnyer bar bgyi// sems can rgya chen khyod kyis phab pa bzhin// bdag cag gis kyang chos mchog char pa dbab// 'dren mchog thub pas de dag lung bstan pa// khyed cag ma 'ongs dus na 'gyur ba ni// sdud pa spyar nas rgyal ba'i dbang po dag/ shin tu dul zhes bya ba'i bde gshegs 'gyur// yang de'i tshe na mo lnga brgya gsad par chad de gsad du khrid pa las/ de dag gis bar snang las sems can rnams byang chub sems dpa' nam mkha' mdzod ces bya ba gang 'jigs pa'i sems can rnams la mi 'jigs pa sbyin pa zhig yod kyis/ de la khyed cag phyag tshol cig dang / gsad pa 'di las thar par 'gyur ro zhes sgra zhig thos so/ / de nas de dag thams cad shi bas 'jigs skrag pas sgra skad gcig tu/ byang chub sems dpa' sems dpa' chen po nam mkha' mdzod la phyag 'tshal/

  122. 62a

    lo zhes tshig de skad smras so// tshig de skad ces smras ma thag tu/ skad cig de nyid la bar snang las mi lnga brgya babs te der lhags nas/ gshed ma mi de dag la 'di skad ces smras so/ / khyed cag gis mi dbul po 'di dag gsad de ci rung / nged cag gi gos dang rgyan rnams khyer la/ nged cag gi srog chod de mi 'di dag khye zhig/ de dag chags pas non pa'i phyir/ gsad par chad pa'i mi lnga brgya po de dag btang ste/ sprul pa'i skyes bu de dag gsad do// de nas mi gsad pa las btang ba de dag gsad pas 'jigs shing skrag pa las dbugs 'byin pa rnyed pas/ byang chub sems dpa' nam mkha' mdzod ga la ba der dong ste lhags nas/ bcom ldan 'das kyi zhabs la'ang mgo bos phyag 'tshal lo// byang chub sems dpa' nam mkha' mdzod la'ang thal mo sbyar te phyag 'tshal nas 'di skad ces gsol to/ / skyes bu dam pa khyod kyis bdag gi srog dang / dbugs 'byin pa rnyed par bgyis na bdag cag chos gang la nan tan du bgyis pas bdag la sman pa dang / gzhan la sman pa la zhugs par 'gyur ba'i chos bstan pa bdag cag la stsal du gsol/ byang chub sems dpa' nam mkha' mdzod kyis smras pa/ rigs kyi bu khyed cag bla na med pa yang dag par rdzogs pa'i byang chub tu sems skyed cig dang / 'di ltar khyed rnams bdag la phan pa dang / gzhan la phan par zhugs par 'gyur ro// de dag la de skad ces

  123. 62b

    smras pa dang / bla na med pa yang dag par rdzogs pa'i byang chub tu sems bskyed do// de dag la byang chub sems dpa' nam mkha' mdzod kyis brgya stong ro ba'i ras bcos bu zung gcig byin te grogs po dag ras bcos bu zung 'di de bzhin gshegs pa la gsol cig/ de dag thams cad kyis ras bcos bu zung de de bzhin gshegs pa'i sku la mngon par gsol te/ de dag thams cad bcom ldan 'das kyis bskal pa bgrang ba las 'das pa na byang chub kyi phyogs kyi chos rnams yang dag par bsgrubs nas mi 'jigs pa sbyin pa zhes bya ba'i de bzhin gshegs pa 'jig rten du 'byung ngo/ zhes lung bstan to/ / de nas tshe dang ldan pa shA ri'i bus/ byang chub sems dpa' nam mkha'i ma dzod la 'di skad ces smras so// rigs kyi bu khyod kyis gang mi skam mi zad mi dengs pa'i nam mkha' la mdzod bzhag nas ji srid lon/ nam mkha' mdzod kyis smras pa/ btsun pa shA ri'i bu 'di ji snyam du sems ci nam mkha' skam pa'am/ zad pa yod dam/ dengs par 'gyur ram// smras pa/ rigs kyi bu de lta ma yin no// smras pa/ btsun pa shA ri'i bu de bzhin du/ byang chub de ni nam mkha'i ngo bo nyid kyi mtshan nyid de/ de la bdag gi dge ba'i rtsa ba rnams der bsngos pas/ de bas na nam mkha' la mdzod mi skams mi zad mi dengs so// yang khyod kyis nam mkha' la mdzod bzhag nas ji srid lon zhes zer ba ni/

  124. 63a

    kho bos byang chub tu sems bskyed nas ji srid lon pa de srid do// smras pa/ rigs kyi bu khyod kyis byang chub tu sems bskyed nas ji srid lon/ smras pa/ bcom ldan 'das kyis mkhyen pas mkhyen to/ / de nas gnas brtan shA ri'i bus/ bcom ldan 'das la 'di skad ces gsol to// bcom ldan 'das byang chub sems dpa' nam mkha' mdzod kyis byang chub sems bskyed nas ji srid lags/ bcom ldan 'das kyis bka' stsal pa/ shA ri'i bu gal te de bzhin gshegs pas gnas 'di bstan na lha dang bcas pa'i 'jig rten rnams myos par 'gyur ro/ / gsol pa/ bcom ldan 'das 'khor 'di na sems can gang rnams rtog pa mang zhing dad par 'gyur ba dag mchis kyis bshad du gsol/ bcom ldan 'das kyis bka' stsal pa shA ri'i bu 'di lta ste/ dper na gang+gA'i klung gi bye ma snyed kyi 'jig rten gyi khams na/ pad+ma'i klung gi bye ma snyed pa de snyed kyi sangs rgyas kyi zhing rdul phra rab kyi rdul snyed kyis yongs su gang bar gyur te/ rdul phra rab kyi rdul de dag ji snyed yod pa de snyed kyi bskal pa brgya stong zhing rdul phra mo gcig bzhag la/ de lta bur bgrang ba dang mtshan mar bzhag pas de skad kyi rdul phra mo thams cad ni zad par 'gyur gyi/ ji srid nas byang chub sems dpa' nam mkha' mdzod kyis bla na med pa yang dag par rdzogs pa'i byang chub tu sems bskyed pa'i bskal pa grangs med pa bye ba khrag khrig brgya

  125. 63b

    stong de dag la zad pa gang yang med do/ / shA ri'i bus gsol pa/ bcom ldan 'das gang gi thad nas byang chub sems dpa' nam mkha' mdzod kyis dang po byang chub tu sems bskyed pa de bzhin gshegs pa de mtshan ci zhes bgyi/ bcom ldan 'das kyis bka' stsal pa/ yang shA ri'i bu de'i tshe de'i dus na/ rin po che bkod pa zhes bya ba'i bskal pa la sangs rgyas kyi zhing thams cad ston pa'i 'jig rten gyi khams su de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das smon lam thams cad las shin tu byung ba/ rin po che'i gzi brjid 'phags pa'i rgyal po zhes bya ba 'jig rten du byung ste/ yang shA ri'i bu de bzhin gshegs pa de'i sangs rgyas kyi zhing gi yon tan bkod pa yod pa de dag gi tshe'i tshad bskal par gnas kyang bshad par sla ba ma yin no// shA ri'i bu de bzhin gshegs pa de'i 'khor gyi dkyil 'khor ni 'jig rten gyi khams stong gi tshad du gyur te/ byang chub sems dpa'i dge 'dun ni bgrang ba las 'dra ba zhig byung ngo // shA ri'i bu de'i dus na/ 'jig rten gyi khams de na stong gsum gyi 'khor los sgyur ba'i rgyal po lha thams cad kyis dbang bskur ba zhes bya ba zhig byung ste/ rin po che'i mdzod bsam gyis mi khyab bo//

  126. 64a

    de'i bu rdzus te skyes pa rang gi gzi brjid kyis mngon par grub pa sum khri drug stong yod do// de ci'i phyir zhe na/ sangs rgyas kyi zhing de na bud med kyi ming yang med do// shA ri'i bu de bzhin gshegs pa de'i tshe'i tshad kyang bskal pa stong phrag brgya thub bo// de nas rgyal po lha thams cad kyis dbang bskur bas/ bar gyi bskal pa bzhi bcur bcom ldan 'das de la bsnyen/ bkur dang rim gro byas te/ nyin gcig la 'god pa yang ri rab bye ba stong snyed kyi rin po che'i phung po zad par gyur pa de lta bus bsnyen bkur dang rim gro byas te// de nas rgyal po de bsod nams kyis brtan pas bu'i tshogs dang / grong gi mi rnams dang / 'khor rnams dang bcas te bla na med pa yang dag par rdzogs pa'i byang chub tu sems bskyed do// shA ri'i bu de'i tshe de'i dus na/ 'khor los skur ba'i rgyal po lha thams cad kyis dbang bskur ba zhes bya ba de gzhan zhig yin pa snyam du khyod sems na/ de de ltar mi blta'o// de ci'i phyir zhe na/ byang chub sems dpa' nam mkha' mdzod de'i tshe de'i dus na/ stong gsum gyi 'khor lo sgyur ba'i rgyal po lha thams cad kyis dbang bskur ba zhes bya bar gyur to// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to/ / kye ma byang chub sems dpa' nam mkha' mdzod 'dis bsam gyis mi khyab pa'i go cha bgos te/ bcom ldan 'das de srid nas theg pa la rab tu zhugs pa ngo mtshar to//

  127. 64b

    bcom ldan 'das de 'dra ba'i spyod pas 'di 'dra ba'i chos kyi mthu chen po rnyed par nus so// bcom ldan 'das kyis bka' stsal pa/ shA ri'i bu byang chub sems dpa' nam mkha' mdzod 'di gad+hA'i klung gi bye ma snyed kyi sangs rgyas bcom ldan 'das rnams la rim gro dang bsti stang byas te/ byang chub kyi sems yongs su sbyangs so// gang+gA'i klung gi bye ma snyed kyi byang chub kyi sems yongs su dge bas bsam pa yongs su sbyangs te/ gang+gA'i klung gi bye ma snyed kyi bsam pa yongs su dag pas sbyor ba yongs su sbyangs/ gang+gA'i klung gi bye ma snyed kyi sbyor ba yongs su dag pas lhag pa'i bsam pa yongs su sbyangs gang+gA'i klung gi bye ma snyed kyi lhag pa'i ba sem pa yongs su dag pas sbyin pa'i pha rol tu phyin pa yongs su spangs/ gang+gA'i klang gi bye ma snyed kyi sbyin pa'i pha rol tu phyin pa yongs su dag pas tshul khrims kyi pha rol tu phyin pa yongs su sbyangs/ gang+gA'i klung gi bye ma snyed kyi tshul khrims kyi pha rol tu phyin pa yongs su dag blo/ bzod pa'i pha rol tu phyin pa yongs su sbyangs/ gang+gA'i klung gi bye ma snyed kyi bzod pa'i pha rol tu phyin pa yongs su dag pas brtson 'grus kyi pha rol tu phyin pa yongs su sbyangs/ gang+gA'i klung gi bye ma snyed kyi brtson 'grus kyi pha rol tu phyin pa yongs su dag pas/ bsam gtan gyi pha rol tu phyin pa yongs su sbyangs gang+gA'i klung gi bye ma snyed kyi bsam gtan gyi pha rol tu phyin pa yongs su dag pas/ shes rab kyi pha rol tu phyin pa yongs su sbyangs/ gang+gA'i klung gi bye ma snyed kyi shes rab kyi pha rol tu phyin pa yongs su dag

  128. 65a

    pas thabs kyi pha rol tu phyin pa yongs su sbyangs/ pad+ma'i klung gi bye ma snyed kyi thabs kyi pha rol tu phyin pa yongs su dag pas/ sems can thams cad la khong khro ba med nga'i sems dang / thogs pa med pa'i 'od zer yongs su sbyangs/ gang+gA'i klung gi bye ma snyed kyi sems can thams cad la khong khro ba med pa'i sems dang thogs pa med pa'i 'od zer yongs su dag pas/ byams pa chen po yongs su sbyangs pa nas/ snying rje chen po dang / dga' ba chen po dang / btang snyoms cheno dang / mngon par shes pa chen po'i ye shes kyi bar du yongs su sbyangs so/ / de bzhin du lus yongs su dag pa dang / ngag yongs su dag pa dang / sems yongs su dag pa ste/ pad+ma'i klung gi bye ma snyed kyi sems yongs su dag pas/ skyes bu chen po'i mtshan gcig yongs su sbyangs so/ / de bzhin du sbyar te/ skyes bu chen po'i mtshan sum cu rtsa gnyis thams cad nas/ skyes bu chen po'i mtshan thams cad yongs su dag pa'i dge ba'i rtsa ba'i bar bar du des gang+gA'i klung gi bye ma snyed las 'das pa'i dge ba'i rtsa ba rnams yongs su dag pas/ nam mkha'i mdzod 'di yongs su dag par byang chub sems dpa' nam mkha' mdzod 'dis yongs su sbyangs so/ / shA ri'i bu byang chub sems dpa' nam mkha' mdzod 'dis nam mkha' las byang chub sems dpa'i spyod pa thams cad ston te/ shA ri'i bu ji ltar nam mkha' la zad pa med pa de bzhin//

  129. 65b

    du/ rigs kyi bu 'di'i smon lam dang spyod pa thams cad yongs su dag pas gang la'ang zad pa med do// des na 'di nam mkha'i mdzod ces bya'o// bstan pa 'di bshad pa na/ byang chub/ sems dpa' khri longs spyod mi zad pa dang / lag na rin po che dang / nam mkha' mdzod kyi smon lam yongs su bskang ba'i bzod pa skyes so// de nas byang chub sems dpa' chos kyi rgyal po zhes bya ba des/ byang chub sems dpa' nam mkha' mdzod la 'di skad ces smras so// rigs kyi bu bdag cag gis nam mkha' las chos bsgrag pa'i mdzod mnyan to// nam mkha' mdzod kyis smras pa/ de'i phyir rigs kyi bu gus pa dang bcas shing zhes dang bcas par 'dug la/ nam mkha' 'di la ston par 'du shes skyed cig dang / chos mnyan pa'i mdzod thos so// de nas byang chub sems dpa' chos kyi rgyal po dang 'khor de dag thams cad thal mo sbyar nas nam mkha' la phyag 'tshal te 'khod do/ / de nas byang chub sems dpa' nam mkha'i mdzod kyi byin gyi rlabs kyi bar snang las tshigs su bcad pa 'di dag byung ngo / / nam mkha' 'dra ba'i yid rnams kyis// thams cad chos kyi tshul gang yin// de la 'jug par rab bstan gyis// khyed cag mthar gyis mnyan par gyis/ / nam mkha' la ni mtho ba med// dma' ba'ang yod pa ma yin te// gang gis chos nyid mtho dman med// de la 'dud pa ga la yod// nam mkha' la ni

  130. 66a

    skye ba med/ 'gog pa dag kyang mi dmigs so// ma skyes pa yi chos rnams la// de la rnam par 'jig pa med// nam mkha' la ni 'bri ba med// gang ba dag/ kyang mi dmigs so// chos rnams gang med 'bri med de// nam mkha' dang ni mtshungs mnyam mo// nam mkha' la ni mun pa med// de ni de yis snyon mi mongs// sems kyi rang bzhin 'od gsal bas/ de bas nams kyang nyon mongs me// nyi zla yi ni 'od zer gyis// nam mkha' dga' bar mi 'gyur te// nam mkha' 'dra ba'i sems rnams kyang // gang la'ang dga' bar 'gyur ba med/ / mdung thung rtse gnyis 'bab pas kyang // nam mkha' la ni rnon mongs med// de bzhin sdug bsngal sgo kun gyis// rgyal ba'i sras ni nyon mi mongs// bdud rtsi dus kyi char pa yis/ / nam mkha' la ni dga' 'gyur med// rnyed dang bsti stang thams cad kyis// byang chub sems dpa' dga' mi byed// bstod pa dang ni smad pa la// nam mkha' yongs su mi rtog ste/ / de bzhin bde dang sdug bsngal la// byang chub sems dpa' brtan mi g.yo// sa dag g.yos par gyur kyang ni// nam mkha' nam yang g.yo ba med// 'jig rten 'di dag g.yo/ 'khrug kyang // byang chub sems dpa' 'khrug pa med// bsreg pa'i bskal pa 'byung ba na// ji ltar nam mkha' mi 'tshig pa// de bzhin nyon mongs thams cad kyis// byang chub sem/

  131. 66b

    dpa' brtan mi gdung // skye ba med cing 'dul ba'ang med// ji ltar nam mkha' gnas pa bzhin// chos rnams 'od med 'gro ba'ang med// chos kyi dbyings la de dag gnas/ gzugs su snang ba ji snyed pa// nam mkha' las ni thams cad 'byung // chos su snang ba ji snyed pa// de dag chos kyi dbyings las 'byung // mtshan ma med cing gzugs med pa/ nam mkha' ltar yong ma yin te// de myur sem sa rnams rab shes na// nAm mkha'i ring ni ma tshungs ma rnam mo// ming tsam pa ni nam mkha'iH// de la kha dog dbyangs kyang med/ sems dang yid dang rnam shes kyang // ming gis yongs su bstan pa'o// ji ltar nam mkha' mtha' med cing // thams cad du yang gzung du med// de bzhin ye shes mthu chen kyang // nam mkha' dang ni mnyam nyid mtshungs/ / sems can nam mkha' 'gro mod kyi// de la 'gro ba'i rjes kyang med// sems can byang chub phyir spyod kyang // de ni spyod pa'i mtshan ma min// ji ltar sngon gyi mtha' yi lus/ / nam mkha' dang ni mtshungs 'dra ba// de bzhin phung po'i ngo bo nyid// nam mkha' dang ni mnyam zhing mtshungs// khams bzhi dag kyang nam mkha' dang // mtshus shing 'dra ba rab tu gsungs/ / 'di ltar bsreg pa'i bskal pa la'ang // nam mkha' dang ni khams 'di mtshungs// ji ltar sems can thams cad kyis// rnams kyang yongs su yang mi nus/

  132. 67a

    de bzhin yul rnams kun gyis kyang // sems kyi rgyud ni mi gang ngo // tshig chen seng ge'i sgra dag gis// 'jig rten mgon gyis gsungs pa ni// 'jig rten 'das pa'i/ shes rab gang // de dag bstan pa 'di la ngoms// ji ltar nam mkha' rgya che bas// mtha' ma dmigs par mi 'gyur te// de bzhin sangs rgyas chos rnams kyang // mtha' ma dmigs par mi 'gyur ro/ / chos rnams thams cad sangs rgyas chos// gang gis yang dag nyid shes na// de dag dngos po mi 'jig cing // dngos po dag la'ang mi gnas so// dngos dang dngos med rnam shes shing // yang dag mtha' la gang gnas pa// dngos po dang ni dngos med par// lta ba mkhas pas mi 'dzin to// stong pa nyid ni sgra yis bsgrags// sgra stong pa ring me re// de ni sgra med brjod pa med// de phyir stong pa nyid ces bya// sangs rgyas kun gyis bshad kyang ni// stong pa nyid ni brjod du med// gang de stong zhes bya ba yang / de yi don ni brjod du med// sgyu ma smig rgya rmi lam dang // mig yor dang ni brag cha rnams// de la sogs pa bshad pa yis// 'dren pa rnams ni chos ston to// sems can rnams ni drag ba'i phyir/ / dpe rnams shin tu kun bstan te// rab tu zhi ba'i chos rnams la// gnyen po rnams ni mi dmigs so// mtshan nyid med pa'i chos kun kyang // mtshan nyid du ni rab tu bstan/

  133. 67b

    maman gnamatshan gzhime pa dang // chos kyi dbyings lam dmigs so// mtshan kazha nam mkha'i mtshan nyid de// nam mkha' mtshan nyid med pa yin// gang gis tshul 'di rab rtogs pa/ de dag byang chub sems dpa' yin// chags pa med cing bcings pa med// shin tu cung zad med pa ste// spros med spros dang bral ba de// byang chub sems dpa' zhes bya'o// sems can las ni de ma grol/ / sems can la yang mi gnas shing // sems can rang bzhin ye shes kyis// byang chub sems dpa' zhes de bya// sems can rab tu mya ngan 'das// thos nas dngang bar mi byed de/ / gang de byang chub rab zhugs pa// dpa' bo dag gi go cha 'di// sgyu ma byed pa sems can dag/ mang du sprul nas der gsad kyang // de la gsad pa gang yang med// sems can mtshan nyid de bzhin no/ / sgyu ma dang ni sems can dang // mya ngan 'das dang sangs rgyas kun// rnam pa kun tu rang bzhin gcig/ rang bzhin rang bzhin med par rtogs// nam mkha' las ni nam mkha'i mdzod/ / mi zad pa yi mdzod grub ste// sems can thams cad mgu byed cing // mdzod de zad par mi 'gyur ro// tshad med bsod nams chu bos ni// mdzod 'di rnam par sbyangs pa ste/ chos rnams la yang 'pho med par// chos rnams chos nyid blta bar bya// rgyu la brten te byung ba yi// chos rnams thams cad rab shes na// de yi mdzod ni mi zad de// chos kyi mdzod ni bsam

  134. 68a

    mi khyab/ / chos bzhi 'di dag mi zad bar// 'jig rten mgon pos rab gsungs te// sems can nam mkha' byang chub sems// de bzhin sangs rgyas chos rnams so// deste de dag rdzas yin na// de dag yongs su zad 'gyur gyi// de dag med pas mi zad ces// de bas de ni mi zad gsungs// chos ni rab tu skad cig pa// zad pa chos ni mo zad de/ mi zad de la zad pa med// de phyir mi zad pa zhes bya// byang chub sems dpa' gang zhig gis// chos bstan 'di ni rab shes na// des ni byang chub rnyed mi dka'// byang chub nyid la yang dag zhugs/ / tshigs su bcad pa bstan pa 'di byung ba na/ byang chub sems dpa' brgya stong ni mi skye ba'i chos la bzod pa thob bo// lha'i bu nam mkha'i dkyil na 'khod pa khri nyis stong ni bla na med pa yang dag par rdzogs pa'i byang chub tu ses sa bskyed do/ / de nas 'khor de nyid du byang chub sems dpa' ltad mo can zhe bya ba 'dus par gyur te/ 'dug pa des bcom ldan 'das la 'di skad ces gsol to/ / bcom ldan 'das sgra 'di ga las byung snyam du bdag ngo mtshar du gyur te/ bcom ldan 'das kyis bka' stsal pa/ rigs kyi bu byang chub sems dpa' nam mkha' mdzod la dris shig dang / 'dis khyod la lan ldon no// de nas byang chub sems dpa' ljang mo can gyis/ byang chub sems dpa' nam mkha' mdzod la 'di skad ces smras so//

  135. 68b

    rigs kyi bu sgra 'di ga las bya snyam du bdag ltad mor 'dzin par gyur to// nam mkha' mdzod kyis smras pa/ rigs kyi bu 'di ji snyam du sems/ brag cha'i sgra ga las byung / smras pa/ rigs kyi bu pha rol gyi sgra'i rnam par rig byed las brag cha'i sgra 'byung ngo / / smras pa/ rigs kyi bu brag cha la lus sam/ sems sam/ gzugs sam/ kha dog gam/ dbyibs gang yang yod dam/ smras pa/ rigs kyi bu de ni med do// smras pa/ rigs kyi bu de de bzhin no// ji ltar brag cha yongs su ma grub kyang sgra skad go bar byed pa de bzhin du/ nam mkha' yongs su ma grub ste/ sgra dang skad go// bar byed par 'gyur ro// smras pa/ rigs kyi bu sgra 'di go bar byed pa su gang nas dbyangs 'di 'byung / smras pa/ rigs kyi bu ye shes kyi so sor rnam par rig pa bsam gyis mi khyab ste/ kho bos yid kyi sems pas gang bsam pa de bar snang 'di las byung yang / sems de der 'gro ba'ang med/ de 'dir 'ong ba'ang med mod kyi/ sgra'i sgra brnyan yang 'byung ngo // rigs kyi bu rten cing 'brel par 'byung ba ji tsam du zab pa la ltos/ gang rgyu las 'bras bu 'byung yang / rgyu 'bras bu 'grub pa mi 'pho la/ rgyu med pa las kyang 'bras bu 'byung ba ma yin no// 'di lta ste/ rgyu dang rkyen las 'bras bu mngon par 'grub pa'i chos 'di gnyis ka la'ang g.yo ba med cing byed pa med do/ / gang de lta bu'i 'du shes pa de dag ni bral ba ste/ de ci'i phyir zhe na/ bcom ldan 'das kyis kyang gang kun nas nyon mongs pa shes pa de

  136. 69a

    nyid de'i rnam par byang ba zhes gsungs so/ / kun nas nyon mongs pa bsal bas rnam par byang ba ma yin te/ gang kun nas nyon mongs pa'i ngo bo nyid kyi mtshan nyid de ni rnam par byang/ bya'o// 'di lta ste/ kun nas nyon mongs pa dang / rnam par byang ba zhes bya ba 'di gnyis ka yang brda'i tshig go// don dam pa'i mtha' la kun nas nyon mongs pa dang / rnam par byang ba'ang dmigs su med do/ / don dam pa'i mtha' ni mtha' ma yin te/ gang 'di mtha' ma yin pa ni yang dag pa'i mtha' zhes bya'o// gang yang dag pa'i mtha' de stong pa nyid kyi mtha' 'o// gang stong pa nyid kyi mtha' de bdag gi mtha' 'o/ / gang bdag gi mtha' de ni chos thams cad kyi mtha' 'o// de ci'i phyir zhe na/ chos thams cad ni de'i mtha'/ stong pa nyid kyi mtha'/ nye bar zhi ba'i mtha' ste/ gang mtha' de gsum gyi sgo la mi chags pa de ni chos thams cad la mi chags pa'i ye shes rnyed do/ / de nas gnas brtan shA ri'i bus/ byang chub sems dpa' ltad mod can la 'di skad ces smras so// rigs kyi bu khyod ltad mo can zhes ming sus btags/ smras pa/ btsun pa shA ri'i bu khyod gang dang gang du chos la 'dun pa dang / brtson pa de dang der ltad mor mi 'gyur ram/ smras pa/ rigs kyi bu de de bzhin no/ / smras pa/ btsun pa shA ri'i bu de bzhin du kho bo chos thams cad la 'dun cing brtson pa de dang der kho bos nam sangs rgyas kyi chos thams cad yongs su rdzogs par 'gyur snyam du ltad mo

  137. 69b

    dang ldan te/ de'i phyir kho bo ltad mo can zhes bya'o// byang chub sems dpa'i spyod pa thams cad la kho bo ltad mor gyur te/ sems can thams cad kyi sems dang spyod pa la 'jug pa shes pa la kho bo/ ltang mor gyur te/ de'i phyir kho bo ltad mo can zhes bya'o// gang la kho bo ltang sor mi 'gyur ba'i ye shes de gang yang med/ 'jug pa de gang yang med pas/ de'i phyir kho bo ltad mo can zhes bya'o// gang du kho bo ltad mor gyur pa der nyon mongs pa thams cad dang / bdud kyi las thams cad kyi skabs med/ de'i phyir na kho bo ltad mo can zhes bya'o// de nas bcon ldan 'das la/ gnas brtan shA ri'i bus 'di skad ces gsol to/ / bcom ldan 'das skyes bu dam pa'i ming 'di nyid las sangs rgyas kyi chos thams cad yongs su brjod de/ sangs rgyas kyi chos thams cad ston kyang gang la'ang mi chags te/ chags pa ma mchis par sangs rgyas kyi chos thams cad kyang ston pa ni ngo mtshar to// de nas 'khor de nyid du byang chub sems dpa' rin chen dpal zhes bya ba 'dus par gyur te 'dug pa des/ byang chub sems dpa' nam mkha' mdzod la 'di skad ces smras so/ / rigs kyi bu khyod kyis ting nge 'dzin rab tu bstan pa las brtsams te/ gang ci 'dra bar ting nge 'dzin yongs su sbyang ba bya ba la spobs par gyis shig/ de skad ces smras pa dang / byang chub sems dpa' nam mkha' mdzod kyis/ byang chub sems dpa' rin chen dpal la 'di skad ces smras so// rigs kyi bu byang chub sems dpa' rnams

  138. 70a

    kyi ting nge 'dzin byang chub kyi snying por thogs pa med par 'gro ba bsam pa dag pa zhes bya ba yod do/ / rigs kyi bu byang chub sems dpa' rnams kyi ting nge 'dzin sems can thams cad la khro ba med pa'i 'od zer ces bya ba yod de/ de dag dang gzhan bsrung ba'i phyir/ gzhan gyi gnod pa thams cad las yang dag par 'da' bar 'gyur ro// dri ma med ces bya ba'i ting nge 'dzin ni sem yongs su dag par 'gyur ro/ / rnam par snang mdzad ces bya ba'i ting nge 'dzin ni dge ba'i chos thams cad rnam par 'phel bar 'gyur ro// dge ba zhes bya ba'i ting nge 'dzin ni rnyog pa med par 'gyur ro/ / mngon par 'phags zhes bya ba'i ting nge 'dzin ni spyi gtsug bltar mi mthong bar 'gyur ro// rnam par sel ba zhes bya ba'i ting nge 'dzin ni nyon mongs pa thams cad 'dul bar 'gyur ro// 'khyil pa zhes bya ba'i ting nge 'dzin ni g.yas phyogs kyi lam yongs su rdzogs par 'gyur ro// zlog pa zhes bya ba'i ting nge 'dzin ni rgyu dang lta ba las rnam par zlog par 'gyur ro// dga' byed ces bya ba'i ting nge 'dzin ni chos kyi kun dga' la dga' zhing mos par 'gyur ro/ / skar ma'i rjes su song ba zhes bya ba'i ting nge 'dzin ni sbyin gnas yongs su dag par 'gyur ro// mthu drag po zhes bya ba'i ting nge 'dzin ni sems mi 'dzum par 'gyur ro/ / mtshungs par mnyam pa nyid la 'jug pa zhes bya ba'i ting nge 'dzin ni sems can thams cad la sems mnyam par 'gyur ro// byed pa la 'jug pa

  139. 70b

    zhes bya ba'i ting nge 'dzin ni las rnam par smin pa la 'jug par 'gyur ro/ / seng ge'i rtog ces bya ba'i ting nge 'dzin ni 'jigs pa dang spu zing zhes byed pa med par 'gyur ro// sems dpa' zhes bya ba'i ting nge 'dzin ni nyon mongs pa'i bdud thams cad skrag par 'gyur ro/ / pad+ma dkar po zhes bya ba'i ting nge 'dzin ni 'jig rten thams cad kyis mi gos par 'gyur ro// pad+ma bkod pa zhes bya ba'i ting nge/ 'dzin ni sems kyi rgyan du 'gyur ro// 'od bkod pa zhes bya ba'i ting nge 'dzin ni sangs rgyas thams cad kyi zhing snang bar 'gyur ro// bya ba byed pa zhes bya ba'i ting nge 'dzin ni rjes su chags pa dang khong khro ba spong bar 'gyur ro/ / rgyal mtshan gyi rtse mo'i dpung rgyan zhes bya ba'i ting nge 'dzin ni sangs rgyas thams cad kyi chos la snang bar 'gyur ro// skar mda' ldan zhes bya ba'i ting nge 'dzin ni bag chags thams cad 'dzin par 'gyur ro/ / nyi ma'i sgron ma zhes bya ba'i ting nge 'dzin ni mun pa mun nag med par 'gyur ro// nyi ma 'khyil ba zhes bya ba'i ting nge 'dzin ni sems can thams cad kyi sems la rnam par lta bar 'gyur ro// yon tan gyi 'byung gnas zhes bya ba'i ting nge 'dzin ni yon tan gyi chos thams cad kyi rjes su 'gro bar 'gyur ro// sred med kyi bu zhes bya ba'i ting nge 'dzin ni pha rol rgol ba thams cad 'joms par 'gyur ro// snying po'i rjes su song ba zhes bya ba'i ting nge 'dzin ni rdo rje'i lus mi byed par 'gyur ro// snying po dang ldan pa zhes bya ba'i ting nge 'dzin ni dam bcas pa thams cad nyams 'og tu chud par 'gyur ro// rdo rje

  140. 71a

    dkyil 'khor zhes bya ba'i ting nge 'dzin ni mngon par shes pa las mi nyams par 'gyur ro/ / rdo rje snying po zhes bya ba'i ting 'dzin ni byang chub kyi snying por 'gro bar 'gyur ro// rdo rje lta bu zhes bya ba'i ting nge 'dzin no chos thams cad rab tu rtogs par 'gyur ro// spyod pa dang ldan pa zhes bya ba'i ting nge 'dzin ni sems can thams cad kyi sems dang spyod pa la 'jug pa'i ye shes su 'gyur ro/ / sa 'dzin ces bya ba'i ting nge 'dzin ni chags pa dang zhe sdang med par 'gyur ro// bdud kyi dkyil 'khor 'joms pa zhes bya ba'i ting nge 'dzin ni bdud bzhi las yang dag par 'da' bar 'gyur ro/ / lus rnam par 'jigs pa zhes bya ba'i tong nge 'dzin ni gzugs thams cad rnam par 'jog par 'gyur ro// mi 'dzums pa zhes bya ba'i ting nge 'dzin ni rtse gcig tu 'gyur ro// rnam pa la 'jug pa zhes bya ba'i ting nge 'dzin ni dmigs pa thams cad yongs su dag par 'gyur ro/ / nyon mongs pa med pa zhes bya ba'i ting nge 'dzin ni dmigs pa thams cad las yang dag par 'da' bar 'gyur ro/ / 'khor lo dri ma med pa zhes bya ba'i ting nge 'dzin ni chos kyi 'khor lo yongs su dag par 'gyur ro// glog 'od ces bya ba'i ting nge 'dzin ni sems kyi skad cig 'jig pa la rnam par lta bar 'gyur ro// / legs par byas pas rnam par rgyal ba zhes bya ba'i ting nge 'dzin ni dge ba'i chos thams cad yongs su rdzogs par 'gyur ro// rnam par sbyong ba zhes bya ba'i ting nge 'dzin ni mi dge ba'i chos thams cad

  141. 71b

    spong bar 'gyur ro/ / lus kyi rgyan ces bya ba'i ting nge 'dzin ni mtshan dang dpe byad bzang po yongs su rdzogs par 'gyur ro// ngag gi rgyan ces bya ba'i ting nge 'dzin ni tshangs pa'i sgra skad bsgrags pas/ sems can thams cad kyi sems mgu bar 'gyur ro// sems kyi rgyan ces bya ba'i ting nge 'dzin ni ting nge 'dzin las mi nyams par 'gyur ro// brtan pa zhes bya ba'i ting nge 'dzin ni phyir mi ldog par 'gyur ro/ mtshungs par gtong ba zhes bya ba'i ting nge 'dzin ni sems can tha dad med par 'gyur ro// tshul khrims bsags pa zhes bya ba'i ting nge 'dzin ni smon laM thams cad yongs su rdzogs par 'gyur ro// bzod pa'i go bgos pa zhes bya ba'i ting nge 'dzin ni lus dang srog la mi lta bar 'gyur ro// brtson 'grus brtan pa zhes bya ba'i ting nge 'dzin ni mngon par shes pa myur bar 'gyur ro// tshad med pa'i rnam par zhes bya ba'i ting nge 'dzin ni tshangs pa la dbang byed par 'gyur ro/ / ci'ang med pa zhes bya ba'i ting 'dzin ni gzugs med pa'i khams yongs su sbyong bar 'gyur ro// lhun po'i rgyal mtshan zhes bya ba'i ting nge 'dzin ni sems can thams cad zil gyis gnon par 'gyur ro/ / lhun po'i sgron ma zhes bya ba'i ting nge 'dzin ni phyogs bcur rnam par lta bar 'gyur ro// shes rab kyi skar mnga' zhes bya ba'i ting nge 'dzin ni sgrib pa dang / chod pa dang / kun nas ldang ba thams cad rnam par sel bar 'gyur ro// rgya mtsho'i phyag rgya zhes bya'i ting nge 'dzin ni las dang bya ba sna tshogs la 'jug par 'gyur/

  142. 72a

    ro// mtha' yas 'khyil ba zhes bya ba'i ting nge 'dzin ni lta ba thams cad yongs su gcod par 'gyur ro// stong pa nyid ces bya ba'i ting nge 'dzin ni mo dmigs pa dang lta ba tham/ cad spong bar 'gyur ro// mtshan ma med pa zhes bya ba'i ting nge 'dzin ni rtog pa dang / rnam par rtog pa dang / yongs su rtog pa thams cad spong bar 'gyur ro// smon pa med pa zhes bya ba'i ting nge 'dzin ni smon lam thams cad yongs su rdzogs par 'gyur ro/ / mi g.yo ba zhes bya ba'i ting nge 'dzin ni g.yo ba dang sems pa thams cad 'joms par 'gyur ro// sgra dang ldan pa zhes bya ba'i ting nge 'dzin ni spobs pa thogs pa med par 'gyur ro/ / kun 'dzin pa zhes bya ba'i ting nge 'dzin ni thos pa thams cad 'dzin par 'gyur ro// dran pa rnam par dag pa zhes bya ba'i ting nge 'dzin ni tshad med pa'i snod kyis sangs rgyas kyi chos thams cad tshol bar 'gyur ro/ / mi zad pa zhes bya ba'i ting nge 'dzin ni sems can thams cad mgu bar 'gyur ro// rin chen bkod pa zhes bya ba'i ting nge 'dzin ni lag na rin po rab tu rnyed par 'gyur ro/ / rjes su 'gro ba zhes bya ba'i ting nge 'dzin ni sems can thams cad kyi sems shes par 'gyur ro// 'gro ba la 'jug pa zhes bya ba'i ting nge 'dzin ni 'gro ba thams cad rtogs par 'gyur ro/ / blo gros la 'jug pa zhes bya ba'i ting nge 'dzin ni sems dang yid rnam par dag par 'gyur ro// sprin dang ldan pa zhes bya ba'i ting nge 'dzin ni mos pa ji lta ba bzhin du chos kyi char rab tu 'bebs

  143. 72b

    par 'gyur ro/ / sangs rgyas rjes su dran pa zhes bya ba'i ting nge 'dzin ni bdud rtsi'i chos rnyed par 'gyur ro// chos rjes su dran pa bya ba'i ting nge 'dzin ni 'dod chags dang bral ba'i chos mngon sum du/ byed par 'gyur ro// dge 'dun rjes su dran pa zhes bya ba'i ting nge 'dzin ni sangs rgyas kyi chos las mi ldog par 'gyur ro// gtong ba rjes su dran pa zhes bya ba'i ting nge 'dzin ni phung po thams cad rab tu 'dor bar 'gyur ro/ / tshul khrims rjes su dran pa zhes bya ba'i ting nge 'dzin ni sangs rgyas thams cad kyi chos kyi rtsa ba la rab tu 'god par 'gyur ro// lha rjes su dran pa zhes bya ba'i ting nge 'dzin ni rnam par dag pa'i chos la kha na ma tho ba med par 'gyur ro/ / chos kyi dbyings la 'jug pa zhes bya ba'i ting nge 'dzin ni chos thams cad la yang dag par gzhol bar 'gyur ro// nam mkha'i ngo bo nyid ces bya ba'i ting nge 'dzin ni chos thams cad la chags pa med par 'gyur ro/ / rang bzhin gyis ma skyes pa zhes bya ba'i ting nge 'dzin ni mi skye ba'i chos la bzod pa thob par 'gyur ro// rgyud chags pa dang rgyud ma yin pa'i rjes su rtog pa zhes bya ba'i ting nge 'dzin ni yi ge thams cad dang tshig rab tu dbye ba shes pa la mkhas pa 'dzin par 'gyur ro/ / shin tu sbyangs pa'i dri ma med pa'i phyag rgya zhes bya ba'i ting nge 'dzin ni ting nge 'dzin gang dang ldan na/ byang chub sems dpa' de sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par

  144. 73a

    'tshang rgya'o/ / rigs kyi bu de dag ni ting 'dzin gyi sgo brgyad cu ste/ ting nge 'dzin de re re la'ang 'khor ting nge 'dzin gyi sgo lnga brgya lnga brgya yod do// de dag thams cad bsdoms/ na ting nge 'dzin bzhi khrir 'gyur te/ de dag kun nas nyon mongs pa dang rnam par byang bas ting nge 'dzin brgyad khrir 'gyur ro// de dag sngon gyi mtha' dang / phyi ma'i mtha' dang / da ltar byung ba mi zad pa ye shes kyis ting nge 'dzin brgyad khri bzhi stong du 'gyur ro/ / ting nge 'dzin ji snyed pa chos kyi sgo mo'ang de snyed/ chos kyi phung po'ang de snyed/ de'i phyir sems can gyi spyod pa brgyad khri bzhi stong la rab tu 'jug pa'i phyir chos kyi phung po brgyad khri bzhi stong de bzhin gshegs pas bshad ces bya'o/ / rigs kyi bu 'di ni sangs rgyas kyi ye shes dang spyod pa la 'jug pa sems can rnams shes par bya ba'i phyir chos kyi mdo'o/ / gang sangs rgyas kyi ye shes mtha' dag dang / sems can gyi spyod pa mtha' dag bshad la 'jug pa de ni tshad med bsam gyis mi khyab ste/ bskal pa brgya stong gyi mthar 'dug kyang bshad par slab ma yin no/ / sangs rgyas kyi ye shes 'di yongs su bstan cing ting nge 'dzin gyi sgo 'di dag bshad pa na/ byang chub sems dpa' khri drug stong ni ting nge 'dzin dang ye shes kyis mngon par bsgrubs pas/ mi skye ba'i chos la bzod pa thob par gyur to// lha'i bu brgyad khri bzhi stong ni bla na med pa yang dag par rdzogs pa'i byang chub tu sems skyes so// bcom ldan 'das kyis byang chub sems dpa' nam mkha'

  145. 73b

    mdzod la legs so zhes bya ba byin te/ skyes bu dam pa khyod kyis ting nge 'dzin gyi sgo 'di bstan pa ni legs par smras te/ lus mngon sum pas gzhan gyi dring la mi 'jog pa'i chos rnams la ji lta ba bzhin dutede bzhin gshegs pa'i ye shes yongs su brjod pa 'di shin tu yongs su bstan pa ni legs so legs so/ / // 'phags pa nam ma bA mdzod kyi mdo bam po lnga pa/ de nas bcom ldan 'das la/ byang chub sems dpa' rin chen dpal gyis 'di skad ces gsol to// bcom ldan 'das de bzhin gshegs pa gang gi thad du/ byang chub sems dpa' nam mkha' mdzod kyis thog mar nam mkha' 'di las rin po che thams cad kyi char rab tu phab pa/ de skad ces gsol pa dang / bcom ldan 'das kyis/ byang chub sems dpa' rin chen dpal la 'di skad ces bka' stsal to// rigs kyi bu sngon byung ba 'das pa'i dus na/ bskal pa bgrang ba las 'das pa'i pha rol gyi yang ches pha rol tu gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig/ pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das dri ma med pa'i 'od mtha' yas 'od zer gyi rgyal po zhes bya ba/ ska rags zhes bya ba'i 'jig rten gyi khams su yon tan gyi 'od ces bya ba'i bskal pa la 'jig rten du byung ste/ yang rigs kyi bu ska rags zhes bya ba'i 'jig/

  146. 74a

    rten gyi khams de'ang 'byor pa/ bde ba/ lo legs pa/ rgyas pa/ skye bo mang po dang mis gang ba/ rin po che sna bdun gyis brgyan pa/ 'jam zhing mnyen pa/ gos ka tsa lin di ka ltar reg na bde ba/ 'dzam bu chu bo'i gser gyi pad+ma bkram pa/ rin po che gsal ba sna tshogs kyis rnam par smras pa/ mig mangs ris su bres pa/ lag mthil ltar mnyam ste/ 'jig rten gyi khams de 'di lta ste/ dper na gzhan 'phrul dbang byed kyi lha rnams kyi longs spong dang kun spyod pa ltar 'dug go// mi de dag thams cad kyang gzhal med khang dang khang pa brtsegs pa na gnas par gyur cing bsams pas zas skom rab tu 'byor to/ / de'ang rigs kyi bu de bzhin gshegs pa dri ma med pa'i 'od mtha' yas 'od zer gyi rgyal po'i byang chub sems dpa' khrag khrig phrag drug cu'i byang chub sems dpa'i dge 'dun chen po byung ngo / / yang rigs kyi bu de'i tshe de'i dus na/ 'khor los sgyur ba'i rgyal po bsod nams kyis brgyan pa zhes bya ba rin po che sna bdun dang ldan pa zhig byung ste/ yang rigs kyi bu rgyal po bsod nams kyis brgyan pa de'i khang pa 'dzam bu'i gling gi dbus su brtsigs par gyur te/ shar phyogs su'ang dpag tshad ba ni/ nub phyogs dang / lho phyogs dang / byang phyogs su'ang dpag tshad bzhi bzhi pa bkra ba/ blta na sdug pa/ rin po che sna bdun las byas pa/ skyed mos tshal lnga brgyas rab tu brgyan pa'o// yang rigs kyi bu rgyal po bsod

  147. 74b

    nams kyis brgyan pa'i btsun mo brgyad khri bzhi stong yod de/ thams cad kyang yul gyi bzang mo sha stag go// khye'u brgyad khri bzhi stong yod de/ thams cad kyang tshan chen po'i stobs dang drag shul 'chang ba sha stag go/ / yang rigs kyi bu rgyal po bsod nams kyis brgyan pa la btsun mo rin po che gnyis yod de/ gcig gi ming ni dpal gyi gzi brjid/ gcig gi ming ni dpal gyi 'od do/ / rgyal po bsod nams kyis brgyan pa de dga' ba bkod pa zhes bya ba'i skyed mos tshal du zhugs te/ btsun mo'i nang na 'dug pa'i tshe lha mo de gnyis kyi pang pa nas khye'u gnyis byung ste/ rdzus te skyes pa/ sngon gyi sbyor ba phun sum tshogs pa/ smon lam rdzogs pa/ bla na med pa yang dag par rdzogs pa'i byang chub tu mngon par zhugs pa ste/ gcig gi ming ni sed go zhes bya/ gcig gi ming ni seng ge'i rtsal gyis 'gro ba zhes bya ste/ de gnyis byung ma thag tu sgra skad dbyangs gcig tu/ pha bsod nams kyis brgyan pa la tshigs su bcad pa 'di dag smras so/ / sngon byas dge dang mi dge chud mi za// de bzhin gshegs la mchod byas chud mi za// bsams pa byang chub sems kyang chud mi za// sgrub pa gtsor byed thos pa chud mi za// sbyin dang dul dang sdom pa chud mi za/ / bzod dang nges pa rnams kyang chud mi za// byas pa gzo zhing dge ba'i las bya'i phyir// brtson 'grus brtsams pa de yang chud mi za// rtse gcig bsam/

  148. 75a

    gtan dang ni rnam thar sems// nges par rtogs dang shes rab sems mi nyams// ye shes las byas rtag tu mi 'khrugs te// mi 'khrugs chos las byang chub rnyed mi dka'/ / de ni nyon mongs pa yis mi gos te// de ni slar yang mngal du mi gnas shing // de ni pad+ma'i snying por rdzus te skye// mi gos pa ni pad+ma chu las ltar// shar phyogs logs kyi rgyal ba sman pa'i rgyal/ / dus gsum mi chags ye shes dam pa yis// bde gshegs dri med 'od kyi gan nas su// chos 'dod phyir ni de nas bdag cag 'ongs// u dum wa/ ra'i me tog ji lta bar// de bzhin gshegs pa 'byung ba rnyed par dka'// de la bsnyen bkur bgyi dang blta slad du// bde gshegs thad du yab kyang bzhud par bgyi// rgyal pos rjes su bstan pa 'di thos nas/ / bu dang btsun mo 'khor dang lhan cig tu// srog chags bye ba stong gis yongs bskor te// rgyal ba de yi gan du nye bar dong // me tog dri zhim byug pas bcas pa yis// de la tshul dang 'dra ba'i mchod byas nas// zhabs la phyag 'tshal rab tu bskor byas te// thal mo sbyar ba byas nas spyan sngar 'dug/ seng ge dang ni seng ge'i rtsal 'gro yang // de bzhin gshegs pa'i zhabs la bzung nas su/ / gtugs nas chos dang don ldan mkhas pa yi// 'phags pa des ni tshigs bcad 'di dag smras// khyod ni skyabs dang mgon dang dpung gnyen te// 'jig

  149. 75b

    rten ldongs pa rnams kyi sgron mar gyur/ / sems can rnams kyi bsam spyod gyur la mkhas// ji ltar mos pa de bzhin gnas par mdzad// rgyal po 'di ni phyug cing skyid pas myos// gzugs dang sgra dang dri dang bcas pas bcig/ / nam yang ston pa la ni mchod phyir yang // nye bar mi mtsho chos ldag la nyan// mgon pos thugs rje rab tu skyed mdzod la// ji ltar de kun lhan cig thos nas su// theg pa mchog las ldog par mi 'gyur ba// byang chub lam mchog de ni legs par ston// bcom ldan mgon po ta la brgyad cu srid// nam mkhar 'phags bzhugs mi dbang de la gsungs// nga yi chos mchog rgyal po khyod nyon pa// thos nas de la tshul bzhin nan tan gyis// 'dod pa mi rtag de bzhin rgyal srid srog/ srog ni rtsa yi zil pa'i thigs pa 'dra// rtse ba de bzhin 'dod/ de rmi lam 'dra// mkhas pa su zhig 'di la dga' ba bskyed// sems can gang yang 'dod pas ngoms med de// phyir yang de bzhin 'dod pas skom zhing rgyug/ byis pa ngoms mi shes shing yul la gnas/ / shes rab gang ngoms de dag shin tu ngoms// sgyu ma slu zhing snying po med pa ltar// de bzhin phung po lnga yang sgyu ma 'dra// khams rnams 'di dag sprul gdug bzhin du bstan// dbang po drug ni stong pa'i grong dang 'dra// bu dang chung ma rgyal srid yul 'khor yang // 'chi bar gnas pa'i grogs su 'gyur ba med// sbyin dul kun sdom tshul khrims phung po ni// de dag pha rol 'gro

  150. 76a

    ba'i grogs yin no/ / nga yi gzugs dang yon tan spobs pa rdzogs// rdzu 'phrul dag kyang ci 'dra rab ltos la// gal te 'di 'dra bar yang 'gyur 'dod na// byang chub dam pa 'di phyir sems skyed cig/ rgyal po bal glang des ni chos thos nas// srog chags bye ba stong phrag bdun cu dang // sras dang btsun mo stobs bcas grong mi rnams// byang chub dam pa 'di phyir sems bskyed de/ / bdag cag mchog gi sems ni bskyed par bgyi// sems can thams cad mgron du gnyer bar bgyi// byang chub spyod mchog yid 'ong spyad par bgyi// 'gro ba bla med sangs rgyas 'gyur/ par bgyi// rigs kyi bu de ltar rgyal po bsod nams kyis brgyan pa des/ bcom ldan 'das 'khor dang bcas pa la lo brgyad khri bzhi stong gi bar du rung ba yid du 'ong ba kha na ma tho ba med pa'i bde ba'i yo byad dang / yongs su longs spyad pa thams cad kyis rim gro byas so// khye'u seng ge'i rtsal gyis 'gro ba de gnyis/ bcom ldan 'das de'i bstan pa la khyim nas khyim med par rab tu byung ngo // de dag rab tu byung bas rgyal bu phyi ma nyi khri'ang khyim nas khyim med par rab tu byung ngo // de nas seng ge dang seng ge'i rtsal gyis 'gro ba'i dge slong byang chub kyi phyogs kyi chos dang / yo byad bsnyungs pa dang / dben par spyod pa la sbyor zhing brtson pas ring po ma lon par mngon par shes pa lnga bskyed do// de dag mngon par shes pa rnyed nas 'jig rten gyi khams thams cad du rang gi rdzu 'phrul gyi stobs dang /

  151. 76b

    smon lam gyi stobs kyis chos bshad nas de gnyis kyis sems can tshad med grangs med pa yongs su smin par byas te/ bla na med pa yang dag par rdzogs pa'i byang chub la rab tu bkod par gyur/ to// rigs kyi bu 'di ltar lo brgyad khri bzhi stong 'das nas/ rgyal po bsod nams kyis brgyan pa de bcom ldan 'das de bzhin gshegs pa dri ma med pa'i 'od mtha' yas 'od zer gyi rgyal po ga la ba der song ba dang / des khye'u de gnyis rab tu byung bar mthong ngo // mthong nas kyang ngas ni lo brgyad khri bzhi stong gi bar du de bzhin gshegs pa la bde ba'i yo byad thams cad kyis bsnyen bkur byas nas/ 'di gnyis rab tu byung nas ngas ma byas snyam/ ci zhig byas snyam du brnyas pa'i sems skyes so// rigs kyi bu de nas yang de bzhin gshegs pa dri ma med pa'i 'od mtha' yas 'od zer gyi rgyal pos/ rgyal po bsod nams kyis brgyan pa de lta bur sems pa mkhyen nas/ byang chub sems dpa' seng ge'i rtsal gyis 'gro ba la 'di skad ces bka' stsal to/ / rigs kyi bu khyod kyis shes rab dang / mngon par shes pa dang / bsod nams dang / ye shes kyi stobs ston la 'khor thams cad dga' bar gyis shig/ bdud kyi gnas thams cad mogo mog por gyis shig/ byang chub kyi lam 'bar bar gyis shig/ sems can thams cad tshim par gyis shig/ phas kyi rgol ba thams cad tshar chod cig/

  152. 77a

    chos kyi sgron ma 'bar bar gyis shig/ nyon mongs pa thams cad zhi bar gyis shig/ byang chub sems dpa'i rnam par rol pa ston cig/ de nas de'i tshe byang chub sems dpa' seng ge'i rtsal gyis 'gro bas de'i dus na/ nam mkha' la lag pas byugs nas/ des nam mkha' la lag pas byugs pa dang / stong gsum gyi stong chen po'i 'jig rten gyi khams rnam pa drug tu rab tu g.yos so/ / des yang nam mkha' la lag pas byugs pa dang / de nas de'i tshe bar snang las sil snyan bye ba khrag khrig brgyad stong ma dkrol bar sgra byung ngo // des yang nam mkha' la lag pas byugs pa dang / de nas bar snang las sngon ma mthong ma thos pa dri zhim zhing 'jam pa ka tsa lin di ka ltar reg na bde ba'i me tog rnams kyi char bab bo// des yang nam mkha' la lag pas byugs pa dang / de nas de ma thag tu bar snang las rin po che thams cad kyi char rab tu mngon par bab/ longs spyod kun spyod pa thams cad kyi char rab tu bab bo// ji lta bur stong gsum gyi stong chen po'i 'jig rten gyi khams der yod byad thams cad kyi char mngon par rab tu 'bab pa de de lta bu'i zas dang / skom dang / bro'i tsher mngon par rab tu bab bo// de nas de bzhin gshegs pa dri ma med pa'i 'od mtha' yas 'od zer gyi rgyal pos/ rgyal po bsod nams kyis brgyan pa la 'di skad ces bka' stsal to// rgyal po chen po khyod kyis sbyin pa yongs su btang ba dang / rin po che'i char 'bab pa 'di

  153. 77b

    gang mang / gsol pa/ bcom ldan 'das rin po che'i char 'di ni dper bgyi ba'ang sla ba ma lags te/ de tsam du tshad ma mchis so// bka' stsal pa/ rgyal po chen po byang chub sems dpa' seng / ge'i rtsal gyis 'gro ba 'di mngon par shes pa'i ye shes kyi stobs kyi 'dod na/ gang+gA'i klung gi bye ma snyed kyi 'jig rten gyi khams su 'di 'dra ba'i rin po che'i char mngon par 'bebs so// gang 'jig rten/ gyi khams de dag gi sems can de dag la ji lta bur 'dod pa bzhin du ngoms shing tshim par byed do// rigs kyi bu 'di ltar de'i tshe de'i dus na/ gang sa bla'i lha rnams kyis ma la 'di sems bskyed ma thag tu nam mkha' las rin po che thams cad kyi char mngon par rab tu 'bab pa las na/ byang chub sems dpa' 'di ni nam mkha' mdzod du 'gyur ba snyam zhes sgra byung ngo // ji ltar sa bla'i lha rnams kyis sgra byung ba de bzhin du/ bar snang dang / rgyal chen bzhi'i ris dang / sum cu rtsa gsum dang / 'thab bral dang / dga' ldan dang / 'phrul dga' nas/ 'og min gyi bar gyi lha rnams kyis kyang ma la 'di sems bskyed ma thag tu 'di 'dra ba'i rin po che'i char rab tu 'bab pa las na/ kye ma byang chub sems dpa' 'di ni nam mkha'i mdzod du 'gyur ba snyam zhes sgra byung bas/ ming de la bcom ldan 'das de bzhin gshegs pa dri ma med pa'i 'od mtha' yas 'od zer gyi rgyal po de rjes su yi rang ngo / / gang la des rjes su yi rang ba de la gang+gA'i klung gi bye ma snyed kyi sangs rgyas bcom ldan 'das

  154. 78a

    rnams kyang rjes su yi rang ngo / / rigs kyi bu 'di ltar rgyal po bsod nams kyis brgyan pa des byang chub sems dpa' seng ge'i rtsal gyis 'gro ba'i mngon par shes pa dang / bsod nams dang / ye shes kyi stobs de mthong nas/ khye'u rgyal ba'i blo gros zhes bya ba rgyal por bcug ste/ dad pas khyim nas khyim med par rab tu byung nas/ sbyin pa 'di ni sems kun tu chas pa'o/ / rab tu byung ba ni sems yongs su dag pa'o// sbyin pa 'di ni lus dang ngag gi bgegs so// rab tu byung ba'i ni lus dang ngag yongs su sbyong ba'o// sbyin pa 'di ni bgegs chen po'o// rab tu byung ba ni bgegs thams cad nye bar zhi ba'o// sbyin pa 'di ni rtsa ba dang lo ma'o// rab tu byung ba ni snying po dang 'bras bur 'grub pa'o// sbyin pa 'di ni nga'i ba dang bcas shing yongs su 'dzin pa dang bcas pa'o/ / rab tu byung ba ni yongs su 'dzin pa thams cad 'dor ba'o// sbyin pa 'di ni 'jig tshogs la lta ba las ma bskyod pa'o// rab tu byung ba ni lta ba thams cad yongs su sbyong ba'o// sbyin pa 'di ni byis pa'i rtsed mo'i sbyor ba'o// rab tu byung ba ni dul ba dang / zhi ba dang / cang shes pa'i sa'o snyam du de de ltar tshul bzhin rab tu sbyor zhing / sems 'di lta bu dang bsam pa de lta bu de ltar rab tu byung ste/ gcig pu mi 'dre ba/ bag yod pa/ brtson pa/ rab tu dben par gnas pas ring po ma thogs par mngon par shes pa lnga bskyed do// rigs kyi bu de'i tshe de'i dus na/

  155. 78b

    rgyal po bsod nams kyis brgyan par gyur pa de gzhan zhig yin pa snyam du khyod sems na de de ltar mi blta'o// de ci'i phyir zhe na/ de bzhin gshegs pa 'khor ba 'jig de de'i tshe de'i dus na 'khor los sgyur ba'i rgyal po bsod nams kyis brgyan ces bya bar gyur to/ / byang chub sems dpa' nam mkha' mdzod 'di ni de'i tshe de'i dus na byang chub sems dpa' seng ge'i rtsal gyis 'gro ba zhes bya bar gyur te/ des thog mar nam mkha'i mdzod las rin po che'i char phab bo// de tshun chad bskal pa bye ba khrag khrig brgya stong dpag tu med grangs med par nam mkha' yang nam mkha' mdzod las rin po/ che'i char 'bebs pa'i mngon par shes pa las ma nyams so// rigs kyi bu nga ni de'i tshe de'i dus na byang chub sems dpa' seng ge zhes bya bar gyur to// byang chub sems dpa' byams pa ni de'i tshe de'i dus na rgyal bu rgyal ba'i blo gros zhes bya bar gyur te/ gang rgyal po bsod nams kyis brgyan pas rgyal por bcug pa'o// rigs kyi bu de'i gsung rab kyang 'di ltar dga' zhing yongs su dag par 'gyur te/ dge ba'i rtsa ba bskyed pa'i sems can gyi gnas su gyur to// sems can ji snyed kyis bla na med pa yang dag par rdzogs pa'i byang chub tu sems bskyed pa de dag thams cad kyang bla na med pa yang dag par rdzogs pa'i byang chub las phyir mi ldog par gyur to/ / sngon byung ba dang ldan pa'i gtam 'di bstan pa na/ srog chags khro nyis stong bla na med pa yang dag par rdzogs pa'i byang

  156. 79a

    chub tu sems bskyed do/ / de nas bcom ldan 'das la/ byang chub sems dpa' nam mkha' mdzod kyis 'di skad ces gsol to// bcom ldan 'das byang chub sems dpa' sems dpa' chen po rnams kyi 'jig rten las 'das pa'i lam gang lags/ de skad ces gsol pa dang / bcom ldan 'das kyis/ byang chub sems dpa' nam mkha' mdzod la 'di skad ces bka' stsal to/ / rigs kyi bu byang chub sems dpa' rnams kyi lam zhes bya ba ni pha rol tu phyin pa drug dang / byang chub kyi phyogs kyi chos sum cu rtsa bdun dang / zhi gnas dang / lhag mthong dang / bsdu ba'i dngos po bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga rnams te/ rigs kyi bu 'di ni byang chub sems dpa' rnams kyi 'jig rten las 'das pa'i lam zhes bya'o/ / 'jig rten zhes bya ba ni phung po lnga'o// de la byang chub sems dpa' gzugs mi rtag par rig nas sbyin pa sbyin no/ / gzugs sdug bsngal bar rig nas sbyin pa sbyin no// gzugs bdag med par rig/ gzugs zhi bar rig/ gzugs stong par rig/ gzugs mtshan ma med par rig/ gzus smon pa med par rig/ gzugs mngon par 'du mi byed par rig/ gzugs ma skyes par rig/ gzugs ma byung bar rig/ gzugs rten cing 'brel par 'byung bar rig/ gzugs dben

  157. 79b

    par rig/ gzugs gzung ba med par rig/ gzugs kun gzhi med par rig/ gzugs 'byung ba med par rig/ gzugs sgyu ma lta bur rig/ gzugs rmi lam lta bur rig/ gzugs smig rgyu lta bur rig/ gzugs chu zla lta bur rig/ gzugs brag cha lta bur rig/ gzugs mig yor lta bur rig/ gzugs gzugs brnyan lta bur rig/ gzugs rtswa dang / shing dang rtsig pa dang / lam lta bur rig nas sbyin pa sbyin te/ de gzugs kyi de bzhin nyid kyis sbyin pa'i de bzhin nyid la 'jug go// sbyin pa'i de bzhin nyid kyis bsngo ba'i de bzhin nyid rjes su shes so// bsngo ba'i de bzhin nyid kyis/ byang chub kyi de bzhin nyid dang / byang chub kyi de bzhin nyid kyis/ sems can gyi de bzhin nyid dang / sems can gyi de bzhin nyid kyis/ bdag gi de bzhin nyid dang / bdag gi de bzhin nyid kyis/ chos thams cad kyi de bzhin nyid rjes su shes so// gang chos thams cad kyi de bzhin nyid de ni de bzhin nyid med de/ ma nor ba de bzhin// nyid dang / gzhan ma yin pa de bzhin nyid do// de bzhin nyid rjes su shes pas sbyin pa de sbyin pa 'di ni/ rigs kyi bu byang chub sems dpa'i 'jig rten las 'das pa'i lam mo// de bzhin du tshor ba dang / 'du shes dang / 'du byed rnams dang / rnam par shes pa mi rtag par rig nas sbyin pa sbyin no// rnam par shes pa sdug bsngal ba dang / bdag med par rig/ rnam par shes pa

  158. 80a

    zhi bar rig/ rnam par shes pa stong par rig/ rnam par shes pa mtshan ma med par rig/ rnam par shes pa smon pa med par rig/ rnam par shes pa mngon par 'ju mi byed par rig/ rnam par shes pa ma skyes par rig/ rnam par shes pa ma byung bar rig/ rnam par shes pa rten cing 'brel par 'byung bar rig nas sbyin pa sbyin no// rnam par shes pa dben/ par rig/ rnam par shes pa gzung ba med par rig/ rnam par shes pa kun gzhi med par rig/ rnam par shes pa mi 'byung bar rig/ rnam par shes pa sgyu ma lta bur rig/ rnam par shes pa rmi lam lta bur rig/ rnam par shes pa smig rgyu lta bur rig/ rnam par shes pa chu zla lta bur rig/ rnam par shes pa brag cha lta bur rig/ rnam par shes pa mig yor lta bur rig/ rnam par shes pa gzugs brnyan lta bur rig/ rnam par shes pa rnam par rig pa med pa'i mtshan nyid du rig nas sbyin pa sbyin te/ de rnam par shes pa'i de bzhin nyid kyis/ sbyin pa'i de bzhin nyid rjes su shes so/ / sbyin pa'i de bzhin nyid kyis/ bsngo ba'i de bzhin nyid dang / bsngo ba'i de bzhin nyid kyis/ byang chub kyi de bzhin nyid dang / byang chub kyi de bzhin nyid kyis/ sems can gyi de bzhin nyid dang / sems can gyi de bzhin nyid kyis/ bdag gi de bzhin nyid dang / bdag gi de bzhin nyid kyis/ chos thams cad kyi de bzhin nyid rjes su shes so// gang chos

  159. 80b

    thams cad kyi de bzhin nyid de ni de bzhin nyid do/ / ma nor ba de bzhin nyid dang / gzhan ma yin pa de bzhin nyid// de bzhin nyid rjes su shes pas sbyin pa de sbyin pa 'di ni/ rigs kyi bu brang chub sems dpa'i 'jig rten las 'das pa'i lam mo/ / gzhan yang rigs kyi bu byang chub sems dpa' gzugs mi rtag par rig nas/ tshul khrims bsrung ba nas/ gzugs rtswa dang / shing dang / rtsig pa dang / lam dang / gzugs brnyan lta bu'i bar du rig nas tshul khrims srung ngo // de gzugs kyi de bzhin nyid kyis/ tshul khrims kyi de bzhin nyid rjes su shes so// / tshul khrims kyi de bzhin nyid kyis/ sngo ba'i de bzhin nyid dang / sngo ba'i de bzhin nyid kyis/ byang chub kyi de bzhin nyid dang / byang chub kyi de bzhin nyid kyis/ sems can gyi de bzhin nyid dang / sems can gyi de bzhin nyid kyis/ bdag gi de bzhin nyid dang / bdag gi de bzhin nyid kyis/ chos thams cad kyi de bzhin nyid rjes su shes so// gang chos thams cad kyi de bzhin nyid de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid do// de bzhin nyid rjes su shes pas tshul khrims de srung ba 'di ni/ rigs kyi bu byang chub sems dpa'i 'jig rten las 'das pa'i lam mo/ / de bzhin du tshor ba dang / 'du shes dang / 'du byed dang / rnam par shes pa mi rtag par rig nas/ tshul khrims bsrung ba nas/ rnam par shes

  160. 81a

    pa rnam par rig pa med pa'i mtshan nyid kyi bar du rig nas/ tshul khrims srung ste/ de rnam par shes pa'i de bzhin nyid kyis/ tshul khrims kyi de bzhin nyid rjes su shes so// tshul khrims kyi de bzhin nyid kyis/ bsngo ba'i de bzhin nyid dang / bsngo ba'i de bzhin nyid kyis/ byang chub kyi de bzhin nyid dang / byang chub kyi de bzhin nyid kyis/ sems can gyi de bzhin nyid dang / sems can gyi de bzhin nyid kyis/ bdag gi de bzhin nyid dang / bdag gi de bzhin nyid kyis/ chos thams cad kyi de bzhin nyid rjes su shes so// gang chos thams cad kyi de bzhin nyid de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid dang / de bzhin nyid rjes su shes pas/ tshul khrims de srung ba 'di ni/ byang chub sems dpa' 'jig rten las 'das pa'i lam mo/ / gzhan yang rigs kyi bu byang chub sems dpa' gzugs mi rtag par rig nas/ bzod pa bsgom pa nas/ de bzhin du sbyar te/ rjes su shes pa 'di lta bus brtson 'grus rtsom mo/ / bsam gtan mnyam par 'jog go// shes rab rnam par dpyod ngo do// des gzugs mi rtag par rig nas/ shes rab rnam par dpyod pa nas/ gzugs rtswa dang / shing dang / rtsig pa dang / lam dang / mig yor lta bu'i bar du rig nas/ shes rab rnam par dpyod do// de gzugs kyi de bzhin nyid kyis/ shes rab kyi de bzhin/

  161. 81b

    nyid rjes su shes so// shes rab kyi de bzhin nyid kyis/ bsngo ba'i de bzhin nyid dang / bsngo ba'i de bzhin nyid kyis/ byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can de bzhin nyid kyis/ bdag gi de bzhin nyid dang / bdag gi de bzhin nyid kyis/ chos thams kyi de bzhin nyid rjes su shes so// gang chos// thams cad kyi de bzhin nyid de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid do// de bzhin nyid rjes su shes pas/ shes rab rnam par spyod pa 'di ni byang chub sems dpa'i 'jig rten las 'das pa'i lam zhes bya'o/ / de bzhin du tshor ba dang / 'du shes dang / 'du byed rnams dang / rnam par shes pa mi rtag par rig nas/ shes rab rnam par dpyod pa nas/ rnam par shes pa rnam par rig pa med pa'i mtshan nyid rig nas/ shes rab rnam par dpyod do// de rnam par shes pa'i de bzhin nyid kyis/ shes rab kyi de bzhin nyid rjes su shes so/ / shes rab kyi de bzhin nyid kyis/ bsngo ba'i de bzhin nyid dang / bsngo ba'i de bzhin nyid kyis/ byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis/ bdag gi de bzhin nyid dang / bdag gi de bzhin nyid kyis/ chos thams cad kyi de bzhin nyid rjes su shes

  162. 82a

    so/ / gang chos thams cad kyi de bzhin nyid de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid do// de bzhin nyid rjes su shes pas shes rab rnam par dpyod pa 'di'ang rigs kyi bu byang chub sems dpa'i 'jig rten las 'das pa'i lam mo/ / gzhan yang rigs kyi bu byang chub sems dpas gzugs mi rtag par rig nas lus la lus kyi rjes su lta zhing dran pa nye bar gzhag pa bsgom pa nas/ gzugs rtsa dang / shing dang / rtsig pa dang / lam dang / mig yor lta bu'i bar du rig nas/ lus la lus kyi rjes su lta zhing dran pa nye bar gzhag pa sgom mo/ / gzugs kyi de bzhin nyid kyis/ lus kyi de bzhin nyid rjes su shes so// lus kyi de bzhin nyid rjes su shes pa nas/ chos thams cad kyi de bzhin nyid kyi bar du rjes su shes so/ / gang chos thams cad kyi de bzhin nyid de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid do// de bzhin nyid rjes su shes pas/ lus la lus kyi rjes su lta zhing dran pa nye bar gzhag pa sgom ste/ lus dang ldan pa'i rnam par rtog pas rnam par mi rtog pa 'di ni/ rigs kyi bu byang chub sems dpa'i 'jig rten las 'das pa'i lam mo/ / de bzhin du tshor ba dang / 'du shes dang / 'du byed rnams dang / rnam par shes pa mi rtag par rig pa nas/ rgya cher de bzhin du sbyin pa sbyin pa'i

  163. 82b

    bar dang / de bzhin du tshor ba dang / sems dang / chos rnams kyang rgyas par byas te/ gzugs mi rtag par rig pa nas/ chos la chos kyi rjes su lta zhing dran pa nye bar gzhag pa bsgom pa nas/ rtswa dang / shing dang / rtsig pa dang / lam dang / mig yor lta bu'i bar du rig pa nas/ chos la chos kyi rjes su lta zhing dran pa nye bar gzhag pa sgom mo// de bzhin du tshor ba dang / 'du shes dang / 'du byed rnams dang / rnam par shes pa mi rtag par rig pa nas/ chos la chos kyi rjes su lta zhing dran pa nye bar gzhag pa bsgom pa nas/ rnam par shes pa rnam par rig pa med pa'i mtshan nyid kyi bar du rig nas/ chos la chos kyi rjes su lta zhing dran pa nye bar gzhag pa bsgom mo// de ltar phung po'i de bzhin nyid gang yin pa dran pa nye bar gzhag pa'i de bzhin nyid do/ / dran pa nye bar gzhag pa'i de bzhin nyid gang yin pa de bsngo ba'i de bzhin nyid do// bsngo ba'i de bzhin nyid gang yin pa de byang chub kyi de bzhin nyid do// byang chub kyi de bzhin nyid gang yin pa de sems can gyi de bzhin nyid do/ / sems can gyi de bzhin nyid gang yin pa de bdag gi de bzhin nyid do// bdag gi de bzhin nyid gang yin pa de chos thams cad kyi de bzhin nyid do/ / chos thams cad kyi de bzhin nyid gang yin pa de de bzhin nyid med de/ ma nor ba de bzhin nyid dang / gzhan ma yin pa de bzhin nyid do// de bzhin nyid rjes su shes pas

  164. 83a

    chos la chos kyi rjes su lta zhing dra pa nye bar gzhag pa sgom yang chos dang ldan pa'i rnam par rtog pas rnam par mi rtog ste/ gang de ltar rjes su shes pas 'di ni byang chub sems dpa'i 'jig rten las 'das pa'i lam zhes bya'o/ / de bzhin du sbyar te/ de ltar dran pa nye bar gzhag pa la ji lta ba de bzhin du/ yang dag par spong ba dang / rdzu 'phrul gyi rkang pa dang dbang po dang / stobs dang / byang chub kyi yan lag dang / lam dang / zhi gnas dang / lhag mthong dang / bsdu ba'i dngos po dang / bsam gtan pan dang tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga'ang de bzhin du rgyas par bya ste/ des gzugs mi rtag par rig nas mngon par shes pa'i ye shes sgrub par byed do/ / gzugs sdug bsngal ba dang / gzugs bdag med pa dang / gzugs zhi ba dang / gzugs stong pa dang / gzugs mtshan ma med pa dang / gzugs smon pa med par rig/ gzugs mngon par 'du mi byed par rig/ ma skyes pa dang / ma byung ba dang / rten cing 'brel par 'byung ba dang / dben pa dang // gzung ba med pa dang / kun gzhi med pa dang / mi 'byung ba dang / sgyu ma lta bu dang / smig rgyu lta bu dang / chu zla lta bu dang / brag cha lta bu dang / mig yor lta bu dang

  165. 83b

    gzugs brnyan lta bu dang / gzugs rtswa dang / shing dang / rtsig pa dang / lam dang / mig yor lta bur rig nas/ mngon par shes pa'i ye shes mngon par grub go/ de bzhin du tshor ba dang / 'du shes dang / 'du byed rnams dang / rnam par shes pa dang / lam dang / mi rtag par rig nas/ mngon par shes pa'i ye shes mngon par grub ste/ rnam par shes pa sdug bsngal bar rig/ rnam par shes pa bdag med pa dang / rnam par shes pa zhi ba dang / rnam par shes pa stong pa dang / mtshan ma med pa dang / smon pa med pa dang mngon par 'du mi byed pa dang / ma skyes pa dang / ma 'byung ba dang / rten cing 'brel par 'byung ba dang / dben pa dang gzung du med pa dang / kun gzhi med pa dang / mi 'byung ba dang / sgyu ma lta bu dang / rmi lam lta bu dang / smig rgyu lta bu dang / chu zla lta bu dang / brag cha lta bu dang / mig yor lta bu dang / gzugs brnyan lta bu dang / rnam par shes pa rnam par rig pa med pa'i mtshan nyid du rig nas/ mngon par shes pa'i ye shes mngon par sgrub bo// 'di lta ste/ phung po'i de bzhin nyid gang yin pa de mngon par shes pa'i de bzhin nyid do/ / mngon par shes pa'i de bzhin nyid gang yin pa de bsngo ba'i de bzhin nyid do// bsngo ba'i de bzhin nyid gang yin pa de byang chub kyi de bzhin nyid do// byang chub kyi de bzhin nyid

  166. 84a

    gang yin pa de sems can gyi de bzhin nyid do/ / sems can gyi de bzhin nyid gang yin pa de bdag gi de bzhin nyid do// bdag gi de bzhin nyid gang yin pa de chos thams cad kyi de bzhin nyid do/ / chos thams cad kyi de bzhin nyid gang yin pa de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid do// de bzhin nyid rjes su shes pas mngon par shes pa'i ye shes rab tu sgrub ste/ gang de ltar rjes su shes pa de ni byang chub sems dpa'i 'jig rten las 'das pa'i lam zhes bya'o// de ci'i phyir zhe na/ 'jig rten las 'das pa'i lam de ni gzugs kyi de bzhin nyid rjes su shes pa ste/ gzugs 'jig pa ma yin/ chad pa ma yin/ rtag pa ma yin/ rten cing 'brel par 'byung ba rang bzhin gyis ma skyes pa'o/ / de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid rjes su shes pa ste/ rnam par shes pa 'jig pa ma yin// chad pa ma yin/ rtag pa ma yin/ rten cing 'brel par 'byung ba rang bzhin gyis ma skyes pa'o// gang phung po'i 'jig rten las rgal ba de ni/ 'dod pa dang / gzugs dang / gzugs med pa'i 'jig rten la'ang mi chags te/ de mi chags pas 'gro ba lngar skyes pa'i sems can rnams la 'jig rten las bzla ba'i phyir chos ston te/ gang 'jig rten 'jig par mi byed pa de ltar

  167. 84b

    chos ston to/ / de ci'i phyir zhe na/ 'jig rten mi rtag pa'i mtshan nyid de/ de 'jig par mi byed do// 'jig rten ni sdug bsngal gyi mtshan nyid/ bdag med pa'i mtshan nyid/ zhi ba'i mtshan nyid/ stong pa'i mtshan nyid/ mtshan ma med pa'i mtshan nyid/ smon pa med pa'i mtshan nyid/ mngon par 'du mi byed pa'i mtshan nyid nas/ de bzhin nyid kyi mtshan nyid kyi bar du ste/ 'jig rten de 'jig par mi byed pa 'di ni rigs kyi bu byang chub sems dpa'i 'jig rten las 'das pa'i lam yongs su dag pa'o// gang lam yongs su dag pa la rab tu gnas pa'i byang chub sems dpa' lam log pa la gnas pa'i sems can rnams la chos kyi snang ba chen po byed do/ / de dag snang ba rnyed nas/ 'jig rten las 'das pa'i lam de nyid la rab tu gnas so// byang chub kyi snying po 'thob par byed pa'i phyir/ lam 'di ni rab kyi mchog go// mi dge ba thams cad kyi sems med pa'i phyir/ lam 'di ni mchog go/ sangs rgyas kyi ye shes kyi rtse mo rnyed pa'i phyir/ lam 'di ni dam pa'o// chu bo thams cad las sgrol ba'i phyir/ lam 'di ni bla na med pa'o// nye tshe ba'i lam thams cad las 'das pa'i phyir/ lam 'di ni gong na med pa'o// gnyen po mi dmigs pa'i phyir/ lam 'di ni mnyam pa med pa'o// sngon gyi sangs rgyas kyi lam du yang dag par 'gro ba'i phyir/ lam 'di ni mi mnyam pa dang mnyam pa'o// bdud dang phyir

  168. 85a

    rgol ba thams cad bcom pa'i phyir/ lam 'di ni bde bar 'gro ba'o// mngon par shes pa dang / rdzu 'phrul gyi rkang pa'i ye shes kyis rnam par rol pa'i phyir/ lam 'di ni mi thogs par 'gro ba'o// shes rab kyis snang ba'i 'od rnam par dag pa'i phyir/ lam 'di ni mun pa mun nag med pa'o// sgyu dang g.yo med pa'i phyir/ lam 'di ni drang ba'o// sems gya gyu med pa'i phyir/ lam 'di ni gsal ba'o// sems can thams cad la sems mnyam pa'i phyir/ lam 'di ni mnyam pa'o// sems can thams cad la go 'byed pa'i phyir/ lam 'di ni rgya che ba'o/ / phan tshun du gnod par mi 'gyur bas/ lam 'di ni yangs pa'o// yongs su mi skyo bar 'gro bas lam 'di ni rnal du 'gro'o// sbyin pa'i pha rol tu phyin pas lam 'di ni bsod nams kyis brtan pa'o/ / tshul khrims kyi pha rol tu phyin pas lam 'di ni gdung ba med pa'o// bzod pa'i pha rol tu phyin pas lam 'di ni 'jigs pa med pa'o// brtson 'grus kyi pha rol tu phyin pas lam 'di ni mi zlog pa'o/ / bsam gtan gyi pha rol tu phyin pas lam 'di ni rdul thams cad dang bral ba'o// shes rab kyi pha rol tu phyin pas lam 'di ni nam mkha' dang mnyam par 'gro ba'o// nga rgyal med pas lam 'di ni ye shes kyi rjes su 'gro ba'o/ / dge ba'i chos thams cad yang dag par bsgrubs pas lam 'di ni sangs rgyas kyi chos thams cad yongs su sgom pa'i rjes su sgom pa'i rjes su 'gro ba'o//

  169. 85b

    sngon thos pa mi slu ba'i phyir lam 'don chos kyi 'khor lo rab tu skor ba'i rjes su 'gro ba ste/ rigs kyi bu de dag ni byang chub sems dpa' rnams kyi 'jig rten las 'das pa'i lam yongs su dag pa ste/ lam yongasu dag pa gang la gnas nas/ byang chub sems dpa' go cha chen po bgos te/ theg pa chen po de la zhugs nas byang chub kyi snying po ga la ba der 'gro ba'o// de la 'di ni byang chub sems dpa' rnams kyi go cha ste/ gru chen po yang dag par sbyor bas ma rgal ba sgrol ba'i go cha'o// nyon mongs pa dang / lta ba'i bcings pa thams cad las yongs su 'grol bas ma grol ba 'grol ba'i go cha'o/ / yongs su 'dzin pa'i 'jigs pa thams cad 'dor bas dbugs ma phyin pa rnams dbugs 'byin pa'i go cha'o// med pa la phyin ci log tu gyur pa mnyam pa nyid du ston pas yongs su mya ngan las ma 'das pa mya ngan las bzla ba'i go cha'o/ / bdag dang / sems can dang / srog dang / gang zag mi dmigs pas sems can thams cad yongs su dgrol ba'i go cha'o// lus dang srog la mi lta bas dam pa'i chos yongs su 'dzin pa'i go cha'o/ / dge ba'i rtsa ba'i tshogs sogs pas ngoms mi myongs pas sangs rgyas kyi zhing yongs su sbyor ba'i go cha'o// sbyin pa'i tshogs sna tshogs sogs pas/ mtshan dang dpe byad bzang po lus kyi rgyan gyi go cha'o// mngon par shes pa thob pas bdud dang pas kyi nga rgol ba thams cad 'dul ba'i go cha'o// so so yang dag par rig pa'i ye

  170. 86a

    shes kyis sems can thams cad shin tu tshim par byed pa'i go cha'o/ / gzungs kyi ye shes kyis sangs rgyas kyi chos thams cad nyan pa dang tshol ba'i go cha'o// mngon par shes pa'i ye shes kyis sems can thams cad kyi sems la lta ba'i go cha'o/ / shes rab kyi ye shes kyis sems can thams cad kyi dbang po mchog dang mchog ma yin pa shes pa'i go cha'o// shes rab dang ye shes kyi stobs yang dag par sgrub pas stobs bcu yongs su skong ba'i go cha'o// thams cad du sems gong ba med pas mi 'jigs pa thob pa'i go cha'o// mi dge ba'i chos thams cad spangs shing dge ba'i chos thams cad yongs su rdzogs par byed pas/ sangs rgyas kyi chos ma 'dres pa bco brgyad yongs su skong ba'i go cha'o// chos thams cad sgyu ma dang / rmi lam dang / mig yor dang / brag cha dang / chu zla lta bur thos kyang / mi skrag/ ming dang / dngang bar mi 'gyur ba de ni byang chub sems dpa' rnams kyi mi skrag pa'i go cha'o// sems can thams cad rang bzhin gyis yongs su mya ngan las 'das par shes kyang sems can yongs su mi gtong bar gnas pa de ni byang chub sems dpa' rnams kyi snying rje chen po'i ko cha'o// chos thams cad stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma 'byung bar thos kyang tshe dang

  171. 86b

    'chi 'pho dang / skye ba kun tu ston pa de ni byang chub sems dpa' rnams kyi thabs la mkhas pa'i go cha'o// chos thams cad nges par gyur pa la zhugs pa'i mtshan nyid du shes shing / 'du byed thams cad skye ba med par rig kyang 'gog par mi ltung zhing 'bras bu mngon sum du'ang mi byed pa de ni byang chub sems dpa' rnams kyi sngon gyi byin gyi rlabs mi 'khrugs pa'i go cha'o// go cha chen po nyi shu po de dag bgos nas/ de theg pa chen po la mngon par zhugs pa yin no// theg pa chen po da ni bsdu ba'i dngos pos phang lo bzhi dang legs par ldan par byas pa/ bsams pas dge ba'i rtsa ba yongs su bsngos pas rtsibs shin tu sbyar ba/ rten cing 'brel par 'byung ba'i ye shes lhag par che bas lte ba zab cing legs par byas pa/ sems can thams cad kyi khur skya ba'i srog shing dang ldan zhing shin tu bzung ba/ byams pa chen po dang / snying rje chen pos yang dag par zin pas/ shing rta'i mda' brtan par sbyar ba/ chos rin po che thams cad kyis legs par brgyan pas rin po che thams cad kyi kha ran gyis bskor ba/ sngon dam bcas pa kha 'og tu lus 'khrus par byed pas/ lhag pa'i bsam pa'i 'breng bas bcings pa/ thabs dang shes rab zung du 'brel bas gnya' shing gi khur khyer ba/ zhi gnas dang lhag mthong gi bu gar legs par sbyar ba/ bden pa bzhi yongs su shes pa'o stobs kyi 'gros can/ cang shes stong rab

  172. 87a

    tu 'bad pa dang ldan pa/ rdzu 'phrul gyi rkang pa bzhis sangs rgyas kyi zhing thams cad du 'gro ba/ dran pa'i ru dag rin po che'i 'breng ba'i srad bus bcings pa/ sems can thams cad shong bas rgya che zhing yangs par rgyu ba dang / dgra dang bdud kyi dgra 'dul ba/ legs par bya ba byas pa// rig pa dang ye shes rab tu sbyor ba/ byin gyi rlabs kyis byin gyis brlabs pa/ phyogs bcu'i sangs rgyas thams cad kyis dgongs pa/ seng ge'i khri shin tu brgyan pa/ lha dang / brgya byin dang / tshangs pa thams cad kyis mngon par bstod pa/ gzugs bzang zhing blta bas mi ngoms pa/ blta na sdug pa/ rdo rje ltar sra zhing mi shigs pa lhag pa'i bsam pa brtan pas dam bcas pa las mi 'gyur ba/ kha lo sgyur bas shin tu bsdus shing bzung ba/ rtag tu byang chub kyi sems sngon du 'gro ba/ smon lam gyi yon tan yongs su rdzogs pa'i rjes su song bas kar dga' dgur 'gro ba/ phyogs bcur rnam lta ba'i lha'i mig gi snang ba thob pa/ phyogs bcu snang bar byed pa'i phyir/ 'od yangs pa rnam par dag cing 'od zer mtha' yas pa/ byang chub kyi yan lag go me tog gi char rgyun du 'bab pas/ rtag tu me tig gis gang ba rtag tu chos yang dag par brjod pas rol mo sil snyan dang ldan pa/ skye bo'i 'khor skal ba 'thun pa/ byang chub sems dpa'i spyod pa thams cad tshol ba/ yon tan gyi rnam par tshad med

  173. 87b

    pa'i ye shes mtha' yas pas shin tu 'phags pas/ rnam pa thams cad kyi mchog dang ldan pa'i stong pa nyid thams cad mkhyen pa'i ye shes dang rab tu ldan pa ste/ rigs kyi bu theg pa chen po de ni de 'dra'o/ / skyes bu dam pa de dag de'i phyir go bgos nas mngon par zhugs te/ 'jig rten las 'das pa'i lam de la rab tu zhugs pas/ thams cad mkhyen pa ma thob kyang sangs rgyas kyi mdzad pas sems can rnams la nye bar gnas pa yin no/ / lam dang / go cha dang / theg pa bkod pa 'di bstan pa na/ lha dang mi'o srog chags bdun khri nyis stong ni bla na med pa yang dag par rdzogs pa'i byang chu tu sems skyes so/ / byang chub sems dpa' sum khri nyis stong ni 'jig rten las 'das pa'i lam yongs su dag pas mi skye ba'i chos la bzod pa thob bo// / 'phag pa nam ma hA mdzod kyis nus pa bam po drug pa/ de nas byang chub sems dpa' rin chen dpal gyis/ byang chub sems dpa' nam mkha' mdzod la 'di skad ces smras so/ / rigs kyi bu khyod kyis 'jig rten las 'das pa'i lam rnam par sbyangs so// smras pa/ rigs kyi bu bdag rnam par dag pas rnam par sbyangs so// smras pa/ rigs kyi bu khyod ji ltar na bdag rnam par dag/ smras pa/ rigs kyi bu 'jig rten rnam par dag pas bdag rnam par dag go// smras pa/ 'jig rten rnam par dag pa 'od gang / smras pa/

  174. 88a

    gzugs kyi sngon gyi mtha' rnam par dag pas 'pho ba'ang med/ gzugs kyi phyi ma'i mtha' rnam par dag pas 'ong ba'ang med/ gzugs da ltar byung ba'ang rnam par dag pas chos nyid gnas pa ste/ de bzhin du tshor ba dang / 'du shes dang / 'du byed rnams dang / rnam par shes pa'i sngon gyi mtha' rnam par dag pas 'pho ba'ang med/ rnam par shes pa phyi ma'i mtha' rnam par dag pas 'ong ba'ang med/ rnam par shes pa da ltar byung ba'ang rnam par dag pas chos nyid gnas pa ste/ de ni rigs kyi bu 'jig rten rnam par dag pa zhes bya'o/ / smras pa/ de ltar rnam par dag pa'i 'jig rten ci la lta/ rigs kyi bu de ltar rnam par dag pa'i 'jig rten ni chos thams cad la lta'o// smras pa/ ji ltar na chos thams cad la lta/ smras pa/ shes rab dang ye shes kyis chos thams cad sngon gyi mtha' dang / phyi ma'i mthar yongs su chad par rab tu shes so// smras pa/ chos thams cad sngon gyi mtha' dang / phyi ma'i mtha' yongs su chad pa gang / smras pa/ gang la chad pa'ang med/ rtag pa'ang med pa'o// smras pa/ gang la chad pa'ang med/ ! pa'ang med pa de ci zhes bya/ smras pa/ gang la chad pa'ang med/ rtag pa'ang med pa de la ni skye ba med pa dang / 'gag pa med pa zhes bya'o// smras pa/ gang la skye ba'ang med

  175. 88b

    'gag pa'ang med pa de ci zhes bya/ smras pa/ gang skye ba med pa dang / 'gag pa med pa de ni ji skad ces kyang mi bya'o// de ci'i phyir zhe na/ chos de bgrang du med cing brjod du med pa'o// smras pa/ rigs kyi bu bgrang du med pa'i chos ji ltar bgrang bar 'gyur/ smras pa/ 'di lta ste/ dper na sa'i steng nam mkha' la bgrang mod kyis nam mkha' ni bgrang bar mi nus so// de bzhin du bgrang ba'i sgo nas ni bgrang bas bgrang mod kyi/ bgrang ba'i sgo nas bgrang bar mi nus so// gang bgrang ba'i sgo de nyid ni bgrang du med pa'i sgo'o// de la bgrang ba'i sgo gang / bgrang du med pa'i sgo gang zhe na/ bgrang ba'i sgo zhes bya ba ni 'dus byas so// bgrang du med pa'i sgo zhes bya ba ni 'dus ma byas pa'o// de la gang 'dus ma byas la bgrang bar byed pa de ni bgrang du med pa'o/ / gang bgrang du med pa de ni 'dus ma byas te/ bcom ldan 'das kyis kyang de 'di skad ces bgrangs shing btsal te/ shes rab kyis gang spang bar bya ba de spongs shig ces gsung ngo / / de la nam byang chub sems dpa' 'dus la bgrang zhing rnam par shes pa la 'ja' te tshul bzhin so sor rtog pa de ni/ gang yongs su shes par bya ba 'am/ spang bar bya ba 'am mngon sum du bya ba 'am/ bsgom par bya ba'i chos gang yang yang dag par rjes su mi mthong ngo // des chos thams cad yang dag par rjes su mi mthong bas chos la gnas su mi byed do// nam

  176. 89a

    chos la gnas su mi byed pa de na/ gni med pa thob pa yin no// nam gzhi med pa thob pa de na/ gang la'ang 'dod par mi 'gyur ro// nam gang la'ang 'dod par mi byed pa de na/ cila'ang mi dmigs so// de dmigs pa dang bral bas bdag gi med cing yongs su 'dzin pa med do// ci yongs su mi 'dzin ce na/ gzugs la rtag pa dang / mi rtag par yongs su mi 'dzin to/ / tshor ba dang / 'du shes dang / 'du byed rnams dang / rnam par shes pa la rtag pa dang / mi rtag par yongs su mi 'dzin to// gzugs la sdug bsngal dang / bde bar yongs su mi 'dzin/ tshor ba dang / 'du shes dang / 'du byed rnams dang / rnam par shes pa la sdug bsngal dang / bde bar yongs su mi 'dzin/ gzugs la bdag dang / bdag med par yongs su mi 'dzin pa nas/ rnam par shes pa'i bar la bdag dang / bdag med par yongs su mi 'dzini/ gzugs la sdug pa dang / mi sdug par yongs su mi 'dzin pa nas/ rnam par shes pa'i bar la sdug pa dang / mi sdug par yongs su mi 'dzin/ gzugs la stong pa 'am/ mi stong par yongs su mi 'dzin pa nas/ rnam par shes pa'i bar la stong pa 'am/ mi stong par yongs su mi 'dzin to/ / de yongs su mi 'dzin kyang ting nge 'dzin thob pas 'khor ba na spyod cing 'khor ba'i nyon mongs pa rnams yongs su mi 'dzin to// sems can rnams kyang mya ngan las 'das

  177. 89b

    pa la mos par byed la/ bdag kyang thog mar yongs su mya ngan las 'das pa yin no// de la byang chub sems dpa'i yongs su mya ngan las 'das pa gang zhe na/ yongs su mya ngan las 'das pa zhes bya ba ni mngon par 'du mi byed pa'o/ / de la byang chub sems dpa' mi dge ba'i las cung zad kyang mngon par 'du mi byed do// gang dge ba'i chos rnams yang dag par 'dzin cing 'jug go/ de lus dang / ngag dang / sems dben pa'i mngon par 'du mi byed pa thams cad mngon par 'du byed de/ so sor brtags nas thams cad mkhyen par yongs su sngo'o// thams cad mkhyen/ pa de gzugs su mi snyems/ tshor bar ma yin/ 'du shes su ma yin/ 'du byed rnams su ma yin te/ rnam par shes par yang snyems par mi byed do// de'i sems la snyems pa med cing tshul khrims snyems pa med pas/ smon lam thams cad yongs su rdzogs par byed kyang / chos gang la'ang bri ba 'am/ gang bar yang dag par rjes su mi mthong ngo // de bri ba med cing gang ba med pas/ chos thams cad mnyam pa nyid rnyed nas/ chos kyi dbyings la gnas shing byang chub sems dpa spyad pa spyod de/ chos gang la yang spyod pa'ang med/ rnam bar spyod pa'ang med do/ / rigs kyi bu de ltar yongs su mya ngan las 'das pa'i byang chub sems dpa' byang chub sems dpa'i spyad pa spyod do// de ci'i phyir zhe na/ mngon par 'du bya ba

  178. 90a

    thams cad la mngon par 'du mi byed par rab tu gnas pa ni mya ngan las 'das pa ste/ de'i phyir byang chub sems dpa' mngon par 'du bya ba de la mngon par 'du mi byed de/ mngon par 'du mi byed pa ni mngon par 'dus ma byas pas yongs su mya ngan las 'das pa zhes bya'o// pha rol ces bya ba ni gang du rnam par shes pa mi 'jug pa ste/ byang chub sems dpa' rnam par rig pa med pas rab tu phye ba ni yongs su mya ngan las 'das pa zhes bya'o/ / pha rol ces bya ba ni mtshan ma med pa ste/ de la de'i sems mtshan ma la yongs su mi sngo ba ni yongs su mya ngan las 'das pa zhes bya'o/ / pha rol ces bya ba ni kun rtog pa med pa ste/ kun tu rtog pa de la de'i sems mi 'jug pas de'i phyir yongs su mya ngan las 'das pa zhes bya'o// pha rol ces bya ba ni gni med pa'o/ / gzhi med pa de la de'i sems yongs su mi sngo ste/ de'i phyir yongs su mya ngan las 'das pa zhes bya'o// rigs kyi bu de ltar na byang chub sems dpa' yongs su mya ngan las 'das pa byang chub sems dpa'i spyad pa spyod do/ / de nas bcom ldan 'das kyis/ byang chub sems dpa' sems dpa' chen po nam mkha' mdzod la legs so zhes bya ba byin legs so legs so/ / skyes bu dam po gal te bshad par bya na de ltar bshad do// bstan pa 'di bshad pa na/ byang chub sems dpa' lnga brgya bzod pa skyes so// de nas

  179. 90b

    bcom ldan 'das lha/ byang chub sems dpa' sems dpa' chen po nam mkha' mdzod kyis 'di skad ces gsol to// bcom ldan 'das bdag cag ni de bzhin gshegs pa'i chos snang ba 'dis spobs so/ / bcom ldan 'das 'di lta ste/ dper na snang ba la brten nas gzugs rnams gda' ba de bzhin du/ de bzhin gshegs pa'i skyes bu'i mthu 'dis bdag cag rnams spobs so/ / de nas byang chub sems dpa' rin chen dpal gyis/ byang chub sems dpa' nam mkha' mdzod la 'di skad ces smras so// rigs kyi bu ci'i phyir na bdag gi ye shes 'di bcabs te/ sangs rgyas kyi byin gyi rlabs kyis bdag spobs so zhes ston/ smras pa/ rigs kyi bu byang chub sems dpa' rnams kyi gang cung zad spobs pa ji snyed pa de thams cad sangs rgyas kyi byin gyi rlabs su blta'o/ / de ci'i phyir zhe na/ gal te sangs rgyas bcom ldan 'das rnams kyis chos de dag yongs su snang bar ma mdzad/ na/ byang chub sems dpa' spobs par gal 'gyur/ smras pa/ rigs kyi bu ci spobs pa de 'pho ba zhig gam/ smras pa/ rigs kyi bu 'pho ba ma yin mod kyi/ 'on kyang de sangs rgyas kyi spobs pa'i rgyus spobs so/ / 'di lta ste/ dper na ma rig pa ni 'du byed rnams su mi 'pho mod kyi/ ma rig pa'i rgyus 'du byed rnams kyang skye ba de bzhin du/

  180. 91a

    sangs rgyas kyi spobs pa'ang ga du'ang mi 'pho mod kyi/ de'i rgyus spobs par yang 'gyur ro// 'di lta ste/ dper nan+ta dang / glang po che dang / mi rnams sgra brag char mi 'pho mod kyi/ de'i rgyus brag cha'i sgra'i byung ba de bzhin du/ sangs rgyas kyi spobs pa gang du'ang mi 'pho mod kyi de'i rgyus spobs par yang 'gyur ro// rin chen dpal gyis smras pa/ rigs kyi bu rten cing 'brel par 'byung ba ni zab bo// smras pa/ 'di ltar 'di la chos gang yang mi skye'o// smras pa/ rigs kyi bu chos thams cad rten cing 'brel bar 'byung ba ma yin nam/ smras pa/ gal te rkyen rnams la byed pa po 'ga' zhig yod par 'gyur na ni chos rnams skye bar yang 'gyur na/ rkyen rnams la byed pa po gang yang mi dmigs pas de'i phyir chos thams cad la byed pa po dmigs su med do/ / smras pa/ rigs kyi bu ci de bzhin gshegs pa ma byung ngam/ smras pa/ gal te de bzhin nyid 'byung na ni de bzhin gshegs pa'ang 'byung bar 'gyur na/ de bzhin nyid ni 'byung bar mi 'dod do// de ci'i phyir zhe na/ de bzhin nyid ni skye ba med pas rab tu phye ba ste/ de bzhin nyid ji lta ba chos thams cad kyang de bzhin te/ de thugs su chud pas na/ de bzhin gshegs pa zhes bya'o// smras pa/ rigs kyi bu ci de bzhin gshegs pa byung ngam/ smras pa/ 'dri ba 'di ni gzhag

  181. 91b

    par bya'o/ / smras pa/ gnag par bya ba de kang/ smras pa/ chos kyi dbyings ji ltar gnas pa bzhin no// smras pa/ chos kyi dbyings kyi gnas jiH/ bu/ smras pa/ skye ba'i/ gnas ma yin/ 'jig pa'i gnas ma yin te/ gnas kyang ma yin/ gnas med pa'ang ma yin pa 'di lta bu'i gnas ni chos kyi dbyings kyi gnas so// chos kyi dbyings kyi gnas lta bar chos thams cad kyi gnas kyang de bzhin no/ / chos thams cad kyi gnas gang yin pa de ni gnas ma yin te/ gang gnas ma yin pa de la skye ba'i gnas gang yang med/ 'jig pa'i gnas kyang med pas/ gnas kyang ma yin/ gnas ma yin pa'ang ma yin te/ de lta bu'i gnas ni de bzhin gshegs pa'i gnas so// de bzhin gshegs pa'i gnas gang yin pa de skye ba'i gnas su'ang mi 'dod de/ 'gog pa'i gnas su'ang ma yin no// 'di ltar rigs kyi bu de bzhin gshegs pa byung ngo zhes bya ba 'di ni mtha' gcig go// de bzhin gshegs pa ma byung ngo zhes bya ba 'di ni mtha' gnyis te/ gang skye ba dang / skye ba med pa de gnyis kyi dbu ma'i lam de las de bzhin gshegs pa btsal bar bya'o// rin chen dpal gyis smras pa/ rigs kyi bu gang la skye ba'ang med/ 'jig pa'i gnas kyang med par sangs rgyas skye ba ni zab na/ rigs kyi bu sangs rgyas 'byung ba 'di la su zhig

  182. 92a

    mos par 'gyur/ smras pa/ gang lhag par mi byed pa'o// smras pa/ rigs kyi bu lhag par byed ces bya ba ji ltar bstan pa yin/ smras pa/ rigs kyi bu lhag par byed ces bya ba 'di ni sgro 'dogs pa'i tshig go/ / su chos gang la'ang sgro mi 'dogs pa de ni chos gang la'ang lhag par mi byed pa ste/ lhag par mi byed pa'i tshig ni mnyam pa nyid kyi tshig go/ / mnyam pa nyid kyi tshig ni 'dra ba med pa'i tshig go// 'dra ba med pa'i tshig ni tshig ma yin pa'i tshig go// tshig ma yin pa'i tshig ni yi ge med pa'i tshig go// yi ge med pa'i tshig ni rnam par rig pa med pa'i tshig go/ / gang rnam par rig pa med pa'i tshig de la sems dang yid kyi rab tu rgyu ba med de/ rab tu rgyu ba med pa'i tshig go/ 'di lta ste/ dper na nam mkha' la bya rjes kyi gnas med kyang sgras gnas su brjod pa de bzhin du/ sangs rgyas skye ba'ang skye ba med pa ste/ 'on kyang skye ba sgras brjod do// de la byang chub sems dpa' nam mkhas pas skye ba med pa ston cing yongs su snang bar byed do/ / de ci'i phyir zhe na/ chos thams cad kyi ngo bo nyid ni 'di lta ste/ 'di ni mi skye ba'i ngo bo nyid do// gang mi skye ba'i ngo bo nyid de ni ngo bo nyid med pa'o// ngo bo nyid med pa de la dngos po med pa'o// gang dngos po med pa de la gnas pa gang yang med de/ chos thams cad ni mi gnas pa'i mtha' 'o// gang mi gnas pa'i mtha' de ni chos thams

  183. 92b

    cad kyi mtha' ste/ de'i phyir chos thams cad ni yang dag pa'i mtha' la gnas zhes bya'o// yang dag pa'i mtha' zhes bya ba ni yongs su ma chad pa'i mtha' 'o// mtha' thams cad kyi rjes su 'gro ba'i mtha' ste/ chos thams cad ni mtha' der phyin par snang ngo // de ci'i phyir zhe na/ nam mkha'i shas gshegs pa'i mtha' ni 'di lta ste/ ji ltar nam mkha' kun tu yongs su chad pa'i mtha' yin pa de bzhin du/ yang dag pa'i mtha' la chos thams cad kyi mtha' med do// yang dag pa'i mtha' gang yin pa de ni bdag gi mtha' ste/ bdag gi mtha' rjes su shes pas sems can thams cad kyi mtha' rjes su shes par khong du chud par bya'o/ / gang sems can thams cad kyi mtha' der chos thams cad kyi mtha' yang 'dus te/ de'i phyir chos thams cad ni zad pa'i mtha'/ zad pa'i mu/ zad pa'i mthar thug pa zhes bya'o// zad pa ces bya ba de ni mya ngan las 'das pa'i tshig bla dgas so// de bas na chos thams cad ni mya ngan las 'das pa dang mtshungs zhes bya'o// de ci'i phyir zhe na/ de dag la gnyen po med do// 'di lta ste/ dper na nam mkha' la gnyen po med pa de bzhin du chos thams cad la'ang gnyen po med do// gang dag gnyen pos mya ngan las 'das pa tshol ba de dag ni skye ba dang 'jig par lta ba yin te/ chos 'di dag ni bskyed par bya/ chos 'di dag ni dgag par bya zhe na/ de dag skye ba dang 'jig pa la spyod pas de dag mya ngan las 'das pa'i mnyam

  184. 93a

    pa nyid mi shes so/ / de bas na bcom ldan 'das kyis kyang 'di skad ces shes par gyis shig/ shes par gyis shig/ ma rtsod cig/ rtsod pa med pa/ dge sbyong gi yon tan gyi mchog rnams yongs su rdzogs par gyis shig/ ces gsungs so// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das byang chub sems dpa' nam mkha'i mdzod ji ltar lus mngon sum du gyur pa de bzhin ston pa ngo mtshar to/ / byang chub sems dpa' nam mkha' mdzod kyis smras pa/ btsun pa kun dga' bo kho bo'i lus ni mngon sum ste/ lus kyi mngon sum ni bdag ma yin no// de ci'i phyir zhe na/ nam mkha' ni bdag gi lus te/ de'i phyir kho bo'i lus ni mngon sum mo// de ji ltar na lus mngon sum ma yin zhe na/ gang gi phyir lus kyis sangs rgyas kyi mdzad pa byed kyang chos kyi sku las kyang mi nyams la/ phung po dang / khams dang / skye mched kyis rab tu phye ba'ang ma yin/ lus phyin ci log las byung ba'ang ma yin te/ yid kyi lus rab tu rnyed do// de ltar na byang chub sems lus mngon sum pa yin no// kun dga' bos smras pa/ rigs kyi bu khyod chos thams cad mngon sum yin nam/ smras pa/ btsun pa kun dga' bo kho bo ni lus chos las rnam par grol bar mi 'dod de/ kho bo'i lus nyid chos so// chos nyid ni kho bo'i lus so// de bas na lus kho bo'i mngon sum mo//

  185. 93b

    kun dga' bos smras pa/ rigs kyi bu khyod gal te lus mngon sum pa yin na/ khyod ci dgra bcom pa 'am/ smras pa/ nyon mongs pa med pa'i chos kyi sgo rtogs shing 'dod chags med la/ zhe sdang med cing gti mug med pa'i phyir kho bo ni dgra bcom pa'o// smras pa/ rigs kyi bu gal te khyod dgra bcom pa yin na/ ji srid cig na yongs su mya ngan las 'da'/ smras pa/ btsun pa kun dga' bo dgra bcom pa ni yongs su mya ngan las mi 'da' ste/ so so'i skye bo rnams ni yongs su mya ngan las 'da'/ dgra bcom pa ni ma yin no// de ci'i phyir zhe na/ dgra bcom pa ni mya ngan las 'das pa'i 'du shes spangs pa'o// so so'i skye ba rnams ni yongs su mya ngan las 'da' 'o zhes rnam par rtog ste/ de dag ji tsam du rtog cing rtag par rtog pa de tsam du yongs su mya ngan las 'da' 'o/ / smras pa/ rigs kyi bu bdag cag gis ji ltar khyod kyis smras pa'i don shes pa ltar na/ khyod ni dgra bcom pa'ang ma yin/ so so'i skye bo'ang ma yin/ slob pa'ang ma yin/ mi slob pa'ang ma yin/ rang sangs rgyas kyang ma yin/ byang chub sems dpa' yang ma yin/ de bzhin gshegs pa'ang ma yin no/ / smras pa/ btsun pa kun dga' bo legs so legs so// gang dgra bcom pa'ang ma yin/ so so'i skye bo'ang ma yin/ slob pa'ang ma yin/ mi slob pa'ang ma yin

  186. 94a

    rang sangs rgyas kyang ma yin/ byang chub sems dpa' yang ma yin/ de bzhin gshegs pa'ang ma yin pa de ni sa thams cad kyang ston la/ gang la'ang rab tu mi gnas so/ / bstan pa 'di bshad pa na/ nyan thos lnga brgya tsam gyis byang chub sems dpa' nam mkha' mdzod la bla gos chos la dgab par gtor ste/ tshig 'di skad du sems can thams cad kyang 'di 'dra ba'i spobs pa rnyed par gyur cig ces smras so/ / de nas byang chub sems dpa' nam mkha' mdzod kyi byin gyi rlabs kyis chos gos de dag nam mkha'i nang du song ngo // de nas dge slong dgra bcom pa de dag gis 'di skad ces smras so/ / rigs kyi bu chos gos de dag gar song / smras pa/ nam mkha'i mdzod du song ngo // de'i tshe bcom ldan 'das 'dzum pa mdzad pa dang / tshe dang ldan pa kun dga' bos/ bcom ldan 'das la 'dzum pa de'i don zhus pa/ bcom ldan 'das de bzhin gshegs pa ni don ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo dge slong lnga brgya po de dag gis bla gos lnga brgya byang chub sems dpa' nam mkha' mdzod la gtor te/ byang chub sems nam mkha' mdzod kyis nam mkha'i mdzod du bcug pa de dag dur smrig gi rgyal mtshan zhes bya ba'i 'jig rten gyi khams su song ste/ bcom ldan 'das de

  187. 94b

    bzhin gshegs pa ri dbang rgyal po'i sangs rgyas kyi zhing na sangs rgyas kyi bya ba byed do/ / gang byang chub sems dpa' nam mkha'i mdzod kyis chos kyi gtam byas pa de sangs rgyas kyi zhing der chos gos de dag las byung ste/ chos bstan pa des byang chub sems dpa' stong phrag mang po zhig bzod pa thob bo// kun dga' bo rnam grangs du mas sems can rnams yongs su smin par byed pa/ byang chub sems dpa' rnams kyi rdzu 'phrul dang ye shes kyi yul la ltos/ bstan pa 'di bshad pa na/ me lta bu'i kha dog dang / zla ba dang / nyi ma ltar 'bar ba'i kha dog sngon ma mthong ma thos pa'i me tog rnams kyi char chen po mngon par rab tu bab ste/ me tog de dag las gang byang chub sems dpa' nam mkha'i mdzod kyis bstan pa 'di thos nas mos par 'gyur ba'i sems can de dag ni phyir mi ldog pa'i rgyas btab cing byang chub kyi snying po la gzhol ba yin no zhes de lta bu'i sgra byung ngo / / kun dga' bos gsol pa/ bcom ldan 'das me tog 'di dag ga mchis/ bcom ldan 'das kyis bka' stsal pa/ kun dga' bo 'od bkod pa zhes bya ba'i tshangs pa 'jig rten gyi khams stong phrag brgya la dbang ba zhig yod de/ tshangs pa des byang chub sems dpa' nam mkha' mdzod la mchod pa bya ba'i phyir me tog 'di dag gtor to/ / kun dga' bos gsol pa/ bcom ldan 'das bdag cag gis tshangs pa de lta'o//

  188. 95a

    bka' stsal pa/ tshangs pa de de'u re mthong gis/ cung zhig sdod cig/ de nas tshangs pa 'od bkod pa tshangs pa stong phrag brgya drug cu rtsa brgyad kyis yongs su bskor cing mdun du ba dar te/ tshangs pa'i 'jig rten nas mi snang bar gyur nas/ bcom ldan 'das kyi spyan sngar phyin te/ des bcom ldan 'das kyi zhabs la mgo bos phyag 'tshal nas/ lan gsum bskor ba byas te/ phyogs gcig tu 'dug go// de nas bcom ldan 'das la/ tshangs pa 'od bkod pas 'di skad ces gsol to// bcom ldan 'das byang chub sems dpa' nam mkha' mdzod kyi tshul khrims kyi che ba dang / ting nge 'dzin gyi che ba dang / mngon par shes pa'i che ba dang / ye shes kyi che ba dang / shes rab kyi che ba dang / smon lam yongs su rdzogs pa'i che ba dang / thabs la mkhas pa'i che ba dang / lhag pa'i bsam pa'i che ba dang / chos kyi dbang phyug gi che ba dang / lus kyi rgyan gyi che ba dang / ngag dang sems kyi rgyan gyi che ba dang / chos thams cad la dbang ba'i che ba ngo mtshar to/ / 'di ltar byang chub sems dpa' nam mkha' mdzod ces bgyi ba/ sngon shin tu sbyang ba bgyis pas lus dang / ngag dang / sems dag gis rtson pa ma mchis par bgyi ba thams cad ston te/ bcom ldan 'das su zhig sngon gyi dge ba'i rtsa ba rnams la byas pa mi gzo bar 'gyur/ bcom ldan 'das byang chub sems dpa' nam mkha' mdzod da ltar gang seng ge'i sgra sgrogs

  189. 95b

    pa 'di ni sngon gyi spyod pa zab mo'i rgyu 'thun pa'o/ / bcom ldan 'das kyis bka' stsal pa/ de de bzhin no// tshangs pa ji skad smras pa bzhin te/ byang chub sems dpa' rnams kyi bla na med pa yang dag par rdzogs pa'i byang chub ni sngon gyi dge ba'i rtsa ba dang / bsod nams dang / ye shes las byung ngo // de nas bcom ldan 'das la/ tshangs pa 'od bkod pas 'di skad ces gsol to/ / bcom ldan 'das byang chub sems dpa' rnams dge ba'i rtsa ba gang lags/ bsod nams gang lags/ ye shes gang lags/ bcom ldan 'das kyis bka' stsal pa/ tshangs pa dge ba'i rtsa ba zhes bya ba ni/ gang sems dang po bskyed pa dang / sangs rgyas kyi chos thams cad kyi rtsa ba'o// bsod nams ni gang byang chub kyi sems bskyed ma thag tu sems can thams cad dang / nyan thos dang / rang sangs rgyas thams cad kyi sbyin pa las byung ba dang / tshul khrims las byung ba dang / bsgom pa las byung ba'i bsod nams bya ba'i dngos po thams cad zil gyis gnon pa'o/ / ye shes ni gang dge ba'i rtsa ba bsags shing / bsags pa rnams thams cad mkhyen pa nyid du yongs su bsngo ba'o// gzhan yang dge ba'i rtsa ba ni sgyu dang g.yo med pa'i phyir bsam pa'o/ / bsod nams ni gang bsod nams thams cad sogs pa'i phyir rab tu sbyor ba'o// ye shes ni gang khyad par du 'gro ba'i phyir lhag pa'i bsam pa'o// gzhan yang dge ba'i

  190. 96a

    rtsa ba ni gang dge ba'i chos rnams la yi dam bstan pa'o/ / bsod nams ni gang dge ba'i rtsa ba'i tshogs kyis chog mi shes pa'o// ye shes ni gang dge ba'i rtsa ba rnams la sgyu mar so sor rtog pa'o/ / gzhan yang dge ba'i rtsa ba ni gang dge ba'i bshes gnyen rnyed pa'o// bsod nams ni gang dge ba'i bshes gnyen mi gtong ba'o// ye shes ni gang dge ba'i bshes gnyen la kun 'dri ba'o/ / gzhan yang dge ba'i rtsa ba ni gang chos don du gnyer ba'o// bsod nams ni gang chos 'dod pa'o// ye shes ni gang chos kyi kun dga' la dga' zhing mos pa'o// gzha yang dge ba'i rtsa ba ni gang chos tshol ba'o/ / bsod nams ni gang zang zing med par chos ston pa'o// ye shes ni gang chos la slob dpon gyi dpe mkhyud med pa'o// gzhan yang dge ba'i rtsa ba ni gang chos nyan pa'o/ / bsod nams ni gang tshul bzhin la so sor rtog pa'o// ye shes ni gang chos sgrub pa'o// gzhan yang dge ba'i rtsa ba ni gang sangs rgyas mthong ba'o// bsod nams ni gang sangs rgyas la rim gro byed pa'o/ / ye shes ni gang sangs rgyas la rab tu rton pa'o// gzhan yang dge ba'i rtsa ba ni gang rab tu byung ba rnyed pa'o// bsod nams ni gang 'phags pa'i rigs kyis shin tu dga' 'o/ / ye shes ni gang dgon par gnas pa la dga' ba'o// gzhan yang dge ba'i rtsa ba ni gang dgang sla ba dang / gso sla ba'o// bsod nams ni gang chos gos dang bsod snyoms

  191. 96b

    lhun gyis grub par rnyed pa'o/ / ye shes ni gang mi chags mi brkam par de la yongs su spyod pa'o// gzhan yang dge ba'i rtsa ba ni gang dran pa nye bar gzhag pa rnams la sgom pa'o// bsod nams ni gang yang dag par spong ba rnams yongs su rdzogs par byed pa'o/ / ye shes ni gang rdzu 'phrul gyi rkang pa thob pa'o// gzhan yang dge ba'i rtsa ba ni gang dang pa'i dbang po la 'jug pa'o// bsod nams ni gang brtson 'grus dang / dran pa dang / shes bzhin no// ye shes ni gang ting nge 'dzin dang shes rab sgom pa'o// gzhan yang dge ba'i rtsa ba ni gang stobs lnga la gnas pa'o// bsod nams ni gang byang chub kyi yan lag rnams rjes su shes pa'o// ye shes ni gang lam la 'jug pa shes pa'o// gzhan yang dge ba'i rtsa ba ni gang sems dpa' 'o// bsod nams ni gang zhi gnas kyi tshogs yongs su tshol ba'o/ / ye shes ni gang lhag mthong la mkhas pa'o// gzhan yang dge ba'i rtsa ba ni gang sbyin pa las byung ba'i bsod nams bya ba'i dngos po'o// bsod nams ni gang tshul khrim las byung ba'i bsod nams bya ba'i dngos po'o/ / ye shes ni gang bsgom pa las byung bsod nams bya ba'i dngos po'o// gzhan yang dge ba'i rtsa ba ni gang lhag pa'i tshul khrims la slob pa'o/ / bsod nams ni gang lhag pa'i sems la slob pa'o// ye shes ni gang lhag pa'i shes rab la slob pa'o// gzhan yang dge ba'i rtsa ba ni sdig pa thams cad so sor 'chags pa'o//

  192. 97a

    bsod nams ni bsod nams thams cad la rjes su yi rang ba'o// ye shes ni sangs rgyas thams cad la gsol ba 'debs pa'o// gzhan yang dge ba'i rtsa ba ni bdog pa thams cad yongs su gtong ba'o/ / bsod nams ni rnam par smin pa la mi re ba'o// ye shes ni sbyin pa mi snyems shing byang chub tu yongs su sngo ba'o// gzhan yang dge ba'i rtsa ba ni bslab pa yang dag par 'dzin pa'o/ / bsod nams ni tshul khrims ma nyams pa'o// ye shes ni mngon par 'du mi byed pa'i tshul khrims byang chub tu yongs su sngo ba'o// gzhan yang dge ba'i rtsa ba ni sems can thams cad la khong khro ba med pa'o/ / bsod nams ni mi snyan par zer ba bzod pa'o// ye shes ni sems can thams cad yongs su smin par bya ba'i phyir lus dang srog gtong zhing byang chub tu yongs su sngo ba'o// gzhan yang dge ba'i rtsa ba ni gang dge ba'i chos rnams la rtsom pa'o// bsod nams ni gang dge ba'i rtsa ba thams cad sems thams cad la bdar ba'o// ye shes ni gang mtshan ma med pa la mtshungs par 'jug cing dge ba'i rtsa ba byang chub tu yongs su sngo ba'o/ / gzhan yang dge ba'i rtsa ba ni gang bsam gtan gyi yan lag yongs su tshol ba'o// bsod nams ni gang bsam gtan rnyed pas sngon rgyu dge ba'i rtsa ba zad par mi byed pa'o/ / ye shes ni gang bsam gtan las bzlog nas 'dod pa'i khams su skye ba'o// gzhan yang dge ba'i rtsa ba ni gang shes rab kyi rtsa ba thos pa'o// bsod

  193. 97b

    nams ni gang thos pa la so sor rtog pa'o/ / ye shes ni gang shes rab yongs su song ba'o// gzhan yang dge ba'i rtsa ba ni sems can thams cad la sems mnyam pa'o// bsod nams ni/ byams pa'i sems snyoms par 'jug pa'o// ye shes ni nam mkha' dang mtshungs pas sems can thams cad la byams pa'o// gzhan yang dge ba'i rtsa ba ni gang sa gsum gyi tshogs so// bsod nams ni gangs bzhi la sogs pa'o// ye shes ni gang sa bcu pa yongs su skong ba'o// gzhan yang dge ba'i rtsa ba ni sems dang po bskyed pa'i byang chub sems dpa' rnams kyi'o// bsod nams ni spyod pa la zhugs pa'i byang chub sems dpa' rnams kyi'o// ye shes ni phyir mi ldog pa'i byang chub sems dpa' rnams kyi'o// gzhan yang dge ba'i rtsa ba ni rkang mthil mnyam par reg pa'o/ / bsod nams ni mtshan dang dpe byad bzang po'i rgyan to// ye shes ni spyi gtsug bltar mi mthong ba'o// gzhan yang dge ba'i rtsa ba ni sangs rgyas kyi zhing gi rgyan to// bsod nams ni bza' ba dang btung ba yid kyis longs spyod pa'o// ye shes ni dbang po rno ba'i sems can du skye ba'o// gzhan yang dge ba'i rtsa ba ni bdud kyi las rnams thos pa'o// bsod nams ni bdud las rig pa'o// ye shes ni bdud kyi las las yang dag par 'das pa'o// gzhan yang dge ba'i rtsa ba ni snying rje chen po'o// bsod nams ni thabs la mkhas

  194. 98a

    pa'o/ / ye shes ni shes rab kyi pha rol tu phyin pa'o// gzhan yang dge ba'i rtsa ba ni byang chub kyi snying po'i rgyan to// bsod nams ni bdud thams cad 'dul ba'o// ye shes ni sems kyi skad cig gcig dang ldan pa'i shes rab kyis byang chub mngon par rdzogs par 'tshang rgya ba'o/ / tshangs pa de ltar na byang chub sems dpa' dge ba'i rtsa ba dang / bsod nams dang / ye shes las byung ba yin no// de nas bcom ldan 'das la/ tshangs pa 'od bkod pas 'di skad ces gsol to// bcom ldan 'das de bzhin gshegs pas rtsa ba'i gnas gsum po 'di dag las sangs rgyas kyi chos thams cad sna tshogs su bshad pa ngo mtshar to/ / de skad ces gsol pa dang / byang chub sems dpa' sems dpa' chen po nam mkha' mdzod kyis/ tshangs pa 'od bkod pa la 'di skad ces smras so/ / tshangs pa gnas gcig tu chos thams cad yang dag par 'du'o// de ci'i phyir zhe na/ stong pa nyid kyis gnas ni gnas te/ stong pa nyid du chos thams cad yang dag par 'du'o/ / mtshan ma med pa'i gnas ni gnas te/ mtshan ma med par chos thams cad yang dag par 'du'o// smon pa med pa'i gnas ni gnas te/ smon pa med par chos thams cad yang dag par 'du'o/ / de bzhin du sbyar te/ mngon par 'du mi byed pa'i bar gyi gnas ni gnas so// 'dod chags med pa'i gnas ni gnas so// zhi ba'i gnas ni gnas so// gzhi

  195. 98b

    med pa'i gnas ni gnas so/ / chos kyi dbyings kyi gnas ni gnas so// de bzhin nyid kyi gnas ni gnas so// yang dag pa'i mtha'i gnas ni gnas so// mi 'byung ba'i gnas ni gnas so// skye ba med pa'i gnas ni gnas so// mya ngan las 'das pa'i gnas ni gnas te/ chos thams cad ni mya ngan las 'das par yang dag par 'du'o// tshangs pa gzhan yang 'dod chags ni 'dod chags med pa'i gnaso/ / de ci'i phyir zhe na/ 'dod chags ni 'dod chags med pa'i rang bzhin te/ chos thams cad ni 'dod chags kyi rang bzhin no// zhe sdang ni zhe sdang med pa'i gnas so// de ci'i phyir zhe na/ zhe sdang ni zhe sdang med pa'i rang bzhin te/ chos thams cad ni zhe sdang gi rang bzhin no// gti mug ni gti mug med pa'i gnas so// de ci'i phyir zhe na/ gti mug ni gti mug med pa'i rang bzhin te/ chos thams cad ni gti mug gi rang bzhin no// 'jig tshogs ni 'jig tshogs med pa'i gnas so// 'jig tshogs ni 'jig tshogs med pa'i rang bzhin te/ chos thams cad ni 'jig tshogs kyi rang bzhin no/ / gzugs ni gzugs med pa'i gnas so// de ci'i phyir zhe na/ gzugs ni gzugs med pa'i rang bzhin te/ chos thams cad ni gzugs kyi rang bzhin no/ / de bzhin tshor ba dang / 'du shes dang / 'du byed rnams dang / rnam par shes pa'ang rnam par shes pa med pa'i gnas so// rnam par shes pa ni rnam par shes pa med

  196. 99a

    pa'i rang bzhin te/ chos thams cad ni rnam par shes pa'i rang bzhin no// khams rnams dang / skye mched rnams dang / rten cing 'brel par 'byung ba'i yan lag bcu gnyis kyang de bzhin du sbyar te/ ma rig pa ni rig pa'i gnas so// ma rig pa ni ma rig pa med pa'i rang bzhin te/ sangs rgyas kyi chos thams cad ni ma rig pa'i rang bzhin no// skye ba'i bar du'ang skye ba med pa'i gnas so/ / skye ba ni skye ba med pa'i rang bzhin te/ sangs rgyas kyi chos thams cad ni skye ba'i rang bzhin no// sangs rgyas kyi chos thams cad ni chos ma yin pa'i gnas so// de ci'i phyir zhe na/ chos thams cad ni rtog pa med pa'i rang bzhin te/ sangs rgyas kyi chos thams cad ni chos thams cad kyi rang bzhin no// tshangs pa de dag ni gnas med pa'i gnas la 'jug pa zhe bya ba'i chos kyi gnas la 'jug pa'i sgo ste/ gang du gnas re rer sangs rgyas kyi chos thams cad yang dag par 'du'o// tshangs pa 'di lta ste/ dper na rgya mtsho chen por ni 'bab chu thams cad 'bab pa de bzhin du/ chos kyi sgo'i gnas gcig tu sangs rgyas kyi chos thams cad yang dag par 'du'o// tshangs pa 'di lta ste/ dper na nam mkha' la gzugs su snang ba thams cad yang dag par 'du ba de bzhin du/ chos kyi sgo'i gnas gcig tu sangs rgyas kyi chos thams cad yang dag par 'du ste/ de'i phyir gnas 'di ni mi zad pa'i gnas te/ 'bum gzhag pa'i

  197. 99b

    gnas so/ / tshangs pa 'di lta ste/ dper na 'bum gzhag pa'i gnas gcig tu 'bum thams cad yang dag par 'du ste/ de dag lo stong du bzhag nas phyung yang 'bum de snyed kyang gnas de la mi 'byar la/ gnas kyang 'bum la mi 'byar ba de bzhin du/ tshangs pa bskal pa brgya stong du sangs rgyas kyi chos rnams bgrang zhing bzhag la gzhal kyang sangs rgyas kyi chos rnams lus la song ba 'am/ sems la song bar mi 'gyur te/ bshad kyang rung / ma bshad kyang rung de snyed do// de snyed pa de'ang de snyed ma yin te/ de ci'i phyir zhe na/ gal te de snyed dam/ de snyed ma yin pa zhig rnyed na ni rnyed pa nyid du 'gyur na/ gang gi phyir de dag ni de snyed kyang ma yin te/ de snyed ma yin pa'ang ma yin pas de'i phyir de dag ni de snyed dam/ de snyed ma yin pa zhes mi brjod do/ / tshangs pa gang sangs rgyas kyi chos bgrang ba de ni/ chos thams cad bgrang ba'o// de ci'i phyir zhe na/ chos thams cad ni sangs rgyas kyi chos te/ sangs rgyas kyi chos gang yin pa de dag ni chos kyang ma yin/ chos ma yin pa'ang ma yin no// de ci'i phyir zhe na/ sangs rgyas kyi chos ni 'du shes kyis kun brtag pa ma yin te/ 'du shes yongs su shes par bya ba'i phyir/ sangs rgyas kyi chos rnams rab tu bstan te/ gang 'du shes kyang med/ 'du shes med pa'ang ma yin pa'i kun rtog pa de ni chos kyang ma yin/ chos ma yin pa'ang ma yin no// tshangs pa sangs rgyas kyi

  198. 100a

    chos 'di dag ni/ mtshan nyid de lta bu ste/ rang gi mtshan nyid kyis dag pa/ rang gi mtshan nyid kyis dben pa'o// rang gi mtshan nyid ni mtshan nyid med pa ste/ mtshan/ nyid med pa ni nam mkha' 'o// nam mkha'i mtshan nyid ni chos thams cad do// byang chub sems dpa' nam mkha' mdzod kyis gtam shin tu brjod pa 'di bstan pa na/ tshangs pa'i 'khor de nas tshangs pa khri nyis stong ni bla na med pa yang dag par rdzogs pa'i byang chub tu sems skyes so/ / yongs su sbyang ba byas pa'i dge ba'i rtsa ba rnams bskyed pa'i tshangs pa lnga stong ni mi skye ba'i chos la bzod pa thob par gyur to/ / // 'dagra rnam pa' mdzod kyis nus pabam po bdun pa/ de nas byang chub sems dpa' lag na rin po ches/ byang chub sems dpa' sems dpa' chen po nam mkha' mdzod la 'di skad ces smras so/ / rigs kyi bu byang chub kyi sems byang chub kyi sems zhes bya ba'i byang chub kyi sems de chos gang dag gis bsdus na phyir mi ldog par kun tu gnas/ nam mkha' mdzod kyis smras pa/ rigs kyi bu byang chub kyi sems ni chos rnam pa gnyis kyis bsdus pas phyir mi ldog par gnas so// gnyis gang zhe na/ bsam pa dang / lhag pa'i bsam pa'o// smras pa/ rigs kyi bu bsam pa dang lhag pa'i bsam pa gang gis bsdus/ smras pa/ rigs kyi bu bsam pa ni g.yo med pa dang / sgyu med pas bsdus so// lhag pa'i bsam pa ni de la ma

  199. 100b

    chags pa dang / khyad par du 'gro bas bsdus so// smras pa/ rigs kyi bu chos bzhi po 'di dag gang gis bsdus/ smras pa/ rigs kyi bu chos bzhi po 'di dag ni chos brgyad kyis bsdus te/ brgyad gang zhe na/ 'di lta ste/ g.yo med pa ni drang po dang gsal bas bsdus so// sgyu med pa ni bcos ma ma yin pa dang dag pas bsdus so// de la ma chags pa ni sems ma gong ba dang / brtson 'grus ma gong bas bsdus so// khyad par du 'gro ba ni bsod nams kyi tshogs dang ye shes kyi tshogs kyis bsdus so// smras pa/ rigs kyi bu chos brgyad po 'di dag gang gis bsdus/ smras pa/ rigs kyi bu chos brgyad po 'angadi dag ni chos bcu drug gis bsdus te/ bcu drug gang zhe na/ 'di lta ste/ drang po ni ni ba dang nges pas bsdus so// gsal ba ni nga rgyal med pa dang thibs po med pas bsdus so/ / bcos ma ma yin pa ni byams pa chen po dang snying rje chen pos bsdus so// bsam pa dag pa ni lus yongs su dag pa dag/ sems yongs su dag pas bsdus so// sems ma gong ba ni brtan pa dang stobs kyis bsdus so// brtson 'grus mgong ba ni de nyid byed pa dang / yang dag pa'i nan tan gyis bsdus so// bsod nams kyi tshogs ni sbyor ba dang / sbyor ba mthar phyin pas bsdus so/ / ye shes kyi tshogs ni thos pa dang thos pa bsgrub pas bsdus so// rigs kyi bu chos brgyad po de dag ni chos bcu drug po 'di dag gis bsdus so// smras pa/ rigs kyi

  200. 101a

    chos bcu drug po 'di dag gang gis bsdus/ smras pa/ rigs kyi bu chos bcu drug po 'di dag ni chos sum cu rtsa gnyis kyis bsdus te/ sum cu rtsa gnyis gang zhe na 'di lta ste/ zhi ba ni ngo tsha shes pa dang / khrel yod pas bsdus so// nges pa ni dka' blo bde ba dang 'grogs na bde bas bsdus so// nga rgyal med pa ni khyad du mi gsod pa dang / 'dud pas bsdus so/ / thibs po med pa ni dri ma med pa dang / mi rtsub pas bsdus so// byams pa chen po ni khong khro ba med pa'i sems dang / sems can thams cad la sems mnyam pas bsdus so/ / snying rje chen po ni yongs su mi skyo ba dang / sems can thams cad bya ba ci yod ces bya bas bsdus so// lus yongs su dag pa ni mi 'tshe ba dang / rang gi longs spyod kyis chog par 'dzin pas bsdus so/ / sems yongs su dag pa ni dul ba dang zhi bas bsdus so// brtan pa ni yi dam mi zhig pa dang / dam bcas pa nyams su lon par byed pas bsdus so// stobs ni blo rab tu gan+d+ha/ pa dang / blo mi g.yo bas bsdus so// de nyid byed pa ni ji skad smra ba dang / de bzhin du byed pas bsdus so// yang dag pa'i nan tan ni yang dag par sbyor ba dang / yang dag pa'i rtsol bas bsdus so/ / sbyor ba ni skol ba dang mi ldog pas bsdus so// sbyor ba mthar phyin pa ni pha rol gyi sgra dang / tshul bzhin yid la byed pas bsdus so// thos pa ni dge ba'i bshes gnyen dang /

  201. 101b

    mthun par 'dzin pas bsdus so// thos pa sgrub pa ni rab tu sems pa dang / nges par sems pas bsdus so// rigs kyi bu chos bcu drug po de dag ni sum cu rtsa gnyis po de dag gis bsdus so/ / smras pa/ rigs kyi bu chos sum cu rtsa gnyis po 'di dag chos du zhig gis bsdus/ smras pa/ rigs kyi bu chos sum cu rtsa gnyis po 'di dag ni chos drug cu rtsa bzhis bsdus te/ drug cu rtsa bzhi gang zhe na/ 'di lta ste/ ngo tsha shes pa ni nang du so sor rtog pa dang / dbang po yang dag par sdom pas bsdus so// khrel yod pa ni phyi rol gyi yul bsrung ba dang / mkhas shing rtogs pa la 'dzem pas bsdus so// bka' blo bde ba ni chos don du gnyer ba dang / chos 'dod pas bsdus so// 'grogs na bde ba ni lus yid du 'ong ba dang / sems yid du 'ong bas bsdus so// khyad du mi gsod pa ni ma khengs pa dang / chos spyod pas bsdus so// 'dud pa ni lus gya gyu med pa dang / sems gya gyu med pas bsdus so/ / dri ma med pa ni dri ma gsum bsal ba dang / rnam par mthar pa gsum sgom pas bsdus so// mi rtsub pa ni mi brlang ba dang / phra ma med pas bsdus so// khong khro ba med pa'i sems ni bdag bsrung ba dang / gzhan bsrung bas bsdus so// sems can thams cad la sems mnyam pa ni tha dad pa med pa dang / ro gcig pas bsdus so// yongs su

  202. 102a

    mi skyo ba ni rmi lam gyi rang bzhin dang / sgyu ma'i rang bzhin gyis bsdus so// sems can thams cad kyi bya ba ci yod ces bya ba ni mngon par shes pa dang / thabs kyis bsdus so/ / mi 'tshe ba ni 'dogs pa dang / las kyi rnam par smin pa la yid ches pas bsdus so// rang gi longs spyod kyis chog par 'dzin pa ni 'dod pa nyung ba dang / chog shes pas bsdus so/ / dul ba ni mi 'khrug pa dang / mi rtsod pas bsdus so// zhi ba ni ngar 'dzin pa 'dor ba dang / nga yir 'dzin pa spong bas bsdus so// yi dam mi zhig pa ni byang chub kyi sems la lta ba dang / byang chub kyi snying po la rton pas bsdus so// dam bcas pa nyams su lon par byed pa ni bdud kyi las rig pa dang / sangs rgyas kyi byin gyi rlabs kyis bsdus so// blo shin tu gnas pa ni mi 'gyur ba'i blo dang / mi rgod pas bsdus so// mi g.yo ba ni ri lta bu dang / mi bskyod pas bsdus so// ji skad smra ba ni legs par bya ba'i las byed pa dang mi gdung bas bsdus so/ / de ltar byed pa ni bden pa dang yang dag pas bsdus so// yang dag par sbyor ba ni rten cing 'brel par 'byung ba 'thun pa dang / rtag pa dang chad pa yongs su spong bas bsdus so/ / yang dag pa'i rtsol ba ni rig pa dang tshul gyis bsdus so// sgrol ba ni yang dag par spong ba dang / brtson 'grus mi 'dor bas bsdus so// phyir mi ldog pa ni rtul ba dang /

  203. 102b

    rtsol bas bsdus so// pha rol gyi sgra ni dge ba'i bshes gnyen dang / chos kyi don du gnyer bas bsdus so// tshul bzhin yid la byed pa ni zhi gnas kyi tshogs dang / lhag mthong gi tshogs kyis bsdus so/ / dge ba'i gshes gnyen ni nyan 'dod pa dang / ri mo byed pas bsdus so// 'thun par 'dzin pa ni lus yang ba dang sems yang bas bsdus so// rab tu sems pa ni skyo ba dang / 'dod chags dang bral bas bsdus so// nges par sems pa ni rgyur gyur pa dang / 'bras bu chud mi za bas bsdus so// rigs kyi bu chos sum cu rtsa gnyis po de dag ni chos drug cu rtsa bzhi po 'di dag gis bsdus so/ / smras pa/ rigs kyi bu chos drug cu rtsa bzhi po 'di dag chos du zhig gis bsdus/ smras pa/ rigs kyi bu chos drug cu rtsa bzhi po 'di dag ni chos brgya nyi shu rtsa brgyad kyis bsdus te/ chos brgya nyi shu rtsa brgyad gang zhe na/ 'di lta ste/ nang du so sor rtog pa ni stong pa nyid du so sor rtog pa dang / rang bzhin la so sor rtog pas bsdus so/ / dbang po yang dag par sdom pa ni dran pa dang shes bzhin gyis bsdus so// phyi rol gyi yul srung ba ni dbang po sbas pa dang / mi rgyug pas bsdus so// mkhas shing rtogs pa la 'dzem pa ni bdag gi 'khrul pa la nyes par so sor rtogs pa dang / gzhan gyi 'khrul pa la nyes par mi lta bas bsdus so// chos don du gnyer ba ni bdag gi dam bcas pa nyam/

  204. 103a

    'og tu chud par byed pa dang pha rol gyi 'gyong ba sel bas bsdus so// chos 'dod pa ni chos la gzhol ba dang / chos la 'bab pas bsdus so// lus yid du 'ong ba ni gnyid med pa dang / gti mug med pas bsdus so// sems yid du 'ong ba ni cang shes pa dang / glo bur gyi nyon mongs pa bsal bas bsdus so// ma khengs pa ni pho thog spangs pa dang rjid spangs pas bsdus so/ / chos spyod pa na mo dge ba'i chos spangs pa dang / dge ba'i chos yongs su rdzogs par byed pas bsdus so// lus gya gyur med pa ni mi brlang ba dang mi rtsub pas bsdus so// sems gya gyur med pa ni yang dag pa'i dran pa dang / yang dag pa'i ting nge 'dzin gyis bsdus so// dri ma gsum bsal ba ni mi sdug pa sgom pa dang / byams pa sgom pas bsdus so// rnam par thar pa gsum sgom pa ni gang zag med pa dang / don dam pas bsdus so// mi brlang ba ni phan pa dang bde bas bsdus so// phra ma med pa ni dbyen mi byed pa dang // bye ba'i sdums byed pas bsdus so// bdag srung ba ni sdig pa thams cad mi byed pa dang / bsod nams thams cad sogs pas bsdus so// gzhan srung ba ni bzod pa dang nges pas bsdus so// tha dad pa med pa ni sems nam mkha dang mtshungs pa dang / sems rlung dang mtshungs pas bsdus so// ro gcig pa ni de bzhin nyid dang / chos kyi dbyings kyis bsdus so// rmi lam gyi rang bzhin ni mthong zhing thos la dram ning

  205. 103b

    shes pa dang / chos kyi rjes su myong ba'i bdag gnyid kyis bsdus so// sgyu ma'i rang bzhin ni rnam par sgrub pa dang / yongs su rtog pas bsdus so// mngon par shes pa ni don la rtog pa dang / ye shes la rton pas bsdus so// thabs ni shes rab kyis lta ba dang / sems can la lta bas bsdus so// 'dogs pa ni ltung ba med pa dang / ltung ba mi 'chab pas bsdus so// las kyi rnam par smin pa la yid ches pa ni tshe 'di la bag yod pa dang / 'jig rten pha rol la kha na ma tho bas 'jigs par lta bas bsdus so// 'dod pa nyung ba ni rung ba'i drod zin pa dang / shes rab kyis mi ngoms pas bsdus so/ / chog shes pa ni dgang sla ba dang gso sla bas bsdus so// mi 'khrug pa ni shin tu mur thug pa dang / shin tu mthar phyin pas bsdus so// rtsod pa med pa ni bden pa dang chos la dga' bas bsdus so/ / ngar 'dzin pa 'dor ba ni rgyu yongs su shes pa dang / lta ba yang dag par bcom pas bsdus so// ngar 'dzin pa spong ba ni nga'i ba med pa dang / yongs su 'dzin pa med pas bsdus so// byang chub kyi sems la lta ba ni theg pa dman pa mi 'dod pa dang / sems can thams cad la snying rje bas bsdus so// byang chub kyi snying po la rton pa ni bdud thams cad bcom pa dang / chos thams cad mngon par rdzos par byang chub pas bsdus so/ / bdud kyi las rig pa ni dge ba'i bshes gnyen gyi man ngag dang / shes rab kyi pha rol tu phyin pa la brtson pas bsdus so// sangs rgyas kyi byin gyi rlabs ni ji skad

  206. 104a

    smras pa de bzhin byed pa dang / sems can thams cad yongs su mi gtong bas bsdus so// blo mi 'gyur ba ni sa dang 'dra ba'i sems dang rjes su chags pa dang / khod khro ba spangs pas bsdus so/ / mi rgod pa ni rgod pa dang / 'gyod pa spangs pa dang / mi rtag par so sor rtog pas bsdus so// ri lta bu ni mi mtho ba dang / mi dma' bas bsdus so// gdung ba med pa ni tshul khrims yongs su dag pa dang / ting nge 'dzin pa/ mi bskyod pa ni dam bcas pa mi nyams pa dang / dam bcas pa nyams su lon par byed pas bsdus so// legs par bya ba'i las byed pa ni gdung ba med pa dang / 'gyod pa med pas bsdus so// gdung ba med pa ni tshul khrims yongs su dag pa dang / ting nge 'dzin yongs su dag pas bsdus so// bden pa ni kur rdzob kyi bden pa dang / don dam pa'i bden pas bsdus so// yang dag pa nyid ni de bzhin nyid dang / de kho na nyid kyis bsdus so// brten pa'i rjes su 'thun pa ni rgyu dang rkyen gyis bsdus so/ / rtag pa dang chad pa rnam par spong ba ni skye ba med pa dang / 'gag pa med pas bsdus so// rig pa ni las kyi rnam par smin pa la yid ches pa dang las dang mi 'gal bas bsdus so/ / tshul ni bden pa'i tshul dang mi skye ba'i tshul gyis bsdus so// yang dag par spong ba ni mi dge ba'i chos spong ba dang / dge ba'i chos chung mi son pas bsdus so// brtson pa mi 'dor

  207. 104b

    pa ni lus kyi stobs dang sems kyi stobs kyis bsdus so/ / rtul ba ni spro ba dang gzhan gnon pas bsdus so// rtsol ba ni de la ma zhen pa dang phyir mi ldog pas bsdus so// dge ba'i bshes/ gnyen ni ldang ba dang rim gro byed pas bsdus so// chos don du gnyer ba ni ye shes 'dod pa dang / rnam par grol ba 'dod pas bsdus so// zhi gnas kyi tshogs ni lus dben pa dang / sems dben pas bsdus so/ / lhag mthong go tshogs ni thos pa tshol bas ngoms mi myong ba dang / tshul bzhin yid la byed pas bsdus so// nyan par 'dod pa ni thal mo sbyar ba'i las dang / lus rab tu 'dud pas bsdus so/ / ri mo byed pa ni bden pa dang / mi slu bas bsdus so// lus yang ba ni kha zas kyi tshod shes pa dang / nam gyi cha stod dang nam gyi cha smad la mi nyal bar sbyor ba la rjes su sbyor bas bsdus so/ / sems yang ba ni 'dun pa dang spyod pas bsdus so// skyo ba ni mig rtag pa dang sdug bsngal gyis bsdus so// 'dod chags dang bral ba ni nga'i ba med pa dang / yongs su 'dzin pa med pas bsdus so// rgyu ni chud mi za ba dang de'i rgyu las ldog pas bsdus so// 'bras bu ni co rigs par mi slu ba dang / mos pa ji lta bzhin du 'bras bu la 'dzud pas bsdus te/ rigs kyi bu chos drug cu rtsa bzhi po de dag ni chos brgya nyi shu rtsa brgyad po 'di dag gis bsdus so// rigs kyi bu 'di ni chos thams cad mdor bsdus pa ste/ gal

  208. 105a

    te kho bos tshig las lhag pa dang / tshig gnyis las lhag par bstan pas bstan pa 'am/ bskal pa las lhag par chos bstan pa bshad kyang / chos rnams kyi cha zad par yang mi 'gyur la kho bo'i spobs pa'ang zad par mi 'gyur ro/ / chos bsdu ba'i le'u'i chos kyi rnam grangs 'di bstan pa na/ byang chub sems dpa' lag na rin po ches byang chub sems dpa' nam/ mdzod dang / chos kyi rnam grangs 'di la mchod pa bya ba'i phyir/ rin po che'i lag pa g.yas pas stong gsum gyi stong chen po'o 'jig rten gyi khams 'di khebs par byas so// de nas skad cig de nyid la phyogs bcu'i 'jig rten gyi khams na/ me tog dang / bdug spos dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang ba dan dang / rol mo dang / sil snyan gyi sgra ci yod pa de dag rin po che'i lag pa g.yas pa de las rab tu bab bo// me tog gi char des stong gsum gyi stong chen po'i 'jig rten gyi khams 'di thams cad pus nub tsam du yog par gyur to/ / nam mkha'i dkyil thams cad kyang gdugs dang / rgyal mtshan dang / ba dan dang / gos kyis legs par brgyan par gyur to// sil snyan gyi sgra de dag las 'di lta bu'i tshigs su bcad pa dag kyang byung ste/ yon tan bdog pa yon tan rgyas gang ba// bdud kyi 'gro ba rnams sel dran dang blo gros rtogs dang ldan//

  209. 105b

    bu dam pa dge sbyong mchog gi skad ni mdzes par 'byung // phyogs bcu rnams su rgyu bas sred pa rnam par sel bar byed// shin tu rab tu mos pa phul gyis rgyas pa po// srid pa brgya ni rnam par sel cing rdul dang mun pa bral/ / lha dang mi rnams 'jigs pa med pa'i grong khyer 'gro ba sgrol// sred pa med cing stobs bcu ldan pa nam mkha' mnyam pa'i yid// sgra 'byin mdzes shing shin tu snyan pa 'byin la rab tu bsal ba bzhin/ / thab med cing mi 'khrug dri med dri ma rab tu sel// srid pa gsum po dag na mtshungs med lha dang mi yis mchod// sre ba med cing 'gro ba dag la bde sbyin phan par byed/ / dran dang blo gros rtogs dang mos pas spyad pa legs par spyad// stobs bcu rnams dang rab kyi stobs kyis gzhan gyi stobs kyang 'joms// pha rol dpung rnams rnam par 'thor ba 'chi med go 'phang thob/ / srid pa med cing skyes bu dam pa mkhas pa'i sgra yang 'byin// 'khor 'di dag las gang dag tu yang ma song ma g.yos par// phyogs bcu rnams su lha mi mang po dag kyang rnam par btul/ / gang du'ang mi gnas blo gros ci 'dra de ltar rab tu gnas/ chos kyi dbyings las mi g.yo bar yang sa ni g.yo bar byed// nyi ma'i 'od kyis mun pa rnam par sel cing rdul spong ltar/ / de bzhin skyes bu dam pa 'di yang rdul dang mun pa sel// shes rab 'od kyis rab tu ldan pa 'od kyis dpal gyis rgyas// thub pa'i 'od

  210. 106a

    kyis khyab nas bdud kyi gnas kun mog mog gyur/ / mkha' la rlung mar bzhin du sems can spyod pa'i rjes su zhugs/ gnas pa ma yin rtog pa med cing rtog pa kun dang bral/ 'gro ba kun gyi rjes su song ba'i yid ni mkha' dang mnyam// 'di 'dra'i rgyal sras de dag la ni lha mis phyag byas so// stong gsum dag gi rgya mtsho'i chu ni gzhal bar nus kyang srid// phyogs bcu dag gi nam mkha'i bya rjes brjod par nus kyang srid/ / mi 'ga' zhig gis sems can kun sems gcig tu byed srid kyi// thub pa'i sras kyi yon tan chen po zad par mi nus so// tshogs su bcad pa sgrub pa bstan pa 'di bshad pa na/ bdud sdig can gyis yan lag bzhi pa'i dpung gi tshogs sprul nas/ bcom ldan 'das kyi 'khor gyi khyams ga la ba der song ste phyin pa dang / 'khor gyi khyams kyi phyi rol na 'dug ste/ bdag nyid khyim bdag gi gzugs su sprul nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// byang chub sems dpa' nam mkha' mdzod dang / lag na rin po che dang / skyes bu dam pa 'di gnyis ni yon tan gyi chos tshad ma mchis ba dang ldan te/ de bzhin du byang chub sems dpa' gzhan dag kyang 'di lta bu'i ngo mtshar dang / rmang du byung ba'i chos dang / cho 'phrul 'jig rten du ston to// yang bcom ldan 'das cho

  211. 106b

    'phrul 'di dag la yid ches pa'i sems can la la 'byung bar 'gyur ba mchis sam/ bcom ldan 'das kyis bka' stsal pa/ rgya mtsho chen po las skra'i rtse mo'i thog mas chu blangs pa ji snyed kyi sems can rnams ni skyes bu dam pa 'di dag gi cho 'phrul la yid ches par 'gyur ro/ / rgya mtsho'i chu'i phung po ji tsam pa de bas kyang mang du ni mi mos par 'gyur ro// de nas bdud sdig can// tshig 'di thos nas tshim zhing mgu la yi rangs te/ rab tu dga' nas dga' ba dang / yid bde ba skyes nas bro brdungs te 'khor de nas song ngo // de nas yang tshe dang ldan pa shA ri'i bus// bcom ldan 'das la 'di skad ces gsol to// bcom ldan 'das skyes bu 'di ci'i slad du/ 'di ltar dga' ste 'khor 'di nas mchis/ bcom ldan 'das kyis bka' stsal pa/ shA ri'i bu 'di ni bdud yin te/ khyim bdag gi gzugs kyis chos kyi rnam grangs 'di nub par bya ba'i phyir de bzhin gshegs pa'i gan du 'ongs te/ des gang chos kyi rnam grangs 'di la mos par 'gyur ba'i sems can nyung zad cig 'byung bar thos nas/ dge sbyong go'u ta ma'i phyogs ni nyung / bdag gi phyogs ni mang ngo zhes de de ltar dga' nas ched du brjod pa ched du brjod de/ 'khor 'di nas song ngo // de nas yang byang chub sems dpa' nam mkha' mdzod kyis/ bdud sdig can la 'di skad ces smras so// sdig can ngo bstan nas ci'i phyir slar 'gro/ de

  212. 107a

    nas bdud 'di snyam du sems te/ byang chub sems dpa' nam mkha' mdzod dang / de ma yin pa'i byang chub sems dpa' dag gis kyang tshor na/ de bzhin gshegs// pas lta smos ci dgos te/ bad gang rang gi gnas su 'gro'o snyam mo// de nas byang chub sems dpa' nam mkha' mdzod kyis/ bdud sdig can g.yog dang bcas te/ nam mkha'i dkyil na 'dug nas/ rang gi gnas su 'gro mi nus par de ltar byin gyis brlabs so// de nas yang byang chub sems dpa' nam mkha' mdzod kyis/ bdud sdig can la 'di skad ces smras so/ / sdig can nam mkha' ni sgrib pa med pa yin na/ ci'i phyir rang gi gnas su mi 'gro/ bdud kyis smras pa/ rigs kyi bu khyed la ni nam mkha' mi sgrib mod kyi/ bdag cag gis ni mun par mthong ste/ gang dang gang gi tshe ngo gyen du bltas pa de dang de'i tshe na ni mun nag tu mthong ngo // nem bcom ldan 'das kyi 'khor gyi dkyil 'khor la bltas pa de'i tshe ni thams cad du snang bar mthong ngo / / sbas pa/ TIg can de de lta'o// gang dag chos dkar po la sems dpa' sems can dag la bdud kyi las mun pa ston pa de dag de ltar 'gyur ro// smras pa/ skyes bu dam pa deng phyin chad bdud kyi las mi bgyi'o// smras pa/ 'di lta bu'i sems can rnams kyi nang na dam bcas pa la brtan pa rnyed par dka' bas sdig can g.yog dang bcas te bong

  213. 107b

    la/ de bzhin gshegs pas bstan pa'i chos 'dul ba nyon cig/ de nas bdud sdig can mi 'dod bzhin du nam mkha'i dkyil de nas g.yog dang bcas te babs so// de nas byang chub sems dpa' nam mkha' mdzod kyis/ byang chub sems dpa'i 'khor de dag la smras pa/ rigs kyi bu dag khyed rnams kyis bdud kyi las kyi lam las yang dag par 'da' ba'i chos kyi sgo rnams la spobs par gyis shig/ de'i tshe byang chub sems dpa' gser gyi ro'i rgyal po zhes bya ba des 'di skad ces smras so// gang yul yongs su 'dor ba de dag ni bdud kyi yul la chags pa'o/ / gang yul thams cad sangs rgyas kyi yul yin par rig pa de dag ni/ sangs rgyas kyi yul rig pa ste/ sangs rgyas kyi yul de'ang mi mthong na/ rang gi yul lta ga la mthong te/ de ltar yul las shin tu 'das pa'i byang chub sems dpa' ni bdud kyi yul las yang dag par 'da' ba'i chos kyi sgo'o// byang chub sems dpa' rin chen dpal gyis smras pa/ sems kyi dmigs pa ni bdud kyi yul te/ gang chos gang la'ang mi dmigs pa de la bdud kyis ci zhig byar yod/ de gzhi med pa de snyed de bsten pas rnyed pa ni ma yin la/ dus la'ang rtog par 'gyur ba de ni byang chub sems dpa'i bdud kyi yul las yang dag par 'da' ba zhes bya ba'i chos kyi sgo'o/ / byang chub sems dpa' lag na rin po ches smras pa/ yongs su 'dzin

  214. 108a

    pa dang bcas pa la ni bdud kyis grags rnyed kyi/ chos gang yang yongs su mi 'dzin pa de ni su dang yang mi rtsod de/ de gcig tu gnyis su med pas/ bdag gi sems dang gnas pa'ang lhan cig mi gnas na bdud dang lhan cig gnas pa lta ci smos te/ mi gnas pa'i byang chub sems dpa' ni bdud kyi yul las yang dag par 'da' 'o// byang chub sems dpa' rin chen 'phags kyis smras pa/ gang ltung ba de ni 'bod pa ste/ gang 'bod pa de la bdud kyis glags rnyed par 'gyur gyi/ gang mi ltung ba de ni mtshan ma'i rjes su 'brang ba'i rnam par shes pa mi 'jug ste/ mtshan ma med pa'i mtha' la rab tu gnas pa'i byang chub sems dpa' ni bdud kyi yul las yang dag par 'da' 'o// byang chub sems dpa' rin chen sems kyis smras pa/ bco ldan 'das kyis kyang nyon mongs pa ni gzugs brnyan dang mig yor lta bu'o zhes gsungs te/ gang gzugs brnyan dang mig yor lta bu de la yang 'pho ba'ang med/ mi 'pho ba'ang med/ 'ongs pa'ang med/ song ba'ang med/ nang na'ang ma yin/ phyi rol na'ang ma yin te/ yul la mi gnas shing phyogs la mi gnas par shes pa de ni nyon mongs pa thams cad dang ldan cig mi gnas te/ de rnam par mi rtog pas nyon mongs pa mi slong ngo // rnam par mi rtog pas nyon mongs pa mi 'gag go/ de ltar rnam par mi rtog cing kun tu rtog pa spangs pa'i byang chub

  215. 108b

    sems dpa' ni bdud kyi yul las yang dag par 'da' 'o/ / byang chub sems dpa' dkon mchog 'byung gnas kyis smras pa/ gang dga' ba de ni bag la nyal lo// gang mi dga' ba de ni/ khong khro ba'o// gang dga' ba'ang med/ mi dga' ba'ang med pa de ni rjes su chags par mi 'gyur/ zhes 'gras par yang mi 'gyur ro// rjes su chags pa med cing zhe 'grus pa med pa ni mnyam pa nyid la gnas pa zhes bya'o/ / gang mnyam pa nyid la gnas pa de ni chos gang yang tha dad du mi byed do// tha dad pa med pa la gnas pa ni mnyam pa dang mi mnyam par mi sems te/ bsam du med pa'i chos thob pa la bdud kyis glags mi rnyed do// byang chub sems dpa' rin chen 'dod kyis smras pa/ bdag kun nas ldang ba las bdud kyis las rnams ldang ste/ bdag rnam par dag par gnas pa la bdud kyis ci zhig byar yod/ de ci'i phyir zhe na/ bdag rnam par dag pas nyon mongs pa rnam par dag go/ nyon mongs pa rnam par dag pas chos thams cad rnam par dag go/ / gang chos thams cad rnam par dag pa de ni nam mkha' rnam par dag pa ste/ nam mkha' rnam par dag pa la gnas pa'i byang chub sems dpa' ni bdud kyi yul las yang dag par 'da' 'o/ / byang chub sems dpa' chos kyi rgyal pos smras pa/ ji ltar rgyal po'i dbang bskur ba thob pa stobs dang 'khor mang po su la'ang mi 'jigs pa de bzhin du/ byang chub sems

  216. 109a

    dpa' dbang bskur ba thob pa chos rin po che'i 'khor dang ldan pa'ang bdud thams cad kyis mi 'jigs so/ / de la dbang bskur ba de ni sangs rgyas kyi chos mthar phyin pa rnams/ yongs su rdzogs pa'o// chos rin po che'i 'khor ni gang phyogs bcu'i sangs rgyas kyis gsungs pa'i chos rnams 'dzin pa'o// de lta bu la gnas pa'i byang chub sems dpa' ni bdud kyi yul thams cad las yang dag par 'das pa zhes bya ba ste/ 'di ni bdud kyi yul las yang dag par 'da' zhes bya ba'i chos kyi sgo'o// byang chub sems dpa' ri rdob rgyal pos smras pa/ de 'di lta ste/ dper na bu gar rlung 'jug pa de bzhin du/ gang nas gang du sems kyi bu ga yod pa de dang der bdud kyis glags rnyed do// de lta bas na byang chub sems dpas rtag tu bu ga med par bya'o/ / de la bu ga med pa'i sems ni 'di lta ste/ rnam pa thams cad kyi mchog dang ldan pa'i stong pa nyid yongs su rdzogs pa ste/ 'di ni byang chub sems dpa' bdud kyi yul las yang dag par 'da' zhes bya ba'i chos kyi sgo'o/ / byang chub sems dpa' mthong na dga' bas smras pa/ gang ji snyed cung zad mthong ba'i nang na sangs rgyas mthong ba dang / chos mthong ba ni de dag gi mchog ces bya'o/ / de la sangs rgyas mthong ba de ni gang gzugs su mi mthong ba dang / tshor ba dang / 'du shes dang / 'du byed rnams dang / rnam par shes par mi mthong ba ste/

  217. 109b

    gang chos thams cad mi mthong ba de ni yang dag par mthong ba'o// yang dag par mthong ba ni sangs rgyas mthong ba'o// de la sangs rgyas mthong ba de ni gang yid la byed pa thams cad mi spyod// pa'o// gang mi 'gyur bar mthong ba de ni 'dod chags dang bral ba'o// gang 'dod chags bral ba de ni chos mthong ba zhes bya ste/ gang byang chub sems dpa' de ltar sangs rgyas mthong ba dang / chos mthong ba dang ldan par gyur pa de ni bdu kyi yul las yang dag par 'da' ste/ de ni bdud kyi yul las yang dag par 'da' ba zhes bya ba'i chos kyi sgo'o// byang chub sems dpa' mig 'khrul can gyis smras pa/ bdud kyi las ni g.yo ba dang / snyems pa dang / bskyod pa las langs te/ de la gang gi gzhi las g.yo ba dang / snyems pa dang / bskyod pa'i gzhi de byang chub sems dpas mi bya'o/ / de ni tshul bzhin ma yin pa yid la byed pa'o// de tshul bzhin rab tu sbyor bas mi g.yo// mi snyems/ mi bskyod ngo // de mi g.yo// mi snyems/ mi bskyod pas bdud kyi yul las yang dag par 'da' 'o/ / byang chub sems dpa' yon tan rgyal po snang gis smras pa/ gnyen po ji snyed par bdud kyi las kyang de snyed do// gnyen po med pa ni chos kyi dbyings so/ / chos thams cad ni chos kyi dbyings su yang dag par 'du ste/ de bas na gang gis chos kyi dbyings rtogs pa des chos thams cad rtogs so// chos kyi dbyings las mgu na'ang

  218. 110a

    bdud kyi las mi dmigs so/ / gang chos kyi dbyings ji lta bar bdud kyi las kyang de bzhin te/ chos kyi dbyings de bzhin nyid las tha mi dad do// de ltar tshul gcig la 'jug pa'i rjes su song ba'i byang chub sems dpa' ni bdud kyi yul las yang dag par 'da' 'o/ / byang chub sems dpa' spos kyi glang po'i bal glang gis smras pa/ nyam chung ba la ni bdud kyis glags rnyed de/ stobs dang ldan pa la ni bdud kyis glags mi rnyed do// de la nyam chung ba de ni rnam par thar pa'i sgo gsum gyis skrag pa'o// de la stobs de ni rnam par thar pa'i sgo gsum gyis mi skrag pa ste/ mngon sum pas na mi skrag go// shin tu rtogs pas na mi skrag go// rab tu bsgoms pas na mi skrag ste/ de skrag pa med pas bdud kyi yul las yang dag par 'da'a'o// de ni bdud kyi yul las yang dag par 'da' ba zhes bya ba chos snang ba'i sgo'o/ / byang chub sems dpa' byams pas smras pa/ 'di lta ste/ dper na rgya mtsho chen po'i chu ro gcig pa bzhin du/ chos kyi ye shes kyi rgya mtsho 'dir chos thams cad kyang ro gcig go/ / gang bdud kyi las rnams dang / gang sangs rgyas kyi 'phrin las de dag thams cad ni stong pa nyid mtshungs/ mtshan ma med par mtshungs// smon pa med par mtshungs/ skye ba med par mtshungs 'byung ba med par mtshungs te/ ro gcig pa la zhugs pa'i byang chub sems dpa' ni bdud kyi yul las yang dag par 'da' 'o//

  219. 110b

    byang chub sems dpa' nam mkha' mdzod kyis smras pa/ kye grogs po dag nam mkha' ni yul thams cad las yang dag par 'das pa ste/ nam mkha' ni mig gi yul ma yin/ rna ba dang / sna dang / lce dang / lus dang / yid kyi yul ma yin no// chos thams cad ni nam mkha'i ngo bo nyid kyi yul yin te/ lus dang ngag ni nam mkha' dang mnyam pa nyid kyi rjes su song ba'i ye shes snang ba'o// / ye shes snang ba thob pa'i byang chub sems dpa' ni bdud kyi yul las yang dag par 'da' ste/ de ni bdud kyi yul las yang dag par 'da' ba zhes bya ba'i chos kyi sgo'o// byang chub sems dpa' 'jam dpal gyis smras pa/ kye skyes bu dam pa khyed rnams kyis ji snyed bshad pa de thams cad kyang bdud kyi las dang bdud kyi yul lo// de ci'i phyir zhe na/ yi ger byas pa rnams ni rnam par rig pa ste/ sangs rgyas kyi gsung ni yi ge med pa'o// tshig ji snyed par bdud kyi las kyang de snyed do// tshig med pa la bdud kyis ci zhig byar yod/ gang tshig med pa ni rnam par rig pa med pa ste/ bdag dang pha rol yang dag par rjes su mi mthong ngo / / bdag med cing pha rol med pas chos gang la'ang phan 'dogs pa'am/ gnod pa byed par gnas pa ma yin no// de ltar rjes su rtogs pa ni bdud kyi yul las yang dag par 'da' ba ste/ rigs kyi bu de ni byang chub sems dpa'i bdud kyi yul las yang dag par 'da' zhes bya ba'i chos kyo sgo'o// de nas byang chub sems dpa'

  220. 111a

    nam mkha' mdzod kyis/ bdud sdig can la 'di skad ces smras so// sdig can khyod kyis bdud kyi yul las yang dag par 'da' ba'i chos kyi sgo 'di thos sam/ smras pa/ thos so// smras pa/ sdig can khyod kyis 'di lta bu'i chos kyi tshul la rab tu zhugs pa'i byang chub sems dpa' rnams la bdud kyi las byang nus sam/ smras pa/ rigs kyi bu gang gi/ bdud kyi yul las yang dag par 'da' ba'i chos kyi sgo 'di thos sam/ nyan pa de dag la'ang bdag gis bdud kyi las byed mi nus na/ ye shes kyis mngon sum du rtogs pa'i byang chub sems dpa' rnams la lta ci smos/ de nas yang byang chub sems dpa'i g.yog byed pa tshogs bral ldan dang / dga' tshogs ldan dang / spos can dang / khang bzangs can dang / lha bzhi po dag gis/ bdud sdig can la 'di skad ces smras so// sdig can gyi mngon sum du bcom ldan 'das kyis byang chub kyi snying por sngon stobs dang / drag shul dang / bkod pa dang / g.yog ji lta bu dang lhags pa de ni/ bcom ldan 'das kyis byams pa dang / snying rje dang / sbyin pa dang / dul ba dang / yang dag par sdom pa dang / nges pa dang / tshul khrims dang / thos pa dang / ting nge 'dzin dang / shes rab dang / brtson 'grus brtan zhing 'bar ba dang / bsod nams dang / ye shes kyi tshogs bsags pa'i phyag rin po che sa la brdabs

  221. 111b

    pa dang / 'jig rten gyi khams mtha' yas mu med pa rab tu g.yos te/ khyod stobs dang bcas/ g.yog dang bcas par shin tu pham par byas pa de de ltar khyod la mngon sum du 'gyur bzhin du yang bcom ldan 'das dang / byang chub sems dpa' rnams la bdud kyi las byed du 'ong ngam/ de bzhin gshegs pa byang chub sems dpa'i 'khor dang bcas pa rnams la mchod pa'i las byos shig/ de nas bdud sdig can gyis rin po che'i gdugs bye ba phrag brgyad khri bzhi stong mngon par sprul te 'khor dang bcas pa la phul lo// lha'i me tog dang / spos dang / 'phreng ba dang / byug pa rnams tha dad pa mang po thogs te/ bcom ldan 'das ga la ba de logs su gtor nas/ g.yog dang bcas pas tshig 'di skad ces smras so// gal te byang chub sems dpa' nam mkha' mdzod kyis/ nam mkha'i mdzod 'di bdag cag la stsal na/ bdag cag bla na med pa yang dag par rdzogs pa'i byang chub tu sems bskyed do// byang chub sems dpa' nam mkha' mdzod kyis smras pa/ sdig can khyod kyis nam mkha'i mdzod 'di mthong ngam/ smras pa/ rigs kyi bu mthong ngo // 'dod pa'i khams thams cad kyi bkod pa ji snyed pa dang / sangs rgyas kyi zhing thams cad kyi bkod pa ji snyed pa dang / bdag gi gnas kyi bkod pa ji snyed pa de bas ches lhag pa 'dir mthong ste/ de la ni lha'i 'am/ mi'i rin po che

  222. 112a

    longs spyod de gang yang med pa ma yin no/ / smras pa/ sdig can khyod nam mkha'i mdzod 'di dag thams cad sbyin gyis/ bla na med pa yang dag par rdzogs pa'i byang chub tu sems skyed cig/ de nas bdud sdig can gyis srog chags brgyad khri bzhi stong dang lhan cig tu bla na med pa yang dag par rdzogs pa'i byang chub tu sems bskyed do// de'i tshe bzhin mi sdug la sogs pa bdud kyi bu lnga brgya ma dad cing chos ma yin pa 'dod pas de dag tshig 'di skad ces bdag cag gi phas byang chub tu sems bskyed du zin kyang / bdag cag ni 'di lta bu'i chos kyi rnam grangs nub par bya ba'i phyir 'bad par bya'o zhes 'dzer to/ / de'i tshe bcom ldan 'das kyis/ byang chub sems dpa' nam mkha' mdzod la bka' stsal pa/ rigs kyi bu khyod kyis rig pa'i gsang sngags kyi tshig gang gis bdud gang+gA'i klung gi bye ma snyed byang chub la bkod pa bdud tshar gcod pa'i rig pa'i gsang sngags kyi tshi ga la khyod spobs par gyis shig/ de nas byang chub sems dpa' nam mkha' mdzod kyis de'i tshe rig pa'i gsang sngags kyi tshig 'di dag smras so/ / 'di lta ste/ A bad Te/ bi bad Te/ sa ma bad Te/ sa hi tA nu san d+hi/ du rud tA ra Ne/ nirga ta ni/ me d+h+ya yug te/ kA ru NA ni Sh+yaHde/ sad t+ya ba ti/ Tu ru ta ra k+She/ d+ham nir brid te/ d+ha ma ra// mug khre li ni/ hu lu hu lu hu lu hu lu/ hu lu/ te ka re/ tatha ba da~M ti/ shI lA nu bar taM/ ak+Sha sa ni dan

  223. 112b

    kle shA pa ka ri ShaM/ bud d+hA d+hi sh+tsi te/ d+ha mo ra dz+wa la ni/ sang b+hA nu ga me/ a nud d+ha re/ a na ti kra ma ni yai/ ni kra ha ni mA ra bag kA s+ya/ yug ti kr-i te/ a dan te/ a sha ste/ swa bi sha ya nu ga me/ Ar+ya gu na ge ra/ sid mA sid d+ha ba de/ mo k+Sha nu ku le/ ni gra ha ni/ ba ra pra bA di nan/ d+ha ra Sha na ni ma ra pa ra Sha da/ a b+hi Shin+na tu tsa tA ro ma hA ra dzA na/ sha kro da bA na man pre brah+ma sa ha pra ti/ bud d+ha pra san nA/ de ba nA ga ya k+Sha kri ta ma pa ri tA NA na/ s+thA bi ta na swa s+yA yA nan/ d+harma b+hA Na kA nAn/ A ra k+Sha ye/ sad d+harma s+ya tsa pa ri gra ha ye/ de nas byang chub sems dpa' nam mkha' mdzod kyis rig pa'i gsang sngags kyi tshig 'di dag smras ma thag tu skad cig de nyid la stong gsum gyi stong chen po'i 'jig rten gyi khams rnam pa drug tu g.yos so/ / bdud kyi bu lnga brgya ma dad cing chos ma yin pa 'dod pa de dag gis bar snang las sgra 'di skad ces bdud dang bdud kyi bu 'am/ bdud kyi lha gang rig pa'i gsang sngags kyi tshig 'di dag thos nas/ byang chub tu sems mi skyed cing bdud kyi las rnams mo 'dor ba de la gnod sbyin lag na rdo rjes/ rdo rje kun tu 'bar zhing rab tu 'bar bas spyi bo 'gems so zhes thos nas/ bdud kyi bu de dag gis bar snang la bltas pa dang / de dag gis lag na rdo rje lnga brgya bdag gi spyi bo na rab tu 'bar ba'i rdo rje thogs shing 'dug pa mthong nas/ de dag 'jigs shing skrag ste/ byang chub tu sems bskyed do// de nas bcom ldan

  224. 113a

    'das de'i dus na 'dzum pa mdzad pa dang / 'dzum pa de'i don tshe dang ldan pa kun dka' bos bcom ldan 'das la zhus nas/ de la bcom ldan 'das kyis bka' stsal pa/ kun dga' bo bdud kyi bu lnga brgya po 'di dag 'jigs shing skrag ste/ bla na med pa yang dag par rdzogs pa'i byang chub tu sems bskyed pa mthong ngam/ gsol pa/ bcom ldan 'das mthong ngo // bcom ldan 'das kyis bka' stsal pa/ kun dga' bo nam bdud sdig can de byang chub thob par 'gyur ba de na/ sangs rgyas kyi zhing der de dag thams cad kyang ming tha dad pa'o byang chub sems dpar 'gyur ro/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ji srid na bdud sdig can bla na med pa yang dag par rdzogs pa'i byang chub mngon par rdzogs par 'tshang rgya/ de byang chub thob nas ming ji skad ces bgyi bar 'gyur/ de'i 'jig rten gyi khams kyang ming cing zhes bgyi bar 'gyur/ bcom ldan 'das kyis bka' stsal pa kun dga' bo bdud sdig can 'di de dung yang / phyogs bcu'i sangs rgyas kyi zhing rnams su bdud kyi bya ba byed de/ sangs rgyas bcom ldan 'das de dag las kyang rdo rje'i snying po nyon mong pa rab tu 'joms pa'i chos bstan pa 'di thos par 'gyur zhing / sangs rgyas rnams dang / byang chub sems dpa' rnams kyi cho ga gsang ba dang / spyod lam dang / yon tan dang

  225. 113b

    tshul khrims kyi gnas dang / spyad pa dang / cho ga dang / sbyor ba mthong bar 'gyur te/ ji tsam gyi byang chub kyi sems de brtan par gyur pa de ni/ de bzhin gshegs pa mtha' yas bri ma med pa'i tog ces bya ba 'byung ste/ de'i gsung rab la bdud sdig can 'di'ang tha mar bdud kyi las byed de/ de dge ba'i rtsa ba yongs su smin nas sems med pa'i sems kyis sangs rgyas dang / chos kyi snang ba thams cad rnam par dag pa'i rjes su song zhing byang chub kyi sems bskyed do// de'i 'og tu grangs med pa bgrang ba las 'das pa'i de bzhin gshegs pa mnyes par byed de/ bsti stang du byed/ bla mar byed/ ri mor byed cing mchod par byed par 'gyur ro// sangs rgyas bcom ldan 'das de dag gi bstan pa la rab tu 'byung bar 'gyu ro// rab tu byung nas kyang dam pa'i chos dus gsum du yongs su 'dzin par 'gyur/ sems can tshad med pa'ang byang chub la yongs su smin par byed par 'gyur ro// de de'i 'og tu bskal pa grangs med pa bzhi bcu rtsa bzhin bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rnam par sbyor ba'i bskal pa la yongs su dag par gnas pa'i 'jig rten gyi khams su shin tu gnas pa'i chos snang ba thob ces bya ba'i de bzhin gshegs pa dgra bcom pa yang dag par rdzogs pa'i sangs rgyas su 'jig rten du 'byung ste/ rig pa dang nga

  226. 114a

    su ldan pa nas/ sangs rgyas bcom ldan 'das kyi bar du'o// yang kun dga' bo yongs su dag par gnas pa'i 'jig rten gyi khams de 'byor pa dang / rgyas pa dang bde ba dang / lo legs pa dang / lha dang mis gang bar 'gyur ro// 'di lta ste/ dper na kun dga' bo dga' ldan gyi lha'i longs spyod dang kun spyod pa ci 'dra bar sems can de dag gi longs spyod dang kun spyod pa'ang de 'dra bar 'gyur ro/ / kun dga' bo de bzhin gshegs pa shin tu gnas pa'i chos snang ba thob ces bya ba de'i tshe tshad ni bar gyi bskal pa bzhi bcu thub par 'gyur ro/ / nyan thos bye ba phrag drug cu rtsa bzhi rnams kyi nyan thos kyi 'dus pa chen por 'gyur ro// byang chub sems dpa' khro nyis stong gi dge 'dun du 'gyur ro// kun dga' bo gang bdud dang bdud kyi bu dang / bdud kyi ris kyi lhad ltar bla na med pa yang dag pa'i byang chub la zhugs pa 'di dag thams cad kyang yongs su dag par gnas pa'i 'jig rten gyi khams der skye bar 'gyur te/ bcom ldan 'das de bzhin gshegs pa shin tu gnas pa'i chos snang ba thob pa de'i sangs rgyas kyi zhing du de dag thams cad de bzhin gshegs pa des/ bla na med pa yang dag par rdzogs pa'i byang chub tu lung ston par 'gyur ro/ / bdud sdig can lung bstan pa bshad pa 'di rab tu bstan pa na/ gang 'khor der 'dus pa'i brgya byin dang / tshangs pa dang / 'jig rten skyong ba de

  227. 114b

    ngag thams cad ngo mtshar du gyur nas/ 'di ltar bdud kyi las de snyed bgyi kyang / de bzhin gshegs pa mthong ba don yod bla na med pa yang dag par rdzogs pa'i byang chub tu mya ngan las 'da' bar 'gyur ba ni/ sangs rgyas bcom ldan 'das rnams kyis legs par gsungs pa'i chos 'dul ba ngo mtshar to// bcom ldan 'das rigs kyi bu 'am/ rigs kyi bu mo su zhig gang zag la gang zag gis tshod bzung / bcom ldan 'das sangs rgyas kyi yul 'di ni/ nyan thos dang rang sangs rgyas thams cad kyis legs so zhes ched du brjod pa ched du brjod do// bcom ldan 'das kyis bka' stsal pa/ de de bzhin no// grogs po dag ji skad smras pa bzhin te/ 'di ni sangs rgyas kyi yul lo// 'on kyang grogs po dag sems ni rten cing 'brel par byung ba ste/ ngas sems can 'di dag chags pas gom pa 'deg cing chags pa dang bral bas gom pa 'jog pa dang / kun nas nyon mongs pas chos gos 'dzin pa dang / nyon mongs pa dang bral bar gyon pa dang / len pa dang bcas pas zan kham gyis gcod pa dang / len pa med par mid pa mthong ste/ kye grogs po dag sems can gyi spyod pa ni sna tshogs so// mcho smos pas go ba dang / spros te bshad pas go ba dang / tshig lhur len pa'i sems can dag yod de/ de dag la de bzhin gshegs pa so so ci rigs par chos la gzud par bstan pa'i

  228. 115a

    gtam rnams gsung ngo / / kye grogs po dag nyon mongs pa ni yul la'ang mi gnas shing phyogs la'ang mi gnas te/ nyon mongs pa ni bsags pa'ang med/ phung / po'i dngos po'ang med do// tshul bzhin ma yin/ ma byung bas nyon mongs pa byung ngo // tshul bzhin byung bas rnam par dag pa byung ngo // de la de ltar kun nas nyon mongs pa 'byung ba de tshul bzhin brtags na/ rnam par dag pa 'byung bar 'gyur ro// ngas 'di las dgongs te/ log par lta ba la log par lta bar yang dag par ji lta ba bzhin du shes na/ de de'i yang dag par lta ba yin no zhes tshig 'di smras so/ / nam yang ldog par lta ba ni yang dag pa'i lta bar ma gyur/ mi 'gyur/ 'gyur ba med do// 'on kyang ji ltar log par lta ba la log par lta bar rig nas/ de la mi gnas/ rab tu mi gnas/ spyod pa med/ rab tu spyod pa med pa de na yang dag par lta ba'i lam la 'jug pa ste/ 'di ni yang dag pa'i lta ba zhes bya'o// kye grogs po dag nyon mong/ pa ni sgrib par byed pa'o// rnam par dag pa ni snang ba'o// nyon mongs pa ni nyam chung ba'o// lhag mthong ni stobs dang ldan pa'o// nyon mongs pa ni glo bur to// rang bzhin ni rtsa ba rnam par dag pa'o/ / nyon mongs pa ni kun tu rtogs pa'o// rang bzhin ni kun tu rtogs pa med pa'o// kye grogs po dag 'di lta ste/ dper na sa chen po 'di ni chu la rten to// chu ni rlung la rten to//

  229. 115b

    rlung ni nam mkha' lartan to// nam ma kha ni rten pa med do// de bzhin du sul khams dang / chu'i khams dang / me'i khams dang / rlung gi khams dang / khams bzhi po'o/ dag pas ni nam mkha'i khams thams cad kyi nang na stobs che zhing sra ste/ sogs pa med pa'o// sogs pa med pa ni ma skyes ma 'gags pa ste/ rang gi rang gi tshul gyis gnas pa med pa'o/ / de la gang khams gsum po de dag ni skye ba dang 'jig par ldan pa/ mi gnas pa/ ring du mi gnas pa ste/ 'di dag ni 'gyur bar snang gi/ nam mkha'i khams la ni 'gyur ba gang yang med do/ / de bzhin du phung po dang / khams dang / skye mched ni las dang nyon mongs pa la gnas so// de la las dang nyon mongs pa ni tshul banin ma yin pa yid la byed pa la gnas so// tshul bzhin ma yin pa yid la byed pa ni rang bzhin yongs su dag pa la gnas te/ de'i phyir sems rang bzhin 'od gsal ba de glo bur gyi nyon mongs pas nye bar nyon mongs zhes bya'o// de la gang tshul bzhin ma yin pa yid la byed pa dang / gang las dang / nyon mongs pa dang / gang phung po dang / khams dang / skye mched thams cad kyang rgyu dang rkyen gyis yang dag par zin na ni skye/ rgyu dang rkyen mtshogs na 'gag ste/ gang de'i rang bzhin de la ni rgyu yang med/ rkyen yang med/ tshogs pa'ang med/ skye ba'ang med/ 'gag pa'ang med do// de la nam mkha'i khams ji lta bar

  230. 116a

    rang bzhin yang de bzhin no/ / tshul bzhin ma yin pa yid la byed pa ji lta bar rlung yang de bzhin no// las dang nyon mongs pa ji lta bar chu'ang de bzhin no// phung po dang / khams dang skye mched rnams ji ltar sa'i khams kyang de bzhin te/ de'i phyir chos thams cad ni rtsa ba yongs su chad pa zhes bya ste/ snying po med pa'i rtsa ba/ mi gnas pa'i rtsa ba/ dag pa'i rtsa ba rtsa ba med pa'i rtsa ba'o/ / kye grogs po dag de ni rang bzhin rnam par dag pa'i sgo zhes bya ba'i chos snang ba'i sgo ste/ sgo gang la brten nas byang chub sems dpa' rnams nyon mongs pa thams cad kyi sgo la mi chags shing rnam par dag pa'i sgo thams cad kyang mi snyems pa'o/ / de dag thams cad snyems pa yang dag par bcom pas tshul dang 'dra bar 'gro ba'i lam du chud de/ bdud kyi yul las yang dag par 'da' bar 'gyur ro/ / de dag bdud kyi yul las yang dag par 'das pas sangs rgyas kyi yul la rab tu gnas par 'gyur ro// de dag sangs rgyas kyi yul la rab tu gnas pas sems can thams cad kyi yul la 'jug par 'gyur ro/ / sems cad thams cad kyi yul la zhugs pas/ chos kyi dbyings kyi yul 'khrug par mi byed par 'gyur ro// de dag chos kyi dbyings kyi rjes su song ste/ mnyam pa bye brag med pa thob pas thams cad mkhyen pa'i ye shes rjes su thob par 'gyur ro// bstan pa 'di bshad pa na/ byang chub sems dpa' mang po zhig las dang / nyon mongs

  231. 116b

    pa dang chos kyi sgrib pa kun nas ldang ba dang / 'gyod pa kun nas ldang ba thams cad dang bral te/ mi skye ba'i chos la bzod pa thob par gyur to// / bam pa brgyad pa/ de nas dge bsnyen dpal sbrus zhes bya bas/ bcom ldan 'das kyi zhabs gnyis la phyag 'tshal nas/ bcom ldan 'das la 'di skad ces gsol to// bcom ldan 'das chos rnam grol ba'i sgo chos kyi rnam grangs 'di ni bcom ldan 'das kyis bdag gi slad du bshad do/ / de ci'i slad du zhe na/ bcom ldan 'das bdag gis bcom ldan 'das la gsad pa'i slad du brtul zhugs kyis bstan par bgyis te/ bshos kyang dug dang bsres pa sbyar ba des/ bcom ldan 'das las bdag gis chos mang du thos kyang 'gyod pa rab tu bsal bar nus kyi bcom ldan 'das bdag gis chos kyi rnam grangs 'di thos nas/ 'gyod pa de thams cad ma mchis par gyur te/ chos thams cad la snang ba'ang skyes so// bcom ldan 'das bdag ni 'gyod pa ma mchis/ the tsom ma mchis te/ snang ba thob pas bla na med pa yang dag par rdzogs pa'i byang chub tu sems bskyed par bgyi ste/ bcom ldan 'das dper na bdud sdig can ltar bdag kyang khyad par du mchi bar 'gyur ro/ / bcom ldan 'das kyis bka' stsal pa/ khyim bdag legs so legs so// ngas bshad pa'i don khyod kyis khong du chud de/ ngas

  232. 117a

    khyim bdag khyod lung bstan gyis/ sems dang sdug pa'i bsam pa 'dis bslal pa bzang po'i sangs rgyas bcom ldan 'das thams cad la bsti stang du byas/ bla mar byas ri mor byas te mchod nas de dag gi thad nas tshangs par spyad pa spyod par 'gyur/ de dag gi dam pa'i chos kyang yongs su 'dzin par 'gyur ro// 'di'i 'og tu sangs rgyas bcom ldan 'das bgrang ba las 'das pa ji snyed cig mnyes par byas te/ bskal pa grangs med pa bdun brgyan shin tu dri ma med pa'i bskal pa la/ de bzhin gshegs pa kun nas ldang ba thams cad rnam par sel ba zhes bya bar 'jig rten du 'byung ste/ rig pa dang zhabs su ldan pa zhes bya ba nas/ sangs rgyas bcom ldan 'das zhes bya ba'i bar du 'gyur ro// de nas dge bsnyen dpal sras kyis bcom ldan 'das las bdag bla na med pa yang dag par rdzogs pa'i byang chub tu lung bstan pa thos nas tshim zhing mgu la yi rangs te/ rab tu dga' nas dga' ba dang yid bde ba skyes te/ rgyan ci thogs pa bcom ldan 'das kyi sku la gsol nas/ tshig 'di skad ces gsol to// bcom ldan 'das bdag gi khyim na gter chen po bzhi mchis te/ rin po che mang po dang / gser gyis yongs su gang ba'o/ / de dag las gter chen po gcig ni khyim bu smad dang / bran po dang / bran mo dang / las bgyid pa rnams la stsal to// gter chen po gcig ni dbul po spong ba thams

  233. 117b

    cad la skul to/ / gter chen po gcig ni dge slong phyogs bani nas lhags pa'i phyogs bzhi'i dge slong gi dge 'dun la dbul lo// gter chen po gcig ni sangs rgyas la sogs pa dge slong gi dge 'dun rnams la dbul lo/ / bcom ldan 'das bdag ni yang bar gyur te/ nga'i ba mchis/ yongs su 'dzin pa'ang ma mchis na/ bcom ldan 'das bdag legs par bshas pa'i chos 'dul ba la rab tu byung ste/ bsnyen par rdzogs shing dge slong gi tshul thob par bgyir gsol/ dge bsnyen dpal sbas legs par bshad pa'i chos 'dul ba la rab tu byung ste/ bsnyen par rdzogs nas dge slong gi tshul thob bo// de nas bcom ldan 'das la/ byang chub sems dpa' nam mkha' mdzod kyis 'di skad ces gsol to// bcom ldan 'das de bzhin gshegs pa yongs su mya ngan las 'das na/ bskal pa grangs ma mchis pa bye ba yang dag par bsgrubs pa'i byang chub 'di su 'dzin par 'gyur// de nas 'khor de nas byang chub sems dpa' bye ba phrag drug cu langs nas/ de dag thams cad thal mo sbyar te/ bcom ldan 'das la phyag 'tshal nas/ sgra skad dbyangs gcig tu tshogs su bcad pa 'di dag gsol to/ / bcom ldan rkang gnyis dam pa ni// mya ngan 'das slad bdag cag rnams// lus dang srog tu bcas btang ste// dam pa'i chos ni gzung bar spro// rnyed dang bkur sti spangs

  234. 118a

    nas su/ / sten pa kun kyang rab spangs te// sangs rgyas ye shes bstan pa yi// chos 'di rjes su mi gtang ngo // dam pa'i chos ni gzung slad du// ka she dang mi snyan mchi ba dang / / ngan du smra ba'i tshig rnams kyang // bzod pas de dag dang du blang // tshul 'di rab tu bzung nas su// co 'dri ba dang bsdig pa dang // mi bsngags pa dang mi snyan pa// de dag thams cad bzod par bgyi/ / dmigs pa dag la rab gnas pa// bdud kyi pho nya bdud kyi phyogs// dam pa'i chos la skur 'debs pa'i// dge slong dag ni 'byung bar 'gyur// tshul khrims 'chal pa sdig chos can/ / khyim pa dang ni sten cing gnas// bkur sti dag dang rnyed la brkam// chos 'di tshol bar mi bgyid do// 'jig rten rgyang 'phan rnams dang 'dra// bdag la rab tu stod bgyid cing / / rab tu nges pa rnams la smod// mi mkhas nga rgyal can dag 'byung // dkon pa'i gnas ni spangs nas su// rtag tu 'du 'dzirnams la dga'// 'jig rten gsang tshig rnams la brtson/ / 'jig tshogs la ni rab tu gnas// mi mkhas pa dag dge 'dun las// zhal ta byed la rtag tu brtson// bsam gtan bsam gtan byed spangs te/ dkon mchog gsum dang 'dre mi bgyid// thos dang khrims kyis ma lags kyi// tshogs kyi nang nas rnyed pa tshol// sbyin pa dag la phyir sbyin brtson// rtog pa bcas shing mya ngan

  235. 118b

    bcas/ / nga yir 'du shes bzung nas su// mdzas slong ster khyim la dga'// de dag der ni rab 'jug cing // 'jig rten pa yi gtam rnams bgyid/ zhing gi don dang khyim gyi don/ / de dag nyon tshong bgyid la gnas// thong gshol shal ba rnams ldan yang // bdag cag dge slong yin zhes 'dzer// dmigs pa yi ni rab tu 'gyod// lta ba tha dad kun/ tu gnas// stong pa nyid kyi chos thos nas// de dag g.yang sa bzhin du 'gyur// 'jig rten pha rol mi spyod cing // las kyi rnam par smin pa 'dor// brdzun du smra dang rab tu ldan// chos ma lags la chos su 'dzin// dge slong rgyal po rab 'khrug cing // de ltar rab tu ma rungs pa// rnam par 'jig tshe sems can phyir// bdag cag dam chos gzung bar bgyi/ mdo sde rnams kyang phan tshun du// 'thun par dpyod par mi bgyid de// rang rang gi ni smra rnams la// de dag rtag tu mos par bgyid// mdo sde gang dag rab zab cing // rnam grol 'bras bu ldan pa rnams/ / rab tu 'dzin par mi bgyid de// de dag sna tshogs gtam rnams bgyid// 'di 'dra ba yi dus 'di na// don bcas chog 'brur ldan pa yi// legs par gsungs pa'o chos rnams ni/ / rab tu rnam par 'jig par 'gyur// de yi tshe na sems can yang // rab tu rnam par 'jig par 'gyur// rgyal po'i las kyis bsngags pa na// 'jigs shing

  236. 119a

    skra ga nas 'bros par 'gyur/ / 'jig dus rab tu mi bzad pa// sdig pa'i dus ni 'di 'dra ste// sangs rgyas kyis ni gang bshad pa// chos 'di bdag cag gzung bar bgyi/ / tshul 'di rab tu bzung nas su// gang dag chos la mi gnas pa'i// sems can rnams la byams par bgyi// de dag la ni snying rje'ang bgyi// sems can rnyed dang 'dod kan+da pa/ / tshul khrims 'chal pa mthong nas su// de yi 'gro ba cir 'gyur zhes// mchi ma'ang rab tu dbyung bar bgyi// dam pa'i chos la skur 'debs pa// de dag 'phral thug mthong na yang // dag gshe bar mi 'gyur bar// ring nas byams pa btsal bar bgyi// rab tu bsdams nas ngag gi las// nyams kyis ci nus bsrung bar bgyi// sdig pa la ni rab gnas pa// de la glo bur gtam mi bgyi/ / nor sbyin de bzhin bsti stang gis// mi rnams yongs su smin bgyis nas// yang dag sdig med spyod yul gyis// slad kyis de dag bskul bar bgyi// khyim dang sten pa kun spangs te/ / don nyung ba dang bgyid nyung ba// bas mtha'i dgon pa'i spyod yul ba// ri dgas bzhin du 'gyur bar bgyi// 'phags pa'i rigs la dga' ba dang // sbyangs pa'i tshul khrims gnas pa dang / / mnyam bzhag shes rab ldan pa dang // g.yel po ma mchis 'gyur bar bgyi// dul ba dang ni zhi ba dang // grol nas gong du zhugs nas kyang // sems can gang dag chos

  237. 119b

    tshol ba/ / de la bdag cag chos bstan to// chos 'dod par ni rtogs nas su// shin tu ring du'ang mchi bar bgyi// chos la dga' zhing mos rnyed nas// sems can rnams kyi don yang bgyi/ / sems can rnams kyi 'khrul mang po// de dag mngon par mthong nas kyang // chos dang nges par rab gnas nas// bdag la rtag tu brtags par bgyi// bsti stang bgyis dang ma bgyis la/ / ri rab lta bur gyur nas su// 'jig rten gyis ni mo gos pa// 'jig rten 'dren par 'gyur bar bgyi// dge slong tshul las nyams rnams kyis// mi snyan pa dag rtogs nas kyang / / las ni bdag gir bya bar bgyi// de dag las ni smin ma 'gyur// chos rnams la ni gnas pa la// nged la de 'dra'i chos rnams ni// ji lta bu yang yod med ces// gshe ma dag ni 'gyed par 'gyur/ / bdag cag ming gi dge sbyong ste// dge sbyong yon tan med do zhes// yang dag bskul ba thos pa dang // mdo sde 'di ni spong bar 'gyur// sna dang sna chad de dag ni/ / me long dga' bar mi 'gyur ltar// yang dag bsgral ba thos pa dang // de dag dam chos spong bar 'gyur// dge slong gang dag dam pa'i chos// rab tu 'dzin pa 'byung 'gyur te/ / de dag bzhin du tshul 'chos kyang // gang yang chos 'di ma nyan to// rgyal po rnams kyang slu bar bgyid// skye bo chen po 'byed 'gyur yang // sangs rgyas kyis ni byin rlabs kyis//

  238. 120a

    sems can de dag chos nyan 'gyur// dus ngan de tshe bdag cag rnams// sems can dag la phan slad du// lus dang srog kyang rab btang ste// dam pa'i chos ni gzung bar bgyi/ / 'jigs pa chen po'i dus de na// tshig tsam du ni ma lags kyi// sgrub pa snying por bgyid par yang // mgon pos bdag cag bsam pa mkhyen// dam chos 'di na yongs bzung na/ / bsod nams tshogs ni ji tsam mchis// chos kyi rgyalo 'od mdzad pa// 'jig rten snang bar mdzad la zhu// de'i tshe bcom ldan 'das kyis/ byang chub sems dpa' nam mkha' mdzod la bka' stsal pa/ rigs kyi bu 'di lta ste/ dper na shar phyogs kyi stong sum cu'i 'jig rten gyi khams re re'ang rdul phra rab kyi char rdul phra rab kyi rdul du bshig la/ de bzhin du lho dang nub dang byang dang / steng dang / 'og dang / phyogs bcu kun tu stong sum cu'i 'jig rten gyi khams re re'ang rdul phra rab kyi char rdul phra rab kyi rdul du bshig ste/ de nas rdul phra rab de dag thams cad ji snyed par shar phyogs su sangs rgyas kyi zhing de snyed 'das shing rdul phra rab kyi rdul gcig bzhag la/ tshul de lta bur shar phyogs su rdul phra rab de dag thams cad zad zad du bzhag kyang / shar phyogs kyi sangs rgyas kyi zhing gi mthar thug pa gang yang med do// shar phyogs su ji lta ba bzhin du phyogs bcu kun gyi phyogs re re'ang sangs rgyas kyi zhing de snyed do// rigs kyi bu 'di ji snyam

  239. 120b

    du sems/ phyogs bcu'i sangs rgyas kyi zhing de dag gi rdul phra rab rnams tshul de lta bus phyogs bzhag pa la tshad dam mtha' rtogs par nus sam/ gsol pa/ bcom ldan 'das de ni ma nus so/ / gzhan du na de bzhin gshegs pas sangs rgyas kyi ye shes chags pa mi mnga' bas mkhyen pa ni ma gtogs so// bcom ldan 'das kyis bka' stsal pa/ rigs kyi bu ltar sangs rgyas kyi zhing ji snyed pa de dag las gang du rdul phra rab de dag bzhag par gyur pa'i sangs rgyas kyi zhing de dag thams cad grong khyer gcig tu gyur te rtsig pas bskor nas/ 'og gi chu'i phung po nas bzung ste/ srid pa'i rtse mo'i bar gyi grong khyer de dag yungs 'bru mi rtsub pa 'ba' zhig gis yongs su gang bar gyur na/ rigs kyi bu 'di ji snyam du sems// yungs 'bru de dag mang ngam/ gsol pa/ bcom ldan 'das de bzhin gshegs pas ji ltar dpe 'di btsal ba ngo mtshar to// bcom ldan 'das gang dpe 'di thos nas dad par 'gyur ba'i sems can de dag kyang ngo mtshar rmad du byung ba'i chos dang ldan par 'gyur ro/ / bcom ldan 'das kyis bka' stsal pa/ rigs kyi bu de bzhin gshegs pas ni yungs 'bru de dag brgya phrag 'di snyed cig ce'am/ stong phrag 'di snyed cig tsa 'am/ brgya stong phrag 'di snyed cig ce 'am/ dkrigs pa dang / gtams pa dang / khyad phyin dang / mi 'khrugs pa phrag 'di snyed cig ce 'am/ sangs rgyas

  240. 121a

    kyi zhing 'di snyed cig ce 'am/ sangs rgyas kyi zhing brgya phrag 'di snyed cig ce 'am/ sangs rgyas kyi zhing stong phrag 'di snyed cig ce'am/ sangs rgyas kyi zhing brgya stong phrag 'di snyed cig yod do zhes rab tu mkhyen to/ / rigs kyi bu byang chub 'dod pa la la zhig gis sangs rgyas kyi zhing de snyed rin po che sna bdun gyis rab tu bkang ste sbyin pa byin pa bas// ji ltar skyes bu dam pa dam pa'i chos yongs su 'dzin pa gang yon tan gyi chos 'di lta bu la gnas pa de dag gis de bzhin gshegs pa gcig gi dam pa'i chos yongs su bzung na/ 'di de bas bsod nams ches mang du skyed do/ / yungs 'bru ji snyed pa de snyed kyi sangs rgyas bcom ldan 'das rnams gang la la zhig gis bsti stang du byas/ bla mar byas/ ri mor byas te/ gang mchod pa byas// gang zab mo'i chos la bzod pa thob pa de ni/ de bas bsod nams ches mang du skyed do// yungs 'bru ji snyed pa de snyed kyi gtan pa med pa'i mchod sbyin byin pa bas/ gang gzhan zhig sems can thams cad la khong khro ba med pa'i sems kyis chos la rab tu dga' zhing bzod pas gom pa bdun bor na/ de bas de bsod nams ches mang du skyed do// yungs 'bru de dag ji snyed pa de snyed du/ brgya byin dang / tshangs pa dang / 'khor los sgyur ba'i rgyal po dang / byang chub sems dpa' snyed pa bas/ gzhan gang gis 'dus byas thams cad mi

  241. 121b

    rtag pa dang / sdug bsngal bar rig cing chos thams cad la bdag med par rig la/ mya ngan 'das bzhi par rig nas/ sems can rnams la snying rje chen po bskyed de/ dkon mchog gsum gyi rigs rgyun mi gcad pa'i phyir/ bla na med pa yang dag par rdzogs pa'i byang chub tu sems bskyed na/ de ni de bas ches bsod nams mang du skyed do// de nas bco ldan 'das la/ byang chub sems dpa' nam mkha' mdzod kyis 'di skad ces gsol to// bcom ldan 'das slad ma'i tshe slad ma'i dus na/ ci nas chos kyi rnam grangs 'di 'dzam bu'i/ gling du spyod cing / rgyas par yang 'gyur bar de bzhin gshegs pas chos kyi rnam grangs 'di byin gyis brlab tu gsol/ bcom ldan 'das kyis bka' stsal pa/ rigs kyi bu de'i phyir rgyal po chen po bzhi dgug pa'i tshig bshad par bya ste/ dgug pa'i chog de dag gis rgyal po chen po bzhi 'ongs nas/ chos kyi rnam grangs 'di yun ring du gnas par bya ba dang / rgya cher rnam par dbye zhing rab tu bstan par phyir brtson par 'gyur ro/ / de la 'di dag ni dgug pa'i tshig go/ 'di lta ste/ d+hu d+hu re/ d+hi d+hi re/ d+ha dz+wa la ti/ d+hA dzA lang kA re/ A brta ni/ sha mo sha ma pa ti/ shAn ti mu khe/ ni gr-i ha ba ra bka k+sha/ a no dA ra/ A no dA/ u dA ra bi ga ma/ sa ma pa thA/ pa tha shud d+hi/ pai thAM nug mai/ pathA san d+hi/ prad dz+nyA mu khe

  242. 122a

    Ar+ya ko'u le/ b+h+yo'u ta rak+She/ A me sa tsa/ me mes tsa/ ta ma sa tsa/ ta ta ma sa tsa/ bud d+hA pA dA/ d+harmA nu san d+hi/ Ar+ya ga NA nug ma/ a nAr+yA nir b+hA ta/ ni/ ruSh+Ta pra sA da naM/ i shwa ra pA da lo ka tsid tI kr-i ta/ a nu ra ka yan tu/ i mAna?/ d+harma san d+hi/ bi b+ha dzan du ni rug ti nir de shaM/ pra ti rak+Shan tu/ d+harma d+ha rA Na/ rigs kyi bu 'di dag ni rgyal po chen po bzhi dgug pa'i tshig go/ / de nas rgyal po chen po bzhi 'jigs shing skrag ste/ spu zing zhes byed nas/ bcom ldan 'das ga la ba der lhags te/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan 'das bdag cag rgyal po chen po bzhi chos kyi rnam grangs 'di bsrung ba dang / bskyab pa dang / sba ba dang / yun ring du gnas par bgyi ba dang / rjes su gzung ba'i slad du gnas par bgyi'o// gang na chos kyi rnam grangs 'di spyod pa der/ lha dang / klu dang / gnod/ sbyin dang / dri za dang / lha ma yin dang / nam mkha' lding dang / mi 'am ci gang dag chos ma lags par 'tshal bar 'gyur ba de dag shin tu tshar gcad par bgyi'o// gang dag chos 'tshal bar 'gyur ba de dag gi sems rab tu dga' bar 'gyur ro/ / chos smras pa de'i 'khor gyi dkyil 'khor yang yongs su legs par gzhag par bgyi'o// tshig gi mtshams su tshogs ni

  243. 122b

    mtshams sbyar bar bgyi'o/ / spobs pa'ang stsal bar 'gyi'o// dran pa dang / blo gros dang / rtogs pa dang / dga' ba'ang 'phel bar bgyi'o// de skad ces gsol pa dang / bcom ldan 'das kyis/ rgyal po chen po de bzhi la 'di skad ces bka' stsal to// grogs po dag 'di lta ste/ khyed ni nga'i bu chos las chos kyis byung ba ste/ khyed rnams nga'i dam pa'i chos yongs su gzung ba'i phyir spro ba ston pa ni legs so legs so/ / khyed rnams chos kyi rgyu 'thun pa 'dis/ 'jig rten du 'jig rten gyi bdag por 'gyur te/ 'jig rten thams cad las yang dag par 'das nas/ 'phags pa mya ngan las 'das pa'i dbyings su mya ngan las 'da' bar 'gyur ro// de nas yang bcom ldan 'das kyis/ byang chub sems dpa' nam mkha' mdzod la 'di skad ces bka' stsal to/ / rigs kyi bu lha'i dbang po brgya byin dgug pa'i tshig bshad par bya ste/ rig pa'i gsang sngags kyi tshig de dag gis lha'i dbang po brgya byin chos kyi rnam grangs 'di bsrung ba dang / yun ring du gnas par bya ba'i phyir gnas par 'gyur ro// de la tshig ni 'di rnams so// 'di lta ste/ shru b+he/ shu d+ha ma ti/ shu d+ha byung da da re/ da ri Te/ tu ra Ne/ da me/ sha me/ u pa sha me/ khu be/ ug khu re/ a so mu khe/ d+ha ra ni/ A ra De/ shu shru'u ShaM/ sa hi te/ a b+ha de/ b+he da san d+hi sa me/ sa ma

  244. 123a

    ba ti/ sa ma rash+mi/ a she/ hu hu/ he he/ khu ru khu re/ an ti kra me/ de ba rak+ka sa hi te/ bahA bab+hA sa pra me/ A gad tsha tu/ sha kro de ba nA min tra/ da sha ta na ya na/ thar ma ku Ta d+ha ra i shwa ro ma rung b+ha ba na ni bA si/ rigs kyi bu 'di dag ni lha'i dbang po brgya byin dgug pa'i tshig gang gis lha'i dbang po brgya byin bkug nas chos kyi rnam grangs 'di yun ring du gnas par bya ba'i phyir gnas pa'o// de nas lha'i dbang po brgya byin chos kyi shugs kyis dga' ba skyes nas/ sum cu rtsa gsum gnas kyi khang pa thams cad rab tu g.yos par byas te/ g.yog lha brgya stong mang po dang / bcom ldan 'das ga la ba der dong nas lhags te/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan padas bdag ni lha'i dbang po brgya byin te/ sum cu ru gsum pa'i lha la dbang bgyid de/ g.yog lha'i tshogs dang / chos kyi rnam grangs 'di 'dzam bu'i gling du rgyas par bgyi ba'i slad du nan tan du bgyi'o// chos smra ba de dag dang / mdo sde 'di 'chang ba de dag la ji ltar mi gnod pa dang / dga' ba dang / mchog tu dga' ba dang / mos pa rnyed cing chos kyi rgyan gyis brgyan te/ chos kyi rnam grangs 'di grong dang / grong khyer dang / grong rdal dang / yul 'khor dang / rgyal po'i pho brang du zhugs nas rab tu 'chad par 'gyur ba de ltar chos kyis bsrung ba dang / bskyab pa dang / sba bar bgyi'o// bcom ldan 'das bdag cag chos gnyan pa'i slad du chos

  245. 123b

    smra ba de dag gi gan du mchi bar bgyi'o/ / khro zhing gshe'ang dang du blang bar bgyi'o// bdud par chad 'gyid pa'i gnod pa thams cad las kyang bsrung ba dang / bskyab pa dang / sba bar bgyi'o// bcom ldan 'das kyis bka' stsal pa/ ko'u shi ka ji lta bur khyod lha'i dbang po thob pas chos kyi dbang por zhugs nas/ nga dang sangs rgyas thams cad kyi dam pa'i chos yongs su gzung ba'i phyir/ seng ge'i sgra sgrogs pa legs so legs so// de ci'i phyir zhe na/ ko'u shi ka de bzhin gshegs pa gcig gi dam pa'i chos yongs su bzung na/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi dam pa'i chos yongs su bzung ba yin no/ / de'i tshe bcom ldan 'das kyis yang byang chub sems dpa' nam mkha' mdzod la bka' stsal pa/ de la rigs kyi bu mi mjed kyi bdag po tshangs pa dgug pa'i tshig bshad kyis/ dgug pa'i tshig gang gis mi mjed kyi bdag po tshangs pa chen po chos kyi rnam grangs 'di bsrung ba'i phyir gnas par 'gyur ba nyon cig/ de dag la dgug pa'i tshig 'di rnams so/ / 'di lta ste/ me trI/ shu b+h+ra mai d+hI/ d+harma mai trI/ mai d+h+ya nu sa hi te/ sa ma me tri/ san d+hi mai tri/ a nug ma me tri/ a nur kra mai tri/ a nud d+hu ra mai tri/ sad t+ya mai tri/ d+harma mai tri/ a nu gra ha mai tri/ a bi pra tri sA ra me tri/ u pa lo ka na me tri/ bi lo ka na maM tri/ bo d+ha nu ga na mai tri/ bo d+ha nu ga na me tri/ bud d+ha a d+hiSh+ThA na me tri/ a nu rak+Sha mai tri/ d+harma pra ti sA ran me tri/ mo k+Sha

  246. 124a

    me trI/ an nu ro d+ha bi ro d+ha me tri/ a ta mo ma tri/ bra h+ma ba tha me tri/ d+hA nA lang kA ra me tri/ ta s+ya a nu san d+hi kA ru na me tri/ ta s+ya nu san d+hi mu di ta me tri/ ta s+ya a nu san d+hi u pek+Sha me/ tri/ brah+ma pa tha a nu ga ma na me tri/ tsid ta o'ud bi la l+ya maM tri/ a nu sA ra nA me tri/ nisti ra Na ma tri/ sarba trA nu ga ma na me tri/ a gang tsha tu/ brah+ma srad sid dz+ya/ d+han sa khan b+h+yad tiSh+Tha/ swa sa mA d+h+ye/ nisgra ma ma hA bi mA nad/ bya ba lo ka ya/ dza ma pU dwI pan/ ku ru shwa d+harma rak+Shan/ mA ti kra ma bud d+ha d+hiSh+ThA nAn/ nam mkha' mdzod 'di dag ni mi mjed kyi bdag po tshangs pa dgug pa'i tshig go/ de nas mi mjed kyi bdag po tshangs pa tshangs pa'i 'jig rten na 'dug pa/ sangs rgyas kyi byin gyis brlabs pa'i rig pa'i gsang sngags byams pa'i tshig 'di dag sangs rgyas kyi mthus/ lha'i rna ba'i khams kyis thos te/ thos nas kyang tshangs pa brgya stong phrag drug cu rtsa brgyad dang lhan cig tu bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ / phyogs gcig tu 'dug nas/ mi mjed kyi bdag po tshangs pas/ bcom ldan 'das la 'di skad ces gsol to// bcom ldan 'das bdag cag de bzhin gshegs pa'i byin gyi rlabs kyis byin gyis brlabs pas/ bdag cag byams pa dang snying rjer ldan te/ chos kyi rnam grangs 'di bsrung ba'i slad du nan tan du bgyi'o// gang chos smra ba de dag 'di lta bu'i

  247. 124b

    sangs rgyas kyi chos sdud cing mdo sde 'di 'dzin pa dang / 'chang ba dang / klog pa dang / 'chad pa dang / tha na glegs bam du bris te 'chang ba de dag dgon par mchis sam/ lam gol bar mchis sam/ grong dang grong khyer ram/ grong rdal du mchis sam/ yul 'khor tam/ rgyal po'i pho brang 'khor du mchis kyang rung / chos kyi gtam bgyid kyang rung ste/ chos kyi rnam grangs 'di rgya cher 'chang na bsam par bgyi'o/ / bsrung ba dang / bskyab pa dang / sba bar bgyi'o// de dag la spro ba stsal bar bgyi'o// stobs yongs su rdzogs par bgyi'o// dran pa bsgrub par bgyi'o// blo gros yongs su gzung bar bgyi'o/ / rtogs pa'i rjes su 'jug par bgyi'o// spobs pa stsal bar bgyi'o// ma dad pa rnams dad par bgyi'o// dad pa rnams bsgral bar bgyi'o// bcom ldan 'das ji ltar de bzhin gshegs pa'i chos kyi tshul bdag cag gis yongs su bzung ste/ rgya cher 'gyur ba de ltar bgyi'o// de skad ces gsol pa dang / bcom ldan 'das kyis/ mi mjed kyi bdag po tshangs pa la 'di skad ces bka' stsal to/ / legs so legs so// tshangs pa dam pa'i chos yongs su bzung bas de bzhin gshegs pa khyod la rjes su yi rang ngo // ji ltar ngas da ltar bskor ba bzhin du tshangs pa khyod kyis kyang ring por mi thogs par chos kyi 'khor lo rab tu skor bar 'gyur ro/ / ji ltar khyod kyis da ltar nga'i dam pa'i chos yongs su bzung ba de bzhin du/ tshangs pa gzhan dag gis khyod kyi dam pa'i chos 'dzin

  248. 125a

    par 'gyur ro/ / de'i tshe bcom ldan 'das kyis/ byang chub sems dpa' sems dpa' chen po byams pa la bka' stsal pa/ byams pa ji tsam du gzung ba dang / bcang ba dang bklag pa dang / gzhan dag la'ang rgya cher yang dag par rab tu bstan par bya ba dang / de bzhin gshegs pa la byas pa gzo zhing byas pa shes pa bskyed pa dang / bdag gis bsam pa yongs su rdzogs pa bya ba dang / sems can rnams kyi dge ba'i rtsa ba rnam par dag par bya ba dang / byang chub sems dpa' rnams chos snang ba thob par bya ba dang / bdud thams cad tshar gcad pa dang / mu steg can thams cad gzhom pa dang / dam pa'i chos yongs su gzung ba dang / dkon mchog gsum gyi rigs mi 'chad par bya ba'i phyir bskal pa bye ba phrag grangs med par yang dag par bsgrubs pa'i bla na med pa yang dag par rdzogs pa'i byang chub 'di khyod la yongs su gtad do/ / de skad ces bka' stsal pa dang / bcom ldan 'das la/ byang chub sems dpa' byams pas 'di skad ces gsol to/ / bcom ldan 'das bdag de bzhin gshegs pa yongs su mya ngan las 'das pa'i slad du/ bla na med pa'i dkon mchog gi mdzod 'di bsrung bar bgyi'o// de ci'i slad du zhe na/ bcom ldan 'das 'di ni bdag dang / 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi dam pa'i chos lags so// bcom ldan 'das bdag dga'

  249. 125b

    ldan gnas na mchis te/ 'di lta bu'i mdo sde dag kun tu bsrung ba dang / yongs su gzung ba dang / yun ring du gnas par bgyi ba'i slad du nan tan du bgyi'o// bcom ldan 'das slang ma'i tshe slad ma'i dus na/ 'di lta bu'i mdo sde rnams su'i rna bar grag par 'gyur ba dang / thos nas 'dzin pa dang / 'chang ba dang / klog pa dang / gzhan dag la'ang rgya cher rab tu ston cing bdag nyid kyang sbyor bar bgyid pa de ni/ bcom ldan 'das byang chub sems dpa' byams pa'i byin gyi rlabs su rig par bgyi'o// bcom ldan 'das de'i tshe bdud kyi phyogs kyang g.yos par 'gyur te/ 'on kyang dge ba'i rtsa ba gang gis bdag gi spu'i khung bu re re grub pa de la/ stong gsum gyi stong chen po'i 'jig rten gyi khams kyi sems can de dag thams cad bdud sdig can du gyur kyang / de dag bdag gi spu'i bu ga gcig gis yongs su gzung ba'i dge ba'i rtsa ba'i brgya'i char yang nye bar mi mchi ba nas/ dpe'i bar du nye bar mi mchi'o// bcom ldan 'das bdag gi bsod nams kyi stobs dang / ye shes kyi stobs kyis bdud kyi dkyil 'khor thams cad rab tu pham par bgyis la/ de bzhin gshegs pas bskal pa bye ba grangs ma mchis par yang dag par bsgrubs pa'i byang chub 'di bsrung bar bgyi'o// bcom ldan 'das kyis bka' stsal pa/ byams pa legs so legs so// byams pa bzhi po 'di dag ni byang chub sems dpa'i las te/ bzhi gang zhe na/ 'di lta ste/ bdud dang nyon mongs pa thams cad tshar

  250. 126a

    gcad pa dang / phas kyi rgol ba thams cad chos dang 'thun pas zil gyis gnan pa dang / sems can yongs su smin par bya ba dang / dam pa'i chos yongs su gzung ba ste/ @ pa bzhi po de dag ni byang chub sems dpa'i las so/ / las bzhi po dag kyang las gcig gis yongs su bsdus so// gcig po gang zhe na/ 'di lta ste/ dam pa'i chos yongs su 'dzin pa'o// de'i tshe bcom ldan 'das kyis gnas brtan 'od srungs chen po dang / tshe dang ldan pa kun dga' bo la bka' stsal pa/ 'od srungs dang kun dga' bo ji tsam du gzung ba dang / bcang ba dang / bklag pa dang / gzhan dag la'ang rgya cher yang dag par rab tu bstan par bya ba'i phyir/ bla na med pa yang dag par rdzogs pa'i byang chub 'di yongs su gtad do// 'od srungs chen pos gsol pa/ bcom ldan 'das bdag gi mthu dang / stobs dang / nus pa ji lta ba bzhin du/ de bzhin gshegs pa'i byang chub 'di yongs su gzung bar bgyi'o// kun dga' bos gsol pa/ bcom ldan 'das chos kyi rnam grangs 'di bdag gis gzung lags te/ de bzhin gshegs pa'i byin gyi rlabs kyis bdag gis yangs shing rgyas par bgyi'o// de nas bcom ldan 'das la/ byang chub sems dpa' sems dpa' chen po bsod nams kyis brgyan pas 'di skad ces gsol to/ / bcom ldan 'das rigs kyi bu 'am/ rigs kyi bu mo gang 'di lta bu'i mdo sde de bzhin gshegs pas gsungs pa zab mor snang ba/

  251. 126b

    rgyu ba chad pa/ nges pa'i don mthong bar dka' ba/ rtogs par dka' ba/ don dam pa stong pa nyid dang ldan pa/ tshul khrims kyi rgyan gyis brgyan pa/ dran pa dang / ting nge 'dzin dang / nges par rtog pa dang / yid rab tu dga' bar byed pa/ shes rab kyi 'od snang bar byed pa/ rnam par grol ba nges par ston pa/ zhi ba/ ma gos pa/ mkhas shing rtogs pa rnams kyis rig par bya ba/ sangs rgyas thams cad kyis bstod cing bsngags pa/ gzungs dang mdo sde'i rgyal po'i phyag rgyas btab pa/ thogs pa med pa'i spobs pa 'dzin pa/ dran pa dang / blo gros dang / rtogs pa dang mos pa rnam par 'phel ba/ bdud dang phyir rgol ba rnams bcom pa/ phas kyi rgol ba thams cad kyis zil gyis mi non pa/ tshul khrims 'chal pa rnams spa 'gong ba/ sbyangs pa'i yon tan dang / yo byad bsnyungs pa dang / sdom pa tshar phyin pa/ gtong ba'i yon tan gyi chos rab tu gnas pa/ yon tan gyi chos mtha' yas pa las nges par byung ba/ sangs rgyas thams cad kyi chos dang ye shes 'di 'dzin tam/ len tama?/ 'chang ngam/ klog gam/ kun chub par byed dam/ gzhan dag la yang dag par rab tu ston tam/ yi ger 'dri 'am/ yi ger 'drir 'jug gam/ tshig tu 'don tam/ sems sam/ rtog gam/ tshul bzhin nges sam/ nan tan la gnas pa de dag bsod nams ji tsam zhig skyed par 'gyur/

  252. 127a

    de nas bcom ldan 'das kyis/ byang chub sems dpa' bsod nams kyis brgyan pa la slar tshigs su bcad pa 'di dag gsungs so// phyogs bcu'i rgya chen dpag tu med pa yi/ / zhing rnams sangs rgyas spyan gyis gang gzigs pa// de dag thams cad rin chen rab bkang ste// byang chub sems dpas sbyin pa byin pa bas// ga gis sangs rgyas mang pos bshad pa yi/ / mdo 'di 'dra ba rab bzang ma gos pa// 'chang ngam klog gam gzhan la ston byed pa// de yi bsod nams de ni ches mchog go/ me tog dri zhim byug ba gdugs rnams dang / / ba dan rgyal mtshan lnga ldi gos rnams kyis// zhing de thams cad yongs su gang byas nas// byang chub sems dpas sangs rgyas mchod pa bas// bde gshegs bstan pa dam chos rab 'jig cing / / 'gag pa'i tshe na gang zhig bag yod par// dam pa'i chos ni yongs su 'dzin byed pa// de yi bsod nams de ni ches mchog go// phyogs bcu dag na rgya mtsho gang yod pa// de dag 'bru mar dri zhim rab bkang ste// snying po ri rab tshad tsam byas nas su// rgyal ba'i mchod rten ma mar bus pa bas// gang gis chos sgron 'di ni rab 'jig tshe// 'jig rten 'di dag mun pas bsgribs shes nas/ / rgyal bas gsungs pa'i chos sgron 'dzin byed pa// de yi bsod nams de ni chas mchog go// sangs rgyas kyi ni byang chub mchog tshol zhing // zhing rnams bye bar dzin

  253. 127b

    pa gang mthong ba/ / de dag la ni bskal pa bye mang du// lha rdzas 'du byed yid 'ong mchod pa bas// gang zhig sangs rgyas byas pa gzo ba dang // dkon mchog gsum ni rjes su gzung ba dang // cho bdi la ni sems can gzung ba'i phyir/ / dam chos 'dzin pa de ni ches mchog go/ ji ltar mgon po rnams kyi chos 'dzin ltar// sems can gang ngas sangs rgyas spyan gyis gzigs// de dag gang gis tshangs pa brgya byin bkod/ / de yi bsod nams de snyed mi 'phel lo// sems can de kun dgra bcom bkod pa dang // rang rgyal theg par rab tu bkod pa bas// gang zhig byang chub tu ni sems bskyed nas/ / dam chos 'dzin pa de ni khyad par 'phags// gal te bsod nams de la gzugs yod na// phyogs bcu'i zhing rnams thams cad gang bar 'gyur// skyes bu khyu mchog ye shes ma gtogs par/ / bsod nams de yi snod ni yod ma yin// ji ltar bskal pa bye ba stong brjod kyang // sangs rgyas ye shes mtha' yod ma yin ltar// de bzhin gshegs kyi dam chos 'dzin pa yi// bsod nams de yang tshad yod ma yin no/ / de nas byang chub sems dpa' bsod nams kyis brgyan pas bcom ldan 'das las dam pa'i chos yongs su 'dzin pa'i bsod nams bshad pa 'di thos nas tshim zhing mgu la yi rangs te/ rab tu dga' nas dga' ba dang yid bde ba skyes te/ bcom ldan 'das la 'di skad ces gsol to// bcom ldan 'das byang chub sems dpa' gang dag dam pa'i

  254. 128a

    chos yongs su 'dzin pa la brtson par mi bgyid pa de dag ni bdud kyis byin gyis brlabs pa lags so/ / bcom ldan 'das gang dag dam pa'i chos yongs su 'dzin pa dang bral ba'i dge ba'i rtsa ba gzhan thams cad ni bdag la yungs 'bru tsam du gda' 'o/ / dam pa'i chos yongs su 'dzin pa'i dge ba'i rtsa ba ni/ phyogs bcu'i nam mkha'i khams ji lta ba bzhin du bdag 'du shes gnas par gyur to/ / bcom ldan 'das 'di ltar bdag sems can thams cad la bde bar 'tshal ba'i slad du/ lus dang srog kyang bor te/ bde ba thams cad mi btsal bar dam pa'i chos yongs su gzung ba'i slad du go cha bgo bar bgyi'o/ / chos kyi rnam grangs 'di bshad pa na/ byang chub sems dpa' nam mkha' mdzod kyi bsod nams kyi rnam par smin pa'i rgyu 'thun pas/ phyogs bcu'i sangs rgyas kyi zhing dpag tu med pa nas byang chub sems dpa' nam mkha' mdzod dang blo mnyam pa'i byang chub sems dpa' rnams kyis chos kyi rnam grangs 'di la mchod pa bya ba'i phyir/ nam mkha'i dkyil nas me tog gi char mngon par rab tu phab bo/ / bar snang las kyang sgra 'di skad ces byang chub sems dpa' sems dpa' chen po nam mkha' mdzod kyis 'dus pa'i le'u 'di brgyad de/ yongs su bzung ba'i bar du sangs rgyas kyi bya ba byas so/ / byang chub kyi sems dang ma bral ba'i sems can gang dag chos kyi rnam grangs 'di 'dzin par 'gyur ba de dag kyang de bzhin du dam pa'i chos brgyan par 'gyur ro//

  255. 128b

    de nas bcom ldan 'das kyis de'i tshe sku las 'di lta bu'i 'od rab tu btang bas/ 'od des phyogs bcu'i sangs rgyas kyi zhing thams cad rgyas par gang bar gyur to// chos kyi rnam grangs 'di'i thog ma dang / bar ma dang / tha ma bshad pa na/ sems can dpag tu med grangs med pa ni byang chub tu sems skyes so// sems can dpag tu med grangs med pa dag ni bzod pa thob par gyur to// sems can la la dag ni sems rnam par grol lo// la la dag ni chos kyi mig rnam par dag go// la la dag ni 'dod chags bral ba rnyed do// la la dag ni lha dang mi'i phun sum tshogs pa yongs su bzung bar gyur te/ sangs rgyas gzhan dag la'ang blta ba'i phyir/ rgyu bsags par yang gyur to// de thams cad la'ang bcom ldan 'das rjes su thugs rang ngo // bcom ldan 'das kyis de skad ces bka' stsal nas/ byang chub sems dpa' sems dpa' chen po nam mkha' mdzod dang / byang chub sems dpa' sems dpa' chen po byams pa dang / byang chub sems dpa' ltad mo can dang / byang chub sems dpa' lag na rin po che dang / byang chub sems dpa' rin chen dpal dang / byang chub sems dpa' yon tan rgyal po'i 'od dang / byang chub sems dpa' bsod nams kyis brgyan pa dang byang chub sems dpa' ngan song spong ba dang / byang chub sems dpa' chos kyi rgyal po dang / tshe dang ldan pa shA ri'i bu dang / tshe dang ldan pa 'od srungs chen po dang / tshe dang ldan pa kun dga' bo dang

  256. 129a

    mi mjed kyi bdag po tshangs pa dang / lha'i dbang po brgya byin dang / rgyal po chen po bzhi dang / dge slong de dag dang / byang chub sems dpa' de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'dus pa chen po'i le'u las 'phags pa nam mkha' mdzod kyis zhus pa zhes bya ba theg pa chen po'i mdo rdzogs so/ / / rgya gar gyi mkhan po bi dza ya shI la dang / shI len dra bo d+he dang / zhu chen gyi lo tsa ba ban/ d+he ye shes sdes bsgyur cing nus te/ skad gsar bcad kyis kyang bcos nas gtan la phab pa// / rgya gar skad du/ ar+ya na gar a ba laM bi kA nA ma ma hA yA na sU tra/ bod skad du/ 'phags pa grong khyer gyis 'tsho ba zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / rgyal po dang / blon po dang / byang chub sems dpa' dang / dge slong dang / dge slong

  257. 129b

    ma dang / dge bsnyen dang / dge bsnyen ma rnams kyis bkur stir byas/ bla mar byas/ mchod cing rjed de/ pad+ma chus ma gos pa bzhin du bzhugs so// de nas de'i tshe rgyal po gsal rgyal gyis de bzhin gshegs pa la mchod pa'i phyir sngon zla tha chung zla ba nya ba'i tshes bco lnga la 'bru mar gyis zangs po che stong bkang ste dngar nas/ mar me sbar ba'i 'od kyis kho ra khor yug tu dpag tshad bzhir snang bas khyab par byas so/ / de nas yang de'i tshe mnyan yod kyi grong khyer chen po na dga' byed ma zhes bya ba grong khyer gyis 'tsho ba zhig 'dug go/ des 'bru mar sran gre'u dang sbyar ba nyos nas/ zhag bzhi kha 'tshes te nyam chung bar gyur to/ / de nas 'bru mar de khyer te/ rgyal bu rgyal byed kyi tshal du song nas/ khyams kyi nang logs su mar me sbyar te bzhag nas 'di ltar sems bskyed de/ bcom ldan 'das bdag dge ba'i rtsa ba 'dis ma 'ongs pa'i dus na/ ji ltar da ltar gyi de bzhin gshegs pa dgra bcom pa yang dag par rdzogs pa'i sangs rgyas ji lta ba bzhin du bdag kyang ma 'ongs pa'i dus na ston par gyur te/ chos ston par gyur cig/ dge 'dun yang sdud par gyur cig ces byas so// 'di ltar yang sems bskyed de/ gal te bdag ma 'ongs pa'i dus na/ sangs rgyas su 'gyur ba zhig na mar me 'di bdag phyir ma 'ongs kyi bar du 'bar bar gyur cig ces byas nas/ mar me de sbar te grong khyer du song na/ mar me de'i 'od kyis 'dzam bu'i gling thams cad snang bar gyur te/

  258. 130a

    nam nangs kyi bar du'ang mar me de ma shi'o// de nas tshe dang ldan pa mo'u 'gal gyi bu chen pos chos gos kyi mtha' mas mar me de bsad par byas na gsad par ma nus so// de nas tshe dang ldan pa mo'u 'gal gyi bu chen pos rnam par 'thor rlung gis bsad par byas kyang gsad par ma nus so// de nas tshe dang ldan pa mo'u 'gal gyi bu chen pos tshangs pa'i 'jig rten du 'dug nas stong gsum 'dir shing rta'i srog shing tsam gyi char gyi rgyan dbab par byin gyis brlabs te/ mar me de'i steng du btang yang gsad par ma nus so// de nas bcom ldan 'das kyis bka' stsal pa/ mo'u 'gal gyi bu thong zhig/ mar me 'di ni byang chub kyi sems kyis sbar ba yin la/ byang chub kyi sems ni nyan thos kyis zil gyis mnan par mi nus so// de ci'i phyir zhe na/ thams cad mkhyen pa nyid kyi sems ni nyan thos dang rang sangs rgyas thams cad kyis zil gyis mnan du med pa'i phyir ro/ / de nas re zhig na bud med de nyi ma shar te grong khyer nas phyir 'ongs nas/ des mar me de shin tu 'bar ba mthong ba dang / de mchog tu dga' ba chen po rgyas par gyur to// de nas bcom ldan 'das kyis de'i tshe 'dzum pa mdzad do// sangs rgyas bcom ldan 'das rnams kyi chos nyid ni 'di bin te/ gang gi tshe sangs rgyas bcom ldan 'das 'dzum pa mdzad pa de'i tshe/ sangs rgyas bcom ldan 'das rnams kyi zhal gyi sgo nas 'od zer kha dog sna tshogs kha dog du ma 'di lta ste/ sngon po dang

  259. 130b

    ser po dang / dmar po dang / dkar po dang / btsong kha dang / shel dang / dngul gyi kha dog lta bu dag 'byung bar 'gyur te/ 'jig rten gyi khams mtha' yas mu med pa dag snang bas khyab par byas nas/ tshangs pa'i 'jig rten gyi bar du song ste/ zla ba dang nyi ma'i 'od kyang zil gyis mnan nas yang slar log ste/ bcom ldan 'das la lan gsum bskor ba byas nas/ bcom ldan 'das kyi dbu'i/ gtsug tor du nub par gyur to// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to// de nas bcom ldan 'das la/ tshe dang ldan pa kun dga' bos tshigs su bcad de gsol pa/ rgyal mchog rnam par 'dren pa gang zag mchog/ rgyu med par ni 'dzum pa mi mdzad na// ci yi rkyen gyis zhal ni 'dzum mdzad pa/ / 'jig rten phan pa thugs brtses bdag la gsungs// bcom ldan 'das kyis bka' stsal pa/ kun dga' bo grong khyer gyis 'tsho ba 'di bskal pa nyi shu rtsa brgyad kyi bar du ngan 'gro log par ltung bar 'gro bar mi 'gyur te/ rtag tu lha dang mi'i phun sum tshogs pa dag nyams su myong nas/ de bzhin gshegs pa dgra bcom pa yang dag par rdzogs pa'i sangs rgyas kun tu snang ba zhes bya bar 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// stobs bcu ldan pa mchod phyir zangs chen phrag

  260. 131a

    stong gsal rgyal gyis/ / mar me bzang po spar bas dpag tshad bzhir ni kun tu snang // grong khyer 'tsho ba'i 'bru mar sran mgre'u sbyar ba sbar ba yis// 'dzam gling snang bas khya gyur de ni byang chub sems kyi mthus/ / mo'u 'gal gyis ni mar me gsad 'dod rdzu 'phrul rgya chen byas// rnam par 'thor ba'i rlung gi shugs btang gsad par yongs ma nus// tshangs paba'i 'jig rten 'dug nas chu rgyun shing rta'i srog shing tsam/ / phab kyang gsad par ma nus mar me nyi ma'i 'od bzhin snang // de ni zhag bzhi kha 'tshos rgyal byed dga' ba'i tshal du 'ongs// dga' ba'i sems kyis bde gshegs zhabs la phyag byas thal sbyar 'dug/ mnyam med 'dzum pa mdzad pas kun dga' bo yang rab dga' nas// gzi brjid mtha' yas 'dzum mdzad 'di yi 'bras bu ci 'dra gsungs/ / dga' byed 'di ni bskal pa nyi shu brgyad na rgyal bar 'gyur// rang byung kun snang zhes bya 'od kyis stong chen bzhi snang byed// ma 'ongs dus na bde bar gshegs pa bye ba mchod pabar 'gyur/ / de ni kun tu 'khor los gyur 'gyur rgyal rnams bkur sti byed// sangs rgyas rtogs pa brjod pa'i ming ni dad rnams rab dga' byed// skye bo mkhas pa dag gis de thos sems kyang rab tu dga'/ / de ltar rgyal ba bsam yas stobs bcu'i chos kyang bsam mi khyab// dga' ba bskyed na rnam smin mtshungs med bsam gyis mi khyab 'gyur// bcom ldan 'das

  261. 131b

    kyis de skad ces bka' stsal nas/ tshe dang ldan pa kun dga' bo dang / grong khyer gyis 'tshe ba de dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa grong khyer gyis 'tsho ba zhes bya ba theg pa chen po'i mdo rdzogs so/ / / rgya gar gyi mkhan po dz+nyA na gar+b+ha dang / lo ts+tsha ba ban d+he klu'i dbang pos bsgyur/ rgya gar gyi mkhan po bid d+ya kar sing ha dang / zhu chen gyi lo ts+tsha ba ban d+he de ba tsan dras zhus te gtan la phab pa/ / // rgya gar skad du/ Ar+ya brah+ma pa ri bring tsha nA ma ma hA yA na sU tA/ bod skad du/ 'phag ba tshangs pas zhus pa zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das grong khyer yangs par tshal chen po'i khang pa brtsegs pa'i gnas na/ dge slong khri nyis stong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de na bcom ldan 'das mi nyal tsam nam gyi gung thun la skyil mo krung bcas nas/ dran pa mngon du bzhag ste/ rtog pa dang bcas pa/ dpyod pa dang bcas pa/ ting

  262. 132a

    nge 'dzin las skyes pa'i dga' ba dang bde ba can bsam gtan dang po la snyoms par zhugs so/ / bcom ldan 'das de las bzhengs nas/ rtog pa med pa/ dpyod/ pa med pa'i ting nge 'dzin las skyes pa'i dga' ba dang bde ba can bsam gtan gnyis pa la snyoms par zhugs so// bcom ldan 'das de las kyang bzhengs nas dga' ba'i 'dod chags dang bral ba btang snyoms pa/ dran pa dang ldan pa/ bde bar gnas pa/ bsam gtan gsum pa la snyoms par zhugs so// bcom ldan 'das de las kyang bzhengs nas/ bde ba'ang spangs te/ snga nas sdug bsngal yang spangs shing / yid bde ba dang / yid mi bde ba'ang nub pas/ phyir sdug bsngal yang med pa/ bde ba'ang med pa/ btang snyoms dang dran pa yongs su dag pa/ bsam gtan bzhi pa la snyoms par zhugs so// de nas bcom ldan 'das bsam gtan bzhi pa las bzhengs nas/ bsam gtan gsum pa la zhugs so/ / bsam gtan gsum pa las bzhengs nas/ bsam gtan gnyis pa la zhugs so// bsam gtan gnyis pa las bzhengs nas/ bsam gtan dang po la zhugs so// bsam gtan dang po las bzhengs nas/ gdul bya ji lta ba bzhin du sems can la gzugs kyi lus kun tu ston pa zhes bya ba'i ting nge 'dzin la snyoms par zhugs so// bcom ldan 'das gdul bya ji lta

  263. 132b

    ba bzhin du/ sems can la gzugs kyi lus kun tu ston pa'i ting nge 'dzin la snyoms par zhugs ma thag tu/ de nas skad cig de la bcom ldan 'das shin tu lham me lhan ne lhang nger bzhugs te mi mjed kyi bdag po tshangs pa tshangs pa'i gnas na 'dug bzhin du/ bcom ldan 'das shin tu lham me lhan ne lhang nge ba dang / skyes bu chen po'i mtshan sum cu rtsa gnyis kyis legs par brgyan ba mthong ngo / / mthong nas kyang tshangs pa'i 'jig rten nas mi snang bar gyur nas/ thams cad dang ldan pa'i tshal chen po 'od kyis snang bar byas te/ bcom ldan 'das kyi spyan sngar ha cang yang mi ring ba zhig tu 'dug go/ / de nas mi mjed kyi bdag po tshangs pas 'di snyam du bsams te/ sangs rgyas bcom ldan 'das rnams ni bsnyen par dka' ba/ rnam par shes par dka' ba yin na/ bcom ldan 'das ting nge 'dzin la snyoms par zhugs pa la bdag gis lud pa bsal ba'i sgra'am/ smra ba tsam gyis bzhengs par gsol ba ni bdag gi cha ma yin gyis/ bdag gis tshigs su bcad pa dag gis bcom ldan 'das bzhengs par gsol gor ma chag snyam ste/ de nas mi mjed kyi bdag po tshangs pas bla gos phrag pa gcig tu gzar nas 'dug bzhin du/ bcom ldan 'das ga la ba de logs su thal mo sbyar ba btud de mgo btud nas/ bcom ldan 'das la tshigs su bcad pa dag gis bzhengs par gsol to// ma gos dri ma ma mchis rnam par dag/

  264. 133a

    lha dang mi mchog rnams dang dri za dang // klu dang lha min rnams kyis legs mchod pa// sems can sman slad mgon po khyod la mchod// dper na ri ni rab tu mi g.yos dang ji ltar rgya mtsho gting ni mi dpogs ltar/ / bdud rnams thams cad kyis kyang mi g.yos la// thub pa skyes bu mchog ni bsam gtan mdzad// zang zing mi mnga' mtshan ma mi mnga' zhing // tha dad mi mnga' rten pa mi mnga' la// gnas mi mnga' zhing snang ba mi mnga' ba// thub pa skyes bu dam pa bsam gtan mdzad// rtog ge rnams kyi yul ni ma lags shing // byis pa rnams kyi spyod yul ma lags la/ / sems dang sems las byung la sa rab 'das pa// bsam gtan pha rol gshegs pa bsam gtan mdzad// mgon po seng ge bzhin du gsung yang sgrog/ thub pa 'brug bzhin sgrog pa rab tu mdzad/ / dpa' bo zla ba bzhin du rab tu mdzes// sems can dkon mchog khyed la phyag 'tshal lo// de nas bcom ldan 'das kyis mi mjed kyi bdag po tshangs pas bskul ba'i tshigs su bcad pa 'di lta bu dag gis bskul bar thugs su chud nas/ ji ltar skyil mo krung bcas pa de nyid kyis/ ting nge 'dzin de las bzhengs so// bzhengs nas bcom ldan 'das kyis mi mjed kyi bdag po tshangs pa la sbran pa'i phyir/ mgur bsal ba'i sgra mdzad pa dang / mi mjed kyi bdag po tshangs pas/ bcom ldan 'das ting nge 'dzin de las bzhengs te/

  265. 133b

    ji ltar skyil mo krung bcas pa de nyid kyis bzhugs par mthong ngo // mthong nas kyang bcom ldan 'das ga la ba der song ste phyin nas/ bcom ldan 'das la lan gsum bskor ba byas te/ bcom ldan 'das kyi zhabs la mgo bos phyag 'tshal nas phyogs gcig tu 'dug go/ / phyogs gcig tu 'dug nas mi mjed kyi bdag po tshangs pas/ bcom ldan 'das la 'di skad gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar snang na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang / bcom ldan 'das kyis/ mi mjed kyi bdag po tshangs pa la 'di skad ces bka' stsal to// tshangs pa zhu ba lung bstan pa'i phyir/ de bzhin gshegs pas rtag tu khyod la skabs phyes/ tshangs pa khyod ci dang ci 'dod pa de bzhin gshegs pa la zhus shig dang / zhus pa de dang de nyid kyi lung bstan pas/ ngas khyod kyi sems rangs par bya'o// de nas bcom ldan 'das kyis skabs phye bas/ mi mjed kyi bdag po tshangs pas/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po dag chos du dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya lags/ de skad

  266. 134a

    ces gsol pa dang / bcom ldan 'das kyis/ mi mjed kyi bdag po tshangs pa la 'di skad ces bka' stsal to// tshangs pa byang chub sems dpa' sems dpa' chen po dag chos gcig dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// chos gcig gang zhe na/ 'di lta ste/ lus kyi rjes su song ba'i dran pa'o/ / tshangs pa byang chub sems dpa'i lus kyi rjes su song ba'i dran pa ji lta bu yin zhe na/ tshangs pa 'di la byang chub sems dpa' ni 'gro'o snyam pa'i dran pa dang ldan pa yin zhing / yang dag pa ji lta ba bzhin du rab tu shes so/ / ldog go snyam du dran pa dang ldan pa yin zhing / yang dag pa ji lta ba bzhin du rab tu shes so// nyal lo snyam pa dang / ldang ngo snyam pa dang / 'chag go snyam pa dang / 'dug go snyam du dran pa dang ldan pa yin zhing yang dag pa ji lta ba bzhin du rab tu shes so// de gcig pu dben par 'dug ste/ nang du yang dag bzhag nas 'khrug pa med pa'i yid kyis lus 'di nyid la 'di lta ste/ kye ma lus 'di ni mi brtan pa/ mi rtag pa/ rang bzhin gyis nyam chung ba/ snying po med pa/ ther zug ma yin pa/ rnam par 'thor ba'i chos can/ rnam par 'jig ba'i chos can/ rten cing 'brel par 'byung ba/ sgyu ma dang 'dra ba/ zil pa'i thigs pa dang 'dra ba/ g.yo ba/ mi gnas pa/ mi gtsang ba/ rnag gi dri nga ba can/ rlung dang nyi mas mthar

  267. 134b

    gtugs pa/ mthar 'drul pa/ mthar rdul du 'gyur ba ngan skyugs kyi mthar thug pa/ nad mang ba/ gnod pa can/ 'go ba'i nad mang ba/ na ba/ 'jig pa'i ngang can/ rus pa bsogs pa/ dri nga ba 'dzag pa can/ bsgrims te rim gro bya dgos pa yin par yang dag pa'i dran pas yang dag pa ji lta ba bzhin du so sor rtog go/ de de ltar yang dag pa'i dran pas lus kyi skyon rnams yang dag pa ji lta ba bzhin du rab tu shes pas/ lus la chags pa dang / lus la kun tu 'dod chags dang / lus la bdag gi nyid yin pa mi skyed do// de lus la mi lta bas srog la chags pa dang / srog la kun tu 'dod chags dang / srog la bdag gi nyid yin pa mi skyed do// de lus dang srog la mi lta bas/ chos gos ngan ngon dang / kha zas ngan ngon dang / mal cha dang / stan ngan ngon dang / na ba'i gsos sman dang / yo byad ngan ngon tsam dag gis chog par 'dzin pa yin no// de tshangs pa mtshungs par spyod pa rnams kyi bya ba gang dag yin pa don dang ldan pa rnams sam/ dge ba dang ldan pa rnams kyang de dag la gtong bar byed de/ yongs su mi skyo zhing / yongs su yi chad pa med la/ yongs su skyo ba'i sems mi skyed do// de mkhan po dang slob dpon gyi gan du 'gro na dran pa dang ldan zhing / 'di snyam du sems te/ mkhan po dag ni bsnyen par dka' ba/ slob dpon dag ni bsnyen par dka' ba ste/ bdag der song ba na/ sdig pa mi dge ba kun tu spyod pa 'ga' zhig gis bdag la glengs shing dran

  268. 135a

    par byas na mi rung ngo snyam nas/ de rgyu de dang / rkyen de dang / gzhi des bslab pa rnams la gus par byed par 'gyur te/ rtun par byed pa dang / legs par bya ba byed pa dang / zhi ba/ rnal du byed pa dang / shin tu yongs su mthar thug par byed pa can du 'gyur ro// de bslab pa rnams la gus par byed pa nyid dang / rtun par byed pa nyid dang / legs par bya ba byed pa nyid dang / zhi ba rnal du byed pa nyid dang / shin tu yongs su mthar thug par byed pa nyid kyis mkhan po dang / slob dpon gyi gan du 'gro ba na/ bag tsha ba med pa dang / bag 'khums pa med par 'gro zhing mi 'jigs pa dang / lhan cig tu byung ba'i rgod pa'ang mi sten te/ de ci'i phyir zhe na/ gus pa dang bcas shing / zhe sa dang bcas pa yin la/ rigs kyi bag ma bzhin du 'dzem pa dang ldan pa'i phyir ro// de 'dzem pa dang ldan pas lus kyi skyon dang / lus kyi nyes par spyod pa gang dag yin pa de dag thams cad kyi thams cad du yongs su spong ngo // tshangs pa byang chub sems dpa'i lus kyi skyon dang / lus kyi nyes par spyod pa de dag gang zhe na/ tshangs pa srog gcod pa ni byang chub sems dpa'i lus kyi skyon dang / lus kyi nyes par spyod pa yin no// tshangs pa ma byin par len pa dang / mi tshangs par spyod pa ni/ byang chub sems dpa'i lus kyi skyon dang / lus kyi nyes par spyod pa yin no// tshangs pa byang chub sems dpa' ji ltar na srog gcod pa spong ba yin zhe na/ tshangs pa 'di la byang chub sems dpa' ni 'dod chags kyi dbang

  269. 135b

    gis srog chags kyi srog gcod par mi byed/ zhe sdang gi dbang dang / gti mug gi dbang gis srog gcod par mi byed do// de sems can gzhan dag dang / gang zag gzhan rnams la bdag tsam du 'du shes par byed cing / sdug pa bu tsam du 'du shes par byed do// bdag nyid kyis sems can gzhan dag dang / gang zag gzhan rnams kyi srog gcod par mi byed do// gzhan dag kyang srog gcod du mi 'jug go/ / gzhan dag srog gcod pa la'ang rjes su yi rang bar mi byed do// bdag gis kyang mi gcod do// gzhan dag kyang gcod du mi 'jug go// gzhan dag gcod pa la'ang rjes su yi rang bar mi byed do/ / bdag kyang mi rdeg go// gzhan dag kyang rdeg tu mi 'jug go// gzhan dag rdeg par byed pa la'ang rjes su yi rang bar mi byed do// ji ltar na ma byin par len pa spong ba yin zhe na tshangs pa 'di la byang chub sems dpa' ni sems can rnams kyi 'tsho ba'i yo byad gang dag yin pa 'di lta ste/ gser dang / nor bu dang / mu tig dang / bai DUR+Ya dang / dung dang / man shel dang / byu ru dang / sa le sbram dang / dngul la sogs pa dang / gos dang rgyan gyi rnam pa dag dang / nor dang / 'bru dang / mdzod dang / bang ba'i rnam pa de dag la chags pa mi skyed de dag la rnam par rtog par mi byed cing / rku 'phrog mi byed do// rku 'phrog byed du mi 'jug go// rku 'phrog byed pa rnams la rjes su yi rang bar mi byed do// de grong na yod pa 'am/ dgon pa na

  270. 136a

    yod pa ma yin zhing / ma gnang bcwa'i 'dab ma tsam yang len par mi byed do// ji ltar na mi tshangs par spyod pa spong ba yin zhe na/ tshangs pa 'di la byang chub sems dpa' dbang po rnams kyi sgo legs par bsrungs shing gnas pa yin/ legs par bsdams pa yin/ 'thun pa'i gnas su rgyu ba yin/ shin tu bsrungs pa'i dran pa dang ldan pa yin/ rtag tu bsrungs pa'i dran pa dang ldan pa yin/ de dran pas yid kun tu bsrungs pa yin/ lus dang ngag shin tu bsdams pa yin no// 'thun pa'i gnas su rgyu la dran pa dang ldan pa yin zhing / 'di snyam du'ang sems bskrad de/ mi zhig gis bye ma zhib mo shin tu bsregs pa lag pa gnyis kyi snyim par blangs te mig gnyis bkang ba ni bla'i/ chags pa'i sems kyis yul gyi bzang mo la lta ba ni de lta ma yin no/ / de ci'i phyir zhe na/ bdag yul gyi bzang mo la bltas pas/ yun ring por phung zhing bcom la ma rung bar gyur pa'i phyir ro snyam mo// de de ltar lus la lus kyi rjes su lta zhing bza' ba dang / btung ba dang / gnas dang / mal cha dang / stan rnams la dran pa legs par gnas pa yin te/ de dag la spyod pa na/ ro myang bar mi byed cing chags pa'i sems med pa yin no// gal te de yongs su spyod pa na bde ba skye ba lta na/ des de la 'di ltar nye bar brtag par bya ste/ bde bar snang ba 'di ni/ bzlog pa'i sgo nas sdug bsngal yin te/ khams gsum pa 'di na 'dus byas

  271. 136b

    kyi dngos po bde ba gang yang med do/ / de ci'i phyir zhe na/ 'dus byas mi rtag pa'i phyir ro// mkhas pa'i rang bzhin can dag dngos po mi rtag pa rnams la bde ba'i 'du shes ji ltar skyed snyam du brtag/ par bya'o// tshangs pa gal te byang chub sems dpa' yongs su spyod pa na/ sdug bsngal kho na skye'i/ bde ba ni ma yin te/ sdug bsngal des kyang yongs su gnon cing nyon mongs na/ des de la sems 'di ltar nye bar gzhag par bya ste/ lus 'di ni bsgrims te yongs su bskyang dgos pa/ gsug gis bsgrub dgos pa ste/ 'di ni sdug bsngal rtsom pas gzung bar mi nus kyi/ bde ba rtsom pas gzung bar bya ba yin/ de la bdag gi lus brtan zhing 'tsho ba 'dis dge ba'i chos rnams bsgrub par bya'o// dper na rnyed pa 'dod pa'i tshong pa khur khal rnams stod bran byed/ bcos legs byed pa ni khur khal rnams brgyan pa'i phyir ma yin/ bde bar bya ba'i phyir ma yin gyi/ gzhan du na ji tsam du khal bkal ba bskur ba'i phyir ro// de bzhin du byang chub sems dpa' kha zas za ba'ang lus brgyan pa'i phyir zas za ba ma yin/ lus bde bar bya ba'i phyir ma yin te/ gzhan du na ji tsam du lus dang 'brel ba'i dge ba'i phyogs bsgral pa'i phyir ro snyam du sems nye bar gzhag par bya'o// tshangs pa gal te byang chub sems dpa' de bzhin gshegs pas gsungs pa'i gnyen pos sems shes par byed mi nus na/ des 'di snyam du bsam par bya ste/ sems zhes bya ba 'di ni mthar phyin par dka' ba/ mi mthun pa 'dzin pa/ 'khor ba la

  272. 137a

    mngon du phyogs pa/ dge ba'i phyogs la mi phyogs pa/ yul la mngon du phyogs pa/ dben pa la mi phyogs pa/ bde ba la mngon du phyogs pa/ sdug bsngal la mi phyogs pa smra ba la dga' ba la mngon du phyogs pa/ spros pa la mngon du phyogs pa/ de kho na la rnam par lta ba la mi phyogs pa/ mi gtsang ba la mngon du phyogs pa/ gtsang ba la mi phyogs pa/ gdul dka' ba/ gzung dka' ba/ gnas med pa/ rten med pa/ gsog/ gsob/ skad cig pa/ rgyu dang rkyen tshogs pa las byung ba yin na/ mkhas pa'i rang bzhin can su zhig 'di lta bu'i rang bzhin can gyi sems kyi dbang du 'gro zhing / rjes su 'jug snyam du bsam mo// de de ltar sems la dran pa nye bar gnas pas sems gdul ba'i phyir nan tan byed do// de ser sna'i sems gdul ba'i phyir sbyin pa sbyin par byed do/ / tha na kham gcig tsam mam/ rgya shug tsam mam/ mon sran gre'u tsam mam/ til 'bru tsam yang rung / de'ang thams cad la sbyin par byed kyi/ sdug pa rnams la ma yin/ 'dris pa rnams la ma yin no/ / de 'chal pa'i tshul khrims kyi sems gdul ba'i phyir tshul khrims srung ste/ lus dang / ngag dang / yid kyis skyon med par byed pa yin/ 'dren mar mi byed pa yin/ nag nog can du mi byed pa yin te/ tshul khrims des bdag la stod par mi byed/ gzhan la smod par mi byed do// de gnod sems kyi sems gdul ba'i phyir bzod pa sgom ste/ de grong ngam/ grong rdal du

  273. 137b

    zhugs pa na/ gshe'ang ci mi snyam par byed do// brgyad kyang rung / bdeg sdang rud+hA/ bsdigs kyang rung / rnam par 'joms yang rung / srod kyang rus/ tsami snum par bya'o// kyem dge slong / 'di ni mgo reg ngan pa'o// kye ma dge sbyong 'di ni mgo reg mi sdug pa ngan pa'o zhes 'jig rten gyis dpyas kyang ci mi snyam par byed do// yang dag pa ma yin pas skur kyang bzod par byed cing dang du len la las bdag gir bya ba nyid la rton te/ bzod pa des kyang bdag la stod par mi byed/ gzhan la smod par mi byed do// de la lo'i sems gdul ba'i phyir dang / byang chub kyi phyogs pa'i chos ma thob pa rnams thob par bya ba'i phyir dang / thob pa rnams 'phel bar bya ba'i phyir dang / 'phel ba rnams yongs su smin par bya ba'i phyir dang / yongs su smin pa rnams yang dag par gzung bar bya ba'i phyir dang / yang dag par gzung ba rnams rnam par dbye ba'i phyir brtson 'grus rtsom mo/ / de sems can gyi ched rnams dang / sems can gyi bya ba rnams la yongs su mi skyo zhing / yongs su yi mi chad de/ yongs su skyo ba'i sems mi skyed do/ / de gdol pa la phan gdags kyang rung / rgyal po la phan gdags kyang rung / shin tu lam ring por yang 'gro ste/ tha dad par mi dmigs shing / rgyun mi gcod pa yin no// gal te byang chub sems dpa' sdug bsngal zhing bkren pa'i sems can gyi dngos po tha chad ngan pa zhig gis bstabs sam/ 'byor cing nor che ba gang yang rung ba zhig gis dngos po bzang po mchog gya nom pa

  274. 138a

    zhig bstabs kyang / de la byang chub sems dpa' snying brtse ba'i sems bzhag la/ gus par bstod cing / yang dag par gzengs bstod la/ yang dag par 'dzin du gzhug cing dngos po ngan pa de blang bar bya'o/ / de ci'i phyir zhe na/ 'di lta ste/ sdug bsngal ba'i sbyin pa 'di ni sbyin pa bya dka' ba yin pa'i phyir ro// de rnam par g.yeng ba'i sems gdul ba'i phyir/ bas gtan la bsam gtan byed de/ ji ltar bsam gtan byed ce na/ tshangs pa 'di la byang chub sems dpa' ni thog ma kho nar lus legs par bsdams pa yin no// lus dben par gnas pa yin no// lus kyi 'du 'dzi rnams kyang yongs su spong ngo // lus la lhag par chags pa'ang 'dor ro// lus lci 'am yang ba'ang shes so// lus dang 'thun pa dang / lus 'tsho ba dang / lus kyi stobs kyang rab tu shes so/ / ngag legs par bsdams pa yin te/ smra ba nyung zhing brjod pa nyung ngo // don smra ba yin zhing / rigs par smra ba yin te/ bre mo gtam la dga' ba yongs su spangs pa yin no/ / de yid legs par bsdams pa yin te/ mi dge ba'i rnam par rtog pa thams cad yongs su spangs so// de de ltar gnas gsum yongs su dag pas/ sngon po dang / ser po dang / dmar po dang / dkar po'i gzugs rnams mi snang bar bya ba'i phyir nan tan byed de/ de dag la mtshan mar mi 'dzin/ mngon par rtags su mi 'dzin to// rgyan dang gos kyi rnam pa sna

  275. 138b

    tshogs dag la'ang mtshan mar mi 'dzin cing / mngon rtags su mi 'dzin pa yin no// gzugs dang / sgra dang / dri dang / ro dang / reg pa sna tshogs dag la'ang mtshan mar mi 'dzin cing / mngon rtags su mi 'dzin pa yin no// skyes pa dang / bud med dang / khye'u dang / bu mo rnams la'ang mtshan mar mi 'dzin cing / mngon rtags su mi 'dzin pa yin no// de gcig pu dben par 'dug nas/ nang du yang dag 'jog cing sems gnas par bya ba'i phyir nan tan byed de/ mi sdug pa la dmigs pa 'am/ byams pa la dmigs pa'am/ snying rje la dmigs pa 'am yid 'byung bar 'gyur ba gang yang rung bas ji ltar lus khengs par mi 'gyur ba de ltar dmigs par byed de/ dbugs rngub pa dang 'byung ba mi 'gag go// rgyun rnams kyang mi 'chad do// rlung 'khrug par mi 'gyur ro/ / sems log par rnam par g.yeng bar mi 'gyur ro// de 'chag gam/ nyal lam/ 'greng ngam/ 'dug kyang dmigs pa de nyid kyis 'dug go// de nyid la sems gtong ngo / / tshangs pa gang gi tshe byang chub sems dpa' dmigs pa la sems brtan par gyur pa de'i tshe/ sems la sems mnyam par 'jog ste/ sems kyis sems kyang mi dmigs so// gang gis mnyam par 'jog pa de'ang mi dmigs so/ / gang gi phyir mnyam par 'jog pa de'ang mi dmigs so// de 'di snyam du sems te/ kye ma byis pa so so'i skye bo 'di dag ni gsog gi chos rnams dang /

  276. 139a

    gsob kyi chos rnams la mngon par zhen to snyam du sems te/ 'di ni byang chub sems dpa'i lhag mthong zhes bya'o// de ltar rnam par mthong bas nyon mongs pa rnams kun tu mi 'byung zhing mi 'jug pa de ni/ byang chub sems dpa'i zhi gnas zhes bya'o// tshangs pa gzhan yang byang chub sems dpa' gcig pu dben par 'dug ste/ nang du yang dag bzhag nas ming dang yi ge ji ltar thos pa rnams nges pa'i tshig gis gdags pas/ yang dag par 'jog cing / yi ge de dag la nye bar rtog ste/ de de ltar nye bar rtog pa na yi ge rnams gsog dang gsob tu mthong ngo // de yi ge rnams gsog dang gsob tu mthong nas/ ming rnams kyang gsog dang gsob tu mthong ngo // gang la ming de 'dogs pa de'ang gsog dang gsob tu mthong ngo // de la gzugs gang dang gang snang ba de dang de'ang gsog dang gsob tu snang ngo / / des gsog dang gsob tu snang bas yang dag pa ji lta ba bzhin du yongs su shes par 'gyur ro// yang dag pa ji lta ba bzhin du yongs su shes pas de la 'dus byas rmi lam dang 'dra bar snang ngo / / de la byang chub sems dpa' so sor brtags nas/ sems can la lta bas snying rje chen po'i sems nye bar bzhag nas gnas so// de 'chal pa'i shes rab kyi sems gdul ba'i phyir shes rab sgom par byed do/ / ji ltar sgom par byed ce na/ de kun rdzob kyi tshul du bshad pa 'am/ don dam pa'i tshul du bshad pa'i mdo sde gang dag yin pa de dag brjod pa

  277. 139b

    gsal zhing / zur phyin pa dag gis mngon par 'dzin to// ma nor bar chos ston pa las bzung nas kyang / ma nor ba'i bsam pas sems par byed do// bsgom pa'i rnal 'byor la'ang brtson par byed/ do// de ye shes kyi stobs dang shes rab kyi bye brag gis sems can mi dmigs/ srog mi dmigs/ gso ba mi dmigs/ skye ba mi dmigs/ gang zag mi dmigs/ shed las skyes pa mi dmigs/ shed bu mi dmigs te/ thams cad kyi thams cad du chad par lta bar yang mi ltung ngo // btags pa'i tha snyad rnams la'ang legs par bslabs pa yin no// de zin pa'i sa'i khams dang / ma zin pa'i sa'i khams la yang dag pa'i shes rab kyis tshul gcig tu so sor rtog go// zin pa'i chu'i khams dang / me'i khams dang / rlung gi khams dang / ma zin pa la'ang yang dag pa'i shes rab kyis tshul gcig tu so sor rtog ste/ de gnyis ka'ang gsog nyid dang gsob nyid du mthong zhing / bems po nyid dang / snying po med pa nyid dang / stong pa nyid du mthong ngo // des de ltar mthong bas/ de ltar phyi rol gyi khams rnams la mngon par chags pa med pa de ltar nang gi rnams la'ang ngo // mig gi rnam par shes pa dang / gzugs rnams la'ang yang dag pa'i shes rab kyis tshul gcig tu so sor rtog go/ / rna ba'i rnam par shes pa dang / sgra rnams dang / sna'i rnam par shes pa dang / dri rnams dang / lce'i rnam par shes pa dang / ro rnams dang / lus kyi rnam par shes pa

  278. 140a

    dang / reg bya rnams la'ang yang dag pa'i shes rab kyis tshul gcig tu so sor rtog go// de sa'i khams la ni sra ba nyid du'ang rab tu shes la/ gsher ba nyid dang / tsha ba nyid dang / khong stong nyid du'ang rab tu shes so// chu'i khams la gsher ba nyid du rab tu shes la/ sra ba nyid dang / tsha ba nyid dang / khong stong nyid du'ang rab tu shes so// me'i khams la tsha ba nyid du'ang rab tu shes la/ sra ba nyid dang / gsher ba nyid dang / khong stong nyid du'ang rab tu shes so// rlung gi khams la g.yo ba nyid du'ang rab tu shes la/ yang zhing g.yo ba nyid du'ang rab tu shes so// nam mkha'i khams la khong stong nyid du'ang rab tu shes la/ thams cad du song ba nyid du'ang rab tu shes so// rnam par shes pa'i khams la sgyu ma lta bu nyid du'ang rab tu shes la/ phyin ci log nyid du'ang rab tu shes/ phyin ci ma log pa nyid du'ang rab tu shes so// de mig gi rnam par shes pa la stong pa nyid dang / gzugs la mi rtag pa nyid du'ang rab tu shes so// rna ba'i rnam par shes pa la stong pa nyid dang / sgra la mi rtag pa nyid dang / sna'i rnam par shes pa la stong pa nyid dang / dri la mi rtag pa nyid dang / lce'i rnam par shes pa la stong pa nyid dang / ro la mi rtag pa nyid dang / lus kyi rnam par shes pa la stong pa nyid dang / reg bya la mi rtag pa nyid du'ang rab tu shes so// de de ltar shes rab la mkhas pas/ shin tu rtogs pa'i shes rab dang ldan zhing / shes rab rno ba dang ldan te/

  279. 140b

    mi dge ba'i chos rnams kyang rab tu shes/ dge ba'i chos rnams kyang rab tu shes/ nyan thos yang dag par 'grub par byed pa'i chos rnams kyang rab tu shes/ rang sangs rgyas yang dag par 'grub par byed pa'i chos rnams dang / byang chub sems dpa' yang dag par 'grub par byed pa'i chos rnams dang / sangs rgyas nyid yang dag par 'grub par byed pa'i chos rnams kyang rab tu shes so// de mi dge ba'i chos rnams kyis rnam par smin pa chung ngu dang / 'bring dang / chen po sems can dmyal ba rnams dang / dud 'gro rnams dang / yi dgas rnams su skye ba'ang rab tu shes so// der skyes pa rnams kyi tshor ba chung ngu dang / 'bring dang / chen po'ang rab tu shes so// dge ba'i chos rnams kyi rnam par smin pa chung ngu dang / 'bring dang / chen po lha rnams kyi nang du 'am/ mi rnams kyi nang du smin pa'ang rab tu shes so/ / der skyes pa rnams kyi 'bras bu chung ngu dang / 'bring dang / chen po'ang rab tu shes so// nyan thos yang dag par 'grub par byed pa'i chos rnams kyi rgyun du zhugs pa'i 'bras bu mngon du bya ba dang / lan cig phyir 'ong ba'i 'bras bu mngon du bya ba dang / phyir mi 'ong ba'i 'bras bu mngon du bya ba dang / dgra bcom pa nyid kyi 'bras bu mngon du bya ba'i rnam pa'ang rab tu shes so// shes rab kyis rnam par grol ba nyid dang / gnyis ka'i cha las rnam par grol ba'ang rab tu shes so// rang sangs rgyas yang dag par 'grub par byed pa'i chos rnams kyi yang dag par 'grub pa'ang rab tu

  280. 141a

    shes so/ / 'bras bu dang zhi ba nyid kyang rab tu shes so// byang chub sems dpa' yang dag par 'grub par byed pa'i chos rnams kyi tshogs kyi lam yang rab tu shes so// ye shes kyi lam yang rab tu shes so// shes nas kyang tshogs kyi lam dang ye shes kyi lam la brtson par byed do// sangs rgyas nyid yang dag par 'grub par byed pa'i chos rnams kyi rdzu 'phrul che ba nyid kyang rab tu shes so/ / mthu che ba nyid dang / dam pa nyid dang / rab mchog nyid dang / phul du byung ba nyid dang / che ba nyid dang / nyan thos dang / rang sangs rgyas dang / byang chub sems// dpa' thams cad dang thun mong ba'ang ma yin na/ gzhan sems can lta smos kyang ci dgos pa'i thun mong ma yin pa nyid kyang rab tu shes so// de de ltar chos rnams la chos kyi rjes su lta zhing / dran pa legs par nye bar gnas la/ sdig pa'i chos thams cad dang ni bral/ dge pa'i chos ni yang dag par thob/ lus kyi gnod pa ni med/ rnam par shes pas 'phangs pa ni med/ sems kyis 'phangs pa ni med la/ chos rnams kyi rgyu'i tshogs dang / 'bras bu yang dag pa ji lta ba bzhin du shes pas/ dper na rgya mtsho'i rlabs bzhin du dge ba'i chos rnams kyis rnam par 'phel te/ ji ltar rgya mtsho'i rlabs 'bri zhing / yang 'byung ba ltar byang chub sems dpa' ni chos rnams las de lta ma yin no// de dper na zla ba'i yar gyi ngo'i zla ba'i dkyil 'khor dang 'dra bar/ dge ba'i

  281. 141b

    chos rnams kyis mngon par 'phel te/ ji ltar mar gyi ngo la zla ba'i dkyil 'khor 'bri ba'i chos can yin pa ltar/ byang chub sems dpa' ni chos rnams las de lta ma yin no// de dper na dbyar gyi dus kyi phu chu brug pa ltar/ dge ba'i chos rnams kyis mngon par 'phel te/ ji ltar phu chu brug pa dbyar gyis dus zad pa 'bri ba'i chos can yin pa ltar/ byang chub sems dpa' ni chos rnams las de/ lha ma yin no// tshangs pa de ltar bslabs pa'i byang chub sems dpa' ni myur du bla na med pa yang dag par rdzogs pa'i byang chub mngon par rdzogs par 'tshang rgya'o// de'i tshe bcom ldan 'das kyis tshigs su bcad pa 'di dag bka' stsal to/ / lus kyi skyon rnams rab shes na// lus yod skyon rnams mi sten to// lus la dran pa legs gnas na// skyon med zhi ba'i gnas 'thob bo// lus kyi skyon rnams mi shes na// lus la yod pa'i skyon mi rtogs// lus la dran pa mi gnas na// sdug bsngal bzod dka' gnas 'thob bo// sems kyi skyon rnams rab shes na/ sems yod skyon rnams mi sten to// sems la dran pa legs gnas na// skyon med zhi ba'i gnas 'thob bo// sems kyi skyon rnams mi shes na// sems la yod pa'i skyon mi rtogs// sems la dran pa mi gnas na// sdug bsngal bzod dka' gnas 'thob bo// dge ba'i chos rnams sten byed cing // mi dge chos rnams mi sten pa// chos rnams la ni mkhas pa'i mi/

  282. 142a

    skyon med zhi ba'i gnas 'thob bo// dge ba'i chos rnams mi sten cing // mi dge chos rnams sten byed pa// chos rnams la ni mi mkhas mi// sdug bsngal bzod dka' gnas 'thob bo/ / de nas mi mjed kyi bdag po tshangs pas/ lha'i me tog man+da ra ba dag mngon par sprul te/ bcom ldan 'das la mngon par gtor to// mngon par gtor nas kyang bcom ldan 'das kyis bka' stsal pa la mngon par dga' zhing rjes su yi reng nas/ bcom ldan 'das la lan gsum bskor ba byas te/ bcom ldan 'das kyi thad nas song ngo // de nas bcom ldan 'das kyis nam nangs par mkhyen nas/ dge slong gi dge 'dun gyi gung la gdan bshams pa la bzhugs so// bzhugs nas bcom ldan 'das kyis dge slong rnams la bka' stsal pa/ dge slong dag mdangs 'dir mi nyal tsam gyi nam gyi gung thun la nga gcig pu dben par 'dug ste/ nang du yang dag bzhag na/ mi mjed kyi bdag po tshangs pas thams cad dang ldan pa'i tshal chen po 'od kyis snang bar byas nas/ ngag la ba der 'ongs te phyin nas/ nga la mngon par bstod de/ lan gsum bskor ba byas nas/ phyogs gcig tu 'dug go// phyogs gcig tu 'dug nas/ mi mjed kyi bdag po tshangs pas/ nga la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das

  283. 142b

    de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / dge slong dag de skad ces gsol pa dang / ngas mi mjed kyi bdag po tshangs pa la 'di skad ces bka' stsal to/ / tshangs pa zhu ba lung bstan pa'i phyir/ de bzhin gshegs pas rtag tu khyod la skabs phyes/ tshangs pa khyod ci dang ci 'dod pa zhus shig dang / zhus pa de dang de nyid kyi lung bstan pas/ ngas khyod kyi sems rangs par bya'o// de nas skabs phye bas mi mjed kyi bdag po tshangs pas/ nga la 'di skad ces gsol to// bcom ldan 'das byang chub sems dpa' sems dpa' chen po dag chos du dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya lags/ dge slong dag de skad ces gsol pa dang / ngas mi mjed kyi bdag po tshangs pa la 'di skad ces bka' stsal to/ / tshangs pa byang chub sems dpa' sems dpa' chen po dag chos gcig dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// chos gcig gang zhe na/ 'di lta ste/ lus kyi rjes su song ba'i dran pa'o// dge slong dag ngas mi mjed kyi bdag po tshangs pa de la lus kyi rjes su song ba'i dran pa'i rgyu dang / las dang 'bras bu'ang bstan to// de nas bcom ldan 'das la/ tshe dang ldan pa kun dga' bos 'di skad ces gsol to// legs so legs so// bcom ldan 'das kyis mi mjed kyi bdag po tshangs pa la gang bstan pa de/ skye bo mang po la

  284. 143a

    sman pa dang / skye bo mang po la bde ba dang / lha dang mi rnams kyi don dang / sman pa dang / bde bar bgyi ba'i slad du bshad du gsol/ dge slong gsar pa gsar pa rnams dang / chos 'dul ba 'di la rab tu byung nas/ ring po ma lags shing mchis nas/ ring po ma lags pa rnams dang / theg pa chen po la yang dag par zhugs pa'i skyes bu dam pa 'di dag gis thos na dga' ba dang / dad pa thob par 'gyur/ bslab pa de la'ang sbyor bar brtson par gnas par 'gyur lags so// de nas bcom ldan 'das kyis mi mjed kyi bdag po tshangs pa la gang bshad pa de/ dge slong de dag la'ang bshad do/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das legs par bka' stsal to// bde bar gshegs pa legs par bka' stsal to// mi mjed kyi bdag po tshangs pa mdo sde 'di lta bu dag yongs su zhu ba'i slad du/ bcom ldan 'das kyi thad du mchis nas/ zhus pa'ang legs par smras pa legs so// bcom ldan 'das mi mjed kyi bdag po tshangs pas gal te dge ba'i rtsa ba gzhan ma mchis na'ang / zhu ba zhus pa'i mod las skyes pa'i dge ba'i rtsa ba 'di kho nas myur du bla na med pa yang dag par rdzogs pa'i byang chub mngon par rdzogs par 'tshang rgya lags so/ / de ci'i slad du zhe na/ bcom ldan 'das dge ba'i rtsa ba 'di'i mtha' dang mu ni/ nyan thos dang rang sangs rgyas thams cad kyis rtogs par rngo mi thogs pa'i slad du'o// de ci'i slad du zhe na/

  285. 143b

    bcom ldan 'das 'di ltar mi mjed kyi bdag po tshangs pas zhu ba 'di/ sems can thams cad kyi spyi'i don du zhus pa'i slad du'o// bcom ldan 'das kyis bka' stsal pa/ kun dga' bo de de bzhin te/ de de bzhin no// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis 'di tshangs pas zhus pa zhes bya bar zung zhig/ dran pa nye bar gzhag pa'i tshul bstan pa zhes bya bar yang zung zhig/ bag yod pa'i tshul bstan pa zhes bya bar yang zung zhig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / byang chub sems dpa' de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa tshangs pas zhus pa zhes bya ba theg pa chen po'i mdo rdzogs so/ / / rgya gar gyi mkhan po dzi na mi tra dang / zhu chen gyi lo ts+tsha ba ban d+he ye shes sdes bsgyur cing zhus te gtan la phab pa// rgya gar skad du/ Ar+ya rat+na ko Ti ri nA ma ma hA yA na su tra/ bod skad du/ 'phags pa rin po che'i mtha' zhes bya ba theg pa chen po'i mdo/

  286. 144a

    sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong lnga brgya tham pa'i dge slong gi dge 'dun chen po dang thabs cig tu bzhugs te/ de nas 'jam dpal gzhon nur gyur pa mtshan mo srod la bcom ldan 'das kyi bzhugs khang ga la ba der song ste phyin nas/ bzhugs khang gi sgo drung na 'grang ste/ bcom ldan 'das la bstod do// de'i tshe bcom ldan 'das rin po che'i mtha' zhes bya ba'i ting nge 'dzin la snyoms par bzhugs so// de nas bcom ldan 'das dran pa dang mkhyen bzhin du/ ting nge 'dzin de las bzhengs nas/ 'jam dpal gzhon nur gyur pa sgo na 'dug pa gzigs so// gzigs nas kyang 'jam dpal khyod nang du shog ces de skad bka' stsal to// bcom ldan 'das legs so legs so zhes gsol te/ 'jam dpal gzhon nur gyur pas bcom ldan 'das kyi ltar mnyan nas/ bcom ldan 'das ga la ba der song ste phyin nas/ bcom ldan 'das kyis zhabs la mgo bos phyag 'tshal te/ phyogs gcig tu 'greng ngo // 'jam dpal gzhon nur gyur pa phyogs gcig tu 'greng ba dang / bcom ldan 'das kyis stan la 'dug ces gnang ba mdzad do// bcom ldan 'das kyis gnang bas/ de nas 'jam dpal gzhon nur gyur pa/ bcom ldan 'das ga la ba de logs su thal mo sbyar ba btud de phyogs gcig tu 'dug go// phyogs gcig tu 'dug nas

  287. 144b

    bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das da gdod ting nge 'dzin gang gis bzhugs bzhugs pa las bzhengs lags/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal rin po che'i mtha' zhes bya ba'i ting nge 'dzin yod do// ting nge 'dzin de las ngad gdod gnas gnas pa las langs so/ / gsol pa/ bcom ldan 'das ci'i slad du/ de la rin po che'i mtha' zhes bgyi lags/ bcom ldan 'das kyis bka' stsal pa/ 'jam dpal 'di lta ste/ dper na nor bu rin po che shin tu dag cing shin tu byi dor byas pa/ sa phyogs mnyam pa la bzhag na/ de gang dang gang kho nar gzhag pa de dang der rin po che bya ba gnas par 'gyur ro// 'jam dpal de bzhin du nga ting nge 'dzin de la gnas nas/ shar phyogs su bltas te/ shar phyogs su bltas nas/ ngas ni 'jig rten gyi khams dpag tu med grangs med pa dag na/ de bzhin gshegs pa dgra bcom pa yang dag par rdzogs pa'i sangs rgyas chos ston cing bzhugs pa dag mthong ngo / / de bzhin du lho phyogs dang / nub phyogs dang / byang phyogs dang / 'og dang / steng nas phyogs bcu'i bar du bltas na/ ngas 'jig rten gyi khams dpag tu med pa dag na de bzhin gshegs pa dgra bcom pa yang dag par rdzogs pa'i sangs rgyas chos ston cing bzhugs pa dag mthong ngo //

  288. 145a

    'jam dpal ngas ting nge 'dzin 'di la gnas nas gang yang dag pa'i mtha' ma yin pa'i chos de gang yang yang dag par rjes su ma mthong ngo // 'jam dpal yang dag pa'i mtha'i phyag rgya 'di ngas phyag rgyar bzhag ste/ dad pa can gyi rigs kyi bu rnams dang / rigs kyi bu mo rnams kyis phyag rgya 'di la spyad na/ spobs pa mi chod pa 'dzin par 'gyur ro// gsol ba/ bcom ldan 'das bdag spobs lags so/ / bde bar gshegs pa bdag spobs lags so// bka' stsal pa/ 'jam dpal khyod spobs par bgyis shig/ gsol pa/ bcom ldan 'das dper bgyi na/ nor bu rin po che de nyid ngos gang dang gang kho nas phab ste/ bzhag pa'i rin po che'i ngos de dang de kho nas 'bab cing gnas par 'gyur lags so// bcom ldan 'das de bzhin du/ chos thams cad ni yang dag pa'i mtha' kho nas gnas lags so/ / bka' stsal pa/ 'jam dpal khyod kyis yang dag pa'i mtha' shes sam/ gsol pa/ bcom ldan 'das 'tshal lags so// bka' stsal pa/ 'jam dpal 'o na yang dag pa'i mtha' gang na 'dug/ gsol pa/ bcom ldan 'das yang dag pa'i mtha' ni bdag gi mtha' gang na mchis pa de na mchis lags so// yang dag pa'i mtha' ni so so'i skye bo'i chos rnams gang na mchis pa de na mchis lags so// yang dag pa'i mtha' ni las sam/ rnam par smin pa ma lags la/ chos thams cad kyi mtha' yang

  289. 145b

    de kho na lags so/ / bcom ldan 'das gang dag de ltar mos pa de dag ni gang las kyang rnam par grol ba ma mchis lags so// gang dag gang las kyang grol ba ma mchis pa de dag ni log pa las rnam/ par grol ba lags so// gang dag log pa las rnam par grol ba de dag ni yang dag par rnam par grol ba lags so// gang dag yang dag par rnam par grol ba de dag ni spyod yul ma lags pa la zhugs pa lags so/ / gang dag spyod yul ma lags pa la zhugs pa de dag ni yang dag par zhugs pa lags so// de ci'i slad du zhe na/ bcom ldan 'das spyod yul ma lags pa zhes bgyi ba ni/ spyod yul de bgyis lags pa ste/ de'i slad du spyod yul ma lags pa zhes 'dogs lags so// bka' stsal pa/ 'jam dpal spyod yul ma yin pa zhes bya ba de gang gi tshig bla dgas yin/ gsol pa/ bcom ldan 'das spyod yul mo lags pa zhes bgyi ba de ni/ yang dag pa'i mtha'i tshig bla dgas so// bka' stsal pa/ 'jam dpal lam bsgom pa zhes bya bde gang gi tshig bla dgas yin/ gsol pa/ bcom ldan 'das lam bsgom pa zhes bgyi ba de ni/ lam bsgom pa ma mchis pa'i tshig bla dgas lags so// bka' stsal pa/ 'jam dpal khyod las dang po pa'i rigs kyi bu rnams dang / rigs kyi bu mo rnams la chos ji ltar ston/ gsol pa/ bcom ldan 'das bdag ni las dang po pa'i rigs kyi bu rnams dang / rigs

  290. 146a

    kyi bu mo rnams la 'jig tshogs dor du ma mchis par chos ston lags so/ / bdag ni 'dod chags dang / zhe sdang dang / gti mug rnams spang du ma mchis par chos ston lags so/ / de ci'i slad du zhe na/ bcom ldan 'das chos 'di rnams kyi rang bzhin gang lags pa de ni spong bar rngo mi thogs pa'i slad du lags so// bcom ldan 'das 'jig tshogs sam 'jig tshogs kun 'byung ba spong bar 'tshal ba de ni yang dag pa'i mtha' spong bar byas te/ bcom ldan 'das bdag ni las dang po pa'i rigs kyi bu rnams dang / rigs kyi bu mo rnams la mngon par zhen pa ma mchis pa'i tshul gyis sangs rgyas kyis chos rnams gzung bar mi bgyi ba 'am/ mngon sum du mi bgyi ba dang / so so'i skye bo'i chos rnams lhag par mi dmigs pa 'am/ spang bar mi bgyi ba de lta bur chos ston lags na/ gdul ba las dang po pa rnams la bcom ldan 'das ji ltar chos ston par mdzad lags/ bka' stsal pa/ 'jam dpal nga ni gzugs rnam par 'jig pa med pa dang / skye ba med par chos ston to// tshor ba dang / 'du shes dang / 'du byed rnams dang / rnam par shes pa rnam par 'jig pa med pa dang / skye ba med par chos ston to// 'dod chags dang / zhe sdang dang / gti mug rnams rnam par 'jig pa med pa dang / skye ba med pa dang / bsam gyis mi khyab pa'i chos rnams kyang / thob pa med par chos ston to// ngas ni 'di ltar

  291. 146b

    chos gang yang ma bshig ma bskyed pa de ltar bla na med pa yang dag par rdzogs pa'i byang chub mngon par rdzogs par sangs rgyas so/ / 'jam dpal sangs rgyas nyid ces bya ba de ni chos kyi dbyings kyi tshig bla/ dgas so// stobs rnams dang / mi 'jigs pa rnams dang / ma 'dres pa la thug pa'i sangs rgyas kyi chos gang dag yin pa de dag kyang chos kyi dbyings kho na yin par khong du chud par bya'o// ngas ni chos kyi dbyings la 'di lta ste/ so so'i skye bo'i chos rnams sam/ dgra bcom pa'i chos rnams sam/ rang sangs rgyas kyi chos rnams sam/ sangs rgyas kyi chos rnams kyang rung ste/ dag tha dad par rjes su ma mthong ngo // de ci'i phyir zhe na/ 'jam dpal dbyings de la ni bye brag med de/ 'di lta ste/ chos kyi dbyings so// chos kyi dbyings ni ma 'dres pa'i dbyings so// 'jam dpal 'di lta ste/ dper na chu klung ming tha dad pa dang / kha dog tha dad pa dang / ro tha dad pa rgya mtsho'i nang du bab pa rnams la ni/ 'di lta ste/ 'di ni gang+gA'o zhe'am/ si ta'o zhe 'am ya mu na'o zhes bye brag tu dbye ba 'am/ tha dad du byar mi nus so// 'jam dpal de bzhin du ming tha dad pa'i chos rnams kyang chos kyi dbyings la 'di ni so so'i skye bo'i chos rnams so zhe 'am/ nyan thos dang / rang sangs rgyas dang / byang chub sems dpa' dang / sangs rgyas kyi chos rnams so zhes tha dad par gdags par mi nus so// 'jam dpal 'di lta ste/ dper na 'bru'i phung po sna tshogs

  292. 147a

    la ni/ 'di ni 'bru che ge mo zhig gi phung po'o// 'di ni che ge mo zhe 'am ga ge zhes gdags su yod pa bzhin du/ chos kyi dbyings la ni 'di dag ni so so'i skye bo'i chos rnams so na/ 'am/ nyan thos dang / rang sangs rgyas dang / byang chub sems dpa' dang / sangs rgyas kyi chos rnams so zhes tha dad par mi nus so// 'jam dpal 'di lta ste/ dper na 'bru'i phung po sna tshogs la ni/ 'di ni 'bru che ge mo zhig gi phung po'o// 'di ni che ge mo zhig gi zhes gdags su yod pa bzhin du/ chos kyi dbyings la ni 'di dag ni so so'i skye bo'i chos rnams so// 'di dag ni dgra bcom pa'i chos rnams so/ / 'di dag ni rang sangs rgyas kyi chos rnams so// 'di dag ni byang chub sems dpa'i chos rnams so// 'di dag ni sangs rgyas kyi chos rnams so// zhes tha dad par gdags par mi nus so/ / 'di ni chos kyi dbyings te/ de ni 'di na 'dug go zhe 'am/ ga ge mo zhig na 'dug go zhes de ltar bstan pa 'am/ gdags par mi nus so// de ci'i phyir zhe na/ 'di ltar chos kyi dbyings ni bltar mi mthong zhing bstan du med de/ gdags par bya ba ma yin zhing / gdags pa las yang dag par 'das pa'i phyir ro// 'gro ba 'di de lta bu'i dbyings yin par ngas ji skad bstan pa la gal te mtshams med pa byed pa de ltar mos te/ mtshams med pa'ang de lta bu'i dbyings yin par shes na de kun nas nyon mongs pa can du mi 'gyur ro// de ci'i phyir zhe na/ 'jam dpal mtshams

  293. 147b

    med pa ni chos kyi dbyings dang mtshungs mnyam pa'i phyir te/ 'di ltar mtshams med pa'i dbyings dang / chos kyi dbyings 'di ni gnyis su med cing gnyis su dbyer med de/ 'di la ni 'ong ba 'am/ 'gro ba 'am/ kun nas ldang ba mi dmigs so// bcom ldan 'das kyis de skad ces bka' stsal pa dang / 'jam dpal gzhon nur gyur pas/ bcom ldan 'das la 'di skad ces gsol to// bcom ldan 'das la bdag gis kyang chos kyi dbyings ngan song du 'chi ba 'am/ mtho ris su mchi ba 'am/ mya ngan las 'das par mchi bar ma mthong legs so// bka' stsal pa/ 'jam dpal gal te la la zhig khyod la 'di skad du 'dri ste/ khyod kyi ston pa 'gro ba drug dang ldan pa'i 'khor ba ji ltar 'dogs zhes de skad dris na/ 'jam dpal khyod kyis ji skad lan gad ba/ gsol pa/ bcom ldan 'das de skad du smras na/ bdag gis 'di skad du lan gdab par bgyi ste/ dper na mi gnyid kyis log pa'i rmi lam du sems can dmyal ba 'am/ dud 'gro'i skye gnas sam/ yi dgas kyi yul lam/ lha ma yin gyi ris sam/ lha rnams sam/ mi rnams mthong na/ bcom ldan 'das ji ltar g.yar lam rmi ba'i mis sna tshogs mthong yang g.yar lam sna tshogs ma mchis pa de bzhin du/ bdag gis 'gro ba tha dad pa bstan kyang chos kyi dbyings kyi ngo bo nyid ni tha dad par gdags par rngo mi thogs te/ de ltar lags pas bcom ldan 'das bdag gis ni de skad 'dri ba la de skad ces

  294. 148a

    lan gdab par bgyi lags so/ / bcom ldan 'das de bzhin du sangs rgyas rnams dang / byang chub sems dpa' rnams dang / rang sangs rgyas rnams dang / nyan thos rnams kyi yongs su mya ngan las 'das pa'ang tha dad par gdags par rngo mi thogs lags so/ / bcom ldan 'das de dag gi gnas pa dag kyang tha dad par gdags par rngo mi thogs lags so// rdo ci'i slad du zhe na/ 'di ltar chos kyi dbyings las tha mi dad pa'i slad du lags so// bcom ldan 'das dper btsun/ rgya mtsho chen po'i rin po che sna tshogs dung dang / man shes dang / byArma la sogs pa tha ma dang / 'bring dang / mchog rnams la 'di ni rin po che che ge mo zhig go// 'di ni rin po che che ge mo zhig go zhes tha dad par gdags su mchis lags kyi/ chos kyi dbyings la ni de ltar tha dad par gdags pa'i rngo mi thogs la/ gdags pa de la'ang tha dad par dbyer ma mchis lags so// de la ni 'chi 'pho dang skye ba tha dad par gdags pa'i rngo mi thogs lags so// de ci'i slad du zhe na/ chos kyi dbyings la ni 'chi 'pho 'am/ skye ba 'am/ kun nas nyon mongs pa 'am/ rnam par byang ba ma mchis pa'i slad du lags so// chos kyi dbyings ni kun nas nyon mongs pa can ma lags/ chos kyi dbyings ni 'dres pa lags te/ chos kyi dbyings la ni gang dag spang bar bgyi ba 'am/ bskyed par bgyi ba'i chos de dag ma mchis lags so// de nas bcom ldan 'das

  295. 148b

    kyis mkhyen bzhin du/ 'jam dpal gzhon nur gyur pa la 'di skad ces bka' stsal to// 'jam dpal khyod kyis chos kyi dbyings shes sam/ gsol ba/ gal te dmigs na/ bdag gis 'tshal lags so/ / bka' stsal pa/ 'jam dpal 'jig rten gang la spyod shes sam/ gsol pa/ bcom ldan 'das 'jig rten ni sgyu ma sprul pa'i mi gang kho na la spyod pa de la spyod lags so// bcom ldan 'das 'jig rten zhes bgyi ba de ni ming tsam du bas te/ bdag gis ni gang bstan par bgyi ba'i 'jig rten gyi dngos po dang / 'jig rten gang la spyod pa yang dag par rjes su ma mthong lags te/ bdag gis ni 'jig rten chos kyi dbyings las tha dad par yang dag par rjes su ma mthong lags so// de ci'i slad du zhe na/ ma mchis pa'i slad du lags so// bcom ldan 'das kyis 'jig rten gang la spyod ces bka' stsal pa de'ang gzugs kyi ngo bo nyid gang lags pa de la ni 'chi 'pho dang skye ba'ang ma mchis/ de la ni 'jigs pa 'am/ rab tu 'jigs pa'ang ma mchis na/ gang la spyod par 'gyur lags/ de bzhin du tshor ba dang / 'du shes dang / 'du byed dang / rnam par shes pa rnams kyi ngo bo nyid gang lags pa de ni/ gtan ma mchis pa'i slad du skye ba 'am/ 'gag pa ma mchis la/ mtshan nyid gcig las mi 'da' ste/ 'di lta ste/ mtshan nyid gcig pa lags so// bka' stsal pa/ 'jam dpal 'di ji snyam du sems

  296. 149a

    nga da ltar de bzhin gshegs pa dgra bcom pa yang dag par rdzogs pa'i sangs rgyas su gyur pa 'di la khyod 'di snyam du 'di yong su mya ngan las 'da' bar 'gyur ba 'am/ mi snang bar 'gyur ro snyam du sems sam/ gsol pa/ bcom ldan 'das de ni ma lags so// de ci'i slad du zhe na/ chos kyi dbyings ni yang dag par grub pa ma lags pa'i slad du lags so// bcom ldan 'das gal te chos kyi dbyings yang dag par grub pa zhig lags na ni/ de'i slad du de mi gda' bar yang 'gyur ba zhig na/ de la ni yang dag par grub pa mi dmigs pa ste/ de mi gda' ba 'am/ yongs su mya ngan las 'da' bar lta ga la 'gyur lags/ de bzhin gshegs pa ni de lta bu'i dbyings lags te/ de'i slad du bcom ldan 'das ni skye ba'ang ma lags/ yongs su mya ngan las 'da' bar mi 'gyur lags so/ / bcom ldan 'das kyis bka' stsal pa/ 'jam dpal 'o na khyod 'das pa'i de bzhin gshegs pa gang+gA'i klung gi bye ma snyed po de dag yongs su mya ngan las 'das so zhes de la khyod ji ltar mi mos/ gsol pa/ gal te de dag gi skye ba yang dag par rjes su mthong na ni/ bdag mos lags so// bka' stsal pa/ khyod so so'i skye bo shi ba rnams nying mtshams sbyor bar 'dod dam/ gsol pa/ bcom ldan 'das so so'i skye bo nyid kyang bdag gis yang dag par rjes su ma mthong ste/ mi dmigs na/ de'i nying mtshams sbyor ba

  297. 149b

    lta ga la dmigs lags/ bka' stsal pa/ 'jam dpal de bzhin gshegs pa chos gnas par bzhed kyis/ khyod spobs par gyis shig/ gsol ba/ ci zhig las brtsams spobs par bgyi lags/ bka' stsal pa/ chos kyi dbyings las rtsoms shig/ gsol pa/ bcom ldan 'das gang chos kyi dbyings ma lags pa'i chos de bdag gis yang dag par rjes su ma mthong lags so/ / bka' stsal pa/ 'jam dpal mngon pa'i nga rgyal can rnams skrag par 'gyur ro// gsol pa/ bcom ldan 'das gal te yang dag pa'i mtha' skrag par 'gyur na ni/ de'i slad du mngon pa'i nga rgyal can yang skrag par 'gyur lags so// de ci'i slad du zhe na/ bcom ldan 'das yang dag pa'i mtha' yang gzhan la/ mngon pa'i nga rgyal can yang gzhan pa ni ma lags kyis/ mngon pa'i nga rgyal can rnams kyi mtha' gang lags pa'i mtha' de nyid yang dag pa'i mtha' lags la/ yang dag pa'i mtha' gang lags pa de'ang chos thams cad kyi mtha' lags te/ de'i slad du mi skrag lags so// chos thams cad yang dag par ma bsgrubs pa zhes bgyi ba 'di ni rdo rje'i gzhi lags so// bcom ldan 'das kyis bka' stsal pa/ 'jam dpal ci'i phyir na/ 'di rdo rje'i gzhi zhes bya/ gsol pa/ bcom ldan 'das chos thams cad ni mi phyed pa lags te/ de'i slad du 'di rdo rje'i gzhi lags/

  298. 150a

    so// de bzhin gshegs pa bsam gyis mi khyab pa'i slad du chos thams cad bsam gyis mi khyab pa 'di ni rdo rje'i gzhi lags te/ ci'i slad du rdo rje'i gzhi zhes bgyi zhe na/ chos thams cad sems ma mchis pa'i slad du lags so// chos thams cad byang chub ces bgyi ba 'di ni rdo rje'i gzhi lags te/ ci'i slad du zhe na/ chos thams cad brjod du ma mchis pa'i slad du ste/ 'di na ming gang dang gang gis chos gang dang gang brjod pa'i chos de dang de/ chos de dang de la ma mchis lags so// gang ma mchis pa de ni stong pa lags so// gang stong pa de ni med pa lags so/ / gang med pa ni brjod pa'i rngo mi thogs pa lags so// brjod du ma mchis pa ni byang chub lags te/ de'i slad du 'di ni rdo rje'i gzhi lags so// chos thams ni de bzhin gshegs pa'i yul lags te/ 'di ni rdo rje'i gzhi lags so// bka' stsal pa/ ci'i phyir rdo rje'i gzhi zhes bya/ gsol pa/ bcom ldan 'das chos thams cad ni rang gi yul las dben pa lags te/ de'i slad du 'di rdo rje'i gzhi legs so// bka' stsal pa/ 'jam dpal dge slong kun dga' bo de'ang chos kyi rnam grangs 'di kun 'dzin par 'gyur na/ 'dir 'ong ba'i mtshan ma ngas bya 'am/ gsol pa/ bcom ldan 'das 'di ni chos brjod pa 'am/ bstan pa mchis lags sam/ bdag gis ni yi ge gcig kyang bstan par yang

  299. 150b

    dag par rjes su ma mthong lags na/ mang po lta ga la mthong lags/ bka' stsal pa/ 'jam dpal legs so legs so// 'jam dpal khyod 'di skad du 'chad pa ni khyod kyis tshig 'di legs par smras pa yin te/ 'jam dpal khyod legs so// 'jam dpal ngas ni phyogs bcu'i 'jig rten gyi khams dpag tu med grangs med pa dag na de bzhin gshegs pa dgra bcom ba yang dag par rdzogs pa'i sangs rgyas rnams chos nyid 'di kho na ston cing bzhugs pa dag mthong ngo / / de nas tshe dang ldan pa shA ri'i bu rang gi gnas khang nas byung nas/ 'jam dpal gzhon nur gyur pa'i gnas khang ga la ba der song ste phyin nas/ 'jam dpal gzhon nur gyur pa mthong ste/ bcom ldan 'das kyi bzhugs khang ga la ba der song nas/ bzhugs khang gi phyi sgon 'greng ba dang / gsung ba'i gsung thos so// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal dge slong shA ri'i bu 'di gnas khang gi phyi sgo na 'greng ste chos nyan par 'dod na/ 'jam dpal shA ri'i bu chos nyan par nang du 'ong bar gyis shig/ gsol pa/ mtha' 'di ni yang dag pa'i mtha' lags te/ gang gi spyad rol dang / nang dang gnyis ka ma mchis par gda' lags so// bka' stsal pa/ 'jam dpal de ni ma yin no// gsol pa/ bcom ldan 'das de lta lags pas yang dag pa'i mtha' ni

  300. 151a

    ma mchis pa lags te/ de bu'i mtha' gang lags pa de la ni tshur mchi ba 'am/ par mchi ba ma mchis te/ bcom ldan 'das de lta bu'i mtha' can gyi/ btsun/ pa shA ri'i bu de ni tshur mchi ba 'am/ nang na mchi ba'i mi rigs lags so// bka' stsal pa/ 'jam dpal gal te nga gnas khang gi nang na nyan thos dag dang lhan cig tu gtam zer zhing 'dug la/ khyod ni phyi rol na 'dug ste/ nang du 'ong du'ang mi dbang na/ ci khyod sdug bsngal bar mi 'gyur ram/ gsol pa/ bcom ldan 'das de ni ma lags te/ de ci'i slad du zhe na/ chos thams cad ni chos kyi dbyings su yang dag par 'du ba'i slad du ste/ 'di ni de bzhin gshegs pa zhes brjod pa gang lags pa 'di'ang chos kyi dbyings lags te/ mtshan nyid gcig pa'i slad du/ de bzhin gshegs pa'ang gzhan la/ chos kyi dbyings kyang gzhan ma lags so// chos sam chos bstan pa zhes bgyi ba 'am/ chos nyan pa zhes bgyi ba'i chos 'di dag kyang gnyis su ma mchis ba'i slad du tha dad pa ma mchis te/ de'i slad du'ang chos kyi dbyings las tha dad pa ma lags so// 'jam dpal zhes bgyi ba'i yi ge gang lags pa 'di dag kyang chos kyi dbyings su gtogs te bcom ldan 'das rnam grangs des na bdag cung zad kyang gdung ba ma mchis lags so/ / bcom ldan 'das bskal pa gang+gA'i klung gi bye ma snyed du chos ston du lags kyang / bdag der mchi yang mi

  301. 151b

    mchi/ der mchir dga' ba 'am/ yongs su gdung ba'ang mi bskyed lags so// de ci'i slad du zhe na/ bcom ldan 'das gnyis shig mchis na ni dga' ba 'am/ yongs su gdung ba skyed par 'gyur na/ chos kyi dbyings de ni gnyis su ma mchis te/ de'i slad du bdag dga' ba 'am/ yongs su gdung bar mi 'gyur lags so// bcom ldan 'das chos ston pa mdzad pa'i chos bstan pa des kyang / chos gang yang sogs pa'am/ 'bri ba 'am/ 'phel ba 'am/ 'grib par mi bgyid de/ 'di ltar chos bstan pa de ni chos gang yang dmigs pas nye bar gnas pa ma lags te bcom ldan 'das de'i slad du'ang bdag dga' bar mi 'gyur zhing / yongs su gdung bar mi 'gyur lags so// de nas bcom ldan 'das kyis/ tshe dang ldan pa shA ri'i bu la bka' stsal pa shA ri'i bu khyod kyis 'jam dpal gzhon nur gyur pa'i spobs pa thos sam/ gsol pa/ bcom ldan 'das thos lags te/ bcom ldan 'das bdag ni bcom ldan 'das dang / 'jam dpal gzhon nur gyur pa'i spobs pa thos kyang ci ma rung snyam ste/ de'i slad du bdag 'di na mchis lags so// de nas bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das tshe dang ldan pa shA ri'i bu nang du mchi bar mdzad du gsol/ de nas bcom ldan 'das kyis/ tshe dang ldan pa shA ri'i bu la 'di skad du/ shA ri'i bu khyod gnas khang gi

  302. 152a

    nang dunagaces paka'astsal to/ / denas ched sman pa sha'i druganas pa nga 'ongs nas/ bcom ldan das kyi khas la phyag 'a hU~M/ phyogs gcig tu 'dug/ phyogs gcig tu 'dug pa dang / tshe dang ldan pa shA ri'i bu la/ 'jam dpal gzhon nur gyur pas 'di skad ces smras so// btsun pa shA ri'i bu khyod don gyi dbang gang mthong bas 'dir 'ongs/ smras pa/ 'jam dpal kho bos ni chos nyan par 'dod pa'i phyir 'dir 'ongs te/ 'di ltar gang na bcom ldan 'das dang / skyes bu dam pa khyod lta bu gnas pa de na bstan pa zab mo yang dag phul du byung ba yod de/ de'i phyir kho bos 'ongs so// smras pa/ btsun pa shA ri'i bu de ni de bzhin te/ bstan pa 'di ni zab bo// smras pa/ bcom ldan 'das nyid dang thabs cig tu brtsams pa'i chos bstan pa de ji tsam du zab/ smras pa/ de ni btsun pa shA ri'i bu'i rtog par mi 'gyur te/ dgra bcom pa zag pa zad pa ni chos bstan pa 'di'i snod ma yin no// de ci'i phyir zhe na/ 'di ltar chos bstan pa 'di ni so so'i skye bo'i chos la zhugs pa ma yin/ dgra bcom pa nyid kyi chos la zhugs pa ma yin/ rang sangs rgyas kyi chos la zhugs pa ma yin/ bzhin gshegs pa'i chos la zhugs pa ma yin pa'i phyir ro// 'di ni chos gang dmigs pa'i phyir yang zhugs pa ma yin no// 'di ni gang du'ang zhugs pa 'am/ ldogs pa'ang med de

  303. 152b

    chos thams cad shin tu dben pa'i phyir ro/ / smras pa/ 'jam dpal khyod kyis ci las bsams te dgra bcom pa zag pa zad pa/ chos bstan pa 'di'i snod ma yin zhes de skad smra/ smras pa// btsun pa shA ri'i bu dgra bcom pa nyid ni 'dod chags dang / zhe sdang dang / gti mug zad pa yin na/ de gang gi snod yin zhing / de gang ji lta bu zhig gi snod du 'gyur snyam ste/ de las bsam dgra bcom pa zag pa zad pa/ chos bstan pa 'di'i snod ma yin no zhes kho bo de skad smra'o// smras pa/ 'jam dpal kho bo ni chos bstan pa 'di'i don du gtsug lag khang nas gtsug lag khang dang / gnas khang nas gnas khang dang / phug nas phug tu khyod tshol te/ bdag gis khyod las zab pa zab pa yang dag pa'i spobs pa 'di lta bu 'di dag thos kyang ci ma rung snyam ste/ 'jam dpal kho bo ni bcom ldan 'das dang / khyod kyis chos bstan pa la chog mi shes so// smras pa/ btsun pa shA ri'i bu khyod chos bstan pas chog mi shes sam/ smras pa kho bo chog mi shes so/ / smras pa/ btsun pa shA ri'i bu ci chos kyi dbyings chos tshol bar byed dam/ smras pa/ 'jam dpal mi byed do// smras pa/ chos kyi dbyings kyang gzhan la/ tshe dang ldan pa shA ri'i bu ni gzhan pa ni ma yin na/ ci'i phyir tshe dang ldan pa shA ri'i bu chos mnyan pa la chog mi shes/ de ci'i phyir zhe na/ btsun pa shA ri'i bu chos kyi dbyings ni chos tshol

  304. 153a

    bar mi byed pa'i phyir ro/ / gal te de de ltar tshol bar byed na ni de'i phyir dachog shes par 'gyur ba zhig na/ gang gi phyir tshol bar mi byed pa de'i phyir chog mi shes so// smras pa/ 'jam dpal de bzhin gshegs pa ma gtogs par kho bo lta bu chos nyan pa de lta bu khyod kyis ga la rnyed/ smras pa/ btsun pa shA ri'i bu khyod shA ri'i bu yongs su mya ngan las mi 'da' ba'i chos can yin pas mos sam/ smras pa/ mos so// smras pa/ ji ltar mos/ smras pa/ chos thams cad yongs su ma grub pas na/ kho bo'ang yongs su mya ngan las mi 'da' ba'i chos can yin no snyam du de ltar mos so/ / smras pa/ btsun pa shA ri'i bu khyod shi 'pho med pa dang / skye ba med pa'i chos can yin par mos sam/ smras pa/ mos so// smras pa/ ji ltar mos/ smras pa chos kyi dbyings su gtogs pa'i phyir te/ chos kyi dbyings la 'chi 'pho 'am/ skye ba med pa de ltar mos so// smras pa/ btsun pa shA ri'i bu khyod dgra bcom pa zag pa zad pa/ mi shes pa dang ldan par mos sam/ smras pa/ mos so// smras pa/ ji ltar mos/ smras pa/ shes pa dang mi shes pa mnyam pa nyid kyi phyir/ dgra bcom pa zag pa zad pa mi shes pa dang ldan te/ 'di ltar mi shes pa dang / shes pa ni mi zad pa'i chos can yin pa'i phyir dben pa ste/ de bas na mi shes pa dang / shes par rnam par mi rtog pa'i phyir dgra bcom pa zag pa zad pa mi shes pa dang ldan par mos so//

  305. 153b

    smras pa/ btsun pa shA ri'i bu khyod dgra bcom pa zag pa zad pa/ shes pa dang bral bar mos sam/ smras pa/ mos so// smras pa/ ji ltar mos/ smras pa/ 'di ltar chos thams cad ni ngo bo nyid dang bral ba ste/ de bas na dgra bcom pa zag pa zad pa/ shes pa dang bral bar mos so// smras pa/ btsun pa shA ri'i bu khyod dgra bcom pa zag pa zad pa/ rnam par grol ba'i chos can du mos sam/ smras pa/ ji ltar mos/ smras pa/ nyon mongs pa med pa'i phyir te/ 'di ltar nyon mongs pa med na/ gang dag las rnam par grol bar 'gyur te/ de ltar mos so// smras pa/ btsun pa shA ri'i bu khyod sngon gyi de bzhin gshegs pa rnams ma byung zhing yongs su mya ngan las ma 'das par mos sam/ smras pa/ mos so// smras pa/ ji ltar mos/ smras pa/ 'jam dpal bsam gyis mi khyab pa'i dbyings la ni skye ba med de/ gang mi skye ba de la mi snang bar 'gyur ba 'am/ yongs su mya ngan las 'da' bar 'gyur ba ga la yod de/ de ltar mos so// smras pa/ btsun pa shA ri'i bu khyod sangs rgyas nyid// / thams cad gcig yin par mos sam/ smras pa/ mos so// smras pa/ ji ltar mos/ smras pa/ 'jam dpal chos kyi dbyings la ni tha dad pa med de/ de ltar mos so// smras pa/ btsun pa shA ri'i bu khyod sangs rgyas kyi zhing thams cad sangs rgyas kyi zhing gcig yin par mos sam/ smras pa/ mos so// smras pa/ ji ltar mos/ smras pa/ 'jam dpal sangs rgyas kyi zhing thams/

  306. 154a

    cad ni mi zad pa nyid kyi zhing yin te/ de ltar mos so// smras pa/ btsun pa shA ri'i bu khyod chos thams cad yongs su shes par bya ba ma yin pa dang / spang bar bya ba ma yin pa dang / mngon sum du bya ba ma yin pa dang / bsgom par bya ba ma yin par mos sam/ smras pa/ mos so// smras pa/ ji ltar mos/ smras pa/ 'jam dpal ngo bo nyid kyi ngo bo nyid yongs su mi shes pa dang / rang bzhin gyis rang bzhin spong ba dang / mngon sum du mi byed pa dang / sgom par mi byed pa dang / skye bar mi byed pa dang / 'gag par mi byed pa dang / len par mi byed pa dang / 'dor bar mi byed pa dang / mtha' de ni mi gnas pa nyid de/ de ltar mos so// smras pa/ btsun pa shA ri'i bu khyod chos kyi dbyings ni phung por mi 'dug pa'i dbyings yin pa dang / chos gang yang skye ba 'am/ 'gag pa med pa 'am/ chos gang yang phung por 'dug pa med par mos sam/ smras pa/ mos so// smras pa/ ji ltar mos/ smras pa/ 'jam dpal chos gang yang skye ba 'am/ 'gag pa'am phung por 'dug pa de ni mi dmigs te/ de ltar mos so// smras pa/ btsun pa shA ri'i bu khyod shes rab gang yin pa de chos kyi dbyings yin la/ chos kyi dbyings gang yin pa de shes rab yin te/ chos kyi dbyings zhes bya ba'i ming yang thob pa dang / de'i phyir yang dgra bcom pa zhes bya bar mos sam/ smras pa/ mos so// smras pa/ ji ltar mos/ smras pa/ 'jam dpal rtogs par 'gyur ba'i

  307. 154b

    shes rab kyis dgra bcom pa nyid du 'gyur ba de bzhin du/ chos kyi dbyings yongs su shes par zad kyi/ chos kyi dbyings yongs su shes pa ni 'dod chags kyi bdag nyid dam/ zhe sdang gi bdag nyid dam/ gti mug gi bdag nyid kyang ma yin la/ chos kyi dbyings las kyang dgra bcom pa gzhan du med de/ de ltar mos so// smras pa/ btsun pa shA ri'i bu khyod chos thams cad sangs rgyas kyi khyu mchog dang mnyam par mos sam/ smras pa/ mos so// smras pa/ ji ltar mos/ smras pa/ 'jam dpal 'di ltar bcom ldan 'das kyis ni/ chos thams cad rang bzhin gyis dben par mngon par rdzogs pa/ sangs rgyas te/ de ltar mos so// smras pa/ btsun pa shA ri'i bu khyod kyi yul ji tsam pa de tsam du/ khyod kyis lan btab pa legs so legs so// de tsam zhig khyod la dris kyis/ da ni rang gi gnas su song zhig/ shA ri'i bus smras pa/ 'jam dpal 'di ltar 'di nyid ni bdag gi ji srid 'tsho ba'i bar gyi gnas yin no// de nas bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu rigs kyi bu 'am/ rigs kyi bu mo gang la la chos kyi rnam grangs 'di 'dzin pa 'am/ 'chang ba 'am/ klog pa 'am/ kun chub par byed pa des ni/ spobs pa myur du thob par 'gyur ro/ / gsol ba/ bcom ldan 'das de ni de lta lags te/ ji skad bka' stsal pa de bzhin du rigs kyi bu 'am/ rigs kyi bu mo gang dag gi slad du/ chos kyi phyag rgya 'di gzhag pa de dag ni

  308. 155a

    sngon gyi rgyal ba rnams la bgyi ba bgyis pa lags te/ de dag de ltar rig par bgyi'o// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to/ / shA ri'i bu de'i phyir khyod kyis chos kyi rnam grangs 'di 'jam dpal gzhon nur gyur pas zhus nas ngas lan btab pa zhes bya bar zung zhig/ chos kyi dbyings zhes bya bar yang zung zhig/ yang dag pa'i mtha' zhes bya ba dang / rin po che'i mtha' zhes bya bar yang zung zhig/ shA ri'i bu rigs kyi bu 'am/ rigs kyi bu mo dag chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / skom pa dang / sbyor ba la brtson par gnas pa de dag ni rin po che dang 'dra ba yin te/ mi skye ba'i chos rnams la'ang bzod pa myur du thob par 'gyur ro// gzhan dag la'ang dge ba'i rtsa ba rnams yang dag par skyed par 'gyur ro// chos nyung ngu kun chub par byas pas kyang chos mang po ston par 'gyur ro// spobs pa mi chod par yang 'gyur ro// bcom ldan 'das kyis de skad ces bka' stsal nas/ 'jam dpal gzhon nur gyur pa dang / tshe dang ldan pa shA ri'i bu dang / lha dang / mi dang / lha ma yin dang / dri zar bcas pa'i

  309. 155b

    'jig rten yi rangs te/ bcom ldan 'das kyis gsungs pa la mngon par bstod do// 'phags pa rin po che'i mtha' zhes bya ba theg pa chen po'i mdo rdzogs so// / rgya gar NA mkhan po za bar ma dang / zhu chen gyi lo sngo ba ban d+he sa shes sde la sogs pas bsgyur cing nus te gtan la bab pa// rgyu gar skad du/ gyi she sha tsin ti brah+ma pa ri brid tsha na ma ma hA yA na sU tra/ bod skad du/ 'phags pa tshangs pa khyad par sems kyis zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab bya ka lan ta ka gnas pa'i 'od ma'i tshal na/ dag slong stong phrag drug cu rtsa bzhi'i dge slong gi dge 'dun chen po dang / byang chub sems dpa' stong phrag bdun cu rtsa gnyis dang thabs cig tu bzhugs te/ thams cad kyang mngon par shes pas mngon par shes pa/ gzungs thob pa/ spobs pa thogs pa med pa/ ting nge 'dzin thob pa/ mngon par shes pas rnam par rol cing spobs pa mi 'jigs pa dang ldan pa/ chos thams cad kyi ngo bo nyid ston pa la mkhas pa/ mi skye ba'i chos la bzod pa thob pa rnams la 'di lta ste/ gzhon nur gyur pa 'jam dpal dang / gzhon nur gyur pa lag na rin po che dang / gzhon nur gyur pa lag na phyag rgya rin po che dang / gzhon nur

  310. 156a

    gyur pa rin po che dpal dang / gzhon nur gyur pa nam mkha' mdzod dang / gzhon nur gyur pa sems bskyed ma thag tu chos kyi 'khor lo bskor ba dang / gzhon nur gyur pa dra ba can gyi 'od dang / gzhon nur gyur pa rnam par bsgyings pa dang / gzhon nur gyur pa dpal gyi snying po dang / gzhon nur gyur pa bdog pa thams cad yongs su gtong ba dang / gzhon nur gyur pa pad+ma bkod pa dang / gzhon nur gyur pa seng ge dang / gzhon nur gyur pa zla 'od dang / gzhon nur gyur pa zla ba'i zer gyi 'od dang / gzhon nur gyur pa blo gros mchog dang / gzhon nur gyur pa rgyan thams cad bkod pa dang / bzang skyong la sogs pa skyes bu dam pa bcu drug la 'di lta ste/ bzang skyong dang / 1dkon mchog 'byung gnas dang / ded dpon mchog dang / rnamis byin dang / phug sbas dang / chus byin dang / 6dbang byin dang / dbang pos byin dang / bla ma'i blo gros dang / khyad par blo gros dang / blo gros 'phel dang / 1mthong ba don yod dang / 12 shin tu yang dag zhugs dang / 3 rab kyi rtsal gyis rnam par gnon pa dang khro gros mtha' yas dang / brtson pa mi gtong ba dang / nyi ma'i snying po dang / sa 'dzin dang / de lta bu la sogs pa byang chub sems dpa' stong phrag bdun cu rtsa gnyis dang / rgyal po chen po bzhi dang / brgya byin lha'i dbang po la sogs pa sum cu rtsa gsum pa'i lha rnams dang / mtshe ma dang / dga' ldan dang / 'phrul dga' dang / gzhan

  311. 156b

    'phrul dbang byed kyi lha rnams dang / tshangs pa la sogs pa tshangs pa'i ris kyi sku brgyad stong dang / de ma yin pa gzhan gzi brjid che ba/ gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams dang yang thabs cig ste/ de nas bcom ldan 'das 'khor brgya stong du mas bskor cing mdun du bdar nas chos ston to/ / de nas byang chub sems dpa' gzhon nur gyur pa dra ba can gyi 'od bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ stong gsum gyi stong chen po'i 'jig rten gyi khams rab tu g.yo bar byas nas/ stong gsum gyi stong chen po'i 'jig rten gyi khams kun gyi sems can thams cad la bltas nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na bdagra bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ / de skad ces gsol ba dang / bcom ldan 'das kyis/ byang chub sems dpa' dra ba can gyi 'od la 'di skad ces bka' stsal to/ / dra ba can gyi 'od khyod ci dang ci 'dod pa de bzhin gshegs pa la dris shig dang / dris pa de dang de nyid lung bstan pas ngas khyod

  312. 157a

    kyi sems rangs par bya'o/ / de skad ces bka' stsal pa dang / bcom ldan 'das la/ byang chub sems dpa' dra ba can gyi 'od kyis 'di skad ces gsol to// bcom ldan// 'das kyi sku ni blta bas chog mi shes pa kha dog nyi ma bye ba khrag khrig brgya stong pas lhag pa lags te/ bcom ldan 'das bdag ni gang de bzhin gshegs pa'i sku blta ba 'am/ brtag par nus pa 'di ni ngo mtshar to snyam bgyid do/ / bcom ldan 'das yang dag ni de bzhin gshegs pa'i sku blta ba 'am/ rtog pa de dag thams cad ni sangs rgyas kyi mthu'o snyam bgyid do// bcom ldan 'das kyis bka' stsal pa/ dra ba can gyi 'od ji skad zer ba de bzhin te/ de bzhin gshegs pas skabs ma phye bar de bzhin gshegs pa'i sku blta ba 'am brtags par mi nus so// de ci'i phyir zhe na/ dra ba can gyi 'od de bzhin gshegs pa la rab tu zhi ba'i rnam par bkod pa zhes bya ba'i 'od zer yod de/ 'od zer des reg pa'i sems can rnams de bzhin gshegs pa'i sku la lta zhing rtogs la/ de dag gi mig gi dbang po 'ang nyams par mi 'gyur ro/ / dra ba can gyi 'od de bzhin gshegs pa la mi 'jigs pa'i spobs pa zhes bya ba'i 'od zer yod de/ 'od zer des reg pa'i sems can rnams de bzhin gshegs pa la kun 'dri zhing phyir 'dri bar yang byed do/ / dra ba can gyi 'od de bzhin gshegs pa la dge ba'i rtsa ba bsags pa zhes bya ba'i 'od zer yod de/ 'od zer des reg pa'i sems can rnams 'khor los sgyur ba'i

  313. 157b

    rgyal po'i srid thob par bya ba'i phyir de bzhin gshegs pa la kun 'dri'o/ / de bzhin du sbyar te/ 'od zer dge ba'i rnam pa bkod pa zhes bya ba'i 'od zer des reg pa'i sems can rnams brgya byin thob par bya/ ba'i phyir/ de bzhin gshegs pa la kun 'dri'o// 'od zer bdag po thob pa zhes bya ba'i 'od zer des reg pa'i sems can rnams tshangs pa'i 'jig rten du skye bar bya ba'i phyir/ de bzhin gshegs pa la kun 'dri'o/ / 'od zer nyon mongs pa med par gyur pa zhes bya ba'i 'od zer des reg pa'i sems can rnams de bzhin gshegs pa la nyan thos kyi theg pa kun 'dri'o// 'od zer rtse gcig pa dben pa dang ldan pa zhes bya ba'i 'od zer des reg pa'i sems can rnams de bzhin gshegs pa la rang sangs rgyas kyi theg pa kun 'dri'o/ / 'od zer thams cad mkhyen pa'i ye shes su dbang bskur thob pa zhes bya ba'i 'od zer des reg pa'i sems can rnams de bzhin gshegs pa la theg pa chen po sangs rgyas kyi theg pa kun 'dri'o/ / 'od zer khyad par du 'gro ba zhes bya ba'i 'od zer des de bzhin gshegs pa byon pa 'am bzhud pa'i zhabs kyi mthil gyis sems can gang la reg pa de dag shi 'phos ma thag tu bde 'gro mtho ris kyi 'jig rten du skye'o/ / rgyan thams cad bkod pa zhes bya ba'i 'od zer de/ de bzhin gshegs pa grong du gshegs pa na 'byin te/ der de bzhin gshegs pa'i 'od des sems can su dag la reg pa de dag thams cad bde ba'i mchog dang ldan par 'gyur ro// rgyan

  314. 158a

    thams cad bkod pa'ang grong khyer der 'byung bar 'gyur ro/ / rnam par 'thor ba zhes bya ba'i 'od zer des ni de bzhin gshegs pa 'jig rten gyi khams mtha' yas mu med pa rab tu g.yo bar byed do/ / bde ba ston pa zhes bya ba'i 'od zer des ni sems can dmyal ba'i sems can rnams kyi sems can dmyal ba'i sdug bsngal med par byed do// 'od zer byams pa las 'phags pa zhes bya ba des ni/ byol song gi skye gnas su song ba'i sems can rnams gcig la gcig za ba med par byed do// 'od zer rab tu sim par byed pa zhes bya ba des ni/ gshin rje'i 'jig rten pa'i sems can rnams kyi gshin rje'i 'jig rten gyi sdug bsngal med par byed do/ / dri ma med pa zhes bya ba'i 'od zer des ni/ sems can mdongs pa'i rnams mig thob par 'gyur ro// rna ba'i rjes su 'thun pa zhes bya ba'i 'od zer des ni sems can 'on pa rnams rna ba thob par 'gyur ro/ / rnam par spongs pa zhes bya ba'i 'od zer des ni/ sems can mi dge ba bcu'i las kyi lam la gnas pa rnams dge ba bcu'i las kyi lam thob par 'gyur ro/ / ngo tsha shes pa zhes bya ba'i 'od zer des ni sems can myos pa'i rnams dran pa thob par 'gyur ro// med par 'gyur ba zhes bya ba'i 'od zer des ni/ sems can log par lta ba can rnams yang dag par lta ba thob par 'gyur ro// rab tu gtong ba zhes bya ba'i 'od zer des ni sems can ser sna can rnams gtong ba thob par 'gyur ro//

  315. 158b

    yongs su gdung ba med pa zhes bya ba'i 'od zer des ni sems can ngan pa'i ngang tshul can rnams tshul khrims thob par 'gyur ro// phan pa dang ldan pa zhes bya ba'i 'od zer des ni sems can gnod par sems pa rnams bzod pa nges pa thob par 'gyur ro/ / 'bar ba can zhes bya ba'i 'od zer dwa ni/ sems can le lo can rnams brtson 'grus thob par 'gyur ro// rtse gcig pa zhes bya ba'i 'od zer des ni/ sems can dran pa nyams pa rnams bsam gtan thob par 'gyur ro// ye shes zhes bya ba'i 'od zer des ni/ sems can 'chal pa'i shes rab can rnams shes rab thob par 'gyur ro// rnyog pa med pa zhes bya ba'i 'od zer des ni/ sems can ma dad pa rnams dad pa thob par 'gyur ro// kun 'dzin pa zhes bya ba'i 'od zer des ni/ sems can thos pa nyung ba rnams thos pa thob par 'gyur ro// spyod pa dang ldan pa zhes bya ba'i 'od zer des ni/ sems can ngo tsha ba dang 'dzem pa med pa'i rnams ngo tsha shes pa dang khrel yod pa thob par 'gyur ro// skyo ba zhes bya ba'i 'od zer des ni sems can 'dod chags spyod pa rnams kyi 'dod chags 'joms par 'gyur ro/ / dga' ba zhes bya ba'i 'od zer des ni sems can zhe sdang spyod pa rnams kyi zhe sdang 'joms par 'gyur ro// snang ba can zhes bya ba'i 'od zer des ni/ sems can gti mug spyod pa rnams rten cing 'brel par 'byung ba khong du chud par 'gyur ro/ / kun tu 'gro ba zhes bya ba'i 'od zer des ni/ sems can cha mnyam par spyod pa rnams cha mnyam par spyod pa spong bar 'gyur ro//

  316. 159a

    dra ba can gyi 'od de bzhin gshegs pa la gzugs thams cad ston pa zhes bya ba'i 'od zer yod de/ 'od zer des reg pa'i sems can rnams de bzhin gshegs pa'i sku kha dog sna tshogs kha dog du ma kha dog brgya stong du ma bas lhag par mthong bar 'gyur ro/ / dra ba can gyi 'od ngas de bzhin gshegs pa'i 'od zer las brtsams te/ bskal pa 'am/ bskal pa las lhag par bshad kyang / de bzhin gshegs pa'i 'od zer gyi rnam pa dang ldan pa'i chos bstan pa yongs su zad par mi 'gyur te/ de ltar de bzhin gshegs pa dgra bcom pa yang dag par rdzogs pa'i sangs rgyas ni 'od zer gyi yon tan mtha' yas mu med pa dang ldan pa yin no/ / de skad ces bka' stsal pa dang / bcom ldan 'das la/ byang chub sems dpa' dra ba can gyi 'od kyis 'di skad ces gsol to// bcom ldan 'das 'di ltar de bzhin gshegs pa'i sku'i bkod pa tshad ma mchis par bstan pa 'di dang / thabs mkhas pa bsam gyis mi khyab pa dang ldan pa'i chos bstan pa ngo mtshar to// bcom ldan 'das 'od zer 'di dag ni bdag cag gis sngon ma thos te/ ji ltar bcom ldan 'das kyis bshad pa'i don bdag 'tshal ba ltar na/ bcom ldan 'das byang chub sems dpa' gang la la 'od zer 'di dag gi ming thos nas/ dad pa rnyed par 'gyur ba de dag thams cad yang dag par rdzogs pa'i sangs rgyas kyi 'od zer 'di lta bus rab tu snang bar bgyid pa'i sku dang ldan pa 'gyur ro// yang bcom ldan 'das de bzhin gshegs

  317. 159b

    pas 'od zer gang gis sangs rgyas kyi zhing gzhan gyi byang chub sems dpa' rnams bskul ma thag tu mi mjed kyi 'jig rten gyi khams 'dir mchi bar 'gyur ba dang / byang chub sems dpa' su dag 'dri ba dang lung bstan pa dang / bshad pa la mthar phyin pa rnams mchis nas de bzhin gshegs pa la kun zhu zhing bsnyen bkur bgyid pa dang slar zhu bar 'gyur ba'i 'od zer byang chub sems dpa' bskul ba zhes bgyi ba gtang du gsol/ de nas bcom ldan 'das kyis de'i tshe 'od gang gis 'jig rten gyi khams mtha' yas mu med pa snang bar 'gyur ba'i 'od zer de lta bu sku las phyung ste/ byang chub sems dpa' rnams 'od des bskul ma thag tu mi mjed kyi 'jig rten gyi khams 'dir phyin par gyur/ / de nas sangs rgyas kyi zhing 'di nas shar phyogs su sangs rgyas kyi zhing brgya stong phrag gang+gA'i klung bdun cu rtsa gnyis kyi bye ma snyed 'das pa na/ yongs su dag pa zhes bya ba'i 'jig rten gyi khams yod de/ de na zla ba'i 'od ces bya ba de bzhin gshegs pa dgra bcom pa yang dag par rdzogs pa'i sangs da ltar bzhugs pa 'tsho zhing gzhes te/ byang chub sems dpa' 'ba' zhig la chos kyang 'chad pa'i sangs rgyas kyi zhing de nas/ phyir mi ldog pa'i byang chub sems dpa' chen po tshangs pa khyad par sems zhes bya ba de 'od des bskul ma thag tu/ bcom ldan 'das de bzhin gshegs pa zla ba'i 'od ga la ba der song ste phyin pa dang / bcom ldan 'das de'i zhabs la mgo bos phyag 'tshal nas/ bcom

  318. 160a

    ldan 'das de la 'di skad ces gsol to/ / bcom ldan 'das 'jig rten du snang ba chen po 'di 'byung ba'i rgyu gang lags/ rkyen gang lags/ bcom ldan 'das des 'di skad ces bka' stsal to/ / tshangs pa sangs rgyas kyi zhing 'di nas nub phyogs na/ sangs rgyas kyi zhing brgya stong phrag gang+gA'i klung bdun cu rtsa gnyis kyi bye ma snyed 'das pa na/ mi mjed ces bya pa'i 'jig rten gyi khams yod de/ de na shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas da lta na bzhugs te/ 'tsho zhing gzhes la chos kyang ston to/ / de bzhin gshegs pa des 'di lta ste/ phyogs bcu'i byang chub sems dpa' rnams bsdu ba'i phyir sku las 'od 'di btang ngo // de nas bcom ldan 'das la/ tshangs pa khyad par sems kyis 'di skad ces gsol to/ / bcom ldan 'das de bzhin gshegs pa de dag gzigs par bzhed na/ mi mjed kyi 'jig rten gyi khams der bcom ldan 'das shAkya thub pa de la blta/ ba dang / phyag 'tshal ba dang / bsnyen bkur bgyi ba dang / kun zhu ba dang / sgur zhu ba'i slad du bdag mchi'o// bcom ldan 'das des bka' stsal pa/ tshangs pa da ltar mi mjed kyi 'jig rten gyi khams der byang chub sems dpa' bye ba phrag mang po'ang phyin gyis/ de'i dus la dbab par shes na khyod song zhig/ tshangs pa sangs rgyas kyi zhing der lhag pa'i bsam pa bcu rnam

  319. 160b

    kyis gnas par bya'o/ / bcu gang zhe na/ snyan par smra ba dang / ngan du smra ba rnams la khong khro ba med pa'i sems dang / snyan pa thos pa dang / mi snyan pa thos pa la byams pa'i sems dang / dus thams cad du sems can rnams la snying rje ba'i sems dang / sems can rab 'bring tha ma rnams la yang dag par sbyor ba dang / ri mo byed pa dang brnyas par byed pa rnams la sems mnyam pa dang / gzhan gyi ltung ba'i 'khrul pa thams cad la nyes par mi lta ba dang / theg pa sna tshogs la ro gcig pa dang / ngan song gi sdug bsngal thams cad kyi sgras mi skrag pa dang / byang chub sems dpa' thams cad la ston par 'du shes pa dang / sangs rgyas kyi zhing snyigs ma lnga can na de bzhin gshegs pa mthong ba la ngo mtshar du 'du shes pa ste/ tshangs pa lhag pa'i bsam pa bcu po de dag gis sangs rgyas kyi zhing der gnas par bya'o/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das kyi spyan sngar bdag seng ge'i sgra mi sgrog ste/ 'on kyang bdag gi spyod pa gang lags pa'i spyod pa 'di la bcom ldan 'das nyid mngon sum du gyur pas/ bcom ldan 'das bdag gi lhag pa'i bsam pa de dag kyang rnam par sbyang zhing mnyam par gzhag pa'i bye brag gis kyang sangs rgyas kyi zhing der gnas par bgyi'o/ / de nas bcom ldan 'das de bzhin gshegs pa zla 'od kyi sangs rgyas kyi zhing de'i

  320. 161a

    byang chub sems dpa' gzhan dag gis kyang / bcom ldan 'das la 'di skad ces gsol to// bcom ldan 'das de ltar sems can ma rungs pa rnams tshogs pa'i sangs rgyas kyi zhing der bdag cag ma skyes pa ni rnyed pa legs pa rnyed do/ / bcom ldan 'das des 'di skad ces bka' stsal to// rigs kyi bu khyed rnams de skad ma 'dzer cig/ de ci'i phyir zhe na/ rigs kyi bu dag sangs rgyas kyi zhing 'di na gang bskal pa brgya stong du tshangs par spyod pa la gnas pa bas mi mjed kyi 'jig rten gyi khams na/ gang snga dro'i dus gcig sems zhe sdang med par gnas na de bas 'di shin tu mchog go/ / de ci'i phyir zhe na/ 'jig rten gyi khams de ni de tsam du kun nas nyon mongs par gyur pa ste/ sems can de dag kyang de tsam du gtse ba mang zhing kun nas nyon mongs pa mang ba yin no/ / de nas sangs rgyas kyi zhing de nas byang chub sems dpa' stong phrag bcu gnyis tshangs pa khyad par sems dang lhan cig tu chas te/ tshangs pa bdag cag kyang mi mjed kyi 'jig rten gyi khams der mchi'o/ / bsam pa 'di dag kyang rnam par sbyang ngo // bcom ldan 'das shAkya thub pa de la'ang blta'o// phyag bgyi'o// bsnyen bkur bgyi'o// mnyam par gzhag pa'i bye brag gis kyang sangs rgyas kyi zhing der gnas par bgyi'o/ / de nas tshangs pa khyad par sems byang chub sems dpa' stong phrag bcu gnyis dang lhan cig tu bcom ldan 'das de bzhin gshegs

  321. 161b

    ba zla 'od kyi zhabs la mgo bos phyag 'tshal nas 'di skad ces skyes bu stobs dang ldan pa'i lag pa bskum pa las smyung ba 'am/ sbyang ba las bskum pa'i skad cig yud tsam thang cig de tsam gyis sangs rgyas kyi zhing der mi snang bar gyur nas/ bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas kyi zhing 'dir phyin to// de nas bcom ldan 'das kyis/ byang chub sems dpa' dra ba can gyi 'od la bka' stsal pa/ dra ba can gyi 'od khyod kyis tshangs pa khyad par sems 'ongs pa mthong ngam/ gsol pa/ bcom ldan 'das mthong ngo // bcom ldan 'das kyis bka' stsal pa/ dra ba can gyi 'od tshangs pa khyad par sems 'di ni byang chub sems dpa' tshul bzhin 'dri ba kun 'dri ba la mkhas pa rnams kyi nang na mchog go// tshig gzung ba rnams kyi nang na mchog go/ / tshig btsun pa rnams kyi nang na mchog go// tshig 'jam pa rnams kyi nang na mchog go// song por smra ba rnams kyi nang na mchog go// tshig chod pa rnams kyi nang na mchog go/ / tshig thogs pa med pa rnams kyi nang na mchog go// ldem po ngag tu smra ba rnams kyi nang na mchog go// sems khong khro ba med pa'i nang na mchog go// byams pa la gnas pa rnams kyi nang na mchog go/ / snying rje la gnas pa rnams kyi nang na mchog go// dga' ba la gnas pa rnams kyi nang na mchog go// btang snyoms la gnas pa rnams kyi nang na mchog go//

  322. 162a

    byang chub sems dpa' the tsom thams cad gcod pa dang / kun 'dri ba la mkhas pa rnams kyi nang na mchog go// de nas tshangs pa khyad par sems byang chub sems dpa' so/ phrag bcu gnyis po de dag dang lhan cig tu bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ lan gsum bskor ba byas nas bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa dag gis rnam pa mang por mngon par bstod do// rnam par sgra bsgrags srid pa gsum du grags/ / bsngags pa'i 'phreng ba 'jig rten kun tu rgyu// bdag gis sems can mchog rnams zhing na mthong // de dag kun kyang khyod kyi yon tan gsungs// 'di ni// yongs su dag pa'i zhing mchis te// dri ma ma mchis ngan song gsum spangs pa// de 'dra'i zhing rnams de dag rnams spangs nas// khyod kyi thugs rjes ngan pa yongs su bzung / 'jig rten mgon khyod ye shes dman ma mchis// ma lus bde bar gshegs dang khyod du mtshungs// shin tu rnam dag bsam pa sngon mdzad pa// 'di 'dra ba yi zhing 'di khyod kyis bzung / tshul khrims thams cad rnam dag 'dod spangs nas// gang zhig bskal par gzhan na spyod pa pas// su dag byams pa'i sems kyis shin tu 'dir// skad cig spyod na'ang 'di ni khyad par 'phags/

  323. 162b

    lus dang ngag dang 'on te yid kyis kyang // gang la nyes bgyis rnam pa gsum mchis te// ngan song gsum du myong bar gang 'gyur ba// de ni tshe 'di nyid la 'byang bar 'gyur// byang chub sems dpa' 'di na gang mchis pa/ / de dag rtag tu gdung bar mi bgyi ste// de yi las gang log ltung mchi ba yang // de dag 'dir ni glad pa na bas 'byang // 'di na byang chub sems dpa' skyon med gang // / dam pa'i chos srungs chos mchog 'dzin pa rnams// de dag 'di las phyin chad nam du yang // dran pa mi 'khrug blo yang nyams mi 'gyur// gang zhig bdud kyis bcings pa bcad pa dang // de bzhin nyon mongs las bcas sbyong 'tshal ba/ / da ni zhing 'dir dam pa'i chos nyid srung // 'di la ye shes ldan pa'i mchog tu 'gyur// gang zhig bskal pa bye bar zhing gzhan du// sems ldan dam chos 'dzin par 'gyur ba bas/ / su dag snga dro gcig tsam mi mjed du// 'di ni de bas mchog tu mkhas pas dgongs// bdag gis mngon par dga' ba'i 'jig rten dang // de bzhin tshe dpag med kyi bde can mchog/ de na sdug bsngal sdug bsngal sgra ma mchis// der ni yon tan bgyi ba rmad mi che// nyon mongs 'byung gnas 'jig rten nyis gang 'dir// zhe sdang can gyi bar du nyes bzod la// chos 'di la yang gzhan dag 'dzud par ni/ / 'di ni de bas dka' ba'i mchog tu 'gyur// snying rjes brlan sems sdug bsngal mang las 'grol// bla med bla ma khyod la bdag phyag 'tshal// gtum sems can

  324. 163a

    la chos gang 'chad pa ni/ / bdag po 'jig rten na yang de spyad dka'// shin tu rgya che ba yi 'khor 'di dang // phyogs su rnam grags pa'i sangs rgyas sras// chos kyis mi ngoms rgya mtsho 'dra ba tshogs/ / de dag la ni rgyal ba'i byang chub gsungs// tshangs pa dbang po 'jig rten skyong ba dang // lha klu lha min mi 'am cir bcas pa// chos nyid 'tshal ba mang po tshogs pa la/ / ji ltar mos pa bzhin du chos nyid gsungs// dge bsnyen pa dang ma dang dge slong dang // dge slong ma dang 'khor bzhi 'di dag tshogs// ji ltar thos nas nor grub rab 'dong bar// de ltar de dag la ni chos bstan gsol/ / gang rnams sangs rgyas theg la rtag mos dang // de bzhin rang rgyal theg dang nyan thos theg/ thub pa gang gis sems bsam gang mkhyen pa// de la sman pa'i slad du de gsungs shig/ sangs rgyas rigs la gnas phyir gang bzhugs pa// dkon mchog gsum po gang las byung ba yis// byang chub nges sems dag la sman slad du// chos kyi rgyal po khyod la bdag gsol to/ / khyod kyi bsngags pa'i 'phreng ba grags thos nas// shes rab yangs pa 'di rnams bde bar lhags// sems can gtso bo de dag mkhyen pa bzhin// de dag la ni bla med spyod pashod/ / 'di ltar bde gshegs mkhyen pa bsam mi khyab// dgra bcom bdag nyid chen po'i sa 'di min// 'di ni rang rgyal gyi yang yul ma lags// bdag kyang 'dren la dad pa'i

  325. 163b

    rjes su 'brang / / bdag gis gang khyod don chen 'di dris pa// 'jig rten rnam 'dren khyod la bdag bzod gsol// gang phyir khyod kyi thugs ni skyo mi mnga'// de phyir byang chub lam mchog bstan du gsol/ / de nas bcom ldan 'das kyi spyan sngar tshangs pa khyad par sems kyis tshigs su bcad pa 'di dag smras nas/ bcom ldan 'das la 'di skad ces gsol to// bcom ldan 'das ji ltar na byang chub sems dpa' dag lhag pa'i bsam pa brtan zhing yid mi skyo ba rnams lags/ bcom ldan 'das ji ltar na byang chub sems dpa' dag mgo gcig tu smra zhing tshig gdung ba ma mchis pa rnams lags/ ji ltar na dge ba'i rtsa ba rnams mngon par 'phags pa rnams lags/ ji ltar na bslad pa ma mchis shing spyod lam yang mi 'khrugs pa lags/ ji ltar na chos dkar po rnams rnam par 'phel bar bgyid pa rnams lags/ ji ltar nas nas sar 'phar bar bgyid pa rnams lags/ ji ltar na sems can yongs su smin par bgyi ba la thabs mkhas pa rnams lags ji ltar na sems can rnams la nye bar spyod pa la mkhas pa rnams lags/ ji ltar na byang chub kyi sems srung ba rnams lags ji ltar na sems rtse gcig cing yid rnam par ma 'dres pa rnams lags/ ji ltar na chos rnams yongs su tshol ba la mkhas pa rnams lags/ ji ltar na ltung ba las 'byung ba la mkhas pa rnams lags/ ji ltar na nyon mongs pa rnams

  326. 164a

    'dul ba la mkhas pa rnams lags/ ji ltar na 'khor gyi nang du mchi ba la mkhas pa rnams lags/ ji ltar na chos rnam par 'byed pa la mkhas pa rnams lags jiltar na rgyu'i stobs dang ldan zhing dge ba'i rtsa ba chab mi 'tshal ba rnams lags/ ji ltar na sbyin pa'i pha rol tu phyin pa la ma bstan par sbyin pa dang / de bzhin du shes rab kyi bar du ma bstan pa lags/ ji ltar na bsam gtan rnams kyi bde ba las ldog pa la mkhas pa rnams lags/ ji ltar na sangs rgyas kyi chos rnams las phyir mi ldog pa rnams lags/ ji ltar na sangs rgyas kyi rigs mi gcod pa rnams lags/ de skad ces gsol pa dang / bcom ldan 'das kyis/ tshangs pa khyad par sems la 'di skad ces bka' stsal to// tshangs pa legs so legs so/ / yang tshangs pa khyod de bzhin gshegs pa la de lta bu'i don dri bar sems pa legs so// tshangs pa de'i phyir shin tu legs par nyon la yid la zung zhig dang bshad do// bcom ldan 'das legs so zhes gsol nas/ tshangs pa khyad par sems bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// tshangs pa chos bzhi dang ldan na/ byang chub sems dpa' sems dpa' chen po dag lhag pa'i bsam pa brtan zhing yid mi skyo ba rnams yin te/ bzhi gang zhe na/ sems can rnams la snying rje ba dang / mi skyo ba'i brtson

  327. 164b

    'grus dang / 'khor ba la rmi lam lta bur mos pa dang / sangs rgyas kyi ye shes la mi mnyam pa dang mnyam par yongs su 'jal ba ste/ tshangs pa chos bzhi po de dag dang ldan na/ byang chub sems dpa' sems dpa' chen po dag lhag pa'i bsam pa brtan zhing yid mi skyo ba rnams yin no/ / tshangs pa chos bzhi dang ldan na/ byang chub sems dpa' sems dpa' chen po dag mgo gcig tu smra zhing tshig gdung ba med pa rnams yin te/ bzhi gang zhe na/ byang chub sems dpa' rnams chos thams cad la gang zag med par mgo gcig tu smra'o// byang chub sems dpa' rnams skye gnas thams cad la dga' ba med par mgo gcig tu smra'o/ / byang chub sems dpa' rnams theg pa chen po'i bsngags pa mgo gcig tu smra'o// byang chub sems dpa' rnams dge ba dang mi dge ba'i las rnams chud mi za bar mgo gcig tu smra'o/ / tshangs pa de dag ni byang chub sems dpa' sems dpa' chen po rnams kyi tshig mgo gcig pa bzhi'o// tshangs pa chos bzhi po 'di dag ni byang chub sems dpa' sems dpa' chen po rnams kyi dge ba'i rtsa ba mngon par 'phags par 'gyur ba ste/ bzhi gang zhe na/ tshul khrims dang / thos pa dang / gtong ba dang / 'byung ba ste/ bzhi po 'di dag go// tshangs pa chos bzhi dang ldan na/ byang chub sems dpa' rnams mi bslad cing spyod lam rnam par 'khrugs par mi 'gyur te/ bzhi gang zhe na/ rnyed pa med pa

  328. 165a

    dang / smad pa med pa dang / grags pa med pa dang / sdug bsngal ba ste/ tshangs pa chos bzhi po de dag dang ldan na/ byang chub sems dpa' sems dpa' chen po rnams mi bslad cing spyod lam rnam par mi 'khrugs par 'gyur ro/ / tshangs pa chos bzhi dang ldan na/ byang chub sems dpa' sems dpa' chen po rnams dge ba'i rtsa ba rnams 'phel bar byed de/ bzhi gang zhe na/ sems can rnams byang chub la yang dag par 'dzud pa dang / sbyin pa byin nas rnam par smin pa la mi re ba dang / dam pa'i chos yongs su 'dzin pa dang / byang chub sems dpa' rnams la shes rab ston pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams sa nas sar 'phar te/ bzhi gang zhe na/ dge ba'i rtsa ba bsags pa dang / nyes pa thams cad rnam par spong ba dang / bsngo ba la mkhas pa dang / brtson 'grus shin tu 'bar ba dang / bzhi po 'di dag go// tshangs pa chos bzhi ldan na/ byang chub sems dpa' sems dpa' chen po rnams sems can yongs su smin par bya ba la thabs mkhas pa rnams yin te/ bzhi gang zhe na/ sems can gyi rjes su 'jug pa dang / gzhan gyi bsod nams la rjes su yi rang ba dang / nyes pa 'chags pa dang / sangs rgyas thams cad la gsol ba 'debs pa ste/ bzhi po 'di dag go// tshangs pa chos bzhi dang ldan na/

  329. 165b

    byang chub sems dpa' sems dpa' chen po rnams sems can rnams la nye bar spyod pa la mkhas pa rnams yin te/ bzhi gang zhe na/ sems can thams cad la phan pa'i dngos po dang / bdag bde ba la ma chags pa dang / bzod cing nges pa dang / nga rgyal bcom pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams byang chub kyi sems chud mi gzon te/ bzhi gang zhe na/ sangs rgyas rjes su dran pa yid la byed pa dang / dge ba'i rtsa ba thams cad la byang chub kyi sems sngon du 'gro ba dang / dge ba'i bshes gnyen la sten pa dang / theg pa chen po la yang dag par bsngags pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams sems rtse gcig cing yid rnam par ma 'dres pa rnams su rig par bya ste/ bzhi gang zhe na/ nyan thos kyi sems rnam par spong ba dang / rang sangs rgyas kyi yid la byed pa gtong ba dang / chos yongs su tshol bas mi ngoms pa dang / ji ltar thos pa bzhin du chos ston pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams chos yongs su tshol te/ bzhi gang zhe na/ rnyed par dka' ba'i phyir rin po cher 'du shes pa dang / nad thams cad rab tu zhi bar byed pa'i phyir rtsir 'du shes dang / chud mi za ba'i phyir don du

  330. 166a

    'du shes pa dang / mya ngan las 'da' ba'i phyir sdug bsngal thams cad zhi bar 'du shes pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams ltung ba las 'byung ba la mkhas pa rnams yin te/ bzhi gang zhe na/ nang nas mi skye ba'i chos la bzod pa dang / mi 'pho bas mi 'gag pa la bzo pa dang / rgyu la so sor rtog pas rten cing 'brel par 'byung ba la bzod pa dang / gcig nas gcig tu sems phan tshun du gyur pa ste/ bzhi po 'di dag go// tshangs pa chos bzhi ldan na/ byang chub sems dpa' sems dpa' chen po rnams nyon mongs pa rnam par sbyong ste/ bzhi gang zhe na/ tshul bzhin du so sor rtog pa dang / ma 'ongs pa na sdom pa dang / dkar po'i chos kyi stobs skuspyad pa dang / rab tu dben par gnas te/ bzhi po 'di dag go// tshangs pa chos bzhi dang ldan pas/ byang chub sems dpa' sems dpa' chen po rnams 'khor gyi nang du 'gro ste/ bzhi gang zhe na/ chos 'dod pa'i phyir te klan ka tshol ba'i bsam pas ma yin pa dang / ri mo dang bcas pa'i phyir nga rgyal dang khengs pas ma yin pa dang / dge ba gang yin pa 'chol ba'i phyir te bdag bcoms pas ma yin pa dang / sems can rnams dge ba'i rtsa ba la gzung ba'i phyir te rnyed pa dang / bkur sti dang / tshigs su bcad pa'i phyir ma yin pa ste/ bzhi po 'di dag go// tshangs pa chos bzhi dang

  331. 166b

    ldan pas/ byang chub sems dpa' sems dpa' chen po rnams chos kyi sbyin pa rnam par 'byed de/ bzhi gang zhe na/ dam pa'i chos yongs su 'dzin pa dang / bdag nyid kyi shes rab gsal bar byed pa dang / skyes bu dam pa'i las byed pa dang / kun nas nyon mongs pa dang rnam par byang ba ston pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams rgyu'i stobs dang ldan zhing / dge ba'i rtsa ba chud mi za ba yin te/ bzhi gang zhe na/ gzhan gyi 'khrul pa la nyes par mi lta ba dang / khros pa rnams la byams bsgom pa dang / chos rnams kyi rgyu ston pa dang / byang chub kyi sems mi gtong ba ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams pha rol tu phyin pa drug la ma bstan par shes pa rnams yin te/ bzhi gang zhe na/ sbyin pa dag la sngon du 'gro ba rnams yin/ ltung ba rnams kyis pha rol la rtsod par mi byed/ sems can yongs su smin par bya ba'i phyir bsdu ba'i dngos po la mkhas pa yin/ chos rnams la zab mor mos pa rnams yin te/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams bsam gtan la gnas nas 'dod pa'i khams su skye'o/ / bzhi gang zhe na/ sems las su rung ba dang / dge ba'i rtsa ba rnams kyi stobs skyed pa dang / sems can rnams yongs su mi gtong ba dang /

  332. 167a

    thabs dang shes rab sgom pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams sangs rgyas kyi chos rnams las phyir mi ldog pa yin te/ bzhi gang zhe na/ 'khor ba dpag tu med pa yongs su 'dzin pa dang / sangs rgyas dpag tu med pa la mchod cing rim gro byed pa dang / byams pa dpag tu med pa bsgom pa dang / snying rje dpag tu med pa sgom pa ste/ bzhi po 'di dag go/ tshangs pa chos bzhi dang ldan na/ byang chub sems dpa' sems dpa' chen po rnams sangs rgyas kyi rigs mi gcod de/ bzhi gang zhe na/ sngar dam bcas pa las mi 'gyur ba dang / ji skad smras pa de bzhin byed pa dang / dge ba'i rtsa ba rnams la shin tu mos pa dang / bsam pa'i nan tan la gnas pa ste/ tshangs pa chos bzhi po 'di dag dang ldan na/ byang chub sems dpa' sems dpa' chen po rnams sangs rgyas kyi rigs mi gcod do// bcom ldan 'das kyis bzhi pa mngon par bsgrub pa 'di bshad pa na/ lha dang mir bcas pa'i skye dgu rnams las srog chags stong phrag sum cu rtsa gnyis bla na med pa yang dag par rdzogs pa'i byang chub tu sems skyes so/ / byang chub sems dpa' lnga stong yang mi skye ba'i chos la bzod pa skyes so// sangs rgyas kyi zhing s na tshogs nas 'dus pa'i byang chub sems dpa' de dag gis kyang bcom ldan 'das la mchod pa bya ba'i phyir stong gsum gyi stong chen po'i 'jig rten gyi khams 'di lha'i me tog rnams kyis pus nub tsam du

  333. 167b

    khebs par byas so/ / de nas gzhon nur gyur pa dra ba can gyi 'od kyis/ tshangs pa khyad par sems la 'di skad ces smras so// tshangs pa khyod bcom ldan 'das kyis byang chub sems dpa' tshul bzhin dri ba 'dri ba la mkhas pa rnams kyi mchog tu gsungs na/ de ji ltar dris na byang chub sems dpa' tshul bzhin 'dri ba yin/ khyad par sems kyis smras pa/ rigs kyi bu bdag tu sgro 'dogs pas 'dri na tshul bzhin ma yin par 'dri'o/ / gzhan du sgro 'dogs pas 'dri na tshul bzhin ma yin par 'dri'o// chos su sgro 'dogs par 'dri na tshul bzhin ma yin pas 'dri'o// dra ba can gyi 'od gang la bdag tu sgro 'dogs pa med pa dang / gzhan du sgro 'dogs pa med pa dang / chos su sgro 'dogs pa med pa 'di ni tshul bzhin 'dri'o// gzhan yang dra ba can gyi 'od skye ba'i phyir 'drin/ tshul bzhin ma yin par 'dri'o// 'gag pa'i phyir 'dri na de ni tshul bzhin ma yin pa'o// gnas dang gnas ma yin pa'i phyir 'dri na de ni tshul bzhin ma yin pa'o// dra ba can gyi 'od gang la chos gang la'ang skye ba'i phyir ram/ 'gag pa'i phyir ram/ gnas dang gnas ma yin pa'i phyir 'dri ba med pa de ni tshul bzhin 'dri ba'o// gzhan yang dra ba can gyi 'od kun nas nyon mongs pa'i phyir 'dri na de ni tshul bzhin ma yin pa'o// rnam par byang ba'i phyir 'dri na de ni tshul bzhin ma yin pa'o/ / 'khor ba'i phyir 'dri na de ni tshul bzhin ma yin pa'o// 'khor ba las shin tu bzla ba'i phyir 'dri na de ni tshul bzhin ma yin pa'o// yongs su mya ngan las 'da' ba'i phyir

  334. 168a

    'drin de ni tshul bzhin ma yin pa'o/ / dra ba can gyi 'od gang la kun nas nyon mongs pa'i phyir ma yin/ rnam par byung ba'i phyir ma yin/ 'khor ba'i phyir ma yin/ 'khor ba las shin tu bzla ba'i phyir ma yin/ yongs su mya ngan las phyir 'dri ba med pa de ni tshul bzhin dri ba'o// de ci'i phyir zhe na/ chos mi 'gyur ba nyid ni kun nas nyon mi mongs/ rnam par byang bar mi 'gyur/ mi 'khor zhing yongs su mya ngan las mi 'da' 'o// gzhan yang dra ba can gyi 'od thob pa'i phyir 'drin de ni tshul bzhin ma yin pa'o// mngon du bya ba'i phyir 'dri na de ni tshul bzhin ma yin pa'o// mngon par shes pa'i phyir 'dri na de ni tshul bzhin ma yin pa'o// yongs su shes pa dang bsgom pa'i phyir 'dri na de ni tshul bzhin ma yin pa'o// 'bral ba'i phyir 'dri na de ni tshul bzhin ma yin pa'o// dra bcan gyi 'od gang la thob pa med pa dang / 'dzin pa med pa dang / mngon du bya ba med pa dang / kun tu rtog pa med pa dang / mngon par shes pa med pa dang / gnas pa med pa dang / sgom pa med pa dang / sgom par lta ba med pa de ni tshul bzhin dri ba'o// gzhan yang dra ba can gyi 'od 'di ni dge ba'o// 'di ni mi dge ba'o// 'di ni zag pa dang bcas pa'o// 'di ni zag pa med pa'o// 'di ni kha na ma tho ba dang bcas pa'o/ / 'di ni kha na ma tho ba med pa'o// 'di ni 'dus byas so// 'di ni 'dus ma byas so// 'di ni 'jig rten pa'o// 'di ni 'jig rten las 'das pa'o zhes 'drin de ni tshul bzhin ma yin

  335. 168b

    bste/ dra ba can gyi 'od ji tsam du gnyis su 'jug pas 'dri ba de tsam du tshul bzhin ma yin pa'o// dra ba can gyi 'od gang la gnyi su med pa dang / gnyis ma yin pa med pa dang / 'du shes med pa dang ming med pa dang / spyi mi 'jug pa de ni tshul bzhin dri ba'o// gzhan yang dra ba can gyi 'od sangs rgyas tha dad du byed pa dang / chos tha dad du byed pa dang / dge 'dun tha dad du byed pa dang / zhing tha dad du byed pa dang / sems can tha dad du byed pa dang / theg pa tha dad du byed pa de ni tshul bzhin ma yin pa'o// dra ba can gyi 'od gang la chos gang yang tha dad par ram/ gcig par mi 'dri ba de ni tshul ba ni/ 'dri ba'o// gzhan yang dra ba can gyi 'od chos thams cad ni tshul bzhin no// chos thams cad ni tshul bzhin ma yin pa'o// smras pa/ tshangs pa ji ltar na chos thams cad ni tshul bzhin/ chos thams cad ni tshul bzhin ma yin/ smras pa/ chos thams cad bsam gyi mi khyab pa'i phyir chos thams cad ni tshul bzhin no// chos thams cad bsam gyis mi khyab pa la sems par zhugs pa de dag ni tshul bzhin ma yin pa'o/ / chos thams cad ni dben pa'i mtshan nyid de/ de ni tshul bzhin no// gang dben pa la ma mos pa de dag ni lhag par byed pa la zhugs pa'o// gang lhag par byed pa la zhugs pa de dag ni lhag par byed pa la brtson pa'o/ / gang lhag par byed pa la brtson pa de dag ji tsam du lhag par byed pa de tsam du tshul bzhin ma yin pa'o// smras pa/ tshangs pa

  336. 169a

    chos rnams kyi tshul gang yin/ smras pa/ rigs kyi bu rang gi yul dben pa 'dod chags dang bral ba'i mtha' ni chos rnams kyi tshul lo// smras pa/ tshangs pa gang / chos rnams kyi tshul 'di khong du chud pa'i sems can de dag ni nyung zhing 'byung bar 'gyur ro// smras pa/ rigs kyi bu 'dod chags dang bral ba'i mtha' ni gcig pa'ang ma yin/ mang po'ang ma yin te/ dra ba can gyi 'od rigs kyi bu 'am/ rigs kyi bu mo gang chos rnams kyi tshul bzhin 'di dag gi rjes su song ba 'am/ rjes su 'gro ba 'am/ rjes su 'gro bar 'gyur ba de dag gis chos gang yang ma rtogs/ mi rtogs/ rtogs par mi 'gyur ro// de ci'i phyir zhe na/ khong du chud pa med par bcom ldan 'das kyis kun shes pa lung bstan pa gsungs so// gang rnams tshul bzhin du chos bstan pa 'di thos nas mos par byed pa de dag ni ji ltar bstan pa de bzhin du rab tu sbyor ba yin te/ de dag ni chos gang la'ang spros par mi byed par 'gyur ro// su chos gang la'ang spros par byed par mi 'gyur ba de dag ni chos gang yang khong du chud par mi 'gyur ro/ / su chos gang yang khong du chud par mi 'gyur ba de dag ni 'khor bar 'gro ba yang ma yin/ mya ngan las 'das pa'i chos can yang ma yin no/ / de ci'i phyir zhe na/ bcom ldan 'das kyis 'khor ba'ang ma dmigs/ yongs su mya ngan las 'das pa'ang ma dmigs pa'i phyir ro// smras pa/ bcom ldan

  337. 169b

    'das kyis 'khor ba lnga bzla ba'i phyir chos ma bshad dam/ smras pa/ bcom ldan 'das kyis gang 'khor ba las 'da' ba'i chos gang bstan tam/ smras pa/ de ni ma yin no// smras pa/ rigs kyi bu de lta bla na bcom ldan 'das kyis 'khor ba'ang mi sel/ mya ngan las 'das pa'ang thob par mi byed mod kyi/ 'khor ba dang mya ngan las 'das pa gnyis su 'du shes pa las 'da' bar ston/ te/ 'di la gang yang 'khor ba las 'da' bar yang mi byed/ yongs su mya ngan las 'das pa'ang thob par mi byed do// de ci'i phyir zhe na/ mnyam pa nyid ni mi 'khor/ mya ngan las mi 'da'// ste bshad par bya na de skad bshad par bya'o// tshul bzhin du chos bstan pa 'di bstan pa na/ dge slong nyis stong rnams zag pa las len pa med par sems rnam par grol lo// de nas bcom ldan 'das kyis/ tshangs pa khyad par sems la 'di skad ces bka' stsal to// tshangs pa ngas 'khor ba dang mya ngan las 'das pa ma dmigs so// de ci'i phyir zhe na/ de bzhin gshegs pa 'khor bar 'dogs kyang 'di la gang yang 'khor ba med do/ / mya ngan las 'das par ston kyang 'di la gang yang yongs su mya ngan las mi 'da' 'o// tshangs pa gang rnams tshul 'di la zhugs pa de dag

  338. 170a

    ni 'khor ba'i chos can yang ma yin/ yongs su mya ngan las 'da' ba'i chos can yang ma yin no// de nas 'khor de'i nang nas dge slong lnga brgya bstan pa 'di thos pa dang stan las langs te dong ngo / / tshig 'di skad ces smras te/ gal te 'di la gang yang mi 'khor/ gal te gang yang yongs su mya ngan las mi 'da' na/ bdag cag tshangs par spyod pa la gnas pa 'ang don med do/ / bdag cag lam bsgom pa dang / bsam gtan dang / ting nge 'dzin dang / snyoms par 'jug pa'ang cir dgos zhes zer ro// de nas bcom ldan 'das la/ gzhon nur gyur pa dra ba can gyi 'od kyis 'di skad ces gsol to/ / bcom ldan 'das gang dag chos gang la skye ba 'am/ 'gag par 'tshal ba de dag la sangs rgyas 'byung ba ma mchis so// bcom ldan 'das gang dag mya ngan las 'das pa dngos por tshol ba de dag la'ang 'khor ba las 'da' ba ma mchis so/ / de ci'i slad du zhe na/ bcom ldan 'das mya ngan las 'das pa zhes bgyi ba ni/ gang mtshan ma thams cad rab tu zhi ba dang / g.yo ba thams cad ma mchis par gyur pa lags na/ bcom ldan 'das skyes bu blun po 'di dag legs par bshad pa'i chos 'dul ba la rab tu byung nas mu stegs can gyi lta bar lhung ste/ mya ngan las 'das pa dngos por tshol lo// 'di lta ste/ bcom ldan 'das til las til mar dang / 'o ma las mar bzhin du chos thams cad shin tu mya ngan las

  339. 170b

    'das pa la gang rnams mya ngan las 'das pa dngos por tshol ba de dag ni nyan thos mu stegs can nga rgyal can zhes bdag mchi'o/ / bcom ldan 'das rnal 'byor spyod pa yang dag par zhugs pa ni chos gang la'ang skye ba 'am/ 'gag par mi mthong / chos gang la'ang thob pa 'am/ mngon par rtogs par mi 'tshal lo// de nas gzhon nur gyur pa dra ba can gyi 'od kyis/ tshangs pa khyad par sems la 'di skad ces smras so/ / tshangs pa dge slong lnga brgya 'khor 'di nas stan las langs te dong ba 'di dag/ ci nas kyang chos 'dul ba la 'jug pa dang / mos par 'gyur ba dang / sdig pa'i lta bar gyur pa de las rnam par grol ba ston cig/ smras pa/ rigs kyi bu 'dod la rag go 'dong la rag go/ gal te sangs rgyas kyi zhing gang+gA'i klung gi bye ma snyed du dong yang bstan pa 'di las mi thar to/ / rigs kyi bu 'di lta ste/ skyes bu byis pa'i rang bzhin can nam mkhas 'jigs shing skrag ste/ bros kyang de dag las gar song ba de dang de dag tu nam mkha' mthong ngo // de bzhin du dge slong 'di dag kyang ji srid du ring du song yang stong pa nyid dang / mtshan ma med pa dang / smon pa med pa'i mtshan nyid las ma 'das so// 'di lta ste/ dper na skyes bu gzhan zhig nam mkha' rnyed par bya'o zhes nam mkha' tshol te/ phyogs dang phyogs mtshams su rgyug cing ji tsam du nam mkha'i ming nas brjod kyang nam mkha' mi rnyed do// de nam mkha' de nyid kyi nang nas 'gro

  340. 171a

    'ang de mi mthong ngo / / de ci'i phyir zhe na/ gang nam mkha' zhes bya ba de ni ming tsam mo// rigs kyi bu de bzhin du dge slong 'di dag kyang mya ngan las 'das pa dngos por tshol te/ mya ngan las 'das pa de nyid la rnam par spyod kyang de mi mthong ngo // khong du mi chud do// de ci'i phyir zhe na/ rigs kyi bu gang mya ngan las 'das pa zhes bya ba de ni ming tsam mo// ji ltar na nam mkha' zhes brjod pa'ang gzung du med pa de bzhin du/ mya ngan las 'das pa mya ngan las 'das pa zhes brjod pa'ang bzung du med pa'o// de nas dge slong lnga brgya po de dag bshad pa 'di thos nas/ zag pa las len pa med par sems rnam par grol te/ mngon par shes pa thob pa de dag gis tshig smras pa/ bcom ldan 'das gang rnams chos thams cad shin tu yongs su mya ngan las 'das pa la mya ngan las 'das pa dngos por tshol ba de dag la sangs rgyas 'byung ba ma mchis so/ / bcom ldan 'das bdag cag ni so so'i skye bo'ang ma lags/ slob pa'ang ma lags dgra bcom pa'ang ma lags/ 'khor ba'i chos can yang ma lags/ mya ngan las 'das pa'i chos can yang ma lags so// de ci'i slad du zhe na/ bcom ldan 'das sangs rgyas 'byung ba ni byed pa dang / sems pa dang / g.yo ba dang / spros pa thams cad ma mchis pa'o// de nas tshe dang ldan pa shA ri'i bus/ dge slong de dag la 'di skad ces smras so// tshe dang ldan pa

  341. 171b

    dag gis dge slong zhing khong du chud do/ / rang gi don byas so// de dag gis smras pa/ btsun pa shA ri'i bu bdag cag gis kun nas nyon mongs pa 'ong du chud do// mi byA 'byas so// shAr bus smras pa/ tshe dang ldan pa dag ci las bsams te de skad ston/ de dag gis smras pa/ btsun pa shA ri'i bu kun nas nyon mongs pa yongs su shes pa'i phyir dge sbyong nyid do// btsun pa shA ri'i bu me bya ba ni mya ngan las 'das pa yin te/ 'di la bsams nas bdag cag gis kun nas nyon mongs pa khong du chud do// mi bya ba byas so zhes ston to// shA ri'i bus smras pa/ tshe dang ldan pa rnams legs so legs so// tshe dang ldan pa rnams ni sbyin gnas kyisar gnas pa yin no// de dag gis smras pa/ btsun pa shA ri'i bu ston pa gang yin pa 'di nyid kyang sbyin pa mi sbyong na/ bdag cag gis ji ltar spyad/ smras pa/ btsun po shA ri'i bu de bzhin gshegs pas chos kyi dbyings rang bzhin gyis yongs su dag pa yongs su mkhyen pa'i phyir ro// de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das 'jig rten na gang dag sbyin gnas lags/ bcom ldan 'das kyis bka' stsal pa/ tshangs pa gang dag 'jig rten gyi chos rnams kyis mi 'phrogs pa rnams so// gsol pa/ 'jig rten na sbyin pa sbyong ba gang dag lags/ bka' stsal pa/ gang dag chos gang

  342. 172a

    yang yongs su mi 'dzin pa rnams so/ / gsol pa/ 'jig rten na bsod nams kyi zhing gang dag lags/ bka' stsal pa/ gang dag byang chub kyi sems chud mi gzon pa rnams so/ / gsol pa/ dge ba'i bshes gnyen gang dag lags/ bka' stsal pa/ gang dag gis sems can thams cad la byams pa yongs su ma gtang ba rnams so// gsol pa/ de bzhin gshegs pa la bgyid pa gzo ba gang dag lags/ bka' stsal pa/ gang dag sangs rgyas kyi rigs mi gcod pa rnams so// gsol pa/ de bzhin gshegs pa la mchod pa bgyid pa gang dag lags/ bka' stsal pa/ gang dag mi skye ba'i mtha' rtogs pa rnams so// gsol ba/ de bzhin gshegs pa dang nye bar gnas pa gang dag lags/ bka' stsal pa/ gang dag srog gi phyir yang bslab pa mi 'bral ba rnams so// gsol pa/ de bzhin gshegs pa la ri mo dang bcas pa gang dag lags/ bka' stsal pa/ gang dbang po rab tu bsdams te gnas pa rnams so// gsol pa/ 'jig rten na nor che ba gang dag lags/ bka' stsal pa/ gang dag nor bdun dang ldan pa rnams so/ / gsol pa/ 'jig rten na mchog 'tshal ba gang dag lags/ bka' stsal pa/ 'jig rten na gang dag la shes rab bla na med pa yod pa rnams so// gsol ba/ rab

  343. 172b

    tu dben pa gang dag lags/ bka' stsal pa/ gang dag khams gsum du smon pa med pa rnams so// gsol ba/ 'jig rten na shin tu bsdams pa gang dag lags/ bka' stsal pa/ gang kun tu sbyor ba thams cad shin tu byang ba rnams so// gsol ba/ 'jig rten na bde ba rnams gang dag lags/ bka' stsal pa/ gang rnams la yongs su 'dzin pa med pa'o// gsol pa/ yongs su mi 'dzin pa gang dag lags/ bka' stsal pa/ gang dag gis phung po yongs su shes pa'o// gsol pa/ pha rol tu mchis pa gang dag lags/ bka' stsal pa/ gang gis skye mched drug spangs pa rnams so// gsol pa/ bcom ldan 'das 'gram du phyin pa rnams gang dag lags/ bka' stsal pa/ tshangs pa gang gis mnyam pa nyid thob pa rnams so/ / gsol pa/ bcom ldan 'das ji ltar na byang chub sems dpa' rnams kyis sbyin pa rgyas pa lags/ bka' stsal pa/ nam sems can thams cad thams cad mkhyen pa'i sems la mos par byed pa'o/ / gsol pa/ ji ltar na tshul khrims dang ldan pa rnams lags/ bka' stsal pa/ nam thams cad mkhyen pa'i sems mi 'dor ba'o// gsol pa/ ji ltar na bzod pa dang ldan pa rnams lags/ bka' stsal pa/ nam thams cad mkhyen pa'i sems mi zad par mthong ba rnams so// gsol pa/ ji ltar na brtson 'grus dang ldan pa rnams lags/

  344. 173a

    bka' stsal pa/ nam thams cad mkhyen pa'i sems la brtags nas mi dmigs pa'o// gsol pa/ ji ltar na bsam gtan pa rnams lags/ bka' stsal pa/ nam thams cad mkhyen pa'i sems rang bzhin gyis zhi bar rab tu rtogs pa'o// gsol pa/ ji ltar na shes rab dang ldan pa rnams lags/ bka' stsal pa/ nam chos thams cad la spros par mi byed pa'o/ / gsol ba/ ji ltar na byams pa la gnas pa rnams lags/ bka' stsal pa/ nam sems can du 'du shes 'jug par mi byed pa'o// gsol pa/ ji ltar na snying rje la gnas pa rnams lags bka' stsal pa/ nam chos thams cad la 'du shes 'jug par mi byed pa'o// gsol pa/ ji ltar na dga' ba la gnas pa rnams lags/ bka' stsal pa/ nam bdag tu 'du shes 'jug par mi byed pa'o// gsol pa/ ji ltar na btang snyoms la gnas pa rnams lags/ bka' stsal pa/ nam bdag dang gzhan du 'du shes 'jug par mi byed pa'o/ / gsol pa/ ji ltar na dad pa la gnas pa rnams lags/ bka' stsal pa/ nam chos thams cad brjod du med par mos pa'o// gsol pa/ ji ltar na thos pa la gnas pa rnams lags/ bka' stsal pa/ nam sgra thams cad la mngon par mi chags pa'o// gsol pa/ ji ltar na ngo tsha 'tshal ba dang ldan pa rnams

  345. 173b

    lags/ bka' stsal pa/ nang yongs su shes pas so// gsol pa/ ji ltar na khrel mchis pa phun sum tshogs pa rnams lags/ bka' stsal pa/ phyi rol gyi skye mched 'dor bas so/ / gsol pa/ bcom ldan 'das byang chub sems dpa' rnams ji ltar na yon tan thams cad tshogs shing kun tu 'gro ba rnams lags/ bcom ldan 'das kyis bka' stsal pa/ lus dang / ngag dang / yid kyi las yongs su dag pas so// de nas bcom ldan 'das kyis de'i tshe tshigs su bcad pa 'di dag gsungs so// lus ni rnam par dag cing sdig pa mi byed de// ngag kyang rnam par dag pas rtag tu rdzun rnams spongs// yid kyang gtsang bas rtag tu bsam pa dri ma med// de phyir de ni rgyal bas kun tu 'gro bas gsungs// mi sdug sgom zhing 'dod chags kyis kyang chags pa med/ / byams la gnas shing zhe sdang gis ni gtum pa med// shes rab dag la gnas shing gti mug blun ma yin// mkhas pa rnams ni de la kun tu 'gro bar gsungs// de ni grong du ji bzhin de bzhin dgon par yang // dgon pa dang ni grong dang 'khor du de 'dra bar// de ni spyod lam rnam par 'gyur bar mi byed de// de phyir rgyal bas de la kun tu 'gro bar brjod// rgyal ba kun gyi chos nyid la ni de mos te// mkhas pas chos nyid la yang 'dod chags bral ba dang // dge 'dun la yang 'dus ma byas par shin tu mos// de phyir rgyal pa rnams kyis kun

  346. 174a

    tu 'gro bar gsungs/ / 'dod chags mos pa dag gis spyod par rab tu shes// zhe sdang mos pa rnams dang de bzhin gti mug dang // spyod pa rnam par 'gyur ba la yang de mkhas te/ / de phyir de ni rgyal bas kun tu 'gro bar bstan// 'dod pa'i khams la shin tu gnas par mi byed de// gzugs kyi khams la yang ni minus par mi 'gyur ro// de ni gzugs med pa yi khams la mi gnas te/ / de phyir de ni rgyal bas kun tu 'gro bar brjod// rtag tu mtshan ma dang ni smon pa gsog gyur dang // dngos po thams cad stong pa nyid du de mos shing // zag pa rnams ni bar du zad par mi byed de// de phyir de ni rgyal bas kun tu 'gro bar bstan// de ni rang rgyal theg pa la yang mkhas pa yin// sgra phyir 'brang ba nyan thos 'gyur ba'ang de yis shes// / rdzogs pa'i sangs rgyas theg pa'i pha rol song ba yin// de phyir bde bar gshegs pas kun tu 'gro bar brjod// de dag rtag par kun tu blo gros dri ma med// de dag tshul dang tshul ma yin la mi rmongs te/ / mdza' ba dang ni mi mdza' ba la'ang mnyam pa'i yid// de phyir byang chub sems dpa' kun tu 'gro ba yin// 'das pa dag gi chos la'ang rnam par mi rtog cing // ma 'ongs pa dang da ltar gyi la'ang de bzhin te/ / thams cad du yang dpa' bo rnam par mi rtog spyod// de phyir sems can dag pa kun tu 'gro ba'o// / bam po gnyis pa/

  347. 174b

    de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das ji ltar na byang chub sems dpa' sems dpa' chen po 'jig rten gyi chos rnams las shin tu 'da'/ 'jig rten gyi chos kyi nang na'ang gda' la/ 'jig rten gyi chos rnams kyis kyang mi gos/ 'jig rten gyi chos kyi 'jug pa'ang rab tu 'tshal la/ 'jig rten gyi chos kyi 'jug par yang mi mchi/ 'jig rten gyi chos kyi 'jug pas kyang sems can rnams 'jig rten gyi chos las yongs su thar par bgyid/ 'jig rten gyi chos kyi mnyam pa nyid kyang thob la/ 'jig rten na'ang rnam par spyod cing / 'jig rten gyi chos rnams kyang rnam par 'jig par mi bgyid pa lags/ de nas bcom ldan 'das kyis/ tshangs pa khyad par sems la tshigs su bcad pa dag gis slar bka' stsal pa/ 'jig rten phung por ngas bshad de// 'jig rten dag ni 'di la gnas// 'di la gnas par ma byas nas// 'jig rten chos lnga rnam par grol// byang chub sems dpa' mkhas pa der// 'jig rten rang bzhin nyid shes nas// phung po rnams dang rab ldan yang // 'jig rten chos dang ldan ma yin// rnyed pa dang ni ma rnyed dang / de bzhin grags dang ma grags dang // bstod smad bde dang sdug bsngal dang // de dag gis ni 'jig rten skyong // shes rab chen po brtan de rnams// 'jig rten chos rnams rab rtogs

  348. 175a

    shing / / 'jig rten 'jig pa mthong nas ni// 'di dag la yang g.yo mi 'gyur// rnyed pas mtho bar mi sems te// ma rnyed pas kyang dmas pa med// ri/ rab bzhin du mthu brtan pa// rnam pa kun tu gnod mi 'gyur// de bzhin grags dang ma grags kyang // rtag tu mtshungs par 'gyur ba yin// bde dang sdug bsngal bstod smad la// mnyam pa nyid du gnas par 'gyur// 'jig rten 'di ni gnyis las byung // phyin ci log las kun nas langs// de phyir 'jig rten 'gro rtogs nas// mkhas pa rnams ni 'gro med 'gro// 'jig rten 'di 'gro gang yin pa// 'gro ba de ni de dag shes// de phyir 'jig rten 'gror zhugs nas// mi bde ba las skye bo 'grol// dpa' bo de dag 'jig rten spyod// pad+mo bzhin du chags pa med/ / chos kyi dbyings la rab gnas nas// 'jig rten dag kyang 'jig med byed// 'jig rten chos nyid mi shes par// 'jig rten gang la spyod par yang // 'jig rten mtshan nyid shes nas ni/ / mkhas pa de dag nyid na spyod// 'jig rten nam mkha'i mtshan nyid de// nam mkha' la yang mtshad nyid med// de dag de yi 'gro rigs nas// 'jig rten/ chos kyis gos pa med// ji ltar 'jig rten rab shes pa// de bzhin srog chags rnams la smra// chos kyi rang bzhin shes nas ni// 'jig rten dag kyang 'jig mi byed// phung po rnams

  349. 175b

    la rang bzhin med/ / 'di ni 'jig rten chos nyid do// gang rnams de ltar mi shes pa// de dag rtag tu 'jig rten gnas// ma skyes pa dang ma byung bar// gang gis phung po kun shes pa de dag 'jig rten spyod 'gyur yang / / 'jig rten 'di la'ang mi gnas so// 'jig rten chos rnams mi shes shing // 'du shes gnyis la gang gnas pa// 'di bden 'di ni brdzun no/ zhes// mi mkhas de dag rtsod par 'gyur// 'di ltar 'jig rten chos rnams kyi// yang dag chos nyid ngas shes pas// nga ni 'jig rten rnams dang yang // nams kyang rtsod par mi byed do/ / rtsod pa med pa'i chos 'di ni// sangs rgyas kun gyis bshad pa ste// 'jig rten mnyam pa nyid shes na// 'di la bden pa'am brdzun pa med// brdzun pa'am yang na bden pa zhig/ bstan pa la ni rnyed gyur na// mthar 'dzin par ni nga 'gyur te// mu stegs can dang khyad par med// gang phyir chos rnams yang dag min// bden pa dang ni brdzun pa med/ / de phyir 'jig rten 'das pa'i chos// ngas ni gnyis su med par bshad// 'jig rten chos nyid ji lta bar// gang gis 'jig rten 'di shes pa// mkhas pa de dag bden pa 'am/ / brdzun pa'i lta ba'ang mi 'dzin to// nam mkha' lta bur rnam par dag/ gang gis 'jig rten 'di shes pa// grags pa chen po'i 'jig rten gyi// snang ba lta bur gyur pa

  350. 176a

    yin/ / nga nyid kyis ni mthong ba ltar// de ltar gang gis 'jig rten mthong // phyogs dang phyogs mtshams gang bzhugs pa// rdzogs pa'i sangs rgyas de dag gzigs/ / chos rnams ngo bo nyid med par// brten pa'i chos rnams rab tu shes// gang rnams rten pa shes pa ni// de dag chos nyid shes pa yin// gang rnams chos nyid rab shes pa/ / de dag stong pa nyid de shes// gang rnams stong nyid rab shes pa// de yis 'dren pa de rnams mthong // gang rnams 'jig rten bstan pa 'di// rna lam grags par 'gyur ba ni/ / de dag 'jig rten spyod mod kyi// 'jig rten 'di la gnas ma yin// lta la gnas pa gang su dag/ gzhan gyis ni 'di ma yin// 'jig rten du ni spyod byed// kyang // 'jig rten 'di la gnas pa med// sangs rgyas mya ngan 'das nas kyang // gang rnams bzod pa 'dir mos pa// de bzhin gshegs pa chos kyi sku// rdzogs pa'i sangs rgyas de la bzhugs/ / gang gis tshul 'di shes pa ni// des ni nga yi chos bzung ste// de yis nga la rtag tu mchod// de dag 'jig rten ston pa'o// gang zhig 'jig rten bstan pa 'di/ / rna lam grags par gyur pa ni// sdig can bdud kyis de dag la// glags kyang rnyed par mi 'gyur ro// gang gis rnam pa 'di shes pa// de dag phyag

  351. 176b

    cing longs spyod che/ / de dag sbyin la rtag par dga'// de dag tshul khrims phun sum tshogs// gang gis 'jig rten 'di shes pa// de dag bzod pa'i stobs ldan pa// de dag brtson 'grus rtogs par rig/ mkhas pa de dag bsam gtan dga'// gang gis rnam pa 'di shes pa// de dag ting 'dzin phun sum tshogs// de dag nye bar bzhi la dga'// brtan pa de dag shes rab 'phags// gang na 'di 'dra grag pa yi// phyogs de sangs rgyas stongs ma yin// sems dpa' chen po ring mi thogs// byang chub snying por 'gro bar 'gyur/ gang rnams 'jig rten bstan pa 'di// rna lam grag par 'gyur ba dag/ g.yon can bdud rnams bcom nas ni// byang chub mchog tu rdzogs 'tshang rgya// de nas bcom ldan 'das kyis/ tshangs pa khyad par sems la 'di skad ces bka' stsal to// tshangs pa de bzhin gshegs pa 'jig rten gyi yul las 'das pas/ 'jig rten dang / 'jig rten kun 'byung ba dang / 'jig rten 'gog pa dang / 'jig rten 'gog par 'gro ba'i lam du'ang 'dogs so// tshangs pa de la 'jig rten zhes bya ba ni phung po lnga rnams so// gang de la chags pa de ni 'jig rten kun 'byung ba'o/ / gang phung po rnams kyi zad pa dang 'gag pa de ni 'jig rten 'gag pa'o// gang phung po rnams tshol ba dang mi tshol ba gnyis su med pa de ni lam mo// gzhan

  352. 177a

    yang tshangs pa phung po rnams phung po rnams zhes tha dad du 'dogs pa la/ gang smra ba dang smra bar lta ba 'di ni 'jig rten no// gang lta ba de'i rjes su 'brang ba 'di ni 'jig rten kun 'byung ba'o/ / gang lta ba de ji lta ba bzhin mtshan nyid 'gag pa de ni 'jig rten 'gag pa zhes bya'o// lam gang gis lta ba de dag mi 'dzin pa de ni 'jig rten 'gog par 'gro ba'i lam ste/ tshangs pa ngas 'di la bsams nas nga ni lus 'dom gang ba 'di la 'jig rten dang / 'jig rten kun 'byung ba dang / 'jig rten 'gog pa dang / 'jig rten 'gog par 'gro ba'i lam du 'dogs so zhes tshig de skad bshad do/ / de nas bcom ldan 'das la// tshang pa khyad par sems kyis 'di skad ces gsol to// bcom ldan 'das de bzhin gshegs pas gang 'di 'phags pa'i bden pa bzhi bstan na/ bcom ldan 'das 'phags pa rnams kyi bden pa gang lags/ bcom ldan 'das kyis bka' stsal pa/ tshangs pa 'di ni sdug bsngal ba'o zhes bya ba de ni 'phags pa rnams kyi bden pa ma yin no/ / tshangs pa 'di ni sdug bsngal kun 'byung ba'o// 'di ni sdug bsngal 'gog pa'o// 'di na sdug bsngal 'gog par 'gro ba'i lam mo zhes bya ba de ni 'phags pa rnams kyi bden pa ma yin no/ / de ci'i phyir zhe na/ tshangs pa 'di ni sdug bsngal ba'o zhes bya ba de ci ste 'phags pa rnams kyi bden pa yin du zin na/ de na

  353. 177b

    byol song ba glang dang / bong bu dang / sems can dmyal ba ba thams cad kyi'ang 'phags pa'i bden par 'gyur ro// de ci'i phyir zhe na/ 'di ltar de dag ni sdug bsngal ba'i tshor ba rnams myong ngo // tshangs pa 'di ni sdug bsngal kun 'byung ba zhes bya ba de ci ste 'phags pa rnams kyi bden pa yin du zin na/ de ni gang 'gro ba rnams su 'byung ba'i 'gro ba thams cad du skyes pa'i sems can rnams kyi yang 'phags pa'i bden par 'gyur ro/ / 'di ni 'gog pa'o zhes bya ba de ci ste 'phags pa'i bden pa yin du zin na/ de na gang rnams dngos po bshig pas mya ngan las 'das pa tshol ba dang / 'gog par lta bar lhung ba chad par smra ba thams cad la'ang 'phags pa'i bden par 'gyur ro// 'di ni lam mo zhes bya ba de ci ste 'phags pa rnams kyi bden pa yin du zin na/ de ni 'dus byas kyis 'dus byas las 'byung bar tshol ba/ 'dus byas lam du dmigs pa thams cad la'ang 'phags pa'i bden par 'gyur te/ de bas na tshangs pa rnam grangs 'dis ji ltar sdug bsngal dang / kun 'byung ba dang / 'gog pa dang / lam rnams 'phags pa rnams kyi bden pa ma yin par khyod kyis rig par bya'o// de lta mod kyi tshangs pa gang sdug bsngal mi skye ba de ni 'phags pa rnams kyi bden pa'o/ / gang kun 'byung ba mi 'jug pa 'di ni 'phags pa rnams kyi bden pa'o// gang chos thams cad shin tu 'gags pa la mi skye mi 'gog pa 'di ni 'phags pa rnams kyi bden pa'o//

  354. 178a

    gang chos thams cad la mnyam pa nyid dang gnyis su med pa'i lam sgom pa 'di ni 'phags pa rnams kyi bden pa'o// tshangs pa gang bden pa bden pa zhes bya ba ni/ gang bden pa'ang ma yin/ brdzun pa'ang ma yin pa'o// brdzun pa gang zhe na/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang chad par 'dzin pa dang / rtag par 'dzin pa dang / 'byung bar 'dzin pa dang / 'jig par 'dzin pa dang / skye bar 'dzin pa dang / 'gag par 'dzin pa dang / 'khor bar 'dzin pa dang / mya ngan las 'das par 'dzin pa de ni brdzun zhes bya'o// gang 'dzin pa 'di dag la mi 'dzin cing mchog tu mi snyems pa 'di ni bden pa zhes bya'o// sdug bsngal yongs su shes pa zhes bya ba ni/ brdzun no// kun 'byung ba rab tu spang ngo zhes bya ba ni brdzun no// 'gog pa mngon du bya'o zhes bya ba ni brdzun no// lam sgom mo zhes bya ba ni brdzun no// de ci'i phyir zhe na/ de dag ni sangs rgyas kyis bka' stsal pa'i dran pa las nyams pa yin te/ de'i phyir brdzun pa zhes bya'o// sangs rgyas kyis bka' stsal pa'i dran pa zhes bya ba gang zhe na/ gang chos thams cad la mi dran zhing yid la mi byed pa 'di ni sangs rgyas kyis bka' stsal pa'i dran pa zhes bya ste/ gang dran pa de la gnas pa de ni mtshan ma thams cad la mi gnas pa'o// gang mtshan ma thams cad la mi gnas

  355. 178b

    pa de ni yang dag pa'i mtha' la gnas pa'o/ / gang yang dag pa'i mtha' la gnas pa de ni yid mi gnas pa'o// gang yid mi gnas pa de ni bden par smra ba'ang ma yin/ brdzun du smra ba'ang ma yin te/ de'i phyir tshangs pa rnam grangs 'dis gang la bden pa'ang med/ brdzun pa'ang med pa de ni 'phags pa rnams kyi bden pa yin par rig par bya'o// tshangs pa bden pa zhes bya ba de ni nas yang mi bden pa ma yin te/ de bzhin gshegs pa rnams skyes kyang rung / ma skyes kyang rung / chos nyid chos kyi dbyings 'di ni gnas pa'o// de bzhin du 'khor ba dang / de bzhin du ngan las 'das pa'ang rtag tu mi 'chad par 'phags pa rnams kyi bden pa'o/ / de ci'i phyir zhe na/ tshangs pa 'khor ba spangs pa'i phyir 'phags pa rnams kyi bden pa ma yin/ mya ngan las 'das pa thob par bya ba'i phyir yang 'phags pa rnams kyi bden pa ma yin te/ tshangs pa gang dag gis 'phags pa'i bden pa bzhi po 'di rnams de ltar mngon par rtogs pa mngon du byas pa de dag ni/ bden par smra ba yin no// yang tshangs pa ma 'ongs pa'i dus na/ dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa la cig 'byung ste/ de dag ni sdug bsngal skye ba la sdug bsngal 'phags pa'i bden pa zhes smra bar 'gyur ro// kun 'byung ba'i phyir kun 'byung 'phags pa'i bden pa zhes smra bar 'gyur ro//

  356. 179a

    dngos po 'jig pa'i phyir 'gog pa 'phags pa'i bden pa zhes smra bar 'gyur ro// lam gyis 'byung ba'i phyir lam 'phags pa'i bden pa gnyis su smra bar 'gyur/ skyes bu thun po de dag ni nyan thos su stegs can zhes ngas bshad do// gad rnams dngos po 'jig pas 'phrog pa 'phags pa'i bden pa'o zhes smra bar 'gyur ba de dag ni lam log par zhugs yin tote/ da'ang dag gi ston pa sa yin/ de dag nga 'i nyan thos ma yin no// tshangs pa ltos shig/ ngabyang chub kyi snying por 'dug nas bden pa'am/ brdzun pa zhes u0f7f k hong du ma chud do/ / chos gang ngas khong du ma chud pa'i chos de de bzhin gshegs pa gzhan la ston par mdzad dam/ 'chang bar mdzad dam/ gsol pa/ bcom ldan 'das de nim lags so/ / bcom ldan 'das kyis bka' stsal pa/ de bzhin gshegs pa rnams kyi byang chub ni mi dmigs pa ste/ ma zin pa srid pa'i 'gro ba thams cad dang bral ba'o// nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das ci ste de bzhin gshegs pa byang chub kyi snying po la zhugs nas/ chos gang yang ma dmigs na/ ci mngon par rtogs pas de bzhin gshegs pa byang chub sems shing yang dag par rdzogs pa'i sangs rgyas zhes bgyi/ bcom ldan 'das kyis bka' stsal pa/ tshangs pa

  357. 179b

    'di ji snyam du sems/ gang ngas 'dus byas sam/ 'dus ma byas kyi chos bshad pa 'di dag de bzhin nam/ de lta ma yin/ gsol pa/ bcom ldan 'das ma mchis pa lags so// bde ba gshegs pa ma mchis pa lags so/ / bcom ldan 'das kyis bka' stsal pa/ tshangs pa chos gang rnams med pa de dag yod pa 'am/ 'on te med pa/ gsol pa/ bcom ldan 'das gang ma mchis pa de ni mchis pa 'am/ ma mchis pa zhes mi bgyi'o// bcom ldan 'das kyis bka' stsal pa/ chos gang yang yod pa'ang ma yin/ med pa'ang ma yin pa de la mngon par rdzogs par byang chub pa gang yang yod dam/ gsol pa/ bcom ldan 'das de la mngon par rdzogs par byang chub pa gang yang ma mchis so// bcom ldan 'das kyis bka' stsal pa/ tshangs pa de ltar de bzhin gshegs pa byang chub kyi snying po la bzhugs nas med pa phyin ci log las byung ba'i kun nas nyon mongs pa shin tu rang bzhin gyi mi skye ba'i ngo bo nyid du mkhyen te/ ji ltar shin tu mi mkhyen pa dang / shin tu rnam par mi rig pa de ltar mkhyen to// de ci'i phyir zhe na/ tshangs pa ngas 'di ltar chos gang mngon par sangs rgyas pa de ni ma mthong / ma thos/ madran/ ma rtogs/ rnam par mi rig cing gzung ba'ang med/ sbyar ba'ang med/ brjod du'ang med/ rjes su sbyor ba'ang med/ yul thams cad

  358. 180a

    las 'das pa/ smar med pa/ rab tu smrar med pa/ dpyod pa med pa/ rtogs par mi rung ba/ yi ge med pa/ tshig gi lam med pa/ rnam par rig pa med pa yin te/ tshangs pa de ltar chos gang nam mkha' dang 'dra ba'i chos de mngon par rtogs par 'dod dam/ gsol pa/ bcom ldan 'das de lta ma lags so// bcom ldan 'das sangs rgyas bcom ldan 'das rnams kyi thugs rje chen po bsam gyis mi khyab pa'i chos dang ldan te/ de ltar rab tu zhi ba'i chos mngon par sangs rgyas nas/ yi ge dang / nges pa'i tshig gis gzhan dag la go bar mdzad pa ngo mtshar to/ / bcom ldan 'das gang de bzhin gshegs pas bstan pa'i chos la mngon par dad pa'i sems can de dag ni dge ba'i rtsa ba ngan ngon dang ldan pa ma lags so/ / de ci'i slad du zhe na/ bcom ldan 'das chos 'di ni 'jig rten thams cad dang mi mthun pa'o// bka' stsal pa/ tshangs pa ji ltar 'jig rten thams cad dang mi mthun pa yin/ gsol pa/ bcom ldan 'das ji ltar 'jig rten ni bden pa la mngon par chags na/ chos 'di ni bden pa'ang ma lags/ brdzun pa'ang ma lags so// 'jig rten ni chos la mngon par chags na chos 'di ni chos kyang ma lags/ chos ma lags pa'ang ma lags so// 'jig rten ni mya ngan las 'das pa la chags na/ chos 'di

  359. 180b

    la ni 'khor ba'ang ma mchis/ mya ngan las 'das pa'ang ma mchis so// 'dzin rten ni dge ba la mngon par chags na/ 'di la ni dge ba'ang ma mchis/ mi dge ba'ang ma mchis so// 'jig rten ni bde ba la mngon par chags na/ 'di la ni bde ba'ang ma mchis/ sdug bsngal ba'ang ma mchis so// 'jig rten ni sangs rgyas 'byung ba la mngon par chags na 'di la ni sangs rgyas 'byung ba'ang ma mchis/ mya ngan las 'das pa'ang ma mchis so// chos bstan kyang de brjod du ma mchis pa'o// dge 'dun bstan kyang de 'dus ma bgyis pa'o// / de'i slad du chos 'di ni 'jig rten thams cad dang mi mthun pa lags so// bcom ldan 'das 'di lta ste/ dper na me dang chu 'am/ chu dang me'i gnas 'di ni mi mthun pa'o// de bzhin du nyon mongs pa dang / byang chub bam/ byang chub dang nyon mongs pa ni mi mthun pa'o// de ci'i slad du zhe na/ nyon mongs pa ma mchis pas de bzhin gshegs pas mngon par sangs rgyas so/ / bshad kyang snang ba'i gzugs ma lags/ kun mkhyen kyang rnam par mkhyen pa ma mchis/ bsgoms kyang gnyis su ma bgyis/ mngon du bgyis kyang thob pa ma mchis/ mya ngan las bzlas kyang zhi ba'ang ma mchis te/ bcom ldan 'das rigs kyi bu 'am/ rigs kyi bu mo gang rnams chos kyi tshul gyi rnam pa 'di la mos pa de dag ni lta bar gyur

  360. 181a

    pa thams cad las rnam par grol bar 'gyur ro/ / de bzhin gshegs pa la bsnyen bkur bgyis shing / sngon gyi rgyal ba la lhag par bgyi ba bgyis pa lags so// de dag dge ba'i bshes gnyen gyis yongs su bzung ba lags so// de dag dge ba'i rtsa ba 'bar ba'i slad du rgya chen po la mos par 'gyur ro// de dag de bzhin gshegs pa'i mdzod 'chang ba'i slad du gter rab tu rnyed par 'gyur ro/ / de dag legs par bgyi ba'i las bgyis pa'i slad du las kyi mtha' shin tu 'thun par 'gyur ro// de dag sangs rgyas kyis rigs 'dzin pa'i slad du rigs btsun par 'gyur ro/ / de dag nyon mongs pa thams cad yongs su gtang ba'i slad du gtong ba chen po dang ldan par 'gyur ro// de dag tshul khrims kyi stobs dang ldan par 'gyur te/ nyon mongs pa'i stobs can ma lags// lus srog bor ba'i slad du de dag bzod pa'i stobs can du 'gyur ro// de dag yid yongs su skyob ma mchis pa'i slad du brtson 'grus kyi stobs can du 'gyur ro/ / de dag sdig pa'i las bsregs pa'i slad du bsam gtan gyi stobs can du 'gyur ro// de dag sdig par lta ba rnams dang bral ba'i slad du shes rab kyi stobs can du 'gyur ro/ / de dag bdud rnams kyis rab tu thub par dka' bar 'gyur ro// de dag phyir rgol ba rnams kyis mi rdzi bar 'gyur ro// de dag de bzhin gshegs pa rnams la mi slu bar 'gyur ro//

  361. 181b

    de dag chos kyi rang bzhin ston pa la mkhas pa'i slad du yang dag par sla bar 'gyur ro// de dag don dam pa'i chos ston pa'i slad du bden pa smra bar 'gyur ro// de dag de bzhin gshegs pa rnams kyi yongs su gzung bar 'gyur ro/ / de dag 'grogs na bde ba'i slad du nges par 'gyur ro// de dag 'phags pa'i nor rnams kyis nor dang ldan par 'gyur ro// de dag 'phags pa'i rigs rnams kyis cho ga 'tshal bar 'gyur ro/ / gso sla zhing dgang sla bar 'gyur ro// de dag pha rol tu mchi ba'i slad du dbugs 'byin pa thob par 'gyur ro// de dag ma rgal ba rnams sgrol bar 'gyur ro// de dag ma grol ba rnams dgrol bar bgyid par 'gyur ro// de dag dbugs 'byin pa ma mchis pa rnams kyi dbugs 'byin par 'gyur ro// yongs su mya ngan las 'das pa rnams yongs su mya ngan las zla bar 'gyur ro/ / de dag lam ston par 'gyur ro// de dag mya ngan las 'das pa ston par 'gyur ro// de dag sman thams cad yongs su 'tshal ba'i slad du sman pa rnams kyi rgyal por 'gyur ro// de dag nad thams cad rab tu zhi bar bgyid pa'i slad du sman lta bur 'gyur ro// de dag ye shes kyi stobs dang ldan par 'gyur ro// de dag mthus spro ba dang ldan par 'gyur ro// de dag gzhan gyi dring la mi 'jog pa'i slad du rtsal dang ldan par 'gyur ro/ / de dag 'jigs pas spu ldang ba ma mchis pa'i slad du seng ge lta bur 'gyur ro// de dag cang shes pa'i slad du ba glang lta bur 'gyur ro//

  362. 182a

    de dag sems rab tu 'dul ba'i slad du glang po cher 'gyur ro// de dag 'khor mang po yongs su sdud pa'i slad du khyu mchog tu 'gyur ro// de dag bdud dang phyir rgol ba rnams rab tu bcom pa'i slad du dpa' bor 'gyur ro/ / de dag 'khor gyis 'jigs pa ma mchis pa'i slad du bstan par 'gyur ro// de dag mi 'jigs pa thob pa'i slad du mi thub par 'gyur ro// de dag bden pa bstan pa rnams la 'jigs pa ma mchis par 'gyur ro/ / de dag dkar po'i phyogs yongs su rgyas pa'i slad du zla ba dang mtshungs par 'gyur ro// de dag shes rab kyis snang bar bgyid pas nyi ma lta/ bur 'gyur ro// de dag mun pa chen po dang bral ba'i slad du sgron ma lta bur 'gyur ro// de dag mdza' ba dang khong khro ba ma mchis pa'i slad du gzhi rten lta bur 'gyur ro// de dag sems can thams cad nye bar 'tsho ba'i slad du sa dang mtshungs par 'gyur ro/ / de dag chos thams cad la mi gnas pa'i slad du rlung dang mtshungs par 'gyur ro// de dag nyon mongs pa'i dri ma thams cad 'khru ba'i slad du chu dang mtshungs par 'gyur ro/ / de dag rlom sems thams cad yang dag par 'joms pa'i slad du ma dang mtshungs par 'gyur ro// de dag spyod mi nus pa'i slad du ri rab dang mtshungs par 'gyur ro// de dag lhag pa'i bsam pa brtan zhing mi phyed pa'i slad du rdo rje ltar sra ba'i 'khor yug gi ri lta bur 'gyur ro// de dag phal gyi rgol ba thams cad kyis gdul dka' bar 'gyur ro// de dag nyan thos dang

  363. 182b

    rang sangs rgyas thams cad kyis gting dpag dka' bar 'gyur ro/ / de dag chos rin po che thams cad 'dul ba'i slad du rgya mtsho lta bur 'gyur ro// de dag nyon mongs pa thams cad bas pa'i slad du/ gting dang 'dra bar 'gyur ro// de dag chos yongs su tshol bas chog mi shes par 'gyur ro// de dag shes rab kyis ngom par 'gyur ro// de dag chos kyi 'khor lo rab tu bskor bas rgyal po dang mtshungs par 'gyur ro/ / de dag gzugs 'dzin pa'i slad du brgya byin dang mtshungs par 'gyur ro// de dag dbang sgyur ba'i slad du tshangs pa dang mtshungs par 'gyur ro// de dag chos mngon par sgrog pa'i slad du sprin dang 'dra bar 'gyur ro/ / de dag bdud rtsi'i char rab tu 'babs pa'i slad du char dang 'dra bar 'gyur ro// de dag dbang po dang / stobs dang / byang chub kyi yan lag rnams rnam par 'phel bar bgyid par 'gyur ro/ / de dag 'khor ba'i 'dam las rgal bar 'gyur ro// de dag sangs rgyas kyi ye shes la zhugs par 'gyur ro// de dag sangs rgyas kyi byang chub la nye bar 'gyur ro/ / de dag blos mnyam pa ma mchis par 'gyur ro// de dag thos pas mi mnyam pa dang mnyam par 'gyur ro// de dag gzhal ba las 'das pa'i slad du mtshungs pa ma mchis par 'gyur ro/ / de dag spobs pa thogs pa ma mchis par 'gyur ro// de dag gzungs rab tu thob pa'i slad du dran pa dang ldan par 'gyur ro// de dag don rtogs pa'i slad du 'brang bas rtogs

  364. 183a

    pa dang ldan par 'gyur ro/ / de dag chos la tshul bzhin du so sor rtogs pa'i slad du blo gros dang ldan par 'gyur ro// de dag sems can gyi bsam pa rnams la mkhas par 'gyur ro/ / de dag 'jig rten la phan par bgyi ba'i slad du brtson par 'gyur ro// de dag 'jig rten las 'phags par 'gyur ro// de dag pad+mo lta bur mi chags par 'gyur ro// de dag 'jig rten gyi chos rnams kyis yongs su ma zin par 'gyur ro/ / de dag mkhas pa rnams dga' bar 'gyur ro// de dag mang du thos pa rnams kyis cher bkur bar 'gyur ro// de dag rig pa rnams kyis ri mor bgyi bar 'gyur ro/ / de dag lha dang mi rnams kyis mchod par 'gyur ro// de dag 'jig rten rnams kyis phyag bgyi bar 'gyur ro// de dag 'phags pa rnams kyis bkur sti bgyi bar 'gyur ro/ / de dag nyan thos dang rang sangs rgyas rnams kyis smon par bgyi bar 'gyur ro// de dag nyi tsher spyod pa la re ba ma mchis par 'gyur ro// de dag chags pa ma mchis pa'i slad du tshul mi 'chos par 'gyur ro/ / de dag spyod lam mdzes par 'gyur ro// de dag gzugs blta na sdug par 'gyur ro// de dag gzi brjid kyis yid chags par 'gyur ro// de dag mtshan rnams kyis brgyan par 'gyur ro/ / de dag dpe byad bzang po rnams kyis rnam par spras par 'gyur ro// de dag sangs rgyas kyi rigs yang dag par 'dzin par 'gyur ro// de dag chos kyi

  365. 183b

    rigs yongs su srung bar 'gyur ro/ / de dag dge 'dun gyi rigs kun tu srung bar 'gyur ro// de dag ni sangs rgyas thams cad kyis gzigs so// de dag gis chos kyi spyan rab tu thob bo// de dag sangs rgyas kyi ye shes su lung bstan par 'gyur ro// de dag gis bzod pa gsum yongs su rdzogs par bgyis so// de dag byang chub kyi snying po yongs su rdzogs pa la gnas so// de dag gis bdud kyi sde rab tu bcom mo/ / de dag gis thams cad mkhyen pa nyid thob bo// de dag chos kyi 'khor lo rab tu skor bar 'gyur ro// de dag bcom ldan 'das sangs rgyas kyi mdzad pa bgyid par 'gyur te/ bcom ldan 'das gang chos kyi tshul zab mo 'di thos nas mi skrag/ mi dngang / shin tu dngang bar mi 'gyur ba dang / gang de bzhin gshegs pa rnams kyi byang chub 'di ltar zab pa/ 'di ltar shes dka' ba/ 'di ltar blta dka' ba/ 'di ltar khong du chud par dka' ba/ 'di thos nas mos par 'gyur ba dang / 'dzin par 'gyur ba dang / 'chang bar 'gyur ba dang / gzhan la'ang rgyas par bgyid par 'gyur ba dang / chos 'di la rab tu zhugs shing gzhan yang nan tan la 'god par bgyid pa'i skyes bu dam pa de dag gi bsngags pa bskal pa 'am/ bskal pa las lhag par brjod cing yon tan yongs su bsgrags kyang / bcom ldan 'das bdag gis skyes bu dam pa de dag gi yon tan mthar mi phyin to// bcom ldan 'das kyis

  366. 184a

    bka' stsal ba/ tshangs pa khyod kyis skyes bu dam pa de dag gi bsngags pa 'am yon tan ji tsam du shes/ tshangs pas gsol pa/ de bzhin gshegs pas thogs pa ma mchis pa'i sangs rgyas kyi ye shes kyis ji snyed mkhyen pa dang / de dag gi yon tan de dag dang / de las lhag par yang 'tshal bar bgyi ste/ gang de bzhin gshegs pas bshad pa'i don dang / tshig dang yi ge zab mo rnams rtogs par rig pa dang / ldem po ngag 'tshal ba dang 'thun par bgyid cing 'gal bar mi bgyid pa dang / yang dag par sbyong zhing sun 'byin par mi bgyid pa dang / don rtogs par gcig cing yi ge'i phyir mi snyegs pa de dag ni brjod pa gang gis de bzhin gshegs pa rnams chos gsungs pa dang / ldem po ngag gang gis de bzhin gshegs pa chos gsung ba dang / thabs gang dang / tshul gang dang / snying rje chen po gang gis de bzhin gshegs pa chos bstan pa nges pa'i tshig brjod pa rab tu 'tshal to// bka' stsal pa/ tshangs pa byang chub sems dpa' gang la la de bzhin gshegs pa'i stobs lnga'i sbyor ba 'di shes na/ byang chub sems dpa' de ni sangs rgyas kyi mdzad pas sems can rnams la nye bar gnas pa zhes bya'o// gsol pa/ bcom ldan 'das de bzhin gshegs pa'i stobs lnga'i sbyor ba gang lags/ bcom ldan 'das kyis bka' stsal pa/ chos smra ba dang / ldem po ngag tu smra ba bstan pa dang / thabs

  367. 184b

    kyis chos la mos par byed pa dang / tshul nye bar bstan pa dang / snying rje chen po'i rjes su 'jug pa ste/ tshangs pa 'di dag ni gang nyan thos dang rang sangs rgyas thams cad kyis ma yin pa/ de bzhin gshegs pa'i stobs lnga'i sbyor ba'o/ / gsol pa/ bcom ldan 'das gsung ba gang gis de bzhin gshegs pa chos rnams gsung / bcom ldan 'das kyis bka' stsal pa tshangs pa 'das pa smra ba dang / mi 'ongs pa smra ba dang / da ltar byung ba smra ba dang / kun nas nyon mongs pa smra ba dang / rnam par byang ba smra ba dang / dge ba dang mi dge ba smra ba dang 'jig rten pa dang 'jig rten las 'das pa smra ba dang / zag pa dang bcas pa dang / zag pa med pa smra ba dang / kha na ma tho ba dang bcas pa dang / kha na ma tho ba med pa smra ba dang / 'dus byas dang 'dus ma byas smra ba dang / bdag dang / sems can dang / srog dang / gso ba dang / skyes bu dang / gang zag smra ba dang / thob pa mngon du byed pa smra ba dang / 'khor ba dang mya ngan las 'da' ba smra ba ste/ tshangs pa smra ba de dag kyang yongs su ma grub pa'i tshul gyis smra ba sgyu ma lta bur blta'o// med pa mthong ba'i tshul gyis smra ba rmi lam lta bur ba blta'o/ / nam mkha'i sgra skad kyi tshul gyis smra ba brag cha lta bur blta'o// rkyen 'dus pa'i tshul gyis smra ba mig yor lta bur blta'o// rgyu mi 'pho ba'i tshul gyis smra ba gzugs brnyan

  368. 185a

    lta bur blta'o/ / phyin ci log tu mthong ba'i tshul gyis smra ba smig rgyu lta bur blta'o// mi 'byung mi 'jigs pa'i tshul gyis smra ba nam mkha' lta bur blta'o// brjod du med pa'i tshul gyis smra ba sngar med par blta'o// tshangs pa byang chub sems dpa' gang chos smra ba 'di shes na/ byang chub sems dpa' de dag ni smra ba thams cad smra yang chos gang la'ang mngon par mi chags so/ / de mngon par ma chags pas ye shes thogs pa med pa'i spobs pa gang gis bskal pa gang+gA'i klung gi bye ma snyed du chos bshad kyang rgyun mi 'chad pa dang / smra ba thams cad kyang chos kyi dbyings dang tha mi dad par smra ba dang / chos rnams kyi tha mi dad pa la'ang mngon par chags par mi 'gyur ba'i ye shes thogs pa med pa'i spobs pa thob bo// tshangs pa de bzhin gshegs pas de ltar gsungs par chos brjod do// tshangs pa de la ji ltar na byang chub sems dpa' de bzhin gshegs pa'i ldem po ngag la mkhas pa khong du chud ce na tshangs pa 'di la de bzhin gshegs pa kun nas nyon mongs pa'ang rnam par byang bar ston/ rnam par byang ba'ang kun nas nyon mongs par ston te/ de la byang chub sems dpa' ldem po ngag tu shes par bya'o/ / tshangs pa de bzhin gshegs pa kun nas nyon mongs pa la rnam par byang bar ji ltar ston ce na/ kun nas nyon mongs pa'i ngo bo nyid rlos sem med pa'i phyir kun nas nyon mongs

  369. 185b

    brnam par byung bar ston to/ / rnam par bya ba can nas nyan mongs par jilta ston / rnam par byung ba'i ba cad rlom sems med pa'i phyir te/ ka rnam par byung bstan nus na/ mongs par smon// rgyas pa sbyin pas b+h+ya na las 'das pa smo/ den byis pa dag gis mi shes kyi/ des drung chub sems dpa'i skyes po dag la mkhas pa n-i/ 'ang phyi ma'i tshe snying pa chen por 'gyur yang 'di la chos gang yang 'pho ba med do// mi 'phobs na mya ngan las 'das pa'o// mngon par 'du mi byed pa'i tshud kyis tshul khrims kyis mya ngan las 'das pa'o/ / skad cig pa'i tshul gyis bzod pas mya ngan las 'das pa'o// blang ba dang dor ba med pa'i tshul gyis brtson 'grus kyis mya ngan las 'das pa'o// rnam par mi rtog pa'i tshul gyis zasam gtan gyis mya ngan las 'das pa'o/ / thogs pa med pa'i tshul gyis shes rab kyis mya ngan las 'das pa'o// chos kyi dbyings 'dod chags dang bral bas na/ 'dod chags ni 'dod chags dang bral ba'i mtha' 'o/ / chos kyi dbyings la gtum pa med pas zhe sdang ni yang dag pa'i mtha'a'o// nos rnams la rmongs pa med pa'i phyir gti mug ni gti mug med pa'i mtha' 'o/ / shi 'pho ba med pa dang skye ba med pa'i tshul gyis 'khor ba'ang mya ngan las 'das pa'o// mngon par chags pa'i tshul gyis mya ngan las 'das pa'ang 'khor ba'o// tha snyad du 'do /

  370. 186a

    pa'i lta bas bden pa'ang brdzun pa'o// mngon pa'i nga rgyal can rnams la ni brdzun pa'ang bden pa'o zhes de ltar shes so// gzhan yang tshangs pa de bzhin gshegs pa ni ldem po ngag gi rnam grangs kyis bdag nyid kyis rtag par smra bar zhal gyis bzhes so/ / bdag nyid kun nas nyon mongs par smra ba dang / chad par smra ba dang / bya ba med par smra ba dang / log par lta ba dang / ma dad pa dang / byas pa mi gzo ba dang / mtshams gcod pa dang / skyugs pa za ba dang / go skabs mi phyed par zhal gyis bzhes kyang / de bzhin gshegs pa ni bshad pa 'di dag la mi 'byung mi snang ngo / / ldem po ngag gang gis sems can rnams lhag pa'i nga rgyal 'dzin pa 'dor bar 'gyur ba'i ldem po ngag de de bzhin gshegs pa ston te/ de ni de bzhin gshegs pa'i ldem po ngag go/ / tshangs pa de ltar na de bzhin gshegs pa ldem po ngag tu chos ston te/ de la byang chub sems dpas spyod pa la mkhas par blo spyad par bya'o// de de ltar mthar phyin pas bstan pa thams cad la mkhas par 'gyur ro/ / de sems can rnams la gzugs kyi sku ston pas sangs rgyas byung ngo snyam du mos par 'gyur ro// chos kyi skus rab tu phye ba'i phyir de bzhin gshegs pam byung ba'o zhes mos par 'gyur ro/ / yi ge rnam par rig pa lhur byed pa'i sems can rnams la de bzhin gshegs pas chos bstan to zhes mos par 'gyur ro// chos nyid brjod du med par nges

  371. 186b

    bar byas nas chos bstan du med do zhes mos par 'gyur ro/ / phyin ci log las byung ba'i nyon mongs pa yongs su mya ngan las 'das pa'i phyir yongs su mya ngan las 'das pa yod do zhes mos par 'gyur ro// ma skyes pa'i chos rnams mi 'jig pa'i phyir mya ngan las 'das pa med do zhes mos par 'gyur ro// kun rdzob la 'jug pas sems can yod do zhes mos par 'gyur ro// don dam pa bstan pas sems can med do zhes mos par 'gyur te/ tshangs pa de ltar na de bzhin gshegs pas ldem po ngag bstan pas chos ston to// de la byang chub sems dpas bstan pa thams cad la mi skrag par bya'o// de la tshangs pa de bzhin gshegs pa thabs gang gis sems can rnams la chos ston ce na/ sbyin pas longs spyod 'thob pa dang / tshul khrims kyis mtho ris su skye ba dang / bzod pas gzugs bzang po 'thob pa dang / brtson 'grus kyis ye shes 'thob pa dang / bsam gtan gyis rab tu dben pa 'thob pa dang / shes rab kyis nyon mongs pa 'dor ba dang / thos pas shes rab 'thob pa dang / dge ba bcu'i las kyi lam gyis mi dang lha'i phun sum tshogs pa rnams 'thob pa dang / byams pa dang / snying rje dang / dga' ba dang / btang snyoms kyis tshangs pa'i 'jig rten du skye ba 'thob pa dang / zhi gnas kyis lhag mthong 'thob pa dang / slob pa'i sas mi slob pa'i sa 'thob pa dang / rang sangs rgyas kyi sas sbyin pa yongs su sbyong ba dang / sangs rgyas kyi tshad med pa'i ye shes mthong ba dang / mya ngan las 'das pas sdug bsngal thams cad nye bar

  372. 187a

    zhi ba thob par 'gyur ro zhes tshangs pa nga ni thabs kyis sems can rnams chos 'di la mos par byed de/ de bzhin gshegs pa ni bdag gam/ sems can nam/ srog gam/ gang zag tu mi dmigs so/ / de bzhin gshegs pa ni sbyin pa'ang mi dmigs/ sbyin pa'i 'bras bu'ang mi dmigs/ ser sna'ang mi dmigs/ ser sna'i 'bras bu'ang mi dmigs/ tshul khrims kyang mi dmigs/ tshul khrims kyi 'bras bu'ang mi dmigs/ ngang tshul ngan pa'ang mi dmigs/ ngang tshul ngan pa'i 'bras bu'ang mi dmigs/ bzod pa'ang mi dmigs/ bzod pa'i 'bras bu'ang mi dmigs/ gnod sems kyang mi dmigs/ gnod sems kyi 'bras bu'ang mi dmigs/ brtson 'grus kyang mi dmigs/ brtson 'grus kyi 'bras bu'ang mi dmigs/ le lo'ang mi dmigs/ le lo'i 'bras bu'ang mi dmigs/ bsam gtan yang mi dmigs/ bsam gtan gyi 'bras bu'ang mi dmigs/ g.yeng ba'ang mi dmigs/ g.yeng ba'i 'bras bu'ang mi dmigs/ shes rab kyang mi dmigs/ shes rab kyi 'bras bu 'ang mi dmigs/ 'chal pa'i shes kyang mi dmigs/ 'chal pa'i shes rab kyi 'bras bu'ang mi dmigs/ bde ba'ang mi dmigs/ sdug bsngal ba'ang mi dmigs/ rgyun du zhugs pa'i 'bras bu'ang mi dmigs pa nas/ byang chub kyi bar du'ang mi dmigs/ yongs su mya ngan las 'das pa'ang mi dmigs te/ tshangs pa sems can de dag de ltar bstan pas sbyor zhing rtsol te 'bad kyang / gang gis

  373. 187b

    phyir sbyor ba dang / brtsol ba dang / 'bad pa'i chos de dag khong du mi chud cing mi thob ste/ gang 'di rgyun du zhugs pa'i 'bras bu nas/ dgra bcom pa nyid kyi bar dang / rang byang chub dang / bla na med pa/ yang dag par rdzogs pa'i byang chub nas/ mya ngan las 'das pa'i bar du khong du mi chud cing mi thob bo// tshangs pa 'di ni de bzhin gshegs pa'i thabs kyis chos bstan pa yin te/ sems can rnams dam pa'i chos yongs su 'dzin du gzhug pa'i phyir/ byang chub sems dpas thabs mkhas pa la sbyor bar bya'o// tshangs pa de la de bzhin gshegs pa'i tshul bstan pa gang zhe na/ mig ni thar pa'i tshul lo// de bzhin du rna ba dang / sna dang / lce dang / lus dang / yid rnams ni thar pa'i tshul lo// de ci'i phyir zhe na/ mig ni bdag gam bdag gis stong ste/ de'i rang bzhin ni 'di yin no// de bzhin du yid kyi bar du bdag dang bdag gis stong ste/ de'i rang bzhin ni 'di yin no// tshangs pa mi slu ba'i phyir skye mched thams cad ni sems can rnams kyi thar pa'i tshul du rig par bya'o// 'di ni sems can rnams kyi thar ba la brtson pa mi srub skye/ gzugs dang / sgra dang / dri dang / ro dang / reg dang / chos rnams kyang de bzhin no// chos thams cad kyi tshul 'di yin te/ gang 'di stong pa nyid kyi tshul dang / mtshan ma med pa'i tshul dang / smon pa med pa'i tshul dang / mngon par 'du mi byed pa'i tshul dang / mi skye ba'i tshul dang / mi 'gag pa'i tshul dang / 'gro ba med cing 'ong ba med pa'i tshul dang / shi 'pho med cing skye ba med/

  374. 188a

    ba'i tshul dang / rang bzhin gyis 'od gsal ba'i tshul dang / dben pa'i tshul lo// rang bzhin gyis bems po yin pa'i phyir/ phan tshun mi phrad pas na/ de bzhin gshegs pas yi ge thams cad las thar pa'i sgo'i tshul smos so/ / tshangs pa yi ge thams cad la bden pa'i gtam du bltas te/ gtam thams cad ni de bzhin gshegs pa'i thar pa'i tshul bden pa bstan pas bstan to/ / de bzhin gshegs pa'i chos bstan pa gang kun nas nyon mongs par 'gyur ba de gang yang med do// chos bstan to cog tu thar pa 'dren cing mya ngan las 'das pa ston to// tshangs pa 'di ni de bzhin gshegs pa'i tshul bstan pa yin te/ de la byang chub sems dpas bslab par bya'o// tshangs pa de la de bzhin gshegs pa snying rje ji lta bus sems can rnams la / chos ston ce na/ sems can rnams la de bzhin gshegs pa'i snying rje chen po rnam pa sum cu rtsa gnyis dang ldan pa skye'o// sum cu rtsa gnyis gang zhe na/ chos thams cad ni bdag med pa yin na/ sems can rnams ni bdag med par ma mos te/ de'i phyir sems can rnams la de bzhin gshegs pa'i snying rje chen po skye'o// chos thams cad ni sems can med pa yin na/ sems can rnams ni sems can du smra ste/ de'i phyir sems can rnams la de bzhin gshegs pa'i snying rje chen po skye'o// chos thams cad ni srog med pa yin na/ sems can rnams ni srog tu

  375. 188b

    smra'o zhes de'i phyir sems can rnams la de bzhin gshegs pa'i snying rje chen po skye'o/ / chos thams cad ni gang zag med pa yin na/ sems can rnams ni gang zag la gnas te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni ngo bo nyid med pa yin na/ sems can rnams ni ngo bor lta ste/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni gnas med pa yin na/ sems can rnams ni gnas la rten te/ de'i phyir sems can rnams la de bzhin gshegs pa'i snying rje chen po skye'o// chos thams cad ni kun gzhi med pa yin na/ sems can rnams ni kun gzhi la mngon pa dga' ste/ de'i phyir sems can rnams la de bzhin gshegs pa'i snying chen po skye'o// chos thams cad ni nga yir bya ba med pa yin/ na/ sems can rnams ni nga yir 'dzin pa la gnas te/ de'i phyir sems can rnams la de bzhin gshegs pa'i snying rje chen po skye'o// chos thams cad ni bdag po med pa yin na/ sems can rnams ni yongs su 'dzin pa la brtson te/ de'i phyir sems can rnams la de bzhin gshegs pa'i snying rje chen po skye'o// chos thams cad ni dngos po med pa yin na/ sems can rnams ni dngos po la rten te/ de'i phyir sems can rnams la de bzhin gshegs pa'i snying rje chen po skye'o// chos thams cad ni ma skyes pa yin na/ sems can rnams ni skye ba la gnas te/ de'i phyir sems can rnams la

  376. 189a

    de bzhin gshegs pa'i snying rje chen po skye'o/ / chos thams cad ni ma 'phos ma byung ba yin na/ sems can rnams ni 'chi 'pho dang skye ba la gnas te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni kun nas nyon mongs par gyur pa med pa yin na/ sems can rnams ni kun nas nyon mongs te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni 'dod chags dang bral ba yin na/ sems can rnams ni chags par byed de/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni zhe sdang dang bral ba yin na/ sems can rnams ni zhe sdang bar byed de/ de'i phyir sems can rnams la de bzhin gshegs pa'i snying rje chen po skye'o// chos thams cad ni gti mug dang bral ba yin na/ sems can rnams ni gti mug par gyur te/ de'i phyir sems can rnams la de bzhin gshegs pa'i snying rje chen po skye'o// chos thams cad ni 'ong ba med pa yin na/ sems can rnams ni 'ong ba la gnas te/ de'i phyir sems can rnams la de bzhin gshegs pa'i snying rje chen po skye'o// chos thams cad ni 'gro ba med pa yin na/ sems can rnams ni skye ba la gnas te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni mngon par 'du mi byed pa yin na/ sems can rnams ni mngon par 'du byed pa la spyod de/ de'i phyir sems can rnams la

  377. 189b

    de bzhin gshegs pa'i snying rje chen po skye'o/ / chos thams cad ni spros pa med pa yin na/ sems can rnams ni spros pa la dga' ste/ de'i phyir sems can rnams la de bzhin gshegs pa'i snying rje chen po skye'o// chos tham cad ni stong pa yin na sems can rnams ni lta bar zhugs te/ de'i phyir sems can rnams la de bzhin gshegs pa'i snying rje chen po skye'o// chos thams cad ni mtshan ma med pa yin na/ sems can rnams ni mtshan ma la spyod yul bar 'gyur te/ de'i phyir sems can rnams la de bzhin gshegs pa'i snying rje chen po skye'o// chos thams cad ni smon pa med pa yin na/ sems can rnams ni smon lam la spyod de/ de'i phyir sems can rnams la de bzhin gshegs pa'i snying rje chen po skye'o/ / kye ma 'jig rten gnas pa 'di ni phan tshun rtsod pas yongs su zin cing gnod sems kyi tha ba'i skyon la zhugs par gzigs nas de dag la gnod sems kyi tha ba'i skyon spang ba'i phyir chos bstan to zhes sems can rnams la de bzhin gshegs pa'i snying rje chen po skye'o/ / kye ma 'jig rten gnas pa 'di ni phyin ci log dang ldan zhing lam nyam nga bar zhugs pa lam gol ba la gnas pa yin te/ de dag yang dag pa'i lam du gzud par bya'o zhes sems can rnams la de bzhin gshegs pa'i snying rje chen po skye'o// kye ma 'jig rten gnas pa 'di ni brkam zhing chags ba'i zil gyis non pa/ chog mi shes shing gzhan gyi nor 'phrog pa yin te/ de dag 'phags pa'i nor dad pa dang / tshul khrims dang / thos pa dang / gtong ba dang / shes rab dang / ngo tsha

  378. 190a

    shes pa dang / khrel yod pa'i nor la dgod do zhes sems can rnams la de bzhin gshegs pa'i snying rje chen po skye'o// kye ma sems can 'di dag nor dang / 'bru dang khyim dang / bu dang / chung ma la sred pa'i 'khol cing snying po med pa la snying por 'dzin te/ de dag la shin tu mi rtag pa nyid bstan to zhes sems can rnams la de bzhin gshegs pa'i snying rje chen po skye'o/ / kye ma sems can 'di dag mi rigs pas 'tsho zhing gcig la gcig 'drid pa la gnas te/ de dag 'tsho ba yongs su dag par bya ba'i phyir chos bstan to zhes sems can rnams la de bzhin gshegs/ pa'i snying rje chen po skye'o// kye ma sems can 'di dag mi mdza' ba yin na/ khe dang bkur stis rgyags nas bdag cag mdza' 'o snyam du sems te/ de dag gi gang 'di sdug bsngal rnam par zhi ba'i bde ba mya ngan las 'das pa la shin tu yang dag pa'i dge ba'i bshes gnyen bya'o zhes sems can rnams la de bzhin gshegs pa'i snying rje chen po skye'o/ / kye ma sems can 'di dag ni shin tu nyon mongs par gyur cing sdug bsngal gyi chos mang ba'i khyim gyi gnas la mngon par dga' ba de dag khams gsum las bzla ba'i phyir 'byung ba'i chos bstan to zhes sems can rnams la de bzhin gshegs pa'i snying rje chen po/ skye'o/ / chos thams cad ni rgyus nye bar 'gro ba rnam par bsgrubs nye bar gnas pa'i mtshan nyid de/ 'phags pa'i rnam par grol ba de la le lo byed do zhes sems can rnams la de bzhin gshegs

  379. 190b

    pa'i snying rje chen po skye'o/ / sems can rnams ni chags pa med pa'i sangs rgyas kyi ye shes mchog khyad par du 'phags pa'i yongs su mya ngan las 'das pa 'di btang zhing / gang 'di theg pa dman pa nyan thos dang rang sangs rgyas kyi theg pa tshol te/ de dag gang 'di sangs rgyas kyi ye shes la dmig par bya ba'i phyir rgya chen po la sems mos par bya'o zhes sems can rnams la de bzhin gshegs pa'i snying rje chen po skye'o/ / tshangs pa sems can rnams la de bzhin gshegs pa'i snying rje rnam pa sum cu rtsa gnyis po de dag dang ldan par skye ste/ de'i phyir de bzhin gshegs pa snying rje chen po la gnas pa zhes bya'o/ / tshangs pa byang chub sems dpa' gang la la snying rje chen po rnam pa sum cu rtsa gnyis po de dag dang ldan par sems can rnams la 'jug na/ tshangs pa byang chub sems dpa' sems dpa' chen po 'di ni bsod nams kyi zhing / gzi brjid chen po yongs su rgyas pa/ phyir mi ldog pa sems can gyi don la brtson par shes par bya'o// yang snying rje chen po'i chos kyi sgo'i le'u 'di bshad ba na/ srog chags stong phrag sum cu rtsa gnyis bla na med pa yang dag par rdzogs pa'i byang chub tu sems skyes so// srog chags brgyad stong gis ni bzod pa rab tu thob par gyur to// lha'i bu stong phrag bdun cu rtsa gnyis ni chos rnams la rdul med cing dri ma dang bral ba'i chos kyi mig rnam par dag go/ / de nas bcom ldan 'das la/ byang chub sems dpa' dra ba can gyi 'od kyis 'di skad

  380. 191a

    ces gsol to/ / bcom ldan 'das tshangs pa khyad par sems 'di de bzhin gshegs pa'i thugs rje chen po dang ldan pa'i chos bstan pa 'di thos na dga' bar mi bgyid rangs par mi 'gyur ro/ / khyad par sems kyis smras pa/ rigs kyi bu gang gis rnam par shes pa gnyis dang ldan pa de dag la ni dga' ba dang rangs par yang 'gyur gyi/ gnyis su med pa yang dag pa'i mtha' la gnas pa la ni dka' ba'ang med/ rangs pa'ang med do// rigs kyi bu 'di lta ste/ dper na snrums sprul pa'i skyes bu ni sgyu ma gar byed par zhugs la dga' ba'ang med rangs pa'ang med do/ / rigs kyi bu de bzhin du chos thams cad sgyu ma'i mtshan nyid kyi rang bzhin dang ldan pa'i phyir/ de bzhin gshegs pa'i cho 'phrul la dga' ba'ang mi skye/ rangs par yang mi 'gyur ro/ / rigs kyi bu 'di lta ste/ dper na de bzhin gshegs pa'i sprul pas de bzhin gshegs pa'i spobs pa thos na dga' bar mi byed/ rangs par mi 'gyur ro// rigs kyi bu de bzhin du chos rnams sprul pa'i rang bzhin du shes nas/ de bzhin gshegs pa la lhag par dga' ba'ang mi skye'o// sems can gzhan dag la'ang dman par mi 'dzin to// dra ba can gyi 'od kyis smras pa/ tshangs pa khyod kyis chos thams cad sgyu mas sprul pa'i rang bzhin du shes sam/ smras pa/ rigs kyi bu gang rnam pa gnyis su rnam par gzhag pa spyod pa de dag la dris shig/ smras pa

  381. 191b

    tshangs pa khyod gang la spyod/ smras pa/ gang la byis pa so so'i skye bo thams cad spyod pa de la'ang spyod do// smras pa/ tshangs pa byis pa so so'i skye bo rnams ni 'dod chags dang / zhe sdang dang // gti mug rnams la spyod do// 'jig tshogs la lta ba dang / tshul khrims dang / brtul zhugs mchog tu 'dzin pa dang / the tsom dang / ngar 'dzin pa dang / nga yir 'dzin pa dang / 'dod pa dang / 'dod chen dang / log par sbyor ba rnams la spyod na/ ci khyod kyang de dag la spyod dam/ smras pa/ rigs kyi bu khyod so so'i skye bo rnams kyi so so'i skye bo'i chos yongs su grub par 'dod dam/ smras pa/ so so'i skye bo nyid kyang nga mi 'dod na/ de dag gi chos yongs su grub par ga la 'dod/ smras pa/ rigs kyi bu gang 'di chos yongs su ma grub pa'i chos de la chags pa 'am/ zhe sdang ba 'am/ gti mug par bya ba khyod 'dod dam/ smras pa/ de ma yin no// smras pa/ rigs kyi bu chos thams cad 'dod chags dang bral/ zhe sdang dang bral/ gti mug dang bral ba'i spyod pa'ang de'i mtshan nyid do// rigs kyi bu de ltar spyod pa gnyis su med pa'i phyir so so'i skye bo'i spyod pa gang yin pa de nyid 'phags pa rnams kyi spyod pa'o// rigs kyi bu yang spyod pa thams cad ni spyod pa ma yin no// 'dogs pa thams cad ni 'dogs pa ma yin no// 'gro ba thams cad ni 'gro ba ma yin pa'o// smras pa/ tshangs pa derje/

  382. 192a

    sgyur na spyod pa thams cad spyod pa ma yin/ sgrusgru ba/ brtul babyeg la khrigs song du ga cos kyi dbyings labri ba ma/ gang bar mi dmigs te/ phyir spyod pa thams cad spyod pa ma yin no// smras pa/ tshangs pa de ji ltar na 'dogs pa thams cad ni 'dogs pa ma yin zhe na/ smras pa/ rigs kyi bu chos thams cad 'dogs pa ma yin pas brtags pa ste/ de'i phyir chos thams cad du 'dogs pa ni 'dogs pa yin pa'o// smras pa'o// tshangs pa de ji ltar na 'gro ba thams cad 'gro ba ma yin zhe na/ smras pa/ gar yang mi 'gro ba'i phyir 'gro ba thams cad 'gro ba ma yin pa'o// de nas bcom ldan 'das kyis/ tshangs pa khyad par sems la tshangs pa legs so legs so// gal te bshad par bya na/ de ltar bshad par bya'o zhes legs so legs so zhes bya ba byin no// de nas gzhon nur gyur pa dra ba can gyi 'od kyis/ tshangs pa khyad par sems la 'di skad ces smras so// tshangs pa khyod gang 'di skad du gang la byis pa so so'i skye bo thams cad spyod pa de nyid la bdag spyod do zhes zer na spyod pa de khyod kyis thob pa yin no/ / smras pa/ rigs kyi bu gal te bdag la skye ba'i rgyu yod na ni/ bdag gis spyod pa'ang thob par 'gyur ro// smras pa/ tshangs pa de gal te mi skye na/ ji ltar sems can rnams yongs su smin par byed/ smras pa/ rigs kyi bu de bzhin

  383. 192b

    gshegs pas sprul pa'i skye ba ji lta bar bdag gi skye ba'ang de dang 'dra'o/ / smras pa/ de ni de bzhin gshegs pas sprul pa la skye ba gang yang med do// smras pa/ ci de bzhin gshegs// pas sprul pa snang ngam/ smras pa/ sangs rgyas khyu mchog lta bur gyur pa'i phyir snang ngo // smras pa/ rigs kyi bu khyu mchog lta bur gyur pa'i phyir bdag gi skye ba'ang de bzhin du blta'o// smras pa/ tshangs pa ci las mngon par 'du byed pa la spyod dam/ smras pa/ rigs kyi bu bdag ni las mngon par 'du byed pa la mi spyod do// smras pa/ las med pa la de ji ltar las khyu mchog lta bur 'gyur/ smras pa/ las ji lta ba bzhin du de'i khyu mchog kyang de bzhin nyid las mi 'daba'o// de nas bcom ldan 'das la/ gnas brtan shA ri'i bus 'di skad ces gsol to/ / bcom ldan 'das glang po che 'di dag gi ldem po ngag la gang 'jug par 'gyur ba de dag ni bsod nams mang du skyed par 'gyur ro// de ci'i phyir zhe na bcom ldan 'das skyes bu dam pa de dag gi ming tsam thos pa'ang legs par thos pa lags na/ chos bstan pa lta smos kyang ci 'tshal/ bcom ldan 'das 'di lta ste/ dper na shing ljon pas chen po la ma brten par/ rtsa ba dang / sdong po dang / ya la ga dang / lo ma dang / me tog dang / 'bras bu ston pa ltar/ bcom ldan 'das skyes bu dam pa 'di dag gis spyod pa'i

  384. 193a

    mtshan nyid kyang de bzhin du blta'o/ / 'di ltar chos thams cad la mi gnas shing spyod pa dang / skye ba dang / 'byung ba dang / 'pho ba dang / 'chi ba'ang ston la/ sangs rgyas kyi zhing dag na'ang gda' ba de dag la lhag par shes rab kyi spobs pa 'di lta bus yang spobs par 'gyur ro// bcom ldan 'das shes rab kyi spobs pas rnam par 'phrul pa 'di lta bu mthong na/ rigs kyi bu 'am/ rigs kyi bu mo su zhig bla na med pa yang dag par rdzogs pa'i byang chub tu sems mi skyed// // bam po gsum pa// yang de'i tshe byang chub sems dpa' kun tu me tog ces bya ba 'khor der 'dus shing 'dug par gyur te/ des gnas brtan shA ri'i bu la 'di skad ces smras so// gnas brtan ni de bzhin gshegs pas shes rab can gyi mchog tu gsung na/ 'di ltar shes rab kyi spobs pa rnam par 'phrul pa 'di lta bus rnam par 'phrul mi nus pa/ ci gnas brtan gyis chos kyi dbyings khong du ma chud dam gnas brtan gyis smras pa/ kun tu me tog bcom ldan 'das kyis nyan thos rnams ni yul ji lta ba bzhin du ston to// smras pa/ btsun pa shA ri'i bu ci chos kyi dbyings yul du bzang ngam/ smras pa/ de ni ma yin no// smras pa/ 'o na ji ltar gnas brtan shA ri'i bu yul ji lta ba bzhin du ston/ smras pa/ nyan thos kyi khong du chud pa ji tsam par bstan pa'ang de tsam mo//

  385. 193b

    spras pa/ cig nas brtan gyis chos kyi dbyings kyi yul rnam pa tshad med pa khong du chud dam/ smras pa/ rigs kyi bu de de bzhin no// smras pa/ chos kyi dbyings la tshad yod pa ma yin pas/ na/ chos kyi dbyings ni tshad med pa yin te/ btsun pa shA ri'i bu ji ltar tshad med par khong du chud pa de bzhin du tshad med par bstan pa yin na/ de ji ltar gang gis khong du chud pa ci 'dra ba de'i bstan pa 'ang de 'dra bar 'gyur/ spras pa/ kun tu me tog chos kyi dbyings ni khong du chud pa'i mtshan nyid ma yin no// smras pa/ btsun pa shA ri'i bu chos kyi dbyings khong du chud pa'i mtshan nyid ma yin na/ ci khyod chos kyi dbyings dang tha dad du rnam par grol lam/ smras pa/ de ni ma yin no// smras pa/ ci'i phyir/ smras pa/ chos kyi dbyings tha dad par 'gyur ba'i phyir ro// smras pa btsun pa shA ri'i bu de'i phyir khong du chud pa ji lta ba bzhin du chos kyi dbyings kyang de bzhin no/ / smras pa/ kun tu me tog bdag ni ston 'dod pa ma yin gyi/ bdag ni nyan 'dod pa'o// smras pa/ btsun pa shA ri'i bu chos thams cad chos kyi dbyings mi 'gyur bar nges pa la/ ci bshad par bya 'am/ mnyan par bya 'am/ smras pa/ de ni ma yin no// smras pa/ 'o na ci'i phyir khyod bdag ni nyan par 'dod pa yin gyi/ ston 'dod pa ma yin snyam du sems/ smras pa/ rigs kyi bu de bzhin gshegs pas kyang / gang gus par chos ston pa dang / gang gus par chos nyan pa gang zag

  386. 194a

    gnyis ni bsod nams mang du skyed do zhes gsungs kyis/ de'i phyir khyod kyis shod cig/ bdag gis mnyan to// smras pa/ gnas brtan shA ri'i bu 'du shes dang tshor ba thams cad la 'gog par snyoms par zhugs la chos nyan nus sam/ smras pa/ rigs kyi bu gang gis mnyan par bya ba'i gnyis la 'jug pa 'gog pa la med do// smras pa/ gnas brtan shA ri'i bu chos thams cad rang bzhin gyis 'gags par 'dod dam/ smras pa/ rigs kyi bu de bzhin te/ chos thams cad ni shin tu 'gags pa'o// smras pa/ de'i phyir gnas brtan shA ri'i bu rtag tu mi 'chad par chos mnyan pa'i skal ba med do/ / de ci'i phyir zhe na/ chos thams cad rang bzhin gyis 'gags pa'i phyir ro// smras pa/ rigs kyi bu khyod ting nge 'dzin las ma langs par chos ston nus sam/ smras pa/ gnas brtan shA ri'i bu gang rtag tu mnyam par ma gzhag pas chos gang yang dmigs sam/ smras pa/ de ma yin no// smras pa/ 'o na byis pa so so'i skye bo thams cad kyang mnyam par gzhag par 'gyur ro// smras pa/ rigs kyi bu ting nge 'dzin gang la byis pa so so'i skye bo rnams mnyam par gzhag pa yin/ smras pa/ chos kyi dbyings mi 'khrugs pa'i ting nge 'dzin la'o// smras pa/ kun tu me tog de lta yin du zin na/ so so'i skye bo rnams dang / 'phags pa rnams su bye brag med par

  387. 194b

    'gyur ro/ / smras pa/ btsun pa shA ri'i bu de de bzhin te/ nga ni 'phags pa dang so so'i skye bo rnams tha dad du dbye bar mi 'dod do// de ci'i phyir zhe na/ 'phags pa rnams kyis kyang chos gang yang ma 'gags/ byis pa so so'i skye bo rnams kyis kyang chos gang yang ma skyed de/ chos kyi dbyings mnyam pa nyid de gang yin pa de nyid las kyang mi 'da' 'o// smras pa/ rigs kyi bu chos rnams kyi mnyam pa nyid gang yin/ smras pa/ gang gnas brtan gyis yongs su shes pa de ston te/ gnas brtan gyis kyang 'phags pa'i chos rnams bskyed dam/ smras pa/ de ma yin no// smras pa/ ci khyod kyis so so'i skye bo'i chos rnams 'gags par byas sam/ smras pa/ de ma yin no// smras pa/ 'o na ci khyod kyis 'phags pa'i chos rnam/ thob bam/ smras pa/ de ma yin no// smras pa/ 'o na ci khyod kyis so so'i skye bo'i chos rnams yongs su shes sam/ smras pa/ de ni ma yin no// smras pa/ 'o na gnas brtan gyis yongs su shes pas ci mngon par rtogs/ smras pa/ byis pa so so'i skye bo thos pa dang mi ldan pa rnams kyis de bzhin nyid gang yin pa rnams rnam par grol ma thag pa'i de bzhin nyid kyang de yin/ yongs su mya ngan las 'das pa'i de bzhin nyid kyang de yin no// smras pa/ btsun pa shA ri'i bu de bzhin nyid de ni ma log pa de bzhin nyid dang / gzhan ma yin pa de bzhin nyid dang

  388. 195a

    mi 'gyur ba de bzhin nyid dang / mi 'khrugs pa de bzhin nyid de/ btsun pa shA ri'i bu de bzhin nyid 'dri chos thams cad kyi de bzhin nyid rjes su rig par bya'o// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das 'di lta ste/ dper na me'i phung po rab tu 'bar ba'i me lce thams cad ni sregs par nye bar gnas pa lags so/ / bcom ldan 'das de bzhin du rigs kyi bu 'di dag gis bstan pa thams cad chos kyi dbyings bstan pa ste/ chos bstan pa thams cad kyang nyon mongs pa thams cad sregs par nye bar gnas pa lags so/ / bcom ldan 'das kyis bka' stsal pa/ shA ri'i bu de de bzhin no// de ni ji skad ston pa de bzhin te/ rigs kyi bu 'di dag gis bstan pa thams cad chos kyi dbyings bstan pa ste/ chos bstan pa thams cad kyang nyon mongs pa thams cad sregs par nye bar gnas pa yin no// de nas gzhon nur gyur pa dra ba can gyi 'od kyis/ gnas brtan shA ri'i bu la 'di skad ces spras so/ / gnas brtan shA ri'i bu bcom ldan 'das kyis shes rab dang ldan pa rnams kyi nang na mchog tu gsungs na/ gnas brtan shA ri'i bu shes rab gang gis shes rab dang ldan pa'i mchog tu gsungs pa'i shes rab de gang yin/ smras pa/ dra ba can gyi 'od gang nyan thos sgra'i rjes su 'brang ba rang gi rgyud snang ba'i mtshan nyid nyi tshe ba'i ye shes kyis rnam par grol ba rnams kyis shes rab ste/ shes

  389. 195b

    rab des bdag shes rab dang ldan pa rnams kyi mchog tu gsungs kyi/ byang chub sems dpa'i shes rab kyis ni ma yin no// spras pa/ ci shes rab kyi spros pa'i mtshan nyid dam/ smras pa/ des yin no/ / smras pa/ 'o na shes rab mnyam pa nyid kyi rjes su spyod pa 'am/ smras pa/ rigs kyi bu de de bzhin no// smras pa/ gnas brtan shA ri'i bu mnyam pa nyid kyis rjes su spyod pa'i shes rab kyis ji ltar shes rab tshad can du bshad/ smras pa/ rigs kyi bu chos kyi dbyings kyi rgyus ni shes rab tshad med do// yul ji lta ba bzhin du ye shes 'jug pas ni tshad zin pa'o// smras pa/ btsun pa shA ri'i bu ye shes tshad med pa 'am/ 'on te tshad yod pa yin/ smras pa/ rigs kyi bu ye shes ni tshad med pa'o// smras pa/ 'o na tshad med pa ji ltar tshad zin par ston/ de nas gnas brtan shA ri'i bu cang mi zer bar gyur to// de nas sangs rgyas kyi mthus bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das gzhon nur gyur pa dra ba can gyi 'od ci'i slad du dra ba can gyi 'od ces bgyi/ de nas bcom ldan 'das kyis/ dra ba can gyi 'od la 'di skad ces bka' stsal to// rigs kyi bu gang gis lha dang bcas pa'i 'jig rten 'di dga' bar gyur nas/ dge ba'i rtsa ba yongs su smin cing / bla na med pa yang dag par rdzogs pa'i byang chub tu sems skyed par 'gyur ba'i 'od/ rang gi dge ba'i rtsa bas yongs su

  390. 196a

    sbyangs pa khyod kyis ston cig/ de nas gzhon nur gyur pa dra ba can gyi 'od kyis bcom ldan 'das la legs so zhes bya ba gsol te/ mnyan nas bla gos phrag pa gcig tu/ gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar te/ lag pa g.yas pa dra ba can sen mo zangs lta bu las 'od zer phyung nas/ 'od zer des tshad med mu med pa'i 'jig rten gyi khams ni thul nas/ phyogs bcu'i sangs rgyas kyi zhing tshad med pa rnams 'od kyis khyab par byas te/ 'od des phyogs bcu'i 'jig rten gyi khams tshad med grangs med pa na/ sems can dmyal ba pa'i sems can nam/ dud 'gro'i skye gnas su skyes pa 'am/ gshin rje'i 'jig rten pa 'am/ long ba 'am/ 'on pa 'am/ 'theng po 'am/ lag zha 'am/ nad pu can nam/ chags pa 'am/ gtum pa 'am/ rmongs pa 'am/ gcer bu 'am/ ltogs pa 'am/ skom pa 'am/ bcings pa 'am/ bzung ba 'am/ dbul po 'am/ rid pa 'am/ rgas pa 'am/ 'chi ba'i chos can nam/ ser sna can nam/ gnod par sems pa 'am/ ngang tshul ngan pa can nam/ 'jungs pa 'am/ dran pa nyams pa 'am/ 'chal ba'i shes rab can nam/ ma dad pa 'am/ thos pa nyung ba 'am/ bsod nams nyung ba 'am/ ngo tsha mi

  391. 196b

    shes pa 'am/ khrel ba med pa 'am/ b+ha ba thibs por gyur ba ji snyed yod pa de dag thams cad 'od des reg ma thag tu bde ba thams cad dang ldan par gyur to// sems can gang yang 'dod/ chags dang / zhe sdang dang / gti mug dang / nga rgyal dang / 'chab pa dang / phrag dog dang / khro ba'i yongs su gdung bas nyam nga bar gyur pa med do// sems can thams cad kyang dga' ba dang / bde ba dang ldan par gyur to// gang sangs rgyas kyi spyan snga na byang chub sems dpa'i 'khor ram/ nyan thos kyi 'khor ngam/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / dge slong dang / dge slong ma dang / dge bsnyen dang dge bsnyen ma'i 'khor de dag thams cad 'di lta ste/ kha dog gcig tu gser gyi kha dog lta bur snang ngo // thams cad kha dog gcig tu 'di lta ste/ de bzhin gshegs pa'i kha dog dang / mtshan dang / gzugs 'chang bar snang ngo // thams cad kyang spyi gtsug bltar mi snang zhing / lus mchog gi gzugs su snang ngo // de dag thams cad kyang pad+mo'i stan la 'khod cing rin po che'i dra bas khebs par snang ngo / / de dag thams cad kyang 'di lta ste/ sangs rgyas mthong ba'i rang bzhin du rang bzhin gcig tu snang ngo // de dag thams cad kyang 'di lta ste/ dper na dga' ba'i rnam

  392. 197a

    pa bkod pa'i ting nge 'dzin thob pa'i byang chub sems dpa' bzhin du 'di lta bu'i bde ba skyes par gyur to/ / de nas 'khor de thams cad ngo mtshar du gyur cing / phan tshun dbyer med de/ ston pa'ang lhag par mi sems/ bdag nyid kyang dman par mi sems so// 'od de dag btang ma thag tu 'og gi phyogs nas byang chub sems dpa' bzhi byung ste/ bzhi gang zhe na/ 'di lta ste/ byang chub sems dpa' sems dpa' chen po smon lam yang dag 'phags zhes bya ba dang / khyad par bzang zhes bya ba dang / ye shes zla ba zhes bya ba dang / byang chub sems dpa' sems dpa' chen po gzhan gyis mi thub rgyal mtshan zhes bya ba ste/ de dag thal mo sbyar nas gang la phyag bya ba'i de bzhin gshegs pa yang dag pa 'di'i nang na gang yin snyam ste/ phyag 'tshal zhing 'khod pa dang / de dag gis bar snang las 'di ltar 'khor 'di thams cad 'di lta ste/ de bzhin gshegs pa'i kha dog tu kha dog gcig tu snang ba ni/ gzhon nur gyur pa dra ba can gyi 'od kyi bye brag zhes sgra thos so/ / de nas byang chub sems dpa' de bzhi 'di skad ces 'dzer te/ bden pa dang bden pa'i tshig gang gis ji ltar 'khor 'di kha dog dang gzugs gcig ste/ bye brag med pa de bzhin du chos thams cad kyang bye brag med ce na/ bden pa dang bden pa'i tshig des/ bcom ldan 'das shAkya thub pa la tha dad du dbye ba lhag pa gang mthong bas/ de bzhin gshegs pa la mchod pa byed par

  393. 197b

    'gyur ba 'ga' zhig mthong bar shog cig ces byas pa dang / de nas de'i mod la bcom ldan 'das seng ge'i khri pad+ma can dang bcas te/ ta la gang tsam du mngon par 'phags par gyur to// de nas bcom ldan 'das la/ byang chub sems dpa' bzhi po de dag gis mgo bos phyag 'tshal nas tshig 'di skad ces 'dzer to// bcom ldan 'das de bzhin gshegs pa rnams kyi de bzhin gshegs pa'i ye shes ni bsam gyis mi khyab bo/ / 'di ltar sems can rnams la bde ba bstan pas/ byang chub sems dpa' dra ba can gyi 'od kyis bsod nams dang smon lam 'di'ang bsam gyis mi khyab bo// de nas bcom ldan 'das kyis/ gzhon nur gyur pa dra ba can gyi 'od la 'di skad ces bka' stsal to// rigs kyi bu khyod kyis sangs rgyas kyi bya ba byas te/ sems can tshad med pa rnams khyod kyis byang chub la bkod kyis rdzu 'phrul 'di phyir rtul cig/ de nas gzhon nur gyur pa dra ba can gyi 'od kyis 'od de dag phyir brtul to// 'od de phyir brtul ma thag tu 'khor de thams cad spyod lam snga ma ji lta ba bzhin du snang ngo // bcom ldan 'das kyang snga ma kho na bzhin du seng ge'i khri pad+mo can la bzhugs par snang ngo // de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das byang chub sems dpa' 'di bzhi gang nas mchis/ byang chub sems dpa' de bzhis smras pa/ kho bo cag 'og gi 'jig rten gyi khams nas 'ongs so// smras pa/ 'jig rten gyi khams de'i

  394. 198a

    ming ni/ smras pa/ 'jig rten gyi khams ngan rin po tshe thams cad ston pazhes bya'o// smras pa/ den de bzhin gshegs pa mtshan ci zhes bya ba zhig chos 'chan/ pa/ de bzhin gshegs pa de'i mtshan ni rin po che gdugs gcig pa zhes bya'o// spras pa/ 'jig rten gyi khams de 'di nas ji srid cig na yod/ smras pa/ bcom ldan 'das mkhyen pas mkhyen to/ / smras pa/ khyed rnams 'dir ci la 'ongs/ smras pa/ byang chub sems dpa' dra ba can gyi 'od kyis 'od btang nas/ 'od des kho bo cag la reg ste/ reg ma thag tu bcom ldan 'das shAkya thub pa'i mtshan dang / byang chub sems dpa' dra ba can gyi 'od kyi ming thos nas/ bcom ldan 'das dang / skyes bu dam pa 'di la blta ba dang / phyag bya ba dang / bsnyen bkur bya ba'i phyir bdag cag 'dir 'ongs so/ / de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das 'jig rten gyi khams rin po che thams cad ston pa zhes bgyi ba bcom ldan 'das rin po che gdugs gcig pa de bzhin gshegs pa'i sangs rgyas kyi zhing de ji srid cig na mchis/ bcom ldan 'das kyis bka' stsal pa/ 'jig rten gyi khams 'di nas 'og tu sangs rgyas kyi zhing gang+gA'i klung bdun cu rtsa gnyis kyi bye ma snyed 'das pa na/ byang chub sems dpa' 'di bzhi gang nas 'dir 'ongs pa'i 'jig rten gyi khams rin po che thams cad ston pa/ bcom ldan

  395. 198b

    'das rin po che'i gdugs gcig pa de bzhin gshegs pa'i sangs rgyas kyi zhing yod do/ / gsol pa/ de dag de nas ji srid kyis 'dir mchis/ bka' stsal pa/ sems kyi skad cig pa gcig gis der mi snang bar gyur te/ 'dir phyin to// gsol pa/ bcom ldan 'das 'di ltar byang chub sems dpa' dra ba can gyi 'od zer de ji srid du mchis pa dang / rigs kyi bu 'di dag de ltar myur du phyin te/ byang chub sems dpa' rnams kyi 'od zer gtong ba dang / rdzu 'phrul gyi stobs ni ngo mtshar to// bcom ldan 'das kyis bka' stsal pa/ 'od srungs de de bzhin te/ ji skad zer ba de bzhin no/ / gang nyan thos dang rang sangs rgyas thams cad kyis ma yin pa/ byang chub sems dpa' rnams kyi spyod pa ni bsam gyis mi khyab bo// de nas tshe dang ldan pa 'od srungs chen pos// gzhon/ nur gyur pa dra ba can gyi 'od la 'di skad ces smras so// rigs kyi bu khyod kyis 'od kyis 'khor 'di dag la reg nas kha dog gcig tu 'di lta ste/ gser gyi kha dog tu gyur na/ 'di gang gi mthu smras pa/ bcom ldan 'das nyid la 'od srungs chen po khyod kyis gsol cig dang / de nyid khyod la ston to// de nas bcom ldan 'das la/ tshe dang ldan pa 'od srungs chen pos 'di skad ces gsol to/ / bcom ldan 'das ltas sngar byung ba 'di su'i lags/ bcom ldan 'das kyis bka' stsal pa/ 'od srungs dra ba can gyi 'od byang chub thob pa'i 'khor kha dog gcig tu 'di lta ste/

  396. 199a

    gser gyi kha dog tu 'gyur ro// 'khor rnams gcig la mos pa 'di lta ste/ thams cad mkhyen pa'i sems la mos par 'gyur ro// des na nyan thos dang rang sangs rgyas rnams kyi ming yang med par 'gyur ro/ / byang chub sems dpa' sems dpa' chen po sha stag gi dge 'dun du 'gyur ro// 'od srungs chen pos gsol pa/ bcom ldan 'das byang chub sems dpa' gang sangs rgyas kyi zhing der skye bar 'gyur ba de ni de bzhin gshegs pa nyid du gzung bar bgyi'o/ / bcom ldan 'das kyis bka' stsal pa/ 'od srungs ji skad zer ba de bzhin te/ de ni de bzhin gshegs pa nyid du rig par bya'o/ / de nas 'khor de'i nang nas srog chags stong phrag bzhi bcu rtsa bzhi bla na med pa yang dag par rdzogs pa'i byang chub tu sems bskyed nas/ sangs rgyas kyi zhing der smon lam 'debs shing 'di skad du/ bcom ldan 'das nam byang chub sems dpa' dra ba can gyi 'od kyis byang chub thob par 'gyur ba de'i tshe/ bdag cag rnams sangs rgyas kyi zhing der skye bar shog cig ces smras so/ / de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das byang chub sems dpa' dra ba can gyi 'od yun ji srid cig gis bla na med ba yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ 'od srungs khyod kyis de bzhin du byang chub sems dpa' dra ba can gyi 'od

  397. 199b

    la rigs kyi bu khyod yun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes dris shig/ de nas gnas brtan 'od srungs chen pos/ byang chub sems dpa' dra ba can gyi 'od la 'di skad ces smras so/ / rigs kyi bu khyod yun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ dra ba can gyi 'od kyis smras pa/ btsun pa 'od srungs chen po la la zhig gis sgyu mas sprul pa'i skyes bu la/ rigs kyi bu khyod yun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes dris na/ de ji skad lung ston/ smras pa/ rigs kyi bu sgyu mas sprul pa la yang dag par yongs su grub pa med na de ci zhig lung ston par 'gyur/ smras pa/ btsun pa 'od srungs chen po de de bzhin te/ sgyu mas sprul pa bzhin du chos thams cad yongs su ma grub pa yin na/ sul khyod sun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes 'dri/ smras pa/ rigs kyi bu ji ltar sgyu mas sprul pa dben zhing 'gyur ba med pa/ yongs su rtog pa med pa/ byed pa med pa de bzhin du khyod kyang gal te de 'dran/ khyod tshad med pa'i sems can rnams kyi don ji ltar byed/ smras pa/ btsun pa 'od srungs chen po sgyu ma'i rang bzhin gang yin pa de byang chub kyang de'i rang bzhin no// byang chub kyi rang bzhin gang yin pa de sems can rnams

  398. 200a

    kyang de'i rang bzhin no/ / sgyu ma dang / byang chub dang / sems can gyi rang bzhin gang yin pa de/ chos thams cad kyang de'i rang bzhin yin te/ btsun pa 'od srungs chen po kho bos/ ni gang gi yang don dang don ma yin par ma mthong ngo // smras pa/ rigs kyi bu khyod sangs rgyas su 'gyur bar ma zhugs sam/ smras pa/ btsun pa 'od srungs chen po ci de bzhin gshegs pa rnams kyi byang chub 'jug pa'i mtshan das/ sa pa/ donam yin// sa/ de bsan ma tshamasas cas su 'thar ba dang / rjes su 'gyur ba dang / rangs sa rnams 'gyu kyi ma gyugs so// pa/ rigs kyi bu khyod ci la zhugs/ smras pa/ de bzhin nyid gang la zhugs pa de la bdag zhugs so// smras pa/ rigs kyi bu de bzhin nyid ni zhugs pa'ang med/ ldog pa'ang med do// smras pa btsun pa 'od srungs chen po ji ltar de bzhin nyid ma zhugs shing mi ldog pa de bzhin du/ chos thams cad de bzhin nyid kyi 'jug par zhugs pa la mi ldog go// smras pa/ dra ba can gyi 'od gal te khyod mi 'jug mi ldog na/ / sems can rnams ji ltar yongs su smin par byed/ smras pa/ btsun pa 'od srungs chen po gang smon lam 'debs pa de dag ni sems can yongs su smin par byed pa la brtson pa ma yin no// gang chos gang las kyang mi ldog pa de dag sems can yongs su smin par byed pa la brtson pa ma yin no/ / smras pa/ rigs kyi bu khyod sems can rnams 'khor ba las mi ldog gam/ smras pa/ bdag cag 'khor

  399. 200b

    ba nyid mi dmigs na/ ji ltar sems can rnams 'khor ba las bzlog par bya/ smras pa/ rigs kyi bu khyod sems can rnams mya ngan las 'das pa la mi 'dzud dam/ spras pa/ mya ngan las 'das pa nyid bdag gis ma mthong na/ sems can rnams ji ltar de la gzud par bgyi/ spras pa/ rigs kyi bu de ste 'di la 'khor ba'ang med/ mya ngan las 'das pa'ang med na/ 'o na ci'i phyir byang chub sems dpa' sem can yongs su mya ngan las 'da' ba'i phyir byang chub tu spyod/ smras pa/ btsun pa 'od srungs chen po gang 'khor bar dmigs pa dang / mya ngan las 'das par yongs su rtogs pa dang / sems can du 'du shes pa la gnas par byang chub tu spyod na/ de dag byang chub sems dpa' zhes mi bya'o// smras pa/ rigs kyi bu khyod ci la spyod/ smras pa/ btsun pa 'od srungs chen po kho bo ni 'khor ba dang / mya ngan las 'das pa dang / sems can du 'du shes pa la mi spyod mod kyi/ btsun pa 'od srungs chen po khyod ci la spyod ces de skad 'dri na/ btsun pa 'od srungs chen po kho bo ni de bzhin gshegs pas sprul pa gang la spyod pa de nyid la spyod do/ / smras pa/ rigs kyi bu de bzhin gshegs pa'i sprul pa ni ci la'ang mi spyod do// smras pa/ btsun pa 'od srungs chen po sems can thams cad kyi spyod pa'i mtshan nyid kyang de lta bur blta'o/ / smras pa/ rigs kyi bu de ste sems can thams cad kyi spyod pa'i mtshan nyid de lta bu yin du zin na/ de bzhin gshegs pa'i sprul pa rnams ni chags par mi 'gyur//

  400. 201a

    zhe sdang bar mi 'gyur/ rmongs par mi 'gyur na/ ci'i phyir sems can rnams la 'dod chags dang / zhe sdang dang / gti mug 'byung / smras pa/ de bas nagan/ brtan nyid la 'dri dris/ khyod kyis mos pa ji lta ba bzhin du 'di lung ston cig/ gnas brtan 'od srungs chen po la da ltar 'dod chags dang / zhe sdang dang / gti mug rnams yod dam/ smras pa/ de ni ma yin no// smras pa/ 'o na khyod kyis 'dod chags dang / zhe sdang dang / gti mug zad dam/ med par gyur tam/ smras pa/ de ma yin no// smras pa/ gal te gnas brtan gyi 'dod chags dang / zhe sdang dang / gti mug kyang med la/ zad pa 'am/ med par gyur pa'ang ma yin na/ ci khyod kyi 'dod chags dang / zhe sdang dang / gti mug rnams 'dug gam/ smras pa/ rigs kyi bu byis pa so so'i skye bo phyin ci log dang ldan pa rnams kyi rtog pa dang / rnam par rtog pa dang / yongs su rtog pa'i gnas la 'dod chags dang / zhe sdang dang gti mug rnams 'byung gi/ 'phags pa'i chos 'dul ba la phyin ci log khong du chud pas rtog pa dang / rnam par rtog pa dang / yongs su rtog pa mi 'byung ngo // de la 'dod chags kyang med// zhe sdang yang med/ gti mug kyang med do// smras pa/ btsun pa 'od srungs chen po 'di ji snyam du sems gang phyin ci log las byung ba'i nyon mongs pa de yang dag pa yin nam/ smras pa/

  401. 201b

    de ma yin te/ de ni yang dag pa ma yin no// smras pa/ btsun pa 'od srungs chen po 'di ji snyam du sems/ gang yang dag pa ma yin pa de/ nam yang yang dag par 'gyur ram/ smras pa de ni ma yin no/ / smras pa/ ga nas brtan yang dag pa ma yin pa gang yin pa'i yang dag pa ma yin pa de las 'dod chags dang / zhe sdang dang / gti mug skyes par 'dod dam/ smras pa/ de ma yin no// smras pa/ btsun pa 'od srungs chen po de lta bu yin du zin na/ gang dag gi sems can rnams kun nas nyon mongs par 'gyur ba'i 'dod chags dang / zhe sdang dang / gti mug gang yin/ smras pa/ rigs kyi bu de ltar na chos thams cad rang bzhin gyis 'dod chags dang bral ba/ zhe sdang dang bral ba/ gti mug dang bral ba'o// smras pa/ btsun pa 'od srungs chen po 'di la bsams te/ 'di skad du chos thams cad ni sgyu mas sprul pa'i rang bzhin no zhes smras so// gang bstan pa 'di bshad pa na/ byang chub sems dpa' stong phrag bzhi bcu rtsa bzhi rjes su 'thun pa'i bzod pa skyes so/ / de nas bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das su dag gis mig gis byang chub sems dpa' dra ba can gyi 'od mthong bar gyur pa'i sems can de dag la ngan song ngan 'gro log par ltung ba'i 'jigs pa 'tshal bar mi bgyi'o/ / su dag 'di la chos bstan pa thos par gyur pa'i sems can de

  402. 202a

    dag la'ang bdud kyi las kyis bar du gcod par 'tshal bar mi bgyi'o/ / 'dis su dag byang chub la yongs su smin par bgyis pa'i sems can de dag kyang nyan thos dang rang sangs rgyas kyi sar 'tshal bar mi bgyi'o/ / bcom ldan 'das byang chub sems dpa' dra ba can gyi 'od kyi sangs rgyas kyi zhing gi yon tan bkod pa bshad du gsol/ bcom ldan 'das kyis bka' stsal pa/ 'od srungs byang chub sems dpa' dra ba can gyi 'od sangs rgyas kyi zhing gang dang gang na gnas pa de dang der sems can tshad med pa rnams kyi don byed do/ / 'od srungs rigs kyi bu 'dis 'od byung ba khyod kyis mthong ngam// gsol pa/ bcom ldan 'das bdag gis mthong ngo // bcom ldan 'das kyis bka' stsal pa/ 'od srungs stong gsum gyi stong chen po'i 'jig rten gyi khams yungs kar gyis gang ba ni bgrang ba'i tshul gyis mthar phyin par nus kyis/ 'od srungs byang chub sems dpa' dra ba can gyi 'od kyis 'od 'di bstan pas su dag bla na med pa yang dag par rdzogs pa'i byang chub tu nges par gyur pa'i sems can de dag gi mthar phyin par mi nus so/ / 'od srungs byang chub sems dpa' dra ba can gyi 'od kyi 'od bstan pas kyang sems can rnams kyi don byed na/ chos bstan pas lta ci smos/ 'od srungs rigs kyi bu 'di'i sangs rgyas kyi zhing gi yon tan bkod pa'i bye brag gi phyogs tsam zhig brjod kyis nyon cig/ 'od srungs byang chub sems dpa' dra ba can gyi 'od bskal pa grangs med pa brgya stong phrag

  403. 202b

    b dun cu rtsa bdun 'jig rten gyi khams khyad par gyi yon tan bsdus pa zhes bya bar kun tu 'od rnam par 'phrul pa'i 'od zer gyi rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ste/ de byang chub kyi shing drung du nye bar song ba dang / 'jig rten gyi khams de'i bdud dam/ bdud kyi ris kyi lha ji snyed yod pa de dag bla na med pa yang dag par rdzogs pa'i byang chub tu nges par 'gyur ro/ / sbyin pa dang gtong ba rgya cher 'gyur ro// 'od srungs 'jig rten gyi khams de lag mthil ltar mnyam par 'gyur ro// gos ka tsa lin di ka ltar 'jam zhing reg na bde ba la rin po che thams cad kyis spras par 'gyur ro/ / 'jig rten gyi khams de na ngan song med/ mi khom pa med/ sdong du ma dang tsher ma'ang med par 'gyur ro// 'jig rten gyi khams der pad+ma bkod pa dag kyang 'byung bar 'gyur ro// rin po che'i pad+mo chen po dri dang ldan pa dag kyang 'byung bar 'gyur ro// 'jig rten gyi khams de dri ma med cing rgya che bar 'gyur / / yang 'od srungs 'jig rten gyi khams khyad par gyi yon tan bsdus pa de na/ bcom ldan 'das kun tu 'od rnam par 'phrul pa 'od zer gyi rgyal po de bzhin gshegs pa de'i byang chub sems dpa' dge 'dun mtha' yas par sgrub pa'i chos bgro ba la mkhas pa rdzu 'phrul gyis rnam par 'phrul pa 'od kyis kun tu brgyan pa/ gzungs kyi gter thob pa/ ting nge 'dzin thob pa/ thogs

  404. 203a

    pa med pa'i spobs pa dang ye shes kyis ston pa la mkhas pa/ mngon par shes pa dang / rigs pa dang / mi 'jigs pa thob pa/ bdud dang phyir rgol ba rnams bcom pa/ dran pa dang / blo gros dang / rtogs pa dang / ngo tsha shes pa dang / khrel yod pa dang / shes rab sbyangs pa'i ye shes kyis yongs su bsgoms pa dpag tu med par 'gyur ro/ / yang 'od srungs sangs rgyas kyi zhing de na bud med skye bar mi 'gyur te/ byang chub sems dpa' de dag thams cad pad+ma la skyil mo krung bcas shing 'dug par rdzus te skye bar 'gyur ro// byang chub sems dpa' de dag bsam gtan gyi dga' ba'i zas dang ldan par 'gyur ro// bsam pa tsam gyis bza' ba dang / btung ba dang / bzhon pa dang / gos dang / 'chag sa dang / skyed mos tshal dang / khang pa brtsegs pa dang / 'bab chu dang / chu mig dang / mtsho dang / rdzing dang / lteng ka'i yongs su longs spyod pa thams cad 'byung bar 'gyur ro// 'od srung kun tu 'od rnam par 'phrul pa 'od zer gyi rgyal po de bzhin gshegs pa dgra bcom pa yang dag par rdzogs pa'i sangs rgyas de yi ge dang nges pa'i tshig gis chos mi ston te/ gzhan du na byang chub sems dpa' de dag de bzhin gshegs pa'i 'od des reg ma thag tu mi skye ba'i chos la bzod pa so sor thob par 'gyur ro/ / 'od des sangs rgyas kyi zhing gzhan du 'gro ba la thogs pa med par 'gyur ro// 'od

  405. 203b

    des sems can gyi nyon mongs pa bsal ba la nyon mongs pa dang bral bar 'gyur ro/ / yang 'od srungs de bzhin gshegs pa de'i 'od las chos kyi tshul rab tu dbye ba'i sgra sum cu rtsa gnyis 'byung bar 'gyur te/ sum cu rtsa gnyis gang zhe na/ lta bar gyur pa yongs su dag pas chos thams cad stong pa'o// rtog pa dang rnam par rtog pa dang bral ba'i chos thams cad mtshan ma med pa'o// khams gsum la yang dag par 'das pas chos thams cad smon pa med pa'o/ / rang bzhin gyis nye bar zhi ba'i chos thams cad 'dod chags dang bral ba'o// smon pa med pa'i mtshan nyid kyis chos thams cad dang bral ba'o/ / mun pa mun nag dang bral bas chos thams cad gti mug dang bral ba'o// thog ma nas ma skyes pas chos thams cad 'ong ba med pa'o// 'pho ba med pa'i tshul gyis chos thams cad 'gro ba med pa'o/ / rab tu mi rten pa'i phyir chos thams cad mi gnas pa'o// 'das pa dang / ma 'ongs pa dang / da ltar byung ba dang bral ba'i phyir chos thams cad dus gsum las 'das pa'o/ / rang bzhin gcig pa'i phyir chos thams cad bye brag med pa'o// las kyis rnam par smin pa dang bral ba'i phyir chos thams cad skyes pa'o// byed pa po mi dmigs pa'i phyir chos thams cad las dang rnam par smin pa med pa'o/ / mngon par 'du mi byed pa'i tshul gyis chos thams cad ma byas pa'o// mngon par 'dus ma byas pas rab tu phye ba'i phyir chos thams cad mngon par 'dus

  406. 204a

    ma byas pa'o/ / skye ba dang 'jig pa dang bral ba'i phyir chos thams cad 'dus ma byas pa'o// yang dag par ma byung ba'i phyir chos thams cad yang dag pa ma yin pa'o// cig car mngon par rtogs pa'i tshul gyis chos thams cad bden pa'o// sems can mi dmigs pa'i phyir chos thams cad bdag med pa'o// don dam pa'i phyir chos thams cad gang zag med pa'o// shes par mi byed pa'i phyir chos thams cad bems pa'o// mdza' ba dang khong khro ba med pa'i phyir chos thams cad btang snyoms pa'o// yongs su gzung ba med pa'i phyir chos thams cad ci'ang med pa'o/ / rang bzhin gyis kun nas nyon mongs pa'i phyir chos thams cad nye ba'i nyon mongs pa med pa'o// dben pa'i mtha' yin pa'i phyir chos thams cad tshul gcig pa'o// dben pa phun sum tshogs pas chos thams cad dben pa'o/ / mi 'khrugs pa'i phyir chos thams cad yang dag pa'i mtha' la gnas pa'o// shin tu tha mi dad pa'i phyir chos thams cad de bzhin nyid la gnas pa'o/ / thams cad du rjes su song ba'i phyir chos thams cad chos kyi dbyings su yang dag par 'du ba'o// phan tshun mi 'du ba'i phyir chos thams cad rkyen med pa'o// mnyam pa nyid kyis yongs su rgyas pa'i phyir chos thams cad rten cing 'brel par 'byung ba'o/ / ji lta ba bzhin du mthong bas phye ba'i phyir chos thams cad byang chub bo// yongs su ma grub pa'i tshul gyis chos

  407. 204b

    thams cad mya ngan las 'das pa'o/ / zhes 'od srungs de lta de ltar bcom ldan 'das kun tu 'od rnam par 'phrul pa 'od zer gyi rgyal po de bzhin gshegs pa'i 'od de las 'di lta bu'i chos kyi tshul rab tu dbye ba'i sgra sum cu rtsa gnyis 'byung bar 'gyur ro/ / gnas brtan 'od srungs chen pos gsol pa/ bcom ldan 'das 'od zer de sangs rgyas kyi mdzad pa bgyid par 'gyur ro// bcom ldan 'das kyis bka' stsal pa/ 'od srungs de bzhin gshegs pa de tshe dpag tu med par 'gyur ro// sangs rgyas kyi zhing de na bdud kyi las kyis bar du gcod pa med par 'gyur ro// 'od srungs chen pos gsol pa/ bcom ldan 'das sangs rgyas kyi zhing yongs su gzung bar 'tshal bas/ rigs kyi bu 'di'i rnam pa thams cad mchog dang ldan pa ci 'dra ba de lta bur yongs su dag pa'i sangs rgyas kyi zhing yongs su gzung bar bgyi'o/ / bcom ldan 'das kyis bka' stsal pa/ 'od srungs 'di ltar byang chub sems dpa' dra ba can gyi 'od kyis sangs rgyas bye ba khrag khrig phrag brgya stong mang po la smon lam yongs su sbyangs te/ de'i phyir 'dis sangs rgyas kyi zhing de lta bu'i yon tan phun sum tshogs pa yongs su bzung ngo // 'od srungs de bas na sangs rgyas kyi zhing de lta bu yongs su bzung bar 'dod pa'i rigs kyi bu 'am/ rigs kyi bu mos kyang byang chub sems dpa' dra ba can gyi 'od kyi rjes su bslab par bya'o// de nas tshangs

  408. 205a

    pa khyad par sems kyis/ byang chub sems dpa' dra ba can gyi 'od la 'di skad ces smras so// rigs kyi bu khyod de bzhin gshegs pas lung bstan to// smras pa/ tshangs pa de bzhin gshegs pas sems can thams cad kyang lung bstan to// smras pa/ cir lung bstan/ smras pa/ las kyi rnam par smin pa ji lta ba bzhin du lung bstan to/ / smras pa/ rigs kyi bu khyod kyis las ji lta bu zhig byas na/ khyod 'di ltar lung bstan/ smras pa/ tshangs pa las gang lus dang / ngag dang / yid kyis ma byas pa da las de ni 'di'o zhes bstan du rung ngam/ sbas pa/ ci'i phyir/ smras pa/ ci byang chub mngon par 'du byed pa'i mtshan nyid dam/ smras pa/ de ni ma yin no// smras pa/ byang chub mngon par 'du mi byed pa'i mtshan nyid de/ byang chub ni mngon par 'du byed pa'i mtshan nyid ma yin no// smras pa/ mngon par 'du byed pas byang chub 'dus ma byas pas thob par nus sam/ smras pa/ de ni ma yin no// smras pa/ tshangs pa de lta bas na 'di la rnam grangs 'dis gang la las kyang med/ las kyi 'bras bu'ang med/ mngon par 'du byed pa'i 'jug pa'ang med pa de ni byang chub bo/ / byang chub ji lta bar thob pa'ang de bzhin te/ mngon par 'du byed pas lung bstan par mi 'gyur bar rig par bya'o// smras pa/ rigs

  409. 205b

    kyi bu pha rol tu phyin pa drug la spyad nas phyis lung bstan par 'gyur ram/ smras pa/ tshungs pa de bzhin te/ pha rol tu phyin pa drug la spyad nas phyis lung bstan par 'gyur te/ tshangs pa gang na mongs pa thams cad yongs su gtang po 'di ni sbyin pa'o/ / gang mngon par 'dus byed pa 'di ni tshul khrims so// gang ma mi thod pa 'di ni bzod pa'o// gang dben pa don brtson 'grus so// gang bcu mi gnas pa deni pasamagan no// gang smos pa med pa don ces rab bo// tshangs dbyang rgyab sems dpa' gang pa rol tu phyin pa drug la spyod pa de dag cis / smras pa/ mi spyod do// de ci'i phyir dz+nyAn/ spyod pa ji tsam pa de tsam du spyod pa ma yin no// kAng spyod pa de mi spyod pa'o// gang mi spyod pa de bla na med pa yang dag par rdzogs pa'i byang chub la spyod pa ste/ tshangs pa rnam grangs 'dis ni ji ltar spyod pa ma yin pa ni byang chub kyi spyod pa yin par rig par bya'o// tshangs pa byang chub tu lung bstan to zhes de skad zer ba ni de bzhin nyid dang chos kyi dbyings ji lta bur sna btsun pa ma 'u 'ang grang bstan to/ / smras pa/ rigs kyi bu bzhin nyid dang / chos kyi dbyings ni grang ma bstan to// snyas pa/ 'on de bzhin nyid dang chos kyi dbye sa ji ldab pa du zung sa na can nyid kya baman/ denas bcom ldan 'das la/ rangs btsud par sems kyis 'dig byas namam/ bcom ldan 'das jisar sbyangs/ byang chub

  410. 206a

    dpa' de bzhin gshegs pa rnams kyis bla na med pa yang dag par rdzogs pa'i byang chub tu lung bstan par 'gyur/ bcom ldan 'das kyis bka' stsal pa/ tshangs pa nam byang chub sems dpa' skye ba la'ang mi spyod/ 'gag pa la'ang mi spyod/ dge ba la'ang mi spyod/ mi dge ba la'ang mi spyod/ 'jig rten pa la'ang mi spyod/ 'jig rten las 'das pa la'ang mi spyod/ zag pa dang bcas pa la'ang mi spyod/ zag pa med pa la'ang mi spyod/ kha na ma tho ba dang bcas pa la'ang mi spyod/ kha na ma tho ba med pa la'ang mi spyod/ 'dus byas la'ang mi spyod// 'dus ma byas la'ang mi spyod/ rnal 'byor la'ang mi spyod/ rnal 'byor ma yin pa la'ang mi spyod/ spong ba la'ang mi spyod/ spong ba ma yin pa la'ang mi spyod/ 'khor ba la'ang mi spyod mya ngan las 'das pa la'ang mi spyod/ mthong ba la'ang mo spyod/ thos pa la'ang mi spyod/ dran pa la'ang mi spyod/ rnam par shes pa la'ang mi spyod/ sbyin pa la'ang mi spyod/ gtong ba la'ang mi spyod/ tshul khrims la'ang mi spyod/ sdom pa la'ang mi spyod/ bzod pa la'ang mi spyod/ mi 'gyur ba la'ang mi spyod/ brtson 'grus rtsom pa la'ang mi spyod/ bsam gtan la'ang mi spyod/ ting nge 'dzin rnams la'ang mi spyod/ shes rab la 'ong mi spyod/ nan tan dag la'ang mi spyod/ ye shes la'ang mi spyod/ khong du chud pa la'ang mi spyod de/ byang chub

  411. 206b

    sems dpa' de ltar spyod na/ de bzhin gshegs pa rnams kyis bla na med pa yang dag par rdzogs pa'i byang chub tu lung bstan to// de ci'i phyir zhe na/ tshangs pa spyod pa ji tsam pa de tsam du lhag par byed pa ste/ byang chub ni lhag par byed pa ma yin no// spyod pa ji tsam pa de tsam du yongs su rtog pa ste/ byang chub ni yongs su rtog pa med pa'o// spyod pa ji tsam pa de tsam du mngon par 'du byed pa ste/ byang chub ni mngon par 'du byed pa med pa'o/ / spyod pa ji tsam pa de tsam du spros pa ste/ byang chub ni spros pa med pa'o// tshangs pade bas na rnam grangs 'dis ci nas spyod pa thams cad las yang dag par 'das pa'i byang chub sems dpa' rnams la lung bstan par 'gyur bar de ltar rig par bya'o/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das lung bstan pa zhes bgyi ba lung bstan pa de gang gi tshig bla dgas lags/ bcom ldan 'das kyis bka' stsal pa/ chos thams cad la gnyis bral ba ste/ de'i phyir lung bstan pa zhes bya'o/ / skye ba dang 'jig par sgro mi 'dogs te// de'i phyir lung bstan pa zhes bya'o// lus dang / ngag dang / yid kyi las rnams kyis dben pa ste/ de'i phyir lung bstan pa zhes bya'o/ / tshangs pa ngas mngon par shes pa 'das pa'i dus na/ bskal pa mdzes par snang ba zhes bya ba byung ste/ de la de bzhin gshegs pa khrag khrig phrag bdun bcu rtsa gnyis byung ngo //

  412. 207a

    de bzhin gshegs pa de dag thams cad la ngas bkur stir byas/ btsun par byas/ ri mor byas/ mchod par byas kyang / de bzhin gshegs pa de dag gis nga lung ma bstan to/ / de'i pha rol tu bskal pa shin tu sprul pa zhes bya ba byung ste/ de la de bzhin gshegs pa bye ba phrag bdun cu rtsa gnyis la ngas bkur stir byas/ btsun par byas/ ri mor byas mchod par byas kyang / de bzhin gshegs pa de dag gis nga lung ma bstan to// tshangs pa de'i yang pha rol na/ tshangs pas bstod pa zhes bya ba'i bskal pa byung ste/ de la de bzhin gshegs pa stong phrag bco brgyad la ngas bkur stir byas/ btsun par byas/ ri mor byas/ mchod par byas kyang / de bzhin gshegs pa de dag gis nga lung ma bstan to// tshangs pa de'i yang pha rol na/ bskal pa legs par drangs pa zhes bya ba byung ste/ de la de bzhin gshegs pa stong phrag sum cu rtsa gnyis la ngas bkur stir byas/ btsun par byas/ ri mor byas/ mchod par byas kyang de bzhin gshegs pa de dag gis nga lung ma bstan to/ / de'i yang pha rol na/ tshangs pa bskal pa bkod pa zhes bya ba byung ste/ de la de bzhin gshegs pa stong phrag brgyad cu rtsa bzhi la ngas bkur stir byas/ btsun par byas/ ri mor byas/ mchod par byas kyang / de bzhin gshegs pa de dag gis nga lung ma bstan to// tshangs pa ngas gang rnams la ri mor byas pa dang /

  413. 207b

    mchod par byas pa dang / bkur stir byas pa dang / btsun par byas pa dang / gang las ngas tshangs par spyod pa spyad pa dang / ngas bdogs pa thams cad yongs su btang ba byas pa dang / tshul khrims dang / sbyangs pa'i yon tan yang dag par bzung ba ngas blangs pa dang / ngas khro ba'i tha ba dang / phrag dog dang / nga rgyal dang / 'chab pa med par byas nas/ ngas bzod pa dang / byams pa bsgoms pa dang / bsam gtan dang / rab tu dben par spyod pa dang / dben par gnas mal 'cha' ba dang / zas dang sgra'i rjes su 'gro ba'i dri ba yongs su dri ba dang / de byed pa'i brtson 'grus kyis thos pa thams cad khong du chud par byas pa'i de bzhin gshegs pa de dag gi ming yang bskal pa 'am/ bskal pa las lhag par brjod du yod kyang de bzhin gshegs pa de dag gis nga bla na med pa yang dag par rdzogs pa'i byang chub tu lung ma bstan to/ / de ci'i phyir zhe na/ tshangs pa 'di ltar nga spyod pa la gnas par gyur te/ de bas na tshangs pa rnam grangs 'dis kyang ci nas byang chub sems dpa' spyod pa thams cad las 'das pa rnams la lung bstan pa yin par de ltar rig par bya'o/ / tshangs pa gang gis tshangs de bzhin gshegs/ pa mar me mdzad mthong ma thag tu mi skye ba'i chos la bzod pa thob pa/ de nas gdod de bzhin gshegs pa mar me mdzad kyis ngal khyod ma 'ongs pa'i dus na/ bskal pa grangs med pa na/ shAkya

  414. 208a

    thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung bstan te/ de nung spyod pa thams cad las 'das so// de na nga'i pha rol tu phyin pa drug yongs su rdzogs so// de ci'i phyir zhe na/ gang mtshan ma thams cad yongs su gtong ba de ni sbyin pa'i pha rol tu phyin pa'o// gang dmigs pa thams cad rab tu zhi ba de ni tshul khrims kyis pha rol tu phyin pa'o/ / gang yul rnams la rmas par mi 'gyur ba de ni bzod pa'i pha rol tu phyin pa'o// gang chos thams cad dben pa de ni brtson 'grus kyi pha rol tu phyin pa'o/ / gang yid la byed pa thams cad la mi 'jug pa de ni bsam gtan gyi pha rol tu phyin pa'o// gang rang bzhin gyis mi skye ba'i chos la bzod pa de ni shes rab kyi pha rol tu phyin pa ste/ tshangs pa de lta de ltar de bzhin gshegs pa mar me mdzad las pha rol tu phyin pa rnams yongs su rdzogs par byas so// tshangs pa gang sems dang po bskyed pa tshun chad kyi sbyin pa yongs su gtong ba de ni phyis mi dmigs pas sbyin pa yongs su gtong ba de la brgya'i char yang nye bar mi 'gyur ba nas/ dpe'i bar du'ang nye bar mi 'gro'o// gang dang po'i tshul khrims bslab pa dang / sbyangs pa'i yon tan yang dag par blangs pa'i tshul khrims de ni shin tu sbyangs pa'i tshul khrims de la dpe'i bar du'ang nye bar mi 'gro'o// gang sems dang po bskyed pa tshun chad kyi

  415. 208b

    bzod pa dang nges pa de ni shin tu bzod pa'i chos nyid de la rgyur yang nye bar mi 'gro'o/ / gang sems dang po bskyed pa tshun chad nas bzung ste/ brtson 'grus brtsams pa de ni blang ba med pa dang / dor ba med pa'i brtson 'grus de la dpe'i bar du'ang nye bar mi 'gro'o// gang sems dang po bskyed pa tshun chad kyi bsam gtan rab tu dben par gnas pa de ni rab tu zhi ba mtshan ma med pa de la dpe'i bar du'ang nye bar mi 'gro'o/ / tshangs pa gang sems dang po bskyed pa tshun chad kyi shes rab kyis so so'i rtog pa de ni spros pa med pa'i shes rab de la dpe'i bar du'ang nye bar mi 'gro ste/ de bas na tshangs pa rnam grangs 'dis 'di ltar ngas de'i tshe pha rol tu phyin pa drug yongs su rdzogs par byas so zhes de ltar rig par bya'o/ / gsol pa/ bcom ldan 'das ji ltar na pha rol tu phyin pa drug yongs su rdzogs pa lag sa/ bka' stsal pa/ gang gtong ba la rlom sems med pa dang / tshul khrims la mi gnas pa dang / bzod pa la rnam par mi rtog pa dang / brtson 'grus la blang ba med pa dang / bsam gtan la mi gnas pa dang / shes rab la gnyis su med pa 'di ni tshangs pa pha rol tu phyin pa drug yongs su rdzogs pa yin no// gsol pa/ bcom ldan 'das pha rol tu phyin pa drug yongs su rdzogs nas ci yongs su rdzogs par bgyid/ bka' stsal pa/ tshangs pa pha rol tu phyin pa drug yongs su rdzogs nas/ thams cad mkhyen pa nyid yongs su rdzogs par byed do// gsol pa/

  416. 209a

    bcom ldan 'das ji ltar na pha rol tu phyin pa drug yongs su rdzogs nas/ thams cad mkhyen pa nyid yongs su rdzogs par bgyid/ bka' stsal pa/ tshangs pa sbyin pa'i pha rol tu phyin pa'i mnyam pa nyid gang yin pa de ni thams cad mkhyen pa nyid kyi mnyam pa nyid do/ / tshul khrims kyi pha rol tu phyin pa'i mnyam pa nyid gang yin pa dang / bzod pa'i pha rol tu phyin pa'i mnyam pa nyid gang yin pa dang / brtson 'grus kyi pha rol tu phyin pa'i mnyam pa nyid gang yin pa dang / bsam gtan gyi pha rol tu phyin pa'i mnyam pa nyid gang yin pa dang / shes rab kyi pha rol tu phyin pa'i mnyam pa nyid gang yin pa de ni thams cad mkhyen pa nyid kyi mnyam pa nyid do/ / de bas na mnyam pa nyid 'dis chos thams cad mnyam pa nyid de/ chos thams cad mnyam pa nyid gang yin pa de ni thams cad mkhyen pa'i mnyam pa nyid do/ / gzhan yang tshangs pa sbyin pa'i 'du shes yongs su rdzogs pa dang / tshul khrims kyi 'du shes dang / bzod pa dang / brtson 'grus dang / bsam gtan dang / shes rab kyi 'du shes yongs su rdzogs nas/ thams cad mkhyen pa nyid yongs su rdzogs par byed do// thams can mkhyen pa nyid ni 'du shes thams cad dang bral ba ste/ ltar na tshangs pa pha rol tu phyin pa drug yongs su rdzogs pas/ thams cad mkhyen pa nyid yongs su rdzogs par byed do// gsol pa/ bcom ldan 'das thams cad mkhyen pa nyid yongs su rdzogs

  417. 209b

    pagang lags/ bcom ldan 'das kyis bka' stsal pa/ gang mig mi len pa gzugs mi len pa de nas/ yid dang chos kyi bar du mi len te/ tshangs pa gang phyi dang nang gi skye mched drug po 'di rnams mi len pa 'di ni thams cad mkhyen pa nyid yongs su rdzogs pa'o/ / tshangs pa de ltar thams cad mkhyen pa nyid yongs su rdzogs par byas na mig la mi chags/ rna ba la mi chags sna la mi chags/ lha la mi chags/ lus la mi chags/ yid la mi chags te/ de bas na de bzhin gshegs pa thams cad mkhyen pa nyid ye shes chags pa med cing sgrib pa med pa yin no// tshangs pa thams cad mkhyen pa nyid ni chos gang yang mi len to// tshangs pa 'di ltar thams cad mkhyen pa nyid ni chos thams cad kyi snod du ma gyur pa yin te/ tshangs pa snod ma yin pa zhes bya ba ni dngos po med pa'i tshig bla dgas so/ / dngos po med pa zhes bya ba ni bla gab med pa'i tshig bla dgas so// thams cad mkhyen pa ni bla gab med pa dang mtshungs pa ste/ de bas na chos gang yang mi len to// tshangs pa 'di lta ste/ dper na nam mkha' la gnas te bya ba thams cad byed kyang / nam mkha' de ni mi gnas pa'o// de bzhin du thams cad mkhyen pa nyid la ye shes thams cad rnam par bzhag kyang thams cad mkhyen pa nyid ni mi gnas so/ / gsol pa/ bcom ldan 'das thams cad mkhyen pa nyid ces bgyi ba bcom ldan 'das ci'i slad du thams cad mkhyed pa nyid ces bgyi/ bka'

  418. 210a

    stsal pa/ tshangs pa nyan thos rnams dang rang sangs rgyas rnams kyi spyod pa thams cad des shes te/ de'i phyir thams cad mkhyen pa nyid ces bya'o// de dag gi bsam ba thams cad kun shes pa dang / sbyor ba kun shes pa dang / snying rje kun shes pa dang / bslab pa kun shes pa dang / yang dag par 'dzin pa kun shes pas de'i phyir thams cad mkhyen pa nyid ces bya'o/ / rgyu ba thams cad rnam par spangs pa dang / rlom sems thams cad bcom pa de ni thams cad mkhyen pa nyid do// 'thob pa med cing rnam par rig pa med la/ sems can thams cad kyi sems kyi spyod pa de las shes par 'gyur ba na/ de'i phyir thams cad mkhyen pa nyid ces bya'o// ye shes thams cad mngon par rtog pa dang / slob pa'i ye shes dang / mi slob pa'i ye shes dang / rang sangs rgyas kyi ye shes dang / thams cad mkhyen pa'i ye shes kyang 'di ltar rnam par bzhag pas na/ thams cad mkhyen pa nyid ces bya'o// yang dag par sbyor bas 'di las ye shes 'jug pas na/ de'i phyir thams cad mkhyen pa nyid ces bya'o// sman thams cad yongs su shes pas de'i phyir thams cad mkhyen pa nyid ces bya'o// nad thams cad rab tu zhi bar byas pas de'i phyir thams cad mkhyen pa nyid ces bya'o/ / bcings pa thams cad bcom pas de'i phyir thams cad mkhyen pa nyid ces bya'o// bag chags kyi mtshams sbyor ba thams cad bcom pa'i de'i phyir thams cad mkhyen pa nyid ces

  419. 210b

    bya'o/ / rtag tu mnyam par bzhag pas de'i phyir thams cad mkhyen pa nyid ces bya'o// chos thams cad la the tsom med pas de'i phyir thams cad mkhyen pa nyid ces bya'o// 'jig rten pa dang 'jig rten las 'das pa'i ye shes rnams kyang thams cad mkhyen pa 'di las rnam par bzhag pas na/ de'i phyir thams cad mkhyen pa nyid ces bya ste/ tshangs pa de'i phyir thams cad mkhyen pa nyid ces bya ba ni thams cad mkhyen pa'i ye shes la mkhas pa'i tshig bla dgas so/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das 'di ltar de bzhin gshegs pas sems can thams cad kyi sems kyi spyod pa thams cad kyang mkhyen la/ sems kyi dmigs pa la'ang 'jug pa mi mnga' ba ni sangs rgyas kyi ye shes bsam gyis mi khyab ste/ ngo mtshar to// bcom ldan 'das de la yon tan gyi bye brag tshad ma mchis pa 'di lta bu 'di dag gda' na/ rigs kyi bu pho 'am/ rigs kyi bu mo su zhig bla na med pa yang dag par rdzogs pa'i byang chub tu sems mi skyed/ de nas bcom ldan 'das la/ byang chub sems dpa' dra ba can gyi 'od kyis 'di skad ces gsol to// bcom ldan 'das byang chub sems dpa' su dag yon tan re ba'i slad du byang chub la 'jug na/ de dag theg pa chen po la yang dag par zhugs pa ma lags par rig par bgyi'o// de ci'i slad du zhe na/ bcom ldan 'das re bar bgyi ba ma mchis pa'i

  420. 211a

    slad du chos thams cad ni yon tan dang bral zhing yon tan ma mchis pa ste/ de bas na byang chub sems dpa' rnams kyis yon tan gyi slad du 'am/ legs pa'i slad du byang chub la 'jug par mi bgyi'o/ / gzhan du na snying rje chen pos rgyus bdag gis sdug bsngal bas yongs su mi skrag pa'i slad du/ dge ba'i chos bskyed par bgyi ba'i slad du/ lta ba las rnam par thar par bgyi ba'i slad du/ nad thams cad bsal ba'i slad du/ yongs su 'dzin pa gtong ba'i slad du/ mdza' ba dang mi mdza' ba la mi blta ba'i slad du/ 'jig rten gyi chos rnams kyis mi gos pa'i slad du/ 'dus byas la skyo ba'i slad du/ mya ngan las 'das pa la bde bar dgod pa'i slad du/ dam pa'i chos yongs su gzung ba'i slad du/ sems can rnams yongs su smin par bgyi ba'i slad du/ bcom ldan 'das byang chub sems dpas re ba ma mchis par bgyi ste/ pha rol la mi re bar bgyi'o// bcom ldan 'das byang chub sems dpas bgyis pa dang / ma bgyis pa la 'gyod pa ma mchis par bgyi'o// bcom ldan 'das byang chub sems dpa' ni bde ba dang sdug bsngal gnod par mi 'gyur ro// bcom ldan 'das byang chub sems dpa' rnams kyi dge ba'i rtsa ba yongs su dag pa gang lags/ bcom ldan 'das kyis bka' stsal pa/ rigs kyi bu 'khor los sgyur ba'i rgyal po'i srid ni/ dge ba'i rtsa ba yongs

  421. 211b

    su dag par mi smra'o/ / brgya byin du 'gyur ba'ang ma yin/ tshangs par 'gyur ba'ang ma yin te/ gang la skye ba dang skye gnas med pa de ni byang chub sems dpa' rnams kyi dge ba'i rtsa ba yongs su dag pa'o/ / nam bdag kyang dge ba'i rtsa ba yongs su mi 'bri la/ chung ngu dud 'gro'i skye gnas su song ba yan chad sems can gzhan gyi dge ba'i rtsa ba rnams skyed pa 'di ni byang chub sems dpa' rnams kyi dge ba'i rtsa ba yongs su dag pa'o/ / dngos po thams cad la mi lta ba'i phyir gtong ba ni byang chub sems dpa' rnams kyi dge ba'i rtsa ba'o// yongs su gdung ba med pa'i phyir tshul khrims ni byang chub sems dpa' rnams kyi dge ba'i rtsa ba'o/ / gnod sems med pa'i phyir bzod pa ni byang chub sems dpa' rnams kyi dge ba'i rtsa ba'o// le lo med pa'i phyir brtson 'grus ni byang chub sems dpa' rnams kyi dge ba'i rtsa ba'o/ / rtse gcig pa'i phyir bsam gtan ni byang chub sems dpa' rnams kyi dge ba'i rtsa ba'o// lta ba dang bral ba'i phyir shes rab ni byang chub sems dpa' rnams kyi dge ba'i rtsa ba'o/ / sems snyoms pa'i phyir byams pa ni byang chub sems dpa' rnams kyi dge ba'i rtsa ba'o// lhag pa'i bsam pa yongs su dag pa'i phyir snying rje ni byang chub sems dpa' rnams kyi dge ba'i rtsa ba'o/ / chos la mos pa bskyed pa'i phyir dga' ba ni byang chub sems dpa' rnams kyi dge ba'i rtsa ba'o// mdza' ba dang sdang ba med pa'i phyir btang snyoms ni byang chub sems

  422. 212a

    dpa' rnams kyi dge ba'i rtsa ba'o/ / nyan thos dang rang sangs rgyas kyis mi 'dod pa'i phyir byang chub kyi sems mi gtong ba ni byang chub sems dpa' rnams kyi dge ba'i rtsa ba'o// / bam po bzhi pa// de nas 'jam dpal gzhon nur gyur pa 'khor der 'dus te cang mi zer bar 'dug go// de nas bcom ldan 'das la/ tshangs pa khyad par sems kyis 'di skad ces gsol to/ / bcom ldan 'das 'jam dpal gzhon nur gyur pa 'di 'khor 'dir mchis te/ 'di ltar yang dag par brjod pa'i gtam cung zad kyang mi ston to// de'i tshe bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal chos bstan pa 'di la khyod gtam gyi rgyud 'ga' zhig spobs par gyis shig/ 'jam dpal gyis gsol pa/ chos gang bcom ldan 'das kyis mngon par rdzogs par sangs rgyas pa'i chos de la gdags pa gang yang ma mchis sam/ bka' stsal pa/ 'jam dpal chos de la gdagra pa gang yang med do/ / gsol pa/ bcom ldan 'das chos de brjod par bgyi ba lags sam/ smra bar bgyi ba lags sam/ bstan par bgyi ba lags sam/ bka' stsal pa/ 'jam dpal chos de brjod par bya ba ma yin/ smra bar bya ba ma yin/ bstan par bya ba ma yin no// gsol pa/ bcom ldan 'das chos gang ma brjod/ ma smras/ ma bstan pa de bshad par

  423. 212b

    nus sam/ khyad par sems kyis smras pa/ 'jam dpal khyod sems can gzhan dang gang zag gzhan dag la chos mi ston tam/ smras pa/ tshangs pa ci chos kyi dbyings gnyis su rab tu phye ba yin nam/ smras pa/ de ma yin no// smras pa/ chos thams cad chos kyi dbyings su nges pa ma yin nam/ smras pa/ nges pa yin no// smras pa/ tshangs pa gal te chos kyi dbyings kyang gnyis su med pa yin la/ chos thams cad kyang chos kyi dbyings su nges na/ sems can gzhan dang gang zag gzhan dag la ji ltar chos bstan par bya/ smras pa/ 'jam dpal gnyis kyang ma yin la/ chos bstan pa yod dam/ smras pa/ tshangs pa gal te ston pa 'am/ nyan pa 'ga' zhig rnyed na yod do// smras pa/ 'jam dpal de bzhin gshegs pas chos ma bstan tam/ smras pa// ma bstan mod kyi gnyis su ma yin no// de ci'i phyir nan/ de bzhin gshegs pa ni gnyis su med par chos ston te/ gnyis su mi mdzad do// smras pa/ 'jam dpal gal te chos thams cad gnyis su med pa yin na/ de ji ltar byis pa so so'i skye bo rnams gnyis su med pa gnyis su byed/ smras pa/ bdag gi rgyud la bdag tu 'dzin pas byis pa so so'i skye bo rnams gnyis su byed de gnyis su med pa ni nam yang gnyis su mi 'gyur ro/ / ji tsam du mang du gnyis su byas kyang gnyis su med pa'i mtha' gnyis su med do//

  424. 213a

    smras pa/ 'jam dpal gnyis su med pa ci rnam par rig par byed/ smras pa/ gal te rnam par rig par byed na gnyis su med pa ma yin par 'gyur te/ gnyis su med pa ni rnam par rig pa med pa'o/ / tshangs pa gnyis zhes bya ba ni rnam par rig pa'o// de bzhin gshegs pas ni rnam par rig pa med par chos bstan te/ chos da'ang ji ltar bstan pa de bzhin du ma yin no/ / de ci'i phyir zhe na/ chos de yi ge med pa'i phyir ro// smras pa/ 'jam dpal de bzhin gshegs pas chos bstan pa gang du 'gro/ smras pa/ tshangs pa de bzhin gshegs pas chos bstan pa ni 'gro ba med par 'gro ba'o/ / smras pa/ 'jam dpal de bzhin gshegs pas mya ngan las 'das par 'gro ba'i chos ma bstan tam/ smras pa/ ci mya ngan las 'das pa la 'gro ba 'am 'ong bar dmigs sam/ smras pa/ mya ngan las 'das pa la 'ong ba'ang med/ 'gro ba'ang med do// smras pa/ tshangs pa de lta bas na de bzhin gshegs pas 'gro ba med par 'gro ba'i chos bstan to/ / smras pa/ ji ltar thos pa/ smras pa/ ji ltar brjod pa bzhin du'o// smras pa/ ji lta bu brjod/ smras pa/ ji ltar rnam par rig pa med pa dang thos pa med pa bzhin no/ / smras pa/ de bzhin gshegs pa'i chos nyan pa gang yin/ smras pa/ gang yul la zag pa med pa rnams so// smras pa/ chos 'di sus shes par

  425. 213b

    'gyur/ smras pa/ gang rtsod par mi 'gyur ba dang / shes par mi 'gyur ba dang / rjes su shes par mi 'gyur ba rnams so// smras pa/ 'jam dpal ji ltar na dge slong rtsod pa mang ba yin/ smras pa/ 'di ni rigs 'di ni mi rigs so zhes bya ba 'di ni rtsod pa'o// de bzhin du bsdus te 'di ni 'brel pa'o 'di ni ma 'brel pa'o zhes bya ba dang / 'di ni nyon mongs pa'o 'di ni rnam par byang ba'o zhes bya ba dang / 'di ni dge ba'o 'di ni mi dge ba'o zhes bya ba dang / 'di ni kha na ma tho ba dang bcas pa'o 'di ni kha na ma tho ba med pa'o zhes bya ba dang / 'di ni zag pa dang bcas pa'o 'di// ni zag pa med pa'o zhes bya ba dang / 'di ni 'jig rten pa'o 'di ni 'jig rten las 'das pa'o zhes bya ba dang / 'di ni 'dus byas so 'di ni 'dus ma byas so zhes bya ba dang / 'di ni tshul khrims so/ 'di ni ngang tshul ngan pa'o zhes bya ba dang / 'di ni bya ba'o 'di ni bya ba ma yin pa'o zhes bya ba dang / 'di ni 'thob par 'gyur ro 'dis ni 'thob pa ma yin par 'gyur ro zhes bya ba 'di ni rtsod pa'o// tshangs pa ji tsam du khengs pa dang / 'dud pa dang / len pa dang / 'dor ba de tsam du rtsod pa ste/ de bzhin gshegs pas ni rtsod pa med par chos bstan to// spros pa la dga' ba la ni mi rtsod pa med do/ / rtsod pa mang ba la ni dge sbyong du gyur pa med do// dge sbyong 'dod pa la ni 'thab pa med do// smras pa/ 'jam dpal ji ltar dge slong de bzhin gshegs pa'i bstan pa bzhin byed pa dang /

  426. 214a

    bka' bzhin byed par 'gyur/ smras pa/ tshangs pa nam dge slong bstod pa dang / smad pa byas kyang gnod pa med na/ de ltar na bstan pa bzhin du byed pa yin no// gang yi ge'i rjes su mi snyegs na de ltar na bka' bzhin du byed pa yin no/ / gang mtshan ma thams cad las zhi bar gyur na/ de ltar na bstan pa bzhin byed pa yin no// gang don dang 'gal bar mi byed na de ltar na bka' bzhin byed pa yin no/ / gang chos yongs su srung na de ltar na bstan pa bzhin byed pa yin no// gang tshig rnams dang 'thun par mi byed na de ltar na bka' bzhin byed pa yin no// smras pa 'jam dpal ji ltar na dge slong dam pa'i chos yongs su srung ba yin/ smras pa/ gang mnyam pa nyid las 'gal bar mi byed cing chos kyi dbyings rnam par 'khrug par mi byed na/ de ltar na dam pa'i/ chos yongs su srung ba yin no// smras pa/ 'jam dpal ji ltar na dge slong de bzhin gshegs pa la nye bar gnas pa yin/ smras pa/ tshangs pa gang chos gang la'ang nye ba 'am/ ring ba med par mthong ba'i dge slong de ni/ de bzhin gshegs pa la nye bar gnas pa yin no// smras pa/ ji ltar na 'jam dpal dge slong de bzhin gshegs pa la rim gro dang bsnyen bkur byed pa yin/ smras pa/ tshangs pa dge slong gang lus dang / ngag dang / yid kyis rtul bar mi byed pa'i dge slong de ni de bzhin gshegs pa la rim gro dang bsnyen bkur byed pa'o// smras pa/ 'jam dpal

  427. 214b

    sus de bzhin gsheg pa la mchod par 'gyur/ smras pa/ tshangs pa gang bsod nams dang / bsod nams ma yin pa dang / mi g.yo bar nye bar 'gro ba'i 'du byed thams cad mngon par 'du mi byed pa'o/ / smras pa/ 'jam dpal sus de bzhin gshegs pa mthong / smras pa/ gang sha'i spyan dang / lha'i spyan dang / shes rab kyi spyan dang / chos kyi spun dang / sangs rgyas kyi spyan la'ang mngon par ma chag pa de de bzhin gshegs pa mthong ngo / / smras pa/ 'jam dpal sus chos mthong / smras pa/ gang rten cing 'brel par 'byung ba mthong zhing 'gal bar mi byed pa rnams kyis so/ / smras pa/ sus rten cing 'brel par 'byung ba mthong / smras pa/ gang mnyam pa nyid mi skyed cing 'gal bar mi byed pas so// smras pa/ 'jam dpal su dag mngon par shes pa thob/ smras pa/ gang zag pa mi skyed cing mi 'gog pa rnams so// smras pa/ 'jam dpal su de bzhin gshegs pa'i bslab pa la slob/ smras pa/ gang mngon par 'du mi byed pa dang / myong bar mi byed pa dang / mi skyed pa dang / so sor mi spong ba rnams so// smras pa/ 'jam dpal su yang dag par zhugs/ smras pa/ gang khams gsum pa la ma zhugs pa'o/ / smras pa/ 'jam dpal gang shin tu dul ba yin no// smras pa/ gang yang srid pa mi len pa'o// smras pa/ 'jam dpal gang bde bar gyur pa/

  428. 215a

    yin/ smras pa/ gang nga yir bya ba med pa rnams so// smras pa/ 'jam dpal su dag grol ba yin/ smras pa/ gang dmigs pa 'khrug par mi byed pa rnams so/ / smras pa/ 'jam dpal su dag rgal ba yin/ smras pa/ gang 'khor ba dang mya ngan las 'das pa la mi gnas pa rnams so// smras pa/ 'jam dpal zag pa zad pa'i dge slong ci zad/ smras pa/ tshangs pa gal te zad par 'gyur na ni zag pa zad par mi 'gyur te/ zag pa de dag ni skad cig pa yin pa des de dag de bzhin du shes pas na de'i phyir zag pa zad pa zhes bya'o/ / smras pa/ 'jam dpal su dag bden par smra ba yin/ smras pa/ gang rtsod pa thams cad la shin tu 'das pa rnams so// smras pa/ 'jam dpal su lam du zhugs pa yin/ smras pa/ tshangs pa byis pa so so'i skye bo rnams lam du zhugs pa'o// smras pa/ 'jam dpal su lam ngan par zhugs pa yin/ smras pa/ gang gis chos thams cad gang nas kyang ma 'ongs pa dang / gang du'ang mi 'gro bar shes pa'i 'phags pa rnams so// smras pa/ 'jam dpal bden pa mthong ba gang yin/ smras pa/ chos gang yang mi mthong ba'o/ / de ci'i phyir zhe na/ ji tsam du mthong ba de tsam du brdzun te/ mthong ba med pa ni bden pa mthong ba'o// smras pa/ gang ma mthong bas bden pa mthong / smras pa/ lta bar

  429. 215b

    gyur pa thams cad ma mthong bas bden pa mthong ba'o/ / smras pa/ de gang du btsal bar bya/ smras pa/ phyin ci log bzhi dag las bden pa btsal bar bya'o// smras pa/ 'jam dpa' ci la bsams te 'di skad ston/ smras pa/ phyin ci log bzhi tshol ba gang yin pa de la rtag pa'ang med/ bde ba'ang med/ bdag kyang med/ gtsang ba'ang med/ gang la rtag pa med pa de ni mi rtag pa'o/ / gang la bde ba med pa de ni sdug bsngal ba'o// gang la bdag med pa de ni bdag med pa'o// gang la gtsang ba med pa de ni mi gtsang ba'o// tshangs pa chos thams cad la bdag med pa ni 'phags pa'i bden pa tshol ba ste/ gang bden pa tshol ba de ni sdug bsngal yongs su mi shes pa nas/ lam gyi bar du mi sgom pa'o// smras pa/ 'jam dpal ji ltar na lam la sgom pa yin/ smras pa/ sgom pa ni ji ltar dngos por yang mi ltung / dngos po med par yang mi ltung zhing / chos gang yang dngos por yang mi ltung ngo // dngos po med par yang mi byed do// tshangs pa gnyis dang bral ba ni lam mo/ / lam gang gis btsal bas chos thams cad mi dmigs pa 'di ni lam mo// lam gang gang du'ang phrad par mi byed/ 'dor bar yang mi byed cing / 'khor ba 'ang med/ mya ngan las 'das pa'ang med pa'o// de ci'i phyir zhe na/ 'phrad par byed pa'ang med/ 'dor ba'ang med pa ni 'phags pa rnams kyi lam mo// de nas bram ze shing sA la chen

  430. 216a

    po lta bu'i bu mnyam par gnas pa zhes bya bas/ 'jam dpal gzhon nur gyur pa la 'di skad ces smras so// 'jam dpal ji ltar na dge bsnyen sangs rgyas la skyabs su song ba yin/ ji ltar na chos la skyabs su song ba yin/ ji ltar na dge 'dun la skyabs su song ba yin/ smras pa/ rigs kyi bu nam dge bsnyen lta ba gnyis nye bar mi len pa ste/ gnyis gang zhe na/ bdag tu lta ba mi len/ pha rol tu lta ba mi len/ bdag tu lta ba mi len/ sangs rgyas su lta ba mi len/ bdag tu lta ba mi len/ chos su lta ba mi len/ dge 'dun du lta pab mi len pa de tsam gyi dge bsnyen sangs rgyas dang / chos dang / dge 'dun la skyabs su song ba yin no// gzhan yang rigs kyi bu nam dge bsnyen de bzhin gshegs pa gzugs su khas mi len// tshor bar yang ma yin/ 'du shes su ma yin/ 'du byed du ma yin/ de bzhin gshegs pa rnam par shes par yang khas mi len na/ de ltar na sangs rgyas la skyabs su song ba yin no// nam chos gang la'ang rnam par mi rtog cing / sgro mi 'dogs na/ de ltar na chos la skyabs su song ba yin no// nam dge 'dun 'dus ma byas su'ang mos la/ 'dus byas las gud na'ang 'dus ma byas su mos par yang mi byed na/ de ltar na dge 'dun la skyabs su song ba yin no// gzhan yang rigs kyi bu nam dge bsnyen sangs rgyas su'ang mi dmigs/ chos su'ang mi dmigs/

  431. 216b

    dge 'dun du'ang mi dmigs na/ de ltar na sangs rgyas dang / chos dang / dge 'dun la skyabs su song ba yin no// mnyam par gnas pas smras pa/ 'jam dpal byang chub sems dpa' gang 'di dag byang chub tu rab tu zhugs pa de dag gang du rab tu zhugs pa yin/ smras pa/ bla gab med pa la rab tu zhugs so// de ci'i phyir zhe na/ byang chub ni bla gab med pa dang mtshungs so// smras pa/ 'jam dpal ji ltar na byang chub sems dpa' byang chub tu rab tu zhugs pa zhes brjod par bya/ smras pa/ rigs kyi bu nam byang chub sems dpa' rab tu 'jug pa thams cad rab tu 'jug pa ma yin par rab tu shes pa dang / chos thams cad chos ma yin par rab tu shes pa dang / sems can thams cad sems can ma yin par rab tu shes pa ste/ de ltar na rigs kyi bu byang chub sems dpa' byang chub la rab tu zhugs pa zhes brjod par bya'o/ / de nas bcom ldan 'das la/ bram ze shing sA la chen po lta bu'i bu mnyam par gnas pas 'di skad ces gsol to// bcom ldan 'das ji ltar na byang chub sems dpa' byang chub sems dpa' zhes bgyi/ bcom ldan 'das kyis bka' stsal pa/ rigs kyi bu rnam byang chub sems dpa' log par nges pa'i sems can rnams la snying rje skyed cing / yang dag par nges pa'i sems can rnams la lhag par gus pa mi skyed pa'i tshig bla dgas ni byang chub sems dpa' zhes bya'o// de ci'i phyir zhe na/ rigs kyi bu byang chub sems

  432. 217a

    dpa' ni nges pa dang ma nges pa'i sems can rnams kyi phyir byang chub tu smon lam mi 'debs kyi/ gzhan du na log par nges pa'i sems can rnams kyi phyir byang chub tu smon lam 'debs te/ de'i phyir byang chub sems dpa' zhes bya'o// de bas na rigs kyi bu byang chub sems dpa' log par nges pa'i sems can rnams la snying rje bar byas nas byang chub tu smon lam 'debs te/ de'i phyir byang chub sems dpa' zhes bya'o// de nas bcom ldan 'das la/ byang chub sems dpa' byang chub ces bya bas 'di skad ces gsol to// bcom ldan 'das gang gi slad du/ byang chub sems dpa' zhes bgyi ba bdag kyang spobs so// bcom ldan 'das kyis bka' stsal pa/ byang chub khyod spobs par gyis shig/ byang chub kyis gsol pa/ bcom ldan 'das 'di lta ste/ skyes pa 'am/ bud med ji lta bur bstan pa'i yan lag brgyad dang ldan pa'i gso sbyin la ma ral ma zhig par nye bar gnas na/ de yan lag brgyad kyi gso sbyin yang dag par blangs pa zhes bgyi ba'i grangs su mchi'o/ / bcom ldan 'das de bzhin du byang chub sems dpa' sems dang po bskyed pa nas bzung ste/ byang chub kyi snying po'i bar du/ byang chub kyi sems las ma g.yos pa lags te/ de ni de'i slad du byang chub sems dpa' zhes bgyi'o// byang chub sems dpa' blo gros bstan pas gsol pa/ bcom ldan 'das byang chub sems dpa' gang

  433. 217b

    lhag pa'i bsam pa bstan pas sems can la mi dmigs pa'i byams pa dang ldan pa lags te/ de ni de'i slad du byang chub sems dpa' zhes bgyi'o// byang chub sems dpa' sems can sgrol gyis gsol pa/ bcom ldan 'das 'di lta ste/ dper na gru 'am zam pa ni sems can rgal ba la skyo ba ma mchis shing rnam par mi rtog pa de bzhin du/ bcom ldan 'das byang chub sems dpa' gang la sems can thams cad bsgral ba'i slad du de lta bu'i sems mchis pa de ni de'i slad du byang chub sems dpa' zhes bgyi'o/ / byang chub sems dpa' ngan song sel gyis gsol pa/ bcom ldan 'das byang chub sems dpa' gang sangs rgyas kyi zhing gang du sug pa bzhag ma thag tu ngan song thams cad rab tu zhi bar 'gyur te/ de ni de'i slad du byang chub sems dpa' zhes bgyi'o// byang chub sems dpa' spyan ras gzigs kyis dbang pos gsol pa/ bcom ldan 'das byang chub sems dpa' gang mthong ba tsam gyis sems can byang chub tu nges par 'gyur ba dang / ming thos pas kyang 'jigs pa thams cad las yongs su thar par 'gyur te/ de ni de'i slad du byang chub sems dpa' zhes bgyi'o// byang chub sems dpa' mthu chen thob kyis gsol pa/ bcom ldan 'das byang chub sems dpa' gang gom pa 'dor zhing mchi ba na/ stong gsum gyi stong chen po'i 'jig rten gyi khams kyi bdud kyi khams thams cad rab tu g.yo bar 'gyur te/ de ni de'i slad du byang chub

  434. 218a

    sems dpa' zhes bgyi'o/ / byang chub sems dpa' kun tu mi skyo bas gsol pa/ bcom ldan 'das gal te bskal pa gang+gA'i klung gi bye ma snyed nyid zhag gcig tu 'gyur la/ de nyid zhag tu bgrang ba de lta bu'i tshul gyis zhag bco lnga la zla ba phyed/ zhag sum cu la zla ba gcig/ zla ba bcu gnyis la lo gcig pa'i lo bye ba brgya stong la sangs rgyas gcig byung nas mnyes par byed de/ rnam grangs 'di lta bus gang+gA'i klung gi bye ma snyed kyi sangs rgyas kyi zhing na/ tshangs par spyod pa spyad nas/ phyis lung bstan kyang yongs su mi skyo ba ste/ de ni de'i slad du byang chub sems dpa' zhes bgyi'o/ / byang chub sems dpa' ded dpon bzang pos gsol pa/ bcom ldan 'das byang chub sems dpa' gang lam ngan par zhugs pa'i sems can lam ngan par zhugs pa rnams la lam bzang po la dgod pa'i slad du snying rje chen po bskyed cing / de la lan re ba ma mchis pa de ni de'i slad du byang chub sems dpa' zhes bgyi'o// byang chub sems dpa' ri rab chen pos gsol pa/ bcom ldan 'das byang chub sems dpa' gang chos thams cad ri rab dang mtshungs shing rnam par mi rtog par rab tu 'tshal ba de ni de'i slad du byang chub sems dpa' zhes bgyi'o/ / byang chub sems dpa' mthu bo ches gsol pa/ bcom ldan 'das byang chub sems dpa' gang nyon mongs pa thams cad mi choms pa de ni de'i slad du byang chub sems dpa' zhes bgyi'o// byang chub sems dpa' sems kyis

  435. 218b

    gsol pa/ bcom ldan 'das byang chub sems dpa' gang sems kyis chos thams cad la sems kyang de la ma spras shing mnyams pa de ni de'i slad du byang chub sems dpa' zhes bgyi'o// byang chub sems dpa' seng ge'i 'gros su 'gro bas gsol pa/ bcom ldan 'das byang chub sems dpa' gang chos zab mo la bzod cing / mi 'jigs/ mi skrag ste/ pha rol gyi mu stegs can thams cad skrag par bgyid pa de ni de'i slad du byang chub sems dpa' zhes bgyi'o/ / byang chub sems dpa' bsam gyis mi khyab pas gsol pa/ bcom ldan 'das gang sems las bsam gyis mi khyab par 'jug cing / mi sems rnam par mi sems pa de ni de'i slad du byang chub sems dpa' zhes bgyi'o// lha'i bu mtshams bzang gis gsol pa/ gang lha'i gnas thams cad du'ang skye la/ ci la'ang chags par mi bgyid/ 'dod chags dang bral ba'i chos nyid kyang khong du chud par mi bgyid pa de ni de'i slad du byang chub sems dpa' zhes bgyi'o// byang chub sems dpa' bden par smra bas gsol pa/ bcom ldan 'das byang chub sems dpa' gang gis ngag bden pa'i rjes su 'jug cing / rmi lam na'ang brdzun gyi tshig mi smra ba de ni de'i slad du byang chub sems dpa' zhes bgyi'o/ / byang chub sems dpa' mthong na dga' bas gsol pa/ gang gzugs thams cad sangs rgyas kyi gzugs su mthong ba de ni de'i slad du byang chub sems dpa' zhes bgyi'o// byang chub

  436. 219a

    sems dpa' rtag tu snying brtse bas gsol ba/ bcom ldan 'das byang chub sems dpa' gang 'khor bar zhugs pa'i sems can sdug bsngal ba rnams mthong nas/ chos la dga' ba ma gtogs pa dang / sems can yongs su smin par bgyid pa ma gtogs par dga' ba thams cad la dga' bar mi bgyid pa de ni de'i slad du byang chub sems dpa' zhes bgyi'o// byang chub sems dpa' thogs pa med kyis gsol pa/ bcom ldan 'das byang chub sems dpa' gang nyon mongs pa thams cad dang / bdud thams cad la'ang thogs pa ma mchis par 'gyur ba de ni de'i slad du byang chub sems dpa' zhes bgyi'o/ / byang chub sems dpa' rtag tu dga' dgod dbang pos gsol pa/ bcom ldan 'das byang chub sems dpa' gang rtag tu dgod pa dang rab tu dga' ba'i dbang po dag gis bdag gi bsam pa yongs su rdzogs shing bgyi ba bgyis pa/ bgyid pa bgyis pa de ni de'i slad du byang chub sems dpa' zhes bgyi'o// sring mo yid gnyis rnam par 'joms mas/ gsol ba/ bcom ldan 'das byang chub sems dpa' gang chos thams cad la yid gnyis ma mchis shing the tsom ma mchis pa de ni de'i slad du byang chub sems dpa' zhes bgyi'o// gzhon nu ma seng ges gsol pa/ bcom ldan 'das gang la bud med kyi chos kyang ma mchis/ skyes pa'i chos kyang ma mchis la/ sems can yongs su smin par bgyi ba'i slad du/ gzugs sna tshogs

  437. 219b

    kyang ston pa de ni de'i slad du byang chub sems dpa' zhes bgyi'o/ / bu mo rin chen gyis gsol pa/ bcom ldan 'das byang chub sems dpa' gang sangs rgyas dang / chos dang / dge 'dun rin po che ma gtogs pa'i rin po che gzhan la dga' ba mi skyed pa de ni de'i slad du byang chub sems dpa' zhes bgyi'o/ / dge bsnyen sa gas byin gyis gsol pa/ bcom ldan 'das dmigs pa can la ni byang chub ma mchis te/ gang chos thams cad la mi dmigs pa dang / mi skyed mi 'gog pa de ni de'i slad du byang chub sems dpa' zhes bgyi'o// khyim bdag bzang skyong gis gsol pa/ bcom ldan 'das byang chub sems dpa' gang gi ming tsam bzung bas sems can byang chub tu nges par 'gyur ba de ni de'i slad du byang chub sems dpa' zhes bgyi'o// gzhon nur gyur pa rin chen zla bas gsol pa/ bcom ldan 'das byang chub sems dpa' gang rtag tu rgyun mi 'chad par gzhon nu'i tshangs par spyod pa dang ldan zhing 'dod pa la rtog pas kyang yongs su mi spyod na/ gnyis kyi dbang po gnyis 'jal ba lta ci smos te/ de ni de'i slad du byang chub sems dpa' zhes bgyi'o// lha'i bu man+da ra ba'i dri yis gsol pa/ bcom ldan 'das byang chub sems dpa' gang tshul khrims kyi dris yong su bsgos pas gang tshul khrims kyi dri las dri gzhan gyi ngad mi ldang ba de ni de'i slad du byang chub sems dpa' zhes bgyi'o/ / byang chub sems

  438. 220a

    dpa' dga' byed kyis gsol pa/ bcom ldan 'das byang chub sems dpa' gang sangs rgyas la bsnyen bkur bgyi ba dang / dam pa'i chos yongs su gzung ba dang sems can yongs su smin par bgyi ba dang / chos gsum gyis dga' bar bgyid pa de ni de'i slad du byang chub sems dpa' zhes bgyi'o// tshangs pa khyad par sems kyis gsol pa bcom ldan 'das byang chub sems dpa' gang sangs rgyas kyi chos ma lags pa'i chos gang yang ma mchis so zhes snang bar 'gyur ba de ni de'i slad du byang chub sems dpa' zhes bgyi'o/ / byang chub sems dpa' byams pas gsol ba/ bcom ldan 'das byang chub sems dpa' gang mthong ma thag tu sems can dag byams pa'i ting nge 'dzin thob par 'gyur ba de ni de'i slad du byang chub sems dpa' zhes bgyi'o/ / 'jam dpal gzhon nur gyur pas gsol pa/ bcom ldan 'das byang chub sems dpa' gang chos ston pa thams cad kyang ston la/ chos su 'du shes pa'ang ma mchis/ chos ma lags par 'du shes pa'ang ma mchis/ bdag tu 'du shes pa'ang ma mchis/ pha rol tu 'du shes pa'ang mi bgyis te/ de ni de'i slad du byang chub sems dpa' zhes bgyi'o/ / byang chub sems dpa' dra ba can gyi 'od kyis gsol pa/ bcom ldan 'das byang chub sems dpa' gang gis 'od kyis sems can rnams kyi nyon mongs pa thams cad rab tu zhi

  439. 220b

    bar bgyid pa de ni de'i slad du byang chub sems dpa' zhes bgyi'o/ / byang chub sems dpa' kun tu me tog gis gsol pa/ bcom ldan 'das byang chub sems dpa' gang phyogs bcu'i 'jig rten na/ sangs rgyas kyi zhing thams cad de bzhin gshegs pa rnams kyis me tog rgyas pa lta bur mthong ba de ni de'i slad du byang chub sems dpa' zhes bgyi'o// de ltar byang chub sems dpa' de dag gis rang rang gi spobs pa rnam par bshad do/ / de nas bcom ldan 'das kyis/ bram ze shing sA la chen po lta bu'i bu mnyam par gnas pa la bka' stsal pa/ byang chub sems dpa' gang sdug bsngal ba'i sems can thams cad thar par bya bar spro zhing dag pa'i rtsa ba thams cad kyang sems can thams cad la gtong ba de ni de'i phyir byang chub sems dpa' zhes bgyi'o/ / de nas tshangs pa khyad par sems kyis/ 'jam dpal gzhon nur gyur pa la 'di skad ces smras so// rigs kyi bu khyod gnas pa ji lta bus gnas par byed/ smras pa/ gnas pa gang gis 'dus byas thams cad la zhugs pa'i sems can thams cad gnas pa'o/ / smras pa/ gnas pa ni 'dus byas thams cad la zhugs pa'i sems can thams cad gnas pa gang gis gnas/ smras pa/ gang gis de bzhin gshegs pa thams cad gnas pa gang gis gnas pa'o/ / smras pa/ de bzhin gshegs pa thams cad gnas pa gang gis gnas par mdzad/ smras pa/ don dam pa'i stong pa nyid la gnas pas so// smras pa/

  440. 221a

    gal te rigs kyi bu gnas pa gang gis byis pa so so'i skye bo thams cad gnas pa des/ de bzhin gshegs pa thams cad gnas par mdzad na/ de bzhin gshegs pa rnams la khyad par du 'phags pa ci zhig yod/ smras pa/ tshangs pa de stong pa nyid la khyad par yod par 'dod dam/ smras pa/ 'jam dpa' de ni ma yin no// 'jam dpal gyis smras pa/ bcom ldan 'das kyis chos thams cad stong pa zhes bshad dam/ smras pa/ de de bzhin no// smras pa/ tshangs pa de'i phyir chos thams cad bye brag med de/ de dag gi gnas pa'ang de'i mtshan nyid do/ / tshangs pa de bzhin gshegs pa ni chos tha dad du mi 'dogs so// smras pa/ 'jam dpal gnas pa gnas pa gnas pa zhes bya ba'i gnas pa de gang yin/ smras pa/ tshangs pa gang la tshangs pa'i gnas bzhi yod pa 'di ni gnas zhes bya ste/ gang tshangs pa tshangs pa'i gnas bzhi dang bral ba de ni gnas la gnas pa ma yin no// gnas gang la gnas pas tshangs pa'i gnas bzhi rdzogs par byas te/ gnas pa de dag ni gnas la gnas pa'o// tshangs pa dgon pa 'am/ bla gab med pa na gnas kyang tshangs pa'i gnas bzhi dang bral na/ de gnas la gnas pa ma yin no/ / gnas pa la mkhas pa ma yin no// smras pa/ de ste yang thog dang khang bu brtsegs par gser gyi khri la gding ba dang dgab pa bsham pa'i gnas na gnas kyang tshangs pa'i gnas

  441. 221b

    bzhi dang ldan na de dag gnas la gnas shing gnas la mkhas pa yin no/ / smras pa/ gnas pa gang gis gnas na ye shes mthong bar 'gyur/ smras pa/ gnas pa gang gis gnas na bdag mthong ba rnam par dag par 'gyur ba'o/ / smras pa/ ci 'jam dpal gang dag mthong ba de ye shes mthong ba 'am/ smras pa/ tshangs pa de de bzhin te/ gang bdag mthong ba de ye shes mthong ba'o/ / tshangs pa 'di lta ste/ dper na skyes bu gser lta mkhas pa ni ngan pa lta shes pas bzang po lta shes pa la nges par 'byung ngo // de bzhin du bdag mthong bas ye shes mthong ba rnam par dag par 'gyur ro/ / smras pa/ 'jam dpal bdag mthong ba gang yin/ smras pa/ gang bdag med pa'i chos nyid de/ tshangs pa bdag ni shin tu dngos po med pa ma grub pa gang de ltar mgo gcig tu gyur pa de ni bdag mthong ba zhes bya'o/ / smras pa/ 'jam dpal khyod kyis ji ltar bshad pa'i don ngas shes te/ bdag mthong bas sangs rgyas mthong ngo/ / de ci'i phyir zhe na/ bdag gi ngo bo nyid kyis sangs rgyas kyi ngo bo nyid do// smras pa/ tshangs pa de de bzhin no// smras pa/ 'jam dpal gang gis de bzhin gshegs pa mthong/ smras pa/ gang bdag tu lta ba 'khrugs par mi byed pas so// de ci'i phyir zhe na/ bdag tu lta ba ni chos su lta ba ste/ chos mthong bas sangs rgyas mthong ngo // smras pa/ 'jam

  442. 222a

    dpal rnam grangs gang gis gang ma zhugs pa de dag yang dag par zhugs par 'gyur ba yod dam/ smras pa/ tshangs pa gang 'dus byas kyi dngos po thams cad la ma zhugs pa de yang dag par zhugs pa yin no/ / smras pa/ ji lta bu la zhugs na yang dag par zhugs pa zhes bya/ smras pa/ gang spong ba'i phyir yang ma yin/ mngon du bya ba'i phyir yang ma yin pa la 'jug pa de ni yang dag par zhugs pa zhes bya'o/ / smras pa/ 'jam dpal gang dag gis de bzhin gshegs pa ma mthong lags/ 'phags pa shes rab kyi mig rnam par sbyangs par 'gyur ba'i rnam grangs yod dam/ smras pa/ tshangs pa gang de bzhin gshegs pa la gnyis su mi lta ba de dag gis 'phags pa'i shes rab kyi mig rnam par dag par 'gyur ro// smras pa/ 'jam dpal shes rab kyi mig gis ci mthong / smras pa/ tshangs pa gal te chos gang yang mthong bar gyur na/ shes rab kyi mig ma yin par 'gyur ro// tshangs pa shes rab kyi mig ni 'dus byas kyang mi mthong / 'dus ma byas kyang mi mthong ngo // de ci'i phyir zhe na/ shes rab ni rnam par mi rtog pa ste/ de ni 'dus byas mthong bar rung ba ma yin no// 'dus ma byas kyang mig gi lam las 'das pas de'ang mi mthong ngo // smras pa/ 'jam dpal yang dag par zhugs pa'i dge slong 'bras bu 'thob par mi 'gyur ba'i rnam grangs yod dam/

  443. 222b

    smras pa/ tshangs pa yang dag par sbyor ba la 'bras bu thob pa med pa yod do// yang dag pa'i sbyor ba ni gang la'ang mi sbyor ba'o// de la 'bras bu 'thob par rnam par rtog pa'ang med de/ tshangs pa 'thob pa med pa las 'thob par blta'o/ / gang 'thob pa de ni mngon pa'i nga rgyal dang bcas pa'o// yang dag pa'i sbyor ba la ni mngon pa'i nga rgyal dang / mngon pa'i nga rgyal med pa'ang med/ thob pa'ang med/ mngon par rtogs pa'ang med do// smras pa/ 'jam dpal chos gang dag mngon sum du rtogs par bya ba'i phyir/ khong du chud pa zhes bstan/ smras pa/ tshangs pa chos gang ma skyed skyed par mi 'gyur ba'i chos de dag mngon par rtogs par bya ba'i phyir khong du chud pa'o zhes bstan to// smras pa/ 'jam dpal mi skyed pa'i chos la mngon par rtogs pa gang yin/ smras pa/ gang mi skyed pa de nyid mngon par rtogs pa yin te/ de'i phyir 'dus byas thams cad ma skyed par mthong zhing yang dag pa nyid du nges par 'jug pa zhes bya'o// smras pa/ 'jam dpal yang dag pa nyid du nges pa zhes bya de gang la bya/ smras pa/ bdag dang mya ngan las 'das pa mtshungs te/ 'di ni gnyis su med cing gnyis su byar med de/ de bas na yang dag pa nyid du nges pa zhes bya'o/ / yang dag pa nyid du zhugs pa na/ de'i phyir yang dag par nges pa zhes bya'o// mnyam pa nyid kyi mnyam pa nyid la nges par byung ba na de'i phyir yang dag par nges pa zhes bya'o//

  444. 223a

    nges pa'i don la don 'dres pas na de'i phyir yang dag par nges pa zhes bya'o// ting nge 'dzin thams cad la sgro btags pa med pa'i phyir de ni yang dag par nges pa zhes bya'o// de nas bcom ldan 'das kyis/ 'jam dpal gzhon nur gyur pa la legs so zhes bya ba byin te/ 'jam dpal khyod kyis tshig 'di legs par smras te/ ji ltar ston pa de de bzhin no// khyod kyis bstan pa 'di bshad pa na/ dge slong bdun stong len pa med par zag pa las sems rnam par grol lo// lha'i bu stong phrag sum cu rtsa gnyis chos rnams la rdul med cing rdul dang bral ba'i chos kyi mig skyes so/ / srog chags stong phrag bcu 'dod chags dang bral ba thob bo// srog chags nyis brgya bla na med pa yang dag par rdzogs pa'i byang chub tu sems skyes so// byang chub sems dpa' lnga stong mi skye ba'i chos la bzod pa skyes so/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das 'jam dpal gzhon nur gyur pas sangs rgyas kyi bgyi ba bgyis so/ / 'jam dpal gyis smras pa/ tshangs pa sangs rgyas 'byung ba gang la'ang phan pa 'am/ gnod par nye bar mi gnas so// smras pa 'jam dpal bcom ldan 'das kyis tshad med pa'i sems can yongs su mya ngan las 'das te/ khyod kyang tshad med pa'i sems can yongs su mya ngan las 'da' bar byed pa ma yin nam/ smras pa/

  445. 223b

    tshangs pa sems can med pa la sems can du rab tu 'byed par 'dod dam/ smras pa/ de ma yin no// smras pa/ tshangs pa sems can med pa la sems can du bstan pa 'am/ sems can med pa la sems can yongs su grub par 'dod dam/ smras pa/ de ma yin no// smras pa/ tshangs pa de bzhin gshegs pa 'byung ba 'am/ 'gag par 'dod dam/ smras pa/ de ma yin no// smras pa/ de bzhin gshegs pas yongs su mya ngan las 'das pa'i sems can de dag gang yin/ smras pa/ 'jam dpal gzhon nur gyur pa chos kyi tshul gyi rnam pa gang gis ston pa ltar na 'di la 'khor ba'ang med/ mya ngan las 'das pa'ang med do// smras pa/ tshangs pa de de bzhin te/ de bzhin gshegs pas 'khor ba 'ang mi dmigs/ yongs su mya ngan las 'das pa'ang ma dmigs so/ / tshangs pa bcom ldan 'das kyis gang nyan thos btul ba de dag gis kyang 'khor ba'ang ma dmigs/ mya ngan las 'das pa'ang ma dmigs so// tshangs pa yongs su mya ngan las 'das pa zhes bya ba 'di ni btags pa'i tshig tha snyad tsam ste/ 'di la gang yang 'khor ba'ang med/ yongs su mya ngan las 'da' ba'ang med do// smras pa/ 'jam dpal 'di la su dag dad par 'gyur/ smras pa/ gang chos gang la'ang mngon par chags par mi 'gyur ba rnams so// smras pa/ 'jam dpal mngon par chags pa zhes bya ba de ni ci la

  446. 224a

    mngon par chags/ smras pa/ tshangs pa mngon par chags pa zhes bya ba ni med pa la mngon par chags so// gal te tshangs pa yod pa la mngon par chags par gyur na/ 'di ltar shin tu mngon pa'i nga rgyal dang bral bar gyur pa ma yin no// 'di ltar med pa la mngon par chags pa ste/ de bas na med pa'o zhes rtogs nas/ mngon par chags par mi byed de/ gang mngon par chags par mi byed pa de mi 'khor ro// gang mi 'khor ba de rnam par mi 'gro ba'o// gang rnam par mi 'gro ba de mya ngan las 'das pa zhes bya'o// smras pa/ 'jam dpal yongs su mya ngan las 'das pa zhes bya ba ci'i gnyen po yin pa'i phyir mya ngan las 'das pa zhes bya/ smras pa/ tshangs pa yongs su mya ngan las 'das pa zhes bya ba ni phan tshun rkyen la sgro mi 'dogs pa'i phyir ro/ / ma rig pa mngon par 'du mi byed pa dang / 'du byed mi 'jug pas kyang nye bar mi sbyor te/ gang nye bar mi sbyor ba de ni kun nas mi slong ngo // gang kun nas mi slong ba de ni yongs su mya ngan las 'das pa zhes bya'o/ / kun nas mi slong bar spyod pa de ni shin tu 'gog pa'o// de'i lam mngon par rtogs pa ni shin tu mi skye ba yin te/ 'di ni 'phags pa'i bden pa bzhi zhes bya'o/ / de nas bram ze shing sA la chen po lta bu'i bu mnyam par gnas pas/ 'jam dpal gzhon nur gyur pa la 'di skad ces smras so// 'jam

  447. 224b

    dpal khyod kyis bstan pa thams cad ni yang dag par bstan pa'o/ / smras pa/ rigs kyi bu tshig thams cad ni yang dag pa'o// smras pa/ 'jam dpal gang brdzun gyi tshig yod pa pa ma yin pa/ yang dag pa ma yin pa gang yin pa de yang dag pa 'am/ smras pa/ rigs kyi bu de'ang yang dag pa'o// de ci'i phyir zhe na/ 'di ltar ngag thams cad ni dbang du gyur ba ste/ yul la gnas pa'ang ma yin/ phyogs la gnas pa'ang ma yin no// gang dbang du gyur cing yul la'ang mi gnas/ phyogs la'ang mi gnas pa de ni med pa'i phyir yang dag ba ste/ de'i phyir tshig thams cad kyang yang dag pa zhes bya'o// gang yang lha sbyin gyis tshig smras pa dang / gang de bzhin gshegs pas tshig spras pa tshig de gnyis tha dad pa ma yin no// de ci'i phyir zhe na/ tshig thams cad ni de bzhin gshegs pa'i tshig ste/ thams cad ni de bzhin nyid las mi 'da' ba'o// gang tshig gis rnam par rig par byas pa de thams cad ni rnam par rig pa med pas rnam par rig par byas pa ste/ de bas na tshig thams cad yi ge mnyam pa'i phyir/ yi ge mtshungs pa'i phyir/ yi ge stong pa'i phyir tshig thams cad ni mtshungs pa'o// mnyam par gnas pas smras pa/ 'jam dpal de bzhin gshegs pas 'phags pa'i tha snyad du 'dogs pa dang / 'phags pa ma yin pa'i tha snyad du 'dogs pa zhes ma gsungs sam

  448. 225a

    smras pa/ rigs kyi bu yi ge gang dag gis 'phags pa rnams tha snyad du 'dogs pa'i yi ge de dag nyid kyis 'phags pa ma yin pa rnams kyang tha snyad du 'dogs so// smras pa/ 'jam dpal de de bzhin no// smras pa/ ci yi ge de dag 'phags pa 'am/ 'phags pa ma yin pa zhes rtog gam/ smras pa/ de ma yin no// smras pa ji ltar yi ge de dag mi rtog/ rnam par mi rtog pa de bzhin du/ 'phags pa rnams ni rtog pa dang rnam par rtog pa thams cad dang bral ba'o// de dag la tha snyad med de/ 'phags pa rnams ni yi ger 'du shes pas tha snyad du mi 'dogs so/ / chos su 'du shes pas ma yin/ chos ma yin par 'du shes pas ma yin/ bdag tu 'du shes pas ma yin/ pha rol tu 'du shes pas ma yin no/ / 'di lta ste/ dper na sil snyan dang / rnga bo che dang / rdza rnga dang / dung dag ni rkyen gyis sgra 'byung yang de dag rnam par mi rtog pa de bzhin du/ 'phags pa rnams rkyen 'byung ba mthong ba'i phyir tha snyad 'dogs pas chags par mi byed/ mngon par chags par mi byed do// de nas byang chub sems dpa' mnyam par gnas kyis/ 'jam dpal gzhon nur gyur pa la 'di skad ces smras so/ / 'jam dpal bcom ldan 'das kyis/ 'di ltar dge slong dag 'dus te 'khod pas bya ba gnyis yod do// chos kyi gtam bya ba dang / 'phags

  449. 225b

    pa mi smra bar gyur pas gnas par bya'o zhes gsungs na/ de la'ajam dpal chos kyi gtam ni gang / 'phags pa mi smra bar gyur pa ni gang / smras pa/ gtam gang gis sangs rgyas 'jun par mi byed/ chos 'khrugs par mi byed/ dge 'dun 'khrugs par mi byed pa 'di ni chos kyi gtam mo// sangs rgyas la chos nyid du mos pa dang / chos la 'dod chags dang bral bar mos pa dang / dge 'dun la 'dus ma byas su mos pa 'di ni 'phags pa mi smra bar gyur pa'o// gzhan yang rigs kyi bu dran pa nye bar gzhag pa bzhi las brtsams te gtam brjod pa 'di ni chos kyi gtam mo/ / yang chos thams cad la ma drin zhing yid la mi byed pa 'di ni 'phags pa mi smra bar gyur pa'o// gang yang dag par spong ba bzhi las brtsams te gtam brjod pa ni chos kyi gtam mo/ / gang mnyam pa nyid kyi mtshungs par yang mi byed/ mi mtshungs par yang mi byed pa 'di ni 'phags pa mi smra bar 'gyur ba'o// gang rdzu 'phrul gyi rkang pa bzhi las brtsams te gtam brjod pa 'di ni chos kyi gtam mo/ / gang lus dang / ngag dang / yid kyis brtson par mi byed pa 'di ni 'phags pa mi smra bar gyur pa'o// gang dbang po lnga dang / stobs lnga las brtsam te gtam brjod pa 'di ni chos kyi gtam mo/ / gang su la'ang dad pas chos gang la'ang dad par mi byed cing / chos thams cad la'ang blang ba med pa dang / dor ba med par rab tu rnam par byed pa 'ang

  450. 226a

    ni 'phags pa'i mi smra bar gyur pa'o/ / dran pa dang / rtse gcig pa dang / rlom sems med pa la gnas shing chos thams cad rang bzhin gyis mnyam par gzhag par mos pa dang / spros pa'i gnas thams cad la mi rten pa'i rkyen du gyur pa 'di ni 'phags pa mi smra bar gyur pa'o// gang byang chub kyi yan lag bdun las brtsams te gtam brjod pa 'di ni chos kyi gtam mo/ / gang btang snyoms las sgro btags pa med pa thob cing / bsal ba'ang med/ bzhag pa'ang med par gnas pa 'di ni 'phags pa'i mi smra bar gyur pa'o// gang 'phags pa'i lam ya lag brgyad pa las brtsams te gtam brjod par byed pa 'di ni chos kyi gtam mo/ / gang gzings lta bu rtogs nas chos la'ang mi rten/ chos ma yin pa la'ang mi rten par gnas pa 'di ni 'phags pa mi smra bar gyur pa'o/ / rigs kyi bu de ltar byang chub kyi phyogs kyi chos sum cu rtsa bdun gyi chos 'di dag smra ba dang / 'chad pa dang / ston pa dang / 'dogs pa dang / 'jug par byed dang / 'grel pa dang / rnam par 'byed pa dang / gsal bar byed cing yang dag par ji lta bar ston pa gang yin pa 'di ni chos kyi gtam mo// gang 'di ltar chos kyis mngon sum du gyur la/ lus las logs shig na'ang chos mi mthong / chos las logs shig na'ang lus mi mthong ngo // ci nas gnyis su'ang mi mthong ngo // gnyis su med par mi mthong ba de ltar mthong ste/

  451. 226b

    de ltar mthong nas mngon sum du ye shes mthong ba'ang mi mthong ste/ gang mi mthong ba 'di ni 'phags pa mi smra bar gyur pa'o// gzhan yang rigs kyi bu gang dag tu sgro 'dogs pa dang / pha rol tu/ sgro 'dogs pa dang / chos su sgro 'dogs pa dang / chos ma yin par sgro 'dogs pas gtam mi brjod pa 'di ni chos kyi gtam mo// gang brjod du med pa'i chos nyid thob pas yi ge dang skad dang / sgra dang / dbyangs thams cad dang bral ba/ mi g.yo ba thob pas/ dben pa'i rang bzhin gyi sems kyis nye bar bsgrub pa la gnas pa 'di ni 'phags pa mi smra bar gyur pa'o// rigs kyi bu gang su dag sems can thams cad kyi dbang po mchog dang / mchog ma yin pa shes pas gtam brjod pa de dag ni chos kyi gtam brjod pa'o// gang la la mnyam par ma gzhag cing / ma g.yangs pa de dag ni 'phags pa mi smra bar gyur pa la gnas pa'o// de nas 'jam dpal gzhon nur gyur pa la/ bram ze shing sA la chen po lta bu'i bu mnyam par gnas kyis 'di skad ces smras so/ / ji ltar 'jam dpal khyod kyis bshad pa'i don kho bos shes pa ltar na/ nyan thos dang rang sangs rgyas rnams la chos kyi gtam dang / 'phags pa mi smra bar gyur pa med do// de ci'i phyir zhe na/ de dag dbang po mchog dang mchog ma yin par shes pa la mkhas pa'ang med/ rtag tu mnyam par gzhag pa'ang ma yin no// 'jam dpal su dag chos smra ba yin

  452. 227a

    dag 'phags pa mi smra bar gyur pa la gnas pa yin zhes gang yang dag par smra bas smra na/ 'jam dpal de bzhin gshegs pa'o zhes yang dag par smra bas smra'o// de ci'i phyir zhe na/ sangs rgyas bcom ldan 'das ni sems can thams cad kyi dbang po la mkhas shing rtag tu mnyam par gzhag pa'o// de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal rigs kyi bu mnyam par gnas pas ji ltar bshad pa de de bzhin te/ 'dir sangs rgyas bcom ldan 'das rnams la dgongs so// de nas bcom ldan 'das la/ gnas brtan rab 'byor gyis 'di skad ces gsol to// bcom ldan 'das las bdag gis mngon sum du thos shing mngon sum du bzung ste/ dge slong 'dus te 'khod pa rnams kyis bya ba gnyis yod de/ chos kyi gtam brjod par bya/ 'phags pa mi smra bar 'gyur ba la gnas par bya'o zhes gsungs na/ bcom ldan 'das gal te gnas 'di la nyan thos rnams mi nus na/ de ji ltar de bzhin gshegs pas nyan thos rnams la chos kyi gtam brjod cing / yang na 'phags pa mi smra bar gyur pas gnas par byos shig ces don 'di nye bar bstan/ bcom ldan 'das kyis bka' stsal pa/ rab 'byor 'di ji snyam du sems/ nyan thos rnams ma thos par chos kyi gtam brjod dam/ 'phags pa mi smra bar gyur pa rtse gcig pas gnas sam

  453. 227b

    smras pa/ de ma lags so// bcom ldan 'das kyis bka' stsal pa/ rab 'byor rnam grangs 'dis 'di ltar nyan thos dang rang sangs rgyas rnams la chos kyi gtam yang med/ 'phags pa mi/ smra ba'ang med par rig par bya'o// de nas 'jam dpal gzhon nur gyur pas/ tshe dang ldan pa rab 'byor la 'di skad ces smras so// rab 'byor sems can rnams kyi spyod pa brgyad khri bzhi stong gang de bzhin gshegs pas mkhyen pa de dag gnas brtan gyis shes sam/ gang dag la de lta bu'i gtam brjod par bya ba de dag la rjes su 'thun pa'i gtam bstan par bya ba de dag la gnas brtan gyi ye shes 'jug gam/ smras pa/ 'jam dpal de ma yin no// 'jam dpal gyis smras pa/ gnas brtan rab 'byor ting nge 'dzin gang la gnas nas sems can thams cad kyi sems kyi spyod pa la lta zhing / bdag gi sems dang pha rol gyi sems su sgrib par mi nus pa sems can thams cad kyi sems la lta ba'i ting nge 'dzin la mnyam par gzhog gam/ smras pa 'jam dpal de ni ma yin no/ / 'jam dpal gyis smras pa/ btsun pa rab 'byor de bzhin gshegs pa sems can gyi spyod pa brgyad khri bzhi stong so so ci rigs su sman ston pas/ chos kyi gtam brjod do/ / ting nge 'dzin mnyam pa nyid las kyang mi g.yo la/ sems can thams cad kyi sems kyi spyod pa'ang rab tu mkhyen te/ btsun pa rab 'byor rnam grangs 'dis kyang 'di ltar

  454. 228a

    'di la nyan thos dang rang sangs rgyas rnams kyi yul ma yin par rig par bya'o/ / btsun pa rab 'byor sems can 'dod chags spyod pa gang dag sdug pa'i rnam pa nyid kyis rnam par grol zhing mi sdug pa'i rnam pas rnam par mi 'grol ba'ang yod de/ de dag kyang de bzhin gshegs pas rab tu mkhyen to// sems can zhe sdang la spyod pa gang dag skyon mthong bas rnam par grol bar 'gyur la/ byams pas rnam par grol bar mi 'gyur ba'ang yod de/ de dag kyang de bzhin gshegs pas rab tu mkhyen to// sems can gti mug la spyod pa gang dag smad pas rnam par grol bar 'gyur la/ chos bstan pas rnam par grol bar mi 'gyur ba yod de/ de dag kyang de bzhin gshegs pas rab tu mkhyen to// sems can cha mnyam par spyod pa sdug pa'i rnam pas kyang rnam par mi 'gro la/ mi sdug pa'i rnam pas kyang mi 'grol/ byams pas kyang mi 'grol/ skyon gyis kyang mi 'grol/ chos bstan pas kyang mi 'grol/ smad pas kyang rnam par grol bas mi 'gyur ba yod de/ de dag la de bzhin gshegs pa ci nas mnyam pa nyid kyis dbang po'i khams las rnam par grol ba de lta de lta bur chos ston te/ de dag kyang de bzhin gshegs pas rab tu mkhyen rab 'byor rnam grangs 'dis 'di ltar de bzhin gshegs pa ni chos smra ba'i mchog yin pa dang / bsam gtan pa'i mchog yin pa dang / mi smra bar gyur pa la dga' ba'i mchog yin par de ltar

  455. 228b

    rig par bya'o/ / de nas tshe dang ldan pa rab 'byor gyis/ 'jam dpal gzhon nur gyur pa la 'di skad ces smras pa/ 'jam dpal gal te nyan thos dang rang sangs rgyas kyis chos brjod par mi nus 'phags pa mi smra bar gyur pa la gnas par mi nus na/ byang chub sems dpa' gang la la yon tan 'di lta bu dang ldan pa gang ji ltar chos kyi gtam brjod par byed cing / 'phags pa mi smra bar gyur pa la gnas pa yod dam/ 'jam dpal gyis smras pa/ btsun pa rab 'byor de bzhin gshegs pa 'di mngon du bzhugs shing mkhyen na de bzhin gshegs pas mkhyen gyis/ 'di la zhus shig de'i tshe bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor sangs rgyas thams cad kyi chos kyi rjes su 'jug pa g.yeng ba med pa'i ting nge 'dzin yod de/ byang chub sems dpa' gang dag gis ting nge 'dzin de thob pa de dag thams cad yon tan 'di dag dang ldan par 'gyur ro/ / de nas 'jam dpal gzhon nur gyur pas/ byang chub sems dpa' mnyam par gnas la 'di skad ces smras so/ / rigs kyi bu gang spyod pa brgyad khri bzhi stong dang / chos kyi phung po brgyad khri bzhi stong bstan pa 'di ni chos kyi gtam zhes bya'o// gang 'du shes dang / tshor ba thams cad 'gog pa'i snyoms par 'jug pa 'di ni 'phags pa mi smra bar gyur pa'o/ / rigs kyi bu ngas bskal pa 'am/ bskal pa las lhag par yang chos kyi gtam dang / 'phags pa'i mi smra bar gyur pa las

  456. 229a

    brtsams te lung bstan kyang nga'i spobs pa zad par mi 'gyur ro/ / de nas bcom ldan 'das kyis/ bram ze shing sA la chen po lta bu'i bu mnyam par gnas la bka' stsal pa rigs kyi bu sngon 'das pa'i dus na byung ba/ bskal pa grangs med pa bas kyang ches grangs med pa/ rgya che ba/ tshad med pa na/ bskal pa snyan pa rnam par grags pa zhes bya ba byung ste/ de'i tshe de'i dus na mthong na dga' ba'i 'jig rten gyi khams su kun tu 'od zer zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ngo // bcom ldan 'das kun tu 'od zer de bzhin gshegs pa'i 'jig rten gyi khams mthong na dga' ba/ rin po che thams cad rab tu bkram pa/ 'byor pa/ rgyas pa/ bde ba/ shin tu lo legs pa/ nyams dga' ba lha dang mis kun tu gang bar gyur to/ / 'jig rten gyi khams de spos thams cad kyis yongs su bsgos pa/ reg na shing bal ltar 'jam pa/ gos ka tsa lin+di ka ltar reg na bde ba/ rin po sna bdun gyis mnyam par brgyan par gyur to/ / mthong na dga' ba'i 'jig rten gyi khams de na/ gling bzhi pa bye ba phrag bzhi yod de/ re re la'ang gling chen po dpag tshad brgyad khri bzhi stong yod do//

  457. 229b

    grong khyer chen po de dag thams cad kyang rin po che thams cad kyis brgyan pa dpag tshad kyi tshad tsam du byas pa yin te/ grong khyer chen po re re la'ang grong dang / ri khrod dang / yul 'khor dang / grong rdal lnga brgyas bskor bar gyur to// grong dang / grong khyer dang / grong rdal dang / ljongs thams cad na'ang srog chags mang po brgya stong gnas te/ mi de dag gis mig sngar ci snang ba de ngag thams cad kyang sdug cing yid du 'ong ba snang ste/ yid du mi 'ong ba mi snang ngo // mi de dag kyang sangs rgyas rjes su dran pa'i ting nge 'dzin thob par gyur te/ de'i phyir 'jig rten gyi khams de mthong na dga' ba zhes bya'o/ / sangs rgyas kyi zhing gzhan nas byang chub sems dpa' 'jig rten gyi khams der 'ongs pa de dag kyang / 'jig rten gyi khams mthong na dga' ba bzhin du 'jig rten gyi khams gzhan la de tsam du dga' bar mi 'dzin to/ / yang de bzhin gshegs pa kun tu 'od zer 'di theg pa gsum las brtsams te sems can rnams la chos ston to// phal cher ni rigs kyi bu khyed 'di ltar gnas pa gnyis kyis gnas par byos shig/ chos kyi gtam brjod cig/ yang na 'phags pa mi smra bar gyur pa nye bar zhi ba la gnas par byos shig/ ces rgyas par yang dag par rab tu ston to/ / // bam po lnga pa// rigs kyi bu yang de'i tshe steng gi phyogs nas/ de bzhin gshegs pa sman pa'i rgyal po'i sangs rgyas

  458. 230a

    zhing nas byang chub sems dpa' blo gros mi zad pa dang / khyad par blo gros gnyis 'ongs nas/ de gnyis bcom ldan 'das kun tu 'od zer de bzhin gshegs pa ga la der phyin te/ bcom ldan 'das kyi zhabs la mgo bos phyag 'tshal nas/ lan gsum bskor ba byas te/ phyogs gcig tu 'dug go// de gnyis la de bzhin gshegs pa des snang ba yongs su dag pa zhes bya ba'i ting nge 'dzin rgya cher yang dag par rab tu bstan to/ / ci'i phyir snang ba yongs su dag pa zhes bya zhe na/ byang chub sems dpa' gang ting nge 'dzin de thob pa des mtshan ma dang / nyon mongs pa thams cad las rnam par grol zhing / sangs rgyas kyi chos thams cad la snang ba thob par 'gyur te/ de'i phyir snang ba yongs su dag pa zhes bya'o// chos thams cad sngon gyi mtha' nas yongs su dag pa'o/ / chos thams cad phyi ma'i mtha' nas yongs su dag pa'o// chos thams cad da ltar byung ba'i mtha' nas yongs su dag pa ste/ 'di ni dus gsum yongs su dag pa zhes bya'o/ / gang yongs su dag pa 'di ni nam du'ang yongs su dag par mi 'gyur te/ yongs su dag pa gang gis rang bzhin gyis yongs su dag pa de ni shin tu yongs su dag pa ste/ dede'i phyir chos thams cad rang bzhin gyis 'od gsal ba zhes bya'o// chos rnams kyi rang bzhin de gang zhe na/ chos thams cad ni stong pa nyid kyi rang bzhin can te/ dmigs pa dang bral ba'o// chos thams

  459. 230b

    cad ni mtshan ma med pa'i rang bzhin can te/ rtog pa dang rnam par rtog pa dang bral ba'o// chos thams cad ni smon pa med pa'i rang bzhin can te/ blang ba med pa/ dor ba med pa bsam pa med pa/ nus pa med pa shin tu ngo bo nyid dang bral ba yin te/ de ni rang bzhin gyis 'od gsal ba'o// 'khor ba'i rang bzhin gang yin pa de mya ngan las 'das pa'i rang bzhin no// mya ngan las 'das pa'i rang bzhin gang yin pa de/ chos thams cad kyi rang bzhin te/ de'i phyir sems rang bzhin gyis 'od gsal ba zhes bya'o// rigs kyi bu 'di lta ste/ dper na nam mkha' la bla gab med pa kun nas nyon mongs par 'gyur ba na/ gnas ma yin zhing go skabs med do// rigs kyi bu de bzhin du sems kyi rang bzhin yang kun tu nyon mongs par gyur pa ni gnas ma yin zhing go skabs med do/ / rigs kyi bu 'di lta ste/ dper na nam mkha' la ni sprin gyi phung po 'am/ du ba 'am/ rdul dag snang ste/ des nam mkha' mi mdzes shing / lham me lhang nger mi 'gyur mod kyi/ de dag gis nam mkha'i rang bzhin kun nas nyon mongs par mi 'gyur ro// gal te nam mkha' kun nas nyon mongs su zin na/ shin tu rnam par dag par mi 'gyur te/ 'di ltar kun nas nyon mongs par mi 'gyur bas na/ de'i phyir nam mkha' zhes rab tu dbye'o// rigs kyi bu de bzhin du byis pa so so'i skye bo tshul bzhin ma yin pa yid la byed pa

  460. 231a

    dang ldan pa rnams kyi tshan mongs pa skye myod / de dag gi sems kyi rang bzhin kun nas nyon mongs par mi 'gyur ro// kA g+sa r+b+he gnan sa nyon mongs par 'gyur na na tu rnam par dag par mi 'gyur te/ 'di ltar kun nas nyon mongs par mi 'gyur bas na/ de'i phyir rang bzhin gyis rnam par grol bas rnam par thos lo// rigs kyi bu 'di ni snang ba yongs su sa pa'i ting nge 'dzin la 'jug pa'o zhes de ltar de bzhin gshegs pa des byang chub sems dpa' de gnyis la rab tu bstan/ / de gnyis kyis ting nge 'dzin 'di thos nas/ bsamachis mi khyab pa'i chos pa chos kyi snang ba thob bo/ / de nas bcom ldan 'das kun tu 'od zer de bzhin gshegs pa la/ byang chub sems dpa' blo gros mi zad pas 'di skad ces gsol to// bcom ldan 'das bdag cag gi ting nge 'dzin 'di la 'jug pa ni thosan/ bcom ldan 'das bdag cag gnas pa gang gis gnas par bgyi/ de skad ces gsol pa dang / bcom ldan 'das des rigs kyi du de gnyis la 'di skad ces bka' stsal to/ / rigs kyi bu 'di la khyed chos kyi gtam yang dag par ston ci// yang na 'phags pa mi smra bar gyur pa la gnas par gyis shi/ de nas bcom ldan 'das las byang chub sems dpa' gnyis kyis legs so zhes bya ba thos te/ bcom ldan 'das kyis zhabs la mgo bos phyag 'tshal nas/ lan gsum bskor ba byas te/

  461. 231b

    ldan 'das kyi drung nas skyed mos tshal zhig gang na yod pa der song ste/ der phyin nas rang gis sprul pa'i khang bu brtsegs pa'i nang du 'dug go// de gnyis de na 'dug pa der tshangs pa chen po 'od zer bzang po zhes bya ba tshangs pa brgya stong phrag bdun cu rtsa gnyis dang / byang chub sems dpa' de gnyis ga la ba der song ste phyin nas/ byang chub sems dpab de gnyis kyi rkang pa la mgo bos phyag 'tsha nas lan gsum bskor ba byas te/ byang chub sems dpa' de gnyis la 'di skad ces smras so// rigs kyi bu bcom ldan 'das kun tu 'od zer de bzhin gshegs pa des 'di skad du 'dus shing 'khor pa rnams kyis bya ba gnyis yod de/ chos kyi gtam bstan par bya'o// yang na 'phags pa mi smra bar gyur pas gnas par bya'o zhes gsungs na/ de la chos kyi gtam ni gang yin/ 'phags pa mi smra bar gyur pa ni gang yin/ de skad ces smras pa dang / byang chub sems dpa' de gnyis kyis/ tshangs pa 'od zer bzang po la 'di skad ces smras so// tshangs pa de'i phyir dri ba lung bstan pa 'di las cung zad cig bshad kyis nyon cig dang / 'di la de bzhin gshegs pa ni mngon sum ste/ pha rol gyi mchog brnyes pa'o// rigs kyi bu de/ ltar na byang chub sems dpa' de gnyis 'khor de'i nang na 'di lta ste/ chos kyi gtam dang / 'phags pa mi smra bar gyur pa las brtsams nas/ don gyi tshig 'di gnyis rgyas par

  462. 232a

    bstan te/ de'i tshe tshangs pa brgya stong phrag bdun cu rtsa gnyis po de dag mi skye ba'i chos la bzod pa skyes so// tshangs pa 'od zer bzang pos kyang ting nge 'dzin kun tu snang ba mngon du gyur te/ rab thob bo// rigs kyi bu de ltar byang chub sems dpa' spobs pa rgyun mi 'chad pa de gnyis dris pa gnyis po 'di lta ste/ chos kyi gtam dang / 'phags pa mi smra bar gyur pa yang dag par ston cing 'dug ste/ de gnyis kyis le stong phrag bdun cu rtsa drug gi bar du don gyi tshig 'di gnyis gtan la 'bebs shing lan ljon par gyur te/ gcig gis yang mthar ma phyin/ gnyis po'ang mthar ma phyin to// des na de bzhin gshegs pa de steng gi nam mkha' la bzhugs nas/ de gnyis la 'di skad ces bka' stsal pa/ rigs kyi bu chog go/ / smras pa/ rtsod par ma byed cig/ smra bas rtsod par ma byed cig/ smra ba thams cad ni brag cha dang mtshungs te/ sgra ci 'dra ba de bzhin du sgra brnyan yang de bzhin no/ / khyed kyis spobs pa so so yang dag par rig pa mi zad pa mngon par bsgrub pa khong du chud do// khyed 'dod na dris pa 'di'i don bskal pa 'am/ bskal pa las lhag par yang lan ljon zhing khyed kyis spobs pa'i mthar phyin par yang mi 'gyur mod kyi/ sangs rgyas kyi tshig ni nye bar zhi ba yin te/ zhi ba/ rab tu zhi ba/ nye bar zhi ba/ yi ge med pa'i don to//

  463. 232b

    don ni brjod du med pa ste/ ji tsam du brjod pa de tsam du don med pa'o// don la rton la/ yi ge la ma rton cig ces de gnyis de bzhin gshegs pa des bskul bar rigs nas cang mi smra bar gyur to/ / rigs kyi bu rnam grangs 'dis kyang 'di ltar 'dod na/ byang chub sems dpa' dag bskal pa brgya stong ngam/ de bas kyang lhag par spobs pas bstan pa ston par rig par bya'o/ / rigs kyi bu de'i dus de'i tshe na byang chub sems dpa' gnyis byung ba gzhan yin par 'dzin na khyod kyis de ltar mi blta'o// de ci'i phyir zhe na/ 'jam dpal gzhon nur gyur pa 'di de'i tshe byang chub sems dpa' blo gros mi zad pa zhes bya bar gyur to/ / mnyam par gnas pa khyod kyang de'i tshe de'i dus na byang chub sems dpa' khyad par blo gros zhes bya bar gyur to// de'i tshe de'i dus na tshangs pa chen po khyad par sems 'di ni tshangs pa 'od zer bzang po zhes bya bar gyur to// de nas bcom ldan 'das la/ bram ze shing sA la chen po lta bu'i bu mnyam par gnas pas 'di skad ces gsol to/ / bcom ldan 'das gang 'di mngon par brtson pa de bgyid pa'i brtson 'grus brtsams pa rnams la/ de bzhin gshegs pa rnams kyi byang chub ni don chen po thob par 'gyur te/ mngon par mi brtson pa rnams la ni sangs rgyas bcom ldan 'das brgya stong gis kyang ci zhig bgyi/ bcom ldan 'das mngon par brtson pa ni byang chub lags so//

  464. 233a

    de nas 'jam dpal gzhon nur gyur pas/ bram ze shing sA la chen po lta bu'i bu mnyam par gnas pa la 'di skad ces smras so// ji ltar na byang chub sems dpa' mngon par brtson pa mngon par brtson pa zhes bya/ smras pa/ byang chub sems dpa' ji ltar brtson par byas pas mngon par rtogs pa thob par 'gyur ba de 'di ni mngon par brtson pa'o// smras pa yang ji ltar mngon par brtson pas mngon par rtogs pa 'thob par 'gyur/ smras pa/ gang chos gang la'ang rnam par mi rtogs na de ltar mngon par brtson pas mngon par rtogs pa 'thob par 'gyur ro/ / smras pa/ ji ltar na mngon par rtogs pa mngon par rtogs pa yin/ smras pa/ mnyam pa nyid gang gis chos thams cad mnyam par mthong ba ni de ltar na mngon par rtogs pa mngon par rtogs pa yin no/ / smras pa/ rigs kyi bu mnyam pa nyid mthong bar rung ngam/ smras pa/ mi rung ngo // smras pa/ gal te mi rung na mi mnyam par gyur te/ mnyam par mi rung ngo // khyad par sems kyis smras pa/ 'jam dpal gang mnyam pa nyid kyis chos thams cad mi mthong ba 'di ni mngon par rtogs pa zhes bya'o// 'jam dpal gyis smras pa/ tshangs pa ci'i phyir mi mthong / smras pa/ gnyis dang bral ba'i phyir mi mthong ngo // 'jam dpal mi mthong ba ni yang dag par mthong ba yin no// smras pa/ tshangs

  465. 233b

    ba sus 'jig rten gyi mnyam pa nyid mthong / smras pa/ de bzhin gshegs pas so// smras pa/ ji ltar gzigs/ smras pa/ ji ltar gzugs kyi de bzhin nyid las gzhan du ma mdzad pa dang / tshor ba dang / 'du shes dang / 'du byed dang / rnam par shes pa'i de bzhin nyid las gzhan du ma mdzad de/ 'jam dpal phung po lnga po'i de bzhin nyid ji lta bzhin du gzigs pa 'di ni 'jig rten la yang dag par gzigs pa'o/ / smras pa/ tshangs pa 'jig rten gang gis rab tu phye/ smras pa/ zad pa'i mtshan nyid kyis rab tu phye'o/ / smras pa/ gal te 'jig rten zad pa'i mtshan nyid kyis rab tu phye ba yin na/ tshangs pa ci 'jig rten gyi mtshad nyid de zad par 'gyur ram/ smras pa/ 'jam dpal 'jig rten gyi mtshan nyid zad par mi 'gyur ro/ / smras pa/ 'o na ji ltar 'jig rten zad pa'i mtshan nyid kyis rab tu phye ba yin/ smras pa/ 'jam dpal gang shin tu zad pa de ni zad par mi 'gyur ro/ / de ci'i phyir zhe na/ gang zad pa de ni zad par mi 'gyur ba'i phyir ro// smras pa/ tshangs pa de bzhin gshegs pas 'dus byas zad pa'i chos can du ma gsungs sam/ smras pa/ 'jam dpal zad pa'i chos nyid gang yin pa de nam yang zad par mi 'gyur te/ de bas na de bzhin gshegs pas 'dus byas zad pa'i chos can no zhes gsungs so// smras pa/

  466. 234a

    tshangs pa gang gis 'dus byas kyi grangs su 'gro/ smras pa/ 'jam dpal zad pa'i chos nyid kyis 'dus byas so zhes bya ba'i grangs su 'gro'o// smras pa tshangs pa 'dus byas ci la gnas/ smras pa/ 'dus ma byas kyi rang bzhin la gnas so// smras pa/ tshangs pa 'dus byas dang / 'dus ma byas kyi chos rnams la tha dad du bya ba ci yod/ smras pa/ 'jam dpal 'dus byas dang 'dus ma byas kyi chos rnams la tha dad du bya ba ni tha snyad do// de ci'i phyir zhe na/ tha snyad kyis 'di ni 'dus byas so// 'di ni 'dus ma byas so zhes bstan te/ yang 'dus byas kyi chos nyid gang yin pa de ni 'dus ma byas kyi chos nyid kyang de yin te/ chos nyid la tha dad du bya ba med do// smras pa/ tshangs pa chos nyid ces bya ba 'di gang gi tshig bla dgas yin/ smras pa/ 'jam dpal chos nyid ces bya ba ni 'dus ma byas dang bye brag med par gyur pa'i chos rnams kyi tshig bla dgas so// smras pa/ tshig bla dgas zhes bya ba'i don ci/ smras pa/ pha rol rnam par rig par bya ba'i ched du bstan pas na/ 'di ni de'i phyir tshig bla dgas zhes bya'o// de ci'i phyir zhe na/ tshig bla dgas thams cad ni lhag par byed pas sgo 'dogs pa yin te/ de'i phyir de bzhin gshegs pa sgo mi 'dogs shing lhag par yang mi mdzad la ston pas na/ de ni lhag pa'i tshig ces bya'o// yang 'jam dpal tshig

  467. 234b

    thams cad tshig ma yin pas na/ de'i phyir sangs rgyas kyi tshig ni brjod du med pa zhes bya'o// de ci'i phyir zhe na/ yang dag par rdzogs pa'i sangs rgyas nyid ni brjod pas rab tu dbye ba ma yin no/ / smras pa/ yang dag par rdzogs pa'i sangs rgyas ji ltar na rab tu dbye/ smras pa/ gzugs su'ang ma yin/ mtshan du'ang ma yin/ chos nyid du'ang rab tu mi dbye'o/ / smras pa/ ci gzugs kyi mtshan nyid kyi chos las tha dad du rab tu dbye 'am/ smras pa/ de ni ma yin no// smras pa/ gzugs kyi mtshan nyid kyi chos kyi de bzhin nyid gang yin pa de ni/ de las kyang ma yin/ gzhan las kyang ma yin te/ de ltar de bzhin gshegs pa rnams rab tu dbye'o// 'di ltar de bzhin nyid kyis rab tu bstan cing chud za bar yang mi 'gyur ba de ltar rab tu dbye'o/ / smras pa/ de ltar na de bzhin gshegs pas ci zhig mngon par rdzogs par sangs rgyas/ smras pa/ 'jam dpal de ltar na de bzhin gshegs pas chos thams cad kyi rang bzhin dang ngo bo nyid kyis ji lta ba bzhin du mngon par rdzogs par sangs rgyas shing / mngon par rtogs te/ de'i phyir yang dag par rdzogs pa'i sangs rgyas zhes bya'o/ / de nas bcom ldan 'das la/ bram ze shing sA la chen po lta bu'i bu mnyam par gnas kyis 'di skad ces gsol to// bcom ldan 'das ji ltar na byang chub sems dpa'

  468. 235a

    rnams theg pa chen po la yang dag par zhugs pa zhes bgyi de nas bcom ldan 'das kyis de'i tshe tshigs su bcad pa 'di dag gsungs so/ / mkhas pa de dag gzugs bzhag phyir/ / byang chub tu ni ma zhugs te// gzugs bzhin byang chub de bzhin shes// mkhas pa dag ni de ltar 'jug/ de bzhin nyid kyis phye bas na// gzugs ltar byang chub de bzhin te/ / mkhas mchog de dag byang chub la// yongs su dbye bar mi 'jug go// byang chub don ni dbyer med de// don la byang chub mi dmigs so// na sa sa gang badzin pa// deng kyang chum la grugs// phung po mas rnams dang // ma das su byung chum chog/ byang chub pa di 'ang banan d e las gud na byang chub med/ / chos rnams rab dang tha ma dang // bar ma'ang nam zhig mi 'dzin cing // gang yang 'dor bar mi byed pa// de tshe byang chub yang dag zhugs// nam zhig chos dang chos ma yin// gnyis su de dag khas mi len// gnyis su gyur pa'ang ma yin pa// de dag byang chub rab tu zhugs// 'dus ma byas ni gnyis su med// 'dus byas dag ni gnyis yod na// 'di gnyis mtha' ste rnam par spangs// byang chub spyad pa de dag spyod// so so'i skye las rab 'das la// mi 'gyur ba la'ang mi gnas shing /

  469. 235b

    'bras bu'ang ma thob 'phags pa rnams// de dag 'jig rten sbyin 'os yin// 'jig rten chos rnams kun lta zhing // 'jig rten na yang pad+ma bzhin// spyod pa mchog la spyod pa na// de dag byang chub zhugs pa bzhin// gang la 'jig rten spyod pa der// de dag spyod pa byed mod kyi// gang la 'jig rten rmongs 'gyur ba// de la mkhas pa de dag grol// de dag 'khor bar nyon mi mongs/ / byang chub sems dpa' 'jigs med pa// gzhan pa medo cing zhum med pa// de dag byang chub spyod pa spyod// de bzhin mkhas shing rtag par ni// chos kyi dbyings kyi tshul yang rtogs/ / de dag chos dang chos min du// 'di la mkhas pa mi rtog go// byang chub spyod pa rab spyod cing // de dag chos rnams 'jig mi byed// gang yang skye bar mi byed de/ / 'di ni byang chub mtshan nyid do// chos rnams thams cad mtshan nyid med// nam mkho'i mtshungs shing mnyam pa ste// mkhas pa de dag nam du yang // mtshan gzhi mtshan gzhi mang mi snyems/ / spyod la mkhas par gyur pa yin// thabs kyi pha rol rab song zhing // sems can rnams kyi bsam pa yang // mkhas pa dag ni rdzogs par byed/ / rtag tu dam pa'i chos 'dzin cing // mngon pa nyid la rab tu gnas// chos la rlom sems mi byed pa// 'di ni nga yi chos yin te// sangs rgyas dag ni skyes kyang rung //

  470. 236a

    'on te 'dren pa ma skyes kyang // chos rnams thams cad stong pa ste// de dag chos nyid de mi 'dor// chos rnams kun la mngon sum ste// chos kyi chos nyid gang yin pa/ / de bzhin nyid la rab gnas shing // de dag bstan pa shin tu ston// bdud kyis zab mo spyod pa yi// gting yang rtag tu rig mi 'gyur// 'di ltar de dag chos rnams la/ / ma lus par ni mi 'dzin to// sangs rgyas ye shes rab tshol la// yang dag zhugs pa'i spyod yul min// ye shes de yang yul gnas dang // phyogs la gnas pa mi 'thob bo/ / sangs rgyas ye shes chags med de// chos dang chos la chags mi byed// byang chub tu ni gang gzhol ba// de bzhin de dag chags mi byed// sbyin pas mngon par rtag tu 'phags// sems dul dul rab rab tu dga'// de dag ma lus gtong ba na// zhan pa'i sems kyi yongs med do// chos ni gtang bar mi nus te// gzung bar yang ni mi nus so// de ltar chos rnams thams cad la/ / bdag gi dngos po yod ma yin// chos rnams thams cad ma bcings shing // grol ba'ang med par gang gis shes// gang la lta ba med pa ste// de ni sbyin bdag chen po yin/ / nga dngang yir lta ba gang // de la de dag yong med de// de phyir de dag gtong ba na// dngos po ci la'ang rten mi 'gyur// sbyin pa gtong ba thams cad kyang // byang

  471. 236b

    chub la ni sngo bar byed/ / byang chub la ni sbyin pa yis// gnyis su 'du shes mi bskyed do// 'du byed med pa'i tshul khrims la// rtag par shin tu gnas par 'gyur// tshul khrims la yang bdag gnas shing / / de dag la ni rlom sems med// tshul khrims dag ni ma byas shing // ma skyes par yang mkhas pas shes// de phyir de yi tshul khrims ni// rab dag dri med nam mkha' bzhin/ / lus ni gzugs brnyan nyid dang 'dra// da ni brag cha ji bzhin te// sems kyang sgyu ma 'dra rig nas// de dag tshul khrims mi snyems so// de dag zhi zhing rab tu ni/ / nye bar ni zhing mnyam par gzhag/ sdug pa thams cad ni byed cing // rab tu zhi ba'i pha rol song // ngang tshul ngan dang tshul khrims ni// gnyis su byas de la med/ / chos kyi dbyings ni yongs shes nas// de yi tshul khrims zag pa med// bzod pa'i pha rol rab phyin cing // nyes bcas thams cad bzod par byed// de ltar sems can thams cad la/ / de yi 'du shes mnyam par 'jug/ chos rnams thams cad mi gnas te// skad cig 'joms pas 'jig par 'gyur// 'di la gang yang gsheg med/ / 'di la gang yang phyag 'tshal med// lus rnams gshags shing bcad na yang // de yi sems la 'khrugs mi 'byung // lus kyi nang ngam phyi rol na// sems ni//

  472. 237a

    shin tu mi gnas so// khams bzhi las ni byung ba yi// smras 'di nyid ni dgra dang mtshungs// yang dag yongs su rtogs pa yi// mkhas pa de dag bdag mi snyams/ / de ltar mngon sum gyur pas na// de dag bzod pa smra ba yin// de yi sems ni sun dbyung bar// ma lus skye bos mi nus so// de dag brtson 'grus che rtsom / mthu brtan 'jigs pa med pa dag/ lus dang sems rnams rigs nas ni// de dag la ni gnas mi 'gyur// 'khor ba yi ni thog ma yin// mtha' nas bzung ste ma skyes so/ / sems can gcig gi don phyir yang // stobs po che dag go chagyon// chos ni gang yang mi skye ste// 'byung bar 'gyur ba'ang med mod kyi// byis pa phyin ci log pa'i phyir/ / sngon gyi mtha' ni mi rtogs so// dbyings 'di rtag tu gnas pa ste// chos kyi dbyings ni bsam mi khyab// de ltar yang dag rab shes nas// 'di la skye med 'jigs pa'ang med/ / chos kyi chos nyid 'di rnams ni// sems can 'di dag mi shes te// de phyir de yi phyin ci log/ spang ba'i phyir ni de dag brtson// sems can rdzogs pa'i sangs rgyas kyis/ / ji ltar bur yang yong ma rnyed// go cha dag kyang mi 'dor te// brtson 'grus bdag gis khyad par ltos// ji ltar sgyu ma sdig rgyu ltar// chos rnams

  473. 237b

    la ni rab tu 'byed/ / 'di la snying po mi rnyed de// nam mkha' la ni lta ba bzhin// med pa'i yongs su rtogs pa yi// skye bo mi mkhas nyon mongs 'gyur// gang gis mya ngan 'da' ba yi/ / rig pa dag ni de la bshad// de yi brtson 'grus de phyir te// dngos po gzhig phyir ma yin no// dngos dang dngos med mi rtag phyir// de dag gi ni brtson 'grus skyed/ / dben pa dag tu rtag ga nas shing // nyon mongs med par rtogs par rig/ 'khor ba la ni skrag pa'i yid// 'dris pa med cing yid mi rton// dgon par spyod pa brtan pa dag/ mkhas pa rtag tu bse ru bzhin// shes par brtson pa'i rig pa dag/ de dag mngon shes rtogs par rig/ dgon pa bzhin du grong de bzhin// mnyam pa nyid la rab gnas pas/ / spyod dang spyod lam mi rtog ste// de dag rtag tu mnyam par gzhag/ nam zhig mnyam par gzhag pa'i chos// nye bar zhi ba zag med la// mos shing rnam par grol ba / / de phyir mnyam par gzhag ces gsungs// mnyam par byed cing mnyam par 'gro// mnyam pa nyid la rab gnas nas// mnyam pa nyid dang 'gal mi byed// de phyir mnyam par gzhag ces gsungs/ / byang chub sems las rnam pa kun// sems las de dag rmongs mi 'gyur// sems can dag kyang yongs smin byed// de phyir mnyam par gzhag ces gsungs//

  474. 238a

    rdzogs pa'i sangs rgyas chos kyi sku// de bzhin gshegs pa rtag tu dran// gzugs la 'dod chags bral ba thob// de phyir mnyam par gzhag ces gsungs/ chos kyi chos nyid ji lta bar// de dag chos rnams sgom mod kyi// dran pa yid la byed pa min// de phyir mnyam par gzhag ces gsungs// dge 'dun dran pa sgom byed de// dge 'dun nyid kyang 'dus ma byas/ / tshad dang bral ba zhi pa yi// mkhas pa dag ni bsam gtan sgom// lus can dag gis phyogs bcu na// zhing dang sangs rgyas rnams mthong ste// de dag mig dang gzugs la yang / / gnyis su 'du shes mi 'jug go// sangs rgyas rnams kyi chos bstan pa// ji snyed yod pa nyan mod kyi// de dag sgra dang rna ba la// gnyis su 'du shes mi 'jug go/ / de dag sems can kun gyi sems// sems gcig gis ni rab shes kyang // de dag sems sam sems can la// rnam par rtog par mi 'gyur ro// bskal pa gad+hA'i bye ma snyed/ bye ba lta bu dran gyur kyang // de dag sngon nam phyi ma zhes// spros pa 'di yang mi 'byung ngo // zhing rnams bye ba phrag stong dang // bsam mi khyab par 'phrul gyis 'gro/ / lus la'ang med cing sems la'ang med// de las gud na'ang yod ma yin// chos rnams rab tu dbye ba shes// spobs pa dag la rtogs par mi// chos kyi dbyings rnams

  475. 238b

    bstan pa dag/ bskal pa bye bar smra bar byed// shes rab kyi yang pha rol phyin// phung po dag la mkhas par bslabs// blang med spros pa med pa yi// chos mchog dag ni rjod par byed/ / de dag rkyen la mkhas pa ste// mtha' gnyis dag ni spangs pa ste// de dag nyon mongs rgyu rnams kyang // sdig pa med pa dag par shes// rkyen la lhag par mos pa la// ! ba dag ni yod ma yin/ / 'di ltar chos rnams thams cad ni// rkyen la rag las dngos po med// bdag tu lta dang sangs rgyas lta// stong par lta ba'ang gang yin dang // mya ngan 'das dang 'khor bar lta/ / thams cad de la yongs mod do// shes rab rang bzhin shes nas ni// snang bar gyur ma thag tu yang // de dag mun bral chags med cing // byang chub spyod la spyod par 'gyur/ / theg pa chen po'i theg pa 'di// sangs rgyas theg pa bsam mi khyab// sems can kun gyi go skabs 'byed// theg pa chen po bla na med// theg pa ji snyed ci yod pa/ / 'di ni de yi mchog tu dgongs// de phyir theg pa chen po las// theg pa thams cad rab tu dbye// theg pa gzhan ni chung ngu ste// thams cad kyi ni go skabs med/ / theg pa chen po 'di la ni// lus can kun gyi go skabs shong // theg pa chen po nam mkha' ltar// dri ma med la gang zhugs pa// de dag lus can

  476. 239a

    thams cad la/ / ser sna byed pa yongs med do// ji ltar nam mkha' tshad med cing // gzugs med bstan du med pa ltar// de bzhin theg pa chen po 'di/ / tshad med bsgribs pa med pa'o// gal te sems can thams cad kyang // theg pa dam pa 'dod 'gyur na// thams cad kyi yang go skabs yod// theg pa'i khyad par dag la ltos/ / theg pa chen po'i yon tan dag/ de la gang rnams gnas pa yi// de dag gis ni bsngags pa'i mtha'// bskal pa bye bar bshad mi nus// tshig bzhi pa yi tshigs bcad tsam// mdo mchog 'di las gang 'dzin pa// de dag gis ni mi khom spangs// mkhas pa de dag dal ba thob// gang dag mdo sde 'dir dga' ba// de dag phyin chad ngan song du// 'gro bar 'gyur ba ma yin te// de dag lha dang mir 'gyur ro// phyi dus 'jigs pa chen po'i tshe// mdo sde 'di ni gang nyan pa// de dag thams cad byang chub tu/ / shin tu gzhol bar ngas lung bstan// de yi lag na dam chos yod// de dag dag pa'i chos la gnas// chos 'di la ni gnas nas kyang // de dag chos kyi 'khor lo bskor/ / gang gis mdo sde 'di bzung ba// de dag rdzogs pa'i byang chub nye// bskal pa bsam las 'khor ba las// bdag nyid chen po de dag spong // gang gis

  477. 239b

    tshul 'di bzung ba dag/ de dag dpa' bos nus pa ste// bdud kyi sde rnams rab tu 'jom// brtson 'grus che zhing shes rab che// mdo sde 'di la gang dga' ba// nga ni bzod la gnas pa'i tshe/ / mar me mdzad kyi lung bstan ltar// de tshe de dag lung bstan to// mdo sde 'di ni gang smra ba// 'di ni sangs rgyas skyob pa yi// 'jig rten sgrol ba ma byung tshe/ / sangs rgyas mdzad pa byed par 'gyur// yang tshigs su bcad pa mngon par sgrub pa 'di bshad pa na/ lce'i bu lnga stong byang chub tu sems smras so// byang chub sems dpa' nyis stong mi skye ba'i chos la bzod pa skyes so/ / dge slong stong lhag tsam len pa med par zag pa las sems rnam par grol lo// srog chags sum khri nyis stong chos rnams la chos kyi mig rdul med cing dri ma dang bral ba rnam par dag go/ / de nas bcom ldan 'das la/ 'jam dpal gzhon nur gyur pas 'di skad ces gsol to// ji ltar bcom ldan 'das kyis bshad pa'i don bdag gis 'tshal ba ltar na/ / gang byang chub kyi phyir smon pa ni log par lta ba la smon pa lags so// de ci'i slad du zhe na/ bcom ldan 'das dmigs pa ni logs pa lags te/ de lta bas na byang chub la dmigs par bgyid cing / dmigs pa la smon pa de dag gi 'bad pa ni log pa lags so// de ci'i slad du zhe na/ bcom ldan 'das byang chub ni 'dod pa'i khams la mi gnas/

  478. 240a

    gzugs kyi khams la mi gnas/ gzugs ma mchis pa'i khams la mi gnas te/ bcom ldan 'das byang chub ni mi gnas pa lags pas de la de smon par bgyi ba ma mchis so/ / bcom ldan 'das 'di lta ste/ dper na skyes bu la la zhig gis nam mkha' thob par bgyi'o zhes nam mkha' la smon na des nam mkha' thob par 'gyur ram/ bka' stsal pa/ 'jam dpal de ni ma yin no// 'jam dpal gyis gsol pa/ bcom ldan 'das de bzhin du gang byang chub nam mkha' dang mtshungs pa la smon pa de dag ni nam mkha' la smon pa lags so/ / bcom ldan 'das byang chub ni smon pa ma mchis pa/ dus gsum las 'das pa/ nye bar mi mchis pa lags te/ bcom ldan 'das byang chub sems dpa' gang 'du shes gnyis su bgyis nas byang chub kyang gzhan la/ 'khor ba'ang gzhan no// byang chub kyang gzhan la/ lta bar gyur pa'ang gzhan no// byang chub kyang gzhan la mya ngan las 'das pa'ang gzhan no zhes smon par bgyid na/ byang chub sems dpa' de dag ni byang chub la spyod pa ma lags so// de nas tshangs pa khyad par sems kyis// 'jam dpal gzhon nur gyur pa la 'di skad ces smras so/ / 'jam dpal byang chub sems dpa' ji ltar spyod na/ byang chub la spyod pa yin/ smras pa/ tshangs pa byang chub sems dpa' gang

  479. 240b

    chos thams cad la'ang spyod la/ chos gang la'ang mi spyod na/ byang chub sems dpa' de byang chub la spyod de/ tshangs pa spyad pa'i yul las 'das pa'i byang chub sems dpa' ni byang chub tu spyod do/ / smras pa/ 'jam dpal ji ltar na byang chub sems dpa' spyad pa'i yul las 'das pa la spyod/ smras pa/ dmigs pa'i mtshan ma thams cad dang bral zhing / mig dang / rna ba dang / sna dang / lus dang / lce dang / yid dang bral ba de ltar na spyad pa'i yul thams cad las shin tu 'das pa yin no// smras pa/ 'jam dpal yang dag par 'das pa zhes bya ba ci la bsams/ smras pa/ mnyam pa nyid lnga mi 'da' 'o// de ci'i phyir zhe na/ tshangs pa byang chub ni chos thams cad kyi mnyam pa nyid do// smras pa/ 'jam dpal byang chub sems dpas ji ltar byang chub tu 'jug par bya// smras pa/ byang chub ji lta ba bzhin du'o// smras pa/ byang chub ji lta bu yin/ smras pa/ tshangs pa byang chub de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin te/ de bas na byang chub sems dpa' dus gsum yongs su dag pa'i rnam pa dang / 'khor gsum yongs su dag pas byang chub tu yang dag par 'jug par bya'o/ / 'das pa ji lta ba dang / ma 'ongs pa ji lta ba dang / da ltar byung ba ji lta ba dang / ma byung ba ji lta ba dang / ma byung ba gang

  480. 241a

    yin pa de la rab tu dbye ba med de/ gang de ltar rab tu zhugs pa de gang la'ang zhugs pa med do// de ci'i phyir zhe na/ rab tu 'jug pa 'dis thams cad mkhyen pa'i ye shes 'thob par 'gyur ro/ / smras pa/ 'jam dpal ci'i phyir thams cad mkhyen pa'i ye shes zhes bya/ smras pa/ thams cad shes par gyur pa'i ye shes de ni thams cad mkhyen pa'i ye shes zhes bya'o/ / smras pa/ 'jam dpal kun shes pa gang yin/ smras pa/ tshangs pa kun shes pa gang la dngos po med cing / kun shes pa la kun shes pa med pa de ni kun shes pa ste/ dngos po ji lta ba de bzhin du de'i kun shes pa'ang med do// smras pa/ ci'i phyir dngos po med/ smras pa/ dngos po ni ming gi rang bzhin gyis dben te/ de'i ming dang rang bzhin dben pa la dngos po'ang gzhan ma yin/ byang chub kyang gzhan ma yin no// gal te dngos po'ang gzhan la/ byang chub kyang gzhan du zin na/ 'di ltar 'di la byang chub ji ltar dngos po'ang de bzhin no// de bas na 'di la sems can yang gud na med la/ de rnam pa gzhan du'ang rtogs par mi 'gyur te/ gzhan du na bdag gis mnyam pa nyid kyis byang chub mnyam pa nyid dang / byang chub kyi mnyam pa nyid kyis bdag gis mnyam pa nyid rig par byed de/ de ltar na byang chub rtogs par

  481. 241b

    'gyur te/ gzhan du ma yin pas na de'i phyir de la gzhan du 'gyur ba med do// bdag ni rtag tu bdag med pa yin te/ de'i phyir de la rnam pa gzhan du 'gyur ba med do// ji ltar na nam// mkha' la rnam pa gzhan du 'gyur ba med pa de bzhin du/ chos thams cad la'ang gzhan du 'gyur ba med do// de nas tshangs pa khyad par sems kyis/ 'jam dpal gzhon nur gyur pa la 'di skad ces smras so/ / 'di ltar chos 'di dag rab tu phye ba las na/ de bzhin gshegs pa ni bden par gsungs pa'o// smras pa/ tshangs pa de bzhin gshegs pas ni chos gang yang rab tu ma phye'o/ / de ci'i phyir zhe na/ de bzhin gshegs pas chos nyid kyang ma dmigs na/ gang rab tu dbye ba lta ci smos/ smras pa/ 'jam dpal ji ltar de bzhin gshegs pas chos 'di dag ni 'dus byas so/ / chos 'di dag ni 'dus ma byas so// chos 'di dag ni 'jig rten pa'o// chos 'di dag ni 'jig rten las 'das pa'o zhes chos rnams rnam par mi mkhyen tam// smras pa/ tshangs pa 'di ji snyam du sems/ sus kyang nam mkha' 'di rab tu phye ba 'am/ shes par gyur pa yod dam/ smras pa/ 'jam dpal de ma yin no// 'jam dpal gyis smras pa/ gang nam mkha' zhes bya ba de skye ba 'am/ 'gag par 'gyur ram/ smras pa/ de ma yin no// smras pa/ tshangs pa de bzhin du chos gang yang rung ba'i rnam par rig par byed pa de'ang nam mkha'i rnam par rig par byed

  482. 242a

    pa'o/ / chos ni skye ba 'am/ 'gag par mi 'gyur te/ chos thams cad kyi rnam par rig par byed pa ni/ rnam par rig par byed pa med pa'o// chos des gang kun shes par byas pas de dag kyang gzhan du mi 'gyur bas na/ rnam par rig par byed pa med pas kun shes so// de ci'i phyir zhe na/ chos rnams rnam par rig par byed pa de ci 'dra ba de bzhin du/ de'i kun shes pa'ang de 'dra ste/ de ci'i phyir chos thams cad de bzhin nyid la gnas zhes bya ste/ de bzhin nyid ni mi gnas pa'o// de nas rgyal po chen po bzhi dang / lha'i dbang po brgya byin dang mi mjed kyi bdag po tshangs pa'ang 'khor de nyid du tshogs nas 'dug par gyur te/ de dag lha'i me tog dag gis de bzhin gshegs pa la gtor nas tshig 'di skad ces 'dzer te/ bcom ldan 'das rigs kyi bu 'am/ rigs kyi bu mo gang dag 'jam dpal gzhon nur gyur pas bstan pa 'di la mos pa de dag ni bdud dang phyir rgol ba bcom pa lags so// de ci'i slad du zhe na bcom ldan 'das 'jam dpal gzhon nur gyur pas bstan pa ni 'du shes thams cad dang bral ba lags te/ gang chos zab mo bstan pa 'di la mi skrag mi dngang zhing shin tu dngang bar mi 'gyur ba'i rigs kyi bu 'am/ rigs kyi bu mo de dag ni dge ba'i rtsa ba ngan ngon dang ldan pa ma lags so// bcom ldan 'das chos kyi rnam grangs 'dis phyogs gang du byung ba de sangs rgyas kyi byin gyis

  483. 242b

    rlabs pa lags so/ / gang du chos kyi tshul zab mo 'di thos par 'gyur ba'i sa phyogs de dag de bzhin gshegs pas yongs su longs spyod pa'o// grong dang / grong khyer dang / grong rdal dang / ljongs dang / gtsug lag khang ngam/ 'chags gang du chos kyi rnam grangs 'di byung ba der chos kyi 'khor lo rab tu bskor bar blta'o// der bdud rnams rgyu ba ma mchis/ dmigs pa la mngon par chags pa rnams kyi rgyu ba ma mchis te/ bcom ldan 'das sems can sngon gyi rgyal ba rnams la lhag par bgyi ba bgyis pa rnams kyi rna lam du chos kyi rnam grangs 'di thos par 'gyur ro// bcom ldan 'das 'di ltar bdag cag gis chos kyi rnam grangs 'di las chos kyi snang ba thob ste/ bcom ldan 'das de bzhin gshegs pa dang / 'jam dpal gzhon nur gyur pa dang / tshangs pa 'di la bdag cag gis rang gi sha dang khrag gis kyang lan mi ljon no// bcom ldan 'das gang las chos kyi rnam grangs 'di thos par 'gyur ba'i chos smra ba de la bdag cag ston par 'du shes bskyed par bgyi'o/ / bcom ldan 'das chos smra ba de'i drung du bdag cag rtag tu rgyun mi 'chad par mchi ste/ rigs kyi bu de lha dag gis yongs su gzung bar 'gyur ro// chos kyi rnam grangs 'di yi ger 'dri 'am/ klog gam/ ston tam/ kha ton byed na/ b+ha'i bu brgya stong phrag du ma chos nyan du mchi'o// de na bcom ldan 'das kyis/ rgyal po chen po bzhi dang /

  484. 243a

    lha'i dbang po brgya byin dang / tshangs pa mi mjed kyi bdag po la 'di skad ces bka' stsal to// legs so legs so// skyes bu dam pa khyed jiskad zer ba de de bzhin no// grogs po dag gal te stong gsum gyi stong chen po'i 'jig rten gyi khams rin po che thams cad kyis yongs su bkang ba'i cha gcig bzhag pa dang / chos kyi rnam grangs 'di nyan pa'i dge ba'i rtsa ba'i cha gcig bzhag pa dang / de gnyis ni gang 'di chos kyi rnam grangs nyan pa'i dge ba'i rtsa ba'i cha 'di mchog go// stong gsum gyi stong chen po'i 'jig rten gyi khams lta zhog gi/ gal te chu bo gang+gA'i klung gi bye ma snyed kyi 'jig rten gyi khams rin po che thams cad kyis yongs su bkang ba'i cha gcig bzhag pa dang / chos kyi rnam grangs 'di nyan pa'i dge ba'i rtsa ba'i cha gcig bzhag pa dang / de gnyis ni gang 'di chos kyi rnam grangs 'di nyan pa'i dge ba'i rtsa ba'i cha 'di mchog go/ / grogs po dag rigs kyi bu 'am/ rigs kyi bu mo bsod nams 'dod pas chos kyi rnam grangs 'di mnyan par bya'o// rnyed pa 'dod pa dang / chos 'dod pa dang / gzugs 'dod pa dang / longs spyod 'dod pa dang / g.yog 'dod pa dang / chos kyi dbang phyug 'dod pa dang / lha'i phun sum tshogs pa 'dod pa dang / mi'i phun sum tshogs pa 'dod pa dang / grags pa 'dod pa dang / brjod pa 'dod pa dang / thos pa 'dod pa dang / dran pa dang / blo gros dang / rtogs pa dang /

  485. 243b

    brtan pa dang / shes rab 'dod pa dang / spobs pa 'dod pa dang / gzungs 'dod pa dang / dge ba'i bshes gnyen rnyed par 'dod pa dang / mngon par shes pa dang / rig pa dang / shes 'dod pa dang / byang chub 'dod pa dang / dge ba'i chos thams cad 'dod pa dang / byang chub kyi yan lag 'dod pa dang / cho ga 'dod pa dang / sems can thams cad bde ba thob par bya/ bar 'dod pa dang / mya ngan las 'das pa 'dod pa'i rigs kyi bu 'am/ rigs kyi bu mos chos kyi rnam grangs 'di mnyan par bya/ mos par bya/ gzung bar bya/ kun chub par bya/ bcang bar bya/ bklag par bya/ gzhan la'ang rgya cher rab tu bstan par bya'o// grogs po dag chos kyi rnam grangs 'di chung ngu na mnyan pa tsam gyis kyang / gang des yongs su ma bzung bar gyur pa'i phun sum tshogs pa de ngas ma mthong ngo / / grogs po dag mos par bya/ go bar bya ste/ slob dpon nam mkhan po gang las chos kyi rnam grangs 'di mnyan tam gzung na/ 'jig rten gyi zang zing gang gis de la lan glan par sla ba de lta bu ngas ma mthong ngo / / de ci'i phyir zhe na/ 'di ni 'jig rten las 'das pa'i chos te/ 'jig rten gyi zang zing gis de sbyang bar sla ba ma yin no/ / chos 'di ni 'jig rten gyis ma gos pa ste/ 'jig rten gyi zang zing gis sbyang bar sla ba ma yin no// chos 'di ni zang zing med pa ste/ 'jig rten gyi zang zing gis sbyang bar sla

  486. 244a

    ba ma yin no/ / chos kyi rnam grangs 'di la lan klan pa'i chos kyi nan tan ma gtogs par gzhan med de/ log pa'i nan tan gyis ma yin no// gang 'di la zhugs pa de dag gis mkhan po dang slob dpon la gus par byas so/ / de dag gis lan glan pa dag par byas so// de dang de dag ni bu lon med par yul 'khor gyi bsod snyoms za'o// de dang de dag ni de bzhin gshegs pa'i tshig la nan tan du byed pa'o/ / de dang de dag ni chu bo las rgal ba'o// de dang de dag ni dgon pa las shin tu rgal ba'o// de dang de dag ni gdugs dang / rgyal mtshan dang / ba dan bsgreng ba'o// de dang de dag ni dpa' bo g.yul las rnam par rgyal ba'o// de dang de dag ni seng ge ltar 'jigs shing skrag pa dang bral ba'o// de dang de dag ni bal glang ltar cang shes pa'o/ / de dang de dag ni glang po che ltar sems rab tu zhi ba'o// de dang de dag ni khyu mchog ltar pha rol rgol ba thams cad kyis zil gyis mi non pa'o// de dang de dag ni sman pa ste// sems can thams cad nad thams cad las rab tu thar par byed pa'o// de dang de dag ni chos zab mo bstan pa la mi dngang ba'o// de dang de dag ni sbyin pa phun sum tshogs shing nyon mongs pa thams cad yongs su gtong ba'o/ / de dang de dag ni tshul khrims yongs su dag cing / zhi ba dang zhi gnas dam pa'i pha rol tu phyin pa'o// de dang de dag ni bzod pa'i stobs dang ldan zhing ngar 'dzin pa dang /

  487. 244b

    nga yir 'dzin pa dang bral ba'o// de dang de dag ni brtson 'grus che zhing bskal pa grangs med par tshogs mu med pa'i mthar gtugs pa'o// de dang de dag ni bsam gtan phun sum tshogs shing dran pa dang ldan zhing sems rtse gcig pa'o/ / de dang de dag ni shes rab chen po chos thams cad kyi tshig rab tu dbye ba'i ye shes ston pa la mkhas pa'o// de dang de dag ni bsod nams chen po ste/ bsod nams brgya pa'i mtshan gyis legs par brgyan pa'o// de dang de dag ni gzi brjid chen po ste/ nyi ma dang zla ba zil gyis gnon par byed pa thob pa'o// de dang de dag ni mthu chen po thob cing stobs bcu'i shugs 'dzin pa'o/ / de dang de dag ni sprin chen ltar chos mngon par sgrogs pa'o// de dang de dag ni chos kyi char chen po rab tu 'bebs pa/ nyon mongs pa thams cad rab tu zhi bar byed pa'o/ / de dang de dag ni gnas te/ mya ngan las 'das pa'i grong du zhugs pa'o// de dang de dag ni 'khor ba'i 'jigs pas gtses pa rnams kyi mgon no// de dang de dag ni sgron ma ste/ mun pa mun nag dang bral ba'o// de dang de dag ni bdud kyis skrag pa rnams kyi skyabs so// de dang de dag ni sems can thams cad kyi rten to// de dang de dag ni byang chub kyi snying po la dbang bskur ba'o/ / de dang de dag gis chos kyi mig thob bo// de dag gis chos kyi de bzhin nyid mthong ngo // de dag gis chos thams cad stong par shes so// de dag ni snying rje chen

  488. 245a

    po la rab tu gnas pa'o/ / de dag ni byams pa chen po la yang dag par zhugs pa'o// de dag ni sems can thams cad mi gtong ba'o// de dag ni theg pa dman pa la rgyab kyis bltas pa'o/ / de dag ni theg pa chen po la mngon du phyogs pa'o// de dag gis phyin ci logs spangs so// de dag ni mnyam pa nyid la nye ba'o// de dag ni byang chub sems dpa'i nges pa la zhugs pa'o/ / de dag ni byang chub kyi snying po la gnas pa'o// de dag gis bdud kyi sde rnams btul ba'o// de dag gis thams cad mkhyen pa nyid khong du chud do// de dag ni chos kyi 'khor lo rab tu skor bar 'gyur ro/ / de dag ni sangs rgyas kyi bya ba byed par 'gyur ro// grogs po dag gang chos 'di la nan tan du byed pa'i skyes bu dam pa de dag gi bsngags pa ngas bskal pa 'am bskal pa las 'das par bshad kyang / chos 'di la nan tan byed pa'i skyes bu dam pa de dag gi bsngags pa'i mthar mi phyin te/ de bzhin gshegs pa ltar spobs pa phun sum tshogs par 'gyur ro/ / de nas 'khor de nyid du lha'i bu phyir mi ldog pa zhes bya ba 'dus par gyur te 'dug go// de nas bcom ldan 'das la/ lha'i bu phyir mi ldog pas 'di skad ces gsol to// bcom ldan 'das chos kyi nan tan chos kyi nan tan zhes bgyi ba/ bcom ldan 'das ji tsam gyis na chos kyi nan tan zhes bgyi/ bcom ldan 'das kyis bka' stsal pa/ lha'i bu chos

  489. 245b

    kyi nan tan zhes bya ba ni/ gang chos thams cad la nan tan medu pa 'di ni chos kyi nan tan no// de ci'i phyir zhe na/ gang chos rnams la nan tan du mi byed de/ de chos thams cad mi byed rnam par mi byed do/ / gang mi byed/ rnam par mi byed pa 'di ni chos kyi nan tan no// gang dge ba la'ang mi 'jug/ mi dge ba la'ang mi 'jug pa 'di ni chos kyi nan tan no// de bzhin du bsdus te 'jig rten pa la ma yin/ / 'jig rten las 'das pa la ma yin/ zag pa dang bcas pa la ma yin/ zag pa med pa la ma yin/ kha na ma tho ba dang bcas pa la ma yin/ kha na ma thob med pa la ma yin/ 'dus byas la ma yin/ 'dus ma byas la ma yin/ 'khor ba la ma yin/ mya ngan las 'das pa la mi 'jug pa 'di ni chos kyi nan tan zhes bya ste/ chos thams cad la nan tan du bya/ ba med pa 'di ni chos kyi nan tan no// chos su 'du shes pa la chos kyi nan tan med de/ chos 'di la nan tan bya'o zhes spro bar byed/ nan tan mi bya'o zhes spro bar byed na ma zhugs pa'o// chos tham cad kyi rjes su zhugs pa'i nan tan 'di ni chos kyi nan tan no/ / spros pa med pa'i gnyen po med pa ni chos kyi nan tan zhes bya'o// de nas bcom ldan 'das la/ lha'i bu phyir mi ldog pas 'di skad ces gsol to/ / bcom ldan 'das gang yang dag pa'i nan tan 'di la zhugs pa dang / 'jug par 'gyur ba de dag la shin tu log pa'i nan tan ma mchis so// de ci'i slad du zhe na/ bcom ldan

  490. 246a

    'das shin tu yang dag pa'i nan tan 'di lags te/ log pa'i lam du zhugs pa rnams ni nan tan gang yang ma mchis so// yang dag pa'i lam la gnas pa rnams la chos kyi nan tan ma mchis so/ / yang dag par zhugs pa rnams la ni mi mnyam pa'i chos gang yang ma mchis so// de ci'i slad du zhe na/ bcom ldan 'das chos thams cad ni mnyam pa khyad par ma mchis pa'o/ / de nas tshangs pa khyad par sems kyis/ lha'i bu de la 'di skad ces smras so// lha'i bu khyod nan tan 'di la zhugs sam/ smras pa/ tshangs pa gal te bcom ldan 'das kyi nan tan la gnyis su bshad par gyur na/ bdag kyang nan tan 'di la nan tan du byed do// nan tan 'di ni gnyis su med pa ste/ de la gang nan tan byed pa dang / gang la nan tan byed pa de'ang med do/ / gang yang nan tan du byed pa de med de/ 'on kyang tshangs pa bdag ni lhag par mi byed pa dang / sgo mi 'dogs pa'i phyir nan tan 'di la zhugs so// chos nyid ji lta bar chos kyi nan tan yang de bzhin te/ de ni de bzhin nyid la de ltar zhugs na zhugs pa zhes bya'o// tshangs pas smras pa/ lha'i bu khyod sangs rgyas kyi zhing 'di ni sngon ngas ma mthong ngo / / smras pa/ tshangs pa sangs rgyas kyi zhing 'dis kyang sngon bdag ma mthong ngo // smras pa/ sangs rgyas kyi zhing 'di ni blta'o zhe 'am/ mi blta'o zhes rtog pa 'am/ rnam par rtog/

  491. 246b

    pa med do// spras pa/ tshangs pa bdag sngon mthong ngo zhes 'am/ sngon ma mthong ngo zhes bdag kyang mi rtog/ rnam par mi rtog go/ spras pa/ lha'i bu sngon ma mthong ba mthong ba su smras pa/ byis pa so so'i skye bo thams cad kyis ni 'phags pa'i nges par 'jug pa sngon ma mthong ngo // tshangs pa nam yang dag par nges par zhugs pa de na/ sngon ma mthong ba mthong ngo // nges pa de ni mig gi rnam par shes pas shes pa ma yin/ rna ba dang / sna dang / lce dang / lus dang / yid kyi rnam par shes pas shes par bya ba ma yin te/ de bzhin nyid ji lta ba de bzhin du blta bar bya'o/ / mig gi de bzhin nyid ji lta ba dngarna ba'i de bzhin nyid ji lta ba dang / sna'i de bzhin nyid ji lta ba dang / lce'i de bzhin nyid ji lta ba dang / lus kyi de bzhin nyid ji lta ba dang / yid kyi de bzhin nyid ji lta ba de bzhin du lta ste/ gang de ltar mthong ba de dag ni yang dag par mthong ba'o// de nas bcom ldan 'das la/ lha'i dbang po brgya byin gyis 'di skad ces gsol to/ / bcom ldan 'das ded dpon nor bu rin po che'i gling du phyin pa'i mig sngar ni nor bu rin po che 'ba' zhig gda' 'o// de bzhin du bcom ldan 'das skyes bu dam pa bsam gyis mi khyab pa'i chos rin po che dang ldan pa rnams ci dang ci spobs pa de dag gis de thams cad chos rin po che nyid du spobs so/ / de nyid yang dag pa'i mtha' yongs su gsal bar bgyid

  492. 247a

    par spobs so/ / 'di ltar de dag la bdag tu mngon par chags pa ma mchis/ chos su mngon par chags pa ma mchis/ sems can du mngon par chags pa ma mchis pa'i slad du'o/ / de'i slad du ji ltar ma log pa dang / phyin ci ma log par spobs pa de de ltar spobs so// ji ltar sngon gyi mtha' yang sbyong ba dang / phyi ma'i mtha' yang mi dmigs pa dang / da ltar byung ba la'ang de ltar ma mchis pa de ltar spobs so/ / ji ltar ma mos pa rnams kyang mos par bgyid la/ mos pa rnams kyang rnam par grol ba de de ltar spobs so// mngon pa'i nga rgyal can rnams kyang tshar gcod par 'gyur la/ nga rgyal ma mchis par kun 'tshal ba lan ljon pa de ltar spobs so// ji ltar bdud kyis glags mi rnyed pa de ltar spobs so// gang de ltar nyan pa de dag kyang bdud kyi las las 'das par 'gyur ro/ / ji ltar dge ba'i rtsa ba ma skye ba rnams skyed pa dang / dge ba'i rtsa ba skyes pa rnams chab mi 'tshal ba dang / nyon mongs pa skyes pa rnams spong ba dang / ma skyes pa rnams mi skyed pa de ltar spobs so/ / ji ltar byang chub sems dpa' go cha ma bgos pa rnams go cha 'tshal ba dang / go cha bgos pa rnams mi ldog par 'gyur ba de ltar spobs so// ji ltar dam pa'i chos mi 'chad cing dam pa'i chos yongs su gzung bar bgyid pa de ltar spobs so/ / ji ltar sangs rgyas kyi chos thams cad yongs su rdzogs par 'gyur ba de ltar spobs so// bcom

  493. 247b

    ldan 'das de lta bu'i spobs pas ni mu stegs can gyi gnas thams cad gzhom par nus so/ / de ci'i slad du zhe na/ bcom ldan 'das wa ni seng ge'i sgra bzod par yang mi nus na/ rab tu/ sgrogs par lta ga la nus te/ bcom ldan 'das de bzhin du pha rol rgol ba thams cad kyis bla na med pa'i seng ge'i sgra bzod par mi nus so// de nas lha'i bu phyir mi ldog pas/ lha'i dbang po brgya byin la 'di skad ces smras so/ / ko'u shi ka seng ge'i sgra seng ge'i sgra zhes bya ba ji tsam gyis na seng ge'i sgra zhes bya/ smras pa/ lha'i bu chos gang la'ang mngon par ma chags par brjod pa de dag gi seng ge'i sgra yin no/ / gang de lta bu la mngon par chags par brjod pa de dag gi seng ge'i sgra ma yin te/ wa'i sgra'o// gang lta ba kun tu slong ba ston pa de dag la seng ge'i sgra mad do/ / lha'i dbang po brgya byin gyis smras pa/ lha'i bu khyod seng ge'i sgra ji lta bu yin pa spobs par bgyis shig/ smras pa/ ko'u shi ka gang de bzhin gshegs pa la'ang mngon par ma chags par spyon na/ chos ngan pa gzhan lta ci smos te/ de'i phyir seng ge'i sgra zhes bya'o// yang dag pa'i don ni seng ge'i sgra ste/ de'i phyir seng ge'i sgra zhes bya'o// 'di ni mgo gcig tu bstan pa yin te/ de'i phyir seng ge'i sgra zhes bya'o// 'di ni mi skrag par bstan pa ste/ de'i phyir sang ge'i sgra zhes bya'o// ko'u shi ka gang chos thams cad mi skye ba dang / mi 'gog pa

  494. 248a

    dang / mi thob par bsgom pa'i phyir chos ston pa de dag gi seng ge'i sgra yin te/ gang kun nas nyon mongs pa dang / rnam par byang ba dang / kun tu sbyor ba dang bral bar bya ba'i/ phyir chos ston pa de dag la seng ge'i sgra med do// ko'u shi ka seng ge'i sde zhes bya ba ni 'di lta ste/ mgo gcig tu bstan pa chos thams cad gang zag med pa/ bdag med pa yin no// / ko'u shi ka seng ge'i sgra sang ge'i sgra zhes bya ba ni 'di lta ste/ mgo gcig tu chos thams cad stong pa nyid dang / mtshan ma med pa dang / smon pa med pa yongs su ston pa ni seng ge'i sgra'o// dam pa'i chos bsrungs pa'i phyir tshig smra ba ni seng ge'i sgra'o// 'di lta ste/ sems can thams cad rab tu thar par bya ba'i phyir sangs rgyas su gyur cig ces byang chub tu sems bskyed pa'i tshig smra ba ni seng ge'i sgra'o/ / longs spyod du rung ba la chog shes par smra ba ni seng ge'i sgra'o// ko'u shi ka seng ge'i sgra seng ge'i sgra zhes bya ba ni 'di lta ste/ dgon par gnas pa dang yang dag par len pa dang / gtong ba sngon du 'gro ba ni seng ge'i sgra'o// tshul khrims yang dgu par blangs pa mi 'dor pa ni seng ge'i sgra'o// mdza' ba dang mi mdza' ba la sems mnyam pa ni seng ge'i sgra'o/ / brtson pa mi 'dor ba ni seng ge'i sgra'o// nyon mongs pa spong ba ni seng ge'i sgra'o// shes rab kyis shin tu brtags pa ni seng ge'i sgra'o// seng nam

  495. 248b

    sgra bstan pa 'di bshad pa'i tshe/ stong gsum gyi stong chen po'i 'jig rten gyi khams rnam pa drug tu g.yos so// sil snyan brgya stong ma brdungs par sgra 'byin to// 'jig rten rnams snang ba chen pos khyab par gyur to/ / lha'i bu brgya stong a la la zhes sgra 'byin cing tshig 'di skad ces smras so// e ma'o dang 'dir lnga'i bus seng ge'i sgra 'di bsgrags pas 'dzam bu'i gling du chos kyi 'khor lo bskor ba lan gnyis byung ngo / / de nas bcom ldan 'das kyis de'i tshe 'dzum pa mdzad pa dang / chos nyid kyis 'di ltar 'gyur te/ nam sangs rgyas bcom ldan 'das 'dzum pa mdzad pa de'i tshe 'od zer kha dog sna tshogs 'di lta ste/ mthing ka dang / ser po dang / dmar po dang / dkar po dang / le brgan dang / shel dang / dngul gyi kha dog lta bu zhal nas byung ste/ 'jig rten gyi khams mtha' yas pa khyab par byas nas/ tshangs pa'i 'jig rten gyi bar du mngon par 'phags te/ phyir log nas bcom ldan 'das la lan gsum bskor ba byas nas/ bcom ldan 'das kyi spyi bor mi snang bar gyur to// // bam po drug pa ste tha ma// de nas bcom ldan 'das la/ tshangs pa khyad par sems kyis tshigs su bcad pa 'di dag gis mngon par bstod do/ / ye shes kun mchog pha rol phyin cing thub pa kun mkhyen kun zil gnon// 'di la dus gsum sems can spyod pa sna tshogs kyi

  496. 249a

    mchis khyod kyis mkhyen/ / gang de shin tu grol ba'i blo yul gang yang de dag bsam pa rnams// lha yi gtso bo kun mkhyen 'dzum mdzad 'di yi rgyu ni lung bstan gsol/ nyan thos rang rgyal dgra bcom dri med de dag gi yang spyod yul min// sangs rgyas ye shes bsam mi khyab cing mtha' bral khyod la chags pa med// khyod kyis sems can gzhan gyi spyod sems gang la ci 'dra'i gtam brjod mkhyen/ / smra mchog thub dka' tshig dbang 'dzum pa mdzad pa'i rgyu ni bstan par gsol// 'od 'di shin tu yid 'ong sdug pa'i dri mad rab tu rnam par mdzes/ / nyi zla'i 'od dang de bzhin tshangs pa dbang po'i gzi yang zil gyis gnon// de bzhin khor yug khrag khrig ri rab dag kyang shin tu snang bgyis na// ci slad khyod kyis 'dzum mdzad de yi rgyu ni rab tu bstan par gsol/ / 'dod chags zhe sdang dregs la sogs pa zug rngu bral zhing rab tu zhi// 'jig rten lha mi lto 'phye'i tshogs byams bdag po khyod zhal lta/ bde ba shegs bltas kyang mi ngoms lus kyi rab tu sim zhing bde bar 'gyur// gang gi slad du 'dzum pa 'di bstan thub pa bdag cag rnams la gsungs// khyod kyis chos rnams nam mkha' lta bur rtag tu byed med gsog nyid dang / / grog dang sprin 'dra sgyu ma lta bur gsob nyid lbu ba 'dra ba dang // rmi lam mthong dang chang pa stong 'dra nam mkha' chu zla lta bur mkhyen// dge ba 'dzum

  497. 249b

    mdzad 'di yi rgyu dang rnar snyan gsung ni rab tu brjod par gsol/ / 'dzin dang rtog dang rnam rtog kun dang bral ba'i stong pa nyid la mos// bdag po shes bya kun la rtog bral rtag tu mtshan ma med la dgyes/ / khyod ni srid pa gsum 'dir gang la'ang mi smin bsam gtan ting 'dzin dgyes// gang gi slad du 'dzum pa bstan mdzad 'dren pa 'di ni lung bstan gsol// skad la mi chags sgra dang dbyangs dang yi ge dag la'ang de bzhin te/ / 'jig rten du yang chos ston blo gtsang bdag dang chos la'ang gnas mi mdzad// 'dus pa so sos bde gshegs bdag la chos ston snyam du 'dzin/ / ye shes rdzu 'phrul dbang po stobs mchog rgyas pa shes rab mtshungs med gsungs// khyod ni sdug bsngal kun sal na rga 'chi 'joms sman pa'i mchog lags te// khyod ni dpa' bo bdud kyi stobs 'joms mthu bo che yi mthu dang ldan/ / khyod ni skyob pa dpung gnyen 'jig rten mgon skyabs sgron ma snang mdzad pa// lha min lha dang klu mchod 'dzum pa mdzad pa'i rgyu gang 'dir bstan gsol/ / de skad ces gsol pa dang / bcom ldan 'das kyis/ tshangs pa khyad par sems la 'di skad ces bka' stsal to// tshangs pa khyod kyis phyir mi ldog pa'i lha'i bu 'di mthong ngam/ gsol pa/ bcom ldan 'das mthong ngo // bcom ldan 'das kyis bka' stsal pa tshangs pa phyir mi ldog pa'i lha'i bu 'di bskal pa brgya stong phrag

  498. 250a

    sum cu rtsa gnyis na/ 'jig rten gyi khams legs par sprul pa zhes bya bar bskal pa tshangs pas bstod pa la/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das ri rab sgron ma'i rgyal po zhes bya bar 'jig rten du 'byung bar 'gyur te/ de'i sangs rgyas kyi zhing de'ang bai DUR+Ya dang / 'dzam bu chu bo'o gser dang / rin po che gnyis kyi gzhir 'gyur ro// de'i byang chub sems dpa'i dge 'dun 'ba' zhig 'byung ste/ bdud dang phyir rgol pab bcom zhing dbang po sha stag go/ / sangs rgyas kyi zhing de na bza' ba dang btung ba'ang bsam pa tsam gyis 'byor cing / dga' ldan gyi longs spyod dang 'dra bar 'gyur ro// de bzhin gshegs pa de tshe dpag tu med cing ltung ba med pa'i chos ston par 'gyur ro/ / khyad par sems kyis smras pa/ lha'i bu khyod de bzhin gshegs pas lung bstan to// smras pa/ tshangs pa bdag ni de bzhin nyid dang / chos kyi dbyings ji lta ba bzhin du lung bstan to// smras pa/ lha'i bu de bzhin nyid dang / chos kyi dbyings ni lung mi bstan to// smras pa/ ji ltar de bzhin

  499. 250b

    nyid dang / chos kyi dbyings lung ma bstan pa bzhin du/ byang chub sems dpa' thams cad la lung bstan pa'ang de ltar blta'o// smras pa/ lha'i bu de ltar khyod de bzhin gshegs pas/ lung bstan pas na/ khyod sngon gyi yang dag par rdzogs pa'i sangs rgyas rnams kyi drung du tshangs par spyad pa la gnas pa ni don med pa ma yin no// sbas pa/ tshangs pa gang gnas pa med pa de ni tshangs par spyod pa la gnas pa'o/ / smras pa/ lha'i bu ji ltar gang la gnas pa med pa de tshangs par spyad pa la gnas pa yin/ smras pa/ tshangs pa gang khams gsum la mi gnas pa de ni/ tshangs par spyad pa la gnas pa'o// tshangs pa gang yang khams gsum la gnas pa de ni tshangs par spyad pa la gnas pa ma yin no// gzhan yang tshangs pa gang bdag la mi gnas/ sems can dang / srog dang / gang zag la mi gnas pa de ni tshangs par spyad pa la gnas pa yin te/ tshangs pa mdor na gang chos thams cad la mi gnas pa de ni tshangs bar spyod pa la gnas pa'o/ / smras pa/ sa'i bu tshangs par spyad pa la gnas pa zhes bya ba de gang gi tshig bla dgas yin/ sbas pa/ tshangs par spyod pa la gnas pa zhes bya ba ni tshangs gnyis su med pa'i lam la rab tu gnas pa'i tshig bla dgas so/ / smras pa/ lha'i bu lam la rab tu gnas pa'ang ci la rab tu gnas pa yin/ smras pa/ tshangs pa lam la rab tu gnas pa

  500. 251a

    zhes bya ba ni chos thams cad la rab tu gnas pa med pa'i tshig bla dgas so/ / de ci'i phyir zhe na/ rab tu gnas pa med pa dang len pa med pa de ni lam la rab tu gnas pa'o/ / smras pa/ lha'i bu ji ltar bsgoms na lam bsgoms pa yin/ smras pa/ tshangs pa ci nas kyang dngos po dang dngos po med par mi ltung ba dang / chos gang yang dngos por yang mi byed/ dngos po med par yang mi byed par yang mi byed par bsgom pa ste/ de ltar sgom na lam sgom pa la brtson pa yin no// smras pa/ lha'i bu gang gis lam bsgom par bya'o// smras pa/ tshangs pa mthong bas ma yin/ thos pas ma yin/ dran pas ma yin/ rnam par rig pas ma yin/ thob pas ma yin/ mngon du byas pas ma yin te/ gang chos thams cad la mi sgom pa 'di ni lam sgom pa'o/ / smras pa/ lha'i bu ji ltar na byang chub sems dpa' brtson 'grus kyi go cha sra ba bgos pa zhes bya/ smras pa/ tshangs pa byang chub sems dpa' gang chos gang la'ang gcig pa 'am tha dad par yang dag par rjes su mi mthong ba 'di ni byang chub sems dpa' brtson 'grus kyi go cha sra ba bgos pa zhes bya'o/ / gang chos kyi dbyings ma 'dres pa'i phyir chos gang la 'ang byed par mi byed/ sbyor bar mi byed/ de chos kyi dbyings ma gtogs par kun nas nyon mongs pa dang rnam par byang bar mi mthong ba 'di ni/ byang chub sems dpa'i brtson 'grus rtsom pa'i mchog go//

  501. 251b

    gang chos thams cad la bsal ba dang bzhag pa med pa 'di ni brtson 'grus rtsom pa'o// tshangs pa gang lus dang / ngag dang / yid kyis rtsom pa med pa 'di ni brtson 'grus rtsom pa'o// de nas bcom ldan 'das kyis/ lha'i bu phyir mi ldog pa la legs so zhes bya ba byin nas/ tshangs pa khyad par sems la bka' stsal pa/ tshangs pa lha'i bu 'di ji skad ston pa de de bzhin no// 'di ni de'i brtson 'grus rtsom pa'i mchog ste/ gang la lus kyi rtsom pa'ang med/ ngag gi rtsom pa'ang med/ yid kyi rtsom pa'ang med pa 'di ni brtson 'grus rtsom pa'i mchog go// tshangs pa ngas mngon par shes pa 'das pa'i dus na sbyangs pa'i yon tan yo byad bsnyungs pa thams cad yang dag par blangs pa'i brtson 'grus brtsams kyang / de bzhin gshegs pa de dag gis bla na med pa yang dag par rdzogs pa'i byang chub tu lung ma bstan to/ / de bzhin du bla ma rnams la ldang ba dang / rim gro bya ba dang / dgon par gnas pa dang / mang du thos pa dang / sems can rnams kyi bya ba ci yod ces bya ba la kun tu 'gro ba'i brtson 'grus brtsams kyang / nga lung ma bstan to// de ci'i phyir zhe na/ de ni 'di ltar lus dang / ngag dang / sems kyi rtsom pa la rab tu gnas pa'i phyir ro/ / tshangs pa nam nga lha'i bu 'dis ji skad du bstan pa'i brtson 'grus rtsom pa de lta bu dang ldan par gyur pa de'i 'og tu nga de bzhin gshegs pa mar me mdzad kyis bram ze'i khye'u

  502. 252a

    khyod ma 'ongs pa'i dus na shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung bstan to/ / tshangs pa de lta bas na byang chub sems dpa' lung bstan pa'i sa myur du thob par 'dod pas brtson 'grus rtsom pa 'di lta bu 'di lta ste/ chos thams cad la rtsom pa med pa'i brtson 'grus 'di la brtson par bya'o// gsol ba/ bcom ldan 'das rtsom pa ma mchis pa'i brtson 'grus de gang lags/ bka' stsal pa/ tshangs pa gang dus gsum mnyam pa nyid dang ldan pa'i brtson 'grus rtsom pa'o// gsol pa/ bcom ldan 'das dus gsum mnyam pa nyid dang ldan pa'i brtson 'grus rtsom pa gang lags/ bka' stsal pa/ 'di lta ste/ 'das pa'i sems ni zad/ ma 'ongs pa ni ma phyin/ da ltar byung ba la ni gnas pa med cing ming mi dmigs te/ gang zad pa de ni dmigs su med do// gang ma phyin pa de ni mi skye ba'i mtshan nyid do// de bzhin du gang da ltar byung ba de'ang chos nyid kyis mi gnas so/ / chos nyid gang yin pa de'ang ma skyes pa'o// gang ma skyes pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ / gang 'das pa'ang ma yin/ ma 'ongs pa'ang ma yin/ da ltar byung ba'ang ma yin pa de ni rang bzhin no// rang bzhin gang yin pa de ni ma skyes pa ste/ tshangs pa dus gsum mnyam pa nyid dang

  503. 252b

    ldan pa'i brtson 'grus rtsom pa de lta bu 'di ni lung bstan pa myur du thob par byed do/ / tshangs pa byang chub sems dpa' bzod pa de lta bu dang ldan pa ni chos thams cad gtong ba med pa'i sbyin pa la mos so/ / chos thams cad bsrung ba med pa'i tshul khrims la mos so// chos thams cad rlom sems med pa'i bzod pa la mos so// chos thams cad rtsom pa med pa'i brtson 'grus la mos so/ / chos thams cad mnyam pa nyid kyi ting nge 'dzin la mos so// chos thams cad rnam par mi rtog pa'o zhes shes rab la mos so// de de ltar mos pas lhag par mi byed/ bri bar mi byed/ byed pa ma yin/ rnam par byed pa ma yin no// sbyin pa'ang sbyin par byed la/ de'ang rnam par smin pa la mi re bas so// tshul khrims kyang srung la/ de'ang sgro btags pa mang pas so/ / bzod pa'ang sgom la/ de'ang phyi nang stong pa nyid kyis so// brtson 'grus kyang rtsom la/ de'ang yongs su grub pa med pas so// bsam gtan la'ang mnyam par gzhog la/ de'ang gnas pa med pas so// shes rab kyang sgom la/ de'ang mtshan ma med pas so// tshangs pa byang chub sems dpa' bzod pa de lta bu dang ldan pa ni bya ba thams cad kyang ston la/ bya bas kyang mi gos so/ / de mi gos pas chos thams cad la mnyam pa nyid thob cing rnyed pas kyang mi 'phrogs/ rnyed pa med pas kyang ma yin/ snyan pas kyang ma yin/ mi snyan pas kyang ma yin//

  504. 253a

    smad pas kyang ma yin/ bstod pas kyang ma yin/ sdug bsngal bas kyang ma yin/ bde bas kyang mi 'phrogs so// 'jig rten gyi chos thams cad las rnam par 'das te// gnyis su dmigs pa'i sems dang bral zhing / gnyis su med pa'i chos rtogs pa'i phyir khengs par yang mi byed/ 'dud par yang mi byed/ sdug par yang mi byed/ khong khro bar yang mi byed/ gnod par yang mi byed/ kun nas gnod par yang mi byed/ rlom sems su'ang mi byed/ bag med par yang mi byed/ kun nas bag med par yang mi byed do// sems cad thams cad yongs su smin par bya ba'i phyir/ lta ba gnyis su ltung ba'i sems can rnams kyi don du snying rje chen po bskyed nas ched du bsams nas srid pa nye bar len te/ tshangs pa gang 'di bdag med pa'i bzod pa rab tu thob pas sems can thams cad la snying rje chen po skyed de/ skye ba yongs su 'dzin pa 'di ni brtson 'grus rtsom pa'i mchog yin no// brtson 'grus brtsams pa bstan pa 'di bshad pa'i tshe/ byang chub sems dpa' stong phrag brgyad mi skye ba'i chos la bzod pa skyes par gyur te/ de dag thams cad kyang bcom ldan 'das kyis thams cad ming gcig tu de bzhin gshegs pa brtson 'grus brtan pa zhes bya bar sangs rgyas kyi zhing tha dad pa der byang chub mngon par rdzogs par 'tshang rgya bar 'gyur ro zhes lung bstan to/ / de nas 'khor der tshe dang ldan pa 'od srungs

  505. 253b

    chen po 'dus par 'gyur ba des bcom ldan 'das la 'di skad ces gsol to/ / bcom ldan 'das 'di lta ste/ dper na gang klu chen po de dag ni char 'bebs na rgya mtsho chen por 'bebs sa phyogs gzhan du ma lags so/ / bcom ldan 'das de bzhin du skyes bu dam pa klu chen po dang mtshungs pa 'di dag kyang chos kyi char 'di 'dra ba 'di skyes bu dam pa mtsho chen po rgyu mtsho lta bu 'di dag gis sems kyis rgyud la 'bebs te/ sems can gzhan dag la ni ma lags so// bcom ldan 'das kyis bka' stsal pa/ 'od srungs ji skad zer ba de bzhin yin mod kyi/ klu'i rgyal po chen po de dag la ni gang gi phyir 'dzam bu'i gling 'dir char pa mi 'bebs par 'gyur ba'i ser sna med do// de ci'i phyir zhe na/ 'dzam bu gling gis phyogs kyi char pa'i rgyun shing rta'i srog shing tsam de dag mi bzod do/ / 'od srungs gal te klu chen po de dag gis 'dzam bu'i gling 'dir char pa phab par gyur na/ des 'dzam bu'i gling 'dir grong dang grong khyer dang bcas/ ri dang / brag dang / ri bor bcas/ khor yug dang 'obs su bcas pa 'di lta ste/ rdza ma'i chus rgya shug gi lo ma bteg pa bzhin du bteg nas khyer bar 'gyur te/ de bas na klu chen po de dag 'dzam bu'i gling 'dir char pa mi 'bebs so// 'od srungs de bzhin du skyes bu dam pa 'di dag la ni gang gi phyir sems can de dag gzhan la chos kyi char pa chen po '

  506. 254a

    bebs par 'gyur ba'i chos kyi ser sna med mod kyi 'on kyang de dag chos 'di lta bu dag gi snod du ma gyur te/ de lta bas na skyes bu dam pa de dag rgya mtsho lta bu tha mchog dang ldan pa de dag la chos kyi char pa chen po 'bebs so/ / 'od srungs 'di lta ste/ dper na char pa'i rgyun shing rta'i srog shing tsam bab pa de dag gis kyang rgya mtsho chen po bri ba'ang med/ gang ba'ang med do// 'od srungs de bzhin du skyes bu dam pa de dag bskal pa brgyar chos nyan tam 'chad kyang chos gang yang bri ba 'am gang bar mi 'gyur ro// 'di lta ste/ dper na rgya mtsho chen po der gling chen po bzhi'i klung sna tshogs nas gang chu bab pa de dag thams cad 'di lta ste/ lan tshwa'i ror ro gcig par 'gyur ro// 'od srungs de bzhin du skyes bu dam pa de dag rnam grangs sna tshogs su chos bstan pa bshad pa dag thos ma thag tu 'di lta ste/ stong pa nyid kyi ror ro gcig tu mos par 'gyur ro// 'di lta ste/ dper na rgya mtsho chen po ni dag pa gtsang ba/ dri ma med pa/ gsal ba/ rnyog pa med pa yin te/ chu rnyog pa can mi 'dzin to// 'od srungs de bzhin du skyes bu dam pa de dag kyang dag pa/ gtsang ba/ dri ma med pa/ gsal ba ste/ gnod sems dang / zhe sdang dang / khro ba dang / khon du 'dzin pa'i tha ba thams cad mi 'dzin to// 'di lta ste/ dper na rgya mtsho chen po ni zab cing gting dpag dka' ba'o//

  507. 254b

    de bzhin du skyes bu dam pa de dag kyang chos kyi tshul zab mo la rab tu zhugs shing nyan thos dang rang sangs rgyas thams cad kyis gting dpag dka' 'o// 'di lta ste/ dper na rgya mtsho chen po ni chu tshad med cing rin po che'i tshogs dpag tu med do/ / 'od srungs de bzhin du skyes bu dam pa de dag kyang shes rab tshad med cing chos rin po che'i tshogs dpag tu med do// 'od srungs 'di lta ste/ dper na rgya mtsho chen po rin po che sna tshogs kyi dbyings so/ / 'od srungs de bzhin du skyes bu dam pa de dag kyang mngon par sgrub pa sna tshogs kyis chos rin po che tshad med pa'i dbyings so// 'od srungs 'di lta ste/ dper na rgya mtsho chen po'i nang nas rin po che kha cig rin thang yod pa dang / kha cig rin thang med pa dang / kha cig mching bu lta bu dang / rnam gsum byung ste/ 'od srungs de bzhin du skyes bu dam pa de dag sems can gyi dbang po ji lta ba bzhin du chos ston pa na'ang nyan thos kyi theg pa dang / rang sangs rgyas kyi theg pa dang / gang 'og ma theg pa chen po la sems kyi rgyud rnam par grol lo/ / 'od srungs 'di lta ste/ dper na rgya mtsho chen po sems can gcig gi ched du mi gnas so// 'od srungs de bzhin du skyes bu dam pa de dag kyang sems can gcig gi don du byang chub tu sems mi bskyed do/ / 'od srungs 'di lta ste/ dper na rgya mtsho chen po mthar gyis gzhol/ mthar gyis 'bab/ mthar gyis bab pa'o// 'od srungs de bzhin

  508. 255a

    du skyes bu dam pa de dag kyang thams cad mkhyen pa nyid la gzhol/ thams cad mkhyen pa nyid du 'bab/ thams cad mkhyen pa nyid du bab pa'o// 'od srungs 'di lta ste/ dper na rgya mtsho chen po ni shi ba'i ro dang lhan cig mi gnas so// 'od srungs de bzhin du skyes bu dam pa de dag kyang nyan thos dang rang sangs rgyas kyi sems dang lhan cig tu mi gnas so/ / ser sna dang / ngang tshul ngan pa'i sems dang / gnod sems dang / le lo'i sems dang / brjed ngas pa dang / 'chal pa'i shes rab kyi sems dang lhan cig mi gnas so/ / bdag dang / sems can dang / srog dang / gang zag dang / skyes bur lta ba dang lhan cig mi gnas so// 'od srungs 'di lta ste/ dper na bskal pas bsregs par gyur pa'i tshe/ klung dang / chu bran dang / chu mig dang / mtshe'u dang / rdzing bu dang / mtsho thams cad sngar skam par 'gyur te/ phyis rgya mtsho chen po zad cing skam par 'gyur ro// 'od srung de bzhin du dam pa'i chos nub par 'gyur ba'i tshe nyi tshe bar spyod pa la zhugs pa'i sems can thams cad kyi dam pa'i chos sngar nub par 'gyur te/ phyis skyes bu dam pa blo gros rgya mtsho lta bu sangs rgyas kyi theg pa yang dag par 'dzin pa de dag gi lag nas dam pa'i chos nub par 'gyur te/ yang 'od srungs skyes bu dam pa de dag ni srog kyang yongs su gtong bar byed kyi/ dam pa'i chos yongs su

  509. 255b

    gtong bar mi byed na/ 'od srungs skyes bu das pa deg bu dag gi la gnas dam da'i chos nu par 'gyur ba yod dam/ de dag kyi rnam pa'i chos rdun par gyur pa khyod kyis mi blta'o// srungs 'di lta ste/ dper na rgya mtsho chen po ni nor bu rin po che thams cad 'dus pa zhes bya ba rdo rje tshogs kyi nor bu rin po che chen po zhig yod de/ de nyi ma bdun shar nas/ tshangs pa'i 'jig rten gyi bar du 'od zer byung yang rin po che de tshig par mi 'gyur te/ gang 'jig rten gyi khams kyi bar gyi sangs rgyas kyi zhing gzhan dag na rgya mtsho chen po yod pa der nor bu rin po ni de der 'pho bar 'gyur/ te/ 'od srungs gang nor bu rin po che de rgya mtsho chen po gzhan du ma 'phos par 'jig rten gyi khams 'dir tshig par 'gyur ba de na gnas pa ma yin zhing go skabs med/ de ni gnas med do// 'od srungs de bzhin du skyes bu dam pa de lta bu de dag kyang dam pa'i chos yongs su zad par gyur te/ 'jig rten gnas par dam pa ma yin pa'i chos bdun byung ba'i tshe/ sangs rgyas kyi zhing gzhan du 'pho bar 'gyur ro/ / bdun gang zhe na/ 'di lta ste/ mu stegs can gyi gnas dang / sdig pa'i grogs pos yongs su zin pa dang / log pa'i sbyor ba dang / gcig la gcig 'tshe ba'i sbyor ba dang / lta bar gyur pa thibs po dang / dge ba'i rtsa ba 'joms par byed pa dang / ma thob cing mngon par ma rtogs pa ste/ dam pa ma yin pa'i chos

  510. 256a

    bdun po de dag 'jig rten gnas par byung ba de ni sems can rnams snod ma yin par shes nas skyes bu dam pa de dag sangs rgyas kyi zhing gzhan du 'pho bar 'gyur te/ sangs rgyas mthong ba dang / dam pa'i chos mnyan pa dang / sems can yongs su smin par bya ba dang / dge ba'i rtsa ba yongs su 'bab pa dang yang mi 'bral bar 'gyur ro// 'od srungs 'di lta ste/ dper na rgya mtsho chen po la rten cing sems can tshad med pa dang / gnas so// 'od srungs de bzhin du byang chub sems dpa' la rten cing sems can tshad med pa dag phun sum tshogs pa gsum la gnas so/ / gsum gang zhe na/ lha'i phun sum tshogs pa dang / mi'i phun sum tshogs pa dang / mya ngan las 'das pa'i phun sum tshogs pa'o// 'od srungs 'di lta ste/ rgya mtsho chen po ni sems can gzhan dag gis btung bar mi nus so// 'od srungs de bzhin du skyes bu dam pa de dag gis gang chos bstan pa de dag kyang pha rol gyi rgol ba rnams kyis btung bar mi nus so/ / 'od srungs 'di lta ste/ dper na rgya mtsho chen po'i nang na sems can gnas pa de dag ni chu gzhan mi tshol gyi/ de nyid la 'thung ngo / / 'od srungs de bzhin du skyes bu dam pa de dag kyang gzhan gyi ngor lta bas chos kyi ro mi 'thung gi/ rang byung gi ye shes kyi chos kyi ro 'thung ngo // de nas gnas brtan 'od srungs

  511. 256b

    chen pos/ bcom ldan 'das la 'di skad ces gsol to// bcom ldan 'das stong gsum gyi stong chen po'i 'jig rten gyi khams kyi rgya mtsho chen po'i gting ngam tshad gzung bar ni nus kyi nyan thos dang / rang sangs rgyas dang / lha dang bcas pa'i 'jig rten gyi skyes bu dam pa de dag gi gting ngam tshad gzung bar ni mi nus te/ de bas na skyes bu dam pa de dag sems nam mkha' dang mtshungs zhes bgyi'o/ / bcom ldan 'das kyis bka' stsal pa/ 'od srungs stong gsum gyi stong chen po'i 'jig rten gyi khams gang+gA'i klung gi bye ma snyed kyi rgya mtsho chen po rnams kyi gting ngam tshad gzung bar nus kyi/ nyan thos dang / rang sangs rgyas dang / lha dang bcas pa'i 'jig rten gyis skyes bu dam pa blo gros mchog rgya mtsho lta bu dang ldan pa de dag gi gting ngan tshad gzung bar ni mi nus so/ / de nas de'i tshe bcom ldan 'das kyis tshigs su bcad pa 'di dag gsungs so// ji ltar chog mi shes par chu chen gter// 'bab chu thams cad kun gyi chu tshol ba/ / de bzhin de rnams 'di la chos tshol kyang // rtag par chos kyis chog par 'gyur ba med// ji ltar ji snyed chu mang rab bsdus kyang // 'di la rgya mtsho 'gribs shing gang gyur med/ / dam pa'i chos thos nas kyang chos kyi dbyings// shin tu 'phel zhing 'grib par mthong ba med// ji ltar dri med rgya mtsho chu sdud kyang // rnyog pa can gyi 'bab chu der

  512. 257a

    mi 'bab/ / de bzhin thub mkhas spyad pa spyod pa yang // de dag rnam dag nyon mongs mi sdud do// ji ltar rgya mtsho chen po lus chung bas// zad cing gting yas pas na mi dpog pa/ / de bzhin yon tan rgya mtsho'i ye shes kyang // pha rol rgol ba rnams kyis dpag mi nus// ji ltar rgya mtshor 'bab pa'i 'bab chu rnams// rnam pa sna tshogs dag kyang ro gcig 'gyur/ / de bzhin rnam pa sna tshogs chos thos nas// de dag rnam par grol bar ro gcig 'gyur// ji ltar chu 'dzin rgya mtsho chen po ni// skye bo gcig gi don phyir mi gnas te// de bzhin byang chub tu yang zhugs pa dag/ de dag 'gro ba kun la phan phyir zhugs// ji ltar rgya mtsho rin chen dbyings yin zhing // de la gnas nas nor bu rin chen 'byung // de bzhin rin chen 'byung gnas sems can mchog/ de dag las ni rin chen gsum 'dir 'byung // ji ltar rnam par mi rtog rgya mtshon// rtag par rin chen rnam pa gsum 'byung ste// de bzhin de dag chos rnams ston pa yang / / theg pa gsum gyis sems can dag par 'gyur// ji ltar 'bab pa dang ni 'gram nyid nas// rgya mtsho chen po mthar gyis gzhol ba ltar// de bzhin sems can mchog rnams kun mkhyen gzhol/ / sems can rab tu 'grol phyir rtag tu brtson// ji ltar rgya mtsho dang mi gnas te// de dag gi ni ma 'dres chos 'di yin// de bzhin byang chub

  513. 257b

    mchog la zhugs pa yang / / dman pa'i theg pa dang ni gnas mi byed// ji ltar rgya mtsho las byung rin chen ni// rin chen sdud ces bya ba sra bsngags pa// sreg pa'i bskal pa byung yang mi tshig ste/ / de yang 'jig rten 'jig tshe gzhan du 'gro// de bzhin dri ma med pa'i chos 'jig tshe// brtson 'grus mchog ldan de dag 'bad cing 'dzin// snod min 'jig rten chos min 'dod rig nas/ / mkhas pa rgyal ba gzhan gyi drung du 'gro// nam zhig bsregs pa'i bskal pa byung gyur te// nu mig mtsho dang lteng ka skam par 'gyur// rgya mtsho 'di ni phyi nas skam par 'gyur/ / stong gsum chen po 'di yang rab tu 'jig/ nyi tshe'i spyod la nye bar gnas pa yi// 'di la mchog tu bya ba'i chos nub pa// de tshe 'dir ni sems can mchog chos 'di// / lus dang srog kyang bor nas srung bar byed// bde gshegs 'das na'ang rtag par bag byed pas// de dag rnams la chos 'di mi 'jig go// de ltar de rnams bsam pa'ang rnam par dag/ chos la gnas shing spyod pa rtag par spyod// ji ltar rgya mtsho sems can tshad med gnas// sems can gcig gi don du mi 'dug pa// de bzhin 'jig rten thams cad rnam sgrol phyir/ / grags pa chen po 'di dag rab tu 'jug/ 'jig rten khams 'di rgya mtsho ji snyed pa// ma lus par ni tshad rnams shes rung yang // rgyal ba de dag kun gyi spyod

  514. 258a

    pa ni/ / dgra bcom rang rgyal dag gis shes mi nus// ma lus phyogs kyi nam mkha'i dbyings rnams kyang // mchog rnams kyis ni tshad gzung nus srid kyi// nam mkha' bas kyang lhag pa de dag gi// ye shes tshad ni nams kyang gzung mi nus// byang chub sems dpa' brtson 'grus brtul brtan zhing // gang dag 'jig rten ma lus dgrol ba'i phyir/ / rgya che yangs pa'i sems rab gzhol byas pas// 'od srungs de dang mtshungs med ga la lhag/ de dag rin chen 'byung gnas rgya mtsho 'dra// de dag bsod nams yin la bsod nams zhing / / de dag dpyad pa'i rgyal po sman pa'i mchog/ sems can yun ring na ba thar par byed// de dag gnas yin skyabs dang dpung gnyen te// skyob pa sgron ma de bzhin 'od byed pa/ / skye bo mdongs pa rnams kyi mig skyed pa// de thob pas ni de dag bdud rtsi 'thob// de dang de dag chos kyi rgyal mchog 'bar// de rnams brgya byin don mang sems pa ste/ / tshangs pa bsam gtan bzhi la gnas pa yin// de dag tshangs pa'i chos kyi 'khor lo bskor// de dag ded dpon mkhas pa 'dren pa ste// log pa'i lam du gnas la lam ston pa/ / de dang de dag bdud 'jom dpa' bo ste// sems can dam pa byang chub snying por gnas// de dag chos dkar tshad med zla ba bzhin// de dag 'od zer mngon 'phags nyi ma 'dra//

  515. 258b

    sprin lta bu yang tshad med blo grogs shing // 'jig rten gsum du bdud rtsi'i char pa 'bebs// de dag seng ge lta bur 'jigs skyon med// glang po che ltar shin tu dul ba'i sems// dag ri rab ri bo 'dra mtshungs te// de dag pha rol rgol bas mi thub bo// de dag rnam par dang ba chu bzhin te// rtag tu bsnyen par dka' ba me dang 'dra// de dag rlung ltar rtag tu chags med cing / / sa dang 'dra bar tha ba rab tu spangs// gnod sems nga rgyal tha ba phrag dog bral// de dag rtswa 'am shing ltar rtog pa med// 'jig rten chos rnams brgyad pos mgos shing // dag tshul khrims rnam dag pad+ma bzhin// de dag u dum wa ra'i me tog ltar// dge zhing bskal pa bya bar sgra thos dka'// de dag rkang gnyis gtso la byas pa gzo// de dag sangs rgyas// rigs la gnas par brtson// de dag snying rje che zhing brtul zhugs brtan// byams la gnas dang dga' la mngon par 'phags// 'dod pa'i yon tan lnga la btang snyoms shing // rtag tu rgyal ba dag gi nor rnams tshol// de dang de dag sbyin pas khyad par song // ye shes tshul khrims la yang rab tu gnas// de dag bzod pa'i stobs kyis gcig tu dpa'// brtson 'grus 'phags shing rtag tu mthu dang ldan/ / de dag bsam gtan mngon par shes la mkhas// de dag tshad med zhing du 'phrul gyis 'gro// thub pa dam mchog la yang chos nyan cing //

  516. 259a

    ji ltar thos pa dag kyang ston par byed// ji ltar 'di mos rnam par 'grol ba yang // skye bo dag gi spyod pa de dag shes// ji ltar mos pa mkhas shing rtogs pa ste/ nan tan snying por byed cing mu stegs thob// 'di rnams tshogs pa las ni 'di skye zhes// de dang de dag chos kun rab tu shes// de dag rkyen la mkhas shing rtogs pa ste// mtha' gnyis lta ba spangs shing mnyam la dga'/ / chos 'di gang nas 'ongs shing gar 'gro zhes// de dag chos la tshul bzhin rnam par lta// chos kun 'ongs pa ma yin byung ba min// gnas pa chos nyid mtshungs par rab tu shes/ / ji lta ji ltar 'dus byas rdzun du mthong // de lta de ltar snying rje can du 'gyur// mi bde nyon mongs skye bo sdug bsngal te// de dag thar par bya phyir spyad pa spyod// nga dang nga yi zhes ni rnam brtags nas/ / byis pa mi mnyam pa la brtson pas spyod// chos de yang dag ma yin shes nas ni// lta ba spangs pa'i phyir ni chos pa spyod// bdag med bdag tu mi sdug sdug par te/ / sdug bsngal bde bar mi rtag rtag par yang // sems log so so'i skye bo rnams la ni// 'khor ba'i sngon gyi mtha' yang yod ma yin// de dag log pa'i sbyor/ ba de shes nas// 'di la sems can ming dang gang zag med// gang la bdag sdug rtag bde med pa yi// yang dag sbyor ba la yang rnam par sgom// 'od srungs de yi yon tan

  517. 259b

    'di brjod pa/ / sa yi rdul phran ji bzhin phyogs tsam ste// byang chub sems dpa' yongs dag spyod yul gang // de dag ye shes bsngags pa mtha' yas so// stong gsum 'jig rten mchod pa ci yod pa/ / kun gyis byang chub sems dpa' de la mchod// de las lhag par yang ni mchod 'os te// rgyal ba'i thugs sras dag ni phyir mi ldog/ gang rnams sangs rgyas 'gyur bar brtson ldan pa/ / de dag gis ni nga dang ma byon dang // gang yang mya ngan las 'das pa'i rgyal ba dang // ma lus phyogs bzhugs rim gro byas pa dang // de nas tshangs pa khyad par sems kyis ni/ 'jam dpal gzhon nur gyur pa la 'di skad ces smras so// 'jam dpal ci nas chos kyi rnam grangs 'di de bzhin gshegs pa'i byin gyi rlabs kyis phyi ma'i tshe dus lnga brgya pa tha ma la rab tu spyod pa dang / rgyas par 'gyur bar de bzhin gshegs pa dgra bcom pa yang dag par rdzogs pa'i sangs rgyas la gsol ba thob cig/ de skad ces smras pa dang / 'jam dpal gzhon nur gyur pas/ tshangs pa khyad par sems la 'di skad ces smras so// tshangs pa de ji snyam du sems/ chos kyi rnam grangs 'di la chos gang de bzhin gshegs pas byin gyis brlab par bya ba'i chos gang yang de bzhin gshegs pas yongs su bstan tam/ smras pa/ 'jam dpal de ni ma yin no// 'jam dpal gyis smras pa/ tshangs

  518. 260a

    pa de lta bas na 'di la brjod pa med pas na/ chos thams cad byin gyis ma brlabs pa ste/ de ni nub par mi 'gyur zhing bsrung bar bya ba ma yin no// tshangs pa gang chos gang la'ang byin gyis brlab par 'dod pa de ni nam mkha' byin gyis brlabs par 'dod do// tshangs pa byang chub sems dpa' gang chos gang yang khas len na de ni chos smra ba ma yin no/ / de ci'i phyir zhe na/ byang chub sems dpa' smra ba thams cad las phyir ldog pa ni rtsod pa med pa lhur byed pa yin no// tshangs pa byang chub sems dpa' gang dag 'di snyam du 'khor 'dir chos 'di ston to snyam du sems na/ de dag la chos thos pa med do// de ci'i phyir zhe na/ thos pa med pa ni chos thos pa'o// smras pa/ 'jam dpal thos pa med pa ni chos thos pa'o/ / zhes bya ba ci las bsams te de skad zer/ smras pa/ tshangs pa mig dang / rna ba dang / sna dang / lce dang / lus dang / yid kyis thos pa med pa ni chos thos pa ste/ gang skye mched de dag nas gzugs dang / sgra dang / dri dang / ro dang / reg dang / chos la mi 'dzag pa de dag ni chos thos pa'o// de nas 'khor de nas lha'i bu stong phrag sum cu rtsa gnyis dang / dge slong stong phrag lnga dang / dge slong ma sum brgya dang / dge bsnyen brgyad brgya dang / dge bsnyen ma brgyad brgya de dag thams cad kyis 'jam dpal gyis bstan pa 'di thos nas mi skye

  519. 260b

    pa'i chos la bzod pa rab tu thob ste/ tshig kyang 'di skad du 'jam dpal de de bzhin no// ji skad smras pa de bzhin te/ thos pa med pa ni chos thos pa'o zhes 'dzer to// de nas tshang pa khyad par sems kyis/ bzod pa rab tu thob pa'i byang chub sems de dag la 'di skad ces smras so// khyed kyis chos kyi rnam grangs 'di thos sam/ smras pa/ tshangs pa thos pa med pa'i tshul gyis thos so/ / smras pa/ khyed kyis chos kyi rnam grangs 'di ji lta bur shes/ smras pa/ ji ltar shes pa med pa dang / rnam par shes pa med pa de ltar ro// smras pa/ khyed kyis chos gang rab tu thob pas bzod pa rab tu thob par 'gyur/ smras pa/ chos thams cad rab tu thob pa med pa'i phyir ro// smras pa/ chos kyi rnam grangs 'di ji ltar rtogs par bya/ smras pa/ rtogs par bya ba med pa'i tshul gyis so// smras pa/ chos bstan pa 'di khyed kyis mngon sum yin nam/ smras pa/ tshangs pa chos thams cad bdag dang gzhan med pa'i phyir mngon sum yin no// denas 'khor de nyid du lha'i bu dri ma med pa'i rtog ces bya ba 'dus par gyur pa des tshangs pa khyad par sems la 'di skad ces smras so// tshangs pa gang chos kyi rnam grangs 'di las chung dun nyan par 'gyur ba de dag gal te de bzhin gshegs pas lung ma bstan kyang kho bos de dag bla na med pa yang dag par rdzogs pa'i byang chub tu lung bstan to/ / de ci'i phyir zhe na

  520. 261a

    tshangs pa chos kyi rnam grangs 'di ni 'bras bu dang sa bon chung mi gzon pa'o/ / 'phags pa yang dag par zhugs pa thams cad kyis yongs su gzung ba'o// dge ba'i rtsa ba thams cad yang dag par skyed pa'o/ / bdud dang phyir rgol ba tshar gcod pa'o// bar du gcod pa thams cad dang bral ba'o// dang bskyed par byed pa'o// dad pa dang ldan pa rnams dga' zhing mgu bar byed pa'o/ / sangs rgyas thams cad kyis shin tu yongs su gzung ba'o// chos kyi rnam grangs 'di ni lha dang bcas pa'i 'jig rten gyis legs par bsrungs pa'o/ / chos kyi rnam grangs 'di ni gcig tu nges pa ste phyir mi ldog pa'o// chos kyi rnam grangs 'di ni byang chub kyi snying po la mi slu ba'o// chos kyi rnam grangs 'di ni sangs rgyas kyi chos rnams kyi bden pa'i 'byung gnas so/ / chos kyi rnam grangs 'di ni chos kyi 'khor lo skor ba'o// chos kyi rnam grangs 'di ni 'gyod pa'i rnams sel bar byed pa'o// chos kyi rnam grangs 'di ni 'phags pa'i lam rnam par sbyong ba'o/ / chos kyi rnam grangs 'di ni thar par 'dod pa rnams kyis legs par thos pa'o// chos kyi rnams grangs 'di ni gzungs 'dod pa rnams kyis legs par gzung ba'o/ / chos kyi rnam grangs 'di ni bsod nams 'dod pa rnams kyis legs par rab tu bstan pa'o// chos kyi rnam grangs 'di ni chos

  521. 261b

    'dod pa rnams kyis legs par srung ba'o/ / chos kyi rnam grangs 'di ni mya ngan las 'das par 'gro ba'i phyir grangs med pa'o// chos kyi rnam grangs 'di ni pha rol rgol ba dmigs pa can gyis mi 'phrogs pa'o/ / chos kyi rnam grangs 'di ni sbyin par 'os pa rnams dang 'thun pa'o// chos kyi rnam grangs 'di ni mkhas pa rnams dga' bar byed pa'o// chos kyi rnam grangs 'di ni lta ba ngan pa dang bral bas shes rab skyed pa'o// chos kyi rnam grangs 'di ni gti mug 'joms par byed pas ye shes skyed pa'o// chos kyis rnam grangs 'di ni yi ge'i tshig nges pa'i shin tu nges pa'i tshig go/ / chos kyi rnam grangs 'di ni 'bru 'brel bas legs par bstan pa'o// chos kyi rnam grangs 'di ni don dam pa yang dag par ston pas don yang dag par skyed pa'o/ / chos kyi rnam grangs 'di ni chos brjod pa rnams kyis yongs su ma btang ba'o// chos kyi rnam grangs 'di ni shes pa dang ldan pa rnams kyis ma bor ba'o/ / chos kyi rnam grangs 'di ni nor 'dod pa rnams kyis gter ro// chos kyi rnam grangs 'di ni kun tu gdungs pa rnams yongs su gdung ba med par byed pa'o// chos kyi rnam grangs 'di ni byams pa la gnas pa rnams kyis mnyam pa nyid skyed pa'o/ / chos kyi rnam grangs 'di ni le lo can rnams kyi brtson 'grus spyad pa'o// chos kyi rnam grangs 'di ni brjed

  522. 262a

    nges pa rnams kyis bsam gtan skyed pa'o/ / chos kyi rnam grangs 'di ni shes rab 'chal pa rnams la snang bar byed pa'o// tshangs pa chos kyi rnam grangs 'di la ni sangs rgyas kyi chos thams cad shin tu legs par gnas so/ / de nas lha'i bu des chos kyi rnam grangs 'di'i bsngags pa bstan pa na/ stong gsum gyi stong chen po'i 'jig rten gyi khams 'di rnam pa drug tu g.yos so/ / bcom ldan 'das kyis kyang lha'i bu la legs so zhes bya ba byin no// de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das lha'i bu 'dis sngon gyi yang dag par rdzogs pa'i sangs rgyas dag las chos kyi rnam grangs sngon thos sam/ bcom ldan 'das kyis bka' stsal pa/ tshangs pa lha'i bu 'dis sangs rgyas bye ba khrag khrig phrag drug cu rtsa bzhi las chos kyi rnam grangs 'di thos te/ tshangs pa lha'i bu dri ma med pa'i tog 'di bskal pa brgya stong phrag bzhi bcu rtsa gnyis na/ 'jig rten gyi khams rin chen ldan du de bzhin gshegs pa rin po che bkod pa zhes bya bar 'jig rten du 'byung bar 'gyur ro/ / gang yang de'i bar du sangs rgyas 'byung ba de dag thams cad la'ang mnyes par byed par 'gyur/ bkur stir byed par 'gyur te/ sangs rgyas bcom ldan 'das de dag las chos kyi rnam grangs 'di'ang thos par 'gyur ro// tshangs pa dge slong dang / dge slong ma dang

  523. 262b

    dge bsnyen dang / dge bsnyen ma dang / lha dang / klu dang / gnod sbyin dang / dri za gang dag gis chos kyi rnam grangs 'di la bzod pa rab tu thob pa de dag thams cad de bzhin gshes pa rin po che bkod pa'i sangs rgyas kyi zhing 'jig rten gyi khams rin chen ldan du skye bar 'gyur ro/ / de nas bcom ldan 'das la/ lha'i bu dri ma med pa'i tog gis 'di skad ces gsol to// bcom ldan 'das gang bdag ni byang chub mi 'tshal/ mi smon/ mngon par mi dge'/ mngon par ma chags/ mi dmigs/ mi sems/ mi rtog/ rnam par mi rtog na/ ci'i slad du bcom ldan 'das kyis bdag la lung bstan/ bcom ldan 'das kyis bka' stsal pa/ lha'i bu 'di ltar skyes bu la la zhig gis rtswa dang / shing dang / yal ga dang / lo ma dang / 'dab ma dag mer bcug nas 'di skad du rtswa dang / shing dang / yal ga dang / lo ma dang / 'dab ma dag ma tshig cig ces smras na/ de de'i dbang gis mi 'tshig pa ma yin no// lha'i bu de bzhin du 'di ltar byang chub sems dpa byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ rnam par mi rtog kyang sangs rgyas thams cad lung ston te/ lha'i bu 'on kyang byang chub sems dpa' gang byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ rnam par mi rtog pa de la de bzhin gshegs pa rnams lung ston to//

  524. 263a

    de nas 'khor der lha'i bu lnga brgya tsam gyis/ bcom ldan 'das la 'di skad ces gsol to// bcom ldan 'das bdag cag kyang byang chub la mngon par mi dga'/ mngon par ma chags/ mi dmigs/ mi 'tshal/ mi smon/ mi rtog/ rnam par mi rtog na/ ci'i slad du bcom ldan 'das kyis bdag cag bla na med pa yang dag par rdzogs pa'i byang chub tu lung mi bstan to// de nas sangs rgyas kyi mthus steng gi babar snang la sangs rgyas stong phrag brgyad cu rtsa bzhi mthong ste/ de bzhin gshegs pa de dag gis de dag bla na med pa yang dag par rdzogs pa'i byang chub tu lung bstan to// de nas bcom ldan 'das la// lha'i bu de dag gis 'di skad ces gsol to/ / bcom ldan 'das de bzhin gshegs pas 'di skad du byang chub sems dpa' gang byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems// mi rtog/ rnam par mi rtog pa de byang chub tu lung bstan par 'gyur ro zhes legs par gsungs pa de ni ngo mtshar te/ bcom ldan 'das bdag cag gis steng gi phyogs na/ sangs rgyas stong phrag brgyad cu rtsa bzhi mthong ste/ de bzhin gshegs pa de dag thams cad bdag cag la bla na med pa yang dag par rdzogs pa'i byang chub tu lung ston to// de nas 'jam dpal gzhon nur gyur pas/ bcom ldan 'das la 'di skad ces gsol to/ / bcom ldan 'das gang slad ma'i dus lnga brgya pa tha ma la 'dzam bu'i gling 'dir chos kyi rnam grangs 'di rab tu spod pa dang / yun ring du gnas par 'gyur ba dang / rigs kyi bu dang / rigs

  525. 263b

    kyi bu mo gang dag go cha chen po bgos pa dag gi rna lam du gda' bar 'gyur ba dang / rigs kyi bu dang / rigs kyi bu mo de dag bdud kyi las skyes shing byung ba rnams kyi dbang du mi mchi ba dang / de dag la bdud dam/ bdud kyi ris kyi lha dag gis glags rnyed par mi 'gyur ba dang / chos kyi rnam grangs 'di yongs su gzung zhing go cha chen po bgos te/ bla na med pa yang dag par rdzogs pa'i byang chub yongs su mi nyams par byin gyis brlab par gsol/ bcom ldan 'das kyis bka' stsal pa/ 'jam dpal de bas na chos kyi rnam grangs 'di byin gyis brlab pa dang / yun ring du gnas pa bya ba'i phyir/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / grul bum 'bebs pa zhes bya ba'i rig pa dang / sngags kyi tshig 'di bshad kyis nyon cig/ rig pa dang sngags kyi tshig de bcangs pas rigs kyi bu 'am/ rigs kyi bu mo chos smra ba de lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / grul bum rnams kyis yongs su bsrung ba rab tu thob ste/ rigs kyi bu 'am/ rigs kyi bu mo de dag lam mam/ lam log par song ngam/ gtsug lag khang du song ngam/ gnas khang du song ngam/ 'chag pa la zhugs sam/ 'khor gyi nang du song yang rung ste/ srung bar byed do// spobs pa skyed par byed/ dran pa dang / blo gros dang /

  526. 264a

    rtogs pa'i stobs bskyed pa nye bar sbyor te/ de la pha rol gyi rgol ba'am/ phas kyi dgra grags tshol ba dag gis glags kyang rnyed par mi 'gyur ro// de dran zhing shes bzhin/ du ldang bar 'gyur/ 'chag par 'gyur/ 'dug par 'gyur/ nyal bar 'gyur ro// 'jam dpal de la rig pa dang sngags kyi tshig de dag gang zhe na/ 'di lta ste/ ud d+hu re d+hu d+hu re/ man+da taTe/ nr-i ti go Tu re shi la li/ hi li mi le/ thi la thi mi li/ hu lu hu lu hu lu/ e bad She/ be ta te/ kha kha re/ tha re/ kha ra ke/ A sAn ne/ gti ma hi le/ mA na sha ta ne mA na se bar gan d+he/ sarba ru Ne ra bA ba ga te/ sin d+hu le na mo bud d+he b+hA/ tsA ring tra/ na mo d+harmA ya/ narga ta ni/ na maHsa g+hA ya/ bA hi ta pA pe/ byA pa shAn tA ni/ sarba pA pA ne mai tri me/ sarba b+hu te bya/ sad t+ya ni rde sho brah+ma ba tho/ ma / hA ri Shi b+hi/ pra shasta/ tad tra tiSh+ThAn te sarba b+hu ta gra ha/ na maHsarba bud d+he b+h+yaH/ sid d+hun tu me man tra pa dA swA hA/ 'jam dpal rig pa dang sngags kyi tshig 'di byang chub sems dpa' gang dag chos kyi rnam grangs 'di la brtson pa/ rtag tu shes bzhin dang ldan pa/ mi rgod pa/ khengs pa med pa/ sems mi g.yengs pa/ kun tu spyod pa gtsang ba/ sogs pa dang bral ba/ chog shes pa/ bas mtha'i gnas mal la mngon par dga' ba/ 'du 'dzi nyung ba/ lus dang sems dben pa/ byams pa dang snying rje la mngon par dga' ba/ chos la dga' zhing mos pa/ bden pa'i tshig la rab tu

  527. 264b

    / gnas pa/ mi slu ba/ nang du yang dag 'jog la mngon par dga' ba/ tshul bzhin yid la byed pa la brtson pa/ tshul bzhin ma yin pa yid la byed pa dang bral ba/ sbyangs pa'i yon tan dang yo byad bsnyungs pa la mngon par dga' ba/ rnyed pa dang ma rnyed pa la sems mnyam pa/ mya ngan las 'das pa la mngon du phyogs pa/ 'khor bas 'jigs shing skrag pa/ sdug pa dang mi sdug pa la sems mnyam pa/ 'du shes sna tshogs dang bral ba/ lus dang srog 'dor ba dngos po thams cad la mi blta ba/ spyod pa dang cho ga phun sum tshogs pa/ tshul khrims dang sdom pa la mngon par dga' ba/ bzod pa dang nges pa mang ba/ ngan du zer ba bzod pa'i rang bzhin can/ brtson 'grus brtsams pa/ sems can thams cad kyi bya ba ci yod ces bya ba la brtson pa/ bzhin 'dzum pa khro gnyer dang bral ba/ gsong por smra ba/ nga rgyal bcom pa// des pa/ 'grogs na bde ba/ de lta bu'i spyod pa la rab tu gnas pa'i rigs kyi bu 'am/ rigs kyi bu mos 'jam dpal sngags kyi tshig 'di rab tu gdon par bya'o/ / 'jam dpal de ltar na chos smra ba de tshe 'di nyid la stobs skyed pa bcu rab tu 'thob bo// bcu gang zhe na/ mi brjed pa'i chos nyid pas dran pa'i stobs skyed pa dang / chos rab tu 'byed pa la mkhas pas blo gros kyi stobs skyed pa dang / mdo sde'i tshul khong du chud pas rtogs pa'i stobs skyed pa dang sdom pa dang spod pa mi gtong bas dang pa'i stobs skyed pa dang / bdag dang gzhan

  528. 265a

    srung bas ngo tsha shes shing khrel yod pa'i stobs skyed pa dang / shes rab yongs su rdzogs pas thos pa'i stobs skyed pa dang / thos pa thams cad yongs su 'dzin pas gzungs kyi stobs skyed pa dang / sangs rgyas kyi byin gyi rlabs kyis yongs su bzung bas spobs pa'i stobs skyed pa dang / mngon par shes pa lnga rab tu thob pas zab mo'i stobs skyed pa dang / myur du thams cad mkhyen pa'i ye shes yongs su rdzogs pas mi skye ba'i chos la bzod pa skyed pa ste/ 'jam dpal spyod pa la zhugs pa'i chos smra ba gang rig pa dang / sngags kyi tshig 'di rab tu 'don pa de ni stobs skyed pa de ba rab tu thob par 'gyur ro/ / rig pa dang sngags kyi tshig bstan pa 'di bcom ldan 'das kyis bshad pa'i tshe/ rgyal po chen po bzhi skrag cing ba spu langs par gyur te/ g.yog brgya stong phrag du ma dang / bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ thal mo sbyar nas/ bcom ldan 'das la 'di skad ces gsol to// bcom ldan 'das bdag cag rgyal po chen po bzhi po 'di dag ni rgyun du zhugs pa/ / de bzhin gshegs pa'i bka' sgrub par bgyid pa ste/ gnyen bshes dang bcas/ 'khor dang bcas pas rigs kyi bu dang / rigs kyi bu mo chos smra ba dang / chos ston pa dang / mdo sde 'di lta bu 'chang ba dang / klog pa de dag le bcom ldan 'das bdag cag rgyal po chen po bzhis bsrung ba dang / bskyab pa dang / sba bar bgyi'o//

  529. 265b

    de dag grong ngam/ grong khyer ram/ ljongs sam/ ljongs kyi phyogs gang na gnas kyang rung / khyim pa 'am/ rab tu byung ba'ang rung ste/ bcom ldan 'das bdag cag rgyal po bzhi stobs dang bcas/ 'khor dang bcas pas/ rigs kyi bu 'am/ rigs kyi bu mo de dag gi rim gro bgyi bar bdag cag spro'o// bsrung ba dang / bskyab pa dang / spro ba dang / spobs pa dang / gzhan gyis gnod par mi bgyi zhing mi gtse bar bgyi ba'i slad du bdag cag spro'o/ / bcom ldan 'das sa phyogs gang na chos kyi rnam grangs 'di rab tu spyod par 'gyur ba'i sa phyogs der dpag tshad brgya khor khor yug tu lha 'am/ klu 'am/ gnod sbyin nam/ grul bum gyis glags mi rnyed do// de nas rgyal po chen po 'phags skyes pos tshigs su bcad pa 'di skad ces gsol to// bdag la bu dang gnyen bshes dang / / bran dang 'khor rnams ci mchis pa// de dang bdag cag grogs bcas pas// bdag po de dag rim gro bgyid// de nas rgyal po chen po mig mi bzang gis tshigs su bcad pa 'di skad ces gsol to/ / bdag ni chos kyi rgyal po'i sras// chos las skyes pa chos kyi sprul// khyod kyi sras gang byang chub tu// zhugs pa de dag rim gro bgyid// de nas rgyal po chen po yul 'khor srung gis tshigs su bcad pa 'di skad ces gsol to/ / sangs rgyas gsungs pa'i mdo sde 'di// gang dag 'dzin par 'gyur ba rnams// de dag phyogs bcu rnams su yang/

  530. 266a

    bdag gis kun tu bsrung bar bgyi// de nas rgyal po chen po rnam thos kyi bus tshigs su bcad pa 'di skad ces gsol to// gang dag byang chub phyir brtson pa// de la ci 'dra 'os pa yi/ / de 'dra'i mchod pa bgyid par ni// sems can kun gyis mi nus so// de nas bcom ldan 'das la/ rgyal po chen po rnam thos kyi bu bden pa'i zla ba zhes bya ba des rin po che sna bdun las byas pa'i gdugs gsol nas/ tshigs su bcad pa 'di skad ces gsol to// de bzhin gshegs las bdag nyid kyis// chos kyi rnam grangs gzung bar bgyi// pha rol la yang bstan par bgyi// bdag gi bsam pa de 'dra'o// bcom ldan 'das kyis bdag sems dang // sngon gyi spyad pa ci 'dra mkhyen// ji ltar bdag gis sems 'dud pa// bdag ni 'jig rten rnam 'dren 'gyur// sangs rgyas dpag med skyob pa la/ / bdag gis gdugs 'di phul ba yis// bdag ni thub po khyod 'dra bar// spyi gtsug pa ltar yang mi gdar 'gyur// sangs rgyas skyes bu dam pa yang // bdag gis byams pas bltas pa yis/ / yongs su dag pa'i mig thob ste// rgyal ba ma pham blta bar bgyi// ye shes pha rol phyin pa yi// ston pas de nas lung bstan te// khyod ni 'di nas phyi dus na// dga' ldan du yang skye bar 'gyur/ / dga' ldan nas ni shi 'phos nas// rgyal ba byams pa mthong bar 'gyur// bskal pa stong phrag nyi shur ni// mchod pa byas nas 'byung bar 'gyur// khyod ni rab tu byung nas

  531. 266b

    kyang / / tshangs par spyod pa rab spyad de// bskal pa bzang 'dir gang byung ba// bdag po de dag mthong bar 'gyur// thams cad la yang mchod byas te// tshangs par spyod pa spyad nas ni// bskal pa bye ba drug cu na/ / de nas khyod ni sangs rgyas 'gyur// sangs rgyas zhing ni legs brgyan pa// rin chen gdugs zhes bya bar ni// byang chub sems dpa' sha stag la// khyod ni chos rnams ston par 'gyur/ / tshe yi tshad ni bskal par 'gyur// sems can rnams la phan pa'i phyir// mya ngan las 'das pa'i dam chos kyang // ma 'dres bskal pa phyed du gnas// de nas bcom ldan 'das la// lci'i dbang po brgya byin gyis g.yog brgya stong phrag du ma dang bcas pas 'di skad ces gsol to// bcom ldan 'das bdag gis kyang chos smra ba mdo sde 'di 'chang ba de dag bsrung ba dang / yongs su gzung bar bgyi'o/ / bsnyen bkur dang rim gror yang bgyi'o// gang na chos kyi rnam grangs 'di yi ger 'dri ba 'am// klog pa der ci nas kyang chos smra ba de'i stobs dang / mthu dang / chos kyi mtshams sbyor ba spobs par 'gyur bar bdag 'khor dang bcas te chos nyan du mchi'o/ / de nas lha'i dbang po brgya byin gyi bu sbed byed ces bya ba des// do shal rin po che thams cad kyis spras pa de/ bzhin gshogs pa la phul nas tshogs su bcad pa 'di dag gsol to// thub pa bdag 'dir mngon sum ste// ji ltar khyod kyis sngon spyad pa// de bzhin bdag kyang sangs rgyas kyi//

  532. 267a

    shes tshol bar bsgrub par bgyi// khyod kyis sngan chad ma stsal bar// yongs su ma btang ci ma mchis// bdog pa thams cad gtong ba yi// bdag kyang rjes su bslas par bgyi/ / khyod kyis mdo sde 'di yang ni// 'jig rten mgon las mngon du blangs// yang dang yang du bshad par bgyi// bdag po khyed la bgyis pagazo// mdo sde 'di la su dga' ba// de dag bdag gi ston pa 'dra/ / bdag ni sangs rgyas chos 'tshal bas// de la rtag tu rim gro bgyid// dam pa'i chos rnams yongs srung ba// mgon po nyan thos mi nus te// phyi dus 'jigs pa chen po'i tshe/ / bdag gis yongs su bsrung bar bgyi// mgon po bdag kyang dbugs dbyung gsol// lha rnams the tsom gcad du gsol// thub pa khyu mchog khyod 'dra ba// ji srid yun gyis 'grub par 'gyur/ / kun mkhyen ye shes mkhas pa yi// bde bar gshegs pas de lung bstan// nga ni ci 'dra de 'dra bar// khyod kyang rdzogs pa'i sangs rgyas 'gyur// bskal pa bye ba phrag stong dang / / bskal pa bye ba brgya yi tshe// 'jig rten du ni sangs rgyas 'gyur// ming ni ye shes 'byung zhes bya// byang chub zhi pa thob nas kyang // bdud rnams rab tu btul nas ni// sems can bye ba phrag stong rnams/ / byang chub la yang 'god par 'gyur// de nas mi mjed kyi bdag po tshangs pas/ bcom ldan 'das la 'di skad ces gsol to// bcom ldan 'das bdag bsam gtan

  533. 267b

    la gnas pa'ang btang ste/ rigs kyi bu 'am/ rigs kyi bu mo gang chos kyi rnam grangs 'di yang dag par ston pa de la chos nyan du mchi'o// de ci'i slad du zhe na/ brgya byin dang tshangs pa ni 'di las skyes te/ bcom ldan 'das bdag rigs kyi bu 'am/ rigs kyi bu mo de dag la bsnyen bkur dang rim gro bgyi bar spro'o// de dag ni lha dang bcas pa'i 'jig rten gyis rim gro bgyi ba dang mchod par 'os pa lags so/ / de nas tshangs pa mi mjed kyi bdag pos/ bcom ldan 'das la tshigs su bcad pas 'di skad ces gsol to// dge slong dang ni dge slong ma// dge bsnyen dang ni dge bsnyen ma/ / gang rnams mdo sde 'di 'dzin pa// skye bo kun gyi mchod rten de// gal te mdo sde 'di la ni// sems can gcig 'ga' btsud na yang // 'gro ba'i mgon po bdag spro ba// chos smra ba ni de dag la// khri stan gang la de mchis te// mdo sde 'di ni rab ston par// tshangs pa'i 'jig rten man chad du// me tog dgram par bdag spro'o// gang gi lag nas mdo sde 'di// phyi ma'i dus na thos 'gyur ba/ / de la a la la zhes ni// legs smras legs zhes brjod par bgyi// gang na mdo sde 'di mchis par// me yi phung pos gang ba yi// bye ba snyed kyi zhing brgal nas// skyo mi 'tshal bar mchi bar bgyi/ / rin chen phung po ri rab tsam// dga' bzhin du ni phul nas kyang // sangs rgyas kyi yang lam sbyong ba// mdo sde 'di yang mnyan par bgyi// de nas bcom ldan 'das kyis de'i

  534. 268a

    tshe rdzu 'phrul mngon par 'du bya ba 'di lta bu mdzad de/ rdzu 'phrul mngon par 'du bya ba ji lta bu mngon par 'du byas pas/ bdud sdig can dpung gi stobs bzhi dang / bcom ldan 'das ga la ba der dong ste lhags pa dang / bcom ldan 'das kyi zha bra la mgo bro phyag 'tshal nas 'di skad ces gsol to// bcom ldan 'das bdag cag dpung dang bcas/ g.yog dang bcas pa 'di dag de bzhin gshegs pa'i spyan sngar dam bcas te/ gang na chos kyi rnam grangs 'di rab tu spyod par 'gyur ba'i ljongs kyi phyogs der chos nyan pa dang / chos smra ba dag la bdud kyi las mi bgyi ba'i steng du bsrung ba dang / bskyab po dang / sba bar yang bgyi'o// de nas bcom ldan 'das kyis 'od zer gser gyi kha dog lta bus sangs rgyas kyi zhing 'di khyab par mdzad de/ 'jam dpal gzhon nur gyur pa la 'di skad ces bka' stsal to/ / 'jam dpal 'di lta ste/ skyes bu dam pa dam pa'i chos yongs su 'dzin pa de dag gis dam pa'i chos yongs su gzung bar bya ba'i phyir/ chos kyi rnam grangs 'di de bzhin gshegs pas byin gyis brlabs so/ / 'jam dpal chos kyi rnam grangs 'di yun ji srid du 'dzam bu'i gling 'dir spyod par 'gyur ba yun de srid du dam pa'i chos nub par mi 'gyur ro// de nas 'khor de dag thams cad dga' mgu yi rangs/ rab tu dga' rangs/ yid bde bar gyur nas spos thams cad dang / 'phreng ba thams cad dang / byug pa thams cad dang / me tog thams cad dang /

  535. 268b

    phye ma thams cad kyis de bzhin gshegs pa la mngon par gtor nas/ tshig kyang 'di skad ces e ma ho chos kyi rnam grangs 'di 'dzam bu'i gling na yun ring du gnas pa dang / rgyas par gyur cig ces 'dzer to/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di gzung ngam/ gsol pa/ bcom ldan 'das bdag gis gzung ngo / / bcom ldan 'das kyis bka' stsal pa/ kun dga' bo de lta bas na chos kyi rnam grangs 'di gzung ba dang / bcang ba dang / bklag pa dang / yang dag par rab tu bsten pa'i phyir/ khyod la yongs su gtad do// gsol pa/ bcom ldan 'das gang chos kyi rnam grangs 'di 'dzin tam/ 'chang ngam/ klog gam/ gzhan dag la ston tam/ yi ger bris pa la mchod pa bgyid na/ de bsod nams ji tsam zhig skyed par 'gyur/ bcom ldan 'das kyis bka' stsal pa/ yi ge dang nges pa'i tshig ji snyed kyis chos kyi rnam grangs 'di bstan pa de snyed kyi de bzhin gshegs pa dge slong gi dge 'dun dang bcos pa la bde ba'i yo byad thams cad kyis bsnyen bkur byas pa bas/ gang chos kyi rnam grangs 'di 'dzin pa dang / bzung nas kyang gzhan la ston pa dang // klog pa de ni de bas kyang bsod nams ches mang du skyed do// kun dga' bo gang gis dam pa'i chos yun ring du gnas par bya ba'i phyir/ chos kyi rnam grangs 'di glegs bam du bris te mchod

  536. 269a

    na de'i tshe 'di nyid la gter 'thob pa bcu thob bo/ / bcu gang zhe na/ sangs rgyas kyi spyan rab tu thob pas sangs rgyas mthong ba'i gter dang / lha'i rna bas rab tu thos pas chos nyan pa'i gter dang / phyir mi ldog pa'i dge 'dun rab tu thob pas/ dge 'dun mthong ba'i gter dang / rin po che'i lag pa rab tu thob pas zad mi shes pa'i longs spyod kyi gter dang / mtshan dang dpe byad bzang po yongs su rdzogs pas gzugs kyi gter dang / g.yog mi phyeng bas g.yog gi gter dang / gzungs rab tu thob pas thos pa'i gter dang / spobs pa rab tu thob pas dran pa'i gter dang / pha rol gyi rgol ba cher gcod pas mi 'jigs pa'i gter dang / sems can thams cad nye bar 'tsho bas bsod nams kyi gter ro// yang bcom ldan 'das kyis chos kyi rnam grangs 'di bstan pa na/ byang chub sems dpa' sa ya khrag khrig phrag 'dun cu rtsa gnyis mi skye ba'i chos la bzod pa rab tu thob par gyur to// sems can dpag tu med pa byang chub la rab tu zhugs so/ / sems can tshad med pa'ang len pa med par rnam par grol lo// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dge' bo de'i phyir khyod kyis chos kyi rnam grangs 'di'i ming

  537. 269b

    chos thams cad yang dag par 'du ba zhes bya bar zung zhig/ sangs rgyas kyi rgyan bkod pa zhes bya bar zung zhig/ tshangs pa khyad par sems kyis kun dris pa zhes bya bar zung zhig/ 'jam dpal gyis bstan pa zhes bya bar zung zhig/ bcom ldan 'das kyis de skad ces bka' stsal nas/ 'jam dpal gzhon nur gyur pa dang / tshangs pa khyad par sems dang / bram ze shing sA la chen po lta bu'i bu mnyam pa nyid la gnas pa dang / byang chub sems dpa' dra ba can gyi 'od dang / gnas brtan 'od srungs chen po dang / tshe dang ldan pa kun dga' bo dang / phyogs bcu nas 'dus pa'i byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par bstod do// / 'phags pa tshangs pa khyad par sems kyis zhus pa zhes bya ba theg pa chen po'i mdo rdzogs so// / rgya gar gyi mkhan po shAkya pra b+ha dang / d+harma pA la dang / dzi na mi tra dang / zhu chen gyi lo ts+tsha ba ban d+he d+harmA tA shI la dang / bar zhus kyi lo ts+tsha ba ban d+he de ben drA shI la dang / ku ma ra shI la la sogs pas zhus te gtan la phab pa// rgya gar skad du/ Ar+ya dru ma kin na rA dza pa ri brid tsha nA ma ma hA yA na sU tre/ bod skad du/ 'phags pa mi 'am ci'i rgyal po ljon pas zhus pa zhes bya ba theg pa chen po'i mdo/ sangs rgyas dang

  538. 270a

    byang chub sems dpa' thams cad la phyag 'tshal lo/ / 'di skad bdag gis thos pa'i dus gcig na/ bcom ldan 'das rgyal po'i khab na/ bya rgod kyi phung pobar la dge slong drug khri nyis stong gi dge slong gi dge 'dun chen po dang / byang chub sems dpa' sems dpa' chen po phal cher phyogs bcu'i 'jig rten gyi khams gzhan nas 'dus pa bdun khri nyis stong thams cad kyang mdo par shes pa/ gzungs thob pa/ spobs pa chags pa med pa/ ting nge 'dzin thob pa/ dran pa dang / blo gros dang / rtogs pa dang / mos pa dang / ngo tsha shes pa dang / khrel yod pa/ phun sum tshogs pa/ bsam pa rdo rje ltar brtan zhing mi phyed pa/ sangs rgyas kyi chos thams cad la sbyor ba phun sum tshogs pa dang / lhag pa'i bsam pa khyad par du 'phags pa la zhugs pa/ bdag nyid byang chub kyi sems mi 'dor ba/ sems can gzhan byang chub kyi sems yang dag par 'dzin du 'jug pa/ sbyin pa dang / dul ba dang / yang dag par sdom pa dang / bzod pa dang / nges pa dang / 'phangs pa'i dngos po thams cad yongs su gtong ba/ yongs su bsngo ba'i cho ga shes pa/ lus dang / ngag dang / sems tshul khrims kyi rgyan gyis legs par brgyan pa/ sems can thams cad la sems snyoms pa dang / bzod pa dang / nges pa'i stobs kyis go cha shin tu bgos pa/ bskal pa grangs med pa bye ba khrag khrig brgya stong du brtson 'grus shin tu brtsams pa// bsam gtan

  539. 270b

    dang / rnam par thar pa dang / ting nge 'dzin dang / snyoms par 'jug pa dang / mngon par shes pa'i ye rishes kyis rnam par rtsen pa/ tshig thams cad rab tu dbye ba la spobs pa chags pa med pa'i shes rab dang ye shes la mkhas pa/ lhun po'i ri ltar sems g.yo ba med pa/ sa dang / chu dang / me dang / rlung dang / ri ltar rjes su chags pa dang / khong khro ba dang bral ba/ byams pa chen po la gnas te/ 'od zer thogs pa med pa/ snying rje chen po la gnas te/ rtag tu sems can la blta bar brtson pa/ dga' ba chen po la gnas te/ chos kyi kun dga' la dga' ba dang ldan pa/ btang snyoms chen po la gnas te/ gnyis su med pa shes pa thob pa/ 'jig rten gyi chos brgyad po rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal las rab tu 'das pa/ phas kyi rgol ba ngan pa'i tshogs can gyi tshogs thams cad kun tu rab tu 'joms pa/ bdud da nyon mongs pa'i rgol ba bcom pa/ u du ma wa ra'i me tog mthong ba ltar shin tu 'byung bar dka' ba/ gsol ba ma btab par sems can thams cad la dge ba'i bshes gnyen byed pa/ yongs su mya ngan las 'das pa'i bar du gtan du mdza' ba/ seng ge'i sgra chen po sgrogs pa/ sangs rgyas kyi chos zab mo dang mi 'jigs pa sgrogs pa/ de bzhin gshegs pa'i phyag rgyas btab pa/ mi 'khrugs par phyin par/

  540. 271a

    lung bstan pa/ ji ltar smras pa de bzhin byed pa/ de kho na'i chos kyi tshul la brtson pa/ 'od kyis nyi ma dang zla ba mog mog por byed pa/ phyogs bcur sgra bsgrags pa sangs rgyas thams cad kyi byin gyi rlabs kyis shin tu byin gyis brlabs pa/ chos dkon mchog gi mdzod yang dag par 'dzin pa/ dkon mchog gsum gyi rigs mi gcod par yid la byed pa sangs rgyas kyi zhing mtha' yas par 'gro ba la mkhas pa/ shin tu rnam par phye ba rnam par 'byed pa la gnas pa'i blo dang ldan pa// mthong ba dang thos pa don yod pas rnam par gnon pa/ rtag par rgyun du sems can yongs su smin par byed pa la brtson pa/ shes rab kyi pha rol tu phyin pa dang thabs la mkhas pa'i pha rol tu son pa/ sems can thams cad kyi dbang po mchog dang mchog ma yin pa shes pas ci rigs par chos ston pa/ / sems can thams cad kyi spyod pa'i mtshan nyid kyi bya ba la mkhas pas/ sems can thams cad kyi sems kyi 'jug pa dang btags pa la bde blag tu mkhas pa/ mi 'jigs pa chen pos 'jigs pa med pa dang / rko ba dang / na ba dang / 'chi ba dang / nyon mongs pa rab tu zhi bar byed pa/ sangs rgyas bye ba khrag khrig brgya stong dpag tu med pa la dge ba'i rtsa ba bskyed pas/ / mtshan dang dpe byad bzang po yongs su rdzogs pa'i bsod nams dang ye shes kyi tshogs bsags pa/ stong pa nyid dang / mtshan ma med pa dang / smon pa med pa'i chos

  541. 271b

    thams cad la mos pa/ rnam par grol ba// smon lam shin tu btab pa// sems can dang / chos thams cad sgyu ma dang / smig rgyu dang / rmi lam dang / chu zla dang / mig yor dang / brag cha dang / nam mkha' dang mtshungs par mos pa/ sgra skad thams cad nges pa'i tshig gis ston pa'i ye shes la mkhas nga// chos dang / don dang / nges pa'i tshig dang / spobs pa so so yang dag par rig pa thob pa/ 'jig rten las 'das pa'i shes rab kyi dbang po la rtog pa rtogs par khong du chud pa/ shugs chen po 'dzin pa'i stobs bcu la nye bar gyur da// sha'i mig dang / lha'i mig dang / shes rab kyi mig dang / chos kyi mig dang / sangs rgyas spun gyi snang ba thob pa/ lam gyi yan lag gi tshogs kyi shin tu bsags pa'i lam thams cad la 'jug pa'i ye shes la mkhas pa/ byang chub sems dpa'i sde snod snang ba la 'jug pa'i cho ga shes pa/ phyir mi ldog pa'i chos kyi 'khor lo bskor ba/ mtshan nyid kyi phyag rgya'i ting nge 'dzin thob pa/ rdo rje'i dkyil 'khor gyi ting nge 'dzin la 'jug pa'i shes pa la mkhas pa/ / chos thams cad la dbang byed pa'i ting nge 'dzin mngon sum du gyur pa/ chos dkon mchog gi sgron ma 'dzin pa// sems can thams cad kyi sems kyi rgyud la rnam par blta ba/ sems can thams cad kyi bsam pa la rnam par lta ba shes pa la mkhas pa/ sangs rgyas kyi ye shes la nye bar gyur pa/ sems can thams cad la sangs rgyas kyi ye shes

  542. 272a

    kyi bya ba so sor nye bar gnas pa/ rnam pa thams cad kyi mchog dang ldan pa'i yon tan rin po che thams cad kyis brgyan pa/ bskal pa thams cad du bsngags pa yongs su rjod kyang mthar mi phyin pa sha stag la 'di lta ste/ byang chub sems dpa' sems dpa' chen po dga' byed dang / dga' 'byung dang / lag na rin po che dang / rin po che me tog dang / rin po che'i tog dang / mthong dga' dang / dga' ba'i blo gros dang / mig gis mthong dga' dang / sa 'dzin dang / dga' zhing mchog tu dgo' byed dang / spyan ras gzigs dbang phyug dang / mthu chen thob dang / dpal chen dang / bdud thul dang / me tog man+da ra ba'i dri dang / rlung lha dang / bden dga' dang / mnyam lta dang / mnyam mi mnyam lta dang / kha lo sgyur dang / gsol ba ma btab par sems can kun gyi bshes gnyen dang / byams pa dang / 'brug sgra dang / lhun po'i rtse mo 'dzin dang / lhun po brtsegs pa dang / lhun po'i mchog dang / 'od kyi tog dang / 'od dpal dang / sgron ma'i rgyal po dang / mngon sum blo gros dang / 'od kyis yang dag brgyan dang / sna tshogs cod pan dang / lha'i cod pan dang / lha yul ba'i cod pan dang / mdzes pa'i mig gis lta ba dang / lag bzangs dang / legs par bsams pa sems pa dang / 'khor lo rab gnas pa dang / mi g.yo rkang pas rnam par gnon dang / rdo rje rkang pas rnam par gnon dang / rkang pas 'jig rten

  543. 272b

    gsum rnam par gnon dang / dga' spobs dang / spobs myur dang / spobs pa mi 'chang pa dang / spobs pa byin gyi rlabs dang / 'jam sgra dang / sems can thams cad tshims byed dang / dra ba can gyi 'od dang / rgyal ba'i blo gros dang / skye bar tshims byed dang / 'gro 'dzin dang / b+ha'i rgyal pos mchod dang / mchog gi blo gros dang / thogs med sems dang skya reng blo gros dang / mi bskyod pa dang / dpag med rin chen mdzod dang / byang chub blo gros dang / sna tshogs me tog dang / lha'i me tog rgyal po dang / tshangs dbyangs dang / bzang skyong dang / dkon mchog 'byung gnas dang / ded dpon bzang po dang / mis byin dang / chu lha dang / 'jam dbyangs dang / byang chub sems dpa' sems dpa' chen po 'jam dpal gzhon nur gyur pa la sogs pa byang chub sems dpa' bdun khri nyis stong dang thabs cig tu bzhugs so/ / gang stong gsum gyi stong chen po'i 'jig rten gyi khams 'di'i brgya byin dang / tshangs pa dang / 'jig rten skyong ba dang / de las gzhan pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi 'am mi ma yin pa rnams bcom ldan 'das la blta ba dang / phyag bya ba dang / bsnyen bkur bya ba dang / chos mnyan pa'i phyir 'khor de nyid du 'dus par gyur

  544. 273a

    te 'dug go/ / de nas byang chub sems dpa' sems dpa' chen po lha'i cod pan zhes bya ba 'khor de nyid du 'dus pa des/ byang chub sems dpa'i 'khor chen po de 'dus par rig nas/ stan las langs te bla gos phrag pa gcig tu gzar nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btung nas/ bcom ldan 'das la tshigs su bcad pa 'di dag gis mngon par bstod do/ / 'jig rten 'das pa 'jig rten sgron ma mdzad// khyod ni 'jig rten don mdzad blo gros ldan// snang ba brnyes shing nyon mongs dri bsal ba// 'jig rten snang mdzad khyod la phyag 'tshal lo/ / sbyin la dgyes shing stobs bcu'i mchog mnga' ba// dul ba btul ba gdul bya'i pha rol phyin// bcom ldan lha dang mi dang klas mchod pa// gdul ba mthar phyin khyod la phyag 'tshal lo// mtshan mchog 'gro ba mang po'i don mdzad pa// 'dom gang 'od ni gser gyi kha dog 'dra// dge ba'i mtshan gyis dam pa'i gzugs mnga' ba// srid gsum mtshungs med khyod la phyag 'tshal lo// pha rol gshegs pa gzhan gyi tshogs 'joms shing // phas kyi rgol ba'i rgol 'joms mi g.yo ba// sems can gzhan gyi sems kyi spod la mkhas// thugs rje mchog ldan khyod la phyag 'tshal lo//

  545. 273b

    dgra bcom rgyal po nyon mongs rdul bsal ba// 'tsho ba dag cing brtul zhugs tshul khrims gnas// lha yi lha mchog dri med dri ma bral// pha rol tshogs 'joms khyod la phyag 'tshal lo// bde gshegs rin chen mchog tu dga' mdzad pa/ / dgon par rtag gnas rtag tu dgon par dges// rdul skyon gti mug rnyog pa mi mnga' ba// nam mkha' mnyam thugs khyod la phyag 'tshal lo// chu bo bzhi rga la bden bzhi bka' mchid gsung // mig sbyin bdud rtsi chos kyi bka' mchid can// 'gro ba'i don mdzad 'jig rten gsum rgyu ba// 'khor lo zhabs mnga' khyod la phyag 'tshal lo// lha dang mi yis mchod pa'i mthu bo che/ / mgon po lha yi dbang po bdud 'joms pa// mi dang lha klu tshogs kyis mchod pa yi// mi mchod dam pa khyod la phyag 'tshal lo// rtag tu bden sdud dam pa'i chos la dgyes/ / mnyam thugs 'gro ba kun la byams pa'i thugs// chos la mnyam gnas mi rnams kha lo sgyur// yon tan mthar phyin khyod la phyag 'tshal lo// snyan pa'i sgra dbyangs rnam par dag dang ldan/ / tshangs pa'i sgra dbyangs lta bur 'jam pa'i gsung // dbyangs kyi yan lag rab tshul kun rdzogs pa// bden pa snyan gsung khyod la phyag 'tshal lo// stong pa mtshan ma med cing smon dang bral/ zab mo lta dka' shin tu rtogs par dka'// thar la 'jug par mkhas pa blo gros ldan// thar pa'i lam nges khyod la phyag 'tshal lo// rgyu la rten pa mkhas pa'i bcom ldan 'das// mtha' gnyis lta ba

  546. 274a

    rtag tu mi mnga' ba/ / las rnams rnam smin kho na'i 'bras bu gsung // lta ba'i mun bral khyod la phyag 'tshal lo// gang nas ma byon gang du'ang gshegs ma lags/ rtag tu bden pa'i chos rnams rab gsung ba// smig rgyu sgyu bzhin nga yir mi mnga' ba// dge ba'i chos tshul khyod la phyag 'tshal lo// skye ba mi skye gang du'ang skye ma lags// skye dang 'jig dang gang du'ang mi bas pa/ / chos kyi gnas nyid ji lta'i gnas la gnas// gnas la mi gnas rgyal la phyag 'tshal lo// de bzhin kho na de bzhin yang dag gsung // rtag tu mig yo de bzhin nyid la zhugs/ lhun po'i rgyal mtshan rdo rje 'dra ba'i sku// mi g.yo ri rab mtshungs la phyag 'tshal lo// sku ni dben zhing mnyam thugs blo ldan pa// grags se mtha' yas 'jig rten gsum du grags// skyes bu mchog la zhu ba zhus pa rnams/ / 'jig rten zla bas myur du skabs dbyer gsol// de nas byang chub sems dpa' sems dpa' chen po lnga'i cod pan gyis tshul dang 'dra ba'i tshigs su bcad pa 'di dag gis bcom ldan 'das la mngon par bstod nas/ 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol pa dang / bcom ldan 'das kyis/ byang chub sems dpa' sems

  547. 274b

    dpa' chen po lha'i cod pan la 'di skad ces bka' stsal to/ / rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / ngas dri ba dris pa de dang de'i lung bstan pas/ khyod kyi sems rangs par bya'o// de skad ces bka' stsal pa dang / byang chub sems dpa' sems dpa' chen po lha'i cod pan gyis/ bcom ldan 'das la legs so zhes gsol te/ bcom ldan 'das kyi ltar nyan cing / bcom ldan 'das la 'di skad ces gsol to// bcom ldan 'das ji ltar na byang chub sems dpa' spobs pa sna tshogs kyi rgyan dang ldan pa rnams lags/ ji ltar na byang chub sems dpa' chos zab mo rnam par nges pa la 'jug pa shes pa la mkhas pa rnams lags/ ji ltar na byang chub sems dpa' sems can thams cad kyi dbang po mchog dang / mchog ma lags pa shes pa la mkhas pa rnams lags/ ji ltar na byang chub sems dpa' so so ci rigs par chos ston pa la mkhas pa rnams lags ji ltar na byang chub sems dpa' sems can thams cad kyi sems kyi spyod pa shes pa la 'jug pa la mkhas pa rnams lags/ ji ltar na byang chub sems dpa' rgyu dang / bya ba dang / las kyi rnam par smin pa la 'jug pa shes pa la brjed pa ma mchis par spyod pa rnams lags/ ji ltar na byang chub sems dpa' sbyin pa'i rgyan gyis brgyan pa rnams lags/ ji ltar na byang chub

  548. 275a

    sems dpa' tshul khrims kyi rgyan gyis brgyan pa rnams lags/ ji ltar na byang chub sems dpa' bzod pa'i rgyan gyis brgyan pa rnams lags/ ji ltar na byang chub sems dpa' brtson 'grus kyi rgyan gyis brgyan pa rnams lags/ ji ltar na byang chub sems dpa' bsam gtan gyi rgyan gyis brgyan pa rnams lags/ ji ltar na byang chub sems dpa' shes rab kyi rgyan gyis brgyan pa rnams lags/ ji ltar na byang chub sems dpa' tshangs pa'i lam la mkhas pa rnams lags/ ji ltar na byang chub sems dpa' mngon par shes pa la mi nyams pa rnams lags/ ji ltar na byang chub sems dpa' g.yul las rnam par rgyal ba rnams lags/ ji ltar na byang chub sems dpa' brgal nas pha rol thang la gnas pa rnams lags/ ji ltar na byang chub sems dpa' nyan thos dang / rang sangs rgyas thams cad dang / sems can thams cad kyi spyod lam yang ston la/ ma brtags pa'i kun tu spyod pa dang yang ldan pa rnams lags/ ji ltar na byang chub sems dpa' 'khor ba la'ang blta la/ mya ngan las 'das pa la'ang mi gnas pa rnams lags/ ji ltar na byang chub sems dpa' khams sna tshogs la'ang rnam par blta la/ chos kyi dbyings las kyang mi g.yo ba rnams lags/ ji ltar na byang chub sems dpa' don yang mi 'dor la/ gnod par yang kun tu dga' ba rnams lags

  549. 275b

    ji ltar na byang chub sems dpa' sod nams kyi nor dang ldan la thabs kyi nor med pa rnams lags/ ji ltar na byang chub sems dpa' a zhes bgyi ba'i sgos rnam par ma mchis pa'i sgor 'jug pa rnams lags/ ji ltar na byang chub sems dpa' sangs rgyas kyi chos thams cad mngon sum du gyur pa rnams lags/ ji ltar na byang chub sems dpa' chos gtan la dbab pa rnams la rnam par phye ba shin/ tu rnam par 'byed pa rnams lags/ ji ltar na byang chub sems dpa' 'jig rten gyi bya ba dang 'thun par zhugs kyang nyon mongs pa thams cad kyis mi gos pa rnams lags/ ji ltar na byang chub sems dpa' gzhan dag gis bltar mi mthong ba'i chos kyi dbang phyug rnams lags/ ji ltar na byang chub sems dpa' de bzhin gshegs pa rnams mthong ba dang mi 'bral ba rnams lags/ ji ltar na byang chub sems dpa' shin tu dul zhing mi 'khrugs pa'i chos can rnams lags/ ji ltar na byang chub sems dpa' chos rnams blangs pa ma mchis pa'i slob dpon rnams lags/ ji ltar na byang chub sems dpa' sems can thams cad kyi ston par gyur pa rnams lags/ ji ltar na byang chub sems dpa' sangs rgyas thams cad kyi chos kyi 'khor lo rjes su bskor ba rnams lags/ ji ltar na byang chub sems dpa' sangs rgyas kyi chos thams cad la dbang bskur ba thob pa rnams lags/ de skad ces gsol pa dang / bcom ldan 'das kyis byang chub sems dpa' sems dpa' chen po lha'i

  550. 276a

    cod pan la legs so zhes bya ba byin te/ rigs kyi bu legs so legs so// rigs kyi bu khyod skye bo mang po la phan pa dang / skye bo mang po la bde ba dang / 'jig rten la u0f7f b rtse ba dang / skye bo phal po che'i don dang / lha dang mi rnams la phan pa dang / bde ba'i phyir zhugs pa dang / rigs kyi bu khyod da ltar gyi dang / ma 'ongs po'i byang chub sems dpa' rnams rjes su gzung ba dang / theg pa chen po 'di yun ring du gnas par bya ba'i phyir/ rigs kyi bu khyod de bzhin gshegs pa la gang don 'di 'dri bar yongs su sems pa ni legs so// rigs kyi bu de'i phyir rab tu legs par nyon la yid la zung zhig dang / ngas khyod la bshad do// bcom ldan 'das legs so zhes gsol nas/ byang chub sems dpa' sems dpa' chen po lha'i cod pan bcom ldan 'das kyi ltar nyan pa dang / bcom ldan 'das kyis/ de la 'di skad ces bka' stsal to// rigs kyi bu byang chub sems dpa' chos bzhi dang ldan na/ spobs pa sna tshogs kyi rgyan dang ldan pa rnams yin te/ bzhi gang zhe na/ 'di lta ste/ sems can thams cad la 'od zer thogs pa med pa rnams yin/ rin po che dang 'phangs pa'i dngos po thams cad yongs su gtong zhing yang 'gyod pa med pa rnams yin/ chos smra ba la gzhan dag gis bshad pa mi zlog cing rjes su yi rang ste dga' ba dang / mgu ba dang / dang ba dang / mchog tu dag rab thob nas legs

  551. 276b

    zhes bya ba byin pa dang / chos mnyan pa dang / chos 'gro ba 'am/ de bzhin gshegs pa'i mchod rten gyi phyir ram/ mtshan mo 'dug par skul na mchog tu dga' ba dang ldan pa dang / byang chub kyi sems kyi lhag pa'i bsam pa dang / zang zing med pa'i sems kyis chos kyi sbyin pa sbyin pa ste/ rigs kyi bu byang chub sems dpa' chos bzhi po 'di dag dang ldan na// spobs pa sna tshogs kyi rgyan dang ldan pa rnams yin no/ / rigs kyi bu byang chub sems dpa' chos bzhi dang ldan na/ chos zab mo rnam par nges pa la 'jug pa shes pa la mkhas pa rnams yin te/ @ gang zhe na/ rten cing 'brel par 'byung ba dang rjes su 'thun pa dang / bdag gi rang bzhin ltar sems can thams cad kyi rang bzhin rtogs pa dang / 'du byed thams cad gar yang mi 'gro/ gang nas kyang ma 'ongs par rab tu shes pa dang / chos thams cad nam mkha'i phyag rgyas btab par mos pa ste/ rigs kyi bu byang chub sems dpa' chos bzhi po 'di dag dang ldan na/ chos zab mo rnam par nges pa la 'jug pa shes pa la mkhas pa rnams yin no/ / rigs kyi bu byang chub sems dpa' chos bzhi dang ldan na/ sems can thams cad kyi dbang po mchog dang mchog ma yin pa shes pa la mkhas pa rnams yin te/ bzhi gang zhe na/ chos kyi dbyings kyi sgo shin tu sbyangs pa dang / sgrib pa med pa'i sgo mngon sum du gyur pa dang / mngon par shes pas rnam

  552. 277a

    par rtse ba shes pa dang / sems las su rung zhing ting nge 'dzin phun sum tshogs pa ste/ rigs kyi bu byang chub sems dpa' chos bzhi po 'di dag dang ldanan/ sems can thams cad kyi dbang po'i mchog dang mchog ma yin pa shes pa la mkhas pa rnams yin no// rigs kyi bu byang chub sems dpa' chos bzhi dang ldan na// so so ci rigs papar chos ston pa la mkhas pa rnams yin te/ bzhi gang zhe na/ so so yang dag par rig pa shes pa dang / sems can gzud par shes pa dang / chos rab tu rnam par 'byed pa shes pa dang bdag gi sems sbyangs pas sems can thams cad kyi sems sbyangs par rab tu shes pa ste/ rigs kyi bu byang chub sems dpa' chos bzhi po de dag dang ldan na/ so so ci rigs par chos ston pa la mkhas pa rnams yin no/ / rigs kyi bu byang chub sems dpa' chos bzhi dang ldan na/ sems can thams cad kyi sems kyi spyod pa shes pa la 'jug pa la mkhas pa rnams yin te/ bzhi gang zhe na/ shes rab kyi 'dzud pa dang / ye shes chags pa med pa dang / thabs la mkhas pa la zhugs pas sgrib pa thams cad rgyun chad pa dang / blo shin tu sbyangs pa ste/ rigs kyi bu byang chub sems dpa' chos bzhi po 'di dag dang ldan na/ sems can thams cad kyi sems kyi spong ba shes pa la 'jug par mkhas pa rnams yin no// rigs kyi bu byang chub sems dpa' chos

  553. 277b

    bzhi dang ldan na/ rgyu dang / bya ba dang / las kyi rnam par smin pa la 'jug pa shes pa la brjed pa med par spyod pa rnams yin te/ bzhi gang zhe na/ chad par smra ba ma yin pa dang / rtag par smra ba ma yin pa dang / rgyu dang / bya ba dang / las kyi 'bras bu la yang dag pa ji lta ba bzhin du 'jug pa dang / chos la chos nyid du byed cing chos la chos su smra'i/ 'di be nga bdag gis mi smra ba ste/ de ltar bya ba la 'jug pas rgyu dang / bya ba dang / las kyi 'bras bu chung mi gzon pa ste/ rigs kyi bu byang chub sems dpa' chos bzhi po 'di dag dang ldan na/ bya ba dang / las kyi rnam par smin pa la 'jug pa shes pa la brjed pa med par spyod pa rnams yin no/ / rigs kyi bu byang chub sems dpa' ches bzhi dang ldan na/ sbyin pa'i papa brgyan pa rnams yin te/ bzhi gang zhe na/ mtshan gyis legs par brgyan pa rnams yin// dpe byad bzang pos rnam par spras pa rnams yin/ gzugs blta bas mi ngoms pa rnams yin/ lag na rin po che theb pas longs spyod mi zad pa yin te/ rigs kyi bu byang chub sems dpa' chos bzhi po 'di dag dang ldan na/ sbyin pa'i rgyan gyis brgyan pa rnams yin no// rigs kyi bu byang chub sems dpa' chos bzhi dang ldan na/ tshul khrims kyi rgyan gyis brgyan pa rnams yin te/ bzhi gang zhe na/ 'khor lo sbyor ba'i rgyal por 'gyur zhing / byang chub kyi sems kyis brgyan pa dang / lha'i

  554. 278a

    dbang po brgya byin du 'gyur zhing / byang chub kyi sems kyis brgyan pa dang / mi mjed kyi bdag po tshangs par 'gyur zhing / byang chub kyi sems kyis brgyan pa dang / ngan 'gro thams cad yang dag par bcad nas lha dang mir skye ba yongs su bzung bar gyur cing / byang chub kyi sems kyis brgyan pa yin te// rigs kyi bu byang chub sems dpa' chos bzhi po de dag dang ldan na/ tshul khrims kyi rgyan gyis brgyan pa rnams su rig par bya'o// rigs kyi bu byang chub sems dpa' chos bzhi dang ldan na/ bzod pa'i rgyan gyis brgyan pa rnams yin te/ bzhi gang zhe na/ tshangs pa'i skad dang sgra dbyangs lta bu dang ldan pa rnams yin/ ka la bing+ka'i sgra dang rnga sgra lta bu dang ldan pa rnams yin/ skye bo mang pos mthong na dga' ba dang sdug cing yid du// 'ong ba rnams yin/ dge ba'i chos rnams la yi dam la brtan pa rnams yin te/ rigs kyi bu byang chub sems dpa' chos bzhi po 'di dag dang ldan na/ bzod pa'i rgyan gyis brgyar rnams su rig par bya'o/ / rigs kyi bu byang chub sems dpa' chos bzhi dang ldan na/ brtson 'grus kyi rgyan gyis brgyan pa rnams yin te// bzhi gang zhe na/ dam bcas pa nyams reg// tu chud par bya ba'i cho ga shes pas dge ba'i chos rnams la yi dam brtan pa rnams yin/ pha rol gyis mnan pa med pas rdo rje'i lus rab tu thob pa rnams yin/ bya ba ci yod ces

  555. 278b

    bya ba la mos pas gsol ba ma btab par sems can thams cad la dge ba'i bshes gnyen byed pa rnams yin/ thos pa'i tshogs bsags pas mi ngoms pa'i phyir/ yid yongs su mi skyo ba rnams yin te/ rigs kyi bu byang chub sems dpa' chos bzhi po 'di dag dang ldan na/ brtson 'grus kyi rgyan gyis brgyan pa rnams su rig par bya'o// rigs kyi bu byang chub sems dpa' chos bzhi dang ldan na/ bsam gtan gyi rgyan gyis brgyan pa rnams yin te/ bzhi gang zhe na/ mi rgod pa rnams yin/ ma khengs pa rnams yin/ mu cor smra ba med pa rnams yin cang shes kyi sems mi 'dor ba rnams yin te/ rigs kyi bu byang chub sems dpa' chos bzhi po 'di dag dang ldan na/ bsam gtan gyi rgyan gyis brgyan pa rnams su rig par bya'o/ rigs kyi bu byang chub sems dpa' chos bzhi dang ldan na/ shes rab kyi rgyan gyis brgyan pa rnams yin te/ bzhi gang zhe na/ 'di lta ste/ bdag dang / sems can dang / srog dang / gso ba dang / skyes bu dang / gang zag tu smra ba med pa rnams yin/ spobs pa chags pa med pa rnams yin/ tshig thams cad rab tu dbye ba bstan pa shes pa la mkhas pa rnams yin/ chos thams cad la som nyi med cing the tsom dang bral ba rnams yin te/ rigs kyi bu byang chub sems dpa' chos bzhi po 'di dag dang ldan na/ shes rab kyi rgyan gyis brgyar pa

  556. 279a

    rnams yin no/ / rigs kyi bu byang chub sems dpa' chos bzhi dang ldan na/ tshangs pa'i lam la mkhas pa rnams yin te/ bzhi gang zhe na/ 'di lta/ sems can thams cad kyi dpung gnyen bya ba'i phyir/ mngon par bsgrubs pa'i byams pa dang / sems can thams cad yongs su smin par bya ba'i phyir/ mngon par bsgrubs pa'i snying rje chen po dang / chos thams cad la dga' bas mngon par bsgrubs pa'i dga' ba dang / de bzhin gshegs pa'i ye shes kyi phyir mngon par bsgrubs pa'i btang snyoms te/ rigs kyi bu byang chub sems dpa' chos bzhi po 'di dag dang ldan na/ tshangs pa'i lam la mkhas pa rnams yin no// rigs kyi bu byang chub sems dpa' chos bzhi dang ldan na/ mngon par shes pa las mi nyams pa rnams yin te/ bzhi gang zhe na/ 'di lta ste/ bsam gtan bzhi sdud pa'i shes pa dang / gzugs med pa'i snyoms par 'jug pa bzhi pasgrub pa'i thabs shes pa dang / rang gi sems la dbang sgyur ba'i chos shes pa dang / sangs rgyas la blta ba'i phyir sangs rgyas kyi zhing mtha' yas par 'gro ba ste/ rigs kyi bu byang chub sems dpa' chos bzhi po 'di dag dang ldan na/ mngon par shes pa las mi nyams pab rnams yin no/ / rigs kyi bu byang chub sems dpa' chos bzhi dang ldan na/ g.yul las rnam par rgyal ba rnams yin te/ bzhi gang zhe na/ 'di lta ste/ nang nye bar zhi ba dang / pha rol tu mi

  557. 279b

    rgyu ba dang / chos thams cad la sgyu ma lta bur rab tu rtog pa'i shes pa dang / ye shes kyi stobs can yin gyi/ nyon mongs pa'i spobs can ma yin pa ste/ rigs kyi bu byang chub sems dpa' bzhi po 'di dag dang ldan na/ / g.yul las rnam par rgyal ba rnams yin no// rigs kyi bu byang chub sems dpa' tshes bzhi dang ldan na/ brgal nas pha rol thang la gnas pa rnams yin te/ bzhi gang zhe na/ 'di lta ste/ 'dod pa'i chu bo'ang rab tu shes la/ 'dod chags dang bral ba'ang mngon sum du mi byed pa dang / srid pa'i chu bo'ang rab tu shes la/ bsams bzhin du'ang skye ba dang / lta ba'i chu bo'ang rab tu shes la/ lta ba'i bcing bas bcings pa'ang mi 'dor ba dang / ma rig pa'i chu bo'ang rab tu shes la/ rten cing 'brel par 'byung ba'i rjes su 'thun par yang byed pa ste/ rigs kyi bu byang chub sems dpa' chos bzhi po 'di dag dang ldan na/ brgal nas pha rol thang la gnas pa rnams yin no// rigs kyi bu byang chub sems dpa' chos bzhi dang ldan na// nyan thos dang / rang sangs rgyas thams cad dang / sems can thams cad kyi spyod lam yang ston la/ ma brtags pa'i kun tu spyod pa dang yang ldan pa rnams yin te/ bzhi ga zhen 'di lta ste/ sgyu ma lta bu'i ting nge 'dzin shin tu yongs su bsgrubs pa dang / chos thams cad rnam par bsgrubs pas so sor nye bar gnas pa'i mtshan nyid du shin tu brtags pa da ba

  558. 280a

    par shes pa lngas rnam par rtse ba shes pa dang ldan pa dang / yid kyi lus mngon par bsgrub pa la mkhas pa ste/ rigs kyi bu byang chub sems dpa' chos bzhi po 'di dag dang ldan na/ / nyan thos dang / rang sangs rgyas thams cad dang / sems can thams cad kyi spyod lam yang ston la/ ma brtags pa'i kun tu spyod pa dang yang ldan pa rnams yin no/ / rigs kyi bu byang chub sems dpa' chos bzhi dang ldan na/ 'khor ba la'ang lta la/ mya ngan las 'das pa la'ang mi gnas pa rnams yin te/ bzhi gang zhe na/ 'di lta ste/ sangs rgyas kyi byin gyi rlabs dang / snying rje chen po'i sems dang / thabs la mkhas pa dang / sngon gyi yi dag mi 'dor ba ste/ rigs kyi bu byang chub sems dpa' chos bzhi po 'di dag dang ldan na 'khor ba la'ang lta la/ mya ngan las 'das pa la'ang mi gnas pa rnams yin no// rigs kyi bu byang chub sems dpa' chos bzhi dang ldan na/ khams sna tshogs la'ang rnam par lta la/ chos kyi dbyings las kyang mi g.yo ste/ bzhi gang zhe na/ 'di lta ste/ sems can rang bzhin med pas chos rang bzhin med par rtogs pa dang / chos rang bzhin med pas sems can rang bzhin med par rtogs pa dang / sems can rang bzhin med pas sangs rgyas kyi chos rang bzhin med par mos pa dang / sems can rang bzhin med pa la som nyi med cing the tshom dang bral ba yin te/ rigs

  559. 280b

    kyi bu byang chub sems dpa' chos bzhi po 'di dag dang ldan na/ khams sna tshogs pa la'ang rnam par lta la// chos kyi dbyings las kyang mi g.yo'o// rigs kyi bu byang chub sems dpa' chos bzhi dang ldan na/ don yang mi mngon la/ gnod par yang kun tu snang ste/ bzhi gang zhe na/ 'di lta ste/ bsam pa mya ngan las 'das pa la gnas pa rnams yin/ sbyor ba 'khor ba la gnas pa rnams yin/ sangs rgyas kyi chos thams cad yongs su bskang bar bsam pa gnas pa rnams yin// nyan thos dang rang sangs rgyas kyi yul la'ang kun tu snang ba rnams yin te/ rigs kyi bu byang chub sems dpa' chos bzhi po 'di dag dang ldan na/ don yang mi 'dor la/ gnod par yang kun tu snang ngo // rigs kyi bu byang chub sems dpa' tshes bzhi dang ldan na/ bsod nams kyis nor dang ldan la/ thabs kyi nor med pa rnams yin te/ bzhi gang zhe na/ 'di lta ste/ rgya chen po la mos pa'i sems can gdul ba'i phyir/ bsod nams kyis 'khor lo sgyur ba dang / brgya byin dang tshangs pa'i bsod nams kyang nye bar ston pa dang / 'gro ba bal pa 'dul ba'i phyir/ dbul zhing dman par yang nye bar ston pa dang / slong ba mthong na bdog pa thams cad yongs su gtong zhing nor med par yang 'gyur ba dang / nor chen po dang ldan pa mthong na bsod nams kyis longs spyod zad mi shes par yang nye bar ston pa ste/ rigs kyi bu byang chub sems dpa'

  560. 281a

    chos bzhi po 'di dag dang ldan na/ bsod nams kyis nor dang ldan pa yin la/ thabs kyis nor med pa rnams yin no// rigs kyi bu byang chub sems dpa' chos bzhi dang ldan na a zhes bya ba'i sgos rnam pa med pa'i sgo la 'jug pa rnams yin te/ bzhi gang zhe na/ 'di lta ste/ 'du byed thams cad mi rtag par shes pa sbyong ba dang / 'du byed thams cad gzod ma nas sdug bsngal lo zhes byang chub rab tu rnyed pa dang / chos thams cad bdag med do zhes lta bar gyur pa yongs su sbyong ba dang / mya ngan las 'das pa ni gzod ma nas zhi ba zhes ye shes la 'jug pa ste// rigs kyi bu byang chub sems dpa' chos bzhi po 'di dag dang ldan na/ a zhes bya ba'i sgos rnam pa med pa'i sgo lo 'jug pa rnams yin no// rigs kyi bu byang chub sems dpa' chos bzhi dang ldan na/ sangs rgyas kyi chos thams cad mngon sum du 'gyur ba rnams yin no// bzhi gang zhe na/ 'di lta ste/ shes rab kyi mig shin tu rnam par dag pa rnams yin/ chos kyi mig gis snang ba thob pa rnams yin/ sangs rgyas kyi spyan mngon sum du gyur pa rnams yin/ sangs rgyas kyi chos thams cad la dbang bskur ba thob pa rnams yin te/ rigs kyi bu byang chub sems dpa' chos bzhi po 'di dag dang ldan na/ sangs rgyas kyi chos thams cad mngon sum du gyur pa rnams yin no// rigs kyi bu byang chub sems dpa' chos bzhi dang ldan na/ chos gtan la dbab pa rnams la rnam par phye ba shin

  561. 281b

    tu rnam par 'byed pa rnams yin te/ bzhi gang zhe na/ 'di lta ste/ so so yang dag par rig pa shes pa sgrib pa med pa dang / bden pa bzhi rnam par dgod pa shes pa dang / rton pa la gnas su shes pa dang / gzungs la g.yeng ba med par shes pa ste/ rigs kyi bu byang chub sems dpa' chos bzhi po 'di dag dang ldan na// chos gtan la dbab pa rnams la rnam par phye ba shin tu rnam par 'byed pa rnams yin no/ / rigs kyi bu byang chub sems dpa' chos bzhi dang ldan na/ 'jig rten gyi bya ba dang 'thun par zhugs kyang nyon mongs pa thams cad kyis mi gos pa rnams yin te/ bzhi gang zhe na/ 'di lta ste/ 'jig rten gyi chos mngon sum du gyur pa dang / 'jig rten las sems can yang dag par sgrol ba dang / rjes su chags pa dang / khong khro ba spong ba dang / gzod ma nas rnam par dag cing 'od gsal bas rang bzhin gyis kun nas nyon mongs pa can ma yin pa ste/ rigs kyi bu byang chub sems dpa' chos bzhi po 'di dag dang ldan na/ 'jig rten gyi bya/ ba dang 'thun par zhugs kyang nyon mongs pa thams cad kyis mi gos pa rnams yin no// rigs kyi bu byang chub sems dpa' chos bzhi dang ldan na/ gzhan dag gis bltar mi mthong ba'i chos kyi dbang phyug rnams yin te/ bzhi gang zhe na/ 'di lta ste/ sems kyi dbang phyug dang / shes rab kyi dbang phyug dang / ye shes kyi dbang phyug dang / thabs kyi dbang phyug ste/

  562. 282a

    rigs kyi bu byang chub sems dpa' chos bzhi po 'di dag dang ldan na/ gzhan dag gi bltar mi mthong ba'i chos kyi dbang phyug rnams yin no// rigs kyi bu byang chub sems dpa' chos bzhi dang ldan na/ de bzhin gshegs pa mthong ba dang mi 'bral ba rnams yin te/ bzhi gang zhe na/ 'di lta ste/ sems can rnams sangs rgyas la lta ba yang dag par 'dzin du 'jug pa dang / sems can rnams chos nyan pa yang dag par 'dzin du 'jug pa dang / sems can rnams byang chub kyi sems yang dag par 'dzin du 'jug pa dang / sangs rgyas rjes su dran pa'i ting nge 'dzin dang mi 'bral ba yin te/ rigs kyi bu byang chub sems dpa' chos bzhi po 'di dag dang ldan na// de bzhin gshegs pa mthong ba dang mi 'bral ba rnams yin no/ rigs kyi bu byang chub sems dpa' chos bzhi dang ldan na/ shin tu dul zhing mi 'khrugs pa'i chos can rnams yin te/ bzhi gang zhe na/ 'di lta ste/ 'phags pa 'jig rten las 'das pa'i shes rab kyis rnam par grol ba ye shes mthong ba mngon sum du gyur pa dang / bden pa la nye bar brtags pas chos thams cad ji lta ba bzhin dang / bag chags kyis mtshams sbyor ba thams cad yang dag par 'joms pa la mkhas par gyur pa dang / / nyon mongs pas mi 'khrugs pa'i chos can yin te/ rigs kyi bu byang chub sems dpa' chos bzhi po 'di dag dang ldan

  563. 282b

    rna shin tu dul zhing mi 'khrugs pa'i chos can rnams yin no/ / rigs kyi bu byang chub sems dpa' chos bzhi dang ldan chos rnams blangs pa med par slob dpon rnams yin te/ bzhi gang/ zhe na/ 'di lta ste/ sems can thams cad la phan pa'i dngos po phun sum tshogs pa rnams yin/ sems can yongs su smon par bya ba la brtan zhing bsam pa rgya che ba rnams yin/ bdag gi bde ba la mi chags pa rnams yin/ gang ye shes yongs su tshol ba de sems can thams cad kyi ched du yin gyi/ bdag 'ba' zhig gi phyir ma yin pa ste/ rigs kyi bu byang chub sems dpa' ches bzhi po 'di dag dang ldan na/ chos rnams blangs pa med par slob dpon rnams yin no// rigs kyi bu byang chub sems dpa' chos bzhi dang ldan na/ sems can thams cad kyi ston par gyur pa rnams yin te/ bzhi gang zhe na/ 'di lta ste/ bdag gi don btang zhing gzhan gyi don byed pa rnams yin/ bdag gi bde ba thams cad gtong zhing sems can rnams la chos kyi bde ba sbyin pa rnams yin/ ji ltar thos pa'i chos ston pa la ngal ba med pa rnams yin/ chos kyi 'tsho bas 'tsho'i/ zang zing gi 'tsho ba ma yin pa ste/ rigs kyi bu byang chub sems dpa' chos bzhi po 'di dag dang ldan na/ sems can thams cad kyi sten par gyur pa rnams yin no/ / rigs kyi bu byang chub sems dpa' chos bzhi dang ldan na/ sangs rgyas thams cad kyi chos kyi 'khor lo rjes su bskor ba rnams yin te/ bzhi gang zhe na/ 'di lta ste/ gzungs

  564. 283a

    rab tu 'thob pa dang / spobs pa rgyun mi 'chad pa dang / sems can gyi bsam pa la shes pa 'jug pa dang / mya ngan las 'das pa'i lam du khrid cing mi byed pa'i chos ston pa yin te/ rigs kyi bu byang chub sems dpa' chos bzhi po 'di dag dang ldan na/ sangs rgyas thams cad kyi chos kyi 'khor lo bskor ba rnams yin no// rigs kyi bu byang chub sems dpa' chos bzhi dang ldan na/ sangs rgyas kyi chos thams cad la dbang bskur ba thob pa rnams yin te/ bzhi gang zhe na/ 'di lnga ste/ spod pa thams cad las rab tu 'das pa rnams yin/ byang chub sems dpa'i spyod pa las phyir mi ldog cing mi skye ba'i chos la bzod pa thob pa rnams yin te/ bsams bzhin du tshe dang / 'chi 'pho dang / skye ba'ang ston la/ phyir mi ldog pa'i phyag rgyas kyang btab pa rnams yin/ de bzhin gshegaso pa'i phyag rgya la yang dag par gzhol zhings bcus nges par byung nas/ sa nas sar 'phar ba la mkhas pa rnams yin te/ rigs kyi bu byang chub sems dpa' chos bzhi po 'di dag dang ldan na/ sangs rgyas kyi chos thams cad la dbang bskur ba thob pa rnams yin no// bcom ldan 'das kyis bzhi pa sgrub pa'i chos kyi rnam grangs 'di bshad pa na/ stong gsum gyi stong chen po'i 'jig rten gyi khams 'di rnam pa drug tu g.yos nas/ snang ba chen pos kyang 'jig rten gyi khams khyab par gyur to// steng gi bar snang las

  565. 283b

    lha bye ba khrag khrig brgya stong gis lha'i glu dbyangs blangs te/ lha'i me tog man+da ra ba'i char rab tu phab nas/ 'di skad ces kye ma bcom ldan 'das kyis bla na med pa yang dag par rdzogs pa'i byang chub bskal pa bye ba khrag khrig brgya stong grangs med par bsgrubs pa gang lags pa de bcom ldan 'das kyis bzhi pa sgrub pa'i chos kyi rnam grangs 'di skad cing bshad de rab tu bstan to/ / bcom ldan 'das gang bzhi pa sgrub pa'i chos kyi rnam grangs 'di nyen pa dang / thos nas kyang mos pa dang / mos nas kyang 'dzin pa dang / 'chang ba dang / klog pa dang / kun chub par bgyid pa dang / gzhan dag la'ang ston pa dang / byang chub kyi sems dang mi 'bral ba'i sems can de dag ni dge ba'i rtsa ba ngan ngon dang ldan pa ma lags te/ de dag ni ji ltar de bzhin gshegs pa dgra bcom pa yang dag par rdzogs pa'i sangs rgyas da ltar seng ge'i sgra sgrog pa bzhin du lha dang / mi dang / lha ma yin du bcas pa'i 'jig rten gyi mdun du seng ge'i sgra sgrogs par 'gyur ro/ / bcom ldan 'das bdag cag kyang bzhi pa sgrub pa'i chos kyi rnam grangs 'di thos pas rnyed pa legs par rnyed do zhes ched du rjed pa ched du brjod do// bcom ldan 'das kyis bzhi pa sgrub pa'i chos kyi rnam grangs 'di bshad pa na/ lha dang mi'i srog chags brgyad khri bzhi stong ni bla na med pa yang dag par rdzogs pa'i byang chub tu sems skyes so// byang chub sems dpa' khri

  566. 284a

    nyis stong ni mi skye ba'i chos la bzod pa thob par gyur to/ / de nas bcom ldan 'das la/ byang chub sems dpa' sems dpa' chen po lha'i cod pan gyis 'di skad ces gsol to/ / bcom ldan 'das gang dag de bzhin gshegs pa yongs su mya ngan las 'das pa'i mdo sde 'di lta bu 'di 'dzin pa dang / gzhan dag la'ang rgya cher rab tu ston pa'i byang chub sems dpa' de dag chos du dang ldan par 'gyur/ bcom ldan 'das kyis bka' stsal pa/ rigs kyi bu gang dag de bzhin gshegs pa yongs su mya ngan las 'das pa'i mdo sde 'di lta bu 'dzin pa dang / gzhan dag la'ang rgya cher yang dag par ston pa'i byang chub sems dpa' de dag ni chos brgyad dang ldan par 'gyur ro// brgyad gang zhe na/ 'di lta ste/ de dag yang dag par rdzogs pa'i byang chub la bsam pa nges te/ bsam pa phun sum tshogs par 'gyur pa dang / sems can thams cad la zhe 'gras pa'i sems med de/ shin tu byams pa sgom pa dang sgoms par 'gyur ba dang / sems can thams cad yongs su smin par bya ba la gnas te/ snying rje chen po la gnas par 'gyur ba dang / chos 'dod de/ chos don du gnyer bar 'gyur ba dang / thos pa tshol bas mi ngoms te mtsho chen rgya mtsho lta bur 'gyur ba dang / lus dang srog 'dor zhing / dam pa'i chos yongs su 'dzin par 'gyur ba dang / bsod nams kyi tshogs bsags te/ dge ba'i rtsa bas

  567. 284b

    bstan par 'gyur ba dang / sangs rgyas kyi byin gyi rlabs kyis brlabs te/ smon lam gyis yang dag par byung bar 'gyur ba dang / 'khor gyi nang du 'jigs pa med pas bdud dang phyir rgol ba bcom par 'gyur ba ste/ rigs kyi bu gang de bzhin gshegs pa yongs su mya ngan las 'das pa'i mdo sde 'di lta bu 'di 'dzin pa dang / gzhan dag la'ang rgya cher ston pa'i byang chub sems dpa' de dag ni chos brgyad po 'di dag dang ldan par 'gyur ro/ / de nas de'i tshe sangs rgyas kyi mthus stong gsum gyi stong chen po'i 'jig rten gyi khams 'di rnam pa drug tu g.yos par gyur to// stong gsum gyi stong chen po'i 'jig rten gyi khams 'di na gang dgas phyogs mtho dman can dang / ri nag po dang / chu mig dang / mtsho dang / mtshe'u dang / lteng ka dang / rgya mtsho chen po de dag thams cad mi snang bar gyur to/ / sa chen po 'di dag thams cad kyang lag mthil ltar mnyam par gnas par gyur to// chu na gnas pa'i sems can rnams la gnod pa med par gyur to// stong gsum gyi stong chen po'i 'jig rten gyi khams 'di na shing skam gang dag lo brgya lon pa de dag thams cad las kyang me tog dang / 'bras bu sna tshogs skyes par gyur nas/ bcom ldan 'das ga la ba der logs su btud/ mngon par btud nas phyag 'tshal bar gyur to// de ma yin pa shing gzhan thams cad las kyang me tog dang / 'bras bu sna tshogs skyes nas bcom

  568. 285a

    ldan 'das ga la ba der logs su btud/ mngon par btud nas phyag 'tshal bar gyur to// sa chen po las kyang pad+ma tshad shing rta'i 'phang lo tsam sna tshogs blta na sdug pa kha dog dang ldan pa/ dri dang ldan pa yid du 'ong ba dag mngon par 'thon to// snang ba chen pos kyang stong gsum gyi stong chen po'i 'jig rten gyi khams 'di khyab par gyur to/ / mi snang zhing ma dkrol bar yang steng gi bar snang las lha'i sil snyan dang glu dbyangs kyi sgra byung ste grag par gyur to// ri'i rgyal po gangs dang / ri'i rgyal po spos kyi ngad ldang las kyang lha'i me tog sna tshogs sngon dri mi mnam pa rnams kyang mchog gi dri ngang byung ste/ dri des stong gsum gyi stong chen po'i 'jig rten gyi khams 'dir dri zhim po mnam par gyur to// ri'i rgyal po gangs dang / ri'i rgyal po spos kyi ngang ldang de las me tog gi char chen po bab ste/ de dag bcom ldan 'das kyi 'khor gyi dkyil 'khor gang na ba der mngon par bab nas/ sa chen po 'dir me tog gi char de dag gis pus nub tsam du gyur to/ / me tog gi shing de dag las lha'i me tog sna tshogs kyi char rab tu 'bab cing sil snyan dang glu dbyangs sna tshogs kyi sgra dag kyang byung ngo / / steng gi bar snang la rin po che sna tshogs kyi gdugs dpag tshad brgya stong phrag drug cu'i tshad tsam kun tu gnas par gyur to// rin po che'i gdugs de las mu tig gi/

  569. 285b

    rgyan 'phreng dang / rin po che'i dril bu g.yer ka'i dril bu sna tshogs kyi dra ba 'phyang bar gyur to// dril bu g.yer ka'i sgra yid du 'ong ba/ yid dga' bar byed pa/ chags par byed pa des stong gsum gyi stong chen po'i 'jig rten gyi khams 'di go bar byas par gyur to/ / de nas tshe dang ldan pa shA ri'i bus/ bcom ldan 'das la 'di skad ces gsol to// bcom ldan 'das dga' bar bgyid pa/ mgu bar bgyid pa'i mtshan ma rgya chen po 'di lta bu 'di dang / stong gsum gyi stong chen po'i 'jig rten gyi khams 'di rgyan thams cad kyis brgyan par gyur pa gda' ba 'di su'i snga ltas lags/ / bcom ldan 'das kyis bka' stsal pa/ shA ri'i bu 'di ni mi 'am ci'i rgyal po ljon pA ri'i rgyal po spos dang ldang nas 'khor mi 'am ci stong phrag du ma dang 'khor stong phrag du ma dang / 'khor lha stong phrag du ma dang bcas 'ong ba de'i snga ltas so// de skad gsungs ma thag tu de nas skad cig de la mi 'am ci'i rgyal po ljon pa sil snyan dang / glu dbyangs len pa brgyad khri bzhi stong dang / 'khor brgya stong du mas bskor nas/ steng gi bar snang la me tog gi chun po'i char 'bebs shing / bcom ldan 'das ga la ba der 'ongs te phyin nas 'khor dang bcas pas bcom ldan 'das kyi zhabs la phyag 'tshal te/ bcom ldan 'das la lan gsum bskor ba byas nas/ bcom ldan 'das kyi sman sngar 'dug go/ de nas bcom ldan 'das kyi spyan sngar mi 'am

  570. 286a

    ci'i rgyal po sdong po bdag nyid kyis pi wang gi khog pa bai DUR+Ya las byas pa/ 'dzam bu chu bo'i gser gyi bsam le'u can// sa le sbrum dang / nor bu dang / rin po che du mas smras pa/ sngon gyi las kyi rnam par smin pas yongs su sbyangs pa blangs te/ sil snyan brgyad khri bani stong po de dag dang lhan cig tu grags par byed do// mi 'am ci'i rgyal po sdong bos pi wang de blangs ma thag tu de nas pi wang gi sgra des stong gsum gyi stong chen po'i 'jig rten gyi khams dbyangs kyis go bar gyur to/ / pi wang gi sgra des 'dod pa na spyod pa'i rgyud kyi sgra dang / glu'i sgra dang / lha'i glu dbyangs kyi sgra rnams zil gyis gnan te mi gsal bar gyur to// de nas pi wang gi sgra des bskul bas 'dod pa na sprod pa'i lha'i bu de dag gis lha'i rol mo bor te/ bcom ldan 'das ga la ba der lhags so// mi 'am ci'i rgyal po sdong pos pi wang gang de blangs ma thag tu/ de nas stong gsum gyi stong chen po'i 'jig rten gyi khams 'di shing dang / ri'i rgyal po ri rab dang / gangs can dang / spos kyi ngad ldang dang / btang bzung dang / btang bzung chen po dang / de ma yin pa gzhan ri nag po rnams dang / rtswa dang / shing gel ba dang sman dang / nags tshal ji snyed pa de dag thams cad ldeg rab tu ldeg/ kun tu rab tu ldeg go// g.yo rab tu g.yo/ kun tu rab tu g.yo/ 'gul rab tu 'gul/ kun tu rab tu 'gul to//

  571. 286b

    'di lta ste/ dper na chang gis ra ro ba'i mi 'byor/ rab tu 'byor/ kun tu rab tu 'byor pa de bzhin du/ shing de dag thams cad dang / ri thams cad kyang 'dud/ rab tu 'dud/ kun tu rab tu 'dud do// mi 'am ci'i rgyal po sdong pos pi wa nga khog pa bai DUR+Ya las byas pa blangs ma thag tu/ de nas bcom ldan 'das kyi 'khor gyi dkyil 'khor der 'dus pa'i nang nas phyir mi ldog pa'i byang chub sems dpa' ma gtogs par 'dod chags dang bral ba'i dge slong dang / dge slong ma dang / dge bsnyen dang / dge bsnyen ma dang / lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa dang / rnam par thar pa brgyad la bsam gtan pa'i dgra bcom pa dang / thams cad dang ldan pa'i 'khor gyis pi wang gi sgra de thos pa dang / pi wang gi sgra de ma bzod nas rang rang gi stan las langs te/ 'dar rab tu 'dar/ kun tu rab tu 'dar ro// 'dud rab tu 'dud/ kun tu rab tu 'dud do// gar byed rab tu gar byed/ kun tu rab tu gar byed do// nyan thos chen po de dag thams cad kyang rang rang gi stan la mi dga' ste/ 'gul rab tu 'gul zhing spyod lam yang 'khrugs nas/ byis pa chung ngu bzhin du gar byed pa lta bur ston to// de nas

  572. 287a

    byang chub sems dpa' lha'i cod pan gyis/ nyan thos chen po de dag la 'di skad ces smras so// tshe dang ldan pa nyan thos chen po dag nyon mongs pa dang bral ba/ rnam par thar pa brgyad la bsam gtan pa// bden pa bzhi mthong bar gyur pa yin na/ ci'i phyir rang gi lus 'jog par mi nus shing / tshe dang ldan pa dag byis pa chung ngu bzhin du gar byed pa lta bur ston/ nyan thos chen po de dag gis smras pa/ rigs kyi bu mi 'am ci'i rgyal po sdong pos pi wang 'di blangs pa dang / sil snyan dang glu dbyangs sbyar bas pi wang gi sgra des bdag cag la dbang med par bdag gis lus rang rang gi stan la 'dug par mi dga' zhing 'dar/ rab tu 'dar/ kun tu rab tu 'dar te/ sems rnam par gzhog par yang ma nus so// de nas byang chub sems dpa' lha'i cod pan gyis/ gnas brtan 'od srungs chen po la 'di skad ces smras so// btsun pa 'od srungs chen po rgas gtugs// 'khogs pa 'dod pa nyung ba/ chog shes pa/ sbyangs pa'i yon tan 'dzin pa/ lha dang / mi dang / lha ma yin du bcas pa'i 'jig rten gyi mchod rten du gyur pa yin na/ ci'i phyir rang gi lus 'dzin par mi nus shing gnas brtan du gyur kyang byis pa chung ngu bzhin du gar byed pa lta bur ston/ gnas brtan 'od srungs chen pos smras pa/ rigs kyi bu dper na rlung rnam par 'thor byed langs pa na/

  573. 287b

    shing dang / nags dang / ri thams cad 'di ltar bdag rnam par gzhag pa'i stobs med/ mthu med de/ de dag thams cad mi 'dod bzhin du g.yo rab tu g.yo// 'gul rab tu 'gul lo// rigs kyi bu de bzhin du gang 'di mi 'am ci'i rgyal po ljon pas pi wang blangs pa de'i sgra thos pas/ bdag cag rlung rnam par 'thor byed kyis ri chen po bangs pa bzhin du bdag 'dzin ma nus par gyur to/ / de ci'i phyir zhe na/ skyes bu dam pa 'di'i smon lam dang / bsod nams dang / ye shes kyi khyad par ni 'di 'dra ste/ des nyan thos kyi bsod nams dang / ye shes dang / gzi brjid thams cad zil gyis gnon to// byang chub sems dpa' lha'i cod pan gyis smras pa/ btsun pa 'od srungs chen po phyir mi ldog pa'i byang chub sems dpa' rnams kyi dpal dang gzi brjid dang / stobs la gang gi phyir bi wang gi sgra des bskul ba 'am/ bskyod par mi nus pas/ btsun pa 'od srungs chen po su zhig bla na med pa yang dag par rdzogs pa'i byang chub tu sems mi skyed/ de ci'i phyir zhe na/ gang nyi tshe ba'i ye shes dang ldan pa rnams kyi stobs dang / gzi brjid de ni pi wang gi sgra 'dis zil gyis non to// gang theg pa chen po la yang dag par zhugs pa rnams kyi stobs dang / gzi brjid de la ni zil gyis gnon par mi nus pa la ltos/ de nas mi 'am ci'i rgyal po ljon pas pi wang gi sgra sgrog pa na/ sangs rgyas

  574. 288a

    kyi mthu dang / mi'am ci'i rgyal po ljon pa'i sngon gyi smon lam gyi byin gyi rlabs kyis pi wang de dang sil snyan brgyad khri bzhi stong po de dag las kyang tshigs su bcad pa/ 'di dag byung ngo // tha ma 'bring dang de bzhin mchog rnams kyis// chos rnams thams cad mnyam zhing chos rnams dben// zhi bstong pa mi 'gyur 'khrug pa med// gzod nas ngag ste m ed nam mkha' bzhin/ / gang dag da ltar gyi dang 'das pa yi// sems can kun mnyam sems can sems can med// sems can skad du sgra rnams 'byung ba yang // chos kyi sgra dang mtshungs te de yang med/ / zhing rnams thams cad zhing mnyam zhing min te// bar snang dang ni mtshungs shing mnyam par snang // 'phel ba ma yin mi zad ma skyes te/ gsog gsob nam mkha' lta bur rnam par dag/ sangs rgyas kun mnyam sangs rgyas sangs rgyas min// chos dbyings nges par 'dres pa med pa ste/ tshul khrims shes rab ye shes rnam grol mnyam// mtshan nyid gcig ste mtshan mnyam mtshan nyid med/ / nyon mongs thams cad nyon mongs ma yin grol// rtog dang rtog pa kun rtog rnam par rtog/ nang na rgyu ba ma yin phyi rol min// 'du shes mdud pa phyin ci log las gyur/ / rnam par rtog pas chos dbyings ming btags pa// ming de nyid kyang gzhan min de bzhin min// ming dang gzugs kyi rang bzhin rjes rtogs pa// de dag rtag tu mi chags 'jig

  575. 288b

    rten spyod/ / gang rnams 'das pa'i bde gshegs grangs med pa// de dag gis ni gang gsungs chos mang po// gzod nas zad cing deng sa dang 'jigs las dben// de dag yul nga phyogs su 'gro ma yin/ / chos 'di dag ni yi ge las byung ste// yi ge de dag sems can zad pa'i chos// yi ge zad pa'i chos nyid shes pas na// chos rnams kun la rnam par rtog ni sems kyi rgyud ni rgyud mnyam rgyud ma yin/ / rang bzhin gzhan dang gzhan te chags pa med// sems dang sems byung chos mtha' med shes pas// 'phags pa rnams ni mnyam pa chos la 'jug/ mtha' dang mtha' med kun chad rnam par chad// thog ma tha ma bar ma mnyam par gyur// dus gsum dag ni dben pa shes pa mnyam// shes pa de yang mtha' yod ma yin/ skye bo rtag tu ming dang gzugs la chags// mtha' dang mtha' med lta bas gos pa rnams// rgyu dang rkyen las byung bar shes pas na// bdag dang sems can rnam par rtog ma yin// ba las ldang ba rtag tu ldang ma yin/ / chos de kun ni bslang ba med pa ste// gang dag ldang dang ldang ba med rtogs pa// de dag bzod pa mnyam nyid rjes su 'thun// chos kun rtag tu bdag med rang ba te rnga sprin dang glog dang nam mkha' lta bu gsog/ bdag dang sems can rtag tu rang bzhin stong // 'di ni gzungs kyi phyag rgyas 'jug pa yin// mtshan nyid gcig ste mtshan mnyam mtshan

  576. 289a

    par/ gang gis thar pa'i sgo gsum rnam rtogs nas// thug pa med pa'i chos rnams ston byed kyang // chos la yongs su rtog pa mi byed do// tha ma 'bring dang de bzhin mchog rnams kyi/ / chos 'di dag ni yi ge rnams kyis brjod// yi ge rnams la rnam par rtog mi byed// de lta bur ni don rnams bshad pa yin// don dang tshig 'bru gnyis la mi 'jug ste// gnyis med rtag tu don ni sgra dang bral// gang gis mtha' ni dben par shes gyur pa// de yi sngon gyi mtha' ni nye bar chad// gang dag sngon mtha' nye bar chad pa rnams// grol ba'i don du 'dus byas/ rnams la spyod// yang dag mtha' ni rtag tu mtha' med shes// de yi byams dang snying rje shin tu dag/ gang gi byams dang snying rje rnam dag pa// sdug bsngal dang ni bde ba mtshungs mnyam sbyor// rgod dang khengs pa ma yin brtan pa yin// skyes bu mchog gi don gyi go cha shes// chos kyi tshul 'di zhi zhing bden pa ste// 'chad pa na ni dga' ba thob par 'gyur// nam yang 'phel ba med cing 'bri ba med/ / chos nyid 'di ni ngar 'dzin med cing zhi// bar snang lam gyi sgra ni gzung med de// gang gis bshad pa med kyang grag par 'gyur// gang gis bshad dang gang la bshad pa rnams// de dag thams cad brdzun pa ya ma brla// tshigs su bcad pa mngon par bsgrub pa 'di bshad pa na/ byang chub sems dpa' brgyad stong mi skye ba'i chos la bzod pa thob par gyur to// de nas

  577. 289b

    bcom ldan 'das la/ byang chub sems dpa' lha'i cod pan gyis 'di skad ces gsol to// bcom ldan 'das tshigs su bkum pa 'di lta bu 'di dag ga las byung / bcom ldan 'das kyis bka' stsal pa/ rigs kyi bu khyod kyis mi 'am ci'i rgyal po ljon pa la dris shig dang / des de'i lan glon par 'gyur ro// de nas byang chub sems dpa' lha'i cod pan gyis mi 'am ci'i rgyal po ljon pa la 'di skad ces smras so/ / mi 'am ci'i bdag po tshigs su bcad pa mngon par bsgrub pa 'di dag ga las byung / smras pa/ rigs kyi bu sems can thams cad kyi sgra skad ga las 'byung ba las byung ngo / / smras pa/ mi 'am ci'i bdag po sems can thams cad kyi sgra skad ga las 'byung // smras pa/ rigs kyi bu sems can thams cad kyi sgra skad ni nam mkha' las 'byung ngo / / smras pa/ mi 'am ci'i bdag po sems can rnams kyi sgra skad khong pa'i nang nas mi 'byung ngam/ smras pa/ rigs kyi bu 'di ji snyam du sems// sems can thams cad kyi sgra skad lus kyi nang khong nas 'byung ngam/ 'on te sems las 'byung // smras pa/ mi 'am ci'i bdag po lus las kyang ma yin/ sems las kyang ma yin no/ / de ci'i phyir zhe na/ lus ni bems po g.yo ba med pa/ byed pa med pa/ rtswa dang / bong ba dang / rtsig pa dang / shing dang / mig yor lta bu'o// sems ni gzugs med pa

  578. 290a

    bstan du med pa/ / thogs pa med pa/ rnam par rig pa med pa ste/ sgyu ma lta bu'o// smras pa/ rigs kyi bu lus dang sems ma gtogs par gzhan gang nas sgra 'byung bar 'gyur/ smras pa/ mi 'am ci'i bdag po sems can rnams kyi sgra ni yid la byed pa las 'byung bar btags so// smras pa/ gal te nam mkha' med na smra ba las 'byung / smras pa// mi 'am ci'i bdag po nam mkhar ma gtogs par gzhan gang nas sgra 'byung bar 'gyur/ spros pa/ rigs kyi bu de'i phyir rnam grangs 'dis sgra'i tha snyad gang ji snyed 'byung ba de dag thams cad ni nam mkha' las byung bar rig par bya'o/ / nam mkha'i ngo bo nyid ni sgra ste/ rnam par rig ma thag tu 'gag go// 'gags nas nam mkha' ngo bo nyid du/ yang dag par gnas so// de'i phyir chos thams cad ni nam mkha' dang mnyam pa zhes bya ste/ rnam par rig pa med pa/ rnam par shes par bya ba ma yin mod kyi/ sgra dang sgra'i brdas brjod/ do// brjod pa de'ang tha snyad do// gang sgras brjod pa 'di 'dra bar rab tu shes pa de ni chos gang la'ang mngon par mi chags so// gang mngon par mi chags pa de rnam par mi 'phro'o// gang rnam par mi 'gro ba de ni mi 'khor ro// gang mi 'khor ba de ni mi phyed pa'o// gang mi phyed pa de ni mi skye'o// gang mi skye ba de ni 'jig par 'dod do// gang mi 'jigs pa de dang ba'o// gang dang bde

  579. 290b

    dag pa'o/ / gang dag pa de dri ma med pa'o// gang dri ma med pa de 'od gsal ba'o// gang 'od gsal ba de sems kyi rang bzhin no// sems kyi rang bzhin gang yin pa de 'jug pa'o// gang 'jug pa de mtshan ma thams cad gnon pa'o/ / gang mtshan ma thams cad gnon pa de skyon med pa la 'jug pa zhes bya'o// byang chub sems dpa'i skyon med pa la 'jug pa gang yin pa de ni// mi skye ba'i chos la bzod pa thob pa ste/ des na skyon med pa la zhugs pa'i byang chub sems dpa' mi skye ba'i chos la bzod pa thob pa zhes bya'o// gang bzod pa thob pa des thams cad bzod de/ de ste par yang bzod/ de gang zag tu rang bzod de/ ngo ci'i phyir zhe na/ gang zag las stong pa gzhan ma yin te/ gang zag nyid stong pa'o// de mtshan mar yang bzod/ de mtshan ma med par yang bzod do// / de ci'i phyir zhe na/ mtshan ma'i ngo bo nyid mtshan ma med pa'o// de smon par yang bzod/ de smon pa med par yang bzod do// de ci'i phyir zhe na/ smon lam gyi ngo bo nyid kyi mtshan ma smon pa med pa'o// / de sems can thams cad rang bzhin gyis yongs su mya ngan las 'das par yang bzod/ de sems can rnams 'chi 'pho ba dang skye bar yang bzod do// de ci'i phyir zhe na/ 'chi 'pho dang skye bar ni sgyu ma'i ngo bo nyid do/ / rigs kyi bu de ltar mi skye ba'i chos la bzod pa thob pa'i byang chub sems dpa' ni 'gal ba med pa ste/ chos thams cad dang 'gal ba med pa yin no// bdag bzod pa'i rjes su 'gro yang

  580. 291a

    sems can thams cad kyi rjes su 'gro bas kyang 'gro'o/ / bdag bzod pa'i rjes su 'gro yang / chos thams cad kyi rjes su 'gro bas kyang 'gro ste/ 'ong ba'ang med/ 'gro ba'ang med do/ / chos thams cad chos kyi dbyings la gnas par yang yang dag pa ji lta ba bzhin du rab tu shes so// ji ltar chos kyi dbyings la gnas pa de ltar sems can thams cad la gnas ste/ gang gis gnas pa de 'thob pa gnas med pa'i tshul gyis rjes su thob pa de'i sgra'i brda'i tha snyad kyi sgra nye bar bzung nas mi skye ba'i chos la bzod pa dang ldan pa zhes bya'o/ / mi skye ba'i chos la bzod pa ni gang gis kyang brjod pa 'am/ bsnyad pa 'am/ bstan par mi nus so// de ci'i phyir zhe na/ don de ni brjod du med pa/ sgra med pa/ bshad du med pa yin yang brjod du med pa'i don brjod pas bstan pa 'di ni/ rigs kyi bu de bzhin gshegs pa'i che ba nyid do// de nas bcom ldan 'das la/ byang chub sems dpa' lha'i cod pan gyis 'di skad ces gsol to// bcom ldan 'das kye mi 'am ci'i rgyal po ljon pa 'di ji tsam du chos zab mo la bzod pa ston par spobs pa dang / 'di lta bur rgya che ba'i yul la nye bar spyod cing longs spyod pas 'byor pa dang / chos ston pas zab mo'i bzod pa 'di 'di lta bu dang ldan pa ni ngo mtshar to/ / bcom ldan 'das mi 'am ci'i rgyal po ljon pas de bzhin gshegs pa dgra bcom pa yang dag par rdzogs pa'i sangs rgyas ji snyed cig la dge ba'i rtsa ba

  581. 291b

    bskrun na/ des 'di spobs pa 'di lta bu grub par gyur/ bcom ldan 'das kyis bka' stsal pa/ rigs kyi bu gang+gA'i klung gi bye ma snyed kyi 'jig rten gyi khams skar ma'i gzugs ji snyed pa de dag ni bgrang ba'i tshul gyis tshad zin par nus kyi/ mi 'am ci'i rgyal po ljon pa 'dis yang dag par rdzogs pa'i sangs rgyas ji snyed cig la dge ba'i rtsa ba bskyed pa dang / bla na med pa yang dag par rdzogs pa'i byang chub btsal ba'i phyir/ de bzhin gshegs pa de dag gi gan na tshangs par spyod pa spyad pa'i de bzhin gshegs pa dgra bcom pa yang dag par rdzogs pa'i sangs rgyas de dag ni tshang gzung bar mi nus te/ des na 'di'i spobs pa 'di 'dra'o// de nas byang chub sems dpa' lho'i cod pan gyis/ mi 'am ci'i rgyal po ljon pa la 'di skad ces smras so// mi 'am c i'i bdag po khyod de bzhin gshegs pa dgra bcom pa yang dag par rdzogs pa'i sangs rgyas mang po de dag las dge ba'i rtsa ba bskyed pa dge ba'i rtsa ba mang po de lta bu bsdoms pas ci bla na med pa yang dag par rdzogs pa'i byang chub mngon par rdzogs par 'tshang rgya'am/ mi 'am ci'i rgyal po ljon pas smras pa/ rigs kyi bu byang chub sems dpa' rnams dge ba'i rtsa ba yang dag par sgrub pa na/ gang dag gis nam du'ang ngoms par mi 'gyur ba byang chub sems dpa' rnams kyi mi ngoms pa bcu gnyis po 'di dag ste/ bcu gnyis gang zhe na/ 'di lta ste/ de bzhin gshegs pa la mchod

  582. 292a

    pa dang rim gro bya bas mi ngoms pa dang / chos nyan pas mi ngoms pa dang / dam pa'i chos yongs su bzung bas mi ngoms pa dang / chos rgya cher rab tu bstan pas mi ngoms pa dang / sems can yongs su smin par bya bas mi ngoms pa dang / dge ba'i rtsa ba yang dag par bsgrub pas mi ngoms pa dang / dgon pa la gnas pas mi ngoms pa dang / pha rol tu phyin pa thams cad yongs su bskang bas mi ngoms pa dang / ye shes mngon par rab tu dang zhing sems can yongs su smin par bya bas mi ngoms pa dang / chos nges par sems shing tshul bzhin la rab tu sbyor bas mi ngoms pa dang / bsod nams dang ye shes kyi tshogs yongs su btsal bas mi ngoms pa dang / byang chub kyi phyogs kyi chos thams cad yang dag par bsgrub pas mi ngoms pa'o// rigs kyi bu 'di dag ni byang chub sems dpa' rnams dge ba'i rtsa ba yang dag par sgrub pa na/ gang dag gis nam du'ang ngoms par mi 'gyur ba byang chub sems dpa' rnams kyis mi ngoms pa bcu gnyis te/ des na byang chub sems dpa' rnams kyi dge ba'i rtsa ba'i tshogs bsags pa la mi ngoms pa zhes bya'o// de nas bcom ldan 'das la/ mi 'am ci'i rgyal po ljon pas 'di skad ces gsol to/ / bcom ldan 'das byang chub sems dpa' rnams kyi ting nge 'dzin rin po che 'byung gnas zhes bgyi ba mchis te/ byang chub sems dpa' ting nge 'dzin de la brten na

  583. 292b

    yon tan rin po che'i khyad par gyi chos thams cad 'thob par 'gyur ro zhes bgyi ba zhig bdag gis thos na/ bcom ldan 'das gang thos pas byang chub sems dpa' rnams yon tan rin po che'i khyad par gyi chos thams cad 'thob par 'gyur bar bgyi ba'i slad du/ byang chub sems dpa'i ting nge 'dzin rin po che 'byung gnas de/ de bzhin gshegs pas legs par bshad du gsol/ bcom ldan 'das kyis bkal stsal pa/ mi 'am ci'i bdag po de'i phyir legs par rab tu nyon la yid la zung zhig dang / byang chub sems dpa'i ting nge 'dzin rin po che 'byung gnas ngas khyod la bshad do/ / mi 'am ci'i rgyal po ljon pas bcom ldan 'das la legs so zhes gsol nas/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ / mi 'am ci'i bdag po 'di la byang chub sems dpa' ni sangs rgyas dkon mchog rgyun mi 'chad pa dang / chos dkon mchog rgyun mi 'chad pa dang / dge 'dun dkon mchog rgyun mi 'chad par bya ba'i phyir/ sems bskyed pa rin po che brgyad cu po 'di dag la 'jug go// brgyad cu gang zhe na/ 'di lta ste/ de thams cad mkhyen pa'i sems rin po che mi brjed pa dang // lhag pa'i bsam pa'i sems rin po chom gtong ba dang / dge ba thams cad kyi sems rin po che yongs su mi 'dor ba dang / dge ba'i rtsa ba thams cad la sbyor ba'i sems rin po che yongs

  584. 293a

    su mi 'dor ba dang / yi dam la brtan pa'i sems rin po che yongs su mi 'dor ba dang / bdog pa thams cad yongs su gtong ba'i sems rin po che byang chub tu yongs su sngo bas rnam par smin pa la mi re ba'i sems rin po che la 'jug pa dang / mi dge ba'i rtsa ba rnam pa gsum rnam par spong bas lus kyi rgyan gyi sems rin po che dang / ngag gi skyon rnam pa bzhi rnam par spong bas ngag gi rgyan gyi sems rin po che dang / brnab sems dang / gnod sems dang / log par lta ba rnam par spong bas sems kyi rgyan gyi sems rin po che dang / tshul khrims ma nyams shing skyon med de 'dren ma ma yin zhing / thun tshags ma yin pas tshul khrims kyi rgyan gyi sems rin po che dang / sems can thams cad la sems snyoms pas khong khro ba med pa'i sems rin po che dang / sems can thams cad kyis nyes pas byas pa la ci mi snyam pas bzod pa dang nges pa'i sems rin po che dang / byang chub kyi yan lag la lta bas lus dang srog la mi lta ba'i sems rin po tsheche dang / mtho dman med pas rjes su chags pa dang khong khro ba dang bral ba'i sems rin po che dang / zhum pa med pas brtson 'grus brtan pa'i go cha'i sems rin po che dang / lhod pa med pas rtsom pa thams cad nyams 'og tu chud par byed pa'i sems rin po che dang / byang chub kyi lam gyi tshogs sogs pas dran pa dang / blo gros dang / rtogs pa dang / ngo tsha shes pa dang / mos pa

  585. 293b

    brjed pa med pa'i sems rin po che dang / sems la dbang byed pas bsam gtan dang / rnam par thar pa dang / ting nge 'dzin dang / snyoms par 'jug pa bskyed pa'i sems rin po che dang / dam pa'i chos sogs pas chos yongs su tshol ba'i sems rin po che dang / 'jigs pa med cing spobs pas thos pa'i sems rin po che dang / sdig pa 'dod pa dang bral bas zang zing med par chos ston pa'i sems rin po che dang / chags pa'i sems med pas slob dpon chos la dpe mkhyud med pa'i sems rin po che dang / nan tan snying por byed pas tshul bzhin yid la byed pa'i sems rin po che dang / da ltar byed pas ji ltar thos pa'i chos rnams la nan tan byed pa'i sems rin po che dang / gzhan gyi dring la mi 'jog pas shes rab kyis so sor rtogs pa'i sems rin po che dang / sems can thams cad la byams pas khyab pas byams pa chen po'i sems rin po che dang / sems can thams cad la lta bas snying rje chen po'i sems rin po che dang / chos kyi kun dga' la dga' mos pas dga' ba chen po'i sems rin po che dang / chos thams cad nges par sems pas btang snyoms chen po'i sems rin po che dang / dge ba'i rtsa ba sogs pas 'khor ba na yongs su mi skyo ba'i sems rin po che dang / bdag bde ba la mi chags pas sems can thams cad yongs su smin par byed pa'i sems rin po che dang / chos 'dzin pa'i bsdu ba'i dngos po'i sems rin po che dang /

  586. 294a

    thams cad du rnam par 'phrul pas mngon par shes pa chen po'i sems rin po che dang / ma thos pa'i chos mnyan pa'i phyir dge ba'i bshes gnyen la bsten pa'i sems rin po che dang / dge ba'i rtsa ba thams cad sogs pas sdig pa'i grogs po spong ba'i sems rin po che dang / tha dad pa med pas sems can thams cad la sbyor ba mnyam pa'i sems rin po che dang sems can thams cad kyi bsam pa la 'jug pas sems can thams cad kyi nyon mongs pa'i nad yongs su shes pa'i sems rin po che dang / sems can thams cad kyi nyon mongs pa'i nad rab tu zhi bar bya ba'i phyir chos kyi sman thams cad yang dag par sbyor ba'i sems rin po che dang / ye shes kyi che ba nyid du 'gyur bar bya ba'i phyir/ ma bslabs pa rnams la ma brnyas pa'i sems rin po che dang / sems can thams cad la 'dud pas nga rgyal med pa'i sems rin po che dang / 'chos pa med pas g.yo dang sgyu med pa'i sems rin po che dang / dam pa'i chos yun ring du gnas par byed pas chos la dga' ba'i sems rin po che dang / sangs rgyas thams cad la byas pa gzo bas dam pa'i chos yongs su 'dzin pa'i sems rin po che dang / mdza' ba brtan pa'i phyir byas pa shes shing byas pa gzo ba'i sems rin po che dang / bltos pa med pas lan du phan 'dogs pa la mi re ba'i sems rin po che dang / dkar po'i phyogs srung bas dgon pa la dga'

  587. 294b

    ba'i sems rin po che dang / las byas pa chung mi gzon pas rtag tu rab tu 'byung ba'i sems rin po che dang / sdom pa'i spyod pa sogs pas 'phags pa'i rigs la dga' ba'i sems rin po che dang / sems can thams cad mgu bar byed pas sbyangs pa'i yon tan thams cad dang / yo byad bsnyungs pa'i sems rin po che dang / shes rab kyis mi ngoms pas 'dod pa chung zhing chog shes pa'i sems rin po che dang / lus dang sems dben pa spong zhing dben pa'i sems rin po che dang / mtshan dang dpe byad bzang po yongs su rdzogs par byed pas bsod nams kyi tshogs kyis mi ngoms pa'i sems rin po che dang / sems can thams cad kyi the tsom gcad pa'i phyir ye shes kyi tshogs yongs su tshol bas mi ngoms pa'i sems rin po che dang / sangs rgyas la lta ba dang mi 'bral ba'i phyir/ sangs rgyas rjes su dran pa'i sems rin po che dang / chos mnyan pa dang mi 'bral ba'i phyir/ chos rjes su dran pa'i sems rin po che dang / phyir mi ldog pa'i dge 'dun la gzhol ba'i phyir/ dge 'dun rjes su dran pa'i sems rin po che dang / byang chub kyi sems las mi g.yo ba'i phyir/ tshul khrims rjes su dran pa'i sems rin po che dang / nyon mongs pa thams cad yongs su 'dor bas gtong ba rjes su dran pa'i sems rin po che dang / skye ba gcig gis thogs pa'i byang chub

  588. 295a

    sems dpa' rjes su dran pa'i phyir/ lha rjes su dran pa'i sems rin po che dang / mtshungs par byed pa'i phyir byang chub sems dpa' rjes su dran pa'i sems rin po che dang / don thams cad rtogs pas don so so yang dag par rig pa'i sems rin po che dang / chos kyi dbyings 'dres pa med pas chos so so yang dag par rig pa'i sems rin po che dang / sems can gyi tshigs thams cad rtogs pas nges pa'i tshigs so so yang dag par rig pa'i sems rin po che dang / tshig 'bru'i rang bzhin rjes su rtogs pas spobs pa so so yang dag par rig pa'i sems rin po che dang // rnam par shes pa sgyu ma lta bur yongs su shes pa'i tshul gyis ye shes la rton pa'i sems rin po che dang / drang ba'i don gyi mdo sde'i las dang / bya ba dang 'gal bas nges pa'i don gyi mdo sde la rton pa'i sems rin po che dang / gang zag gi rang bzhin rjes su rtogs pas chos nyid la rton pa'i sems rin po che dang / khams gsum thams cad la mngon par zhen pas 'jigs pa'i phyir 'du byed thams cad la mi rtag pa dang / sdug bsngal bar so sor rtog pa'i sems rin po che dang / sems can thams cad la bdag med pas/ chos thams cad la bdag med par so sor rtog pa'i sems rin po che dang / 'dod ba'i sems las shin tu 'da' bas mi gtsang bar so sor rtog pa'i sems rin po che dang / shin tu zhi zhing nye bar zhi bar mya ngan las 'das pa la zhi bar so sor rtog pa'i sems rin po che dang / bdud rtsi'i

  589. 295b

    sgo la yang dag par gzhol bas rnam par thar pa'i sgo stong pa nyid dang / mtshan ma med pa dang / smon pa med pa la mos pa'i sems rin po che dang / mi skye ba'i chos la bzod pa thob pas chos thams cad la ma skyes pa dang ma byung bar mos pa'i sems rin po che dang / lta ba thams cad la mngon par zhen pa med pas chos thams cad la sgyu ma dang / smig rgyu dang / chu zla dang / mig yor dang / rmi lam lha/ bur yang dag par gzhol ba'i sems rin po che dang / rtag pa dang chad pa dang bral bas rten cing 'brel par 'byung ba dang 'thun pa'i sems rin po che dang / gnyis dang bral bas mthar lta ba thams cad sel ba'i sems rin po che dang / theg pa gcig tu khong du chud pas gnyis su med pa'i chos kyi sgo la 'jug pa'i sems rin po che dang / skyon med pa la 'jug pas spyod pa thams cad las ldog pa'i sems rin po che dang / chos thams cad la mnyam pa nyid kyi phyir yang dag par skyon med pa la so sor rtog pa'i sems rin po che dang / sangs rgyas kyi chos thams cad skye bo'i phyir byang chub kyi phyogs kyi chos thams cad yang dag par sgrub pa'i sems rin po che ste/ 'di dag ni chos rin po che brgyad cu'o// mi 'am ci'i bdag po de ltar gang chos brgyad cu po 'di la 'jug pa dang / thob pa dang / nan tan byed pa de ni ting nge 'dzin rin po che 'byung gnas zhes bya'o/ / chos 'di dag ni ting nge 'dzin 'dis bsgrubs pa'o// byang chub sems dpa' gang gi tshe/ dkon mchog 'byung gnas ting nge 'dzin 'di rab tu thob par

  590. 296a

    gyur pa de'i tshe/ des gang la dbang thob par ma gyur pa'i rin po che 'jig rten gyi 'am/ 'jig rten las 'das pa'i gang yang med do// mi 'am ci'i bdag po de la 'jig rten gyi rin po che ni gang / 'jig rten las 'das pa'i rin po che ni gang zhe na/ mi 'am ci'i bdag po de la 'jig rten gyi rin po che ni 'di lta ste/ lha dang mi rnams kyi che ba nyid dang / brgya byin dang tshangs pa'i che ba nyid dang / 'jig rten skyong ba'i che ba nyid dang / 'khor los sgyur ba'i che ba nyid dang / tshong dpon dang / khyim bdag dang / bram ze dang / rgyal rigs shing sA la chen po lta bu'i che ba nyid do// de de ltar lha dang mi rnams kyi che ba nyid thob kyang rgyags pa mi skyed/ bge med pa mi skyed do// de bag yod par gyur pas byang chub sgrub par byed pa'i chos rnams yang dag par sgrub ste/ 'di ni 'jig rten rin po che zhes bya'o// de la 'jig rten las 'das pa'i rin po che gang zhe na/ 'di lta ste/ 'jig rten las 'das pa'i chos rin po che'o// 'jig rten las 'das pa'i chos rin po che gang zhe na/ chos gang 'jig rten las sgrol ba'o/ / 'jig rten las sgrol ba'i chos gang zhe na/ 'di lta ste/ 'phags pa 'jig rten las 'das pa'i shes rab ste/ shes rab kyis 'jig rten las sgrol lo// shes rab rin po che ni 'jig rten las 'das pa'i chos thams cad bsdus te/ shes rab ni 'jig rten las 'das pa'i chos thams cad kyi gtso bo yin no// mi 'am ci'i bdag po 'di lta ste/ dper na klung thams

  591. 296b

    cad kyi gtso bo ni rgya mtsho chen po'o/ / ri thams cad kyi gtso bo ni ri'i rgyal po ri rab bo// skar ma thams cad kyi gtso bo ni zla ba'o// snang ba thams cad kyi gtso bo ni nyi ma'o// dgas thams cad kyi gtso bo ni seng ge'o// skye dgu thams cad kyi gtso bo ni rgyal po'o// sum thu rtsa gsum pa thams cad kyi gtso bo ni brgya byin no// tshangs pa'i dbang du bya ba rnams kyi gtso bo ni tshangs pa chen po'o/ / mi 'am ci'i bdag po de bzhin du 'jig rten las 'das pa'i chos thams cad kyi gtso bo ni shes rab ste/ de'i phyir shes rab ni chos thams cad kyi rgyal po zhes bya'o// mu stegs las bsgral ba'i phyir bde bar 'gro bas lam mo/ / nyon mongs pa'i mun pa sel ba'i phyir sgron ma'o// g.yul las sbrel ba'i phyir dpa' bo'o// sman rab tu sbyor ba'i phyir sman pa'o// bstan bcos thams cad shes pa'i phyir slob dpon no/ / chos thams cad phigs pa'i phyir mda' 'o// nyon mongs pa gcod pa'i phyir ral gri'o// nyon mongs pa'i tshang tshing 'dral ba'i phyir thong gshol lo/ mnyam pa'i phyir mi 'gal ba'o// 'thab pa med pa'i phyir rtsod pa med pa'o// 'byung ba med pa'i phyir mi 'gag pa'o// bden pa'i don rnams yongs su shes pas mthar thug pa'i phyir mi 'khrugs pa'o/ / dran pa nye bar gzhog pa'i phyir dran pa'o// yang dag par spong ba rnams la mnyam pa nyid do// rdzu 'phrul gyi rkang pa rnams skyed pa'o// dbang po rnams sbed pa'o// stobs rnams

  592. 297a

    kyis mi rdzi ba'o/ / byang chub kyi yan lag rnams rjes su rtogs pa'o// lam ston pa'o// zhi gnas zhi bar byed pa'o// lhag mthong rig par byed pa'o// rab rib med pa'i phyir snang ba byed pa'o/ / chos kyi snang bas mun pa sel ba'o// rdul dang bral ba'i phyir rdul med pa'o// brnyas thabs dang bral ba'i phyir mtho bar sems pa med pa'o// yang ba'i lam las rab tu 'das pa'i phyir kun tu mthong bar byed pa'o/ / phyi nang dang bral ba'i phyir yul med pa'o// blta bar byas pa med pa'i phyir stong pas sgrol ba'o// rnam par rtog pa nye bar zhi ba'i phyir mtshan ma med pas rab tu phye ba'o/ / khams gsum pa las rnam par 'das pa'i phyir smon pa'i mtshan nyid do// mtshan nyid med pa'i phyir mtshan nyid gcig pa'o// mtshungs pa med pa'i phyir nam mkha'i mtshan nyid do/ / bdud kyi lam dang bral ba'i phyir g.yo ba dang rlom sems 'joms pa'o// mi rtog pa'i sbyin pa'o// mi gnas pa'i tshul khrims so// rab tu mi gnas pa'i bzod pa'o/ / blang ba med pa dang / dor ba med pa'i brtson 'grus so// sgro btags pa med pa'i bsam gtan no// rnam par rig byed ma yin pa'i sgor shes rab bo// thams cad la mngon du phyogs pa'o/ / thabs dang 'brel ba'o// sems can la yang dag par gzhol ba'o// dge ba'i rtsa ba bsags pa'o// bya ba med pa'o// bya ba dang bral ba ste/ mi 'am ci

  593. 297b

    bdag po 'jam shes rab rin po che'o/ / shes rab rin po che 'di ni ting nge 'dzin rin po che 'byung gnas thob pa'i byang chub sems dpa' des 'thob po// 'di thob pa la ni rin po che thams cad yang dag par 'du ba yin no/ / mi 'am ci'i bdag po 'di lta ste/ dper na chu bo thams cad kyi sgo ni rgya mtsho chen po ste/ rin po che thams cad sogs pa/ rin po che thams cad yang dag par 'du ba ste/ de las rin po che thams cad 'byung ngo // mi 'am ci'i bdag po de bzhin du ting nge 'dzin rin po che 'byung gnas thob pa'i byang chub sems dpa' de rin po che thams cad kyi sgo yin te/ chos rin po che thams cad yang dag par 'du ba'o/ / ting nge 'dzin rin po che'i 'byung gnas las dkon mchog gsum 'byung ste/ sangs rgyas dkon mchog dang / chos dkon mchog dang / dge 'dun dkon mchog go/ / de nas ting nge 'dzin rin po che'i 'byung gnas ni// rin po che thams cad sogs pa zhes bya'o// de nas bcom ldan 'das la/ byang chub sems dpa' lha'i cod pan gyis 'di skad ces gsol to/ / bcom ldan 'das mi 'am ci'i rgyal po ljon pa 'dis ting nge 'dzin rin po che 'byung gnas 'di thob lags sam/ bcom ldan 'das kyis bka' stsal pa/ rigs kyi bu khyod kyis de mi 'am ci'i rgyal po ljon pa la dris shig dang / des khyod la ston par 'gyur ro// de nas byang chub sems dpa' lha'i cod pan gyis/ mi 'am ci'i rgyal

  594. 298a

    po ljon pa la 'di skad ces smras so/ / ma 'am ci'i bdag po khyod kyis ting nge 'dzin dkon mchog 'byung gnas 'di thob pam/ smras pa/ rigs kyi bu ting nge 'di ni thob pa 'am/ dmigs par so sor nye bar gnas pa ma yin no// ting nge 'dzin 'di ni sus kyang mi thob bo// ting nge 'dzin 'di ni gzugs su bgrang ba 'am/ tshor ba dang / 'du shes dang / 'du byed dang / rnam par 'grang ba ma yin no// ting nge 'dzin 'di ni gzugs su snang ba ma yin no// ting nge 'dzin 'di ni mig dang / rna ba dang / sna dang / lce dang / lus dang / yid kyi rnam par shes pa'i gzung ba ma yin/ skye ba'i mtshan nyid ma yin/ 'jig pa'i mtshan nyid ma yin/ gnas pa'i mtshan nyid ma yin/ rgyun 'chad pa'i mtshan nyid ma yin/ mtshan nyid gcig pa ma yin/ mtshan nyid tha dad pa ma yin/ mtshan nyid ma yin/ mtshan nyid dang bral ba ma yin/ mtshan nyid med pa ma yin te/ brjod par bya ba'ang ma yin no// ting nge 'dzin 'di ni yongs su rtogs par mi nus te/ kun tu rtogs par ma yin/ rnam par rtogs par ma yin no// de ci'i phyir zhe na/ gal te ting nge 'dzin 'di yongs su rtogs pa 'am/ kun tu rtogs pa 'am/ rnam par rtogs par 'gyur na ni brtag pa'i gzhi nyid du 'gyur gyi/ ting nge 'dzin ma yin no// rigs kyi bu ting nge 'dzin ces bya ba ni chos thams cad kyi mnyam pa nyid do// chos thams cad kyi mnyam pa nyid gang yin pa

  595. 298b

    de dang kho bo mnyam mo/ / de dang sems can thams cad kyang mnyam mo// rigs kyi bu de'i phyir ting nge 'dzin 'di dang sems can thams cad mnyam mo// de ci'i phyir zhe na/ sems can thams cad stong pa ste/ stong pa'i mtshan nyid ni ting nge 'dzin 'di'o// sems can thams cad ni mtshan ma med pa ste/ mtshan ma med pa'i mtshan nyid ni ting nge 'dzin 'di'o// sems can thams cad ni smon// pa med pa ste/ smon pa med pa'i mtshan nyid ni ting nge 'dzin 'di'o// sems can thams cad ni dben pa ste/ dben pa'i mtshan nyid ni ting nge 'dzin 'di'o// sems can thams cad ni bdag med pa ste/ bdag med pa'i mtshan nyid ni ting nge 'dzin 'di'o// de ni lus dang / ngag dang / sems kyis reg par mi nus so// gang la la dag chos la reg par byed pa dang / mnyam par byed pa dang mngon par mnyam par byed pa de dag thams cad ni legs par gsungs pa'i chos 'dul ba la nga rgyal can du bstan to/ / de nas bcom ldan 'das la/ byang chub sems dpa' lha'i cod pan gyis 'di skad ces gsol to/ / bcom ldan 'das mi 'am ci'i rgyal po ljon pa'i spyod pa bag mchis pa 'di lta bu dang / chos la spobs pa 'di lta bu ni ngo mtshar to// bcom ldan 'das kyis bka' stsal pa/ rigs kyi bu bya ba thams cad kyang kun tu ston la/ bya ba thams cad kyis kyang mi gos pa 'di ni thabs dang shes rab la byung ba'i byang chub sems dpa' rnams kyi sa'o// rigs kyi bu

  596. 299a

    mi 'amaci'i rgyal po ljon pa 'dis rgyud kyi sgra dang / glu'i sgra dang / sil stan dang / pheg rdob pa byas pas tshul 'dis mi 'am ci bye ba phrag bdun bla na med pa yang dag/ par rdzogs pa'i byang chub tu yongs su smin par byas so// dri za bye ba phrag sum cu bla na med pa yang dag par rdzogs pa'i byang chub tu yongs su smin par byas so// lto 'phye chen po bye ba phrag bzhi bcu'ang bla na med pa yang dag par rdzogs pa'i byang chub tu yongs su smin par byas so/ / rang gi 'khor gyi srog chags brgyad khri bzhi stong yang byang chub tu yongs su smin par byas so// shes rab thabs kyi ye shes 'di dang ldan pa'i byang chub sems dpa' ni gang dang gang gi tshe/ 'khor gyi che ba nyid thob pa de dang de'i tshe sems can grangs med dpag tu med pa yongs su smin par byed do// rigs kyi bu/ 'di lta ste/ dper na rgyu med par me mi 'bar ro// de bzhin du byang chub sems dpa' sems dpa' chen po dben pa na gnas pa'ang sems can yongs su smin par bya ba mi 'bar ro// rigs kyi bu 'di lta ste/ dper na rgyu yod na me 'bar ro// rigs kyi bu de bzhin du byang chub sems dpa' sems dpa' chen po skye bo phal po che'i nang na 'dug na/ sems can yongs su smin par bya ba 'bar ro// rigs kyi bu de'i phyir rnam grangs 'dis 'di ltar byang chub sems dpa' ji lta ji lta bur yul dang 'khor chen po 'byor par gyur pa de lta de lta bur sems can dpag tu med pa yongs su smin par

  597. 299b

    byed par rig par bya'o/ / de skad ces bka' stsal pa dang / bcom ldan 'das la/ byang chub sems dpa' lha'i cod pan gyis 'di skad ces gsol to// bcom ldan 'das ji ltar/ na mi 'am ci'i rgyal po ljon pas rgyud kyi sgra dang / glu'i sgra dang / sil snyan dang / pheg rdob pa bgyis pas sems can yongs su smin par bgyid/ bcom ldan 'das kyis bka' stsal pa rigs kyi bu mi 'am ci dang / dri za dang / lto 'phye chen po glu dang / rol mo'i dbyangs sgra la mos pa rnams la mi 'am ci'i rgyal po ljon pas gang gi tshe pi wang gi sgra thos par byed cing / sil snyan dang glu dbyangs sbyor ba de ni mi 'am ci dang / dri za dang / lto 'phye chen po de dag dga' ba dang / rab tu mgu ba chen po thob bo// de dag dga' ba dang / mos pa dang / rab tu mgu ba thob nas/ rgyud kyi sgra dang / sil snyan gyi sgra dang / glu dbyangs kyi sgra de dag las sangs rgyas kyi sgra 'byung ngo // chos kyi sgra dang / dge 'dun gyi sgra 'byung ngo // byang chub kyi sems la dga' ba dang / thams cad mkhyen pa'i sems skyed par sbyor ba'i sgra 'byung ngo // sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi sgra 'byung ngo // byams pa dang snying rje dang / dga' ba dang / btang snyoms kyi sgra dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan

  598. 300a

    lag dang / lam dang / zhi gnas dang / lhag mthong dang / bsam gtan dang / rnam par thar pa dang / ting nge 'dzin dang / snyoms par 'jug pa'i sgra 'byung ngo // mi rtag pa dang / sdug bsngal ba dang / bdag med pa dang / zhi ba'i sgra 'byung ngo // stong pa nyid dang / mtshan ma med pa dang / smon pa med pa dang / mngon par 'du byed pa med pa dang / skye ba med pa dang / 'byung ba med pa dang / dngos po med pa'i sgra 'byung ngo // byang chub sems dpa'i sde snod kyi chos kyi rnam grangs dang / gzungs dang / rdo rje'i tshig dang / 'khor gsum yongs su sbyong ba'i sgra 'byung ngo / / phyir mi ldog pa'i chos kyi 'khor lo rab tu bskor ba'i sgra dang / chos thams cad la rnam par nges pa'i ting nge 'dzin gyi sgra dang / rgya mtsho'i phyag rgya'i ting nge 'dzin gyi sgra dang / chos thams cad la yang dag par gzhol ba'i ting nge 'dzin gyi sgra dang / chos thams cad la dbang byed pa'i ting nge 'dzin gyi sgra dang / rnam par bkod pa'i ting nge 'dzin gyi sgra dang / rin chen sgron ma'i ting nge 'dzin gyi sgra dang / rin po che 'byung gnas kyi ting nge 'dzin gyi sgra dang / rin chen brtsegs pa'i ting nge 'dzin gyi sgra dang / nyon mongs pa spong ba'i ting nge 'dzin gyi sgra dang / dga' byed ting nge 'dzin gyi sgra dang / pad+ma bkod pa'i ting nge 'dzin gyi sgra dang / pad+ma bla ma'i ting nge 'dzin gyi sgra dang / nam mkha' mdzod kyi ting nge 'dzin gyi sgra dang / thams cad kyi rjes su 'gro ba'i ting nge 'dzin gyi sgra dang

  599. 300b

    dam pa'i chos pad+ma dkar po'i ting nge 'dzin gyi sgra dang / khyad par can gyi ting nge 'dzin gyi sgra dang / rnam par rgyal bar byed pa'i ting nge 'dzin gyi sgra dang / cher bsgyings ting nge 'dzin gyi sgra dang / rnam pa la sems dbang byed cing ting nge 'dzin gyi sgra dang / seng ge bsgyings pa'i ting nge 'dzin gyi sgra dang / nyi ma'i sgron ma'i ting nge 'dzin gyi sgra dang / mtha' yas 'khyil ba'i ting nge 'dzin gyi sgra dang / rgyun gyi rjes su song ba'i ting nge 'dzin gyi sgra dang / rdo rje'i dkyil 'khor ting nge 'dzin gyi sgra dang / rdo rje'i rgyal mtshan ting nge 'dzin gyi sgra dang / rdo rje lta bu'i ting nge 'dzin gyi sgra dang / rdo rje lte ba'i ting nge 'dzin gyi sgra dang / sa 'dzin ting nge 'dzin gyi sgra dang / lhun po sgron ma'i ting nge 'dzin gyi sgra dang / lhun po rgyal mtshan ting nge 'dzin gyi sgra dang / rin po che mdzod kyi ting nge 'dzin gyi sgra dang / sems la dbang byed ting nge 'dzin gyi sgra dang / sems can thams cad kyi sems la rnam par lta ba'i ting nge 'dzin gyi sgra dang / spyod pa thams cad kyi yul las nges par 'byung ba'i ting nge 'dzin gyi sgra dang / zab mo sbed par sbyor ba'i ting nge 'dzin gyi sgra dang / spobs pa sna tshogs kyi ting nge 'dzin gyi sgra dang / bltar mi mthong ba'i ting nge 'dzin gyi sgra dang / chos thams cad la rnam par lte ba'i ting nge 'dzin gyi sgra dang / rnam par rol pa'i ting nge 'dzin gyi sgra dang / mngon par shes pa thams cad las nges par 'byung ba'i ting nge 'dzin gyi sgra dang / bdud kyi dkyil 'khor

  600. 301a

    'jig pa'i ting nge 'dzin gyi sgra dang / gzugs thams cad kun tu ston pa'i ting nge 'dzin gyi sgra dang / sgra thams cad la 'jug pa'i ting nge 'dzin gyi sgra dang / lus thams cad rnam par gzhig pa'i ting nge 'dzin gyi sgra dang / spyod pa thams cad la dbang po'i ting nge 'dzin gyi sgra dang / shes rab sgron ma'i ting nge 'dzin gyi sgra dang / lag na sgron ma'i ting nge 'dzin gyi sgra dang / byang chub mngon sum snang byed ting nge 'dzin gyi sgra dang / so so yang dag par rig pa la 'jug pa ston pa'i ting nge 'dzin gyi sgra dang / yon tan gyi rnam pa thams cad la 'jug pa'i ting nge 'dzin gyi sgra 'byung ngo / / rigs kyi bu de ltar rgyud kyi sgra dang / sil snyan gyi sgra dang / glu dbyangs kyi sgra de dag las chos kyi sgra 'di lta bu 'di dang / ting nge 'dzin gyi sgra 'byung ngo // sgra de dag gis sems can de dag yongs su smin par byed par 'gyur te/ rigs kyi bu byang chub sems dpa' sems dpa' chen po rnams ni ngo mtshar rmad du byung ba'i chos 'di lta bu dang ldan pa yin no// mi 'am ci'i rgyal po ljon pa'i yon tan bsngags pa bstan pa 'di bshad pa na/ sangs rgyas kyi mthus thams cad dang ldan pa'i 'khor gyi lag par lha'i me tog man+da ra ba'i phur ma byung nas/ de dag gis me tog gi phur ma de dag mi 'am ci'i rgyal po ljon pa la gtor to/ / de nas mi 'am ci'i rgyal po ljon pas byin gyi rlabs ji lta bus me tog de dag lag pa g.yas pas blangs te/ me tog gcig kyang sa la mi ltung ba de lta bu'i

  601. 301b

    byin gyi rlabs kyis byin gyis brlabs nas/ me tog blangs pa de dag bcom ldan 'das la mngon par gtor to// de nas me tog de dag gtor ma thag tu sangs rgyas kyi mthus skad cig de la stong gi 'jig rten gyi khams me tog rin po che'i gdugs gcig gis khebs par gyur to/ / me tog rin po che'i gdugs de las mu tig gi rgyan 'phreng bye ba khrag khrig brgya phrag stong rab tu 'phung ngo // mu tig gi rgyan 'phreng gi mu tig gi 'bru de thams cad las kyang 'od zer bye ba khrag khrig brgya stong phrag du ma byung ngo / / 'od zer thams cad kyi rtse mo nas kyang pad+ma sna tshogs blta na sdug pa kha dog dang ldan pa/ dri dang ldan pa/ yid du 'ong ba dag byung bar gyur to// pad+ma thams cad la'ang bcom ldan 'das shAkya thub pa'i sku ci 'dra ba'i de bzhin gshegs pa'i sku skyil mo krung bcas shing bzhugs par kun tu snang ngo // sangs rgyas bcom ldan 'das de dag thams cad kyis kyang mi 'am ci'i rgyal po ljon pa la legs so zhes bya ba byin te/ skyes bu dam pa khyod kyis sems can mang po yongs su smin par byas so// sems can yongs su smin par bya ba'i phyir/ gang yul las rnam par grol yang yul thams cad kyang ston/ 'khor ba las grol yang bsams bzhin du srid par skye ba kun tu ston/ mya ngan las 'das par skyon med pa thob kyang / khams gsum na nye bar spyod pa 'di lta bu ni byang chub sems dpa'i bya ba byed pa yin te/ legs so legs so// de nas mi 'am ci'i rgyal po ljon pa 'di snyam du sems te/ bdag gis

  602. 302a

    de bzhin gshegs pa de dag thams cad kyi dbu la rin po che'i gdugs gzhan dag byin gyis brlab bo snyam mo/ / de nas mi 'am ci'i rgyal po ljon pa de'i tshe/ rin po che'i gdugs bkod pa zhes bya ba'i ting nge 'dzin la snyoms par zhugs so/ / mi 'am ci'i rgyal po ljon pa rin po che'i gdugs bkod pa'i ting nge 'dzin de la snyoms par zhugs ma thag tu/ de nas de bzhin gshegs pa thams cad kyi dbu'i drang thad kyi steng na/ rin po che'i gdugs rnams gnas pa kun tu snang ngo // 'khor de thams cad kyi lag pa g.yas pa nas kyang rin po che'i gdugs rnams byung bar gyur te/ de dag gis rin po che'i gdugs de dag sangs rgyas bcom ldan 'das de dag la mngon par bka' bo// de nas mi 'am ci'i rgyal po ljon pa 'di snyam du sems te/ 'di lter bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa nyan thos dang / byang chub sems dpa'i dge 'dun dang bcas par bshos la spyan drangs te/ 'di ltar bcom ldan 'das 'khor dang bcas par ri'i rgyal po spos kyi ngad ldang du bdag gi gnas su gshegs par gsol lo// de ltar na bdag gi gnas yongs su spang par 'gyur ro/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i tshogs tshad med pa la phan btags par yong 'gyur

  603. 302b

    ro/ / de dag kyang bcom ldan 'das la bsnyen bkur bya ba dang / yongs su spyad pa bya bar spro bar 'gyur ro// de'i phyir de dag gis yun ring po'i don dang / phan pa dang / grub pa dang / bde ba dang // / byang chub sems dpa' sgrub pa thob par 'gyur ro snyam mo// de nas mi 'am ci'i rgyal po ljon pas/ bcom ldan 'das kyi zhabs la mgo bos phyag 'tshal te/ thal mo sbyar nas bcom ldan 'das la 'di skad ces gsol to/ / bcom ldan 'das bdag la thugs brtse ba dang / sems can tshad ma mchis pa'i dge ba'i rtsa ba spel pa'i slad du/ de bzhin gshegs pa dgra bcom pa yang dag par rdzogs pa'i sangs rgyas byang chub sems dpa'i dge 'dun dang / nyan thos kyi dge 'dun dang thabs cig tu ri spos kyi ngad ljang gi ngos la bdag gi gnas su dgung bdun zhig bzhugs par bdag la gnang ba mdzad du gsol/ bcom ldan 'das bdag cag ni de bzhin gshegs pa 'khor dang bcas pa la bsnyen bkur dang yongs su spyad pa bgyi bar spro'o// bcom ldan 'das kyis mi 'am ci'i rgyal po ljon pa la thugs brtse ba'i phyir/ byang chub sems dpa' dang / nyan thos kyi tshogs dang bcas par zhag bdun ri spos kyi ngad ldang gi ngos la bzhugs par gan ngong de nas mi 'am ci'i rgyal po ljon pas bcom ldan 'das kyis gnang bar rig nas/ tshim zhing mgu la yi rangs shing rab tu dga' ste/ dga' ba dang yid bde ba skyes nas/ slas dang / gnyen 'dab

  604. 303a

    dang g.yog 'khor dang bcas te/ bcom ldan 'das kyi zhabs la mgo bos phyag 'tshal nas lan gsum bskor ba byas te/ sil snyan dang rol mo'i dbyangs sgra byas nas/ bcom ldan 'das la mchod pa byas nas 'khor gyi dkyil 'khor de nas song nas/ ri'i rgyal po spos kyi ngad ldang la gnas so// de nas mi 'am ci'i rgyal po ljon pas bcom ldan 'das la mchod pa'i las kyi slad du/ rang gi khyim rgyan thams cad kyis brgyan te/ 'khor gyi khyams rgyar khor yug tu dpag tshad lnga brgya pa bai DUR+Ya sngon po dang / 'dzam bu chu bo'i gser gyi pad+mas legs par brgyan pa rin po che du mas rnam par spras pa byas so/ / 'khor gyi khyams der gdan khri rtsa ba rin po che las byas pa/ lha'i res bcos bu brgya stong bting ba brgya stong phrag mang po bshams so// bcom ldan 'das kyi gdan seng ge'i khri 'phang du dpag tshad bcu gnyis pa/ rin po che thams cad kyis spras pa/ rin po che'i kha khyer gyis bskor ba/ gdugs dang / rgyal mtshan dang / ba dan bsgreng ba/ snying po mchog gi bdug pas bdugs pa// bla re bres pa/ dar gyi lnga ldi mang po bres pa/ lha'i me tog gtor ba bshams so// seng ge'i khri de'i phyogs bzhir rin po che'i shing ljon pa sna tshogs bstan sdug pa bzhi sprul te/ skye bo thams cad bsdus nas// tshigs su bcad pa 'di dag smras so// u dum wa ra'i me tog ji bzhin du// sangs rgyas 'byung ba brgya lam rnyed 'gyur ba/

  605. 303b

    mi mchog de ni da ltar byung gyur kyis// skyob la gus dang bcas pas mchod pa gyis// nga rgyal dag dang rgyags dang g.yo spongs la// phrag dog ser sna de bzhin sgyu rnams dang // rgod pa thams cad yongs su spong byos la/ / ston la gus dang bcas pas mchod pa gyis// spos ngad ldang ba 'di na lha yul ba'i// me tog khyad par 'phags pa ji snyed pa// de dag thams cad gcig tu bsdus nas su/ / skyes bu khyu mchog la ni mchod pa gyis// sems can mchog la mchod pa bya ba'i phyir// dri zhim yid 'ong khyad par 'phags pa'i dri// dus kyi rjes su 'brang ba'i tsan dan gyis/ / spos kyi ngad ldang 'di la 'dug pa gyis// glu dbyangs sil snyan rnam mang yid 'ong ba// mi 'am ci'i dag rtag rtsen gar byed pa// ldan par byos la dga' zhing dang pa yis/ / rkang gnyis mchog la mchod pa rab tu gyis// mtshungs pa med pa mthong ba rnyed dka' ba// de bzhin gshegs pa lha yi gdugs rnams dang // ba dan dag dang rgyal mtshan chos gos dang / / bla re dmar po yid 'ong gzung bar byos// sangs rgyas mchod pas bde 'gror 'gro bar 'gyur// brgya byin dang ni 'jig rten skyong bar 'gyur// tshangs pa dag dang dbang byed/ dbang phyug dang // lha dang mi yi bdag po chen por 'gyur// mi mchog mchod pas gzugs dang kha dog dang // grags dang brjod dang 'khor dang longs spyod dang // de bzhin dbang phyug dang

  606. 304a

    ni mnyan tshig dang / / de bzhin gzung bar 'os pa'i tshig tu 'gyur// gang dag 'dir ni lha dang de bzhin du// mi rnams kyi ni 'dus byas bde ba dang // bde ba bde bas tshim par 'dod pa rnams/ / 'jig rten mgon po de la mchod pa gyis// rang rgyal byang chub de bzhin nyan thos dang // de ltar dam pa mchog gi theg pa dang // bdud kyi dpung rnams rab 'joms gang 'dod pas/ / sems can mchog de la ni mchod pa gyis// de nas mi 'am ci'i rgyal po ljon pas rang gi g.yog 'khor thams cad la go bar byas te/ me tog dang / dri dang / 'phreng ba dang / byug pa bsdogs nas ro brgya pa'i zhal zas bshams te/ ri'i rgyal po spos kyi ngad ldang gi lho phyogs kyi ngos la 'dug nas/ sil snyan dang glu dbyangs blangs te/ rgyud kyi sgra dang glu'i sgra dang ldan pa'i tshigs su bcad pa'i dbyangs kyis bcom ldan 'das la gdugs tshod phab pa/ phan pa mdzad cing dga' mdzad bde mdzad bcom ldan 'das// zhal ni rab 'dzum zla ba'i ngos ltar dri mi mnga'/ / skyes mchog dge sbyong dam pa lha dang mis mchod pa// bde bar gshegs khyod 'dir gshegs pa yi dus 'di lags// stobs bcu rnams kyi stobs mnga' pha rol dpung 'joms pa/ / gzhan gyi tshogs rnams 'jom zhing 'gro la phan pa mdzad// ma 'khrugs ma rnyog dri ma tha ba rab spangs pa// phan pa mdzad pa khyod 'dir gshegs pa'i dus 'di lags//

  607. 304b

    sbyangs pa'i yon tan rdul sbyangs the tshom rnam par stor// dran dang blo gros blo yangs mos rtogs blo gros ldan// 'gro rgyal rtag tu 'gro ba 'gro med 'gro ba spangs// phan pa mdzad cing dga' mdzad rab tu dgyes pa'i thugs/ / nyi ma zla ba nor bu glog rnams mdzes pa'i 'od// brgya byin tshangs pa srid gsum lha tshogs 'od 'phrog cing // 'od mdzad dpal stag thub khyod 'od ni phan bgyid pas/ / 'od 'di bsal nas rgyal ba'i 'od ni lhag ge'o// khyod kyis lha skad klu skad mi 'am ci yi glu sgra yis// yang dang yang du 'bar ba'i nyon mongs zhi bar bgyid// skad mchog yangs pa tshangs pa rnams kyi sgra skad kyis/ / nyon mongs thams cad zhi bar bgyid pas 'bar ma lags// sman pa gang dag phyogs bcur rgyu yang de dag gis// gang du'ang 'gro ba'i nyon mongs zhi bar bgyid mi nus/ / sman pa'i rgyal po bla med gang tshe gsung brjod pa// de tshe nyon mongs kun zhi bde ba thams cad smin// shin tu ngo mtshar 'od dang stobs mchog mtshungs med stobs// gsung ni skyon bral 'khrul pa mi mnga' dgra 'dul ba// rdul med rab rib dag gi mun pa shin tu bcom// dgra bral phan mdzad khyod kyis dus lags 'dir gshegs gsol// sbyin dang dul dang legs spyod mi mnyam mtshungs dang mnyam/ / tshul khrims brtul zhugs mi 'khrugs rtul zhugs dka' thub brtson// bzod dang dul dang shin tu dge la nges pa'i thugs// dga'i gsung dgra

  608. 305a

    rnams kyi ni dga' spong gshegs su gsol/ / dbang po stobs dang lam dgyes bsam gtan mngon mkhyen rol// dran dang blo gros rtogs dang mos la gnas pa'i thugs// 'od ni rab tu lhag ge shin tu dgyes pa'i thugs// yon tan mnga' ba khyod 'dir gshegs pa'i dus 'di lags// byams dang snying rje dga' dang btang snyoms bsgoms pa'i thugs// skyon gyi mun pa bcom zhing bag la nyal dang bral/ / tshangs pa'i lam ni rab bsgrubs rgyal ba'i lam la gnas// dga' mdzad bde bar gshegs pa dus lags gshegs su gsol// de nas bcom ldan 'das kyis mi 'am ci'i rgyal po ljon pas gdugs tshod phab pa'i tshigs su bcad pa gsan nas/ dge slong gi dge 'dun la bka' stsal pa/ dge slong dag mi 'am ci'i rgyal po ljon pas gdugs tshed la phab kyis lhung bzed dang chos gos thogs la zhag 'dun gnas pa'i gtsug lag khang skyong yang skos shig/ de nas byang chub sems dpa' lha'i cod pan 'di snyam du sems te/ 'di ltar bdag gis khang pa brtsegs pa bkod pa 'di lta bu sprul la/ khang pa brtsegs pa der bcom ldan 'das byang chub sems dpa' dang / nyan thos kyi tshogs dang bcas par bzhugs te/ rin po che bkod pa'i seng ge'i khri la bzhugs pa'i khang pa brtsegs pa bdag gis lag pa g.yas par blangs te/ nam mkha'i ngos las ri'i rgyal po spos kyi ngad ldang du bskur bar byin gyis brlab bo snyam

  609. 305b

    / moHde nas byang chub sems dpa' lha'i cod pan de'i tshe 'di lta bu'i ting nge 'dzin la snyoms par zhugs te/ ting nge 'dzin de la snyoms par zhugs ma thag tu/ bcom ldan 'das kyi spyan sngar kha pa brtsegs pa tshad dpag tshad bcu pa/ bkra ba/ blta na sdug pa/ gru bzhi lham pa/ ka ba bzhi zug pa/ cha mnyam pa/ shin tu rnam par phye ba byung ngo // khang pa brtsegs pa der stobs dang ldan pa'i pad+ma bkod pa'i khri rnams kyang byung ngo / / khang pa brtsegs pa der bcom ldan 'das kyi gdan rin po che'i pad+ma bkod pa'i seng ge'i khri 'phang du mi bdun yod pa byung ngo // de nas byang chub sems dpa' lha'i cod pan gyis khang pa brtsegs pa bkod pa dang / seng ge'i khri bkod pa 'di lta bu 'di byas nas/ bcom ldan 'das la 'di skad ces gsol to// bdag la thugs brtse ba'i slad du/ bcom ldan 'das byang chub sems dpa' dang / nyan thos chen po 'di dag dang thabs cig tu khang pa brtsegs pa seng ge'i khri bshams pa 'dir bzhugs su gsol/ bcom ldan 'das bdag gis khang pa brtsegs pa 'di sug pa g.yas pas blangs te/ ri'i rgyal po spos kyi ngad ldang du 'tshal nas gzhag par bgyi'o// de nas bcom ldan 'das byang chub sems dpa' lha'i cod pan la thugs brtse ba'i phyir/ byang chub sems dpa' dang / nyan thos chen po de dag deng thabs cig tu khang pa brtsegs pa der/ ji ltar khri bshams pa de dag la bzhugs

  610. 306a

    so/ de nas byang chub sems dpa' lha'i cod pan gyis khang pa brtsegs pa de lag mthil g.yas par blangs te/ steng gi nam mkha' las rdzu 'phrul gyis song ngo // de nas 'dod pa na spyod pa'i lha'i bu dang / gzugs na spyod pa'i lha'i bu rnams kyis byang chub sems dpa' lha'i cod pan gyi rdzu 'phrul gyi cho 'phrul 'di mthong nas tshim zhing mgu la yi rangs shing rab tu dga' ste/ dga' ba dang yid bde ba skyes nas/ bcom ldan 'das dang byang chub sems dpa' sems dpa' chen po lha'i cod pan la mchod pa'i las kyi phyir/ me tog dang / bdug pa dang spos dang / 'phreng ba dang / byug pa thams cad thogs te/ sil snyan dang pheg rdob pa byas nas/ bcom ldan 'das khang pa brtsegs pa na bzhugs shing / nam mkha'i ngos las gshegs pal mchod pa byas te/ ri'i rgyal po spos kyi ngad ldang du phyin to// mi 'am ci'i rgyal po ljon pas bcom ldan 'das khang pa brtsegs pa na bzhugs shing / nam mkha'i ngos las gshegs pa mthong ngo / / mthong nas mi 'am ci dang / dri za brgyad khri bzhi stong gis bskor te/ me tog dang / bdug pa dang / spos dang / 'phreng ba dang / byug pa thams cad thogs nas/ sil snyan dang / bag rdob pa dang / glu dbyangs len pa'i bkod pa byas te/ bcom ldan 'das bsu ba'i phyir byung ngo // de nas mi 'am ci'i rgyal po ljon pa dpung dang bcas/ 'khor dang

  611. 306b

    bcas te/ bcom ldan 'das kyi zhabs la mgo bos phyag 'tshal nas/ ji ltar thogs pa'i me tog dang / bdug pa dang / spos dang / 'phreng ba dang / byug pa de dag dang / sil snyan dang / pheg rdob pa dang / glu dbyangs len pas bcom ldan 'das la mchod pa byas so// de nas bcom ldan 'das kyis gdugs tshod la bab par mkhyen nas/ byang chub sems dpa' dang / nyan thos chen po dang / brgya byin dang / tshangs pa dang / 'jig rten skyong ba dang / de ma yin pa gzhan lha'i bu rnams dang thabs cig tu mi 'am ci'i rgyal po ljon pa'i 'khor gyi khyams bkod pa ga la ba der gshegs te/ rang gi seng ge'i khri ji ltar bshams pa la bzhugs so// byang chub sems dpa'i tshogs dang / nyan thos kyi tshogs thams cad kyang so so ci rigs par 'khod do/ / de nas mi 'am ci'i rgyal po ljon pas/ brgya byin dang / tshangs pa dang / 'jig rten skyong ba dang / 'dod pa na spyod pa dang / gzugs na spyod pa'i lha'i bu de dag la smras pa/ grogs po dag de bzhin gshegs pa dang thabs cig tu gdugs tshod gsol gyis/ khyed thams cad 'dus la tshur spron/ de nas mi 'am ci'i rgyal po ljon po slas dang bcas/ bu dang bcas gnyen 'dab dang bcas/ 'khor dang bcas/ g.yog dang bcas te/ rang rang gi lag gis bza' ba dang bca' bgya nom pa mang po ro dang ldan pa/ ro brgya pa'i zhal zas sna tshogs bcom

  612. 307a

    ldan 'das dang / byang chub sems dpa'i dge 'dun dang / dge slong gi dge 'dun dang / 'khor la brims nas/ ci bde bar bstabs te/ tshim par byas so// rmi par byas nas bcom ldan 'das kyis lhung bzed bzhag ste/ phyag bcabs par rig nas dpung dang bcas/ g.yog dang bcas te chos nyan pa'i phyir bcom ldan 'das kyi spyan sngar ji ltar bdag la 'os pa'i stan la 'dug go/ / de nas bcom ldan 'das kyis mi 'am ci'i rgyal po ljon pa dang / skye bo phal po che de dag la chos kyi gtam yang dag par ston to// yang dag par 'dzin du bcug goyang dag par gzengs bstod do/ / yang dag par rab tu dga' bar mdzad do// de la bcom ldan 'das kyi chos kyi gtam ni 'di yin te/ mi 'am ci'i bdag po rnam pa sum cu rtsa gnyis kyis byang chub sems dpa' sems dpa' chen po'i sbyin pa'i pha rol tu phyin pa yongs su dag pa yin no/ / rnam pa sum cu rtsa gnyis gang zhe na/ mi 'am ci'i bdag po 'di lta ste/ byang chub sems dpa' sbyin pa sbyin pa na/ byang chub kyi sems sngon du 'gro bas sbyin pa de sbyin pa dang / theg pa dman pa spang ba'i sems kyis sbyin pa de sbyin pa dang / slong ba la zhe srung ba med pa'i sems kyis sbyin pa de sbyin pa dang / len pa rnams la sbyin gnas su 'du shes bskyed de sbyin pa de sbyin pa dang / len pa rnams la dge ba'i bshos gnyen du 'du shes bskyed de sbyin pa de sbyin pa dang / nang gi kun

  613. 307b

    nas nyon mongs pa'i dri ma spangs te sbyin pa de sbyin pa dang / kun tu 'dzin pa med pa'i sems kyis dga' ba dang / dang ba dang / mchog tu dka' ba thob nas sbyin pa de sbyin pa dang / lag pa brkyang ste/ lhag par gtong ba rnam par gtong ba la dga' ba'i sbyin pa de sbyin pa dang / rgya chen po la mos te zhum pa med pa'i sems kyis sbyin pa de sbyin pa dang / skye ba thams cad la mi gnas par sbyin pa de sbyin pa dang / rnam par smin pa la re ba med par sbyin pa de sbyin pa dang / lan la re ba med pa'i blos sbyin pa de sbyin pa dang / sangs rgyas kyi chos tshol ba'i blos sbyin pa de sbyin pa dang / thams cad mkhyen pa'i ye shes su bsngos te sprin pa de sbyin pa dang / gdung ba med pa'i sems kyis sbyin pa de sbyin pa dang / bsdu ba'i dngos po sngon du 'gro bas sbyin pa de sbyin pa dang / bdag sems can yongs su smin par byed par 'gyur ro zhes sbyin pa de sbyin pa dang bdag chos de 'dzin par 'gyur ro zhes sbyin pa de sprin pa dang / bdag de bzhin gshegs pa'i bka' dang 'thun par 'gyur ro zhes sbyin pa de sbyin pa dang / bdag bdud kyi phyogs tshar gcod par 'gyur ro zhes sbyin pa de sbyin pa dang / bdag byang chub kyi sems rnam par sbyong bar 'gyur ro zhes sbyin pa de sbyin pa dang / bdag skyes bu dam pa'i las byed par 'gyur ro zhes sbyin pa de sbyin pa dang / bdag yi dgas kyi lam rnam par spong bar 'gyur ro zhes sbyin pa de sbyin pa dang / bdag gis bdog pa thams cad yongs su gtong ba'i rgyu bsags par 'gyur ro zhes sbyin pa de sbyin pa dang / bdag gis

  614. 308a

    longs spyod chen por 'gyur ba'i sgrub pa yongs su gzung bar 'gyur ro zhes sbyin pa de sbyin pa dang / bdag yang dag par dga' bar 'gyur ba'i chos rnams la gnas par 'gyur ro// zhes sbyin pa de sbyin pa dang / bdag la dge ba'i ba shes gnyen dkon par mi 'gyur ro zhes sbyin pa de spen pa dang // bdag sems can thams cad la zhe 'gras pa med pa'i mig skyed par 'gyur ro zhes sprin po de sbyin po dang / bdag gi sbyin pa des bla na med pa yang dag par rdzogs pa'i byang chub sgrub par 'gyur ro zhes sbyin pa de sbyin pa dang / byang chub sems dpa' btang ba phun sum tshogs pa gzhan rnams kyis rjes su bslab par 'gyur ro zhes sbyin pa de sbyin pa dang / bdag mtshan dang dpe byad bzang po bsags pa yongs su gzung bar 'gyur ro zhes sbyin pa de sbyin pa dang / bdag gis sangs rgyas kyi zhing yongs su dag pa dang / bdag la sangs rgyas kyi chos thams cad mngon sum du 'gyur ro zhes sbyin pa de sbyin pa ste/ mi 'am ci'i bdag po rnam pa sum cu rtsa gnyis po 'di dag gis bya chub sems dpa'i sbyin pa'i pha rol tu phyin pa yongs su dag pa yin no/ / mi 'am ci'i bdag po rnam po sum cu rtsa gnyis kyis byang chub sems dpa' sems dpa' chen po'i tshul khrims kyi pha rol tu phyin pa yongs su dag pa yin te/ sum cu rtsa gnyis pang zhe na/ 'di lta ste/ chags pa dang / zhe sdang dang / gti mug dang bral bas/ lus yongs su dag pa'i tshul khrims dang /

  615. 308b

    bdag gi lha sangs rgyas la mi slu ba'i mtshan nyid kyis ngag yongs su dag pa'i tshul khrims dang / brnab sems dang / gnod sems dang / log par lta ba med pas sems yongs su dag pa'i tshul khrims/ dang lha dang mi'i phun sum tshogs pa myong bas dge ba bcu'i las kyi lam yongs su dag pa'i tshul khrims dang / nyi tshe ba'i sa thams cad mi ston pas byang chub kyi sems dang / bsam pa mi brjed pa'i tshul khrims dang / shin tu nyams pa med cing g.yo dang bral bas lhag pa'i bsam pa yongs su dag pa'i tshul khrims dang / skye bo phal pa thams cad sdud pas 'phags pa'i skye bos bsngags pa'i tshul khrims dang / sems can thams cad la sems snyoms pas byams pa sngon du 'gro ba'i tshul khrims dang / sems can thams cad yongs su skyob pas snying rje chen po la rab tu sbyor ba'i tshul khrims dang / dam bcas pa'i stobs kyis bslab pa legs par rdzogs pa yang dag par 'dzin pa'i tshul khrims dang / kha na ma tho ba chung ngu la'ang 'jigs par lta bas ngo tsha shes shing khrel yod pa phun sum tshogs pa'i tshul khrims dang / shin tu mi gtong bas skyon med pa'i tshul khrims dang / sprod pa shin tu dag pas thun tshags ma yin pa'i tshul khrims dang / sangs rgyas kyi zhing gzhan du 'gro bas rang gi rnam pa mang po la dbang byed pa'i tshul khrims dang / skye bos mkhas pas rig pa'i phyir bsdogs pa'i tshul khrims dang / ngan song ngan 'gro thams cad kyi lam las sgrol ba'i tshul khrims dang

  616. 309a

    bde ba'i dngos po thams cad la rab tu gnas pa'i tshul khrims dang / sangs rgyas kyi tshul khrims dang yongs su rdzogs par byed pas sangs rgyas kyis gnang ba'i tshul khrims dang / yi dam la brtan pas mi lhod pa'i tshul khrims dang / rang gi sems nges par sems pas bdag la mi stong/ gzhan la mi smod pa'i tshul khrims dang / nyon mongs pa med pas nges par sems pa'i snying rje'i tshul khrims dang / byang chub kyi phyogs kyi chos thams cad la nye bar byed pa'i tshul khrims dang / rab tu dga' bar byed pas dga' bar byed pa'i tshul khrims dang / 'dod pa dang chags pa med pas chog shes par byed pa'i tshul khrims dang / nan tan snying por byed pas sgrub pa rlabs po che'i tshul khrims dang / khyim gyi gnas thams cad la mi lta bas rab tu 'byung ba la gzhol ba'i tshul khrims dang / chos kyi kun dga' la dga' mos pas dgon pa la dga' ba dang ldan pa'i tshul khrims dang / 'phags pa'i rigs la rten pas 'dod pa nyung zhing chog shes pa la nges pa'i tshul khrims dang / sdig pa 'dod pa thams cad dang bral bas sbyangs pa'i yon tan dang yo byad basbyangs pa la yang dag par sbyor ba'i tshul khrims dang / sems can med par rnam par spyod pas dmigs pa med par sbyor ba'i tshul khroms dang / chad pa dang rtag pa yongs su spong bas lta bar song ba thams cad dang / gti mug sel ba'i tshul khrims dang / rten cing 'brel par 'byung ba dang mi 'gal bas byang chub kyi rjes su 'thun pa'i tshul khrims te/ mi 'am ci'i

  617. 309b

    bdag po rnam pa sum cu rtsa gnyis po 'di dag gis byang chub sems dpa'i tshul khrims kyi pha rol tu phyin pa yongs su dag pa yin no/ / mi 'am ci'i bdag po rnam pa sum cu rtsa gnyis kyis byang chub sems dpa' rnams kyi bzod pa'i pha rol tu phyin pa yongs su dag pa yin te/ sum cu rtsa gnyis gang zhe na/ 'di lta ste/ lus la mi lta bas bzod par blta ba dang / srog la mi chags pas bzod par blta ba dang / zhe 'gras pa'i sems med pas bzod par blta ba dang / nyes par smras pa'i tshig dang du len pas bzod par blta ba dang / nyam chung ba'i sems can la snying rje skyed pas bzod par blta ba dang / ma bslabs pa la mi brnyas pas bzod par blta ba dang / gnod pa byed pa rnams la lan glan pa'i mthu yod kyang lan mi ldon pas bzod par blta ba dang / yan lag dang nying lag thams cad kyang mi 'khrugs shing gnod sems med pas bzod par blta ba dang / brlang ba med pas bzod par blta ba dang / gshe ba la slar mi gshebs bzod par blta ba dang / bsam pa dag pas bzod par blta ba dang / rnyog pa'i sems med pas bzod par blta ba dang / dkrugs pa'i sems med pas bzod par blta ba dang / gzhan gyi sems srung bas bzod par blta bar sems can thams cad la phan pa'i dngos pos bzod par blta ba dang / snying rje'i blo dang ldan pas bzod par blta ba dang / nga rgyal med pas bzod par blta ba dang / sems can thams cad la brnya

  618. 310a

    thabs med cing 'dud pas bzod par blta ba dang / 'bar ba med pas bzod par blta ba dang / nye bar zhi bas bzod par blta ba dang / nges par sems pas bzod par blta ba da bdag gi 'khrul pa la so sor rtog pas bzod par blta ba dang / gzhan gyi 'khrul pa'i skyon la mi lta bas bzod par blta ba dang / sangs rgyas rjes su dran pa bsgoms pas bzod par blta ba dang / chos la sems sbyor ba la bzod par blta ba dang / ngang ba'i dngos pos bzod par blta ba dang / sems la gdung ba med pas bzod par blta ba dang / bzhin 'dzum zhing khro gnyer med pas bzod par blta ba dang / gsod por smra bas bzod par blta ba dang / rnam par thar pa'i sgo gsum la dngang ba med pas bzod par blta ba dang / ma skyes pa dang ma byung ba la mos pas bzod par blta ba dang / mi skye ba'i chos la bzod pa thob pas bzod par blta ba ste/ mi 'am ci'i bdag po rnam pa sum cu rtsa gnyis po 'di dag gis byang chub sems dpa' rnams kyi bzod pa'i pha rol tu phyin pa yongs su dag pa yin no// mi 'am ci'i bdag po rnam pa sum cu rtsa gnyis kyis byang chub sems dpa' rnams kyi brtson 'grus kyi pha rol tu phyin pa yongs su dag pa yin te/ sum cu rtsa gnyis gang zhe na/ mi 'am ci'i bdag po 'di lta ste/ byang chub sems dpa' sangs rgyas kyi rigs rgyun mi 'chad par bya ba'i phyir brtson 'grus rtsom pa dang / chos kyi rigs rgyun mi 'chad par bya ba'i phyir brtson 'grus rtsom pa dang / dge 'dun gyi rigs rgyun mi 'chad par bya ba'i phyir brtson

  619. 310b

    'grus rtsom pa dang / sems can tshad med pa yongs su smin par bya ba'i phyir brtson 'grus rtsom pa dang / 'khor ba tshad med pa yongs su gzung ba'i phyir brtson 'grus rtsom pa dang / sangs rgyas tshad med pa la mchod pa dang rim gro bya ba'i phyir brtson 'grus rtsom pa dang / dge ba'i rtsa ba tshad med pa bsags pa'i phyir brtson 'grus rtsom pa dang / thos pa tshad med pa gzung ba'i phyir brtson 'grus rtsom pa dang sems can thams cad la legs par bshad pas tshim par bya ba'i phyir brtson 'grus rtsom pa dang / sems can thams cad la rab tu gdung ba med pa'i phyir brtson 'grus rtsom pa dang / sems can thams cad la bya ba ci yod ces bya ba la spro ba'i phyir brtson 'grus rtsom pa dang / sems can thams cad yongs su mi gtong ba'i phyir brtson 'grus rtsom pa dang / sems can thams cad tshul khrims kyi bslab pa la gzud pa'i phyir brtson 'grus rtsom pa dang / bzod pa'i stobs thams cad dang nges pa mi nyams par bya ba'i phyir brtson 'grus rtsom pa dang / bsam gtan dang // rnam par thar pa dang ting nge 'dzin dang / snyoms par 'jug pa thams cad bskyed pa'i phyir brtson 'grus rtsom pa dang / chags pa med pa'i shes rab mchog yongs su bskang ba'i phyir brtson 'grus rtsom pa dang // byams ba dang / snying rje dang / dga' ba dang / btang snyoms tshangs pa'i gnas pa yongs su bskang ba'i phyir brtson 'grus rtsom pa dang / mngon par shes pa thams cad la brtson 'grus bskyed pa'i phyir brtson

  620. 311a

    'grus rtsom pa dang / sangs rgyas kyi zhing thams cad kyi yon tan bkod pa rang gi sangs rgyas kyi zhing du yongs su bsdu ba'i phyir brtson 'grus rtsom pa dang / bdud thams cad gzhom pa'i phyir brtson 'grus rtsom pa dang / stobs brtan pa chen pos pha rol gnon pa'i phyir brtson 'grus rtsom pa dang / pha rol rgol ba thams cad chos dang 'thun pas tshar gcod pa'i phyir brtson 'grus rtsom pa dang / stobs bcu dang / mi 'jigs pa dang / sangs rgyas kyi chos yongs su bskang ba'i phyir brtson 'grus rtsom pa dang / lus dang / ngag dang / sems kyi rgyan gyi phyir brtson 'grus rtsom pa dang / bya ba thams cad nyams 'og tu chud par byed cing brtson 'grus mi gtang ba'i phyir brtson 'grus rtsom pa dang / sems zhum pa med par bya ba'i phyir brtson 'grus rtsom pa dang / nyon mongs pa thams cad kyis mi brdzi bar bya ba'i phyir brtson 'grus rtsom pa dang / ma sprul pa bsgral/ ma grol ba dgrol/ dbugs ma phyin pa dbugs dbyung / yongs su mya ngan las ma 'das pa yongs su mya ngan las bzla/ ba'i phyir brtson 'grus rtsom pa dang / bsod nams brgya pa'i mtshan gyi tshogs bsags pa'i phyir brtson 'grus rtsom pa dang / sangs rgyas thams cad kyi dam pa'i chos yongs su gzung ba'i phyir brtson 'grus rtsom pa dang / sangs rgyas kyi zhing mtha' yas par rdzu 'phrul gyis 'gro zhing sangs rgyas la blta ba'i phyir brtson 'grus rtsom pa dang / sems dang lus dben pa'i phyir de'i brtson 'grus de dben pa las

  621. 311b

    nges par byung ba dang / thams cad mkhyen pa'i ye shes la 'jug pa'i phyir de'i brtson 'grus de blang ba med cing / dor ba med la gdeg pa med cing gzhag pa med de/ skye ba med cing 'byung ba med pas/ bsdus pa yin te/ mi 'am ci'i bdag po rnam pa sum cu rtsa gnyis po 'di dag gis byang chub sems dpa' rnams kyi brtson 'grus kyi pha rol tu phyin pa yongs su dag pa yin no// mingam ci'i bdag po rnam pa sum cu rtsa gnyis kyis byang chub sems dpa'i bsam gtan gyi pha rol tu phyin pa yongs su dag pa yin te/ sum cu rtsa gnyis gang zhe na/ 'di lta ste/ dran pa yongs su dag pa dang / blo gros yongs su dag pa dang / rtogs pa yongs su dag pa dang / ngo tsha shes pa yongs su dag pa dang / khrel yod pa yongs su dag pa dang / mos pa yongs su dag pa dang / bsngo ba yongs su dag pa dang / byang chub kyi sems mi brjed pa yongs su dag pa dang / dbang po sbas pa yongs su dag pa dang / mi gnas par yongs su dag pa dang / de la ma chags pa yongs su dag pa dang / mngon par shes pa bskyed pa yongs su dag pa dang / sems las su rung ba yongs su dag pa dang / lus dben pa yongs su dag pa dang / brag cha shes pa yongs su dag pa dang / nang nye bar zhi ba yongs su dag pa dang / phyi rol tu mi rgyu ba yongs su dag pa dang / dmigs pa'i lta ba spong ba yongs su dag pa dang / bdag med pa dang / sems can med pa dang / srog med pa dang / gso ba med pa dang / gang zag med

  622. 312a

    par so sor rtog cing khams gsum pa la mi gnas pa yongs su dag pa dang / byang chub kyi yan lag gi sgo yongs su dag pa dang / sems can la blta ba'i snying rje chen po yongs su dag pa dang / shes rab la 'jug pas rab rib med cing snang ba yongs su dag pa dang / rgyu dang / 'bras bu dang / rnam par smin pa dang mi 'gal ba yongs su dag pa dang / chos la sems pa'i bzod pa yongs su dag pa dang / tshul khrims kyi rnam pa'i chos la so sor rtog pa yongs su dag pa dang / thabs la mkhas pa bsdu ba yongs su dag pa dang / byang chub kyi snying po bsgrub pa yongs su dag pa dang / nyan thos dang / rang sangs rgyas dang mi 'dre ba yongs su dag pa dang / mi g.yo ba'i bsam gtan pa sgrub pa yongs su dag pa dang / sangs rgyas kyi ting nge 'dzin thob pa la mi g.yeng ba yongs su dag pa dang sems can thams cad kyi sems dang spyod pa la lta bas yongs su dag pa dang / sems can thams cad kyi dbang po mchog dang mchog ma yin pa shes nas/ so so ci rigs par chos ston pa yongs su dag pa ste/ mi'am ci'i bdag po rnam pa sum cu rtsa gnyis po 'di dag gis byang chub sems dpa'i bsam gtan gyi pha rol tu phyin pa yongs su dag pa yin no// mi 'am ci'i bdag po rnam pa sum cu rtsa gnyis kyis byang chub sems dpa'i shes rab kyi pha rol tu phyin pa yongs su dag pa yin te/ sum cu rtsa gnyis gang zhe na/ 'di lta ste/ thos pa tshol bas ma ngoms pas mang du thos

  623. 312b

    pa dang / tshul bzhin yid la byed pas chos rnams la dpyod pa'i shes pa la mkhas pa dang / byang chub mngon sum du byed pa'i bdag nyid kyi chos bsgrub pa shes pa dang / phung po la mkhas pa la 'jug pa grol ba'i shes pa dang / chos kyi dbyings la mkhas pa'i shes pa dang / skye mched la mkhas pa'i shes pa dang / rgyu dang bya ba khong du chud pas stong pa'i rnam par rten cing 'brel par 'byung ba la mkhas pa dang / bden pa la mkhas pa'i shes pa dang / der mi ltung bar skyon med pa la 'jug pa shes pa dang / bsams bzhin du skye bas skye ba la so sor mi rtog pa'i shes pa dang / gzod ma nas rnam par dag pas chos thams cad mi skye bar shes pa dang / phyin ci log tu gyur pa yongs su smin par byed pas sems can thams cad bdag med par shes pa dang / 'dod chags dang bral ba'i mtha'i phyir chos thams cad chos gcig tu shes pa dang / nam mkha' dang mtshungs pa'i phyir zhing thams cad zhing gcig tu shes pa dang / chos kyi dbyings bsam gyis mi khyab pa la zhugs pas/ sangs rgyas thams cad sangs rgyas gcig tu shes pa dang / yi ge shes pa la mkhas pas chos kyi tshig rab tu dbye ba ston pa shes pa dang / legs par bshad pas sems can thams cad tshim par byed pa'i phyir/ chags pa med pa'i spobs pas chos rgya cher shes pa dang / thos pa thams cad 'dzin pas gzungs brjed pa med pa'i shes pa dang / bdud de dag byang chub tu yongs su smin par byed pas bdud kyi las thams

  624. 313a

    cad khong du chud pa'i shes pa dang / rnam par bsgrubs te so sor nye bar gnas par shes pas/ chos thams cad sgyu ma lta bur rtogs pa'i shes pa dang / shin tu yongs su gru pa med pa'i tshul gyis chos thams cad rmi lam dang / smig rgyu dang / chu zla dang / mig yor dang / brag cha lta bu'i tshul du ston pa shes pa dang / shes pa rnam par dag pa'i phyir sems can gyi sems kyi spyod pa thams cad khong du chud pa'i shes pa dang / shin tu bslab pa'i phyir 'khor ba dang mya ngan las 'das pa brtags par shes pa'i thabs la mkhas pa dang / rnam par thar pa'i sgo'i phyir stong pa nyid dang / mtshan ma med pa dang / smon pa med pa'i chos shes pa dang / gzod ma nas 'brel pa med pa'i phyir chos thams cad rang bzhin gyis zhi ba dang / rab tu zhi ba dang / nye bar zhi bar shes pa dang / ma rig pa dang ga ti mug gi mun pa yang dag par bcom pa'i phyir/ chos thams cad la rab rib med cing snang ba thob pa dang / chos thams cad gang du'ang mi 'gro/ gang nas kyang mi 'ong bar shes pas shes rab kyi 'od dang ldan zhing / sems can thams cad la rnam par thar pa'i chos ston pa dang / las dang bya ba khong du chud pas sems can rnams kyi 'chi 'pho dang / 'gro bar skye ba ston pa dang / don dang chos dang / nges pa'i tshig dang / spobs pa'i tshul la mkhas te khyad par de kho na'i lung ston pas so so yang dag par rig pa bzhi thob pa dang / bdag 'dul ba dang / zhi ba dang / grol ba dang /

  625. 313b

    sbas pa dang / bya ba yongs su mya ngan las zlo ba'i phyir don yod pa'i chos ston pa dang / dam pa'i chos yongs su 'dzin pas sangs rgyas bcom ldan 'das rnams kyis de shes rab las nges par byung bar rig nas chos kyi grong khyer thams cad yongs su skyong bar byin gyis rlob pa dang / phyir mi ldog pa'i byang chub sems dpa'i sa la yang dag par gzhol te mtha' la gnas pa'i tshul gyis nges par byas pas lung bstan pa'i sa rab tu thob pa yin te/ mi 'am ci'i bdag po rnam pa sum cu rtsa gnyis po 'di dag gis byang chub sems dpa'i shes rab kyi pha rol tu phyin pa yongs su dag pa yin no/ / mi 'am ci'i bdag po byang chub sems dpa'i rnam pa sum cu rtsa gnyis dang ldan na/ thabs la mkhas par rig par bya ste/ sum cu rtsa gnyis gang zhe na/ 'di lta byang chub sems dpa' sems can thams cad la lta zhing / bdag zad par mi byed pa dang / sems can thams cad yongs su smin par bya ba'i phyir bsod nams chen po la gnas pa dang / sems cam thams cad sbyin gnas yin pas sbyin gnas mi tshol ba dang / sems can dbul po yongs su smin par bya ba'i phyir/ rgya chen po don du mi gnyer ba dang / sems can thams cad ngag bsdam pa la sbyar ba'i phyir lkug pa dang dag pa lta bur ston pa dang / bud med dang gzhon nu ma yongs su smin par bya ba'i phyir/ bud med yongs su 'dzin pa dang / khye'u yongs su smin par bya ba'i phyir

  626. 314a

    khye'u'i gzugs su ston pa dang / sems can yongs su smin par bya ba dang 'thun par bya ba'i phyir gzugs thams cad ston pa dang / sems can myos pa yongs su/ par bya ba'i phyir/ myos pa ma yin yang myos pa'i lus su ston pa dang / de la mos pa'i sems can rnams la chos bstan pa'i phyir/ smon pa dang sems g.yengs pa'i gzugs su ston pa dang / sems can yongs su smin par bya ba'i phyir lo brgya bsags pa'i tshul khrims kyi phung po 'dor ba dang / chos 'dzin du gzhug pa'i phyir sems can rnams la dga' ba dang / rtse ba dang / longs spyod pa thams cad ston pa dang / de la mos pa'i sems can yongs su smin par bya ba'i phyir g.yon can mi mthun pas 'tsho ba lta bur yang bdag nyid ston pa dang / bud med gang tshong dpon dang // khyim bdog dang / rgyal po'i chung mar gyur pa bu med pa bu'i tshe 'dod pa'i mya ngan zug rngu dang ldan zhing sdug bsngal gyi tshor ba myong ba la de na byang chub sems dpa' rigs de dag dang cing yongs su smin par bya ba'i phyir bsams bzhin du de'i bur 'gro ba dang / 'brog dgon par song ba'i sems can dbul po la bza' ba dang / btung ba dang / nor sbyin zhing bgo bsha' bya ba'i phyir 'gron pa mang po'i nang du ded dpon chen por 'gyur ba dang / gter chen po mdun du bzhag ste/ nor gyi phung po chen po byin nas chos bstan pa dang / mya ngan gyi zug rngu dang ldan pa'i sems can rnams kyi mya ngan gyi zug rngu bsal nas rdzu 'phrul gyis chos

  627. 314b

    ston pa dang / gter ston pa'i sems can rnams kyi mdun du gter chen po nye bar bstan nas/ de'i 'tsho ba yongs su dag par bya ba'i phyir chos ston pa dang / de dag sangs rgyas kyi bstan pa la 'jug pa'i phyir gzhan mu stegs can spyod pa pa dang / kun tu rgyu rnams kyi nang du rab tu 'byung ba dang / sems can 'dod chags kyi lcags kyus zin pa rnams yongs su smin par bya ba'i phyir/ smad 'tshong ma'i khyim dang slas kyi nang du bu mo'i gzugs mdzes pa blta na sdug par ston pa dang / sems can rnams mos pa ji lta ba bzhin du chos kyis yongs su smin par bya ba'i phyir/ 'dus pa chen po dang / rnyogs pa mang po'i nang du rnga bo che dang / 'khar rnga dang / gling bu dang / dung gi sgras sa chen po mdzes par byas nas/ bdag nye bar ston cing sems can 'dun pa de dag la rol mo'i dbyangs sgra de dag/ la chos bstan pa'i sgra 'byin cing / bzo dang las kyi gnas thams cad nye bar ston pa dang / mya ngan du son pa'i 'gron pa bza' ba dang btung ba dad pa la mngon par shes pa chen pos rnam par rtse zhing / de'i stobs kyis bza' ba dang btung ba byin nas bkres pa dang bral zhing skom pa dang bral ba'i sems can rnams la chos ston pa dang / sems can gang dag dmus long du gyur pa de dag gi nang du dmus long lta bur gyur nas/ dbul po mog med pa de dag la rdzu 'phrul gyi stobs kyis bza' ba dang btung ba 'byor par byas nas/ mig byin te rang gi gzugs bstan nas/

  628. 315a

    ji ltar de dag bla na med pa yang dag par rdzogs pa'i byang chub tu nges par 'gyur ba de lta de ltar chos ston pa dang / rgyal po'i khri mon du bcug pa'i srog chags brgya phrag du ma g.yo sna tshogs dang ldan pa de dag yongs su smin par bya ba'i phyir bsams bzhin du bdag rkun por ston cing / de g.yon can no zhes shes par byas nas khri mon du bcug pa dang / de der zhugs nas rdzu 'phrul gyi stobs kyis bcings pa de dag gi lus bkrus shing bkus te/ gos bzang po bskon nas bza' ba dang btung bas lus tshim par byas te/ bcings pa dam po de dag las bkrol nas ji ltar bla na med pa yang dag par rdzogs pa'i byang chub tu nges par 'gyur ba de lta bur chos ston pa dang / sems can gang dag rgyal pos gsad par bkri ba srog 'chad pa'i 'jigs pa thob pa sdug bsngal gyis nyam thag pa de dag yongs su smin par bya ba'i phyir byang chub sems dpa' sems dpa' chen pos rdzu 'phrul gyis gzhan dag cig sprul te/ rdzu 'phrul gyis gshed ma la bkra nas gsad par 'os pa'i mi de dag bcings pa de las bkrol te/ 'jigs pa dang bral ba srog rnyed pa dbugs phyin pa de dag la ji ltar bla na med pa yang dag par rdzogs pa'i byang chub tu nges par 'gyur ba de lta de lta bur chos ston pa dang / phyogs gang na don dang / nor dang / zhing dang / khyim gyi dngos po dang / bran po dang / bran mo dang / las byed pa dang / dmag so'i phyir 'thab pa dang / rtsod pa dang /

  629. 315b

    'byed pa dang / mtshang 'dru bar 'gyur ba der byang chub sems dpa' sems dpa' chen po thams cad kyis dbus su 'dug nas/ rdzu 'phrul gyis don dang / nor dang / rin po che yongs su btang ste/ de dag 'dum par sbyor ro// de dag 'dum par rig nas/ bla na med pa yang dag par rdzogs pa'i byang chub yang dag par 'dzin du 'jug pa dang / byang chub sems dpa' thabs la mkhas pas yan lag dang nying lag thams cad kyis dbang po nyams pa med kyang sems can yongs su smin par bya ba'i phyir dbang po nyams par yang ston pa dang / spyod lam phun sum tshogs kyang sems can yongs su smin par bya ba'i phyir spyod lam thams cad 'khrugs par yang byed pa dang / byang chub sems dpa' thabs la mkhas pas gzhan mu stegs can ston pa dang / thag ring du gnas pa bdud kyi spyod yul la spyod pa bdud kyis byin gyi brlabs pa'i mu stegs can de dag sangs rgyas kyi bstan pa la dgug pa'i phyir/ de dag gi mdun du dkon mchog gsum gyi bsngags pa brjed pa dang / byang chub sems dpa'a'i thabs la mkhas pas/ sems can yongs su smin par bya ba'i phyir bsam gtan dang rnam par thar pa dang / ting nge 'dzin dang / snyoms par 'jug pa rnams las leg nas bsams bzhin du 'dod pa'i khams su skye ste/ mya ngan las 'das pa 'dod pa rnams la skye ba'i sdug bsngal bstan nas dben pa thob pa rnams bla ma'i lam sgom du gzud pa'i phyir mya ngan las

  630. 316a

    'das pa ston pa dang / skyon med pa la ma zhugs pa mya ngan las 'das par 'gro bar 'dun pa rnams kyi mdun du byang chub sems dpa' thabs la mkhas pas sangs rgyas kyi sku ston/ pa dang / sangs rgyas la dad pa thob cing sems mnyam par bzhag pa rnams byang chub kyi sems len du gzud pa'i phyir rkyen 'di shes pa la 'jug pa nye bar ston pa ste/ mi 'am ci'i bdag po rnam pa sum cu rtsa gnyis po 'di dag gis byang chub sems dpa' sems dpa' chen po thabs la mkhas par rig par bya'o/ / pha rol tu phyin pa dang thabs la mkhas pa la 'jug pa yongs su dag pa'i ye 'di bstan pa na/ mi 'am ci'i rgyal po ljon pa'i 'khor dang / de ma yin pa gzhan lha dang / klu dang / gnod sbyin dang / dri za'i srogs chags dgu khri brgyad stong ni bla na med pa yang dag par rdzogs pa'i byang chub tu sems skyes so/ / bcom ldan 'das kyi 'khor byang chub sems dpa' las byang chub sems dpa' khri brgyad stong ni mi skye ba'i chos la bzod pa thob par gyur to// mi 'am ci'i rgyal po / ljon pa ni shes rab sgron ma zhes bya ba'i ting nge 'dzin thob par gyur to// de nas mi 'am ci'i rgyal po ljon pa bcom ldan 'das kyis chos kyi gtam gyis yang dag par dga' bar byas/ yang dag par 'dzin du bcug/ yang dag par gzengs bstod/ yang dag par ston pas tshim zhing mgul yi rangs shing rab tu dga' ste mgu ba dang / yid bde ba skyes nas rin thang med pa'i ras bcos bu phrugs

  631. 316b

    gcig bcom ldan 'das kyi sku la gsol to/ / byang chub sems dpa'i dge 'dun dang nyan thos kyi dge 'dun thams cad la'ang rin thang med pa'i gos kyis so sor bkab bo// gnas thams cad yongs su longs spyod pa'i phyir bcom ldan 'das la phul lo/ / de nas mi 'am ci'i rgyal po ljon pa'i bu brgyad stong pos rin po che'i pad+ma bkod pa dang / rin po che'i gdugs brgyad stong du tshang bas bcom ldan 'das la mngon par bkab ste gtor ma thag tu/ sangs rgyas kyi mthus de dag thams cad 'khor gyi khyams der bcom ldan 'das kyi dbu'i drang thad kyi steng gi bar snang la dpag tshad stong tsam na rin po che'i gdugs gcig tu gnas par gyur to/ / de nas mi 'am rgyal po ljon pa'i bu brgyad stong pos bcom ldan 'das kyi cho 'phrul rgya chen po 'di lta bu 'di mthong nas tshim zhing mgu la yi rangs/ shing rab tu dga' ste/ dga' ba dang yid bde ba skyes nas lhag pa'i bsam pas bla na med pa yang dag par rdzogs pa'i byang chub tu sems bskyed do// de dag gis byang chub tu sems bskyed nas/ bcom ldan 'das la 'di skad ces gsol to// bcom ldan 'das gang thos pas bdag cag byang chub kyi phyogs kyi chos yang dag par sgrub par 'gyur ba byang chub tu yongs su smin par bgyid pa'i chos de bzhin gshegs pa dgra bcom pa yang dag par rdzogs pa'i sangs rgyas kyis bdag cag la bshad du gsol/ de nas bcom ldan 'das kyis mi 'am ci'i rgyal po ljon pa'i bu de dag gi lhag pa'i

  632. 317a

    bsam pa mkhyen nas ta la bdun srid kyi steng gi bar snang la skyil mo krung bcas te bzhugs nas sku las 'di lta bu'i 'od byung ste/ 'od des stong gsum gyi stong chen por 'jig rten gyi khams 'di snang ba chen pos khyab par gyur to/ / gang mi 'am ci dang / dri za dang / lto 'phye chen po de dag dang / 'dod pa na spyod pa'i lha'i bu de dag gi rol mo sil snyan rnam pa sna tshogs de dag thams cad ma brdungs ma dkrol bar mdzes pa dang ldan par 'khrol lo/ / ri'i rgyal po spos kyi ngad ldang na spos kyi shing dang / me tog gi shing dang / 'bras bu'i shi ji snyed pa de dag las kyang rol mo sil snyan gyi sgra byung ngo / / bcom ldan 'das kyi spu'i khung bu thams cad nas kyang 'od zer bye ba khrag khrig brgya stong byung ngo // 'od zer thams cad kyi rtse mo las kyang pad+ma tshad shing rta'i 'phang lo tsam dag byung ngo / / pad+ma'i snying po thams cad la'ang byang chub sems dpa'i gzugs skyes bu chen po'i mtshan sum cu rtsa gnyis kyis legs par brgyan pa lus dag gnas par kun tu snang ngo / / de nas sangs rgyas kyi mthus rol mo sil snyan de dag las ni yongs su 'dri ba'i tshigs su bcad pa byung / byang chub sems dpa' de dag thams cad ni sgra dbyangs dang skad cig gis tshigs su bcad nas nges par lan 'debs so/ / de la sil snyan las tshigs su bathad pa/ bla na med pa'i byang chub sems// ji lta bur ni bskyed pa dang // bya

  633. 317b

    chub snying por 'dug par du/ / sems ni brjed pa med par 'gyur// byang chub sems dpa'i gzugs rnams kyis smras pa/ sems can kun gyi ched kyi phyir// lhag pa'i bsam pa phun sum tshogs/ snying rje tshe dang ldan pa ni// byang chub sems brjed mi 'gyur ro// sil snyan rnams kyis smras pa/ de dag bsam pa ji lta bu// rab tu sbyor ba'ang ci 'dra zhig/ de dag snying rje chen po la// nges par sems pa ji ltar skye/ / byang chub sems dpa'i gzugs rnams kyis smras pa/ g.yo med lhag pa'i bsam pa ste// de dag sbyor ba bcos ma min// mya ngan 'das sgor 'jog pa ni// de dag snying rje de 'dra'o/ / sil snyan rnams kyis smras pa/ de dag gtong ba ji lta bu// ji ltar byin nas 'gyod med cing // rnam smin don du mi gnyer bar// byang chub tu ni sngo bar byed// byang chub sems dpa' gzugs rnams kyis smras pa/ dngos po kun la mi lta bar// des ni byin nas 'gyod pa med// byang chub lam du 'jog byed pa// de phyir rnam smin re ba med// sil snyan rnams kyis smras pa/ ji ltar tshul khrims ldan gyur kyang / / tshul khrims kyis ni rlom sems med// theg chen bla na med pa la// tshul khrims 'chal pa smin par byed// byang chub sems dpa'i gzugs rnams kyis smras pa/ bya/ chub sems dpa' tshul khrims ldan// stong pa nyid kyis rlom sems med// byams pa chen po skyed pa ni// tshul khrims 'chal pa yongs smin byed// sil snyan rnams kyis smras pa/ ji lta bur na

  634. 318a

    sems can gyis/ / spros shing bsdigs pa bzod byed cing // sems kyis gnod pa mi byed la// mchog tu dga' ba skyed par 'gyur// byang chub sems dpa'i gzugs rnams kyis smras pa/ bdag ni sems can thams cad kyi// nyon mongs gso ba'i sman pa snyam// de dag ngan par smras pa yis// tshig thos zhe sdang mi 'gyur ro// sil snyan rnams kyis smras pa/ de dag brtson 'grus ji lta bu// brtul ba yang ni ci 'dra zhig/ ji ltar zhum pa med sems kyis// byang chub sprad pa spyod par 'gyur// byang chub sems dpa'i gzugs rnams kyis smras pa/ chos dang sems can srung ba ni/ / rtul ba dang ni brtson 'grus so// dge ba'i rtsa bas brtan pa ni// des na sems ni zhum mi 'gyur// sil snyan rnams kyis smras pa/ de dag ji ltar dran dang ldan// blo gros rtogs par khong du chud// ji ltar bsam gtan bsam gtan byed// de la chags pa med par 'gyur// byang chub sems dpa'i gzugs rnams kyis smras pa/ g.yeng ba med pa dran dang ldan/ / tshul 'chos med pa blo gros ldan// thabs kyis bsam gtan bsam gtan byed// des na de la chags mi 'gyur// sil snyan rnams kyis smras pa/ ji ltar shes rab ldan pa dang / / yang dag lta ba drang po dang // chos rnams rnam par dbye ba la// mkhas shing 'jigs pa med par 'gyur// byang chub sems dpa'i gzugs rnams kyis smras pa/ thos pas shes

  635. 318b

    rab kun tu 'phel/ / rten pas lta ba drang por 'gyur// chos kyi sbyin pas nges 'gyur te// tshul bzhin gyis ni don rtogs 'gyur// sil snyan rnams kyis smras pa/ ji ltar thos pa btsal bas na/ / de dag thos pa mang du 'gyur// gang gis che ba'i bdag 'gyur bar// thos pa'i chos rnams ston par 'gyur// byang chub sems dpa'i gzugs rnams kyis smras pa/ gus par byas te thos tshol zhing // grub pas thos pa mang du 'gyur// phang zing med par chos sbyin pa/ des ni che ba'i bdag nyid 'gyur// sil snyan rnams kyis smras pa/ de dag byams pa ji lta pubu/ de dag snying rje ci 'dra zhig/ de dag dga' ba ji lta bu// btang snyoms kyang ni ci 'dra zhig/ byang chub sems dpa'i gzugs rnams kyis smras pa/ sems dang btang snyoms byams ba ste/ sems can dgrol ba'i snying rje'o// sangs rgyas chos dag dga' ba ste// gnyis spangs pa ni btang snyoms so// sil snyan rnams kyis smras pa/ ji ltar sangs rgyas mthong pabar 'gyur/ / sems kyang ji ltar dang bar 'gyur// chos thos nas ni ji lta bur// de dag the tsom skye mi 'gyur// byang chub sems dpa'i gzugs rnams kyis smras pa/ sangs rgyas rjes su dran bsgoms pa/ / des ni 'dren pa mthong bar 'gyur// the tshom med cing bsam dag pas// chos thos nas ni som nyi med// sol snyan rnams kyis smras pa/ bsod

  636. 319a

    nams tshogs ni ji lta bu/ / ye shes tshogs kyang ci 'dra zhig/ de dag zhi gnas lhag mthong la// rtsom pa yang ni ji lta bu// byang chub sems dpa'i gzugs rnams kyis smras pa/ ngoms mi shes pa bsod nams tshogs// 'dri ba rnams ni ye shes tshogs// zhi ba'i sems ni zhi gnas te// chos shes pa ni lhag mthong ngo // sil snyan rnams kyis smras pa/ de dag gi ni spyod yul gang // de dag gnas kyang ji lta bu// de dag gnas pa ci 'dra zhig/ de dag sbyor ba'ang ji lta bu// byang chub sems dpa'i gzugs rnams kyis smras pa/ de dag spyod yul stong pa nyid// gnas ni pha rol phyin pa'i lam// gnas pa bsam gtan bzhi rnams te// sems can rab dgrol sbyor ba'o// sil snyan rnams kyis smras pa de dag bdud kyi las gang yin/ / sangs rgyas 'phrin las ji lta bu// ci 'dra ba yi las byas na// byang chub la ni gzhol bar 'gyur// byang chub sems dpa'i gzugs rnams kyis smras pa/ theg pa dman pa bdud kyi las// sangs rgyas 'phrin las theg pa che// sdig pa thams cad spong ba ni// byang chub gzhol bar 'gyur ba'o// sil snyan rnams kyis smras pa// de dag grogs brten ji lta bu/ / sdig pa'i grogs po ci 'dra zhig/ log par lta la mi gnas shing // ji ltar yang dag song bar 'gyur// byang chub sems dpa'i gzugs rnams kyis smras pa/

  637. 319b

    gang zhig byang chub lam ston pa// rtag tu bde sbyin grogs po'o// byang chub sems las gang zlog pa// de dag sdig pa'i grogs por shes// sil snyan rnams kyis smras pa/ lam du 'jug par 'gyur ba yi/ / lta ba drang po ji lta bu// sbyor ba rnam par shes nas su// ji ltar lta de 'jig mi byed// byang chub sems dpa'i gzugs rnams kyis smras pa/ las dang bya bar 'jug pa ni/ de dag drang por lta ba yin// log par sbyor ba rnam shes nas// lta ba de dag 'dzag mi byed// sil snyan rnams kyis smras pa// ji ltar dam pa'i chos srung zhing // sems can yongs su smin par byed/ ji lta bu yi thabs kyis ni// de dag byang chub sgrub par 'gyur// byang chub sems dpa'i gzugs rnams kyis smras pa/ brtson 'grus kyis ni chos srung ste// bsdu bas yongs su smin par byed/ / mtha' gnyis rnam par spangs pa ni// byang chub sgrub par byed pa yin// sa la snyan rnams kyis smras pa// de dag shes pa'i lam ci 'dra// nga rgyal khas ni ji lta bu/ / ji ltar bka' blo bde ba dang // thams cad dus su 'thun par 'gyur// byang chub sems pa'i gzugs rnams kyis smras pa/ rtsod pa med pa shes pa'i las// nga rgyal las ni rtsod pa 'byung // nges pa bka' blo bde ba ste// gus pa yis ni 'thun par 'gyur// sil snyan rnams kyis smras pa/ de dag lam ni ji lta bu// log pa'i lam

  638. 320a

    yang ci 'dra zhig/ bla med byang chub lam du ni// ji ltar sems can rab tu 'god// byang chub sems dpa'i gzugs rnams kyis smras pa/ lam ni pha rol phyin pa drug/ theg pa dman pa log pa'i lam// shes rab thabs la bslab pa ni// sems can lam la 'dzud pa'o// sil snyan rnams kyis smras pa/ ji lta bur na nor chen 'gyur// de dag rnyed pa'ang ci 'dra zhig/ gter rnams kyang ni ji lta bu// gang gis de dag 'gro tshim byed// byang chub sems dpa'i gzugs rnams kyis smras pa/ nor bdun dang ni rtag tu ldan/ / chos rnyed pa ni rnyed pa'o// de dag gter ni gzugs yin te// rab tu rnyed nas tshim par byed// sol snyan rnams kyis smras pa/ de dag gis ni pha ma gang // nye du'i tshogs rna rdza lta bu/ g.yog rnams kyang ni ci 'dra zhig/ gang gis mkhas pa de dag mdzes// byang chub sems dpa'i gzugs rnams kyis smras pa/ ma ni shes rab pa ni thabs// nye du byang chub phyogs rnams yin/ / dge ba rnams ni g.yog yin te// des ni mkhas pa de dag mdzes// sil snyan rnams kyis smras pa/ ji ltar bdag med rtogs nas ni// byams pas 'gro ba khyab par byed/ / bdag med pa dang byams pa dag/ de la ji ltar mtshungs par 'gyur// byang chub sems dpa'i gzugs rnams kyis smras pa/ gang dag stong nyid rab tu shes//

  639. 320b

    de ni bdag med khong du chud// gang gis 'gro ba stong shes pa// de ni de yi byams pa mchog/ sil snyan rnams kyis smras pa/ 'du byed rnams ni rang bzhin gyis// 'ong ba med cing / 'gro med na// las dang las kyi rnam par smin// ji lta bur na thar par 'gyur// byang chub sems dpa'i gzugs rnams kyis smras pa/ dam pa'i don du 'ong med de// gang du'ang 'gro ba yod ma yin/ / kun rdzob tu na lam 'jug cing // rnam par smin pa nye bar ston// sel snyan rnams kyis smras pa/ stong pa nyid dang mtshan ma med// smon lam rnam par spangs par ni// / mtshan nyid gcig tu rab rtogs nas// de kho na ni ji ltar shes// byang chub sems dpa'i gzugs rnams kyis smras pa/ stong nyid gang yin de mtshan med// mtshan ma don du gnyer med pa// mtshan nyid gcig cing don gcig ste// rnam par thar pa'i sgor ston to// sil snyan rnams kyis smras pa/ gang gis mya ngan 'das 'gro ba'i// stong par rtog pa ji lta bu// sems can lta ba ji lta bu/ / yongs su smin byed ji lta bu// byang chub sems dpa'i gzugs rnams kyis smras pa/ shes rab kyis ni stong par rtog/ thabs kyis sems can rnams la lta// snying rjes yongs su smin par byed/ / des ni mya ngan 'das par 'gro// sil snyan rnams kyis smras pa// chos 'di dag ni chos nyid kyis// skye ba med cing 'byung med par// tshul mchog 'di

  640. 321a

    'dra shes nas ni/ / gang gis 'khor bar skye bar 'gyur// byang chub sems dpa'i gzugs rnams kyis smras pa/ mi skye ba dang mi 'byung ba// de ni shes rab spyod yul lo/ / bsams bzhin du ni gang skye ba// de ni thabs kyi tshul yin no// sol snyan rnams kyis smras pa/ gtong la dga' bar ji ltar 'gyur// ji lta bur ni phyir mi ldog/ ji ltar bzod pa phun sum tshogs/ / ji ltar rnam par nges par 'gyur// byang chub sems dpa'i gzugs rnams kyis smras pa/ mnyam par gnas pa gtong la dga'// chos kyi dbyings las phyir mi ldog/ mi skye ba la bzod pa ste/ / chos shes nas ni rnam par nges// sil snyan rnams kyis smras pa/ ji ltar byang chub snying po gang // rdzogs pa'i byang chub mtshan nyid gang // ci phyir rdzogs sangs rgyas zhes bya// de bzhin gshegs pa ji ltar grol// byang chub sems dpa'i gzugs rnams kyis spras pa/ byang chub snying po nam mkha' ste// byang chub nam mkha'i mtshan nyid do// gang yang kun nas ga mug med/ / de bzhin nyid phyir de bzhin gshegs// de nas mi 'am tsho'i rgyal po'i bu de dag gis tshigs su bzud pa 'di dag thos nas/ mi skye ba'i chos la bzod pa thob bo// de dag gis bzod pa thob nas/ rang rang gis gos dang rgyan bcom ldan 'das kyi sku la gsol te/ 'di skad ces kyang gsol to// bcom ldan 'das gang gi slang du bdag cag gis nyan pa'i rnam pa 'di lta bu thos pas

  641. 321b

    sangs rgyas ni bdag cag gi ched du byung ngo / / bcom ldan 'das sil snyan dang glu dbyangs 'di dag las the tsom 'dri ba'i sgra 'di lta bu byung ba dang / byang chub sems dpa'i gzugs 'di dag gis dris pa de dag thams cad kyis lan btab pas 'khor 'di'i dogs pa thams cad spangs pa dang / bdag cag kyang chos kyi snang ba bdag tu ma mchis pa skyes pa ngo mtshar to// bcom ldan 'das sil snyan de dag las sgra 'di lta bu byung ba'i rgyu ci lags/ su'i byin gyi rlabs kyis na// byang chub sems dpa'i gzugs 'di dag gi pa lan 'debs par gyur/ bcom ldan 'das kyis bka' stsal pa/ bzhin bzangs dag de dag thams cad ni sangs rgyas kyi byin gyi rlabs su blta'o/ / bzhin bzangs dag de bzhin gshegs pa'i byin gyi rlabs kyis nam mkha' las kyang chos kyi sgra 'di lta bu 'byung na/ sil snyan las chos kyi sgra ci phyir mi 'byung ste/ bzhin bzangs de ltar de bzhin gshegs pa'i byin gyi rlabs ni bsam gyis mi khyab bo// mi 'am ci'i rgyal po'i bu de dag gis gsol pa/ bcom ldan 'das sems can thams cad kyis sangs rgyas kyi byin gyi rlabs bsam gyis mi khyab pa thob par gyur cig/ de nas mi 'am ci'i rgyal po ljon pa'i slas mi 'am tso mo brgyad khri bzhi stong mu tig kha dog sna tshogs kyi do shal thogs nas/ bcom ldan 'das ga la ba der song ste byin pa dang / bcom ldan 'das kyi zhabs la mgo bos phyags 'tshal nas/ ji ltar thogs pa mu tig gi do shal de

  642. 322a

    dag gis bcom ldan 'das la mngon par bkab bo/ / mu tig gi do shal de dag bral ma thag tu/ sangs rgyas kyi mthus de dag bcom ldan 'das kyi dbu'i gtsug gi drung zad kyi steng gi bar snang la mu tig gi do shal gyi khang pa brtsegs pa brgyad khri bzhi stong du myur te/ khang pa brtsegs pa de dag thams cad kyang gru bzhi lham pa/ ka ba bzhi zug pa/ cha mnyam pa/ ngos shin tu rnam par phye ba sha stag go/ / khang pa brtsegs pa de dag na rin po ches spras pa'i khri rtsa ba'ang rin po che las byas pa/ lha'i ras bcos bu'i zung du ma bkram pa dag byung bar gyur to// khri de dag thams cad la'ang de bzhin gshegs pa'i sku skyes bu chen po'i mtshan sum cu rtsa gnyis kyis legs par brgyan pa dag bzhugs par kun tu snang ngo // de nas mi 'am mo brgyad khri bzhi stong gis bcom ldan 'das kyi cho 'phrul 'di lta bu 'di mthong nas tshim zhing mgu ste yid rab tu dga' nas/ dga' ba dang yid bde ba skyes te bsam pa thag pa nas bla na med pa yang dag par rdzogs pa'i byang chub tu sems bskyed do/ / de dag byang chub tu sems bskyed nas/ dga' zhing mchog tu dga' ste dang ba thob nas/ thams cad kyis sgra skad dang dbyangs gcig tu tshul dang 'dra ba'i tshogs su bcad pa 'di dag gis bcom ldan 'das la mngon par bstod do/ / bla na med pa'i dgra bcom mchog gsung ba// don dgongs

  643. 322b

    mtshungs pa ma mchis bsam mi khyab/ / don dang chos dang 'dul ba rab brlabs pa// sems can mchog la mgo bos phyag 'tshal lo// 'dod chags zhe sdang gti mug thab 'jig/ dgon par zhugs dgyes bsnyengs pa mi mnga' ba/ / rin chen mdzod dang rin chen ston pa po// bcom ldan rgyal po'i rgyal la phyag 'tshal lo// spyan snga dri bral nyon mongs mi mnga' ba// sa yi dbang po pha rol dgra bcom pa/ / pad+ma lta bur srid gsum mi gos pa// bde gshegs mchog brnyes khyod la phyag 'tshal lo// 'gro ba'i nang na mig dang 'drar sprod cing // nyi zla 'di yi 'o da ni spa bkong ba/ / 'khor los sgyur ba'i rigs su rgyal por skyes// 'khor lo'i mtshan mnga' khyod la phyag 'tshal lo// ming dang gzugs la nam yang mi tshogs shing // mgon dang dpung dang skyabasu mnga' brnyes gyur/ / khyod dang mtshungs med lhag pa ga la zhig/ mtha' yal dbyangs mngar khyod la phyag 'tshal lo// brnyes dang brnyes la nam yang chags mi mngar/ 'jig rten chos rnams zil gyis mnan te bzhugs// chags sred 'khri shing dra ba 'grol mdzad pa// bcom ldan 'jig rten mgon la phyag 'tshal lo// dul ba thugs ni rtag tu mnyam par gzhag/ nyon mongs bsregs te stobs bcus rab zhugs shing // 'gro la zang zing mi mnga' sbyin stsol ba// sbron pa'i gnas la mgo bos phyag 'tshal lo// smra mchog

  644. 323a

    dam pa mtshan gyi 'od 'phros pa/ / lam log phyin ci log ni rnam par spangs// 'jam zhing snum la sbyin pa'i gsung gsungs pa// srid pa gsum las 'phags la phyag 'tshal lo/ / mi mchog gdung bas gdungs pa ma mnga' ba// rdzu 'phrul gyis ni bye ba'i zhing du gshegs// 'gro ba rab tu sgrol ba'i gru mdzad pa// bcom ldan bran 'dra khyod la phyag 'tshal lo/ / bcom ldan brtson 'grus dag pa ston mdzad pa// chags shing zhen pa'i 'gro dang mngon shes drug/ ldan zhing mkhas pa'i nyan thos rnams kyang 'grel// 'gro drug nye gshegs khyod la phyag 'tshal lo/ / gser gyi kha dog 'dra la phyag 'tshal lo// zhi gnas dbang po dul la phyag 'tshal lo// ston gyi zla 'dra'i zhal la phyag 'tshal lo// mi mchog yon tan mnga' la phyag 'tshal lo/ / nyon mongs bsregs shing bsnyengs pa mi mnga' ba// skye dgu 'di dag bsgral dka' chu bzhi sgrol// bsdams shing dbang po dul ba'i bcom ldan 'das/ / khyod la skyabs su mchi bar mchod kyis 'tshal// thub pas sbyin pa bsam gyis mi khyab stsal// bslangs nas dbang po gyes par rab 'gyur ba// pha rol dag la sbyin pa mchog stsol ba/ / gtong ba bcom ldan khyod la phyag 'tshal lo// sems can nga rgyal rgyags khengs gti mug pa// rgyu dang rkyen dang bya ba 'ga' bgyid rnams// 'phags pa bla na

  645. 323b

    med pa'i lam mchog la/ / rnam par 'dren pa chen po khyod kyis bkod// phung po rang bzhin gyis ni stong mkhyen nas// las dang nyon mongs zil gyis mnan te bzhugs// 'dren pa 'gro ba rnams kyi som gcod/ / bcom ldan dus gsung khyod la phyag 'tshal lo// bden pa'i chos la brtson zhing mnyam par gzhag/ chos rnams kun la mnga' dbang pha rol phyin// bla na med pa kha lo sgyur ba mchog/ bcom ldan ded dpon khyod la phyag 'tshal lo/ / bcos pa mi mnga' g.yo sgyu rnams dang bral// bdud kyi sde rnams 'joms pa'i stobs po che// mi mchog lam dang lam ma lags la mkhas// rlung mar lta bur/ ci la'ang chags mi mnga'// gzir bar gyur bsal pha rol shin tu gnas// thub pa bas pa ma 'tshal bang mdzod mnga'// spyad pa spyod pa'i tshe na gang+gA yi// bye ma snyed kyi mi mchog rnams la mchod// mthu brnyes mi g.yo bsam gyis mi khyab pa// chags pa'i skyon mi mnga' zhing thang la bzhugs// gnas na bzhugs pa'i rgyal ba rnams kyis sten// de slad mi rnams mchog la phyag 'tshal lo// skye dang na dang rga shi rnam par spangs/ / tshe rabs bye ba bsam gyis mi khyab dgongs// bcom ldan 'das kyi mkhyen pa'i gdugs 'od kyis// 'jigs pa chen po'i dra ba rab tu 'bral// 'dren pa rmi 'drar chos rnams thugs su chud/ / phyag dang zhabs la bkra shis mtshan mnga' zhing // bkra shis pa las 'jam pa'i ran slong ba// bcom ldan bkra shis mdzad la phyag 'tshal lo// gzungs

  646. 324a

    rnams la ni dbang gi pha rol phyin/ / zang zing mi mnga' chos kyi smon pa stsol// thub pa chos kyi rnga ni rab rdung ba// chos rje bcom ldan khyod la phyag 'tshal lo// shAkya rigs rus rgyal po las byung ba/ / dbang po zhi zhing thugs kyang rab tu zhi// ston pa srid gsum 'jig rten rnams gzigs pa// bde gshegs zhi thugs khyod la phyag 'tshal lo// bdud rnams dpung dang bcas pas rno ba yi/ / ral gri thogs nas byang chub drung lcags kyang // khyod kyi baspu tsam yang ma g.yos te// bcom ldan lhun po 'dral phyag 'tshal lo// mi yi dam pa bzod pa'i pha rol phyin/ / sku rnams kun la nongs par bgyis kyang bzod// yang 'byung ba dang skye dang 'tsho bas pa// bzod gsungs bcom ldan khyod la phyag 'tshal lo// mthu brnyes bde bar gshegs pa mi g.yo ba/ / gnas dang gnas min mkhas pa bsnyengs mi mnga'// khyod kyis sems can mang po byang chub bkod// chos gnas rgyal ba khyod la phyag 'tshal lo// 'dus bgyis nyam chung snying po med par mkhyen/ / skye ba'i tshogs ni nyung ba ma lags sel// khyod kyi mkhyen pa srid gsum khyad par 'phags// ye shes pha rol phyin la phyag 'tshal lo// sems can long ba sdug bsngal mgon med pa/ / de dag khyod kyi dkon mchog gsum tshim bgyis// khyod ni bdud dpung bcas pa skrag mdzad pa// bcom ldan mgon gyur khyod la phyag 'tshal lo// stobs dang

  647. 324b

    thasam satan dang ni dang pa bsgoms/ / khyod kyas dngas su 'ang bcas pa bcos// med pa rnams kyi nga na ma chos myur ba// drung byu ba pa sa pa la byug tshal la/ 8 pa'i rtsa ba rgya chen chos gsan pa/ / mtshungs med byang chub la ni chags mi mngar// grib ma lta bur mkhyen nas bde gsungs pa// bcom ldan gdugs 'dra khyod la phyag 'tshal lo// 'dren pa rmi 'dra chos rnams thugs su chud// 'phags pa'i 'khor lo rmi 'dra rab tu bskor// 'dus bgyis yang dag tu ni rmi lam 'drar// mkhyen nas sems can mang po dran par mdzad/ / khyod kyi ljags mchog dag pa dri mi mnga'// ljags kyis rang gi zhal gyi dkyil 'khor khebs// ljags ni pad+ma 'dab ma brgya lta bu// ljags skyon mi mnga' khyod la phyag 'tshal lo/ / srid gsum kun la chags pa mi mnga' ba// 'gro ba rnams la 'dun pa'i mi skyon gsung // 'dun pa'i 'dod chags bral ba ma smad pa// byang chub mchog la srog chags 'dun par mdzad/ / nyon mongs dgra dang sdig pa'i dgra spangs pa// ser sna'i 'dod chags bral zhing chags mi mnga'// mi yi dam pa gser ltar dpal sdug pa// khyod kyi mtshan dang grangs pa chub par grags/ / gnas dang dbang po rnam par 'byed la mkhas// 'di na bzhugs shing 'gro ba'i mig tu gyur// gnas dang yig 'bru tshig gi

  648. 325a

    don bslabs pas/ / khyod kyis chu bo bzhi la zam pa btags// glang po rin tang ma mchis sbyin pa mdzad// 'dren pa mi dang lha rnams sgrol ba po// khyod kyi yon tan mtha' ma mi rnyed de/ / mgon po khyod la bdag ni thal mo sbyor// mi yi mchog la rdul ni sbyin byin pas// mi mjed 'dzam bu'i rgyal por gyur lags na// 'dir ni dbang po dang bas thal sbyar nas/ / skyabs su nye bar mchi ba spos ci 'tshal// phung po gsog ste nyam chung snying po med// stong pa sgyu mchu zla 'dra bar ni// go'u ta ma khyod kyis de dag yang dag mkhyen// phung po khams mkhas khyod lo phyag 'tshal lo// srid pa'i srad bus dam du mdung bor te// sred pa'i 'gro ba dra bar rab grags pa// srid pa'i 'gro ba rnams kyi dra ba de// bde gshegs khyod kyis mkhyen pa'i 'od kyis dral/ / tshangs pa'i sgra skad lta bu'i gsung rjod pa// sho bo ma lags mi 'gyur 'drid ma lags// dran tshogs gsung ba de dag thos nas ni// thal mo sbyar te/ skyabs su nye bar mchi// yug gi mthil gyis se 'dir rig pa na// nags tshul bcas par rnam pa drug ga yos kyang // 'dir ni zhabs la gnod par 'gyur ma mchis// bdud phyog dgra bcom khyod la phyag 'tshal lo/ / lha yi rgyal po che dang mkhas pa gang // khyod kyi chos don gnyer zhing mchis pa rnams// de dag so sor chos bstan thos nas su// zhabs gnyis

  649. 325b

    la ni rab tu gtug par bgyid/ / de nas mi 'am ci'i rgyal po'i slas rnams kyis bcom ldan 'das la tshigs su bcad pa 'di dag gis mngon par bstod nas/ bcom ldan 'das la 'di skad ces gsol to/ / bcom ldan 'das bdag cag bla na med pa yang dag par rdzogs pa'i byang chub la yang dag par zhugs nas/ bud med kyi dngos pos bla na med pa yang dag par rdzogs pa'i byang chub kyang mngon par rdzogs par 'tshang rgya bar mi nus na/ ji ltar bdag cag bud med kyi dngos po las gyur te/ skyes pa'i dngos po 'thob pa dang / bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ba de lta bu'i chos de bcom ldan 'das kyis bdag cag la legs par bshad du gsol/ / de skad ces gsol pa dang / bcom ldan 'das kyis/ mi 'am ci'i rgyal po ljon pa'i slas de dag la 'di skad ces bka' stsal to/ / sring mo dag de'i phyir legs par rab tu nyon la yid la zung zhig dang / ji ltar bud med kyi dngos po las gyur te/ skyes pa'i dngos po 'thob cing myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ba ngas khyed la bshad par bya'o/ / mi 'am ci'i rgyal po'i slas rnams kyis bcom ldan 'das legs so zhes gsol te/ bcom ldan 'das kyi ltar nyan pa dang / bcom ldan 'das kyis/ de dag la 'di skad ces bka' stsal to// sring mo

  650. 326a

    ngag chos gcig dang ldan na/ bud med bud med kyi dngos po las gyur te/ skyes pa'i dngos po 'thob cing myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ chos gcig pu gang zhe na/ 'di lta ste/ lhag pa'i bsam pas byang chub tu sems skyed pa dang / thams cad mkhyen pa'i sems skyed pa dang / mi mnyam pa dang mnyam pa'i sems skyed pa dang / 'jig rten gsum las khyad par du 'phags pa'i sems skyed pa dang / dge ba'i rtsa ba thams cad la brjed pa med pa'i sems skyed pa ste/ sring mo dag chos gcig pu 'di dag dang ldan na/ bud med bud mod kyi dngos po las gyur te/ skyes pa'i dngos po 'thob cing myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro/ / sring mo dag gzhan yang chos gnyis dang ldan na/ bud med bud med kyi dngos po las gyur te/ skyes pa'i dngos po 'thob cing myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ gnyis gang zhe na/ 'di lta ste/ phrag dog med pa dang / ser sna med pa ste/ sring mo dag chos 'di gnyis dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs pa'i byang chub kyang mngon

  651. 326b

    par rdzogs par 'tshang rgya bar 'gyur ro/ / sring mo dag gzhan yang chos gsum dang ldan na/ bud med bud med kyi dngos po las gyur te/ skyes pa'i dngos po 'thob cing / sbyar du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ gsum gang zhe na/ 'di lta ste/ lus kyi sdom pa gsum yongs su dag pa dang ngag gi sdom pa bzhi yongs su dag pa dang / yid kyi sdom pa gsum yongs su dag pa te/ sring mo dag chos gsum po 'di dag dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro// sring mo dag gzhan yang chos bzhi dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ bzhi gang zhe na/ 'di lta ste/ g.yo med par sbyin pa sbyin pa dang / g.yo med par bslab pa'i gnas 'dzin pa dang / g.yo med par tshul khrims sten pa dang / g.yo med par chos nyan pa ste/ sring mo dag chos bzhi po 'di dag dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med

  652. 327a

    ba yang dag par rdzogs pa'i byang chub kyang mngon par rdzogs par 'tshang rgya bar 'gyur ro/ / sring mo dag gzhan yang chos lnga dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ lnga gang zhe na/ 'di lta ste/ chos don du gnyer ba dang / chos thos nas tshul bzhin du so sor rtogs pa dang / lhag pa'i bsam pas bud med kyi dngos po la smod pa dang / rtag par rgyun du skyes pa'i lus thob par sems skyed pa dang / ji skad smras pa de bzhin du byed pa ste/ sring mo dag chos lnga po 'di dag dang ldan na/ bud med bud med kyi dngos po los gyur te/ skyes po'i dngos po 'thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro/ / sring mo dag gzhan yang chos drug dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ drug gang zhe na/ 'di lta ste/ drang ba dang / mnyen pa dang / sgyusgra med pa dang / g.yo med pa dang / gsal ba dang / bcos pa med pa ste/ sring mo dag chos drug po 'di dag dang ldan na/ bud med bud med kyi dngos po las gyur te/ skyes pa'i dngos po 'jod

  653. 327b

    cing myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro/ / sring mo dag gzhan yang chos bdun dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla ni med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ bdun gang zhe na/ 'di lta ste/ sangs rgyas kyi sku thob par bya ba'i phyir/ sangs rgyas rjes su dran pa dang / sangs rgyas kyi chos thob par bya ba'i phyir/ chos rjes su dran pa dang / rang gis phyir mi ldog pa'i dge 'dun bsdu ba'i phyir dge 'dun rjes su dran pa dang / smon lam yongs su dag par bya ba'i phyir tshul khrims rjes su dran pa dang / nyon mongs pa thams cad yongs su dor ba'i phyir/ gtong ba rjes su dran pa dang byang chub kyi sems rnam par dag par bya ba'i phyir lha rjes su dran pa dang / de dag dgrol ba'i phyir sems can thams cad la sems pa ste/ sring mo dag chos bdun po 'di dag dang ldan na bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro// sring mo dag gzhan yang chos brgyad dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs pa'i byang chub kyang mngon

  654. 328a

    par rdzogs par 'chang rgya bar 'gyur te/ brgyad gang zhen/ 'di lta ste/ zas la med pa ma yin pa dang / skom la sred pa ma yin pa dang / me tog dang / spos dang / 'phreng ba dang / byug pa dang / phye ma la sred pa ma yin pa dang / skyed mos tshal du 'gro ba la sred pa ma yin pa dang / dgod pa dang 'jo ba la sred pa ma yin pa dang / glu dang gar dang / rol mo'i dbyangs sgra la sred pa ma yin pa dang / dga' ba dang rtse ba la sred pa ma yin pa dang / rna ba dang / sna dang / dri dang / lce dang / dga' ba la sred pa ma yin pa ste/ sring mo dag chos brgyad po 'di dag dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla ra med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro/ / sring mo dag gzhan yang chos dgu dang ldan na/ bud med bud med kyi dngos po lngas gyur te/ skyes pa'i dngos po 'thob cing / myur du bla named pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ dgu gang zhe na/ 'di lta ste/ chad par lto ba ma yin pa dang / rtag par lta ba ma yin/ ba dang / bdag tu smra ba ma yin pa dang / sems can du smra ba ma yin pa dang / srog tu smra ba ma yin pa dang / gang zag tu smra ba ma yin pa dang / 'byung bar lta ba ma yin pa dang / 'jig

  655. 328b

    par lta ba ma yin pa dang / rgyu dang rkyen la 'jug pa la mkhas pa yin pa ste/ sring mo dag chos dgu po 'di dag dang ldan na/ bud med bud med kyi dngos po las gyur te/ skyes pa'i dngos pa 'thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro// sring mo dag gzhan yang chos bcu dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur te/ bcu gang zhe na/ 'di lta ste/ sems can thams cad la byams par gnas pa dang / gzhan gyi longs spyod la brnab sems mi skyed pa dang / skyes pa'i sems su yid la byed pa skyed pa dang / srog gi phyir yang brdzun gyi tshig mi smra ba dang / phra ma'i tshig mi smra ba dang / zhe gcod pa'i tshig mi smra ba dang / tshig 'khyal pa mi smra ba dang / pha rol po dga' zhing rtse ba la phrag dog med cing gnod sems kyi bag la la mngon par mi sgrub pa dang / yang dag par lta ba dang ldan par gyur pa dang / rnam par smin pa la re ba med pa ste/ sring mo dag chos bcu po 'di dag dang ldan na/ bud med bud med kyi dngos po las gyur te/ skyes pa'i dngos po 'thob cing // myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro// sra

  656. 329a

    mo dag gzhan yang bud med zab mo la mos pa yin te/ de gzugs la dbu ba rdos pa lta bur so sor rtog kyang gzugs kyis rgyags shing myos par mi 'gyur ba dang tshor ba la chu'i chu bur lta bur so sor rtog kyang bde ba'i tshor ba la rjes su chags pa med pa dang / sdug bsngal gyi tshor ba la khong khro bar mi 'gyur ba dang / bde ba'ang ma yin/ sdug bsngal ba'ang ma yin pa'i tshor bas kun tu gti mug par mi 'gyur ba dang / 'du shes la mig rgyu ba lta bur so sor rtog ste bud med kyi 'du shes mi skyed/ skyes pa'i 'du shes mi skyed pa dang / 'du byed rnams la chu shing gi phung po lta bur so sor rtog pa ste/ 'du byed thams cad la snying po med par rtogs nas/ 'du byed thams cad la mi gnas shing de la chags pa mi skyed pa dang / rnam par shes pa la sgyu ma lta bur so sor rtog ste/ sems dang / yod dang / rnam par rig pa de sgyu ma byas pa bzhin du rtog pa nas/ chos thams cad la chags pa med/ zhe sdang med/ gti mug med pa dang / lus la 'byung ba chen po bzhi dang ldan par so sor rtog ste/ 'di lta ste/ so'i khams dang ldan pa dang / chu'i khams dang ldan pa dang / me'i khams dang ldan pa dang / rlung gi khams dang ldan par lus la so sor rtog go/ / lus 'di na bsdus pa rtswa dang / shing dang / bong ba dang / rtsig pa dang / mig yor lta bu ste/ 'di bdag ma yin/ sems can ma yin/ sros

  657. 329b

    ma yin/ skyes bu ma yin/ gang zag ma yin gyi/ phyin ci log sngon du song bas rgyu dang / bya ba dang / las kyis byung ba'o// gzhan yang bud med mig la kha zas las skyes pa'i sha gong bu ngo bo nyid kyis stong pa rang bzhin gyis dben par yang dag pa ji lta ba bzhin du so sor rtog pa dang / de bzhin du rna ba dang / sna dang / lce dang / lus dang / yid la ngo bo nyid kyis stong par rang bzhin gyis dben par yang dag pa ji lta ba bzhin du so sor rtog pa'o/ / gzhan yang bud med lus la gzugs brnyan lta bur 'jug pa dang / ngag la brag cha lta bur 'jug pa dang / sems la sgyu ma lta bur 'jug pa'o/ / sring mo dag chos 'di dag dang ldan na/ bud med bud med kyi dngos po las gyur te/ skyes pa'i dngos po 'thob cing / myur du bla na med pa yang dag par rdzogs po'i byang chub kyang mngon par rdzogs par 'tshang rgya bar 'gyur ro/ / de nas mi 'am ci'i rgyal po ljon pa'i slas de dag thams cad kyis/ bcom ldan 'das las bud med kyi dngos po las bsgyur ba'i chos kyi rnam grangs 'di thos nas tshim zhing mgu ste/ yi rangs shing rab tu dgar nas dga' ba dang yid bde ba skyes te/ bcom ldan 'das kyi zhabs la phyag 'tshal nas tshul dang 'dra ba'i tshigs su bcad pa 'di dag gis bcom ldan 'das la mngon par bstod do/ / dri med dri bral dri ma gcod mdzad pa// rdul med rdul bral lhag pa'i gzi brjid mnga'/

  658. 330a

    pad+ma'i 'dab 'dra'i spyan dang mdzes pa'i thugs// dri med bla gal khyod la phyag 'tshal lo// dga' mdzad gi mdzad nyon mongs gcod mdzad pa// dga' ba ston pa rtag tu dgon/ par dgyes// rin chen 'byung gnas rin chen mdzod mnga' ba// yon tan mchog mnga' khyod la phyag 'tshal lo// pha rol gshegs pa gzhan gyi tshogs rnams 'joms// pad+ma lta bur stong mchog bka' mchid gsung / / lam mchog sogs shing dam pa'i don ston pa// mchog tu dga' mdzad khyod la phyag 'tshal lo// chu bo bzhi brgal bden bzhi bka' mchid gsung // sa la rgyu ba 'di mig stsol mdzad pa/ / 'khor lo mchog gi mtshan ni stong mnga' ba// rdul med phan mdzad khyod la phyag 'tshal lo// nyon mongs rdul bsal dam pa mthu bo che// mgon po 'gro la mchog gi don mdzad pa/ / bdud kyi dpung rnams stobs med 'jig mdzad pa// bcom ldan stobs bcu khyod la phyag 'tshal lo// sred pa'i 'khri shing gcod mdzad mnyam pa med// brnyes ba dag dang ma brnyes mtshungs pa'i thugs/ / 'jig rten mthar 'byin sna ba'i sgron mdzad pa// rgya mtsho lta bu khyod la phyag 'tshal lo// dul zhing stobs bcu chen po dam pa mnga'// sbyin pa stsol cing rtag tu gtong la dgyes// dul bzhi gnas yon tan pha rol phyin// nyon mongs rdul bsal khyod la phyag 'tshal lo// mtshan mchog 'gro ba kun la dam pa stsol/

  659. 330b

    skye bo'i 'dren pa sku yi mchog pas mcho// sems dang stobs dang bzod la nges par rjes// mdzang 'os pader gshegs khyod la phyag 'tshal lo// mur me lta budri med zla ba 'dra/ phyi nang nyon mongs dri ma gcod mdzad pa// nyon mongs spangs pa yon tan bsod nam sa gter// zhi ba thugs zhi khyod la phyag 'tshal lo// dad pa stsol ba dge sbyong zhi mdzad pa// ston pa skye mched drug las thar mdzad pa/ / rjes su dran drug shin tu yongs dag dran// rgyal ba dge sbyong rgyal la phyag 'tshal lo// 'dom gang 'od ni gser gyi kha dog lta// gsung snyan dam pa rnam par dag pa'i dbyangs/ / bcom ldan gang zag dam pa skyes bu mchog/ srid gsum zhi mdzad khyod la phyag 'tshal lo// shes rab mun pa ma mchis pha rol gshegs// rtag tu dka' thub brtul zhugs rab tu spyad de bzhin kho na gzhan min de bzhin gsung / / mun por sgron ma 'dzin la phyag 'tshal lo// bder gshegs grags ldan yon tan bas ma 'tshal// de dag nyid kyi chos kyi gnas ston pa// yon tan brjod pa mthong zhing grags bsgrags pa/ / mchog tu dga' mdzad khyod la phyag 'tshal lo// bsngags la gnas shong brtul zhugs dka' thub 'phags// khengs dang nga rgyal rgyags pa gcod mdzad pa/ / ye shes 'byung gnas rdul bral blo gros mchog/ skye bo mthar phyin khyod la phyag 'tshal lo// ka la bing ka tshangs dbyangs thugs rje can// 'dod pa rtsod bgyid dri ma

  660. 331a

    sel mdzad pa/ / phung po yongs mkhyen mkhas pa bde bar gshegs// yon tan tshogs mchog mnga' la phyag 'tshal lo// yon tan ston pa yon tan bstod mchod pa/ / zab mo blta dka' shin tu rtogs par dka'// 'dzum zhal zla 'dra gsong por gsung mdzad pa// bdud stobs 'joms mdzad khyod la phyag 'tshal lo// mnyam thugs kha lo sgyur ba rab dul thugs/ / kun gyis mngon bstod mnyam pa'i lam la gnas// thub pa mchog gsung dben pa'i bka' ma chid can// bde gshegs mnyam thugs khyod la byab 'tshal lo// lam sol snyan pa shin tu 'jam pa'i dbyangs// bdud kyi sde mang 'jom mdzad nga rgyal dang // lhag pa'i nga rgyal med ma tshul mi 'chos// thub pa dge sbyong rgyal la phyag 'tshal lo// stobs dang mthu dang brtson 'grus bsam gtan dgyes// rtag tu 'dod chags skyon dang rab rib bral// bde bar gshegs pa mi g.yo gnas la bzhugs// stobs bcu mchog mnga' khyod la phyag 'tshal lo/ / phyag dang zhabs ni dri med dra bas 'brel// skye dang rga dang 'chi ba mi mnga' ba// rgyal bar 'os pa 'gro ba kun las rgyal// nam mkha' mnyam thugs khyed la 'tshal lo// de nas mi 'am ci'i rgyal po ljon pa'i slas mi 'am ci'i mo brgyad khri bzhi stong po de dag gis bcom ldan 'das kyi zhabs la gtugs pa dang // bcom ldan 'das kyis de dag gi lhag pa'i

  661. 331b

    bsam pa mkhyen nas/ de'i tshe bcom ldan 'das kyis 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe bcom ldan 'das kyi zhal gyi sgo nas 'od zer kha dog du ma kha dog sna tshogs pa byung ste/ 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu'o// de dag gis 'jig rten gyi khams mtha' yas mu med par 'od kyis khyab par gyur te tshangs pa'i 'jig rten gyi bar du mngon par 'phags nas/ nyi ma dang zla ba'i 'od zil du brlag par byas te/ slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub bo// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ zhe sa dang bcas shing gus pa dang bcas par/ bcom ldan 'das ga la ba de logs su thal mo sbyar ba btud de/ tshigs su bcad pa mngon par bsgrub pa 'dis bcom ldan 'das la 'dzum pa mdzad pa'i don zhus pa/ bde bar gshegs pa ci slad 'dzum ston pa// zla ba dri ma med zhal khyod la zhu// dri med gzi brjid mnga' ba khyod la zhu/ gser gyi kha dog lta bu khyod la zhu// bde bar gshegs pa ci slad 'dzum ston pa// dam pa'i gzugs rnams mnga' ba khyod la zhu// 'gro ba rnams kyi don mdzad khyod la zhu// lha

  662. 332a

    / mi rnams kyis mchod pa khyod laT// bde bar gshegs pa ci smad 'dzum ston pa// sbyin dang dul la brtson pa khyod lazhu// tshul khrims yongs su dag gyur khrod la/ zhu/ bzod pa'i stobs dang stobs stsol khyod la zhu// bde bar gshegs pa ci slad 'dzum ston pa// brtson 'grus stobs dang mthu mnga' khyod la zhu// bsam gtan mngon shes dgyes pa khyod la zhu/ / shes rab nam mkha' mnyam pa khyod la zhu// bde bar gshegs pa ci slad 'dzum ston pa// rtag tu byams pa'i thugs can khyod la zhu// rtag tu thugs rje ldan pa khyod la zhu/ / dga' dang btang snyoms dgyes pa khyod la zhu// bde bar gshegs pa co slad 'dzum ston pa// srid pa gsum po mthar 'byin khyod la zhu// spun gsum dri ma mi mnga' khyod la zhu/ / bdud rtsi chos rnams gsung ba khyod la zhu// bde bar gshegs pa ci slad 'dzum ston pa// bdud rnams tha mar 'byin pa khyod la zhu// ngan pa'i tshogs rnams 'jom pa khyod la zhu/ / bden pa dam pa gzigs pa khyod la zhu// bde bar gshegs pa ci slad 'dzum ston pa// stobs bcu dam pa mnga' ba khyod la zhu// the tshom dag ni gcod mdzad khyod la zhu/ yon tan stong gis rgyas pa khyod la zhu// de skad zhes gsol ba dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo khyod/

  663. 332b

    kyis mi 'am ci'i rgyal po ljon pa'i slas rnams nga lA dge ba'i rtsa ba bskyed de/ lhag pa'i bsam pas bla na med pa yang dag par rdzogs pa'i byang chub tu sems bskyed nas bud med kyi dngos po las bsgyur zhing / skyes pa'i dngos po thob par bya ba'i phyir/ nga'i rkang pa gnyis la gtugs pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ / kun dga' bo mi 'am ci'i slas brgyad khri bzhi stong po de dag gis lhag pa'i bsam pas dge ba'i rtsa ba bskyed pa 'das 'di nas shi 'phos nas bud med kyi dngos po las gyur te/ skyes pa'i lus thob nas/ dga' ldan gyi lha rnams dang skal ba mnyam par skye bar 'gyur ro// der skyes nas kyang byang chub sems dpa' sems dpa' chen po byams pa dang lhan cig tu sangs rgyas bcom ldan 'das rnams kyi rdzogs pa'i byang chub 'di kun 'gro ba byed par 'gyur ro/ / byams pa de bzhin gshegs pa byang chub thob pa na/ mnyes par byed cing dam pa'i chos kyang kun bgro ba byed par 'gyur ro/ / bskal pa bzang po'i de bzhin gshegs pa thams cad la'ang rim gyis mnyes par byed par 'gyur/ de dag gi dam pa'i chos kun 'gro ba byed par 'gyur/ 'dzin par 'gyur ro/ / de dag rim gyis byang chub kyi phyogs kyi chos yang dag par bsgrub par bya ba thams cad kun tu rdzogs par byas nas/ gang gi tshe mi 'am ci'i rgyal po ljon pa bla na med pa yang dag par

  664. 333a

    rdzogs pa'i byang chub mngon par rdzogs par 'tshang rgya bar 'gyur ba de'i tshe/ de dag sangs rgyas kyi zhing der skye bar 'gyur te/ de dag bla na med pa yang dag par rdzogs pa'i byang chub tu lung ston par yang 'gyur ro/ / de nas bcom ldan 'das la/ mi 'am ci'i rgyal po ljon pas 'di skad ces gsol to// bcom ldan 'das de bzhin gshegs pas bdag cag la sangs rgyas kyi mdzad pa mdzad do/ / ngan song ngan 'gro thams cad kyi shul bkum mo// bde 'gro thams cad kyi shul rnam par sbyangs so// bdag cag byang chub kyi shul la rab tu bkod do// bdag cag la chos kyi gter bstan to// bdag cag ye shes kyi sa la bkod do// dge ba'i rtsa ba thams cad 'bar bar mdzad do// pha rol tu phyin pa'i phyogs bstan to// thabs la mkhas pa bstan to/ / bdag cag byang chub kyi sems yang dag par 'dzin du stsal to// chos bsgrags pas rab tu dga' bar mdzad do// dga' ba dang / dang ba dang / mchog tu dga' ba thob pas yang dag par gzengs bstod do/ / chos zab mo bzod pa la dga' bar mdzad do// bdag cag phyir mi ldog pa'i sa la rab tu bkod do// bdag cag ni bcom ldan 'das la byas pa gzo ba lags kyi/ byas pa mi gzo ba ma lags kyang / bcom ldan 'das bdag cag gis sha dang khrag gis kyang de bzhin gshegs pa la lan mi lon na/ gzhan gyis lan ldon par ma

  665. 333b

    'gyur ba lta smos kyang ci 'tshal/ de nas 'khor de'i nang nas byang chub sems dpa' kha cig 'di snyam du sems te/ ma la mi'amatha' rgyal po ljon pa 'di ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i ming ni ji skad ces bya bar 'gyur/ byang chub sems dpa'i dge 'dun na ji snyed cig tu 'gyur/ longs spyod dang yongs su spod pa ni ci 'dra ba zhig tu 'gyur/ de yis sems can bkod pa dang / sangs rgyas kyi zhing yon tan bkod pa ni tso 'dra zhig 'gyur snyam mo// de nas bcom ldan 'das kyis byang chub sem sod pa' de dag gi sems kyi rnam par rtog pa thugs kyis mkhyen nas 'dzum pa mdzad pa dang / bcom ldan 'das kyi zhal gyi sgo nas 'od zer du ma kha dog tha dad pa la dog brgya stong phrag du ma byung ste/ phyogs bcu kun gyi phyogs re rer yang sangs rgyas kyi zhing gang+gA'i klung gi bye ma snyed snang bar byas te/ sems can rnams kyi ngan song gi sdug bsngal thams cad zhi bar byas nas/ lha dang / mi dang / lha ma yin du bcas pa'i 'jig rten 'dun par byas te/ slar log nas bcom ldan 'das la lan stong du bskor ba byas te/ bcom ldan 'das kyi dbu'i gtsug tu nub bo/ / de nas tshe dang ldan pa kun dga' bos bcom ldan 'das kyis sngon chad ma mdzad pa'i 'a dzum pa mthong nas/ stan las langs te thal mo sbyar nas/

  666. 334a

    bcom ldan 'das kyi zhabs la phyag 'tshal te/ lan gsum bskor ba byas nas/ bcom ldan 'das kyi spyan sngar 'dug ste/ pus mo g.yas pa'i lhang sa la btsugs nas/ bcom ldan 'das ga la ba de logs su thal mo sbyar babatud de/ bcom ldan 'das la tshigs su bcad pas gsol pa/ bde bar gshegs pa'i 'dzum pa ci 'dra ba/ de ring phyung ste thugs med bye ba'i zhing // rgya cher phyogs bcu gang+gA'i klung mtha' yas// khyab pa de 'dra sngon chad yongs ma mthong // tshangs pa de bzhin 'jig rten skyong ba dang // nor bu ni dang nyi ma zla ba'i 'ong / / mi dbang gzi brjod kyis ni zil du brlag/ 'dzum mdzad 'di yi rgyu ni lung bstan gsol// su yi ched du dpa' bo khyod kyis 'od phyung bas// 'dir ni ngan song gsum zhi byang chub yan lag rdzogs/ / chos kyi rje yis bdag cag rnams kyi dogs pa sol// mi rnams kyi ni yid gnyis ma lus par ni khum// 'khor kun dga' bas rtog bgyid na/ / su spad de ring 'dzum pa bstan// de nas tshe dang ldan pa kun dga' bos/ bcom ldan 'das la tshigs su bcad pa 'di dag gis mngon par bstod nas bskor ba byas te// rang gi stan la 'dug go/ de nas bcom ldan 'das kyis de'i tshe glang po che'i lta stangs kyis phyogs bcur gzigs nas/ tshe dang ldan pa kun dga' bo la 'di skad ces bka' stsal to// kun

  667. 334b

    dga' bo khyod kyis mi 'am ci'i rgyal po ljon pa 'dis tshul 'di lta bu dang / rgya che ba 'di lta bu dang / rnam pa 'di lta bu 'dis de bzhin gshegs pa la mchod pa byas pa mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa/ kun dga' bo mi 'am ci'i rgyal po ljon pa 'di bskal pa bye ba khrag khrag brgya stong phrag drug cu rtsa brgyad na/ bla na med pa yang dag par rdzogs pa'i byang chub mngon par rdzogs par 'tshang rgya ste/ dkon mchog 'byung ba zhes bya ba'i bskal pa la 'jig rten gyi khams zla ba dri ma med ces bya bar/ de bzhin gshegs pa dgra bcom pa yang dag par rdzogs pa'i sangs rgyas yon tan gyi rgyal por snang ba zhes bya ba rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha drang mi rnams kyi ston pa sangs rgyas bcom ldan 'das 'jig rten du 'byung ngo / / kun dga' bo 'jig rten gyi khams zlo ba dri ma med pa de ni la ga mthil ltar mnyam par 'gyur te/ bai DUR+Ya dkar po las grub pa lta bur snang ba/ shin tu dri ma med pa/ shin tu rnam par dag pa/ mching bu med pa'o// de bzhin gshegs pa de'i byang chub sems dpa' dge 'dun yang tshad med par 'gyur te/ byang chub sems dpa' sems dpa'

  668. 335a

    chen po de dag thams cad kyang phyir mi ldog pa/ / rnam par thar pa bsam gyis mi khyab pa thob pa sha stag go// byang chub sems dpa' de dag ni nam mkha' la khang pa brtsegs pa na longs spyod do/ / de dag nam mkha' la khang pa brtsegs pa na gnas pa na/ bai DUR+Ya dkar po las grub pa'i sa chen po der bcom ldan 'das de bzhin gshegs pa yon tan gyi rgyal por snang ba de 'i gzugs brnyan mthong bar 'gyur ro/ / de dag gis mthong ma thag tu chos 'dri dag thams cad ni gzugs brnyan lta bu'o zhes dran pa skye bar 'gyur ro// byang chub sems dpa' gang chos gang la the tsom za ba na/ / de de bzhin gshegs pas de la snang bar gyur pa de la zhu bar 'gyur ro// de bzhin gshegs pa des kyang byang chub sems dpa' de dag la zhus pa'i lung bstan pas sems rangs par mdzad par 'gyur ro/ / byang chub sems dpa' de dag gis chos de thos nas mi skye ba'i chos la bzod pa thob par 'gyur ro// kun dga' bo 'jig rten gyi khams de na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor yod par mi 'gyur ro// sems can de dag thams cad kyang nam mkha' la khang pa brtsegs na 'khod par 'gyur ro/ / sangs rgyas kyi zhing der bud med du gdags pa'ang med par 'gyur ro// sems can de dag thams cad kyang

  669. 335b

    pad+ma'i snying po las rdzus te skye bar 'gyur ro/ / 'jig rten gyi khams de na kha zas su gdags pa med de/ sems can de dag thams cad ni bsam gtan la dga' ba dang / chos la dga' ba'o zas can du 'gyur ro/ / 'jig rten gyi khams de na theg pa gzhan rnam par bzhag pa med de/ sems can de dag thams cad ni theg pa chen po la nges par 'gyur ba dag go/ 'jig rten gyi khams de na tshul khrims log par zhugs pa'am/ lta ba log par zhugs pa 'am/ cho ga log par zhugs pa 'am/ 'tshe ba log par zhugs pa'i sems can 'ga' yang med par 'gyur ro/ / sems can de dag thams cad ni nan tan dang ldan pa ste/ sangs rgyas kyi chos rnam par brtson 'grus brtsams par 'gyur ba sha stag go/ sangs rgyas kyi zhing de na bdud dam/ bdud kyi ris kyi lha 'am// gzhan mu stegs can spyod pa dang / kun tu rgyu dang / dmigs pa'i lta ba la mngon par zhen pa dang / phas kyi rgol ba med par 'gyur ro/ / sems can de dag thams cad ni zab mo'i spyod yul stong pa nyid kyi phyag rgyas btang bar 'gyur ro// 'jig rten gyi khams de na ming du btags pa tsam dang / 'du shes tsam ma gtogs par lha dang mi zhes tha dad du bya ba med par 'gyur ro/ / sems can de dag thams cad ni yongs su spyod pa mtshungs par 'gyur ro// kun dga' bo bcom ldan 'das de

  670. 336a

    bzhin gshegs pa dgra bcom pa yang dag par rdzogs pa'i sangs rgyas yon tan gyi rgyal por snang ba de'ang lha dang mi rnams kyi skye bo mang po la phan pa dang / skye bo mang po la bde ba'i phyir/ bar gyi bskal pa bcu tham pa tshang bar bzhugs par 'gyur ro// bcom ldan 'das de bzhin gshegs pa yon tan gyi rgyal por snang ba de gang gi tshe yongs su mya ngan las 'da' bar bzhed pa de'i tshe/ byang chub sems dpa' sems dpa' chen po brtson 'grus 'bar ba 'di de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas bkod pa chen po zhes bya ba rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su 'gyur ro// zhes byang chub sems dpa' brtson 'grus 'bar bzhes bya ba lung bstan nas mya ngan las 'das par 'gyur ro/ / kun dga' bo bar gyi bskal pa der yang sangs rgyas dkon mchog dang / chos dkon mchog dang / dge 'dun dkon mchog dang mi 'bral bar 'gyur te/ bar gyi bskal pa de ni dkon mchog 'byung ba zhes brjod do// de nas mi 'am ci'i rgyal po ljon pas bcom ldan 'das las lung bstan

  671. 336b

    ba thos nas/ dga' zhing mgu ste yi rangs shing rab tu dga' nas/ dga' ba dang yid bde ba skyes te/ byang chub sems dpa' dag ra mchog tu dga' ba'i shugs kyis sa las steng gi bar snang la shing ta la bdun tsam du 'phags te/ thams cad dang ldan pa'i 'khor dad pa rgya cher spel ba dang / dge ba'i rtsa ba yang dag par bskyed pa'i phyir/ sangs rgyas kyi mthu dang / rang gi shes rab kyi spobs pas/ de'i tshe tshigs su bcad pa 'di dag smras so// chos 'di thams cad rab tu dben pa dang // dri ma med de nam mkha'o ngo/ bo nyid// rgyud kyi dam pa 'di ni rnam shes na// de phyir de dag thub sras thu bor 'gyur// rmi lam bzhin du mthong ba cung zad med// thams cad med de gzung med gso ba dang gsog/ chos rnams thams cad rmi lam 'drar shes nas// 'dus byas dag la nam yang skyo ba med// la la sgyu ma'i rta dang glang chen dang // shing rta dpung bu chung dang bzhon mthong ba/ / dam pa'i don du snying po med pa ltar// phung po 'di dag sgyu 'dra snying po med// gzugs kyi rang bzhin dbu ba rdos pa bzhin// tshor ba 'di ni chu yi chu bur 'dra// 'du shes dag ni smig rgyu 'dra bar gsungs// 'dus byas thams cad chu shing snying po med// srid gsum 'di ni sems yid rnam par shes// rgyal bas de bzhin rgyu 'drag so

  672. 337a

    / // slong na/ das sa sno skye/ khams ngan pa du ma rgyas dru / mched rnams ni grong stong lta bu dang // chos 'di gsog dang gsob ltar rnam shes pa// de dag rgyal ba'i chos mdzod 'dzin pa yin// rab tu dul phyir sbyin dang dul ba dang // bzhin tshul khrims rnam dag tshul khrims dang // rtag tu 'phags pa'i tshul gyis bzod mi zad// stong pa nyid phyir brtson 'grus rnam par dag/ bsam gtan rang bzhin 'gyur ba med pa dang / / de ltar shes rab chags med ma smos pa// gang gi 'jug pa de 'drar gyur pa de// pha rol phyin po'i pha rol rab tu phyin// bdag med khon nyid phyir byams pas tsam// nam mapa' lta bur gong du snying rje dag/ ni phyir dga' dang btung snyoms bcas pa yi// lam 'di tshangs pa'i lam ste rtag tu ni// brngub bzhi po khyad par 'phags pa 'di// rnam par 'dren pas rjes su gzung phyir gsungs/ / 'dzin pa med cing rnam rtog gang med pa// de ni bsdu ba'i dngos po'i pha rol phyin// sems can 'di dag bdag med sems can med srog dang gso ba gang zag mi rnyed do/ / dbang po drug 'di stong ste rab zhi bar// gang shes de ni byang chub sems dpa' yin// sems can med cing byang chub sems dpa' med// de ni gang

  673. 337b

    du'ang bdag med rlom sems med/ / gnyis dang bral zhing sa chags spros med pa// sems can byang chub sems dpa' de dpal ldan// chos 'di snying po med de sgyu sa 'dra// gang du'ang mi bong nam yang 'gro mi 'gyur/ / chos dbyings 'di yi gnas par rig nas ni// rgyal bas de bzhin nyid ni mnyam sangs rgyas// gang na'ang yod pa'am med pa med mod kyi// rgyu la brten nas chos rnams 'byung bas na/ / mkha' la glog mthong 'jig pa lta bur ni// sems kyi 'khri shing de lta shes par bya// rlung ni nam mkha' mi chags rgyu ba bzhin// gzugs med sems ni 'dus byas dag la rgyu/ / sems kyi rang bzhin rnam dag de shes nas// nyon mongs gzugs med sogs par mi 'gyur ro// lus ni rtsig pa rtswa dang lo ma 'dra// bem po rje med rdo shing ngan pa ltar/ / de yis snga ma'i rang bzhin 'drar shes nas// lus kyi chos la gnas par mi byed do// tshig ni rtag tu gzung med rlung dang 'dra// ri dang phug gi brag cha lta bu ste/ de 'drar sgra ni rab tu dben shes pa/ / sgra rnams kun la 'dun pa'i 'dod chags med// bdag ni nam mkha'i ngos nas mi ltung ste// mkha' las ltung ba'i gnas kyang yod ma yin// chos 'di nam mkha' 'dra bar bsgoms nas ni/ / de ltar sems can sems can med mtshungs gnas// bskal pa brgya phrag mang po ba sregs kyang ni// ji ltar nam mkha' nam yang sngon ma chog/ chos rnams thams

  674. 338a

    / cad nam mkha' 'drar shes pa// de sreg bskal che zhing rnams brgyar yang 'gro// ri dang ri rab kho ra khor yug ri// de bzhin dang bcas pa'i sa rnams kun// nam mkha'i ngos kyis phye bar rig nas de/ / rdzu 'phrul stobs kyis bye ba'i zhing du 'gro// sa dang chu dang me dang rlung dag dang // sa gzhi 'di dag nam mkha'i ngos mnyam par// dpa' bo tshul 'di khong du chud pa dag/ mkha' las bye ba mtha' yas zhing du 'gro// srid pa gsum na sgra dang skad kyi bag/ bzang ngan de bzhin 'bring po ci yod pa// de yi mtha' ma bskal pa brgyar brjod kyang sngon gyi rang bzhin mi snang rgyu ba med/ / rang byung ba ni mtshan mchog ma yin yang // sems kyi chos kyis gzugs kyis rab tu phye// sems dang yid ni mtshungs par dben par 'gyur// rgyal ba thams cad chos mtshungs nyid phyir mnyam// sngon gyi sred par byang chub spyad spyod cing // dge ba brgya stong rab tu bsags nas ni// byang chub mnyam zhing mnyam par rab shes pa// grags pa chen po rnams ni lung bstan 'gyur// chos rnams kun ni rang yul yongs dag ste// mtha' yas phyir ni rgyal ba'i yul du mnyam// mnyam nyid 'di dag gang gis rab shes ba/ / yon tan ldan pa de dag lung bstan 'gyur// bdag ni gzugs mon tshor min 'du shes min// sems pa ma yin rnam par shes med kyang // byang chub khong du chud pa la bdag /

  675. 338b

    lung bstan// phung po khams kyis bdag ni lung ma bstan// bzod pa gang zhig gzod ma nas zhi yo// skad cig pa ni zad dang 'dra min la// mtshungs med mi skye ba la bzod pa na// mi dbang 'gyur zhes rgyal bas lung bstan to/ / chos rnams kun dang bdag tu rang bzhin mnyam// bdag ni bdag med stong pa'i rang bzhin te// stong pa nam mkha' 'dra ba'i ngo bo nyid// byang chub rtag tu mkha' mnyam rang bzhin no/ / zad par bya phyir zad par shes mi nus// mi zad pa ni zad pas zad mi 'gyur// zad pa'i sgo yi chos rnams kun ma skyes// bzod dang ldan la sangs rgyas lung ston to// mtshan med gnas 'jug pa yi gnas med de// yang dag 'dus ma byas pa dus las grol// ma byas byed du ma cug byung ba min// de bzhin nyid 'drar rgyal bas bdag lung bstan// gal te bdag ni lung bstan 'gyur snyam na/ / chos lam tshul la mi mnyam sbyor ma yin// sems dang yid kyis sbyor ba sbyor mo ya na// chos sbyor khyad par 'phags 'di mtshungs shing mnyam// khyed cag thams cad sa yo steng na 'khod/ / bdag ni nam mkha'i dkyil na rnam par gnas// sa dang nam mkha' mnyam par shes nas ni// srod pa gsum na chags med ye shes 'jug/ de nas ma 'am ci'i rgyal po ljon pas tshigs su bcad pa 'di dag smras nas/ steng gi bar snang las babs te/ thal mo sbyar nas bcom ldan 'das la phyag 'tshal te/ bcom ldan 'das la 'di skad ces

  676. 339a

    gsol to/ / bcom ldan 'das sangs rgyas ni bdag gi ched du byung ba lags so// de ci'i slad du zhe na/ bcom ldan 'das bdag sngon byang chub sems dpa'i spyod pa don ma mchis par ma bgyis te/ sngon gyi dge ba'i rtsa ba rnams kyis bdag ma bslus pas/ bcom ldan 'das kyis bdag gi bsam pa thams cad yongs su bskang ba'i slad du/ bla na med pa yang dag par rdzogs pa'i byang chub tu lung bstan to/ / de nas 'khor de'i nang nas byang chub sems dpa' ba thig 'di lta bu'i sems skyes te/ mi 'am ci'i rgyal po ljon pas de bzhin gshegs pa dgra bcom pa yang dag par rdzogs pa'i sangs rgyas gang las dang po bla na med pa yang dag par rdzogs pa'i byang chub tu sems bskyed snyam mo/ / de nas byang chub sems dpa' lha'i cod pan gyis byang chub sems dpa' de dag gi sems kyi rnam par rtog pa sems kyis shes nas/ bcom ldan 'das la 'di skad ces gsol to// bcom ldan 'das mi 'am ci'i rgyal po ljon pas de bzhin gshegs pa gang las byang chub tu sems bskyed pa'i de bzhin gshegs pa de'i mtshan ci lags/ bcom ldan 'das kyis bka' stsal pa/ rigs kyi bu sngon byung ba 'das pa'i dus bskal pa grangs med pa'i yang ches grangs med pa/ rgyas pa/ tshad med pa/ bsam gyis mi khyab par gyur pad+mo'i dus na/ rnam par dag pa zhes bya ba'i bskal pa bzang po la 'jig rten gyi

  677. 339b

    khams dge ba zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rin chen phung po zhes bya ba 'jig rten du byung ngo // rigs kyi bu de'i tshe de'i dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen phung po de'i byang chub sems dpa'i dge 'dun ni bye ba phrag drug cur gyur te/ thams cad kyang brtson 'grus brtsams pa/ bzod pa thob pa bla na med pa yang dag par rdzogs pa'i byang chub las phyir mi ldog pa sha stag go/ de'i tshe'i tshad ni lo bye ba phrag drug cu thub par gyur to// 'jig rten gyi khams dge ba zhes bya ba de'ang bai DUR+Ya las grub pa/ rgyan thams cad kyis brgyan pa rnam pa'i mchog thams cad dang ldan pa/ dga' ldan gyi lha'i ris lta bur khang khyim dang / longs spyod dang / nye bar spyod pa dang / bza' ba dang / btung ba bsams pa tsam gyis 'byor pa'o// sangs rgyas kyi zhing de na theg pa chen po ma gtogs par theg pa gzhan rnam par gzhag pa momed par gyur to/ / rigs kyi bu de'i tshe de'i dus na gling bzhi la dbang ba'i 'khor los sgyur ba'i rgyal po sa 'dzin ces bya ba rin po che sna bdun dang ldan pa zhig byung ste/ de'i slas ni stong phrag

  678. 340a

    / bzhi bcu yod do// de'i bu ni stong tham pa yod do// de dag dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'jom pa stag go/ / rigs kyi bu rgyal po sa 'dzin des bcom ldan 'das de bzhin gshegs pa rin chen phung po de dang / byang chub sems dpa' bye ba phrag drug cu le lo bye ba tham par yid du 'ong ba'i chos gos dang / na bza' dang / mal cha dang / na ba'i gsos sman dang / yo byad rnams dang / bde bar sbar ba bde ba la reg par gnas par bya ba thams cad kyis bsnyen bkur byas nas/ des bcom ldan 'das de bzhin gshegs pa rin chen phung po de la mchod pa dpag tu med pa byas te/ dge ba'i rtsa bas nye bar bstan nas/ bud med bzhi stong po de dag dang / bu stong po de dang srog chags brgyad khri bzhi stong dang lhan cig tu bla na med pa yang dag par rdzogs pa'i byang chub tu sems bskyed / / des byang chub tu sems bskyed nas kyang lo bye bar bcom ldan 'das de bzhin gshegs pa rin chen phung po de la bsnyen bkur byas so/ / de nas dus gzhan zhig na bu thu bo brtul zhugs yongs su dag pa zhes bya ba rgyal por bathug nas/ rgyal srid thams cad bor te/ skra dang kha spu bregs nas/ gos ngur smrig bgos te/ bcom ldan 'das de'i bstan pa la dad pas khyim nas khyim med par rab tu byung ngo // de nas rgyal po'i bu de dag gis kyang rim gyis bu

  679. 340b

    bo re re rgyal por bcug nas/ pha'i rjes su rab tu byung bar gyur to// rigs kyi bu de ltar na rnam grangs 'das de bzhin gshegs pa de'i tshe'i tshad ring bar gyur to// rgyal bu gzhon nu de dag thams cad de bzhin gshegs pa de las rab tu byung nas/ rgyal bu gzhon nu tha chung snying rje'i blo zhes bya ba gcig pu ma gtogs te/ de ni chos kyis rgyal srid byed pa chad pa med pa dang mtshon cha med par chos dang 'thun par dbang byed du bcug go/ / rigs kyi bu de ltar rgyal po sa 'dzin de bu dang bcas par bcom ldan 'das de'i bstan pa la rab tu byung nas thog ma dang / par ma dang / tha mar de bzhin gshegs pa rin chen phung po de'i dam pa'i chos rab tu bzung ngo // rigs kyi bu de'i tshe de'i dus na gling bzhi la dbang ba'i 'khor los sgyur ba'i rgyal po sa 'dzin ces bya bar gyur pa de gzhan zhig yin pa snyam du khyod dogs shing the tsom za'am/ yid gnyis su gyur pa blta na/ rigs kyi bu khyod kyis de ltar mi blta'o// de ci'i phyir zhe na/ mi 'am ci'i rgyal po ljon pa 'di de'i tshe de'i dus na rgyal po sa 'dzin ces bya bar gyur to/ / rgyal po de'i bur gyur pa de dag thams cad ni da ltar phyogs bcu na byang chub sems dpa'i spyad pa spyod do/ rigs kyi bu de ltar na mi 'am ci'i rgyal po ljon pas bcom ldan 'das de bzhin gshegs pa rin chen phung po de las bla na med pa yang dag par rdzogs pa'i byang chub tu sems bskyed do//

  680. 341a

    na med pa yang dag par rdzogs pa'i byang chub tu dang po sems bskyed chung chad de'i bar thams cad du sangs rgyas mthong ba dang / chos ldan pa dang / dge 'dun la rim gro byed pa/ dang ma bral bar gyur te/ 'dis yang dag par rdzogs pa'i byang chub kyi tshogs kyang myur du yang dag par bsgrubs pas/ 'di la ngas 'di ni ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas yon tan gyi rgyal po snang ba zhes bya bar 'gyur ro zhes lung yang bstan to/ / de nas bcom ldan 'das la/ byang chub sems dpa' sems dpa' chen po lha'i cod pan gyis 'di skad ces gsol to/ / bcom ldan 'das ji tsam du de bzhin gshegs pa dgra bcom pa yang dag par rdzogs pa'i sangs rgyas thogs pa mi mnga' ba'i mkhyen pa dang ldan pas/ 'di ltar dge ba'i rtsa ba mngon par 'du bgyis pa'i rgyu bas na/ yun ring du lags pa'ang bcom ldan 'das kyis sgrib pa mi mnga' ba'i mkhyen pas gzigs pa ni ngo mtshar to// bcom ldan 'das kyis bka' stsal pa/ rigs kyi bu de de bzhin no// ji skad smras pa de bzhin te/ de bzhin gshegs pa dgra bcom pa yang dag par rdzogs pa'i sangs rgyas ni thogs ba med pa'i ye shes mthong ba ldan pa'o/ / de ci'i phyir zhe na/ rigs kyi bu gang sems can thams cad kyi 'das pa'i sems kyi rgyud zad pa/ 'gags pa dang bral ba/ rnam par

  681. 341b

    gyur pa/ rgyu gang dag las sems kyi rgyud de dag byung ba dang / rgyu gang dag med pas zad pa dge ba 'am/ mi dge ba 'am/ lung du bstan pa 'am/ lung du ma bstan pa de dag thams cad rnam pa dang bcas/ gzhi dang bcas// gtan tshigs dang bcas par de bzhin gshegs pas rab tu shes so// da ltar byung ba'i dus kyi sems can thams cad kyi rgyud 'byung ba// dge ba 'am/ mi dge ba 'am/ lung du bstan pa 'am/ lung du ma bstan pa'ang rung ste/ sems gang gi 'og tu sems gang 'byung ba de dag thams cad rnam pa dang bcas/ yul phyogs dang bcas/ gzhi ci las gyur pa dang bcas par de bzhin gshegs pas rab tu shes so// gang ma 'ongs pa'i sems can thams cad kyi sems kyi rgyud dang sems las byung ba'i chos dge ba 'am mi dge ba'am/ lung du bstan pa 'am/ lung du ma bstan pa'ang rung ste/ sems gang gi 'og tu sems gang 'byung bar 'gyur pa de dag thams cad kyang rnam pa dang bcas/ yul phyogs dang bcas/ gzhi ci las gyur pa dang bcas par de bzhin gshegs pas rab tu shes so// rigs kyi bu de ltar de bzhin gshegs pa dgra bcom pa yang dag par rdzogs pa'i sangs rgyas ni thogs pa med pa'i ye shes dang ldan no/ / de bzhin gshegs pa'i mkhyen pa thogs pa mi mnga' ba bstan pa 'di bshad pa na/ srog chags sum 'bum gyis bla na med

  682. 342a

    pa yang dag par rdzogs pa'i byang chub tu sems bskyed do/ / de nas mi 'am ci'i rgyal po ljon pas bcom ldan 'das byang chub sems dpa' dang / nyan thos kyi dge 'dun gyi 'khor dang bcas pa la zhag bdun bde bar sbyar ba thams cad kyis bsnyen bkur byas nas yongs su longs spyad par bya ba'i phyir/ rang gi khang khyim dang 'khor gyi khyams de'ang bcom ldan 'das la phul te 'di skad ces kyang gsol to/ / bcom ldan 'das bdag la thugs brtse ba'i slad du rtag tu 'dir gshegs shing bzhugs par gsol/ de na skye bo mang po la phan pa dang / skye bo mang po la bde ba dang / 'jig rten la thugs brtse ba dang / skye bo phal po che'i don dang / mi 'am ni dang / dri za dang / lto 'phye chen po rnams la phan pa dang bde bar 'gyur ro// de nas mi 'am tsi rgyal po ljon pa'i bu dri ma med pa'i mig ces bya bas bcom ldan 'das la nor bu rin po che'i dra ba phul nas/ bcom ldan 'das la 'di skad ces gsol to// bcom ldan 'das mi 'am ci bdag cag bla na med pa yang dag par rdzogs pa'i byang chub la yang dag par zhugs lags kyang / bdag cag ni sil snyan dang / rol mo'i dbyangs sgra dang / glu dang gar la rab tu chags/ me tog dang / spos dang / bdug pa dang / byug pa dang / phye ma la bag ma mchis par dga' zhing rtse ba lags na/ ji ltar bdag cag bag mchis par 'gyur zhing / byang chub kyi phyogs kyi chos

  683. 342b

    rnams yang dag par sgrub par 'gyur ba de lta bu'i chos rin po che'i phyag rgya'i sgo'i gdams ngag bcom ldan 'das kyis bdag cag la bka' stsal bar gsol/ de skad ces gsol pa dang bcom ldan 'das kyis/ mi 'am ci'i rgyal po'i bu dri ma med pa'i mig la 'di skad ces bka' stsal to// bzhin bzangs dag de'i phyir deng phyin chad sel snyan dang / glu dbyangs de dag las byang chub yongs su smin par byed pa'i chos drug cu rtsa bzhi 'byung bar khyed la byin gyis brlab par bya'o/ / drug cu rtsa bzhi gang zhe na/ 'di lta ste/ mi rtag pa'i sgra 'byung ba dang / sdug bsngal gyi sgra dang bdag med pa'i sgra dang / zhi ba'i sgra dang / mngon par 'du mi byed pa'i sgra dang / dben pa'i sgra dang / mi skye ba'i sgra dang / dngos po med pa'i sgra dang / 'byung ba med pa'i sgra dang / gnas med pa'i sgra dang / ji lta ba bzhin gyi sgra dang / yang dag pa'i mtha'i sgra dang / chos kyi dbyings kyi sgra dang / sems can med pa'i sgra dang / srog med pa'i sgra dang / gang zag med pa'i sgra dang / sbyin pa'i sgra dang / tshul khrims kyi sgra dang / bzod pa'i sgra dang / brtson 'grus kyi sgra dang / bsam gtan gyi sgra dang / shes rab kyi sgra dang / byams pa'i sgra dang / snying rje'i sgra dang / dga' ba'i sgra dang / btang snyoms kyi sgra dang / 'ongs pa med pa'i sgra dang / 'gro ba med pa'i sgra dang / rgyu ba med pa'i sgra dang / gnas med

  684. 343a

    ba'i sgra dang / brtan pa med pa'i sgra dang / stong pa'i sgra dang / mtshan ma med pa'i sgra dang / smon pa med pa'i sgra dang / 'dod chags dang bral ba'i sgra dang / 'byung ba med pa'i sgra dang / rten pa'i sgra dang / rten med pa'i sgra dang / sangs rgyas kyi sgra dang / chos kyi sgra dang / dge 'dun gyi sgra dang / byang chub tshad med pa'i sgra dang / dran pa nye bar gzhag pa'i sgra dang / yang dag par spong ba'i sgra dang / rdzu 'phrul gyi rkang pa'i sgra dang / dbang po'i sgra dang / stobs kyi sgra dang / byang chub kyi yan lag gi sgra dang / lam gyi sgra dang zhi gnas kyi sgra dang / lhag mthong gi sgra dang / thabs kyi sgra dang / bsdu ba'i dngos po'i sgra dang / sems can yongs su smin par bya ba'i sgra dang / bdud tshar gcad pa'i sgra dang / dam pa'i chos yongs su gzung ba'i sgra dang / chos thams cad sgyu ma dang / rmi lam dang / gzugs brnyan dang / chu zla dang / brag cha lta bu'i sgra dang / chos kyi dbyings 'dres pa med pa'i sgra dang / 'khor bas yongs su mi skyo ba'i sgra dang / 'byung ba'i sgra dang / dge ba'i rtsa ba'i tshegs thams cad kyi sgra dang / lbu ba dang / chu'i chu bur dang / smig rgyu dang chu shing gi phung po dang / sgyu ma dang / snying po med pa'i sgra dang / ji skad smras pa de bzhin du bya zhing chos sgrub pa'i sgra 'byung bar 'gyur ro// bzhin bzangs dag de ltar na sangs rgyas

  685. 343b

    kyi mthus sil snyan dang / glu dbyangs de dag las gang gis khyed pag yod par byang chub kyi phyogs kyi chos rnams sgrub par 'gyur ba de lta bu'i sgra 'di dag 'byung bar 'gyur ro// de nas thams cad dang ldan pa'i 'khor de ngo mtshar du gyur nas/ bcom ldan 'das la phyag 'tshal te 'di skad ces gsol to// bcom ldan 'das ji tsam du sangs rgyas bcom ldan 'das rnams kyi byang chub 'di byin gyi rlabs kyis shin tu byin gyis brlabs pa dang / chos bstan pa dang / ji tsam du de bzhin gshegs pas byang chub sems dpa' rnams shin tu yongs su bzung ba ni ngo mtshar to/ / bcom ldan 'das kyis bka' stsal pa/ grogs po dag ji skad smras pa de bzhin te/ de bzhin gshegs pas byang chub sems dpa' rnams shin tu yongs su bzung ngo / / de ci'i phyir zhe na/ 'di ltar byang chub sems dpa' yongs su bzung bas sems can thams cad yongs su gzung bar 'gyur ro// grogs po dag de bzhin gshegs pas byang chub sems dpa' yongs su bzung ba gang yin pa de sems can thams cad kyi don nyid do/ / de ltar na sems can thams cad kyi ched du de dag go cha gang gis sems can tshad med grangs med pa 'khor ba las mya ngan las 'das pa'i lam du bzud par 'gyur ba'i go cha chen po gyon no/ / grogs po dag rnam grangs 'dis 'di ltar da ltar bzhugs kyang rung // yongs

  686. 344a

    su mya ngan las 'das kyang rung ste/ byang chub sems dpa' rnams yongs su bzung ba mdzad pa gang yin pa des sems can thams cad yongs su bzung ba yin par rig par bya'o/ / grogs po dag byang chub sems dpa' la gos dang / bsod snyoms dang / mal cha dang / na ba'i gsos sman dang / yo byad rnams kyis rim gror byas pa ni sems can thams cad la rim gror byas par 'gyur ro/ / grogs po dag byang chub sems dpa' la bde bar sbyar bar nye bar ba sgrub pa ni/ sems can thams cad la bde bar sbyar banye par sgrub par 'gyur ro/ / de ci'i phyir zhe na/ grogs po dag tha na byang chub sems dpa'i dbugs 'byung ba dang / rngub pa gang yin pa de tham cad kyang sems can thams cad la snying rje chen po rab tu thob pa dang ldan pa dang / sems can thams cad la phan pa dang / bde ba'i phyir yongs su 'dzin to// de nas 'dod pa na spyod pa dang / gzugs na spyod pa dang gnas gtsang ma'i ris kyi lha'i bu de dag dang / klu dang / gnod sbyin dang / dri za dang / mi 'am ci dang / lto 'phye chen po dang / thams cad dang ldan pa'i 'khor de bcom ldan 'das kyis legs par gsungs pa la rjes su yi rang nas/ lha'i me tog rnam pa mang po kha dog sna tshogs pas bcom ldan 'das la mngon par gtor to// de nas mi 'am ci'i rgyal po ljon

  687. 344b

    pas 'di snyam du bsams te/ bcom ldan 'das nyid kyi rdzu 'phrul gyis sam/ gzhan byang chub sems dpa'i rdzu 'phrul gyis bdag gi gnas bya rgod kyi phung po'i ri la gshegs pa ni bdag gi cha ma yin gyis/ bdag gis de bzhin gshegs pa la mchod pa'i las kyi phyir shing rta gang la bcom ldan 'das byang chub sems dpa'i dge 'dun dang bcas pa dang // nyan thos kyi dge 'dun dang bcas pa bzhugs pa de lta bu'i shing rta bkod pa bsgrubs te/ shing rta de'ang bdag 'khor dang bcas pas drangs nas/ de ltar na bdag gi de bzhin gshegs pa la mchod pa byas par 'gyur ro snyam mo/ / de nas mi 'am ci'i rgyal po ljon pas yid las byung ba'i lha'i rin po che sna bdun gyi shing rta 'phang du dpag tshad la khyon du dpag tshad lnga pa kha khyer rin po che sna tshogs kyis bskor ba/ shing ljon pa sna tshogs kyis legs par brgyan pa/ steng du rin po che dra ba bres pa/ rin po che'i skud pas mig mangs ris su bres pa mngon par sprul nas/ shing rta de la bcom ldan 'das kyi gdan seng ge'i khro bkra ba/ blta na sdug pa// 'phang du mi bdun yod pa/ ras bcos bu zung brgya stong mang po bkram pa mngon par sprul/ byang chub sems dpa' thams cad dang / nyan thos kyi dge 'dun thams cad kyi stan yang so sor mngon par sprul te/ gang dag bcom ldan 'das la chos nyan cing zham ring du 'brang ba brgya

  688. 345a

    byin dang / tshangs pa dang / 'jig rten skyong ba dang / 'dod pa na spyod pa dang / gzugs na spyod pa dang / gnas gtsang ma'i rigs kyi lha'i bu de dag gi stan yang shing rta de'i steng du ci rigs par sprul to/ / de nas mi 'am ci'i rgyal po ljon pas de lta bu'i shing rta bkod pa de sprul nas thal mo sbyar te/ bcom ldan 'das la phyag 'tshal nas 'di skad ces gsol to/ / bcom ldan 'das bdag la thugs brtse ba'i slad du shing rta 'di la ji ltar gdan bshams pa rnams la 'khor thams cad dang thabs cig tu bzhugs su gsol de nas seng ge'i khri de la bcom ldan 'das kyang bzhugs/ byang chub sems dpa' dang / dge slong gi dge 'dun dang / 'khor thams cad kyang ci rigs par 'khod do// de nas mi 'am ci'i rgyal po ljon pas rdzu 'phrul gyi stobs kyis shing rta de lag pa g.yas pas blangs te/ shing ta la bdun srid kyi steng gi bar snang la spags nas/ de nas mi 'am ci'i bu mo brgyad khri bzhi stong de dag thams cad dang / bu brgyad sdong po de dag dang / gzhan yang mi 'am ci dang / dri za dang / lto 'phye chen po brgya stong phrag du ma dang / mi 'am ci'i rgyal po ljon pa nyid kyang rin po che'i thag pa thogs nas shing rta la btags te nam mkha' la drangs so/ / de nas bcom ldan 'das steng gi bar snang gi shing rta la bzhugs shing nam mkha'i kyol nas gshegs

  689. 345b

    pa la mi 'am ci'i bu mo brgyad khri bzhi stong po de dag gis sil snyan dang glu dbyangs blangs nas/ mchod pa byed de mdun du 'dong zhing / bcom ldan 'das la tshigs su bcad pa 'di dag gis mngon par bstod do/ / mo 'am ci mo brgyad khri bzhi stong po// gzugs kyi dam pa dang ni ldan pa dag/ sil snyan rnams ni rab tu dkrol bgyid cing // yang dag bsngags pas 'dren la stong par bgyid/ / mtshan mchog bsod nams kyis ni gzi brjid gyur// gzugs mchog mthong na dga' bar bgyid pa'i gzugs// bden pa'i yon tan la ni rtag gnas pa// yon tan mtsho chen khyod la phyag 'tshal lo// sngon gyi rgyal ba rnams dang khyod mi 'dra// g.yas g.yon na yang rnam par mthong ma myong // ji ltar ri rab rten zhing mi g.yo ba// de ltar khyod kyi sku ni dpal gyis mdzes/ / 'dren pa khyod kyi rdzu 'phrul stobs kyis ni// chags pa ma mchis par yang mkha' las mchi// nam mkha' lta bur dag cing dri mi mngar// bcom ldan nyon mongs bsal la phyag 'tshal lo// lha dbang lha min dbang dang srin po dang // brgya byin tshangs pa dang ni dag pa'i lha// nyi ma zla ba skar mar bcas pa'i 'od// khyod kyi mdzod spus 'od ni ma mchis gyur/ / shes rab 'byung gnas shes rab rgya mtsho ldan// sems can kun gyi sems kyi spyod la mkhas// 'jig rten gsum na 'jig rten

  690. 346a

    gsum gyis mchod/ / 'jig rten grags pa'i zhabs la phyag 'tshal lo// bdud bzhi po yi skyon rnams bsal ba po// bden pa bzhi la bsgom zhing dpyod mdzad/ pa/ rdzu 'phrul bzhi yi stobs kyis bsnyengs mi mnga'// sangs rgyas gshegs pas gshegs te gshegs pa mdzes// bskal pa brgyar yang skyo ba mi mnga' zhing // rtag tu dul la thugs ni mnyam par gzhag/ legs par gsungs pas 'gro ba tshim mdzad kyang // khyod ni tshig dang skad la gnas ma lags// khyod kyi gsung ni yid 'ong rab tu stsa zhing brgya dag tu thogs pa med par mchi/ / zla de sems can gang gos thos myur ba// de dag thams cad bde bas tshim par 'gyur// sems tsam pa lo sgyur ba smra gcig ta// stong gsum rgyu mtsho'i chab rnams zhugs gyur kyang / / sems can rags pa rnams la 'dom gnod// rdzu 'phrul la yang skyon ni yong mi gda'// stong gsum bya no ro rab ri bo dag/ phyag gcig gi rma mthil du bzhag nas su/ / zhing mang bye ba dag tu gshegs mdzad kyang // khyod kyi sku yi stobs ni zhum ma mchis// bskal pa bye ba brgya phrag bsam yas na// brtul zhugs dka' thub tshul khrims yon tan dang / / sbyin dang dul dang sdom dang bzod pa dang // brtson 'grus bsam gtan shes rab shin tu bslabs// sangs rgyas bye ba mang la bsnyen bkur mdzad// de dag rnams kyis

  691. 346b

    bshad pa'i chos kyang bzung / / thugs rje ldan zhing 'gro ba'i don gyi phyir// khyod la yongs su skyo ba'i thugs mi mnga'// rim gro ma bgyis zhum par mi 'gyur zhing // rim gror bgyis pas mtho bar// 'gyur ma lags// dog sa lta bur snyoms shing mi g.yo ste// 'jig rten chos gnas mi gos pad+ma bzhin// chos rnams stong pa mtshan ma ma mchis dang // chu zla 'dra zhing sgyu ma lta bu dang // dbu brngos 'dra rmi lam glog 'dra dang / / smig rgyu'i mtshan nyid lta bur rab tu mkhyen// ngo bo nyid kyis gang zag bdag ma mchis// gdod nas stong zhing mi g.yo rjes ma mchis// nam mkha' lta bur dag cing dri ma mchis/ / dngos po bas par dngos po ma mchis 'dra// las dang bya ba rgyu dang rkyen rnams las// byung ba lags kyi rjes ni ma mchis par// tshul 'di rnam par spang ba mdzad pas na/ / de phyir khyod ni rdzogs sangs rgyas zhes bgyi// gang dag 'dren pa mthong zhing thos gyur pa// de dag la ni ngan song 'jigs ma mchis// de dag bde 'gro dag tu mchog gzhol te// srog chags de rnams kyi ni rnyed pa lags// bdag cag rnams kyis gang zag dam pa khyod// kun tu mchod pas mchod pa bgyis nas su// byang chub tu ni sems kyang bskyed bgyis te/ gang zag mchog 'drar thams cad 'gyur bar shog/ nam mkha' la ni dpag tu nus kyang gda'// rgya mtsho'i chab ni bas bgyis nus kyang gda'// nyi zla mkha' las sar ni ltung gdang yi//

  692. 347a

    sangs rgyas yon tan bas par 'gyur mi gda'// de nas bcom ldan 'das shing rta la bzhugs te/ nam mkha'i dkyil gyi lam nas gshegs pas gshegs shing gser gyi kha dog lta bu'i sku las 'od gang gis stong gsum gyi stong chen po'i 'jig rten gyi khams khyab par 'gyur ba de lta bu'i 'od phyung ba dang / 'od des rgyal po'i khab kyi grong khyer chen po dang / bya rgod kyi phung po'i ro'ang rab tu khyab par gyur to// de nas bcom ldan 'das shing rta des rgyal po'i khab kyi grong khyer dang / bya rgod kyi phung po'i ri ga la ba der gshegs so/ / de nas rgyal po'i khab kyi grong khyer na/ grong khyer gyi rgyal po ma skyes dgra blon po dang / rgyal bu dang / tshong dpon dang / grong rdal pa dang / khyim bdag tu bcas pa dang dge slong dang / dge slong ma dang / dge bsnyen dang / dge bsnyen ma rnams 'od des bskul nas/ phyi dro'i dus kyi che me tog dang / bdug pa dang / spos dang / 'phreng ba dang / byug pa dang / gdugs dang / rgyal mtshan dang ba dan thogs te/ bcom ldan 'das bsu ba'i phyir rings pa rings par rgyal po'i khab kyi grong khyer chen po nas byung ste/ bya rgod kyi phung po'i ri la bcom ldan 'das ga la ba der dong ngo / / ljon pa'i slas rnams shing rta 'dren bzhin du sil snyan brgyad khri bzhi stong byed do// si 'am ci rol mo sil snron gyi sgra des bya rgod kyi phung po'or thams

  693. 347b

    nad du rmugs par gyur to/ / de ltar mi 'amaH'i rgyal po ljon pa dpung dang bcas/ 'khor dang bcas pas rdzu 'phrul gyi stobs kyis bcom ldan 'das nam mkha'i dkyil nas khyer te/ bya rgod kyi phung po'i ri la bzhag go/ de nas bcom ldan 'das shing rta de las babs nas/ rang gi gnas su gdan bshams pa la bzhugs so// byang chub sems dpa' de dag dang nyan thos chen po de dag dang / thams cad dang ldan pa'i 'khor rnams kyang shing rta de las babs nas/ bcom ldan 'das kyi zhabs la mgo bos phyag 'tshal te/ bcom ldan 'das kyis gnang nas/ / bcom ldan 'das la kun nas bskor te/ rang rang gi stan la 'khod do// 'dod pa na spyod pa dang / gzugs na spyod pa dang / gnas gtsang ma'i ris kyi lha'i bu de dag kyang shing rta de las babs te/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de nas rgyal po ma skyes dgra blon po dang / rgyal po dang / rgyal bu dang tshong dpon dang / khyim bdag dang / grong rdal ba dang bcas pa dang / dge slong dang / dge slong ma dang / dge bsnyen dang / dge bsnyen ma rnams kyis me tog dang / bdug pa dang / spos dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan ji ltar thogs pa de dag gis bcom ldan 'das la mchod pa byas nas/ bcom ldan

  694. 348a

    'das kyi zhabs la mgo bos phyag 'tshal te/ bcom ldan 'das la sku ma mnyel tam/ bde ba la reg par gnas sam zhes gsol nas/ phyogs gcig tu 'khod do// de nas bcom ldan 'das la/ byang chub sems dpa' lha'i cod pan gyis 'di skad ces gsol to// bcom ldan 'das mi 'am ci'i rgyal po ljon pa g.yog 'khor dang bcas pas/ bcom ldan 'das 'khor dang bcas te/ shing rta la bzhugs pa nam mkha'i dkyil nas drangs pa'i dge ba'i rtsa ba 'dis mi 'am ci'i rgyal po ljon pa 'khor dang bcas pas ci zhig 'thob par 'gyur// bcom ldan 'das kyis bka' stsal pa/ dge ba'i rtsa ba des mi 'am ci'i rgyal po ljon pa slas dang bcas/ bu dang bcas// g.yog dang bcas pas 'dir byang chub tu sems bskyed nas// de dag thams cad/ nam byang chub kyi snying po la 'dug gi bar du mngon par shes pa las mi nyams pa rab tu thob par 'gyur/ sangs rgyas kyi zhing 'di nas sangs rgyas kyi zhing du phan tshun 'gro bar 'gyur/ sangs rgyas mthong ba dang / chos nyan pa dang / dge 'dun la bsnyen bkur byed pa dang mi 'bral bar 'gyur/ tshe rabs thams cad du skye ba dran par 'gyur/ lung bstan pa thob par 'gyur/ dam pa'i chos yongs su gzung ba la brtson par 'gyur/ sems can yongs su smin par bya ba la spro bar 'gyur ro// de nas rgyal po ma skyes dgras/ mi 'am ci'i bdag po ljon pa la 'di skad ces

  695. 348b

    smras so/ / mi 'am ci'i bdag po bcom ldan 'das kyis khyod kyi yon tan yongs su brjod pa mdzad pas khyod kyis rnyed pa legs par rnyed kyis/ khyod kyi dge ba'i rtsa ba de las shas shig kho/ bos kyang 'thob par 'dod do// mi 'am ci'i rgyal po ljon pas smras pa/ rgyal po chen po dge ba'i rtsa ba 'di thams cad bdag gis khyod dang sems can thams cad la dbul lo// de ci'i phyir zhe na/ rgyal po chen po byang chub sems dpa' rnams kyi dge ba'i rtsa ba ni sems can thams cad dang thun mong ma yin pa de gang yang med do// rgyal po chen po byang chub sems dpa' thams cad ni ser sna can ma yin te/ de dag dge ba'i rtsa ba thams cad la ser sna mi skyed do// dge ba'i rtsa ba thams cad sems can thams cad la gtong yang yid mi bde bar mi 'gyur/ 'gyod par mi 'gyur ro// rgyal po chen po byang chub sems dpa'i dge ba'i rtsa ba gang yin pa thams cad mkhyen par yongs su bsngos pa de'ang sems can thams cad kyi 'tsho pabar 'gyur ro/ / de ci'i phyir zhe na/ rgyal po chen po byang chub sems dpa' rnams kyi byang chub ni sems can thams cad kyi gnas byed pa dang / sems can la sbyor ba dang / sems can gyi phyir 'brang bar 'gyur ro/ / rgyal po chen po khyod kyis gang gi phyir dge ba'i bshes gnyen bcom ldan 'das dang 'jam dpal gzhon nur gyur pa rnyed de/ de gnyis las khyod kyis

  696. 349a

    dam pa'i chos thos nas/ des mi shes pa'i mun pa dang / gti mug gi ling tog chen pos mtshams med pa'i 'gyod pa byung ba'i sems bsal nas/ khyod kyis chos la chos kyi snang ba chen po thob ste/ chos kyi snang ba des khyod da ltar sgrib pa med pa thob cing gnas pas/ khyod kyis kyang rnyed pa legs par rnyed do// rgyal po chen po de lta bas na byang chub sems dpa' sems dpa' chen pos gus par byas te/ ci nas kyang chos kyi tshig dang / yi ge 'bru gcig thos pa'ang brjed par mi 'gyur ba dang / chud za bar mi 'gyur ba dang / kun tu gzug ba dang / yongs su bsrung ba'i phyir/ bdag chos kyi snod du 'gyur bar bya'o// de nas bcom ldan 'das la/ byang chub sems dpa' lha'i cod pan gyis 'di skad ces gsol to// bcom ldan 'das ji ltar na byang chub sems dpa' chos kyi snod du 'gyur ba lags/ de skad ces gsol pa dang / bcom ldan 'das kyis/ byang chub sems dpa' lha'i cod pan la 'di skad ces bka' stsal to/ rigs kyi bu byang chub sems dpa' sems dpa' chen po chos sum cu rtsa gnyis dang ldan na// chos kyi snod du 'gyur te/ sum cu rtsa gnyis gang zhe na/ rigs kyi bu 'di lta ste/ byang chub sems dpa'i snod sangs rgyas kyis byin gyi rlabs dang / lhag pa'i bsam pa dang / byang chub kyi lam nye bar rton pa'i snod sbyor ba dang / dge ba'i rtsa ba khyad par du 'gro ba'i snod lhag pa'i bsam pa

  697. 349b

    dang / mang du thos pa'i snod dran pa dang / yam la 'jug pa'i snod blo gros dang / don rtogs pa rjes su rtogs pa'i snod rtogs pa dang / longs spyod chen po'i snod sbyin pa dang / bsam pa yongs su / rdzogs pa'i snod tshul khrims dang / skyes bu chen po'i mtshan sum cu rtsa gnyis thob pa'i snod bzod pa dang / sangs rgyas kyi chos thams cad 'grub pa'i snod brtson 'grus dang / sems las su rung ba'i snod bsam gtan dang / dogs pa thams cad las rab tu 'das pa'i snod shes rab dang / sems can thams cad la sems snyoms pa'i snod byams pa dang / dbul zhing nyam thag pa thams cad bskyab pa'i snod snying rje dang / chos la dga' ba'i snod dga' ba dang / rjes su chags pa dang khong khro ba spang ba'i snod btang snyoms dang / dge ba'i rtsa ba thams cad 'dzin du 'jug pa'i snod dge ba'i bshes gnyen dang / shes rab kyi pha rol tu phyin pa'i snod thos pa tshol bas ngoms mi myong ba dang / mi ltos pa'i snod rab tu 'byung ba dang / don nyung zhing bya ba nyung ba'i snod dgon pa la gnas pa dang / bsam gtan dang mngon par shes pa'i snod dben pa la dga' ba dang / sems can yongs su smin par bya ba'i snod bsdu ba'i dngos po dang / chos sdang ba'i snod dam pa'i chos yongs su 'dzin pa dang / thos pa'i chos thams cad 'dzin pa'i snod gzungs dang / sems can thams cad kyi the tsom gcod pa'i snod spobs pa dang / sangs

  698. 350a

    rgyas mthong ba'i snod sangs rgyas rjes su dran pa dang / shes rab kyi pha rol tu phyin pa'i snod chos rjes su dran pa dang / dge ba'i rtsa ba bsrung ba'i snod zhe 'gras pa med/ pa'i sems dang / lta bar gyur pa thams cad spong ba'i snod stong pa nyid la mos pa dang / mthar 'dzin pa thams cad yongs su spong ba'i snod rten cing 'brel par 'byung ba dang / mi 'khrugs shing byed par lung ston pa'i snod mi skye ba'i chos la bzod pa thob pa dang / stobs bcu dang / mi 'jigs pa dang / sangs rgyas kyi chos ma 'dres pa rnams kyi snod phyir ma ldog pa'i sa ste rigs kyi bu byang chub sems dpa' sems dpa' chen po chos sum cu rtsa gnyis po 'di dag dang ldan na/ chos kyi snod du rig par bya'o// bstan pa 'di bshad pa na/ srog chags khris bla na med pa yang dag par rdzogs pa'i byang chub tu sems bskyed nas/ tshig 'di skad ces bcom ldan 'das sems can thams cad kyang 'di 'dra ba'i chos kyi snod du gyur cig/ bdag bca kyang bcom ldan 'das kyis ji skad du bstan pa'i chos de lta bu'i snod du gyur cig ces smras so/ / de nas bcom ldan 'das kyis/ mi 'am ci'i rgyal po ljon pa la 'di skad ces bka' stsal to/ / mi 'am ci'i bdag po khyod kyi 'khor 'di skyo bar 'gyur du 'angag/ khyod rang gi gnas su song zhig/ mi 'am ci'i rgyal po ljon pas gsol pa/ bcom ldan 'das gang yongs su skyo ba de byang

  699. 350b

    chub sems dpa' zhes mi bgyi ste/ bcom ldan 'das byang chub sems dpa' ni skyo ba bzod par bgyi'o// bcom ldan 'das ji ltar na byang chub sems dpa' yongs su skyo ba lags// ji ltar na yongs su mi skyo ba lags/ bcom ldan 'das kyis bka' stsal pa/ mi 'am ci'i bdag po byang chub sems dpa' chos bzhi dang ldan na yongs su skyo bar rig par bya ste/ bzhi gang zhe na/ 'di lta ste/ / sems can gyi khams tshad med pa thos na skrag pa dang / 'khor ba tshad med pa thos na skrag pa dang / sangs rgyas kyi ye shes tshad med pa thos na skrag pa dang / bsod nams tshad med pas mtshan dang dpe byad bzang po 'grub pa thos na skrag pa ste/ mi 'am ci'i bdag po byang chub sems dpa' chos bzhi po 'di dag dang ldan na/ yongs su skyo bar rig par bya'o// mi 'am ci'i bdag po byang chub sems dpa' chos bzhi dang ldan na/ yongs su mi skyo bar rig par bya ste/ bzhi gang zhe na/ 'di lta ste/ sems can gyi khams tshad med pa de'ang bdag gis yongs su mya ngan las 'da' bar bya'o zhes thos na mi skrag pa dang / dge ba'i rtsa ba bsgrub pa'i phyir 'khor ba tshad med pa yongs su gzung bar bya'o zhes thos na mi skrag pa dang / thams cad mkhyen pa'i ye shes tshad med pa de bdag gis yongs su rdzogs par bya'o zhes thos na mi skrag pa dang / bsod nams tshad med pa bsags pas mtshan dang dpe byad bzang po bsgrub ste/ bdag gis kyang bsgrub par bya'o zhes thos na mi skrag pa ste/

  700. 351a

    mi'am ci'i bdag po byang chub sems dpa' chos bzhi po 'di dag dang ldan na/ yongs su mi skyo bar rig par bya'o// mi 'am ci'i bdag po gzhan yang byang chub sems dpa' chos bzhi dang ldan na/ yongs su skyo bar rig par bya ste/ bzhi gang zhe na/ 'di lta ste/ skabs skabs su nyan thos kyi theg pa 'dod pa dang / skabs skabs su rang sangs rgyas kyi theg pa 'dod pa dang / dam pa'i chos rnam par 'jig pa na yal bar 'dor zhing yongs su mi 'dzin pa dang / gzhan yang dag par rdzogs pa'i byang chub yang dag par 'dzin du mi 'jug pa ste/ mi 'a ma ci'i bdag po byang chub sems dpa' chos bzhi po 'di dag dang ldan na/ yongs su skyo bar rig par bya'o// mi 'am ci'i bdag po gzhan yang byang chub sems dpa' chos bzhi dang ldan na/ yongs su mi skyo bar rig par bya ste/ bzhi gang zhe na/ 'di lta ste/ rab tu nyen kyang byang chub kyi sems mi gtong ba dang / nyan thos dang rang sangs rgyas kyi sa mi 'dod pa dang / lus dang srog kyang 'dor zhing dam pa'i chos srung ba dang / dpag tshad stong du 'gro zhing gzhan dag byang chub yang dag par 'dzin du 'jug pa ste/ mi 'am ci'i bdag po byang chub sems dpa' chos bzhi po 'di dag dang ldan na/ yongs su mi skyo bar rig par bya'o// mi 'am ci'i bdag po gzhan yang byang chub sems dpa' chos bzhi dang ldan na// yongs su skyo bar rig par bya'o// bzhi gang zhe na/ 'di lta ste

  701. 351b

    slong ba mthong na yongs su skyo ba dang / bsod nyims byed par sbyor ba la brtson par gnas pa dang / mang du thos pa tshol ba la mi brtson pa dang / ji ltar thos pa'i chos rnams gzhan la mi ston pa ste mi 'am ci'i bdag po byang chub sems dpa' chos bzhi po 'di dag dang ldan na/ yongs su skyo bar rig par bya'o// mi 'am ci'i bdag po gzhan yang byang chub sems dpa' chos bzhi dang ldan na/ yongs su mi skyo bar rig par bya ste/ bzhi gang zhe na/ 'di lta ste/ slong ba la dge ba'i bshes gnyen du 'du shos skyed cing // zhe 'gras pa'i sems med la/ bzhin 'dzum zhing khro gnyer med de/ tshuchur shog legs par 'ongs so zhes bya ba'i tshig smra ba dang / bdag bde ba la mi chags shing sems can thams cad la bde ba rab tu sbyin pa dang / mang du thos pa tshol bas mi ngoms shing / ji ltar thos pa'i chos rnams kyang gzhan dag la rgya cher rab tu ston cing / zang zing med pa'i sems kyis chos de gzhan la rab tu ston pa ste/ mi 'am ci'i bdag po byang chub sems dpa' chos bzhi po 'di dag dang ldan na/ yongs su mi skyo bar rig par bya'o// mi 'am ci'i bdag po gzhan yang byang chub sems dpa' chos bzhi dang ldan na/ yongs su skyo bar rig par bya ste/ bzhi gang zhe na/ 'di lta ste/ sbyin pa'i pha rol tu phyin pa'i lam yongs su mi tshol ba dang / bsdu ba'i dngos po la mi sbyor ba dang / sems can yongs su smin par byed par brtson 'grus mi rtsom pa dang / yon tan

  702. 352a

    chung ngu tsam gyis rlog par 'dzin cing gong du mi tshol ba ste/ mi 'am ci'o bdag po byang chub sems dpa' chos bzhi po 'di dag dang ldan na// yongs su skyo bar rig par bya'o// mi'am ci'i bdag po gzhan yang byang chub sems dpa' chos bzhi dang ldan na/ yongs su mi skyo bar rig par bya ste/ bzhi gang zhe na/ 'di lta ste/ mgo dang gos la me 'bar ba bzhin du pha rol tu phyin pa'i lam yongs su tshol ba dang / bsdu ba'i dngos po la rtag tu brtson pa dang / sems can yongs su smin par byed par brtson 'grus rtsom pa dang / dge ba thams cad yongs su bskang ba'i phyir de la mi chags pa yin te/ mi 'am ci'i bdag po byang chub sems dpa' ros bzhi po 'di dag dang ldan na/ yongs su mi skyo bar rig par bya'o// de nas bcom ldan 'das kyis chos bzhi po bsgrub pa 'dis/ mi 'am ci'i bdag po ljon pa la lan btab nas/ rgyal po ma skyes dgra la 'di skad ces bka' stsal to// rgyal po chen po khyod kyis byang chub sems dpa' rnams kyis yongs su skyo ba dang / yongs su mi skyo ba bzhi pa bsgrub pa la 'jug par 'di thos sam/ rgyal pos gsol pa/ bcom ldan 'das thos lags so// bcom ldan 'das kyis bka' stsal ba/ rgyal po chen po de lta bas na khyod byang chub sems dpa'i spyod pa la yongs su mi skyo bar spad par bya'o// rgyal po sa skyes de gras gsol pa/ bcom ldan 'das byang chub sems dpa'

  703. 352b

    rnams kyi spyod pa gang lags/ de nas bcom ldan 'das kyis rgyal po ma skyes dgra'i byang chub sems dpa'i spyod pa yongs su bskang ba'i phyir/ mi 'am ci'i rgyal po ljon pa la bka' stsal pa/ mi 'am ci'i bdag po khyod ji ltar sems can yongs su smin par byed pa'i rang gi thabs mkhas pa'i khyad par rgyal po ma skyes dgra 'di'i byang chub sems dpa'i spyod pa yongs su bskang ba'i phyir khyod kyis ston cig/ de nas mi 'am ci'i rgyal po ljon pas rang gis pi wang de bcom ldan 'das kyi spyan sngar blangs so// pi wang de blangs ma thag tu de nas sangs rgyas kyi mthu dang / mi 'am ci'i rgyal po ljon pa'i dge ba'i rtsa ba'i gzi brjid kyis/ pi wang gi sgra de las seng ges bsgyings pa ltar shing sA la du ma g.yos pa'i sgrar byang chub sems dpa'i spyod pa'i tshigs su bcad pa 'di dag byung ngo / / phan pa spyod pa dag dang don spyod dang // chos thos nan tan byed pa spong ba dang // byang chub mchog gi smod pa gang spyod pa// de dag yongs su skyo ba med par spyod// bde ba spyod dang skyid pa spyod pa dang // sems can kun lo sems snyoms spyod pa dang // byang chub mchog gi spyod pa gang spyod pa// de dag rgya chen ma yin spyod pa med// brtan pa spyod dong/ bden pa spyod pa dang // bsam pa yongs su dag pa spyod pa dang // byang chub mchog gi spyod pa gang spyod pa// de dag gang du'ang sgyu med spyod pa yin// dul ba spyod dang sbyin pa spyod pa/

  704. 353a

    dang / dngos po thams cad yongs su gtong spyod dang // byang chub mchog gi spyod pa gang spyod pa// de dag ser sna med par spyod pa yin// tshul khrims spyod pa ma nyams spyod pa dang / / lus dang ngag ni yongs dag spyod pa dang // byang chub mchog gi spyod pa gang spyod pa// de dag tshul khrims 'chal pa'i spyod pa med// brtul zhugs spyod dang bzod pa spyod pa dang / / khro spyon yongs su gcod pa'i spyod pa dang // byang chub mchog gi spyod pa gang spyod pa// de dag gnod sems med par spyod pa yini// brtson 'grus spyod dang mthu rnams spyod pa dang / / 'khor bar yongs su mi skyo spyod pa dang // byang chub mchog gi spyod pa gong spyod pa// de dag le lo med par spyod pa yin// bsam gtan spyod dang ting 'dzin spong pa dang / / lus dang sems ni rab tu dben spyod dang // byang chub mchog gi spyod pa gang spyod pa// de dag g.yeng ba med par spyod pa yin// shes rab spyod dang blo mchog spyod pa dang // chos rnams thams cad ji bzhin spyod pa dang / / byang chub mchog gi spyod pa gang spyod pa// de dag shes rab 'chal pa'i spyod pa med// byams pa spyod dang phan 'dod spyod pa dang // sems can kun la snying rje spyod pa dang / / byang chub mchog gi spyod pa gang spyod pa// de dag khro ba'i tha ba med par spyod// stong pa spyod dang rab tu dben spyod dang // mtshan ma med pa yongs su dag spong dang // byang

  705. 353b

    chub mchog gi spyod pa gang spyod pa/ / de dag smon pa med par spyod pa yin// yang dag nyid dang de bzhin nyid spyod dang // shes pa thams cad yongs su dag spyod dang // byang chub mchog gi spyod pa gang spyod pa/ / de dag gang du'ang chags pa med par spyod// dad pa spyod dang dang ba spyod pa dang // dran dang g.yeng ba med pa spyod pa dang // byang chub mchog gi spyod pa gang spyod pa// de dag yongs su spyod pa med par spyod/ / bsam gtan spyod dang rnam thar spyod pa dang // mngon shes lnga rnams yongs dag spyod pa dang // byang chub mchog gi spyod pa gang spyod pa// de dag rmugs pa med par spyod pa yin/ / sangs rgyas spyod dang dam chos spyod pa dang // dge 'dun dkon mchog nye bar brtan spyod pa// byang chub mchog gi spyod pa gang spyod pa// de dag dkon mchog mchog gi spyod pa yin/ chos spyod pa dang shin tu rigs spyod dang // sems can thams cad yongs su smin spyod dang // byang chub mchog gi spyod pa gang spyod pa// de dag rgyun mo 'chad par spyod pa yin// bya ba spyod dang chos rnam spyod pa dang / / mtha' kun yong su gcod pa'i spyod pa dang // byang chub mchog gi spyod pa gang spyod pa// de dag gang du'ang lta bar spyod pa med// dag pa spyod dang rnam par dag spyod dang // nyon mongs thams cad yongs su gcod spyod dang / / byang chub mchog gi spyod pa gang spyod pa// de dag yongs su gdung bar spyod pa med// bde ba spyod dang shin tu rnam par spyod// sems can kun

  706. 354a

    @la 'jigs med mchog spyod dang / / byang chub mchog go spyod pa gang spyod pa// de dag smon lam spyod pa med pa yin// nyi sa spyod dang zla ba spyod pa dang // pad+ma lta bur gos pa med spyod dang / byang chub mchog ga spyod pa gang spyod pa// de dag lhar bcas 'jig rten phyag bya ba// brgya byin spyod dang tshangs pa'i spyod pa dang // dkar po'i chos rnams yongs su rdzogs spyod dang / / byang chub mchog gi spyod pa gang spyod pa// de dag bdud rnams sder bcas skrag par byed// mchog spyod pa dang khyad par 'phags spyod dang // 'dod chags nyes pa tha ba gcod spyod dang / / byang chub mchog gi spyod pa gang spyod pa// de dag gang du'ang gti mug spyod pa med// lam spyod pa dang mu stegs spyod pa dang // shes rab mig ni yongs su dag spyong dang / byang chub mchogs spyod pa paji spyad pa// de dag spyan tu rtog par spyod pa spyod// rdul baspyod dang rab rgyan stong ngo // maung dang gzus su sum chags spyong pa dang / / byang chub mchog gi spyod pa dag pa dang // de dag lnga dang ma ni mang pos bstod// 'phags pa'i spyod dang shin tu mnyam spyod dang // g.yon phyogs lam ni yongs su gcod spyod dang / byang chub mchog go spyod pa gang spyod pa// de dag rtag tu don la 'bab pa dang // dpa' bo spyod dang shin tu brtan spyod dang // bdud kyi sngo rnams 'jig par byed spyod dang //

  707. 354b

    byang chub mchog gi spyod pa gang spyod pa// de dag byang chub snying por gzhol ba yin// gzung ba spyod dang don yod spyod pa dang // gzungs la g.yeng ba med par spyod pa dang // byang chub mchog gi spyod pa gang spyod pa/ / de dag gang du'ang ma rig spyod pa med// dgon pa spyod dang rab tu dben spyod dang // rtag tu rab tu 'byung bar spyod pa dang // byang chub mchog gi spyod pa gang spyod pa/ / de dag nan tan byed par spyod pa yin// gtso bo'i spyod dang khyad par 'phags spyod dang // 'jig rten thams cad zil gnon spyod pa dang // byang chub mchog gi spyod pa gang spyod pa/ / de dag dman pa la ni spyod pa med// rigs pa spyod dang thabs la spyod pa dang // bsam gtan bde las log par spyod pa dang // byang chub mchog gi spyod pa gang spyod pa// de dag mi shes spyod pa med pa yin/ / lta ba spyod dang rnam par lta spyod dang // ming dang gzugs la mi chags spyod pa dang // byang chub mchog gi spyod pa gang spyod pa// de dag 'jigs pa med par spyod pa yin// thams cad spyod dang kun tu spyod pa dang // dbang po yongs su smin par byed pa dang // byang chub mchog gi spyod pa gang spyod pa// de dag ye shes nam mkha'i mtha' dang 'dra// byang chub sems dpa'i spyod pa bstan pa'i tshigs su bcad pa mngon par bsgrub pa 'di po wang gi sgra de las byung ba na/ byang chub sems dpa' lnga stong mi skye ba'i chos la bzod pa thob par gyur to// rgyal po ma//

  708. 355a

    skyes dgra'i 'khor dang / rgyal po'i khab kyi bram ze dang / khyim bdag dang / mi 'am ci dang / dri za dang / lto 'phye chen po dang / de dag gi 'khor gyi srog chags brgyad stong bla na med pa yang dag par rdzogs pa'i byang chub tu sems bskyed nas/ tshig 'od skad ces bcom ldan 'das bdag cag kyang byang chub sems dpa'i spyod pa 'di la bslab par bgyi'o// nan tan gyis bsgrub par bya'o// sems can tshad ma mchis pa dag byang chub sems dpa'i spyod pa 'di nyid yang dag par 'dzin du stsal bar bgyi'o zhes smras so// de nas bcom ldan 'das kyis mi 'am ci'i rgyal po ljon pa 'gror gnang ngo / / de nas bcom ldan 'das kyis snang bas mi 'am ci'i rgyal po ljon pa bu dang bcas/ dpung dang bcas// slas dang bcas// gnyen 'dab dang bcas/ 'khor dang bcas te/ bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te bzod pa gsol nas/ sil spyan dkrol/ me tog gi char pa ba/ 'od zer gyi dra ba phyung ste/ sa chen po rnam pa drug tu g.yos par byas nas/ bcom ldan 'das kyi thad nas song ste/ de skad cig thang cig yud tsam de nyid la/ ri'i rgyal po spos kyi ngad ldang du rang gi khyim du phyin to// de nas bcom ldan 'das la/ lha rnams kyi dbang po brgya byin gyis 'di skad ces gsol to// bcom ldan 'das

  709. 355b

    mi 'am ci'i rgyal po ljon pas de bzhin gshegs pa la mchod pa dang / chos la mchod pas bdag zil gyis non to// bcom ldan 'das kyis bka' stsal pa/ ko'u shi ka mi 'am/ ci'i rgyal po ljon pas khyod 'ba' zhig zil gyis mnan pa ma yin gyi/ ko'u shi ka byang chub sems dpa' sems dpa' chen po sa thob pa ma gtogs par/ gang dag stong gsum rgya spyo rnon pa'i 'jig rten gyilams kyi rgya byin dang / rgyas pa dang / 'jos rten slong bdadung / can thos dang / rang sangs rgyas de gathams cad mi 'amatha'i rgyal po rtson pam thang gyis kyi do ci'i phyir zhe na/ ko'u shi ka byang chub sems dpa' sems bskyed ma thag pas/ nyan thos dang / rang sangs rgyas thams cad dang / brgya byin dang / tshangs pa dang / 'jig rten skyong bathams cad zil gyis non to/ / ko'u shi ka de lta bas na byang chub sems dpa' ni lha dang bzlas pa'i 'jig rten gyis zil gyis mi non to// gang byang chub sems dpa' zil gyis gnon par sems pa de ni/ de bzhin gshegs pa la zil gyis gnon par 'dod pa'o// de ci'i phyir zhe na/ byang chub sems dpa' las ni de bzhin gshegs pa 'byung ngo // de bzhin gshegs pa las ni nyan thos dang rang sangs rgyas 'byung ngo / / de nas lha rnams kyi dbang po brgya byin gyis bstan pa 'od thos nas/ thal mo sbyar te mchim blags nas/ tshig 'di skad kyis kye ma'o

  710. 356a

    bdag sangs rgyas kyi mkhyen pa chags pa mi mnga' zhing sgrib pa mi mnga' ba 'di lta bu las nyams so zhes smras so/ / de nas lha rnams kyi dbang po brgya byin gyi bu lha'i bu/ 'od zer srung zhes bya ba 'khor de nyid du 'dus par gyur te 'dug pa des// lha rnams kyi dbang po brgya byin la 'di skad ces smras so// yab 'di ltar gang dag rab tu dben pa rnam par bsgrub par nye bar gnas pa'i mtshan nyid ma lags pa'i chos rnams la bla na med pa yang dag par rdzogs pa'i byang chub tu sems mi skyed pa de ni sems can thams cad la snying rje rnyed pa ma lags/ / dge ba'i rtsa ba rgya chen po la mos pa'i dge ba'i bshes gnyen la sten pa ma lags te/ phyis 'gyod par 'gyur ba'o// yab skyon med pa la zhugs te/ rgyu tshig cing sa bon tshig ste// theg pa chen po'i snod du ma gyur pa la da bgyur ci mchis/ bstan pa 'di bshad pa na/ sum cu rtsa gsum ris kyi lha'i bu las stong tham pa bla na med pa yang dag par rdzogs pa'i byang chub tu sems bskyed do// de nas bcom ldan 'das la/ lha'i bu 'od zer srung gis 'di skad ces gsol to// bcom ldan 'das bcom ldan 'das kyis byang chub sems dpa'i spyod pa dka' ba spyad pa brgya stong phrag ji snyed pa bcom ldan 'das sngon byang chub sems dpa'i spyad pa spyod pa na btar ba ni bdag la mngon sum du gyur to/ / bcom ldan 'das sngon byang chub sems dpar gyur pa na/ de bzhin gshegs pa dgra

  711. 356b

    bcom pa yang dag par rdzogs pa'i sangs rgyas mar me mdzad las mi skye ba'i chos la bzod pa thob pa de la 'jug pa'i rnam par dbye ba bstan pa cung zad cig bcom ldan 'das kyis bshad du gsol/ / bcom ldan 'das ji ltar na byang chub sems dpa' mi skye ba'i chos la bzod pa thob pa gang bdag gis thos nas de bzhin gshegs pa nyid du bsgrubs pas chos de 'thob par 'gyur// de skad ces gsol pa dang / bcom ldan 'das kyis/ lha'i bu 'od zer srung la 'di skad ces bka' stsal to// 'od zer srung byang chub sems pa'i dge ba'i rtsa ba ma skyed pa rnams kyis ni mi skye ba'i chos la bzod pa thob par mi 'gyur gyi/ byang chub sems dpa' dge ba'i rtsa ba bskyed pa rnams kyis mi skye ba'i chos la bzod pa thob par 'gyur ro// 'od zer srung byang chub sems dpa chos bzhi dang ldan na/ mi skye ba'i chos la bzod pa thob par 'gyur te/ bzhi gang zhe na/ 'di lta ste/ sangs rgyas kyi mnyam pa nyid dang / chos kyi mnyam pa nyid dang / dge 'dun gyi mnyam pa nyid dang / zhing mnyam pa nyid de/ lha'i bu byang chub sems dpa' chos bzhi po 'od dag dang ldan na/ mi skye ba'i chos la bzod pa thob par 'gyur ro// lha'i bu gzhan yang byang chub sems dpa' chos bzhi dang ldan na/ mi skye ba'i chos la bzod pa thob par 'gyur te/ bzhi gang zhe na/ 'di lta ste/ bsam gtan bzhis stong pa nyid la rnam par rtsa ba dang / pha rol

  712. 357a

    tu phyin pa drug gis thabs mkhas pa la rnam par rtse ba dang / mngon par shes pa lngas ye shes la rnam par rtse ba dang / thogs pa med pa'i ye shes kyis rdzu 'phrul/ la rnam par rtse ba ste/ 'od zer srung byang chub sems dpa' rlos bzhi po 'di dag dang ldanan// mi skye ba'i chos la bzod pa thob par 'gyur ro// 'od zer srung gzhan yang byang chub sems dpa' chos bzhi dang ldan na/ mi skye ba'i chos la bzod pa thob par 'gyur te/ bzhi gang zhe na/ 'di lta ste/ phung po rnams la byang chub tshol yang phung po rnams la byang chub kyi rang bzhin du mos pa ma yin pa dang / khams rnams la byang chub tshol yang khams rnams la byang chub kyi rang bzhin du mos pa ma yin pa dang / skye mched rnams la byang chub tshol yang skye mched rnams la byang chub kyi rang bzhin du mi rtog pa dang / chos thams cad la byang chub tshol yang chos thams cad la byang chub kyi rang bzhin du mos pa ma yin pa ste/ 'od zer srung byang chub sems dpa' chos bzhi po 'di dag dang ldan na/ / mi skye ba'i chos la bzod pa thob par 'gyur ro// 'od zer srung gzhan yang byang chub sems dpa' rlos bzhi dang ldan na/ mi skye ba'i chos la bzod pa thob par 'gyur te/ bzhi gang zhe na/ 'di lta ste/ mi g.yo ba'i tshul gyis chos thams cad yang dag pa'i mtha' la gnas par shes pa dang / dus gsum mnyam pa nyid pas chos thams cad

  713. 357b

    de bzhin nyid la gnas par 'jug pa dang / chos thams cad mtshan nyid 'dres pa med pas chos kyi dbyangs su 'du shes pa dang / chos thams cad mnyam pa nyid kyi rjes su song bas nam mkha'i rang bzhin du so sor rtogs pa ste/ 'od zer srung byang chub sems dpa' chos bzhi po 'di dag dang ldan na/ mi skye ba'i chos la bzod pa thob par 'gyur ro// mi skye ba'i chos la bzod pa thob pa bstan pa 'di bshad pa na/ byang chub sems dpa' lnga stong mi skye ba'i chos la bzod pa thob par gyur to// lha'i bu 'od zer srung ni rjes su 'thun pa'i chos la bzod pa thob par gyur to/ / chos kyi rnam grangs 'di'i tha mar bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis mi 'am ci'i rgyal bo ljon pas zhus pa/ pha rol tu phyin pas 'dul ba bstan pa'i sgo'i le'u'i chos kyi rnam grangs 'di bzung ngam/ kun dga' bos gsol pa/ bcom ldan 'das 'di lta ste/ sangs rgyas kyi mthu nyid kyis bdag gis chos kyi rnam grangs 'di bzung lags so/ / bcom ldan 'das a la la ji tsam du chos kyi rnam grangs 'di zab mo rnam par nges pa dang / don bzang po dang / tshig 'bru bzang pos brgyan pa ni mdzes te ngo mtshar to/ / bcom ldan 'das chos kyi rnam grangs 'dir/ bcom ldan 'das kyis rlos sgom bsdus pa de gang yang ma mchis so// bcom ldan

  714. 358a

    'das sngon bdag la chos snang bar gyur pa gang lags pa de'ang da rlos kyi rnam grangs 'di la brten nas 'bum 'gyur du skyes so/ / bcom ldan 'das bdag ni 'di snyam/ du bdag lta bu nyi tshe ba'i 'tshal ba dang ldan pa/ blo chung ngu nyan thos kyi theg pa'i skyon ma mchis pa tha chad la zhugs par gnas pas chos kyi rnam grangs 'di thos nas kyang 'di lta bu'o// chos kyi snang ba 'di skyes par gyur na/ byang chub sems dpa' sems dpa' chen po ye shes tshad ma mchis pa'i snod du gyur pa/ blo rgya che zhing rgya mtsho lta bu dang ldan pa/ chos rin po che thams cad yongs su 'dzin pa/ gsol ba ma btab par sems can thams cad kyi dge ba'i bshes gnyen bgyid pa gang lags pa de dag gis chos kyi rnam grangs 'di thos nas/ chos kyi snang ba ji snyed cig thob par 'gyur ba lta smos kyang ci 'tshal snyam bgyid do// bcom ldan 'das kyis bka' stsal pa/ kun dga' bo stong gsum gyi stong chen po'i 'jig rten gyi khams kyi nyi ma dang zla ba'i snang ba ji snyed pa de thams cad ni de bzhin gshegs pa'i spu gcig gi 'od kyis mog mog por 'gyur ro/ / kun dga' bo de bzhin gshegs pa'i spu'i khung du thams cad nas 'od ji snyed byung ba de dag ni shes rab kyi 'od kyi brgya'i char yang nye bar mi 'gro ste/ stong gi cha dang / stong phrag brgya'o cha dang / bye ba'i cha dang / bye ba khrag khrig brgya stong gi

  715. 358b

    cha dang / grangs dang / chad dang / bgrang ba dang / dpe dang rgyur yang nye bar mi 'gro'o// de ci'i phyir zhe na/ snang ba thams cad ni shes rab kyi snang ba las byung ba'i phyir ro// kun dga' po de bzhin gshegs pa'i shes rab kyi snang ba gang yin pa'i shes rab kyi snang ba de dang ldan na/ de bzhin gshegs pa dgra bcom pa yang dag par rdzogs pa'i sangs rgyas kyis 'das pa dang ma 'ongs pa dang / da ltar byung ba'i sems can thams cad kyi sems kyi spyod pa dang / g.yo ba rnams mkhyen pa'i shes rab kyis snang ba de lta bu dang / rigs kyi bu dang / rigs kyi bu mo dag dang ldan par 'gyur ro/ / kun dga' bo gang chos kyi rnam grangs 'di nyin pa dang / thos nas kyang mos pa dang / mos nas kyang 'dzin pa dang / 'chang ba dang / klog pa dang / kun chub par byed pa dang / gzhan dag la'ang rgya cher rab tu ston pa dang / tshul bzhin du so sor rtogs pa dang / de bzhin nyid du sgrub pa de dag ni byang chub kyi sems mi brjed pa dang sems can yongs su smin par bya ba don du gnyer ba dang / snying rje chen po'i go cha bgos pa dang / byams pa chen po'i go cha bgos pa dang / bdud dang phyir rgol ba bcom pa dang / byang chub kyi snying por gzhol ba'i skyes bu dam par rig par bya'o/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das gang chos kyi rnam gra

  716. 359a

    'di thos nas mos pa dang / 'dzin pa dang / 'chang ba dang / klog pa dang / kun chub par bgyid pa dang / gzhan dag la'ang rgya cher rab tu ston pa'i rigs kyi bu 'am/ rigs kyi bu mo de bsod nams ji snyed gcig skyed par 'gyur/ bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo gang gis snga dro'i dus kyi tshe/ stong gsum gyi stong chen po'i 'jig rten gyi khams 'di rin po che sna bdun gyis rab tu bkang ste/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bco pa dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas la sbyin pa sbyin pa dang / de bzhin du nyi ma'i gung dang / phye ma red kyi dus dang / nam gyi cha stod dang / nam gyi gung thun dang / tho rangs stong gsum gyi stong chen po'i 'jig rten gyi khams thams cad rin po che sna bdun gyis yongs su bkang ste/ de bzhin gshegs pa dgra bcom pa yang dag par rdzogs pa'i sangs rgyas kyi bar la sbyin pa dang / rnam grangs 'di lta bus lo gcig gam/ lo brgya'am/ lo stong ngam/ lo brgya phrag stong du sbyin pa byin na kun dga' bo de ji snyam du sems/ rigs kyi bu 'am/ rigs kyi bu mo de bzhi de las bsod nams mang du skyed dam/ kun dga' bos gsol pa/ bcom ldan 'das song ste/ tshangs

  717. 359b

    mchis so/ / bde bar gshegs pa dpag tu ma mchis so// bcom ldan 'das gdugs gcig bsags pa'i bsod nams kyi phung po de'ang tshad ma mchis na/ dgung lo brgya phrag stong du bsags pa lta smos kyang ci 'tshal/ bcom ldan 'das kyis bka' stsal pa/ kun dga' bo khyod mos par bya'o// khyod kyis khong du chud par bya'o// byang chub don du gnyer ba dang / chos kyi 'khor lo bskor ba don du gnyer ba dang / sems can rab tu thar par bya ba don du gnyer ba gang chos kyi rnam grangs 'od thos nas mos sam/ 'dzin tam/ 'chang ngam/ klog gam/ kun chub par byed na/ rigs kyi bu 'am/ rigs kyi bu mo byang chub sems dpa'i theg pa de las bsod nams kyi phung po mang du skyed na/ gang de bzhin nyid du sgrub pa lta smos kyang ci dgos/ de ci'i phyir zhe na/ kun dga' bo gang dag chos kyi rnam grangs 'di las tha na tshig bzhi pa'i tshigs su bcad pa tsam 'dzin tam/ 'chang ngam/ klog pa 'am/ kun chub par byed dam/ gzhan dag la'ang ston na/ de ni sbyin pa zhes bya ste/ des ni sbyin pa thams cad zil gyis gnon pa'o// 'di lta ste/ chos kyi sbyin pa 'di ni sbyin pa thams cad kyi mchog go// 'di lta ste/ chos kyis phan 'dogs pa de ni phan 'dogs pa rnams kyi mchog go/ / 'di lta ste/ chos kyi gding ba de ni gding ba rnams kyi mchog go// 'odi lta ste/ chos yongs su 'dzin pa de ni yongs su 'dzin

  718. 360a

    pa rnams kyi mchog go/ / de ci'i phyir zhe na/ kun dga' bo chos kyi sbyin pa byin pas ni nyon mongs pa 'bri bar 'gyur ro// zang zing gi sbyin pa byin pas ni lus brtan pa byas par 'gyur ro/ / kun dga' bo de lta bas na byang chub sems dpa' nyon mongs pa 'bri bar byed par 'dod pas/ sangs rgyas kyi gnang ba chos kyi sbyin pa sbyin par byas te chos kyi sbyin pa des ni yon tan gyi khyad par thams cad thob par 'gyur ro/ / byang chub sems dpa' chos kyi sbyin pa sbyin pa ni/ yon tan gyis phan yon yang dag phul sum cu rtsa gnyis rab tu 'dzin par 'gyur te/ sum cu rtsa gnyis gang zhe na/ 'di lta ste/ dran pa dang ldan par 'gyur ba dang / blo gros dang ljon par 'gyur ba dang / rtogs pa dang ldan par 'gyur ba dang 'dod chags rlung bar 'gyur ba dang / zhe sdang chung bar 'gyur ba dang / gti mug chung bar 'gyur ba dang / bdag dang gzhan gyi nyon mongs pa tshar gcod par 'gyur ba dang / skye bo mang po dga' bar 'gyur ba dang / de'i bsngags pa lha rnams kyis rjod par 'gyur ba dang / lha dang / klu dang / gnod sbyin dang / dri za rnams kyis srung bar 'gyur ba dang // las byos nas bsod snyoms za bar 'gyur ba dang / chos gos dang / bsod snyoms dang / mal cha dang / na ba'i gsos sman dang / yo byad rnyed par 'gyur ba dang / grags pa dang / sgra dang /

  719. 360b

    tshigs su bcad pa phyogs bcur grags par 'gyur ba dang / mi ma yin pa rnams kyis glags rnyed par mi 'gyur ba dang / rgyas bcom ldan 'das rnams kyis bsngags par 'gyur ba dang dam pa'i chos yongs su srung ba dang / sangs rgyas bcom ldan 'das rnams kyi dam pa'i chos 'gyur ba dang / ngan song thams cad kyis 'jig par mi 'gyur zhing / de la lha dang mir skye ba dka' bar mi 'gyur ba dang / sangs rgyas mthong ba dang 'bral bar mi 'gyur ba dang / chos nyan pa dang 'bral bar mi 'gyur ba dang / dge 'dun la bsnyen bkur byed pa dang 'bral bar mi 'gyur ba dang / skye ba dran par 'gyur ba dang / sangs rgyas kyi zhing yongs su dag par skye bar 'gyur ba dang / nam du'ang dbang po ma tshang bar mi 'gyur ba dang / skyes bu chen po'i mtshan sum cu rtsa gnyis thob par 'gyur ba dang / gzi brjid can gyi gzungs kyi sa bon sgrub par 'gyur pa dang / spobs pa rgyun mi 'chad pa'i rgyu rab tu 'dzin par 'gyur ba dang skye bo mkhas pas g.yog bya bar 'gyur ba dang / shes rab chen po'i rgyu rab tu 'dzin par 'gyur ba dang / myur du chos kyi snang ba thob par 'gyur ba dang / de'i sems la tshul bzhin ma yin pa yid la byed pa kun tu mi 'byung ba dang / 'jig rten gyi zang zing gi sbyin pa thams cad zil gyis mnan nas/ de chos kyi gtor zad mi shes pa yongs su

  720. 361a

    par 'gyur ba ste/ kun dga' bo byang chub sems dpa' chos kyi sbyin pa sbyin pa de/ yon tan gyi khyad par yang dag dul sum cu rtsa gnyis po 'di dag thob par 'gyur ro/ / de nas bcom ldan 'das la/ lha rnams kyi dbang po brgya byin gyis 'di skad ces gsol to// bcom ldan 'das bdag gis kyang chos kyi rnam grangs 'di bzung lags te/ bcom ldan 'das yongs su mya ngan las 'das pa'i slad na/ sems can snod du gyur pa de dag gi rna lam du bsgrag par bgyi/ mos par bgyi/ kun bsrung bar bgyi'o// de ci'i slad du zhe na/ bcom ldan 'das bdag ni yon tan phun sum tshogs pa 'di dang / bsod nams yongs su 'dzin pa don du gnyer ba'i slad du'o// de nas bcom ldan 'das kyis lha rnams kyi dbang po brgya byin la legs so zhes bya ba byin te/ ko'u shi ka khyod dam pa'i chos yongs su gzung ba'i phyir/ nga'i mdun du seng ge'i sgra bsgrags la legs so legs so// ko'u shi ka dge ba'i rtsa ba 'dis nga'i dam pa'i chos yun ji srid gcig tu gnas pa de srid du lha dang lha ma yin g.yul 'gyed pa na/ lha ma yin rnams ni pham par 'gyur/ lha rnams ni rgyal bar 'gyur ro/ / de ci'i phyir zhe na/ kau chu shig chos kyi rnam grangs 'di ni chos yang dag phul yin te/ ko 'u shi ka 'di lta ste/ chos thams cad mi ngomigs pa de ni 'jigs pa med zan

  721. 361b

    sbyin pa'o/ / ko'u shi ka gang cung zad 'jigs pa skye ba de dag thams cad ni 'jig tshogs la lta ba la dmigs shing rab tu gnas pa las byung ngo // ko'u shi ka gang mi dmigs pa de dam pa'i chos yongs su 'dzin pa'o/ / de nas bcom ldan 'das la/ mi mjed kyi bdag po tshangs pas 'di skad ces gsol to// bcom ldan 'das bdag bsam gtan gyi bde ba la gnas pa tshad ma mchis pa btang ste/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor gang dang gang na chos kyi rnam grangs 'di rab tu spyod pa de dang de dag tu bdag chos nyan pa'i slad du nye bar mchi bar bgyi'o/ / mchis nas kyang chos smra ba de dag chos dang ldan pas bsrung ba dang / sba ba dang / bskyab par bgyi'o// de ci'i slad du zhe na/ bcom ldan 'das nyan thos dang / rang sangs rgyas dang / brgya byin dang / tshangs pa dang / 'jig rten skyong ba dang / 'khor los sgyur ba'i rgyal po rnams ni 'di las 'byung ba'i slad du'o// de nas bcom ldan 'das la/ rgyal po chen po bzhes 'di skad ces gsol to// bcom ldan 'das rgyal po bzhi po bdag cag dang / bcom ldan 'das kyi nyan thos chen po de dag dang bdag cag gis chos kyi rnam grangs 'di ring du gnas par bgyi ba'i slad du/ bsrung ba dang / sba ba dang / bskyab pa la brtson par bgyi'o// bdag cag gis 'khor gang dag sangs rgyas

  722. 362a

    dang sangs rgyas kyi bstan pa la ma dad pa de dag kyang / ci nas de bzhin gshegs pa'i bstan pa bsrung ba'i slad du brtson par 'gyur bar dad par bgyi'o// bcom ldan 'das dge slong dang / dge slong ma dang / dge bsnyen dang / dge bsnyen ma gang dag sangs rgyas kyi bstan pa la brtson pa dang / gzhan yang bcom ldan 'das kyi bstan pa la mngon par dad pa srung ba ma mchis pa de dag bsrung ba'i ched du gsang sngags kyi tshig 'di dag kha ton du bgyi'o/ / gsang sngags kyi tshig de dag gis gnod sbyin dang / srin po dang / dri za dang / mi 'am ci dang / lto 'phye chen po dang / grul bum la sogs pa dang / mi dang mi ma yin pa lags pa dang / gzhan yang sangs rgyas kyi bstan pa la zhe sdang bar bgyid pa rnams shin tu tshar/ gcod par 'gyur ro// tad+ya thA/ ta ra be a ra be/ a no be/ sa ra be/ hu lu/ mah+ma hu lu/ hu lu hu lu/ A bad De/ bi kad Di/ pa rits+tshe dA na/ nik+thaHti/ rbe g+hA ta ni/ id Di i Di/ bid Di bid Te/ adade tshe g+hats+tshe/ mA ra ni gra ha na sarba ba ra pra bA daM ni gra ha na/ sarba mid r+yA pra yA DA nan ni gra ha na/ sarba b+hu ta ni gra ha na/ bud d+ha te ba ra ni/ dA d+hA ma no yen ta shA ya/ bud d+ha na bud d+ha ba ran tan/ tsa tur mahA rA dza nir de shA na/ man tra ba lan/ a ba tA ra pr-i k+Shi nA na gr-i hA ya/ de nas bcom ldan 'das kyis/ byang chub sems dpe'i byams pa dang /

  723. 362b

    byang chub sems dpa' lha'i cod pan la bka' stsal ba/ skyes bu dam pa dag ngas bskal pa mtha' yas grangs med par yang dag par bsgrubs pa'i byang chub 'di ci nas yun ring du gnas par 'gyur pa dang / nub par mi 'gyur bar bya ba'i phyir/ khyed gnyis kyi lag tu bzhag go// gtad do// de gnyis kyis gsol pa/ bcom ldan 'das kyis bdag cag gnyis kyis bcom ldan 'das yongs su mya ngan las 'das pa'i slad na chos kyi rnam grangs 'od gzung bar bgyi'o/ / rgyas par bgyi'o// chos kyi rnam grangs 'di chos smra ba dang / dge ba'i rtsa ba bskrun pa'i rigs kyi bu 'am/ rigs kyi bu mo de dag gi lag tu mchi bar bgyi'o// de dag mdo sde 'di la mos par bgyi ba dang / yongs su 'dzin par bgyi ba'i slad du de dag gi yid rab tu gzung bar bgyi'o/ / bcom ldan 'das slad ma'i che slang ma'i dus na/ chos kyi rnam grangs 'di gang dag gi rna lam du thos pa dang / thos nas 'dzin pa dang 'chang ba dang / klog pa dang / kun chub par bgyid pa dang / 'chad pa de dag ni byang chub sems dpa' byams pa dang / byang chub sems dpa' lha'i cod pan gyi byin gyi rlabs lags par rig par bgyi'o/ / de nas bdud sdig can 'khor der 'dus par gyur nas 'dug pa de gdong las mchi ma zag cing nga ro byung nas/ bcom ldan 'das la 'di skad ces gsol

  724. 363a

    tobacom ldan 'das gang bcom ldan 'das kyis nyan thos kyi theg pa las brtsams te chos bstan pa de la ni bdag tha na spu zing zhes bgyid pa tsam yang ma mchis so/ / gang bcom ldan 'das kyis byang chub sems dpa' phyag rgya de bzhin gshegs pa'i byin gyi rlabs kyis byin gyis brlabs pa/ byang chub sems dpa' thams cad kyi byang chub kyi lam la 'jug pa/ sems can thams cad kyi ston pa'i chos kyi rnam grangs 'di gsung ba des bdag mya ngan gyi zug rngu dang ldan zhing bdag rnyis par gyur par snyam bgyid do// bcom ldan 'das bdag la phyag brkyang ba stsal du gsol/ gang thos pas bdag mya ngan gyi zug rngu dang ldan par 'gyur pa'i chos kyi rnam grangs 'di lta bu'ang mi gsung bar gsol/ bcom ldan 'das kyis bka' stsal pa/ sdig can khyod dang 'thun pa'i sems can chos zab mo 'di lta bu la mo mos pa ni mang / gang dag mos pa'i sems can de dag ni nyung gis mya ngan ma byed/ smre sngags ma 'don cig/ sdig cen khyod 'di lta ste/ dper na sa'i steng nas rdul blangs pa snyed kyi sems can ni chos kyi rnam grangs zab mo 'di lta bu la mos so// sa'i rdul ji snyed pa de skyed kyi sems can ni chos kyi rnam grangs zab mo 'di la mi mos te/ de dag thams cad ni khyod dang 'thun no// sems can gyi khams tshad med pa khyod dang 'thun gyis/ de bas na sdig can

  725. 363b

    dga' bar gyis/ chos kyi rnam grangs 'di bshad pa na/ sems can dpag tu med pa ni byang chub la yang dag par zhugs/ byang chub sems dpa' dgu khri nyis stong ni mi skye ba'i chos la bzod pa thob par gyur to/ / srog chags brgyad khri bzhi stong ni chos rnams la chos kyi mag rdul med cing dri ma dang bral ba rnam par dag go/ dge slong brgyad stong ni nye bar len pa med par zag pa rnams las sems rnam par grol lo/ / stong gsum gyi stong chen po'i 'jig rten gyi khams 'di'ang rnam pa drug tu g.yos nas snang ba chen pos 'jig rten khyab par gyur te/ lha'i me tog gi char ni rab tu phab/ sil snyan brgyad stong dag ni ma dkrol bar rang khrol lo// lha bye ba khrag khrig brgya stong rnams ni steng gi bar snang las kye ma bdag ca gis 'dzam bu'i gling du chos kyi 'khor lo lan gnyis bskor ba 'di mthong ngo / / bcom ldan 'das kyis gang yang chos kyi rnam grangs 'di bstan te bshad nas/ sems can gyi don mdzad pa gang lags pa 'di ni grong khyer wA rA nA sir chos kyi 'khor lo bskor te/ sems can yongs su smin par mdzad pa de bas ches mchog go// gang chos kyi rnam grangs 'di 'dzin pa dang / 'chang ba dang / klog pa dang / kun chub par 'gyid pa dang / gzhan dag la rgya cher ston pa dang / tha na glegs bam lo bris te 'chang ba'i sems can de dag kyang chos kyi 'khor lo skor bar 'gyur/

  726. 364a

    ro zhes ched du brjod do// de nas bcom ldan 'das la/ byang chub sems dpa' byams pa dang / byang chub sems dpa' lha'i cod pan dang / tshe dang ldan pa kun dga' bos 'di skad ces gsol to/ / bcom ldan 'das chos kyi rnam grangs 'di'i ming ci lags/ 'odi ji ltar gzung bar bgyi/ bcom ldan 'das kyis bka' stsal pa// rigs kyi bu dag de'i phyir khyed kyis chos kyi rnam grangs 'di mo 'am ci'i rgyal po ljon pas zhus pa pha rol tu phyin pa rnam par nges pa bstan pa dang / dam pa'i chos rin po che'i le'u zhes bya bar zung zhig bcom ldan 'das kyis de skad ces bka' stsal nas/ byang chub sems dpa' byams pa dang / byang chub sems dpa' lha'i cod pan dang / tshe dang ldan pa kun dga' bo dang lha dang / mi dang / lha ma yin du bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa mo 'am ci'i rgyal po ljon pas zhus pa zhes bya ba theg pa chen po'i mdo rdzogs so/ / / the chen gyi lo tsa ba ban+de dpal gyi lhun po dang / ban d+he dpal brtsegs rika tas bsgyur cing zhus te gtan la phab pa/ / rgya gar skad du/ Ar+ya su bi krAn ta tsi na ta de ba puM tra pa ri pr-its+tsha nA ma ma hA yAn sU tra/ bod skad du/ 'phags pa lha'i bu rab rtsal

  727. 364b

    sems kyis zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na/ dge slong khri'o dge slong gi dge 'dun chen po dang 'jig rten gyi khams gzhan dag nas 'dus pa'i byang chub sems dpa' stong phrag rab tu mang po dang / 'dod pa na spyod pa dang / gzugs na spyod pa'i lha'i bu rnams dang / de las gzhan/ lha'i burnamA dang / klu'i rgyal po rgya mtsho la sogs pa gnod sbyin gyi 'khor mang po rnams dang / nam mkhar lding gi rgyal po stobs chen la sogs pa nam mkha' lding gi 'khor mang po rnams dang / lha ma yin gyi dbang po sgra gcan la sogs pa lha ma yon gyi 'khor mang po rnams dang / mo 'am ci'i rgyal po ljon pa la sogs pa mi 'am ci'i 'khor mang po rnams dang / lto 'phye chen po'i dbang po lag bzangs la sogs pa lto 'phye chen po'i 'khor mang po rnams dang / rgyal po chen po bzhi 'khor dang bcas pa rnams dang / lha'i dbang po brgya byin lha'i bu stong phrag mang po'i 'khor dang bcas pa dang / mi mjed kyi bdag po tshangs pa tshangs ras kyi lha'i bu 'bum phrag du ma'i 'khor dang bcas pa dang / rgyal po gsal rgyal 'khor stong phrag du ma dang bcas pa dang

  728. 365a

    khyim bdag mgon med zas sbyin 'khor dang bcas pa dang thabs cig tu bzhugs te/ de dag la sogs pa 'khor bzhi po rnams kyis yongs su bskor cing mdun gyis bltas te chos ston to/ / de'i tshe na 'jam dpal gzhon nur gyur pa 'khor de nyid du 'dus par gyur te 'dug go// lha'i bu byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa rab rtsa la sems kyang 'dus par gyur te 'dug go/ de nas lha'i bu rab rtsal sems kyis 'khor phal po che de 'dus par rig nas/ stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'ad skad ces gsol to/ / bcom ldan 'das ji ltar na byang chub sems dpa' sems dpa' chen po theg pa chen po la gzhan gyi drang mi 'jog pa rnams lagos/ ji ltar na byang chu sems dpa' sems dpa chen po brtsam pa thams cad la brtson 'grus brtan pa rnams lags/ ji ltar na byang chub sems dpa' sems dpa' chen po bsod nams dag gis mngon par 'phags pa rnams lags/ ji ltar na byang chub sems dpa' sems dpa' chen po ye shes kyis chags pa ma mchis par spyod pa rnams lags/ ji ltar na byang chub sems dpa' sems

  729. 365b

    dpa' chen po shes rab kyis mun pa dang bral ba rnams lags/ ji ltar na byang chub sems dpa' sems dpa' chen po 'khor rnams kyi nang du 'jigs pa dang bral ba rnams lags/ ji ltaran byang chub sems dpa' sems dpa' chen po thos pas don la rton pa rnams lags/ ji ltar na byang chub sems dpa' sems dpa' chen po 'jig rten gyi tshul gyis chos la rton pa rnams lags/ ji ltar na byang chub sems dpa' sems dpa' chen po sangs rgyas bcom ldan 'das rnams kyis gsungs pa bzhin du smra ba rnams lags/ ji ltar na byang chub sems dpa' sems dpa' chen po sems can rnams la chos smra ba rnams lags/ ji ltar na byang chub sems dpa' sems dpa' chen po mngon par shes pa rnams kyis mngon par 'phags pa rnams lags/ ji ltar na byang chub sems dpa' sems dpa' chen po bdud thams cad kyis thul bar dka' ba rnams lags/ 'ji ltar na byang chub sems dpa' sems dpa' chen po blos gting dpag dka' ba rnams lags/ ji ltar na byang chub sem dpa' sem dpa' chen po 'jig rten gyi chos brgyad kyis mi gos rnas la/ / ji k+tan byang chub sems dpa' sems dpa' chen po gting dpag dka' zhing zab mo la spyod pa rnams lags/ ji ltar na byang chub sems dpa' sems dpa' chen po chos ston pas dbang po la mkhas pa rnams lags/ ji ltar na byang chub sems dpa' sems dpa' chen po 'dus ma byas dang ma 'dres pas rnam par thar pa'i sgor gnas

  730. 366a

    pa rnams lags/ ji ltar na byang chub sems dpa' sems dpa' chen po lhag pa'i nga rgyal can char gcad pa'o slad du snrel zhir bsgrub pa la mkhas pa rnams lags/ ji ltar/ byang chub sems dpa' sems dpa' chen po las kyi bgyi ba thams cad kyi rgyu la mkhas pa rnams lags/ ji ltar na byang chub sems dpa' sems dpa' chen po lta ba'i rnam pa dang bral zhing rten ci 'brel par 'byung ba la mkhas pa rnams lags/ ji ltar na byang chub sems dpa' sems dpa' chen po sems can yongs su smin par bgyi ba dag la thabs la mkhas pa rnams lags ji ltar na byang chub sems dpa' sems dpa' chen po bsam pa yongs su dag pas brtul zhugs grub pa rnams lags/ ji ltar na byang chub sems dpa' sems dpa' chen po zhe 'gras pa'o sems ma mchis shing bzod pa'i stobs dang ldan pa rnams lags/ ji ltar na byang chub sems dpa' sems dpa' chen po pha rol tu phyin pa thams cad kyi pha rol tu son pa rnams lags/ ji ltar na byang chub sems dpa' sems dpa' chen po sems can thams cad kyi nye bar 'tsho ba rnams lags/ ji ltar na byang chub sems dpa' sems dpa' chen po 'jig rten thams cad mngon par 'du bar 'gyur ba rnams lags/ ji ltar na byang chub sems dpa' sems dpa' chen po srog chags thams cad kyis bsngags par 'gyur ba rnams lags

  731. 366b

    ji ltar na byang chub sems dpa' sems dpa' chen po dge ba'i spyod pa thams cad la rmas pa ma mchis pa rnams lags/ ji ltar na byang chub sems dpa' sems dpa' chen po shes rab dag la rgya mtsho lta bu rnams lags/ ji ltar na byang chub sems dpa' sems dpa' chen po chos la dbang sgyur bas dbang phyug tu gyur pa rnams lags/ ji ltar na byang chub sems dpa' sems dpa' chen po 'gyi ba thams cad la slob dpon du gyur pa rnams lags/ ji ltar na byang chub sems dpa' sems dpa' chen po thams cad du khan ma tho ba ma mchis shing yon tan rnam pa thams cad dang ldan pa rnams lags/ de skad ces gsol pa dang / bcom ldan 'das kyis/ lha'i bur rabartsal sems la 'di skad ces bka' stsal to// rab rtsal sems legs so legs so/ / lha'i bu khyod byang chub sems dpa' sems dpa' chen po 'jog rten thams cad las mngon par 'phags pa/ 'jig rten gyi yongs su 'dren pa/ snying rje chen po dang ldan pa/ bskal pa grangs med pa nas go cha bgos pa/ brtson 'grus shin tu brtan pa/ ded dpon chen po/ sems can dpag tu med pa'i don byed pa/ sems can dpag tu med pa thang bde ba la rab tu 'god pa la mkhas pa/ yon tan dpag tu med pa dang ldan pa rnams kyi don du de bzhin gshegs pa la yongs su zhu ba ni yang khyod legs so// lha'i bu de'i phyir legs par rab tu nyon la yid

  732. 367a

    la zung zhig dang / ji ltar na byang chub sems dpa' sems dpa' chen po rnams kyi yon tan gyi khyad par de dag dang / gzhan dag kyang 'thob par 'gyur ba ngas khyod la bshad par bya'o// lha'i bu rab rtsal sems kyis bcom ldan 'das de ltar 'tshal lo zhes gsol to// bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// lha'i bu byang chub sa dpa' sems dpa' chen po chos bzhi dang ldan na/ / theg pa chen po la gzhan gyi dring mi 'jog pa rnams yin te/ bzhi gang zhe na/ thab mkhas pas mngon par bsgrub pa'i shes rab dang / snying chen pos mngon par bsgrubs pa'i byams pa dang / don dang chos kyis mngon par bsgrubs pa'i spobs pa dang / byang chub kyi yan lag gi rnam par mngon par bsgrubs pa'i mngon par shes pa lnga// / po dag ste/ lha'i bu byang chub sems dpa' sems dpa' chen po chos bzhi po de dag dang ldan na// theg pa chen po la gzhan gyi drang mi 'jog pa rnams yin no// de la 'di skad ces bya ste/ thab la mkhas pa mngon par sgrub par byed pa yi/ / mngon sum shes rab rtogs par khong du chud gyur cing / thams cad bskyab phyir snying rje chen po yangs pa la// gnas pa'i byams pa mngon par sgrub par byed gyur la/ / don dang chos la shin tu mkhas par 'gyur ba yi/ so so yang dag rig la spobs pa thob gyur la// byang chub lam la mngon shes dag gis rnam rtsa na// des na gzhan

  733. 367b

    gyi dring la 'jog par mi 'gyur ro/ / lha'i bu byang chub sems dpa' sems dpa' chen po chos bzhi dang ldan na/ brtsam pa thams cad la brtson 'grus brtan pa rnams yin te/ bzhi gang zhe na/ phyir ma ldog pa'i brtson 'grus dang / bsam pa dag pa'i rtul ba dang / byang chub la 'dun pa drag po dang ldan pa dang / sangs rgyas kyi chos yongs su bsgrub pa la yid yongs su mi skyo ba dang ldan pa ste/ lha'i bu byang chub sems dpa' sems dpa' chen po chos bzhi po de dag dang ldan na/ brtsam pa thams cad la brtson 'grus brtan pa yin no// de la 'di skad ces bya ste/ brtson 'grus brtan zhing / rab tu gnas pa med gyur cing // bsam pa rnyog pa med cing yongs su dag gyur la// sangs rgyas ye shes don phyir 'dun pa drag ldan zhing // sangs rgyas chos rnams 'dod cing rtag tu yongs mi skyo/ gang la chos pon rgya chen khyad par de yod pa// de ni byang chub sems 'byung brtsam pa brtan 'gyur zhing // byang chub yan lag lag mthil bzhag pa bzhin 'gyur la// ring po mi thogs 'jig rten gsum gyi chos rgyal 'gyur/ / lha'i bu byang chub sems dpa' sems dpa' chen po chos bzhi dang ldan na/ bsod nams dag gis mngon par 'phags pa rnams yin te// / bzhi gang zhe na/ byang chub sems dpa' rnams shes rab kyi pha rol tu phyin pa la 'doms par byed pa dang / sems can gang dag byang chub tu sems ma skyed pa de dag byang chub tu sems bskyed

  734. 368a

    du 'jug pa dang / sprul pa lta bur dus gsum yongs su spro ba dang / byang chub kyi sems ma bral bas dge ba'i rtsa ba thams cad skyed pa mngon par 'du byed pa ste/ chos bzhi po de dag dang ldan pa'o/ / de la 'di skad ces bya ste/ mkhas pa gang dag shes rab pha rol phyin 'doms shing // byang chub zhugs pas byang chub sems 'dzin 'jug byed la// gang dag byang chub zhugs pas dus gsum yi rang zhing / / yid dang ma bral sprul 'dra byang chub 'dod byed la// dge ba gang yin cung zad byed pa thams cad ni// thams cad mkhyen nyid sems la rten par byed pa yin// lha'i bu byang chub sems dpa' sems dpa' chen po chos bzhi dang ldan na/ ye shes kyis chags pa med par spyod pa rnams yin te/ bzhi gang zhe na/ shes pas byas pa'i bya ba rnams byed cing nga rgyal gyis bya ba rnams mi byed pa dang / chos thams cad rkyen la rag las shing byin gyis rlob pa med la gang zag dang bral bar shes pa dang / stong pa nyid kyi spyod yul du gyur cing / sems can thams cad mi gtong ba'i bsam pa dang ldan pa dang / chags pa thams cad las yang dag par 'das shing skye mched drug yongs su shes pa srung ba ste/ chos bzhi po de dag dang ngo // de la 'od skad ces bya ste/ shes pas las byed de dag nga rgyal yod min zhing // brtan la mkhas pa yin zhing de dag lta med la// stong nyid spyod yul de dag sems can mi gtong zhing // chags pa kun las 'das shing

  735. 368b

    phyi nang gnas pa med/ / chos mchog bzhi po de la shin tu rab gnas pa// shes pas pha rol phyin cing chags med spyod pa yin// lha'i bu byang chub sems dpa' sems dpa' chen po chos bzhi dang ldan na/ shes rab kyi mun dang bral ba rnams yin te/ bzhi gang zhe na/ thos pas ngoms pa med cing tshul bzhin la rab tu sbyor ba dang / zang zing med pa'i sems kyis chos ston pa dang / chos kyi dbyings dbyer med pa shes par bya ba'i phyir nyon mongs pa thams cad la sgyu ma lta bur so sor rtog pa dang / tshul gcig la 'jug pas tshul thams cad kyi 'jug pa la 'jug pa ste/ chos bzhi po de dag dang ngo / / de la 'di skad ces bya ste/ de dag thos tshol ngoms med tshul bzhin rtog byed cing // de mnyam ston cing klog 'dzin rnyed pa tshel ma byed// nyon mongs sprin 'dra sgyu ma rmi lam lta bur lta// chos nyid tha dad mi byed de dag tshul gcig 'jug/ che bdag chos bzhi de sten khyad par thob 'gyur zhing // shes rab sgron 'das mun bsal zla ltar 'jig rten rgyu// lha'i bu byang chub sems dpa' sems dpa' chen po chos bzhi dang ldan na/ 'khor rnams kyi nang du 'jigs pa dang bral ba rnams yin te/ bzhi gang zhe na/ thos pa thams cad 'dzin pa'i gzungs thob pa dang / sems can thams cad kyi the tsom gcod pa'i spobs pa thob pa dang / sems can thams cad la bdag med pa ston pa'i snying rje chen po dang / bdud dang nyon mongs pa dang bral ba mngon par shes pa'i ye shes kyi go cha bgos pa ste// ches

  736. 369a

    po de dag dang ngo / / de la 'di skad ces bya ste/ thon tu chud mi za bar 'gyur ba'i gzungs thob cing // de dag spobs ldan sems can som nyi gcod par byed// snying rjes chos 'di thams cad bdag med ston byed cing / / mngon shes shes pa'i go bgos nyon mongs bdud mang nyams// byang chub sems dpa' chos bzhi po dag gis 'jug na// 'khor kun nang du song yang de la 'jigs pa med/ / lha'i bu byang chub sems dpa' sems dpa' chen po chos bzhi dang ldan na/ thos pas don la rton pa rnams yin te/ bzhi gang zhe na/ thos pa thams cad mi 'dzin pas thos pa dang mi ldan zhing / sgrub pa nyams pa'i byis pa thams cad yongs su spong ba dang / yi ge dang / sgra dang / skad dang / tshig gi lam thams cad mngon du rnam par shes par bya ba'i phyir brag cha dang mtshungs pa nyid khong du chud pa dang / don 'dod pa nyid kyi phyir thos pa yongs su tshol zhing dga' mgur bya ba'i phyir ma yin pa dang / brjod pa med pa'i don la 'jug cing brjod pa'i don la sa yin pa ste/ chos bzhi po de dag dang ngo // de la 'di skad ces bya ste/ ji tsam mang du thos kyang don la mi rtog pas// byis pa thos dang ma ldan rtag tu sgrub chos nyams// srid bsnam snga skad dbyangs dang tshig lam gang yod pa/ / thag cha 'drar shes de las don ldan sgra thos nas// don nyid rtog cing dga' mgur nyes kun phyir mo 'jug/ chos nyid 'di ni don mchog yin te/

  737. 369b

    brjod du med// 'di na don dang sgra skad thos par gyur pa las// 'gro ba rnams su 'gro bar byed cing 'gro bar 'gyur// lha'i bu byang chub sems dpa' sems dpa' chen po chos bzhi dang ldan na/ 'jig rten gyi tshul gyis chos la rton pa rnams yin te/ bzhi gang zhe na/ bre mo gtam byed pa rnams la chos ston pa dang / skye bo phal po che 'dus pa dag la 'chi ba rjes su dran pa dang / gtong ba chen po dag la rjes su yi rang zhing byang chub tu yongs su sngo ba dang / 'du 'dzi thams cad las dben par gzhol ba ste/ chos bzhi po de dag dang ngo // de la 'di skad ces bya ste/ gang tshe skye bo mang po'i dbus su son gyur pa// der ni mkhas pas chos kyi gtam la 'jug par bya// skye bo mang po 'dus par gyur pa'i tshogs rnams la// 'chi bar 'gyur ba'i 'du shes rab tu bsgom par bya/ / de nas bag yod gzhan gyi gtong ba rnam lnga yi// gtong la yi rang byas nas byang chub bsngo bya zhing // gang tshe 'du 'dzi dag dang phrad par gyur po'i tshe// der ni dben par gzhol ba rab tu 'dod par bya/ / lha'i bu byang chub sems dpa' sems dpa' chen po chos bzhi dang ldan na/ sangs rgyas bcom ldan 'das rnams kyis gsungs pa bzhin du smra ba rnams yin te/ bzhi gang zhe na/ byang chub kyi sems mi gtong ba dang / thos pa sgrub pa snying por byed pa dang / ji skad smras pa de bzhin du byed pa dang / rang bzhin gyis bdag med pa la 'jug pa ste/

  738. 370a

    chos bzhi po de dag dang ngo // de la 'di skad ces bya ste/ nyam nga gnod par gyur kyang byang chub sems mi gtong // de dag skyob pa'i chos thos sgrub pa snying por byed// bka' blo bde 'thun ji skad smras pa de bzhin byed/ / mkhas pa de dag chos kun rang bzhin bdag med 'jug/ de ltar brtson pa'i shes ldan spras bzhin byed 'gyur zhing // rtag brtson mi 'dor rjes 'thun bdag med yang med/ / rtag tu snyan pa'i 'brang 'phyogs bcur grags 'gyur zhing // de ltar chos spyad dag chos kyi shes pas 'phags// lha bu byang chub sems dpa' sems dpa' chen po chos pa'i dang ldanan// sems can rnams la chos smra ba rnams yin te/ bzhi gang zhe na/ bdag nyid sgrub pa la gnas shing sems can rnams la chos ston pa dang / bdag nyid dul ba dang / bsrung ba dang / sgrol ba dang / brtul ba dang / yongs su mya ngan las 'das shing sems can gzhan dag dul bar bya ba dang / bsrung ba dang / dgrol ba dang / gdul ba dang / yongs su mya ngan las bzla ba'i phyir chos ston par byed pa dang / bdag nyid yang dag par rdzogs pa'i byang chub tu bsam pa nges par gyur cing / sems can rnams kyang theg pa chen po la rab tu 'god par byed pa dang / bdag nyid chos 'dod cing chos 'dod pas gzhan dag la'ang ston par byed pa ste/ chos bzhi po de dag dang ngo // de la 'di skad ces bya ste/ sgrub pa snying por byed cing 'gro la chos ston la// dul bsrungs legs btul shin tu mya ngan

  739. 370b

    'das nas kyang / / gang dag ma dul ma bsrungs ma btul mya ngan las// ma 'das de dag chos kyi dkon mchog 'byor par 'dzud// de dag byang chub sems dpa' bsam pa nges gyur cing // theg pa de la 'gro ba rnams kyang 'god par byed/ / rtag tu chos 'dod don ldan bla ma gus byed cing // sems can rnams la'ang de dang 'thun pa'i chos rnams ston// lha'i bu byang chub sems dpa' sems dpa' chen po chos bzhi dang ldan na/ mngon par shes pa rnams kyis mngon par 'phags pa rnams yin te/ bzhi gang zhe na/ yang dang yang du tshangs po'i gnas pa bzhis gnas pa dang / rtag par rgyun du rab tu dben par gnas pa dang / / chos zab mo la bzod pa dang / lus dang sems mnyam pa nyid du shes pa ste/ chos bzhi po de dag dang ngo // de la 'di skad ces bya ste/ tshangs pa'i gnas pa dang la rtag tu rab gnas shing / / dben par gnas pa la yang dga' ba skyed byed la// shes pas zab mo'o bzod la nges pa thob gyur cing // mkha' dang mnyam pa'i sems dang ldan par gyur pa ste// de ltar mngon par brtson pa'i 'jigs pa med pa rnams// mngon shes lnga po dag gis mngon par 'phags gyur cing // de dag sangs rgyas rnams kyi spyan sngar 'dug 'dral// sems can bang po rnams kyang yongs su sprin byed 'gyur/ / lha'i bu byang chub sems dpa' sems dpa' chen po ches bzhi dang ldan na/ bdud thams cad kyis thul bar dka' ba rnams yin te/

  740. 371a

    bzhi gang zhe na/ stong pa nyid kyi rnam pas mngon par bsgrubs pa'i bsam gtan bzhi dang / sems can thams cad mi gtong bar snying rje chen po dang / dkon mchog gsum gyi gdung mi gcod pa'i brtson 'grus dang / thabs la mkhas pas mngon par bsgribs pa'i pha rol tu phyin pa drug ste/ chos bzhi po de dag dang ngo // de la 'di skad ces bya ste/ mtshan med stong pas nges pa'i bsam gtan bzhi sgom zhing / / sems can yongs su bskya phyir rtag tu snying rje ldan// dkon mchog gsum rgyun mi gcod brtson 'grus thob gyur cing // kun tu thabs ldan pa rol phyin pa drug la 'jug/ de ltar spyod mkhas blo ldan che bdag yid gzhungs pa// de dag bdud bzhi dag las yang dag 'das gyur cing // bdud kyi lcags kyus zin pa'i 'gro ba mgon med rnams// mya ngan 'da' bar 'gro ba'i lam la 'god par byed/ / lha'i bu byang chub sems dpa' sems dpa' chen po chos bzhi dang ldan na/ blos gting dpag dka' ba rnams yin te/ bzhi gang zhe na/ chos zang mo'i tshul la 'jug pa dang / rtag tu don dang ldan zhing bsnyen par dka' ba dang / rtag tu yang phyung zhing chos sems par byed pa dang / sangs rgyas kyi ye shes sgrib pa med pa la sems kyis nges par rtog par byed pa ste/ chos bzhi po de dag ngang ngo // de la 'di skad ces bya ste/ zab mo'i chos kyi tshul la zhugs par gyur pa dang // rtag tu don dang ldan zhing bsnyen par dka' 'gyur la// rtag tu yid byung chos

  741. 371b

    labasam bzhugs gyur cing / / sems kyis nges par rtog par byed pa gang yin pa'i// mkhas pa theg pa che la brtan par rab gnas pa// blo rnams dag gis gting dpag dka' bar rab 'gyur zhing // chags pa med pa'i ye shes yang dag sgrub byed pa// de phyir blo rnams dag gis gting dpag dka' ba yin// lha'i bu byang chub sems dpa' sems dpa' chen po chos bzhi dang ldan na/ 'jig rten gyi chos brgyad kyis mi gos pa rnams yin te/ bzhi gang zhe na/ rnyed pa dang / snyan pa dang / bstod pa dang / bde bar khengs pa med pa dang / ma rnyed pa dang / ma snyan pa dang / smad pa dang / sdug bsngal gyis zhum pa med pa dang / sems can yongs su smin par bya ba'i phyir/ phung po rnams la yongs su spyod par byed pa dang / phung po yongs su shes pa srung zhing dben par lta ba ste/ chos bzhi po de dag dang ngo / / de la 'di skad ces bya ste/ rnyed dang sman dang bstod dang bde ba kun thob kyang // de dag la ni rnams kyang khengs par 'gyur ba med// ma rnyed mi snyan smad dang sdug bsngal thob myur kyang // de dag pad+ma bzhin du chags med 'jig rten spyod/ / sems can smin par bya phyir phung po yongs spyod cing // phung po sgyu ma gsog 'dra ya ma brlar shes pa// sems can pha na bde'i don du 'jig rten spyod byed kyang / / 'jig rten chos kyis mi gos tshul khrims spos dang ldan// lha'i bu byang chub sems dpa' sems dpa' chen po chos bzhi dang ldan na// gting dpag dka' zhing zab mo la spyod pa rnams

  742. 372a

    @yin te/ bzhi dang zhe na/ bdag la bdag med pa dang / sems can la sems can med pa dang / chos dben pa dang / shes pa chags pa med pa ste/ chos bzhi po de dag dngango // de la 'di skad ces bya ste/ bdag la bdag med nyid du yongs su shes gyur cing // sems can sems can med par rjes su rtogs gyur la// chos rnams dben pa nyid du yongs su rtogs gyur cing // mkha' la lag bzhin shes pa chags pa yod min pa'o// dpa' rnams zab mo dag la yongs su spyod byed pa// spyod pa med la rtag tu spyod par byed gyur cing // 'dzin dang kun 'dzin kun dang rnams bral bas/ / sems can dag pa de dag de phyir gting dpag dka'// lha'i bu byang chub sems dpa' sems dpa' chen po chos bzhi dang ldan na/ chos ston pas dbang po la mkhas pa rnams yin te/ bzhi gang zhe na/ mngon par shes pa thob pa dang / so so yang dag par rig pa shes pa dang / shes rab rno ba dang / sngon gyi smon lam rnam par dag pa ste/ chos pon po de dag dngango / / de la 'di skad ces bya ste/ mngon par shes pa rnams ni rab tu thob gyur cing // sa pas so so yang dag rig pa mi zad 'gyur// rtag tu shes rab rnon por gyur cing sngon yang ni// yang dag bsags pa yongs su dag pa thob gyur pa// sems can rnams kyi dbang po yongs su shes byas nas/ de dang 'dra ba'i chos rnams yongs su ston par byed// de dag bstan pa 'bras

  743. 372b

    bu med pa ma yin te/ / de'i phyir mya ngan 'das nas mya ngan 'da' bar byed// lha'i bu byang chub sems dpa' sems dpa' chen po chos bzhi dang ldan na/ 'dus pa byas dang ma 'dres pas rnam par thar pa'i sgor zhugs pa rnams yin te/ bzhi gang zhe na/ stong pa nyid spyod yul du gyur cing lta ba'i 'ching bas bcings pa'i sems can rnams thar par byed pa dang / mtshan ma med pa la gnas shing rnam par rtog pa spyod pa rnams yongs su mya ngan las 'da' bar byed pa dang / smon pa med pa la gnas shing sems can yongs su smin par bya ba'i phyir bsams bzhin du skye ba len pa dang / thabs la mkhas shing shes rab kyis nges par byung ba ste/ chos bzhi po de dag dang ngo // de la 'di skad ces bya ste/ stong nyid spyod yul de dag ltas bcings grol byed cing // mtshan med gnas shing sems can 'di dag yongs smin byed// smon pa med la gnas shing sems can smin byar phyir// bsams bzhin skye zhing gang du 'dod pa der skye 'gyur// shes rab thabs kyis nges byung rnam thar sgor gnas kyang / / 'dus ma byas pa'i dbyings ni dus min thob mo byed// lha'i bu byang chub sems dpa' sems dpa' chen po chos bzhi dang ldan na// lhag pa'i nga rgyal can tsher gcad pa'i phyir snrel zhir bsgrub pa la mkhas pa rnams yin te/ bzhi gang zhe na/ chos kyi dbyings kun nas sgo yang dag par shes pa dang / chos thams cad sgrib

  744. 373a

    pa med par mos pa dang / kun tu rtog pa'i rtsa ba las byung ba'i nyon mongs pa rnams yongs su shes pa dang / mya ngan las 'das pa'i rang bzhin can gyis chos thams cad la nem nur med pa ste/ chos bzhi po de dag dang ngo // de la 'di skad ces bya ste/ sems mnyam chos kyi dbyings su nges par byung gyur zhing // de dag rnams kyi sgrib pa 'ga' yang mthong mi 'gyur/ / nyon mongs kun tu rtog pa'i rtsa las rab byung bar// shes nas de las snrel zhir kun tu ston mi byed// chos 'di thams cad rang bzhin mya ngan 'das pa dang // ma skyes ma 'gags ngo bo nyid kyis dag pa yin/ / de dag kun mkhyen yongs btsal mya ngan 'das gyur nas// lhag pa'i nga rgyal can dag tshar gcod byed pa yin// lha'i bu byang chub sems dpa' sems dpa' chen po chos bzhi dang ldan na/ las kyi bya ba thams cad kyi rgyu la mkhas pa rnams yin te/ bzhi gang zhe na/ longs spyod chen po'i rgyu sbyin pa mi spong ba dang // mtho ris su skye ba'i rgyu tshul khrims mi spong ba dang / shes rab chen po'i rgyu thos pa mi spong ba dang / grol ba'i rgyu sgom pa mi spong ba ste/ chos bzhi po de dag dang ngo // de la 'di skad ces bya ste/ longs spyod che rgyu sbyin ba mo spong de'i 'bras te/ mtho ris skye ba'i tshul khrims thob cing de'i 'bras te// shes rab nyon mongs 'joms rgyu thos pa de'i 'bras te// rnam grol reg rgyu sgom par byed cing de

  745. 373b

    'bras te/ / rgyu bzhi de la rtag brtson khas pa de dag ni// byang chub snying por dbang bskur 'bras phyir nyin mtshan spyod// lha'i bu byang chub sems dpa' sems dpa' chen po chos bzhi dang ldan na/ lta ba'i rnam pa dang bral zhing rten cing 'brel par 'byung ba la mkhas pa rnams yin te/ bzhi gang zhe na/ chad par smra ba ma yin pa dang / rtag par smra ba ma yin pa dang / ma rig pa byung na rga shi'i bar du 'byung bar lta zhing bdag tu lta bar yang mi byed pa dang / ma rig pa 'gags na rga shi'o bar du 'gags par lta zhing srid pa 'gags par yang mo byed pa ste/ chos bzhi po de dag dang ngo / / de la 'di skad ces bya ste/ nam yang rtag par ma lta chad par ltung mi byed// des ni chos rnams rkyen byung byed pa po dang ni// tshor ba po med rang bzhin rnam par dag par shes ma rig rtsa nas rga shi'i bar du 'byung 'gyur pa/ / rgyal ba kun gyis gsungs te de 'gag rgyu dang ni// rkyen zad de phyir phyin chad skye mi 'gyur zhes gsungs// lha'i bu byang chub sems dpa' sems dpa' chen po chos bzhi dang ldan na/ sems can yongs su smin par bya ba'i thabs la mkhas pa rnams yin te/ bzhi gang zhe na/ byang chub sems dpa' sems can thams cad la rag las par lta ba dang / dge ba'i rtse ba yang dag par bsags pa la skyo ba med pa dang / 'khor ba'i sgo nas mya ngan las 'das pa'i sgo yongs su tshol ba dang / sems can rnams

  746. 374a

    kyi mos pa ji lta ba de lta bu'i mos pa'i thabs kyis nyams su myong bar byed cing / / nyon mongs pa rnams kyis ma yin pa ste/ chos bzhi po de dag dang ngo // de la 'di skad ces bya ste/ sangs rgyas byang chub 'di ni sems can rnams la rten// dge ba sogs shing 'dod pas yongs su skyo ba med// 'khor ba'i sgo nas mya ngan 'das pa yongs tshol zhing // sems can ji bzhin mos pa thabs kyis yongs su shes/ / lha'i bu byang chub sems dpa' sems dpa' chen po chos bzhi dang ldan na/ sems can thams cad kyi nye bar 'tsho ba rnams yin te/ bzhi gang zhe na/ longs spyod mi zad pa dang / chos ston pa mi zad pa dang / mngon par shes pa thob pa dang / sems sa dang mnyam pa ste/ chos bzhi po de dag dang ngo // de la 'di skad ces bya ste/ de dag rnams kyi longs spyod rtag tu mi zad cing // / rtag tu chos kyis mi zad rgya mtsho 'dra ba yin// de dag mngon shes lnga po mi zad rtag ma g.yo// rtag tu dran ldan bsam pas dang 'dra ba yin// mnyam med byang chub phyir ni yang dag zhugs gyur cing // mya ngan ma 'das gang la chos rnams de yod pa// de dag 'gro ba kun gyi nye bar 'tshor 'gyur zhing // byang chub mchog phyir myur du nges par 'byung bar 'gyur// lha'i bu byang chub sems dpa' sems dpa' chen po chos bzhi dang ldan na/ 'jig rten thams cad mngon par 'du bar 'gyur ba rnams yin te/ bzhi gang zhe na/ tshangs pa'i gnas pa bzhis gnas pa dang / bsdu ba'i dngos

  747. 374b

    po bzhis sdud pa dang / bden pa bzhi shes pa dang / so so yang dag par rig pa bzhi thob pa ste/ chos bzhi po de dag dang ngo // de la 'di skad ces bya ste/ tshangs pa'i gnas pa bzhi po dag gis gnas byed cing / / bsdu ba'i dngos po dag la rtag tu dgar byed la// bden pa bzhi po dag la 'jigs med dpa' bo rnams// 'gro bas ri mo byas shing mchod pa byas par 'gyur// so so yang dag rig pa'i pha rol son gyur cing / / 'chad dang klog pa dag la rtag tu brtson gyur la// pha rol bde bar gyur pa'i bde bas mgu byed na// de phyir de dag yid du 'ong zhing sdug par 'gyur// lha'i bu byang chub sems dpa' sems dpa' chen po chos bzhi dang ldan na/ srog chags thams cad kyis bsngags par 'gyur ba rnams yin te/ bzhi gang zhe na/ thos pa dang / tshul khrims dang ldan zhing tshul 'chos pa med pa dang / des shing 'grogs na bde ba dang / dben pa la dga' zhing dbang po bsrungs pa dang / bdag nyid bde ba la lhag par chags pa med cing rtag tu kha na ma tho ba la lta pa ste/ chos bzhi po de dag dang ngo // de la 'di skad ces bya ste/ thos pa'i yon tan thob cing tshul khrims pha rol son// tshul 'chos med cing rtag tu des la brtul zhugs bzang // nags dang nags 'dab gnas shing dbang po sdom byed la/ / dran ldan bdag bde mi ltos kha na ma tho lta// gang la rtag tu dge ba'i yon tan de yod pa// de dag rtag tu sems can phan phyir brtson 'gyur

  748. 375a

    zhing / de dag sems can don yang rtag tu byed 'gyur la// de dag rtag tu byang chub phyir yang yid gzhol 'gyur// lha'i bu byang chub sems dpa' sems dpa' chen po chos bzhi dang ldan na/ / dge ba'i spyod pa thams cad la smras pa med pa rnams yin te/ bzhi gang zhe na/ dad pa phun sum tshogs pa dang / brtson 'grus phun sum tshogs pa dang / snying rje chen po phun sum tshogs pa dang / theg pa chen por yongs su sngo ba la mkhas pa rnams te/ chos bzhi po de dag dang ngo // de la 'di skad ces bya ste/ de dag dang dang ldan la rtul ba brtan ldan zhing // / de dag brtson 'grus mthu dang stobs dang ldan pa yin// 'gro ba kun la byams dang snying rje che ldan zhing // byang chub ched du yongs su sngo la mkhas pa ste// de phyir dge ba kun la smas pa yod mon zhing zla ba nya ba'i zla ba mkha' la skar ma yi/ / tshogs kyi dbus na gnas pa rnam par mdzes pa ltar// yang dang yang du dge ba kun la rnam 'phel 'gyur// lha'i bu byang chub sems dpa' sems dpa' chen po chos bzhi dang ldan na/ shes rab dag la rgya mtsho lta bu rnams yin te/ bzhi gang zhe na/ ji skad smras pa de bzhin du byed pa dang / sgrub pa snying por byed pa dang / blo rab tu gnas pa dang lhag pa'i bsam pa rdo rje ltar brtan pa ste/ chos bzhi po de dag dang ngo // de la 'ang skad ces bya ste/ mkhas pa de dag ji skad smras pa de bzhin byed// de dag sgrub pa snying por byed cing blo rab gnas/

  749. 375b

    gang dag brtson pa de dag rdo rje lta bu yi// lhag pa'i bsam pa brtan pa dag dang ldan par 'gyur// mkhas pa gang dag chos pa ni de dag ston byed pa// de dag rtag tu dge ba'i bshes gnyen sten byed cing // dam bcas rnams pa snying por byed par 'gyur ba dang // rtag tu sangs rgyas gsung yang 'dzin par byed pa yin// lha'i bu byang chub sems dpa' sems dpa' chen po chos bzhi dang ldan na/ chos la dbang sgyur bas dbang phyug tu gyur pa rnams yin te/ bzhi gang zhe na/ ye shes kyi stobs can rnams yin zhing nyon mongs po'i stobs can rnams ma yin pa dang / sems la dbang sgyur ba rnams yin zhing bdud kyi dbang sgyur ba rnams ma yin pa dang / gzungs dang spobs pa phun sum tshogs pa rnams yin pa dang / 'bras bu yod par chos ston pa rnams yin te/ chos bzhi po de dag dang ngo / / de la 'di skad ces bya ste/ de dag ye shes stobs ldan nyon mongs dbang mi 'gro// shes rab stobs kyis blun spangs lha rnams kun dang bral// sems la dbang sgyur byed cing bdud bzhi spangs gyur la/ / spobs pa brtan par gyur cing gzungs kyis 'khrugs pa med// de dag ston pa 'bras bu med par mi 'gyur te// de phyir myur du dbang phyug nyid dang ldan par 'gyur/ / lha'i bu byang chub sems dpa' sems dpa' chen po chos bzhi dang ldan na/ bya ba thams cad la slob dpon du gyur pa rnams yin te/ bzhi gang zhe na/ nga rgyal med pa dang / hA/

  750. 376a

    ma la gus pa dang / bag yod pa dang / 'dun pa drag po ste/ chos bzhi po de dag dang ngo // de la 'di skad ces bya ste/ nga rgyal med cing bla ma gus pas gnas gyur la/ kun nas bag yod byang chub mchog la 'dun drag cing // bsam pa thag pas smon cing rtag tu drang gyur la// slob dpon dpe mkhyud med pa rtag tu slob dpon 'gyur// mkhas pa 'jig rten 'jig rten 'das pa'i don mkhas shing / / tshul dang tshul ma yin la mkhas pa'i brtan pa rnams// 'jig rten kun mdza' thams cad rtogs par khong du chud// de phyir 'gro bas spyi bor thal sbyar de la 'dud lha'i bu byang chub sems dpa' sems dpa' chen po chos bzhi dang ldan na/ thams cad du kha na ma tho ba med cing yon tan rnam pa thams cad dang ldan pa rnams yin te/ bzhi gang zhe na/ mngon par shes pa'i ye shes kyis rnam par rtse ba dang / sangs rgyas thams cad kyis dgongs pa'i spobs pa dang / dge ba thams cad dang mi 'bral zhing bag chags dang bral ba dang / dge ba'i chos thams cad dang ldan zhing / dbang bskur ba thob pa ste/ chos bzhi po de dag dang ngo // de la 'di skad ces bya ste/ sems can dag pa rgya chen mngon shes shes pas rtse// bde gshegs kun gyis dgongs pa mkha' 'dra'i spobs dang ldan/ / brtson 'grus thogs med mi dge bag chags kun spangs shing // dge dang ldan zhing dbang bskur thob par gyur pa ste// chos rnams de dag la ni rab tu gnas gyur pa//

  751. 376b

    dedag kha na ma tho med pa'i yon tan ldan// bcom ldan 'das kyis bzhi pa sgrub pa 'di bstan pa na/ lha dang mi rnams las srog chags sa ya nyis 'bum gyis bla na med pa yang dag par rdzogs pa'i byang chub tu sems bskyed do/ / byang chub sems dpa' nyi khri lnga stong gis ni mo skye ba'i chos la bzod pa thob par gyur to// lha dang mi rnams kyi skye dgu las srog chags 'bum ni chos rnams la chos kyi mig rdul med cing dri ma dang bral ba rnam par dag go/ / stong gsum gyi stong chen po'i 'jig rten gyi khams 'di'ang rnam pa drug rab tu g.yos shing / 'jig rten thams cad snang ba chen pos/ khyab par yang myur to// lha rnams kyis kyang wa'i me tog ga char rab tu bcing / wA rje sa la spyan dag gi sgra yang byung bar gyur to// klu rnams kyis kyang mu tig dmar po dang / klu'i me tog sa char rab tu phababo/ / lha ma yin dang / nam mkha' lding dang / mi 'am ci dang // lto 'phye chen po dang / gnod sbyin rnams kyis kyang / bcom ldan 'das la lha'i mchod pa dag gis mchod pa byas so/ / thams cad dang ldan pa'i 'khor rnams kyis kyang a la la chos/ a la la chos/ a la la chos zhes lan gsum ched du brjod nas/ mchod pa chen po dag kyang byas so// de nas b+ha'i bu rab rtsal sems kyis/ / 'jam dpal gzhon nur gyur pa la 'dadi skad ces smras so// 'jam dpal bcom ldan 'das kyis chos sum cu rtsa gnyis po de dag gi don dang / tshig gis rnam

  752. 377a

    par gtan la dbab pa bstan pa de bka' stsal gyis/ 'jam dpal khyod kyang chos sum cu rtsa gnyis po de dag gi don dang tshig rnam par gtan la dbab pa de la spobs par gyis shoshig/ 'jam dpal ji ltar na byang chub sems dpa' sems dpa' chen po theg pa chen po la gzhan gyi dring mi 'jog pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po sems gzhan gyi rkyen gyis mi 'gro ba de lta na/ lha'i bu byang chub sems dpa' sems dpa' chen po theg pa chen po la gzhan gyi dring mi 'jog pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po brtsams pa thams cad la brtson 'grus brtan pa rnams yin/ 'jam dpal gyis smras pa/ lha'i bu gang gi tshe byang chub sems dpa sems dpa' chen po rnams nyon mongs pa thams cad nges par 'jom par byed pa de ldan/ lha'i bu byang chub sems dpa' sems dpa' chen po brtsam pa thams cad la brtson 'grus brtan pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po bsod nams dag gis mngon par 'phags pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos kyi dbyings mi g.yo ba rjes su rtogs pa de lta na/ lha'i bu byang chub sems dpa' sems dpa' chen po bsod nams dag gis mngon par 'phags pa

  753. 377b

    rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po ye shes kyis chags pa med par spyod pa rnams yin/ 'jam dpal gyis smras pa/ rtswa'i bu gang gi tshe byang chub sems dpa' sems dpa' chen po rnams yul thams cad la chags par mi byed pa de ltar na/ lha'i bu byang chub sems dpa' sems dpa' chen po ye shes kyis chags pa med par spyod pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po shes rab kyis mun pa dang bral ba rnams yin// 'jam dpal gyis smras pa lngalhalci'i bu gang gi tshe byang chub sems dpa' sems dpa' chen po rnams chos thams cad rang bzhin gyis yongs su dag par shes par byed pa de lta na/ lha'i bu byang chub sems dpa' sems dpa' chen mi shes rab kyis mun pa dang bral ba rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po 'khor rnams kyi nang du 'jigs pa dang bral ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad rnam par phyen mi rnyed par byed pa de lta na/ lha'i bu byang chub sems dpa' sems dpa' chen po 'khor rnams kyi nang du 'jigs pa dang bral ba rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po thos pas don la rton pa

  754. 378a

    rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad brjod du med par shes par byed pa de lta na/ lho bu byang chub sems dpa' sems dpa' chen po thos pas don la rton pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po 'jig rten gyi tshul gyis chos la rton pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos kyi dbyings zhi ba nyid du shes par byed pa de lta na/ lha'i bu byang chub sems dpa' sems dpa' chen po 'jig rten gyi tshul gyis chos la rton pa rnams yin no/ / lha'i bus smras pa/ 'jam dpal ji ltar na byang chub sems dpa' sems chen po sangs rgyas bcom ldan 'das rnams kyis gsungs pa bzhin du smra ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams sgra thams cad la rten par mi byed pa de lta na/ lha'i bu byang chub sems dpa' sems dpa' chen po sangs rgyas bcom ldan 'das rnams kyis gsungs pa bzhin smra ba rnams yin no// lha'i bus smras pa/ 'jam dpa ji ltar na byang chub sems dpa' sems dpa' chen po sems can rnams la chos smra ba rnams yin/ / 'jam dpal gyis smras pa// lha'i bu gang gi tshe byang chub sems dpa' sems dpa' chen po

  755. 378b

    rnams smra ba thams cad las ldog par byed pa de lta na/ lha'i bu byang chub sems dpa' sems dpa' chen po sems can rnams la chos smra ba rnams yin no// lha'i bus smras pa/ 'jam dpal ji ltar na byang chub sems dpa sems dpa' chen po mngon par shes pa rnams kyis mngon par 'phags pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad las g.yo bar mi byed pa de lta na/ lha'i bu byang chub sems dpa' sems dpa' chen po mngon par shes pa rnams kyis mngon par 'phags pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po bdud thams cad kyis thul bar dka' ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams stong pa nyid rjes su rtogs par bya ba'i phyir/ nyon mongs pa nyid byang chub yin par yongs su tshol bar byed pa de lta na/ lha'i bu byang chub sems dpa' sems dpa' chen po bdud thams cad kyis thul bar dka' ba rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po blos gting dpag dka' ba rnams yin/ 'jam dpal gyis spras pa/ lnga'i bu gang gi tshe byang chub sems dpa' sems dpa' chen po rnams sangs rgyas kyi chos thams cad kyi gting rtogs par byed pa de lta na/ lha'i bu byang chub

  756. 379a

    sems dpa' sems dpa' chen po blos gting dpag dka' ba rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po 'jig rten gyi chos brgya kyis mi gos pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams 'jig rten na spyod kyang 'jig rten gyi chos rnams kyis gos par mi 'gyur ba de lta na// lha bu byang chub sems dpa' sems dpa' chen po 'jig rten gyi chos brgyad kyis mi gos pa rnams yin no/ / lha'i dus smras pa/ 'jam dpal ji ltar na byang chub sems dpa' sems dpa' chen po gtang dpag dka' zhing zab mo la spyod pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams bdag la bdag med pas sgyid lug par mi 'gyur ba de lta na/ lha'i du byang chub sems dpa' sems dpa' chen po gting dpag dka' zhing zab mo la spyod pa rnams yin no/ / lhar bus smras pa/ 'jam dpal ji ltar na byang chub sems dpa' sems dpa' chen po chos ston pas dbang po la mkhas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams dbang po drug gis dbang po thams cad la lta bar byed pa de lta na/ lha'i bu byang chub sems dpa' sems dpa' chen po chos ston pas dbang po la mkhas pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po 'dus ma byas dang ma 'dres pas rnam par thar pa'i sgor gnas pa rnams yin/

  757. 379b

    'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams sgo thams cad nas thar pa ston par byed pa de lta na/ lha'i bu byang chub sems dpa' sems dpa' chen po 'dus ma byas dang ma 'dres pas rnam par thar pa'i sgor gnas pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po lhag pa'i nga rgyal can tshar gcad pa'i phyir bsgrub pa la mkhas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams 'khor ba las mya ngan las 'das pa tshol zhing lta bar byed la/ mya ngan las 'das pa las kyang 'khor ba tshol zhing lta bar byed pa de lta na/ lha'i bu byang chub sems dpa' sems dpa' chen po lhag pa'i nga rgyal can tshar gcad pa'i phyir snrel zhir bsgrub pa la mkhas pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po las kyi bya ba thams cad kyis rgyu la mkhas pa rnams yin/ 'jam dpal gyis spras pa/ lho'i bu gang gi tshe byang chub sems dpa' sems dpa' chen po rnams chos thams cad mi 'pho bar lta bar byed pa de lta na/ lha'i bu byang chub sems dpa' sems dpa' chen po las kyis bya ba thams cad kyi rgyu la mkhas pa rnams yin no// lha'i bus smras pa/ 'jam dpal ji ltar na byang chub sems dpa' sems dpa' chen po lta ba'i rnam pa dang bral zhing / rten cing 'brel bar 'byung ba la mkhas pa rnams yin/ 'jam dpal gyis smras pa/ lho bu gang gi tshe byang chub sems dpa' sems dpa'

  758. 380a

    chen po rnams chos thams cad bdag po med par shes par byed pa de lta na/ lha'i du byang chub sems dpa' sems dpa' chen po lta ba'i rnams dang bral zhing rten cing 'brel par 'byung ba la mkhas pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po sems can yongs su smin par bya ba dag la thabs la mkhas pa rnams yin// 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams 'jig rten gyi tshul la smod par mi byed pa de lta na/ lha'i bu byang chub sems dpa' sems dpa' chen po sems can yongs su smin par bya ba dag la thabs la mkhas pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po bsam pa yongs su dag pas brtul zhugs grub pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rtogs pa nyid byang chub yin par shes par byed pa de lta na/ lha'i bu byang chub sems dpa' sems dpa' chen po bsam pa yongs su dag pas brtul zhugs grub pa rnams yin no/ / lha'i bus spras pa/ 'jam dpal ji ltar na byang chub sems dpa' sems dpa' chen po zhe 'gras pa'i sems med cing / bzod pa'i stobs dang ldan pa rnams yin 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad gtan du yongs su mya ngan las 'das par shes par byed/ lta bar byed pa de lta na/ lha'i bu byang chub sems

  759. 380b

    dpa' sems dpa' chen po zhe 'gras pa'i sems med cing bzod pa'i stobs dang ldan pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po pha rol tu phyin pa thams cad kyi pha rol tu son pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad pha rol las mthong bar byed pa de lta na/ lha'i bu byang chub sems dpa' sems dpa' chen po pha rol tu phyin pa thams cad kyi pha rol tu son pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po sems can thams cad kyi nye bar 'tshe ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos kyi dbyings mi zad pa rab tu rtogs par byed pa de lta na/ lha'i bu byang chub sems dpa' sems dpa' chen po sems can thams cad kyi nye bar 'tshe ba rnams yin no/ / lho bus smras pa/ 'jam dpal ji ltar na byang chub sems dpa' sems dpa' chen po 'jig rten thams cad mngon par 'du bar 'gyur ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams mi snang ba'i tshul gyis sangs rgyas kyi zhing thams cad na snang ba de lta na/ lha'i bu byang chub sems dpa' sems dpa' chen po 'jig rten thams cad mngon par 'dra bar 'gyur ba rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po srog chags thams cad kyis bsngags par 'gyur pa

  760. 381a

    rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos 'bra' yang len par mi byed/ spong bar mi byed pa de lta na/ lha'i bu byang chub sems dpa' sems dpa' chen po srog chags thams cad kyis bsngags par 'gyur ba rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po dge ba'i spyod pa thams cad la smras pa med pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad la nam mkha' dang mtshungs pa 'dra bar shes par byed pa de lta na/ lha'i bu byang chub sems dpa' sems dpa' chen po dge ba'i spyod pa thams cad la smas pa med pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po shes rab dag la snying por gyur pa rnams yin/ 'jam/ dpal gyis spras pa/ lha'i bu gang gi tshe byang chub sems dpa' sems dpa' chen po rnams chos kyi dbyings kun tu 'byed pa mi 'byed pa de lta na/ lha'i bu byang chub sems dpa' sems dpa' chen po shes rab dag la snying por gyur pa rnams yin no/ / lha'i bus spras pa/ 'jam dpal ji ltar na byang chub sems dpa' sems dpa' chen po chos la dbang sgyur bas dbang phyug tu gyur pa rnams yin/ 'jam dpal gyis smras pa/ lho bu gang gi tshe byang chub sems dpa' sems dpa' chen po rnams bsam du med pa sems pas sems thams cad shes par byed pa de lta na/ lha'i bu byang chub sems dpa' sems dpa' chen po chos la dbang sgyur

  761. 381b

    pas dbang phyug tu gyur pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po bya ba thams cad la slob dpon du gyur pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams tshul gcig gis tshul thams cad shes par byed cing / tshul thams cad kyis kyang tshul gcig shes par byed pa de lta na/ lha'i bu byang chub sems dpa' sems dpa' chen po bya ba thams cad la slob dpon du gyur pa rnams yin no/ / lha'i bus smras pa/ 'jam dpal ji ltar na byang chub sems dpa' sems dpa' chen po thams cad du kha na ma tho ba med cing yon tan thams cad dang ldan pa rnams yin/ 'jam dpal gyos smras pa/ lha'i bu gang gi tshe byang chub sems dpa' sems dpa' chen po rnams chos thams cad gnyen po med par rtogs nas chos 'ga' yang sgrub par mi byed/ chos 'ga' yang sel bar mi byed pa de lta na/ lha'i bu byang chub sems dpa' sems dpa' chen po thams cad du kha na ma tho ba med cing / yon tan rnam pa thams cad dang ldan pa rnams yin no/ / 'jam dpal gzhon nur gyur pas bstan pa 'di bshad pa na/ byang chub sems dpa' lnga khri brgyad stong gis mi skye ba'i chos la bzod pa thob par gyur to// lha dang mi rnams kyi skye dgu bdun khri nyis stong ni chos rnams la chos kyi mig rdul med cing dri ma dang bral ba rnam par dag go/ / srog chags 'bum lhag tsam ni bla na med pa yang dag par rdzogs pa'i byang chub tu sems bskyed do// 'jam dpal gzhon nur gyur pa la

  762. 382a

    mchod pa'i phyir lha rnams kyis kyang steng gi bar snang las lha'i me tog gi char dag mngon par rab tu phab bo/ / thams cad dang ldan pa'i 'khor rnams kyis kyang 'jam dpal gzhon nur/ gyur pas bstan pa 'di thos nas yi rangs pa dang / dga' ba dang / yid bde ba skyes nas tshig 'di skad ces bdag cag gis kyang chos de dag thob par gyur cig/ 'jam dpal gzhon nur gyur pa'i spobs pa ji lta ba de lta bu'i spobs pa mchod pa'ang thob par gyur cig ces smras so/ / bcom ldan 'das kyis kyang 'jam dpal gzhon nur gyur pa la 'jam dpal khyod kyis chos rnam par gtan la dbab pa bstan pa 'di legs par smras te/ legs so legs so zhes legs so zhes bya ba byin no// // bam po gnyis pa// de nas lha'i bu rab rtsal sems kyis 'jam dpal gzhon nur gyur pa la 'di skad ces smras so/ / 'jam dpal ci khyod kho bo las chos kyi dgab pa 'dod dam/ 'jam dpal gyis smras pa/ lha'i bu 'di skad du/ khyod chos kyi dgab pa 'dod dam zhes zer ba ni lha'i bu legs par gsungs pa'i chos 'dul ba 'di la chos kyi dgab pa zhes bya ba 'di ni med pa dang 'dod pa spangs pa yin te/ chos 'di ni so sor rtogs pa med pa'i phyir 'dod pa med/ pa yin no// chos 'di na mig gi lam las yang dag par 'das pa'i phyir bltar mi snang ba yin no// chos 'dini mngon par grub pa med pa'i phyir ma byas pa yin no// chos 'di ni yul drug dang ma

  763. 382b

    'dres pa'i phyir mi mthong ba yin no/ / chos 'di na sems dang / yid dang / rnam par shes pa dang bral ba'i phyir bdag gi ba med pa yin no// chos 'di ni gtan yongs su ma grub pa'i phyir gzung ba med pa/ yin no// chos 'di ni yul med pa'i yul du 'gro ba'i phyir gzhi med pa yin no// chos 'di ni rang bzhin gyis dben pa'i phyir zag pa med pa yin no/ chos 'di ni sngon gyi mtha' rnam par dag pa'i phyir 'ong ba med pa yin no/ / chos 'dzin phyi ma'i mtha' rnam par dag pa'i phyir 'gro ba med pa yin no// chos 'din da ltar byung ba rnam par dag pa'i phyir gnas pa med pa yin no// chos 'di ni brtag cing sel ba'ang bral ba'i phyir rtsol ba med pa yin no/ / chos 'di ni nam mkha' dang mnyam pa'i phyir mnyam pa med pa yin no// chos 'di ni gnyen po med pa'i phyir mi mnyam pa dang mnyam pa yin no// chos 'di ni bdud kyi yul thams cad las yang dag par 'das pa'i phyir g.yo ba med pa dang / rlom sems med pa dang / ma brtags pa dang / rnam par ma brtags pa dang / rnam par ma bsgrubs pa dang / kun tu ma bstan pa yin no/ / chos 'dzin skye ba dang / 'jig pa dang bral ba'i phyir blang ba med pa dang / dor ba med pa yin no// chos 'di ni chos kyi dbyings su yang dag par gzhol ba'i phyir gnas med par gnas pa yin no// chos 'di ni yang dag par ma byung ba'i phyir dbyer med pa yin no// chos 'di na spros pa dang bral ba'i phyir rab tu spyod pa med pa yin no// chos 'di ni rang bzhin gyis nye bar zhi ba'i phyir spros pa dang bral ba

  764. 383a

    yin no/ / chos 'di na rnam par rtog pa thams cad dang bral ba'i phyir nye bar zhi ba yin no// chos 'di ni phas kyi rgol ba thams cad nges par bcom pa'i phyir rnam par rtog pa med pa yinano/ chos 'din 'dod pa'i 'dod chags kyi rdul dang bral ba'i phyir shin tu 'phags pa yin no// chos 'di ni stong pa nyid kyi phyir stong pa yin no// chos 'di ni nges par ma brtags pa'i phyir mtshan ma med pa yin no// chos 'di ni rnam par shes pa mi gnas pa'i phyir smon pa med pa yin no// chos 'di ni rtsa ba yongs su chad pa'i phyir mi gnas pa yin no// chos 'di ni grogs med pa'i phyiraro mi rten pa yin no// chos 'di ni ma rten pa'i phyir mi g.yo ba yin no/ / chos 'di ni gzod ma nas rnam par dag pa'i phyir bdag med pa yin no// chos 'di ni gtan mngon par grub pa med pa'i phyir sems can med pa yin no// chos 'di ni gzod ma nas sa byung ba'i phyir rtag pa med pa yin no/ / chos 'don gzod ma nas ma skyes pa'i phyir ma byung ba yin no// chos 'don mtshan nyid dang bral ba'i phyir ma skyes pa yin no// chos 'di ni mtshan nyid thams cad dang bral ba'i phyir mtshan nyid med pa yin no/ / chos 'di ni gzod ma nas yang dag par rgyun chad pa'i phyir zhi ba yin no// chos 'di ni gzod ma nas nye bar zhi ba'i phyir yang dag par rgyun chad pa med pa yin no// chos 'di ni ma phyed pa dang mi snang ba'i phyir nam mkha'i mtshan nyid lta bu yin na/ lha'i bu chos de lta bu de la chos kyi dgab pa ji lta bu zhig yod/ lha'i bus smras pa/ 'jam dpal chos 'di'i dgeb pa ni kun tu 'phro ba med pa yin no//

  765. 383b

    'jam dpal gyis smras pa/ lha'i bu legs so legs so// ji skad smras pa de bzhin te/ chos 'di'i dgab po na gang la lus dang / ngag dang / sems kyis rtul ba med pa de lta bu yin no// de ci'i phyir zhe/ na/ chos 'di ni gsal ba rnyog pa med pa yin pas de ni sems rnyog pa can gyis mchod par mi nus pa'i phyir ro// lha'i bus smras pa/ 'jam dpal ji ltar na sems rnyog pa can yin/ 'jam dpal gyis smras pa/ lha'i bu gzugs kyi mtshan rjes su dran par byed pa ni sems rnyog pa can yin no// sgra dang / skad dang / dbyangs dang / tshig gi lam gyis chos rjes su dran par byed pa ni sems rnyog pa can yon no/ / 'bras bu thob pa mngon du byed pas dge 'dun rjes su dran par byed pa ni sems rnyog pa can yin no// nyon mongs pa gtan spong ba rjes su dran par byed pa ni sems rnyog pa can yin no// skye ba la rten pas lha rjes su dran par byed pa ni sems rnyog pa can yon no// ma dul ba'i sbyin pa'i sems ni sems rnyog pa can yin no// ma zhi ba'i tshul khrims kyi sems ni sems rnyog pa can yin no/ sems can la rten pa'i bzod pa'i sems ni sems rnyog pa can yin no// spros pa dang bcas pa'i shes rab kyi sems ni sems rnyog pa can yin no// bdag tu 'dzin pa la gnas pa'i byams pa'i sems ni sems rnyog pa can yin no/ / sems la nges par ma bsams pa'i bsam gtan gyi sems ni sems rnyog pa can yin no// the tsom can gyi snying rje'i sems ni sems rnyog pa can

  766. 384a

    yin no/ / mya ngan las 'das pa'i lam dang bral ba'i dga' ba'i sems ni sems rnyog pa can yin no// gnyis la gnas pa'i btang snyoms kyi sems ni sems rnyog pa can yin no// lus su 'du shes pa'i tshor ba'i sems ni sems rnyog pa can yin no// chos su 'du shes pa'i dran pa nye bar gzhag pa'i sems ni sems rnyog pa can yin no// skye ba dang 'jig par 'du shes pa'i yang dag par spong ba'i sems ni sems rnyog pa can yin no/ / lus dang sems la rten pa'i rdzu 'phrul gyi rkang pa'i sems ni sems rnyog pa can yin no// dbang po drug la rten pa'i dbang po lnga'i sems ni sems rnyog pa can yin no// lta ba'i stobs dang ldan pa'i stobs lnga'i sems ni sems rnyog pa can yin no// chos su 'du shes pa la gnas pa'o byang chub kyi yan lag gi sems ni sems rnyog pa can yin no// 'du byed yid la byed pa la brtson pa'i lam bsgom pa'o sems ni sems rnyog pa can yin no/ / sdug bsngal la yongs su rtog pa'i 'du shes can gyi sems ni sems rnyog pa can yin no// kun 'byung ba la bsgom pa'i 'du shes can gyi sems ni sems rnyog pa can yin no/ / 'gog pa zad par 'du shes pa'i sems ni sems rnyog pa can yin no// lam bsgom pa la bsgom pa'i 'du shes pa'i sems ni sems rnyog pa can yin te/ lha'i bu ji tsam du rang bzhin gyis yongs su dag pa nyid la sgro 'dogs par byed pa de tsam du sems rnyog pa can yin no/ / lha'i bus smras pa/ 'jam dpal sems rnyog pa med pa dag gang yin/ 'jam dpal gyis

  767. 384b

    smras pa/ / wa bu gang dag gi sems nam mkha' dang banyas pa dnga'o// lha'i bus smras pa/ 'jam dpal nam mkhara' la sems cung zad kyang yod dam/ 'jam dpal gyis spras pa/ lha'i bu ji ltar nam mkha' la sems med pa bzhin du sems de'ang de dang 'dra ste/ gang gi sems de 'dra ba de ni sems nam mkha' dang mnyam pa yin no// lha'i bus smras pa/ 'jam dpal gnas de la su zhig mos par 'gyur/ 'jam dpal gyis smras pa/ lha'i bu lhag par byed pa la brtson pa rnams kyis mos par dka' ba yin no// lha'i bus smras pa 'jam dpal lhag par byed pa zhes bya ba de ji lta bu yin/ 'jam dpal gyis smras pa ka lha'i bu gang gi sems ram mkha' dang mnyam pa nyid kyi phyir lhag par byed pa'o// lha'i bus smras pa/ 'jam dpal ci zhig lhag par byed pa yin/ 'jam dpal gyis smras pa lha'i bu rtag par byed pa ni lhag par byed pa yin no/ / mi rtag par byed pa ni lhag par byed pa yin no// de bzhin du bde ba dang / sdug bsngal dang / sdug pa dang / mi sdug pa dang / bdag dang bdag med par byed pa ni lhag par byed pa yin no/ / stong pa zhes bya ba dang / gang zag ces bya ba de ni lhag par byed pa yin no// mtshan ma med pa zhes bya ba dang / smon pa med pa zhes bya ba de ni lhag par byed pa yin no/ / sgyu ma dang / rmi lam dang / mig yor dang / gzugs brnyan dang / zag cha dang / chu zla dang / smig rgyu dang / sprul pa'i dpe nye bar dgod pa dag gis chos rnam par 'jog par byed/ mtshon par byed/

  768. 385a

    'jug par byed/ ston par byed pa de ni lhag par byed pa yin no// ji tsam du chos rnam par 'jog par byed pa de tsam du lhag par byed pa yin te/ kun nas nyon mongs pa la skyon du byed pa dang / rnam par byang ba la skyon med par byed pa de ni lhag par byed pa yin no// 'khor ba la skyon du lta bar byed pa dang / mya ngan las 'das pa la phan yon du lta bar byed pa de ni lhag par byed pa yin te/ lha'i bu de ngadag ni lhag pa'i nga rgyal can rnams kyi lhag par byed pa dag yon no/ / lha'o bus smras pa/ 'jam dpal ji ltar na lhag pa'i nga rgyal med pa yin/ 'jam dpal gyis smras pa/ lha'i bu gang gis nges par 'byung ba'i dbyings rtogs shing nyon mongs pa thams cad 'gog pa bsgrubs te gnas kyang / 'gog pa 'gog par yang mi byed la/ skye ba med pa skyed par yang mi byed cing ga sgra thams cad kyis skrag par yang mi byed la/ kun nas nyon mongs pa'i rang bzhin gang yin pa de nyid rnam par byang ba'i rang bzhin yin pa de ltar shes shing chos thams cad la gnyis dang bral ba dang / blang ba med pa dang / dor ba med pa thob pa de ni lha'i bu lhag pa'i nga rgyal med pa yin no/ / 'jam dpal gzhon nur gyur pas bstan pa 'di bshad pa na/ lha'i bu nyi khri nyis stong chos rnams la chos kyi mog rdul med cing dri ma dang bral ba rnam par dag go// dge slong lnga stong ni len pa med par bas pa rnams las sems rnam par grol lo/ / byang chub sems dpa' ma khri cos stong gis ni mo skye ba'i chos la bzod pa thob par gyur to// srog chags stong phrag rab tu mang po dag gis ni bla na med pa dang /

  769. 385b

    dag par rdzogs pa'i byang chub tu sems bskyed do// dge bsnyen stong yang chos rnams la chos kyi mog rdul med cing dri ma dang bral ba rnam par dag go// khyim pa dang rab tu byung ba las bud med nyis stong yang chos rnams la chos kyi sog rdul med cing dri ba dang bral ba rnam par dag go/ / de nas lha'i bu rab rtsal sems kyis/ nyan thos chen po de dag la 'di skad ces smras so// tshe dang ldan pa dag khyed cag kyang the tsom ci yod pa dag 'jam dpal gzhon nur gyur pa la dris shig/ de nas gnas brtan 'od srungs chen pos/ 'jam dpal gzhon nur gyur pa la 'di skad ces smras so// 'jam dpal dge slong rnam par thar pa brgyad la bsam gtan byed pa/ ci zhig la bsam gtan byed pa yin/ 'jam dpal gyis smras pa/ btsun pa 'od srungs chen po dge slong rnam par thar pa brgyad la bsam gtan byed pa ni/ rtsa ba med pa dang / mtha' med pa dang / gnas med pa la bsam gtan byed pa dang / mi 'khrugs pa la bsam gtan byed pa dang / yang dag pa la bsam gtan byed pa yin no// 'od srungs chen pos smras pa/ 'jam dpal ci las bsam te de skad smra/ 'jam dpal gyis smras pa/ btsun pa 'od srungs chen po rtsa ba ni rang gi lus yin/ mtha' ni ngar 'dzin pa yin/ gnas ni khams gsum yin// 'khrugs pa ni nyon mongs pa rnams yon/ / mi mnyam pa ni gnyis yin te/ de la des lus ni rtsa ba med par shes/ ngar 'dzin pa ni mtha' med par shes// kham+ba ga su ni gnas med par shes/ nyon modra ba rnamA ni mi grub par shes/ bsam gtan rnams /

  770. 386a

    gnyis su med par shes pas na/ btsun pa 'od srungs chen po kho bos de las bsams nas dge slong rnam par thar pa brgyad la bsam gtan byed pa ni rtsa ba med pa dang gnas med pa la bsam gtan byed pa dang / mi 'khrugs pa la bsam gtan byed pa dang / yang dag pa la bsam gtan byed pa yin no zhes smras so// shA ri'i bus smras pa/ 'jam dpal ji ltar na byang chub sems dpa' chags pa med pa'i shes rab dang ldan pa yin/ 'jam dpal gyis smras pa/ btsun pa shA ri'i bu byang chub sems dpa' gang chags pa thams cad la spyod par byed kyang / chags ba thams cad kyis gos par mi 'gyur zhing / nyon mongs pa thams cad la mngon sum du byed kyang / sems can yongs su smin par bya ba'i phyir nyon mongs pa de dag gi rang bzhin gang yin pa'i nyon mongs pa de dag kyang spong bar mi byed na/ de tsam gyis na byang chub sems dpa' chags pa med pa'i shes rab dang ldan pa yin no// mo'u 'gal gyi bu chen pos smras pa/ 'jam dpal ji ltar na byang chub sems dpa' rdzu 'phrul che ba yin/ 'jam dpal gyis smras pa/ btsun pa mo'u 'gal gyi bu chen po byang chub sems dpa' gang 'dus byas kyang ma thob/ 'dus ma byas kyang mthob la/ slob pa dang mi slob pa rnams kyang 'dul bar byed na/ de tsam gyis ni byang chub sems dpa' rdzu 'phrul che ba yin no// rab 'byor gyis smras pa/ 'jam dpal ji ltar na byang chub sems dpa' nyon mongs pa med par

  771. 386b

    gnas pa yin/ 'jam dpal gyis smras pa/ btsun pa rab 'byor gang gi tshe byang chub sems dpa' chos thams cad sgrib pa med par shes par byed la/ pha rol dang / tshu rol dang bral zhing bya chu kyi sgri/ pa'ang mi spong la/ ting nge 'dzin las kyang mi ldang zhing / bya ba thams cad kyang stong par byed na/ de tsam gyis na byang chub sems dpa' nyon mongs pa med par gnas pa yin no// byams ma'i bu gang bopos smras pa/ 'jam dpal ji ltar na byang chub sems dpa' chos smra ba yin/ 'jam dpal gyis smras pa/ btsun pa gang po gang gi tshe byang chub sems dpa' dbang po thams cad kyis spobs par byed cing 'du byed thams cad mi rtag go zhes 'bras bu yod par chos ston par byed la/ bskal pa stong phrag rnams su don dang / tshig dang / yi ge ston pa rnams kyis rgyas par ston par byed kyang mthar thug par mi 'gyur na/ de tsam gyis na byang chub sems dpa' chos ston pa yin no// nam grus smras pa/ 'jam dpal ji ltar na byang chub sems dpa' bsam gtan pa yin/ 'jam dpal gyis smras pa b tsun pa nam gru gang gi tshe byang chub sems dpa' chos thams cad rang bzhin gyis mnyam par gzhag pa nyid yin par yang shes par byed la ka sems rnam par g.yengs pa rnams la snying rje chen po bskyed de phyi ma'i mtho mur thug pa'o bar du spyod par byed kyang khasam gtan la gnas pa las g.yo bar mi 'gyur/ de tsam gyis na byang chub sems dpa' bsam gtan pa yin no// nye bar 'khor gyis smras

  772. 387a

    pa/ 'jam dpal ji ltar na byang chub sems dpa' 'dul ba 'dzin pa yin/ 'jam dpal gyis smras pa/ btsun pa nye bar 'khor gang gi tshe byang chub sems dpa' chos rnams gtan du lag nyid du'ang shes par byed cing / ltung ba dang nyon mongs pa dang bral la/ ltung ba dang nyon mongs pa gdul ba'i phyir chos ston par yang byed cing / de ltar nyon mongs pa rnams rtogs par yang byed la byang chub kyang tshol par byed na/ de tsam gyis na byang chub sems dpar 'dul ba 'dzin pa yin no// ma 'gags pas smras pa/ 'jam dpal ji ltar na byang chub sems dpa' lha'i mig dang ldan pa yin/ 'jam dpal gyis smras pa/ btsun pa ma 'gags pa gang gi tshe byang chub sems dpa' phyogs bcu'i gzugs snang ba thams cad kyang mthong bar byed la/ gzugs dben par mthong bas chos thams cad dben par mthong ba rjes su rtogs bar byed na/ / de tsam gyis na byang chub sems dpa' lha'i sog dang ldan pa yin no// bku las spras pa/ 'jam dpal ji ltar na byang chub sems dpa' dbang po bsrungs pa yin/ 'jam dpal gyis smras pa/ shrI n+ya nga chub sems dpa' grub thams cad sangs rgyas kyi sum yin par lta d+hA/ ngas rgyas kyi yul yang yul med par bstan/ desas kyis rabyung chub sems dpa dbang po bkrus pa yin no// sor mo'i 'phreng bas smras pa/ 'jam dpa' ji ltar na byang chub sems dpa' dbang po rno ba yin/ 'jam dpal gyis smras pa/ btsun pa sor mo'i 'phreng ba gang gi tshe byang chub sems dpa' byang chub rang bani

  773. 387b

    gyis ma skyes par phyir/ mtshams med pa dang mnyam par lta bar byed na/ de tsam gyis na byang chub sems dpa' dbang po rno ba yin no// ka t+ya'i bu chen pos smras pa/ 'jam dpal ji ltar nga byang chub sems dpa' mdo sde rnam par 'byed pa la mkhas pa yin/ 'jam dpal gyis spras pa/ btsun pa ka t+ya'i bu chen po gang gi tshe byang chub sems dpa' so so yang dag par rig pa mi zad pa bzhi thob cing tshig gcig gis kyang bskal pa 'bum gyi bar du rgya cher rnam par 'byed cing ston la/ ci nas kyang kun nas nyon mongs pa spong bar mi byed pa dang / rnam par byang ba len par mi byed pa de ltar ston par byed pa dang / chos nyid gnas pa las kyang mi g.yo la/ gnas thams cad la'ang mi rten pa de ltar ston par byed na/ de tsam gyis na byang chub sems dpa' mdo sde rnam par 'byed pa la mkhas pa yin no// gsus po che chen pos smras pa/ 'jam dpal ji ltar na byang chub sems dpa' so so yang dag par rig pa thob pa yin/ 'jam dpal gyis smras pa/ btsun pa gsus po che gang gi tshe byang chub sems dpa' brjod du med pa'i don gyos don so so yang dag par rig pa ston pa dang / chos kyi dbyings gnas pa nyid kyis chos so so yang dag par rig pa ston pa dang / ming dang mtshan pa med pa nyid kyis nges pa'i tshig so so yang dag par rig pa ston pa dang / brag cha dang / mnyam pa nyid kyis spobs pa so so yang dag par rig pa ston par byed na/ de tsam gyis na byang chub sems dpa' so so yang dag par rig pa thob pa yin no// sgra gcan zin gyis smras pa/ 'jam

  774. 388a

    dpal ji ltar na byang chub sems dpa' tshul khrims dang ldan pa yin/ 'jam dpal gyis smras pa/ btsun pa sgra gcan zin gang gi tshe byang chub sems dpa' tshul khrims dang // brtul zhugs yang dag par blangs shing / sems can yongs su smin par bya ba'i phyir tshul khrims 'chal pa'i 'gro ba gang yin par 'gro bar byed na/ de tsam gyis na byang chub sems dpa' tshul khrims dang ldan pa yin no/ / kun dga' bos smras pa/ 'jam dpal ji ltar na byang chub sems dpa' mang du thos pa yin/ 'jam dpal gyis spras pa/ btsun pa kun dga' bo gang gi tshe byang chub sems dpa' sangs rgyas thams cad kyis gsungs pa nyan par byed cing thos pa thams cad kyi don kyang rtog par byed la/ ji ltar thos pa'ang 'dzin par byed cing / ji ltar gzung ba bzhin ston par yang byed na/ de tsam gyis na byang chub sems dpa' mang du thos pa yin no/ / de nas lha'i bu rab rtsal sems kyis// nyan thos chen po de dag la 'di skad ces smras so// tshe dang ldan pa dag khyed cag 'jam dpal gzhon nur gyur pas 'di skad bstan pa de lta bu'i chos 'ga' dang ldan nam/ de dag gis smras pa/ lha'i bu bdag cag la ni chos de dag las 'ga' tsam yang med do// lha'i bus smras pa/ tshe dang ldan pa dag de lta na khyed cag nyan thos chen po mchog tu gyur ba ma yin par mi 'gyur ras/ shA ri'i bus smras pa/ lha'i bu 'di lta ste/ dper na gnag rjes las brten na rdzong bu mchog yin pa de bzhin du/ can thos gzhan dag las brten na kho bo cag kyang mchog yin no//

  775. 388b

    'di lta ste/ dper na rgya mtsho chen po las brten na 'og gi chu'i phung po mchog yin pa de bzhin du/ nyan thos dang rang sangs rgyas thams cad la brten na// byang chub sems dpa' mchog yin no// lhag pa'i nga rgyal med/ pa yin no// byang chub sems dpa' ni lhag pa'i nga rgyal med pa rnams kyis bstan pa yin te// legs so legs so// 'jam dpal gyis smras pa/ lhor bu de de bzhin te/ nyan thos ni lhag pa'i nga rgyal med pa yin no/ / byang chub sems dpa' ni lhag pa'i nga rgyal can yin no// lhor bus smras pa/ 'jam dpal ci las bsams te de skad smra/ 'jam dpal gyis smras pa/ lha'i bu 'di ltar nyan thos rnams ni rang sangs rgyas las brten na nga rgyal spangs pa yin gyi/ byang chub sems dpa' ni lhag pa'i nga rgyal can yin la/ nga rgyal des sangs rgyas kyi chos rnams yang dag par sgrub par byed pas na// de'i phyir byang chub sems dpa' ni lhag pa'i nga rgyal can yin no/ / lha'i bus smras pa/ 'jam dpal lhag pa'i nga rgyal can ni bdag la stod par byed cing / gzhan la smod par byed pa yin na/ byang chub sems dpa' yang de lta bur mi 'gyur ram/ 'jam dpal gyis smras pa/ lha'i bu de bzhin te/ byang chub sems dpa' ni bdag la stod par byed cing / gzhan la smod par byed pa yin no// lha'i bus smras pa 'jam dpal ci las bsams te de skad smra/ 'jam dpal gyis smras pa/ lha'i bu byang chub sems dpa' ni rnam grangs du mar theg pa chen po'i bsngags pa rjod par byed cing / nyan thos kyi theg pa'i

  776. 389a

    bsngags pa ma yin pa rjod par byed pa dang / ji ltar sems can rnams byang chub tu sems bskyed par 'gyur snyam nas/ bdag nyid kyi yon tan gyi chos rjod par byed cing 'di la dga' ba'i sems skyed par mi 'gyur bar bya'o snyam nas/ theg pa dman pa la rnam par sdang bar byed pa yin pas/ lha'i bu de ltar na byang chub sems dpa' ni theg pa chen po la stong par byed pa dang / nyan thos kyi theg pa la spod par byed pa yin no/ / lha'i bus smras pa/ 'jam dpal de lta na byang chub sems dpa' ltung ba dang bcas par mi 'gyur ram/ 'jam dpal gyis smras pa/ lha'i bu gang gis nor bu mching bu'i bsngags pa ma yin pa brjod cing / nor bu rin po chebai DUR+Ya'i bsngags pa brjod par gyur na/ de'ang ltung ba dang bcas par 'gyur ram/ lha'i bus smras pa/ 'jam dpal de ni mi 'gyur ro// 'jam dpal gyis smras pa/ lha'i bu de bzhin du byang chub sems dpa' theg pa chen po'i bsngags pa rjod par byed cing / nyan thos kyi theg pa'i bsngags pa ma yin pa rjod par byed pa'ang ltung ba dang bcas par mi 'gyur ro// lha'i bu 'od lta ste/ dper na skyes bu shin tu stobs dang ldan pa gang zhig gis 'khor los sgyur ba'i rgyal po'i bsngags pa brjod cing / khams kyi rgyal po la de lta ma yin na de smad pa'i 'os su 'gyur ba yin snyam mam/ lhor bus smras pa/ 'jam dpal de lta ma yin no// 'jam dpal gyis smras pa/ lha'i bu de bzhin du byang chub sems dpa' theg pa chen po la stod par byed cing / nyan thos kyi theg pa la smod par byed pa'ang smad

  777. 389b

    pa'i 'os su mi 'gyur ro/ / de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal legs so legs so// khyod kyi tshig de ni legs par smras te/ 'jam/ dpal theg pa chen po'i bsngags pa brjod pas de ni theg pa thams cad kyi bsngags pa rjod par 'gyur ro// de ci'i phyir zhe na/ 'jam dpal theg pa thams cad ni de las nges par byung ba yin pa'i phyir ro// gzhan yang lha'i bu rab rtsal sems kyis/ 'jam dpal gzhon nur gyur pa la 'di skad ces smras so// 'jam dpal byang chub sems dpa' gang las brten nas byang chub tu sems skyed par byed/ 'jam dpal gyis smras pa/ lha'i bu byang chub sems dpa' ni sems can thams cad kyi nyon mongs pa las brten nas byang chub tu sems skyed par byed do// lha'i bus smras pa/ 'jam dpal ci'i phyir na byang chub sems dpa' sems can thams cad kyi nyon mongs pa las brten nas byang chub tu sems skyed par byed/ 'jam dpal gyis smras pa/ lha'i bu gal te sems can rnams kyi nyon mongs pa dag byang chub kyi theg pa ma yin du zin na ni byang chub sems dpa' yang byang chub tu sems bskyed nas go cha gyon par mi 'gyur ro/ / lha'i bus smras pa/ 'jam dpal byang chub kyi sems ci zhig la rten/ 'jam dpal gyis smras pa/ lha'i bu byang chub kyi sems ni sangs rgyas kyi chos thams cad la rten to// de ci'i phyir zhe na/ lha'i bu sangs rgyas kyi chos thams cad ni byang chub sems kyi rtsa ba las brten nas/ skye bar 'gyur

  778. 390a

    ba'i phyir ro/ / lha'i bus smras pa/ 'jam dpal chos thams cad ci la rten// 'jam dpal gyis smras pa/ lha'i bu chos thams cad ni rtsa ba med pa'i gnas la rten pa 'i no/ / de ci'i phyir zhe na/ lnga'i bu chos thams cad ni mtha' yas pa'i phyir rtsa ba med pa dang / mngon par skabs yod pa dang / nam mkha' la rten po yin pa'i phyir ro// lha'i bus spras pa/ 'jab dpal sangs rgyas kyi chos rnams ji snyed yod/ 'jam dpal gyis smras pa/ lha'i bu chos thams cad ji snyed pa de snyed pa yod do// de ci'i phyir zhe na/ de bzhin gshegs pa ni chos thams cad sangs rgyas pas na// lha'i bu de'i phyir chos thams cad ji snyed pa sangs rgyas kyi chos rnams kyang de snyed do// lha'i bus smras pa/ 'jam dpal 'o na ci 'dod chags dang / zhe sdang dang / gti mug rnams kyang sangs rgyas kyi chos yin nam/ 'jam dpal gyis smras pa/ lha'i bu de de bzhin te/ 'dod chags dang / zhe sdang dang / gti mug rnams kyang sangs rgyas kyi chos yin no// de ci'i phyir zhe na/ nyon mongs pa de dag gi rtsa ba'i gnas rjes su rtogs pa ni sangs rgyas yin no zhes ston pa'i phyir ro/ / lha'i bus smras pa/ 'jam dpal gang gis sems can thams cad sangs rgyas su 'gyur ba'i rnam grangs yod dam/ 'jam dpal gyis smras pa/ lha'i bu rnam grangs med pas sems can thams cad sangs rgyas su 'gyur gyis/ rnam grangs kyis ni ma yin no// de ci'i phyir zhe na/ de bzhin gshegs pas ni sems can thams cad rtogs par

  779. 390b

    thugs su chud pa'i phyir ro/ / lha'i bus smras pa/ 'jam dpal ji ltar rtogs par thugs su chud/ 'jam dpal gyis spras pa/ lha'i bu sems can med pa'i rnam pa dang / stong pa nyid kyi rnam pas so/ / lha'i bus smras pa/ 'jam dpal stong pa nyid kyis ci zhig rtogs par byed/ 'jam dpal gyis smras pa/ lha'i bu gal te cung zad rjes su rtogs par byed na ni de stong pa nyid du mi 'gyur ro/ / de ci'i phyir zhe na/ lha'i bu stong pa nyid ni rnam par rtog pa med pa dang / rtsol ba med pa yin pa'i phyir ro// lha'i bus smras pa/ 'jam dpal de bzhin gshegs pas stong pa nyid rjes su rtogs pa ni byang chub yin no zhes ma gsungs sam/ 'jam dpal gyis smras pa/ lha'i bu stong pa nyid gang yin pa de nyid byang chub yin pas na/ bcom ldan 'das kyis kyang stong pa nyid rjes su rtogs pa kho na byang chub yin no zhes gsungs so/ / lha'i bus smras pa/ 'jam dpal stong pa nyid la gnas pa ci zhig la gnas pa yin/ 'jam dpal gyis smras pa/ lha'i bu stong pa nyid la gnas pa ni/ 'dod pa dang / gzugs dang / gzugs med pa la gnas pa ma yin/ phung po dang / khams dang / skye mched la gnas pa ma yin/ lus dang sems la gnas pa ma yin no/ / de ci'o phyir zhe na/ lha'i bu de gnas pa gang gis gnas par 'gyur pa'i gnas pa de'ang stong pas na/ stong pa nyid ni stong pa nyid la mi gnas pa'i phyir ro// lha'i bus smras pa//

  780. 391a

    'jam dpal de bzhin gshegs pa don dam pa stong pa nyid byis panas pas gnas par mi mdzad dam/ 'jam dpal kyis smras pa/ lha'i bu de bzhin gshegs pa nyid stong pa nyid yin la/ stong pa nyid gang yin pa de ni gnyis su med pa yin pas na/ de bzhin gshegs pa ni gnyis su med pa'i gnas pas gnas par mdzad do// lha'i bus smras pa/ 'jam dpal gnyis su med pa'i gnas pa gang yin/ 'jam dpal gyis smras pa/ lha'i bu gnyis su med pa'i gnas pa ni gnyis su med pa nyid yin gyi/ de la gnas pa gzhan med de/ de'i gnas pa gnyis su med pa de las gzhan med pa de nyid kyang // gnyis su med pa nyid yin no// lha'i bus smras pa/ 'jam dpal gnyis zhes bya ba ni gang / gnyis su med pa zhes bya ba ni gang / 'jam dpal gyis smras pa/ lha'i bu 'dod chags dang / 'dod chags bral bar byed pa ni gnyis so/ / 'dod chags kyi rang bzhin ni gnyis su med pa'o// zhe sdang dang / zhe sdang med par byed pa de ni gnyis so// zhe sdang gi rang bzhin gnyis su med pa'o// gti mug dang / gti mug med par byed pa de ni gnyis so// gti mug gi rang bzhin ni gnyis su med pa'o// nyon mongs pa dang / nyon mongs pa med par byed pa de ni gnyis so// nyon mongs pa'i rang bzhin ni gnyis su med pa'o/ / bdag dang bdag med par byed pa de ni gnyis so// bdag gi rang bzhin ni gnyis su med pa'o// lha'i bus smras pa/ 'jam dpal bdag gi rang bzhin yin/ 'jam dpa'

  781. 391b

    kyis smras pa/ lha'i bu bdag gi rang bzhin ni bzod ma nas dag pa'i phyir bdag med pa nyid yin no// bdag gi rang bzhin ni gzod ma nas dag pa'i phyir gzod ma nas dben pa nyid dang / gzod ma nas ma skyes pa nyid dang / gzod ma nas ma byung ba nyid yin no// lha'i bus smras pa/ 'jam dpal ci'i phyir rang bzhin zhes bya/ 'jam dpal gyis smras pa/ lha'i bu de ni 'gyur ba med pas de'i phyir rang bzhin zhes bya'o/ / de ni gzod ma ras gsal zhing nyon mongs pa can ma yin pas de'i phyir rang bzhin zhes bya'o// de ni nam mkha' dang mnyam pa nyid kyis mnyam zhing tshad med pas de'i phyir rang bzhin zhes bya'o/ / de ni spros pa dang bral ba dang / de ni rgyu ba dang bral ba dang / de ni 'od gsal bas de'i phyir rang bzhin zhes bya'o// de ni blang ba med pa dang dor ba med pas de'i phyir rang bzhin zhes bya'o/ / lha'i bus smras pa/ 'jam dpal rang bzhin mi shes pa dag gang yin/ 'jam dpal gyis smras pa/ lha'i bu gang dag chos rnams kyi rang bzhin mi shes pa dag go// lha'i bus smras pa/ 'jam dpal rang bzhin she sa pa dag gang yin/ 'jam dpal gyis smras pa/ lha'i bu gang dag de dag gi rang bzhin shes pa dag go// lha'i bus smras pa/ 'jam dpal dad pa dang ldan pa'i mtshan nyid gang yin 'jam dpal gyis smras pa/ lha'i bu dang ba dang ldan pa'i mtshan nyid ni chags pa thams cad las yang ngas par 'das pa yin no// lha'i bus smras pa/ 'jam dpal dge slong dad pa dang mi ldan pa ji ltar

  782. 392a

    dad pas byin pa la dad par byed/ 'jam dpal gyis smras pa/ lha'i bu dad pa dang mi ldan pa zhes bya ba ni gang mngon sum du gyur pa'i chos thams cad la gzhan gyi zong mi 'jog cing / gzhan gyi dad pas yang dang yang du ma 'gro ba yin pas de'i phyir dad pa dang mi ldan pa zhes bya ste/ de ni dad pas byin pa sbyong bar ma byed do// ci'i phyir zhe na// gzod ma nas dag pa'i phyir ro// lha'i bus smras pa/ 'jam dpal dge slong gang dge 'dun dang lhan cig mi gnas pa de la ji skad ces bya/ 'jam dpal gyis smras pa/ lha'i bu dge slong gang dge 'dun dang lhan cig mi gnas pa de ni/ des na 'jig rten gyi gnas su 'gyur ro/ / de ci'i phyir na/ lha'i bu dge 'dun ni 'dus ma byas pa yin la/ byang chub sems dpa' ni 'dus ma byas dang lhan cig mi gnas pas de'i phyir de ni 'jig rten gyi sbyin gan su 'gyur ba yin pa'i phyiraro/ / lha'i bus smras pa/ 'jam dpal gal te byang chub sems dpa' 'dus ma byas dang lhan cig gnas par gyur na nyes pa cir 'gyur// 'jam dpal gyis smras pa// lha'i bu 'dus ma byas thob na sems can rnams skyo bar mi byed cing / nyan thos su 'gyur bas de'i nyes pa ni der 'gyur ro// lha'i bus smras pa/ 'jam dpal 'dus byas ni so so'i skye bo'i sa yin la/ 'dus ma byas ni 'phags pa rnams kyis yin no// don ji ltar byang chub dpa' 'phags pa'i sa spangs shing so so'i skye bo'i sa la gnas pa 'jig rten gyi sbyin gnas su 'gyur/ 'jam

  783. 392b

    dpal gyis smras pa/ lha'i bu byang chub sems dpa' ni 'dus byas la 'ang mi gnas/ dus ma byas la'ang mi gnas pas de'i phyir de ni 'jig rten gyi sbyin gnas su 'gyur ro// de ci'i/ phyir zhe na/ lha'i bu byang chub sems dpa' ni 'du byed las yid bskyod pa dang / 'dus ma byas la mi gnas pa yin pa'i 'dus byas kyi skyon dang bral ba dang / 'dus ma byas shes pa rtog pa yin te/ de 'dus byas kyi skyon dang bral bas ni 'dus byas la mi gnas la/ 'dus ma byas shes pa rtogs pas ni 'dus ma byas su mi ltung ba'i phyir ro// lha'i bu 'di lta ste/ dper na mtshan po che chen pos steng gi bar snang la mda' 'phangs par gyur la/ de nas mda' de nam mkha' la mi gnas par 'dug cing sa la'ang mi lhung na/ lha'i bu de la dka' ba cung zad yod dam/ lha'i bus smras pa/ 'jam dpal dka' do// 'jam dpal gyis smras pa/ lha'i bu de bas kyang byang chub sems dpa' sems dpa' chen po gang dag 'dus byas kyang mi spong zhing 'dus ma byas kyang thob par byed la/ 'dus ma byas su'ang mi ltung zhing / 'dus byas thob pa rnams kyang yongs su smin par byed pa ni ches dka' ba yin no// lha'i bus smras pa/ 'jam dpal byang chub sems dpa'i 'jig pa 'dus byas sam/ 'on te 'dus ma byas sam/ gang las 'byung bar 'gyur/ 'jam dpal gyis smras pa/ lha'i bu byang chub sems dpa'i 'jig pa ni 'dus byas las kyang

  784. 393a

    'byung bar 'gyur/ 'dus ma byas las kyang 'byung bar 'gyur ro// de ci'i phyir zhe na/ lha'i bu 'dus byas las ni nyon mongs pa'i 'jigs pa 'byung la/ 'dus ma byas las ni/ nyon mongs pa med pa'i 'jigs pa 'byung ba'i phyir ro// lha'i bus smras pa/ 'jam dpal nyon mongs pa med pas 'jigs pa ci yod/ 'jam dpal gyis smras pa/ lha'i bu khams gsum na ni nyon mongs pa'i 'jigs pa yod la/ byang chub sems dpa' gang khams gsum du nyon mongs par mi byed na/ de ni nyan thos su 'gyur ro// lha'i bus smras pa/ 'jam dpal ji ltar na byang chub sems dpa' 'jigs pa med pa yin/ 'jam dpal gyis smras pa/ lha'i bu byang chub sems dpa' gang shes rab kyi shes pas 'dus byas la spyod par byed cing / thabs kyi shes pas 'dus ma byas su mi ltung ba de lta na/ lha'i bu byang chub sems dpa' 'jigs pa med pa yin no// lha'i bu gzhan yang gang gi tshe byang chub sems dpa' sems can la lta bas 'dus byas spong bar mi byed cing / sangs rgyas kyi chos la lta bas 'dus ma byas su mi ltung ba de lta na/ byang chub sems dpa' 'jigs pa med pa yin no// lha'i bu gzhan yang gang gi tshe byang chub sems dpa' bsod nams kyi tshogs te bar bsags pa'i phyir 'dus byas la sbyor bar byed cing / sangs rgyas kyi ye shes kyi tshogs nye bar bsags pa'i phyir/ 'dus ma byas su mi ltung ba de lta na/ byang chub sems dpab 'jigs pa med

  785. 393b

    pa yin no/ / rtswa'i bu gan ya krung gi byang chub sems dpa 'dus ma byas la gnas te bsam gtan rnams myed par byed cing / thabs la gnas te bsam gtan rnams las rdzog par byed pa ng+geH/ nu/ byang chub sems dpa' 'jigs pa med pa yin no// lha'i bu gzhan yang gang gi tshe byang chub sems dpa' byang chub kyi sems la gnas te dge ba'i rtsa ba nye bar bsogs par byed cing / snying rje chen po la gnas te sems can rnams yongs su smin par byed pa de lta na/ byang chub sems dpa' 'jigs pa med pa yin no// lha'i bu gzhan yang gang gi tshe byang chub sems dpa' dben pa la gnas te bdud kyi las rnams rtogs par byed cing / thabs la gnas te bdud kyi las rnams spong bar byed pa de lta na/ byang chub sems dpa' 'jigs pa med pa yin no// lha'i bu gzhan yang gang gi tshe byang chub sems dpa' byams pa chen po la gnas te chos ston par byed cing / snying rje chen po la gnas te zang zing gi sbyin pa sbyin par byed pa de lta na/ byang chub sems dpa' 'jigs pa med pa yin no/ / lha'i bu gzhan yang gang gi tshe byang chub sems dpa' 'khor ba la gnas te mya ngan las 'das pa yongs su sbyang ba'i las byed cing / mya ngan las 'das pa la gnas te 'khor ba yongs su sbyang ba'i las byed pa de tsam gyis na byang chub sems dpa' 'jigs pa med pa yin no/ / lha'i bu gzhan yang gang gi tshe byang chub sems dpa' skye ba med pas skye bar byed cing / 'pho ba med pas 'byung bar byad/

  786. 394a

    pa dang / chos la lta bas snang bar byed cing / phung po dang / khams dang / skye mched kyis rab tu phye ba ma yin pa dang / thams cad dang rjes su 'brel cing zhi ba dang / nye bar zhi bar gyur pa dang / 'bar dar byed cing 'bar bas tshig par mi byed pa dang / nyon mongs pa thams cad la yongs su spyod par byed cing / nyon mongs pa'i skyon rnams kyis mi gos pa dang / slob pa dang mi slob pa rnams 'dul bar byed cing / nyan thos kyi rnam par grol ba la reg par mi byed pa dang / sems can rnams kyi bosam pa la 'jug cing / chos kyi bsam pa spong bar mi byed pa dang / bdud kyi lcags kyu shes par byed cing / chos kyi lcags kyu spong bar mi byed pa dang / shes pas 'jug par byed cing / thabs kyis ldog par byed pa dang / 'phags pa'i rnam pa ston par byed cing 'phags pa ma yin pa yongs su smin par bya ba la spro bar byed pa dang / sangs rgyas mthong ba la mngon par dga' bar byed cing / chos mthong ba la kun tu 'dod par byed pa de tsam gyis na byang chub sems dpa' 'jigs pa med pa yin no/ / 'jam dpal gzhon nur gyur pas bstan pa 'di bshad pa na/ lha'i bu lnga khri chos rnams la chos kyi mig rdul med cing dri ma dang bral ba rnam par dag go/ lha'i bu nyi khri lnga stong ni len pa med par zag pa rnams las sems rnam par grol lo/ / byang chub sems dpa' sngon dge ba'i rtsa ba bskyed pa lnga khri ni mi skye ba'i chos la bzod pa thob par gyur to// byang chub sems dpa' nyi khri ni/

  787. 394b

    grongs pa zlogs pa med pa skyes so// lha dang mi rnams ci sgra dbu las srod chags stong thab rab tu mang po dag gis ni byang chub tu sems bskyed nas/ de badzin gshegs pa dang 'jam dngul gzhon nur gyur/ pa la lha'i mchod pa dag byas so// gzhan yang lha'i bu rab rtsal sems kyis/ 'jam dpal gzhon nur gyur pa la 'di skad ces smras so// 'jam dpal ji ltar na byang chub sems dpa'i lam la gnas pa yin/ 'jam dpal gyis smras pa/ lha'i bu gang gi tshe byang chub sems dpa' 'dod chags spangs pa'i phyir yang chos ston par byed la/ 'dod chags dang bral ba mngon du'ang mi byed pa dang / zhe sdang spang ba'i phyir yang chos ston par byed la/ zhe sdang spong ba mngon du 'ang mi byed pa dang / gti mug spang ba'i phyir yang chos ston par byed la/ gti mug spong ba mngon du'ang mi byed pa dang / nyon mongs pa spang ba'i phyir chos ston par yang byed la/ nyon mongs pa spong ba mngon du'ang mi byed pa de tsam gyis na/ sgro'i bu byang chub sems dpa' lam la gnas pa yin no// lha'i bu gzhan yang gang gi tshe byang chub se dpa' sems can rnams la stong pa nyid ston pa yang byed la/ stong pa nyid mngon du'ang mi byed pa dang / sems can rnams la mtshan ma med pa ston par yang byed la/ mtshan ma med pa mngon du'ang mi bye/ pa dang / sems can rnams la smon pa med pa ston par yang byed la/ smon pa med pa mngon du'ang mi byed pa dang / de bzhin du sems can rnams la mngon par 'du byed pa med pa dang / skye ba med pa dang

  788. 395a

    'byung ba med pa dang / dngos po med pa dang / 'dod chags dang bral ba dang mi ldan pa dang / 'gog pa'i chos ston par yang byed la/ 'gog pa mngon du'ang mi byed pa de tsam gyis na byang chub sems dpa' yam la gnas pa yin no/ / lha'i bu gzhan yang gang gi tshe byang chub sems dpa' yongs su mi gtong bas sbyin pa'i pha rol tu phyin pa sgrub par byed pa dang / tshul khrims las yang dag par 'da' bas tshul khrims kyi pha rol tu phyin pa sgrub par byed pa dang / gnod sems kyis bzod pa'i pha rol tu phyin pa sgrub par byed pa dang / le los brtson 'grus kyi pha rol tu phyin pa sgrub par byed pa dang / brjed ngas pas bsam gtan gyi pha rol tu phyin pa sgrub par byed pa dang / bems po dang lug ltar lkugs pas shes rab kyi pha rol tu phyin pa sgrub par byed pa de tsam gyis na byang chub sems dpa' lam la gnas pa yin no/ / lha'i bus smras pa/ 'jam dpal ci las bsams te de skad smra/ 'jam dpal gyis smras pa/ lha'i bu bzhi po 'di dag ni byang chub sems dpa' rnams kyi yongs su mi gtong ba yin te/ bzhi gang zhe na/ sems can yongs su mi gtong ba dang / chos yongs su mi gtong ba dang / byang chub kyi sems yongs su mi gtong ba dang / dge ba'i chos thams cad yongs su mi gtong ba ste/ byang chub sems dpa' ni chos bzhi po de dag yongs su mi gtong bas sbyin pa'i pha rol tu phyin pa sgrub par byed do// lha'i bu tshul khrims las yang dag par 'dab pa zhes bya ba de ni/ de'i rang bzhin ma

  789. 395b

    yin pa'i tshig bla dgas yin te/ tshul khrims las yang dag par 'da' bas ting nge 'dzin dang / ting nge 'dzin las yang dag par 'da' bas shes rab dang / shes rab las yang dag par 'da' bas rnam par grol ba shes pa sgrub par byed de/ lha'i bu khyod kyis rnam grangs des/ gang tshul khrims las yang dag par 'da' bde tshul khrims kyi pha rol tu phyin pa sgrub par byed pa yin par rig par bya'o// lha'i bu byang chub sems dpa' gang gnod sems la zhugs pa ni nyan thos kyi theg pa las log par zhugs pa dang / rang sangs rgyas kyi theg pa la sa log par zhugs pa yin pas de ni theg pa chen po la legs pa zhugs pa yin te/ gang theg pa chen po la legs par zhugs pa de ni bzod pa'i pha rol tu phyin pa sgrub par byed pa yin no// lha'i bu gang gi tshe byang chub sems dpa' lus kyis rtul bar mi byed cing / nga dang sems kyis rtul bar mi byed pa de ni le lo can yin la/ gang de ltar chos la mngon par brtson pa de ni brtson 'grus kyi pha rol tu phyin pa sgrub par byed pa yin no// lha'i bu gzhan yang byang chub sems dpa' ni rmi lam na'ang las gnyis po dag la dga' ba'i sems skyed par mi byed pas de ni brjed ngas pa yin la/ gang nyan thos dang rang sangs rgyas kyi theg pa la brjed dras pa de ni theg pa chen po la mnyam par gzhag pa yin pas/ des ni bsam gtan gyi pha rol tu phyin pa sgrub par byed pa yin no// lha'i bu chos thams cad ni bems po ste/ dzA dang / shing dang /

  790. 396a

    rtsig pa dang / lam dang / mig yor dang / lug ltar lkugs pa dang 'dra bar rang bzhin gyis nus pa med pa yin pas/ gang gi tshe byang chub sems dpa' shes rab dang ye shes kyis de ltar chos thams cad bems po dang lug ltar thug pa lta bus byang chub sgrub par byed pa de ni/ shes rab kyi pha rol tu phyin pa sgrub par byed pa yin te/ de ltar zhugs pa'i byang chub sems dpa' ni lam sgrub par byed pa yin no/ / lha'i bu gzhan yang gang gi tshe byang chub sems dpa' 'khor ba'i lam yang mi spong la/ mya ngan las 'das pa'i lam yang tshol bar byed pa dang / lam gyi las kyi rgyun yang mi gcod cing / lam gyi bya ba'ang sgrub par byed pa dang / lam ngan par zhugs pa'i sems can rnams kyang lam la 'god par byed pa de lta na/ byang chub sems dpa' lam la gnas pa yin no/ / lha'i bu gzhan yang gang gi tshe byang chub sems dpa' sems can thams cad dang / chos thams cad 'tshal na mi rnyed pa dang / byang chub kyi lam spang bar mi byed pa dang / 'bras bu yod par/ bsam gtan byed pa de lta na/ byang chub sems dpa' byang chub kyi lam thob pa yin no// lha'i bu gzhan yang gang gi tshe byang chub sems dpa' nyan thos kyi lam yang rab tu shes la/ nyan thos kyi lam gyis nges par 'brang bar yang mi byed pa dang / rang sangs rgyas kyi lam yang rab tu shes la/ rang sangs rgyas kyi lam gyi nges par 'byung bar mi byed pa dang / byang chub sems dpa'i lam yang thob par byed la

  791. 396b

    lam des kyang dbang po yongs su ma rdzogs par nges par 'byung bar mi byed pa de lta na/ byang chub sems dpa' lam la gnas pa yin no// byung bu gzhan yang gang gi tshe byang chub sems dpa' dge ba'i rtsa ba thams cad mngon par 'du byed pa dang / mngon par 'du bya ba'i 'bras bu don du mi gnyer ba dang / mngon par 'du byed pa'i skyon gyis mi gos pa dang / dge ba'i rtsa ba mngon par 'du bya ba thams cad byang chub tu yongs su sngo bar byed pa dang / byang chub kyi phyir 'phel ba yang dag par rjes su mi mthong ba dang / 'bri ba yang dag par rjes su mi mthong ba de lta na/ byang chub sems dpa' lam la gnas pa yin no/ / lha'i bu gzhan yang gang gi tshe byang chub sems dpa' lam ngan pa las lam yongs su tshol bar byed pa dang / lam yongs su btsal nas kyang nges par 'byung bar mi byed pa de lta na/ byang chub sems dpa' lam la gnas pa yin no/ / lha'i bus smras pa/ 'jam dpal ji ltar na byang chub sems dpa' lam ngan pa las lam yongs su tshol bar byed/ 'jam dpal gyis smras pa/ lha'i bu lam ngan pa zhes bya ba ni 'khor ba ste/ byang chub sems dpa' ni de la gnas nas sems can nges par 'byung ba'i phyir lam yongs su tshol bar byed kyi/ bdag nyid nges par 'byung ba'i phyir ni ma yin no// lha'i bus smras pa/ 'jam dpal byang chub sems dpa'i spyod pa ni 'jig rten thams cad dang oM mthun pa yin no// 'jam dpal gyis smras pa/ lnga'i bu 'di ltar byang chub sems dpa' rnams ni 'jig rten na

  792. 397a

    spyod kyang 'jig rten gyi chos rnams kyis mi gos pa dang / nyon mongs pa dang / nyon mongs pa med pa ston par byed kyang / nyon mongs pa med pa nyid du mi ltung ba dang / gab dang / 'chib ston par byed kyang / chos thams cad skye ba med pa dang / 'byung ba med par shes shing / skyon med pa mngon du mi byed pa dang / phung po dang / khams dang / skye mched yongs su spyod par byed kyang / phung po dang / khams dang / skye mched don du mi gnyer ba dang / phung po dang / khams dang / skye mched yongs su shes par bya ba'i phyir/ sems can rnams la chos ston kyang / yongs su shes pa de dag yongs su shes par mi byed pa dang / bsam gtan dang / rnam par thar pa dang / ting nge 'dzin dang / snyoms par 'jug pa dag mngon par sgrub par byed cing sems rnam par g.yeng ba rnams te bar 'jog par byed kyang / nye bar 'jog pa la 'byung bar mi byed pa dang / bdud kyi yul nye bar ston par byed kyang / bdud kyi las rnams kyis mi 'phrogs pa dang / sangs rgyas kyi yul spong bar mi byed pa dang / bdud kyi yul gyi rjes su mi 'jug pa dang / chos kyi dbyings kyi yul las ldog par mi byed pa dang / sems can gyi khams kyi yul nye bar len par byed pas na/ de'i phyir sems can chen po de dag gi spyod pa ni 'jig rten thams cad dang mthun pa yin no/ / lha'i bus smras pa/ 'jam dpal khyod byang chub sems dpa' rnams kyi spyod pa la spobs par gyis shig/ 'jam dpal gyis smras pa/ lha'i bu

  793. 397b

    bsam pa yongs su dag cing nang dang phyi rol dben pa nyid kyis lhag pa'i bsam pa la spyod pa dang / rab tu spyod pa med pa nyid kyis sbyor ba la spyod pa dang / sems mi brjed pa nyid kyis byang chub kyi sems mi brjed pa la spyod pa dang / sems dul ba nyid kyis sbyin pa la spyod pa dang / sems zhi ba nyid kyis tshul khrims la spyod pa dang / smras pa med pa nyid kyis bzod pa la spyod pa dang / lus dben pa nyid kyis brtson 'grus la spyod pa dang / chos kyi dbyings rnam par g.yeng ba med pa nyid kyis bsam gtan la spyod pa dang / spros pa med pa nyid kyis shes rab la spyod pa dang / sems can la bdag med pa nyid kyis byams pa la spyod pa dang / nyon mongs pa yod pa ma yin pa rab tu zhi ba nyid kyis snying rje la spyod pa dang / rang bzhin gyis rnam par grol ba'i phyir dga' ba la spyod pa dang / mtha' gnyis dang bral ba'i phyir btang snyoms la spyod pa dang / gzod ma nas ma skyes pa'i phyir mi rtag pa la so sor rtog pa la spyod pa dang / yongs su rtog pa sdug bsngal ba'i phyir sdug bsngal la so sor rtog pab la spyod pa dang / phyin ci log rang bzhin med pa'i phyir bdag med pa la so sor rtog pa la spyod pa dang / 'du shes yongs su shes pa'i phyir zhi ba la so sor rtog pa la spyod pa dang / phung po sgyu ma lta bur yongs su shes pa'i phyir sdug bsngal yongs su shes pa la spyod pa dang / ma rig pa sngon du 'gro ba'i phyir kun 'byung ba shes pa la spyod pa dang / rang bzhin gyis 'gags pa'i phyir 'gags pa shes pa

  794. 398a

    pa spyod pa dang / 'dus byas la mngon par zhen pa med pa'i phyir lam shes pa la spyod pa dang / 'bras bu yongs su shes pa nyid kyis rgyu shes pa la spyod pa dang / rten cing 'brel par 'byung ba'i phyir rkyen shes pa la spyod pa dang / du ma'i phyir tshogs pa la spyod pa dang / brjod du med pa'i phyir don so so yang dag par rig pa la spyod pa dang / chos kyi dbyings dbyer med pa'o/ phyir chos so so yang dag par rig pa la spyod pa dang / ming dang gzugs 'byung ba med pa'i phyir nges pa'i tshig so so yang dag par rig pa la spyod pa dang / sgra brag cha dang mtshungs pa'i phyir spobs pa so so yang dag par rig pa la spyod pa dang / chog 'bru gsal ba nyid kyis don la rton pa la spyod pa dang / rnam par shes pa'i spyod yul ma spangs pa nyid kyis ye shes la rton pa la spyod pa dang / las kyi rnam par smin pa ston pa nyid kyis nges pa'i don gyi mdo sde la rton pa la spyod pa dang / gang brag yongs su smin par bya ba nyid kyis chos la rton pa la spyod pa dang / las rnam par dag pa'i phyir lha'i mig la spyodapa dang / tshul khrims rnam par dag pa'i phyir lha'i rna ba la spyod pa dang / ting nge 'dzin rnam par dag pa'i phyir pha rol gyi sems shes pa la spyod pa dang / dus gsum mnyam pa nyid kyis phyir sngon gyi gnas / su dran pa shes pa la spyod pa dang / sems la dbang sgyur ba'i phyir rdzu 'phrul mngon par sgrub pa la spyod pa dang / mi phyed pa'i phyir spyod pa brtan pa la spyod pa dang / mi lhod pa'i phyir spyod pa sra ba la

  795. 398b

    spyod pa dang / bskyod du med pa'i phyir gnas pa med pa la spyod pa dang / tha dad pa med pa nyid kyis spyod pa mnyam pa la spyod pa dang / thams cad du rjes su ma brtags pa'i phyir sa dang / chu dang / me dang / rlung dang / nam mkha' lta bur spyod pa dang / rnam par bsgrubs pa'i mtshan nyid kyis sgyu ma lta bu la spyod pa dang / yang dag pa ma yin pa'i mtshan nyid kyis rmi lam lta bu la spyod pa dang / rnam par rmongs pa'i mtshan nyid kyis smig rgyu lta bu la spyod pa dang / bdag mi srid pa'i mtshan nyid kyis stong pa nyid la spyod pa dang / sems rang bzhin med pa'i mtshan nyid kyis mtshan ma med pa la spyod pa dang / khams gsum rang bzhin med pa'i mtshan nyid kyis smon pa med pa la spyod pa dang / 'dus byas rang bzhin med pa'i mtshan nyid kyis mngon par 'du byed pa med pa la spyod pa dang / sems dang / yid dang / rnam par shes pa 'jug pa med pa'i mtshan nyid kyis bdud tshar gcad pa la spyod pa dang / spyod pa thams cad rnam par bsgrubs pa'i mtshan nyid kyis dkon mchog gsum gyi gdung rgyun mi gcad pa la spyod pa ste/ lha'i bu de ltar spyod pa'i byang chub sems dpa' ni byang chub sems dpa'i spyad pa la spyod pa yin no// / bam po gsum pa ste tha ma'o// lha'i bus smras pa/ 'jam dpal byang chub sems dpa'i spyod pa de ni nyan thos dang rang sangs rgyas thams cad las yang dag par 'das pa yin no/ / 'jam dpal gyis smras pa/ lha'i bu de de bzhin te/ lha'i bu kho bo ni byang chub sems dpa'/

  796. 399a

    gang dad pas rjes su 'brang ba ma yin pa dang / chos kyi rjes su 'brang ba ma yin pa dang / gang brgyad pa ma yin pa dang / rgyun du zhugs pa ma yin pa dang / lan cig phyir 'ong / ba ma yin pa dang / phyir mi 'ong ba ma yin pa dang / dgra bcom pa ma yin pa dang / dang nyan thos ma yin pa dang / rang sangs rgyas ma yin pa dang / gang sangs rgyas bcom ldan 'das ma yin pa dang / de bzhin gshegs pa ma yin pa dang / bcom ldan 'das ma yin pa dang / yang dag par rdzogs pa'i sangs rgyas ma yin pa dang / ston pa ma yin pa de ni byang chub sems dpa' yin par mi smra'o// lha'i bu kho bo ni byang chub sems dpa' gang so so'i skye bo'i chos can ma yin pa dang / 'dod chags kyi chos can ma yin pa dang / zhe sdang gi chos can ma yin pa dang / gti mug gi chos can ma yin pa dang / gang 'khor ba'i chos can ma yin pa dang / yongs su mya ngan las 'da' ba'i chos can ma yin pa de ni byang chub sems dpa' yin par mi smra'o// lha'i bus smras pa/ 'jam dpal ci las bsams te de skad smra/ 'jam dpal ji ltar na byang chub sems dpa' dad pas rjes su 'brang ba dang / chos kyi rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas dang / sangs rgyas bcom ldan 'das dang / de bzhin gshegs pa dang / bcom ldan 'das dang / yang dag par rdzogs pa'i sangs rgyas dang /

  797. 399b

    ston pa dang / so so'i skye ba'i chos can dang / 'dod chags kyi chos can dang / zhe sdang gi chos can dang / gti mug gi chos can dang / 'khor ba'i chos can dang / yongs su mya ngan las 'da' ba'i chos can yin/ 'jam dpal gyis smras pa/ lha'i bu gang gi tshe byang chub sems dpa' sangs rgyas kyi chos thams cad la dad par byed pa dang / chags pa thams cad la dad par byed kyang de la chags par mi 'gyur ba dang / gzhan gyi dad pas mi 'gro ba dang / pha rol tu phyin pa drug gi lam la dad pa bskyed cing 'dzin par byed pa dang / chags pas chags par gyur pa rnams thar par byed pa dang / chags pa med pa'i ye shes yongs su tshol bar byed pa dang / 'khor ba la chags par mi byed pa dang / mya ngan las 'das par mi ltung ba de tsam gyis na/ lha'i bu byang chub sems dpa' dad pas rjes su 'brang ba yin no// lha'i bus smras pa/ 'jam dpal ji ltar na byang chub sems dpa' chos kyi rjes su 'brang ba yin/ 'jam dpal gyis smras pa/ lha'i bu gang gi tshe byang chub sems dpa' sangs rgyas thams cad kyis gsungs pa 'dzin par byed pa dang / kun 'dzin par byed pa dang / chos kyi zas dang ldan zhing zang zing gi bas med pa dang / chos la gnas shing nyon mongs pa la mi gnas pa dang / chos kyi stobs can yin gyi/ rgyal gyi stobs can ma yin pa dang / chos smra ba yin gyi/ 'jig rten rgyang 'phen pa'i gtam smra ba ma yin pa dang / chos kyi dbang phyug yin gyi/ nyon mongs pa'i dbang phyug ma yin pa dang / chos la rngon pa/

  798. 400a

    yin gyi/ gang zag la rton pa ma yin pa dang / chos smra ba yin gyi/ chos ma yin pa mi smra ba dang / chos kyi rjes su 'thun pa'i chos la rton pa yin gyi/ brtson pa btab/ ba'i chos la mi gnas pa dang / chos skyon med pa nyid du chos thams cad shes par byed pa dang / gzungs kyi sgo chags pa med pa dang ldan pa dang / nor bdun dang ldan pa dang / dam pa'i chos yongs su 'dzin par byed pa dang / chos kyi khyad par la gnas pa de lta na/ b+hu'i bu byang chub sems dpa' chos kyi rjes su 'brang ba yin no// lha'i bus smras pa/ 'jam dpal ji ltar na byang chub sems dpa' brgyad pa yin/ 'jam dpal gyis smras pa/ lha'i bu gang gi tshe byang chub sems dpa' log pa nyid brgyad las yang dag par 'das pa dang / yang dag pa nyid brgyad la rab tu gnas pa dang / lam yan lag brgyad pa rnam par sbyang ba la mkhas pa dang / sbyor ba yongs su ma rdzogs par lam nges par 'byung bar mi byed pa dang / mi khom pa brgyad du skyes pa'i sems can rnam/ dal ba phun sum tshogs padag la 'god par byed pa dang / skyes bu dam pa'i rnam par rtog pa brgyad la gnas pa dang / rnam par thar pa brgyad la bsam gtan byed pa dang / byang chub sems dpa'i lhag ba'i bsam pa mi spong ba de lta na/ g+ha'i bu byang chub sems dpa' brgyad pa yin no// lha'i bus smras pa/ 'jam dpal ji ltar na byang chub sems dpa' rgyun du zhugs pa yin/ 'jam dpal gyis

  799. 400b

    smras pa/ lha'i bu gang gi tshe byang chub sems dpa' sems can rgyan phyogs su dad pa rnams rgyun las zlog par byed pa dang / 'khor ba'i rgyun thams cad gcod par byed la/ 'khor ba mi gcod pa dang / ngan song thams cad kyang gcod par byed pa dang / sems can rnams bde 'gro dang / mya ngan las 'das pa mngon du bya ba'i lam la 'god par byed pa dang / mtshams gcad pa dang / dang / mi la gzhol ba dang / bden pa ston par byed pa dang / rlom sems su mi ltung ba dang / the tsom dang bral ba dang / nges pa dang / sangs rgyas kyi chos la gzhol ba dang / so so'i skye bo'i lam las yang dag par 'das pa dang / sangs rgyas kyi chos kyi lam la rab tu gnas pa dang / 'khor ba'i gting rnyed pa dang / mya ngan las 'das pa la mngon du phyogs par gyur pa dang / 'jig rten gyi spyan gnas su gyur pa dang / 'dus byas la snang ba dang / 'dus ma byas pas rab tu phye ba dang / phyir ldog par mi 'gyur ba dang / dge 'dun la yang dag par gzhol ba de lta na/ lha'i bu byang chub sems dpa' rgyun du zhugs pa yin no/ / lha'i bus smras pa/ 'jam dpal ji ltar na byang chub sems dpa' lan cig phyir 'ong ba yin/ 'jam dpal gyis smras pa/ lha'i bu gang gi tshe byang chub sems dpa' chos thams cad 'ong ba med pa dang / 'gro ba med par shes nas sems can yongs su smin par bya ba'i phyir bsams bzhin du 'ong ba dang / sems can rnams yongs su smin par byed

  800. 401a

    pa dang / 'ong ba dang / 'gro ba ston par byed pa dang / chos nyid la 'ong ba dang / 'gro ba med par mthong ba dang / 'ong ba'ang nyon mongs pa med pas 'ong ba dang / rang gi las yongs su dag pas 'gro ba dang 'ong ba mnyam pa nyid mi spong ba dang / bdud kyi dbang gis mi 'gro ba dang / byang chub kyi lam nye bar ston pa'i phyir 'ong ba dang / nye bar blangs pa'i sems can bsgral ba'i phyir 'ong ba dang / byang chub kyi lhag pa'i bsam pa sra zhing mi phyed pa de lta na/ lha'i bu byang chub sems dpa' yan cig phyir 'ong ba yin no// lha'i bus smras pa/ 'jam dpal ji ltar na byang chub sems dpa' phyir mi 'ong ba yin/ 'jam dpal gyis smras pa/ lha'i bu gang gi tshe byang chub sems dpa' lta ba rnams dang / phyin ci log rnams dang / sgrib pa rnams su'ang mi 'ong ba dang / 'dun pa dang / 'dod chags dang / zhe sdang dang / 'jigs pa dang / gti mug gis yang 'ong ba dang / 'gro bar mi 'gyur ba dang / byas pa nges par ma gyur cing / sangs rgyas kyi chos rnams ma rdzogs par mi 'ong ba dang / 'ong ba med pa dang / 'pho ba med pa la mkhas pa dang / rga shi med pa la thob pa dang / mthar gnas dang / byas pa nges pa dang / lung bstan pa thob pa dang / dmigs pa med pa dang / rnam pa med pa thob pa dang / shes pas gzhan la rag ma las pa de lta na/ lha'i bu byang chub sems dpa' phyir mi 'ong ba yin no// lha'i bus smras pa/ 'jam dpal ji ltar na byang chub sems dpa' dgra bcom

  801. 401b

    pa yin/ 'jam dpal gyis smras pa/ lha'i bu gang gi tshe byang chub sems dpa' chags pa med cing 'dod chags gdul ba'i phyir sems can rnams la chos ston pa dang / sdang ba med cing zhe sdang gdul/ pa'i phyir sems can rnams la chos ston pa dang / rmongs pa med cing gti mug gdul ba'i phyir sems can rnams la chos ston pa dang / chos thams cad la nyon mongs pa med par gnas pa dang / sems can thams cad la sems ma btang ba dang / sangs rgyas kyi chos thams cad la brtson 'grus brtsams pa dang / 'dod pa'i longs spyod thams cad la dga' ba med pas dgar ba dang / dgra bcom pa dang / pad+ma bzhin du nyon mongs pa thams cad kyis ma gos pa dang / shes pas 'phags pa dang mnyam pa dang / thabs kyis 'phags pa ma yin par gnas pa dang / nye bar len pa thams cad la bdag gi med cing yongs su 'dzin pa med pa dang / sangs rgyas kyi chos thams cad la bdag gir byed cing yongs su 'dzin pa dang / rang gi sems kyi rgyud dag la zag pa med pa'i sems dang ldan pa dang / gan gyi sems kyi rgyud dag la zag pa med pa gnas par byed pa dang / sngon dam bcas pa dag la brnag pa yongs su rdzogs pa dang / tshu rol dang pha rol la gnas pa rnams kyi pha rol tu son pa dang / rol gyi gnas ma spangs pa dang / gzhan gyi sems can gzhan thar par byed pa de lta na/ lha'i bu byang chub sems dpa' dgra bcom pa yin no// lha'i bus smras pa/ 'jam dpal ji ltar na byang

  802. 402a

    chub sems dpa' nyan thos yin/ 'jam dpal gyis smras pa/ lha'i bu gang gi tshe byang chub sems dpa' sems can thams cad la ma thos pa'i chos sgrogs par byed cing yul rnams la spyod par mi byed pa dang / yang dag 'di dam pa'i chos dang / skye ba med pa dang / bkag pa med pa'i chos sgrogs par byed pa dang / sgra dang / rkyen dang / bdag med pa dang / sems can med pa dang / rang bzhin gyis g.yo ba med pa sgrogs par byed pa dang / sangs rgyas kyi chos tshad med pa dang / nam mkha' dang mnyam pa'i chos rnams sgrogs par byed pa dang / sangs rgyas kyi ye shes dang / ye shes chen po la chos thams cad rgyus nye bar 'gro bar rtsoms shig ces sgrogs par byed pa dang / sgrogs pa'ang gzhan gyi dring mi 'jog pa dang / thos pas kyang rlom sems mi byed pa dang / sgrogs pa thams cad kyi sngon dang phyi ma'i mtha' mi 'chad pa yongs su shes pa dang / so so yang dag par rig pa mi zad pa thob pa dang / don dang / tshig dang / yig 'bru mi zad pa dang / sems can thams cad kyi sems dang / spyod pa dang / shes pa ston par byed pa dang / so so ci rigs par chos ston par byed pa dang / zhi ba'i sa la gnas pa dang / spros pa med pa dang / sngon gyi smon lam pa spyod pa de lta na lha'i bu byang chub sems dpa' nyan thos yin no/ / lha'i bus smras pa/ 'jam dpal ji ltar na byang chub sems dpa' rang sangs rgyas yin/ 'jam dpal gyis smras pa/ lha'i bu gang gi

  803. 402b

    tshe byang chub sems dpa' chos thams cad rkyen la rag las pa dang / sems can med pa dang / srog med pa dang / gang zag med pa dang / bdag po med pa dang / rnam par bsgrubs pa nye bar gnas pa'i mtshan nyid du shes pa dang / des rkyen rnams legs par mthong ba'i phyir byang chub 'dren par byed pa'i rkyen 'di lta ste/ pha rol tu phyin pa thams cad kyi phyogs dang / byang chub kyi phyogs kyi chos rnams kyi phyogs dang / bsdu ba'i dngos po bzhi'i phyogs dang / tshad med pa bzhi'i phyogs dang / mngon par shes pa'i phyogs yang dag par sgrub par byed pa dang / de rkyen nye bar sgrub par byed cing / gzhan gyi dring mi 'jog pas byang chub mngon par rdzogs par 'tshang rgya bar byed pa dang / sa ngan pa dag las sems skyo bar byed pa dang / nyi tshe ba'i shes pa 'dul ba la mkhas pa dang / theg pa chen po la legs par rab tu gnas pa dang / chos thams cad la mngon du gyur pa de lta na/ lha'i bu byang chub sems dpa' rang sangs rgyas yin no// lha'i bus smras pa/ 'jam dpal ji ltar na byang chub sems dpa' sangs rgyas yin/ 'jam dpal gyis spras pa/ lha'i bu gang gi tshe byang chub sems dpa' chos thams cad gzod ma nas dben pa nyid du rtogs par byed pa dang / sems can thams cad gzod ma nas bdag med pa nyid du rtogs par byed pa dang / ming mngon par rtogs par bya ba'i phyir spyod pa dman pa dang / mchog dang bar ma thams cad rtogs par byed pa dang / rang gi nyon mongs pa stong pa nyid kyis nyon mongs pa thams cad

  804. 403a

    rtogs par byed pa dang / skad cig gcig la rjes su rtogs pa'i rim gyis sa dang spyod pa sna tshogs ston par byed pa dang / sems can gyi dbang po dang mos pas chos ston par byed pa dang / 'bras bu yod par chos ston par byed pa de lta na/ lha'i bu byang chub sems dpa' sangs rgyas yin no// lha'i bus smras pa/ 'jam dpal ji ltar na byang chub sems dpa' de bzhin gshegs pa yin/ 'jam dpal gyis smras pa/ lha'i bu gang gi tshe byang chub sems dpa' de bzhin gshegs pa'i lam du 'gro ba dang / de bzhin nyid mi brjed pa dang / de bzhin nyid la rab tu gnas pa dang / de bzhin nyid kyi sbyin pa dang / de bzhin nyid kyi tshul khrims dang / de bzhin nyid kyi bzod pa dang / de bzhin nyid kyi brtson 'grus dang / de bzhin nyid kyi bsam gtan dang / de bzhin nyid kyi shes rab dang / de bzhin nyid kyi thabs dang / de bzhin nyid kyi smon lam dang / de bzhin nyid kyi stobs dang / de bzhin nyid kyi ye shes dang ldan pa dang / de bzhin nyid kyi sems can med pa dang / sems can yongs su thar bar byed pa dang / sems can gyi gnas 'khor ba na'ang spyod la/ spyod pa thams cad las kyang yang dag par 'das pa dang / spyod pa las sgrol bar byed pa dang / de na'ang yin la/ de na'ang ma yin pa dang / 'di na'ang yin la/ 'di na'ang ma yin pa dang / gnyis ka las dag pa dang / mun pa dang bral ba dang / rtag tu gsal ba dang / mun pa med pa dang / mun pa'i ling tog dang bral ba dang / de bzhin nyid

  805. 403b

    kyi rjes su song ba dang / de bzhin gshegs pa'i sa'i rjes su song ba de lta na/ lha'i bu byang chub sems dpa' de bzhin gshegs pa zhes bya'o// lha'i bus smras pa/ 'jam dpal ji ltar na byang chub sems/ dpa' bcom ldan 'das zhes bya/ 'jam dpal gyis smras pa/ lha'i bu gang gi tshe byang chub sems dpa' nyon mongs pa bcom pa dang / chu bo las brgal ba dang / srid pa mthong ba dang / sems can thams cad kyi khur dang / srid pa 'joms pa dang / srid pa'i 'du shes dang bral ba dang / bdud bcom pa dang / khur bor ba dang / srid pa'i 'gro bar 'chi 'pho ba dang / skye ba dang / bya ba shes pa dang / srid pa'i 'dod chags bsal ba dang / lus dang sems bsgoms pa dang / tshul khrims dang / shes rab bsgoms pa dang / srid pa'i skyon legs par mthong ba dang / srid pa'i sred pa dang bral ba dang / semra na la bsam pa ma btang ba dang / srid pa'i rgya mtsho las sgrol ba dang / chu lon dang zam pa legs par byas pa dang / mi gnas pas legs par mthong ba dang / rtag tu bsgom pa la yid kyis brtson pa dang / sems can gyi srid pa zad par byed pa dang / srid pa thams cad las rnam par log pa dang / thabs la mkhas pa dang / nyon mongs pa thams cad thal bar rlog par byed pa dang / srid pas rnam par rtse ba la mkhas pa dang / srid pa gsum na yod pa rnams kyis mchod pa de lta na/ lha'i bu byang chub sems dpa' bcom ldan 'das zhes bya'o// lha'i bus smras pa/ 'jam dpal

  806. 404a

    ji ltar na byang chub sems dpa' yang dag par rdzogs pa'i sangs rgyas yin/ 'jam dpal gyis smras pa/ lha'i bu gang gi tshe byang chub sems dpa' mtshams med pas/ dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / lta ba'i rnam pa rnams dang / phyin ci log pa rnams dang / sgrib pa rnams dang / chod pa rnams dang / kun nas ldang ba rnams gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / 'dod chags dang / zhe sdang dang / gti mug gang dang mnyam ba dang / nyon mongs pa thams cad gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / so so'i skye bo'i chos rnams dang / slob pa'i chos rnams dang / nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams gang dang mnyam pa byang chub kyang de dang mnyam pas mnyam pa nyid du mngon pa 'jos par byang chub par byed pa dang / mnyam pa nyid du rnam par 'khrug par mi byed pa dang / rnam par thar pa'i sgo gsum mnyam pa nyid kyis mnyam pa nyid du lta bar byed pa dang / chos thams cad gzod ma nas dag pa'i phyir rkyen la rag las pa dang / yod pa ma yin pa'i yongs su rtog pas kun nas blang ba nam mkha' dang mnyam pa nyid du mngon par rdzogs par byang chub par byed pa de lta na/ lha'i bu byang

  807. 404b

    rgyu ba sems dpa' yang dag par rdzogs pa'i sangs rgyas yin no/ / lha'i bus smras pa/ 'jam dpal ji ltar ra byang chub sems dpa' ston pa yin/ 'jam dpal gyis smras pa/ lha'i bu gang gi tshe byang chub sems dpa' gang la ston pa dang / rab tu ston pa dang / rjes su ston par byed pa de dag thams cad mi g.yo pa'i chos can du 'gyur ba dang / bstan pa yongs su 'dzin par 'gyur ba dang / stong gsum gyi stong chen po'i 'jig rten gyi khams su ston pa dang / rab tu ston pa dang / ston pa gcig pur 'gyur ba dang / sems can thams cad kyi skyabs dang / gling dang / dpung gnyen du 'gyur ba dang / mtshan ma thams cad zhi ba dang / rab tu zhi ba dang / nye bar zhi bar 'gyur ba dang / the tshom dang bral ba dang / sems can thams cad kyi the tshom gcod pa la mkhas pa dang / brgya byin dang / tshangs pa dang / 'jig rten skyong gis phyag byas pa dang / yang dag par smra ba dang / khams gsum pas phyag byas pa dang / sems nam mkha' dang mnyam zhing khengs pa med pa dang / yang dag pa'i mtha' legs par mthong ba'i phyir smad pa dang / brdeg pa dang / dgod ba dang / gshung ba dang / khro ba dang / spro ba dang / bsdigs pa thams cad dang / rlom sems thams cad kyis zhum par mi 'gyur ba dang / sems can gyi rang bzhin legs par mthong ba'i phyir sems can thams cad la phan zhing snying brtse ba dang / 'jig rten la ston par grags par 'gyur

  808. 405a

    bde lta na lha'i bu byang chub sems dpa' ston pa yin no/ / lha'i bus smras pa/ 'jam dpal ji ltar na byang chub sems dpa' so so'i skye bo'i chos can yin/ 'jam dpal gyis smras pa/ lha'i bu gang gi tshe byang chub sems dpa' thabs kyis so so'i skye bo'i spyod pa thams cad kyang ston par byed la/ shes pas so so skye bo'i spyod pa thams cad la chags par yang mi 'gyur ba de lta na/ lha'i bu byang chub sems dpa' so so'i skye bo'i chos can yin no// lha'i bus smras pa/ 'jam dpal ji ltar na byang chub sems dpa' 'dod chags kyi chos can yin// 'jam dpal gyis smras pa/ lha'i bu gang gi tshe byang chub sems dpa' rtag tu sangs rgyas kyi chos rnams la rjes su chags par 'gyur ba dang / rtag tu sangs rgyas kyi sku la kun tu chags par 'gyur ba dang / bsam gtan dang / ting nge 'dzin dang / snyoms par 'jug pa sgrub pa'i phyir rtag tu dgon par gnas pa la rjes su chags par 'gyur ba dang / sems can rnams bsdu ba'i dngos po bzhis bsdu ba la rtag tu rjes su chags par 'gyur ba dang / sems can thams cad la zhe 'gras pa'i sems med par 'gyur ba de lta na/ lha'i bu byang chub sems dpa' 'dod chags kyi chos can yin no// lha'i bus smras pa/ 'jam dpal ji ltar na byang chub sems dpa' zhe sdang gi chos can yin/ 'jam dpal gyis smras pa/ lha'i bu gang gi tshe byang chub sems dpa' 'dus byas rnams la gcig tu nyes pa'i

  809. 405b

    skyon chags par lta bar byed pa dang / nyan thos dang rang sangs rgyas kyi theg pa la sdang bar byed pa dang / nyon mongs pa thams cad dang / 'du byed thams cad la skyon du'ang 'du shes la/ nyon mongs pa rnams dang / 'du byed rnams spong bar yang mi byed pa dang / sems can yongs su smin par bya ba'i phyir brtson 'grus rgyun mi gcod par byed pa dang / snying rje chen pos yang dag par zin pa'i yid kyis snying brtse ba rgya chen po yang dag par skyed par byed pa dang / sems can yongs su smin par bya ba'i phyir sems can rnams nyon mongs pa'i 'dam rdzab las 'byin par byed pa dang / sems can zhe sdang can rnams la bzod pa nye bar sgrub par byed cing / nyon mongs pa rnams la nyes pa sbyin par byed pa dang / 'ching bo'i thabs thams cad dang 'khor ba sun 'byin par byed pa de na/ lha'i bu byang chub sems dpa' zhe sdang gi chos can yin no// b+ha'i bus smras pa/ 'jam dpal ji ltar na byang chub sems dpa' gti mug gi chos can yin/ 'jam dpal gyis smras pa/ lha'i bu gti mug ces bya ba ni gang cung zad kyang mi shes pa yin pas/ de la gang gi tshe byang chub sems dpa' chos kyi ngo bo nyid la snyoms par zhugs pa de shes par mi byed/ rnam par shes par mi byed/ kun tu shes par mi byed/ len par mi byed/ spong bar mi byed/ 'byung bar mi byed/ 'jig par mi byed/ g.yo bar mi byed/ rlos sems su mi byed/ skyo bar

  810. 406a

    mi byed cing / chos kyi rang bzhin gyis 'gog pa la snyoms par zhugs pa de lta na/ b+ha'i bu byang chub sems dpa' gti mug gi chos can yin no// lha'i bus smras pa/ 'jam/ dpa' ji ltar na byang chub sems dpa' 'khor ba'i chos can yin/ 'jam dpal gyis smras pa/ lha'i bu gang gi tshe byang chub sems dpa' 'khor ba las kyang mi g.yo la/ de nyid las sangs rgyas kyi chos rnams tshol bar yang byed pa dang / bdud thams cad dang thun mong ma yin zhing spyod pa dman pa rnams dang ma 'dres pa dang / sems can rnams spyod pa dman pa las bral zhing spyod pa rgya chen po la 'god par byed pa dang / don 'thun par byed pa dang / mi dge ba thams cad la mi bsngags pa rjod par byed cing 'dun pa zlog pa dang / phyir zlog par byed pa dang / byang chub 'khor ba la gzhol bar shes par byed pa dang / 'khor ba mnyam pa nyid kyis sangs rgyas mnyam pa nyid du lta bar byed pa dang / 'khor ba las mi g.yo zhing gnas par yang mi byed pa de lta na/ lha'i bu byang chub sems dpa 'khor ba'i chos can yin no/ / lha'i bus smras pa/ 'jam dpal ji ltar na byang chub sems dpa' yongs su mya ngan las 'da' ba'i chos can yin/ 'jam dpal gyis smras pa/ lha'i bu gang / gi tshe byang chub sems dpa' sems can rang bzhin gyis yongs su mya ngan las 'das par lta bar byed pa dang / chos thams cad rang bzhin gyis nye bar zhi bar shes par byed pa dang / sems can thams

  811. 406b

    cad yongs su mya ngan las bzla ba dang / nye bar zhi bar bya ba'i phyir chos ston par byed pa dang / sems can dpag tu med pa me gsum gyis 'bar bar gyur pa rnams nye bar zhi bar byed cing yongs su mya ngan las 'da' bar byed pa dang / yongs su mya ngan las 'das pa la'ang spyod par byed la/ gtan du yongs su mya ngan las 'da' bas yongs su mya ngan las 'da' bar yang mi byed pa de lta na/ lha'i bu byang chub sems dpa' yongs su mya ngan las 'da' ba'i chos can yin te/ thabs mkhas pa dang / thabs shes pa la nges par skyes pa dang / sems can thams cad la phan pa dang / rjes su snying brtse ba dang ldan pa yin no// 'jam dpal gzhon nur gyur pas bstan pa 'di bshad pa na/ srog chags 'bum lhag tsam chos rnams la chos kyi mig rdul med/ cing dri ma dang bral ba rnam par dag go// srog chags drug khri ni len pa med par zag pa rnams las sems rnam par grol lo// sngon dge ba'i rtsa ba bskyed cing sangs rgyas mang po la bsnyen bkur bya pa'i sems can rnams kyis ni mi skye ba'i chos la bzod pa thob par gyur to/ / byang chub sems dpa' nyi khri lnga stong gis ni mi zad pa'i rnam pa'i mdzod ces bya ba'i gzungs so sor thob par gyur to// / srog chags sa ya phrag gnyis dang lnga 'bum gyis ni bla na med pa yang dag par rdzogs pa'i byang chub tu sems bskyed do// steng gi bar snang las kyang bcom ldan 'das dang / 'jam dpal gzhon nur gyur/

  812. 407a

    pa la mchod par bya ba'i phyir me tog gi char dag mngon par rab tu bab bo// de nas spu'i bu rab rtsal sems kyis/ 'jam dpal gzhon nur gyur pa la 'di skad ces smras/ so// 'jam dpal ji ltar na byang chub sems dpa' thabs dang shes rab kyis nges par 'byung ba yin/ de nas 'jam dpal gzhon nur gyur pas/ lha'i bu rab rtsa la sems la tshigs su bca de smras pa/ gang tshe sems ni chags med pa// bla med byang chub sems yin te// sems kyi rang bzhin mngon sum pa// de ni shes rab mtshan nyid do// sems rnams bskyed pa thams cad ni/ / byang chub tu ni yongs sngo zhing // byang chub sems las rab rtas pa// de ni thabs kyi mtshan nyid do// sems can thams cad bdag med cing // mi bden ya ma brla gsog tu// gang tshe shes pas shes byed pa/ / de ni shes rab mtshan nyid do// gang phyir sems can thams cad dag/ byang chub phyir ni sbyin byed cing // bsam pa thag pas sdud byed pa// de ni thabs kyi mtshan nyid do/ / gang tshe bdag dang byang chub dag/ gtan du mthong bar mi byed cing // 'khor gsum yongs su dag gyur pa// de ni shes rab mtshan nyid do// nang dang yang ni phyi rol dag/ thams cad yongs su gtong byed cing / / sems can kun la yongs bsngo ba// de ni thabs kyi mtshan nyid do// zhi zhing rab zhi gtsang dag cing // tshul khrims rlom sems mi byed la// lus dang ngag yid zhi gyur pa//

  813. 407b

    de ni shes rab mtshan nyid do// tshul khrims la ni zhugs gyur cing // gzhan yang tshul khrims sbyor byed la// sangs rgyas tshul khrims sngo byed pa// de phyir thabs shes bya ba yin// chos rnams thams cad rab stong zhing / / bdag med bzod pa sgom byed la// lus dang sems kyis ma smras pa// de ni shes rab pha rol phyin// lus kyis sbyor bar mi byed cing // ngag dang sems kyis ma yin la/ / chos sems kun la dben gyur pa// de ni shes rab pha rol phyin// sems can kun gyi khro ba dang // gsod dang 'ching ba bzod byed cing // sems can de dag mi spong ba// de ni thabs kyi pha rol phyin/ / sems can yongs su smin bya'i phyir// bsam gtan bde ba rab spangs nas// grong dang yul 'khor snang byed pa// de ni thabs kyi pha rol phyin// tshu rol ma yin pa rol min/ / mthun pa'i pha rol rab gnas shing // spros pa'i lta ba rgyun bcad pa// shes rab pha rol phyin rtogs yin// gang gis stong nyid rtogs gyur nas// de ni btang snyoms mi byed cing sems can stong nyid sbyor byed pa/ / de ni thabs kyi tshul yin no// sangs rgyas gzung med mkha' 'dra bar// chos kyi sgo nas lta byed cing // de tshe gzugs la zhen med pa// de ni shes rab mtshan nyid do/ / sangs rgyas mtshan nyid mchod 'dod cing // sangs rgyas bye ba mchod byed la// 'dren kun mchod tu 'jug byed pa// de phyir thabs shes bya ba yin// chos rnams rdul med rdul bral zhing //

  814. 408a

    mkha' dang mnyam pas mnyam gyur la// chos 'ga' yang 'dzin par mi byed pa// de ni shes rab pha rol phyin// chos ni yongs su gzung ba'i phyir// lus dang srog/ ni 'dor byed cing // 'jig rten kun gyis dben gyur pa// de ni thabs kyi sgo yin no// chos dbyings gnas pa nyid kyi phyir// yang dag mtha' la rab gnas shing // de bzhin nyid las mi g.yo bas/ / de ni shes rab sgo yin no// gang gis chos nyid ci 'dra ba// sems can de 'drar shes byed cing // de ltar rtogs par byed pa'i mtha'// de ni shes rab pha rol phyin// chos kun 'chi 'pho yod min zhing / / sgru ba med par shes byed la// mi 'gro rgyug par mi byed pa// de ni shes rab pha rol phyin// sems can yongs su smin bya'i phyir// mkhas pa 'dod dang gzugs rnams su/ bsam bzhin du ni skye byed po// de dag thabs kyi yon tan yin// dgon pa gnas rab gnas byed cing // nyon mongs med la rab gnas la// bsam gtan rnam thar sten byed pa// de dag shes rab mtshan nyid yin/ / grong dang yul 'khor rnams su ni// song nas snyan gtam ston byed cing // mi zad zhum pa yod min pa'i// mkhas pa thabs la mkhas pa yin// 'jig rten gsum po thams cad las/ / skrag cing 'du 'dzi rten med la// bdag nyid dul zhing ni gyur pa// de ni shes rab pha rol phyin// 'gro ba dag na 'dus chen dang // tshogs dang 'du 'dzi ji snyed pa//

  815. 408b

    kun na snang ba de dag ni// thabs kyis spras pa med pa yin// brtan pa chabs med spyod byed cing // yi ge don gnyer mi byed la// brjed med nges don don mnye' ba// de ni shes rab pha rol phyin// mkhas pa chags pa thams cad na// snang zhing chos rnams ston byed la// dkon mchog gsum gyi bsngags brjod pa// de ni thabs kyi pha rol phyin// mngon shes shes pa mkhas gyur cing // / zhi zhing dul la zag pa med// gdeg med bzhag pa yod min pa// de ni shes rab pha rol phyin// mngon shes dag la rnam 'phrul zhing // zhing rnams bye bar 'gro byed la// sangs rgyas bye ba mchod byed pa/ / de ni thabs kyi mtshan nyid yin// phung po sgyu ma 'drar shes shing // nyon mongs dngos med shes byas nas// de dag bdud bzhi zhi gyur pa// des ni shes rab pha rol phyin// bdud rnams/ thams cad ston byed cing // bstan nas rgyal bar byed gyur la// de las sems can thar byed pa// de ni thabs kyi sgo yin no// stong nying mtshan ma med pa dang / smon par byed pa yod min pa'i// / rnam thar sgo la sten byed pa// de ni shes rab mtshan nyid yin// chags med sdang ba yod min zhing // rmongs med shes pa'i spyod yul dang // blang med dor ba yod min pa// de ni shes rab mtshan nyid yin/ / rnam pa kun gyi mchog ldan zhing // stong nyid rab tu bsten gyur la// kun gyi pha rol son gyur pa// mnyam med 'gog pa'i mtshan nyid yin// zag med brtul ba ma yin pa/

  816. 409a

    dag shes rab ldan 'gyur zhing // 'khor ba'i spyod yul de dag ni// sems can kun gyi grogs su 'gyur// bsod nams tshogs kyis mi ngoms pa'i// mkhas pa thubs la mkhas pa yin/ / shes rab thabs la mkhas pa yin// yan lag gnyis ldan lam de ni// shes ldan byang chub sems dpa'i ste// des ni 'dren rnams nges par 'byung // thabs dang mi ldan shes rab kyis/ / ma byung 'byung bar 'gyur ba med// shes rab med pa'i thabs kyis ni// mkhrab rab tu zhi mi 'gyur// shes rab dang ni thabs shes pa// de gnyis kun tu 'dres gyur cing // gnyis ka zung du 'jug 'gyur na// don dam pa rtogs par 'gyur// gang dag bgrod pa 'dir 'gro ba// sangs rgyas kun gyis rab bsngags shing // ye shes pha rol phyin gyur te// de ni chos rnams chos nyid do/ / de dag sangs rgyas spyod yul gyis// chos dbyings dbyer med dga' byed cing // sangs rgyas byang chub bla med pa'i// rdul med byang chub rtogs par 'gyur// lha'i bu rangab rtsa la sems kyis/ 'jam dpal gzhon nur gyur pa la gzhan yang 'di skad ces smras so// 'jam dpal byang chub kyi yul gang yin/ 'jam dpal gyis smras pa/ lha'i bu byang chub kyi yul ni rang gi yul dben pa nyid yin no/ / lha'i bus smras pa/ 'jam dpal byang chub kyi mtshan nyid gang yin/ 'jam dpal gyis smras pa/ lha'i bu byang chub ni nam mkha'i mtshan nyid do// lha'i bus

  817. 409b

    smras pa/ 'jam dpal byang chub kyi mtha' gang yin/ 'jam dpal gyis smras pa/ lha'i bu byang chub kyi mtha' ni stong pa nyid yin no// lha'i bus smras pa/ 'jam dpal byang chub kyi gnas gang yin/ 'jam dpal gyis smras pa/ lha'i bu byang chub kyi gnas ni chos thams cad kyi gnas yin no// lha'i bus smras pa/ 'jam dpal byang chub kyi sgo gang yin/ 'jam dpal gyis smras pa/ lha'i bu byang chub kyi sgo ni kun nas sgo yin no// lha'i bus smras pa/ 'jam dpal byang chub kyi rtsom pa gang yin/ 'jam dpal gyis smras pa/ lha'i bu byang chub kyi rtsom pa ni sems can thams cad bdag med pa'o/ / lha'i bus smras pa/ 'jam dpal byang chub ci dang mnyam/ 'jam dpal gyis smras pa/ lha'i bu byang chub ni chos thams cad mi skye ba dang mnyam mo/ / lha'i bus smras pa/ 'jam dpal byang chub kyi bgrod pa gang yin/ 'jam dpal gyis smras pa/ lha'i bu byang chub kyi bgrod pa ni sems can thams cad kyi sems dang spyod pa yin no/ / byang chub kyi bgrod pa ni 'gro ba med par 'gro ba dang / rgyu ba med par 'gro ba yin no// lha'i bus smras pa/ 'jam dpal byang chub gang gi rgyu 'thun pa yin/ 'jam dpal gyis smras pa/ lha'i bu byang chub ni snying rje chen po'i rgyu 'thun pa yin no// lha'i bus smras pa/ 'jam dpal snying rje chen po gang gi rgyu 'thun pa yin/ 'jam

  818. 410a

    dpal gyis smras pa/ lha'i bu snying rje chen po ni sems can thams cad rab tu thar bar bya ba'i rgyu 'thun pa yin no// lha'i bus smras pa/ 'jam dpal byang chub ga las btsal bar bya/ 'jam dpal gyis smras pa/ lha'i bu byang chub ni sems can thams cad kyi nyon mongs pa rjes su rtogs pa las btsal bar bya'o// lha'i bus smras pa/ 'jam dpal nyon mongs pa rnams ga las btsal bar bya/ 'jam dpal gyis smras pa/ lha'i bu nyon mo rnam pani 'phags pa'i lam yan lag brgyad pa la sa 'atsal bar bya'o// lha'i bus smras pa/ 'jam dpal ci 'phags pa'i lam nyen mongs pa rnams dang lhan cig gnas sam/ 'jam dpal gyis smras pa/ lha'i bu gal te 'phags pa'i lam gnyis su gyur pa zhig yin na ni/ 'phags pa'i lam nyon mongs pa rnams dang lda ga ya grwa ba zhi ka lha'i bu 'phags pa'i lam 'i gnyis su gyu pa med pa sde/ nyon mongs pa tshol ba gang yin pa de nyid 'phags pa'i lam yin no/ / lha'i lus smra sa na rgyal lam gyi bya ba byas pa yin/ 'jam dpal gyi smrasalha'i bu ga gi tshe btsal na nyon mongs pa rnams mi rnyed cing 'khor ba'ang mi rnyeng mya ngan las 'das pa'ang mi rnyed pa de sta na/ lam gyis lam gyi bya babru pa yin no// wA'i bus smras pa/ @

  819. 410b

    dpal byang chub sems dpa'i lam gang yin/ 'jam dpal gyis smras pa/ lha'i bu byang chub sems dpa'i lam ni lta ba'i rnam pa drug cu rtsa gnyis dang / phyin ci log bzhi dang sgrib pa lnga dang / mi dge ba'i phyogs kyi chos thams cad do// lha'i bus smras pa/ 'jam dpal ci las bsams te de skad smras/ 'jam dpal gyis smras pa/ lha'i bu byang chub sems dpa' ni sems can la sbyor ba yin pas/ sems can rnams kyang lta ba'i rnam pa dang / phyin ci log dang / sgrib pa dang / mi dge ba'i chos rnams ma gtogs pa gzhan las btsal bar mi bya'o/ / de ci'i phyir zhe na/ byang chub sems dpa' ni gang gis sems can rnams rab tu phye ba'i lta ba'i rnam pa dang / phyin ci log dang / sgrib pa dang / nyon mongs pa de dag nyid tshol bar byed de/ de tshol bar byed pa na/ sems can yang mi rnyed/ nyon mongs pa rnams kyang mi rnyed do// ma rnyed na sems can yongs su smin par bya ba la skyo bar mi 'gyur te/ lha'i bu rnam grangs des na nyon mongs pa tshol ba ni byang chub sems dpa'i lam yin la/ sems can tshol ba'ang byang chub sems dpa'i lam yin/ phung po dang // khams dang / skye mched dang / nyon mongs pa tshol ba'ang byang chub sems dpa'i lam yin no// lha'i bus smras pa/ 'jam dpal rnam par thar pa'i sgo gsum po dag byang chub sems

  820. 411a

    dpa'i kham ma yin nam/ 'jam dpal gyis smras pa/ lha'i bu stong pa nyid ni btsal bar mi nus la/ mtshan ma med pa dang / smon pa med pa'ang btsal bar mi nus so/ / de ci'i phyir zhe na/ lha'i bu de la ni sems dang / yid dang / rnam par shes pa 'jug par mi 'gyur la/ gang la sems dang / yid dang / rnam par shes pa 'jug par mi 'gyur ba de ni btsal bar mi nus pa'i phyir ro/ / lha'i bus smras pa/ 'jam dpal lam ji ltar mngon par rtogs par bya/ 'jam dpal gyis smras pa/ lha'i bu yang dag par lta ba gang dang mnyam pa khog pa'i lta ba'ang de dang mnyam pa de ltar mngon par rtogs pa gang yin pa de ni lam mngon par rtogs pa yin no/ / yang dag pa'i rtog pa gang dang mnyam pa log pa'i rtog pa'ang de dang mnyam pa dang / yang dag pa'i ngag gang dang mnyam pa log pa'i ngag kyang de dang mnyam pa dang / yang dag 'i las kyi mtha' gang dang mnyam pa log pa'i las kyi mtha' yang de dang mnyam pa dang / yang dag pa'i tshe ba gang dang mnyam pa log pa'i 'tsho ba'ang de dang mnyam pa dang / yang dag pa'i rtsol ba gang dang mnyam pa log pa'i rtsol ba'ang de dang mnyam pa dang / yang dag pa'i dran pa gang dang mnyam pa log pa'i dran pa'ang de dang mnyam pa dang / yang dag pa'i ting nge 'dzin gang dang mnyam pa log pa'i ting nge 'dzin kyang de dang mnyam pa de ltar mngon par rtogs pa gang yin pa de ni lam mngon

  821. 411b

    par rtogs pa yin no/ / lha'i bus smras pa/ 'jam dpal yang dag pa'i lta ba gang dang mnyam/ 'jam dpal gyis smras pa/ lha'i bu yang dag pa'i lta ba dang / log pa'i lta ba ni stong pa nyid dang / dben pa nyid dang mnyam pa yin no// lha'i bus smras pa/ 'jam dpal stong pa nyid dang dben pa nyid la tha dad du bya ba ci yod/ 'jam dpal gyis smras pa/ lha'i bu mkha' dang nam mkha' la tha dad du bya ba ci yod/ lha'i bus smras pa/ 'jam dpal tha dad du bya ba cung zad kyang med do// 'jam dpal gyis smras pa/ lha'i bu de bzhin du stong pa nyid dang / dben pa nyid la'ang tha dad du bya ba cung zad kyang med do// lha'i bus smras pa/ 'jam dpal tha dad du bya ba gang las rab tu phye ba yin/ 'jam dpal gyis smras pa/ lha'i bu tha dad du bya ba ni mtshan ma dang / dmigs pa dang / 'du shes dang / spros pa las rab tu phye ba yin te/ mtshan ma dang / dmigs pa dang / 'du shes dang / spros pa gang yin pa de'i ngo bo nyid kyi mtshan nyid rjes su rtogs pa gang yin pa de la ni tha dad du bya ba med do// lha'i bu 'di lta ste/ dper na rgya mtsho chen por ma zhugs pa'i chu la ni tha dad du bya ba yod kyis/ rgya mtsho chen por zhugs pa'i tshu la ni tha dad du bya ba med pa de bzhin du/ b+ha'i bu chos kyi dbyings yongs su ma shes

  822. 412a

    pa la ni chos la tha dad du bya ba yod kyi/ chos kyi dbyings yongs su shes pa la ni chos la tha dad du bya ba med do// lha'i bus smras pa/ 'jam dpa' ci chos kyi dbyings yongs su shes par nus sam/ 'jam dpal gyis smras pa/ lha'i bu chos kyi dbyings ni yongs su shes par mi nus so// de ci'i phyir zhe na/ lha'i bu chos thams cad ni chos kyi dbyings su yang dag par 'du ba yin la/ chos kyi dbyings ni chos kyi dbyings yongs su mi shes pa'i phyir/ chos kyi dbyings su yang dag par 'du ba'i chos de dag la gnyis su med par shes pa gang yin pa de ni yongs su shes pa zhes bya ste/ sems gcig nas gcig tu brgyud pa nye bar zhi bar byed pa'i phyir de ni yongs su shes pa zhes bya'o/ / gzhan gyi rnam par rig pa la gnas pa'i phyir de ni yongs su she/ lha'i bu 'di lta/ dper nA nam mkha' gzugs med pa'i dang ba la gzugs thams cad snang yang / gzugs de dag ni nam mkha'i ngo bo nyid yin pa de bzhin du/ lha'i bu byang chub sems dpas rang gis smras pa'i chos kyi dbyings kyi sgo nas chos thams cad mthong yang / chos de dag ni chos kyi dbyings kyi ngo bo nyid kho na yin no// lha'i bus smras pa/ 'jam dpal ji ltar na byang chub sems

  823. 412b

    dpa' mgo smos pas go ba yin/ 'jam dpal gyis smras pa/ lha'i bu mgo smos pas go ba'i rang gi lta bas sems can thams cad kyi lta ba spang ba'i phyir chos ston par byed na'o/ / lha'i bus smras pa/ 'jam dpal ji ltar na byang chub sems dpa' rnam par spros pas go ba yin/ 'jam dpal gyis smras pa lha'i bu dben pa'i phyir bdag kyang gzhan du mi byed la/ bdag med pa'ang gzhan du mi byed na'o// lha'i bus smras pa/ 'jam dpal ji ltar na byang chub sems dpa' mi bkri ba yin/ 'jam dpal gyis smras pa/ lha'i bu gang gi tshe byang chub sems dpa' chos 'ga' yang khrid par mi byed/ mi khrid par mi byed pa na'o// lba'i bu smras pa/ 'jam dpal ji ltar na byang chub sems dpa' gnas lhur len pa yin/ 'jam dpal gyis smras pa/ lha'i bu gang gi tshe byang chub sems dpa' mtshan ma med pa'i gnas las g.yo bar mi byed na'o/ / lha'i bus smras pa/ 'jam dpal gang gis byang chub sems dpa' tshogs gsum po nges pa nyid dang / ma nges pa nyid dang / log pa nyid du nges pa'i tshogs dag la snang bar 'gyur ba'i rnam grangs yod dam/ 'jam dpal gyis smras pa/ lha'i bu yod do// lnga'i bus smras pa/ 'jam dpal

  824. 413a

    arbA y-in/ 'jam dpal gyis sprus pa/ byang chub sems dpa ngas pa ni sangs rgyas kyi chos thams ca la'o// mdzes pa 'i na sa drung rang / sangs rgyas kyi sa la'o// log pa nyid du nges pa ni de las sems can bsgral bar bya ba la'o// lha'i bus smras pa/ 'jam dpal gang gis byang chub sems dpa' mi khom pa thob cing / khom pa ma thob pa'i rnam grangs yod dam/ 'jam dpal gyis smras pa/ lha'i du yod do// lha'i bus smras pa/ 'jam dpal 'o na ci'i phyir/ byang chub sems dpa' ni khom pa thob pa rnams la nying rje chen po sbed par byed cing / sems can yongs su smin par bya ba'i phyir/ 'om pa thob pa de dag kyang yal bar 'jog par byed/ 2 dpal gyis smras pa/ lha'i bu gang rnam par grol ba'i tshogs de dag ni khom thob pa yin pas/ de la ni byang chub sems dpa' mi snang ngo // lha'i bus smras pa/ 'jam dpal khyod mi 'om pa thob pa yin nam/ 'on te khom pa thob pa yin/ 'jam dpal gyis smras pa/ lha'i bu kha za na khyim pa thob pa'ang ma yin/ mi 'om pa tho pa'ang ma yin no/ / lha'i bus smras pa/ 'jam dpal ci'i phyir/ 'jam dpal gyis smras pa/ lho'i bu kho bo ni thob pa'ang ma yin/ yang dag par thob pa'ang ma yin/

  825. 413b

    khom pa'ang ma yin/ mi khom pa'ang ma yin la/ khom pa dang / mi khom pa la chags par yang mi byed pa'i phyir ro// lha'i bus smras pa/ 'jam dpal chos kyi rnam grangs 'dis ni bdud kyi dkyil 'khor thams cad tshar bcad do/ / 'jam dpal gyis smras pa/ lha'i bu 'di ltar chos kyi rnam grangs 'di la ni phung po yongs su shes pa'ang med/ nyon mongs pa sel ba'ang med/ bdud las yang dag par 'das pa'ang med pa'i phyir ro// lha'i bus smras pa/ 'jam dpal nye bar sbar pas gzhan mu stegs can rnams pham par byas so/ / 'jam dpal gyis smras pa/ lha'i bu 'di ltar 'di la mu stegs thams cad kyi spyod pa med pa'i phyir ro// lha'i bus smras pa/ 'jam dpal chos kyi tog btsugs so/ / 'jam dpal gyis smras pa/ lha'i bu snang ba med pa dang / mun pa med pa'i phyir ro// lha'i bus smras pa/ 'jam dpal 'dis ni chos kyi 'khor lo rab tu bskor to// 'jam dpal gyis smras pa/ lha'i bu lta ba'i mthar thams cad yongs su bcad pa'i phyir ro// lha'i bus smras pa/ 'jam dpal chos bstan pa 'dis chos kyi snang ba ji snyed cig byas/ 'jam dpal gyis smras pa/ lha'i bu gang dag la snang ba'ang med la/ mun pa'ang med pa de dag chos kyis snang bar byas so// lha'i bus smras pa/ 'jam dpal sems can gang dag chos kyi rnam grangs 'di thos nas/ mos par 'gyur ba de dag ni

  826. 414a

    dkon no/ / 'jam dpal byas smras pa/ lha'i bus spras pa/ 'jam dpal 'di la su dag mes par 'gyur/ 'jam dpal gyis spras pa/ lha'i bu gang dag 'ching bas rnam par 'khrugs par mi 'gyur ba rnams so/ / lha'i bus smras pa/ 'jam dpal 'ching bas rnam par 'khrugs par mi 'gyur ba dag gang yin/ 'jam dpal gyis smras pa/ lha'i bu gang dag 'dod chags dang / zhe sdang dang / gti mug dang / nyon mongs pa bsal ba'i sgo nas thar pa tshol bar mi byed pa dang / gang dag 'dod chags dang / zhe sdang dang / gti mug dang / nyon mongs pa mnyam pa nyid kyis rnam par grol ba mnyam par gyur pa dag ste/ de dag gis ni 'ching ba ma dmigs pas rnam par 'khrug par yang mi 'gyur ba'i phyir ro// 'jam dpal gzhon nur gyur pas bstan ba 'di bshad pa na/ srog chags lnga 'bum tsam gyis byang chub tu sems bskyed nas tshig 'di skad ces/ bdag ji ltar 'jam dpal gnos gyur pa dang / de bzhin gshegs pa dgra bcom pa yang dag par rdzogs pa'i sangs rgyas kyis chos 'di dag brnyes pa de bzhin du thob par gyur cig ces kyang smras so/ / lha dang mi rnams kyi skye dgu las srog chags 'bum lhag tsam ni chos thams cad la chos kyi mig rdul med cing dri ma dang bral ba rnam par dag go/ / gnas gtsang ma'i ras kyi lha'i bu drug khri ni lem pa mang ba zag pa rnams las sems rnam par grol lo// 'dod pa na spyod pa'i lha'i bu brgyad/

  827. 414b

    khri yang len pa med par zag pa rnams las sems rnam par grol lo// srog chags dang / dge slong dang / dge slong ma dang / dge bsnyen dang ngag bsnyen ma nyi khri yang len pa med par zag pa rnams las sem rnam par grol lo/ / byang chub sems dpa' sngon dge ba'i rtsa ba bskyed pa bdun khri nyis stong gis ni mi skye ba'i chos la bzod pa thob par gyur to// thams cad dang ldan pa'i 'khor rnams kyang dga' ba dang / mgu ba dang / yi rangs pa dang / rab tu dga' ba dang / dga' ba dang / yid bde ba skyes nas/ ched du rjod pa 'di ched du brjod do// e ma'o kun nas yongs su grol ba yi// dmigs med chos ni legs par bshad// 'jam dpal gzhon nur gyur pa yis/ / shin tu legs par bshad pa byas// de nas byang chub sems dpa' de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang mi 'am ci dang / lto 'phye chen po dang / mi dang / mi ma yin pa de dag gis lha dang mi'i mchod pa dag byas te/ steng gi bar snang las kyang lha'i me tog gi char dag kyang phab/ rin po che'i char dag kyang phab/ gos kyi char dag kyang phab/ bdug spos kyi char dag dang / spos chu'i char dag dang / phye ma'i char dag kyang phab bo// lha'i bu rnams kyis steng gi bar snang las lha'i sil snyan brgya stong dag kyang rab tu gsil bar gyur to/ / dge bsnyen dang / dge bsnyen ma rnams dang / rgyal po gsal rgyal gyis kyang rang rang gi 'byor pa ci bdog pa dag gis bcom ldan 'das dang

  828. 415a

    'jam dpal gzhon nur gyur pa la mchod pa byas so/ / thams cad dang ldan pa'i 'khor rnams kyis kyang thal mo sbyar te tshig 'di skad ces bcom ldan 'das gang dag chos kyi rnam tha/ 'di la dad par mi bgyid pa de dag la ni sangs rgyas 'byung ba ma mchis lags so// gang dag chos kyi rnam grangs 'di spong bar bgyid pa de dag la ni rab tu 'byung ba ma mchis lags so// gang dag chos kyi rnam grangs 'di bsgrubs te gnas par mi bgyid pa de dag la ni bsnyen par rdzogs pa ma mchis lags so/ / de dag la ni 'phags pa'i bsnyen par rdzogs pas bsnyen par rdzogs pa'ang ma mchis lags so/ / gang dag chos kyi rnam grangs 'di bgrod par mi mchi ba de dag la ni dge sbyong gi tshul ma mchis lags so// de dag la ni bram ze'i tshul yang ma mchis lags so// gang dag chos kyi rnam grang// 'di la skrag par 'gyur ba de dag la ni thob pa'ang ma mchis/ mngon par rtogs pa'ang ma mchis lags so// gang dag chos kyi rnam grangs 'di nyan par bgyid pa dang / thos nas kyang mos par bgyid pa dang / len par bgyid pa dang / kun chub par bgyid pa dang / 'dzin par bgyid pa dang / klog par bgyid pa dang / yi ger 'dri bar bgyid pa dang / snod 'tshal bar bgyid pa nas/ gzhan dag la 'ang ston par bgyid pa dang / skyo ba ma mchis pa'i yid kyis 'doms par bgyid pa dang / rjes su ston par bgyid pa dang // 'di la nan tan sgrub par bgyid pa dang / gzhan dag kyang nan tan gyis sgrub

  829. 415b

    tu stsol ba dang / / nyams par mi bgyid pa de dag ni sems can dam pa dang / sems can chen po dang / dge ba'i rtsa ba bsrungs pa dang / sangs rgyas mang po la bsnyen bkur bgyis pa dang / gting rnyed pa dang / log par ltung ba'i rgyun bkum pa dang / ngan song dang ngan 'gro'i sgo bkum pa dang / dge ba'i bshes gnyen gyis yongs su zin pa dang / dge ba'i bshes gnyen rnams la shin tu gus pa dang / dge ba'i bshes gnyen rnams la bgyis pa gzo zhing bgyis pa tshol ba lags shing / de dag ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi dam pa'i chos yongs su gzung ba'i slad du zhugs pa lags te/ skyes bu dam pa de dag la ni sangs rgyas 'byung ba'ang mchis lags so// de dag la ni chos kyi 'khor lo bskor ba'ang mchis lags so// de dag ni 'bras bu mchis pa dang / khom pa dang ldan pa lags so zhes kyang gsol to// de nas bcom ldan 'das kyis thams cad dang ldan pa'i 'khor de dag la legs so zhes bya ba byin nas/ byang chub sems dpa' byams pa la bka' stsal pa/ / byams pa chos kyi rnam grangs 'di bshad pa na/ lha dang mi rnams kyi skye dgu las srog chags nyi khri nyis stong ni chos rnams la chos kyi mig rdul med cing dri ma dang bral ba rnam par dag go/ / lha dang mi rnams kyi skye dgu las srog chags 'bum phrag brgyad ni len pa med par zag pa rnams las sems rnam par grol lo// lha dang / klu dang / gnod sbyin dang / dri za dang / lha ma

  830. 416a

    yin dang / nam mkha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen mas ya phrag gnyis kyis ni byang chub tu sems bskyed do/ / 'di na gnas pa dang / 'jig rten gyi khams gzhan dag nas 'dus pa'i byang chub sems dpa' lnga 'bum gyis ni mi skye ba'i chos la bzod pa thob par gyur to// byang chub sems dpa' bsam pa tha dad pa nyis stong tsam gyis ni gzungs sna tshogs so sor thob par gyur to/ / byang chub sems dpa' 'bum gyis ni gzungs dri ma med pa so sor thob par gyur to// de dag las byang chub sems dpa' mang po dag byang chub sems dpa' byams pa khyod kyis byang chub thob pa'i dam pa'i chos yongs su 'dzin par 'gyur zhing mdo sde zab mo 'di lta bu dag gnod pa dang / ston pa dang / 'dzin pa dang / klog par yang 'gyur te/ de dag ni byams pa/ khyod nyid kyis byang chub tu lung ston par 'gyur ro// de nas bcom ldan 'das la/ byang chub sems dpa' byams pas 'di skad ces gsol to// bcom ldan 'das rigs kyi bu 'am/ rigs kyi bu mo gang dag mdo sde 'dzin pa dang / klog pa dang / ston pa dang / yi ger 'dri ba dang / dam pa'i chos yun ring du gnas par bgyi ba'i slad du// glegs pam du bgyis te 'chang ba dang / than lan 'ga' zhig nyan par bgyid pa dang / rnalam du grags par bgyid pa de dag bsod nams ji tsam skyed par 'gyur lags/ de skad ces gsol pa dang / bcom ldan 'das kyis/ byang chub sems dpa' byams pa la 'di skad ces bka' stsal to// byams pa khyod de bzhin gshegs

  831. 416b

    pa la don 'di yongs su 'dri bar sems pa ni legs so legs so/ / byams pa de'i phyir legs par rab tu nyon la yid la zung zhig dang / ngas khyod la bshad par bya'o// byams pa nan gyis dper na/ lha dang mi rnam kyi skye dgra las lha 'am/ mi gang zhig gis sangs rgyas bcom ldan 'das 'khor gang+gA'i klung gi bye ma snyed dang bcas pa gang+gA'i klung gi bye ma snyed cig la bskal pa gang+gA'i klung gi bye ma snyed du bde ba'i yo byad tham cad kyis bsnyen bkur byas par gyur pa de bas ni/ gang gis mdo sde legs par gsungs pa 'di yi ger bris te 'dzin pa dang / klog pa dang / de bzhin du sgrub par byed pa dang / gzhan dag la ston par byed pa de ches bsod nams mang du skyed par 'gyur te/ byang chub mngon par rdzog par 'tshang rgya ba'i phyir ring po mi thogs par byang chub kyi snying por nye bar 'gro bar yang 'gyur ro// byams pa nga ni gang dag gis mdo sde 'di thos nas spong bar mi byed cing mos par byed pa dang / tha na glegs bam du 'dri bar byed pa de dag kyang mos pa ji lta ba bzhin du phyir mi ldog pa nyid du lung ston to// byams pa nga ni gang dag gis mdo sde zab mo 'di lta bu 'di'i ming tsam thos pa de dag kyang 'bras bu yod par lung ston par byed na/ gang dag mos pa dang / yi ger 'dri ba dang // klog pa dang / gzhan dag la'ang ston par byed pa dag la lta smos kyang ci dgos/ gang dag mdo sde 'di yi ger 'dri ba dang // lung ston pa dang / kha ton byed pa dang / klog pa dang // de bzhin nyid du sgrub par byed pa de dag gis sangs rgyas bcom ldan 'das dang lhan cig tu gtam 'dre bar byed pa dang / phebs par smra bar byed par 'gyur te/ de dag ni

  832. 417a

    rtag tu sangs rgyas bcom ldan 'das rnams dang mi 'bral bar 'gyur zhing / 'jig rten gyi khams gzhan dag na bzhugs pa'i sangs rgyas bcom ldan 'das rnams dang / byang chub sems dpa' sems dpa' chen po rnams kyis kyang de dag la ston par mdzad cing bla na med pa yang dag par rdzogs pa'i byang chub tu lung ston par yang 'gyur ro/ / de nas bcom ldan 'das kyis/ tshe dang ldan pa kun dga' bo la bka' stsal pa kun dga' bo chos kyi rnam grangs 'di thos pa de ni sangs rgyas 'byung ba dang 'dra ba yin gyi/ kun dga' bo khyod kyis chos kyi rnam grangs 'di zung zhig/ gzhan dag la'ang rgya cher ston cig/ kun dga' bos gsol pa/ bcom ldan 'das chos kyi rnam grangs 'di'i ming ci zhes bgyi/ 'di ji ltar gzung bar bgyi/ 'di'i ming ji skad bstan par bgyi lags/ bcom ldan 'das kyis bka' stsal pa/ kun dga' bo chos kyi rnam grangs 'di lha'i bu rab rtsal sems kyis zhus pa zhes bya ba dang / 'jams pal gyis bstan pa chos thams cad rnam par gtan la dbab pa bstan pa zhes bya bar yang zung zhig/ de nas 'khor de dag gis chos kyi rnam grangs 'di'i ming thos nas thal mo sbyar te/ bcom ldan 'das la 'di skad ces gsol to/ / bcom ldan 'das bdag cag gis 'jam dpal gzhon nur gyur pas chos bstan pa mang du thos lags na/ ji ltar chos kyi rnam grangs 'di rab tu rnam par phye ste rgya cher bstan pa dang / de lta bu'i chos ni nam yang ma byung lags so// bdag cag gis kyang chos kyi rnam grangs la dga' ba 'di lta bu thob pa ni sngon ma myong lags te/ de lta lags pas/ bcom ldan 'das yongs su mya ngan las 'das

  833. 417b

    nas kyang / skye bo mang po la sman pa dang / ma 'ongs pa'i skye bo rnams kyi slad du/ chos kyi rnam grangs 'di ci nas sangs rgyas kyi mdzad pa bgyid par 'gyur ba dang / sems can mos pa tha dad pa rnams kyis chos kyi rnam grangs 'di thos nas mos pa ji lta ba bzhin du theg pa tha dad pas nges par 'byung bar 'gyur ba dang / de dag bde 'gror mchi bar bgyi bar bcom ldan 'das kyis chos kyi rnam grangs 'di les par byin gyis brlab tu gsol/ de nas bcom ldan 'das kyis 'khor bzhi po de dag gis gsol ba btab par thugs su chud nas phyogs bcur rnam par gzigs so// bcom ldan 'das kyis phyogs bcur rnam par gzigs ma thag tu de nas de'i mod la stong gsum gyi stong chen po'i 'jig rten gyi khams 'di'i sa gzhi chen po rnam pa drug tu rab tu g.yos par gyur cing / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyang dga' ba dang / mgu ba dang / yi rangs pa dang / spro ba dang / dga' ba dang / yid bde ba skyes nas/ ci nas kyang phyi ma'i dus na chos kyi rnam grangs 'di nub par mi 'gyur bar byin gyis brlab par bya ba'i phyir de bzhin gshegs pa dang / byang chub sems dpa' sems can la dga' ba rnams dang / nyan thos kyi dge 'dun la lha'i mchod pa dag byas shing / steng gi bar snang las me tog gi char dag kyang rab tu phab/ lha'i sil snyan dang glu dbyangs dag kyang rab tu gsil cing blangs so// de

  834. 418a

    nas de bzhin gshegs pas thams cad dang ldan pa'i 'khor nga la 'di skad ces ngadang 'jam dpal gzhon nur gyur pas chos kyi rnam grangs 'di byin gyis brlabs so/ / zhes go bar yang mdzad do// de nas thams cad dang ldan pa'i 'khor de dang / byang chub sems dpa' de dag dga' ba dang / mgu ba dang / yi rangs pa dang / rab tu dga' ba dang / dga' ba dang / yid bde ba skyes nas/ bcom ldan 'das dang / 'jam dpal gzhon nur gyur pa la ma rlod pa byas te rang rang gi gnas su dong ngo // bcom ldan 'das kyis de skad ces bka' stsal nas/ byang chub sems dpa' byams pa dang / tshe dang ldan pa kun dga' bo dang / thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do/ / 'phags pa lha'i bu rab rgyal sems kyis zhus pa zhes bya ba theg pa chen po'i mdo rdzogs so// / rgyag