Text

ff. 1a–248a · 495 folio sides

  1. 1a

    rnal 'byor chen po'i rgyud dpal rdo rje phreng ba'i rgya cher 'grel pa zab mo'i don gyi 'grel pa zhes bya ba bzhugs/

  2. 1b

    rgya gar skad du/ sh+rI badzra mA la mahA yo ga tan tra TI kA gaM b+hI ra ar tha d+hi bi ka nA ma/ bod skad du/ rnal 'byor chen po'i rgyud dpal rdo rje phreng ba'i rgya cher 'grel pa zab mo'i don gyi 'grel pa zhes bya ba/ dpal rdo rje sems dpa' la phyag 'tshal lo/ /gang zhig gtum mo'i rnal 'byor chags phyir bdud rtsi'i ro la nges brten pa/ /gang zhig ma la ya rtse'i logs las lus kyi nang na tshim byed cing/ /gang zhig 'khor ba'i 'gro ba yongs su dag pa la ni thabs bstan

  3. 2a

    mdzad/ /yum bcas sems des khyed rnams la ni dge legs ster gyur cig /dpal ldan gsang pa 'dus nyid kyi/ /rdo rje phreng ba zhes bya ba'i/ /'grel pa man ngag dri med ni/ /bshad pa'i rgyud la yang dag bshad/ /'dir bcom ldan 'das rdo rje 'chang gi sprul pa'i sku dngos rgyal bu don thams cad grub pas chu bo ne rany+dza na'i 'gram du phyin ci log gi ting nge 'dzin mkha' khyab ces bya ba la snyoms par zhugs te 'di nyid ni byang chub po snyam du dgongs nas gnas par gyur to/ /de nas mngon par dga' ba dang/ 'og ma ni

  4. 2b

    dang/ rin chen 'byung gnas dang/ bde ba can dang/ me tog ldan pa zhes bya ba'i sangs rgyas kyi zhing rnams nas byon te rgyal bu don thams cad grub pa de nyid la/ bsam gtan 'di ni rnam dag min/ zhes bya ba la sogs pas bskul bas de nas phyin ci log gi bsam gtan de dor bar gyur to/ / de'i rjes su bar snang la de bzhin gshegs pa thams cad kyis yongs su gang bar rnam par gzigs nas/ oM sarba ta thA ga ta kA ya bAk tsit+ta pra na men badzra band+ha naM ka ro mi/ zhes bya ba phyag 'tshal ba dang skor ba sngon du 'gro bas phyin ci ma log pa'i de kho na nyid kyi ngo bo'i ting nge 'dzin bstan pa'i don du bcom ldan 'das de rnams nyid la gsol ba btab par gyur to/ /de nas bcom ldan 'das de rnams kyis phyag rgya chen po'i dkyil 'khor sprul

  5. 3a

    pa sngon du 'gro bas slob ma sta gon la gnas pa dang/ byang chub tu sems bskyed pa dang/ dbang bskur bzhi dang/ dam tshig dang sdom pa sbyin pa sngon du 'gro bas rab tu dbye ba dang bcas pa'i dbang bskur bzhi pa rnams kyis dbang bskur nas/ ting nge 'dzin gsum dang/ rigs brgya rab tu dbye ba dang/ rim pa lnga bstan pa'i rim pa man ngag nye bar bstan nas/ de bzhin gshegs pa de rnams rang rang gi sangs rgyas kyi zhing du nye bar gshegs par gyur to/ /de nas bcom ldan 'das shAkya seng ge sngon bcom ldan 'das rnams kyi bstan pa'i man ngag gi dbang po rnon po nyid kyi phyir/ mngon du mdzad nas nam phyed na mngon par rdzogs par sangs rgyas te tho rangs kyis dus su bdud bcom par mdzad nas dga' ldan gyi gnas su gshegs te /

  6. 3b

    rang gi sku'i 'byung ba chen po la sogs pa rnams las rin po che sna bdun las byas pa'i gzhal yas khang spros so/ /nyid kyi phung po lnga rnams las de bzhin gshegs pa lnga dang/ sa la sogs pa'i khams rnams las spyan ma la sogs pa lhan cig spyod ma bzhi dang/ mig la sogs pa drug dang yan lag gi tshogs thams cad dang/ rgyus pa dang bcas pas thams cad las ji srid par gzugs rdo rje ma la sogs pa lnga byang chub sems dpa' brgyad dang bcas pa dang/ rang gi sku'i yan lag dang nye ba'i yan lag bcas pa rnams la khro bcu spros par gyur to/ /de'i rjes su de gtso bor gyur pa'i dkyil 'khor gyi 'khor lo nam mkha' i ngos khyab pa'i bcom ldan 'das la gsol ba btab nas/ 'dod chags can gyis 'dod chags spang ba'i don du chags dang bral ba'i dbye bas rigs rnam pa bzhi nye bar bstan te/ gsang ba 'dus pa'i rgyud chen po stong phrag nyi shu rtsa lnga pa bstan par gyur to/ /de'i rjes su slar yang tshe dang lta ba dang nyon mongs pa dang skal ba dang sems can gyi snyigs mas khyab pa'i sems can gyi khams la gzigs ste/ dkyil 'khor ba de rnams la gsol ba btab pas nyung du'i rgyud kyi rgyal po dpal gsang ba 'dus pa zhes bya ba gzhung gi tshad brgya phrag bco brgyad pa le'u bco brgyad kyi bdag nyid can

  7. 4a

    bstan par gyur to/ /de yang sdud pa po'i phyag na rdo rje 'am 'jam dpal gyis brgyud nas mi'i 'jig rten du 'ongs so/ /de la rdzogs ldan dang sum ldan dang gnyis ldan dang rtsod pa can gyi dus su zhal gyi gdams ngag dang/ rtsa ba'i rgyud dang yan lag gi rgyud dang bshad pa'i rgyud la sogs pa la 'jug pa zhes bya ba ni kha cig smra'o/ /gzhan dag ni rtsod pa'i dus 'di nyid du sems can thams cad rjes su bzung ba'i phyir nyung du'i rtsa ba'i rgyud bstan pa'i de ma thag tu bcom ldan 'das kyi yan lag gi rgyud dang bshad pa'i rgyud la sogs pa bstan ces zer ro/ /phyogs 'di yang 'ongs pa yin te/ rtsod pa can gyi dus su shes rab dman pa nyid kyis sems can rnams la rtsa ba'i rgyud kyi rnam par dbye ba bcom ldan 'das kyis bstan pas gdon mi za bar nye bar mkho ba nyid kyi phyir ro/ /bcom ldan 'das kyis rgyud bstan pa de yang 'dus par gyur pa ni cho ga lnga'i rgyud kyi sbyor bas bsdus pa ste/ 'di lta ste/ bya ba dang/ spyod pa dang/ rnal 'byor dang/ rnal 'byor chen po dang/ rnal 'byor ma'i rgyud kyi dbye bas so/ /de la 'dod chags dang zhe sdang chung zhing chung la/ /gti mug che zhing che ba bram ze'i rigs su gyur pa'i sems can la brten nas/ sum cu rtsa gsum pa'i lha'i gnas su dpal sgrol ma 'byung ba la sogs pa bstan par khrus lan gsum byed pa dang/ gos lan gsum brje ba dang/ lo ma dang/ thug pa za ba'i spyod pa gtsor byed pa rnams

  8. 4b

    la rig pa'i dbang lnga po rnams btsor bstan pa mdzad do/ /de nas 'dod chags dang zhe sdang dag chung zhing gti mug shin tu chen por gyur pa khyab 'jug la mos pa/ rje'u'i rigs kyi rigs can gyi sems can rnams la brten nas bcom ldan 'das kyis dpal rnam par snang mdzad mngon par byang chub pa spyod pa'i rgyud bstan pas/ bsnyen gnas dang 'dra ba'i thun mong ba bcu gnyis nas nyi shu rtsa bzhi'i bar du smyung ba dang khrus la sogs pa'i spyod pa gtsor ston par byed pa sngon gyi dang 'dra bar dbang bskur ston par byed pa/ skyed pa'i rim pa gcig pu tsam ston par byed pa ni 'og min gyi gnas su mdzad pa'o/ /de'i rjes su gti mug 'bring dang 'dod chags dang zhe sdang 'bring gis sems can rnams la brten nas/ rgyal rigs kyi rigs can gdul ba'i don du rnam par snang mdzad chen po'i gzugs thob nas ri rab kyi rtse mor? sngon gyi smon lam gyi stobs kyi seng ge'i khrir gyur pa la dam pa tog dkar po'i gnas skabs kyi lus kyis bzhugs nas/ 'dod chags dang zhe sdang dang gti mug dang ser sna mnon pa'i dbang po dang/ dbang phyug chen po dang/ ma skyes pa dang/ el bil gdul ba'i phyir rim pa ji lta ba bzhin du rdo rje dbyings dang/ khams gsum rnam par rgyal ba dang/ 'gro ba 'dul ba dang don thams cad grub pa'i dkyil 'khor zhes bya ba rtog pa rnam pa bzhi'i bdag nyid can rgyud kyi rgyal po dpal de kho na nyid 'dus pa zhes bya ba bstan ba ni/ gtsor rdo rje slob dpon gyi dbang ma lus pa ston pa bskyed pa'i rim pa'i steng du thig le'i rnal 'byor sgom pa dang bcas pa mdzad do/ /de'i rjes su de nyid du dpal rdo rje rtse mo'i rgyud kyi bstan pa mdzad do/ /de'i rjes su dga' byed shAkya thub pa'i gzugs kyi lha'i bu nor bu'i 'od gdul ba'i don du ngan song thams cad sbyod ba'i rgyud bstan par mdzad do/ /de nas ri rab kyi steng du sgo glegs kyi gtsug lag khang gi nang du phyag na rdo rje'i gzugs kyis gsang ba'i bdag po phyag na rdo rje 'dul ba'i don du phyag na rdo rje dbang bskur ba'i rgyud bstan par mdzad do/ /de nas gzhan 'phrul dbang

  9. 5a

    byed du rdo rje sems dpa' i gzugs kyis bdud 'dul ba'i phyir dpal mchog chen po'i rgyud bstan par mdzad do/ /de'i rjes su 'dod chags dang zhe sdang che zhing/ gti mug chung ba'i rje'u rigs kyi sems can rnams la brten nas dga' ldan gyi lha rnams la gtso bor dbang bzhi ston pa/ rim pa gnyis kyis sdus pa dang/ gsang ba 'dus pa'i rgyud bstan par mdzad do/ /de'i rjes su o rgyan du nub kyi ril bcom ldan 'das dpal rdo rje sems dpa' i gzugs kyis khro bo bcu'i sgo nas gtso bor phyogs skyong bcu gdul ba'i phyir/ rdo rje phreng ba stong phrag bcu gnyis pa dang rdo rje phreng ba nyung ngu'i rgyud gnyis bstan par mdzad do/ /de'i rjes su de bzhin gshegs pa la gsol ba 'debs pa'i bcom ldan 'das kyis dpal ldan rdo rje sems dpa' i gzugs kyi kha ba can gyi ri la mi rnams kyi nang du dpal dgongs pa lung bstan kyi rgyud bstan par mdzad do/ /de'i rjes su lha mo bzhis gsol ba btab pa'i bcom ldan 'das kyis ri bo 'bigs byed kyi rtse mo la dpal lha mo bzhis zhus kyis rgyud bstan par mdzad do/ /de'i rjes su gang gA'i 'gram du dpal ye shes rdo rje kun las btus pa'i rgyud chen po dang chung ngu'i dbye bas bstan par mdzad do/ /de'i rjes su 'dod chags dang zhe sdang chen po'i chen po gti mug chung zhing chung ba'i gdol pa'i rigs dang 'brel ba'i sems can rnams la brten nas/ bcom ldan 'das dpal 'khor lo bde mchog chen po dang chung ngu'i rgyud kyi dbye bas rim pa gnyis btsor ston pa dang/ gtsor dbang bzhi ston pa dang/ shes rab gtsor gyur pa'i bshad pa'i rgyud dang bcas pa bstan gnas gtsang ma 'phags pa'i gnas su bstan par mdzad de/ rgyud bzhi po'i gnas kyi rnam par dbye ba 'dir mi dgos pa'i phyir ma bstan to/ /de'i rjes su 'dzam+bu'i gling 'di nyid du ma ga d+har bdud bzhi 'dul ba'i don du dpal dgyes pa'i rdo rje'i rgyud bstan pa chen po dang chung ngu'i rgyud bshad pa'i rgyud dang bcas pa bstan par mdzad de/ de'i yang gnas kyi rnam par dbye ba la sogs pa mi dgos pa'i phyir 'dir ma bstan to/ /de'i phyir 'dir rgyud sde lnga'i nang nas bcom ldan 'das

  10. 5b

    thugs rje chen po dang ldan pas o rgyan du nub kyi ri la rdo rje phreng ba'i rgyud chung ngu bstan par mdzad de/ le'u drug cu rtsa brgyad kyi bdag nyid dri ba dang lan brgyad cu rtsa gnyis kyi bdag nyid can bstan par mdzad do/ /'di yang brjod par bya ba'i rim pa gnyis ni gtso bo'i don to/ /de la dang po rdo rje phreng pa'i rgyud sdud pa po phyag na rdo rje'am 'jam dpal rgyud kyi don ma lus pa thugs la nye bar bzhag nas dag dang po gleng gzhi dag gi rnam grangs gzhan dang ldan pa 'di skad ces bya ba la sogs pa gsungs so/ /'di la don gsum ste/ gleng gzhi'i ngag gi dgos pa dang/ gleng gzhi'i bsdus pa'i don dang de nyid kyi yan lag gi don to/ /de la dang po nyan pa po'i skye bo la dbugs dbyung ba bskyed pa dang/ bcom ldan 'das kyis bka' yongs su bskyad ba dang/ yid ches pa'i gdams ngag thob pas bdag nyid khyad par du 'phags pa'i nyan pa por ston pa nyid do/ bsdus don zhes bya ba ni phun sum tshogs pa lnga dang ldan pa ste/ de la 'di skad ces bya ba la sogs pas bstan pa'i bya ba phun sum tshogs pa'o/ /bdag gi thos pa zhes bya ba la sogs pas ni 'khor phun sum tshogs pa mdor bstan pa'o/ /dus gcig na zhes bya ba la sogs pas ni dus phun sum tshogs pa'o/ /bcom ldan 'das zhes bya ba la sogs pas ni ston pa po phun sum tshogs pa'o/ /de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga rnams la bzhugs te/ zhes bya ba la sogs pas ni gnas phun sum tshogs pa gsungs so/ de la yan lag gi don rnam pa gnyis te/ dang po ni bshad pa rnam pa bzhi dang/ gnyis pa ni phyi dang nang gi bdag nyid kyis bshad pa'i dbye ba'o/ /de la yi ge'i don bshad pa'i skabs su phun sum tshogs pa rnam pa lngas bshad pa bya ste/ de bzhin nyid dang zla ba dang/ sa bon dang/ lus kyi dbye bas bcom ldan 'das rdzogs pa'i ji skad du gsungs ba'i gzhal yas khang gi nang du bzhugs pa ni/ mdza' drug gi bshad pa'i rjes su 'brangs nas shes par bya zhing rtogs par bya'o/ /de'i rjes su 'di dag gi zhe 'am 'di dag gis zhes bya ba la sogs pa mi bzad pa yongs su spangs nas 'di

  11. 6a

    skad ces bya ba'i yi ge gnyis la brgya byin gyis zhugs pa'i mdo khungs kyi e waM gi tshig kun gyi gzhi dang pha ma ni/ yi ge gnyis dang de bzhin bstan/ /yi ge e ni mar gyur la/ /paM ni pha zhes bya bar grags/ /zhes bya ba la sogs pa'i bshad pas brjod nas/ de'i rjes la bdag gis thos pa zhes gsungs so/ /sa bon ngo bos gang sprul pa/ /lha rnams kyis ni 'khor lo mchog /mchog tu dga' ba'i dus gang yin/ /dus gcig na zhes bshad pa yin/ /dbang phyug brgyad kyi bcom ldan 'das/ /bde ba chen po'i gnas la bzhugs/ /'di yi phung po lnga rgyal ba/ /de bzhin gshegs pa thams cad yin/ /de yi bdag nyid sku gsung thugs/ /rdo rje snying 'dir bde chen po/ /btsun mo legs sbyang phyag rgya che/ /legs sbyangs pad+ma b+ha ga yin/ /bzhugs pa rdo rje 'dzin pa der/ /thig le'i gzugs kyi gnas pa'o/ /zhes bya ba la sogs pa'i spyi'i don gyi bshad pas don bstan to/ /sbas pa'i don ni le'u lnga bcu rtsa dgu pa'i rjes su 'brangs nas/ e ni shes rab dam pa ste/ zhes bya ba la sogs pas nye bar bkod pa 'og nas 'chad par 'gyur ro/ /mthar thug pa'i don ni dgongs pa lung bstan kyi rgyud kyi rjes su 'brangs nas/ /rgyud ni bdag gis 'di skad thos/ /gsal ba 'ga' zhig dus yin te/ /zhes bya ba la sogs pas bshad do/ /'dir yang rgyud 'di phal cher thun mong gi rgyud kyi bshad par gyur pa nyid kyi phyir rnal 'byor chen po dang rnal 'byor ma'i rgyud kyi rjes su 'brangs nas/ phreng? bzhir bshad par bya ste/ de la re zhig phyi rol gyi bshad pa'i phyogs su 'di skad ces bya bas rgyud ma lus pa'i don ston par byed pa'i tshigs gis phrad kyi sdud pa po'i rjod par 'dod pa la snang ba rgyud kyi don bsdu ba gsungs so/ /de ltar na 'di skad ces bya ba ni ji ltar sdud par gyur pa de lta bu nyid du ste/ sgro 'dogs pa dang skur pa 'debs pa dag gi ni ma yin zhes bya ba'i don to/ /bdag gis zhes bya ba ni bdag nyid/ gtso bor gyur pa'i 'khor de bzhin gshegs pa dang/ lhan cig spyod ma dang/ rjes su spyod ma dang/ byang chub sems pa dang/ khro bo'i

  12. 6b

    gzugs kyis so/ /de ltar ji ltar 'og nas 'chad par 'gyur ba de'i phyir bdag nyid gtsor gyur pa'i 'khor gyis so/ /thos pa zhes bya ba ni rtogs pa ni ma yin no/ /rang nyid kyi mngon par rdzogs par 'tshang rgya ba'i chos bstan pa yin gyi/ ston pa po las thos bsdud pa pos sdud par byed de/ de bas na thos pa zhes bya ba 'dis 'og nas sdud pa po mtshon par byed do/ /dngos su ma yin thos ba 'am gzhan du thos pa la sdud pa po tshad ma nyid du 'gyur ro/ /de'i phyir bdag gis dngos su thos pa/ zhes brjod pa la bdag gi bla ma dang de'i bla ma rnams las ni ma yin no/ /zhes stan par 'gyur/ /gang gi rnams? de'i phyir dus gcig na zhes gsungs te/ dus gcig ni dus gcig gi tshe na 'di thos la gzhan du ni gzhan dag thos pa'o/ /zhes bya ba 'dis sdud pa po mang du thos pa nyid du bstan to/ /yang dus gcig gi tshe zhes bya ba ni dus gcig la ste dus gzhan du 'di lta bu bstan pa med pa'i phyir nges na rgyud snyed par dka' ba nyid gsungs so/ /yang na dus gcig gi tshe 'di thos pa ste/ gang gi tshe bcom ldan 'das kyi zhal gyis pad+ma las rgyud bstan pa'i ngag thos pa de nyid kyi tshe skad cig gcig nyid la bdag gi lhag chad med par bzung zhes bya ba'i don to/ /'dis ni spobs pa phun sum tshogs pa dang ldan pa nyid sdud pa po la bstan to/ /su las thos she na/ de'i phyir bcom ldan 'das zhes bya ba gsungs so/ /gang gi tshe bcom ldan 'das gnas khyad par can du bzhugs pa de'i tshe drung na thos zhes bya ba'i the tshig go /de la bdud bzhi bcom pa 'am dbang phyug la sogs pa'i yon tan drug dang ldan pas na/ bcom ldan 'das so/ /de la stong pa nyid bsgoms pas 'chi bdag gi bdud bcom mo/ /lha sum cu rtsa gnyis kyi bdag nyid can gyi dkyil 'khor gyi 'khor lo'i rnam pa rang gi lus la yongs su shes pas phung po'i bdud bcom mo/ /de bzhin gshegs pa lnga'i rnam pas nyon mongs pa lnga yongs su shes pas nyon mongs pa'i bdud bcom mo/ /bgegs skrad pa'i dus na/ dbang po la sogs pa'i phyogs bcu'i 'jig rten skyong ba la phur bus btab pas rnam par bcom pa'i phyir lha'i bu'i bdud bcom mo/ /de bzhin du bcom ldan 'das la dbang phyug tshang ba ste/

  13. 7a

    bag chags dang bcas pa'i nyon mongs pa dang shes bya'i sgrib pa thams cad spangs pa'i phyir ro/ /de bzhin du bcom ldan 'das la ye shes kyeng tshang ba ste/ bdag med pa nyid kyi rnam pas chos thams cad yongs su shes pa'i phyir ro/ /grags pa tshang ste/ sangs rgyas rjes su dran pa'i sgo nas thams cad du grags pa'i sgra snyed pa'i phyir ro/ /dpal tshang ba ste rnam pa thams cad du sems can thams cad kyi don du gnyer ba'i phyir ro/ /gzugs tshang ba ste mtshungs pa med pa'i mtshan dang dpe byad rnams kyi yan lag rnam par mdzes pa'i phyir ro/ /'bad ba tshang ba ste sems can gcig gi ched du yang 'khor ba'i mthar thug ba med par gnas pa'i phyir ro/ /gnas gang du zhe na/ de'i phyir bcom ldan 'das de bzhin gshegs pa thams cad kyi zhes bya ba la sogs pa gsungs te/ de bzhin nyid du gshegs pa dang/ 'khor ba las ji ltar gshegs par byed pa de lta bu nyid du mi gnas pa'i mya ngan las 'das pa nyid du gshegs pa dang/ dngos po 'ga' zhig ji ltar song ba de lta nyid du 'gyur bas na/ de bzhin gshegs pa rnams so/ /nam mkha' i gtos thams cad khyab par byed pas na thams cad do/ /thams cad kyang yin la de bzhin gshegs pa yang yin pas na de bzhin gshegs pa thams cad de/ bsdus na rigs lnga dang 'brel ba rnams so/ /de rnams kyi sku gsung thugs ni rin chen 'byung ldan dang don yod grub pa dag ji ltar rigs par rnam par snang mdzad dang snang ba mdza' yas dag la 'dus pa'i phyir gsang ba gsum gyi rang bzhin rnams te thams cad 'dus pa'i phyir ro/ /de rnams kyi snying po'i ngo bo rdo rje btsun mo rnams ni spyan ma la sogs pa rnams so/ /de rnams kyi b+ha ga ni chos 'byung gi phyag rgya'i rang bzhin rnams so/ /de la bzhugs te/ zhes bya ba ni de la gnas pa'i gzhal yas khang na bzhugs par gyur pa'o/ /'di skad ston par 'gyur te stong pa nyid bsgoms pa'i rjes la rdo rje 'chang chen po yongs su gyur pa las skyes pa'i chos 'byung gi phyag rgya'i steng du yaM raM baM laM gi sa bon yongs su gyur pa las/ skyes pa don yod grub pa dag gi dbang phyug dang thugs kyi dbang phyug dang rin chen 'byung ldan rig ma dang bcas pa yongs su gyur pa

  14. 7b

    las rlung dang me dang chu dang sa'i dkyil 'khor gyi steng du nyi ma dang zla ba la sogs pa'i gdan gyi steng du gang gi tshe bcom ldan 'das bzhugs pa de'i tshe bdag gi thos so/ /zhes bya ba'i don to/ /bzhugs so zhes bya ba ni rdzu 'phrul gyi gnas pa bzhis bzhugs pa'o/ /de la rdzu 'phrul gyi gnas pa gzhi ni gang zhe na/ ston pa'i gnas pa dang/ spyod lam gyi gnas pa dang snyoms par zhugs pa'i gnas pa dang nang du yang dag 'jog gi gnas pa zhes bya'o/ /de la gang zhig bcom ldan 'das kyi gsung gi las thams cad ni ston pa'i gnas pa'o/ /gang zhig sku'i phrin las thams cad ni spyod lam gyi gnas pa'o/ /gang zhig bsam gtan dang ting nge 'dzin la snyoms par 'jug pa la yid kyi las thams cad rang bzhin gyi mnyam par bzhag pa ste/ de rnams kyi snyoms par 'jug pas gnas pa'o/ /gang zhig lha la sogs pa'i nye bar 'gro ba la sogs pa rnams la rang bzhin gyi rnam par dag pa'i yid kyi las de nang du yang dag 'jog gi gnas pa ste phyi'i bshad pa'o/ /nang du e zhes bya ba ni shes rab dang mtshan ma dang/ de'i rtsa ba dang de'i rig pa'o/ /nga yig gis thabs dang/ de'i rgyal mtshan dang de'i rtsa ba dang de'i rig pa'o/ /thig les ni de dang yang dag par sbyor bas thig le'i ngo bo bde ba chen po nyams su myong ba'o/ /'dis kyang don dam pa'i bde ba chen po nyams su myong ba sngon du 'gro bas chos kyi sku mtshon pa'o/ /bdag gis zhes bya ba 'dis ni a haM gis ngo bos rgyud dang ye shes kyi rim pa'i ngo bo nyid kyis thig le bzhi'i ngo bos 'khor lo bzhi la longs spyod rdzogs pa'i sku mtshon pa'o/ /thos pa zhes bya ba 'dis ni 'dzag pa'i don gyis sprul pa'i sku mtshon to/ /ji skad du gcig ni nam mkha' dang 'dra ste/ gzhan ni zla ba rdzogs pa 'dra/ /mkha' 'dra gang zhig 'di dag gi /skyob pa rnams kyi chos sku de/ /gang zhig zla ba rdzogs pa ltar/ /de nyid longs spyod rdzogs pa'i sku mtshon pa'o/ /dus gcig na zhes bya ba 'di ni bsam gyi mi khyab pa'i dus gsungs so/ /ji skad du/ bzang ba'i dus dang ngan pa'i dus/ /bsam gyis mi khyab dus nyid dang/ /sna yi bu ga gnyis nas ni/ /'ongs pa bzang po'i dus zhes brjod/ /sod pa dus ngan zhes brjod do/ /bsam gyis mi khyab de bzhin 'gyur/ /srog dang rtsol ba rnams spangs pa//

  15. 8a

    'byung dang 'jug pa spangs pa dang/ /'gro dang 'ong las rnam grol ba/ /dus gcig ces ni brjod pa min/ /zhes gsungs so bcom ldan 'das zhes bya ba 'dis ni dga' ba gsum 'joms par byed pa'i lhan cig skyes pa brjod pa yin no/ /de bzhin gshegs pa thams cad ni rtsa stong phrag bdun cu rtsa gnyis sdud par byed pa'i 'khor lo bzhi 'am/ drug rnams te/ de bzhin gshegs pa thams cad kyi rang bzhin nyid kyi phyir ro/ /de rnams kyi sku gsung thugs ni de sdud par byed pa'i rnam pa can rtsa gsum mo/ /de nyid ni snying po ste rtsa gsum po de'i dbang gis rtsa gzhan rnams bskyed pa'i phyir ro/ /de'i ngo bo'i rdo rje btsun mo rnams ni las dang dam tshig dang ye shes kyi phyag rgya'i ngo bo rnams so/ /de rnams kyi b+ha ga rnams ni kun rdzob tu chos 'byung gi lte ba'i gnas rnams la gang gi tshe thig le'i ngo bos gnas pa mdzad pa de'i tshe bdag gi zos zhes bya ba'i tha tshig go /nang gi bshad pa'o/ /de ltar gleng gzhi bshad nas 'khor phun sum tshogs pa rgyas par bshad pa bstan par 'dod nas/ tshad med pa zhes bya ba la sogs pa gsungs te/ 'di tsam nyid du gzhal bar mi nus pa nyid kyi phyir tshad med pa'o/ /phyag rgya chen po zhes bya ba ni dga' ba chen po len pas na phyag rgya chen po ste/ shin tu zab pa'i ma yin pa dang shin tu zab pa'i rim pas rdzogs pa'i bskur brjod do/ /de'i don du mngon par rtogs pa spros pa'i rgyud rdo rje dang zla ba la sogs pa'i rim pa dang rigs brgya'i dbye ba sgom pa gang zhig mngon par rtogs pa de la bzhugs pa ni gnas pa gang rnams la yod pa de ni de ltar ro/ /dpag tu med pa rdo rje'i rigs dang/ rab tu 'brel ba'i byang chub sems dpa' sngags kyi sgo nas spyad pa spyod pa ste/ byang chub ni sku gsum gyi rnam pa can la sems can ni dgongs pa gang la yod pa de rnams de ltar ro/ /de rnams kyi dbye ba ni 'bum phrag bcu'i rnam pa'o/ /de rnams kyi khrag khrig ni sa ya'i rnam pa'o/ /de'i grangs brgya stong ni 'bum mo/ /de'i grangs kyis ni rnam par bcad pa dang/ lhan cig tu zhes bya ba'i tha tshig go /ji lta bu zhe na/ de'i phyir thams cad kyang zhes bya ba gsungs te/ phyag rgya chen po'i

  16. 8b

    mngon par rtogs pa zhes bya ba la/ phyag rgya chen po ni/ ngag 'od gsal ba'i rang bzhin gyi rnam pa med pa sngar bshad pa'i nges pa'i tshig nyid kyis so/ /de'i phyir mngon par rtogs pa ni thob par byed pa'i thabs te/ rgyas par ni brgya rtsa brgyad kyi rlung grangs can dang bsdus na yang rlung bcu'i rnam pa'i grangs nye bar mtshon pa sngon du 'gro bas 'jug pa la sogs pa gsum gyi grangs kyi nyi khri'i chig stong drug brgya'i dbugs kyi ngo bo'o/ /de la gnas par 'gro ba gang rnams la yod pa de ni mngon du byed pa ste/ bsgom pa rab kyi mthar thug par 'gro ba'o/ /de la gnas pa ni de sngon du byed pa la bzhugs pa'o/ /'dis ni rdo rje bzlas pa mngon du byed pa'i byang chub sems dpa' la bstan to/ /gzhan yang ji lta bu rnams kyis shes na/ de'i phyir gnyis su med pa'i bde ba chen po zhes gsungs te/ gnyis med ni bzung 'dzin dang rnam par bral bar sems can thams cad la khyab pa bde ba chen po sems 'od gsal ba'i rnam pa de'i nyams su myong ba ni/ snang ba la sogs pa ye shes gsum gyi sgo nas rig pa des dgyes pa ni khyad par can gyi bde ba'o/ /des kha 'byed pa ni rab tu rgyas pa'o/ mchog ni khyad par 'phags pa'i ngo bo ste/ zhal gyi pad+ma ni gang gis de rnams de bzhin du'o/ /'dis ni sems rnam par dben pa'i pha rol tu phyin pa rnams kyi bya ba'i tha tshig go /de bzhin du chos thams cad ces bya ba la sogs pas de chos thams cad ni phung po la sogs pa rnams sgyu ma'i rang bzhin rnams kyi ji lta ba bzhin ni sgyu ma'i dpe bcu gnyis kyi rnam par nyams su myong ba ni ye shes te/ de mthong ba ni de mngon du byed pa'i phyir bdag byin gyis brlab pa'i rim pa'i pha rol tu phyin pa zhes bya ba'i don to/ /gzhan yang rnam par mi rtog pa'i ye shes kyi zhes bya ba la rnam par mi rtog pa ni phyag rgya dang ting nge 'dzin gyi rim pa ngag gi rang bzhin gyis 'od gsal ba'i ye shes ni thams cad stong pa'i ngo bo nyid do/ /de nyid ni de kho na nyid de bag chags su gyur pa'i rang bzhin gyi tshogs spong ba'i ngo bo nyid kyi phyir phyin ci ma log pa'o/ /de la mngon du phyogs pa ni mngon du phyogs par gyur pa rnams kyi zhes bya ba'i don to/ /'dis ni mngon par byang chub pa'i rim

  17. 9a

    pa mthar byin pa nyid du 'di rnams kyis bstan to/ /de bzhin du bla na med pa zhes bya ba la sogs pa la bla na med pa'i rdo rje 'chang chen po ni zung 'jug gi rnam pa don dam pa ste mi slob pa'i phyir ro/ / de'i dam tshig ni slob pa dang mi slob ba'i ngo bo zung 'jug mngon du byed pa'i thabs te/ de las mi 'da' ba' i phyir ro/ /des dbang du gyur pa ni/ rang dbang can te/ bdag byin gyis brlab pa dang/ mngon par byang chub pa'i rim pa gnyis tha mi dad pa'i ngo bo de la rab tu mkhas pa/ de mngon du byed pa rnams kyis zhes bya ba'i tha tshig go /'dis ni zung du 'jug pa'i rim pa mthar byin pa nyid bstan to/ /de ltar 'khor phun sum pa mdor bstan par mdzad nas/ de'i rgyas bar bshad pa'i yan lag gtso bo bstan par 'dod nas ji tsam gyi dkyil 'khor gyi 'khor lo yongs su rdzogs pa de tsam gyi grangs dang ldan pa'i 'khor gyi tshogs 'di lta ste/ zhes bya ba la sogs pa gsungs te/ 'dis ni mngon sum gyis yongs su bgrang ba bstan par byed de/ dam tshig rdo rje dang zhes bya ba ni las thams cad pa nyid kyi dam tshig thams cad kyi ngo bo nyid kyi phyir dang/ dam tshig nyams pa rnams la de'i rnal 'byor gyis slar dam tshig ster ba'i phyir dang/ 'du byed kyi phung po rnam par dag par bsgrubs pas 'da' bar mi bya ba nyid kyi phyir dam tshig rdo rje ni don yod grub pa ste nges so pa'o/ /byang chub sems dpa' zhes bya ba ni byang chub ni sku gsum gyi ngo bo nyid de chos thams cad ji lta ba bzhin du rtogs pa'i phyir ro/ /de la sems dpa' ni dgongs pa mngon du byed pa'i bdun pa gang la yod pa de la de skad ces bya'o/ /sems dpa' chen po zhes bya ba ni chen po ni gzhan don ste/ de la sems dpa' gang la yod pa de la de skad ces bya'o/ /dam tshig gnyis pa 'dis na

  18. 9b

    bdag dang gzhan gyi don phun sum tshogs pa dang ldan pa nyid du gsungs so/ zhe lnga rdo rje dang zhes bya ba la zhe sdang ni zhe sdang gi rnam par dag pa ste/ de ni de kho na nyid kyi ngo bo nyid kyi phyir ro/ /de nyid ni rdo rje stong pa nyid kyi ngo bo nyid kyi phyir ro/ /yang na rnam par shes pa'i phung ? ? gang zhig tha mal pa'i nga rgyal gang yin pa de la zhe sdang ba'i phyir zhe sdang yin lo rdo rje yang yin te/ shin tu rnam par dag pa chos kyi dbyings kyi ye shes nyid kyi phyir zhe sdang rdo rje ni mi bskyod pa'o/ /'dod chags rdo rje zhes bya ba ni 'dod chags rnam par dag pa'i phyir/ 'dod chags kyang yin la rdo rje yang yin te/ stong pa nyid kyi ngo bo nyid kyi phyir 'dod chags rdo rje'o/ /yang na 'dod chags ni 'du shes kyi phung po la thog ma med pa'i tha mal pa'i rnam par rtog pa la zhen pa'o/ /de yang yin la rdo rje yang yin pas so sor sum cu ? ba'i ye shes kyi bdag nyid kyi phyir 'dod chags rdo rje snang ba mdza' yas so/ /rtag pa'i rdo rje zhes bya ba la lus kyi yul gzugs kyi phung po la gang zhig rtag pa zhes 'dzin pa des de yang rdo rje yang yin te/ stong pa nyid rtogs pa'i phyir rtag pa'i rdo rje ni rnam par snang mdzad do/ /yang na me long lta bu'i ye shes kyi ngo bo nyid kyi rtag tu de nyid du gnas pa'i phyir rtag pa ni rnam par snang mdzad de rdo rje yang yin te/ de'i ngo bo nyid kyi phyir rtag pa'i rdo rje'o/ /ye shes rdo rje dang zhes bya ba la/ ye shes ni mnyam pa nyid kyi ye shes so/ /ye shes kyang yin la rdo rje yang yin te tshor ba'i phung po stong pa nyid du rtogs pa'i phyir/ ye shes rdo rje ni rin chen 'byung ldan no/ /yang na nga rgyal rnam pa bdun gyi mtho ba'i mtshan nyid can gyi ye shes rdo rje yang yin te/ de la stong pa nyid nyams su myong ba'i ngo bo nyid kyi phyir ye shes rdo rje ni de nyid do/ /sa rdo rje dang/ zhes bya ba ni sre pa'i rang bzhin sa'i khams la stong pa nyid du rtogs pa'i phyir sa'i khams ni spyan ma'o/ /yang na rang gi lus la sra ba gang yin pa de ni

  19. 10a

    sa ste/ de la mi dmigs pa rtogs pa'i phyir sa'i rdo rje ni de nyid do/ /chu rdo rje dang zhes bya ba ni/ gshor ba'i ngo bo chu rnams te/ de rnams kyi rdo rje ni stong pa nyid kyi ngo bo nyams su myong ba nyid kyi phyir/ de pa chu rdo rje ni ma rA kI'o/ /yang na rang gi lus? su rtogs pa'i khrag la sogs gsher ba'i rang bzhin ni chu ste/ de rnams rdo rje ni stong pa nyid nyams su myong ba'i phyir chu rdo rje ni de nyid do/ /me rdo rje dang zhes bya ba ni drod kyi rang bzhin ni me ste de'i rdo rje ni sngon bzhin me rdo rje gos dkar mo'o/ /yang na rang gi lus la gnas pa'i dro ba ni me ste de'i rdo rje ni sngon bzhin me rdo rje de nyid do/ /rlung rdo rje dang zhes bya ba la g.yo bar byed pa'i bdag nyid kyi phyir rlung ngo/ /de'i rdo rje ni sngon bzhin mi dmigs pa rtogs pa'i phyir rlung rdo rje sgrol ma'o/ /yang na rang gi lus kyi bsgrub par bya ba 'gro ba dang 'ong ba la sogs pa ni rlung ngo/ /de la stong pa nyid rtogs pa'i phyir rlung rdo rje ni de nyid do/ /byang chub sems dpa' sems dpa' chen po zhes bya ba ni sngon bzhin no/ /de lta bu'i gtso bor gyur pa zhes bya ba ni/ de bzhin gshegs pa lnga dang lha mo bzhi gtsor gyur pa rnams kyis so/ /dam tshig chen po'i rigs dang 'brel ba zhes bya ba la dam tshig chen po ni rdo rje 'chang chen po'o/ /de'i rigs pa dang 'brel ba'i zhes bya ba ni de'i rigs las yang dag par 'byung ba zhes bya ba'i don to/ /yang na dam tshig chen po ni don yod rdo rje'o/ /sangs rgyas thams cad kyi dam tshig gi sdom pa la sogs pa bzung ba sngon du 'gro bas rim pa gnyis la thos pa dang/ bsam pa dang bsgom pa rnams kyi de'i go 'phang thob pa'i phyir ro/ /de'i rigs ni rgyud sde de dang 'brel ba'i las kyi rigs la brten pas ma lus pa'i rigs la 'jug par 'dod pa'i phyir dang/ las thams cad nyid kyi phyir ro/ /grangs ji tsam dang ldan pa zhe na/ de'i phyir byang chub sems dpa' stong phrag bdun cu rtsa gnyis dang zhes bya ba gsungs te/ rtsa stong phrag bdun cu rtsa gnyis kyi

  20. 10b

    rnam par dag pas thabs shes rab kyi ngo bo nyid kyi phyir ro/ /byang chub sems dpa' i sgra'i don ni sngar bshad zin to/ /gzhan yang rigs chen po dang 'brel ba'i byang chub sems dpa' bye ba khrag khrig brgya stong zhes bya ba la gzhan zhes bya ba ni gzhan dag rnams so/ /rigs chen po zhes bya ba ni rdo rje 'chang chen po'i rigs so/ /de dang 'brel ba zhes bya ba ni de'i rigs can rnams so/ /byang chub sems dpa' zhes bya ba ni sngags kyi sgo'i spyad pa spyod pa rnams so/ /de rnams kyi bye ba ni 'bum phrag bcu'i grangs kyis yongs su spyad pa de tsam gyi grangs kyi dbye bas dbye bar byas pa'i khrag khrig ni sa ya'o/ /brgya stong la zhes bya ba ni snga ma bzhin no/ /de ltar gtso bor rgyas par bshad pa bstan nas/ de'i yan lag tu gyur pa'i bshad pa brjod pa'i phyir 'di lta ste/ zhes bya ba la sogs pa gsungs te/ nam mkha' la 'gro ba zhes bya ba la sogs pa la/ nam mkha' i sgras ni rna mchog gi nang na gnas pa'i nam mkha' brjod de/ der 'gro ba'i nam mkha' la 'gro ba ni sgra ste/ sgra rdo rje'i ngo bo byang chub sems dpa' zhes bya ba'i tha tshig go /byang chub sems dpa' zhes bya ba la sogs pa ni snga ma bzhin no/ nam mkha' rnam par rgyas pa dang zhes bya ba ni/ de la nam mkha' ni nam mkha' ste sgrib pa dang bral ba'i mtshan nyid can no/ /de la rnam par rgyas pa ni skye 'gag pa'i mi mthun pa'i phyogs gang la yod pa de nam mkha' rnam par rgyas pa ste/ yul gzugs so/ /de nyid byang chub sems dpa' i gzugs rdo rje zhes bya ba'i don to/ /nam mkha' i dri dang zhes bya ba ni de la nam mkha' ni sna'i nam mkha' 'o/ /de nas dri'i yul bsnam pa'i phyir dri rdo rje zhes bya ba'i don to/ /nam mkha' reg pa zhes bya ba la nam mkha' sgras ni gzugs mi dmigs pa'i rnam pa lus su brjod de/ /de'i reg pas nam mkha' i reg pa ste/ reg rdo rje ma'i ngo bo zhes bya ba'i don to/ /mtshams rnams kyis nges par grol ba zhes bya ba la mtshams ni gzugs dang yang dag par ldan pa'i ro ste/ de las nges par grol ba ni bsdus na 'grugs pa'i phyir mtshams rnams kyis nges par

  21. 11a

    grol ba ni ro'o/ /de nyid ro rdo rje ma zhes bya ba'i don to/ /'dis ni rjes su spyod pa lnga rab tu bstan to/ /rdo rje sems dpa' dang zhes bya ba ni kun tu bzang po ste/ rdo rje sems dpa' ni de'i rnam grangs yin pa'i phyir ro/ /rdo rje bstan pa snying po dang ldan pa la sems dpa' ni rang dang gzhan gyi don bya ba'i mtshan nyid bzang po ni dge ba gang la yod pa ste rdo rje sems dpa' o/ /rdo rje snying po zhes bya ba ni sa'i snying pos zhes bya ba'i don to/ /rdo rje ni don dam par stong pa sa'i khams kyi ngo bo'o/ /de yang yin la rdo rje yang yin te/ rdo rje'i snying po'o/ /rdo rje'i blo gros dang zhes bya ba ni 'jam dpal gyis zhes bya ba'i don to/ /rdo rje ltar rno ba'i blo gang la yod pa de ni rdo rje blo gros so/ /phyag na rdo rje dang zhes bya ba ni rdo rje ni blang dor gyi ye shes kyi bdag nyid can lag na gang la yod de de phyag na rdo rje'o/ /rdo rje rgyal po dang zhes bya ba 'di ni rdo rje bzhin du bstan pa nyid kyis snying rje chen pos 'jig rten la ban pa'i phyir snang bas na/ rdo rje rgyal po ni 'jig rten dbang phyug go /rdo rje dam tshig dang zhes bya ba ni nam mkha' snying po zhes bya ba'i tha tshig go /rdo rje stong pa nyid kyi rnam pas nam mkhar brjod do/ /de la yang dag par 'gro bas na dam tshig ste rdo rje dam tshig go /rdo rje chos dang zhes bya ba ni byams pa zhes bya ba'i don to/ /rdo rje dang 'dra bar yid la re ba thams cad yongs su rdzogs pa'i chos ma 'ongs pa'i dus na ston pa'i phyir rdo rje'i chos so// rdo rje longs spyod dang zhes bya ba ni sgrib pa thams cad rnam par sel ba zhes bya ba'i tha tshig go /rdo rje ni stong ba'i rang bzhin nyon mongs pa rnams so/ /de rnams la yang dag pa'i lam gyi rang bzhin shes rab kyi longs spyod pa na bzlog pa gang la yod pa de ni rdo rje longs spyod do/ /'dis ni byang chub sems dpa' i ngo bo'i 'khor gsungs so/ /rdo rje spyi bo zhes bya ba ni gtsug gtor 'khor los sgyur ba zhes bya ba'i don to/ /rdo rje ltar phigs par dka' ba'i spyi bor gnas pa'i gtsug tor gang gi lag pa gnyis na yod pa de ni

  22. 11b

    rdo rje spyi bo'o/ /rab kyi rtsal gyi rnam par mnon pa zhes bya ba ni shes rab mthar byed kyis shes bya ba'i don to/ /de la rnam par mnon pa'i sgras ni gshin rje la brjod de/ shin tu yang drag pa nyid kyi phyir ro/ /de'i rnam par gnon pa ni gang gi mnan pa de rab kyi rtsal gyi rnam par gnon pa'o/ /rnam rtog med pa'i spyi bo zhes bya ba ni shes rab mthar byed kyis so/ /rnam rtog med pa'i sgras ni shes rab tu brjod do/ /des me ni me ste le lo 'joms par byed pa'i phyir ro/ /rnam rtog med pa'i sgra zhes bya ba ni pad+ma 'thar byed do/ /gtso bor 'dod chags la sogs pa rnams kyi mgos pa nyid kyi phyir ro/ /brjed ngas pa bzlog pa nyid kyi phyir rnam rtog med pa'o/ /de yang yin la sgra yang yin te/ gang gi rnam par dag pa snang ba mdza' yas kyi rigs la gnas pa'i phyir rnam rtog med pa'i sgra'o/ /rnam rtog med pa'i chos dang zhes bya ba ni bgegs mthar byed de/ gtso bor phrag dog la sogs pa rnams kyi rnam par g.yeng ba'i gnyen po'i phyir rnam rtog med pa yang yin la chos kyang yin te/ bgegs la phur bus 'debs pas go cha'i ngo bo nyid kyi phyir rnam rtog med pa'i chos so/ /rnam rtog med pa'i dam tshig dang zhes bya ba ni mi g.yo ba zhes bya ba'i don to/ /rim la sogs pa'i nang nye bar zhi bas ma dad pa la sogs pa'i rnam par rtog pa bzlog pa'i phyir rnam rtog med pa'o/ /de yang yin la dam tshig kyang yin te/ nad la sogs pa nye bar zhi bas 'da' bar bya ba ma yin pa nyid kyi phyir rnam rtog med pa'i dam tshig go/ /dga' ba rdo rje dang zhes bya ba ni 'dod pa'i rgyal po zhes bya ba'i don to/ /bgegs thams cad 'joms par byed pa nyid kyi le lo mi mthun pa'i phyogs spangs pas sems la dga' ba thob pas dga' ba'o/ /de yang yin la rdo rje yang yin pas dga' ba'i rdo rje'o/ /rab tu dga' ba'i rdo rje dang/ zhes bya ba ni dbyug pa sngon po zhes bya ba'i don to/ /'jigs pa thams cad bzlog pa'i phyir khyad par du 'phags pa'i dga' ba skyed pas rab tu dga' ba'o/ /de yang yin la rdo rje yang yin pas stong pa nyid kyi ngo bo'i phyir rab tu dga' ba'i rdo

  23. 12a

    rje'o/ /'dod chags rdo rje dang zhes bya ba ni stobs po che zhes bya ba'i don to/ /mkha' 'gro ma la sogs pa'i nyes pa sel bas de kho na nyid kyi 'dod chags kyi 'dod chags so/ /de yang yin la 'dod chags kyang yin pas 'dod chags rdo rje'o// lhan cig skyes pa'i rdo rje dang/ zhes bya ba ni gnod mdzes rgyal po zhes bya ba'i don to/ /brtan pa dang g.yo ba'i dug sel bar byed pas lhan cig skyes pa'i ngo bo'i phyir lhan cig skyes pa'o/ /de yang yin la rdo rje yang yin pas lhan cig skyes pa'i rdo rje'o/ /gzhan yang zhes bya ba ni de'i rigs can rnams kyis so/ /dpag tu med pa zhes bya ba ni grangs kyis gzhal bar mi nus pa nyid kyi phyir ro/ /rdo rje'i theg pa la lhag par mos pa'i zhes bya ba la rdo rje'i theg pa ni sngags kyi theg pa'o/ /ji skad du dkyil 'khor tshogs dang thab khung dang/ gtor ma 'dus pa'i rim pa dang/ /de nyid rnam pa bdun du grags/ /zhes gsungs so/ /de la lhag par mos pa ni dga' ba gang rnams la yod pa de ni rdo rje'i theg pa la lhag par mos pa ste de rnams kyis so/ /byang chub sems dpa' zhes bya ba la sogs pa ni snga ma bzhin no/ /sngags kyi spyod pa la mos pa rnams dang thabs gcig tu zhes bya ba ni lhan cig tu'o/ /bzhugs so zhes bya ba ni sngon gyi bya ba dang 'brel to/ /de ltar rnam pa gnyis kyi 'khor phun sum tshogs pa bstan nas/ bcom ldan 'das kyi cho 'phrul bstan pa brjod pa'i phyir 'khor snod du byas pa'i yan lag ston pa'i gnas skabs gzhan bstan pa'i phyir/ de yang zhes bya ba la sogs pa gsungs te/ bcom ldan 'das zhes bya ba la bcom pa ni 'dod chags la sogs pa bcom pa nyid dang/ bdud bzhi bcom pa'i phyir dang/ dbang phyug la sogs pa'i yon tan dang ldan pa'i phyir bcom ldan 'das so/ /chos kyi 'khor lo shin tu bskor ba zhes bya ba ni/ /shin tu yang legs par gang gi chos kyi 'khor lo bskor ba'o/ /yang na

  24. 12b

    bde ba'i thabs 'dod pa'i yon tan rnam pa lnga la longs spyod pa'i mtshan nyid can gyi bskor ba ni 'dod chags la sogs pa nyon mongs pa'i gnyen po'i rnam pa chos kyi 'khor lo rgyud sde rnam pa lnga bstan pa'i mtshan nyid gang gis de la de skad ces bya'o/ /sangs rgyas kyi mdzad pa ni shin tu mthar phyin ces bya ba ni shin tu yang legs par yongs su ni kun nas khams gsum na spyod pa'i sems can gyi dbye bas sam rnam pa lnga'i sems can gyi dbye bas so/ /mthar byin pa ni shes rab kyi mthar thug pa thob par byas pa'o/ /sangs rgyas kyi mdzad pa ni gang gis gzhan gyi don byed pa'i mtshan nyid can de la de skad ces bya'o/ /bsod nams dang ye shes kyi tshogs ni shin tu rdzogs pa ste zhes bya ba ni shin tu legs par rnam pa thams cad du yongs su rdzogs pa'i bsod nams dang ye shes kyi mtshan nyid can gang gis de la de skad ces bya'o/ /de la phyi'i pha rol tu phyin pa gsum sbyin pa'i mtshan nyid can bsod nams so/ /bsam gtan dang shes rab kyi mtshan nyid can ni ye shes so/ /brtson 'grus ni gnyis ka'i yan lag go /'dir yang ting nge 'dzin ni gsum gyi skabs dang rim pa lnga rnams la yang ji srid par bsod nams dang ye shes kyi tshogs dag gi bshad pa bla ma'i zhal nas rtogs par bya'o/ /'khor de la zhes bya ba ni bsdus nas lha sum cu rtsa gnyis kyi dkyil 'khor gyi rnam pa can dang/ rgyas par ni nam mkha' i ngo bo khyab par gnas pa'o/ /zhal 'dzum pa dang bcas pas zhes bya ba ni zhal gyi pad+ma rnam par bye ba ste/ 'chad bzhin pa'i cho 'phrul bstan pa'i dgongs pa mnga' ba'i phyir ro/ /bzhugs so zhes bya ba ni gnas par gyur pa'o/ /de ltar ston pa'i gnas skabs gzhan rab tu bstan nas 'od zer 'phros pas 'khor rnams snod du bya ba'i phyir/ de nas zhes bya ba la sogs pa gsungs te/ bcom ldan 'das zhal 'dzum pa mdzad pa'i rjes thogs su'o/ /bcom ldan 'das phyogs zhes bya ba ni

  25. 13a

    snga ma bzhin te/ 'od zer gyi dra ba chen po bkye ste/ zhes bya ba dang 'brel to/ ye shes kyi rang bzhin can gyi 'od zer gyi tshogs spros par gyur ces bya ba'i don to/ gang las she na de'i phyir ba spu'i bu ga thams cad nas zhes gsungs te/ don gyi bcom ldan 'das dang 'brel ba'i sku la gnas pa las so/ /ci zhig byas nas she na/ de'i phyir rdo rje 'phreng ba mngon par byang chub pa'i tshul zhes bya ba'i ting nge 'dzin la snyoms par zhugs nas zhes gsungs te/ de la rdo rje phreng ba gtso bo dang gtags pa'i dbye bas rnam pa gnyis te/ rdo rje ni mngon par byang chub pa'i rim pas thob par bya ba'i 'od gsal ba ste/ rnal 'byor chen po'i rgyud kyi dgongs pas so/ /rnal 'byor ma'i rgyud kyi dgongs pas kyang don gyi lhan cig skyes pa nyams su myong ba'o/ /gnyis ka ltar yang sa bcu gsum pa'i sa'i ngo bo ji skad du/ dang po'i las kyi sbyor ba yis zhes gsungs so/ /rdo rje phreng ba ni bag chags su gtogs pa rang bzhin gyi tshogs brgya dang drug cu 'gags pas stong pa dang shin tu stong ba dang stong pa chen pa'i mtshan nyid can gyi ye shes gsum nyams su myong ba'i rgyun no de nyid ni mngon par byang chub pa ste/ gcig tu chos kyi sku'i ngo bo nyid kyi rnam par rtog pa zad pa'i phyir ro/ /de nyid ni tshul de ting nge 'dzin dang phyag rgya'i mtshan nyid can gyi thabs kyi de skad ces bya ba'i ting nge 'dzin la sems rtse gcig tu byed pa'i gnas skabs kyi khyad par la snyoms par zhugs nas so/ /gzhan gyi stong pa nyid kyi ye shes rdo rje phreng ba ste/ de la stong pa nyid ni gsang ba'i rdo rje rtsa dang pad+ma'i rtsa'o/ /ye shes ni gnyis po yang dag par sbyar ba las thob par bya ba mchog kun rdzob kyi sems kyi rnam pa rdzas kyi thig le dang lhan cig skyes pa'o/ /de nyid ni rdo rje ste rnam par rtog pa thams cad 'bigs par byed pa'i phyir ro/ /de'i phreng ba ni byang chub kyi sems kyi rgyun no/ /nges thob par bya ba mngon par byang chub bde ba chen po'i mtshan nyid don dam pa'i bde ba'i rnam

  26. 13b

    pa can no/ /de nyid ni tshul te mi slob pa'i lam la khyer bar byed pa'i ting nge 'dzin la snyoms par zhugs nas shes bya ba ni snga ma bzhin no/ /yang na rdo rje ni mi phyed pa'i ye shes te/ dbugs kyi rim par mtshon par byed pa sngon du 'gro bas 'grub pa'i phyir ro/ /de'i phreng ba ni rgyun de dga' ba gsum bskyed par byed pa'i rgyur 'gyur ba'o/ /de nyid ni mngon par byang chub pa ste/ rlung rnam par rgyal bas dag gi de kho na nyid mngon du byed pa'i phyir dang/ byang chub kyi sems 'dzin nus pa'i phyir ro/ /de nyid ni tshul te zhes bya ba ni sngon bzhin te/ de lta bu'i ting nge 'dzin la snyoms par zhugs nas zhes bya ba'i tha tshig go /ji skad du le'u gsum pa 'chang par 'gyur pa las/ rdo rje phreng ba'i don nges pa/ /rdo rje phreng ba zhes bya'i ming/ /de yang sa ni bcu gsum pa/ /dga' ba bzhi pa don gyi gnas/ /thams cad stong nyid bde chen po/ / ngag gi spyod yul kun las 'das/ /gnyis pa thams cad rnam par spangs/ /bskal bzang rnal 'byor kun gyi mdza' / /rnal 'byor ma yi zhal gyi yul/ /zhes gsungs pa dang/ yang de nyid las/ rdo rje ye shes stong nyid dang/ /rdo rje phreng ba zhes bshad do/ /stong nyid rdo rje gsang bad rtsa/ /rdo rje dbyings kyi dbang phyug mchog /ye shes mchog tu bde ba che/ /lhan cig ces pa ngo mtshar ba/ /rdo rje de yang rnam rtog rnams/ /'byed par byed par yongs su grags/ /phreng ba de rnams kyi yang rgyun/ /byang chub sems kyi rdo rje rnams/ /de nas gzhan yang mnyan par gyis/ /rdo rje phreng ba'i don sdom pa// rgyud rnams kun tu spas pa ni/ /gang yang rung la brjod mi bya/ /mi phyed ba ni rdo rjer gsungs/ /de ni dbugs su yongs su grags/ /phreng brgyun ni mi 'chad pa/ /dga' ba rab bskyed bdag nyid can/ /rlung rnams kun la 'bigs byed pa/ /rlung la 'bigs par mi nus so/ /zhes gsungs so// gzhan yang ci zhig byas nas she na/ de'i phyir byang chub sems dpa' 'khor rgya chen po rnams la gzigs nas/ zhes gsungs te/ grangs la sogs pa rnams kyi gzhal bar mi nus pa'i phyir rgya chen po'o/ /chen po ni rin po che dang tsandan la sogs pa byang chub sems dpa' rnams kyi

  27. 14a

    'khor ni tshogs kyi rnam pa'o/ /gzigs nas zhes bya ba ni bltas nas so/ /ci'i phyir 'od kyi dra ba chen po kye zhes na/ de'i phyir de dag snod du rung bar bya ba'i phyir zhes gsungs te/ byang chub sems dpa' rnam pa lnga po rnams la'o/ /snod du rung bar bya ba'i phyir zhes bya ba ni/ rdo rje phreng ba'i rgyud bstan pa'i phyir/ /snod du rung ba nyid bskyed pa'i don du'o/ /gal te yang sgrib pa spangs pa'i byang chub sems dpa' rnams la snod du bya ba nyid mi dgos pa de lta na yang ma 'ongs pa'i dus na slob dpon dang slob ma'i 'brel pa snod du rung ba skyed pa sngon du 'gro ba brjod par 'dod pas de'i phyir gtsor gyur pa'i de rnams kyi snod du rung ba nyid ni skyon du 'gyur ba ma yin no/ /'od zer gyi dra ba chen po des kyang zhes bya ba ni bcom ldan 'das kyis ba spu'i bu ga nas spros pa'i ye shes kyi rang bzhin 'od zer kha dog lnga pa'i tshogs kyis/ /byang chub sems dpa' chen po de rnams la zhes bya ba ni/ nam mkha' i khams khyab par gnas pa rnams so/ /reg pas zhes bya ba ni reg pa dang ldan par gyur pa'o/ /mchog tu dga' ba rjes su thob nas zhes bya ba ni/ sku la sogs pa 'bebs par sngon du 'gro bas rangs pa dang lha chen po dang 'phags pa'i dbyangs kyi gnas skabs nyams su myong ba sngon du 'gro ba 'od gsal sngon du byas pas nyon mongs pa spong ba rjes su thob pa'o/ /ji lta bu dang gang dang 'brel bas yin zhe na/ de'i phyir 'di lta ste/ zhes bya ba gsungs te/ 'dra ba bstan pa'i phyir dpe bstan pa ni/ gnyis su med pa'i sbyor ba dang ldan pas bcom ldan 'das rdo rje 'chang ji lta ba bzhin no/ /zhes gsungs te/ phyi'i phyag rgya dang thabs snyoms par zhugs pas bzung ba dang 'dzin pa'i rnam pas stong pa'i 'od gsal mngon du byed pa'i bcom ldan 'das rnam par rtog pa 'joms par byed pa'i rdo rje 'chang chen po'i zhes bya ba'i don to/ /de nas zhes bya ba ni byang chub sems dpa' rnams kyi 'od zer gyi dra ba'i sgo nas mchog tu dga' ba thob pa'i de ma thag tu'o/ /byang chub sems dpa' de rnams nyid ces bya ba ni nam mkha' i gtos khyab pa nyid

  28. 14b

    la'o/ de dag nyid tshim pa dang dga' ba dang/ mgu ba dang/ zhes bya ba ni de la tshim pa ni rang bzhin gyi tshogs sum cu rtsa gsum spangs pas/ sngags dang phyag rgya'i rim pa'i mtshan nyid kyi thabs la sogs pas snang ba'i ye shes kyi bde ba 'byung ba'o/ /dga' ba zhes bya ba ni rang bzhin gyi tshogs bzhi bcu spangs pas snang ba ched pa'i ye shes 'byung ba'o/ /mgu ba zhes bya ba ni rang bzhin gyi tshogs bdun spangs pas snang ba nye bar thob pa'i ye shes rab tu 'byung ba'o/ /tshim pa dang dga' ba dang/ mgu ba ni tshim pa dang dga' ba dang/ mgu ba ste nges so/ /rgyal bar gyur to/ /zhes bya ba ni 'od gsal sngon du byas pa ma lus pa'i dbang po rnams kyi 'jug par 'byung par 'gyur ro/ /de ltar 'od zer spros pas 'khor snod du bya ba'i ngo bo mngon par brjod nas/ 'od zer gyi dra ba nye bar bsdu ba brjod pa'i phyir de nas yang de'i dus na zhes bya ba la sogs pa gsungs te/ bcom ldan 'das zhes bya ba ni bshad zin to/ /'od zer gyi dra ba chen po de zhes bya ba ni/ ye shes kyi rang bzhin gyi 'od zer gyi tshogs chen po gang gi byang chub sems dpa' rnams la reg pas mchog tu dga' ba thob par gyur pa'i 'od zer gyi dra ba chen po de'o/ /mdzod spur zhes bya ba ni smin ma'i dbus su'o/ /bsdus par gyur to zhes bya ba ni zhugs par gyur pa ste/ 'od zer gyi dra ba'i bya ba yongs su rdzogs pa'i phyir ro/ /nye bar sdud pa de yang zhes bya ba ni smin mtshams kyi dbus su zhugs par byas par 'gyur ba'o/ /slar yang rdo rje lam nas zhes bya ba ni/ bcom ldan 'das kyi thabs kyi rdo rje'i lam nas so/ /lcags kyu'i rnam pa can gyi 'od zer chen po zhes bya ba ni/ ye shes kyis rang bzhin ni lcags kyu dang 'dra ba'i 'od zer chen po'i 'od kyi ngo bo'o/ /nye bar spros nas zhes bya ba ni spros nas so/ /slar yang rdo rje'i lam nas gtsug tor gyi 'khor lo la zhes bya ba ni/ gzhan rnams kyis ma mthong ba'i spyi'i la'o/ /nye bar byung bar gyur pa zhes bya ba ni zhugs par gyur pa'o/ /ci zhig byas nas she na/ /de'i phyir des de lta bu dag la reg nas zhes gsungs te/ des zhes bya ba ni 'od zer gyi dra ba rdo rje'i lam nas spros pas so/ /de lta bur gyur pa

  29. 15a

    ni rgyal bar gyur pa'i byang chub sems dpa' rnams la'o/ /ji lta bu zhe na/ de'i phyir rdo rje'i phreng ba dang 'dra bar zhes gsungs te/ ji ltar rdo rje'i phreng ba de bzhin gshegs pa lnga'i rang bzhin kha dog lnga'i 'od zer gyi phreng ba spro ba sngon du ? par byed pa de bzhin du'o/ /de ltar 'od zer gyi dra ba nye bar bsdu ba bstan nas byang chub sems dpa' rnams la rang rang gi gnas su gnas par byed pa brjod pa'i phyir/ slar yang zhes bya ba gsungs te/ gtsug gtor gyi 'khor lor zhugs pa'i 'od zer gyi dra ba slar yang rang gi snying ga'i lte ba'i ? gnas spros te/ zhes bya ba ni rang gi snying ga'i lte ba'i bug pa ni dbus kyi gnas su pad+ma dang zla ba dang/ hUM yig gis byin gyis brlabs pa des spros te/ rang gi snying ga'i dbus nas spros te/ byang chub sems dpa' rnams rang rang gi gdan la zhes bya ba ni zla ba dang nyi ma dang pad+ma'i gdan la sogs pa dbye ba tha dad bas dbye bar byas pa rnams la bcom ldan 'das sbyor bar mdzad de rgyal ba rnams bzhugs par gyur to/ /byang chub sems dpa' ji lta bu zhe na/ de'i phyir bde ba chen po zhes gsungs te/ bde ba chen po ni 'od gsal gyi rnam par rgyal ba de'i ming gzhan no/ /nyams su myong ba zhes bya ba ni rig par byed pa'o/ /ci zhig byas she na/ de'i phyir rdo rje'i hUM yig brjod pa zhes gsungs te/ de lta bu'i sgra brjod nas de sad par byed pa'i thabs nyid kyi phyir ro/ /gzhan yang bde ba chen po de nyid nyams su myong ba ste/ bcom ldan 'das kyis spros pas 'od zer gyi dra ba chen po la reg nas ji ltar mchog tu dga' ba nyams su myong bar byed cing bde ba chen po des/ nyon mongs pa med pas rjes su 'brel pa zhes bya ba ni 'brel pa'o/ /de ltar byang chub sems dpa' rnams la rang rang gi gnas su gnas pa'i gnas skabs byed pa'i mthar thug pas 'khor snod du bya ba mngon par brjod nas/ da ni snod du gyur pa'i slob ma'i bya ba'i yan lag bcom ldan 'das la bstod pa byed par rtsom pa bstan par bya ba'i phyir de nas de rnams zhes bya ba la sogs pa gsungs te/

  30. 15b

    byang chub sems dpa' ni 'khor rnams te/ bcom ldan 'das la yang dag par bstod do/ /zhes bya bar 'brel to/ /ston pa rdo rje 'chang chen pos bstod pas yongs su dga' bar gyur to/ /ji lta bu zhe na/ de'i phyir dga' ba'i yid can zag pa med pa'i bde ba chen po nyams su myong bas sems dga' ba skyes so/ /gzhan yang chu'i bting nas thon pa lta bur zhes bya ba ni/ bcom ldan 'das kyis 'od zer gyi dra ba chen po'i bdag nyid chen por shes nas so/ /ji ltar kha cig chu klung gi dbus nas langs te dga' ba dang bcas par rlom pa de dang 'dra bar ro/ /ci zhig byas nas she na/ de'i phyir ngo mtshar chen po zhes bya ba la sogs pa gsungs te/ bcom ldan 'das rdo rje 'chang chen po'i cho 'phrul ni rdzu 'phrul gyi rnam par 'phrul pa ste/ 'od zer spro pa'i sgo nas khyad par can go 'phang ngal so ba'i ngo bo ngo mtshar chen po mthong nas so/ /gzhan yang shin tu mig gdangs pa ni shin tu gnas kyang mig rab tu rgyas pa'o/ /ji ltar bstong pa mdzad ce na/ de'i phyir dbyangs gcig gis zhes gsungs te/ de ltar bcom ldan 'das kyis bstod pa rtsom pa bstan nas/ nga ni dngos su bstong pa brjod pa'i phyir bcom ldan 'das zhes bya ba la sogs pa gsungs te/ lhan cig skyes pa'i dga' bas rgyas zhes bya ba ni/ 'dis ni so sor sdud pa'i ngo bo nyid kyis bcom ldan 'das kyis bstod pa brjod de/ de la yul lnga po rnams la dbang po rnams kyi bzung bas lhan cig skyes pa gang zhig ni rang gi dga' ba bzung ba'i rnam pa'i bdag nyid can no/ /des sangs rgyas pa ni yongs su rdzogs pa'o/ zhes bod pa'o/ /ci'i phyir zhe na/ de'i phyir ro gcig tu gyur ba myang ba zhes bya ba ni yul lnga po tha mi dad par rtogs pas myang ba ni nye bar longs spyod pa'o/ /ji skad du dbang po bcu po rnams kyi ni/ rang gi 'jug gnas thams cad du/ so sor sdud ces brjod pa ste/ 'dod pa'i so sor longs spyod pa/ /zhes gsungs so/ /bsam gtan bstan pa'i phyir/ bcom ldan 'das ro gcig ngal bso kye/ zhes gsungs te/ gzugs la

  31. 16a

    sogs ba yid du 'ong ba la sogs pa rnam pa gsum dang ldan pa rnams la de bzhin gshegs pa gsum gyi rnam pa nyid kyi ro gcig pa'i go 'phangs la ngal bso ba'i phyir ro/ /ci ngal bso ba ste/ de'i bong pa la de skad ces bya'o/ /de nyid kyi phyir ngag gi lam gyi spyod yul 'das zhes gsungs te/ yul rnam pa gsum la tha dad pa'i dmigs pa med pa'i rtog pas sgra dang rnam par rtog pa'i yul las 'das pa'i phyir ro/ /de ltar bsam gtan gyi sgo nas bstod pa bstan nas/ da ni srog rtsol gyi sgo nas bstan pa'i phyir/ bcom ldan 'das nyid kyis zhes bya ba la sogs pa gsungs te/ rang gi nyams myong dga' pa ni rlung dang rnam par shes pa'i ming can gyis yang dag bde ba ni/ dkyil 'khor bzhi 'char ba'i rim pas dbang du gyur pa nyid kyi phyir ro/ /'gro ba gsum po ni 'jug pa dang/ gnas pa dang ldang ba'i bdag nyid can gang la yod pa de la de skad ces bya ste/ de la bod pa'o/ /de ltar srog dang rtsol bstan nas/ 'dzin pa'i sems rang bzhin gyi 'od gsal ba'i rnam pa brjod pa'i phyir/ e ma'o lhan cig skyes bdud rtsi/ /ro ston thugs rje chen po kye/ /zhes gsungs te/ e ma'o zhes bya ba ni ngo tshar ba'o/ /lhan cig skyes pa ni ma byas pa'o/ /bdud rtsi'i ro zhes bya ba ni bdud rtsi dang 'dra bar sems 'od gsal ba'i rnam pa'o/ /des gtor ba ni de mngon du byed pa'i rnam pa ste/ lhan cig skyes pa'i bdud rtsi'i ros gtor ba la de bod pa la yang de skad ces bya'o/ /thugs rje chen po zhes bya ba ni/ rang nyid kyi rtogs pa'i sems 'od gsal ba'i rnam pa skyob pa nyid bstan pa'i phyir gzhan dag la bstan pa'i thugs rje chen po'o/ /de ltar sems 'od gsal gyi rang bzhin 'dzin pa bstan nas/ nga ni rang byin gyi brlabs pa'i rim pa bstan pa'i sgo nas rtogs pa brjod pa'i phyir/ bcom ldan 'das zhes bya ba la sogs pa gsungs te/ sems can thams cad ces bya ba ni/ gang zag rnam pa lngas bsdus pa'o/ /sems can

  32. 16b

    don du zhes bya ba ni/ sgyu ma lta bu'i sku bstan pa la gsal ba mdzad pa la bzung bar brtson pa'o/ /rang bzhin gyi 'od gsal ba'i 'dzin pa'i sgo nas bstod pa brjod ba'i phyir/ de nyid gsum po ni ro gcig pa zhes bya ba la sogs pa gsungs te/ gsum po stong pa dang shin tu stong pa dang/ stong pa chen po'i rnam pa'i de kho na nyid kyi ye shes rnams kyi ro cig pa ni thams cad stong pa'i gnas skabs la'o/ /ngas gcig pa ni gzhan dang thun mong ma yin pa'i phyag rgya chen po bcu gsum pa las bsdus pa'o/ /des rab tu dbye ba ni de mngon du byas pas bag chags kyi gnas skabs can gyi rang bzhin gyi tshogs spangs pa'i phyir ro/ /zung du 'jug pa'i rnam pa rjes su dran pa bstan pa'i phyir brjod pa/ bcom ldan rnal 'byor che la dgyes zhes gsungs te/ rnal 'byor yang yin la chen po yang yin pas na rnal 'byor chen po ste kun rdzob dang don dam pa'i bden pa dbyer med pa'i rnam pa la de dgyes pa ste/ de la bod pa la yang de skad ces bya'o/ /mdud pa thams cad gcod mdzad pa zhes bya ba la/ mdud pa thams cad ni tha dad pa'i rnam par rtog pa can gyi rnam pa can rnams la khyad par du gcod par byed pa'i phyir mdud pa thams cad gcod pa ste/ de la bod pa la yang de skad ces bya'o/ /de ltar sbyor ba'i yan lag drug gi sgo nas bcom ldan 'das la bstod pa brjod nas de nyid kyi nye bar bsdu ba bstan pa brjod pa'i phyir/ e ma zhes bya ba ni ngo 'tshar ba'o/ /yul lnga la nye bar dmigs pas dga' ba chen po ni dgyes pa'i khyad par ro/ /de byed pas na dga' ba chen po byed pa'o/ /de nyid kyi phyir 'gro ba bskal bzang mdzes par mdzad de/ zhes bya ba ste/ 'gro pa ni khams gsum pa'o/ /bskal bzang zhes bya ba ni yul 'dzin pa'i ngo bo'o/ /des na mdzes pa ste/ rnal 'byor dang rnal 'byor ma thams cad la mkho par byed pa'o/ /'dis ni so sor bsdud pa'i nye bar bsdu ba bstan to/ /bsam gtan nye bar bsdu ba ni/ e ma'o rdo rje theg pa bde zhes bya ba la sogs pa gsungs te/ rdo rje theg pa'i sgra ni sngar bshad zin to

  33. 17a

    rdo rje'i theg pa ni sngags kyi theg pa la dga' ba ni yul la yang dag par brten pa'i ngang tshul gyi bdag nyid can no/ /des rab tu dga' ba'i lus kyi bde ba'i mtshan nyid can no/ /mgu ba ni sems las byung ba'i bde ba sems can thams cad la ster bar byed pas/ rab tu dga' zhing mgu ba la gsol ba'o/ /yang na dga' ba ni yul yid du 'ong ba mthong bas 'dod chags kyi rnam par dag pa ni dga' ba'o/ /yid du 'ong ba mthong bas zhe sdang gi rnam par dag pas rab tu dga' ba'o/ /bar ma'i yul mthong bas gti mug gi rnam par dag pa mgu ba ste/ de gsol ba zhes bya ba ni snga ma bzhin no/ /srog dang rtsol ba'i nye bar bsdu ba ni/ e ma'o sngags ni rab rgyas pa'o/ /zhes gsungs te/ sngags ni yi ge gsum gyi rnam pa'o/ /de nyid rgyas pa ni 'jug pa la sogs pa'i rlung gsum la sbyor ba'i ngo bo'o/ /de rang byung gi go 'phang ni rang nyid la gnas pa'i dbugs kyi 'khor lo bsgrub pa po la 'tshon pa ste/ rang byung gi go 'phang sgrub pa po'o/ /yang na rang byung go 'phang ni 'od gsal ba'i rnam pas bsgrub pa de bzhin du sems kyi 'od gsal ba'i ngo bo 'dzin pa bstan pa'i phyir/ e ma'o shin tu zab mo'i chos zhes gsungs te/ shin tu zab mo'i chos kyi ngo bo la sems 'od gsal ba nyid kyi phyir ro/ /dmigs pa med pa ni 'jug pa dang nyon mongs pa can dang kun gzhi rnam par shes pa la dmigs pa dang bral ba'i don bstan pa'i phyir de ston par mdzad pa ste/ bdag byin gyis brlab pa'i ngo bo 'dzin pa nye bar bsdu ba bstan pa'i phyir/ e ma'o shin tu gsang ba gsang ba'i bdag ces gsungs te/ gsang ba ni bskyed pa'i rim pa bsgom pas thob par bya ba'i sngags kyi ngo bo'i mtshan nyid can no/ /de las kyang gsang ba ni skad cig ma dang lugs las bzlog pa'i rim pa dag gis 'od gsal ba las rdzogs pa'i bdag byin gyis brlab pa'i sku'o/ /rdo rje 'chang chen zhes bya ba ni sgyu ma'i dpe bcu gnyis kyis mtshon pa'i phyir ro/ (dmigs pa med pa ston par mdzad ces bya ba ni)

  34. 17b

    gtso bo zhes bya ba ni sgyu ma lta bu'i sku bstan pas gzhan gyis don bsgrub pa'i par ro/ /rang bzhin gyi 'od gsal ba'i ngo bo 'dzin pa nye bar bsdu ba'i phyir/ e ma'o mchog tu byang chub pa zhes gsungs te/ mchog ni nyan thos la sogs pa'i byang chub kyi mtshan nyid dang bral ba rdzogs pa'i byang chub ni mngon par byang chub pa'i rim par thob par bya ba'i stong pa nyid do/ /de'i tshul ni thob par byed pa'i rgyu ting nge 'dzin dang/ phyag rgya'i rim pa'i mtshan nyid do/ /des snang ba ni de la mos pa'i de 'od gsal bar byed pa'i mtshan nyid de rab tu ston par byed pa'o/ /zung du 'jug pa'i ngo bo rjes su dran pa nye bar bsdu ba bstan pa'i phyir/ e ma'o spros pa rnams dang bral zhes gsungs te/ tha dad pa'i spros ba las rnam par grol ba nyid kyi phyir bden pa'i don ni gsal mdzad pa zhes bya ba'o/ /bden pa'i don ni rgyu dang 'bras bu tha mi dad pa 'am slob pa 'am mi slob pa'i dbye ba la rab tu ston par byed pa'o/ /khyed drin gyis zhes bya ba ni ston pa po bcom ldan 'das rdo rje sems dpa' i drin gyi bdag po'i dbang gis so/ /bdag cag ces bya ba ni byang chub sems dpa' rnams so/ /rdo rje sems dpa' i go 'phang zhes bya ba ni/ de bzhin gshegs pa drug po thob tu rung ba'o/ /thob pa zhes bya ba ni rtogs pa'o/ /mgon po zhes bya ba de la bod pa'o/ /lam log zhugs zhes bya ba ni da lta rtsod pa'i dus na shes rab dman pa nyid kyis 'dod chags dang bral ba'i theg pas myur du rnam par grol ba med pa'i phyir ro/ /bdag cag ces bya ba ni 'khor rnams so/ /mgon po zhes bya ba ni sngon bzhin no/ /khyed kyis zhes bya ba ni ston pa po rdo rje 'chang gis mo/ /lam la zhes bya ba ni theg pa chen po sngags kyi lam spyod pa gsum po gtso bor gyur pa rdo rje 'chang chen po'i go 'phang thob par byed pa la bkod pa'o/ /'jig rten mun 'thoms zhes bya ba ni rnam pa sna tshogs pa bcom ldan 'das kyi lam thos pas 'khrugs pa'i phyir ro/ /bdag cag ces bya ba ni byang chub sems dpa'

  35. 18a

    rnams so/ /mgon po zhes bya ba ni sngon bzhin no/ /ye shes snang ba zhes bya ba ni chos kyi sku'i ngo bo 'od gsal gyi thabs la'o/ /sbyor par mdzad ces bya ba ni 'jug pa ste/ 'od zer spros pas snod nyid du byed pa'i phyir ro/ /khyed kyis zhes bya ba ni bcom ldan 'das kyis so/ /dam tshig nyi ma zhes bya ba la dam tshig ni de bzhin gshegs pa lnga ste/ phung po lnga rnam par sbyong ba'i rim gyis ye shes lnga'i ngo bo mngon du byed pas mi 'da' ba nyid kyi phyir ro/ /de nyid ni rdo rje ste/ stong pa nyid kyi ngo bo nyid kyi phyir ro/ /de rnams nyi ma dang 'dra bas na nyi ma ste/ gtso cher gsal bar mdzad pa nyid kyi phyir ro/ /phyag rgya chen po'i don zhes bya ba la phyag rgya chen po ni mngon par byang chub pa'i rim pa'i ngo bo rnam pa med pa'o/ /de nyid ni don te 'bras bu'i ngo bo ste ston par mdzad pa ni 'od zer kye ba nyid kyis snod du mdzad pa nyid kyi phyir ro/ /phyag 'tshal lo zhes bya ba ni/ sku gsum gyi bdag nyid bcom ldan 'das nyid la'o/ /bcom ldan 'das la zhes bya ba ni snga ma bzhin no/ /phyag rgya chen po brtse bdag nyid ces bya ba ni stong pa nyid dang snying rje'i bdag nyid can 'od gsal ba dang/ bdag byin gyis brlab pa dang tha mi dad pa'i sku'i rang bzhin la zhes bya ba'i don to/ /dag pa gnyis med mkha' zhes bya ba la/ dag pa ni rnam par dag pa gnyis kyis so/ /gnyis su med pa ni gzung ba dang 'dzin pa ni gnyis kyi stong pa'o/ /de nyid ni nam mkha' ste nam mkha' o/ /de la byang chub zla ba ni byang chub kyi ngo bo ri bong gis mtshan ma zhes bya ba'i don to/ /de ltar rnam pa gnyis kyis snod du gyur pa'i slob ma'i bya ba bstan nas/ slar yang de'i bya ba brjod pa'i phyir de'i yan lag 'khor gyi dgongs pa shes sngon du 'gro ba'i 'dod pa'i dbang phyug bstan pa'i phyir zhes bya ba la sogs pa'i tshigs su bcad pas zhes bya ba la sogs pa gsungs te/ sngon du bstan pa'i tshigs su bcad pa bcus so/ /bcom ldan 'das la bstod pa byas nas zhes bya ba ni bsngags pa byas nas so/ /yid la byed pa gcig pas rang gi stan zla ba dang nyi ma'i ngo

  36. 18b

    bo rnams la 'khod nas 'brel to/ /ci zhig byas nas she na/ de'i phyir slar yang 'dus par gyur te/ zhes gsungs te/ bcom ldan 'das la gsol ba 'debs pa po'i dgongs pas gnas gcig tu 'du ba byas nas so/ /byang chub sems dpa' ji lta bu zhe na/ de'i phyir rdo rje phreng ba mngon par brjod pa zhes bya ba ni sa bcu gsum pas bsdus pa la'o/ /ji lta ba'i zhes bya ba ni rnam pa gang gis so/ /ngo bo zhes bya ba ni rang bzhin no/ /dri bar 'dod nas zhes bya ba ni bcom ldan 'das kyi drung du'o/ /yid la byed pa gcig pas zhes bya ba ni sems gcig pa ste/ rdo rje phreng ba'i rgyud kyi gsol ba 'debs pa la'o/ /sems gcig pa zhes bya ba ni dgongs pa mtshungs pa nyid kyi phyir ro/ /shin tu dga' ba byed pa nyid kyi gsung nyan par 'dod nas zhes bya ba ni/ shin tu yang dga' ba brjod pa ni nyams su myong ba'i bde ba chen po dang rjes su mthun pa'i sgra'o// de la bri bar 'dod nas don du gnyer ba la rtse gcig pa'o/ /gzhan yang 'dar ba dang ba spu ldang ba dang dbugs g.yo ba dang bcas pas zhes bya ba la/ 'dar ba ni lus thams cad g.yo ba'i rnam pa can no/ /ba spu ldang ba ni pu langs pa'o/ /des dbugs dbyung ba ni khyad par du 'phags pa'i ngo bo dbugs dbyung ba 'jug pa gang rnams la yod pa de la de skad ces bya'o/ /gzhan yang ci zhig byas nas she na/ de'i phyir yang dang yang du bcom ldan 'das la phyag byed ces gsungs te/ yang dang yang du phyag 'tshal ba la sogs pa byas nas so/ /byang chub sems dpa' zhes bya ba la/ sangs rgyas rnams dang sa'i snying po la sogs pa byang chub sems dpa' rnams so/ /rang gi stan la zhes bya ba ni snga ma bzhin no/ /sems re dogs dgos pa dang bcas pas gnas so/ /zhes bya ba na/ bcom ldan 'das las rgyud nyan pa'i don du gsol ba 'debs par byed pa'i dgongs pas de lta bur sgra brjod pa'i phyir ro/ /gnas so zhes bya ba ni rnam par gnas pa'o/ /bcom ldan 'das kyis zhes bya ba ni ston pa po'o/ de rnams kyi zhes bya ba ni byang chub sems dpa' rnams kyi'o/ /de lta bu'i sems

  37. 19a

    kyi rtog pa thugs kyi mkhyen nas zhes bya ba la/ sems kyi rnams grangs kyi mngon par shes pas byang chub sems dpa' rnams kyi dgongs pa mkhyen nas te/ phyag rgya chen po'i rnal 'byor la rjes su zhugs nas so/ /zhes bya ba dang 'brel ba'o/ phyag rgya chen po ni rang bzhin gyi 'od gsal ba'i rnam pa'o/ /de'i sbyor ba ni sbyor ba ste/ shes rab dang snyoms par zhugs pa'i mtshan nyid can no/ /de la rjes su zhugs pa ni snyoms par zhugs pa zhes bya ba'i don to/ /gzhan yang ci zhig byas nas she na/ de'i phyir slar yang zhes gsungs te/ snga ma la bltos pas so/ /rdo rje phreng ba mngon par byang chub pa zhes bya ba'i ting nge 'dzin la snyoms par zhugs nas zhes bya ba ni sngar bshad zin to/ /gzhan ci zhig byas nas she na/ de'i phyir gsang ba'i rdo rje las zhes gsungs te/ rang nyid kyi thabs kyi rdo rje gsang ba'i sbubs su nub pa las so/ /bcom ldan 'das kyis zhes bya ba ni/ rnam par rtog pa 'joms par byed pa'o/ /rang gi rig ma zhes bya ba ni rdo rje dbyings kyi dbang phyug ma'o/ /phyung ste zhes bya ba ni zhal gsum phyag drug pa'i ngo bos spros nas so/ /ci lta bus zhes na de'i phyir sgeg pa la sogs pa'i nyams dang ldan pa zhes bya ba la sogs pa gsungs te/ de la bcom ldan 'das dang lhan cig tu snyoms par 'jug par gnas pas sgeg pa'i nyams dang ldan pa'o/ /rnam par rtog pa las mi 'jigs pa nyid kyi dpa' ba dang ldan pa'o/ /bdud rtsi'i ro myong ba nyid kyis rngam pa dang ldan pa'o/ /drag po'i mtshon cha 'dzin pa nyid kyi drag po dang ldan pa'o/ /nye bar zhi ba'i bzhad pa'i rnam pa nyid kyi phyir bzhad pa dang ldan pa'o/ /bgegs la sogs pa bzlog pa dang bka' i 'khor lo spro ba la yan lag gi dngos po 'gro ba'i phyir 'jigs su rung ba dang ldan pa'o/ /rang bzhin gyis thugs rje chen po'i ngo bo nyid kyi phyir snying rje dang ldan pa'o/ /dkyil 'khor gyi 'khor lo sar pa sar pa sprul pa la

  38. 19b

    rgyur gyur pa'i phyir ngo mtshar ba dang ldan pa'o/ /don dam par rnam pa med pa nyid kyi phyir zhi ba'i nyams dang ldan pa'o/ /gzhan yang ci zhig byas nas she na/ de'i phyir bdag nyid kyi 'dod chags dang bral ba'i gzugs spangs nas zhes gsungs te/ bdag nyid kyi zhes bya ba ni rang gis so/ /'dod chags dang bral ba'i gzugs zhes bya ba ni/ shAkya thub pa'i cha byad do/ /spangs nas zhes bya ba ni mi snang bar byas nas so/ /sgeg pa la sogs pa'i nyams dang ldan pa'i gzugs bzung nas zhes bya ba ni de ma thag tu bshad zin to/ /bcom ldan 'das ji lta bu zhe na/ de'i phyir rang gi rig ma la 'khyud nas zhes bya ba gsungs te/ 'dod pa'i khams na gnas pa'i sems can rnams kyi ched du bcom ldan 'das ma rdo rje'i dbyings kyi dbang phyug ma dang lhan cig gnyis su med pa'i sbyor ba rjes su thob pa'o/ /de star 'khor rnams kyis dgongs pa yongs su shes pa sngon du 'gro bas 'dod pa'i dbang phyug bstan par mdzad nas/ da ni 'khor rnams la ngo mtshar bskyed pa bstan pa brjod pa'i phyir slar yang de rnams kyis zhes bya ba la sogs pa gsungs te/ sngar bstan pa'i cho 'phrul la bltos pas so/ /de rnams kyis zhes bya ba ni/ 'khor na gnas pa'i byang chub sems dpa' rnams kyis so/ /de lta bu'i zhes bya ba ni 'dod chags dang bral ba'i gzugs spangs nas sgeg pa la sogs pa'i nyams dang yang dag par ldan pa'i gzugs can nyid du'o/ /mthong ste zhes bya ba ni rnam par gzigs nas te/ cang mi smra bar gyur nas de la 'khor rnams yang dag par 'khor bar gyur to/ /zhes bya ba dang 'brel to ngag gi brjod par bya ba nyid du mi nus pa nyid kyi phyir ro/ /gzhan yang ji lta bu zhe na/ de'i phyir ngo mtshar skyes te/ mig gdangs nas zhes gsungs te/ 'dod chags dang bral ba'i gzugs spangs pa'i ngo mtshar bas mig gdangs ba zhes bya ba'i don to/ /gang dang 'dra ba zhe na/ de'i phyir ri mor bkod pa lta bu zhes gsungs te/ ji ltar rtsig pa la ri mo mkhan gyi

  39. 20a

    bris pa'i skyes pa la sogs pa smra ba dang brjod par mi nus pa de bzhin du'o/ /des ni 'di skad ston par 'gyur/ bcom ldan 'das shAkya thub pa sgrib pa thams cad spangs pa ji ltar 'khor gyi dkyil 'khor 'di lta bu'i dbus su sngon gyi cha lugs yongs su dor nas 'ongs pa ma yin pa'i sgeg pa la sogs pa'i nyams dang yang dag par ldan pa'i gzugs yang dag par blangs nas rnam par zhugs par zhes bya ba'o/ /yang na de lta bu'i gzugs bstan pa la nges par bcom ldan 'das la dgongs pa'i khyad par 'ga' zhig yod par 'gyur snyam pa'o/ /de ltar 'khor rnams la ngo mtshar bskyed pa bstan nas/ da ni yi ge gsum spro bar brjod par bya ba'i phyir/ de nas bcom ldan 'das zhes bya ba la sogs pa gsungs te/ de nas zhes bya ba ni 'khor rnams la ngo mtshar bskyed pa bstan ma thag pa'i rjes la'o/ /bcom ldan 'das zhes bya ba ni sngon du bshad zin to/ /rje btsun rdo rje'i rigs chen po'i snying po 'di gsungs pa/ zhes bya ba dang 'drel to/ /rdo rje chen po ni de bzhin gshegs pa rnams te/ stong pa nyid chen po'i ngo bo nyid kyi phyir ro/ /de rnams kyi rigs ni de rnams kyi rgyud do/ /de rnams kyi snying po ni skyed par byed pa'i rgyur gyur pa'o/ /rje btsun zhes bya ba ni sngags ma lus pa thams cad la gtso bor gyur pa nyid kyis mthu chen po dang ldan pa'i phyir ro/ gsungs so zhes bya ba ni brjod pa'o/ /ji lta bu'i bcom ldan 'das she na/ rang gi rig mas yang dag par bskul te/ zhes bya ba gsungs te/ rdo rje dbyings kyi dbang phyug mas gsol ba 'debs par byed cing bskul ba'o/ /ci zhig byas nas she na/ de'i phyir phyag rgya chen po'i rnal 'byor nye bar bsdus nas snyoms par 'jug pa sngon du 'gro bas/ rang bzhin gyis 'od gsal bar zhugs pa'i mtshan nyid nyams su myong nas zhes bya ba'i don to/ /gang las she na de'i phyir nyid kyi sku gsung thugs rdo rje las zhes bya

  40. 20b

    ba'i gsungs te/ mgo bo dang mgrin pa dang snying ga'i gnas rnams la rim pa ji lta ba bzhin du'o/ /yang na nyid kyi sku las gnas brgyad du kun nas reg nas ngag gi de brjod pa'o/ /sems kyis de bskul ba'o/ /oM A(rgyud 'grel): hUM zhes bya ba ni de la don gyis stong pa'i yid ni/ oM zhes bya ba'o/ /gdod ma nas ma skyes pa'i chos rnams A(rgyud 'grel): 'i rnam pa'i ngo bo la nye bar mtshon pas yang dag par rtogs pa'i phyir A(rgyud 'grel): zhes bya'o/ /lus kyang yin la ngag kyang yin te/ yid kyang yin pas ni hUM zhes bya'o/ /da ltar yi ge gsum spro ba bstan nas nga ni dkyil 'khor ba spro ba brjod pa'i phyir/ de nas de skad gsungs ma thag tu zhes bya ba gsungs te/ de nas zhes bya ba ni yi ge gsum brjod pa'i rjes su'o/ /'di gsungs pa tsam gyi zhes bya ba ni yi ge gsum bcom ldan 'das kyi brjod pa tsam gyis de bzhin gshegs pa thams cad dang/ rig ma dang/ byang chub sems dpa' dang/ khro bo'i rgyal po rnams byung bar gyur to/ /zhes bya ba dang 'brel to/ /thams cad kyang yin la de bzhin gshegs pa yang yin pas na/ de bzhin gshegs pa thams cad ni mi bskyod pa la sogs pa lnga rnams so/ /rig ma ni lhan cig spyod ma dang rjes su spyod ma'i dbye bas dgu'o/ /'di rnams kyi 'od gsal ba'i de kho na nyid rig par mdzad pas na rig ma'o/ /byang chub sems dpa' zhes bya ba ni sngon du bshad zin to/ /sa'i snying po la sogs pa brgyad do/ /khro bo'i rgyal po rnams zhes bya ba ni gshin rje mthar byed la sogs pa bcu rnams so/ /'di rnams la gnyis ldan gyi bsdu ba'o phyung bar gyur to/ /zhes bya ba ni byung bar gyur pa'o/ /gang nas she na/ de'i phyir bcom ldan 'das kyi sku las zhes gsungs te/ mchog tu sgeg pa'i nyams dang ldan pa len pa'i sku las so/ /ba spu'i bu ga thams cad nas zhes bya ba ni/ bcom ldan 'das kyi sku la gnas pa'i bu ga rnams las zhes

  41. 21a

    bya ba'i don to/ /phyung nas zhes bya ba ni/ nges par phyung nas so/ /bcom ldan 'das kyis zhes bya ba ni ston pa'i 'o/ /shar la sogs pa'i phyogs su zhes bya ba ni/ shar dang lho dang nub dang byang gi phyogs rnams dang/ de bzhin du me dang bden bral dang rlung dang dbang ldan la sogs pa rnams la mdor bsdus te/ sgrub thabs su gsungs pa'i rim pas gnas par gyur pa ni bzhugs par gyur pa ste/ zla ba la sogs pa'i gdan rnams la zhes bya ba ni lhag ma'o/ /rgyas par bshad pa bstan pa'i phyir/ kha cig ni rnam par snang mdzad kyi rnam pa'o/ /zhes gsungs te/ me long lta bu'i ye shes kyi ngo bo khyad par du snang bas na/ rnam par snang mdzad de de'i rnam pa zhal gsum phyag drug pa zhes bya ba'i don to/ /kha cig ni rin chen 'byung ldan gyi rnam pas so/ /zhes bya ba ste/ rin po che ni yid la re ba thams cad skod par byed pa sems can rnams la mnyam pa nyid kyis phongs pa'i sdug bsngal 'joms pa gang las 'byung ba de ni rin chen 'byung ldan te/ de'i rnam pa zhes bya ba ni sngon bzhin no/ /kha cig ni 'od dpag tu med pa'i rnam pa'o/ /zhes bya ba ni dpag tu med pa ni gzhal du med pa ste/ 'od ni so sor rtog pa'i ye shes kyi rnam pa'o/ /de gang la yod pa de la de skad ces bya'o/ /kha cig ni gnod mdzes rgyal po dang gtsug tor 'khor los bsgyur ba'i bar gyi rnam pa'o/ /zhes bya ba ni gzhan rnams kyang bar du bsdus nas gsungs pa'o/ /dbang po la sogs pa'i 'jig rten skyong ba 'bigs par byed pas na gnod mdzes so/ /de nyid ni ngo bos gsal bar byed pas na gnod mdzes rgyal po'o/ /gtsug tor lag pa gnyis kyis bzung nas dkyil 'khor gyi 'khor lo'i steng du gnas pas na/ gtsug gtor 'khor los sgyur ba'o/ /de'i rnam pa ni de'i ngo bos so/ /zhes bya ba'i sgra ni yongs su rdzogs pa'i mtshams sbyor ro//

  42. 21b

    de ltar rgyus par bshad pa bstan nas bcom ldan 'das kyi gnas skabs gzhan brjod pa'i phyir de nas bcom ldan 'das zhes bya ba la sogs pa gsungs te/ dkyil 'khor ba rnams rang rang gi bstan la 'khod pa'i rjes la'o/ /bcom ldan 'das kyi bshad pa ni sngar bzhin no/ /yul tsam zhig ces bya ba ni skad cig tsam mo/ /cang mi gsung bar bzhugs so zhes bya ba ni mi smra bar ro/ /bzhugs pa ni 'chad par 'gyur pa'i sgra brjod pa'i don du'o/ /ji ltar don gsum gyi dkyil 'khor ba rnams spro ba bstan nas/ nga ni gsol ba 'debs par brjod par bya ba'i phyir de'i yan lag tu gyur pa 'khor rnams kyi bya ba brjod pa bstan pa'i phyir/ ji snyed kyi zhes bya ba la sogs pa gsungs te/ bcom ldan 'das la 'khor gyi ngo bos gnas pa'o/ /thams cad kyi zhes bya ba ni bgrangs pa dang ma bgrangs pa'o/ /byang chub sems dpa' ni nam mkha' i khams khyab pa'o/ /dbyangs gcig gis zhes bya ba ni mgrin? gcig gis so/ /dbyangs kyis smras pa zhes bya ba ni/ e ma'o rdo rje rigs chen po zhes bya ba la sogs pa 'chad par 'gyur ba'i sgra brjod par gyur pa'o/ /e ma'o zhes bya ba ni ngo mtshar ba la'o/ /rdo rje rigs chen po zhes bya ba ni/ rdo rje chen po ni rdo rje 'chang ngo/ /de'i rigs ni de'i rgyud do/ /de'i bo dpal yang de skad ces bya'o/ /rdo rje theg pa zhes bya ba ni sngar bshad pa'i mtshan nyid can gyi sngags kyi theg pa'o/ /de'i don ni rim pa gnyis la brten nas 'jig rten dang 'jig rten las 'das pa'i dngos grub sgrub pa'o/ /de mdzad pa ni ston par byed pa'o/ /de bzhin du e ma'o zhes bya ba sngon bzhin no/ /rdo rje theg pa gsal zhes bya ba la/ rdo rje theg pa ni bshad ma thag pa'o/ /de la gsal ba ni bcom ldan 'das kyi bdag po'i rkyen gyis de bsgrub pa'i phyir dang/ rnam par rtog pa'i mun pa rnams kyi gnyen po nyid du gyur pa'i phyir ro/ /chos kyi dbyings kyi don mdzad ces bya ba ni chos kyi dbyings thog ma dang tha ma med pa nyid kyi rigs so/ /de nyid ni don te thar pa 'dod pa rnams

  43. 22a

    kyi don du gnyer bar bya ba'i phyir ro/ /de ston par mdzad pa ni spros pa sna tshogs pa'i sgo nas de nyid ston par byed pa'i phyir ro/ /zhes lan gsum brjod nas zhes bya ba ni de lta bu'i gyur pa'i tshigs su bcad pa'o/ /gsum ni lan gsum du'o/ /brjod nas zhes bya ba ni smras nas so/ rdo rje 'chang chen po de la zhes bya ba ni rang gis sngar gsungs pa'i cho 'phrul bstan pa de nyid rdo rje 'chang chen po ste/ stong pa nyid chen po 'chang pa'o/ /bcom ldan 'das zhes bya ba ni/ rnam par rtog pa thams cad 'joms par byed pa'o/ /de ltar tshigs gnyis po 'dis ye shes dang spangs pa phun sum tshogs pa bstan to/ /phyag byas nas zhes bya ba ni lus kyi dkyil 'khor phyag la sogs pa rnams kyis/ /rang rang gi sten la zhes bya ba ni zla ba dang nyi ma dang pad+ma'i gdan la sogs pa rnams la'o/ 'dug par gyur to zhes bya ba ni/ bzhugs par gyur pa'o/ /de ltar 'khor rnams kyi bya ba bstan nas/ gsol ba 'debs pa rtsom pa stan pa'i phyir/ de nas de'i tshe zhes bya ba la sogs pa gsungs te/ 'khor rnams rang rang gi stan la 'khod pa'i rjes la'o/ /skad cig thang cig yud tsam de la zhes bya ba ni/ skad cig se gol gtogs pa tsam/ thang cig yungs kar sgril ba ste/ dbugs 'byung yud tsam zhes bya'o/ zhes bya ba'i mtshan nyid kyis te/ phyag na rdo rjes bcom ldan 'das la 'di skad ces gsol to/ /zhes bya ba dang 'brel to/ /ci zhig byas nas she na/ de'i phyir byang chub sems dpa' sems dpa chen po'i 'khor 'dus bya ba chen po de rnams mthong nas zhes bya ba gsungs te/ gnas gcig tu 'dus pa gzigs nas so/ /ji ltar bu zhe na de'i phyir rgya chen bya ba gsungs te/ grangs la sogs pa rnams kyi bcad pa med pa'i phyir ro/ /de ltar gsol ba 'debs pa rtsom pa bstan nas nga ni dngos su gsol ba 'debs pa brjod pa'i phyir/ bcom ldan 'das zhes bya ba la sogs pa gsungs te/ ye shes gsum dang lhan cig tu gyur pa'i rang bzhin gyi tshogs spangs pa'i phyir ro/ /bcom ldan 'das de la bod pa gang yin pa de la yang de skad ces brjod so ye shes rdo rje nyi ma zhes

  44. 22b

    bya ba la/ ye shes ni ye shes lnga'i bdag nyid do/ /de'i rang bzhin gyi rdo rje ni ye shes kyi rdo rje'o/ /de nyid ni nyi ma ste de'i 'bras bu med pa'i phyir ye shes rdo rje'i nyi ma'o/ /'bras bu de nyid gsungs pa ni/ gsang ba'i pad+ma rab rgyas pa zhes bya ba ste/ gsang ba'i rnam pa'i snying ga'i pad+ma 'am/ ?gsang ba? ni snying ga mtshon pa'i pad+ma'o/ /rab tu rgyas par byed pa ni kha 'byed par byed pa ste/ de gang la yod pa de la de skad ces bya'o/ /dam tshig chen po zhes bya ba ni/ dbang bzhi pa'i dus su dam tshig chen po lnga ster ba'i phyir ro/ /rnal 'byor dbang zhes bya ba ni/ rim pa gnyis kyi ting nge 'dzin la brten nas rdo rje 'chang chen po'i go 'phang sgrub bar byed pa'i phyir ro/ /bdag gi zhes bya ba ni phyag na rdo rje bdag gis tshig gsol ba 'debs pa'i ngo bo'o/ /gson cig ces bya ba ni/ rno ba nyid kyis so/ /thugs rje zhes bya ba ni sems can thams cad la phan pa dang/ bde ba dang lhag pa'i bsam pa'i mtshan nyid can las so tshig gi ngo bo bstan pa'i phyir bskal pa bzang po'i sangs rgyas rnams zhes gsungs te/ bskal pa bzang po ni tshe ring ba nyid dang shes rab rno ba nyid kyis rdzogs ldan gyi ngo bo ste/ dus gang la 'bras bu bzhi po yongs su rdzogs pa nyid 'grub par 'gyur ba dang/ gang yang rang nyid kyi 'bum phrag nyi shu'i tshad dang ldan pa de la 'byung bas na bskal pa bzang po'o/ /rdzogs sangs rgyas zhes bya ba ni sngon gyi rnam par gzigs la sogs pa ste/ yongs su rdzogs pa dang chos thams cad yang dag par rtogs pa'i phyir ro/ /rdo rje'i theg pa la mngon par dad pa zhes bya ba ni sngags kyi theg pa la dad pa'o/ /byang chub sems dpa' zhes bya ba ni rnam par gzigs la sogs pa de nyid bcom ldan 'das rdo rje 'chang chen po la byang chub sems dpa' ni 'khor rnams nyid du gnas pa ste/ slob bzhin pa nyid kyi ngo bos gnas pa'i phyir ro/ /sems dpa' che zhes bya ba ni/ sems can thams cad kyi don la dgongs pa'i phyir ro/ /'di rnams zhes bya ba ni mngon sum du ston par byed do/ /lus kyi phyag 'tshal 'khod ces bya ba ni ston pa la gus pas lus btung ba'o/ /lus ni gang rnams la btud pa de ni lus btud pa'o/ /snyigs ma lnga'i dus su zhes bya

  45. 23a

    ba ni tshe dang lta ba dang nyon mongs pa dang bskal ba dang/ sems can gyi snyigs ma'i mtshan nyid can rtsod pa'i dus kyi ming can la'o/ /da ltar yang dag 'jug pa la zhes bya ba la/ yang dag 'jug pa la zhes bya ba ni/ sems can rnams kyi las kyi dbang gis 'jug pa la'o/ /de ltar zhes bya ba ni da ltar gyi dus so/ /ci'i don du snyigs ma lnga'i dus su gnas she na/ de'i phyir sems can rnams zhes bya ba gsungs te/ sems can zhes bya ba ni srog chags rnams so/ /bsod nams chung ba zhes bya ba ni shin tu yang dge ba'i rtsa ba chung ba'i phyir ro/ /de bzhin du brtson 'grus chung zhing tshe thung dang/ zhes bya ba ni brtson 'grus chung ba ni dge ba'i las la spro ba'i mtshan nyid shas chung ba'o/ /tshe ni lo'i grangs tshad gang rnams la yod pa de rnams la de skad ces bya'o/ /lta ba ngan pa mang po dang zhes bya ba ni sgro 'dogs pa dang skur ba 'debs pa'i mtshan nyid can mu stegs pa la sogs pa'i lta ba'i rang bzhin log par lta ba la ltung ba'i phyir ro/ /dgos phyir zhes bya ba ni de'i rgyun mtshan du'o/ /de rnams kyi lta ba ngan pa bzlog pa'i gnas pa zhes bya ba dang 'brel to/ /mchog gi go 'phang zhes bya ba ni 'khor ba'i sdug bsngal bzlog pa'i mtshan nyid can gyi rdo rje 'chang chen po'i go 'phang ngo/ /zhu zhes bya ba ni ston pa po'i drung gnas so/ /gang gis zhes bya ba ni mchog gi go 'phang gis so/ /myur du zhes bya ba ni skye ba 'di nyid la'o/ /'khor ba las zhes bya ba ni khams gsum gyi ngo bo las so/ /thar pa zhes bya ba ni/ nyon mongs pa dang kun nas sbyor ba bral ba'o/ /'gyur zhes bya ba ni grol bar 'gyur ba ste/ thob par 'gyur zhes bya ba'i don to/ /ji lta bu zhe na/ de'i phyir pha rol tu zhes bya ba gsungs te/ nyan thos kyi byang chub la sogs pa'i mtshan nyid dang bral ba la'o/ /yang na bsdus nas zhes bya ba ni 'dod pa'i yon tan lnga'i spyod pas zhes bya ba'i tha tshig go/ ma 'ongs pa'i zhes bya ba ni 'byung bar 'gyur pa dus rnams la'o//

  46. 23b

    sems can rnams zhes bya ba ni lus bzung ba rnams la'o/ /'di dag la zhes bya ba ni/ mngon sum du mthong bzhin pa'o/ /rgyal ba'i sras zhes bya ba ni byang chub sems dpa' ste/ slob bzhin pa'i rgyu mtshan du'o/ /bdud bzhi 'joms par byed pas na rgyal ba'o sras rnams ni bu rnams so/ /bdag ni zhes bya ba ni phyag na rdo rje'o/ /gsol ba 'debs zhes bya ba ni zhu ba byed pa'o/ /'di ltar zhes bya ba ni 'chad bzhin ba'i tshul gyis so/ /gang la zhe na/ de'i cher rdo rje 'chang chen la zhes bya ba gsungs te/ rdo rje 'chang chen la zhes bya ba ni stong nyid chen po 'dzin pa'i sten po pa la'o/ /gtso bo zhes bya ba ni sangs rgyas lnga'i bdag po la'o/ /'o na ji ltar ma 'ongs pa'i sems can rnams kyi don nam slob bzhin pa'i sems can rnams kyi don du gsol ba 'debs bzhi ni de'i phyir de nyid mchog ni zhes bya ba la sogs pa gsungs phyag na rdo rjes so/ /de nyid mchog ni zhes bya ba ni rang bzhin gyis 'od gsal ba'i rnam pa phyag rgya chen po'i mtshan nyid can no/ /'tshal ba zhes bya ba ni rtogs pa'o/ /khyed drin gyi zhes bya ba ni rdo rje 'chang chen po'i bdag po'i dbang gis so/ /'gro ba'i gtso bo zhes bya ba ni bcom ldan 'das la bod pa'o/ /'gro ba ni g.yo ba'i bdag nyid can gyi khams gsum pa'i bdag po'o/ /de nyid mchog ni ji lta bu zhe na/ de'i phyir gsang ba'i zhes bya ba gsungs te/ sba bar bya ba'o/ /sangs rgyas kun gyi zhes bya ba ni/ 'dod chags dang bral ba'i yang dag par rdzogs pa'i sangs rgyas rnams la'o/ /gzhan yang rgyud rnams kun gyi don bsdu ba zhes bya ba ni rgyud lnga po rnams sdud par byed pa'i phyir ro/ /'o na gal te khyod kyi de nyid mchog 'tshal na de'i phyir mi smra ba'i ngo bos khyod la gnas par 'os she na/ de'i phyir 'on kyang zhes bya ba gsungs te/ de la zhes bya ba ste/ de nyid mchog bstan pa'i mtshan nyid can gyi dpal gsang ba 'dus pa la rdo rje phreng ba mngon par rtogs pa 'dri bar 'tshal zhes bya ba dang 'brel to/ /rdo rje phreng bas thob

  47. 24a

    par bya ba'i mngon par rtogs pa ni/ rdo rje phreng ba mngon par rtogs pa ste/ 'di'i don ni sngar bshad zin to/ /ji ltar dri bar 'dod ce na/ de'i phyir don dam par ni zhes bya ba gsungs te/ khyad par du 'phags pa'i don gyi ngo bos so/ /ji lta bu zhe na/ de'i rim pa gnyis ni bla na med pa zhes bya ba gsungs te/ bskyed pa'i rim pa dang rdzogs pa'i rim pa'i mtshan nyid kyis bla na med pa ste/ 'di las gong du bla na med pa'i phyir ro/ /de ltar na de lta bu de nyid bstan du gsol zhes bya ba dang 'brel to/ /ji ltar zhe na/ de'i phyir rdzogs pa'i rim pa'i rnal 'byor ni zhes bya ba gsungs te/ zla ba dang rdo rje la sogs pa dor ba'i ngo bo rang bzhin gyi nye bar mtshon pa'i ngo bos zhes bya ba'i don to/ /de lta bur gyur pa'i don stan pa la/ khyod kyis bdag la bstan du gsol zhes bya ba ni phyag na rdo rje bdag la'o/ /bstan du gsol zhes bya ba ni mdzad du gsol ba'o/ /mtshon pa zhes bya ba ni don gsal ba nyid kyis gsal ba'i byed pa'i phyir ro/ /dpal ldan 'dus pa zhes bya ba ni sangs rgyas thams cad 'dus pa'i bdag nyid can la ste/ de la phyi rol tu rgyud bstan pa'i gnas skabs su ni rtsa ba'i 'dus pa'o/ /bskyed pa dang rdzogs pa'i rim pa dag la yang gdams ngag ji lta bar 'dus pa'i don zhes par bya'o/ /dpal ni tshogs gnyis so/ /de gtso bor byas pa'i 'dus pa ni 'dus pa'o/ /de nyid ni rgyud sde dang rgyud dang 'bras bu dang/ thabs kyi rgyud kyi ngo bo nyid kyi phyir rgyun te/ de la de ston pa la'o/ /ji lta bu zhe na/ de phyir rnal 'byor bla na med ces gsungs te/ thabs dang shes rab snyoms 'jug pas/ /rnal 'byor zhes su brjod pa yin/ zhes bya ba'i tshig gi rnal 'byor gyis sgras ni dpal de kho na nyid 'dus pa la sogs pa la rnal 'byor gyi rgyud rnams su brjod do/ /de rnams kyis bla na med pa la rnal 'byor bla na med pa'i rgyud kyi ngo bo la zhes bya bar brjod do/ /gzhan yang ji lta bu zhe na/ de'i phyir brgyad khri dang ni bzhi stong ngo zhes gsungs te/ brgyad khri bzhi stong ni nyon mongs pa brgyad khri bzhi stong gi mnyen por gyur

  48. 24b

    pa'i phyir ro/ /chos kyi phung po zhes bya ba ni rdo rje'i kun pa gcig pa la nyag ma'i tshad kyi smyu gus bris pa khur ji tsam du glang po che smyon pa dar la bab pas khur bar nus pa de tsam gyi tshad ni chos kyi phung po gcig go /des bsdus pa'i ngo bo dpal gsang ba 'dus pa la'o// de ltar yang snyen gnas kyi sdom pa'i rjes su dkon mchog gsum la skyabs su 'gro ba dang/ byang chub tu sems bskyed pa dang/ sangs rgyas lnga'i dam tshig dang/ dbang lnga dang/ rdo rje slob dpon gyi dbang mdza' dag ma lus pa dang/ de skad smras nas zhes bya ba ni/ de ltar gsol ba 'debs pa rang gi ngo bos bstan nas so/ /mdun du 'dug ste/ zhes bya ba ni mdun du 'khod pa'i phyag na rdo rje'o/ /phyag ni byas nas kyang zhes bya ba ni/ bcom ldan 'das la bsnyen bkur dang gus pa sngon du 'gro bas gsol ba 'debs pa'i phyir ro/ / bcom ldan 'das zhes bya ba ni de bzhin gshegs pa'o/ /smras nas zhes bya ba ni brjod nas so/ /de lta bu'i bcom ldan 'das she na/ de'i phyir ye shes chen po zhes gsungs te/ shes dang shes bya thams cad ma dmigs pa'i phyir ro/ /rdo rje sems dpa' zhes bya ba ni/ sra zhing snying po khong stong med/ /mi chod mi shigs mtshan nyid ldan/ /mi 'tshig pa dang mi mnyam pa'i stong nyid rdo rje zhes brjod do/ /de la sems dpa' ni dgongs pa gang la yod pa de la de skad ces bya'o/ /'gro ba'i bla ma zhes bya ba khams gsum pa'i slob dpon nyid du gyur pa'i phyir ro/ /rdo rje gsum zhes bya ba ni rdo rje gsum po de rnams ni sku gsung thugs ro mnyam par gyur cing phan tshun dbyer mi byed pa'i ngo bo'i don gang la yod pa de nyid la de skad ces bya'o/ /de nyid gsum gyi go 'phang ston ces bya ba ni/ de nyid gsum ni lus ngag yid gsum par dag pa'i mtshan nyid do/ /go 'phang ni rdo rje 'chang chen po'i go 'phang ngo/ /de ston pa ni gdams ngag ston pa po'o/ /rnal 'byor rgyud kyi zhes bya ba ni/ dpal gsang ba 'dus pa la sogs pa rnams kyi'o/ /spas pa'i don zhes bya ba ni mdza' drug gis don gyis

  49. 25a

    bzung bar dka' ba'o/ /bstan du gsol zhes bya ba ni bshad du gsol zhes bya'o/ /'gro ba'i bla ma zhes bya ba ni khams gsum pa'i slob dpon zhes bya ba'i don to/ /de ltar rnam pa gsum gyi gsol ba 'debs pa bstan to/ /de tsam gyi rgyud spyi'i don bstan nas da ni rgyud kyi don brjod pa'i phyir de'i yan lag de la 'jug pa brjod pa ni/ bstan par mdzad du gsol zhes bya ba gsungs te/ phyag na rdo rje sngon du gsungs pa'i rigs pas bcom ldan 'das rdo rje 'chang chen po la rdo rje phreng ba'i rgyud bstan pa'i don du gsol ba gdab par byas nas rdo rje yis ni khyab ces bya ba ni/ sems can thams cad kyi yul la snying rje chen pos gzhan dbang ngo/ /slar yang rgyud la 'jug pa zhes bya ba ni rgyud ni rdo rje phreng ba'i ming can la'o/ /'jug pa'i phyir zhes bya ba ni 'jug pa'i rgyu mtshan du'o/ /yang zhes bya ba ni gsol ba btab pa'i rjes su'o/ /dri ba gtan la dbab ces bya ba ni/ dri ba'i nges par bshad par 'gyur zhes bya ba'o/ /bshad par 'gyur zhes bya ba ni 'chad par 'gyur ba'o/ /de ltar de la 'jug pa stan nas da ni dri ba brjod pa bstan pa'i phyir/ rdo rje phreng ba'i ming ni zhes bya ba la sogs pa gsungs te/ dang po nyid du brjod par bya ba'i yul la dri ba'o/ /'dus pa ci zhig ces bya ba ni rgyud gang gi bshad pa'i rgyud kyi ngo bo 'di de'i yul la ni gnyis pa'o/ /cung zhig stong pa nyid ces bya ba ni rgyud de la gang zhig gtso cher gang zhig stong pa nyid kyi ngo bo bstan pa de ji lta bu yin zhes bya ba ni gsum pa'o/ /thig le'i dbye ba dang zhes bya ba dang ni de lta bur gyur pa'i stong pa nyid de la phyogs gcig gi rtogs par byed pa de lta bu yin zhes bya ba de'i rjes la bzhi pa'o/ /sgra zhes bya ba ni thig le'i dbye bas thabs gang gis 'gyur ba de'i yul la de'i dbye ba thabs gang gis 'gyur ba de'i don du sgra'i yul la dri ba lnga pa'o/ /de yang a yig gi ngo bo brjod par 'gyur ba'o/ /gsang ba dang ni zhes bya ba ni sgra mngon par gsol bar byed pa'i ngo bo drug pa'o/ /gsang ba gang zhes brjod pa zhes bya ba ni 'chad bar 'gyur ba'o/ /dam tshig

  50. 25b

    sdom pa zhes bya ba ni sngon du gsungs pa'i gsang ba mngon par gsal ba ni dam tshig dang sdom pa la gnas pa nyid la bya'i gzhan la ni ma yin zhes bya ba de'i don du dam tshig dang/ sdom pa'i yul ni dri ba bdun pa'o/ /de la dam tshig ni gnas gcig tu tsA ru'i bza' ba la sogs pa dang rigs lnga'i dam tshig gi rnam pa'o/ /sdom pa zhes bya ba ni rang gi dam tshig gis bsrung bar bya ba'i ngo bo ste/ ji skad du 'chad par 'gyur ba las/ de nas gzhan yang sdom pa'i don/ /de kho na nyid bshad kyis nyon/ /sdom pa gsung bar byed pa gang/ /de ni byang chub sems zhes brjod/ /ces gsungs te/ dam tshig ces bya ba ni bza' bar bya ba'i ngo bo ston par byed pa'i dri ba brgyad pa'o/ ji snyed du 'chad par 'gyur ba las/ /bza' ba ru ni bshad pa gang/ /de ni bdud rtsi lngar ni brjod ces gsungs te/ sgra tsam dang zhes bya ba ni dri ba lnga pa'i rgyas par bshad pa dang 'dra ba ni dgu pa'o/ /ji skad du 'chad par 'gyur ba'i chos kyi 'khor lo pad spubs nas/ sgra tsam yang dag gnas pa ni/ zhes bya ba gsungs so/ /rlung gi de nyid ces bya ba ni/ bzhi pa'i dri ba'i rgyas par bshad pa bcu pa'i dri pa'o/ /ji ltar 'chad par 'gyur ba yi/ /rlung gi thig le ye shes che// zhes bya ba la sogs pa'o/ /bde chen zhes bya ba ni rdo rje phreng ba'i dri ba'i rgyas par bshad par gyur pa dri ba bcu gcig pa'o/ /ji skad du 'chad par 'gyur ba yi/ /de nas gzhan yang bshad kyis nyon/ /bde ba chen po'i tshig gsal ba/ /rdor sems go 'phang mi phyed pa/ /rang rig pas na mchog gi mchog /kun rtog gis ni rtags stong pa/ /bde ba chen po zhes 'di brjod/ /lhan cig skyes pa'i dus su ni/ /bzung dang 'dzin pa rnam par spangs/ /zhes gsungs so/ /rdo rje pad+ma mnyam sbyor dang/ /zhes bya ba ni thabs kyi ngo bo rjes su bsgrubs pa gang gis bde ba chen po'i rig pa de ston par byed pa'i phyir rdo rje dang pad+ma mnyam par sbyor ba'i yul la dri ba bcu gnyis pa'o/ /ji ltar 'chad par 'gyur ba yi/ /mi phyed rdo rje zhes ni brjod/ /de dag gnyis ka yongs su grags/ /a yi yi ges phye ba yis/ /rnal 'byor mchog gi rtag tu rtogs/ /de yi rten ni

  51. 26a

    snying pad+ma/ /'dab ma brgyad kyi rnam par brgyan/ /ces bya ba la sogs pa gsungs so/ /sngags kyi de nyid ces bya ba ni dri ba bcu pa'i rlung gi de kho na nyid kyi mtshan nyid can gyi lhag mar gyur pa'i dri ba ni bcu gsum pa'o/ /ji skad 'chad par 'gyur ba yi/ /sku gsung thugs rdo rje rnams/ /gsungs pa'i sngags kyi zlas brjod bya/ /zhes bya ba la sogs pa gsungs so/ /rnal 'byor pa zhes bya ba ni rdo rje bzlas pa'i sgom pa po rnams kyi'o/ /rlung rnams dang ni zhes bya ba ni srog gi bsdus pa'i rlung thim pa dang/ 'char ba'i rim pas rlung gi grangs dang gnas kyi yul dri ba ni bcu bzhi pa'o/ /ji skad 'chad par 'gyur ba yi/ /rlung gi mtshan nyid ji bzhin du/ lo tshigs kyi ni mtshan nyid ni/ /mdor bsdus nas ni bshad par bya/ dpal 'dus las ni gang gsal ba/ /zhes gsungs so/ /de bzhin du gzhan yang bshad par bya yis nyon/ srog ni thim dang 'char ba yi/ /zhes gsungs so/ /'dis ni rlung gi de kho na nyid ni lhag mar gyur pa gsungs so/ /'khor lo rnam grangs ni ji tsam gang du gnas zhes bya ba ni/ gzhan gyi grub pa'i mdza' las grags pa'i 'khor lo rnams kyi grangs kyi ngo bo de la mos pa'i sems can rnams ni gzhug pa'i phyir gtso cher bshad pa'i phyir de'i yul la dri ba ni bco lnga pa'o/ /ji skad 'chad par 'gyur ba yi/ /'khor lo drug la bcu drug brten/ /lus la lha yi gzhal yas khang/ /ji ltar gnas la rigs par sbyong/ /mdor bsdus nas ni bshad par bya/ /zhes gsungs so/ /rnal 'byor lus la rtsa gang lags zhes bya ba ni/ sngon du gsungs pa'i rtsa rnams ji tsam zhes bya ba gtso bo'i 'khor lo la brten nas grangs ji tsam pa de'i phyir de'i yul la dri ba bcu drug pa'o/ /ji ltar 'chad par 'gyur ba yi/ /rnal 'byor lus la bde chen po'i 'khor lo'i rtsa ni sum cu gnyis/ /byang chub sems ni gsal 'bab pa'i/ /rtsa rnams yang dag bshad par bya/ /zhes bya ba la sogs pa'o/ /rnam pa sna tshogs sogs skad cig ces bya ba ni/ ji ltar rnam pa sna tshogs dang/ rnam par smin pa dang/ rnam par nyid pa dang/

  52. 26b

    mtshan nyid dang bral ba'i skad cig ma rnams kyi rnam par dbye ba byang chub sems 'babs rnal 'byor ba'i lus la gnas pa/ de rnams kyi nyams su myong bskyed pa'i rim pa gsal ba'i phyir de'i rjes la rnam pa sna tshogs pa la sogs pa'i dri ba ni bcu bdun pa'o/ /ji skad 'chad par 'gyur ba yi/ /rnam pa sna tshogs rnam par smin/ /rnam par nyed dang mtshan nyid bral/ /zhes bya ba la sogs pa'o/ /dga' ba dang zhes bya ba ni dga' ba bzhi la sogs pa rnam pa sna tshogs pa la sogs pa'i skad cig ma rnams nyams su myong ba sngon du 'gro bas de rnams nyams su myong ba'i phyir/ de'i rjes la dga' ba la sogs pa'i rnam par dbye ba'i yul la dri ba ni bco brgyad pa'o/ /ji skad 'chad par 'gyur ba las/ /dga' ba bde ba dang po ste/ /mchog tu dga' ba gnyis pa dang/ /dga' bral zhes bya ba gsum pa dang/ /bzhi pa lhan cig skyed par bshad/ /ces bya ba la sogs pa'o/ /rdzas dang ni sngags dang rlung dang thig le zhes bya ba ni dri ba bcu bzhi pa'i rlung gi de kho na nyid ces bya ba la rnal 'byor ma'i rgyud kyi rjes su 'brangs nas rnam par dbye ba bya ba'i phyir/ de'i lhag mar gyur pa thig le gsum sgom pa'i yul la dri ba ni bcu dgu pa'o/ /ji skad 'chad par 'gyur ba las/ /rtsa rnams kun tu 'bab pa dang/ /byang chub sems ni bstan byas pa/ /rdo rje'i rtse dang pad+ma'i rtser/ /rlung ni bzung bar bya ba ste/ /rkan la rtog pa'i sbyor ba dang/ /k+Sh+mIM sngags kyi sbyor ba yis/ /rnal 'byor mchog ni thob par byed/ /bde ba kun gyi bzhi yi mchog ces bya ba la sogs pa'o/ /yi ge gsum gyi ming ci zhe na/ rnal 'byor ma yi rgyud kyi rjes su 'brangs nas/ sngags kyi de kho na nyid kyi bdag nyid can gyi yi ge gsum gyi ngo bo'i ming la ci zhes bya ba de'i yul la dri ba ni nyi shu pa'o/ /ji skad 'chad par 'gyur ba las// yi ge gsum ni sku gsung thugs/ /snying po bye ba khyod nyon cig /de ni rnam par bye ste nyon/ /oM ni sku yi rdo rje yis/ /snying po nyid du yang dag bshad/ /a yi yi ge oM yig dang/ /ma yi yi ge zhes bya gsum/ /zhes bya ba la sogs pa gsungs so/ /de nyid gsum zhes bya

  53. 27a

    ba ni/ /de nyid gsum ji lta bu zhe na/ zhes bya bas de nyid gsum gyi yul la dri ba ni nyi shu rtsa gcig pa'o/ /de rnams kyang bdag dang ye shes dang sngags kyi de kho na nyid rnams so/ /ji skad 'chad par 'gyur ba las/ /bdag gi de nyid rnal 'byor mchog /rdo rje sems dpa' nyid kyi rgyu/ /zhes bya ba la sogs pa gsungs so/ /de bzhin sna yi rtse mo gsum zhes bya ba ni/ rlung gi de kho na nyid sngar mdor bstan pa'i rten du gyur pa rdzas dang sngags dang 'od zer gyi thig le'i rten du gyur pa'i sngon du bcu pa gsungs pa'i lhag ma dri ba ni nyi shu rtsa gnyis so/ /ji skad du 'chad par 'gyur ba las/ gsang ba snying ga gdod ma'i ming/ /gsum pa'i rgyud las gsal ba ni/ /'khor lo gsum gyi dbye ba ni/ /rnal 'byor ba ni bsgom pa'i rim/ /zhes bya ba la sogs pa gsungs so/ /lus kyi stong nyid ye shes dang/ zhes bya ba ni/ rnal 'byor pa'i lus rtsa sna tshogs pa'i rten nyid stong pa nyid kyi ye shes kyi rtsa dbus ma a ba d+hU tI ma byang chub kyi sems kyis rab tu gang ba'i bdag nyid can sna'i rtse mo gsum pa thig le rnam pa gsum bzung ba'i 'bras bur gyur pa ji lta bu yin zhes bya ba sna rtse gsum gyi lhag mar gyur pa dri ba nyi shu rtsa gsum pa'o/ /ji skad 'chad par 'gyur ba las/ /chos rnams thams cad snang ba med/ /mtshan nyid stong pa nyid du 'dod/ /ces bya ba dang/ de bzhin du gang phyir a ba d+hU tIr zhugs/ /yang dag stong pa nyid du 'dod ces bya ba dang/ de bzhin du de la ye shes bde ba che/ /byang chub sems kyi gang ba nyid/ /ces bya ba la sogs pa gsungs so/ /lha rnams kyang ni ji ltar gnas zhes bya ba ni/ /rnal 'byor pa'i lus de nyid la lha rnams rdzogs pa'i rim pa'i rjes su 'brangs nas/ 'khor bzhi'i rang bzhin rtsa rnams kyi ngo bo thim pa dang/ longs spyod pa dang bdag po sngon du gsungs pa'i bcu drug par/ rnal 'byor lus la rtsa rnams gang zhes bya ba la sogs pa'i lhag mar gyur pa dri ba ni nyi shu rtsa bzhi

  54. 27b

    pa'o/ /ji skad 'chad par 'gyur ba las/ chos dang longs spyod rdzogs pa dang/ /bde ba chen po yang dag brten/ /'khor lo gzhan yang dag bshad pa/ /rim pa ji bzhin ma lus pa/ /de la rtag tu yang dag bzhugs/ /thim dang longs spyod bdag po ni/ /lha nyid mchog tu gnyis su med/ /yang dag ngo bo go 'phang brten/ /zhes gsungs so/ /de rnams kyi ming gang zhe na/ de'i phyir de rnams kyi ming ni gang zhes gsungs te/ de rnams ni lha ste ming ni ming du gyur pa'o/ /gang zhes bya ba ni sngon gyi le'u'i lhag mar gyur pa dri ba nyi shu rtsa lnga pa'o/ /ji skad du 'chad par 'gyur ba las de nas gzhan yang lha mo yi/ /de rnams kun gyi ming bshad bya/ /'khor lo bzhi dbye ba yi/ /rtsa yi rnam pa'i grangs kyi kyang/ /las dang rdo rje de bzhin pa de/ /'khor lo rnams kyi dbye ba yi/ /rigs bzhi yi ni dbye ba dang/ rtsa yi rim pas yang dag bzhugs/ /zhes gsungs so// gang du 'char ba dang ni nub ces bya ba ni rtsa'i rang bzhin gyi lha de rnams kyi 'char ba ni rab tu sang pa'o/ /nub pa ni nang du thim pa'o/ /de dag ji ltar zhes sngon gyi dri ba'i lhag mar gyur pa ni dri ba nyi shu rtsa drug pa'o/ /ji skad du 'chad par 'gyur ba las/ de nas gzhan yang rab bshad bya// 'char dang nub pa'i mtshan nyid ni/ /rtsa rnams kyi ni rnal 'byor mchog /dngos grub thams cad kyi ni gnas/ /mdun na gnas pa'i yul rnams la/ /yid la byed pa der ni 'gro /dbus ni nang du 'dus pa yis/ /de tshe dbang po rab rgyas 'gyur/ /de yi de rnams rab bskul bas/ /de rnams rtsa la rim bzhin gnas/ /de yis rab tu sang byas nas/ /lha mo rang rang 'khor lo la/ /zhes bya ba la sogs pa gsungs so/ /ji ltar mgon pos dga' ba rnams/ /skye ba'i rim pa gsal bar gsungs/ /zhes bya ba ni sngon du bsten pa'i dri ba bco brgyad po las dga' ba rnam par 'byed pa'i mtshan nyid can gyi lhag mar gyur pa rgyud gzhan du yang dag par bsgrags pa de'i yul la dri ba nyi shu rtsa bdun pa'o/ /ji ltar 'chad par 'gyur ba las/ /de nas gzhan yang bshad kyis nyon/ /dga' ba bskyed pa'i mtshan nyid ni/ /gang gis yang dag shes

  55. 28a

    pa ni/ rdo rje sems dpa' go 'phang mchog /'khor lo drug gi rtsa dbu ma/ /rgyas dang slar yang bsdus pa ni/ /'khor lo bzhi dang yang dag sbyor/ /rtsa rnams brgyad dang nyi shu lhag /mtshams kyi cha ni rim pa yang/ /rtsa ni bcu drug la yang brten/ /zhes gsungs so/ sngar bshad rtsa rnam rtag tu ni/ /rdo rje'i lus la ji ltar rgyu/ /zhes bya ba ni/ rtsa stong phrag bdun cu rtsa gnyis gtso bor gyur pa'i rtsa de rnams ni khams kyi rang bzhin ji lta bu 'bab ces de'i yul la dri ba nyi shu rtsa brgyad pa'o/ /ji skad du 'chad par 'gyur ba las/ /de nas gzhan yang bshad kyi nyon/ /rdo rje bstan pa'i lus kyi ni/ /rtag tu rtsa rnams kyi ni rgyun/ /nges par de nyid bshad kyi nyon/ /stong phrag nyi shu rtsa bzhi ni/ /rtsa ni rtag tu rmad byung ba/ /byang chub sems ni 'bab par shes/ bde ba thams cad rab tu 'phel/ /zhes bya ba la sogs pa gsungs so/ /mtshams kyi rtsa gsum de dag ni/ /gtso bo nyid du ji ltar 'gyur/ /zhes bya ba ni rtsa stong phrag bdun cu rtsa gnyis po de rnams kyi dbus su mtshams kyi rtsa gsum rtsa ba'i rgyud chen por rgyu mtshan gang gi stan ces de'i yul la dri ba gnyis pa dgu pa'o/ /ji skad 'chad par 'gyur pa las/ /de nas gzhan yang bshad kyi nyon/ mtshams kyi rtsa ni gtso bo nyid/ /rtsa rnams sdom dang 'char ba dang/ /gang gis shes nas rtag tu ni/ /zhes bya ba la sogs pa gsungs so/ rlung rnams ji ltar ldang ba dang/ /gtso bo de rnams ji ltar thim/ /zhes bya ba ni sngon du bstan pa'i dri ba bcu pa'i lan rgyas par bshad par gyur ba srid pa bskyed pa'i ngo bo 'khor bar 'khor ba'i gnas skabs su rung rnams ji ltar thim pas ni 'jig par ji ltar 'gyur/ /zhes de'i yul la dri ba ni sum rtsa ba dang sum cu rtsa gcig pa'o/ /ji skad du 'chad par 'gyur ba la/ /bag chags nyon mongs can gyi yin/ rlung gi ngo bos gzugs gzhan byed/ don ni nges par yong mi shes/ /rlung tsam gcig tu rmongs pa yi/ /zhes bya ba la sogs pa gsungs so/ /de ni mkha' 'gro mar bsdus pa/ /gtso bo ji ltar yang dag thob/ /ces bya ba ni rtsa de rnams kyi bsdu ba'i mkha' 'gro ma

  56. 28b

    zhes bya ba ni rtsa'i ngo bo la dmigs pa sdud par byed pa ji ltar thob par bya thabs gang gis rtogs par bya zhes de'i yul la dri ba ni sum cu rtsa gnyis pa'o/ /ji skad du 'chad par 'gyur ba las/ /de nas gzhan yang bshad kyis nyon/ /ye shes chen po mchog chen po zhes bya ba la sogs pa gsungs pa'o/ /rnam rtog rlung ni rnam 'byed pa zhes bya ba ni/ ji ltar thob par 'gyur zhes bya ba'i lhag ma'o/ /rnam par rtog pa'i rlung rnams kyi grangs ni brgya rtsa brgyad kyi grangs can rnam par 'byed pa'i ngo bo sngon du gsungs pa'i bcu gsum pa'i lhag ma dri sum cu rtsa gsum pa'o/ /gang gi phyir bskyed pa'i rim pa sgom pa mngon du 'gro bas rdo rje bzlas pa'i ngo bo mdun du bstan par bya ste/ de nas gzhan yang bshad kyi nyon/ /rnam rtog rlung gi rnam bcod pa/ /nyin dang mtshan du nges par ni/ /brgya dang brgyad kyi lhag par 'gyur/ /zhes bya ba la sogs pa gsungs so/ /ma ning gi zlas pa'i gnas skabs kyi cho ga can no/ /de yang dag gi rnam par rtog pa 'joms par byed pa'i phyir rnam par rtog pa 'char ba'o/ /rdo rje bzlas pa'i lhag mar gyur pa'i dri ba sum cu rtsa bzhi pa'o/ /ji skad du 'chad par 'gyur ba las/ /de nas gzhan yang bshad kyi nyon/ /rnam rtog med pa'i rlung shar ba/ /gang shes rdo rje sems dpa' ni/ /rang ngos go 'phang bzang po thob/ /rtog pa med pa'i rlung chen mo/ /gnyis pa thams cad rnam par spangs/ /dngos po kun gyi rang bzhin bdag /bsgom dang bsgom pa min par bral/ /zhes bya ba la sogs pa gsungs so/ /rtsa rnams ji ltar nub pa dang/ zhes bya ba ni 'khor lo bzhi 'am 'khor lo drug la gnas pa'i rtsa rnams ji ltar mi nus par 'gyur/ zhes nyi shu rtsa drug pa'i lhag mar 'gyur ba'i dri ba'i yul la dri ba ni nyi shu rtsa lnga pa'o/ /ji skad du 'chad par 'gyur ba las/ de nas bcom ldan rdo rjes gsungs/ /rtsa rnams nub pa'i rnal 'byor ni/ /de nyid kho na bshad kyi nyon/ /yul dang dbang po yang dag sbyor/ /zhes bya ba la sogs pa nas brtsams nas ji srid du/ yul rnams dngos po med pa nas/ /yang dag ye shes de nyid phyir/ /de ni de la longs spyod phyir/ /dngos su yul rnams dngos med phyir/ /dbang po rnams ni skye ba min/ /zhes gsungs so//

  57. 29a

    sbyor ba drug gi ji ltar rtsom zhes bya ba ni/ sngon du bstan pa'i dri ba bco lnga pa las/ gang zhig 'khor lo rnams kyi grangs zhes bya ba ni lhag mar gyur pa'i sbyor ba drug gi zhes bya ba ni sbyor ba drug gi sgom pa ji ltar rtsom zhes de'i yul la dri ba ni sum cu rtsa drug pa'o/ /ji skad du 'chang par 'gyur ba las/ de nas gzhan yang bshad kyi nyon/ /sbyor drug go 'phang mtshan nyid ni/ /ji lta ji lta ba bzhin sbyor/ /ji ltar grangs kyi dbye ba yis/ /rnam pa drug po de las phyed/ /de bzhin brgyad brgyad de nas brgyad/ /brgyad gnyis brgya phrag bzhi dang ni/ /de ltar grangs kyi sbyor ba gsal/ /zhes bya ba la sogs pa gsungs so/ /dus kyi mtshan nyid ji lta bu zhes bya ba ni/ bstan ma thag pa'i 'khor lo drug gi rim pas dus gsum mtshon par bya'o/ /zhes de'i don du dus kyi mtshan nyid kyi yul la dri ba ni sum cu rtsa bdun pa'o/ /ji skad du 'chad par 'gyur ba las/ /de nas bcom ldan rdo rjes gsungs/ /dus kyi mtshan nyid sdom pa ni/ /rnal 'byor gang gi rnam par shes/ /grangs kyi rnal 'byor bla na med/ /dus kyi dus tshod des su bshad/ /bsam dang bsam min ngo bo ni// bzang po'i dus dang ngan pa'i dus/ /rnam pa gnyis ni yang dag gnas/ /zhes bya ba la sogs pa gsungs so/ /gsang ba'i yang ni 'bras bu ci/ /zhes bya ba ni bsam gyi mi khyab pa'i dus nyams su myong ba'i rjes la gsang ba'i don dang 'bras bu ji lta bu zhes de'i yul la dri ba ni sum cu rtsa brgyad pa'o/ /ji skad du 'chad par 'gyur ba las/ /de nas gzhan yang bshad par bya/ gsang ba'i 'bras bu mchog nyid nyon/ /gang gi dngos grub mchog tu 'gro /phyag rgya chen po yang dag bsten/ /gsang ba'i sbas pa zhes ni bshad/ /rnal 'byor byis pas mi shes shing/ /bzhi pa'i dbang zhes bya ba'i ming/ /zhal nas zhal du brgyud rim gnas/ /mchog tu zhi ba'i ye shes che/ /kun tu rtog pa thams cad spangs/ /zhes bya ba la sogs pa gsungs so/ /chos kyi dbyings dang zhes bya ba ni ji lta bu zhes bya ba'i lhag ma'o/ /gsang ba'i

  58. 29b

    'bras bu ni ming gi rnam grangs la de'i yul la dri ba sum cu rtsa dgu pa'o/ /ji skad du 'chad par 'gyur ba las so/ de nas bcom ldan rdo rjes gsungs/ /chos kyi dbyings ni go 'phang mchog /chos kun dbus na khyab pa'i khams/ /chos kyi dbyings zhes de la brjod/ /kun khyab mchog tu phra ba dang/ /thams cad du ni kun nas 'char/ /zhes bya ba la sogs pa gsungs so/ /de yang gtso bo dang gtso bo ma yin pa'i dbye ba rnam pa gnyis te/ de'i yul la dri ba ni bzhi bcu pa'o/ /rdo rje yang zhes bya ba ni de'i gnas skabs nyid kyi phyir ro/ /de yang gtso bo dang gtso bo ma yin pa'i dbye bas sngon bzhin no/ ji skad du 'chad par 'gyur ba las de nas bcom ldan rdo rjes gsungs/ /rdo rje yi ni mtshan nyid mchog /de ni rnam par phye ba nyon/ /ji lta bzhin du bshad par bya/ /rdo rje mi phyed ces ni gsungs/ /ye shes lnga'i bdag nyid mchog ces pa la sogs pa gsungs so/ /gzhung 'di tsam gyi rnal 'byor ma'i rgyud kyi rjes nas bshad pa'i yul la dri ba'i cho gas gsungs so/ /da ni rnal 'byor chen po'i rgyud gcig pu'i bshad pa'i dbye ba dri ba'i rim pa la 'jug pa'i phyir/ rigs kyi dbye ba ji lta bu zhe na/ rigs kyi rgyun no/ /de rnam pa du zhes grangs kyi yul la dri ba ni bzhi bcu rtsa gcig pa'o/ /ji skad du 'chad par 'gyur ba las/ /de nas bcom ldan rdo rjes gsungs/ /rigs kyi dbye ba'i don bsdus pa/ /de tshe rigs ni rnam pa lnga/ /rtsa ba'i rgyud ni gsal bar gsungs/ /spro ba'i sbyor ba'i dbye ba yis/ /rnal 'byor chen po'i dam tshig go /rgyud du grangs kyi dbye ba ni/ /gang dag de nyid gsal bar gsungs/ /zhes bya ba la sogs pa gsungs so/ /phyag rgya'i dbye ba ji tsam zhig ces bya ba ni/ thabs kyi rab tu dbye ba ni bstan zin to/ /rigs dpag tu med pa'i dbye ba dang/ rigs brgya'i dbye ba dang/ rigs lnga'i dbye ba ji tsam zhig ces de'i yul la dri ba gtso bo dang gtso bo ma yin pa'i dbye bas bzhi bcu rtsa gnyis pa'o/ /ji skad du 'chad par 'gyur ba las/ de nas bcom ldan rdo rjes gsungs/ /phyag rgya'i dbye ba bla na med/ /las dang chos dang dam tshig dang/ /phyag rgya chen po zhes su grags/ /las rnams nges pa'i rnam smin gyis/ /'bras bu rgyas gtab lta bur gnas/ /zhes bya ba la sogs pa

  59. 30a

    gsungs so/ /phung po la sogs skye mched ci zhes bya ba ni/ phung po dang khams dang skye mched rnams ji lta bu zhes sngar bstan pa'i rigs kyi dbye ba'i lhag mar gyur pa'i dri ba bzhi bcu rtsa gsum pa'o/ /ji skad du 'chad par 'gyur ba las/ de nas gzhan yang yang dag bshad/ /phung sogs skye mched mtshan nyid ni/ /dzi na dzik ni gzugs zhes bshad/ /badzra d+h+rik ni rnam shes dang/ ratna d+h+rik ni tshor bar gsungs/ A ro lik ni 'du shes grags/ /prany+dzA d+h+rik ni 'du byed dang/ de ltar phung por rab tu grags/ zhes gsungs so/ /phyag rgya chen po'i ming ni ci zhig bya ba ni/ /phyag rgya'i dbye ba ji tsam zhig ces dri ba phyogs gcig pa la bzhi bcu rtsa gnyis pa'i lhag mar gyur pa phyag rgya chen po'i yul la dri ba bzhi bcu rtsa bzhi pa'o/ /ji skad du 'chad par 'gyur ba las/ de nas gzhan yang bshad bya ba/ phyag rgya chen po'i don mtshan nyid// rnal 'byor chen po'i 'bras bu ni/ /ye shes chen po'i don bsdus pa/ /zhes gsungs so/ /ro rnams kyi ni dbye ba dang zhes bya ba ni/ phyag rgya chen po la 'jug pa'i dus su/ /'dar dang rdul dang ba spu langs/ /dbyangs kyi dbye ba sdug? pa dang/ /lugs sgyur 'chi ba thim pa dang/ /snying stobs nyams ni brgyad po rnams/ /zhes gsungs so/ /de lta bur gyur pa'i sgeg pa'i nyams kyi dbye ba rnams ji lta bu zhes de'i yul la dri ba bzhi bcu rtsa lnga pa'o/ /ji skad du 'chad par 'gyur ba las/ /de nas bcom ldan rdo rjes gsungs/ /nyams kyi mtshan nyid dbye ba ni/ /zhes bya ba nas brtsams te ji srid dga' ba brgyags pa rtsa yi cha/ /khong stong 'dar ba skye bar byed/ /ces bya ba'i bar gyis so/ /bdag gi sgra ni gang na gnas zhes bya ba ni/ sngar bshad pa'i phyag rgya chen po'i mtshan nyid kyi yul la dri ba bzhi bcu rtsa bzhi pa'i lhag mar gyur ba a haM gi ngo bo de'i rnam par dag pa sgra gang na gnas shes de'i yul la dri ba bzhi bcu rtsa drug pa'o/ /ji skad du 'chad par 'gyur ba las/ /de nas bcom ldan rdo rjes gsungs/ /bdag ces bya ba sgra yi rten/ /gang gis yang dag shes pa yis/ /'khor ba'i 'chid bar mtshan nyid do/ /a haM 'khor

  60. 30b

    bar 'ching ba yi/ /de ni yongs zad grol ba yin/ /a ni dngos po kun gyi mchog /lus rnams kun la lhag par gnas/ /zhes gsungs pa dang/ haM yig dngos po dang bral ba/ /lus gnas lus la ma skyes pa'o/ /dbang po las 'das mi gsal ba/ /rnam pa thams cad rnam par spangs/ /zhes bya ba la sogs pa gsungs so/ /stong nyid dbye ba bsdus pa dang/ zhes bya ba ni bshad ma thag pa'i phyag rgya chen po'i dri ba bzhi bcu rtsa bzhi pa'i lhag mar gyur pa/ stong nyid dbye ba bsdus pa dri ba'i yul bzhi cu rtsa bdun pa'o/ /ji skad du 'chad par 'gyur ba las de nas bcom ldan rdo rjes gsungs/ /stong nyid dbye ba bsdus pa ni/ /rnal 'byor pa ni gang gi shes/ /stong nyid de ni shes par 'gyur/ /mi mthun pa dang mnyen po'i phyir/ /stong nyid sgoms par yongs su gsungs/ /nang gi bdag nyid chos rnams ni/ /kun tu rtog pa'i mnyen po dang/ /phyin ci log gi rnam dag pa/ /phyi nang stong pa nyid du bshad/ /ces gsungs so// stong pa nyid ni gang du skye zhes bya ba ni/ bshad ma thag pa'i dri ba'i lhag mar gyur pa dri ba 'di ni bzhi bcu rtsa brgyad pa'o/ /de yang skyed pa'i rim pas zhal dang phyag dang dbyibs bsgoms pa'i bdag nyid can no/ /ji skad du 'chad par 'gyur ba las/ /de nas bcom ldan rdo rjes gsungs/ /stong pa nyid ni skye ba'i rgyu zhes bya ba nas brtsams nas/ rdo rje phreng ba de ltar bshad/ /srog gi rten gyi mtshan nyid do/ /sku mdog sngon po zhal gsum pa/ /spyan gsum pa la phyag rgya mchog /ces bya ba'i bar du gsungs so/ /nyin mo dang mtshan mo gang zhes bya ba ni/ de lta bu'i rnam pas rdo rje phreng ba bsgom pa la thun mtshams bzhi la 'os pa nyid kyi phyir de'i don du nyin mo dang mtshan mo'i yul la dri ba bzhi bcu rtsa dgu pa'o/ /ji skad du 'chad par 'gyur ba las/ de nas bcom ldan rdo rjes gsungs/ /mtshan mo nyin mo'i mtshan nyid ni/ /mtshan mo shes rab shes par bya/ /'byung po thams cad thim nas 'gro/ zhes bya ba nas brtsams nas/ ji srid nyin mo slar yang thabs su bshad/ /thabs ni nyin mor gyur pa dang/ zhes bya ba'i bar du gsungs so/ /A li kA li'i brda dang ni/ /zhes bya ba ni/ sngon du gsungs pa'i stong pa nyid/ /gang du skye ba 'gyur zhes de lta bu'i rnam pas dri ba bzhi bcu rtsa brgyad pa'i lhag mar gyur pa/ A li kA li'i brda ni

  61. 31a

    gang zhes de ni yul dri ba lnga bcu pa'o/ /ji skad du 'chad par 'gyur ba las/ /de nas bcom ldan rdo rjes gsungs/ A li kA li'i dam tshig ni/ /rgyud rnams kun tuAng? gsungs pa yi/ /rgyal sras rnams dag? shes? pa yi/ /'od gsal go 'phangs las skyes pa/ /snang ba mched pa'i mtshan nyid ni/ /gsal byed sum cu rtsa gsum ldan/ /A li'i dkyil 'khor rgyas pa yi/ /snang ba 'ched pa'i go 'phang ni/ /snang ba las byung zad pa med/ /dbyangs ni drug cu dang ldan pa/ /A li'i 'khor lo rgyas pa yi/ /zhes gsungs so/ /mtshams kyi 'char ba ji lta bu zhes bya ba ni// mtshams ni snang ba nye bar thob pa yi/ /ngo bor shar ba ji lta bu/ /zhes de'i yul la dri ba lnga bcu rtsa gcig pa'o/ /ji skad du 'chad par 'gyur ba las/ /de nas gzhan yang bshad kyi nyon no/ /mtshams kyi mtshan nyid bla na med/ /snang dang mi snang bral ba'i mtshams/ /ye shes rdo rje las byung ba/ /gnyis 'dres pa yi dbus na gnas/ /'bags shing gos pa rnam par spangs/ /rdo rje pad+ma 'chi med skyes/ /zla ba nyi ma yang dag 'dres/ /mthar ni yang dag mi 'gro gang/ /mtshams de srid pa dag par byed/ /ces bya ba'i bar gyi gzhung gis rnal 'byor chen po'i rgyud gcig pu gtsor byas pa'i don gyi dbye ba bshad pa dri ba'i tshogs gsungs so/ /da ni gtso bo ma yin par gyur pa'i dri ba'i tshogs brjod par bya ste/ sngon du bsnyen sogs slob dpon dang/ /cho ga nyi shu las dang ni/ /zhes bya ba'i rang gi ngo bo ji lta bu zhes bya ba'i lhag ma'o/ /dpal gsang ba 'dus pa'i rdul tshon gyis dkyil 'khor ston par byed pa'i cho ga nyi shu las dang bcas pa'i phrin las kyi yul la dri ba lnga bcu rtsa gnyis po/ /ji skad du 'chad par gyur ba las/ /de nas bcom ldan rdo rjes gsungs/ /rnam pa nyi shu'i ming can no/ /slob dpon las su yongs su bshad/ /sngags kyi rnal 'byor legs brgya pa/ /sngon du bsnyen pas sbyang dang/ de nas 'byung po bskrad pa dang/ /sa bzung nyid dang spyad ba dang/ /thig skud lhag par gnas pa dang/ /bgegs bskrad shin tu gsal ba dang/ /de bzhin dkyil 'khor thig

  62. 31b

    gdab dang/ /phur bu gdab dang brdung ba dang/ bum pa byin gyis brlab pa dang/ bcom ldan 'das kyi lha gnas dang/ /khrus dang rab tu sbyang ba dang/ /mchod pa rab gnas gtor ma dang/ /slob ma lhag par gnas pa dang/ /me la sbyin sreg cho ga bzhin/ /dbang bskur ba dang gshegs su gsol/ /de ltar cho ga nyi shu las/ /gang gis de shes 'gro ba'i bla/ /zhes bya ba la sogs pa gsungs so/ /rgyu mtshan ci zhig 'bras buAng ci zhes bya ba ni/ /cho ga nyi shu las bshad pa la rgyu mtshan ni gang dang 'bras bu ni gang zhes de'i yul la dri ba lnga bcu rtsa gsum pa'o/ /ji skad du 'chad par 'gyur ba las/ /de nas gzhan yang bshad kyi nyon/ /de yi rgyu mtshan 'bras bu ni/ /las ni cho ga nyi shu bshad/ /dbang phyug chen po'i rgyu mtshan ci/ de yi 'bras bu ci zhig 'gyur/ /'di ni chen po'i chen po gsungs/ /de nas bcom ldan rdo rjes gsungs/ /las kyi rgyu mtshan 'bras bu dang/ /sngon du bsnyen pa la sogs pa las/ rgyu mtshan 'jig rten dngos grub brgyad/ /ser sna la sogs gsal ba'i phyir/ /sangs rgyas mchod pa rnam bsgom nyid ces bya ba la sogs pa dang de bzhin du dkyil 'khor sa bon phra rab dang/ de bzhin gshegs pa thams cad mnyam/ /mchod pa nyid du 'gyur ba dang/ /de lta 'bras bu 'khor lo 'jug /sangs rgyas thams cad rtag mchod na/ /las kyi sgrib pa dag par 'gyur/ /zhes gsungs so/ /mchod pa'i cho ga ji ltar gsungs/ /zhes bya ba ni/ rdzogs pa'i rim pa'i ting nge 'dzin la gnas pa'i lhag ma'o/ /cho ga nyi shu po 'di nyid kyi las kyi lhag mar gyur pa'i dri ba lnga bcu rtsa bzhi pa'o/ /ji skad du 'chad par 'gyur ba las/ /de nas rdo rje sems dpas gsungs/ mchod pa'i cho ga bla na med/ /gnyis med mnyam pa'i rnal 'byor gyis/ /lus la mchod pa'i cho ga'i rim/ /rdo shing sa dang gser gyis ni/ /sku gzugs la ni phyag mi bya/ /rab gnas dkyil 'khor sbyin sreg dang/ /de ni nam yang mi bya ste/ /rin chen rdo chu dkon mchog sogs/ /bdag nyid lnga ni rtag tu mchod/ /ces bya ba la sogs pa dang de bzhin du de ltar

  63. 32a

    de dag rnams shes bya/ /rtsa rnams la yang mchod par bya/ /zhes bya ba la sogs pa gsungs so/ /de bzhin lha'i rang bzhin dang/ /lha mo'i ming ni ji ltar gsungs/ /zhes bya ba ni/ sngon du gsungs pa'i dkyil 'khor gyi 'khor lor gnas pa'i lha mo ji lta bu zhes de yul la dri ba lnga bcu rtsa lnga pa'o/ /ji skad du 'chad par 'gyur ba las/ /de nas bcom ldan rdo rjes gsungs/ /lha rnams kyi ni mtshan nyid mchog /rnal 'byor bde ba rtogs pa rnams/ /rtsa yi dbye ba'i rang bzhin gyis/ /rtag tu lus la rtsed 'od bya/ /de yis lha rnams su ni bshad/ /rtag tu bde ba kun gyi dga' / /kun nas rnam par sgeg pa'i lus/ /bde ba chen po yi ni bzhi/ /lha nyid du ni yang dag brjod/ /ces bya ba la sogs pa gsungs te/ /'dis ni rnal 'byor chen po'i rgyud kyi rjes su 'brang nas/ /gtso bo ma yin pa'i don du bshad pa'i yul gyi dri ba'i tshogs gsungs nas/ da ni slar yang gtso bo dang gtso bo ma yin pa'i dbye bas rgyud du thog mar gsungs pa'i 'di skad bdag sogs ji lta bu zhes bya ba la sogs pa gsungs te/ dpal gsang ba 'dus pa la sogs par bstan pa'i don rgyas par zhes bya ba ni/ de'i yul la dri ba lnga bcu rtsa drug pa'o/ /ji skad du 'chad par 'gyur ba las/ de nas bcom ldan rdo rjes gsungs/ /e baM zhes bya'i yi ge gnyis/ /e ni stong pa nyid du gsungs/ /de bzhin baM ni thugs rje dang/ /thig le gnyis ni sbyor la byung/ e baM gnyis ni sangs rgyas rnams/ /mdor bsdus chos kyi phyag rgya ni/ /rgyal po chen po'i phyag rgya nyid/ /ces bya ba la sogs pa gsungs so/ /'di skad ces sogs dang po'i ngag /don brgyad par ni ji ltar 'gyur/ /zhes bya ba ni yi ge re re'i bshad pa'i dbye bas sbas pa'i don gyi yul la dri ba lnga bcu rtsa bdun pa'o/ /ji skad du 'chad bar 'gyur ba las/ /de nas gzhan yang bshad kyi nyon/ /e baM la sogs don brgyas pa/ /gong gi yang dag yongs shes pa/ /chos kyi de nyid yang dag rtogs/ /e ni shes rab dam pa ste/ zhes bya ba

  64. 32b

    la sogs pa gsungs so/ /nang gi bdag nyid sbyin sreg cig /zhes bya ba/ cho ga nyi shu pa'i las kyi skabs su sbyin sreg gsungs pa yang phyi'i sbyin sreg gi mtshan nyid dang bral ba'i nang gi bdag nyid kyi sbyin bsreg ji lta bur 'gyur/ zhes de'i yul la dri ba lnga cu rtsa brgyad ba'o/ /ji skad du 'chad par 'gyur pa las/ /de nas gzhan yang bshad kyi nyon/ /nang gi bdag nyid sbyin sreg mchog /nang du rgyu ba'i 'byung ba rnams/ /gang gis tshim par gyur pa dang/ /rnam rtog bag chags sa bon rnams/ /phung po lnga yi bud shing dang/ /rnal 'byor ye shes chen po'i mi// rtag tu sbyin sreg rmad byung ba/ /zhes bya ba la sogs pa gsungs so/ /bdud rtsi lnga ni bza' ba dang/ zhes bya ba ni/ nang gi bdag nyid can gyi sbyin sreg bstan nas/ khyad par du 'phags pa'i dam tshig rten pa'i phyir/ de'i rjes su de'i yul la dri ba lnga bcu rtsa dgu pa'o/ /ji skad du 'chad par 'gyur pa las/ de nas bcom ldan rdo rjes gsungs/ /bdud rtsi lnga yi bza' ba ni/ /dngos grub kun byed de nyid mchog /ji ltar rig pa'i rim pa bzhin/ /rnam par snang mdzad mi bskyod pa/ /don yod grub pa 'od dpag med/ /rin chen rgyal mtshan lnga pa 'di/ /bdud rtsi lnga bsgrub par 'gyur pa la tshogs kyi 'khor lo la sogs pa bya'o/ /zhes de'i rje su tshogs kyi 'khor lo'i yul la dri ba drug cu pa'o/ /ji skad du 'chad par 'gyur ba las/ /de nas gzhan yang bshad kyi nyon/ /tshogs kyi 'khor lo'i cho ga mchog /gang gi mchod pa dngos grub ni/ /rgyal sras rnams ni gzhan du 'gro rnal 'byor pa dang lhan cig tu/ /sgrub pa po phyir yang dag gnas/ /phyag rgya brda ni yongs shes shing/ /de dang dam tshig la ni 'jug /ces bya ba la sogs pa dang/ de bzhin du rnal 'byor ma dang lhan cig 'dres/ /rab tu bshad kyis de nyon cig /gdug pa'i mkha' 'gro ma 'ga' zhig / sems rtog pa yi phyir 'ongs nas/ /de la de tshe smras pa yang/ /sgrub pa pos ni mi bya zhing/ /zhes gsungs so/ /de bzhin gsang ba'i brda dang ni/ /zhes bya ba ni/ ngag gi brda'i ngo bo gsang gba'i brda' de'i yul la dri ba drug cu rtsa gcig pa'o/ /ji skad du 'chad par 'gyur ba las/ /de nas

  65. 33a

    gzhan yang bshad kyi nyon/ /gsang ba'i tshig gi bshad pa ni/ /zhes bya bas nas brtsams te/ ji srid du rab tu rtogs nas chang 'thungs pas/ /dpa' bo shar ni mngon par brjod/ /na li na pa traM thod pa dang/ zhes bya ba la sogs pa gsungs so/ /sku gsung thugs kyi rdo rje yi/ /dkyil 'khor rnams kyi ji ltar gsungs/ /zhes bya ba ni de'i yul la dri ba sngon du gsungs pa'i cho ga nyi shu'i bar du dkyil 'khor gyi las kyi lhag mar gyur pa drug cu rtsa gnyis pa'i dri ba'o/ /ji skad du 'chad par 'gyur ba las/ /de nas gzhan yang bshad kyi nyon// sku gsung thugs kyi dkyil 'khor ni/ /sku ni mgo bor gnas pa yi/ /sum cu rtsa gnyis byang sems 'bab/ /de ni so sor rab phye bas/ /sku yi 'khor lor shes par bya/ /yi ge phyi mo'i dbye ba yis/ /gsung la gnas par rab tu shes/ /chags sogs bag chags dbye ba yi/ / thugs kyi 'khor lo nyid du bshad/ /ces bya ba la sogs pa gsungs so/ /sangs rgyas dam chos dge 'dun gyi/ /ming rnams bshad pa ji lta bu/ zhes bya ba ni/ bshad ma thag pa'i sku la sogs pa'i dkyil 'khor gyi lhag mar gyur pa sangs rgyas la sogs pa dkon mchog gsum po'i nges pa ji ltar gyur zhes de'i yul la dri ba drug cu rtsa gsum pa'o/ /ji skad du 'chad par 'gyur ba las/ de nas bcom ldan rdo rjes gsungs/ /sangs rgyas dam chos dge 'dun dang/ zhes bya ba nas bar gyi gzhung cung zad dor bas/ dri med sems ni sangs rgyas 'gyur// chos ni gang du yang dag gsungs/ /sku ni dge 'dun zhes bya ste/ /byang chub sems dpa' i tshogs kyi gnas/ /zhes bya ba la sogs pa gsungs so/ /bla ma ston pa slob dpon dang/ /rdo rje 'chang gi bshad pa ci/ /zhes bya ba ni sngon du gsungs pa'i dkon mchog gsum nye bar ston pa po ni bla ma ste/ zhes de'i yul la dri ba dang de bzhin du ston pa zhes bya ba ni slob ma la rjes su ston pa po'o/ /de bzhin du slob dpon zhes bya ba ni dkyil 'khor la sogs pa'i spyod pa gzhan dag la slob par byed pas na slob dpon zhes bya'o/ /rdo rje 'chang gis zhes bya ba ni tshar

  66. 33b

    bcad pa dang rjes su bzung bar nus pa'i phyir rim pa ji lta ba bzhin du bla ma dang ston pa dang/ slob dpon dang rdo rje 'chang gi yul la dri ba drug cu rtsa bzhi ba dang/ rtsa lnga pa dang rtsa drug pa dang/ rtsa bdun pa rnams so/ /ji skad du 'chad par 'gyur ba las/ /zhi ba la sogs pa la mkhas/ /sngags dang rnal 'byor cho ga shes/ cho ga nyi shu'i bya ba slabs/ /de ni bla mar mngon par brjod/ /ces gsungs pa dang/ de bzhin du nang du gsang 'dus la rab dga' / /phyi rol nyan thos kyi sbyong ba/ /de lta'i man ngag rim pa yis/ /slob ma rnams la rjes su brlab/ /de ni ston par yongs su shes ji skad smra ba de bzhin byed/ /rtog pa rnams dang dkyil 'khor sogs/ /don dam pa yi bya ba dang/ /slar yang snang ba gsum dang ni/ /grub nas gzhan yang slob du 'jug/ rnal 'byor mchog gi spyod pa la/ /de ni slob dpon zhes bya'o/ /zhes gsungs pa dang/ de bzhin du/ zab cing rgya chen yang dag ldan/ /rdo rje sems dpa' gnyis pa mchog /tshar gcod phan 'dogs pa la mkhas/ /de ni rdo rje 'chang du bshad/ /ces bya ba la sogs pa gsungs so/ /slob ma'i yon tan gang ldan na/ /rnal 'byor rgyud kyi snod du 'gyur/ /zhes bya ba ni/ ston pas ston pa'i gnas skabs kyi gdon mi za bar slob mar yod par 'gyur gyi gzhan dbang nyid kyi phyir de'i yul la dri ba drug cu rtsa brgyad pa'o/ /rnal 'byor rgyud ces bya ba ni/ /dpal gsang ba 'dus pa la sogs pa rnams la'o/ /snod du 'gyur zhes bya bas don to/ /ji skad du 'chad par 'gyur pa las/ /dad cing bla ma la yang gus/ /rtag tu dge ba'i las la gnas/ gnyis med rgyu yang med pa dang/ /lta ba ngan pa rnam par spangs/ /lung ni mang du thos pa dang zhes bya ba la sogs pa dang/ de bzhin du/ stong nyid snying rje dbyer med pa/ /gang la don ni ngas bshad bya/ /gong na med pa'i spyod rab mchog /sngags dang rnal 'byor rim pa sogs/ /zhes bya ba nas brtsams te/ ji srid/ gang las rgyas bshad de ni rgyud/ /rnal 'byor chen po'i rgyud du dran/ /zhes bya ba la sogs pa'i le'u gcig gnyis kyi 'chad par 'gyur ba'o/ /de yi sbyor ba dbye ba dang//

  67. 34a

    zhes bya ba ni bla ma'i mdun du slob mas ji lta bu'i spyod pa zhes bya ba de'i yul la dri ba drug cu rtsa dgu pa'o/ /ji skad du 'chad par 'gyur ba las/ /de nas bcom ldan rdo rjes gsungs/ /slob ma'i bya ba spyod pa ni/ /zhi ba la sogs bya ba yang/ /sngags dang rnal 'byor rig pa yis/ /lham dang gdugs dang gtsug gtor dang/ /so rtsi la sogs bya ba dang/ /snabs kyi gong du 'chil ma sogs/ /'dor zhing rkang pa skyod pa dang zhes bya ba nas rtsams te/ ji srid de la sogs pa'i skyon gyi tshig /bla ma'i mdun du spang bar bya/ /zhes bya ba la sogs pa'i bar du gsungs so/ /de yi 'bras bu ji lta bu/ /zhi ba rgyas pa dbang dang ni/ /de bzhin bsad dang skrad pa dang/ /rengs dang dbye ba nyid dang ni/ /bsgrub pa la ni mngon spyod dang/ /ji ltar sgrub par sbyor ba dang/ /zhes bya ba ni slob mas spyod pa'i 'bras bu yi/ /yul la dri ba bdun cu pa'o/ /ji skad du 'chad par 'gyur ba las/ /de la sogs pa'i spyod shes nas/ /slob ma'i 'bras bu gang byung ba/ /zhi ba la sogs sbyor ba yis/ /da ni de ltar bshad par bya/ /zhes gsungs so/ /sngags kyi tshig ni ci zhig dang/ /mgon po khro bo'i bzlas pa ci/ /zhes bya ba ni/ bshad ma thag pa'i zhi ba la sogs pa sgrub par byed pas sngags kyi tshig dang/ /de bzhin du gshin rje bshed la sogs pa'i khro bo bcu po rnams kyi bzlas pa ji lta bur 'gyur zhes de'i yul la dri ba bdun cu rtsa gcig pa'o/ /ji skad du 'chad par 'gyur ba las/ de nas gzhan yang bshad kyis nyon/ /khro bo'i bzlas pa'i mtshan nyid ni/ /gang zhig rnal 'byor dngos grub brgyad/ /thob 'gyur 'di la the tshom med/ /khro bo'i sems kyi bzlas pa ni/ /khro ba'i bzlas pa zhes bya bar brjod/ /ces bya ba la sogs pa dang/ de bzhin du/ na ma(rgyud 'grel): sa man+ta kA ya bA ka tsit+tE nI ces bya ba la sogs pa gsungs so/ /mngon shes lnga ni ji ltar 'thob/ /rnal 'byor rnams kyi de nyid mthong/ /zhes bya ba ni/ sngon du gsungs pa'i 'bras bu nyid kyi rgyas par bshad pa 'dra ba mngon par shes pa lnga ji ltar 'thob/ ces de'i yul la dri

  68. 34b

    ba ngad/ de kho na nyid mthong ba yongs su dri ba nyid kyi ngo bo rim pa ji lta ba bzhin du bdun cu rtsa gnyis pa dang/ bdud cu rtsa gsum pa'o/ /ji skad du 'chad par 'gyur ba las/ de nas gzhan yang bshad bya ba/ dngos grub thams cad sdus pa ni/ /sangs rgyas rnams kyi ye shes mchog /mngon shes lnga sogs mtshan nyid ni/ /sa snying phyag na rdo rje dang/ /'jam dpal sgrib pa rnam par sel/ /byams pa lnga po 'di dag kyang/ /yi ge gsum dang rnam par spel/ /mig dang rna ba yid dang lus/ /rtsa yi 'khor lo byin gyis brlabs/ /mtshan gsum nyin mo de dang 'dra/ mngon shes lnga nyid thob par byed/ /ces gsungs pa dang de bzhin du/ bzhi pa yis ni dbang bskur bas/ /blo ldan de nyid mthong bar 'gyur/ /zhes gsungs so/ /skad cig gcig la mngon byang chub ces bya ba ni/ ji ltar zhes 'bras bu'i yul nyid la dri ba bdun cu rtsa bzhi pa'o/ /ji skad du 'chad par 'gyur ba las/ de ni skad cig mngon byang chub/ /mtshan nyid/ skad cig mar ni brjod/ /ces gsungs so/ /lung bstan pa dang rgas pa med ces bya ba gnyis po ngag gi dri ba gcig nyid do/ /'bras bu rgyas par bshad pa'i ngo bo lung bstan pa dang/ rgas pa med pa'i mtshan nyid de'i yul la dri ba bdun cu rtsa lnga pa'o/ /ji skad du 'chad par 'gyur ba las/ /rdo rje rtse mor byang sems ni/ /'dzin pas lus ni bstan pa nyid/ /de yi de nyid byang sems ni/ /rlung gi de nyid rab sbyor bas/ /rig pas steng du byed pa yin/ rgas pa med par the tshom med/ /ces gsungs so/ /bcud len gyi ni sbyor ba dang/ /zhes bya ba ni brtan pa'i lus la rgyu nyid kyi dri ba bdun cu rtsa drug pa'o/ /ji skad du 'chang par 'gyur ba las/ sngar bshad pa yi bdud rtsi lnga/ /'dir ni bcud kyi len du brjod/ /ces gsungs so/ /gser 'gyur sogs kyi bya ba dang/ /zhes bya ba ni/ 'jig rten pa'i dngos grub kyi yul la dri ba bdun cu rtsa bdun pa'o/ /ji skad du 'chad par 'gyur ba las/ 'di nyid kyis ni grub par byed/ /lcags kyi gser 'gyur de bzhin no/ /zhes gsungs so/ /rdo rje'i phyag rgya dngos grub che/ /'gro ba'i bla ma ji ltar 'thob/ /ces 'jig rten las 'das pa'i dngos grub kyi yul la dri ba bdun cu rtsa brgyad pa'o/ /ji skad du 'chad par 'gyur ba las/ /rdo rje'i phyag rgya dngos grub che/ /zung du 'jug pa thob par 'gyur/ /zhes gsungs so/

  69. 35a

    lus kyi rang bzhin gzhal yas khang/ /de yi rang bzhin ji lta bu zhes bya ba ni/ /phyi rol gyi gzhal yas khang spangs nas nang nyid du gzhal yas khang sangs rgyas thams cad kyi rten du ji ltar 'gyur zhes de'i yul la dri ba bdun cu rtsa dgu pa'o/ /ji skad du 'chad par 'gyur ba las/ lus ni gzhal yas khang du 'gyur/ /sangs rgyas kun gyi yang dag brten/ /zhes gsungs so/ /'dir ni gnas sogs ji ltar gnas/ /thim dang longs spyod bdag po sogs/ /zhes bya ba ni 'dir lus 'di nyid la gzhal yas khang gi bdag nyid gnas ni gnas dang nye ba'i gnas dang/ zhing dang nye ba'i zhing dang/ tshando ha dang/ nye ba'i mtshando ha dang/ 'dus pa can dang nye ba'i 'dus pa can dang/ dur khrod dang nye ba'i dur khrod dag gis dbye bas so/ /thim dang longs spyod bdag po sogs/ /zhes bya ba ni de'i yul la dri ba rim pa ji lta ba bzhin du brgyad cu tham pa dang/ brgyad cu rtsa gcig pa'o/ /ji skad du 'chad par 'gyur pa las/ de la gnas kyi dbye ba ni/ mdor bsdus nas ni bshad par bya/ /pul+lir ma mgo bor shes/ /zhes gsungs pa dang/ de bzhin du/ de nyid dang ldan shes par bya/ /thim dang longs spyod bdag po nyid/ /ces gsungs so/ /rlung ni gang gi mtshan nyid ci zhes bya ba ni srog la sogs pa'i dbyibs rnam pa lnga'i dbye ba'i mtshan nyid de ci zhes de'i yul la dri ba ni brgya bcu rtsa gnyis pa'o/ /de dag 'jigs par ji ltar 'gyur zhes bya ba ni/ rlung de rnams kyi phan tshun nye bar mnan pas 'jig par ji ltar 'gyur zhes bya ba ni/ rlung de rnams kyi phan tshun nye bar mnan pas 'jig pa ji ltar 'gyur/ /zhes de'i yul la dri ba brgyad cu rtsa gcig pa dang brgya cu rtsa gnyis pa'o/ /ji skad du 'chad par 'gyur ba las/ de nas gzhan yang bshad bya ba/ /rlung rnams kyi ni mtshan nyid mchog/ srog gi rlung ni snying gar gnas/ /mi skyod bye brag rigs las skyes/ /zhes gsungs pa dang de bzhin du rlung gis mtshan nyid bshad pa ni/ de las de yi 'jig par 'gyur/ /snga ma bzhin du btang bzung sogs/ /phan tshun du ni gnod par byed/ /ces gsungs so/ /de la sogs pa dri ba'i tshig/ phyag na rdo rjes thal sbyar nas/ /zhes bya ba ni/ de la sogs pa dri ba'i

  70. 35b

    tshig /de ma thag bar bshad pa rnams so/ /byas zhes bya ba ni byas nas so/ /phyag na rdo rje zhes bya ba ni zhu ba po'i byang chub sems dpa' o/ /thal sbyar te/ zhes bya ba ni ston pa'i yul la gus bas so/ /'gro ba'i bla ma'i mdun du gnas zhes bya ba ni/ khams gsum pa'i slob dpon du gyur pa'i mdun du gnas nas nas so/ lus kyi phyag byas des nas ni/ zhes bya ba ni ston pa'i yul la shin tu yang rtse gcig pas 'dung ba'o/ /de ltar dri ba brjod pa bstan nas/ /da ni dri ba bral brtsom pa bshad pa'i phyir/ legs so bya ba byin nas ni zhes bya ba gsungs te/ zhu ba byed pa po phyag na rdo rje la dri ba rnams mdzes pa nyid kyi byin nas so/ /'gro ba'i bla mas gsungs pa yin zhes bya ba ni/ khams gsum gyi slob dpon bcom ldan 'das so/ /ji srid du dri ba bral ba rtsom pa zhes bya ba'i bar gyis so/ /ngag gi zhes bya ba ni tshig gi zhes bya ba'i don to/ /ji lta bus she na/ de'i phyir tshangs dbyangs zab mo snyan ngag gis zhes gsungs te/ yan lag drug cu dang ldan bas zhes bya ba'i don to/ /mnga' bdag ces bya ba ni sangs rgyas lnga'i bdag po bcom ldan 'das zhes bya ba'i don to/ /paN+Di ta chen po a laM ka de ba'i zhabs kyi mdzad pa dpal rdo rje phreng ba zhes bya ba rnal 'byor chen po'i rgyud kyi 'grel ba zab mo'i don gsal bar byed pa zhes bya bas le'u dang po'i rgya cher bshad pa'o/ /de ltar le'u dang pos rgyud la 'jug pa bstan nas/ da ni rgyud 'di la gang zag ji lta bu'i dbang du byas pa zhes de'i don du le'u dang po'i lhag mar gyur pa nyid kyis/ de nas zhes bya ba la sogs pa gsungs te/ de nas zhes bya ba ni/ le'u dang po'i dri ba byas pa'i rjes la'o/ /bcom ldan 'das zhes bya ba ni sngar bshad zin to/ /yang dag dris pa'i nges pa bshad ces bya ba dang/ 'brel to/ /dri ba phyag na rdo rjes byas pa de ma thag par bshad pa de rnams kyi rnam par nges pa ni brtul ba'i mtshan nyid do/ /yang dag ces bya ba ni bcom ldan 'das thams cad mkhyen pa nyid kyis phyin ci ma log pa'o/ /rdo rje zhes bya ba ni ye shes lnga'i bdag nyid phun sum tshogs pa bstan to/ /'gro ba'i bla ma zhes bya ba ni g.yo ba'i bdag nyid kyi 'gro ba'i bla ma ste/ bsam pa ji lta ba bzhin du 'dul ba'i phyir te/ 'dis ni 'jig rten

  71. 36a

    gsum gyi ston pa phyogs gcig bu'i phun sum tshogs pa bstan to/ /ci zhig byas na zhe na/ de'i phyir lag na rdo rje la bos te/ zhes gsungs te/ phyag na rdo rje ni zhu ba byed pa po'o/ /bos te zhes bya ba ni yang dag par bskul nas so/ /de ltar bcom ldan 'das kyi tshogs la 'jug pa rang gi ngo bo bstan nas/ da ni dri ba la bsngags pa brjod par 'dod nas/ snying po yi ni don bsdus pa/ /dbye bar dga' ba'i dngos po kun/ /zhes bya ba la sogs pa gsungs te/ dris pa ni khyod nyid kyi'o/ /dngos po kun zhes bya ba ni rnam pa thams cad kyis te/ khyad par du 'phags pa'i man ngag nyid kyi rtogs par byed pa'i phyir ro/ /thams cad mkhyen pa ma yin pas/ /dbye bar mi nus pa nyid kyi phyir dbye bar dka' ba'o/ /ji lta bus she na/ de'i phyir snying po'i ni don bsdus pa zhes gsungs te/ mdor bsdus na phyag rgya chen po'i ngo bo ston par byed pa nyid kyi phyir dang/ khyad par du rim pa gnyis ston par byed pas so/ /khyod kyis dris pa byas pa rnams zhe ba ba ni/ zhu ba pos so/ /de nyid kyi phyir de la bod par mdzad pa ni/ rdo rje'i dbang phyug gsang chen bdag ces gsungs te/ rdo rje'i rigs gtso bo nyid du gyur pa'i phyir rdo rje'i dbang phyug go /gsang ba ni gsang ba po rnams la ste/ /chen po yang yin la gsang ba yang yin pas gsang ba'i bdag po ste/ lcang lo can na gnas pa'o/ /de rnams kyi dbang po ni gtso bo ste/ gsang ba'i bdag po zhes bya ba'i tha tshig go /yang na gsang ba chen po zla ba rdo rje'i dbang phyug ces 'byung bas so/ /de la gsang ba chen po ni shin tu yangs pa bar bya ba'o/ /bzla ba ni byang chub kyi zla ba ste/ /de nyid ni rdo rje'i gnas so/ /dbang phyug dang 'dra bas na/ dbang phyug ste/ phyir mi spro bar dbang du byas pa'o/ /de ltar dri ba'i bsngags pa mdzad nas/ da ni thun mong ma yin pa'i gsang ba bshad par dam bca' bshad pa'i phyir/ bya ba spyod sogs rgyud rnams dang/ zhes bya ba gsungs te/ sgrol ma 'byung ba dang/ rnam par snang mdzad mngon par byang chub pa la sogs pa'o/ /sogs pa'i sgras ni rtog pa la sogs pa rnams la'o/ /rnal

  72. 36b

    'byor rgyud las gang du yang zhes bya ba ni/ dpal de kho na nyid sdus pa la sogs pa'o/ /gsang ba zhes bya ba ni skal pa dang mi ldan pa la gsang bar bya ba rdo rje phreng ba dri ba sdu ba ste/ gang du yang ma gsungs pa de ni nga yis bshad par bya zhes bya ba dang 'brel to/ /mchog tu zhes bya ba ni rim pa gnyis la brten nas/ mchog gi go 'phang gi rgyu nyid kyi phyir ro/ /rdo rje'i dbang phyug ces bya ba ni phyag na rdo rje la bod pa'o/ /gzhan yang ji lta bu zhe na/ de'i phyir de nyid mchog ces gsungs te/ 'od gsal thob par bya ba'i phyir ro/ /yang dag ces bya ba ni phyin ci ma log ba nyid kyis so/ /dri ba rnam par nges par bya ba ni dri ba rnams la khyad par du nges pa'i phyir ro/ /de ltar thun mong ma yin pa'i gsang ba'i bshad pa bstan nas/ da ni bcom ldan 'das la gnas khyad par du 'phags pa dang ldan pa nyid bstan pa'i phyir/ de skad gsungs zhes bya ba ni/ bcom ldan 'das ston pa po'o/ /khyod ni legs par nyon zhes bya ba ni phyag na rdo rje'o/ /thugs rje khyab pas zhes bya ba ni/ sems can thams cad sdug bsngal las 'don par 'dod pa'i thugs rjes khyab pa ni thugs rjes khyab pa'o/ /myur du mig dag phye byas nas/ /mchog tu rmad byung ston mdzad pa/ /zhes bya ba la mig dag ces bya ba ni spyan dag ste/ phye nas zhes bya ba ni rnam par phye nas so/ /myur du zhes bya ba ni yud tsam mo/ /mchog tu zhes bya ba ni 'jig rten las 'das pa'i phyir ro/ /rmad du zhes bya ba ni ngo mtshar skyed par byed pa'i dngos po rab tu ston pa'i phyir/ mchog tu rmad du ston mdzad pa'o/ 'di tsam gyis ni bcom ldan 'das kyis gsungs pa la 'jug pa bstan nas/ da ni rgyud stan pa la nye bar mkho ba'i don brjod pa'i phyir ro/ /de'i yan lag tu bcom ldan das kyi gsung la 'jug pa ni/ lde nas bcom ldan 'das zhes bya ba la sogs pa gsungs te/ de nas zhes bya ba ni mig phye ba'i rjes la'o/ /the tshom thams cad gcod pa la zhes bya ba ni/ the tshom thams cad sel bar byed pa'i phyir ro/ /ji snyed pa dang bkur sti'i don du 'am zhe na/ ma yin te thugs rje thugs brlan zhes gsungs te/ mnyes pa shin pa'i mtshan nyid dang bral ba'i

  73. 37a

    sems can thams cad la dmigs pa'i thugs rjes sems kyi rgyun la yang dag par khyab pa zhes bya ba'i don to/ /mchog tu gsang ba'i tshogs kyi bshad pa gsungs pa ni zhes bya ba ni gsang ba'i don ni zab mo'i don te/ /go 'phang ni dri ba'i mtshan nyid do/ /gtan la dbab pa ni nges pa ste/ dbang bskur ba gtso bor gyur pa la'o/ /gsungs pa ni gsungs par gyur ba'o/ /de ltar bcom ldan 'das kyi gsung la 'jug pa bstan nas/ dbang bskur ba'i che ba'i bdag nyid brjod par 'dod nas/ /dbang bskur ba ni gtso bo ste// zhes bya ba gsungs te/ 'dir don gsum brjod par bya ste/ dbang bskur gyi nges pa'i tshig dang/ dbang bskur rang gi ngo bo dang de'i dgos pa zhes bya ba'o/ /de la mngon par ni mngon du phyogs pas rtog pa'i dri ma thams cad 'khrud par byed pas na rang dbang po/ /dbang skur rang gi ngo bo ni/ dbang rnam pa bzhi'o/ /lha la sogs pas byin gyis brlabs pas rab tu gnas pa dang/ dkyil 'khor la sogs pas la dbang thob pas lus la sogs pa rnam par dag pa thob tu rung ba ni de'i dgos pa'o/ /dbang bskur ba ni gtso bo ste/ zhes bya ba ni dbang rnam pa bzhi gtso bor gyur pa'o/ /dngos grub thams cad ni 'jig rten dang 'jig rten las 'das pa'o/ /rtag tu gnas zhes bya ba ni 'grub par 'gyur zhes bya ba'i don to/ /de'i phyir zhes bya ba ni/ gang gi dbang skur gtsor byas pa'i/ /dngos grub rnams de'i phyir ro/ /thog mar zhes bya ba dang po nyid du'o/ /yang dag ces bya ba ni phyin ci ma log pa'i ngo bos sam/ yong su rdzogs pa'i ngo bos/ /bshad kyi zhes bya ba ni gtso bo nyid kyi phyir/ dbang bskur ba nyid ces bya ba'i lhag ma'o/ /nyon zhes bya ba ni phyag na rdo rje nyid do/ /ji bzhin don zhes bya ba ni don las mi 'da' bar ro/ /de ltar dbang bskur ba'i che ba'i bdag nyid stan nas/ da ni dbang bskur ba la rgyud bshad pa'i phyir snod du brjod pa'i phyir/ thog mar zhes bya ba la sogs pa gsung te/ rgyud bshad pa'i sngon du gang tshig gi slob ma la dbang bskur bar 'gyur ba ni

  74. 37b

    'chad par 'gyur ba'i mtshan nyid dang ldan pa'i slob dpon gyis dbang bzhis dbang bskur bar 'gyur ro/ /de nas rdzogs pa'i rim pa'i snod du 'gyur zhes bya ba ni de ston par byed pa'i rdo rje phreng ba'i rgyud thos pa la snod du rung bar 'gyur zhes bya ba'i don to/ /slob ma ji lar zhe na/ de'i phyir blo ldan zhes bya ba gsungs te/ dbang rnam pa bzhi dang/ dam tshig dang sdom pa 'dzin pa la mkhas pa'o/ /yang dag ce bya ba ni rgyun du bstan pa'i rigs pas so/ /rang bzhin gyis grub pa'i rim pa ni/ rdzogs pa'i rim pa'o/ /de ston par byed pa'i sbyor pas ni ting nge 'dzin de la'o/ /de ltar dbang bskur brgyud bshad pa'i snod du rung ba nyid du tan nas/ de ni de las bzlog pa'i skyon stan pa ni/ yang dag dbang bskur gyi dben zhes bya ba la sogs pa gsungs te/ dbang rnam pa bzhi ma thob par ro/ /bla ma ni slob dpon no/ /sgrub pa pos zhes bya ba ni/ bcom ldan 'das kyi ngo bo spong pa po yin rung ngo/ /slob ma mtshungs par ni zhes bya ba ni/ /mi bzad dmyal ba chen por 'gro zhes bya ba dang 'brel to/ /ji lta bu zhe na/ de'i phyir yang dag rgyud kyi don shes bkyang zhes gsungs te/ sgro 'dogs pa dang bskur pa 'debs pa spangs nas/ dpal gsang ba 'dus pa la/ sogs pa rgyud kyi don rim pa gnyis kyi ngo bor shes pa'i phyir ro/ /dmyal ba ji lta bu zhe na/ de'i phyir mi bzad ces bya ba gsung te/ rnam pa sna tshogs pa bzod par dka' ba'i rgyud 'gyur pa/ 'jigs su rung ba'o/ /de ltar don rnam pa bzhis rgyud bshad pa la nye bar 'khor ba'i don brjod nas/ da ni bla ma dang slob ma dag brjod pa'i phyir de'i yan lag tu bla ma'i mtshan nyid ni de'i phyir zhes bya ba la sog pa gsungs te/ gang gi phyir dbang bskur ba med par dmyal ba bskyed par byed pa'i mtshan nyid can ni skyon du 'gyur ba ste/ de'i phyir bla ma zhes bya ba ni de kho na nyid bcu la mkhas pa'i slob dpon no/ /don du gnyer bas zhes bya ba ni/ yang dag par don du gnyer bas so/ /slob ma zhes bya ba ni slob mas so/ /ji ltar zhen de'i phyir yang dag ces gsungs te/ sgrub pa mngon du 'gro ba'i btong ba dang gtong ba chen po la sogs pa rnams kyis so/ /ston pa

  75. 38a

    zhes bya ba ni slob ma rnams la ston par byed pas so/ /de yang dbang bskur ba sbyin pa sngon du 'gro bas rgyud la sogs pa ston par byed pas so/ /'bad pas zhes bya ba ni ngor dka' pa dngos po'i sbyin pa ste/ ji skad du gang zhig gis yang dka' ba/ de ni mchog ces bya bar brjod/ /ces bya ba la sog pa gsungs so/ /bla ma ji lta bu zhe na/ de'i phyir dbang bskur thob cing zhes bya ba gsungs te/ mtshan nyid phun sum tshogs pa dang ldan pa'i bla ma las dbang bskur ba thob pa'o/ /de nyid ces bya ba ni de kho na nyid bcu yongs su shes pa ste/ ji skad du dkyil 'khor dang ni ting nge 'dzin phyag rgya dang/ sngags dang byed pa gdan dang bzlas pa dang/ sbyin sreg dang ni phyag rgya sngags sbyor/ nyer bsdu sngags las de nyid bcur ni brjod/ ces gsungs so/ /blo ldan zhes bya ba ni/ shes bzhin dang ldan pa'i bdag nyid can gyi shes rab dang ldan pa'o/ /snying rje yis ni khyab ces bya ba ni/ sems can thams cad la phan pa'i las can no/ /zab cing rgya che'i don la mkhas zhe bya ba ni stong pa nyid dang snying rje dag la brten nas 'khor ba dang mya ngan las 'das pa la mi gnas pa nyid la lhag par mos pa nyid kyi phyir ro/ /zab pa dang rgya che ba dag gi 'khor ba dang mya ngan las 'das pa dor ba blang ba med pas gos pa med pa nyid kyi phyir ro/ /gnod pa dang 'tsho ba rnam par spangs zhe bya ba ni/ mi dge ba bcu'i las kyi lam spangs pa nyid kyi phyir ro/ /lus kyi yan lag rdzogs pa dang zhes bya ba ni/ lus kyi yan lag tham cad rdzogs pa dang dbang po mtshang ba la sogs pa'i skyon spangs pa nyid kyi phyir ro/ /skal bzang gang zhes bya ba ni/ ngag kun nas len pa'i phyir ro/ /mtshan dang dpe byad rnams dang ldan zhes bya ba ni bla ma'i mtshan nyid gtong ba la sogs pa rnams dang ldan pa nyid kyi phyir/ /yang na sngon dge ba'i rtsa ba bsags pa nyid las skyes pa nyid kyi phyir dpe byad rnams dang ldan pa'o/ /dad pa la sog pa'i dbang po dang yang dag par ldan pa nyid kyi phyir mtshan dang ldan pa'o/ /chags pa che la gcig

  76. 38b

    tu dga' zhes bya ba ni/ /theg pa chen po'i sngags kyi spyod pa rnam pa gsum la mos pa'i phyir dang/ gnas pa'i phyir ro/ /yul la phrag dog rnam par spangs zhes bya ba ni/ gzugs la sogs pa la zhen pa dang bral ba'o/ /dbang gsum pa sbyin pa'i gnas skabs sam/ phyag rgya'i yu la zhen pa spang ba'o/ bag yod ces bya ba ni dngos po bag tsam gyi phyir khro ba med pa bag med pa'i gnas thams cad spangs pa'i phyir dang don yo grub pa'i rigs kyi dam tshig la gnas pa nyid kyi phyir ro/ /rab tu dga' ba dang zhes bya ba ni dus thams cad du dga' ba phun sum tsho pa'i lus ngag yid gsum dang ldan pa'o/ /de rnams kyi bag med pa'i 'bras bu dang ldan pa'i nyid bstan to/ /rnal 'byor ma yi snying po skyong zhes bya ba ni/ rang bzhin gyi shin tu rtse gcig pa nyid kyi dam tshig dang sdon pa 'dzin pa ni rnal 'byor ma'i snying po skyong ba nyid kyi phyir ro/ /rdo rje theg pa gcig tu mos zhes bya ba ni/ theg pa chen po sngags kyi yul la gzhan dang thun mong ma yin pa'i dang po dang/ yang dag par ldan pas phyir mi ldog pa'o/ /theg pa dman la rgyab kyi phyogs zhes bya ba ni/ nyan thos kyi theg pa las lhag par mos pa med pa'o/ /de la sogs pa'i yon tan ldan zhes bya ba ni sngon du gsungs pa'i yon tan yang dag par ldan pa'o/ /bla ma zhes bya ba ni/ dbang bskur ba dang/ rgyud bshad pa dang/ gdams ngag ston pa rnams so/ /slob mas zhes bya ba ni rin po che lta bu'i gang zag la sogs so/ /nu dang ldan zhes bya ba ni dbang bskur ba'i don du gsol ba gdab par bya ba'o/ /de ltar bla ma'i mtshan nyid bstan nas/ da ni bla ma'i bya ba brjod pa'i phyir/ yang dag bla ma rnyed nas ni zhes bya ba gsungs te/ sngon gyi bsod nams kyi stobs kyi rnyed pa'o/ /bla ma zhes bya ba ni sngon du gsungs pa'i yon tan dang yang dag par ldan pas so/ /slob ma dag dang/ zhes bya ba la sogs pa dang/ 'brel to/ /ngag dang zhes bya ba ni bsnyen bkur la sogs pa sbyin pa sngon du 'gro bas slob dpon dang gsung ba'i dbang dag gis/ rtogs dang zhes bya ba ni dbang gsum sbyin pas rang nyid kyi de kho na nyid rtogs pa'i phyir ro/ /brtan byas nas zhes bya ba ni bzhi pa'i dbang bskur bas so/ /ji bzhin

  77. 39a

    zhes bya ba ni rnam pa gang gis so/ /de zhes bya ba ni slob ma'o/ /ye shes ldan par 'gyur zhes bya ba ni khyad par du 'phags pa'i gdams ngag bstan pas thos pa dang bsam pa dang bsgom pa sngon du 'gro bas/ rnam par rtog pa'i ye shes sngon du bya pa'i phyir de ltar bla ma'i bya ba bstan nas/ de ni slob ma brtags pa'i sgo nas phan tshun rtags pa brjod pa'i phyir/ ji ltar rin chen brdar ba dang zhes bya ba gsungs te/ ji ltar zhe bya ba ni rnam pa gang gis/ gser zhes bya ba ni sa le sbra mo/ /brdar ba zhes bya ba ni gshi la sogs pa'i brdar la'o/ /sreg dang zhes bya ba ni sreg pa dang gnyis su bya ba la sogs pa rnams kyi bla ma zhes bya'o/ /de bzhin du ni slob ma yang/ /lo ni bcu gnyis rab tu brtag /ces bya ba ni chen po'i ngo bo gyur pa/ spyod pa dang blta ba dang lhag par mos pa la sogs pa'i sgo nas/ brtag par bya'o/ /phan tshun zhes bya ba ni phan tshun du ste/ bla mas slob ma dang/ slob mas bla ma zhes bya ba'o/ /de'i phyir zhes bya ba ni lo bcu gnyis kyi rtog pas so/ /dus kun tu zhes bya ba ni/ gnas skabs thams cad du'o/ /de ltar zhe bya ba ni sngon du gsungs pa'i rig pas brtag pa'o/ /de ltar slob ma brtag pa'i so nas/ phan tshun brtags par byas nas da ni brtags pa'i skyon brjod pa'i phyir/ gzhan du bgegs ni 'byung bar 'gyur zhes bya ba la sogs pa gsungs so/ /gal te phan tshun brtag pa mi byed na de'i tshe/ bgegs zhes bya ba ni phyi dang ngang gi bdag nyid can bgegs byed pa'i ngo bo'i 'byung bar 'gyur ba ni skye bar 'gyur ba'o/ /ji lta bu zhe na/ de phyir dngos grub 'joms zhes bya ba gsungs te/ 'jig rten dang 'jig rten las 'das pa'i bgegs su gyur pa'o/ /sdug bsngal ster zhes bya ba ni/ 'di dang pha rol tu lus dang sems la sdug bsngal skyed pa'o/ /de ltar ma brtags pa'i skyon brtan nas/ da ni dbang bskur ba'i che ba'i bdag nyid brjod pa'i phyir 'dir yang dang por dgos pa 'di lta bu la 'jug par bya ste/ bla ma dang slob dpon brtag pas dbang bskur bar byas pa la slob ma ji lta bur 'gyur zhe na/ de'i phyir dug gi sngags kyi zhes bya ba la sogs pa

  78. 39b

    gsungs te/ rang bzhin gyis 'chi ba'i bdag nyid can gyi dug sngags kyi zhes bya ba ni dug gi sngags kyis so/ /bcom pa bzhin zhes bya ba ni nus pa nyams pas ji ltar bcud len du 'gyur bas so/ /ji lta bu zhe na/ de'i phyir sngags kyis dag byed ces bya ba gsungs te/ bya khyung gi sngags kyi rnam par dag pa ste/ dug gi bya pa mi byed pa'i phyir ro/ /de bzhin slob ma dbang sogs kyi/ dag par 'gyur ba ni gtsang bar 'gyur ba ste/ dbang rnam pa bzhis rim pa ji lta ba bzhin du lus dang ngag dang yid dang ye shes kyi sgrib pa rnam par spangs pa'i phyir ro/ /slob ma ji lta bu zhe na/ de'i ma dag pa ni zhes bya ba gsungs te/ glo bur pa'i skyon rnams kyi snyog pa dang bcas pa'i phyir ro/ /de ltar dbang bskur ba che ba'i bdag nyid bstan nas/ da ni nye bar bsdu ba'i sgo nas/ de nyid bstan par bya ba'i phyir brjod pa/ de phyir 'bad pa zhes bya ba la sogs pa gsungs te/ gang gi phyir ma dag pa'i ngo bo'i slob ma dbang bskur pas dag par sgrub pa'i phyir/ 'bad pa thams cad kyi zhes bya ba ni byin gyis brlab pa'i don du lha skyed pa'i mtshan nyid can gyis so/ /sngags pas zhes bya ba ni/ dbang bskur ba'i dus na bos pa rnams kyis so/ /slob ma zhes bya ba ni mtshan nyid dang yang dag par ldan pa'o/ /dag byas nas zhes bya ba ni/ slob dpon gyi dbang la sogs pa rab tu dbye ba dang bcas pa rnams kyis so/ /gang gis she na de'i phyir bla mas zhes bya ba gsungs te/ sngon du bshad pa'i mtshan nyid dang ldan pas so/ /ji ltar sbyang bar bya zhe na/ de'i phyir ji lta'i don ces bya ba gsung ste/ g.yo sgyu med par slob ma'i yul la lhan cig skyes pas zhes bya ba'i don to/ /ci'i don du zhe na/ de'i phyir dngos grub phyir mi zhes bya ba gsungs te/ 'jig rten la 'das pa'i dngos grub kyi rgyur zhes bya ba'i don to/ /de ltar rnam pa drug gis bla ma dang slob ma brtag pa brjod nas/ da ni dbang bskur ba brjod par 'dod nas/ de'i yan lag la gsol ba gdab pa ni/ de nas zhes bya ba la sogs pa gsungs te/ sngags dang dbang bskur ba la sogs kyis slob ma sbyangs pa'i rjes su'o/ /phyag na rdo rjes zhes bya ba ni zhu ba pos so/ /khyod ni rdo rje sems dpa' zhes bya ba ni/ gang gi dbang bskur ba gtso bor byas

  79. 40a

    nas dngos grub thams cad gsungs pa de'o/ /bde chen la zhes bya ba ni/ 'dod pa'i yon tan lnga la longs spyod pas khyab par du 'phags pa'i go 'phang thob pa'i phyir te/ zhus zhes bya ba dang 'brel to/ /dbang bskur ji ltar rgyud du ni zhes bya ba ni/ rgyud ni rtsa ba'i rgyud de dpal gsang ba 'dus pa la sogs pa la'o/ /gtso bor ni zhes bya ba ni gtso bor 'jug pas so/ /ji ltar bcom ldan 'das khyod kyi gsal bar mdzad pa'o/ /de ltar zhu ba po bstan nas/ da ni dbang bskur ba rang gi ngo bo brjod pa'i phyir de'i yan lag tu bcom ldan 'das kyi gsung la 'jug pa'i mtshan nyid ni gsung zhes bya ba la sogs pa ste/ phyag na rdo rje de la'o/ /rdo rje sems dpa' zhes bya ba ni ston pa po drug pa rdo rje 'chang la'o/ /gsungs zhes bya ba ni/ brjod par gyis shig pa'o/ /ji lta bu zhe na/ de'i thams cad mkhyen ces bya ba gsung ste/ dkyil 'khor dang dkyil 'khor ba'i rnam pa 'am/ rang bzhin gyi 'od gsal ba'i ngo bos chos thams cad yongs su shes pa'i phyir rgyud kyi de nyid mkhyen pas ni zhes bya ba ni rgyud chen po dang nyung ngu'i rgyud dang bshad pa'i rgyud dang yan lag gi rgyud bstan pa'i phyir/ gzhan yang the tshom thams cad gcod mdzad pa zhes bya ba ni/ nyan pa po rnams kyi rgyud la the tshom thams cad bzlog pa'i phyir ro/ /gzhan yang phyag na rdo rje'i zhes bya ba ni ye shes lnga'i bdag nyid can gyi rdo rje rtse lnga pa 'chang ba'o/ /don ji lta ba bzhin du zhes bya ba ni yongs su rdzogs par ston pa'i phyir ro/ /de ltar bcom ldan 'das kyi gsung la 'jug pa stan nas/ da ni zhu ba po'i thos pa la sbyar ba sngon du 'gro bas dbang bskur ba bzhi brjod pa'i phyir/ nyon zhes bya ba la sogs pa gsungs te/ phyag na rdo rje yang dag bshad kyi zhes bya ba ni/ shin tu gsal bar bya ba'o/ /dbang bskur ba yi dbye ba ni zhes bya ban/ dbye ba ni rab tu dbye bas so/ /dang po'i dbang ni gtso bo ste/ zhes bya ba ni slob dpon gyi dbang ste/ lus rnam par dag par

  80. 40b

    rung ba nyid kyi phyir gtso bor gyur pa'o/ /gnyis pa gtso bo min pa'i ming zhes bya ba ni gsang ba'i dbang bskur ba ste/ ngag rnam par dag pa'i ngo bo nyid kyi phyir dang/ lus la brten nas ngag skyed pa'i phyir ro/ /snyoms par 'jug pa gsum pa ste/ zhes bya ba ni shes rab ye shes te/ phyag rgya la snyoms par 'jug pa'i sngon du 'gro bas slob ma rang gi bde ba chen po nyams su myong ba nyid kyi phyir ro/ /bzhi pa ngag ni don dam mo/ /zhes bya ba ni don dam pa'i de kho na nyid ston pa'i phyir dang/ don gyi lhan cig skyes pa ston pa'i phyir ro/ /de ltar mdor stan pa bshad nas nga ni rim pa ji lta ba bzhin du dbang ram pa bzhi stan pa'i phyir dbye ba rnam pa bcu gcig dang/ zhes bya ba gsungs te/ chu dang cod pan dang rdo rje dang/ bdag po dang/ ming dang sngags dang rtul zhugs dang lung bstan pa dang/ dbugs dbyung ba dang rjes su gnang ba dang phyir mi ldog pa'i dbye bas so/ /gtso bo zhes bya bas ni slob dpon gyi dbang ngo/ /bcu gnyis pa ni gsang ba'o/ /zhes bya ba ni gsang ba'i dbang gi mtshan nyid phyi rol gyi 'bad par bya ba nyid kyi phyir dang cung zad skyed pa'i rim pa'i nang du 'dus pa nyid kyi phyir ro/ /bcu gsum pa yang snyom par 'jug ces bya ba ni/ shes rab ye shes kyi mtshan nyid shes rab dang/ yang dag par sbyor ba bskyed pa'i phyir ro/ /bcu bzhi pa ni don dam nyid ces bya ba ni dbang bzhi pa'i ngo bo rang bzhin gyis 'od gsal ba sngon du byas pa 'am lhan cig skyes pa'i bde ba mngon du byas pa'o/ /bcu bzhi pa ni mchog gi dbang zhes bya ba la mchog gi dbang bla na med pa'o/ /dbang bskur re res re'o/ /zhes bya ba ni de la re zhig dang po'i las kyi sbyor ba yi/ /sa brgyad pa ni thob par 'gyur/ /zhes bya ba'i rigs pas slob don dang gsang ba'i dbang dag gis brgyad pa thob tu rung ba brjod pa yin no/ /ji skad du de yi dus na brtsams nas de ni rnam rtog bral/ de yi mdog dang dbyibs dang ji ltar 'dod pa'i mtshan/ /rnam par smin pa'i lus ni bsam mi khyab pa'i ngo/ /sdom pa 'byung ba de las byas pa zhes pa 'byung/ zhes gsungs

  81. 41a

    so/ /de'i phyir las dang po pa'i rnal 'byor gyi ngo bo slob dpon dang gsang ba'i dbang bskur ba dag gis brgyad pa zhes bya ba rnam par bshad do/ /shes rab ye shes kyi dgu pa'o/ /bzhi pa dpe'i rnam pas ni bcu pa'o/ /don gyi ni bcu gcig pa'o/ /mos pa spyod pa la bltos nas/ bcu gnyis pa'o/ /skye ba 'di nyid la shin tu bde ba dang myur ba nyid du phyag rgya chen po mngon du byed pa ni bcu gsum pa'o/ /yang na slob dpon gyi dbang ni sa brgyad pa'o/ /gsang ba'i dbang gis ni rnam pa gang gis rdo rje zlas pa la brten nas dgu pa'o/ /shes rab ye shes kyi dbang gis sems rnam par dag pa'i ngo bo nyid kyi bcu pa'o/ /rang byin gyis brlab pa yang de nyid do/ /bzhi pa nyid kyi mngon par byang chub pa'i ngo bo nyid kyis bcu gcig pa'o/ /mos pa spyod pa'i sa dang bcas pa ni bcu gnyis pa'o// zung du 'jug pa'i rim pas ni bcu gsum pa'o/ /de ltar dbang bzhi po bstan nas/ de ni dbang bzhi mtshon pa brjod pa'i phyir/ rnam pa gsum ni rgyud kyi dbang zhes bya ba ni/ slob dpon dang/ gsang ba dang/ shes rab ye shes kyi mtshan nyid can no/ /rnal 'byor chen po'i rgyud kyi dgongs pas stong pa dang/ shin tu stong pa dang/ stong pa chen po'i mtshan nyid can no/ /rnal 'byor ma'i rgyud kyis dgongs pas dga' ba dang/ mchog dga' dang/ dga' bral gyi dga' ba'i mtshan nyid can no/ /'di bzhes bya ba ni dbang bskur ba de la'o/ /bzhi pa 'bras bur shes par bya/ zhes bya ba ni/ bzhi par rang bzhin gyi 'od gsal ba 'am lhan cig skyes pa'i ngo bo'o/ /ji lta bu zhe na/ de'i phyir thams cad la ni khyab pa yin zhes gsungs te/ slob dpon dang gsang ba dang/ shes rab ye shes gsum po rnams kyi ngo bo ni stong pa dang/ shin tu stong pa dang/ stong pa chen po'i ngo bo 'am/ dga' ba dang/ mchog dga' dang/ dga' bral gyi ngo bo'o/ /ji skad du yang na thams cad de nyid do/ zhes gsungs so/ /ji lta bu zhe na/ de'i phyir dga' ba la sogs pa'i rim pa yis zhes gsungs te/

  82. 41b

    de ltar dbang bzhi pa mtshon pa stan nas/ da ni dbang bskur ba'i rjes su brjod pa'i phyir/ yar ngo'i phyogs zhes bya ba nas gsungs te/ dgun zla tha chung la sogs pa'i zla ba drug pa ste/ ji skad du/ dgun zla tha chung dpyid zla ra/ dpyid zla tha chung dbyar zla ra/ dbyar zla 'bring po nyid dang ni/ dbyar zla tha chung ston zla chung/ bces zhes gsungs so/ /tshes gsum dang zhes bya ba ni/ lus la sogs pa gsum gyi rnam pa dag pas so/ /de bzhin tshes bcu zhes bya ba ni ji skad du rtsa ba'i rgyud las/ bshang gci zla ba nyi ma dang/ sgra gcan dus kyi me rtsa rnams// skad du rtsa ba'i rgyud las/ bshang gci zla ba nyi ma dang/ grags/ /zhes gsungs so/ /slob ma la sa bcu'i rim pas tshes 'di nyid la mngon par byang chub pa thob par bya ba'i don du'o/ /tshes bcu bzhi zhes bya ba ni bsnyen pa la sogs pa'i yan lag bzhi dang/ rnam pa sna tshogs la sogs pa'i skad cig ma bzhi dang/ dga' ba la sogs pa bzhi'i rim gyis thabs shes tha mi dad pa'i de kho na nyid la bslab pa'i don du'o/ /slob ma dam pa zhes bya ba ni/ bla mas dbang bskur zhes bya ba dang 'bral to/ /tshul khrims dang ldan pa la sogs pa nyid kyi rin po che lta bu'i gang zag gi ngo bo nyid kyi phyir slob ma dam pa'i/ /gus dang ldan zhes bya ba ni bla ma dang dkon mchog gsum gyi yul la ma bcos pa'i dad pa dang ldan pa'o/ /dbang bskur zhes bya ba ni dbang bskur bar bya ba'o/ /cho ga bzhin zhes bya ba ni rgyud du gsungs pa'i chogs sta gon du gnas pa dang/ dngos su dbang bskur ba'i rim pas zhes bya ba'i don to/ /de yang dbang bskur ba'i cho ga'i lugs sam/ 'chad pa'i cho ga nyi shu pa'i las kyi nang du gsungs pa'i rim pas zhes bya ba'i don du/ bla mas zhes bya ba ni/ bshad ma thag pa'i mtshan nyid dang ldan pas so/ /de ltar dbang bskur ba'i dus bstan nas/ slar yang dbang gnyis pa rgyas par bshad pa brjod pa'i phyir de'i yan lag de la nye bar 'khor ba'i phyag rgya'i mtshan nyid bstan pa ni/ brgyad gnyis lo lon zhes gsungs te/ Das rdar byas pa sna tshogs pa'i yan lag

  83. 42a

    bzhi dang/ bsnyen pa la sogs pa bzhi dang/ rgyu mthun pa la sogs pa bzhi dang/ dga' ba la sogs pa bzhi mngon par gsal bar byed pa'i rgyur gyur pa nyid kyi phyir ro/ /lus phra zhes bya ba ni gtso mo'i mtshan nyid dang yang dag par ldan pa nyid kyi phyir ro/ /ji skad du sngo bsangs zhes bya ba la sogs pa gsungs te/ gzugs dang skal bzang dag gi brgyan ces bya ba ni/ gzugs ni ma bcos pa'i lhan cig skyes pa'o/ /skal bzangs zhes bya ba ni/ snyan par smra ba la sogs pas brgyan pa ste/ nye bar mdzes pa'o/ /sngo ba sangs zhes bya ba ni kha dog gis te/ mi bskyod pa'i rigs nyid kyi phyir ro/ /mig ni yangs pa dang/ zhes bya ba ni rgya che ba'i mig gam/ yangs pa'i pad+ma'i rnam pa can no/ /yang dag gus zhes bya ba ni/ bla ma dang sgrub pa po dang/ dkon mchog gsum la sogs pa rnams la'o/ /snying rje'i bsam ldan zhes bya ba ni rtsub pa'i mtshan nyid dang bral ba nyid kyi sems can thams cad la phan pa dang/ bde ba 'dod pa'o/ /dbang bskur thob pa zhes bya ba ni/ mtshan nyid dang ldan pa'i bla ma las dbang bskur ba thob pa'o/ /ngag snyan thob ces bya ba ni bden par smra ba ste/ don yod grub pa'i rigs kyi dam tshig 'dzin pa zhes bya ba'i don to/ /rnal 'byor rgyud la lhag par mos zhes bya ba ni/ rnal 'byor chen po'i rgyud dpal gsang ba 'dus pa la lhag par mos pa'i phyir ro/ /yang na lo ni bcu gnyis lon zhes bya ba ni/ /lo bcu gnyis lon pa'i dril bu'i sgras brdar byas pa ste/ stong pa nyid bzhi'i rim gyi rnam par shes pa'i tshogs brgyad rnam par dag par gyur pa nyid kyi phyir ro/ /nyams dga' zhes bya ba ni sems la ting nge 'dzin rnam par mi g.yo ba skyed par byed pa'i phyir ro/ /bde bar byed pa zhes bya ba ni/ 'od gsal gyi bde ba mngon par gsal bar byed pa'i rgyud nyid kyi phyir ro/ /de las lhag par zhes bya ba ni/ bcu gnyis pa dang bcu drug pa la sogs pa las lhag pa lo nyi shu las lhag pa skal med du 'gyur ro/ /zhes bya ba ni dbang bskur

  84. 42b

    bar mi rung ba'o/ /rgyu mtshan gsungs pa/ de las gong du phyag rgya chen po'i mtshan nyid can gyi dngos grub ring du byed do/ /de mngon par gsal bar byed pa'i rgyu med pa'i phyir ro/ /ji skad du phyogs kyi lo nas ji srid cig gi bar du rnam pa bcur 'gyur lta dang/ reg par bya bar 'gyur de la khyud par bya dang ro dang rgya mtshor bcas pa rnams la g.yo dang brtan par bya ba ste/ lo ni nyi shu las lhag phyag rgya mchog tu 'jigs par byed pa khro bo 'byung po lha min cha/ dbang gi don ni drug rang bzhi ni mnyam pa'i bde ster de las gzhan pa rnams ni bsgom pa'i don/ zhes gsungs so/ /de ltar dbang gnyis pa las nye bar 'khor ba'i phyag rgya'i mtshan nyid stan nas/ nga ni bla ma'i yon tan dbul ba brjod pa'i phyir/ lhag par yid 'ong zhes bya ba gsungs te/ rang gi srog dang 'dra ba nyid kyis yongs su dor bar mi bya ba nyid kyi phyir ro/ /bu mo zhes bya ba ni bu mo'o/ /chung ma yang zhes bya ba ni rang gi chung ma'o/ /bu mo 'am/ zhes bya ba ni sring mo'i bu mo'o/ /sring mo'am zhes bya ba ni bdag nyid kyi sring mo'o/ /dbul bar bya zhes bya ba ni sbyin par bya ba'o/ /bla ma la zhes bya ba ni dbang bskur bar byed pa la'o/ /gus pa yis zhes bya ba ni mchod pa'i las la'o/ /de nas zhes bya ba ni/ slob dpon gyi dbang rdzogs nas gsang ba'i dbang rtsam pa'i dus su'o/ /'dis ni stong pa chen po bstan nas/ nga ni stong pa bstan pa'i phyir/ gser dang zhes gsungs te/ gser gyi spras pa'i lag gdub dang/ rna cha dang/ dpung rgyan la sogs pa'o/ /rin chen zhes bya ba ni/ in+d+ra nI la dang/ marka ta/ pad+ma rA ga la sogs pa'o/ /gos dang ni zhes bya ba ni shin tu 'jam pa'i hwa dar la sogs pa'o/ /mu tig phreng ba sna tshogs pas zhes bya ba ni/ rags pa dang phra ba'i dbye ba tha mi dad pas so/ /mchod nas zhes bya ba ni tshim par byas nas so/ /de nas zhes bya ba ni/ mchod pa byas pa'i rjes la'o/ /bla ma'i mdun du zhes bya ba ni slob dpon gyi mdun du'o/ /slob ma des ni zhes bya ba ni gang gis gtong ba dang gtong ba chen pos bla ma

  85. 43a

    lam chod pa'i slob ma nges so/ /'di skad brjod ces bya ba ni 'chad bzhin pa'i gsol ba 'debs pa'i tshig rnams so/ /de ltar bla ma la yon dbul ba bshad nas/ nga ni bdag gnyis pa'i yon du gsol ba 'debs pa brjod pa'i phyir de nas brtsams nas zhes bya byas nas so/ /de nas zhes bya ba ni/ mchod pa byas pa'i rjes /bdag ces bya ba ni slob ma'o/ /bran tu zhes bya ba ni g.yog tu'o/ /mchod par ba zhes zhes bya ba ni/ bdag gi phul ba'i sngon du gsungs pa'i mchod pa'o/ /gtso bo zhes bya ba ni bla ma la bod pa'o/ /bdag ni zhes bya ba ni slob ma'o/ /de lta'i rnam pa mnyam nas ni zhes bya ba ni/ nye bar bshad pa'i bye brag gis mnyes par bya'o/ /mchod par bya zhes bya ba ni shin tu yang mchod par 'os pa ste/ khyad par du lags pa'i zhing gi ngo bo nyid kyi phyir ro/ /bdag nyid kun gyi zhes bya ba ni/ stong pa dang gtong pa chen po phul ba nyid kyis so/ /de ltar dbang gnyis pa'i don du gsol ba gdab pa bstan nas/ de stong pa'i don du bla ma'i bya ba brjod pa'i phyir/ phyi nas zhes bya ba gsungs te/ sbyin pa la sogs pa rnams kyi tshim pa'i phyi nas phyag rgya bsten par bya zhes bya ba dang 'brel to/ /bcom ldan 'das zhes bya ba ni/ rnam par rtog pa thams cad 'joms pa'i phyir dang mtshan nyid dang ldan pa'am bsam pa dang ldan pa'o/ /kun nas mchod nas zhes bya ba ni/ reg rdo rje ma'i gzugs sam/ rdo rje dbyings kyi dbang phyug ma'i gzugs su nye bar bskyed nas phyi'i mchod pa la sogs pa bya'o/ /bsten par bya zhes bya ba ni de nyid la snyoms par 'jug pas brten par bya zhes bya ba'i don to/ /slob dpon gyi zhes bya ba ni lhag ma'o/ /brten pa las ni zhes bya ba ni/ bde ba chen po'i sgras de bzhin gshegs pa thams cad bkug nas tshangs pa'i bu gnas zhugs te/ nang du zhu bar bsams la rdo rje dang pad+ma yang dag pa sbyor bas skye ba gang zhig de bzhin gshegs pa thams cad kyi rnam pa'i byang chub kyi sems de slob ma'i bar ni skal bzang kha la dbab pa ni zhes bya ba'o/ /ming med mthe bo sbyar ba yis zhes bya ba

  86. 43b

    ni rang nyid kyis kyang ming med mthe bo'i ngo bo'i phyag rgyas byang chub kyi sems sbyang par bya'o/ /longs spyod bya zhes bya ba ni/ byang chub gyi sems rnam pa gnyis longs spyod nas khyad par du byang chub kyi sems gnyis po de nyid rnam par 'byed pa'o/ /de las skyes pa'i ye shes ni zhes bya ba ni slob dpon rang nyid kyi'o/ /rang rig pa zhes bya ba ni/ sgra dang rnam par rtog pa las 'das pa'i phyir ro/ /bde ba chen po zhes bya ba ni/ rnam par rtog pa zad par byed pa nyid kyi khyad par du 'phags pa'i bde ba'i ngo bo'o/ /de ltar rnam pa drug gi dbang gnyis pa rgyas par bshad pa brjod nas da ni dbang gsum pa rgyas par bshad pa brjod pa'i phyir/ de rjes phyag rgya gtad par bya zhes gsungs te/ dbang gnyis pa'i dus su slob mas phul ba'i phyag rgya slob ma de la gang zhig dbang gnyis pa nges par sbyin pa de la bla ma dam pas phyag rgya gtang bar bya'o/ /dbang gsum pas rang nyid kyis nyams su myong nas de dag thams cad rang dang 'os pa'i dam tshig dang sdom pa sbyin pa dang khas len pa sngon du 'gro bas bya'o/ /srog dang rtsol ba mnyam sbyor bas zhes bya ba ni/ rlung gi de kho na nyid bsgom pas srog dang rtsol bar dbang du gyur pas so/ /dga' rnams zhes bya ba ni/ bsgrub bya dang sgrub byed yang dag par sbyor dba'i bde ba chen pos so/ /mchod par bya zhes bya ba ni/ bdag nyid dang phyag rgya dang 'brel pa'i phung po la sogs pa rnams so/ /slar yang zhes bya ba ni de'i rjes la'o/ /hUM phaT sngags ni nor bu'i sgong zhes bya ba ni hUM yig las byung ba'i rdo rje dang/ de'i nor bu las phaT yig bkod de/ zhes bya ba ni bsgoms nas so/ /rdo rje rab bskyong bya zhes bya ba ni/ ji srid rdo rje dang pad+ma 'dus byas zhes bya ba'i tha tshig go /skad cig de las zhes bya ba ni snyoms par 'jug pa'i gnas skabs la'o/ /dga' rnams ji lta ba bzhin du zhes bya ba ni rim pa gang gis dga' ba la sogs pa bzhi'o/ /sngon du 'byung zhes bya ba ni/ skyes par gyur pa'o/ /skad cig ces bya ba'i rnam pa sna tshogs pa la sogs pa'o/ /de bzhin du rang gi nyams su myong bar bya zhes bya ba'i tha tshig go /de ltar

  87. 44a

    dbang gsum pa rgyas par bshad pa bstan nas/ da ni dbang bzhi pa rgyas par bshad pa brjod pa'i phyir/ dga' ba'i sems kyi zhes bya ba ni/ rab tu dga' ba'i sems kyis so/ /sa rdo rje slob ma zhes bya ba ni rin po che lta bu'i gang zag la'o/ /bla ma dam pa zhes bya ba ni mtshan nyid dang ldan pa'i slob dpon no/ /yang na rdo rje btsun mo'i zhal nas zhal zhes 'don to/ /rdo rje btsun mo ni ston pa po bla ma'i ngo bo'o/ /de'i zhal nas zhal bzhes bya ba ni/ rdo rje btsun mo'i zhal nas slob ma'i khar zhes bya ba'i don to/ /'dis ni rang rig bde ba chen po la bstan pa'i bla ma las rtogs par bya ba nyid bstan to/ /de ltar rang gi ngo bo bstan nas rig pa'i brtul zhugs brjod pa'i phyir/ de nas slob ma'i lag tu ni zhes bya ba gsungs te/ de nas zhes bya ba ni dbang bzhi phyin pa'i rjes la'o/ /de nas zhes bya ba ni sngon du gsungs pa'i phyag rgya'o/ /slob ma'i dbang bskur ba'i rnam par dag pa thob pa'i lag tu ni spar bar bya ste/ gtad nas zhes bya ba ni byin nas so/ /'di skad go zhes bya ba dang 'brel to/ /ci zhig ce na/ de'i phyir ji ltar bya ba zhes gsungs te/ mchog ces bya ba ni khyad par du 'phags pa'i lhan cig skyes pa nyams su myong ba'am/ 'od gsal nyams su myong ba'o/ /pad+ma zhes bya ba ni pad mchog ni chos kyi dbyings la'o/ /de ltar byos la zhes bya ba ni slob ma 'di dang lhan cig tu'o/ /mchog gi gdod zhes bya ba ni phyag rgya de la bod pa'o/ /mchog gi khyad par du 'phags pa ste/ lhan cig skyes pa nyams su myong ba mngon par gsal ba'i rgyur gyur la de'i gdong gang la yod pa de la de skad ces bya'o/ /gang phyir zhes bya ba la sogs pa la 'di'i snying la zhes bya ba ni pad+ma'i dbus kyi ze 'bru'i cha la'o/ rdo rje dbyings kyi dbang phyug ma zhes bya ba ni/ myos byed kyi gdugs can gyi khong stong gi nang du'o/ /bzhugs zhes bya ba ni rang bzhin gyi gnas pa'o/ /rang nyid ces bya ba ni stong nyid kyi ngo bos zhes bya ba'i don to/ /thabs gzhan gyis ni zhes bya ba ni/ da ltar rtsod pa'i

  88. 44b

    dus la phyag rgya dang yang dag par sbyor ba'i thabs spangs nas so/ /sangs rgyas nyid kyi bya ba ni rdo rje 'chang nyid do/ /thob mi 'gyur zhes bya ba ni/ snyed par mi 'gyur ba ste/ 'dod chags zhes che ba'i phyir dang/ sems can rnams shes rab dman pa nyid kyi phyir ro/ /rnal 'byor pa yis zhes bya ba ni dpal gsang ba 'dus pa'i rgyud kyi don sgom pa po rnams kyis so/ /de yang zhes bya ba ni rdo rje dbyings kyi dbang phyug ma'i rang bzhin can gyi nang na gnas pa'i rtsa'o/ /rnam pa shin tu phra zhes bya ba ni/ sgrib dang bral ba nyid kyi dmigs pa'i yul las shin tu 'das pa nyid kyi phyir ro/ /de bzhin rnal 'byor ba yis rtogs zhes bya ba ni/ yang dag nyid kyi gdams ngag thob pa'i sgom pa po nyid kyi rtogs pa'o/ /bde ba chen po zhes bya ba ni/ kun rdzob dang don dam pa'i rnam pa byang chub kyi rnam pa shin tu phra ba zhes bya ba ni/ sgrib pa dang bral ba nyid kyis dmigs pa'i yul las shin tu 'das pa nyid kyi phyir ro/ /de bzhin rnal 'byor ba yi rtogs zhes bya ba ni yang dag nyid kyi gdam ngag thob pa'i sgom pa po nyid kyis rtogs pa'o/ /bde ba chen po zhes bya ba ni kun rdzob dang don dam pa'i rnam pa byang chub kyi sems bskyed par byed pa'o/ /brten pa gyis zhes bya ba ni/ slob mar gyur pa khyod kyis so/ /rab tu 'bad pas zhes bya ba ni brtson 'grus kyis so/ /ji lta bu zhe na/ de'i phyir lhan cig skyes dga' i mtshan nyid ni zhes bya ba gsungs te/ de mngon par gsal bar byed pa'i rgyu nyid kyi phyir ro/ /de ltar rig pa'i brtul zhugs brjod pa bstan nas/ da ni de'i 'thad pa brjod pa'i phyir ro/ /dbang bskur gtso bor byung bas na zhes bya ba gsungs te/ dbang bzhi po gtso bor gyur pa'i skyes pas gang zhig gang gi phyir ro/ /thams cad ces bya ba ni 'jig rten las 'das pa'i dngos grub ngo bo'i 'bras bu thob par byed pa'o/ /de'i phyir phyag rgya thams cad spang bar mi bya ba'i dgos pa zhes bya ba'i don to// //paN+Di ta a laM ka ka la sha de bas mdzad pa'i rnal 'byor chen po'i rgyud dpal rdo rje phreng ba'i rgya ched 'grel pa

  89. 45a

    zab mo'i don gsal bar byed pa las le'u gnyis pa'i rgya cher bshad pa'o// //de ltar le'u gnyis kyi thun mong ba'i rgyud kyi don bshad nas/ nga ni thun mong ma yin pa'i rgyud kyi don brjod par bya ba'i phyir/ de'i don du rdo rje phreng ba'i dri ba gsal ba rang gi ngo bo bcom ldan 'das kyi gsung la 'jug pa ni/ de de nas zhes bya ba la sogs pa ste/ le'u gnyis pa bshad pa'i rjes la gzhan yang zhes bya ba ni snga ma la bltos pas so/ /rdo rje phreng ba'i don gsal ba zhes bya ba dang 'brel to/ /phyag na rdo rje khyod nyon cig ces bya ba ni/ thos pa la sbyar ba'o/ /de ltar bcom ldan 'das kyi gsung la 'jug pa bshad nas da ni gtso bo'i don gyi ngo bo brjod par bya ba'i phyir rdo rje phreng ba zhes bya ba'i ming zhes gsungs te/ khyod kyi dri ba dang po gsal ba'i ngo bo de yang sa ni bcu gsum pa zhes brjod de/ kun tu 'od kyi sa la brjod de/ ji ltar sngar bstan pa gzhan du'o/ /mthar thug par gyur pa 'jig rten las 'das pa'i ye shes kyi rtogs par gyur pa'i brten nyid kyi phyir ro/ /ji skad du sangs rgyas thams cad brten pa dang/ sa 'di nyid kyang bcu gsum pa/ de yang btsun mo zhes brjod de/ de yi chos ni b+ha gar brjod/ /ces gsungs so/ /dga' ba bzhi ni don gyi gnas zhes bya ba ni/ rnal 'byor chen po'i rgyud kyi dgongs pas/ mngon par byang chub pa'i rim pa dang/ zung du 'jug pa'i ngo bo ste/ rnal 'byor ma'i rgyud kyi dgongs pas dga' ba bzhi'i ngo bo don gyi lhan cig skyes pa'i mtshan nyid gsang ba'i rim pa'i ming gis rnam grangs nyid kyi phyir ro/ /thams cad stong pa zhes bya ba ni spros pa thams cad dang bral ba nyid kyi phyir ro/ /bde ba chen po zhes bya ba ni/ bde ba chen po dang rgyu mthun pa nyid kyi phyir ro/ /thabs dang shes rab snyoms 'jug pas/ thob pa'i phyir ni bde ba che/ /zhes gsungs so/ /gzhan yang dag gi spyod yul kun las 'das zhes bya ba ni gcig tu rnal 'byor ba'i sbyod yul nyid kyi ngag gi spyod

  90. 45b

    yul kun las 'das pa'i phyir ro/ /gnyis po thams cad rnam par spangs zhes bya ba ni gnyis su med pa nyid gyi tha dad pa'i rnam par rtog pa las yang dag par 'das pa nyid kyi phyir ro/ /ji skad du gang la mtshams kyi mdza' ni gzi brjid 'jig med mun nag tshogs ni ma lus gang du 'das pa dang/ ji srid nyi ma ma shar du skad cig 'dir ni dri ma med pa yang dag mdza' ni bshad/ /slob ma la ni slob dpon gtso bo rab rib rnam par bcom pas phyi rol mngon par byang chub bstan/ /nang gi bde ba thob nas ci phyir mchog gi go 'phang sangs rgyas byang chub skad cig gis thob 'gyur/ /zhes gsungs so/ /skal bzang rnal 'byor kun sogs kyi zhes bya ba ni/ rnal 'byor kun ces bya ba bskyed pa'i rim pa nas brtsams nas/ rdzogs pa'i rim pa'i mthar thug pa rnams kyi mdza' ni 'od gsal dang zung 'jug gi ngo bo'o/ /de bskal ba bzang ba ni spangs pa dang ye shes phun sum tshogs pa gnyis dang yang dag par ldan pa nyid kyi phyir ro/ /de bzhin du rnal 'byor ma'i ngag gi yul zhes bya ba ni/ rang nyid kyi tshad ma'i spyod yul ma yin pa ste/ ye shes mkha' 'gro ma'i zhal nas brgyud nas yul du gyur pa zhes bya ba'i don to/ /da ltar rnam pa gnyis kyi gtso bo'i don bshad nas da ni gtso bo ma yin pa'i don kun rdzob tu lhan cig skyes pa'i ngo bo brjod pa'i phyir stong nyid ye shes rdo rje dang/ zhes bya ba gsungs te/ rdo rje phreng ba'i sgras ni stong nyid ye shes rdo rje la brjod de/ khong stong nyid stong pa nyid kyi phyir ro/ /ye shes ni lhan cig skyes pa nyams su myong pa'i phyir ro/ /rdo rje ni rnam par rtog pa 'joms pa nyid kyi phyir ro/ /de ltar mdor bstan pa bshad nas/ da ni rgyas par bshad pa bstan pa'i phyir/ stong nyid rdo rje gsang pad rtsa/ /zhes bya ba gsungs te/ rdo rje gsang ba ni thabs kyi yan lag du gyur pa'o/ /chu skyes ni lha mo'i pad+ma'o/ /de dag gi rtsa ni nang du stong pa nyid kyi rnam pa a ba d+hU tI'o/ /de nyid ni rdo rje dbyings kyi dbang phyug ma ste/ khams thams cad nye bar sdud par byed pas na

  91. 46a

    gtso mo'o/ /mchog ces bya bas ni sgra gcan dang dus kyi me nye bar sdud par byed pa nyid kyi phyir/ /'dis ni de ma theg par bstan pa'i stong ba nyid kyi rgyas par bshad pa gsungs so/ /ye shes rgyal bar? ? pa'i phyir ye shes mchog tu bde ba ? zhes ? ba gsungs te/ mchog ces bya ba ni sdug bsngal thams cad 'joms par byed pa nyid kyi phyir ro/ /bde ba chen po zhes bya ba ni/ kun rdzob dang ni don dam pa'i ngo bo tha mi dad pa'i lhan cig skyes dga' zhes bya ba ni/ don ni lhan cig skyes pa'i ngo bo'o/ /ngo mtshar ba dang? bya ba ni/ ngo mtshar ba dang bcas pa rgyu'i stobs kyi sngon par gsal ba nyid kyi phyir ro/ /rdo rje'i sgra bshad pa'i phyir/ /rdo rje de yang rnam rtog rnams zhes gsungs te/ rang bzhin gyi tshogs rgya drug cu po rnams bcom pa nyid kyi phyir ro/ /yongs su grags pa ni brjod pa'o/ /de yang rnam pa gnyis kyi byang chub kyi sems kyi stobs kyi 'gyur zhes bya ba'i don to/ /phreng ba de rnams kyi yang rgyun zhes bya ba ni/ byang chub kyi sems kyi thig le rnams so/ /gang gis she na/ de'i phyir byang chub sems kyi zhes gsungs te/ kun rdzob kyi'o/ /gang dang 'brel pa zhe na/ de'i phyir rdo rje can zhes gsungs te/ rdo rje can zhes bya ba ni de bzhin gshegs pa thams cad zhu ba'i bdag nyid can rdo rje'i sku can rnams zhes bya ba'i tha tshig go /de ltar rnam pa gnyis kyis kun rdzob pa'i lhan cig skyes pa brjod nas/ da ni rnam par rtog pa'i rlung 'byed pa nyid kyi rdo rje phreng ba'i mtshan nyid brjod pa'i phyir bshad par dam bca' ba ni/ de nas gzhan yang zhes bya ba la sogs pa gsungs te/ rnam pa gnyis kyi byang chub kyi sems kyi ngo bo rdo rje phreng ba bshad pa'i rjes la/ rdo rje phreng don sdom pa ni/ bshad par bya zhes pa dang 'brel to/ /rdo rje phreng ba'i don ni brjod par bya ba ste/ de'i sdom pa ni sdus pa'i ngo bo'o/ /ji lta bu zhe na/ de'i phyir sbas pa ni zhes gsungs te/ rgyud thams cad du sbas pa zhes bya ba ni/ bya ba dang spyod pa la sogs pa rnams la ste/ bskal pa dang mi ldan pa rnams

  92. 46b

    la bstan par bya ba ma yin pa nyid kyi phyir ro/ /gang yang rung la brjod mi bya zhes bya ba ni/ dam tshig dang mi ldan pa rnams la brjod par mi bya'o/ de ltar bshad par dam bca' ba bshad nas/ da ni rang gi ngo bo bstan pa'i phyir mi phyed pa ni zhes bya ba la sogs pa gsungs te/ rdo rje dang 'dra ba'i phyir rdo rje'o/ /de gzhan rnams 'byed par byed cing rang nyid dbyer mi phyed pa'i phyir ro/ /de'i dbugs su yongs su grags zhes bya ba ni rnal 'byor rnam pa gsum la bltos nas/ sna rtse rnam pa gsum la thig le rnam pa gsum 'dzin pa'i ngo bo nyid kyi phyir ro/ /rdo rje de'i rdo rje bzlas pa la brten pa'i dbugs rnams kyi phreng ba'i rgyun ni rgyud do/ /ji lta bu zhe na/ de'i phyir nges pa zhes bya ba ni/ phyi rol gyi lo'i nang du chu tshod kyi grangs dang/ nang du nyin mtshan gyi grangs de tsam gyi rnam par bcad pa'o/ /dga' ba rab bskyed bdag nyid can zhes bya ba ni/ dbugs kyi 'khor lo nyams su myong ba'i rim pa dang phyi dang nang gi bdag nyid can gyi thabs dang shes rab snyoms par 'jug pas dga' bzhi bskyed par byed pa'o/ /rnam rtog rlung kun 'bogs pa byed ces bya ba ni/ 'khor lo'i grangs kyi skyes pa'i dbugs ni rlung thams cad brgya rtsa brgyad kyi dbye bas bye ba rnams la dbye bar byed pa ni/ rlung dang sngags kyi de kho na nyid kyis rim pas zhes bya ba'i don to/ /de nyid kyi rlung gis 'bigs par mi nus zhes gsungs te/ de nyid gzhan gyi dbang du gyur pa med pa'i phyir ro/ /rlung rnams la 'bigs pa zhes bya bar brjod de/ rlung rnams ni gang zhig yin snyam du mi shes nas de'i phyir/ nyin dang mtshan mo nges par ni brgya dang brgyad lhag gsal bar yang/ zhes gsungs te/ 'dir gdams ngag ni 'di yin te/ 'dir re zhig bcom ldan 'das kyis phung po dang dbang po'i rlung gi dbye bas rdo rje'i sgo zhes bya ba rnal 'byor chen po'i rgyud las rlung bcu po gsungs pa/ ji skad du srog deng thur sel mnyam nas dang gyen gyen rgyu khyab byed ces bya dang/ klu dang ru sbal rtsangs pa dang/ lha sbyin dang ni nor rgyal lo/ /zhes gsungs so/ /de ltar na khyab byed ces bya ba'i rlung bcu pa/

  93. 47a

    bzhag nas dgu po yod par 'gyur te/ gang gi phyir de bya ba dang bral ba dang/ lus thams cad la khyab par byed pa'o/ /de bas na de las gzhan pa'i dbus su tha dad pa nyid dang bya ba dang ldan pa nyid kyis yongs su klog pa ma yin no/ /ji skad du lus kun la ni? gnas pa'i rlung/ bya ba kun la 'jug pa ni/ 'di ni rnam snang ngo bo ste/ 'chi ba'i lus la 'byung bar 'gyur zhes gsungs te/ de ltar 'di spangs pa'i dbugs dgu 'chad par 'gyur ba'i 'khor lo drug gi grangs kyis nyin par lnga bcu rtsa bzhi 'byung bar 'gyur ro/ /mtshan mo yang de nyid de gnyis ka bsdus nas/ brgya rtsa brgyad du 'gyur zhes so/ /yang na rnal 'byor ma'i rgyud kyi dgongs pas de rnams nyid khyab byed kyi rlung spangs pa'i rlung dgu po sprul pa la sogs pa'i 'khor lo bzhi'i dbye bas sum cu rtsa drug tu 'gyur ro/ /de rnams kyang 'jug pa dang/ gnas pa dang ldang ba yongs su rtags pas brgya rtsa brgyad du 'gro bar 'gyur zhes gsungs so/ /gsal bar yang zhes bya ba ni 'khor lo la sogs pa'i grangs so/ /rnam rtog rang bzhin rlung rnams ni zhes bya ba ni/ rlung gi dbang gis rnam par zhes pa'i yul rnams 'dzin pas 'byung ba'i rnam rtog rang bzhin brgya rtsa brgyad kyi grangs su rlung rnams kyang de tsam ste/ de dang de rnams la 'char ba rnams la 'joms pa can ni rnam par zlog pa'o/ /de bzhin du 'dir yang gdams ngag ste/ dang po nyid du rim pa lnga la brten nas/ grangs la sogs pa'i rim pa rlung gi de kho na nyid dang/ sngags kyi de kho na nyid dag ni thun byed phyed kyi bar du rnal 'byor rnam pa gsum la bltos nas/ thig le gsum po rim pa bzhin du nye bar mtshon par byas nas/ phyi nas 'jug pa dang ldang ba dag la rim pa de nyid kyi a yig gi rnam pas/ gnas pa'i rlung la nges par sbyar nas de nyid du thig le'i ngo bo bsgoms pas/ rlung phra mo'i nye bar mtshon nas de nyid du bskal pa 'am skal pa stong gi bar du gnas par bya zhes bya ba'o/ /de ltar rdo rje phreng ba'i dri ba sel ba'i ngo bo bstan nas/ mi mthun pa'i phyogs brjod pa'i yan lag

  94. 47b

    gi rlung rnams kyi ngo bo bstan pa'i phyir/ rlung rnams kyi ming nyon cig ces gsungs te/ ming zhes bya ba ni 'chad bzhin pa'o/ /ji lta bar zhes bya ba ni srog la sogs pa'i dbye bas te rnam pa dgus so/ /rab tu dbye bas brgya rtsa brgyad kyi grangs kyis so/ /btang bzung dang zhes bya ba ni/ sprus pa'i 'khor lor gnas pa'i yang dag shugs kyi rtsa la brten nas de nyid kyi nam mkha' i sgo nas/ btang ba ni spro ba ste/ slar yang nad nyid du bzung bas na btang bzung ste/ srog gi rlung ngo/ /dung phyur zhes bya ba ni/ shin tu shugs kyi rtsa la brten nas a dang ra dag gis rtogs pa zhes bya ba ni dung phyur ste/ rlung gnyis pa thur sel gyi rlung ngo/ /myos pa dang zhes bya ba ni shin tu bzang ba'i rtsa la brten nas zos pa'i dngos po mnyam par byas nas chu'i rgyun ltar gcig tu byas pa'i las nyid kyi phyir myos byed kyi rlung ni mnyam gnas kyi rlung ngo/ /rtogs dka' zhes bya ba ni bzang por 'gro ba'i rtsa la brten nas/ steng du 'gro ba sdud par byed pa'i phyir dka' bas rtogs pas na/ rtogs dka' i rlung ni gyen rgyu'i rlung ngo/ /bsil byed dang ni zhes bya ba ni stobs chen gyi rlung la brten nas rnam pa gsum gyi gzugs kyis yul la bsil byed bzhin du 'gro bar byed pas na/ bsil byed bzhin gyi rlung ngo/ /g.ya' ba dang zhes bya ba ni mi bzad che'i rtsa la brten nas rnam pa gsum gyi sgra'i yul la slar yang nyan par 'dod pas g.ya' ba ma bzlog pa bzhin du g.ya' ba ni rnam par rgyu ba'i rlung ngo/ /ngar snabs dang zhes bya ba ni mdzes chen gyi rtsa la brten nas dri rnam pa gsum gyi yul la ngar snabs bzhin du yongs su ma spangs pa nyid kyis yongs su shes pa'i phyir/ ngar snabs ni yang dag par rgyu ba'i rlung ngo/ /sta re dang zhes bya ba ni mdun du skyes pa che ba'i rtsa la brten nas ri'i yul gsum la sta re bzhin du mdun pa log par bskyed par byed pas na sta re rab tu rgyu ba'o/ /zegs pa zhes bya ba ni rgyags pa'i rtags kyi rtsa la brten nas reg bya rnam pa gsum bzung nas/ yongs su ngal ba'i phyir zegs pa ni nges par rgyu ba'i rlung ngo/ /dza sha zhes bya ba

  95. 48a

    ni chos kyi 'khor lo'i ze'u 'bru la myur du 'jug pa'i phyir dza sha bzhin dza sha ste/ srog gi rlung nyid do/ /rnam par brtsigs dang/ zhes bya ba ni rin chen gyi rtsa la brten nas rlung dang bshang gci rnam par brtsigs pa rnams la skyug bro ba ster par byed pa zlog par byed pa nyid kyi rnam par brtsigs pa ni thur sel gyi rlung ngo/ /myos pa'i rtsod pa zhes bya ba ni/ pad+ma cha'i rtsa la brten nas myos pa skyed par byed pa rnams la bza' ba dang bca' ba rnams la rtsod pa dang 'dra bas na rtsod pa ste/ de'i rnam par rtog pa mi snang bar byas pas na myos pa rtsod pa ni mnyam gnas kyi rlung ngo/ /rdo rje chen po'i rtsa la brten nas gyen du 'gro bas lus myos par byed pas na 'dod myos ni gyen du rgyu ba'i rlung ngo/ /chu ba zhes bya ba ni stobs po che'i rtsa la brten nas/ gzugs kyi yul 'dzin pa la chu ba dang 'dra bas na chu ba la ster bar 'gyur ba'i phyir/ chu ba ni gyen du rgyu ba'i rlung ngo/ /shi shu zhes bya ba ni/ mgo bo che'i rtsal brten nas sgra'i yul la shi shu ltar 'gro bas ni shi shu ni rnam par rgyu ba'i rlung ngo/ /sna tshogs skyed ces bya ba ni/ sgra chen po'i rtsa la brten nas sna tshogs pa'i lto ba na gnas pas dri ba 'byung bar byed pa na/ sna tshogs bskyed pa'i rlung ni yang dag par rgyu ba'i rlung ngo/ /sdud pa dang zhes bya ba ni dga' ba chen po'i rtsal bsten nas khyad par du ro'i yul la 'byung ba'i phyir sdud pa ni rab tu rgyu ba'i rlung ngo/ /snyems dang zhes bya ba ni myos pa che'i rtsa la brten nas reg bya'i yul la longs spyod pas rnam par snyems par byed pa'i phyir snyems par nges pa rgyu ba'i rlung ngo/ /Ta dad? zhes bya ba ni mgrin pa'i 'og tu me'i 'khor lo gru gsum pa la dbus dang lhan cig 'dud pa brjod par 'dod pas rtsa dbu ma la brten pa'i grangs kyi mdun dang g.yon pa dang g.yas pa'i nu ma gnyis kyi rtsa la brten nas gnyis yin pas na dgur 'gyur ro/ /de la dbus ma la brten nas sgra Ta bzhin du 'byung ba lnga ni srog gi rlung ngo/ /sgra sgrogs zhes bya ba ni/ dri ma med pa'i rtsa la brten nas

  96. 48b

    aM yig gi ngo bo'i sgra 'jug pas na sgra ni mnyam gnas kyi rlung ngo/ /rlung lha dang zhes bya ba ni gsal ba'i rtsa la brten nas thur du sel ba'i rlung 'jug pas na rlung lha ni thur du sel ba'i rlung ngo/ /gnad ni rnam 'bigs dang zhes bya ba ni rdzogs pa'i rtsa la brten nas mgo bo'i nad la sogs pa la 'jug pas na/ gnad rnam par 'bigs pa ni gyen du rgyu ba'i rlung ngo/ /ma dang zhes bya ba ni slar yang dri ma med pa'i rtsa la brten nas me dang 'dra bar gyen du rgyu bas mig gi dbang po la brten pa'i rlung 'jug pas na me ni gyen du rgyu ba'i rlung ngo/ /ci bgyid ces bya ba ni gsal ba'i rtsa la brten nas sgra'i yul la thos pa'i bya ba la ci bgyi bas na ci gyi ni rnam par rgyu ba'i rlung ngo/ /rtsod pa zhes bya ba ni rdzogs pa'i rtsa la brten nas dri'i yul la rgyu mtshan du rtsod pa dang 'dra brtsod pas na rtsod pa ni yang dag par rgyu ba'o/ /a sma ra zhes bya ba ni nu ma g.yon pa'i rtsa la brten nas/ byang chub kyi sems 'o ma'i ngo bo nyid kyis babs pas na a sma ra rab tu rgyu ba'o/ /mchog sbyin zhes bya ba ni nu ma g.yas pa'i rtsa la brten nas lus gtso bo'i nu ma la reg pa'i yul gyi mchog sbyin pas mchog sbyin te nges par rgyu ba'o/ de yang me'i 'khor lo'i dbyibs kyi ngo bo rgya chen po thig le las bshad pa'o/ /tsu ra zhes bya ba ni longs spyod kyi 'khor lo'i dbus kyi ze 'bru la gnas pa lan gsum skor ba'i rtsa la brten nas/ /srog gi rlung tsu ra bzhin du 'jug pas tsu ta'i rlung ngo/ /tsin+tsi ri zhes bya ba ni longs spyod kyi 'khor lo'i shar gyi 'dab ma la gnas pa longs spyod kyi rtsa la brten nas thur sel gyi rlung ring du rgyu bar byed pas na/ tsin+tsi ri ni thur sel gyi rlung ngo/ /zla ba'i thod ces bya ba ni longs spyod gter ba'i rtsa la brten nas zla ba longs spyod kyi 'khor lor gnas pa'i rkan gyi ngo bo mnyam pa'i rlung bskul bas/ lce'i rtse mor myang bas na zla ba'i thod ni mnyam gnas kyi rlung ngo/ /skam po rtse zhes bya ba ni longs spyod kyi 'khor lor gnas shing 'jigs ma'i rtsa la brten nas/ gyen gyi sgor rlung 'jug par byed pas na/ kam po rtse ni gyen du

  97. 49a

    rgyu ba'i rlung ngo/ /ral pa can zhes bya ba ni/ gsal ba'i rtsa la brten nas gzugs kyi yul rnam pa gsum dang 'dra bar 'dzin pas na/ ral pa can ni gyen du rgyu ba'o/ /sgra ma zhes bya ba ni rtsa? la gdong gi rtsa la brten nas ro'i sgra rnam pa gsum nyan pa la 'khrugs pa'i phyir sgra gcan ma rnam par rgyu ba'i rlung ngo/ /rkeng rus ma zhes bya ba ni bkres pa'i rtsa la brten nas ka te byang chub kyi sems rnam pa gsum dang rgyu mthun pa'i yul la ka ni skul par byed pa ste/ keng rus ma ni yang dag par rgyu ba'o/ /rus zhes bya ba ni/ bcud len ro'i rtsa la brten nas sgra rnam pa gsum la bskul bas na/ dus ni rab tu rgyu ba'i rlung ngo/ /'gugs dang zhes bya ba ni rgyu ma'i rtsa la reg bya rnam pa gsum gyi yul 'gugs pa'i phyir rgyu ma ni nges par rgyu ba'i rlung ngo/ smin mtshams kyi dbus su gnas pa'i rlung gi 'khor lo la bltos nas/ brjod par bya ste/ de la yang rang nyid rtsibs drug dang ldan pa nyid kyi phyir/ smin ma gnyis dang lhan cig bsad de dbus ma dang/ lhan cig dgu zhes bya bar rnam par bzhag go/ sdig pa dang zhes bya ba ni/ dbus ma'i gnas su smin mtshams kyi ngo bos gtsub pa nyid kyi phyir sdig pa ni srog gi rlung ngo/ /g.yon can zhes bya ba ni rlung chen po'i rtsa la brten nas bshad pa la sogs pa bskul ba'i phyir bshad pa la sogs pa ni thur sel gyi rlung ngo/ /bsil ba zhes bya ba ni bye ba 'khyil ba'i rtsa la brten nas steng du gnas pa'i khams mnyam par byed pas gsil ba'i ngo bo nyid kyi phyir bsil ba ni mnyam gnas kyi rlung ngo/ /mdzes par 'gro ba zhes bya ba ni mi bzang pa'i rtsa la brten nas/ tshangs pa'i bu ga'i sgo nas mdzes par 'gro ba ni g.yon nas rgyu ba'i rlung ste/ mdzes par 'gro ba ni gyen du rgyu ba'i rlung ngo/ /mgrin pa dang zhes bya ba ni 'dzin byed ma'i rtsa la brten nas gzugs kyi yul khyad par sbom la rags pa'i phyir kand+ha ra ni gyen

  98. 49b

    du rgyu ba'i rtsa'o/ /thams cad ma zhes bya ba ni rnam par mi rtog pa'i rtsa la bsten nas sgra'i yul thams cad la 'khrid pas na thams cad ma ni rnam par rgyu ba'i rlung ngo/ /mchog ster ma zhes bya ba ni rdzogs pa'i rtsa la brten nas dri'i yul la zhen pa skyed pa'i phyir mchog ster ma yang dag par rgyu ba'o/ /smyo byed dang zhes bya ba ni g.yon pa'i sin pa'i mtshams kyi rtsa la brten nas ro'i yul la longs spyod pas smyo bskyed pa dang 'dra bas na/ smyo byed ni rab tu rgyu ba'i rlung ngo/ /nga rgyal mtsho ma zhes bya ba ni g.yas pa'i smin ma'i mtshams su gnas nas reg bya'i yul la nga rgyal skyed par byed bas na 'tsho ba dang 'dra bar 'tsho bas nga rgyal 'tsho ni nges par rgyu ba'i rlung ngo/ /zhes bya ba ni bde ba chen po'i 'khor lo la bltos nas brjod pa'o/ /tshogs bdag ces bya ba ni/ bde ba chen po'i 'khor lo'i dbus kyi gnas la brten nas byang chub kyi sems khyad par du 'khrid par byed pas ni chags bdag ni srog gi rlung ngo/ /rtsangs pa dang zhes bya ba ni ri ma rigs kyi rtsa la brten nas rlung dang bshang gci tsug phung bzhin du khyer bar byed pas na rtsangs pa ni thur sel gyi rlung ngo/ sa'i bla zhes bya ba ni/ 'dod can ma'i rtsa la brten nas gnas pa'i rang bzhin can nor thams cad las khyad par du 'phags pa tshangs pa'i bu ga la blo gros ni 'dun pa'i mtshan nyid can gang la yod pa de ni sa'i blo ma ste mnyam gnas kyi rlung ngo/ /theg pa bzang dang zhes bya ba ni 'dod can ma'i rtsa la brten nas gyen du rgyu ba la shin tu theg pa bzang po gang la yod ba de ni theg pa bzang ste/ gyen du rgyu ba'i rlung ngo/ /mchog tu skye zhes bya ba ni/ srog rnam par 'dzin ba'i rtsa la rten nas gzugs 'dzin pa ste/ kun nas ni rnam pa thams cad skyes pa'i phyir mchog tu skyes pa ni gyen ru rgyu ba'i rlung ngo/ /dri ma zhes bya ba ni zla gdung gi rtsa la brten nas dri ma med pa'i sgra 'dzin pas ni dri med ni rnam par rgyu ba'i rlung ngo/ /glang chen phrug ces bya ba ni/ zla gter gyi rtsa la brten nas glang chen drug?

  99. 50a

    gu ltar dra'i yul la 'dun pa dang bcas pa'i phyir glang chen phru gu ni/ yang dag par rgyu ba'i rlung ngo/ /nyi ma dang zhes bya ba ni/ mdzod ma'i rtsa la brten nas ro'i yul nyi ma bzhin du gsal bar byed pa na/ nyi ma ni rab tu rgyu ba'i rlung ngo/ /gsal byed dang zhes bya ba ni/ 'dod can ma'i rtsa la brten nas/ reg pa'i yul la gsal byed nyid kyi phyir gsal byed ni des par rgyu ba'i rlung ngo/ /de ltar nyin par 'khor lo drug gi rim pas rlung rnams kyi ming bstan nas mtshan mo yang de'i rim pas rgyu ba brjod pa'i phyir/ nyi ma gnon zhes gsungs te/ sprul ba'i 'khor lo gnas pa'i yang dag shugs kyi rtsa la brten nas nyi ma ltar gnon pa ni rnam par mnon pas 'gro ba'i ngang tshul gang la yod pa de ni nyi ma mnon te/ srog gi rlung ngo/ /stobs ster zhes bya ba ni/ shin tu shugs kyi rtsa la brten nas rlung dang bshang gci stobs byed pa rnams 'og tu byed pa'i phyir stobs ster ni thur sel ba'i rlung ngo/ /nga ro ngang ni zhes bya ba ni/ shin tu rtsa la brten nas nga ro ltar bza' ba la sogs pa rnams mnyam par byed pas nga ro ltar ni mnyam gnas kyi rlung ngo/ /dus zhes bya ba ni/ bzang por 'gro ba'i rtsa la brten nas dus ni dus te/ gyen du rgyu ba'i phyir/ dus ni gyen du rgyu ba'i rlung ngo/ /sdom pa dang ni zhes bya ba ni/ sdom chen gyi rtsa la brten nas gzugs kyi yul la sdom pa'i phyir sdom pa ni gyen du rgyu ba'i rlung ngo/ /mchongs nas 'gro ba zhes bya ba ni/ mi bzod che'i rtsa la brten nas skra'i yul la mchongs nas 'gro ba ltar byed pas mchongs nas 'gro ba ni rnam par rgyu ba'i rlung ngo/ /sbrang ma zhes bya ba ni/ mdzes chen ma'i rtsa la brten nas/ 'di'i yul la sbrang ma ltar myang bas na sbrang ma ni yang dag par rgyu ba'i rlung ngo/ /bskyod pa zhes bya ba ni/ mdun du skyes pa che'i rtsa la brten nas/ ro'i yul la rgyu zhing 'gro bas na bskyod ma ni rab tu rgyu ba'i rlung ngo/ /'phyan pa zhes bya ba ni/ rgyags pa'i rtags kyi rtsa la rten nas reg bya'i yul la khyi bzhin du myur bar 'gro bas na 'phyan pa de nges par rgyu ba'o rlung ngo/ /chos kyi 'khor

  100. 50b

    lo la dgongs nas/ bsil dang zhes bya ba gsungs te/ chos kyi 'khor lo'i dbus kyi ze'u 'bru la gsil ba'i srog gi rlung 'jug par byed pas gsil ba ni srog gi rlung ngo/ /sgur po zhes bya ba ni/ rin chen gcod pan gyi rtsa la brtan nas 'og tu rgyu ba'i ngang tshul gang la yod pa de gur po'i rtsa ni thur du sel ba'i rlung ngo/ /drang po dang zhes bya ba ni pad+ma che'i rtsa la brten nas/ bza' ba dang bca' la sogs pa drang por mnyam par byed pas na drang po ni mnyam gnas kyi rlung ngo/ /sa dang zhes bya ba ni/ rdo rje chen po'i rtsa la brten nas/ sa rang bzhin du gyen du rgyu ba'i rlung ngo/ / sa la 'gro ba zhes bya ba ni stobs po che'i rtsa la brten nas gzugs kyi yul la 'gro bas na/ sa la 'gro bas ni gyen du rgyu ba'i rlung ngo/ /bram ze dang zhes bya ba ni/ mgo bo chen po'i rtsa la brten nas/ bram ze lhar skra'i yul la 'gro bas na/ bram ze ni rnam par rgyu ba'i rlung ngo/ /rnam 'gyur gnas zhes bya ba ni/ sgra chen po'i rtsa la brten nas dri'i yul la gnas pa'i phyir rnam 'gyur ba/ nas ni yang dag par rgyu ba'i rlung ngo/ /ma mo'i rigs dang zhes bya ba ni dga' ba chen po'i rtsa la rten nas ma mo'i rigs ni bud med kyi tshogs 'o byed pa'i ro'i yul nyams su myong ba'i don du skyes pa'i phyir bud med kyi rigs ni rab tu rgyu ba'i rlung ngo/ /lce bskyod pa zhes bya ba ni/ myos pa che'i rtsa la brten nas reg bya'i yul la shin tu yang bskyod par byed pa'i phyir lce skyong ma ni nges par rgyu ba'i rlung ngo/ /me'i 'khor la bltos nas brjod par bya ste/ mi smra ba dang zhes bya ba ni me'i 'khor lo'i dbus la brten nas shin tu phra ba nyid kyi srog gi rlung 'jug pa'i phyir mi smra ba ni srog gi rlung ngo/ /rnga sgra'i sprin zhes bya ba na/ dri ma mang pa'i rtsa la brten nas sprin gyi sgra ltar thur sel gyi rlung 'jug pas na rnga sgra'i sprin ni thur sel gyi rlung ngo/ /dga' bar byed dang zhes bya ba ni/ gsal ba'i rtsa la brten nas/ bza' ba dang bca' ba la sogs pa mnyam par byed pas/ lus la dga' bar byed pas na dga' bar byed pa ni mnyam gnas kyi rlung ngo/ /mig yangs dang zhes bya ba ni/ rdzogs pa'i rtsa la rten nas gyen du 'gro bas mig yangs

  101. 51a

    ba'i phyir yangs pa ni gyen du rgyu ba'i rlung ngo/ /dri med ces bya ba ni mdud ba brjod par 'dod pas sngar yang dri ma med pa'i rtsa la brten nas gsal ba nyid kyi dri ma med pas gzugs kyi yul mthong ba nyid kyi dri ma med pa ni gyen du rgyu ba'i rlung ngo/ /'od srungs zhes bya ba ni/ gsal ba'i rtsa la brten nas sgra'i yul la 'od srungs ni rnam par rgyu ba'i rlung ngo/ /ne tso zhes bya ba ni gang ba'i rtsa la rten nas/ ne tso bzhin du dri'i yul la mnyam par byed pas ne tso ni yang dag par rgyu ba'i rlung ngo/ /sna tshogs mchu dang zhes bya ba ni/ g.yon pa'i nu ma la brten nas/ byang chub sems kyi ngo bo'i sna tshogs pa'o/ /rnam pa sna tshogs mchu ni rab tu rgyu ba'i rlung ngo/ /mi mnyam dang zhes bya ba ni g.yas pa'i nu ma la brten nas de'i yul nyid la 'dun pa dang bcas pa ni mi mnyam pa nyid kyi phyir nges par rgyu ba'o/ /longs spyod kyi 'khor lo la bltos nas brjod par bya ste/ mdzes dang zhes bya ba ni/ longs spyod kyi 'khor lo'i dbus kyi ze'u 'bru la mdzes pa'i srog 'jug pa nyid kyi phyir mdzes pa'i srog gi rlung bzhin du srog gi rlung nyid do/ /chos kyi srog shing zhes bya ba ni longs spyod kyi rtsa la brten nas/ rlung la sogs pa thur du khyer pas chos 'dzin pa'i nus pa dang ldan pas lus la srog shing du gyur pa nyid kyi phyir/ chos kyi srog shing ni thur du sel ba'i rlung ngo/ /kun tu 'gro zhes bya ba ni/ longs spyod gter gyi rtsa la brten nas/ bza' ba la sogs pa mnyam par byed pa nyid kyi yul thams cad du 'gro ba nyid kyi phyir/ kun 'gro ni mnyam gnas kyi rlung ngo/ /snying stobs zhes bya ba ni/ skal ba dang ldan pa'i rtsa la brten nas/ steng du 'jug pa la snying stobs ldan pa'i phyir snying stobs gyen du 'gro ba'i rlung ngo/ /brtan pa dang zhes bya ba ni nyi 'gro'i rtsa la brten nas/ gzugs kyi yul la rten pa nyid kyi phyir brten pa ni gyen du rgyu ba'i rlung ngo/ /za phod ces bya ba ni gsal ba'i rtsa la brten nas/ sgra'i yul la za phod pa'i phyir za phod ni rnam par rgyu ba'i rlung ngo/ /bong bu zhes bya ba ni skal ba'i rtsa la rten nas dri'i yul la bong bu bzhin du 'gro bas na/ bung bu ni yang dag

  102. 51b

    bar rgyu ba'i rlung ngo/ /snyoms las dang zhes bya ba ni sgom pa'i rtsa la brten nas/ ro'i yul la snyoms las nyid kyi phyir snyoms las ni rab tu 'bab pa'i rlung ngo/ /kha gdangs rtsod pa can zhes bya ba ni/ thal ba'i gdong gi rtsa la brten nas/ reg bya'i yul la gdangs pa dang 'dra bas na/ kha gdangs pa ni nges pa'i rgyu ba'i rlung ngo/ /rlung gi 'khor lo la bltos nas brjod par bya ste/ sgra chen zhes bya ba ni/ rlung gi 'khor lo'i lte ba la sgra chen po'i ngo bos 'jug pas na/ sgra chen po ni srog gi rlung ngo/ /rtsod pa can zhes bya ba ni rlung chen po'i rtsa la brten nas rtsub pa'i rnam pas bshang gci la sogs pa 'jug pa'i phyir rtsod pa can ni thur sel gyi rlung ngo/ /rtsa bran dbang byed ces bya ba ni/ bye ba 'khyil ba'i rtsa la brten nas/ bza' ba dang bca' ba la sogs pa'i yul la sgeg pas dbang byed ni de dang mnyam par byed pa la gzhan dbang nyid kyi phyir rtsa bran dbang byed ni mnyam gnas kyi rlung ngo/ /g.yo rgyu can zhes bya ba ni mi bzad pa'i rtsa la brten nas/ gyen du 'jug pa g.yo rgyu can dang 'dra bas na/ g.yo rgyu can ni gyen du rgyu ba'i rlung ngo/ /rtsal po che zhes bya ba ni 'dzin pa zhes bya ba'i rtsa la brten nas gzugs kyi yul la khyad par du rtsal che ba'i phyir/ rtsal po tsha? ni gyen du rgyu ba'i rlung ngo/ rtag tu dga' zhes bya ba ni/ rnam rtog med pa'i rtsa la brten nas/ rtag tu sgra'i yul la dga' ba ni rnam par rgyu ba'o/ /gleg phreng zhes bya ba ni gang pa'i yul la brten nas dri'i yul la glog gi phreng ba bzhin du 'jug pas glog gi phreng ba ni yang dag par rgyu ba'i rlung ngo/ /so sor rgyu ba zhes bya ba ni g.yon pa'i smin ma'i rtsa la brten nas ro'i yul la so sor rgyu ba'o/ /rtag pa zhes bya ba ni smin ma g.yas pa'i rtsa la brten nas/ reg bya'i yul la brtag par 'jug par byed pa'i phyir/ rtag pa ni nges par rgyu ba'i rlung ngo/ /bde ba chen po'i 'khor lo la bltos nas brjod par bya ste/ ral gu zhes bya ba ni bde ba chen po'i 'khor lo'i lte ba la rtsa ma lus pa thams cad kun rdzob byang chub sems kyi

  103. 52a

    srog 'jug pa'i phyir/ ral gu ni srog gi rlung ngo/ /lce dang ni zhes bya ba ni rim pa rigs kyi rtsa la brten nas/ byang chub sems kyi khu ba thur du khyer bas lce ni thur sel gyi rlung ngo/ /bde mchog ces bya ba ni 'dod pa can gyi rtsa la brten nas/ mgo bo nas brtsams te/ lus thams cad kyi tshigs kyi mthar thug pa byang chub kyi sgo nas lus las sems ni bde ba bde mchog tu byed pas na bde mchog ni mnyam gnas kyi rlung ngo/ /u dum+ba ra'i zhes bya ba ni/ 'dod chen ma'i rtsa la brten nas tshangs pa'i bu ga'i sgo nas gyen du 'gro bar byed pas u dum+ba ra dang 'dra bas na/ rnal 'byor pas rgya lam nye bar mtshon pa'i phyir u dum+ba ra ni gyen du rgyu ba'i rlung ngo/ /blun po zhes bya ba ni srog 'dzin pa'i rtsa la brten nas gzugs kyi yul la 'dzin pas gzhan du glun po dang 'dra bas na blun po ste/ blun po ni gyen du rgyu ba'i rlung ngo/ /dra ba can ni pad+ma bskor zhes bya ba ni/ zla ba btung ba'i rtsa la brten nas sgra'i tshogs kyi yul la pad+ma bskor ba bzhin du shin tu dga' bas 'jug pa'i phyir/ dra ba can ni pad+ma bskor ba ni/ rnam bar rgyu ba'i rlung ngo/ /dgra sta zhes bya ba ni zla gter gyi rtsa la brten nas/ dri ba'i yul spangs nas yul gzhan la rgyu ba sta re bzhin gcod par byed pas na dgra sta ni yang dag par rgyu ba'i rlung ngo/ /rma bya zhes bya ba ni mdzod kyi rtsa la brten nas/ ro'i yul la rtsa Ta ka ni rma bya bzhin te 'dun pa dang bcas pa'i phyir rma bya ni rab tu rgyu ba'i rlung ngo/ /rlung dang ni zhes bya ba ni/ 'dod can ma ni rtsa la brten nas/ 'dod chags kyi gdung ba gsil bar byed pa'i phyir/ rlung ni nges par rgyu ba'i rlung ngo/ /de ltar ming rnams zhes bya ba ni/ rlung rnams kyi 'khor lo'i grangs kyis nyin mtshan gcig la brgya rtsa brgyad kyi grangs kyi ming ni tha snyad du byas pa gsungs te/ bdag gis so/ /rdo rje dbang phyug ces bya ba ni/ phyag na rdo rje la bod pa'o/ /de ltar rlung rnams kyi ming bstan nas/ da ni de

  104. 52b

    rnams bskyed pa la rim pa rnam par bzhag pa brjod pa'i phyir de'i yan lag bcom ldan 'das la gsol ba gdab pa ni/ bcom ldan rdo rje can gyis gsungs zhes bya ste/ rlung rnams kyis zhes bya ba ni/ de ma thag par bshad pa'o/ /ji lta ba'i gnas zhes bya ba ni/ bskyed pa'i gnas rnams so/ /dbye ba zhes bya ba ni rgyas par ro/ /gang las zhes bya ba ni gang gi phyir gnas gang las so/ /ldang ba ni skye ba'o/ /de dag ces bya ba ni rlung rnams te/ de ma thag par bshad pa rnams so/ /bgyid pa lags zhes bya ba ni/ rgya cher grangs kyi dbye bas phye ba nyid de ltar de'i don du gsol ba 'debs ba bstan nas/ da ni rang gi ngo bo brjod pa'i phyir de'i don du bcom ldan 'das kyi gsung la 'jug pa ni bcom ldan rdo rje can gyi gsungs zhes gsungs te/ sngon du bshad zin to/ /rdo rje can zhes bya ba ni stong pa nyid de kho na nyid mngon du byas pa'i phyir ro/ /tshig gnyis po 'dis bcom ldan 'das la spangs pa dang ye shes phun sum tshogs pa bstan to/ /rlung gi zhes bya ba ni sngon du bstan pa rnams la'o/ /gnas kyi mtshan nyid ces bya ba ni/ gnas las skye ba'i mtshan nyid do/ /de ltar bcom ldan 'das kyi gsung la 'jug pa bstan nas/ gnas kyi rang gi ngo bo brjod pa'i phyir 'khor lo drug la khyab pa'i zhes gsungs te/ drug ni sprul pa dang chos dang me dang/ longs spyod dang/ rlung dang bde ba chen po'i 'khor lo rnams su'o/ /khyab pa'i rlung zhes bya ba ni/ gcig pu nyid srog gi rlung gi rang bzhin no/ /chos kyi 'khor lo zhes bya ba ni/ snying kha'i gnas su rnam par shes pa dang lhan cig go /rtag tu gnas zhes bya ba ni/ 'chi ba'i mthar thug pa'i bar du'o/ /de'i ming ci zhe na/ de'i phyir srog ces bya ba gsungs te ji skad du 'chad par 'gyur ba las/ rab tu 'gro dang srog rtsol dang/ dbang po'i sgo yi lam nas ni/ /dus rtag tu ni rab tu 'gro/ 'dir ni srog ces bya bar brjod/ /ces gsungs so/ /ji lta bu zhe na/ de'i phyir 'gro ba khyab ces gsungs te/ 'gro ba ni g.yo ba'i bdag nyid can

  105. 53a

    gyi lus la'o/ /las kyi stobs kyis de dang der skye ba'i gnas te/ skye ba len pa'i phyir ro/ /rnam rtog med par zhes bya ba ni/ rang bzhin gyis bem po'i ngo bo nyid kyi phyir ro/ /thun phyed na zhes bya ba ni/ thun phyed kyi bdag nyid can te/ chu tshod bzhi'i bdag nyid can gyi phyir ro/ /shar nas zhes bya ba ni skye bar 'gyur pa'o/ /nam mkha' mchog las zhes bya ba ni/ lte ba'i dbus las so/ /yang na 'khor ba thog ma med pa nyid kyi 'jug pa la stong pa nyid kyi rten sems kyi rgyun gyi stobs kyis skye ba'i phyir ro/ /rang bzhin zhes bya ba ni ngo bo nyid kyis so/ /rlung ni 'joms par byed ces bya ba ni/ rlung gzhan yongs su spangs nas gnas pa nyid kyi phyir ro/ yang na rlung gi de kho na nyid bsgoms pas rlung gzhan rnams 'joms par byed pa'o/ /dgu'i rnam par rgyu zhes bya ba ni de nyid lta ba nas 'byung ba'i srog ni rlung ngo/ /dgu'i rnam par zhes bya ba ni phung po dang dbang po'i dbye bas rnam pa dgur 'gyur te/ khyab byed kyi rlung de nyid kyi nang du 'dus pa'i phyir ro/ /rlung de zhes bya ba ni/ sngon du bshad pa'i mtshan nyid can no/ /chos kyi 'khor lo rtsa'i dbye ba rnam pa dgu'o/ /de nyid kyi phyir thun phyed dus nas brtsams nas ni zhes gsungs te/ bstan bcos las grags pa'i chu tshod bzhi'i mthar thug par zhes bya ba'i don to/ /'jig rten pa la thun ni dbyu gu brgyad kyi bdag nyid can no/ /'khor lo drug las zhes bya ba ni/ khyab byed kyi rlung spangs nas dgu dgu'i grangs kyi ngo bos nyin mo la 'khor lo drug la lnga bcu rtsa bzhir 'gyur ro/ /mtshan mo la yang de nyid de brgya rtsa brgyad du 'gyur ro/ /dgu bdag nyid can no/ /thun phyed kyi mdza' nyid du zhes bya ba ni/ dbyu gu bzhi'i mthar thug pa'o/ /rlung rnams kyang ni ldang bar byed ces bya ba ni brgya rtsa brgyad kyi grangs kyis so/ /de ltar gnas kyi ngo bos bstan nas/ 'chad bzhin pa'i don gyi mtshams sbyor bstan pa'i phyir/ de nyid gnas kyi dbye ba yis zhes

  106. 53b

    gsungs te/ de nyid ni mngon du gsungs pa'i brgya rtsa brgyad kyi grangs rnams so/ /gnas kyi dbye ba yis zhes bya ba ni yul rnams 'dzin pa la mngon du phyogs pa'i mtshan nyid kyis so/ /sna tshogs pa'i rtog par 'gro zhes bya ba ni yongs su ma shes pa'i gnas skabs na/ rang bzhin gyi ngo bo nyid kyi nyon mongs pa'i grangs su 'gyur ba'o/ /de ltar rnam pa gsum gyi rang gi ngo bo bstan nas/ rang bzhin rnams kyi ming brjod pa'i phyir/ /de dag ming rnams bshad par bya zhes gsungs te/ de rnams zhes bya ba ni rnam par rtog pa rnams kyi'o/ /phye nas zhes bya ba ni rnam pa gsum gyi dbye bas rgyas par ro/ /ming rnams ni tha snyad du gyur pa ste/ bshad par bya ba zhes dam bca' ba'o/ /de ltar bshad par dam bca' ba bshad nas rang gi ngo bo brjod pa'i phyir 'dod chags zhe sdang zhes bya ba la sogs pa gsungs te/ yul ma thos pa la yid la 'dun pa ni chags pa'o/ /byams pa med pa'i sems ni zhe sdang ngo/ /ji lta bzhin du gnas pa'i dngos po'i rang bzhin shes pa dang bral ba nyid kyi sems ni gti mug go /rgyags pa dang zhes bya ba ni sems la yul mthong bas mthong ba'i ngo bo ni rgyags pa'o/ /nga rgyal zhes bya ba ni rtogs pa khyad par can ma 'thob pa la bdag gi thob bo/ /snyam pa ni nga rgyal lo/ /mngon par zhen pa zhes bya ba ni/ khyad par du 'phags pa'i dngos po bdag gis ji ltar thob par 'gyur snyam du sems kyi rtog pa'i rnam pa'o/ /phrag dog ces bya ba ni/ gzhan gyi phun sum tshogs pa mthong na sems la mi bzod pa nyid do/ khro ba zhes bya ba ni khong khro ba'i dbang gi sems la gnas skabs gzhan thob pa'o /ser sna zhes bya ba ni dngos po mi gtong ba'i blo'o/ /g.yo dang zhes bya ba ni/ rang gi skyon sbed pa'o/ /snyoms las zhes bya ba ni sems kyis mi rig pa nyid brtson 'grus kyi mi mthun pa'i phyogs kyi chos so /nyam nga ba zhes bya ba ni sngon byas pa'i gnod pa nyams su myong ba sems gdung ba bskyed pa'o/ /blo rged pa zhes bya ba ni sems dmigs pa la spro ba med pa'o/ /skam chags nyid dang ni zhes bya ba ni 'khor ba'i yo byad la

  107. 54a

    sogs pa la zhen pa'o/ /gnyid ces bya ba ni gnyid do/ /the tshom zhes bya ba ni yid la som nyi za ba'o/ /ngar 'dzin dang zhes bya ba ni bag tsam rtogs pas sems la rgod pa'i khyad par ro/ /dga' dang zhes bya ba ni chags pa la sogs pa dang nye bar 'brel ba'i sems la chags pa'i khyad par ro/ /chags bral zhes bya ba ni yid du mi 'ong ba'i dngos po mthong bas sems la dga' ba med pa'o/ /dregs pa zhes bya ba ni nga rgyal sngon du 'gro ba'i sems kyi khyad par ro/ /'chab dang zhes bya ba ni sems la gnod pa mi brjod pa'i ngang tshul lo/ /sred dang zhes bya ba ni bdag gi dngos po dang longs spyod la sogs pa la zhen pa'i khyad par ro/ /bag chags dang zhes bya ba ni/ sems la nyon mongs pa phra mos gos par byed pa'o/ /sgyu dang zhes bya ba ni gzhan slu bar byed pa'i sems kyi gnas skabs can no/ /rmongs dang zhes bya ba ni khyad par can gyi yul la the tshom dang sdug bsngal gyi khengs pa nyid do/ /'dod chen dang zhes bya ba ni longs spyod la sogs pa'i yul la reg par 'dod pa'i blo'o/ /rtsod dang zhes bya ba ni mi sdug pa'i dngos po la mkhas pa nyid do/ /rtse 'jo zhes bya ba ni sems g.yo ba nyid kyi khyad par du 'phags pa'i lus ngag gi bya ba'o/ /'dun ba zhes bya ba ni yul la 'dun pa'o/ /reg dang zhes bya ba ni yid kyi rgyal srid la sogs pa'i rnam par rtog pas lus dang sems la khyad par du reg pa bskyed pa'o/ /kun nas gdung ba zhes bya ba ni yid du 'ong ba mthong bas/ lus dang sems gdungs pa'i bye brag go /rnam 'gyur zhes bya ba ni yid mi dge ba la mngon par phyogs pas yid la 'dra ba'i skad cig ma'i skyed pa'o/ /ma zhi ba zhes bya ba ni/ dbang po nye bar ma bsdams pa'o/ /rlom pa nyid ces bya ba ni/ sems la snyoms las kyi khyad par gyi khyab pa nyid do/ /log pa'i nga rgyal zhes bya ba ni khyad par can gyi rtogs pa ma thob pa la bdag gis thob pa snyam du sems pa'o/ /'gyod dang zhes bya ba ni bdag dang

  108. 54b

    bcas pa'i dge ba la phyis 'gyod pa'o/ /khrel yod pa zhes bya ba ni/ gzhan la bltos nas kha na ma tho ba rnams la 'jigs pa nyid do/ /gus pa med dang zhes bya ba ni/ dge ba'i las la mi gus pa'o/ /yid ches med ces bya ba ni mtho ris dang thod pa'i yul la sems can bstan pa'o/ /blo dman pa zhes bya ba ni shes rab la ma byang ba'o/ /ngo tsha med dang zhes bya ba ni 'dod dang sngon du song bas sems kyi rnam par 'gyur ba'o/ /brlan pa nyid ces bya ba ni sems bu dang chung ma la mnyes pa shin pa'o/ /ngo tsha shes dang zhes bya ba ni bdag nyid gyi yul la brten nas/ 'jigs pa la 'jigs par 'gyur ba'o/ /nyon mongs pa dang yang dag par sbyor ba nyid kyis nyon mongs pa'i nang du klog pa'o/ /ngo tsha dang zhes bya ba ni/ bdag nyid las lhag pa'i gang zag mthong nas rang nyid la mngon pa'i nga rgyal stong pa nyid do/ /mi gter ba dang zhes bya ba ni snying rje'i mi mthun pa'i phyogs kyi chos la yang dag par spyod pa'o/ /mya ngan zhes bya ba ni mdza' bo dang bral ba'i sems kyi bsam pa'o/ /yid gnyis zhes bya ba ni dge ba'i las la rgyab kyis phyogs pa'o/ /rlom sems med ces bya ba ni gzhan gyis byas pa'i phan pa ni bgrang ba las 'das pa la sems dpa' zhen pa'o/ /bsgribs dang zhes bya ba ni mi bden pa'i dngos po la 'bad pa byed par rtsom pa'o/ /the tshom zhes bya ba ni yid kyi gnyis ka la reg pa'o/ /ngal bzhes bya ba ni lus dang sems kyis mi spro ba'i bye brag go /dbang dang zhes bya ba ni 'dod chags la sogs pa gzhan dbang ngo/ /'khrul pa snying po stobs zhes bya ba ni/ gzhan la skur pa 'debs pa'i dgongs pas 'khrul pa'o/ /dgos pa zhes bya ba ni/ ma brtags par sprad pa'i gnod pa la gzhan gyi des byas so snyam du mngon par rlom pa'o/ /rgyal ba zhes bya ba ni lus dang sems dag gis las 'ga' zhig la yang nus pa med pa'o/ /thim pa dang zhes bya ba ni sems la dmigs pas 'og rgyu ba'i ngang tshul nyid do/ /'khrug pa dang zhes bya ba ni/ snying rjes spangs pa'i

  109. 55a

    sems kyi rgyun nyid do/ /gya gyu zhes bya ba ni sems kyi chos rnams gzhan la mi ston pa'o/ /smin dang zhes bya ba ni las byas pa la yang ma byas pas phrogs pas lus dang ngag gi rnam par rig pa la spyod pa'o/ /rjes su dran pa zhes bya ba ni sngar nyams su myong ba'i dngos po mi brjod pas so/ /rig byed ma yin pa zhes bya ba ni/ dang po nyid du byas pa'i dge ba dang mi dge ba ngag la phyes mi phyed ba'i dus yang de lta bu'i rgyun no/ /bag med pa zhes bya ba ni/ sems la rtse gcig pa nyid ma yin pa'o/ /gnas ngan len zhes bya ba ni/ sngon du byas pa'i bag chags kyi dbang gis de dang de'i rnam pa sad par rung ba nyid do/ /nyams chung zhing zhes bya ba ni nyon mongs pa med pa la sogs pas dge ba la sogs pa'i bya ba rnams la mi spro ba'o/ /yid mi bde ba zhes bya ba ni/ sems sdug bsngal gyis 'khrugs pa nyid do/ /rtog pa zhes bya ba ni rnam par rtog pa rags pa la mngon du phyogs pa'o/ /skrag dang zhes bya ba ni 'jigs pa skyed par byed pa'i dngos po mthong nas de la sems rgyab kyis phyogs pa nyid do/ /rmugs dang zhes bya ba ni/ las su mi rung ba nyid do// gnyid dang zhes bya ba ni snyoms las kyi yongs su khyab pa nyid la gnyid la mngon du phyogs pa'i dngos po nyid do/ /rkam chags zhes bya ba ni yo byad la sogs pa yongs su mi gtong ba'i blo'o/ /rtse ba zhes bya ba yid g.yeng ba sngon du 'gro ba can lus dang ngag gi bya ba rtsa ba'i ngo bo'o/ /khrung khrung dang zhes bya ba ni/ sems la bskum pa'i gnas skabs so/ /'tshe ba zhes bya ba ni srog chags rnams bsad pa la sems dpa' o/ /le lo zhes bya ba ni brtson 'grus kyi mi mthun pa'i phyogs dang lhan cig spyod pa'o/ /g.yan pa nyid ces bya ba ni nang kyi bye brag go /bsam dang zhes bya ba ni/ nges pa'i dngos po'i yul la bsam pas mngon par phyogs pa'o/ /dpyod dang zhes bya ba ni blos rnam par dbye bar bzod pa'o/ /zhum pa dang zhes bya ba ni gzhan gyi gnod pa la lan mang du byas pa la slar gnod pa

  110. 55b

    ma grub pas de mthong bas sems la mi spro ba'i rnam pa'o/ /kun rdzob de nyid ces bya ba ni rang gi byas pa'i sdig pa ngo tsha ba'i dbang gi gzhan la sped pa'o/ /don yod dang zhes bya ba ni las byas pa la 'bras bu dang bcas par rlom pa'o/ /stong pa dga' zhes bya ba ni longs spyod ? nyid kyi lus dang sems bde bar mi gnas pa nyid do/ /dga' ba cig pu 'dod pa zhes bya ba ni/ bdag nyid bde ba la 'dun pa'o/ /'jigs dang zhes bya ba ni/ nyams su ma myong ba'i dngos pa mthong bas so/ /'dad? dang zhes bya ba ni 'jig pa skyed par byed pa rkyen gyi stobs kyis lus 'dar ba'o/ /phra bdag nyid ces bya ba ni/ shin tu chung ba nyid do/ /gsal dang zhes bya ba ni sems yang ba nyid do/ /rnam gsal zhes bya ba ni rang gi sems kyi chos rnams gzhan la ston pa'o/ /lhung 'jug pa zhes bya ba ni/ spyad pa nyid kyis gzhan la dgongs nas/ tshig gzhan brjod pa'o/ /ma 'brel dang zhes bya ba ni/ ci yang rung ba smra ba nyid do/ /rtag pa'i de nyid dang zhes bya ba ni/ 'jig tshogs kyi lta bas mngon par zhen pa'o/ /dka' ba'i khur zhes bya ba ni/ 'dod pa che ba nyid do/ /ngoms med ces bya ba ni yang dang yang du yul la bdun pa'o/ /gnod pa dang zhes bya ba ni gzhan la gnod pa 'jug pa'i sems so/ /mi gsal ba dang zhes bya ba ni dge ba chung ba la yang mngon du gyur pa med pa nyid do/ /yid du 'ong zhes bya ba ni longs spyod che ba nyid kyi bdag nyid dma' ba med pa nyid do/ /gnas med ces bya ba ni/ sems g.yo ba dang bcas ba'o/ /'dod pa zhes bya ba ni gcig tu ma thob pa'i longs spyod thob par 'dod ba'o/ /ngo mtshar skyes bu nyid dang ni zhes bya ba ni/ ngar 'dzin pa nyid kyi nga rgyal dang bcas pa nyid do/ /ya mtshan zhes bya ba ni sna tshogs pa'i gtam thos pas 'di ni ci zhig yin snyam du ngo mtshar du gyur ba'o/ /mchog ces bya ba ni 'dod pa'i dngos po mthong bas yid dga' ba'o/ /skye bo ngan pa zhes bya ba ni/ skye bo dam pa'i mi mthun pa'i phyogs so/ /dman pa'i de nyid ces bya ba ni ji ltar gnas pa'i ngo bo mi

  111. 56a

    shes pa'i phyin ci log go /sdug bsngal gsum zhes bya ba ni/ sdug bsngal gyi sdug bsngal dang/ rnam par 'gyur ba'i sdug bsngal dang 'du byed kyi sdug bsngal gyi dbye bas so/ /yang na las dang/ nyon mongs pa dang skye ba'i sdug bsngal/ / srid pa la ni chags pa dang/ zhes bya ba ni khams gsum na gnas pa la sred pa'o/ /'di rnams zhes bya ba ni/ rang bzhin gyi ngo bo'i rnam par rtog pas gnas so/ /rtag tu zhes bya ba ni dus thams cad du'o/ /brgya dang brgyad lhag pa zhes bya ba ni/ brgya rtsa brgyad do/ /nyin dang mtshan mo zhes bya ba ni/ rlung bzhin du'o/ /nges pa zhes bya ba ni nges pa'o/ /rang bzhin rlung gi mtshan nyid yin zhes bya ba ni/ rnam par rtog ba'i rlung gi mtshan nyid do// //paN+Di ta a langka de bas mdzad pa'i rnal 'byor chen po'i rgyud dpal rdo rje phreng ba'i rgya cher 'grel ba zab mo'i don gsal bar byed pa zhes bya ba las le'u gsum pa'i rgya cher bshad pa'o// /de ltar le'u gsum pas rdo rje phreng ba'i yul la dri ba gsal ba bstan nas/ nga ni gsang ba 'dus pa'i yul la dri ba gsal ba brjod pa'i phyir/ de'i dri ba'i lan gdab pa bshad par rtsom pa ni/ de nas rdo rje gsum nyi mas zhes bya ba la sogs pa gsungs te/ de nas zhes bya ba ni/ le'u gsum pa bshad pa'i rjes la'o/ /bcom ldan 'das rdo rje gsum gyi nyi mas gsang ba 'dus pa'i don bshad ces bya ba dang 'brel to /rdo rje gsum ni sku gsung thugs rdo rje ste/ de rnams kyi sdu ba ni rdo rje gsum mo /de nyid ni rdo rje ste rdo rje gsum gyi nyi ma'o/ /mi mthun pa'i phyogs thams cad mun pa 'joms pa nyid kyi phyir rdo rje gsum gyi nyi ma ni rdo rje 'chang ngo/ /ji lta bu zhe na/ de'i phyir gsang snying pad+ma kha 'byed pa zhes gsungs te/ gsang ba ni snga bar bya ba'o/ /pad+ma ni lha mo'i pad+ma ste/ de rtogs par byed pa ni rab tu sad par byed pa ste/ rdo rje las spros pa'i 'od zer

  112. 56b

    kyi tshogs kyis zhes bya ba'i don to/ /ji ltar phyi rol tu nyi ma shar bas mtsho skyes kha 'byed par 'gyur ro/ /de bzhin du bcom ldan 'das kyis nyi ma'i 'od zer rnams kyi gsang ba'i chu skyes kha 'byed par 'gyur zhes rtogs par bya'o/ /gsang ba 'dus ba ji lta bu zhe na/ de'i phyir de nyid mchog ces bya ba gsungs te/ mthar thug pa'i mi gnas pa'i mya ngan las 'das pa zung du 'jug pa'i ngo bo nyid kyi phyir ro/ /rdo rje nyi ma ji lta bu zhe na/ de'i phyir bde ba chen po'i go 'phang bzhugs zhes gsungs te/ /thabs dang shes rab snyoms par 'jug pas 'dod chags kyi spyod pa can gyi sems can rnams kyi yul la de ltar snang ba nyid kyi phyir ro/ /de ltar gsang ba 'dus pa'i don gyi yul la dri ba'i lan gdab pa rtsom pa bshad nas/ dngos su de'i lan gdab pa brjod pa'i phyir/ de'i yan lag rtsa ba'i 'dus pa bshad pa ni/ 'dus pa 'dres pa zhes ni gsung zhes bya ba ste/ rgyud bshad pa'i dus na nam mkha' i khams de bzhin gshegs pa dang/ /lhan cig spyod ma dang rjes su spyod ma dang/ byang chub sems dpa' dang/ khro bo'i gzugs kyi yongs su gang ba ni/ rtsa ba'i 'dus pa zhes brjod de/ ji skad du rtsa ba'i rgyud las 'dus pa 'dres pa zhes ni bshad/ /sangs rgyas sku ni rjod byed pa/ /zhes gsungs te/ de bzhin du bskyed pa'i rim pa la ting nge 'dzin gsum bsgom pa'i rim pa'i dkyil 'khor rdzogs pa ni 'dus pa zhes brjod do/ /de bzhin du ting nge 'dzin ni gsum gyi yan lag ni/ rnal 'byor dang rjes su rnal 'byor dang/ shin tu rnal 'byor dang/ rnal 'byor chen po la sogs pa rnams ji ltar rigs par sangs rgyas thams cad 'dus pa'i ngo bo gsang ba 'dus pa'i don rtogs par bya'o/ /de bzhin du rim pa lngar yang thabs dang thabs las byung ba'i dbye bas gsang ba 'dus pa'i don rtogs par bya'o/ /'dres pa de yis khyed la bshad par bya/ zhes bya ba ni/ phyag na rdo rje khyod la 'chad par 'gyur ba'i rim

  113. 57a

    pas zhes bya ba ni tshig gi lhag ma'o/ /de ltar rtsa ba'i 'dus pa bshad nas gnas skabs kyi 'dus pa brjod pa'i phyir de'i yan lag rnal 'byor ma'i rgyud kyi rjes su 'brangs nas/ gsang ba 'dus pa'i don brjod pa'i phyir/ 'khor lo bzhi rnams tha mi dad ces gsungs te/ sprul pa dang chos dang longs spyod dang/ bde ba chen po'i 'khor lo rnams dang/ sngags rnams dang/ lhan cig tha mi dad pa ni 'dus pa zhes ni gsungs zhes bya ba dang 'brel to/ /de la re zhig sprul ba'i 'khor lo ni/ rtsa 'dab ma drug cu rtsa bzhi pa'i bdag nyid can la dbyangs yig bcu drug la thabs dang shes rab kyi dbye bas rnam pa gnyis su dbye ba byas nas dbyangs yig sum cu rtsa gnyis su 'gyur ro/ /ka la sogs pa gsal byed sum cu rtsa bzhi la ra dang k+Sha gnyis spangs na/ sum cu rtsa gnyis bzung bar bya ste/ de rnams ni sprul ba'i 'khor lo dgod par bya'o/ /de bzhin du chos kyi 'khor lo'i dbus su yi ge hUM yig go /'dab ma rnams la b+h+rUM oM dzaM khaM do/ /mtshams rnams su laM maM paM taM zhes dgod par bya'o/ longs spyod kyi 'khor lo'i 'dab ma bcu drug la dbyangs yig bcu drug po dgong bar bya'o/ /yang na nag po'i spyod pa ba'i bzhed kyi dbus su oM yig go/ phyogs kyi rtse 'dab ma bzhi la a li u e zhes bya ba'o/ /bde ba chen po'i 'khor lo rtsa 'dab ma sum cu rtsa gnyis kyi dbus la haM yig gzhom du med pa'o/ /'dab ma rnams la a li nyis 'gyur sum cu rtsa gnyis so/ /g.yon pa dang g.yas pa'i rtsa la ji ltar rigs par dbyangs yig bcu gnyis po rnams/ kha gyen du blta bas ka la sogs pa'i gsal byed nyi shu rtsa bzhi pos logs gnyis la bskor ba byas la/ de rnams kyi steng du ma'i yi ge thig le'i ngo bos bsgom par bya'o/ /g.yon pa'i rtsa la g.yas pa'i rtsa'i mtshan nyid dang bral bas dgod par bya'o/ /'og dang steng dur dang k+Sha yig ngag dgod par bya'o

  114. 57b

    de ltar mdor bsdus nas 'khor lo bzhi grub pa'i mdza' i rjes su 'brangs nas sngags kyi rim pa'i ngo bo bsdus pa'i don bshad do/ /de nyid gsungs pa ni cho ga bzhin zhes bya ba ste/ gdams ngag gi rjes su 'bras? nas zhes bya ba'i tha tshig go /'khor lo drug pa sngags sbyor ba/ /'dus pa zhes ni brjod pa yin/ /zhes bya ba ni sngon du gsungs pa'i 'khor lo bzhi'i steng du longs spyod kyi 'khor lo'i 'og tu me'i 'khor lo gru gsum pa'i dbus su sha yig go /zur gsum po rnams su sha sa ha rnams so/ /grub pa'i mdza' kha cig las ya ra la wa 'am/ yang na ri rI li lI rnams te/ de rnams ni sreg pa'i sa bon nyid kyi phyir ro/ /de'i rjes su bde ba chen po'i 'khor lo'i 'og gi smin ma'i dbus su rlung gi 'khor lo'o/ /rtsibs drug pa'i dbus su ka yig go /rtsibs drug po la tsaT ta pa ya sha rnams g.yon bskor gyi rim pas dgod par bya'o/ /de nyid gsungs pa ni sngags sbyor ba zhes gsungs te/ lhag ma ni snga ma bzhin no/ /'dus pa zhes bya ba ni sangs rgyas thams cad kyi sa bon bkod pa'i ngo bo'o/ /brjod pa yin zhes bya ba ni dpal bde mchog dang dgyes rdor la sogs pa rnams la zhes bya ba'i don to/ /de ltar sngags kyi rim pas 'dus pa'i don brjod nas/ rgyud kyi rim pas brjod pa'i dpa' bo rnal 'byor ma sbyor ba zhes bya ba gsungs te/ dpa' bo ni thabs te/ rnam par rtog pa rnams la mi 'jigs pa'i phyir dpa' bo nyid do/ /rnal 'byor ma ni dam tshig gi phyag rgya ste/ dpa' bo yang yin la rnal 'byor ma yang yin pas na dpa' bo rnal 'byor ma'o/ /de dang yang dag par sbyor ba ni 'brel pa'o/ /'dis ni rgyud kyi rim pa'i thabs phyi rol gyi thabs shes rab dang snyoms par 'jug pa'i mtshan nyid gsungs so/ /yang na dpa' bo ni g.yas pa'i rtsa ste/ thabs kyi rang bzhin nyid kyi phyir ro/ /rnal 'byor ma ni g.yon pa'i rtsa ste/ shes rab kyi rang bzhin nyid kyi phyir ro/ /de dag dang yang dag par sbyor ba ni phan tshun du sbyor ba'o//

  115. 58a

    'dis ni nang gi thabs shes rab kyi snyoms par 'jug pa'i ngo bo rgyud kyi rim pa'i thabs gsungs so/ /gsang ba'i rtsa gnyis ni/ rdo rje dang pad+ma'i rtsa gnyis so/ /gang gi tshe zhes bya ba ni gang la'o/ /yang dag sbyor bas zhes bya ba ni phan tshun snyoms par 'jug pa'i ngo bos so/ /reg 'gyur ba zhes bya ba ni khams bzhi'i rnam pas so/ /de ltar yang dang po phrad? pa'i gnas skabs su sra ba'i ngo bos rig pa'o/ /de'i rjes la gsher bas nyams su myong ba gnyis pa'o/ /dro bar gyur pa ni gsum pa'o/ /byang chub kyi sems 'gro ba dang 'ong ba la sogs pa 'am mtshan ma gnyis bskyod pa la sogs pa ni bzhi pa'o/ /de tshe zhes bya ba ni de'i dus na'o/ /nam mkha' zhes bya ba ni rnal 'byor ma dag gi lte bar gnas pa'i nam mkha' la'o/ /rnam rgyas nyid ces bya ba ni/ rgyas ba nyid du gyur pa'o// nam mkha' las ni skyes pa'i rlung zhes bya ba ni/ lte ba'i nam mkha' las so/ /las kyi rlung gi rang bzhin no/ /des zhes bya ba ni/ las kyi rlung gis so/ /me ni zhes bya ba ni/ ye shes kyi me'i rang bzhin no/ /rab tu 'bar zhes bya ba ni du ba la sogs pa'i rtags 'byung ba sngon du 'gro bas 'bar zhing gsal ba'i rnam pas bskyed par 'gyur ba'o/ /rtsa ni stong phrag bdun cu rtsa gnyis zhes bya ba ni de tsam gyi grangs kyis yongs su bcad pa'i rtsa 'khor lo bzhi 'am/ 'khor lo drug tu rtogs pa rnams la'o/ /rab sad ces bya ba ni/ kha cig la ni/ sreg pa 'byung/ /kha cig tu ni lan gsum bskor/ /kha cig la ni reg pa tsam/ /kha cig la ni mdung pa 'grol/ /zhes bya ba la sogs pa'o/ /ji skad du brjod pa ston par 'gyur te/ phyi rol gyi phyag rgya dang snyoms par zhugs pas sam/ nang gi bdag nyid kyi thabs shes rab dang/ snyoms par zhugs pas las kyi rlung gi bskul pa'i ye shes kyi me sprul pa'i 'khor lo nas a yig gi dbyug pa bcag pa mngon du 'gro bas yang dag par 'byung zhing ma lus pa'i sngags kyi tshogs mi snang bar byas nas/ rna ba g.yas pa dbu

  116. 58b

    rgyan zhes bya ba ni rnam grangs gzhan gyi phyir byung ste/ sems can thams cad kyi rgyud la yang de ltar bsgrubs nas so mtshams kyi nang na gnas pa'i rtsa ba'i gnas nas nang du zhugs te/ slar yang sprul pa'i de nyid ngal so bar byed cing snang bar mi 'gyur te/ skra'i brgya stong du bshags pa'i cha'i tshad tsam gyi phyir zhes bya ba'o/ /de ltar rgyud kyi rim pas gsang ba 'dus pa'i don bstan nas ye shes kyi 'bras bu zhes bya ba ni/ las ni dge ba dang mi dge ba la sogs pa'o/ /de'i 'bras bu ni 'dod pa dang mi 'dod pa la sogs pa'o/ / myong zhes bya ba ni rnam par shes pa 'am/ skyes bu'o/ /gzhan nyid du ni zhes bya ba ni dbang phyug la sogs pa rnam par shes pa rlung dang bcas pa spangs nas so/ /sa steng na ni zhes bya ba ni/ 'jig rten 'di na yod pa ma yin te/ de la sgrub byed kyi tshad ma med pa'i phyir dang gnod byed kyi tshad ma yod pa'i phyir ro/ /rnam par shes pa yang rang rig pa nyid kyis sgro btags pa'i rgyu dang rgyu med pa spangs nas/ 'os pa'i rgyu bag chags la sogs pa la bltos nas/ khams gsum du 'khor la skyon gang yang med do/ /de ltar yongs su ma shes pa'i gnas skabs la rnam par rtog pa rab tu skyed pa bstan nas/ de'i nye bar bsdu ba brjod pa'i phyir/ de'i phyir zhes bya ba la sogs pa gsungs te/ gang gi phyir rlung gi shing rta la zhon pa de dang de'i yul rnams kyi bag chags kyi dbang gi 'khor bar 'khor ro/ /de'i phyir thig le'i dbye ba go 'phang bsgom par bya zhes bya ba dang 'brel to/ /ci'i phyir zhe na/ de'i phyir 'khor ba gzhom du zhes bya ba gsungs te/ bag chags kyi dbang gis slar skye ba bzlog pa'i don du'o/ /gsal bar zhes bya ba ni/ sgra'i sgo nas ma brjod kyang bla ma'i zhal 'ba' zhig gis rtogs par bya'o/ /'bad par bya zhes bya ba ni 'chad par 'gyur ba'i sngags kyi de kho na nyid sgom pa pos so/ /ma rig gzhan ni mi shes pa zhes bya ba ni/ sngags kyi de kho na nyid la sgom pa po la ste/ sngar bshad pa'i rig pas zhes bya ba'i don to/

  117. 59a

    ma rig gzhan ni mi shes pa zhes bya ba ni/ rdzogs pa'i rim pa bsgom pa po'i rnal 'byor pas so/ /ma rig gzhan ni zhes bya ba ni lhan cig skyes pa 'am mngon par 'dus byas pa'i ngo bo yod pa ma yin te/ de'i bskyed pa'i rim pa bsgom pas/ de spangs pa nyid kyi phyir ro/ /gal te de ltar ma yin na/ ma rig pa gzhan gang yin zhe na/ de'i phyir dbus kyi mdud pa zhes gsungs te/ snying ga'i nam mkha' i dbus su rtsa lnga lnga'i nang du'o/ /mdud pa zhes bya ba ni/ rang bzhin gyi grub pa'i 'ching ba'o/ /de nyid ni ma rig pa zhes brjod de'i stobs kyi rlung dang sems kyi rang bzhin yongs su ma shes pa nyid kyi phyir ro/ /de phye nas zhes bya ba ni sngar bshad pa dang/ 'chad par 'gyur ba'i rig pas mdud pa phye ba'i phyir ro/ /dngos grub 'gyur zhes bya ba ni rlung rang dbang can du gyur pas zhes bya ba'i don to/ /rnal 'byor zhes bya ba ni rlung gi de kho na nyid sgom pa po rnams la'o/ /rnal 'byor dngos grub ster zhes bya ba ni sems rtse gcig pa'i rgyu nyid du gyur pa'i phyir ro/ /de ltar de sdud pa bstan nas/ de'i phan yon brjod pa'i phyir ye shes lnga rnams thob nas ni zhes gsungs te/ rlung lnga po rnams la de bzhin gshegs pa lnga'i ngo bo nyid du yongs su shes pas mngon par shes pa lnga 'thob pa'o/ /gyen du rgyu ba'i rlung la sogs pa rlung lnga po rnams la de bzhin gshegs pa rnams dang rjes su spyod pa nyid kyi lhag par mos pas lha'i mig la sogs pa rab tu 'byung bas so/ /mchog tu gsal ba thob nas ni zhes bya ba ni/ rlung gi de kho na nyid mthar phyin nas/ rdo rje bzlas pa'i go 'phang thob pas so/ /ji ltar 'dod pas bde bar gnas zhes bya ba ni rang nyid kyi rgas pa'i phung po yongs su spangs nas/ mthong ba'i chos nyid gzhan gyi grong 'jug thob pa'i phyir ro/ /de nyid phyir bde ba zhes bya ba gsungs te/ ji ltar 'dod pas so/ /de ltar rnam pa bdun gyis de rgyas par bshad pa bstan nas/ da ni de la ma'o ba'i don brjod pa'i phyir de'i yan lag phyi rol gyi nges pa spangs

  118. 59b

    nas/ thig le dbye ba'i thabs ni/ phreng ba mi dgos zhes bya ba la sogs pa gsungs te/ phyi rol gyi mi rus la sogs pa'i phreng ba la sogs bzung bar mi bya ste/ rang bzhin gyis grub pa'i dbugs kyi 'khor lo la nges pa'i ngo bo nyid kyi 'gro dag grub pa'i phyir ro/ /bsam gtan mi dgos zhes bya ba ni/ bris sku la sems 'dzin pa la sogs pa rnams la te/ rang nyid kyi rlung gi de kho na nyid sgom pa la mngon du phyogs pa nyid kyi phyir ro/ /bya ba mi dgos zhes bya ba ni/ khrus lan gsum byed pa dang/ gos lan gsum du brje ba la sogs pa'i ngo bo ste/ sngags kyi de kho na nyid kyi sgo nas rlung gis stobs kyi bskyed pa'i gnyis su 'dzin pa'i rnam par rtog pa bkrus pa nyid kyi phyir ro/ /yang na bya mi dgos zhes bya ba ni/ zhi ba la sogs pa'i las bsgrub pa'i mtshan nyid can ma yin te/ phyi rol gyi rdzas spangs nas 'bar ba med pa'i phyir ro/ /ji skad du sa yi don gyi gang ci'ang rung/ /dngos grub 'dod pas bya ba nyid/ /ra la sogs pa gsum nyid kyi/ /'gro ba'i don la 'jug par bya/ /zhes gsungs so/ /'dzin mi dgos zhes bya ba ni/ sems kyi 'jug pa 'gog pa'i rnam pa ma yin te/ dbang po rgyu ba btsan thabs ma yin par mi sdom pa nyid kyi phyir ro/ /gal te de ltar yin na thig le ji ltar bzung bar bya zhe na/ de phyir sngags gyi de nyid gcig bu yis zhes gsungs te/ 'chad bzhin pa'i bsdus pa'i hUM yig dang ho yig gi ngo bo'i rnam pas so/ /yang dag par rdzogs pa'i sangs rgyas 'thob ces bya ba ni/ thig le'i dbye ba'i mdud pa'i mtshan nyid mdud pa gcod par byed pa ste/ zla ba drug tu sgoms pas zhes bya ba'i don to/ /las chos dam tshig ces bya ba la sogs pa ni/ las kyi phyag rgya ni las tsam la/ nye bar 'kho ba'i phyag rgya'o/ /chos zhes bya ba ni/ byang chub kyi sems 'dzin pa'i rgyur gyur pa'i phyag rgya'o/ /dam tshig phyag rgya yi zhes bya ba ni dbang bskur thob pa legs par

  119. 60a

    'du byas pa'o/ /de lta bur gyur pa'i phyag rgya'i dbye ba'o/ /'dir ni zhes bya ba ni thig le'i dbye ba'o/ /ma gsungs so zhes bya ba ni/ nye bar ma brjod pa'o/ /de la de rgyu nyid du ma gyur pa'i phyir ro/ /yang na las kyi phyag rgya ni lag pa'i phyag rgya la sogs pa 'ching ba'o/ /chos kyi phyag rgya ni snying ga la sogs par sngags kyi yi ge la sogs pa bsgom pa'o/ /dam tshig gi phyag rgya zhes bya ba ni rigs kyi mtshan ma la sogs pa 'dzin pa'o/ /de lta bu'i rnam pa'i phyag rgya'i dbye bas ma gsungs pa ni snga ma bzhin no/ / 'khor lo'i dbye bas ma gsungs pa ni snga ma bzhin no/ /'dir ni zhes bya ba ni/ thig le'i dbye bas so/ /'khor lo drug dang 'khor lo bzhis rnam par dbye ba dang/ rtsa'i grangs dang sngags kyi grangs kyi ni ma yin no/ /de bzhin dga' ma la sogs rim zhes bya ba ni/ phyag rgya'i rim pa de'i yan lag ma yin pa'i phyir dang/ phyag rgya'i rim pa la brten nas kyang dga' ba la sogs pa'i rnam par dbye ba mtshon pa'i phyir ro/ /gal te de ltar yin na/ de rnams thams cad bkag pa la thabs ji lta bu sgrub par bya ba de ni thig le'i dbye ba'o/ /snyam du dgongs nas de'i phyir sngags kyi de kho na nyid kyi ni 'thob ces gsungs te/ 'chad bzhin pas so/ /phyag rgya chen po'i go 'phang zhes bya ba ni thig le'i dbye ba'i ngo bo'o/ /gsal zhes bya ba ni rnal 'byor gyi mngon sum la snang ba'i phyir ro/ /zhes bya ba'i don to/ /de ltar phyi rol gyi nges pa spangs pa la thig le'i dbye ba'i thabs brjod nas/ thabs las byung ba'i rnam grangs brjod pa'i phyir/ /stong nyid ye shes rdo rje dang zhes bya ba gsungs te/ mdud pa zlog pas rlung gnyis po ro gcig pa'i dngos po'i ngo bos rnam par rtog pa'i rlung rgyu ba bzlog nas stong nyid ye shes 'jug pa'i rnam par shes pa la sogs pa'i rdo rje ni/ yul la mngon par zhen pa bzlog pas ye shes rdo rje'o/ /de nyid ces bya ba ni rlung gi rang

  120. 60b

    bzhin thob pas so/ /gnyis med ces bya ba ni mdud pa 'gags pas steng dang 'og tu mi mnyam pa'i rgyu ba med pa'i phyir ro/ /bde ba'i zhes bya ba ni/ de sgom pa rab tu gyur pa la bskal pa 'am/ bskal ba stong gi bar du gnas pa'i phyir ro/ /gsang chen zhes bya ba ni bskyed pa'i rim pa'i rnal 'byor ba la ma brtan pa'i phyir ro/ /thig le'i dbye ba dang zhes bya ba ni dbugs smin ma'i dbus na gnas pa la phye ba'i phyir ro/ /rnal 'byor grub pa zhes bya ba ni sems kyi 'jug pa 'gags pa'i thabs su gyur pa'i phyir ro/ /bde chen po zhes bya ba ni yul gyi stobs las skyes ba'i bag chags las kyi ngo bo sdug bsngal bzlog pas khams gsum gyi nying mtshams sbyor ba las bzlog pa'i phyir ro/ /ma rig sgo nga'i sbubs zhes bya ba ni ma rig pa rtsa dbu ma'i mdud pa'i ngo bo 'am lhan cig skyes pa 'am mngon par 'du byed pa med pa'o/ /de'i sgo nga ni rtan pa'i mdud pa'i rnam pa 'am tshul bzhin ma yin pa yid la byed pa'o/ /de'i 'byed pa ni sngags kyi rim pa skye nges 'jig tshogs la lta bu'i ngo bo ri bo rtse mo nyi shu las byung ba ni/ de 'byed pa ni rnam par 'byed par byed pa zhes bya ba'i don to/ /phyag rgya chen po'i dngos grub dang zhes bya ba ni dga' ba chen po 'dzin pas ni phyag rgya chen po ste/ de'i bshad pa ni phyag rgya chen po bshad pa'o/ /de yang yin la dngos grub kyang yin pas na phyag rgya chen po'i dngos grub po/ /rab tu dbye zhes bya ba ni thig le'i dbye ba la sogs pa rnams kyis so/ /bshad ces bya ba ni bstan pa'o/ /mchog tu zhes bya ba ni rang bzhin gyi 'od gsal bzung du 'jug pa'i thabs nyid kyi phyir ro// de ltar thabs las byung ba'i rnam grangs brjod pa bstan nas/ thabs la gdams ngag gi rtogs par bya ba nyid brjod pa'i phyir/ de'i yan lag rang gi ngo bo brjod pa ni/ sngags kyi de nyid mngon sbyor bas zhes bya ba ni/ 'chad par 'gyur ba'i mtshan nyid kyi

  121. 61a

    yul lo/ /rigs shing yang dag gsal ba gang/ zhes bya ba ni/ sngon gyi rlung gi de kho na nyid sgom pa'i mtshan nyid can no/ /bla ma'i zhal nas des rtogs 'gyur zhes bya ba ni/ rgyud du gsungs pa'i mtshan nyid dang ldan pa'i bla ma'i zhal las byung ba'i thob par bya ba de zhes bya ba'i don to/ /de yang ji ltar zhe na/ de'i phyir rnal 'byor ma'i bka' drin zhes bya ba gsungs te/ sngon gyi dge ba'i rtsa ba'i stobs kyis thob par bya zhes bya ba'i don to/ /de ltar thabs la man ngag gis rtogs par bya ba nyid kyi rang gi ngo bo stan nas de las zlog pa'i phyin ci log gi skyon bstan pa bshad pa'i phyir/ man ngag med pa'i zhes bya ba la sogs pa gsungs te/ rnal 'byor ma'i rgyud pa las byung ba'i bla ma'i man ngag rlung gi de kho na nyid bsgom pa'i mtshan nyid spangs nas so/ /gang zhes bya ba ni skyes bu'o/ /zlas pa zhes bya ba ni sngags kyi rgyal po ste/ de yi dka' ba gcig pu dang zhes bya ba dang 'brel to/ /ji lta bu zhe na/ de'i phyir blo rmongs byed ces bya ba gsungs te/ man ngag med pa ni she rab dman pa'o/ /chu srubs zhes bya ba ni/ chu srubs pas so/ /mar ni mi 'byung ltar zhes bya ba ni/ mar ni thob pa ste/ dka' ba gcig pur 'gyur ro/ /de bzhin zhes bya ba ni de bzhin du'o/ /sngags bzlas kyang zhes bya ba ni/ sngags kyi bzlas pa byas te'o/ /man ngag dang bral zhes bya ba ni/ rlung gi de kho na nyid kyi man ngag gi mtshan nyid do/ /'bras bu'i zhes bya ba ni thig le'i dbye ba mi 'thob pa'o/ /skyes bu zhes bya ba ni sgom pa po'i 'jig rten no/ /dus ji tsam gyi bar du sngags bzlas kyang 'bras bu mi 'grub ce na/ de'i phyir ji srid skye gnas mthar zhes gsungs te/ ji srid 'tsho'i bar du zhes bya ba'i don to/ /de'i zhes bya ba ni man ngag gi gtong pa'i sngags pa'o/ /cha tsam zhes bya ba ni phyogs cig tsam zhes bya ba'i don to/ /de ltar phyin ci log gi skyon bstan nas de rgyas par bshad pa brjod pa'i phyir/ rgya mtsho bzhi

  122. 61b

    yi ba mdza' yi/ sa la zhes bya pa la sogs pa gsungs te/ sa yi lam nas bskor bzhin du'o/ /mi shes pa'i mi 'ga' zhig ces bya ba ni gang zag go /mi shes pa yi zhes bya ba ni/ blo rmongs pas shes rab dman pa nyid kyis so/ /lam na gang yin mi 'dri gang zhes bya ba ni/ mngon par 'dod pa'i drung du 'go ba'i lam gang la yang mi 'dri'o/ /lam ni gang yin mi 'dri gang zhe bya ba/ gang zhes bya ba ni skyes pa'o/ /lam zhes bya ba ni mngon par 'dod pa'i yul thob pa'i rgyud gyur pa'o/ /gang yin mi 'dri zhes bya ba ni skyes bu des ji ltar bdag nyid phyin par 'gyur te/ de ji ltar yul der mthong zhes bya ba ni mi mthong zhes bya ba'o/ /gcig tu 'gro ba'i 'bad pa de la don med par 'gyur zhes bya ba'i don to/ /de bzhin dka' ba cher byed pa'i zhes bya ba ni mdun pa'i dbye ba'i rgyun mtshan du dka' ba cher byed pa sngags kyi de kho na nyid bsgom pa la sogs pa byas kyang ngo/ /man ngag dang bral zhes bya ba ni/ rgyud pa'i rim pa med pas so/ sgrub pa po zhes bya ba ni thig le'i dbye ba thob par dga' ba'o/ /'bras bu med pa'i phyir mkhas pa dang zhes bya ba ni shin tu shes rab dang ldan yang man ngag dang bral bas so/ /bsgrub pa po zhes bya ba ni thig le'i dbye ba sgoms po'o/ /smod par byed ces bya ba ni/ de thob pa nyams pas smod par byed pa'o/ /mi zhes bya ba ni slob dpon gyi yul la'o/ /man ngag med pas dngos grub med pa'i phyir ro/ /yid la smod pa zhes bya ba ni/ slob dpon dang 'dra bar sems la smod pas so/ /mnar med ces bya ba ni 'bar zhing 'bar bas sgribs pa'i dmyal ba chen po'o/ /'gro zhes bya ba ni 'gro bar 'gyur ba'o/ /don med ces bya ba ni dngos grub nyams pas ngan song gi rgyu rjes su bsgrubs pas/ 'bras bu med pa zhes bya ba'i don to/ /de ltar de'i rgyas pa bshad pa bstan nas/ gus par slab par bya ba nyid mdor bstan pa'i phyir de phyir 'bad pas zhes bya ba la sogs pa gsungs te/ gang gi phyir gdams ngag med pa/

  123. 62a

    sngar bshad pa'i skyon du 'gyur ro/ /de'i phyir yang dag man ngag bslab par bya zhes bya ba dang 'brel te/ /'bad pa thams cad kyi zhes bya ba ni/ lus dang srog la mi bltos pa nyid kyis so/ /yang dag ces bya ba ni/ sgro 'dogs pa rang skur ba 'debs pa dang bral bas phyin ci ma log pa'o/ /man ngag ces bya ba ni bla ma'i man ngag go /gus pas zhes bya ba ni/ khyad par can gyi yid ches pa ston du 'gros sa dang pa sdes pas so/ /'bad par bslab par bya ste/ bla ma'i zhal nas dngos grub grub phyir zhes bya ba ni/ 'bad pas zhes bya ba ni/ bla ma la bsnyen bkur la sogs pa byed pa'i mtshan nyid can gyi brtson 'grus kyis so/ /dngos grub phyir zhes bya ba ni/ phyag rgya chen po'i dngos grub kyi don du'o/ /bla ma'i zhal nas zhes bya ba ni/ le'u gnyis par bstan pa'i mtshan nyid can la zhes bya ba'i don to/ /de ltar bus pas bslab par bya ba nyid mdor bstan pa bshad nas 'thad pa'i sngon du 'gro bas rgyas pa bshad pa brjod pa'i phyir/ gang phyir zhes bya ba la sogs pa gsungs te/ zhal nas zhal du brgyud pa ste/ snod yongs su gang ba nas/ snod stong par bya ba'i rig pas so/ /brgyud pa'i rim gyis gnas pas byed ces bya ba ni/ mar me gcig nas cig tu rgyud pa bzhin du bar ma chad par brgyud pa'i rim pas gnas pa'i gdams ngag rang gi ngo bo'o/ /de'i phyir rnal 'byor ma zhes bya ba la/ rnal 'byor ma zhing la sogs pa las skyes pa'o/ /de'i dam pa'i zhal las zhes bya ba ni/ mchog gi zhal las so/ /'di'i dam pa nyid kyi phyag rgya chen po'i dngos grub kyi yan lag gdams ngag sbyin pas so/ /bla ma'i zhal zhes bya ba ni de kho na nyid bcu yongs su shes pa'i rdo rje slob dpon gyi zhal las so/ /'bad pa yis zhes bya ba ni mchod pa dang bsnyen bkur la sogs pa bya ba sngon du 'gro bas so/ /bslab par

  124. 62b

    bya zhes bya ba ni bslab par bya ba'o/ /de nyid mchog la zhes bya ba ni mchog tu gyur pa'i thig le'i dbye ba'o/ /sngags kyi man ngag ces bya ba ni/ /sngags kyi de kho na nyid kyi man ngag go /zhal gyi lung zhes bya ba ni/ zhal nas brgyud pa'i lung po/ dges? ba'i don to/ /de ltar rnam pa lngas thabs man ngag gi rtogs par bya ba bstan nas de'i don nyid du zhu ba po'i bya ba bstan pa brjod pa'i phyir de thos zhes bya ba la sogs pa gsungs te/ phyag na rdo rjes kyang zhes bya ba ni/ gsol ba 'debs pa po'o de thos zhes bya ba ni sngar bshad pa'i don to/ /rdo rje sems dpa' zhes bya ba ni de bzhin gshegs pa drug pa'i rnam pa'o/ /zhus pa zhes bya ba ni yongs su dris par gyur pa'o/ /bde ba che zhes bya ba ni rang gi phyag rgya la snyoms par zhugs shing gnyis su med pa'o/ /the tshom thams cad gcod pa la zhes bya ba ni/ /thams cad mkhyen pa nyid dang snying rje chen pos khyab pa'i sems kyi rgyud nyid kyi/ de dang de'i the tshom thams cad bzlog bar byas pa'i phyir ro/ /phyag rgya nas ni zhes bya ba ni spyi bos dbye ba'o/ /bstan du gsol zhes bya ba ni/ gsungs shig pa'o/ /sngags kyi rgyal bo zhes bya ba ni sngags rnams ni sprul zhes bya ba la sogs pa'i rgyal po sde/ gtso bo nyid kyi phyir/ /gang la goms pas zhes bya ba ni sngags kyi rgyal po 'chad par 'gyur ba gang la goms ba ni/ yang dang yang du rgyun mi 'chad par bsgoms pas so/ /skad cig ces bya ba ni thod ba'i chos 'di nyid la'o/ /sngags kyi dngos grub ces bya ba ni/ thig le'i dbye ba'i mtshan nyid can te/ sngags kyi thob par

  125. 63a

    bya ba'i dngos grub ni/ dngos grub ces bya ba'o/ /ji lta bu zhe na/ de'i phyir bla na med zhes gsungs te/ bskyed pa'i rim pa'i mtshan nyid dang bral ba'i phyir ro/ /de ltar na 'di tsam gyi de nyid kyi don du gsol ba 'debs pa po'i bya ba mngon par brjod nas/ ston pa po'i bya ba bstan pa brjod pa'i phyir/ /de nas zhes bya ba la sogs pa gsungs te/ phyag na rdo rjes gsol ba btab pa'i rjes la'o/ /bcom ldan rdo rje zhes bya ba ni/ rdo rje 'chang ngo/ /gsungs zhes bya ba ni/ 'chang bzhin pa'i don gsungs pa'o/ /zhes bya ba'i don to/ /sngags kyi de nyid rab gsal ba zhes bya ba ni/ thig le'i dbye ba'i thabs sngags kyi de kho na nyid 'chad bzhin pa rnams gsal bas na de gsal ba'o/ /de nyid mchog tu gsang ba ni zhes bya ba ni thig le'i dbye ba thab kyi ngo bo sngags kyi de kho na nyid do/ /mchog tu zhes bya ba ni mchog gi go 'phang thob pa'i rgyu nyid kyi phyir ro/ /gang duAng pha yi ma bshad pa zhes bya ba ni/ gnas gzhan bar yang ngo/ /nga yi zhes bya ba ni ston pa po rdo rje 'chang gis so/ /rgyud rnams kun tu sbas byas pa zhes bya ba ni bya ba la sogs pa'i rgyud rnams la'o/ /ci'i phyir zhe na/ de'i phyir skal ba med pa'i bsam pa'i rgyus zhes gsungs te/ snod ma yin pa'i sems can rnams la ma bstan pa'i phyir/ zhes bya ba'i don to/ /bskal pa mang pa'i bsam pa gang rnams la yod pa de rnams skal ba med pa'i bsam pa can te/ de rnams kyi rgyus zhes bya ba ni/ de rnams la brten nas zhes bya ba ni don to/ /de ni zhes bya ba ni da ltar ro/ /khyod kyis gsol ba btab pa'i ngor ro/ /nyon zhes bya ba ni rtse gcig par gyur nas so/ /bshad kyi zhes bya ba ni/ smra bar bya yis zhes bya ba'o/ /sngags kyi rgyal po zhes bya ba ni 'chad par 'gyur ba rnams so/ /bla na med ces bya ba ni/ sngags thams cad kyi gong na med pa ni yi ge gsum ste/ /de las kyang bla na

  126. 63b

    med pa ni hUM yig dang ho yig gnyis kyis bdag nyid can gyi phyir zhes bya ba'i don to/ /sngags kyi spyod pas gnas rnams la zhes bya ba ni sngags kyi bdag nyid can gyi spyod pa ni/ sngags kyi sbyod pa'o/ /des gnas pa ni sngags kyi sbyor bas gnas pa ste/ de rnams la ste/ sngags kyi theg pa bsgom pa po rnams la zhes ba ba'i don to/ /myur du dngos grub 'gyur zhes bya ba ni myur ba nyid du thig le dbye ba'i dngos grub mdud pa'i rdog ma'i rnam pa can de sngon du 'gro bas zhes bya ba'i tha tshig go /de ltar ston pa ba'i bya ba bstan nas sngags kyi ngo bo brjod pa'i phyir/ de'i yan lag tu bstan pa ni uSh+mI za ma zhes bya ba la sogs pa gsungs te/ ha yig ste/ drod ni sha Sha sa ha zhes bya ba'i ming gis so/ /thog mar bri zhes bya ba ni dang por bri bar bya ba ste/ de ltar na ha zhes btu ba'o/ /dbyangs yig drug pas rnam par brgyan ces bya ba ni u yig dang pos brgyan pa'o/ /sde tshan tha ma'i mdza' dang ldan zhes bya ba ni sde tshan ni ka'i sde tshan la sogs pa'o/ /de rnams kyi tha ma ni sa'i sde tshan no/ /de'i tha ma'i cha ni ma yig ste/ de dang ldan pa ni cha med pa'i cha dang bcas pa'o/ /dbyangs med pa'i cha dang bcas zhes bya ba ni klad kor dang bcas ba'o/ /de ltar na hUM zhes bya ba btu ba byas pa'o/ /gnyis pa'i yi ge btu ba bstan pa'i phyir/ /uSh+ma'i mdza' la zhes bya ba gsungs te/ sngar bzhin du ha yig go /dbyangs yig ni/ dgu pa dang ni yang dag ldan/ /zhes bya ba ni/ oM yig gis te/ sreg pa'i sa bon bzhi po'i grangs ma gtogs pas so/ /yang dag ldan zhes bya ba ni/ yang dag par ldan pa'o/ /de ltar na ho zhes bya bar 'gyur ro/ /cho ga drag mdza' zhes bya ba ni cho ga drag gnyis kyi mdza' ma can no/ /mchog gi sgra zhes bya ba ni mchog gi sgra 'bigs par byed pa'i phyir ro/ /sngags kyi gtso bo btu bar bya zhes bya ba ni sngags thams cad kyi mchog go /de ltar de'i btub bstan nas de'i phan yon

  127. 64a

    bstan pa brjod pa'i phyir/ de ltar yi ge gnyis kyi ming zhes bya ba gsungs te/ de ma thag par btus pa dag go /ming zhes bya ba de hUM ho'i yi ge'i ngo bo'o/ /sngags kyi brda' zhes bya ba ni/ /srog dang thur sel gyi rlung gnyis 'byed pa'i thabs yin pa'i phyir ro/ /mdud pa'i dbus su hUM yig sgom pa dang smin ma'i dbus su yang ho yig sgom pa'o/ /de yang rigs bas zhes bya ba'i skabs su bshad zin pa nyid kyi phyir slar mi brjod do/ /yi ge gnyis po 'di nyid sgra'i thig le'i ming byas la zhes bya ba ni/ thig le ni smin ma'i dbus su gnas pa'i rlung gi rnam pa'i ho yig go /sgra zhes bya ba ni/ snying ga'i mdud pa'i steng du hUM yig go /de'i ming gi brjod pa nyid kyi phyir thig le dang sgra dag gis ming du byas la zhes pa ni/ tha snyad du byas la/ zhes bya ba'i don to/ /ci'i don du zhe na/ de'i phyir 'dzin pa thams cad spangs pa'i phyir zhes bya ba gsungs te/ rlung gi sgo nas yul la mngon par zhen pa las skyes pa'i rnam par rtog pa bzlog pa'i phyir zhes bya ba'i don to/ /de bzhin du rlung gnyis po ni yang dag 'byed ces bya ba ni srog dang thur sel gyi mtshan nyid kyi rlung gnyis kyi mdud pa sad pa 'jigs pa'i phyir ro/ /ma rig ces bya ba ni ma rig pa'i rnam pa'i rtsa'i mdud pa 'byed par byed pa ste/ sngar nye bar bkod pa'i sbyor ba nyid kyis so/ /phyag rgya chen po'i dngos grub kyi zhes bya ba ni rang bzhin gyi 'od gsal ba dang zung 'jug gi rnam pa'i dngos grub la'o/ /rgyu zhes bya ba ni/ rdo rje bzlas pa'i rim pa bsgom pa sngon du 'gro bas/ phyag rgya chen po mngon du byed pa'i rnam pa la mngon par phyogs pa'i phyir ro/ /mchog gi zhes bya ba ni rlung gi de kho na nyid sgom pa'i sngon du song ba nyid kyi phyir ro/ /yi ge gnyis zhes bya ba ni bshad ma thag pa'i'o/ /mchog tu zhes bya ba mdud pa 'joms pa nyid kyi phyir

  128. 64b

    zhi ba'i zhes bya ba ni rlung gi stobs las byung ba'i rang bzhin gyi tshogs nye bar zhi ba nyid kyi phyir ro/ /'dod pa'i don kun sgrub par byed ces bya ba ni/ 'dod pa'i dngos thams cad sgrub par byed pa'o/ /de ltar don rnam pa gnyis kyis sngags kyi de kho na nyid kyi ngo bo brjod nas dus kyi nges pa brjod pa sngon du 'gro bas gnas khyad par can du de'i bsgom pa'i nges pa brjod pa'i phyir/ zla ba drug ces bya ba la sogs pa gsungs te/ de'i dus kyi mdza' i bar du'o/ /gang gis bzlas na zhes bya ba ni/ gnas gnyis yi ge gnyis sgom pa sngon du 'gro bas so/ /gang gi zhes bya ba ni gang zag go /de thig le dang sgra'i go 'phang gsal bar byas nas rnyed ces bya ba'i lhag mo'o/ /gang ji lta bus she na/ de'i phyir man ngag thob pas zhes bya ba gsungs te/ sngar bshad ba'i don gyi rjes su 'brangs nas/ /'dod pa'i don ces bya ba ni/ don du gnyer ba sna don te/ thabs las byung ba'i ngo bo thig le'i dbye ba la sogs pa'o/ /de 'dod pas na de 'dod pa'o/ /dben pa zhes bya ba ni/ skye bo'i tshogs dang bral ba la'o/ / lha'i gnas zhes bya ba ni/ lha'i khang pa la sogs pa la'o/ /sgra'i tsher ma rnams dang bral zhes bya ba ni/ byis pa dang bya'i ca co la sogs pa'i sgra rnams so/ /tsher ma ni sbrul dang stag la sogs pa rnams so/ /dral ba ni de las rnam par grol ba'o/ / de bzhin du skye bo'i tshogs ni spangs pa dang zhes bya ba ni/ rigs mthun pa dang rigs mi mthun pa'i skye ba rnams dang ma 'dres pa nyid kyi phyir ro/ /bgegs med ces bya ba ni/ gdug pa can gyi 'byung po dang/ gdon la sogs pa rnams kyi khyab pa'i phyir ro/ /skal bzang zhes bya ba ni ting nge 'dzin skyed pa'i rjes su mthun pa'i phyir ro/ /nyams dga' ba zhes bya ba ni/ chu dang me tog la sogs pa'i yid 'phrog pas nyams dga' ba nyid kyi phyir ro/ /skyed mos tshal ni zhes bya ba ni/ nye bar zhi ba bskyed pa

  129. 65a

    la rgyur gyur pa nyid kyi phyir ro/ /bde ba che zhes bya ba ni g.yeng ba ma lus pa thams cad kyis brten pa'i phyir ro/ /'dod pa lnga la longs spyod pas zhes bya ba ni/ khyad par 'phags pa'i gzugs la sogs pa la brten pa'i spyod pas so/ sngags kyi gtso bo grub par 'gyur zhes bya ba ni/ de ma thag pa bshad pa'i sngags kyi yi ge gnyis so/ /de ltar don rnam pa bdun gyi de 'khor bar gyur pa'i don gyi 'thad pas rang gi ngo bo brjod nas/ de bsgom pa'i don du bsam gtan gyi bye brag bstan pa brjod pa'i phyir de'i yan lag bshad par dam bca' ba ni/ 'dir ni gzhan yang zhes bya ba la sogs pa gsungs te/ 'dir yang thig le'i dbye ba bshad par bya yis nyon/ bde ba'i phyag rgya gnas zhes bya ba dang 'brel to/ /phyag rgya zhes bya ba dang 'brel to/ /phyag rgya zhes bya ba ni yul la gnas pa'i rnam pa'i khyad par ro/ /nyon zhes bya ba ni phyag na rdo rje la bod pa'o/ /ci tsog tsog po'i ngo bo'i phyag rgya gang gis sdug bsngal du gnas pa 'am/ snyam na de'i phyir bde ba dam pa yi ni gnas zhes gsungs te/ dam pa ni gzhan dang thun mong ma yin pa'i bde ba'i gnas so/ /gang+ga'i zhes bya ba ni phyag rgya'o/ /sgrub pa po zhes bya ba ni thig le'i dbye ba bsgom pa po'o/ /dngos grub mchog tu 'gyur zhes bya ba ni phyag rgya chen po'i yan lag tu gyur pa thig le'i dbye ba'i bdag nyid can no/ /phun sum tshogs gnas zhes bya ba ni 'jig rten dang 'jig rten las 'das pa'i phun sum tshogs pa'i rten zhes bya ba'i don to/ /de ltar bshad par dam bca' ba bshad nas/ dngos su bsam gtan rgyas par bstan pa brjod pa'i phyir/ mig gnyis zhes bya ba la sogs pa gsungs te/ sna rtse ni kun rdzob kyi sna rtse'i mdza' ma ste/ mdza' ma'i phyogs la'o/ /mig gnyis bkod nas zhes bya ba ni/ mig gnyis de ltar byas te/ phyi rol yul rnams la mngon du mi phyogs pa'i phyir ro/ /sna'i lte ba'i tshad du gnas zhes bya ba ni/ de tsam mthong bas

  130. 65b

    so/ /bzhag byas nas zhes bya ba ni mig gtsum pa nyid kyi de tsam gyi tshang du bzhag nas so/ /phrag gong bsnyams la zhes bya ba ni phrag pa gnyis kyang mnyam par bya'o/ /lce rkan la sbyar zhes bya ba ni/ mgrin pa'i khron pa'i mtshams kyi nang du bdud rtsi myang bar byed cing bzhag nas so/ /so dang mchu ni zhes bya ba ni mnyam par 'jug pa nyid kyi snga ma bzhin du bzhag nas so/ /dbugs kyi 'byung rdub ces bya ba ni/ 'byung dang rdub pa'o/ /glod nas zhes bya ba ni/ myur bas ma yin pa ste/ dal bus rgyu ba'o/ /de nyid phyir glong nas zhes gsungs te/ rlung gzhan dang ma 'dres par rtsol ba dang bral bas so/ /cung zad cung zad ces bya ba ni 'bad pa med par rgyu ba nyid dang/ myur ba ma yin pa nyid kyi mnyam par rgyu ba nyid kyi phyir ro/ /rtsol bral bas zhes bya ba ni/ dbugs kyi rgyu ba ji ltar mnyam par rgyu ba la 'bad pa gzhan la mi bltos pa nyid kyi phyir ro/ /ji lta ba bzhin 'byung rdub ni zhes bya ba ni/ de la gnas pa la mi bltos pa nyid kyi rang gi ngang gi rgyu ba nyid la ngal so ba stan par byed do/ /de la 'bad par mi bya ste/ zhes bya ba la de la zhes bya ba ni rlung rgyu ba'i 'gro ba dang 'ong ba'i bya ba la'o/ /'bad pa zhes bya ba ni/ grangs la sogs pa'i ngo bo'i 'bad pa mi bya zhes bya ba ni/ bya ba ma yin pa'o sems dpa' i skyil mo krung legs par gnas pas zhes bya ba ni rdo rje skyil mo krung la sogs pa sdug bsngal bar gnas pa yongs su spangs nas sems pa'i skyil krung gis bde bar gnas pa'i phyir ro/ /de ltar phyag rgya dang zhes bya ba ni/ bsam gtan gyi khyad par gyi gnas pa'o/ /snyoms zhugs nas zhes bya ba ni/ mnyam par bzhag nas so/ / yi ge gnyis ni rtag tu bzlas zhes bya ba ni srog dang thur sel gyi rlung gnyis hUM ho(rgyud 'grel): zhes rdo rje mdud pa dbye ba'i thabs bsgom par bya zhes bya ba ni nyams su myong bar bya zhes bya ba'i don to/ /de ltar bsam gtan dngos su bstan nas dus nges pa'i sgo nas

  131. 66a

    'bras bu bstan pa brjod pa'i phyir/ zla ba drug gis zhes bya ba la sogs pa gsungs te/ rnal 'byor mchog ces bya ba ni/ de ma thag par bshad pa'i rlung gi dkyil 'khor gyi lte bar gnas pa'i thig le'i dbye ba'i rgyu rnal 'byor mchog thob 'gyur/ zhes bya ba dang 'brel to/ /yang na rlung dang sngags kyi de kho na nyid las khyad par du 'phags pa'i phyir mchog go /sems la g.yeng ba med pa skyed pa'i phyir ro/ /thig le'i dbye bas zhes bya ba ni/ dbugs kyi dbye bas so/ /bde ba che zhes bya ba ni/ yul gyi stobs byung ba'i rang bzhin gyi tshogs kyi mtshan nyid sdug bsngal mi bskyed pa'i phyir ro/ /the tshom med ces bya ba ni/ rtag tu rgyun mi 'chad par bskyed pa'i rim pa mthar phyin pa'i rnal 'byor ba rlung dang sngags kyi de kho na nyid bsgom pa'i stobs kyi zla ba drug gi nges pa kho nar thig le'i dbye ba'i 'bras bu thob par 'gyur ram mi 'gyur snyam du the tshom med pa'i phyir te/ yid ches pa bstan pa nyid kyis zhes bya ba'i dgongs pa'o/ /de ltar dus nges pa'i sgo nas 'bras bu brjod pa bstan nas/ rlung gi de kho na nyid kyi sgo nas de rgyas par bshad pa brjod pa'i phyir/ steng dang 'og dang rtsa yi rgyun zhes bya ba ni/ g.yon pa dang g.yas pa'i rtsa'i gnas su rtsa gnyis rab tu rgyu ba ni/ dkyil 'khor bcu gnyis kyi bdag nyid can te/ dkyil 'khor re re la dbugs dgu rgya'i grangs kyi nyin mo la stong phrag bcu dang brgyad rgya'o/ /de bzhin du mtshan mo la yang ngo/ /a ba d+hU tI'i gnas gsal ba zhes bya ba ni gnas pa'i rlung gi cha'i rtogs pa'i ngo bo ste/ dkyil 'khor re re zhing rkang pa dang bcas pa'i lnga bcu rtsa drug gi dbugs so sor byas nas dkyil 'khor bcu gnyis la drug brgya bdun cu rtsa lnga brtsi bar byas nas so/ /dang por ldang ba 'jug pa'i rlung gnyis la hUM dang oM gyi yi ge gnyis kyi sgo nas sems bzung bar bya ste/ de'i rjes la dbus ma rgyu ba gnas pa'i rlung sngar bshad pa'i grangs dang

  132. 66b

    ldan pa rnams la/ sems yang dag par bzhag nas/ de'i rjes la a yig la bzhag go /a yig kyang tsheg drag gnyis la mos pas so/ /tsheg drag gnyis kyang hUM dang ho(rgyud 'grel): yig gnyis la lhag par mos par bya'o/ /yi ge gsum po de nyid la zhugs te hUM yig dang cha shas cha shas su brtags pas thig le smin ma'i dbus su gnas pa la rlung gi ngo bos bsdu bar bya'o/ /zhes bya ba ni man ngag go /a ba d+hU tI go 'phang ji lta bu zhe na/ de'i phyir gsal ba'i zhes gsungs te/ rnal 'byor gyi mngon sum gyi rtogs pa nyid kyi phyir ro/ /rlung gi de nyid ces bya ba ni/ rlung gsum gyi bya ba'i bdag nyid kyi phyir ro/ /ye shes che zhes bya ba ni de skyed par byed pa'i phyir ro/ /rdo rje sems dpa' zhes bya ba ni/ mngon par byang chub pa dang zung du 'jug pa'i rim pa'i ngo bo'o/ /rgyu zhes bya ba ni rgyur gyur pa ste/ rdo rje zlas pa'i bye brag gi ngo bo nyid kyi phyir ro/ /de ltar don rnam pa bzhis bsam gtan gyi ngo bo bstan nas bsam gtan gyi 'bras bu brjod pa'i phyir/ de'i yan lag gnas skabs kyi 'bras bu brjod pa ni/ ril bu zhes bya ba la sogs pa gsungs te/ rdo rje sems pa'i rgyu gcig par ni ma zad kyi ji srid du 'bras bu gzhan rnams kyi yang zhes bya bas bstan par byed de/ de la dang por re zhig rdo rje mkha' 'gro'i rgyud du gsungs pa'i cho gas byang chub sems ni cha lnga dang/ rgya mtsho las skyes nyis 'gyur dang/ /rtse mo bzhi 'gyur sbyin bya ste/ /dbang la rtag pa'i cho ga mchog /ces bya ba'i rigs pa 'dis rdzas gsum po btsal nas/ de'i rjes su sum 'gyur gzhan mi bskyod pa dang/ rnam snang gi khams gnyis po btsal la thod pa dum bu gcig pa gnyis kha sbyar ba'i dbus su bzhag la/ /bcom ldan 'das mi skyod rdo rje'i sngon du bsnyen pa byas nas/ de'i rjes la rmi lam du bcom ldan 'das kyis rmi lam du lung bstan pa la sogs

  133. 67a

    bas mtshan ma snyed pa'i rnal 'byor pas rlung dang me'i dkyil 'khor bsgom pa sngon du 'gro ba dang bdud rtsi lnga bskyed pa sgom pa sngon du 'gro bas bdud rtsir bskyed nas bcom ldan 'das spro ba'i sngags de srid du bzlas par bya ste/ ji srid thod pa kha sbyor gyi nang na gnas pa'i ril bu du ba 'byung bar byed 'bar bar byed pa de srid du bzla bar bya'o/ /de nas ril bu'i dngos grub thob pas de khar bcug nas ji srid 'dod pas sangs rgyas kyi zhing nas sangs rgyas kyi zhing du 'gro bar 'gyur ba ni ril bu'i dngos grub rnam par gcig go /yang na dpal gsang ba 'dus pa'i rjes su 'brangs nas/ le'u bcu gnyis pa gsungs pa'i cho gas sngags nyid kyis ril bu'i dngos grub bsgrub par bya ste/ ji skad du oM yig ril bu bsgom bya ba/ /rtsa na ka yi snying po'i tshang/ /dbus su rang lha yi ni gzugs/ /khar ni bsam zhing bsgom par bya/ /zhes gsungs te/ de'i don ni 'di yin te/ oM yig tsa na ka'i snying po'i tshad tsam gyi ril bu bsgom ste/ dbus su zhes bya ba ni ril bu'i nang du'o/ /rang gi lha'i gzugs zhes bya ba ni sa bon gyi bdag po'i gzugs su sgom te/ khar zhes bya ba ni mgo bo'i sgor 'jug pa'i ngo bos rnam par bsams te/ bsgom par bya zhes bya ba ni yang dang yang du goms par bya ba'o/ /gang zhig de ltar goms byas pa de byang chub sems dpa' mnyam pa'i 'od du 'gyur zhes bya ba la sogs pa'o/ /ral gri zhes bya ba ni/ rang 'dod pa'i lha'i nga rgyal dang ldan pas/ phyi rol gyi mtshan nyid bzang po'i ral gri stong pa nyid du bsgoms la de'i rjes su kham yig yongs su gyur pa las skyes pa'i don yod grub pa phyag rgya dang bcas pa rnam par bsgom par bya ste/ de dang snyoms par zhugs pas zhu bar gyur pa las byung ba'i ral gri 'od zer rnam pa lnga 'phro ba bsgoms te/ de srid du rang 'dod pa'i lha'i sngags bzla bar bya ste/ de srid du du ba la sogs pa'i mtshan ma nye bar mtshon pa sngon du 'gro bas 'bar ba'o/ /de'i rjes la

  134. 67b

    lag tu bzung ste/ yid la 'dod pa bsgrub par bya ba ni/ ral gri'i dngos grub po ro langs dang zhes bya ba ni/ ro langs bslang ba'o/ /'di yang rgya che ba ni nges par brjod pa'i rgyud bla ma'i 'grel pa zab mo'i yid bzhin nor bu zhes bya ba las le'u nyi shu pa las rgya cher rnam par bshad pas de nyid las rtogs par bya'o/ /bye brag tu rnal 'byor chen po'i rgyud kyi rjes su 'brangs nas mi bskyod rdo rje'i nga rgyal byas te/ mA ma kI la sogs pa'i sngags rnams kyis dgos pa bya'o/ /rgyal srid ces bya ba ni dmag dpungs rengs pa sngon du 'gro bas/ pha rol po'i dgra'i phyogs nges par bcom nas de las gzhan pa la rgyal srid 'dzin pa'o/ /mig sman zhes bya ba ni skye ba bdun pa'i tshil bu mes gzhu ba las byung ba'i mar chen po la sdong bu bya ba sngon du 'gro bas me sbar la des thod pa'i dum bu'i rgyab kyi du ba blangs la de'i rjes su bdud rtsi lnga'i chus du ba mnyes la des mig la byug par byas na sangs rgyas dang byang chub sems dpa' sna tshogs pa mthong bar 'gyur/ zhes bya ba ni mig sman gyi dngos grub bo/ /bcud kyi len zhes bya ba ni/ 'di yang le'u bcu drug pa las rang nyid kyi 'chad par 'gyur te/ rkan gyi dbus su lce gzhar ba byas nas de kho na'i tshig bzla/ sems dpa' i skyil krung bcas nas ni/ /yang dag rnal 'byor rjes dran bya/ /rdzas kyang rtag tu bsten par bya/ /de nyid lnga yi rim pa bskyed/ /bzlas pa rdzogs nas rtag tu ni/ / lus las byung ba dri ma med/ /lcags lnga'i rang bzhin snod du ni/ /bzhag nas ji srid nyi ma ni/ /'char ka de nas de la yang/ /btsun mo'i khrag dang bde ba che/ /blugs nas rtag tu rdzas kyi mchog /bdud rtsi 'dun po'i ming can te/ /nyal gar yang ni rdzas de nyid// 'thungs na tshe ni rnam par 'phel/ /sngags kyi rgyal po oM A(rgyud 'grel): hUM/ /de nas lan gsum bzlas pa bya/ /lag g.yas rgyal mtshan gyis mtshan pa/ /snod bzang de la dkab nas su/ /yi ge brgya pa'i sngags kyis ni/ /lan gsum gyis ni dag par bya/ /de rjes bud

  135. 68a

    med nu zho ni/ /rtag tu khur ba bkang zhing btung/ /zhes bya ba la sogs pas ni dmag dpung rengs pa'o/ /sgrub pa po rang nyid rdo rje 'chang chen po'i gzugs su bsgyur nas gang yang rung ba'i khro bo'i gzugs bzung ste/ rang gi 'khor rnams la pad+ma'i khrag bzhin sar skya bsgoms la ri'i rgyal po ltar ri'i rgyal po ri rab kyi tshad tsam dmag gi dpung yan lag bzhi pa'i steng du bsgoms na/ dgra'i dmag snga 'og tu zhugs par mthong ngo/ /zhes bya ba ni dpal gsang ba 'dus pa le'u bcu gsum pa las gsungs so/ / rtsig pa dbye ba zhes bya ba ni/ rtsig pa dbye ba ste/ sngar bshad pa ltar rdo rje 'chang chen po yongs su gyur pa las/ khro bo gang yang rung ba'i cha lugs bzung ste/ sngags pas bgegs bskrad pa'i dus su bsgom par byas pas gnod mdzes rgyal po'i bka' sgo bas khro bo re re las khro bos byin pa'i thal lcag gis dgra bo'i rtsig pa bshig pa ni dgos pa zhes bya ba ni man ngag go /rig 'dzin gyi ni go 'phang mchog ces bya ba ni nam mkha' i khams kyi de bzhin nyid la zla ba'i dkyil 'khor rnam par sgoms nas de'i dbus su bdag nyid rnam par snang mdzad du bsgoms la/ de'i phyag du 'khor lo rtsibs brgyad pa bsgoms na rig pa 'dzin par 'gyur ro/ /zhes bya ba ni mdor bsdus pa'i rig pa 'dzin pa'i dngos grub po/ /mchog ces bya ba ni nam mkha' la 'gro ba la sogs pas so/ /mi snang ba dang zhes bya ba ni/ skye ba bdun pa'i rus ? brdar ba rnams kyi tsan dan du byas te/ sngar bshad pa'i rdo rje 'chang chen po yongs su gyur pa la de bzhin gshegs pa lnga po gang yang rung ba'i gzugs dang ldan pa tsan dan nges lus la bskus te/ sngar bshad pa'i ril bu bar bcug rnam snang bar 'gyur /zhes bya ba ni mi snang bar dngos grub bo/ /gter mthong ba zhes bya ba ni/ sngar bzhin du rdo rje 'chang chen po'i nga rgyal dang ldan pas/ mig la sogs pa'i skye mched rnams sa'i snying po la sogs pa'i byang chub sems dpa' rnams bsgom ste/

  136. 68b

    ma yig dang Ta yig yongs su gyur pa las zla ba dang nyi ma gnyis bsgom par byas nas/ 'og na gnas pa'i gter la sogs pa mthong bar 'gyur zhes bya ba ni/ gter mthong ba'i dngos grub po/ /'dod dgur bsgyur dang zhes bya ba ni sems can de dang de'i rjes su mthun pa bdag nyid lha'i nga rgyal bsgom pa sngon du 'gro bas bsgom par bya ste/ dpung pa la sogs pa la 'ching bar byas na/ de dang de'i gzugs 'dzin par 'gyur ro/ /zhes bya ba ni/ 'dod dgur bsgyur ba'i las kyi dngos grub bo/ /dang mgyogs dang zhes bya ba ni/ karni ka ra la sogs pa'i sman sbyor gyi stobs kyi grub par bya ste/ ji ltar dpal dus kyi 'khor lor re'u mig gi kha sbyor gsungs pa'i skabs su bstan pa bzhin no/ /gser 'gyur zhes bya ba ni/ zangs la sogs pa gser la sogs par sgrub par byed pa'i gser 'gyur gyi mtshan nyid do/ /dug las rgyal zhes bya ba ni/ rdo rje bya khyung bsgom pa 'am gzhan gyis mi thub pa dang/ gnod mdzes bsgoms pas brtan pa dang/ g.yo ba'i bdag nyid can gyi dug 'joms par byed pa'o/ /me'i nang du 'jug pa dang zhes bya ba ni/ me la de bzhin gshegs pa snang ba mdza' yas bsgom pa la sogs pas de'i nang du 'jug pa'o/ /sogs pa'i sgras ni chu'i steng du 'chags pa la sogs pa bzung bar bya'o/ /mngon shes lnga po'i go 'phang dang zhes bya ba ni/ mig gi skye mched la sogs pa lnga po rnams la sa'i snying po la sogs pa'i ngo bo byang chub sems dpa' bsgom pa 'am/ dbang po re re yul thams cad la longs spyod pa'i mtshan nyid can no/ /ye shes lnga ni thob par 'gyur/ /zhes bya ba ni/ me long la sogs pa rnams so/ / zab mo ma yin pa dang zab mo'i bskyed pa'i rim pa sngon du 'gro bas/ me long la sogs pa'i ye shes grub pa'i phyir ro/ /'di rnams kyi chen po nyid kyang yon tan mdza' yas pa dang ldan pa nyid kyi phyir ro/ /ji skad du me long ye shes ngar 'dzin med/ /yongs su ma chad

  137. 69a

    rnyog pa med/ /shes bya kun la ma rmongs pa/ /de rnams la yang mngon phyogs min/ /zhes bya ba la sogs pa gsungs so/ /de rnams kyang khyed kyis thig le'i rnal 'byor bsgom pa'i rim pas thob par 'gyur ro/ /de ltar gnas skabs kyi 'bras bu brjod par bstan nas/ mthar thug gi 'bras bu bstan pa brjod pa'i phyir/ de nas skad cig gcig la zhes bya ba gsungs te/ cig ni bya ba rdzogs pa'i skad cig ma'i mtshan nyid can gyi skad cig la'o/ /byang chub ni rang bzhin gyi 'od gsal ba'i rnam pa zung du 'jug pas sdud pa skad cig gcig la byang chub pa'o/ /de nyid ni mtshan nyid do/ /go 'phang ni rten gyi gnas so/ /dka' thub spyod pa spangs nas ni/ /zhes bya ba ni/ zhal gsum phyag drug pa'i ngo bo dngos su 'dzin par byed pa ni spyod pa'o/ / dka' thub ni/ sbyangs pa'i yon tan bcu gnyis 'dzin pa'o/ /sbyangs pa yang yin la spyod pa yang yin pas dka' thub spyod pa ste/ de rnams spangs pa ni de rnams dang bral ba'o/ /shes rab snying rje yang dag ldan/ /zhes bya ba ni/ shes rab ni rang bzhin gyi 'od gsal ba rnams la'o/ /snying rje ni bdag la byin gyis brlabs pa'i lus te/ dmigs pa med pa'i snying rje'i ngo bo nyid kyi phyir ro/ /shes rab kyang yin la snying rje yang yin pas na shes rab snying rje'o/ /de dag dang ldan pa ni tha mi dad pa ste/ shes rab snying rje yang dag par ldan pa'o/ /mchog ste blo zhes bya ba ni mchog gi shes rab dang ldan par rdzogs pa'i rim pa sgom pa po rnams kyi'o/ /bde ba che zhes bya ba ni/ sdug bsngal thams cad bzlog par byed pa'i bdag nyid kyis zag pa med pa'i bde ba dang ldan pa nyid kyi phyir ro/ de ltar don rnam pa gnyis kyi bsam gtan gyi 'bras bu bstan nas/ thabs khyad par du 'phags pa bstan pa'i sbyin sreg mi dgos shes bya ba ni thig le'i dbye ba sgom pa 'di la sbyin sreg ces bya ba ni phyi rol gyi sbyin sreg mi dgos te/ mdud pa'i dbye ba'i

  138. 69b

    mtshan nyid can gyi ye shes mes rnam par rtog pa thams cad la rang gi ngang gi sreg pa nyid kyi phyir ro/ /nges mi dgos zhes bya ba ni/ smyung ba dang sdom pa la sogs pa ste/ sngags kyi de kho na nyid kyi sgo nas srog dang rtsol ba nges pa'i phyir ro/ /grangs mi dgos zhes bya ba ni/ sngags la sogs pa sngon du bsnyen pa rang gi mtshan nyid can te/ dkyil 'khor bzhi 'char ba'i rim pas dbugs nyi khri tshig stong drug brgya tshon par byed pa nyid kyi phyir ro/ /bsam gtan min zhes bya ba ni/ bris sku la sogs pa 'am/ bcom ldan 'das kyi yul la sems gtad pa mi dgos te/ sngags kyi de kho na nyid kyi sgo nas sems 'dzin pa nyid kyi phyir ro/ /'dir ni bskyed rims dbye mi dgos zhes bya ba ni/ thig le'i dbye ba bsgom par bya ba 'di la/ zla ba dang rdo rje la sogs pa yongs su gyur pa las skyes pa'i lha'i rnam bsgom pa mi dgos te/ lte ba'i nam mkha' las byung ba'i rlung la 'khor lo de dang de'i dbye bas rim pa mtshon pa'i phyir ro/ /dka' thub sogs mi dgos zhes bya ba ni/ spyod pa'i brtul zhugs la sogs pa mi dgos te/ sems kyi brtul zhugs nye bar bstan pa rang bzhin gyi grub pa mtshon pa'i phyir ro/ /gcig bu yis zhes bya ba ni/ de dag sngon du gsungs pa'i thabs dor nas so/ /sngags kyi de kho na nyid ces bya ba nyid hUM dang ho'i bdag nyid can gyis so/ /bla ma'i zhal nas brgyud pa dang/ zhes bya ba ni/ bla ma rgyud bas so/ /zla ba drug tu son sbyor ba zhes bya ba ni/ dus de srid kyi bar du bsgom pas so/ /mchog gi go 'phang thob par 'gyur zhes bya ba ni rdo rje bzlas pas 'grub pa'i yan lag tu thig le'i dbye ba thob par 'gyur ro/ /mchog ces bya ba ni/ skyed pa'i rim pa'i mtshan nyid dang bral ba'o/ /rnal 'byor chen po'i rgyud dpal rdo rje phreng ba'i rgya cher 'grel pa// //paN+Di ta a langka ka la sha de bas mdzad pa/ zab mo'i don gsal bar byed pa zhes bya ba las/ le'u drug pa'i rgya cher bshad ba'o// //

  139. 70a

    de ltar le'u drug pas thig le'i dbye ba'i yul la dri ba'i lan bstan pa brjod nas/ da ni skabs su bab pa sgra'i yul la dri ba'i lan bstan pa brjod pa'i phyir/ dri ba de'i lan bshad par rtsom pa ni/ de nas zhes bya ba la sogs pa gsungs te/ le'u drug pa'i rjes la'o/ /gzhan yang zhes bya ba ni/ sngar bshad pa la bltos pas tha dad pa'i phyir te/ nA da'i don bshad kyi nyon zhes bya ba dang 'brel to/ /de nyid kyi zhes bya ba ni/ phyin ci ma log pa'i ngo bos zhes bya ba'i don to/ /bla med ces bya ba ni/ 'di las gong na med pas bla na med pa'o/ /bla na med pa nyid kyang bla na med pa'i phyag rgya chen po'i rgyud nyid kyis so/ /gang gis zhes bya ba ni/ sgra'i mtshan nyid kyis so/ /yongs su shes pa tsam gyi zhes bya ba ni/ rtog pa tsam gyis so/ /dngos grub 'gyur zhes bya ba ni/ sgrub pa pos 'grub par 'gyur ba'o/ /tshe 'di nyid la zhes bya ba ni/ mthong ba'i tshes la zhes bya ba'i tha tshig go /de ltar sgra'i yul la dri ba'i lan gdab par rtsom pa bstan nas dngos su bshad pa brjod pa'i phyir ro/ /sgra yang mi shigs par ni bshad ces bya ba la sogs pa gsungs te/ nA da byed pas na/ NA da ste/ a yig go /mi shig go 'phang zhes bya ba ni/ mi shig pa ni gzhan gyis mi phyed pa'o/ /go 'phang ni de'i ngo bo gang la yod pa de la de skad ces bya'o/ /de skad du yang a'i yi ges yi ge thams cad 'byed pa yin gyi/ de bzhin du yi ge a ni ka la sogs pa gzhan rnams kyi 'byed pa ma yin no/ /rang bzhin 'od gsal zhes bya ba ni/ a ta sa'i me tog dang 'dra ba nyid kyi 'od gsal ba'i phyir ro/ /de yang ye shes kyi me'i ngo bo nyid do/ /gsal ba nyid ces bya ba ni lte ba'i dbus su dro ba'i ngo bos tha mal pa rnams kyi kyang nyams su myong ba nyid kyi phyir ro/ /rnam pa kun las rnam par grol zhes bya ba ni/ sngags kyi ngo bo'i tshogs thams cad kyi rnam pas so/ /rnam par grol ba ni bral ba zhes bya ba'i don te/ rgyud kyi rim pa'i

  140. 70b

    ngo bo nyid kyi phyir ro/ /lte ba sprul par yang dag gnas zhes bya ba ni/ lte ba sprul pa'i 'khor lo'i gnas su lus can thams cad kyi sprul pa'i 'khor lo rtsa 'dab drug cu rtsa bzhi'i dbus na gnas pa'o/ /glog ltar phra ba'i lce can ni zhes bya ba ni/ glog dang 'dra ba'i lce ni sprul gyi lce'o/ /phra ba'i zhes bya ba ni/ gcig tu rnal 'byor pas rtogs par bya ba nyid kyi phyir ro/ /gnyis med ye shes zhes bya ba ni/ gnyis su snang ba thams cad nus pa'i rgyu nyid kyi phyir ro/ /ji skad du yang a yig sgom pa la gnas pa'i gang zag rten dang brten pa'i ngo bo nyid kyis rtsa'i 'khor lo yongs su bgrang ba ma yin no/ /rmad byung ba zhes bya ba ni/ ye shes kyi me'i sgo nas rnam par rtogs pa thams cad bcom pa nyid kyi phyir ro/ /de ltar dngos su de'i bstan pa'i ngo bo bshad nas/ de nyid kyi gnas skabs kyi dbye ba brjod pa'i phyir/ de'i yan lag ngo bo nyid kyi rtsa'i 'khor lo yongs su bgrang ba ma yin no/ /de'i yan lag rin po che rnam pa lnga skyed par byed pa brjod pa ni/ tshangs pa zhes bya ba la sogs pa gsungs te/ gzhan gyi grub pa'i mdza' las grags pa'i byed pa po lnga la skyed byed nyid du gsungs te/ ji skad du pha rol rgol ba gang la la/ tha dad rtags kyi rnam par gnas/ /de rnams 'dir ni smad bya min/ /rdo rje sems dpa' i rnam 'phrul phyir/ /zhes gsungs so/ /tshangs pa zhes bya ba ni/ rang nyid kyi phyung na gzugs kyi khams ni gnas pa'o/ /khyab 'jug ces bya ba ni nA ra ya na'o/ /drag po zhes bya ba ni/ gnod byed kyi bud med rnams dur 'jug pas na drag po ste/ dbang phyug chen po'o/ /dbang phyug dang zhes bya ba ni/ thams cad mkhyen cing thams cad byed pa grong brgyad kyi 'jal byed kyi ngo bo'o/ /rtag zhi ba zhes bya ba ni/ ye shes bye ba nus pa dang bcas pa sgyu ma'i gnas skabs las log pa sems dpa' i ngo bo'o/ /de rnams de ltar rin po che/ zhes bya ba ni/ rin po che dang 'dra bar nus pa chen po dang ldan pa'i phyir ro/ /bskyed pa

  141. 71a

    po zhes bya ba ni/ bcom ldan rdo rje 'chang la'o/ /pha dang mas zhes bya ba ni/ bshad ma thag par a'i yi ge nyid kyi dbang gi de las yang dag par byung ba'i rdo rje 'chang gi bdag po rkyen gyi 'jig rten du byed pa po lnga'i snang ba 'byung ba'i phyir ro/ re zhig 'di ni phyi'i bshad pa'i phyogs so/ /gzhan ni bcom ldan 'das dpal dgyes pa rdo rje las brtan te/ ji skad du/ tshangs pa myang 'das phyir sangs rgyas/ /zhugs phyir khyab 'jug ces ni brjod/ /zhi ba rtag tu dge ba'i phyir/ /thams cad bdag nyid gnas dbang phyug / bde ba dam pas de kho na/ /dga' ba rtogs phyir rnam sangs rgyas/ /zhes gsungs so/ /de bzhin du phyag rgya chen po thig le'i le'u brgyad pa las/ de nas gzhan yang bshad kyi nyon/ /rigs ni rigs lnga'i bdag nyid can/ /rigs ni thod pa zhes byar brjod/ /thod pa ka sogs nyid du 'dod/ /ka sogs 'dir ni rtsa bar shes/ /rtsa ba rnam pa lngar ni brjod/ /lnga yi bdag nyid de bzhin gshegs/ /phung po lnga yi rang bzhin skyes/ /'byung ba lnga yi ngo bor grags/ /ye shes lnga yi bdag nyid mchog /tshangs pa khyab 'jug drag po dang/ /dbang phyug dang ni rtag zhi ba/ /dngos su 'di rnams skyed byed de/ /thod pa gang zhig de lnga 'dod/ /kun la khyab pa'i stong pa che/ /gcig bu ma skyes mi 'pho ba/ /thod pa zhes bya 'od kyi gzugs/ /thams cad rdo rje 'chang bdag nyid/ /gang du snying rje btung ba ste/ /dam tshig nyid kyang skyong ba dang/ /ngan 'gro rnams la brgal ba yi/ /thod pa de ni rab tu bsngags/ /sogs pa'i sgras ni lhan cig skyes/ /ka ni gang duAng mi gnas te/ /de nyid rdo rje'i ngo bo yis/ /chos kyi 'khor lo'i nyid du gnas/ /mgrin pa'i 'khor lo rtag zhi ba/ /spyi bor de yi bdag po gnas/ /drag po lte ba'i 'khor lor gnas/ /de yi 'og tu tshangs pa gnas/ /khyab 'jug rlung gi 'khor lor gnas/ /me sogs rnams la bzhugs pa'i phyir/ /bdag ni 'khor lo thams cad la/ bdag

  142. 71b

    po yi ni rnam par gnas/ /stong pa chen po'i ngo bor grags/ /mkha' 'gro ma yis kun nas bskor/ /mkha' 'gro lnga sogs bdag po ste/ /ye shes mkha' 'gro dbang phyug mchog /ces bya ba la sogs pa gsungs so/ /de ltar rin po che rnam pa lnga skyed par byed pa bstan nas/ /de nyid kyi don dam pa'i ngo bo nyid bstan pa brjod pa'i phyir/ /yi ge med cing zhes bya ba la sogs pa gsungs te/ mes po nyid kyi phyir ro/ /gong bu med ces bya ba ni/ mtshan dang dpe byad la sogs pa bskyed pa nyid kyi phyir phyi rol gyi longs spyod rdzogs pa'i sku ltar 'byung ba'i tshogs ni rnam par spangs zhes bya ba ni/ longs spyod rdzogs pa'i sku nyid kyi phyir/ zhes dga' ba'i 'od kyi phreng ba byed pa mkhan pos so/ /yang na yi ge med cing zhes bya ba ni/ chos nyid kyi ngo bo nyid kyi phyir ro/ /gong bu med cing zhes bya ba ni/ gong bu'i ngo bo gcig tu med pa'i phyir dang/ chos thams cad la khyab pa nyid kyi phyir ro/ /'byung ba'i tshogs ni rnam par spangs zhes bya ba ni/ 'byung ba dang 'byung chung gi ngo bo'i rnam par rtog pa med pa'i phyir ro/ /de la 'byung ba ni 'khor lo drug gi ngo bo ste/ 'byung ba las gyur pa ni/ de rnams la sngags kyi yi ge la sogs pa rnams te/ spros pa med pa nyid kyi phyir ro/ /cha med ces bya ba ni/ spro ba'i rim pas A li dang kA li mi bskyod pas so/ /cha las 'das zhes bya ba ni rnam par rtog pa'i yul ma yin pa nyid kyi phyir ro/ skye med ces bya ba ni/ gdod ma nas ma skyes pa'i chos nyid kyi ngo bo nyid kyi phyir ro/ /zad med ces bya ba ni rang bzhin gyi rtag tu gnas pa nyid kyi phyir ro/ /chos can? thams cad las de dang gzhan nyid du brjod du med pa nyid kyi phyir ro/ /kun 'dzin ces bya ba ni/ yod pa dang med pa dang dngos po dang dngos po med pa'i spos pa las 'das pa'i phyir ro/ /mngon zhen la sogs spangs zhes bya ba ni/ brjod byed kyi sgra'i mtshan nyid rnams kyis so/ /spangs zhes bya ba ni/ de rnams kyi yul ma yin pa nyid kyi phyir ro/ /lhag ma ni

  143. 72a

    khyad par gyi chos kyi ngo bo nyid kyi phyir de med pas lhag ma med pa'o/ /mchog ni mchog ste/ zhes bya ba ni rgyud kyi rim pa'i yi ge a las shin tu mchog nyid kyi phyir ro/ /zhi ba ni zhes bya ba ni/ shin tu zhi ba'i phyir ro/ /dngos po kun gyi dbus na gnas zhes bya ba ni/ chos rnams yongs su spangs nas mi gnas pa nyid kyi phyir ro/ /de ltar de nyid kyi don dam pa'i ngo bo nyid mngon par brjod nas/ rnam shes gsum gyi skye ba bstan pa brjod pa'i phyir/ 'jug pa'i rnam shes tshogs drug gi zhes bya ba la sogs pa gsungs te/ mig la sogs pa'i rnam pa drug la'o/ /khyab byed du ni yang dag gnas/ /zhes bya ba ni lte ba la gnas pa'i a'i yi ge'i ngo bo la brten nas/ 'jug pa'i rnam par shes pa sad pa skyed pa'i phyir ro/ nyon mongs pa can gyi yid ces bya ba ni/ bdag tu lta ba dang/ bdag la chags pa dang/ bdag tu rmongs pa dang/ bdag tu nga rgyal ba'i mtshan nyid can gyi rnam pa bzhin rtag tu 'dud pa nyid kyi phyir ro/ /sngon bzhin du khyab byed nyid du gnas pa zhes bya bar sbyar bar bya'o/ /gal te khyab byed yin na/ 'o na de'i skyon rnams kyis 'di nye bar bsgos par 'gyur ro/ /snyam du dogs pa gsal ba'i phyir/ rnam rtog med cing zhes bya ba gsungs te/ nyon mongs pa can gyi yid kyi rnam par shes pa la sogs pa'i rnam par rtog pa rnams kyi ma bsgos pa'i phyir ro/ /de nyid kyi phyir rten med pa ste/ don dam par nyon mongs pa can gyi yid kyi rnam par shes pa la sogs pa mi 'thad pa nyid kyi phyir ro/ /de bzhin du kun gzhi rnam shes gsungs pa'i phyir zhes bya ba ni/ thams cad kyi sa bon la'o/ /sad par byad ces bya ba ni/ rab tu sad par byed pa'o/ /phyi rol gyi sad par byed pa'i rkyen mi thad pa nyid kyi phyir ro/ /de'i bag chags sad pa la de'i brten nyid yin no/ /bems po nyid ni zhes bya ba ni/ dmigs pa

  144. 72b

    mi rigs pa nyid kyi phyir ro/ /de ltar rnam pa gsum gyis de la gnas skabs kyi dbye ba bstan nas/ de thob pa'i rgyu bstan pa brjod pa'i phyir/ mchog tu gnyid med rnal 'byor gyis zhes bya ba la sogs pa gsungs te/ nang gi bdag nyid can gyi thabs dang shes rab snyoms par 'jug pa'i mtshan nyid mchog tu phyi rol gyi mtshan nyid dang bral ba'i rnal 'byor gyi thob par bya ba'o/ /yi ge zhes bya ba ni/ a yig gi ngo bo'o/ /bla na med ces bya ba ni/ bla na med pa'i go 'phang gi rgyu nyid kyi phyir ro/ /rtogs med ces bya ba ni/ don dam par 'gro ba dang/ 'ong ba'i bya ba med pa'i phyir ro/ /'jigs med ces bya ba ni/ 'dod chags la sogs pa'i 'jig pa las rnam par grol ba'i phyir ro/ /gsal ba dang zhes bya ba ni/ lte ba'i gnas su rnal 'byor pa'i ye shes gsal bar rtogs pa'i phyir ro/ /rlung gi de nyid yang dag brten/ /zhes bya ba ni/ las kyi rlung la brten nas thig le gsum bsgom pa'i sgo nas/ rtogs par bya ba nyid kyi phyir ro/ /ho yig gis ni skul byas nas/ zhes bya ba ni/ smin ma'i dbus su rlung gi 'khor lo gnas pa'i yi ge ho thig le'i dbye ba ngo bos yang dag par bskul ba ste/ steng du 'gro ba bkag nas/ 'og tu 'gro ba'i phyir ro/ /me'i 'khor lo rnam par sbyong zhes bya ba ni/ mgrin pa'i 'og tu gnas pa'i me'i 'khor lo rab tu sad par byed pa ste/ 'og dang steng spul ba dang me'i 'khor lo rab tu sad pas rtsa'i 'khor lo ma lus pa'i rnam par rtog pa 'joms pa'i phyir ro/ /de ltar de thob par byed pa'i rgya brjod pa bstan nas/ nye bar bsdu ba bshad pa'i phyir/ de ltar sgra'i tshig gi 'don zhes bya ba gsungs te/ dgu'i dang por dri ba'i ngo bo nyid kyi gsungs pa la'o/ /don zhes bya ba ni/ brjod par bya ba'i ngo bo la'o/ /bla ma zhal zhes bya ba ni/ slob dpon gyi zhal la'o/ /rnam par gnas zhes bya ba ni/ de'i drin gyi thob par bya ba nyid kyi phyir snyam du dgongs pa'o/ /rnal

  145. 73a

    'byor chen po'i rgyud dpal rdo rje phreng ba'i rgya cher 'grel pa// //paN+Di ta a laM ka ka la shas mdzad pa/ zab mo'i don gsal ba zhes bya ba las/ le'u bdun pa'i rgya cher bshad pa'o// //de ltar le'u bdun pas sgra'i yul la dri ba'i lan brjod pa bstan nas/ da ni skabs su bab pa'i gsang ba'i yul la dri ba'i lan bstan pa brjod pa'i phyir/ de'i dri ba'i lan bshad par rtsom pa ni/ de nas gzhan yang zhes bya ba la sogs pa gsungs te/ le'u bdun pa'i rjes la gsang ba bshad kyis nyon zhes bya ba dang 'brel to/ /ji lta bu zhe na/ de'i phyir bla na med pa zhes bya ba gsungs te/ 'di las gong na med phyir bla na med pa'o/ /de ltar gsang ba'i yul la dri ba'i lan brjod pa rtsom pa bstan nas/ dngos su gsang ba bshad pa brjod pa'i phyir de'i yan lag rang gi ngo bo'i dbye ba gtso bo ma yin pa'i gsang ba bstan pa'i phyir/ gsang ba b+ha ga zhes ni gsungs/ zhes bya ba ste/ nyon mongs pa 'joms par byed pa'i phyir dang/ dam tshig dang mi ldan pa rnams la bstan par bya ba ma yin pa nyid kyi phyir ro/ /b+ha ga chos 'byung de bzhin te/ zhes bya ba ni/ phung po dang khams dang skye mched skyed pa'i gnas nyid kyi phyir ro/ /chos rnams 'di las skyes pas na'o/ /bde ba chen po'i go 'phang brten zhes bya ba ni/ kun rdzob dang don dam pa'i ngo bo byang chub kyi sems rnam pa gnyis la mngon par gsal ba'i rgyu nyid kyi phyir dang/ de yang dag par brten pa'i stobs kyis de dmigs pa'i phyir ro/ /dga' ba skyed par byed pa'i rgyu zhes bya ba ni/ bde ba cung zad dang de las lhag pa dang/ de dang bral ba dang/ /thams cad yongs su rdzogs pa'i mtshan gyi rgyud pa'i rgyu dang/ /dngos kyi rgyu dang/ /de 'jigs pa dang/ bde ba thams cad kyi mchog gi ngo bo dga' ba la sogs pa rnams bskyed pa'i rgyur gyur pa'o/ /ji skad du dga'

  146. 73b

    ba'i bde ba cung zad tsam/ /mchog tu dga' ba de las lhag /dga' bral dga' ba chags pa bral/ /de nas bzhi pa bsgom par bya/ /de ltar na gtso bo ma yin pa'i gsang ba'i man ngag bstan nas/ de las zlog pa'i bde ba'i ngo bo gsang ba'i man ngag bshad pa'i phyir/ rdo rje sems dpa' i gnas zhes bya ba gsungs te/ dpe'i lhan cig skyes pa la bla ma'i gdams ngag gi dbang gis don gyi lhan cig skyes pa snyam du zhen pa byas nas rdo rje sems dpa' i don dam pa la phyag rgya chen po'i rnam pa'i rten ni/ de la brten nas de dmigs pa'i phyir ro/ /ye shes lnga'i bdag nyid ces bya ba ni/ sangs rgyas thams cad chos rnams gnas pa'i rnam pas yongs su shes pa'i phyir me long lta bu'i ye shes so/ /rkang med la sogs pa'i sems can rnam pa bzhi phyag rgya chen po dang khyad par med pa nyid kyis thams cad du bde ba'i rnam pa nyid kyi mnyam pa nyid kyi ye shes so/ /dus thams cad du bde ba'i rnam pa ni so sor rtog pa'i ye shes so/ /rang gi rtogs pa'i de kho na nyid gzhan rnams la yang thabs de nyid kyi de kho na nyid la sbyor ba ni/ bya ba grub pa'i ye shes so/ /sna tshogs pa'i 'du shes bzlog pas shin tu rnam par dag pa'i chos kyi dbyings kyi rang bzhin te/ nam mkha' lnga'i bdag nyid ces bya ba'i gzhung yang yod de/ de'i phyogs la ni rtsa'i nam mkha' chos chos 'byung gi nang du gnas pa rtsa'i nam mkha' lngas 'gro bar bya ba nyid bshad par bya'o/ /gsal zhes bya ba ni lag mthil du sgyu rur bzhag pa ltar gsal ba'i ngo bos dmigs pa'i phyir ro/ /spros pa med ces bya ba ni/ mi mthun pa'i phyogs zil gyis mnan pa'i phyir dang/ yod pa dang med pa las shin tu 'das pa'i phyir ro/ /ye shes chen po zhes bya ba ni 'jig rten las 'das pa nyid kyi phyir ro/ /kun tu rtog pa thams cad spangs zhes bya ba ni/ lus dang ngag dang yid dang ye shes kyi rnam par

  147. 74a

    rtog pa rnams kyi ma dgos pa'i phyir ro/ /dga' bral mdza' zhes bya ba ni/ dga' bral gyi mdza' nyid kyi phyir te/ 'jig rten pa'i rjes su 'brangs pas so/ /mchog tu zhes bya ba ni/ 'phags pa'i 'jig rten gyi rjes su 'brangs pas so// dga' bral dang de ma thag tu nyams su myong ba'i phyir ro/ /phra zhes bya ba ni/ rnal 'byor pas rang gi rig par bya ba nyid kyi phyir ro/ /lhan cig skyes zhes bya ba ni/ so so'i skye bo'i lhan cig skyes pa'i mtshan nyid dang bral ba nyid kyis rgyu rkyen las ma skyes pa nyid kyi phyir ro/ /kun bdag gnas zhes bya ba ni/ dga' ba gsum la khyab pa nyid kyi gnas pa'o/ /ji skad du yang na kun bdag gnas nyid de/ yang na thams cad rnam par spangs/ /zhes gsungs so/ /dga' bral la sogs pa'i skad cig ma zhes bya ba ni dga' bral la sogs pa rnams kyi ji ltar rigs par gtso bo'i rgyu dang rgyu gcig pa'i ngo bo dang/ skad cig ni rnam pa sna tshogs la sogs pa rnams dang bral ba'o/ /de'i mtshan nyid dang bral ba'i mtshan nyid can gyi phyir ro/ /phra ba zhes bya ba ni/ phra ba'i rnal 'byor pa rnams kyi rigs pa'i phyir ro/ /rdzogs pa'i byang chub kyi ni yid ces bya ba ni/ don dam pa'i byang chub kyi sems so/ /srog la phan par 'tsho ba zhes bya ba ni/ srog gi dbang po'i mtshan nyid can la'o/ /de nyid kyi phyir srog ces bya ba ni/ srang mda'i 'khrul 'khor lta bur gnas zhes bya ba ni/ rtsa gsum la reg pas rtogs pa'i phyir ro/ /cha med ces bya ba ni/ cha bco lnga'i zla ba'i cha las 'das pa'i phyir ro/ /rtog pa las 'das pa zhes bya ba ni/ ngag gi rnam par rtog pa'i sgra'i yul ma yin pa'i phyir ro/ /stong nyid ces bya ba ni rtag tu de nyid yong pas ma bcos pa'i ngo bo nyid kyi phyir ro/ /skye med ces bya ba ni/ ngag gi rnam par rtog pa'i sgra'i yul ma yin pa'i phyir ro/ /zad pa med ces bya ba ni/ 'jigs pa med

  148. 74b

    pa'i phyir ro/ /de yang skye ba nyid med pa'i phyir/ zhes bya bar sbyar bar bya'o/ /de ltar don dam pa'i bde ba'i ngo bo gsad pa bstan nas kun rdzob kyi byang chub sems kyi ngo bo gsang ba bstan pa'i phyir/ sprul pa'i 'khor lo thim pa dang/ zhes bya ba ? sogs pa gsungs te/ thim pa dang zhes bya ba ni/ /bde ba chen po'i 'khor lo la/ sems kyi zla ba ltung bar gyur pa las/ de dang nye bar gnas pa'i gsang ba'i 'khor lo gnas pa'o/ /bde ba chen po'i 'khor lo skye zhes bya ba ni mgo bo'i gnas nas so/ /bsam gyi mi khyab ces bya ba ni/ me long lta bu'i ye shes kyi ngo bo nyid kyi phyir/ kun de dang zla ba dag dang 'dra ba nyid kyis so /khyab ces bya ba ni/ khams sum cu rtsa gnyis ro mnyam pa las mnyam pa nyid kyi ngo bo nyid kyi phyir ro/ /zhi ba zhes bya ba ni/ rnam par rtog pa nye bar zhi bas so/ /cha bral zhes bya ba ni/ so sor rtog pa'i ye shes kyi bdag nyid kyi phyir ro/ /kun 'gro zhes bya ba ni/ bsregs pa'i 'khor rnams gso ba'i bdag nyid kyi phyir bya ba grub pa'i ye shes kyi bdag nyid do/ /mchog ces bya ba ni/ mchog ni bde ba bskyed pa'i rgyu nyid kyi phyir ro/ /rdo rje pad+ma mnyam sbyor rtogs zhes bya ba ni/ dbang po gnyis kyi snyoms par 'jug pa'i sbyor bas nyams su myong bar gyur ba nyid kyi phyir ro/ /bde ba thams cad ster zhes bya ba ni 'jig rten dang 'jig rten las 'das par bde ba thob par byed pa'o/ /rlung gi de nyid 'dzin pa yis zhes bya ba ni/ rdo rje dang pad+ma'i nam mkha' la'o/ /'dzin par byed ces bya ba ni/ bya d+hye'i sa bon bkod pa'am/ pa ni rkang pas mnan byas zhes bya ba'i rim pa'am/ /dngos su rlung bzung ba'i stobs kyis so/ /de nyid kyi phyir rlung gi de nyid rigs pa yis zhes bya ba la sogs pa'o/ /gang de skye ba nyams su myong bas zhes bya ba ni/ so so'i skye bo rnams dang 'phags pa rnams kyi rang gi rig par bya ba'o/ /gsang ba ni bya bar grags zhes bya

  149. 75a

    ba ni/ yi ge ra dang ha dag gis 'dzag pa'i phyir na gnas pa'o/ /zhes bya bar grags so/ /de ltar don dam pa gsum gyi dngos su de brjod pa ston na/ nye bar bsdu ba bstan pa brjod pa'i phyir/ de nyid gsang ba yi ni mchog ces bya ba la sogs pa gsungs te/ de ma thag par bstan pa'i rig pas brjod pa'o/ /mchog ces bya ba ni/ nyams su myong ba'i rim pas rig par bya ba nyid kyi phyir mchog go /bla ma'i zhal la rnam par gnas zhes bya ba ni/ ye shes mkha' 'gro ma'i rgyud pas bsgrub par bya ba'o/ /phan tshun brgyud pa'i rim pa yis/ /zhes bya ba ni bcom ldan 'das nas brtsams te/ ye shes mkha' 'gro ma'i zhal gyi rim pas bla ma'i zhal gyi rim pa la gnas so/ /de nyid kyi phyir ye shes zhes gsungs te/ zhes bya ba ni rjes su gtsal bar bya ba'o/ /bla ma dam pa'i zhal zhes bya ba ni/ rgyud du gsungs pa'i mtshan nyid dang ldan pa'i slob dpon gyi rgyud pas zhes bya ba'i don to// //rnal 'byor chen po'i rgyud dpal rdo rje phreng ba'i rgya cher 'grel ba/ paN+Di ta a langka ka la shas mdzad pa/ zab mo'i don gyi sgrol ma zhes bya ba las le'u brgyad pa'i rgya cher bshad pa'o// //de ltar le'u brgyad pas gsang ba'i yul la dri ba'i lan stan pa brjod nas/ da ni skabs su bab pa'i sdom pa'i yul la dri ba'i lan gdab pa brjod pa dri ba de'i lan bstan pa bshad par rtsom pa ni/ de nas zhes bya ba la sogs pa gsungs te/ gzhan yang zhes bya ba ni/ snga ma la bltos nas so/ /sdom pa'i don zhes bya ba ni/ sngags kyi theg pa'i sdom pa'i don de bshad kyi nyon/ zhes bya ba dang 'brel to/ /de kho na nyid ces bya ba ni/ kun rdzob dang don dam pa'i rnam pa'i de kho na nyid la brten nas zhes bya ba'i don to/ /de ltar sdom pa'i yul la dri ba'i lan rtsom pa bstan nas/ dngos su sdom pa bshad pa brjod pa de'i yan lag bsrung

  150. 75b

    bar bya ba'i dam tshig bstan pa ni/ sdom pa srung bar byed pa gang zhes bya ba ni/ sdom par byed pas na sdom pa'o/ /srung bar byed pa zhes bya ba ni/ phyir mi spro ba'i don gyis so/ /de ni byang chub sems zhes brjod ces bya ba ni/ kun rdzob ces bya ba'i tha tshig go /'o na de la ji ltar bsrung zhe na/ de'i phyir rdo rje rtse mor zhes gsungs te/ thabs kyi yan lag tu gyur pa la'o/ /'dzin bzhin pa bya ba ni/ sngon du bshad pa'i thabs rnam pa gsum gyi mi spro bar ro/ /de ni bsrung bar zhes bya ba ni/ phyir mi spro ba'i bdag nyid can no/ /yongs su grags zhes bya ba ni/ brjod ba zhes bya ba'i don to/ /de ltar bsrung bar bya ba'i dam tshig bstan nas/ de las bzlog pa'i sdom pa bstan par bya ba'i phyir de'i yan lag dbang po rnams kyi yul rnams la longs spyod pa spang ba brjod pa ni/ /dbang po rnams ni zhes bya ba la sogs pa gsungs te/ dbang po rnams ni mig la sogs pa rang gi grub pa'i mdza' las grags pa dang/ gzhan gyi grub pa'i mdza' las grags pas ngag dang lag pa dang rkang pa dang gsang ba dang/ bshad pa'i gnas kyi ngo bo'i las kyi dbang po rnams la'o/ /yul rnams la zhes bya ba ni/ gzugs dang rang dang 'os pa rnams la'o/ /'jug cing gang zhes bya ba ni/ 'dzin pa la sogs pa'i ngo bo'o/ /gnas pa zhes bya ba ni/ ma rig pa'i stobs kyis so/ /de ni zhes bya ba'i don ni dbang po'i rgyu ba 'jug pa la'o/ /yul rnams la mi rgyu ba bya ba nyid kyis sam/ 'chad par 'gyur ba'i rigs pas yul dang yul can ma grub pa dang/ gzugs rdo rje ma la sogs pa'i ngo bo 'am/ byang chub sems kyi ngo bo nyid kyis yul can dag brjod pas so/ /sdom pa ni sdams pas bsrung ba gang yin pa de dam tshig bsrung ba la yang dag bshad pa yin no/ /'chad bzhin pa'i le'u nyid las zhes bya ba'i don to/ /de ltar dbang po

  151. 76a

    rnams la yul rnams so/ /rgyu ba yongs su spang ba bstan nas/ dam tshig dang mi ldan pa'i skye bo dang lhan cig tu gnas pa yongs su spang ba bstan pa brjod pa'i phyir/ gdul dka' zhes bya ba la sogs pa gsungs te/ gdul dka' zhes bya ba ni/ gdul bar dka' ba 'am/ rdo rje la sogs pa rnam par spang ba'i sems kyi rgyun rnams kyis so/ /de bzhin du sems can gzhan rnams dang lhan cig 'dre ba la sogs mi bya zhing zhes bya ba dang 'dral te/ tshul 'chos zhes bya ba ni/ rigs dang spyod pas smad pa rnams kyis so/ /sgyu can zhes bya ba ni/ rigs pa dang mi rigs pa'i spyod pa las phyi rol du gyur pa mu stegs pa la sogs pa rnams dang ngo/ /bsam pa rtsub pa zhes bya ba ni/ rnam par 'tshe ba la sogs pa byed pa la rtse gcig pa'o/ /g.yon can dang zhes bya ba ni/ sgra tsam la g.yo ba 'dzin pa rnams so/ /dad med ces bya ba ni/ las dang las kyi 'bras bu yod pa yongs su dor ba'o/ /rtog ge zhes bya ba ni/ rtog ge skam po gcig pu la gnas pa rnams so/ /lhan cig ces bya ba ni lhan cig tu'o/ /de bzhin brtags kyi nyer 'tsho dang/ zhes bya ba ni don dam par lta ba log pa yin yang grub mdza' la 'dris par bya ba'i don du rab tu byung ba 'dzin pa'i rgyu thabs kyi gang dag dam tshig la sogs pa 'dzin par byed pa de rnams ni rtags kyi nye bar 'tsho ba'o/ /nyan thos zhes bya ba ni bdag gcig pu zhi ba dang dul bar bya ba'i phyir rtse gcig pa'o/ /de bzhin du nor la skam chags can zhes bya ba ni/ sems kyi rgyud la ser sna yod pa rnams kyis so/ /de kho na nyid sun 'byin cing zhes bya ba ni/ thabs dang shes rab tha mi dad pa'i de kho na nyid bstan pa'i phyir/ thabs dang shes rab kyi bdag nyid kyi sku gzugs la sogs pa rnams la smod par byed pa

  152. 76b

    rnams so/ /don dam par ni mi shes pa zhes bya ba ni/ chos thams cad rang bzhin med pa la mos pa dang bral ba rnams kyis so/ /med par lta dang zhes bya ba ni/ kun rdzob pa snar zhen pa'i dngos po rnams la sdang ba sel ba rnams so/ /tshul khrims mchog? zhes bya ba ni/ yang dang yang du dam tshig nyams pa'o/ /de lta bu la sogs pa dang lhan cig tu gtam ni smra dang zhes bya ba ni/ long gtam la sogs pa'o/ /mi bya zhing zhes bya ba ni sdom pa nyams par thal bas so/ /'dre ba la sogs mi bya zhing zhes bya ba ni/ snod cig tu chang la sogs pa longs spyod par mi bya'o/ /de gcig pur ma zad kyi ji srid du se gol gtogs pa tsam du yang zhes bya ba ni/ skad cig tsam du yang ngo/ /de dang lhan cig ces bya ba ni/ de ma thag tu bshad pa'i gdul dka' ba la sogs pa rnams dang lhan cig go /gang du yang zhes bya ba ni/ yul gang du yang ngo/ /gnas mi bya zhes bya ba ni/ lhan cig gnas par mi bya'o/ /de ltar dam tshig dang mi ldan pa'i skye bo dang lhan cig tu gnas pa yongs su spang ba brjod nas 'gal ba'i rnal 'byor ma dang lhan cig tu gnas pa yongs su spang ba brtan pa brjod pa'i phyir/ las kyi phyag rgya zhes bya ba la sogs pa gsungs te/ las tsam la nye bar 'kho ba'i phyir ro/ /de bzhin gang zhes bya ba ni/ sngar bshad pa'i sems can bzhin du gal te gdul dka' ba la sogs pa'i skyon mang bas de dang lhan cig tu/ dam tshig la ni 'jug mi bya/ zhes bya ba dang 'brel to/ /gal te byis pa so so'i skye bo dang zhes bya ba ni/ byis pa ni de kho na nyid kyi yul la brda ma byang ba'i phyir ro/ /so so'i skye bo zhes bya ba ni/ phyi rol gyi bya ba la dga' ba nyid kyis 'phags pa'i skye bo dang/ lhan cig tu gnas pa bral ba'o/ /de dang lhan cig dam tshig ni/ sa cig tu tsA ru'i bza' ba la sogs pa mi bya ba ste/ bsgrub par bya ba ma yin no/

  153. 77a

    rnal 'byor nyams par 'gyur zhes bya ba ni/ rnal 'byor rnam pa gnyis nyams pa'i 'jigs pas zhes bya ba'i don to/ /de ltar 'gal ba'i rnal 'byor ma dang lhan cig gnas pa spang bar bya ba bstan nas/ tshul ? kyi dam tshig dang ldan pa dang/ lhan cig pa gnas pa yongs su spang ba'i phyir/ gdul dka' zhes bya ba la sogs pa gsungs te/ /dam tshig dang mi ldan pa dang 'gal ba rnams kyis so/ /dam tshig mthar gnas pa zhes bya ba ni/ bsrung bar bya ba'i dam tshig la sogs pa las/ phyi rol tu gyur pa'o/ /dam tshig gi mdza' ma ring du gnas pa nyid kyi phyir dam tshig gi mthar gnas pa'o/ /snod dang phyag rgya sogs bstan dang zhes bya ba ni/ dam tshig dang mi ldan pa la thod pa dang kha TwAM ga la sogs pa ston par byed cing bdag ni rnal 'byor ba ste/ bdag ni mthu dang ldan pa zhes bya ba la sogs pa gzhan rnams 'dun pa skyed pa'i don du'o/ /skam dang 'brel bas 'jug pa dang/ zhes bya ba ni/ dam tshig la sogs pa la ste/ dad pas ni ma yin no lhan cig ces bya ba ni/ lhan cig pas so/ /dam tshig la ni 'jug mi bya ba ni/ tshogs kyi 'khor lo la sogs pa lhan cig rjes su bsgrub par mi bya'o/ /da ltar rnam pa bzhis bzlog pa'i ngo bo sdom pa bstan nas/ 'jug pa'i ngo bo'i sdom pa bstan pa la 'jug pa'i phyir snod ces bya ba la sogs pa gsungs te/ snod ni zod pa'o/ /Da ma ru zhes bya ba ni/ bcom ldan 'das dang 'brel ba'o/ /gri gug ces bya ba ni/ bcom ldan 'das ma'i phyag mtshan no/ /sngags pa dang zhes bya ba ni/ sngags kyi gleg baM mo/ /bgrang phreng dang zhes bya ba ni phreng ba'o/ /dam tshig med pa zhes bya ba ni/ dam tshig dang mi ldan pa'i skye bo spang bar bya ba'o/ /gzhan dag la zhes bya ba ni/ dam tshig dang mi ldan pa dang/ dbang ma bskur ba'o/ /gang du yang bstan par mi bya'o/ /zhes bya ba ni/

  154. 77b

    bstan par mi bya ba ste/ dam tshig nyams pas 'jigs pa nyid kyi phyir ro/ /de ltar 'jug pa'i ngo bo'i sdom pa bstan nas/ /gnyis ka'i ngo bo sdom po mngon par brjod pa'i yan lag dam tshig la gnas pa'i man ngag brjod par bya ba'i phyir/ dge slong sdom pa la gnas pa zhes gsungs te/ dge slong zhes bya ba ni rtags tsam 'dzin pa'i dge slong ngo/ /rnal 'byor spyod sogs bya ba mi bya zhes pa'i lhag ma'o/ /de nyid kyi phyir sdom pa la gnas pa zhes gsungs te/ rang dang rjes su mthun pa so sor thar ba'i sdom pa la gnas pa'o/ /rnal 'byor ni rim pa gnyis sgom pa po rnams kyi spyod pa spros bcas la sogs pa gsum mo/ /de dang por gang la yod pa de rnams la de skad ces bya ba'o/ /bya ba dang zhes bya ba ni/ phyag rgya chen po thob par 'os pa rnams so/ / man ngag dang ni bstan par mi bya ba ni/ brgyud pa'i rim pas brjod pa bstan pa ni/ sngar bzhin mi bya ba'o/ /ras ris la sogs mi bya zhing zhes bya ba ni/ bcom ldan 'das phyag rgya chen po'i rnam pa bstan par mi bya ste/ dgos pa med do/ /de ltar dam tshig la mi gnas pa la man ngag smra bar bya ba bstan nas/ spyod pa brjod par bya ba'i phyir gnyis pa'i yan lag bstan pa ni/ gang gis spyod dus lhan cig tu zhes bya ba la sogs pa gsungs te/ tshogs kyi 'khor lo la sogs pa byed pa'i dus su gang dang lhan cig tu tshogs kyi 'khor lor gnas pa'i dpa' bo dang dpa' mo mtshan nyid dang lhan cig tu'o/ /ji ltar zhes bya ba ni/ rnam pa gang zhig gis dag gis so/ /spyod pa zhes bya ba ni/ tsA ru'i bza' ba la sogs pa'i mtshan nyid can no/ /yang dag spyod ces bya ba ni/ rang nyid kyis bya ba'o/ /bla ma la yang zhes bya ba ni/ dbang bskur ba dang/ rgyud bshad pa la'o/ /de zhes bya ba ni/ spyod pa spyang pa la sogs pa'o/ /gzhan rnams la ni smos ci dgos/ zhes bya ba ni/ dam tshig dang mi ldan pa la spro ba

  155. 78a

    gtam tsam du yang brjod par yang mi bya ba'o/ /de ltar spyod pa mi smra ba nyid bstan pa brjod nas/ yul rnams la spyod pa'i stobs kyi dbang po'i rgyu ba dgag pa bstan pa'i phyir/ dbang po'i yul la zhes bya ba la sogs pa gsungs te/ /gzugs la sogs pa'o/ /dbang po'i spyod pa zhes bya ba ni/ mig la sogs pa'i 'jug pa drug po rnams la'o/ /gang gnas shes bya ba ni/ thog ma med pa nas kyi ma rig pa'i bag chags kyi stobs kyi ngo bo nyid kyis so/ /de nas bsdams byas nas zhes bya ba ni nges pas so/ /'o na ngo bo nyid kyis dbang po rnams yul la mngon par phyogs pa de ji ltar bsdam par bya zhe na/ de'i phyir stong nyid gnyis med sgyu mas spyad ces bya ba gsungs te/ rten cing 'brel bar 'byung ba'i gtan tshigs rnams kyis stong pa nyid spyad par bya ste/ phyi rol gyi don la phra rags la sogs pa'i brtag pas gnod pa'i phyir dang/ yod pa sgrub par byed pa'i tshad ma med pa'i phyir dang/ bag chags kyi stobs kyi sems tsam po snang ba nyid ni gnyis su med pa'i spyod pa'o/ /dngos po med kyang shing dang bod ba la sogs pa bzhin du glang po che'i snang ba ltar sgyu ma la sogs pa spyad par bya ste/ sogs pa'i sgras ni dri za'i grong khyer la sogs pa rnams bzung bar bya'o/ /de lta bur gyur pa'i rnam par dpyad pa ni bsdam par bya zhes bya ba dang 'brel pa'o/ /kun rdzob ces bya ba ni/ don dam pa dang rjes su mthun pa'i phyir ro/ /ji skad du de nyid khang bzang rtsa mor ni/ /'dzeg par rigs pa ma yin te/ /yang dag kun rdzob them skas ni/ /med par mos pa rnams la'o zhes gsungs so/ /lhag ces bya ba ni/ shin tu 'am yang nas yang du'o/ /de ltar yul rnams la rnam par spyad pa'i stobs kyis dbang po'i rgyu ba rnams dgag pa bstan nas/ khyad par du 'phags pa'i dngos po la chags pa'i stobs kyis/ 'dun sa

  156. 78b

    bzlog pa'i phyir/ shes rab dang ye shes dbang bskur sogs zhes gsungs te/ dbang gsum pa'i dus su'o/ /nyams su myong ba'i bde ba yin zhes bya ba ni/ dga' ba la sogs pa ston par byed pa bla ma'i drin gyis te/ nyams su myong ba ni dbang po rnams bsdam par bya zhes bya ba dang 'brel to/ /bde ba yis zhes bya ba ni/ sdug bsngal dang bral ba'i rnam pa dag gis so/ /dran pa yi zhes bya ba ni sngon nyams su myong ba'i bde bas so/ /bde ba chen po zhes bya ba ni/ dran pa la mngon du phyogs par byed pas bde ba chen po reg pas rang gi rgyud la skyed par byed pa rnams kyis so/ /dbang po rnams zhes bya ba ni/ slar yang de dang 'dra ba'i dngos po yang dag par bsten par bya ba'i don rnams bsgom par bya zhes bya ba'i don to/ /de ltar khyad par du 'phags pa'i dngos po la chags pa'i stobs kyi mdun pa bzlog pa bstan nas/ 'phags pas smad par mdzad pa'i spyod pa dgag par bya ba bstan pa'i phyir/ bdag bstod ces bya ba la sogs pa gsungs te/ bdag dang mnyam pa gzhan med pa'i phyir bdag la stod pa'o/ /gzhan la smod pa zhes bya ba'i ni/ bdag las gzhan pa'i pha rol po la smod par byed pa'o/ /ye shes snyoms sogs nges spangs pa zhes bya ba ni/ mkhas par rlom pa la sogs pa nga rgyal bsdams pas so/ /sdom par bshad pa yi zhes bya ba ni/ bcom ldan 'das kyis so/ /gang gis sdom pa zhe na/ de'i phyir blo ldan zhes bya ba gsungs te/ sngags kyi sgo'i spyad pa spyod pa'i rnal 'byor pa rnams zhes bya ba'i don to/ /yang dag ces bya ba ni/ phyin ci ma log pas so/ / rdo rje dbang phyug ces bya ba ni/ phyag na rdo rje la bod pa'o/ /de ltar don rnam pa lngas slar yang rnam pa gzhan gyi gnyi ga'i ngo bo'i sdom pa brjod nas nye bar bsdu ba'i sgo nas bzlog pa las nyes dmigs bstan pa'i phyir/ de lta bu sogs zhes bya

  157. 79a

    ba la sogs pa gsungs te/ bsrung ba zhes bya ba ni yongs su brkyang ba'o/ /dam tshig ces bya ba ni tshogs kyi 'khor lo la sogs pa'o/ /rnal 'byor pa zhes bya ba ni/ rim pa gnyis bsgom pa po'o/ /rtag tu zhes bya ba ni/ dus gsum du'o/ /gzhan du zhes bya ba ni/ gal te dam tshig bsrung bar mi byed na/ de ltar rnal 'byor nyams par gyur zhes bya ba ni/ dam tshig gi 'bras bu mi 'byung zhes bya ba'i don to/ /rnal 'byor ldan pa zhes bya ba ni rnal 'byor ni sems 'dzin pa'i ngo bo ste/ de dang ldan pa ni de yis so/ /rdo rje can zhes bya ba ni sgrub pa po'o/ /de ltar rnam pa gnyis kyis gnyi ga'i ngo bo'i sdom pa bstan nas/ slar yang bzlog pa'i ngo bo'i sdom pa bshad pa'i phyir bgrang 'phreng dang ni zhes bya ba gsungs te/ mi rus la sogs pa'i rang bzhin no/ /dbu rgyan dang zhes bya ba ni/ sangs rgyas lnga'i rang bzhin no/ /rus pa bzhin du phyag rgya dang zhes bya ba ni/ 'khor lo la sogs pa drug go /glegs bam zhes bya ba ni/ rgyud la sogs bo ti'o/ /bsam gtan ras ris dang zhes bya ba ni/ bcom ldan 'das phyag rgya chen po'i ngo bo'o/ /thod pa la sogs zhes bya ba ni/ thod pa dang kha TwAM ga la sogs pa'o/ /rnal 'byor ma zhes bya ba ni dam tshig gi phyag rgya la'o/ /thams cad du ni zhes bya ba ni/ rnam pa thams cad du'o/ /dngos grub phyir zhes bya ba ni/ phyag rgya chen po'i dngos grub kyi mtshan nyid can zhes bya ba'i don to/ /bla ma la yang zhes bya ba ni/ rdo rje slob dpon la'o/ /rtag tu zhes bya ba ni/ dus rtag par ro/ /sba zhes bya ba ni/ sba bar bya ba'o/ /de ltar slar yang bzlog pa'i ngo bo sdom pa bstan nas/ rnam pa gzhan gyi 'jug pa'i ngo bo'i sdom pa brjod par 'dod nas/ de'i yan lag sngags kyi ngo bo la 'jug pa'i spyod pa ni/ sngags ni tshig tu brjod mi bya zhes bya ba la sogs pa gsungs te/ tshig tu brjod mi bya zhes bya ba

  158. 79b

    ni gsal bar brjod pa'i yi ge'i ngo bos so/ /sngags ni zhes bya ba ni/ snying po dang nye ba'i snying po dang/ spro ba la sogs pa'o/ /mchu bsgul bar yang mi mngon zhing zhes bya ba ni/ bdag gi sngags brjod par bya ba dang/ bdag gi sngags zhes bya ba pha rol bo rnams la go ba bskyed pa'i phyir ma yin no/ /gal te de ltar yin na 'o na sngags bzla bar mi bya 'am zhe na/ de'i phyir cung zad mgrin pas zhes bya ba la sogs pa gsungs te/ mgrin pa nas brjod cing sgra yis te/ cung zad mgrin pas brjod sgra yis te/ nang du zla ba'i bdag nyid do/ /sngags kyi rgyal po zhes bya ba ni/ de ma thag par bshad pa'o/ /de ltar bzla zhes bya ba ni/ nang du brjod pa'i bdag nyid can gyi ngo bos so/ /bzla zhes bya ba ni grangs sngon du 'gro bas zhes bya ba'i don to/ /'o na ji ltar nang du bzlas pa'i bdag nyid kyi ngo bos sngags bzla bar bya zhing/ gzhan du ni ma yin nam zhe na/ de'i phyir gsang la zhes bya ba la sogs pa gsungs te/ sba ba ni phyi rol tu mi brjod pas so/ /dngos grub ces bya ba ni/ sdig pa thams cad zad par byed pa'i bdag nyid can no/ /mtshungs pa med ces bya ba ni/ mu stegs la sogs dang thun mong ma yin pa'o/ /gang phyir zhes bya ba ni/ rgyu gang las so/ /de ni sdom par bshad ces bya ba ni/ phyi rol tu gsal bar byed pa sdom pa nyid kyi phyir ro/ /de ltar rnam pa gnyis kyi rnam pa gzhan gyis 'jug pa'i ngo bo'i sdom pa bstan nas/ ma bskyangs pa'i nyes dmigs kyi yan lag snod ma yin pa la rnam pa thams cad du spang bar bya ba la bka' sgo ba bstan pa'i phyir/ snod min nor ni chen po dang/ zhes bya ba gsungs te/ sngags kyi spyod pa'i snod ma yin pa'o/ nor ni chen po dang zhes bya ba ni nor dang 'bru la sogs pa'o/ /ldan yang zhes bya ba ni/ yang dag par ldan yang ngo/ /rgyud la yongs su snod ces bya ba ni/ snod ma yin pa nyid kyi rgyu bstan pa yin te/ bstan bcos dang rgyud la smod pa nyid kyi phyir ro/ /spang bar bya zhes bya

  159. 80a

    ba ni/ dor ba nyid du bya ba'o/ /'bad ba yis ni zhes bya ba ni/ de'i nor la 'dun pa dang chags pa spo ba'i mtshan nyid can gyis so/ /bla ma mchog ces bya ba ni/ nor la chags pa la rgyab kyi phyogs pa rnams kyis so/ /ci'i don du yin zhen de'i phyir dngos grub phyir/ zhes bya ba gsungs te/ phyag rgya chen po'i dngos grub kyi don du zhes bya ba'i tha tshig go /de ltar snod ma yin pa rnam pa thams cad du spang ba la bka' sgo ba bstan nas/ snod ma yin pa ston par byed pa la nyes dmigs bstan pa ni/ bza' btung gos la sogs pa dang/ zhes bya ba la sogs pa gsungs te/ btung ba dang zhes bya ba ni/ chang gi btung ba la sogs pa la longs spyod pa'o/ /bza' ba zhes bya ba ni/ phyi rol khyad par can gyi kha zas kyi ngo bo'o/ /gos la sogs pa dang/ zhes bya ba ni/ khyad par can gyi dar la sogs pa'o/ /btung ba dang bza' ba la sogs pa yang yin la gos byang yin pas na/ bza' btung gos la sogs pa'o/ /de rnams gang la yod pa de la de skad ces bya'o/ /nor ni chen po la zhes bya ba ni/ nor dang 'bru la sogs pa la'o/ /de rnams la chags pa ni 'dun pa ste/ des so/ /snod min slob ma zhes bya ba ni/ sngags kyi theg pa'i snod min pa'o/ /gang zhes bya ba slob dpon no/ /smra ba zhes bya ba ni brjod pa'o/ /man ngag ces bya ba ni/ brgyud pa'i bye brag go /mchog tu rmad byung zhes bya ba ni/ shin tu ngo mtshar bskyed bar byed pa ste/ bak? tsam gyi sbyor bas khyad par du 'phags pa'i go 'phang thob par byed pa'i phyir ro/ /rnal 'byor ba zhes pa shes bya ba ni/ rnal 'byor ni ting nge 'dzin te// de shes pa'i rnal 'byor shes pa'o/ /tshe 'di la zhes bya ba ni mthong ba'i chos la sdug bsngal mdza' yas pa bgrong pa nyid kyi phyir ro/ /de ni zhes bya ba ni slob dpon no/ /dmyal ba zhes bya ba ni ngan song ngo/ /drag po zhes bya ba ni bzod par dka' ba'o// //rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM k+ka la shas mdzad pa/

  160. 80b

    zab mo'i don gsal bar byed pa zhes bya ba las/ le'u dgu pa'i rgya cher bshad pa'o// //de ltar le'u dgu pas sdom pa'i yul la dri ba'i lan bstan nas/ da ni dam tshig gi yul la dri ba'i lan bstan pa brjod pa'i phyir/ /le'u bcu pa nye bar ston cing de'i yan lag tu ? spong bar rtsom pa ni/ de nas gzhan yang zhes bya ba la sogs pa gsungs te/ le'u dgu pa bshad pa'i rjes la'o/ /gzhan yang zhes bya ba ni/ sngar la ltos pas so/ /nyon zhes bya ba na phyag na rdo rje la bod pa'o/ /de kho na nyid ces bya ba ni/ don dam pa dang kun rdzob kyi ngo bos so// dam tshig gi don zhes bya ba ni/ dam tshig las 'das par mi bya ba nyid kyi phyir ro/ /bla na med ces bya ba ni/ phyi rol gyi dam tshig dang bral ba'i phyir ro/ /dam tshig dang ni bza' ba dang/ /zhes bya ba ni/ bsrung bar bya ba'i dam tshig sngon du bsrungs pa'i phyir ro/ /de ni zhes bya ba ni de ltar ro/ /de don zhes bya ba ni bza' bar bya ba'i dam tshig gi don to/ /bshad par bya zhes bya ba ni/ brjod par bya ba'o/ /de ltar dam tshig gi yul la dri ba'i lan rtson pa stan pa brjod nas/ dngos su de bshad pa bstan pa'i phyir de'i yan lag tu rang bzhin gyi grub pa'i bdud rtsi lnga'i bza' ba bstan pa ni/ bza' ba nyid du zhes bya ba la sogs pa gsungs te/ gdon mi za bar bza' bar bya'o/ /bshad pa gang zhes bya ba ni/ de ma thag par nyid du bshad pa'o/ /de ni bdud rtsi lngar ni brjod ces bya ba ni/ ma la sogs pa lnga'i mtshan nyid do// ces pa dang 'chi ba med pa'i dngos grub sgrub par byed pas na bdud rtsi'o/ /rlung gi de nyid sbyor ba yis shes bya ba ni/ sngon du grangs la sogs pa drug gis rim pas rlung las rgyal bar byas nas srog dang thur sel gyi stobs kyis so/ /zhu nas shes bya ba ni rtsa rnam pa lnga po 'bab pa'i bdud rtsi lnga zhu bar byas so/ /ro gcig ces bya ba ni/ lte ba'i pad+ma'i dbus su'o/ slar yang steng du song zhes bya ba ni/ gyen du song ba ste/ de nyid kyi rlung gi rim pas so/ /rdo rje'i lam nas shes bya ba ni/ rdo rje'i lam nas so/ /'ongs nas shes bya ba ni bkug nas so/ /

  161. 81a

    gcig tu gyur pa zhes bya ba ni/ ro mnyam par gyur na so/ /bza' ba po zhes bya ba ni/ bza' bar byed pa'o/ /yang na kha'i lam nas shes gzhung kha gcig las so/ /kha'i lam nas shes bya ba ni gdong nas so/ /gcig tu byas pa zhes pa ba ni lce'i steng du phyed nas bstan to/ /phyi rol gyi dam tshig gi bdud rtsi'i ngo bo'i dam tshig gla kun tu rtog pa nyid kyi phyir ro/ /de ltar rang bzhin gyi grub pa'i bdud rtsi lnga bsten par bstan nas/ kun rdzob byang chub kyi sems kyi bza' ba'i dam tshig bshad pa'i phyir/ dam tshig lus dang dag sems kyis/ zhes bya ba gsungs te/ /de'i rnam par dag pa'i ngo bo rtsa gsum las byung ba'i ngo bo'o/ /de nyid gsum ni gang shar dang/ zhes bya ba ni/ gtso bor gyur pa'i rtsa gsum las byung pa'i byang chub kyi sems zhes bya ba'i don to/ /de ltar 'khor lo bzhi rnams zhes bya ba ni/ sprul pa la sogs pa rnams la'o/ /gang zhig bde ba nyams su myong zhes bya ba ni/ kun rdzob kyi rnam pa thabs dang shes rab snyoms par 'jug pa ste/ nyams su myong zhes bya ba ni rig pa'o/ /de dang ro gcig ces bya ba ni/ /don dam gyi bde ba dang lhan cig ro gcig par gyur pa'i rtogs pas so/ /rnal 'byor ba zhes bya ba ni/ rdzogs pa'i rim pa la mos pa'o/ /gcig tu de kho na nyid la mthar thug pa'i rim pas so/ / bza' bar bya zhes bya ba ni/ /bza' bar bya ba'o/ /yang na rtag tu zhes bya ba ni/ /dus thams cad du'o/ /sbyod pa zhes bya ba ni/ /rtsa la mthar thug pa'i sbyor bas so/ /byang chub sems ni zhes bya ba ni kun rdzob kyi rnam pa'o/ /de nyid mchog ces bya ba ni/ /dpe dang don gyi de kho na nyid shin tu gsal ba'i rgyur pa'o/ /bde ba chen po'i go 'phang gnas zhes bya ba ni/ /phyag rgya chen po'i ngo bo la brten pa'o/ /zhu ba zhes bya ba ni rnam par zhu bar byas nas so/ /rlung gi de nyid kyis zhes

  162. 81b

    bya ba ni/ las kyi rlung gi ngo bos so/ /bza' ba ni bza' bar bya ba ste/ /lha mo'i pad+mar spros pa'i zhes bya ba ni/ lhag ma'o/ /mnyam bzhag pas zhes bya ba ni/ /bdud rtsi len pa'i dus su 'dod chags la sogs pas mgos par zhes bya ba'i tha tshig dang/ de ltar kun rdzob byang chub kyi sems kyi bza' ba'i dam tshig bstan nas/ khyad par du 'phags pa'i snod du khyad par can gyi chad gi btung ba brtan par bya ba'i phyir/ thod par zhes bya ba la sogs pa gsungs te/ /thod par zhes bya ba ni/ ka dang po can no/ /spyi bo'i glad kyi zhes bya ba ni/ rang bzhin gyi grub pa ste/ phyi rol gyi thod pa'i mtshan nyid dang bral ba'i phyir ro/ /de snod ces bya ba ni/ /bde ba chen po'i 'khor lo'i rten spyi bo'i mtshan nyid can no/ /snod de gang gi yin zhe na/ /de'i phyir rnal 'byor pa'i zhes bya ba gsungs te/ phyi rol gyi rnal 'byor gyi mtshan nyid nang gi bdag nyid la gzhol ba rnams la'o/ /rtag tu zhes bya ba ni/ dus rtag tu'o/ /de la snying rje'i btung ba ni/ zhes bya ba ni/ sems can gyi don la blo mi spong ba'i phyir ro/ / snying rje ni byang chub kyi sems so/ /de las zhes bya ba ni/ snod de la'o/ /de nyid kyi phyir ni byang chub sems ni bde ba che zhes gsungs te/ /kun rdzob kyi rnam pa zhes bya ba'i don to/ /btung ba zhes bya ba ni/ rnal 'byor pa'i shes pas nyams su myong ba zhes bya ba'i don te/ bde ba chen po nyams su myong ba sngon du 'gro ba'i byang chub kyi sems so/ /de ltar khyad par du 'phags pa'i snod du/ khyad par can gyi chang gi btung ba'i dam tshig bstan nas/ /pad+ma'i snod las bdud rtsi myong pa'i dam tshig bstan pa'i phyir/ gsang ba'i be sar zhes bya ba la sogs pa gsungs te/ nyams myong gi bla ma dang 'brel pa la'o/ /mchog ces bya ba ni/ khyad par du 'phags pa'i lhan cig skyes pa gsal bar byed pa'i rgyur gyur pa la'o/ /snod ces bya ba ni/ snod du gyur pa la'o/

  163. 82a

    rten na bza' ba rab rtogs byed ces bya ba ni/ de lta bur gyur pa'i sngags kyis bskur nas so/ /bdud rtsi lnga'i ngo bos mthus zhes bya ba ni/ bdud rtsi lnga'i ngo bo'o/ /'thung zhes bya ba ni/ phyi rol gyi bdud rtsi'i mtshan nyid dang bral ba'i bcud kyi len to/ /de za ba ni zhes bya ba ni/ dngos su lces ro myang bar bya ba'o/ /des zhes bya ba ni/ pad+ma de la'o/ /rdo rje 'dzin ces bya ba ni/ /don dam dang kun rdzob kyi rdo rje 'dzin pas na rdo rje 'dzin pa'o/ /de ltar pad+ma'i snod la bdud rtsi'i ro myur ba'i dam tshig bstan nas/ dam tshig chen po lnga'i ngo bo'i dam tshig bstan pa'i phyir/ glang po zhes bya ba la sogs pa gsungs te/ glang po ltar lus che ba nyid kyi phyir rnam par snang mdzad kyi ngo bo'o/ /rta ni 'gyogs par 'gro ba dang 'dra ba'i phyir/ rlung gi khams kyi rnam par dag pa'i ngo bo nyid kyis don yod grub pa'i ngo bo'o/ /khyi ni lce ring ba nyid kyi phyir snang ba mdza' yas kyi ngo bo'o/ /ba lang zhes bya ba ni/ rin chen 'byung ldan gyi ngo bo ste/ nor nyid du grags pa'i phyir ro/ /mi zhes bya ba ni skyes pa rnams la rnam par shes pa dang bcas pa nyid kyis mi bskyod pa'i ngo bo'o/ /de rnams ni byang chub sems dpa' dang bcas pa'i khrag ces gsungs te/ byang chub kyi sems ni kun rdzob kyi rnam pa'o/ /dmar dang bcas zhes bya ba ni/ rdo rje nyi ma dang bcas pa'o/ /bsdus nas zhes bya ba ni/ 'bad pas thob nas bdud rtsi lnga'i tshogs bsgrub par byas pa'o/ /bza' ba ni bza' ba'o/ /de ni bdud rtsi lnga zhes brjod ces bya ba ni/ dam tshig chen po lnga'i bdud rtsi zhes bya ba'i don te/ /de ltar na don rnam pa lngas bza' bar bya ba'i dam tshig brjod nas/ rnal 'byor ma'i rgyud kyi rjes su 'brangs nas/ rdzogs pa'i rim pa'i dam tshig brjod par bya ba'i phyir de'i yan lag tu sngags kyi rim pa la sogs pa'i mtshan nyid kyi dam tshig bstan pa rnam rtog dang ni kun rtog gis zhes bya ba ni/ 'khor

  164. 82b

    lo drug po rnams la sngags dgod pa'i mtshan nyid rnam rtog gis brtags pa ste/ bza' bar bya zhes bya ba dang 'brel to/ /'dis ni sngags kyi rim pa bstan to/ /rgyud kyi rim pa bstan pa'i phyir/ gang du zhes dogs nas de'i phyir stong pa nyid kyi snod ces bya ba gsungs te/ srub dang srub pa'i sbyor ba las skyes pa dang las kyi rlung las byung ba stong pa nyid kyi snod na/ rgyud kyi rim pa'i mtshan nyid la'o/ /gsal ba zhes bya ba ni/ rnal 'byor mngon sum gyi rtog pa nyid kyi phyir ro/ /bza' zhes bya ba ni/ sgrib pa med par byed pa'i phyir ro/ / rtag tu zhes bya ba ni/ dus gsum du'o/ /rdo rje can gyi zhes bya ba ni/ stong pa nyid kyi de kho na nyid mngon du byed pa po'o/ /stong nyid ye shes pha rol 'gro zhes bya ba ni/ rgyud kyi rim pa bsgom pa'i mthar phyin pas zhes bya ba'i don to/ /ye shes kyi rim pa ni/ dga' ba gsum zhes bya ba la sogs pa gsungs te/ dpa' ba dang mchog dga' dang dga' bral gyi mtshan nyid can no/ /bde ba zhes bya ba ni kun rdzob kyi bde ba la khyad par byed pa nyid kyi phyir ro/ /bsreg pa'i 'khor lo rnams gso bar byed pa nyid kyi phyir ro/ /gang la snyam du dogs nas/ de'i phyir gsang ba'i rim pa bstan pa ni/ lhan skyes ye shes snod du ni zhes bya ba gsungs te/ dpe dang don gyi ngo bos so/ /bza' ba zhes bya ba ni sngon bzhin no/ /rtag tu zhes bya ba ni dus rtag tu'o/ /rdo rje can zhes bya ba ni/ rdo rje'i rtse mong thon pa'i byang chub kyi sems nyid kyi phyir ro/ /bde ba chen po'o/ /go 'phang gnas zhes bya ba ni/ bde ba chen po'i go 'phang gi gnas gang la yod pa de la de skad ces bya ba'o/ /don gyi de kho na nyid gcig tu bla ma'i man ngag gi gnas pa'i phyir ro/ /de ltar rnal 'byor pa'i rgyud kyi rjes su 'brangs nas/ rdzogs pa'i rim pa'i ngo bo'i sngags kyi rim pa la sogs pa'i mtshan nyid can gyi dam tshig bstan nas/ rnal 'byor chen po'i rgyud kyi rjes su 'brangs te/ rdzogs pa'i rim pa'i ngo bo'i dam tshig rdo rje bzlas pa'i ngo bo

  165. 83a

    dam tshig bstan pa'i phyir/ rnam rtog rlung rnams zhes bya ba la sogs pa gsungs te/ rnam rtog ni le'u gsum pa las bshad pa'i brgya rtsa brgyad kyi grangs te/ rlung rnams kyang de tsam gyi grangs can te/ zhes bya ba ni rnam rtog gi rlung ngo/ / thams cad ces bya ba ni ma lus pa rnams te/ bza' zhes bya ba dang 'brel te/ /gang du zhe na/ de'i phyir zhi ba'i de nyid ces bya ba gsungs te/ thabs las byung ba'i rdo rje bzlas pa dag gi 'od gsal ba'i bdag nyid can la'o/ /snod bzang por zhes bya ba ni ni bar rtog pa lhung ba 'dzin pa'i bdag nyid can gyi phyir ro/ /bza' zhes bya ba ni rlung dang sngags kyi de kho na nyid dag ni mi snang bar bya ba'o/ /rlung gis de nyid shes pas zhes bya ba ni/ thabs rjes su sgrub pa'i bdag nyid can gyi phyir ro/ /rnam rtog med pa'i go 'phang gnas zhes bya ba ni/ ngag rnam par dben pa'i mtshan nyid can gyi de kho na nyid la rnam par gnas pa zhes bya ba'i don to/ /de ltar rdo rje bzlas pa'i dam tshig bstan nas/ sems rnam par dag pa'i ngo bo'i dam tshig bstan pa'i phyir/ phyag rgya gsum dang yang dag sbyor/ /zhes bya ba la sogs pa gsungs te/ las dang chos dang dam tshig gi phyag rgya rnams kyi thob par ba'o/ /yang dag sbyor zhes bya ba ni/ snang ba la sogs pa'i ye shes gsum gyi bdag nyid can te/ bza' zhes bya ba dang 'brel to/ /gang du zhe na/ de'i phyir phyag rgya chen po'i snod ces bya zhes gsungs te/ sems 'od gsal ba'i ngo bo phyag rgya chen po'i snod la'o/ /de'i ming can gyi snod la zhes bya ba ni/ rang bzhin gyi tshogs la lhung ba srung ba'i phyir ro/ /bza' bar bya zhes bya ba ni/ mi snang bar bya ba'o/ /rnal 'byor de nyid shes pas zhes bya ba ni/ sngags kyi rim pa'i mdza' phyin pa'i phyir ro/ /rnal 'byor ni sngags so/ /de kho na nyid la gnas gsum la de bsgom pa'i ngo bo'o/ /de nyid shes pa ni/ de kho na nyid shes pa'o/ /rnam par

  166. 83b

    mi rtog go 'phang gnas zhes bya ba ni/ rang bzhin gyi tshogs brgya drug po bzlog pa'i bdag nyid can la 'od gsal gyi go 'phang gnas pa'i phyir ro/ /de ltar sems rnam par dag pa'i ngo bo'i dam tshig brjod nas/ bdag byin gyis brlab pa'i rim pa'i ngo bo bstan pa'i phyir ro/ /dngos dang dngos min sogs 'khrul pa'i zhes bya ba ni/ yod pa dang med pa la sogs pa'i ngo bo rnam par 'khrul pa'i mtshan nyid can kun rtog dang ni yongs rtog gis phra ba dang rags pa'i ngo bo ste de'o/ /ye shes cher 'char snod du bza' zhes bya ba dang 'brel to/ /ye shes cher 'char zhes bya ba ni/ 'od gsal gyi rjes la 'od zer lnga las yang dag par byung ba'i 'od zer kha dog lnga pa'i ye shes chen po'o/ /'char zhes bya ba ni/ de las yang dag par byung ba'i sgyu ma'i lus so/ /snod du zhes bya ba ni/ 'khrul pa'i spros pa thams cad rnam par bzlog pa'i bdag nyid can gzung ba'i bdag nyid kyi phyir ro/ /bza' zhes bya ba ni/ mi snang bar byas pa'o/ /rnam par mi rtog pa yis zhes bya ba ni/ chang par lta ba'i rnam par rtog pa bzlog pa'i phyir ro/ /de ltar bdag la byin gyis brlab pa'i ngo bo bstan nas/ mngon par byang chub pa'i rim pa'i ngo bo'i dam tshig bstan pa'i phyir/ rnam rtog dra ba'i sa bon yang zhes bya ba ni/ bag chags su gyur pa'i rang bzhin gyi tshogs kyi sa bon no/ phung? po'i bud shing snod bzang pas zhes bya ba ni/ rnal 'byor pas so/ /bza' zhes bya ba ni/ bza' bar bya ba'o/ /ci zhig byas nas zhes na/ de'i phyir ye shes chen po'i me yis smin ces bya ba gsungs te/ ting nge 'dzin dang phyag rgya'i rim pa dag gis yang dag par skyes pa'i ye shes

  167. 84a

    chen po ni/ stong pa la sogs pa gsum po'o/ /de nyid ni me ste/ /rnam par rtog pa thams cad thal ba nyid du byed pa'i phyir ro/ /de yis smon ces bya ba ni/ yongs su smin par byas pas so/ /de lta na don par byang chub pa'i ral? pa'i ngo bor ma tshig bstan nas/ zung du 'jug pa'i ngo bo dam tshig bstan par bya ba'i phyir/ bdud bzhi zhes bya ba la sogs pa gsungs te/ /bdud bzhi ni/ phung po dang/ nyon mongs pa dang/ 'chi bdag dang/ lha'i bu'i bdud rnams so/ /khro bo chen po ni/ bzlog par bya ba'i thabs kyi zhe sdang ngo/ /de'i stobs ni bdud la sogs pa rnams sdang 'brel pa nyid do/ /rnal 'byor zhes bya ba ni/ zung du 'jug pa'i mthar phyin pa'o/ /bza' zhes bya ba ni/ mi snang bar byed pa'o/ /ji ltar zhe na/ de'i phyir rig pas zhes bya ba gsungs te/ tha dad par bsgrub pa'i zlog pa'i phyir bdag nyid can gyis so /bsgrub pa pos legs par zhes bya ba'i don ni/ rab tu mi gnas pa'i go 'phang la gnas pa'i phyir ro/ /gang du bza' bya ba zhes na/ de'i phyir snod du zhes bya ba gsungs te/ gnyis su med pa'i ye shes kyi snod du'o/ /rtag tu zhes bya ba ni dus gsum du'o/ /legs par mnyam bzhag nas zhes bya ba ni/ chad pa'i phyogs su lhung ba med pa'i phyir me g.yeng ba zhes bya ba'i don to/ / de ltar don rnam pa lngas rnal 'byor chen po'i rgyud kyi rjes su 'brangs nas/ rdzogs pa'i rim pa'i ngo bo'i dam tshig bstan nas/ da ni gnyis ka'i rgyud kyi rjes su 'brangs nas/ gnyis ka'i dam tshig bstan pa'i phyir/ de'i yan lag tu sngags kyi de kho na nyid dam tshig bstan pa ni/ rlung dang sngags dang rdzas rnams kyis zhes bya ba la sogs pa gsungs te/ rim pa ji lta ba bzhin du/ kun rdzob dang snying ga dang gsang ba'i sna rtse gsum du rlung dang sngags dang/ rdzas rnams kyi zhes

  168. 84b

    bya ba ni/ 'od zer dang sngags dang rdzas kyi thig le'i mtshan nyid kyi thig le'i gsum ma shes go 'phang snod du bza' bar bya ba zhes bya ba dang 'brel to/ /mi shigs pa'i go 'phang ni a yig gi rnam pa la'o/ /snod du ni shes bya ba ni/ snod nyid du'o/ /bza' zhes bya ba ni/ bza' bar bya ba'o/ /des rnam par rtog pa mi snang bar bya ba'o/ /bla na med ces bya ba ni/ bla na med pa'i rdo rje'i bzlas pa'i rgyu nyid kyi phyir ro/ /rnal 'byor pha rol 'gro zhes bya ba ni/ rlung dang sngags dang/ de kho na nyid kyi mthar phyin pa zhes bya ba'i don to/ /de ltar sngags kyi de kho na nyid kyi dam tshig bstan nas/ snying rje dang shes rab kyi dam tshig brjod pa'i phyir/ stong nyid ye shes zhes bya ba la sogs pa gsungs te/ stong pa nyid kyi ye shes ni 'od gsal ba'i rnam pa'o/ /snying rje'i snod kyi zhes bya ba ni/ rtag tu btung ba 'thung bar bya zhes bya ba dang 'brel to/ /stong pa nyid kyi rnam par rtog pa lhung bar bsrung ba'i phyir ro/ /rtag tu btung pa zhes bya ba ni/ stong pa nyid las langs pa'i rnam pa'o/ /ye shes chen po mnyam bzhag nas/ zhes bya ba ni/ sgyu ma lta bu'i ting nge 'dzin gyi rnam par mi g.yeng ba'i sems zhes bya ba'i don to/ /de ltar snying rje'i dang shes rab kyi dam tshig bstan nas/ lhan cig skyes pa'i dam tshig gi ngo bo brjod pa'i phyir/ phyag rgya'i zhes bya ba la sogs pa gsungs te/ phyi rol gyi ji lta bu'i ming can zhe na/ de'i phyir dam tshig ces su bshad ces bya ba gsungs te/ dam tshig gi phyag rgya zhes bya ba la'o/ /rdo rje pad+ma yang dag sbyor zhes bya ba ni dbang po gnyis kun nas sbyor ba'i mtshan nyid can la'o/ /gang zhig de nyid mchog skyes pa zhes bya ba ni/ dbe dang don gyi rnam pas so/ /de ni zhes bya ba ni phyag rgya de la'o/ /phyag rgya chen po zhes bya ba ni/ byang chub kyi sems kyi ngo bo'o/ /skal ldan snod la zhes bya ba ni/ stong pa nyid kyi de kho na nyid kyi snod do/ /'thung zhes bya ba ni/ longs spyod pa

  169. 85a

    byas nas so/ /nyams dga' ba zhes bya ba ni/ rol pa'i rim pas dpyod pa'o/ /rnal 'byor zhes bya ba ni/ lhan cig skyes pa sgom pa po rnams kyis so/ /bsgrub bya ba de nyid mchog ces bya ba ni/ don dam pa'i lhan cig skyes pa'i ngo bo'o/ /de nyid ces bya ba ni/ rtag tu de nyid kyi ngo bos gnas pa'i phyir ro/ /lhan cig skyes zhes bya ba ni/ rgyu dang rkyen las ma skyes pa'i phyir ro/ /nyon mongs dang bral ba zhes bya ba ni/ mi 'thun pa'i phyogs 'joms pa'i phyir ro/ /phyag rgya chen po don bsgrub pa zhes bya ba ni/ sangs rgyas kyi yon tan ma lus pa thams cad skyed par byed pa ni/ mchog tu dga' ba sgrub par byed pa zhes bya ba'i tha tshig go /de ltar gnyis ka'i rgyud kyi rjes su 'brangs nas/ gnyis ka'i dam tshig brjod nas/ de'i nye bar brdu ba bstan pa ni/ de lta bu la sogs zhes bya ba gsungs te/ sngon du bstan pa'i dam tshig go /gsungs zhes bya ba ni brjod pa'o/ /gzhan du gang yang ngas ma bshad ces bya ba ni/ ston pa por gyur pa/ rdo rje 'chang bdag gis so/ /gang yang zhes bya ba ni/ bya ba'i rgyud la sogs pa rnams so/ /ma bshad ces bya ba ni sems can rnams snod dang mi ldan pa'i phyir ro/ /bla ma'i zhal las zhes bya ba ni/ rgyud pa'i rim pa ma nyams pa mtshan nyid dang ldan pa bla ma'i zhal las so/ /gsal bar zhes bya ba ni the tshom med par ro/ /rdo rje sems dpa' go 'phang zhes bya ba ni/ de thob pa'i rgyu nyid du gyur pa'i phyir ro/ /mchog ces bya ba ni bla na med pa'o// //rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shes mdzad pa/ zab mo'i don gsal bar byed pa zhes bya ba las/ le'u bcu pa'i rgya cher bshad pa'o// //le'u bcu pas dam tshig gi yul la dri ba'i lan bstan pa brjod nas/ nga ni sgra'i yul la dri ba'i lan bstan pa/

  170. 85b

    bshad pa'i phyir le'u bcu gcig pa bstan cing de'i yan lag sgra'i yul la dri ba'i lan rtsom pa brjod pa'i phyir/ de nas zhes bya ba la sogs pa gsungs te/ le'u bcu pa'i rjes la'o/ /gzhan yang zhes bya ba ni/ sngar la bltos pas so/ /sgra tsam don ni brjod par bya ba dang/ 'grel to sgra ni hUM yig gis rnam pa ste/ de nyid gcig pu ni sgra tsam ste/ de'i don 'dir gtan la 'beb pa ni brjod par bya ba'i nges pa'o/ /des ci zhig byed ce na/ de'i phyir zhes bya ba la sogs pa gsungs te/ gang gis zhes bya ba ni/ sgra tsam gyis so/ / thos pa la sogs pa'i rims kyis goms pa tsam gyis so/ /'pho ba med pa'i go 'phang thob ces bya ba ni/ skye ba dang 'chi ba'i rgyun las yang dag par 'das pa'i phyir 'pho ba med pa'o/ /go 'phang zhes bya ba ni/ rab tu gnas pa'i gnas so/ /sngags kyi de kho na nyid kyi mtshan nyid thabs kyis zhes bya ba'i lhag ma'o/ /de ltar sgra'i yul la dri ba'i lan rtsom pa bstan nas/ dngos su de brjod par rtsom pa ni/ de'i yan lag tu ngo bo bstan pa ni/ chos kyi 'khor lo bang spubs nas zhes bya ba gsungs te/ chos kyi 'khor lo ni snying ga'i gnas na gnas pa'o/ /de'i chu skyes ni pad+ma ste/ de'i rnam pa rtsa brgyad kyi ngo bo nyid kyi phyir ro/ /de'i spubs zhes bya ba ni/ lte ba la zhes bya ba'i don to/ /yang dag gnas pa ni/ rang bzhin gyi grub pa'i rtsa'i dbyibs kyi ngo bo nyid kyis so/ sgra tsam zhes bya ba ni/ a ta zhes bya ba ni/ bza' ba la'o/ /na ni 'gegs par byed pa'o/ /bza' ba ma yin pa ni nA da ste/ de nyid gcig tu ni/ nA da tsam mo/ /rdul phra rab tsam gyi tshad las kyang phra ba nyid kyi phyir ro/ /zhes bya ba ni dga' ba'i 'od kyi phreng ba byed pa'i mkhan po'o/ /yang na sgra tsam ni mchog dga' o/ /mchog ni mchog ste/ snang ba mched pa ltar/ snang ba gang la yod pa de rnams la de skad ces bya'o/ /gzhan dag ni chos kyi 'khor lo'i lte ba la gnas pa hang yig sgra tsam po cha shas su bsdus nas

  171. 86a

    thig le'i mthar thug pa zhes zer ro/ /ji lta bu zhe na/ de'i phyir cha med ces bya ba gsungs te/ /thig le'i ngo bo la sems 'dzin pa'i dus ni cha thams cad dang bral ba'i phyir ro/ /snang ba med pa zhes bya ba ni/ thig le la sems 'dzin pas de bstan pa'i dus su phyi rol gyi snang ba nub pa nyid kyi phyir ro/ /gnyis su med cing bya ba ni/ gnyis kyi ngo bo med pa'i phyir de yang bsgom bya dang/ sgom byed kyi rnam par rtog pa log pas so/ /dri ma med pa zhes bya ba ni mi mthun pa'i phyogs thams cad zil gyis mnan pas nyon mongs pa'i sgrib pa la sogs pa spangs pa nyid kyi phyir ro/ /bya ba bral zhes bya ba ni/ byed pa po med pa'o/ /dpe las 'das pa zhes bya ba ni/ shin tu mtshon par dga' ba nyid kyi phyir dang/ de dang 'dra ba gzhan med pa nyid kyi phyir ro/ /gzhi med ces bya ba ni/ gzhi ni bye brag ste/ skye ba dang na ba dang gnas pa la sogs pa'o/ /de med pa ni gzhi med pa'o/ /rten med pa zhes bya ba ni/ gzugs med pa nyid kyi rten med pa'o/ /mchog tu zhes bya ba ni/ bskyed pa'i rim pas thob par bya ba'i lha'i rnam pa khyad par du 'phags pa nyid do/ /ye shes dbang phyug ces bya ba ni/ stong pa nyid kyi ye shes skyed par byed pa la bdag po nyid du gyur pa'i phyir ro/ /zhi ba zhes bya ba ni rnam par rtog pa thams cad nye bar zhi ba'i ngo bo nyid kyi phyir ro/ /srog dang rtsol ba la sogs spangs zhes bya ba ni/ /de'i bdag po nyid kyi phyir srog la sogs pa'i rlung rgyu ba 'jug pa nyid kyis bltos pa med pa'o/ /rnal 'byor rnams kyang zhes bya ba ni/ rim pa gnyis bsgom pa la gnas pa rnams so/ /lha dbang phyug ces bya ba ni/ lha ni lha'o/ /de rnams la 'di dbang phyug tu gyur pa ni 'phrog byed la sogs pa'o/ /kyang zhes bya ba ni mthu chen po dang ldan pa rnams la yang de lta bu ni snyed par dga' ba ste/ rang gi sems

  172. 86b

    kyi chos nyid kyang des ma rtogs pa'i phyir ro/ /de bzhin du mchog tu zhes bya ba ni/ 'jig rten pa rnams kyi yul ma yin pa'i phyir mchog gi ngo bo'o/ /zhi ba zhes bya ba ni/ 'jig rten las 'das pa'i lam la gnas pa'i rnal 'byor pas rtogs par bya ba nyid kyi phyir ro/ / bde ba che zhes bya ba ni/ sems dang yang dag par ldan pa'i thog ma med pa'i dus can gyi rnam par rtog pa bzlog pa'i phyir ro/ /rnam pa thams cad rnam spangs pa zhes bya ba ni/ sngon po dang ser por snang ba la sogs pa thams cad mi snang zhing nub pa'i phyir ro// thams cad kyi ni khongs su gtogs zhes bya ba ni/ phung po dang khams dang skye mched la sogs pa rnams la'o/ /khongs su gtogs pa ni khyab par gyur pa rnams kyis so/ /gyur pa zhes bya ba ni/ yang dag par gyur pa'o/ /rnam pa kun la zhes bya ba ni chos thams cad kyi ngo bo nyid kyi yang dag par gnas pa'o/ /ji ltar zhe na/ de'i phyir rten cing 'brel 'byung zhes gsungs te/ 'di la brten pa tsam gyi sdus pa'o/ /des bstan pa'i phyir chang dang chang gi ro bzhin no/ /zhes gsungs te/ ji ltar chang gi ro rgun 'brum la sogs pa las byung ba la khyab par gnas pa de bzhin no/ /zhes bya ba'i don to/ /de ltar na 'di tsam gyi rang gi ngo bo bstan nas de'i thabs brjod pa'i phyir/ rang gi nyams myong rtogs pa'i gnas zhes gsungs te/ rang gi bdag nyid kyi'o/ /nyams myong ni thabs la goms pa'i mtshan nyid de las rtogs pa zhes bya ba ni/ rang gi rtogs par bya ba'o/ /gang gi shes na/ de'i phyir sngags kyi de nyid mchog sbyor ba zhes gsungs te/ 'chad bzhin pa'i rim pas lte ba'i dbus na gnas pa'i a'i yi ge kha sbyor thig le'i sgras brjod par bya ba'i sngags kyi de kho na nyid la sbyor ba'i rnal 'byor pas rig par bya'o/ zhes bya ba'i don to/ /gal te sngags kyi de nyid mchog la sbyor bas rig par bya ba yin na/ sngags kyi de nyid mchog ji lta bu zhe na/ de'i phyir sngags kyi de nyid

  173. 87a

    mchog sbyor ba zhes gsungs te/ mchog gi sbyor ba'i ngo bo ste/ so so'i skye bo'i shes pa'i spyod yul ma yin pa'i phyir ro/ /gal te de ltar yin na/ ji ltar shes par bya zhe na/ de'i phyir bla ma'i zhal la rnam par gnas zhes bya ba gsungs te/ rgyud du bstan pa'i mtshan nyid dang ldan pa'i rdo rje slob dpon gyi zhal gyi lung las lhag par gnas zhes bya ba'i don to/ /de ltar de'i thabs bstan nas/ de la nye bar 'khor ba'i don gsol ba gdab pa'i yan lag gsol ba gdab pa'i phyir/ de nas ston pa zhes bya ba la sogs pa gsungs te/ sngags kyi de nyid rtogs par bya ba nyid bstan pa'i rjes la phyag na rdo rje zhu ba pos so/ /ston pa zhes bya ba ni drug pa rdo rje 'chang chen po'i rnam pa bcom ldan 'das la'o/ /zhus pa ni/ zhes bya ba ni/ yongs su zhu ba dang ldan pa zhes bya ba'i don to/ /rim pa gnyis bstan pas/ phyin ci ma log pa gang zag rnam pa lnga'i rnam pa'i 'jig rten la ston par byed pa na ston pa'o/ /bla med la zhes bya ba ni de las gong na gzhan med pa'i phyir ro/ /de yang bag chags dang bcas pa'i nyon mongs pa dang/ shes bya'i sgrib pa thams cad spangs pa zhes bya ba'i don to/ /ci zhig zhus she na/ de'i phyir bcom ldan 'das zhes bya ba la sogs pa gsungs te/ mi mthun pa'i phyogs thams cad 'joms pas na bcom ldan no/ /de la bod pa la yang de skad ces bya'o/ /zhi ba'i de nyid mkhyen ces bya ba ni nyon mongs pa thams cad nye bar zhi bas na zhi ba'o/ /de nyid ni phyin ci ma log par ston pa'i phyir te/ de mkhyen pas na zhi ba'i de nyid mkhyen pa'o/ /de'i bod pa la yang de skad ces bya'o/ /don dam pa'i bden pa yongs su shes pa'i phyir/ zhes bya ba'i dgongs pa'o/ /sngags kyi de nyid ces bya ba ni/ sgra tsam po'i thabs su gyur pa'o/ /bshad par mdzad ces pa ni/ ston par mdzad ces pa'i don to/ /des ci zhig

  174. 87b

    byed ce na/ de'i phyir gang gis zhes gsungs te/ gang gis na sngags kyi de kho na nyid kyis so/ /rnam par shes pa tsam gyi zhes bya ba ni/ thos pa la sogs pa'i rim pas rtogs pa tsam gyis so/ /grub par 'gyur zhes bya ba ni sgra tsam gyis ngo bos so/ / de kho na nyid ces bya ba ni/ de kho na nyid mthong ba'i phyir ro/ /de ltar gsol ba gdab pa bstan nas/ bcom ldan 'das kyi gsung la 'jug pa bstan pa'i phyir/ de nas zhes bya ba la sogs pa gsungs te/ gsol ba btab pa'i rjes la'o/ /bcom ldan zhes bya ba ni/ sngar bshad zin to/ /rdo rje zhes bya ba ni/ stong pa nyid kyi de kho na nyid mngon du byed pa'i phyir ro/ /gsungs zhes bya ba ni/ brjod gcig pa'o/ /sngags kyi de nyid ces bya ba ni/ 'chad par 'gyur ba'i mtshan nyid can no/ /bla na med pa zhes bya ba spros pa med pa'i phyir ro/ /de yang yi ge a'i rnam pa nyid kyis 'chad par 'gyur ba'o/ /mchog dang rab mchog ces bya ba ni/ mchog ni sprul la sogs pas brdar byas pa'i sngags kyi tshogs so/ /rab mchog ces bya ba ni/ de rnams nye bar bsdus pa'i a yig go /phra ba dang zhes bya ba ni/ rtogs par dka' ba nyid kyis so/ /ye shes chen po zhes bya ba ni/ cho nyid mngon du byed pa'i rgyu nyid kyis so/ /bde chen po zhes bya ba ni/ bde ba chen po bskyed pa'i rgyu nyid du gyur pa'i phyir ro/ /bcom ldan 'das kyi gsung la 'jug pa bstan nas/ sngags kyi de kho na nyid bshad par dam bca' ba'i phyir/ yang dag bshad kyi zhes bya ba la sogs pa gsungs te/ mnyam par gyis zhes bya ba ni/ phyag na rdo rje thos pa la sbyar ba'o/ /yang dag bshad kyis zhes bya ba ni/ sngags kyi de kho na nyid ces bya ba'i lhag ma'o/ /snying po las kyang snying po mchog ces bya ba ni/ de ma thag tu bshad pa rnams so/ /mchog ces bya ba ni/ rdzogs pa'i rim pa la gnas pa'i rnal 'byor pa rtogs par bya ba'o/ /rgyud rnams kun

  175. 88a

    tu sbas pa rnams zhes bya ba ni/ bya ba dang spyod pa rnams la'o/ /gsang ba'i zhes bya ba ni/ dam tshig dang mi ldan pa rnams la bshad pa'i snod ma yin pa'i phyir ro/ /go 'phang zhes bya ba ni/ 'dug pa'i gnas so/ /'pho ba med ces bya ba ni/ 'jig pa la sogs pa spangs pa'i phyir ro/ /de ltar sngags kyi de kho na nyid bstan nas/ dngos su de brjod pa'i phyir ro/ /lte ba'i 'khor lo zhes bya ba la sogs pa gsungs te/ sprul pa'i 'khor lo rtsa 'dab ma drug cu rtsa bzhi'i bdag nyid can no/ /de nyid mchog ces bya ba ni/ mchog gi de kho na nyid kyi ngo bo'o/ /yang dag gnas zhes bya ba ni/ yi ge'i ngo bo a yi ge'i dbyibs can no/ /sgra tsam du ni zhes bya ba ni/ thig le'i sgras brjod pa'o/ /stong pa chen po'i mthar ni thim zhes bya ba ni/ thams cad stong pa'i rang bzhin/ rang bzhin gyi 'od gsal ba'i ngo bo ste/ stong pa dang shin tu stong pa dang stong pa chen po rnams kyi mthar nye bar dmigs pa'o/ /bde ba chen po'i go 'phang gsal zhes bya ba ni/ de la brten nas bde ba chen po'i rnam pa gnyis dmigs pa'i phyir ro/ /gsal zhes bya ba ni/ rnal 'byor pa rnams kyi lag pa'i mthil du skyu ru ra bzhag pa ltar nye bar dmigs pa nyid kyi phyir ro/ /gnyis med ces bya ba ni/ sgom bya dang bsgom pa po'i snang ba med pa'i phyir ro/ /mi 'jigs zhes bya ba ni gnyis snang ba las skyes pa'i las kyi bag chags kyi 'jigs pa med pas so/ /zhi ba dang zhes bya ba ni/ las kyi dbang gis skyes pa'i skye ba bzlog pas so/ /snang ba med cing zhes bya ba ni/ sngon po dang ser po la sogs pa'i snang ba dang bral ba'i phyir ro/ /kun rdzob med ces bya ba ni don dam pa'i byang chub kyi sems kyi ngo bo nyid kyi phyir ro/ /ting 'dzin gnyis med sbyor ba yis shes bya ba ni/ a yig gi ngo bo sprul pa'i 'khor lor gnas pa dang/ gnyis med pa'i sbyor ba ste/ tha mi dad par rtogs pa thabs dang shes

  176. 88b

    rab snyoms par 'jug pa'i ngo bos so/ /sngags kyi de nyid ces bya ba ni/ a yig gi ngo bo'o/ /rab gsal ba zhes bya ba ni/ rab tu gsal bar byed pa zhes bya ba'i don to/ /de ltar don rnam pa bzhis de la 'khor ba'i don nye bar brjod nas/ byang chub sems kyi ngo bo brjod pa'i phyir/ de'i yan lag mdor bstan pa ni/ thog ma med cing zhes bya ba la sogs pa gsungs te/ thog ma zhes bya ba ni skye ba'o/ /mdza' ma zhes bya ba ni 'jig pa'o/ /de dag med pas thog ma dang tha ma med pa ste/ chos kyi dbyings sems kyi rang bzhin no/ /de nyid ni byang chub kyi sems te/ de'i phyir thog ma dang tha ma med pa ni/ rdo rje 'chang chen po'i don gyis so/ /zhi ba dang zhes bya ba ni sems las tha dad pa don brtags pa nye bar zhi ba'i phyir rnam par snang mdzad kyis so/ /dngos dang dngos med zad pa'i gtso zhes bya ba ni/ chos dang chos nyid kyi mtshan ma rnams med pa'i phyir mi bskyod pa'i don gyis so/ /gtso zhes bya ba ni chos kyi dbyings tsam po'i bdag nyid dang/ sangs rgyas thams cad la dbye ba ma mthong ba'i phyir gtso bo ni thams cad du 'gro ba rin chen 'byung ldan gyi don gyis so/ /stong nyid snying rje'i dbyer med pa zhes bya ba ni/ mtshon cha dang mtshon byed la sogs pa la rnam pa thams cad du stong pa nyid kyis yongs su bcad pa'i phyir stong pa nyid dang tha mi dad pa ste/ 'od dpag med kyi don gyis so/ /chos kyi dbyings tsam po'i bdag nyid kyis sna tshogs pa'i don byed pa'i phyir snying rje dang tha mi dad pa ste/ don yod grub pa'i don gyes so/ /byang chub sems kyi rang bzhin no/ /zhes bya ba ni/ byang chub kyi sems kyi don 'di nyid ni/ sangs rgyas lnga rnams kyi chos nyid kyis snying la zhugs pa'i don gyi snyam du dgongs pa'o/ /de ltar mdor bstan pa bshad nas/ rgyas par bshad pa bstan pa'i phyir/ de tshe thog ma zhes bya ba la sogs pa gsungs te/ mdor bstan pa'i skabs su bshad pa'i thog ma dang mdza' ma med pa'i tshig ni/ stong nyid 'gyur zhes gsungs te/ stong pa nyid ni 'dus ma byas pa nyid

  177. 89a

    */ kyi phyir ro/ /dmigs pa med pa'i go 'phang zhes bya ba ni/ 'dis ni zhi ba'i tshig bshad pa ste/ dmigs pa thams cad spangs pa nyid kyi phyir ro/ /de nyid kyi phyir zhi ba zhes bya gsungs te/ sems las tha dad pa'i don gyi rtogs pa nye bar zhi ba'i phyir ro/ rang bzhin med pa'i gnas zhes bya ba ni/ 'dis ni dngos dang dngos po med pa zad pa'i tshig bshad do/ /chos dang chos nyid kyi rgyu mtshan nub pa nyid kyis rang bzhin bzlog pa'i phyir ro/ /nyams dga' zhes bya ba ni/ shin tu rnam par dag pa chos kyi dbyings kyi ngo bo'i phyir nyams dga' ba'o/ /rnam rtog med pa la brten zhes bya ba 'dis ni/ gtso bo'i tshig gi rgyas par bshad pa ste /de yang chos kyi dbyings tsam gyi bdag nyid dang/ sangs rgyas thams cad tha mi dad pa'i mthong bas rnam par rtog pa'i mnyam pa nyid kyi ye shes kyi rten du gyur pa nyid kyi phyir ro/ /mchog tu zhes bya ba ni/ tha dad pa'i rnam par rtog pa bzlog pas khyad par can nyid kyi phyir ro/ /stong nyid ye shes mtshungs pa med ces bya ba ni/ 'dis ni stong pa nyid kyi tshig rgyas par bshad pa'o/ /snga ma bzhin du mtshon bya dang mtshon byed la sogs rnam pa thams cad du stong pa nyid kyis yongs su bcod pas/ stong pa nyid kyi ye shes so/ /de nyid ni mtshungs pa med pa ste/ phyogs gcig pa nyid med pa'i phyir ro/ /byang chub sems zhes 'di la grags zhes bya pas ni/ /'dis ni snying rje tha mi dad pa zhes bya ba 'di'i rgyas par bshad pa'o /snga ma bzhin du chos kyi dbyings tsam gyi bdag nyid kyis sna tshogs pa'i don byed pa'i phyir byang chub kyi sems zhes 'di la grags so/ /de gzhan gyi don la brten pa nyid do/ /snyam du dgongs pa'o/ /de ltar rgyas par bshad pa bstan nas/ so sor rgyas par bshad pa bstan pa'i phyir hUM las yi ge yang dag byung/ zhes bya ba gsungs te/ /rdo rje 'chang chen po'i ngo bo nyid kyi phyir ro/ /rnal 'byor rtogs pa zhes bya ba ni/ /rim pa gnyis sgom pa po'i rnal 'byor pa rnams kyis rtogs par bya ba'i phyir ro/

  178. 89b

    rmad byung che zhes bya ba ni/ 'bad pa med pa'i cho 'phrul sna tshogs ston pa nyid kyi phyir ro/ /'dis ni thog ma dang tha ma med pa'i tshig mdor bstan pa'i skabs su bshad pa'i don bshad pa'o/ /de nyid gsum ni ro gcig don zhes bya ba ni/ gsum ni lus ngag yid gsum gyi de kho na nyid dam/ dbang po dang yul rnam par shes pa'i ngo bo rnams stong pa nyid dang ro gcig pa tha mi dad pa'i ngo bo ste/ de nyid don ni/ dgos pa 'di la yod pas na/ des na de nyid gsum ni ro gcig pa'i don zhes bya'o/ /'dis ni zhi ba zhes bya ba dang dmigs do/ /a ba d+hu tA'i go 'phang gsal zhes bya ba ni/ spro ba ni/ spro ba thams cad bzlog nas/ stong pa nyid kyi don a ba d+hu tI'i rnam par rtog pa'i bdag nyid can yongs su shes pa ni a ba d+hu tI'i go 'phang ngo/ /gsal zhes bya ba ni/ rnal 'byor gyi mngon sum gyi yongs su rdzogs pa nyid kyi phyir ro/ /lhan cig skyes dga' i sbyor ba yis zhes bya ba ni/ dga' ba dang mchog dga' gnyis kyi bdag nyid can dngos po'i bdag nyid dang/ dga' bral dngos po med pa'i bdag nyid can zad pa'i ngo bo lhan cig pa'i rnam pa'i de kho na nyid do/ /de dang sbyor ba ni de dang rtse gcig pa'i sbyor bas so/ /'jug pa la sogs rnam par spangs zhes bya ba ni/ lhan cig skyes pa'i thabs su gyur pa 'jug pa dang gnas pa dang ldang ba spangs te/ lhan cig skyes pa thob pa la thabs su gyur pa'i rlung rnams nub pa'i phyir ro/ /'di dag gis dngos po dang dngos po'i tshig dang/ rang bzhin med pa'i tshig gi don bshad do/ /bde ba chen po'i go 'phang zhes bya ba ni/ khrag gi rnam pa rdo rje nyi ma'i ngo bo nyid kyis bde ba chen po skyes pa'i rgyur gyur pa nyid kyi phyir bde ba chen po'i go 'phang ngo/ /zhi zhes bya ba ni/ de'i snang pa nye bar zhi ba'i phyir ro/ /byang chub kyi sems ni zhes bya ba ni/ kun rdzob kyi rnam pa'o/ /dri ma zhes bya ba ni/ 'dod chags la sogs pas ma gos pa ste/ 'dis ni gtso bo'i tshig dang rnam par mi rtog pa

  179. 90a

    la brten pa'i tshig gi don gsungs so/ /sna tshogs skad cig dbyer med pa zhes bya ba ni/ rnam pa sna tshogs pa dang/ rnam par smin pa dang/ rnam par nyed pa dang/ mtshan nyid dang bral ba'i ngo bo'i skad cig ma rnams dang gnyis su med pa ste/ gnyis kyi rnam par rtog pa bzlog pa'i bdag nyid can te/ de rnams la khyab pa nyid kyi phyir ro/ /brjod pa'i bdag nyid dbyangs bral ba zhes bya ba'i ni/ bde ba chen po'i 'khor lo na gnas pa'i haM gi yi ge kun rdzob byang chub sems kyi bdag nyid can brjod par bya ba'i bdag nyid dang nyams su myong ba'i bdag nyid ces bya ba'i don to/ /'dis ni sngon du gsungs pa'i stong pa nyid dang/ tha mi dad pa'i tshig stong pa nyid kyi ye shes mtshungs pa med ces bya ba'i don to/ /rtag tu gnas pa'i rgyud kyis kyang zhes bya ba ni nyin mtshan du kun rdzob kyi byang chub kyi sems 'bab par byed cing gnas pa zhes bya ba ni/ rang gi lus la'o/ /de nyid kyi phyir byang chub sems ni 'bab par gyur pas zhes gsungs so/ /chad pa'i phyogs spangs nas ye shes kyi rim pa'i skabs su snying rje chen po'i rdzas 'bab pa'i phyir ro/ /'dis ni snying rje dang tha mi dad pa zhes bya ba 'di dang/ byang chub sems zhes 'di la grags zhes bya ba 'di'i don rgyas par bshad pa byas so/ /de ltar rnam pa gsum gyis byang chub sems kyi ngo bo bstan nas de'i thabs rjes su brjod pas rang gis rig par bya ba nyid bstan pa'i phyir/ sngags kyi rnal 'byor gyis ni 'thob ces gsungs te/ lte ba'i dbus na gnas pa'i a yig gi rnam pa'i sngags kyi rnal 'byor gyis so/ 'thob ces bya ba ni sgra tsam po'i ngo bo zhes bya ba'i don to/ / thig le tsam zhes bya ba ni phra ba nyid kyi phyir ro/ /skye med ces bya ba ni rgyu dang rkyen gyis stobs kyi skye ba med pa'i phyir ro/ /zhi ba'i zhes bya ba ni/ de'i ngo bo nye bar mtshon pas sangs rgyas kyi chos dge ba byed pa rnams mngon par 'byung ba'i phyir ro/ /rang

  180. 90b

    rig pa zhes bya ba ni/ sgra dang rnam par rtog pas brjod par bya ba ma yin pa nyid kyis so sor rang gi rig par bya ba'i phyir ro/ /ye shes mchog ces bya ba ni/ snang ba thams cad/ nub par gyur pas bla na med pa'i ye shes kyi ngo bo nyid kyi phyir ro/ /sngags kyi spyod pa spyad pas na zhes bya ba ni sngags kyi spyod pa rnam pa gnyis kyi gang zhig gnas pa de rnams la de skad ces bya'o/ /de rnams ni sngags kyi sgo nas spyad pa spyod pa'i rnal 'byor pa zhes bya ba'i tha tshig go/ //rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa zab mo'i don gsal bar byed pa zhes bya ba las/ le'u bcu gcig pa'i rgya cher bshad pa'o// //de ltar le'u bcu gcig pas sgra tsam gyi don gtan la phab nas/ da ni rlung gi de kho na nyid la dri ba'i lan bstan pa brjod pa'i phyir/ le'u gnyis pa nye bar ston cing/ de'i yan lag gi rlung gi de kho na nyid kyi yul la dri ba'i lan rtsom pa ni/ de nas zhes bya ba la sogs pa gsungs te/ le'u bcu gcig pa bshad pa'i rjes la'o/ /rlung gi de nyid don ces bya ba ni/ 'chad par 'gyur ba'i mtshan nyid do/ /nyon zhes bya ba ni phyag na rdo rje la bod pa'o/ /bshad kyi zhes bya ba ni brjod par bya yis zhes bya ba'o/ /de nyid mchog ces bya ba ni/ thabs bsgom pa sngon du 'gro bas zhes bya ba'i don to/ /des ci zhig 'grub ce na/ de'i phyir myur du dngos grub thob par 'gyur zhes gsungs te/ myur ba nyid du rdo rje bzlas pa grub par 'gyur ba'o/ /gang gis zhes bya ba ni/ rlung gi de kho na nyid kyis so/ /rnal 'byor pa yis zhes bya ba ni/ rnal 'byor ni ting nge 'dzin te/ gang la yod pa de rnams la de skad ces bya'o/ /rlung bsgoms na zhes bya ba ni/ rlung ni rnam pa lnga 'am/ rnam pa bcu sgom par byed cing nye bar mtshon par byed pas na/ de ni rlung bsgom pa po ste/ de rnams so/ /de ltar rlung gi de kho na nyid yul la dri ba'i lan rtsom pa bstan nas/ dngos su rlung gi de kho na nyid bstan pa brjod pa'i phyir/ de'i yan lag gi ngo bo ni rlung gi

  181. 91a

    thig le zhes bya ba la sogs pa gsungs te/ rig pa'i ngang tshul can nyid kyi phyir thig le'o/ /ye shes che zhes bya ba ni/ ye shes chen po dang lhan cig tu ? po dang long ba bzhin 'brel pa'i phyir ro/ /bshad bya zhes bya ba ni brjod par bya ba'o// rlung gi bshad pa bstan zin to/ /de kho na nyid kyi tshig bstan pa'i phyir de nyid tshig ni slar zhes gsungs te/ dngos grub kun gyi rgyun zhes bya ba ni/ 'gro ba dang 'ong ba la sogs pa byed pa dang/ zhi ba la sogs pa bsgrub pa'i phyir/ ji skad du ya yig don gyi gang cung zad/ /dngos grub 'dod pas thams cad bya/ /ra yig la sogs gsum gyis kyang/ /'gro ba'i don la rab tu 'jug ces gsungs te/ gsungs zhes bya ba ni brjod pa'o/ /gnyis med rnal 'byor zhes bya ba ni/ 'jig rten las 'das pa'i phyir dang/ rlung dang sngags dang lha dang dkyil 'khor la sogs pa rnams la gnyis su snang ba log pa'i phyir ro/ /gzhan yang mi zad tshe zhes bya ba ni/ zad pa med pa'i phyir ro/ /skye med ces bya ba ni/ skye ba med pa'i phyir ro/ /kun 'gro zhes bya ba ni/ phyi rol gyi 'byung ba chen po dang/ lus kyi 'byung ba chen po rnams thams cad du khyab pa nyid kyi phyir ro/ /zhi ba dang zhes bya ba ni/ /rlung gi stobs kyi byung ba'i rang bzhin gyi tshogs nye bar zhi ba nyid kyi phyir ro/ /khyab par byed ces bya ba ni/ ngag gi de kho na nyid kyi bdag nyid kyi phyir ro/ /lus can kun la zhes bya ba ni/ lus 'dzin pa rnams la'o/ /bsam gyis mi khyab ces bya ba ni/ 'od gsal gyi rnam pas/ sems kyi spyod yul las 'das pa'i phyir ro/ /stong pa zhes bya ba ni don dam par rang gi ngo bo med pas so/ /de yang rten cing 'brel par 'byung ba nyid kyi phyir ro/ /dri med ces bya ba ni/ sangs rgyas kyi rnam par yongs su shes pas dri ma med pa'o/ /thams cad bdag nyid ces bya ba ni/ rlung gi ngo bo thams cad du 'byung ba chen po bzhi'i dkyil 'khor rnams la'o/ /rtag tu zhes bya ba ni/ dus rtag par ro/ /bzhugs zhes bya ba ni /rten

  182. 91b

    pa'o/ /bsgom dang bsam gtan rnal 'byor gyis zhes bya ba ni/ bsgom pa ni lus ngag yid gsum gyi ngo bo dang 'byung ba dang rdub pa dran pa'o/ /bsam gtan zhes bya ba ni/ de bzhin gshegs pa lnga'i ngo bo rlung gi rang bzhin sems dpa' o/ /sgom pa yang yin la bsam gtan yang yin pas na/ de skad ces bya'o/ /de dag nyid ni rnal 'byor te sbyor ba'o/ /des rtogs pas na rtogs pa'o/ /thig le rang gi ngo bo shes zhes bya ba ni/ thig le'i rnam pa gsum gyi ngo bo'o/ /chos rnams gcig tu gyur pa'i gnas zhes bya ba ni/ chos thams cad kyi phung po lnga'i mtshan nyid can no/ /gcig nyid gnas gang la yod pa de la de skad ces bya'o/ /ji skad du srog ni rnam shes phung po ste/ thur sel tshor ba'i phung po'o/ /mnyam gnas 'du shes phung po ste/ 'du byed du grags gyen du rgyu/ /gzugs kyi phung po khyab byed 'gyur// phung po lnga ni rnam pa'o/ /zhes gsungs so/ /sngags kyi de nyid rgyu zhes bya ba ni sngags kyi de kho na nyid kyi rgyur gyur pa rnam pa bzhi po rnams rlung gi dbang gis a yig la sogs pa ma mo bskyed pa'i phyir ro/ /ji skad du rlung gi de nyid sngon 'gro bas/ sngags kyi de nyid dbang du bya/ zhes gsungs so/ /bag chags kun las rnam par grol zhes bya ba ni/ bskyed pa'i rim pa rnam pa gnyis bsgoms pas/ bag chags kyi ngo bo phung po dang khams dang skyed mched rnams kyi snang ba med pa'i phyir ro/ /kun mkhyen zhes bya ba ni/ gyen du rgyu ba la sogs pa dbang po'i rlung lnga'i stobs kyi dbang po re re la yul thams cad snang ba'i phyir ro/ /bde ba kun ster ba zhes bya ba ni/ nyon mongs pa dang las kyi dbang gis skye ba zlog pa'i rgyur gyur pa'i phyir ro/ /sna'i rtse mor de nyid mchog ces bya ba ni/ kun rdzob kyi sna'i rtse mor ro/ /de nyid mchog ces bya ba ni/ mchog gi ngo bo de nyid ni/ dag 'od gsal ba'i bdag nyid la rgyur gyur pa nyid kyi phyir ro/ /bsam par bya zhes bya ba ni/ yungs kar gyi 'bras bu'i tshad tsam du bsam par bya'o/ /'od zer thig le'i zhes bya ba

  183. 92a

    ni/ rlung lnga nye bar bsdus pa'i rnam pa nyid kyi phyir ro/ /ji ltar zhe na/ de'i phyir srog dang rtsol ba yang dag sbyor zhes gsungs te/ de'i phyir srog dang rtsol ba gnyis 'jug pa dang ldang ba'i de dag la mnyam par sbyor ba rlung rnam pa lnga nye bar bsdus pa'i ngo bo de'i brtags pa yid la mngon du phyogs pa'i ngo bo de sngon du 'gro ba'o/ /gang gis bsgom par bya zhe na/ de'i phyir blo ldan zhes gsungs te/ gsum pa'i don gyi dang po ste/ blo ldan gyi zhes bya ba'i don to/ /'od zer gyi thig le bsgom pa la mkhas pa'i phyir snyam du dgongs pa'o/ /gzhan yang rlung gi de kho na nyid ji lta bu zhe na/ de'i phyir ye shes lnga'i bdag nyid ces bya ba gsungs te/ bskal bzang ye shes lnga'i bdag nyid can ni/ /me long la sogs pa'i ye shes lnga'i rnam par dag pa nyams dga' ba nyid kyi phyir ro/ /sangs rgyas lnga'i cho ga ni/ zhes bya ba ni/ de bzhin gshegs pa lnga'i bdag nyid kyi phyir ro/ /ji skad du/ srog ni sems kyi rdo rje ste/ thur sel rin chen 'byung ldan no/ /gsung gi rdo rje gyen rgyur grags/ /mnyam gnas las kyi rdo rje 'dzin khyab byed rnam par snang mdzad grags/ /sangs rgyas lnga ni rnam dag pa'o/ /zhes gsungs so/ /rin chen lnga yi sbyor ba'i gzugs zhes bya ba ni/ shel dang/ in+d+ra nI la dang/ marka dang/ pad+ma rA ga dang/ gser gyi dbye ba rnams kyis so/ /ji skad du srog ni nag po thur sel ser po ste/ dmar po gyen rgyu nam mkha' ltar ljang ba/ /'dir ni mnyam pa zhes bya brjod pa ste/ khyab byed kun da dang mnyam 'dod/ /ces gsungs so/ /sbyor ba yi zhes bya ba ni/ sems kyi rgyu ba 'gog pa'i rgyur gyur pa'i phyir ro/ /'byung ba lnga'i bdag nyid mtshan zhes bya ba ni/ srog ni chu'i khams kyi rnam par dag pa'i ngo bo'o/ /thur sel ni nam mkha' khams kyi ngo bo'o/ /gyen du rgyu ba ni/ me'i khams kyi ngo bo'o/ /mnyam gnas ni rlung gi khams kyi rang bzhin no/ /khyab byed ni sa'i khams kyi rang bzhin no//

  184. 92b

    ji skad du chu yi khams ni srog ces brjod/ /thur sel nam mkha' de bzhin te/ /gyen rgyu med nyid du ni brjod/ /mnyam gnas de bzhin du ni rlung/ /khyab byed sa yi khams yin no/ /khams lnga rnam par dag pa'o/ /zhes gsungs so/ /de ltar rlung gi de kho na nyid kyi ngo bo nyid bstan nas/ de sgom par byed pa'i thabs brjod par bya ba'i phyir/ de'i yan lag lus la sogs pa'i sbyor ba ni thog ma zhes bya ba la sogs pa gsungs te/ lus kyi phyag rgya'i dngos zhes bya ba ni/ rnam pa gnyis kyi bskyed pa'i rim pa bsgoms pas rdo rje bzlas pa'i rten du gyur pa'i lus med kyang mos pas bzung ba'i sgyu ma'i lus la lus kyi phyag rgya'i dngos zhes brjod do/ /ji ltar du rdo rje'i bzlas pa 'di yis ni/ snga ma bzhin du brten byas nas/ sgyu ma lta bu'i ting nge 'dzin gyis/ las rnams thams cad bsgrub par bya/ /zhes gsungs so/ /ngag gi grangs ni bzlos bdag nyid ces bya ba ni/ gcig dang gnyis dang mang po zhes bya ba'i bdag nyid can gyi sngags kyi grangs kyi bdag nyid dag gi grangs ni rlung gi de kho na nyid kyi rten gnyis pa'o/ /yid ni rnal 'byor che la dga' / /zhes bya ba ni/ sna'i rtse mo rnam pa gsum bsgoms pas/ 'jug pa dang gnas pa dang ldang ba'i rlung rnams la'o/ /yi ge gsum dang de bzhin gshegs pa gsum gyi ngo bo yongs su shes pa ni/ yid la yongs su shes pa yid ni rnal 'byor che la dga' zhes bya bar byas nas so/ /'di nyid ni rnal 'byor chen po ste/ de las gzhan pa'i rnal 'byor gyi mtshan nyid dang bral ba'i phyir ro/ /bsgom pa'i go 'phang mi bzad pa zhes bya ba ni lus dang ngag dang yid kyi phyag rgya'i rnam pa gsum gyi rdo rje bzlas pa'i ngo bo 'dug pa'i gnas so/ /bsgom zhes bya ba ni/ goms par bya ba'o/ /mi bzad pa zhes bya ba ni/ 'di la zad pa ni 'jig pa ste/ de med pas na mi bzad pa ste/ ngag 'od gsal ba'i rnam pa nyid kyi phyir ro/ /de ltar lus la sogs

  185. 93a

    pa'i sbyor ba bstan nas 'byung ba dang 'jug pa dran pa brjod pa'i phyir de'i yan lag mdor bstan pa ni/ bgrang ba yi ni sbyor ba yis/ /zhes bya ba la sogs pa gsungs te/ 'chad bzhin pa'i rnam pa drug gis so/ /bsgom pa zhes bya ba ni/ de kho na nyid kyi ngo bo'o/ /gang gis she na/ de'i phyir rnal 'byor mchog gis zhes bya ba gsungs te/ bskyed pa'i rim pa sgom pa po'i rnal 'byor pa'i mtshan nyid dang bral ba rdzogs pa'i rim pa sgom pa las mos pa zhes bya ba'i don to/ /rtag ces bya ba ni/ thun phyed kyi dus kyi mthar thug pa 'am/ thun mtshams bzhir zhes bya ba'i don to/ /de nyid kyi phyir bgrang bya'i grangs kyi dbugs kyis ni zhes gsungs te/ bgrang bya ni grangs so/ /dbugs kyi grangs kyis zhes bya ba ni/ lhag pa dang chad pa'i dbugs kyi grangs spangs pa dang/ 'dres pa'i grangs yongs su spangs nas/ nyi khri chig stong drug rgya'i dbugs kyi grangs kyi ngo bo'o/ /de bzhin dbugs ni rnam spyod pa zhes bya ba ni/ 'dis ni rjes su 'gro ba bshad do/ /dkyil 'khor re re las ltag ma'i dkyil 'khor gyi chas bgrangs pas dgu brgya dgu brgya'i ngo bo'i dbugs rgyu ba'i grangs kyi 'jug pa la sogs pa'i rim pas thun re re la brgya phrag nyi shu rtsa bdun gyi grangs kyi mtshan nyid can rlung gi rnam spyod pa zhes bya ba ni/ 'dis ni gnas bstan pa ste/ rtog pa dang zhes bya ba dang 'brel to dkyil 'khor re re la rtsa'i dkyil 'khor rab tu rgyu bas dbugs 'byung ba dang rdub pa'i gnas pa'i rnam par spyod pa'o/ /dus kyi dbye ba'i rtog pa dang zhes bya ba ni/ 'dis ni mtshan nyid gsungs te/ gnas so so la rnam par rtog pa brgya rtsa brgyad kyi rgyu ba'i ngo bo dbye ba'i dus te nges so/ /rtog pa zhes bya ba ni nye bar mtshon pa'i zhes bya ba'i don to/ /rlung rnams kyis ni zlog pa dang zhes bya ba ni/ 'dis ni ldog pa gsungs te/ rtog pa dang bcas pa'i ngo bo bzlog pas rtag pa med pa'i ngo bo las dang po pa'i rnal 'byor

  186. 93b

    gyi ngo bos rnam par ldog pa zhes bya ba'i don to/ /rtog pa dang bcas spangs pa ste/ zhes bya ba ni/ 'dis ni rnam par dag pa gsungs so/ /rtog pa dang bcas bzlog pa nas/ rlung gi ngo bo gcig pu gnas pa la ngal bso so zhes bya ba'i don to/ /de ltar rnam drug gis zhes bya ba ni/ rig pa 'dis so/ /drug gis zhes bya ba ni rnam pa drug gis so/ /mdor sdus zhes bya ba ni/ mdor bsdus pa nyid kyis so/ /'byung dang rdub par rjes su dran zhes bya ba ni/ 'jug pa'i rlung ni rdub pa'o/ /dkyil 'khor re re la lhag ma'i dkyil 'khor gyi chas bgrangs pas dgu brgya dgu brgya'i ngo bo dbugs rgyu ba'i grangs kyis 'jug pa la sogs pa'i rim pas thun re re la brgya phrag nyi shu rtsa bdun gyi grangs kyi mtshan nyid can rlung gi rnam spyod pa zhes bya ba ni/ 'dis ni gnas bstan pa ste/ rtog pa dang zhes bya ba dang 'brel to /dkyil 'khor re re la rtsa'i 'khor lo rab tu rgyu bas/ /dbugs 'byung ba dang rdub pa gnas pa'i rnam par dpyad pa'o/ /dus kyi dbye ba'i rtog pa dang zhes bya ba ni/ 'dis ni mtshan nyid gsungs te/ gnas so so la rnam par rtog pa brgya rtsa brgyad kyi rgyu ba'i ngo bo dbye ba'i dus te/ des so/ rtog pa zhes bya ba ni/ nye bar 'tshon pa zhes bya ba'i don to/ /rlung rnams kyi ni zlog pa dang zhes bya ba ni/ 'dis ni ldog pa gsungs te/ rtog pa dang bcas pa'i ngo bo bzlog pas rtog pa med pa'i ngo bo las dang po pa'i rnal 'byor gyi ngo bos rnam par ldog pa zhes bya ba'i don to/ /rtog pa dang bcas spangs pa ste/ zhes bya ba ni/ 'dis ni rnam par dag pa gsungs so/ rtog pa dang bcas pa bzlog nas/ rlung gi ngo bo gcig pu gnas pa la ngal bas so zhes bya ba'i don to/ /de ltar rnam pa drug gi zhes bya ba ni/ rig pa 'dis so/ /drug gis zhes bya ba ni rnam pa drug gis so/ /mdor bsdus zhes bya ba ni/ mdor bsdus pa nyid kyis so/ /'byung dang rdub par rjes su dran zhes bya ba ni/ 'jug pa'i rlung ni/ 'gro ba'i rlung 'byung ba'o/ /de dag rjes su dran pa ni/ nye bar

  187. 94a

    mtshon pa'o/ /de ltar 'byung ba dang rdub pa'i rjes su dran pa mdor bstan pa bshad nas/ rgyas par bshad pa bstan pa'i phyir/ de'i yan lag bgrang ba'i ngo bo bstan pa ni/ thog mar srog dang thur sel rnams zhes bya ba la sogs pa gsungs te/ dang por re zhig mos pa las byung ba'i rgyu ma'i lus la dmigs te/ srog dang thur sel chad pa dang lhag pa dang 'dres pa'i grangs yongs su dor nas so/ /nyi khri zhes bya ba ni/ stong phrag nyi shu'o/ /chig stong zhes bya ba ni stong phrag gcig go /brgya phrag drug ces bya ba ni drug brgya'o/ /nyin mtshan grangs ni zhes bya ba ni/ nyin mtshan gyi grangs kyis so/ /nges par zhes bya ba ni/ bcom ldan 'das kyis bstan pas the tshom bzlog pa'i phyir ro/ /de ltar grangs kyi ngo bo bstan nas/ dus kyi nges pa brjod pa'i phyir/ ji srid grangs ni thob pa'i gnas zhes bya ba ni/ de ma thag par bshad pa'i rim pas dbugs nyi khri chig stong drug rgya'i grangs thob pa'i phyir/ grangs ni thob pa'o/ /nyin zhag nyi shu rtsa bdun du zhes bya ba ni/ nyi ma nyi shu rtsa bdun gyis dbang po shin tu rnon po la brten nas/ nges par brjod pa'o/ /grangs ni rjes su sbyor ba yis zhes bya ba ni/ de ma thag pa bstan pa'i 'o/ /grangs ni zhes bya ba ni sngar bstan pa'o/ /yang dag ces bya ba ni/ grangs kyi skyon spangs nas so/ /sbyor ba yis zhes bya ba ni bya'o zhes bya ba'i don to/ /de ltar rnam pa nyid kyi grangs kyi rgyas par bshad pa bstan nas/ rjes su 'gro ba rgyas par bshad pa'i phyir/ de'i yan lag ngo bo bstan pa ni/ de nas rjes 'gro zlog par 'gyur ro/ /zhes bya ba la sogs pa gsungs te/ gzhu rgyud kyi rigs pa 'am/ pi waM gi rgyud kyi rigs pa grangs kyi rjes la'o/ /thun tshod so sor zhes bya ba ni/ 'jig rten pa la rab tu grags pa'i nyin mtshan gyi dbye ba brgyad dam/ phal cher chu tshod brgyad brgyad kyi dbye ba'i ngo bo rnams la'o/ /so sor zhes

  188. 94b

    bya ba ni/ bye brag tu so sor ro/ /rjes su 'gro ba bzlos par 'gyur ba ste/ lus thams cad kyi rlung la zhes bya ba'i don to/ /thun re re'i tshad la zhes bya ba ni/ thun tshad re re la'o/ /srog dang rtsol ba la zhes bya ba ni/ dbugs 'byung ba dang rdub pa rnams la brtag ste/ nyis stong bdun rgya'i grangs kyi zhes bya ba dang 'brel to/ /de las dkyil 'khor gyi cha gcig la rkang pa gcig dang nyis rgya'i dbugs su rnams 'gyur ro/ /zhes bya ba ni/ bcom ldan 'das kyi nges pa'o/ /gang du gcig yod pa der bzhi yod do/ /zhes bya ba ni rigs pa ste/ 'byung ba chen po bzhi'i dkyil 'khor gyi chas brtag pa la cha bzhis brtsis na/ dkyil 'khor gcig la dgu brgyar 'gyur te/ de rnams kyang 'jug pa gnas pa dang ldang ba'i ngo bo nyid kyi sum 'gyur du byas pas brgya phrag nyi shu rtsa bdun gyi grangs gyi dbugs rnams su 'gyur ro/ /nges par ni zhes bya ba ni/ rang gi nyams su myong ba dang/ bcom ldan 'das kyi gsung gi nges pa'o/ /gzung byed ces bya ba ni/ 'tshon par byed pa'o/ /de ltar rjes su sbyor ba'i ngo bo bstan nas/ dus kyi nges pa brjod par bya ba'i phyir/ yongs su gcod pa'i rnam pa yis/ zhes bya ba gsungs te/ dkyil 'khor re re la brgya phrag nyi shu rtsa bdun gyi dbugs kyi grangs kyi yongs su bcod pa'i rnam pa nges/ nyin zhag nyi shu rtsa bdun la zhes bya ba ni sngar bshad do/ /'khor lo bzhi'i dbye bas zhes bya ba ni/ me dang rlung dang sa dang chu'i dbye bas so/ /nyin dang mtshan du zhes bya ba ni/ nyi ma la dkyil 'khor re re la so sor brgya phrag nyi shu rtsa bdun gyi grangs kyi dkyil 'khor bzhi la brgyad brgyas lhag pa'i stong phrag bcur 'gyur te/ mtshan mo la yang de tsam du 'gyur ro/ /gnyis ka gcig tu bsdoms pas nyi khri chig stong drug brgyar 'gyur ro/ /zhes bya ba ni ngag gi don to/ /de ltar rnam pa gnyis kyi rjes su sbyor ba bshad nas/ gnas rgyas bar bshad pa bstan pa'i phyir/ de'i yan lag gi ngo bo brjod pa ni/

  189. 95a

    de nas gnas pa'i 'bad pa yis zhes bya ba la sogs pa gsungs te/ de nas zhes bya ba ni/ rjes su sbyor ba'i rjes la'o/ /gnas pa'i zhes bya ba ni/ rlung skye ba'i gnas so/ /'bad pa yis zhes bya ba ni/ bla ma brgyad pa 'am nye bar mtshon pa'i rim pas so/ /tha dad du ni zhes bya ba ni/ snying ga dang gsang ba dang/ lte ba dang mgrin pa dang lus thams cad la khyab par byed pa'i mtshan nyid can no/ /rab tu brtag pa zhes bya ba ni/ srog la sogs pa'i rlung lnga po mtshon par byed pa'o/ /rtsa yi 'khor lo rgyu ba yis zhes bya ba ni/ dkyil 'khor re re la rtsa'i 'khor lo las byung ba'i rlung rgyu ba 'am/ 'khor lo drug dang 'khor lo bzhi'i grangs kyis ji ltar le'u gsum pa las bshad pa bzhin du'o/ /'byung dang rdub pa zhes bya ba ni/ 'jug pa dang gnas pa dang ldang ba'i bdag nyid can no/ /nges par zhes bya ba ni/ the tshom med par byas nas so/ /nges par gzung ba'i zhes bya ba ni/ dbye bar mtshon par bya ba ste/ 'di me'i dkyil 'khor las byung ba'i dbugs dang/ 'di ni rlung gi dkyil 'khor las byung ba'i dbugs zhes bya ba la sogs pa thun gyi dbye ba dang/ thun gcig pa 'di nyid la zhes bya ba'i don to/ /de'i sbyor bo las zhes bya ba ni/ rlung gi sbyor ba dang dbugs 'byung ba dang rdub pa'i sbyor bas so/ /rtsa'i 'khor lo zhes bya ba ni/ rlung gi rten du gyur pa'o/ /dpyad par bya zhes bya ba ni/ rtsa 'di las de lta bur gyur pa'i rlung 'byung ngo/ /zhes bya ba la sogs pa reg pas so/ /de ltar gnas kyi rgyas par bshad pa'i ngo bo bstan nas/ dus nges pa brjod pa'i phyir/ de ni 'khor lo rtsa'i dbye bas zhes bya ba gsungs te/ sprul pa la sogs pa'i 'khor lo drug gam bzhi dang/ 'byung ba chen po bzhi'i dkyil 'khor de rnams la rtsa rnams ni 'chad par 'gyur ba'i ming can de ni 'khor lo'i rtsa'o/ /de rnams kyi dbye ba ni/ bye brag tu dbye ba'o/ /nyin zhag nyi

  190. 95b

    shu rtsa bdun la zhes bya ba ni/ sngar bzhin no/ /de ltar rnam pa gnyis kyi gnas rgyas par bshad nas/ mtshan nyid rgyas par bshad pa bstan pa'i phyir/ de'i yan lag gi ngo bo brjod pa ni/ de nas mtshan nyid yang dag ni zhes bya ba gsungs te/ rlung 'di gcig pur ma zad kyi 'on kyang 'byung ba chen po bzhi zhes bya ba'i mtshan nyid yang dag par brtag par bya ba ni mtshon par bya'o/ /ji ltar bya zhe na/ de'i phyir gnas kyi dbye bas zhes bya ba gsungs te/ gnas kyi dbye bas zhes bya ba ni/ gnas kyi dbye bas so/ /de nyid bstan pa ni/ gnas ni so sor rnam par brtags nas zhes gsungs te/ dkyil 'khor gcig la brten pa'i rlung la'o/ /rnam rtog brgya dang brgyad ces bya ba ni/ le'u gsum par gsungs pa'i 'dod chags zhe sdang gti mug dang/ zhes bya ba la sogs pa rnams la'o/ /rgyu zhes bya ba ni/ phyi rol gyi yul la brten nas rlung gi gzhon pa la rnam par shes pa brten nas de rnams bskyed par byed pa'i phyir/ rnam rtog med pa'i sbyor ba mchog ces bya ba ni/ don dam par rlung la zhon pa'i rnam par shes pa rang bzhin gyi rnam par dag pa la bltos nas rnam rtog med pa ste/ nyon mongs pa rnams kyis stong pa'i phyir ro/ /mchog ces bya ba ni rab nyid kyis nam mkha' dang mnyam pa'o/ /sbyor ba zhes bya ba ni/ don dam par nye bar zhi ba nyid kyi phyir ro/ /de nyid kyi phyir rtog pa spangs pa'i bdag nyid can zhes gsungs te/ nyon mongs pa glo bur ba'i stobs kyis rang gis ngo bo las nyams pa med pa'i phyir ro/ /rtog pa ni rtog pa rnams kyis so/ /spangs pa ni rnam par dbyen pa'i bdag nyid gang la yod pa de rnams la de skad ces bya'o/ /dngos po kun gyi rang bzhin can zhes bya ba ni rnam par shes pa nyid la de'i rnam pa nyid snang ba nyid kyi phyir ro/ /brgya dang brgyad ni lhag par rgyu zhes bya ba ni/ rnam par rtog pa rnams yul la rgyab kyi phyogs pas zhes bya bar dgod nas so/ /de ltar mtshan nyid kyi ngo bo rgyas par bshad nas/ dus kyi nges pa brjod par

  191. 96a

    bya ba'i phyir/ 'di ni rnal 'byor zhes bya ba la sogs pa gsungs te sngar bshad pa'i mtshan nyid rang gi ngo bo'o/ /mchog ces bya ba ni/ rang bzhin gyi 'od gsal ba mtshon par byed pa'i phyir ro/ /yang dag ces bya ba ni phyin ci ma log pa'i ngo bos so/ /nyin zhag nyi shu rtsa bdun gyis zhes bya ba ni/ sngar bzhin no/ /mtshan nyid bsgom pa zhes bya ba ni rlung la'o/ /rnal 'byor pas zhes bya ba ni 'thung ba dang rdub pa dran pa sgom pa po'o/ /ji ltar gnas pa'i zhes bya ba ni/ snying ga la sogs pa'i gnas so/ /ji ltar bdag ces bya ba ni/ ji ltar gnas pa'i ngo bo zhes bya ba'i don to/ /de ltar rnam pa gnyis kyi mtshan nyid kyi rgyas par bshad pa bstan nas/ log pa'i rgyas par bshad pa bstan pa'i de'i yan lag rang gi ngo bo ni/ de nas rnal 'byor lo gnas ni zhes bya ba gsungs te/ rlung gi rnal 'byor de kho na nyid sgom pa pos log nas zhes bya ba ni/ brjod nas so/ /ji ltar brje bar bya zhe na/ de'i phyir rtog pa dang bcas pa'i rnal 'byor pa zhes gsungs te/ rnam par rtog pa brgya rtsa brgyad kyi ngo bo zhes bya ba'i don to/ /las dang po pa'i rnal 'byor pa la sogs pa rnam par sbyar bas dge ba'i chos bsgoms pas de bzhin gshegs pa gsum gyi ngo bo la sbyar bar bya'o/ de nyid kyi phyir rnam par rtog med rlung chen po zhes gsungs te/ 'jig rten pa'i zag pa dang bcas pa'i chos la rnam par bzlog nas/ 'jig rten las 'das pa'i chos la sbyor bar byed pas na/ rnam rtog med pa'o/ /rang gis rang bzhin thob pas na/ rlung chen po'o/ /rtsa'i 'khor lo zhes bya ba ni/ me la sogs pa'i dkyil 'khor ram 'khor lo drug gam bzhi rnams la'o/ /gtsal zhes bya ba ni rjes su bya'o/ /de thob na ni zhes bya ba ni/ rnam par mi rtog pa'i rlung gi ngo bos thob nas so/ /log pa dang zhes bya ba ni bzlog pa brten pa'o/ /de nas zhes bya ba ni/ yul gyi ngo bo bzung ba las so/ /nyon

  192. 96b

    mongs kun sbyor bas zhes bya ba ni/ rnam par rtog pa'i sbyor ba las so/ /zhes bya ba'i don to/ /de ltar log pa rgyas par bshad pa bstan nas/ dus nges par brjod pa'i phyir/ nges pa las ni zhes bya ba gsungs te/ dge ba'i chos la rnam par sbyar bas rlung nges pa'i phyir ro/ /don dam pa zhes bya ba ni/ rang bzhin gyi rnam par dag pa'i ngo bos so/ /nyin zhag nyi shu rtsa bdun la zhes bya ba ni/ sngar bzhin no/ /las dang po pa'i rnal 'byor pas zhes bya ba ni/ zab mo ma yin pa dang/ shin tu zab mo'i bskyed pa'i rim pa sgom pa'i sbyor bas so/ /log pa las zhes bya ba ni/ rnam par rtog pa'i rlung log pa'i mtshan nyid do/ /sgom par bya zhes bya ba ni/ goms par bya ba'o/ /mkhas pas zhes bya ba ni/ log pas bsgom pa yongs su shes pa nyid kyis phyir ro/ /de ltar rnam pa gnyis kyi log pa rgyas par bshad pa bstan nas/ rnam dag rgyas par bshad pa brjod pa'i phyir/ de'i yan lag gi ngo bo bstan pa ni/ de nas rnam dag ces bya ba la sogs pa gsungs te/ log pa bstan pa'i rjes la'o/ /rnam dag ni yongs su dag pa'o/ /de rnams kyang zhes bya ba ni/ rlung rnams so/ /yang dag rnal 'byor stobs kyi ni zhes bya ba ni/ dngos po med pa'i ngo bo bsgom pa 'am/ yi ge gsum sgom pas so/ /srog dang rtsol ba'i rnam rtog ces bya ba ni/ 'byung ba dang rdub pa'i dbugs kyi rnam par rtog pa rnams la'o/ /bkag ces bya ba ni/ zag pa dang bcas pa'i chos la mngon du phyogs pa las log nas/ zag pa med pa'i dge ba'i chos bsgom pa nyid kyis so/ /kun nas zhes bya ba ni/ slar mi skye zhing chos nyid kyis so/ /ji skad du gnod pa med pa bden pa'i don/ /rang bzhin gyis ni mi mthun phyogs/ /gnod pa med pa'i 'bad pas kyang/ /blo la de phyogs lhung ba'i phyir/ /zhes gsungs so/ /de lta na yang/ rnal 'byor mchog gi bsgom par bya zhes bya ba ni/ rdo rje bzlas pa'i rim pas thob pa'i thabs su gyur pa'o/ /rlung gi de kho na nyid ces bya ba ni/ rnal 'byor gsum

  193. 97a

    gyi dbye bas sna rtse rnam pa gsum po la thig le rnam pa gsum 'dzin pa'i ngo bo'o/ /de'i rgyu ni rkyen byed rnam par dag par zhes bya ba'i don to/ /de ltar rnam dag gi rgyas par bshad pa rang gi ngo bo bstan nas/ dus nges pa brjod pa'i phyir/ gnyis med mchog gi rnal 'byor gyis zhes gsungs te/ rnam par rtog pa las log pa'i bdag nyid can gyis so/ /nyin zhag nyi shu rtsa bdun la zhes bya ba ni snga ma bzhin no/ /de ltar don rnam pa drug gi rgyas par bshad pa bstan to/ /de ltar rnam pa gnyis kyi de bsgom pa'i thabs bstan nas/ rlung gi de kho na nyid rgyas par gshad pa brjod pa'i phyir/ de'i yan lag sems rtse gcig pa'i rgyu gsungs pa/ rlung gi de kho na nyid la brten pa zhes bya ba la sogs pa gsungs te/ sngar bshad pa'i las so/ /g.yeng ba'i sems zhes bya ba ni/ yul la mngon du phyogs pas mnyam par bzhag pa'i sems kyi rgyud ni/ gang zag rnams kyi'o/ /dag par 'gyur zhes bya ba ni/ yongs su dag par 'gyur ba'o/ /rten ni gnas so/ /de la zhes bya ba ni/ gang gi phyir de lta bur gyur pa'i yon tan rlung gi de kho na nyid yod de/ de bas na rtse gcig sems kyis ni/ zhes bya ba ni rnam par g.yeng ba med pa'i sems kyis so/ /dag par 'gyur zhes bya ba ni/ yongs su dag par 'gyur ba'o/ /rung gi stobs kyis bshad ma thag pa'i brgya rtsa brgyad kyi rnam par rtog pa rgyu ba logs nas so/ /de kho na nyid kyis zhes bya ba ni/ de ma thag par bshad pa'i 'byung ba dang rdub pa'i rjes su dran pa'i mtshan can no/ /rlung gi de nyid rnal 'byor mchog ces bya ba ni/ mchog gi ngo bo rdo rje bzlas pa'i sgrub pas so/ /yang dag ces bya ba ni/ phyin ci ma log pa'i gdams ngag gis stobs kyis zhes bya ba'i don to/ /gsal zhes bya ba ni bsgom bzhin pa'i rab tu mthar phyin par gsal bar snang ba'i phyir ro/ /de ltar sems rtse gcig pa'i rgyu brjod nas/ de'i don du dpe bstan

  194. 97b

    pa'i phyir/ khang bzangs byed pa bzhin du ni zhes bya ba la sogs pa gsungs te/ khang ba gsar ba byed pa pos sogs pas so/ /de bzhin du zhes bya ba ni ji lta ba bzhin du'o/ /thog mar zhes bya ba ni dang por ro/ /sa ni yongs su sbyong zhes bya ba ni/ mtho ba dang dma' ba' i skyon bzlog pa dang/ zug rngu phyung bas khang bzangs 'dzin pa'i nus pa dang ldan par byed do/ /de dang zhes bya bar ni yongs su sbyangs pa'i sa'i steng du ba'o/ /bgegs dang phral byas la zhes bya ba ni/ sa'i lha dang 'byung po la sogs pa'i bgegs nye bar zhi ba'i phyir ro/ /legs par dag par bya ba ni/ sbyin sreg dang gtor ma la sogs pas legs par dag par byas pa'o/ /khang bzang zhes bya ba ni khang pa'o/ /skal bzangs zhes bya ba ni/ tshad bzang po nyid kyi shin tu bkra shis pa nyid kyi phyir ro/ nyams dga' ba zhes bya ba ni/ yid la bde ba bskyed pa'i phyir ro/ /ji ltar 'dod par bya zhes bya ba ni/ ji ltar 'dod pa chen po dang chung ngu'i dbye bas so/ /bya zhes bya ba ni mkhas pa las byed pa la sogs pa'i sgo nas so/ /blo bzang zhes bya ba ni/ khang pa la sogs pa sprul pa la mkhas pa'i phyir ro/ /'dis ni dpe bstan to/ /don bstan pa'i phyir de bzhin zhes gsungs te/ legs par sbyangs pa'i sa phyogs su/ /khang bzang byed pa bzhin du'o/ /rnal 'byor ba zhes bya ba ni/ rdzogs pa'i rim pa bsgom pa'o/ /ye shes mchog ces bya ba ni/ mchog gi rdo rje bzlas pa skyed pa'i rgyur gyur pa'o/ /rlung gi de nyid mchog ces bya ba ni sngar bshad pa dang chad par gyur pa las so/ /rnam par bsgom zhes bya ba ni/ goms par bya ba'o/ /ji ltar zhe na/ de'i phyir srog dang rtsol ba'i zhes bya ba gsungs te/ srog kyang yin la rtsol ba yang yin pas na/ srog dang rtsol ba'o/ /de dag dang yang dag par sbyor ba ni/ rnam pa drug gi dbugs dbyung ba dang rdub pa rjes su dran pa'i mtshan nyid do/ /de sngon du 'gro bas zhes bya ba

  195. 98a

    ni/ de sngon du song bas so/ /mnyam bzhag nas zhes bya ba ni/ grangs la sogs pa'i yul la shin tu yang rtse gcig par gyur pa'i phyir ro/ /rnal 'byor mchog gi zhes bya ba ni mchog gi ting nge 'dzin skyed par byed pa'i rgyur gyur pa'o/ /ye shes cha zhes bya ba ni phyogs gcig pa'i ye shes las gnyen por gyur pa nyid kyi phyir ro/ bsgom par bya zhes bya ba ni/ goms par bya'o/ /de ltar rnal 'byor rig ces bya ba ni/ sngon du gsungs pa'i tshul gyis so/ /rnal 'byor ni 'byung ba dang rdub pa rjes su dran pa'i mtshan nyid shes pas na rjes su dran pa'o/ /de ltar don bstan nas de'i 'bras bu brjod pa'i phyir/ thog ma zhes bya ba gsungs te/ thog ma ni dang po nyid du'o/ /rlung gi de nyid dang zhes bya ba ni/ rdo rje bzlas pa'i thabs su gyur pa'o/ /'gyur zhes bya ba ni 'byung ba'o/ /sngags kyi de nyid ces bya ba ni sngags kyi btu ba dang/ sngags kyi don dang/ sngags kyi brnga dang/ sngags kyi de kho na nyid kyi dbye bas rnam pa bzhi'o/ /de nas zhes bya ba ni/ rlung gi de kho na nyid bsgom pa'i rjes la'o/ /gsal zhes bya ba ni/ 'jug pa dang gnas pa dang ldang ba'i mtshan nyid can gyi rlung gsum yi ge gsum la sbyar bas gsal ba'o/ /'gyur zhes bya ba ni sngar bshad pa dang 'brel ba'o/ /de ltar de'i 'bras bu bstan nas/ rlung gi de kho na nyid rgyas par bshad pa brjod par bya ba'i phyir de'i yan lag so sor rgyas par bshad pa'i ngo bo ni de la rlung gi zhes bya ba la sogs pa gsungs te/ rang gi ngo bo bsgom par bya zhes bya ba'i lhag ma'o/ /'od zer mchog ces bya ba ni/ 'od zer kha dog lnga pa'i ngo bo ste/ rlung lnga yongs su sdus pa'i rnam pa nyid kyi phyir ro/ /kha dog lnga zhes bya ba ni/ de bzhin gshegs pa'i lnga'i kha dog dang ldan pa'i phyir ro/ /gsal ba chen po zhes bya ba ni/ 'od gsal ba nyid kyi gsal bar byed bzhin pa'o/ /de bzhin gshegs pa'i lnga'i rang bzhin zhes bya ba ni/ sngar bshad zin

  196. 98b

    to/ /phung po lnga'i ngo bo nyid ces bya ba ni/ srog ni rnam par shes pa'i phung po'o/ /thur sel ni tshor ba'i phung po'o/ /mnyam gnas ni 'du shes kyi phung po'o/ /gyen du rgyu ba ni 'du byed kyi phung po'o/ /khyab byed ni gzugs kyi phung po'o/ /phung po lnga ni rnam dag pa zhes bya ba ni/ srog ni shin tu rnam par dag pa'i chos kyi dbyings kyi ye shes so/ /thur sel ni mnyam pa nyid kyi ye shes so/ /mnyam gnas ni so sor rtog pa'i ye shes so/ /gyen du rgyu ba ni bya ba grub pa'i ye shes so/ /khyab byed ni me long lta bu'i ye shes so/ /rlung lnga nyid du rgyu bar byed ces bya ba ni/ srog la sogs pa lnga 'bab pas na rlung lnga rgyu ba'o/ /mngon par byang chub pa lnga'i zhes bya ba ni/ ji skad du me long ye shes zla ba ste/ zhes bya ba la sogs pa gsungs so/ /de dang 'dra ba nyid kyi rlung rnam pa lnga po rnams ye shes lnga'i rnam par dag pas rnam pa lngas mngon par byang chub pas zhes bya'o/ /mchog gi go 'phang zhes bya ba ni/ rdo rje bzlas pa mngon du byed pa'i rgyur gyur pa'o/ /de ltar so sor rgyas par bshad pa bstan nas/ 'od zer gyi thig le bsgom pa'i gnas nges pa brjod pa'i phyir/ sna'i rtse mor de nyid mchog ces gsungs te/ kun rdzob kyi sna'i rtse mor sems rtse gcig pa'i rgyur gyur pa'o/ /rlung lnga yi ni ngo bo nyid ces bya ba ni/ de nyid bsdus pa nyid kyi phyir ro/ /rlung gi thig le zhes ni bshad ces bya ba ni/ de las gzhan pa'i sngags rdzas kyi thig le la bltos pas 'od zer gyi thig le'o/ /yang dag de nyid ces bya ba ni/ kun brtags ma yin pa nyid kyi phyir ro/ /rang bzhin gyis grub pa'o/ /gsal ba zhes bya ba ni/ rnal 'byor pa'i shes pa de la de ltar snang ba'i phyir ro/ de ltar 'od zer gyi thig le sgom pa'i gnas rgyas par bshad pa bstan nas/ rgyud gzhan rnams su dag gcig pu bstan pa brjod pa'i phyir ro/ /sna rtser zhes bya ba la sogs pa gsungs te/ de yang ni zhes bya ba ni/ 'od zer gyi thig le'o/ /rgyud gzhan

  197. 99a

    rnams su zhes bya ba ni/ dpal gsang ba 'dus pa la sogs pa rtsa ba'i rgyud du gyur pa rnams la'o/ /gsungs pa ni zhes bya ba ni bdag nyid rdo rje sems dpa' i ngo bos so/ /sna rtse yungs kar zhes bya ba ni/ kun rdzob kyi sna rtse ni gdong gi sna rtse la'o// yungs kar gyi 'bru'i tshang tsam mo/ /srog dang rtsol ba'i brtag pa zhes bya ba ni/ srog dang rtsol ba mtshon par byed pa'o/ /srog dang rtsol ba la gnas pas zhes bya ba ni/ srog dang rtsol ba de nyid la sangs rgyas lnga'i rang bzhin 'od zer lnga gnas pa ste/ dkyil 'khor bzhi las byung ba bzhi dang/ lnga pa khyab byed kyi rlung khyab byed kyi bdag nyid kyi 'od zer ro/ /'dis ni 'od zer gyi ngo bo'i thig le zhes bstan par 'gyur ro/ /rig pa'i ngang tshul thig le zhes bya ba'i des tshig go /de ltar rgyud gzhan rnams su dag bstan nas/ rlung 'jug pa'i lam brjod pa'i phyir/ steng gi sna las zhes bya ba la sogs pa gsungs te/ de'i 'od zer 'di rnams sems can gyi khams thams cad la steng gi sna las zhes bya ba gdong gi sna las rnam par rgyu ba yin no/ /ji ltar zhe na/ de'i phyir g.yon dang zhes bya ba la sogs pa gsungs te/ nyi ma'i thun dang po la me'i dkyil 'khor mgrin par gnas pa las g.yas pa'i sna bug las kha dog dmar ba'i 'od zer gyi rgyu'o/ /thun gnyis pa la rlung gi dkyil 'khor lte ba la gnas pa las g.yon pa'i sna bug nas 'od zer sngon po'i kha dog gi rgyu'o nyi ma gung gi rjes la thun gsum pa la sa'i dkyil 'khor gsang ba'i pad+ma la gnas pa las/ 'od zer kha dog ser po sna bug gnyis ka nas rgyu'o/ /mthun bzhi pa la snying ga'i pad+mar gnas pa'i chu'i dkyil 'khor las 'od zer kha dog dkar po sna bu gnyis ka nas ngal dus rgyu bar byed do/ /mtshan mo la yang de bzhin du'o/ /'di yang dkyil 'khor so so la cha bzhi gtso bo dang gtso bo ma yin pa'i ngo bos gnas te/ de rnams la yang de nyid rim pas shes par bya'o/ /de skad du yang me'i dkyil 'khor gyi

  198. 99b

    rang gi cha shar ba na/ g.yas pa'i g.yas pa las 'od zer dmar po 'byung bar 'gyur ro/ /me'i rlung gi dkyil 'khor gyi cha shar ba na g.yas pa'i g.yon pa las/ 'od zer ljang gser 'byung bar 'gyur ro/ /me'i sa'i cha 'char ba na/ /g.yas pa'i gnyis ka las 'od zer ser po 'byung bar 'gyur ro/ /me'i chu'i cha 'char ba na g.yas pa'i gnyis ka las dar bar rgyu ba'i 'od zer dkar po 'byung bar 'gyur ro/ /de bzhin du gzhan rnams la yang sbyar bar bya'o/ /de nyid kyi phyir nang gi dus ni yin par bshad ces gsungs te/ phyi rol du nyin zhag gcig la drug cu rtsa bzhi'i grangs ji lta ba bzhin du nyin zhag gcig la dbugs nyi khri chig stong drug rgya'i grangs su 'gyur ro/ /ji ltar phyi rol tu dbyu gu dang/ thun gyi dbye bas nyi ma dang zla bas byas pa'i dus so/ /de bzhin du nang gi bdag nyid can srog dang thur sel gyi byas pa'i dus zhes bya ba'i tha tshig go /de ltar rlung la 'jug pa'i lam brjod nas/ rlung gi bya ba rgyas par bstan par bya ba'i phyir/ de'i yan lag 'dor bstan pa ni/ lkog ma snying ga lte ba dang zhes bya ba gsungs te/ lkog ma'i chu skyes la me'i dkyil 'khor gyi 'od zer gnas pa yin te/ de bzhin du chu dang rlung dang sa'i 'od zer rnams snying ga dang lte ba dang gsang ba'i chu skyes rnams la gnas zhes bya ba ni/ gnas bstan pa'o/ /de rnams kyang 'gro ba dang 'od ba ston te/ byed pa'i khams rnams la don du ma nyid kyi phyir ro/ /ston ces bya ba ni byed pa'i don to/ /'o na 'jug pa dang gnas pa dang ldang ba'i bdag nyid can gyi rlung rnams ji ltar 'gro ba dang 'ong ba gnyis byed pa rigs she na/ 'di ni skyon med de 'gro ba dang mi 'gro ba dang mi 'ong ba dang zhes bya ba bar ma'i tshig mi snang bar byas nas/ sdud pa la gnyis ldan gyi bsdu ba bya'o/ /de rnams kyi bra ba dang dags pa'i dbye bas dus kyi nges pa bstan pa'i phyir/ gnas par zhes bya ba la sogs pa gsungs te/ 'dir dbyu gu drug cu rtsa bzhis ni

  199. 100a

    phal cher nyin mtshan no/ /de dang nyin mtshan gyi dbye bas thun brgyad kyi bdag nyid do/ /thun gyi tshad kyang dbyu gu brgyad kyi bdag nyid do/ /de'i phyir chu tshod phyed ni 'od gsal gyi skad cig ma 'jug pa la sogs pa dang bral ba 'char ba yin te/ de yang cig char ni ma yin no/ /'on kyang chu tshod phyed dang brgyad la rgyu ba'i dbugs kyi 'khor lo la cha shas kyi dbye bas phye bas yud tsam mtshon par dka' ba'i skad cig la 'jug pa yin no/ /de yang phra ba'i rnal 'byor pa rnams kyi mtshon par yin gyis ma dpyad pa'i nyams dga' ba rags pa'i blo dang ldan pa rnams kyi ni ma yin no/ /'di ni re zhig rtse mo'i skad cig ma nye bar mtshon pa ni nyin mo chu tshod gnyis dang mtshan mo la yang gnyis zhes bya'o/ /de ltar na thun phyed kyi dus la chu tshod bzhi'i bdag nyid skye bar 'gyur ro/ /phra ba dang rags pa mthong ba'i dkyil 'khor bzhi 'char bas na so sor thun phyed kyi 'od zer gyi rgyu ba sna'i rtse mor bzung bar gyur pa na zhi ba la sogs pa'i rgyur gyur pa yin no/ /rnal 'byor pa rnams kyis kyang chu tshod bzhi'i bdag nyid can thun phyed kyis mtshon par byed pa dbugs kyi 'khor lo thams cad la de bzhin du dbye ba rig par bya'o/ /gang gis thams cad 'od gsal ba'i rang bzhin shes par 'gyur zhes bya ba'i don to/ /de nyid kyi phyir go rims ji bzhin zhes bya ba gsungs te/ g.yas pa la sogs pa'i dbye bas dkyil 'khor gyi rim pa zhes bya ba'i tha tshig go /de ltar mdor bstan pa bshad nas/ rgyas par bshad pa brjod pa'i phyir/ g.yas pa nas zhes bya ba la sogs pa gsungs te/ sna bug g.yas pa nas thun dang po las byung ba'i 'od ces bya ba ni/ mnyam gnas kyi rlung gtso bo'o/ /me'i dkyil 'khor nyid yin te/ zhes bya ba ni/ me'i dkyil 'khor las byung ba'i dbugs te/ rig par bya'o/ /sreg bya za bas snyam du dgongs pa'o/ /kha dog dmar zhing zhes bya ba ni/ rang dang 'os pa'i kha dog gi phyir

  200. 100b

    snang ba mdza' yas kyi cha yis so/ /gsal ba zhes bya ba ni rnal 'byor pa'i shes pa la gsal ba'i snang ba'i phyir ro/ /pad+ma mgon po zhes bya ba ni/ so sor rtog pa'i ye shes kyi 'dod chags la sogs pa'i yul la pad+ma ltar ma gos pa'i phyir pad+ma ni snang ba mdza' yas so// de nyid ni mgon po ste/ rang gi rigs rnams kyi bdag po nyid kyi phyir ro/ /dor zhes bya ba ni rlung dang dkyil 'khor la'o/ /lta ni byin gyis rlob par byed pa po'o/ /g.yon pa nas ni 'byung zhes bya ba ni/ g.yon pa'i sna bu ga nas thun gnyis pa la'o/ /'byung ba'i 'od ces bya ba ni/ rlung gyen du rgyu ba'i ngo bo'o/ /rlung gi dkyil 'khor zhes bya ba ni/ de las byung ba'i phyir ro/ /ljang ser dag tu snang ba ste/ zhes bya ba ni/ don yod grub pa'i mdog gi phyir ro/ /las kyi mgon po zhes bya ba ni/ bya ba grub pa'i ye shes kyi ngo bo rnam par dag pa'i phyir/ las ni don yod grub pa'o/ /de nyid kyang mgon po ste/ de'i rigs rnams la bdag po nyid kyi phyir ro/ /der zhes bya ba ni/ dkyil 'khor 'di dang rlung la'o/ /lha zhes bya ba ni sngar bzhin no/ /gnyis ka las ni zhes bya ba ni/ sna'i bu ga dag las 'byung ba zhes bya ba ni/ phyir 'byung ba'o/ /'od ces bya ba ni thur sel gyi rlung gi ngo bo'o/ /mdog ser po zhes bya ba ni/ rin chen 'byung ldan gyi ngo bo nyid kyi phyir ro/ /'od chen po zhes bya ba ni/ 'od gsal gyi ngo bo nyid du snang ba'i phyir ro/ /dbang chen gyi ni dkyil 'khor nyid ces bya ba ni/ sa'i dkyil 'khor la rin chen mgon po zhes bya ba ni/ bsam pa thams cad yongs su rdzogs par byed pa nyid kyi sbyin pa'i pha rol tu phyin pa'i ngo bo nyid kyi phyir rin chen 'byung ldan no/ /de nyid kyang rin po che'i rigs can rnams la bdag po nyid kyi phyir mgon po'o/ /der zhes bya ba ni dkyil 'khor dang rlung ngo/ /lha zhes bya ba ni snga ma bzhin no/ /ngal zhing rgyu ba zhes bya ba ni/ chu'i dkyil 'khor gyi ngo bo nyid kyis 'og tu 'gro ba'i ngang tshul can gyi phyir ngal ba ste/ rgyun ma chad par rgyu bas ngal pa'i phyir ngal bar rgyu ba'o/ /kun tu zla ba dkar dang

  201. 101a

    mtshungs zhes bya ba ni chu nyid dkar ba'i phyir ro/ /chu'i dkyil 'khor nyid yin te/ zhes bya ba ni thun bzhi pa la de nas srog gi rlung 'jug pas so/ /rdo rje mgon po zhes bya ba ni/ rdo rje ni shin tu rnam par dag pa'i chos kyi dbyings kyi phyir mi bskyod pa'o/ /de nyid kyi rang gi rigs rnams kyi bdag po nyid kyi phyir mgon po'o/ /der zhes bya ba ni dkyil 'khor dang rlung dag go /lha zhes bya ba ni snga ma bzhin no/ /rlung lnga pa'i ngo bo bstan pa'i phyir/ lus kun la ni gnas pa'i rlung zhes bya ba ni/ gang zhig lnga pa'i rlung ni khyab byed kyi rlung ste/ 'chi ba'i lus la 'byung bar 'gyur zhes pa dang 'brel to/ /lus kun gyi ni zhes bya ba ni/ lus kyi phra ba'i rgyud pa'i tshogs la rjes su 'gro ba ste/ khyab byed nyid du gnas pa'o/ /bya ba kun la 'jug pa zhes bya ba ni/ rlung rnams thams cad la 'jug pa la sogs pa rnams so/ de rnams la 'jug par byed pa ni/ 'jug pa'i rten du gyur pa'o/ /gang gi phyir rten med par rten pa la gnas pa la sogs pa'i dbye ba 'jug pa ma yin te/ snod kyi 'jig rten med par bcud kyi sems can ltar snyam du dgongs pa'o/ /yang na bya ba kun ni spyod lam gyi gnas pa la sogs pa'i ngo bo ste/ de rnams la 'jug pa'o/ rnam par snang mdzad ngo bo ste/ zhes bya ba ni/ khyad par du me long lta bu'i ye shes kyi bdag nyid kyi phyir gsal bar byed pas na/ rnam par snang mdzad do/ /de'i ngo bo ni sa'i khams kyi rnam par dag pa dang/ gzugs kyi phung po'i rnam par dag pas so/ /de la rtag tu bya ba med pa la 'chi ba'i lus las 'byung ba nyid las te/ rnam par shes pa rlung la zhon pa nyid kyi phyir ro/ /de ltar rgyas par bshad pa bstan nas/ nye bar bsdu ba'i sgo nas/ rlung gi de kho na nyid zab mo bstan pa ni/ rlung gi de nyid ces bya ba la sogs pa gsungs te/ de ma thag par bshad pa rnams so/ /gsal ba zhes bya ba ni/ sgom bzhin pa la rim gyi gsal bar 'gyur pa nyid kyi phyir ro/ /ye shes lnga'i rang bzhin can zhes bya ba ni/ rlung lnga pa rnams ni de bzhin gshegs pa lnga'i

  202. 101b

    bdag nyid can gyi phyir ro/ /rtog ges zhes bya ba ni/ dmigs pa dang bcas pa'i lta ba dang ldan pa rtog ge skam po tsam la dga' ba'o/ /mi rtogs zhes bya ba'o/ /byis pa'i yul min zhing zhes bya ba ni/ byis pa ni de kho na nyid la brda ma byang ba nyid kyi phyir ro/ /rnal 'byor yang yin te/ rgyun tu zhugs pa'i 'bras bu mngon du byed pa la sogs pa la gnas pa'i phyir ro/ /byis pa yang yin la rnal 'byor yang yin pas na/ de skad ces bya'o/ /de rnams las de nyan thos rnams dang bskyed pa'i rim pa la gnas pa'i rnal 'byor dang ldan pa'o/ /yul min cing zhes bya ba ni/ spyod yul du ma gyur pa ste/ de ltar rnam pa drug gi rlung gi de kho na nyid rgyas par bshad pa gsungs so/ /de ltar don rnam pa lngas rlung gi de kho na nyid rgyas par bshad nas/ de'i phye ba'i bdag nyid brjod pa'i phyir/ dngos grub thams cad ces bya ba la sogs pa gsungs te/ 'jig rten dang 'jig rten las 'das pa'i dngos grub kyi byed pa po nyid kyi phyir ro/ /de la 'jig rten pa ni zhi ba la sogs pa'i mtshan nyid can gyi dngos grub po/ /ji skad du yang yig don gyi gang cung zad dngos grub 'dod pas thams cad bya/ /ra yig la sogs gsum nyid kyi/ /'gro ba'i don la 'jug par bya/ /zhes gsungs so/ /'jig rten las 'das pa ni/ ngag rnam par dben pa'i mtshan nyid can te/ ji skad du sngags kyi de nyid gsal ba ni/ ngag gi rdo rje sgrub byed pa/ /ye shes gsum gyi rab dbye bas/ /sems tsam la ni nges par sbyar/ /gsal bar byed ces bya ba ni/ /rnal 'byor pa yi ces pa la/ shin tu gsal ba nyid kyi phyir ro/ /rnal 'byor kun gyi don sgrub pa/ zhes bya ba ni/ rnal 'byor kun gyi ni/ rlung thams cad kyi sbyor bas don ni rdo rje bzlas pa'i mtshan nyid do/ /sgrub pa zhes bya ba ni/ rnal 'byor pa'i don thams cad sgrub par byed pas na/ rnal 'byor kun gyi don sgrub pa'o/ /yang dag de nyid go 'phang zhes bya ba ni/ ma ning

  203. 102a

    gi bzlas pa'i ngo bo nyid kyi phyir ro/ /gsal zhes bya ba ni sngags kyi de kho na nyid kyis sbyor bas gsal bar byed ba nyid kyis phyir ro/ /rgyud kun gyi don bsdus pa zhes bya ba ni rgyud rnams thams cad kyi don ni thig le'i sbyor pa la sogs pa ste de'i sdud pa na rgyud thams cad kyi don sdud par byed pa'o/ /rdo rje sems dpa' i go 'phang zhes bya ba ni/ ngag gi 'od gsal ba nyid kyi phyir ro/ /gsal zhes bya ba ni thabs las byung ba nyid kyi phyir ro/ /rtag du zhes bya ba ni dus gsum du'o/ /thams cad bdag nyid ces bya ba ni/ lus thams cad dang yul la sogs pa'o/ /bzhugs zhes bya ba ni mchog ni zhes bya ba ni/ skyed pa'i rim pa'i mtshan nyid dang bral ba nyid kyi phyir ro/ /de nyid ces bya ba ni phyin ci ma log pa nyid kyi phyir ro/ /shin tu phra zhes bya ba ni/ rdzogs pa'i rim pa la gnas pa'i rnal 'byor pa nyid yin pa'i phyir/ rtogs par bya zhes bya ba ni shes par bya zhes bya ba'o/ /bla ma'i zhal las zhes bya ba ni mtshan nyid phun sum tshogs pa'i bla ma'i zhal las shes bya ba'i don to/ /rnal 'byor chen po'i/ rgyud dpal rdo rje phreng ba'i rgya cher 'grel pa/ paN+Di ta a li ka ka la shas mdzad pa/ zab mo'i don shin tu gsal bar byed pa zhes bya ba las/ le'u bcu gnyis pa'i rgya cher bshad pa'o// //de ltar le'u bcu gnyis pas rlung gi de kho na nyid kyi yul la dri ba'i lan bstan nas/ da ni skabs su bab pa'i bde ba chen po'i yul la dri ba'i lan gdab pa bstan pa'i phyir// le'u bcu sum pa ston cing rtsom pa ni/ de nas gzhan rnams zhes bya ba la sogs pa gsungs te/ le'u bcu gnyis pa'i rjes la'o/ /gzhan rnams zhes bya ba ni/ sngon gyi la bltos nas dbye ba'o/ /nyon zhes bya ba ni phyag na rdo rje thos pa la sbyar ba'o/ /bde ba chen po'i go 'phang bshad par bya zhes bya dang 'brel to/ /'chad

  204. 102b

    par 'gyur ba'i mtshan nyid brjod par bya'o/ /gsal ba zhes bya ba ni/ gcig tu bltos pa med par rtogs bskyed pa'i phyir ro/ /de ltar bde ba chen po'i yul la dri ba'i rtsom pa'i lan bstan nas/ dngos su bde ba chen po'i brjod pa'i phyir/ de'i yan lag mdor bstan pa gnyis ka'i rgyud kyi rjes su 'brangs nas/ brjod pa'i phyir ro/ /rdor sems go 'phangs mi byed pa zhes bya ba la sogs pa gsungs te/ ye shes lnga'i ngo bo rtsa lnga'i/ rang? bzhin can gyi rdo rje ste/ de la sems ni kun rdzob byang chub sems 'dzin pa'i bdag nyid rdo rje sems dpa' de'i ngo bo'i tshig ni sgra 'am/ gnas te dbye ba tha dad pa dang bral ba'i phyir ro/ /rang rig pas bya bas nas zhes bya ba ni/ rang gi rig par bya bas ni rig pa ste/ gzhan rnams kyi spyod yul ma yin pa'i phyir ro/ /mchog gi mchog ces bya ba ni/ nyams su myong ba gsal ba'i phyir ro/ /de'i phyir mchog ces bya ba ni/ de las 'das pa nyid kyi phyir ro/ /yod na rtog pa thams cad spangs pa'i phyir mchog go/ de las kyang mchog ni/ de kho na nyid gcig pa'i ngo bo nyid kyis bde ba chen po'i ngo bo'i phyir ro/ /kun rtog gis brtags kyis stong pa zhes bya ba ni/ dngos po dang dngos po min pa dang/ bde ba dang sdug bsngal gyi rnam rtog la sogs pa las 'das pa'i phyir ro/ /bde ba chen po zhes 'di brjod ces bya ba ni/ rnal 'byor chen po'i rgyud 'di nyid du bde ba chen po zhes 'di lta bu la brjod ces bya ba'i don to/ /de ltar gnyis ka'i rgyud kyi rjes su 'brangs nas/ mdor bstan pa brjod nas/ thun mongs ma yin pa'i rgyud kyi rjes su 'brangs nas mdor bstan pa brjod pa'i phyir ro/ lhan cig skyes pa'i dus ni zhes bya ba gsungs te/ snyigs ma lnga'i rnyog pa can du byas pa'i rtsod pa'i dus la 'byed par byed pa nyid kyi rgyu dang rkyen las ma skyes pa'i phyir lhan cig skyes pa'i dus ni bsam gyi mi khyab pa'i ngo bo'o/ /des bya ba ni/ rdo rje sems

  205. 103a

    dpa' i tshig gis bstan par bya ba'o/ /gzung ba dang 'dzin pa rnam par spangs/ zhes bya ba ni/ yul dang dbang po rnam par spangs pa'i phyir ro/ /bde dang sdug bsngal rnam par spangs zhes bya ba ni/ sems nye bar zhi ba'i rnam pa'i lhag ma med pa'i mya ngan las 'das pa'i mtshan nyid can gyi bde ba'o/ /sdug bsngal ni phung po lnga'i bdag nyid can 'khor ba'i mtshan nyid do/ /de dag las rnam par grol ba ni bral ba'o/ /zhi ba gnyis med rnam par 'byed ces bya ba ni/ nyan thos kyi ye shes dga' ba gnyis kyi bdag nyid can zhi ba dang gnyis su med pa rang sangs rgyas kyi ye shes dga' bral gyi mtshan nyid can khyad par 'byed pas zhi ba gnyis med rnam par bral ba'o/ /dngos po kun gyi rang bzhin bdag ces bya ba ni/ kun gyis sgras ni bde ba'i rtsa la brjod do/ /dngos po ni ye shes chen po'i ngo bo byang chub kyi sems yod pa nyid do/ /de ltar na rtsa rnams thams cad la byang chub kyi sems kyi ngo bo'i ye shes dngos po kun no/ /de'i rang bzhin ni de'i rang bzhin te/ de la bde ba chen po'i rang bzhin zhes bya ba'i don to/ /bde chen zhes bya ba ni/ bsdug bsngal thams cad nye bar zhi bar byed pa'o/ /'dir zhes bya ba ni skabs 'di la'o/ /brjod ces bya ba ni brjod par bya ba'o/ /de ltar rnam pa gnyis kyis mdor bstan pa bshad nas/ rgyas par bshad pa'i yan lag thun mong ba'i rgyud kyi rjes su 'brangs nas brjod pa'i phyir de'i rdo rje'i tshig rgyas par bshad pa ni/ ye shes lnga'i zhes bya ba la sogs pa gsungs te/ /de bzhin gshegs pa lnga'i rnam pa nyid kyi phyir ro/ /rdo rje zhes bya ba ni/ don dam par stong pa nyid kyi ngo bo dang/ kun rdzob tu sha lnga'i bdag nyid can no/ /de'i nyid kyi phyir sangs rgyas mnga' bdag rang bzhin can zhes gsungs te/ de bzhin gshegs pa rnam par snang mdzad la sogs pa'i rnam pa nyid kyi phyir ro/ /rtsa ni lnga las 'bab pa'i rgyun zhes bya ba ni/ la

  206. 103b

    la nA dang/ ra sa nA dang/ a ba d+hU tI dang/ lhas sbyin dang nor rgyas ni 'bab pa nyid kyi phyir ro/ /de ltar na rdo rje ye shes lnga'i dngos po zhes bya ba la sogs pas ni/ chos kyi sku'i ngo bo nyid bstan to/ /sangs rgyas mnga' bdag rang bzhin can zhes bya ba ni/ longs spyod rdzogs pa'i sku'i ngo bo bstan to/ /rtsa ni lnga las 'bab pa'i rgyun zhes bya ba ni/ sprul pa'i ngo bo bstan to/ /stong nyid rdo rje go 'phang zhes bya ba ni/ 'di ni ye shes lnga'i bdag nyid can gyi de ma thag par gsungs pa ni/ rgyas par bshad pa mdzad de/ rtag tu de lta nyid du rnam par rtog pa thams cad 'joms par byed cing ma bcos pas na gnas pa nyid kyi phyir rdo rje go 'phang ngo/ /gsal zhes bya ba ni/ sgom bzhin pa'i rab kyi mthar thug pa'i phyir ro/ /rang bzhin med cing zhes bya ba ni/ phung po dang khams dang skye mched la sogs pa'i rnam par rtog pas bzlog pas so/ /rnam pa med pa zhes bya ba ni/ gzugs can ma yin pa nyid kyi phyir ro/ /gnyis su med pa dang zhes bya ba ni/ gzung ba dang 'dzin pa gnyis dang rnam par bral ba nyid kyi phyir ro/ /tha dad spangs zhes bya ba ni/ bskyed pa'i rim pa bsgoms pas bsgom bya dang sgom byed kyi rnam par rtog pa med pa nyid kyi phyir ro/ /cha med ces bya ba ni/ sa bon gyi yi ge yongs su gyur pa las dben pa'i phyir ro/ /cha ni rnam par 'das zhes bya ba ni nyi ma dang zla ba'i dkyil 'khor gyi rnam par rtog pa dang bral ba nyid kyi phyir ro/ /kun tu rtog pa thams cad 'joms zhes bya ba ni/ zhal gsum phyag drug pa'i rnam pa can bsgoms pas tha mal pa dang de ma yin pa thams cad kyi rnam par rtog pa 'joms pa nyid kyi phyir ro/ /skye med ces bya ba ni/ rigs brgya'i dbye ba sgom pa las 'das pa nyid kyi skye ba bzlog pas so/ /zad med ces bya ba ni/ dbugs kyi 'khor lo nyin tshan du 'jug pas zad pa med pa'o/ /zhi ba dang zhes bya ba ni/ ngag gi spros pa bzhi rnam par zhi ba'i phyir ro/ /gnyis med ces bya ba ni/ rang bzhin dang snang ba'i rnam par

  207. 104a

    rtog pa dang 'od gsal la spang bya dang mngon du bya ba gnyis las log pa'i phyir ro/ /bde ba thams cad ces bya ba ni/ phyag rgya'i rim pas thob par bya ba nyid kyi phyir bde ba chen po ma lus pa thams cad gsal bar byed pa'i phyir ro/ /nyon mongs kun las rnam grol ba zhes bya ba ni/ sems kyi 'od gsal ba thob pa'i rjes la sgyu ma'i rang bzhin gyi lus phung po'i rnam par rtog pa las log pa'i phyir dang/ bden pa'i rnam par rtog pa log pa'o/ /bde ba thams cad la 'jug pa zhes bya ba ni/ rang bzhin gyi 'od gsal ba'i rgyu phyi dang nang gi bdag nyid can gyi mngon par byang chub pa'i rim gyis nye bar thob pa'i phyir ro/ /stong dang zhes bya ba ni/ bag chags su gyur pa sum cu rtsa gnyis kyi chags bral gyi rang bzhin gyi stong pa'i phyir ro/ /shin tu stong pa zhes bya ba ni/ sngar bzhin rang bzhin gyi tshogs bzhi bcu spangs pa'i bdag nyid kyi phyir ro/ /stong pa chen po zhes bya ba ni rang bzhin gyi tshogs bdun spangs pa nyid kyi phyir ro/ /mchog gi zhes bya ba ni/ sems kyi 'od gsal las mchog ste/ mcho tu gyur pa'o/ /thams cad stong pa zhes bya ba ni/ rang bzhin gyi 'od gsal ba'i rnam pa'o/ /stong pa'i gnas zhes bya ba ni/ zung 'jug gi bdag nyid kyi phyir ro/ /nam mkha' lnga'i ngo bo nyid kyi zhes bya ba ni/ phung po lnga stong pa nyid kyi ngo bo nyid kyi phyir ro/ /mi chod ces bya ba ni/ rang gi rang bzhin ma bcos pas me 'dor ba'i phyir ro/ /mi phyed pa zhes bya ba ni/ glo bur ba'i nyon mongs pa la sogs pa rnams kyi dbye bar mi nus pa nyid kyi phyir ro/ /mi 'gyur ba zhes bya ba ni/ rnam par rtog pa rnams kyi mi gnod pa nyid kyi phyir ro/ /mi tshig pa dang zhes bya ba ni/ chos nyid la rtag tu de'i ngo bos gnas pa'i phyir ro/ /'bigs zhes bya ba ni/ nang gi bdag nyid kyi mun pa'i tshogs la gnyen por gyur pa'i phyir ro/ /mchog ces bya ba ni/ mthar thug pa'i 'bras bu'i ngo bo'o/ /'dis ni chos kyi sku'i bdag nyid can gyi rdo rje

  208. 104b

    rje la gsungs so/ /longs spyod rdzogs pa'i sku'i ngo bo bstan pa'i phyir/ sangs rgyas lnga'i zhes bya ba la sogs pa gsungs te/ rnam par snang mdzad la sogs pa de bzhin gshegs pa rnam pa lnga'i ngo bo'o/ /ye shes mchog dang rang bzhin zhes bya ba ni me long lta bu la sogs pa'i ye shes lnga'i rang bzhin gyi ngo bo'o/ /rdo rje zhes ni brjod ces bya ba ni/ rdo rje sgras ni chos dang longs spyod la sogs pa'i sku gnyis bstan to/ /zhes bya ba'i don to/ /sprul pa'i sku'i ngo bo nyid brjod pa'i phyir/ snying rje ni sems can thams cad yongs su bskyab par byed pa'i rnam pas sbyor ba ni/ snying rje sbyor bas so/ /de dang yang dag par sbyor ba ni 'grel ba'o/ /mchog tu zhes bya ba ni/ mchog gi rang bzhin no/ /bde ba zhes bya ba ni rnam pa gnyis so/ /skye ba'i zhes bya ba ni/ nang gi bdag nyid kyi thabs dang shes rab dang snyoms par zhugs pa'i stobs kyis dang/ phyi rol gyi thabs shes rab dang snyoms par zhugs pa'i stobs kyi zhes bya ba'i don to/ /ji lta bus she na/ de'i phyir de nyid gsum ni ro gcig pa zhes bya ba gsungs te/ lus ngag yid gsum mi dmigs pa'i rnam pa nyid kyi phyir ro/ /de nyid gsum gyi ro gcig pa ni gcig tu gyur pa ste/ de nyid ni don 'di la dgos pa yod pa nas/ de nyid gsum ni ro gcig pa'i don to/ /brjod bya rjod byed rnam par spangs zhes bya ba ni/ sgra dang rnam par rtog pa rnams kyis rnam par bstan par bya ba ma yin pa nyid kyi phyir ro/ /bde chen zhes bya ba'i 'khor lo gnas zhes bya ba ni mgo bo'i gnas su gzhom du med pa las 'byung ba'i phyir de la gnas pa'o/ /dbang po rnams kyi spyod yul min zhes bya ba ni/ mig la sogs pa lnga'i yul ma yin pa nyid kyi phyir ro/ /mchog tu gnyis med rnal 'byor gyi zhes bya ba la/ mchog ni mchog nyid kyi phyir ro/ /gnyis med ni rnam par rtog pa nyid las log pa nyid kyi phyir ro/ /de yang yin la rnal 'byor kyang yin pas te/

  209. 105a

    rnal 'byor ni rnal 'byor pas so/ /dga' ba bzhi pa'i mtshan nyid can zhes bya ba ni/ dga' ba bzhi pa'i mtshan nyid can te/ lhan cig skyes pa'i ngo bo nyid kyi phyir ro/ /'khor lo bzhi'i rim gyi thob ces bya ba ni/ sprul pa la sogs pa 'khor lo bzhi la brten nas/ sngags dang rgyud dang ye shes kyi rim pa la sogs pas/ thob par bya ba nyid kyi phyir ro/ /yan lag bzhi'i go 'phang gsal zhes bya ba ni/ bsnyen po la sogs pa yan lag bzhi'i rims kyis nyams su myong bar gyur pa'o/ /gsal zhes bya ba ni/ dpe'i lhan cig skyes pa la bla ma'i man ngag gi rjes su 'brangs nas bsgom par bya ba nyid kyi phyir ro/ /stong nyid lnga yi kun nas gang zhes bya ba ni/ rtsa lnga'i nam mkha' la khyab par byed pa nyid kyi phyir ro/ /stong nyid lnga'i bdag nyid kyi lam nas gang ba ni yongs su rdzogs pa'o/ /cha bzhi yis ni rnam par 'phel zhes bya ba ni/ o yig gis nor bu'i rtse mor byin gyis brlabs pa'i phyir ro/ /de'i cha bzhi a'i yi ge dang/ o dang thig le dang/ zla tshes kyi cha'i bdag nyid can gyi phyir ro/ /oM yig kyang 'jug pa'i ngo bo nyid kyi phyir byang chub kyi sems 'dzin pa'i thabs nyid bstan to/ /de ltar rdo rje'i tshig rgyas par bshad pa bstan nas/ sems dpa' i tshig rgyas par bshad pa'i phyir rdo rje rtse mor zhes bya ba la sogs pa gsungs te/ thabs kyi yan lag gi rtse mo la'o/ /'dzin pa ni rlung gi de kho na nyid kyis stobs kyis sam/ yi ge nye bar dgod pas gzung ba'o/ /sems dpa' zhes bya ba gtan la dbab ces bya ba ni/ sems dpa' i sgras brjod par bya ste/ /rdo rje'i rtse mor byang chub kyi sems la sems dpa' ste/ yod par gyur pa nyid kyi phyir/ zhes bya ba'i don to/ /de ltar yang nam mkha' cha yis gang zhes bya ba ni/ rtsa nga'i ngo bo'i rdo rje dang 'brel pa'i nam mkha' i cha ni nam mkha' i ngo bo nyid do/ /gang zhes bya ba ni/ byang chub sems kyis so/ /'di ni rdo rje sems dpa' brjod ces bya ba ni/ 'di

  210. 105b

    ni zhes bya ba ni/ sngags kyi theg pa la ste/ rdo rje sems dpa' der brjod do/ /de ltar sems dpa' i tshig bshad nas/ de nyid la bde ba chen po'i sgras brjod par bya ba nyid bstan pa'i phyir/ de nyid bde chen go 'phangs te/ zhes bya ba la/ de nyid ces bya ba ni/ rdo rje sems dpa' i tshig gis bstan par bya ba'o/ /bde ba chen po'i go 'phang zhes bya ba ni/ de 'dug pa'i gnas te/ sdug bsngal thams cad las log pa'i phyir ro/ /bzhi pa'i dga' ba zhes bya ba ni/ dga' ba bzhi pa'i ngo bo lhan cig skyes pa zhes bya ba'i don to/ /kun la khyab ces bya ba ni/ dga' ba la sogs pa thams cad la khyab byed nyid du gnas pa'i phyir ro/ /ji skad du yang na kun bdag de nyid de zhes bya ba'o/ /tsa rnams kun la khyab po ces bya ba ni/ 'khor lo bzhis bsdus pa 'am rtsa stong phrag bdun cu rtsa gnyis yi grangs kyi khyab pa rnams la'o/ /khyab pa ni byang chub kyi sems rnam pa gnyis kyi ngo bo nyid kyis so/ /gal te de ltar yin na/ 'o na ji ltar rtogs par bya zhe na/ de'i phyir dpa' bo rnal 'byor ma sbyor skyes zhes bya ba gsungs te/ /dpa' bo dang rnal 'byor ma'i thabs dang shes rab dag gis sbyor ba ni 'brel pa ste/ de las skyes pa'o/ /de ltar rnam pa gnyis kyis sems dpa' i tshig gi bshad pa brjod nas mi phyed pa'i tshig rgyas par bshad pa brjod pa'i phyir/ mi phyed ces bya ba la sogs pa gsungs te/ dbye ba dang bral ba'i phyir/ de nyid ni dbye ba rnam par spangs zhes gsungs te/ bdag dga' ba la sogs pa gsum spangs pa'i gnas so/ /zhes bya ba de lta bu'i rnam pa tha dad pa'i rnam par rtog pa bzlog pa'i phyir ro/ /de'i ngo bo zhes bya ba ni dga' ba la sogs pa'i rang bzhin te/ de rnams la khyab byed nyid kyi phyir ro/ /ji skad du yang na thams cad kun bdag nyid ces gsungs so/ /yang na de'i ngo bo ma yin pa zhes gzhung kha cig las 'byung ste/ /de'i phyogs la ni bsnyen pa la sogs pa'i yan lag dang/ rnam pa sna tshogs la sogs pa'i

  211. 106a

    skad cig ma dang/ dga' ba la sogs pa'i ngo bo rnam par dben pa'o/ /ji skad du yang na thams cad rnam par spangs zhes gsungs so/ /de nyid de zhes bya ba ni/ lhan cig skyes pa'i rnam pa nyid dga' ba gsum mo/ /zhes bya ba'i tha tshig go /de las phyi rol tu gyur pa'i chos gzhan med pa'i phyir ro/ /ji skad du chos kyi dbyings la sma gtogs pa/ /gang phyir chos ni yod ma yin/ /zhes gsungs pas so/ /de ltar mi phyed pa'i tshig bstan pa bshad nas/ rang rig gi tshig rgya par bshad pa bstan pa'i phyir/ rang nyid tshor ba zhes bya ba la sogs pa gsungs te/ rang zhes bya ba ni shes pa gzhan gyis ma yin pa'o/ /tshor ba zhes bya ba ni/ nang gi ngo bo bde ba la sogs pa'i bdag nyid kyis so/ /rig bya bas zhes bya ba ni yang dag par sems par bya'o/ /pha rol gzhan gyi zhes bya ba ni/ rang gi rgyud spangs nas gzhan rnams la'o/ /spyod yul min zhes bya ba na/ yul med pa'i phyir ro/ /mtshon par dka' ba zhes bya ba ni/ bla ma'i gdams ngag med par mtshon par mi nus pa nyid kyi phyir ro/ /dpe 'das zhes bya ba ni de dang mtshungs pa gzhan med pa'i phyir ro/ /rang gi blo la zhes bya ba ni/ rang bzhin gyis rnam par dag pa la bltos nas/ rnal 'byor pa'i shes pa rang la gnas pa zhes bya'o/ /de spangs nas rang gi bdag nyid mi dmigs pa nyid kyi phyir ro/ /rang rig pa zhes bshad pa'i zhes bya ba ni/ rgyu 'di nyid kyis so/ gzhon nu ma'i bde ba bzhin zhes bya ba ni/ skye gnas mnyam pa gzhon nu ma'i bde ba ni/ skyes pa'i rkyen las byung ba'i bde ba rang gis rig par bya ba ni/ ngag gi spyod yul ma yin pa de bzhin du 'di yang zhes bya ba'i don to/ /de ltar rang rig gi tshig rgyas par bstan nas/ mchog gi tshig brjod par bya ba'i phyir ro/ /mchog tu zhes bya ba la sogs pa gsungs te/ gsal bar nyams su myong zhes bya ba ni/ gsal bar snang ba na rig pa'o/ /de nyid mchog dang zhes bya ba

  212. 106b

    ni/ mdor bstan pa'o/ /de nyid rgyas par bshad pa ni/ de spangs pa zhes bya ba gsung ste/ rig pa gsum po spangs pa'o/ /mchog dang zhes bya ba ni/ mchog ni rtog pa la sogs pa ste/ thams cad kyang yin rtog pa yang yin te/ yod pa dang med pa dang dngos po dang dngos po med pa spros pa'i ngo bo'o/ /de rnams la sogs pa gang rnams la yod pa de ni rtog pa kun la sogs pa de rnams kyang yin la rtog pa yan yin te/ pra ba'i rnam par rtog pa'i rnam pa can rtog pa la sogs pa'o/ /de rnams spangs pa'i bdag nyid gang la yod pa de rtog pa kun la sogs pa'i gsal ba'i bdag nyid do/ /rags pa dang rnam par rtog pa dang bral bas rnam par mi rtog pa'i rnam pa'i rigs ces bya ba'i don to/ /de ltar mchog gi tshig bstan pa bshad nas/ da ni mchog gi tshig rgyas par bshad pa brjod pa'i phyir de ni mchog dang zhes bya ba la sogs pa gsungs te/ de las rnam par mi rtog pa nyams su myong ba las mchog go /bde ba che zhes bya ba ni/ bde ba chen po'i ngo bo ste/ rtag tu lhan cig skyes pa gcig bu'i mthar thug pa'i phyir ro/ /de nyid gsum du mtshan nyid gcig ces bya'o/ dga' ba gsum po mtshan nyid gcig pa nyid kyi phyir ro/ /lus ngag yid gsum gyi de kho na nyid kyi phyir ro/ /de dang bral bas de brjod de zhes bya ba ni/ lus kyi de kho na nyid la sogs pa dang ngo/ /bral ba ni spangs pa'o/ /de brjod de zhes bya ba ni/ rang rig pa'i ye shes so/ /gnyis po thams cad rnam par spangs zhes bya ba ni/ gnyis su snang ba thams cad med pa'i phyir ro/ /de ltar de ni mchog gi bstan pa bshad nas/ kun rtog gi stong pa'i tshig rgyas par bshad pa brjod pa'i phyir/ dngos dang dngos med ces bya ba la sogs pa gsungs te/ de dag la sogs pa'i rnam par rtog pas bral ba'i blo'o/ /bsgom par bya zhes bya ba lhag ma kha bskangs nas 'brel par bya'o/ /dngos dang dngos med ni yod pa dang med pa'o/ /bde ba'i bdag nyid sdug bsngal gyi rtog pa ni/ bde ba'i bdag nyid kyang yin la sdug bsngal bdag nyid kyang yin te

  213. 107a

    bde ba'i bdag nyid kyi sdug bsngal la dngos dang dngos med bde ba'i bdag nyid sdug bsngal lo/ /de nyid rnam par rtog pa ste/ dngos dang don med bde ba'i bdag nyid sdug bsngal can no/ /'khor ba thar pa'i bdag nyid can zhes bya ba ni/ bcings pa dang grol ba'i ngo bo'o/ /'khor ba ni lha la sogs pa'i rnam pas phung po la sogs pa rnams yongs su ma shes pa'o/ /de las bzlog pas yongs su shes pa ni/ thar pa'o de'i bdag nyid gang la yod pa de la de skad ces bya'o/ /gnyis dang gnyis med rnam dpyod dang bzhin dang zhes bya ba ni/ gnyis ni gnyis su rnam par rtog pa'i mtshan nyid kyi spyod pa ste/ 'di lta ste/ phung po lnga rnams la rang bzhin med par rtogs par bya ba'i don du de bzhin gshegs pa lnga la sogs pa'i rnam pa bsgom pa'o/ /gnyis med rnam spyod ces bya ba ni/ rang bzhin gyi 'od gsal ba nyid kyis chos thams cad rtogs pa'o/ /de'i rang bzhin dang bral ba ni/ gnyi ga'i spyod pa nub pa'i phyir ro/ /blo ni zhes bya ba ni/ she rab ste/ rnal 'byor pa dang 'brel pa bsgom par bya/ zhes bya ba'i lhag ma'o/ /ji lta bu zhe na/ de'i phyir zhi ba'i rtog pa'i bdag nyid can zhes gsungs te/ zhi ba ni rnam par rtog pa thams cad nye bar zhi ba'o/ /rtog pa ni ye shes so/ /de'i bdag nyid can no/ /rnam par rtog pa nye bar zhi ba zhes bya ba'i tha tshig go /gsungs pa'i nyon mongs gcod pa'i zhes bya ba ni/ ji ltar srid pa pa'i rim pa gnyis bsgoms pas nyon mongs pa gcod pa'i phyir ro/ /'gro ba gsum zhes bya ba ni/ khams gsum pa'i yul la'o/ /kun rtog dang bral ba zhes bya ba ni/ don dam par rnam par dag pa nyid kyi phyir ro/ /'dis ni kun rtog gi rtog pa stong pa'i tshig bstan pa bshad nas de ltar don rnam pa bdun gyi thun mong ba'i rgyud kyi rjes su 'brangs nas rgyas pa bshad pa bstan nas/ thun mong ma yin pa'i rgyud kyi rjes su 'brangs nas rgyas par bshad pa brjod pa'i phyir/ de'i yan lag lhan cig skyes pa'i dus rgyas par bshad pa bstan pa'i ni/ shes rab shes bya'i

  214. 107b

    rnam rtog rnam bral zhes bya ba gsungs te/ rtogs bya dang rtogs byed kyi rnam rtog gi ngo bo rnam par spangs so/ /bde ba zhes bya ba ni lhan cig skyes pa'i mtshan nyid can no/ /rang bzhin dang zhes bya ba ni/ rgyu dang rkyen las skyes pa nyid kyis bcos ma med pa nyid kyi phyir ro/ /mdza' 'gyur zhes bya ba ni/ dga' ba gsum gyi mdza' nyid du gnas pa'i phyir ro/ /kun 'gro zhes bya ba ni/ de rnams la khyab par byed pa nyid kyi phyir ro/ /zhi ba'i zhes bya ba ni/ nyams su myong ba'i dus na sangs rgyas kyi yon tan ma lus pa dang 'dres shing tha mi dad pa'o/ / mchog gi mchog rab ces bya ba ni/ de dang 'dra ba gzhan med pa nyid kyi phyir ro/ /de nyid ces bya ba ni/ rtag tu de nyid kyi ngo bo nyid du gnas pa nyid kyi phyir ro/ /de'i dngos po ni de nyid snyam du bsams nas so/ /'gro ba'i bde ba zhes bya ba ni/ de'i bdag po nyid kyi 'gro ba rnams la bde ba skyes pa ni bde ba gsol ba'o/ /ji skad du de dang nye ba gnas pa tsam gyis de skyes pa yid bzhin nor bu ltar/ ji ltar 'dod pa 'byung 'gyur te/ /rtsig pa shing sogs brtan pa 'byung zhes gsungs so/ /ji lta bu zhe na/ de'i phyir rtsod pa'i dus kyi mdza' dang bral zhes gsungs te/ 'bum phrag lnga'i lo'i tshad kyi snyigs ma lngas gang ba'i dus na ste/ rtsod pa'i dus las log pa'i bdag nyid can no/ /de mngon du byed pas dus kyi snang ba med pa'i phyir ro/ /yang na dus ni rtsod pa'i dus zhes bshad ces bya ba gzhung kha cig las te/ de'i phyogs la ni/ rang rig pa'i ye shes nyid kyis rtsod pa'i dus te/ dus der phyi rol gyi phyag rgya'i rim pas/ de mtshon pa nyid kyi phyir ro/ /bzhi pa'i mtshan nyid skad cig can zhes bya ba la 'byung ste/ dga' ba la sogs pa'i rim pas bzhi pa ni lhan cig skyes pa'i rnam pa nye bar dmigs bzhin pa'o/ /rtog med ces bya ba ni/ mi mthun pa'i phyogs bcom pa'i phyir ro/ /'khrul 'khor spong la mkhas zhes bya ba ni/ 'khor ba ni srid pa'o/ /de nyid ni 'khrul pa ste/ rnam par 'khor ba ste/ phyin ci log gi stobs

  215. 108a

    kyis bskyed pa'i phyir srid pa'i 'khrul pa'o/ /de bzlog pa ni rim pa gnyis bsgoms pas mi mthun pa'i phyogs las rgyal ba'o/ /de la mkhas pa ni lhan cig skyes pa'i dbang gis 'khrul pa'i 'khor ba bzlog pa'i phyir ro/ /gzhan yang ro gcig bde ba chen pos myong zhes bya ba ni/ mnyam pa chen po'i ro ni/ tha dad ba'i rnam par rtog pa'i bdag nyid can gyis so/ myos pa ni tha dad pa'i rnam par rtog pa med pa'i ngo bo'i bde ba'i khyad par ro/ /des mnyam pa'i ye shes ni/ de bzhin nyid kyi bstan pa dang/ g.yo ba'i rnam par rtog pa log pa'i ngo bo ni/ de'i mtshan nyid can de'i rang bzhin gyi dus zhes bya ba'i don to/ /bsam gyis mi khyab pa'i dus kyi ngo bo nyid kyi phyir ro/ /de ltar lhan cig skyes pa'i dga' ba'i dus rgyas par bshad nas/ gzung ba dang 'dzin pa ste/ spangs pa'i tshig rgyas par bshad pa'i phyir/ gzung ba rnams ni/ zhes bya ba la sogs pa gsungs te/ yul can gyi shes pas snang bar gyur pa nyid kyi phyir ro/ /yul rnams zhes bya ba ni/ spyod yul du gyur pa'o/ /gzugs la sogs pa las zhes bya ba ni/ lnga 'am drug las so/ /kun nas zhes bya ba ni/ mdog dang dbyibs la sogs pa ji ltar srid pa kun nas so/ /'dzin pa zhes bya ba ni/ gzung bya'i yul 'dzin par byed pa nyid kyi phyir ro/ /dbang po zhes bya ba ni/ mig la sogs pa rnams so/ /rang bzhin gyi zhes bya ba ni/ ngo bo nyid kyis te/ de la mngon du phyogs pa nyid kyi phyir ro/ /de dang bral zhing mchog tu phra zhes bya ba ni/ dbang po dang yul bzung ba dang 'dzin pa'i rang bzhin dag gis rnam par dbyen pa ste/ lhan cig skyes pa thob pa'i dus su de lta bu'i snang ba thob pa'i phyir ro/ /mchog tu zhes bya ba ni/ mchog gi ngo bo'o/ /phra zhes bya ba ni/ phra mo'i rnal 'byor rnams kyis rig par bya ba nyid kyi phyir ro/ /ye shes zhes bya ba ni/ nyams su myong ba'i bdag nyid kyi phyir ro/ /bde ba kun gyi bdag

  216. 108b

    ces bya ba ni/ bla na med pa'i bde ba'i bdag nyid do/ /'khrul pa dang mchog ma yin pa dang mngon du ma gyur pa med pa'i phyir ro/ /de nyid kyi phyir sdug bsngal kun las rnam par grol zhes gsungs te/ tha dad pa'i snang ba med pa'i phyir ro/ /gzung dang 'dzin pa rnam par spangs zhes bya ba ni/ snga ma bzhin no/ /de ltar bzung ba dang 'dzin pa rnam par spangs pa'i tshig bstan nas bde ba dang sdug bsngal las rnam par grol ba'i tshig brjod pa'i phyir/ bde ba sems ni zhi ba nyid ces bya ba la sogs pa gsungs te/ rnam par rtog pa nye bar zhi ba'i ngo bo nyid kyi phyir ro/ /sdug bsngal gyi tshig bshad pa'i phyir/ /sdug bsngal 'khor ba'i mtshan nyid des zhes gsungs so/ /phung po dang/ khams dang skye mched kyi snang ba'i bdag nyid can de 'khor ba sdug bsngal gyi phung po can zhes bya ba'i tshig gis so/ /de las rnam grol zhes bya ba ni/ rnam par rtog pa nye bar zhi ba'i ngo bo dang/ 'khor ba'i mtshan nyid can gyi sdug bsngal dag las rnam par grol ba ni bral ba'o/ /'jig pa med ces bya ba ni/ phyogs gcig gis 'khyud pa'i mtshan nyid kyi 'jig pa med pa'i phyir ro/ /ji skad du med pa po ni ngan 'gror 'gro /yod pa po ni bzang 'gror 'gro zhes gsungs so/ /de nyid gsungs pa ni/ mi gnas mya ngan 'das pa po zhes bya ba ste/ shes rab kyi sgo nas 'khor ba la gnas pa med pa'i phyir ro/ /snying rje'i sgo nas kyang mya ngan las 'das pa'i yon tan ma dmigs pa'i phyir/ zung du 'jug pa'i rnam pas so/ /ji skad du shes pa srid la mi gnas dang/ snying rje zhi la mi gnas shing/ zhes bya ba la sogs pa gsungs so/ /don de nyid ni rang nyid kyis kyang gsungs te/ stong nyid ye shes chen po'i bdag ces bya ba la sogs pa ste/ lha'i nga rgyal bsgoms pas sam/ sngags la sogs pa'i rim pa bsgoms pas chos thams cad rang bzhin med pa stong pa nyid kyi mtshan nyid can gyi ye shes chen po'i bdag nyid can nyams su myong ba dang 'brel pa'o/ /'khor ba'i zhes bya ba ni/ 'gro ba

  217. 109a

    drug gi dbye ba tha dad pa'o/ /sdug bsngal mi 'byung zhing zhes bya ba ni/ sems can gyi don byed kyang de'i log par rtog pa rnams kyi ngal ba med pa nyid kyi phyir ro/ /thugs rjes dbang du mdzad pa'i phyir zhes bya ba ni/ skye ba mdza' yas par goms par byas pas/ snying rje chen po'i gzhan dbang du gyur pa'i phyir ro/ /mya ngan las 'das pa'i zhes bya ba ni/ rnam rtog nye bar zhi pa'i rnam par bde ba mi skyed pa ste zhi ba'i ro mi myang ba nyid kyi phyir ro/ /de ltar bde ba dang sdug bsngal las rnam par grol ba'i tshig bstan pa bshad nas/ zhi ba dang gnyis med kyi tshig rgyas par bshad pa brjod pa'i phyir/ zhi ba nyan thos ye shes nyid ces bya ba gsungs te/ phung po nye bar zhi ba'i mtshan nyid can lhag ma med pa'i mya ngan las 'das pa ste/ phung po'i rnam par rtog pa dang nyon mongs pa dag bral ba'i phyir ro/ /gnyis med tshogs dang bse ru'o zhes bya ba ni/ rang sangs rgyas bse ru ltar spyod pa tshogs na spyod pa gzung ba'i don dang bral ba'i phyir ro/ /gnyis su med pa'o/ /de dag ces bya ba ni/ nyan thos dang rang sangs rgyas la sogs pa rnams kyi'o/ /bde bar rtog ges 'byed pa'i zhes bya ba ni/ de rab tu grags pa'i thabs las byung ba'i dbye ba po de spang ba'i mtshan nyid can gyi phyir ro/ /de dang bral ba'i bde ba chen po zhes bya ba ni/ 'di ni bde ba chen po'i ngo bo zhes bya ba'i don to/ /de bshad pa'i phyir 'di dga' ba gnyis kyi dus zhes gsungs te/ nyan thos ye shes zhes bya ba ni/ zag pa'i don gyis so/ /dga' ba gnyis kyi dus na de'i ngo bo nyid kyi phyir ro/ /gang zhig gnas skabs de la mgo bo'i 'khor lo nas lus thams cad kyi mthar thug par zag pa bskyed par byed pa'o/ /de mthar zhes bya ba ni/ dga' ba gnyis kyi mthar ro/ /dga' bral ba zhes bya ba ni/ chags bral gyi ngo bo'o/ /rang rgyal mya ngan 'das pa dang/ zhes bya ba ni/ rang rgyal ba mya ngan las 'das pa zhes bya ba'i don to/ /de'i phyogs gcig la chags

  218. 109b

    pa dang bral ba'i phyir ro/ /rang rgyal gyi rang bzhin byang chub kyi sems kyi mya ngan las 'das pa ni nye bar zhi ba 'jig pa'i snyam du dgongs nas so/ /de lta bur gyur pa'i zhi ba ni nyan thos kyi ye shes so/ /gnyis su med pa'i ye shes ni/ rang sangs rgyas kyis ye shes so/ / bde bar zhes bya ba ni/ byang chub kyi sems kyi ngo bo khyad par du 'byed par byed pa'i log par byed pa'o/ /zhes bya ba'i don to/ /de ltar zhi ba dang gnyis su med pa'i tshig bstan nas/ dngos po med pa'i ngo bo nyid bdag gi tshig rgyas par bshad pa bstan pa'i phyir/ dngos po bden pa zhes bya ba gsungs te/ dngos po ni yod par 'gyur ba nyid dang/ rtag tu yod pa zhes bya ba ni/ rnam grangs so/ /ye shes che zhes bya ba ni/ rnam pa gnyis so/ /byang chub sems kyang zhes bya ba ni/ kun rdzob kyi ngo bo'o/ /'dzin pa dbyer ces bya ba ni/ rdo rje'i rtse mor rlung gi stobs zhes bya ba'i don to/ /rtsa rnams kun la bde ba dang zhes bya ba ni/ lus thams cad la bde ba chen po'i rtsa de nye bar bsdus pa'i rnam pa'i rdo rje la zhes bya ba'i don to/ /bde ba chen po'i go 'phang gnas zhes bya ba ni/ bde ba chen po'i 'khor lo de la gnas pa'i rtsa rnams zhes bya ba'i don to/ /de'i ngo bo'i bdag nyid ni zhes bya ba ni/ bde ba chen po'i 'khor lo'i ngo bo byang chub gyi sems rnam pa gnyis kyi ngo bo'o/ /de nyid ni zhes bya ba ni/ khams nyams su myong ba'i ngo bo'o/ /bde ba chen po zhes ni brjod ces bya ba ni/ de'i ngo bo'i sgras brjod pas zhes bya ba'i don to/ /'dis ni dngos po rnams kyi ngo bo nyid bstan pa gsungs so/ /de ltar rnam pa gnyis kyis rgyas par bshad pa bstan nas/ de'i thabs brjod pa'i phyir rnal 'byor gcig pu de nyid ni/ zhes bya ba gsungs te/ ting nge 'dzin gyi ngo bo nyid dang/ thabs dang shes rab kyi bdag nyid can gyis so/ /rtogs bya zhes bya ba ni yul lo/ /rtog pa'i bdag nyid rnam rtog min zhes bya ba ni/ rtog pa nye bar zhi ba nyid kyi ngo bo nyid kyi phyir ro/ /de ltar de'i thabs bstan nas/ /bcos ma'i bsgom pa mi dgos pa

  219. 110a

    brjod pa'i phyir/ de'i yan lag gi ngo bo ni/ bsnyen gnas bzlas pa zhes bya ba la sogs pa gsungs te/ gnyen gnas kyi sdom pa'i ngo bo'i bzlas pa zhes bya ba ni/ dam tshig bzlas ba la sogs pa'o/ /sbyin sreg min zhes bya ba ni dam tshig gi me'i zhal du ye shes kyi me la tshim par byas pa'o/ /bsam gtan ma yin zhes bya ba ni/ bskyed ba'i rim pa bsgoms pas sam/ bris sku la sogs pa la de bcom ldan 'das kyi gzugs bsgom bya'o/ /bya ba ma yin zhes bya ba ni/ zhi ba la sogs pa las kyi tshogs kyis so/ /phreng ba min zhes bya ba ni/ mi rus la sogs pa'i 'o/ /bskyed pa yi ni bsgom pas min zhes bya ba ni/ zla ba dang rdo rje la sogs pa'i rim pas lha'i rnam pa bsgom pa'o/ /bde ba chen po'i go 'phang thob pa la phyi rol pa 'di rnams mi dgos pa'o/ /de ltar rang gi ngo bo bstan nas/ bla na med pa'i dbang thob pa sngon du 'gro bas de thob par bya ba nyid bstan pa'i phyir/ cung zad bzhi ba'i dbang bskur gyi bya ba gsungs te/ bzhi pa'i dbang bskur gsum pa'i dbang nyams su myong ba sngon du 'gro bas so/ /bla ma'i zhal nas zhes bya ba ni/ ston pa dang nyams su myong bar byed pa las so/ /rnyed ces bya ba ni 'thob pa'o/ /nyams su myong ba'i rim pa dang/ gdams ngag gis rim pas rim pa ji lta ba bzhin du'o/ /rnal 'byor ma zhal kun spyod ni zhes bya ba ni/ zhing la sogs pa las skyes pa rnal 'byor pa'i gdams pa las so/ /rnal 'byor ma zhal kun spyod ni/ zhal nas zhal du thob pa'i phyir ro/ /mchog gi ye shes bde ba che zhes bya ba ni/ bla na med pa'i ye shes so/ /bde ba che zhes bya ba ni sdug bsngal thams cad nye bar zhi ba'i rnam pa'o// //rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u bcu gsum pa'i rgya cher bshad pa'o// //de ltar le'u bcu gsum pas bde ba chen po'i yul la dri ba'i lan btab pa brjod

  220. 110b

    nas/ da ni skabs su bab pa'i rdo rje dang pad+ma mnyam par sbyor ba'i yul la dri ba'i lan gdab pa brjod par 'dod nas le'u bcu bzhi pa nye bar ston cing de rtsom pa bstan pa ni/ de nas zhes bya ba la sogs pa gsungs te/ le'u bcu gsum pa bshad pa'i rjes la'o/ /gzhan yang zhes bya ba ni sngar la bltos nas so/ /nyon zhes bya ba ni/ phyag na rdo rje nyan pa la sbyar ba'o/ /rdo rje pad+ma mnyam sbyor bas zhes bya ba ni/ rdo rje pad+ma la mnyam sbyor ba 'chad par 'gyur ba'i mtshan nyid can bshad kyis zhes bya ba dang 'brel to/ /des ci zhig byed ce na/ de'i phyir gang gis zhes bya ba gsungs te/ gang gi zhes bya ba ni rdo rje pad+ma sbyor ba gang gis so/ /yang dag ces bya ba ni/ phyin ci ma log par byas nas so/ /dngos grub 'gyur zhes bya ba ni/ lhan cig skyes pa 'am/ 'od gsal gyi ngo bo'o/ /tshe 'di nyid la zhes bya ba ni mthong ba'i chos nyid la'o/ rnal 'byor pas shes bya ba ni/ phyag rgya chen po bsgom pa po'o/ /de ltar de rtsom pa bstan nas dngos su rdo rje dang pad+ma mnyam par sbyor ba bshad pa'i phyir/ de'i yan lag rnal 'byor chen po'i rgyud kyi rjes su 'brangs nas rdo rje dang pad+ma mnyam par sbyor ba bshad pa ni/ mi byed rdo rje zhes ni brjod ces bya ba la sogs pa gsungs te/ stong pa nyid kyi mtshan nyid de/ gzhan 'byed par byed pa'i phyir dang mi phyed pa nyid kyi phyir ro/ /de ni rlung du yongs su grags zhes bya ba ni/ rnam pa gnyis su yongs su grags te/ don dam pa dang kun rdzob kyi dbye bas so// de la don dam pa ni stong pa nyid kyi rdo rje'o/ /kun rdzob ni thabs kyi yan lag gi rnam pa'o/ /yi ge a ni phye ba yis zhes bya ba ni/ don dam pa stong pa nyid kyi rnam pa'i rdo rje'o/ /a yig ni sprul pa'i 'khor lo gnas pa'i dbye bas phyi dang nang gi bdag nyid can thabs dang shes rab snyoms par zhugs pa'i mtshan nyid can gyi thabs la brten nas/ de'i dbyug pa bcag pas so/ /rtogs zhes bya ba ni de'i spyod yul lo/ /rnal 'byor mchog gis zhes bya ba ni rdzogs pa'i rim pa bsgom pa po rnams kyis so/ /rtag tu zhes bya ba ni dus thams cad du'o/ /'dis

  221. 111a

    ni rdo rje'i tshig bshad nas pad+ma'i tshig bshad pa'i don du de rten zhes bya ba ni stong pa nyid kyi rang bzhin rdo rje de'i'o/ /rten zhes bya ba ni gnas pa'o/ /snying ga'i pad+ma'i zhes bya ba ni sems kyi gnas te stong pa nyid ni sems kyi chos nyid kyi ngo bo nyid kyi phyir ro/ /'dab ma brgyad kyis rnam par brgyan ces bya ba ni/ de'i dbyibs nyid kyi phyir ro/ /ming gzhan gsungs pa ni/ chos kyi 'khor lo zhes bya ba ste/ chos kyi 'khor lo ni snying ba'i pad+ma'o/ /skal pa bzang zhes bya ba ni skal ba bzang ba'i phung po dang/ skye mched kyi sa bon rnams yod par gyur pa'i phyir ro/ /thams cad bdag nyid du bzhugs zhes bya ba ni/ lus thams cad la gnas pa'o/ /de ltar rten gyi ngo bo rdo rje dang pad+ma mnyam par sbyar ba brjod nas/ brten pa'i ngo bo bshad pa'i phyir spyod pa ni/ de'i 'dab ma la skyes pa zhes bya ba gsungs te/ de'i chos kyi 'khor lo'i 'dab ma rnams la rnam shes brgyad du 'gyur ro/ /'jug par rnam par shes pa dang/ nyon mongs pa can gyi rnam par shes pa dang/ kun gzhi rnam par shes pa'i rang bzhin can gyi brgyad do/ /kun rdzob po zhes bya ba ni 'jig rten pa la snang bzhin pa'i/ /'byung zhes bya ba ni yod pa'o/ /'gro ba gsum du zhes bya ba ni/ 'dod pa dang gzugs med pa'i mtshan nyid can no/ /rnam par spyod ces bya ba ni/ yul la 'dzin pa'i mtshan nyid can no/ /ci zhig byas nas she na/ de'i phyir mig la sogs pa yang dag rten zhes bya ba gsungs te/ dbang po drug pa'o/ /de dag 'joms pa rlung rdo rje zhes bya ba ni de dag snying kha'i pad+mar gnas pa'i rnam par shes pa'i ngo bo'o/ /'joms zhes bya ba ni mi snang bar byed pa'o/ /rlung rdo rje zhes bya ba ni rnam par shes pa'i bzhon par 'gyur ba'am/ las kyis rlung gi stobs kyis skyes pa ste/ ye shes kyi me skyes nas zhes bya ba ni lhag ma'o/ /de nyid kyi phyir bgegs mthar byed pa zhes ni brjod ces gsungs te/ bgegs rnams ni rnam par g.yeng bar byed pa'i rnam par shes pa'i tshogs brgyad rnams so/ /mthar byed pa ni zlog par byed pa ste/ bdud rtsi

  222. 111b

    'khyil pa'i ngo bo khro ba'i gzugs dang 'dra ba'o/ /rnam shes rnams dang zhes bya ba ni/ gsungs ma thag pa'i rnam shes gang de'o/ /de la zhes bya ba ni chos kyi 'khor lo'i 'dab ma rnams la'o/ /'jig rten skyong ba rnams su brjod ces bya ba ni/ dbang po la sogs pa'o/ /yang na 'jig rten ni gzugs la sogs pa 'dzin pa la sogs pa skyong bar byed pas/ yongs su gcod par byed pas na/ 'jig rten skyong ba'o/ /'jig rten gsum du kun nas khyab ces bya ba ni/ mtho ris dang sa steng dang sa 'og gi mtshan nyid can gyi rang gi lus sam 'dod pa la sogs pa'i khams kyi dbye bas so/ /kun nas khyab ni brten nas so/ /gnas zhes bya ba ni bzhugs pa'o/ /lha rnams zhes bya ba ni/ lha rnams gsang la 'gro ba yod pa de ni lha rnams 'gro ba ste/ sa'i snying po la sogs pa byang chub sems dpa' i ngo bo nyid kyi phyir ro/ /skyong ba yang ni thams cad kyis zhes bya ba ni/ thams cad rnam pa thams cad kyis so/ /yul la sogs pa'i 'bras bu dang zhes bya ba ni zugs la sogs pa'i yul la sogs pa 'dzin pa'i mtshan nyid can 'bras bu dang bcas pa'i 'jig rten skyong ba zhes bya ba'i don to/ /de la zhes bya ba ni rnam par brgyad po'o/ /rlung gis yang dag sbyor zhes bya ba ni/ rlung dang 'brel ba'i snang bar byed pa'i ngo bo nyid kyi phyir ro/ /rdo rje pad+ma zhes bya brjod ces bya ba ni/ de ma thag par bshad pa nyid kyi phyir ro/ /'dis ni rten gyi ngo bo de'i bshad pa gsungs so/ /de ni zung du 'jug pa'i ngo bo de'i bshad pa gsungs pa ni/ rdo rje snying rjer shes par bya ba ste/ rdo rje bzhin du sems can dang chos dang dmigs pa med pa'i dbye ba yis dus nam gyi tshe sems can gyi don byed pa las mi ldog pa'i phyir ro/ /pad+ma yang ni stong pa nyid ces bya ba ni/ pad+ma ltar nyon mongs pa dang/ nye pa'i nyon mongs pas ma gos pa nyid kyi phyir ro/ /de dag ces bya ba ni/ snying rje dang stong pa nyid do/ /sbyor ba zhes bya ba na tha mi dad par bsgrub pa'o/ /mchog tu zhes bya ba ni/ mchog gi ngo bo'o/ /shes zhes bya ba ni/ rdo rje dang pad+ma mnyam par sbyor bar shes par bya zhes pa'i don

  223. 112a

    to/ de ltar zung du 'jug pa'i ngo bo de'i bshad pa brjod nas/ rjes su chags pa'i ngo bo nyid kyis de'i bshad pa bstan pa'i phyir/ rdo rje nyi ma zhes ni gsungs zhes bya ba ste/ nyi ma'i ngo bo thabs kyi rdo rje'o/ /khyad par gyi sgo nas gdan tshigs bstan pa ni/ 'od zer tshogs kyi bdag nyid can zhes gsungs te/ 'od zer kha dog lnga spro ba'i bdag nyid can gyi phyir ro/ /de rnams kyi zhes bya ba ni/ 'od zer de rnams kyi'o/ /dbye ba zhes bya ba ni/ rab tu sang pa'o/ /gang zhes bya ba ni pad+ma'o/ /de ni pad+ma zhes bya ba ni pad+ma'o/ /brjod ces bya ba ni bshad ces bya ba'i don to/ /de ni rnal 'byor zhes bya ba ni/ rdo rje dang pad+ma dag gi'o/ /sbyor ba zhes bya ba ni/ 'brel ba'i mtshan nyid can no/ /mchog tu zhes bya ba ni mchog ste/ so so'i skye bo'i yang dag par sbyor ba'i mtshan nyid kyi phyir ro/ /rdo rje pad+ma mnyam sbyor zhes bya ba ni/ rdo rje dang pad+ma mnyam par sbyor ba shes par bya ba'i don to/ /de ltar don rnam pa bzhis rnal 'byor chen po'i rgyud kyi rjes su 'brangs nas rdo rje dang pad+ma mnyam par sbyor ba bshad nas/ rnal 'byor ma'i rgyud kyi rjes su 'brangs nas/ rdo rje dang pad+ma mnyam par sbyor ba bshad pa'i byar/ de'i yan lag rten dang brten can gyi ngo bo nyid kyis de bshad pa'i phyir gsungs pas/ byang chub sems ni rdo rjer 'gyur zhes bya ba ste/ kun rdzob kyi rnam pa'i ste/ rdo rje'i lam nas der 'jug pa'i phyir dang de bzhin gshegs pa thams cad kyi phyir ro/ /bde chen 'khor lo pad+ma'o/ zhes bya ba ni/ mgo bor gnas pa'i bde ba chen po'i 'khor lo pad+ma'i dbyibs dang 'dra ba'i phyir ro/ /de la zhes bya ba ni/ bde ba chen po'i 'khor lo'i mtshan nyid can gyi pad+ma la'o/ /de'i zhes bya ba ni/ kun rdzob kyi rnam pa'i byang chub sems dpa' o/ /sbyor ba zhes bya ba ni/ 'brel ba gang zhig ngo bo nyid dang rlung bzung ba'i stobs sam gyen du rgyu ba'i rim pa'i mtshan nyid can no/ /rmad du byung zhes bya ba ni/ phyir ma spros pas rgas pa dang 'chi ba med pa bsgrubs pa nyid kyis ngo mtshar ba bskyed bo'o?/

  224. 112b

    de ltar brten dang brten pa can gyi ngo bo bshad pa bstan nas/ bla ma dang slob ma'i ngo bo nyid kyis de bshad pa ni/ bla ma'i gsung ni zhes bya ba gsungs te/ rgyud du gsungs pa'i mtshan nyid dang ldan pa'i bla ma mchog gi dag ni sangs rgyas nyid thob pa'i rgyur gyur pa'i rim pa gnyis ston par byed pa'i tshig go /nga ni rdo rje brjod ces bya ba brjod de/ 'gong bar mi bya ba nyid kyi phyir dang/ rnam par rtog pa thams cad 'joms par byed pa nyid kyi phyir ro/ /slob ma zhes bya ba ni/ de bzhin du rgyud du gsungs pa'i mtshan nyid can dbang bskur ba 'thob pa'o/ /snod ces bya ba ni snod du gyur pa'i rna ba'i dbang po ste/ gang gi bla ma'i ngag de nyid thob pa'o/ /pad+ma de'i zhes bya ba ni/ bla ma'i gsung thos pas slob ma'i snying gi pad+ma kha 'byed pa'o/ /de'i zhes bya ba ni/ bla ma'i gsung ngo/ /gnas de la zhes bya ba ni/ slob ma'i rna ba'i dbang po la gnas pa'o de'i sbyor ba zhes bya ba ni/ de'i 'bral ba'i mtshan nyid can la'o/ /mchog rmad byung zhes bya ba ni/ bla ma'i gsung gi stobs kyis slob mas mchog tu ngo mtshar ba'i ngo bo phyag rgya chen po thob pas so/ /gsal zhes bya ba ni gsal bar byed pa'o/ /de ltar bla ma dang slob ma'i ngo bo nyid kyis de'i bshad pa bstan nas/ bsam gtan gyi ngo bo nyid kyis de'i bshad pa bstan pa'i phyir/ zhi gnas pad+ma zhes gsungs te/ rim pa gnyis kyi ngo bo ni/ ting nge 'dzin gyi khyad par ro/ /pad+ma ltar 'dod chags la sogs pa rnams kyis mgos pa'i phyir ro/ las lhag mthong rdo rje la zhes bya ba ni/ bsam gtan de nyid la spyod pa ste/ zung du 'jug pas rgyu ba nyid kyi phyir ro/ /de yang de lam myangs pa nyid kyis snyam du dgongs pa'o/ /de gnyis zhes bya ba ni/ zhi gnas dang lhag mthong dag go /de gnyis gcig gyur rnal 'byor ni zhes bya ba ni rang gi rang gis rgyu ba'o/ /spom pa yis ni de nyid mthong zhes bya ba ni/ sgom pa ni de ma thag par gsungs pa'i zhi gnas dang/ lhag mthong gi bdag nyid can gyis de nyid la lus dang ngag dang yid dang ye shes rnam par dag pa'i mtshan nyid can gyi mthod pa ni thob pa zhes bya

  225. 113a

    pa'i don to/ /de ltar bsam gtan gyi ngo bo bshad pa bstan nas/ khyad par du 'phags pa'i bla ma dang/ slob ma'i ngo bo nyid kyis bshad pa'i don du/ rnal 'byor ma zhal pad+mar gnas zhes bya ba gsungs te/ rnal 'byor ma ni gnas la sogs pa las skyes pa'o/ /zhal gyi pad+ma ni gdong gi pad+ma la'o/ /de nyid gnas zhes bya ba ni/ de kho na nyid ston par byed pa'i tshig gdams ngag gi mtshan nyid can ni rdo rje zhes brjod par bya ste/ 'god par bya ba ma yin pa'i phyir dang/ rnam par rtog pa thams cad 'joms par byed pa nyid kyi phyir ro/ bla na med ces bya ba ni/ bla na med pa'i go 'phang gi rgyur gyur pa'i phyir ro/ /pad+ma slob ma bzang gi bzhes bya ba ni/ slob ma dam pa dang pa dang snying rje dang shes rab la sogs pa phun sum tshogs pa dang ldan pa'i zhal ni gdong ngo/ /man ngag gi don zhes bya ba ni/ rnal 'byor ma'i mtshan nyid can gyi bla ma dang 'brel pa can no/ /snod ces bya ba ni/ snod du gyur pa ste/ pad+ma ltar dga' bar bya ba nyid kyi phyir rnyog pa dang bral ba'o/ /snod kyi skyon rnam pa gsum dang bral ba ste/ snod nas snod du byo ba'i rnam pa zhes bya ba'i tha tshig go /de gnyis zhes bya ba ni bla ma dang slob ma dag go /rnal 'byor kun bdag nyid ces bya ba ni/ lhag ma ma lus par byas nas so/ /yang dag de nyid don mthong byed ces bya ba ni/ nyams su myong bar byed pa'i bla ma'i drin gyis rang gi rig pa nyid kyis de kho na nyid nyams su myong ba zhes bya ba'i don to/ /de ltar don rnam bzhis rnal 'byor ma'i rgyud kyi rjes su 'brangs nas rdo rje dang pad+ma mnyam par sbyor ba la snyoms par 'jug pa bshad nas gnyis ka'i rgyud kyi rjes su 'brangs nas rdo rje dang pad+ma mnyam par sbyor bar byed par 'dod pas de'i yan lag tu thabs dang shes rab kyi ngo bo nyid kyis de bshad pa ni/ blo ldan zhes bya ba la sogs pas gsungs te/ /khyad par can gyi shes rab phun sum tshogs pa dang ldan pa la'o/ /rnam rtog bral ba'i zhes bya ba ni/ rnam par rtog pa thams cad dang bral ba'o//

  226. 113b

    rdo rje zhes bya ba ni/ thabs kyi yan lag gi rnam pa'o/ /ling ga zhes ni bshad ces bya ba ni/ ling ga ni 'gro ba'i don to/ /zhes bya ba byed pa'i khams kyis so/ /blo ldan gyis shes bya ba ni sngags kyi theg pa'i snod du gyur pa la'o/ /rnam par mi rtog ces bya ba ni/ tshogs kyi 'khor los sogs pa'i dus so/ /b+ha ga zhes bya ba ni/ 'dod chags la sogs pa bcom pa nyid kyis/ pad+ma zhes bya ba ni/ de'i nang du pad+ma'i dbyibs dang ldan pa'i phyir ro/ /dam tshig gzung ba'i rnal 'byor ma zhes bya ba ni/ dam tshig gi don du 'dzin pa ni gzung ba'o/ /de nyid ni thabs dang shes rab kyi mtshan nyid can no/ /dngos gcig yang dag sbyor zhes bya ba ni/ lhan cig skyes pa dang 'brel ba'o/ /byang chub sems ni zhes bya ba ni/ kun rdzob pas so/ gnyis med ye shes che zhes bya ba ni/ don mthong bar byed pa'o/ /de ltar thabs dang shes rab kyi ngo bo rdo rje dang pad+ma mnyam par sbyor ba bshad nas/ rtsa dang khams kyi ngo bo nyid kyis de bshad pa'i phyir/ stong phrag gnyis dang bdun cu'i zhes bya ba gsungs te/ rang gi lus sam/ gzhan gyi lus la'o/ /rdo rje zhes ni brjod ces bya ba ni/ thabs kyi ngo bo nyid kyi phyir ro/ /byang chub sems ni 'bab pa'i rtsa ba'i rtsa zhes bya ba ni/ la la nA'i ngo bo'o/ /pad+ma zhes ni yongs su grags zhes bya ba ni/ byang chub sems ni pad+mar spros pa'i phyir ro/ /yang na rtsa de nyid na pad+ma ste/ byang chub sems dang sbyar ba la yang 'dod chags kyi skyon gyis ma gos pa'i phyir ro/ /de la zhes bya ba ni/ byang chub kyi sems rgyu ba'i rtsa la'o/ /de rnams shes bya ba ni/ stong phrag bdun cu rtsa gnyis kyi rtsa'i grangs so/ /kun tu sbyor ba zhes bya ba ni/ de dang 'brel ba'o/ /dga' ba bskyed par byed pa'i rgyu zhes bya ba ni/ phyi rol gyi thabs shes rab la snyoms par 'jug pa la rten nas shes bya ba'i don to/ /de ltar rtsa dang khams kyi ngo bo nyid kyis bshad pa bstan nas/ rten dang brten pa'i ngo bo nyid kyis de'i bshad pa ni/ rdo rje yi yang nyams dga' i stan zhes gsungs te/ phyi rol gyi mngon par byang chub pa'i gnas kyi rdo rje gdan la'o/ /rim pa 'dis ni zla ba'i dkyil

  227. 114a

    'khor la sogs pa'i steng du rdo rje'i gdan no/ /nyams dga' i zhes bya ba ni/ phig par dga' ba nyid dang ye shes kyi ngo bo nyid kyis so/ /rang nyid rdo rje pad+ma 'chang zhes bya ba ni/ rdo rje 'chang chen po'o/ /rang nyid ces bya ba ni/ bdag nyid kyi 'dod chags dang bcas pa dang/ 'dod chags dang bral ba nyid kyis pad+ma zhes brjod par bya ste/ phyi rol gyi pad+ma ltar byams pa bsgoms pas bdud la sogs pa bcom pa nyid kyi phyir dang/ de las gzhan pa 'dod chags la sogs pa rnams kyis mgos pa'i phyir/ de las zhes bya ba ni/ gdan de la'o de zhes bya ba ni/ rdo rje 'chang chen pos so/ /mnyam sbyor ba zhes bya ba ni 'brel ba'o/ /sangs rgyas ye shes go 'phang gsal zhes bya ba ni/ sgrib pa dang bral ba dang/ rang bzhin gyis 'od gsal ba'i ngo bo'o/ /gsal zhes bya ba ni bsgom par 'gyur ba nyid kyis gsal pa nyid kyi phyir ro/ /de ltar rten dang brtan pa'i ngo bo nyid kyis de'i bshad pa bstan nas dbang bskur ba dang dbang bskur bar bya ba nyid kyis de bshad pa ni/ dbang bskur mchog ni rdo rje ste/ zhes bya ba gsungs te/ dri ma mdza' dag 'khru bar byed pa'i bdag nyid can gyi phyir ro/ mchog ni phyi rol gyi mtshan nyid dang bral ba nyid kyis mchog nyid kyi phyir mchog go /de nyid ni rdo rje zhes brjod de rdo rje bzhin du mi mthun pa'i phyogs 'byed par byed pa'i phyir ro/ /pad+ma slob ma dbang bskur bar bya ste/ pad+ma ltar 'dus bya ba nyid kyi phyir ro/ /snod bzang po zhes bya ba ni/ dam tshig dang sdom pa 'dzin pa'i phyir ro/ /de gnyis mchog tu yang dag sbyor zhes bya ba ni dbang bskur bar bya ba dang/ dbang bskur bar byed pa dag la'o/ /mchog tu yang dag par sbyor ba zhes bya ba ni/ mchog tu yang dag par 'brel ba ste/ sbyang bya dang sbyong byed nyid kyis so yang dag ces bya ba ni/ phyin ci ma log pa nyid kyis so/ /de nyid kyi zhes bya ba ni/ ji lta ba bzhin du rtogs pa'i mtshan nyid can rang bzhin gyis 'od gsal ba la'o/ /rgyu ni rgyu'o/ /de ltar dbang bskur bar bya ba dang/ bskur bar byed pa de'i bshad pa brjod nas/ e baM rnam

  228. 114b

    pa'i ngo bos de bshad pa ni/ e ni pad+ma zhes gsungs te/ zhes bya ba ni/ lha mo'i chu skyes la e yig gi rnam pa'i dbyibs dang ldan pa nyid kyi phyir ro/ /yi ge pa ni rdo rje nyid ces bya ba ni/ rdo rje'i dang po sa bon nyid kyi phyir ro/ /thig le de nyid ma shigs pa zhes bya ba ni/ rig pa'i ngang tshul can nyid kyi phyir thig le ste/ de nyid mi shigs pa zhes bya ba ni/ mi 'jigs pa de kho na nyid kyi rang bzhin don dam pa dang kun rdzob kyi rnam pa can no/ /de gnyis sbyor ba ngo mtshar mchog ces bya ba ni/ don dam pa dang kun rdzob des so/ /sbyor ba ni 'brel pa'o/ /ngo mtshar zhes bya ba ni/ shin tu yang ngo mtshar skyed par byed pa ste/ 'dod chags kyi spyod pas byang chub mngon du byed pa'i phyir ro/ /de ltar don rnam pa gsum gyis rdo rje dang pad+ma mnyam par sbyor ba bstan nas/ de nye bar bsdu ba brjod pa'i phyir de ltar sbyor ba gsungs pa/ de ltar sbyor ba zhes bya ba ste/ rdo rje dang pad+ma mnyam sbyor ba'i mtshan nyid can no/ /mchog tu zhes bya ba ni/ mchog gi ngo bo nyid do/ /shes zhes bya ba ni shes par bya ba'o/ /rdo rje pad+ma don sdom pa ni zhes bya ba ni/ rdo rje dang pad+ma gnyis ni sngags kyi theg par grags pa dag la don ni brjod par bya ba'i mtshan nyid can gyi sdom pa ni bsdus pa'i ngo bo ste/ sna tshogs pa'i ngo bo nyid kyis de'i don bshad pa'i phyir ro/ /bla ma'i drin gyis zhes bya ba ni/ rdo rje slob dpon gyi bka' drin gyis so/ /yongs su shes bya ba ni zhes par bya ba'o/ /rnal 'byor ma'i man ngag gis zhes bya ba ni/ ye shes mkha' 'gro rnams kyi man ngag gi brgyud pas so/ /rnal 'byor chen po'i rgyud dpal rdo rje phreng ba'i rgya cher 'grel pa/ /paN+Di ta a langka ka la shas mdzad pa/ zab mo'i don shin tu gsal bar byed pa zhes bya ba las le'u bcu bzhi pa'i rgya cher bshad pa'o// //de ltar le'u bcu bzhi pa'i rdo rje dang pad+ma mnyam par sbyor ba'i yul la dri ba'i lan brjod nas/ da ni sngags kyi de kho na nyid kyi yul la dri ba'i lan brjod pa'i phyir/ le'u bco lnga pa nye bar ston cing/ dang por re zhig de rtsom pa ni/ sngags kyi de nyid ces bya ba la sogs pa gsungs

  229. 115a

    te 'chad par 'gyur ba'i mtshan nyid can no/ /bshad kyis zhes bya ba ni brjod pa dang 'brel to/ /khyod nyon cig ces bya ba ni/ phyag na rdo rje nyan pa la sbyar ba'o/ /ci lta bus she na/ de'i phyir ye shes mchog ces bya ba gsungs te/ rdo rje bzlas pa'i rim pa'i rgyur gyur pa nyid kyi phyir ro/ /gang dang 'brel ba zhe na/ de'i phyir rdo rje can zhes gsungs te/ rdo rje can zhes bya ba ni/ rdo rje 'chang gi rnam pa'i rnal 'byor pa zhes bya ba'i don to/ /des ci zhig byed ce na/ de'i phyir gang gis myur du dngos grub 'gyur zhes gsungs te/ sngags kyi de kho na nyid gang gis so/ /dngos grub 'gyur zhes bya ba ni/ rdo rje bzlas pa'i mtshan nyid can no/ /myur du zhes bya ba ni/ myur ba nyid du'o/ /gang gis 'gyur zhe na/ de'i phyir sngags kyi spyod pa rnams gnas pa zhes gsungs te/ sngags kyi spyod pa ni spros bcas la sogs pa'i spyod pa'i rang bzhin rnam gsum gyis gnas pas na sngags kyi spyod pa rnam par gnas pa ste de rnams la'o/ /de ltar sngags kyi de kho na nyid kyi yul la dri ba'i lan rtsom pa bstan nas/ dngos su de bshad pa bstan pa'i phyir/ de'i yan lag tu sngags kyi de kho na nyid kyi mdor bstan pa ni/ sku gsung thugs kyi rdo rje rnams zhes bya ba gsungs te/ rnam par snang mdzad la sogs pa de bzhin gshegs pa rnam pa gsum gyi'o/ /sngags ni zhes bya ba ni/ 'chad par 'gyur ba'i rim pas btus pa'i yi ge gsum gyi ngo bo'o// sbyar bar bya zhes bya ba ni/ 'jug pa dang/ gnas pa dang/ ldang ba'i mtshan nyid can gyi dbugs rnam pa gsum la'o/ /de rnams la yi ge gsum gyi rim pas nye bar mtshon pas so/ /yang na gang gis bzlas zhes byung ste/ de la yang 'jug pa la sogs pa'i ngo bos mos par bya zhes bya ba sbyar bar bya'o/ /de yis myur du dngos grub 'gyur zhes bya ba ni/ sngags bzla ba de la myur ba nyid du rlung gi de kho na nyid dang sngags kyi de kho na nyid dag gis/ ma ning gi bzlas pa'i ngo bos dngos grub tu 'gyur ba'o/ /ji lta bus she na/

  230. 115b

    de'i phyir rlung gi de nyid pha rol phyin ces gsungs te/ le'u bcu gnyis pa bstan pa ste/ pha rol phyin ces bya ba ni/ pha rol tu son pa zhes bya ba'i don to/ /de ltar sngags kyi de kho na nyid kyi mdor bstan pa bshad nas/ de rgyas par bshad pa brjod pa'i phyir/ rdo rje'i phyag rgya don sdom pa zhes bya ba gsungs te/ rdo rje ni yan lag ma nyams pa'i bzlas pa'i mtshan nyid can gyi rdo rje bzlas pas so/ /phyag rgya ni ma ning gi bzlas pa'i gnas skabs rdo rje'i phyag rgya'o/ /de'i go 'phang ni 'dug pa'i gnas te/ gnas rdo rje'i phyag rgya go 'phang ngo// zhi zhes bya ba ni rang bzhin gyi tshogs brgya rtsa brgyad nye bar zhi bas so/ /phyag rgya chen po'i don sdom pa zhes bya ba ni/ rang bzhin gyis 'od gsal ba'i rnam pa'o/ /don ni rnam par rtog pa thams cad nye bar zhi ba'i mtshan nyid can no/ /sdom pa ni bsdus pa'i ngo bo'o// mchog gi de nyid ces bya ba ni/ ngag gi de kho na nyid ngo bo nyid kyi phyir ro/ /ye shes che zhes bya ba ni/ ngag gi rnam par rtog pa'i sgra'i rnam par yongs su shes pa nyid kyi phyir ro/ /sngags kyi de nyid la brtan pa ni zhes bya ba ni/ 'chad par 'gyur ba'i mtshan nyid can brjod pa'o dmigs pa med pa'i go 'phang zhes bya ba ni/ thams cad kyi rten rnam par rtog pa bzlog pa'i don dam pa'i ngo bo nyid kyi phyir ro/ /gsal ba zhes bya ba ni rnal 'byor ba'i shes pa la gsal bar snang bas so/ /rdo rje sems nyid kyi rgyu zhes bya ba ni/ sngags kyi de kho na nyid la brten nas stong pa nyid kyi mtshan nyid can rdo rje sems dpa' i go 'phang thob pa nyid kyi phyir ro/ /tshig 'di gnyis kyis bshad pa gsungs pa ni/ sngags kyis zhes bya ba la sogs pa ste/ ye shes kyis bsdus pa'i stobs bcu dang/ mi 'jigs pa la sogs pa rnal 'byor pa gsal ba nyid du nye bar song ba'o/ /de nyid kyi phyir yid skyob pas na sngags zhes brjod do/ /lus ngag yid kyis sdom pa'o/ /zhes bya ba ni/ ma ngag pa'i lus la sogs pa'i rnam par rtog pa spangs pas rnam par dag pa'i lus la sogs pa snang ba bskyed pa de rnams nyid

  231. 116a

    la sdom pa ni bde ba mchog ces bya ba'i don to/ /de nyid ces bya ba ni de'i dngos po ni de nyid de phyinr ci ma lo pa'o/ /de skyes ye shes mchog ces bya ba ni/ de ma thag par bshad pa'i sngags yon tan thams cad kyis brgyan pa las gang zhig skyes pa'i yon tan ni mchog ces bya'o/ /ye shes mchog ni mchog gi lus dang yul can gyi rnam par rtog pa bzlog pa'i bdag nyid can no/ /de nyid kun gyi don bsdus pa zhes bya ba ni/ kun gyi ni lus la sogs pa'i de kho na nyid zung 'jug gi mthar thug pa rnams kyi don ni brjod par bya ba'i mtshan nyid can gyi sdus pa zhes bya ba ni/ bsdus par gyur pa'o/ /sngags kyi de kho na nyid la rten pa nyid kyis rim gyis zung 'jug gi go 'phang dngos su byas pa'i phyir ro/ /de lta bu'i sngags kyis de kho na nyid gnas gang du bsgom par bya zhe na/ de'i phyir snying ga'i pad+ma mchog tu zhes gsungs te/ snying gar gnas pa'i pad+ma kha sbyar ba'i dbus su'o/ /mchog tu zhes bya ba ni/ hUM yig gi rnam pa nyid kyi phyir ro/ /gsal ba zhes bya ba ni/ rnal 'byor ba la gsal ba'i ngo bos snang pa'i phyir ro/ /ye shes de nyid bla na med ces bya ba la/ ye shes zhes bya ba ni rnal 'byor pa'i'o/ /de nyid ces bya ba ni phyin ci ma log pa'i ngo bo nyid kyis so/ /bla na med ces bya ba ni/ hUM yig la cha shas su brtags pas thig la sems 'dzin pas phyag rgya chen po'i ngo bo mngon du byas pas de las gong du gzhan med pa'i phyir ro/ /zla drug bzlas pas zhes bya ba ni/ dus de srid du nye bar mtshon pas so/ /'grub par ni zhes bya ba ni/ sngags kyi de kho na nyid kyis thob par bya ba'o/ /'gyur te zhes bya ba ni/ skye bar 'gyur ba'o/ /gzhan du ma yin no zhes bya ba ni/ de las gong du ni ma yin zhes bya ba'i don to/ /thabs dang ni zhes bya ba ni/ sngags kyi de kho na nyid 'di nyid do/ /mchog gi zhes bya ba ni dam pa'o rnal 'byor zhes bya ba ni/ rdo rje bzlas pa'i dngos grub gyi rten du gyur pa nyid kyi

  232. 116b

    phyir ro/ /rnal 'byor par ni/ zhes bya ba ni/ sngags kyi de kho na nyid sgom pa po rnams la'o/ /yongs su grags zhes bya ba ni brjod pa'o/ /dmigs pa med pa'i tshig bshad pa'i don du dmigs med tshig ni zhes bya ba gsungs te/ gang sngon du bstan pa'i'o/ /de ni don dam pa'i ni zhes bya ba ni/ a yig gi rang bzhin sngags kyi de kho na nyid do/ /brjod ces bya ba ni brjod pa'o/ /dag gi spros pa thams cad a yig gi nang du bsdus pa'o/ /sprul la sogs pa'i rim pas kun rdzob tu sbrul dang/ mgo med pa dang/ mdza' med pa dang/ btu ba'i dbye bas so/ /mi bzlos pa zhes bya ba ni/ bzlas par mi bya ba'o/ /rlung gsum po nyid la nye bar 'brel ba'i yi ge gsum gyi ngo bo nyid kyis dbugs kyis 'khor lo mtshon par bya'o/ /slar yang phyi rol gyi phreng ba bzung nas/ ngag gi bzlas ba mi bya ste/ 'dir de skabs ma yin pa nyid kyi phyir ro/ /gal te phyi'i bzlas pa mi byed na/ 'o na ji ltar bzlas par bya zhe na/ de'i phyir gnyis su med ces bya ba gsungs te/ rlung dang/ sngags dang/ lha dang/ dkyil 'khor la sogs pa rnams la ji ltar gnyis su rtogs par mi 'gyur bar de zhes bya ba'i dgongs pa'i gal te gnyis su med par bzlos na/ ji ltar yi ge gsum gyi ngo bo nyid kyis dbye bar byed ce na/ 'on kyang zhes bya ba gsungs te/ 'jug pa dang/ gnas pa dang/ ldang ba'i rnam pas rlung rnam nye bar mtshon pa'i don du/ de nyid gsum ni lus ngag yid gsum sa bon gyi rang bzhin gyis mi byed pa ni ro mnyam pa'o/ /sngags zhes bya ba ni/ sngags kyi de kho na nyid kyi ngo bo'o/ /don kun bsdus pa'o zhes bya ba ni/ thams cad ni chos kyi phung po brgyad khri bzhi stong gi don gang yin pa'i brjod par bya ba'i mtshan nyid do// de'i bsdus pa ni/ de bsdus pa'i bdag nyid can zhes bya ba'i don to/ /de ltar sngags kyi de nyid rgyas par bshad nas/ de'i phan yon bstan pa'i phyir/ bzlas pa'i zhes bya ba la sogs pa gsungs te/ yi ge gsum dgod pas dbugs gsum nye bar mtshon par byas

  233. 117a

    nas dngos grub mtshungs pa med pa zhes bya ba dang 'brel to/ /rdo rje bzlas pa'i ngo bo ni dngos grub bo/ /'gro ba ni thob par 'gyur zhes bya ba'i don to/ /ji lta bu zhe na/ mtshungs pa med pa zhes bya ba gsungs te/ bzlas pa'i rim pa'i mtshan nyid dang bral ba'i phyir ro/ /su zhig 'gro zhe na/ de'i phyir yang dag mnyam par bzhag bzlas na zhes gsungs te/ phyin ci ma log pa nyid kyi ting nge 'dzin la sems chags pa ste/ ting nge 'dzin gyi skyon drug po rnams la spong bar byed pa'i 'du byed brgyad po bsgoms pas zil gyis gnon pa'i phyir ro/ /ji ltar 'gro zhe na/ de'i phyir rnam dag go 'phang bzang po gsal zhes bya ba gsungs te/ rnam dag go 'phang ni ngag gi spros pa rnam pa bzhi bzlog pa'i bdag nyid can dag gi 'od gsal ba'i ngo bo la shin tu gsal ba nyid ni mi gsal ba las bzlog pa ji ltar 'gyur ba de ltar bzla zhes bya ba ni bya ba'i khyad par ro/ /gang zhes bya ba ni bsgom pa po'o/ (shes zhes bya ba ni rig pa'o/ /de ni 'gro ba'i bla ma zhes bya ba ni/) khams gsum pa'i slob dpon du 'gyur zhes bya ba'i don to/ /de ltar rnam pa gnyis kyis sngags kyi de kho na nyid bstan nas/ de'i rab tu dbye ba bstan pa'i phyir sngags don zhes bya ba la sogs pa gsungs te/ gnyis su med pa'i ye shes kyi mtshan nyid can te/ don dam pa'i byang chub kyi sems kyi ngo bo nyid kyi phyir ro/ /ji ltar du 'chad par 'gyur ba las sngags kyi don dang ming mchog dang/ gnyis med ye shes mtshan nyid can zhes gsungs te/ yid skyob par byed pas na sngags so/ /de'i don ni dgos pa ste/ gnyis su med pa'i ye shes bya bar byas nas so/ /sngags kyi de nyid dang zhes bya ba ni/ sngags ni de ma thag par gsungs pa'i rig pas so/ /de kho na nyid ni don dam pa'i rnam pa nyid kyi rdo rje 'chang gi rnam pa ni/ sngags kyi de nyid do/ /ji skad du/ 'chad par 'gyur ba las/ rten pa med cing snang ba med ces bya ba dang/ de nyid de ni don dam yang zhes gsungs so/ /sngags kyi man ngag ces bya ba ni/ gnas kyi dbye ba dang 'khor

  234. 117b

    lo'i dbye bas bla ma'i drung nas sngags kyi man ngag gi mtshan nyid do/ /de nyid kyi phyir gsungs pa ni/ zhal nas zhal du zhes bya ba ste/ bla ma'i zhal nas slob ma'i khar zhes bya ba'i don to/ /sngags kyi nyams myong zhes bya ba ni/ sngags la btu ba'i rim pas so/ /nyams su myong ba ni yang dag pa'i ye shes te/ sngags kyis nyams su myong ba'o/ /mi gsal ba zhes bya ba ni/ phyi mo las yang dag par btus par gyur pa nyid kyi phyir mi gsal ba'o/ /gang zhes bya ba ni sgom pa po'o/ /shes zhes bya ba ni rig pa'o/ /de ni 'gro ba'i bla zhes bya ba ni/ 'jig rten gsum gyi mchod pa zhes bya ba'i don to/ /de ltar de'i rab tu dbye ba brjod nas/ de nyi bar mkho ba'i don brjod pa'i phyir de'i yan lag gsol ba 'debs pa rtsom pa ni/ de nas zhes bya ba la sogs pa gsungs te/ sngags kyi de kho na nyid kyi rab tu dbye ba bshad pa'i rjes la'o/ /phyag na rdo rje ni zhu ba po'o/ /rdo rje sems dpa' drug pa de bzhin gshegs pa'i rnam pa la zhus pa zhes bya ba dang 'brel to/ /ji lta bu zhe na/ de'i phyir kun mkhyen ces gsungs te/ kun mkhyen ni 'od gsal gyis ngo bo nyid kyis chos thams cad yongs su shes pa'i phyir ro/ /'gro ba'i bla ma zhes bya ba ni/ khams gsum pa'i slob dpon du gyur pa ste/ de dang de'i sems can gyi bsam pa dbang gis de dang de'i chos ston pa'i phyir ro/ /ci zhig byas nas she na/ de'i phyir yang dang yang du phyag byas nas so/ /ci zhig nus she na/ de'i phyir sngags kyi mtshan nyid ji lta bu zhes bya ba gsungs te/ phyin ci ma log pa'i ngo bos sngags ni/ yid skyob pa'i bdag nyid can gyi mtshan nyid ni nye bar mtshon pa zhes bya ba'i don to/ /de ltar gsol ba 'debs pa rtsom pa bshad nas/ dngos su gsol ba 'debs pa brjod pa'i phyir/ sngags don zhes pa ci zhes bya ba gsungs te/ bcom ldan zhes pa ni bod pa'o/ /rang bzhin ci zhes bya ba ni/ ji lta bu'i ngo bo'o/ /rab gsal ba zhes bya ba ni/ gsal bar gyis shig pa'o/ /sngags kyi de nyid ces bya ba ni/ 'chang bar 'gyur pa'i

  235. 118a

    mtshan nyid can no/ /de bzhin man ngag ni zhes bya ba ni/ gnas kyi dbye ba la sogs pa 'chang par 'gyur ba las so/ /sngags kyi sdom don ji lta bu zhes bya ba ni/ ji ltar sbyor ba ni/ ji ltar srid pa'o/ /phyi mo las don ni yi ge gsum la'o/ / sdom pa ni bsdus pa'i ngo bo sngags btu ba zhes bya ba'i tha tshig go /de ltar dngos su gsol ba 'debs pa bstan nas/ bcom ldan 'das kyi gsung la 'jug pa bshad pa'i phyir/ de nas zhes bya ba la sogs pa gsungs te/ de nas ni gsol ba btab pa'i rjes la'o rdo rje can ni rdo rje 'chang ngo/ /gsungs pa zhes bya ba ni/ 'chad par 'gyur ba'i don brjod cig ces bya ba'o/ /bcom ldan 'das kyi don ni bshad zin to/ /rnal 'byor gsum gyi 'bras bdag nyid ces bya ba ni/ gsum ni dang po'i rnal 'byor dang/ dkyil 'khor rgyal po mchog dang las rgyal po mchog gi mtshan nyid can dang/ rigs brgya'i bye ba'i bdag nyid can rnams kyi 'bras bu ni/ lus rnam par dben pa'i de'i bdag nyid can de'i rang bzhin no/ /rdzogs pa'i rim pa'i rdo rje bzlas pa rnal 'byor gsum po ni 'jug pa la sogs pa dang/ yi ge gsum gyi ngo bo rnams kyi 'bras bu ni /ngag gis bzlas pa'i mtshan nyid can te/ de'i bdag nyid ni de'i rang bzhin no/ /sems rnam par dben pa'i rim pa rnal 'byor rnam pa gsum po ni/ snang ba la sogs pa rnams kyi 'bras bu ni/ 'od gsal ba ste/ de'i bdag nyid can no/ /sgyu ma'i lus la rnal 'byor rnam pa gsum ni/ chos dang longs spyod dang/ sprul pa'i ngo bo rnams te/ 'bras bu ni kun rdzob kyi bden pa rnam par dben pa'o/ /de bzhin du mngon par byang chub pa'i? rim pa la rnal 'byor rnam pa gsum ni stong pa dang/ shin tu stong pa dang/ stong pa chen po'i ngo bo rnams kyi 'bras bu ni thams cad stong pa'i rang bzhin 'od gsal ba ste/ de'i bdag nyid ni de'i rang bzhin no/ /de bzhin du zung du 'jug pa'i rim pa la rnal 'byor rnam pa gsum ni

  236. 118b

    rgyu dang 'bras bu dang/ de gnyis su med pa'i mtshan nyid can gyi 'bras bu ni gnyis su med pa'i mtshan nyid can no/ /de'i bdag nyid ni de'i rang bzhin no/ /de ltar don rnam pa gsum gyis de la mkho ba'i don brjod nas/ de so sor rgyas par bshad pa bstan pa'i phyir de'i yan lag sngags kyi don so sor rgyas par bshad pa ni/ sngags kyi don dang ming zhes bya ba gsungs so/ /mchog dang zhes bya ba ni/ oM yig la sogs pa rnams kyis rnam par snang mdzad la sogs pa'i lha'i don ston par byed pa'i phyir ro/ /gnyis med ye shes mtshan nyid can zhes bya ba ni/ yid skyob par byed pa'i don gyis/ gnyis su med pa'i ye shes kyi ngo bo ste/ rang bzhin gyis 'od gsal ba'i bdag nyid can gyis zung du 'jug pa'i ngo bo nyid kyi phyir ro/ /bshad kyis nyon zhes bya ba ni/ bcom ldan 'das kyis gsungs te/ phyag na rdo rje nyan pa la sbyar ba'o/ /bshad kyis shes bya ba ni/ brjod kyis so/ /de kho na nyid ces bya ba ni/ don dam pa'i ngo bos so/ /ji lta bus she na/ de'i phyir snying po zhes bya ba gsungs te/ snying po ni bskyed pa'i rim pa las so/ /snying po'i don gsungs pa zhes bya ba ni/ rdzogs pa'i rim pa'i rjes su 'brangs nas spros pa dang bral ba'i phyir dag rnam par dben pa'i 'bras bu skyed par byed pa'o/ /gzhan yang thog ma med zhi ba zhes bya ba ni/ skye ba dang gnas pa dang/ 'jig pa med pa nyid kyi phyir ro// zhi ba zhes bya ba ni/ snang ba thams cad gcod pas so/ /dngos dang dngos med zad pa'i gtso zhes bya ba ni/ yod pa dang med pa'i rnam par rtog pa nye bar zhi bas so/ /gtso zhes bya ba ni/ khyab par byas nas 'byung ba'i phyir ro/ /de yang dkar po dang nag po'i phyogs gnyis mi 'dor ba nyid kyis gsungs so/ /stong nyid snying rje dbyer med pa zhes bya ba ni/ ji ltar rigs pas rim pa drug la shes rab dang snying rje bdag gcig pa nyid kyi phyir ro/ /sngags don zhes bya ba ni/ yid skyob par byed pa'i don gyis ni sngags so/ /de'i don ni

  237. 119a

    brjod par bya ba'i ngo bo'o/ /rigs pa'i mtshan nyid ni zhes bya ba ni/ rigs pa ni sbyor ba ste/ sngags kyi sgra'i brjod par bya ba ston pa nyid kyis don dam pa'i ngo bo'o/ /de nyid mtshan nyid gang la yod pa de la de skad ces bya'o/ /de ltar sngags kyi don slar rgyas par bshad pa bstan nas/ sngags kyi de kho na nyid kyi slar rgyas par bshad pa brjod pa'i phyir/ sngags kyi don ni skal bzang ste/ zhes bya ba gsungs te/ 'chad par 'gyur ba'i mtshan nyid can las so/ /skal bzang zhes bya ba ni/ gdong ma nas ma skyes pa'i chos nyid kyis ngo bo nyid kyis chos thams cad yongs su shes pa nyid kyi phyir ro/ /rdzogs pa'i rim pa'i mtshan nyid can zhes bya ba ni/ rang bzhin gyis gdong ma nas ma skyes pa'i/ chos nyid mtshon bar byed pa'i a yig gi rnam par yongs su shes pa'o/ /rten pa med cing zhes bya ba ni/ bskyed pa'i rim pa las skyes pa'i lha'i mtshan nyid can rten spangs pa nyid kyi phyir ro/ /snang ba med ces bya ba ni/ rdo rje bzlas pa'i rim pa la brten nas/ 'jug pa dang gnas pa dang ldang ba spangs pa nyid kyi phyir ro/ /rang bzhin med pa zhes bya ba ni/ sems rnam par dag pa rim pas rang bzhin dang snang ba rnams la rang bzhin med par rtogs pa'o/ /mchog gi mchog ces bya ba ni/ mchog gi ni snang ba la sogs pa gsum pa'i mtshan nyid las so/ /mchog ni bzhi pa'i rnam pa'o/ /ming med ces bya ba ni/ bdag byin gyis brlab pa'i rim pas rjod byed spangs pa'i phyir ro/ /rnam pa med pa dang zhes bya ba ni/ mngon par byang chub pa'i rim pas rags pa dang phra ba'i rnam pa thams cad spangs pa nyid kyi phyir ro/ /'gyur ba med pa'i zhes bya ba ni/ tha dad pa'i rnam par rtog pa ma lus pa thams cad med pas zung 'jug gi rnam pa nyid kyi phyir ro/ /chen po'i mchog ces bya ba ni/ mi slob pa'i lam gyi rang bzhin nyid kyis shin tu yang mchog nyid kyi phyir ro/ /gnyis pa thams

  238. 119b

    cad rnam spangs pa zhes bya ba ni/ dngos po dang dngos po med pa dang/ yod pa dang med pa'i spros pa nye bar zhi bas so/ /bde ba yang dag 'phel bar byed ces bya ba ni/ lus dang sems kyi bde ba dang yid bde ba 'dod pa med pa dag la 'phel bar byed pa'o/ /shes bya thams cad cha dang bral zhes bya ba ni/ shes bya'i rnam par rtog pa ma lus pa rnams kyis ma gos pa'i phyir ro/ /shes bya'i rtog pa thams cad las 'das pas snyam du byas nas so/ /gnyis med ye shes rnal 'byor skyes zhes bya ba ni/ sngags kyi de kho na nyid kyi mtshan nyid de chos thams cad la a yig gi chos nyid kyis rjes su 'byed pa'i phyir/ gnyis su med pa'i sbyor ba ni chos nyid kyi rnam pas skyes pa zhes bya ba'i don to/ /'dis ni sngags kyi tshig bshad do/ /de kho na nyid kyi tshig bshad pa ni/ de nyid ni zhes bya ba gsungs te/ ci'i phyir zhe na/ don dam yang zhes bya ba ste/ mchog gi ye shes kyi yul nyid kyi phyir dang/ rang nyid kyang mchog yin pa'i phyir dang/ mchog gi dgos pa nyid kyi phyir ro/ /de ni de bzhin zhes bya ba ni/ rtag tu bcos ma ma yin pa'i ngo bos gnas pa'i phyir ro/ /gzhan nyid min zhes bya ba ni/ 'khrul pa med pa'i phyir ro/ /de nyid rdo rje 'chang ba'i dngos zhes bya ba ni/ spros pa med pa nyid kyis rdo rje 'chang gi dbugs 'dzin pa'i ngo bo nyid kyi phyir ro/ /ye shes lnga'i rang bzhin ni zhes bya ba ni/ me long lta bu'i la sogs pa ye shes lnga'i rang bzhin no/ /khyab pa'i zhes bya ba ni/ chos kyi phung po brgyad khri bzhi stong la khyab par byed pa'o/ /kun la zhes bya ba ni/ don dam pa'i rang bzhin med pas chos thams cad la 'gro ba nyid kyi stong pa nyid ces bya ba ni/ rdzas su yod pa la mngon par zhen pa bzlog pas so/ /nyon mongs pa thams cad rab tu 'joms zhes bya ba ni/ /rnam par rtogs pa thams cad 'joms par byed pa'i phyir ro/ /dri med ces bya ba ni/ khyab bya'i ngo bo chos rnams kyi skyon gyi ma gos pa nyid kyi phyir ro/ /dri bral zhes bya ba ni/ rang bzhin gyis rnam par dag pa'i ngo bo nyid

  239. 120a

    kyis dri ma dang bral ba'o/ /dad pa dang zhes bya ba ni/ dag pa'i shel lta bu nyid kyi phyir ro/ /rang gis rtogs pa'i go 'phang zhes bya ba ni/ rang ni chos kyi dbyings te/ rtogs pa ni mngon du byed pa'o/ /de'i go 'phang ni 'dug pa'i gnas so/ /mchog ces bya ba ni/ kun nas nyon mongs pa'i chos kyi mtshan nyid dang bral ba'i phyir ro/ /dang po'i sangs rgyas zhes bya ba ni/ rang bzhin gyis yongs su dag pa'i ngo bos gdong ma nas chos thams cad rtogs pa nyid kyi phyir ro/ /shin tu dgyes zhes bya ba ni/ dri ma med pa'i rnam par dag pas shin tu yang dga' ba nyid kyi phyir ro/ /rigs lnga rnams ni rgyas par byed ces bya ba ni/ de bzhin gshegs pa'i rigs lnga rnams la sad par byed pa zhes bya ba'i don to/ /de ltar sngags kyi de kho na nyid kyi don bstan nas/ sngags kyi man ngag so sor rgyas par bshad pa brjod pa'i phyir de'i yan lag rang gi ngo bo ni/ man ngag ces bya ba gsungs te/ man ngag gi sngags kyi gdams ngag go /gnas kyi bye brag gis zhes bya ba ni/ rtsa gsum gyi gnas kyi dbye ba dang gnas brgyad la reg pa'i dbye bas so/ /'khor lo'i dbye bas zhes bya ba ni/ phyi rol gyi 'khor lo'i dbye ba dang/ me las sogs pa 'khor lo bzhi'i dbye bas so/ /btu bar bya zhes bya ba ni/ phyi rol gyi yi ge'i ngo bos so/ /nang du ni 'khor lo la brten nas so/ /gnas kyi bye brag gis gsungs pa gang yin pa de rgyas par bshad pa'i don du rtsa dang snying ga mgrin pa/ bad kan zhes bya ba gsungs te/ gnas brgyad du yang dag par reg pa zhes bya ba'i don to/ /rtsol ba zhes bya ba ni sbyor ba'o/ /'khor lo'i dbye bas btu bar bya zhes bya ba rgyas par bshad pa ni/ de bzhin du ni las rnams bya zhes gsungs te/ de bzhin du ni las rnams bya ba ni/ me'i dkyil 'khor la sogs pa rnams la thun phyed phyed kyi bar du dbugs gzung bas dbang du bya ba la sogs pa'i las bsgrub par bya'o/ /zhi ba la sogs zhes bya ba ni/ dbang du bya ba la sogs pa'o/ /go rim bzhin zhes

  240. 120b

    bya ba ni/ ji ltar srid par 'byung ba'i dkyil 'khor rnams kyi rjes su 'brangs nas so/ /dngos grub ji bzhin bya ba ni/ rdo rje bzlas pa'i dngos grub po/ /ye shes de zhes bya ba ni/ dus gsum du gnas pa'i de bzhin gshegs pas yongs su mkhyen pa'o/ /ji ltar nyams su myong mtshan nyid ces bya ba ni/ me'i dkyil 'khor la sogs pa'i 'bugs rnams ni 'byung ba dang 'jug pa dang/ gnas pa'i bdag nyid can rnams kyis nyams su myong ba'i rim pa'o/ /ji ltar rang bzhin rdzogs pa ji lta bus zhes bya ba ni/ a yig dang haM yig gi bdag nyid can rang bzhin gyis bzlas ba rdzogs pa dang bskyed pa'i rim pa la/ yi ge gsum yongs su gyur pa las de bzhin gshegs pa gsum rdzogs pa'o/ /rgyun gyi dbye ba ji bzhin du zhes bya ba ni/ rgyun ni rnam par dag pa la dbye ba ni/ rnam par dag pa nyid bskyed pa'o/ /rigs pa ji bzhin zhes bya ba ni/ dkyil 'khor re re la nyi shu rtsa lnga dang bcas pa'i nyis brgya'i grangs kyis so/ /sbyor ba ji bzhin zhes bya ba ni/ dkyil 'khor re re la de las gzhan pa'i dkyil 'khor gyi cha brtsis pas dbugs dgu brgya'i grangs so/ /'bras bu ji lta ba bzhin gnas zhes bya ba ni/ rdo rje bzlas pa'i ngo bo rnam pa bcu gcig nyi khri chig stong drug brgya'i bdag nyid can no/ /yang dag bsam gtan phyag rgya'i rim zhes bya ba ni/ bskyed pa'i rim pa rnam pa gnyis bsgoms pas rang gi lus ma dmigs pas lhag mos kyi phyag rgya chen po'i ngo bo la sems pa'o/ /yang dag ces bya ba ni/ bden pa'i rnam par rtog pa'i gnyen po nyid kyis so/ /de nyid kyi phyir gzugs rdzogs pa zhes gsungs te/ sangs rgyas lnga la sogs pa'i dbye bas phyag rgya chen po'i rnam par rtog pa zhes bya ba'i don to/ /de lta bur gyur pa'i sngags kyi man ngag ces bya ba ni/ snga ma dang 'brel bar bya'o/ /de ltar rang gi ngo bo bstan nas/ de nyid la bla ma'i gdams ngag gis thob par bya ba brjod pa'i phyir/ bla ma'i zhal la gnas zhes gsungs te/ de lta bur gyur pa'i man ngag rdo rje slob dpon gyi zhal la gnas pa'o/ /yang dag bslab par bya zhes bya ba ni/ bla mas bsnyen pa la sogs

  241. 121a

    pa sngon du 'gro bas btsal bar bya'o/ /rab tu 'bad pas zhes bya ba ni/ le lo la sogs pa spangs nas zhes bya ba'i don to/ /de ltar de nyid la bla ma'i gdams ngag thob par bya ba nyid bstan nas/ bla ma mnyes par bya ba brjod pa'i phyir/ gser dang zhes bya ba la sogs pa gsungs te/ gser la sogs pa rnams kyis so/ /do shal gos dang ni zhes bya ba ni/ shin tu 'jam pa'i reg bya can dar la sogs pa rnams kyis so/ /rin chen zhes bya ba ni/ in+d+ra nI la dang/ marka ta dang/ pad+ma rA ga la sogs pa rnams kyis so/ /sna tshogs yon tan mchog ces bya ba ni/ rang rang gi mthu'i che bas shin tu yon tan phun sum tshogs pa dang ldan pa rnams kyis so/ /bran dang zhes bya ba ni dus cung zad yongs su spyod pa rnams kyis so/ /las byed pa zhes bya ba ni/ ji srid 'tsho'i bar du shin tu gus par byed pa'o/ /grangs med dang zhes bya ba ni/ dpag tu med pas so/ /dad cing gus pa la sogs kyis zhes bya ba ni/ mi mthun pa'i dngos po spangs pa'i ngo bo khyad par can gyi dad pa nges pa la sogs pa rnams kyis so/ /mnyes par bya zhes bya ba ni/ 'chad par 'gyur ba dang/ 'brel pa'o/ /ci zhig gis mnyes par bya zhe na/ de'i phyir ji ltar 'dod pas ster ba zhes bya ba gsungs te/ ji ltar 'dod pas slob mas mngon par 'dod pa'i don rab tu ster ba'o/ /ston pa zhes bya ba ni slob mas dbang bskur la sogs pa nas brtsams nas/ thos pa la sogs pa rnams kyis ston pa'o/ /bla ma zhes bya ba ni/ khyad par can gyi yon tan la sbyor ba dang ldan pa'o/ /sngags kyi don ston ces bya ba ni/ sngags kyi don de'i man ngag gi bdag nyid ston par byed pa'o/ /mnyes par bya zhes bya ba ni/ bsten par bya ba'o/ /rab tu 'bad pas zhes bya ba ni/ de dang de'i bsam pa 'dzin pa'i ngo bo brtson 'grus kyis so/ /chags pa dal ba'i sems kyis zhes bya ba ni/ zhen pa dang bral ba'i 'dzin pa la sogs pas so/ /sems kyis zhes bya ba ni lhag pa'i

  242. 121b

    bsam pas zhes bya ba'i don to/ /de ltar bsam pa rdzogs byas nas zhes bya ba la/ de ltar zhes bya ba ni/ snga ma bzhin du'o/ /bsam pa rdzogs byas nas zhes bya ba ni/ bla ma dang 'brel ba'i sems kyis so/ /gang gis she na/ de'i phyir rnyed par dka' ba'i dngos rnams kyis zhes gsungs te/ man dar ba'i dngos po dbul ba'i rnam pa rnams kyis so/ /phyag byas zhes bya ba ni/ lus la sogs pa rnams kyis so/ /de zhes bya ba ni/ yang dag par bsten par byas pa'i bla ma las so/ /sngags zhes bya ba ni 'chad par 'gyur ba yi ge gsum mo/ /yang dag ces bya ba ni/ the tshom med pa'i blos so/ /bzung nas zhes bya ba ni/ blang bar byas pa'o/ /'bras bu don gnyer zhes bya ba ni/ phyag rgya chen po'i mtshan nyid kyi 'bras bu mngon par 'dod pa rnams kyis so/ /de tsam gyis bla ma mnyes par bya ba bstan to/ /de ltar don rnam pa gsum gyis sngags kyi man ngag so sor rgyas par bshad pa bstan nas/ sngags btu ba'i so sor rgyas par bshad pa brjod pa'i phyir/ de'i yan lag de btu ba'i don du rten la bstan pa ni/ mi'i rus pa'i smyu gu dang zhes gsungs te/ mi'i rtsib ma'i dus pa la smyu gu byas nas so/ /rin chen rab brdal ba zhes bya ba ni/ mu tig gi phye ma la sogs pa rnams so/ /rab brdal ba zhes bya ba ni bkram pa'o/ /sa gzhi zhes bya ba ni/ gzhi ma'o/ /dur khrod thal ba zhes bya ba ni/ ro bsreg pa'i thal ba'o/ yang na zhes bya ba ni/ de med na'o/ /las kyi dbye bas zhes bya ba ni/ dur khrod kyi sol ba dang/ dur khrod kyi so phag la sogs pa mtshon gyi bye brag gi mngon spyod la sogs pa'i dngos grub bsgrub ces bya ba'i don to/ de ltar de btu ba'i don du rten la sogs pa bshad nas/ de btu ba po'i bye brag brjod pa'i phyir ro/ /thog mar dbang bskur blang byas nas zhes bya ba gsungs te/ bla ma'i drung nas gsang ba 'dus pa'i rgyud kyi rjes su 'brangs nas dbang bzhi gzung ste/ thog ma ni sngags btu ba las dang por ro/ /dkyil 'khor la sogs

  243. 122a

    pa mdun du byas zhes bya ba ni/ rdul tshon gyi dkyil 'khor dang/ thun mong ba'i dkyil 'khor bya ba la sogs pas rnam par dag par byas pas so/ /bgegs mthar byed la zhes bya ba ni/ bdud rtsi 'khyil pa la'o/ /gtor ma che zhes bya ba ni/ gtor ma chen po ste/ chang dang sha la sogs pas rgya che ba'o/ /sbyin zhes bya ba ni/ sbyang ba la sogs pa'i rim pas/ de sgrub pa sngon du 'gro bas byas nas so/ /lha'i khang par zhes bya ba ni/ lha'i khyim la sogs par ro/ /sngags btu bya zhes bya ba ni/ de'i rjes la 'chad par 'gyur ba'i sngags so/ /mtshungs pa med pa'i zhes bya ba ni/ ma btus pa'i sngags dang mtshan nyid dang bral ba nyid kyis yongs su dag pa'o/ /sku gsung thugs ni sgrub byed pa'o/ /zhes bya ba ni/ rnam par dag pa'i lus la sogs pa bzlog pas lha'i rnam pa'i lus la sogs pa sgrub par byed pa zhes bya ba'i don to/ /de ltar de thub po'i khyad par bstan nas/ sngags btu ba rang gi ngo bo bshad pa'i phyir/ dang po yi ge thog mar bri zhes bya ba gsungs te/ dang por ni dbyangs yig rnams kyi dang po a'i yi ge bri bar bya'o/ / dbyangs yig lnga pa yang dag ldan zhes bya ba ni/ dbyangs yig lnga pa a yig yang dag par ldan pa'o/ /de ltar na o'i yi ge pha rol tu bya ste/ yi ge a ni or 'gyur te/ oM yig mi snang bar 'gyur ro/ /de ltar na o zhes bya bar 'gyur ro/ /sde tshan mdza' ma'i mdza' can ldan zhes bya ba ni/ a la sogs pa ni sde tshan lnga pa'i tha ma ni/ pa'i sde tshan no de'i tha ma'i mdza' can ni ma'i yi ge ste/ de dang ldan pa ni klad skor dang bcas pa'o/ /de ltar na yi ge oM zhes bya bar 'gyur ro/ /sku'i sa bon btu bar bya zhes bya ba ni/ rnam par snang mdzad kyi sa bon zhes bya ba'i don to/ /thog ma'i yi ge zhes bya ba ni/ a'i yi ge'o/ /nyis 'gyur zhes bya ba ni/ a yig gnyis pas bsgyur ba ni/ mnyam pa ni mtshungs pa pha rol tu bya ste/ a yig dang po ni ring por 'gyur ro/ /a yig gnyis pa

  244. 122b

    mi snang bar bya ste/ a ring por 'gyur ro/ /uSh+mA na'i cha dang ldan zhes bya ba ni/ ha'i yi ge srog med pa dang ldan pa'o/ /sngags btu bya zhes bya ba ni/ de ltar na a zhes bya bar 'gyur ro/ /mtshungs pa med pa'i zhes bya ba ni/ cheg drag gnyis kyi gnas su dbyangs yig med pa'i yi ge ta dang ldan pa'i phyir sngags gzhan gyi mtshan nyid bral ba'o/ /gsung gi rdo rje zhes bya ba ni/ snang ba mdza' yas kyi'o/ /snying po zhes bya ba ni/ de skyed par byed pa'i sa bon no/ /mchog ces bya ba ni/ ngag rnam par dag pa skyed par byed pa'o/ /uSh+mA na'i mdza' cha ldan zhes bya ba la uSh+mA na ni ha yig ste/ de rnams ni/ sha Sha sa ha ste/ zhes bya ba'i ming gis so/ /cha dang ldan zhes bya ba ni/ steng du zla tshes kyi cha dang ldan par byas so/ /dbyangs yig drug pas yang dag brgyan ces bya ba ni/ u yig gis 'og tu byas pa'o/ /sde chen mdza' ma'i mdza' mar bcas zhes bya ba ni/ ma'i yi ge klad skor dang bcas par ldan pa'o/ /thugs kyi rdo rje go 'phang zhes bya ba ni/ mi bskyod pa'i sa bon no/ /gsal zhes bya ba ni/ cha lnga pa grags pas gsal ba'o/ /de ltar sngags btu ba'i ngo bo bstan nas/ de rnam par dag pa'i sgo nas/ de nyid kyi che ba'i bdag nyid bshad pa'i phyir/ de nyid gsum zhes bya ba gsungs te/ lus ngag yid gsum gyi de kho na nyid kyi ngo bo'i phyir ro/ /rdo rje gsum gyi dam tshig ces bya ba ni/ rdo rje gsum ni rnam par snang mdzad la sogs pa rnams kyi dam tshig ni thugs bskul ba'i rgyur gyur pa nyid kyi phyir ro/ /'jig rten gsum yang 'grub par byed ces bya ba ni/ de bskyed pa po nyid kyi phyir dang spros pa dang sdud par byed pa'i rim pas de sdud par byed pa'i phyir ro/ /rnal 'byor pa'i zhes bya ba ni/ rim pa gnyis sgom pa po'o/ /de nyid mchog ces bya ba ni/ lus ngag yid gsum rnam par dag par byed pa nyid kyi phyir ro/ /sngags btu ba ni zhes bya ba ni sngon du gsungs pa'i rigs pas so/ /bla na med ces bya ba ni/ sdig pa thams cad zad par byed pa'i rgyur gyur pa'o/ /dngos grub thams cad byed ces bya ba ni/ spel ba sngon du 'gro bas las tshogs thams cad sgrub

  245. 123a

    par byed pa nyid kyi phyir ro/ /de nyid ces bya ba ni/ yi ge'i ngo bo nyid kyis snang yang chos nyid kyi ngo bo yongs su mi 'dor ba nyid kyi phyir ro/ /sngags rnams kun gyi don bsdus pa zhes bya ba ni/ snying po dang/ nye ba'i snying po dang/ phreng ba dang/ gzungs sngags la sogs pa rnams kyi don ni gsang ba gsum gyi rang bzhin gyis sdud pa ni de'i rang bzhin te/ yi ge gsum med par de rnams med pa'i phyir ro/ /sngags rnams kun gyi gnas yin no/ /zhes bya ba ni/ sngags rnams thams cad kyi gnas ni snga ma bzhin no/ /rgyu dang mi rgyu nyid bzhin zhes bya ba ni/ ji ltar rgyu ba'i bcud kyi sems can rnams dang/ mi rgyu ba snod kyi 'jig rten no/ /de bzhin du yi ge gsum ni sngags thams cad kyi rten du rig par bya'o/ /dngos grub rnams kyi rnal 'byor mchog ces bya ba ni/ 'jig rten las 'das pa'i sku'i dbang phyug la sogs pa'i mtshan nyid can no/ /mchog ni mchog gi rnal 'byor te/ de'i bdag po nyid kyis de rnams 'byung ba'i phyir ro/ /rnal 'byor ye shes zhes bya ba ni/ de skyed par byed pa nyid kyi phyir ro/ /bla na med ces bya ba ni/ gsang ba gsum gyi rang bzhin nyid kyis/ 'di gzhan gong na med pa'i phyir ro/ /de ltar don rnam pa bzhis sngags btu so sor rgyas par bshad pa bstan nas/ da ni sngags bzlas pa'i phan yon brjod pa'i phyir/ de'i yan lag mdor bstan pa ni/ man ngag ji bzhin zhes bya ba la sogs pa gsungs te/ gang zhes bya ba ni sgom pa po'o/ /man ngag ji bzhin zhes bya ba ni ji ltar bla ma'i gdams ngag go /zlos pa zhes bya ba ni/ sngon du btus pa'i sngags ni tshig gam yid kyis 'jug pa la sogs pa rnams pa sgyur ba goms par byed pa ste/ de'i dngos grub rgya cher 'gro zhes bya ba dang 'grel to/ /de'i phyir zlos she na/ de'i phyir dngos grub phyir ni zhes bya ba gsungs te/ 'jig rten dang 'jig rten las 'das pa'i dngos grub kyi don du'o/ /ji ltar zhe na/ de'i phyir

  246. 123b

    lung bzhin gyis zhes bya ba gsungs te/ ji ltar rgyun du bstan pa'i tshogs so/ /de'i zhes bya ba ni rnal 'byor pa'i'o/ /rgya chen ni rgya che ba dang zab pa'i rang bzhin no/ /dngos grub ces bya ba ni/ sangs rgyas kyi mtshan nyid can no/ /'gro zhes bya ba ni thob par 'gyur pa'o/ /tshe 'di nyid la zhes bya ba ni/ mthong ba'i chos nyid la'o/ /sngags shes pas zhes bya ba ni/ sngags kyi de kho na nyid la mkhas pa'o/ /de ltar sngags bzlas pa la phan yon mdor bstan pa bshad pa'i phyir de rgyas par bshad pa'i phyir/ ye shes chen po zhes bya ba la sogs pa gsungs te/ de zhes bya ba ni rnal 'byor pa'o/ /ye shes chen po zhes bshad pa'o/ /zhes bya ba dang 'brel to/ /gnyis su med pa'i ye shes mngon du byed pas na ye shes chen po dang ldan pa'o/ /sku gsung thugs kyi rnal 'byor skyes zhes bya ba ni/ rnam par ma dag pa'i lus ngag yid gsum bzlog nas rnam par dag pa'i lus la sogs pa skyed par byed pa'i phyir ro/ /gang zhig ces bya ba ni/ rnal 'byor pa'o/ /sngags bzlas zhes bya ba ni/ yi ge gsum mo/ /mtshungs pa med ces bya ba ni/ rang gi ngo bo dang 'bras bu las thun mong ma yin pa'o/ /'dod pa kun la longs spyod ces bya ba ni/ 'dod pa'i yon tan lnga la longs spyod par byed ces bya ba'i don to/ /'di tsam gyis rgyas par bshad pa bstan nas/ so sor rgyas pa bshad pa brjod pa'i phyir/ gang zhig ces bya ba la sogs pa gsungs te/ gang zhig ni sgrub pa po'o/ /rtag tu zhes bya ba ni dus thams cad du'o/ /sngags zhes bya ba ni/ sngar bshad pa'i yi ge gsum mo/ /'chang zhes bya ba ni/ 'jog pa 'am brjod pa'o/ /'gu bar zhes bya ba ni/ nges mtshon pa'i kha la'o/ /yang na mgrin pas nye bar mtshon pa'i me la sogs pa'i dkyil 'khor gyi rnam pa la 'jug pa la sogs pa'i rim pas 'chang par byed pa'o/ /de kho na nyid ni legs par shes zhes bya ba ni/ mdzes pa'i de kho na nyid rig pas na/ de kho na nyid legs par shes pa'o/ /dbugs kyi 'khor lo nye bar mtshon pa nus pa 'am/ sngags kyi de kho na nyid yongs su shes pa'o/ /

  247. 124a

    rtog pa kun yang 'grub par byed pa ni/ rnal 'byor pa 'di la rtog pa thams cad ni zhi ba la sogs pa'i bya ba thams cad 'grub par 'gyur ba'o/ /dkyil 'khor kun tu zhugs pa dang zhes bya ba ni/ dkyil 'khor la gtso cher yi ge gsum gyi rim pas rdzogs pa'i phyir dang/ thams cad du ni dam tshig shes zhes bya ba ni/ rgyud sde rnam pa lnga la yang 'os pa'i brda yongs su shes pa'i phyir ro/ /'jig rten gsum po sgrub ces bya ba ni/ 'jig rten gsum gyi zhi ba la sogs pa thams cad sgrub par byed pa'o/ /blo bzang zhes bya ba ni/ sngags kyi de kho na nyid yongs su shes pas mdzes pa'i blo gang la de yod pa de la de skad ces bya'o/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a langka ka la shas mdzad pa/ zab mo'i don shin tu gsal bar byed pa zhes bya ba las le'u bco lnga pa'i rgya cher bshad pa'o// //de ltar le'u bco lnga pas sngags kyi de kho na nyid kyi yul la dri ba'i lan btab pa bstan nas/ da ni rlung gi grangs kyi rim pa dang gnas bstan pa dri ba'i lan brjod par 'dod nas le'u bcu drug pa ston par byed cing/ dang por re zhig de rtsom pa ni/ de nas zhes bya ba la sogs pa gsungs te/ le'u bco lnga pa bshad pa'i rjes la'o/ /gzhan yang zhes bya ba ni snga ma la bltos nas khyad par can nyid kyi phyir ro/ /nyon zhes bya ba ni/ phyag na rdo rje nyan pa la sbyar ba'o/ /grangs kyi rim pa zhes bya ba ni rlung rnams la 'chad par 'gyur ba'i rigs pas bshad par bya zhes bya ba dang 'brel to/ /bla na med ces bya ba ni 'di las gong na med pas na/ bla na med pa'o/ /de yang rags pa'i grangs nas brtsams te/ shin tu phra ba'i grangs mtshon par byed pas so/ /ji ltar gnas pa'i zhes bya ba ni/ 'chad bzhin pa'i rim pas srog bskyed pa la brten nas so/ /ji skad du 'chad

  248. 124b

    par 'gyur ba las/ bshang lam srang ba'i bar gnas zhes bya ba gsungs so/ /rlung rnams kyi zhes bya ba ni/ srog la sogs pa rnams la'o/ /ji lta ba bzhin du zhes bya ba ni/ phyin ci ma log pa'i ngo bos so/ /sngon gyi rim pas go rim du zhes bya ba'i don to/ / de ltar de rtsom pa'i rang gi ngo bo bstan nas dgos pa brjod pa'i phyir/ gang gis thob pa zhes bya ba gsungs te/ rlung gi mtshan nyid yongs su shes par gyur pas so/ /srog ni thob par byed ces bya ba dang 'brel to/ /srog gi rdul phra rab rang gi ngo bo'o/ /skal pa bzang zhes bya ba ni mngon par zhen pa thams cad bzlog nas stong pa nyid kyi zhes bya ba'i don to/ /thams cad bdag nyid gnas zhes bya ba ni/ lus phung po lnga'i rang bzhin la khyab par byed pa nyid kyis rnam par gnas pa'o/ /gang gis yang dag yongs su shes zhes bya ba ni/ rlung gang la phra mo'i ngo bo yongs su shes pas so/ /rnal 'byor mchog ni zhes bya ba ni/ srog stong pa nyid kyi rnam pa'o/ /thob par byed ces bya ba ni/ thob par byed pa'o/ /yang dag ces bya ba ni/ rags pa'i cha'i spyod pa las brtsams nas/ shin tu mtshon par dka' ba'i dus kyi cha'i ngo bos phyin ci ma log pa'o/ /de ltar rnam pa gnyis kyis de rtsom pa bstan nas/ dngos su de bstan pa bshad pa'i phyir/ de'i yan lag rlung gi bla na med pa'i mtshan nyid brjod pa'i yan lag rlung gi mtshan nyid yongs su ma shes pa'i nyes dmigs ni/ rlung gi mtshan nyid mi shes phyir/ zhes gsungs te/ phra mo'i rang bzhin 'chad par 'gyur ba rlung gi mtshan nyid yongs su ma shes nas/ 'jig rten gsum ni rnam par 'khor zhes bya ba gsungs te/ 'dod pa dang/ /gzugs dang gzugs med pa'i mtshan nyid can 'gro ba gzhan du skye bar 'gyur ba'o/ /goms pa thob pa de yang ni/ zhes bya ba ni/ rlung gi rang bzhin mtshon par byed pa'o/ /goms pa zhes bya ba ni yang dang yang du mngon du phyogs par byas pas so/ /thob pa

  249. 125a

    zhes bya ba ni rnyed pa'o/ /de yang bla ma'i kha las zhes bya ba ni/ bla ma ni rdo rje slob dpon no/ /de'i sbyor ba shes pa'i kha bas so/ /rlung de'i mtshan nyid nye bar mtshon pa la sbyor ba ni de'i sbyor ba'o/ /de shes pas na de'i sbyor ba shes bya'o/ /de'i sbyor ba shes pa'i kha ni/ de'i sbyor ba shes pa'i kha ste de las so/ /de ltar rlung gi mtshan nyid yongs su ma shes pa'i nyes dmigs bstan nas/ de'i mtshan nyid bshad par dam bca' ba brjod pa'i phyir/ rlung gi mtshan nyid ji bzhin du zhes bya ba gsungs te/ srog gi rang bzhin gyi rlung gi'o/ /mtshan nyid ces bya ba ni/ rang gi ngo bos mtshan pa'o/ /ji srid du/ lo tshigs kyi zhes bya ba ni/ phyi'i dus kyis bsdus pa'i lo tshigs kyis mtshan nyid do/ /bshad par bya zhes bya ba ni brjod par bya ba'o/ /mdor bsdus nas ni/ zhes bya ba ni mdor bsdus pas so/ /sprin gyi dpal zhes bya ba ni/ dang po'i sangs rgyas rdo rje phreng ba'i rgyud chen por ji ltar rgya cher bshad pas de'i rjes su 'brangs pa nyid kyis 'dir ni bsdus nas bshad par bya zhes bya ba'i don to/ /de ltar mtshan nyid bshad par dam bca' ba bstan nas/ dngos su de'i bshad pa ni/ dus ni drug ces bya ba la sogs pa gsungs te/ dpyid dang/ so ka dang/ dbyar ka dang/ ston dang/ dgun stod dang/ dgun smad kyi dbye bas so/ /mdor bsdus nas ni/ zhes bya ba ni/ mdor bsdus pas so/ /lo tshigs zhes bya ba'i lo'o/ /yongs su grags zhes bya ba ni/ brjod pa'o/ /gal te de ltar yin na dus drug gis lor brjod pa yin na/ 'o na dus ji lta bu yin zhe na/ de'i sbyor ba gnyis ni dus yin te/ zhes bya ba gsungs te/ nyi ma'i khyim gnyis la longs spyod pa'i mtshan nyid can gyi zla ba gnyis kyi dus so/ /dus gnyis bshad pa'i phyir ro/ /dus de nyid zhag drug cu'o/ /zhes gsungs te/ nyin zhag drug cu ni/ dus zhes brjod par bya'o/ /gal te de ltar yin na nyin zhag gi tshad ji tsam du 'gyur zhe na/ de'i phyir nyin dang

  250. 125b

    mtshan du nges pa la zhes bya ba gsungs te/ phal che ba'i dgos pas mtshan mo dang nyin mo'i dbye bas nyin zhag ces bya ba'i grangs su 'gro ba'o/ /nges pa la zhes bya ba ni/ dbyug gu drug cu'i dgongs pas zhes bya ba'i don to/ /nyin mtshan gyi tshad ji tsam zhe na/ de'i phyir nyin mtshan dbyug gu drug cu'o/ /zhes bya ba gsungs te/ phyi rol tu zla ba dang nyi ma'i rgyu ba brjod par 'dod pas phal cher ni dbyug gu drug cus nyin mtshan gyi grangs so/ /'od gsal gyis skad cig gi mtshan nyid kyis chu tshod bzhi'i grangs la mi bltos pas so/ / de ltar nyin mo chu tshod sum cu tham pa dang/ mtshan mo yang de ltar ro/ /'o na chu tshod kyi grangs ji lta bu zhe na/ de'i phyir chu tshod tsa sha ka zhes grags zhes gsungs te/ re zhig phyi rol du ni chu srang drug cu la chu tshod kyi tshad de/ tsa sha ka zhes bya ba ni ming gi rnam grangs so/ /tsa sha ka'i tshad kyang ji lta bu zhe na/ de'i phyir 'byung ba dang rdub pa'i dus drug la/ tsa sha zhes ni rab tu grags zhes bya ba gsungs te/ dbugs 'byung ba dang rdub pa drug gi rtsa zhes rab tu grags pa ni brjod pa'o/ /skad cig ma drug la ni dbugs zhes bya ba ni/ dbugs 'byung ba dang/ rdub pa'i grangs kyi skad cig ma drug la'o/ /de nyid se gol gtogs pa'i tshad ces bya ba ni/ skad cig ma'i tshad ni se gol gtogs pa tsam mo/ /se gol gtogs pa'i tshad ji tsam zhe na/ de'i phyir thang cig gsum la skad cig go / zhes gsungs te/ thang cig gsum gyi grangs ni skad cig ma'i tshad do/ /de yang yungs kar bskor ba tsam zhes bya ba ni/ thang cig gi tshad ni/ yungs kar gyi 'bru la lag pa'i mthil lan cig bskor ba tsam mo/ /dbugs gsum la ni thang cig brjod ces bya ba ni/ nang du 'jug pa dang/ gnas pa dang 'byung ba'i ngo bo dbugs gsum gyis thang cig ces brjod do/ /de ni yud tsam mo zhes bya ba ni/ dbugs kyi tshad ni yud tsam zhes brjod do/ /thang cig gsum mig 'dzums te/ zhes bya ba ni/ cig gi ngo bo'i dbugs

  251. 126a

    kyi rang bzhin gyi yud tsam gsum gyis ni mig 'dzums pa'o/ /de yang mig ni btsum pa tsam zhes bya ba ni/ de yang zhes bya ba ni/ mig btsum pa'o/ /mig ni 'dzums pa zhes bya ba ni/ mig btsum pa tsam gyi tshad do/ /gal Fte de ltar yin na/ mig btsum pa'i tshang ni ji tsam zhe na/ de'i phyir tsam gsum la ni mig btsums te/ zhes bya ba gsungs te/ tsam yang tshad ji tsam snyam du mi shes nas de'i phyir tsam ni thal mo brdabs pa'o/ /zhes bya ba gsungs te/ lag pa gcig gis lag pa gzhan la brtags pa tsam zhes bya ba'i don to/ /nang du ni tsam po ji tsam du zhe na/ de'i phyir bde ba 'char ba gsum la tsam zhes bya ba gsungs te/ rnam pa gsum gyi bde ba'i gnas skabs la tsam por 'gyur ro/ /gal te de ltar yin na bde ba 'char ba gsum gyi tshad ji tsam yin zhe na/ de'i phyir de ni thig le 'pho ba'o/ /zhes bya ba gsungs te/ mchog gi rnal 'byor ma dang yang dag par sbyor ba las thig le kun rdzob pa ste/ lan gsum du 'pho ba de ni bde bar brjod do/ /gal te de ltar yin na/ bde ba 'char ba'i tshad ji tsam yin zhe na/ de'i phyir sngags pa gsum la bde bar bshad ces gsungs te/ 'jig pa skye ba'i gnas gsum la bde bar bshad pa'o/ /sngar ma byung ba'i dngos po nyams su myong bas sngags pa dang bde ba dag 'dra ba'i phyir ro/ /'di ni g.yang sa 'jigs par brjod ces bya ba ni/ sngags pa rang gi ngo bo ni g.yang sa 'jigs pa'o/ /ri'i rtse mo la sogs pa las ltung ba dogs pa skad cig ma'i ngo bo'o/ /gal te de ltar yin na 'jigs pa ji lta bu'i ngo bo zhe na/ de'i phyir dus gsum la ni 'jigs par bshad ces gsungs te/ 'das pa la sogs pa'i dus gsum gyis te/ de las ma gtogs pa de mi dmigs pa'i phyir ro/ /phra ba ni skad cig mtshan nyid ces bya ba ni/ shin tu thung ba'i dus kyi cha'i rang bzhin rnal 'byor

  252. 126b

    pa rnams kyis reg par bya bas so so'i skye bo'i yul ma yin zhes bya ba'i don to/ /dus gsum gyi ngo bo yang ji lta bu yin zhe na/ de'i phyir 'das pa dang/ zhes bya ba la sogs pa gsungs te/ bya ba rdzogs pa ni 'das pa'o/ /da ltar dang zhes bya ba ni/ brtsams pa ma rdzogs pa'i mtshan nyid do/ /ma 'ongs pa'i mtshan nyid do/ /zhes bya ba ni/ bya ba yang dag par mtho ba zhes bya ba'o/ /gal te de ltar yin na/ 'das pa la yang rnam par bzhag pa ji lta bu yin zhe na/ de'i phyir 'das pa'i mtshan nyid gsum du gsungs zhes bya ba ni/ 'das pa dang/ ma 'ongs pa dang/ da ltar byung ba'i chos brtags pas so/ /de ltar yang ni skad cig gsum zhes bya ba ni/ de bzhin du zhes bya ba'i don to/ /ma 'ongs skad cig gsum du bshad ces bya ba ni/ sngar bshad pa bzhin no/ /de las slar yang zhes bya ba ni/ de'i rjes la'o/ /de ltar skad cig gsum gyi cha zhes bya ba ni/ re re la yang cha gsum du brtags pas so/ /de la cha gsum zhes bya ba ni da ltar ba'i cha gsum yang sngon bzhin du gsum du byas nas/ stong pa'i ngo bo brjod du med pa rnyed pa ste/ shin tu phra ba'i yongs su spyod pa stong pa'i phyir ro/ /de ltar dngos su bshad pa brjod nas/ srog gi mthar thug pa'i grangs kyi rang gi ngo bo bshad pa'i phyir/ ji srid rtog pa zhes bya ba gsungs te/ phra zhing phra ba'i cha yongs su brtags pas so/ /de srid du rtog pa stong pa zhes bya ba ni/ phra mo'i rnam par rtogs pa'i cha rnams kyis ma bsgribs pa'i gnyis su med pa'i de kho na nyid thams cad nye bar zhi ba'i rnam pa'o/ /thob par 'gyur zhes bya ba ni/ mngon sum du gyur pa'o/ /rnal 'byor mchog ni mchog gi rnal 'byor gyi ngo bo'o/ /ji lta bu zhe na/ de'i phyir srog gi gnas na zhes bya ba gsungs te/ srog gi rlung stong pa'i ngo bo la'o/ /bla na med ces bya ba ni/ snang ba thams cad nye bar bcad pas de la gong na gzhan med pa'i phyir ro/ /rnam par rtog pa'i grangs las 'das zhes bya

  253. 127a

    ba ni yul dang dus dang rnam pa rnams dang bral ba'i phyir ro/ /de la phyogs kyi sgras ni shar dang lho la sogs pa'i yul brjod do/ /dus kyi sgras ni/ dus ni ston dpyid la sogs pa dang ldan pa'o/ /rnam par rtog pa'i sgras ni/ rnam pa ste de la rtog par bya ba nyid kyi phyir ro/ /de ltar na phyogs dang dus dang rtog pa rnams so/ /de rnams dang 'das pa ni stod pa zhes bya ba'i don to/ /rigs pa'i mtshan nyid spangs pa dang zhes bya ba ni/ mngon sum dang rjes su dpag pa ngag gis yongs su bcad par bya ba ma yin pa'i phyir ro/ /de'i srog ni shar nas zhes bya ba ni srog gi skyed par byed pa'o/ /thim zhes bya ba ni de nyid la snga ma bzhin du brjod du med pa rtogs pa'i bdag nyid can no/ /de'i zhes bya ba ni/ srog gi rlung rnam par shes pa dang bcas pa la'o// gnyis med ces bya ba ni/ tha dad pas yongs su chad pa med pa nyid kyi phyir ro/ /de nyid bsdus pa zhes bya ba ni/ brjod du med pa'i go 'phang bsdus pa'i ngo bo'o/ /mthar thug pa'i gnas skabs su phra ba'i cha gang la yang mi dmigs pa'i phyir zhes bya ba'i don to/ /de ltar don rnam pa bzhis rlung gi bla na med pa'i mtshan nyid bstan nas/ srog gi 'char ba'i rim pa brjod pa'i phyir/ de'i yan lag bshad par dam bca' ba ni/ gzhan yang bshad par bya yis nyon zhes bya ba la sogs pa gsungs te/ phyag na rdo rje thos pa la sbyor ba'o/ /gzhan yang zhes bya ba ni/ snga ma la bltos nas khyad par du byas pa'o/ /srog ni thim dang 'char ba yi zhes bya ba ni/ 'char ba ni skyed pa'o/ /thim pa ni 'jig pa'o/ /srog ni bshad par bya/ zhes bya ba dang 'brel ba'o/ /de ltar bshad pa dam bca' ba bstan nas/ dus kyi nges pa brjod par bya ba'i phyir/ ji srid skad cig la sogs rtogs zhes bya ba la sogs pa gsungs te/ skad cig ni brjod du med pa'i ngo bo'o/ /brjod du med pa'i rjes la rags pa'i

  254. 127b

    grangs kyis mthar thug pa'i rtog pa 'am/ yod pa dang med pa'i spros pa'i rtog pa'o/ /ji srid ces bya ba ni/ dus ji srid kyi bar du'o/ /kun nas zhes bya ba ni/ rnam pa thams cad kyis so/ /rab tu ma zhi ba zhes bya ba ni/ rnam par ma log pa 'am/ spong ba ma yin pa'o/ /de srid srog gi zhes bya ba ni/ dus de srid kyi bar du srog gi rlung gi gnas zhes bya ba ni rten no/ /rten ni shes pa ma yin te/ gang gis she na/ de'i phyir thar pa 'dod pa'i rnal 'byor pas zhes gsungs te/ de ltar dus kyi nges pa brjod nas/ srog gi skyed pa'i ngo bo brjod pa'i phyir/ bshad sgo gsang ba'i zhes bya ba gsungs te/ bshang sgo yang yin la gsang ba yang yin pas na bshad sgo gsang ba'o/ /de dag gi dbus ni bar ro/ /der gnas pas na de la gnas pa'o/ /ming ni ma skyes bya ba ni/ ma skyes pa zhes brjod pa ste/ skye ba dang 'jig pa spang ba'i phyir dang/ sems kyi khams ma lus pa las 'byung bar 'gyur ba ste/ 'di las ma lus pa skyes pa zhes bya bar byas nas so/ /cha chen po zhes bya ba ni/ cha yang yin la chen po yang yin pas na/ cha chen po'o/ /chen po'i sgras ni skye ba dang 'jig pa spangs pa nyid 'di la gsungs te/ gang yang bshad sgo dang gsang ba'i dbus su gnas pa de/ ji ltar ma lus par skyed par byed cing/ gang gi phyir dbus ni don med pa ste/ de bas na sangs rgyas thams cad kyi rgyud phyi ma'i man ngag gis brjod par bya ste/ gsang ba'i mdud pa'i gnas so/ /bshang sgo ni rdo rje'i kha'o/ /de dag gi dbus gang yin pa de ni bar ste/ thams cad kyi ngo bo dang bral ba lhan cig skyes pa'i gnas zhes bya ba'i don to/ /de ltar ni ma yin te/ gang zhig 'jig rten du grags pa de'i don dang bcas par 'gyur ro/ /de yang rnam shes dang bral ba zhes bya ba ni/ gang gi phyir thams cad kyi ngo bo dang bral ba'i gnas la rnam par shes pa zhes bya ba cung zad kyang yod ba ma yin no/ /rnam par shes pa med pas kyang rnam par bzhag pa

  255. 128a

    ji ltar yin pa'o/ /rnam par shes pa med pa ci'i phyir thams cad stong pa'i rang bzhin ye shes med pa gang du de yod pa de thams cad rigs pas de'i bdag nyid kyis yod do/ /de ltar gang zhig gnyis su rtog pa spangs pa'i gnas de ye shes kyi lus las kyang 'das pa'o/ /de nyid kyi phyir ye shes lus ni bdag med pa zhes bya ba gsungs te/ de nyid ni yang dag par bdag med pa'i gnas so/ /de nyid kyi phyir na ye shes lus ni bdag med pa zhes gsungs te/ cha chen po ni bdag med pa zhes bya ba'i dgongs pa'o/ /der ni srog gi skye ba mchog ces bya ba ni/ de mchog gi dbang phyug gi bdag med pa las mchog ni mchog tu gyur pa ste/ srog gi sgras ni mchog dga' ste/ gang gi phyir thams cad gso bar byed pa'o/ /kha cig kun gzhi rnam par shes pa zhes smra'o/ /srog chags rnams kyi zhes bya ba ni/ gang la srog yod pa de rnams ni srog chags rnams so/ /mchog tu brjod ces bya ba ni/ bla na med pa'i don bsgrub pa'o/ /zhes bya ba ni/ dga' ba'i 'od zer gyi phreng ba byed pa'i mkhan po'o/ /gzhan dag ni bshad sgo gsang ba zhes bya ba ni shes rab dang 'brel ba'i dbus su gnas pa ni/ chos 'byung gi dbus su gnas pa'o/ /ming ni ma skyes zhes bya ba ni/ ma skyes pa zhes bya ba rnam par rtog pa thams cad kyi gnyen po nyid kyis so/ /cha chen po zhes bya ba ni/ mngal gyi rtsa'i bdag nyid can nyid kyis cha chen po'i ri bong gis mtshan pa'i ngo bo'i brten gyi phyir ro/ /de yang zhes bya ba ni/ chos 'byung gi rtsa'o/ /rnam shes dang bral ba zhes bya ba ni/ rtag tu de dang lhan cig ma 'grogs pas bems po'i rang bzhin no/ /ye shes lus ni zhes bya ba ni/ dngos po la phyi rol gyi don med kyang de'i nang gi rnam par shes pa'i rang bzhin no/ /yang na bar ma do'i ngo bo rnam par shes pa dang 'brel bas ye shes kyi lus can no/ /bdag med ma zhes bya ba ni lhag par gnas pa bo bdag la sogs pa 'ga' zhig med pa'i phyir ro/ /der ni skye ba zhes bya ba ni

  256. 128b

    chos 'byung gi rtsa la'o/ /srog gi mchog ces bya ba ni/ rnam par shes pa'i bzhon pa'i ngo bo srog gi rlung sngon du byas pa'i dge ba dang mi dge ba'i las kyi stobs kyis so/ /skye ba zhes bya ba ni/ mer mer bo la sogs pa'i ngo bos skyes pa zhes bya ba'i don to/ /srog chags rnams kyi zhes bya ba ni/ lus blangs pa rnams kyi'o/ /mchog tu brjod ces bya ba ni/ de dang de'i las kyi dbang gis dam pa ma yin pa dang/ 'brel ba yang rang gi ngo bo mi 'dor ba'i phyir ro/ /de ltar srog 'char ba'i ngo bo bstan nas/ de las kyang phung po la sogs pa skyed pa brjod pa'i phyir/ rnam par shes pa'i ngo bo rten zhes bya ba gsungs te/ de nyid ni srog gi rlung bar ma do'i srid pa'i ngo bo la brten nas so/ /thog mar 'byung ba bzhi po la zhes bya ba ni/ thog ma ni dang po'o/ /'byung ba bzhi po la zhes bya ba ni/ mer mer po'i gnas skabs la sogs ba 'byung ba chen po bzhi la'o/ /skyed pa yi ni ngo bor byed ces bya ba ni/ rang gi ngo bo bskyed nas zhes bya ba'i don to/ /rang gi gnas su zhes bya ba ni/ ma skyes pa'i rtsa'i gnas la'o/ /thim zhes bya ba ni brgyal bar 'gyur zhes bya ba'i don to/ /rnam shes las ni zhes bya ba ni/ rim pas yongs su smin pa thob pa las so/ /rlung skye'o/ zhes bya ba ni/ phung po lnga'i bdag nyid kyi rlung gi rnam pa'o/ /de las zhes bya ba ni/ rlung las so/ /me ni skye bar 'gyur zhes bya ba ni/ dro ba'i mtshan nyid can 'byung ba'o/ /chu ni zhes bya ba ni/ gsher ba'i rang bzhin can no/ /'byung bar 'gyur zhes bya ba ni/ skye bar 'gyur ba'o/ /de las zhes bya ba ni/ chu las so/ /sa ni sa'i ngo bo sra ba'i mtshan nyid can las so/ /'byung bar 'gyur ba ni skyed pa'o/ /de dag rnams las zhes bya ba ni/ 'byung ba chen po bzhi yongs su smin pa'i gnas skabs rnams las so/ /phung por zhes bya ba ni/ lnga rnams la'o/ /'byung zhes bya ba skye ba'o/ /de phyir zhes bya ba ni/ phung po lnga'i mtshan nyid can las so/ /skye mched rnams dang ni zhes bya ba ni/ mig la sogs pa nang gi skye mched dbang po'i rlung dang lhan cig tu gyur pa'o/ /

  257. 129a

    de las rnam shes rang bzhin rnams zhes bya ba ni/ de las zhes bya ba'i nang gi skye mched yul rnams kyis khyad par dus byas pa las so/ /rang bzhin rnams ni ye shes gsum dang lhan cig tu gyur pas rang bzhin 'byung bar 'gyur te/ grangs bstan pa'i phyir brgya dang brgyad kyis lhag pa'i zhes gsungs te/ sngar bshad pa bzhin no/ /rim zhes bya ba ni/ 'di ni mtshon par byed pa ste/ cig car yang dus 'ga' zhig gi tshe na 'byung bar 'gyur zhes bya ba'i don to/ /dga' ba'i 'od zer gyi phreng ba byed mkhan 'di skad ces smra ste/ rnam par shes pa'i ngo bo rten zhes bya ba ni/ rnam par shes pa'i ngo bo stong pa nyid gsum gyi mtshan nyid do/ /gang gi phyir de la brten nas skye bar 'gyur te/ dang po ni/ ma rig pa'i mtshan nyid do/ /gnyis pa ni sems las byung ba'o/ /de ltar stong pa nyid gsum gyi mtshan nyid dus gsum du spyod pa'i las so/ /de yang snang ba gsum gyi bdag nyid can de snang ba gsum gyi bdag nyid kyi phyir dngos po kun gyi bdag nyid ni mchog dga' o/ /de bas na nang gi bdag nyid kyi 'byung ba bzhi pos srid pa'i rten ye shes rnam par 'byed par byed pa zhes bya ba sra ba la sogs pa rang gi rang bzhin du sgro btags nas rang gi gnas su thim par 'gyur ro/ /rang gi gnas ni bdag med pa'i go 'phang zhes brjod par bya'o/ /de las zhes bya ba ni/ rgyu de las zhes bya ba'i don to/ /lugs 'dis 'byung ba chen po la sogs pa'i ye shes gsum dang/ rang bzhin dang snang ba skyed par 'gyur zhes rtogs par bya'o/ /de ltar don rnam pa bzhis srog las 'byung ba'i rim pa bstan nas/ de nyid kyi thim pa'i rim pa rgyas par bshad pa'i phyir/ de'i yan lag de rtsom pa ni/ ji ltar skye ba de ltar gnas zhes bya ba gsungs te/ 'byung ba chen po dang phung po dang skye mched la sogs pa ji ltar skyes pa de ltar de nyid du zhes bya ba ni/ rlung gi ngo bo la'o/ /thim nas 'gro zhes bya ba ni/ nye bar bsdud par 'gro ba'o/ /rang

  258. 129b

    bzhin zhes bya ba ni/ las kyi bag chags kyi dbang gis so/ /dga' ba'i 'od zer gyi phreng ba byed pa'i mkhan po ni/ ji ltar zhes bya ba ni/ rnam pa gang gis so/ /dang por skye ba'o/ /de ltar ni rnam pa de nyid kyis thim nas so/ /gang gi phyir de rnams la 'gro ba gzhan med de ji ltar rnam par 'gyur ba rnam par gsal ba sprin gyi sgras khyab pa'i chu 'dzin pa'i tshogs rnams kyi sprin gyi tshogs rnams ma lus pa'i nam mkha' i ngo bo la khyab nas de nyid du thim par 'gyur ba'o/ /rang bzhin nyid ces bya ba ni/ rang nyid kyis zhes bya ba'i don to/ /de ltar de byed pa rtsom pa bshad nas/ de nyid kyi thim pa rgyas par bshad pa'i ngo bo brjod pa'i phyir/ rgyags pa bskyed pa'i rlung chen po zhes bya ba gsungs te/ zla ba dang nyi ma'i 'chi ltas 'byung ba'i rjes la'o/ /rgyags pa bskyed pa zhes bya ba ni/ thur sel gyi rlung gi ngo bo'o/ / nyon mongs yid ni bskul bar byed ces bya ba ni/ rang gi bag chags dang rnam par smin pa'i stobs kyis rnam par shes pa bskul ba ste/ skye mched rnams ni sdud par byed pa zhes bya ba dang 'brel to/ /skye mched dang lhan cig par gyur pa'i rlung lnga po stobs chung bar byas nas/ rim gyi za bar byed ces bya ba'i don to/ /ci zhig byas nas she na/ de'i phyir stobs thob nas ni rnam rgyal te/ zhes bya ba gsungs te/ sdud pa'i gnas skabs su skye mched rnams nye bar sdud pa'i ngo bo stobs thob nas so/ /de las rgyags pa chu'i rlung zhes bya ba ni mnyam gnas kyi ngo bo'o/ /rgyags pa skyed pa za ba'i phyir zhes bya ba ni/ thur sel gyi rlung gi ngo bo'o/ /za ba'i phyir zhes bya ba ni/ skye mched nye bar sdud par byed pa la bya ba byas pa'o/ /phung po rnams kyang sdud byed nyid ces bya ba ni/ phung po lnga po rnams so/ /rim gyis lus chen sgrogs zhes bya ba ni/ nus pa bcom par byas nas so/ /lus chen zhes bya ba ni lus thams cad la khyab pas 'gro bar 'dod pa'i phyir ro/ /de las rgyags pa'i cha ni 'byung zhes bya ba ni/ gyen du rgyu ba'i rlung gi ngo bo'o/ /

  259. 130a

    rgyags pa'i chu zhes bya ba ni/ mnyam gnas kyi ngo bo'o/ /'byung ba rnams ni bsdus nas kyang zhes bya ba ni/ sa la sogs pa rnams so/ /go rim ji lta ba bzhin du zhes bya ba ni/ rim pa gang zhig 'di nyid kyis sngar skyes pa'i rim pa de nyid kyi sdud bar byed ces bya ba'i don to/ /de las rlung ni btang bzung 'byung zhes bya ba ni/ srog gi rlung gi ngo bo'o/ /'byung zhes bya ba ni/ 'chi ba'i gnas skabs su'o/ /rgyags pa'i cha ni za bar byed ces bya ba ni/ rgyags pa'i cha ni gyen du rgyu ba'i rlung ngo/ /de nas kyang ni rlung mi sdud ces bya ba ni/ 'di na gnas pa'i gzugs kyi phung po'i rlung ngo/ /khyab cing zhes bya ba ni/ lus kyi tshogs thams cad la khyab pa'o/ /phra ba zhes bya ba ni/ phra ba'i rgyus pa'i mtshams la gnas pa'o/ /sgrib par byed ces bya ba ni/ bar ma do'i rlung dang lhan cig cung zad 'dres pa'i phyir ro/ /de las kyang mi bzang btang bzung las zhes bya ba ni/ srog gi rlung gi ngo bo'o/ /drag shul zhes bya ba ni/ khyab byed kyi rlung za ba'i phyir ro/ /rnam shes zhes bya ba ni/ bar ma do'i rnam par shes pa'o/ /sgrib par byed ces bya ba ni/ khyab par byed pa'o/ /skad cig ces bya ba ni/ 'di pa'i phung po dor ba'i skad cig ma las so/ /bsgribs nas de la rnam shes kyis zhes bya ba ni/ srog gi rlung gi bar ma do'i rnam par shes pa sgrib par byed pa'o/ /bems por song nas zhes bya ba ni/ sngon gyi las kyi stobs kyis/ sngon gyi gnas skabs ma dran pas so/ /brgyal bar 'gyur zhes bya ba ni/ dri zhim pa dang mi zhim pa'i bag chags kyi stobs kyis khyogs kyi bzhon pa lta bur zhes bya ba'i don to/ /dag pa'i cha sgrib par byed ces bya ba ni/ rnal 'byor pas kyang rim pa gnyis bsgoms pa'i 'am/ sngags dang rlung gi de kho na nyid bsgom pa dang/ 'byung ba dang rdub pa drug gi rjes su dran pa bsgoms pas so/ /dag pa'i cha zhes bya ba ni/ zla ba dang nyi ma'i 'brel pa'o/ /ngag pa zhes bya ba ni/ yongs su dag ba'i

  260. 130b

    sems kyi ngo bor nye bar mtshon pas so/ /ma skyes ye shes zhes bya ba ni/ 'dod ma nas ma skyes pa'i chos nyid kyi rnam pa'o/ /mchog gi mchog ces bya ba ni/ srog gi rlung gi rnam par shes pa'i ngo bo mtshon pas so/ /de las thim par gyur pa'i srog ces bya ba ni/ rnam par shes pa dang lhan cig pa ste/ rlung gi ngo bo mtshon pas rnam par shes pa'i ngo bo mtshon par byed pa'o/ /rnam shes dang ni mtshungs par ldan zhes bya ba ni/ srog gi rlung gis rnam par shes pa'i chos nyid la sbyar ba'i phyir ro/ /de yang le'u sum cu rtsa bzhi pa sdud par byed pa'i mkha' 'gro ma'i zhes bya ba las rang nyid kyis 'chad par 'gyur te/ 'dir ni phyogs tsam zhig bstan pa'o/ /de ltar de nyid kyi thim pa'i rim pa rgyas par bshad pa'i ngo bo bstan nas/ nye bar bsdu ba brjod pa'i phyir/ de ltar bshad ces gsungs te/ sngon du gsungs pa'i rigs pas so/ /de nyid mchog ni rnal 'byor pa la bar ma do'i gnas skabs su de nyid sngon du byed pa'i ngo bo nyid kyi phyir ro/ /srog ni zhes bya ba ni/ srog gi rlung la'o/ /thim zhing 'char ba dang zhes bya ba ni/ yongs su ma shes pa'i gnas skabs na skye ba dang 'jig pa bskyed pa'i ngo bo'o/ /ji lta ba bzhin zhes bya ba ni/ ji ltar gnas pa'i ngo bos so/ /yongs su shes zhes bya ba ni shes par bya ba'o/ /bla ma brgyud pa'i rim gyis 'byung zhes bya ba ni/ bla ma brgyud pa'i rim pas 'byung zhes pa'i don to/ /de ltar don rnam pa gsum gyis de nyid la thim pa'i rim pa rgyas par bshad pa bstan nas/ rdo rje'i sku bsgrub pa la rigs pa brjod pa'i phyir/ de'i yan lag bshad par dam bca' ba ni/ rigs pa gzhan yang bshad par bya zhes bya ba la sogs pa gsungs te/ ji ltar sngar bshad pa'i rigs pas sems can rnams 'chi bar mi 'gyur ba de ltar rigs pa gzhan zhes bya ba ni/ rnal 'byor pa la bltos nas khyud par can no/ /bshad ces bya ba ni brjod par bya'o/ /rdo rje'i ni bsgrub pa'i phyir zhes bya ba ni/ bstan pa'i lus nyid sgrub par byed pa'o/ /bcud

  261. 131a

    len gyi sbyor ba'i stobs kyis zhes bya ba'i don to/ /des ci zhig bya zhe na/ de'i phyir gang gis zhes bya ba gsungs te/ rdo rje'i sku sgrub par byed pa'i rigs pas so/ /'chi med lus zhes bya ba ni/ gong bu bstan pa'i lus so/ /lus mchog ni zhes bya ba ni/ khyad par can gyi kha dog dang dbyibs dang yang dag par ldan pa'o/ /thob pa ni rnyed pa'o/ /yon tan rnams kyi rten zhes bya ba ni gong nas gong du dge ba'i rtsa ba 'phel ba ni rgyur gyur pa nyid kyi phyir ro/ /yon tan rnams kyi rten zhes bya bar byas nas so/ /de ltar bshad par bca' ba bstan nas/ de bshad pa'i dgos pa brjod pa'i phyir/ gang phyir zhes bya ba la sogs pa gsungs te/ rtsod pa can gyi dus 'di la/ gang gi phyir sems can rnams tshe thung ba'i lo brgya tsam du thub pa ste/ de la lo lnga bcu ni mtshan mo gnyid kyi zad par 'gyur ro/ /lo nyi shu rtsa lnga ni byis pa dang gzhon nu'i gnas skabs kyis so/ /lo nyi shu rtsa lngas kyang thos pa dang bsam pa dang bsgoms pa yongs su rdzogs par mi 'gyur ro/ /de'i phyir tshe thung ba zhes bstan to/ /tshe thung ba'i sems can rnams kyis so/ /mi zad ces bya ba ni/ zad mi shes pa'o/ /thos pa dang bsams pa dang/ bsgom pa rnams kyis go skabs med pa'i phyir ro/ /de phyir zhes bya ba ni/ gang gi phyir tshe thung ba rnams kyis cung zad kyang mi 'grub ste/ de'i phyir 'bad pa thams cad kyis zhes bya ba ni/ shin tu yang brtson 'grus drag pos so/ /brtan pa'i lus ni bsgrub par bya zhes bya ba ni/ brtan pa'i lus kyis thob pa la sogs pa nus pa'o/ /bsgrub par bya zhes bya ba ni/ bskyed par bya zhes bya ba'i don to/ /de ltar de'i bshad pa'i dgos pa bstan nas/ de nyid kyi don du zhu ba po'i bya ba brjod pa'i phyir/ phyag byas zhes bya ba ni/ phyag na rdo rje zhu ba pos so/ /bcom ldan 'das zhes bya ba ni/ de bzhin gshegs pa drug pa'i ngo bo'o/ /zhus zhes bya ba ni/ gsol ba

  262. 131b

    'debs par byed ces bya ba'i don to/ /ci zhig byas nas she na/ de'i phyir phyag byas nas ni zhes gsungs te/ lus la sogs pa'i sgo nas phyag dang bskor ba la sogs pa byas nas so/ /mgon po zhes bya ba ni/ sangs rgyas lnga'i gtso bo'o/ /ye shes mchog ces bya ba ni/ rang bzhin gyis 'od gsal ba'i rnam pa'o/ /rnal 'byor de nyid ces bya ba ni/ zung 'jug gi de kho na nyid do/ /pha rol byon ces bya ba ni/ mthar thug pa thob pa zhes bya ba'i don to/ /ci zhig zhus she na/ de'i phyir 'chi ba med cing rigs par ni zhes bya ba gsungs te/ 'chi ba med cing zhes bya ba ni/ gong du bstan pa'i mtshan nyid can no/ /rigs par ni zhes bya ba ni/ sbyor ba gang zhig go /ji ltar yang dag thob par 'gyur zhes bya ba ni/ rnam pa gang gis phyin ci ma log pa nyid kyis 'gyur ro/ /de la zhus zhes bya ba phyi ma dang 'brel pa'o/ /rdo rje sems dpa' snying rje che zhes gsungs te/ rdo rje ni stong pa nyid la sems dpa' ni dgongs pa gang la yod pa de ni rdo rje sems dpa' ste/ de la bod pa gang yin de la de skad ces bya'o/ /snying rje che zhes bya ba ni/ snying rje chen po rnam pa gsum zhes bya ba'i don to/ / de ltar bcom ldan 'das bstan du gsol zhes bya ba ni/ gsal bar mdzes cig pa'o/ /bcom ldan 'das zhes bya ba ni bod pa'o/ /de ltar de'i don nyid du zhu ba po'i bya ba brjod nas/ bcom ldan 'das kyi mdzad pa bstan pa'i phyir/ de'i yan lag bcom ldan 'das kyi gsungs pa la 'jug pa ni/ de nas zhes bya ba la sogs pa gsungs te gsol ba btab pa'i rjes la'o/ /bcom ldan rdo rje zhes bya ba ni/ de bzhin gshegs pa drug pa'i rnam pa'o/ /de nyid bya ba kun sgrub go 'phang ni/ zhes bya ba kun 'brel to/ /bya ba rnam pa thams cad ni 'jig rten dang 'jig rten las 'das pa dag bskyed pa la bzod pa ni nus pa'o/ /go 'phang zhes bya ba ni 'dug pa'i gnas so/ /brtan pa'i lus zhes bya ba ni/ gong bu brtan pa'i ngo bo'o/ /ma pham pa zhes bya ba ni/ dus ma yin par 'chi ba rnams kyis pham par mi

  263. 132a

    nus pa'o/ /yang dag ces bya ba ni/ phyin ci ma log pa'i ngo bos so/ /de nyid rnams nges pa zhes bya ba ni de nyid ni/ sangs rgyas kyi mtshan nyid can la khyad par du thos pa dang/ bsam pa dang bsgom pa'i mtshan nyid can gyis rnam par nges pa zhes bya ba'i don to/ /de nyid kyi rgyu mtshan gsungs pa/ tshe ni thung ba yis zhes bya ba ste/ tshe thung ba rnams kyi'o/ /sems can rnams ni zhes bya ba ni/ khams gsum gyis bsdus pa rnams so/ /bsgrub bya'i don zhes bya ba ni/ sangs rgyas kyi mtshan nyid can no/ /'grub mi 'gyur zhes bya ba ni/ tshe thung ba nyid kyis rdzogs par mi 'gyur ba'o/ /tshe ring ba ni 'os pa'o/ /de phyir zhes bya ba ni/ rgyud 'di las so/ /tshe ring ba ni gong bu brtan par gnas pa'i mtshan nyid do/ /'os pa ni rung bar bya ba'o/ /dge ba yin ni rnal 'byor pa zhes bya ba ni/ legs par byed pa'i/ sgom pa po rnams la zhes bya ba'i don to/ /de ltar bcom ldan 'das kyi gsungs la 'jug pa'i rgyu mtshan dang bcas pa brjod nas/ de rgyas par bshad pa brjod pa'i phyir/ de'i yan lag nang gi bdag nyid kyi rnal 'byor gyi ngo bo ni/ de la thog mar zhes bya ba gsungs te/ rgas pa med pa'i lus sgrub par byed pas thog ma ni dang po nyid du'o/ /nang gi bdag nyid sgrubs ces bya ba dang 'brel to/ /phyi rol gyis rkyen la mi bltos pas nang gi bdag nyid do/ /blo bzang zhes bya ba ni/ de sgrub par byed pa la mkhas pa'o/ /rnal 'byor ji lta bu she na/ de'i phyir mchog ces bya ba gsungs te/ mchog ni skyes bu'i don mchog sgrub par byed pa'o/ /ji ltar zhe na/ de'i phyir lce ni rkan gyi dbus bzhar ba zhes bya ba gsungs te/ rkan gyi phugs su zhugs pa'i lce byas nas so// de la zhes bya ba ni lce de la'o/ /tshig ces bya ba ni ga(rgyud 'grel): yi ge rang bzhin no/ /zla zhes bya ba ni/ dgod par bya ba'o/ /rang gi bzlas pa'i rnam pas dang/ tshig tu yang brjod par bya'o/ /ci zhig byas nas she na/ de'i phyir sems dpa' i skyil krung bcas nas ni/ zhes

  264. 132b

    gsungs te/ bde bar gnas pa'i rgyu bcas nas so/ /yang dag rnal 'byor zhes bya ba ni/ sems kyi 'jug pa 'gog pa'i rnam pa'o/ /rjes dran bya zhes bya ba ni/ bya zhes bya ba'i don to/ /sna rtser zhes bya ba ni/ kun rdzob kyi sna rtser ro/ /dbugs ni mi 'byung zhes bya ba ni/ 'od zer gyi thig le bsgom pa'i bdag nyid can no/ /mi bya zhes bya ba ni/ bya ba ma yin pa'o/ /gal te de ltar yin na cig zhig bya zhes na/ de'i phyir rang gi khar ni dgag par bya zhes bya ba ni/ rang nyid kyis so/ /rkan gyi gnas sron zla ba ni zhes bya ba ni/ byang chub kyi sems zla ba'i rnam pa'o/ /bzhu par bya zhes bya ba ni/ lce'u chung gi spyod pas so/ /ji ltar zhe na/ de'i phyir sngags kyi rnal 'byor zhes bya ba gsungs te/ 'chad par 'gyur bas sngags kyis zhes bya ba dang 'brel ces bya ba'i don to/ /lce'u chung gi sbyor bar zhu bar byas nas so/ /rlung gi rnal 'byor gyis zhes bya ba ni/ thur sel gyi rlung 'bab pa'i sbyor bas so/ /btung zhes bya ba ni/ bdud rtsi myang bar bya ba'o/ /rnal 'byor mchog ces bya ba ni/ mchog gi bsgom pa'o/ /phyi rol gyis bza' ba la mngon par ma zhen pa zhes bya ba'i don to/ /rtag tu zhes bya ba ni/ 'chad par 'gyur ba'i dus kyi mthar thug par zhes bya ba'i don to/ /de ltar rang gi ngo bo bstan nas/ dus kyi nges pa brjod pa'i phyir/ mtshan phyed kyi dus tshod mthar zhes bya ba gsungs te/ mtshan phyed kyi rjes la'o/ /ji srid thun cig ces bya ba ni/ thun .gsum pa rdzogs pa'o/ /mi 'pho ba zhes bya ba ni/ gzhan yid la mi byed pas/ mi brtan pa ma yin zhes bya ba'i don to/ /de srid sngags ni bzla zhes bya ba ni/ nang gi bzlas pa'i bdag nyid kyi ngo bos so/ /rnal 'byor pas zhes bya ba ni/ sems kyi 'jug pa 'gog pa sgom pa pos zhes bya ba'i don to/ /rdo rje'i lus ni byed pa po zhes bya ba ni/ lus brtan par byed pa zhes bya ba'i don to/ /de ltar lus kyi nges pa bstan nas/ de nyid kyi don du sngags btu ba brjod pa'i phyir/ sde mtshan gnyis pa'i zhes bya ba la sogs pa gsungs

  265. 133a

    te /dbyangs yig la bltas nas ga'i sde mtshan pas so/ /gsum pa la zhes bya ba ni/ ga yig go /dbyangs can zhes bya ba ni/ ka yig dang bcas pa ste/ gsal byed kyi yi ge tsam bo ni/ ma yin zhes bya ba'i don to/ /a yig yang dag ldan zhes bya ba ni/ tshog drag gnyis dang bcas pa'o/ /de ltar na ga(rgyud 'grel): zhes ya bar 'gyur ro/ /sngags bzla zhes bya ba ni/ nang gi rang bzhin gyi tsheg gam yid kyis dran par bya'o/ /yan lag ma nyams zhes bya ba ni/ rlung dang sngags tha mi dad pa zhes bya ba'i don to srog ni 'gugs zhes bya ba ni/ byang chub kyi sems 'gugs par byed pa nyid kyis bstun pa'i lus bsgrub par byed ces bya ba'i don to/ /de ltar don rnam pa gsum gis nang gi bdag nyid kyi sbyor ba bstan nas/ phyi rol gyi sbyor ba bstan pa'i phyir de'i yan lag bdud rtsi bdun brten pa bshad ba ni/ rdzas kyang rtag tu brten par bya zhes bya ba gsungs te/ nges par brten par bya ba'o/ /de nyid lnga pa'i rim pa bskyed ces bya ba ni/ rtsa lnga las byung ba'i bdud rtsi lnga'i rang bzhin no/ /de kho na nyid lnga dam tshig chen po'i rang bzhin rnams kyis rim pas te/ go rim gyis 'ongs pa ni thob pa'o/ /yang na de kho na nyid lnga ni/ glang po che dang/ rta dang/ khyi dang/ ba lang dang/ skyabs pa lnga po'i sems kyi khams la sogs pa las 'byung ba'o/ /ji skad du / gnyis su med pa'i zla gsang thig le las/ /de nas gzhan yang bshad bya ba/ brtan pa'i lus ni sgrub byed pa/ /rtag tu thar pa don gnyer bas/ /gang gis dngos grub myur du 'grub/ /glang po'i rdzas dang rta'i rdzas/ /ba lang rdzas dang khyi'i rdzas/ /mi rnams kyi ni de bzhin rdzas rdzas kyang de bzhin nyid du brjod/ /ces bya ba'o/ /yang na 'bras bu gsum dang lcags kyis phye mar bcas pa cad/ rang gi dri chu dang bsres dang bskol nas lcags lnga'i rang bzhin gyi snod du bzhag nas spyang pa la sogs pa sngon du 'gro bas de nyid kyi dbus su rdul

  266. 133b

    dang khu bas bsres par byas nas/ bdud rtsi bdun bsgrub par bya'o/ /ji skad du/ rgyud chen po las/ a ru pa ru ra dang bcas/ /de bzhin skyur ru ra dang ni/ /lcags kyi phye ma dang bcas pa/ /rang gi chu dang phye mar byas/ /btsun mo'i khu ba nyams dga' ba/ /de bzhin khu bas kun nas ni rnal 'byor dbang phyug yang dag bsgrubs/ /rdo rje sku ni thob par 'gyur/ /zhes bya ba'o/ /de nyid kyi phyir bzlas pa rdzogs nas zhes bya ba ni/ bzlas pa'i mthar thug pa'o/ /rtag tu zhes bya ba ni/ dus thams cad du'o/ /lus las 'byung zhes bya ba ni/ rang gi lus las dang srog chags lnga'i yan lag las so/ /dri ma med ces bya ba ni/ lcags kyi dri ma la sogs pa'i skyon dang bral ba la'o/ /lcags lnga'i rang bzhin zhes bya ba ni/ gser dang dngul dang zangs dang lcags dang khab len lcags rnams bsres nas byas pa'i snod du'o/ /bzung nas zhes bya ba ni bzhag nas so/ /dus ji srid du zhe na/ de'i phyir ji srid nyi ma 'char ka zhes bya ba gsungs te/ mtshan phyed kyi rjes la ji srid nyi ma mchar ka'i bar du'o/ /de nas zhes bya ba ni/ lcags lnga'i rang bzhin gyi snod bzhag pa'i rjes la'o// de la yang zhes bya ba ni snod de la'o/ /btsun mo'i khrag dang zhes bya ba ni/ bud med kyi rang byung ngo/ /bde ba che zhes bya ba ni/ byang chub sems kyi khams dang bcas pa'o/ /blugs nas zhes bya ban/ bsre bar byas nas so/ /rtag tu zhes bya ba ni/ yang nas yang du'o// mchog ces bya ba ni/ phyi rol gyi dzas kyi mtshan nyid dang bral pa'i phyir ro/ /bdud rtsi bdun pa zhes bya ba ni/ bdud rtsi lnga'i steng du rdzas gnyis dang bsres pa yis so/ /mchog ces bya ba ni/ bdud rtsi lnga sgrub pa'i thabs kyi cho gas bsgrubs pa'i phyir/ de ltar bdud rtsi lnga brten pa brjod nas/ brten pa'i dus bshad pa'i phyir/ nyal kar yang ni de 'thungs nas zhes bya ba ni/ srod la'o/ /bdud rtsi bdun gyi ngo bo'o/ /'thungs nas zhes bya ba ni/ btung bar bya ba'o/ /tsho ni rnam par 'phel zhes bya ba ni/ yun ring por

  267. 134a

    gnas pas rnam par 'phel ba'i rgyur gyur pa'o/ /de ltar brten pa'i dus bstan nas/ sngags brjod pa'i phyir/ sngags kyi rgyal po oM A(rgyud 'grel): hUM(rgyud 'grel): zhes bya ba gsungs te/ yi ge gsum mo/ /de nas lan bdun zhes byas ni/ lan bdun du byas nas so/ /bzlas pa bya zhes bya ba ni/ bdud rtsi bdun po sbyar ba'i don du brjod par bya'o/ /de ltar sngags brjod nas/ phyag rgya sngon du 'gro bas sbyang ba bstan pa'i phyir/ lag g.yas zhes bya ba gsungs te/ lag pa g.yas pas so/ /rgyal mtshan gyis mtshan pa zhes bya ba ni/ ba dan gsum gyis phyag rgya'i dbyibs dang ldan pa'o/ /de la bkab nas su zhes bya ba ni/ lcags lnga'i rang bzhin gyi snod la'o/ /snod bzang zhes bya ba ni/ rin po che'i ngo bos mdzes pa nyid kyi phyir ro/ /yi ge brgya pa'i zhes bya ba ni/ oM badzra satwa/ sa ma ya ma nu pa la ya zhes bya ba la sogs pa'o/ /sngags kyis ni zhes bya ba ni/ yid bskyob pa'i don nyid kyi phyir ro/ /sbyang bar bya zhes bya ba ni/ mi gsang ba'i rnam par rtog pa log par bya ba'o/ /lan gsum du ni zhes bya ba ni/ lan gsum du brjod pa tsam gyis zhes bya ba'i don to/ /de ltar phyag rgya sngon du 'gro bas sbyang ba brjod nas/ de'i yan lag bstan pa'i phyir/ de rjes zhes bya ba la sogs pa gsungs te/ yi ge brgya pas sbyangs pa'i rjes la'o/ /bud med bzhon ni'u nu zho ni/ zhes bya ba ni/ ma mo'i nu zho'o/ /nu ma zhes bya ba ni/ nu ma las byung ba rgyur pas so/ /mkhur ba bkang zhing zhes bya ba ni/ ji ltar kha bkang bar gyur na/ de ltar btud bar bya zhes bya ba'o/ /de'i zhes bya ba ni/ bdud rtsi bdun za pa'i dus la'o/ de'i zhes bya ba ni/ mi mo de'i 'o/ /bza' ba zhes bya ba ni bza' ba'o/ /sbyin pa yang zhes bya ba ni/ sbyin par bya'o/ /mar rang bsres pa'i zhes bya ba ni/ mar dang bsres pa'o/ /'bras bu las skyes zhes bya ba ni/ khyad par du 'phags pa'i bza' ba zhes bya

  268. 134b

    ba'i don to/ /de ltar de'i yan lag brjod nas/ rdzas gzhan gyi nges pa bstan pa'i phyir/ ma sha dang ni kha ra dkar zhes bya ba ni/ bye ma kha rag dkar po dang bcas pa'o/ /'jam pa zhes bya ba ni/ ba'i nu ma lta bu'i rang 'brum mo/ /ra'i 'o ma dang zhes bya ba ni ra mo'o dang zhes bya ba ni/ til rnams cha mnyam byas nas ni/ zhes bya ba ni/ til dkar po dang cha mnyam par byas nas so/ /mos pa yis zhes bya ba ni/ shin tu yang brtson 'grus drag pos so/ /nyal kar zhes bya ba ni srog la'o/ /de ni bza' dang zhes ba ba ni/ 'dres pa'i ngo bo bdag nyid kyis bza' bar bya'o/ /bza' bar sbyin zhes bya ba ni/ gzhan dag la yang ngo/ /mchog ces bya ba ni/ sbyar ba la sogs pa'i rim pas bskyed pa nyid kyi phyir ro/ /de ltar don rnam pa drug gi phyi rol gyi sbyor ba bstan nas/ da nye bar bsdu ba'i phyir ro/ /de ltar rigs pa zhes bya ba gsungs te/ de ltar sngar bshad pa'i rigs pas so/ /mchog ces bya ba ni/ mchog go/ shes nas zhes bya ba ni/ shes par bya ba'o/ /smra bar bya zhes bya ba ni/ brjod par bya ba ni yin pa'o/ /mi bya'o zhes bya ba zhi 'gegs ba'i tshig go/ su la zhes bya ba ni/ dam tshig dang mi ldan pa rnams la zhes bya ba'i don to/ /rigs pa ji lta bu zhe na/ de'i phyir kun la dang por byung ba zhi zhes bya ba ni/ thams cad ni 'jig rten pa la sogs pa'i dngos po rnams la'o/ /dang por ni 'og ma nyid du'o/ /'byung ba ni 'byung ba'i ngang tshul can te/ de med pas ni ci yang mi 'grub pa nyid kyi phyir ro/ /zhi bar zhes bya ba ni/ 'dod chags la sogs pa bskyed ba nyid kyis so/ /dngos grub ces bya ba ni phyag rgya chen po'i rnam pa'o/ /skad cig ces bya ba ni/ de'i mod la'o/ /rab tu ster zhes bya ba ni/ ster bar byed pa zhes bya'i don to/ /gong bu brten pas 'jig rten dang 'jig rten las 'das pa'i dngos grub thob par byed do/ /zla ba drug tu zhes bya ba ni/ /dus de srid kyi mthar thug par ro/ /bsten ba

  269. 135a

    zhes bya ba ni goms par byed pa'o/ /gang zhes bya ba ni sgrub pa pa'o/ /rdo rje'i lus su zhes bya ba ni/ rdo rje bzhin du brtan pa'i lus la'o/ /'gyur zhes bya ba ni 'gyur ba'o/ /de ni zhes bya ba ni rnal 'byor pa'o/ /bcud kyis len dang zhes bya ba ni/ bdud rtsi'i ngo bo nyid kyi phyir ro/ /bcud len mchog ces bya ba ni/ bcud len mchog gi ngo bo'o/ /srog bgugs pa zhes bya ba ni/ g.yo ba'i rnam pa'i rang gi srog dus ring por gnas pa'o/ /mchog ces bya ba ni/ mchog gi dngos grub thob pa'i rgyur gyur pa'o/ /bsten par bya zhes bya ba ni/ goms par bya'o/ /rab tu 'bad pas zhes bya ba ni/ brtson 'grus drag pos so/ /phyag rgya che don sgrub pa pos zhes bya ba ni/ brtan pa'i lus sgrubs pa sngon du 'gro bas/ zung 'jug gis rnam pa'i phyag rgya chen po tshe 'di nyid la sgrub pas so/ /de ltar 'di tsam gyi rdo rje'i lus bsgrubs pa la rigs pa brjod nas/ de'i 'bras bu brtan pa'i phyir/ rgas pa med cing zhes bya ba ni/ rgas par mi 'gyur ba'o/ /srin nad med pa zhes bya ba ni/ nang gi bdag nyid la phra mo'i nang las so// nang ces bya ba ni/ rags ba'i ngo bo rnams so/ /snyoms las med cing zhes bya ba ni/ le lo med pa'o/ /lkugs ba med pa zhes bya ba ni/ sems kyi bsam pa'i mtshan nyid can no/ /ko ka ma zhes bya ba ni bdag na no/ /rlung mkhris pa la sogs nad med ces bya ba ni gsal ba'o/ /nad dang zhes bya ba ni gsum dus pa las skyes pa'o/ /'bras kyis zhes bya ba ni/ phol la sogs pa'o/ /'brum du dang zhes bya ba ni/ mdze'i rnams 'gyur gyi ngo bo'o/ /shu ba zhes bya ba ni/ bshad lam gyi nad do/ /g.ya' ba zhes pa ni g.ya' ba' o// 'brum phran med ces bya ba ni/ 'brum bu phra mo med pa'i mdze nang ces bya ba ni/ mdze rigs bco brgyad do/ /mtshan mar rdol ba med ces bya ba ni/ bshad lam gyi nang do/ /dung dang kun da ltar zhes bya ba ni/ de lta bu'i lus gang la yod pa de la de skad ces bya'o/ /

  270. 135b

    dpal zhes bya ba ni/ dpal ni lus kyis 'od kyi mtshan nyid gang la yod pa de lad skad ces bya'o/ /'dzam bu chu bo'i gser ltar 'bar zhes bya ba ni/ gser mdog can gyis mdzes pa zhes bya ba'i don to/ /'gugs par byed ces bya ba ni/ 'gugs par byed pa'o/ /da ni zhes bya ba ni/ sgrub pa po'o/ /rtag tu zhes bya ba ni/ rgyun ma chad par ro/ /rig pa 'dzin pa'i bu mo mchog ces bya ba ni/ rig pa 'dzin pa'i rigs las byung ba'o/ /mchog ni mdog dang dbyibs la sogs pa rnams kyis nyams dga' bo/ /bu mo'i zhes bya ba ni/ btsun mo rnams so mdza' chen zhes bya ba ni/ tshe phun sum tshogs pa dang/ mdog phun sum tshogs pa'o/ /de ni zhes bya ba ni/ bcud len gyis dngos grub bo/ /lha rnams te zhes bya ba ni/ sum cu rtsa gsum gyi gnas na gnas pa la sogs pa rnams so/ /rnal 'byor ma rnams zhes bya ba ni sngags kyi sgo'i spyad pa spyod pas gnas pa rnams so/ /sems dpar byed ces bya ba ni/ yid du 'ong ba'o/ /phyag bya ba dang zhes bya ba ni/ sems can thams cad kyi slob dpon nyid kyi phyir ro/ /mchod par 'gyur zhes bya ba ni/ mchod pa'i zhing nyid kyis na mchod par bya ba'o/ /bsgoms par bya ba zhes bya ba ni/ bsgom par bya ba'o/ /rtag tu zhes bya ba ni dus thams cad du'o/ /'gyur zhes bya ba ni/ 'byung bar 'gyur ba'o// //rnal 'byor chen po'i rgyud dpal rdo rje 'phreng ba'i rgya cher 'grel ba/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u bcu drug pa'i rgya cher bshad pa'o// //de ltar bcu drug pos rnal 'byor chen po'i rgyud kyi rjes su 'brangs nas re re nas dri ba'i lan gdab pa bstan nas/ da ni rnal 'byor ma'i rgyud kyi rjes su 'brangs nas dri ba'i lan gdab pa brjod pa'i phyir/ rma la sogs pa'i rnam par dbye ba bstan nas/ rtsa dang 'khor lo'i rim pa'i gnas skabs kyi yul la 'dri ba bshad pa'i phyir/ le'u bcu bdun bston par byed cing don de rtsom pa ni/ de nas zhes bya ba

  271. 136a

    la sogs pa gsungs te/ le'u bcu drug pa bshad pa'i rjes su la'o/ /gzhan yang nyon zhes bya ba ni/ sngar la bltos pas tha dad pa'o/ /rtsa rnams kyis zhes bya ba ni/ 'khor lo gnas pa rnams la ste/ grangs dang gnas rnams bsdus pa nyon zhes bya ba dang 'brel to/ /grangs ni bgrang ba ste/ gnas drug po rnams la bsdus pa ni/ grangs dang gnas rnams bsdus pa ste/ bsdus nas brgya dang nyi sh+yi rtsa dgu'o/ /rgyas bar ni rtsas stong phrag bdun cu rtsa gnyis zhes bya ba'i don to/ /khyod nyon zhes bya ba ni/ bcom ldan 'das phyag na rdo rje thos pa la sbyar bar mdzad pa'o/ /de nyid kyi phyir 'khor lo grangs kyi dbye ba yis zhes bya ba gsungs te/ 'khor lo drug po rnams kyi grangs ni/ rtsa'i ngo bo'i dbye ba yis te/ nges so/ /ji bzhin zhes bya ba ni/ phyin ci ma log pa nyid kyis te/ man ngag dang bcas pa'i phyir ro/ /rmad du byung ba'i mchog ces bya ba ni/ so so'i skye bo rnams kyi spyod yul ma yin pa nyid kyi ming gi sgo nas the tsho med par rtogs pa'i phyir ro/ /de ltar de brtson pa bstan nas/ dngos su rtsa'i grangs bstan pa'i phyir/ de'i yan lag bshad par dam bca' ba ni/ 'khor lo drug la zhes bya ba la sogs pa gsungs te/ bde ba chen po dang rlung dang longs spyod dang me dang sa dang sprul pa'i 'khor lo'i dbye bas ni/ bcu drug rten bya ba ni/ 'byung ba chen po bzhi rnams las so sor 'byung bzhi'i bdag nyid kyi phyir ro/ /lus la zhes bya ba ni/ sems can thams cad kyi lus la'o/ /lha'i gzhal yas khang zhes bya ba ni/ mdza' yas pa'i sangs rgyas lha mo dang/ byang chub sems dpa' dang/ khro bo'i gzhi yin pa'i phyir ro/ /gnas ji bzhin zhes bya ba ni/ 'khor lo drug la bltos pa yis so/ /ji ltar rigs par bya zhes bya ba ni/ ji ltar gnas pa'i ngo bo nyid brjod par 'dod pas so/ /bshad par bya zhes bya ba ni/ brjod par bya ba'o/ /mdor bsdus nas

  272. 136b

    ni zhes bya ba ni/ yang dag par bsdus nas so/ /de ltar bshad par dam bca' ba bshad nas/ 'khor lo'i dbye bas rtsa rnams kyi mdor 'dus nas ming brjod par bya ba'i don du rlung gi 'khor lo gnas pa'i rtsa zhes bya ba gsungs te/ rlung gi 'khor lo zhes bya ba'o/ /'dab ma drug ni zur drug rnams su'o/ /gnas pa'i rtsa zhes bya ba ni/ rtsa rnams gnas pa'o/ /rlung gi mkha' la spyod ces bya ba ni/ logs su 'gro ba'i ngang tshul gang la yod pa nyid kyis mkha' la sbyor par byed pa'o/ /rlung gis zhes bya ba ni/ rlung gi ngo bo nyid kyi phyir ro/ /'dab gsum zhes bya ba ni/ de'i dbyibs la'o/ /me'i 'khor lo bshad ces bya ba ni/ me'i 'khor lo'i ming can la'o/ /rtsa gsum zhes bya ba ni/ rtsa rnam pa gsum mo/ /rim bzhin 'char zhes bya ba ni/ 'chad par 'gyur ba'i rim pas de ma thag tu brjod par gyur pa'i phyir ro/ /longs spyod 'khor lo yang zhes bya ba ni/ ro drug la longs spyod pa'i bdag nyid can no/ /rtsa ni bcu drug yang zhes bya ba ni/ 'chad par 'gyur ba'i rigs pas so/ /yang dag pa brjod ces bya ba ni/ brjod par bya zhes bya ba'i don to/ /chos kyi 'khor lo zhes bya ba ni/ chos thams cad kyi rang gi mtshan nyid 'dzin par byed pa la'o/ /gnas pa brgyan ces bya ba ni/ thun brgyad gyi rnam par dag pas so/ /rtsa ni kun la khyab pa zhes bya ba ni/ lus thams cad la khyab par gnas pa'i phyir ro/ /de rnams ni srog gi rtsa nyid du grags pa'i phyir ro/ /sprul pa'i 'khor lo zhes bya ba ni/ sems can gyi khams su sbrul pa'i phyir ro/ /drug cu rtsa bzhi zhes bya ba ni/ dbyug gu drug cu rtsa bzhi'i rnam pa dag pas so/ /'char bar bshad ces bya ba ni/ brjod pa'o/ /bde ba chen po'i 'khor lo che zhes bya ba ni/ mgo bo'i gnas kun rdzob kyi sems kyi zla ba'i rten la'o/ /rtsa ni sum cu rtsa gnyis su zhes bya ba ni/ chu tshod sum cu rtsa gnyis kyi rnam par dag pa'o/ /bshad ces bya ba ni brjod pa'o/ /mdor bsdus zhes bya ba ni/ thams cad mdor bsdus

  273. 137a

    nas so/ /rim pa yang zhes bya ba ni/ grangs kyi'o/ /brgya dang nyi shu rtsa dgu zhes bya ba ni/ 'khor lo drug gi grangs so zhes bya ba'i don to/ /rtsa rnams su ni yang dag bshad ces bya ba ni/ gsungs pa'o/ /yang dag ces bya ba ni/ mang ba dang nyung ba'i grangs spangs pa'i phyir ro/ /de ltar 'khor lo'i dbye ba bsdus pa bstan nas/ rgyas pa bstan pa brjod pa'i phyir/ gzhan dag tu ni rgyas par yang zhes bya ba ni/ rgya cher dpal nam mkha' dang mnyam pa'i rgyud las so/ /stong phrag bdun cu rtsa gnyis kyi zhes bya ba ni zla ba dang nyi ma dang/ rlung rgyu ba nyid kyis so/ /ji skad du/ 'chad par 'gyur ba'i le'u sum cu pa las/ stong phrag nyi shu rtsa bzhi po'i/ /rtsa rnams rtag tu ngo mtshar ba'i/ /byang chub sems 'bab ces bya ste/ /bde ba kun gyi rjes su 'jug /stong phrag nyi shu rtsa bzhi ni rtsa rnams rtag tu ngo mtshar ba'i/ /khrag ni rgyu bar shes bya ste/ /nyi ma skyes pa'i bdag nyid can/ /stong phrag nyi shu rtsa bzhi ni/ /rtsa rnams rtag tu ngo mtshar ba'i/ /rlung ni rgyu bar shes par bya/ /rim gyis rgyas pa'i rgyu las so/ /zhes bya ba la sogs pa gsungs so/ /nges par brjod pa bum sder zhes bya ba ni/ nam mkha' dang mnyam pa'i rgyud du'o/ /brjod ces bya ba ni gsungs pa'o/ /rtsa gnas dbye bas che nas zhes bya ba ni/ de dang de gnas kyi grangs kyis phye ba'o/ /yang dag ces bya ba ni phyin ci ma log pa'i ngo bos so/ /'char ba zhes bya ba ni/ brjod pa'o/ /de nyid du zhes bya ba ni/ 'di nyid du'o/ /nyung ngu'i rgyu nyid kyis so/ /snying po ni snying por zhes bya ba ni/ snying po ni stong phrag bdun cu rtsa gnyis kyi grangs kyi ngo bo las so/ /snying por gsungs zhes bya ba ni/ 'khor lo drug gi dbye bas nyi shu rtsa dgu sa lhag pa'i rgya'i char grangs so/ /de ltar rgyas par brjod pa bstan pas/ 'khor lo'i dbye bas/ rtsa rnams brgyas par bshad pa ni/ smin ma'i dbus gnas zhes bya ba la sogs pa gsungs te/ smin ma'i dbus gnas

  274. 137b

    zhes bya ba ni/ rlung gi 'khor lo'i gnas so/ /rlung chen zhes bya ba ni/ rlung rgyu ba nyid kyi chen po yang yin la rang nyid kyang rlung gi ngo bo nyid kyi phyir rlung chen po'o/ /bye ba 'khyil ba zhes bya ba ni/ a dang ra dag gis sad par byed pas na bye ba ste/ rgyab kyi phyogs so// des 'khyil ba ste yongs su gyur par 'gro bas na bye ba 'khyil pa'o/ /mi bzad pa zhes bya ba ni/ mes bskul ba'i dus su drag pa'i phyir mi bzad pa'o/ /'dzin pa zhes bya ba ni/ mgo bas 'phos pa'i byang chub kyi sems kyi khams la rang gi gnas su 'dzin pa'i phyir 'dzin pa'o/ /rtog med ces bya ba ni/ de nyid la 'gro ba dang 'ong ba la sogs pa las bya'o/ /snyam du rnam par rtog pa med pa'i phyir rtog med do/ /gang po ni zhes bya ba ni/ ye shes kyi rim pa'i dus su byang chub kyi sems rgyun 'bab pas kun nas gang ba'i phyir gang ba'o/ /bshad pa zhes bya ba ni de lta bu'i mig gi bstan pa'o/ /bstan pas shes bya ba ni ming gis so/ /rlung las byung zhes bya ba ni/ rlung gi 'khor lor son pa zhes bya ba'i don to/ /gru gsum zhes bya ba ni/ pad+ma'i 'dab ma gsum gyi dbyibs can la'o/ /rtsa gsum zhes bya ba ni/ rnam pa gsum mo/ /me'i dkyil 'khor zhes bya ba ni me'i 'khor lo'o// 'dren pa'i 'og tu zhes bya ba ni/ longs spyod kyi 'khor lo'i 'og gi cha la'o/ /bshad pa yin zhes bya ba ni/ rab tu grags pa'o/ /dri ma bral dang zhes bya ba ni/ du ba la sogs pa'i dri ma med pas dri ma dang bral ba'i phyir ro/ /gsal ba dang zhes bya ba ni/ 'bar zhing gsal ba'i rnam pa nyid kyi gzi brjid 'bar ba dang ldan pa'i phyir ro/ /gang po dang ni zhes bya ba ni/ longs spyod kyi 'khor lo'i lam nas ro myang ba nyid kyis yongs su rim pa'i phyir gang ba'o/ /gsum yin no zhes bya ba ni/ rnam pa gsum mo/ /rim pa zhes bya ba ni/ rtsa'i dbyibs kyi rim pas so/ /zhes bya ba'i don to/ /sprul pa'i 'khor lo'i rtsa'i ming bstan pa'i phyir yang dag shugs can dang zhes bya ba la

  275. 138a

    sogs pa gsungs te/ yang dag par byang chub kyi sems shugs kyis 'bab pas na yang dag shugs so/ /shin tu shugs zhes bya ba ni/ /de las kyang lhag par 'bab pas so/ /shin tu bzang ba dang zhes bya ba ni/ tshim par byed pa'i bzang bar gang? la yod pa de la de skad ces bya'o/ /bzang por 'gro zhes bya ba ni/ bzang ba ni ye shes kyi me dang byang chub kyi sems 'gro ba'i phyir bzang por 'gro'o/ /stobs chen dang ni zhes bya ba ni/ rgyud dang ye shes kyi rim pa'i dus su byang chub kyi sems 'gro ba dang 'ong ba la stobs chen po dang ldan pa'i phyir ro/ /mi bzang che zhes bya ba ni/ rgyud kyi rim pa'i dus su ye shes kyi me'i rten du gyur pa nyid kyi phyir ro/ /mdzes chen zhes bya ba ni shin tu yang dus gnyid la 'dod par bya ba nyid kyi phyir ro/ /mdun du skyes pa zhes bya ba ni/ a'i yi ge'i ngo bo la brten nas skye ba thob pa'i phyir ro/ /rgyags pa'i rtags ni zhes bya ba ni/ byang chub kyi sems kyi mtshan nyid kyis rgyags pa'i rtags su gyur pa'i phyir ro/ /rgyags pa'i zhes bya ba ni/ rdul skyed pa'i phyir ro/ /rgyags pa'i chu dang zhes bya ba ni/ chu skyed par byed pa nyid kyis phyir ro/ /rgyags pa myos byed ces bya ba ni/ rgyags pa ni 'dod chags la sogs pa gnas skabs pa nas gzhan thob pa'i phyir ro/ /rgyags dang zhes bya ba ni/ byang chub kyi sems kyis myos pa'i phyir ro/ /rgyags pa'i rgyu mthun zhes bya ba ni/ kun rdzob kyi bde ba chen po'i rnam 'gyur nyid kyi phyir ro/ /rgyags pa'i brlan dang zhes bya ba ni/ rtag tu byang chub kyi sems kyis brlan pa'i phyir ro/ /rgyags pa 'chang zhes bya ba ni/ khu ba brtan pa 'dzin pa'i bdag nyid kyi phyir ro/ /rtsub dang zhes bya ba ni/ ye shes kyi sems reg bya rtsub pa'i phyir ro/ /mkha' 'byung zhes bya ba ni/ mkha' ni bde ba chen po'i nam mkha' la'o/ /byung ba ni 'gro ba nyid kyi phyir ro/ /glang po dang zhes bya ba ni/ dbyibs kyis thung ba'i phyir ro/ /dbugs mi bde ba dang zhes bya ba ni blo

  276. 138b

    skyed par byed pa'i phyir ro/ /g.ya' zhes bya ba ni/ g.ya' ba' i 'bras bu skyed par byed pa nyid kyis phyir ro/ /mkha' 'gro zhes bya ba ni rdo rje'i nam mkha' la gnas pa'i phyir ro/ /yan lag kha'i gdong zhes bya ba ni/ kha ni byang chub kyi sems so/ /yan lag ni rtags gang la yod pa de la de skad ces bya'o/ /'dab chags zhes bya ba ni/ de'i dbyibs nyid kyi phyir ro/ /za phod ces bya ba ni/ las mang po byed pa'i phyir ro/ /mi zad sgra bsgrogs zhes bya ba ni/ ye shes kyi me sgrib par byed pas shin tu mi bzad pa'i phyir ro/ /snying po can zhes bya ba ni/ bstan pa'i ngo bo khrag rgyu ba'i phyir ro/ /gsod byed ma zhes bya ba ni/ a'i yi ge'i rjes su 'gro ba'i phyir ro/ /rdul ba zhes bya ba ni/ las kyis rlung dang yang dag par sbyor bas rdul ba nyid kyi phyir ro/ /dbyangs dang zhes bya ba ni/ dus gnyis la yang rang dang 'os pa'i sgra byed pa nyid kyi phyir ro/ /dbyangs skyes dang zhes bya ba ni/ a yig sgra thams cad kyi bdag las grub pa'i phyir ro/ /sprin zhes bya ba ni/ ye shes kyi me'i sngon du brtags tu bas bsgribs pa'i phyir ro/ /chu ba zhes bya ba ni/ pad+ma can bzhin du/ byang chub kyi sems la khyab pa nyid kyis kyang de bzhin du sems kyis khams kyi rnam par rtogs pas ma gos pa nyid kyis phyir ro/ /sdong bu can dang zhes bya ba ni/ lte ba'i pad+ma la sdong bu'i rnam par gnas pa nyid kyis phyir ro/ /sngo zhes bya ba ni/ du ba'i mdog can nyid kyi phyir ro/ /yud tsam zhes bya ba ni/ rno ba'i phyir ro/ /yud tsam skyed ces bya ba ni/ yud tsam a yig gi rnam pa las skyes pa'i phyir ro/ /rgyab tu kha ltas zhes bya ba ni/ 'og tu rgyu ba nyid kyi phyin ci log pa'i gdong ngo/ /dbyug pa dang zhes bya ba ni/ dbyug ba ltar shin tu drang ba'i rnam pa nyid kyi phyir ro/ /dbyugs snyems dang zhes bya ba ni/ dbyug pa ltar snyems pa drang ba'i rnam pa gang la yod pa de la de skad ces bya'o/ /rnying pa dang zhes bya ba ni/ yang dang yang du rang dang 'os pa'i khams nyid kyis sra ba nyid kyi

  277. 139a

    phyir ro/ /tshigs kyi lto dang zhes bya ba ni/ ldur ba'i dbyibs can nyid kyi phyir ro/ /tshigs kyi mgo zhes bya ba ni/ tshigs kyis rnam pa'i mdog dang ldan pa nyid kyi phyir ro/ /tshigs kyi tshad dang zhes bya ba ni/ du ba bu'i dbyibs kyi rnam pa nyid kyi phyir ro/ /pha rol gnon pa zhes bya ba ni/ gzhan gyi rnam pa rnam par gnon pa'i phyir ro/ /tshigs kyi gnas zhes bya ba ni/ rtsa gsum gyi 'dud pa la dmigs nas gnas pa'i phyir ro/ /tshigs kyi gdong zhes bya ba ni/ /mdud pa'i gdong ngo/ /tshigs kyis 'od ces bya ba ni/ de bzhin du rnal 'byor pa las gsal ba'i phyir ro/ /tshigs kyis khyab pa zhes bya ba ni/ bar bar du mdud pas khyab pa'i phyir ro/ /dul bar byed pa zhes bya ba ni/ rlung rgyu bar byed pa nyid kyis so/ /dul 'gro zhes bya ba ni/ dul ba'i ngo bos rnam par rtogs pa thams cad zad par byed pas/ de a'i yi ge la 'gro ba'i phyir ro/ /gzi brjid zhes bya ba ni/ ye shes kyi me'i snang ba la rten nas gnas pa'i phyir ro/ /dri med ces bya ba ni/ sngags sregs pa'i dus su'o/ /dul ba'i snyems pa dang zhes bya ba ni/ a'i yi ge dul ba'i ngo bo las brten nas nga rgyal dang ldan pa'i phyir ro/ /chun 'phyang zhes bya ba ni/ chun po thams cad 'phyang ba'i phyir ro/ /chun 'phyang dga' zhes bya ba ni/ rtsa'i bdag nyid kyis chun 'phyang gi ngo bo nyid la dga' ba'i phyir ro/ /chun 'phyang cha zhes bya ba ni/ chun 'phyang byed ces bya ba ni/ a yig dang lhan cig tu bde sdug tha mi dad pa'i phyir ro/ /sbrang bu zhes bya ba ni/ sems kyis khams kyi ngo bo yod pa de la de skad ces bya'o/ /phrug gu zhes bya ba ni/ yang de bzhin du'o/ /phrug gu ster zhes bya ba ni/ phrug gu'i ngo bo nyid sems nyid gsang ba'i 'khor lo na gnas pa'i rtsa rnams la ster bas na/ snyam du byas nas so/ /dro ba zhes bya ba ni/ rab tu dro bas na zhes bya ba'o/ /lo ma zhes bya ba ni/ lo ma'i gdong gi rnam pa yod pas na nas lo ma'o/ /lo ma'i mgrin pa dang zhes bya ba ni/ de bzhin du lo ma'i mgrin pa gang

  278. 139b

    la yod pa de la de skad ces bya'o/ /rab mchog ma dang zhes bya ba ni/ sems kyi rjes rab mchog tu byas so/ /rab gsal te/ zhes bya ba ni/ ye shes kyi me gsal bar byed pa nyid kyi phyir ro/ /drug cu rtsa bzhir zhes bya ba ni/ dbyug gu drug cu rtsa bzhi'i rnam par dag pas so// de ltar brjod ces bya ba ni/ sngar bshad pa'i rigs pas so/ /yang na rtsa drug cu rtsa bzhi la a li dang kA li drug cu rtsa la brten nas/ don brjod par bya'o/ /lte ba sprul pa'i 'khor lor gnas zhes bya ba ni/ go sla'o/ /bdud rtsi mchog gis yongs su gang zhes bya ba ni byang chub sems kyi yongs su gang ba nyid kyi phyir ro/ /chos kyi 'khor lo'i rtsa rnams kyi ming gsungs pa ni/ rin chen cod pan zhes bya ba ste/ rin chen 'byung ldan gyi sa bon yod pa'i phyir ro/ /pad+ma che zhes bya ba ni/ snang ba mdza' yas kyi sa bon no/ /rdo rje chen po zhes bya ba ni/ don yod grub pa'i sa bon nyid kyi phyir ro/ /stobs po che zhes bya ba ni/ lus kyi sa bon yod pa'i phyir ro/ /mgo bo zhes bya ba ni/ spyan ma'i sa bon yod pa'i phyir ro/ /sgra chen dang zhes bya ba ni/ bdag med ma'i sa bon yod pa'i phyir ro/ /nyer dga' chen po zhes bya ba ni/ gos dkar mo'i sa bon nyid kyis phyir ro/ /myos po che zhes bya ba ni/ sgrol ma'i sa bon yod pa'i phyir ro/ /rigs pa 'dis so/ /chos kyi 'khor lo'i nang du zhes bya ba ni/ snying ka zhes bya ba ni/ snying ka'i gnas la'o/ /pad+mar yang dag gnas zhes bya ba ni/ pad+ma gnas pa zhes bya ba'i don to/ /longs spyod 'khor lo'i rtsa rnams kyi mig bstan pa'i phyir/ longs spyod ma zhes bya ba la sogs pa gsungs te/ dbyangs yig bcu drug la brten pa nyid kyis rtsa bcu drug rnams kyi don shes par bya'o/ /longs spyod 'khor lor gnas shes bya ba ni/ mgrin pa'i phyogs su ro bcu drug la longs spyod pa'o/ /grangs ni zhes bya ba ni bgrangs pa'o/ /bcu drug tu ni brjod ces bya ba ni 'kho ba bcu drug gi dbye bas zhes bya ba'i don to/ /bde ba chen po'i 'khor lo'i

  279. 140a

    rtsa'i ming bstan pa'i phyir/ de steng zhes bya ba gsungs te/ de'i steng ni mgo bo la'o/ /rim rigs zhes bya ba ni/ a yig la brten pa'i phyir ro/ /dbyangs yig bcu drug rnams la thabs dang shes rab kyi dbye bas nyis 'gyur du byas nas/ de'i rjes su 'brangs nas nges tshig gi bshad par bya'o/ /man ngag gi khyad par gzhan gang zhig yod pa bla ma'i zhal las rtogs par bya ste/ de'i phyir 'dir rgya cher ma bshad do/ /sum cu rtsa gnyis zhes ni bshad ces bya ba'i rigs pa 'dis so/ /bde ba chen po'i 'khor lo che zhes bya ba ni/ mgo bo'i gnas la'o/ /mchog tu dga' ba ster bar byed ces bya ba ni/ byang chub kyi sems kyi khams kyi rgyun 'dzegs pas so/ /phra dang reg bya mchog tu phra zhes bya ba ni/ phra ba ni byang chub kyi sems kyi ngo bo las shin tu yang gsungs pa zhi bar byed cing reg bya bsil ba dang ldan pa'i phyir ro/ /gzung ba dang 'dzin pa rnam par spangs shes bya ba ni/ yul dang yul can gyi rnam par rtog pa med pa'i phyir ro/ /ngo bo rten du gyur pa rnams kyis brten par byang chub kyi sems 'jug pa zhes bya ba rnams rtog med pa'i phyir ro/ /rang nyid bde chen rnam pa dang zhes bya ba ni/ kun rdzob byang chub sems kyi grogs yin pa'i phyir ro/ /gzhan dag la yang zhes bya ba ni/ rtsa gzhan rnams la yang bde ba chen po kun rdzob kyi bdag nyid can ster bar byed pa zhes bya ba'o/ /de ltar 'khor lo'i dbye bas rgyas par bshad pa bstan nas nye bar sdu ba sngon du 'gro bas/ rtsa bstan pa'i dgos pa bshad pa'i phyir de'i yan lag dgos pa'i ngo bo las mdor bstan pa'i phyir/ da ltar yang dag rtsa'i rim zhes bya ba la sogs pa gsungs te/ sngar bshad pa'i rigs pas so/ /yang dag ces bya ba ni/ phyin ci ma log pa'o/ /shes par bya zhes bya ba ni/ rtogs par bya ba'o/ /bla ma'i zhal la zhes bya ba ni/ ma 'ongs pa'i dus na rdo rje slob dpon gyi zhal las shes bya ba'i don to/ /des

  280. 140b

    ci zhig byed ce na/ de'i phyir rtsa'i rim med ces bya ba gsungs te/ rtsa'i rim pa spangs pas so/ /bden par zhes bya ba ni/ /rdzun pa ma lags pa'o/ /phung po la sogs pa zhes bya ba ni/ phung po dang khams dang/ skye mched rnams la'o/ /mi 'byung zhing zhes bya ba ni skye bar mi 'gyur ba'o/ /phung po med na zhes bya ba ni/ gzugs la sogs pa'i phung po lnga med na'o/ /ye shes che nas zhes bya ba ni/ rang bzhin gyis 'od gsal ba'i rnam pa 'am/ gnyis su med pa'i ye shes kyi rang bzhin no/ /thob mi 'gyur zhes bya ba ni/ snyed par mi 'gyur ba'o/ /rnal 'byor pa yis zhes bya ba ni/ rim pa gnyis sgom pa pos so/ /ji skad du/ dpal dgyes pa rdo rje'i rgyud las/ /lus la ye shes chen po gnas/ /kun tu rtog pa thams cad spangs/ /dngos po kun la khyab pa'o/ /lus gnas lus las ma skyes pa'o/ /zhes gsungs so/ /de ltar dgos pa rang gi ngo bo bstan nas/ de rgyas par bshad pa brjod pa'i phyir ro/ /phung po lnga ni bdag nyid lus zhes gsungs te/ lus ni lus so/ /nam mkha' 'gro lnga ni rab tu grags zhes bya ba ni/ rnam par snang mdzad la sogs pa de bzhin gshegs pa lnga'i rang bzhin du gsungs te/ gnas skabs lnga nyams su myong ba'i rims pas de rnams grub pa'i phyir/ de nyid ces bya ba ni/ ye shes lnga'i bdag nyid kyi lus so/ /'byung ba'i ngo bo yis zhes bya ba ni/ sa la sogs pa 'byung ba chen po lnga'i ngo bos so/ /ye shes lngar ni zhes bya ba ni/ me long la sogs pa'i ye shes lnga'i ngo bo'o/ /rnam pa gnas zhes bya ba ni/ dngos po la de ltar nyid du gnas pa'i phyir ro/ /de ltar gzugs ni de bzhin gshegs pa rnam par snang mdzad kyi ngo bo nyid kyis me long lta bu'i ye shes kyi rang bzhin yin te/ don rnam par lus ni gzugs brnyan gyi ngo bo nyid kyi phyir ro/ /tshor ba ni rin chen 'byung ldan gyi ngo bo nyid kyi phyir mnyam pa nyid kyi ye shes kyi rang bzhin te/ tshor ba rnam pa gsum po la rnam pa gcig pas

  281. 141a

    mnyam pa'i phyir ro/ /'du shes ni snang ba mdza' yas kyi ngo bo nyid kyi phyir ro/ /so sor rtogs pa'i ye shes kyi ngo bo ste/ gdong ma nas shi ba nyid kyis sbyor ba'i phyir ro/ /'du byed ni don yod grub pa'i ngo bo nyid kyis bya ba nan tan gyis ye shes kyis ngo bo ste/ mtshungs par ldan pa dang mtshungs par mi ldan pa la sogs pa dge ba'i rnam pa nyid du zhes nas bya ba sems can gyi don gyi mtshan nyid bsgrub pa'i phyir ro/ /rnam par shes pa ni mi bskyod pa'i ngo bo nyid kyis shin tu rnam par dag pa chos kyi dbyings kyi ye shes kyis ngo bo ste/ rang bzhin gyis stong pa nyid kyis nyon mongs pa'i rnam par rtogs pa rnams kyis 'khrugs par mi nus pa nyid kyis phyir ro/ /de'i phyir zhes bya ba ni/ gang gis phyir lus ni ye shes lnga'i rang bzhin no/ /de'i phyir 'bad pa thams cad kyis zhes bya ba ni/ thun mong ma yin pa'i brtson 'grus kyis so/ /rtsa'i 'khor lo zhes bya ba ni/ phung po lnga'i bdag nyid can gyi lus kyi rten du gyur pa'o/ /btsal bar bya zhes bya ba ni/ ye shes chen po btsal ba'i phyir rjes su bskyed par bya zhes bya ba'i don to/ /de ltar de rgyas par bshad pa bstan nas/ dpe bshad pa'i phyir/ ji ltar zhes bya ba la sogs pa gsungs te/ chu'i dbus kyi zhes bya ba ni/ chu'i skyor ba zhes bya ba las so/ /shing zhes bya ba ni/ sa las bskyes ba'o/ /'phel nas 'gro zhes bya ba ni/ sdong bu dang/ yal ga dang lcug ma dang/ 'dab ma phun sum tshogs pa las yongs su rdzogs par 'gyur ro/ /rtag tu zhes bya ba ni/ dus shin tu ring por ro/ /de la 'bras bu sogs ldan pa zhes bya ba ni/ shing rgyas pa'i rjes la 'bras bu sogs ldan pa zhes bya ba ni/ shing rgyas pa'i rjes la 'bras bu sogs ldan pa ni/ me tog dang 'bras bu phun sum tshogs pa la sogs pa'o/ /ster ba 'di la the tshom med ces bya ba ni/ the tshom med pa'i phyir ro/ /de ltar dpe bstan nas/ don

  282. 141b

    brjod par bya ba'i phyir/ de bzhin phung po shing zhes bya zhes bya ba ni/ phung po lnga'i yal ga can no/ /zhes bya zhes bya ba ni/ shing gi dpes shes par bya'o/ /rtsa'i chu yis 'phel nas ni/ zhes bya ba la/ rtsa las byung ba'i khams sum cu rtsa gnyis kyi chus 'phel ba nyid kyi phyir chu nges 'phel ba ni 'phel bar byed pa'o/ /'phel bas zhes bya ba ni/ rim gyis yongs su rgyas par 'gyur pa'o/ /'bras bu ster zhes bya ba dang 'brel to/ /ji ltar zhe na/ de'i phyir thams cad mkhyen pa nyid ces bya ba gsungs te/ yang dag ces bya ba ni/ phyin ci ma log pa'i gdam ngag bsgoms pas shes bya ba'i don to/ /lha yi rnam pa'i ngo bo yis zhes bya ba ni/ 'chad par 'gyur ba las so/ /rtsa rnams zhes bya ba ni/ 'khor lo drug gi dbye bas tha dad pa rnams la'o/ /rang bzhin gyis 'gyur zhes bya ba ni/ lha'i rnam pa'i ngo bos 'gyur ba'o/ /ji skad du/ le'u nyi shu rtsa bdun pa las/ de rnams ming ni bshad bya ste/ de las gzhan pa'i lha rnams ni/ zhes bya ba la sogs pa gsungs te/ de ltar don rnam pa bzhis nye bar bsdu ba sngon du 'gro bas rtsa bstan pa'i dgos pa brjod nas da ni rtsa rnams bskyed pa'i rim pa brjod pa'i phyir/ de'i yan lag me'i drod kyis gdungs pas byang chub kyi sems 'byung ba ni/ reg bya'i rgyal mtshan gnyis phrad pas zhes gsungs te/ reg bya'i sgras ni pad+ma la brjod de/ shin tu reg bya bde ba nyid kyi phyir ro/ /rgyal mtshan gyi ngo bo'o/ /lhag ces bya ba ni bsrung bya dang bsgrub bya'i nus pa'o/ /de tshe zhes bya ba ni de'i dus su'o/ /me ni yang dag 'bar zhes bya ba ni/ ye shes kyi me 'bar ba zhes bya ba'i don to/ /lte ba'i dbus su sprul pa'i 'khor lo dang/ steng du gnas pa'i me'i 'khor lo gnyis ni 'bar ba'i rnam pa 'grub pa zhes bya ba'i don to/ /me'i 'khor lo'i dbus zhes bya ba ni/ longs spyod kyi 'khor lo'i 'og na gnas pa'i me'i 'khor lo'o/ /'khor lo mig can pad+ma rnams zhes bya ba ni/ 'bar ba'i rnam pas ma lus par drod kyis

  283. 142a

    khyab par 'gyur zhes bya ba'i don to/ /ji ltar 'gro bar 'gyur zhe na/ de'i phyir rim gyis rim gyis zhes bya ba gsungs te/ 'dis ni sngags dang rgyud gyi rim pa bshad do/ /de rjes rtsal zhes bya ba ni/ ye shes kyis mes bsregs pas mi snang ba nyid du 'gyur bas so// 'bab de la zhes bya ba ni/ kun rdzob kyi rnam pa'i byang chub kyi sems de'i drod kyis gsungs pas zhes bya ba'i don to/ /bde ba che zhes bya ba ni/ thabs dang shes rab kyi stobs kyis grub pas rtsa bsreg par byed pa'i bdag nyid do/ /sprul pa'i snying por yang dag thob ces bya ba ni/ sprul pa'i 'khor lo nas gsang ba'i 'khor lo'i dbus su rim gyis thob par byas nas so/ /gcig gyur ces bya ba ni/ ro gcig pa nyid kyis so/ /bsdus nas ni gong bu'i rnam par byas nas 'gro bar 'gyur/ zhes bya ba'i lhag ma'o/ /de ltar mes kun nas gdungs pas byang chub kyi sems kyi ngo bo bstan nas/ rtsa gsum gyi khams 'bab pa'i rim pa bstan par bya ba'i phyir/ rtsa gnyis zhes bya ba la sogs pa gsungs te/ rtsa gnyis ni g.yas pa dang g.yon pa'i ngo bo'o/ /kha'i lam zhes bya ba ni/ rang gi kha'i lam nas so/ / 'dzag pa zhes bya ba ni 'bab pa'o/ /ci zhig ces na/ de'i phyir nyi ma zla ba'o zhes bya ba gsungs te/ rdul dang khu ba ni nyi ma dang zla ba dag go /skyes gnas 'khor lo'i dbus su yang zhes bya ba ni/ bsgrub par bya ba dang/ sgrub par byed pa gnyis phrad pa'i dus su'o/ /skye gnas 'khor lo ni pad+ma'i dkyil 'khor gyi dbus su rnal 'byor ma dang 'brel ba'i rtsa gnyis srad bu'i rnam par gnas pa'o/ /gnyis ka 'dus pas za ma tog gi tshul du gnas pa'o/ /gal te de ltar yin na thabs shes rab dang 'phrel pa'i rtsa gsum po gang las 'byung zhe na/ de'i phyir rgyu gcig tu zhes bya ba gsungs te/ rtsa dbus ma rnam par rtog pa thams cad las 'das pa'i phyir/ de las gzhan pa'i rtsa gnyis la gtso cher te/ gzhan rnams kyi yang rgyu yin no/ /shes nas zhes bya ba ni shes par bya ba'o/ /de nyid ces bya ba ni/

  284. 142b

    gtso bor gyur pa'i dbus ma'o/ /'bras bu zhes bya ba ni/ khrag dang khu ba 'bab pa nyid kyis 'bras bu las so/ /rnam pa gnyis zhes bya ba ni/ la la nA dang ra sa nA'i dbye bas so/ /g.yon pa zhes bya ba ni g.yon pa'i rtsa las so/ /zla ba rnam par 'byung zhes bya ba ni byang chub kyi sems kyi khams bskyed pa'o/ /g.yas pa zhes bya ba ni g.yas pa'i rtsa'o/ /nyi ma'i zhes bya ba ni/ khrag gi khams las byung ba zhes bya ba'i don to/ /khams gnyis po 'di nyid ni bde ba chen po brjod par byed pa ste/ don dam par bde ba chen po'i rang bzhin du 'gyur zhes bya ba'o/ /g.yas pa'i zhes bya ba ni/ g.yas pa'i rgyu bas so/ /gang tshe nyi ma ni zhes bya ba ni dus gang la nyi ma'i rang bzhin du 'gyur ro/ /de tshe khrag ces bya ba ni/ thabs kyi rnam pa'o/ /'gyur bde ba'o/ /zhes bya ba ni/ bde ba chen por 'gyur zhes bya ba'i don to/ /de rgyu 'thung bar 'gyur ba nyid kyi phyir ro/ gang tshe g.yon pa'i zla ba zhes bya ba ni/ g.yon pa'i rtsa ni zla ba'i rnam pa'o/ /gang tshe zhes bya ba ni dus gang gi tshe na'o/ /gsal zhes bya ba ni dri ma med pa'o/ /de'i tshe zhes bya ba ni/ dus de la'o/ /kunda lta bu yi zhes bya ba ni/ kunda'i me tog ltar dkar ba'o/ /bde ba zhes bya ba ni/ bde ba chen po nyid ces bya ba'i don to/ /de nyi nyis zhes bya ba ni/ g.yon pa dang g.yas pa'i rtsa dag go /khong du chud pa'i zhes bya ba ni/ a ba d+hU tIr gnas pa'o/ /me zhes bya ba ni dus kyi me'i rang bzhin no/ /yan lag kun la yang zhes bya ba ni/ yan lag thams cad la thun mongs du spyi'i tshul du gnas pa ste/ khyab byed nyid du zhes bya ba'i lhag ma'o/ /de ltar rnam pa gnyis kyis me'i drod kyis byang chub kyi sems 'byung ba bstan nas/ bar mdo'i srid pa 'jug pa brjod pa'i phyir/ sngon las zhes bya ba gsungs te/ sngon gyi lus kyi stobs kyis so/ / rlung gi rnam shes ni/ zhes bya ba ni/ rlung dang bcas pa'i rnam par shes pa ste/ /bar ma do'i rnam par shes pa'o/ /brgya lam zhes bya ba ni/ shi ba'i srid pa'i rdzas la rgyu mtshan med par gang tshe 'gro bar 'gyur na zhes bya ba ni/ bar du nyi ma kha gcig 'gro bar 'gyur te//

  285. 143a

    'khor bar 'gyur na dri zhim pa dang dri ngan ba za zhing longs spyod pa'o/ /de tshe zhes bya ba ni/ dus gang gi tshe'o/ /pha'i kha la mtshungs par gnas zhes bya ba ni/ 'byung bar 'gyur ba'i ma mthong bas 'byung bar 'gyur pa'i pha yang mthong ste/ 'di dang lhan cig rol par byed mi nus pa'o/ /mi nus pa zhes bya ba phyin ci log gi blo bskyed nas ba nye bar gyur pa la yang rol ba bzlog pa'i blos kha la nye bar gnas pa'o/ /de tshe zhes bya ba ni/ dus de'i tshe'o/ /chags pa'i dbang du 'gyur zhes bya ba ni/ ma'i yul la 'khrig pa la dga' 'gyur zhes bya ba'i don to/ /ji skad du bcom ldan 'das kyis/ dus de'i tshe dri za la sems gzhan rgyu ba yin te/ 'di lta ste/ rjes su chags pa dang lhan cig par gyur pa 'am/ khong khro ba dang lhan cig par gyur pa zhes bya ba'o/ / slob dpon dbyig gnyen gyi zhal nas kyang/ /dbang po kun tshang thogs med ldan/ /phyir mi ldog cing dri za ba/ /phyin ci log pa'i blo gros te/ /'gro ba'i yul la rol par 'dod ces gsungs pa dang/ slob dpon chos kyi grags pa'i zhal nas kyang/ sems can gzhan du mi khyer ba/ /dman pa'i skye gnas 'gro ba yang/ /bdag la chags dang ldan par sdug /bde ba dor pa thob 'dod pas/ /zhes gsungs so/ /zla mtshan ldan pa'i rtsa zhes bya ba ni/ /dpyid kyi dus dang ldan pa ni/ /zla mtshan dang ldan pa'o/ /gang tshe zhes bya ba'i dus gang gis cho na'o/ /rtsa zhes bya ba ni 'byung bar 'gyur ba'i ma'o/ /me dang nyi ma 'char ba na/ zhes bya ba ni/ me ni dbus ma'i rgyu pa'o/ /nyi ma ni khrag gi khams 'char ba yod pa ste 'char ba'o/ /de tshe zhes bya ba ni dus de'i tshe na'o/ /lhag par chags pas zhes bya ba ni/ khyod dang lhan cig lhag par chags pas non pa ni gzhan dbang du gyur pa'o/ /gcig tu chags pa zhes bya ba ni/ sa bon gtod bar 'dod bar 'gyur ro/ /mchog tu zhes bya ba ni/ 'byung bar 'gyur ba'i sems can skye ba la cung zad rig pa'i phyir

  286. 143b

    mchog go /rdo rje pad+ma zhes bya ba ni/ bo la dang ka k+ko la'o/ /'dres pa'i gdong zhes bya ba ni/ phan tshun du tshogs pa'i ngo bo thob pa'o/ /'jug pa zhes bya ba ni/ rab tu 'jug pa'o/ /pha'i kha zhes bya ba ni/ pha la mngon par phyogs so/ /rlung zhes bya ba ni/ las kyi rlung gis bskul ba'i bar do zhes bya ba'i don to/ /de ltar bar ma do'i srid par 'jug par bstan nas/ sa bon 'dres pa'i ngo bos rtsa bskyed pa brjod pa'i phyir/ de tshe zhes bya ba gsungs te/ dus de'i tshe'o/ /sa bon du ni zhes bya ba ni/ pha ma dag gis khu ba dang thigs pa'i ngo bo la'o/ /'gyur zhes bya ba ni/ 'byung bar 'gyur ba'o/ /sa bon las ni zhes bya ba ni/ de ma thag par bshad pa bar ma de'i srid pa rgyal bar 'gyur ba las so/ /sems can zhes bya ba ni/ skye ba'i srid pa la rab tu zhugs pa la'o/ /'byung zhes bya ba ni 'grub pa ste/ zla ba bcu la sogs pa rim gyis 'gyur zhes bya ba'i don to/ /de phyir zhes bya ba ni/ sa bon yongs su gyur pa las so/ /rtsa las yang dag 'char zhes bya ba ni/ skye ba'i sems can la rtsa 'byung bas so/ /yang dag ces bya ba ni/ mkhas pa'i gang zag gi dgongs pas so/ /'bras bu zhes bya ba ni/ sprul pa'i sku'i rnam pa'o/ /ngo mtshar can ni/ rten cing 'brel bar 'byung ba'i chos nyid la bsam gyis mi khyab pa'i phyir shin tu yang ngo mtshar skyed par byed pa zhes bya ba'i don to/ /skye zhes bya ba ni 'byung bar 'gyur zhes bya ba'i don to/ /de ltar sa bon 'dres pa'i ngo bos rtsa 'byung ba brjod nas/ byang chub kyi sems mi 'chor ba rnams mi 'byung ba brjod pa'i phyir/ de nyid byang chub sems kyang ni/ zhes bya ba gsungs te/ gnyis ka yang dag par sbyar ba las skyes pa'o/ /'dzin pa'i zhes bya ba ni/ sngar bshad pa'i rnam pa gsum gyis so/ /srog ni bsdus pa'o zhes bya ba ni/ srog ni byang chub kyi sems kyi rnam pa la bsdus pa ni/ nang nyid du bzhag par gyur pa'o/ /de ltar byas par gyur pa la ye shes mchog

  287. 144a

    dang zhes bya ba ni/ lhan cig skyes pa'i rnam pa'o/ /de nyid mchog ces bya ba ni/ don gyis lhan cig skyes pa'i ngo bo'o/ /mchog tu bde zhes bya ba ni/ phyag rgya chen po'i ngo bo'o/ /rmad byung che zhes bya ba ni/ 'dod chags kyi sbyor? pa'i stobs kyis sangs rgyas nyid thob po de ni ngo mtshar ba'o/ /thob pa ye shes bya ba ni/ shin tu rtogs pa'o/ /ye shes rnal 'byor zhes bya ba ni/ gdams ngag gi ngo bo thos pa la sogs pa'i mtshan nyid kyis so/ /mchog tu bde ba zhes bya ba ni/ bcom ldan 'das kyi rgyud la mnga' ba'o/ /bla na med ces bya ba ni/ 'di las gong na gzhan med pa'i phyir bla na med pa'o/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u bcu bdun pa'i rgya cher bshad pa'o/ /de ltar le'u bcu bdun pas rtsa'i 'khor lo'i rim pa gnas kyi yul la dri ba'i lan bstan nas/ da ni skabs su bab pa'i rnal 'byor pa'i lus la rtsa'i tshogs kyi yul la dri ba'i lan gdab pa brjod pa'i phyir/ le'u bco brgyad ba ston par byed cing/ dang por re zhig de rtsom par bstan pa'i phyir/ de nas zhes bya ba la sogs pa gsungs te/ le'u bcu bdun pa bshad pa'i rjes la'o/ /gzhan yang zhes bya ba ni/ sngar la bltos pa khyad par can nyid kyis phyir ro// bshad bya ba zhes bya ba ni brjod par bya ba'o/ /rnal 'byor lus la zhes bya ba ni/ bsgom pa po'i lus la'o/ /rim pa ji bzhin rtsa rnams nges pa ni/ zhes bya ba ni/ bde ba chen po'i 'khor lo go rim gyi rtsa rnams nges pa'o/ /yang dag ces bya ba ni/ phyin ci ma log pa'i ngo bos so/ /brgyud pa ni rim gyis skye zhes bya ba ni/ gdams ngag gi brgyud pas 'ongs pa zhes bya ba'i don to/ /de ltar rtsom pa'i ngo bo bstan nas/ de nyid sba bar bya ba nyid brjod pa'i phyir/ gsal bar zhes bya ba la sogs pa gsungs te/ snod

  288. 144b

    ma yin pa'i skye bo rnams la bstan par bya ba ma yin pa'o/ /ma gsungs pa zhes bya ba ni/ ngag tu brjod par bya ba ma yin pa'o/ /gang du yang zhes bya ba ni/ bya ba la sogs pa'i rgyud rnams su'o/ /gsal bar ma gsungs pa zhes bya ba ni/ ma bstan pa'o/ /ci'i phyir zhe na/ skal ba med don du zhes bya ba gsungs so/ /skye bo zhes bya ba ni/ sems can rnams la'o/ /ji lta bu zhe na/ de'i phyir dang pa'i bsam pa rnam par spangs pa zhes bya ba gsungs te/ khyad par du 'phags pa'i bcom ldan 'das kyi gsung la yid ches ba'i ngo bo dad pa'i bsam pa dang rnam par spangs pa ni/ bral ba rnams la zhes bya ba'i don to/ /snyigs ma lnga zhes bya ba'i dus shes bya ba ni/ tshe dang/ lta ba dang/ sems can dang nyon mongs pa dang/ bskal pa'i snyigs ma dang ldan pa la'o/ /snod du bya bar 'dod pa yis bya ba ni/ snod du bya ba'i bsam bas so/ /sems can myur du dngos grub don zhes bya ba ni/ mthong ba'i chos 'di nyid la phyag rgya chen po'i 'bras bu thob pa'i phyir ro/ /rang byung ye shes zhes bya ba ni/ rkyen gzhan gyis ma byung ba'i rang rig gi ye shes so// rmad byung ba zhes bya ba ni/ lhun gyis grub pas sems can gyi don sgrub par byed pa'o/ /bshad par bya zhes bya ba'i tshig gi lhag ma'o/ /de ltar rnam pa gnyis kyis rtsom pa'i don brjod nas/ dngos su de bshad pa'i phyir de'i yan lag rten gyi ngo bo bshad pas gtso bo'i rtsa bstan pa'i phyir ro/ /rnal 'byor lus ni zhes bya ba ni/ bsgom pa po'i lus so/ /bde chen po'i zhes bya ba ni/ bde ba chen po'i gnas skabs sngon du 'gro bas bskyed pa'i phyir dang/ rang nyid kyis kyang de'i rang bzhin gyi phyir ro/ /'khor lo'i zhes bya ba ni/ bde ba chen po'i 'khor lo la'o/ /sum cu rtsa gnyis shes bya ba ni grangs so/ /rmad du byung ba zhes bya ba ni/ gdung ba zhi bar byed pa nyid kyi phyir ro/ /rtsa rnams shes bya ba ni/ rim rigs la sogs pa'o/ /yang dag ces bya ba ni/ phyin ci ma log pa'i ngo bos

  289. 145a

    bshad par bya zhes bya ba ni/ le'u bcu bdun par bstan pa'o/ /byang chub sems 'bab ces bya ba ni/ kun rdzob kyi byang chub kyi sems kyi zla ba 'bab pa'o/ /gsal zhes bya ba ni/ gsal bar byas nas shes bya ba'i don to/ /de ltar rtsa'i gtso bo bstan nas/ de rnams kyi mtshan nyid kyi sgo nas/ khongs su bsdu ba brjod pa'i phyir/ de rnams shes bya ba la sogs pa gsungs te/ bde ba chen po'i 'khor lo gnas pa'i rtsa rnams so/ /bde ba chen po'i gnas shes bya ba ni/ de brjod pa'i 'khor lo la'o/ /mtshan nyid ces bya ba ni/ ngo bo nyid nye bar mtshon pa'i ngo bo'o/ /bshad par bya zhes bya ba ni brjod par bya ba'o/ /de ni zhes bya ba ni/ da ltar nyid du zhes bya ba'i don to/ /a ka ca Ta ta pa sde tshan dang zhes bya ba ni drug gi grangs so/ /ya ra la wa sha Sha sa zhes bya ba ni/ ya'i sde tshan dang/ sha'i sde mtshan gyi dbye bas sde tshan gnyis te/ de ltar na brgyad do/ /rigs pas shes par bya zhes bya ba ni/ chos kyi phung po ma lus pa bsdus pa'i ngo bo nyid du rtogs par bya'o/ /slar yang zhes bya ba ni/ sde tshan brgyad po rnams so/ /bsdus nas 'gro zhes bya ba ni/ khongs su bsdus nas 'gro ba'o/ /gcig tu zhes bya ba ni/ a yig gi ngo bo'o/ /yi ge rtsam zhes bya ba ni/ chos nyid mtshon par byed pa'o/ /de yang zhes bya ba ni/ a yig gi ngo bo'i yi ge'o/ /zhi ba zhes bya ba ni/ thams cad nye bar zhi ba'i ngo bo'o/ /yongs shes zhes bya ba ni/ de bzhin nyid dang tha mi dad pa'o/ /byang chub sems la zhes bya ba ni/ don dam pa'i gzhom du med pa'i ngo bo dang kun rdzob bo/ /thim nas 'gro zhes bya ba ba ni/ /khongs su 'gro ba'i phyir ro/ /kun rtog thams cad spangs nas ni/ zhes bya ba ni/ rnam par rtog pa'i gnyen po don dam pa nyid do/ /bde ba kun gyi gzhi zhes bya ba ni/ 'jig rten pa dang 'jig rten las 'das pa'i gnas so/ /mchog ces bya ba

  290. 145b

    ni bla na med pa'o/ /shes dang shes bya'i rnam par spangs shes bya ba ni/ gzung dang 'dzin pa las rnam par grol pa'i phyir ro/ /rtag tu zhes bya ba ni/ dus gsum du yang ngo/ /thams cad bdag ces bya ba ni/ lus 'di thams cad du'o/ /de ltar de rnams kyi mtshan nyid kyi sgo nas khongs su bsdu ba bstan nas/ spro ba'i rim pa de rnams nyid la rang gi ngo bo'i nges pa brjod pa'i phyir/ de las 'khor lo gsum dbye ba zhes bya ba gsungs te/ a ka tsa Ta ta pa ya sha'i ngo bo rtsa brgyad kyi dbye bas 'khor lo gsum la nyi shu rtsa bzhir 'gyur ro/ de rnams kyang lus ngag yid gsum gyi dbye bas lan gsum bgrangs pas so/ /gsum zhes bya ba ni/ nyi shu rtsa bzhi pa'i grangs de rnams lan gsum du grangs pas bdun cu rtsa gnyis kyi grangs su 'gyur ro/ /gsal zhes bya ba ni/ gsal bar byas nas so/ / de ni zhes bya ba ni/ bdun cu rtsa gnyis so/ /stong du rab phye ba'ang zhes bya ba ni/ brgya phrag bcu'i grangs so/ /so sor zhes bya ba ni/ rtsa re re la brten nas so/ /spro ba'i bdag nyid can zhes bya ba ni/ stong phrag stong phrag gi grangs kyis te/ stong phrag bdun cu rtsa gnyis kyis rtsa rnams kyi grangs shes bya ba'o/ /rlung dang mkhris pa zhes bya ba la sogs pa rnams ni/ rlung dang mkhris pa la sogs pa'i khams gsum gyi dbye bas sngar gsungs pa'i 'khor lo gsum bde ba chen po'i 'khor lo bde ba che/ longs spyod dang chos dang/ sprul pa'i 'khor lo'i dbye bas stong phrag bdun cu rtsa gnyis su 'gyur ro/ /rnal 'byor chen po'i rgyud kyi zhes bya ba ni/ dpal gsang ba 'dus pa'i rgyud la sogs pa zhes bya ba'i don to/ /de ltar spro ba'i rim pas de rnams kyi lha'i ngo bo bstan nas/ de rnams kyi lha'i ngo bo brjod pa'i phyir phyag rgya'i rnal 'byor zhes bya ba la sogs pa gsungs te/ las kyi phyag rgya'i ngo bo nyid kyi phyir ro/ /mchog dang de nyid ces bya ba ni/ mchog gi de kho na nyid kyi rang bzhin no/ /rtsa'i sgo nas de la dmigs pa'o/ /lha'i rim pa zhes bya ba ni/ lha stong phrag

  291. 146a

    bdun cu rtsa gnyis kyi ngo bo'o/ /de'i mtshan nyid ni zhes bya ba ni/ mtshan nyid do/ /rtsa'i so so'i zhes bya ba ni/ rtsa re re'i grangs ni lha re re'i ngo bo'o/ /de nyid kyi phyir dbye ba yis shes gsungs so/ /shes par bya zhes bya ba ni rtogs par bya ba'o/ /bla ma'i zhal zhes bya ba ni/ mtshan nyid phun sum tshogs pa'i rdo rje slob dpon gyi zhal las te/ ma 'ongs pa'i dus na zhes bya ba'i don to/ /de ltar de rnams kyi lha'i ngo bo bstan nas/ de rnams nyid kyi slar yang bsdus pa brjod pa'i phyir/ de'i yan lag rtsa ba'i bsdus pa ni/ de las kyang zhes bya ba ni de'i rjes su 'am/ stong phrag bdun cu rtsa gnyis kyi grangs so/ /sdom sbyor bar zhes bya ba bsdus pa'o/ /rigs pas bya ba ni/ de ma thag par bstan pa'o/ /de ltar yang stong phrag bdun bcu rtsa gnyis ni bdun cu rtsa gnyis la 'gro ba'o/ /de rnams kyang rtsa ba ni sum cu rtsa gnyis la zhes bya bar bya snas so/ /de nyid bstan pa'i phyir phan tshun du brten byas nas shes gsungs te/ phan sun du 'brel pa las so/ de nyid bstan pa'i phyir/ rtsa ni sum cu rtsa gnyis la zhes gsungs te/ 'khor lor re re la 'khor lo bzhi'i grangs kyis so/ /mchog ces bya ba ni/ rnam par shes pa'i tshogs brgyad dang/ thun brgyad kyi dbye bas so/ /gsal zhes bya ba ni/ bde ba chen po'i 'khor lo'i cha nyid kyis phyir bsal ba'o/ /ji skad du/ steng gi rtsa ba yal ga mgo /lus ni shing zhes brjod par bya ba zhes gsungs so/ /rnal 'byor lus zhes bya ba ni/ sgrub po'i lus so/ /mchog ces bya ba ni/ mchog ste/ gzhan rnams kyang sdud par byed pa nyid kyi phyir ro/ /rtsa ni sum cu rtsa gnyis shes bya ba ni/ 'khor lo bzhi'i dbye bas so/ /rmad byung zhes bya ba ni/ bsdud par bya ba sdud par byed pa'i phyir ro/ /gal te de ltar yin na rnal 'byor pas ji ltar nye bar mtshon zhe na/ de'i phyir yi ge sum cu rtsa gnyis phye bas zhes

  292. 146b

    gsungs te/ dbyangs yig bcu drug thabs dang shes rab kyi dbye bas so/ /thob ces bya ba ni tho par bya ba'o/ /rnal 'byor mchog gis shes bya ba ni/ bsgom pa po'i khyu mchog rnams kyis so/ /rtag tu zhes bya ba ni dus thams cad du'o/ /de ltar rten gyi ngo bo'i rtsa bshad nas/ brten pa'i dkyil 'khor gyi bshad pa brjod pa'i phyir de'i yan lag mdor bstan pa ni/ phung po 'byung ba zhes bya ba la sogs pa gsungs te/ rnam par shes pa'i phung po la sogs pa lnga'o/ /'byung ba zhes bya ba ni/ sa la sogs pa bzhi'o/ / don dang zhes bya ba ni gzugs la sogs pa'i yul lnga'o/ /dbang po'i zhe bya ba ni/ drug ste lus kyi tshigs thams cad rgyus pa'i mtshams thams cad dang bcas pa'o/ /sgo ni srung bar byed pa zhes bya ba ni/ dpung pa dang/ nye ba'i dpung pa dang/ brla dang byin pa la sogs pa'i dbye bas khro bo bcu rnams so/ /sum cu rtsa gnyis dbye bas bdag nyid ces bya ba ni/ sum cu rtsa gnyis kyi bdag nyid can no/ /snang ba yi ni zhes bya ba ni/ rten pa'i rnam pa'o/ /de ltar phung po lnga la ni sangs rgyas lnga'o/ /sa la sogs pa'i khams bzhi la/ spyan ma la sogs pa'i lha mo bzhi'o/ /yul rnams la ni gzugs rdo rje ma la sogs pa lnga'o/ /mig la sogs pa'i dbang po lnga la sa'i snying po la sogs pa byang chub sems dpa' brgyad do/ /lus kyi yan lag dang nyin lag la sogs pa la/ gshin rje gshed la sogs pa'i khro bo bcu zhes bya ba ste/ bsdus pas lha sum cu rtsa gnyis kyi bdag nyid kyi dkyil 'khor ro/ /mchog ces bya ba ni/ ye shes kyi bdag nyid kyi phyir ro/ /de ltar spro ba'i rig pas brten pa'i dkyil 'khor bstan nas/ de rgyas par bshad pa brjod pa'i phyir/ lus kyi gzhal yas khang du yang zhes gsungs te/ gzhal yas khang gi mtshan nyid dang ldan pa'i rnal 'byor pa brten pa'i ngo bo nyid kyi phyir ro/ /ji skad du/ gru bzhi 'phags pa'i bden pa bzhi

  293. 147a

    tshangs pa'i gnas bzhi grwa rnams nyid ces bya ba la sogs pa gsungs so/ /de nyid ni zhes bya ba ni/ gzhal yas khang gi ngo bo lus so/ /nang bzhugs pas shes bya ba ni/ nang du spyod pa'o/ /de bzhin gshegs dang zhes bya ba ni/ sangs rgyas lnga'o/ /lha mo dang zhes bya ba ni/ sbyin ma la sogs pa'o/ /gzugs la sogs shes bya ba ni/ yul gyi lha mo lnga'o/ /rgyal sras shes bya ba ni rgyal ba'i sras so/ /rgyal sras shes bya ba ni/ sa'i snying po la sogs pa byang chub sems dpa' brgyad do/ /khro bo bcu zhes bya ba ni/ gshin rje la sogs pa'o/ /yang dag bzhugs shes bya ba ni/ rang gi lus la'o/ /de nyid ces bya ba ni/ rnam par dag pa'i rim pas so/ /mchog ces bya ba ni/ mchog gi rnam pa nyid kyi phyir ro/ /de ltar don rnam pa gnyis kyis spro ba'i rim pas brten pa'i dkyil 'khor bshad par byas nas/ sdud pa'i rim pas de nyid bstan pa'i phyir/ de'i yan lag rang gi ngo bo ni/ khro bo rgyal sras la zhes bya ba ni/ gshin rje gshed la sogs pa rnams dang/ sa'i snying po la sogs pa'i byang chub sems dpa' rnams so/ /snang du mi snang bar yang zhes bya ba ni nang du sdud pa'o/ /'gro zhes bya ba ni 'gro par 'gyur ba'o/ /khro bo dang byang chub sems dpa' dag gzhan don la khyad par med pa'i phyir ro/ /rgyal sras rnams ni lha mo rnams shes bya ba ni/ gzugs rdo rje ma la sogs pa'i lha mo rnams sa'i snying po la sogs pa brgyad ni gzugs rdo rje ma la sogs pa yul gyi lha mo rnams la sdud pas 'gro ba ste/ yul can rnams ni yul gyi nang du 'dus pa'i phyir ro/ /bsdus nas ni zhes bya ba ni/ mdor bsdus nas so/ /sa sogs zhes bya ba ni/ khams kyi lha mo spyan ma la sogs pa bzhi po rnams la'o/ /de zhes bya ba ni/ gzugs rdo rje ma la sogs pa rnams so/ /'gro zhe bya ba ni/ bsdus nas 'gro ba'o/ /'khor

  294. 147b

    rnams ni gtso bo la sdud pa'i phyir dang/ lha mo nyid du mtshungs pa'i phyir ro/ /de dag ces bya ba ni/ khams kyi lha mo bzhi po'o/ /de bzhin gshegs pa lnga la zhes bya ba ni/ sangs rgyas lnga la ste/ chos nyid chos rnams las tha dad pa med pa'i phyir ro/ /sku gsung thugs kyi rdo rje la/ de dag la yang zhes bya ba ni/ de bzhin gshegs pa lnga rnams so/ /sku la sogs pa gsum bsdus nas zhes bya ba ni/ khongs su sdud par 'gro ba'o/ /gti mug gi rigs la rin chen 'byung ldan nang du sdud pa'o/ /gti mug dang nga rgyal dag gcig pa nyid kyi phyir ro/ /'dod chags kyi rigs la las kyi rigs khongs su gtogs pa'i phyir ro/ /chags pa'i dbang gis phrag dog skye ba'i phyir ro/ /de kho na nyid mchog gcig pu de la yang ni zhes bya ba ni/ sku rdo rje la sogs pa gsum pa'o// gcig pu zhes bya ba ni/ grib ma'i rigs kyi ngo bo rdo rje 'chang chen po'i rigs la'o/ /mchog ces bya ba ni/ spros pa thams cad las 'das pa'o/ /de kho na nyid ces bya ba ni/ ma bcos pa'i rang bzhin no/ /thim nas shes bya ba ni/ bsdus nas so/ /zhi ba zhes bya ba ni/ bde legs byed pa'i phyir ro/ /gzhan yang ji lta bu zhe na/ de'i phyir/ gzung dang 'dzin pa rnams las grol zhes gsungs te/ snang ba dang bral ba nyid kyi phyir ro/ /bde ba thams cad kyi ni gzhi zhes bya ba ni/ zag pa med pa'i bde ba'i rten la'o// mchog ces bya ba ni/ mi slob ba'i phyir bla na med pa'o/ /de yang zhes bya ba ni rdo rje 'chang gi ngo bo'o/ /nyams myongs tsam las shes bya ba ni/ rang gi sems kyis so/ /yi ge tsam zhes bya ba ni/ nyams su myong ba'i rnam pa tsam rang gi sems so/ /yi ge tsam ni a yig gi ngo bo ste/ thim par 'gyur zhes bya ba dang 'brel to/ /yi ge tsam ni thig ler thim zhes bya ba ni/ yi ge tsam ni a yig gi ngo bo'o/ /thig le zhes bya ba ni/ /phra ba dang rig pa'i ngang tshul can brjod du med pa la'o/ /de yang zhes bya ba ni/

  295. 148a

    thig le'i ngo bo'o/ /sgra la zhes bya ba ni/ brag cha'i sgra dang 'dra ba'i rang bzhin gyis 'od gsal ba'o/ /thim nas 'gro zhes bya ba ni/ bsdus nas 'gro ba'o/ /sgra tsam zhes bya ba ni/ de bas kyang phra ba la'o/ /'od gsal ba la'o zhes bya ba ni/ spros pa thams cad dang bral ba'i stong pa nyid kyi de kho na nyid la'o/ /'od gsal go 'phang zhes bya ba ni 'od gsal gyi ngo bo'o/ /yang dag par zhes bya ba ni/ phyin ci ma log pa'i ngo bo'o/ /spro ba dang bsdu ba'i mtshan nyid do zhes bya ba ni/ rang gis bskyed pa dang 'jig pa'i mtshan nyid dang bral ba nyid kyis de dang de'i rnam pa nyid kyis rtogs pa'i phyir ro/ /de ltar sdud pa'i rim pas de'i bshad pa rang gi ngo bo bstan nas de nyid kyi ming gi rnam pa brjod pa'i phyir/ rnam par shes pa zhes bya ba gsungs te/ de nyid rang bzhin gyis 'od gsal ba'i ngo bo'o/ /de ni rang bzhin gyi rnam pas thams cad shes pa'i phyir rnam par shes pa zhes brjod do/ /chos dbyings dang zhes bya ba ni/ chos rnams kyi dbyings te/ rigs shes bya bar byas nas so/ /don dam pa dang zhes bya ba ni/ mchog gi ye shes kyi yul nyid kyi phyir dang/ mchog gi skyes bu'i don nyid kyi phyir dang/ rang nyid kyi dgos pa chen po nyid kyi phyir ro/ /bde ba che zhes bya ba ni/ sdug bsngal ma lus pa bzlog pas don dam byang chub sems kyi rnam pa'o/ /bzung dang 'dzin pa rnam grol ba zhes bya ba ni/ yul dang dbang po'i snang ba med pa'i phyir ro/ /byang chub sems ni zhes bya ba ni/ sku gsum gyi rnam pa'i byang chub kyi yul nyid kyi phyir ro/ /dri ma med ces bya ba ni/ nyon mongs pa dang shes bya las grol ba'i phyir ro/ /rdo rje sems dpa' zhes bya ba ni/ stong pa nyid kyis de kho na nyid mngon du byed pa'i rnam pa'o/ /zhi ba che zhes bya ba ni/ gdong ma nyid nas nye bar zhi ba nyid kyi phyir ro/ /gnyis med ye shes zhes bya ba ni/ de'i

  296. 148b

    bdag po nyid kyis zung du 'jug pa rdzogs pa'i phyir ro/ /rmad byung zhes bya ba ni/ 'bad rtsol med par sems can ni don la 'jug pas so/ /dbang bskur bzhi pa zhes bya ba ni/ dbang bzhi pa'i ngo bo'o/ /bde ba dang zhes bya ba ni/ dpe'i sgo nas mtshon pa'o/ /bzhi pa'i dga' ba zhes bya ba ni don gyi lhan cig skyes pa'i rnam pa dga' ba bzhi'i ngo bo'o/ /go 'phang mchog ces bya ba ni mi slob pa'i lam gyi rnam pa nyid kyi phyir ro/ /de sogs ming gi bye brag gis shes bya ba ni/ ming gi dbye bas so/ /gsungs pa yin zhes bya ba ni/ brjod pa'o/ /go 'phang mchog ni zhes bya ba ni/ bcom ldan 'das kyi ngo bo'o/ /spro dang bsdu ba'i dbye ba yis shes bya ba ni/ gnyi ga'i rnam pas so/ /ji lta ba bzhin du zhes bya ba ni/ phyin ci ma log pa'i ngo bos so/ /rim pa zhes bya ba ni go rims kyis so/ /de ltar rnam pa gnyis kyis bsdu ba'i rim pas brten pa'i dkyil 'khor bshad do/ /de ltar brten pa'i dkyil 'khor bshad nas/ nye bar bsdu pa brjod pa'i phyir/ de ltar bskyed nas rdzogs pa ni/ zhes gsungs te/ le'u 'di nyid las bstan pa'o/ /bla ma'i zhal las shes bya ba ni/ slob dpon gyi shes par bya zhes bya ba'i don to/ /rang rig pa zhes bya ba ni/ ngag gi yul ma yin pa nyid kyi phyir rang gi rig par bya ba'o/ /ye shes mchog ces bya ba ni/ bsgom bzhin pa nyid kyi ye shes mchog gi rgyur gyur pa nyid kyi phyir ro/ /zhi ba zhes bya ba ni/ phyi rol gyi spros pa nye bar zhi ba nyid kyi phyir ro/ /gnyis med mtshan nyid can zhes bya ba ni/ tha dad pa'i snang ba nye bar chad pas gcig pa la chos kyi dbyings tsam po'i lhag ma nyid kyi phyir ro/ /rnal 'byor chen po'i rgyud dpal rdo rje phreng ba'i rgya cher 'grel pa paN+Di ta a li ka ka la shas mdzad pa/ zab mo'i don shin tu gsal bar byed pa/ zhes bya ba las/ le'u bco brgyad pa'i rgya cher bshad pa'o// //de ltar le'u bco brgyad pas rnal 'byor pa'i lus la rtsa bsdus pa'i yul la dri ba'i lan gdab pa'i

  297. 149a

    phyir brjod nas/ de ni sna tshogs la sogs pa skad cig gi yul la dri ba'i lan gdab pa'i phyir/ le'u bcu dgu pa nye bar ston cing de rtsom pa ni/ de nas shes bya ba la sogs pa gsungs te/ le'u bco brgyad pa bshad pa'i rjes su la'o/ /gzhan yang zhes bya ba ni/ sngar la ltos nas tha dad pa nyid kyi phyir ro/ /sna tshogs la sna tshogs skad cig 'gag mtshan nyid ces bya ba dang 'brel to/ /mtshan nyid ces bya ba ni/ sna tshogs la sogs pa skad cig thun mong ma yin pa'i de kho na nyid 'jug par byed pa'o brda bzhin zhes bya ba ni/ rang dang 'os pa'i brda'i ngo bo'o/ /yang dag ces bya ba ni/ phyin ci ma log pa'i ngo bos so/ /ji lta ba bzhin nyon zhes bya ba ni/ rtse gcig pa nyid kyis mnyan par gyis shig pa'o/ /de nyid ces bya ba ni/ kun rdzob dang don dam pa'i rnam pas shes bya ba'i don to/ /de ltar sna tshogs pa skad cig gi yul la dri ba'i lan 'debs par rtsom pa dngos su de bshad par rtsom pa ni/ rnam pa sna tshogs shes pa la sogs pa gsungs te/ rnam pa sna tshogs ni 'khyud pa dang 'o byed pa'i rnam pa nyid kyi phyir ro rnam par smin zhes bya ba ni/ de'i phyin ci log gi ngo bo nyid kyis bde ba'i ye shes la longs spyod pa'i phyir ro/ /rnam par 'joms dang zhes bya ba ni/ bde ba mthong ba'i bdag nyid kyi phyir ro/ /mtshan nyid bral zhes bya ba ni/ chags pa dang chags bral spangs pa'i phyir ro/ /bzhi zhes bya ba ni rnam pa bzhis so/ /skad cig ma zhes gsungs shes bya ba ni/ skad cig ma'i nyams su myong ba'i dngos po rnams kyi'o/ /zhes bya ba ni ming ngo/ /rnam par phye nas slar bshad pa zhes bya ba ni/ rab tu dbye ba rnams kyis brjod par bya ste/ da ni zhes bya ba ni de ltar ro/ /rnam pa sna tshogs mngon par 'dod ces bya ba ni/ bde ba chen po mngon par 'dod pa'o/ /'di man chad le'u bcu dgu pa'i mthar thug pa'i gzhung mdor te/ de'i phyir 'di bzhag pa'o/ /rnal 'byor chen po'i rgyud dpal rdo rje phreng ba'i

  298. 149b

    rgya cher 'grel pa/ paN+Di ta a la ka ka la shas mdzad pa/ zab mo'i don shin tu gsal bar byed pa zhes bya ba las le'u bcu dgu pa'i rgya cher bshad pa'o// //de ltar le'u bcu dgu pas sna tshogs la sogs pa skad cig gis yul la dri ba'i lan bstan nas/ da ni dga' ba la sogs pa'i rnam par dbye ba'i yul la dri ba'i lan brjod pa'o/ /le'u nyi shu pa ston par byed cing/ dang por re zhig de rtsom pa bstan pa'i phyir/ de nas zhes bya ba la sogs pa gsungs te/ le'u bcu dgu pa bshad pa'i rjes la'o/ /dga' ba bzhi'i mtshan nyid bshad par bya ba dang 'brel to/ /dga' ba bzhi po ni 'chad par 'gyur ba'i mtshan nyid can rnams kyi'o/ /mtshan nyid ni rang gi ngo bo 'jug par byed pa'o/ /ji ltar zhe na/ de'i phyir lugs 'byung zhes gsungs te/ 'khor lo bzhi la bltos pas lugs dang mthun pa rang lugs las ldog pa dag gis so/ /ji lta ba'i zhes bya ba ni/ phyin ci ma log pa'i ngo bos so/ /rim pa ji bzhin zhes bya ba ni/ rim pa ji lta ba bzhin du'o/ /de ltar de rtsom pa bstan nas/ dngos su de bshad pa'i yan lag 'og tu rgyu ba la brten nas/ dga' ba la sogs pa'i rnam par dbye ba bstan pa'i phyir/ dga' ba bde ba dang po ste/ zhes gsungs te/ cung zad bde ba'i rang bzhin nyid kyis dga' ba'i ngo bo'o/ /mchog tu dga' ba gnyis pa dang zhes bya ba ni/ snga ma las lhag pa'i rang bzhin nyid kyi phyir ro/ /dga' bral zhes bya gsum pa dang zhes bya ba ni/ chags bral gyi bdag nyid kyi phyir ro/ /bzhi pa lhan cig skyes par bshad ces bya ba ni/ dga' ba rnam pa gsum spangs pa nyid kyi phyir/ bcos ma ma yin pa'i ngo bo nyid kyi phyir ro// ji skad du/ dgyes pa rdo rje'i rgyud las/ cung zad bde ba dga' ba ste/ mchog tu dga' ba de las lhag /dga' bral chags pa bral 'gyur te/ bzhi pa 'di rnams dang ni bral zhes gsungs so/ /de ltar mdor bstan pa bshad nas/ lugs las ldog pa'i

  299. 150a

    rim pas dga' ba la sogs pa'i rnam par dbye ba brjod pa'i phyir/ sprul pa'i 'khor lo dga' ba dang zhes bya ba gsungs te/ dga' ba'i sgras brjod par bya ste/ byang chub kyi sems kyi rten du gyur pa nyid kyi dbus su a'i yi ge yod pa'i phyir dang/ gyen du rgyu bas byang chub kyi sems khyer ba'i phyir ro/ /mchog dga' chos kyi 'khor lor gnas zhes bya ba ni/ der de bzhin gshegs pa dang lha mo'i sa bon mchog gis ngo bo rnams yod pa'i phyir ro/ snga ma bzhin du rgyu bas byang chub kyi sems khyer ba'i phyir ro/ /longs spyod dga' ba bral ba dang zhes bya ba ni/ ro drug la longs spyod pas de'i yul la dga' ba dang dga' bral sngar bzhin byang chub kyi sems thob pa'i phyir ro/ /lhan cig skyes dang bde ba che zhes bya ba ni/ bde ba chen po'i 'khor lo lhan cig skyes pa'i ngo bo ste/ de la ha yig gi dbyibs mi shigs pa yod pa'i phyir dang/ rang nyid kyis byang chub kyi sems dang lhan cig tu 'dres pas khyad par can gyi bde ba nyams su myong ba nyid kyi phyir ro lugs ldog rim pa zhes su gsungs zhes bya ba ni/ sngon du gsungs pa'i rim pa 'dis lugs las ldog pa'i mtshan nyid rim pa ma yin pa'i rang bzhin gsungs te/ de ltar lugs las ldog pa'i rim pas dga' ba la sogs pa'i rnam par dbyer bstan pas/ lugs las byung ba'i rim pas de'i rnam par dbye ba'i yan lag gi ngo bo bstan pa'i phyir/ der rjes lugs 'byung bshad bya ste/ zhes gsungs te/ go rim gyi ngo bo'o/ /bde chen 'khor lo spyi bo la zhes bya ba ni/ 'dab ma sum cu rtsa gnyis pa 'khor lo'i mthar thug pa la'o/ /de ni dga' bar bshad pa yin zhes bya ba ni/ ye shes kyi mes gdungs pa'i stobs kyis zhu bar byed pa'i byang chub kyi sems kyi khams de las 'phro ba'i phyir ro/ /de ni zhes bya ba ni/ de'i rjes la'o/

  300. 150b

    longs spyod ces bya ba ni/ longs spyod kyi 'khor lo 'dab ma bcu drug pa la me'i 'khor lo'i mthar thug par mchog dga' o/ /mgrin pa las lhag pa'i gnas kyi mthar thug par cung zad yan lag thams cad la byang chub kyi sems kyis khyab pa'i phyir ro/ /dga' bral chos kyi 'khor lor gnas zhes bya ba ni/ rtsa brgyad kyi chos kyi 'khor lo ste/ byang chub kyi sems kyis de thob pas chags pa dang chags bral dag la de nyid du rig pa'i phyir ro/ /'dir yang tha mal pa'i dang rnal 'byor pa'i dga' bral gyi gnas skabs bla ma'i zhal las rtogs par bya'o/ /sprul pa'i 'khor lor lhan cig skyes zhes bya ba ni/ sprul pa'i 'khor lo nas gsang ba'i bar du thob pas lhan cig skyes pa'i dga' ba'i gnas skabs rtogs par bya'o/ /de nyid la bla ma'i man ngag gi stobs kyis don gyi lhan cig skyes pa bsgoms pa zhes par bya'o/ /de nyid kyi phyir gsungs pa/ nyams su myong bar byed ces bya ba ste/ khyad par du 'phags pa'i gdams ngag bsgoms pas zhes bya ba'i don to/ /de ltar lugs las byung ba'i rim pas de rnam par 'byed pa rang gi ngo bo bstan nas/ gnas skabs kyi dbye ba de rnam par dbye ba'i phyir/ lha dang 'gugs dang zhes bya ba gsungs te/ rnal 'byor pha dang rnal 'byor ma'i lta ba ni mthong ba ste/ bya ba'i rnam pa dgug pa gang yin pa'i rnam pa khyad par can gyi dam tshig rtogs par byed pa gang yin pa de ni lha dang 'gugs pa'o/ /de bzhin brda zhes bya ba ni/ lus ngag gi ngo bo'i rnal 'byor pa rnams kyi brda'o/ /kha la 'o ni byed pa yi zhes bya ba ni/ mchus mchu 'jib par byed pa'o/ /de nyid kyi phyir kha la zhes gsungs te/ gdong gi 'o dga' ba'i gnas skabs zhes bya ba ni/ de lta bu'i ngo bo dga' ba'i gnas skabs shes par bya ba'o/ /ji lta bus shes nas/ de'i phyir rnam pa sna tshogs mtshan nyid do zhes bya ba gsungs te/ 'khyud pa dang 'o byed pa la sogs pa snga ma bzhin zhes bya ba'i tha

  301. 151a

    tshig gi /ji skad du/ gsang ba 'dus pa'i rgyud phyi ma las/ /sna tshogs rnam pa sna tshogs grags/ /'khyud dang 'o byed la sogs pa/ /zhes gsungs so/ /rnal 'byor rnal 'byor ma mchog tu zhes bya ba ni/ rnal 'byor dang rnal 'byor ma ni/ thabs dang shes rab dag gis yang dag par 'byung ba ni skye ba'o/ /skra la 'dzin pa dang zhes bya ba ni/ skra 'phyang ba'i rnam pa ste/ de ni gcig gi /de bzhin zhes bya ba ni/ rdo rje dang pad+ma'i sbyor ba'i rnam pa ni/ gnas skabs gnyis pa'o/ /skad cig mchog ces bya ba ni/ mchog dga' i gnas skabs kyi ngo bo ni skad cig ces bya bar brjod do/ /rnam smin skad cig ces bya ba ni/ gnas skabs de nyid ni rnam smin skad cig go /rnam smin de'i phyin ci log go /de nyid rgyur ni rnam par shes zhes bya ba ni/ de nyid ni lhan cig skyes pa'i rgyu'i rgyu zhes brjod par bya'o/ /lte ba'i dbus nas rab gsal gnas zhes bya ba ni/ las kyi rlung dang sbyar bas 'bar ba'i phyir rab gsal la'o/ /lte ba'i dbus na gnas shes bya ba ni/ sprul pa'i 'khor lo'i dbus na gnas pa'o/ /gtum mo yang zhes bya ba ni gtum mo'i las byed pa'i phyir ro/ /rnam rtog 'joms zhes bya ba ni/ sngags la sogs pa'i rnam par rtog pa 'joms pa'i phyir ro/ /ci zhig byas nas she na/ de'i phyir bde ba chen po'i 'khor lo zhes gsungs te/ mgo bor gnas pa'o/ /zhu bar byed ces bya ba ni 'dzag par byed pa'o/ /mchog gi cha ni zhes bya ba ni/ byang chub kyi sems zla ba'i dkyil 'khor gyi ngo bo'o/ /dga' bral nyams su myong ba ni/ dga' bral nyams su myong ba'o/ /gnas skabs zhes bya ba'i tha tshig go /bde ba ni kun rdzob pa rtogs pa'i ngo bo nyid kyi phyir ro/ /rnam 'joms skad cig mtshan nyid do zhes bya ba ni/ ji skad du rnam 'joms mthong ba zhes brjod do/ /bde ba bdag gis longs spyod do zhes bya ba'o/ /de las ro gcig dngos po

  302. 151b

    ni zhes bya ba ni/ gtum mos gdungs pa'i byang chub kyi sems lhung ba'i de ma thag par ro/ /ro gcig par gyur pa'i byang chub kyi sems kyi khams so/ /rtsa ni gcig gi rgyud la brten zhes bya ba ni/ rdo rje'i rtsa gcig las 'bab pas na rtsa gcig gi rgyun las 'bab pa'o/ /bde ba chen po'i go 'phang zhes bya ba ni/ de nyams su myong ba sngon du 'gro bas lhan cig skyes pa'i bde ba skyed pa'i phyir ro/ /zhi zhes bya ba ni/ mi mthun pa'i phyogs 'joms pa'i phyir ro/ /lhan cig skyes dga' i mtshan nyid ni zhes bya ba ni/ ma bcos pa'i nyams su myong ba'i ngo bo'o/ /mtshan nyid bral skad cig ces bya ba ni/ de las gzhan pa'i gnas skabs gsum gyis mtshan nyid dang bral ba'i phyir ro/ /ji skad du/ mtshan nyid bral ba gsum las gzhan chags dang chags bral rnam spangs zhes bya ba gsungs so/ /bde ba'i zhes bya ba ni/ gdams ngag gi rjes su 'brangs nas sgom par rab kyi mthar thug par grub pas rtag tu dga' ba'i rang bzhin nyid kyi phyir ro/ /gsungs zhes bya ba ni brjod pa'i/ mchog tu rmad du byung zhes bya ba ni/ 'dod chags kyi spyod pa'i stobs kyis byang chub mngon du byed pa'i rnam pa'o/ /de ltar rnam pa gnyis kyis lugs las 'byung ba'i rim pas de'i rnam par dbye ba bstan nas/ lugs las bzlog pa'i rim pas de'i rnam par dbye ba bshad pa'i phyir/ rlung gi de nyid rjes 'gro bas shes bya ba gsungs te/ le'u bcu gnyis par gsungs pa'i rim pas rlung gi de nyid sgom pa'i rim pas so/ /de nyid ces bya ba ni byang chub kyi sems so/ /rgyun ni steng song nas shes bya ba ni/ slar yang rdo rje'i lam nas/ bde ba chen po'i 'khor lo'i bar du khyer bar byed pa'o/ /rnal 'byor pas ni zhes bya ba ni rlung gi de kho na nyid bsgom pa pos so/ /sgrub par byed ces bya ba ni/ rlung gi de kho na nyid la goms par bya ba'i phyir/ byang chub kyi sems la'o/ /de

  303. 152a

    las sbrul pa'i 'khor ni zhes bya ba ni/ rdo rje'i rtse mo las sprul pa'i 'khor lor thob pa la'o/ /dga' ba zhes bya ba rnam par shes zhes bya ba ni/ cung zad bde ba'i rang bzhin nyid kyi phyir ro/ /bde ba kun gyi yang dag rten zhes bya ba ni/ 'jig rten dang 'jig rten las 'das pa'i rang bzhin no/ /rnam pa sna tshogs skad kyis gsungs zhes bya ba ni rnam pa sna tshogs pa'i bde ba la nye bar dmigs pa'i phyir ro/ /stong nyid kun gyi gzhi yi mchog ces bya ba ni/ rtag tu rang bzhin gyis 'od gsal ba'i rgyu nyid kyi phyir ro/ /mchog ces bya ba ni/ mchog gi rang bzhin nyid kyi phyir ro/ /chos kyi 'khor lo zhes bya ba ni/ snying ga las so/ /steng zhes bya ba ni lugs las ldog pas/ bsgrub bya ba zhes bya ba ni/ sngon bzhin du byang chub kyi sems dbang du gyur pa la'o/ /rnal 'byor pa'i zhes bya ba ni/ sngar bzhin no/ /gnas skabs zhes bya ba ni/ bde ba'i gnas skabs so/ /mchog dga' zhes bya ba ni/ de'i ming gis brjod par bya ba nyid kyi phyir ro/ /rnam smin skad cig ces bya ba ni/ sngon gyi gnas skabs las rnam par smin pa'i phyir ro/ /longs spyod 'khor lo zhes bya ba ni/ steng du byed pa'i skad cig la ste/ byang chub sems steng du rgyu ba'i skad cig la'o/ /gnas skabs bral ba'i dga' ba ni/ zhes bya ba ni/ dga' bral gyi gnas skabs su'o/ / rnam rnyed skad cig mtshan nyid ni zhes bya ba ni/ longs spyod kyi 'khor lo'i byang chub kyi sems thob pa'i rnam par rtog pa khyad du 'joms pa'i mi mthun pa'i phyogs bzlog pa'i phyir ro/ /bde ba chen po'i 'khor lo che zhes bya ba ni/ mgo bo'i gnas su'o/ /de thob mtshan nyid skad cig ma zhes bya ba ni/ bde ba chen po'i 'khor lo'i zla ba dang lhan cig tu sems kyi thig le gyen du rgyu ba dang 'dres pa'i skad cig la'o/ /lhan cig skyes pa'i gnas skabs ni zhes bya ba ni/ de'i ming gis brjod par gyur pa nyid kyi

  304. 152b

    phyir ro/ /mtshan nyid dang bral skad cig gi zhes bya ba ni/ chags pa dang chags bral las grol ba nyid kyi phyir ro/ /de ltar lugs las ldog pa'i rim pas de'i rnam par dbye ba bstan nas/ rtsa rnams kyi nam mkha' la rnal 'byor pa'i tshogs kyi nges pa brjod pa'i phyir/ de'i yan lag rang gi ngo bo bstan pa sngon du 'gro bas/ de rnams kyi bya ba bstan pa ni/ rtsa rnams kun gyi nam mkha' che zhes gsungs te/ 'khor lo bzhi rnams sam 'khor lo drug gi rtsa'i nam mkha' khong stong gi ngo bo la'o/ rnal 'byor ma tshogs yang dag rten ces bya ba ni/ las dang rdo rje dang/ pad+ma la sogs pa'i ming gis 'chad par 'gyur ba'i le'u nyi shu rtsa bdun pa las so/ /rab sang ces bya ba ni/ rang nyid kyi ngo bo rab tu sang ba'i phyir ro/ /de las zhes bya ba ni/ rab tu sang ba'i rjes la'o/ /gnas skabs mtshan nyid gcig pa zhes bya ba ni/ lhan cig skyes pa'i de kho na nyid thob bas khams ro mtshungs pa zhes bya ba'i don to/ /yul chen po ni nyams su myong zhes bya ba ni/ gnyis ka dang sbyor ba'i dbang gis lhan cig skyes pa'i rnam pa'i yul la myang bar byas nas so/ /yang na go tsa ra zhes bya ste/ go ni rdo rje ste/ de la tsa ra ni sbyong ba la kun rdzob kyi byang chub kyi rnam pa'o/ /de nyid la 'dzin par byed pa'i phyir chen po'o/ /slar yang rnam 'gyur med par 'gro /zhes bya ba ni/ las dang po pa la bltos nas de skad brjod pa'o/ /las dang po pa yin pa la bltos nas de rnams la nam yang 'gyur ba med do/ /rtag tu lhan cig skyes pa'i ngo bo las de rnams ma g.yos pa'i phyir ro/ /de ltar rang gi ngo bo bstan pa sngon du 'gro bas/ de rnams ni bya ba brjod nas/ rnam par dag pa bshad pa'i phyir ro/ /rab tu sang ba'i gnas skabs mdza' zhes bya ba ni/ de ma thag par bshad pa'i lta lugs su 'byung ba'i rim pas dga' ba la sogs pa bzhi dang sna tshogs la sogs pa skad cig ma bzhi'i ngo bo dang/ de bzhin du lugs las ldog

  305. 153a

    pa'i rim pas kyang brgyad du gsungs so/ /stong nyid bcu drug bdag nyid can zhes bya ba ni/ nang stong pa nyid la sogs pa ste/ grangs mtshungs pa dang mtshan nyid mtshungs pas so/ /bde chen go 'phang zhes bya ba ni/ lhan cig skyes ba'i ngo bo'i ye shes dang khyad par med pa'o/ /ci'i phyir zhe na/ rdo rje sems dpa' i go 'phang gnas zhes bya ba ste/ don dam byang chub kyi sems kyi ngo bo nyid kyi phyir ro/ /de ltar rnam pa gnyis kyis rtsa'i nam mkha' la rnal 'byor ma'i tshogs gnas pa bstan nas nye bar bsdu ba brjod pa'i phyir/ de ltar 'di ni dga' byed pa zhes bya ba gsungs te/ de ltar zhes bya ba ni/ sngar bshad pa'i rigs pas so/ /dga' ba bzhi po rnams kyi rnam par dbye ba ni/ khyad par ro/ /gang duAng gsal bar ma gsungs so/ /zhes bya ba ni snod dang mi ldan pa'i sems can rnams la sba bar bya ba nyid kyi phyir ro/ /rnal 'byor ma'i bka' drin gyis zhes bya ba ni/ ye shes mkha' 'gro ma'i man ngag gis stobs kyis so/ /shes par bya zhes bya ba ni/ rtogs par bya'o/ /bla ma'i zhal las shes zhes bya ba ni/ rdo rje slob dpon gyi zhal las shes bya ba'i don to/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a langka ka la shas mdzad pa/ zab mo'i don shin tu gsal bar byed pa zhes bya ba las le'u nyi shu pa'i rgya cher bshad pa'o// // de ltar le'u nyi shu pas dga' ba la sogs pa'i rnam par dbye ba'i yul la dri ba'i lan brjod nas/ de ni thig le gsum gyi rnam par dbye ba'i yul la dri ba'i lan brjod pa bstan pa'i phyir/ le'u nyi shu rtsa gcig pa ston par byed cing/ dang por re zhig de rtsom par bstan pa ni/ de nas shes bya ba la sogs pa gsungs te/ le'u nyi shu pa bshad pa'i rjes la'o/ /gzhan yang zhes bya ba ni/ sngar la bltos pa tha dad pa nyid kyi phyir ro/ /nyon zhes bya ba ni phyag na rdo rje thos pa la sbyar ba nyid kyi phyir ro/ /thig le gsum

  306. 153b

    ni bshad par bya zhes bya ba dang 'brel to/ /rdzas dang sngags dang/ 'od kyi ngo bo nyid kyis mtshungs pa nyid kyi phyir ro/ /bla na med pa zhes bya ba ni/ bla na med pa'i ngag 'od gsal ba nyid kyi phyir ro/ /des ci zhig byed ce na/ de'i phyir gang gis zhes bya ba gsungs te/ thig le gsum gyis so/ /shes pa tsam gyis zhes bya ba ni/ thos pa la sogs pa'i rim pas khong du chud pa tsam gyis so/ /dngos grub 'gyur zhes bya ba ni/ sems bstan pa'i ngo bo'o/ /ji ltar zhe na/ de'i rnal 'byor pa'i zhes bya ba gsungs te/ rim pa gnyis bsgom pa la gnas pa'o/ /de ltar de rtsom pa bstan nas/ dngos su de brjod pa'i phyir/ de'i yan lag thig le gsum gyi ngo bo rdzas kyi thig le bshad pa ni/ rtsa rnams kun tu dbab pa dang zhes gsungs te/ phyi rol gyi thabs shes rab snyoms pas lus su rtogs pa'i rtsa rnams thams cad la dbab pa ni gzhug pa'i phyir ro/ /byang chub sems ni zhes bya ba ni/ kun rdzob kyi rnam pa bde ba chen po'i gnas su zhu bar gyur nas 'byung ba ste/ de las so/ /bstan byas pa zhes bya ba ni/ 'chad par 'gyur pa'i rigs pas bstan par byas pa'o/ /sems de nyid las thabs shes rab kyi ngo bo bsgom pa po la bltos pas so/ /rdo rje'i rtse dang pad+ma'i rtser/ /rlung ni gzung ba'i skad cig la zhes bya ba ni/ rlung ni srog gi rlung ste/ rnal 'byor mchog gi thob par byed ces bya ba dang 'brel to/ /gzhan yang thabs gang gis rdzas kyi thig le gzung bar bya zhe na/ de'i phyir rkan la yi ge'i sbyor ba dang zhes gsungs te/ rkan ni chos 'byung gi dbus su shin tu ring ba'i rtsa'i ngo bo'o/ /de la rdebs pa'i sbyor ba ni/ shin tu dam pa nyid kyis brdabs pa'o/ /de'i sbyor ba ni rab tu sbyor bas so/ /k+Sh+miM? sngags kyi sbyor ba yis zhes bya ba ni/ rdo rje'i rtse mor bsgoms pas so/ /rnal 'byor zhes bya ba ni/ rlung gi de kho na nyid bsgoms pas so/ /thob par byed ces bya ba ni/ shin tu

  307. 154a

    rtogs par bya ba'o/ /mchog ces bya ba ni/ sems brtan pa'i rgyur gyur pa'i dog 'od gsal ba'o/ /rnal 'byor zhes bya ba ni/ ting nge 'dzin gyi khyad par ro/ /bde ba kun gyi gzhi zhes bya ba ni/ zag pa med pa'i bde ba'i gzhi'o/ /mchog ces bya ba ni so so'i skye bo'i mtshan nyid dang bral ba'i phyir ro/ /de ltar rdzas kyi thig le rgyas par bstan nas/ sngags kyi thig le rgyas par bshad pa brjod pa'i phyir/ chos kyi 'khor lo zhes bya ba ni/ snying ga'i gnas la'o/ /mchog ces bya ba ni/ mchog gi ngo bo ste sems kyi rten du gyur pa'i phyir ro/ /snying ga'i pad+ma'i lte ba la zhes bya ba ni/ snying ga'i chu skyes kyi dbus su'o/ /nges pa zhes bya ba ni/ nges par byas nas sems kyi zhes bya ba'i lhag ma'o/ hUM yig ces bya ba ni/ cha lnga pa'i rnam pa'i sngags kyi thig le la cha shas cha shas yongs su gyur pa las de grub pa'i phyir ro/ /thams cad stong pa'i bdag nyid ces bya ba ni sems kyi khyad par la'o/ /rang bzhin gyis 'od gsal ba ni don dam par sems nyid do/ /zhi ba zhes bya ba ni/ rang dang gzhan gyi don phun sum tshogs pa'i rgyu nyid du gyur pa'i phyir ro/ /dngos dang dngos med rnam par grol zhes bya ba ni/ don dam par rang bzhin med pa nyid kyi phyir/ dngos po las rnam par grol ba'o/ /yi ge'i ngo bo nyid kyis rnal 'byor pa'i shes pa la snang ba'i phyir dngos med las rnam par grol ba'o/ /ye shes lus can zhes bya ba ni/ ye shes kyi rang bzhin gyi lus kyi nye bar thob pa'i phyir/ phyogs yul dus dang rnam par bral zhes bya ba ni/ dngos po la yul dang dus dang rnam pa rnams kyis yongs su chad pa ma yin pa'o/ /thog ma bar dang tha ma spangs zhes bya ba ni/ /yi ge med pa'i bdag nyid kyi phyir ro/ /yi ge'i rang bzhin hUM yig la sogs pa la/ thog ma dang

  308. 154b

    bar ma la sogs pa tha dad par brtags pas legs pa ste/ 'di la yang de spangs pa nyid kyi phyir de bzhin du zhes bya ba'o/ /cha med ces bya ba ni cha dang bral ba nyid kyi phyir ro/ /rang gi ngo bos gnas zhes bya ba ni/ rang gi ngo bos gnas pa nyid kyi phyir ro/ / ngag gi dra ba yongs su spangs zhes bya ba ni/ spros pa med pa nyid kyi dag gi spros pa'i spyod yul ma yin pa nyid kyi phyir ro/ /gtan tshigs tshad ma dang bral zhes bya ba ni/ rtog ge pas yongs su brtags pa'i mngon sum dang rjes su dpag pa las phyi rol du gyur pa nyid kyi phyir gtan tshigs dang tshad ma dag gis spangs pa zhes bya ba byas nas so/ /rtog pa'i spyod yul 'das pa zhes bya ba ni/ rang rgyud log pa'i rnam par rtog pa las ring ba nyid du yul ma yin pa'i phyir ro/ /gnyis pa kun las rnam par grol zhes bya ba ni/ gnyis kyi rnam par rtog pa ma lus pas ma gos pa'o/ /rtag cing zhes bya ba ni/ rang bzhin gyis brtag pa'o/ /mchog tu zhes bya ba ni/ gcig tu rnal 'byor pa'i yul rtog pa nyid kyi phyir ro/ /zhi ba'o zhes bya ba ni/ de las 'bad pa med par gzhan don 'grub pa'i phyir ro/ /'di ni sngags kyi thig ler bshad ces bya ba ni/ snying ga'i gnas su rlung lnga'i bdag nyid cha lnga pa bsgoms pas so/ /zhe sdang gi rigs can gyi rnal 'byor pa la bltos pas so/ /dngos grub steng zhes bya ba ni/ rdo rje bzlas pa'i mtshan nyid can gyi dngos grub ster ba'i phyir ro/ /rnal 'byor rnams kyis zhes bya ba ni/ rlung gi de kho na nyid bsgom pa po rnams la'o/ /rtag pa'i zhes bya ba ni/ 'bras bu thob pa'i mthar thug pa zhes bya ba'i tha tshig go /de ltar sngags kyi thig le rgyas par bshad pa bstan nas/ 'od zer gyi thig le bstan pa'i phyir/ rlung gi thig le zhes bya ba gsungs te/ rlung lnga bsdus pa'i rnam pa'o/ /rnal 'byor mchog ces bya ba ni/ sems rtse gcig pa'i rgyur gyur pa'i

  309. 155a

    phyir ro/ /kha dog rnam lnga zhes bya ba ni/ rlung lnga po de bzhin gshegs pa lnga'i mdog can nyid kyi phyir ro/ /gsal ba che zhes bya ba ni/ 'bar ba'i rnam pas rnal 'byor pa'i shes pa snang ba'i phyir ro/ /sna rtser zhes bya ba ni/ kun rdzob kyi sna rtser ro/ /sbyor ba'i rnal 'byor zhes bya ba ni/ sgyu ma lta bu'i ting nge 'dzin gyis so/ /bsgom par bya ba ni/ rnal 'byor pas dmigs par bya ba nyid kyi phyir ro/ /kun nas kyang ni 'di 'dra a yig sngags kyi mchog ces bya ba ni/ rnam pa thams cad kyi a yig gi rnam pa'o/ /de dang phyi rol pa nyid kyis de med pa nyid kyi phyir ro/ /bzlas par bya zhes bya ba ni/ rlung gi grangs nye bar thob pa la'o/ /rnal 'byor pa yis zhes bya ba ni/ rlung gi de kho na nyid sgom pa pos so/ /de ltar 'od zer gyi thig le bsgom pa bshad nas/ thig le gsum bsgom pa'i phan yon brjod pa'i phyir/ snga ma bzhin du zhes bya ba ni/ le'u drug par bstan pa'i thig le'i dbye ba'i phan yon byas pa'i cho gas so/ /ji skad du/ de las rkang mgyogs gser 'gyur dang ni dug las rgyal ba dang yang me yi nang du 'jug pa la sogs dang/ mngon shes lnga yi go 'phang dang ni shin tu che ba'i ye shes rnams ni khyod kyis thob par 'gyur zhes bya ba la sogs pa gsungs so/ /ye shes lnga zhes bya ba ni/ me long lta bu la sogs pa'i sangs rgyas kyi ye shes lnga'o/ /mngon shes lnga'i mtshan nyid can zhes bya ba ni/ lha'i mig la sogs pa'i ngo bo/ /zhi ba la sogs de bzhin bsgrub ces bya ba ni/ 'jig rten pa'i dngos grub rnams so/ /ji skad du me dang rlung dang dbang chen dang/ /chu ste so so'i dkyil 'khor du/ /thun ni phyed phyed dus su ni/ /las ni gnyis gnyis gnas par 'gyur zhes gsungs so/ /thob par 'gyur zhes bya ba ni/ thig le gsum sgom pa po'i rnal 'byor pas so//

  310. 155b

    rim pa'i mtshan nyid can zhes bya ba ni/ skas kyi gdang bu'i rim pa'i rigs pas 'grub pa'i phyir cig car ni ma yin zhes bya ba'i don to/ /de ltar don rnam pa bzhis thig le gsum gyi ngo bo bstan nas/ de nyid kyi rtsa gsum gyi ngo bo brjod pa'i phyir/ de'i yan lag rang gi ngo bo bstan pa'i phyir/ sku gsung thugs kyi dbye ba yis zhes gsungs te/ 'di ni zhes bya ba ni sngon du gsungs pa'i thig le gsum sku la sogs pa'i dbye bas la la nA dang/ ra sa nA dang a ba d+hU tI'i ngo bo gsungs so// de la lus la sogs pa gnyis gang la yang 'brel bar bya ste/ de la lus kyi rtsa ni khrag 'bab pa'o/ /ngag gi rtsa ni khu ba 'bab pa'o/ /sems kyi rtsa ni rnam par rtog pa thams cad za bar byed pas na sgra can 'bab pa'o yang na lus kyi thig le ni/ gti mug gi rigs can gyi rnal 'byor pa la bltos nas 'od zer gyi thig le'i ngo bo'o/ /ngag gi thig le'i rdzas kyi thig le'i ngo bo 'dod chags kyi rigs can gyi rnal 'byor pa la bltos pas so/ /sems kyi thig le sngags kyi thig le'i ngo bo zhe sdang gi rigs can gyi rnal 'byor pa bltos pas so/ /bsdus nas zhes bya ba ni/ rtsa ma lus pa bsdus nas so/ /slar yang dbye ba ni/ slar yang dbye bas sna tshogs pa'i ngo bo nyid kyis so/ /'gro zhes bya ba ni 'gro ba'o/ /so sor zhes bya ba ni/ so so'i rtsa'i ngo bos so/ /de yang phan tshun te gcig la gcig gis zhes bya ba'i don to/ /yang na slar yang dbye ba ni/ rtsa gsum gyi ngo bo nyid dang/ thig le gsum ngo bo nyid kyis so/ /so so ma yin par khyab par zhes bya ba'i 'don pas so/ /phan tshun rtsa gsum 'am thig le gsum la'o/ /so so yin pa zhes bya ba ni tha mi dad pas so/ /khyab pa ni khyab par byed pa nyid du 'gyur zhes bya ba'i don to/ /de ltar rtsa gsum gyi ngo bo bstan nas/ thig le gsum la phan tshun du thig le gsum gyi ngo bo nyid brjod pa'i phyir/ khongs su? zhes bya ba gsungs te/ rdzas kyi thig

  311. 156a

    le zhes bya ba ni/ byang chub kyi sems kyi thig le'i ngo bo la'o/ /sngags dang rlung dag gi khongs su chud pa zhes bya ba dang 'brel to/ /sngags dang 'od zer gyi thig le dag khongs su chud pa zhes bya ba'i don to/ /rdzas kyi thig le la hUM yig gi rnam pa nyid kyi phyir rlung lnga'i bdag nyid kyi phyir ro/ /sngags kyi thig le zhes bya ba ni/ snying kar gnas pa'i hUM yig la'o/ /de nyid mchog ces bya ba ni/ sems kyi sa bon nyid kyi phyir mchog gi de kho na nyid kyi bdag nyid can no/ /thig le gnyis ni rdzas dang 'od ces bya ba ni/ khongs su bsdus pa zhes bya ba snga ma bzhin no/ /hUM yig rlung lnga'i bdag nyid kyi phyir dang/ byang chub sems kyi ngo bo nyid kyi phyir ro/ /slar yang rlung gi thig le yang zhes bya ba ni/ 'od zer gyi thig le'o/ /sngags dang rdzas kyi bdag nyid can zhes bya ba ni/ rdzas dang sngags kyi thig le dag nang du bsdus pa zhes bya ba ni snga ma bzhin te/ de la yang sngags dang rdzas phyi rol tu ma byas pa nyid kyi phyir ro/ /yang dag shes zhes bya ba ni/ ji ltar gnas pa'i ngo bo shes pa'o/ /'dir zhes bya ba ni 'jig rten 'dir ro/ /rnal 'byor pa yis zhes bya ba ni/ rlung gi de nyid bsgom pa po zhes bya ba'i don to/ /de ltar thig le gsum phan tshun du thig le gsum gyi ngo bo nyid bstan nas/ slar yang rtsa gsum gyi ngo bo rgyas par bstan pa brjod pa'i phyir/ zla ba nyi ma zhes bya ba la sogs pa gsungs te/ zla ba nyi ma mo'i rtsa gsum po mi rgyu ba rnams la'o/ /mtshan nyid do zhes bya ba ni/ thig le gsum gyi ngo bo nyid kyis mtshon pa zhes bya ba'i don to/ /gsum zhes bya ba brjod de/ de la mi shes pas gsum po de nyid gang yin snyam pa la/ de'i phyir la la nA zhes bya ba la sogs pa gsungs so/ /ji skad du/ dgyes pa rdo rje'i rgyud las/ /shes rab ngo bo la la nA/ /ra sa nA ni thabs kyis gnas/ /a ba d+hU tI dbus ma'i yul/ /gzung dang 'dzin pa rnam par spangs zhes gsungs so/ /sku gsung thugs kyi rang bzhin

  312. 156b

    dang/ /de nyid du ni zhes bya ba ni/ gsum nyid ni de ma thag par gsungs pa'i rigs pas de ma thag par gsungs pa'o/ /yongs su grags zhes bya ba ni brjod pa'o/ /steng dang 'og tu khyab pa nyid ces bya ba ni/ rtsa gsum gtso bor gyur pa de rnams ni/ gtso bo'i rtsa rnams so// so sor lu gu rgyud tshul zhes bya ba ni/ dbus su mdud pa brjod par 'dod pas steng dang 'og gi dbye bas/ tha dad pa'i phyir drug nyid du 'gyur ro/ /ji skad du/ bshang gci zla ba nyi ma dang/ /sgra gcan dus me'i rtsa rnams ni/ drug ces bya ba la sogs pa'o/ /rtsa rnams kun la khyab nas ni/ zhes bya ba ni/ de ma thag par gsungs pa'i gsungs pa de nyid ni/ de las gzhan pa rnams la zhes bya ba'i don to/ /de med par de las gzhan pa rnams kyi ngo bo ma grub pa'i phyir zhes bya ba ni tha tshig go /yang dag par rim par zhes bya ba ni bla ma'i gdams ngag la brten nas/ thams cad mkhyen pa'i gsung gi tshad mas so/ /gnas zhes bya ba ni rnam par gnas pa'o/ /de ltar slar yang rtsa gsum gyi ngo bo nyid kyis rgyas par bstan nas nye bar bsdu ba sngon du 'gro bas phan yon brjod pa'i phyir/ de ltar rnal 'byor zhes bya ba gsungs te/ sngar gsungs pa'i thig le gsum gyi ngo bo 'am rtsa gsum gyi ngo bo'o/ /mchog tu zhes bya ba ni/ mchog gi go 'phang thob par byed pa'i rgyu nyid kyi phyir ro/ /phra zhes bya ba ni/ sgom pa pos rig par bya ba nyid kyi phyir ro/ /shes dang shes bya rnam par spangs zhes bya ba ni/ 'bras bu'i gnas skabs las gzung dang 'dzin pa rnam par spangs pa nyid kyi phyir ro/ /yang na shes pa ni kun rdzob byang chub sems kyi ngo bo'o/ /shes bya ba ni 'od zer dang sngags kyi thig le'i ngo bo ste/ de spangs pa'i phyir ro dngos grub thams cad kyi ni gzhi zhes bya ba ni/ 'jig rten dang 'jig rten las 'das pa'i dngos grub la brten nas so/ /rnal 'byor chen po zhes bya ba ni/ ting nge 'dzin gyi khyad par 'phags pa nyid kyi phyir ro/ /rmad byung che zhes bya ba ni/ rtsa dang khams

  313. 157a

    kyi ngo bo'i thabs la brten nas byang chub kyi ngo bo mngon du byed pas na/ ngo mtshar skyed pa zhes bya ba'i don to/ /de ltar don rnam pa bzhis de nyid kyi rtsa gsum gyi ngo bo nyid bstan nas bcos ma'i brtul zhugs la sogs pa yongs su ngor nas de sgom pa po la brjod pa'i phyir/ gso sbyong ma yin zhes bya ba gsungs te/ thig le gsum bsgom pa po'i rnal 'byor pa la gso sbyong la sogs pa'i ngo bo mi dgos te/ mchog gi go 'phang thob pa'i phyir dang/ sa dgu pa la nye bar gnas pa'i phyir ro/ /bzlas pa min zhes bya ba ni/ gang gi bzlas pa la sogs pa ste/ dbugs kyi 'khor lo nyid rang bzhin gyi grub pa nye bar mtshon pa'i phyir ro/ /phreng bas ma yin zhes bya ba ni/ mi rus kyi phreng ba la sogs pa ma yin no/ /srog rtsol rang bzhin gyis grub pa la phreng ba nyid kyi phyir ro/ /'dzin pa min zhes bya ba ni/ ras bris la sogs pa la sems 'dzin mi dgos te/ sna rtse rnam pa gsum thig le rnam pa gsum 'dzin pa'i phyir ro/ /grangs min zhes bya ba ni/ brgya rtsa brgyad dam stong la sogs pa'i ngo bo ma yin te/ nyin zhag gcig la nyi khri chig stong drug brgya'i dbugs nyams su myong ba'i phyir ro/ /cha min zhes bya ba ni/ zla ba'i dkyil 'khor gyi ngo bo bsgoms pas sam/ yi ge bsgoms pa'i ngo bo ma yin te/ dus thams cad du cha dang bral ba'i rnam pa chos nyid la dmigs pa'i phyir ro/ /sbyin sreg min zhes bya ba ni zhi ba la sogs pa dang/ dbye bas tha dad pa ni ma yin te/ 'od gsal gyi mes rang bzhin gyi rnam par rtog pa bsreg pa'i phyir ro/ /'byin byed ces bya ba na/ phyi rol pa'i grub mdza' i dgongs pas 'byung ba'i rlung gi ngo bo ni ma yin no/ /'gengs byed kyis ni min zhes bya ba ni/ de nyid kyis 'jug pa'i rlung gi ngo bo dgos pa ma yin te/ 'jug pa dang gnas pa dang/ ldang pa gsum spangs pa'i ma ning gi

  314. 157b

    bzlas pa mtshon par byed pa nyid gyi phyir/ gal te de ltar yin na 'o na ji ltar thob par 'gyur zhe na/ de'i phyir gcig pus min zhes bya ba ni/ mchog gi gcig pus so/ /rnal 'byor rang rig pas 'byung ba dang rdung ba rjes su dran pas/ sgyu ma lta bu'i ting nge 'dzin la brten nas rang rig par bya'o/ /ye shes chen po'i go 'phang ni zhes bya ba ni/ 'od gsal gyi ngo bo thig le gsum bsgom pa'i ngo bo'o/ /zhi zhes bya ba ni gzhan gyi don la 'bad pa med par 'grub pa'i phyir ro/ /de ltar bcos ma'i brtul zhugs ba sogs pa spang ba bstan nas/ de'i phan yon brjod pa'i phyir/ mngon par shes pa lnga dang ni zhes bya ba gsungs te/ lha'i mig la sogs pa'i ngo bo'o/ /de bzhin zhes bya ba ni/ mngon par shes pa thob pa'i shes pa'o/ /ye shes lnga zhes bya ba ni/ me long la sogs pa rnams so/ /thob ces bya ba ni rnyed pa'o/ /mchog ces bya ba ni gcig pu'o/ /sngar bshad pa'i rnal 'byor gyi che ba'i bdag nyid kyis zhes bya ba'i don to/ /'dis ni 'jig rten las 'das pa'i dngos grub gsungs so/ /'jig rten las 'das pa'i dngos grub bstan pa'i phyir/ zhi sogs bya ba yang dag ni zhes bya ba gsungs te/ zhi ba la sogs pa'i las tshogs thams cad do/ /yang dag ces bya ba ni/ phyin ci ma log pa nyid kyis so/ /thig le gsum ni sgom pa po zhes bya ba ni/ bshad ma thag pa'i rlung gi sgom pa po'o/ /bsgrub ces bya ba ni/ rim pa lnga'i rjes su 'brangs nas zhes bya ba'i don to/ /ji skad du/ rdo rje bzlas pa'i rim pa las/ ye shes lnga'i rang bzhin dbugs zhes gsungs pas so/ /de bzhin du/ rdo rje bzlas pa 'di yis ni/ cho ga ji bzhin bsnyen byas nas zhes gsungs so/ /'di gcig du bsgrub par ma zad kyi ji srid du 'di yang zhes bya ba gsungs te/ rnal 'byor mchog gi zhes bya ba ni/ rjes thob kyi ting nge 'dzin gyi ngo bo'o/ /stong nyid ye shes mtshan nyid ni/ ngag rnam par dbyen pa'i rang gi

  315. 158a

    ngo bo zhes bya ba'i don to/ /de ltar rnam pa gnyis kyis bcos ma'i brtul zhugs la sogs pa spang ba bstan nas/ thig le gsum gyi rnam grangs? brjod pa'i phyir/ ye shes sems dpa' zhes bya ba la sogs pa gsungs te/ thig le gsum yang dag par ming gi rnam grangs kyis ye shes sems dpa' zhes bya ba la sogs pa'i tshig gi shes par bya ba dang 'brel to/ /de la ye shes sems dpa' ni ye shes lnga'i rang bzhin gyi 'od zer gyi thig le la'o/ /rdo rje sems dpa' zhes bya ba ni/ rdzas kyi thig le'o/ /'di la sems dpa' yod pas snyam du bsams nas so/ /dam tshig sems dpa' zhes bya ba ni/ sngags kyi thig le'o/ /dam tshig gi ngo bo mi bskyod pa la/ de'i rnam pa nyid kyi phyir ro/ /gnas dang grangs kyi dbye ba yis zhes bya ba ni/ gnas ni sna rtse rnam pa gsum mo/ /grangs kyi zhes bya ba ni phan tshun so so nas thig le gsum gyi ngo bo dang rtsa gsum gyi ngo bo nyid do/ /gnas dang grangs ni gnas dang grangs dag go /de'i dbye ba de'i rab tu dbye bas so/ /shes par bya zhes bya ba ni rtogs par bya ba'o/ /bla ma'i zhal las zhes bya ba ni ma 'ongs pa'i dus su rdo rje slob dpon gyi zhal nas shes bya ba'i tha tshig go /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa las le'u nyi shu rtsa gcig pa'i rgya cher bshad pa'o// //de ltar le'u nyi shu rtsa gcig pas thig le gsum gyi rnam par dbye ba'i yul la dri ba'i lan brjod nas/ da ni yi ge gsum gyi yul la dri ba'i lan brjod pa'i phyir/ le'u nyi shu rtsa gnyis pa ston par byed cing/ dang por re zhig de rtsom pa ni de nas zhes bya ba la sogs pa gsungs te/ le'u nyi shu rtsa gcig pa'i rjes la'o/ /gzhan yang zhes bya ba ni/ sngar la bltos pas tha dad par byas pa ste/ yi ge gsum

  316. 158b

    bshad par bya zhes bya ba dang 'brel to/ /ji ltar zhe na/ de'i phyir de nyid ces bya ba gsungs te/ yi ge re re la rnam pa gsum dbye bar byas pas zhes bya ba'i don to/ /ji lta bu zhe na/ de'i phyir go 'phang mchog ces bya ba gsungs te/ mchog ni gsang ba gsum gyi rnam pa la 'dug pa'i gnas yin pa'i phyir ro/ /sku zhes bya ba la sogs pa ni/ sku la sogs pa'i stong pa nyid kyi ngo bo gsum po rnam par snang mdzad la sogs pa rnams kyi snying po ste/ de rnams skyed par byed pa nyid kyi phyir ro/ /dam tshig bdag nyid ni zhes bya ba ni khyad par du 'phags pa'i brda'i ngo bo nyid kyi phyir dang/ 'gong bar mi bya ba nyid kyi phyir ro/ /yi ge gsum ni zhes bya ba ni/ oM yig la sogs pa gsum mo/ /sku gsung thugs kyi snying po zhes bya ba ni/ ma dag pa'i sku la sogs pa gsum bzlog nas/ rnam par dag pa'i lus la sogs pa rnams la rgyu nyid kyi phyir ro/ /ji lta ba bzhin bshad ces bya ba ni/ ji ltar grags pa'i rgyud sde rnam pa lnga la'o/ /de nyid nyon cig ces bya ba ni phyag na rdo rje thos pa la sbyar ba'o/ /rnam phye zhes bya ba ni dbye bas so/ /ji lta ba bzhin zhes bya ba ni phyin ci ma log pa'i ngo bos so/ /bshad ces bya ba ni brjod par bya ba'o/ /da ni zhes bya ba ni/ da ltar nyid du zhes bya ba'i don to/ /de ltar de rtsom pa bstan nas/ dngos su de bshad pa brjod pa'i phyir/ de'i yan lag mdor bstan pa ni/ oM yig ces bya ba ni/ don gyis stong pa'i yid kyi rang bzhin no/ /sku'i rdo rje'o zhes bya ba ni/ sku stong pa nyid kyi ngo bo rnam par snang mdzad kyi rang bzhin no/ /snying po nyid du yang dag par bshad ces bya ba ni/ sa bon gyi ngo bor gsungs so zhes bya ba'i don to/ /de ltar mdor bstan pa bshad nas/ de nyid la rab tu dbye ba'i sgo nas rgyas par bstan pa brjod pa'i phyir/ yi ge a ni zhes bya ba la sogs pa gsungs te/ mdo ji lta ba bzhin no/ /yi ge oM ni yi ge gsum gyi ngo bo zhes bya ba'i don to/ /de ltar rab tu dbye ba'i sgo nas/

  317. 159a

    rgyas par bshad pa bstan nas/ so sor rgyas par bshad pa'i yan lag a yig la gnas brjod pa sngon du 'gro bas de'i che ba'i bdag nyid bstan pa'i phyir/ a ni chos kyi 'khor lo pad+ma zhes bya ba gsungs te/ a yig ni srog gi rlung gi rnam pa'o/ /chos kyi 'khor lo'i chu skyes ni pad+ma'o/ /de la brten nas rlung gi 'khor lo zhes bya ba ni/ smin ma'i dbus su gnas pa'i rtsi bas drug pa la'o/ /khyab ces bya ba ni/ de'i mthar thug par khyab nas gnas pa'o/ /a yig gi rnam pa ji lta bu zhe na de'i phyir sgrib med ces bya ba gsungs te/ mi mthun pa'i phyogs rnams kyis zil gyis mi non pa'i phyir dri ma med pa'o/ /rlung chen po zhes bya ba ni/ nang gi bdag nyid can gyi rnam par shes pa'i bzhon pa pa nyid kyi phyir ro/ /srog ces bya ba ni srog gi ming can no/ thams cad bsdus zhes bya ba ni/ rlung thams cad sdud par byed pa nyid kyi phyir ro/ /cha med ces bya ba ni/ zad pa dang 'phel ba'i bdag nyid can gyi cha dang bral ba'i phyir ro/ /cha dang bral ba zhes bya ba ni/ rtog par mi nus pa'i phyir ro/ /dngos dang dngos med mdza' spangs pa zhes bya ba ni/ don dam par rang bzhin med pa nyid kyi phyir dang/ kun rdzob tu yang rang rig par bya ba nyid kyi phyir mdza' gnyis spangs pa ni bral ba'o/ /gzhan yang ji lta bu zhe na/ de'i phyir thig le 'khor lo cha la khyab ces bya ba gsungs te/ bde ba chen po'i 'khor lo cha ni/ ha yig gi rnam pa la brten nas gnas pa'i phyir de la khyab pa'o/ /nam mkha' i khams ni zhes bya ba ni/ stong pa'i dbus su gnas pa nyid kyi phyir ro/ /yi ge mchog ces bya ba ni/ don dam par yi ge'i dbyibs las phyi rol tu gyur pa'i phyir ro// sngags rnams thams cad rab sad byed ces bya ba ni/ sngags thams cad ni sbrul la sogs pa dang/ snying po dang nye ba'i snying po la sogs pa rnams dang/ de'i don ni/ brjod par bya bas/ bsdus pa'i gzhi ni rten gyi ngo bo'o/ /a'i yi ge nyid la brten nas

  318. 159b

    ma lus pa'i brjod par bya ba dang/ rjod par byed pa 'jug pa'i phyir ro/ /rab sang byed ces bya ba ni/ de ma thag par gsungs pa'i gdong ma nas ma skyes pa'i chos nyid kyi ngo bo nyid kyis so/ /sad pas byed pa ni rtogs par byed pa'o/ /sngags thams cad gso bar byed ces bya ba ni byin gyis rlob par byed pa nyid kyi phyir ro/ /ji skad du/ de nyid phyir na mi dang de/ sngags kyi ngo bo'i yig 'bru rnams/ rtsa la yang ni mi nus te/ rgyu bar byed pa rtsam po la zhes gsungs so/ /ngag gi 'khor lo rab sad byed ces bya ba ni/ rang gi lus la gnas pa'i ngag gi 'khor lo ni longs spyod kyi 'khor lo'i bdag nyid dang/ ngag gi rnam par 'gyur ba ma lus pa mdza' yas pa'i chos kyi phung po'i tshogs kyi mtshan nyid can la rab tu sad par byed pa ni/ rtogs pa skyed pa 'am/ spro ba dang sdud par byed pa'o/ /dngos su lan gsum gyi ni gzhi zhes bya ba na lan gsum gyi bar du gcod pa'i rtsa gsum gyi gzhi brten du gyur ba'o/ /lan gsum gyi gzhi zhes byas so/ /dngos su zhes bya ba ni/ rnal 'byor pa'i mngon sum gyi rtogs pas so/ /'byung ba thams cad dbang du byed ces bya ba ni/ 'byung ba thams cad ni rang gi lus su rtogs pa'i khams kyi dkyil 'khor rnams la dbang du byed pa rnams kyi de bzhin no/ /zad med ces bya ba ni/ a yig de nyid mi dad pa zhes bya bar brjod de/ mi zad pa nyid kyi phyir ro/ /'phro pa med pa'i gnas zhes bya ba ni/ 'jigs pa dang bral ba nyid kyi phyir ro/ /byang chub sa bon zhes bya ba ni/ gnyis su med pa'i ye shes kyi mtshan nyid kyi byang chub kyi rgyur gyur pa nyid kyi phyir ro/ /de nyid kyi phyir bde ba che zhes bya ba ste/ de'i dus ni sdug bsngal thams cad nye bar zhi ba'i phyir ro/ /gzugs med khams su yang dag bshad ces bya ba ni/ a yig gi dbang gis snyoms par 'jug pa bzhi yong ssu gyur pa'i phyir ro/ /'khor lo bzhi yi don bsdus pa zhes bya ba ni/ sprul pa la sogs pa'i 'khor lo bzhi'i don ni/ don dam pa'i rnam pa'i ngo bos bsdus pa'o/ /yang na

  319. 160a

    gzugs med khams kyi bye brag 'dis brjod par bya ste/ gzugs med pa'i snyoms par 'jug pa bzhi po 'khor lo bzhi pas bsdus pa'i phyir ro/ /de ltar a yig gi gnas brjod pa sngon du 'gro bas che ba'i bdag nyid brjod nas/ u yig la yang de brjod pa sngon du 'gro bas che ba'i bdag nyid brjod pa'i phyir/ u yig longs spyod 'khor lo gnas par gsungs te/ u yig ni sum skor gyi rtsa rjod par byed pa la cha nyid kyi phyir ro/ /me dang nyi ma dang 'dra ba'i zhes bya ba ni me dang nyi ma ltar 'od gsal gyi rnam pa'o/ /me yang yin la nyi ma yang yin pas na me dang nyi ma dag go /de dang 'dra ba 'am mtshungs pa ga la yod pa de la de skad ces bya'o/ /mgrin pa'i mdza' nas shes bya ba ni/ mgrin pa'i mdza' ma nas so// spyi gtsug mdza' zhes bya ba ni/ bde ba chen po'i 'khor lo'i mdza' i bar du shes zhes bya ba'i tha tshig go /khyab pa'i zhes bya ba ni/ de nas brtsams nas bde ba chen po'i 'khor lo'i mdza' i bar du gnas pa'o/ /ci'i phyir zhes khyad par gyi sgo nas gtan tshigs gsungs pa ni/ gzi brjid kyi ni lus zhes bya ba ni/ 'bar ba'i rang bzhin nyid kyi phyir ro/ /gzugs kyi khams zhes bya bar ni/ ro drug gi longs spyod la lha'i rnam pa bsgoms pas rang bzhin med par shes pas 'dod pa'i 'dod chags dang bral nas gzugs kyi khams zhes bya bar brjod pa'o/ /gnas ris bcu bdun bdag nyid can zhes bya ba ni/ bsam gtan bzhi la so sor lha'i gnas kyis bsdus pa nyid kyi phyir ro/ /de ltar u yig la yang che ba'i bdag nyid bstan nas ma yig la yang de brjod pa sngon du 'gro bas che ba'i bdag nyid ston zhing gsungs pa ni/ bde chen 'khor lo zhes byar gnas/ yi ge ma ni zhes bya ba ni/ bde ba chen po'i dang po'i sa bon nyid kyi phyir ro/ /thig le tsam zhes

  320. 160b

    bya ba ni/ byang chub kyi sems kyi thig le tsam gyi ngo bo'o/ /mtho gang tshad ni sor bcu gnyis/ mdza' ni sor bzhi'i tshad tsam brgal zhes bya ba ni/ ngag ste/ de las mtho gang tsam ni sor bcu gnyis so/ /brgal bar ni 'da' bar byas nas so/ /steng du gnas zhes bya ba ni/ sor bcu gnyis kyi tshad tsam la brten nas gnas pa zhes bya ba'i don to/ /zla ba'i gzugs dang 'dra ba yi zhes bya ba ni/ /'od gsal ba nyid kyis yongs su gang bas zla ba'i dkyil 'khor dang 'dra ba'o/ /bde ba chen po'i go 'phang ni zhes bya ba ni/ don dam pa'i rang bzhin gyi bde ba chen po shin tu gsal bar byed pa'i rgyur gyur pa'i phyir ro/ /zhi zhes bya ba ni ma lus pa'i lus gsol bar byed pa nyid kyi phyir ro/ /rtsa rnams kun la khyab pa po zhes bya ba ni/ lus su gtogs pa'i rtsa sum cu rtsa gnyis pa khyab ba'o/ /mi phyed lus kyi go 'phang ni zhes bya ba ni/ don dam par mi phyed pa'i ye shes las phyi rol tu gyur pa med pa'i phyir ro/ /mi phyed go 'phang ni lus te/ de gang la yod pa zhes bya bar bya snas so/ /'dod pa'i khams zhes bshad pa yin zhes bya ba ni/ rkang med dang rkang gnyis la sogs p sgo nga las skyes pa'i dbye bas tha dad pa rnams la byang chub kyi sems nyid la skyes pa'i phyir ro/ /gnas ris nyi shus bsdus pa'o/ /ji skad du/ dmyal ba yi dags dud 'gro dang/ mi dang lha gnas drug po ni/ 'dod pa'i khams zhes bya ba'o/ /de ltar a yig las yang de brjod pa sngon du 'gro bas che ba'i bdag nyid bstan nas/ yi ge gsum bsdus nas rnam par dag pa sngon du 'gro bar bya ba brjod pa'i phyir/ de ltar zhes bya ba la sogs pa gsungs te/ sngon du bshad pa'i rigs pas so/ /rlung ni sog la sogs pa'i ngo bo nyid kyi phyir ro/ /khams gsum gyi zhes bya ba ni/ gzugs med la sogs pa'i dbye bas so/ /rtsa gsum ni gnas su 'dus zhes bya ba ni/ rtsa gsum ni

  321. 161a

    la la nA la sogs pa'i tshig gis bsdus pa ste/ de rnam par dag pa'i ngo bo'o/ /rlung dang khams la sogs pa rnams dang/ rtsa gsum dang rlung dang khams la sogs pa'i rtsa gsum ste de bsdus pa'o/ /oM yig ni brda shes nas zhes bya ba ni/ oM yig gi rnam pa'i yi ge zhes bya ba'i don to/ /brda shes bya zhes bya ba ni shes par bya'o/ /khams gsum rnam par sad par byed ces bya ba ni/ 'dod pa la sogs pa'i khams gsum sad par byed pa'o/ /rnam par snang mdzad ces bya ba ni/ de skyed pa'i rgyu nyid du gyur pa'i phyir ro/ /'gro gzugs rnam pa'i spro bdag nyid ces bya ba ni/ 'gro ba ni khams gsum ste/ gzugs kyi rnam pa ni/ gzugs kyi phung po'i rnam pas so/ /spro ba'i bdag nyid ni de'i rnam par dag pa shes bya ba'i don to/ /khams gsum gyi ngo bo ni/ don dam par ni stong pa nyid kyi phyir ro/ /bya ba ci zhig byed ce na/ de'i phyir rnam par rtog pa'i rlung gnyis ni zhes bya ba gsungs te/ srog dang thur sel gyi bdag nyid do/ /rnam par rtog pa'i rang bzhin gyi rlung gnyis so/ /sna'i bu ga nas zhes bya ba ni/ kun rdzob kyi sna rtse'i bu ga gnyis nas so/ /yang dag zhes bya ba ni/ so so'i skye bo rnams kyis kyang dbugs dbyung ba dang/ 'jug pa shin tu gsal ba nyid kyis nyams su myong ba'i phyir ro/ /nyi ma zla ba gnyis zhes bya ba ni/ lus kyi 'og tu khrag dang khu ba dag yongs su dag par 'byung zhes bya ba'o/ /gnyis zhes bya ba ni/ gnyi ga zhes bya ba ni gnyis so/ /yang dag pa bya ba ni phyin ci ma log gis so/ /gyen du rgyu ba'i rlung gnyis po dang/ 'og tu rgyu ba'i zla ba dang/ nyi ma dag la nang du rgyu ba zhes bya ba ni nang du rgyu ba'o/ /yang dag sbas pa zhes bya ba ni/ ji lta ba bzhin du sbas pa'i ngo la brten nas gnas pa'o/ /me ni 'bar byed ces bya ba ni/ me ni longs spyod kyi 'khor lo ni gnas pa'i phyir ro/ /

  322. 161b

    gtso mo la ni smin ma'i dbus zhes bya ba ni/ bde ba chen po dang rlung gi 'khor lo'o/ /srog ni rlung zhes bya ba ni srog gi rang bzhin no/ /de ltar zhes bya ba ni sngar gsungs pa'i rigs pas so/ /gcig puAng zhes bya ba ni/ oM mig gi bdag nyid do/ /gsum du bshad ces bya ba ni/ a yig dang ma yig gi ngo bo nyid kyis de ma thag par bshad pa'i cho gas so/ /ji ltar zhe na/ so sor sku la sogs pa de kho na nyid gsum gyi bdag nyid do/ /khams gsum la khyab pa zhes bya ba ni/ srog gi rlung gi ngo bo nyid kyi phyir ro// zhi ba zhes bya ba ni zhi ba la sogs pa'i rgyu nyid kyi phyir ro/ /sa bon don kun bsdus pa'o zhes bya ba ni/ ma lus pa'i sngags kyi yi ge gtso bor gyur pa'o/ /yang na skye ba'i sa bon don rgyas pa'o zhes kha cig las 'byung ngo/ /de'i phyogs la skye ba'i sa bon sems skyed par byed pa byang chub kyi sems kyi khams so/ /rgyas pa'o zhes bya ba ni/ khams sum cu rtsa gnyis la khyab par byed pa'o zhes bya ba'i don to/ /de ltar don rnam pa bzhis so sor rgyas par bstan pa gsungs so/ /'dis ni lus kyi sa bon brjod pa'i mtshan nyid can gyi don bstan nas dag gi sa bon brjod pa'i dang por mdor bstan pa ni/ yi ge a ni ye shes mchog ces bya ba gsungs te/ ngag rnam par dag pa nyid kyi phyir ro/ /gsung gi rdo rje'i snying po zhes bya ba ni/ snang ba mdza' yas kyi snying po nyid kyi phyir ro/ /mchog ces bya ba ni so sor rtog pa'i ye shes kyi ngo bos mchog nyid do/ /de ltar mdor bstan pa bshad nas/ de nyid kyi rab tu dbye ba'i sgo nas rgyas par bshad pa brjod pa'i phyir/ a gnyis dang ni yi ge ha zhes bya ba gsungs te/ tshigs su bcad pa ji lta ba bzhin no/ /ring por byas te zhes bya ba ni mnyam pa ni yi ge 'dra ba dang zhes bya ba la sogs pas gong ma'i a ring por byas te/ /a 'og ma phyis pas A ha zhes bya bar 'gyur ro/ /de ltar na nyid rnam pa gsum mo/ /de ltar

  323. 162a

    rgyas par bshad pa bstan nas so sor rgyas par bshad pa brjod pa'i phyir/ a yig dang po brjod pa sngon du 'gro bas/ de'i che ba'i bdag nyid ni yi ge a ni sngar bshad zin to zhes bya ba ni/ oM gyi yi ge bshad pa'i dus na/ ji skad du/ a yig chos kyi 'khor lo pad+ma dang/ rlung gi 'khor lo la ni khyab ces gsungs so/ /chos kyi dbyings kyi don bsdus pa zhes bya ba ni/ chos kyi dbyings thog ma tha ma med pa'i rigs kyi don ni rang bzhin gyis rnam par dag pa'i bdag nyid do/ /de bsdus pa ni de'i khongs su gtogs zhes bya ba'o/ /srog gi rlung ni zhes bya ba ni/ srog gi rnam pa nyid do/ /mchog yin no zhes bya ba ni/ bsgom pa'i stobs kyis rnam par dag par sbyad pa'i phyir mchog go /stong nyid ye shes ming can de zhes bya ba ni rnam grangs kyis so/ /srog dang rtsol ba gnyis su rigs shes bya ba ni rlung gnyis so/ /de bsdus shes bya ba ni/ rigs pa ste/ gzung ba dang 'dzin pa dngos po'i mtshan nyid can gyis so/ /yul dang dbang po bsdus pa yi zhes bya ba ni yul dang dbang po bsdus pas yul dang dbang po bsdus pa'o/ /'o na ji ltar yul dang dbang po bsdus she na/ kun gzhi dang ni nyon mongs yid ces gsungs te/ phyi rol gyi don med ba la kun gzhi rnam par shes pa nyid de dang/ de'i bag chags kyi stobs kyis sngon po la sogs pa'i dbye bas snang ba nyid de gzung ba'i rnam pas so/ /nyon mongs pa can gyi yid dang dbang po rnams la de'i snang ba'i rnam pa la brten nas 'dzin pa'i rnam pa snang ba'o/ /de la brtan pa ni srog rtsol gyi lam gnyis so/ /de nyid kyi phyir gzung dang 'dzin pa'i ngo bo nyid ces gsungs so/ /rnam par shes pa gcig nyid la gzung ba dang 'dzin pa dag dmigs nas rlung gnyis kyi ngo bos rab tu snang ba zhes bya ba'i don to/ /ngo bo gcig pu gyur nas ni/ zhes bya ba ni/ rlung gnyis srog

  324. 162b

    dang rtsol ba'i mtshan nyid can gcig tu brtags nas so/ /gsung gi rdo rje zhes bya ba ni/ snang ba mdza' yas kyi sa bon no/ /brjod pa'i tshig ces bya ba ni/ bskul ba'i bdag nyid do/ /de ltar a yig dang po brjod pa sngon du 'gro bas de'i tshe ba'i bdag nyid brjod nas/ a yig gnyis pa'i che ba ston cing gsungs pa ni/ a yig chos 'khor pad+ma las shes bya ba ni/ snying kar rtogs pa'i rlung gi rnam pa las so/ /mgrin par zhes bya ba ni/ longs spyod kyi 'khor lo'o/ /yi ge a nyid 'gyur zhes bya ba ni/ de nas de'i bar du khyab pa nyid kyi phyir ro/ /de nyid kyi phyir gsungs pa/ yi ge a nyid 'gyur zhes bya ba ste/ ring po nyid thob pa'o/ /de ltar a yig gnyis pa'i che ba'i bdag nyid bstan nas/ ha yig gsum pa'i che ba'i bdag nyid brjod pa'i phyir gsungs pa/ srog nyid dang ni zhes bya ba ste/ sbel ba zhes bya ba'i don to/ /thur sel zhes bya ba ni/ thur sel gyi rlung ngo/ /yi ge ha yig zhes bya ba ni/ dbyangs yig med pas so/ /kun nas ni zhes bya ba ni/ rnam pa thams cad kyis zhes bya ba'i don to// de ltar ha yig gsum pa'i che ba'i bdag nyid brjod nas/ yi ge gsum bsdu bar byas nas de nyid la rnam par dag pa sngon du 'gro ba'i bya ba bstan pa'i phyir/ mgrin pa'i dbus na gnas pa bcings zhes gsungs te/ mgrin pa'i gnas zhes bya ba ni/ longs spyod kyi 'khor lor ro/ /bcings zhes bya ba ni/ yi ge gsum gyi dbyibs srog dang thur sel gyi ngo bor byas nas zhes bya ba'i don to/ /de ltar na a ha zhes bya ba ni rlung gi sa bon no/ /kha nas gsal bar brjod ces bya ba ni/ mgrin pa'i gnas nas kha'i lam la nye bar gyur pa zhes bya ba'i don to/ /ro 'bab pa dang zhes bya ba ni/ ro drug 'bab pa'o/ /khrung khrung zhes bya ba ni/ gya gyu'i dbyibs can nyid kyis chu skyar gyi rnam pa'o/ /ro skyur ba zhes bya ba ni/ ro la dga' ba nyid kyi phyir ro/ /zhes bya ba ni de

  325. 163a

    ltar zhes bya ba ste/ le'u bcu bdun par gsungs pa'i rtsa gsum gyi dbye bas so/ /de zhes bya ba ni a yig go /rab tu dbye bas yi ge gsum gyi ngo bo'o/ /bkug nas rtag tu khyab par byed ces bya ba ni/ bkug nas zhes bya ba ni/ de ma thag par gsungs pa'i rtsa gsum pa'o/ /khyab par byed ces bya ba ni/ rtsa de rnams la gnas pa'o/ /rtag tu zhes bya ba ni dus thams cad du'o/ /gzugs kyi khams ni zhes bya ba ni/ de rnam par dag pa'i ngo bo'o/ /dmar chen po zhes bya ba ni/ snang ba mdza' yas kyi ngo bo nyid kyi phyir dmar po'i mdog can zhes bya ba'i don to/ /de ltar don rnam pa bzhis so sor rgyas par bshad pa gsungs so/ /de ltar don gsum gyis ngag gis sa bon gyi mtshan nyid kyi don bstan nas/ sems kyi sa bon brjod pa'i don du/ de'i yan lag mdor bstan pa ni/ hUM gi yi ge ye shes mchog ces gsungs te/ shin tu rnam par dag pa chos kyi dbyings kyi ngo bo nyid kyi phyir ro/ /thugs sa bon zhes bya ba ni thugs kyi sa bon no/ /mi bskyod pa'i rgyu nyid kyi phyir ro/ /mchog ces bya ba'i gtso bo nyid kyi phyir ro/ /de ltar mdor bstan pa bshad nas/ de nyid la rab tu dbye ba'i sgo nas/ rgyas par bstan pa ni/ ha dang de bzhin yi ge u/ de ni yi ge ma dang gsum zhes bya ba ni/ tshigs su bcad pa ji lta ba bzhin du'o/ /de ni gsum zhes bya ba ni/ hUM yig go /ji lta bu zhe na/ de'i phyir rkang pa nas ni mgo bo'i bar zhes gsungs te/ rkang pa nas brtsams te/ mgo bo'i mthar thug par ro/ /'khor lo bzhi ni don bsdus pa zhes bya ba ni/ sprul pa la sogs pa'i 'khor lo bzhi po bsdus pa'i rang bzhin no// sems las ma gtogs pa phyi rol gyi 'khor lo bzhi po rnams ma grub pa'i phyir ro/ /de ltar de nyid kyi rab tu dbye ba'i sgo nas rgyas par bshad par bstan nas/ so sor rgyas par bshad pa brjod pa'i phyir/ de'i yan lag ha yig gi gnas brjod pa sngon du

  326. 163b

    'gro bas de'i che ba'i bdag nyid ni/ ha ni thur sel ming can rlung zhes bya ba gsungs te/ thur sel gyi rlung gi ngo bo yi ge'i dbyibs kyi mtshan nyid ma yin no/ /bshang sgo gsang ba'i dbus na gnas zhes bya ba ni/ de skyes pa'i rtsa nyid la brten pa nyid kyi phyir dang/ bshad sgo gsang ba'i bar la gnas pa nyid kyi phyir ro/ /de ltar ha yig gi gnas brjod pa sngon du 'gro bas de'i che ba'i bdag nyid bstan nas/ u yig gnas sngon du 'gro bas/ de'i che ba'i bdag nyid brjod pa'i phyir/ yi ge u ni gyen du rgyu ba'i zhes bya ba ni/ gyen du rgyu ba'i rlung gi ngo bor 'gyur ro/ /mgrin pa'i pad+ma'i dbus na gnas zhes bya ba ni/ longs spyod kyi 'khor lo'i steng du gnas zhes bya ba'o/ /de ltar u yig gi gnas brjod pa sngon du 'gro bas/ de'i che ba'i bdag nyid gsungs so/ / ma yig gi gnas brjod pa sngon du 'gro bas/ de'i che ba'i bdag nyid brjod pa'i phyir/ yi ge ma ni gyen du rgyu ba'i zhes bya ba gsungs te/ srog rlung yin zhes bya ba'o/ /ji ltar zhe na/ de'i phyir rlung gi 'khor lo la zhes bya ba gsungs te/ rlung gi 'khor lor ro/ /dpral bar zhes bya ba ni/ smin pa'i dbus su zhes bya ba'i don to/ /de ltar ma yig gi gnas brjod pa sngon du 'gro ba'i de'i che ba'i bdag nyid gsungs so/ /yi ge gsum po bsdus pa'i rnam pas de nyid kyi rnam par dag pa sngon du 'gro bar byas nas/ de dag gcig gyur ces bya ba gsungs te/ de ma thag par bshad pa'i yi ge gsum bsdus par byas nas so/ /snying ga la zhes bya ba ni/ chos kyi 'khor lo'i gnas la'o/ /thugs kyi sa bon zhes bya ba ni/ mi bskyod pa'i sa bon no/ /nges par phyung zhes bya ba ni/ phyi rol tu ngag gi ngo bos zhes bya ba'i don to/ /mi bskyod snying po zhes bya ba ni/ de ma thag par gsungs pa'i hUM yig go /kha dog nag ces bya ba ni/ rang gi rigs kyi kha dog nyid kyi phyir ro//

  327. 164a

    gzugs med khams kyi ming can no zhes bya ba ni/ de gcig tu phung po bzhi'i bdag nyid can sems kyi ngo bo nyid kyi phyir ro/ /de ltar don bzhis rnam pa bzhi so sor rgyas par bshad pa bstan nas/ de nyid la don rnam pa gsum gyis/ sems kyi sa bon bstan nas/ de'i nye bar bsdu ba brjod pa'i phyir/ sku gsung thugs kyi rdo rje'i zhes bya ba gsungs te/ rnam par snang mdzad la sogs pa rnams kyi'o/ /rab tu bshad ces bya ba ni/ brjod pa'o/ /snying po zhes bya ba ni yi ge gsum gyi bdag nyid do/ /de ltar don bzhis yi ge gsum bshad pa bstan nas/ de'i nang nas gtso bo'i yi ge bshad pa'i phyir/ de'i yan lag de'i don nyid zhu bar byed pa ni/ slar yang zhus zhes bya ba la sogs pa gsungs te/ sngar gyi zhus pa la bltos nas so/ /thams cad mkhyen la zhes bya ba ni/ chos thams cad la rang gi ngo bo ji lta ba bzhin mkhyen pas na thams cad mkhyen pa'o/ /phyag na rdo rjes bya ba ni zhu ba po'o/ /thal sbyar nas zhes bya ba ni/ lag pa gnyis kyis thal mo sbyar ba'o/ /gus par byed pa sngon du 'gro bas/ yongs su zhu bar byed pa'i phyir ro/ /ci zhig zhu bar byas she na/ de'i phyir gnas kyi dbye ba zhes bya ba gsungs te/ rdo rje gsum gyi zhes bya ba ni/ sku rdo rje la sogs pa rnams so/ /yi ge don zhes bya ba ni/ yi ge gsum gyi brjod par bya ba'o/ /gnas kyi dbye ba zhes bya ba ni/ chos kyi 'khor lo la sogs pa'i mtshan nyid can gyi rten gyi dbye bas so/ /rtogs la gsan zhes bya ba ni/ bdag gis bcom ldan 'das kyis drin gyis rtogs pa'o/ /ji lta bu cig gtso bor gsungs she na/ de'i phyir 'di rnams zhes bya ba gsungs te/ yi ge gsum po 'di rnams kyi nang nas so/ /ji lta bu zhig bdag po zhe na/ de'i phyir yi ge gang gis gtso bo nyid do/ /ji lta bu zhig gtso bor gsungs she na

  328. 164b

    de'i phyir gtso bor zhes gsungs te/ gtso bo ni bcom ldan 'das la bod pa ste/ sangs rgyas lnga'i bdag po nyid kyi phyir ro/ /de ltar de'i don nyid du zhu ba bstan nas/ bcom ldan 'das kyi gsung la 'jug pa sngon du 'gro bas/ de bshad par dam bca' ba bstan pa'i phyir/ bcom ldan 'das kyis slar yang gsungs zhes bya ba ste/ slar yang zhes bya ba ni/ sngar la bltos nas so/ /bcom ldan 'das ni sngar bshad zin to/ /rdo rje 'chang ba che zhes bya ba ni/ rang bzhin gyis 'od gsal ba'i ngo bo rdo rje chen po 'chang ba'i phyir ro/ /gtso bo zhes bya ba ni/ khams gsum pa'i bdag po nyid thob pa'i phyir ro/ /gsang ba zhes bya ba ni sbas pa nyid kyi phyir ro/ /mchog tu zhes bya ba ni/ mchog nyid do/ /gsang ba yin zhes bya ba ni/ zab pa'o// spas pa'i don ni zhes bya ba ni/ myur ba nyid du mi rtogs pa'i phyir ro/ /khyod 'dri ba zhes bya ba ni/ phyag na rdo rje 'dri ba la bcom ldan 'das kyis phan yon gsungs pa'o/ /rgyud rnams kun tu spas pa ni zhes bya ba ni/ bya ba la sogs pa'i rang bzhin rnams la'o/ /mnyan par gyis zhes bya ba ni/ nyan pa la sbyar ba'o/ /yang dag bshad kyis zhes bya ba ni/ phyin ci ma log pa'i ngo bo nyid kyis gsal bar bya zhes bya ba'i don to/ /de ltar bcom ldan 'das kyi gsung la 'jug pa sngon du 'gro bas de bshad par rtsom pa bstan nas/ gtso bo'i ngo bo bshad pa'i phyir/ gtso bo zhes bya ba la sogs pa gsungs te/ gtso bo ni gtso bo nyid do/ /thugs kyi sa bon zhes bya ba ni/ hUM gi yi ge mi bskyod pa'i sa bon nyid la'o/ /de nyid la thams cad kyi nang nas gtso bo nyid do/ /chos thams cad sems la rag las pa nyid kyi phyir ro/ /ji lta bu zhe na/ de'i phyir rnam par rtog med ces gsungs te/ rnam par rtog pas ma gos pa'o/ /kun gyis zhes bya ba ni rnam pa thams cad

  329. 165a

    kyis kun la nyon mongs dang/ rnam par byang ba'i gnas skabs la zhes bya ba'i don to/ /gang gi phyir gtso bo gzhan rnams ni/ zhes bya ba ni/ gang gi phyir ni gang las so/ /gzhan rnams ni zhes bya ba ni/ ngag dang lus kyi sa bon rnams las so/ /'grib dang de bzhin 'phrog par byed ces bya ba ni/ rim pa ji lta ba bzhin du rnam par rtog pa dang rlung gnyis so/ /gang gi phyir sems kyi sa bon las brgya rtsa brgyad kyi grangs dang ldan pa'i rnam par rtog pa'i tshogs so/ /'gro ba dang zhes bya ba ni/ rang bzhin yongs su shes nas spong bar 'gyur ba'o/ /rlung gnyis ni srog dang thur sel gyi bdag nyid can no/ /'phrog par byed ces bya ba ni 'byung ba dang rdub pa rjes su dran pa bsgom pas 'phrog par byed pa ni rnam par zlog par byed pa ste/ de'i rang bzhin yongs su shes pas zhes bya ba'i don to/ /rnam pa gnyis po de dag ji lta bu zhe na/ de'i phyir lus kun la ni khyab par byed ces bya ba gsungs te/ sreg 'dzin pa thams cad la thams cad du khyab pa'o/ /sna'i bu ga dag la rgyu zhes bya ba ni/ kun rdzob kyi sna'i bu ga gnyis kyi lam nas rgyu bar byed pa'o/ /lus la zhes bya ba ni/ lus nyid la'o/ /'byung bar byed ces bya ba ni/ de dang de'i lan bsags pas so/ /rtag tu zhes bya ba ni dus rtag tu'o/ /gang gi sdongs kyis zhes bya ba ni/ rnam par rtog pa'i rlung gi che ba'i bdag nyid kyi mthus so/ /yongs su ma shes pa'i gnas skabs na'o/ /'khor ba'i lam zhes bya ba ni srid pa'i lam la'o/ /'gro ba drug gi dbye pas tha dad pa la'o/ /'dir zhes bya ba ni/ nye bar dmigs par gyur pa'o/ /'khor ba'i zhes bya ba ni/ zo chun rgyud mo'i rigs bas 'byung bar 'gyur zhes bya ba'i don to/ /gsum pa zhes bya ba ni/ hUM yi gi ngo bo de las gzhan pa'i gnyis brjod par 'dod nas so/ /rnal

  330. 165b

    'byor pa yis rtogs zhes bya ba ni/ rim pa gnyis bsgom pa po rnams kyi yul lo/ /rnam rtog med pa zhes bya ba ni/ rnam par dag pa gnyis kyi dgongs pas kyang rnam par rtog pa dang bral ba'o/ /rmad byung che zhes bya ba ni/ de de'i rnam pa nyid kyis de nyid la snang ba'i phyir ro/ /rlung rnams thams cad 'gob pas na zhes bya ba ni/ rlung bcu 'gog pa dang rnam par rtog pa brgya rtsa brgyad 'gags pas so/ /skye ba zhes bya ba ni/ skye bar 'gyur ba'o/ /gang la zhe na/ de'i phyir de nyid rtogs pa'o zhes gsungs te/ sems kyi dbang phyug gi sa bon nye bar mtshon pa rnams so/ /de ltar na don gsum gyis gtso bo'i yi ge bshad nas/ dngos su byed pa'i thabs brjod par 'dod nas de'i yan lag 'khor lo gsum gyi ngo bo gsungs pa ni rlung ni thams cad 'gog pa spang zhes bya ba ste/ thams cad ni brgya rtsa brgyad kyi grangs dang ldan pa'am/ bcu po rnams 'gog pa ni nye bar bsdu ba'o/ /yang dag ces bya ba ni/ ma 'khrul ba nyid kyis so/ /bdag gis zhes bya ba ni/ de bzhin gshegs pa drug pa'i rnam pa can ston pa po'o/ /rigs pa zhes bya ba ni/ thabs kyi mtshan nyid do/ /gshad ces bya ba ni/ brjod par gyur pa'o/ /sprul pa chos kyi 'khor lo'i dbus zhes bya ba ni/ 'khor lo gnyis kyi dbus su'o/ /pad+ma gnyis su zhes bya ba ni/ pad+ma gnyis so/ /'dir ni zhes bya ba ni rnal 'byor ma'i rgyud bshad pa'i skabs su'o/ /gsungs zhes bya ba ni bshad pa'o/ /drug cu rtsa ni brgyad 'dab gnyis zhes bya ba ni/ 'khor lo gnyis te re re zhing pad+ma'i dbyibs nyid kyi phyir ro/ /de dag za ma tog bzhag gnas bya ba ni/ za ma tog gi tshul khrims kyi steng dang 'og tu kha sbyar ba'i rigs par gnas pa'o/ /gzhan yang steng 'og ces bya ba ni/ steng dang 'og tu yang dag par brten nas so/ /stong dang thur sel zhes bya ba ni/ ji ltar srid ba'i

  331. 166a

    mi bskyod pa dang/ rin chen 'byung ldan gyi ngo bo rlung gnyis rgyu bar byed pa'o/ /de gnyis zhes bya ba ni/ gang dag za ma tog bzhin du gnas pa'o/ /rtog pa dang bcas pa zhes bya ba ni/ yul gyi stobs kyis rnam par rtog pa dang/ rang bzhin skyed pa'i phyir ro/ /rlung zhes bya ba ni/ srog dang thur sel gyi rang bzhin no/ /gsungs zhes bya ba ni bstan pa'o/ /gsal bar zhes bya ba ni/ thams cad kyis nyams su myong par gyur pa'i phyir ro/ /sku dang gsung gi snying po gnyis zhes bya ba ni/ srog dang thur sel dag go /yi ge gnyis kyi ngo bo nyid kyi phyir/ rnam par snang mdzad dang snang ba mdza' yas kyi ngo bo nyid do/ /la la nA dang ra sa nA zhes bya ba ni/ rtsa gnyis la brten pa nyid kyi phyir ro/ /de ltar 'khor lo gnyis kyi ngo bo bstan nas/ rtsa dbus ma'i ngo bo bshad pa'i phyir/ a ba d+hU tI'i rnam par rtog pa spangs pa nyid kyi phyir ro/ /mchog gi rtsa zhes bya ba ni/ rtsa thams cad kyi gtso bo'o/ /de gnyis zhes bya ba ni/ de ma thag par bshad pa'i 'khor lo dag go'o/ /dbus ma zhes bya ba ni/ bar du'o/ /mchog gi mchog ces bya ba ni/ mchog ni rtsa gnyis po dag las mchog ste/ khyad par du 'phags pa'o/ /rlung zhes bya ba ni rlung ngo/ /rnam rtog med pa zhes bya ba ni rnam par rtog pa dang ma 'dres pa'o/ /gang yin zhes bya ba ni/ a ba d+hU tI'o/ /rtag tu zhes bya ba ni dus thams cad du'o/ /rgyu zhing zhes bya ba ni/ rab tu rgyu ba'o/ /lus 'di thams cad la khyab par byed pa nyid kyis/ 'gro ba'i phyir kun la khyab pa'o/ /gang thob ces bya ba ni/ rnam pa'i rtog pa'i rlung rgyu ba'i rtsa dbus ma yang dag par thob nas so/ /rnal 'byor zhes bya ba ni/ rdzogs pa'i rim pa bsgom pa po'o/ /rtag tu ni zhes bya ba ni/ dus thams cad du'o/ /sems can don ni byed nus pa zhes bya ba ni/ 'bad pa med par sems can gyi don

  332. 166b

    byed nus par 'gyur zhes bya ba'i lhag ma'o/ /ci zhig byas nas she na/ de'i phyir rlung gi rang bzhin bye brag ni/ zhes bya ba gsungs te/ rang bzhin yang yin la rlung yang yin pas na/ rlung gi rang bzhin no/ /de rnams kyi bye brag ni dbye ba'o/ /de rnams kyi brgya dang brgyad dang/ rang bzhin ni brgya rtsa brgyad do/ /rgyal nas zhes bya ba ni/ le'u gsum par gsungs pa'i cho gas spangs nas so/ /gang gnas pa zhes bya ba ni/ rtsa dbus mar gnas par byed pa'o/ /rtag tu zhes bya ba ni/ dus thams cad du'o/ /rigs zhes bya ba ni/ sngar bshad pa'i sbyor ba'i bye brag gis so/ /mi shes pa zhes bya ba ni/ yul ma yin pa'o/ /rnal 'byor byis pa zhes bya ba ni/ byis pa ni rdzogs pa'i rim pa yongs su mi shes pas rnal 'byor yang yin te/ bskyed pa'i rim pa rtsa ma bsgom pa'i phyir rnal 'byor byis pas so/ /yang na rigs pa mi shes pa zhes bya ba dang 'brel to/ /mngon sum dang rjes su dpag pa'i rigs pa las phyi rol tu gyur pa'o/ /skad cig gcig rdzogs mngon byang chub ces bya ba ni/ a ba d+hU tI'i gnas skabs thob pa'i dus su skad cig ma gcig la bya ba rdzogs pa'i mtshan nyid can la'o/ /mngon par byang chub ni sangs rgyas nyid thob pa'o/ /de yis thob par zhes bya ba ni/ a ba d+hU tI'i ngo bos thob pas so/ /'dir zhes bya ba ni/ sngags kyi theg par ro/ /gsungs zhes bya ba ni brjod pa'o/ /de ni gang tshe skad cig 'thob ces bya ba ni/ skad cig gcig gis mngon par byang chub pa'o/ /de ni skad cig ces bya ba ni/ skad cig gcig gis mngon par byang chub pa thob pa'i mtshan nyid do mchog tu gsungs zhes bya ba ni/ kun rdzob gcig pu bstan pa yin te/ de'i ngo bo de kho na nyid ma mthong bas brjod par mi nus pa nyid kyi phyir ro/ /de ltar rtsa dbus ma'i rang gi ngo bo bstan nas/ de thob par byed pa'i thabs kyi ngo bo brjod pa'i phyir/ de yang ji ltar thob byed ces bya ba gsungs te/ rtsa dbus ma

  333. 167a

    la brten nas skad cig gcig gis mngon par byang chub pa'o/ /ji ltar thob par byed ces bya ba ni/ thabs gang gis rtogs par bya ba'o/ /rigs pa zhes bya ba ni/ sbyor ba'o/ /de la zhes bya ba ni/ de thob pa'i phyir ro/ /rjod ces bya ba ni brjod pa'o/ /rigs pa de gang yin zhes na/ de'i phyir thog mar zhes bya ba la sogs pa ste/ rnal 'byor chen po ni zhes bya ba ni/ sngags kyi theg pa'i rjes su 'brangs nas byang chub mngon du byed pa la phyogs pa'o/ /zhi gnas bsgoms zhes bya ba ni/ sems rtse gcig pa'i rgyur gyur ba'i ting nge 'dzin la goms par byed pa'o/ /blo bzang gis ni zhes bya ba ni/ gdams ngag ji lta ba bzhin du de bsgom pa shes pa'i phyir ro/ /bskyed pa'i rim pa'i sbyor ba yis zhes bya ba ni/ zla ba dang rdo rje la sogs pa'i bsgom pas so/ /phyag rgya byas nas zhes bya ba ni/ /lha'i rnam par bskyed nas so/ /'bar ba'i zhes bya ba ni/ me ltar rnam par rtog pa thams cad sreg par byed pas so/ /bsdams zhes bya ba ni/ bsdam bar byas nas so/ /dbang po'i sgo ni sgo dgu la zhes bya ba ni/ rang dang 'os pa'i yul la sogs pa'i ngo bo rnams so/ /dgu'i grangs kyis zhes bya ba ni/ mig la sogs pa dgu'i grangs kyi dbye bas so/ /hUM bzlas pa ni mtshungs pa med ces bya ba ni/ sems kyi bzlas pa'i rnams te/ hUM gcig nyid la rnam pa gsum du 'jug pa dang/ gnas dang ldan pa rnams la sbyar la sbyar nas dbugs kyi 'khor lo mtshon par bya'o/ /de nyid kyi phyir mtshungs pa med ces gsungs te/ phyi rol gyi hUM yig gi bzlas pa'i mtshan nyid dang bral ba'i phyir ro/ /bya zhes bya ba ni/ dbugs kyi rim pas nye bar mtshon par bya ba'o/ /mchog tu rgyun mi 'chad par bya zhes bya ba ni/ nyin mtshan du nyi khri chig stong drug brgya'i dbugs kyi grangs kyis so/ /mchog ces bya ba ni/ ma ning gi bzlas pa'i rgyur gyur pa'i phyir ro/ /dus ji tsam du zhe na/ de'i phyir

  334. 167b

    'byung pa dang rdub ba rjes su dran ba phyi ma'i dus de tsam gyi mthar thug par ro/ /bzlas pa ni zhes bya ba ni/ hUM yig gi sgo nas dbugs kyi 'khor lo mtshon par byas nas so/ /de zhes bya ba ni/ zla ba'i rjes la'o/ /skad de la thob ces bya ba ni/ a ba d+hU tIr zhugs nas skad cig gcig rdzogs mngon par byang chub pa'i skad cig ma'o/ /de ltar de thob par byed pa'i thabs kyi ngo bo bstan nas thabs bsgom pa'i lus bstan pa'i phyir gang yin de ni zhes bya ba la sogs pa gsungs te/ de ni bzlas byas na zhes bya ba ni/ hUM yig de 'jug pa la sogs pa rnams la sbyar bar gyur bas gang gi phyir zhes bya ba ni rgyu gang gi phyir ro/ /snying ga'i pad+ma zhes bya ba ni/ chos kyi 'khor lo'i pad+ma'o/ /steng bltas 'gro zhes bya ba ni/ za ma tog la kha phye bas steng gi phyogs su 'gro ba ste kha bkab phye bar 'gyur ro/ /de nyid kyi phyir 'gro zhes gsungs te/ /'gro bar 'gyur ro/ /de nas gsang ba'i pad+ma las zhes bya ba ni/ gsang ba'i pad+ma sprul pa'i 'khor lo'i ngo bo de las so/ /phye ba zhes bya ba ni/ za ma tog bcings pa bzlog par brjod pa'o/ /rnam par rtog pa'i rlung gnyis ni zhes bya ba ni/ srog dang thur sel gyi rlung gnyis kyi ngo bo'o/ /de nas zhes bya ba ni/ za ma tog kha phye ba'i rjes la/ rnam bar bcad nas 'gro zhes bya ba ni/ steng dang 'og gi rgyu ba bzlog nas dbu mar zhugs te/ ro cig par 'byur zhes bya ba'i don to/ /de ltar thabs bsgom ba bstan nas/ thabs las byung ba thob pa'i ngo bo brjod pa'i phyir/ rnam rtog med pa'i rlung chen po zhes bya ba gsungs te/ a pa d+hU tI'i ngo bos gnas pa'o/ /sku gsung rdo rjes bcad nas ni zhes bya ba ni rtsa gnyis kyi rgyu ba srog dang thur sel gyi bdag nyid can/ 'khor lo gnyis las byung ba'i lus dang ngag gi rang bzhin bcad nas so/ /rnam rtog med pa zhes bya ba ni/ rang bzhin gyis rnam par dag pa la bltos rnam pa gzhan du mi 'gyur ba'i

  335. 168a

    phyir ro/ /bde ba ster zhes bya ba ni/ rdo rje bzlas pa'i ngo bo zag pa med pa'i bde ba'i ngo bo'o/ /thob ces bya ba ni rtog pa'o/ /sngags kyi de nyid kyis ni/ zhes bya ba ni/ sngon du gsungs pa'i hUM bsgoms pas so/ /a ba d+hU tI'i rgyun la gnas zhes bya ba ni/ g.yon pa dang g.yas pa'i rgyu ba bzlog nas dbus ma'i rgyu ba'i gnas pa nyid kyi phyir ro/ /smin dbus zhes bya ba ni/ rlung gi 'khor lo'i gnas so/ /rlung gis phye byas la zhes bya ba ni/ thig le'i ngo bo 'byed pa'o// 'di thob ces bya ba ni/ dbus mar 'jug pa thob pa'o/ /thob byas dga' bas ni zhes bya ba ni/ dga' ba'i bye brag gi bdag nyid can no/ /mi bzang pa zhes bya ba ni/ dga' ba rtag pas so/ /rtag tu 'char zhing zhes bya ba ni/ ji srid 'khor bar gnas kyi bar du'o/ /chags sogs bral zhing zhes bya ba ni/ rang bzhin gyi tshogs brgya rtsa brgyad bzlog pa'i bdag nyid kyi phyir ro/ /zhi ba zhes bya ba ni/ gdod ma nas zhi ba nyid kyis rang bzhin med pa'o/ /rang rig ces bya ba ni/ so so rang gi rig par bya ba'o/ /bde ba chen po zhes bya ba ni/ sdug bsngal thams cad las bzlog par byed pa'o/ /de ltar don rnam pa lngas de mngon du byed pa'i thabs bstan nas/ thabs las byung ba thob pa'i dus su rtags brjod pa'i phyir ro/ /mtshan ma zhes bya ba la sogs pa gsungs te rtags so/ /'di la zhes bya ba ni/ dbus ma bsgom pa po'i rnal 'byor pa'i'o/ /bshad par bya zhes bya ba ni/ brjod par bya ba'o/ /gsang sngags grub pa'i zhes bya ba ni/ sngags kyi spyod pas grub pa'i phyir/ grub pa'o/ /rnal 'byor bas zhes bya ba ni/ bsgom pa pos so/ /'dar dang zhes bya ba ni/ rlung gi ngo bo mngon du byed pa po dang nye ba'i phyir lus 'dar ba'o/ /rdul dang zhes bya ba ni byang chub sems kyi rnam 'gyur 'byung ba'i phyir ro/ /ba sprul bas zhes

  336. 168b

    bya ba ni/ ba spu'i rtsa ba rdul ba'o/ /rtag tu dga' ba'i bsam pa dang zhes bya ba ni/ dus thams cad du yid du mi bde ba bzlog pa'o/ /gdong ni zhes bya ba ni/ byang kyi gdong ngo/ /zangs mdog yid du 'ong zhes bya ba ni/ zangs dang 'dra bar 'bar bar gyur pa gang la yod de la 'di skad ces bya'o/ /kun gyis mthong nas bya ba ni/ rnal 'byor dang rnal 'byor ma thams cad dga' ba'o/ /mchog tu bde ba ster bar byed pas so/ /grang dang lhag par tsha zhes bya ba ni/ grang dang tsha ba skyed par byed pa'o/ /des zhes bya ba ni/ bshad ma thag pa'i rnal 'byor pa la'o/ /gnod pa nyid du mi 'gyur ro/ /zhes bya ba ni/ de dag gis de la dga' ba dang gdung ba la sog pa skye par mi 'gyur ro/ /'jig rten chos dang zhes bya ba ni/ bstod pa dang slang ba la sogs pa brgyad do/ /de bzhin gzhan zhes bya ba ni gzhan rnams so/ /gnod pa nyid du mi 'gyur zhes bya ba ni/ rjes su chags pa dang khong khro mi bskyed pa'o/ /de la zhes bya ba ni/ rnal 'byor pa la'o/ /sngags kyi de nyid ni zhes bya ba ni/ hUM yig gi ngo bo sngags kyi de kho na nyid bsgom pa pos so/ /rnal 'byor chen po'i rgyud dpal rdo rje 'phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u nyi shu rtsa gnyis pa'i rgya cher bshad pa'o// // de ltar le'u nyi shu rtsa gnyis pa yi ge gsum gyi yul la dri ba'i lan bstan nas/ de ni de kho na nyid gsum gyi yul la dri ba'i lan brjod pa'i phyir/ le'u nyi shu rtsa gsum pa ston par byed cing/ dang por re shig de rtsom pa gsungs pa ni/ de nas zhes bya ba la sogs pa ste/ le'u nyi shu rtsa gnyis pa bshad pa'i rjes la'o/ /gzhan yang zhes bya ba ni snga ma la bltos nas so/ /nyon zhes bya ba ni/ zhu ba po nyan pa la sbyar ba'o/ /de nyid gsum gyi tshig bstan bya zhes bya ba dang 'brel to/ /de kho na nyid

  337. 169a

    gsum pa ni/ bdag dang sngags dang ye shes kyi de kho na nyid kyi mtshan nyid can gyi tshig rnam pa rjod par byed pa'i bdag nyid can gyi bstan par bya zhes bya ba ni/ brjod par bya ba'i don la nges par byed pa bstan par bya zhes bya ba'o// ji ltar zhe na/ de'i phyir bdag gi de nyid sogs dbye bas zhes bya ba gsungs te/ sogs pa'i sgras ni sngags dang ye shes kyi de kho na nyid kyi bsdus par rig par bya'o/ /ji lta ba bzhin zhes bya ba ni/ phyin ci ma log pa'i ngo bos so/ /rim pa rnams zhes bya ba ni/ bdag gis de kho na nyid la sogs pa'i rim pas so zhes bya ba'i don to/ /de ltar de rtsom pa bstan nas/ dngos su bshad pa brjod pa'i phyir/ de'i yan lag bdag gi de kho na nyid mdor bstan pa ni/ bdag gi de nyid ces bya ba ste/ kun tu brtags pa phung po lnga'i tshogs kyi de nyid ni ji lta ba bzhin du gnas pa'i rnam par snang mdzad la sogs pa de bzhin gshegs pa'i ngo bo bdag gi de kho na nyid ces brjod do/ /rnal 'byor mchog ces bya ba ni/ so so'i skye bo'i mtshan nyid dang bral ba'i phyir/ bsam gtan mchog gi ngo bo'o/ /rdo rje sems dpa' nyid kyi rgyu zhes bya ba ni/ phung po lnga rnams la de bzhin gshegs pa lnga'i ngo bo yongs su shes pas rdo rje sems dpa' i go 'phang thob pa'o/ /sangs rgyas lnga'i sku gsung thugs kyi ngo bo'i bdag nyid can no/ /sangs rgyas kun gyi sku gcig pu zhes bya ba ni/ sangs rgyas kun gyi sku gcig gang yang yod pa nga ni sangs rgyas kun gyi sku gcig pu'o/ /rdo rje 'chang chen pos rnam pa nyid ces bya ba'i tha tshig go /kun mkhyen go 'phang zhes bya ba ni/ khams gsum po thams cad la yang sangs rgyas lnga'i ngo bos shes pa'i phyir ro/ /mi gsal ba zhes bya ba ni/ gzugs can gyi

  338. 169b

    ngo bo dang bral bar bya ba'i phyir ro/ /rigs kyi dbye bas rab gsal byed ces bya ba ni/ rtsa ba'i nyon mongs pa sbyong ba'i thabs kyis gti mug la sogs pa'i rigs kyi dbye ba gsal bar byed pa'o/ /rigs lnga'i rnam pa gang zhes bya ba ni/ rnam par snang mdzad la sogs pa'i ngo bo nyid kyis so/ /de ni phung po lnga'i mtshan nyid do zhes bya ba ni/ phung po lnga'i ngo bo zhes bya ba'i don to/ /de ltar bdag gi de kho na nyid mdor bstan pa brjod nas/ de rgyas par bshad pa bstan pa'i phyir/ gzugs kyi phung po'i rnam par dag pa ni/ /phra rags la sogs dbye ba yis zhes bya ba la sogs pa gsungs te/ de la rags pa ni gzugs kyi phung po ste/ phyi rol tu de'i ngo bos snang ba nyid kyi phyir ro/ /phra ba ni de las gzhan pa'i tshor ba la sogs pa rnams te/ gzugs med pa nyid kyis rags ma'i snang ba med pa'i phyir ro/ /thogs bcas thogs med mtshan nyid can zhes bya ba ni/ gzugs ni thogs pa dang bcas pa ste/ rang gi yul phyogs la gzhan skye ba 'gog pa'i phyir ro/ /tshor ba la sogs pa rnams ni thogs med de/ snga ma las bzlog pa'i phyir ro/ /thogs bcas dang thogs med ni thogs bcas dang thogs med dag ste/ de dag nyid ni mtshan gang la yod pa de rnams ni/ thogs bcas dang thogs med rnams so/ /'byung ba chen po bzhi'i dngos zhes bya ba ni/ sa la sogs pa 'byung ba chen po'i bdag ste/ des bsgrub par bya ba'i phyir ro/ /gzugs kyi phung por zhes bya ba ni/ gzugs kyi mtshan nyid can no/ /'dir ni zhes bya ba ni/ sangs rgyas pa'i bstan pa la'o/ /gsungs zhes bya ba ni brjod pa'o/ / der ni rnam snang ngo bo dang zhes bya ba ni/ gzugs kyi phung po'i rang bzhin rnam par snang mdzad kyi ngo bo ste/ de nyid dang gzhan dag nyid kyis gzugs brnyan bzhin du khyad par du me long lta bu'i ye shes kyi bdag nyid kyis snang ba'i phyir ro/ /thams

  339. 170a

    cad spro bar byed pa'i rgyu zhes bya ba ste/ thams cad ni rang gi rigs dang 'brel pa'i lhan cig spyod ma dang/ rjes su spyod ma la sogs pa spro bar byed pas na thams cad spro bar byed pa'i rgyu'o/ /de ltar gzugs kyi phung po rnam par dag pa bstan nas/ tshor ba'i phung po rnam par dag pa brjod pa'i phyir/ bde dang sdug bsngal zhes bya ba gsungs te/ bde ba dang sdug bsngal lo/ /mchog tu zhes bya ba ni mchog go /zhi zhes bya ba ni/ mchog ma yin pa dang/ btang snyoms kyi rnam pa'o/ /grang dang phro ba zhes bya ba ni/ de dang reg pa'i rnam pa'o/ /mchog gi mchog ces bya ba ni/ phra ba dang rags pa'i ngo bo'o/ /rigs pa ni nyams su myong ba'o/ /gang gis shes bya ba ni/ yongs su spyod pa'i rnam pa'i shes pas so// de ni zhes bya ba ni/ de lta bu'i nyams su myong ba'i ngo bo'o/ /phal cher zhes bya ba'i phal che bas so/ /tshor ba'i phung po'i mtshan nyid do zhes bya ba'o/ /rin chen 'byung ldan gyi mtshan nyid do/ /bde sdug la sogs pa'i rnam pa can gyi mtshan nyid can gyi tshor ba la sogs pa stong pa'i ngo bo nyid kyis mnyam pa nyid rtogs pa'i phyir ro/ /de bzhin gshegs spros bdag nyid ces bya ba ni rang gi rigs can gyi lhan cig spyod ma dang rjes su spyod ma'i bdag nyid can no/ /de ltar tshor ba'i phung po'i rnam par dag pa bstan nas/ 'du shes kyi phung po rnam par dag pa bstan pa'i phyir/ glang po zhes bya ba la sogs pa gsungs te/ glang po zhes bya ba ni glang po che'o/ bong bu zhes bya ba ni/ khod bu'o/ go ma yu zhes bya ba ni lce sbyang ngo/ /stag dang zhes bya ba ni/ sha tu la'o/ ri dags zhes bya ba ni/ e Na ya la sogs pa'o//phag ces bya ba ni/ phag la sogs pa'o/ /pha dang zhes bya ba ni/ skyed pa po'o/ /ma dang zhes bya ba ni/ skyed byed ma'o/ /pha'i spun zhes bya ba ni/ pha'i spun zla la sogs pa'o/ /mdza' bo zhes bya ba ni/

  340. 170b

    dga' ba'o/ gnag gi gnyen mtshams zhes bya ba ni/ nye 'brel la sogs pa'o/ /gang gis yang dag zhes bya ba ni/ rang dang 'os pa'i mtshan ma 'dzin pa'i rnam pa'i shes pas so/ /de zhes bya ba ni/ mtshan ma 'dzin pa'i rnam pa'o/ /yang dag ces bya ba ni/ phyin ci ma log pa nyid kyis so/ /'du shes phung po'i mtshan nyid ni zhes bya ba ni thun mong ma yin pa'i de kho na nyid 'jug pa po zhes bya ba'i don to/ /de bzhin gshegs pa zhes bya ba ni/ de bzhin nyid du gshegs pa la'o/ /'od dpag med ces bya ba ni/ de bzhin gshegs pa snang ba mdza' yas kyi rnam pa'o/ /de ni yang dag ces bya ba ni/ phyin ci ma log pa'i ngo bos spro bar shes par bya'o/ /kun las zhes bya ba ni/ kun nas so/ /gsal zhes bya ba ni/ snang ba mdza' yas kyi rigs can rnams spro ba'i phyir ro/ /'gro la khyab par zhes bya ba ni/ khams gsum po la mtshan mar 'dzin pa la rang bzhin med pa nyid du so sor rtog pa'i phyir ro/ /rmad 'byung che zhes bya ba ni/ dpyod pa'i stobs kyis 'du shes kyi rnam par rtog ba bzlog pas ngo mtshar ba dang bcas pa'o/ /de ltar 'du shes phung po'i rnam par dag pa bstan nas/ 'du byed kyi phung po'i rnam par dag pa brjod pa'i phyir/ dge dang mi dge ba'i las kyi 'bras bu zhes bya ba gsungs te/ dge dang mi dge las kyi 'bras bu'o/ /las zhes bya ba ni/ dge ba dang mi dge ba'i rang bzhin no/ /gzhan yang lung ma bstan ming zhes bya ba ni/ lung ma bstan pa'i rang bzhin te/ gzugs dang gzugs med la sogs pa bskyed pa'i phyir ro/ /de ni 'du byed du ni bshad ces bya ba ni/ mtshungs par ldan pa dang mtshungs par mi ldan pa la sogs pa'i dbye bas so/ /tha dad pa rnams so/ /bshad ces bya ba ni brjod pa'o/ /don yod spro ba'i rang bzhin can zhes bya ba ni/ bya ba grub pa'i ye shes kyi

  341. 171a

    rang bzhin can te/ nyon mongs pa'i stobs kyi dge ba dang mi dge ba'i las ldog par byas nas gcig tu sems can rnams kyi bya ba bsgrub pa'i phyir ro/ /de nyid kyi phyir don yod grub pa 'khor dang bcas pa la spro ba'i rang bzhin can no// de ltar 'du byed kyi phung po rnam par dag pa bstan nas/ rnam par shes pa'i phung po rnam par dag pa bstan pa'i phyir/ dngos dang dngos med la sogs zhes bya ba gsungs te/ dngos po ni don byed nus pa'i bdag nyid can no/ /dngos med ni de las bzlog pa'o/ /dngos po dang dngos med ni dngos po dang dngos med dag go /de dag gi rnam par dbye ba ni/ dngos po dang dngos med kyi rnam par dbye ba'o/ /de la sogs pa gang rnams la de bzhin no/ /de'i ngo bo'i kun tu rtog pa ni rnam par rtog pa'o// de 'byung ba'i bdag nyid can zhes bya ba ni/ de lta bu'i rnam par rtog pa skyed par byed pa'o/ /rnam shes zhes bya ba ni/ rnam par dbye na pa'i mtshan nyid can no/ /rnam par shes zhes bya ba ni/ shes par bya ba'o/ /mi bskyod spro ba'i bdag nyid can zhes bya ba ni/ rnam par rtog pa'i nyon mongs pa rnams kyis phrog par mi nus pa nyid kyis shin tu rnam par dag pa'i chos kyi dbyings kyi ye shes kyi rang bzhin gyi phyir ro/ /de ltar rnam par shes pa'i phung po rnam par dag pa phung po lnga rnam par dag pa nye bar bsdu ba bstan pa'i phyir/ de ltar phung po yongs shes na zhes bya ba gsungs te/ sngon du gsungs pa'i rig pas phung po lnga rnams la sangs rgyas lnga nyid du yongs su shes pa'o/ /shes na zhes bya ba ni/ shes par bya ba'o/ /lung dang rigs pa'i shes pa skye zhes bya ba ni/ rigs pa ni sngags kyi theg par grags pa'o/ /lung ni bye brag smra ba'i lugs su grags pa ste/ de dag gis 'char ba ni brjod pa zhes ba'i don to/ /de ltar phung po rnam pa lnga'i rnam par dag pa nye bar bsdu ba bstan

  342. 171b

    nas/ spro ba'i sngags brjod pa'i phyir/ dzi na dzik zhes bya ba ni/ rgyal ba'i ngang tshul can no/ rgyal ba ste bdud rnams so/ /de rnam rtsibs bcu gnyis pa'i chos kyi 'khor los rgyal bar byed pas na/ dzi na dzik go /drang ba'i don to/ /rdo rje lta bu'i ting nge 'dzin gyis bdud bzhi 'joms pa'i phyir ro/ /dzi na dzik ste nges pa'i don to/ /ratna d+h+rik zhes bya ba ni/ re ba thams cad yongs su rdzogs par byed pa'i rin po che 'dzin par byed pa na ratna d+h+rik ko /drang ba'i don to/ /yang dag pa'i mdza' i rin po che 'dzin pas na ratna d+h+rik ste/ nges pa'i don to/ /A ro lik dang zhes bya ba ni/ A ni kun nas so/ /ro ni 'khor ba las so/ /lik ces bya ba ni/ 'gro bas na/ A ro lik go /drang ba'i don to/ /ar o zhes bya ba ni/ ye shes gsum gyis 'od gsal du 'gro pas na A ro lik ste/ nges pa'i don to/ /pradz+nyA d+h+rik ces bya ba ni/ so sor 'byed pa'i mtshan nyid can gyi shes rab 'dzin pas na pradz+nyA d+h+rik go /drang ba'i don to/ /shes rab ni zla ba'i snang ba la sogs pa ste/ de 'dzin pas na pradz+nyA d+h+rik ste/ nges pa'i don to/ /badzra d+h+rik zhes bya ba ni/ rnam pa lngas mngon par byang chub mtshon par byed pas na/ badzra d+h+rik go /drang ba'i don to/ /bden pa gnyis kyis bdag nyid kyi rdo rje 'dzin par byed pas na badzra d+h+rik go /nges pa'i don to/ /de ltar sngags zhes bya ba ni/ rnam par snang mdzad la sogs pa lnga po rnams kyi'o/ /yid skyob pa'i don gyi spro ba'i sngags kyi rang bzhin rnams so/ /rim bzhin zhes bya ba ni/ gzugs kyi phung po la sogs pa rnam par dag pa'i rim pas so/ /shes bya ba ni shes par bya ba'o/ /rigs pas zhes bya ba ni/ rigs pas dkyil 'khor rgyal mchog gi dus su spro ba'i rigs pa dang bzlas pa rnam pa gnyis byed pa'i dus su rang dang mthun pa'i rigs pas so/ /zhes bya ba'i don to/ /de ltar don rnam pa bdun gyis

  343. 172a

    phung po'i dbye ba bstan nas/ khams kyi dbye ba bstan pa'i phyir/ de'i yan lag mdor bstan pa ni/ spyan la sogs pa bzhi po gang zhes bya ba ni/ lhan cig spyod ma bzhi'i rang bzhin no/ /de ni khams su yongs su brtag ces bya ba ni/ sa la sogs pa'i khams bzhi'i ngo bo nyid kyis brtags pa'o/ /de ltar mdor bstan pa bshad nas/ rgyas par bshad pa brjod pa'i phyir/ de'i yan lag gi khams kyi rnam par dag pa bstan pa'i phyir/ sra ba la sogs bzhir phye bas/ shes bya ba la sogs pa gsungs te/ sra ba'i ngo bos mtshan nyid la brten nas sa'i khams su yongs su brtag ces bya ba ni/ rang gi lus la gnas pa'i rus pa la sogs pa sra ba'i ngo bor yongs su brtag pa'o/ /bzhir phye bas te/ re re yang 'byung ba bzhi'i bdag nyid kyi phyir ro/ /gti mug dag la mngon par brjod ces bya ba ni/ gti mug rnam par dag pa rnam par snang mdzad la dga' ba gang la yod pa de snyam du bsams nas so/ /de ni spyan du zhes bya ba ni/ sa'i khams la cha shas kyi rang bzhin med pa nyid kyis snang ba'i phyir ro/ /grags zhes bya ba ni/ yongs su grags pa nyid do/ /de ltar sa'i khams kyi rnam par dag pa bstan nas/ chu'i khams kyi rnam par dag pa brjod pa'i phyir/ zhu ba zhes bya ba la sogs pa gsungs te/ zhu ba ni/ 'jam pa'i ngo bo nyid kyi phyir ro/ /gcin mchi khu ba sogs zhes bya ba ni/ gci ba dang/ mig chu dang/ gtso bo'i sa bon la sogs pa'o/ /rdzas kyi bye brag gang brten la zhes bya ba ni/ khrag la sogs pa'i dbye bas tha dad pa'o/ / chu'i khams su rnam par shes zhes bya ba ni/ 'jig rten pa'i rjes su 'brangs nas so/ /chu'i khams su rnam par rtog pa la bdag gi de nyid yongs su zad par byed pa'i phyir/ mA ma kI te/ de'i spro ba'i bdag nyid ni de'i rnam par zhes bya ba'i

  344. 172b

    don to/ /de ltar chu'i khams kyi rnam par dag pa bstan nas/ me'i khams kyi rnam par dag pa brjod pa'i phyir/ dro ba zhes bya ba la sogs pa gsungs te/ rang gi lus la dro ba'i rnam pa'o/ /bza' btung smin pa dang zhes bya ba ni/ thun mong pa rjes smin pa dang/ bza' ba la sogs pa nang gi'o/ /gzi brjid 'phrog pa'i me'i mtshan nyid can zhes bya ba ni/ gzi brjid 'phrog pa'i me'i mtshan nyid tsha bar byed pa'o/ /me'i khams su shes par bya ba ni/ me'i khams shes 'jig rten pa la grags pa'o/ /gos dkar spro ba'i bdag nyid can zhes bya ba ni/ me'i khams su rtog pa'i mi snang bar byed pa'i phyir gos dkar mo'o/ /spro ba'i bdag nyid can zhes bya ba ni/ de rnam par dag pa'i ngo bo zhes bya ba'i don to/ /de ltar me'i khams kyi rnam par dag pa bstan nas/ rlung gi khams kyi rnam par dag pa brjod pa'i phyir/ 'byung dang rdub par tu 'phel zhes bya ba gsungs te/ rang gi lus la srog dang thur sel rab tu 'jug pa'o/ /rlung rnams kyi dam tshig mchog ces bya ba ni/ phung po'i rlung dang dbang po'i rlung rnams kyi bcu'i bdag nyid do/ /dam tshig ces bya ba ni/ rang dang 'os pa'i bya ba'o/ /mchog ces bya ba ni/ phung po la sogs pa 'dzin pa la bdag nyid can gyi phyir mchog go /brkyang ba dang bskum pa'i bdag nyid can no/ /'og dang steng du byed pa dang ni zhes bya ba ni/ steng dang 'og tu 'byung ba dang/ 'jug pa'o/ /de ni rlung gi khams su zhes bya ba ni/ de'i ming ni grags pa'o/ /sgrol ma spro ba'i bdag nyid can zhes bya ba ni/ rlung gi khams kyi rnam par rtog pa las sgrol bar byed pas na sgrol ma'i rang bzhin zhes bya ba'i don te/ de ltar rlung gi khams kyi rnam par dag pa bstan nas/ khams bzhi po nye bar bsdu ba'i phyir/ de ltar 'byung ba bzhi po yang zhes bya ba gsungs te/ de ltar

  345. 173a

    sngon du gsungs pa'i rigs pas so/ /'byung ba bzhi po yang zhes bya ba ni/ 'byung ba chen po bzhi po'o/ /rnam par shes zhes bya ba ni/ shes par bya'o/ /rnal 'byor zhes bya ba ni/ spyan ma la sogs pa lha mo bzhi'i rnal 'byor gyis so/ /mchog nyid ces bya ba ni/ lha mo'i rang bzhin nyid kyi mchog go /de ltar khams bzhi po nye bar bsdu ba bstan nas/ spro ba'i sngags brjod pa bshad pa'i phyir/ mo ha ra ti zhes bya ba la sogs pa gsungs te/ no ha ni rnam par snang mdzad do/ /de la dga' ba gang la yod pa de la de skad ces bya'o/ /drang ba'i don to/ /gti mug rnam par dag pas 'od gsal la dga' ba gang la yod ba de ni rA ga ra ti te/ nges pa'i don to/ /dwe Sha ra ti zhes bya ba dwe Sha ni mi bskyod pa'o/ /de la dga' ba gang la yod pa de ni/ dwe Sha ra ti ste/ drang ba'i don to/ /zhe sdang gi rnam par dag pa 'od gsal ba'i dga' ba gang la yod pa/ de ni dwe Sha ra ti'o/ /nges pa'i don to/ /rA ga ra ti zhes bya ba la/ rA ga ni snang ba mdza' yas so/ /de la dga' ba gang yod pa de ni/ rA ga ra ti ste/ drang ba'i don to/ /chags pa ni chags pa rnam par dag pa 'od gsal la dga' ba gang la yod pa de ni rA ga ra ti ste/ nges pa'i don to/ /badzra ra ti zhes bya ba ni/ badzra ni don yod grub pa ste/ de la dga' ba gang la yod pa de ni badzra ra ti'o/ /drang ba'i don to/ /rdo rje ni de dang 'dra bar bstan pa la sogs pa'i mtshan nyid dang ldan pa la dga' ba gang la yod pa de ni badzra ra ti ste/ nges pa'i don to/ /de lta'i rim gyis zhes pa ni/ sa la sogs pa'i khams bzhi po'i go rim gyis so/ /sngags rnams ni zhes bya ba ni/ spro ba'i sngags rnams so/ /dngos grub ces bya ba ni/ rnal 'byor pa chen po'i rgyud du grags pa'o/ /de rnams zhes bya ba ni/ khams kyi lha

  346. 173b

    lha mo de rnams kyi'o/ /cho ga yi zhes bya ba ni/ sngar bzhin du dkyil 'khor rgyal mchog gi dus su byang chub sems kyi ngo bo'i yi ge spros dang bzlas pa gnyis kyi rjes su 'brangs nas zhes bya ba'i don to/ /de ltar don rnam pa drug gis rgyas par bstan pa bshad zin to/ /'di tsam gyis rab tu dbye ba dang bcas pa'i khams kyi rab tu dbye ba bstan nas/ yul gyi dbye ba brjod pa'i phyir/ de'i yan lag mdor bstan pa ni/ gzugs la sogs pa yul gyi tshogs zhes bya ba la sogs pa gsungs te/ nang gi mig la sogs pa rnams kyi yul du gyur pa rnam pa lnga'o/ /lha mo'i gzugs kyi mtshan nyid du zhes bya ba ni/ 'chad par 'gyur ba'i rigs pa gzugs rdo rje ma la sogs pa ngo bo'i phyir ro/ /rnam par shes pa zhes bya ba ni/ shes par bya ba'o/ /rnal 'byor mchog gi zhes bya ba ni/ byang chub sems dpa' i rang bzhin dbang po rnams la gzugs rdo rje ma la sogs pa'i mtshan nyid can dang/ lhan cig tu ro mnyam pa'i rtogs pa'i ngo bo nyid kyi phyir ro/ /stong nyid gcig tu rgyu gcig pu zhes bya ba ni/ 'od gsal gcig pu nyid la rgyu ste/ rgyur gyur pa zhes bya ba'i don to/ /gnyis ka dang snyoms par zhugs pas thams cad stong pa'i go 'phang mngon du byed pa'o/ /de ltar mdor bstan pa bshad nas/ rgyas par bshad pa brjod pa'i phyir/ de'i yan lag gzugs kyi rnam par dag pa ni/ sngo ser la sogs pa dbye ba dang/ zhes bya ba gsungs te/ sngon po dang/ ser po dang/ dmar po dang/ dkar po la sogs pa'i dbye bas so/ /ring dang thung ba'i rnam pa yis zhes bya ba ni/ mtho ba dang/ dma' ba dang/ ring ba dang/ thung ba dang/ zlum pa dang/ mnyam pa dang/ mi mnyam pa'i dbyibs kyi ngo bos so/ /gzugs shes bya zhes bya ba ni/ gzugs shes par bya zhes bya ba'i lhag ma'o/ /lha mo de gzugs rdo rje

  347. 174a

    ma zhes bya ba ni/ gzugs kyi yul la rnam par rtog pa la stong pa nyid du lhung ba'i phyir ro/ /gzung dang 'dzin pa'i rang bzhin can zhes bya ba ni/ gzung ba ni bshad ma thag pa'i gzugs la 'dzin pa'i ngo bo stong pa nyid kyi rnam pa 'dzin pa'i phyir ro/ /de ltar gzugs kyi rnam par dag pa bstan nas/ sgra'i rnam par dag pa bstan pa'i phyir/ 'khar rnga zhes bya ba la sogs pa gsungs te/ 'khar rnga ni ting ting shag la sogs pa'o/ /sil snyan ni rdza rnga la sogs pa las skyes pa'i rol mo'o/ /sbubs stong pa zhes bya ba ni/ gling bu la sogs pa las skyes pa'o/ /de bzhin zhes bya ba ni pi waM la sogs pa las skyes pa'o/ /rnga snyan zhes bya ba ni/ de las gzhan pa'i rol mo'i cha las byung ba'o/ /bstod pa dang smad pa la sogs zhes bya ba ni/ bstod pa dang smad pa la sogs pa'i sgra dag go /sgra'i rdo rje mar shes zhes bya ba ni/ sgra rdo rje ma'i rang bzhin du shes par bya'o/ /gzung ba'i rang bzhin zhes bya ba ni/ rna ba'i dbang po'i rnam par dag pa phyag na rdo rje gzung bar bya ba'i phyir ro/ /mchog ces bya ba ni tha mal pa'i rnam par rtog pa spangs pa'i phyir ro/ /rnam par shes pa zhes bya ba ni/ yul dbang po rnam par rtog pa log pa'i bdag nyid can la'o/ /sad par byed ces bya ba ni/ 'od gsal ba'i rang bzhin rtogs pas so/ /de ltar sgra'i rnam par dag pa bstan nas/ dri'i rnam par dag pa brjod? pa'i phyir/ dri zhes bya ba gsungs te/ sna'i dbang po'i yul du gyur pa'o/ /ngan pa zhes bya ba ni/ dri nga ba'i ngo bo ste/ yid du mi 'ong ba'i phyir ro/ /dri bzang zhes bya ba ni/ dri zhim pa ste/ sngar las bzlog pa'i phyir ro/ /sbyar ba zhes bya ba ni/ dri sna tshogs pa 'dres par byas pa las byung ba'o/ /mchog rnams shes bya ba ni gzhan no/ /dri'i rdo rje mar shes zhes bya ba ni/ dri'i rnam par rtog pa stong pa

  348. 174b

    nyid du byed pa'o/ /gzung ba'i rnam pa zhes bya ba ni/ sna'i dbang po'i nam mkha' i snying po'i rnam par dag pa la yul nyid du gyur pa'i phyir ro/ /cher 'bar ba zhes bya ba ni/ tha mal pa'i rnam par rtog pa'i gnyen po nyid kyis khyad par du 'phags pa'i bde ba ster ba'i phyir ro/ /de ltar dri'i rnam par dag pa bstan nas/ ro'i rnam par dag pa brjod pa'i phyir/ ro drug ces bya ba gsungs te/ kha ba dang skyur ba la sogs pa'i dbye bas so/ /mchog ces bya ba ni/ lce'i dbang po tshim par byed pa nyid kyi phyir ro/ /ldan pa ni zhes bya ba ni/ lha'i rnam pa'i ngo bo bsgom pa'i rang bzhin no/ /lan tshwa skyur sogs dbye ba yis zhes bya ba ni/ kha ba dang/ skyur ba dang/ lan tshwa ba dang/ bska ba'i rab tu dbye ba las so/ /ro rdo rje ma zhes bya ba ni/ ro'i rnam par rtog pa stong pa nyid du byed pa'i phyir ro/ /gzung ba'i rnam pa'o zhes bya ba ni/ lce'i dbang po 'jig rten dbang phyug gi rnam par dag pa'o/ /gzugs kyi yul nyid du gyur pa'i phyir ro/ /kun nas zhes bya ba ni/ kun ni gzugs la sogs pa'i rnam pa'o/ /'dir dbang po re re yang yul sna tshogs pa snang ba'i phyir ro/ /de ltar re'i rnam par dag pa bstan nas/ reg bya'i rnam par dag pa brjod pa'i phyir/ 'jam dang rtsub pa'i dbye ba yis zhes bya ba ni/ 'jam dang rtsub pa la sogs pa'i dbye ba yis so/ /reg pa shes par bya zhes bya ba ni/ reg pa shes par bya ba ste/ ji ltar zhe na/ de'i phyir rnam par dbye bas shes bya ba ste/ ji skad du reg bya bcu gcig bdag nyid do ces bya ba'o/ /de nyid ces bya ba ni reg pa'o/ /reg bya'i rnam par rtog pa stong pa nyid du byed pas so/ /gzung pa'i rnam pa zhes bya ba ni/ lus kyi dbang po ni/ sgrib pa thams cad rnam par sel ba rnam par dag pa'i yul du gyur pa nyid kyi phyir ro/ /rang gi gtso bo la zhes bya ba ni/ dbus kyi gtso bo'i rnam pa mi bskyod pa la rang nyid gzung ba'i rnam pa ste/ de dang 'khyud pa

  349. 175a

    nyid kyi phyir zhes bya ba'i don to/ /ji skad du/ mdor byas las/ rdo rje sems dpa' dang 'khyud pa/ reg bya rdo rje ma ni gnas zhes bya ba'o/ /de ltar rnam pa gnyis rab tu dbye ba dang bcas pa bdag gi yul gyi rab tu dbye ba dang bcas pa dag gis yul gyi rab tu dbye ba brjod nas/ nang gi bdag nyid kyi skye mched kyi dbye ba brjod par bya ba'i phyir/ de'i yan lag mdor bstan pa/ rnam par shes pa'i tshogs brgyad ni zhes bya ba la sogs pa gsungs te/ rnam par shes pa'i tshogs drug dang nyin mongs pa can gyi yid kyi rnam par shes pa dang/ kun gzhi'i rnam par shes pa dbye bas so/ /brten pa'i zhes bya ba ni/ 'chad par 'gyur ba'i mig la sogs pa brgyad po rnams kyi brten pa ste/ rten zhes bya ba'i don to/ /de nyid kyi phyir mig la sogs dbang po la zhes bya ba ni brgyad la brten pa'o/ /de la brten nas rnam par shes pa'i tshogs brgyad kyi dngos po skyed pa'i phyir ro/ /byang chub sems dpa' bskyed du zhes bya ba ni/ sa'i snying po dang por byas nas/ kun tu bzang po'i mthar thug pa rgyal ba'i sras kyi ngo bo rnams su shes par bya'o/ /de'i rnam par dag pa la brten nas phyin ci ma log pa'i dngos po rim pa zhes bya ba ni/ mig la sogs pa'i rim pas shes bya ba'i don to/ /de ltar mdor bstan pa bshad nas rgyas par brjod pa brjod par bya ba'i phyir/ de'i yan lag mig gi dbang po rnam par dag pa ni/ mig gnyis sa'i snying por gsungs zhes gsungs te/ mig gnyis ni byang chub sems dpa' sa'i snying po'i rang bzhin no/ /de'i yul sa la sogs pa'i 'byung ba chen po skyed par byed cing/ rnam par rtog pa'i mtshan nyid du rtog pa'i phyir/ byang chub sems dpa' zhes bya ba ni/ byang chub ni sku gsum gyi ngo bo ste/ de la sems dpa' 'di la yod pas na de skad ces bya'o/ /

  350. 175b

    rmad du che zhes bya ba ni/ sna tshogs pa'i thabs kyis gzhan gyi don bsgrub pa'i phyir ro/ /gzugs la sogs pa ci rigs par zhes bya ba ni/ gzugs la sogs pa'i yul lnga rnams la yang kun nas ci rigs par ro/ /gzhan yang rang gi ngo bo spro bar byed ces bya ba ni/ rang nyid kyi ngo bo mi skyes pa'i rnam pa la spro ba byed pa'o/ /de ltar mig gi dbang po rnam par dag pa bstan nas/ rna ba'i dbang po rnam par dag par bya ba'i phyir/ sgra'i rnam pa zhes bya ba la sogs pa gsungs te/ sgra'i rnam pa pi waM la sogs pa'i dbye bas/ tha dad pa rnams kyi sgra'i rnam pa kun bcad pas/ tha mal pa'i rnam par rtog pa yongs su zin pa'i rnam pa'o/ /de nyid ni dbye ba ste/ khyad par la de dang de'i rnam par rtog pa'i gnyen po'i phyir ro/ /de yongs su bsgoms pas rnam par dpyad pa'o/ /phyag na rdo rje zhes bya ba ni/ sgra'i rnam par rtog pa la phyag na rdo rje'i ngo bo nyid kyis stong pa nyid du rtogs pa'i phyir ro/ /yang dag bshad ces bya ba ni brjod pa'o/ /sgra'i rnam shes mtshan nyid ni zhes bya ba ni/ sgra la gdong ma nas skye ba med pa nyid kyis shes pas na/ de'i mtshan nyid can no/ /de ltar rna ba'i dbang po'i rnam par dag pa bstan nas/ sna'i dbang po rnam par dag pa bstan pa'i phyir/ dri'i bye brag rnam par rtog pa zhes bya ba gsungs te/ dri rnam pa bzhi'i rnam par rtog pa ni/ rtog pa'i ngo bo rab tu dbye ba gang yin pa de la kun nas stong pa nyid kyi ngo bo nyid kyis bsgom pa po'o/ /nam mkha' i snying po zhes bya ba ni/ dri'i rnam par rtog pa stong pa nyid kyis 'dzin pa'i phyir ro/ /shes zhes bya ba ni/ shes par bya ba'o/ /sna'i rnam shes mtshan nyid ni zhes bya ba ni/ dri 'dzin par byed pa'i sna la gdong ma nas skye ba med par shes pas de'i ye shes kyi mtshan nyid do/ /de ltar sna'i dbang po'i rnam par dag pa bstan nas/ lce'i dbang po'i rnam par

  351. 176a

    dag pa brjod pa'i phyir/ ro'i bye brag la rtog pa zhes bya ba gsungs te/ ro rnam pa drug gi bye brag la rnam par rtog pa'i ngo bo ste/ de'i rab tu dbye ba ni/ rab tu dbye ba'i rnam pa'o/ /de la kun nas stong pa nyid kyi rnam pas bsgom pa'o/ /'jig rten dbang phyug tu ni zhes bya ba ni 'jig rten na gnas pa'i ro'i rab tu dbye ba la stong pa nyid rtogs pa las/ rang dga' nyid thob pa'i phyir/ 'jig rten dbang phyug go /shes zhes bya ba ni/ shes par bya ba'o/ /lce'i rnam shes mtshan nyid ni/ lce'i yul dang bcas pa la stong pa nyid du shes pas de'i rnam par shes pa'i mtshan nyid do/ /de ltar lce'i dbang po'i rnam par dag pa bstan nas/ lus kyi dbang po'i rnam par dag pa brjod pa'i phyir/ reg bya'i bye brag la spyod pa zhes bya ba gsungs te/ rnam pa bcu gcig gi bdag nyid kyi rab tu dbye ba'o// de'i kun nas stong pa nyid kyi rnam pas bsgoms pas sgom pa'o/ /sgrib pa thams cad rnam sel zhes bya ba ni/ reg pa'i stobs kyis skyes pa'i sgrib pa thams cad ni 'dod chags pa'i nyon mongs pa rnams rnam par sel bar byed pa ni/ dus de tsam du bzlas pa'i phyir sgrib pa thams cad rnam par sel ba'o/ /reg bya'i rnam shes mtshan nyid ni zhes bya ba ni/ reg pa la gdong ma nas ma skyes pa nyid kyi rnam par shes pa ste/ de'i mtshan nyid gang la yod pa de la de skad ces bya'o/ /de ltar lus kyi dbang po'i rnam par dag pa bstan nas/ yid kyi dbang po'i rnam par dag pa brjod pa'i phyir/ yid kyi bye brag la spyod pa zhes bya ba gsungs te/ yid kyi bye brag la ltos nas/ rdzas bdun gyi bdag nyid chos kyi skye mched kyi mtshan nyid dang/ yul can la bltos nas sna tshogs pa'i rnam par rtog pa'i mtshan nyid kyi rtog pa gang yin pa rnam par rtog pa'i rang bzhin no/ /de'i

  352. 176b

    rab tu dbye ba ni khyad par ro/ /de la kun nas ni ma lus pa la stong pa nyid kyi rnam pa bsgoms pas de sgom pa po'o/ /yid kyi rnam shes zhes gsungs pa zhes bya ba ni/ 'jig rten pa la grags pa gang yin pa de ni 'jam dpal zhes brjod pa yin zhe na/ de'i rang bzhin med pa shes pa'i phyir ro/ /de ltar yid kyi dbang po rnam par dag pa bstan nas/ lus kyi dbang po'i lhag mar gyur pa rgyus pa kun gyi rnam par dag pa brjod pa'i phyir/ rgyus pa kun la nges par sbyar zhes bya ba gsungs te/ lus su rtogs pa'i rgyus pa kun las nges par sbyor ba'i bye brag ni/ yang dag par sbyor ba'i khyad par la'o/ /yongs su zhes pa ni kun nas so/ /sgom pa po zhes bya ba ni/ rang bzhin med pa sgom pa po'o/ /byams pa nyid du yongs su shes zhes bya ba ni/ rgyus pa kun la rang bzhin med pa nyid du yongs su shes pas dga' ba khyad par can bskyed pa nyid kyi phyir ro/ /bag chags rtog pa'i bdag nyid can zhes bya ba ni/ nyon mongs pa can gyi yid kyi rnam par shes pa rnam par dag par byed pa'i phyir ro zhes bya ba'i don to/ /de ltar lus kyi dbang po'i lhag mar gyur pa rgyus pa kun las nges par sbyor ba rnam par dag pa bstan nas/ lus thams cad tshigs rnam par dag pa bstan pa'i phyir/ rtsa rnams so so'i bdag nyid can zhes bya ba gsungs te/ rang gi lus su gtogs pa'i rtsa rnams thams cad kyi rab tu dbye ba'i bdag nyid ni khyad par can gyi bdag nyid can no/ /bde ba kun gyi gzhi zhes bya ba ni/ rtsa'i rnam par rtog pa bzlog nas 'jig rten las 'das pa'i bde ba kun la brten nas so/ /mchog ces bya ba ni/ gdong la sogs pa'i dbyibs can nyid kyis rnam par dben pa'i phyir ro/ /dngos po kun gyi rang bzhin bdag ces bya ba ni/ dngos po thams cad kyi ngo bo'i bdag nyid gang la yod pa de la de skad ces bya'o/ /

  353. 177a

    de kho na nyid kyi rnam pa kun gzhi rnam par shes pa rnam par dag pa'i bdag nyid can kun tu bzang por grags pa'i phyir ro/ /kun tu bzang por zhes bya ba ni/ kun nas ni rtsa rnams kyi rtog pa las dbye na pas tha dad pa'i phyir ro// bzang po ni dge ba gang rnams yod pa de rnams shes bya bar byas nas so/ /'di ni zhes bya ba ni/ rnam pa 'di nyid kyis ming du byed pa'i phyir ro/ /de ltar don rnams brgyad kyis rgyas par bshad pa bstan nas/ nye bar bsdu ba'i phyir brjod pa ni/ de ltar rnam shes tshogs brgyad sogs zhes bya ba ni/ mig la sogs pa rnam par shes pa'i tshogs brgyad rnam par dag pa'i ngo bo'o/ /yang dag de nyid ces bya ba ni nang gi skye mched rnam par dag pa'i ngo bo nyid kyi phyir ro/ /bla na med ces bya ba ni/ bla na med pa lus rnam par dben pa'i mtshan nyid can gyi de kho na nyid kyi rgyu nyid du gyur pa'i phyir ro/ /mig sogs dbang po'i rnam shes ni/ zhes bya ba ni/ mig la sogs pa'i dbang po drug po rnams lus kyi dbang po'i khyad par du gyur pa gnyis po dag ni/ nyon mongs pa can gyi rnam par shes pa dang/ kun gzhi rnam par shes pa'i mtshan nyid can gnyis po dag gi rnam par dag pa'i ngo bo nyid bgrangs nas rnam par shes pa'i tshogs brgyad du 'gyur ro/ /gzugs sogs mthong pa'i mtshan nyid ni/ zhes bya ba ni/ gzugs la sogs pa drug po dang/ rgyus pa thams cad dang/ yan lag gi tshogs thams cad kyi mtshan nyid can gyi lus kyi dbang po'i yul bye brag tu gyur pa rnams so/ /mthong ba'i mtshan nyid can zhes bya ba ni/ mthong ba logs pa'i mtshan nyid ces bya ba'i don to/ /de ltar rnam pa gsum gyis nang gi bdag nyid kyi skye mched kyi dbye ba bstan nas/ yan lag nyid lag gi dbye ba brjod pa'i phyir de'i yan lag gi mdor bstan pa ni/ rje ngar

  354. 177b

    dpung pa zhes bya ba la sogs pa gsungs te/ g.yon pa dang g.yas pa'i pus mo gnyis rim pa ji lta ba bzhin du dbyug pa sngon po dang/ stobs po che gnyis kyi gnas so/ /dpung pa zhes bya ba ni/ dpung pa g.yon pa dang g.yas pa ni/ gshin rje mthar byed dang shes rab mthar byed gnyis kyi gnas so/ /'phrag pa dag ces bya ba ni/ g.yas pa dang g.yon pa'i 'phrag pa gnyis ni/ mi g.yo ba dang/ 'dod pa'i rgyal po gnyis kyi gnas so/ /steng dang 'og ces bya ba ni/ mgo bo dang rkang pa'i mthil gnyis ni/ gtsug tor 'khor los bsgyur ba dang/ /gnod mdzes rgyal po gnyis kyi gnas so/ /bug pa'i sgo zhes bya ba 'dis ni kha dang rdo rje'i lam dang bsdus pa'o/ /'di yang pad+ma mthar byed dang bgegs mthar byed gnyis kyi gnas so/ /ji skad du/ mdor byas las/ lag pa g.yas pa gshin rje gshed/ /gzhan gyis mi thub g.yon pa la/ /kha la rta mgrin bsgom bya ste/ /rdo rje la ni bdud rtsi 'khyil/ /dpung pa g.yas par mi g.yo ba/ /'dod pa'i rgyal po g.yon pa la/ dbyug pa sngon po cher 'bar ba/ /pus mo g.yas pa la ni bsam/ /pus mo g.yon par stobs po che/ /mgo la gtsug tor 'khor los sgyur/ /rkang pa gnyis la dgod pa ni/ /gnod mdzes rgyal po bsam par bya/ /zhes bya ba la sogs pa gsungs so/ /de lta bur gyur pa'i gnas la thams cad ces bya ba ni/ lus thams cad la khyab par gnas te/ khro bo'i ngo bo nyid kyi phyir ro/ /shes pa bcu'i mtshan nyid ni zhes bya ba ni/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa dang/ chos shes pa dang/ rjes su shes pa dang/ yongs su rgyal ba shes pa'o/ /de la gang zhig sdug bsngal la skye ba med par shes pa ni dang po'o/ /gang

  355. 178a

    zhig kun 'byung spang byar shes pa de ni gnyis pa'o/ /gang zhig sdug bsngal 'gog pa shes pa ni gsum pa'o/ /gang zhig lam la lam du shes pa de ni lam shes pa de ni bzhi pa'o/ /gang zhig 'dod chags dang zhe sdang dang/ gti mug zad pa shes pa de ni lnga pa'o/ /gang zhig srid par 'gro ba mi skye ba shes pa de ni drug pa'o/ /gang zhig phung po lnga rnams la chos nye bar gcod pa shes pa de ni bdun pa'o/ /gang zhig mi rtag pa zhes bya ba la sogs pa shes pa de ni brgyad pa'o/ /gang zhig sems can pha rol po? rnams dang gang zag gzhan rnams la sems nyid kyis sems shes pa de ni dgu pa'o/ /gang zhig sgrub shes pa dang yongs su zad pa shes pa de ni bcu pa'o/ /yongs su shes zhes bya ba ni/ sngon du gsungs pa'i rtog pa'i bdag nyid can gyi rnam par dpyad pas zhes bya ba'i don to/ /de ltar mdor bstan pa bshad nas/ khro bo'i sngags kyi sgo nas rgyas par bshad pa brjod pa'i phyir/ gshin rje mthar byed ces bya ba gsungs te/ gshin rje mthar byed do/ /gshin rje ni dmyal ba'o/ /de la khro ba chen pos ting nge 'dzin gyi mthar byed pas na de skad ces bya'o/ /drang ba'i don to/ /gshin rje ni ma rig pa'o/ /de la 'od gsal gyi ngo bos mthar byed pas na de skad ces bya ste/ nges pa'i don to/ /shes rab mthar byed ces bya ba ni/ shes rab mthar byed do/ /shes rab rnam par bcad pas nyon mongs pa mthar byed pas na de skad ces bya ste/ drang ba'i don to/ /'jug pa'i rnam par shes pa yongs su 'gyur ba'i bdag nyid kyi phyir shes rab po/ /de la 'od gsal zhugs pas mthar byed pa'i phyir/ shes rab mthar byed de/ nges pa'i don to/ /pad+ma mthar byed ces bya ba ni/ pad+ma mthar byed do/ /chu yis mi gos pa'i pad+ma ltar nyon mongs pas ma gos par gyur pas de rnams mthar byed bas na de skad ces bya ste/ drang ba'i

  356. 178b

    don to/ /pad+ma ni skye gnas so/ /mthar ni dbus te/ de la bde ba byed pas na pad+ma mthar byed do/ nges pa'i don to/ /de'i rjes la bgegs mthar byed ces bya ba ni/ bgegs mthar byed do/ /bgegs rnams 'joms par byed pas na bgegs mthar byed de drang ba'i don to/ /bgegs ni khams rnams so/ /de rnams la thabs kyi ye shes 'char bas mthar byed pas na de skad ces bya'o/ /nges pa'i don to/ /'dod pa'i rgyal po zhes bya ba ni/ 'dod pa ni gdug pa can rnams 'ching ba la zhes bya ba'i byed pa khams kyi sbyor ba la gdug pa can rnams 'ching bar byed pa nyid kyis rgyal po ni gsal bar byed pas na 'dod pa'i rgyal po'o/ /de bzhin mi g.yo ba zhes bya ba ni/ bgegs kyis mi g.yo ba nyid kyi phyir ro/ /stobs po che zhes bya ba ni/ bgegs la sogs pa bzlog pas stobs chen po dang ldan pa'i phyir ro/ /dbyug pa sngon po zhes bya ba ni/ dbyug pa sngon pos gdug pa can gyi sems can thams cad skrag par byed pa gang la yod pa de la de skad ces bya'o/ /gnod mdzes zhes bya ba ni/ bgegs rnams thams cad nges par 'joms pas gnod mdzes te/ de'i ngo bos gsal bas na gnod mdzes rgyal po'o/ /gtsug tor 'khor los sgyur zhes bya ba ni/ gtsug tor mgor byas te nam mkha' la spyod pa'i bgegs rnams bzlog pa sngon du 'gro bas 'khor ni dkyil 'khor gyi 'khor lo'i steng gi cha la bsgyur ba'i ngang tshul ga la yod pa de ni/ gtsug tor 'khor los bsgyur ba'o/ /de ltar de rnams zhes bya ba ni/ khro bo bcu'o/ /gnas dbye ba zhes bya ba ni/ de ma thag par bshad pa'i dpung pa dang nye ba'i dpung pa la sogs pa'i dbye bas so/ /rdo rje gsum gyis yongs su gsal zhes bya ba ni/ gsang ba gsum gyi ngo bo mi bskyod pa 'am rdo rje 'chang chen po las yongs su gsal ba ni skyes pa'o/ /rang nyid kyis rdo rje gsum gyi ngo bo

  357. 179a

    nyid kyi sku la sogs pa'i dbye bas yongs su gsal ba ni de'i ngo bo zhes bya ba'i tha tshig go /ngo bo gcig tu gyur nas ni zhes bya ba ni/ rang gi lus la gcig pa nyid thob pa'o/ /yang dag ces bya ba ni/ phyin ci ma log pa'i ngo bos so// de kho na nyid brten zhes bya ba ni lus rnam par dben pa'i mtshan nyid de kho na nyid kyi phyogs gcig la brten pa zhes bya ba'i don to/ /de ltar bdag gi de kho na nyid kyis rgyas par bshad pa bstan nas/ nye bar bsdu ba brjod pa'i phyir/ bdag gi de nyid ces bya ba gsungs te/ sngon du gsungs pa'i rigs bas bdag nyid kyi lus la phung po dang khams la sogs pa'i dbye bas tha dad pa'i de kho na nyid ni dkyil 'khor gyi 'khor lo'i rnam pa nyid kyis yongs su shes pa'o/ /cho ga bzhin zhes bya ba ni/ rgyud rgyas pa'i rim pas so/ /shes bya zhes bya ba ni/ shes par bya ba'o/ /bla ma'i zhal las shes bya ba ni/ ma 'ongs pa'i dus na rdo rje slob dpon gyi zhal las shes bya ba'i don to/ /de ltar dbye ba dang bcas pa'i don rnam pa gsum gyi bdag gi de kho na nyid brjod nas/ sngags kyi de kho na nyid bstan pa'i phyir/ de'i yan lag gi ngo bo bshad pa ni/ sngags kyi de nyid ces gsungs te/ sngags ni sbrul la sogs pa rnams kyi de nyid ni a yig gi rnam pa nyid do/ /rnal 'byor mchog ces bya ba ni/ spros pa dang bral ba'i phyir mchog gi ting nge 'dzin gyi rnam pa'o/ /ye shes chen po zhes bya ba ni/ 'od gsal yongs su shes pa'i phyir ro/ /legs rgyas pa zhes bya ba ni khyab par byed pa nyid kyi phyir ro/ /skye med ces bya ba ni/ skye ba med pas so/ /zag med ces bya ba ni/ 'jig pa med pa'i phyir ro/ /mi gsal dang zhes bya ba ni/ thams cad la khyab par byed pa yin yang de ltar snang ba med pa'i phyir ro/ 'gyur ba med cing zhes bya ba ni/ rnam par rtog pa rnams kyis mi 'gyur ba'i phyir ro/ /sgrib pa med ces bya ba ni/ nyon

  358. 179b

    mongs ba'i sgribs pa spangs nas so/ /gnyis med ces bya ba ni/ gnyis med pa'i phyir ro/ /'jigs med ces bya ba ni/ 'dod chags la sogs pa'i 'jigs pa med pas so/ /zhi ba dang zhes bya ba ni/ dang po nyid nas nye bar zhi ba'i phyir ro/ /bde ba chen po'i go 'phang zhes bya ba ni/ sdug bsngal thams cad bzlog pas so/ /mchog ces bya ba ni/ 'jig rten las 'das pa'i phyir ro/ /de ltar sngags kyi de kho na nyid kyi ngo bo bstan nas/ rab tu dbye ba brjod pa'i phyir/ sbrul dang/ btu dang zhes bya ba la sogs pa gsungs te/ mgo dang mjug ma yod pa'i phyir sbrul dang 'dra bas na sbrul lo/ /btu zhes bya ba ni/ gnyis ka yang med par 'gyur ba nyid kyi phyir ro/ /mdza' med dang zhes bya ba ni/ mgo yod kyang mjug ma med pa nyid kyi phyir ro/ /mgo med ces bya ba ni/ mjug ma yod kyang mgo med pa nyid kyi phyir ro/ /mtshan nyid bstan pa'i phyir/ oM zhes bya ba la sogs pa gsungs te/ oM yig dang po can no/ /hUM dang swA hA'i mdza' zhes bya ba ni/ yongs su rdzogs pa nyid kyis sbrul zhes bya ba mngon par brjod ces bya ba ni/ de dang 'dra ba nyid kyis mgo dang mjug ma dag yod par chos mthun pas oM yig dang swA hA'i yi ge dag yod pa'i phyir ro/ /rang ming ngo bo brjod pa ni zhes bya ba ni/ rang ni bdag dang 'brel ba'i ming brjod pa'i rnam pa ste/ de'i mtshan nyid do btus pa'i mtshan nyid ming can no zhes bya ba ni/ mgo dang mjug ma dag med pa'i phyir/ Tak+ki hUM dza(rgyud 'grel): bya ba lta bu'o/ /oM dang po zhes bya ba ni/ oM yig dang po nyid du yod pa'i phyir ro/ /gang zhig sngags shes bya ba ni/ gang zhig de lta bur gyur pa'o// swA hA'i yi ge rnam par spangs zhes bya ba ni/ mjug ma dang 'dra ba de med pa'i phyir ro/ /mdza' med ces bya ba'i ming can no zhes bya ba ni mdza' med pa nyid kyi phyir ro/ /bla ma'i zhal gyi rim pa las 'byung zhes bya ba ni/ slob dpon gyi zhal gyi brgyud pa las/

  359. 180a

    'byung zhes bya ba'i don to/ /swA hA'i mdza' can zhes bya ba ni/ mjug ma dang 'dra ba'i swA hA'i yi ge yod pa'i phyir ro/ /oM med pa zhes bya ba ni/ oM yig dang bral ba'o/ /mgo med ces ni zhes bya ba ni/ de dang 'dra bar mgo bo bcad pa'i phyir ro// bshad pa yin no zhes bya ba ni brjod pa'o/ /de ltar rab tu dbye ba bshad nas nye bar bsdu ba brjod pa'i phyir/ de ltar zhes bya ba ni/ sngar gsungs pa'i rigs pas so/ /mtshan nyid ces bya ba ni/ thun mong ma yin pa'i ngo bo 'jug par byed pa'i ngo bos so// shes nas ni zhes bya ba ni/ shes par bya ba'o/ /sngags kyi de nyid ces bya ba ni/ de ma thag par gsungs pa rnams so/ /bla na med ces bya ba ni/ a yig gi ngo bo nyid kyis rtogs pa'i phyir ro/ /'di yi zhes bya ba ni/ sngags kyi de kho na nyid do/ /rgya chen don zhes bya ba ni/ brjod par bya ba la sogs pa spros pa'i bdag nyid can no/ /shes bya zhes bya ba ni/ shes par bya ba'o/ /rtsa ba'i rgyud kyi rjes su 'brangs nas zhes bya ba ni/ dpal gsang ba 'dus pa'i le'u dang por gsungs pa'i rigs pas zhes bya ba'i don to/ /de ltar don rnam pa gsum gyi sngags kyi de kho na nyid bshad nas/ ye shes kyi de kho na nyid brjod pa'i phyir/ de'i yan lag spyi'i ngo bo bstan pa ni/ ye shes de nyid ces bya ba gsungs te/ 'bras bur gyur pa'i zung 'jug gi rnam pa ste/ kun rdzob dang don dam pa ro gcig par gyur pa nyid kyi phyir ro/ /rnal 'byor mchog ces bya ba ni mthar thug pa nyid kyi phyir ro/ /gnyis pa thams cad rnam par spangs zhes bya ba ni/ tha dad pa'i rnam par rtog pa ma lus pa bzlog pa'i bdag nyid kyi phyir ro/ /dbang po thams cad mnyam par sbyor zhes bya ba ni/ so sor sdud pa'i mtshan nyid kyi phyir ro/ /ji skad du/ dbang po bcu po rnams nyid ni/ rang gi 'jug gnas thams cad las/ /so sor bsdud pa zhes ni brjod/ /'dod pa so sor sdud pa'o/ /zhes bya ba lta bu'o//

  360. 180b

    dbang po thams cad ni lnga ste/ de rnams yul rnams dang lhan cig tu mnyam par sbyor ba ni 'brel pa'o/ /dngos po thams cad gcig pa'i lus zhes bya ba ni/ dngos po thams cad la gcig pa nyid de/ ro mnyam pa nyid kyi lus gang la yod pa de la de skad ces bya'o/ / des ni bsam gtan gyi ngo bo nyid bstan te/ yul rnam pa gsum la de bzhin gshegs pa gsum gyi rnam pa gdong ma nas skye ba med pa nyid du shes pa'i phyir ro/ /ngag gi rnam rtog kun spangs pa zhes bya ba ni/ srog dang rtsol ba'i ngo bo ste ngag gi rtog pa thams cad las 'das pa snyam du bya nas so/ /snang ba kun gyi ngo bo nyid ces bya ba ni/ snang ba la sogs pa'i ye shes gsum gyi rim gyis sems 'od gsal ba'i rnam pa can no/ /'dis ni sems 'od gsal ba'i ngo bo 'dzin pa gsungs so/ /bdag byin brlabs pa'i rang bzhin can zhes bya ba ni sgyu ma lta bu'i ting nge 'dzin gyi bdag nyid can gyi phyir/ 'dis ni rjes su dran pa'i yan lag gsungs so/ /kun la khyab pa zhes bya ba ni/ stong pa gsum gyi rang bzhin can chos rnams thams cad la khyab pa'o/ /'dis ni rang bzhin gyis 'od gsal ba'i rnam pa 'dzin pa gnyis pa'i ngo bo gsungs so/ /rmad du byung zhes bya ba ni/ 'bad pa med par sems can gyi don 'grub pas so/ /rang rig pa'i zhes bya ba ni/ mdza' gnyis su ma ltung ba rang gis rig par bya ba nyid kyis zung 'jug gi rnam pa'o/ /'dis ni ting nge 'dzin gyis bsdus pa bstan to/ /rnal 'byor mchog ces bya ba ni/ bla na med pa'i phyir ro/ /skad cig bzhi pa'i mtshan nyid can zhes bya ba ni/ don gyi lhan cig skyes pa'i ngo bo'o/ /cha 'bral zhes bya ba ni/ cha thams cad dang bral ba'i phyir ro/ /de yang kun rdzob byang chub kyi sems dang bral ba nyid kyis shes par bya'o/ /kun 'gro zhes bya ba ni/ dga' ba la sogs pa gsum la khyab pa nyid kyi phyir ro/ /phra mo'i zhes bya ba ni/ phra mo'i rnal 'byor pa rnams kyis

  361. 181a

    rtogs par bya ba'o/ /yul ma yin zhes bya ba ni/ spyod yul du ma gyur pa'o/ /rnal 'byor byis pas zhes bya ba ni/ las dang po pa'i bskyed pa'i rim pa sgom pa pos so/ /kun rdzob kyis ni yongs su shes bya zhes bya ba ni/ sgra dang rnam par rtog pa rnams kyis brjod par bya ba ma yin pa nyid kyis phyir ro/ /don dam rang gi ngo bo ni zhes bya ba ni/ gcig tu mthar phyin pa'i rnal 'byor pa rnams kyis reg par bya ba nyid kyi phyir/ de ltar spyir rang gi ngo bo bstan nas so/ /khams su bsdu ba'i sgo nas khyad par du rang gi ngo bo brjod pa'i phyir/ rdzogs pa'i rim pa'i dbye ba dang zhes bya ba ni/ rnam pa gnyis kyi rdzogs pa'i rim pa'i ngo bo'o/ /sngags kyi de nyid ces bya ba ni/ de ma thag par gsungs pa'i'o/ /rab 'jug gsal zhes bya ba ni gsungs pa'o/ /oM ni zhes bya ba ni/ yi ge oM mo/ /de nyid thig le nang du thim zhes bya ba ni/ oM yig gi thig le nang du 'dus pa'o/ /yang dag ces bya ba ni/ spros pa med pa'i ngo bo nyid la brten nas so/ /rnam par bsgom zhes bya ba ni sgom pa'o/ /thig le zhes bya ba ni/ oM yig dang 'brel pa'i 'o/ /yi ge A(rgyud 'grel): la zhes bya ba ni/ ngag gi sa bon la'o/ /thim zhes bya ba ni/ nang du 'dus pa ste/ lus la brten nas dag skye ba'i phyir dang/ /lus la yang rags pa dang phra ba'i ngo bo can gyi ngag la thim pa'i phyir ro/ /a yig ces bya ba ni/ rang nyid kyis ngag gi dbang phyug gi sa bon no/ /ta yig ces bya ba ni/ rang gi cha'i ngo bo tsheg drag gnyis kyi ngo bo la'o/ /de la bltos nas de spros pa med pa'i phyir ro/ /ta yig ces bya ba ni/ a yig dang 'brel pa cha shas kyi ngo bo'o/ yi ge hUM la zhes bya ba ni/ sems kyi dbang phyug gi sa bon la'o/ /ha yang zhes bya ba ni/ sems kyi dbang phyug gi sa bon gyi cha shas so/ /yi ge u ni zhes bya ba ni/ hUM yig gi cha shas la'o/ /thim zhes bya ba ni/ nang du 'dus nas 'gro ba'o/

  362. 181b

    yi ge ha yang zhes bya ba ni/ u yig gi nang du 'dus par byed pa'o/ /yi ge ma yang zhes bya ba ni/ yi ge hUM yig gi thig le la'o/ /yi ge ma yang zhes bya ba ni/ thig le'i bdag nyid do/ /thig le tsam zhes bya ba ni/ hUM yig gi thig le brjod par bya ba ma yin pa'i ngo bo la'o/ /thig le yang ni sgra la thim zhes bya ba ni/ brag ca dang 'dra ba'i sgra la'o/ /yang dag thim zhes bya ba ni/ nang du thim pa'o/ /sgra yang zhes bya ba ni/ brag ca'i ngo bo'i sgra'o/ /sgra tsam la na'o zhes bya ba ni/ sgra rdzogs pa'i ngo bo'i stong pa la'o/ /sgra tsam mchog gi nam mkha' la zhes bya ba ni/ mchog gi nam mkha' la'o/ /de yang zhes bya ba ni mchog gi nam mkha' o/ /'gro zhes bya ba ni/ 'gro ba'o/ /'od gsal zhes bya ba ni/ rang bzhin gyis 'od gsal ba la'o/ /'od gsal go 'phang zhes bya ba ni/ rang bzhin gyis 'od gsal ba'i rnam pa'i 'dug pa'i gnas so/ /gsal por ni zhes bya ba ni/ rang bzhin gyis rnam par dag pa'o/ /shin tu rnam par dag ces bya ba ni/ dri ma med pa'i rnam par dag pa dang ldan pa'o/ /chos dbyings te zhes bya ba ni/ chos thams cad rang bzhin gyi ngo bo'o/ /gnyis su med pa zhes bya ba ni/ tha dad pa'i rnam par rtog pa med pa'i phyir ro/ /ye shes mchog ces bya ba ni/ ye shes med pa'i ngo bo nyid kyi phyir ro/ /rab tu sad cing zhes bya ba ni/ lam gyi stobs kyis rnam par dag pa'i phyir ro/ /rtag tu 'char zhes bya ba ni/ rang bzhin gyis rtog pa'i phyir ro/ /ngag gi spyod pa rnams dang bral zhes bya ba ni/ sgra dang rnam par rtog pa'i yul ma yin pa nyid kyis so/ /gnyis pa thams cad rnam par spangs zhes bya ba ni/ tha dad pa'i rnam par rtog pa med pa'i phyir ro/ /phung po lnga ni gcig pu'i gzhi zhes bya ba ni/ de bzhin gshegs pa lnga'i bdag nyid kyi phyir de la brten pa'o/ /'byung ba lnga ni yang dag rten zhes bya ba ni/ sa la sogs pa'i

  363. 182a

    khams kyi ngo bo nyid kyi phyir ro/ /rnam shes brgyad kyi ngo bor 'gyur zhes bya ba ni/ de'i rang bzhin ni snga ma bzhin no/ /phyi'i yul drug bsdus pa ni zhes bya ba ni/ gzugs la sogs pa'i yul nyid kyi phyir ro/ /rlung bcu zhes pa zhes bya ba ni/ rlung bcu'i bdag nyid kyi phyir ro/ /shes pa'i mtshan nyid ces bya ba ni/ shes pa gsum gyi mtshan nyid do/ /thams cad bsdus pa zhes bya ba ni/ rim pa thams cad bsdus pa'i ngo bo'o/ /de ltar nang du bsdus pa'i sgo nas khyad par du sngags kyi de kho na nyid kyi ngo bo bstan nas/ de rtogs pa po'i phan yon brjod pa'i phyir/ kun nas spro ba'i rnal 'byor gyis zhes gsungs te/ bskyed pa'i rim pa'i rjes la rdzogs pa'i rim pa'i mthar thug pa kun nas spro ba'i rnal 'byor gyis/ rang dang gzhan gyi don gyi mtshan nyid kyis so/ /gang gis shes bya ba ni/ sngags kyi de kho na nyid sgom pa po'i rnal 'byor pas so/ /srid pa gsum zhes bya ba ni khams gsum po la'o/ /bzhugs nas zhes bya ba ni/ spyod pa byed pa'o/ /dngos grub kun byed ces bya ba ni/ 'jig rten pa dang 'jig rten las 'das pa'i dngos grub byed pa'o/ /dpal dang ldan zhes bya ba ni/ tshogs gnyis dang yang dag par rdzogs pa'i phyir ro/ /bskal pa bzang po kun 'phel ba zhes bya ba ni/ bskal pa bzang po thams cad nyon mongs pa rnams kyis gzhan dbang du ma gyur pa'i mtshan nyid can la 'phel bar byed pas na kun 'phel ba ste/ thams cad du ngag 'dzin pa'i phyir ro/ /rdo rje de ni zhes bya ba ni/ 'di nyid rdo rje 'chang gi ngo bo ste/ stong pa nyid kyi de ko na nyid mngon du byed pa'i phyir ro/ /rdo rje sems zhes bya ba ni/ rnal 'byor gyi rgyud la bltos nas so/ /rdo rje 'jigs byed ces bya ba ni/ rdo rje ltar rnam par rtogs pas mi 'jigs pa'i phyir ro/ /dbang phyug dang zhes bya ba ni/

  364. 182b

    thams cad du rang dga' nyid thob pa'i phyir ro/ /he ru ka dang zhes bya ba ni/ rnal 'byor ma'i rgyud la bltas nas rnam par thar pa'i sgo gsum gyi ngo bo nyid kyi phyir ro/ /ji skad du/ he ni rgyu sogs rnam par spangs zhes bya ba la sogs pa gsungs so/ / dus 'khor lo dang zhes bya ba ni/ /ka yig rgyu ni zhi ba ste/ /la yig 'di la stobs dang ldan/ /tsa yig sems kyi g.yo ba nyid/ /kra yig gis ni rim par bcing/ /zhes gsungs so/ /dang po'i sangs rgyas zhes bya ba'i dang po nyid nas rang bzhin gyis/ rnam par dag pa sangs rgyas pa nyid kyi phyir ro/ /thub pa che zhes bya ba ni/ lus la sogs pa thub pa dang ldan pa'i phyir thub pa'o/ /nyan thos la sogs pa'i mtshan nyid dang bral ba'i phyir chen po'o/ /kun tu bzang po zhes bya ba ni/ kun nas bzang po 'di las 'byung bas na/ /kun tu bzang po'o/ /de yang rnam par dag pa gnyis dang ldan pa'i phyir dang/ phun sum tshogs pa gnyis dang ldan pa'i phyir ro/ /'jam dpal dang zhes bya ba ni/ 'jam pa ni yid du 'ong ba ste/ dpal ni phun sum tshogs pa 'di la yod pas snyam du byas nas so/ /ji lta bu zhe na/ de'i phyir sna tshogs spro ba'i bdag nyid can zhes bya ba gsungs te/ de dang de'i sems can gyi bsam pa'i rjes su 'brangs nas/ de'i rnam pa'i gzugs yongs su spro ba'i bdag nyid can gyi phyir ro// sna tshogs rnam pa rnam grol zhes bya ba ni/ dngos po la rnam pa med pa nyid kyis rnam pa med pas so/ /sna tshogs yon tan tshogs kyi gzhi zhes bya ba ni/ stobs dang mi 'jigs pa la sogs pa sangs rgyas kyi yon tan dang yang dag par ldan pa'o// kun nas spro ba'i rnal 'byor ni zhes bya ba ni/ rnam pa thams cad du gzugs kyi sku spro ba'i sbyor bas so/ /rnal 'byor chen po zhes bya ba ni/ rang gi ngo bo las ma g.yos pa'i phyir ro/ /dri ma med ces bya ba ni/ gzhan gyi don 'grub pas so/ /de

  365. 183a

    rtogs pa po'i phan yon bstan nas nye bar bsdu ba brjod pa'i phyir ye shes de nyid ces bya ba gsungs te/ de ma thag bar bshad pa rnams so/ /gsal ba zhes bya ba ni/ rnal 'byor mngon sum gyi yul yin pa'i phyir ro/ /shes bya min zhes bya ba ni/ so so'i skye bo rnams kyis yongs su shes par mi nus pa nyid kyi phyir ro/ /gnas pa med ces bya ba ni/ rten gyi dben pa'o/ /chos kyi dbyings 'gro ba zhes bya ba ni/ de'i dbang gis de lta bu'i ye shes bskyed pa'i phyir ro/ /bskyed dang rdzogs pa'i mtshan nyid dang zhes bya ba ni/ rim pa gnyis kyi khyad par gyi phyir ro/ /sku'i rtse mo brgyad stong 'dra zhes bya ba ni shin tu yang phras bas so/ /shin tu gsal zhing zhes bya ba ni/ shin tu yang gsal bas so/ /'od gsal ba zhes bya ba ni/ rnam par dag pa'i mthar phyin pas so/ /bla ma'i zhal las shes bya ba ni/ slob dpon gyi zhal las so/ /shes zhes bya ba ni/ yongs su shes par bya pa'o/ /lung dang rig pa'i dbye ba yis zhes bya ba ni/ sngags kyi theg pa dang rjes su mthun pa'i rigs pa dang/ lung ni rgyud sde lnga la sogs pa'i bdag nyid kyis so/ /dbye bas shes zhes bya ba ni/ de'i rab tu dbye bas shes bya ba'i don to/ /de ltar don rnam pa bzhis ye shes kyi de kho na nyid gsungs so/ /de ltar de kho na nyid gsum bstan nas/ de'i nye bar bsdu ba brjod pa'i phyir/ de ltar de nyid gsum dang dam tshig ces bya ba la sogs pa gsungs te/ bdag gi de kho na nyid la sogs pa'i ngo bo ste/ ye shes mchog ces bya ba ni/ bskyed pa'i rim pa'i rjes la rim pa lnga po sdud par byed pa nyid kyi phyir ro/ /gsang ba'i ni zhes bya ba ni/ snod ma yin pa rnams la sba bar bya ba'i phyir ro/ /bzhi pa ye shes mtshan nyid do zhes pa ni/ lhan cig skyes pa'i rnam pa nyid kyi phyir dang/ mtshan nyid dang bral ba'i skad cig ma'i ngo bo nyid kyi phyir ro//

  366. 183b

    rnal 'byor chen po'i rgyud dpal rdo rje phreng ba'i rgya cher 'grel ba/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u nyi shu rtsa gsum pa'i rgya cher bshad pa'o// //de ltar le'u nyi shu rtsa gsum pas de kho na nyid gsum gyi yul la dri ba'i lan gdab pa bstan nas/ da ni sna'i rtse mo gsum gyi yul la dri ba'i lan brjod pa'i phyir le'u nyi shu rtsa bzhi pa nye bar ston zhing/ dang por de rtsom pa gsungs pa ni/ de nas zhes bya ba la sogs pa gsungs te/ le'u nyi shu rtsa gsum pa bshad pa'i rjes la'o/ /gzhan yang zhes bya ba ni/ snga ma la bltos bas tha dad pa nyid kyi phyir ro/ /nyon zhes bya ba ni/ phyag na rdo rje nyan pa la sbyar ba'o/ /sna rtse gsum gyi mtshan nyid ces bya ba la/ sna rtse gsum ni gsang ba dang/ snying ga dang/ kha'i dbye bas tha dad pa'i mtshan nyid ni/ thun mongs ma yin pa'i de kho na nyid 'jog par byed pa'o/ /bshad kyis zhes bya ba ni/ brjod par bya yis pa'o/ /de ltar de'i rtsom pa bstan nas/ dngos su bstan pa brjod pa'i phyir/ /de'i yan lag sna rtse gsum bstan pa gsungs pa ni/ gsang ba snying ga gdong sna'i ming zhes bya ba ste/ des brjod par bya ba'o/ /gsum pa rgyud las shes bya ba ni/ rtsa ba'i rgyud kyi dpal gsang ba 'dus pa las so/ /gsal ba ni zhes bya ba ni/ bcom ldan 'das kyis bstan pa'o/ /'khor lo gsum gyi dbye ba yis zhes bya ba ni/ sprul pa dang/ chos dang/ longs spyod rdzogs pa la nye bar gnas pa'i 'khor lo gsum gyi dbye bas so/ /rnal 'byor pa yis shes bya ba ni/ rlung gi de kho na nyid sgom pa bo rnams kyi'o/ /sgom pa'i rim pa zhes bya ba ni/ rlung gi de kho na nyid bsgom pa'i rim pa'o/ /de ltar sna rtse gsum gyi yul la 'dri ba mdor bstan nas/ de rgyas par bshad pa bstan pa'i phyir gsang ba'i sna rtse brjod pa'i yan lag rdzas kyi thig le sgom

  367. 184a

    pa ni/ shin tu chags pa'i zhes bya ba la sogs pa gsungs te/ shin tu chags pa ni shin tu chags pa ste chags pa chen po'o/ /des kun nas non pa gang la yod pa de la de skad ces bya ste/ de rnams kyi'o/ /bde ba ster zhes bya ba ni bde ba thob par byed pa ste/ bde ba chen po kun nas skye zhes bya ba dang 'brel to/ /ji ltar zhe na/ rlung gi de nyid sbyor ba yis zhes bya ba gsungs te/ srog dang rtsol ba'i rlung gi sbyor ba dag gis so/ /rtsa'i 'khor lo sad par byed ces bya ba ni/ rtsa'i 'khor lo ni rang gi lus la gnas pa'o/ /sad par byed pa ni yongs su shes pa'i rgyus so/ kun nas skye zhes bya ba ni/ thabs shes rab sbyor ba'i stobs kyis kun nas skye ba'o/ /bde ba chen po zhes bya ba ni/ byang chub sems kyi ngo bo'o/ /ji ltar zhe na/ khams rnams ro gcig gyur nas ni zhes gsungs te/ khams sum cu rtsa gnyis ro mnyam pa nyid kyis so/ /dgug ces bya ba ni/ rlung gi de kho na nyid kyi stobs kyis bzung nas so/ /gzhug ces bya ba ni/ gzhug pa'o/ /cho ga bzhin du bya zhes bya ba ni/ rlung gi de kho na nyid kyi chogs so/ /gzung zhes bya ba ni/ bzung bar bya ba'o/ /rdo rje'i rtse mor zhes bya ba ni/ rdo rje'i rtse mor ro/ /byang chub sems ni zhes bya ba ni/ kun rdzob kyi rnam pa'i'o/ /bde ba chen po zhes bya ba ni/ bde ba chen po dang rgyu mthun pa'i phyir ro/ /lhan skyes skad cig mtshan nyid ni zhes bya ba ni/ dpe'i lhan cig skyes pa'i mtshan nyid can no/ /ye shes lnga'i rang bzhin zhes bya ba ni/ las kyi thig le la dag pa'i zla ba dang kunda lta bu'i gzugs ni me long lta bu'i ye shes so/ /khams sum cu rtsa gnyis dang ro mnyam pa ni/ mnyam pa nyid kyi ye shes so/ /de nyid la bde ba nyams su myong ba'i ngo bo nyid ni/ so sor rtog pa'i ye shes so/ /de las spro ba dang/ bsdu ba'i rim pas bya ba grub pa'i ye shes so/ /rang bzhin gyis stong pa nyid kyis

  368. 184b

    shin tu rnam par dag pa'i chos kyi dbyings kyi ye shes so/ /bde zhes bya ba ni/ nyams su myong ba'i chos nyid kyi phyir ro/ /kun tu rtog pa thams cad spangs zhes bya ba ni/ mi mthun pa'i phyogs dang rnam par bral ba'i phyir ro/ /rdzas thig le zhes bya ba ni/ byang chub sems kyi thig le'i ngo bo nyid kyi phyir ro/ /gsang pa'i sna rtser zhes bya ba ni/ rdo rje'i rtse 'am pad+ma'i sna rtser yang rung ste/ de'i mthar zhes bya ba ni/ de'i mdza' mar ro/ /yang dag bzung ba'i bdag nyid can zhes bya ba ni/ bzung ba'i ngo bo'o/ /rnal 'byor mchog ces bya ba ni/ mchog gi rnal 'byor gyi rgyur gyur pa nyid kyi phyir ro/ /chags chen sems ni gcig pu yis zhes bya ba ni/ shin tu yang 'dod chags shas che ba rnams kyi zhes bya ba'i don to/ /chags pa chen po'i yul la sems gcig pu gang rnams yod pa de la de skad ces bya ba'o/ /de ltar rdzas kyi thig le bsgom pa bstan nas/ gsang ba'i sna rtse'i ngo bo bshad pa'i phyir/ pad 'dab drug cu rtsa bzhi la zhes bya ba gsungs te/ de rtsa rnams kyi dbyibs nyid kyi phyir ro/ /pad+ma zhes bya ba ni/ de'i rnam pa nyid kyi phyir ro/ /rtsa'i 'khor lo zhes bya ba ni/ yang dag shugs la sogs pa'i mtshan nyid kyi phyir ro/ /rtsa'i 'khor lo ji skad 'byung zhes bya ba ni/ le'u bcu bdun pa las/ ji skad du bstan pa'o/ /de'i lte ba sna rtser bshad ces bya ba ni/ sprul pa'i 'khor lo'i dbus kyi lte ba dang/ de dang nye bar gsang ba'i 'khor lor gnas pa'i rdo rje dang/ pad+ma'i rtsa'i lte ba'o/ /sna rtser bshad ces bya ba ni/ gsang ba'i sna rtser brjod pa'o/ /de nyid kyi phyir gsang ba zhes bya ba gsungs te/ gsang ba'i ming can no/ /bde ba thams cad ster bar byed pa'o/ /de ltar rnam pa gnyis kyis gsang ba'i sna rtser bshad nas/ snying ga'i sna rtse'i ngo bo bshad pa ni/ snying ga'i sna rtse zhes bya ba la sogs pa gsungs te/ chos 'khor lo zhes bya ba ni/ rang gi mtshan nyid 'dzin par byed pa'i

  369. 185a

    bdag nyid can la'o/ /snying ga'i zhes bya ba ni/ snying ga'i gnas su'o pad+ma 'dab brgyad ces bya ba ni/ pad+ma 'dab ma brgyad pa'i rnam pa la'o/ /lte ba zhes bya ba ni/ dbus su ge sar dang bcas pa'o/ /sna'i rtse mo snying ga ste zhes bya ba ni/ snying ga'i sna rtser ro/ /gang la zhe na/ de'i phyir zhe sdang nyid kyi sems ni zhes bya ba gsungs te/ zhe sdang gi rigs can rnams kyi'o/ /de la zhes bya ba ni/ snying ga'i sna rtse de la'o/ /sngags ni zhes bya ba ni/ sprin gyi sgra'o ngo bo la'o/ /rdo rje 'chang zhes bya ba ni/ rdo rje 'chang chen po'o/ /yang dag spro bar byed pa'i rgyu ni/ skyed par byed pa'i rgyu'o/ /ngag gi rtog pa kun spangs pa zhes bya ba ni/ ngag gi spros ba thams cad kyi yul las 'das pa nyid kyi phyir ro/ /mchog gi ye shes zhes bya ba ni/ mchog gi ye shes ngag 'od gsal ba'i rnam pa'i rgyur gyur pa'i phyir ro/ /rmad 'byung che zhes bya ba ni/ de nyid las ngag gi spros pa thams cad 'jug pa'i phyir ro/ /phra ba'i zhes bya ba ni/ phra mo'i rnal 'byor gyi yul yin pa'i phyir ro/ /rtag tu 'char zhes bya ba ni/ chos nyid kyi ngo bos rtag tu yod pa'i phyir ro/ /nA da ni zhes bya ba ni a yig gi rnam pa'o/ /rnam rtog med pa'i zhes bya ba ni/ cha lnga pa'i ngo bo'i rnam par rtog pa med pa'i phyir ro/ /bde ba che zhes bya ba ni/ der sems 'dzin pas rnam par g.yeng ba'i ngo bo sdug bsngal bzlog pa'i phyir ro// bsgom bzhin zhes bya ba ni/ de ma thag par gsungs pa'i sngags kyi thig le sgom par byed cing ngo/ /rnal 'byor mchog zhes bya ba ni/ bskyed pa'i rim pa bsgom pa po la bltos nas mchog nyid kyi phyir ro/ /rigs pas zhes bya ba ni/ 'byung ba dang 'jug pa'i rjes su bstan pa'i ngo bos so/ /man ngag thob pas zhes bya ba ni/ man ngag yang dag par rtogs pa'o/ /bde bar zhes bya ba ni/ bde bar byas nas so/ /rgyal zhe sdang zhes bya ba ni/ nyon mongs pa zhe sdang kun tu rgyu ba'i gnas skabs

  370. 185b

    chen no/ /dbang bya ba ni zhe sdang rnam par dag pa'i ngo bo nyid kyis bdag nyid la gzhan dbang du byas nas so/ /myur du zhes bya ba ni/ myur ba'o/ /thig le ji lta bu zhe na/ de'i phyir zhi ba'i de nyid rgyu gcig ni zhes bya ba gsungs te/ zhi ba'i rnam par rtog pa'i rlung gi rang bzhin rnams dang ma bsres pa'i de kho na nyid ni 'od gsal ba'i rnam pa la rgyu gcig pa de nyid de thig le'i bang gis de la mngon par phyogs pa'i phyir zhes bya ba'i don to/ /de ltar rnam pa gnyis kyis sngags kyi thig le bsgom pa bshad nas/ nga ni kun rdzob kyi sna rtse brjod pa'i yan lag gi rang gi ngo bo bstan pa'i phyir/ nyi ma zla ba me dang gsum zhes bya ba gsungs te/ la la nA dang ra sa nA dang/ a ba d+hU tI'i ngo bo ste/ khams gsum po 'bab par byed pa'i phyir ro/ /lan gsum gyis ni dbus nas khyab ces bya ba ni/ rtsa gsum gyi dbus su chud pa'o/ /gdong gi sna ni zhes bya ba ni/ kun rdzob kyi sna rtse'o/ /zhes byar zhes bya ba ni brjod pa'o/ /rlung rnams gnas kyi mtshan nyid dang zhes bya ba ni/ rlung rnams ni lnga 'am bcu'i gnas kyi mtshan nyid gang la yod pa de la de skad ces bya'o/ /de ltar rang gi ngo bo bstan nas/ de nyid du 'od zer gyi thig le bsgom pa mdor bshad pa'i phyir/ de la gnas pa'i zhes bya ba gsungs te/ de la zhes bya ba ni kun rdzob kyi sna rtse de la'o/ /ye shes che zhes bya ba la ye shes che ba ni rdo rje'i bzlas pa bsgrub par byed pa nyid kyi phyir ro/ /thig le che zhes bya ba ni/ 'od zer gyi thig le'o/ /gti mug gis gnon yid ces bya ba ni/ /mi shes pas dkrug pa'i sems kyi rgyun dang ldan pa'i rnal 'byor pa'o/ bsam gtan zhes bya ba ni/ bsgom par bya ba'o/ /gti mug mchog las rgyal zhes bya ba ni/ mi shes pa 'bigs par byed pa'o/ /mchog ces bya ba ni gti mug ste/ nyon mongs pa thams cad skyed par byed pa'i rgyur gyur pa'i phyir ro/ /ji skad du/

  371. 186a

    gti mug skyon rnams kyi ni rgyu/ de nyid phyir na mngon par brjod/ /gzhan du 'jig tshogs lta bu ni/ de spangs pas ni spangs pa'o zhes gsungs pa lta bu'o/ /gzhan yang ji lta bu zhe na/ de'i phyir dngos po thams cad rnam par smad ces gsungs te/ dngos po thams cad ni phyi dang nang gi bdag nyid can rnams la bye brag tu smod par byed pa ste/ de'i dbang gis dngos po thams cad kyi rang bzhin mi shes pa'i phyir ro/ /de ltar de nyid las 'od zer gyi thig le bsgom pa mdor bstan nas/ de rgyas par bshad pa brjod pa'i phyir/ ye shes lnga'i bdag nyid gsal zhes gsungs te/ de'i bdag nyid can 'od zer gyi thig le ste/ rlung lnga po rnams ni de bzhin gshegs pa lnga'i bdag nyid kyi phyir ro/ /sangs rgyas lnga ni bsten pa'i zhes bya ba ni/ de la srog gi rlung ni mi bskyod pa'i rang bzhin no/ /thur sel ni rin chen 'byung ldan gyi rang bzhin no/ /mnyam gnas ni snang ba mdza' yas kyi rang bzhin no/ /gyen du rgyu ba ni don yod grub pa'i rang bzhin no/ /khyab byed ni lus thams cad kyi tshogs la gnas pa nyid kyis rnam par snang mdzad kyi rang bzhin no/ /rten ni de'i rang bzhin gyi phyir ro/ /mchog ces bya ba ni/ ngag 'od gsal ba'i rgyur gyur pa'o/ /de ni 'od zer thig le tsam zhes bya ba ni/ de'i ming gis de brjod pa'i phyir ro/ /gdong gi sna rtser yang dag brten zhes bya ba ni/ kun rdzob kyi sna rtse la brten nas gnas pa'i phyir ro/ /bsgom par bya zhes bya ba ni/ sna'i rtse mor 'dzin par byed pa'o/ /rnal 'byor mchog ni zhes bya ba ni/ rdo rje bzlas pa'i rgyu nyid du gyur pa'i phyir ro/ /gti mug rgya mtsho las ni rgal zhes bya ba ni/ gti mug gi rgya mtsho mi snang bar byed pa zhes bya ba'i don to/ /de ltar de rgyas par bshad pa bstan nas/ de nyid kyi ming brjod pa'i phyir/ dam tshig sems dpa'

  372. 186b

    zhes bya ba la sogs pa gsungs te/ de ni zhes bya ba ni/ 'od zer gyi thig le la'o/ /dam tshig sems dpa' zhes bya ba ni ming ngo/ /yang dag pa'am kun nas son pa ni 'gro ba'i rang bzhin lung rnam pa lnga la sems dbang yod pas na dam tshig sems dpa' ming can du ni zhes bya ba ni ming ngo/ /yang dag ces bya ba ni/ rdzogs pa'i rim pa'i rang bzhin nyid du phyin ci ma log pa nyid kyis so/ /dam tshig sems dpa' ji lta bu zhe na/ de'i phyir sangs rgyas kun gyi dam tshig ni zhes bya ba gsungs te/ de bzhin gshegs pa kun gyi'o/ /ye shes lnga'i bdag nyid can zhes bya ba ni/ me long lta bu la sogs pa'i ye shes lnga'i bdag nyid can te/ don la de rlung rnam pa lnga'i bdag nyid can gyi phyir snyam du dgongs pa'o/ /rigs pa zhes bya ba ni/ 'od zer gyi thig le'i rang bzhin can no/ /rnal 'byor mkhas pa zhes bya ba ni/ kun rdzob kyi sna rtser 'od zer gyi thig le 'dzin par nus pa rnams kyi'o/ /gti mug mun pa rnam par 'joms zhes bya ba ni/ mi shes pa'i mun nag 'joms pa ste/ rlung rang gi ngo bo nye bar mtshon pas ngag dang bzhin med par shes pa nyid kyi phyir ro/ /kun tu rtog pa thams cad bral zhes bya ba ni/ ngag gi spros pa thams cad mi snang bar byed pa nyid kyi phyir ro/ /kun mkhyen rtog pa'i mtshan nyid ni zhes bya ba la/ kun mkhyen rtog pa ni thams cad mkhyen pa'i ye shes te de'i mtshan nyid gang la yod pa de la de skad ces bya ste/ phra mo'i rnal 'byor rnams kyis rig par bya ba'i phyir ro/ /de ltar de nyid kyi ming brjod pa bstan nas/ nga ni 'od zer gyi thig le 'jug pa'i sgo nas brjod pa'i phyir/ de'i lan mdor bstan pa ni/ sna'i bu ga las byung zhing zhes bya ba gsungs te/ gdeng gi sna'i bug dag la rlung 'byung ba'o/ /sangs rgyas lnga yi rigs gnas pa zhes bya ba ni/ rlung lnga po rnams ni de bzhin gshegs

  373. 187a

    pa lnga'i rnam pa nyid kyi phyir ro/ /rlung lnga steng du yang dag rgyu zhes bya ba ni/ rlung lnga po rnams steng gi sna'i sgo nas kun tu rgyu ba nyid kyi phyir ro/ /lus la spyod par zhes bya ba ni lus la'o/ /rtag tu 'gyur zhes bya ba ni/ dus thams cad du ste/ rlung lus la brten pa nyid kyi phyir ro/ /kun rdzob pa snang ni rgyu ba yi/ /zhes bya ba ni/ gdong gi sna las 'byung bas so/ /sgo de las ni zhes bya ba ni/ gdong gi sna'i bu ga las so/ /de zhes bya ba ni rlung ngo/ /rnam par 'byung zhes bya ba ni skye ba'o/ /de ltar mdor bstan nas/ nga ni rgyas par bshad pa brjod pa'i phyir/ g.yon dang g.yas dang gnyis ka dang zhes bya ba la sogs pa gsungs te/ g.yas pa dang g.yon pa dang gnyi ga dang nyid las ngal bar rgyu ba'i dbye bas rlung gi rgyu ba de rnams bzhi ste/ thun dang po la sogs pa bltos nas zhes bya ba'i don to/ /de ltar yang thun dang po las me'i dkyil 'khor gyi rlung sna bug g.yas pa nas 'byung bar 'gyur te/ thun gnyis pa la rlung gi dkyil 'khor nas sna bug g.yon pa las so/ /thun gsum pa la sa'i dkyil 'khor gnyis ka nas 'byung bar 'gyur te/ thun bzhi pa la gnyis ka dag las chu'i dkyil 'khor nas dal bar gyur pas 'bab bo/ /mtshan mo la yang de bzhin no/ /'dir yang dkyil 'khor re re nas/ dkyil 'khor bzhi'i cha'i grangs kyi sna bug re re nas g.yas pa la sogs pa'i dbye bas tha dad ba nyid du rtogs par bya'o/ /g.yas pa nas ni 'byung ba'i zhes bya ba ni/ g.yas pa'i sna bug nas 'byung ba nyid kyi phyir ro// khams zhes bya ba ni rlung ngo/ /me yis dkyil 'khor nyid yin te/ zhes bya ba ni/ me'i dkyil 'khor ro/ kha 'dog dmar po zhes bya ba ni/ de bzhin gshegs pa snang ba mdza' yas kyi rnam par dag pa'i rang bzhin nyid kyi phyir ro/ /gsal ba 'di

  374. 187b

    zhes bya ba ni/ rnal 'byor shes pa nyid du snang ba'i phyir ro/ /pad+ma mgon po zhes bya ba ni/ pad+ma bzhin du 'dod chags la sogs pas mgos pa nyid kyi phyir pad+ma'o/ /de nyid ni rang gi rigs rnams kyi bdag po nyid kyi phyir pad+ma mgon po'o/ /rgyu ba'o zhes bya ba ni/ snang ba mdza' yas nyid gyen du rgyu ba'i rnam pas rgyu ba'o/ /g.yon pa'i sna'i bu ga nas so/ /'byung ba'i zhes bya ba ni skyes pa'i 'o/ /khams zhes bya ba ni/ mnyam gnas kyi rlung gi rnam pa'o/ /rlung gi dkyil 'khor dang/ rten pa zhes bya ba ni/ rlung gi dkyil 'khor las skyes pa nyid kyi phyir ro/ /ljang ser ngag tu snang ba'i phyir ro/ /ljang ser dag tu snang ba ste zhes bya ba ni/ ljang gu'i mdog can no/ /las kyi mgon po'i zhes bya ba ni/ don yod grub pa'o/ /rgyu ba'o zhes bya ba ni/ rlung gi rnam par shes bya ba'i tho tshig go / gnyis ka las ni zhes bya ba ni/ sna'i bu ga gnyis ka las so/ /'byung ba'i zhes bya ba na skye ba'o/ /khams zhes bya ba ni/ mnyam gnas kyi rlung gi rnam pa'o/ /gser gyi mdog tu snang ba ste zhes bya ba ni/ kha dog ser po'o/ /dbang chen gyi dkyil 'khor nyid ces bya ba ni/ sa'i dkyil 'khor ro/ /rin chen mgon po rnams zhes bya ba ni/ bsam pa thams cad rdzogs par byed pa rin chen 'byung ldan no/ /rgyu ba'o zhes bya ba ni/ de'i rnam pa nyid kyis zhes bya ba'i don to/ /dal zhing rgyu ba med ces bya ba ni/ chu'i dkyil 'khor las byung ba nyid kyi phyir ro/ /dal zhing rgyu bzhes bya ba ni/ chu la steng du 'gro ba med pa'i phyir ro/ /chu'i dkyil 'khor te zhes bya ba ni/ chu'i dkyil 'khor nyid do/ /ngag pa'i shel ltar snang ba ni zhes bya ba ni/ mdog nyid kyis te dri ma med pa'i phyir ro/ /rdo rje mgon po zhes bya ba ni/ mi bskyod pa ste/ rdo rje bzhin du stong pa nyid la bstan pa'i phyir ro/ /mgon po yang yin te rang gi rigs rnams kyi bdag po nyid kyi phyir ro/ /de'i rnam pa nyid kyis de nyid du 'bab pa'i phyir ro/ /khams kun las

  375. 188a

    ni zhes bya ba ni/ rlung bzhi'i rang bzhin no/ /yang dag 'byung zhes bya ba ni/ brten nas so/ /rten pa dang brten pa'i 'dzin pa ni/ zhes bya ba ni/ rten la bzhi po 'dzin pa nyid kyi phyir ro/ /rten dang brten pa'i 'dzin pa ste khyab byed kyi rlung ngo/ /rnam par snang mdzad rang bzhin te zhes bya ba ni/ gzugs la khyab par byed pa nyid kyis rnam par snang bas so/ /'chi ba'i mdza' ni zhes bya ba ni/ rtag tu de'i las med pas 'chi ba'i dus su phyir 'byung ba nyid de'i bya ba zhes bya ba'i don to/ /de ltar rgyas par bshad pa bstan nas/ da ni dkyil 'khor bzhi'i rim pas nang gi bzlas pa brjod pa'i phyir/ dkyil 'khor bzhi po 'di dag ni zhes bya ba la sogs pa gsungs te/ me la sogs pa'i dkyil 'khor bzhi'i rim pas 'byung ba'i dbugs kyi 'khor lo zlos zhes bya ba ni/ yi ge gsum sbyar ba sngon du 'gro bas/ nye bar mtshon par bya'o/ /rtag tu zhes bya ba ni/ nyin mtshan rtag tu'o/ mnyam par bzhag nas zhes bya ba ni/ sgyu ma lta bu'i ting nge 'dzin la gnas pas so/ /nyin mtshan zhes bya ba ni/ thun brgyad kyi dbye bas so/ /rtag tu zlos zhes bya ba ni/ rlung gi 'khor lo de nyid do/ /sngags pas zhes bya ba ni/ rdzogs pa'i rim pa la gnas pas so/ /bzlas pa'i grangs kyis ni zhes bya ba ni/ nyi khri chig stong drug brgya'i grangs kyis so/ /de ltar dkyil 'khor bzhi'i rim pas nang gi bzlas pa brjod nas/ da ni 'od zer gyi thig le nye bar bsdu ba'i sgo nas las tshogs brjod pa'i phyir/ de ltar rlung ni sna rtser ni zhes bya ba la sogs pa gsungs te/ rlung lnga po bsdus pa'i rnam pa'o/ /sna rtser ni zhes bya ba ni/ kun rdzob kyi sna'i rtse mor ro/ /kha dog lnga par zhes bya ba ni/ rigs lnga'i rang bzhin gyi kha dog nyid kyi phyir ro/ /rnam par bsgom zhes bya ba ni/ yungs kar gyi 'bras bu tsam nyid kyis so/ /gnyis med

  376. 188b

    mchog gi rnal 'byor gyis zhes bya ba ni/ sngags dang rlung dang dkyil 'khor dang/ lha rnams kyis gnyis su med pa'i rnal 'byor gyis te/ tha mi dang ma rtogs pa nyid kyis so/ /'od zer tshogs ni zhes bya ba ni/ rlung lnga'i rang bzhin no/ /'bar ba che zhes bya ba ni/ shin tu yang 'od gsal ba nyid kyi phyir ro/ /de yis zhi sogs bya ba ni zhes bya ba la/ de yis zhes bya ba ni/ 'od zer gyi thig les zhi ba la sogs pa'i las kyi tshogs bsgrub par bya'o/ /ji ltar zhe na/ de'i phyir spyod pas shes bya ba gsungs te/ thun mtshams phyed phyed kyi dus 'dzin pa'i bdag nyid can gyi dkyil 'khor gyi rim pa'i spyod pas zhes bya ba'i don to/ /ji skad du/ me dang rlung dang dbang chen dang/ chu dang dkyil 'khor so so la/ /thun ni phyed byed dus su ni/ /las ni gnyis gnyis rab tu gnas zhes gsungs so/ /de ltar don rnam pa bzhis 'od zer gyi thig le 'jug pa'i sgo nas gsungs so/ /de ltar rab tu dbye ba'i sgo nas rgyas par bshad pa bstan nas/ nga ni de nyid kyi yul de bsgom pa po'i yul la dri ba'i lan bstan pa'i phyir/ de'i yan lag gsol ba 'debs pa ni/ de nas zhes bya ba la sogs pa gsungs te/ nye bar bsdu ba'i sgo nas las tshogs brjod pa'i rjes la'o/ /phyag na rdo rjes zhes bya ba ni/ gsol ba 'debs pa po'o/ /rdo rje sems dpa' zhes bya ba ni/ ston pa po drug pa rdo rje 'chang gi rnam pa'o/ /gsungs pa ni 'chad bzhin pa'i don gyi lhag ma'o/ /'gro ba'i bla ma zhes bya ba ni/ khams gsum pa'i slob dpon nyid du gyur pa'i phyir ro/ /ci zhig gsungs she na de'i phyir thig le gsum gyi zhes gsungs te rdzas dang sngags dang 'od zer gyi thig le'i ngo bo'o/ /yongs su shes zhes bya ba ni/ bcom ldan 'das kyi drin gyis so/ /thig le gsum ni shes zin to/ /sna yi rtse mo gsum dang ldan zhes bya ba ni/ gsang ba dang snying ga dang gdong gi sna'i rtse gsum dang

  377. 189a

    bcas pa ste/ 'di dag gi rten du gyur pa'o/ /'di yi cung zad ces bya ba ni thig le gsum gyi bsgom pa dang/ sna'i rtse mo gsum gyi bsgom pa la'o/ /bdag la zhes bya ba ni/ phyag na rdo rje bdag la'o/ /the tshom zhes bya ba ni yid gnyis so// srid mthar mdzad kyis gsal bar mdzad ces bya ba ni/ de the tshom de bcom ldan 'das kyis gsal bar mdzod cig pa'o/ /srid pa ni 'khor ba ste/ de mthar byed pa ni dgra ste/ 'khor ba rtsad nas gcod pa'i phyir ro/ /the tshom rang gi ngo bo gsungs pa ni/ rdzas dang sngags dang zhes bya ba la sogs pa'o/ /thig le gsum gyis sgom pa po'o/ /rnal 'byor pa gcig nyid dam ni/ yang na rnal 'byor so sor bsgom zhes bya ba ni/ rnal 'byor pa so so yin nam zhes bya ba'o/ /de ltar gsol ba 'debs pa bstan nas/ da ni bcom ldan 'das kyi bka' la 'jug pa'i sngon du 'gro bas sgom pa po gsum gyi nges pa bstan pa'i phyir/ de nas zhes bya ba la sogs pa gsungs te/ dri ba byas pa'i rjes la'o/ /bcom ldan 'das rdo rje zhes bya ba ni/ rdo rje 'chang chen po ste/ gsungs zhes bya ba dang 'brel to/ /ji lta bu zhe na/ de'i phyir the tshom kun gcod ces gsungs te/ the tshom thams cad ni som nyi'o/ /de rnams gcod pa ni 'joms pa ste/ zlog par byed pa zhes bya ba'i don to/ /gtso bo zhes bya ba ni/ sangs rgyas lnga'i gtso bo nyid kyi phyir ro/ /ci gsungs zhe na/ de'i phyir yun ring zhes bya ba gsungs te/ dus shin tu ring ba'o/ /chags chen dbang song ba zhes bya ba ni/ shin tu chags pa chen po'i dbang du song bas so/ /srid pa gsum du zhes bya ba ni/ khams gsum po la'o/ /gang zhig ces bya ba ni sems can rnams so/ /skyo ba zhes bya ba ni/ kun nas ngal ba'o/ /de dag 'gro ba'i don du ni/ zhes bya ba ni/ 'dod chags kyi rigs can de rnams la rang dang 'os pa'i spyod pa'i

  378. 189b

    thabs kyis grol ba'i don du ste/ 'dod chags nye bar zhi ba'i phyir ro/ /rdzas kyi thig le'i zhes bya ba ni/ byang chub sems kyi thig le'i ngo bo'o/ /gsungs pa yin zhes bya ba ni/ brjod pa'o/ /zhe sdang chen po'i zhes bya ba ni/ zhe sdang ni shin tu che ba'o dbang song bas zhes bya ba ni gzhan dbang ngo/ /mi gang zhe na/ sems can rnams so/ /de nyid kyi phyir mi srun pa'i lus zhes gsungs te/ zhe sdang gi dbang gis mi srun pa'i lus gang la yod pa de la de skad ces bya ba'o/ /de rnams zhes bya ba ni/ sems can zhe sdang gi spyod pa can rnams la'o/ /myur du zhes bya ba ni/ myur ba'i nyid du'o/ /grol don du zhes bya ba ni/ zhe sdang las ston pa'i phyir ro/ /sngags kyi thig le zhes bya ba ni/ snying ga'i sna rtse la hUM yig gi rnam pa'o/ /gsungs pa yin zhes bya ba ni brjod pa'o/ /gti mug chen pos zhes bya ba ni/ mi shes pa chen pos so/ /kun nas 'khrul zhes bya ba ni/ phyin ci log pas so/ /skyo ba zhes bya ba ni/ yid yongs su ngal bas so/ /gang zhes bya ba ni/ sems can rnams so/ /srid pa'i rgya mtsho 'di zhes bya ba ni/ 'khor ba'i rgya mtsho las so/ /de rnams zhes bya ba ni/ gti mug chen pos sems kyi rgyud mnan pa rnams kyi'o/ /myur bar zhes bya ba ni/ 'bras bu myur ba nyid du'o/ /dngos grub ces bya ba ni rdo rje bzlos pa'i ngo bo'o/ /thob phyir zhes bya ba ni/ myur ba'i 'bras bu can gyi dngos grub thob pa'i phyir ro/ /ye shes mtshan nyid ni zhes bya ba ni/ mi shes pa bcom pas ye shes kyi ngo bo'o/ /rlung gi thig ler zhes bya ba ni/ 'od zer gyi thig le'o/ /gsungs pa yin zhes bya ba ni brjod pa'o/ /ji lta bu zhe na/ de'i phyir yang dag de nyid spro ba ni zhes bya ba gsungs te/ phyin ci ma log pa'i ngo bos de nyid spro ba'i bdag nyid ces bya ba'i don to/ /de ltar bcom ldan 'das kyi gsung 'jug pa sngon du 'gro bas sgom pa po gsum gyi

  379. 190a

    nges pa bstan nas/ da ni sna rtse gsum gyi nye bar bsdu ba brjod pa'i phyir/ rang gi ngo bo brjod pa ni/ de ltar thig le gsum zhes gsungs te/ de ma thag par bshad pa'o/ /yang dag ces bya ba ni/ phyin ci ma log pa'i ngo bos so/ /sbyor ba ji bzhin zhes bya ba ni/ ji ltar rlung gi sbyor ba'o/ /bsam pa ji bzhin zhes bya ba ni/ 'dod chags kyi rigs can la sogs pa la bltos pas so/ /tshe 'di nyid la zhes bya ba ni/ mthong ba'i chos nyid la'o/ /grub don du zhes bya ba ni/ rlung gi de kho na nyid la pha rol tu son pa'i phyir ro/ /sgrib pa thams cad dag pa'i phyir zhes bya ba ni/ gsungs zhes bya ba'i lhag ma'o/ /sgrib pa thams cad ni/ lus dang ngag rnam par dbyen pa'i mi mthun pa'i phyogs su gyur pa rnams la dag pa'i phyir ni nye bar zhi ba'i phyir zhes bya ba'i don to/ /de ltar nye bar bsdu ba rang gi ngo bo bstan nas/ de ni sgom pa'i gnas kyi nges pa brjod pa'i phyir/ rtse gcig pa yi sems kyis ni zhes bya ba gsungs te/ rnam par mi g.yeng ba'i sems kyis so/ /nyams dga' i gnas zhes bya ba ni/ nyams dga' ba'i sa phyogs su'o/ /ye shes bsdus pa zhes bya ba ni/ ye shes lnga bskyed pa dang rjes su mthun pa ste/ dngos grub thams cad bsdus pa ni/ dbang ba yis ni bsgrub par bya/ zhes bya ba dang 'brel to/ /gzhan yang ji lta bu zhe na/ de'i phyir me tog 'bras bu chu yis brgyan ces bya ba gsungs te/ mi g.yeng shin tu yang nyams dga' ba'i phyir ro/ /dbyen pa zhes bya ba ni/ skye bo med pa'o/ /ri'i rtser zhes bya ba ni/ sa 'dzin gyi rtse mo la'o/ /bsgrub par bya zhes bya ba ni/ bsgom par bya ba'o/ /'bad pa yis ni zhes bya ba ni/ brtson 'grus kyis so/ /dngos grub thams cad bsdus pa ni zhes bya ba ni/ dngos grub thams cad ni zhi ba la

  380. 190b

    sogs pa rnams kyi'o/ /bsdus pa ni sdud par byed pa'i rnam pa ste/ thig le gsum zhes bya ba'i don to/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal par byed pa zhes bya ba las le'u nyi shu rtsa bzhi pa'i rgya cher bshad pa'o// //de ltar le'u nyi shu rtsa bzhi pas sna rtse gsum gyi yul la dris pa'i lan bstan nas/ de ni stong pa nyid kyi ye shes kyi yul la dri ba'i lan brjod ba'i phyir/ le'u nyi shu rtsa lnga ba nye bar dgod cing/ dang por re zhig rtsom pa bshad pa ni/ de nas zhes bya ba la sogs pa gsungs te/ le'u nyi shu rtsa bzhi pa bshad pa'i rjes la'o/ /gzhan yang zhes bya ba ni/ snga ma la bltos nas tha dad ba nyid kyi phyir ro/ /nyon zhes bya ba ni/ sdud pa po nyan pa la sbyar ba'o/ /stong nyid ye shes mtshan nyid ni zhes bya ba ni/ bshad kyis zhes bya ba dang 'brel ba'o/ /ji lta bu zhe na/ de'i phyir lus la gnas pa zhes bya ba gsungs te/ de la brten nas de dmigs pa'i phyir ro/ /ji skad du/ lus la ye shes chen po gnas/ /kun tu rtogs pa thams cad spangs/ /zhes gsungs so/ /de nyid mchog ces bya ba ni/ mchog ste de kho na nyid mthar thug pa'i rnam pa'o/ /rtag tu zhes bya ba ni dus thams cad du'o/ /thams cad bdag nyid ces bya ba ni/ rtsa'i tshogs ma lus pa'i bdag nyid can gyi lus la'o/ /de ltar de rtsom pa bstan nas/ dngos su de bshad pa de bstan pa brjod pa'i phyir/ de'i yan lag rab tu phye nas/ tshig gnyis bshad pa'i yan lag mdor bstan pa bshad pa'i phyir/ chos rnams thams cad ces bya ba la sogs pa gsungs te/ chos thams cad ni/ shes pa dang shes byas bsdus pa'o/ /snang med mtshan nyid ni zhes bya ba ni/ mi dmigs pa'i rnam

  381. 191a

    pa'o/ /stong pa nyid ces bya ba ni/ chos nyid la 'dod do/ /de la ye shes zhes bya ba ni/ stong pa nyid de la'o/ /bde ba che zhes bya ba ni/ bde ba chen po rang gi ngo bo ste/ sdug bsngal thams cad nye bar zhi bas so/ /'od gsal ba ni rnam dag pas zhes bya ba ni/ dam tshig gi phyag rgya'i dbang gis 'od gsal la nye bar dmigs pas de'i spyod par byed pa zhes bya ba'i don do/ /de ltar mdor bstan pa bshad nas/ de ni rgyas par bshad pa bstan pa de'i yan lag stong pa nyid kyi tshig bshad pa'i phyir/ gang phyir a ba d+hU tIr zhugs zhes bya ba gsungs te/ le'u nyi shu rtsa gnyis pa'i rjes su 'brangs nas/ a ba d+hU tIr rnam par mi rtog pa'i rlung zhugs pa la stong pa nyid ces brjod do/ /ji ltar zhe na/ de'i phyir yang dag ces bya ba gsungs te phyin ci ma log pa'i ngo bos so/ /chos rnams zhes bya ba ni/ snga ma bzhin du shes pa dang shes bya'i mtshan nyid can no/ /rnam rtog snang ba zhes bya ba ni/ rnam par rtog pa'i rang bzhin no/ /kun rtog thams cad gcod par byed ces bya ba ni/ chos thams cad kyi yul la rnam par rtog pa ma lus pa gcod pa ste/ rnam par bzlog pa'o/ /rnam rtog rlung gi ngal bso bar zhes bya ba ni/ rnam bar rtog pa ni rang bzhin brgya rtsa brgyad kyi ngo bo dang/ rlung rnams kyang de tsam gyi grangs gced pa'o/ /ngal bso bar zhes bya ba ni/ de'i dbang gis 'khor bar rnam par grol ba las yang bzlog pa'i gnas so/ /stong pa nyid du zhes bya ba ni/ a ba d+hU tI'i ngo bo'o/ /de ni bshad ces bya ba ni/ de lta bur brjod pa brjod ces bya ba'i don to/ /de ltar stong ba nyid kyi tshig gi bshad pa byas nas/ de ni de'i sangs rgyas kyi zhing gi ngo bo nyid kyis rgyas par bshad pa bstan pa'i phyir/ 'di nyid do/ /zhes bya ba la sogs pa gsungs te/ stong pa nyid ni a ba d+hU tI'i ngo bo'o/ /'jig rten khams ni zhes bya ba ni/ sangs rgyas kyi zhing gi

  382. 191b

    ngo bo'i gnas kyi khyad par ro/ /'di nyid do zhes bya ba ni/ 'gyur zhes bya ba'o/ /gang gi zhe na/ de'i phyir mi bskyod pa zhes bya ba gsungs te/ thugs kyi rdo rje ste/ nyon mongs pa'i rnam par rtog pa rnams kyis bskyod par mi nus pa'i phyir ro/ /ji lta bu zhe na/ de'i phyir gtso bo chen po zhes bya ba gsungs te/ chen po ni sems can gyi khams la gtso bo ste mnga' bdag go /der ni zhes bya ba ni/ a ba d+hU tI'i ngo bo'i stong pa nyid la'o/ /rtag tu zhes bya ba ni/ dus thams cad du'o/ /bzhugs pa'i sa zhes bya ba ni rten no/ /'di la zhes bya ba ni/ bcom ldan 'das mi bskyod pa'o/ /ji lta bu zhe na/ de'i phyir srog gi ye shes ming can de zhes gsungs te/ 'od gsal ba'i rlung gi ngo bo ste/ srog gi ye shes zhes bya ba ni ming gang la yod pa de ni de skad ces bya'o/ /gzhan yang gzugs med ces bya ba ni/ zhal dang phyag dang mdog dang dbyibs dang bral ba la'o/ /drag po chen po zhes bya ba ni/ rnam par rtog pa'i rlung thams cad zad par byed pa'i phyir ro/ /gzhan yang zhi ba'i 'dzin pa'i mtshan nyid can zhes bya ba ni/ zhi ba ni rnam rtog gi rlung nye bar zhi ba'o/ /'dzin pa ni mi dmigs pa'i rnam pa nyid kyis 'dzin pa'o/ /de nyid ni bdag nyid can gyi ngo bo gang la yod pa de la de skad ces bya'o/ /de ltar de nyid la sangs rgyas kyi zhing gi ngo bo nyid kyis rgyas par bshad pa bstan nas/ da ni ye shes kyi tshig rgyas par bstan pa'i phyir/ ye shes zhes bya ba la sogs pa gsungs te/ de nyid ces bya ba ni/ stong pa nyid de ni/ a ba d+hU tI'i ngo bo la'o/ /bde chen zhes bya ba ni/ don dam pa'i bde ba chen po'i ngo bo nyid dang/ byang chub sems kyis gang ba nyid ces bya ba ni/ kun rdzob pa'i byang chub sems kyi zla bas gang ba nyid do/ /bde chen go 'phang zhes bya ba ni/ ye shes kyi khyad par te/ bde ba chen po rnam pa gnyis kyi rten nyid kyi phyir ro/ /de nyid ces bya

  383. 192a

    ba ni/ bden pa gnyis kyi de kho na nyid kyi phyir ro/ /ye shes zhes bya ba ni/ nyams su myong ba'i bdag nyid kyi phyir ro/ /byang chub sems shes zhes bya ba ni/ spyir byang chub kyi sems kyi ngo bo zhes bya ba'i don to/ /de ltar don rnam pa gsum gyis rgyas par bshad pa bstan to/ /da ni de ltar rnam pa gnyis kyis dbye ba dang bcas pa dag gis rab tu phye ste/ tshig gnyis kyis bshad pa brjod nas/ bsdus te tshig gnyis kyis bshad pa'i yan lag nye bar bsdu ba'i sgo nas stong pa nyid kyi ye shes kyi ngo bo nyid bstan pa'i phyir/ de la sogs pa zhes bya ba gsungs te/ de ma thag par bstan pa'i bde ba chen po'i tshig de kho na nyid la sogs pa rnams kyis so/ /ming gi sgras zhes bya ba ni/ ming gi rnam grangs kyis so/ /brjod bya zhes bya ba ni rab tu bstan par bya'o/ /gcig pu zhes bya ba ni/ gnyis su med pa'o/ /bde ba che zhes bya ba ni/ sdug bsngal thams cad bzlog pa'i bdag nyid can byang chub kyi sems rnam pa gnyis so/ /dngos po gcig dang ldan pa nyid ces bya ba ni/ rtsa dbus ma dang lhan cig tu ro gcig par gyur pa'o/ /yang na tshig gnyis po gcig tu gyur pa'i stong nyid zhes bya ba ni brjod ces bya ba ste/ de'i ming gis bstan par bya'o zhes bya ba'i don to/ /de ltar nye bar bsdu ba'i sgo nas/ stong pa nyid kyi ye shes kyi ngo bo nyid bstan nas/ stong pa nyid kho na la sangs rgyas kyi zhing gi ngo bo bstan pa'i phyir/ bde ba can zhes de la bshad ces gsungs te/ de ni stong pa nyid do/ /bde ba can zhes bya ba ni/ 'jig rten gyi khams la brjod do/ /ji lta bu zhe na/ de'i phyir dam pa'i bde ba kun gyi bzhi zhes gsungs te/ dam pa'i bde ba zhes bya ba ni/ zag pa med pa'i bde ba chen po'o/ /thob pa'i gzhi zhes bya ba ni/ thog pa'i mtshan nyid can no/ /de ltar de nyid la sangs rgyas kyi zhing gi ngo bo nyid bstan nas

  384. 192b

    da ni nges pa'i tshig bshad pa'i phyir/ dag de bde bar gnas pa ni zhes bya ba la sogs pa gsungs te/ stong pa nyid rtsa dbus ma'i rnam pa gang la'o/ /bde bar zhes bya ba ni/ bde ba'i rnam pa nyid sdug bsngal mdza' dag bzlag pa'i rnam pas so /gnas pa ni zhes bya ba ni/ gnas pa'o/ /gang de zhes bya ba ni/ gnas gang la'o/ /de ni bde ba can zhes brjod ces bya ba ni/ bde bar gnas pa'i phyir zhes bya ba'i don to/ /de ltar de'i nges tshig bstan nas/ da ni bcom ldan 'das rang gi ngo bo bshad pa'i phyir/ tshe dpag med kyi zhing khams yin zhes bya ba gsungs te/ de bzhin gshegs pa snang ba mdza' yas kyi ming can ni/ /zhing khams ni gnas so/ /bde ba thams cad bzhi yi mchog ces bya ba ni/ 'jig rten las 'das pa'i bde ba ma lus pa thams cad do/ /mchog ces bya ba ni/ de bzhin gshegs pa mchog gi rten yin pa'i phyir ro/ /de ltar bcom ldan 'das kyi ngo bo bstan nas/ da ni de'i nges tshig bshad pa'i phyir/ tshe dpag med kyi zhes bya ba la sogs pa gsungs te/ tshe dpag med ni gzhal du med pa'o/ /byang chub sems ni zhes bya ba ni/ kun rdzob kyi'o/ /gang de zhes bya ba ni/ byang chub kyi sems kyi thig le gang las so/ /de las byung zhes bya ba ni/ skyes pa'o/ /'od ces bya ba ni/ 'od zer rnams so/ /de'i phyir zhes pa ni rgyu nges so/ /'od dpag med ces bya ba ni/ de'i ming gis so/ /shes zhes bya ba ni/ shes par bya ba'o/ /bde ba kun gyi gzhi zhes bya ba ni/ snga ma bzhin du 'jig rten las 'das pa'i bde ba ma lus pa'i rten no/ /mchog ces bya ba ni/ zhal dang phyag dang dbyibs spangs pa'i phyir ro/ /de ltar don rnam pa lngas bsdus nas/ tshig gnyis bshad pa'i yan lag gi ngo bo bstan nas/ da ni khyad par du 'phags pa'i thabs shes rab kyi ngo bo

  385. 193a

    nyid kyis stong pa nyid dang ye shes kyi tshig bshad pa brjod pa'i phyir/ stong nyid ces bya ba la sogs pa gsungs te/ rdo rje dbyings kyi dbang phyug ces bya ba ni/ rdo rje dbyings kyi dbang phyug ma rdo rje 'chang chen po'i yum mo/ / ye shes rdo rje dbang phyug dang zhes bya ba ni/ rdo rje 'chang chen po'i ngo bo rdo rje la dbang byed pas na/ rdo rje'i dbang phyug go /de dag nyid ces bya ba ni/ rdo rje 'chang chen po dang/ rdo rje dbyings kyi dbang phyug ma dag la'o/ /sbyor ba zhes bya ba ni/ ro gcig pa'i rnam pa snyoms par 'jug pa'i mtshan nyid can no/ /stong nyid ye shes zhes ni brjod ces bya ba ni/ stong pa nyid dang ye shes kyi tshig gis bstan pa yin te/ zung 'jug nyid kyi phyir ro/ /de ltar khyad par du 'phags pa'i thabs dang shes rab kyi ngo bo nyid kyis stong pa nyid dang/ ye shes kyi tshig gi byed pa brjod nas/ da ni thun mong pa'i thabs dang shes rab kyi rtsa gnyis kyi ngo bo nyid kyi de'i bshad pa bstan pa'i phyir/ shes rab ces bya ba la sogs pa gsungs te/ shes rab ni dam tshig gi phyag rgya'i ngo bo'o/ /pad+ma zhes bya ba ni pad+ma la'o/ /la la nA zhes bya ba ni/ de'i ming can gyi rtsa'o/ /zla mtshan nyi ma 'bab pa can zhes bya ba ni/ zla mtshan gyi khams kyi ngo bo'i nyi ma ni nyi ma 'bab pa ste/ 'bab pa can zhes bya ba ni 'jug par byed pa'o/ de yang stong par zhes bya ba ni/ rtsa de stong pa nyid kyi sgras brjod par bya ste/ shes rab kyi ngo bo nyid kyi phyir dang/ rtsa'i ngo bo nyid kyi phyir ro/ /ji lta bu zhe na/ de'i phyir gnyis pa thams cad rnam par spangs zhes gsungs te/ bdag ni khrag gi khams? 'bab par byed pa zhes bya ba 'di lta bu'i rtog pa gnyis med pa nyid kyi phyir ro/ /thabs ni rdo rje zhes bya ba ni/ thabs ni khyad par can gyi rnal 'byor pa'i'o/ /rdo rje zhes bya ba ni/ de'i ming can no/ /ra sa nA zhes bya ba ni/ de brjod par byed pa'i rtsa'o/

  386. 193b

    zla ba shuk+kra rab tu 'bab ces bya ba ni/ zla ba ni cha thams cad yongs su rdzogs pa'o/ /shuk+kra zhes bya ba ni/ kun rdzob gyi sems kyi rnam pa'o/ /rab tu 'bab ces bya ba ni/ 'jug par byed ces bya ba'i don to/ /ye shes gsungs zhes bya ba ni/ ye shes kyi sgra nyid kyis gsungs pa ste/ /khyad par can gyi nyams su myong ba nyid kyi phyir ro/ /mchog ces bya ba ni khyad par du 'phags pa'o/ /bde ba chen po'i go 'phang zhes bya ba ni/ don dam pa'i ngo bo bde ba chen po'i bzhi 'am gnas su gyur pa zhes bya ba'i don to/ de gnyis zhes bya ba ni/ thabs dang shes rab kyi ngo bo dag la'o/ /sbyor ba zhes bya ba ni 'brel pa'o/ /mchog tu zhes bya ba ni/ so so'i skye bo'i mtshan nyid dang bral ba'o/ /shes pa stong nyid ye shes zhes bya ba ni/ de lta bur gyur pa nyid kyis shes par zhes bya ba'i don to/ /mi zad pa zhes bya ba ni/ phyir mi spro ba'i don nyid kyi phyir ro/ /de ltar thun mong ba'i thabs dang shes rab kyi rab rtsa gnyis kyis de'i bshad pa brjod nas/ de nyid la tshes bco lnga'i ngo bo nyid bstan pa'i phyir zla ba nya yang zhes bya ba la sogs pa gsungs te/ tshes bco lnga rdzogs pa'o/ /de nyid yin zhes bya ba ni/ stong pa nyid kyi ngo bo'o/ /shes zhes bya ba ni/ shes par bya ba'o/ /rnal 'byor pa'i zhal las shes bya ba ni/ ye shes mkha' 'gro ma'i rgyu las so/ /tshes bco lnga po bzhin du zla ba'i cha thams cad yongs su rdzogs pa nyid kyi phyir snyam du dgongs pa'o/ /rnal 'byor chen po'i rgyud dpal rdo rje phreng ba'i rgya cher 'grel ba/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las le'u nyi shu lnga pa'i rgya cher bshad pa'o// //de ltar le'u nyi shu rtsa lnga pas/ stong nyid ye shes kyi yul la dri ba'i lan bstan nas/ da ni rang bzhin gyi lha'i rnam par dbye ba'i yan lag lus la lha'i ye shes kyi mtshan nyid kyi yul la dri ba'i lan bstan

  387. 194a

    pa brjod pa'i phyir/ le'u nyi shu rtsa drug pa nye bar dgod cing dang por re zhig bshad par dam bca' ba ni/ de nas zhes bya ba la sogs pa gsungs te/ snga ma bzhin no/ /lus ni stong pa nyid kyi gnas zhes bya ba dang sbyar ro/ /rang dang gzhan dang 'brel pa'i lus ni stong pa nyid kyi gnas te/ lha'i gnas bshad kyis shes bya ba'o/ /des ci zhig byed ce na/ de'i phyir lus ni zhes gsungs te/ lus ni lus so/ /gang gis shes bya ba ni/ stong pa nyid kyi gnas nyid kyis so/ /lha rnams kun gyi pho brang zhes bya ba ni de nas yang dag bshad kyis zhes bya ba snga ma dang 'brel to/ /lha rnams kun gyi zhes bya ba la/ /lha rnams kun ni dkyil 'khor gyi 'khor lo'i ngo bo'o/ /gnas ni bzhi'o/ /mchog ces bya ba ni/ tha mal pa'i rnam par rtog pa spangs nas khyad par can gyi ngo bo zhes bya ba'i don to/ /de ltar de rtsom pa bstan nas/ da ni de dngos su bshad pa brjod pa'i phyir/ de'i yan lag lus la 'khor lo'i dbye bas lha'i rnam par dbye ba bstan pa'i phyir/ longs spyod ces bya ba la sogs pa gsungs te/ longs spyod la sogs pa 'khor lo bzhi'i bdag nyid can de'i rten ni lus la'o/ /'khor lor gzhan yang gang bshad pa zhes bya ba ni bzhi'o/ /rim pa ji bzhin zhes bya ba ni/ sprul pa la sogs pa'i dbye bas so/ /ma lus pa zhes bya ba ni/ 'khor lo drug gi brjod par 'dod pos so/ /de la zhes bya ba ni/ 'khor lo de rnams la'o/ /rtag tu yang dag bzhugs zhes bya ba ni/ dus thams cad du gnas pa'i lha zhes bya ba dang 'brel to/ /ji ltar zhe na/ de'i phyir yang dag ces gsungs te/ phyin ci ma log pa'i ngo bos so/ /thim dang longs spyod bdag po ni/ zhes bya ba ni/ rtsa rer la/ gnas nyi shu rtsa bzhi po rnams la byang chub kyi sems rgyu ba rnam pa gsum gyis zhes bya ba'i don to/ /lha nyid ces bya ba ni/ rnam par mi rtog pa'i bdag nyid rig pa'i

  388. 194b

    rang bzhin no/ /ji lta bu zhe na/ de'i phyir mchog tu gnyis su med ces bya ba gsungs te/ mchog ni so so'i skye bo'i mtshan nyid dang bral ba'o/ /gnyis su med pa'o/ /gnyis su snang bzlog pa'i ngo bo'o/ /des yang dag che zhes bya ba ni/ phyin ci ma log pa'i ngo bos so// dngos po'i go 'phang ni/ rang bzhin med pa'i mtshan nyid can gyi rten pa'i bzhi'i gang rnams la/ yod pa de la de skad ces bya ste/ rten dang rten pa'i rnam rtog dang 'dra ba'i phyir ro/ /de ltar lus las 'khor lo'i dbye bas lha'i rnam par dbye bas stan nas/ da ni dkyil 'khor gyi 'khor lo'i rnam pas de'i rnam par dbye ba bshad pa'i phyir/ phung po lnga'i ngo bo nyid kyis de'i rnam par dbye ba brjod pa ni/ ye shes chen po'i go 'phang zhes bya ba gsungs te/ ye shes chen po ni rang bzhin gyis 'od gsal ba'i rnam pa'o/ /go 'phang ni/ bzhir gyur pa nyid kyi phyir ye shes chen po'i go 'phang ste/ rdo rje 'chang chen po'i ngo bo phung po ma lus pa'i rnam par dag pa'i phyir grib ma'i rigs kyi ngo bo'o/ /dang por zhes bya ba ni/ thog mar te gtso bo nyid kyi phyir ro// bde ba chen po yang dag brten ces bya ba ni/ rin chen 'byung ldan gyi ngo bo nyid kyis tshor ba rnam par dag pa'i ngo bo nyid kyis bde ba chen po rten no/ /zhe sdang che dang zhes bya ba ni/ nyon mongs pa dang zhe sdang gi gnyen po nyid kyis mi bskyod pa'i ngo bo'o/ gti mug che zhes bya ba ni/ gti mug rnam par dag pa'i ngo bo rnam par snang mdzad kyi rnam pa'o// phrag dog che dang zhes bya ba ni/ nyon mongs pa phrag dog gi rnam par dag pa'i ngo bo don yod grub pa'o/ /chags dngos kyi zhes bya ba ni/ 'dod chags kyi rnam par dag pa'i ngo bo snang ba mdza' yas so/ /khro bo che dang zhes bya ba ni/ rnam par rtog pa thams cad 'joms par byed pa'i ngo bo nyid kyis te/ thams cad nyid ni de ma thag par bstan pa rnams so/ /rnam pa'i mchog ces bya

  389. 195a

    ba ni/ ye shes kyi rang bzhin nyid kyis mchog nyid kyi phyir ro/ /'khor ba'i mdud pa nges gcod pa zhes bya ba ni/ 'khor ba'i 'chid ba rnam par gcod pa'o/ /'khor ba nyid 'ching ba ste/ /de nges par gcod pa'o/ /de ltar phung po lnga'i ngo bo nyid kyis sangs rgyas lnga'i ngo bo nyid bstan nas/ /da ni khams rnam par dag pa'i ngo bo nyid bstan pa'i phyir/ /sa dang chu dang de bzhin me zhes bya ba la sogs pa gsungs te/ 'byung ba chen po lnga'i rnam par dag pas/ /spyan ma la sogs pa'i ngo bo zhes bya ba shes par bya'o/ /de ltar khams kyi rnam par dag pa bstan nas/ /yul gyi nam par dag pa bstan pa'i phyir/ /gzugs dang zhes bya ba la sogs pa gsungs te/ gzugs la sogs pa lnga po ni/ gzugs rdo rje ma la sogs pa lnga po'o ngo bo nyid kyis so/ /rnam par dag pa'i zhes bya ba ni/ yul lnga rnam par dag pa'o/ /de ltar yul gyi rnam par dag pa bstan nas/ da ni nang gi skye mched rnam par dag pa bstan pa'i phyir/ mig bzang dang zhes bya ba la sogs pa gsungs te/ mig la sogs pa'i rnam shes lnga'o/ /rnam shes chos dang ni zhes bya ba 'dis drug pa nyid kyi rnam shes kyang bsdu'o/ /kun gzhi nyon mongs pa can gyi yid ces bya ba 'dis ni/ /yan lag thams cad kyi tshigs dang rgyus pa thams cad kyi tshigs kyi ngo bo kun gzhi dang/ nyon mongs pa can gyi yid gnyis gsungs te/ brgyad po 'di rnams la sa'i snying po la sogs pa byang chub sems dpa' brgyad kyis rnam par dag pa gsungs so/ /de ltar nang gi skye mched kyi rnam par dag pa bstan nas/ da ni khro bo'i ngo bo nyid kyis bstan pa'i phyir ro/ /dad dang zhes bya ba la sogs pa gsungs te/ dus gang gi tshe/ 'jig rten dang 'jig rten las 'das pa'i ting nge 'dzin la snyoms par zhugs pa rnams thob par bya'o snyam pa de lta bu'i 'dun pa ni

  390. 195b

    dad pa'o/ /de nyid ni dbang po ste/ 'jig rten las 'das pa'i dge ba'i chos kyi bdag po nyid yin pa'i phyir ro/ /brtson 'grus zhes bya ba ni/ de nyid la sbyor ba'i bdag por gyur pa'i phyir ro/ /dran pa la sogs pa rnams rje'i nges pa med pa dang/ rnam par g.yeng ba med par so sor 'byed pa'i bdag po nyid du rig par bya'o/ /de rnams nyid mi mthun pa'i phyogs kyi yid la byed pa zil gyis gnon pa stobs kyi ming la brten pa zhes bya ba de'i phyir/ de rnams nyid gshin rje gshed la sogs pa khro bcu brjod pa yin no/ /de rnams nyid ni lha'i ngo bo nyid do/ /shes rab stobs ni bla na med ces bya ba ni/ bla na med pa ni 'jig rten las 'das pa'i mthong ba'i lam gyi rgyur gyur pa nyid kyi phyir ro/ /'di rnams ni dbang po dang stobs kyis bsdus pa'i chos bcu po sbyor ba'i lam la drod dang rtse mo dang bzod pa dang 'jig rten chos mchog gi gnas skabs su skye ba yin no/ /ji bzhin gnas pa yongs su shes zhes bya ba ni/ lus la gnas kyi dbye bas mgo la sogs pa'i dbye ba yongs su shes pa ni yongs su shes par bya ba rnams so/ /lus shes bya ba ni rang gi lus la'o/ /lha ru zhes bya ba ni/ sum cu rtsa gnyis kyi bdag nyid can gyi dkyil 'khor ba'i rnam pa'o/ /dran zhes bya ba ni/ brjod pa yin zhes bya ba'o/ /de ltar don rnam pa lngas dkyil 'khor gyi 'khor lo'i rnam pas de rnam par dbye bar bstan nas/ da ni de nyid la sngags la sogs pa brjod pa'i sgo nas mchod par bya ba nyid bstan pa'i phyir/ sngon bzhin zhes bya ba la sogs pa gsungs te/ /le'u nyi shu rtsa gsum par bstan pa'i cho gos ming gi dbye bas rnam par zhes bya ba ni/ /rnam par snang mdzad la sogs pa nas/ gnod mdzes kyi mthar thug pa'i ming gi dbye bas so/ /sngags kyi dbye ba'i zhes bya ba ni/ /badzra d+h+rik la sogs pa'i mtshan nyid can gyis so/ /rim pa yis zhes

  391. 196a

    bya ba ni/ de bzhin gshegs pa dang lhan cig sbyod ma dang/ rjes su spyod ma dang/ byang chub sems dpa' dang/ khro bo'i go rim rnams kyis so/ /sngags dgod pa'i rnal 'byor kyis shes bya ba ni/ oM yig dang hUM yig gi mtshan nyid can shin tu rnal 'byor gyi dus su brtan pa'i cho ga bzhin du sngags dgod pa'i rnal 'byor gyis so/ /rim bzhin gnas kyi dbye ba yis zhes bya ba ni/ gnas kyi rab tu dbye bas so/ /man ngag gis shes bya ba ni/ rgyud pa'i rim pa'i ngo bos so// rnam nges bya zhes bya ba ni/ nges par byas nas so/ /yang dag ces bya ba ni/ phyin ci ma log pa'i ngo bos so/ /gnas kyi dbye ba dang zhes bya ba ni/ rang gi lus la mgo bo dang lte ba dang mgrin pa dang gsang ba dang snying ga'i rab tu dbye bas so/ /mchod par bya zhes bya ba ni/ brjod par bya bo'o rab tu 'bad de zhes bya ba ni/ brtson 'grus kyis so/ /'dod pa lnga la longs spyod cing zhes bya ba ni/ gzugs la sogs pa'i yul lnga la nye bar longs spyod pas so/ /lha mo zhes bya ba ni/ mi bskyod pa la sogs pa sum cu rtsa gnyis kyi dkyil 'khor ba'i bdag nyid do/ /rnal 'byor pas zhes bya ba ni/ bskyed pa'i rim pa dang rdzogs pa'i rim pa sgom pa po rnams kyis so/ /rtag tu zhes bya ba ni rgyun mi 'chad par ro/ /bdag la byin brlabs de nyid rim ces bya ba ni/ sgyu ma lta bu'i ting nge 'dzin la gnas pa rnams kyis zhes bya ba'i don to/ /de ltar de nyid la sngags la sogs pa brjod pa'i sgo nas mchod pa bstan nas/ da ni phyi rol gyi lha la mchod pa dgag pa bstan pa'i phyir/ phyi rol lha la phyag mi bya zhes bya ba la sogs pa gsungs te/ bcos ma nyid kyi phyir ro/ /rdo shing sa yi rang bzhin gyis zhes bya ba ni go sla'o/ /de ltar rang gi ngo bo bstan nas/ da ni de'i rgyu mtshan bstan pa'i phyir/ bdag la byin brlabs sgrib pa med ces

  392. 196b

    gsungs te/ sgyu ma lta bu'i ting nge 'dzin ni ma gtogs pa las so/ /gzhan zhes bya ba ni/ tha dad pa'o/ /de kho na nyid ces bya ba ni/ mchod bya'i ngo bo'o/ /srid pa gsum na zhes bya ba ni/ 'dod pa la sogs pa'i khams gsum gyi mtshan nyid can no/ /med ces bya ba ni yod pa ma yin pa'o/ /bdag la byin gyis brlabs pa nyid la 'dis mchod bya nyid brjod do/ /byang chub sems dpa' sa bcu'i dbang phyug sngags kyi sgo'i spyad pa spyod pa po rnams la brten nas 'di brjod pa yin te/ gzhan du na rgyang pan pa ltar med pa por blta ba nyid kyis dge ba'i rtsa ba rgyun chad par 'gyur ro/ /rjes su 'gro ba'i sgo nas de nyid ces bya ba gsungs te/ rang byin gyis brlabs pa'i ngo bo'o/ /rnal 'byor mchog ces bya ba ni/ khyad par can gyi mchod pa'i snod do/ / bdag la byin brlabs zhes bya ba ni/ sgyu ma lta bu'i ting nge 'dzin gyi mtshan nyid can no/ /rnyog pa med ces bya ba ni/ bden pa'i rnam par rtog pa rnams kyis ma gos pa'o/ /de ltar de'i rgyu mtshan brjod nas/ da ni phyi rol gyi sngags kyi bzlas pa la sogs pa dgag pa'i phyir/ phyi'i dngos po mi bgrang ste zhes bya ba la sogs pa gsungs te/ bris sku la sogs pa la lha'i gzugs la dmigs pa de brten pa'i don du/ phyi rol gyi dngos po sbyin sreg la sogs pa byed pa'i dus su bgrang par mi bya'o/ /yang na phyi rol dngos po lha'i rnam pa dngos po mnyam du mi bgrang ba ni/ sems la dngos po nyid kyis mi bya'o/ /sngags dang phyag rgya'i rim pa la sogs zhes bya ba ni/ de yang sngon bzhin du bgrang bar mi bya'o/ /dngos po nyid du dgag par mi bya ste/ de bcos ma nyid kyi phyir ro/ /de ltar phyi rol gyi sngags kyi bzlas pa la sogs pa dgag pa bstan nas/ da ni rang byin gyis brlab pa'i gdams ngag la gdon mi za bar btsal bar bya ba nyid brjod pa'i phyir/ byin gyis brlab par bya

  393. 197a

    zhes gsungs te/ bdag byin gyis brlab pa'i mtshan nyid btsal bar bya'o zhes bya ba dang 'brel to/ /gang las she na/ de'i phyir de nyid thob pa'i rnal 'byor dang rnal 'byor ma las shes gsungs te/ de nyid thob pa'i rnal 'byor dang rnal 'byor ma'i zhal las shes par bya ba'i don to/ /ji lta bu zhe na/ de'i phyir mchog ces gsungs te/ bden pa la mngon par zhen pa'i gnyen po nyid yin pa'i phyir ro/ /'bad pas shes bya ba ni/ brtson 'grus bstan pas so/ /gzhan yang ji lta bus byin gyis brlab ce na/ de'i phyir bdab byin brlabs thob mtshan nyid do zhes bya ba gsungs te/ sgyu ma lta bu'i ting nge 'dzin ni thob pa'i mtshan nyid can zhes bya ba'i don to/ /rnal 'byor chen po'i rgyud dpal rdo rje phreng ba'i rgya cher 'brel ba/ paN+Di ta a lag ka la shas mdzad pa/ zab mo'i don shin tu gsal bar byed pa zhes bya ba las/ le'u nyi shu rtsa drug pa'i rgya cher bshad pa'o// //de ltar le'u nyi shu rtsa drug pas/ lus la lha zhes pa'i mtshan nyid kyi yul la dri ba'i lan bstan nas nga ni lha'i 'khor lo'i yul la dri ba'i lan brjod pa'i phyir/ le'u nyi shu rtsa bdun pa nye bar 'god cing/ dang por re zhig de rtsom pa ni/ de rnams kun gyi ming zhes bya ba la sogs pa gsungs te/ de rnams zhes bya ba ni/ lus la gnas pa rnams la'o/ / ming gi zhes bya ba ni/ ming gi ngo bo rnams so/ /bshad par bya zhes bya ba ni/ brjod par bya ba'o/ /lha mo yi zhes bya ba ni/ rigs lngas bsdus pa 'chad par 'gyur ba rnams so/ /de nas gzhan yang zhes bya ba ni/ le'u nyi shu rtsa drug pa'i rjes la'o/ /ji ltar zhe na/ de'i phyir 'khor lo bzhi'i dbye ba yis zhes bya ba gsungs te/ sprul pa la sogs pa'i 'khor lo bzhi'i rab tu byed pas so/ /rtse'i rnam pa'i grangs kyi ni zhes bya ba ni/ rtsa rnams ni drug cu rtsa bzhi dang/ brgya dang bcu drug dang sum cu rtsa gnyis kyi

  394. 197b

    ngo bo rnams kyi'o/ /grangs kyis ni zhes bya ba ni/ grangs kyi rim pas so/ /de ltar de'i rtsom pa bstan nas/ da ni de'i dngos su bshad pa brjod pa'i phyir/ de'i yan lag rigs rnam pa lnga'i rnam thar bzhag pa ni/ las dang zhes bya ba la sogs pa gsungs te/ las kyi sgras ni bya ba grub pa'i ye shes rnam par dag pa'i po bo don yod grub pa'i rigs so/ /rdo rje'i sgras ni shin tu rnam par dag pa'i chos kyi dbyings kyi rang bzhin mi bskyod pa'i rigs so/ /de bzhin pad ces bya ba ni/ so sor rtog pa'i ye shes kyi rang bzhin snang ba mdza' yas kyi rig so/ /'khor lo rnams kyi zhes bya ba 'dis ni/ 'khor lo'i sgras ni/ me long lta bu'i ye shes kyi ngo bo rnam par snang mdzad kyi rigs so/ /dbye ba yis zhes bya ba ni/ de'i rab tu dbye bas so/ /rigs bzhi'i ni dbye ba yis zhes bya ba ni/ don yong grub pa la sogs pa rigs bzhi'i dbye bas so/ /rtsa'i zhes bya ba ni/ 'khor lo bzhir rtogs pa rnams so/ /yang dag gnas zhes bya ba ni/ rim pas gnas pa'o/ /gal te de ltar yin na rigs bzhi dang 'khor lo bzhi'i dbye ba gsungs te/ rigs lnga ba gang du gsung she na/ de'i phyir rigs ni lnga ba yang zhes bya ba gsungs te/ rigs lnga pa zhes bya ba ni/ rin chen 'byung ldan gyi rigs so/ /'dir ni zhes bya ba ni/ 'khor lo bzhi po rnams la'o/ /thams cad kyi ni khong na 'dod ces bya ba ni/ 'khor lo bzhi po la yang zhes bya ba'i don to/ /de gang yin she na/ de'i phyir tshor ba nyams su myong ba'i dngos su shes gsungs te/ bde ba la sogs pa'i tshor ba nyams su myong ba'i rnam pa ste/ tshor ba thams cad la mnyam pa nyid kyi rin chen 'byung ldan kyi ngo bo ste/ bsod nams kyi chogs med par sangs rgyas bzhi po 'byung ba mi 'bad pa'i phyir ro/ /rin chen 'byung ldan gyi rigs ni bsod nams kyi bdag nyid can te/ sbyin pa'i pha rol tu phyin pa rnam par dag pa nyid kyi phyir ro/ /de nyid kyi phyir de nyid mchog tu rtogs par byed ces bya ba gsungs so/ /bsod nams kyi tshogs

  395. 198a

    la brten nas/ de nyid kyi mchog la shes rab kyi pha rol tu phyin pa'i rnam pa mi migs pa'i bdag nyid can du rtogs pa'i phyir ro/ /yang na rigs lnga pa zhes bya ba ni/ rin chen 'byung ldan gyi rnam pa nyid do/ /'dir mi zhes bya ba ni/ sngon bzhin 'khor lo bzhi pa la'o/ /thams cad kyi khongs na 'dod ces bya ba ni/ rten yin pa'i phyir 'khor lo bzhi po rnams la yang khyad par byed pa'o/ /tshor ba nyams su myong ba zhes bya ba ni/ tshor ba ma lus pa nye bar sdud pa'i ngo bo nyams su myong ba'i rnam pa don dam pa'i byang chub kyi sems kyi ngo bo'o/ /de nyid mchog tu rtogs par byed ces bya ba ni/ rgyu ba gnyis bzlog pa'i bdag nyid do zhes bya ba'i don to/ /de ltar rigs lnga'i rnam par bzhag pa bstan nas/ 'khor lo bzhi po lha brjod pa'i phyir de'i yan lag tu sprul pa'i 'khor lo lha brjod pa mdor bstan pa'i phyir/ sprul pa'i 'khor lo zhes bya ba la sogs pa gsungs te/ las kyi rigs las skyes zhes bya ba ni/ don yod grub pa'i rigs can te/ bsgrub bya dang sgrub byed kyi mtshon nyid can las kyi ngo bo nyid kyi phyir/ /lha mo zhes bya ba ni/ 'chad bzhin pa rnams so/ /'di dag gnas zhes bya ba ni/ rigs pa 'dis ni de ma thag par bshad par bya ba rnams so/ /rig ma gtum mo dpa' o dang zhes bya ba la sogs pa ste/ 'di rnams la yang ye shes kyi me'i ngo bo nyid kyis ji ltar srid par don brjod par bya'o/ /lhag ma rnams ni mdo ji lta ba bzhin no/ /de ltar mdor bstan pa bshad nas/ nga ni rgyas par bstan pa bshad pa'i phyir/ rtag tu brgyad brgyad spel ba'i grangs zhes bya ba gsungs te/ lha mo drug cu rtsa bzhi'i dbye bas zhes bya ba'i don to// de ltar rgyas par bshad pa bstan nas/ da ni zhal dang phyag la sogs pa'i rnam par bzhag pa bshad pa'i phyir/ zhal gsum zhes bya ba la sogs pa gsungs te/ /lus ngag yid gsum rnam par dag pas so/ /phyag drug gis ni 'bad zhes bya ba ni

  396. 198b

    yan lag drug gi rnam par dag pas so/ /rigs kyi phyag rgya dbye ba yis zhes bya ba ni/ rang gi bdag po'i rigs kyi phyag rgya'i dbye bas kha dog lnga'i rang bzhin gyis so/ /phyag mtshan rnams kyi zhes bya ba ni/ phyag mtshan rnams kyis so/ /yang dag brgyan ces bya ba ni/ rnam par klubs pa'o/ /de nyid kyi phyir g.yas zhes bya ba gsungs te/ g.yas zhes bya ba ni g.yas pa'o/ /sna tshogs rdo rje'o/ /de ma thag par gsungs pa'i tshor la sogs pa'i lha rnams ni'o/ /g.yon pa 'gying ba utpal zhes bya ba ni/ 'gying ba'i utpa la'o/ /g.yas nas 'khor lo rin chen dang zhes bya ba ni/ gnyis pa dang gsum pa'i g.yas pa na'o/ /de bzhin ral gri chos 'byung ni/ g.yon gyi phyag gnyis pa ni 'gyur zhes bya ba la/ g.yon gyi phyag gnyis la'o/ /'gyur zhes bya ba ni yod pa'o/ /'di rnams kyi yang rim pa ji lta ba bzhin du gzhan gyi don byed pa nyid dang 'dod chags la sogs pas ma gos pa nyid dang/ bsam pa ji lta bar chos kyi 'khor lo bskor ba nyid dang/ bsam pa thams cad rdzogs par byed pa nyid dang/ nyon mongs pa gcod par byed pa dang/ lam la gnas par byed pa nyid dang/ bde ba chen po nyams su myong bar byed pa'i ngo bo nyid kyi phyir rnam par dag par bshad par bya'o/ /gzhan yang sems dpa' i skyil krung gis legs bzhugs zhes bya ba ni/ kun rdzob dang don dam pa rnam par dag pa'i tha mi dad pas so/ /spyan gsum pa zhes bya ba ni/ rtsa gsum gyi rnam par dag pa'am/ srid pa gsum yongs su shes pas so/ /zhal ni ljang gu zhes bya ba ni/ don yod grub pa'i rigs nyid kyi phyir ro/ /don yod grub pas cod pan can zhes bya ba ni/ rang gi rigs nyid kyi phyir ro/ /bsgom bya zhes bya ba ni/ yi ge drug cu rtsa bzhi yongs su gyur pa las bsgom par bya ba'o/ /zhal rnams bzhad pa zhes bya ba ni/ nye bar zhi ba'i ngo bo gcig pa'i phyir dang/ /kun rdzob kyi chos la rnam par blta

  397. 199a

    bas ngo mtshar ba dang bcas pa'i phyir ro/ /bde ba thams cad 'phel bar mdzad ces bya ba ni/ bde ba chen po la dga' ba'i phyir ro/ /de ltar zhal dang phyag la sogs pa'i rnam par bzhag pa bstan nas/ nga ni sngags btu ba'i sgo nas mchod pa bya ba nyid bshad pa ni/ rang gi ming gi dbye ba yis zhes bya ba gsungs te/ rang gi ming gi be d+ha ni dang tsaN+Di ka la sogs pa'i ngo bos so/ /yi ge gsum dang zhes bya ba ni/ oM A(rgyud 'grel): hUM gi yi ge'i bdag nyid can gyis so/ /rnam par sprel zhes bya ba ni/ thog ma dang bar dang tha ma rnams su'o/ /de ltar na/ oM be d+ha ni A(rgyud 'grel): hUM zhes bya ba la sogs par 'gyur ro/ /sngags kyis kyang ni yang dag mchod ces bya ba ni/ de ma theg par btus pas so/ /yang dag par zhes bya ba ni/ zhen pa med pa'i sbyor bas so/ /mchod ces bya ba ni brjod par bya ba'o/ /'dod pa de nyid rab tu gsal mdzad ces bya ba ni/ 'dod pa'i sgo gzugs la sogs par 'dod pa'i sgo nas gzugs la sogs pa nye bar longs spyod pa'i mtshan nyid kyis de kho na nyid ni sangs rgyas kyi mtshan nyid can la'o/ /rab gsal mdzad ces bya ba ni/ bskyed par byed par mdzad pa'o/ /de ltar don rnam pa bzhis sprul pa'i 'khor lo'i lha rnams bstan nas/ da ni chos kyi 'khor lo'i lha rnams brjod pa'i phyir/ de'i yan lag mdor bstan pa ni/ chos kyi 'khor lo zhes bya ba la sogs pa gsungs te/ snying ga'i gnas su'o/ /rtsa brgyad dbus zhes bya ba ni/ brgya rtsa brgyad po rnams ni rin po che la sogs pa rnams kyi nang du'o/ /lha mo 'di dag ces bya ba ni/ 'chang bzhin pa'i rigs pas so/ /yang dag bzhugs zhes bya ba ni/ rnam par gnas pa'o/ /de ltar mdor bstan pa bshad nas/ de ni rgyas par bshad pa bstan pa'i phyir/ rdo rje dbyings kyi dbang phyug ces bya ba gsungs te/ phung po dang khams kyi rnam par rtog pa spong bar byed pa po dang brten

  398. 199b

    nas so sor nges pa'i tshig tu bya ste/ gzhan rnams ni mdo ji lta ba bzhin no/ /shes par bya zhes bya ba ni/ sngon du rten pa'i rigs pas brtan par bya'o/ /chos kyi 'khor lo zhes bya ba ni/ snying ga'i gnas su'o/ /dgu bdag nyid ces bya ba ni/ rtsa dgu'i bdag nyid ces pa la dbus kyi lte ba'i ze'u 'bru brjod par 'dod pas so/ /de ltar rgyas par bshad pa bstan nas/ da ni zhal dang phyag la sogs pa'i rnam par bzhag pa brjod pa'i phyir/ zhal gsum zhes bya ba la sogs pa gsungs te/ sngon bzhin du'o/ /rdo rje 'khor lo zhes bya ba la sogs pa ste/ g.yas pa'i phyag rnams la phyag mtshan gsum 'dzin par byed pa ste/ blang dor gnyis kyi ye shes dang chos kyi 'khor lo bskor ba dang/ bsam pa thams cad yongs su rdzogs par byed pa'i rnam par dag pas so/ /g.yon pa rnams la ral gri dang pad+ma dang dril bu rnams te/ rim pa ji lta ba bzhin bya ba la sogs pa gsungs te/ sngon bzhin du'o/ /rdo rje 'khor lo zhes bya ba la sogs pa ste/ g.yas pa'i phyag rnams la phyag mtshan gsum 'dzin par byed pa ste/ blang dor gnyis kyi ye shes dang chos kyi 'khor lo bskor ba dang/ bsam pa thams cad yongs su rdzogs par byed pa'i rnam par dag pas so/ /g.yon pa rnams la ral gri dang pad+ma dang dril bu bsnams te/ rim pa ji lta ba bzhin du nyon mongs pa gcod par byed pa nyid dang/ 'dod chags la sogs pa'i skyon gyis ma gos pa nyid dang/ shes rab kyi pha rol tu byin pa rnam par dag pas so/ /'dzin pa zhes bya ba ni mdzes pa'o/ /bla na med ces bya ba ni/ bla na med pa'i de kho na nyid mngon du byed pa'i rgyar gyur pa'i phyir ro/ /spyan gsum pa zhes bya ba ni/ rtsa gsum mam sring pa gsum yongs su shes pas so/ /zhal thams cad dang yan lag gis te/ byams pa'i rnam par dag pas so/ /zhal gyi mche ba cung zad gtsigs zhes bya ba ni/ sgeg pa'i khro bo nyid kyi phyir ro/ /de ltar zhal dang phyag gi dbye ba'i rnam par

  399. 200a

    gzhag pa bstan nas/ da ni sngags btu ba'i sgo nas mchod par bya ba nyid ni/ rang ming zhes bya ba la sogs pa gsus te/ badzra d+hU twI shwa ri la sogs pa'o/ /yi ge gsum dang bcas zhes bya ba ni/ yi ge gsum dang ldan pa'i thog ma bar dang tha ma rnams la'o/ /de ltar oM badzra d+hA twI shwa ri hUM zhes bya ba la sogs par 'gyur ro/ /sngags kyis zhes bya ba ni de lta bu'o/ /de dag ces bya ba ni/ rdo rje dbyings kyi dbang phyug ma la sogs pa rnams brgyad do/ /rab tu mchod ces bya ba ni/ mi dmigs pa'i rnam pas so/ /de ltar don rnam pa bzhis chos kyi 'khor lo'i lha brjod pa bstan nas/ nga ni longs spyod kyi 'khor lo la de brjod pa'i phyir/ mdor bstan pa ni/ longs spyod ces bya ba la sogs pa gsungs te/ 'dab ma bcu drug la zhes bya ba ni/ de'i grangs can gyi rtsa'i bdag nyid can rnams la'o/ /pad+ma'i dbus na zhes bya ba ni/ rtsa'i pad+ma'i dbus su'o/ /lha rnams gnas zhes bya ba ni/ 'chad bzhin pa'i pad+ma'i sgrol ma la sogs pa rnams so/ /de ltar mdor bstan pa bshad nas/ nga ni rgyas par bshad pa brjod pa'i phyir/ pad+ma'i sgrol ma dang zhes bya ba la sogs pa gsungs te/ dbyangs yig mnyam pa rang yi ge dang 'dra ba dang/ thung ngu dang ring po dang/ ming can dang mtshams kyi yi ge dang thig le dang chog drag dang ro drug dang de mi dmigs pa'i ngo bo nyid kyis nges pa'i tshig rim pa ji lta ba bzhin du brjod par bya'o/ /de ltar 'di ni yang dag bshad ces bya ba ni/ pad+ma'i sgrol ma la sogs pa gsungs pa rnams so/ /de ltar rgyas par bshad pa bstan nas/ zhal dang phyag la sogs pa'i rnam par bzhag pa ni zhal gsum zhes bya ba la sogs pa gsungs te/ snga ma bzhin no/ /g.yas na pad+ma zhes bya ba ni/ gsum pa la rim pa ji lta ba bzhin du 'dod chags la sogs pa'i rnam par dag pa dang/ chos kyi 'khor lo rab tu bskor ba

  400. 200b

    dang/ ye shes lnga'i rnam par dag pa gsungs so/ /g.yon nas ral gri zhes bya ba ni/ nyon mongs pa gcod par byed pa'i lam rnam par dag pa dang/ shes rab kyi pha rol tu phyin pa dang re ba thams cad yongs su rdzogs par byed pa nyid kyis so/ /pad+ma dmar po yi ni mdog ces bya ba ni/ mdog dmar po ste snang ba mdza' yas kyi rigs nyid kyi phyir ro/ /shin tu 'bar ba nyid kyi phyir ro/ /sems dpa' skyil mo krung gis zhes bya ba ni don ni bshad zin to/ /nyi ma'i dkyil 'khor zhes bya ba ni/ rnam par rtog pa'i gnyen pa nyid kyis sreg par byed pa nyid kyi phyir ro/ /de ltar zhal dang phyag la sogs pa'i rnam par bzhag pa bstan nas/ nga ni sngags btu ba'i sgo nas mchod pa'i nges pa brjod pa'i phyir/ rang ming zhes bya ba la sogs pa gsungs te/ rang gi ming dang pad+ma tA ra zhes bya ba la sogs pa'o// 'di rnams sngags ni bla na med ces bya ba ni/ thog ma bar dang tha ma rnams la yi ge gsum pa'o/ /de ltar na pad+ma tAr A(rgyud 'grel): hUM zhes bya bar 'gyur ro/ /de ltar don dam pa bzhis longs spyod kyi 'khor lo'i lha mo bstan nas/ da ni bde ba chen po'i 'khor lo de'i mdor bstan pa bshad pa'i phyir/ bde ba chen po'i 'khor lo cher zhes bya ba gsungs te/ mgo bo la'o/ /pad 'dab sum cu rtsa gnyis la zhes bya ba ni/ 'dab ma sum cu rtsa gnyis pa can la'o/ /lha mo rnams ni bzhugs zhes bya ba ni/ 'khor lo'i shugs can ma la sogs pa rnams so/ /rtag tu zhes bya ba ni/ dus thams cad du'o/ /rab tu sad pa zhes bya ba ni/ snying ga 'byed par byed pa'o/ /khams 'bab pa can zhes bya ba ni/ byang chub kyi sems 'dzag pa can no/ /de ltar mdor bstan pa bshad nas/ da ni rgyas par bshad pa brjod pa'i phyir/ 'khor lo'i shugs can ma zhes bya ba gsungs te/ 'khor lo ni dkyil 'khor gyi 'khor lo'i dbus so/ /gtso bo nyid kyi shugs gang la yod pa de la de skad ces bya'o/ /'dis ni mdor bsdus nas dkyil

  401. 201a

    'khor gyi 'khor lo rnam par nges pa'i tshig tu bya'o/ /lhag ma ni mdo ji lta ba bzhin no/ /de ltar sa'i dbus nas shar zhes bya ba la/ de rnams ni/ rim pa'i rigs la sogs pa rnams kyi nang du'o/ /shar ba ni brjod pa'o/ /de ltar rgyas par bshad pa bstan nas/ zhal dang phyag gi rnam par bzhag pa ni/ de ltar yang lha mo zhal gsum dang zhes bya ba gsungs te/ snga ma bzhin no/ /bde ba 'phel ba can zhes bya ba ni/ bde ba chen po kha 'byed pa nyid kyi phyir ro/ /zla ba'i dkyil 'khor la ni bzhugs zhes bya ba ni/ byang chub sems kyi zla ba la'o/ /pad+ma dkar po'i mdog can zhes bya ba ni/ rnam par snang mdzad kyi rigs nyid kyi phyir ro/ zhi ba'i zhal zhes bya ba ni/ nye bar zhi ba'i rnam pa ste/ gti mug gi rnam par dag pas so/ spyan gsum pa zhes bya ba ni/ snga ma bzhin du'o/ /'khor lo lcags kyu rdo rje'i rim zhes bya ba ni/ chos kyi 'khor lo bskor ba dang/ sems can gyi don bya ba la dgug pa dang/ ye shes lnga'i rnam par dag par rim pa ji lta ba bzhin no/ /g.yas pa'i zhes bya ba ni g.yas pa'i gsum po rnams la'o/ /bsnams pa ni zhes bya ba ni 'dzin pa'o/ /de bzhin g.yon pa'i spyan gsum la zhes bya ba ni/ pad+ma zhags pa rin po che bsnams so/ /pad+ma dang zhags pa dang yid bzhin gyi nor bu rnams ni/ 'dod chags la sogs pas ma gos pa dang/ snying rje chen po dang/ bsam pa thams cad yongs su rdzogs par byed pa'i rnam par dag pa'o/ /'chang zhes bya ba ni/ sgeg pa dang bcas par mdzad nas so sgeg par zhes bya ba ni/ sgeg pa'i nyams gtso bor mdzad nas so/ /rnam par snang mdzad ces bya ba ni/ rang gi bdag po'o/ /spyi bor 'chang zhes bya ba ni/ spyi bor 'dzin pa ste/ rgyas gdab pa'i don du'o/ /pad+ma dkar po 'dra ba'i 'od ces bya ba ni/ 'od dkar po'o/ /de ltar zhal dang phyag la sogs pa'i rnam par

  402. 201b

    bzhag la bstan nas/ nga ni sngags btu bar sgo nas mchod pa'i nges pa brjod pa'i phyir/ rang gi ming yang zhes bya ba la sogs pa gsungs te/ tsakra be ka la sogs pa'o/ /rig gsum nyid ces bya ba ni/ thog ma dang bar dang tha mar ro/ /de ltar na oM tsakra be ga A(rgyud 'grel): hUM zhes bya bar 'gyur ro/ /'di dag sngags ni zhes bya ba ni/ de ma thag par bstan pa'i lhag ma rnams kyi'o/ /go rim bzhin zhes bya ba ni/ rim pas zhes bya ba'i don te/ /rab tu gsal zhes bya ba ni/ pad+mar mdzad pa'o/ /de nyid mchog ni zhes bya ba ni/ lha'i snying po nyid kyi phyir ro/ /sku zhes bya ba la sogs pa ni/ sku la sogs pa gsum po rnam par dag pa'i ngo bo rnams kyi sdom pa ni/ bde ba mchog ces bya ba'i don to/ /de ltar don rnam pa bzhis bde ba chen po'i 'khor lo brjod pa bstod nas/ nga ni nye bas bsdu ba'i sgo nas de'i mchod pa'i nges pa brjod pa'i phyir de'i yan lag gi ngo bo ni/ de lta bu'i gsang ba'i mchog ces bya ba gsungs te/ 'khor lo bzhi pa lha rnams dgod pa ste/ dam tshig dang mi ldan pa rnams la sba bar bya ba nyid kyi phyir ro// lha mo rnams kyis de nyid ces bya ba ni/ 'od gsal gyi ngo bo'o/ /mchog ces bya ba ni/ ye shes kyi rang bzhin nyid kyi phyir ro/ /gnyid log nas zhes bya ba ni/ rtsa rnams kyi nang du mi gsal bas gnas pa'o/ /rtag tu lus kyis zhes bya ba ni/ dus thams cad du lus la'o/ /'dod pa lnga'i longs spyod bsten/ mchod pa nyid kyis zhes bya ba ni/ khyad par du 'phags pa'i gzugs la sogs pa'i yul gyi mchod pa byas nas so/ /rdo rje sems dpa' i go 'phang mchog /mnyes nas slar yang gsol bar byed ces bya ba dang 'brel to/ /gzhan yang ci zhig byas nas she na/ de'i phyir mnyes par byas nas zhes bya ba gsungs te/ yul rnams bstan par bya ba nyid kyis so/ /de nyid kyi phyir rdo rje pad+ma'i bde bas myos zhes gsungs te/ dbang po gnyis yang

  403. 202a

    dag par sbyar bas so/ /mnyes nas zhes bya ba ni/ mchog tu dga' ba nyid kyi phyir ro/ /gsol bar byed ces bya ba ni/ ster bar byed pa'o/ /rdo rje sems dpa' i go 'phang zhes bya ba ni/ rdo rje 'chang chen po'i ngo bo'o/ / mchog ces bya ba ni/ bla na med pa nyid kyi phyir ro/ /de ltar rang gi ngo bo bstan nas/ da ni de'i mchod pa po 'jig rten pa'i dngos grub 'grub par brjod pa'i phyir/ de'i zhi sogs zhes bya ba gsungs te/ zhi ba dang rgyas pa la sogs pa'i las rnams so/ /de'i zhes bya ba ni/ 'khor lo bzhi po rnams la lha'i rnam pa bsgom pa po la'o/ /'grub 'gyur zhes bya ba ni/ 'grub par 'gyur ba'o/ /'di la the tshom med ces bya ba ni/ bcom ldan 'das kyis gnang ba'i phyir zhes bya ba'i don to/ /de ltar de mchod pa la 'jig rten pa'i dngos grub 'grub par 'gyur ba bstan nas/ da ni lha'i 'khor lo la bla ma'i man ngag las/ rtogs par bya ba nyid kyi phyir/ bsam gtan rnal 'byor sogs spyod dang zhes bya ba gsungs te/ ting nge 'dzin gyi rnal 'byor gyi rtog pa rdo rje dang zla ba la sogs pa'i ngo bo'o/ /sngags dang dbyibs sogs zhes bya ba ni/ sa bon gyi yi ge bsgom pa la sogs pa'i bya ba mi dgos pa'o/ /rdzogs pa'i rim pa de lta bur gyur pa'i skabs med pa'i phyir ro/ /mchog tu cung zad ni bla ma'i lung la ste/ rdo rje slob dpon gyi gnang ba las so/ /yang dag bskyed ces bya ba ni/ lha'i 'khor lo'i yul can gyi yongs su shes pa 'byung bar 'gyur zhes bya ba'i don to/ /de'i phyir zhes bya ba la sogs pa ni/ gang gi phyir bla ma'i zhal las de'i yul la yongs su shes pa skye ba de'i phyir ro/ /rdo rje slob dpon ni/ de kho na nyid bcu yongs su shes pa ste/ thos pa la sogs pa'i lam la gnas pa'o/ /'bab pas zhes bya ba ni/ rnyed pa dang bkur sti la sogs pa'i byed pa khyad

  404. 202b

    bar can gyi brtson 'grus kyis so/ /mnyes bya zhes bya ba ni/ mnyes par bya ba'o/ /dngos po thams cad ces bya ba ni/ mkho ba'i yo byad thams cad kyis so/ /rnal 'byor chen po'i rgyud dpal rdo rje phreng ba'i rgya cher 'grel ba paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u nyi shu rtsa bdun pa'i rgya cher bshad pa'o// //de ltar le'u nyi shu rtsa bdun pas lha'i 'khor lo'i yul la dri ba'i lan bstan nas/ da ni rtsa rnams 'char ba dang nub pa'i yul la dri ba'i lan bstan pa'i phyir/ le'u nyi shu rtsa brgyad pa nye bar 'god cing dang por re zhig de'i rtsom pa ni/ de nas zhes bya ba la sogs pa gsungs te/ le'u nyi shu rtsa bdun pa bshad pa'i rjes la'o/ /gzhan yang zhes bya ba ni/ snga ma bzhin no/ /rtsa rnams kyis ni zhes bya ba ni/ /'khor lo bzhir gtogs pa thams cad kyis so/ /'char dang nub pa'i mtshan nyid ni/ bshad par bya zhes bya ba dang 'brel to/ /mchog ces bya ba ni/ bskyed pa'i rim pa la bltos nas/ mtshan nyid kyi phyir ro/ /rnal 'byor zhes bya ba ni/ sems mnyam par bzhag pa dang/ rjes su mthun pa'i phyir ro/ /dngos grub thams cad kyi ni gnas zhes bya ba ni/ 'jig rten dang 'jig rten las 'das pa'i dngos grub ma lus pa thams cad kyi gzhi yin pa'i phyir gnas so// de ltar de rtsom pa bstan nas/ da ni dngos su bshad pa'i phyir de'i yan lag rtsa rnams kyi 'char ba'i rgyu rang gi ngo bo ni/ mdun na gnas pa'i zhes bya ba la sogs pa gsungs te/ nye ba'i yul na gnas pa'o/ /yul rnams las zhes bya ba ni/ sngon po la sogs pa'i ngo bo las so/ /yid la byed pa zhes bya ba ni/ de ma thag pa'i rkyen gyi ngo bo las so/ /der ni 'gro zhes bya ba ni/ yul la mngon par phyogs pa las so/ /dbugs ni nang du bsdus pa las zhes bya ba ni/ rlung rnam par shes pa dang

  405. 203a

    yang dag par ldan pa'o/ /nang du bsdus zhes bya ba ni/ tshogs pa'i nang du zhugs pas so/ /'byung ba zhes bya ba ni skye bar 'gyur ba'o/ /dbang po zhes bya ba ni/ yul 'dzin par byed pa bo'i mig la sogs pa rnams so/ /de yis zhes bya ba ni mig la sogs pa'i dbang po rnams kyis so/ /rab tu sad ces bya ba ni/ yang dag par sad par byed pa'o/ /de rnams zhes bya ba ni/ yang dag par sad par byed pa'o/ /de rnams zhes bya ba ni/ 'khor lo bzhir gnas pa'i rtsa rnams kyi'o/ /rim pa bzhin gnas zhes bya ba ni/ ji ltar gnas pa'i ngo bos gnas pa'o/ /de ltar rang gi ngo bo bstan nas/ da ni de'i 'char ba la lha mo 'char ba brjod pa'i phyir/ rab sad ces bya ba la sogs pa gsungs te/ rtsa rnams ni sngar bshad pa'i rigs pas rab tu sad pa las so// rab sad lha mo zhes bya ba ni/ rtsa'i nang du gtogs pa'i rig ma la sogs pa rnams so/ /rang rang 'khor lo zhes bya ba ni/ rang rang gi sprul pa la sogs pa'i 'khor lo las so/ /de ni 'char ba'i rim par gsungs zhes bya ba ni/ de ma thag par gsungs pa'i rigs pas bshad pa'o/ /de ltar rnam pa gnyis kyis rtsa rnams kyi 'char ba'i rgyu bstan nas/ da ni de rnams kyi nub pa'i rgyu bstan par bya ba'i phyir/ de'i yan lag tu rang gi ngo bo nub pa yang ni zhes bya ba la sogs pa gsungs te/ rtsa rnams kyis rab tu sad pa ma yin pa'i gnas skabs so/ /bshad par bya zhes bya ba ni brjod par bya ba'o/ /yul rnams kyang ni dngos po med ces bya ba ni/ sngon po la sogs pa'i ring ba nyid kyis so/ /yid la byed pas zhes bya ba ni/ sngon po la sogs pa'i yul can las so/ /gzhan du sed zhes bya ba ni/ yul gzhan la mngon par phyogs pas so/ /bag chags rnams ni zhes bya ba ni/ chags pa dang chags bral gyi ngo bo las so/ /sad pa dang zhes bya ba ni/ bskum

  406. 203b

    pa med pa'o/ /rtsa rnams zhes bya ba ni/ 'khor lo gtogs pa rnams so/ /'char bar mi 'gyur zhing zhes bya ba ni/ nub pa nyid du 'gyur zhes bya ba'i don to/ /de ltar rang gi ngo bo bshad nas/ da ni nub pa la lha rnams nub pa bstan pa'i phyir/ lha rnams yang dag ces bya ba la sogs pa gsungs te/ rtsa la yang dag par gnas pa'i rnams la'o/ /yang dag sad pa ni zhes bya ba ni/ rab tu sad pa'o/ /de'i phyir ni zhes bya ba ni/ rtsa rnams rab tu sad pa las so/ /mi 'gyur nyid ces bya ba ni/ 'byung bar mi 'gyur ba zhes bya ba'i don to/ /de ltar rnam pa gnyis de rnams nyid la nub pa'i rgyu bstan nas/ de sad pas lha rnams sad par 'gyur bar brjod pa'i phyir/ de'i yan lag tu lha mo rnams sad pa'i rgyu ni/ snying gi dbus gnas zhes bya ba la sogs pa gsungs te/ snying ka'i nang du ngo bo nyid kyis gnas pa'o/ /gang zhe na/ de'i phyir sangs rgyas nyi ma gsal ba'i 'od ces bya ba gsungs te/ rang bzhin gyis rnam par dag pa la bltos nas sangs rgyas nyi ma'o/ /gsal ba'i 'od ces bya ba ni/ 'chad bzhin pa'i rim pas/ 'od zer gyi tshogs spro ba'i ngo bo dang/ rang bzhin gyis 'od gsal ba'i rnam pa can no/ /gzung dang zhes bya ba ni/ sangs rgyas nyi ma de gzung dang 'dzin pa'i ngo bo ni yul dang yul can gyi ngo bo rnams so/ /'od zer bcu gnyis te zhes bya ba ni/ zla ba bcu gnyis kyi rnam par dag pas gnas pa zhes bya ba'i lhag ma'o/ /de rnams gang zhe na/ de'i phyir 'od 'phel zhes bya ba la sogs pa gsungs te/ mig ni dbang po la brten pa'o/ /'od 'phel zhes bya ba ni/ 'od gsal te rna ba'i dbang po la brten pa'o/ /'bar ma zhes bya ba ni/ gzi brjid ldan ma ste/ sna'i dbang po la brten pa'o/ /gsal ba zhes bya ba ni/ mun pa 'joms par byed pa ste/ lce'i dbang po la brten pa'o/ /'od ces bya ba ni/ 'od kyi ngo bo ste lus kyi dbang po la

  407. 204a

    brten pa'o/ /dmar mo zhes bya ba ni/ dmar ba mi gsal ba ste/ yid kyi dbang po la brten pa'o/ /de rnams ji lta bu zhe na/ de'i phyir phyi rol gzugs sogs 'dzin pa/ zhes bya ba gsungs te/ phyi rol gyi gzugs la sogs pa drug po 'dzin par byed pa'o/ /de nyid kyi phyir mig la sogs pa la brten nas zhes gsungs te/ dbang po drug la brten nas zhes bya ba'i don to/ /'od zer byed ces bya ba ni/ yul gzugs la brten pa de nyid gsal ba'i rang bzhin no/ /'od zer zhes bya ba ni/ sgra la brten pa'o/ /snang ba zhes bya ba ni/ dri la brten pa'o/ /'dod ma zhes bya ba ni/ ro la brten pa'o/ /'od zer zhes bya ba ni/ reg bya la brten pa'o/ /nyi ma zhes bya ba ni/ chos la brten pa ste/ 'di ni nyi ma'o/ /snyam du byas nas so/ /'di rnams ni phyi rol gzugs sogs rnam pa'o zhes bya ba ni yul drug la brten pa'o/ /drug po 'di dag 'od du 'dod ces bya ba ni/ yul gyis bsdus pa gzung ba'i ngo bo'o/ /'dod ces bya ba ni brjod pa'o/ /de ltar lha mo rnams sad pa'i rgyu brjod nas de sad par byed pa la lha mo rnams sad pa rang gi ngo bo brjod pa'i phyir ro/ /lha mo rnams gang shar ba la zhes bya ba la sogs pa gsungs te/ rtsa'i 'khor lor gnas pa rnams kyi'o/ /gang las she na/ de'i phyir ye shes nyi ma 'char ba yin zhes gsungs te/ 'od zer bcu gnyis kyi grogs dang ldan pa'i snying kar gnas pa'i sangs rgyas nyi ma sad pa las zhes bya ba'i don to/ /de dag yang nub pa ni zhes bya ba ni/ lha rnams la'o/ /yang dag ces bya ba ni/ phyin ci ma log pa'o/ /de'i zhes bya ba ni sangs rgyas kyi nyi ma la'o/ /nub pa'o zhes bya ba ni/ dbang po dang yul gyi kun tu spyod pa la mi gnas pa las 'byung bar 'gyur zhes bya ba'i don to/ /ji lta bu zhe na/ de'i phyir mchog tu zhes gsungs te/ khyad par du 'phags pa'i go 'phang gi rgyur gyur

  408. 204b

    pa'o/ /de ltar rang gi ngo bo bstan nas/ da ni 'char pa dang nub pa spabs pas de kho na nyid yongs su shes pa bstan pa'i phyir/ 'char ba nub pa rnams chad pa zhes bya ba gsungs te/ phyogs gnyis po la 'char ba la'o/ /go 'phang mchog tu zhes bya ba ni/ rang bzhin gyis 'od gsal ba'i rnam pa'o/ /phyogs gnyis chad pa yang chos kyi dbyings kyi de kho na nyid bsgoms pas 'byung zhes bya ba'i don to/ /ji lta bu zhe na/ de'i phyir legs par sad ces bya ba gsungs te/ phyogs gnyis spangs pas bskum pa dang rnam par dben pa'i phyir ro/ /rnal 'byor chen po zhes bya ba ni/ de las gzhan pa bskyed pa'i rim pa la sogs pa'i rnal 'byor gyi mtshan nyid dang bral ba'i phyir ro/ /sangs rgyas nyi ma sdom pa'o zhes bya ba ni de nyid kyi ngo bos so/ /sdom pa ni bsdus pa'i phyir ro/ /de ltar don rnam pa gsum gyis de sad pa la lha mo rnams sad pa bstan nas/ da ni 'char ba dang nub pa dag la/ rgyud gzhan la shes par bya ba dag bstan par bya ba'i phyir/ 'di ni rnal 'byor zhes bya ba la sogs pa gsungs te/ sngon du bstan pa'i rigs pas so/ rnal 'byor zhes bya ba ni/ lha mo rnams kyi rnal 'byor ro/ /de nyid mchog ces bya ba ni/ de'i rgyur gyur pa'i phyir ro/ /'char dang nub pa'i mtshan nyid do zhes bya ba ni/ de ma thag par bshad pa rnams so/ /rdo rje gsal ba'i rjes 'brangs nas zhes bya ba ni/ rdo rje gsal ba zhes bya ba rnal 'byor chen po'i rgyud kyi rjes su 'brangs nas so/ /shes par bya zhes bya ba ni/ shes par bya ba'o/ /bla ma'i zhal las shes bya ba ni/ ma 'ongs pa'i dus na rdo rje slob dpon gyi zhabs kyi zhal las so/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba/ le'u nyi shu rtsa brgyad pa'i rgya cher bshad pa'o// //de ltar le'u nyi shu rtsa brgyad pas rtsa rnams kyi 'char ba dang nub pa'i

  409. 205a

    rnal 'byor gyi yul la dri ba'i lan bstan nas/ da ni skabs su babs pa'i dga' ba bskyed pa'i mtshan nyid can yul la dri ba'i lan bstan pa'i phyir/ le'u nyi shu rtsa dgu pa nye bar 'god cing/ dang por re zhig de rtsom pa ni/ de nas zhes bya ba la sogs pa gsungs pa ste/ le'u nyi shu rtsa brgyad pas bshad pa'i rjes la'o/ /gzhan yang zhes bya ba ni/ snga ma bzhin du'o/ /nyon zhes bya ba ni/ phyag na rdo rje nyon pa la sbyar ba'o/ /dga' ba bskyed pa'i mtshan nyid ni zhes bya ba ni/ bshad kyis zhes bya ba dang 'brel to/ /des ci zhig bya ba ni/ de'i phyir gang gis zhes bya ba gsungs te/ dga' ba bskyed pa'i mtshan nyid kyis so/ /yang dag shes pa'i zhes bya ba ni/ phyin ci ma log pa'i ngo bos so/ /rdo rje sems dpa' i go 'phang mchog ces bya ba ni/ de bzhin gshegs pa drug pa'i ngo bo'o/ /mchog ces bya ba ni bla na med pa'i phyir ro/ /de ltar de'i rtsom pa bstan nas/ da ni dngos grub bshad pa brjod pa'i phyir de'i yan lag gi rten du gyur pa'i mtshams kyi bzhi po la dga' ba bzhi po rnam par bzhag pa'i phyir ro/ /'khor lo drug gi rtsa ba pad+ma zhes gsungs te/ sprul pa dang/ chos dang/ longs spyod dang/ rlung dang/ bde ba chen po'i mtshan nyid can gyi rtsa'i rang bzhin gyi pad+ma drug po rnams la'o/ /rgyas dang zhes bya ba ni/ rgya cher 'khor lo drug po rnams so/ /slar yang bsdus pa ni zhes bya ba ni/ 'khor lo drug po bsdus pas kyang 'khor lo bzhi dang yang dag par sbyor ba ni/ sprul pa dang/ chos dang/ longs spyod dang bde ba chen po'i 'khor lo'i ngo bo ste/ me'i 'khor lo ni bde ba chen po'i 'khor lo'i nang du 'dus pas so/ /rtsa rnams brgyad dang nyi shu lhag ces bya ba ni/ 'khor lo bzhi po rnams ni/ drug cu rtsa bzhi dang/ brgyad dang/ bcu drug dang/ sum cu rtsa gnyis kyi grangs kyis so/ /rtsa ni drug cu la yang brten zhes bya ba ni/ rten du

  410. 205b

    gyur pa'i 'khor lo bzhi po rnams so/ /thun mtshams bzhi po rnam par dag pa'i ngo bo ni/ mtshams kyi rtsa'o/ /rim pa yang zhes bya ba ni/ 'khor lo bzhi la rtsa bzhi po go rim gyis so/ /bzhi zhes bya ba ni/ mtshams kyi rtsa'o/ /khyab ces bya ba ni/ lus thams cad la khyab par byas te gnas pa'i phyir ro/ /rtag tu zhes bya ba ni/ 'chi ba'i dus kyi bar du'o/ /de rnams zhes bya ba ni/ de rnams la'o/ /dga' ba dag dang ldan zhes bya ba ni/ dga' ba bzhi'i sbyor bas so/ /de rnams la ni khyab ces bya ba ni/ dga' ba bzhi la sogs pa rnams so/ /de rnams zhes bya ba ni/ thun mtshams kyi rtsa bzhi po rnams kyis so/ /pad+ma'i rnal ma lta bu yis zhes bya ba ni/ ji ltar pad+ma rnal ma'i rgyus pa rnams kyis khyab par byed pa de bzhin du dga' ba la sogs pa rnams kyi mtshams kyi rtsa de rnams la khyab par byed pa'o/ /de ltar brten pa'i ngo bo mtshams kyi rtsa bzhi po la dga' ba bzhi'i rnam par bzhag pa brten nas/ de rnams nyid la 'khor lo so so la rnam pa bzhi'i ngo bo bstan pa'i phyir/ chu khams khongs su chud pa can zhes bya ba la sogs pa gsungs te/ chu khams khong du chud pa can de ni de yis khyab pas so/ /bde ba chen po zhes bya ba ni/ byang chub sems kyi ngo bo bde ba chen po ster bar byed pas so/ /bde ba chen pos phan par byed ces bya ba ni/ bde ba chen po ni rnam pa gnyis te/ yang dag par gso bar byed pa'i phyir ro/ /'khor lo so so'i dbye ba ni zhes bya ba ni/ dga' ba la sogs pa bzhi'i dbye bas so/ /dga' ba rnam pa bzhi po ji ltar zhe na/ de'i phyir longs spyod bzhi po zhes bya ba la sogs pa gsungs te/ bzhi po rnams kyi longs spyod do/ /dga' ba bzhi po la sogs pa'i gnas skabs rnams la nye bar longs spyod pa'o/ /yi ge ha zhes bya ba ni/ bde ba chen po'i 'khor lo gnas pa'i phyir/ byang chub kyi sems kyi zla ba'i rnam pa'o/ /cha zhes bya ba ni cha shas so//

  411. 206a

    shin tu phra ba'i zhes bya ba ni/ byang chub sems kyi thig le'i rnam pa'o/ /gnas zhes bya ba ni rnam par gnas pa'o/ /rtag tu zhes bya ba ni/ dus thams cad du'o/ /ji lta bu zhe na/ de'i phyir rten gyi tshul du khyab pas gnas zhes gsungs te/ khyab par byed pa ste lus thams cad la khyab pa'i phyir ro/ /ji ltar zhe na/ rim pa bzhi'i dbye ba las zhes gsungs te/ dga' ba'i rim pa'i dbye ba 'am/ rigs kyi dbye ba'i phyir ro/ /de ltar de rnams nyid la 'khor lo re rer rnam pa bzhi'i dngos po bstan nas/ da ni de'i rab tu dbye ba brjod pa'i phyir/ rim pa zhes bya ba gsungs te/ 'khor lo bzhi'i rim pas so/ /yang na dga' ba re re la lus dang ngag dang yid dang ye shes bzhi'i dbye bas rnam pa bcu drug pa nyid do/ /de nyid bstan pa'i phyir rim pa bcu drug dbye bas zhes bya ba gsungs te/ ji lta bu zhe na/ de'i phyir spro ba'i bdag nyid ces bya ba gsungs te/ rgyas pa'i ngo bo nyid kyis spros pa dang bcas pa'i phyir ro/ /rmad 'byung ba'o zhes bya ba ni/ de kho na nyid la yang rab tu dbye ba'i rnam par bzhag pas/ shin tu yang ngo mtshar ba dang bcas pa'o/ /ro cig pa'i go 'phang thob ces bya ba ni/ bde ba chen po nyams su myong bas mi mthun pa'i phyogs bcom pa gnyis su med pa nyid thob pa ste/ don gyi lhan cig skyes pa'i dus tshod la'o/ /rim gyis so sor nyams su myang bas zhes bya ba ni/ dga' ba la sogs pas nyams su myong ba'i rim pas cung zad tsam gyi bde ba dang de las lhag pa dang/ chags bral dang/ mtshan nyid thams cad dang bral ba'i bde ba'i dbye bas tha dad pa zhes bya ba'i don to/ /de ltar de'i rab tu dbye ba bstan nas/ da ni dpe'i sgo nas 'bras bu'i ngo bo brjod pa'i phyir/ sna tshogs chu'i sbyor ba las zhes bya ba gsungs te/ chu'i sbyor ba sna tshogs pa'o

  412. 206b

    rgya mtsho'i chu bzhin no zhes bya ba ni/ rgya mtshor gnas pa'i chu bzhin du'o/ /rim gyis zhes bya ba ni/ nyams su myong ba'i rim pa la bstan nas so/ /dus kyi 'khor lo zhes bya ba ni/ nang gi dus nye bar mtshon pas so/ /sbyor ba bzhi zhes bya ba ni/ dga' ba bzhi'i ngo bo nyid kyi phyir ro/ /dga' ba zhes bya ba ni/ lhan cig skyes pa'i dga' ba'o/ /de la brjod ces bya ba ni/ brjod par bya ba'o/ /de ltar dpe'i sgo nas 'dras pu'i ngo bo bstan nas/ da ni de nyid la gdams ngag gi sgo nas thob par bya ba brjod pa'i phyir/ rnal 'byor ma zhal brgyud pa las shes bya ba gsungs te/ ye shes mkha' 'gro ma'i zhal gyis kun tu spyod pa las so/ /go 'phang mchog tu thob par 'gyur zhes bya ba ni/ lhan cig skyes pa'i ngo bo zhes bya ba'i don to/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a la ka ka laM shas mdzad pa/ zab mo'i don shin tu gsal bar byed pa zhes bya ba las/ le'u nyi shu rtsa dbu pa'i rgya cher bshad pa'o// //de ltar le'u nyi shu rtsa dgu pas dga' ba rnams bskyed pa'i mtshan nyid kyi yul la dri ba'i lan bstan nas da ni rtsa rnams kyis nges par rab tu 'bab pa'i mtshan nyid brjod pa'i yul la dri ba'i lan brjod pa'i phyir/ le'u sum cu pa nye bar 'god cing dang por re zhig de rtsom pa ni/ de nas zhes bya ba la sogs pa ste/ le'u nyi shu rtsa dgu pa bshad pa'i rjes la'o/ /rtsa rnams kyi rgyun bshad kyis nyon zhes bya ba dang 'brel to/ /des shes bya ba ni/ khrag dang khu ba dang/ rlung rnams 'bab pa'i phyir ro/ /de nyid kyis nyon zhes bya ba ni/ phyag na rdo rje thos pa las sbyor ba ste/ ji ltar gnas pa'i ngo bo nyid kyi phyir ro/ /gang gi zhe na/ de'i phyir rdo rje brtan pa'i lus kyis zhes bya ba gsungs te/ rdo rje bzhin du brtan pa ni sra ba'o/ /de lta bu'i lus gang rnams la yod pa de rnams la de skad ces bya ste/ rdzogs pa'i rim pa gnas pa'i

  413. 207a

    sgoms po rnams la zhes bya ba'i don to/ /de ltar de rtsom pa bstan nas/ da ni de dngos su bshad pa brjod pa'i phyir/ de'i yan lag sdud par byed pa rtsa rnams brjod pa sngon du 'gro bas khams 'bab pa'i rim pa bstan pa'i phyir stong phrag nyi shu rtsa bzhi ni zhes bya ba gsungs te/ rtsa rnams lus thams cad la gnas pa rnams kyi'o/ /rtag tu zhes bya ba ni/ 'chi ba'i dus kyi bar du dus thams cad du'o/ /rmad 'byung ba zhes bya ba ni/ rang dang 'os pa'i khams 'bab par byed pas na ngo mtshar ba dang bcas pa'o/ /byang chub sems ni 'bab ces bya ba ni/ kun rdzob pa'i sems 'bab par byed pa rnams so/ /bde ba thams cad rab tu 'phel/ zhes bya ba ni/ rjes su 'jug pa rnams so/ /bde ba thams cad ni gtso bo ma yin pa'i khams kyi ngo bo rnams kyi rjes su 'jug pa ni 'jug par byed pa'o/ /stong phrag nyi shu rtsa bzhi ni/ khrag 'bab par ni shes par bya/ /zhes bya ba ni snga ma bzhin no/ /khrag 'bab pa ni zhes bya ba ni/ nyi ma 'bab pa'o/ /nyi ma 'byung ba'i bdag nyid can zhes bya ba ni/ rdul 'bab pa'o/ /rtag tu rmad du 'byung ba'i rtsa zhes bya ba la sogs pa ni/ snga ma bzhin no/ /rlung rgyu bar ni shes par bya zhes bya ba ni/ rlung 'bab pa'o/ /rim bzhin zhes bya ba ni/ rlung rgyu ba'i rim pas so/ /rgya chen rgyud las zhes bya ba ni/ nam mkha' dang mnyam pa'i rgyud kyi rjes su 'brangs pa 'am/ rdo rje phreng ba'i rgyud chen po'i rjes su 'brangs nas so/ /de ltar sdud par byed pa'i rtsa rnams brjod pa sngon du 'phro bas de'i khams 'bab pa bstan nas/ da ni sdud par byed pa'i rtsa brjod pa'i phyir/ lus kyis zhes bya ba la sogs pa gsungs te/ lus kyi zhes bya ba ni/ rang dang gzhan gyi lus la'o/ /gnas kyi dbye ba yis zhes bya ba ni/ gnas dang nye ba'i gnas la sogs pa nyi shu rtsa bzhi'i dbye bas so/ /nyi shu rtsa bzhi zhes bya ba ni/ mi phyed ma la sogs

  414. 207b

    pa'i ming can no/ /de ni zhes bya ba ni/ stong phrag bdun cu rtsa gnyis kyi rtsa rnams so/ /brjod ces bya ba ni gsungs pa'o/ /stong phrag bdun cu rtsa gnyis kyi grangs can gyi rtsa rnams ni nyi shu rtsa bzhi po rnams kyi bsdud pa'i phyir ro/ /de ltar sdud par byed pa'i rtsa rnams bstan nas/ nga ni rgya cher brjod pa la lugs brjod pa'i phyir/ thim dang longs spyod bdag po nyid ces bya ba la sogs pa gsungs te/ byang chub sems kyi zla ba'i kun tu spyod pa gsum la brten nas/ de rnams nyid sdud par byed pa nyi shu rtsa bzhi'o/ / bdun cu rtsa gnyis brjod ces bya ba ni/ thim pa dang longs spyod pa dang bdag po nyid gsum gyi nyi shu rtsa bzhi'i rtsa rnams kyi grangs kyis bdun cu rtsa gnyis kyi grangs 'byung ba las so/ /re rer yang 'khor lo ni stong stong ngo zhes bya ba ni/ rtsa re re yang rgyas pa ni/ 'khor lo ni stong ste/ stong gi grangs so/ /rigs brgya'i dbye ba gnas la sogs pa bcus bsgyur na/ re re la stong phrag gi grangs su shes par bya'o/ /de ltar rgya cher brjod pa'i lugs bstan nas/ da ni nye bar bsdu ba'i lugs brjod par bya ba'i phyir gtso bo yang ni bsdus pa las shes bya ba gsungs te/ slar yang bsdus nas 'gro ba dang zhes 'brel to/ /thim pa longs spyod bdag po dor zhes bya ba ni/ /bdun cu rtsa gnyis kyi grangs rnams la sum 'gyur gyi grangs phri bas so/ /gnas rnams kyi ni grangs su 'gyur zhes bya ba ni/ gnas dang nye ba'i gnas la sogs pa nyi shu rtsa bzhi pa'i grangs rnams kyis so/ /slar yang bsdus nas 'gro ba ni zhes bya ba ni/ bdun cu rtsa gnyis pa'i nang du 'dus par 'gyur ro/ /grangs rnams ji tsam zhe na/ de'i phyir gsum dang rnam brgyad dbye ba yis zhes bya ba gsungs te/ nyi shu rtsa bzhi'i grangs can gyi rtsa rnams la zhes bya ba'i don to/ /rnam pa brgyad po la rnam pa gsum gyis grangs su byas na snyam du dgongs pa'o/ /de rnams kyang phra mo'i cha shas kyis bsdus pas nas/

  415. 208a

    'dus par 'gyur ro/ /snyam du bstan pa'i phyir rtsa dang zhes bya ba la sogs pa gsungs te/ nyi shu rtsa bzhi'i grangs so/ /nyin mtshan dbye ba yis zhes bya ba ni/ nyin mtshan gcig la phal cher chu tshod sum cu rtsa gnyis kyi bdag nyid can la 'dus par 'gyur ro/ /de yang thun brgyad pa'o/ /de yang skad cig la zhes bya ba'i tha tshig go /nang du 'gro bar shes par bya zhes bya ba ni/ shes par bya ba'o/ /bdun cu rtsa gnyis dang/ nyi shu rtsa bzhi dang/ chu tshod sum cu rtsa gnyis dang/ thun brgyad dang/ skad cig ma gcig gi rab tu dbye bas gong nas gong du bsdus nas 'gro bar 'gyur ro/ /de ltar don rnam pa bzhis rtsa'i mdor bstan pa bshad nas/ da ni de rgyas par bshad pa'i phyir/ de'i yan lag rtsa gsum gyi khams 'bab pa'i rim pa bstan pa'i phyir/ g.yon pa byang chub zla ba 'bab ces gsungs te/ g.yon pa zhes bya ba ni g.yon pa'i cha la'o/ /kun rdzob kyi sems kyi zla ba 'bab pa'o/ /g.yas pa khrag dang nyi ma 'bab ces bya ba ni/ g.yas pa'i cha la nyi mo'i rang bzhin gyi khrag 'bab pa'o/ /shes bya dbus su rlung rgyu bas zhes bya ba ni/ dbus kyi gnas su rnam par mi rtog pa'i rlung dang dus kyi me 'bab pa'o/ /gdams ngag las kyang rtsa gsum po dbus kyi mdud pa brjod par 'dod pas drug tu 'gyur ro/ /de rnams kyang steng 'og gi dbye bas khams drug 'bab par byed pa'o/ /ji skad du bshang gci zla ba nyi ma dang/ sgra gcan dus kyi me rtsa rnams/ drug ces bya ba la sogs pa'o/ /ming bstan pa'i phyir/ la la nA dang ra sa nA/ a ba d+hU tI zhes bya ba gsungs te/ 'dir ni mdo ji lta ba bzhin no/ /de ltar rtsa gsum po la khams 'bab pa'i rim pa bstan nas/ da ni de rnams kyi spro ba'i rim pa brjod pa'i phyir/ de rnams zhes bya ba la sogs pa gsungs te/ rtsa gsum po rnams

  416. 208b

    so/ spro ba'i sbyor ba yis zhes bya ba ni/ rgyas pa'i sbyor bas so/ /brgyad ces bya ba ni/ rtsa brgyad kyi ngo bo'o/ /ci'i phyir zhe na/ rims kyis thun brgyad ces bya ba gsungs te/ thun brgyad kyi rim pas shes bya ba'i don to/ /re re yang zhes bya ba ni/ nyi shu rtsa bzhir 'gro zhes bya ba dang 'brel to/ /re re yang thun brgyad kyi dbye bas brgyad kyi grangs so/ /ji ltar zhe na/ de'i phyir gsum po zhes bya ba gsungs te/ gsum gyis bskyur ba'o/ /ji skad ston par 'gyur te/ gang zhig rtsa gsum po 'di thun brgyad po'i grangs kyis rgyud du 'gro ba de rnams nyid la gsum gyis sgyur bas nyi shu rtsa bzhir 'gyur ro/ /slar yang zhes bya ba ni/ de'i rjes la slar yang thim dang longs spyod bdag po'i phyir zhes bya ba ni/ de ma thag par bstan pa'i nyi shu rtsa bzhi byang chub sems kyi kun tu spyod pa'i rim pa gsum gyis bsgyur bas bdun cu rtsa gnyis kyi grangs su 'gyur ro/ /de nyid kyi phyir rim gyis grangs ni bdun cu rtsa gnyis zhes bya ba gsungs te/ de ma thag par bstan pa'i grangs kyi rim pas so/ /slar yang de zhes bya ba ni/ bdun cu rtsa gnyis so/ /spro sbyor ba yis zhes bya ba ni/ rgya chen po'i sbyor bas so/ /re re stong stong dbye ba yis zhes bya ba ni/ stong phrag gi grangs nyid du 'gyur ba'o/ /nges par grangs nyid 'gyur ba ni/ zhes bya ba ni stong stong gis bsgyur bas bdun cu rtsa gnyis stong phrag bdun cu rtsa gnyis kyi grangs su 'gyur ro/ /de lta de rnams nyid kyi spro ba'i rim pa bstan nas/ da ni gsum po slar yang gcig gi khongs su bsdu ba brjod pa'i phyir/ gtso bo zhes bya ba gsungs te/ gtso bo gsum ni/ la la nA dang/ /ra sa nA dang/ a ba d+hU tI'o/ /sbyor bas zhes bya ba ni/ g.yas pa dang g.yon pa'i rlung rgyu ba dbus mar 'jug pa'i sbyor bas so/ /gcig pa nyid du 'gro zhes bya ba ni/ rtsa dbus ma'i ngo bor 'gro bar 'gyur zhes bya ba'i don to/ /de ltar

  417. 209a

    gsum po gcig gi yongs su bsdu ba bstan nas/ da ni rtsa dbus ma'i ngo bo brjod pa'i phyir/ shes par dka' zhes bya ba la sogs pa gsungs te/ las dang po pa'i rnal 'byor pa rnams la mtshon par dka' ba nyid kyis phyir ro// phra ba de ni zhes bya ba ni/ skra'i rtse mo'i mthar thug pa nyid kyi phyir ro/ /dang po las kyi rnal 'byor pas zhes bya ba ni/ bskyed pa'i rim pa sgom pa po'i rnal 'byor pas zhes bya ba'i don to/ /bsam gyis mi khyab ces bya ba ni/ sems kyi spyod yul las 'das pa nyid kyi phyir ro/ /mchog tu zhes bya ba ni/ spros pa nyid kyi phyir ro/ /thig le nA da rnam par spangs zhes bya ba ni/ /rdzas ngang brag ca'i sgra spangs pas so/ /bde ba kun gyi gzhi zhes bya ba ni/ zag pa med pa'i bde ba la brten pa'o/ /gsang ba zhes bya ba ni/ zab mo'o/ /srog gi rten gyi mtshan nyid dang/ zhes bya ba ni/ srog gi rlung gi rten nyid kyi phyir ro/ /nag po'i rtsar ni rnam par bshad ces bya ba ni/ mi dmigs pa'i ngo bo nyid kyi phyir ro/ /rdo rje dbyings kyi dbang phyug dang zhes bya ba ni rdo rje 'chang chen po'i shes rab kyi ngo bo nyid kyi phyir ro/ /de ltar rtsa dbus ma'i ngo bo bstan nas/ da ni de la man ngag gis rtogs par bya ba nyid brjod pa'i phyir/ rnal 'byor ma'i zhal nas shes gsungs te/ ye shes mkha' 'gro ma'i zhal gyi gdams ngag gis rtogs par bya'o/ /ro gcig go 'phang bdag nyid can zhes bya ba ni/ tha dad pa'i rnam par rtog pa bzlog nas gnyis su med pa'i ye shes kyi ngo bo nyid kyi phyir ro/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa las/ le'u sum cu pa'i rgya cher bshad pa'o// //de ltar le'u sum cu pas rtsa rnams kyi nges par 'bab pa'i mtshan nyid kyis nges

  418. 209b

    par 'bab pa'i mtshan nyid yul la dri ba'i lan brjod nas/ da ni mtshams kyi rtsa gsum gyi yul la dri ba'i lan brjod pa'i phyir/ /le'u sum cu rtsa gcig pa nye bar 'god cing re zhig dang por de'i rtsom pa bstan pa'i phyir/ /de nas zhes bya ba la sogs pa gsungs te/ le'u sum cu pa bshad pa'i rjes la'o/ /gzhan yang zhes bya ba ni snga ma bzhin no/ /mtshams kyi rtsa ni gtso bo nyid bshad kyis nyon zhes bya ba dang 'brel to/ /des ci zhig bya zhe na/ de'i phyir gang gis zhes bya ba la sogs pa gsungs te/ rtsa gsum po gang las so/ /rtsa rnams sdom dang 'char ba dang zhes bya ba la/ sdom pa ni bsdus pa'o/ /'char ba ni skye ba'o/ /sdom pa yang yin la 'char ba yin pas na sdom pa dang 'char ba'o/ /rtag tu zhes bya ba ni/ dus thams cad du'o/ /de ltar de'i rtsom pa bstan nas/ da ni dngos su bstan pa bshad pa'i phyir/ sdom pa mdor bstan pa'i yan lag rang gi ngo bo bstan pa ni/ mchog tu zhes bya ba la sogs pa gsungs te/ rtsa rnams kyi spros pa bzlog pa'i bdag nyid can gyis so/ /mchog tu dga' ba nyams su myong zhes bya ba ni/ so sor rang gi rig par bya ba nyams su myong ba'i bdag nyid can byang chub kyi sems kyi ngo bo'o/ /lha'i ye shes gsal bar byed ces bya ba ni/ 'jig rten las 'das pa'i lhan cig skyes pa gsal ba'i ngo bo nyid bdag nyid can no// gsal pa'i sngags su yang dag par sbyor zhes bya ba ni/ gsal ba ni thams cad kyi gtso bo hUM yig la yang dag par sbyar ba ni/ rlung gsum po la cha shas su yongs su rtog pas 'brel pa'i phyir ro/ /lha'i rnal 'byor don nges pa zhes bya ba ni/ rnam par rtog ba'i rlung 'byed pas lha ni 'jig rten las 'das pa'o/ /rnal 'byor gyi don ni don dam pa'i de kho na nyid nges par 'byed pa de nyid gsum sbyor zhes bya ba ni/ lus la sogs pa rnam par dag pa'i ngo bo nyid kyis so/ /dri ma med ces bya ba ni/ /rnam par

  419. 210a

    mi rtog pa'i rlung gi rang bzhin nyid kyi phyir ro/ /rdo rje gsum don gcig tu sdom zhes bya ba ni/ sku rdo rje la sogs pa rnams kyi don gcig pa don ni gcig pa ste/ rdo rje 'chang chen po'i ngo bo'o/ /de'i sdom pa ni sdud pa'i rang bzhin no/ 'jig rten gsum du khyab cing zhes bya ba ni/ khams gsum la khyab pa nyid kyi phyir ro/ /phra zhes bya ba ni/ phra mo'i rnal 'byor pa rnams kyis rtogs par bya ba nyid kyi phyir ro/ /lus kun la ni yang dag brten zhes bya ba ni/ lus thams cad la khyab par byed pa'i phyir ro/ /ye shes sems dpa' zhes bya ba ni/ rnal 'byor pa gcig pu'i spyod yul nyid kyis longs spyod rdzogs pa'i ngo bo nyid kyi phyir ro/ /rdo rje sems zhes bya ba ni/ chos kyi sku'i ngo bo nyid kyi phyir ro/ /dam tshig sems dpa' ste zhes bya ba ni/ sprul pa'i sku'i ngo bo nyid kyi phyir ro/ /gang phyir bde zhes bya ba ni/ rnam pa gnyis kyis bde ba chen po'i rang bzhin no/ /rnal 'byor mchog tu zhes par bya zhes bya ba ni/ bla na med pa'i ting nge 'dzin gyi ngo bo'o/ /khyab pa'i zhes bya ba'i rang bzhin gyis rnam par dag pa la bltos nas so/ /de nyid ces bya ba ni/ don dam pa nyid kyis phyin ci ma log pa'i phyir ro/ /rmad 'byung ba zhes bya ba ni/ 'bad pa med pas sems can gyi don byed pa'i phyir ro/ /mchog dang rab mchog ces bya ba ni/ dga' ba la sogs pa gsum las so/ /rab mchog ni lhan cig skyes pa'i ngo bo nyid kyi phyir ro/ /phra zhes bya ba ni/ skra'i rtse mo bye ba brgya'i cha'i tshad tsam gyi phyir ro/ /rang 'byung ye shes zhes bya ba ni/ rgyu dang rkyen gyis 'byung ba med pa'i phyir ro/ /mi zad pa zhes bya ba ni/ skye 'jig dang bral ba'i phyir ro/ /de ltar sdom pa mdor bstan pa'i ngo bo bstan nas/ da ni rtsa ba'i rtsa bstan pa'i phyir/ sum cu rtsa gnyis byang chub 'bab ces bya ba gsungs te/ so dang sen mo la sogs pa

  420. 210b

    byang chub kyi sems sum cu rtsa gnyis po rnams la'o/ /'bab ces bya ba ni/ 'dzag par byed pa'o/ /rtsa ni zhes bya ba ni rtsa'o/ /thams cad mchog tu zhes bya ba ni/ rtsa stong phrag bdun cu rtsa gnyis kyi ngo bo rnams so/ /gsal zhes bya ba ni/ rnal 'byor pa'i shes pa la de snang ba'i phyir ro/ /bde ba chen po'i 'khor lo gnas zhes bya ba ni/ mgo bor gnas pa'o/ /rtsa zhes bya ba ni/ de las gzhan pa'i rtsa rnams lus thams cad la khyab pa'i phyir ro/ /gang du zhe na/ de'i phyir cha rnams kun bdag nyid ces bya ba gsungs te/ rtsa'i tshogs ma lus pa lus la zhes bya ba'i don to/ /de ltar rnam pa gnyis kyis sdom pa mdor bstan pa bshad nas/ de ni mtshams kyi rtsa rnams rgyas par bstan pa'i phyir/ de'i yan lag rang gi ngo bo ni/ de'i dbus na zhes bya ba la sogs pa gsungs te/ rtsa rnams sum cu rtsa gnyis kyi grangs can gyi dbus na'o/ /rtsa gsum ste zhes bya ba ni gsum mo/ /gtso bor yang ni yang dag bshad ces bya ba ni/ gtso bor brjod do/ /ji lta bu zhe na/ de'i phyir zla ba nyi ma me rgyu ba zhes gsungs te/ khu ba dang/ khrag dang dus kyi me 'bab pa'o/ /'byung ba thams cad la ni khyab ces bya ba ni/ 'byung ba chen po bzhi'i ngo bo 'khor lo bzhi la khyab par byed pa ste/ de rnams med par de rnams mi 'byung ba'i phyir ro/ /de ltar rang gi ngo bo bstan nas/ de nyid la dpe bstan pa'i phyir ji ltar shing rtsa zhes bya ba la sogs pa gsungs te/ sa las skyes pa la'o/ /sa la gnas pa zhes bya ba ni/ sa'i nang du gnas pa'i rtsa ba rnams so/ /cung zad ces bya ba ni/ cung zad tsam gyi ngo bo'o/ /gnas zhes bya ba ni/ bstan par byas nas so/ /sdong pu yal ga kha phye ba/ sogs pa yis ni kun la khyab/ /ces bya ba ni/ rnam pa thams cad du'o/ /de ltar dpe brjod nas/ da ni don bstan pa'i phyir/ de bzhin zhes bya ba la sogs pa gsungs te/ de bzhin zhes bya ba ni/ shing gi rtsa ba ltar ro/ /skyes bu zhes bya ba

  421. 211a

    ni mi'o/ /mgor gnas pa/ rtsa gsum la ni zhes bya ba ni/ mgo bo la gnas pa'i la la nA la sogs pa gsum mo/ /rnyog pa med ces bya ba ni/ phan tshun rgyud pas khams rnams ma 'dres pa'i phyir dang/ rlung gi rgyu ba yang dus ? po'i rigs pas 'bab pa'i phyir ro/ /phung po khams sogs tshogs la khyab ces bya ba ni/ phal cher de'i bdag nyid can gyi lus la'o/ /mchog dang mchog rab ces bya ba ni/ gzhan du gyur pa'i rtsa stong phrag bdun cu rtsa gnyis kyi grangs can las so/? mchog ces bya ba ni/ rtsa gsum gyi ngo bo nyid kyi mchog tu gyur pa'o/ /de ltar don rnam pa gsum gyis mtshams kyi rtsa gsum rgyas par bshad pa bstan nas/ de ni de'i rnam par dag pa brjod pa'i phyir/ de'i yan lag rang gi ngo bo ni/ rnam par thar pa'i sgo gsum dngos zhes bya ba la sogs pa gsungs te/ de ma theg par bstan pa'i rtsa gsum po stong pa nyid dang/ mtshan ma med pa dang/ smon pa med pa'i rang bzhin te/ rtsa gsum pa'i ngo bo la dmigs nas rnam par thar pa'i sgo gsum 'grub pa'i phyir ro/ /de kho na nyid gsum sdom pa zhes bya ba'o/ de kho na nyid gsum gyi gnas kyi go 'phang ni/ bsdus pa'i ngo bo ste/ bdag dang sngags dang ye shes kyi de kho na nyid kyi phyir dang sku la sogs pa de kho na nyid gsum gyi ngo bo nyid kyi phyir ro/ /'dod chags zhe sdang gti mug dang/ /rang bzhin mtshan nyid dbye ba gsum/ /zhes bya ba ni/ rang bzhin dang bcas pa rnam par ma dag pa'i shes pa gsum gyi 'gag pa'i bdag nyid kyi phyir ro/ /mtshams kyang ni zhes bya ba ni/ mtshan mo dang nyin mo dang/ mtshams kyi dbye bas so/ /dam tshig mtshan nyid rnam pa gsum zhes bya ba ni/ dus kyi mtshan nyid de/ mtshams la sogs pa rnams ji ltar rigs par snang ba la sogs pa ye shes gsum gyi ngo bor shes par bya'o/ /sangs rgyas dam chos dge 'dun

  422. 211b

    ni zhes bya ba ni/ ma rig pa'i gnyid las sad pa'i phyir dang/ blo kha 'byed pa'i phyir dang/ chos rnams thams cad ji lta ba bzhin du rtogs pas sangs rgyas so/ /rang gi mtshan nyid 'dzin par byed pas na chos so/ /dam pa ni 'phags pa rnams kyi chos te/ dam pa'i chos so/ /dge 'dun ni gang dag zung bzhi la sogs pa'i ngo bo nyid kyis sdud pa'i rnam pa can nyid kyi phyir dge 'dun no/ /sdom pa gsum gyi mtshan nyid do/ /zhes bya ba ni/ de bzhin gshegs pa'i rigs la sdom pa'i mtshan nyid do/ de yongs su mdor ba'i phyir ro/ /stong nyid ye shes rdo rje ni zhes bya ba ni/ shes pa dang shes byas bsdus pa'i chos thams cad kyi stong pa nyid do/ /ye shes zhes bya ba ni/ ngo bo de nyid kyis stong pa nyid yongs su shes pa'i phyir ro/ /rdo rje zhes bya ba ni/ mi mthun pa'i phyogs las rgyal bas bstan pa'i phyir ro/ / gsum gyi de nyid mtshan nyid do zhes bya ba ni/ rtsa gsum gyi ngo bo'i de kho na nyid kyi mtshan nyid do/ /rgyu dang 'bras bu nye mal lo ni/ zhes bya ba ni/ rgyu dang 'bras bu gzhan la phan 'dogs pa phun sum tshogs pa'i ngo bos ngal 'byor gsum gyi rnam par dag pa'i mtshan nyid de/ de la 'bras bu ni zung nga 'jug pa'i rnam pa'o/ /rgyu ni bskyed pa'i rim pa la sogs pa'o/ /de dag gis lhun gyis grub pa'i sems can gyi don du bzhag la phan pa'i phun sum tshogs pa ste/ de rnam par dag pa'i mtshan nyid do/ /rlung dang mkhris pa zhes bya ba la sogs pa ni/ mdo ji lta ba bzhin no/ /khams btus pa zhes bya ba ni/ khams thams cad bsdus pa'i don gyis so/ /'dod pa zhes bya ba la sogs pa ni/ gnas nyi shu dang/ bcu bdun dang/ snyoms par 'jug pa bzhi'i ngo bos khams gsum gyi mtshan nyid can no/ /de nyid kyi phyir 'jig rten gsum gyi mtshan nyid do zhes gsungs te/ 'khor ba'i 'jig rten pa'i mtshan nyid rnam par dag pa'i mtshan nyid can no/ /de ltar de'i rnam par dag pa'i ngo bo bstan nas/ nga ni de rnams kyi rgyu dang 'bras bu'i dngos po'i

  423. 212a

    rim pa brjod pa'i phyir/ rtsa ba gsum dang zhes bya ba gsungs te/ de ma thag par gsungs pa'i rtsa gsum po rtsa ba ste/ gtso bor gyur pa'i phyir ro/ /'bras bu gcig ces bya ba ni/ de las gzhan pa'i rtsa gnyis po rgyu ba nye bar mtshon pas gcig ni dbus ma a ba d+hU tI'i 'bras bu ste/ de'i rim pas de la nye bar dmigs pa'i phyir ro/ /rim bzhin zhes bya ba ni/ rim pa la brten nas so/ /chos kyi 'khor lor son zhes bya ba ni/ snying ga'i pad+ma la gnas pa'i sems kyi gnas kyi phyir ro/ /sprul pa zhes bya ba ni/ lte ba sprul pa'i 'khor lo'o/ /de gsum zhes bya ba ni/ la la nA la sogs gsum mo/ /gsal zhes bya ba ni/ gsum po nyid kyi rnal 'byor gyi mngon sum la snang ba'i phyir ro/ /ji ltar zhe na/ de'i phyir sku zhes bya ba la sogs pa gsungs te/ khrag 'bab pa nyid dang/ khu ba 'bab pa nyid dang me 'bab pa nyid kyis rim pa ji lta bar lus la sogs pa rnam par dag pa zhes bya ba'i tha tshig go /de ltar de rnams nyid kyi rgyu dang 'bras bu'i ngo bo'i rim pa bstan nas/ da ni de'i nyes pa 'char bar/ 'chi ba 'byung ba brjod pa'i phyir/ gang tshe de la nad sbyor ba zhes bya ba la sogs pa gsungs te/ nad ni 'dus pa la sogs pa'o/ /de la zhes bya ba ni lus la'o/ /gang tshe zhes bya ba ni/ dus gang la'o/ /rnams la zhes bya ba ni/ rtsa gsum po la'o/ /de tshe zhes bya ba ni/ lus de la'o/ /gzas 'dzin mtshan nyid do zhes bya ba ni/ phyi rol gyi zla ba la sgra gcan gyi 'dzin pa ltar 'chi ltas kyi rtags 'byung ba'i phyir ro/ /cung zad nad ces bya ba ni/ yongs su ma rdzogs pa'i ngo bo'o/ /gang tshe zhes bya ba ni/ dus gang la'o/ /'gro zhes bya ba ni/ de rnams kyi 'gro ba'o/ /de tshe zhes bya ba ni/ dus der ro/ /phyed 'dzin mtshan nyid do zhes bya ba ni/ phyi rol gyi zla ba la sogs pa la sgra gcan gyis phyed bsgribs pa ltar 'chi rtags yongs su rdzogs pa mi skyed pa'i phyir ro/ /srog gi zhes bya ba ni/

  424. 212b

    'chi ba'i dus su 'byung ba'i srog gi rlung gis so/ /bcom na zhes bya ba ni kun nas gdungs pa'o/ /gang phyir zhes bya ba ni/ dus gang gi tshe zhes bya bar shes par bya'o/ /de nyid tshe na zhes bya ba ni/ dus de nyid kyi tshe na'o/ /'chi ba'i mtshan nyid yin zhes bya ba ni srog gi dbang po 'gags pa 'gag par byed pa nyid kyis zhes bya ba'i don to/ /de ltar nyes pa 'char ba la 'chi ba 'byung ba bstan nas/ nga ni nye bar bsdu ba sngon du 'gro bas man ngag gi rtogs par bya ba nyid bstan pa'i phyir/ rtsa'i gtso bo zhes bya ba la sogs pa gsungs te/ skye ba dang 'chi ba dang thar pa'i gnas skabs so/ /gsum pa zhes bya ba ni/ rtsa gsum gyi'o/ /gtso bo nyid du nges zhes bya ba ni/ gtso bo nyid du yongs su shes pa'o/ /rgyas par zhes bya ba ni/ rgya che bar ro/ /rnal 'byor ma 'khor lo zhes bya ba ni/ gnas la sogs pa la skyes pa'i rnal 'byor ma'i tshogs kyi drung nas so/ /rnal 'byor pa yis zhes bya ba ni/ rdzogs pa'i rim pa la gnas pa rnams kyis so/ /gsal por zhes bya ba ni/ gsal bar byas nas so/ /shes zhes bya ba ni/ shes par bya ba'o/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las le'u sum cu rtsa gcig pa'i rgya cher bshad pa'o// //de ltar le'u sum cu rtsa gcig pas mtshams kyi rtsa gsum gyi yul la dri ba'i lan brjod nas/ da ni rlung la sogs pa'i rnam par dbye ba bstan pa'i phyir dang/ rlung bskyed pa'i yul la dri ba'i lan bstan pa'i phyir/ le'u sum cu rtsa gnyis pa nye bar 'god cing dang por re zhig de la rtsom pa ni/ de nas zhes bya ba la sogs pa gsungs te/ /le'u sum cu rtsa gcig pa bshad pa'i rjes la'o/ /gzhan yang zhes bya ba ni snga ma bzhin no/ /rlung bskyed pa'i mtshan nyid ni zhes bya ba ni/ rlung rnams kyi bskyed pa'i mtshan nyid de bshad kyis

  425. 213a

    nyon zhes bya ba dang 'brel to/ /des ci zhig byed ce na/ de'i phyir ji ltar dngos su yang dag zhes bya ba gsungs te/ gang gi phyir rlung rnams bskyed pas so/ /dngos su zhes bya ba ni/ mngon sum nyid du'o/ /dus ni zhes bya ba ni/ phyi rol gyi zla ba dang nyi ma la sogs rgyu ba'i mtshan nyid can dang/ nang gi bdag nyid can gyi dbugs 'byung ba dang 'jug pa'i mtshan nyid can la'o/ /yongs su slu byed yin zhes bya ba ni/ /de las bzlog pa'i rnam pa'o/ /yang dag shes zhes bya ba snga ma dang 'brel to/ /de ltar de rtsom pa bstan nas/ da ni de dngos su bstan pa'i phyir/ de'i yan lag bar do'i srid pa'i rnam shes 'jug pa ni/ bag chags nyon mongs can gyi yid ces bya ba la sogs pa gsungs te/ bag chags kyi sgras ni/ kun gzhi rnam par shes pa dang/ nyon mongs pa can gyi yid gnyis so/ /rlung ni ngo bos zhes bya ba ni/ srog dang thur sel gyi rlung dang bcas pa'o/ /gzugs gzhan byed ces bya ba ni/ dbang po tshang ba nyid kyi phyir ro/ /don ni nges par yong mi shes zhes bya ba ni/ rang gi las kyi dbang gi ngas pas gang de don ni/ sngon po la sogs pa rnams la ste/ yongs su shes pa ni shes pa'o/ /des mi shes pa ni/ khyogs kyi bzhon pa ltar mya ngan la sogs pas bsgribs pa'i phyir ro/ /rlung tsam zhes bya ba ni/ grib ma lta bu nyid kyis mtshan nyid kyi gzugs dang bral ba'i phyir ro/ /bkug nas ni zhes bya ba ni/ yang dag par bkug nas so/ /kun gzhi rnam shes zhes bya ba ni/ bag chags kyi rten sprul gnyid lag pa lta bu'o/ /bag chags nang du rnam par spyod ces bya ba ni/ rnam pa sna tshogs ba'i bag chags rnams kyi nang du rgyu ba'o/ /cig char zhes bya ba ni/ dus mnyam pa'o/ /rlung dang rnam shes gnyis shes bya ba ni/ srog rtsol gyi rlung dang/ kun gzhi rnam shes so/ /bag chags

  426. 213b

    dang 'dres zhes bya ba ni/ rang gi dge ba dang mi dge ba'i bag chags kyi dbang gis so/ /rim pa las zhes bya ba ni/ 'chi ba'i srid pa 'gog pa'i rim pas so/ /rang gi bag chags bsgos pa yis zhes bya ba ni/ rang gi lhan cig skyes pa'i bag chags rnam smin las so/ /de nas zla mtshan dus su ni zhes bya ba ni/ 'byung bar gyur pa'i mngal rang byung gi me tog 'byung ba'i tshe na'o/ /'jug pa na zhes bya ba ni/ rab tu 'jug pa na'o/ /de dag na zhes bya ba ni/ rlung dang rnam par shes pa dag ces bya ba'i don to/ / gang du zhe na/ de'i phyir mngal gyi rtsal zhes bya ba gsungs te/ cha dang 'brel ba'i ma skyes ba zhes bya ba'i ming can la'o/ /de zhes bya ba ni/ /de'i rjes la'o/ /khu ba khrag zhu thig les zhes bya ba ni/ khu ba dang khrag gi rang bzhin zhu ba'i thig le rnams kyis so// 'dres pa yis ni rnam shes skye zhes bya ba'i/ bar do'i rnam par shes pa'o/ /dpe bstan pa'i phyir/ ji ltar char ros myos pa bzhin zhes bya ba gsungs te/ ji ltar chang gi rol myong ba rnam par ma phye bar gyur pas gnas pa de bzhin du kun gzhi'i rnam par shes pa mngal gyi rtsal 'jug pa zhes bya ba'i don to/ /rnam par shes pa'i skye bar 'gyur zhes bya ba ni/ sngar bstan pa nyid las nyon mongs can yid ces bya ba dang 'brel to/ /ji lta bu zhe na/ de'i phyir rnam shes kyis ni bag chags 'dzin ces bya ba gsungs te/ sa bon gyi ngo bo 'dzin par byed do/ /de rnams kyang bde ba dang sdug bsngal gyi ngo bo zhes bya ba'i don to/ /srog rlung nyid ces bya ba ni/ srog gi rlung dang bcas pa las kyi ngo bo nyid kyi ngo bo nyid do/ /rtag tu zhes bya ba ni/ dus thams cad du'o/ /yang dag 'gro bar 'gyur zhes bya ba ni/ nyams su myong bar 'gyur zhes bya ba'i don to/ /de ltar bar mdo'i srid pa'i rnam par shes pa 'jug pa bstan nas/ nga ni sems can gyi khams bskyed pa bstan pa'i phyir de'i yan lag zla ba dang po'i gnas

  427. 214a

    skabs brjod pa'i phyir/ lha'i rnam pa lta bu'o zhes bya ba gsungs te/ lta ba gzhan pa'i grub mdza' brjod par 'dod nas 'di skad brjod pa yin te/ gang gi phyir de rnams kyi 'dod pa la sna tshogs pa'i gzugs kyi bdag nyid gcig pa nyid la gnas skabs bcu brjod pa yin te/ ji skad du/ nya dang rus sbal phag pa dang/ /mi yi seng ge mi'u thung dang/ /ra ma gnyis dang nag pa dang/ /sangs rgyas skal gyi zhes pa bcu/ /zhes bya ba ste/ 'di'i 'dod pas nya'i rnam pa lta bur zhes bya ba gsungs so/ /pha ma dag gi khu pa khrag gi thig les mnan pa gang gi tshe bar ma do'i srid pa de'i tshe zla ba dang po la mer mer po dang nur nur po'i gnas skabs grub pas nya'i rnam pa lta bur 'gyur ba ni thog ma'i gnas skabs la'o// 'pho ba'i dus su ni zhes bya ba ni/ nya'i khyim dang por 'pho ba'i gnas skabs ltar ro/ /spyod pa zhes bya ba ni de'i gnas skabs rnams so/ /gang gi phyir phyi rol tu nyi am la lo gcig gi nang du zla ba bcu gnyis la khyim bcu gnyis la longs spyod pa zla ba re re la mthong ba de bzhin du nang gi dus la yang zhes bya ba'i don to/ /de ltar dang po'i gnas skabs bstan nas/ da ni gnyis pa'i gnas skabs brjod pa'i phyir/ 'pho ba gnyis pa'i dus su zhes bya ba gsungs te/ zla ba gnyis pa la zhes bya ba'i don to/ /slar yang khrag dang 'dras nas ni zhes bya ba ni/ ma'i rang byung gis bsdus pa'o/ /slar yang srog ces bya ba ni/ rog gi rlung ngo/ /dbye ba gnyis su 'gro zhes bya ba ni/ dbye ba gnyis su 'gro ste/ ji ltar zhe na/ de'i phyir steng dang 'og gi dbye ba yis zhes bya ba gsungs te/ snying gi steng 'og gi dbye bas so/ /thur sel rlung gi 'gro 'ong las zhes bya ba ni/ thur sel gyi mtshan nyid can gyi rlung ngo/ /'gro 'ong las zhes bya ba ni/ khyad par du 'brel pa las so/ /rus spal rnam par

  428. 214b

    'dzin par 'gyur zhes bya ba ni/ ru sbal lta bu'i dbyibs 'dzin pa zhes bya ba'i don to/ /de ltar gnyis pa'i gnas skabs bsten nas/ nga ni gsum pa'i gnas skabs brjod pa'i phyir/ de nas 'pho ba gsum pa la zhes gsungs te/ zla ba gsum pa la'o/ /? dang khu ba'i gzugs can no zhes bya ba ni/ khams gnyis 'phel bar 'gyur bas so/ /thur du sel ba'i rlung zhes bya ba ni/ thur du 'bab pa'i ngo bo rnams kyis so/ /skabs nas zhes bya ba ni/ de ru sbal gyi rnam pa bskams pa'i gnas skabs sgrub par ? pa'o/ /mnyam pa'i zhes bya ba ni de'i ming can gyi rlung ngo/ /rlung ni 'byung zhes bya ba ni/ 'byung ba 'gyur ba'o/ /rim pas zhes bya ba ni/ thur du sel ba'i rim pas zhes bya ba'i don to/ /des kyang zhes bya ba ni/ mnyam pa'i rlung gis so/ /steng du bltas nas ni gnas zhes bya ba ni/ steng du 'jug pa'i gdor can no/ /phag rgod ces bya ba ni/ bag rgod kyi dbyibs can no/ /der zhes bya ba ni/ mngal gyi rtsa'i nang du'o/ /'dzin par 'gyur zhes bya ba ni/ 'dzin par byed pa'o/ /de ltar gnas skabs gsum pa bstan nas/ da ni bzhi pa'i gnas skabs brjod pa'i phyir/ slar yang 'pho ba bzhi pa la zhes bya ba gsungs te/ zla ba bzhi pa la'o/ /khrag dang khu ba bsgos pa ni zhes bya ba ni/ /slar yang pha dang ma las byung ba dag gis so/ /mnyam du rgyu ba'i rlung 'gyur nas zhes bya ba ni/ de'i ming can gyi bkug pa'o/ /'og tu kha bltas nas ni 'gro zhes bya ba ni/ steng du gnas pa yongs su dor nas 'og tu kha bltas nas 'gro ba'o/ /rim pas zhes bya ba ni/ gong nas gong du yongs su smin pa la brten nas so/ /seng+ge'i rnam pa yis kyang ni zhes bya ba ni/ mi'i seng+ge'i de'i dbyibs can no// mnyam du zhes bya ba ni/ mnyam du gnas kyi rlung ngo/ /gyen du rgyu zhes bya ba ni/ gyen du rgyu ba'i rlung ngo/ /rim pas zhes bya ba ni/ yongs su smin pa la brten nas so/ /de ltar gnas skabs bzhi pa bstan nas/ da ni lnga'i gnas skabs brjod pa'i phyir/ de nas

  429. 215a

    'pho ba lnga pa la zhes bya ba gsungs te/ zla ba lnga pa la'o/ /khrag dang khu bas 'phel ba nas ni zhes bya ba ni/ khrag dang khu ba ngag gis myos pa lta bu'o/ /gyen du rgyu ba'i rlung gis bkug nas ni/ zhes bya ba ni/ gzhan gyi dbang du byas pa'o/ /ming dang gzugs zhes bya ba ni/ gzugs med pa'i phung po bzhi'i gnas skabs so/ /gzugs zhes bya ba ni/ gzugs kyi ngo bo nyid 'gro bar gyur pa'o/ /gzhung la la dge las/ mi'u thung gi rnam pas 'gro zhes kyang 'byung ngo/ /de'i phyogs la mthe'u thung gi dbyibs nyid do/ /gyen rgyu'i rlung gis khyab byed spro zhes bya ba ni/ /gyen du rgyu ba'i rlung gis khyab byed spro bar byed pa'o/ /gang gis 'gul dang g.yo bar 'gyur zhes bya ba ni/ gyen du rgyu ba'i rlung gang las 'gul ba dang/ g.yo bar 'gyur ro/ phung po lnga ni rdzogs pa na zhes bya ba ni/ sngon du gsungs pa'i rlung lnga'i rim pas gzugs la sogs pa phung po lnga'i ngo bo nyid do/ /gsungs zhes bya ba ni brjod pa'o/ /de ltar gnas skabs lnga pa bstan nas/ da ni gnas skabs drug pa brjod pa'i phyir/ de las slar 'pho ba drug pa'i dus tshong la zhes bya ba gsungs te/ zla ba drug pa la'o/ /sa'i khams dang mig gnyis dang zhes bya ba ni/ sa'i khams kyis ni mig gnyis spro bar byed do/ /khyab byed ces bya ba ni/ khyab byed kyi rlung ngo/ /rlung gis rlung spro zhes bya ba ni/ gyen du rgyu ba'i rnam pa mig gi dbang po la brten pa'o/ /spro ba zhes bya ba ni skyed par byed pa'o/ /ji lta bu zhe na/ de'i phyir dngos po 'phel ba zhes bya ba gsungs te/ dngos po ni gzugs la sogs pa'i yul la'o/ /'phel bar byed pa ni/ mngon pa'i nga rgyal dang bcas pa'o/ /de ltar gnas skabs drug pa bstan nas/ da ni gnas skabs bdun pa brjod par bya ba'i phyir de na 'pho ba bdun pa la zhes bya ba gsungs te/ zla ba bdun

  430. 215b

    pa la'o/ /chu'i khams dang zhes bya ba ni/ lus sar pa la gnas pa'o/ /klu zhes bya ba'i rlung spro bar byed pa zhes bya ba ni/ rus sbal skyed par byed pa'o/ /chu'i khams ji lta bu zhe na/ de'i phyir rna bug dod ces bya ba gsungs te/ rna ba'i sgo nas sgra rig par byed pa'o/ /rus sbal ji lta bu zhe na/ de'i phyir gnyis su med par spyod pa zhes bya ba gsungs te/ bdag la lhan cig tu gnyis su med par spyod pa'o/ /de ltar gnas skabs bdun pa bstan nas/ da ni brgyad pa'i gnas skabs brjod par bya ba'i phyir/ de nas 'pho ba brgyad pa la zhes bya ba gsungs te/ zla ba brgyad pa la'o/ /me dang zhes bya ba ni/ lus sar pa la gnas pa'i me'i khams so/ /sna'i bug rig byed ces bya ba ni/ sna'i sgo nas dri rig pa'o/ /rtsangs rlung zhes bya ba ni/ mnyam gnas gyi rlung ngo/ /rus sbal rlung gis zhes bya ba ni/ khyad par du 'phags pa'i rlung gi ngo bo'o/ /rang gis rang bzhin shes par byed ces bya ba ni/ rang gis rang bzhin dri'i mtshan nyid shes par byed pa ni/ rtogs par byed pa'o/ /rus sbal rlung gis spro bar byed ces bya ba ni/ rnam par rgyu ba'i rlung ngo/ /de ltar gnas skabs brgyad bstan nas/ da ni gnas skabs dgu pa brjod pa'i phyir/ de nas zhes bya ba la sogs pa gsungs te/ 'pho ba dgu pa la zhes bya ba ni/ rim pa zhes bya ba yongs su smin pa'i rim pa'o/ /rlung gi khams kyi ro gang de rtogs par byed pa'o/ /lhas sbyin zhes bya ba ni/ rab tu rgyu ba'o/ /rlung zhes bya ba ni rlung ste/ rtsa pas rlung spro zhes bya ba dang 'brel to/ /rlung chen pos zhes bya ba ni/ sna'i rnam par shes pa dang lhan cig pa'o/ /kun 'gro zhes bya ba ni/ dri'i bye brag thams cad kyis rnam par yongs su spyod pa'o/ /de ltar gnas skabs dgu pa bstan nas/ da ni gnas skabs bcu pa brjod par bya ba'i phyir/ dgu'i dbus gnas zhes bya ba gsungs te/ rdo rje 'pho ba bcu

  431. 216a

    pa la zhes bya ba ni/ zla ba bcu pa la'o/ /sngar bstan pa'i phung po lnga'i rlung gi steng du klu la sogs pa dbang po bzhi'i rten rlung bzhi'i grangs kyis dgur 'gyur ro/ /de rnams kyi dbus su son pa'o/ /khams shes zhes bya ba ni rlung gi rnam par phra zhing thogs med mtshan nyid can zhes bya ba ni/ so so skye bo'i spyod yul ma yin pa nyid kyis thogs pa med pa'i mtshan nyid do/ /rtsa dang zhes bya ba ni/ lus su gtogs pa'i rtsa'i nang na'o/ /sgo ni dgu po rgyas par byed ces bya ba ni/ rgyus pa rnams ni lus kyi nad du gtogs pa'i lus kyi sgo dgu po rgyas par byed pa ni/ sad par byed pa'o/ /lus kyi sgo ni tshe rabs dang zhes bya ba ni/ lus kyi dbang po sad par byed pa'o/ /mchog gi zhes bya ba ni/ mchog nyid du byas nas so/ /gcig tu reg bya'i mtshan nyid 'dzin ces bya ba ni/ reg bya 'dzin pa'i rnam pa'o/ /nor rgyal zhes bya ba ni/ nges par rgyu ba'i ngo bo'o/ /rlung zhes bya ba ni rlung ngo/ /rlung kun sdud pa'i mtshan nyid dang zhes bya ba ni/ rlung rnams bsdus pa'i ngo bo'o/ /rab sang ces bya ba ni/ rim pas dbang po'i lam nas 'byung ba'i ngang tshul can no/ /mchog gi nam mkha' la zhes bya ba ni/ don dam par stong pa nyid kyis so/ /yang dag gnas zhes bya ba ni de nyid la'o/ /'od gsal bzang po'i shes bya ba ni/ shin tu yang 'od gsal ba'i rnam pa'o/ /de ltar don rnam pa bcus sems can gyi khams bskyed pa bstan nas/ da ni sprul pa'i sku'i ngo bo brjod pa'i phyir/ shes pa bcu zhes bya ba la sogs pa gsungs te/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa dang/ chos shes pa dang/ rjes su 'gro ba shes pa dang/ yang dag par rig pa shes pa dang/ yongs su dris pa shes pa zhes bya ba'o/ /sangs rgyas rnams kyi zhes bya ba ni/ lam

  432. 216b

    bsgom pa'i sgo nas gti mug gi sgrib pa bzlog pa rnams kyi'o/ /de lta bu nyid ces bya ba ni de ma thag par bstan pa'i zla ba bcu po sems kyi khams bskyed pa'i rgyur gyur pa'o/ /bshad par bya zhes bya ba ni brjod par bya ba'o/ /sa bcu zhes bya ba ni/ rab tu dga' ba sogs pa'o/ /'pho ba bcu ni zhes bya ba ni/ sprul pa la rnam pa bcu'o gnas skabs skyed par byed pa'o/ /rnam par shes zhes bya ba ni/ shes par bya ba'o/ /bcu zhes bya ba ni grangs kyis so/ /rigs pa yis ni zhes bya ba ni/ gong nas gong du ye shes 'phel ba'i sbyor bas so/ /ma ni shes rab pha rol phyin ces bya ba ni/ skyed par mdzad ma ste/ rnam par rtog pa 'joms par byed pa'i rnam pa'o/ /chen por zhes bya ba ni chen po nyid do/ /brjod ces bya ba ni gsungs pa'o/ /byis pa zhes bya ba ni de ma thag par skyes pa'o/ /yang dag rdzogs sangs rgyas zhes bya ba ni/ rnam par rtog pa med pa nyid kyi phyir ro/ /thams cad mkhyen cing zhes bya ba ni/ rang bzhin gyis rnam par dag pa'am/ sngon po dang ser po'i rnam pa yongs su shes pas so/ /thams cad gzigs zhes bya ba ni/ dngos po thams cad dbang po drug gis mthong bas so/ /mgo yi skra ni bregs pa dang zhes bya ba ni/ rang bzhin gyis ni/ dge slong la tshur shog mi dgos pa'o/ /khru ma'i chos gos yongs su bgos zhes bya ba ni/ mi mnyam pa'i dus su 'byung bar 'gyur bas/ khru ma'i ming gis dmar po yongs su dgos pa'o/ /thal mo sbyor zhes bya ba ni/ rang bzhin gyis de lta bu'i dbyibs su 'dug par gyur pa'o/ /dpal dang ldan pas zhes bya ba ni/ gzi brjid dang ldan pa ste/ rang dang 'os pa'i bsod nams dang ye shes kyi tshogs kyi stobs kyis grub pa'i phyir ro/ /sa la zhes bya ba ni/ sa nyid la'o/ /gtugs pa'i phyag ces bya ba ni/ de lta bu'i rnam pa nyid kyis phyir 'byung ba'i phyir ro/ /mtshan ni sum cu rtsa gnyis 'dzin ces bya ba ni rang rang dang 'os pa'i mtshan

  433. 217a

    'dzin par byed pas so/ /rab sang byed ces bya ba ni/ dus ring po nyid du lhan cig skyes pa'i ngo bo bsgoms pas rab tu sad pa'i phyir ro/ /ye shes chen po thob pa dang zhes bya ba ni/ dngos po la rang gi mtshan nyid snang bas kyang gcig tu stong pa nyid yongs su shes pa'o/ /'du byed las ni grol ba dang zhes bya ba ni/ dge ba dang mi dge ba'i 'du byed pa las grol ba nyid kyi phyir ro/ /rnam rtog med ces bya ba ni/ rnam par rtog pa med pa'o/ /dpa' bo chen po zhes bya ba ni/ nyon mongs pas mi 'jigs pa ste/ phra mo'i spyod pa med pa'i phyir ro/ /skyed byed sha ni 'jib pa dang zhes bya ba ni/ rang bzhin gyis sha chen 'jib pas dam tshig la gnas pa'o/ /bdud rtsi lnga ni zhes bya ba ni/ mngal gyi rtsa'i nang du gnas par byed pa nyid kyis bdud rtsi lnga po myang bar byed cing de la rtse gcig pas so/ /seng ge bzhin du spyod ces bya ba ni/ the tshom med pas so/ /spyod ces bya ba ni/ gnas par byed pa'o/ /rnal 'byor zhes bya ba ni/ rdzogs pa'i rim pa la bsgom pa po'o/ /rtog pa thams cad rnam par spangs zhes bya ba ni/ rnam par rtog pa'i tshogs ma lus pa dang bral ba'o/ /de ltar de nyid kyi sprul pa'i sku bstan nas/ da ni nye bar bsdu ba'i sgo bstan nas/ /sbas par bya ba brjod pa'i phyir/ /'di nyid mchog tu gsang ba ste/ zhes bya ba gsungs te/ de ma thag par bstan pa rnams te/ snod ma yin pa rnams la sba bar bya'o/ /mchog tu zhes bya ba ni/ khyad par du 'phags pa la mos pas khyad par du 'phags pa'i 'bras bu'i ngo bo'o/ /gang du yang ni ma gsungs so zhes bya ba ni/ bya ba'i rgyud la sogs pa rnams la snod du ma gyur pa'i sems can rnams la mi bstan pa'o/ /rlung bskyed pa'i nges pa ni zhes bya ba ni/ zla ba bcu pa'i rim pas rlung bcu skyed par byed pa'i mtshan nyid do/ /shes zhes bya ba ni/ shes par bya'o/ /bla ma brgyud pa las

  434. 217b

    shes bya ba ni/ rgyud du gsungs pa'i mtshan nyid dang/ yang dag par bstan pa'i rdo rje slob dpon gyi zhal las so/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las le'u sum cu rtsa gnyis pa'i rgya cher bshad pa'o// //de ltar le'u sum cu rtsa gnyis pas rlung rnams bskyed pa'i yul la dri ba'i lan gdab pa bstan nas/ /da ni de rnams nyid kyi nub pa'i yul la dri ba'i lan brjod pa'i phyir/ le'u sum cu rtsa gnyis pa nye bar dgod cing dang por re zhig de'i rtsom pa ni/ de nas zhes bya ba la sogs pa gsungs te/ le'u sum cu rtsa gnyis po'i rjes la'o/ /gzhan yang zhes bya ba ni snga ma bzhin no/ /rlung rnams zhes bya ba ni/ bcu'o/ /nub ni 'jig pa ste bshad par bya zhes bya ba dang 'brel pa'o/ /mchog tu zhes bya ba ni/ ji ltar gnas pa'i rang bzhin yongs su shes pas na mchog go /de ci zhig bya zhe na/ de'i phyir gang gis zhes bya ba gsungs te/ rlung rnams nub par gyur pas so/ /yongs su shes pa tsam gyis ni zhes bya ba ni thos pa la sogs pa'i rim gyis shes pa tsam gyis so/ /'chi ba'i skad cig mtshan nyid ni zhes bya ba ni/ 'chi ltas yongs su shes pas so/ /yang dag ces bya ba ni/ phyin ci ma log pa'i ngo bos so/ /de ltar de rtsom pa bstan nas/ da ni dngos po bshad pa brjod pa'i phyir/ de'i yan lag rang gi ngo bo bshad pa ni/ phan tshun du ni zhes bya ba ni/ phan tshun no/ /yang dag sdud ces bya ba ni/ nye bar sdud pa'o/ /rim ltar shes bya ba ni/ lo dang zla ba dang nyin zhag gi rim pas so/ /skye ba'i zhes bya ba ni/ rlung rnams la le'u sum cu rtsa gnyis pa las bshad pa'i cho gas so/ /thim par 'gyur zhes bya ba ni/ 'jig par 'gyur ba'o/ /rlung rnams zhes bya ba ni/ bcu po rnams kyi phan tshun du'o/ /'gro bar 'gyur zhes bya ba ni/ skye bar 'gyur ba'o/ /yang dag ces bya ba ni/

  435. 218a

    nges par byas nas so/ /'chad dang nub pa'i nyin mtshan du zhes bya ba ni/ ji ltar phyi rol du nyi ma 'am zla ba 'char ba yod par 'gyur na slar yang nub par 'gyur ba de bzhin du'o/ /de ltar mdor bstan pa bshad nas/ da ni rgyas pa bshad pa rjod pa'i phyir de'i yan lag dbang po rlung sdud pa bstan pa ni/ lo bcu lon na ni zhes bya ba la sogs pa gsungs te/ nang gi dus kyis bsdus pa rnams kyis te/ phyi rol gyi lo cig ni nang du nyin zhag gis bsdus pa'i phyir ro/ /de lta bur gyur pa'i lo bcus so/ /thog mar 'gro zhes bya ba ni/ dang po nyid du 'gro ba ni 'das pa rnams kyis so/ /nor las rgyal ba zhes bya ba ni/ /nges par rgyu ba'i mtshan nyid do/ /rgyags las myos pa'i zhes bya ba ni/ khrag dang sha 'phel ba'i rgyur gyur pa'o/ /zos te zhes bya ba ni/ rang gis bya ba byed mi nus pa sgrub par byed pa'o/ /ci zhig byas nas she na/ de'i phyir skyes na zhes bya ba gsungs te/ de'i nus pa 'joms pa la nus pa thob nas zhes bya ba'i tha tshig go /rgyags bas myos pa yang gzhan ni ma yin te/ thur sel gyi rlung zhes bya ba'i don to/ /ji ltar zhe na/ de'i phyir sgra gcan zla ba bzhin zhes bya ba gsungs te/ ji ltar phyi rol tu zla ba sgra gcan gyis za ba de bzhin du zhes bya ba'i don to/ /de nas zhes bya ba ni/ /nga'i rjes su'o/ /gzhan gyi lo bcur zhes bya ba ni/ de rnams kyis so/ /phyin pa zhes bya ba ni 'das pa'o/ /rgyags chu rlung ni yang dag skye zhes bya ba ni/ khu ba dang tshim 'phel bar byed pa ste/ mnyam gnas kyi ming gi rnam grangs so/ /lhas sbyin zhes bya ba'i rlung ni za zhes bya ba ni/ rab tu rgyu ba'i ngo bo'o/ /rlung ni rlung ngo/ /snga ma bzhin zhes bya ba ni/ rgyags pas myos pa na nor rgyal sdud pa bzhin du'o/ /rim pa zhes bya ba ni/ lo bcu'i rim pas so/ /gzhan yang lo bcur phyin pa na zhes bya ba

  436. 218b

    ni/ snga ma bzhin du'o/ /rgyags pa'i chu rlung skye bar 'gyur zhes bya ba ni/ 'byung bar 'gyur ba'o/ /me dang rlung 'phel bar byed pa ste/ gyen du rgyu ba'i rnam pa'o/ /ji lta bu zhe na/ de'i phyir rtsams? pa zhes bya ba'i zhes bya ba gsungs te/ kun nas 'bab pa ni ? can no/ /za zhes bya ba ni/ rang gi don byed pa la nus pa 'jig par byed pa'o/ /de nas zhes bya ba ni de'i rjes la'o/ /gzhan yang zhes bya ba ni/ lo rnams kyis so/ /lo bcur phyin ces bya ba ni/ son pa rnams kyis so/ /yang dag skyes pa'i rim pa yis btang gzung zhes bya ba ni/ srog gi rlung ngo/ /rlung ni chen po yis zhes bya ba ni/ rlung thams cad kyi gtso bor gyur pas so/ /rus sbal rlung ni za bar byed ces bya ba ni/ rnam par rgyu ba'i rlung la nus pa 'jig par byed pa'o/ /de nas zhes bya ba ni/ rus sbal gyi rlung btang bzung gis zos pa'i rjes la'o/ /klu'i zhes bya ba ni/ gyen du rgyu ba'i rlung ngo/ /btang gzung zhes bya ba ni/ srog gi rlung ngo/ /stobs dang gzi brjid mtshungs pa'i phyir/ zhes bya ba ni/ mtshungs pa'i 'dra ba'o/ /rlung gi bya ba byed pa la stobs ni nus pa'o/ /gzi brjid ni rang dang 'os pa'i nus pa byed pa'i mtshan nyid gang la yong ba de la de skad ces bya'o/ /dus gzhan lo bcur phyin pa na zhes bya ba ni/ lo bcu'i mthar thug pa'i bar du'o/ /gang gis kyang zhes bya ba ni gnyis ka'i nang nas gcig gis so/ /gang la zhes bya ba ni snga ma bzhin du btang gzung ngam klu la'o/ /gnod par byed pa ni nus te zhes bya ba dang 'brel to/ /phan tshun du sdud par byed pa'i rnam pas 'chang bar byed mi nus so/ /ci'i phyir zhe na/ de'i phyir stobs dang nus pa mtshungs pa'i phyir zhes gsungs te/ stobs dang nus pa dag mtshungs pa'i phyir ro/ /gzhan du zhes bya ba ni lo bcus so/ /phyin pa'i zhes bya ba ni 'das ba'o/ /btang bzung zhes bya ba ni/ srog gi rlung ngo/ /stobs chen thob ces bya ba ni/ sngon

  437. 219a

    gyi las kyi stobs shin tu chen po klu'i rlung gis nye bar sdud pa'i nus pa thob nas so/ /klu'i zhes bya ba ni/ gyen du rgyu ba'i rlung gi rang bzhin no/ /za zhes bya ba ni/ rang gi bya ba byed pa la nus pa zlog par byed pa'o/ /rim gyis zhes bya ba ni/ 'grib pa dang shin tu 'grib pa la sogs pa'i rim gyis so/ /de ltar dbang po'i rlung nye bar bsdu bar bstan nas/ nga ni phun po'i rlung nye bar bsdu ba bstan pa'i phyir/ de nas gzhan zhes bya ba gsungs te/ lo bcus so/ /phyin zhes bya ba ni/ 'das pas so/ /khrag dang sha ni rnam par 'phel/ rgyag shing myos pa'i zhes bya ba ni/ thur sel zhes bya ba'i gzhan gyi ming can no/ /btang bzung bya ba ni/ srog gi rlung ste/ za bar byed ces bya ba dang 'brel to/ /ci zhig byas nas she na/ de'i phyir mnyam par mnan na shes bya ba gsungs te/ rang gi bya ba byed pa'i las las bkug nas so/ /de nas zhes bya ba ni de'i rjes la'o/ /lo bcu pa phyin pa'i ni 'das pa'o/ /btang bzung nyid rgyags shing myos pas mnyam gnas zhes bya ba ni ming gzhan can no/ /za bar byed ces bya ba ni/ nye bar sdud par byed pa'o/ /ci zhig byas nas she na/ de'i phyir thob nas ni zhes bya ba gsungs te/ snga ma bzhin du mnan nas so/ /myos pa ji lta bu zhe na/ de'i phyir khrag dang tshil rnam par 'phel zhes bya ba gsungs te/ khrag dang tshil rnam par 'phel bar byed pa'o/ /rlung chen po zhes bya ba ni/ rlung thams cad kyi gtso bor byed pa'o/ /ci zhig byed cing zhe na/ de'i phyir rtsa chu rnam par 'phel zhes bya ba gsungs te/ bad kun la sogs 'byung ba'i ngang tshul can no/ /de nas zhes bya ba ni/ de'i rjes la'o/ /bcu pa gzhan phyin pa'i zhes bya ba ni/ 'das bas so/ /btang bzung nyid ces bya ba ni/ srog gi rlung ngo/ /myos pa'i dus zhes bya ba ni/ gyen du rgyu ba'i rlung ste za bar byed

  438. 219b

    ces bya ba dang 'brel to/ /btang bzung ji lta bu zhe na/ de'i phyir stobs rgyal zhes bya ba gsungs te/ rang gi nus pas nga rgyal dang bcas pa lta bur zhes bya ba'i don to/ /myos pa'i dus ji lta bu zhe na/ de'i phyir rlung dang ma ni 'phel bar byed ces bya ba gsungs te/ lus la gnas pa'i rlung dang me 'phel bar byed pa'o/ /rnam par 'gyur zhes bya ba ni/ lus la ltas ngan pa skyed par byed pa'i phyir ro/ /chen po zhes bya ba ni/ srog gi dbang po 'gug par bya ba'i phyir ro/ /longs spyod nga rgyal bcas zhes bya ba ni/ rlung thams cad nye bar bsdu ba rnam pas de nga rgyal dang bcas pa'o/ /de nas lo bcu gzhan lon na zhes bya ba ni los so/ /rang gi lus rgyas lci bar 'gyur zhes bya ba ni/ khyab byed kyi rlung 'gro bar byed pa nyid kyis so/ /g.yo ba med pa ni khyab byed kyi yul la lci ba ni nye bar sdud pa brtsom pa'o/ /ldog cing zhes bya ba ni/ rang gi lus la ldog par 'dod bas te/ rim gyis 'grib par 'gyur zhes bya ba dang 'brel to/ /rnam par shes pa rim gyis 'grib par byed ces bya ba'i dgongs pa'o/ /ci zhig byas nas she na/ de'i phyir chu dang me ni 'dres pas na zhes bya ba gsungs te/ lus la gnas pa'i chu la/ rlung zhes bya ba ni rlung ste de thob nas so/ /de nas lo bcu gzhan du phyin ces bya ba ni/ 'das pa la'o/ /rtsa ba dang bcas shes bya ba ni/ rnam pa thams cad kyis so/ /med par 'gyur zhes bya ba ni/ 'jig par 'gyur ba ste/ rang gi lus dor nas bar do'i srid pa 'dzin par byed do/ /ji ltar zhe na/ de'i phyir chu shing 'bras bu j bzhin du zhes bya ba gsungs te/ chen po zhes bya ba ni/ rlung zhes bya ba ni thams cad sdud par byed pa'i phyir ro/ /las kyi rnam smin zad pa yis zhes bya ba ni/ lus kyi rnam smin la nye bar longs spyod pa mthar thug pa'i tshe na'o/ /de ltar rnam pa gnyis kyis nub pa'i ngo bo bstan nas da ni

  439. 220a

    nye bar bsdu ba brjod pa'i phyir/ de lta'i rim pa zhes bya ba gsungs te/ de ltar sngar bstan pa'i rim pas so/ /zla ba bcu 'am yang na nyi ma bcu ste go sla'o/ /tshe ni nyung du byas nas zhes bya ba ni/ tshe thung du rnams kyi'o/ /'chi bar shes par bya zhes bya ba ni/ shes par bya'o/ /srog zad par ni zhes bya ba ni/ srog gi dbang po 'gags pas so/ /de ltar de'i nye bar bsdu ba bshad nas/ da ni de nyid rgyu gzhan las shes par bya ba brjod pa'i phyir/ mkha' 'gro ma bsdus rgyud las ni zhes bya ba gsungs te/ de rjod par byed pa'i rnal 'byor ba'i rgyud las so/ /shes par bya zhes bya ba ni/ rlung rnams nub par gyur pa'o/ /shin tu rgyas par zhes bya ba ni/ shin tu yang rgyas pa las so/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u sum cu rtsa gsum pa'i rgya cher bshad pa'o// //de ltar le'u sum cu rtsa gsum pas rlung rnams kyi nub pa'i yul la dri ba'i lan brjod nas/ da ni bsdu ba'i mkha' 'gro ma'i rnal 'byor gyi yul la dri ba'i lan gdab pa brjod pa'i phyir/ le'u sum cu rtsa bzhi pa nye bar 'god cing dangpor re zhig de'i rtsam pa ni/ de nas zhes bya ba la sogs pa gsungs te/ le'u sum cu rtsa gsum pa bstan pa'i rjes la'o/ /gzhan yang zhes bya ba ni/ snga ma bzhin du'o/ /bsdus pa'i mkha' 'gro'i rnal 'byor bshad ces bya ba dang 'brel to//ma lus pa'i mkha 'gro'i rnam par rtog pa bsdus pa'i mkha' 'gro ma ste/ rgyud kyi rim pa'i ngo bo zhes bya ba'i don to/ /de'i sbyor ba ni sbyor ba ste de'o/ /ji lta bu zhe na/ de'i phyir mchog gi ye shes te zhes bya ba gsungs te/ mngon par zhen pa med pa'i rnam pa mi

  440. 220b

    dmigs pa'i rgyur gyur pa'i phyir ro/ /chen po'i chen po zhes bya ba ni rnam par rtog pa thams cad zad par byed pa nyid kyis shin tu yang mchog go /snying pos snying po'i don bsdus pa zhes bya ba ni/ snying pos ni bskyed pa'i rim pa'o/ /snying po'i don sdus pa zhes bya ba ni/ rdzogs pa'i rim pa'i rnam pa'o/ /de ltar de'i rtsom pa bstan nas/ da ni de'i dngos su bshad pa brjod pa'i phyir/ de'i yan lag tu bsdus pa'i mkha' 'gro ma'i nges pa'i tshig bstan pa ni/ mkha' 'gro rnams zhes bya ba la sogs pa gsungs te/ Da ni nam mkha' la 'gro bas/ sangs rgyas dbyings su rab tu grags/ mkha' spyod kun gyi dngos grub ni/ mkha' 'gro zhes bya rab tu brjod/ ces bya ba'i rigs pas so/ /mkha' 'gro rnams sdud pa zhes bya ba ni/ chos kyi 'khor lor gnas pa'i sangs rgyas lnga'i sa bon sdud bar byed pa ni mi snang bar byed pas gang de'i phyir bsdus pa'i mkha' 'gror brjod de rig pa'i ngo bo la brjod do/ /ji lta bus she na/ de'i phyir lte ba'i dbus su rtag bzhugs pa zhes bya ba gsungs te/ lte ba'i dbus na zhes bya ba ni/ sprul pa'i 'khor lor gnas pa'i a yig shad kyi rnam pa bcom pa'i stobs kyis rdzogs pa'i phyir ro/ /rtag tu zhes bya ba ni/ dus thams cad du'o/ /nyi ma stong dang mtshungs pa'i 'od ces bya ba ni/ nyi ma stong dang mtshungs pa'i 'od gang la yod pa de la de skad ces bya ste/ shin tu yang 'bar ba'i ngo bo nyid kyi phyir ro/ /ye shes chen po'i me 'byung ba zhes bya ba ni/ thabs dang shes rab snyoms par zhugs pa las byung ba'i me ni ye shes kyi ngo bos so/ /'byung ba ni skyes pa'o/ /kun rtog thams cad 'joms par byed ces bya ba ni/ rnam par rtog pa'i tshogs ma lus pa sdud par byed pa'i rnam pa'o/ /de ltar nges pa'i tshig bshad nas/ da ni bya ba bstan pa'i phyir/ 'char bas zhes bya ba la sogs pa gsungs te/ 'char bas zhes

  441. 221a

    bya ba ni/ skyes par gyur pa'o/ /phung po'i rnam rtog ni zhes bya ba ni/ phung po lnga'i rnam par rtog pa sangs rgyas lnga'i sa bon gyi bdag nyid can la'o/ /bsregs byas zhes bya ba ni/ mi snang bar byed pa'o/ /bar chad med pa'i zhes bya ba ni/ yang dang yang du'o/ /lus zhes bya ba ni lus so/ /de rjes khams kyi rnam rtog ni zhes bya ba ni/ lha mo bzhi'i sa bon gyi ngo bo'o/ /bsdus nas slar yang zhes bya ba ni/ /mi snang bar byed pa ste/ snga ma ltar lus nyid de/ /rang bzhin gyis zhes bya ba ni/ dngos po las so/ /gzung dang 'dzin pa'i rnam rtog ni zhes bya ba ni/ sprul pa'i 'khor lo gnas pa'i skabs kyi rnam par rtog pa dang longs spyod kyi 'khor lor gnas pa'i de'i rnam par rtog pa'o/ /yang na gzug dang 'dzin pa'i rnam rtog ni/ g.yon pa dang g.yas pa'i rtsa gnyis la sngags dgong ba'i mtshan nyid do/ /rang bzhin de ni slar yang sdud par byed ces bya ba ni/ dngos po la mi snang bar byed pa'o/ /de tsam gyis ni gnyis ka la yang bdag med pa'i rnam pa nyid 'di la bstan to/ /phye leb bzhin zhes bya ba ni/ phye ma leb lta bu'o/ /gang las de ltar zhes bya ba ni/ sdud pa'i mkha' 'gro ma gang la'o/ /'chi ba thams cad sreg par byed ces bya ba ni/ rnam par rtog pa thams cad do/ /de ltar bya ba bstan nas/ da ni de'i thabs brjod par bya ba'i phyir rlung gi de nyid mngon sbyor bas zhes bya ba ni/ /le'u bcu gnyis bar gsungs pa'i las kyi rlung gi ngo bos so/ /sngags kyi gzugs kyi rim pa yis zhes bya ba ni/ /bskyed pa'i rim pa bsgom pa sngon du 'gro bas so// rnam par rtog pa tsam yang ni zhes bya ba ni/ phra mo'i rnam par rtog pa tsam gyis so/ /sreg pa tsam du zhes bya ba ni/ mi snang bar byed pa'o/ /the tshom med ces bya ba ni/ /don 'di la the tshom med pa nyid de man ngag la dbang du gyur pa tshad ma'i phyir ro/ /de ltar de'i

  442. 221b

    thabs bshad nas/ da ni rgyud gzhan las zhes par bya ba bstan pa'i phyir/ mkha' 'gro ma sdud rgyud las ni/ zhes bya ba gsungs te/ /de'i ming can gyi rnal 'byor ma'i rgyud las so/ /shes na zhes bya ba ni/ shes par bya ba'o/ /rnal 'byor cho ga'i rim pa yis zhes bya ba ni/ mkha' 'gro ma sdud pa'i rnal 'byor gyi cho ga'i lugs kyis zhes bya ba'i don to/ /rnal 'byor goms pas zhes bya ba ni/ rdzogs pa'i rim par gsungs pa'i zhi gnas dang/ lhag mthong bsgoms pas so/ /bgrod ces bya ba ni spyod yul lo/ /mkha' 'gro ye shes rgyas par ni/ zhes bya ba ni sdud pa'i mkha' 'gro'i ye shes so/ /rgyas par ni zhes bya ba ni/ ma lus pa'i ngo bo'o/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ /le'u sum cu rtsa bzhi pa'i rgya cher bshad pa'o// //de ltar le'u sum cu rtsa bzhi pas mkha' 'gro ma sdud pa'i yul la dri ba'i lan bshad nas/ da ni rnam par rtog pa'i rlung gis rnam par gcod pa'i mtshan nyid kyi yul la dri ba'i lan bstan pa'i phyir/ le'u sum cu rtsa lnga pa nye bar 'god cing dang por re zhig de'i rtsom pa ni/ de nas zhes bya ba la sogs pa gsungs te/ le'u sum cu rtsa bzhi pa bshad pa'i rjes la'o/ /gzhan yang zhes bya ba ni/ snga ma bzhin du'o/ /rnam rtog rlung gi rnam gcod pa zhes bya ba ni/ rnam rtog brgya rtsa brgyad kyi grangs dang/ /de tsam gyi grangs kyi rlung rnams kyi gcod pa zhes bya ba ni/ rnam par gcod pa'o/ /nyon zhes bya ba ni/ thos pa la sbyor pa'o/ /bshad kyis zhes bya ba ni/ brjod par zhal gyis bzhes pa'o/ /de ltar de'i rtsom pa bshad nas/ da ni de'i dngos su bshad pa'i phyir/ rnam rtog gi rnam par gcod pa'i yan lag mi mthun pa'i phyogs brjod pa'i sgo nas de'i ngo bo bsten pa

  443. 222a

    ni nyin dang mtshan du zhes bya ba la sogs pa gsungs so/ /nges par ni/ brgya dang brgyad kyis zhes bya ba ni rnam par rtog pa dang rlung rnams so/ /rgyu zhes bya ba ni 'bab pa'o/ /rlung rnams de rnams rnam rtog ni zhes bya ba ni/ le'u gsum par gsungs pa'i btang bzung ba la sogs pa rnams kyi'o/ /de rnams dang rnam rtog ni zhes bya ba ni/ /rlung gi stobs kyis skyes pa'i 'dod chags la sogs pa'i rnam par rtog pa rnams la'o/ /rnam par gcod pa zhes bya ba ni/ rnam par bzlog pa'o/ /skye zhes bya ba ni 'byung ba'o/ /gang phyir zhes bya ba ni/ rnal 'byor gang las so/ /rnal 'byor de ni zhes bya ba ni/ de ni rnal 'byor te de'i rang bzhin can gyi ting nge 'dzin gyi khyad par ro/ /mchog tu zhes bya ba ni/ 'jig rten las 'das pa nyid kyi phyir ro/ /zhi ba zhes bya ba ni/ so so'i skye bo'i rnam par rtog pa zhi bas so/ /thams cad stong pa'i ngo bo nyid ces bya ba ni/ /rim gnyis bsgom pa'i stobs kyis rang bzhin gyis 'od gsal ba'i de kho na nyid kyi rgyur gyur pa'i phyir ro/ /de ltar mi mthun pa'i phyogs brjod pa'i sgo nas de'i ngo bo bshad nas/ da ni de'i gnyen po'i phyogs kyi rnal 'byor brjod pa'i phyir/ thog mar re zhig bya ba la sogs pa gsungs te/ dbang bskur ba thob nas rgyud thos pa dang bsam pa'i rjes la'o/ /rnal 'byor drug ces bya ba ni/ bskyed pa'i rim pa gtsor gyur ba'i 'chang bzhin pa'i rigs pas so/ /bsgrub ces bya ba ni/ goms par bya ba'o/ /de la rnal 'byor drug ni/ dang po'i rnal 'byor dang/ rnal 'byor dang/ rjes su rnal 'byor dang/ shin tu rnal 'byor grangs kyis/ rnam pa bzhir rnam par bzhag nas/ de'i steng du dkyil 'khor rgyal po mchog dang/ las rgyal po mchog ces bya ba dag gis rnam pa drug go /rnal 'byor rig pas zhes bya

  444. 222b

    ba ni/ bskyed pa'i rim pa'i ting nge 'dzin ni yongs su shes pa po'o/ /rnal 'byor rig bas snyam du dgongs nas so/ /mchog tu zhes bya ba ni/ lus rnam par dben pa'i mtshan nyid can gyi de kho na nyid la rgyur gyur pa'i phyir ro/ /de nas zhes bya ba ni/ rnal 'byor drug bsgom pa'i rjes la'o/ /dbyangs med yi ge ha zhes bya ba ni/ gzhom du med pa'i mtshan nyid can la'o/ /bzlas par bya zhes bya ba ni/ de las yi ge gsum gzhug pa la sogs pa rnams la rnam par sbyar nas/ nyin dang mtshan du dbugs kyi 'khor lo nye bar mtshon par bya ba'o/ /ji lta bu zhe na/ de'i phyir shin tu rgya cher zhes bya ba gsungs te/ nyi khri chig stong drug brgya'i grangs kyi ngo bo nyid kyi phyir ro/ /de ltar de'i gnyen por gyur pa'i rnal 'byor bstan nas/ da ni de bsgom pa po'i yon tan bshad pa'i phyir/ gang phyir zhes bya ba la sogs pa gsungs te/ dbyangs med pa'i yi ge ha'i ngo bo las so/ /mdud pa 'joms shing zhes bya ba ni/ rtsa gsum gyi mdud pa bzlog pa'o/ /shing shing zhes bya ba ni nyams su myong bar bya ba'o/ /bde ba ster bar byed ces bya ba ni/ rnam par rtog pa dang rlung rnams bzlog ps bde ba thob par byed ces bya ba'o/ /de nyid kyi phyir de yis zhes bya ba la sogs pa gsungs te/ de yis shes bya ba ni/ mdud pa 'joms pa nges so/ /rnam rtog thams cad ni/ zhes bya ba ni/ ngag gi 'od gsal mi thun pa'i phyogs su gyur pa rnams la'o/ /rnam dpyod 'gyur zhes bya ba ni/ rtsa ba dang bcas pa 'byin par 'gyur ro/ /skad cig la ni zhes bya ba ni/ mdud pa 'joms pa'i skad cig la'o/ /de ltar don rnam pa gsum gyis rnam par rtog pa dang rlung rnams gcod pa bstan nas/ da ni de rnam par gcod pa la thabs brjod pa'i don du de'i yan lag bskyed pa'i rim pa bstan pa'i phyir/ rnal 'byor zhes bya ba la sogs pa gsungs te/ yan lag bzhi ba dang po'i rnal 'byor zhes bya ba'i don to/ /'dir ni

  445. 223a

    mdor bstan pa ste/ bco lnga yis zhes bya ba la sogs pas so/ /khyad par med pa rnam pa bco lnga po ste/ khyad par du ni rnam pa gnyis so/ /'khor dang lus kyi dbye bas so/ /de la 'khor ni rnam pa bcu ste/ rang gi sems la so sor rtog pa dang/ dran pa nye bar gzhag pa'i rnam par dag pa dang/ mchod pa rnam pa bzhi dang/ tshangs pa'i gnas bzhi bsgom pa dang/ gnas khyad par du 'phags pa la dmigs pa dang/ bgegs bskrad pa dang/ stong pa nyid bsgom pa dang ye shes kyis gzhi sgom pa dang/ gzhal yas khang bsgom pa dang/ mos pa'i dkyil 'khor sgom pa zhes bya ba'o/ /lus la lnga ste/ don dam pa'i dkyil 'khor bsgom pa dang/ stong pa nyid kyi sngags byin gyis brlab pa sngon du 'gro bas/ ye shes rgya mtsho las ldang ba dang gdan gyi rnam par dbye bas bar do'i srid pa rnam par dag pa dang/ chos kyi dbyings de kho na nyid bsgom pa dang/ sngags kyis bstan par bya ba'o/ /de ltar na dang po'i rnal 'byor bsgom pa ni/ rnam pa bco lngas bya'o/ bcu bdun rjes su rnal 'byor sogs zhes bya ba ni/ rjes su rnal 'byor dang/ shin tu rnal 'byor dang/ rnal 'byor chen po'i dbye bas so/ /bsgom par bya zhes bya ba ni/ zhe sdang rdo rje bsgom pa'i don du goms par bya'o/ /de la rjes su rnal 'byor ni/ rnam pa lngas mngon par byang chub ba'i rim pas dkyil 'khor gyi gtso bo rdzogs pa'i yan lag nyid kyi phyir gcig nyid do/ /shin tu rnal 'byor la rnam pa bzhi ste/ phung po dang/ khams dang/ skye mched dang/ de'i yan lag byin gyis brlab pa'i dbye bas so/ /rnal 'byor chen po la drug ste/ lus ngag yid gsum byin gyis brlab pa dang/ dam tshig dang/ ye shes dang/ ting nge 'dzin ni sems dpa' bsgom pa'i dbye bas so/ /rnal 'byor chen po'i yan lag sgrub pa

  446. 223b

    chen po la rnam pa bzhi ste/ phyag rgya'i dbye ba dang/ de 'du bya ba dang/ rdo rje dang/ pad+ma mnyam par sbyor ba sngon du 'gro bas de 'du bya ba dang/ rjes su chags pa'i sngags brjod pa'i sgo dbye bas so/ /sgrub pa la gsum ste/ /sgrub pa'i phan yon brjod pa dang/ bde ba chen po'i mchod pa dang/ mchod pa'i sngags kyis bstan par bya ba'o/ /de ltar yang dag par bsdus pas bcu bdun no/ /'dis ni dang po'i rnal 'byor gyi ting nge 'dzin ni bsdus pa bstan to/ /de nas dkyil 'khor rgyal mchog go /rnal 'byor mchog la dbye ba lnga zhes bya ba ni/ de bzhin gshegs pa dang/ lhan cig spyod ma dang/ byang chub sems dpa' dang/ khro bo'i spro ba'i dbye bas so/ /mchog la zhes bya ba ni/ lus rang bzhin med par rtogs par byed pa'i phyir ro/ /de las kyang zhes bya ba ni/ dkyil 'khor rgyal po mchog gi bsgoms pa'i rjes la'o/ /de las kyang ni las rgyal mchog /rnal 'byor dbye ba bcu gnyis so/ /zhes bya ba ni/ phra mo rnal 'byor dang/ bzlas pa rnam pa gnyis dang/ bya ba byas nas zhu ba dang/ lha mo bzhis yang dag par bskul ba dang/ ldang ba dang/ bzhengs nas de bzhin gshegs pa lngas bstod pa dang/ dkyil 'khor gyi 'khor lo nye bar bsdu ba dang/ sgong skyes kyi rim pas rdo rje sems dpa' bskyed ba dang/ lus gso ba'i cho ga dang/ bdud rtsi myang ba dang/ phyi rol gyi bza' ba'i cho ga dang/ gshegs su gsol ba nas nyal ba'o/ /de nyid dbye ba bzhi bcu dgu zhes bya ba ni/ sngon du bstan pa'i yan lag la lus pa'i grangs kyis so/ /bskyed pa'i rim pa bsdus pa'o/ /zhes bya ba ni/ ting nge 'dzin gsum gyi bdag nyid can no/ /de ltar bskyed pa'i rim pa bsgom pa bstan nas/ /da ni rdo rje'i bzlas pa brjod pa'i phyir/ de'i yan lag rang gi ngo bo bstan pa ni/ mngon sum byed pa'i zhes bya ba la sogs pa gsungs te/ spyir bskyed pa'i rim

  447. 224a

    pa'o/ /don gyis ni shin tu zab pa yang bzung bar bya'o/ /de nas zhes bya ba ni/ de'i rjes la'o/ /rnal 'byor pa zhes bya ba ni/ sngags kyi theg pa sgom pa po'o/ /rdo rje bzlas rim zhes bya ba ni/ rdo rje ltar dbyer mi phyed pa'i rlung gi 'khor lo tsam gyis bsgrub par bya ba'i bzlas pa ni rdo rje'i bzlas pa'o/ /de nyid ni rim pa ste/ go rim bzhin du slob pa'o/ /mchog ces bya ba ni/ dag 'od gsal ba'i rgyur gyur pa'o/ /rdzogs pa'i rim pa'i rnal 'byor bdag ces bya ba ni/ rang bzhin gyis grub pa'i rim pa bsgom pa'i bdag nyid can no/ /rnam par rtog pa zhes bya ba ni/ rab bzhin brgya rtsa brgyad kyi ngo bo rnams la'o/ /'joms byed pa zhes bya ba ni/ khyad par du klog par byed pa'i bdag nyid can no/ /cho ga bzhin bsgrims zhes bya ba ni/ dkyil 'khor bzhis 'char ba'i rim pas goms par bya ba'o/ /rnal 'byor pa zhes bya ba ni/ rlung dang sngags kyi de kho na nyid bsgom pa po'o/ /phra ba'i de nyid ces bya ba ni/ ma ning gi bzlas pa'i ngo bo'o/ /bla na med ces bya ba ni/ 'jig rten las 'das pa nyid kyi phyir ro/ /sngon bzhin bsgoms zhes bya ba ni/ rlung dang sngags kyi de nyid bsgom pa dang 'byung 'jug rjes su dran pa'i bsgom pas so/ /blo dang ldan pas zhes bya ba ni/ rdzogs pa'i rim pa bsgom pa la mkhas pa'o// srid pa'i 'ching ba gcod par byed ces bya ba ni/ rnam rtog gi rlung 'joms par byed pa'o/ /ye shes che zhes bya ba ni/ rang bzhin gyis 'od gsal bas brgyud pas rgyur gyur pa'i phyir ro/ /rnal 'byor chen po zhes bya ba ni/ bskyed pa'i rim pa'i rnal 'byor las khyad par du 'phags pa'i phyir ro/ /de nyid chen po zhes bya ba ni/ dag 'od gsal ba'i ngo bo nyid kyi phyir ro/ /rmad 'byung che zhes bya ba ni/ gzhan don gyi rgyur gyur pa'i phyir ro/ /de ltar rang gi ngo bo bstan nas /da ni che ba'i

  448. 224b

    bdag nyid brjod pa'i phyir/ nges par bsgoms pas zhes bya ba gsungs te/ rlung gi ngo bo nges pas goms par bya'o/ /yang dag ni zhes bya ba ni/ chad pa dang lhag pas bgrang ba las bzlog pas phyin ci ma log pa'i ngo bos so/ /rnam rtog rlung ni gcod par byed ces bya ba ni/ rnam par rtog pa ni rlung gi stobs kyis skyes pa'i rang bzhin rnams dang/ rlung rnams ni btang bzung la sogs pa rnams kyi gcod par byed pa'o/ /don gyi rjes 'gro bzlas pa yis zhes bya ba ni/ gang zhig 'di 'jug pa dang gnas pa dang ldan pa'i bdag nyid can gyi rlung gsum po nyid mtshan du zo chun rgyud mo'i rigs pas nyi khri chig stong drug brgya'i grangs kyis 'jug par byed pa de rnams kyi don gyi rjes su 'gro ba ni/ ci rigs par rjes su mthun pa yongs su shes pa ni bzlas pa ste nges so/ /dngos med ces bya ba ni/ rten cing 'brel par 'byung ba'i phyir rang bzhin dang bral ba'o/ /ngo bo gcig pa dang zhes bya ba ni/ de'i ngo bo gcig pas so/ stong nyid goms la lan mang dang zhes bya ba ni/ de dang de'i sgo nas stong pa nyid la goms pas so/ /nges par bya ba ni phyir mi ldog pa'i sa la gnas pa'i phyir ro/ /bsten par sgom pa po zhes bya ba ni/ rlung bsgoms pas brtson 'grus drag po dang ldan pa'o/ /sgrub po zhes bya ba ni/ rdo rje bzlas pa'i rim bsgom pa po'o/ /bsgom byas nas zhes bya ba ni/ goms par byed pa'o// yang dag ces bya ba ni/ phyin ci ma log pa'i ngo bos so/ /rdo rje'i bzlas zhes bya ba ni/ phyi rol gyi bzlas pa'i mtshan nyid dang bral ba mi phyed pa'i bzlas pa'o/ /mchog ces bya ba ni/ sems rtse gcig pa'i rgyur gyur pa'i phyir ro/ /rim zhes bya ba ni/ rim gyis 'jug pa la slob pa'i phyir ro/ /de ltar de'i che ba'i bdag nyid bstan nas/ da ni de'i 'bras bu brjod pa'i rim bzhin zhes bya ba ni/ go rim bzhin du'o/ /de yis zhes bya ba ni/ rdo rje bzlas pa'i bsgom pas so/ /yongs su shes zhes bya ba ni/

  449. 225a

    ma ning bzlas pa'i rnam pas so/ /thob 'gyur zhes bya ba ni/ yang dag par thob pa'o/ /the tshom med ces bya ba ni/ bcom ldan 'das kyis bstan pa nyid kyi the tshom med pa'o/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ /zab mo'i don shin tu gsal bar byed pa zhes bya ba las/ le'u sum cu rtsa lnga pa'i rgya cher bshad pa'o/ //de ltar le'u sum cu rtsa lnga pa/ rnam par rtog pa dang rlung gtsang ba'i yul la dri ba'i lan bstan nas/ da ni rnam pa med pa'i rlung gi mtshan nyid kyi yul la dri ba'i lan brjod pa'i phyir/ dang por re zhig de rtsom pa ni/ de nas zhes bya ba la sogs pa gsungs te/ sum cu rtsa lnga pa bshad pa'i rjes la'o/ / gzhan yang zhes bya ba ni snga ma bzhin du'o/ /rnam rtog med pa'i rlung shar ba zhes bya ba dang 'brel to/ /rnam par rtog pa med pa ni/ rnam rtog spangs pa de kho na nyid gang las 'byung ba de rnam rtog med par skye ba ste de'o/ /mchog ces bya ba ni mchog tu rang bzhin gyis 'od gsal ba'i rnam pa'i de kho na nyid mngon du byed pa'i rgyu yin pa'i phyir ro/ /des ci zhig byed ce na/ de'i phyir gang zhes bya ba gsungs te/ rnam par mi rtog pa'i de kho na nyid gang la'o shes zhes bya ba ni/ thos pa dang bsam pa dang bsgom pa'i stobs kyis shin tu rtogs pa la ste/ rdo rje sems dpa' go 'phang thob ces bya ba dang 'brel to/ /rdo rje sems dpa' ni/ thung du 'jug pa'i rim pa'i bdag nyid can gyi rang gi ngo bo ni/ rang bzhin gyis 'jug pa'i mtshan nyid do/ /'thob pa ni/ rtogs pa zhes bya ba'i don to/ /de ltar de rtsom pa bstan nas/ da ni de dngos su bshad pa brjod pa'i phyir/ de'i yan lag rnam rtog med pa'i rlung shar ba rang gi ngo bo bstan pa ni/ rtogs pa med pa'i zhes bya ba

  450. 225b

    gsungs te/ ma ning gi bzlas pa'i ngo bo'o/ /rlung chen po zhes bya ba ni/ rang gi ngo bo rnyed pas so/ /gnyis pa thams cad rnam par spangs zhes bya ba ni/ rnam rtog gi rlung dang bral ba'i phyir ro/ /dngos po kun gyi rang bzhin bdag ces bya ba ni/ rnam par rtog pa dang rlung la khyab par byed pa'i phyir ro/ /bsgom dang bsgom min go 'phang bral zhes bya ba ni/ /'jug pa dang gnas pa ldang ba spangs pa'i phyir ro/ /ye shes che zhes bya ba ni/ 'od gsal ba'i ngo bo nyid kyi phyir ro/ /rnal 'byor chen po zhes bya ba ni/ bskyed pa'i rim pa'i rnal 'byor dang bral ba'i phyir ro/ /dpe med ces bya ba ni/ bag chags dang bral bas so/ /dri ma med pa dang zhes bya ba ni/ rags pa'i nyon mongs pa dang bral ba'i phyir ro/ /phra ba'i cha kun dbus na gnas zhes bya ba ni/ phra ba'i cha thams cad kyi mthar gnas pas na de la de skad ces bya ste/ a ba d+hU tI'i ngo bo nyid kyi phyir ro/ /thig le nA da rnam par spangs zhes bya ba ni/ rlung dang chos kyi 'khor lor gnas pa'i thig le nA da dag dang bral ba'o/ /kun la khyab cing zhes bya ba ni/ rtsa'i 'khor lo la khyab par byed pa nyid kyis so/ zhi ba dang zhes bya ba ni/ de dang bral ba'i rnam rtog gis ma gos pa dang sems 'od gsal ba'i ngo bo nyid kyi phyir ro/ /bdag byin gyis brlabs pa'i mtshan nyid ces bya ba ni/ sgyu ma lta bu'i ting nge 'dzin gyi ngo bo nyid kyi phyir ro/ gzung dang 'dzin pa rnam spangs pa zhes bya ba ni/ ril por 'dzin pa dang rjes su gzhig pa'i rim pas gzung ba dang 'dzin pa mi snang bar byed pas so/ /bag chags rnam rtog rnam par spangs zhes bya ba ni/ phra ba'i rang bzhin bzlog pa'i phyir ro/ /tshigs mdud pa las zhes bya ba ni/ rtsa'i mdud pa'o/ /cha yis stong zhes bya ba ni/ byang chub sems kyi cha yis so/ /bsgom dang zhes bya ba ni/ lhan cig skyes pa'i ngo bo mngon du byed pa'i thabs/ bsgom bya zhes bya ba ni/ dpe'i lhan cig skyes pa'o/ /rnam

  451. 226a

    par spangs pa zhes bya ba ni/ rnam par bral ba'o/ /tshigs dang mdud pa dang cha dang lam dang sgom pa dang bsgom bya ni/ tshigs mdud pa la chi'i lam/ bsgom dang bsgom bya rnam par spangs/ zhes bya ba'o/ /thig le nA da rnam par spangs/ zhes bya ba la/ thig le ni byang chub kyi sems kyi thig le'o/ /nA da ni de'i dus la bab pa'i bde ba chen po'i sgra'o/ /go 'phang ni brten no/ /de rnams 'das pa ni/ rnam par spangs pa ste/ thabs yin pa'i phyir ro/ /thabs kyang gzings dang 'dra ba nyid kyis dor bya'i phyir ro/ /stong nyid ye shes mtshan nyid do zhes bya ba ni/ stong pa nyid chen po bco brgyad kyi bdag nyid can gyi 'od gsal ba'i de kho na nyid yongs su shes pa'i rang bzhin can no/ /sngags dang phyag rgya zhes bya ba la/ sngags ni bskyed pa'i sa bon la sogs pa 'am snying po dang/ nye ba'i snying po'o/ /phyag rgya ni lag pa'i phyag rgya 'am/ dam tshig gi phyag rgya'o/ /de bzhin rnam pa zhes bya ba ni/ de dag gis bsgrub pa'i rnam pa ni/ lha'i gzugs kyi mtshan nyid do/ /de'i ngo bo'i cha ni rnam par rtog pa bskyed pa'i rim pa'i ngo bo ste/ de'i dbye ba rnam par spangs pa ni/ de dang bral ba'o/ /de ltar rnam rtog med pa'i rlung 'char ba'i ngo bo bstan nas da ni de nyid la rgyud gzhan la ma bstan pa'i rim pas thabs rjod pa'i phyir/ bya ba spyod pa'i zhes bya ba la sogs pa gsungs te/ lan gsum du khrus dang gos lan gsum du brje ba bstan pa gtso bor gyur pa'i bya ba'i rgyud las so/ /brdungs pa dang lugs su blug pa'i zhal dang phyag la sogs pa 'dzin pas rdo rje sems dpa' la sogs pa'i ngo bo 'dzin pa ston par byed pa ni spyod pa'i rgyud do/ /zhal gsum phyag drug la sogs pa'i gzugs 'dzin pa 'khor los sgyur ba la sogs pa'i gzugs grub pa ston par byed pa ni/ rnal 'byor

  452. 226b

    gyi rgyud do/ /rgyud rnams la yang ma gsungs so zhes bya ba ni/ de lta bu la mos pa'i sems can rnams la de'i yul la mi mos pa'i phyir ro/ /rnal 'byor chen po'i rgyud chen po zhes bya ba ni/ rim pa gnyis ston par mdzad pa'i dpal gsang ba 'dus pa la sogs pa'o/ /bshad par bya zhes bya ba ni brjod pa'o/ /dam tshig ces bya ba ni/ rnam par mi rtog pa rang gi ngo bo'o/ /mchog ces bya ba ni/ mchog gi skyes bu'i don to/ /thog ma nyid du bshad par rigs zhes bya ba ni/ rtsa dbus mar 'jug pa'i dus su hUM yig bzlas pa'i mtshan nyid do/ /man ngag gi rim pa mi 'dor bas so/ /ji bzhin cho ga zhes bya ba ni/ rgya cher le'u nyi shu rtsa gnyis par bstan pa'i cho ga'o/ /de ltar de nyid la rgyud gzhan rnams la bstan pa'i rim pas thabs bstan nas da ni de nyid la bla ma'i gdams ngag gis thob par bya ba brjod pa'i phyir/ de nyid rig pa'i rjes 'gro shes zhes bya ba gsungs te/ sngar bstan pa'i rim pas so/ /shes zhes bya ba ni/ shes par bya ba'o/ /bla ma brgyud pas shes zhes bya ba ni/ rdo rje slob dpon gyi zhal las so/ /go 'phang mchog ces bya ba ni/ mchog gi go 'phang thob pa'i rgyur gyur pa'o/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u sum cu rtsa drug pa'i rgya cher bshad pa'o// //de ltar le'u sum cu rtsa drug pas rnam par rtog pa med pa'i rlung gi mtshan nyid kyi yul la dri ba'i lan bstan nas/ da ni rtsa rnams nub pa'i rnal 'byor gyi yul la dri ba'i lan brjod pa'i phyir/ le'u sum cu rtsa bdun pa nye bar 'god cing/ dang por re zhig de'i rtsom pa bstan pa ni/ de nas zhes bya ba la sogs pa gsungs te/ le'u sum cu rtsa drug pa bshad pa'i rjes pa'o/ /bcom ldan rdo rje zhes bya ba ni/ de bzhin

  453. 227a

    gshegs pa drug pa rdo rje 'chang gi rnam pa'o/ /rtsa rnams nub pa'i rnal 'byor ni/ yang dag sbyor ba bshad kyis nyon/ zhes bya ba dang 'brel to/ /de kho na nyid ces bya ba ni/ don dam par ro/ /rdo rje can ji lta bu zhe na/ de'i phyir the tshom thams cad gcod pa po zhes bya ba ste/ the tshom thams cad bzlog par byed pa'o/ /nyon zhes bya ba ni/ phyag na rdo rje nyan pa la sbyar ba'o/ /da ltar de rtsom pa bstan nas/ da ni dngos su bshad pa brjod pa'i phyir/ de'i yan lag rtsa rnams kyi bskyed pa rjes su 'gro ba'i rim pa bstan pa ni/ /yul dang dbang po yang dag par sbyor zhes bya ba gsungs te/ dmigs pa'ang bdag po'i rkyen dang 'brel pa las so/ /rtsa rnams zhes bya ba ni/ rig pa'i rang bzhin 'khor lo bzhir gtogs pa rnams la'o/ /'char bar 'gyur zhes bya ba ni/ /rab tu sad pa las so/ /'char nas sngon bzhin zhes bya ba ni/ yid la byed pa dang rlung dang yang dag par sbyor ba las skyes pa ni/ rab tu sad par gyur nas so/ /skye ba'i rim pa bla na med ces bya bar sbyar ro/ /de nas gzhan pa bskyed pa'i nus pa'i ngo bo 'byung bar 'gyur ro/ /bla na med ces bya ba ni/ 'khor ba'i chos la 'jug pa'i gong na med pa'i phyir ro/ /kun rtog skye ba zhes bya ba ni/ rang bzhin gyis tshogs bskyed pa'o de'i phyir zhes bya ba ni/ skye ba'i rim pa dbang po dang yul yang dag par sbyor ba'i ngo bos so/ /de nyid kyi phyir brgyad dang brgyad kyis zhes bya ba gsungs te/ le'u gsum par gsungs pa'i tshogs so/ /rim zhes bya ba ni rim pa ji ltar bar zhes bya ba'i don to/ /de las byung ba'i las kyi stobs kyis zhes bya ba'i tha tshig go /de las skye dang zhes bya ba ni/ brgyad dang brgyad kyi rang bzhin gyi tshogs las dang bcas pa las so/ /skye dang zhes bya ba ni/ 'gro ba drug gi 'khor ba la'o

  454. 227b

    na rga zhes bya ba ni phung po yongs su smin pa dang/ nad rnams la skye ba sngon du 'gro ba nyid kyi phyir ro/ /'chi ba zhes bya ba ni/ 'chi ba'o/ /slar yang ldog par 'gyur zhes bya ba ni/ slar yang srid pa gzhan du skye ba 'dzin par byed ces bya ba'i don to/ /de ltar rtsa rnams bskyed pa'i yul la rjes su 'gro ba bstan nas/ da ni ldog pa'i rim pa brjod pa'i phyir/ yul rnams zhes bya ba la sogs pa gsungs te/ sngon po la sogs pa'o/ /yul rnams dngos po med pa yis zhes bya ba ni/ don dam par rang bzhin gyis dben pa yang dag par shes pas so/ /de nyid kyi zhes bya ba ni/ gcig tu du ma la sogs pa'i rigs pa rnams kyis so/ /spyod pa'i phyir zhes bya ba ni/ rnam par dpyod pa'o/ /gang gi cho zhes bya ba ni/ dus gang gi tshe'o/ /de las shes zhes bya ba ni sngon po la sogs pa'i yul rnams la'o/ /de tshe zhes bya ba ni/ don dam pa la tshe'o/ /dngos med shes zhes bya ba ni/ rang gi med par shes pa yin no/ /yul rnams med pa yis zhes bya ba ni/ de ma thag par bstan pa'i rnam par dpyad pas so/ /dngos su zhes bya ba ni/ mngon sum nyid du'o/ /dbang po rnams ni zhes bya ba ni/ mig la sogs pa drug pa'o/ /skye ba min zhes bya ba ni/ dngos med ni skye ba med pa'i? bya? ba'i don to/ /de nas zhes bya ba ni/ de'i rjes nyid la'o/ /gnyis gnyis yang dag sbyor zhes bya ba ni/ dbang po dang yul yang dag par sbyor ba'i mtshan nyid can la'o/ /dngos dang zhes bya ba ni/ rang bzhin la'o/ /dngos med stong nyid ces bya ba ni/ dngos po med pa'i phyir khyad par du gtso bo de gnyis la stong pa nyid ces bya ba'i don to/ /de nas zhes bya ba ni/ dbang po dang yul yang dag par sbyor ba med pas so/ /rtsa rnams zhes bya ba ni/ rtsa rnams la'o/ /nub 'gyur te zhes bya ba ni/ mi 'char bar 'gyur ba'o/ /ji lta bu zhe na/ de'i phyir 'khor lo'i rim pa la ni brten zhes bya ba gsungs te/ sbrul

  455. 228a

    pa'i 'khor lo'i rim pas gnas shes bya ba'i don to/ /de rnams shes zhes bya ba ni/ 'khor lo bzhi po'i rtsa rnams so/ /nub pa las ni zhes bya ba ni/ mi 'char bas so/ /zhi zhes bya ba ni/ sad pa med pa'o/ /stong phrag bdun cu rtsa gnyis ni zhes bya ba ni/ 'khor lo bzhir gtogs pa'i rtsa rnams kyi bdag po'i dbang gis de rnams yang dag par bskyed pa'o/ /kun kyang rtsa'i 'khor los sgyur zhes bya ba ni/ byang chub sems kyi cha la khyab par byed pa'o/ /de ltar rjes su ldog pa'i rim pa bstan nas/ da ni de rnams kyi 'char ba'i rgyu'i yul la rnam par spyod pa bstan pa'i phyir/ stong nyid rnal 'byor bsgoms pa las zhes bya ba gsungs te/ chos thams cad rang bzhin med pa'i mtshan nyid bsgom pa'i sbyor ba ni/ goms pa'i sbyor bas so yul rnams kyi ni zhes bya ba ni/ gzugs la sogs pa rnams la'o/ /ngo bo nyid ces bya ba ni/ lhan cig ces pa bcos pa'i ngo bo'o/ /shes pa zhes bya ba ni/ shes par byed pa'o/ /nges pa nyid du zhes bya ba ni/ rnam pa 'dis nges pa'o/ /rigs pa rdo rje zhes bya ba ni/ rten cing 'brel par 'byung ba la sogs pa gtan tshigs chen po lnga'i ngo bo/ /rdo rje ltar 'jig tshogs la lta ba thams cad ri'i rtse mo ltar 'joms pa ni/ rnam par nye bar byed pa ni/ dngos po la mngon par zhen pa'o/ /'joms par byed pa ni zlog par byed pa'o/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u sum cu rtsa bdun pa'i rgya cher bshad pa'o// de ltar le'u sum cu rtsa bdun pas rtsa rnams nub pa'i yul la dri ba'i lan bstan nas/ da ni 'khor lo drug gi sbyor ba'i bsgom pa'i yul la dri ba'i lan brjod pa'i phyir/ le'u sum cu rtsa brgyad pa nye bar ston cing/ dang por re zhig de'i rtsom pa ni/ de

  456. 228b

    nas zhes bya ba la sogs pa gsungs te/ le'u sum cu rtsa bdun pa bshad pa'i rjes la'o/ /gzhan yang zhes bya ba ni/ snga ma bzhin du'o/ /sbyor drug go 'phang mtshan nyid do zhes bya ba dang 'brel to/ /sbyor ba drug gi go 'phang dang/ /'khor lo rnams kyi ngo bo'i mtshan nyid ni/ phyin ci ma log pa'i ngo bos rnam par bshad kyis zhes bya ba ste/ bshad kyis nyon zhes bya ba dang 'brel to/ /ji ltar zhe na/ de'i phyir ji ltar bzhin zhes bya ba gsungs te/ phyin ci ma log pa'i ngo bos so/ /ji ltar sbyor zhes bya ba ni go rim yongs su spangs pas so/ /ji ltar 'dod pa'i yan lag brten zhes bya ba ni/ ji ltar 'dod pas 'gro ba'i rten no/ /yang na ji ltar grangs kyi dbye ba yis zhes bya ba 'byung ste/ de'i phyogs la ni 'khor lo drug gi ni dbye bas zhes bya ba bshad par bya'o/ /de ltar de'i rtsom pa bstan nas/ da ni dngos su bshad pa brjod pa'i phyir/ de'i yan lag 'khor lo drug mdor bstan pa ni/ rtsibs drug po zhes bya ba la sogs pa gsungs so/ /de'i dbyibs can gyi rlung gi 'khor lo'o/ /de las phyed ces bya ba ni/ rlung gi 'khor lo las phyed ni/ rtsibs gsum pa me'i 'khor lo'o/ /de bzhin brgyad po brgyad ces bya ba ni/ brgyad po brgyad ni rtsa 'dab ma drug cu rtsa bzhi'i dbyibs can ni sprul pa'i 'khor lo'o/ /de nas brgyad ces bya ba ni/ chos kyi 'khor lo ste rtsa brgyad kyi dbyibs can no/ /brgyad gnyis zhes bya ba ni 'dab ma bcu drug gi bdag nyid can longs spyod kyi 'khor lo'o/ /brgya phrag bzhi dang ni zhes bya ba ni/ rtsa sum cu rtsa gnyis kyi bdag nyid can gyi bde ba chen po'i 'khor lo'o/ /grangs kyi sbyor ba zhes bya ba ni/ 'khor lo drug gi grangs kyi ngo bo'o/ / de ltar gsal zhes bya ba ni/ cho ga 'dis gsal ba'o/ /de ltar 'khor lo drug mdor bstan nas/ da ni de rgyas par bshad pa brjod pa'i phyir de'i yan lag rlung gi 'khor lo rgyas par bshad pa ni/ zla ba phyed pa'i cha lta bu zhes bya ba gsungs te/ zla ba phyed pa'i

  457. 229a

    rnam pa'o/ /cha zhes bya ba ni byang chub sems kyi ngo bo'o/ /rlung gi 'khor lo zhes bya ba ni/ smin mtshams kyi dbus su gnas pa'o/ /ji lta bu zhe na/ de'i phyir stong nyid ces bya ba gsungs te/ don dam par dngos po las rang bzhin med pa'i phyir ro/ /phyed pa'ang ma yin zhes bya ba ni/ lus la khyab pa nyid kyi phyir ro/ /rdzogs pa min zhes bya ba ni/ phyed pa'i ngo bo nyid kyi phyir ro/ /chu'i zla ba lta bur snang zhes bya ba ni/ ji ltar chu'i nang du zla ba med pa rdzogs pa nyid dang bral ba de bzhin du zhes bya ba'i tha tshig go /gzhan yang sgyu ma chen po zhes bya ba ni/ de lta bu nyid ma yin yang de ltar snang ba'i phyir ro/ /'gro ba'i ma zhes bya ba ni/ byang chub kyi sems nyid las ji srid par 'gro ba bskyed pa'i phyir ro/ /thams cad ces bya ba ni lus la'o rten pa'i mtshan nyid ni zhes bya ba ni/ rten pa'i ngo bo'o/ /rlung gi 'khor lo zhes bya ba ni/ smin ma'i dbus su gtogs pa'i rtsibs drug pa'o/ srog ces bshad ces bya ba ni/ srog gi rang bzhin no/ /ye shes can rnams kyi yang zhes bya ba ni/ rdzogs pa'i rim pa la gnas pa rnams kyi'o/ /spyod yul min zhes bya ba ni/ spyod yul ma yin pa'o/ /de ltar rlung gi 'khor lo rgyas par bshad pa bstan nas/ da ni me'i 'khor lo rgyas par bshad pa brjod pa'i phyir/ me'i 'khor lo zhes bya ba gsungs te/ longs spyod kyi 'khor lo'i 'og tu'o/ stong nyid ces bya ba ni rang bzhin gyis khod stong du yod pa'i phyir ro/ /nang du zhes bya ba ni dbus so/ /thig le'i ngo bo ni zhes bya ba ni/ haM yig las byung ba'i phyir ro/ /yi ge kun la zhes bya ba ni/ sngags thams cad la yi ge dang por gyur pa'i phyir ro/ /kun tu 'gro zhes bya ba ni/ 'byung ba chen po'i 'khor lo ma lus pa la khyab par byed pa'i phyir ro/ /kun tu khyab ces bya ba ni/ dro bar gyur pa nyid kyi lus thams cad la khyab pa'o/ /rang 'byung zhes bya ba ni/ ma bcos

  458. 229b

    pa'i ngo bos me yod pa'i phyir ro/ /bde ba yang dag 'brel bar byed ces bya ba ni/ bde ba chen po rnam gnyis 'phel bar byed pa'o/ /dbyangs dang gsal byed rnam par spangs zhes bya ba ni/ spros pa med pa nyid kyi phyir ro/ /'jig rten gsum ni zhes bya ba ni/ mdza' ? ris dang mi yul dang sa 'og gi ming can gyi lus la'o/ /ma lus pa zhes bya ba ni/ 'khor dang bcas pa rnams so/ /gcig tu byas zhes bya ba ni/ gtso bo'i rgyu'o/ /skyed par byed ces bya ba ni/ de'i bdag po nyid kyis de las gzhan pa'i lus bskyed pa'i phyir ro// de ltar me'i 'khor lo rgyas par bshad pa bstan nas/ da ni sprul pa'i 'khor lo rgyas par bshad pa brjod pa'i phyir/ mi shigs nA da'i zhes bya ba la sogs pa gsungs te/ nA da zhes bya ba ni/ a yig gi rnam pa ste/ brag cha dang 'dra ba nyid kyi phyir ro/ / mi shigs go 'phang zhes bya ba ni/ mi 'jig pa nyid kyi phyir ro/ /rnam pa thams cad rnam par spangs zhes bya ba ni/ gzung ba dang 'dzin pa las dben pa'i phyir ro/ /sprul glog lce ltar g.yo ba'i lus zhes bya ba ni glog dang 'dra ba nyid kyi phyir ro/ /tshangs pa la sogs zhes bya ba ni/ sku'i rdo rje la sogs pa rnams kyi'o/ /mes po dang zhes bya ba ni/ skyed par byed pas so/ /ji skad du/ tshangs pa sku'i rdo rjer 'gyur/ /gsung gi rdo rje dbang phyug che/ /thugs ni rdo rje 'dzin rgyal nyid/ /de nyid khyab 'jug rdzu 'phrul che/ /zhes bya ba gsungs so/ /yi ge min zhes bya ba ni/ yi ge'i dbyibs dang bral ba'i phyir ro/ /g.yo ba min zhes bya ba ni/ brtan pas mi 'jig pa'i phyir ro/ /'byung ba'i tshogs ni rnam par spangs zhes bya ba ni/ sa la sogs pa'i khams yongs su spangs pa'i ngo bo ste gzugs med pa'i phyir ro/ /grangs med ces bya ba ni/ dbyangs dang gsal byed kyi grangs dang bral ba'i phyir ro/ /zad med ces bya ba ni/ 'jig pa med pa'i phyir ro/ /skye ba med ces bya ba ni/ skye ba med pa'i phyir ro/ /lte ba sprul pa'i 'khor lor gnas

  459. 230a

    zhes bya ba ni/ kun rdzob tu lte ba'i gnas sprul pa'i 'khor lo'i dbus su gnas pa'o/ /de ltar sprul pa'i 'khor lo rgyas par bshad pa bstan nas/ da ni chos kyi 'khor lor rgyas par bshad pa brjod pa'i phyir/ chos kyi 'khor lo'i dbus gnas pa zhes bya ba gsungs te/ hUM yig gis rnam pa'o/ /sgra tsam zhes bya ba ni/ brag ca dang 'dra ba'o/ /dri ma bral ba zhes bya ba ni/ nyon mongs pa'i sgrib pa dang bral ba'i phyir ro/ /cha bral zhes bya ba ni/ rnam par rtog pa med pa'i phyir ro/ rnam pa med pa dang zhes bya ba ni/ gnyis su snang ba med pa'i phyir ro/ /dpe med ces bya ba ni/ bag chags dang bral ba'i phyir ro/ /gnas pa med pa zhes bya ba ni/ rten dang brten pa'i rnam par rtog pa nye bar zhi ba'i phyir ro/ g.yo med pa zhes bya ba ni byed pa po med pa'i phyir ro/ /dpe las 'das zhes bya ba ni/ de dang 'dra ba gzhan med pa'i phyir ro/ /srog dang rtsol ba rnam par spangs zhes bya ba ni/ rlung 'gags pa'i ngo bo nyid kyi phyir ro/ /ye shes mchog ces bya ba ni/ rang bzhin gyis 'od gsal ba'i rnam pa'o/ /lha'i dbang phyug ces bya ba ni/ lha rnams kyi bdag por gyur pa'i tshangs pa la sogs pa rnams la yang ngo/ /rnyed par dka' zhes bya ba ni/ rnyed par bka' ba' o/ /de ltar chos kyi 'khor lo rgyas par bshad pa bstan nas/ da ni longs spyod kyi 'khor lo rgyas par bshad pa brjod pa'i phyir/ longs spyod ces bya ba la sogs pa gsungs te/ mchog tu zhes bya ba ni/ oM yig gi rnam pa nyid kyis so/ /longs spyod 'khor lor gnas shes bya ba ni/ mgrin pa'i dkyil 'khor du gnas pa'o/ /rnam pa mchog ces bya ba ni/ spros pa med pa'i phyir ro/ /'chi ba med pa'i zhes bya ba ni/ byang chub kyi sems kyi ngo bo las skyed par byed pa'i rgyur gyur pa'i phyir ro/ /mchog tu zhes bya ba ni/ lus la'o/ /khongs su chud par

  460. 230b

    gyur pa zhes bya ba ni/ khongs su chud par gyur pas nang du son par gyur pa'o/ /rnam pa kun gyi zhes bya ba ni/ rnam pa thams cad du'o/ /yang dag bzhugs zhes bya ba ni/ gnas pa'o/ /rten cing 'brel 'byung rang bzhin gyis zhes bya ba ni/ rgyu dang rkyen ni rang bzhin gyis so/ /chang gi ro yis myos pa bzhin zhes bya ba ni/ ji ltar chang gi ngos myos pa khongs su gtogs pa de bzhin du zhes bya ba'i don to/ /de ltar longs spyod kyi 'khor lo rgyas par bshad pa bstan nas/ da ni bde ba chen po'i 'khor lo rgyas par bshad pa brjod pa'i phyir/ mchog gi dang po zhes bya ba la sogs pa gsungs te/ ha yig te byang chub kyi sems kyi ngo bo nyid kyi phyir ro/ /ma lus pa dngos po kun gyi zhes bya ba ni/ lus las 'byung ba rnams la'o/ /nang na gnas zhes bya ba ni/ de nyid ni lus thams cad la khyab pas so/ /mtshan nyid med ces bya ba ni/ so so'i skye bo rnams kyi yul ma yin pa nyid kyi phyir ro/ /mtshan nyid 'das zhes bya ba ni/ ha yig gi rnam pa dang de nyid/ a yig gi dang bral bas brjod par bya ba nyid kyi phyir ro/ /mtshan nyid thams cad rnam par spangs zhes bya ba ni/ dbyangs dang gsal byed dang bral ba'i phyir ro/ /brjod du med ces bya ba ni/ de'i dbang gis 'byung ba'i lhan cig skyes pa'i bde ba la ngag gi spyod yul las 'das pa nyid kyi phyir ro/ /mi 'jigs ces bya ba ni/ 'jig pa med pa'o/ /zhi ba zhes bya ba ni/ gdong ma nas zhi ba nyid kyi phyir dang/ rnam par rtog pa nye bar zhi ba nyid kyi phyir ro/ /rang nyid nyams myong rang ngo bo zhes bya ba ni/ so so rang gi rig pa nyid kyi phyir ro/ /rang gis nyams su myong ba'i ngo bo gang la yod pa de la de skad ces bya ba'o/ /bde ba chen po 'khor lor gnas zhes bya ba ni/ mgo bo la gnas pa'o/ /thob ces bya ba ni/ rtogs par bya ba'o/ /bla ma'i zhal zhes bya ba ni/ thos pa dang bsams pa la sogs pa'i dbang gis

  461. 231a

    rdo rje slob dpon gyi zhal las so/ /de ltar don rnam pa lngas de rgyas par bshad pa bstan nas/ da ni de'i nye bar bsdu ba brjod pa'i phyir/ de ltar zhes bya ba la sogs pa gsungs te/ sngar bstan pa rnams so/ /ye shes che zhes bya ba ni/ 'khor lo drug nye bar mtshon pa sngon du 'gro bas ye shes chen po bskyed pa'i phyir ro/ /rang gi ngo bo rnam shes drug ces bya ba ni/ me long lta bu la sogs pa'i ye shes lnga'i steng du de dmigs pa'i ye shes dang bcas pa'i phyir ro/ /steng dang 'og tu sbyor zhes bya ba ni/ rang gi lus la steng dang 'og tu gnas pa'i dbyibs kyis so/ /rnal 'byor zhes bya ba ni/ phan tshun du 'brel ba'i rnam pa can no/ /'di rnams zhes bya ba ni/ 'khor lo drug la'o/ /rab tu grags zhes bya ba ni/ brjod pa'o/ / rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u sum cu rtsa brgyad pa'i rgya cher bshad pa'o// //de ltar le'u sum cu rtsa brgyad pas 'khor lo drug gi bsgom pa'i yul la dri ba'i lan bstan par brjod nas/ da ni dus kyi yul la dri ba'i lan bstan pa'i phyir/ le'u sum cu rtsa dgu pa nye bar 'god cing/ dang por re zhig de'i rtsom pa bstan pa ni/ de nas zhes bya ba la sogs pa gsungs te/ le'u sum cu rtsa brgyad pa bshad pa'i rjes la'o/ /gzhan yang zhes bya ba ni/ snga ma bzhin du'o/ /brjod pa'o/ /bcom ldan 'das rdo rjes zhes bya ba ni/ drug pa rdo rje 'chang gi rnam pa de bzhin gshegs pa'o/ /dus kyi mtshan nyid sdom pa ni zhes bya ba la/ dus ni phyi dang nang gi bdag nyid can la'o/ /mtshan nyid sdom pa ni/ mtshan nyid bsdu pa'o/ /des ci zhig byed ce na/ de'i phyir rnal 'byor gang gis zhes bya ba gsungs te/ rdzogs pa'i rim pa sgom pa po'i

  462. 231b

    rnal 'byor rnams so/ /gang gis zhes bya ba ni/ dus kyi mtshan nyid kyis so/ /grangs kyi rnal 'byor rnam par shes zhes bya ba ni/ de lta bu'i bshad par bya'o/ /grangs kyi rnal 'byor ni rlung gi rnal 'byor ro/ /bla na med ces bya ba ni 'di las gong na gzhan med pa'i phyir ro/ /bsam gyis mi khyab pa'i dus brjod par 'dod pas de ltar brjod pa'o/ /de ltar rtsom pa bstan nas/ da ni de dngos su bshad pa brjod pa'i phyir/ de'i yan lag dus kyi rab tu dbye ba ni/ dus ni dus tshod ces ni bshad/ ces bya ba la sogs pa gsungs te/ dus ni zla ba dang nyi ma rgyu bar byed pa'i dus te/ dus kyi rnam grangs nyid kyi phyir ro/ /de yang bsam dang bsam min ngo bo ni/ zhes bya ba gsungs te/ rnal 'byor ba rnams kyis nyams su myong bar bya ba nyid kyi phyir ro/ /dus bzang dang ni zhes bya ba ni/ phyi rol gyi dus bzang po dang 'dra ba nyid kyi phyir ro/ /dus ngan dang zhes bya ba yang da lta bu nyid do/ /rnam pa gnyis ni kun tu gnas zhes bya ba ni/ rnam pa gnyis kyi phyi rol dang bstan rnams las kyang/ /gnas zhes bya ba ni/ rnam par gnas pa'o/ /de ltar dus kyi rab tu dbye ba bstan nas/ da ni de'i mtshan nyid brjod pa'i phyir/ de'i yan lag nang gi dus gnyis kyi mtshan nyid ni/ sna'i bu ga gnyis nas 'bab pa'i rgyun gyis so/ /srog dang rtsol ba gnyis zhes bya ba ni/ 'byung ba dang 'jug pa'i dbugs gnyis so/ / mnyam pa zhes bya ba ni/ g.yas pa dang g.yon pa'i rgyu ba ma 'dres pas so/ /'bab ces bya ba ni/ rab tu 'bab pa'o/ /gang du zhes bya ba ni gnas skabs gang la'o/ /dus bzang zhes bya ba ni/ 'chi ltas med pas dus bzang po dang chos mthun pas de ltar brjod pa yin no/ /dus don de las bzlog pa'o zhes bya ba ni/ srog dang rtsol ba'i rlung 'dres pas zhes bya ba'i don to/ /de ltar nang gi dus gnyis kyi mtshan nyid bstan nas/ da ni phyi'i dus gnyis kyi mtshan nyid brjod pa'i phyir/ de lta bu'i zhes bya ba la

  463. 232a

    sogs pa gsungs te/ da ltar gyi dus ni dus bzang por brjod de/ 'bad pa med pas bde bas gnas pa'i phyir ro/ /'das pa'i dus ni dus ngan no zhes bya ba ni 'das pa'i zhes bya ba'i don to/ /de ltar phyi'i dus gnyis kyi mtshan nyid bshad pa bstan nas/ da ni dga' ba la sogs pa'i dgongs pas de'i mtshan nyid brjod pa'i phyir/ dus ngan zhes bya ba la sogs pa gsungs te/ mchog dga' las gzhan pa ni dga' bral gyi ngo bo ste/ de'i dus su bde ba dang bral ba'i phyir ro/ /dus bzang po mchog ste zhes bya ba ni/ mchog dga' las mngon sum nyid du ste/ byang chub kyi sems yan lag thams cad kyi mtshams khyab pas 'bras bu mang po bri ba'i phyir ro/ /de ltar dga' ba la sogs pa'i dgongs pas de'i mtshan nyid bstan nas/ da ni phyi rol gyi dus gnyis kyi mtshan nyid slar yang rdzogs pa dang ni zhes bya ba la sogs pas so/ /dus dang po gsum ni/ nyi shu dang bco lnga dang 'bum phrag bcu'i lo'i tshad dang 'bras bu gsum sgrub par byed pas na/ dus bzang po zhes brjod pa yin te/ tshe dang 'bras bu la sogs pa phun sum tshogs pa ni shin tu yang mang pa'i phyir ro/ /rtsod dus ni ngan pa ste/ zhes bya ba ni/ snyigs ma lngas bsgribs pa'i phyir dang/ tshe thung ba nyid kyi phyir ro/ /de ltar zhes bya ba ni/ rnam pa de lta bus so/ /dus mtshan nyid ces bya ba ni/ phyi rol gyi ngo bo la'o/ /gsungs pa zhes bya ba ni/ de ltar don rnam pa bzhis mdor bshad nas/ da ni rgyas par bshad pa brjod pa'i phyir/ de'i yan lag dga' ba la sogs pa'i dgongs pa'i dus gnyis kyi ngo bo bstan pa'i phyir/ dga' dang mchog tu dga' ba dang zhes bya ba gsungs te/ cung zad tsam gyi bde ba dang/ de las lhag pa'i ngo bo rgyud pa'i rgyu dang dngos kyi rgyu'i ngo bo'o/ /lhan cig skyes pa zhes bya ba ni/ dpe'i ngo bo

  464. 232b

    la'o/ /dus bzang ste zhes bya ba ni/ gsum po de rnams dus bzang po'i sgras brjod par bya ba ste/ gong nas gong du bde ba 'phel ba 'bras bu dang bcas pa'i phyir ro/ /bral dgar bshad pa dus ngan ni/ bde ba nyams pa'i ngo bo nyid dang/ chags bral gyi bdag nyid can nyid dang/ rtogs dang bcas pa'i phyir ro/ /de ltar zhes bya ba ni/ de ma thag par bstan pa'i cho gas so/ /dus kyi zhes bya ba ni/ dga' pa la sogs pa'i ngo bo la'o/ /mtshan nyid ces bya ba ni/ thun mong ma yin pa'i de kho na nyid kyi rnam par bzhag pa zhes bya ba'i don to/ /de ltar dga' pa la sogs pa'i 'dod pas/ dus gnyis kyi rang gi ngo bo bstan nas/ da ni dbugs gsum gyi rjes su 'brangs nas/ de'i ngo bo bshad pa brjod pa'i phyir/ 'jug pa dag ni gnas pa'i dus zhes bya ba la sogs pa gsungs te/ bzang por ni zhes bya ba ni/ dus bzang po'o/ /yongs su grags zhes bya ba ni/ brjod pa ste lus kyi nang du dbugs sdud par byed pa'i phyir ro/ /ldang ba yang ni dus ngan po zhes bya ba ni/ dbugs rnams phyir 'byung bas so// de ltar zhes bya ba ni/ dbugs gsum la bltos nas so/ /dus kyi mtshan nyid do zhes bya ba ni/ dus gnyis kyi mtshan nyid do/ /de ltar mdor bstan pa dang rgyas par bshad pa dag gis de'i mtshan nyid brjod nas/ da ni bsam gyis mi khyab pa'i dus kyi mtshan nyid bstan pa'i phyir/ de'i yan lag byang chub kyi sems gnyis kyi rjes su 'brel nas bsam gyis mi khyab pa'i dus kyi ngo bo ni/ dus ni zhes bya ba la sogs pa gsungs te/ kun nas 'gro ba'o/ /khams rnams thams cad nga zhes bya ba ni/ so dang sen mo la sogs pa'i byang chub kyi sems rnam 'gyur rnams la'o/ /mnyam pa'i ro'i go 'phang zhes bya ba ni/ khams rnams thams cad kyi yul la tha dad pa'i rnam par rtog pa bcom pa'o/ /mchog ces bya ba ni/ lhan cig skyes pa'i rgyur gyur

  465. 233a

    pas so/ /ye shes rnam shes rnam par spangs zhes bya ba ni/ ye shes ni dpe'i lhan cig skyes pa'i mtshan nyid do/ /rnam shes ni don gyi lhan cig skyes pa'i mtshan nyid do/ /de dag dang bral ba ni rnam par spangs pa'o/ /dus gcig ces bya ba ni/ bsam gyis mi khyab pa'i dus kyi rang bzhin no/ /zhes ni brjod pa yin zhes bya ba ni gsungs pa'o/ /de ltar byang chub sems rnam pa gnyis kyi rjes su 'drangs nas/ bsam gyis mi khyab pa'i dus kyi ngo bo bstan nas/ bzhi pa'i 'dod pas de'i ngo bo brjod pa'i phyir/ dngos dang dngos med ces bya ba la sogs pa gsungs te/ dngos dang dngos med ni dga' ba dang mchog dga' gnyis te/ cung zad bde ba'i rnam pa nyid kyis dngos po'i phyir dang/ lhan cig skyes pa'i dus su dngos med nyid do/ /de'i ngo bo'i cha las ni/ rnam par rtog pa'o/ /'das pa ni bral ba'o/ /bzhi pa skad cig mtshan nyid ni zhes bya ba ni/ lhan cig skyes pa'i rnam pa'o/ /brjod bya brjod byed las grol ba zhes bya ba ni/ dga' bral dang bral ba'i phyir dang/ dga' bral ni rtog pa dang bcas pa'i phyir ro/ /dus gcig ces bya ba ni/ snga ma bzhin du bsam gyis mi khyab pa'i dus so/ /de ltar bzhi pa'i 'dod pas rang gi ngo bo bstan nas/ da ni phyag rgya chen po'i ngo bos de'i ngo bo brjod pa'i phyir/ chags dang chags bral nges grol ba zhes bya ba gsungs te/ stong pa dang shin tu stong pa dag dang bral ba'i phyir ro/ /chag dang chags bral dag las nges par grol ba snyam du dgongs nas so/ /bde ba chen po'i go 'phang spangs zhes bya ba ni/ stong pa chen po dang bral ba'i phyir ro/ /phyag rgya chen po'i mtshan nyid can gyi gzhi rten te/ thams cad stong pa'i ngo bo nyid kyi phyir ro/ /dus gcig ces bya ba ni brjod pa yin no zhes bya ba ni/ bsam gyis mi khyab pa'i dus so/ /de ltar don rnam pa gsum gyis

  466. 233b

    bsam gyis mi khyab pa'i mtshan nyid brjod nas/ da ni de'i nye bar bsdu ba bstan pa'i phyir/ mtshan nyid med ces bya ba gsungs te/ so so'i skye bo'i spyod yul ma yin pa'i phyir ro/ /mtshan nyid 'das zhes bya ba ni/ nye bar mtshon pa po med pa'i phyir/ grangs kyi rnal 'byor rnam par spangs zhes bya ba ni/ gcig dang mang po nyid kyis grangs nub pa'i phyir dang/ /rnal 'byor ni ting nge 'dzin gyi bye brag go /de dag gi rnam par spangs pa ni dor pa'o/ /de nyid dus su zhes bya ba ni don dam pa'i ngo bo'o/ /ngas bshad de zhes bya ba ni/ drug pa rdo rje 'chang gi rnam pa'i bcom ldan 'das kyis so/ /shes par bya ba ni/ shes par bya ba'o/ /bla ma'i zhal las shes bya ba ni/ /rdo rje slob dpon gyi zhal las so/ /rnal 'byor chen po dpal rdo rje phreng ba'i rgya cher 'grel pa las/ paN+Di ta a laM ka ka la shas mdzad pa'i/ zab mo'i don shin tu gsal bar byed pa zhes bya ba las/ le'u sum cu rtsa dgu pa'i rgya cher bshad pa'o// //de ltar le'u sum cu rtsa dgu pas dus kyi yul la dri ba'i lan brjod nas/ da ni gsang ba'i 'bras bu'i yul la dri ba'i lan bstan pa'i phyir/ /le'u bzhi bcu nye bar 'god cing/ dang por re zhig de'i rtsom pa bshad pa ni/ /de nas zhes bya ba la sogs pa gsungs te/ le'u sum cu rtsa dgu pa bshad pa'i rjes la'o/ /gzhan yang zhes bya ba ni/ sngar bstan pa bzhin du'o/ /gsang ba'i 'bras bu zhes bya ba ni/ zung du 'jug pa'i rnam pa'o/ /mchog nyid ces bya ba ni/ bla na med pa nyid kyi phyir ro/ /des ci zhig byed ce na/ de'i phyir gang gis zhes bya ba la sogs pa gsungs te/ gsang ba'i 'bras bu'o dngos grub ces bya ba ni/ phyag rgya chen po'i dngos grub bo/ /mchog tu zhes bya ba ni/ gong na med pa'o/ /'gro zhes bya ba ni/ 'gro bar 'gyur ba'o/ /rnal 'byor pa rnams zhes bya ba ni lhag ma'o/ /phyag rgya chen po yang dag rten zhes bya ba ni/ 'jig rten

  467. 234a

    las 'das pa'i phyag rgya chen po'i rten no/ /de ltar de'i rtsom pa bstan nas/ da ni de'i dngos su bshad pa brjod pa'i phyir/ de'i yan lag gsang ba rang gi dngos grub ni/ gsang ba sbas pa zhes bya ba ni bshad ces bya ba gsungs te/ zab mo'o/ /rnal 'byor pas mi shes shing zhes bya ba ni/ las dang po pa'i rnal 'byor pa bskyed pa'i rim pa sgom pa po rnams kyis yul ma yin pa'o/ /bzhi pa'i dbang zhes bya ba'i ming zhes bya ba ni/ zhal nas zhal du brgyud pa'i rim pas gnas pa'o/ /mchog gi ye shes zhes bya ba ni/ lhan cig skyes pa'i ye shes so/ /zhi ba che zhes bya ba ni/ nyon mongs pa dang shes bya'i sgrib pa'i gnyen po nyid kyi phyir ro/ /kun tu rtog pa thams cad spangs zhes bya ba ni/ bdag dang gzhan gyi rnam par rtog pa'i phyir ro/ /de ltar gsang ba'i ngo bo bstan nas/ 'bras bu'i ngo bo phyag rgya chen po'i ngo bo brjod pa'i phyir/ phyag rgya chen po zhes bya ba la sogs pa gsungs te/ dga' ba chen po ster bar byed pas na phyag rgya chen po zhes bya'o/ /dngos grub che zhes bya ba ni/ 'jig rten las 'das pa'i dngos grub nyid kyi phyir ro/ /rnal 'byor chen po'i don bsdus pa zhes bya ba ni/ rdo rje lta bu'i ting nge 'dzin gyi ngo bo nyid kyis zung du 'jug pa nyid kyi phyir ro/ /rnal 'byor pa'i phyag rgya chen po bsdus pa'i ngo bo'o/ /rnal 'byor ma'i zhal las rtogs zhes bya ba ni/ ye shes kyi mkha' 'gro ma'i rgyud las rtogs par bya ba nyid kyi phyir ro/ /mchog tu zhes bya ba ni/ khyad par du 'phags pa'i ngo bo nyid kyi phyir dang/ 'jig rten las 'das pa'i ngo bo nyid kyi phyir ro/ /mchog tu rmad 'byung zhes bya ba ni/ gzhan gyi don byed pa nyid kyi phyir ro/ /rnam pa chen po'i yon tan zhes bya ba la/ chen po ni lha'i rnam pa ste/ der yang dag 'bebs pa ni/ 'bebs pa'i

  468. 234b

    bdag nyid do/ /de nyid chen po'i yon tan ldan zhes bya ba ni/ de kho ba nyid chen po ma ning gi bzlas pa'i ngo bo'i yon tan gyis ngag 'od gsal ba'i rnam pas so/ /ldan pa zhes bya ba ni/ rjes su 'gro ba'i ngo bo zhes bya ba'i don to/ /mchog gi nam mkhar gnas zhes bya ba ni/ sems rnam par dag pa'i ngo bo nyid kyi phyir ro/ /phra ba'i zhes bya ba ni/ rang bzhin brgya drug cu po 'gags pa nyid kyi phyir ro/ /rdo rje sems dpa' rang ngo bo zhes bya ba ni/ bdag byin gyis brlab pa'i ngo bo nyid kyi phyir ro/ /bde ba ? cod 'phel bar byed ces bya ba ni/ bde ba ni 'jig rten las 'das pa'o/ 'phel bar byed ces bya ba ni/ yongs su rdzogs par byed pa ste/ mngon par byang chub pa'i ngo bo'i rim pa nyid kyi phyir ro/ /bde ba chen po'i go 'phang gnas zhes bya ba ni/ stong pa chen po'i ngo bo nyid kyi phyir ro/ /shes dang shes bya rnam par bral zhes bya ba ni/ rtag chad gnyis las rnam par grol ba'i phyir ro/ /sgom dang bsgom bya rnam par spangs zhe bya ba ni/ tha dad pa'i rnam par rtog pa med pa'i phyir ro/ /sngags pa rgyud kyi bya bas stong zhes bya ba ni/ sngags ni sa bon gyi yi ge rnams so/ /rgyud ni zla ba'i dkyil 'khor la sogs pa'i rnam pa bsgom pa'o/ /de'i ngo bo'i bya bas stong pa ste/ bskyed pa'i rim pa'i mtshan nyid dang bral ba'i phyir ro/ /kun tu rtog pa thams cad spangs zhes bya ba ni/ kun tu rtog pa thams cad rang bzhin gyis so/ /spangs pa ni rnam par bral ba ste/ rdo rje'i bzlas pa'i rim pas khyad par du 'phags pa nyid kyi phyir ro/ /dngos po kun gyi go 'phang brgal zhes bya ba ni/ dngos po kun ni snang ba la sogs pa rnams so/ /de rnams kyi go 'phang ni gnas te/ rang bzhin gyi tshogs kyi ngo bo la de las brgal ba ni/ bral bas te sems rnam par dag pa'i rim pa las khyad par du 'phags pa'i phyir ro/ /'jig rten gsum gyi rnam par spangs zhes bya ba ni/ 'jig rten

  469. 235a

    gsum ni sgyu ma'i rang bzhin gyis rnam par rtog pa dang bral ba'o/ /bdag byin gyis brlab pa'i rim pa dang bral ba'i phyir ro/ /chags dang chags bral rnam par spangs zhes bya ba ni/ phyag rgya dang ting nge 'dzin gyi rim pa dang bral ba nyid kyi phyir chags bral rnam par spangs pa'o/ /dam tshig chen po la gnas pa zhes bya ba la/ dam tshig chen po ni zung du 'jug pa'i rnam pa ste/ de la gnas pa'o/ /'jig rten gsum zhes bya ba ni khams gsum po rnams so/ /ma lus pa zhes bya ba ni thams cad do// gcig ces bya ba ni thun mong ma yin pa ste/ de'i rnam par rtog pa rnams kyis ma 'dres pa nyid kyi phyir ro/ /rgyu zhes bya ba ni rgyu'o/ /dngos grub de kho na nyid ces bya ba ni/ 'jig rten dang 'jig rten las 'das pa'i dngos grub kyi mtshan nyid can la'o/ /de ltar 'bras bu'i ngo bo phyag rgya chen po'i ngo bo bstan nas/ da ni gsang ba dang 'bras bu nye bar bsdu ba brjod pa'i phyir/ de ltar zhes bya ba la sogs pa gsungs te/ de ltar zhes bya ba ni/ sngar bshad pa'i rigs pas so/ /gsang ba'i 'bras bu zhes bya ba ni/ zung du 'jug pa'i rnam pa'o/ /gsal zhes bya ba ni/ rnal 'byor pa'i mngon sum du snang ba'i phyir ro/ /gang du yang zhes bya ba ni/ bya ba'i rgyu la sogs pa'o/ /ma gsungs zhes bya ba ni/ ma bstan pa'o/ /ye shes mchog ces bya ba ni/ 'bras bu'i ngo bo nyid kyis mchog nyid kyi phyir ro/ /rnal 'byor mchog ces bya ba ni/ mchog tu gyur pa'i ting nge 'dzin gyi rnam pa'o/ /shes zhes bya ba ni/ shes par bya ba'o/ /rnal 'byor ma'i zhes bya ba ni/ ye shes mkha' 'gro ma'i man ngag las shes bya ba'i don to/ /rnal 'byor chen po'i rgyud rdo rje phreng ba'i rgya cher 'grel pa/ paN+Di ta a laM ka ka shas mdzad pa/ zab mo'i don shin tu gsal bar byed pa zhes bya ba nas/ le'u bzhi bcu pa'i rgya cher bshad pa'o// //de ltar le'u bzhi bcu pas

  470. 235b

    gsang ba'i 'bras bu'i yul la dri ba'i lan brjod nas/ da ni chos kyi dbyings kyi yul la dri ba'i lan bstan pa'i phyir/ le'u bzhi bcu rtsa gcig pa nye bar 'god cing dang por re zhig de'i rtsom pa bstan pa ni/ de nas zhes bya ba la sogs pa gsungs te/ le'u bzhi bcu pa bshad pa'i rjes la'o/ /bcom ldan 'das rdo rjes zhes bya ba ni/ rdo rje 'chang chen po'o/ /chos kyi dbyings kyi tshig gi mchog ces bya ba dang 'brel to/ /ji lta bu zhe na/ de'i phyir mchog ces bya ba gsungs te/ chos thams cad las khyad par du 'phags pa'i phyir ro/ /de ltar de rtsom pa bstan nas/ da ni de dngos su bshad pa brjod pa'i phyir/ de'i yan lag chos kyi dbyings kyi tshig gi nges pa'i tshig gsungs te/ chos kun dbus nas khyab pa'i khams shes bya ba la/ kun ni phung po dang khams dang skye mched la sogs pa 'am/ shes pa dang shes byas bsdus pa rnams so/ /dbus nas shes bya ba ni/ nang du son pa ste/ ji ltar gnas pa'i ngo bo gang yin pa de ni/ chos kun dbus su son pa'o/ /khams shes bya ba ni/ rang gi mtshan nyid 'dzin pas so/ /chos kyi dbyings shes de la de brjod ces bya ba ni/ brjod pa'o/ /de ltar chos kyi dbyings kyi tshig gi nges pa'i tshig brjod nas/ da ni de'i don mdor bstan pa'i sgo nas/ chos kyi tshig bshad pa ni/ kun khyab ces bya ba la sogs pa gsungs te/ chos ma lus pa la khyab pa'i phyir ro/ /shin tu phra ba zhes bya ba ni/ 'phags pa'i sprod yul nyid kyi phyir ro/ /kun khyab ces bya ba ni/ khyab pa'i ngo bos thams cad du khyab pa'i phyir ro/ /kun tu 'char ba dang zhes bya ba ni/ dus thams cad tu lhan cig skyes pa'i ngo bo la gnas pa'o/ /phung po lnga nyid ces bya ba ni/ gzugs dang tshor ba la sogs pa'o/ /'byung ba bzhi zhes bya ba ni sa la sogs pa'i khams bzhi pa'o/ /yul dang zhes bya ba ni/ gzugs la sogs pa rnams so/ /skye

  471. 236a

    mched ces bya ba ni/ nang gi bdag nyid can mig la sogs pa rnams so/ /rnam shes zhes bya ba ni/ mig gi rnam par shes pa la sogs pa'o/ /yang dag ldan zhes bya ba ni/ de rnams dang ldan pa thams cad chos kun zhes bya bar brjod pa'o/ /bshad ces bya ba ni bstan pa'o/ /gsang ba'i dbang phyug gi zhes bya ba ni/ gsang ba ni gsang ba pa rnams kyi'o/ /dbang phyug ni gtso bo ste/ /gsang ba'i bdag po'o/ /de nyid ni/ de rnams la gzhan dbang ba med pas na dbang phyug ste/ de'i bod pa la de skad ces bya'o/ /de ltar de'i mdor bstan pa'i sgo nas chos kyi tshig bshad pa brjod nas/ da ni dbyings kyi tshig bstan pa'i phyir/ de rnams zhes bya ba la sogs pa gsungs te/ de rnams ni de ma thag par bstan pa'i phung po la sogs pa rnams so/ / dbus na gnas pa'i zhes bya ba ni/ /bya ba byed nyid kyis dbus na gnas pa'o/ /khams shes bya ba ni/ rang gi mtshan nyid 'dzin pas so/ /khyab cing ces bya ba ni/ spros pa med pa'i bdag nyid kyis khyab bya rnams la gnas pa'i phyir/ spyod yul ma yin te zhes bya ba ni/ so so'i skye bo'i blo'i spyod yul ma yin pa nyid kyi phyir ro/ /de ltar dbyings kyi tshig bshad pa bstan nas/ da ni dpe'i sgo nas bshad pa brjod pa'i phyir/ ji ltar til la til mar dang zhes bya ba la sogs pa gsungs te/ ji ltar til 'bru'i nan na mar nag gnas pa'o/ /ji ltar shing la me bzhin du zhes bya ba ni/ gtsub stan dang gtsub shing gi nang du me gnas pa'o/ /de bzhin zhes bya ba ni/ til 'bru la sogs pa'i nang du gnas pa'i til mar la sogs pa bzhin du'o/ /chos rnams thams cad la zhes bya ba ni/ phung po dang khams dang skye mched la sogs pa'i mtshan nyid rnams la'o/ /khyab byed brjod ces bya ba ni/ brjod ces bya ba'i don to/ /kyang zhes bya ba ni/ rjes su gnas pa la'o/ /de ltar don rnam pa bzhis chos kyi dbyings mdor bstan pa

  472. 236b

    bshad nas/ da ni rgya spar bshad pa brjod pa'i phyir/ de'i yan lag rang gi ngo bo'i sgo nas/ shes par bya ba ma yin pa nyid ni/ nam mkha' bzhin du'o/ /dri ma med pas bya ba ni/ nyon mongs pa las dben pa'i phyir ro/ /chos kun gyi ni gzhi zhes bya ba ni/ shes ba dang shes byas bsdus pa'i chos ma lus pa rnams kyi rten to/ /mchog ces bya ba ni/ bla na med pa'i phyir ro/ /gal te de ltar yin na/ ci'i phyir de ltar mi snang zhe na/ de'i phyir gzung dang 'dzin pa'i zhes bya ba gsungs te/ yul dang yul can gyi ngo bos so/ /kun rtog gi zhes bya ba ni/ rnam rtog rnams kyis so/ /khyab kyang zhes bya ba ni/ bye brag tu khyab pa'o/ /mthong ba ma yin zhes bya ba ni ji ltar gnas pa'i ngo bos zhes bya ba yin te/ glo bur ba'i dri mas g.yogs pa'i phyir ro/ /stong nyid ye shes rnal 'byor gyis zhes bya ba ni/ gzung ba dang 'dzin pa'i gnyen por gyur pa'i stong pa nyid kyi ye shes lus rnam par dbyen pa'i mtshan nyid de/ de'i rnal 'byor gyis zhes bya ba ni/ de dang 'brel pas so/ /rnal 'byor pa yis zhe bya ba ni/ rim pa gnyis sgom pa po rnams kyis so/ /mthong zhes bya ba ni/ bsgom pa'i rab mthar thug pa 'jug pa'i shes rab la gsal bar snang ba'i phyir ro/ /de ltar rang gi ngo bo'i sgo nas shes par bya ba dang shes par bya ba ma yin pa nyid bstan nas/ da ni don dam pa nyid kyis brjod par bya ba'i phyir/ chos dbyings zhes bya ba gsungs te/ chos dbyings zhes bya ba ni snga ma bzhin du'o/ /b+ha ga zhes bya ba ni/ nyon mongs pa thams cad 'joms pa'i phyir ro/ /bshad ces bya ba ni brjod pa'o/ /b+ha ga de yang rin chen za ma tog ste/ mi mthun pa'i phyogs slangs pas sangs rgyas kyi chos thams cad dang ldan pa'i phyir ro/ /rin chen rnams kyi za ma tog ni rten no/ /snyam du bsams nas so/ /dbang phyug la sogs

  473. 237a

    yon tan zhes bya ba ni/ dbang phyug dang ni gzugs bzangs dang/ /dpal dang grags dang skal pa bzang/ /ye shes phun sum tshogs pa ste/ /drug po 'di la skal zhes brjod ces gsungs so/ /gang gi phyir zhes bya ba ni/ rgyu mtshan gyis so/ /ldan pa zhes bya ba ni/ yang dag par ldan pa'o/ /de'i phyir b+ha ga brjod ces bya ba ni/ rgyu mtshan des na b+ha ga'i sgras brjod pa'o/ /de ltar don dam pa nyid kyis de'i bshad pa brjod nas/ /nga ni kun rdzob pa'i ngo bos de'i bshad pa bstan pa'i phyir/ b+ha ga chos rnams kun ces bshad ces gsungs te/ /chos ni phung po la sogs pa'i mtshan nyid can rnams skyed pa'i phyir te/ b+ha ga ni chos 'byung ngo/ /dbyings ni sems zhes bya ba ni/ /kun rdzob kyi rdzas kyi rang bzhin no/ /khams gsum po ni 'gro ba'o/ /zhes bya ba ni/ ji ltar srid pa'o/ /rgyu ni rgyu'o/ /b+ha ga zhes byar bshad ces bya ba ni/ /chos 'byung gi sgras brjod pa'o/ /de ltar kun rdzob pa'i ngo bos de'i bshad pa brjod nas/ /da ni nye bar bsdu ba'i sgo nas brjod du med pa nyid bstan pa'i phyir/ chos dbyings 'di ni zhes bya ba la sogs pa gsungs te/ de ma thag par bstan pa rnams so/ /rnam par dag pa gnyis kyi ngo bo nyid kyi phyir ro/ /'gyur ba med pa'i zhes bya ba ni/ rtag tu de nyid du yod pa'i phyir ro/ /rang bzhin can zhes bya ba ni/ rang gi ngo bo ma bcos pas zhes bya ba'i don to/ /yang dag sbyor dngos kyi zhes bya ba ni/ chos thams cad la yang dag par sbyor ba'i ngo bo ni 'brel pa'i ngo bo ste/ de nyid dang gzhan dag gis brjod du med pa'i mtshan nyid kyis so// chu zla bzhin du zhes bya ba ni/ chu bo dang chu klung la sogs pa'i chu la'o/ /zla ba zhes bya ba ni zla ba bzhin du'o/ /gnas zhes bya ba ni rnam par gnas pa'o/ /de ltar nye bar bsdu ba'i sgo nas brjod du med pa bstan nas/ da ni de nyid la rnal 'byor pa

  474. 237b

    rnams kyis rtogs par bya ba nyid brjod pa'i phyir/ /don dam gcig pu de nyid shes zhes bya ba gsungs to/ don dam gcig pu de nyid shes zhes bya ba ni de ltar snang zhes bya ba dang 'brel to/ /don dam pa'i de kho na nyid ni rang bzhin gyis 'od gsal ba'i ngo bo ste/ de la gnas pa'i rnal 'byor pa rnams kyis so/ /lag mthil skyu ru ra bzhag pa bzhin/ de ltar snang zhes bya ba ni lag pa'i mthil du gnas pa'i skyu ru ra ltar snang ba'o/ /mchog gi de nyid ces bya ba ni/ mchog tu gyur pa'i chos kyi dbyings so/ /rang rig ces bya ba ni/ so so rang gis rig par bya ba'o/ /shin tu dri ma med ces bya ba ni/ rnam par dag pa gnyis dang ldan pa'i phyir/ dngos dang dngos med zad nas ni zhes bya ba ni/ rtag pa dang chad pa'i lta ba spangs pa'i phyir ro/ /rtag tu zhes bya ba ni dus thams cad du'o/ /mthong zhing zhes bya ba ni shin tu rtogs pa'o/ /de nyid mthong zhes bya ba ni/ sngags kyi sgo nas spyod pa la gnas pa'i 'phags pa rnams kyis zhes bya ba'i don to/ /de ltar don rnam pa lngas rgyas par bshad pa bstan nas/ da ni nye bar bsdu ba ni/ chos kyi dbyings kyi tshig gsal ba zhes bya ba gsungs te/ chos kyi dbyings kyi tshig ces bya ba ni/ sgra'i ngo bo'o/ /gsal zhes bya ba ni/ don gyi rnam par dbye bas gsal ba nyid kyi phyir ro/ /de ltar bshad ces bya ba ni/ sngar bshad pa'i rigs pas bshad pa'o/ /shin tu rgyas par zhes bya ba ni/ sna tshogs pa'i ngo bo nyid kyis rgyas par bshad pa'i phyir ro/ /gzung 'dzin pa'i 'brel pa ni zhes bya ba ni/ yul dang yul can gyi ngo bo'i mtshan nyid can dang 'brel pa bzlog pas so/ /shes pa zhes bya ba ni shes par bya'o/ /rmad du byung zhes bya ba ni/ 'bad pa med par sems can gyi don la 'jug pa'i rgyu nyid kyis/ ngo mtshar ba dang bcas pa zhes bya ba'i don to/ /rnal 'byor chen po'i rgyud dpal

  475. 238a

    rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u bzhi bcu rtsa gcig pa'i rgya cher bshad pa'o// //de ltar le'u bzhi bcu rtsa gcig pas chos kyi dbyings kyi tshig gi yul la dri ba'i lan bstan nas/ da ni rdo rje'i tshig gi bshad pa'i yul la dri ba'i lan brjod pa'i phyir/ le'u bzhi bcu rtsa gnyis pa nye bar 'god par byed cing/ dang por re zhig de'i rtsom pa ni/ de nas zhes bya ba la sogs pa gsungs te/ le'u bzhi bcu rtsa gcig pa bshad pa'i rjes la'o/ /bcom ldan rdo rjes rdo rje'i mtshan nyid gsungs zhes bya ba dang 'brel to/ /mchog ces bya ba ni/ de bzhin gshegs pa lnga'i ngo bo nyid kyi phyir dang ye shes lnga'i rang bzhin nyid kyi phyir ro/ /de ni zhes bya ba ni rdo rje'i mtshan nyid do/ /nyon zhes bya ba ni/ phyag na rdo rje nyan pa la sbyar ba'o/ /bsdus nas zhes bya ba ni mdor bsdus nas so/ /ji lta ba bzhin zhes bya ba ni/ phyin ci ma log pa'i ngo bos so/ /bshad par bya zhes bya ba ni/ 'chad bzhin pa'i rim pas bstan pa'o/ /de ltar de rtsom pa bstan nas/ da ni de'i dngos su bshad pa brjod pa'i phyir/ de'i yan lag mdor bstan pa'i sgo nas/ rang gi ngo bo ni/ rdo rje mi phyed ces bya ba la sogs pa gsungs te/ rnam par rtog pa'i nyon mongs pas dbye bar mi nus pa'i phyir dang/ phyi rol gyi rdo rje dang 'dra ba nyid kyi phyir ro/ /rdo rje zhes ni gsungs zhes bya ba ni/ rdo rje'i sgras bstan pa'o/ /ye shes lnga yi bdag nyid can zhes bya ba ni/ me long lta bu la sogs pa ye shes rnam pa lnga'i ngo bo nyid do/ /mchog ces bya ba ni/ rnam par ma dag pa'i rnam par gnas 'gyur ba'i phyir ro/ /rtsa lnga nam mkha' la ni thim/ zhes bya ba ni/ la la nA dang ra sa nA dang a ba

  476. 238b

    d+hU tI dang ltas sbyin dang nor rgyal gyi mtshan nyid can gyi rtsa lnga'i nam mkha' la thim pa ni de'i bdag nyid can no/ /stong pa lnga'i rang bzhin zhes bya ba ni/ stong pa dang shin tu stong pa chen po thams cad stong pa de dag spangs pa'i dngos po'i ngo bo nyid kyi phyir ro/ a dang zhes bya ba la sogs pa ste/ 'byung ba chen po lnga'i rnam par rtog pa'i rnam par dag pa'i ngo bo nyid kyi phyir ro/ /nam mkha' i lnga'i cha yi gzugs zhes bya ba ni/ rtsa lnga'i nam mkha' la'o/ /cha'i gzugs zhes bya ba ni/ rdzas lnga'i ngo bo'o/ /shes par bya zhes bya ba ni shes par bya ba'o// bla ma'i zhal las shes bya ba ni/ slob dpon gyi zhal las so/ /de ltar rnam par dag pa'i sgo nas/ rang gi ngo bo bstan nas/ da ni de bskyed pa'i sa bon rgyas par bshad pa'i phyir brjod pa/ yi ri zhes bya ba la sogs pa gsungs te/ 'byung ba chen po lnga bskyed par byed pa'i sa bon lngas so/ /brjod pa'i zhes bya ba ni/ brjod par byas pa rnams kyis so/ /rtsa lnga yongs su shes shes bya ba ni/ rdo rje'i rten du gyur par shes par bya'o/ /'bad pa yis ni zhes bya ba ni/ brtson 'grus kyis so/ /rdo rje bskyed pa'i mtshan nyid ni zhes bya ba ni/ bskyed pa'i sa bon zhes bya ba'i don to/ /de ltar de skyed par byed pa'i sa bon brjod nas/ da ni bya ba'i sgo nas khams kyi ngo bo nyid ni/ nor bu'i lte bar zhes bya ba la sogs pa gsungs te/ nang du chos 'byung gi rnam pa la'o/ /phyi ni pad+ma 'dab ma brgyad pa'i ngo bo'i rdo rje'i dbyibs can la'o/ /dbus gnas pa zhes bya ba ni/ gsang ba'i sna rtse'i nang du gnas pa'i phyir ro/ /thig ler bshad ces bya ba ni/ byang chub kyi sems kyi thig le'i ngo bo'o/ /'gro ba spangs zhes bya ba ni/ 'dzin par stobs kyis 'gro ba dang mi 'gro ba dang bral ba'i phyir ro/ /dam tshig gnas su rtogs bya ba zhes bya ba ni/ dam tshig ni phyi rol pa'i phyag rgya dang ro mnyam pa'i rtog pa'i mtshan nyid la gnas pas na dam tshig la gnas pa rnams so/ /de rnams kyis rtogs par bya

  477. 239a

    pa'i yul lo/ /gzhan yang bdud rtsi mchog ni/ rab tu gang zhes bya ba ni/ byang chub kyi sems kyis rab tu gang ba nyid kyi phyir ro/ /bdud rtsi mchog gis gang ba snyam du bsams nas/ rnam pa kun ldan zhes bya ba ni/ rtsa lnga'i ngo bo nyid kyis dbyibs kyi rnam pa yin pa'i phyir ro/ /rnam pa med ces bya ba ni/ don dam par rang bzhin med pa nyid kyis rnam pa la sogs pa mi 'thad pa'i phyir ro/ /de ni rdo rje rab tu grags zhes bya ba ni/ brjod ces bya ba'i don to/ /de ltar don rnam pa gsum gyis rdo rje'i mtshan nyid mdor bstan nas/ da ni de rgyas par bshad pa brjod pa'i phyir/ /de'i yan lag tu ye shes lnga'i ngo bo nyid ni/ me long mnyam nyid ces bya ba la sogs pa gsungs te/ chos thams cad gzugs brnyan ltar yongs su shes pas me long lta bu'i ye shes so/ /sems can rkang med dang rkang gnyis la sogs pa rnams mnyam pa nyid du shes pas mnyam pa nyid kyi ye shes so/ /rang bzhin med par dpyod pas chos rnams las so sor rtog pa'i ye shes so/ /bya ba nan tan zhes bya ba ni/ bya ba grub pa'i ye shes te/ sems can thams cad la 'bad pa med par bya ba 'jug pa'i phyir ro/ /rnam par dag pa chos kyi dbyings zhes bya ba ni/ rnam par dag pa gnyis dang yang dag par ldan pa'i chos kyi dbyings yongs su shes pas so/ /ye shes lnga'i rang bzhin zhes bya ba ni/ sangs rgyas lnga'i rang bzhin gyis so/ /de'i ngo bor zhes bya ba ni/ ye shes lnga'i ngo bor ro/ /yongs su shes zhes bya ba ni/ shes par bya ba'o/ /rdo rje zhes bya ba ni/ mi byed pa'i phyir ro/ /rang gis nyams myong zhes bya ba ni/ rnal 'byor pa'i sems so/ /mchog ces bya ba ni khyad par du 'phags pa'i de kho na nyid yongs su shes pa'i rnam pa'o/ /de ltar ye shes lnga'i ngo bo bstan nas/ da ni don dam pa'i ngo bo nyid brjod

  478. 239b

    pa'i phyir/ nam mkha' che zhes bya ba gsungs te/ mchog gi nam mkhar rtogs pa ste/ dri ma med pa'i phyir dang/ mdza' yas pa'i phyir dang/ glo bur ba'i nyes pas dben pa'i phyir ro/ /zhi ba dang zhes bya ba ni/ sgrib pa gnyis dang bral ba'i phyir ro/ /rtog pa med cing zhes bya ba ni/ rim pa gnyis bsgom pa'i mtshan nyid kyi rnam par rtog pa bzlog pa'i phyir ro/ /nad med pa zhes bya ba ni/ skye ba dang rga ba dang gnas pa dang mi rtog pa dang bral ba'i phyir ro/ /rdo rje sems dpa' i yang dag gzhi zhes bya ba ni/ rang bzhin gyi 'od gsal ba'i rnam pa rdo rje 'chang chen po'i rten no/ /yang dag ces bya ba ni/ byin ci ma log pa'i ngo bos so/ /shes par bya zhes bya ba ni shes par bya ba'o/ /bla ma'i zhal las zhes bya ba ni/ slob dpon gyi zhal las shes bya ba'i don to/ /rnal 'byor chen po'i rgyud dpal rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u bzhi bcu rtsa gnyis pa'i rgya cher bshad pa'o// //de ltar le'u bzhi bcu rtsa gnyis pas rdo rje'i tshig bshad pa'i yul la dri ba'i lan bstan nas/ da ni rigs kyi dbye ba la sogs pa'i yul la dri ba'i lan brjod pa'i phyir/ le'u bzhi bcu rtsa gsum pa nye bar 'god cing dang por re zhig de'i rtsom pa ni de nas zhes bya ba la sogs pa gsungs te/ le'u bzhi bcu rtsa gnyis pa bshad pa'i rjes la'o/ /bcom ldan 'das rdo rje rigs kyi dbye ba'i don bsdus pa gsungs zhes bya ba dang 'brel to/ /rigs rnams kyi dbye ba ni/ rigs kyi dbye ba'o/ /de'i don ni rigs kyi dbye ba'i don to/ /de ltar de'i rtsom pa bstan nas da ni de dngos su bshad pa brjod pa'i phyir/ mdor bstan pa'i yan lag spro ba'i rim pas rigs kyi dbye ba brjod pa ni/ rigs ni rnam pa lnga zhes bya ba gsungs te/ nyon mongs pa lngas khyab

  479. 240a

    pa'i sems can gyi khams sbyor bar byed pa'i phyir/ rnam par snang mdzad la sogs pa'i rigs lnga'i ngo bo'o/ /rtsa ba'i rgyud du zhes bya ba ni dpal gsang ba 'dus pa'i rgyud la'o/ /gsal bar zhes bya ba ni/ bdag gis bshad pa'o/ /spro ba'i zhes bya ba ni/ rigs lnga po de nyid la spro ba'i sbyor ba'i dbye ba'i rgyus so/ /grangs ni dbye ba yis shes bya ba ni/ mdza' yas shing nam mkha' ltar khyab par byed pa ste/ rtsa ba'i gsang ba 'dus pas bsdus pa zhes bya ba'i don to/ /de ltar spro ba'i rim pas rigs kyi dbye ba mdor bstan pa bshad nas/ da ni bsdu ba'i rim pas de'i dbye ba mdor bstan pa'i phyir/ rnal 'byor chen po'i zhes bya ba la sogs pa gsungs te/ bye ba'i grangs can gyi rigs so/ /rnal 'byor chen po'i dam tshig ni zhes bya ba ni/ rnal 'byor chen po'i dam tshig gang la spong ba de la de skad ces bya ba'o/ /rim pa gnyis ston par byed pa'i spyod pa gsum gtsor byed pa la'o/ /rgyud du zhes bya ba ni/ rgyu'i dang 'bras bu'i dang thabs kyi dbye bas rgyun gyi rnam pa la'o/ /yang dag ces bya ba ni/ phyin ci ma log pa'i rnam pas so/ /gsal bar zhes bya ba ni/ gsal bar byas nas so/ /rigs kyi dbye ba brgyar ni gsungs zhes bya ba ni/ rigs kyi dbye ba brgya'i mtshan nyid can te/ ji skad du/ phung po khams dang dbang po'i don/ /yid ni so so so sor te/ /rnam pa lnga yi dbye ba yis/ /rigs ni rnam pa brgya ru phye/ /zhes gsungs so/ /yang na zhes bya ba ni/ rnam par rtog pa la'o/ /gsungs zhes bya ba ni brjod pa'o/ /de nyid las ni bsdus nas kyang zhes bya ba ni/ grangs ni dbye bas tha dad pa la zhes bya ba'i don to/ /de nyid kyi phyir sna tshogs spro ba'i rnal 'byor gyis zhes bya ba gsungs te/ rnam pa sna tshogs pa'i sems can gyi bsam pa'i dbang

  480. 240b

    gis so/ /spro ba'i rnal 'byor gyis zhes bya ba ni/ sbyor bas so/ /rdo rje sems dpa' i zhes bya ba ni/ de bzhin gshegs pa drug pa rdo rje 'chang gi rnam pa'o/ /brjod ces bya ba ni sgrags pa'o/ /gang gis de yi rnam par mthong zhes bya ba ni/ sngon po dang ser po la sogs pa'i gzugs kyis so/ /'dir zhes bya ba ni/ khams gsum pa 'dir ro/ /de nyid ni rdo rje sems dpa' o/ /sna tshogs nor bu ji bzhin no zhes bya ba ni/ ji ltar shel la sogs pa'i nor bu'i khyad par de dang de'i rnam par snang bas sna tshogs par mthong ngo/ de bzhin du bcom ldan 'das 'dir yang sems can de dang de la myos pa'i khyad par gyis/ rang bzhin gyis rnam par dag kyang sna tshogs pa'i rnam pa nyid kyis gzhan rnams la mthong ba'i spyod yul du gyur snyam du shes so/ /de ltar rnam pa gnyis kyi dbye ba mdor bstan pa bshad nas/ da ni de'i rgyas par brjod pa'i phyir/ de'i yan lag rgyu mtshan brjod pa sngon du 'gro bas spro ba'i rim pa rgyas par bshad pa ni/ sems can mos pa sna tshogs dang zhes bya ba gsungs te/ bsam pa sna tshogs pa dang ldan pa'i phyir ro/ /sems can zhes bya ba ni/ khams gsum na spyod pa rnams so/ /sna tshogs bsam pa'i bye brag gis zhes bya ba ni/ chags pa la sogs pa'i dbye bas tha dad pa'o/ /sna tshogs pa'i rang bzhin gyi bsam pa sna tshogs so snyam du bsams nas so/ /sna tshogs nyon mongs kyis mnan nas/ /zhes bya ba ni/ sna tshogs pa'i 'dod chags zhe sdang la sogs pas khyab pa'o/ /de rnams grol ba'i phyir zhes bya ba ni/ thar pa thob pa'i don du'o/ /'gro ba'i bla mas zhes bya ba ni/ /khams gsum pa'i slob dpon du gyur pa'i bcom ldan 'das kyi grol ba'i phyir 'jug pa'o/ /gang gis de zhes bya ba ni/ gzhan rnams kyi rjes su mthun par gyur pa'i thabs kyi bye brag gis so/ /de yis ni zhes bya ba ni/ rgyu de yis te/ sems can rnams kyi mos pa

  481. 241a

    la sogs pa mdza' yas so/ /sna tshogs spro ba'i ngo bo nyid ces bya ba ni/ rnam pa sna tshogs pa'i rigs kyi dbye ba gsungs pas so/ /de nyid kyi phyir/ grangs med dbye ba'i dbye ba yis zhes bya ba gsungs te/ grang ba las 'das pa'i phyir ro/ /don dam zhes bya ba ni don dam par ro/ /rigs kyi dbye ba nyid ces bya ba ni/ mdza' yas pa'i rigs kyi ngo bo nyid do/ /gsungs pa'i zhes bya ba ni bstan pa'o/ /rgyud gzhan rnams su zhes bya ba ni/ dpal rnal 'byor chen po la sogs pa rnams la'o/ /sems can bsam pa'i bye brag gis zhes bya ba ni/ sems can de dang de'i bsam pa'i dbang gis so/ /de ltar rgyu mtshan brjod pa sngon du 'gro bas spro ba'i rim pas/ de rgyas par bshad pa bstan nas/ da ni sdud pa'i rim pa de rgyas par bshad pa brjod pa'i phyir/ de ni bsdus nas zhes bya ba gsungs te/ bye ba mdza' yas bar bsdus pa'o/ /bya bar 'gyur zhes bya ba ni bye ba 'bum phrag gi tshad kyi ste/ du ma gcig gis bsdus pa'i phyir ro/ / stong phrag bdun cu rtsa gnyis kyi rtsa'i 'khor lo'i rim pas so zhes bya ba ni/ bye ba'i grangs kyis rang gi lus la gnas pa'i rtsa'i 'khor lo'i rim pa'i rjes su 'brangs nas stong phrag bdun cu rtsa gnyis kyi dbye ba'i rim pa bsdus par 'gyur ro// de las stong phrag sum cu rtsa drug ces bya ba ni/ stong phrag bdun cu rtsa gnyis kyi ngo bo'i rigs kyang stong phrag sum cu rtsa drug ni/ stong phrag sum cu rtsa gnyis kyi bdag nyid can gyi nang du sdud par 'gyur te/ stong brag bdun cu rtsa gnyis kyi byed yin pa'i phyir ro/ /de las zhes bya ba ni/ stong phrag gsum cu rtsa drug gi rigs bsdus pa las so/ /stong phrag nyi shu rtsa bzhir 'gyur zhes bya ba'i lhag ma'o/ /ci'i phyir zhe na/ lus kyi rdzas dang gnas sogs ni zhes bya ba gsungs te/

  482. 241b

    lus ni rang dang gzhan gyi rgyud gyi lus la'o/ /rdzas dang zhes bya ba ni so dang sen mo la sogs pa'i rang bzhin can no/ /gnas sogs ni zhes bya ba ni/ pul+lir ra ma la ya la sogs pa rnams kyi rim pa'i dbye ba ste/ rdzas dang gnas la sogs pa rnams la grangs nyi shu rtsa bzhi po nyid kyi phyir ro/ /de las zhes bya ba ni/ stong phrag nyi shu rtsa bzhi las so/ /brgya yis mchog tu gang zhes bya ba ni/ gcig nyid brgya phrag ste/ sngon du gsungs pa'i rigs brgya'i dbye bas so/ /stong phrag nyi shu rtsa bzhi po rigs brgya'i dbye ba'i khongs su 'dus pa'i phyir ro/ /mchog tu zhes bya ba ni/ spros pa med pa'i phyir ro/ /bdun cu rtsa gnyis zhes bya ba ni brgya phrag la yang bdun cu rtsa gnyis gtsor byas pa'i rtsa'i grangs kyi rigs bdun cu rtsa gnyis so/ /de rjes drug cu rtsa bzhi zhes bya ba ni/ bdun cu rtsa gnyis kyi grangs kyi rigs la drug cu rtsa bzhi'i grangs kyi dkyil 'khor pa rnam par dag pas dpal bde mchog gi dkyil 'khor gyi rjes su 'brangs nas so/ /drug cu rtsa bzhi po de las kyang sum cu rtsa drug gi grangs su 'dus par 'gyur ro/ /'khor lo gsum la gnas pa'i thabs dang shes rab gcig tu brjod par 'dod pas sum cu rtsa drug du 'gyur ro/ /nyi shu rtsa bzhi de las kyang/ zhes bya ba ni/ sum cu rtsa drug gi dkyil 'khor ba rnams bsdus pa ni/ nyi shu rtsa bzhi'i rtsa rnams la ste/ /'khor lo gsum gyi ngo bo nyid kyi phyir dang/ gnas la sogs pa'i ngo bo nyid kyi phyir ro/ /de las kyang ni bcu gsum dang zhes bya ba ni/ bcom ldan 'das lha bcu gsum gyi bdag nyid can gyi dkyil 'khor gyi 'khor lo rnam par dag pas so/ /dgu yang ngo zhes bya ba ni/ bcu gsum gyi bdag nyid can la dgus bsdus pa'i phyir te/ ye shes kyi 'khor lo bum pa dang bcas pa rnam par dag pas so/ /de las lnga dang zhes bya ba ni/

  483. 242a

    ye shes kyi 'khor lo gcig pu la bltos nas so/ /de'i phyir gsum zhes bya ba ni/ lnga po de yang la la nA la sogs pa'i ngo bo gsum mo/ /gsum yang zhes bya ba ni/ gsum po de la yang a bad+hU tI'i gcig bu la bsdus na'o/ / rdzogs pa'i rim pa'i sbyor ba yis zhes bya ba ni/ shin tu zab mo'i rang bzhin gyis so/ /'gro zhes bya ba ni 'gro ba'o/ /gzhan dang gzhan du bsdus nas zhes bya ba ni/ phan tshun du bsdus pas so/ /de yang zhes bya ba ni/ de yang gcig gi rnam pa'o/ /'od gsal go 'phang la'o zhes bya ba ni/ rang bzhin gyis 'od gsal ba'i khongs su 'gro ba'o/ /rnam rtog med pa'i zhes pa ni thams cad du ngo bo gcig pa'i phyir ro/ /bde ba che zhes bya ba ni/ sdug bsngal mdza' dag bzlog pa'i phyir ro/ /gnyis med ye shes zhes bya ba ni/ gzung 'dzin dang bral ba'i phyir ro/ /dri ma med ces bya ba ni/ dri ma thams cad dang bral ba'i phyir ro/ /chos kyi dbyings kyi bdag nyid mchog ces bya ba ni/ thams cad du 'gro ba'i phyir ro/ /mchog ces bya ba ni gong na med pa'i phyir ro/ /rnal 'byor chen po'i rgyud dpal rdo rje 'phreng ba'i rgya cher 'grel ba/ paN+Di ta a laM ka ka la shas mdzad pa/ zab mo'i don shin tu gsal bar byed pa zhes bya ba las/ le'u bzhi bcu rtsa gsum pa'i rgya cher bshad pa'o// // de ltar le'u bzhi bcu rtsa gsum pas/ rigs kyi dbye ba'i yul la dri ba'i lan brjod nas/ da ni phyag rgya'i dbye ba'i nges pa'i tshig gi yul la dri ba'i lan bstan pa'i phyir/ le'u bzhi bcu rtsa bzhi pa nye bar 'god cing/ dang por re shig de rtsom pa ni de nas shes bya ba la sogs pa gsungs te/ le'u bzhi bcu rtsa gsum pa bshad pa'i rjes la'o/ /bcom ldan 'das rdo rje zhes bya ba ni/ rdo rje 'chang chen po'o/ /phyag rgya'i dbye ba mngon par brjod ces bya ba dang 'brel to/ /phyag rgya rnams ni

  484. 242b

    las kyi phyag rgya la sogs pa rnams so/ /dbye ba ni rab tu dbye ba'o/ /bla na med ces bya ba ni/ bla na med pa'i lhan cig skyes pa'i rgyur gyur pa'i phyir ro/ /chos dang zhes bya ba la sogs pa ni/ las kyi phyag rgya la sogs pa'i dbye bas rnam pa bzhi zhes bya ba'i don to/ de ltar de rtsom pa bshad nas/ da ni de dngos su bshad pa brjod pa'i phyir/ de'i yan lag phyi rol gyi rjes su 'brangs nas/ phyag rgya'i dbye ba las kyi phyag rgya'i mtshan nyid ni/ las dang zhes bya ba gsungs te/ las ni dge ba dang mi dge ba dang/ lung du ma bstan pa rnams so/ /rnam smin nges pa yis zhes bya ba ni/ rang dang 'os pa'i bde 'gro dang ngan 'gro la sogs pa skyed par byed pa'o/ /'bras bus zhes bya ba ni/ bde sdug la sogs pa nyams su myong ba'i mtshan nyid do/ /rgyas btab lta bur gnas zhes bya ba ni/ rten cing 'brel par 'byung ba'i tshogs pa bsam gyis mi khyab pa'i phyir te/ spyod pa'i yul las 'das pa'i phyir ro/ /de nyid kyi phyir/ gang yang 'dir ni las gang gis zhes bya ba la sogs pa gsungs te/ las ni dge ba dang mi dge ba la sogs pa la'o/ /'dir ni zhes bya ba ni/ 'jig rten 'di la'o/ /las zhes bya ba ni/ bya ba'i rang bzhin la'o/ /gang yang zhes bya ba ni/ rgyu dang rjes su mthun pa de'i yon tan no/ /ji lta ba bzhin zhes bya ba ni/ dge ba dang mi dge'i bdag nyid can la'o// rgyas btab nas zhes bya ba ni/ gang gi phyir de bas na las kyi phyag rgyas mngon par brjod ces bya ba'i don to/ /de ltar las kyi phyag rgya'i mtshan nyid bstan nas/ da ni chos kyi phyag rgya'i mtshan nyid brjod pa'i phyir/ chos rnams zhes bya ba la sogs pa gsungs te/ rang dang gzhan rnams kyi brjod pa shes pa dang/ shes byas bsdus pa rnams kyi'o/ /rang bzhin med pa nyid rang bzhin gyis shes bya ba ni/ rang bzhin gyis dben pa nyid kyi mtshan nyid do/ /rgyas btab nas zhes bya ba ni/ so so'i skye bo'i

  485. 243a

    spyod yul ma yin pa nyid kyi phyir ro/ /gnas zhes bya ba ni/ rnam par gnas pa'o/ /rgyu mtshan des na chos kyi phyag rgya'i mtshan nyid bstan nas/ da ni las kyi phyag rgya'i mtshan nyid brjod pa'i phyir/ dam tshig ces bya ba la sogs pa gsungs te/ dam tshig ni gzhan gyi don byed pa'i mtshan nyid can no/ /rgyal sras rnams zhes bya ba ni/ byang chub sems dpa' rnams rgyas btab nas zhes bya ba ni/ bsam gyis mi khyab pa'i phyir ro/ /smon lam gyi stobs kyis lhun grub pa'i phyir ro/ /ji ltar zhe na/ de'i phyir rang gi yon tan rten zhes bya ba gsungs te/ rang gi yon tan snying rje chen po'i mtshan nyid kyi rten rnams kyis so/ / stong dang snying rje mi phyed pa zhes bya ba ni/ mi dmigs pa dang dmigs pa'i ngo bo shes rab snying rje'i rang bzhin gyis so/ /sangs rgyas zhing ni rnam spyod ba zhes bya ba ni/ mtho dman gyi snang ba bzlog pas shel dang in+d+ra nI la dang marka ta la sogs pa'i ngo bo sangs rgyas kyi zhing rnam par dag pa'o/ /de bzhin gshegs pa zhes bya ba ni/ yang dag par rdzogs pa'i sangs rgyas rnams kyi ste/ ji ltar 'khor ba las gshegs pa de bzhin du de bzhin gshegs pa 'am de bzhin nyid du 'gro bas na/ de bzhin gshegs pa ste/ de rnams kyi'o/ /dam tshig ces bya ba ni/ snying rje dang shes rab kyi dbye ba'o/ /yongs su dag par mdzad pa'i las zhes bya ba la/ rnam par dag pa rnam gnyis kyi yongs su'i las zhes bya ba ste/ /yongs su ni kun nas las su rung ba nyid du byed pa'o/ /de ltar dam tshig gi phyag rgya'i ngo bor bstan nas/ da ni phyag rgya chen po'i mtshan nyid bstan pa'i phyir/ de'i

  486. 243b

    rang bzhin med ces bya ba gsungs te/ de'i zhes bya ba ni/ phyag rgya chen po'o/ /dus thams cad du ma byas pa'i ngo bo nyid du yod pa'i phyir te/ dga' ba chen po ster bar byed pas na/ snyam du bsams nas so/ /da ni brjod ces bya ba ni/ bshad ces bya ba'i don to/ /de ltar don rnam pa bzhis phyi rol gyi rjes su 'brangs nas/ phyag rgya'i dbye ba bstan nas/ da ni gsang ba'i rjes su 'brangs nas/ de'i dbye ba brjod pa'i phyir/ de'i yan lag tu las kyi phyag rgya'i mtshan nyid ni/ las kyi phyag rgya yongs su shes na zhes bya ba gsungs te/ phyi rol gyi 'brel pa tsam la nye bar mkho ba las kyi phyag rgya'i yongs su shes pa zhes bya ba ni/ kun rnam par shes pa'i rnam pa'o/ /sngags pa zhes bya ba ni sgom ba bo'i'o/ /las rung thob pa skye zhes bya ba ni/ lhan cig skyes pa'i yul la las su rung ba nyid bskyed pa'i phyir zhes bya ba'i don to/ /yang na sngags kyis las rung ba'i blo zhes 'byung ste/ de'i phyogs la ni/ sngags ni oM yig la sogs pa rnams kyis so/ /las rung zhes bya ba ni lhan cig skyes pa nyams su myong ba sngon du 'gro bas so/ /blo zhes bya ba ni/ byang chub kyi sems phyir mi 'dor ba'i blo'o/ /gzhan yang shes rab dbang bskur na zhes bya ba ni/ dbang gsum bas dbang bskur ba'i dus na'o/ /slob dpon zhes bya ba ni/ dbang bskur ster ba po rnams kyi ste/ 'jig rten dang 'jig rten las 'das pa'i spyod pa spyad pas so/ /ji ltar dpes mtshon mtshan nyid ni zhes bya ba ni/ don gyis lhan cig skyes pa mngon du bya ba'i phyir/ dpe'i mtshan nyid ni dpe'i mtshan nyid skyes pa nye bar mtshon pa'i rgyur gyur pa'o/ /ci'i don du yin zhe na/ de'i phyir rdo rje sems dpa' rab dngos don zhes bya ba gsungs

  487. 244a

    te/ rdo rje ni stong pa nyid kyi de kho na nyid la sems dpa' gang la yod pa de rdo rje sems dpa' o/ /de'i ngo bo ste de'i don gang yin pa ni thog ma dang tha ma med pa'i bde ba chen po'i bdag nyid can no/ /de gsal ba'i phyir ni sems can rnams la bstan pa'i don du'o/ /snying rje'i bsam pas zhes bya ba ni/ snying rje chen po sems kyi rgyud la khyab pa rnams kyis te/ gsal bar mdzad ces bya ba'i lhag ma'o/ /de ltar las kyi phyag rgya'i mtshan nyid bstan nas/ da ni chos kyi phyag rgya'i mtshan nyid bstan pa'i phyir/ de las zhes bya ba gsungs te/ rdo rje'i bsam pa dang ldan pa'i bcom ldan 'das las so/ /de las shes pa thob nas ni zhes bya ba ni las kyi phyag rgya'i rnam par nges pa shes nas so/ /chos nyid nam mkha' zhes bya ba ni/ de kho na nyid kyi nam mkha' o/ /nges pa zhes bya ba ni/ nges par 'byed pa ste/ de dang lhan cig snyoms par zhugs pa chos nyid nyams su myong ba zhes bya ba'i nges pa'o/ /ji ltar nges par byed ce na/ de'i phyir de ltar de nyid ces bya ba gsungs te/ de lta bur gyur pa'i de kho na nyid kyi ngo bo'o/ /de nyid ye shes ni zhes bya ba ni/ de la dmigs pa yod pas nyams su myong ba'o/ /de ltar rnal 'byor ma mtshan nyid ces bya ba ni/ de lta bur gyur pa'i rnal 'byor ma de kho na nyid gsal bar byed pa'o/ /de ltar chos kyi phyag rgya'i mtshan nyid bstan nas/ da ni dam tshig gi phyag rgya brjod pa'i phyir/ dam tshig rtse gcig ces bya ba la sogs pa gsungs te/ bsrung bar bya ba dang bza' bar bya ba'i dam tshig la dus rtag tu gnas par dga' ba'o/ /mkhas zhes bya ba ni/ sngags dang rgyud la mkhas pa'o/

  488. 244b

    rlung gi de kho na nyid pha rol son ces bya ba ni/ rlung gi stobs kyis sems 'dzin pa la sogs pa nus pa'o/ /bslab pa zhes bya ba ni/ nye bar mtshon par byas pa'o/ /dpal ldan 'dus pa'i don ces bya ba ni/ rnal 'byor chen po'i rgyud la sogs pa rnams la'o/ /ngag? 'jam zhes bya ba ni/ 'jam pa'i dbyangs so/ /thun mong ma yin mtshan nyid ces bya ba ni/ thun mong du bud med kyi skye ba'i mtshan nyid dang mi ldan pa'i phyir ro/ /mig yangs pa yi bu mo rnyed ces bya ba ni/ rjes su brten nas so/ /mig yangs ma zhes bya ba ni/ /mig yangs pa gang la yod pa 'am/ yangs pa'i mig gi pad+ma'i spyan gang la yod pa de la de skad ces bya'o/ /gzugs dang lang tshos rnam par brgyan ces bya pa ni/ lang tsho dang lo grangs kyi yon tan dang ldan pa'o/ /ji ltar sbyor ba rtogs par zhes bya ba ni ji lta bu'i rnal 'byor gyis so/ /mngon par zhes bya ba ni/ kun nas so/ /rtogs pa zhes bya ba ni/ 'od gsal ba'i de kho na nyid thob par byed pa'o/ /phyag rgya zhes bya ba ni/ de ma thag par brjod pa rnams so/ /lhan cig ces bya ba ni mnyam par ro/ /sgrub par byed ces bya ba ni/ goms par byed pa'o/ /de ltar dam tshig gi phyag rgya'i mtshan nyid bstan nas/ da ni phyag rgya chen po'i mtshan nyid brjod pa'i phyir/ de nas de nyid ces bya ba gsungs te/ rtogs par byed pa'o/ /de nyid ces bya ba ni/ dam tshig gi phyag rgya'o/ /de nyid ces bya ba ni/ 'od gsal ba'i ngo bo'o/ /phyag rgya chen po'i don mtshan nyid ces bya ba ni/ bde ba thams cad 'phel bar byed pa'i bdag nyid can no/ /de nyid ces bya ba ni/ rtag tu phyin ci ma log pa'i ngo bos yod pa'i phyir ro/ /bde chen go 'phang ni zhes bya ba ni/ lhan cig skyes pa'i ngo bo nyid kyi phyir ro/ /kun tu rtog ba thams cad spangs zhes bya

  489. 245a

    ba ni/ dga' ba la sogs pa gsum gyi mtshan nyid dang bral ba'i phyir ro/ /stong nyid ye shes zhes bya ba ni/ chos nyid nyams su myong ba'i ngo bo nyid kyi phyir ro/ /dri ma med ces bya ba ni sgrib pa gnyis dang bral ba'i phyir ro/ /chos kyi dbyings kyi go 'phang zhes bya ba ni/ chos kyi dbyings rab kyi mthar thug pa 'gro bas gnas pa'i gnas so/ /gsal zhes bya ba ni/ rnal 'byor pa'i rgyud la gsal ba nyid du snang ba'i phyir ro/ /de ltar don rnam pa bzhis/ gsang pa'i rjes su 'brangs nas/ de'i dbye ba brjod pa'o/ /de ltar rnam pa gnyis thun mong pa'i phyag rgya'i dbye ba bstan nas/ da ni rig pa gzhan gyis de brjod pa'i phyir/ de'i yan lag bshad pa dam bca' ba ni/ de nas gzhan yang zhes bya ba la sogs pa ste/ sngon la bltos pas tha dad pa'i rim pa gzhan gyis so/ /phyag rgya'i dbye ba zhes bya ba ni/ 'chad bzhin pa'i mtshan nyid do/ /bshad bya ba zhes bya ba ni/ brjod par bya zhes bya ba'i don to/ / bla na med ces bya ba ni/ bla na med pa'i de kho na nyid kyi rgyur gyur pa'i phyir ro/ /de ltar bshad par dam bca' ba bstan nas/ grangs kyi cho ga brjod pa'i phyir/ rigs dang zhes bya ba la sogs pa gsungs te/ rigs ni drug ste/ pha rol tu phyin pa sbyin pa la sogs pa yang de bzhin no/ /rigs kyang yin la pha rol tu phyin pa yang yin pas ni rigs kyi pha rol tu phyin pa'o/ /de rnams kyi dbye ba ni khyad par ro/ /phyag rgya drug tu zhes bya ba ni/ 'chad bzhin pa las so/ /yang dag bshad ces bya ba ni brjod pa'o/ /de ltar grangs kyi cho ga brjod na/ da ni de rnams sngags kyi sgo nas mchod par bya ba ni/ yaM raM zhes bya ba la sogs pa gsungs te/ lha mo rnams zhes bya ba ni/ 'chad

  490. 245b

    bzhin pa'i gtum mo la sogs pa rnams la'o/ /rim pa las zhes bya ba ni 'chad par 'gyur ba'i rim pas so/ /bya zhes bya ba ni bya ba'o/ /mchod par bya zhes bya ba ni/ khyad par du 'phags pa'i nye bar mkho ba la sogs pa'o/ /rtag tu zhes bya ba ni/ tshogs kyi 'khor lo la sogs pa la dus rtag tu'o/ /gang du zhe na/ de'i phyir mchod pa'i rim pas ro gcig pas zhes bya ba gsungs te/ mchod bya dang mchod byed dang mchod pa rnams tha dad pa'i blo dor bas so/ /mchod pa la ro gcig pa'i rim pa ni/ mchod pa'i rim par ro/ /gcig pa ste/ de las so/ /de ltar de rnams kyi sngags kyi sgo nas mchod pa bstan nas/ da ni phyag rgya'i ngo bo nyid brjod pa'i phyir/ gdol pa mo zhes bya ba la sogs pa gsungs te/ khrus mkhan mo zhes bya ba ni/ khrus byed pa mo'o/ /rme sha can zhes bya ba ni/ rab tu grags pa nyid do/ /gar mkhan ma zhes bya ba ni/ gar gyi rigs las byung ba/ gar gyi las la 'jug pa'o/ /ro bsreg ma zhes bya ba ni/ ro bsreg ma'o/ /gnyis skyes mo zhes bya ba ni/ bram ze'i rigs las byung ba ma'o/ /rnal 'byor pas zhes bya ba ni/ lhan cig skyes pa sgom pa po rnams kyi'o/ /bsgrub rgyu'i don du zhes bya ba ni/ phyag rgya chen po'i mtshan nyid can gyi dngos grub bsgrub pa'i don du'o/ /gnas par bya ba ni/ btsun mo'i gzugs kyis gzhan don bya ba'i phyir rol par byed pa'o/ /gang du zhe na/ de'i phyir bdag nyid rol cing zhes bya ba gsungs te/ rang nyid rol pas so/ /de ltar phyag rgya'i ngo bo bstan nas/ da ni de rnams kyi dbye ba brjod pa'i phyir/ gtum mo rdo rje'i rigs las skyes zhes bya ba gsungs te/ rdo rje'i rigs ni mi bskyod pa'i rigs te/ reg par bya ba ma yin pa'i phyir dang/ shin tu yang rtsub pa'i phyir ro/ /khrus mkhan rigs chen rigs las skyes/ zhes bya ba ni/ khrus mkhan ma ni

  491. 246a

    dus rtag tu gos dri ma can 'khru bas/ dkar po'i rigs la dga' ba ste/ rin chen 'byung ldan yang sbyin pa'i pha rol tu phyin pa la 'jug pas/ dkar po'i las la 'jug pa la/ /de dang chos thun pas rin po che'i rigs las byung bar shes par bya'o/ /gdol pa pad+ma'i rigs las skyes zhes bya ba ni/ de ni nga rgyal med pa nyid kyis bzod pa'i dang tshul nyid kyi phyir dus rtag tu bzod pa'i dang tshul can yin te/ de bas na pad+ma bzhin du pad+ma 'dam gyi skyon gyis ma gos pa dang 'dra ba ni/ pad+ma'i rigs las skyes pa'o/ /gar mkhan las kyi rigs zhes bya ba ni/ gar ni yan lag thams cad kyis bsgrub pa nyid kyis las thams cad nyid dang chos mthun pa'i phyir ro/ /ro bsreg ma ni 'khor lo'i rigs zhes bya ba ni/ lus kyi chos nyid rtog pa'i rgyur gyur pa nyid kyis rnam par snang mdzad kyi rigs so/ /ye shes phyag rgya gnyis skyes mo zhes bya ba ni/ khyad par 'phags pa'i ye shes skyed par byed pas bram ze ma'o/ /rdo rje sems dpa' i rigs su shes zhes bya ba ni/ de'i dbang gis rdo rje ltar sra ba'i 'od gsal gyi ye shes skyed par byed pas so/ /'di ni zhes bya ba ni/ de ma thag par bstan pa'o/ /'di ni rigs ni drug tu 'gyur zhes bya ba ni rdo rje 'chang chen po'i rigs dang lhan cig tu rigs las byung ba'i phyir ro// de ltar de rnams nyid kyi rigs kyi dbye ba bstan nas/ de rnams nyid kyi ma la sogs pa'i ngo bo bstan par bya ba'i phyir ro/ /bram ze mo ni ma yin te zhes bya ba la sogs pa gsungs te/ de'i dbang gis lhan cig skyes pa'i mtshan nyid mngon par 'phel bas/ rnal 'byor ba la phan par 'dod pa'i phyir ro/ /khrus mkhan mo ni sring mor brjod ces bya ba ni/ dkar po'i chos rnam par 'phel bas de nyid la rjes su mthun pa dang bcas pa'i phyir ro/ /gar mkhan mo ni bu mor shes zhes bya ba ni/

  492. 246b

    de kho na nyid kyi yul la gnyen po'i rgyu'i phyir ro/ /rme sha can ni chung mar rab tu grags zhes bya ba ni/ rnam par rtog pa thams cad kyi gnyen po de kho na nyid nyams su myong bar byed pa nyid kyi thams cad du bde ba'i rgyu nyid kyi phyir ro/ /ro bsreg ma ni mna' ma ste zhes bya ba ni/ de dang snyoms par zhugs pas lus mi dmigs pa'i chos nyid nyams su myong bas so/ /sgyug mo gdol pa mo zhes bya ba ni/ gtum mo'i las byed pas skyed byed ma'i ngo bo nyid kyi phyir ro/ /shes rab thabs kyi cho ga yis zhes bya ba ni/ dbang po gnyis kyi sbyor bas so/ /mchod par bya zhes bya ba ni/ tshim par bya ba'o/ /de rnams zhes bya ba ni/ rnal 'byor ma drug go /rnam rtog med pas zhes bya ba ni bde ba chen po nyams su myong ba 'am/ tha dad pa'i rtog pa spangs pa nyid kyis so/ /rgyu mtshan gang gis mchod par byed ce na/ de'i phyir rnam par rtog med 'gyur na zhes bya ba gsungs te/ rgyu gang gi phyir dngos grub ni phyag rgya chen po'i dngos grub rnam rtog med par gyur na/ de rnams kyi drin gyis so/ /de'i phyir thams cad du mchod par bya snyam du dgongs pa'o/ /de ltar de rnams nyid ma la sogs pa brda'i ngo bo nyid kyis bstan nas/ da ni ma la sogs pa'i rnam par dag pa brjod pa'i phyir/ sems ni ma nyid gyur na ni zhes bya ba la sogs pa gsungs te/ sems kyi dbang nyid kyis yongs su shes pa dang ma shas pa'i gnas skabs su kun nas nyon mongs pa dang rnam par byang ba grub pa'i phyir ro/ /srid mo dag tu yang dag bshad ces bya ba ni/ de kho na nyid bstan pa dang rjes su mthun pa'i phyir ro/ /lus ni bu mor shes par bya zhes bya ba ni/ mngon par zhen pa'i gzhi yin pa'i phyir ro/ /shes par bya zhes bya ba ni/ shes par bya ba'o/ /srog ni chung mar zhes bya ba ni/ shin tu yang mja'? ba'i phyir ro/ /rab tu gsal zhes bya ba ni brjod pa'o/ /mna' ma de bzhin thur rlung

  493. 247a

    zhes bya ba ni/ rang gi chung ma la bltos nas/ cung zad phyi rol tu gyur pa'i phyir ro/ /dbus ma'i zhes bya ba ni gnas pa'i rlung gi rnam pa'o/ /sgyug mor shes zhes bya ba ni/ shin tu yang phan pa bskyed pa'i phyir ro/ /de ltar sems la sogs pa'i rnam par dag pa bstan nas/ da ni rtsa'i sgo nas de'i rnam par dag pa brjod pa'i phyir/ ma ni rgyags pa'i rtsa'i cha zhes bya ba gsungs te/ mgo bor gnas pa'i zla ba'i khams la brten pa yin pa'i phyir ro/ /sangs rgyas rin chen za ma tog ces bya ba ni/ de'i dbang gis 'dod chags kyi rigs can gyi rnal 'byor pa la/ sangs rgyas kyi chos thams cad bskyed pa'i phyir ro/ /sring mo khu ba 'bab pa'i rtsa zhes bya ba ni b+ha ga la brten nas de sad pa'i phyir ro/ /spyi bo'i gnas na yang dag gnas zhes bya ba ni/ de nas brtsams nas lus thams cad khyab pa nyid kyi phyir ro/ /bu mo khrag sbyin rgyu ba'i rtsa zhes bya ba ni gang zhig khrag 'bab pa'i rtsa de ni bu mo zhes bya ba ste/ khrag 'bab pa'i ngang tshul can nyid kyi phyir ro/ /spyi bo phyed phyed lhag par gnas zhes bya ba ni/ steng dang 'og gi dbye bas bshang ba dang/ khrag 'bab pa'i phyir ro/ /ji skad du/ bshang gci zla ba nyi ma dang/ sgra gcan dus kyi me'i rtsa zhes gsungs so/ /mna' ma mchil ma 'bab pa'i rtsa zhes bya ba ni/ chu ngan 'bab pa'i rdo rje dang 'brel ba'i phyir ro/ /gnyis kyi zhes bya ba ni/ rtsa g.yas pa dang g.yon pa dag la'o/ /dbus na spyod ces bya ba ni/ dbus na gnas pa'o/ /mna' ma mchil ma 'bab pa'i rtsa zhes bya ba ni/ ro drug la spyod pa'i rnam pa oM yig la nye bar gnas pa'i phyir ro/ /mgrin pa'i gnas su zhes bya ba ni/ longs spyod kyi 'khor lo'i gnas su'o/ /lhag par gnas zhes

  494. 247b

    bya ba ni gnas pa'o/ /de ltar rtsa'i sgo nas de'i rnam par dag pa bstan nas/ da ni 'byung ba chen po'i sgo nas/ de'i rnam par dag pa brjod pa'i phyir ro/ /ma ni sa nyid bya ba la sogs pa gsungs te/ ma lus pa'i 'byung ba chen po bskyed pa'i rgyur gyur pa'i phyir ro/ /chu yi khams ni sring mo brjod ces bya ba ni/ chu ni mnyen po'i ngo bo nyid kyis sring mo dang chos mthun pa'i phyir ro/ /ma ni bu mor shes par bya ba ni/ sring mos gzi brjid 'phel ba'i rgyu yin pa'i phyir dang/ sha'i drod kyis de 'phel ba'i phyir ro/ /chu ni chung mar rab tu grags zhes bya ba ni/ de'i dbang gis byang chub sems kyi khams g.yo ba'i phyir ro/ /mna' ma nam mkha' nyid du bshad ces bya ba ni/ spun ni lhan cig skyes pa'i mtshan nyid can nam mkha' lta bu shes rab kyi stobs kyis bsgrub pa'i phyir ro/ /sgyug mo nam mkha' skabs 'byed ces bya ba ni/ mchog gi nam mkha' i ngo bo'o/ /de ltar 'byung ba chen po'i sgo nas/ de'i rnam par dag pa bstan nas/ da ni ro drug gi sgo nas de'i rnam par dag pa brjod pa'i phyir/ mngar bar gyur pas zhes bya ba la sogs pa gsungs te/ mngar ba'i ro ni ma mor brjod de/ ngal bu'i yul la mnyen pas 'jam pa'i phyir ro/ /skyur ba sring mo nyid du brjod/ ces bya ba ni/ bad kan la sogs pa sel bar byed pas rjes su mthun pa'i phyir ro/ / kha ba rang gi bu mo dang zhes bya ba ni/ mnyen pa 'phel ba'i rgyu dang 'dra ba'i phyir ro/ /lan tshwa chung mar yongs su grags zhes bya ba ni/ lan tshwa chung ma bzhin du shin tu mdza' ba dang/ rjes su mthun pa 'dra bas so//

  495. 248a

    ska ba sgyug mor shes par bya zhes bya ba ni/ dri ma'i gnyen po'i phyogs 'dod pa'i phyir ro/ /tshab mna' mar shes par bya zhes bya ba ni/ rlung gi gnyen po nyid kyi bde ba bskyed pa'i rgyur gyur pa'i phyir ro/ /de ltar ro drug gi sgo nas/ de'i rnam par dag pa bstan nas/ da ni de rnams kyi khyad par can gyi mchog pa brjod pa'i phyir/ 'di dag ces bya ba la sogs pa gsungs te ma la sogs pa'i brda 'di rnams kyis brjod pa'o/ /yang ji lta ba bzhin ma la sogs pa'i mtshan nyid kyi don byed pa ni ma yin no/ / dngos grub 'dod pas brten par bya/ rnal 'byor chen po'i rgyud rdo rje phreng ba'i rgya cher 'grel pa/ paN+Di ta a laM ka ka la shas mdzad pa/ le'u bzhi bcu rtsa bzhi pa'i phyed par du steng pa lo tsA bas bsgyur ba'o// bkra shis//