Text

ff. 1a–338b · 676 folio sides

  1. 1a

    @/ yum gzungs ma'i dngos grub chen po'i rgyud bzhugs so//

  2. 1b

    rgya gar skad du/ ka ma la de bI sid+d+hi ma hA tan+t+ra/ bod skad du/ yum gzungs ma'i dngos grub chen po'i rgyud/ bcom ldan 'das dpal he ru ka la phyag 'tsha lo// sngon 'das pa'i dus ma byung ba'i sngon rol na/ ri rab ri'i rtse lha g.yung drung gi gnas na/ bcom ldan 'das thugs rje chen po dang ldan pa/ dpal he ru kas/ srid pa thams cad yum gyi b+ha ga la shar bar mkhyen nas/ yum chen mo nyid bzhi mu kha le'i mkha' bde ba chen po'i klong nas/ thig le chen po'i tshul du bzhengs te/ rdo rje gsang ba'i thugs ka nas/ hUM dkar po zhig las/ gsang ba dgyes pa'i 'phro 'du rgyun mi 'chad par bkye ba las/ sum chen mo nyid bzhi mu kha lo'i b+ha ga la dgyes pa chen por thim par mdzad do// zam chen mo nyid bzhi rtsal

  3. 2a

    le dgyes pa chen por thim nas// pad+ma'i 'dab ma rgyas par mdzad do// pad+ma'i 'dab ma rgyas par mdzad pas stong gi 'jig rten gyi khams khebs par mdzad do// stong gi 'jig rten gyi khams na/ rak+tar chags pa thams cad g.yos par gyur to// des srid pa'i 'jig rten gyi khams na/ rdo rjer gyur pa thams cad rdo rje'i rtsa ba btegs par gyur te/ chags pa'i sems g.yos nas/ shin tu ngo mtshar skyes nas// rdzu 'phrul gyi shugs kyis chags pa'i gzhi mo ga la bder dong ngo // dong nas b+ha ga'i dkyil 'khor chags pa'i nang du phyin te/ sngangs ldang yang nas gus pas bskor te phyag 'tshal ba ni/ g.yung drung lha'i gtso bo/ gnod 'dul lha'i rgyal po la sogs pa/ lha g.yung drung gi tshogs dang / g.yung drung

  4. 2b

    lha'i rgyal mo/ srid pa'i phra men rgya mtsho la sogs pa/ ma mo bcu bzhi'i dkyil 'khor dang / srid pa sman mo'i rigs/ lha mo tshogs kyi rje mo la sogs pa/ sman mo'i tshogs thams cad dang / gzhan yang pad+ma b+ha ga la sogs pa thams cad chags pa'i mdangs byung nas bskor zhing phyag 'tshal ba dang / bstod pa bgyis pa las yum chen mo nyid bzhi mu kha le'i b+ha ga las/ rtag pa'i rgyal mo rnam snang gsal la sogs te/ ye shes kyi mkha' 'gro ma lnga'i dkyil 'khor thon par gyur to// de nas yum chen mos bcom ldan 'das 'jigs byed chen po la gzigs te/ spyan gyis brda zhig mdzad nas zhal 'dzum pa phyung ba dang / de nas bcom ldan 'das yum gyi b+ha ga la sku phyed nub tsam du bzhengs te/ rnam par thar pa'i dbus gsum du phyung nas/ g.yung drung lha'i rgyal po lha gnod 'dul la gzigs nas/ 'dzum par mdzad pa dang / de nas bcom ldan 'das kyi byin gyis brlabs kyis/ lha gnod 'dul stan la 'dug par 'gyur te/ de nas chags pa'i yid can/ de dag thams cad phyogs phyogs su gnas par gyur to// de nas yum chen mo'i lha gnod 'dul la gzigs nas/ ljags kyis brda zhig mdzad pa las/ de nas lha gnod 'dul stan las langs te/ bcom ldan 'das la lan stong du brkyang phyag 'tshal zhing / bag bzhi sa la

  5. 3a

    brdabs nas gsol pa/ 'byung lnga la sogs pa yi// me la sogs pa ji ltar 'byung // srid pa'i 'jig rten thams cad na// pho dang mo yi mtshan nyid ni// thabs dang shes rab su las gyis// sems nyid rtag chad ci la bgyi// ye shes lnga nyid gang nas shar// sprul pa mang po gang nas shar// skye med chos dbyings ci la zer// yum gyi mkha' zhes ji lta bu// mngal la sogs pa mi 'tshal na// blang dor med pa gang gis sgrub// srid pa'i bca' gzhi ji snyed kun// rabs rgyud rtsa ba ci ltar lags// dam tshig lung nod mchi ba'i tshe// srog las drang na ji ltar lags// 'jig rten 'dir sgrub ji ltar bskul// dus min 'chi ba gang gis bskang // yang dag rdzogs la bdag nyan 'tshal// de skad gsol pa gsan nas kyang // yang dag rdzogs kyis bka' stsal pa// nyon cig gnod 'dul lha yi gtso// rnal 'byor rnams kyi las dbang mchog/ ma mo rnams kyi gtan tshigs su// skyid pa kun gyi bca' gzhi rnams// yang dag nyid du bshad par bya'o// de la da ni ma ma~M bcu bzhi'i rje mo bshad par bya ste// bram chen mo nyid bzhi mu kha le zhes bya ba sku'i khyon da ltar gyi ri rab gling bzhi tsam yod pa/ dbu gcig la zhal rnam pa lngar snang ba/ phyag bzhi pa zhabs rnam pa brgyad du bstan pa/ tsit+ta rtsa ba gcig la rtse mo rnam pa lngar

  6. 3b

    'bar ba/ shar phyogs kyi zhabs gnyis kyi bar na gsang ba'i mkha' grang la 'dred pa/ shel gyi b+ha ga la rdo rje'i ge sar can no// lho phyogs kyi zhabs gnyis kyi bar na/ gsang ba'i mkha' dro la 'jam pa/ ke ke ru'i b+ha ga la rin po che'i ge sar can no// nub phyogs kyi zhabs gnyis kyi bar na/ gsang ba'i mkha' gsher la rlan pa/ pad+ma'i b+ha ga la byi ru'i ge sar can no// byang phyogs kyi zhabs gnyis kyi bar na/ gsang ba'i mkha' rtsub la grang ba ste/ ge sar gyi dpal can no// de ltar mkha' bzhis sku la brgyan pa/ mkha' bzhis klong sku gting khung du sdud pa ni g.yu'i bde klong la chags pa'i ge sar can no// zangs kyi pad+ma 'dab ma stong dang ldan pa gcig yod de/ de la zhal rnam pa lnga la/ shar phyogs kyi zhal dkar la 'tsher ba/ mche ba gtsigs pa'i nang nas/ shel gyi rdo rje rtse dgu 'dzin pas/ 'byung ba sar byin gyis brlabs te/ rdo rje'i rigs su gyur to// lho phyogs kyi zhal sngo la gdangs pa/ mche ba gtsigs pa'i nang nas/ ke ke ru 'bar ba dgu 'dzin pas/ 'byung ba med byin gyis brlabs te/ rin po che'i rigs su gyur to// nub phyogs kyi zhal dmar la gdangs pa/ mche ba gtsigs pa'i nang nas/ pad+ma dgu brtsegs bzung bas/ 'byung ba chur byin gyis brlabs pa pad+ma'i rigs su gyur to/ byang phyogs zhal ljang la gdangs pa/ mche ba

  7. 4a

    gtsigs pa'i nang nas/ rdo rje rgya gram dgu brtsegs bzung bas/ 'byung ba rlung du byin gyis brlabs te/ las kyi rigs su gyur to// dkyil gyi zhal cir yang 'gyur ba/ mche ba gtsigs pa'i nang nas/ gser gyi 'khor lo rtsibs stong dang ldan pa bzung bas/ nam mkhar byin gyis brlabs te/ de bzhin gshegs pa'i rigs su gyur to/ 'byung ba lnga yang de ltar bskyed do// rigs lnga'i sangs rgyas der byung ngongo// zhal so so yin pas na ral pa so so'i rigs dang ldan par snang ngo // tsit+ta gcig la rtse mo lngar snang ba yang / rtse mo lnga las rigs lnga'i ye shes lnga yang de las shar to// rtsa ba gcig la chos skye ba med pa'i dbyings kyang de las 'dus te/ mi nub pa'i rgyal mtshan zhes kyang grags so// rtse mo lngar 'bar ba las srog gis bsdus pa'i kun gzhi la sogs pa'i dran pa thams cad kyang de las byung ba'o// rtsa ba gcig las sems can gyi sems rtag pa chen po yang de las byung ngo // de la mkha' bzhi las shar phyogs kyi gsang ba'i mkha' grang la 'dred pas/ dgun du byin gyis brlabs so// byang phyogs kyi gsang ba'i mkha' rtsub la grang bas/ dpyid du byin gyis brlabs so// nub phyogs kyi gsang ba'i mkha' gsher la rlan pas dbyar du byin gyis brlabs so// lho phyogs kyi gsang ba'i mkha' dro la 'jam pa ni/ ston du byin gyis

  8. 4b

    brlabs so// dus bzhi yang de ltar cha bsnyams so// sku stod kyi zhal nas 'byung ba rigs lnga'i sangs rgyas rnams/ sku smad gsang ba'i b+ha ga la/ sbyor ba'i tshul du sku phyed nub tsam du bzhugs pas/ skye ba rigs so so yang der 'dus so// phyag bzhi la g.yas g.yon gyi dang po gnyis kyis khol mo bcu bzhi'i gtso mo srid pa bde 'gro ma dang / nyi zla thod phreng ma gnyis kyi tsit+ta bzung ba/ g.yas g.yon tha ma gnyis kyis khros pa'i dbang mo che bzhi'i snying nas bzung ba/ sbas pa'i phyag gnyis kyis bdud rtsi rnam pa lnga la longs spyod mngon du mdzad pa/ zhabs brgyad kyis dbyings phyug ma bzhi dang / thugs kyi dgyes sde chen mo bzhi'i snying gnas brdzis pa/ dbus kyi zhal dpral ba'i dbyes nas/ mi gzur gsum pa gcig gis bltas pas/ ma mo bcu bzhi'i khol mo srid pa chags byed ma dang / shan shan ne'u dang / e ka tsa ti la sogs pa 'dar lculcag lhug byed pa/ dkyil gyi zhal nas rkan sgra brdabs pas/ he ru ka sni la sogs pa ste/ srid pa'i dman mo la sogs pa'i snying rtsar gyis 'byin pa ste ma mo dbang du yang des sdud do// dbus kyi zhal gyi ni mkha' yel yel bar rdzogs pas/ srid pa gsum gyi gtso mo yang der rdzogs so// sku gsang ba'i b+ha ga la// yum gyi mkha' bde ba chen po'i klong zhes bya'o// sku rtag pa chen po g.yung drung du bzhugs pas/ skye shi

  9. 5a

    las 'das pa zhes kyang de la bya'o// de la sdug bsngal mi 'byung bas mya ngan las 'das pa zhes kyang de la bya'o// de la blang dor med pas kun tu bzang mo zhes bya'o// rnam par shes pa thams cad kyi bcud len pas/ shes rab kyi pha rol tu phyin ma zhes bya'o// 'byung ba lnga sku la rdzogs pas/ 'byung ba'i rgyal mo zhes kyang bya'o// dus bzhi dbyings las shar bas dus bzhi cha snyoms ma zhes kyang de la bya'o// sku stod nas 'byung ba rigs kyi sangs rgyas rnams/ sku smad gsang ba'i b+ha ga la rngubs bzhugs pas/ rigs kyi yum zhes kyang bya'o// sbas pa'i phyag gnyis nas bdud rtsi rnam pa lnga'i bcud 'dzag pa mngon sum du mdzad pas/ bdud rtsi'i rgyal mo zhes kyang bya'o// snang srid thams cad gtan yang chom la 'bebs pas/ srid pa'i rgyal mo zhes kyang bya'o// sku lus gcig la mtshan dgu ma zhes bya'o// de la thugs las drangs pa'i snying po ni/ nyid bzhi mu kha le/ kro d+hI shwa rI/ b+ha ga pad+ma r+ya/ bde klong 'dus 'dus na snying dza sha yu ti hUM b+h+yo/ zhes bya'o// de ltar bdag nyid bsgoms pa ni/ dang por de bzhin nyid kyi ting nge 'dzin gsal bar bsgom la thugs ka nas yi ge oM dkar po gcig la/ ye shes lnga'i gzhal med khang / chos kyi dbyings ltar khyab brdal ba'i dbyings su/ bdag nyid bla na med pa'i ting nge 'dzin du zhugs la/ snying

  10. 5b

    gar mu kha le las/ ye shes tshogs kyi rje mo bsgom mig g.yas par ha las mkha' 'gro ma rnam snang gsal sgom/ mig g.yon par ha las mkha' 'gro ma 'od gsal 'bar bsgom// rna ba g.yas pa la ha las mkha' 'gro gnyen gsal 'bar ma bsgom/ rna ba g.yon pa ha las mkha' 'gro ma yang gsal g.yos bsgom/ sna la ha las mkha' gro ma bkrag gsal mnyam bsgom/ sku mdog phyag mtshan ni 'og gi tshig bshad dang sbyar ro// yang ma mo zhes bya ba ni// ma ni rgyal ba kun gyi yab// mo ni snang srid kun gyis ma// ma ni skye ba med pa'i dbyings// mo ni 'gag pa med pa'i klong // ma ni thabs mchog 'dod med mkha'// mo ni shes rab chags med klong // de lta bu yi yum chen mo// sku stod zhal nas 'byung ba'i sangs rgyas dang / sku smad kyi b+ha ga sbyor ba mdzad pa'i bu mo lnga yod de/ gcig ni rtag pa'i rgyal mo rnam snang gsal zhes bya ste// mdog dkar mo la shel gyi ral pa can/ gsang ba'i mkha' shel gyi ga'u 'khyil pa/ ma chags pa'i thabs la rol pa'o// gcig ni rtag pa'i rgyal mo 'od gsal 'bar zhes bya ste/ sku mdog sngon po la rin po che'i ral pa can no// gsang ba'i mkha' la rin po che'i ga'ur 'khyil ba/ mi len pa'i thabs la rol pa'o// gcig ni rtag pa'i rgyal mo gnyen gsal ma zhes bya ste/ sku mdog dmar po byi ru'i lan phran can/

  11. 6a

    gsang ba'i mkha' byi ru'i ga 'ur bskyil ba/ gnyis su med pa'i thabs la rol pa'o// gcig ni rtag pa'i rgyal mo yang gsang g.yos zhes bya ste/ sku mdog ljang gu la rdo rje'i len phran can no// gsang ba'i mkha' rdo rje'i ga 'ur bskyil ba/ grub pa'i thabs la rol pa'o// gcig ni rtag pa'i rgyal mo bkrag gsal mnyam zhes bya ste/ sku mdog cir yang 'gyur ba la g.yu'i ral pa can no// gsang ba'i mkha' g.yu'i ga 'ur bskyil ba/ gnyis med brten pa'i thabs la rol pa'o// 'di lnga ni mkha' bzhi dbyings dang lnga zhes bya ste/ rigs kyi yum lnga zhes bya ba 'di lnga yin/ sems can dus chen po la 'bab yang 'di lngas dbang byed de/ che'i bdag mo chen mo yang 'di lnga yin no// srog las drangs pa'i snying po ni/ g+hi sa mu ran hUM ha/ tra la pa raM ha/ bi sha san ti ha/ bi yaM yaM ti ha/ ma hA laM te ha/ ma mo rnams kyi gtso mo'i yang gtso mo/ gtan tshigs kyi le'u ste dang po'o// // gnod 'dul lha yis yang gsol pa// srid pa'i dkyil 'khor bsgom pa dang // bdag nyid phyag rgyar bskyed bya ba// 'byung dang 'jug pa'i mtshan nyid las// ji ltar bdag gis nan tan bgyi// mngon rdzogs yab la bdag nyan 'tshal// de skad gsol pa gsan nas kyang // mngon rdzogs dpal gyis bka' stsal pa// 'byung dang 'jug pa'i mtshan

  12. 6b

    nyid las// ji ltar dkyil 'khor lha bskyed pa// ngas bstan pa la gdon mi za// nyon cig gdon 'dul lha yi gtso// 'byung ba spro ba'i ngo bo dang // 'jug pa bsdu ba'i mtshan nyid ni// sa bon gyis ni bstan par bya// bdag nyid thig le mnyam sbyar ni// rnam gsum rim gyis ting 'dzin bsgom// dmigs med ting 'dzin rnam dag cing // skye med chos kyi dbyings su thim// dmigs med ma chags sa bon gyis// de bzhin nyid du rnam par grags// snying rje nam mkha'i ngo bo la// blang dor med par snang ba ni// mtshams su sbyor ba'i sa bon gyis// kun tu snang zhes grags pa yin// bdag nyid rlung las gyur pa yi// 'og gi phyogs su sa bon brtan// bdag gi chu las gyur pa yi// de yi steng du sa bon brtan// bdag gi sa las gyur pa yi// sa bon las ni spris mar brtan// bdag gi me las gyur pa yi// sa bon las ni drod du ldan// bdag gi nam mkha'i ngo bo la// sa bon las ni snang srid bsgom// dbyings las 'byung lngas rgyu bskyed de// mkha' la rlung brten 'gro lngar ldan// bdag nyid hUM du gsal ba las// sa bon gyis ni dkyil 'khor bsgom// 'khor lo'i sa bon gyis sbyangs nas// rtsibs brgyad pa ru rnam par gsal// gdan gyi sa bon gyis sbyangs nas// rtsibs brgyad steng du bcu bzhi bsgyel// dkyil du rgya mtshor thod phreng gnyis// shar

  13. 7a

    dang nub tu mgo bsnol pa'o// sgrol byed dkar mo mig gcig gnyis// brgya byin phyogs su mgo bsnol pa'o// dbang sdud nag mo ral gcig gnyis// gshin rje'i phyogs su mgo bsnol ba'o// bdud rtsi byed dang ma mo gnyis// chu bdag phyogs su mgo bsnol pa'o// gnas sbrul ser mo las mkhan gnyis// gnod sbyin phyogs su mgo bstan pa'o// rgyan gyi rgyal mo me lha'i phyogs// dbyings phyug ma ni bden bral phyogs/ bdag nyid ma ni rlung lha'i phyogs// gcig pu ma ni dbang ldan phyogs// rim gro skye phyir 'khor rnams bsgyel// b+ha ga bcu bzhi'i gdan steng nas// bdag nyid byang chub thig le las// snying po ye shes mngon du shar// byed pa po ni kun tu bzang // rnam par thar pa'i dbur ldan zhing // ye shes drug gi phyag rgya can// mtshan dang dpe byad yang dag ldan// rdzu 'phrul bzhi yi zhabs kyis bzhugs// bdag gi gzugs kyi ngo bo la// rnal 'byor nyid gzhi bde mchog ma// bya ba mo ni chos kyi dbyings// chos nyid rtag pa thugs kyi dkyil// 'od zer lnga po rtse nas 'phro// 'byung ba lnga yi zhal mnga' zhing // ye shes drug gi phyag rgya can// phyogs mtshams gnon pa'i zhabs brgyad kyis// ma gshegs par ni srid par byon// dus bzhi 'char ba'i b+ha ga las// skye ba med pa'i klong du thim// srid pa gsum gyis

  14. 7b

    sku brgyan cing // spyi dpal mchog la 'di skad gsungs// hUM ye shes snying po bla na med// bla med khrag 'thung dpal gyi dpal// 'jigs byed gsang ba'i rdo rje ni// mkha' klong kun gyi gter lags kyi// mkha' klong bde ba'i lam mchog ni// skye 'gro yongs kyi thar pa'i lam// sangs rgyas yongs kyi re skong phyir// thar lam bde ba'i lam mchog ni// 'dzum pa'i mdangs kyis 'bul lags na// dgyes pa'i rdo rje gsor nas kyang // re skong bdud rtsi'i char chen phob// ho// hUM mnyam bzhag ye shes pad+ma'i dbyings// 'byung gnas skye 'gro thar pa'i lam// rin chen dkyil 'jam klong yangs su// spyi dpal rdo rje gsang ba'i gter// re skong bdud rtsi'i char chen phob// ho// hUM b+ha ga pad+ma'i dkyil 'khor 'dir// 'dab brgyad sa yi dkyil 'khor ldan// phyi lcags nang rten sgo 'phar bcas// rin chen dkyil 'jam gdan steng nas// bla med 'phrul gyi lde mig gis// lcags dkrol gdan phye gdan la bzhugs// rin chen brtsegs pa'i ga'u ru// bla med khrag 'thung sku bsil nas// bdud rtsi chen po'i bum pa yis// srid gsum 'gro ba'i bag chags bkrus// hUM mi dmigs pa la dmigs pa che// ma chags pa la chags pa bde// thar lam bde ba b+ha ga'i dbyings// blang dor med pa'i klong yangs su// srid pa'i bag chags bkru ba'i phyir// spyi

  15. 8a

    dpal bla na med pa yis// gsang ba'i don ldan lde mig gis// rnam par thar pa'i sgo phye nas// ye shes chu bos khrus chen mdzod// oM thabs las dbyings byung thar pa'i lam// dbyings las thabs bzhengs bla med sgra// bla med dbyings dang ye shes sbyor ba na// bdud rtsi chen po'i char chen srid par spro// phyogs bcu'i rgyal ba mnyes pa'i mchod par spro// rnal 'byor mkha' 'gro skong ba'i tshogs su spro// 'gro ba rigs drug sgrib pa sbyong ba'i phyag rgya chen por spro// mu stegs bdud 'dul khro rgyal tshogs su spro// sdug bsngal za byed bdud rtsi'i char chen spro// dbang po gsal byed ye shes sgron mar spro// 'dod chags tshetshims byed gsang ba'i sems su spro// ho// hUM byang chub sems kyi thig le las// ma bkag lhun gyis rdzogs pa na// thams cad thig le nyid kyi ngang // zhes glengs te// gnyis su med par gyur to// gnyis med sbyor ba'i thig le che// gnyis med sbyor ba'i 'od zer las// 'byung ba lnga yi 'phro 'du byung // bdag gi sa yi ngo bo las// sa bon las ni skur bskyed pa// mkha' 'gro brtan 'bar sems ma'i mchog/ mi 'jigs pa yi dbu gsum gyis// dug gsum dbyings su sgo 'byed cing // pha rol phyin drug phyag rgya las// sbyin pa chen po rtag tu gtong // mtshon du med pa'i sku mdog la// dkar la dang ba'i na bza'

  16. 8b

    gsol// rdzu 'phrul bzhi yi zhabs dag gis// sa bdag gdan la brkyang bskum bzhugs// bdag gi rlung las gyur pa yi// sa bon las ni skur bskyed pa// mkha' 'gro yang gsal sems ma'i mchog/ thogs pa med pa'i dbu gsum gyis// khams gsum thig ler sgo 'byed cing // pha rol phyin drug phyag rgya las// sbyin pa chen po rtag tu gtong // sna tshogs 'gyur ba'i sku mdog la// na bza' ljang gu bai DUr+ya// rdzu 'phrul bzhi yi zhabs dag gis// gnod sbyin gdan la brkyang bskum bzhugs// bdag gi chu las gyur pa yi// sa bon las ni skur bskyed pa// mkha' 'gro gnyen gsal sems ma'i mchog/ rol pa chen po'i dbug sum gyis// dug gsum dbyings su sgrol byed cing // pha rol phyin drug phyag rgya las/ sbyin pa chen po rtag tu gtong // mtshon du med pa'i sku mdog la// dmar po dbang gi na bzas brgyan// rdzu 'phrul bzhi yi zhabs dag gis// chu bdag gdan la brkyang bskum bzhugs// bdag gi me las gyur pa yi// sa bon las ni skur bskyed pa// mkha' 'gro 'od gsal sems ma'i mchog/ stobs ldan mchog gi dbu gsum gyis// srid gsum thig le'i sgo 'byed cing // pha rol phyin drug phyag rgya las// sbyin pa chen po rtag tu gtong // mtshon du med pa'i sku mdog la// rin chen sngon po'i na bzas brgyan// rdzu 'phrul bzhi yi zhabs

  17. 9a

    dag gis// gshin rje gdan la brkyang bskum bzhugs// bdag gi bsreg las gyur pa yi// sa bon las ni skur bskyed pa// mkha' 'gro bkrag gsal sems ma'i mchog/ mi 'gyur ba yi dbu gsum la// skye 'gro mkha' la sgo 'byed cing // pha rol phyin drug phyag rgya las// mi bzad pa yi sbyin pa gtong // cir yang 'gyur ba'i sku mdog la// btso ma gser gyi na bza' gsol// rdzu 'phrul bzhi yi zhabs dag gis// brgya byin gdan la brkyang bskum bzhugs// bdag gi gsang ba'i thig le las// sa bon las ni skur bskyed pa// bla na med pa'i yab yum gnyis// sbyor ba'i gdan du drug po 'ding // bdag gi 'od chen sna tshogs las// sa bon las ni skur bskyed pa// dpal 'bar khro mo nyid kyi sku// bdag gi dngas ma bzhi po las// sa bon las ni skur bskyed pa// gsang ba'i yum bzhi nyid kyi sku// bdag gi dngas ma brgyad po las// sa bon las ni skur bskyed pa// khams gsum brdar gcod nyid kyi sku// bdag gi bde chen gsang ba las// sa bon las ni skur bskyed pa// dug gsum dbang sdud nyid kyi sku// bdag gi dpag bsam shing bu las// sa bon las ni skur bskyed pa// skye shi rtsad gcod nyid kyi sku// bdag gi zangs kyi sbu gu las// sa bon las ni skur bskyed pa// pad+me shwa rI dbang gi sku// bdag gi srid pa'i mdo

  18. 9b

    bsdus pa'i// sa bon las ni skur bskyed pa// yag sha khro mchog nyid kyi sku// bdag gi dbang mo mdo bsdus las// sa bon las ni skur bskyed pa// rag sha kro tI shwa rI'i sku// g.yas g.yon thabs dang shes rab las// sa bon las ni skur bskyed pa// kro tI shwa rI sa ma ya// bdag gi srid pa 'jug byed pa'i// sa bon las ni skur bskyed pa// g+hA ya kro ti shwa rI'i sku// de ltar rtag tu bsgom pa ni// byed pa po dang bya ba mo// pha ma med pa'i pho mo gnyis// srid pa'i sngon du byung ba yin// sangs rgyas nyid las shin tu bgres// lnga las gyur pa'i bud med lnga// gnyen med skyid pa'i g.yung drung yin// bskyed pa'i khro mo bcu gsum ni// cir mi 'ong gi spun drug ste// rus med spun drug bcu gsum yin// mtshon du med pa'i nam mkha' la// gza' skar mang po shar ba ltar// byang chub sems kyi thig le las// rol pa'i phyag rgya cir yang snang // skye 'gag med pa'i dbyings su thim// gsang chen bde ba'i thig le las// b+ha ga'i steng du ling+ga spro// rtse nas thim zhing dkyil 'khor spro// ngas gsungs pa la the tshom med// dkyil 'khor bskyed pa'i bca' gzhi/ sbas pa'i thig le'i le'u ste gnyis pa'o// // gnod 'dul lha yis yang gsol pa// skye 'gro sems can thams cad kun// rnam rtog nad kyi zin pa la// bdud rtsi'i sman chen ji ltar gtong // ngo

  19. 10a

    mtshar lha la bdag nyan 'tshal// de skad gsol pa gsan nas kyang // bla med dpal gyis bka' stsal pa// rtog pa'i nad gzhi la sman chen po// ngas gsungs pa la gdon mi za// nyon cig gsung drung yang dag pa// rgyu gcig dang ni rkyen gnyis las// sa bon las ni rnam sbyangs pa// sgro bsdu byas pas dri mchog 'gyur// dug gsum nad kyi gnyen po yin// rgyu gnyis dang ni rkyen gsum las// sa bon gyis ni rnam sbyangs pa// sgro bsdu du bar 'thul bas ni// nyon mongs lnga yi nad rnams 'byang // rgyu gsum dang ni rkyen lnga las// sa bon gyis ni yang dag sbyangs// spro bsdu g.yos par 'gyur pa la// rnam shes brgyad ni kun tu rgyu// 'jug pa'i nad rnams zhi bar byed// bdag gi dri ma chen po la// sa bon gyis ni rnam sbyangs pa// zos na yon tan rnam gnyis ldan// dngos grub chen po gti mug yin// bdag gi me sa chen po la// sa bon gyis ni rnam sbyangs pas// zos na yon tan rnam gnyis ldan// dngos grub chen po nga rgyal yin// bdag gi khrag las gyur pa yi// sa bon gyis ni rnam spangs pa// zos na yon tan rnam gnyis ldan// dngos grub chen po 'dod chags yin// bdag gi dri chu las gyur pa// sa bon gyis ni rnam sbyangs pa// zos na yon tan rnam gnyis ldan// dngos grub chen po phrag dog yin// bdag gi gsang ba'i sa bon

  20. 10b

    la// sa bon gyis ni rnam sbyangs te// zos na yon tan rnam gnyis ldan// dngos grub chen po zhe sdang yin// kun 'dus gcig tu gyur pa dang // phra mo stong dang sbom po brgyad// bsdus la gong bur dril ba las// bsdu ba'i sngags kyis rnam sbyangs te// spro bsdus 'od du 'bar ba ni// thabs dang shes rab phyag rgya yis// zos na dpal chen dngos grub thob// mkha' 'gro ma rnams bkur stir byed// rgyu gsum rkyen lnga'i bdud rtsi chen po ste// snang ba chen po snang srid 'char ba'i rgyu// dus gsum rgyal ba kun gyi 'byung gnas te// mkha' 'gro dam can kun gyi srog gi rgyu// rang byung bdud rtsi chen po'i 'byung gnas yin// rang byung rnam dag nyid kyi sku gsung thugs// bdud rtsi chen po stong pa nyid bzhugs pas// dug gsum rnam rtog gnad kyi gnyen po yin// theg chen sa gzhi chen po las// rtsi mchog mang po kun skyes te// skye 'gro'i gsos su gyur pa ltar// bdag nyid bdud rtsi'i dkyil 'khor las// srog gis bsdus pa'i sems can kun// rnam rtog nad kyi gsos su che// rgyu gsum rkyen lnga'i bdud rtsi ste// ma rig brgyal ba'i dong zhes bya// de skad ces bka' stsal pa dang / rdo rje sems dpa' dang lha gnod 'dul la sogs pa dang / 'khor der 'dus pa rnams/ bdud rtsi'i dkyil 'khor gyis gtan du tshim nas/ lang tsho'i dngos grub thob

  21. 11a

    bo// g.yung drung lha yis yang gsol pa// srid pa'i sems can thams cad kun// 'dod chags kyis ni khams gsum 'khor// zhe sdang gis ni ngan song lhung // de las nan tan ji ltar bgyi// nyag gcig yab la bdag nyan 'tshal// de skad gsol pa gsan nas kyang // nyag gcig yab kyis bka' stsal pa// ji ltar chags sdang rnam pa gnyis// dngos grub chen por ngas bshad kyi// nyon cig g.yung drung yang dag pa// zhe sdang chen po'i ting 'dzin gyis// pha dang phu bo mes po dang // lha dang bram ze mu stegs dang // bran dang g.yog po la sogs pa'i// zhing bcu rtag tu ldan pa la// phung po bsad de snying phyung na// dngos grub ya mtshan chen por 'gyur// 'dod chags chen po'i ting 'dzin gyis// ma dang sring mo bu mo dang // lha mo klu mo rigs ngan mo// bran mo g.yog mo la sogs te// gdol pa mo dang phyal ba dang // tshul dgur sbyar na dngos grub thob// ces bka' stsal pa dang / lha g.yung drung la sogs pa ya mtshan du gyur nas/ dngangs te cang mi smra ba dang / 'khor gyi gtso bo rdo rje sems dpa' stan las langs te// ye shes bzhi'i brkyang phyag phyogs bzhir btsal nas/ bag bzhi sa la brdabs te/ lus brkyang nas/ rgyal ba rdzogs pa'i zhabs spyi bor blangs te/ dngos grub myur du 'dod pa'i phyir/ phyag rgya bcas nas

  22. 11b

    gsol ba/ pha dang nye ba'i zhing bcu dag/ bsad na dngos grub thob pa yi// zhe sdang chen po'i ting 'dzin dang // ma dang nye ba phyal pa dag/ sbyar na dngos grub thob pa yi// 'dod chags chen po'i ting 'dzin gyis// dngos grub chen po bdag 'tshal na// spyi dpal chen pos bshad du gsol// zhes zhus te// lus sa la lan stong du brdabs pa dang // srid pa dus thams cad gcig tu g.yos te// 'khor thams cad dus gcig tu khams 'khrugs nas thams cad bag bzhi sa la rdebs shing ya mtshan no// spyi dpal chen po ya mtshan no// rdo rje sems dpa' ya mtshan no// zhes mgrin gcig tu smras nas/ pad+ma kha 'bus pa ltar sor bcu spyi bo la blangs te/ mig mi ldog par mngon rdzogs rgyal po la rtog go/ de nas de lta bu'i spyod pa thugs su gsol nas/ 'khor thams cad la dgyes pa'i ye shes kyi mdangs kyis gzigs te bka' stsal pa// rdo rje'i 'khor gdung ba dang // sems can kun la snying brtse'i phyir// rdo rje sems dpas zhus pa legs// kun kyang dran pa gnas su sdus// srid pa thams cad bde la bkod// ngas kyang bdud rtsi'i snying po sbyin// 'du na sa ma ya lhan s+t+waM// zhes gsung pa las// 'khor thams cad sems rnal du phebs so// srid pa thams cad dus gcig tu bde/ rna ba'i dbang po blags nas/ rdo rje sems dpa'i phyag rgya'i rjes su

  23. 12a

    zhugs nas 'khor kun nyan to// de nas spyi dpal chen pos bka' stsal pa/ gnyen sdug dang ni zhing bcu la// bsad pa'i phyir na zhe sdang bsgom// sbyang ba gsum gyi sa bon gyis// sbyangs na srid pa'i bag chags 'byang // lnga yi tshom bu'i sa bon gyis// sgo lnga bcad na 'chor ba med// snying brtse ba yi shugs dag gis// bsdus nas rgyal ba'i ril bu sbyin// sgo 'byed pa yi sa bon gyis// b+ho d+hi tsit+ta'i sgo phyes nas// rna brgyad byin pas sems bzhu ste// ma mas yang kyang shar bzlog pa'i sa bon gyis// spros te 'bru bcu'i snying po sbyin// chu dang 'o ma bsres pa bzhin// mya ngan zlo ba'i phyag rgya yis// bcings nas bde sgyid g.yung drung sbyin// rkyen lnga'i sgo 'byed sa bon gyis// ri rab chen po'i sgo phye ste// lha mo lnga yi phyag rgya yis// lcags kyu'i phyag rgyas bsdams nas su// rgyu gcig dbyings nas byung nas ni// mtshams su sbyong ba'i sa bon gyis// ye shes g.yung drung brdal ba las// spyi dpal chen pos mtshams sbyar nas// gser dang dngul du bsres pa bzhin// sdig pa byas kyang ye shes 'bar// yang na dkyil 'khor gsal bkram ste// phung po mngon spyod lha la mchod// rtsa ba gsang ba'i b+ha ga la// mtshams su sbyor ba'i sa bon gyis// sras su bskyed na bsod nams mchog/ bskal pa'i me dpung 'bar ba yis// srid pa'i bud shing sreg pa

  24. 12b

    ltar// ye shes me dpung 'bar ba yis// 'gro ba kun gyi bag chags bsreg/ me la shing ni bsnan pa ltar// sdig pa byas kyang ye shes 'bar// ma dang srin mo phyal pa dang // sbyor ba'i phyir ni 'dod chags bsgom// lnga yi sa bon rnam lnga las// gcig la lnga lngar tshom bur sbyor// lam du bde ba'i sa bon gyis// b+ha ga la ni 'dab ma brgyad// gdan du bde ba'i sa bon gyis// klong la 'khor lo rtsibs su bcas// las kyi sa bon g.yas g.yon gyi// dbu la mkha' 'gro lnga po nyid// dril bu'i sa bon rkang mthil la// zhags pa'i sa bon lag gnyis la'o// bdag nyid snying po'i brtan pa'i sku// gnas lnga ral gri'i sa bon lnga// gcig la mkha' 'gro lnga lngas bskor// 'dren pa'i sa bon sgal tshigs la// dgyes pa'i sa bon g.yas dang g.yon// bstim pa'i sa bon gsang ba la// lcags kyu'i sa bon rkang gnyis la// lcags sgrog sa bon lag gnyis la// bskyod pa'i sa bon mtshams su ste// spros nas gnyis su med pa'i tshe// spros nas mtshams su spros bstim ste// mchod pa bzhi yi sa bon gyis// stong khams bkang ste mnyes mchod la// rigs drug 'gro ba'i sdig sbyongs nas// 'jug pa'i sa bon chen po yis// bsdus nas kun bzang mkha' la bstim// gting dpag med pa'i rgya mtsho las// chu bran mtha' dag 'du ba ltar// bya byed gnyis kyi klong dkyil

  25. 13a

    du// ma sring la sogs klu mo dang // gdol pa rigs ngan phyal pa la// tshul dgur sbyar na bsod nams mchog/ ces bka' stsal pas/ 'khor thams cad chags sdang gi dngos grub thob// ta na ga Na'i bca' gzhi'o// rdo rje sems dpas yang gsol pa// mngon spyod mchod pa chen po ste// ji ltar bdag gis nan tan bgyi// spyi dpal mchog la bdag nyan 'tshal// de skad gsol pa gsan nas kyang // rgyal po bde bas bka' stsal pa// de phyir nyon cig rdo rje sems// mngon spyod mchod pa sna tshogs te// bdag nyid mkha' 'gro'i dkyil 'khor ldan// rgyan dang bgo ba'i longs spyod la// 'dom gang 'od kyi sa bon gyis// sbyangs na dkyil 'khor mnyes pa yi// bza' dang bca' ba'i longs spyod la// sreg pa'i sa bon mthar bzhag la// bdud rtsi'i sa bon mchod sbyangs te// mnyes shing dgyes pa'i longs spyod kyis// mchod zos na dkyil 'khor mnyes// btung bas tshim pa'i longs skrod la// sreg pa'i sa bon gyis skrangs te// chu yi sa bon chen po yis// skrangs te 'thung na dkyil 'khor mnyes// phar btab pa dang tshur len pa// pho dang mo yi sa bon gyis// sbyangs na thabs dang shes rab thob// mchod pa 'od kyi sa bon spro// rtags ka dang ni ta to ta lo la/ dang // thabs dang shes rab sa bon gyis// sbyangs na sdig sbyang nyes pa

  26. 13b

    med// 'di ltar byas na 'phags pa mnyes// mngon spyod mchod pa chen po yin/ chos kyi rang bzhin dngos med ste// dngos med yi ge stong pas sbyangs// stong nyid stong pa ye nas dben// spros pa'i snod kyang dngos kyis stong // rnam par smin pa stong pas med// byed pa po dang bya ba mo// gdod nas stong pa'i 'bras bu len// rtogs pas stong pa'i 'bras bu len// legs dang nyes pa gnyis su med// thig le chen po len pa med// gdod nas legs pa'i rgyal po yin// de skad bka' stsal pa dang / rdo rje sems dpa' la sogs pa 'khor dang bcas pa/ 'khor kun phun sum tshogs pa kun/ stong pa'i 'bras bu la sems mi yengs par rtogs so// de nas lha gdod 'dul stan las langs te/ spyi dpal chen po'i zhabs la 'jus nas/ mos pa chen pos gsol pa/ dgongs shig ye shes bde chen lha// srid pa 'khrug pa'i rtog pa yis// sems kyi 'khrul pa ci mchis pa// zhabs la spyi bos gtug gyur nas// stong pa chen por bzod par gsol// 'bras bu chen por bzod par gsol// byang chub chen por bzod par gsol// thig le chen por bzod par gsol// de nas mi dmigs pa'i tshangs pa chen po thob bo// de nas rdo rje sems dpa' de langs nas sku la sprul bzhin 'brel te/ mdzes pa chen pos mchod pa byas// phyi dbang chen po

  27. 14a

    bdag la stsol// nang dbang chen po bdag la stsol// gsang dbang chen po bdag la stsol// zhes zhus pa dang / spyi dpal chen pos bka' stsal pa// phyi dang nang dang gsang ba yi// nga yi gsang rgyud chen po 'di// phyogs bcu sangs rgyas thams cad la/ gsang ba 'di las mi mnga' bas// gsang ba'i gsang chen gsang ba'i gter// gsang ba mchog gi spyod pa 'di// rdo rje sems dpa' khyod la gtad// 'gro/ ba kun la snying brtse'i phyir// nga yi spyod pa mtha' dag dang // nga yi byin rlabs chen po rnams// rdo rje sems dpa' khyod kyis zung // de nas rdo rje sems dpa' khyod// gsang ba kun gyi byed pa po// gsang ba'i gsang chen gsang ba'i bdag/ sku dang gsung dang thugs gsang ba'i// gsang ba'i dpal du dbang bskur ro// sangs rgyas kun gyi dgongs pa ste// rnal 'byor kun la bde sbyin pa// rdo rje sems dpa' khyod kyis zung // g+hA ya ma hA rA dza sa ma ya a la la ho// zhes gnang ba dang / de nas rdo rje sems dpa' des/ rgyan dang cha lugs kun bkrol te// spyi dpal mchog la mngon par gtor// gsang dbang chen po stsol ba'i phyir// snying dang snying gi grogs mo de// spyi dpal mchog la yon du 'bul// rgyan dang cha lugs mang po kun// gsang dbang gnang nas yon du bzhes// rdo rje sems dpas yang gsol pa// sa ma ya zhes bgyi ba

  28. 14b

    gang // sa ma ya la du zhig mchi// sa ma ya yi don rnams gang // de skad zhus pa gsan nas kyang // nyag gcig yab kyis bka' stsal pa// sa ma ya zhes bya ba ni// 'da' bar dka' ba'i dam tshig go/ dam tshig grangs la bsam mi khyab// bsdu na rnam pa gsum yin no// rdo rje sems dpas yang gsol pa// sa ma ya zhes bka' stsal pa// ji ltar bdag gis nan tan bgyi// nyag gcig yab la bdag nyan 'tshal// de skad zhus pa gsan nas kyang // nyag gcig yab kyis bka' stsal pa// ston pa bde gshegs kun gyi dpal// sku yi phyag rgya mi spang zhing // bsgo ba'i tshig rnams nyan par bya// rdo rje spun la gdung ba bskyed// 'di ni lus kyi sa ma ya// bskyed rdzogs sa bon rgyun mi gcod// rgyal po'i phyag rgya gsal bar bsgom// 'di ni ngag gi sa ma ya// gsang ba'i snying po nges pa'i don// snod ngan rnams la spel ba min// 'di ni tsit+ta'i sa ma ya// ga na ta na'i 'bras bu lnga// spang bar mi bya spyad pa yin// 'di ni yan lag sa ma ya// dmigs med spyod pa mtha' dag kun// 'gro don rdzogs pa'i sa ma ya// sa ma ya ni rdo rje che// 'da' bar ma mdzad rdo rje'i dam// bcol ba'i las rnams byed pa yin// mkha' 'gro rnam gsum sa ma ya// zhes dpal chen pos bshad do// de skad bka' stsal pa dang / rdo rje sems dpa' dang rigs kyi

  29. 15a

    sangs rgyas rnams ni gsang ba'i bdag por gyur/ 'khor mang po ni g.yung drung gi dngos grub thob nas/ gsang ba dgyes pa'i dam tshig can du gyur to// rnal 'byor gyi rgyud lung chen po/ ka ma la de bI sid+d+hi ma hA tan tra las/ bdud rtsi chen po'i bca' gzhi dang / ting nge 'dzin phun sum tshogs pa'i bca' gzhi/ rin po che gter gyi le'u ste gsum pa'o// // gnod 'dul lha yis yang gsol pa// 'jig rten dbang chen 'di rnams kun// bskul ba'i cho ga ji ltar lags// mngon rdzogs yab la bdag nyan 'tshal// de skad gsol pa gsan nas kyang // rdzogs sangs rgyas kyis bka' stsal pa// nyon cig g.yung drung yang dag pa// ngas gsungs pa la gdon mi za// 'jig rten dbang chen 'di rnams kun// 'jig rten 'dir bskul 'di skad do// hUM snang srid thams cad yum gyi b+ha ga'i klong // dus gsum bde gshegs 'byung ba lnga yi dang // skye 'gro ma lus 'byung ba lnga la rdzogs// 'das dang ma byon 'byung ba lnga yi dbyings// 'byung ba lnga nyid yum gyi b+ha ga'i klong // bde chen yum gyi klong la phyag 'tshal lo// hUM khams gsum thams cad yum gyi b+ha ga'i klong / brgyan yang / snang srid thams cad 'khor lo rtsibs bzhi po// gru chad sgo bzhi b+ha ga'i tshul du brgyan// 'byung ba lnga yi rgyal mo sku bskyod cig/ hUM 'khor lo 'bar ba'i lte

  30. 15b

    dbus su// ya bdud bsgyel ba'i gdan steng du// yum gyi rgyal mo spyan drangs te// bzhi zur zhabs brgyad phyogs mtshams gnon// mkha' bzhi bde klong gcig tu 'khyil// mkha' la dus bzhi'i cha snyoms ma// dbu gcig zhal lnga srid pa gsal// zhal nas 'byung ba lnga 'char ma// phyag drug phyag rgya sna tshogs bsnams// dang po rdo rje dril bu dang // bar ma dril zhags b+han+d+ha dmar// tha ma bdud rtsi g.yang gzhi ldan// sna tshogs 'gyur ba'i sku mdog la// na bza' sna tshogs shin tu 'bar// 'khor lo 'bar ba'i lte ba la// tshogs kyi gtso mor gshegs su gsol// hUM shar phyogs 'khor lo'i rtsibs steng na// sa bdag bsgyel ba'i gdan steng du// shar gyi mkha' 'gro seng+ge'i gdong // rtag pa'i rgyal mo rnam snang gsal// sna tshogs 'gyur ba'i sku mdog la// na bza' dkar po shel ltar dkar// dbu gsum phyag drug zhabs bzhir bgrad// dang po rdo rje ban+d+ha 'bar// bar ma dgra sgra gtun shing brdeg/ tha ma seng+ge'i mchog chen snod// 'byung ba sa yi mnga' bdag mo// 'gro ba'i rus la mnga' mdzad ma// rus pa'i bdag mor gshegs su gsol// hUM byang phyogs 'khor lo'i rtsibs steng na// gnod sbyin bsgyel ba'i gdan steng du// byang gi mkha' 'gro khyung chen gdong // rtag pa'i rgyal mo yang gsal g.yos// sna tshogs 'gyur ba'i sku mdog/

  31. 16a

    la// na bza' ljang gu shin tu 'bar// dbu gsum phyag drug zhabs bzhir bgrad// dang po b+han+d+ha rgya gram bsnams// bar ma dbyug chen rgyu phreng 'dren// za ma sbyang mo'i zhing chung stod// 'byung ba rlung la dbang bsgyur zhing // 'gro ba'i dbugs la mnga' mdzad ma// dbugs kyi bdag mor gshegs su gsol// hUM nub phyogs 'khor lo'i rtsibs steng na// chu bdag bsgyel ba'i gdan steng du// nub kyi mkha' 'gro sud ka'i gdong // rtag pa'i rgyal mo gnyen gsal ma// sna tshogs 'gyur ba'i sku mdog la// na bza' dmar mo dbang gis mdzes// dbu gsum phyag drug zhabs bzhir bgrad// dang po pung ka b+ha na dmar 'bar// bar pa zhags pa tri shU la dril bu yang // tha ma zhing chung ce spyang stod// 'byung ba chu la dbang sgyur zhing // 'gro ba'i khrag la mnga' mdzad ma// khrag gi bdag mor gshegs su gsol// hUM lho phyogs 'khor lo'i rtsibs steng na// gshin rje bsgyel ba'i gdan steng du// lho yi mkha' 'gro ban glang gdong // rtag pa'i rgyal mo 'od gsal 'bar// sna tshogs 'gyur ba'i sku mdog la// na bza' sngon po bai DUr+ya// dbu gsum phyag drug zhabs bzhir bgrad// dang po rin chen b+han+ta dmar// bar ma me sbal dbyug to bsnams// tha ma stag mo'i zhing chung snyod// 'byung ba me la dbang sgyur zhing // 'gro ba'i drod la mnga' mdzad

  32. 16b

    ma// drod kyi bdag mor gshegs su gsol// hUM dkyil 'khor 'khor lo'i lte ba la// brgya byin bsgyel ba'i gdan steng du// nam mkha'i mkha' 'gro rdo rje mchu// rtag pa'i rgyal mo bkrag gsal mnyen// sna tshogs 'gyur ba'i sku mdog la// na bza' ser po btso ma gsol// dbu gsum phyag drug zhabs bzhir bgrad// dang po 'khor lo b+han+da dmar// bar ma rgyal mtshan spu gri bsnams// tha ma 'ug pa'i zhing chung snyostod// nam mkha' stong la dbang bsgyur zhing // 'gro ba'i bkrag la mnga' mdzad ma// bkrag gi bdag mor gshegs su gsol// kun kyang ye shes mkha' 'gro ma// mche ba can la gtsigs shing bzhad// 'jigs tshul can la snying rjer ldan// ye shes drug dang ldan pa ste// pha rol phyin pa de bzhin gshegs// sems can kun la thugs brtse'i phyir// 'gro la phan phyir gshegs su gsol// da ni ma mo dbang du bsdu ba dang bkol ba'i thabs 'chad de/ nyon cig gnod 'dul lha yi gtso// gtso mo la sogs drug po ni// bdag nyid chen por bsgom par bya// bcu bzhi man chad gdan du gding // bdag nyid che bar bsgom par bya'o// ma ni dgyes chen rtag pa'i mkha'// mo ni bde chen longs spyod rdzogs// ma ni rtag chen g.yung drung mkha'// mo ni shes rab chags med klong // ma ni sku gsung thugs kyi mkha'// mo ni

  33. 17a

    lus ngag yid gsum klong // ma ni rgyal ba kun gyi mkha'// mo ni snang srid kun gyi klong // ma ni skye ba med pa'i mkha'// mo ni 'gag pa med pa'i klong // ma ni thabs mchog 'dod pa'i mkha'// mo ni shes rab chags med klong // ma ni nam mkha'i dbyings nyid mkha'// mo ni sems kyi sems nyid klong // ma ni chos kyi dbyings nyid mkha'// mo ni b+ha ga'i dbyings nyid klong // ma ni kun gzhi bde chen dbyings// mo ni rnam shes hUM chen 'bar// mkha' klong dbyings su bdag bsgom zhing // thig le chen por klong brtan nas// lus la ma mo dbang du bsdu zhes 'byung ste/ de la ma mo dbang du ji ltar bsdu na tshig dang don 'di skad do// ye shes thig le chen po yi// gsang chen bde ba'i lam mchog dang // man ngag rdzogs pa'i dkyil 'khor la// yang gsang ma mo drug po de// chags pa'i gdan du gding bar bya// 'od chen dog sna tshogs kyis// srid pa bde 'gro chen mo dang // nyi zla thod phreng gdan du bting // thig le chen po'i rgyan bzhi yis// khros pa'i dbang chen bzhi po dag/ chags pa'i gdan du gding bar bya// srid pa'i dradangs ma brgyad po las// sbas pa'i ma mo bzhi po dang // thugs kyi dgyes sde bzhi rnams dag/ mngon sum gdan du gding bar bya// bde chen gsang ba'i dkyil 'khor gyis// srid pa chags byed spun gnyis

  34. 17b

    ni// mngon sum gdan du gding bar bya// srid pa rang lugs gnyug ma yis// e ka tsa ti spun drug mnan// chags pa'i dbang chen dmar po yis// 'dod khams gtso mo spyan gnyis mnan// srid pa spyi yi mdo sdud kyis// nam mkha' rgyal mo spun gnyis mnan// dbang mo spyi yi mdo gsal gyis// srin mo chen mo bdun rnams mnan// g.yas g.yon thabs dang shes rab kyis// dmag gi rgyal mo spyan bzhi mnan// srid pa 'jug byed phra mo yis// nyi shu rtsa brgyad gan rkyal mnan// de ltar gdan du gding bya ba// snying 'dren phyag rgya bcas nas su// drag po sngags kyis gnan par bya// hUM muM kha la ha ha ha ha b+ha da nan kro ti shwa rI na// sur+ya pad+ma kha rag sring 'gro nan nan/ mu ting shan ting dun tri/ dan tri nan/ ta ke ma ta ke ma ni la tan tra nan/ ma ma ka b+h+yo hAM nan/ ma ma duSh+Tan nan/ ma ma duSh+Tan pad+ma rak+ta/ pra bi sha nan phaT/ zhes brjod pa yis/ stan gyi rgyu rnams bsgyel nas ni// bdud rtsi dmar chen khar blug go/ A~M badz+ra a mr-i ta u Ta/ tsit+ta nan/ tra ta phaT/ de ni srog 'phrog pa'i thabs yin te/ gdan gyi snying khrag zhal du rngub// lce yi steng du gsal bar bzhag/ de nas gdan nas bkye nas su// sgrub pa'i las rnams byed par bsgom// che ba'i nga rgyal 'di skad bskyed// hUM nga ni khrag 'thung kun gyi rje// nga ni ma mo kun gyi yab// nga ni srid gsum snying

  35. 18a

    rje'i mchog/ nga ni ma mo kun gyi rje// thams cad kun gyi snying khrag bdag/ khyod kyi snying khrag pa la yod// nga yi las bcol khyod kyis sbubs// dzaHhUM ti maM b+h+yo raM ma mo b+h+yo ru lu ru lu rag mo b+h+yo/ ye shes rtsal 'phang thig le yi// bsgom bya'i ma mo bcu gsum la// drug cu rtsa brgyad dkyil 'khor rdzogs// zhes byung ste/ bdag nyid bla na med pa'i ting nge 'dzin gsal bar byas la/ sems las bskyed pa'i ma mo bcu gsum dang / ma mo drug cu rtsa brgyad kyi srog gi snying po bsdus la 'khor du bzhag go/ de nas rnal 'byor tshogs kyi mchod pa gzhung bzhin bshams la/ sna la ye shes las bskyed pa'i mkha' 'gro rnams mchod/ hUM thig le dbyings las bskyed pa'i khro rgyal yum// ye shes thugs las sprul te khro mo'i skur ston pa// gnyis med ha ha bzhad cing rngam pa'i hUM sgra 'byin// mche ba dmar po gtsigs nas snying 'dren rkan sgra can// skye shi rtsa ba bcad nas bde klong dbyings la sdud// sku dang sku mdog khro mor bzhugs shing dbang chen dkyil 'khor rdzogs// phyag nas sprul pa gtong zhing dug gsum dbyings la sbyor// ma tshogs 'khor du bsdus nas b+ha ga'i mnga' mdzad ma// drug cu rtsa brgyad tshogs la yab kyi rngam pa'i sgra phyung zhing // hUM srid gsum 'khor lo rdzogs pa'i thig le la// dgyes pa'i bzhad sgra rol pa'i tshul bzhin

  36. 18b

    mdzad// rgyu las bskyed pa'i bdud rtsi lnga po 'di// rnam rtog gzhom phyir sku la thim par mdzod// hUM ha he ma ma b+h+yo ru lu ru lu hUM ru lu b+h+yo b+h+yo a la la IM ha ho// sku las bskyed nas bstod nas su// 'khor gyi drug po spyan drang ngo // hUM ma mo chen mo'i dkyil 'khor nas// kun 'byung dkyil 'khor mnga' bdag mo// bzhi zur zhabs brgyad zhal lnga 'bar// mkha' bzhi bde klong dbyings la gsal// mkha' la srog gi mnga' mdzad ma// dkyil 'khor gtso mor bzhugs su gsol// hUM ma mo chen mo rgyu bdag mo// sna tshogs 'gyur ba'i sku mdog la// zhal gsum shar gyi mkha' 'gro ma// hUM ma mo chen mo dbugs kyi bdag/ sna tshogs 'gyur ba'i sku mdog la// zhal gsum byang gi mkha' 'gro ma// hUM ma mo chen mo rlan bdag mo// sna tshogs 'gyur ba'i sku mdog la// zhal gsum nub kyi mkha' 'gro ma// hUM ma mo chen mo drod bdag mo// sna tshogs 'gyur ba'i sku mdog la// zhal gsum lho yi mkha' 'gro ma// hUM ma mo chen mo bkrag gi bdag/ sna tshogs 'gyur ba'i sku mdog la// zhal gsum nam mkha'i mkha' 'gro ma// yang sbas drug gi dkyil 'khor nas// thugs dam chen po rjes dgongs te// bcol ba'i las rnams 'grub par mdzod// de nas bcu bzhi man chad dang // rang lugs rgyud bzhin bskul bar bya// ma mo dkyil 'khor thams cad dang //

  37. 19a

    dbang bskur ba dang yang gsang thugs kyi tshogs kyi le'u ste bzhi pa'o// // de nas ma mo phyag rgya rnams// 'bru lnga'i don du ngas bstan gyi// nyon cig gnod 'dul lha yi gtso// a la la ho// sa ma ya hUM ha he s+t+waM/ lag gi 'du byed bsgom pa ni// g.yas g.yon thabs dang shes rab las// rdo rje gar du bsgom pa las// shes rab mchog gi snying gar bstan// sbos mo dbang mo rtse sprad de// thabs kyi phyogs mtshams bskor ba las// ma mo tshogs kyi rgyal mo'i rgya// rdo rje sder mo dam bsnol te// oM bsgreng spyi bor rgya bcings pa// ma mo rdo rje rus pa'i rgya// rdo rje khu tshur bcings pa las// hUM dang ha gnyis rtse bsdus nas// 'bru gsum brgyad nas gshog pa'i tshul// na ra ha sar bzung ba ni// ma mo rdo rje dbugs kyi rgya// rdo rje khu tshur bcangs pa la// oM dang ha gnyis rgyab bsnol 'khyud// 'bru gsum rtse sprod sku gsung thugs// bzhad pa'i thad kar bzung ba ni// ma mo rdo rje khrag gi rgyu// rdo rje khu tshur dam bcings te// ha gnyis rtse skad gyen du bsgreng // oM gnyis rtse sbrad thad kar brkyang // sra gnyis rtse skad thur du brkyang // 'bru gnyis so sor dam bsnol nas// 'gu ya'i thad kar bzung ba ni// ma mo rdo rje me yi rgya// rdo rje khu tshur bcings pa las// oM gnyis rgyab bsnol lu gu rgyud// 'bru gsum so sor rtse mnan te// hUM

  38. 19b

    gnyis drag tu g.yob pa ni// ma mo rdo rje bkrag gi rgya// rdo rje thal mo brkyang ba yi// thabs kyi oM dang ha gnyis las// shes rab hUM gis bsten par bya// shes rab oM dang ha gnyis las// thabs kyi hUM gis bsten par bya// shes rab oM dang hUM brkyang ba// thabs kyi oM dang swa bkan nas// sems kyi dkyil 'khor mnan bkan pa// ma mo ye shes mkha' 'gro yi// rdo rje tshogs chen rdzogs pa yi// phyag rgya yin zhes dpa' bos bshad// gnod 'dul lha yis yang gsol pa// sems nyid 'jig rten zla ba yi// phyag rgya chen po ji ltar lags// dbang phyug gtso la bdag nyan 'tshal// rdzogs pa'i sangs rgyas bka' stsal pa// nyon cig gnod 'dul lha yi gtso// thig le chen po'i phyag rgya ni// rdo rje khu tshur kha sprad de// shes rab mchog gi phyogs gnas su// oM aM ha rtse sprad nas// rnam par thar pa'i sgo gsum rgya// thabs mchog spyod pa'i phyogs nas su// oM aM ha gsum rtse sprad pa// sku gsung thugs kyi rdo rje'i rgya// thabs kyi hUM gi sgo gsum ni// rang rig ye shes phyag rgya yin// shes rab swa yi sku gsung thugs// thig le byang chub sems kyi rgya// shes rab hUM gi rtse mo ru// thabs gyi swa yi sbyor mnan nas// thabs dang shes rab phyag rgya zhes// yang dag rdzogs kyis nges par bshad// thig le chen po'i rgya bcings nas// ma hA su khar

  39. 20a

    bsdams nas su// bla na med par gsal gyur na// dus gsum nyes dmigs sel bar nges// ngas gsungs pa la the tshom med// dus gsum mgon pos de skad bshad// dkyil 'khor bsgom pa dang / sku mdog phyag mtshan bstan pa dang / phyag rgya sgrub par bstan pa'i le'u ste lnga pa'o// // gnod 'dul lha yis yang gsol pa// 'jig rten 'di na dbang bgyid pa'i// rim pa gang dang gang lags pa// yang dag rdzogs la bdag nyan 'tshal// yang dag bsgrub pas bka' stsal pa// nyon cig g.yung drung lha yi gtso// 'di ltar 'jig rten gang byed pa// ngas bstan pa la the tshom med// 'byung ba lnga las bskyed pa ni kun tu bzang mo// dbang bsgyur ba ni bu mo spun lnga// cha snyom ma ni srid pa bde 'gro ma/ 'byung ba lnga yi nyul len ma ni chags 'dzin spun gnyis so// dus bzhi rdzogs par byed pa ni kun tu bzang mo/ dus bzhi la dbang byed pa ni bu mo spyan lnga dang nyi zla zod phreng can no// cha snyoms ma ni khros pa'i dbang mo chen mo bzhi dang thugs kyi dgyes sde bzhi'o// dus bzhi nyul len ma ni/ phyag ya bdud kyi chung ma'o// ma mo rang rang bkol thabs ni/ yum chen mo mkha' la rgyu ba'i ma mo gsum dang / dbyings las shar ba'i ma mo gsum dang / yi dam bsgom legs ma dang bdun 'khol lo des srid pa bde 'gro ma 'khol lo// des rdo

  40. 20b

    rjerje nyi ma khros pa'i dbang mo che 'khol lo// des srid pa chags byed ma 'khol lo// des e ka tsa ti la sogs pa dang ma mo bdun 'khol lo// des 'dod khams lha yi gtso mo dang / rdo rje gar gyi dbang phyug ma gnyis 'khol lo// des ni nam mkha'i rgyal mo dang gling bzhi spyi phud gnyis 'khol lo// bu mo spyan lnga ni srid pa thams cad la dbang byed de/ rtag pa'i rgyal mo bkrag gsal mnyam gyis ni// nyi ma thod phreng can 'khol lo// des ni srid pa cha snyoms ma 'khol lo// des ni sa bdag pad+ma thod phreng ma 'khol lo// des ni e ka tsa ra 'dul lo// 'di rnams ni dbus kyi nyul le ma ste// nam gyi gung la rgyu'o// rtag pa'i rgyal mo rnam snang gsal gyis ni/ khams gsum khros pa'i dbang mo che 'dul lo// des ni dkar mo mig gcig ma 'khol lo// des ni rgyan gyi rgyal mo 'khol lo// des ni gru 'degs ma ha ra ting dkar mo 'khol lo// des ni dmag gi rgyal mo mche ba can 'khol lo// des ni sring mo bzhi ste gling bzhi spyi 'gro ma 'khol lo// de rnams ni shar gyi nyul byed ma ste srod la rgyug go/ rtag pa'i rgyal mo 'od gsal mas ni/ srid pa bde sbyor khros pa'i dbang mo che 'khol lo// des ni thugs kyi dgyes sde nag mor ral pa gcig ma 'khol lo// des ni dbang phyug ma 'khol lo// des ni gru 'degs ma dun ting nag mo 'khol lo// des dmag

  41. 21a

    gi rgyal mo nag mo kha yal ma 'khol lo// des sring mo nag mo mkha' la khyung lding ma 'khol lo// 'di rnams ni lho'i nyul byed ma ste/ nam gyi dbyings la rgyug go/ rtag pa'i rgyal mo gnyen gsal mas ni/ rdo rje nyi ma khros pa'i dbang mo che 'khol lo// des thugs kyi dgyes sde ma mo dbang bsgyur ma 'khol lo// des bdag nyid ma 'khol lo// des gru 'degs ma shan ting dmar mo 'khol lo// des dmag gi rgyal mo dkar mo mchu 'jib ma 'khol lo// des sring mo dkar mo g.yag thod 'khol lo// 'di rnams ni nub kyi nyul byed ma ste/ nam gung la rgyug go/ rtag pa'i rgyal mo yang gsal g.yos kyis ni/ pad+ma khrag 'thung khros pa'i dbang mo che 'khol lo// des thugs kyi dgyes sde ser mo las mkhan ma 'khol lo// des gcig pu ma 'khol lo// des gru 'degs ma grub ting ser mo 'khol lo// des dmag gi rgyal mo ser mo rkang ldag ma 'khol lo// des sring mo nag mo sder chen ma 'khol lo// 'di rnams ni byang gi rgyug byed ma ste/ nam gyi tho rangs rgyug ga/ yum chen mo ni nyin mtshan med par gzigs te/ phyogs bzhi mtshams brgyad kun la mnga' mdzad do// spyi dpal ni yum chen mo rtag pa'i rgyal mo lnga la sogs pa'o// ma mor grags pa kun la mnga' mdzad do// rtag pa'i rgyal mo lngas ma mo chen mo bdun 'dul lo// des srid pa bde

  42. 21b

    'gro ma dang nyi ma thod phreng can gnyis 'dul lo// des khros pa'i dbang mo che 'dul lo// des thugs kyi dgyes sde mo bzhi 'dul lo// des sbas pa'i ma mo bzhi 'dul lo// des srid pa chags byed ma dang cha snyoms gnyis 'dul/ des srin mo bdun 'dul/ des e ka tsa ti spun drug 'dul// des 'dod khams lha mo'i gtso mo ne mtshan spun bdun 'dul/ des rdo rje gar gyi dbang phyug spun bdun 'dul/ des dmag gi rgyal mo spun bzhi 'dul// des sring mo bzhi 'dul/ de ltar nang 'khrug na yang // tha ma nas ni rim bzhin te// gtso mo bcos na kun kyang bde// dman mo lnga bcu rtsa lnga so so'i dbang tshad do// sems las bskyed pa'i ma mo bcu gsum mnan pa dang / drug cu rtsa brgyad kyi tshogs zhes bya'o// ma mo so so'i dbang gi rim pa ste le'u drug pa'o// // gnod 'dul lha yis yang gsol pa// bcu bzhi zhes bgyi rje dang khol// rabs rgyud rtsa ba ji ltar lags// 'gugs dang 'dren pa'i sngags rnams gang // rnal 'byor mchog la bdag nyan 'tshal// de skad gsol pa gsan nas kyang // rnal 'byor mchog gis bka' stsal pa// nyon cig gnod 'dul lha yi gtso// bcu bzhi la sogs rje khol gyi// rabs rgyud 'gugs 'dren sngags rnams kun// gtan tshigs rtsa ba sbas pa rnams// gtan tshigs rtsa ba gtan la dbab// de la ri

  43. 22a

    rab gling bzhi ni gong du chags pa rang lugs su yod/ nyi ma dgu brgya rtsa gcig dang // zla ba dgu brgya rtsa gcig gi/ nyi zla stong dang rtsa gnyis kyis/ ri rab kyi phyi rol gang na gnas pa'i snang srid thams cad ril tshigs nas ci yang mi snang ba las/ ri rab kyi nang ring thung du dpag bsam gyi shing yongs 'du sa brtol zhes bya ba yod pa las// shing gi rtse mo ri rab kyi bum pa'i nang na/ yum chen mo srid pa bde 'gro khams gsum yum mchog ma zhes bya ba sku mdog mthing gar bzhugs shing / dbu dang phyag dang spyan cir yang ston pa/ rin po che rnam pa sna tshogs kyis brgyan pa can/ sbas pa'i spyan gnyis nas/ g.yas nas ni khrag gi mchi ma/ g.yon nas bdud rtsi'i mchi ma/ sbas pa'i zhal nas 'bras bu rnam pa lnga'i bcud 'dzag pa/ sbas pa'i phyag gnyis la g.yas pas srid pa thams cad kyi rtse nas 'dzin pa/ g.yon pas 'og gi rdo rje'i gdan 'dzin pa/ sbas pa'i zhabs gnyis kyis/ g.yas pas 'jig rten gyi dbang po che thams cad kyi snying brdzis pa/ g.yon pas 'jig rten gyi dbang mo che thams cad kyi snying rtsa mnan pa/ gsang ba'i mkha' ge sar gyi dkyil nas/ snang srid thams cad kyi 'phel 'grib mdzad pa/ ye shes kyi gnas rang las shar ba las ma gtogs pa kun nam mkha'i gting khung du sdud pa/ spyi bo'i gtsug na khrag

  44. 22b

    gi ral pa gcig gis/ srid pa'i ma mo thams cad dbang du sdud pa/ ri rab kyi rtse bum pa'i nang na bzhugs so// de'i khol mo srid pa chags byed ma dang / srid pa cha snyoms ma gnyis shing gi sked par gnas so// yum chen mo 'khol po srid pa zhig 'dzin dang / srid pa byan byed gnyis/ shing gi rtsa ba na gnas te/ ri rab kyi phyi rol na snang zhing srid pa ril tshigs nas mi snang ba la/ srid pa bde 'gro mas nyi zla dbang du sdud pa'i phyir 'byung ba lnga'i drod las sprul pa'i bu mo mdor dkar la g.yu'i ral pa can dpral ba'i dbyes na mig zur gsum pa gcig yod pa/ lcags dang zangs kyi gri zhags la snying brgyus pa'i zhags pa 'phen pa zhig skyes pas/ des nyi zla stong thod dang phreng bar bcings nas/ nyi zla zung gcig btang ba las/ gzod srid pa cha snyoms so// de nas yum bde 'gro mas phyi rol gyi snang srid thams cad phyung ngo // de nas dkar mo nyi zla'i thod phreng can de nga nyid ni gsang bar bzung / rab tu gsang zhing sbas pa las/ mu stegs ka la chen po zhes bya ba ri rab kyi 'og rgya mtsho'i gting na gnas pas mthong ste/ byi ba'i lo la yid kyi sbyor ba gcig byas pa las/ glang gi lo la bu mo spyan bzhi skyes pa dang / khol mo srid pa cha snyoms mas lte ba bcad de/ bu mo spyan bzhi'i ming yang mas btags te/ dbyings phyug ma dang / rgyan gyi rgyal mo dang /

  45. 23a

    bdag nyid ma dang / gcig pu ma dang gzhir btags so// ming yang ches te de bzhis srid pa phung ba dang 'dra ba lan cig byas so// de nas nga nyid ye shes sprul pa dang // srid pa bde 'gro rnam gnyis kyis// yid kyi sprul pa bkye nas su// 'jig rten phung byed de bzhi yi// mngal la sogs pa dbang du bsdus// hUM las sprul pa'i ma mo bzhi// de bzhi las kyis bskyed byas so// de bzhi'i ma srid pa chags byed mas byas so// phyi mo dang mas ming btags te/ rdo rje nyi ma khros pa'i dbang mo che dang / rdo rje pad+ma phrag 'thung khros pa'i dbang mo che dang / srid pa bde sbyor khros pa'i dbang mo che dang / rdo rje khrag gsum tshogs byed khros pa'i dbang mo che dang bzhir btags so// ming legs nas bu mo de bzhi las ma bzhi dbang du bsdus so// de nas srid pa bde ba la bkod do// sprul pa'i bu mo de bzhi dang / rigs kyi 'byung ba bzhi po ru// dpag bsam shing gi yal ga la// 'brug gi lo la rtsed 'jo ba// mu stegs ka las tshor nas su// sdig chen dmod pa'i mtshon cha yis// mdza' nas rgyug pa khyed cag rnams// nal bu lto ru chud nas su// ngo tsha'i bu yang sbed par shog/ ces dmos pa dang / dmod pa sdigs te/ sbrul gyi lo la bu mo spun bzhi skyes pa dang / yang khol mo srid pa chags byed mas lte ba bcad do// de nas ma bzhi ngo tsha nas/ ri rab

  46. 23b

    kyi ngos bzhir bsnyungs te bzhag pa las/ rta'i lo la blta bas mi bra ba'i bud med rdzu 'phrul che zhing mtshan dang ldan pa bzhi dpal chen pos gzigs nas/ thugs kyi dgyes sde gsang ba'i yang phyi mor bzung ngongo// dkar mo mig gcig dgyes 'debs ma dang nag mo ral chen rmongs byed ma dang / dmar mo dbang sgyur za byed ma dang / ser mo las mkhan tshe 'phel ma/ zhes thugs las mtshan yang btags so// ma mo bcu bzhi'i rabs rgyud kyi le'u ste bdun pa'o// // de nas de rnams kyi khol mo srid pa chags byed ma dang / khol po srid pa zhig 'dzin gnyis/ khyi'i lo la dpyid zla ra ba'i nya la khyo shug tu 'dus pa dang / phag gi lo'i dpyid zla ra ba'i nya la bu khye'u gcig skyes te/ jo mo nyi ma thod phreng gis bskos rje drangs dkar du ming btags te/ blon por bskos so// de nas drang dkar dang srid pa cha snyoms ma sru mtshan gnyis khyo shug tu 'dus te/ srid pa cha snyoms so// de gnyis las bu mo spyan drug skyes te/ bzhi ni khros pa'i dbang mo che bzhi'i blon po rgyal po chen po bzhi'i chung mar blangs te/ rje mos ri rab kyi gru bzhi nas 'degs su bcug ste/ gru 'degs chen mo bzhir ming btags so// bu mo chung spun gnyis la gcig ni srid pa bya mkhan gyi chung mar blangs so// jo mo nyi ma thod phreng gis he ru ka ming btags nas/ srid pa'i bya mkhan

  47. 24a

    mo byan mo yang byed du bcug go/ de'i bu mo tha chung e ka tsa ra ni/ dbyings phyug ma spyan bzhi yi 'khor na gnas so// de nas rgyal po chen po bzhi las bu mo spyan bzhi skyes te/ dkar mo mche ba can/ nag mo kha yal ma/ dmar mo chu 'jib ma/ ser mo rkang ldag ma bzhi skyes te/ de bzhi thugs kyi dgyes sde mo bzhi'i khol mor thob ste/ dmag gi rgyal mor bskos so// de nas khros pa'i dbang mo che bzhi'i khol mo e ka tsa ti shugs ni blon po/ lha chen mo bdun gyi ma/ sring mo chen mo bdun gyis 'jig rten du rab tu gnod pa las/ yum chen mo thugs las sprul pa/ dbyings las shar ba'i ma mo gsum dang / mkha' la rgyu ba'i ma mo gsum dang / gsang ba bsdus pa'i ma mo gcig ste thugs kyi sprul pa'i ma mo bdun gyis/ srin mo bdun btul lo// de nas gtso mo bcu bzhi las/ rgyan gyi rgyal mo 'od can spyan bzhi bya ba mngags nas/ bu mos ma'i dbang phrogs te/ dbang yang med mthu yang chung ste/ zhe ngan sha stag byed do// de nas rgyan gyi rgyal mo dang / khol po bya ya bdud gnyis/ byi ba'i lo la byi byas pa'i bu/ glang gi lo la yar la shod kyi skyes to re dang / 'dod pa khams kyi gtso mo gnyis mtshe mar skyes so// de nas yar la shod kyi skyes to re dang / jo mo na yang jo mo/ sru mo na yang sru mo/ bdag nyid ma zhes bya ba gnyis/ shing na byi sa le'i rtse

  48. 24b

    mor/ rta'i lo la tshes bco lnga la mdza' na rgyug ste/ nang par so sor gyis nas phyin pas sru mo'i rting pa la khrag thig gcig 'dug pa mthong ste/ mi gtsang ba'i sems skyes nas/ mchil ma gcig bsgyur ba dang / khrag gi steng du song ste/ khrag dang mchil ma 'dres pas bu tsha ming sring gnyis mtshe mar skyes te/ lug gi lo'i tshes bcu bzhi la gnam gying khyi yang dkar po skyes/ tshes bco lnga la sa bdag pad+ma phreng skyes/ de nas yang dbyings phyug ma dang / yar la shod kyi skyes to re dang gnyis spre'u lo la byi ba gyis pa'i bu/ bya'i lo la ming sring gnyis mtshe mar skyes te/ ming po ni shar phyogs kyi shel seng ge sring mo ni pad+ma gar gyi dbang phyug ma yin no// de nas ya bdud dang / e ka tsa ti khyo shug gnyis las/ bu mo spun gnyis skyes te/ che ba ni 'jig rten srid 'degs zhes bya ba nam mkha'i rgyal mo'o// chung ngu ni gling bzhi spyi phud ma zhes bya ste// 'jig rten dbang sdud ma'o// srid pa cha snyoms ma ni he ru ka s+t+ri ra zhes bya/ srid pa chags byed ma ni lha mo tshogs kyi rje mo zhes bya/ e ka tsa ti ni mi yongs kyi bdag mo che zhes bya/ gru 'degs ma chen mo bzhi ni// har ting dkar mo dang / dun ting nag mo dang / shan ting dmar mo dang / grub ting ser mo dang bzhi'o// ma mo'i dkyil 'khor chen mo brgyad la/ yum srid pa bde 'gro ma ni/ yongs su rdzogs pa grub ldan mchog

  49. 25a

    gi dkyil 'khor zhes bya'o// dkar mo mig gcig ma ni nyi zla stong gi dkyil 'khor zhes bya'o// khros pa'i dbang mo che bzhi ni/ snying rje byams ma'i dkyil 'khor ro// dkar mo mig gcig ma la sogs pa bzhi ni/ gsang ba dgyes pa'i dkyil 'khor ro// dbyings phyug ma bzhi ni/ phung byed sbas pa'i dkyil 'khor ro// yang rnam pa gcig tu yum chen mo bzhi dang / nyi zla thod phreng can ni yongs su rdzogs pa ting nge 'dzin gyi dkyil 'khor to// dpal chen po dang gnyis su med do// khros pa'i dbang mo che bzhi ni/ skye 'gro yongs su skyong ba'i dkyil 'khor ro// bdud rtsi bum pa gang dang 'dra'o// thugs kyi dgyes sde chen mo bzhi ni/ ge sar yongs kyi dkyil 'khor zhes bya ste/ gsang ba'i chags 'dzin kun gyi bdag mo yin no// de rnams kyi khol mo ma tshogs brgyad de// srid pa chags byed ma ni/ chags 'dzin ma'i tshogs so// srid pa cha snyoms ma ni/ snyoms byed chen mo'i tshogs so// srid pa gru 'degs ma ni gling bzhi spyi 'gro ma'i tshogs so// e ka tsa ti ni pho nya kun gyi tshogs so// dmag gi rgyal mo bzhi ni dri za la sogs pa rigs so so yongs kyi tshogs so// e ka tsa ti dang / 'dod khams lha'i gtso mo ni/ bud med nag mo'i tshogs so// rdo rje gar gyi dbang phyug ma dang / rdo rje gar gyi dbang phyug ma gnyis ni/ nyul byed chen mo'i

  50. 25b

    tshogs so// rin chen srid 'degs ma dang / gling bzhi spyi phud ma gnyis ni/ sman phran kun gyi tshogs so// de la e ka tsa ti'i nu mo e ka tsa ras bsam pas/ jo mo'i nang na yang bdag gi jo mo gud sang dbang chung ste bdag kyang khol mo'i nang na gud pa dbang chung bas/ ngan thabs shig bya'o snyam pa las/ jo mo gcig pu mas byi sna byas te/ rgya mtsho'i gting nas chu srin gyi rgyal po/ kum+b+hi ra ma ka ra zhes bya ba bkug nas/ dug shing gdug pa can cig gi phag tu/ stag gi lo la nyal po byed du bcug pa'i bu/ yos bu'i lo la ming sring gnyis skyes te/ ming po dkar po mig gcig pa skyes/ sring mo nag mo khrag 'dzag ma skyes nas/ nad gtong bar 'gyur to// de nas ming pos ma'i gzi mdangs phrogs/ 'jig rten yongs kyi mthu yang rku bar byed pa las/ sru mo e ka tsa tis tshor te/ jo mo khros pa'i dbang mo che bzhi la zhus nas/ rje 'bangs lngas bsgral ba las/ lus gcig gi nang nas tsit+ta bcu phyung ba las/ gcig ni snying gi bdag mo la phul dgu las gsum rgyal the'u khra bo dang tri sha kha dang / rkan thob to gsum ste rgyal po'i srid la gnod/ gsum pas bar the'u smug po dang / legs the'u khra bo dang / sa the'u nag po dang / gsum gyi mi yongs la gnod do// gsum phyogs phyogs su gyur te/ brag srin dang / shing srin dang / chu srin dang gsum du gyur/ dgu ka'i

  51. 26a

    rkang pa ya re bcag nas/ gnam khyi dkar po khol du bcug go/ de nas 'brug gi lo la/ e ka tsa ra ma mngal mi bde bas mnyer btsir ba las/ gdong sog po la/ mig long ba/ lus sbyang ki la khog pa la snying gsum yod pa gcig skyes pa las/ 'di ni su la yang cha med pas dgra'i snying 'byin pa/ byams pa'i lan ldon par 'ongs te/ las su rung ngo snyam nas/ dga' zhing 'dug pa las gtso mo nyi mthod phreng can gyis tshor te/ snying gnyis khar bcug ste/ shel ge la khol por byin te btang ngo // pho rgyud mo rgyud kyi gtan tshigs te le'u brgyad pa'o// // 'gugs shing 'dren pa'i sngags rnams ni// yang dag nyid du ngas bstan gyi// nyon cig g.yung drung yang dag pa// A~M kro tI shwa rI b+ha ga pad+ma r+ya hUM hUM phaT/ badz+ra shAn+ti pad+ma ka ru ti b+h+yo/ oM mu tri ni/ a sha na tri ni/ ba ga dun tri ni/ khu mud dun tri ni/ oM sUr+ya bi to a to ye/ badz+ra pad+ma bi t+ya a to ye/ badz+ra kha rag bi ta a to ye/ badz+ra sr-i 'gro bi ta a to ye/ oM badz+ra kai kai badz+ra ta ke/ badz+ra ta kai/ badz+ra ni la/ badz+ra lan ta/ badz+ra lan ta/ badz+ra za 'gram mu ri sh+tsa/ oM badz+ra kha rag snying kha rag snying / trag rag+ma kha mun ma trag rag+ma/ trag rag+ma mu tra ban// kha mun pa tra ba na/ kha mun pa tra pa tra rag+ma/ pra ban pra ka ra tiSh+Tha b+h+yo// pra ban ka ra ti b+h+yo/ pra gi waM gi sha b+h+yo/ b+h+yo hUM ka ri ka/ ba rod da

  52. 26b

    rod/ ni la chu ni ta kha TaM ka da la tsa pa la/ pad ma tsan da/ ma gur rag to/ di saM daM saM/ e a rA l+li/ nu pi ru lu nu pi ru lu ru lu b+h+yo/ trag rak+ka trag rak+ka/ au i ti b+h+yo/ bi ti b+h+yo/ mun ting b+h+yo/ au badz+ra ha ra ti b+h+yo/ dun ting b+h+yo/ shan ting b+h+yo/ grub ting b+h+yo/ te baM te wang b+h+yo/ a pa ra gan d+ha b+h+yo b+h+yo/ da la du na b+h+yo/ de ni ma ma yas b+h+yo/ nyi shu rtsa brgyad gzhan dang sbyar// des ni ma mo 'gugs 'dren 'gyur/ de skad dpa' bos yang dag bshad// ma mo gsang sngags kyi le'u ste dgu pa'o// // g.yung drung lha yis yang gsol pa// srid pa'i dbang chen 'di rnams kun// bsnyen bsgrub brjod na ji ltar bgyi// mngon sangs rgyas la bdag nyan 'tshal/ de skad gsol pa gsan nas kyang // yang dag rdzogs kyis bka' stsal pa// bsnyen bsgrub bskul ba'i tshig rnams kun// ngas gsung pa la the tshom med// nyon cig g.yung drung yang dag pa// hUM srid pa bde 'gro khams gsum kun gyi yum mchog ste// phra men rgya mtsho sku bskyod cig/ rnal 'byor chen mo'i sku sprul pa// spyan gnyis khros pa'i tshul mnga' zhing // zhi ba'i sku la snang srid gsal// sbrul pa'i sku la zhabs brgyad 'bar// drug ni rgyu drug sgo yang gcod// gcig ni klu yi khams su 'char// gcig ni bdud dang mu stegs gnon// rnam par shes pa'i yul drug las// spyan drug mngon par shar ba

  53. 27a

    ni// spyan gsum gyen du gzigs pas ni// rnam par thar pa'i sgo 'byed cing // sems can skye shi'i lam yang ston// spyan gsum thur du gzigs pa las// srid pa gsum char thal bar rlog/ de nas slar yang skyed par byed// g.yas kyi zhal bzhad zugs rje che// g.yon gyi zhal bzhad dbang du bsdad// dbus kyi zhal bgrad drag shul che// rdo rje'i mche ba gtsigs pa yis// srid pa'i 'gran zla chem chem gsol// rnal 'byor gsang ba'i b+ha ga las// srid pa gsum char 'char bar byed// lha la sogs te mtha' yas mchog/ bdud dang gnod sbyin la sogs te// gshin rje pho mo kun rnams 'dir// rnal 'byor sku yi g.yas phyogs na// las kyi ma mo bcu gsum 'char// pho nya phyag brnyan thabs kyis 'gyed// g.yon gyi phyogs nas 'char ba ni// rnal 'byor sku yi sum cha las// nges pa'i ma mo dgu sbas shing // thams cad kun la chad par brtson// yum gyi zhabs kyi g.yas phyogs nas// 'dod pa'i ma mo brgyad mnan te// 'jig rten kun la sman par mdzad// yum gyi zhabs kyi g.yon phyogs nas// bka' sdod nyi shu rtsa brgyad mnan// rnal 'byor kun gyi las rnams sgrub// srid pa'i ma mo thams cad kun// rnal 'byor sku yi khyon du rdzogs// ma mo'i thugs kyi thig le las// rdo rje kha T+wAM gzhu bdungs shing // shes rab ye shes mde'u rtse

  54. 27b

    las// spros pa'i thig le dgu 'phen ma// nges pa'i bde klong gcig tu 'khyil// he ru hUM sras 'khor du bzhag/ mthing nag 'bar ba'i 'phro 'du yis// thams cad 'grol zhing dbang du sdud// zhi ba'i sku la thugs rje che// ye shes sprul pa'i phyag drug las// g.yas kyi dang po 'khor lo bskor// gsang sngags bka' rnams sgrogs pa'i don// g.yon pa rin chen srid dbang sdud bskur// srid pa'i 'jig rten gnas la 'phen// g.yas kyi bar pas g.yang gzhi rdeb// bdud dang mu stegs rdul du rlog/ g.yon pas b+han d+ha dmar bskyil cing // bud med mang po dbang du sdud// g.yas kyi tha ma tshe 'dzin cing // rnal 'byor kun la dngos grub 'bebs// g.yon pas lcags kyu dgu bsnams shing // dam nyams kun dang dgra bgegs dang // bka' las 'da' ba'i snying rtsa 'dren// spyi gtsug sprul pa'i 'phro 'du yis// stong gsum 'jig rten b+h+yo bzlog mdzad// bdag cag ye shes rtsal 'chang gis// nges pa'i dam 'chang rtogs pa'i mthus// man ngag thugs kyi rgyud bskul bas// skad cig yud tsam dbyings nas bzhengs// srid pa gsum dang gling bzhi yang // thang gcig yud la 'jig par mdzad// khyad par ye shes nyi zla'i spyan// g.yas kyi spyan gyis srid pa gsal// g.yon gyi spyan gyis sbyor ba mdzad// rdo rje'i smin ma g.yengs pa yi// mu stegs

  55. 28a

    yag sha'i snying yang 'dren// ma mo khyod kyi mtshan nyid ni// byang chub sems ma zhes su grags// yang dag gsang ba'i mtshan nyid ni// sangs rgyas khros pa'i rgyal mo la// bde klong kun gyis gaH zhes grags// rnal 'byor gsang ba'i dkyil 'khor du// gsang ba thabs kyi 'phro 'du yis// yum gyi thugs dam der bskangs la// sku ni mi bskyod 'dir bzhugs la// 'khor gyi blon mo sku bskyod la// bcol pa'i las rnams 'grub par mdzod// ces tshogs la spyan drang pa ni// ma mo phra men rgya mtsho ma'o// gsang ba'i mchod pa dang ldan par byas te/ bskul ba ni/ hUM lha mo chen mo rnal 'byor ma// kun gzhi yongs kyi dbang phyug ma// snang srid kun la dbang sgyur zhing // skye 'gro yongs kyi dbugs 'phrog ma// dung chen phyag na bsnams shing 'o dod chen pos 'debs// gshin rje bran du 'khol zhing 'jig rten me yis 'gengs// 'gro ba'i tshe dpal 'phrog cing bo d+hi tsi t+ta'i bdag/ sgrol ba don du gnyer zhing dbang phyug kun dang sbyor// srid gsum sprul pas 'gengs shing bdud dpung rdul du rlog/ g.yang gzhi gos su gon nas kha T+wAM g.yab mos 'debs// sku mdog khro mor bzhugs shing khrag dang zhag gis brgyan// spu gri phyag na bsnams shing kun gyi snying 'byin ma// zhing chen gdan la bzhugs shing rnal 'byor grogs mdzad ma// mang

  56. 28b

    sa zas su za zhing tsit+ta'i zhags pa 'phen// nyi zla thod du bcings nas stong gsum bde la bkod// bdud kyi bu smad 'khol zhing nga rgyal drag shul che// dung chen snod du snying dang khrag tu sbyar ba 'di// khyod kyi sku la bstims pas bcol pa'i las rnams 'grub par mdzod// ces bya ba ni nyi zla thod phreng can no// rgyu bsgral ba kun gyi tsit+ta'i bdag mo yang yin/ thams cad kun gyi snying la yang dbang ngo // hUM rnal 'byor khros pa'i dbang mo che// nyi ma stong gi gzi mdangs can// stong gsum 'jig rten gzi 'phrog ma// srid pa sgrol ma gshegs su gsol// hUM rnal 'byor khros pa'i dbang mo che// pad+ma stong gis dbu brgyan cing // ge sar 'bum gyi khrag 'thung ma// dbang phyug rgyal mo gshegs su gsol// hUM rnal 'byor khros pa'i dbang mo che// khams gsum 'tsho byed 'dud rtsi sbyor// 'jig rten smra mchog kun gyi gsos// bdud rtsi'i rgyal mo gshegs su gsol// hUM rnal 'byor khros pa'i dbang mo che// b+ha ga yongs la mnga' mdzad ma// gnas lam thams cad stongs mdzad ma// thar pa'i lam mchog gshegs su gsol// zhes brjod de rnal 'byor tshogs la mchod pa 'bul ba ni khros pa'i dbang chen bzhi'o// b+ha ga 'bum la mnga' mdzad ma// dbyings phyug rgyal mo gshegs su gsol// 'jig rten yongs kyi rgyan mdzad ma// rgyan gyi rgyal mo gshegs su

  57. 29a

    gsol// bdag nyid lhag lhag bzhad mdzad ma// bdag nyid chen mo gshegs su gsol// stong gsum 'jig rten rgyug 'gro ma// gcig bu yum mchog gshegs su gsol// zhes bskul ba ni sbas pa'i ma bzhi'o// hUM ri rab gling bzhi'i shar phyogs nas// shar gyi dkar mo mig gcig ma// na bza' bya rgod thul pa la// g.yu yi dril bu 'bum gyis brgyan// dung gi lan tshar mche ba la// rin chen shel gyi thod gdengs can// dkar mo sgeg ma 'bum gyis bskor// srid gsum shar la mnga' mdzad ma// 'dir byon dam skong phrin las mdzod// hUM ri rab gling bzhi'i lho phyogs nas// lho yi nag mo mche ba can// na bza' g.yang gzhi go zu la// gser gyi dril bu 'bum gyis bskor// lcags kyi lan tshar mche ba la// gser g.yu spel ba'i thod gdengs can// nag mo sgeg ma 'bum gyis bskor// srid gsum lho la mnga' mdzad ma// 'dir byon dam skong phrin las mdzod// hUM ri rab gling bzhi'i nub phyogs nas// nub kyi dmar mo dbang sdud ma// na bza' chu srin g.yang gzhi la// sbrul nag 'bum gyi gdengs ka can// g.yu yi lan tshar mche ba la// bye ru dmar po'i thod gdengs can// dmar mo sgeg ma 'bum gyis bskor// srid gsum nub la mnga' mdzad ma// 'dir byon dam skong phrin las mdzod// hUM ri rab gling bzhi'i byang phyogs

  58. 29b

    nas// byang gi ser mo las mkhan ma// na bza' rma bya'i thul pa la// mthing gi go cog ya bas bskor// gser gyi lan tshar mche ba la// thod skam 'bar ba'i thod gdengs can// ljang nag sgeg ma 'bum gyis bskor// srid gsum byang la mnga' mdzad ma// 'dir byon dam skong phrin las mdzod// gling bzhi rgyal mo gsang ba'i gzungs// thu ba g.yas pa dmag gis bkang // rnal 'byor kun gyi dgra 'dul ma// thu ba g.yon pa rin po che// sgrub pa po la rtags 'byin ma// phyag ma g.yas na g.yang bzhi rdeb// khams gsum rdul du brlabs nas su// bdud dang mu stegs snying 'byin ma// phyag ma g.yon na b+han+da bskor// ma mo thams cad dang dbang du sdud// ral pa can gyi 'khor skyong ma// 'dir byon dam skong phrin las mdzod// ces spyan drangs shing 'byor tshogs kyi mchod pa 'bul zhing / las bsgo zhing brnag pa bcol ba ni thugs kyi dgyes sde gsang ba'i yang phyi mo bzhi'o// 'di bzhi ni ci bcol ba'i las yid bzhin du 'grub la/ lhur yang tshe dang sri'u la mkhas shing dgra la 'jebs shing gsang ba'i 'phral la rno'o// de yan chad ni ma mo bcu bzhi bskul ba'i le'u ste bcu pa'o// // da ni srid pa'i dman mo rnams bskul bar bya ste/ hUM srin mo chen mo sham sham mo// a phyi chen mo mi bzad ma// gos su zhing chen lpags rlon

  59. 30a

    gon// mtha' ma b+han+d+ha stong gis bskor// g.yas na zhing chen sor phreng bgrang // g.yon pas mi mgo'i phor pa ru// snying khrag snying tshil gtub nas su// rang gis rang la thim par stob// g.yang gzhi ru tshon phyar nas su// bdud dang mu stegs thal bar rlag/ 'jig rten thams cad sgrol bar byed// srid pa gsum gyi phud nyul zhing // de nas gtso mo dbyings su mchod// las su bcol na kun kyang 'grub// 'dir byon dam skong phrin las mdzod// ces bskul ba ni a phyi chen mo ste srid pa chags byed ma'o// hUM khyim bdag chen mo'i rnal 'byor ma// rnal 'byor chen mo khang bdag mo// khyim bdag chen mo thig le dgu// ye shes ngang gis rol pa las// phyag na rtse gsum 'bar ba bsnams// khrag 'thung yab yum kun la dbang sgyur zhing // mthu chen rnal 'byor kun la grogs mdzad ma// dung chen khrag gis sku la thim par mdzod/ khyod kyi 'khor ni rab tu mi bsgrungs te// sgra snyan yid 'phrog byed pa'i ma mo khyod// 'dod pa lnga la dad cing mthu chen rab tu bskul// khrag gis rlan par 'dod cing thams cad dbang du sdud// drag shul gtum mo rab tu sdang byed ma// kun gyi yid la gnas shing rab tu mthu chen bskul// me yi bskal pa stong zhing snying rje'i lam la sbyor// gsod pa don du gnyer zhing khro bo kun dang sbyor// bdud

  60. 30b

    kyi bu smad 'khor zhing nga rgyal drag shul can// 'o dod chen pos 'debs shing zhal gdangs mche ba gtsigs// dgra snying tshal par 'gems pa ma mo khyod kyi 'khor// dam tshig dus la bab kyi gshegs su gsol// zhes las gnyen po bcol pa ni sbas pa'i ma mo ste srid pa cha snyoms ma'o// hUM rnal 'byor chen mo srid pa'i bdag/ me ka tsa ti ral gcig ma// mig gcig ma la kar sham mdog/ rang chas sprin dkar go zu la// 'ja' tshon 'bar ba'i mtha' chags can// lag na kha T+wAM ga yi mtshon thogs shing // za 'og zhabs ma'i dbu rgyan can// bstan pa tsam gyis khams gsum rmongs byed ma// brdab pa tsam gyis the'u rang 'gong po'i bla gcog ma// 'dir byon dam skong phrin las gnyen po mdzod// ces bya ba ni e ka tsa ti ma'o// da ni ma mo bdun bskul bar bya ste/ hUM rgyal chen bdun gyi chung ma ste// rgya mtsho chen pos dkyil 'khor nas// dpal ldan shugs sgrol gtso mo ste// nag mo chen mo ral pa can// ri rab snyil ba'i rngams stabs can// kha nas me 'bar rgya mtsho skem// rdo rje kun grags gshegs su gsol// hUM khro mo rngams pa'i dkyil 'khor nas// mdzes pa'i tshul gyis 'od 'phro ma// 'jig rten 'chi bdag gzi 'phrog ma// kun tu bzang mo gshegs su gsol// hUM phyag rgya 'bar ba'i dkyil 'khor nas// nam mkha' stong la dbang sgyur

  61. 31a

    zhing // bdud dpung dregs snyems kun 'dul ma// rdo rje grags snyems gshegs su gsol// hUM dam tshig chen mo'i dkyil 'khor nas// pho nya mo ste drug cu'i gtso// sha chen khrag la longs spyod cing // gdug pa ma lus kun 'dul ba// rdo rje chen mo ye shes mchog/ dam tshig tshul bzhin gshegs su gsol// hUM khrag gi rgya mtsho'i dkyil 'khor nas// khro mo gtum byed za byed ma// rdo rje dra ba'i phreng thogs shing // byang phyogs rang gi 'khor 'dul ma// rdo rje 'od tshogs gshegs su gsol// hUM 'od phung 'khrigs pa'i dkyil 'khor nas// zhags pa stong gi gdengs ldan zhing // 'byung po ma lus 'ching mdzad ma// rdo rje gsal 'phro gshegs su gsol// hUM dbang phyug chen po'i dkyil 'khor nas// lcags kyu 'bar ba'i 'phro 'du can// dam tshig nyams rnams sgrol byed cing // bka' las 'das pa'i snying 'byin ma// rdo rje g.yu sgron gshegs su gsol// zhes bya ba ni ma mo chen mo bdun no// hUM lha mo chen mo rnal 'byor ma// rin chen srid 'degs mdzes pa'i za ma tog/ mdog bzang sngon mo ral pa can// rang chas mu tig go zu la// gser dang g.yu yi phra bkye ste// mtha' ma rin chen 'bar bas bskor// g.yas na g.yu yi za ma tog/ g.yon na dung gi zor ba bsnams// khyod ni srid pa'i ma mo ste// tshe g.yang sdus shig rin chen srid

  62. 31b

    'degs ma// hUM sgrub pa'i ma mo chen mo ste// bdud kyi lcam mo gshin rje ma// mdog bzang nag mo ral pa can// ral pa'i zar bu mun nag gtibs// lcags kyi lus la zangs kyi zhabs ma can// rdzu 'phrul rkang pa mchog dang ldan// g.yas pa gshin rje'i khram bam bsnams// g.yon pas bdud kyi sho rde'u dkar nag 'grems// mtshan na nad kyi rkyal pa sbed// khyod kyi 'jig rten byol bzlog mkhan// khram kha phyis la sho rde'u spos// nad kha chings la da la kha sbyar// hUM rnal 'byor 'jig rten dbang phyug ma// mdog bzang dkar mo ral pa can// khyod ni gling bzhi spyi 'gro ste// rang chas dar dkar go zu la// g.yu bran 'bar ba'i mtha' chags can// gser gyi gong leb 'bar ba la// g.yu yi cod pan 'od 'phro ma// rdzu 'phrul rkang pas phyogs bcur phyin// g.yas kyi lag na thogs pa ni// gser gyi lcag g.yu 'bar ba la// g.yu yi lcag 'bras 'gyur ba btags// gnam la bskor bas bdud dpung 'joms// sra la rdab pas dgra bgegs sgrol// gzhan gyis rbad par ma nyan par// bcol pa'i las rnams grub par mdzod// ces nang gi dam rdzas dang ldan par byas la las bcol lo// hUM rdo rje gar gyi dbang phyug ma// dbu brgya ma la spyan stong ma// 'jigs tshul rngams pa'i cha byad can// phrin las 'byung po kun 'dul ma// rdo rje sgeg chen gshegs su

  63. 32a

    gsol// hUM pad+ma gar gyi dbang phyug ma// sa bdag chen mo pad+ma phreng // lag na zod pa khrag gis bkang // grong rnams kun la 'thor byed ma// sa bdag chen mo gshegs su gsol// zhes las bcol pa ni rdo rje gar gyi dbang phyug ma dang pad+ma gar gyi dbang phyug ma'o// da ni rgyal po chen po bzhi yi chung ma dang bu mo yang bskul bar bya ste// hUM ri rab gling bzhi'i gru 'degs ma// ha ra ting dkar mo chen mo ste// byang shar mtshams kyi gru 'degs ma// dun ting nag mo chen mo ste// shar lho mtshams kyi gru 'degs ma// shan ting dmar po chen mo ste// lho nub mtshams kyi gru 'degs ma// grub ting ser mo chen mo ste// nub byang mtshams kyi gru 'degs ma// mtshan ni gru 'degs chen mo ste// rgyal mtshan gzungs mas las mdzod cig/ hUM dmag gi rgyal chen mo ste// shar gyi dkar mo mche gtsigs ma// lho yi nag mo kha yal ma// nub kyi dmar mo mchu 'jib ma// byang gi ser mo rkang ldag ma// rigs bzhi'i dmag dpung 'khor gyis bskor// dmag gi rgyal mo gshegs su gsol// hUM gling bzhi mgyogs ma lha yi sring // shar gyi mgyogs ma gshegs su gsol// mkha' la khyung lding gshin rje'i sring // lho yi mgyogs ma gshegs su gsol// dkar mo g.yag thod klu yi sring // nub kyi mgyogs ma gshegs su gsol// nag mo sder chen

  64. 32b

    gnod sbyin sring // byang gi mgyogs ma gshegs su gsol// zhes bya ba ni las kyi sring mo bzhi'o// 'di yin chad grub pa'i rnal 'byor ma rnams kyi las byang dang / bskul tshig gi le'u ste bcu gcig pa'o// // g.yung drung lha yis yang gsol pa// 'jig rten dbang chen ji snyed kun// srid pa'i mi la sman slad du// tshul bzhin sgrub pa ji ltar bgyi// rdzas dang mthun pa ci la brten// rtags dang dus tshigs ji ltar 'byung // rdzogs sangs rgyas la bdag nyan 'tshal// rdzogs sangs rgyas kyis bka' stsal pa// nyon cig g.yung drung yang dag pa// dben pa gnyen zhing nyams dga' bar// ci 'byor yo byad gzhung sogs la// pad+ma'i mtshan dang ldan pa yi// rigs su gyur pa'i yum gsum yang // sgrub pa'i don du gzhag par bya// rdzas su gyur pa'i yo byad dag/ tsit+ta bcu gcig yang dag ldan// b+han+na lcang lo ldan pa ru// pad+ma'i rigs su gyur pa yi// mtshan dang ldan pa'i rak+tas bkang // tshil chen mar me khag lngar btang // gsur chen dud pa rgyun mi gcad// gsar rnying zhing gi gshog pa bkram// ci 'byor yo byad phun tshogs la// bdun gsum tshul bzhin bsgrim par bya// rgyan dang chas gos la sogs pa// shun chen ral ka gtso bo la// srid pa spyi blug zhwa bgos te// rtse lnga 'bar ba'i phyag cha bsnams// phreng ba chen po de

  65. 33a

    bzhin bgrang // yum yang g.yang gzhi'i skrag pa la// rtse gsum 'bar ba'i g.yab mo thogs// phreng ba chen po gtso dang mthun// dngos grub zhal bu rin chen rigs// dar dkar kha bcad de bzhin bzhag/ rdo rje rigs ldan rtags su gsol// bdag nyid man ngag he ru ka/ yum yang srid pa bde 'gro ma// gnyis su med par bsgoms byas te// rak+ta la ni srog snying drangs// badz+ra shAn+ti pad+ma ga ru ti b+h+yo// snying gi dkyil nas drangs nas su// mngon sum 'ong bar bsam pa ni// sku mdog dkar mo la nyi ma zla ba 'bum gyis thod dang phreng bar byas pa/ dpral ba'i dbyes nas mig zur gsum pa gcig yod pa/ gsang ba'i phyag gnyis kyis srid pa'i pad+ma thams cad kyi ge sar bzung ba/ lcags dang zangs kyi dril zhags la snying brgyus pa'i phreng ba thogs pa/ mig g.yas nas khrag gi mchi ma 'dzag pas/ thams cad dbang dusdud pa/ mig g.yon pa nas bdud rtsi'i chu mig 'dzag pas sems can thams cad kyi gsos byed pa/ mig dbus ma nas rin po che rnam pa sna tshogs kyi rdzi ma 'thor ba/ g.yu yi ral pa can no// bzod pa gsol zhing brten dbyangs snyan pos bskul ba ni/ hUM che zhes chen mo gsang ba'i gzung // thig le sbyor ba'i yum gcig ma// dkar mo nyi ma'i thod phreng can// gru gsum 'bar ba'i mig gcig ma// g.yu yi ral

  66. 33b

    pas srid pa sgrol// chags pa'i phyag gis pad+ma 'dzin// rin chen mchi ma skye 'gro'i gsos// tsin+d+ha'i zhags pas mu stegs sgrol// thig le gsang ba'i yum gcig ma// sngon chad sbyor mdzad ji bzhin du// bdag dang gnyis su med par sbyor// zhes bya zhing gsang ba'i gzungs mar bya'o zhes dam bcas na zhag bdun na zla ba gcig lhung ngo // bcu bzhin nyi ma gcig lhung ngo // zhag nyi shu rtsa gcig la dngos grub kyi b+han+d+har snying gtubs pa dang / rak+ta bsres pas gang 'ong ngo // de min pa gzhan dag kyang 'ong ngo // ci ltar byung yang mtshan ma spangs/ nyi shu rtsa gcig la sku mngon du 'ong ngo // der bdag nyid ting nge 'dzin gsal bar byas la/ ge sar gyi rak+ta dbang du bsdus te/ sbyor ba'i phyag rgya bcings pa dang / zla gam 'bul zhing sbyor ba'i tshul ston to// bdag chags pa ma skyes pa dang // mo rkang dkris bor nas/ mdzes pa dang chas te sbyor ba 'bul lo// der mngon du sbyar te/ gsang ba'i sems dang dngos grub lngar 'byung ba rnams bsres la/ sna la bdag nyid mchod par bya// de nas sgrub pa'i grogs mo la sbyin/ de nas ma mo gzhan la'ang sbyisprin/ de nas tha tshig dam bsres te gsang ba'i gzungs mar dam lung stsal lo// de nas phrag dog spang ba'i phyir// sgrub zla gsum char sbyar nas su/ sgrub zla so so'i dam bsre'o// de nas slan chad ci bya yang mi

  67. 34a

    'gal te/ bsam dgu 'ong ngo // grub pa'i yon tan ni ma mo gzhan lta ci smos te/ khros pa'i dbang mo che bzhi dang / thugs gsang ba'i phyi mo yang sring gi tshul du las byed bskul na bran bzhin du bsgo ba nyan no// he ru ka smis sku man chad bskyed pa tsam gyis 'dar lcug lcug rgyug te 'ong ngo // 'jig rten 'di'i bsam pa ni che phra la mi 'grub pa med do// 'di sgrub pa'i dus su/ dang po gtor ma rnam gsum gtang // bshags sbyang bya/ tshe rabs kyi lan chags la gtor ma gtang / dam bskang bar bgyi/ 'di ni nyi zla thod phreng can gyi sgrub thabs so// srid pa bde 'gro ma'i sgrub thabs ni mya ngan las 'das te/ 'gro ba'i don thugs rje'i 'od kyis mdzad pas/ bsgom pa'i ma mo yin no// dben la gnyen pa'i gnas su ni// rigs bzhi'i yum dang ldan byas te// yo byad bzhi yang de bzhin bsham// gsar pa zhing gi mchog ma bsham// rigs bzhi'i b+han+da yang dag ldan// zhing gi dud pa rgyun mi gcad// mchog gi phur bu bzhi yang dril// dung chen phreng ba yang dag bgrang // stag lpags g.yang gzhi gos su gyon// shun chen g.yang gzhi de bzhin gsol// rgyu ma dril pa'i zhags pa sdog/ chu dang ma 'dres dwangs ma'i khrag/ dam rdzas rnam pa sna tshogs pa'o// rtse gsum g.yab mo thogs nas su// bsgrub cing brten pa'i lha mo'o// rdo rje nyi ma khros pa'i

  68. 34b

    dbang mo che ni/ rdo rje'i rigs la dbang byed ma// sku mdog dkar mo la g.yu'i ral pa can/ spyan gsum rdo rje'i mche ba gtsigs pa/ gsang ba'i mkha' la rdo rje'i ga 'ur 'khyil pa/ ma chas pa'i sbyor bas srid pa 'khyud pa/ phyag g.yas na rdo rje rtse gsum bsnams pa/ g.yon pa na zhing gi g.yab mo bsnams shing / bdud dang mu stegs dbang du sdud pa/ ma rgyan gyi rgyal mo la khros pa'i tshul ston cing sbyor ba'i mdangs can no// rdo rje khams gsum khros pa'i dbang mo che ni/ rin chen rigs kyi dbang mo che ste/ sku mdog sngon mo la/ nor bu rin po che'i ral pa can/ spyan gsum rin po che'i mche bas gtsigs pas/ 'od zer sngon po phyogs bcur 'phro ba/ gsang ba'i mkha' rin po che'i ga'ur bskyil ba/ rgyu ma bsgril ba'i zhags pa 'phen pas/ bdud dang mu stegs 'ching ba/ ma dbyings phyug ma la 'khros pa'i tshul ston cing sbyor ba'i mdangs can de/ rin po che rigs kyi bdag mo yin no// rdo rje pad+ma khros pa'i dbang mo che ni/ pad+ma rigs kyi dbang mo ste/ sku mdog dmar mo bse'i lan phran can/ spyan gsum bye ru'i mche ba gtsigs pa/ gsang ba'i mkha' byi ru'i ga 'ur bskyil ba/ 'od zer dmar po nub phyogs dbang du sdud pa/ khrag gi dngas ma 'thor zhing bdud dang mu stegs kyi snying 'byin pa gnyis su med pa'i sbyor bas srid pa la 'khyud pa/ ma bdag

  69. 35a

    nyid la khros pa'i tshul ston cing sbyor ba'i mdangs can no// rdo rje srid pa'i bde sbyor khros pa'i dbang mo che ni/ las kyi rigs kyi dbang mo che ste/ sku mdog ljang gu la rdo rje dril bu'i ral pa can// spyan gsum rdo rje rgya gram gyi mche ba can/ 'od zer ljang gus byang phyogs dbang du sdud pa/ lag pa na g.yang gzhi rdeb pas// bdud dang mu stegs kyi mgo gcod pa/ gsang ba'i mkha' bse'i ga 'ur bsgril ba/ grub pa'i sbyor bas khams gsum dbang du sdud pa/ ma gcig ma la khros pa'i tshul ston cing sbyor ba'i mdangs can no// bzod pa gsol zhing dbyangs sran pos bskul ba ni/ hUM che zhes khros pa'i dbang mo che// sku mdog dkar mo g.yu yi ral pa can// spyan gsum rdo rje'i mche ba gtsigs// zhing gi g.yab mos mu stegs sgrol// shel gyi ga 'ur gnas rigs 'cha'// gnyis med sbyor bas khams gsum 'khyud// sbyor ba'i mdangs kyis kun la khyab// yum la khro zhing srid pa'i gsos// bdag dang gnyis su med par sbyor// hUM che zhes khros pa'i dbang mo che// sku mdog ser mo rin chen ral pa can// spyan gsum rin chen mche ba gtsigs// rgyu ma mkhal ba'i zhags dril gyis// bdud dang mu stegs thams cad 'ching // rin chen ga 'ur gnas rigs 'cha'// mi len sbyor bas srid pa 'khyud// sbyor ba'i mdangs kyis kun

  70. 35b

    la khyab// yum la khro zhing kun la khyab// bdag dang gnyis su med par sbyor// hUM che zhes khros pa'i dbang mo che// sku mdog dmar mo bse yi ral pa can// spyan gsum byi ru'i mche gtsigs ma// khrag gi dngas mas bdud dpung 'joms// byi ru'i ga'ur gnas rigs 'cha'// gnyis med sbyor bas khams gsum 'khyud// yum la khro zhing rnal 'byor skyong // bdag dang gnyis su med par sbyor// hUM che zhes khros pa'i dbang mo che// sku mdog ljang gu sgeg ma la// rdo rje dril bu'i ral pa can// spyan gsum mche ba rgya gram gtams// kha T+wAM g.yang gzhis mu stegs sgrol// rdo rje ga 'ur gnas rigs bca'// grub pa'i sbyor bas 'jig rten 'khyud// sbyor ba'i mdangs kyis kun la khyab// yum la khro zhing sems can skyong // bdag dang gnyis su med par sbyor// zhes bskul lo// sgrub pa la zhugs pa dang rgyu gcig bsgral/ zhag gsum nas gcig bsgral/ zhag bdun na gcig bsgral/ zhag bcu gcig gi nub mo gsang ba'i yum du dam bca'/ gsum gyi nub mo sgra chen po 'byung zhing / me chen po 'bar ro// bdun gyi nub mo nam mkha' la sna tshogs pa'i ral pa thibs se 'byung ngo // de lta bu dag byung ba dang / bdag nyid dpal gyi ting nge 'dzin// dbu dgu phyag ni bco brgyad ste// zhabs brgyad lha la de bzhin brdzis// phyag na mtshon cha sna tshogs

  71. 36a

    bsnams// zhing gi na bza' rlon pa la// sbrul dang thod pas yang dag brgyan// dbang gi ngang las bsnyen pa bya// dgu la mngon du byung ba dang // bdag nyid dpa' bo sgeg pa yi// ting nge 'dzin du gsal ba dang // 'dzum pa'i mdangs kyis pad+ma bsdu// de nas lha mos chags sems kyis// gnyis su med pa'i sbyor ba 'bral// gus pa'i tshig gi snyan sgrogs pa// dpa' bo sgeg pa ye shes sgra// rdo rje gsang ba'i dkyil 'khor du// pad+ma gsang ba'i mchod 'bul gyi// dgyes pa chen po'i ngang nyid las// chags pa chen pos byin gyis rlobs// de skad bstod nas sbyor ba 'bul// der ni bdag dang mngon sbyor te// drod kyis byang chub sems nyid dang // rak+ta'i dngas ma bsres nas su// sna la bdag nyid gtso mo mchod// de nas sgrub zla bzhi char sbyin// de nas sgrub pa'i ma mor sbyin// de nas dam bsre mna' bsgag nas// rtog pa'i phrag dog spang ba'i phyir// sgrub zla bzhi dang bdag sbyar te// kun dang dam bsre mna' bsgag go/ gtor ma gzhan ni gong ma bzhin// 'di 'grub na 'jig rten gyi khams bsam pa thams cad yid bzhin du 'grub la// lhur yang tshe dang sri'u la mkhas so// ma mo 'og nas 'byung ba lta smos kyang ci dgos ma mo bzhi yang bran mor 'khol lo// de ni khros pa'i dbang mo che bzhi'i sgrub thabs so// de bzhi'i ma bzhi sgrub tu

  72. 36b

    skyon ci ste// spyir bu mo bzhi bsgrub na bu mos ma 'khol pas/ sgrub lhag par mi dgos so// da ni thugs kyi dgyes ma bzhi'i sgrub pa 'byung ste/ de ni rta'i lo la tshes bdun la bsham// brgyad la 'jug ste// nya'i bar du bsgrub par bya'o// de'i yo byad btsal ba// dkar mo mig gcig b+han+d+ha ni// zlum po pad+ma chags pa dang // 'jam la ri mo nyung ba ste// gtsug tu bu ga byung ba de// dkar mo chen mo'i phyag na bsnams// ljon shing lcang los rab tu brgyan// ljon shing lta bu'i rtsa yod pa// ma mo chen mo'i phyag na bsnams// pad+ma 'dab brgyad rtsar bris pa// a dkar gtsug na yod pa ni// ma mo dbang sgyur phyag na bsnams// dum bu gnyis su 'dug pa la// rdo rje rgya gram rtsar bris pa// ser mo las mkhan phyag na bsnams// gtsug srubs nang du rub pa las// rtsa rnams gtsug tu bcings pa la// hUM chen dgur ni 'bar ba ste// dpal chen nyid kyis phyag na bsnams// zhes 'byung ste// b+han+d+ha de lnga ldan pa dang // shel gyi rgya bzhi yang dag bsogs// gnyen po chas su zhugs pa dang // gzhan yang dam rdzas sna tshogs pa'o// skrag pa chen po gtso bo ste// zhwa dkar pos yang dbu brgyan no// 'jig rten gzungs bzhi'i rigs bstan pa// sha mdog dkar la mdog bzang ba// so tshags dam la smin dkyus ring // dkar mo mig gcig tshul du snang // brtson

  73. 37a

    'grus can la drag shul che// ral pa can la ha ri'i mig/ nag mo ral pa can ltar snang // sha mdog dmar la mdangs sdug pa// smra ba snyan la 'gro ba sdug/ dmar mo dbang sdud tshul du snang // sug bzhi ring la mche ba rno// sha mdog sngo la brtul zhugs che// ser mo las mkhan tshul du snang // yum bzhi'i gzungs dang ldan byas te// yum bzhi'i bsnyen pa so sor bgrang // bdag nyid man ngag sems ldan pas// bzhi char bsnyen pa gcig tu drangs// brtan dbyangs snyan pos bskul ba ni// hUM shar gyi dkar mo mig gcig ma// na bza' tshil chen dud pa la// b+han+d+ha rlon pa'i dril bus brgyan// lan phran zhag gis 'dril ba la// dung gi mche ba gtsigs pa yis// shar phyogs srid gsum phur pas 'debs// dung chen 'bar ba'i thod gdengs can// zhag gi lan phran bsags pa yis// steng du ya bdud btul zhing 'ching // bar du brgya byin phung bar byed// 'og tu dmyal khams stongs par byed// ma g.yel thig le gsang ba'i gzungs// hUM ri rab gling bzhi'i lho phyogs na// nag mo chen po mche ba can// na bza' zhing lpags go zu la// b+han+d+ha skam pa'i dril bus brgyan// rdo rje'i lan phran rin chen brgyan// lcags kyi mche ba gtsigs pa yis// lho phyogs srid gsum phur pas 'debs// shes rab thabs kyi thod gdengs

  74. 37b

    can// dri chen lan phran bsigs pa yis// steng du ma hA de ba 'ching // bar du gshin rje phung bar byed// 'og tu byol song stongs par byed// ma g.yel thig le gsang ba'i gzungs// hUM ri rab gling bzhi'i nub phyogs nas// dmar mo chen mo dbang sgyur ma// na bza' rak+ta'i go zu la// sbrul nag 'khrigs pa'i chun 'phyangs can// pad+ma rak+ta'i lan phran can// mche ba dkar po gtsigs pa yi// nub kyi srid gsum phur pas 'debs// mi khrag 'bar ba'i thod gdengs can// rak+ta'i len phran bsags pa yi// steng du tshangs pa chen po 'chings// bar du klu yi nad rigs 'joms// 'og tu yi dwags stongs par byed// ma g.yel thig le gsang ba'i gzungs// hUM ri rab gling bzhi'i byang phyogs na// ser mo chen mo las mkhan mo// mdzes pa'i na bza' chen mo ni// mAM sa rlon pa'i thul pa la// dri chu khol ma'i ya bas bskor// len phran dra chu 'bar bar 'gyur// gser gyi mche ba gtsigs pa yis// byang phyogs srid gsum phur pas 'debs// mang sa spungs pa'i thod gdengs can// dri chu'i lan phran bsigs pa yis// steng du tshogs kyi bdag po bcings// bar du gnod sbyin phung bar byed// 'og tu bgegs rigs stongs par byed// ma g.yel thig le gsang ba'i gzungs// gling bzhi gsang ba'i gzungs gcig ma// bdud rtsi rnam lnga dbu la

  75. 38a

    rdzogs// g.yas na g.yang gzhi ru mtshon gyis// thams cad gnam lcags chen pos 'debs// mu stegs nag po'i snying 'byin ma// g.yon na b+han+tha khrag 'dzag pas// bud med thams cad dbang du sdud// ral pa can gyi 'khor skyong ma// 'bum phrag yangs pa'i 'khor mnga' zhing // sgrub pa po la brtser dgongs ma// 'dir byon sgrub pa'i rtags phyung shig/ ces bskul ba dang // zhag bzhi'i nub mo dngos grub kyi rtags dang po// rak+ta dang / tshil chen dang / mchog gtub pa b+han+da dang bzhi'o// dgu'i nub mo b+han+d+ha pad+ma rak+ta dang / snang srid sbyor ba'i byang chub sems la sogs pa bdud rtsi rnam pa lnga dang ldan nas yar 'ong ngongo// dga' ba ma skyes par myur du longs spyad do// de'i nub mo rgyu bzhi yang der bsgral lo// bdun gyi nub mo bzhi char sku mngon du ston pa ni rgyan dang cha lugs su ldan pa/ shin tu yid gcugs pa dang ldan pa'i lha mo bzhi 'ong ngo // bdag man ngag gi ting nge 'dzin gsal bar bsgom// stegs pa'i mdangs phyung ste/ ge sar gyi rak+ta dbang du sdud la// pad+ma'i nang du rdo rje gsor ba'i phyag rgya bcas la// rim pa bzhin du zla gam 'byed cing sbyor ba 'bul lo// de ltar sbyar te gong ma bzhin du bgyi'o// de nas phyi de nub mo// mchog phran chas su stsal ba bsgral ba dang / khams gsum bsgral ba'i dngos grub kyang der ster ro// 'di

  76. 38b

    bzhin ni 'go la phrag dog chung // dbang che la gsang ba dam la rub ste// bsam dgu yid bzhin du 'grub pa yin pas// gsang ba'i dgyes sde mor lung stsal te bzhag go/ de man chad ci bya yang mi dgos te// sbyor ba yang dus su 'bul lo// las kyang tshul bzhin du byed do// sgrub pa la 'jug pa'i tshul ni gong ma dang 'dra'o// 'di ni thugs kyi dgyes sde mo gsang ba'i yang phyi mo bzhi'i sgrub thabs so// 'di yan chad kyi ma mo grub na/ tshe 'di'i yon tan gyis lta ci smos/ phung po 'jig pa'i dus su yang / glu dbyangs dang rol mo la sogs pa 'od dang rtags mang pos bsu nas/ bde ba can gyi gnas su sgrub mi dgos par skyel lo// 'di yan chad kyi ma mo grub na/ 'di man chad kyi ma mo thams cad rang bzhin grub pas 'og ma lhag par sgrub mi dgos so// 'di ni ma mo'i gtso mo rnams kyi sgrub pa'i thabs kyi le'u ste bcu gnyis pa'o// / de nas ma bdun sgrub par 'dod na/ gnas dur khrod du song la/ yum rdo rje rigs kyi mtshan dang ldan pa gsum/ dbang rdzogs pa'i slob dpon gnyis dang ging gcig gis bslab ste/ b+han+d+ha mtshan dang ldan pa skam po bdun gyi gsum du bdud rtsi rnam pa lnga ma bsgrub pa'i skam po stsal/ gsum du 'jig rten gyi sman sna tshogs pa stsal/ gcig tu byang chub kyi sems dang rak+ta nyid tshe stsal/ b+han+d+ha rin

  77. 39a

    po che mtshan dang ldan pa gcig tu bdud rtsi a mr-i ta stsal/ shel lding dkar nag gsum tsa ra nag po gsum/ shel dkar po gcig/ ku ku ra dkar po gcig nam mkha' lding gcig/ mchog chen gyi sman pa ma sbram po gcig/ chas gos thams cad nag por bsgyur te/ gsur chen dud pa rgyun mi gcad pa phyung la/ 'dzab drang ba dang / zhag bdun na sgra chen po 'byung / der rgyu zung gcig bsgral la mchod pa bya/ ma'i tshul du bsnyen/ zhag dgu na mi sdug pa'i cho 'phrul sna tshogs 'ong / der zung gcig bsgral/ zhag bcu gnyis na nyin mtshan 'byung ste/ der zung gcig bsgral/ sring mo'i tshul du brten/ bco lnga la ma mo bdun char mngon du phyung bdag dam ma nyams na mdzes pa dang ldan par 'ong / nyams na nag mo ral pa can mes tshig tshig byed pa/ mche ba dmar tsar re 'dug par 'ong ste/ bdag man ngag gi ting nge 'dzin gsal na dbang du bsdu/ mi gsal na bzod par gsol te/ bskang bar bya/ man ngag dang ldan na dang po mi sdug pa las kyang sdug pa'o// dang po nas sdug na pad+ma dbang du bsdus la/ nga rgyal bskyed de/ sru mo'i tshul du bsten no// der phyag 'tshal zhing 'o na dpon zer zhing 'o byed do// de nas pad+ma'i rak+ta hUM gis rngubs pa dang / rgyan bor te gzungs ma gsum dang bcur byas te/ mel tshe thun re la gnyis gnyis kyis

  78. 39b

    sbyor ba 'bul/ sna la gtso mo dang sbyor/ de nas 'khor dang sbyar ro// de nas yo byad sna tshogs dang / sbyor ba'i byang chub sems gnyis gnyis kyis 'dod pa bzhin du dam bsres te/ nga yi brnag pa'i las rnams kun// bka' yang sgrub ces pho brang slas// bran mo yin pas mna' ma za// zhes lung stsal lo// de phyin chad bran mo bzhin du las byed do// da ni sbas pa'i ma bzhi bsgrub par bya ste/ yo byad gong ma kun gyi steng du/ zhing gi g.yang gzhi/ zhing gi rgyu zhags srid pa spyi blugs kyi zha ral pa can/ dung chen dang / bye ru dang / gser g.yus brgyan pa/ zhing chen gyi rdza rnga thogs te bsgrubs pa dang / rtags gong ma dang mthun/ sgrub pa'i thabs gong ma dang tshul gcig/ yon tan ni ma bdun man chad kun 'khol lo// des bsam pa 'grub/ lhur yang dgra la rbad pa bzang ngo // da ni e ka tsa ti bsgrub par bya ste/ stegs bu gru bzhi pa gcig gi steng du/ gra phying gtsang ma gcig bting la/ dam rdzas rnam pa sna tshogs pa'i dmar gtor gcig gi nang du// sman g+hi haM stsal/ dar dmar po kha gcig gis bcad la kha nub phyogs su bltas te/ zhag bdun du bsnyen pa bgyis la/ yum mtshan dang ldan pa la dbab po// bskul ba ni/ hUM srid pa'i byan mo g.yar dam can// skye 'gro ral gcig 'jig rten sgrol// mi gnas khrag 'thor stong khams bsreg/ kha nas me 'bar

  79. 40a

    rgya mtsho skems// ma byung ba yi dus mtha' nas// 'jig rten las kyi dbang bskur te// sems can don la rab tu brtson// snying rje byams pa'i dkyil 'khor du// brtse ba'i shugs kyis gshegs su gsol// zhes bskul ba dang / yum mtshan dang ldan pa la phab ste dris na/ snang srid kyi gtam smra'o// da ni ma mo spun gnyis sgrub pa bstan te/ hUM ma mo chen mo yal gam can// nam mkha'i dbyings kyi dpal mo btsan// gnam phyed gos su gon pa mo// sa phyed gdan du bting ba'i bdag/ 'khor ni gnam sman 'bum gyis bskor// chibs su gser gyi sha ba chibs// mgo la g.yu yi ra bcu 'bar// phyag na gser gyi dril zhags bsnams// bdud dang mu stegs dbang du sdud// che zhes sring gcig ma g.yel zhig/ da ni nu mo chung ngu bskul lo// hUM ma mo chen mo yal gam can// dun ting g.yu yi go lcog la// gser dang g.yu yi cod paN can// g.yu yi dril zhags 'bum gyis brgyan// chibs su dung sha dkar po bcibs// khas blangs dam bca' bsnyel lam ci// bskul lo ma bzhengs da tshul byon// gser skyems gar bu de yi rten// byes yul gar 'gro yang bsam pa 'grub po// hUM he dun te hUM/ 'di gsum nang du mi bsten bcos dka'// ma mo phyi ma rnams ni zhal nas gsungs pa'i sgrub zab yod na phrag dog che la bcos dka' ste/ blo chung

  80. 40b

    rnams kyi don du mi rung ste 'dir ma gsungs so// sgrub thabs tha ma'i le'u ste bcu gsum pa'o// // da ni ma mo dbang du sdud pa'i le'u 'chad de/ gnod 'dul lha yis yang gsol pa// ye shes rang bzhin sman mo rnams// rtogs pas ji ltar dbang du bsdu// man ngag nges bstan ji ltar lags// rdzogs sangs rgyas kyis bka' stsol cig/ de skad gsol pa gsan nas kyang // nyag gcig yab kyis bka' stsal pa// nyon cig g.yung drung yang dag pa// yul dang dang sa ma rtsa rnams las// rigs kyi ma mo la sogs te// gu h+ya gsang ba'i yum bzhi dang // rkyen gyi ma sring bsgom par bya// des ni ma mo dbang du sdud// dbang du sdud pa'i le'u ste bcu bzhi pa'o// // gnod 'dul lha yis yang gsol pa// 'jig rten dbang chen 'di rnams kun// srog chags kun la gnod bgyid pas// bskang ba'i cho ga ji ltar lags// 'jig rten mgon la bdag mnyan 'tshal// de skad gsol pa gsan nas kyang // 'jig rten mgon gyis bka' stsal pa// nyon cig gnod 'dul yang dag pa// sarba rA pas thams cad bskang // bskang bzlog chen po'i las zhes bya// ma hA shan ti mi g.yo rdzogs// zhi rgyas chen po'i las zhes bya// ngas gsungs pa la gdon mi za// de la sarba rU pa'i thabs gnyis te// sna tshogs pa yi 'bru sna la// ngar phye bre gang

  81. 41a

    btag nas su// snang srid gzugs su byas nas ni// dpa' bo 'bru lnga'i byin rlabs kyis// rnam shes tshang bar bsgom byas te// sna tshogs spyan gzigs dkor chas brgyan// khams gsum sems can thams cad la// lus ngag glud du bsngos byin te// tshe dpal pho nyas bkug byed pa// de ni phyi yi cho ga yin// g+hu ma sarba rU pa ni// nyi shu rtsa gcig 'bru sna la// ngar phye bre gsum bcal nas ni// rin chen sna tshogs phye bdar te// sum cha gcig la ri rab gzugs// rigs su mthun pa'i kha dog bya// de nas ngar phye gsum cha la// gcan gzan rgyal po drug gi gzugs// dkar la mdzes dang ldan par bya// rtsal gyi rgyal po drug po la// mdzes ldan g.yeng gyi rgyan gyis brgyan// srog chags gtso bo drug po zhon// shugs kyi rgyal po drug po la// kha dog ldan zhing rgyan chas brgyan// 'dod chags gtso bo drug po zhon// 'dod chags gtso bo drug po la// sna tshogs rgyan gyis brgyan pa'o// sems can rgyal po de dag kun// spyan gzigs dkor chas yang dag ldan// ri rab par rim dang po la'o// gtso mo drug la dbul bar bya'o// de nas ngar phye sum cha la// glang chen gzugs ni bcu bzhi dang // stag gzigs la sogs bcu bzhi dang // mdangs ldan bya yi gzugs can dang // 'dab chags rgyal po bcu bzhi dang // dkar mo ku ku ra tsa'i

  82. 41b

    gzugs// srog chags gzugs ni de dag kun// ri rab bang rim par ma la'o// ma mo bcu bzhi'i rdzas yin no// de nas ngar phye sum cha la// snang srid sems can gzugs su byas// sna tshogs kha dog yang dag ldan// ri rab bang rim tha mar bzhag/ sna tshogs zas dang gos su ldan// srid pa chags byed la sogs te// sman mor grags pa kun gyi rdzas// ri rab bum pa'i rtse mo la// sna tshogs dar gyi rgyal mtshan lnga// grwa bzhi dbus dang lnga la'o// dkyil du dmar po dar gyi gdugs// gser skyems phra man sgyogs lnga ste// dbus su bsre yi bya'o gang // stegs bu gru bzhi dri zhim ldan// rak+ta dza gad maN+Da la// sna tshogs me tog gcal bkram ste// de yi steng du gtor ma bzhag/ de las pags pa'i maN+Dal la// rdzas dang ldan pa'i dmar gtor bsham// dbus su dpal gyi mtshan pa la// mda' dang dar sna rgyu zhags ldan// phud dang rak+ta sman sbyar ba'o// sngags mkhan chas su bya ba ni// dmar po nag po sngon po gzung // zhag gsum bsnyen pa byas nas ni// bla med ting 'dzin gsal bar bya// yang na che mchog he ru ka/ sku mdog mthing nag ral pa can// dbu gsum pa la phyag kyang drug/ dbus mthing g.yas dkar g.yon dmar te// g.yas kyi dang po rdo rje la// bar ma zhing gi dbyug pa la// tha ma sbrul gyi zhags pa yis// khams gsum ma mo dbang du

  83. 42a

    sdud// g.yon gyi dang po b+han+d+ha la// bar ma zhing gi g.yab mo las// ma mo thams cad 'gugs 'dren pa'o// tha ma dung chen ga'u la// gnam lcags gzer gyis gdams pa yis// mi phyugs gnyis ka'i tshe dang g.yang // yi ge hUM du sdud pa ste// yum yang dug gsum dbang sdud ma// rgyan dang cha lugs gtso dang 'dra// gnyis su med par mchod pa 'bul// dpal che mchog he ru ka dang dbang mchog he ru ka/ yab yum 'dud pa'i mchod pa 'bul bar bsam la/ phra men yan chad 'khor du bzhag pa'i bsnyen pa ni/ hUM shrI he ru ka kro tI shwa rI staM/ ha he phaT/ ma ma yo gI ni ru lu ru lu b+h+yo/ zhag gsum bar du 'bum bzlas shing // de nas bskang bzlog gtor ma gtang // gong du lpags pa'i dmar gtor la// che mchog he ru la sogs pa// dpal gyi 'khor tshogs mchog tu mchod// hUM bcom ldan che mchog he ru ka/ mthing nag 'jigs pa'i cha lugs can// dkar nag dmar pa'i zhal mnga' ba// phyag drug phyag chas skye shi sgrol// sbrul chen zhags pas ma tshogs bkug/ g.yang gzhi g.yang mos thams cad 'dul// dug gsum dbang du sdud pa'o// yum dang gnyis su med pa ste// khro bo'i tshogs kyis mchod pa ste// thugs rjes dbyings nas rol par mdzod// ces bstod pa la sogs pa dang dpal gyi tshogs gzhung bzhin mchod// bshags

  84. 42b

    sbyangs bgyis nas phrin las bcol lo// de nas ma mo rnams kyi srog gi snying po bsdus te// a mr-i ta la bden pa bdar/ bdag nyid che ba'i nga rgyal bskyed// hUM nga ni khrag 'thung chen po ste// khams gsum snying khrag kun gyi bdag/ nga ni rus 'cha' chen po ste// khams gsum keng rus dur khrod bdag/ nga ni sha za chen mo ste/ khams gsum mAM sa kun gyi bdag/ nga ni skye 'gro dbugs kyi bdag/ nga ni skye 'gro'i bkrag gi bdag/ ma mo kun gyi re gnas yin// ma tshogs bskang bzlog gtor ma long // tshe dang dbang thang mngon par spel// spos rgod dud pa btang nas kyang // gtor ma bsngo ba 'di skad do// hUM ma tshogs ni gnyen mchod phyir// 'bru sna ni mang po dang // rin chen ni sna tshogs las// gling bzhi yi gtor ma la// srog chags ni mang pos bskor// kun kyang ni rin po che'i// rgyan dang ni cha lugs ldan// 'jig rten ni zas kyis bskor// dgon pa yi rdzas kyi brgyan// mu men gyi stegs bu la// rin chen ni gcal bkram ste// byi ru yi skas btsugs nas// spos kyi ni sa gzhi la// dbang gi ni dkyil 'khor ldan// dar dkar gyi yol bres nas// gsal ba yi me bus nas// rgyal mtshan ni sna tshogs btsugs// le brgan ni gdugs kyis bkab// dud pa ni gnyen phyung zhing // gser gyi ni skyems bltams te// tshe srog gi sbyin du 'bul// chus srid

  85. 43a

    kyi glud du 'bral// longs spyod kyi sbyin du 'bral// 'dir byon ni glud bzhes shig/ hUM ri rab gling bzhi'i dkyil 'khor nas// 'jig rten yongs kyi mnga' bdag mo// ma mo'i tshogs kyi rgyal mo ste// srid gsum yongs la mnga' mdzad mo// skye 'gro yongs kyi za byed ma// na bza' stong gsum g.yang gzhi la// thod rlon mang po'i phreng ba can// lag na snying gi longs spyod mo// 'dir byon tshe srog glud bzhes shig/ mdos bdag chen mo mdos bzhes shig/ rdo rje rigs kyi rgyal mo ste// shar phyogs khams kyi mnga' bdag mo// dkar mo sprin chen go zu la// lag na gser gyi spu gri thogs// srid pa gsum gyi rus 'cha' ma// 'dir byon tshe srog glud bzhes shig/ mdos bdag chen mo mdos bzhes shig/ hUM rin chen rigs kyi rgyal mo ste// lho phyogs sa khams mnga' bdag mo// nag mo g.yu yi go zu can// bskal pa me yi 'od 'bar zhing // phyag na me yi dkyil 'khor thogs// srid pa gsum gyi drod 'bebs te// skye 'gro kun gyi tshe 'phrog ma// 'dir byon tshe srog glud bzhes shig/ mdos bdag chen mo mdos bzhes shig/ hUM pad+ma rigs kyi rgyal mo ste// nub phyogs khams kyi mnga' bdag mo// dmar po khrag gi go za la// lag na thod pa khrag gis bkang // skye 'gro kun gyi khrag 'thung ma// 'dir byon tshe srog glud bzhes shig/ mdos

  86. 43b

    bdag chen mo mdos zhes shig/ hUM las kyi rigs kyi rgyal mo ste// byang phyogs khams kyi mnga' bdag mo// lag na ne'u le'i rkyal pa thogs// ser po rlung gi go zu can// skye 'gro kun gyi dbugs 'phrog ma// 'dir byon tshe srog glud bzhes shig/ mdos bdag chen mo mdos bzhes shig/ hUM nam mkha'i rigs kyi rgyal mo ste// 'jig rten yongs kyi mnga' bdag mo// mthing nag nam mkha'i go zu can// gser gyi dril zhags bsdog cing 'phen// skye 'gro kun gyi bkrag 'phrog ma// 'dir byon tshe srog glud bzhes shig/ mdos bdag chen mo mdos bzhes shig/ hUM ri rab gling bzhi'i zom rtse nas// snang srid srog gi phung sogs bdag/ sku mdog mthing ga chen mo la// dbu dang spyan ni cir yang ston// rin chen ral pa sna tshogs kyis// snang srid kha dog gsal mdzad ma// spyan gnyis mdzes pa'i mchi ma yis// g.yas pas snang srid dbang du sdud// g.yon pas skye 'gro'i gsos mdzad ma// lnga bcu rtsa bdun rje mo ste// skye 'gro kun gyi mnga' mdzad ma// ma mo chen mo gshegs nas kyang // mdos bdag chen mo mdos bzhes shig/ glud bdag chen mo glud bzhes shig/ hUM che zhes chen mo dkar mo ste// nyi zla stong gi thod phreng can// lcags dang zangs kyi dril zhags la// snying gi zhags pa bsdog cing 'phen// sprul pa chen mo'i ming nas

  87. 44a

    phyung // mdos bdag chen mo mdos bzhes shig/ glud bdag chen mo glud bzhes shig/ hUM che zhes dkar mo nyi ma'i mdangs// srid pa gsum char sgrol mdzad ma// lag na shel gyi spu gri thogs// khros pa'i rgyal mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM che zhes nag mo khrag 'thung ma// srid pa gsum char dbang du sdud// lag na thod pa khrag gis bkang // khros pa'i rgyal mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM che zhes dmar mo bdud rtsi'i bdag/ srid pa gsum gyi gsos mdzad ma// lag na bdud rtsi'i bum pa bsnams// khros pa'i rgyal mo'i ming nas phyung // mdos bdag chen mo mdos bzhes zhig/ glud bdag chen mo glud bzhes shig/ hUM che zhes ljang nAg gnas nyul ma// srid pa gsum char gsang bar sbyor// lag na zhing lpags rgyal mtshan thogs// khros pa'i rgyal mo'i ming nas byung // mdos bdag chen rma mdos bzhes shig/ glad bdag chen mo glad bzhes zhig/ hUM mtshan ni srid pa rgyan byed ma// lag na skra yi zhags pa thogs// phung byed nag mo'i ming nas phyung // mdos bdag chen mo mdos bzhes shig/ glud bdag mo chen mo glud bzhes shig/ hUM mtshan ni dbyings phyug chen mo ste// lag

  88. 44b

    na mi yi dbyug pa thogs// phung byed nag mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM mtshan ni gcig pu chen mo ste// lag na mi yi g.yang gzhi rdebs// phung byed chen mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM gling bzhi mgyogs ma'i dkyil 'khor nas// srid pa shar gyi mnga' bdag mo// dkar mo chen mo mig gcig mo// lag na b+han+da zlum po thogs// skye bar byed pa'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM srid pa lho yi mnga' bdag mo// nag mo chen po mche ba can// lag na b+han+da su la mang thogs// srid par byed pa'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM srid pa nub kyi mnga' bdag mo// dmar mo dbang gi rgyal mo la// lag na b+han+d+ha lcang lo can// 'ching bar byed pa'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM srid pa byang gi mnga' bdag mo// ser mo chen mo las kyi gtso// lag na b+han+da rgya gram thogs// len par byed pa'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ da de'i

  89. 45a

    khol mo la bsngo bar bya ste// hUM srid pa yongs kyi za ba mo// shan shan ne'u le tshogs kyi rje// gos su mi lpags rlon pa gyon// mtha' ma mi mgo steng gis bskor// srid pa kun gyi bdag nyid ma// zangs skongs na tsha'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ huM ha la ha la'i gdong brgya mo// srid pa kun gyi khyim bdag mo// stag lpags g.yang gzhi gos su gyon// he ru ka sti'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM 'jig rten kun gyi byan mkhan mo// sprin dkar mdzes pa'i go zu can// lag na mi yi pags pa thogs// e ka tsa ti ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM cha phyed sngon mo chen mo la// mu tig khu 'phang go zu la// tshe dang g.yang la sku 'phrog byed// nam mkha'i rgyal mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM cha byed chen mo dkar mo la// lag na lcags kyu 'bar ba thogs// gling bzhi nyul byed ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM ri rab gling bzhi'i gru 'degs ma// cha byed dkar mo skegs la// lag na rdo rje kha

  90. 45b

    TI thogs// ha ra ting dkar mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM cha byad nag mo sgeg ma la// lag na me yi 'khor lo thogs// dun ting nag mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM cha byad dmar mo sgeg ma la// lag na chu yi 'khor lo thogs// shan ting dmar mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM cha byed ser mo sgeg ma la// lag na rlung gi 'khor lo thogs// grub ting ser mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM dmag gi rgyal mo chen mo ste// rigs bzhi dmag dpung 'khor gyis bskor// kha rje za kha'i bdag mo ste// mdos bdag chen mo mdos bzhes shig/ glud bdag chen mo glud bzhes shig/ hUM dngos po cha byed nag mo la// 'jigs su rung ba'i ral pa can// sku stod stag lpags g.yang gzhi la// sku smad zangs kyi zhabs ma can// mi phyugs gsod pa'i khram bam thogs// khyod ni 'dod khams gtso mo ste// gshin rje ma chen ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM lha chen brgyad kyi ma chen mo// srin po chen mo

  91. 46a

    rkam mo dang // srin mo rab tu bskul ma dang // srin mo chen mo phor thogs ma// srin mo chen mo dri 'dod dang // srin mo chen mo g.yang gzhi ma// srin mo chen mo gsod byed ma// srin mo chen mo sha za mo// 'jig rten khams gsum 'khrug byed cing // srog chags kun la gnod byed la// mkhal ma snying dang nang khrol gyis// snyim pa shin tu bkang nas su// rang gi rang la thim par ston// za zhing rnam pa kun tu rgyug/ ma bdud chen mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM shar phyogs khams nas kun tu rgyug/ mi mgo'i phor pa khrag gis bkang // grang sgor 'thor zhing nad 'bebs ma// ma bdud chen mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM gling bzhi kun tu rgyug 'gro ste// sa 'og kun nas snom byed ma// 'jig rten mi bzad za ba mo// sa bdag chen mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM nag mo chen mo ha la hal mo// thab dang gzhob kyi bsdong zla mo// ma yams chen mo'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM gling bzhi kun gyi rgyug 'gro ma// phyogs bzhi dag na sring mor grags// srid

  92. 46b

    mo chen mo pho nya'i tshul// pho nya chen mo ming nas phyung // mdos bdag chen mo mdos bzhes shig/ glud bdag chen mo glud bzhes shig/ hUM gzhan yang dbang phyug ma dang brtan ma yang brjod// gtor ma yang gtong // 'khar rnga rdung ste/ glu snyan po'i dbyangs kyang blangs nas su/ dur khrod dang ni ri rtser bskyal// man ngag ldan pas tshe dpal drangs// des ni bsam pa yid bzhin 'grub// de skad ces ni bka' stsal nas// lha rnams 'chi bas 'jigs 'gyur te// rab tu dngas nas skrag gyur nas// gnod 'dul lha yis 'di skad gsol// lha la srog ni mchis gyur na// 'di bsten cho ga'i phan yon dang // 'jig rten mi la ji ltar bsgrags// yang dag rdzogs kyis bka' stsal pa// 'di bsten phan yon bsam mi khyab// 'jig rten mi la sgrogs pa ni// lha mo yongs 'khyud bde ba'i skal// lha rnams khyed kyis bsgrags mi dgos// gling bzhi spyi mdos chen mo'i le'u ste bco lnga pa'o// // gnod 'dul lha yis yang gsol pa// cho ga 'di bsten phan yon gang // yang dag rdzogs kyis bshad du gsol// yang dag rdzogs kyis bka' stsal pa// nyon cig gnod 'dul lha yi gtso// lha rnams srog ni 'jig gyur na// srog chags gzhan lta smos ci dgos// srid gsum dbang chen 'di bskangs na// dus min 'chi ba bzlog

  93. 47a

    par 'gyur// dus la bab pa'ang bsnur bar nges// 'jig rten longs spyod brtan par 'gyur// rabs rgyud chad pa'i lha dang mi// cho ga 'di la rten byed na// spun bzhi bu mis 'du bar nges// cho ga de la rten byed na// 'chi bdag zhags pas zin nges na// zhags pa nag po chad nas su// smyo 'bog nyid kyang rnam par 'jig/ tshe ring bde ba phun sum tshogs// 'jig rten 'di na bde skyid de// rig 'dzin sa la de bzhin gnas// cho ga 'di la rten byed na// bran g.yog 'gab rnams 'phel bar 'gyur// gzhan ma rnams kyis bkur sti zhing // rgyal po lta bur che bar 'gyur// cho ga 'di la rten byed pa// dbul po nor phyugs 'phel ba dang // skyid pa rtag cing bsam pa 'grub// dbyig la sogs pa rtag tu rnyed// dmangs pos phyogs bzhir yul yang zin// des na mya ngan sdug bsngal med// pha rol dmag dpung rnam par 'jigs// lo phyugs rtag tu legs par 'gyur// cho ga 'di la rten byed na// 'jig rten dbang chen thams cad kyis// byang chub sems ltar bkur sti zhing // tshe dang chus srid 'phel ba dang // bsgo ba'i tshig rnams bran bzhin nyan// 'di yi yon tan bsod nams kyis// phyi ma'i dngos grub mchog yin te// bsod nams nyid du gong na med// 'di la yon tan brjod mi lang // de skad gsungs pas lha rnams

  94. 47b

    dga'o// mdos kyi phan yon gyi le'u ste bcu drug pa'o// / gnod 'dul lha yis yang gsol pa// dbang chen mo rnams bskang ba yis// dbang byed pho la mi 'tshal lam// rdzogs sangs rgyas kyis bka' stsal pa// 'dod chags nga rgyal che ba yi// zhe sdang byed la dbang mo che// srid pa'i mo yis 'jig rten bskyed// 'di bskang bskang bzlog cho ga rdzogs// de nas pho rigs bcos 'dod na// stegs bu gong 'phang mtho dman byed// cho ga'i rdzas ni 'di ltar ro// 'bru sna bcu gsum dang phye la// rin chen sna brgyad bdar nas kyang // rgyal po chen po'i gzugs su bya// dbang po yan lag rin po che// gsal byed brgyad kyang de bzhin bzhag/ sna lnga dar gyi tshom bu lnga// lus dang yan lag yang dag brgyan// bdud dang drang dkar chen po dang // de ba nor gyi bdag po ste// gshin rje ru dra'i rdzas yin te// skyes to re la'ang de bzhin no// bre cha gsang phye bre bzhi la// mkhar zabs mda' yis rnam par brgyan// sle'u dar dkar dgu yi rkyen// de bzhin sha dang rin chen chang // dkar glud rkyen dang chas pa 'di// dkar po de la de bzhin no// bre cha gsang phye zla gam la// za 'og mda' yis rnam par brgyan// le brgan leb bzang mda' yis brgyan// de bzhin rin chen sha dang chang // bse glud rgyan dang chas pa 'di// byang shar mtshams su de

  95. 48a

    bzhin no// nas dang yungs kar don gyi rgyan// srid pa kun la de bzhin te// 'byung po phal la rme gtor byed// de tshe 'di skad brjod par bya// kye dpag bsam shing gi sked pa na// gser mkhar de ni ser po la// gser sgo de ni thibs se thib// g.yu bad ni sngon pos bskor// de yi ni bdag po ste// skos rje ni drang dkar la// skos mkhan ni ming nas phyung // mdos bdag chen mo mdos bzhes shig/ glud bdag chen mo glud bzhes shig/ gser mkhar ni dbu rtse nas// rin chen ni stegs bu la// lcags kyi ni mu khyud can// de yi steng na ni// srid pa ni drang dkar ba// zhig 'dzin ni ming nas phyung // mdos bdag chen mo mdos bzhes zhig/ glud bdag chen mo glud bzhes shig/ rim pa ni bcu gsum la// gnam gyi ni steng shed na// lcags mkhar ni sngon po la// gser gyi ni mtha' bskor zhing // zangs kyi ni sgo gsal ba// de yi ni bdag po ste// dbang phyug ni chen po ste// ma hA ni shwa ri'i dag/ nag po ni chen po ste// ya bdud ni ming nas phyung // mdos bdag chen mo mdos bzhes shig/ glud bdag chen mo glud bzhes shig/ de yi ni gling phran la// yar gyi ni yar la shod// bdud pas ni thabs mkhas te// bdud pas ni shugs drag ste// 'gro ba ni kun gyi bdud// 'gro ba yi tshe dpal 'phrog/ skyes bu ni skyes to re// ya bdud

  96. 48b

    rgyal ze'u ming nas phung // mdos bdag chen mo mdos bzhes shig/ glud bdag chen mo glud bzhes shig/ kye lho phyogs gling na gnas pa ste// rus mkhar gling dgu'i bdag po ste// 'chi bdag kun gyi khram 'debs ma// gshin rje'i rgyal po'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ gnam gyi mthongs na gnas pa ste// 'dzam bu'i gling gi nor gyi bdag/ ma hA de ba lha chen po// btsun mo u ma de bI bcas// nor lha chen po'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ byang phyogs gnam gyi mthongs na gnas pa ste// dung mkhar de ni dkar po la// g.yu yi ni mtha' bskor te// bse yi sgo bstsal ba// de yi ni bdag po ste// khyab 'jug dung gi thor tshugs can// gnam lha dkar po'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ byang shar gyi mtshams shed nas// bse mkhar ni gling dgu na// dngul gyis ni mtha' bskor zhing // lcags kyi ni sgo bstsal ba// de yi ni bdag po ste// shar phyogs gnam sa phyed kyi bdag/ tshangs zur lus la zor tshugs can// btsan 'gong rgyal po'i ming nas phyung // mdos bdag chen mo mdos bzhes shig/ glud bdag chen mo glud bzhes shig/ sa

  97. 49a

    bcan rol pa skya rol po// mdos bdag chen mo mdos bzhes shig/ glud bdag chen mo glud bzhes shig/ btsan la sogs pa de bzhin no// da ni ma hA shan ting gi cho ga bshad par bya ste// gtsang phye khal phyed la// ji ltar 'dod pa'i gzugs byas te// dkor cha spyan gzigs yang dag ldan// de ni phyi rgyud shan+ti ngo // de la 'jig rten shas bskangs te// dmar gtor dam rdzas ldan pa ni// shan+ti gsang ba'i cho ga'o// bsnyen pa'i gnas ni dben sa ru// gru bzhi spos chu'i maN+Dal la// zas kyis steng du gang ba ste// bsngos nas de bzhin gzhag par bya// ming rgyud mthun te dkar po'i gos// gsang ba mthun te gnyis kar 'dra// 'di brtsam bsam pa ma grub na// 'jig rten dbang chen phung bar 'gyur// las rnams kun kyi brnag pa ste// cho ga rdzogs lung chen po ste// gang gis rtogs pa dngos grub ste// ngas gsungs pa la the tshom med// de skad ces ni bka' stsal pas// 'jig rten dbang chen mngon par dga'// lha rnams thams cad mthu skyes nas// sems can kun la phan par bsgrubs// dam tshig mtha' la gnas par 'gyur// pho mdos kyi le'u ste bcu bdun pa'o// // gnod 'dul lha yis yang gsol pa// 'gugs dang 'dren pa'i las rnams de// pho nya'i las rnams bdag nyan 'tshal// yang dag rdzogs kyis bka'

  98. 49b

    stsal pa// nyon cig g.yung drung yang dag pa// srid gsum btul ba'i pho nya ni// bdag nyid man ngag ldan byas te// sems kyi dkyil nas bskul ba ni// hUM dpal gyi pho nya bka' sdod ma// khyung gi khwa chen lding ba la// lcags kyi mi mo khyud mo zhon// mgo bo gsum la lag drug ma// g.yas na rdo rje kha T+wAM ga/ bar ma spu gris srid gsum sgrol// tha ma dril zhags mu stegs 'ching // g.yon pa b+han+da rak+ta 'bar// bar ma 'khor lo bskal pa'i me// tha ma lcags kyu'i 'du 'phro can// gnas ni dur khrod dkyil na bcas// bsnyungs ni thugs kyi dbus na bsnyungs// bton ni ljags kyi rtse nas bton// 'gyed ni dam nyams dgra la 'gyed// dbang ni srid pa gsum la dbang // za ni skye 'gro yongs la za// nyul ni gling bzhi kun la nyul// bang ni glog pas nges par mgyogs// rbad ni dngos po gcig la rbad// rgyal po chen pos bdud dpung 'joms// tsham rngams chen pos dgra bgegs sgrol// nga rgyal chen pos mu stegs 'dul// rdzu 'phrul chen pos ri rab bsnyil// khyod ni srid gsum sgrol byed ma// lan 'ga' drag tu bskul ba'i tshe// gang la bya ba sgrol bar byos// de yi pho nya bka' sdod ma// dkar mo nyi ma'i thod phreng can// phyag drug gru gsum spyan mig la// mgo la tshil gyi yib zhu gyon// mtshan ni sprin dkar go lcog can// phyag gnyis pad+ma stong

  99. 50a

    bzung zhing // mtshan ni 'jig rten dbang sdud ma// g.yas na mi yi rgyu zhags 'phen// bdud dang mu stegs bcings mdzad ma// mtshan ni sbrul chen zhags pa can// g.yon gyi dang po bsnams pa ni// mi mgo rlon pa'i thod pa ru// mi khrag dron mos bkang nas su// rnam lnga'i bcud dang bsres nas 'thor// sgrub pa po la dngos grub 'bebs// mtshan ni bdud rtsi longs spyod ma// g.yas kyi bar mas bsnams pa ni// mi yi rus pa'i phur bu 'dril// dgra bgegs gnon pa'i las la brtson// mtshan ni gsang ba'i mchog phur can// g.yon gyi tha mar bsnams pa ni// lcags dang zangs kyi dril zhags la// mi snying brgyus pa'i zhags pa yis// srid pa gsum car 'ching mdzad ma// mtshan ni gser gyi dril zhags can// sprul pa'i phyag brnyan rdeb pa yis// mi lcags rlon pa'i g.yab mo yis// khams gsum rdul du brlag mdzad ma// mtshan ni g.yang gzhi ru mtshon can// sku la mi lpags rlon pa gsol// stong khams thams cad myos mdzad ma// mtshan ni zhing ni na bza' can// kha nas mi khrag rlon pa 'thor// s+ho/ khams thams cad sreg mdzad de// mtshan ni kha nas me 'bar ma// sku la mi mgo se ra la kha// skye 'gro thams cad bskangs mdzad ma// mtshan ni me tog chun 'phyang can// 'bar ba gtum chen khro bo 'dul// khro

  100. 50b

    rgyal chen mo gshin rje'i gshed// bka' yi pho nya mgyogs ma ste// nga rgyal can rnams dbang du bsdad// gang la bya ba rdul du rlog/ 'di ni pho nya'i gtso mo ste// bcol ba'i las rnams grub par mdzod// ngas gsungs pa la the tshom med// pho nya chen mo'i le'u ste bco brgyad pa'o// // gnod 'dul lha yis yang gsol pa// srid pa'i dbang chen 'di rnams kun// srog gis bskang na ji ltar skong // nyag gcig yab la bdag nyan 'tshal// de skad gsol pa gsan nas kyang // nyag gcig yab kyis bka' stsal pa// nyon cig g.yung drung yang dag pa// srid pa'i dbang chen 'di rnams kun// srog gis bskang ba 'di skad do// hUM gtso mo yum gyi mngon spyod ma// spyi gtsug g.yu yi rdo rje rtse dgu 'bar// g.yu yi ral bas stong gsum khyab// g.yas kyi phyag na rigs lnga'i sangs rgyas bsnams// g.yon gyi phyag na bdud rtsi lnga yi longs spyod 'byed// ye shes rol pa'i spyan gyis kun tu gzigs// khams gsum srid pa gsum la mnga' mdzad ma// rtag tu dbang phyug chen mo grogs mdzod cig/ bltas pa mi mthong gcig kyang med// bskang ngo bskal pa'i thugs dam bskang // shar gyi phyogs kyi mnga' bdag mo// 'byung ba sa la dbang sgyur zhing // 'gro ba'i rus la mnga' mdzad ma// 'di yis rus pas thugs dam bskang // mthun pa'i rdzas chen 'di

  101. 51a

    'bral gyi// bcol pa'i las rnams 'grub par dzod// moM yi phyogs kyi mnga' bdag mo// 'byung ba tshu la dbang sbyar zhing // 'gro ba'i khrag la mnga' mdzad ma// 'di yi khrag gis bskang byas na// mthun pa'i rdzas chen ngas 'bul gyi// bcol pa'i las rnams 'grub par mdzod// nub kyi phyogs kyi mnga' bdag mo// 'byung ba me la dbang sgyur zhing // 'gro ba'i drod la mnga' mdzad ma// 'di yi drod kyis bskang byas na// mthun pa'i rdzas chen ngas 'bul gyi/ bcol pa'i las rnam 'grub par mdzod// byang phyogs khams kyi mnga' bdag mo// 'byung ba rlung la dbang sgyur zhing // 'gro ba'i dbugs la mnga' mdzad ma// 'di yi dbugs kyis bskang byas na// mthun pa'i rdzas chen ngas 'bul gyi// bcol pa'i las rnams 'grub par mdzod// nam mkha'i rigs kyi rgyal mo ste// nam mkha' stong la dbang skur zhing // 'gro ba'i bkrag la mnga' mdzad ma// 'di yi bkrag gis bskang byas na// mthun pa'i rdzas chen ngas 'bul gyi// bcol pa'i las rnams 'grub par mdzod// rgyu bsgral ba'i phung po yis ye shes kyi mkha' 'gro ma lnga dang gtso bo yab yum bskang ngo // da ni mdos bdag gi ma mo rnams bskang ba ni/ srid pa bde 'gro khams gsum kun gyi yum mchog ste// sku mdog mthing ga chen mo la// dbu dang zhal

  102. 51b

    gyis stong khams khengs// rin chen ral pas snang srid gsal// khyod ni 'dod khams gtso mo ste// phud kyi bdag mo'i thugs dam bskang // ye shes tshogs kyi rje mo ste// gnyis su med par phud kyi bdag/ bcol pa'i las rnams 'grub par mdzod// dpag bsam shing gi yal ga la// dkar mo g.yag thod ral gcig ma// nyi zla stong gi thod phreng can// dpag tshad brgyad khri bzhi stong nas// khrag gi dri snosnyoms dmar gyi ro myong ma// ral pa'i zar bu g.yon nas gcig tu 'khyil// srid pa'i sa gzhi g.yo zhing khengs mdzad ma// g.yas na lcags dang zangs kyi dril zhags la// snying gi zhags pa bsdog cing 'phen// g.yon na b+han+da mgo bcad khrag 'dzag ma// tshangs pa la sogs lha chen brgyad kyi mgo bcad ma// nyi zla stong gi dbu la brgyan cing klubs// snang srid snying gi bdag mo ste// 'di yi snying gi bskang byas la// mthun pa'i rdzas chen ngas 'bul gyi// nga yis las bcol 'grub par mdzod// che zhe dkar mo nyi ma'i mdangs// dkar mo ral gcig thugs dam bskang // che zhe nyi ma khros pa'i dbang mo che// khams gsum thams cad gsal mdzad ma// bskang ngo bskal pa'i thugs dam bskang // che zhe khams gsum khros pa'i dbang mo che// khams gsum gsang bar thams cad sbyor// bskang ngo bskal pa'i thugs dam

  103. 52a

    bskang // srid pa bde sbyor khros pa'i dbang mo che// srid pa thams cad bde la sbyor/ che zhe khams gsum khros pa'i dbang mo che// khams gsum thams cad dbang du sdud// che zhe bde sbyor khros pa'i dbang mo che// srid pa thams cad bde la sbyor// bskang ngo bskal pa'i thugs dam bskang // snang srid kun gyi rgyan mdzad ma// rgyan gyi rgyal mo'i thugs dam bskang // mtshan ni dbyings phyug rgyal mo ste// dbyings phyuphyag rgyal mo'i thugs dam bskang // bdag nyid lhag lhag bzhad mdzad ma// bdag nyid chen mo'i thugs dam bskang // mtshan ni gcig pu chen mo ste// lag na zhing gi g.yang zhi thogs// bskang ngo bskal pa'i thugs dam bskang // da ni thugs kyi dgyes sde mo/ 'grub pa'i rtags phyung / rtag tu dbang phyug chen mo'i grogs// sring gcig shar gyi mnga' bdag mo// dkar mo mig gcig ral pa can// 'khor ni dkar mo 'bum sdes bskor// bskang ngo bskal pa'i thugs dam bskang // srid pa lho yi mnga' bdag mo// nag mo chen mo ral pa can// 'khor ni nag mo 'bum sder bcas// bskang ngo bskal pa'i thugs dam bskang // srid pa nub kyi mnga' bdag mo// dmar mo dbang gi rgyal mo ste// 'khor ni dmar mo 'bum sder bcas// bskang ngo bskal pa'i thugs dam bskang // srid pa byang gi bdag mo ste// ser mo chen mo

  104. 52b

    las kyi gtso// 'khor ni ser mo 'bum sder bcas// thugs dam gnyen po bdag bskang gi/ bskangs la 'bras bu mchis par mdzod// de yan chad ni ma mo bcu bzhi'i skong zabs so// // skabs 'dir a phyi chen mo yang mchod par 'byung ba'i don gyis sbyar ro// da ni de'i khol mo rnams sha khrag dmar dang a mr-i tas bskang bar byas te/ srid pa kun gyi khyim bdag mo// he ru kas sti'i thugs dam bskang // ha ra ting dkar mo'i thugs dam bskang // dun ting nag mo'i thugs dam bskang // shan ting dmar mo'i thugs dam bskang // grub ting ser mo'i thugs dam bskang // srid pa'i gru 'degs chen mo bzhi// bcol ba'i las rnams 'grub par mdzod// dmag gi rgyal mo chen mo bzhi// shar gyi dkar mo mche gtsigs ma// bskang ngo bskal pa'i thugs dam bskang // lho yi nag mo kha rlan ma// nub kyi dkar mo bachu 'jib ma// byang gi ser mo rkang ldag ma// rigs bzhi dmag dpung 'khor gyis bskor// thugs dam gnyen po bdag skongs shig/ bcol pa'i las rnams 'grub par mdzod// e ka dza Ti dpal gyi yum// lcags kyi so la zangs kyi sgra// sna tshogs zhal la zhing sgrol ma// thugs dam gnyen po bdag gis bskang // bcol pa'i las rnams 'grub par mdzod// e ka dza ti'i thugs dam bskang // srid pa'i ma mo

  105. 53a

    bzhi yi thugs dam bskang // sring mo chen mo yum gyi thugs dam bskang // ma mor grags pa kun gyi thugs dam bskang // de ltar nang gi dam rdzas dang ldan par byas te/ shel smug po'am nam mkha' lding la sogs pa rgyu gang bsgral yang rung ste/ 'byung ba chen po lnga yis ye shes kyi khro mo lnga dang gtso mo bskang ngo // sha khrag dmar dang ting nge 'dzin gyis/ 'khor gyi ma mo'i thugs dam bskang ngo // sgrub pa po yi bsam pa yid bzhin du 'grub par nges so// ngas gsungs pa la the tshom med ces he ru kas bshad do// le'u ste bcu dgu pa'o// // gnod 'dul lha yis yang gsol pa// bstan pa gnyen po 'jig byed cing // lu gu rgyud la 'gal byed cing // sems can kun la gnod bgyid pa'i// rtag tu gdug pa'i sems gyur la// nan tur las rnams ji ltar 'tshal// rdzogs sangs rgyas la bdag nyan 'tshal// de skad gsol pa gsan nas kyang // ngo mtshar lha yis bka' stsal pa// rtag tu gdug pa'i sems gyur te// sems can kun la gnod pa la// nan tur las rnams ngas bstan gyis// nyon cig g.yung drung yang dag pa// ji ltar yid 'thad gnas su ni// dkyil 'khor mtshan dang ldan pa dang // dbang gi dkyil 'khor kha sprod la// dbus su kun tu bzang mo'i mkha'// mdzub gsum pa la drag por bris// ze ba

  106. 53b

    sor bzhi cha snyoms la// 'gugs dang sbar 'phang sngags kyis brgyan// dbang gi dkyil 'khor kha ran la// gnan dang 'phang ba'i sngags kyis bskor// de nas kha ran gru bzhi ni// sor brgyad pa yi tshad du bya// rdo rje pad+ma spel mar bri// de nas maN+Dal brgyad po la// 'od phung thod pa'i phreng bas brgyan// sgo bzhi mkha' bzhis brgyan par bsam// de nas rdzas kyi ngo bo ni// rgyu yi gtso bo dgu bsogs te// grub pa'i rnal 'byor dgu zad pa// gnyis la chags 'dzin spyan gnyis bri// bdun la ma bdun sngags bris la// drag po'i kha ran bskor ba bzhag/ dbang dang drag por ldan pa yi// lcags zangs shing bu gang yang rung // dbang drag phur pa dgu po la// mgo la mkha' 'gro lnga lnga bzhag/ ngos la rnal 'byor bcu bzhi bsgom// sked par chags 'dzin la sogs bsam// rtse mor ma bdun bsam nas su// dmigs pa'i dngos po gang yang rung // dkar nag dkyil du brgyab nas su// dge sdig las kyi mtshams phye nas// dngas ma'i dngos po thams cad kun// gtub nas ma mos zos par bsam// de ltar brgyab na lha yang 'chi// dang po bdag nyid bsgom bya ba// phra men rgya mtsho nyid kyi sku// dbang drag sku mdog nag mo la// dbu gcig zhal lnga 'jigs pa'i sku// dbu la mkha' 'gro lnga bsgoms shing // mche ba can la gtsigs shing

  107. 54a

    bzhad// ma mo thams cad dbyings nas 'gyed// phyag na dbang drag phur pa 'dril// 'dren dang mnan dang spar 'phang ba'i// sngags rnams drag tu bzlas nas su// rnal 'byor ma rnams rbad nas su// gang la bya ba'i dngos po de// dbang drag dkyil du bzung nas ni// rnam shes dbyings su brgyab pa dang // dge sdig las rnams sbyangs nas su// lha gzugs phral te zos bsam na// rdo rje'i brag kyang 'jigs par 'gyur// ngas gsungs pa la the tshom med// ces bka' stsal pa dang // de nas rigs lnga'i sangs rgyas rnams dang // 'khor de na gnas pa rnams kyi gtso bo rdo rje sems dpa' stan las langs te gar gyi brda phyag 'tshal nas/ 'di skad ces gsol to// dbang drag dkyil 'khor byin brlabs dang // dbang drag phur pa'i cho 'phrul dang // 'dren gnon 'phang ba sngags kyi mthu// mgon po chen pos bstan du gsol// de skad gsol pa gsan nas kyang // ci yang mi gsung bar dbang drag gi ting nge 'dzin la snyoms par zhugs so// ting nge 'dzin la zhugs bzhin// badz+ra bo d+hi dza la maN+Da la ba ga rA tra b+ha ga tra ta/ kro ta ba ma kI la ya dza hUM/ nan sgra ra na yaM/ phaT tsit+ta su khaM/ zhes gsungs pas/ khams gsum thams cad mkha' gru gsum gdengs pa'i dkyil 'khor// gting dpag med pa'i gzhal yas khang / dbang drag gi dkyil

  108. 54b

    'khor gyur nas/ dbang drag gi phur bu ye shes kyi mkha' 'gro rnams kyis brgyab pas/ steng nas char du 'bebs pas// dbang drag bde ba'i gting khung du// rdo rje sems dpa' la sogs te/ rigs lnga'i sangs rgyas dang // lha gnod 'dul kha sbub tu brgya la/ dbang drag gi dkyil 'khor gyi gdengs dkar/ srid pa'i dbang chen mang po ni gan rkyal du brgyal te snying dkar nag gi mtshams su phur bu phog ste/ dge sdig gi shan phyes nas/ sems kyi ye shes su byin gyis brlabs so// de ltar thams cad brgyal ba sangs pa dang // 'di skad ces ni glu blangs so// dbang drag dkyil 'khor yum gyi mkha'// mkha' yi dkyil 'khor de gshegs gnas// gting dpag med pa'i gzhal yas su// dbyings nas dbang drag phur bu yis// rdo rje sems dpa' la sogs kun// rang rgyud snying nas drangs nas su// dbang drag mkha' la bzhag nas kyang // slan chad gsang ba'i dbyings su sbyor// gu h+ya b+ha ga sa ma ya s+t+waM laM maM ma ha tsit+ta ho// zhes gsungs pa dang / brgyal ba thams cad dran pa slar rnyed nas/ dbang drag gi dkyil 'khor na/ 'dar med med 'dug pa rang rang gis tshar/ de nas rdo rje sems dpa' la sogs pas gsol pa// dkyil 'khor chen po a la la// dbang dran dkyil 'khor bde ba'i mchog/ gsang sngags chen po a la la// 'dre gnon sbar

  109. 55a

    'phang cho 'phrul che// mtshon cha chen po a la la// dbang drag phur bus dge sdig sbyongs// khrag 'thung chen po a la la// bla med khrag 'thung che btsan mchog mkha' 'gro chen po a la la// ye shes mkha' 'gro sprul pa'i mchog/ ces smras so// rdo rje sems dpas yang gsol pa// rdzu 'phrul thams cad kyi mchog/ mu stegs thams cad kyi gnyen po bdag nyid lags te/ bdag gi ming yang rdo rje sems dpa' btags pa lags na bla med bcom ldan 'das kyi spyan sngar/ dbang drag gi dkyil 'khor chen po ru chu 'phrul gyis/ bdag kyang brgyal bar gyur na/ mi mthun gzhan smos kyang ci 'tshal// dbang drag dkyil 'khor chen po 'di// dus gsum dag tu mi 'gyur bar// bsten pa nyid du bdag nyid bgyid// gsang ba mchog kyang de bzhin 'dzin// zhes gsol to// de nas dbang drag gi dkyil 'khor chen po'i cho 'phrul gyis/ mu stegs ka la chen po gdan du bting bar gyur to// sgrub pa'i bar du gcod cing rnal 'byor gyi dgra bgegs gnon pa'i le'u ste nyi shu pa'o// // g.yung drung lha yis yang gsol pa// dza rje rgyal pos bka' stsal ba'i// rgyud lung chen po 'di dag la// skye bo gang zhig yid rang ste// mos pas dngos grub ci ltar 'gyur// gang zhig 'di la ma dad pa'i// skur pa 'debs pa'i skye bo la// rnam smin chad

  110. 55b

    pa ji lta bu// ngo mtshar lha la bdag nyan 'tshal// de skad gsol pa gsan nas kyang // yang dag rdzogs kyis bka' stsal pa// nyon cig g.yung drung yang dag pa// ngas gsungs pa yi lung 'di la// skye bo gang zhig brtson 'grus pa// lus 'di nyid kyis srid pa brje// tshe 'di nyid la dgongs pa rdzogs// rgyal po bzhin du che bar nges// ngas gsungs pa yi don 'di la// rnal 'byor gang zhig dad mos pa// srid gsum dbang chen thams cad la// shes rab mig gis bltas pa'i tshe// srid gsum dkyil 'khor rdzogs par mthong // de la rim gro mchod par byed// bsgo ba'i tshig rnams bran bzhin nyan// ngas gsungs pa yi lung 'di la// gang zhig skur pa 'debs pa de// dam sri dmar por skye bar nges// dbang chen kun gyis sdig mthong nas// tshe 'di nyid la sgro 'bog cing // dus min pa ru srog zad nges// ngas gsungs pa yi lung 'di la// don med phyal par sgrogs pa de// dmyal ba rdo rjer lhung nas kyang // thar pa'i dus med 'o dod 'bod// slan chad sdom zhes smra bar nges// ngas gsungs pa yi lung 'di la// mi dad spangs pa'i sems can la// gshin rje'i zhags pas bzung nas su// nyes dmigs khram la btab nas su// tshogs kyi bdag la phul nas kyang // lha gzugs thams cad 'brel par nges// ngas gsungs pa yi lung 'di la// skye bo gang

  111. 56a

    zhig dad mos pa// 'jig rten 'di yi yon tan yang // yid bzhin nor bu 'bar ba bzhin// 'jig rten phyi ma'i dngos grub dang // thar pa bde ba'i 'bras bu yis// rig 'dzin sa la gdon mi za// skye 'gag med pa'i dngos grub kyis// mi 'gyur rdo rje'i dngos grub thob// ngas gsungs pa la the tshom med// de skad ces bka' stsal pa dang // rdo rje sems dpa' la sogs te/ rigs lnga'i sangs rgyas dang / srid pa phra men rgya mtsho la sogs te/ ma mo stong gi tshogs dang / lha chen po gnod 'dul la sogs te/ lha g.yung drung gi rigs mang po dang / rdo rje gzhon nu mo la sogs te/ rig 'dzin gyi bud med rab tu mang po dang / he ru ka sni la sogs te/ 'jig rten gyi ma mo dbang mo che mang po dang / 'jig rten dbang chen rab tu mang po rnams kyang / gus pas yi rangs te/ thar pa bde ba chen po thob nas/ a la la'i sgra byung ste/ rig 'dzin gyi dam tshig can du gyur to// 'jigs byed dpal gyi zhal snga nas/ dmod btsug pa'i le'u ste nyi shu pa'o// // srid pa'i rdzong lung chen mo rdzogs so// cho ga lung bstan rdzogs pa 'di// gang gis rnyed pa dngos grub ste// ma nyams dag na bsam pa 'grub// dam tshig gtsang na rnyed par 'gyur// srid pa gsang ba'i rdzong lung 'di// 'gro ba'i don la dga' ba dang // theg pa chen por gtsor

  112. 56b

    len cing // rdo rje slob dpon mchod byed cing // lu gu rgyud la brtse sdom pa'i// skal ldan de dang 'phrad par shog/ rgyud gtad pa'i le'u ste nyi shu rtsa gcig pa'o// // gnod 'dul lha yis yang gsol pa// 'gro ba'i tshe mchog bsdu ba dang // rnal 'byor rnams la phan gdags phyir// mngon rdzogs yab la bdag nyan 'tshal// mngon rdzogs yab kyis bka' stsal pa// nyon cig gnod 'dul lha yi gtso// rnal 'byor pa yi tshe mchog ni// yang dag nyid du ngas bshad do// de la tshe lung rnam pa mang mchis kyang // lung las man ngag tu bsgrub pas/ mi 'phrogs pa rdo rje nges pa'i tshe/ 'phel 'grib rten gyi tshe dang gnyis so// de la mi 'phrogs pa rdo rje nges pa'i tshe la/ sgrub pa chen po'i dus la bab ma bab bstan pa dang / dus la bab na rigs lnga gang du 'gro// yang sgrub pa'i thabs dang / yon bdag la rgyas par bya ba dang / bsgrub nas gtams pa'i sa dang / sngags mkhan nyid la sgrub pa dang lnga'o// de la bsgrub pa chen po'i dus la bab ma bab brtag pa ni/ lus gar lan gnas gang du 'gro ba sgoms pas zag bcad/ dus la bab na sgrub pa'i thabs ni/ bdag A yu dz+nyA na bin+da a yi thugs gsal ba dang / tshe yi rigs A yur dz+nyA na dza ra gsal ba gnyis/ bin+na ya'i thugs gsang ba byang chub sems dkar la 'tsher ba dang / bin du dza

  113. 57a

    ta'i thugs gsang byang chub kyi sems dmar la dngas pa bskyed pa'i byang chub kyi sems 'phro 'du las/ gser dngul bsres pa zhun byas pa'i kha dog 'dra ba'i/ 'od zer gyis rigs lnga'i gnas su khyab par byas te/ rigs lnga thams cad chags pa'i sems bskyed do// gsang ba dgyes pa bskyed nas bde ba'i mchod pa phul lo// rigs lnga zhes bya ba ni mkha' bzhi dbyings dang lnga ste/ dung can gyi mkha' dang / ban glang can gyi mkha' dang / pad+ma can gyi mkha' dang / ri mo can gyi mkha' dang bzhi'o// dbyings ni gsang ba bde ba'i yum grogs mo'i rgyal mo'i// dus chen mo la bab kyang 'di lnga'i mkhar 'gro ba las ma gtogs pa gzhan med pas 'di lnga la gsang ba bde ba'i mchod pa phul te/ thugs dam bskang la/ ye shes kyi 'phro 'du bskur ba ni// sgrub bskur ba'i thabs so// de la bskul ba'i tshig 'di skad do// a ni ma skyes sku nyid las// gsang ba bde ba'i don byung ba// rdo rje la gnas pad+mo bskyil// ma chags mi ldan 'phro 'du yis// yum gyi thugs dam des bskangs la// 'gro ba'i tshe dang brtan par mdzod// bde ba rgyas 'debs tshe ni rdo rje brtan// bde ba rmongs byed tshe 'di pad+mar bsten// bde ba za byed tshe 'di nges par spel// bde ba tshe 'phel 'gro ba'i re ba skong // bde klong yang pa srid pa kun gyi yum// gang 'dir dus la

  114. 57b

    bab kyang mkhas pas slar sbyar cig/ de la nyams bsnur la gdags pa'i sar ni slar mkha' dbyings dang lnga nyid gsang ba'i 'phro 'du dbang gi dkyil 'khor bskyed la gdams so// de la bskul tshig ni/ shar phyogs bde klong pho brang nas// nges pa'i tshe la dbang bskur zhing // sku mdog dkar mo sgeg ma la// spyan gsum dung gi lan tshar can// 'od zer dkar po phyogs bcur 'phro// ma chags thabs la mngon par rol// gsang ba'i mkha' la shel gyi ga'u bskyil// g.yas kyi phyag na rdo rje rtse dgu bsnams// g.yon gyi phyag ni ga'u nyid la brten// rdo rje rtse gsum shar phyogs dbang du sdud// shel gyi ga'ur nges pa'i tshe gdams so// lho phyogs bde klong pho brang nas// nges pa'i tshe la dbang sgyur ma// sku mdog sngon mo sgeg ma la// nor bu rin chen lan phran can// spyan gsum mche ba gtsigs mdzad ma// 'od zer sngon po phyogs bcur 'phro// gnyis su med pa'i thabs la rol// gsang ba'i mkha' la rin chen ga'u bskyil// g.yas kyi phyag na nor bu rin chen ke ke ru// g.yon pa ga'u nyid la brten// nor bu rin chen ke ke ru// lho phyogs 'dzam gling dbang du sdud// rin chen ga'ur nges pa'i tshe gdams so// nub phyogs bde klong pho brang nas// nges pa'i tshe la dbang sgyur ma// sku mdog dmar po bsgyings pa la// spyan gsum byi ru'i lan phran

  115. 58a

    can// 'od zer dmar po phyogs bcur 'phro// mi len thabs la mngon par rol// gsang ba'i mkha' la byi ru'i ga'ur bskyil// g.yas kyi phyag na pad+ma'i ga'u brtsegs pa bsnams// g.yon gyi phyag na ga'u nyid la brten// pad+ma gu brtsegs nub phyogs dbang du sdud// byu ru'i ga'ur nges pa'i tshe gdams so// byang phyogs bde klong pho brang nas// nges pa'i tshe la dbang bsgyur zhing // sku mdog ljang gu sgeg ma la// spyan gsum rdo rje'i lan phran can// 'od zer ljang chu phyogs bcur 'phro// grub pa'i thabs la mngon par rol// gsang ba'i mkha' la rdo rje'i ga'u bsgril// g.yas kyi phyag na rdo rje bsnams// g.yon pa ga'u nyid la brten// rdo rje rgya gram byang phyogs dbang du sdud// rdo rje'i ga'ur nges pa'i tshe gdams so// steng 'og bde klong pho brang nas// nges pa'i tshe la mnga' mdzad ma// cir yang 'gyur ba'i sku mdog la// spyan gsum lan phran cir yang 'phro// ched 'ga' g.yu yi ral pa can// 'od zer sna tshogs gling bzhir 'phro// gnyis med brten pa'i zabs la nges par rol// gsang ba'i mkha' la g.yu yi ga'u bsgril// g.yas kyi phyag na ru mtshon shing bsnams shing // g.yon pa b+han+d+ha rak+tas bkang nas ga'u nyid la brten// ru mdung zhing gi g.yang gzhis snang srid thams cad dbang du sdud// g.yu yi ga 'ur nges pa'i tshe

  116. 58b

    gdams so// de nas pad+ma dbang du bsdud la// snying po'i ga'u phyes te/ nges pa'i byang chub sems la gdams so// dngos grub ni gsang bar nod do// de ni tshe gdams pa'o// tshe yon bdag la rgyas par bya ba ni// pho la a dkar po/ mo la aM dmar skyes byin gyis brlabs la/ thabs dang shes rab kyi 'phro 'du lce la dbab/ de nas tshe rtags mngon par bstim// der bstim nas rtags dang mtshan ma sna tshogs su snang // der snang zhing gsal ba'i ngo bor 'byung / de la 'khor kyang de bzhin te// yi ge brgyad kyang 'khor bar bzhag/ las kyi bum par snyim par byed// des ni phung po yang dag rgyas// gzugs ni rdo rje ri rab pas// che bar byin gyis brlabs nas su// cis kyang mi 'jigs brtan par bsgom// de ni rgyas par bya ba'o// tshe sngags mkhan la bsku ba ni// bdag nyid che ba'i lhar bsam ste// 'od kyi 'phro 'du yang bsam la// rgyun mi 'chad par gyes pa yis// dbyings la sogs pa'i thugs dam bskang // nges pa nyid du gnyis su gsal ba las// a dang e gnyis rgyun mi 'chad par gyes pas/ mkha' bzhi dbyings dang lnga yi thugs dam bskang // gcig nas gcig tu gnas gyur te// 'dren pa'i phyag rgyas gsal bar drangs// gsang ba nyid du 'du bar bsgoms// bdag nyid rin chen dkyil 'khor du// thugs ka'i ngo bo gsal

  117. 59a

    bsgom ste// shes rab dbang gi mchod pa 'bul// dngas ma'i lam du byung nas ni// ye shes sras su bzhag nas ni// ye shes sbas pa'i tshe zhes bya// tshig tu yang / khro bo'i thugs las bskyed pa'i 'phro 'du ni// A yur+N+Na na bin du a ni thabs kyi sku// A yur+d+ha na bin du dza ni shes rab gsal// thabs kyi rang bzhin sku mdog dkar ba la// yum gyi tshom du 'od lam lam// g.yas na rdo rje thugs kar gsor// g.yon pa mkha' la chags pa'i g.yab mo 'dor// yum gyi sku mdog le brgan la// dgyes pa'i rtags su gser gyi 'od zor 'phro// phyag g.yon rdo rje ga'u bsnams// g.yas na le brgyan g.yab mo 'dor/ srid pa dbang sdud yab kyi thugs kar stims shig bin du dza/ de ltar thugs la mchod pa phul nas/ dpal gyi 'khor tshogs kyis bskor te bzhag 'phel 'grib brtan pa'i tshe la don la rnam pa lnga ste/ brtan pa'i tshe nyams ma nyams pa brtag pa dang / nyams na dgug pa'i thabs/ khugs nas bskur ba dang rgyas par bya ba dang brtan par bya ba'o// de la tshe nyams ma nyams brtag pa ni// pra dang mtshan ma ltas dang mo phywa yan chad kyis brtag go/ nyams na 'gugs pa'i thabs ni bdag nyid dbang gi he ru kar bsgom la thugs kar ye shes kyi 'od zer spros la/ tshe yi ma mo rnams bskul te dgug go/ dgug pa'i dngos

  118. 59b

    po ni yi ge nr-i las hUM du dmigs te/ lcags kyu'i phyag rgyas drang ngo // hUM shar phyogs b+ha ga'i klong yangs su// 'byung ba'i lag tu tshe nyams pa// dri za'i lag tu dpal nyams pa// de yi pho nya skyod mdzad de// sku mdog gser skra skran gsum ral pa can// phyag ma g.yas na lcags kyu dgus gtams shing // g.yon pa gar stabs g.yab 'dor ma// 'byung po'i lag nas tshe drongs la// dri za'i lag nas dpal skyobs shig/ lho phyogs b+ha ga'i klong yangs su// gshin rje'i lag tu tshe nyams pa// srin po'i lag tu dpal phrogs kyang // de yi pho nya bskyod mdzad de// sku mdog sngon mo spyan gsum ral pa can// g.yas kyi phyag na lcags kyu dgus gtams shing // g.yon pa gar thabs g.yab 'dor ma// gshin rje'i lag nas tshe drongs la// srin po'i lag nas dpal skyobs shig/ nub phyogs b+ha ga klong yangs su// klu yi lag tu tshe nyams pa// yi dwags lag tu dpal phrogs na// de yi pho nya bskyod mdzad de// sku mdog mtshal du spyan gsum ral pa can// g.yas kyi phyag na lcags kyu dgus gtams shing // g.yon pa gar stabs g.yab 'dor ma// klu yi lag nas tshe drongs la// yi dwags lag nas dpal skyobs shig/ byang phyogs b+ha ga'i klong yongs su// gnod sbyin lag tu tshe nyams pa// bgegs kyi lag tu dpal phrogs na// de yi pho nya bskyod

  119. 60a

    mdzad ma// sku mdog ljang gu spyan gsum ral pa can// g.yas kyi phyag na dril bu dgus gtams shing // g.yon pa gar zasas g.yab 'dor ma// gnod sbyin lag nas tshe drongs la// bgegs kyi lag nas dpal skyobs shig/ steng gi b+ha ga klong yongs su// ya bdud lag nas tshe nyams pa// rgyal 'gong lag tu dpal phrogs na// de yi pho nya bskyod mdzad de// sku mdog dmar po khrag gi ral pa can// nyi zla spyan du mdzad pa'i mthu mo che// g.yas kyi phyag na zhing gi g.yang gzhi bsnams// g.yon na tshangs pa'i mgo bcad khrag 'dzag bsnams// ya bdud lag nas tshe drongs la// bgegs kyi lag nas dpal skyobs shig/ 'og phyogs b+ha ga'i klong yangs su// sa bdag la ni tshe nyams pa// ma bdud lag tu dpal phrogs kyang // de yi pho nya bskyod mdzad ma// nag mo chen mo ral pa can// g.yas kyi phyag na tri shUl ru mdung bsnams// g.yon pas b+han+d+ha rak+tas bkang ba bsnams// sa bdag lag nas tshe drongs la// ma bdud lag nas dpal skyobs shig/ mtshams bzhi b+ha ga zur bzhi la// btsan 'gong gnas nas tshe nyams pa// 'brog srin lag tu dpal phrogs kyang // de yi pho nya bskyod mdzad ma// rin chen srid 'degs mdzes pa'i za ma tog/ g.yon na dung gi zo ba thogs// g.yon na g.yu yi za ma tog/ btsan 'gong lag nas tshe

  120. 60b

    drongs la// 'brog srin lag nas dpal skyobs shig/ oM badz+ra yak+Sha b+han+na rak+ta badz+ra phaT/ hUM nr-i hUM nr-i hUM hUM nr-i dza phaT/ de nas nyams dang sbyar te khugs pa dang / tshe brtan par bya ste/ 'phel 'grib gyi tshe rten la bsdus te// tshe rten ci yang rung ba gcig la bstim/ de nas badz+ra shing gi gi ri gi ri zhes brjod do// tshe rdo rje'i gur du gyur pas bsgom mo// de yi nang du tshe hUM mthing skyar dmigs te/ khro bo ha ya grI was bsrung bar bsgom/ gur gyi phyi rol du mgo brnyan ma brgyad bsgoms la/ rgyas gdab pa'i tshig bshad byas la rgyas gdab bo// tshig tu yang / srid pa rgyas 'debs dbang phyug nga yi rgya// de nas gnyis med rol pa'i bde mchog yum gyi rgya// de nas mkha' 'gro grub pa'i rgya// rang byung rgyas gdeb las mkhan rgyas thob shig/ ces brjod la las mkhan mos rgyas gdab bo// rgyas par bya ba ni tshe dpa' bo 'bru lngar dmigs la phung po lnga la bsdus te/ de nas rgya gram gyis go bgo// de nas rdo rje rkyang pas bka' nan bya/ de'i sngags ni/ sarba mai tri tri ka pA tsi na baM/ dung pur te ro ta rag hUM hUM/ bskul ba ni nges pa'i tshe dang mthun no// rje che'i le'u ste nyi shu rtsa gnyis pa'o// // gnod 'dul lha yis yang gsol pa// srid pa'i dbang chen thabs kyi ni// dgra bgegs thun la dbab pa'i las// mngon rdzogs yab la bdag nyan 'tshal//

  121. 61a

    rdzogs sangs rgyas kyis bka' stsal pa// nyon cig g.yung drung yang dag pa// dgra bgegs thun zor dbab pa dang // de yi bskul tshig 'di skad do// hUM gser gyi nam mkha' ser po phyung dkyil na// gser mtsho ye mo phyung de byang zhig nas// gser mkhar ser po phyung dkyil nas// mnga' dag rje mo su bzhugs na// gnam gyi gtso mo gser gyi rgyal mo bzhugs// phyag na gser phur ser po bsnams// nan tur dgra la 'phen pa'i tshe// gser gyi phung bu bdun bdun 'phen// gcig ni dpral ba'i mtshams su brdeg/ tshe dang srog gi rten phral ma// gcig ni mig gi dkyil du brdeg/ lta ba kun gyi bcud 'phrog ma// gcig ni lce yi dkyil du brdeg/ smra ba ngag gi dbang sdud ma// gcig ni dpung mgo gnyis la brdeg/ stobs chen kun gyi rtsal 'phrog ma// gcig ni snying gi dkyil du bsdig/ tshe srog gnyis kyi dbang sdud ma// gcig ni pho mtshan dkyil du brdeg/ skye shi gnyis kyi rabs gcod ma// gcig ni pus mo'i dkyil du brdeg/ 'gro ba kun gyi dbang sdud ma// g.yu yi nam mkha' sngon po phyang de phyang // mnga' bdag rje mo su bzhugs na// nam mkha' g.yu yi g.yu sku bzhugs// phyag na g.yu yi zor ba sngon po bsnams// dngul gyi nam mkha' dkar po phyang de phyang // mnga' bdag rje mo su bzhugs na// dngul gyi btsun

  122. 61b

    mo ma bla bzhugs// phyag na dngul zor dkar mo bsnams// zangs kyi nam mkha' dmar po phyang de phyang // mnga' bdag rje mo su bzhugs na// zangs kyi rdo rje dmar po bzhugs// phyag na zangs zor dmar po bsnams// lcags kyi nam mkha' sngon po phyang dkyil na// dug mtsho nag po phyang dkyil na// mnga' bdag rje mo su bzhugs na// srog gi bdud mo chen mo bzhugs// sder mchu mang pos rtsa rgyus 'dren// snying gi rtsa chen dkrug cing za// ma mo mkha' 'gro las kyi dus// stag gi mgo can ma mo ni// rus mgo sum brgya drug cu 'dral// 'thog cing 'gyed pa'i ma mo yin// las mkhan chen mo las mdzod cig/ rgyud bdag chen mos rgyud bskul cig/ ma mo zor mkhan chen mo ni// tsin+da ma ni'i sngags zlo zhing // mu stegs phung po bshig byed ma// 'joms ma chen mo yid 'phrog yin// 'dod chags khrag gi dkyil 'khor nas// ma mo zozer mkhan stong gis bskor// nan tar g.yos pa'i dus byung na// ya bla bdud kyang mi che'o// ma bla bdud mo mi che'o// btsan la kha bzhi ga la che// mgyogs ma sde brgyad ga la che// gnam ze'u dkar po ga la che// gri bo gri mo ga la che// ma mo mkha' 'gro las kyi dus// rus pa'i phur bu bdun bdun 'phen// ya bla bdud kyang mi che'o// 'thab bral gnas nas zhags thogs ma// sum brgya sprul pas 'gyed pa yi// pho

  123. 62a

    nya sum brgya drug bcu la// mngag pa rdo rje las mdzod cig/ gzhan 'phrul dbang byed gnas su 'phen// rnal 'byor dam sri dam bral gyi// ya bla bdud kyang mi che'o// ma bla bdud kyang mi che'o// gnam zor chen mo bcu gsum gyis// bgegs kyi khong khrag dkrug cing za// sa zor chen ma bcu gsum gyis// dgra bo'i snying khrag dkrug cing 'thung // de ltar zor gyi bdag mo dang // mi nad rims kyi bdag mo dang // rta yi khrag dang bong bu'i khrag/ ra yi khrag dang gser brdar pa'i// g.yu brdar 'chang dang phud kyi nas// nyung dkar blangs la sngags 'di bzlas// hUM snying b+h+yo// snying ngan pa ru taM/ khong khrag tu bi ra rta sarba na swA hA// yang brgya bdun bzlas// yang na nyi shu rtsa bdun bzlas// yang na bcu bdun bzlas par bya// cho ga 'di bsten phan yon gang // srid pa gsum yang thal bar rlag/ lha rnams kun kyang 'dar zhing g.yo// bdud dang srin po thal rlag na// ma lus dgra bgegs smos ci dgos// ma mo gser zor gyi le'u ste nyi shu rtsa gsum pa'o// // gnod 'dul lha yis yang gsol pa// sgrub la bar chad byed pa dang // bstan pa gnyen po bshigs pa dang // dge ba'i bshes gnyen sku dgra la// ma mo'i khrag zor btang ba ni// mngon rdzogs yab la bdag nyan 'tshal// rdzogs sangs rgyas kyis bka' stsal

  124. 62b

    pa// nyon cig gnod 'dul lha yi gtso// bstan pa 'jig dang bar chod la// sku dgra gyur pa bsgral ba ni// yang dag nyid du ngas bshad do// de la dang po khrag zor ji ltar btang ba ni// dngul sgyogs dkar por sha rus sbyar ba bzhag/ g.yu sgyogs sngon por dbugs dang dri chu bzhag/ zangs skyogs dmar por rak+ta sna lnga sbyar la bzhag/ lcags skyogs sngon por drod dang mAngs dri dang bzhag/ gser skyogs ser por bkrag dang mdangs dang sha chen bzhag/ skye tshe dang lan tshwa dang / nyung nag la sogs pa gang bya ba smod cing stsal lo// de la bskul ba'i tshig 'di skad do// hUM dngul skyogs dkar po ru// bdud rtsi skyems sbyar nas// dmar chen khrag blugs shing // zor mo shar du zor// 'phang ngo shar du 'phang // ma mo shar gyi mnga' bdag mo// shar bdud choms shig rnam snang gsal// btsan la sgyur cig rdo rje dbang mo che// dgra bo choms shig sbas pa'i ma mo'i tshogs// g.yu sgyogs sngon po ru// bdud rtsi chu sbyar cing // dmar chen khrag blugs te// zor ro byang du zor// 'phang ngo byang du 'phang // byang gi ma mo b+h+yo// byang bdud choms shig yang gsal g.yol// btsan kha skyur cig las kyi dbang mo che// dgra bo choms shig sbas pa'i ma mo tshogs// zangs skyogs dmar po ru// bdud rtsi rak+ta sbyar// dmar chen khrag blugs shing // zor ro nub tu

  125. 63a

    zor// 'phang ngo nub tu 'phang // ma mo nub kyi ma mo b+h+yo// nub bdud choms shig gnyen gsal ma// btsan kha sbyar cig pad+ma dbang mo che// dgra bo choms shig sbas pa'i ma mo'i tshogs// lcags skyosgrogs nag po ru// bdud rtsi mAM sa sbyar// dmar chen khrag blugs te// zor ro lho ru zor// 'phang ngo lho ru 'phang // ma mo lho yi ma mo b+h+yo// lho bdud choms shig 'od gsal 'bar// btsan kha sgyur cig rin chen dbang mo che// dgra bo choms shig sbas pa'i ma mo'i tshogs// gser skyogs ser po ru// bdud rtsi chen po sbyor// dmar chen khrag blugs te// zor ro 'og dang steng du zor// 'phang ngo steng dang 'og tu 'phang // ma mo steng 'og ma mo b+h+yo// ya bdud choms shig bkrags gsal mnyam// ma bdud choms shig rgya mtsho ma// btsan kha sgyur cig nyi zla thod phreng can// dgra bgegs choms shig rtsa brgyad ma// shar du zor btang rgyal rigs dgra bo bsad// byang du zor btang rje rigs dgra bo bsad// nub tu zor btang dmangs rigs dgra bo bsad// lho ru zor btang gdol pa'i dgra bo bsad// steng du zor btang mu stegs dgra bo bsad// gzhan yang ma mor grags pa kun bskul lo// dug sna tshogs dang sbyar ba rims nad du 'gyur ro// dmar dang sbyar na dmar nad sna tshogs su 'gyur ro// 'jig rten dbang che ba mthu che ba yang sgrol

  126. 63b

    bar nges na/ ma lus dgra bgegs la smos kyang ci dgos/ ma mo khrag zor gyi le'u ste nyi shu rtsa bzhi pa'o// // da ni ma mo'i thun zor byung ste// dkyil 'khor le'u tshe dgu ru byas la/ de la 'khor lo rtsibs brgyad bri'o// phur bu bcu gcig rdzas su 'god do// lcags phur bzhi yang 'god do// de la khrag chen dgu yi nang du zan zur gsum pa bcu gsum byas la/ zan gyi tshad ni sor gnyis par byas la/ de la rtse mor nyung nag rtse mo ma nyams pa re re gzug go/ de nas bse khabs kyi nang du shing tsan+dan gyi rigs ni ngos su bzhag shug pa'i rigs kyi shun pa la// dgra bo'i rus sam gzugs bcas la/ bse khabs kyi nang du stsal/ de'i nang du byi'i snying klad pa dang / khra'i mchu bse khabs kyi nang du bstsal lo// de'i nang du ra dug pa dang sbrang tsher ba yang bskul lo// dug sbrul dang g.yab mo mgo skra kun kyang blugs so// bdag nyid che mchog he ru kar bsgom/ sku la thod pa skam rlon se ral khar brgyan pa/ zhabs stong bgrad pa stag lpags kyi sham thams can/ sbrul nag stong gis lha tshigs brgyan pa/ phyag stong gdengs pa/ dbu skra kham nag gyen du 'khyil ba/ mche ba gtsigs pa rkan sgra rdeb pa/ ljags 'dril ba/ gtum gtum rngam rngam 'dra ba gcig tu rang bsgom mo// de bskul tshig 'di skad do// hUM khro mchog yab kyi rgyal po ni// thod phreng 'bar

  127. 64a

    ba'i sre ral can// zhabs ni rgya mtsho'i gting du bgrad// brgya tshar cig gis tshangs pa pho mo gnon// brgya tshar gcig gis lha chen pho mo gnon// brgya tshar gcig gis gnod sbyin po mo gnon// brgya tshar gcig ni khyab 'jug pho mo gnon// brgya tshar gcig ni brgya byin pho mo gnon// brgya tshar gcig ni srin po pho mo gnon// brgya tshar gcig ni brtan ma pho mo gnon// brgya tshar gcig ni dbang ldan pho mo gnon// brgya tshar gcig ni gri srid pho mo gnon// brgya tshar gcig ni tshar ba'i pho mo gnon// brgya tshar gcig ni lcags kyu thogs// brgya tshar gcig ni ral gri thogs// brgya tshar gcig ni tshon gyi rgyal po 'khor lo thogs// brgya tshar gcig ni rdo rje phur pa 'dril// brgya tshar gcig ni lcags sna lnga'i phur pa 'dril// brgya tshar gcig ni b+haN+Da bsnams// brgya tshar gcig ni rak+ta lcang lo bsnams// brgya tshar gcig ni sha chen zhal du bstab// brgya tshar gcig ni rdo rje mgo phur dril// brgya tshar gcig ni tsan+dan bing chen gsor// de la dmar gyi ar+g+ha sbreng zhing stsal la/ snying po 'di skad brjod do/ ma ma ru ru trag shig ma ma ru ru b+h+yo/ ru ru ma gur len b+h+yo/ ma mo'i snying po de skad brgya rtsa brgyad bzlas/ zhal brgya nas sngags bzlas pa ni/ gnam rmugs na sa yang rmugs/ zhal brgya nas sngags bzlas pa ni/ kun tu 'ur 'ur chem

  128. 64b

    chem rab tu chem/ bse khab rang gi rdog pas mnan la/ zhabs stong du bsam la mnan no/ dkar dmar g.yab 'dor ras khab la bkal la/ brten cing bskul lo/ bud med kha ral ma'i sgras drang zhing bskul lo/ phaT phaT phaT phaT/ phaT phaT phaT phaT/ phaT phaT phaT phaT/ oM au au au/ au au au au/ au au au mau/ AM b+h+yo ri ma b+h+yo ri/ a'u a'u awa/ a'u a'u ala?/ oM bi ra sha haM/ oM bi ra sha ho/ oM bi ra shaH oM bi ra sha ho/ oM bi ra sha ho/ oM bi ra sha ho/ oM bi ra sha ho/ oM sA ra ni/ oM snar ni/ oM sna ra ni/ oM sna ra ni/ oM sA ra ni/ oM sna ra ni/ oM sAr ni/ oM pra la ni/ oM pra la ni/ oM pra la ni/ oM pra la ni/ oM pra la ni/ oM pra la ni/ oM pra la ni/ oM pra la ni/ oM pra la ni/ pra mo kha/ pra mo kha/ pra mo kha/ ha ba ha ba ha ba/ ha ba ha ba ha ba/ ha ba ha ba/ hu ba hu ba hu ba/ hu ba hu ba hu ba/ hu ba hu ba/ tshal tshal tshal/ tshal tshal tshal/ shi khram shi khram shi khram shi khram shi khram/ kur sha kur sha phrom rgyal na/ phrom brgyal na/ phrom rgyal na/ phrom brgyal na/ gzer na/ gzer na/ gzer na/ a na yod/ a na yod/ a na yod/ a na yod/ du ban tsa du/ du ban tsa du/ du ban tsa du/ a su pu ru/ a su pu ru/ a bun ta/ a bun ta/ a pun ta/ a bun ta/ a bun ta/ ga sa'i mchu/ ga sa'i mchu/ ga sa'i mchu/ phag mo'i mche ba can/ phag mo'i mche ba can/ smyung ka'i

  129. 65a

    mchu can ma/ sbrang ka'i mchu can ma/ ma mo'i thun zor gyi le'u ste nyi shu rtsa lnga pa'o// // gnod 'dul lha yis yang gsol pa// bstan pa gnyen po bshigs pa dang // dge ba'i bshes gnyen sku dgra la// bsgral ba'i las rnams ma bstan pa// sangs rgyas bka' 'di mi btsan zhing // mu stegs log pa mthu dar bas// rnal 'byor sgrub po dman par nges// 'di dag rnams la phan gdags phyir// dgra bopo bsgral ba'i las bya na// dang po lha dang ji ltar 'bral// mngon rdzogs yab la bdag nyan 'tshal// yang dag rdzogs pas bka' stsol cig/ de skad gsol pa gsan nas kyang // mngon rdzogs rgyal pos bka' stsal pa// sgrub la bar chod byed pa dang // rnal 'byor dgra dang dam 'dral la// dgra bo lha dpral ngas bstan gyi// nyon cig g.yung drung yang dag pa// drag po'i las 'di ma bstan na// log pa'i lam la blo 'jug pas// don dam nyid du ngas bstan gyi// dang po dbang bskur bka' 'thob cing // lung 'di nyan zhing bsgom bsgrub ste// 'di yi rtags dang dngos grub dang // las la bya ba dbang thob nas// zugs rje'i dpyang thag chad pa dang // ngan song gnas su skye nges la// cho ga'i las 'di bya thabs ni// bya rog dang ru g.yas pa dang // 'ug pa'i dang ru g.yon pa la// shog bu gru bzhi tshon gang gnyis// gcig la dgra bo'i

  130. 65b

    ming rus bri// gcig la dgra bo'i pho lha bri// dang ru gnyis la gro gas glan// bya rog sgro yi rtse la gdags// dgra bo nang 'thab tu gzhug pa ni// sngags ming rnams ni bri la bzhag/ dgra bo'i ming 'og 'ug pas gnon// bya rog gis ni pho lha gnon// shog shog tshon gang gru bzhi la// 'og nas 'byung ba'i sngags bris la// bya rog 'ug pa'i bar du gzhug/ tshon skud sna lngas bcing nas ni// shing ring rtse la btags nas ni// rlung po che la 'thab tu gzhug/ bdag nyid che mchog skur bsgom la// khar ni sngags ni ci mang bzlas// ma ma trag ra ma ra khyed ma trag ra ma ra ya/ yungs kar skye tshe til nag la// sngags brgya rtsa brgyad bzlas nas ni// sgo gnyis kyi ni steng du gtor// de la bskul tshig 'di skad do// kha kha mu kha mthu mo che// mthing nag chen mo ral pa can// rtag par zas su sha za zhing // rol cig khug gcig phra men ma// nyin gyi las mdzad bya rog ma// b+han+d+ha gri zod rol rngam ma// phrin las myur mgyogs drag shul che// gzhan gyis mi tshugs sku mdog gnag/ nyin gyi las mdzad rnal 'byor ma// nyin gyi tshe yi phung po choms// dam nyams dgra bo 'di dag gi/ phrag pa g.yas kyi pho lha phrol// mtshan gyi las mdzad 'ug pa ma// snying 'byin gri thogs gsod la rngams// phrin las myur mdzad drag shul che// yon tan mtha' rgyas sku mdog

  131. 66a

    ser// phrin las bdud 'dul gnas rigs stong // mtshan gyi las mdzad rnal 'byor ma// mtshan gyi tshe yi phung po choms// dam nyams dgra bo 'di dag gi/ phrag pa g.yon pa'i pho lha phrol// rtsangs pa 'thab pa'i gyod bar la// chu yi nya rnams gtor ba bzhin// thugs rje'i tsham rngams drag shul gyis// 'dzin rtog ngang las 'thab bar du// dgra bo'i lus kyi pho lha gtor// gcig la gcig gshed de gshed gnyis/ gshed kyis gshed rgyob kha kha ma// gnyen por rtags phyung hu lu ma// gnyis med 'thab pa'i sprul pa las// ha ha'i nga rgyal bdud dpung bsgral// rgyob rgyob tsham rngams lha chen brgyal// srid pa mes sregs dam tshig nyams pa 'di// ma 'da' las kyis sgrol cig bya rog ma// stong gsum chus bkrus bka' las 'da' byed 'di// ma btang po lha phrol cig 'ug pa ma// rlung nag rdzu 'phrul stobs kyis thugs dam bskul// phra men mkha' 'gro 'thab pa'i 'gyod bar du// rab tu dgra bgegs gtan nas rlogs// phung po dur khrod brgyad kyi snum rtsi mdzod// nang grol mthar byed yum gyi nan bzhugs gyis// pho lha gnam du 'phongs la thugs su 'pho// tshe dpal rtag ru sdus la dngos grub blangs// zhing lpags rtags su gsol la dpa' mtshan mdzod// ma tshogs 'bar ba kun kyang ches 'dar nas// dang po zhi bas 'dul

  132. 66b

    ba'i gtam smras pa// dam nyams dgra bo srung ba'i pho lha gang // ye shes lha zhig yin na 'di bsgral dgos// 'di la bsgral ba'i las rnams ma byas na// dam tshig nyams pas rdo rje dmyal bar 'gro// dam nyams dgra bo bsrung ba'i pho lha gang // 'jig rten dregs pa yin na shin tu legs// 'di la chags shing bsrungs na gnyis ka bsgral/ ma ma trag tra/ kha kha kha khA hi la/ sa ma ya daMSh+Ta/ sa ma ya daMSh+Ta/ zhes brjod cing rang bzhin gyi ma mo'i bskul tshigs brjod do/ rngams pa dang / mchongs pa dang / brang brdung ba dang / yan lag brdab pa la sogs pa byas na dgra bo lha dang phral bar 'gyur ro// dgra bo nang 'thab gzhug na yang de dag 'dra'o// de las yang mtha' phur du zhug na/ lha 'dre gang mi srun pa gcig gi ming shog shog tshon gang ba gcig la bris la bya rog dang ru la gdags/ dgra bo'i ming rus shog shog tshon gang ba gcig la bris la/ 'ug pa'i dang ru la gdags/ dang ru de gnyis shing rings la btags la 'thabs su gzhugs pa'i sngags dang / cho ga gong ma bzhin du byas na mtha' phung du mdzud do// sngags gra zur chag tu mi rung ngo // dgra bo lha dang 'bral ba'i las kyi le'u ste nyi shu rtsa drug pa'o// // yang ma mo'i thun rnam pa mang po'i le'u las/ g.ya' ma sngon po chags gang la/ dgra bo'i ming dang gzugs bris la// pho

  133. 67a

    nya gtong zhing der bstims la// 'brug shing dag gam lcags la ni// ma mo rdo rje phung sgrol la// sku mdog nag mo chen mo la// chibs su se ru zhon pa gcig/ ting nge 'dzin gyis gsal bar bsgom// 'og nas 'byung ba'i sngags bzlas shing // dgra bo'i gzugs la brdeg nas ni// bsnyen pa bzhag bdun btsugs nas ni// bskul tshig gzhung bzhin bskul nas ni// rtags kyang zhag bdun nyid kyis so// snying po rak+ta las ni drangs// trag rak+ta mu tra myur b+h+yo// ru lu ru lu hUM b+h+yo zhes de bzlas te/ de ni srog gi snying po'o// srog shing mo yi dam rdzas yin// sngags zur ma chags par bzlas na// mtha' phung ste 'ong ngo // de yi bskul tshig 'di skad do// mthing nag chen mo ral pa can// za byed chen mo lce 'bebs ma// rlung dang bu yug chibs su bcibs// sku gcig mi bzad ral pa can// zas su sems can gson za ma// che zhe chen mo sku gcig ma// nang yang sems can 'bum za ma// srid pa za bar byed pa skye ba'i rgyun gcod ma// khams gsum sgrol mdzad stong khams rabs gcod ma// gang la dmigs pa'i dgra bo la// ma mo las kyi thun cig dbab tu gsol// ma mo'i thun gyi le'u ste nyi shu rtsa bdun pa'o// // yang ma mo'i thun le'u gsum pa las/ chu gtsang ma dang khrag bsres la// mon nam rabs chad kyi thod par

  134. 67b

    blugs la/ rang bud med nag po ral pa can du bsgom/ bag phye dang khrag bsres pas de'i kha bcad la/ tshon skud kyis kha bcings la/ snying po 'di brgya rtsa brgyad bzla zhing / zhag bdun du bsnyen pa btsugs te/ trag ra ka sha mu tra snying kha rag b+h+yo// ru lu zhes bya ste/ dgra bo'i mkhar gyi spre'u dang // khyim la gtor na zhag gsum gyis 'jig/ gang la dmigs pa'i yul phyogs su gtor na mthar phung ste 'gro'o// de'i bskul tshig 'di skad do// lcags khang chen mo kha 'bar ma// lcags kyi ral pa bsig pa yis// mtshams kyi 'byung po kun 'dul ma// dbu ni phra men 'bar ba'i dbu// de yi sgra skad chen mo la// mi snyan sgra yi nga ro 'byin// dpral ba g.yas nas dbu byung ba// me shing bskal pa ri bo'i dbu// gung mo g.yas nas dbu byung ba// rdzu 'phrul stong gis gtams pa'i dbu// lhag pa'i bdud sgor dbu byung ba// chu bo klong chen 'dril ba'i dbu// gung mo g.yon nas dbu byung ba// ro stod rlung gi dbu la ro smad me yi dbu// nu ma g.yas nas dbu byung ba// lcags kyi sbrang mo kha gdangs ma// nu ma g.yon nas dbu byung ba// rngam pa'i seng ge stabs mchongs can// lcags kyi dred mo nga ro gdong // lcags kyi 'brug ni mche ba gtsigs// re 'ga' 'brug kyang tshal tshal byed// gang du mngags par rgyug ste 'gro// yid la brnag pa'i dgra bo la// las kyi thun

  135. 68a

    cig da bya yis// snying gi dkyil du thod mda' ya// nor gyi dbyig tu thod mda' ya// yul mkhar khyim la thod mda' ya// zhes brjod la sngags gong ma yang bzlas so// ma mo'i thod thun gyi le'u ste nyi shu rtsa brgyad pa'o// // yang ma mo thun gyi le'u bzhi pa las// bdag nyid che mchog he ru ka pad+ma he ru ka khro bo gang yang rung ba gcig tu bsgom la/ mi mgo skam po gcig gi nang du gtor ma blugs la/ dpyid bya nag mo'i mig dang khrag bsres la gtor ma bya/ dbyar me tog dang khrag bsres la gtor ma bya/ ston 'bru sna tshogs dang khrag bsres la gtor ma bya/ dgun shing zi ri'i mar me dang khrag bsres la gtor ma bya/ de la bskul tshig 'di skad do// hUM dpyid kyi rgyal mor gshegs pa'i tshe// ga sha de ba'i dur khrod gnas nyul ma// dbyar gyi rgyal mor gshegs pa'i tshe// b+ha ga hri ti mkha' la char 'bebs ma// ston gyi rgyal mor gshegs pa'i tshe// e ka tsa ti ral gcig ma// phyag na gser gyi zor ba bsnams// 'bras bu lo thog bcud len ma// dgun gyi rgyal mor gshegs pa'i tshe// me za brag gyon rgya mtsho gting skems ma// khams gsum ma lus dbang du bsdud// dgra bgegs lus dmyal thag gcod// gang la bya ba rtags phyung la// dkyil 'khor gnyen po 'di bstan gyis// 'gal byed dgra bgegs rdul du rlog/ ces byas

  136. 68b

    la dus su bskul zhing bsgrub ste// zhing lpags la dgra bo'i ming dang gzugs bris gtor ma'i nang du dkrug cing bcug la// sha rus za ba'i snying po 'di bzlas so// snying za'i tshe la ma sha ro la khrag 'thung ka shi gi sha sha kri khring ro la khrag 'thung / kang zing kang sha ya/ yaM tar bar haM sha la kye kyang / khra he khra he/ ru lu ru lu b+h+yo/ 'di sha rus za ba'i snying po'i sngags so// grwa zur ma chag par bzlas la/ rang gi srin lag g.yon pa la khrag byung ste dpral ba'i dbyes su byugs la/ dgra bo'i gzugs kyang gtor mar bsres shing nyi ma nub khar btang na rgyud la 'chad do// ma mo'i thun le'u ste nyi shu rtsa dgu pa'o// // yang thun le'u lnga pa las/ bdag khro bo chen po'i bdag nyid du bsgom la/ byi la bra ba'i mjug spu dang / dgra bo'i ming byang ra rog po'i ra ru blugs la/ khrag sna tshogs dang bsres bzhin re ma ti la gnyer du gtad do// de la sngags ni/ re ma ti rak+ta b+h+yo ru lu ru lu zhes mang du bzlas la/ sngags 'di gra zur ma chag par bzlas la/ bskul tshig 'di skad brjod do// hUM srid pa gsum gyi rtse mo nas/ 'khor lo chen po dred gdong ma// chibs su sems can gang bcibs na// lcags kyi dre'u rta rkang gsum bcibs// spu ni lcags kyu bsgril mar gtib// lus po gcig la dred mgo dgu// sro ni ral gri brgya brgya 'bar// brang ni chu gri

  137. 69a

    gzhibs pas gtams// gang la mngags par rgyug cing 'gro// steng gi phyogs su mngags pa'i tshe// gnam gyi steng gi lha bran kyang // gcig kyang ma lus dmyal zag gcod// dre'u skad zang gcig gnam du bton pas ni// srid pa'i mes po tshangs pa yang // thal ba bzhin du dpyad khong med// dre'u skad zang gcig sa la bton pa ni// rgya mtsho kun kyang gting nas skems// dre'u rngog zang gsum sa la brdab pa ni// srid pa gsum yang rtse nas bsil// ri rab kun kyang rming nas 'jil// khyod ni dpal gyi pho nya ste// rdungs shig lhogs shig rdul du rlog/ ces brjod la nyid kyang che ba'i nga rgyal bskyed la/ zhe sdang drag pos snying rje ma bskyed par zhag grangs mang du bsnyen pa btsugs na/ las myur bar 'grub bo// ma mo'i thun le'u ste sum cu pa'o// // yang ma mo'i thun la le'u drug pa las/ 'bru nag po la sbrul gyi gzugs byas la dgra bo gang yin pa'i snying po dang / klu nag po'i snying po gnyis bsres la/ sbrul gyi khog par bcug la/ de dgra bo'i pha myes kyi thod pa'i nang du bcug la/ klu nag po gnas pa'i chu mig tu bskyal na/ dgra bo mtha' rlag ste 'gro'o// snying po ni/ nA ga be ni/ nA ga be ni/ na ga rA dza tsha ha ha hUM phaT/ bdag nyid kyang sngags bzlas shing lus bsrung / mon nam rabs chad kyi thod par dgra bo'i dur du zhug

  138. 69b

    dgra bo'i pha myes kyi ro rnyed na mgo bo chu mig klu nag po gnas pa'i sa ru bskyal/ rje ngar gnyis kyang smad kyi sha rus gcig sdebs la rlung chen po'i sar phyar na legs/ de min na der sbas na rabs chad par nges so// de la bskul tshig 'di skad do// zhabs kyi 'khor lo las ni gser gyi rgyal mo ste// g.yu yi me tog nal nal 'phro// rta bro dang ni chem sgra dang // gnam gyi mthongs kun sgra yis gang // phyogs bcu'i 'jig rten kun kyang khyab// snying po dung dang ha yin te// 'di lta bu yi sku byung ste// las ma grub par kun kyang rgyug/ klu rgyal kun gyi gshed bzhi ma// sku la na bza' ci gsol na// klu rgyal 'brug gi slag pa gsol// chu srin 'bum gyi sham thabs gsol// phyag na lcags kyu 'bar ba bsnams// klu rgyal kun gyi snying nas 'dren// zas su klu yi sha la za// skom du klu yi khrag la 'thung // gos su klu yi lpags pa gon// gal te las 'di ma byas na// klu rnams kun kyang thal bar rlogs// snying po// a tsa la b+h+yo ru lu hUM/ zhes brjod lag pa'i sor mo gdengs la/ bya bzhin 'dab ma can du byas nas/ lung pa kha byang drang por bltas pa la chu mig kyang kha byang drang por bltas par chu mdog nag la gting ring bar rkang pa gnyis bcug ste/ kha bya'i mchu skyes pa bzhin du byas la/ gong nas 'byung ba bzhin du thod pa kha ru bzung la lag

  139. 70a

    pas ma reg par chu mig tu bor na las ldog mi srid do// nad ni 'dzin nad kyis 'dzin to// ma mo'i thun le'u ste sum cu gcig pa'o// / yang ma mo thun le'u bdun pa las/ gro ga'am shing shun la dgra bo'i ming byang bris la// bdag nyid kyang khro bo chen po'i skur bsgoms la klu srin gnas pa'i sa ru bcug la/ rkang pas mnan la/ sngags ni// gong du ma b+h+yo rA tsa ta ru lu ru ru lu zhes brjod la// grangs mang du bzlas la/ tshig tu yang dam nyams pa 'di'i mtshan gyi bu phrogs shig yan lag skums shig ces brjod la bskul tshig 'di brjod do// g.yu yi 'khor lo'i rtsibs steng nas/ mi bzad 'bar ba'i sku byung ba// srid pa chen mo rgya mtsho bzhin// de la zhabs ni dgod par byed// de yi sku rgyan bshad pa ni// ba spu nyag ma re re la// sku yi dkyil 'khor yin par bshad// spyan gyi rdzi ma re re las// ma mo'i sprul pa bum 'bum 'gyed// zhabs kyis lha srin kun mnan te// phyag dang zhabs kyi sprul pa las// ral gri dmar po re re byung // phyogs bcu ma lus thams cad ni// rin chen gter gyis kun bkang ste// srid pa'i sems can pa lus pa// thams cad kun gyi snying nas 'dren// de nas byang chub lam chen po// bcol pa'i las der 'gro bar nges// gang la bya ba grub par byas// ma mo'i thun le'u ste sum cu gnyis

  140. 70b

    pa'o// // yang ma mo'i thun le'u brgyad pa las/ cho ga 'di'i dpyad la 'bras chang gro chang chu chang dang / sa la skyes pa'i dug sna tshogs/ glang po chen po'i mtshan ma dang // 'di rnams chang gi nang du blug/ bse gzhong kha bcad kyi nang du blugs la/ yi ge brgya rtsa brgyad bris la blugs la/ de'i nang du rtsi sman sbyar ba sna tshogs blugs la// zhag gsum bsnyen pa btsugs la// dgra bo dngos yod na khang pa la phog par bya/ zag ring na yul phyogs su gtor la btang / snying po/ sha ra ma pe sha ru so paM sha hUM phaT/ ces rjod cing grangs mang du bzlas la/ bskul tshig 'di skad do// nag mo gsum mig rdo rje gdong // g.yang gzhi gos su gon pa'i rdzu 'phrul can// mche gtsigs rkan sgras srid gsum za// nad kyi rkyal pa g.yas na thogs// tshon gyi gru gu g.yon na thogs// ma tshogs rngam pas srid gsum 'jig/ thams cad ma lus rlag par mdzod// ces brjod na las nus so// las 'di lan gcig ma bkrol na// rang rgyud med par 'ong ngo // ma mo'i thun le'u ste sum cu gsum mo// // yang ma mo thun le'u dgu pa las/ dgra bo bsad pa'i cho ga rnam pa gcig la/ dong chag gang gru gsum pa gcig brkos la/ nang du rgya sol gyis dgang / sbrang tsher ba la dgra bo'i ming dang gzugs bris la// mi shi ba'i lag pa

  141. 71a

    g.yas pa'i nang du bcug la dong gi nang du gzhug/ sha rus za ba'i sngags tshig ni/ ma sha bya ba bzlas la nyung dkar la zhag gsum bsnyen pa btsugs/ bskul tshig 'di brjod par bya ste/ srin mo lcags kyi dre'u rta rkang gsum mam// rtsub cing gtum la gtum khro che// dbu gsum gtsug phud gcig tu bsdus// g.yu yi 'khor lo rtsibs stong 'byung // de yi sku rgyan yod pa ni// gser gyi go zu g.yu yi thigs gdab pas// ba spu nyag ma re res zad mdzad de// lcags kyi mche ba thags bzangs can// gser gyi phur pa la sogs pas// zhabs ni rgya mtsho'i gting du bskyod// phyag kun spyi bo'i gtsug tu 'byung // zhabs ni re re 'byung ba yang // lcags kyi dre'u rta rkang gsum po// rkang pa gsum pos srid gsum gnon// phyag char srin po'i thags bzangs thogs// rgyan du mi yi pags pas brgyan// zas su dam nyams sha la za// skom du dam nyams khrag la 'thung // dam nyams dgra bo rgyan du byas// ban de bshes gnyen dge bsnyen dang / bud med phreng thogs gang yang rung // bdag la dgra bya dmyal thag gcod// ces bskul na las chud mi za'o// ma mo'i thun le'u ste sum cu rtsa bzhi pa'o// // da ni ma mo khrag skems kyi cho ga bshad par bya ste/ yo byad la bya sha zan sna tshogs kyi mgo bo dang sder mo/ gcan gzan sna tshogs kyi

  142. 71b

    mgo bo dang sder mo/ skam la gnas pa dang / gsher la gnas pa'i khrag sna tshogs tshang ba// mi grir shi ba'i bam tshogs tshags byas la// dang po gnas brtag par bya ste// dur khrod gnas dang shing gcig drung // brag nag rmog mgo mgul chad dang // chu bo'i 'gram mam rol mtsho'i ngogs// bya rgod 'ug pa pho rog dang // sha zan bya yi tshang yod par/ kang ka dur khrod bya gnas par// gnas khang bzang po yod na legs// med na khang bzangs sgra phub la// gzhung nas 'byung ba'i dkyil 'khor brtsig/ dur khrod 'bar ba'i thig gdab la// kha dog sna lnga'i tshon rtsi bkye// dkyil 'khor gru gsum sum brtsegs la// dbus kyi mthing nag gru gsum la// ma mo bsnol ba'i gdan steng na// che mchog yab yum brtsegs mar 'god// mtha' ma he ru ma bdun 'god// thod pa'i phreng bas mtha' ma bskor// rgyan dang chas gos nag por bsgyur// dur khrod rgyan dang b+han+da bkram// yum yang mthing ga mdangs mdog phyed// gnyer ma gyen 'greng yod pa btsal// snod kyang 'khar gzhong zangs gzhong dang // lcags la sogs pa gang yod par// 'bru khal gcig la gtor ma bya// nang du dbang po rnam lnga dang // ba su ta yis mtha' ma bskor// khrag sna tshogs pa der blugs la// ngar phye gcig zan la sogs par// dam nyams dgra bo'i gzugs byas

  143. 72a

    la// ming rus snying gar bslan nas kyang // gtor ma'i dbus su gzhag par bya// de nas dkyil 'khor 'khor lo yi// phyogs su rang gzhan gnas byas nas// rdzas rgod sman brlabs gzhan bzhin bya// sgrub pa nang la bzhugs nas kyang // bdag nyid dkyil 'khor gsal bsgoms te// las kyi gzhung bsrang 'dzab bzlas nas// mchod pa dus drug dbul bar bya// thugs dam shel dang bya yis bskang // tsa ra rog pos smon btsugs te// ku ku ra la dbang thang bsgral// bskul cing pho nya btang nas ni// shes pa dgug cing gzugs la bstim// ma mo mkha' 'gro dbang phyug ma// ci bgyi bka' nyan la sogs pas// de yi sha khrag zos par bsgom// g.yab nag brdab cing sle 'us brdab// dmar gyi ar+g+ha rgyun med sbreng // bcol dang bshags pa nus tshad bya// 'dzab dang bsnyen pa tshang bar bzlas// nyes pa med pa'i 'o dod 'bod// sha lag za ba'i sngags kyang bzlas// yang na dus gsum rub par bzlas// bcol cing bskul ba gong ma bzhin// pho nya btang ba gong bzhin bya// dgug cing 'gugs 'dren sngags kyis bya// de bzhin lan grangs ci mang du// zla ba phyed du las byas na// 'bab 'gyur 'di la gdon mi za// gtor ma chu dang me la btang // zhi nas dam tshig gzhung du bsrung // 'dis ni sha khrag skem par byed// ma

  144. 72b

    mo sha khrag skem par byed pa'i le'u ste sum cu rtsa lnga pa'o// // rims nad btang ba'i cho ga la/ dang po gnas brtag par bya ste/ ri'i rtse mo byung rgyal du yod pa/ ri'i kha nas bltas na kun mthong ba/ stod ral pa brnyil pa 'dra ba/ bar stag ris btod pa 'dra ba/ zhol gyi brag mtshon cha thogs pa 'dra ba/ chu mtshams nas bab na yang legs so// zhabs na yi dwags kyi gnas yod pa// de lta bur song la yum sgra lcang lor yod pa/ yid tsam ser pa/ mdog dmar ba sro rno ba/ bltas pas byang chub kyi sems rig pa/ gzugs brjid bag tu 'gro ba zhig khrid la/ dkyil 'khor gzhung nas 'byung ba bzhin du brtsegs la/ bdag nyid che mchog tu bsgoms la/ las dang cho ga tshang bar byas la/ ma mo dbang tshad rim par skul zhing rims nad thong cig par bsgos na nad sna tshogs pa 'byung ngo // yang na bdag che mchog gis ye shes kyi ma mo bskul// ye shes kyi ma mos rang bzhin gyi ma mo bskul/ rang bzhin gyi ma mos srid pa'i ma mo bskul/ srid pa'i ma mos e ka tsa ti rbad de/ e ka tsa tis nag mo re ma ti bskul nas/ e kar sha nag mo rag mo yak+ka b+h+yo// ru lu ru lu b+h+yo/ ma mo trag rak+Sha mu tra ma tra ma b+h+yo// zhes grangs mang du bzlas pas gling bzhi'i yul gang yin par glang rims dang / 'khru bag gi rims sna tshogs yod do// de nas yang

  145. 73a

    bdud kyi bu mo dmar skya skem byed mig gcig ma rbad de/ ral nag bsigs shig de ring lha mo u ma/ de ring sa ma ya b+h+yo/ snying za ba tsi la ma sha ro la khrag 'thung kang ka sha ya/ tar bar la ho/ sha la ka la ka king grang de ru lu b+h+yo/ zhes rbad pas// mi yul gling bzhi gang yin par 'khru bag gi nad dang glang thabs kyi nad sna tshogs 'ong ngo // de nas phyugs nad sna tshogs btang ba ni/ ral gcig mar bsgoms la/ lha mo nam gru ma rbad cing bskul tshig 'di skad do// nam gru khyod kyi cho dang 'brang // mtshan ni yang dag bshad bya ba// nor bu'i rang bzhin khyod kyi lus/ rgyab ni 'dzam bu chu bo'i gser// khyod kyi gdong pa dngul yin te// lto ba'i ngos ni rdo rje mkhregs// ming ni mdzod dang mdzod srung byed// khyod kyi ma ni kun tu 'gro// khyod kyi pha ni rlung zhes bya// b+ha ga hri tri nad kyis bdag/ lha yul dag tu 'khrungs pa yin// na mo badz+ra pA Ne ni si// tsi li tsi li// b+hin d+hi b+hin d+hi/ mun tsa mun tsa// hi pa la te na swA hA/ zhes brjod cing bskul na phyugs nad sna tshogs 'ong ngo // de nas pha rol po'i gnod tshul la nad sna bcad par byed na// badz+ra pA Ni ra da na pa ya ti swA hA// de ba sa man+ta ba ya ti swA hA/ shi sha ya sa man ta ba ya ti swA hA/ zhes brjod cing nam gru'i mtshan dang cho 'brang nod cing / gro ga la bris nas dgra bo la btab na/ yul

  146. 73b

    der zhi ba dang bkra shis par 'gyur ro// mi nad phyugs nad la sogs te/ nad thams cad mi 'ong ngo / de nas kyang badz+ra he ru kar bsgoms la// e ka dza ti ral gcig ma rbad de// trag rag sha kha mun tra dza tig sna sa ma ya b+h+yo/ bam ril shan shog dun b+h+yo// snying kha rag snying kha rag ram srog bam ril b+h+yo rbad pas dgra bo brgyal nad kyis 'debs par 'gyur ro// yang khro bo de bsgom la/ ri rab gling bzhir dbang bsgyur ba/ badz+ra dur kha ti gling bzhi ma rbad de// gru ma gum bu'i baM ba ri bur pa go hri/ 'u shig dgra dgud 'di ling pra shing glo snying phyung / krum la kang ka rang phyod rnol thim/ pra ling tsa tshar bu shing rdum bu bcad par bya'o// zhes gro ga'am shing la ri mo bris kyang rung ste/ dur khrod kyi sa la gzugs smug nag tu byas la rbad na/ dgra bo la rims nad kyi klad gzer dang yan lag bcings par 'gyur ro// de nas yang khro bo bsgoms te// rdzong gi lha mo ral pa dgu ba rbad do// krong krong ba ti bar klong khu khu tha ta za ta/ kha kha dur dur dur/ mo khaM khaM khaM ru khaM/ bdud kyis khaM la ru ru/ dam dam sha/ bdud kyi srog le ya raM ya raM zhes rbad pas/ bdud nyid kyang 'chi bar 'gyur na dgra lta ci smos/ de nas yang khro bor bsgoms nas/ gangs ri'i bu mo spyan gcig ma rbad na/ a li du du na ki ru ka ling dbugs long / phyung shig shig/ srog baM pa ti baM

  147. 74a

    zhes rbad pas/ dgra bo'i yul phyogs su nad btang ngo // yang khro bo bsgoms la/ rdo rje shugs sgrol ma rbad do// nA na nA shun rtsi na 'du shed shed tis tu rbad dam b+h+rUM ril ril/ li li b+h+yo ru lu ru lu hUM b+h+yoHhUM/ dgra bo nad sna tshogs kyis 'chi bar 'gyur ro// man ngag de dang ldan pa yang // ma yengs bsgoms pas sgrub brtson pa// dam tshig ma nyams yo byad ldan// dam rdzas mchog dang gzhung bcug pas// rims dang nad rnams ci gar gtong // stong gsum nyams pa phung bar 'gyur// bskul tshig gzhung na yod pa btang // rims nad btang ba'i le'u ste sum cu rtsa drug pa'o// // gnod 'dul lha yis yang gsol pa// las rnams drag po 'di brtsam pa// kun la bya ba 'byung lags sam// mngon rdzogs yab la bdag nyan 'tshal// mngon rdzogs yab kyis bka' stsol cig/ de skad gsol pa gsan nas kyang // ngo mtshar lha yis bka' stsal pa// las rnams brtsams pa'i dmigs bstan pa// yang dag nyid du ngas bstan gyi// nyon cig g.yung drung yang dag pa// bsgral ba'i las 'di brtsams pa yang // kun la bya bar ma gsungs te// mtshan dang ldan pa'i skyes bu yang // gzhung dang ldan pa'i skyes bu dang // don dang ldan pa'i dge 'dun dang // lung dang ldan pa'i mkhan slob dang // chos dang ldan pa'i

  148. 74b

    rgyal po dang // khrims dang ldan pa'i bram ze dang // rtags dang ldan pa'i bud med la// las 'di brtsam par yongs ma gsungs// brtsams kyang mo grub bdag nyid phung // gzhan gyi don ni gnyer ba dang // rogs 'brel don du brtsam pa dang // rang nor rang gis blang ba dang // rings par za bar bskos pa dang // nyam thag phongs par gyur pa dang // ma rtogs glen pa'i mtshan nyid la// las 'di brtsams par ngas ma gsungs// brtsams kyang sdig sgrib che bar 'gyur// len pa rang gis che ba dang // mkhan 'khon phran tshegs yod pa dang // kha snyad chags pa phra mo dang // chad dbang gdon bslus bka' stsal par// las 'di brtsam par ngas ma gsungs// brtsams kyang sdig sgrib che bar 'gyur// len pa rang gis che ba la// brtsams na ngan song gsum du lhung // 'di dag brtsams pa'i mtshan nyid ni// mtshams med lnga po byed pa dang // theg pa chen po smod pa dang // bstan pa gnyen po bshigs pa dang // snga rabs tshad ma'i sku dgra dang // bka' rkun 'gal bar byed pa dang // cha yod bzhin du 'joms che dang // rang chog yod kyang gzhan la 'phrog/ ma nyes yongs kyi gnya' ba gnon// nyam thag kun la snying rje med// sdig pa'i phyogs bstod dge ba smod// yon tan can dang mkhas pa gsod// rnal 'byor bar chod rku 'phrog

  149. 75a

    byed// phud dang sgrub pa'i longs spyod za// snying nas za bar shoms pa dang // khrel 'dzem ngo tsha bral ba dang // rgyal khams nag por byed pa dang // bdag dang yongs la 'dzugs pa dang // zhi bar smasmras kyang mi nyan pa// bden par bkrol kyang mi go ba// 'di dag bsgral ba'i rgyu yin pas// phrin las dus la bab pa yis// bsgral ba'i zhing bcur gyur pa ste// zhe sdang me ltar 'bar te gcig/ phrag dog rlung ltar 'tshubs te gnyis// 'dod chags chu ltar gtams te gsum// gti mug ri ltar spungs te bzhi// nga rgyal bse ltar khengs te lnga// ser sna rtsi ltar 'byar te drug/ gtum khro khro chu 'dra ste bdun// gsod gcod srin po 'dra ste brgyad// 'phrog rlom srin po 'dra ste dgu/ chos log kha dpon byed dang bcu// 'di dag bsgral ba'i dmigs yin te// 'di dag bsgral bar ma brtsams na// snying rje'i dam tshig nyams par 'gyur// ngan song skye zhing dmyal bar 'gyur// bla med thar lam stongs par 'gyur// 'di dag bsgral ba'i las brtsams na// rnal 'byor mthu stobs mthu dpung btsan// sgrub la bar chad byed pa med// las ngan 'phro bcad dmyal yun thung // bla med thar pa'i bde sgo phyed// ngan song 'khor ba gting nas sbyangs// bstan pa srungs shing gang zag btsun// nges par legs pa'i dgongs pa 'grub// bsgral ba'i dmigs

  150. 75b

    bstan pa'i le'u ste sum cu rtsa brgyad pa'o// // gnod 'dul lha yis yang gsol pa// bsgral ba'i las rnams brtsams pa yang // rnal 'byor mtha' dag gang zag gi/ kun gyis brtsams na 'grub mi 'gyur// mngon rdzogs yab la bdag nyan 'tshal// yang dag rdzogs kyis bka' stsal cig/ de skad gsol pa gsan nas kyang // nyag gcig yab kyis bka' stsal pa// rnal 'byor gang zag mtha' dag gis// bsgral ba'i las rnams 'grub mi 'gyur// nges pa nyid du ngas bstan gyi// nyon cig g.yung drung yang dag pa// rnal 'byor gang zag sna dgu dang // kun gyis brtsams par ma gsungs te// zos pa chung la man ngag med// 'dzin rtog che dang blo sngar bas// las 'di brtsams kyang mi 'grub pas// rtog pa'i nad kyis rang la 'jug/ dam tshig nyams dang bka' gcog pas// sdig pa can dang bcas pa yis// 'grub pa med pas mi bsgrub pas// des ni pha rol mi song ste// yi mug chos la dad mi skye// dam rdzas ma tshogs rdzas dang bral// bsgoms la mi brtson ras chod byed// klong du ma gyur bsnyon thabs byed// las 'di brtsams kyang mi 'grub ste// rang gi 'bras bu rlag par byed// chos nyid blo la ma zhugs shing // blta ba chung bas 'khu 'phrig zos// bka' rtags phyag rgya ma byin zhing // dbang bskur gnang ba ma thob pas//

  151. 76a

    las 'di brtsams kyang mi 'grub pas// tshe dang srog gi bar chad 'ong // nyams dang sdig la mi 'dzem pas// snying rje'i lam dang bral ba yis// brtsams kyang 'bras bu thob mi gyur// dad pa chung dang theg pa dman// slob dpon med dang bka' brton pa// des ni gdon rtol med pa tsam// 'khu 'phrig che dang tshor rkyen dang // skyo rkyen sun rkyen sur lud kyis// las 'di brtsams kyang mi 'grub ste// slar yang log chos yin zhes 'dogs// gting nas zag bcad mi 'grub pas// 'byor dang sgra 'od che 'dod pas// las 'di brtsams kyang mi 'grub ste// slar la skyon can yod zhes bskur// bsgom dang sgrub pa yun thung zhing // zhag grangs lo zlar mi bsring pas// bsnyen dang 'dzab kyi grangs nyung bas// byas kyang las 'di mi 'grub ste// slar yang skyo sems skye bar 'gyur// phud dang mchod pa mi 'bul zhing // dam rdzas gtso ru mi len pas// byas kyang las 'di mi 'grub ste// slar yang sman mo'i bka' chad 'ong // cho ga'i las 'di rtsams pa yang // thos pa che dang man ngag thob// 'dzin rtog chung dang blo stobs che// brtul zhugs chen por ldan pa yis// las 'di brtsams na 'grub 'gyur te// rtog pa'i gang gis mi tshogs te// dam tshig ma nyams bka' brtan dang // sdig can ma yin grims 'byin dang // bcang tsam ma yin/

  152. 76b

    shugs byung na// rtsol zhing brtsams pa 'grub par 'gyur// spyad cing bkol bas nyan par 'gyur// des ni bsgral ba'i las 'grub cing // yid rang chos la dad pa skyed// dam rdzas bdud rtsi sman tshogs dang // rdzas dag lag cha ma bral zhing // bsgom la brtson pa dang ring zhing // ras chod thug thub ma yin par// yid ches lag len don 'brengs la// chos nyid mnyam pa'i klong gyur te// las dang brtsams pa go/ 'byed pas// de ni brtsams kyang 'grub par 'gyur// rang gi 'bras bu mi sgrib cing // bsgral ba des kyang mtho ris thob// chos nyid zab mor blo zhugs shing // lta ba mthon pos sa chod ste// sems kyi 'khu 'phrig ma tshor zhing // rdo rje slob dpon blo ldan la// chos la dad pas lung thob bo// bka' rtags phyag rgya byin pa dang // dbang bskur gnang ba thob pa yis// las 'di brtsams na 'grub 'gyur te// tshe srog bar chad mi 'ong ste// pha rol dmigs te bsgral bar nges// nyams dang ma 'dres dam tshig gtsang // sdig chen rnams dang mi 'grogs shing / snying rje'i lam dang ma bral bas// brtsams na 'bras bu thob pa yin// da pa che dang theg pa mtho/ slob dpon rim pas gnyan pa dang // de nas 'grub par the tshom med// sems kyi 'khu 'phrig chung ba dang // tshor rkyen skyo rkyen mi byed cing // sun skyen sur lud med pa yi// brag

  153. 77a

    la phur pa btab 'dra bas// las 'di brtson na 'grub 'gyur te// tshe srog bar chod mi 'ong ste// man ngag yin zhes 'di la bsngags// gting nas zag bcad sgrub pa dang // 'byor dang sgra ru mi gtong bas// che 'byin khengs pa spangs nas ni// gsang zhing sgrub la brtson pa dang // ma yengs mdzab bzlas brtson pa yis// las 'di brtsams na 'grub 'gyur te// rnal 'byor kun kyang btsun par byed// bsgom dang sgrub pa yun ring zhing // zhag grangs lo zla grangs mang bar// bsnyen dang 'dzab bzlas grangs mang ba// byas na las 'di 'grub 'gyur te// 'gyod sems med cing btsun par 'gyur// phud dang gtsang ma'i tshod phul nas// so so'i dam rdzas gtsor len pas// byas na las 'di 'grub par 'gyur// dman mo'i chad pa mi 'ong zhing // gang yin bka' bsgo bran bzhin nyan// skyon yon gnyis ka'i don 'di yin// kun la bstan par mi bya zhing // sna dgus bya bar ngas ma gsungs// rnal 'byor skyon yon gyi le'u ste sum cu rtsa dgu pa'o// // gnod 'dul lha yis yang gsol pa// gtso ru dam tshig bstan pa dang // dam tshig nyams pa'i skyon rnams dang // dam tshig bsrung ba'i yon tan dang // dam tshig bsrung ba'i rim pa rnams// de yi phan yon bstan pa rnams// mngon rdzogs yab la bdag nyan

  154. 77b

    'tshal// yang dag rdzogs kyis bka' stsol cig/ mngon rdzogs rgyal pos bshad du gsol// de skad gsol pa gsan nas su// nyag gcig yab kyis bka' stsal pa// dam tshig mchog tu bstan pa dang // bsrung nyams rims pa ngas bstan gyi// nyon cig g.yung drung yang dag pa// dam tshig 'di ni mchog tu bstan// dam tshig dam tshig 'di dag la// snga rabs 'das pa'i sangs rgyas kyang // dam tshig 'di la brten nas 'grub// da ltar bzhugs pa'i sangs rgyas kyang // dam tshig 'di la rten nas 'grub// slad kyis 'byon pa'i sangs rgyas kyang // dam tshig 'di la brten nas 'grub// de phyir dam tshig theg chen 'di// phyi rabs sngags 'chang nges par bsrungs// dam tshig 'di ni sa gzhi 'dra// sa la skye 'khrungs kun skye ltar// dam tshig sa gzhi dam pa la// sku dang ye shes skyed par byed// rtsa ba'i dam tshig gsum po dang // yan lag dam tshig lnga rnams la// ma 'das bsrung na sangs rgyas yin// de las 'da' na sems can yin// dam tshig gzhung bzhin bsrung ba la// ma mo rnams kyang bsgo ba nyan// gal te bsgo ba mi nyan na// ma mo nyid kyang rlag par nges// lha yang 'da' na rmongs 'gyur na// rnal 'byor 'das pa smos ci dgos// dam tshig 'di ni gtso yin zhes// kun bzang lha yis yang dag bshad// 'da' bar dka' ba'i dam tshig gi/ dam tshig

  155. 78a

    bstan pa'i le'u ste bzhi bcu pa'o// // 'di dag nyams pa'i skyon bstan pa// dam tshig nyams pa'i snga rtags ni// bya ru mi rung sna tshogs byed// slob dpon bka' bslu smod byed dang // lu gu rgyud la dbyen btang ba// 'di dag nyams pa'i snga rtags yin// sngags dang phyag rgya rgyun bcad nas// gzhan nas dngos grub thob 'dod pa// 'di yang nyams pa'i snga rtags yin// lung dang gsang ba'i man ngag rnams// zos nas yid la ma 'grogs shing // blo la 'dug pa'i yul med pas// yod ma thag tu ston cing 'chad// 'di yang nyams pa'i snga stags yin// zang zing nor gyi mthong 'dod kyi// snod med kun la spel byas na// 'di yang nyams pa'i snga rtags yin// rdzas dang lag cha mngon thogs nas// pha rol gzhan la sdig byed na// de yang nyams pa'i snga rtags yin// sha khrag gtor ma mngon sum du// mi nag mang po'i sar bskyod na// 'di yang nyams pa'i snga rtags yin// dur khrod dben sar mi bsgrub par// grong khyer nang dang ri ngos su// rnga sgra b+h+yo yi sgra 'don na// 'di yang nyams pa'i snga rtags yin// man ngag gting nas ma thon zhing // rtags dang mtshan ma ma byin par// ag tshar kha yis ngoms skyen na// 'di yang nyams pa'i snga rtags yin// dus su byung ba ma gtogs pa// sna la khrag phyung ngor byugs nas// mi

  156. 78b

    nag dkyil du brang brdung ba// 'di yang nyams pa'i snga rtags yin// rig pa'i thabs dang mi ldan par// kha nas lha srin gnyen po 'bod// 'di yang nyams pa'i snga rtags yin// mtshan dang ldan pa'i gzungs ma la// 'phrad nas sbyor ba ma brtsams na// 'di yang nyams pa'i snga rtags yin// las ngan skyon can mtshangs phogs nas// bsgral ba'i zhing bcu ma bsgral na// 'di yang nyams pa'i snga rtags yin// dam tshig nyams pa'i skyon rnams yin// rtsa ba'i dam tshig gsum nyams na// rdo rje dmyal bar skye bar 'gyur// de la sdug bsngal bzod glag med// mchod pa dus drug ma phul te// las kyi phyag rgya ma bsrungs na// 'di yang nyams pa'i snga rtags yin// de nas bskal pa 'dod mi srid// yan lag dam tshig lnga nyams na// 'dir yang nyes pa sna bcu 'ong // phyis kyang na rag dmyal bar skye// mgo nas tho ba thogs pas brdung // logs nas sta re thogs pas gcod// zhabs nas mtshon dang ral gri thogs// spyod pa'i dam tshig nyams pa 'di// 'dir yang nad dang sdug bsngal che// mdze dang nad ngan sna tshogs 'ong // ma tshogs stong gis snying khrag len// sha zan stong gis sha rus 'bral// rang bzhin ma mo bcu bzhi yang // dam tshig nyams pa'i bdud du babs// ma mo kun kyang gshed du 'ong // tshe dang srog gi bar chad 'ong // 'chi 'pho/

  157. 79a

    dmyal ba'i gnas su skye// dam tshig 'di la ma gnas na// brtsam pa mi 'grub mya ngan snon// bsgrubs kyang dngos grub rtags mi 'ong // bka' gsang dam tshig gzhung bor nas/ phyi nang sde snod mtha' dag dang // rgyud dang tan tra ci bshad kyang // de yis 'grub par ngas ma gsungs// ltar yang rang sems brlag ta re// dam tshig nyams pa'i skyon bstan pa'i le'u ste bzhi bcu rtsa gcig pa'o// // dam tshig bsrung ba'i yon tan ni// ci bsam las rnams 'grub gyur te// mkha' la 'gro na bya bzhin 'phur// chu la 'dzul na nya bzhin 'phyo// sngags kyi dngos grub ci 'dod ster// rig 'dzin rnam gsum gang bsgrub 'grub// rang bzhin ma mo rang bzhin byams// srid pa'i ma mo bran bzhin nyan// ci bgyis bka' nyan 'khor bzhin 'khol// mkha' 'gro ma chen 'khor bzhin 'du// dngos grub rnam gsum rim bzhin thob// tshe dpal dbang thang bsod nams 'phel// 'byor pa kun tshogs longs spyod ldan// ma sring kun kyang rje bzhin khur// dgra bgegs kun kyang gzhob bzhin 'dul// bstan pa kun kyang rang bzhin rgyas// dam tshig 'di dag gtsor len pas// 'grub par 'gyur ba gdon mi za// kun tu bzang po yang dag bzhin// sangs rgyas kun gyi gtso chen yin// rgyal ba kun gyi lam yin zhes// kun tu

  158. 79b

    bzang pos yang dag bshad// dam tshig bsrung ba'i yon tan bstan pa'i le'u bzhi bcu rtsa gnyis pa'o// // dam tshig bsrung ba'i rim pa ni// rdo rje slob dpon bka' nyan zhing // man ngag ston pa khur byed cing // rdo rje rgyal po pha ltar khur// yum gyi dbang mo ma ltar bkur// rgyal thebs karma bu ltar bkur// mched dang lcam dral bu ltar bkur// bstan pa don bzhin gzhung snyogs na// 'di yang bsrung ba'i rim pa yin// nyin dang mtshan du dus med par// sngags dang phyag rgya rgyun med par// ma yengs gsang ba'i don brtson na// 'di yang bsrung ba'i rim pa yin// gsang thub man ngag 'tsho mkhas dang // yun du brten pa nges che ba// 'di yang bsrung ba'i rim pa yin// nyan bsam thos pa rgya bskyed nas// 'du 'dzi'i dbang du mi gtong bar// rtag tu sgrub la brtson byed na// 'di yang bsrung ba'i rim pa yin// gab pa'i gsang ba gting phyin cing // sbas pa'i gsang ba'i gzhung thub na// 'di yang bsrung ba'i rim pa yin// slob dpon mnyes pa phul byas na// dbang rnams rim par nod byed pa// 'di yang bsrung ba'i rim pa yin// dam rdzas yo byad tshogs byas nas// gzhung bzhin ma nor sgrub byed na// 'di yang bsrung ba'i rim pa yin// pha rol dam nyams dgra bo la// kha chos smon 'jug mi zer bar// gsang zhing 'dug nas las

  159. 80a

    brtsam pa// 'di yang bsrung ba'i rim pa yin// dkyil 'khor brtson 'grus shugs phyung nas// mi nag bca' mkhar mi gtong na// 'di yang bsrung ba'i rim pa yin// mtshan dang ldan pa'i gzungs ma la// byin rlabs sbyor ba rtsom byed na// 'di yang bsrung ba'i rim pa yin// bsgral ba'i zhing bcur gyur pa la// dpyang thag chad pa bsgral ba ni// 'di yang bsrung ba'i rim pa yin// mchod pa dus drug rnams su 'bul// las kyi phyag rgya gzhung bsrang na// 'di yang bsrung ba'i rim pa yin// dur khrod dben sar sgrub byed cing // rtags dang mtshan ma mngon sum du// ma phyin bar du mi gtong na// 'di yang bsrung ba'i rim pa yin// gzhan la phyar 'tshong mi byed cing // gcom bskyungs yon tan tshogs sbed na// 'di yang bsrung ba'i rim pa yin// gzhan yang yon tan 'tha' dag pa// gzhung nas bstan pa kun spyod na// 'di yang bsrung ba'i rim pa yin/ dam tshig bsrung ba'i le'u ste bzhi bcu rtsa gsum pa'o// // gnod 'dul lha yis yang gsol pa// ma mo'i sbyin sreg ji ltar 'bul// nyag gcig yab la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang // ngo mtshar lha yi bka' stsal pa// nyon cig gnod 'dul lha yi gtso// dang po phun sum tshogs ldan nas// rdzas dang yo byad

  160. 80b

    tshogs byas te// zhi rgyas dbang dang mngon spyod dang // phrin las rnam bzhi gang byed pa// rdzas dang kha dog de bzhin bsgyur// hom khung yum gyi gzhal yas su// hom shing yab kyi mkha' brdzangs te// gnyis su med par me sbar nas// ye shes rang bzhin dman mo rnams// cho ga gong nas 'byung ba bzhin// me dpung 'bar ba'i gzhal yas su// spyan drang phyag 'tshal bzhugs su gsol// rdzas dang yo byad kun thogs la// mchod pa 'bul ba 'di skad do// hUM kun tu bzang mo yum gyi mkha' dbyings su// kun tu bzang po yab kyi shing brdzangs nas// gnyis med byang chub sems kyi me sbar la// che mchog he ru spyan drangs gdan la bzhengs// 'bar ba me yi gzhal yas nang du bzhugs// dam rdzas bdud rtsi 'bar ba'i mchod pa 'bul/ skye med byang chub sems kyi mchod pa bzhes// yab yum gnyis su med pa'i me sbar la// yum gyi rgyal mo spyan drangs gdan la bzhengs// bzhi zur zhabs brgyad 'bar bas phyogs mtshams gnon// ye shes klong yangs 'khyil pa'i hom khung du// rgyud lnga bag chags ma lus kun sbyangs te// dam rdzas bdud rtsi sman gyi mchod pa 'bul// dam nyams dam bskangs mthu dang dngos grub stsal// 'bar ba me yi gzhal yas nang du bzhugs// sman dang bdud rtsi dam rdzas mchod pa bzhes// skye med chos kyi dbyings kyi dngos grub

  161. 81a

    stsol// ye shes klong yangs khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod pa bzhes// dam nyams dam bskang mthu dang dngos grub stsol// yab yum gnyis med sems kyi me sbar te// rtag pa'i rgyal mo 'dir gshegs gdan la bzhengs// sha rus bdag mo rnam snang gsal// 'bar ba me yi gzhal yas nang du bzhugs// sman dang bdud rtsi dam rdzas mchod pa bzhes// 'byung ba sa yi dngos grub stsal du gsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod pa bzhes// dam nyams dam bskangs mthu dang dngos grub stsol// yab yum gnyis med sems kyi me sbar te// rtag pa'i rgyal mo 'dir gshegs gdan la bzhengs// dbugs kyi bdag mo ma mo yang gsal gsol// 'bar ba me yi gzhal yas nang du bzhugs// sman dang dam rdzas bdud rtsi mchod pa bzhes// 'byung ba rlung gi dngos grub stsal du gsol// ye shes klong yangs 'khyil ba'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod pa bzhes// dam nyams dam bskangs mthu dang dngos grub stsol// yab yum gnyis med sems kyi me sbar te// rtag pa'i rgyal mo spyan 'dren

  162. 81b

    gdan la bzhengs// khrag gi bdag mo ma mo gnyen gsal 'bar// 'bar ba me yi gzhal yas nang du bzhugs// sman dang bdud rtsi dam rdzas mchod pa 'bul// 'byung ba chu yi dngos grub stsal du gsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum gnyis med sems kyi me sbar la// rtag pa'i rgyal mo spyan 'dren gdan la bzhengs// drod kyi bdag mo ma mo 'od gsal 'bar// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// 'byung ba me yi dngos grub stsal du gsol// ye shes klong yangs 'khyil ba'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum gnyis med sems kyi me sbar la// srid pa'i rgyal mo spyan 'dren gdan la bzhugs// bkrag dang mdangs kyi bdag mo bkrag gsal mnyam// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// 'byung ba nam mkha'i bkrag mdangs dongs grub stsol// ye shes klong yangs 'khyil pa'i hom khung du// rgyud lnga bag chags ma lus

  163. 82a

    kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum gnyis med mkha' dbyings 'bar ba'i hom// gnyis med byang chub sems kyi me sbar te// rang bzhin ma mo spyan 'dren gdan la bzhengs// yongs kyi ma mo phra men rgya mtsho ma// 'bar ba mi yi gzhal yas nang du bzhugs// sman dang bdud rtsi dam rdzas mchod 'bul gyi// srid pa'i dbang sgyur dngos grub stsal du gsol// ye she klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel ba 'bar ba'i hom// gnyis med byang chub sems kyi me sbar te// rang bzhin ma mo spyan 'dren gdan la bzhugs// dbang bsgyur spyan 'dren gdan la bzhengs// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// gling bzhi dbang sgyur dngos grub stsal du gsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel ba'i hom khung du// gnyis med byang chub

  164. 82b

    sems kyi me sbar te// khros pa'i rgyal mo spyan 'dren gdan la bzhengs// rdo rje nyi ma khros pa'i dbang mo che// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// ma bzhi dbang sgyur dngos grub stsal du gsol// ye shes klong yang 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// pad+ma khrag 'thung khros pa'i dbang mo che// rdo rje pad+ma khros pa'i dbang mo che// rdo rje khams gsum khros pa'i dbang mo che// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// ma bzhi dbang sgyur dngos grub stsal du gsol// ye shes klong yang 'khyil ba'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel pa'i hom khung du// gnyis med byang chub sems kyi me sbar te// phung byed ma bzhi spyan 'dren gdan la bzhengs// phra men sbas pa'i ma mo dbyings phyug ma// phung byed sbas pa'i ma mo gcig pu ma// phung byed sbas pa'i ma mo rgyan gyi rgyal// phung byed sbas pa'i ma mo bdag nyid ma// 'bar ba me yi gzhal yas nang du bzhugs// sman

  165. 83a

    dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum dbyings dang 'brel ba 'bar ba'i hom// gnyis med byang chub sems kyi me sbar te// gsang ba'i dgyes sde spyan 'dren gdan la bzhugs// dkar mo mig gcig rgyas 'debs ma// nag mo ral gcig rmongs mdzad ma// nub kyi dmar mo phung byed ma// byang gi ser mo las mkhan ma// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// byang chub sems kyi dngos grub stsal du gsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskang mthu dang dngos grub stsol// yab yum mkha' dbyings 'brel ba'i hom khung du// srid pa'i rgyal mo spyan 'dren gdan la bzhugs// a phyi chen mo srid pa chags byed ma// srid pa cha snyoms ma mo sham sham mo// srid pa chags byed e ka dza ti ma// nam mkha' dbyings kyi rdo rje dpal mo btsan// sring gcig chen mo ma mo 'phrul mo chetsheche// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// khams gsum srid pa gsum gyi dngos grub stsol// ye shes klong yangs 'khyil pa'i hom khung du// rgyud lnga bag

  166. 83b

    chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel ba'i hom khung du// gnyis med byang chub sems kyi me sbar te// dman mo ma bdun spyan 'dren gdan la bzhugs// rdo rje kun grags spyan 'dren gshegs su gsol// kun tu bzang mo spyan 'dren gshegs su gsol// rdo rje kun gsal spyan 'dren gshegs su gsol// rdo rje ye shes mchog ma spyan 'dren gshegs su gsol// rdo rje 'od chags spyan 'dren gshegs su gsol// rdo rje gsal 'phro spyan 'dren gshegs su gsol// rdo rje g.yu sgron spyan 'dren gshegs su gsol// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// srid pa dman mo spyan 'dren gdan la bzhengs// rin chen srid 'degs ma mo mthu mo che// nag mo khrag 'dzag ma mo mthu mo che// gling bzhi spyi 'gro ma mo mthu mo che// rdo rje sgeg mo mthu mo che// pad+ma gar gyi dbang phyug mthu chen ma// sa bdag chen mo pad+ma phreng // 'bar ba

  167. 84a

    me yi gzhal yas nang du bzhugs// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// ye shes klong yangs khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum gnyis med 'brel ba 'bar ba'i hom// gnyis med byang chub sems kyi me sbar te// gru 'degs bzhi rnams spyan 'dren gdan la bzhugs// byang shar shan ting dkar mo gshegs su gsol// shar lho dun ting nag mo gshegs su gsol// lho nub ha ra ting dmar mo gshegs su gsol// nub byang grub ting ser ljang gshegs su gsol// 'bar ba me yi gzhal yas nang du bzhugs su gsol// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// yab yum mkha' dbyings 'brel ba 'bar ba'i hom// gnyis med byang chub sems kyi me sbar te// dmag gi rgyal mo spyan 'dren gdan la bzhengs// shar gyi dkar mo mig gcig ma// lho yi nag mo kha

  168. 84b

    yal ma// nub kyi dmar mo mchu 'jib ma// byang gi ser mo rkang ldag ma// 'bar ba me yi gzhal yas nang du bzhugs// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te/ sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// sring mo bzhi rnams spyan 'dren gdan la bzhengs// gling bzhi mgyogs ma lha yi sring mo dang // mkha' la khyung lding gshin rje'i sring mo dang // dmar mo g.yag thod klu yi sring mo dang // nag mo sder chen gnod sbyin sring mo dang // 'bar ba me yi gzhal yas nang du bzhugs// sman dang bdud rtsi dam rdzas mchod pa 'bul gyi// dam nyams dam bskang mthu dang dngos grub stsol// ye shes klong yangs 'khyil pa'i hom khung du// rgyud lnga bag chags ma lus kun sbyangs te// sman dang bdud rtsi dam rdzas mchod 'bul gyi// dam nyams dam bskangs mthu dang dngos grub stsol// nyi shu rtsa brgyad kyi mchod pa gzhan dang mthun no// sbyin sreg mchod pa'i le'u ste bzhi cu rtsa bzhi pa'o// // gnod 'dul lha yis yang gsol pa// ma mo sgrub pa'i gzungs ma la// ga Na'i sbyor ba ji ltar bgyi// mngon rdzogs yab la bdag nyan 'tshal// yang dag

  169. 85a

    rdzogs kyis bka' stsal cig/ de skad gsol pa gsan nas kyang // yang dag rdzogs kyis bka' stsal pa// gzungs ma sbyor ba'i mtshan nyid ni// yang dag nyid du ngas bshad kyi// nyon cig g.yung drung yang dag pa// gang bsgrub gzungs ma'i mtshan nyid la// so so'i mtshan yod rnyed nas ni// dgon pa chen por brtsam par bya// cho ga'i las rnams rdzogs nas kyang // sbyor ba'i las rnams brtsam pa ni// g.yon phyogs dag tu yum bzhag la// dang po spyan dang zhal gyi brda// mig btsum mchu smed brda byas la// gzhan yang brda' skad sna tshogs smas// de nas yum gyi spyan srings nas// yab la chags pa'i snyom bag bya// de nas yab kyis gsol pa bskyed// nu ma mnye zhing mchan khung brdeg/ yum gyi chags pas yid g.yos nas// yab yum mkha' dbyings byin gyis rlab// yum gyi gnas lnga dag tu ni// tshom bu nyi shu rtsa lnga dgod// dzaHzhes dpung nas gzung bar bya// hUM zhes gnya' nas 'khyud par bya// baM zhes stod smad bsdam par bya// hoHyis yab yum bskul bskyod nas// badz+ra d+h+r-ig gis phul nas kyang // hUM gis byang chub sems bskyed de// dgyes pa'i ro rnams btang nas ni// dkar dmar 'dres pa'i sems dag la// dkyil 'khor lha la gsal mchod cing // bdag nyid dngos grub dam par blang // 'di ni sbyor ba'i lung

  170. 85b

    zhes bstan// ga Na sbyor ba'i le'u ste bzhi bcu rtsa lnga pa'o// // gnod 'dul lha yis yang gsol pa// thugs dam bskang pa'i rgyu rnams la// bsgral ba'i las rnams ci ltar bgyi// mngon rdzogs yab la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang // ngo ma tshar lha yis bka' stsal pa// thugs dam bskang ba'i sems can la// ta na bsgral ba ngas bstan gyi// nyon cig g.yung drung yang dag pa// khams gsum 'khor ba'i sems can 'di// ma skyes phyir na bsad mi rigs// sems can 'khor ba phung por 'khor// dmyal bar 'khyams pa rtog pas 'khyams// phung po chos kyi dbyings su bsgral// chos kyi dbyings la ma zhes bya// rtog pa ye shes mchog bya bsgral// ye shes mchog la mo zhes bya// ma mo'i dkyil 'khor gsal bkod nas// bsgral na skyon med bde chen thob// mtha' yas sems can thams cad ni// skyes kyang yum lnga'i mkha' la skyes// gnas kyang 'byung lnga'i mkha' la gnas// 'chi yang 'byung lnga'i mkha' la 'chi// don la bsgral dang ma bsgral med// bsgral bar bstan pa rol pa yin// rol par bstan pa phrin las yin// phrin las 'byung po tshar bcad nas// skye med chos sku'i dngos grub len// des na bsgral ba gtso zhes bsngags// dang por sems can gang bsgral ba// 'khor

  171. 86a

    bar zhe bcad rgyas gdab bya// rgyas gdab byas nas rnam rtog khral// rnam rtog bral na chos nyid rtogs// des na lus la dkyil 'khor dgod// dkyil 'khor bkod na bde chen thob// de nas ma mo'i thugs dam bskangs// thugs dam bskangs na dgyes pa bskyed// dgyes pa bskyed na mnyam nyid thob// de nas yongs la bstab pa bya// bstabs pas bdud dang dgra bgegs bcom// bdud bgegs bcom nas bsam pa 'grub// des na rgyu drug srog rtsa gcod// srog rtsa bcad nas 'khor ba stongs// de nas tsit+ta sems blangs nas// sangs rgyas sras su yaM gis 'phang // sngags kyis ngan song sgo bcad nas// byin rlabs dbang bskur sras su bskyed// 'di ni bsgral ba'i lung zhes bshad// ta na bsgral ba'i le'u ste bzhi bcu rtsa drug pa'o// / gnod 'dul lha yis yang gsol pa// ye shes rang bzhin dman mo la// za byed bstab pa ci ltar bgyi// ngo mtshar lha la bdag nyan 'tshal// yang dag rdzogs kyis bka' stsol cig/ de skad gsol pa gsan nas kyang // mngon rdzogs rgyal pos bka' stsal pa// ye shes rang bzhin dman mo la// za byed bstab pa ngas bstan gyi// nyon cig g.yung drung yang dag pa// rnam rtog dgra bgegs bstab pa'i phyir// de yi bskul tshig 'di skad do// hUM ye shes ma mo zhal phyes shig/ rnal

  172. 86b

    'byor tshogs kyi rje mo la// yum gyi rgyal mo mu kha le// 'gro ba yongs kyi skye gnas yin// thams cad yongs kyi tshe srog bdag/ bzhi zur zhabs brgyad phyogs mtshams gnon// dbu gcig zhal lnga gdengs pa la// rnal 'byor dgra bgegs zhal du bstab// dug gsum ma lus stong par mdzod// rtag pa'i rgyal mo zhal phyes shig/ sha rus bdag mo rnam snang gsal// dgra bgegs sha rus 'di bzhes la// rnal 'byor sha rus skyed par mdzod// rtag pa'i rgyal mo zhal phyes shig/ dbugs kyi bdag mo zhal phyes shig/ dgra bgegs srog dbugs 'di bzhes la// rnal 'byor srog dbugs brtan par mdzod// rtag pa'i rgyal mo zhal phyes shig/ khrag gi bdag mo gnyen gsal ma// dgra bgegs khrag rnams 'di bzhes la// rnal 'byor khrag rnams 'phel bar mdzod// drod kyi bdag mo 'od gsal 'bar// dgra bgegs rnams kyi drod bzhes la// bdag gi drod rnams 'phel bar mdzod// rtag pa'i rgyal mo zhal phyes shig/ bkrag gsal bdag mo bkrag gsal 'bar// dgra bgegs bkrag mdangs 'di bzhes la// rnal 'byor bkrag mdangs 'phel bar mdzod// rang bzhin ma mo zhal phyes shig/ phra men rgya mtsho zhal phyes shig/ dgra bgegs phung po zhal du bstab// bdag gi phung po nad med mdzod// rang bzhin ma mo zhal phyes shig/ nyi

  173. 87a

    zla thod phreng zhal phyes shig/ dbang phyug ma mo zhal phyes shig/ dgra bgegs rnam shes zhal du bstab// bdag gi rnam shes gsal bar mdzod// rang bzhin ma mo zhal phyes shig/ phung byed ma bzhi zhal phyes shig/ dbyings phyug ma mo zhal phyes shig/ rgyan gyi rgyal mo zhal phyes shig/ bdag nyid ma mo zhal phyes shig/ gcig pu ma mo zhal phyes shig/ dgra bgegs yan lag zhal du bstab// bdag gi yan lag bde bar mdzod// rang bzhin ma mo zhal phyes shig/ khros pa'i ma mo zhal phyes shig/ rdo rje nyi ma zhal phyes shig/ pad+ma khrag 'thung zhal phyes shig/ rdo rje srid gsum zhal phyes shig/ rdo rje khams 'tshogs zhal phyes shig/ khros pa'i rgyal mo bzhi yi zhal du bstab// dgra bgegs gzugs bzhi zhal du bstab// bdag gi gzugs bzhi bde bar mdzod// rang bzhin ma mo zhal phyes shig/ thugs kyi dgyes sde zhal phyes shig/ dkar mo mig gzhal phyes shig/ nag mo ral gcig zhal phyes shig/ dmar mo dbang sdud zhal phyes shig/ ser mo las mkhan zhal phyes shig/ dgra bgegs yul gzhi zhal du bstab// bdag gi yul gzhi bde bar mdzod// srid pa'i sman ma zhal phyes shig/ srid pa chags snyoms zhal phyes shig/ e ka dza ti zhal phyes shig/ ma mo spun gnyis zhal phyes shig/ ma mo bdun rnams zhal phyes shig/ rdo rje kun

  174. 87b

    grags zhal phyes shig/ rdo rje kun gsal zhal phyes shig/ kun tu bzang mo zhal phyes shig/ rdo rje kun gsal zhal phyes shig/ rdo rje ye shes zhal phyes shig/ rdo rje 'od chags zhal phyes shig/ rdo rje 'od 'phro zhal phyes shig/ rdo rje g.yu sgrol zhal phyes shig/ rin chen srid 'degs zhal phyes shig/ nag mo khrag 'dzag zhal phyes shig gling bzhi spyi 'gro zhal phyes shig/ rdo rje sgeg mo zhal phyes shig/ pad+ma dbang phyug zhal phyes shig/ sa bdag chen mo zhal phyes shig/ har ting dkar mo zhal phyes shig/ dun ting nag mo zhal phyes shig/ shan ting dmar mo zhal phyes shig/ gru bting ser mo zhal phyes shig/ gru 'degs rgyal mo zhal phyes shig/ dkar mo mche gcig zhal phyes shig/ nag mo kha ha la zhal phyes shig/ dmar mo chu 'jib zhal phyes shig/ ser mo rkang ldag zhal phyes shig/ dmag gi rgyal mo zhal phyes shig/ lha yi sring mo zhal phyes shig/ gshin rje'i sring mo zhal phyes shig/ klu yi sring mo zhal phyes shig/ gnod sbyin sring mo zhal phyes shig/ sring mo chen mo bzhi rnams zhal phyes shig/ nyi shu rtsa brgyad zhal phyes shig/ 'di dag zhal phye gzhan dang mthun// sman mo lnga bcu rtsa brgyad la// dgra bgegs nang rol sgal tshigs rnams// sman mo'i tshogs kyi zhal du bstab// bdag gi phyi nang bde bar mdzod// rol cig sprul cig ma mo'i tshogs// chings shig

  175. 88a

    sdoms shig ma mo'i tshogs// dzA dzA dzA yis dam du sdus// phaT phaT phaT kyis rol par mdzod// kha kha khA yis zhal du bzhes// khams gsum dgra bgegs stongs par mdzod// sgrub la bar chad byed pa rnams// thal ba bzhin du med par gyis// sa ma ya mA ra ya khA hi zhes brjod do// za byed bstab pa'i le'u ste bzhi bcu rtsa bdun pa'o// // de nas yab mngon rdzogs kyi rgyal pos/ lta ba'i man ngag gi le'u 'di bshad do// phung po khams dang skye mched kyang // ye nas sangs rgyas yin pa'i phyir// kun rdzob tsam gyi mtshan ma ru// chos sku mtshan mar brtags pa ste// ye shes rang gnas rol pa yin// phyi nang snod bcud ma lus kyang // kun tu bzang mo'i dbyings kyi rgyan// kun tu bzang po'i thugs kyi rgyan// kun bzang yab yum rol pa las// phyi nang ma lus thams cad sangs rgyas so// mtha' la thug pa med pas dbyings la bri ba med// dbyings la g.yo ba med pas chos sku 'gyur ba med// don dam dbyings su bltas pas ltas dgu de dag gsal// thams cad sems su rtogs pas gang bsgrub lhun gyis grub// rnam rtog ming yang med pas gang bsgral gcig mi ltas// thabs mkhas rol pa yin pas 'khor ba'i skyon ma gos// thugs rje byang chub yin pas thar pa bde chen thob// kun gyi bdag nyid yin pas ma

  176. 88b

    mo'i rang bzhin 'khor// bde chen rgyal po yin pas 'khor gyi jo bo yin// thams cad bdag la byung bas kun gyi bdag po yin// nga rgyal gdeng du che bas 'gro drug thabs kyis 'dul// thugs mchog thugs sgras khams gsum yongs su ldir// thugs rje'i byams ldan nyi ma'i 'od bzhin shar// mi rtogs gnyen po thabs kyi rgyal po 'byung // 'khor ba'i gnyen po rang byung sangs rgyas te// bdag dang sems can thams cad chos kyi bya ba'i sku ru gcig/ mi rtog thabs kyis gnyen po 'di yi don rtogs na// ma mos gdul bar bya ba gzhan na med// 'khor ba mya ngan 'das pa'i don rtogs na// dgra bgegs bsgral zhing tshar bcad bya mi dgos// ye 'byams mtshan med klong gi dbang rdzogs na// rgyal byed rtags kyi phyag rgya sgrub mi dgos// phrin las bya btsal klong yangs ye nas 'das// bsgom bsgrub dkyil 'khor bya ba ci yang med// 'di ltar man ngag rtogs pa gdeng gyur na// bsgrubs kyang skyon med ma bsgrubs 'gal ba med// bsgom kyang skyon med ma 'gal ba med// bsgral kyang skyon med ma bsgral 'gal ba med// bsam du med de chos sku nam mkha' 'dra// sgom du med de rang byung klong nas shar// bde 'byams dbyings phyug yum gyi rgyal mo yin// ma bkag ci bder yan bkye yab kyi mkha'// sems la gang yang me tog rang byung

  177. 89a

    sku// thabs las gang yang ma 'gags ma bcos sku// don la gang yang mi rtog chos kyi sku// chos kyi sku la skye shi g.yos pa med// 'pho 'gyur med pa'i klong la btsal zhing bsgrub du med// ye shes byang chub sems su bdag rtogs na// 'du 'dzi byis pa'i rtse mos ci zhig bya// mi 'da' klong gi dam tshig srung byed na// nyon mongs bde sdug mya ngan ci la spyad// thabs mkhas rol pa'i ting 'dzin shar ba las// phung po 'bad rtsol rtsol bsgrub ci la bya// phyi nang snod bcud thig ler sangs rgyas na// gzhan nas btsal zhing smin du gcig kyang med// lta ba man ngag gi le'u ste bzhi bcu rtsa brgyad pa'o// // de nas yab mngon rdzogs rgyal pos/ bde chen byang chub sems kyi le'u 'di bshad do// 'di skad ces gsungs so// snod kyi 'jig rten ma bkag yum gyi dbyings// bcud kyi 'jig rten ma bkag yab kyi mkha'// yab yum mkha' dbyings ye nas rol pa las// bde chen byang chub sems su ye nas sangs rgyas so// phung po khams dang skye mched ma lus pa// ma mo'i tshogs kyi dkyil 'khor ye nas yin// yon pa'i don la rig pa gsal dgod na// bde chen byang chub sems su ye nas sangs rgyas so// sems dang ye shes dus gcig sangs rgyas na// rtag pa'i ye shes sems kyi sangs rgyas kun rtogs na// bde chen byang

  178. 89b

    chub sems su sangs rgyas so// 'khor ba'i rgyu nyid thar pa'i lam gyi skas// sdug bsngal rgyu nyid chos nyid byang chub sems// ma spangs lhun gyis grub pa'i don rtogs na// bde chen byang chub sems su sangs rgyas so// chos nyid kun tu bzang po'i rig pa la// 'khor dang ni mya ngan 'das pa mnyam// sangs rgyas sems can sems nyid gcig tu mnyam// rtogs dang ma rtogs sgyu ma'i ngang du mnyam// rig dang ma rig chos kyi sku dang mnyam// mnyam nyid rgyal po'i don la ma yengs na// bde chen byang chub sems su sangs rgyas so// nyon mongs dug lnga ye shes lnga ru snang // 'byung ba lnga po chos kyi dbyings su mnyam// dbyings dang ye shes 'brel ba'i don rtogs na// bde chen byang chub sems su sangs rgyas so// ye shes ma mo bzhin ma mo dang // sman mo la sogs mang po'i tshogs brjod kyang // bdag gis byin rlabs ma mor snang ba las// gzhan nas ma mer grub pa ci yang med// bdag snang gzhan 'khol kun tu bdag yin te// bdag nyid g.yos na phyi nang snod bcud g.yos// kun gyi che btsan 'gran gyis do med pas// yang la thogs med bde 'byams rgyal po la// bde chen byang chub sems su sangs rgyas so// bde chen dang la 'dzin rtog brjod du med// bde chen byang chub sems su sangs rgyas pa'i le'u ste bzhi bcu rtsa dgu pa'o// / de nas

  179. 90a

    yab mngon rdzogs rgyal pos/ rgud yongs su bzung ba 'di bshad de/ 'di skad ces gsungs so// gsang thub bka' brtan nges pa dang // bden par smra zhing yid mi 'gyur// des ni rgyud 'di gzung bar bya// brtags shing rgyud 'chang brtson 'grus che// drang la sems byams g.yo sgyu chung // des ni rgyud 'di gzung bar bya// mdzangs la shes pa gsal ba dang // brtags shing bya ba ma nor ba// des ni rgyud 'di gzung bar bya// gzung thub drags thub khongs yangs shing // le lo bar chad skyon spangs la// des ni rgyud 'di gzung bar bya// gzhung bla ma dang tshig 'jom pa'i don gyis// spyod pa thogs chags med pa dang // dam tshig spangs len med pa yis// rgyud 'di yongs su gzung bar bya// nyan cing bsgrub la brtson pa dang // 'du 'dzi'i dbang du mi gtong bas// brnag thub bzod che nges pa dang // yongs la mi gnod la sun pas// rgyud 'di yongs su gzung bar bya// lung med pas kyang mi gtong zhing // slob dpon rig pa steng 'du ba// des ni yongs su gzung bar bya// rang shes mu cor mi byed cing // brtags shing las rnams brtson byed pa// des ni rgyud 'di gzung bar bya// rnal 'byor sman dang mi 'bral zhing // rdzas dang lag cha ma thegs pa// rgyud 'di yongs su gzung bar bya// dad pa skyo ngal med pa dang // skyo med dub pa

  180. 90b

    med pa yis// rgyu 'di yongs su gzung bar bya// dbang bskur gnang ba lung thob cing // rtogs shing shes pa phyogs 'byams pas// rgyud 'di yongs su gzung bar bya// brtags na bla ma'i lung yod cing // bsnyen na nus pa'i mthu yod pas// rgyud 'di yongs su gzung bar bya// rgyud yongs gzung ba'i le'u ste lnga bcu pa'o// // de nas lha gnod 'dul gyis gsol pa// yab gcig lags// snod de dang mi ldan pas// bzung du rung lags sam/ zhes gsol pas/ mngon rdzogs rgyal pos bka' stsal pa// snod de dang mi ldan pa// d+harmA snang 'tshong byed pa dang // chos dpe'i tshong pa byed pa dang // man ngag za thal du smra ba dang // lta ba'i gdeng med pa dang // spyod pas ma zin pa dang // sgrub pa gzhung ma tshugs pas// rgyud 'di bcangs kyang seng ge'i 'o ma dang 'dra ste// bdag phung gzhan rlag gnyis ka/ 'gal// mdze dang rims kyi bskal pa 'byung // bya ru mi rung sna dgu byed// 'bras bu mnar med par skye bas// des na ma mo srid pa'i rgyud lung 'di// kun gyi thun mong ma yin te// snod med rnams kyi bcangs gyur na// bdag dang 'gro ba gzhan kun brlag/ des na 'di ni gsang ba'i rgyud/ ces bstan to// de nas lha gnod 'dul gyis gsol pa// ma mo'i dkyil 'khor ji ltar bsdu/ zhes gsol pa dang / yab mngon

  181. 91a

    rdzogs kyi rgyal pos bka' stsal pa// ma mo'i dkyil 'khor bsdu ba ni// dang po bskyed pa'i rim pa bzhin// rim bzhin rim pas gtso la bsdu// zhes bka' stsal to// rgyud 'di snod med la bstan pa'i skyon dang / dkyil 'khor bsdu ba'i le'u ste lnga bcu gcig pa'o// // de nas mngon rdzogs kyi rgyal pos// lha gnod 'dul la bka' stsal pa// bstan pa'i snying po dam pa 'di// rgyud dang lung dang man ngag dang // phyogs dang gal por bstan pa yi// ma mo srid pa'i rgyud lung chen po 'di// de ba gnod 'dul khyod kyis bsdus// 'jig rten gsum du grags par gyis// lha spyod sgrub pa tshang ba yi// ma mo srid pa'i tan+ta 'di// de ba gnod 'dul khyod kyis zung // rtsa ba gsum du sbas par gyis// zhes bka' stsal pas/ gser gyis glegs bam du bris nas/ lha gnod 'dul la gtad do// lha gnod 'dul gyis rtsa ba chen po gsum du sbas so// de skad ces ston pas bka' stsal pas/ ye shes kyi ma mo dang / phra men rgya mtsho la sogs pa rang bzhin gyi ma mo dang / a phyi chen mo la sogs pa srid pa'i sman mo rnams kyis/ skye ba med pa chos kyi ro myong nas/ gsang ba dgyes pa'i mchod pa phul nas/ rang rang gi dam tshig nos nas/ zhabs spyi bo la blangs so// ma mo srid pa'i rgyud lung chen po las/ lha gnod 'dul la rgyud gtad pa'i le'u ste lnga

  182. 91b

    bcu gnyis pa'o// // ma mo'i srid pa'i rdzogs lung chen mo 'bras bu nges par bstan pa'i mchog/ kun bzang thugs kyi lung chen 'di// skyes mchog 'ga' yi las yin te// kun la spel bar ma gsungs so// ma mo'i chos 'di spyi gab sbas che zhes 'byung na yang / bod yul du bsgyur ba la/ 'di las lhag ma ma lus par yid ches pa'i rgyud khungs dang / dbu snyung bzhes so// ma mo srid pa'i rgyud lung gi rgyud phyi ma'i dpe rdzogs so// // dpal khrag 'thung gi rgyal po dang / yum rig pa'i rgyal mo la phyag 'tshal lo// 'di skad bdag gis thos pa'i dus gcig na/ de bzhin gshegs pa'i thugs rje chen po'i byin gyis brlabs pa las// sangs rgyas stong rtsa gcig 'jig rten du 'byung bas na/ sngar 'das pa'i sangs rgyas rabs bdun dang / brgyad pa shAkya thub pa'i bstan pa la/ bar gyi bskal pa brgyad cu ru 'byung ste/ de yang stong gsum du gnas pa las/ stong chung ngu dang / stong par ma dang / stong spyi phud do// de yang de bzhin gshegs pa'i thugs rje'i snang ba las/ ri'i rgyal po ri rab gcig gi don bshad na/ shes rab chen po'i rgyu las rlung rdo rje rgya gram g.yas su 'khyil cing 'tshubs pa las/ dbus rdo rje rgya gram la/ mtha' ma gzhu 'od ma'i dbyibs ltar gnas pa/ steng 'og dang phyogs mtshams su dpag tshad sa ya drug 'bum yod

  183. 92a

    pa/ thugs rje'i byin gyis brlabs las/ rin po che'i char gyi rgyun gnya' shing tsam nam mkha' la babs pas/ chu'i dkyil 'khor zlum po 'bum phrag gcig tu chags te/ shes rab kyi rlung dang snying rje'i chu gnyis bsrubs pa las// dbang chen gser gyi sa gzhi dpag tshad khri drug stong par chags te/ de'i steng du ri rab dang gling bzhir gnas pa ni/ ri'i rgyal po ri rab ni rgyu rin po che sna lnga las grub ste/ rgya mtsho la mar dpag tshad brgyad khri nub pa/ yar dpag tshad brgyad khri yod pa/ mchur dpag tshad 'bum drug khri yod pa/ zheng du dpag tshad brgyad khri/ mtha' skor du dpag tshad sum 'bum nyi khri yod pa/ de la gser gyi ri bdun gyis bskor legs te/ gnya' shing 'dzin la dpag tshad bzhi khri yod pa// gshol mda' 'dzin la nyi khri/ seng ldeng can la khri/ lta na sdug la stong / rta rna 'dzin la nyis brgya lnga bcu/ mu khyud 'dzin la brgya nyi shu rtsa lnga/ rnam mdud 'dzin la drug cu rtsa phyed dang gsum yod/ gling chen po bzhi ni/ shar gyi lus 'phags po dpag tshad sum brgya lnga bcu pa// ba glang spyod ni stong phrag phyed dang brgyad/ sgra mi snyan ni stong phrag drug/ 'dzam bu gling gi ngos gsum la stong phrag gnyis gnyis gnas pa ste/ de'i bar gyi gling brgyad ni// lus dang lus 'phags sgra mi snyan// sgra mi snyan gyi zla dang ni// rnga yab dang ni rnga yab gzhan// g.yo ldan

  184. 92b

    dang ni lam mchog 'gro// stong phrag phyed dang gnyis gnyis gnas// ri rab bum pa'i steng na ni// sum cu rtsa gsum lha rnams kyi// grong khyer lha na sdug ces bya// mchur dpag tshad nyis stong lnga brgya la// zheng du de yi tshad du gnas// mtha' skor dpag tshad nyi khri yod pa/ gser gyi ra bas bskor te/ ra ba'i dbang du dpag tshad phyed dang gsum yod pa/ grong khyer de la sgo stong du gcig gis ma longs pa yod do/ me tog man da ra ba'i gcal bkram pa/ mnan na nem la bteg na 'phar ba la sogs spyod do// de'i steng dpag tshad phyed dang bzhi na/ khang bzang rnam par rgyal ba zhes bya ba yod de/ mchu zhing du dpag tshad brgya lnga bcu yod pa/ mtha' skor du dpag tshad stong yod pa/ de'i them skas dang / ka lo dang / ka rgyan dang / gdung dang / dral bu/ thams cad gser dang / dngul dang / bai DUr+ya dang / shel las grub pa'o// de la gser gyi ka ba sum cu rtsa gnyis/ g.yu yi lcog dang sum cu rtsa gsum gnas te/ ba gam re re nang na ka ba sum cu rtsa gnyis/ g.yu'i lcog la lha'i dbang po brgya byin gnas so// grong khyer de'i sgo na glang po che rab brtan zhes bya ba yod de/ de la gser gyi mgo sum cu rtsa gnyis/ g.yu'i mgo bo dang sum cu rtsa gsum yod pa/ de ni lha'i dbang po brgya byin gyis bskyod cing bzhon pa'i glang yin te/ mtha' skor la dpag tshad stong yod// grong

  185. 93a

    khyer de'i shar phyogs na shing ke ke ru tsan+dan zhes bya ba yod de/ de'i rtsa na glang po che sa srung zhes bya ba/ kha rlangs kyis lha ma yin gyi rgyal po ri nag po thal ba rdul du rlag pa dang / sna nas 'od ma'i ral gri chu zheng rgyang grags yod pas// lha ma yin gyi g.yul thams cad 'joms par byed pa yin no// lha'i dbang po brgya byin gyi shar lho mtshams na/ chos bzang lha'i mdun sa zhes bya ba yod de/ mchu zhing du dpag tshad sum brgya la/ mtha' skor du dpag tshad dgu brgya yod do// rgyan ni gong dang 'dra la/ de ni lha'i mdun sa yin no// de na lha grags ldan mchog skyong zhes bya ba gnas te/ mig g.yas g.yon gnyis nyi ma dang zla ba ru gnas te/ de'i 'od zer gyis lha thams cad kyi mdun ma sdud pa/ thugs ka nas bdud rtsi'i bum pa dpag tshad bcu gnyis pa gcig gi nang nas// lha rnams la bdud rtsi'i longs spyod 'gyed pa zhig yod do// lho nub mtshams na shing sna tshogs kyi tshal zhes bya ba yod de/ mchu zhing dpag tshad nyis brgya lnga bcu la/ mtha' skor du dpag tshad stong yod par bdud rtsi'i 'khrus kyi rdzing bu yang yod de/ shing rta chen po'i steng na lha'i rgyal po mdog bzang zhes bya ba gnas te/ lha'i bu mo ut+pa la zhes bya bas/ lha'i rgyal po la khrus byed cing me tog man da ra ba zhes bya ba/ chu zheng du rgyang grags re yod pa'i mchod pa 'bul

  186. 93b

    lo// nub byang gi mtshams na sa gzhi bzang po zhes bya ba yod de// chu zheng du dpag tshad nyis brgya lnga bcu yod pa// mtha' skor du stong yod pa// de na klu'i rgyal po brjid gnon zhes bya ba gnas te/ 'khor lha'i grong khyer bdun gyis bskor ba/ sa gzhi de las yid bzhin gyi bdud rtsi'i longs spyod nang nub tu mi 'dra ba brgya brgya re sprul pa'o// byang shar mtshams na rtsub 'gyur gyi tshal zhes bya ba yod de/ chu zheng du dpag tshad bzhi brgya lnga bcu yod pa/ dpangs su dpag tshad brgya brgya yod pa// de na gnod sbyin lcang lo can gyi bdag po zhes bya ba yod de/ de'i spyi bo nas mtshon cha'i 'khor lo'i char lha ma yin la 'bebs pa'o// nub phyogs na 'dren pa'i tshal zhes bya ba yod de de na chu bdag gi rgyal po ma ga ta zhes bya ba gnas pas/ shing a shwa ga zhes bya ba la lha'i bu pho dang / bu mo thams cad brdzus nas skyes te/ longs spyod mi 'dra ba sna tshogs kyis mchod par byed do// byang phyogs na dga' ba'i tshal zhes bya ba yod de// gnod sbyin gyi rgyal po dga' ba zhes bya ba yod de/ lha'i bu mo mang po la mig bltas pa tsam gyis 'khrig pa'i dga' bas tshim pa yod do/ byang phyogs na shing yongs 'du sa rtol zhes bya ba'i tshal yod de/ rtsa ba dpag tshad lnga thur du zugs pa/ 'phang du dpag tshad brgya yod pa/ yal ga la dpag tshad lnga bcu yod pa/ mtha' skor

  187. 94a

    du dpag tshad sum brgya lnga bcu yod pa/ de na lha'i bu srin pa byan mkhan zhes bya ba gnas te/ bdud rtsi de la lha thams cad kyis longs spyod byed do// shing de'i rtsa ba na a mo li ga'i rdo leb ces bya ba'i tshal gnas te/ mchu zheng du dpag tshad lnga bcu/ mtha' skor du nyis brgya yod pa/ de nas lha'i mgar ba bi shwa kar ma bya ba yod de/ nyi ma me shel las nyi ma'i 'khor lo brdungs te/ lha ma yin gyi dbang po thags zangs ris kyi sked pa gcod pa/ zla ba chu shel zhes bya bas lha'i smas ma thams cad gso bar byed pa'o// shar phyogs gser gyi ri gnya' shing 'dzin gyi kha na/ rgyal po yul 'khor srung gi pho brang / shel dkar po las grub pa/ chu du dpag tshad lnga bcu yod pa/ mtha' skor du nyis brgya yod pa'o// lho phyogs na 'phags skyes po'i pho brang / bai DUr+ya las grub pa/ chu zheng dpag tshad nyis brgya lnga bcu yod pa/ mtha' skor du dpag tshad stong yod pa/ nub phyogs na spyan mig bzang gi pho brang / pad+ma rA ga dmar po las grub pa/ chu zheng du dpag tshad nyis brgya lnga bcu pa/ mtha' skor stong yod pa/ byang phyogs na rnam thos sras kyi pho brang / in dra nI la las grub pa/ chu zheng du dpang tshad sum brgya drug cu la mtha' skor du stong lnga brgya yod pa'o// khang bu de rnams las/ shar phyogs kyi pho brang na bang mdzod gsum yod pa/ lho phyogs na

  188. 94b

    bzhi yod pa/ nub phyogs na drug yod pa/ byang phyogs na bdun yod pa/ shar phyogs kyi rgyal po dri za'i 'tsho skyong / lho phyogs ni gshin rje'i 'tsho skyong / nub phyogs klu'i 'tsho skyong / byang phyogs gnod sbyin gyi 'tsho skyong / rgyal po sde bzhi po de dag gis rang bzhin gyis bstan pa skyong tshul du gnas so// srid pa chags lugs kyi gleng gzhi'i le'u ste dang pa'o// // nang bcud kyi 'jig rten gyi gleng gzhi 'di lta ste/ 'dod khams gnas rigs nyi shu/ gzugs khams gnas rigs bcu bdun/ gzugs med pa ni bzhi'o// 'dod khams kyi bye brag 'di lta ste/ de la dang po dmyal ba'i sdug bsngal brgyad ni// yang sos dang ni thig nag dang // bsdus 'joms dang ni ngu 'bod gnyis/ mnar med mnar med chen po dang // tsha ba dang ni rab tu tsha/ dmyal khams brgyad po 'di dag ni// thar bar dka' bar bstan pa'o// byol song la yang 'di lta ste// gnas na gnas dang 'thor ba'o// yi dwags phyi sgrib nang sgrib can// ngan song gnas bcu'i don yin na// mtho ris gnas bcu'i don ni 'di lta ste// shes rab tshul khrims khyad par las// mi dang lha yi 'bras bu smin// tshe dang khru tshad la sogs kun// dang po dpag tu med pa nas// lo bcu khru byed bar du ni// 'phel 'grib mtshon cha bzhin du 'gyur// re zhig bstan pa 'di nyid la// 'dzam bu gling du

  189. 95a

    khru bzhi ste// sha mdog sngo la byad dbyibs ni// sog kha lta bur gnas pa ste// shar gyi lus 'phags po dag ni// khru brgyad pa ru gnas pa ste// sha mdog dkar la zla gam dbyibs// ba glang spyod na bcu drug la// dbyibs ni zlum la byad mdog dmar// sgra mi snyan na sum cu gnyis// gru bzhi'i dbyibs la sha mdog ser// lha yi rigs drug bye brag ni// rgyal chen rigs bzhi rgyang grags gnyis// sum cu rtsa gsum rgyang grags bzhi// mtha' bral dpag tshad gcig yin te// dga' ldan 'phrul dga' dpag tshad gnyis// gzhan 'phrul dbang byed phyed dang gnyis// gzugs khams bcu bdun 'di lta ste// tshangs ris dpag tshad gnyis pa ste// mdun na 'don ni gsum pa ste// tshangs chen dpag tshad phyed dang gsum// 'od chung dpag tshad phyed dang gnyis// tshad med 'od ni phyed dang bzhi// 'od gsal dpag tshad brgyad pa ste// dge chung bcu drug dag tu 'dod// tshad med dge ni sum cu gnyis// dge rgyas drug cu rtsa bzhi pa'o// sprin med brgya ni nyi shu lnga// bsod nams skyes ni nyis brgya lnga bcu pa'o// 'bras bu che ni sum brgya nyi/ shu'o// mi che ba ni stong du 'dod// mi gdung pa ni nyis stong ste// gya nom snang ni bzhi stong ngo // shin tu mthong ba brgyad stong pa// 'og min khri ni drug stong ngo // gzugs med pa yi lha rnams ni// nam mkha' mtha'

  190. 95b

    yas skye med dang // rnam shes mtha' yas skye mched dang // ci yang med pa'i skye mched dang // yod min med min skye mched do// bcud kyi 'jig rten bstan pa'i le'u ste gnyis pa'o// // sprul pa'i gnas lugs 'di lta ste// phyi snod lo ka ri rab kyi// steng na klu'i rgyal po rigs bzhi'i khri la// rnam par rgyal ba'i khang bzang nas// gnyis 'gyur gyen du 'phags pa ni// yum mu kha le'i zhal gyi steng na/ bcom ldan 'das che mchog he ru ka/ dbu dgu phyag bcwo brgyad/ zhabs brgyad du gtams pa/ khro tshul drug cu rtsa bzhi dang ldan pa ste/ de la dra bas brgyan pa'i 'khor lo ni 'di lta ste/ che mchog dbu yi 'khor lo la// spyi dpal khro bo bcu ldan te/ khro bo chen po ga ra bi la'i gra la'i rgyal po dang / khro bo chen po rin po che 'jigs byed dang / khro bo chen po pad+ma gar gyi dbang phyug dang / khro rgyal gar mdzad rgyal po dang / khro bo chen po sreg pa'i 'od chen dang / khro bo chen po srid po 'joms byed dang / khro bo chen po skyod byed rgyal po dang / khro chen 'jigs byed skyabs kyi rgyal po dang / khro chen gsod byed rgyal po dang / khro chen 'jigs byed rgyal po rnams kyis bskor ba'o// che mchog he ru ka'i gsung gi 'khor lo la/ gdeng chen khro bo'i bskor ba ni 'di lta ste/ khro chen 'jigs byed hUM sgra can dang / khro chen gnod mdzes rgyal po dang / khro rgyal me long

  191. 96a

    snang byed dang / khro rgyal yon tan snying po dang / khro chen gzi ldan 'bar ba can dang / khro chen lhun grub snang byed dang / khro chen me'i 'khor lo can dang / khro chen za byed brtul zhugs can dang / khro chen skyong byed rlung gi bang ba can dang / khro chen gzi ldan 'bar ba rnams kyis bskor ba'o// 'jigs byed chen po'i thugs kyi 'khor lo la bskor ba ni/ gsang chen khro bo bcu ste/ khro chen hUM kA ra dang / khro chen rnam par rgyal ba dang / dbyug pa sngon po dang / gshin rje gshed po dang / mi g.yo mgon po dang / rta mchog dpal dang / gzhan gyis mi thub pa dang / bdud rtsi 'khyil ba dang / khams gsum rnam par rgyal ba dang / stobs po che rnams kyis bskor ba'o// 'jigs byed chen po yon tan gyi 'khor lo rdzogs chen gyi khro bo bcus bskor ba ni 'di lta ste/ khro chen biSh+Nu 'joms pa'i rgyal po dang / khro chen stobs bzang 'jigs byed mgon dang / khro chen gzi ldan 'od zer can dang / khro chen 'jig rten 'od zer gyis 'gengs pa dang / khro chen stong khri khyab byed dang / khro chen hUM sgra can dang / khro chen khams gsum shugs sgrol dang / khro bo chen po 'jigs byed skar mda' gdong dang / khro bo chen po me khyer glog ma sprin dang / khro bo chen po nam mkha'i mdangs phrog la sogs pas bskor ba'o// mngon rdzogs rgyal po'i sgal tshigs kyi 'khor lo la

  192. 96b

    gnas pa ni 'di lta ste/ dkar po mig gcig zhe sdang can dang / khyab 'jug 'khor lo zhe sdang can dang / brgya byin ser skya zhe sdang can dang / skos rjes drang dkar gti mug can dang / kA la yak+ka gti mug can dang / 'byung rigs spun dgu gti mug can dang / sa bdag phag mgo 'dod chags can/ klu bdag dregs pa 'dod chags can dang / nor lha chen po 'dod chags can/ rgyal chen rigs bzhi nga rgyal can dang / gshin rje 'joms byed nga rgyal can/ rA tra gdug rtsub nga rgyal can no// tshangs pa chen po phrag dog can dang / b+h+r-i gi ri ti phrag dog can dang / dga' byed dbang phyug phrag dog can dang / byang sprin dmar po g.yo sgyu can te bcu drug gnas so// sangs rgyas khros pa'i rgyal mo'i cha lugs ni 'di lta ste/ sku shin tu brjid pa ri rab lta bu la zhabs brgyad kyis klu brgyad brdzis pa'o// 'og gzhi ru sbal khog pa'i brag gtams pa/ phyag drug phyag chas 'gro ba rigs drug gi skye shi sgrol ba/ spyan gnyis khrag dang / rin po che'i mchi ma 'thor ba/ spyi bo'i gtsug nas khrag gi ral pas stong gsum dbang du sdud pa/ gsang ba'i mkha' bzhi dbus dang lnga la sa bzhi cha snyoms shing 'byung ba lnga dbang du sdud pa/ mthing nag nam mkha'i go zu la/ 'ja' tshon sna lnga'i cha ga btags pa/ de lta bu'i yum las sprul pa'i 'khor gyis bskor ba ni 'di lta ste/ dbu la

  193. 97a

    yul gyi dkar mo bcu gsum gyis bskor ba ni 'di lta ste/ 'byung ba lnga las shar ba'i bu mo lnga dang / thog mtha' med pa'i yum mchog nyid dang / mkha' la rgyu ba'i ma mo gsum dang / dbyings las shar ba'i bu mo gsum dang / yi dam bsgoms legs ma dang ma mo bdun te bcu gsum gyis bskor ba'o// thugs la nag mo bco brgyad kyis brgyan pa ni 'di lta ste/ shes rab chen po las gyur pa phra men rgya mtsho dang / snying rje chen po las gyur pa nyi zla thod phreng dang / ye shes bzhi'i zer las gyur pa'i khros pa'i dbang chen bzhi dang / dngas ma bzhi las gyur pa'i sbas pa'i ma bzhi dang / yul bzhi las shar ba'i thugs kyi dgyes sde bzhi dang / dus bzhi dbyings las shar ba'i rgyal mo bzhis bskor ba'o// yum gyi chags pa lte ba'i 'khor lo la bskor ba ni 'di lta ste/ skyed byed chen mo zhes bya ste/ srid pa chags byed ma dang / nyul byed chen mo zhes bya ste/ nam mkha'i rgyal mo dang / 'joms byed chen mo zhes bya ste/ gling bzhi spyi phud ma dang / chags byed chen mo zhes bya ste/ 'dod khams ni mtshan dang / 'dzin byed chen mo zhes bya ste/ e ka tsa ti spun drug dang / za byed chen mo zhes bya ste/ srin mo bdun dang / gdug byed chen mo zhes bya ste/ las kyi sring bzhi dang / pho nya chen mo zhes bya ste/ dmag gi rgyal mo bzhi dang / las byed chen mo zhes bya ste/

  194. 97b

    dbang phyug ma'i tshogs kyis bskor ba'o// khyab pa spyi rgyug gi pho nya ni 'di lta ste/ shar phyogs dung gi ma mo drug cu dang / lho phyogs mthing gi ma mo drug cu dang / nub phyogs zangs kyi ma mo drug cu dang / byang phyogs gser gyi ma mo drug cu dang / steng lcags kyi ma mo drug cu dang // 'og byi ru'i ma mo drug cu ste rdo rje gur gyi phyi rol na gnas so// sprul pa gnas lugs kyi le'u ste gsum pa'o// // de nas yab mngon rdzogs rgyal po la spyan g.yon pa phab pa'i brda zhig mdzad nas// ljags g.yas nas g.yon du dril ba'i brda zhig mdzad de bskul ba las/ mngon rdzogs rgyal pos cang mi gsung bar yum gyi mkha' la yi ge phyed dang drug tu zhu ba las/ 'bru bcu'i snying po'i sgra yis yum gyi snam zhal du thon te/ sprul pa'i bya khyung bcu'i rgyan du ston nas/ dur khrod g.yang gzhi ru mtshon phyar/ rdo rje rtse dgus sa dgu gnon pa'i brjid ston/ 'bru bcu'i snying pos sa bcu rim gyis bgrod pa'i mdzad pa la btsud ste bzhugs pa la/ de nas ri rab chen po'i steng na tshal brgyad nyul bar byed pa'i// yum phra men rgya mtsho'i thugs ga nas// sangs rgyas thams cad kyi sprul pa phyag na rdo rje'i sku bton te/ rdo rje rgya gram brag gi gdan steng nas mi zhum pa'i brjid bag gis gyad kyi skyil mo krung du bzhugs te/ rdo rje rtse lnga 'bar ba'i phyag mtshan la/ 'khor lo 'bar ba'i

  195. 98a

    rtsibs bzhi mu khyud dbu la lan lnga ru bskor te/ dug lnga 'joms par byed pa'i ye shes lnga'i don dgongs pas zhus pa las/ mngon rdzogs rgyal pos yi ge ha lnga'i don gsungs te/ bi sa mu ran hUM ha/ dza la pa ra ma ha/ bi sha san te ha/ ma hA lang te ha/ bi yang yang te ha/ de nas phyag na rdo rjes lha ma yin gyi rgyal po thags zangs ris kyis nyon mongs pa'i bag chags lnga/ 'byung ba lnga'i bag chags kyis sbyang bar mkhyen nas/ de nas phyag na rdo rjes rU tra'i tsit+ta bcu gcig rin po che'i 'od 'bar bar sprul nas/ mngon rdzogs rgyal po la bstabs nas phul lo// de nas phyag na rdo rje lcang lo can gyi tshal na bzhugs pa la lho'i 'dzam bu gling gi nub phyogs ri nag po ha sa zhes bya ba la/ spyan ras gzigs dbang phyug gi sprul pa/ khye'u ma tri chung ngu zhes bya ba/ srid pa'i pho rgyud mo rgyud thams cad skye ba'i rigs so sor 'byed shes pa zhig byung ste// des phyag na rdo rje la zhus te// lung bzhi man ngag mkhyen pa'i ston pa po// da lta dgongs spyod 'bras bu ji snyam byed/ ces zhus pa la/ phyag na rdo rjes lan gsungs pa// snang srid so sor 'byed pa'i rig pa can// lung bzhi don gyi gtan tshigs 'di lta ste// man ngag nyid na tshig gi don ci yod/ khye'u me tri chung ngus gsol pa/ lung bzhi don gyi gtan tshigs ji ltar lags/ de nas phyag na rdo rjes gsungs

  196. 98b

    pa/ lung bzhi don gyi gtan tshigs 'di lta ste/ gnas pa rtsa'i lung / bkod pa thig le'i lung / g.yo ba rlung gi lung / rig pa sems kyi lung dang bzhi ru bshad do// de nas khye'u me tri chung ngus bshad pa/ man ngag nyid na tshig gi don yod pa// tshig gi don gcig rgyal bas bshad du gsol// zhes zhus pa la/ de nas phyag na rdo rjes gsungs pa/ rgyud kyi don 'di man ngag nyid du dgrol// man ngag don gyi ngo bo 'di lta ste// pra khrid lag cha gab pa sde gsum dang // ma bzhi gcod pa'i 'khor lo nyid du bshad// me tri chung ngus gsol pa/ gab pa sde gsum don ni ji lta bu// ma bzhi gcod pa'i 'khor lo ji ltar lags// zhes bsnyad pa la/ phyag na rdo rjes gsungs pa/ gab pa sde gsum don ni 'di lta ste/ gting dpag med pa'i 'khor lo la gab pa dang / bsreg pa me'i 'khor lo la gab pa dang / mkha' klong thun gyi 'khor lo la gab pa dang / gcod pa 'khrul 'khor las la gab pa dang bzhi ru bshad/ gtso 'khor gleng du bslang ba'i le'u ste bzhi pa'o// // sprul pa rgyan gyi don ni 'di lta ste// rA tra bsgral ba'i sa gzhi la// khrag gi rgya mtsho gru gsum ste// lha ma yin gyi gzugs snang ste// srog rtsa dmar po spyi nas drangs// rdo rje sprul pa bya khyung gis// bsgral ba'i tshul du gnas pa ste// de nas che mchog he ru kas// yum gyi dbu ru sku ston te// dbu yi

  197. 99a

    sprul pa'i pho brang la// lha srin la stsogs sbrul byas nas// oM shrI he ru ka kro tI shwa rI hUM/ li khra kha dur dza dur phaT/ yab kyi thugs las 'od 'phros pas// 'og gi yum la bskul byas pas// yum gyi sprul pas lha srin bskul// khri phrag 'bum gyi 'phro 'du byas// sprul pa'i pho nya las la mngags// thags zang ris kyi 'khor rnams bsdus// srog rtsa dmar po spyi nas drangs// oM shrI he ru ka kri tI rA dza dur dza dza/ drangs nas zhal du bstim par bya// khong du bsgral ba'i las bya ste// bcu drug 'khor los gtub par bya// tri ta kha ti ru tsa khad d+hA tu pi ni la chum tsakra rbad phaT/ bsgral thabs dgu yi sngags kyis gzhom/ kha thun snying la yam/ dza la raM kha thun zad/ li kra hAM/ kha Ta phaT/ du ra ya phaT/ ru si phaT/ li kra dza dza hAM/ ta gra ta gra hUM phaT/ lU dum phral la bstabs pas mnyes/ gting dpag med pa'i gnyen po sgrub pa'o// ma mo kro ti shwa rI ru lu ru lu dza dza b+h+yo// ma mo li ta khrag la b+h+yo rni la dza hUM phaT/ kro ti'i tsa la ma thum/ rni la dza sha la b+h+yo/ rus la chom/ dug tri tsa la yaM yaM phaT/ 'bod pa rbad pa bsad pa gsum// khyams gsum dag la gsal bar dgod// bzhi pa dregs pa'i khyams su gsal// dpa' bo'i ras la 'khor lo bca'// de nas 'khor lo bskyed bya ste// hUM bskyed ma bskyed nr-i ru bskyed// bdud rtsi'i gtor mas mchod byas te// rbad

  198. 99b

    pa'i sngags kyis nr-i la dgug/ bsad pa'i dregs pas bsgral byas te// srin po'i shun la 'khor lo bca'// dregs pa'i ral pas btags nas ni// mun pa'i stong la btags nas ni// khrag mtsho gsum gyi dkyil du bzhag/ mtsho yi 'khor lo'i sgrub pa'o// oM nA ga rA tsa dza dza/ in tra ye dza dza/ ag ne ye dza dza/ bag sha ye dza dza/ bri gzhi rus sbal pags pa la// thig le bzhi la rang sngags bskor// rtsa ba'i sngags kyis bskyed byas te/ spyan drangs pa yi bsnyen pa ni// rgyal ba'i thugs las 'od spros te// rigs bzhi sprul pa'i srog snying drang // dam tshig klu la bstim byas te// dkar gsum rdzas kyis mnyes par bya// mna' bsgag dam dbog las bcol bya// rigs bzhi klu yi sgrub pa'o// d+hiSh+Ta raSh+Ta pa/ bi ru d+hA kA ya/ a d+hi pa ta ye/ bai shrA ma NA ya dza hUM dza hUM dza hUM dza hUM/ shar phyogs dkar po zla gam ste// lho ni ser po sog kha la// nub ni dmar po zlum po'o// byang ni ljang gu gru bzhi yin// bum pa'i nang du bskyed bya ba// hUM swA/ aM hA/ rgyal chen rigs bzhi rim bzhin bskyed// dkar po rdor 'dzin rnam snang rgya// ser po ral gri rin chen rgya// dmar po pad 'dzin mtha' yas rgya// ljang gu rgya gram grub pa'i rgya// spyan drangs bstim la mchod pa'i rgya// bsgo ba'i tshig gis las bcol bya// gnyen po rgyal chen bzhi yi sgrub pa'o// d+hISh+Ta ru Sh+Ta ma rA dza

  199. 100a

    tsakra phaT/ bi ru d+ha ka ya rA dza tsakra phaT/ a d+hi pa ta ye ra dza tsakra phaT/ be thA ma N+Da ya ra dza tsakra phaT// yum gyi spyan gsum gyen du gzigs// gtso bo'i thugs la bskul byas te// kro d+hI sha R+shar+N+NaH sa ma ya phaT/ gtso bo'i spyan gsum gyen du gzigs/ shrI he ru ka tri to phaT/ 'khor lo dang po bskor byas te// gong ma'i sngags kyis bskul byas pas// rgyal chen bzhi yi srog rtsa bskul// grangs ni stong rtsa bzhi yis so// b+h+r-iSh+Ta raH/ nA ga ta yi rA tsa thu lu ma ra ya bI ru D+ha ka/ in+d+ra ya ye thu lu ma ra ya/ a ti ag ne pa ta ye ye thu lu ma ra ya// be sha ma Na ye thu lu ma ra ya/ 'khor lo gnyis pa bskor ba'i don// rgyal chen bzhi yi sbyor ba yis// klu rgyal bzhi la tsakra bskor// nA ga rA tsa tri ta rni zhu zhu bruM/ in tra ye rni la chu chu/ ag ne ye rni la nyag nyag rag sha ye rni la spur sbyar/ ya ta a tas dug gsum rni ru bsgral// gnyis pas rten chen bskam par bya// gsum pas khrag gi le'u bsdu// tha mas rtsa chen bzhi po gcod// bskor ba gsum gyi sgrub pa'o// chu dang sa la pho brang brtag/ mig dang rna ba sna dang yid// nyams ni shin tu brtag par bya// ci yang med na gzhan du spro// des ni mtshan nyid brtag par bya'o// oM/ badz+ra kro ta ha ya grI ba hu lu hu lu hUM phaT/ stong pa'i ngang las rta mchog bskyed// hrI yis bdud rtsi sbyang byas te// sngags kyis mchod te

  200. 100b

    bzlas pa bya// stong rtsa brgyad du bsnyen pa bya// badz+ra dzaHhUM baM hoH/ ga ru Ta pU tsa swA hA/ oM pa khri swA hA// stong rtsa brgyad brgyad bzlas pa yis// klu yi gzi byin 'phrog par byed// yi ge rum ni ngang nyid las// sbrul pa gser gyi mdog can ni// mchu sder gnam lcags phyar 'drar bskyed// nA ga rA tsa// oM badz+ra kro ta ga ru Ta/ ma hA ga ru Ta/ a mr-i ta ga ru Ta/ ma hA tsit+ta ga ru Ta/ khyung gi sprul pas gtso bo ma dros pa bskul byas te/ sbrul mgo bdun pa lcags kyi ga'u yi nang du bcug ste/ 'tshe ba'i 'khor lo'i steng du bzhag/ klu sman sna tshogs kyis mchod/ sngags kyi 'phro 'du khri phrag lnga ru bya// klu chen spyi yi sngags kyi 'phro 'du bya// oM nA ga rA tsa ba su ki maM dza dza dza hUM phaT swA hA/ rgyal po ma dros pa bsad pa'i drag sngags ni/ nA ga du na du na nA ga sha na du/ hi li hi li nA ga 'dus 'dus/ rus sbal nag po'i 'jug sgo nas// klu gdug zer gyis dregs pa bsgral/ nag po bai tsi tsi rgyas drag thul snying la gul gul/ myag myag rtsa bzhi skums/ shan shan ni srog la shan thu song swA hA/ rigs bzhi klu yi dregs pa'i rtsa bzhi gzhom pa'o// de nas 'khor lo gsum gyi rjes la sbyor ba gsum gyi drag sngags kyi sbyor ba'o// grub pa'i rtags kyi bye brag ni// gdug pa gnyen gyi grub rtags dang // gnod sbyin rgyal po'i grub rtags dang // gza' god dregs pa'i grub rtags

  201. 101a

    dang // rigs bzhi klu yi grub rtags dang // rus sbal nag po'i grub rtags dang // grub pa'i rtags rnams gang 'phrad kyang // gang yin phyogs nas las rnams brtsam// kha 'bar nag po'i brtag pa'o// ma ma ru lu tiSh+Tha nan// gnyen gyi gzhal yas 'khor lo dang // yum gyi sbyor ba'i mkha' dang sbyar// yum gyi zhabs brgyad klu la brdzis// yum gyi dbu bzhi yab kyis brdzis// khyung gi gshog pas rgya mtsho rlabs// rus sbal nag po'i khog pa gshegs// pa khri kha sa gur kha ru khad kan phaT/ ta kra du khan d+ha phaT/ khyung gshog ral gri 'bar bas gshegs// srin mo dmar po'i gzugs nyid la// gnyen gyi kha rlangs dug mda' 'bar// khrag mda' mdze yi dug rlabs 'bab// gnyan gyi lto ba dkrugs pa dang // rus sgal khog pa gshegs pa'o// pa kri swA ha/ na ga rA tsa dzaH/ nA ga in dra dzaH/ na ga ag ne dzaH/ na ga bag sha dzaH/ rigs bzhi'i srog snying sbrul du drang // klu rigs bzhi yi srog drang ba'o// klu rgyal rigs bzhi'i ngan sngags kyis// lcags kyi mdo stod nag po bcad// spu gri klad la bskor byas te// na da du na rbad/ na da rbad/ ma kri da rbad/ ma gr-i bya oM rbad/ g.yu 'brug sngon mo me ru 'bar// seng phrug 'bar ba'i khog par gzhug/ mdo stod nag po bcad pa'o// gza' rgod gnyen rgod khog par zhugs// gza' yi dregs pa zhal

  202. 101b

    du bcom/ sha la hur/ khrag la thum/ rus la chom/ gza' yi dregs pa bsgral ba'o// yum dang khyung gi seng ges bsgral// pra kri kha sa chem chem/ ma ma kro ta li tsa thum kha da kha da phaT/ zhe sdang rus pa gti mug sha/ 'dod chags khrag gi phung po zhig/ seng ge bsgral ba'i ngan thabs so// log non thugs kyi tsakra bskor ba ni// bdag nyid gzi brjid chen po'i skur gsal te// dbu la thogs pa med pas brgyan pa'o// p+lak+Sha'i shing la rdo rje'i sku bstan pa// brgyad cu rtsa gsum sprul pa bkod nas ni// phyag na 'dril zhing rang sngags 'khor lo bskor// oM shrI he ru ka kro tI shwa rI tsakra d+hISh+Ta raSh+Ta rbad/ b+hu ru ta bi ru d+ha kA ya/ kra ye rbad/ a a d+hi pa ta ya/ b+hi pa ti ye rbad/ bai bai shra ma NA ya/ shwa ra ma na ye rbad/ rgyal chen dbu yi 'khor lo bskor// rgyal chen rigs bzhi'i byin brlabs kyis// klu rgyal bzhi yi 'khor lo bskor// oM shrI he ru ka kro ti shwa rI d+h+waMSh+Ta raSh+Ta rbad/ b+hu ru ta tra ye rbad/ a ti pa ti ye rbad/ be shra ra ma na ye rbad/ nA ga rA tsa rbad/ nA ga rA tsa rbad/ in tA ya rbad/ a ti pa ta ye rbad/ ag ne ye rbad/ bag sha ye rbad// re re la yang stong rtsa brgyad/ klu rgyal bzhi yi sbyor ba yis// dregs pa can la 'khor lo bskor// hUM shrI he ru ka kri tI shwa rI nA ga rA tsa// cho ge mo'i sha la tsakra tsakra rbad/ in tra ye che ge mo'i rtsa la/ tsakra tsakra rbad/ ag na ye che

  203. 102a

    ge mo'i khrag la ya/ tsakra tsakra rbad/ bag shA ya che ge mo'i srog la/ tsakra tsakra rbad/ rus sbal nag po'i 'jug sgo bzhi// klu rgyal gdug pa'i sngags kyis gzhom// re re la yang khri khri'o// log non phur nag gi sgrub pa'o// byol song gtso bo bzhi dang / gdug pa mgo mangs dang / rus sbal nag po dang / gnod sbyin gyi gtso bo khyab 'jug chen po rnams dang / rngam zhing ldog pa'i dus la bab srid na// de'i nus pa mnan pa'i thabs ni 'di lta ste/ gang du dmigs pa'i sa de ru// keng rus ri rab me dpung dbus nyid du// rdo rje sprul pa'i lha dang che mchog yab yum bskyed// khrag mda' nag po sngags kyi dug zer 'dis/ pra khri kha sa/ shrI he ru ka kro ti shwa rI/ d+hISh+Ta raSh+Ta ya/ bi ru b+ha ka ya/ a d+hi pa ta ye// be shrA ma NA ya/ rak+ka khrag thun/ myogs myogs/ des ded dpon bzhi gzir ba'o// nA ga rA tsa/ in+d+ra ye/ ag na ye/ b+hak+Sha ye/ zi ra kha thun khrag la dun ting b+h+yo/ byol song gi gtso bo bzhi myos shing rlag par 'gyur ro// bak+ku ga kur pa hi khrag la rbad/ gdug pa mgo mangs myos par 'gyur ro// oM rA hu la dza bring / dun krung khri khr-i klung khrag la shaM shaM swA hA/ ga la hur hu ra/ rA hu la rlags par 'gyur ro// dug ti nyungs swA hA/ glog ma srin myos par 'gyur ro// rgyan gyi sprul par bsgom zhing nam mkha' gsegs su bcad/ pho brang gnas sar

  204. 102b

    hUMhUM suM ruM/ rdo rje'i gur dang ri rab me dpung 'bar bar bsam/ 'khyams pa bzlog pa'o// hUM/ bcom ldan dpal chen he ru ka/ mthing nag 'jigs pa'i cha lugs can// khro tshul drug cu rtsa gnyis ldan// khro bo lnga bcu rtsa drug sku yi khyon du rdzogs// zhabs brgyad rnam thar yum gyi dbu la brdzis// phyag drug mtshon chas skye shi rtsad nas gcod// dregs pa 'joms pa'i phrin las mdzad du gsol// snang srid lhun rdzogs kun tu bzang mo'i sku// nam mkha' mthing nag rgyan gyi go zu gsol// yul dang dngas ma rtsa yi mkha' 'gro rnams// yum chen sku yi khyod du rang bzhin rdzogs// zhabs brgyad klu chen brgyad la thabs kyis brdzis// phyag drug sprul pas gsang sngags spro bar mdzad// sangs rgyas khros pa'i rgyal mo sku bskyod cig hUM bya chen 'di yi dpral ba ni// ri rab bum pa'i gtos dang mnyam// dbu la g.yu yi rwa 'bar ba// nam mkha'i khams kyi gtos su sleb// zhabs kyis klu drug dregs pa 'dren// spyan ni nyi zla 'bar ba ste// klu brgyad zil gyis gnon par byed// g.yu sder lcags kyu 'bar ba yis// zags zangs ris kyi snying nas 'dren// kha rlangs na bun bzhin du chags// dung gi gshog 'dab 'bar ba las/ g.yu yi gshog rtse 'od 'phro 'bar// thags zangs ris kyi mgo bo gcod// g.yas kyi gshog pa brkyang pa yis// lha yi dbang po'i gnas la

  205. 103a

    khyab// g.yon gyi gshog pa brlab pa yis// gser gyi sa gzhi 'bar ba gshog/ lho nas g.yu 'brug 'bar ba 'khrug/ ljags la glog 'khrug ldibs so ldib// ljags kyi rtsel thog chen 'bebs// spyan nas lcags kyi ser chen 'bebs// shangs nas bu yug 'chub mar 'thor// tsiny+tsa thugs kyi gsang sgo nas// zur phud lnga yi cho 'phrul 'gyed// dkar mo bcu gsum dbyings nas bzhengs// thugs las bco brgyad cho 'phrul 'gyed// g.yas nas khro bo'i rol pa mdzad// g.yon nas ma mo'i 'od zer 'phro// sprul pa phra thabs sna tshogs mdzad// dregs pa bcu drug gnas nas bskyod// mngags pa pho nya'i las bya'o// kha 'bar nag po las rgya mtsho'i rgyud las/ 'khor lo la dbab pa'i le'u ste lnga pa'o// // me la sogs pa'i don bshad pa// sa yi maN+Dal sbyangs pa ru// rgyal mo lnga yi zhal bya ste// shar phyogs seng ge bgrad pa'i zhal// dbus su hom khung mthing nag bya// lho ru glang chen brjid pa'i zhal// dbus su rin chen 'bar bar bya/ nub tu rma bya mdzes pa'i zhal// dbus su pad+ma 'od can bya// byang du khyung chen 'bar ba'i zhal// srin po kha gdengs dbus su bya// dbus su rdo rje gdengs pa'i zhal// gser gyi 'khor lo rtsibs bzhir bya// gzas pa'i dug lnga'i mtshan byang ni// snying tshan lnga yi

  206. 103b

    nang du gzhug/ kha dog lnga yi dar gyis gril// rnog pa thur du bstan la bsreg/ zhal gsum dag gi bar dag tu// che mchog sku yi thugs ka nas// rten gyi phur pa lnga po la// rgyal mo lnga ru bskyed bya ste// ye shes spyan drang gnyis med sbyar// rak+ta bdud rtsis mnyes byas te/ yum lnga'i bsnyen pa dus gcig drangs// gi sa mu ra hUM ha/ bi sha san ti hUM/ dza la ba raM hUM ha a/ ma hA laM te hUM ha/ bi yang yang te hUM ha/ stong rtsa brgyad brgyad bzlas pa bya// de nas pho nya'i las bya ste/ hUM shar gyi phyogs nas bskul ba ni// dung gi glang po chen po la// yar rkan gnam la mar rkan sa// mche ba gangs ri rnon po 'dra// de 'dra'i sems can chen po la// ma mo shel gyis mdangs can zhon// sa 'dril chen mo sha nas 'dril// hUM lho yi phyogs nas bskul ba ni// yid bzhin sngon po'i rta pho la// yar rkan me la mar rkan drod// mche ba me zor dmar po la// lce ni mun gyi glog pas gsal// de 'dra'i sems can chen po la// ma mo me yi mdangs can zhon// me 'dril chen mo drod nas 'dril// hUM nub kyi phyogs nas bskul ba ni// yid 'ong rma bya'i rta pho la// yar rkan rba la mar rkan chu// mche ba chu gri gtams pa 'dra// de 'dra'i sems can chen po la// ma mo chu yi mdangs can zhon// khyod ni chu 'dril chen mo ste// chu 'dril chen mo khrag nas 'dril// hUM byang gi phyogs nas

  207. 104a

    bskul ba ni// gar mkhan shang shang rta pho la// yar rkan rlung la mar rkan dad // mche ba nyi zer 'dzings pa 'dra// lce ni mun gyi glog pas gsal// de 'dra'i sems can chen po la// ma mo rlung gi mdangs can zhon// khyod ni rlung 'dril chen mo ste// rlung 'dril chen mo dbugs nas 'dril// hUM dbus kyi ri bo khong seng la// gser gyi seng ge chen po la// yar rkan brag la mar rkan rdo// mche ba khro chung gtams pa 'dra// de 'dra'i sems can chen po la// ma mo nam mkha'i mdog can zhon// khyod ni gnam 'dril chen mo ste// gnam 'dril chen mo bkrag nas 'dril// tsit+ta lnga yi rten la bstim// rgyal mo lnga yi phur pas gdab// shar du rgya shug dkar po la// lho ru tsan+dan dmar po gcig/ nub tu 'om bu lta bu ste// byang du tsher ma can gyi shing // dbus su blag sha seng ldeng ngo // tsang ga li las me blangs te// sbar te raM las me lha bskyed// ag ni de bas me lha mchod// me lha de yi lto ba ru// ha las sa yi lha mo bskyed// 'bru nag sran ma'i chan dag las// chu dang ma 'dres dngas ma'i khrag/ ling+ga'i dum bu sha chen dang // mar gyi dgang blugs dag la bsreg/ gi sa mu ran hUM ha/ che ge mo'i sha la khA hi// yal ga med las me blangs te// raM las me lha gong bzhin bskyed// ha las me yi lha mo ste// bsreg rdzas gang dang ldan pa'o// dza la pa

  208. 104b

    raM hUM ha/ che ge mo'i drod la khA hi// grangs ni gong ma bzhin du bshad// sdong gcig ma las me blangs te// ha las chu yi lha mo bskyed// bsreg pa'i rdzas ni gong ma bzhin// bi sha san ti ha/ che ge mo'i khrag la khA haMhi// grangs ni gong bzhin ldan pa ste// mes reg ma las me blangs te// me lha gong bzhin bskyed byas te// bsreg rdzas gong dang ldan pa yis// bi yang yang te ha/ che ge mo'i dbugs la khA hi/ grangs kyi thun tshod gong ma bzhin// rgyal po'i khyim nas me blangs la// raM las gong bzhin bskyed byas te// ha las nam mkha'i lha mo bskyed// ma hA lang te ha/ che ge mo'i khrag la khA hi/ thal ba tshom bu lnga po de// kha dog lnga yi dal gyis gtums// gong gi yum lnga'i snying po la// tsakra lnga yi mtha' rgyas can// rgya mtsho'i rmangs la 'khor lo bskor// pra khrid cha lag gab pa sde gsum las bsreg pa me'i 'khor lo la gab pa'i le'u ste drug pa'o// // mkha' klong rnam dag yum gyi b+ha ga las// rgyu bzhi nad kyi char pa 'bebs mdzad ma// thugs las myos pa'i sprin du 'bar// zhal nas gcod pa'i rno ru snang // sprul pa du ma'i sgras mda' 'bebs// gsang ba khrag gi nad mda' 'bar// dang po ma bzhi snying las byung // bdun ni zhal nas byung ba ste// chags pa'i lte ba nyid las sbrul// gsang ba nas ni re ma ti// skad cig ma las che mchog

  209. 105a

    ste// 'khor lo rtsibs bzhi nyi zlar bcas// che mchog bsnyen pa rdzogs byas nas// de nas shar du 'khor lo la// lcags khang 'bar ba'i steng du bzhag/ gtso bo'i thugs las 'od zer 'phros pas// mu tri ni rbad/ shan tri ni rbad/ b+ha ga dun tri rbad/ kha mun dan tri ni rbad// snying kor nad kyi sprin du 'bar// hUM ka ri ka rbad/ ba dor ba dor rbad/ ni la chu ni ta rbad/ kha T+wAM ga ka dza la dza la tsa pa la rbad/ ma gu rag to rbad/ dang sam ding sam rbad/ e a ra li rbad/ mtshon cha'i 'khor lo char bzhin dbab/ zang 'gram mu raM praM rbad/ gsum pa du ba'i mtshon sprin 'khrigs/ nu pi ru lu ru lu trag sha rbad/ bzhi pa khrag gi nad mda' 'bar// de nas grub pa'i rtags bstan pa// mig dang rna ba sna dang yid/ 'ja' tshon lta bu dang po'i rtags// spu ris byung na gnyis pa ste// sbrul du 'khyil na gsum pa'o// dmar la gdangs na bzhi par bshad// mtho bar rtsub na dang po ste/ zung bar rtsub na gnyis pa'o// 'jam la ring na gsum pa yin// 'khor ba'i sgra ni bzhi par bshad// dri zhim ngad ldan dang po yin// sar zing byung na gnyis pa ste// 'ja' ris lta bu gsum par shes// sman dri dang ldan tha ma'i rtags// dga' ba dang po 'thabs na gnyis// 'tshig na gsum pa 'tsho na bzhi// pra khrid kyi cha lugs las thugs las gab pa'i 'khor lo'i

  210. 105b

    le'u ste bdun pa'o// // lcags khang gru gsum 'bar ba'i steng // dur khrod ras kyi sa gzhi la// rus sbal nag po'i gzugs su bri// de steng dregs pa'i gzugs bzhag ste// dregs pa'i yan lag bzhi po la// 'byung ba bzhi yi 'khor lo dgod// 'khor lo'i steng du bskyed bya ba// klu chen bzhi yi gzugs su bya// de steng sbas pa'i ma bzhi dgod// yum gyi zhabs brgyad 'bar ba yis// ma chen bzhi yi dbus nas brdzis// dbu la yab kyis dbu brgyan pa// yab kyi phyag na bsnams pa ni// p+lak+Sha'i shing la rdo rje'i gzugs// phyag na 'dril zhing 'khor lo bskor// oM shrI he ru ka kro tI shwa ri mu tri ni rbad/ shan tri ni rbad/ b+ha ga dun tri ni rbad/ kha mun dun tri ni rbad/ yab yum 'od zer 'bar ba yis/ ma bzhi'i thugs las rgyud bskul bas// rus sbal khog pa'i 'jug sgo bzhir// yig 'bru nad kyi mtshon sprin ni// sol dum tshwa tshwa 'khrug pa ltar// dam sri'i srog rtsa chen po bzhi// 'od zer tsha tsha 'khrug par spro// dam sri rnam shes brgyad kyi rten// srin bu me khyer 'dra ba de// sngags gzer nag pos gcod cing gsod// re re la yang stong rtsa brgyad// 'khor lo gnad la pheb pa dang // 'khor lo'i dbus su dril byas te// dur sol sa sbyin 'dres pa yi// pu tra zla ba mon pa'i gzugs// gnyis kyi lto bar dril la gzhug/ mchod rten nag po'i rmang gi

  211. 106a

    'og/ gong bzhin mnan la 'khor lo bskor// kha 'bar nag po las rgya mtsho'i rgyud las// gcod pa'i 'khor lo'i le'u ste brgyad pa'o// // de nas bcom ldan 'das rdo rje khrag 'thung gis phyag na rdo rje la 'di skad ces gsungs so// gnod sbyin lcang lo 'dus pa'i pho brang nas// dregs pa 'joms pa'i rgya gram 'bar ba can// bstan pa mi nub chos kyi 'khor lo bskor// dam sri rdul du brlag pa'i las gyis shig/ ces bskul zhing gtad pa'o// de nas phyag na rdo rjes rang rtags kyi 'khor lo bskor zhing / khye'u mi tri chung ngu la bskul ba/ ri nag po the se la gnas pa'i rig pa can// gnam sa gnyis kyi bar nas sprul pa khyod// lung bzhi'i don la mkhas pa'i rig pa can// gsang sngags don 'di yal bar ma btang zhig/ ces bstod do/ kha 'bar nag po las rgya mtsho'i rgyud las/ rgyud gdams shing gtad pa'i le'u ste dgu pa'o// // srid pa rgyud lung gi rgyud phyi ma kha 'bar nag po las rgya mtsho'i rgyud ces bya ba rdzogs so// // rgya gar skad du/ ma ma tan tra tse tA marge nA ma/ bod skad du/ ma mo lam rgyud lung zhes bya ba/ yum mu kha le la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin

  212. 106b

    gshegs pa thams cad kyi sku dang gsung dang / thugs rdo rje btsun mo'i b+ha ga la bzhugs te/ de'i tshe nam mkha' las sgra chen po sna tshogs pa dang gzugs sna tshogs pa byung ste/ 'jig rten gyi mu kha le la sogs pa las la gnas pa'i mkha' 'gro ma'i tshogs thams cad dang / rig pa ting nge 'dzin gyi mu kha le la sogs pa'i rtsa la gnas pa'i mkha' 'gro ma thams cad dang / ye shes kyi mu kha le la sogs pa'i 'bras bu la gnas pa'i mkha' 'gro ma thams cad dang / 'phags pa spyan ras gzigs la byang chub sems dpa' thams cad dang / kun dga' bo la sogs pa nyan thos dang rang rgyal ba thams cad dang / mi mjed kyi bdag po tshangs pa dang / lha rnams kyi dbang po brgya byin la sogs te lha thams cad dang / sgra gcan la sogs lha ma yin thams cad dang / nyi ma la sogs pa gza' thams cad dang / smin drug la sogs pa skar ma thams cad dang / ha ri ka sogs te gnod sbyin thams cad dang / lang ka mgrin bcu la sogs te srin po thams cad dang / gzhan yang lha ma srin sde brgyad dang / lha 'dres gnyen bcu las kyi rdzu 'phrul gyi mthu dang ldan pa thams cad sgra dang gzugs des bskul nas yum chen mo mu kha le dang / yab mngon rdzogs lha'i thad du 'dus par gyur to// de nas 'jig rten pa kun gyi yab dang yum gyi sku mdog

  213. 107a

    dang rgyan la sogs pa de dag gis 'jigs shing skrag ste 'dar zhing dang ngas bzhin du 'khod do// lha dang byang chub sems dpa' rnams ni/ yab dang yum la ngo mtshar cher skyes te/ lha la sogs pa'i mchod pa sna tshogs pas mchod de/ kun gyis bskor ba lan gsum byas nas gnas so// de nas yang nam mkha' las sems can ma mo 'dul ba spyi mthun gyi smon lam dang / las dang ta thA ga ta'i thugs rje'i sprul pa'i ngang nyid kyis sgra chen po sna tshogs byung nas/ yab mngon rdzogs lha yi rgyal po bskul lo// de'i tshe 'jig rten 'dir yangs cher g.yos te sems can long bas gzugs mthong ba la sogs bkra shis pa sna tshogs kyang byung ngo // de nas yab kyis yum la sems can gyi dug gsum rnam par sbyar ba zhes bya ba'i bskor ba lan gsum byas te/ ha ha dang he he la sogs pa'i rol pa'i gsung dang yum chen mo mu kha le la gsol pa/ ma mos 'dul ba'i sems can la// ma mo'i srid pa bka' stsal na// ma mos 'dul ba'i sems can la// ma mo bgrod pa'i lam dang yang // de bzhin ma mo brten pa yis// ma mo thob pa'i 'bras bu dang // sa dang lam dang 'bras bu yin// rtags dang tshad dang ngo bo dang // de yis spang ba'i rnam rtog dang // de la bar du gcod pa'i bdud// ma mo la 'jug gang zag dang // 'di rnams khyod kyis

  214. 107b

    bshad du gsol// de nas yum chen mos gnas der 'dus pa'i 'khor de dag la 'di skad ces gsungs so// gsang ba las kyang cher gsang shin tu gsang ba'i yang gsang ba/ zab pa rab tu zab pa kun tu zab pa zab pa'i yang zab pa/ phra ba kun tu phra ba/ kun nas phra ba'i yang phra ba dang / grol ba ye nas grol ba/ nges par grol ba'i yang grol ba ste/ gsang sngags ma mo'i dbang bzhin dang / bcu drug gi rang bzhin gyi ma mo bzhi dang / bcu drug la sogs pa dang / nga yis bshad kyi legs par nyon la yid la zung zhig gal te ngas gsang sngags ma mo bshad dam shes sam/ le lo 'am grags pa'am/ snyoms las la sogs pas tshul ma yin par bshad na mkha' 'gro khros pa'i bar chod ces bya ste/ nga yi mgo tshal pa brgya dang snying dum bu stong dang / lce dus kyi mes tshig ste shi nas na rag tu 'tshed par 'gyur la/ de bzhin du khyad kyang nga'i bka' gnang pa thob par bya ba'i phyir bai DUr+ya la sogs pa'i me tog dbul ba dang / bsod nams dang ye shes kyi tshogs bsag pa'i phyir gleng gzhi dang / gzhung dang / rjes su yi rang ba'i tshogs kyi 'khor lo bskor ba dang bar gcod nyer bar zhi ba dang / gnas skabs kyi dam tshig nyams pa bskang ba'i phyir/ gtor ma dang maN+Dal tshul bzhin du byas te lus tsog pur 'dug nas/ sems ma yengs par rna ba gtad de/

  215. 108a

    ngag bsgrims te nyon la/ de ltar mnyan zhing go bas dga' ba dang sgrub pa lhur byas na dngos grub thams cad 'byung bar nges pa'o// khyod kyis de ltar ma byas na gong gi mkha' 'gro khros pa'i chad pas mgo tshal pa brgya dang / snying dum bu stong dang / lus sems gzhan dus kyi mes tshig ste na rag tu sreg par 'gyur ro zhes gsungs nas/ thams cad snod du rung ba zhes bya ba'i dbang bskur nas/ lam rnam par dbye ba zhes bya ba'i ting nge 'dzin la snyoms par bzhugs so// de nas ting nge 'dzin de'i mthus lam dbu'i gtsug nas/ ma mo'i lus kyi dbang gi lam rnam par spyod pa zhes bya ba'i sgra dang 'od zer dkar po byung ngo // de bzhin du mgrin pa'i gling bu gser gyi bum pa las ngag gi dbang gi lam rnam par spyod pa zhes bya ba'i 'od zer dmar po dmar po 'dra ba sgra dang bcas pa byung ngo // thugs ka'i dpal gyi be'u las sems kyi dbang gi lam rnam par 'byed pa zhes bya ba'i 'od zer kha dog nag po nag po 'dra bar sgra dang bcas pa byung ngo // sku'i lte ba las kyang ye shes kyi dbang gi lam rnam par 'byed pa zhes bya ba'i 'od zer dmar ser dmar ser 'dra ba byung te ma mo'i lam la sogs pa bka' stsal pa/ nyon cig skal ldan dad pa can// las dang smon lam mthu btsan pa'i// brtan pa'i sems ldan brtul zhugs can// pha rol phyin

  216. 108b

    bcu la sogs pa'i// thun mongs bsrung bya'i tshul khrims ldan// khyad par gsang sngags ma mo yi// bsrung ba'i dam tshig ldan pa yis// bgrod pa'i lam ni 'di ltar yin// sku yi lam dang 'brel pa yi// ma mo bskyed pa'i rim pa ste// de yang re zhig rnam pa bzhi// gsang ba gzugs brnyan gyi bskyed dang // cher gsang dag pa skyed pa'i bskyed// shin tu gsang ba rang bzhin gyis// dag pa'i ma mo lam yin te// gsang ba'i yang dag gsang ba ni// gsang ba bskyed pa'i dkyil 'khor yin// de yang 'di ltar shes par bya// gnas bzhir sa la byas pa yi// shar phyogs 'khor lo'i rtsibs steng sogs// rang bzhin ma mo tha dad pa// de la bsgom bsgrub bzlas pa ni// rang gi gzugs brnyan yin pas na// gzugs brnyan dam pas bskyed pa ste// 'di yis rnam rtog rags pa 'gegs// sman mo lnga bcu'i rang bzhin te// tshogs kyi lam zhes de la grags// bskyed pa dag pa'i dkyil 'khor ni// rang gi lus kyi gnas rnams su// ma mo rang rang sa bon las// ma mo rang rang skur bskyed de// lus ni 'dom gang gru bzhi ste// g.yas g.yon steng 'og sgo la sogs// bdud rtsi lnga dang mtshon sna lnga// yang na kha dog rnam pa lnga// ka ba brgyad ni rkang brgyad de// rgyus pa thig gi rang bzhin yin// nying lag dur khrod rang bzhin la// yan lag de bzhin rgyan du

  217. 109a

    shes// yi ge las bskyed bskyed par grags// 'di yis gzugs brnyan rnam rtog 'joms// ma mo bcu bzhi'i rang bzhin te// sbyor ba'i lam gyi cha gnyis te// drod dang rtse mo yin par 'dod// rang bzhin dag pa'i bskyed pa ni// rang gi lus kyi gnas rnams su// rang gi snang ba'i dag pa las// rang gi khams dang phung po dang // 'byung ba rnam pa 'gags pa dang // ma mo sku yi snang bar gsal// phung po la sogs dag pa na// ma mo dag pa'i dkyil 'khor yin// ma mo ye nas rang bzhin gnas// de la rang bzhin bskyed par grags// gong gi bskyed pa'i dag pa la// phung po la sogs rim de la// rang rang ming gi yi ger bsam// de la ma mo mkhas par 'dod// 'di ni dbyings kyi yum drug ste// sbyor ba'i lam gyi cha gnyis te// bzod pa dang ni chos kyi mchog/ de nas gsang ba'i bskyed pa ni// rang gi tsit+ta'i gzhal yas su// ma mo bdun cu rtsa brgyad snang // rang bzhin dag pa'i dkyil 'khor 'dzom// mu kha le yi rang bzhin te// mthong ba'i lam gyi bdag nyid yin// de ltar lam gsum bgrod pa ni// ma mo bskyed pa'i rim pa yin// de ltar gyur pa gang la yang // mkhas pas 'di ltar shes par bya// tshogs kyi lam la lam bzhi ste// ting nge 'dzin la sogs pas ni// rang gsal ye shes la sbyor bas// tshogs kyi lam gyi sbyor lam

  218. 109b

    yin// rnam rtog gang gis ma bskyod pa// tshogs kyi bar chad med pa'i lam// rang gsal ye shes zangs kar skyes// tshogs kyi grol lam yin par 'dod// gang las ye shes khyad par 'phags// tshogs kyi khyad par lam du 'dod// sbyor lam mthong lam de bzhin no// de ltar bskyed pa'i rim de yang // 'di ltar mkhas pas shes par bya// sems can rang sems gol ba las// theg pa'i rim pa du ma dang // snang ba du mar rang sems snang // mu stegs can la chad pa dang // rtag pa'i rang bzhin rang sems snang // nyan thos 'di ltar snang ba la// phra rab rdul du rang sems snang // rang rgyal rten cing 'brel pa ru// rang sems gol bar snang ba yis// theg chen 'byung bzhi rgyu 'bras kyis// sgyu ma'i snod bcud snang bar 'dod// kri ya dang ni yo ga gnyis// ting 'dzin sngags dang phyag rgya las// lha dang gzhal yas khang par 'dod// thabs dang che ba'i bde ba'i cha gnyis te// de ltar mu stegs can lta nas// gsang sngags thabs kyi 'dod pa'i bar// nges par rang sems gol ba ste// shes rab rnal 'byor ma mo yis// rang sems go la sa las grol ba// snod kyi 'jig rten gzhal yas khang // rin chen sna lnga las grub pa'i// khang pa brtsegs pa gnyis 'gyur can// gsal zhing dag la rang bzhin med// rang bzhin lhun grub ye nas

  219. 110a

    gsal// gru bzhi pa la sgo bzhi pa// rta babs bzhi dang yang dag ldan// dur khrod brgyad dang shing brgyad dang / phyogs skyong brgyad dang klu brgyad dang / char pa sprin brgyad de bzhin te// dra ba dra ba byed pa dang // kha khyer dang ni lha mo lnga// gzhan yang rgyan gyi rnams pa kun// rdzogs par rang gi sems snang ba// 'di ni shes rab ma mo'o// snod kyi snang ba dag pa ste// dper na sbrul gyi snang ba la// zag pa'i snang bar snang ba bzhin// ngam glogs g.yang sar snang ba las// gzhal yas khang du snang bar 'dod// de bzhin bcud kyi sems can kyang // rgyal rigs mu kha le ra snang // bram ze'i rigs ni ma mo drug/ rje rigs ma mo bcu bzhi la// dmangs rigs sman mo'i rigs su snang // rgyal rigs la sogs bu dang tsha// mu kha le la sogs pa yi// rang rang thugs kyi nyi ma las// ye shes sems ma ting 'dzin sems// ma mo gnyis su snang ba na// rang sems ma mor gyur pa ste// de tshe bcud kyi snang ba dag/ de ltar snang ba ma dag pas// tshig tu sna tshogs sgra byed pa// 'di ni rang dam rang gis 'das// mthong ba'i chos la dmyal sogs 'tshed// dper na chu yi sgra tsam gyi// skom pa'i gdung ba sel ba med// de bzhin sgra dang tha snyad kyis// dngos po'i de nyid rtogs ma yin// de ltar snod bcud dag pa yang // nges par kun la snang ba

  220. 110b

    min// gzhal yas khang gi mtshan nyid kyang // ji ltar gnas par shes gyur cing // rgyan la sogs pa'i mtshan nyid kyang // ji ltar shes pa de ltar yang // phung po khams la sogs pa yi// dag pa sgyu ma'i rang bzhin can// snang la rang bzhin med pa la// gsal la rtog pa med pa ru// shes pa dag la ma mor snang // de yang sems gnas rim pa la// ma brten snang bar mi 'gyur te// sgom pa'i thun dang mtshams dang yang // bying ba dang ni rgod pa dang // sems kyi sgra rnams shes bya ba// de tsam sems kyi gnas sa btsal// de ltar ma byas rang nyon mongs// 'di dang phyi ma 'bras bu med// man ngag thabs kyi yan lag rdzogs// rang sems nges par ma mor snang // de tshe sangs rgyas sems can med// 'khor dang mya ngan 'das pa med// ma mo rdzogs pa de bzhin te// rdzogs chen bya bral rdzogs pa las// ma mo bskyed pa ji bzhin du// thabs dang man ngag mkhas pas sbyar// de ltar gzugs brnyan la sogs pa// dbang po rab 'bring rim par gsungs// de nas bskyed pa'i byed pa yang // skye gnas kyi ni rnam pa bzhi// yab dang yum gyi mkha' las ni// sbyor ba'i byang sems dkar dmar las// gzugs brnyan ma mo'i sku bskyed pa// gzugs brnyan gyis ni mang la skyes yin// yi ge las ni ma mor gyur// gzugs brnyan gyis ni drod skyes

  221. 111a

    // yin// yi ge las ni phyag mtshan te// phyag mtshan las ni ma mo'i sku// sgong skyes tshul gyis ma mo'i sku'o// skad cig las ni ma mo'i sku// brdzus skyes tshul gyi ma mo yin// skye ba rnam bzhi 'khor ba ste// 'khor ba'i rgyud 'di gcad pa'i phyir// ma mo skye ba rnam bzhir gsungs// srid pa bar dor las dang po// lha dang dmyal ba rgyun gcad phyir// ma mo brdzus skyes gsungs pa yin// mi dang dud 'gro phal cher dang // tshangs pa'i sgo nga lugs bcug la/ gnod sbyin phal cher rgyun bcad phyir// ma mo mngal nas bskyed pa bstan// bya dang zer mo la sogs pa// de bzhin tshangs pa'i sgong nga dag/ rgyun gcod ma mo'i sgong skyes gsungs// shig dang sro ma srin bu sogs// rgyud gcad ma mo'i drod skyes bstan// de ltar skye ba rnam bzhi yang // brdzus skyes ma mo mu kha le// yang ni ma mo drod gsher las// bcu bzhi ma mo sgong skyes sa// lnga bcu mngal nas skye bar 'dod// 'di yang dbang po rab 'bring la// rab kyis phyi dang nang gnyis bsgom// 'bring gis nang gi lha rnams bsgom// tha ma dbus kyi yab yum la// de nas skra yi cha nas ni// tha ma spyan la sems gtad te// de la sems gnas rtags byung na// zla ba tshes nas 'phel ba bzhin// nang nas phyi ru rdzogs par bsgom// brdzus skyes la sogs kun la khyab// de ltar ma mo'i

  222. 111b

    bsgoms pa la// sems bzung yan lag bsam mi khyab// de ltar ma mo'i lam gsum las// ma mo bzhi po'i lam byung ste// zab pa ma mo'i rtsa yin te// rab tu zab pa rlung yin la// kun tu zab pa thig le yin// zab pa'i zab pa byang chub sems// de dag rdzogs pa'i rim pa yi// mu kha le la sogs pa yin// bsgom pa'i lam du shes par bya// de dag rim par dbye bar bya// dang po rtsa la rnam pa bzhi// snyigs ma'i rtsa ni dngas ma dag/ bdun cu rtsa gnyis yin pa ste// brgya dang nyi shu drangs ma'i rtsa// drangs ma la ni dngas ma'i rtsa// sum cu rtsa gnyis yin par 'dod// snying po'i rtsa ni rnam pa gsum// de yang ma mo'i rigs bzhi yin// snyigs ma'i rtsa la bad mkhris gnas// dwangs ma'i rtsa na rkang dang tshil/ dwangs ma'i dwangs ma byang chub sems// snying po'i rtsa na sku gsung thugs// dper na shing gi myu gu las// sdong po yan lag la sogs skyes// de bzhin snying po'i rtsa las ni// 'khor lo dang ni thig le chags// lte bar ye shes thig le ni// gzhom med aM gi rnam pa las// 'khor lo drug cu rtsa bzhir chags// thabs dang shes rab dngas ma las// phra mo'i dwangs ma drug cu bzhi// sprul pa'i sku yi tshul can gnas// snying gar gzhom med hUM gi tshul// 'byung ba'i dwangs ma lnga 'dus tshul// de las 'dab brgyad 'khor lo'i tshul// rnam shes dwangs ma brgyad kyi

  223. 112a

    dngos// chos kyi sku yi tshul can no// mgrin par aM gi rang bzhin las// phung po lnga yi dwangs ma 'dus// de las 'dab ma bcu drug tshul// ro yi dwangs ma bcu drug 'dus// longs spyod rdzogs pa'i sku yi tshul// spyi bor oM gyi rnam pa la// byang sems dkar dmar rnam pa las// bad mkhris drangs ma sum cu gnyis// bde ba chen po'i sku yi tshul// 'khor lo bzhi la sku bzhi gnas// de ltar rtsa rnams 'khor lo rnams// shes na rtsa dang 'khor lo la// rang sems gnas te bskyed rim 'gags// rtsa yi bsgom pa'i lam du 'dod// rlung ni rigs gcig rigs gnyis gsum// rigs bzhi nas bzung nyi khri'i bar// rtsa yi lam byung sna ru bgrang // dgag pa la yang rtsa ru shes pa ste// rdzogs pa'i rim pa 'di dag la// bla ma'i man ngag ma rnyed na// sems gnas rnyed par mi 'gyur ro// de ltar rtsa dang rlung la yang // dbang po rab 'bring phye ba yis// nyin mtshan bsgom pa bsam mi khyab// thig le hUM las tsit+tar gyur// snying ni rtse bzlog mgrin pa na// srog gi skar khung kha phye nas// der dmigs thig le'i rnal 'byor yin// gsang ba'i rdo rje pad+ma yi// b+ha ga'am ni ze 'bru la// byang sems dkar dmar sgom byed pa// byang chub sems kyi sgom lam yin// rtsa nas byang chub sems kyi bar// de dag kun gyi mtshan nyid kyang // mkhas pas shes par bya ba ste// mtshan nyid

  224. 112b

    nges tshig las dang tshul// dbye ba la sogs rnam pa bcu// mtshan nyid rgyas par shes par bya// de dag sgom pa'i lam yin te// rtsa ni sgom pa'i sbyor lam yin// rlung ni sgom pa'i bar chad med// thig le rnam par grol ba ste// byang sems khyad par lam yin pas// mkhas pas rdzogs la nan tan bya// rdzogs pa las su rung ba na// de la bskyed pa dgag sgrub med// rang sems rdzogs par snang tsam na// bskyed pa'i ma mo ming yang med// de phyir bskyed pa gol sa yin// rdzogs pa'i lam gyi tshul la yang // skye ba bzhi yi rim par sbyar// rtsa dang rlung gi thig le las// ye shes rgyan gyi rnam pa ste// rtsa ni rtsi sku lta bu la// yi ge zil pa lta bur gnas// lte bar ka yi sde tshan la// spyi bo dang ni mgrin pa ru// a yi sde tshan rnam par gnas// snying gar a gcig gzhan ma ka/ lte bar shes rab ngo bo las// snying gar thabs kyi sbyor bas brgyan// mgrin pa yum gyi rang bzhin la// spyi bor yab kyi rgyan gyis brgyan// thabs dang shes rab kha sbyor las// ma mo rang gsal ye shes cha// yab dang yum gyi kha sbyar ba// ma mo lhun grub chos kyi cha// snyigs ma'i rtsa rnams 'gro 'dod kyi// rtsa ba 'jongs mo lta bu la// sbom phra bad mkhris rtsa las shes// brgya dang nyi shu dar dkar gyi// skud pa tsam du nges pa yin// dbyibs ni pad+ma 'khor lo 'dra// sum cu rtsa gnyis dar dkar gyi// rtsa ba phra ste

  225. 113a

    ring zung yang // sor gnyis mkhas pas shes par bya// snying po'i rtsa ni yungs kar tsam// tshangs pa'i bu ga nas sor gnyis// skyes nas sna rtse'i bar du gnas// dbu ma shing gi rnam pa la// g.yas g.yon sbrul gyi rnam par gnas// go ro tsa na dbus na gnas// mgrin pa'i gling du nas de bzhin// sgal tshigs dbyug pa la brten gnas// 'di dag gnas pa'i tshul rnams kyang // sangs rgyas sgom te ma mdzad la// sems can sbyin te ma bcos pas// rang bzhin gnas te ma mor 'dod// rang bzhin ma mo'i don rtogs nas// bskyed pa'i ma mo gol dang sgrib// rlung la sogs pa kun la sbyar// de dag sgom lam yin par bshad// de nas 'bras bu'i lam bshad de// sgom lam ngag dbang rang bzhin las// 'bras lam sems kyi ngo bo thob// phra ba dang po'i bde ba ste// kun tu phra ba mchog gi bde// kun nas phra ba bde bral bde// phra ba'i phra ba lhan cig bde// 'di dag 'bras bu'i lam yin te// dang po bde ba mu kha le// gnyis pa g.yang sa ma mo drug/ gsum pa ma mo bcu bzhi ste// bzhi pa lnga bcu yin par 'dod// 'dod chags chen po gcig nyid la// bde ba'i bye brag bzhi ru byung // rdo rje'i rtsa bar phyin pa la// dang po'i bde bar 'dod pa yin// rdo rje'i sked par phyin pa las// mchog gi bde bar 'dod pa yin// b+ha ga'i nang du gnyis pa

  226. 113b

    dang // gsum pa bskyod pa'i bde ba yin// ma mo'i rang bzhin de shes na// zab mo'i ma mo'i gol sa ste// de la gnas pa yod ma yin/ ji ltar snang zhing srid pa nas// rdo rje pad+ma spyod pa'i bar// thams cad ma mor rang gsal te// de ltar rtogs na dngos grub nye// rang gsal ma mo ma rtogs pas// ma mor smra ba thang re chad// ma mor spyod pa snying re rje// de la sems gnas rim pa yang // bde ba dang po nas bzung nas// rim gyi rang sems bde ba ru// gnas kyi bar du goms par bslab// goms nas rang sems bde ba ste// bde lam ma mo yin par nges// mtshan ma'i rnam rtog de la med// rnam rtog gsum las grol bas na/ de las grol ba'i ma mor 'dod// 'jig rten chags pa la sogs pa// spong ba'i sems bcu de la yod// de dag 'bras bu'i lam la yang // sbyor lam la sogs gong dang 'dra// ma mo lam rgyud lung las// sngon du 'gro ba'i lam bstan pa'i le'u ste dang pa'o// // de nas drug pa rnam grol lam// grol ba me long ye shes te// dag cing gsal la rnyog pa med// ye nas grol ba mnyam pa nyid// blang dang dor ba'i chos rnams med// nges par grol ba so sor rtogs// gol dang dngos kyi chos rnams ni// so sor rtogs pa'i nges pa'o// grol ba'i grol ba dag pa na// bya ba nan tan ye shes te// chos dbyings ye shes bya ba yin// de la nan

  227. 114a

    tan ye shes yin// de ltar ye shes lnga yi dang // grol ba'i ma mo yin par gsungs// chu ni ye nas dngas pa las// glo bur rnyog mas dngas ma yin// de bzhin rang gi sems nyid kyang // ye nas grol ba'i rang bzhin pas// grol ba'i ma mo yin par bshad// de ltar grol ba'i ma mo la// blang bar bya ba ye nas med// dor ba'ang ye nas yod ma yin// blang dor med pa'i ngo bo ste// ma bcos rang bzhin lhun gyis grub// bya btsal bral ba'i stong pa nyid// ma mo kun gyi yang rje mo// 'di las sku la sogs par snang // snang tsam nyid na snang ba med// snang na med las snang ba mtshar// skye ba med las skyes pa med// de lta'i ma mo grol lam la// mkhas pas dang po bla ma las// man ngag btsal te gtan la dbab// de nas mos pa yid la bya// mos pa'i yid ni rnam rtog ste// 'di nyid 'gags pas 'di nyid thob// 'di nyid rtog bral lhun gyis grub// ma mo lhun gyis grub pa'i sgra// 'di thob bya ba'i 'bras bu med// 'di rtogs rtogs pa'i bya ba med// 'di dag ma mo'i rang gnas yin// de la yid ches nan tan gyis// ma mo lam rgyud lung las/ grol ba'i lam bstan pa'i le'u ste gnyis pa'o// // de nas ma mo'i sa bstan pa// rnam rtog las kyis mi shigs pa'i// phyir na ma mo'i sa zhes bya// de ni sa yi mtshan nyid de// 'jig rten 'das pa'i yon tan

  228. 114b

    kun// brten min skye ba'i phyi rim mam// yang na gong ma gong ma yis// mtshan nyid brten pa'i phyir na ni// sa yi mtshan nyid las byung bas// brtan pas sa yi las su gsungs// sra ba sa yi mtshan nyid de// de ltar skyes bus shes gyur na// ma mo'i sa la mkhas pa yin// sa la mkhas par ma 'ongs na// brtan dang sra bar mi 'gyur te// de ltar sa la mi gnas par// ma mo sgrub pa snying re rje// re zhig sa la rnam pa gsum// 'jig rten rig 'dzin sa dang yang // ma mo bya bral rdzogs pa'i sa// 'jig rten 'das pa'i rig 'dzin sa// de ltar sa ni rnam pa gsum// bcu bdun sa yi rang bzhin 'dod// 'jig rten rig 'dzin sa la gnyis// tshogs kyi rig 'dzin sa dang yang / sbyor ba rig 'dzin sa dang gnyis/ rang gi sems kyi cha gnyis te// sems ni sna tshogs bag chags te// bag chags dag ni sems kyi cha// bem po ma yin sems su 'dod// ye shes cha gnyis sa gnyis yin// 'jig rten 'das pa'i rig 'dzin sa// bcu po'i rang bzhin nges pa ste// rab tu dga' dang dri ma med// 'od byed pa dang 'od 'phro dang // sbyang dka' drug pa ring du song // bdun pa mi g.yo/ legs pa'i blo// de bzhin dgu dang bcu pa'i bar// rig 'dzin sa bcu yin par gsungs// bya bral rdzogs pa'i sa lnga ste// mi 'gyur chos nyid dbyings kyi sa// dang po sa yi rang bzhin ni// me long ye shes dag pa'i

  229. 115a

    sa// bya bral rdzogs pa'i sa gnyis so// blang dor bral ba mnyam pa'i sa// gsum pa yin te gol dang dngos// so so rtogs pa sa bzhi yin// bya ba nan tan sra zhing brtan// lnga pa sa yi rang bzhin yin// de ltar lnga dang bcu dang gnyis// sa yi rang bzhin de dag kyang // tha dad yod pa ma yin te// rang sems dag pa'i cha las ni// sa yi rim pa 'byung 'gyur te// rang sems dag pa'i cha med par// sa yi rang bzhin gang 'dod pa// de ni dmu cor smra ba yin// sa dang sems su dbye ba yang // nam yang yod pa ma yin no// shes shing rig pa'i phyir na sems// sra zhing brtan pa'i phyir na sa// 'gro zhing bgrod pa'i phyir na lam// de tsam de yi cha la ni// sa dang lam gyi tha snyad btags// don dam gang yang yod ma yin// yod na gong ma 'byung mi 'gyur// 'og ma nyid kyang de bzhin no// de dag sa yi rim pa'o// ma mo lam rgyud lung las// ma mo'i sa bstan pa'i le'u ste gsum pa'o// // de nas yang dag rab bshad pa// ma mo'i 'bras bu'i rim pa yang // rnam pa lnga ru dbye ba las// tshogs lam dbang gi 'bras bu ste// sbyor lam tshogs kyi 'bras bu yin// mthong lam sbyor ba'i 'bras bu yin// sgom lam mthong ba'i 'bras bu la// sgom pa'i 'bras bu 'bras bu'i lam// 'bras bu'i lam gyi 'bras bu ni// bya bral rdzogs pa yin par 'dod// 'di ni lam gyi

  230. 115b

    'bras bu ste// snga ma rgyu ste phyi ma lam// 'bras bu yin par thams cad 'dod// lam 'bras rgyu 'bras ji bzhin du// sa yi rgyu 'bras de bzhin te// mtshan nyid 'bras bu bzhi bcu gnyis/ 'bras bu 'di dag thams cad kyang // rang gi sems kyi cha yin te// sems las gzhan pa'i rgyu 'bras ni// gang yang yod pa ma yin no// de ltar 'bras bu 'dod pas kyang // sems kyi man ngag btsal bar bya// sems kyi man ngag rnyed gyur na// 'bras bu tha snyad btags pa tsam// sems las gzhan pa gang yang med// de ltar sems rtogs 'bras bu ni// thob bya nam yang yod ma yin// thob bya med pa'i 'bras bu ni// rang rig rang gsal ye nas grub// 'di ni 'bras rab rang bzhin dag/ dag pa med las dag pa'i tshul// skye ba med las skyes pa'i tshul// snang ba med las snang ba'i tshul// tshul la btags nas 'bras bur btags// btags pa yod pa ma yin te// man ngag can gyis shes par bya// ma mo'i 'bras bu bstan pa ste// de las gzhan pa'i smra ba dag/ bud med tshul las grub pa yis// ma mo'i gzugs la ma mor 'dod// rgyan la sogs pa de bzhin 'dod// de ni mi shes mun pas bsgribs// gzugs ni ma mo ma yin te// thams cad sems su rang bzhin phyir// gzugs kyi ma mo gol ba yin// gzugs ni sems kyi snang ba ste// dper na byad kyi gzugs brnyan

  231. 116a

    bzhin// de ltar rgyu 'bras gang 'dod kyang // sems kyi rtsa ba byang chub sems// skye med stong pa'i rtsa ba btsal// rtsa ba rnyed na rtse mo nyams// 'bras thob 'bras bu'i khyad par 'byung // 'byung ba med las byung ba mtshar// thob pa med las thob pa mtshar// rig pa med las rang rig mtshar// gsal ba med las rang gsal mtshar// de lta'i 'bras rab dam pa 'di// 'bras thob 'bras bu'i nang na thob// ma mo lam rgyud lung las/ ma mo'i 'bras bu bstan pa'i le'u ste bzhi pa'o// // de nas yang dag rab bshad pa// sa dang lam gyi ngo bo ni// dran pa nyer gzhag bzhi dang yang // spong ba bzhi dang rdzu 'phrul gyi// rkang pa bzhi dang tshogs lam gyi// mtshan nyid yin par 'dod pa'o// ngo bo sems kyi rang bzhin yin// de yang 'di ltar shes par bya// lus dran nye bar gzhag pa yang // ma mo lus dran nyer gzhag ste// mi brjed phyir na dran pa ste// kun la tshul 'di shes par bya// sbyor ba'i lam gyi mtshan nyid bcu// dbang po lnga dang stobs lnga ste// ngo bo sems las gzhan ma yin// mthong ba'i lam la bdun yin la// bsgom pa'i lam yang lnga yin te// 'bras bu lam gyi mtshan nyid ni// gsum du mkhas pas shes par bya// bya bral rdzogs pa'i mtshan nyid ni// stong pa ma bcos lhun grub yin// ma mo'i mtshan nyid rtogs pa la// mtshan ma mi 'byung gang yang

  232. 116b

    med// dper na me las du ba bzhin// du bas mtshon pa'i me dang ni// mtshan mas mtshan pa'i mtshan nyid dang // gol sa gang yang yod ma yin// de bas dang po'i mtshan nyid la// mkhas pas nan tan bya ba yin// mtshan nyid las ni mtshan ma 'byung // mtshan ma'i sgo nas mtshan nyid la// gnas pa yin par rtogs pa skye// rtogs pas sgo dang skur pa spong // spangs pas ngan 'gro srid lam sgrol// mtshan ma med pa'i mtshan nyid ni// pi lu ra dang pi tha ra// mu stegs pa yi sgrub pa yin// mtshan nyid dbye ba de ltar te// spyi yi mtshan nyid 'di ltar yin// ma nu sa ra'i don ma rtogs// rang sems gol ba'i snang ba las// sgyu ma rang gsal yul la rol// rang rang sgyu mar snang ba la// gong ma gong mas gzhal ba na// 'og ma 'og mas med par snang // med pa snang du mi rung ste// gol bas yod pa lta bur snang // smig rgyu 'dzin pa'i shes pa bzhin// med pa snang bas ngo mtshar te// grol ba shes pas ngo mtshar ro// gol ba'i ngo mtshar dman pa ni// las kyi cho 'phrul ngo mtshar te// gol ba khyad par ngo mtshar che// bla ma'i man ngag ngo mtshar che// ma mo bskyed dang rdzogs pa dang // rdzogs chen yang ni gol ba ste// ting 'dzin cho 'phrul ngo mtshar che// ting 'dzin cho 'phrul ngo mtshar can// dri za'i grong khyer ji bzhin du// snang ste med pa kho na'o// de ltar med pa'i ting

  233. 117a

    'dzin la// bsgom dang bzlas pas ci zhig bya// med pas yongs grub 'gyur ba na// bla ma'i man ngag ci la dgos// de dag rig pa bden mod kyis// re zhig 'di ltar shes par bya// med pa gsung pa gnyis pa la// re zhig yod pa gnyis pa yin// gol ba dngos po gnyis pa la// dngos po'i gnas pa bzhi pa ste// gol ba'i dngos por mi 'gyur zhing // med pas yod par mi 'gyur kyang // mdzub mos zla ba ston pa ltar// yod pa'i mtshan nyid tshol ba ltar// med pa thabs kyi yan lag yin// dngos po'i gnas thabs tshol ba las// gol ba thabs kyi bye brag yin// dper na sA lu'i sa bon las// sA lu'i 'bras bu 'byung ba la// sa gzhi dang ni lud dang chu// rmod pa la sogs rim pa kun// sA lu'i 'bras bur mi 'gyur te// sA lu'i rgyu la sa lu yi// 'bras bu 'byung ba'i thabs su snang // de bzhin rtog bcas gsum pa yang // bzhi po rtogs med 'byung ba'i rtags// yin par 'das pa'i sangs rgyas gsungs// ji ltar snang ba'i rnam rtog 'di// skye ba'i rim pa ma bkag par// rnam rtog myos pa'i sems 'di yis// stong pa lhun grub ji ltar rtogs// de phyir bskyed pa med pa yod// yod pa zab pa ma yin te// don byed mi nus med dang 'dra// med pas dman pa ma yin te// don byed phyir na yod kyang 'dra// bskyed pa'i rnam rtog phra ba 'di// rdzogs pa'i

  234. 117b

    rim pas ma bsal bar// skye med rtogs par mi 'gyur te// bskyed pa'i rtogs pas nyams phyir ro// rdzogs dang rdzogs chen de bzhin te// rnam rtog rlung 'di ma 'gags par// ye shes me 'di 'bar mi 'gyur// ye shes me 'di ma 'bar na// ma rig mun sel mi 'gyur te// ma rig mun pa ma bsal bar// rang rig rang gsal rang las 'byung // rang rig rang gis ma gsal bar// sku la sogs pa'i tha snyad med// dper na bu ga'i rlung ma bkag/ mar me 'bar bar mi 'gyur la// mar me 'bar bar ma gyur na// mun pa bsal bar mi 'gyur ro// bskyed pa'i rim par mi gnas kyang // sbyin pa'i tshogs la 'bad de bslab// de yis rang sems smin par 'gyur// smin pas rnam rtog nyer zhi nas// bskyed pa'i rim par legs gnas 'gyur// lam gyi ngo bo de lta bu// gang gis mi shes dmu cor du// thabs dang bral ba'i stong pa ni// nam mkha'i gos can 'dod pa yin// ma mo lam rgyud lung las/ lam gyi mtshan nyid bstan pa'i le'u ste lnga pa'o// // de nas ma mo'i sa dang lam// 'bras bu'i rtags ni bshad par bya// sbyin dang tshul khrims la sogs kyis// sa yi mtshan nyid de dag la// 'khor gsum rnam par dag pa sogs// sa bcu'i rtags su shes par bya// byams dang snying rje dang po'i rtags// dga' dang btang snyoms 'jig rten gyi// rig 'dzin sa ni

  235. 118a

    gnyis pa'i rtags// gser gyi sa gzhi mnan na nem// btegs na 'bar ba la sogs pa// bya bral lhun grub sa yi rtags// de ltar sa yi rtags bstan nas// 'bras bu'i rtags ni 'di lta ste// dang por snang ba 'gags pa las// bskyed pa'i rim pa gang snang ba// ma mo bskyed pa'i rtags yin te// bskyed pa la sogs snang ba 'gags// rdzogs pa'i tshul du gang snang ba// de ni ma mo'i 'bras bu'i rtags// rtogs pa'i snang ba la sogs 'gags// rdzogs pa chen por gang snang ba// rdzogs pa chen po'i 'bras bu'i rtags// blang dor gang yang med pa ste// bya bral rdzogs pa'i 'bras bu'i rtags// de ltar 'bras bu'i rtags bshad nas// lam gyi rtags ni 'di ltar te// dang po tshogs kyi lam rtags kyang // thun mong brgyad dang thun mong min// bzhi ni nges par skye ba ste// tshogs kyi lam la ye gnas na// lus la phyi nang srin 'bu med// skra dkar med de mthon mthing 'dra// gnyer ma med de lo brgya thub// khams kyi zas bral gnyid med sogs// thun mong rtags brgyad 'byung ba'o// lus la drod dang rdul la sogs// thun mong ma yin rtags rnams 'byung // de bzhin sbyor ba'i lam rtags ni// thun mong brgyad dang thun mong min// bzhi ste bcu gnyis nges par 'byung // mthong lam thun mong rtags rnams dang // thun mong ma yin rtags rnams ni// mthong ba'i

  236. 118b

    lam gyi mtshan nyid bzhin// ji ltar 'jig rten snang ba bzhi// dang po sprin gyi rnam pa la// gnyis pa du ba lta bu ste// gsum pa glog gi rnam pa la// bzhi pa mar me lta bur snang // de rnams mthong ba'i lam rtags so// thun mong rtags rnams kun la sbyar// de nas sgom pa'i lam rnams ni// bsgom pa lam gyi mtshan nyid ni// ji ltar bsgom pa gnas gyur pa// lam gyi mtshan nyid de nyid du// ji ltar 'jig rten grags pa snang // dang por sprin gyi rnam pa ste// gnyis pa du ba lta bu la// gsum pa glog gi rnam pa la// bzhi pa mar me lta bur snang // de ni sgom pa'i lam rtags so// de nas 'bras bu'i lam rtags kyang // re zhig 'di ltar shes par bya// 'bras bu lam gyi mtshan nyid la// sems ni nges par gnas pas na// 'bras bu lam gyi ngo bo ru// phyi dang nang du snang ba mthong // dang por sprin gyi rnam par mthong // gnyis pa du ba lta bu ste// gsum pa srin bu me khyer la// bzhi pa mar me lta bu ste// don dang 'brel pa'i rtags yin no// bya bral rdzogs pa'i lam rtags ni// ji ltar 'di ltar snang ba kun// bya bral lam gyi mtshan nyid de// stong pa nam mkha' lta bur snang // de ltar rgyud na bya bral rdzogs// dngos por smras pa yod ma yin// dngos por 'dod pas dngos ma grub// dngos med dngos po'i dngos stobs yin// mtshan ma stong par snang ba'i tshe// phyi dang nang gi chos

  237. 119a

    rnams kun// stong pa nyid du gyur ram ci// 'gro ba rol pa rnam 'jig cing // 'khor ba'i dong spug 'gyur ram ci// de ni de ltar ma yin te// phyi dang nang du snang ba yang // rang gi sems kyi snang ba ste// snang ba logs na yod ma yin// dper na skar khung khang pa dang // ra ba la sogs snang ba yang // thab kyi me yi snang ba ste// me nyid med par gyur pa na// me yi snang ba med par 'gyur// ji srid me ni yod par ru// me yi snang ba yod par 'gyur// de phyir rang sems rtog pas stong // phyi nang dngos po de bzhin stong // rang sems stong par ma gyur na// phyi nang stong par mi 'gyur ro// rang sems stong par gyur pa'i tshe// phyi dang nang du snang ba yi// rang gi rtog pas stong pa las// chad lha'i stong pa de ma yin// rang gi rtog pas stong pa'i phyir// phyi nang chos ni med pa yin// phyi nang chos rnams yod kyang med pa'i phyir// 'gro ba'i rol pa mi 'jig cing // 'khor ba dong sprug mi 'gyur ro// dper na mig gis gzugs la bltas// de ni gzugs su snang ba ste// mig gzugs gzugs kyi snang bas stong // gzugs kyi snang bas stong pa las// phyi nang gzugs med ma yin no// de bzhin rang sems rtogs pas stong // phyi nang chos ni med ma yin// 'di ni mtshan nyid rgyal po yin// rang sems mar me ltar snang sogs// dngos po'i mtshan mar gsungs pa

  238. 119b

    yin// sku la sogs pa sna tshogs 'byung // mngon par shes pa drug skyes te// sngon gyi gnas ni shes pa dang // gzhan gyi sems kyang shes pa dang // 'chi 'pho dang ni skye ba dang // rdzu 'phrul gyi ni mngon shes dang // gzhan yang mngon par shes pa yang / mig gis 'jig rten gzugs rnams ni// skad cig gcig la mthong ba dang / rna bas sgra ni sna tshogs thos// sna yis sna tshogs dri tshor zhing // lce yis sna tshogs ro myong zhing / lus kyi reg bya rtogs par 'gyur// de dag rtags kyi rim pa'o// ma mo'i rgyud lung las/ ma mo'i rtags bstan pa'i le'u ste drug pa'o// // de ltar ma mo'i rtags bstan pa// lam thob pa yi tshad bshad pa// mnyam gzhag dang ni rjes thob ste// rjes thob 'gro dang za dang nyal// kun tu bzang mo'i gzugs brnyan gyis// bskyed pa'i rim pa'i snang ba ste// tshogs kyi lam gyi mthar phyin tshad// de bzhin dag pas bskyed pa la// 'gro 'dug la sogs la sems pa// sbyor ba'i lam gyi mthar phyin tshad// de las sems kyi khyad 'phags te// dag pa rang bzhin bskyed pa la// nyin mtshan rtag tu sems gnas pa// sbyor lam cha gnyis mthar phyin tshad// yin pa nyid du the tshom med// bskyed pa tsit+ta'i dkyil 'khor la// lo dang bskal par sems gnas pa// mthong ba'i lam gyi mthar phyin tshad// rtsa dang rlung sogs ngo bo ru// rtag tu mi 'gyur

  239. 120a

    sems gnas pa// sgom pa'i lam gyi mthar phyin tshad// yin pa nyid du rnam par 'dod// rang sems rtag tu gang gnas pa// 'bras bu lam gyi mthar phyin tshad// yin pa nyid du the tshom med// bya bral rdzogs pa'i ngo bo ru// ji srid 'khor ba stongs kyi bar// ye shes ngang du gnas pa de// bya bral rdzogs pa'i mthar phyin tshad// yin pa nyid du shes par bya// de ltar tshad dang mi ldan pas// rang 'dod bsam pa sna tshogs kyis// las la sogs pa khas 'ches shing // sgro dang skur pa'i mtha' la gnas// 'di ni log lta ma rungs pa// mthong ba'i chos la dmyal sogs 'tshed// de bas lam dang lam gyi tshad// man ngag can las shes par bya// man ngag yod na bsam gtan bya// med na 'bad med bzlas sogs bya// tha mal pa yi spyod pa la// skad cig gnas par ma gsungs so// dper na rgyal po'i rgyal bu yang // rgyal bu'i bya ba kho na las// rigs ngan bya ba spangs nas gnas// 'di bzhin ma mo'i lam 'di ni// 'jig rten lam gzhan bgrod ma yin// lam gzhan bgrod dang skye ba med// de bas 'bad pa thams cad kyis// ma mo'i lam la nan tan bya// de bas rang la lam rnams skyes// skyes tshul tshad du phyin pa dang // 'bras bu rang byung thob par 'gyur// rang byung sangs rgyas mtshan nyid de/ de bsam mo la sogs sangs rgyas dang / tha dad med pas gang

  240. 120b

    yang med// de ni mthar phyin 'bras bu'i tshad// yin te rtogs la sogs pa kun// brtan dang sra ba'i sa yi yang // mthar phyin pa yi tshad yin no// stong pa nam mkha' lta bur snang // mtshan ma mthar phyin pa yi/ tshad// yin no de ltar nan tan gyis// de dag mthar phyin pa yi yin// ma mo lam rgyud lung las// mthar phyin pa'i tshad bstan pa'i le'u ste bdun pa'o// // de nas yang dag rab bshad pa// de yis spangs pa'i rnam rtogs kyang // 'di ltar shes par bya ba ste// mthong ba'i lam las spang ba ni// ji ltar 'jig rten grags pa dang // mdo sde kr-i ya yo ga dang // gnyi ga rgyu dang thabs kyi ni// lam rnams 'di ltar rnam rtog ste// de dag spangs nas ma mo yi// mthong ba'i lam na gang gnas pa// spong ba dang po yin par nges// ma mo mthong ba'i lam pa yi// mnyam gzhag rjes thob ma lus pa// sbyor ba'i lam gyi rnam rtog ste// rnam rtog de nyid spangs nas kyang // sbyor ba'i lam nyid nyams su blangs// thun mong rnam rtog 'og ma bzhin// de ni sbyor las spang bya'o// sbyor ba'i lam gyi mtshan nyid gang // mthong ba'i lam pa'i rnam rtog las// mthong ba'i lam pas de nyid spang // rnam rtog gnyis pas thun mong ste// thun mong yin phyir gnyis ka spang // mthong ba'i lam gyi mtshan nyid gang // sgom pa'i lam pa'i rnam rtog yin// rtogs pa yin phyir de nyid spang // rnam

  241. 121a

    rtog gsum ni thun mong la// gsum po de nyid spang bar gsung // sgom pa'i lam gyi mtshan nyid gang // 'bras bu'i lam gyi rnam rtog ste// 'bras bu'i lam pas de nyid spang // 'bras bu'i lam spong thun mong bzhi// spang ba ru ni sangs rgyas gsungs/ 'bras bu'i lam gyi mtshan nyid ni// bya bral rdzogs pa'i rnam rtog yin// bya bral rdzogs pa'i de nyid spong // thun mong lnga yang de bzhin no// spang bar bya ba'i rnam rtog kyang // yod nas spang ngam med nas spong // gong mas 'og ma ji ltar spong // de ltar 'di dag shes par bya// rnam par rtog pa'i ngo bo yang // ye nas yod pa ma yin te// dper na 'jig rten grags pa yang // ka ba brtsigs pa re rde sogs// phyi ru snang ba de dag dang // skyes pa bud med ma ning sogs// nang du snang ba de dag ni// tshogs kyi lam pa'i rnam rtog las// de dag ye nas yod ma yin// rang sems gol ba'i snang ba sems dang med de gol nas sems// gol sa sad na sems med ste// snang ba ye nas yod ma yin// de ltar med par rtogs pa la// spong ba'i tha snyad btags pa ste// spang ba dngos su ma yin no// med la rtogs nas spong yod na// med pa spong du mi 'dod ste// gnyis ka dngos po yin pa'i phyir// med pa la yang spang ba med// med las yod pa ltar snang ba// de dag rtogs pa la spong zhes// rnam par 'dren pa rnams

  242. 121b

    kyis gsungs// mthong bas bskyed pa'i rim pa yang // sbyor ba'i lam pa'i rnam rtog la// tshogs kyi bskyed pa'i rim de yang // dngos su yod pa ma yin te// rang sems snang ba dag pa las// bskyed pa'i ma mo sku ltar snang // snang ste snang la rang bzhin med// med pa dngos su spang ba med/ med pa rtogs la spong zhes btags// btags pa nam yang yod ma yin// de ltar sbyor ba'i lam de yang // mthong ba'i lam gyi rnam rtog ste// spong ba la sogs de bzhin no// gong ma rnams dang de bzhin sbyar// gnas skabs rang sems gol ba ste// de yang re zhig gol sa btsal// sems bzung yan lag bsam mi khyab// gol sa bsam gyis mi khyab bo// gong mas 'og ma spong ba yang // 'og ma'i rnam rtog 'gags tsam na// gong ma'i rnam par rtog pa ste// de yi cha tsam la dngos nas// gong ma'i ye shes snang ba yi// 'og ma'i rnam rtog spang zhes btags// ma mo'i dngos po rang gnas la// spong dang rnam rtog tha snyad med// rang sems gol ba'i bye brag la// rnam rtog spang zhes grags pa yin// don dam pa yi mtshan nyid ni// rnam rtog nyid ni ma mo la// ma mo nyid ni rnam rtog yin// de ltar rtogs na grol ba las// gzhan pa'i lta bas grol ba med// grol ba zhes pa tha snyad de// tha snyad spang ba rang gsal yin// de dag shes rab ma mo yis// rnam rtog spong ba'i mtshan nyid do// ma mo

  243. 122a

    lam rgud lung las/ rnam par rtogs pa spang ba'i tshul bstan pa'i le'u brgyad pa'o// // de nas yang dag rab bshad pa// de la bar du gcod pa'i bdud// mkhas pas 'di ltar shes par bya// bdud ni rnam pa bzhi yin te// 'dod chags zhe sdang la sogs pa// phal pa nyon mongs bdud yin te// 'dod chags chen po la sogs pa// ma mo rang gsal bya bral rdzogs// ji ltar gol ba'i ma mo de// bla ma lha yi bu yi bdud// skyes med don la gang gol ba// skye ba yin phyir 'chi bdag 'dud// stong pa gcig las gang gol nas// sna tshogs du mar gang 'dzin pa// de ni phung po'i bdud du grags// de dag bdud bzhi'i ngo bo ste// tshogs kyi lam la bdud bzhi ste/ tshogs kyi skabs kyi nyon mongs drug/ nyon mongs pa yi bdud yin te// nyon mongs bdud kyang ma bral na// rang sems bde bar mi 'gyur ro// tshogs kyi nyer len phung po sogs// phung po'i bdud du rig par bya// tshogs kyi gol sgrib gang ston pa// bla ma lha yi bu yi bdud// tshogs lam dam par skye ba med// skye ba med las gang skyes pa// 'chi bdag bdud du rig par bya// de lta bu yi bdud bzhi byung ba yang // lha yi bu yi bdud yin pas// dad pa dang ni rtsol ba dang / gser dngul la sogs rin chen dang // rta dang glang po la sogs pas// lha yi bu yi bdud spangs te/ bla ma dam pa rtag tu

  244. 122b

    bsten/ man ngag gter gyi rtsa ba bcad// bdud kyi 'jigs pa rtag tu spang // 'jigs pa'i bdud bzhi gzhom pa yang // dam pa'i bla ma las shes bya// de nas sbyor ba'i bdud bzhi yang // sbyor ba'i skabs kyi nyon mongs drug/ nyon mongs pa yi bdud du grags// sbyor ba'i lam gyi gol ba ni// ston pa bla ma lha yi bdud// nyon mongs skye ba yang de nyid// sbyor lam zab mo skye ba med// skye ba med las skye bar gol// 'di dag 'chi bdag bdud yin te// 'di yang 'di las byung ba yin// sbyor ba'i lam gyi nyer len sogs// rnam rtog du ma phung po'i bdud// de yang lha yi bu las byung // de ltar bdud kyi rtsa ba yang // lha yi bu yi/ bdud yin pas/ mig dang 'dra ba'i bla ma la/ mos pa dang ba la sogs bya// bdud kyis 'jigs pas skrag par bya// skrag nas bdud gzhom bde thabs btsal// de nas mthong ba'i bdud bzhi yang // mthong ba'i gol ba gang ston pa// bla ma 'dra bas lha yi bdud// 'phral du dga' bde lha dang 'dra// bde la bar chod bdud du 'gyur// de las nyon mongs bdud 'byung ste// gol lam grub pa sems nyon mongs// nyon mongs pa yi bdud du 'gyur// sdug bsngal bskyed pa nyon mongs te// dge la bar du gcod pas bdud// 'di yang bdud kyi rtsa ba ste// nyon mongs dbang gis gsum po 'byung // de ltar gyur pa'i nyon mongs 'di//

  245. 123a

    nam yang mi gzhom ma yin no// des bstan lam gol du ma ni// phung po'i bdud du nges pa ste// du ma 'dus pas phung po ste// de yi bar du gcod pas bdud// bdud de myur du ma bcom na// 'khor bapar skye ba skad cig med// des bstan gol bas skye ba ste// 'di ni 'chi bdag bdud yin no// skye med ma rtogs 'chi ba ste// tshe la bar chod bdud yin no// skye med chos la gnas gyur na// 'chi bdag bdud ni smre dang 'dra// de ni mthong ba'i bdud bzhi yin// de nas sgom lam 'dud bzhi yang // sgom pa'i lam la gol ba ston// bslu ba'i bla ma lha yi bdud// de yis bstan pas sems nyon mongs/ nyon mongs bdud du shes par bya// nyon mongs dbang gis 'chi ba 'byung // de ni 'chi bdag bdud yin no// sgom pa'i lam gyi nyer len ni// de nyid phung po'i bdud yin te// phung po ma gtogs bdud gzhan ni// nam yang yod pa ma yin no// de ltar 'dud kyi rtsa ba ni// phung po'i bdud du nges pa yin// bdud ma bcom par sa dang lam// nam yang bgrod par mi 'gyur ro// de nas 'bras bu'i bdud bzhi yang // 'bras bu gol bar gang ston pa'i// bsog pa'i bla ma lha yi bdud// de ltar 'bras lam bsgrubs pa las// sems can nyon mongs nyon mongs bdud// des ni skye ba'i g.yang sar lhung // 'chi bdag bdud du nges pa'o// de yi sna tshogs du ma

  246. 123b

    yis// phung po'i bdud du nges pa'o// de ni 'bras bu'i bdud bzhi'o// bya bral rdzogs pa'i bdud bzhi ni// bya bral rdzogs pa gol ba ru// ston pa lha yi bu yi bdud// de las sems pa sems nyon mongs// nyon mongs pa yi bdud yin te// nyon mongs du ma phung po'i bdud// phung pos 'jigs pa 'chi bdag bdud// 'di ni 'byung ba'i bdud bzhi ste// bdud bzhi bcom par ma byas na// ma mo'i mtshan ma rnyed mi 'gyur// ma mo ma rnyed bde mi rnyed// stong pa ma rnyed dngos mi rnyed// nye bar 'tsho bas srog yin te// srog la bar du gcod pas bdud// 'jigs shing skrag par byed pas bdud// lhung zhing bar du gcod pas bdud// lam log g.yang sar 'khrid pas bdud// rang rig rang gsal 'joms pas 'dud// ye shes sgron ma gsod pas bdud// de lta'i bdud kyi ma 'jigs par// bdud kyi mtshan nyid shes par bya// bya bral lhun rdzogs rang rig las// rang sems gol bas bdud ltar snang // sems las gzhan pa'i bdud dag ni// gang yang yod pa ma yin no// dper na sman dang sngags dag las// skyes pa dang ni bud med snang // de bzhin rang sems gol ba las// 'chi dag la sogs bdud ltar snang // snang yang sems las gzhan med kyis// rang gi gol ba'i sems bcom na// bdud kyi phung po 'jigs par 'gyur// de phyir

  247. 124a

    bdud 'joms mthu dang rtsal// su la'ang yod pa ma yin gyi// bla ma dam pa rtag tu bsten// dam pa'i don la yid ches bya// dman pa'i lta ba dor bar bya// mchog gi lta ba dang du blang // ma rig mun pa rab bsal bya// de ltar shes na bdud la ni// skyes bus 'jigs par mi bya'o// bdud med rang gi sems yin na// de las 'jigs pa su zhig skye// de ltar mtshan nyid ma shes shing // rtogs par yang ni ma gyur na// mi 'jigs par yang ma yin pa// mi gnod pa yang ma yin no// des na bya bral lhun grub las// rang sems bdud du ji ltar 'gyur// rang sems ye nas stong pa ste// der rtogs rkyen dang yang mi 'phrad// gol ba'i rkyen dang der 'phrad pas// de ltar rang sems bdud du snang // rtogs pa'i rkyen ni rnam pa bzhi// dam pa'i rgyud don de dang gcig/ bla ma dam pa de dang gnyis// dam pa'i rdo rje spun dang gsum// man ngag gdams pa de dang bzhi// 'di bzhi rtogs pa'i rkyen bzhi ste// 'di dang ma 'phrad rang sems gol// gol ba'i rkyen dang ye nas 'phrad// de yang rnam pa bzhi yin te// bdag dang rtog pa ril po sogs// der 'dzin log pa'i shes pa ni// 'di ni log pa'i rgyud don te// ye nas yod par rgyal bas gsungs// pha dang ma dang dgra dang gnyen// 'di ni log pa'i bla ma ste// 'khor ba thogs med dus nas

  248. 124b

    yod// spun dang chung ma la sogs pa// 'di dag log pa rdo rje'i spun// dang po nyid nas yod pa'o// mi chos bla ma'i chos rnams ni// de dag gol ba'i man ngag ste// ye nas yod pa de nyid shes// de ltar gol ba'i rkyen bzhi ni// dang po nyid nas yod pa ste// dper na lus dang grib ma bzhin// gol ba'i rkyen gyis rang sems gol// rang sems gol bas 'jigs pa ste// 'jigs dang skrag dang rang sems bdud// de ltar ma shes ma mo bsgrubs// bsgrubs kyang ma mo mi 'grub ste// nam mkha'i me tog tshol ba bzhin// de dag ngal ba don med yin// de bas 'bad pa thams cad kyis// dam pa'i rgyud kyi rjes 'brang zhing // bla ma dam pa rtag tu bsten// de las man ngag dam pa btsal// dam pa'i grogs kyang rtag tu 'grog/ 'di ni rang sems rtogs pa'i rkyen// rkyen bzhi yin par nga yis gsungs// de ltar sems nyid rtogs pa na// bdud ces bya ba ming yang med// 'jigs pa la sogs de bzhin no// gnyen ces bya ba ming yang med// dgra bo la sogs de bzhin no// da ltar bla ma dam pa las// rang sems rtogs pa'i rnal 'byor pas// dgra dang bdud kyi sde dang stobs// rang sems ngang gis 'jigs par 'gyur// dper na sgyu mo'i sbyor ba shes// sgyu mar snang yang yang dag gi/ rtog pa log nas sgyu mar 'dzin// de bzhin bdud kyi man ngag

  249. 125a

    shes// re zhig bdud du snang byed kyang // tha dad bdud kyi zhen pa log/ rang sems bdud du snang ba 'dzin// rang sems bdud du shes pa las// tha dad bdud kyi 'jigs dang bral// bdud kyi bajigs pa ma skyes na// dngos grub nye ba'i rgyu ru 'gyur// de dag bdud kyi bye brag go/ ma mo lam rgyud lung las/ ma mo lam gyi bdud bstan pa'i le'u ste dgu pa'o// // de nas ma mo 'jug pa yi// gang zag legs par bshad bya ba// ye shes ma mo sgom bya ba'i// gang zag 'di ltar shes par bya// dad dang brtson 'grus che ba dang // ngo tsha shes shing khrel yod dang // mi dge'i bya ba kun sdom zhing // lus ngag dge la dam tshig sdom// byang sems snying rje dga' sems ldan// dus drug dam tshig gtan du bsrung // dkon mchog spyi chang dang du len// dman pa rnams la snying rje ldan// dregs pa nga rgyal gdul dka' 'dul// pha rol phyin bcu brgyud la skyes// rig pa'i brtul bzhugs mngon du bya// gtor ma maN+Dal rtag tu byed/ bla ma mnyes pa'i thabs la mkhas// rdo rje spun la dga' sems che/ bud med tshogs la smod mi bya// ma mo'i dam tshig dbang rnams thob// rgya chen chos la mos pa bskyed// blo gros zab cing rgya che la// man ngag mtha' ru phyin pa yis// gang zag ye shes lam la 'jug/ las kyi ma mo sgrub pa yi// gang zag mtshan nyid 'di

  250. 125b

    ltar brtags// 'jigs med snying stobs che ba yis// lus sems ngag ni rig pa dang // snying rje shas chung gsod la dga'// rnam rtog shas chung gnyid yang chung // ma zhum pa la 'jigs pa med// gsod la dga' zhing sha khrag la// rtag tu rol par byed pa dang // dur khrod ngam grog la sogs pa'i// gnas la dga' zhing sdug sran che// ma mo'i dam rdzas tshol ba la// nyin mtshan srog kyang 'dor bar byed// las kyi ma mo'i mtshan nyid mkhas// bsnyen dang bsgrubs pa la sogs pa'i// las kyi sgrub pa kun la mkhas// srog dang thun gyi las sogs pa'i// las kyi kha tshar kun la mkhas// ma mo spyi dang bye brag gi/ dam tshig rtag tu bsrung la brtson// rtag tu gnas su rgyan rgya 'khrul 'grams shing // mchod dang gtor ma rgyun mi gcod// ma mo rgyu ba'i dus shes shing // rgyu ba'i dus su gtor ma gtong // thun yang dbab pa shes pa dang // zla ba drug dang lo gcig gam// lo gsum stan ni drod mi yal// sbrid dang mi tshig par mi gcod// thun gyi skabs su gnyid de bzhin// brang brdung 'o dod rtag tu 'bod// cho nges sems 'khrug mchi ma gtong // dur khrod chas la dga' zhing rol// cha lugs bdud dang srin po 'dra// sha rtsa nag la ral pa kham// mngon spyod las kyi man ngag gi/ bla ma rtag tu bsnyen cing bsten// dad dang brtson 'grus che ba

  251. 126a

    la// g.yeng dang blo rgod sems med pa/ las kyi ma mo bsgrub pa yi/ gang zag 'di ni yin par gsungs// de ltar gyur pa'i gang zag gis// gsang gso las kyi rim pa dang // dbab gcad las kyi mtha' rnams kyis// 'grub par 'di la the tshom med// the tshom spang ba'i las rnams ni// 'grub par mkhas pas shes par bya// de dag ma mo sgrub pa yis// gang zag mtshan nyid bstan pa'o// gang zag mtshan nyid ma shes shing // mtshan nyid mi ldan slob ma la// ma mo'i sgrub pa ston byed pas// de yi bla ma dmu cor te// slob dpon phung ste slob ma phung // gnyis ka phung byed dmyal bar skye// dper na seng ge'i 'o ma yang // rin chen snod du bzho bya zhing // rdza dang kham phyi'i snod du min// rdza ma chags la 'o ma 'bo// de bzhin gsang ba'i ma mo yis// man ngag snying khu kun la min// phyal ba'i man ngag wa dang 'dra// ma mo lam lung las/ gang zag bstan pa'i le'u ste bcu pa'o// // de nas ma mo bsgom pa dang // las kyi ma mo sgrub pa yi// thun dang thun mtshams 'di lta ste// bud med bal ni skyen pa drug/ yud tsam yin te yud tsam drug/ skad cig yin te skad cig drug/ thang gcig yin te thang gcig drug/ dang po thun du mkhas pas bzung // mtshams ni thun pas ring du bya// gsal la rnam par ma 'dres pa// dang po'i thun

  252. 126b

    la sems zin na// gnyis pa'i thun la thang gcig ni// nyis 'gyur gyis ni ring bar bya// mtshams kyang thun dang mnyam par bya// de la rtog med sems gnas na// de yi nyes 'gyur thun la bsam// mtshams ni phyed kyis ring bar bsam// de bzhin rang gsal sems gnas na// de yis sun 'gyur thun du bsam// mtshams ni thang gcig bcu ru bya// de la rang rig rang gsal na// thun ni bzhi 'gyur gyur pa ste// de la mtshams kyi ming yang med// tho rangs skya rengs shar tsam nas// dgongs ka'am ni sros kyi bar// rang sems yul la gnas par 'byung // nam sros thun ni skad cig ste// nyin mtshan thun ni phyed par 'gyur// de nas zla ba phyed dang gcig/ de nas zla ba'i thun 'phel nas// lo yi thun dang lo 'phel dang // bskal pa'i bar du thun 'phel te// tshes gcig la ni rang sems thob// dang po thang gcig bcu yi thun// de yang nyin thun bzhi yi tshul// zo rangs dang ni nyi shar mtshams// zan zos nas ni nyin phyed par// thun gnyis pa yi mtshams yin te// nyin phyed nas ni nyi ma rgas// gsum pa'i thun mtshams yin par 'dod// de ltar 'gyur ba'i thun bzhi yang // ma mo bzhi yi rang bzhin te// thun gnyis pa la sogs pa yang // thun bzhi kun la sbyar bar bya// thun der bsgom pa'i sbyor ba yang // man ngag can gyis 'di ltar

  253. 127a

    bya// man ngag legs par thob pa dang // khyad par can gyi gnas btsal te// bar chad gang yang med pa'i gnas// bde zhing 'jam pa'i stan la yang // legs pa'i gos dang zas bshams la// ngal dub skyo ba'i sems spangs te// gnyid dang myos pa ma yin pa// lus ngag sems ni bde ba dang // gzhan gyis g.yengs par ma yin par// rang sems dul zhing gnas pa yis// dus gsum stan la legs 'dug ste/ dang por lus sems cha la dbab// de nas dmigs pa'i dkyil 'khor la// rang gi sems ni bab kyi gtad// mgal me yi ni 'khor lo ltar// yul la rab tu rgyug pa'i sems// de nyid las ni bzlog nas su// dmigs pa'i yul la rang bab gtad// de ltar yang yang bsgom pa dang // ting 'dzin sems kyi bdud gnyis 'byung // bying ba rang sems sgrub pa'i bdud// rgod pa rang sems khrid pa'i dud// de ltar gyur pa'i bdud gnyis ni// mkhas pas 'di ltar gsal bar bya// gnyid dang rmugs pa 'thibs pa gsum// 'di ni bying ba'i rnam grangs te// chen po 'bring dang chung ngu ste// de dag dgu ru rim pas dbye// 'di ni bsal ba'ang rnam gsum ste// chen po bskor ba byas pas sel/ 'bring po byad la chu gtor te// chung ngu lus bsigs mig phye sel// de nas rgod pa bcum pa yang // che 'bring gong bzhin

  254. 127b

    shes bya ste// chen po 'jigs pa chen pos bsal// 'bring po spro ba chen pos te// chung ngu shes pa sgrims pas sel// de ltar byas na ma mo 'grub// de ltar ma gyur gol bas ni// 'bras bu mi 'byung rang rgyud rlag/ dper na ral gri'i 'khrul 'khor bzhin/ de bas 'bad med nan tan bya// dpa' bo dag gam rig 'dzin gyis// bsregs bcad brdar ba'i gser bzhin du// yongs su brtag nas ma mo'i lam// blang bar bya yis mos pa'am// dad pa tsam gyis 'jug pa min// zhugs na phung ba kho na ste// 'jig rten 'di ru bkra mi shis// ma mo 'khor gyis phyag mi zer// ma mo'i chos la skur pa 'debs// zab mo'i don yang 'dor bar byed// las kyi ma mo kha gting 'khrug/ 'jig rten dag tu rims dang nad// thog dang ser ba sa g.yos sogs// bkra mi shis pa'i rtags rnams 'byung // de bas 'bad med bla ma bkur// bla ma las ni man ngag 'byung // man ngag las ni lam dang sa// skye ba nyid du the tshom med// ma mo lam rgyud lung las// ye shes ma mo bsgom pa'i thun bstan pa'i le'u ste bcu gcig pa'o// // de nas las kyi ma mo yi// thun mtshams 'di ltar shes bya ste// nyin thun spongs pa gang yin pa// las kyi ma mo thun tshod spyad// bye brag 'di ltar shes par bya// nam sros srod ni 'khor gyi bar// dmu dang sman mo phal cher rgyu// thun mtshams

  255. 128a

    dang po yin par nges// srod nas nam gyi 'jing gi bar// btsan dang sman mo thams cad rgyu// thun mtshams gnyis pa yin par 'dod// 'jing nas nam phyed bar du yang // bdud dang bcu bzhi rgyu ba'i dus// thun mtshams gsum pa yin par gsungs// nam phyed nas ni zo rangs par// rgyal po dang ni ma mo drug/ rgyu ba'i dus de thun bzhi pa// de ltar rgyu ba'i thun bzhi ni// las kyi ma mo'i thun dang mtshams// thun dang rang sems ma g.yengs par// sngags dang ting 'dzin par mi gcad// las kyi ma mo sgrub pa dang // bkra shis nyin mo'i dus spangs nas// mtshan mo bar gcod dus yin te// nyin mo bkra shis la sogs pa// mtshan mo yi dwags gdon gyi dus// dus der bsgrubs na nye bar 'grub// dper na mi la bdud 'gro na// rkun ma la sogs nub mo 'gro// gzhan ni nyin mo don grub ste// wa sogs mtshan mo don 'grub ltar// ye shes ma mo nyin mo bsgom// las kyi ma mo mtshan mo bsgrub// dngos grub so so myur phyir ro// de ltar mtshan mo'i dus de yang // dus ni bzhi ru shes bya ste// dang po bsnyen pa'i dus su yang // sgrub pa yi ni de bzhin dus// las kyi dus dang las kyi lnga// dus bzhir thun yang bzhi pa ste// de yi 'og ma'i thun rnams la// nyin mo spong ba mtshan mo'i dus// nyin mo dam tshig nyams par 'gyur// de

  256. 128b

    yang rgyu ba'i dus su yang // gzhan la ngal ba don med yin// bsnyen pa'i dus bzhi'i ma mo ste// dmigs nas sngags kyi bar mi gcad// glal kyang ma shor bsgrubs pa yis// ma mo rang dbang med par 'gugs// rang dbang med par rnam pa mang // sngags dang rdzas dang ting 'dzin dang // tshig dang man ngag thun la sogs// 'di ni thun gyi rang dbang med// sgrub pa'i skabs su tha dad spongs// las kyi skabs su dgra la ste/ lhag ma'i skabs su me lha yin// ma mo lam rgyud lung las/ las kyi ma mo'i thun bstan pa'i le'u ste bcu gnyis pa'o// // de nas yang dag bshad bya ba// ma mo las kyi rdzu 'phrul ni// mkhas pas 'di ltar shes par bya// rdo rje me yi rdzu 'phrul ni// mu zi sbyor ba mkhas pa yis// rdo rje las kun me la reg/ rdo rje me ru 'bar bar nges// mi mthong ba yi rdzu 'phrul ni// 'ug pa ma nyams bum par 'jug/ lam gyi sum mdor dong brus te// mi yis mi mthong nam phyed sba// de nas ro de rul ba dang // mi yis ma mthong bar blangs nas// rang gi mi blta lag pa yis// rus pa gang nyid brdar byas nas// rang gi dpral bar bskus byas na// sus kyang mthong bar mi 'gyur ro// de ni spyi ru 'od dbyung bar// 'dab chags dngul bya'i sbyor ba las// gang du 'gro dang ji tsam 'dod// 'od ni nges par 'byung

  257. 129a

    ba'o// khang pa'i nang du 'od 'dod na// gsal ba'i 'od zer dang ba'i rdo// de las 'od ni sngon dmar 'byung // ma mo 'od kyi rdzu 'phrul lo// 'bras bu mchog gi khu ba yis// shog bu dag la yi ge'am// rang gi ci 'dod gzugs bris la// de nas phyi bdar legs par bya// nag po mtshur gyi chu nas dbyung // gang 'dod yi ge'i gzugs rnams 'byung // de ni yi ge'i rdzu 'phrul yin// shing gi phur pa dag la ni// rtse mor rdzas kyi rdo rje bcug/ rgya mdud par mar me gzhob sku// rdo dang lcags dang shing la sogs// gang la btab pa thebs pa ste// rgya mdud mtshams su gdon mi za// de ni phur pa'i rdzu 'phrul te// rang gzhan phur pas btab pa ni// he ru ka dang rig 'dzin 'grub// gzhan gyis grub pa ma yin no// phur pa me yi rdzu 'phrul ni// chu shing snying po ma nyams pa// de las phur pa'i gzugs byas te// dar dmar ras kyis gril byas te// snang ba gang yang med pa yi// mun par phur pa de bzhag na// nges par me ru snang ba ste// snang ba dag las ma yin no// de dag ma mo'i rdzu 'phrul te// thams cad rdzas kyi sbyor ba ste// rdzu 'phrul yin phyir rtog pa med// 'jigs pa 'byung bas mthu ru bstan// 'jigs las rnam rtog skrag pa 'byung // rnam rtog skrag las gdon 'jug ste// gdon las nad bzhugs na nas 'chi// 'chi ba mthu yi

  258. 129b

    dngos grub yin// gzhan yang sngags kyi rdzu 'phrul dang // sngags dang rdzas kyi rdzu 'phrul dang // zor gyis rdzu 'phrul la sogs pa// man ngag can las shes par bya// de ltar rdzu 'phrul bstan pas kyang // mu stegs rdzu 'phrul nga rgyal bcag/ ma mo lam rgyud lung las/ ma mo'i rdzu 'phrul bstan pa'i le'u ste bcu gsum pa'o// // de ltar lam gyi rgyud lung las// le'u bcu gsum gsungs pa yi// ma mo spyi yi don de yang // bcu drug bar du gsungs pa'i don// ye shes ma mo bsgom pa yi// spyi dang bye brag gnyis ka yin// las kyi ma mo'i sgrub pa yis// spyi dang bye brag gnyis ka yin// thun mong bshad par shes bya yi// sgom dang sgrub par byed pa la// ma mo spyi dang bye brag la// dbye ba yod pa ma yin no// s+thi ni ma mo spyi sgrub ste/ bye brag bye brag sgrub pa yin// bsgrub par bya ba ma mo la// sgrub par byas pas sgrub thabs yin// sgrub thabs man ngag gdon las shes// man ngag bla ma'i zhal la rag/ zhal ni thugs kyi dkyil nas 'byung // de bas ma mo sgrub 'dod na// bla ma'i thugs bzung zabs la 'bad// thugs bzung thabs ni 'di lta ste// rang gi rang rgyal rigs dang che// khe dang grags pa la sogs spang // rang gi rdzas dang longs spyod dang // bu dang chung ma nor gyi dbyig/ rang gi lus dang yid kyis kyang // de yis thugs bsrung

  259. 130a

    legs par bya// 'gro dang 'dug pa'i spyod lam la// skyel dang bsu dang gdan stabs dang // zas kyi phud phul bag gyis blta// mdor na de dang ci mthun bya// mkhas pas bye brag shes par bya// gzhan yang bla ma'i gnyen 'dun dang // rdzas dang longs spyod thams cad la// mkhas pas 'di ltar shes par bya// gnyen 'dun bu dang chung ma la// jo bo'am yi dam lha yi tshul// de la mchod dang bsnyen dang bkur// bla ma'i gnyen dang de bzhin te// bla ma de las khyad par 'phags// bla ma'i rdzas ni dug bzhin du// spyad du mi rung reg mi rung // gyag tu mi rung stor mi rung // de ltar spyod na dam tshig ldan// dam tshig sngags kyi sa gzhi yin// de las bsgoms bsgrubs dngos grub 'byung // gsang sngags spyod pa'i rnal 'byor pas// bag ma gsar pa'i tshul bzhin du// de ltar spyad na dam tshig ldan// sgom sgrub dus su rnal 'byor pas// bya rnams mnongs pa'i tshul bzhin du// bla ma bsten pa'i rnal 'byor pas// rang gi mig gi 'bras bu bzhin// mig gi 'bras bu gces pa bzhin// man ngag dam pa de bas 'phangs// man ngag don la sgrub 'dod na// rdzas dang yo byad chags mi bya// rdzas dang yo byad btsal dka' zhing // rnyed nas rang la phangs pa ltar// man ngag dam pa btsal dka' zhing // rnyed nas spel ba bde bas dka'// bu dang

  260. 130b

    chung ma snying sdug ste// rdo rje mkha' 'gro de bas sdug/ zas dang rdzas kyis tshim pa las// lus sems bde bar snang ba ste/ gnyis med ye shes ro rtogs na// de yi bde ba de yis 'phel// bde ba bla ma las rtogs phyir// dam pa'i bla ma rtag tu bsten// ma mo lam rgyud lung las/ thams cad ma mo spyi dang bye brag tu bstan pa'i le'u ste bcu bzhi pa'o// // rgya gar gyi mkhas grub gu h+ya gsang ba dang 'brog mis bskur ba'o// // rdzogs so// / rgya gar skad du/ e ka dzA ti snying kha rag mo trag rak+Sha ma hA kro d+hi kA lI tan+ta nA ma/ bod skad du/ sngags kyi srung ma dpal e ka dzA Ti'i rgyud ces bya ba/ bcom ldan 'das rdo rje he ru ka'i rgyal po la phyag 'tshal lo// sngon 'das pa'i dus ma byung sngon rol na// ri rab ri'i rtse mo lha g.yung drung gi gnas na// bcom ldan 'das thugs rje chen po dang ldan pa'i dpal he ru ka yis/ srid pa thams cad yum gyi mkha' las shar bar mkhyen nas/ yum chen mo nyid bzhi mu kha le'i bde ba chen po klong gsang ba'i gnas nas/ thig le chen po tshul du bzhengs nas/ rdo rje gsang ba'i thugs ka nas/ hUM dkar po bzhi las

  261. 131a

    gsang ba'i dgyes pa'i 'phro 'du rgyun mi chad par bkye ba las/ mu kha le'i b+ha gar dgyes pa chen pos thim par mdzad do// yum chen mo nyid bzhi mu kha le dgyes pa chen pos thim par mdzad nas/ pad+ma'i 'dab ma rgyas par mdzad do// pad+ma'i 'dab ma rgyas par gyur pas snang srid thams cad rdo rjer rtsa ba btegs par 'gyur te/ chags pa'i sems g.yos nas shin tu ngo mtshar skyes nas/ rdzu 'phrul gyi yul gyi shugs kyi chags pa'i gzhi ma ga la ba der dong ngo // dong nas b+ha ga'i dkyil 'khor chags pa'i gnas su phyin nas/ bsngags nas so so nas gus par phyag 'tshal ba ni/ g.yung drung lha'i gtso bo gnod 'dul lha'i rgyal po la sogs pa/ lha g.yung drung gi tshogs dang g.yung drung lha'i rgyal po srid pa'i phra men rgya mtsho ma la sogs pa/ ma mo bcu bzhi'i dkyil 'khor dang / srid pa'i sman mo'i tshogs sam/ lha'i tshogs kyi rje la sogs pa ma mo'i tshogs thams cad dang / gzhan yang pad+ma'i b+ha ga la sogs pa thams cad chags pa'i mdangs phyung nas/ bskor zhing phyag 'tshal ba dang / bstod pa bgyis pa las yum chen mo nyid bzhi mu khA le'i b+ha ga las/ rtag pa'i rgyal po rnam snang gsal la sogs te ye shes kyi mkha' 'gro ma lnga'i dkyil 'khor 'thon par gyur to// de nas yum chen mu kha les/ bcom ldan 'jigs byed chen po rdo rje he ru ka la

  262. 131b

    gzigs nas/ spyan gyi brda zhig mdzad nas zhal gyi 'dzum pa phyung ba dang / de nas bcom ldan 'das rdo rje he ru ka yum gyi b+ha ga las sku phyed nub tsam du bzhengs te/ rnam par thar pa'i dbu gsum phyung nas/ g.yung drung lha'i rgyal po lha gnod 'dul la gzigs nas/ zhal 'dzum pa mdzad pa dang / de nas bcom ldan 'das kyi byin gyis brlabs kyis gnod 'dul stan la 'dug par gyur to// de nas chags pa'i yid can de dag phyogs phyogs su sa la gnas par gyur to// de nas yum chen mos lha gdon 'dul la gzigs nas ljags kyi brda zhig mdzad pa las/ de nas lha gdon 'dul bstan las langs nas/ bcom ldan 'das la lan brgya stong brkyang phyag 'tshal zhing / bag bzhi sa la brdabs nas gsol pa/ 'byung ba lnga la sogs pa yi// mi la sogs pa ji ltar lags// sa la sogs pa ji ltar lags// srid pa'i 'jig rten thams cad la// pho dang mo yi mtshan nyid ni// gang zhig su la bgyis pa ste/ thabs dang shes rab su la bgyi// sems kyi rtag chad ji ltar bgyi// ye shes mang po gang las byung // ye shes lnga nyid gang las shar// sprul pa mang po gang las shar// skye med chos dbyings ci la bgyi// yum gyi mkha' zhes ji lta bu// mngal la sogs pa mi 'tshal na// blang dor med pa gang gis 'grub// srid pa'i dbang chen de snyed

  263. 132a

    kun// rabs rgud rtsa ba ji ltar lags// dam tshig lung mnos mchi ba'i tshe// srog las drangs pa ji ltar lags// 'jig rten 'dir 'grub ji ltar bskul// dus min 'chi na gang gis bskor// yang na rdzogs la bdag nyan 'tshal// de skad gsol pa gsan nas kyang // yang dag rdzogs kyis bka' stsal pa// nyon cig gnod 'dul lha yi gtso// rnal 'byor rnams kyi las dbang mchog/ ma mo rnams kyi gtan tshigs su// srid pa kun gyi bca' gzhi rnams// yang dag nyid du bshad par bya// de la da ni ma mo bcu bzhi'i rje mo bshad par bya ste/ yum chen po nyid bzhi mu kha le zhes bya ba/ sku'i khyon da ltar gyi ri rab gling gzhi tsam yod pa/ dbu bzhi zhal rnam pa lngar snang ba/ phyag bzhi 'jigs pa'i mtshon cha thogs pa/ zhabs rnam pa brgyad du gtams pa/ tsit+ta'i rtsa ba gcig la rtse mo rnam pa lngar 'bar ba/ shar gyi zhabs gnyis kyis bar nas gsang ba'i mkha' grang la 'gred pa/ shel gyi b+ha ga la rdo rje'i ge sar can no// lho'i zhabs gnyis kyi bar nas gsang ba'i mkha' dro la 'jam pa ke ke ru'i b+ha ga la rin po che'i ge sar can no// nub kyi zhabs gnyis kyi bar nas gsang ba'i mkha' gsher la brlan pa pad+ma'i b+ha ga la byi ru'i ge sar can no// byang gi zhabs gnyis kyi bar nas gsang ba'i mkha' rtsub la grang ba ste ge sar

  264. 132b

    dpal de ltar gsang ba'i mkha' bzhis sku brgyan pas/ de bzhi'i klong sku'i gting khung du bsdus pa ni g.yu'i bde klong la chags pa'i ge sar can no// zangs ma'i ral pa 'dab ma stong dang ldan pa zhig yod do// de la zhal rnam pa lnga las shar gyi zhal dkar la 'tsher bas mche ba gtsigs pa'i nang nas/ shel gyi rdo rje rtse dgu pa 'dzin pas 'byung ba sa ru byin gyis rlabs te rdo rje'i rigs su gyur to// lho phyogs kyi zhal rang bzhin sngo la dngas pa mche ba gtsigs pa'i nang nas/ ke ke ru 'bar ba dgu 'dzin pas/ 'byung ba me ru byin gyis brlabs te// rin po che'i rigs su gyur to// nub phyogs kyi zhal rang bzhin dmar la gdangs pa mche ba gtsigs pa'i nang nas pad+ma dgu brtsegs bzung bas/ 'byung ba chur byin gyis brlabs te/ pad+ma'i rigs su gyur to// byang phyogs kyi zhal rang bzhin ldang la ldem pa mche ba gtsigs pa'i nang nas/ rdo rje rgya gram dgu brtsegs bzung bas/ 'byung ba rlung du byin gyis rlabs te las kyi rigs su gyur to// thams cad de lta bu'i dkyil 'khor du gyur pas/ dbus kyi zhal rang bzhin ser la ldem pa'am cir yang 'gyur ba mche ba gtsigs pa'i nang nas/ gser gyi 'khor lo rtsibs stong dang ldan pa zhig bzung bas 'byung ba nam mkhar byin gyis rlabs te/ de bzhin gshegs pa'i rigs su gyur to// 'byung ba lnga

  265. 133a

    yang de ltar bskyed do// rigs lnga'i sangs rgyas kyang der byung ngo // zhal so so'i bar bar nas ral pa so so'i rigs dang mthun par snang ngo // tsit+ta rtsa ba gcig la rtse mo lnga snang bas rtse mo lnga las rigs lnga'i ye shes lnga yang de las shar ro// rtsa ba gcig las chos skye ba med pa'i dbyings kyang de las 'dus te/ mi nub pa'i rgyal mtshan zhes kyang de la grags so// shar phyogs kyi gsang ba'i mkha' grang la 'dred pas dgun du byin gyis brlabs so// byang phyogs kyi gsang ba'i mkha' rtsub la grang bas dpyid du byin gyis brlabs so// nub phyogs kyi gsang ba'i mkha' gsher la brlan pas dbyar du byin gyis brlabs so// lho phyogs kyi gsang ba'i mkha' dro la 'jam pas ston du byin gyis brlabs so// dus bzhi yang de ltar chags so// cha yang de ltar mnyam mo// sku stod kyi zhal nas 'byung ba'i rigs lnga he ru ka'i sangs rgyas rnams/ sku smad gsang ba'i b+ha ga la sbyor ba'i tshul du sku phyed nub tsam bzhugs pas skye ba rigs so so de ltar thon to// rigs so sor btul ba yang de ltar btul lo// phyag bzhi la g.yas g.yon dang po gnyis kyi ma mo bcu bzhi'i gtso bo srid pa bde 'gro ma dang / nyi zla'i thod phreng can gnyis kyi snying rtsa bzung ba/ g.yas g.yon tha ma gnyis kyis khros pa'i dbang mo che gnyis kyi snying rtsa bzung ba/ sbas pa'i

  266. 133b

    phyag gnyis kyis bdud rtsi rnam pa lnga'i longs spyod mngon du mdzad pa/ zhabs brgyad kyis dbyings kyi ma bzhi dang // thugs kyi dgyes sde mo bzhi'i snying brdzis pa/ dbus kyi zhal dpral ba'i dbyes nas mig zur gsum pa gcig gis gzigs pas/ ma mo bcu bzhi'i khol mo srid pa chags byed ma dang / shan shan ne'u dang / e ka dzA Ti ral gcig ma la sogs pa 'dar lcug lcug byed pa/ dbus kyi zhal nas rkan sgra brdab pas he ru kas NaM la sogs te srid pa'i ma mo thams cad kyi snying rtsar gyis 'byin pas/ ma mo dbang du yang der 'dus so// dbus kyi zhal gyis ni mkha' yel yel rdzogs/ srid pa gsum gyi rtse mo yang der rdzogs so// sku gsang ba'i b+ha ga la yum gyi mkha' bde ba chen po klong zhes kyang de la bya'o// sku rtag pa chen po g.yung drung du bzhugs pa la// skye shi las 'das pa zhes kyang de la bya'o// de la sdug bsngal mi 'byung bas mya ngan las 'das ma zhes kyang de la bya'o// de lta bu la blang dor med pas kun tu bzang mo zhes kyang de la bya'o// rnam par shes pa thams cad kyi bcud len pas kyang shes rab kyi pha rol tu phyin pa zhes kyang de la bya'o// 'byung ba lnga sku la rdzogs pas 'byung ba'i rgyal mo zhes kyang de la bya'o// dus bzhi dbyings la shar bas/ dus bzhi cha snyoms ma zhes kyang de la bya'o// sku stod kyi zhal nas 'byung ba rigs

  267. 134a

    lnga'i sangs rgyas rnams sku smad nas byung ba'i gsang ba'i b+ha ga la bzhugs pas/ rigs kyi yum zhes kyang de la bya'o// sbas pa'i phyag gnyis las bdud rtsi rnam pa lnga'i longs spyod mngon du mdzad pas bdud rtsi'i rgyal mo zhes kyang de la bya'o// snang srid thams cad gtan la 'bebs pas srid pa'i rgyal mo zhes kyang de la bya'o// sku gcig mtshan dgu ma zhes kyang de la bya'o// de la thugs las drang ba'i snying po ni// nyid bzhi mu kha le kro d+hI shwa rI b+ha ga pad mar+ya bde klong 'dus 'dus snying la dza sha yu ti hUM b+h+yo b+h+yo// yang ma mo zhes bya ba ni/ ma ni rgyal ba kun gyi yum// mo ni srid pa kun gyi ma// ma ni skye ba med pa'i dbyings// mo ni 'gag pa med pa'i klong // ma ni thabs mchog rtog med mkha'// mo ni shes rab chags med klong // de lta bu'i yum chen mo la sku stod nas 'byung ba'i rigs lnga'i sangs rgyas dang / sku smad kyi sbyor ba mdzad pa'i sras mo lnga yod de/ gcig ni rtag pa'i rgyal mo rnam snang gsal zhes bya ste/ sku mdog dkar mo la shel gyi ral pa can gsang ba'i mkha' shel gyi ga'ur 'khyil ba/ ma chags pa'i thabs la rol ba'o// gcig ni rtag pa'i rgyal mo 'od gsal 'bar ba zhes bya ste/ sku mdog sngon mo rin po che'i lan phran can/ gsang ba'i mkha' rin po che'i ga'ur 'khyil ba/ mi len pa'i thabs la rol ba'o// gcig

  268. 134b

    ni rtag pa'i rgyal mo gnyen gsal ma zhes kyang bya ste/ sku mdog dmar mo byu ru'i lan phran can/ gsang ba'i mkha' byu ru'i ga'ur 'khyil ba/ gnyis su med pa'i thabs la rol pa'o// gcig ni rtag pa'i rgyal mo yang gsal g.yos zhes kyang bya ste/ sku mdog ljang gu la rdo rje lan phran can gsang ba'i mkha' rdo rje ga'ur 'khyil ba/ ma chags pa'i thabs la rol pa'o/ gcig ni rtag pa'i rgyal mo bkrag bsal ma zhes kyang bya ste// sku mdog cir yang 'gyur ba la g.yu'i lan phran can/ gsang ba'i mkha' g.yu'i ga'ur 'khyil pa/ gnyis med brten pa'i thabs la rol pa'o// 'di lnga ni mkha' bzhi dbyings dang lnga zhes kyang bya ste/ rigs kyi yum lnga bya ba yang 'di lnga yin// sems can dus chen po la babs pa yang 'di lngas dbang byed do// srog las drang ba'i snying po ni/ gri swa mu hUM ha/ dzA la bar raM ha/ byi sha san ti ha/ b+hi yaM yaM he ha/ ma hA laM te ha/ de ltar bdag nyid bsgom pa ni/ dang por de bzhin nyid kyi ting nge 'dzin gsal bar bsgom pa ni/ thugs ka nas yi ge oM dkar po gcig las ye shes lnga'i gzhal yas khang chos kyi dbyings khyab brdal ba'i dbus su/ bdag nyid bla na med pa'i ting nge 'dzin du zhugs la snying gar mu le las ye shes tshogs kyi rje mo bsgom/ mig g.yas pa ha las mkha' 'gro ma rnam snang gsal bar bsgom mo// mig g.yon pa ha las

  269. 135a

    mkha' 'gro ma 'od gsal bar bsgom mo/ rna ba g.yas par ha las mkha' 'gro ma gnyen gsal 'bar bar bsgom mo// rna ba g.yon pa ha las mkha' 'gro ma yang gsal g.yos bsgom/ sna la las mkha' 'gro ma bkrag gsal mnyam bsgom/ sku mdog dang phyag mtshan 'og gi tshig bshad dang sbyar/ ma mo rnams kyi jo mo ste yang gsang thig le gtan tshigs kyi le'u ste dang po'o// // gnod 'dul lha yis yang gsol pa// srid pa'i dkyil 'khor bsgom pa dang // bdag nyid phyag rgyar bskyed bya ba// 'byung dang 'jug pa'i mtshan nyid las// ji ltar bdag nyid nan tan gyi// mngon rdzogs dpal la bdag nyan 'tshal// de skad gsol pa gsan nas kyang // mngon rdzogs yab kyis bka' stsal pa// 'byung dang 'jug pa'i mtshan nyid las// ji ltar dkyil 'khor bskyed bya ba// ngas bstan pa la gdon mi za// nyon cig gdon 'dul lha yi gtso// 'jug dang bsdu ba'i mtshan nyid de// sa bon gyis ni brtan par bya// bdag nyid thig le mnyam sbyar nas// rnam gsum rim gyi ting 'dzin bsgom// dmigs med ting 'dzin rnam dag gis// skye med chos nyid dbyings su thim// dmigs med ma chags sa bon gyis// de bzhin nyid du rnam par grags// snying rje nam mkha'i ngo bo ltar// blang dor med par snang ba yi// mtshams su

  270. 135b

    sbyor ba'i sa bon gyis// kun tu snang zhes grags pa yin// bdag gi rlung las gyur pa yis// 'og gi phyogs su sa bon brten// bdag gi chu las gyur pa yi// de yi steng du sa bon brten// bdag gi sa las gyur pa yis// sa bon la ni spris ma brtan// bdag gi me las gyur pa yi// sa bon la ni drod du ldan// bdag gi nam mkha'i ngo bo las/ sa bon gsum gyis snang srid bsgom// dbyings las 'byung lnga rgyur bskyed de// mkha' la rlung brtan 'gro lnga'i gnas// b+ha ga nyid du gsal ba las// sa bon gyis ni dkyil 'khor bsgom// 'khor lo sa bon gyis sbyangs pas// rtsibs brgyad sa ru rnam par grags// gdan gyi sa bon rnam sbyangs nas// rtsibs brgyad steng du bcu bzhi bsgyel// dkyil du rgya mtsho thod phreng gnyis// shar dang nub tu mgo bstan pa'o// sgrol byed dkar mo mig gcig gnyis// brgya byin phyogs su mgo bstan pa'o// dbang sdud nag po ral gcig gnyis// gshin rjes phyogs su mgo bstan pa'o// bdud rtsi byed dang dmar mo gnyis// chu bdag phyogs su mgo bstan pa'o// gnas 'phrul ser po las mkhan gnyis// gnod byin phyogs su mgo bstan pa'o// rgyan gyis rgyal mo me yis phyogs// dbyings phyug ma ni bden bral phyogs// bdag nyid ma ni rlung gi phyogs// gcig pu ma ni dbang ldan phyogs// rim gro skyed

  271. 136a

    phyir 'khor rnams bsgyel// b+ha ga bcu bzhi'i gdan steng na// bdag nyid byang chub thig le las// snying po yis ni mngon du shar// byed pa po ni kun tu bzang // rnam par thar pa'i dbur ldan zhing // ye shes drug gi phyag rgyar bcas// mtshan dang dpe byad dang yang ldan// rdzu 'phrul bzhi yi zhabs dang ldan// bdag gi gzugs kyi ngo bo las// rnal 'byor nyid bzhi bde mchog ma// bya ba mo ni chos kyi dbyings// chos nyid rtag pa thugs kyi dkyil// 'od zer lnga po rtse nas 'phro// 'byung ba lnga yi zhal mnga' zhing // ye shes drug gi phyag rgyar bcas// phyogs mtshams gnon pa'i zhabs brgyad kyis// ma gshegs bar ni srid par phyin// dus bzhi 'char ba'i b+ha ga la// skye shi med pa'i klong du thim// srid pa gsum gyis skur brgyan cing // spyi dpal mchog la 'di skad gsungs/ ye shes snying po bla na med// bla med khrag 'thung dpal gyi dpal// 'jigs byed gsang ba'i rdo rje ni// mkha' klong kun gyi gter lags te// mkha' klong bde ba'i lam mchog ni// skye 'gro yongs kyi thar pa'i lam// sangs rgyas yongs kyi re skong phyir// thar lam bde ba'i longs spyod ni// 'dzum pa'i mdangs kyi 'bul lags kyi// dgyes pa'i rdo rje gsor nas kyang // re skong bdud rtsi'i char chen phob ho// hUM/ mnyam bzhag ye shes pad+ma'i

  272. 136b

    dbyings// 'byung nas skye 'gro thar pa'i lam// rin chen dkyil 'jam klong yangs su// spyi dpal rdo rje gsang ba'i gter// re skong bdud rtsi'i char chen phob/ hUM b+ha ga pad+ma'i dkyil 'khor 'dir// 'dab brgyad mdzes pa'i dkyil 'khor ldan// phyi lcags nang rten sgo 'phar bcas// rin chen dkyil 'jam bstan gting ste// bla med 'phrul gyi lde mig gis// lcags khrol gdan phye gdan la bzhugs// rin chen brtsegs pa'i ga'u ru// bla med khrag 'thung sku bsil nas// bdud rtsi chen po'i bum pa yis// srid gsum 'gro ba'i bag chags bkrus// hUM mi dmigs pa la dmigs pa che// ma chags pa la chags pa che// thar lam bde ba'i b+ha ga'i dbyings// blang dor med pa'i klong yangs su// srid pa'i bag chags bkru ba'i phyir// spyi dpal bla na med pa yi// gsang ba'i don ldan lde mig gis// rnam par thar pa'i sgo phye ste// ye shes chu bos khrus chen mdzod// oM thabs las dbyings byung thar pa'i lam// dbyings las thabs bzhengs bla med sku// bla med dbyings dang ye shes sbyor ba las// bdud rtsi chen po'i char chen srid par spro// phyogs bcu'i rgyal ba mnyes pa'i mchod par spro// rnal 'byor mkha' 'gro skong ba'i tshogs su spro// 'gro ba rigs drug sgrib pa sbyong ba'i phyag rgya chen por spro// mu stegs bdud 'dul khro rgyal tshogs su spro// sdug bsngal zad

  273. 137a

    byed bdud rtsi'i char chen k+Sha// dbang po gsam byed pa shes sgron mar b+h+yo// 'dod chags cham byed gsang ba'i sems rba b+h+yo// s+thA/ byang chub sems kyi thig le las// ma 'gags ldan gyis rdzogs pas na// thams cad byang chub nyid kyi ngang // zhes glengs te gnyis su med par gyur to// gnyis med sbyor ba'i thig le chen po// gnyis med sbyor ba'i 'od zer las// 'byung ba lnga yi 'phro 'du byung // bdag gi sa yi ngo bo las// sa bon las ni skur bskyed pa// mkha' 'gro brtan 'bar sems ma'i mchog/ mi 'jigs pa yi dbu gsum gyi// dug gsum dbyings su sgrol byed cing // pha rol phyin drug phyag rgya las// sbyin pa chen po rtag tu gtong // mtshon du med pa'i sku mdog las// dkar la dag pa'i na bza' gsol// rdzu 'phrul bzhi yi zhabs dag gis// sa bdag gdan la brkyang bskums bzhugs// bdag gi rlung las gyur pa yi// sa bon las ni skur bskyed pa// mkha' 'gro yang gsal sems ma'i mchog/ thogs pa med pa'i dbu gsum gyis// khams gsum dbyings su sgrol byed cing // pha rol phyin drug phyag rgya las// sbyin pa chen po rtag tu gtong // sna tshogs 'gyur ba'i sku mdog las// ljang gu na bza' bai DUr+ya// rdzu 'phrul bzhi yi zhabs dag gis// gnod sbyin gdan la brkyang bskums bzhugs// bdag gi chu las gyur pa yi// sa

  274. 137b

    bon las ni sku bskyed las// mkha' 'gro gnyen gsal sems ma'i mchog/ rol pa chen po'i dbu gsum gyis// dug gsum dbyings su sgrol byed cing // pha rol phyin drug phyag rgya las// sbyin pa chen po rtag tu gtong // mtshon du med pa'i sku mchog las// dmar po dbang gi na bzas brgyan// rdzu 'phrul bzhi yi zhabs dag gis// chu bdag gdan la brkyang bskums bzhugs// bdag gi me las gyur pa yi// sa bon las ni skur bskyed pa// mkha' 'gro 'od gsal sems ma'i mchog/ stobs ldan mchog gi dbu gsum gyi// srid gsum thig ler sgrol byed cing // pha rol phyin drug phyag rgya las/ sbyin pa chen po rtag tu gtong // mtshon du med pa'i sku mchog las// rin chen sngon mo'i na bzas brgyan// rdzu 'phrul bzhi yi zhabs dag gis// gshin rje'i gdan la brkyang bskum bzhugs// bdag gi bkrag las gyur pa yis// sa bon las ni skur bskyed pa// mkha' 'gro bkrag gsal sems ma'i mchog/ mi 'gyur ba yi dbu gsum gyis// skye 'gro mkha' la sgrol byed ma// pha rol phyin drug phyag rgya las// mi bzad pa yi sbyin pa gtong // cir yang 'gyur ba'i sku mdog la// btso ma gser gyi na bza' gsol// rdzu 'phrul bzhi yi zhabs dag gis// brgya byin gdan la rkyang bskum bzhugs// bdag gi gab pa'i thig le las// sa bon las

  275. 138a

    ni skur bskyed pa// bla na med pa'i yab yum gyis// sbyor ba'i gnas su drug po gting // bdag gi 'od zer sna tshogs las// sa bon las ni skur bskyed pa// dpal 'bar khro mo nyid kyi skusgra// bdag gi dngas ma bzhi po las// sa bon las ni sgrar bskyed pa// gsang ba'i yum bzhi nyid kyi sku// bdag gi dngas ma brgyad po las// sa bon las ni skur bskyed pa// khams gsum gdar gcod nyid kyi sku// bdag gi bde chen gsang ba las// sa bon las ni skur bskyed pa// dug gsum dbang sdud nyid kyi sku// bdag gi dpag bsam shing bu las// sa bon las ni skur bskyed pa// skye shi rtsad gcod nyid kyi sku// g.yang gzhi dag gi gdan steng na// bdag gi bde chen gsang ba las// sa bon las ni skur bskyed pa// pad+ma shAn ting dbang gi sgra// 'dod khams chen mo gtso mo yum// bdag gi srid pa'i mdo sdud las// sa bon las ni skur bskyed pa// yak+Sha khro mchog nyid kyi sku// bdag gi dbang po'i mdo sdud las// sa bon las ni skur bskyed pa// yak+Sha kro d+hi shA rI'i sku// g.yas g.yon thabs dang shes rab las// sa bon las ni skur bskyed pa// kro d+hi shwa rI sa ma ya// bdag gi srid pa 'jug byed las// sa bon las ni skur bskyed pa// gu h+ya kro d+hi shwa rI'i sku// de ltar rtag tu bsgom pa ni// byed pa po dang bya ba mo// pha ma med

  276. 138b

    pa'i pho mo gnyis// srid pa'i sngon du byung ba yin// sangs rgyas pas ni shin tu bgres// lnga las gyur pa'i bud med lnga/ gnyen med srid pa'i g.yung drung yin// bskyed pa'i khro mo bcu gsum ni// ci yang mi 'ong spun drug ste// rus med spun drug bcu gsum yin// mtshon du med pa'i nam mkha' las// gza' skar mang po 'bar ba ltar// byang chub sems kyi thig le las// rig pa'i phyag rgya cir yang snang // skye 'gag med pa'i dbyings su thim// gsang chen bde ba'i rdo rje las// b+ha ga'i dkyil du ling+ga spro// rtse nas bstim zhing dkyil 'khor bsgyur// ngas gsungs pa la the tshom med// dkyil 'khor bskyed pa'i bca' gzhi gab pa'i thig le'i le'u ste gnyis pa'o// // gdon 'dul lha yi yang gsol pa// 'gro ba sems can thams cad kun// rtog pa'i nad kyis zin pa la// bdud rtsi sman gtang ji ltar lags// ngo mtshar lha la bdag nyan 'tshal// de skad gsol pa gsan nas kyang // bla med dpal gyis bka' bstsal pa// rtog pa'i nad gzhi sman chen po// ngas bstan pa la the tshom med// ngas bstan pa la gdon mi za// nyon cig/ g.yung drung yang dag pa// rgyu gcig dang ni rkyen gnyis las// sa bon gyi ni rnam sbyangs pa// stong gsum sbyangs pas dri mchog 'gyur// dug gsum nad kyi gnyen po yin// rgyu gnyis dang ni rkyen gnyis

  277. 139a

    las// sa bon gyis ni rnam sbyangs pa// spro bsdu du ba 'thul ba dang // 'gro 'dul rnam rtog thams cad 'dul// nyon mongs lnga yi nad rnams zhi// rgyu gsum dang ni rkyen lnga las// sa bon gyis ni yang dag sbyangs// spro bsdu g.yos par gyur pa ni// rnam shes brgyad ni kun tu rgyu// 'jigs pa'i nad rnams zhi bar byed// bdag gi dri ma chen po las// sa bon gyis ni rnam sbyangs te// zos na yon tan gnyis dang ldan// dngos grub chen po gti mug yin// bdag gis dngos po mAM sa las// sa bon gyis ni rnam sbyangs te// zos na yon tan gnyis dang ldan// dngos grub chen po nga rgyal yin// bdag gis khrag las gyur pa yis// sa bon gyis ni rnam sbyangs pa// zos na yon tan gnyis dang ldan// dngos grub chen po 'dod chags yin// bdag gis dri chu las gyur pa'i// sa bon gyis ni rnam sbyangs te// zos na yon tan gnyis dang ldan// dngos grub chen po phrag dog yin// bdag gis gsang ba'i sa bon las// sa bon gyis ni rnam sbyangs te// zos na yon tan gnyis dang ldan// dngos grub chen po zhe sdang yin// kun 'dus gcig tu gyur pa yin// phra mo stong dang sbom po brgyad// btus nas gong bur dril ba las// bsdus pa'i sa bon gyis sbyangs pa// spro bsdu 'od du gyur pas na// thabs dang shes rab phyag rgya las// zos na dpal

  278. 139b

    chen dngos grub thob// mkha' 'gro ma rnams mgu bar byed// rgyu gsum rkyen lnga bdud rtsi chen po las// snang ba chen po snang srid 'char ba'i rgyu// dus gsum rgyal ba kun gyi 'byung gnas te/ mkha' 'gro dam can kun gyi srog gi rgyun// rang bzhin bdud rtsi chen po'i 'byung gnas yin// rang byung rnam dag nyid kyi sku gsung thugs// bdud rtsi chen po stong pa nyid zhugs pas// dug gsum rtog pa nad kyi gnyen po yin// theg chen sa gzhi chen po las// rtsi mchog mang po kun skyes te// 'gro ba'i gsos su gyur pa ltar// bdag nyid bdud rtsi chen po'i dkyil 'khor las// srog gis bsdus pa'i sems can thams cad kun// rnam rtog gnad kyi gsos su che// rgyu gsum rkyen lnga'i bdud rtsi ste// ma rig dmyal ba'i dong zhes bya// de skad ces ni bka' stsal pas// rdo rje sems dpa' dang lha gdon 'dul la sogs te 'khor der 'dus pa rnams bdud rtsi'i dkyil 'khor gyis gtan du tshims nas mi 'chi ba'i dngos grub thob bo// bdud rtsi chen po lngas rnam par rtog pa'i mtshan ma bcoms nas/ chos nyid du gyur pa'i bdud rtsi'i bca' gzhi'i le'u ste gsum pa'o// // g.yung drung lha yis yang gsol pa// srid pa'i sems can thams cad kun/ 'dod chags kyis ni khams gsum 'khor// zhe sdang gis ni ngan song lhung // de la ji ltar

  279. 140a

    nan tan bgyi// nyag gcig yab la bdag nyan 'tshal// gtso bo yab kyis bka' stsal pa// ji ltar chags sdang rnam pa gnyis// dngos grub chen por ngas bstan gyi// nyon cig gsung drung yang dag pa// zhes sdang chen po'i ting 'dzin gyis// pha dang khu bo mes po dang // lha dang bram ze mu stegs dang // bran dang g.yog po la sogs te// zhing bcu dag tu bstan pa la// phung po bsad de snying phyung na// dngos grub ya mtshan chen por 'gyur// 'dod chags chen po'i ting 'dzin gyis// ma dang bu mo sring mo rnams// lha mo klu mo rigs ngan rnams// bran mo g.yog mo la sogs te/ gdol pa mo dang phul pa la// tshul dgur sbyar na dngos grub 'thob// ces bka' stsal pa dang / g.yung drung lha sogs ya mtshan du gyur nas/ sngangs te ci yang mi smra bar/ 'khor de dag las 'khor gyi gtso bo dpal rdo rje sems dpa' stan las langs te/ ye shes bzhi'i brkyang phyag phyogs bzhir 'tshal te/ bag bzhi sa la brdabs nas lus rgyangs te/ rgyal po rdzogs pa'i zhabs spyi bos blangs te/ dngos grub myur bar 'dod pa'i phyir phyag rgya bcas nas gsol pa/ pha dang nye bzhi zhing bcu dag/ bsad na dngos grub thob pa yis// zhes sdang chen po'i ting 'dzin la// zhing bcu bsad na dngos grub thob// rtog pa sna tshogs las bya'o// ma dang nye ba phyal

  280. 140b

    pa dang // sbyor na dngos grub thob pa yi/ 'dod chags chen po'i ting 'dzin gyi// dngos grub chen po dag 'tshal na// spyi dpal chen pos bstan du gsol// zhes zhus te lus sa la lan stong du brdab pa dang / srid pa thams cad dus gcig tu g.yos te/ 'khor thams cad dus gcig tu khams 'khrugs nas/ thams cad bag bzhi sa la brdabs nas ya mtshan to// spyi dpal chen po ya mtshan to// zhes tshig smras pas/ pad+ma kha 'bus pa ltar sor mo bcu spyi bor blangs nas/ mig mi ldog par mngon rdzogs rgyal po la rtog go/ de nas de lta bu'i spyod pa thugs su chud nas/ 'khor thams cad la dgyes pa ye shes kyi mdangs kyis gzigs te bka' bstsal pa/ rdo rje 'khor la gdung ba dang // sems can kun la thugs brtse'i phyir// rdo rje sems dpa' zhus pa legs// kun kyang dran pa gnas su sdus// srid pa thams cad bde la 'khod// ngas kyang bdud rtsi'i snying po sbyin// 'dus na sa ma ya lhan snyam// zhes brjod pas 'khor kun sems rnal du phab pa dang / srid pa thams cad dus gcig tu bde'o// rna ba'i dbang po blags nas/ rdo rje sems dpa'i phyag rgya'i rjes su zhugs nas gus pas nyan to// de nas spyi dpal chen pos bka' stsal pa// gnyen sdug dang ni zhing bcu pa// bsad pa'i phyir ni zhe sdang bsgom// sbyang ba gsum gyis rnam sbyangs

  281. 141a

    pas// srid pa'i bag chags ma lus 'byang // lnga yi tshogs su sa bon gyis// sgo lnga bkag na tshor ba med// snying brtse ba yi shugs dag gis// bsdus nas rgyal ba'i ri lu bzhin sbyin yang // sgo 'byed pa yi sa bon gyis// bo d+hi tsit+ta'i sgo phye nas// rna brgyud byin pas sems zhu ste// mas yar bzlog pa'i sa bon gyis// sbar te 'bru bzhi bcu yang sa bon gyis/ chu dang 'o ma 'dres pa bzhin// mya ngan 'da' ba'i phyag rgya yis// bcings na bde skyid g.yung drung 'byin// rkyen lnga sgo 'byed sa bon gyis// ri rab chen po'i sgo phye ste// lha mo lnga yi phyag rgya yis// lcags kyu'i phyag rgyas bsdams nas su// rgyu gcig dbyings nas phyungs nas su// mtshams sbyor ba yi sa bon gyis// ye shes g.yung drung brdal ba la/ spyi dpal chen po'i mtshams sbyar nas// gser dang dngul du bsres pa bzhin// sdig pa spyad kyang ye shes 'bar// yang na dkyil 'khor gsal spros te// phung pos mngon rdzogs lha la mchod// rtsa ba gsang ba'i b+ha ga la// mtshams su sbyor ba'i sa bon gyis// sras su bskyed na bsod nams mchog/ bskal pa'i me dpung 'bar ba yis// srid pa'i bud shing bsregs pa ltar// ye shes me dpung 'bar ba yis// 'gro ba kun gyi bag chags bsregs// me la shing gi bsnan pa ltar/ sdig pa spyad kyang ye shes 'bar// ma sring dang ni phyal pa

  282. 141b

    dang // sbyor ba'i phyir ni 'dod chags bsgom// lnga yi sa bon rnam lnga las kyang / lha yi sa bon gnas lnga dang // gcig la lnga yi tshom bur sbyar// lan lam yang du bde ba'i sa bon gyis// b+ha ga la ni 'dab ma brgyad pad+mas brgyan// stan du bde ba'i sa bon gyis// klong nas 'khor lo'i rtsibs su bcas// las kyi sa bon g.yas g.yon la// dbu la mkha' 'gro lnga po nyid/ dril bu'i sa bon rkang gnyis la// zhags pa'i sa bon lag gnyis por// bdag nyid snying po brtan pa'i sku// gnas lngar ral gri'i sa bon lnga// gcig la mkha' 'gro lnga lngas bskor// 'dren pa'i sa bon sgal tshigs la/ dgyes pa'i sa bon g.yas g.yon la// bstim pa'i sa bon gsang ba la// lcags kyu'i sa bon rkang gnyis la// lcags sgrogs sa bon lag gnyis la// bskyod pa'i sa bon mtshams su ste// spros nas gnyis su med pa'i tshe// mchod pa ci yi sa bon gyis// stong khams bkang nas mnyes mchod la// rigs drug 'gro ba'i sdig sbyangs nas// 'jug pa'i sa bon chen po yis// brdzus nas kun bzang mkha' la bstim// gting dpag med pa'i rgya mtsho la// chu bran mtha' dag 'du ba ltar// bya byed gnyis kyi klong dkyil du// ma sring la sogs klu mo dang // gdol pa rigs ngan phyal pa dag/ tshur dgur sbyor na dngos grub mchog/ ces bka' stsal pa dang / 'khor thams cad kyis

  283. 142a

    chags sdang gi dngos grub thob bo// ta na ga Na'i bca' gzhi'i le'u ste bzhi pa'o// // rdo rje sems dpas yang gsol pa// mngon spyod mchod pa chen po dag/ ji ltar bdag gis nan tan bgyi// spyi dpal mchog la bdag nyan 'tshal// rgyal po bde bas bka' stsal pa// de phyir nyon cig rdo rje sems// mngon spyod mchod pa sna tshogs te// bdag nyid mkha' 'gro'i dkyil 'khor ldan// rgyan dang 'go ba'i longs spyod la// 'doms gang 'od kyi sa bon gyis// sbyangs na dkyil 'khor mnyes pa yin// bza' dang bca' ba'i longs spyod la// sreg pa'i sa bon mthar bzhag la// bdud rtsi'i sa bon mchog sbyangs te// mnyes shing dgyes pa'i sa bon gyis// mchod cing zos na dkyil 'khor mnyes// btung bas tshims pa'i longs spyod la// sreg pa'i sa bon gyis sbyangs te/ chu yi sa bon chen po yis// sbyangs te 'thungs na dkyil 'khor dgyes// phar gtong pa dang tshur len pa// pho dang mo yi sa bon gyis// sbyangs na thabs dang shes rab thob// mchod pa nyid kyi dkyil 'khor spro// rtags ka ni dang thad dong la// thabs dang shes rab sa bon gyis// sbyangs na sdig byang nyes pa med// 'di ltar byas na 'phags pa mnyes// mngon spyod mchod pa chen po yin// chos kyi rang bzhin dngos med de// dngos med yi ge stong pas

  284. 142b

    sbyaspangs// stong nyid stong pa ye nas dben// bsags pa'i snod kyang dngos pos stong // rnam par smin pa stong pas med// byed pa po dang bya ba mo// gdod nas stong pa'i 'bras bu yin// rtogs pas stong pa'i 'bras bu len// legs dang nyes pa gnyis med de// thig le chen po len pa med// gdod nas len pa'i rgyal po yin// de skad ces bka' stsal pas/ rdo rje sems dpa' la sogs pa 'khor phun sum tshogs pa kun// stong pa'i 'bras bu la sems mi yengs par rtogs go de nas gnod 'dul lha stan las langs te/ spyi dpal chen po'i zhabs la 'jus nas// mos pa chen pos gsol pa// dgongs shig bde chen ye shes lnga// srid pa 'khrugs pa'i rtog pa yi// sems kyi 'khrugs pa ci mchis pa// zhabs la spyi bos gtugs nas su// stong pa chen por bzod par gsol// 'bras bu chen por bzod par gsol// byang chub chen por bzod par gsol// thig le chen por bzod par gsol// de nas mi dmigs pa'i tshangs pa chen po thob// de nas rdo rje sems dpa' des// longs nas sku la sbrul ltar 'khril// mdzes pa chen po'i mchod pa byas// phyi dbang chen po bdag la stsol// nang dbang chen po bdag la stsol// gsang dbang chen po bdag la stsol// zhes zhus pa dang / spyi dpal chen pos bka' stsal pa// phyi dang nang dang gsang ba

  285. 143a

    yis// nga yis gsang rgyud chen po 'di// phyogs bcu'i sangs rgyas thams cad la// gsang ba 'di las mi mnga' bas// gsang ba'i gsang chen gsang ba'i gter// gsang ba mchog gi spyod pa 'di// rdo rje sems dpa' khyed la gtad// 'gro ba kun la snying brtse'i phyir// nga yi spyod pa tha dag dang // nga yi byin rlab chen po rnams// rdo rje sems dpa' khyod kyi bzung // de nas rdo rje sems dpa' khyod// gsang ba kun gyi byed pa po// gsang ba'i gsang chen gsang ba'i bdag/ sku dang gsung dang thugs gsang ba// gsang ba'i dpal du dbang bskur ro// sangs rgyas kun gyi dgongs pa ste// rnal 'byor kun la bde sbyin pa// rdo rje sems dpa' khyod kyis zung / gu ya hA rA dza sa ma ya a la la ho// zhes gnang ba dang / de nas rdo rje sems dpa' des// rgyan dang cha lugs bkrol byas te// spyi dpal mchog la mngon par gtor// gsang dbang chen pos stsal pa'i phyir// snying dang snying gi grogs mo de// spyi dpal mchog la yon du 'bul// rgyan dang cha lugs mang po kun// gsang dbang gnang nas yon du bzhes// mngon spyod mchod pa chen po'i le'u ste lnga pa'o// // rdo rje sems dpas yang gsol pa// sa ma ya zhes bgyi ba gang // sa ma ya la du zhig mchis// sa ma ya la don rnams gang // de skad ces zhus pa gsan nas

  286. 143b

    kyang // nyag gcig yab kyis bka' stsal pa// sa ma ya zhes bya ba ni// 'da' bar dka' ba'i dam tshig go/ dam tshig grangs la bsam mi khyab// bsdus na rnam pa gsum yin no// rdo rje sems dpas yang gsol pa// sa ma ya zhes bka' stsal pa// ji ltar bdag gis nan tan bgyi// nyag gcig yab la bdag nyan 'tshal// nyon cig dpal ldan rdo rje sems// ston pa bde gshegs kun gyis dpal// sku yi phyag rgya mi spang zhing // bsgo ba'i tshig rnams mnyan par bya// rdo rje spun la gdung ba skyed// 'di ni lus kyi sa ma ya// bskyed rdzogs sa bon rgyun mi gcad// rgyal po phyag rgya gsal bar bsgom// 'di ni ngag gi sa ma ya// gsang ba'i snying po nges pa'i don// snod ngan rnams la spel ba min// 'di ni tsit+ta'i sa ma ya// tan gan dang ni 'bras bu lnga// spang bar mi bya spyad par bya// 'di ni yan lag sa ma ya// dmigs med spyod pa mtha' dag kun// 'gro don rdzogs pa'i sa ma ya// sa ma ya ni rdo rje che// 'da' bar mi byed rdo rje'i dam// bcol ba'i las rnams byed pa ni// mkha' 'gro rnam gsum sa ma ya// zhes dpa' bos bshad do// de skad spyi dpal chen pos bka' stsal pas/ 'khor thams cad yi rangs te/ rdo rje sems dpa' dang / rigs lnga'i sangs rgyas rnams ni/ gsang ba'i bdag por gyur/ 'khor mang pos ni g.yung drung gi dngos

  287. 144a

    grub thob nas/ gsang ba dgyes pa'i dam tshig can du gyur to// gsang ba bca' gzhi'i le'u ste drug pa'o// / rnal 'byor gyi rgyud lung chen po ka ma la daM bi sid+d+hi ma ha tan tra las/ dkyil 'khor bskyed pa dang / bdud rtsi chen po'i bca' gzhi dang / ting nge 'dzin phun sum tshogs pa'i gzhi dang / sa ma ya'i bca' gzhi ste rin po che gter gyi le'u ste bdun pa'o// // gdon 'dul lha yis yang gsol pa// srid pa'i dbang can ma mo rnams// spyan rnams drang na gang nas drang // dbang du bsdu na ci ltar bsdu// las la bskol na ji ltar bkol// tshogs kyi mchod pa ji ltar 'bul// de skad zhus pa gsan nas kyang // rdzogs sangs rgyas kyis bka' stsal pa// nyon cig g.yung drung yang dag pa// las rnams 'og ma 'di ltar bya// hUM srid pa thams cad yum gyi b+ha ga'i klong / dus gsum bde gshegs 'byung ba lnga yi dang / skye 'gro ma lus 'byung ba lnga la rdzogs// 'das dang ma 'das 'byung ba lnga yi dbyings// 'byung ba lnga nyid b+ha ga yum gyi klong // bde chen yum gyi klong la phyag 'tshal lo// hUM khams gsum thams cad yum gyi b+ha ga'i brgyan// snang srid thams cad 'khor lo rtsibs bzhi pa// gru chad sgo bzhi b+ha ga'i tshul du brgyan// 'byung ba lnga yi rgyal mo sku skyod cig/ 'khor lo 'bar ba'i lte dbus su// ya bdud bsgyel

  288. 144b

    paba'i gdan steng du// yum gyi rgyal mo spyan 'dren te// zur bzhi zhabs brgyad phyogs mtshams gnon// mkha' bzhi bde klong gcig tu 'khyil// mkha' la dus bzhi'i cha bsnyam ma// dbu gcig zhal lnga srid par gsal// zhal nas 'byung ba lnga 'char ma// phyag drug phyag cha sna tshogs bsnams// dang po rdo rje dril bu dang // bar ma zhags pa b+han+d+ha 'bar// tha ma bdud rtsi g.yang gzhi 'bar// sna tshogs 'gyur ba'i sku mdog la// na bza' sna tshogs shin tu 'bar// 'khor lo 'bar ba'i rtse mo la// tshogs kyi bdag mo gshegs su gsol// hUM shar phyogs 'khor lo'i rtsibs steng du// sa bdag bsgyel ba'i gdan steng du// shar gyi mkha' 'gro seng ge'i gdong // rtag pa'i rgyal mo rnam snang gsal// sna tshogs 'gyur ba'i sku mdog la// na bza' dkar mo shel ltar dag/ dbu gsum phyag drug zhabs bzhir bgrad// dang po rdo rje b+han+da 'bar// bar ma dgra sta gtun shing brdeg/ tha ma seng ge mchog chen stod// 'byung ba sa yi mnga' bdag mo// 'gro ba'i rus la mnga' mdzad ma// rus pa'i bdag mo gshegs su gsol// hUM byang phyogs 'khor lo'i rtsibs steng du// gnod sbyin bsgyel ba'i gdan steng du// byang gi mkha' 'gro khyung chen gdong / rtag pa'i rgyal mo yang gsal g.yos// sna tshogs 'gyur ba'i sku mdog la// na bza' ljang gu shin tu

  289. 145a

    'bar// dbu gsum phyag drug zhabs bzhir bgrad// dang po rgya gram b+han+da 'bar// bar ma khyung chen rgyu phreng 'dren// tha ma sbyang mo zhing chung stod// 'byung ba rlung gi mnga' bdag mo// 'gro ba'i dbugs la mnga' mdzad ma// dbugs kyi bdag mo bzhugs su gsal// nub phyogs 'khor lo rtsibs steng du// chu bdag bsgyel ba'i gdan steng du// nub kyi mkha' 'gro dur bya gdong // rtag pa'i rgyal mo gnyen gsal mo// sna tshogs 'gyur ba'i sku mdog la/ na bza' dmar po dbang gis mdzes// dbu gsum phyag drug zhabs bzhir bgrad// dang po pad+ma b+han+da bsnams// bar ma zhags pa tri shu la// tha ma ce spyang zhing chung snod// 'byung ba chu la mnga' mdzad ma// 'gro ba'i khrag la mnga' mdzad ma// khrag gi bdag mo bzhugs su gsol// hUM lho phyogs 'khor lo'i rtsibs steng du// gshin rje bsgyel ba'i gdan steng du// lho yi mkha' 'gro ban glang gdong // rtag pa'i rgyal mo 'od gsal mo// sna tshogs 'gyur ba'i sku mdog la// na bza' sngon mo bai DUr+ya// dbu gsum phyag drug zhabs bzhir bgrad// dang po rin chen b+han+na 'bar// bar ma me dpal dbyug to bsnams// tha ma stag mo zhing chung snyod// 'byung ba me la mnga' mdzad ma// 'gro ba'i drod la mnga' mdzad ma// drod kyi bdag mo bzhugs su gsol// hUM dkyil 'khor 'khor

  290. 145b

    lo'i rtsibs steng du// brgya byin bsgyel ba'i gdan steng du// nam mkha'i mkha' 'gro rdo rje'i mchu// rtag pa'i rgyal mo brlag gsal mnyam// sna tshogs 'gyur ba'i sku mdog la// na bza' ser po btso ma gser// dbu gsum phyag drug zhabs bzhir bgrad// dang po 'khor lo b+han+da 'bar// bar ma rgyal mtshan spu gri 'dzin// tha ma 'ug ma zhing chung snyod// nam mkha' stong la dbang bsgyur ma// 'gro ba'i bkrag la mnga' mdzad ma// bkrag gi bdag mo bzhugs su gsol/ kun kyang ye shes mkha' 'gro ma// mche ba can la gtsigs shing ha ha bzhad// 'jigs tshul che la snying rjer ldan// ye shes drug dang ldan pa ste// pha rol phyin pa de bzhin gshegs// sems can kun la snying brtse'i phyir// 'gro la phan phyir gshegs su gsol// da ni ma mo dbang du bsdu ba'i bskul thabs bsten te// nyon cig gdon 'dul lha yi gtso// gtso mo la sogs drug po ni// bdag nyid chen por bsgom par bya// bcu bzhi man chad gdan du 'ding // bdag nyid chen po bsgom par bya// ma ni dgyes chen rtag pa'i mkha'// mo ni bde chen longs spyod klong // ma ni rtag chen g.yung drung mkha'// mo ni chags med byang chub klong // ma ni sku gsung thugs kyi mkha'// mo ni lus ngag yid gsum klong // ma ni rgyal ba kun gyi mkha'// mo ni srid pa kun gyi klong / ma ni skye ba med pa'i

  291. 146a

    mkha'// mo ni 'gag pa med pa'i klong // ma ni thabs mchog gnod med mkha'// mo ni shes rab chags med klong // ma ni mkha' yi dbyings nyid mkha'// mo ni sems kyi sems nyid klong // ma ni chos kyi chos nyid mkha'// mo ni b+ha ga dbyings nyid klong // de la ma mo lus la ji ltar dbang du bsdu zhe na// tshig dang don du 'di skad ston// ye shes thig le chen po dang // gsang chen bde ba'i sras mchog dang // man ngag rdzogs pa'i dkyil 'khor la// yang gsang ma mo drug mo de// chags pa'i gdan du bsgom par bya// 'od chen kha dog sna tshogs kyis// srid pa bde 'gro chen mo dang // nyi zla thod phreng gdan du bting // thig le chen po rgyan bzhi yis// khros pa'i dbang chen bzhi po dang // chags pa'i gdan du gding bar bya// srid pa'i dang ma brgyad po las// sbas pa'i ma mo bzhi po dang // thugs kyi dgyes sde bzhi rnams kyang // mngon sum gdan du gding bar bya// bde chen gsang ba'i dkyil 'khor du// srid pa chags byed spun gnyis mnan// srid pa rang lus gnyug ma yis// e ka tsa ti spun drug mnan// chags pa'i yum chen dmar mo yis// 'dod khams gtso mo spyan gnyis mnan// srid pa gsum gyi mdor sdud kyis/ nam mkha'i rgyal mo spyan bzhi mnan// dbang po spyi yi mdo gsal gyis// srid pa'i ma chen bdun rnams

  292. 146b

    mnan// g.yas g.yon thabs dang shes rab kyis// dmag gi rgyal mo spun bzhi mnan// srid pa 'jug byed pho mo yis// nyi shu rtsa brgyad gan rkyal mnan// de ltar gdan du gding bar bya// snying 'dren phyag rgya bcings nas su// drag po'i sngags kyi mnan par bya// hUM mu kha le ha na ha na hUM ha he phaT/ kro d+hI shwa rI b+ha ga shan+ting nan sA ra pad+ma kha rag sring 'gro nan nan/ su tri du na tri dan tri nan nan/ ma duSh+TAn phaT/ ke ta ko ni la lang tra nan ma mo b+h+yo hUM phaT nan/ ma ma duSh+TA na phaT/ pad+ma rak+ta pra be sha nan phaT/ nan nan/ de skad ces ni brjod pa yis// gdan ni rgyu rnams bskyed pa yi// bdud rtsi dmar chen khar lugs so// oM badz+ra a mr-i ta u tsit+ta nan/ 'di ni srog 'phrog pa'i sngags yin te// gdan gyi snying khrag zhal du rngub// lce yi steng du gsal bar bzhag/ de nas gdan las bkye nas su// sgrub pa'i las rnams byed par bsgom// che ba'i nga rgyal 'di skad bskyed// hUM nga ni khrag 'thung kun gyi rje// nga ni khro bo kun gyis yab// nga ni srid gsum snying rje'i bdag/ nga ni ma mo kun gyi rje// thams cad kun gyi snying khrag bdag/ khyed kyi snying khrag nga la yod// nga yi las rnams khyod kyis sgrubs// dza hUM du ri ma ma b+h+yo ma ma b+h+yo/ ma ma b+h+yo ru lu ru lu rag mo b+h+yo/ hUM ye shes rtsal 'phang thig le yis// bsgom bya ma mo bcu gsum la// drug cu rtsa brgyad dkyil 'khor

  293. 147a

    rdzogs// zhes 'byung ste bdag nyid bla na med pa'i ting nge 'dzin du gsal bar byas la/ sems las skyes pa'i ma mo bcu gsum dang / ma mo drug cu rtsa brgyad kyi srog gi snying po bsdus la 'khor du bzhag go/ de nas rnal 'byor gyis mchod pa gzhung bzhin bshams la// sna la ye shes lnga las bskyed pa'i ma mo mchod do// hUM thig le dbyings las bskyed pa'i khro rgyal yum// ye shes thugs las skyes pa'i khro mo'i skur ston pa/ gnyis med ha ha bzhad cing rngam pa'i sgra yis hUM sgra 'byin// mche ba dmar po gtsigs nas snying 'dren rkan sgra can// skye shi rtsa ba bcad nas bde klong thugs la bsdu// kun kyang sku mdog khro mor bzhugs zhing dbang chen dkyil 'khor rdzogs// phyag nas sprul pa gtong zhing dug gsum dbyings su sbyor// ma tshogs 'khor du bsdus nas b+ha ga mnga' mdzad ma// drug cu rtsa brgyad tshogs kyi dus la bab kyis rngams pa'i mdangs phyung zhig/ srid pa'i dkyil 'khor rdzogs pa'i thig le che// dgyes pa bzhad pa'i sgra sgrogs rol pa tshul bzhin mdzod// rgyu las bskyed pa'i bdud rtsi chen po 'di// rnam rtog gzhom phyir khyed kyis sku la thim par mdzod/ ha hUM he ma b+h+yo b+h+yo// ru lu ru lu b+h+yo a la la ho// oM ha ho// sku las bskyed pa ston nas su// 'khor gyi drug po spyan drang ngo // hUM ma mo chen mo tshogs kyi dkyil 'khor nas// kun

  294. 147b

    'byung dkyil 'khor mnga' bdag mo// bzhi zur zhabs brkyang zhal sngar 'bar// mkha' la srog gi mnga' mdzad na// dkyil 'khor gtso mo bzhugs su gsol// hUM ma mo chen mo rgyu bdag mo// sna tshogs 'gyur ba'i sku mdog la// zhal gsum shar gyi mkha' 'gro ma// hUM ma mo chen mo dbugs bdag mo// sna tshogs 'gyur ba'i sku mdog la// zhal gsum byang gi mkha' 'gro ma// hUM ma mo chen mo rlan bdag mo// hUM sna tshogs 'gyur ba'i sku mdog la// zhal gsum nub kyi mkha' 'gro ma// hUM ma mo chen mo drod bdag mo// sna tshogs 'gyur ba'i sku mdog la// zhal gsum lho yis mkha' 'gro la// hUM ma mo chen mo bkrag gi bdag/ sna tshogs 'gyur ba'i sku mdog la// zhal gsum nam mkha'i mkha' 'gro ma// yang sbas drug gi dkyil 'khor rnams// thugs dam chen po rjes dgongs te// bcol ba'i las rnams grub par mdzod// de nas bcu bzhi man chad kyang // rang rgyud lugs bzhin bskul bar bya// ma mo bkol thabs dang dbang du bsdu ba dang tshogs kyi le'u ste brgyad pa'o// // gnod 'dul lha yis yang gsol pa// ma mo kun gyi phyag rgya rnams// don du ji ltar 'tshal bar bgyi// rdzogs sangs rgyas kyis bka' stsal pa// ma mo rnams kyi phyag rgya rnams// 'bru lnga'i don du ngas bstan pa// nyon cig gnod 'dul lha yi gtso// a la la

  295. 148a

    ho// sa ma ya hUM ha he s+t+waM// lag gi 'du byed bsgom pa ni// g.yas g.yon thabs dang shes rab las// rdo rje gar du bskor ba las// shes rab mchog gi snying gar bstan// sbom po dbang mo rtse sprad de// thabs kyis phyogs mtshams bskor ba ni// ma mo'i tshogs kyi rgyal mo'i rgya// rdo rje'i sder mo dam bsnol de// rdo rje khu tshur rgya bcing la// ma mo rdo rje rus pa'i rgya// rdo rje khu tshur bcings pa las// hUM dang gnyis rtse sprad de// 'bru gsum brkyang nas gshog pa'i tshul// na ra ha sar bzung ba ni// ma mo rdo rje dbugs kyi rgya// rdo rje khu tshur bcings pa las// oM dang sra gnyis rgyal bsnol 'khyud// 'bru gsum rtse sprad sku gsung thugs// bzhad pa'i zad kar bzung ba ni// ma mo rdo rje khrag gi rgya// rdo rje khu tshur dam bcings nas// ha ha rtse sprad gyen du bsgreng // oM gnyis rtse sprad zad kar brkyang // sra bsgreng rtse sprad thur du brgyang // 'bru gnyis so so dam bsnol nas// gu ya thugs kar bzung ba ni// ma mo rdo rje me yi rgya// rdo rje khu tshur bcings pa las// oM gnyis rgyab bsnol lu gu rgyud// 'bru gsum so so rtse sprad de// hUM gnyis drag tu g.yob pa ni// ma mo rdo rje bkrag gi rgya// thabs kyi oM dang ha gnyis las// shes rab swa yis brten par bya// shes rab oM dang ha gnyis las// thabs kyi hUM gis brten par bya// shes rab oM dang hUM

  296. 148b

    brgyad ste// rdo rje thal mo brkyang pa las// thabs kyi oM dang sras bkan pa// sems kyi dkyil du mnan bkab pa// ma mo ye shes mkha' 'gro'i mchog/ rdo rje mkha' 'gro sa chen kun rdzogs pa'i// phyag rgya yin par dpa' bos bshad// gtso mo rnams kyi phyag rgya'i le'u ste dgu pa'o// // gdon 'dul lha yis yang gsol pa// sems nyid 'jig rten la bzlas pa'i// phyag rgya chen po ji ltar lags// dbang phyug gtso yis bka' stsal pa// nyon cig gdon 'dul lha yi gtso// thig le chen po'i phyag rgya ni// rdo rje khu tshur la sprad de// shes rab mchog gi phyogs gnas su// oM aM ha gsum brtse sprad pa// rnam par thar pa'i sgo gsum brgya// thabs mchog bskyod pa'i phyogs gnas su// oM aM ha gsum rtse sprad pa'i// sku gsung thugs kyi rdo rje'i rgya// thabs kyi hUM gis sgo gsum ni// rang gis ye shes phyag rgya yin// shes rab swa yis sku gsung thugs// thig le byang chub sems kyi rgya// shes rab hUM gis rtse mo ru// zabs kyi sra ni phyir bstan pa// thabs dang shes rab phyag rgya ni// yang dag rdzogs kyis nges par bshad// thig le chen po'i rgya bcings nas// ma hA su khar bsdam nas su// bla na med par gsal 'gyur na// dug gsum nyes dmigs sel bar nges// ngas gsungs pa la the tshom med// dus gsum mgon pos 'di skad gsungs// sems

  297. 149a

    la bzla ba'i phyag rgya'i le'u ste bcu pa'o// // gdon 'dul lha yis yang gsol pa// gtso mo rnams kyi phyag rgya bstan lags na// bcu bzhi zhes ni bgyi ba yi// phyag rgya rnams ni ji ltar lags// bka' stsal pa/ nyon cig g.yung drung yang dag pa// bcu bzhi pa zhes bya ba yis// phyag rgya rnams ni ngas bstan no// g.yas g.yon thabs dang shes rab las// shes rab mchog gi snying gar bstan// shes rab phyogs mtshams bskor ba ni// phra men rgya mtsho tshogs kyi rgya// rdo rje sder mo brkyang pa la// ha gnyis rtse sprad phreng ba'i tshul// 'bru brgyad phyar nas gdengs pa ni// 'di gnyis nyi zla zod phreng rgya/ thabs kyi oM ni gyen du bsgreng // oM dang swa dang aM dang ha// oM la sbyar te zur can du// rtogs pa'i tshul du phyar ba dang // shes rab thal mo drang brkyang nas// dgu yi khar yang brkyang ba ni// rdo rje nyi ma khros pa'i rgya// oM aM swa gsum rtse sprad de// bsnol te dam du bsdams pa yi// hUM dang ha gnyis rtse sprad de// snying ga'i thad dkar bzung ba ni// khams gsum 'tsho byed khros pa'i rgya// rdo rje 'khor ba bsdus pa las// hUM dang ha gnyis gtor ba'i tshul// pad+ma khrag 'thung khros pa'i rgya// thabs kyi rdo rje thal mo gnyis// phyar te drag tu rgyab pa ni// srid gsum bde sbyor khros pa'i rgya// rdo rje thal mo phyar nas ni// gdong dang

  298. 149b

    dpral bar rab gtugs te// gus pa'i tshul gyis lus btud pa// 'di ni ma bzhi'i phyag rgya'o// ha dang hUM gnyis zhags pa'i tshul// phyi ma phyogs bzhir brkyang ba ni// 'di ni rgyan gyi rgyal mo'i rgya// thabs kyi phyag rgya khu tshur bcas// rgyag pa'i thabs su phyar ba ni// 'di ni dbyings phyug chen mo'i rgya// rdo rje thal mo sbyar nas ni// sku yi zad kar bzung ba ni// 'di ni bdag nyid chen mo'i rgya// g.yas g.yon so sor brkyang nas ni// ha dang hUM gnyis rtse sprad de// gshog pa'i tshul du brkyang ba ni// 'di ni dbyings phyug chen mo'i rgya// yi ge 'bru lnga rtse sprad nas// rdo rje thod pa'i tshul du bya// 'di ni dkar mo mig gcig rgya// dpa' bo 'bru lnga dam bsnol te// ha gnyis brtsegs te hUM las gtad// zod pa sul mang tshul du bya// 'di ni nag mo ral gcig rgya// yi ge 'bru lnga dam bsnol te// ha gnyis brtsegs la hUM la gtad// rtse mo so sor phyar ba ni// zod pa lcang lo'i tshul du bya// 'di ni dmar mo dbang bsgyur rgya// thabs dang shes rab rgya bsnol te// hUM dang ha gnyis rtse sprad de// rdo rje thod pa'i tshul du bya// 'di ni sor mo las mkhan rgya// ma mo bcu bzhi'i phyag rgya'i le'u ste bcu gcig pa'o// // gdon 'dul lha yis yang gsol pa// 'jig rten 'di yi dbang bgyid pa// rim pa gang dang gang la gsol// yang dag rdzogs kyis bka' stsal

  299. 150a

    pa// nyon cig g.yung drung lha yi gtso// 'jig rten ji ltar dbang bgyid pa// ngas bstan pa la sems thud cig/ 'byung ba lnga las bskyed pa ni// kun tu bzang mo'i dbang bsgyur ba ni bu mo spyan lnga// cha snyoms ma ni srid pa'i bde 'gro ma'o// 'byung ba lnga'i nyu le ma ni chags 'dzin spun gnyis so// dus bzhi rdzogs par byed pa ni kun tu bzang mo'o// dus bzhi la dbang byed bu mo spun lnga'o// dus bzhi nyu le ma chen mo ni phya ya bdud kyi chung ma'o// ma mo rang rang gis bkol thabs ni yum chen mo nyid kyis mkha' la rgyu ba'i ma mo gsum dang / dbyings las shar ba'i ma mo gsum dang / yi dam bsgom legs ma mo dang bdun 'khol lo// des srid pa bde 'gro ma 'khol lo// des rdo rje nyi ma khros pa'i dbang mo che dang // pad+ma khrag 'thung khros pa'i dbang mo che 'khol lo// des srid pa chags byed ma 'khol lo// des e ka dza tri la sogs pa bdun 'khol lo// des 'dod khams lha yi gtso mo dang // rdo rje gar gyi dbang phyug ma gnyis 'khol lo// des nam mkha'i rgyal mo dang gling bzhi'i spyi phud ma 'khol lo// bu mo spyan lnga ni srid pa thams cad la dbang byed do// rtag pa'i rgyal mo bkrag gsal mnyam gyi ni nyi ma'i thod phreng can 'khol lo// des srid pa cha snyoms ma 'khol lo// des ni sa bdag pad+ma thod phreng 'khol lo// des e ka tsa ra ma 'khol

  300. 150b

    lo// de rnams ni dbus kyi nyu le ste nam gyi gung la rgyu/ rtag pa'i rgyal mo rnam snang gsal gyis ni khams gsum chags byed khros pa'i dbang mo che 'khol lo// des dkar mo mig ma gcig ma 'khol lo// des rgyan gyi rgyal mo 'khol lo// des gru 'degs ma ha ra ting dkar mo 'khol lo// des dmag gi rgyal mo dkar mo mche ba can 'khol lo// des sring mo bzhi ste gling bzhi spyi 'gro ma 'khol lo// 'di rnams ni shar gyi nyu le ma ste nam gyi srod la rgyu'o// rtag pa'i rgyal mo 'od gsal 'bar gyis ni// srid pa bde sbyor khros pa'i dbang mo che 'khol lo// des thugs kyi dgyes sde ma nag mo ral pa can 'khol lo// des dbyings phyug ma 'khol lo// des gru 'degs ma dun ting nag mo 'khol lo// des dmag gi rgyal mo kha blan ma 'khol lo// des sring mo mkha' la khyung lding ma 'khol lo// 'di rnams ni lho'i nyu le ma ste nam gyi 'jing la rgyu'o// rtag pa'i rgyal mo gnyen gsal mas ni// rdo rje nyi ma khros pa'i dbang mo che 'khol lo// des thugs kyi dgyes sde dmar mo dbang bskur ma 'khor lo// des bdag nyid ma 'khol lo// des thugs gru 'degs ma shan+ti dmar mo 'khol lo// des dmag gi rgyal mo mchu 'jib 'khol lo// des dmar mo g.yag thod can 'khol lo// de rnams ni nub gyi nyu le ma ste nam gyi gung la rgyu'o// rtag pa'i rgyal mo yang

  301. 151a

    gsal g.yos kyis ni// pad+ma khrag 'thung khros pa'i dbang mo che 'khol lo// des thugs kyi dgyes sde ser mo las mkhan ma 'khol lo// des gru 'degs ma grub ting ser mo 'khol lo// des dmag gi rgyal mo ser mo rkang ljags ma 'khol lo// de rnams ni byang gi nyu le ma ste nam gyi tho rangs rgyu'o// yum chen mo nyid ni nyin mtshan phyed par gzigs te// phyogs bzhi mtshams brgyad kun la mnga' mdzad do// spyi dbang ni yum chen mos rtag pa'i rgyal mo lnga la sogs pa ma mor grags pa dang / srid pa kun la mnga' mdzad de/ rtag pa'i rgyal mo lngas ma mo chen mo bdun 'khol lo// des srid pa'i bde 'gro ma dang / nyi ma'i thod phreng can 'khol lo// des khros pa'i dbang mo che bzhi 'dul lo// des thugs kyi dgyes sde mo bzhi 'dul lo// des sbas pa'i ma bzhi 'dul lo// des srid pa chags byed cha snyoms ma gnyis 'dul lo// des e ka dzA ti spun drug 'dul lo// des ma bdun 'dul lo// de 'dod khams lha yi gtso mo ne tshan 'dul lo// des rdo rje gar gyi dbang phyug ma spun bdun 'dul lo// des dmag gi rgyal mo spyan bzhi 'dul lo// de ltar nang 'khrugs na'ang tha ma nas rim bzhin te/ gtso mo bcos na kun kyang bde// ma mo lnga bcu rtsa lnga'i so so'i dbang tshad do// sems las skyes pa'i ma mo bcu bzhi rnams bsnon pa de dag

  302. 151b

    la drug cu rtsa brgyad kyi tshogs zhes bya'o// ma mo so so'i dbang tshad kyi rim pa'i le'u ste bcu gnyis pa'o// // gdon 'dul lha yis yang gsol pa// bcu bzhi zhes ni bgyi ba de'i// rab rgyud rtsa ba ji ltar lags// 'gugs dang 'dren pa'i sngags rnams ni// rnal 'byor mchog la bdag nyan 'tshal// bka' stsal pa// nyon cig gdon 'dul lha yi gtso// bcu bzhi man chad rje khol gyi// rabs rgyud 'gugs 'dren sngags rnams kun// gtan tshigs rtsa ba sbas pa rnams// da lta nyid du gtan la dbab// de la ri rab gling bzhi gang du chags pas rang lugs yod par zad/ nyi ma dgu brgya rtsa gcig dang / zla ba dgu brgya rtsa gcig ste// nyi zla stong rtsa gnyis kyis ri rab kyi phyi rol na gnas pa'i snang srid thams cad tshigs nas// ci yang mi gnas pa las ri rab kyi nang ring thung du dpag bsam gyi shing yongs 'du sa brtol zhes kyang bya ba yod pa la/ shing gi rtse mo ri rab kyi bum pa'i nang na yum chen mo srid pa'i bde 'gro ma'am/ khams gsum yum mchog ma zhes bya ba sku mdog mthing gar bzhugs pa/ dbus dang phyag dang zhabs cir yang ston la/ rin po che sna tshogs kyi ral pa can/ sbas pa'i spyan gnyis la/ g.yas pa nas khrag gi mchi ma/ g.yon pa nas bdud rtsi'i mchi ma/ sbas pa'i zhal nas 'bras bu rnam pa lnga'i bcud 'dzag pa/ sbas pa'i

  303. 152a

    phyag gnyis la/ g.yas pas srid pa thams cad kyi rtse nas bzung ba/ g.yon pas rdo rje gdan la thugs pa yan chad bzung ba'o// sbas pa'i zhabs gnyis kyis/ g.yas pas 'jig rten gyi dbang chen thams cad kyi snying brdzis pa/ g.yon pas 'jig rten gyi dbang chen mo thams cad kyi snying rtsa mnan pa/ gsang ba'i mkha' ge sar gyi dkyil 'khor nas snang srid thams cad 'phel 'grib mdzad pa/ ye shes kyi gnas rang la shar ba las ma gtogs pa kun mkha'i gting du sdud pa/ spyi gtsug nas khrag gi ral pa gcig gis srid pa'i ma mo thams cad dbang du bsdud pa/ ri rab kyi rtse mo'i bum pa'i dbus na bzhugs so// de'i khol mo srid pa chags byed ma dang cha snyoms ma gnyis shing gi sked pa na gnas so// yum chen mo'i khol mo srid pa zhig 'dzin dang / srid pa'i byin mkhan gnyis shing gi rtsa ba na gnas te/ ri rab kyi phyi rol du gnas pa'i snang srid kyi skye 'gro thams cad tshig nas mi snang ba las/ srid pa'i bde 'gro mas nyi zla dbang zla dbang du bsdu ba'i phyir/ 'byung ba lnga'i 'od las byung ba'i bu mo mdog dkar mo la g.yu'i ral pa can// dpral ba'i dbyes na mig zur gsum pa gcig yod pa/ lcags dang zangs kyi mkhar nag la snying brgyus pa'i zhags pa 'phen pa gcig skyes pas// des nyi zla stong thod dang phreng bar bcings nas//

  304. 152b

    nyi zla zung gcig btang ba las/ gdod srid pa cha bsnyams so// de nas yum bde 'gro mas phyi rol gyi snang srid thams cad phyung ngo // de nas dkar po nyi zla'i thod phreng can de nyid phyi ni gsang ba bsdus te rab tu gsang zhing sbas pa la// mu stegs kA la chen po bya ba/ ri rab kyi 'og rgya mtsho'i gting na gnas pa des mthong ngo // byi ba'i lo la yid kyi sbyor ba gcig byas pa las/ glang gi lo la bu mo spun bzhi skyes pa dang / khol mo srid pa cha snyoms kyis lte ba bcad do// bu mo de bzhi'i ming ma yis btags so// dbyings phyug ma dang / rgyan gyi rgyal mo dang / bdag nyid ma dang / gcig pu ma bzhir btags so// de yang ming ches nas/ de bzhi srid pa phung ba dang 'dra bar lan gcig byas so// de nas nga nyid kyis ye shes yid kyi sprul pa bkye nas su/ 'jig rten phung byed bzhi yi mngal la sogs pa dbang du bsdus// hUM las sprul pa'i bu mo bzhi// de bzhi las ni bskyed byas te/ de bzhi'i ma srid pa chags byed mas byas so// phyi mo dang tshams ming btags te/ rdo rje nyi ma khros pa'i dbang mo che dang / rdo rje pad+ma khros pa'i dbang mo che dang // rdo rje bde sbyor khros pa'i dbang mo che dang / rdo rje khams gsum rdzogs byed khros pa'i dbang mo che dang / de ltar bzhir ming btags so// ming de legs nas/ bu mo de bzhis ma las kyang bzhi dbang du bsdus so// des

  305. 153a

    srid pa bde la bkod do// sprul pa'i bu mo de bzhi dang // rigs kyi 'byung ba bzhi po ru// dpag bsam shing gi yal ga la// 'brug gi lo la rtsed 'jo byas pas/ mu stegs kyi ka las tshor nas su// sdig chen dmod pa'i mtshon cha ni/ mdza' na rgyug pa khyed cag rnams// nal bu lto ru zhugs nas su// ngo tsha'i bu yang sbed par shog/ ces dmod mo dmos so// dmod mo des sdigs te sbrul gyi lor bu mo spun bzhi dus gcig skyes// khol mo srid pa chags byed kyis lte ba bcad do// de nas ma bzhi ngo tsha nas ri rab kyi ngos bzhir bsnyungs te bzhag pa la/ rta'i lo la blta bas mi bra ba'i bud med rdzu 'phrul che zhing mtshan dang ldan pa bzhi zhig gda'/ de spyi dpal chen po'i spyan gyis gzigs nas/ thugs kyi dgyes sde mo gsang ba'i byi mo bzhir bzung ngo // dkar mo mig gcig rgyas 'debs ma dang / nag mo ral gcig rmongs byed ma dang / dmar mo dbang bsgyur za byed ma dang / ser mo las mkhan tshe 'phel ma zhes thugs las ming dang mtshan btags so/ ma mo bcu bzhi'i rabs rgyud kyi le'u ste bcu gsum pa'o// // de nas rdo rje rnal 'byor ma de rnams kyi khol mo srid pa chags byed ma dang / khol po srid pa zhig 'dzin gnyis khyi lo dpyid zla ra ba'i ngo la khyo shug tu 'dus pa las/ phag gi lo dpyid zla ra ba'i

  306. 153b

    nya la bu khye'u gcig skyes te/ jo mo nyi zla'i thod phreng can gyis skos rje drang kar du ming btags te blon por bskos so// de nas skos rje drang dkar dang srid pa'i cha snyoms ma gnyis khyo shug tu 'dus te// srid pa cha bsnyams so// de gnyis la bu mo spun drug skyes te bzhi ni khros pa'i dbang mo che blon po rgyal po chen po bzhi'i chung mar blangs te// jo mos ri rab kyi gra 'degs su bcug ste// gru 'degs ma chen mo bzhir ming btags so// bu mo chung ngu spun gnyis la// gcig ni srid pa byan mkhan gyi chung mar blangs so// jo mo nyi zla'i thod phreng gis he ru ka stir ming btags so// srid pa'i byan byed du bcug go/ de'i nu mo tha chung e ka dzA Ti ni dbyings phyug ma spun bzhi'i 'khor na gnas so// de nas rgyal po chen po bzhi las/ bu mo spun bzhi skyes te/ dkar mo mche ba can dang / nag mo kha blan ma dang / dmar mo mchu 'jib ma dang / ser mo rkang ldag ma dang bzhi skyes te/ de bzhi ni thugs kyi dgyes sde mo bzhi'i 'khol mo ste/ dmag gi rgyal mor bskos so// de nas khros pa'i dbang mo che bzhi'i 'khol mo// e ka dza TI shugs kyi blon po lha chen po bdun gyi chung ma dang srin mo chen mo bdun po de 'jig rten du gnod pa la/ yum chen mo'i thugs kyi sprul pa las/ dbyings las shar ba'i ma mo gsum dang / mkha' la rgyu ba'i ma mo gsum dang / gsang bas

  307. 154a

    bsdus pa'i ma mo gcig ste/ thugs kyi sprul pa'i ma mo bdun gyis srin mo bdun po btul lo// de nas gtso mo bzhi las rgyan gyi rgyal mo spun bzhi mngags nas/ bu mos ma'i bkrag dang gzi mdangs 'phrog ste dbang yang med mthu yang chung la/ zhe ngan sha stag byed na de nas rgyan gyis rgyal mo dang / khol po phA ya bdud gnyis byi ba'i lo la byi bgyis pa'i bu/ glang gi lo la yar la shod kyi skyes to re dang / 'dod khams lha'i gtso mo ming sring gnyis skyes so// de yang yar la shod kyi skyes to re dang / jo mo na yang jo mo/ sru mo na yang sru mo// bdag nyid ma zhes bya ba gnyis/ shing na byi sa le'i rtse mor rta'i lo tshes bco lnga la mdza' na brgyugs te nang par so sor gyes pa las// sru mo'i rting pa la khrag gcig 'dug pa mthong ste// mi gtsang ba'i sems skyes te mchil ma gcig bsgyur ba las/ khrag dang mchil ma 'dres pa'i bu ming sring gnyis mtshe mar skyes te// lug gi lo tshes bcu bzhi la gnam gyi lha dkar po skyes so// tshes bco lnga las sa bdag pad+ma phreng skyes so// de yang dbyings phyug ma dang / yar lha shod kyi skyes to re gnyis spre'u'i lo la byi bgyis pa'i bu/ bya'i lo la ming sring gnyis skyes te ming po shar gyi seng ge 'od 'phrog dang / sring mo pad+ma gar gyi dbang phyug ma yin no// de nas yang bdud dang e ka dzA ti gnyis la/ bu mo

  308. 154b

    spun gnyis skyes te/ che ba ni rin chen srid 'degs ma zhes kyang bya nam mkha'i rgyal mo'o// chung ngu ni gling bzhi spyi phud ma zhes kyang bya/ 'jig rten dbang phyug ma zhes kyang bya/ srid pa cha snyom ma ni he ru ka sIr zhes kyang bya'o// srid pa chags byed ma ni lha mo tshogs kyi bdag mo zhes bya'o// e ka dzA Ti'i ming yongs kyi tshogs kyi bdag mo zhes bya'o// gru 'degs ma chen mo bzhi ni ha ra ting dkar mo dang / dun ting nag mo dang / shan ting dmar mo dang / grub ting ser mo dang bzhi'o// ma mo'i dkyil 'khor chen po brgyad la/ yum srid pa bde 'gro ma ni/ yongs su rdzogs pa'i 'grub ldan ma tshogs kyi dkyil 'khor zhes bya'o// dkar mo nyi ma'i thod phreng can ni thod phreng gi dkyil 'khor zhes bya'o// khros pa'i dbang mo che bzhi ni/ snying rje byams pa'i dkyil 'khor ro// dkar mo mig gcig ma la sogs pa bzhi ni/ gsang ba dgyes pa'i dkyil 'khor ro// dbyings phyug ma bzhi ni/ phung byed sbas pa'i dkyil 'khor ro// yang rnam pa gcig tu yum chen mo dang / dkar mo nyi ma'i thod phreng can gnyis ni yongs su rdzogs pa'i 'jig rten kun gyi dkyil 'khor te/ spyi dpal chen po dang gnyis su med do// khros pa'i dbang mo che bzhi ni/ 'gro ba yongs su skyong ba'i dkyil 'khor te/ bdud rtsi'i bum pa 'dra'o// thugs kyi dgyes sde mo bzhi ni/ ge sar

  309. 155a

    yongs kyi dkyil 'khor zhes/ gsang ba'i drod chags 'dzin pa'i bdag mo yin no// de rnams kyi khol mo'i tshogs brgyad ni/ srid pa chags byed ma ni chags 'dzin ma'i tshogs so// srid pa cha sgom ma ni snyem byed chen po'i tshogs so// srid pa gru 'degs ma ni gling bzhi phud nyul ma'i tshogs so/ e ka dzA Ti pho nya kun gyi tshogs so// dmag gi rgyal mo bzhi ni dri za la sogs pa'i rigs so so'i tshogs so// 'dod khams lha'i gtso mo ni bud med nag mo'i tshogs so// rdo rje gar gyi dbang phyug ma dang // pad+ma gar gyi dbang phyug ma gnyis ni nyu le'i tshogs so// rin chen srid 'degs ma dang / gling bzhi spyi phud ma ni sman phran kun gyi gtso mo'i tshogs so// de la e ka dzA Ti'i nu mo e ka tsa ras bsams nas/ jo mo kun gyi nang nas yang bdag gi jo mo khud par dbang chung bas/ khol mo kun gyi nang na yang bdag khud par dbang chung bas/ ngan thabs shig bya snyam nas/ jo mo gcig pu mas byin sna byas te/ rgya mtsho'i gting na chu srin gyi rgyal po kum+b+hI ra ma hA sa twa zhes kyang bya/ ma ka ra zhes kyang bya ba gcig bkug nas/ dug shing gdug pa can gyi phag tu stag gi lo la nyal po byed du bcug pa'i bu pho mo ni/ yos bu'i lo la ming po dkar po mig gcig pa skyes/ sring mo nag mo khrag 'dzags ma skyes te nad gtong ba'o// de nas ming pos ma'i

  310. 155b

    gzi mdangs phrogs na/ 'jig rten yongs kyi mthu brku bar bdog bsam gzas pa las/ sru mo e ka dzA Tis tshor te// jo mo khros pa'i dbang mo che rnams la zhus pas/ rje 'bangs lngas bsgral ba las/ lus gcig gi nang nas tsit+ta bcu phyung ba las/ gcig snying gi bdag mo la phul/ dgu la gsum ni rgyal ze'u khra bo dang / tri shang ka ra dang / dkar thor thor dang gsum ni rgyal po'i rigs la gnod// gsum la bar ze'u smug po dang / legs ze'u khra bo dang / sa ze'u nag po gsum ni mi yongs la gnod do// gsum ni phyogs su gyur te/ brag srin dang / chu srin dang / shing srin dang gsum du gyur to// dgu ka rkang pa ya re bcag nas gnam khyi dkar po 'khor du bcug go/ de nas 'brug gi lo la e ka dza ra mngal ma bde nas/ mnyes btsir ba dang / gdong sog po la mig long ba/ lus kyang sbyang gi la khog pa la snying gsum yod pa gcig skyes pa las/ 'di su yang cha med do snyam nas dgra bo'i snying 'byin/ byams kyi lan ljon par 'ong ste/ las su rung ngo snyam nas dga' zhing mgu bas/ jo mo nyi ma'i thod phreng can gyis tshor nas/ snying gnyis khar rngubs nas/ shar ging la khol por byin te btang ngo / pho rgyud mo rgyud kyi gtan tshigs kyi le'u ste bcu bzhi pa'o// // g.yung drung lha yi yang gsol pa// dgug cing 'dren par byed

  311. 156a

    pa ni// ma mo rnams kyi gsang sngags te// rdzogs sangs rgyas la bdag nyan 'tshal// de skad gsol pa gnas nas kyang // rdzogs sangs rgyas kyis bka' stsal pa// nyon cig g.yung drung yang dag pa// dgug cing 'dren pa'i sngags rnams kun// yang dag nyid du ngas bstan gyi// g.yung drung lha yi dbang po zud// oM badz+ra kro d+hI shwa rI b+ha ga pad+mar+ya hUM hUM/ oM badz+ra shAn+ti pad+ma ga ru ting b+h+yo/ oM mu tri ni b+h+yo/ oM shan+d+hi ni b+h+yo/ b+ha ga dun tri ni b+h+yo/ kha mun dan tri ni b+h+yo/ oM badz+ra sUr+ya bi to a to ye/ oM badz+ra pad+ma bi to a to ye/ oM badz+ra kha rag bi to a tau ye/ oM badz+ra sring 'gro bi to a to ye/ oM badz+ra a kai a ko b+h+yo/ oM badz+ra ta ke ta ke b+h+yo/ oM badz+ra nI la nI la b+h+yo/ oM badz+ra lan+ta lan+ta b+h+yo/ oM badz+ra dza traM mu raM sha/ badz+ra kha rag snying kha rag ma b+h+yo/ trag rak+Sha trag rak+kha b+h+yo/ trag rak+ka kha mun tra saM kha mun tra pa rak+Sha b+h+yo/ bra ka rA tiSh+Tha b+h+yo/ pra g+hi ra khaM/ pra gi beng gi sha b+h+yo/ b+h+yo hUM ka raM yang ro ka/ ba rod d+ha rod/ ni la chu mi ha/ kha raM yang T+wAM ga da la tsa la/ pad+ma tsan+ta/ ma gu ra a nu rak+to ga to/ ting yang ding saM ding saM/ d+hi la e A ral+li/ bu byi ru lu ru lu b+h+yo/ trag rak+Sha trag rak+Sha b+h+yo/ a ting b+h+yo/ byi ting b+h+yo/ su ting b+h+yo/ mu ting b+h+yo/ badz+ra shan+ti b+h+yo/ dun+ti b+h+yo/ ha ra ting b+h+yo/ grub ting b+h+yo/ te baM yang b+h+yo/ a ba rta la b+h+yo/ d+ha la du na b+h+yo/ d+hi na ma mo las la yang / di la ma ma ya b+h+yo/ ma

  312. 156b

    nu rak+Sha sI b+h+yo/ brah+ma NI b+h+yo/ ro'u trI b+h+yo/ ko'u ma ri b+h+yo/ biSh+Ta be b+h+yo/ in+da NI b+h+yo/ sing+ga lI b+h+yo/ a pre tA b+h+yo/ so'u mya b+h+yo/ daN+Da de b+h+yo/ rak+Sha sha sI b+h+yo/ b+hak+Sha sI b+h+yo/ ra tri badz+ra b+h+yo/ ru d+hi ra man+ta b+h+yo/ e ka tsa ri NI b+h+yo/ ma no ha raM b+h+yo/ sid+d+hi b+h+yo/ ba ya bI b+h+yo/ ma hA mA ra Na b+h+yo/ badz+ra ag+ni b+h+yo/ wa ra hI b+h+yo/ muN+Di b+h+yo/ su ta ni b+h+yo/ pa ru NI b+h+yo/ ma hA ka lI b+h+yo/ tsa ka lI b+h+yo/ kum+b+hA karma Na b+h+yo/ laM bo da ra b+h+yo/ 'dis ni ma mo'i 'gugs 'dren 'gyur// de skad dpa' bos yang dag bshad/ ma mo 'gugs 'dren dang thun sngags kyi le'u ste bco lnga pa'o// // gdon 'dul lha yis yang gsol pa// srid pa'i dbang chen 'di rnams kun// bsnyen bsgrub bgyid na ji ltar bgyi// bka' stsal pa/ bsnyen cing bsgrub pa'i tshig rnams kun// ngas gsungs pa la the tshom med// nyon cig g.yung drung yang dag gtso// hUM srid pa'i bde 'gro khams gsum kun gyi yum mchog ste// phra men rgya mtsho sgra skyod cig/ rnal 'byor chen po'i sprul pa'i ma// spyan gnyis khros pa'i tshul mnga' zhing // zhi ba'i sku la snang srid gsal// sprul pa'i sku la zhabs brgyad 'bar// drug ni rgyu drug sgo yang gnon// gcig ni klu yi phyogs su 'char// gcig ni bdud dang mu stegs gnon// rnam par shes pa yul drug las// spyan drug mngon par shar ba las// spyan gsum gyen du gzigs pa yis// rnam

  313. 157a

    par thar pa'i sgo yang 'byed// sems can skye shi'i lam yang ston// spyan gsum thur du gzigs pa yis// srid pa gsum char thal bar rlog/ de las slar yang skyed par byed// g.yas kyi zhal bzhad thugs rje che// g.yon gyi zhal bzhad dbang du sdud// rdo rje mche ba gtsigs pa yis// srid gsum 'gran zla chem chem gsol// rnal 'byor gsang ba'i b+ha ga la// srid pa gsum char 'char bar mdzad// lha chen la sogs mtha' yas mchog/ bdud dang gnod sbyin la sogs te// gshin rje srin po kun rnams 'dar// yum gyi sku yi g.yas phyogs su// las kyi ma mo bcu drug 'char// pho nya bka' nyan thabs kyis 'gyed// g.yon gyi phyogs nas 'char ba ni// rnal 'byor sku yi sum cha la// nges pa'i ma mo dgu rnams ni// thams cad sku la mchod par brtson// yum gyi zhabs kyi g.yas phyogs su// 'dod pa'i ma mo brgyad mnan te// 'jig rten kun la sman par mdzad// yum gyi zhabs kyi g.yon phyogs su// bka' sdod nyi shu rtsa brgyad mnan// rnal 'byor kun gyi las rnams bsgrub// srid pa'i ma mo thams cad kun// rnal 'byor sku yi khyon du rdzogs// ma mo kun gyi thig le las// rdo rje kha T+wAM gzhu bdungs pas// shes rab ye shes mde'u rtse las// sprul pa'i thig le ma mo dgu 'phen ma// nges pa'i bde klong gcig tu

  314. 157b

    'khyil// he ru hUM sras 'khor du bzhag/ mthing nag 'bar ba'i khro bo yis// thams cad sgrol zhing dbang du sdud// zhi ba'i sku la thugs rje che// ye shes sprul pa'i phyag drug las// g.yas kyi dang po 'khor lo bskor// gsang sngags bka' rnams sgrog pa'i don// g.yon pa rin chen srid dbang sgyur// srid pa'i 'jig rten gnas la 'bebs// g.yas kyi bar ma g.yang gzhi brtan// bdud dang mu stegs rdul du rlog/ g.yon pa b+han+d+ha dmar skyil cing // bud med mang po dbang du sdud// g.yas pa tha ma tshe 'dzin cing // rnal 'byor kun la dngos grub 'bebs// g.yon pa lcags kyu dgus gtams pas// dam nyams kun dang dgra bgegs kyi// bka' las 'das pa'i snying rtsa 'dren// spyi gtsug sprul pa'i 'phro 'du yis// stong gsum 'jig rten b+h+yo bzlog mdzad// bdag cag ye shes rtsal 'chang zhing // nges pa'i don dang rtogs pa'i mthu// man ngag thugs kyis rgyud bskul bar// skad cig yud tsam dbyings nas bzhengs// srid pa gsum dang gling bzhi yang // thang gcig yud tsam 'jig par mdzad// khyad par ye shes nyi zla'i spyan// g.yas kyi spyan gyis srid pa gsal// g.yon gyi spyan gyis sbyor bar mdzad// rdo rje smin ma g.yengs pa yis// mu stegs yak+sha'i snying la 'gems// ma mo khyed kyi mtshan nyid ni// byang chub sems ma

  315. 158a

    zhes su grags// yang dag gsang ba'i mtshan nyid ni// sangs rgyas khros pa'i rgyal mo lags// bde klong kun gyi gtso mo zhes su grags// rnal 'byor gsang ba'i dkyil 'khor du// gsang ba thabs kyi 'phro 'du yis// yum gyi thugs dam 'dis bskangs la// sku ni mi bskyod 'dir bzhugs te// 'khor gyi blon mo kun bskyod ma// bcol ba'i las rnams grub par mdzod// ces tshogs la spyan drang ba ni// phra men rgya mtsho la'o// gsang ba'i mchod pa dang ldan par byas te bskul ba ni// hUM lha mo chen mo rnal 'byor ma// kun gzhi yongs kyi dbang phyug ma// snang srid kun la dbang sgyur ma// skye 'gro yongs kyi dbugs 'phrog ma// dung chen phyag na bsnams shing 'o 'dod chen po 'debs// gshin rje bran du 'khol zhing 'jig rten me yis sreg/ 'gro ba'i tshe dpal 'phrog cing byang chub sems kyi bdag/ sgrol ba don du gnyer zhing dbang phyug kun dang sbyor// srid gsum sprul pas 'gengs shing bdud dpung rdul du rlog/ g.yang gzhi gos su gyon zhing kha T+wAM g.yab mos 'debs// sku mdog khro mor bzhugs shing khrag dang zhag gis brgyan// spu gri phyag na bsnams shing kun gyi snying 'byin ma// zhing chen gdan la bzhugs shing rnal 'byor grogs mdzad ma// mAM sa zas su za zhing tsit+ta'i zhags pa 'phen// nyi zla thod du bcings shing stong gsum

  316. 158b

    bde la 'god// bdud kyi bu smad 'khol zhing nga rgyal drag shul che// dung chen snod du dmar chen khrag dang snying du bsres pa 'di// khyod kyi sku la bstim pas bcol ba'i las mdzod cig/ ces bya bas bskul ba ni nyi ma'i thod phreng can no// rgyu bsgral ba kun gyi bdag mo yin no// de kun gyi snying la yang dbang ngo // hUM rnal 'byor khros pa'i dbang mo che// nyi ma stong gi gzi mdangs can// stong gsum 'jig rten 'od zer 'phro// srid pa sgrol ma gshegs su gsol// hUM rnal 'byor khros pa'i dbang mo che// pad+ma stong gis sku brgyan cing // ge sar 'bum gyi khrag 'thung ma// dbang phyug chen mo gshegs su gsol/ hUM rnal 'byor khros pa'i dbang mo che// khams gsum rdzogs byed bdud rtsi sbyor// 'jig rten sman mchog kun gyi gsos// bdud rtsi'i rgyal mo gshegs su gsol// hUM rnal 'byor khros pa'i dbang mo che// b+ha ga yongs la mnga' mdzad ma// gnas lam thams cad stongs par mdzad// thar pa'i lam ston gshegs su gsol/ zhes brjod la rnal 'byor tshogs kyi mchod pa 'bul ba ni/ khros pa'i dbang mo che bzhi'o// b+ha ga 'bum yang mnga' mdzad ma// dbyings phyug rgyal mo gshegs su gsol// 'jig rten yongs kyi rgyan mdzad ma// rgyan gyi rgyal mo gshegs su gsol// bdag nyid lhag lhag bzhad mdzad ma// bdag nyid chen mo gshegs su

  317. 159a

    gsol// gcig pu stong khams rgyu mdzad ma// gcig pu yum mchog gshegs su gsol// zhes bskul ba ni sbas pa'i ma bzhi'o// hUM ri rab gling bzhi'i shar phyogs nas/ shar gyi dkar mo mig gcig ma// na bza' bya rgod thul pa la// g.yu yi dril bu 'bum gyis rgyan// dung gi lan tshar mche ba la// rin chen shel gyi thod gdengs can// dkar mo sgeg mor 'bum gyis bskor// srid pa shar la mnga' mdzad ma// 'dir spyon dam bskong phrin las mdzod// hUM ri rab gling bzhi'i lho phyogs nas// lho yi nag mo mche ba can// na bza' zhing gi go zu la// g.yu yi dril bu 'bum gyis rgyan// lcags kyi lan tshar mche ba can// gser g.yu spel ba'i thod gdengs can// nag mo sgeg mo 'bum gyis bskor// srid pa lho la mnga' mdzad ma// 'dir spyon dam bskong phrin las mdzod// hUM ri rab gling bzhi'i nub phyogs nas/ nub kyi dmar mo dbang sgyur ma// na bza' chu srin g.yang gzhi la// sbrul nas stong gi gdengs ka can// g.yu yi lan tshar mche ba can// byi ru dmar po'i thod gdengs can// dmar mo sgeg mo 'bum gyis bskor// srid gsum nub la mnga' mdzad ma// 'dir spyon dam skong phrin las mdzod// hUM ri rab gling bzhi'i byang phyogs nas// byang gi ser mo las mkhan pa// na bza' rma bya'i thul ba la// mthing gi go cog ya

  318. 159b

    bas bskor// gser gyi lan tshar mche ba can// thod skam 'bar ba'i thod gdengs can// ljang nag sgeg ma 'bum gyis bskor// srid pa byang la mnga' mdzad ma// 'dir spyon dam skong phrin las mdzod// gling bzhi'i rgyal mo gsang ba'i gzungs/ thu ba g.yas pa dmag gis bkang // rnal 'byor kun gyi dgra 'dul ma// thu ba g.yon pa rin po che// sgrub pa po la rtags 'byin ma// g.yas kyi phyag na g.yang gzhi rdeb// khams gsum rdul du brlags nas su// g.yon pa b+han+da thod pas skong // ma mo thams cad dbang du sdud// ral pa can gyi 'khor skyong ma// 'dir sgron dam skong phrin las mdzod// ces 'byor tshogs kyi mchod pa la spyan drangs la// bka' bzhin brnag pa bcol ba ni// thugs kyi dgyes sde mo bzhi dang // gsang ba'i yang byi mo'i bzhi'o// 'di bzhi la bcol ba yid bzhin du 'grub bo// lhur yang tshe dang sri'u la mkhas shing gsang ba 'bral yang rno// de yan chad kyis ma mo bcu bzhi'i bskul tshig gi le'u ste bcu drug pa'o// // da ni srid pa'i sman mo rnams bskul te// hUM a phyi chen mo sham sham mo// srin mo chen mo mi bzad ma// yongs 'du sa brtol gnas mchog nas// srid pa chags byed gshegs su gsol// gos su zhing chen lpags rlon la// tha ma b+han+da stong gis skor// phyag g.yas zhing chen sor phreng bgrang // g.yon

  319. 160a

    na mi mgo'i phor pa ru// snying khrag snying tshil gtubs nas su// rang gis rang la thim par stobs// g.yang gzhi'i ru mtshon phyar nas su// bdud dang mu stegs thal bar rlog/ 'jig rten thams cad sgrol bar byed// srid pa gsum gyi phud nyul ma// de ni jo mo nyid la mchod// las su bcol na kun kyang 'grub// 'dir spyon dam skong phrin las mdzod// ces bskul ba ni a phyi chen mo ste srid pa chags byed ma'o// hUM khyim bdag chen mo rnal 'byor srid pa'i bdag/ srid pa'i cha snyoms gshegs su gsol// rnal 'byor chen mo khyim nag mo// khyim bdag chen mo thig le dgu// ye shes lnga yi rol pa las// phyag na rtse gsum 'bar ba bsnams// khrag 'thung yab yum kun la dbang sgyur zhing // mthu chen rnal 'byor kun gyi grogs mdzad ma// dung chen sku la thim par mdzod// khyed kyi 'khor ni rab tu mi bsgrangs te// sgra snyan yid 'phrog ma mo khyed kyi 'khor// 'dod pa lnga la 'dod cing rol zhing bskul// khrag gis rlan par 'dod cing dbang du sdud// drag shul gtums mo rab tu rmongs byed ma// kun gyi yid la 'dod cing rab tu mthu chen bskul// me yi bskal pa gtong zhing mthu chen gshin rje'i lam las sgrol// gsod pa don du gnyer zhing khro bo kun dang sbyor// bdud kyi bu mo 'khor zhing nga rgyal drag shul che// 'o dod chen pos 'debs shing

  320. 160b

    zhal gdangs mche ba gtsigs// dgra snying tshal par 'gems byed ma mo khyed kyi mthu// dam tshig dus la bab kyi gshegs su gsol// zhes las gnyen po bcol ba ni// sbas pa'i ma mo ste srid pa cha snyoms ma'o// hUM rnal 'byor chen mo srid pa'i bdag/ e ka dzA Ti ral gcig ma// phyi mo srid pa chags byed yin// mes po srid pa zhig 'dzin yin// pha ni skos rje drang dkar yin// ma ni srid pa cha snyom mo// srid pa'i byan mor dbang yang bskur// pho nya'i tshogs kyi bdag mo ste// mig gcig ma la dkar sham mdog/ rang chas spyan dkar go zu la// 'ja' tshon 'bar ba'i mtha' chags can// lag na kha T+wAM mtshon thogs shing // za 'og zhabs ma'i g.yu rgyan can// bstan pa tsam gyis khams gsum rmongs byed ma// brdab pa tsam gyis ze'u rang 'gong po'i brla rkang gcog/ 'dir spyon dam skong phrin las mdzod// ces las bcol ba ni e ka dzA Ti'o// da ni ma bdun bskul te// hUM rgya mtsho chen po'i dkyil 'khor nas// dpal ldan shugs 'gro'i gtso mo ste// nag mo chen mo ral pa can// ri rab snyil ba'i rngam stabs can// kha nas me 'bar rgya mtsho skems// rdo rje kun grags gshegs su gsol// hUM khro bo rngams pa'i dkyil 'khor nas// mdzes pa'i tshul gyis 'od 'phro zhing // 'jig rten 'chi bdag 'od 'phro ma// kun tu bzang mo gshegs

  321. 161a

    su gsol// hUM phyag rgya 'bar ba chen po'i dkyil 'khor nas// nam mkha' stong la dbang bskur zhing // bdud dpung drag skems kun 'dul ma// rdo rje drag skems gshegs su gsol// hUM dam tshig chen po'i dkyil 'khor nas// pho nya drug cu'i gtso mo ste// sha chen khrag la longs spyod cing // gdug pa ma lus kun 'dul ma// rdo rje 'chang mo ye shes mchog/ dam tshig tshul bzhin gshegs su gsol// hUM khrag gi rgya mtsho'i dkyil 'khor nas// khro mo gtum chen za byed ma// rdo rje dra ba'i phreng thogs ma// byang phyogs rang gi 'khor 'dul ba// rdo rje 'od chags gshegs su gsol// hUM 'od phung 'khrigs pa'i dkyil 'khor nas// zhags pa stong gi gdengs ldan zhing // 'byung po ma lus 'ching mdzad ma// rdo rje gsal 'phro gshegs su gsol// hUM dbang phyug chen po'i dkyil 'khor nas// lcags kyu 'bar ba'i 'phro 'du can// dam tshig nyams pa'i snying bsreg ma// bka' las 'das pa'i snying 'byin ma// rdo rje g.yu sgron gshegs su gsol// zhes bya ba ni ma mo chen mo bdun no// hUM lha mo chen mo rnal 'byor ma// rin chen srid 'degs mdzes pa'i mchog/ mdog bzang sngon mo ral pa can// rang chas mu tig go zu la// gser dang g.yu yi 'phra bkye zhing // tha ma rin chen 'bar bas bskor// g.yas na g.yu yi za ma tog/ g.yon na dung

  322. 161b

    gi zo ba thogs// khyed ni srid pa'i ma mo ste// tshe g.yang sdus shig rin chen srid 'degs ma// hUM grub pa'i rnal 'byor chen mo ni// bdud kyi sring mo gshin rje'i ma// mdog bzang nag mo ral pa can// ral pa'i zar bus mun nag gtibs// lcags kyi lus la zangs kyi 'dab ma can// rdzu 'phrul bzhi yi zhabs dang ldan// lag pa g.yas na gshin rje'i khram bam thogs// g.yon na bdud kyi shod rde'u dkar nag 'grems// mtshan na nad kyi rgyal pa sbed// khyod ni 'jig rten b+h+yo bzlog mkhan// khram kha phyis la shwa rdel spos// nad kha chings la dal kha sbyar// hUM rnal 'byor 'jig rten dbang phyug ma/ mdog bzang dkar mo ral pa can// khyed ni gling bzhi spyi 'gro ste// rang chas dar dkar go zu la// g.yu bran 'bar ba'i mtha' chag can// gser gyi gong lag 'bar ba la// g.yu yi cod pan 'od 'phro ma// rdzu 'phrul rkang pas phyogs bcur phyin/ g.yas kyi phyag na bsnams pa ni// gser gyi lcags g.yu 'bar ba la/ g.yu yi lcags 'bras 'gyur ba btags// gnam la bskor bas bdud dpung 'joms// sa la brdabs pas dgra 'gegs sgrol// gzhan gyis rbad kyang mnyan par// bcol ba'i las rnams grub par mdzod// ces nang gi rdzas lnga dang ldan par byas la/ las bcol ba ni nam mkha'i rgyal mo ne mtshan no// hUM rdo rje gar gyi dbang phyug

  323. 162a

    ma// dbu brgya ma la spyan stong ma// 'jigs tshul rngam pa'i cha byad can// phrin las 'byung po kun 'dul ma// rdo rje sgeg ma gshegs su gsol// hUM pad+ma gar gyi dbang phyug ma// sa bdag chen mo pad+ma phreng // lag na thod pa khrag gis bkang // grongs rnam kun la 'thor byed ma// sa bdag chen mo gshegs su gsol/ zhes las bcol ba ni// rdo rje gar gyi dbang phyug ma dang / pad+ma gar gyi dbang phyug ma'o// da ni rgyal po chen po bzhi'i chung ma dang / bu mo bzhi yang bskul bar bya ste// hUM ri rab gling bzhi'i gru 'degs ma// ha ra ting dkar mo chen mo ste// byang shar mtshams kyi gru 'degs ma// dun ting nag mo chen mo ste// shar lho mtshams kyi gru 'degs ma// shan ting dmar mo chen mo ste// lho nub mtshams kyi gru 'degs ma// grub ting ljang ser chen mo ste// nub byang mtshams kyi gru 'degs ma// mtshams kyi gru 'degs chen mo la// rgyal chen gzungs ma las mdzod cig hUM dmag gi rgyal mo chen mo ste// shar gyi dkar mo mche ba gtsigs// lho yi nag mo kha rlan ma// nub kyi dmar mo mchu 'jib ma// byang gi ser mo rkang ldag ma// rigs bzhi dmag dpung mang pos bskor// sring mo chen mo 'dir spyon cig/ hUM gling bzhi mgyogs ma lha yi sring // shar gyi mgyogs ma gshegs su gsol// mkha' la khyung lding gshin rje'i sring // lho yi

  324. 162b

    mgyogs ma gshegs su gsol// dmar mo g.yag thod klu yi sring // nub kyi mgyogs ma gshegs su gsol// nag mo sder chen gnod sbyin sring // byang gi mgyogs ma gshegs su gsol// ces bya ba ni las kyi sring mo bzhi'o// las byang dang bskul tshig gi le'u ste bcu bdun pa'o// // g.yung drung lha yis yang gsol pa// 'jig rten dbang can ji snyed kun// srid pa mi la sman slad du// tshul bzhin bsgrub na ji ltar sgrub// rdzas dang mthun rdzas ci la brten// rtags dang dus tshig ji ltar 'byung // gsol ba la/ bka' stsal pa/ nyon cig g.yung drung yang dag pa// dben la gnyen cing nyams dga' bar// pad+ma'i mtshan dang ldan pa yi// rigs su ldan pa'i yum gsum yang // bsgrub pa'i don phyir gzhag par bya// rdzas su gyur pa'i yo byad kyang // tsit+ta bcu gcig yang dag ldan// b+han+d+ha lcang lor ldan pa ni// pad+ma'i rigs su gyur pa yi// mtshan dang ldan pa'i rak+tas dgang // gsur chen dud pa rgyun mi gcad// thig le me mar kha dgu gtang // gsar rnying zhing gi mchod pa dgram// ci 'byor yo byad gsum bsogs la// bdun gsum tshul bzhin bskul bar bya// rgyan dang chas gos la sogs pa// shun chen ras ga gtso bo la// srid pa spyi blugs zhwa gyon te// rtse lnga 'bar ba'i phyag rgya bsnams// phreng ba chen po'i de bzhin bgrang // yum chen g.yang

  325. 163a

    bzhi'i skrag pa la// rtse gsum 'bar ba'i g.yab mo thogs// phreng ba chen po gtso dang mthun// dngos grub zhal bu rin chen rigs// dar dkar kha bcad de bzhin bzhag/ rdo rje'i rigs ldan rtags su gsol// bdag nyid man ngag he ru ka/ yum yang srid pa bde 'gro ma// gnyis su med par bsgom byas te// rak+ta las ni srid pa yi// snying gi dkyil nas drangs nas su// mngon du 'ong bar bsam pa ni// mdog dkar mo la nyi ma dang zla ba 'bum ni/ thod phreng byas shing dpral ba'i dbyes na mig gzugs gsum pa gcig yod pa/ sbas pa'i phyag gnyis kyis srid pa'i pad+ma thams cad kyi ge sar bzung ba// lcags dang zangs kyi dril zhags la mi snying brgyus pa'i zhags pa 'phen pa/ mig gnyis nas rin po che sna tshogs kyi mchi ma 'thor ba/ g.yu'i ral pa can la/ mchod pa gsol zhing bstod dbyangs snyan pos bskul ba ni/ hUM che zhes chen mo gsang ba'i gzungs// thig le sbyor ba'i yum gcig ma// dkar mo nyi zla'i thod phreng can// gru gsum 'bar ba'i mig gcig ma// g.yu yi ral pas srid pa sgrol// sbas pa'i phyag gnyis chags pa'i pad+ma 'dzin// rin chen mchi ma skye 'gro'i gso// tsit+ta'i zhags pas mu stegs sgrol// thig le gsang ba'i yum gcig ma// sngon mchod sbyor mdzad ci bzhin du// bdag dang gnyis med sbyor bya

  326. 163b

    zhing // gsang ba'i gzungs su rab bya'o// zhes dam bcas la// grangs mi zhag bdun na zla ba gcig bsnyung ngo // bcu bzhin nyi ma gcig bsnyung ngo // nyi shu rtsa gcig na dngos grub kyi b+han+d+har snying gtubs pa dang rak+ta bsres pas gang ba 'ong ngo // de med na gzhan dag kyang 'ong ngo // ci byung yang mtshan ma spang ngo // nyi shu gnyis na sku mngon du 'byung ngo // der ting nge 'dzin gsal bar byas la/ ge sar gyi rak+ta dbang du bsdus te/ sbyor ba'i phyag rgya bcings la// zla gam dbul zhing sbyor ba'i tshul du ston to// bdag rtogs pa ma skyes na/ mos rkang dkris bor nas mdzes pa dang chags pas tshur sbyor ba dbul lo// der mngon du sbyar te/ gsang ba'i byang chung sems des// sna la bdag nyid la mchod par bya// de nas sgrub grogs la sbyin// de nas tha tshig dang dam bsres la/ gsang ba'i gzungs mar dam bstsal lo// de nas phrag dog spang ba'i phyir/ sgrub zla gsum char sbyar nas su// sgrub zla so sor dam bsre'o// de phan chad ci yang mi dgos so// bsgrub pa'i yon tan ni/ ma mo gzhan lta ci smos te/ khros pa'i dbang mo che bzhi dang / he ru ka nr-i man chad 'dar lcug lcug bskyod tsam na rgyug nas 'ong ngo // 'jig rten 'dir bsam pa gces spras mi 'grub mi srid do// 'di sgrub pa'i dus su/ dang po gtor ma rnam pa gsum btang ngo // bshags sbyang bya/ tshe

  327. 164a

    rabs kyi lan chags kyi gtor ma yang btang ngo // dam skongs bgyi dang nyi zla zod phreng can gyi sgrub thabs so// srid pa bde 'gro ma sgrub pa ni mya ngan las 'das pa ste/ 'gro ba'i don sbyor thugs rje'i 'od kyis mdzad pas sgrub pa'i ma mo yin no// dben la gnyen pa'i gnas su/ rigs bzhi'i yum dang ldan pa ste// yo byad bzhi yang de bzhin bsham// gsang ba zhing gi mchod pa bsham// rigs bzhi b+han+da yang dag ldan// zhing gi dud pa rgyun mi bcad// mchog gi phur pa bzhi yang dril// dung chen phreng ba yang dag ldan// shun chen dbu rgyan de bzhin gsol// rtag par g.yang gzhi gos su gon// rgyu ma bsgril ba'i zhags bsdog la// chu dang ma 'dres dang sa ma'i khrag/ dam rdzas rnam pa sna tshogs pa// rtse gsum g.yab mo thogs nas su// sgrub cing brten pa'i ma mo ni// rdo rje nyi ma khros pa'i dbang mo che// rdo rje rigs kyi ma mo ste/ sku mdog dkar mo g.yu yi ral pa can/ spyan gsum rdo rje mche ba gtsigs pa/ gsang ba'i mkha' shel kyi ga'ur 'khyil pa/ ma chags pa'i sbyor bas srid pa 'khyud pa/ phyag g.yas na rdo rje rtse dgu pa bsnams pa/ g.yon pa zhing gi g.yab mo bsnams shing / bdud dang mu stegs dbang du sdud pa/ rgyan gyi rgyal mo la khros pa'i tshul ston pa/ sbyor ba'i mdangs can no// rdo rje srid pa'i bde sbyor khros pa'i dbang mo

  328. 164b

    che ni/ rin chen rigs kyi ma mo ste/ sku mdog sngon mo la/ spyan gsum rin po che'i mche ba gtsigs pa/ 'od zer sngon po phyogs bcur 'phros pa'o// gsang ba'i mkha' rin po che'i ga'ur 'khyil ba'o// rgyu ma bsgril ba'i zhags pa 'dzin pas bdud dang mu stegs 'ching ba/ ma dbyings phyug ma la khros pa'i tshul ston pa/ sbyor ba'i mdangs can no// rdo rje pad+ma khros pa'i dbang mo che ni/ pad+ma rigs kyi bdag mo ste/ sku mdog dmar mo la bse'i ral pa can/ spyan gsum zhal gsum byu ru'i mche ba gtsigs pa/ gsang ba'i mkha' byu ru'i ga'ur 'khyil ba'o// 'od zer dmar pos nub phyogs dbang du sdud pa khrag gi dngas ma 'thor zhing bdud dang mu stegs kyi snying 'byin ma// gnyis med sbyor bas srid pa 'khyud pa/ bdag nyid ma la khros pa'i tshul ston ma/ sbyor ba'i mdangs can no// rdo rje khams gsum rdzogs byed khros pa'i dbang byed de/ sku mdog ljang gu la rdo rje'i dril bu'i ral pa can/ spyan gsum rdo rje rgya gram gyi mche ba gtsigs pa/ 'od zer ljang gus byang phyogs dbang du bsdud pa/ lag pas g.yang gzhi rdeb cing bdud dang mu stegs kyi mgo gcog pa// gsang ba'i mkha' bse'i ga'ur 'khyil ba la/ grub pa'i sbyor bas khams gsum 'khyud pa/ ma gcig pu ma la khros pa'i tshul ston pa/ sbyor ba'i mdangs can no// spyod pa gsal zhing

  329. 165a

    dbyangs snyan pas bskul zhing dbang du bya ba ni/ hUM che zhing khros pa'i dbang mo che// sku mdog dkar mo g.yu yi ral pa can// spyan gsum rdo rje'i mche ba gtsigs// zhing chen g.yab mos mu stegs sgrol// shel gyi ga'ur gnas ris 'chang // gnyis med sbyor bas khams gsum 'khyud// sbyor ba'i mdangs kyi kun la khyab// yum la khros shing srid pa g.yos// bdag dang gnyis su med par sbyor// hUM che zhing khros pa'i dbang mo che// sku mdog sngon mo rin chen ral pa can// spyan gsum rin chen mche ba gtsigs// rgyu ma bsgril ba'i dri zhags kyi// bdud dang mu stegs thams cad 'ching // rin chen ga'ur gnas ris 'cha'// mi len sbyor bas 'jig rten 'khyud// sbyor ba'i mdangs kyis kun la khyab// yum la khros shing kun la byams// bdag dang gnyis su med par sbyor// hUM che zhing khros pa'i dbang mo che// sku mdog dmar mo bse yi ral pa can// spyan gsum byu ru'i mche ba gtsigs// khrag gi dngas mas bdud dpung sgrol// byi ru'i ga'ur gnas ris bca'// bdag med sbyor bas stong gsum 'khyud// sbyor ba'i mdangs kyis kun la khyab// yum la khros shing rnal 'byor skyong // bdag dang gnyis su med par sbyor// hUM che zhes khros pa'i dbang mo che// sku mdog ljang gu bsgyings pa la// rdo rje dril bu'i ral pa can// spyan gsum mche ba rgya

  330. 165b

    gram gtams// kha T+wAM g.yab mo mu stegs sgrol// rdo rje ga'ur gnas ris 'cha'// grub pa'i sbyor bas 'jig rten 'khyud// sbyor ba'i mdangs kyis kun la khyab// yum la khros shing sems can skyong // bdag dang gnyis su med par sbyor// zhes bskul ba ni/ khros pa'i dbang mo che bzhi ste// sgrub pa la zhugs pa'i nub mo rgyu gcig bsgral/ zhag gsum na gcig bsgral/ bdun na gcig bsgral/ zhag dgu na gcig bsgral// bcu bzhin gcig bsgral/ gcig gi nub mo gsang ba'i yum du dam bca'/ gsum gyi nub mo sgra chen po 'byung zhing me chen po 'bar ro// bdun gyi nub mo nam mkha' la sna tshogs pa'i rol pas thibs se 'byung ngo // de lta bu dag byung ba dang / bdag dpal chen po dbu dgu phyag bco brgyad pa/ zhabs brgyad kyis lha chen po brgyad de bzhin brdzis pa/ phyag na mtshon cha sna tshogs bsnams pa/ zhing gi na bza' rlon pa dang / sbrul nag gi chun po dang / thod pas brgyan par gsal ba'i ngang las bsnyen pa bya/ gnyis su med pa'i sbyor ba dbul/ dgu la mngon du byung ba dang bdag nyid dpa' bo sgeg po'i ting nge 'dzin du gsal ba dang / 'dzum pa'i mdangs kyis pad+ma dbang du bsdus la/ de nas lha mo chags sems kyis// gnyis su med pa'i sbyor ba dbul// gus pa'i tshig tu snyan sgrogs pa// dpa' bo chen po ye shes sku// rdo rje gsang ba'i dkyil

  331. 166a

    'khor du// pad+ma gsang ba'i mchod 'bul gyi// dgyes pa chen po'i ngang nyid kyis// chags pa chen po'i byin rlabs shig/ de skad bstod de sbyor ba 'bul// de nas bdag dang mngon sbyor la// drod kyi byang chub sems nyid dang // rak+ta'i dngas ma bsres nas su// sna la bdag nyid gtso la mchod// de nas sgrub zla bzhi la byin// kun kyang dam bsres mnas bsgag go/ de nas bsgrubs pa'i ma mo la byin// de nas dam bsres mnas bsgag nas// rtog pa'i phrag dog spang ba'i phyir// sgrub zla bzhi dang bdag sbyar te dam bsre'o// gtor ma bzhi ni gong ma bzhin// 'di grub na 'jig rten du bsam pa thams cad yid bzhin du 'grub la// lhur yang tshe ring ba dang / sri'u la mkhas so// ma mo 'og nas 'byung ba lta smos kyang ci dgos/ sgrub zla bzhi dang ma bzhi yang bran mor 'khol lo// 'di ni khros pa'i dbang mo che bzhi'i sbusgrubs thabs so// 'di bzhi'i ma ni sgrub tu skyon che ste/ ci bu mo bzhin grub na// bu mos ma 'khol bas bsgrub lhag par mi dgos so// da ni thugs kyi dgyes sde mo bzhi'i grub thabs 'byung ste/ rta'i lo tshes bdun la sgrub pa bshams/ brgyad la 'jug ste/ nya'i bar du bsgrub/ bsgrub pa'i yo byad du 'tshams pa/ dkar mo mig gcig ma'i b+han+d+ha ni zlum la pad+ma chags pa/ 'jam po ri mo nyung ba ste/ gtsug tu bu gu byung

  332. 166b

    ba ni// dkar mo chen mo'i phyag na bsnams// ljon ris lcang los rab tu brgyan// ljon shing lta bu'i rtse mo yod pa ni// nag mo chen mo'i phyag na bsnams// pad+ma 'dab brgyad rtsar bris la// a dkar gtsug na yod pa ni// dmar mo dbang phyug phyag na bsnams// dum bu gnyis su 'dug pa la// rdo rje rgya gram rtsar 'dug pa// ser mo las mkhan phyag na bsnams// gtsug srub nang du rub pa las// rtsa rnams gtsug tu bcings pa la// hUM chen dgur ni 'bar ba ste/ dpal chen nyid kyi phyag na bsnams/ zhes 'byung ste// b+han+d+ha de lnga yang dag ldan// shel gyi rgyu bzhi yang dag pa sogs// snyan po chas su stsal pa dang // gzhan yang dam rdzas sna tshogs pa// spags pa chen po gtso bo la// zhwa dkar po yang dbu brgyan no// 'jig rten gzungs ma'i rigs bstan pa// sha mdog dkar la mdangs bzang ma// so thags bzang la mig dkyus ring // dkar mo mig gcig tshul du snang // brtson 'grus can la drag shul che// ral pa can la ha ri'i mig/ nag mo ral can tshul du snang // sha mdog dkar la mdangs sdug pa// smras na snyan la 'gro na ljildam// dmar mo dbang sdud tshul du snang // zur bzhi ring la mche ba rno// sha mdog sngo la brtul shugs che// ser mo las mkhan tshul du snang // yum bzhi'i gzungs su ldan byas te// yum bzhis bsnyen pa so

  333. 167a

    sor bgrang // bdag nyid man ngag sems ldan pas// bzhi cha'i bsnyen pa gcig tu bgrang // brtan dbyangs snyan pos bskul ba ni// hUM shar gyi dkar mo mig gcig ma// na bza'i tshil chen gos zuzla gsol// b+han+d+ha rlon pa'i dril bus brgyan// lan phran zhag gis 'khyil ba la// dung gi mche ba gtsigs pa yis// shar gyi srid gsum phur bus 'debs// rin chen shel gyi thod gdengs can// zhag gi lan phran gsigs pa yis// steng du ya bdud gdul zhing 'ching // bar du brgya byin phung bar byin// 'og tu dmyal khams stongs par byed// ma g.yel thugs rje gsang ba'i gzungs// hUM ri rab gling bzhi'i lho phyogs na// ma mo chen mo mche ba can// na bza' mi lpags go zu la// b+han+da mang po'i dril bus brgyan// rdo rje'i lan phran dril chen 'khrol// lcags kyi mche ba gtsigs pa yis// lho phyogs srid gsum phur 'debs gser g.yu spel ba'i thod gdengs can// dril chen lan bran gsigs pa yis// steng du ma ha de ba bcings// bar du gshin rje phung bar byed/ ma g.yel thig le gsang ba'i gzungs// hUM ri rab gling bzhi'i nub phyogs su// dmar mo chen mo dbang bskur ma// na bza' rak+ta'i go zu la// sbrul nag 'khril ba'i chun 'phyangs nas// pad+ma rak+ta'i lan phran la// mche ba dmar po gtsigs pa yis// nub phyogs srid

  334. 167b

    gsum phur 'debs ma// mi khrag rlon pa'i thod gdengs can// rak+ta'i lan phran gsigs pa yis// steng du tshangs pa chen po 'ching // bar du 'chi bdag phung bar byed// 'og tu yi dwags stongs par byed// ma g.yel thugs rje gsang ba'i gzungs// hUM ri rab gling bzhi'i byang phyogs na// ser mo chen mo las mkhan ma// mdzes pa'i na bza' chen mo ni// mAM sa chen po'i thul pa can// dri chu khol ma'i ya bas bskor// lan phran dri chu 'bar ba 'phyur// gser gyi mche ba gtsigs pa yis// byang phyogs srid gsum phur 'debs ma// mAM sa spungs pa'i thod gdengs can// dri chu'i lan phran gsigs pa yis// steng du tshogs kyi bdag po bcings// bar du gnod sbyin phung bar byed// 'og tu bgegs rigs stongs par byed// ma g.yel thig le gsang ba'i gzungs// gling bzhi gsang ba'i gzungs gcig ma// bdud rtsi rnam lnga dbu la rdzogs// g.yas na g.yang gzhi'i ru mtshon gyis// thams cad gnas phyag chen pos 'degs// mu stegs nag po'i snying 'byin ma// g.yon na b+han+da khrag 'dzag pas// bud med thams cad dbang du sdud// bshan pa bran gyi 'khor skyong ma// 'bum phrag yangs pa'i 'khor mnga' zhing // sgrub pa po la brtser dgongs ma// 'dir spyon sgrub pa'i las mdzod cig/ ces bskul ba na/ zhag bzhi'i nub mo dngos grub

  335. 168a

    kyi rtags/ dang po rak+ta tshil chen dang / mchog tu rtags pa'i b+han+ta bzhi'o// dgu'i nub mo b+han+d+har pad+ma rak+ta dang snang srid kyi sman sbyar ba'i byang chub kyi sems la sogs pa'i bdud rtsi rnam pa lnga bsres pa gang 'ong ste/ dga' ba mi bskyed par myur du longs spyod do// de'i nub ma rgyu bzhi yang der bsgral lo// bdun gyi nub mo bzhi char sku mngon du 'byung ngo // rgyan dang cha lugs su ldan pa shin tu yid du 'jug pa'i lha mo bzhi 'ong ngo / bdag man ngag gi ting nge 'dzin gsal bar bsgom la bde ba'i mdangs phyung la/ ge sar gyi rak+ta dbang du bsdus la/ pad+ma'i nang du rdo rje 'jug pa'i phyag rgya bcings la/ rim pa bzhin du zla gam phyed cing sbyor ba dbul lo// gong ma'i sgrub pa'i lha mo bzhin du tshul de bzhin du bgyi/ de nas de'i phyi de nub mo mchog phran chas su stsal ba bsgral ba dang / khams gsum bsgral ba'i dngos grub kyang ster ro// 'di bzhi ni 'go la phrag dog chung la dbang che ba gsang ba'i dam thub ste/ bsam dgu yid bzhin du 'grub ste gsang ba'i dgyes sde mor lung stsal te bzhag go/ de slad chad ci bya yang mi dgos te// sbyor ba yang dus su 'bul te/ las kyang tshul bzhin du byed do// sgrub pa po la 'di yan chad kyi ma mo grub na/ tshe 'di'i yon tan lta ci smos/ phung po 'jig pa'i dus su yang / glu dbyangs dang rol mo sogs

  336. 168b

    pa/ 'od dang rtags bzang po dang / nam mkha' las sgra 'od dang / rol mo sil snyan la sogs pas bsus nas/ bde ba can gyi zhing khams su sgrub mi dgos par 'og min du skyel lo// 'di yan chad kyi ma mo grub na/ ma mo 'og ma thams cad rang bzhin gyis 'du ba dang / lhag par sgrub mi dgos so// 'di ni ma mo gtso mo rnams kyi sgrub thabs kyi le'u ste bco brgyad pa'o// // de nas ma bdun sgrub par 'dod na/ gnas dur khrod du song la/ yum rdo rje'i rigs kyi mtshan dang ldan pa gsum dbang gi slob dpon gnyis kyis bsgrub ste/ b+han+d+ha mtshan dang ldan pa bdun gyi gsum du bdud rtsi rnam pa lngas bsgrub pa'i rlon pa stsal/ gsum du 'jig rten pa'i sman sna tshogs stsal/ gcig tu byang chub sems dang rak+ta stsal/ b+han+d+ha rin po che mtshan ldan gyi nang du bdud rtsi a mr-i ta stsal/ shel lding nag gsum shel dkar po gcig/ tsa ra nag po gcig ku ku ra tsa dkar po gcig nam mkha' lding gcig dang mchog chen po yod dam/ smad sbram po gcig bcas// chas gos thams cad nag por bskur te/ gsur gyi dud pa rgun mi gcad par btang ngo // 'dzab drang ba dang / zhag bdun na sgra chen po gcig 'byung ste/ der rgyu zung gcig bsgral te mchod pa bya/ ma'i tshul du brten/ zhag dgu na mi sdug pa'i cho 'phrul sna tshogs 'byung ngo // der

  337. 169a

    zung gcig bsgral la/ zhag bcu gnyis na nyin mtshan du 'byung ste/ der zung gcig bsgral nas sring mo'i tshul du bsten/ zhag bco ldan bdun char sku mngon du 'byung ngo // bdag cag dam ma nyams na mdzes pa dang chas dang ldan par 'ong ngo / dam nyams na nag mo ral pa can bdun mes tshig tshig byed pa la/ mche ba dmar tsa re 'dug par 'ong ngo // man ngag gsal na bdag nyid kyi dbang du bsdu/ mi gsal na bzod par gsol te bskang ngo // bdag man ngag dang ldan na dang por mi sdug pa las kyang sdug pa ston ste// gdod ma nas sdug na pad+ma dbang tu bsdus la nga rgyal bskyed la sru mo'i tshul du bsten de ltar phyag 'tshal zhing dpon zer nas mi sdug mi byed do// de nas pad+ma rak+ta hUM gis bsdus nas rgyan bor nas gsum dang bcur sbyar te// mel tshe thun re la lan gnyis gnyis 'bul lo// sna la gtso mo dang sbyar ro// de nas yo dang sbyar ba'i byang chub kyi sems nyi tsher ma 'dod pa bzhin du dam bsres te/ nga'i brnag pa'i las rnams kun yang sgrubs shig par lung stsal lo// bran dang slas dang bran mo dang / byi mo yin par gna' bor zhes lung stsal lo// de phyin chad bran bzhin du las byed do// da ni sbas pa'i ma mo bsgrub par bya'o// yo byad gong ma kun gyi steng du zhing gi rgyu zhags gcig/ srid pa spyi blugs kyi zha ral pa

  338. 169b

    can dung chen byi ru dang gser g.yus brgyan pa gcig/ zhing chen gyis rdzas lnga rdza rnga yang thogs nas bsgrub na rtags gong ma dang mthun no// sgrub pa'i thabs gong ma dang mthun/ yon tan ni ma bdun man chad 'khol lo// bsam pa thams cad 'grub/ lhur yang dgra la rbad pa bzang ngo / da ni e ka dzA Ti'i bsgrub par bya ste/ stegs bu gru bzhi pa gcig gi steng du gra phying gcig bting la/ dam rdzas sna tshogs pa'i gtor ma cha gcig gi nang du sman g+hi wang stsal te/ dar dmar po kha tshon gang gis kha bcad/ kha nub phyogs su bstan te/ zhag bdun du bsnyen par gyis la/ yum mtshan dang ldan pa la dbab bo// bskul ba ni/ hUM srid pa'i ma mo yal gam can// skye 'gro ral gcig 'jig rten sgrol// mig nag khrag 'dzag stong khams bsreg/ kha nas me 'bar rgya mtsho skems// ma byung ba yi dus mtha' nas// 'jig rten las kyi dbang bsgyur te// sems can don la rab tu brtson// snying rje byams pa'i dkyil 'khor du// brtse ba'i shugs kyi gshegs su gsol// zhes bskul la yum la phabs te dris na snang srid kyi gtam smra'o// da ni bu mo spun gnyis bsgrub par bya ste/ bskul ba ni/ hUM ma mo chen mo yal gam can// nam mkha'i dbyings kyi dpal mo btsan// gnam phyed gos su gyon pa mo// sa phyed stan du 'ding ba'i bdag/ 'khor ni gnam sman 'bum

  339. 170a

    gyis bskor/ chibs su gser gyi shwa pho bcibs// mgo la g.yu yi rwa bcu 'bar// phyag na gser gyi dril gzhag bsnams// bdud dang mu stegs dbang du sdud// che ge sring gcig ma g.yel gcig/ da ni bu mo chung ngu sgrub par bya ste// hUM ma mo ma g.yel yal gam can// dan ting g.yu yi go cog la// gser dang g.yu yi cod pan can// g.yu yi dril snyan 'bum gyis brgyan// chibs su dung sha dkar po chibs// khas blangs dam bcas snyel lam ci// bskul na ma bzhugs da tshur byon// zhes bskul/ 'di ni ma mo gser gyi sgrub pa'o// gser ram g.yu dar ba'i phud kyi gsos nas brten na/ byes yul mdo gtsang gar 'gro yang / bsam pa yid bzhin du 'grub bo/ huM he dud ste/ dung re dung re hUM/ 'di nang du brten na bcos dka'/ ma mo phyi ma rnams ni zhal nas gsungs pa'i sgrub thabs yod na phrag dog che la bcos dka' ste/ blo chung rnams kyi don du mi rung bas/ 'dir ma gsungs so// dman mo rnams kyi sgrub thabs kyi le'u ste bcu dgu pa'o// // da ni ma mo dbang du bsdu ba'i thabs bshad de/ gdon 'dul lha yi yang gsol pa// 'jig rten dbang can ma mo rnams// dbang du bsdu na ji ltar bsdu// zhus pa la nyag gcig yab kyis bka' stsal pa// nyon gcig g.yung drung yang dag pa// yul dang dngas ma rtsa

  340. 170b

    rnams la// rigs kyi ma mo la sogs te// gu h+ya gsang ba'i yum bzhi dang // rkyen gyi ma srid bsgom par bya// des ni ma mo dbang bsdud do// dbang du bsdu ba'i le'u ste// gnod 'dul lha yi yang gsol pa// srid pa'i dbang chen 'di rnams kun// srog gi skong ba ji ltar bskang // nyag gcig yab la bdag nyan 'tshal// de skad gsol pa gsan nas kyang // yang dag gzigs kyis bka' stsal pa// nyon gcig gnod 'dul lha yi gtso// ngas gsungs pa la the tshom med// 'jig rten dbang chen 'di rnams kun// srog gi skong ba 'di rnams so// hUM gtso mo yum gyis mngon spyod pa// spyi gtsug g.yu yi rdo rje rtse dgu 'bar// g.yu yi ral pas stong gsum khyab// g.yas kyi phyag na rig lnga'i sangs rgyas bsnams// g.yon gyi phyag na bdud rtsi lnga yi longs spyod bgyid// ye shes rol pa'i spyan gyi kun tu gzigs// khams gsum srid pa gsum la mnga' mdzad ma// rtag tu dbang phyug chen mo grogs mdzod cig/ bltas pa'i mi mthong gcig kyang med// bskang ngo bskal pa'i thugs dam bskang // hUM shar gyi phyogs kyi mnga' bdag mo// 'byung ba sa la dbang sgyur zhing // 'gro ba'i rus la mnga' mdzad ma// 'di yi rus pas bskang byas nas// mthun pa'i rdzas chen ngas 'bul gyi// bcol ba'i phrin las 'grub par mdzod// hUM lho yi phyogs

  341. 171a

    kyi mnga' bdag mo// 'byung ba chu la dbang sgyur zhing // 'gro ba'i khrag la mnga' mdzad ma// 'di yi khrag gis bskang byas nas// mthun pa'i rdzas chen ngas 'bul gyi// bcol ba'i phrin las 'grub par mdzod// hUM nub phyogs khams kyi mnga' bdag mo// 'byung ba me la dbang sgyur ma// 'gro ba'i drod la mnga' mdzad ma// 'di yi drod kyis bskang byas nas// mthun pa'i rdzas chen ngas 'bul gyi// bcol ba'i las rnams 'grub par mdzod// hUM byang gi khams kyi mnga' bdag mo// 'byung ba rlung la dbang sgyur zhing // 'gro ba'i dbugs la mnga' mdzad ma// 'di yi dbugs kyi bskang byas nas// mthun pa'i rdzas chen ngas 'bul gyi// nga yis bcol ba 'grub par gyis// hUM nam mkha'i rigs kyi rgyal mo ste// nam mkha' stong la dbang sgyur zhing // 'gro ba'i bkrag la mnga' mdzad ma// 'di yi bkrag gis bskang byas nas// mthun pa'i rdzas chen ngas 'bul gyi// bcol ba'i las rnams 'grub par mdzod// rgyu bsgral ba'i 'byung ba chen po'i lngas ye shes lnga'i mkha' 'gro ma dang gtso mo yab yum bskang ngo // da ni 'dod khams kyi lha mo rnams bskang ba ni// hUM srid pa'i bde 'gro khams gsum kun gyi yum mchog ste// sku mdog mthing nag chen mo la// dbu dang zhal gyis stong khams khengs// rin chen ral pas snang srid gsal// khyed

  342. 171b

    kyi 'dod khams gtso mo ste// phud kyi bdag mo'i thugs dam bskang // dpag bsam shing gi yal ga la// dkar mo g.yag thod ral pa can// nyi zla stong gi thod phreng can// dpag tshad brgyad khri bzhi stong nas// khrag gi dri snom dmar gyi ro myong ma// ral pa'i zur phud g.yon nas gcig tu 'khyil// srid pa'i sa gzhi g.yo zhing khebs mdzad ma// lag pa g.yas nas lcags dang zangs kyi dril zhags la// snying gi zhags pa sdog cing 'phen// lag pa g.yon pa b+han+d+ha mgo bcad bcu par 'dzad// tshangs pa la sogs lha chen brgyad kyi go bcad nas// nyi zla stong gis sku la brgyan cing bklubs// snang srid snying gi bdag mo ste// 'di yi snying gis bskang byas pa'i// mthun pa'i rdzas chen ngas 'bul gyi// nga yi las bcol 'grub par mdzod// che zhe dkar mo nyi ma'i mdangs// dkar po ral gcig thugs dam bskang // che zhe rdo rje nyi ma khros pa'i dbang mo che// khams gsum thams cad gsal mdzad ma// bskang ngo bskal pa'i thugs dam bskang // che zhe khams gsum rdzogs byed khros pa'i dbang mo che// khams gsum thams cad gsang bar sbyor// mthun pa'i rdzas chen ngas 'bul gyis// bskang ngo bskal pa'i thugs dam bskang // che zhe chen mo dmar mo ral gcig ma// srid pa'i bde sbyor khros pa'i dbang mo che// khams gsum thams cad dbang du

  343. 172a

    sdud// mthun pa'i rdzas chen ngas 'bul gyi// nga yis las bcol grub par mdzod// bskang ngo bskal pa'i thugs dam bskang // che zhe pad+ma khros pa'i dbang mo che// srid pa thams cad bde la bkod// mthun pa'i rdzas chen ngas 'bul gyis// nga yi las bcol grub par mdzod// bskang ngo bskal pa'i thugs dam bskang // snang srid kun gyi rgyan mdzad ma// rgyan gyi rgyal mo'i thugs dam bskang // bdag nyid lhag lhag bzhad mdzad ma// bdag nyid chen po'i thugs dam bskang // mtshan ni dbyings phyug chen mo ste// lag na mi mgo thod pa thogs// bskang ngo bskal pa'i thugs dam bskang // mtshan ni gcig pu chen mo la// lag na mi yi g.yang gzhi thogs// bskang ngo bskal pa'i thugs dam bskang // thugs kyi dgyes sde chen mo ste// gsang ba'i man ngag yang phyi mo// sgrub pa po la rtags phyung zhig/ rtag tu dbang phyug chen sa grogs mdzod cig/ srid pa shar gyi bdag mo ste// dkar mo mig gcig ral pa can// shar gyi dkar mo 'bum sde bcas// bskang ngo bskal pa'i thugs dam bskang // srid pa lho yi bdag mo ste// nag mo chen mo mche ba can// 'khor ni nag mo 'bum sder bcas// bskang ngo bskal pa'i thugs dam bskang // srid pa nub kyi bdag mo ste/ dmar mo chen mo dbang sgyur ma// 'khor ni dmar po 'bum sder

  344. 172b

    bcas// thugs dam gnyen po bdag bskang gi/ bcol pa'i phrin las grub par mdzod// srid pa byang gi bdag mo ste// ser mo chen mo las kyi gtso// byang phyogs gser mo 'bum sder bcas// thugs dam gnyen po bdag bskang gi/ bcol ba'i las rnams par mdzod// de yan chad ni ma mo bcu bzhi'i skong thabs so// da ni khol mo rnams sha khrag dang a mr-i tas bskang te// srid pa kun gyi khyim bdag mo// he ru ka snasnyi'i thugs dam bskang // ha ra ting dkar mo'i thugs dam bskang // dun ting nag mo'i thugs dam bskang // shan ting dmar mo'i thugs dam bskang // grub ting ser mo'i thugs dam bskang // srid pa gru 'degs chen mo yis// bcol ba'i las rnams grub par mdzod// dmag gi rgyal mo chen mo bzhi// dkar mo mche gtsigs chen mo dang // nag mo chen mo kha bla na ma// dmar mo chen mo mchu 'jib ma// ser mo chen mo rkang ldag ma// rigs bzhi dmag dpung 'khor gyis bskor// thugs dam gnyen po bdag gis bskang // bcol ba'i las rnams grub par mdzod// e ka dzA Ti'i thugs dam bskang // srid pa'i ma bdun thugs dam gnyen pos bdag bskang ngo // ma mor grags pa kun gyi thugs dam gnyen po bdag bskang ngo // de ltar nang gi dam rdzas dang ldan par byas la/ shel smug po'am mkha' lding la sogs pa rgyu gang bsgral yang

  345. 173a

    rung // 'byung ba chen po lnga yis ye shes kyi mkha' 'gro ma lnga dang gtso mo bskang / sha khrag dmar dang a mr-i tas 'khor gyi ma mo thugs dam bskangs na/ sgrub pa po'i bsam pa yid bzhin du 'grub ces dpal he ru kas bshad do// ma mo'i thugs dam bskang ba'i le'u ste nyi shu pa'o// // gdon 'dul lha yi yang gsol pa// dbang can mo rnams bskang bas bzlog pa dang // bsam pa thams cad 'grub pa de lags na// dbang can po rnams ji ltar bskang // de skad gsol pas bka' stsal pa// de nas pho rigs mchod 'dod na// stegs bu go 'phang mtho dman dbye// cho ga rdzas ni 'di dag go/ 'bru sna bcu gsum ngar phye dang // rin chen sna brgyad brdar nas su// rgyal po chen po'i gzugs su bya// de yi lag pa g.yas g.yon rin po che// gsal byed brgyad kyang de bzhin no// 'bru sna dar sna tshom bu ldan// lus dang yan lag de bzhin brgyan// bdud dang drang dkar chen po dang // de ba nor gyi bdag po dang // gshin rje ru dra'i rdzas yin te// skyes to re yang de bzhin no// 'bru sna gsang phye bre bzhi la// mkhar thabs mda' yis rnam par brgyan// sle'u bzang dar dkar mda' dgu yi rkyen yang yis bskyon// de bzhin sha dang rin chen chang // dkar glud rkyen dang bcas pa yin// dkar po che la de bzhin no// bre gsum gsang

  346. 173b

    phyi'i zla gam la// za 'og mda' yis rnam par brgyan// le brgan sle'u bzang ser bkra'i rkyen// de bzhin sha dang rin chen chang // gser glud rgyan dang bcas pa yin// byang shar mtshams su yang de bzhin no// nas dang nyung dkar don gyis brgyan// srid pa kun la de bzhin te// 'byung po rnams la me gtor sbyin// de skad bgyi ba gsog pa pa la// de tshe de la 'di skad brjod// dpag bsam shing gi sked pa la// gser mkhar ni ser po la// gser sgo ni thibs se thib// g.yu yi bad ni sngon pos bskor// de yi ni bdag po ste// skos rje ni drang dkar zhig/ skos mkhan ni ming nas phyung // mdos mkhan ni mdos la gshegs// glud mkhan ni glud la gshegs// gser mkhar ni rtse dgu nas// rin chen ni stegs bu la// lcags kyi ni sgo khyud can// de yi steng na'o// srid pa ni drang dkar gyi// zhig 'dzin ni ming nas phyung // mdos mkhan ni mdos la gshegs// rim pa ni bcu gsum la// ri rab ni rim pa la// gnam gyi yar steng shed na/ lcags mkhar ni sngon po la// gser gyi ni bad bskor zhing // zangs kyi ni sgo stsal ba// de yi ni bdag po ba// dbang phyug ni chen po la// ma hA ni shwa ra zhig/ ya bdud ni ming nas phyung // mdos mkhan ni mdos la gshegs// de yi ni gling phran na// ka li ni yar la shod// bdud pas ni thabs

  347. 174a

    mkhas te// bdud pas ni drag shul tshe// 'gro ba ni kun gyi bdud// 'gro ba'i tshe dpal 'phrog/ skyes bu ni skyes to re// ya bdud rgyal zebs ming nas phyung // mdos mkhan ni mdos la gshegs// lho phyogs ni gling khams na// rus mkhar ni gling dgu na// de yi ni bdag po ba// shi bdud kyi khram 'debs pa// gshin rje yi ming nas phyung // mdos mkhan ni mdos la gshegs// glud mkhan ni glud la gshegs// 'dzam gling ni nor gyi bdag/ ma hA de ba lha chen po// btsun mo u ma 'khor dang bcas// nor lha chen po ming nas phyung // mdos mkhan ni mdos la gshegs// gnam gyi yar steng na// dung mkhar dkar po la// g.yu yi bad bskor ba// bse yi sgo stsal te// de yi ni bdag po ba// khyab 'jug dung gi thor tshugs can// gnam lha dkar po'i ming nas phyung // mdos mkhan ni mdos la gshegs// byang shar ni mtshams shed na// bse mkhar ni khra bo la// dung gi ni bad bskor ba// lcags kyi ni sgo stsal te// de yi ni bdag po ba// shar phyogs gnam sa phyed kyi bdag/ tshangs thur lus la thor tshugs mgo/ btsan 'gong rgyal po'i ming nas phyung // mdos mkhan ni mdos la gshegs// shar phyogs ni pha gi na// dung mkhar ni mgo dgu la// bse yi ni sgo stsal can// shar phyogs gnam sa phyed kyi bdag/ tshangs thur lus

  348. 174b

    la thor tshugs mgo/ shar phyogs rgyal po'i ming nas phyung // mdos mkhan ni mdos la gshegs// bse btsan rong po rgya mangs rol// btsan ni rgyal po'i ming nas phyung // mdos mkhan ni mdos la gshegs// btsan la sogs pa de bzhin no// da ni ma hA shan ting gi cho ga bshad de// gsang phyed gtsang ma khal phyed la// ji ltar 'dod pa'i gzugs byas la// dkor cha spyan gzigs yang dag ldan// de ni phyi rgyud shan ting ngo // de la 'jig rten shas bskor te// dmar gtor dam rdzas ldan pa ni// shan ting nang gi cho ga'o// gnyan sa dang ni sa dben par// gru bzhi spos chus maN+Dal la// zas kyis stegs bu gang bar bya// las dang phan yon gong ma bzhin// bsngos nas dar sgra bshus te bzhag/ phyi rgyud mthun te dkar po yin// gsang ba mthun te gnyis ka 'dra// 'di stsal bsam pa ma 'grub na// 'jig rten dbang ngam ral can 'gyur// las rnams kun gyi brnag pa ste// cho ga lung chen rdzogs pa 'di// ngas gsungs pa la the tshom med// de skad ces ni bka' stsal nas// 'jig rten dbang can mngon par dga'// lha rnams kun yang mthu skyes nas// sems can kun la phan pa bsgrubs// dam tshig mtha' ni de bzhin gnas// pho mdos rnams kyi le'u ste nyi shu gcig pa'o// // gnod 'dul lha yi yang gsol pa// 'gugs

  349. 175a

    dang 'dren pa'i las rnams ni// pho nya'i las rnams bdag nyan 'tshal// rdzogs sangs rgyas kyis bka' stsal pa// nyon cig g.yung drung yang dag pa// srid gsum 'dul ba'i pho nya ni// bdag nyid man ngag ldan byas te// sems kyi dkyil nas bskul ba ni// hUM dpal gyi pho nya bka' sdod ma// khyung gi khra chen ldings pa la// lcags kyi mi mo khyud mgo can// mgo gsum ma la lag drug ma// g.yas na rdo rje kha T+wAM ga/ bar ma spu gris srid gsum sgrol// tha ma dril zhags mu stegs 'ching // g.yon pa b+han+d+ha rak+tas bkang // bar ma 'khor lo bskal pa'i me// tha ma lcags kyu 'phro 'du can// gnas ni dur khrod dkyil na gnas// bsnyungs ni thugs kyi dkyil du bskungs// bton ni ljags kyi rtse la bton// 'gyed ni dam nyams dgra la 'gyed// dbang ni srid pa gsum la byed// za ni skye 'gro yongs la za// nyul ni gling bzhi khyab par nyul// bang ni nges par glog mgyogs// rgod ni dngos po gcig la rbod// kyal ka chen pos bdud dpung 'joms// tsha rngams chen pos bgegs rigs sgrol// nga rgyal chen pos mu stegs 'dul// rdzu 'phrul chen pos ri rab bsnyil// khyed ni srid gsum sgrol byed pas// ched 'ga' drag shul bskul ba'i tshe// gang la bya ba 'grub par byos// de yis bka' sdod pho nya ma// dkar mo nyi ma'i thod phreng can// phyag

  350. 175b

    drug zur gsum mig gcig ma// dril bu dbu gsum byung ba ni// mgo la tshil gyis yib zhu can// mtshan ni sprin dkar go cog can// phyag gnyis pad+ma stang bzung zhing // mtshan ni 'jig rten kun 'dul ma// g.yas na zhing gi rgyu zhags 'phen// bdud dang mu stegs 'ching byed ma// mtshan ni dbyings phyug chen mo ma// g.yon gyi dang por bsnams pa ni// mi mgo rlon pa'i phor pa ru// mi khrag rlon pa nang stsal zhing // bdud rtsi bcud dang bsras nas 'thor// drongs shig dgra bgegs rdul du rlog/ mtshan ni bdud rtsi longs spyod ma// g.yas kyi phyag na bsnams pa ni// mi yi rus pa'i phur bu dril/ dgra bgegs mnan pa'i las mdzad ma// mtshan ni rdo rje gsang ba'i mchog phur can// g.yon gyi phyag na bsnams pa ni// zangs dang lcags kyi dril zhags la// mi snying brgyus pa'i zhags pa 'phen// srid pa gsum char 'ching bar mdzad// mtshan ni gser gyi dril zhags la// sprul pa'i 'phro 'du mang po can// g.yas g.yon grol ba'i g.yab mo yis// khams gsum rdul du rlags mdzad ma// mtshan ni g.yang gzhi ru mtshon can// na bza' mi lpags rlon pa la// stong khams thams cad 'ching mdzad ma// dgra bgegs thams cad rdul du rlog/ mtshan ni zhing gi na bza' can/ kha nas mi khrag rlon pa 'thor// stong khams thams cad sreg mdzad

  351. 176a

    ma// mtshan ni kha nas me 'bar ma// sku la mi mgo se ral kha// skye 'gro thams cad skyong mdzad ma// mtshan ni me tog chun 'phyangs can// 'bar gtum chen mo khro mo'i tshul// khro rgyal chen po gshin rje'i gshed// bka' yi pho nya mgyogs ma'i tshogs// nga rgyal can rnams dbang du sdud// gang la bya ba rdul du rlog/ 'di gnyis pho nya'i gtso mo ste// bcol ba'i las rnams 'grub par mdzod// mtshan ni me 'bar chen mo la// lag na me yi dkyil 'khor thogs// dgra bgegs ma lus sreg par mdzad// thar ba'i dus med 'o dod 'bod// slan chad sdom zhes smra ba des// ma btang myur du la mor khug/ pho nya chen mo drug cu'i gtso// e ka dzA Ti ral gcig ma// ral pa'i zar bus srid gsum sdud// za 'og zhabs ma'i dbu rgyan can// gnam la bskor ba'i bdud dpung rlag mdzad ma// sa la rdabs pas dam srid 'byung po'i d+ma gcog ma// bsgrub pa'i dgra bgegs ma lus thul// mtshan ni khyim bdag chen mo la// chibs su rlung 'tshub mdur gyis bskyod// drongs shig khug gcig ang+ku sha/ bsgrub pa'i bar chad byed pa dang // dngos grub par chod byed pa dang // sgrub pa po yi mthu 'phrog rnams// drongs shig khug cig ang+ku sha/ sgrol bdag chen mo da tshur spyon// mthu chen dam can da tshur spyon// ngas gsungs pa la the tshom

  352. 176b

    med// ces las la bskul bar bya'o// pho nya chen mo'i le'u ste nyi shu gnyis pa'o// // gdon 'dul lha yi yang gsol pa// bstan pa gnyen po 'jig byed dang // lu gu rgyud la 'gal byed cing // sems can kun la gnod bgyid dang // rtag tu gdug sems gyur pa la// nan tur las rnams ji ltar 'tshal// de skad gsol pa gsan nas kyang // ngo mtshar lha yis bka' stsal pa// rtag tu gdug pa'i sems gyur pas// sems can kun la gnod pa la// nan tur las rnams ngas bstan gyi// nyon cig g.yung drung yang dag pa// 'di yi phur pa'i dkyil 'khor ni// ji ltar yid 'thad gnas su ni// dkyil 'khor tshad dang ldan pa la// dbang gi dkyil 'khor kha sprad la// dbus su kun tu bzang mo'i mkha'// mdzub gsum pa la drag por bri// ze ba sor bzhi cha snyoms la// dgug dang spor 'phang sngags kyis 'gengs// dbang gi dkyil 'khor khar na la// mnan dang 'phang ba'i sngags kyis bskor// de nas kha ran gru bzhi la// sor lnga pa yi tshad du bya// rdo rje pad+ma sbrel mar bris// de nas maN+Dal rgyas pa la// 'od phung thod pa'i phreng bas brgyan// sgo bzhi mkha' bzhis brgyan par bsam// de nas rdzas kyi ngo bo yang // rgyu yi gtso bor dgu bsogs te// grub pa'i rnal 'byor dgu rbad pa// gnyis la chags 'dzin spun gnyis bri// bdun la ma

  353. 177a

    bdun sngags bris te// drag po kha ran 'khor bar bzhag/ dbang dang drag por ldan pa yi// lcags zangs shing ni gang yang rung // dbang drag phur pa dgu po la// mgo la mkha' 'gro lnga bsam// ngos la rnal 'byor bcu bzhi bsgom// rked par chags 'dzin la sogs bsam// rtse mor phaT sogs ma bdun kyang bsam nas su// dmigs pa'i dngos po gang yang rung // dkar nag dkyil du rgyab nas su// dge sdig las kyi mtshams phye nas// dngas ma'i dngos po thams cad kun// rngubs nas ma mos bzos par bsam// de ltar brgyab na lha yang 'chi// dngos por bdag nyid bsgom bya ba// phra men rgya mtsho nyid kyi sku// dbang drag sku mdog chen mo la// dbu gcig zhal lnga 'jigs pa'i sku// dbu la mkha' 'gro lnga bsgoms shing // mche ba can la gtsigs shing bzhad// ma mo thams cad dbyings nas 'gyed// phyag na dbang drag phur bu 'phen// 'dren dang mnan dang sbar ba yi// sngags rnams rab tu bzlas nas su// rnal 'byor ma rnams rbad nas ni// pho nya bskul bar byas nas su// gang la bya ba'i dngos po de// dbang drag dkyil du bzung nas su// dkar nag dkyil du brgyab nas su// rnam shes dbyings su bsdus pa dang // dge sdig las rnams sbyangs nas su// lha gzugs phral te zos bsam na// rdo rje'i brag

  354. 177b

    kyang 'jig par 'gyur// ngas gsungs pa la the tshom med// ces bka' stsal pa dang / de nas rigs lnga'i sangs rgyas 'khor de na gnas pa/ rdo rje sems dpa' stan las langs te/ gar gyi brda phyag 'tshal nas// 'di skad gsol to// dbang drag dkyil 'khor byin rlabs dang // dbang drag phur pa'i cho 'phrul dang // 'dren mnan sbar phang sngags kyi mthu// mgon po chen pos bstan du gsol// de skad rdo rje sems dpas gsol pa gsan nas// cang mi gsung bar dbang drag gi ting nge 'dzin la bzhugs so// ting nge 'dzin la zhugs pa las/ badz+ra b+han+na dza la maN+Da la b+ha ga ru tra/ b+ha ga tra tha/ dra dro staM baM kI la ya/ dzaHhUM nan/ s+pha ra Na ya/ tsit+ta su kha hUM zhes gsungs pa dang / khams gsum thams cad mkha' gru gsum gdengs pa'i dkyil 'khor/ gting dpag med pa'i gzhal yas khang // dbang drag gi dkyil 'khor du gyur nas/ dbang drag gi phur ba ye shes kyi mkha' 'gro rnams kyis brgyab pas/ steng na char du bab ste/ dbang drag gdengs pa'i gting khung du/ rdo rje sems dpa' la sogs te/ rigs lnga dang lha gdon 'dul kha bub tu brgyal/ dbang drag gi dkyil 'khor gdengs kar srid pa'i ma mo dbang can gyi tshogs gan rkyal du bsgyel te/ snying dkar nag gis mtshams su phur bu phog ste// dge sdig gi shan thang phye nas// byang chub kyi sems su

  355. 178a

    byin gyis brlabs so// de ltar thams cad brgya la sangs pa dang / 'di skad ces glu blangs so// dbang drag dkyil 'khor yum gyi mkha'// nam mkha'i dkyil 'khor bde gshegs gnas// gting dpag med pa'i gzhal yas su// dbyings nas dbang drag phur bu yis// rdo rje sems dpa' la sogs kun// rang rgyud snying las drangs nas su// dbang drag mkha' la bzhag nas kyang // slan chad gsang ba'i dbyings su sbyor// gu h+ya b+ha ga sa ma ya s+t+waM laM laM ma hA tsit+ta ho// zhes gsungs pas/ brgyal ba thams cad slar dran pa rnyed nas/ dbang drag gi dkyil 'khor na 'dar yid yid 'dug pa tshor ro// de nas rdo rje sems dpa' la sogs pas/ dkyil 'khor chen po a la la// dbang drag dkyil 'khor bde ba'i mchog/ gsang sngags chen po a la la// 'dren gnon sbar 'phang cho 'phrul che// mtshon cha chen po a la dbang drag phur bu dge sdig spyod// khrag 'thung chen po a la la// bla med khrag 'thung rje btsan mchog/ mkha' 'gro chen po a la la// ye shes mkha' 'gro sprul pa'i mchog/ ces smras so// rdo rje sems dpas yang gsol pa// rdzu 'phrul thams cad kyi mchog/ mu stegs kyi thams cad kyi gnyen po bdag nyid lags te/ bdag gi ming yang rdo rje sems dpar btags pa lags na/ 'dir bla med bcom ldan

  356. 178b

    'das kyi spyan sngar dbang drag gi dkyil 'khor chen po'i cho 'phrul gyis bdag kyang brgyal na// mi mthun pa gzhan lta smos kyang ci 'tshal// dbang drag dkyil 'khor chen po 'di// dus gsum mi 'gyur ba'i bdag nyid// gsang ba mchog kyang de bzhin 'dzin// zhes gsol to// de nas dbang drag gi dkyil 'khor chen po'i cho 'phrul gyis mu stegs ka la chen po yang gtan du non par gyur to// rnal 'byor gyi dgra bgegs mnan pa'i le'u ste nyer gsum pa'o// // de nas sbyin bsreg bya ste/ shar lho mtshams su zab khung bcas la gdug pa'i shing la me sbar la/ dkyil 'khor gyi lha thams cad dam/ yang na gcig gam gnyis la bsres rdzas dbul te// sbyin bsreg lan grangs mang bar bya ste/ zab dang rdzas la sogs pa ni/ sbyin bsreg gi cho ga man ngag las shes so// las ma grub na lan gsum bar du bskur la bya'o// nad gcad pa dang / char dbab pa dang / bsam rdzogs bde ba dang / khrag skem man ngag la sogs pa'i las phra mo'i 'phyong thams cad gdags par bya'o// las 'di dag ni gang la sbyar na 'grub pa// s+thi/ gdon 'dul lha yis yang gsol pa// ma mo spyi bskul ji ltar 'tshal// yang dag rdzogs kyis bka' stsal pa// ma mo spyi bskul 'di ltar bskul// hUM bsam 'phel nor bu rin po che// ma bzhag da

  357. 179a

    ni 'dod dgur spel// nang gi rin chen sna lnga la// spyi yi be'u lug rkang 'gros la// mchod rdzas 'bru la lo tog rgyas par spel// zang gcig yud tsam 'dus tshogs gcig/ nye zer 'od chags 'phrul mo che// mnyam nyid bskul ba ci ste bzhag/ ma g.yel ma g.yel ma yi tshogs// gong gsum lcug phran rlung gis bskyod pa bzhin// gum gum chum chu ma las la 'dus// yun ring dus nas brten pa'i lha// rtag tu ming dang mkhan las bod ci 'tshal// ma 'da' ma 'da' dam ma 'da'// ma 'phangs ma 'phang lha ma 'phang // khyung chen sku la gshog rdzogs ma// khaM khaM tshig tshig glog re 'gyu// me stag 'bar ba'i 'phro 'du can// bos shing de ni snyan ma sra// bsnyen cing de ni gong ma g.yel// 'dris shing de ni mthu ma chung // gzungs mar bgyis na brtse ma chung // 'grogs shing de ni gzhung ma ngan// lha ma bdud ltar grags ma dang // rje mor bgyi'o rje ma ngan// jo mor bgyi'o dbang ma rlom// ma ru bgyi'o tsham drag/ sring mor bgyi na gdung ma chung // dgra blar bgyis na mthu ma chung // gzungs mar bgyis na brtse ma chung // mdza' mor bgyis na rjed ma ngan// grogs mor bgyis na gzhung ma ngan// bran mor bgyis na yengs ma ngan// khol mor bgyis na snying ma rang // bdag cag sems can las kyi mnar ba las// re ltos dpung gnyen

  358. 179b

    khyed las mi bzhugs na// khyed la thugs rje mi mnga' 'am// bdag la g.yar dam ma mchis sam// phyogs bcu'i 'jig rten 'das pa na// rnal 'byor rjes su gsob pa mang mod kyang // rtse gcig sgrub pa'i ming po bdag tsam dkon// ma g.yel ma g.yel srung ma'i tshogs// g.yel gyi dogs nas rdzas la brten// 'das pa'i dogs nas 'dzab la 'dren// ji ltar dur khrod gnyen po ru// dmar gyi ar+g+ha rgya mtshor bskyil// tsit+ta mang po rdza ltar lhag/ mAM sa sha chen phung por spungs// ji ltar gsang chen gnyen po ru// rdzas kyi mchod pa gnyen bkram zhing // dam can dam la gsol ba yis// de tshe khas blangs dam bcas bzhin// bcol pa'i las rnams grub par mdzod// bu med bu ltar dang ma thung // dA phrug bu ltar shed ma chung // dus la bab po sa ma ya// sa ma b+h+yo b+h+yo b+h+yo// ma mo spyi bskul gyi le'u ste nyer bzhi pa'o// // g.yung drung lha yis yang gsol pa// ma mo gsang chen dkyil 'khor las// sgrub pa'i rtsal gyi dbang bskur ba// bdag gis nan tan ji ltar bskyed/ rdzogs sangs rgyas la bdag nyan 'tshal// nyon cig g.yung drung yang dag pa// sgrub pa'i las rnams kyi dbang rnams kyi// ngas gsungs pa la nan tan skyed// ces bka' stsal pa dang / g.yung drung lha yis yang gsol pa// phyi dbang chen po bdag

  359. 180a

    la stsol// nang dbang chen po bdag la stsol// gsang dbang chen po bdag la stsol// de skad zhus pa gsan nas kyang // rdzogs sangs rgyas kyis bka' stsal pa// phyi nang gsang ba'i dbang rnams ni// nga yi thugs kyi rgyud la gnas// nga yi thugs kyi gsang rgyud 'di// deng nas bzung ste khyed la gtad// khyed kyi sems la brnag par gyis// lcang lo ldan pa'i b+han+na 'di// nga yi lag tu bzung nas ni// snod ldan khyod la dbang bskur ro// b+han+d+ha mdzes pa'i dkyil 'khor du// bde chen gsang ba'i dbang bskur ba// stag spyod zur gsum bde chen 'di// ma mo thams cad bsgrub bya'i phyir// bdud rnams zil gyis mnan pa dang // rkyen gdug dbang du sdud ba'i phyir// sgrol byed chen mos dbang thob shog/ dung chen dag gis dbang bskur bas// snang srid thams cad bsgrags pa dang // deng ni yon bdag bu khyed kyang // chos kyi dbyings kyi sgra sgrogs shog/ ma mo sgrub pa'i dbang thob shog/ zhing chen dag gis dbang bskur bas// zhing gi khyad par 'brel pa bzhag/ bdud bzhi g.yabs kyi bor nas ni// hUM gi me chen 'bar ba yis// bdud bgegs zhi bar bsreg pa bzhin// 'bar byed chen mo'i dbang thob shog/ rnga chen dag gi dbang bskur bas// rnga ni gsang ba yum gyi ngang // shes rab thabs kyi sgra sgrogs pas// thabs

  360. 180b

    kyi phyag rgya bskyod nas ni// rnga yi bye brag 'di las 'byung // gsang ba rda yi dbang thob shog/ zhing mchog dag gis dbang bskur bas// thor to gya mdud khro bo brgyad// thugs kyi sprul pa dgu yang 'gyed// sked par yang ni rgya mdud la// gsang ba'i ma mo brgyad 'byung zhing // thugs kyi 'od zer phyogs bcur 'gyed// rtse mo dag gi zur gsum dam// srid pa'i ma mo dbang du bsdud// khams gsum thams cad dbang du sdud// zil gyis gnon pa'i dbang thob shog/ rak+ta mAM sas dbang bskur bas// ma mo gsang chen dgyes pa 'di// sgrol ging chen po skar ltar bkram// rak+ta'i rgya mtsho mtsho ltar rlobs// ma mo sgrub pa'i dbang thob shog/ tshil chen dud pa gsur gyi dbang bskur bas// srid pa thams cad dri mnam zhing // dri yi mchod pa dam pa 'dis// gsang ba'i ma mo dri la dang / gsung dang dri la snom pa mo// ji ltar gang du bcol ba bzhin// sgrub pa'i las rnams grub pa bzhin// las kyi dbang rnams grub nas ni// dpa' bo chen po'i spyan snga ru// 'khu ldog bran ltar mi byed cing // sems kyi dag pa nyer zhag cing // ma mo'i sems las dbang 'dir bskur bas// sgrub pa'i bran pho bran mo bzhin// las dbang chen po thob par shog/ sarba ta thA ga ta kA ya badz+ra swa b+ha wa At+ma ko&haM/ sarba ta thA ga ta bAka badz+ra swa b+hA wa At+ma ko&haM/ sarba

  361. 181a

    ta thA tsit+ta badz+ra swa b+hA wa At+ma ko&haM/ sarba ta thA ga ta pA dza badz+ra swa b+hA wa At+ma ko&haM/ sarba ta thA ga ta a nu rA ga badz+ra swa b+hA wa At+ma ko&haM/ ma mo gsang chen 'dus pa 'dir// snying po lnga yi dbang bskur bas// de ring phan chad bu khyod kyi// tshe yang shin tu ring ba dang // dngos po gzi chen thob pa'i phyir// rang rtags gsang bas dbang bskur ro// 'di ni ma mo rang rtags kyi// dbang chen lags te dbang gi mchog/ sgrol ma chen po'i drag shul gyis// bdud bzhi'i zil gyis gnon pa dang // rkyen dbang thabs kyis gdul ba dang // de phyir gsang chen dkyil 'khor rgyud// man ngag bcud kyi don bstan pa// kun gyi thun mong ma lags te// 'di bstan kun la bshad gyur na// sa bon sad kyis bsad pa bzhin du 'gyur// snod ngan zhabs su zags pa dang // nas ngan tshigs pa bzhin du 'gro// de yi don gyis mi spel te// rang gi sems la bcangs pa na// dngos grub gnyis kyang rtag tu thob// mthu dang gzi brjid thams cad 'phel// dngos grub chen po thob par 'gyur// zhes bka' stsal to// man ngag dbang gis le'u ste/ nyer lnga pa'o// / gdon 'dul lha yis yang gsol pa// ma mo ngos 'dzin ji ltar lags// mngon rdzogs yab kyis bka' stsal pa// ma mo ngos bzung 'di ltar bzung // sems nyid ma bcos mu kha le// sems

  362. 181b

    las skyes pa'i bu mo bcu gsum dang // dbyings las skyes pa'i ma mo bcu bzhi dang // ye shes ma mo nyi shu'o// snang srid kun khyab shwa ri ma// thams cad skong ba'i yum chen lnga// dgra rnams sgrol ba'i shugs sgrol drug/ drag shul dbang chen ma mo bdun// gnod byed snying gcod srin mo brgyad// bka' sdod blon mo chen mo dgu// yang gab dbang gi rgyal mo bzhi// sems las skyes pa'i ma mo bzhi// dam la gnas pa'i sring mo bzhi// yid la gdung ba'i mdza' na bzhi// lus las skyes pa'i bu mo bzhi// ma mo kun gyi gtso mo bzhi// bdud rtsi sgrub pa'i rgyal mo bzhi// phur bu sgrub pa'i blon mo bzhi// ma mo thun gyi bdag mo bzhi// las la gshin pa'i bran mo bzhi// ngar dbugs 'phrog pa'i lha mo bzhi// ma mo rtsa khro bdag mo bzhi// dgra bo'i snying grogs lha mo bzhi// kun gzhi'i gnas bsgyur bu gcig ma// gleng gzhi gnas sgyur drag mo rgyal// stong gsum dbang bsgyur dza dza shwa re ma// dgra bo dbang bskur dpal ldan re ma ti// 'jig rten dbang chen sman mo'i tshogs// gshin rje lcam mo nyi shu gcig/ las mkhan ma mo brgyad cu gcig/ byang shar mtshams kyi sring gcig ma// thugs kyi sprul pa nag mo bdun// tshogs kyi nag mo nyi khri'i tshogs// sku yi sprul pa dkar mo bdun// tshogs kyi dkar mo nyi khri'i tshogs// gsung gi sprul pa dmar mo

  363. 182a

    bdun// tshogs kyi dmar mo nyi khri'i tshogs// yon tan ma mo ser nag bdun// tshogs kyi ser mo nyi khri'i tshogs// phrin las ma mo ljang nag bdun// tshogs kyi ljang nag nyi khri'i tshogs/ ma mo dngos 'dzin gyi le'u ste nyer drug pa'o// // g.yung drung lha yis yang gsol pa// snang srid thig le ji ltar bsdu// mngon rdzogs yab kyis bka' stsal pa// snang srid thig le 'di ltar bsdu// de yang gang zhe na/ yid dang kun gzhi dang rnam par shes pa las/ ma mo thig le dgur gsal te// ma mo lhun gyis rdzogs pa'i thig le dang // ma mo gnas kyi thig le dang // ma mo lung gi thig le dang // ma mo sgrub pa'i thig le dang // ma mo sprul pa'i thig le dang // ma mo thabs kyi thig le'o// ma mo shes rab kyi thig le dang / ma mo sku gsung thugs kyi thig le dang ma mo byang chub sems kyi thig le'o// kun nas bzlum pa'i thig le zhes kyang bya/ klong yangs pa yi thig le zhes kyang bya/ brjod du med pa'i ye shes kyi thig le zhes kyang bya/ ma nor ba zhes kyang bya// gtan la 'bebs pa zhes kyang bya/ ma bcos pa zhes kyang bya/ rgyu rkyen med pa zhes kyang bya/ ma 'gags pa zhes kyang bya/ ye gnas chen por gnas so// ma mo snang srid kyi thig le'i le'u ste nyer bdun pa'o// // rtsa ba'i rgyud rdzogs so// // gnod gdul lha yis yang

  364. 182b

    gsol pa// sems can kun la phan gdags phyir// bsgom pa'i don la bdag nyan 'tshal// mngon rdzogs rgyal pos bka' stsal pa// bsgom pa'i don du ngas bstan gyi// nyon cig g.yung drung yang dag pa// ngas gsungs pa la sems ma g.yengs// de la dang po snang srid thams cad ma byung ma skyes par bsgom/ de nas kun tu snang ba'i ting nge 'dzin snying rje nam mkha'i ngo bo ltar snang la rang bzhin med par bsgom// de nas rgyu'i ting nge 'dzin yi ge oM dkar po bkra sa ler bsgom/ oM de las 'od zer 'phros pas/ 'phags pa'i thugs rgyud bskul/ 'gro ba ma nu'i don byas nas slar 'dus pa las ye shes lngar gyur par bsgom/ ye shes lnga'i 'od zer 'phros pas// e haM maM laM yaM suM bruM/ zhes brjod pas/ yi ge de rnams rin po che star la brgyus pa bzhin dkar krigs se bsgom mo// de nas e b+ha ga maN+Da la zhes brjod pas/ yi ge e las gser gyi 'khor lo rtsibs stong dang ldan pa gcig tu gyur nas/ snang srid kun la khyab par bsgom/ de'i byin rlabs las 'og gi phyogs su tri tri zhes brjod pas/ rlung nag gi 'chubs ma la rdo rje rgya gram gyi kha bcad pa gcig bsgom mo// de'i steng du rak+ta maN+Dal zhes brjod pas/ rak+ta'i rgya mtsho mtha' dang dbus med pa/ dmar tshil tshil gyur par bsgom/ de'i steng du badz+ra su// zhes brjod pas gser gyi sa

  365. 183a

    gzhi mtsho la dar chags pa'am/ 'o ma la spris ma chags pa'i tshul du khad kyis chags par bsgom mo// de'i steng du ag+ni maN+Dal zhes brjod pas/ 'byung ba me'i dkyil 'khor gyis 'byung ba thams cad bsnyams te/ glu ma langs pa bzhin du nyal gyis btang bar bsgom mo// de'i steng du su las su badz+ra me zhes brjod pas/ ri rab rin po che sna lnga las grub pa/ shar shel dkar ltar dkar ba/ lho bai DUr+ya ltar sngo ba/ nub pad+ma rA ga ltar dmar ba/ byang in+d+ra nI la ltar ldang ba/ dbus su gser ltar ser ba/ dpag tshad brgyad khri bzhi stong phyin pa/ kha sog kha gyen du byung bas nam mkha' mtha' yas skye mched 'phang bcad par bsgom mo// de'i steng du ma dmar mo gcig tu gsal ba de'i steng du b+h+rUM smug nag gcig gsal bar bsgom mo/ de las 'od zer 'phros pas/ las gnyer byas/ slar 'dus pa las bruM bi shra bi shud+d+he dz+nyA na tsakra b+han+d+ha b+h+rUM zhes brjod pas ye shes kyi gzhal med khang gru bzhi sgo bzhi dang ldan pa/ sgo khyud dang rta babs su bcas par bsgom mo// gzhal yas khang de'i nang yang / dur khrod gyi rgyan mang pos brgyan par bsgom mo// de'i steng du ma dmar mo gcig bsgom mo// de las ma sUr+ya maN+Dal zhes brjod pas// nyi ma'i dkyil 'khor du gyur par bsgom mo// de'i steng du a dkar po gcig las/ a tsan+d+ra maN+Dal zhes brjod pas//

  366. 183b

    zla ba'i dkyil 'khor du gyur par bsgom mo// nyi zla'i steng du tsakra maN+Dal zhes brjod pas/ 'khor lo rtsibs bzhi pa cig tu gyur par bsgom mo/ de'i steng du ma hA de ba pho mo bsnol la/ u ma de wa kha T+wAM ga ti ra baM zhes brjod pas/ dbang phyug chen po gan rgyal du bsgyel nas/ gdan du bting bar bsgom mo// de'i steng du g.yu'i yi ge A~M dkar bkra ba de sa ler bsgom/ oM de las 'phros 'dus pa las/ byang chub sems su gyur par bsgom mo// de yang snang srid sems mo tsam yang ma g.yos pa'i thig ler bsgom mo// thig le de las/ oM gu h+ya dz+nyA na shrI he ru ka hUM/ zhes brjod pas// bla med he ru ka'i skur gyur pa'i sa mA ti las lcogs tshad du dbu dgu phyag bco brgyad par bsgom mo// de ltar mi gsal na sku mdog mthing nag la dbu gsum phyag drug pa zhabs rnam pa bzhir gtams par bsgom mo// gshog pa bzhir brkyang ba/ glang po che'i ko rlon gyis stod g.yogs pa/ zhing lpags g.yang gzhi dang / zod rlon gyi phreng ba tshar gsum gyis brgyan pa/ klu rigs bzhis sku la brgyan pa/ mtshan ma rnam gsum gyis mtshan pa/ stag lpags kyi sham thabs brgyan pa/ zhal g.yas dkar g.yon dmar ba/ dbus sku dang mthun pa/ g.yas dang po rdo rje rtse dgu pa thogs pa/ g.yas par ma na ral gri bsnams pa/ g.yas tha ma na zhags pa thogs pa/ g.yon

  367. 184a

    dang po na dril bu bsnams pa/ bar ma na rnge'u chung / tha ma na dgra sta thogs par bsgom mo// de ltar gsal ba dang / g.yon gyi phyogs su gu h+ya kro d+hi shwa rI hUM zhes brjod pas/ lus las grib ma byung ba'i tshul du yum nyid gsang ba'i yum chen mor sal gyis gyur par bsgom mo// sku mdog dang rgyan chas ni gtso bo dang mthun/ de ltar gsal ba dang / zhal lnga phyag drug pa/ g.yas dang po dril bu bsnams pa/ g.yon dang po b+han+d+ha rak+tas bkang ba thogs pa/ g.yas par ma na zhags pa thogs pa/ g.yas tha ma na bdud rtsi rnam pa lnga bsnams pa/ g.yon bar ma na ltag spyod kyi rnga bsnams pa/ g.yon tha ma na g.yang gzhi bsnams pa/ zhabs rnam pa brgyad dang ldan pa ru gsal bar bsgom/ de nas yab yum gnyis su med pa'i brdas bskul nas sbyor ba mdzad pa'i byang chub kyi sems 'od zer 'phros pas/ lcags kyur gyur te dzaHhUM baM hoH/ kA sha shwa rI ti ra baM mu ta ti ra baM/ shan ting ti ra baM/ dun ting ti ra baM/ sAr+ya ti ra baM/ pad+ma bo d+hi ti ra baM/ kha raM bid ti ra baM/ srid 'gro ti ra baM/ badz+ra ko ra kai nI la dan+na ti ra baM nan/ zhes brjod pas/ gan rkyal du ling ling bsgyel nas/ gdan du phyogs phyogs su bting bar bsgom mo// yab yum gnyis su med pa'i byang chub kyi sems las yi ge ha re gsal bar bsgom/ yi ge ha 'phro 'dus pa las//

  368. 184b

    byang chub sems su gyur pa bsgom mo/ shar phyogs 'khor lo'i rtsibs steng du// sgrol byed ma dang dkar mo mig gcig bsnol ba'i gdan steng du/ byang chub kyi sems las yi ge ha las gri bo mu ha d+h+ri ga/ ces brjod pas/ rtag pa'i rgyal mo rnam snang gsal gyi skur gyur te/ sku mdog dkar mo la dbu gsum phyag drug par bsgom mo// g.yas dang po rdo rje/ g.yon dang po b+han+d+ha rak+tas bkang ba/ g.yas bar ma na dgra sta/ g.yon par ma na gtun shing brdeg pa'i tshul ston pa/ g.yas tha ma na seng ge bsnams pa/ g.yon tha ma na mchog chen po snyod par bsgom mo// byang phyogs 'khor lo'i rtsibs steng du/ dbang sdud ma dang ral gcig ma gnyis bsnol ba'i gdan steng du/ byang chub sems las yi ge ha las/ bi yang yang te ha d+h+rig/ ces brjod pas/ mkha' 'gro yang gsal g.yos kyi skur sal gyis gyur te/ sku mdog ljang gu la dbu gsum phyag drug par gyur te/ g.yas dang po na rdo rje rgya gram bsnams pa/ g.yon dang po na b+han+da bsnams pa/ g.yas par ma na dbyug chen bsnams pa/ g.yon par ma na rgyu phreng 'dren pa bsnams pa/ g.yas tha ma na spyang mo 'dzin pa/ g.yon tha ma na zhing chung bzung nas snyod par bsgom mo// nub phyogs 'khor lo'i rtsibs steng du/ bdud rtsi mo dang dmar mo gnyis bsnol ba'i gdan steng du/ byang chub sems las yi ge

  369. 185a

    ha las be shra san ti ha zhes brjod pas mkha' 'gro gnyen gsal mar gyur te/ sku mdog dmar mo la zhal gsum phyag drug par bsgom mo// g.yas dang po na pad+ma bsdams pa/ g.yon dang po na b+han+d+ha bsnams pa/ g.yas bar pa na zhags pa bsnams pa/ g.yon par ma tri shUl la/ g.yas tha ma ce sbrang 'dzin pa/ g.yon tha ma na zhing chen thogs nas snyod par bsgom mo// lho phyogs 'khor lo'i rtsibs steng du/ dbang sdud ma dang ral gcig gnyis bsnol ba'i steng du/ byang chub sems las yi ge ha las dza raM paM d+hi ga/ ces brjod pas mkha' 'gro 'od gsal 'bar gyi skur gyur te/ sku mdog sngon mo la dbu gsum phyag drug par bsgom mo// g.yas dang po na rin po che/ g.yon dang po na b+han+d+ha dang / g.yas par ma na me dpung 'bar ba/ g.yon par ma na dbyug to/ g.yas tha ma na stag mo 'dzin pa/ g.yon tha ma na zhing sbram po bzung nas stod par bsgom mo// 'khor lo lte ba'i dbus kyi dkyil na/ dpal chen po bsgom pa'i g.yas su ma mo rgya mtsho ma dang nyi zla'i phreng can gnyis bsgyel ba'i steng du/ bya chub sems las yi ge ha las ma hA lam te ha d+hi ga/ ces brjod pas/ ma mo bkrag gsal mar sal gyis gyur te/ sku mdog ser mo la dbu gsum phyag drug par bsgom mo// g.yas dang po na 'khor lo// g.yon dang po na b+han+ta dang / g.yas par

  370. 185b

    ma na rgyal mtshan/ g.yon par ma na spu gri/ g.yas tha ma na 'ug pa 'dzin pa/ g.yon tha ma na zhing chung snyod par bsgom mo// de nas bdag nyid dpal chen po'i thugs rin po che smug po gur phub pa 'dra ba'i nang na/ dngas ma bzhi yod de/ rtsa'i dngas ma dang / khrag gi dngas ma dang / dbugs kyi dngas ma dang / dngas ma'i dngas ma dang bzhi las/ shar lho'i mtshams su/ rgyan gyi rgyal mo bsgyel ba'i steng du rtsa'i dngas ma las ka ma shwa rI ha d+hi ga/ ces brjod pas/ gsang ba'i yum rgyas 'debs mar sal gyis gyur te/ sku mdog dmar sku la sku phyag gis gang ba/ zhal spyan gyis gang ba cig bsgom mo// lho nub tu dbyings phyug ma bsgyel ba'i steng du/ khrag gi dngas ma las kA ma shwa rI ha d+h+ri ga/ ces brjod pas/ yum za byed ma'i sku sal gyis gyur te/ sku mdog mthing nag la sku dbugs kyis gang ba phyag zhag gis gang ba cig bsgom mo// nub byang du bdag nyid ma bsgyel ba'i steng du/ dbus kyi dngas ma las ka ma shwa rI ha d+h+rig/ ces brjod pas/ yum rmongs byed mar sal gyis gyur te/ sku mdog dmar mo la sku lus khrag gis gang ba/ phyag rlung gis gang ba cig bsgom mo/ byang shar du gcig pu ma bsgyel ba'i gdan steng du/ 'od kyi dngas ma las kA ma shwa rI ha d+hi ga ces brjod pas/ yum tshe 'phel mar sal gyis gyur te/ sku mdog ljang gu la bad

  371. 186a

    kan gyis gang ba phyag chu ser gyis gang bar gyur te/ de ltar gsal ba dang / yang byang chub sems las 'od zer 'phros 'dus pa las/ dzaHhUM baM hoH/ ma mo b+h+yo phaT nan/ ma ma su tra phaT/ nan/ ma ma rak+ta pra we sha na nan ti ta baM/ zhes brjod pas/ srid pa'i dbang chen rnams kha sbub gan rkyal du bsgyel bar bsgom mo// yang byang chub sems las sbas pa'i ma bzhi dang / dgyes sde mo bzhi dang brgyad bsgyel ba'i gdan steng du// bdag nyid rnam par shes pa'i tshogs brgyad las/ ka ma la shwa rI ha zhes brjod pas// yum khams gsum gdar gcod mar sal gyis gyur te sku mdog dkar bkra mar bzhugs pa zhal gcig phyag gnyis pa zhal rngams pa'i mche ba gtsigs pa/ phyag na 'ug pa dang khyung la sogs pa'i rbod gtong bsnams par bsgom/ e ka dzA Ti spun drug bsgyel ba'i gdan steng du/ bdag gi rgyud rgyu ma yang pa las ka ma la shA rI ha d+h+ri ga ces brjod pas/ skye shi rtsad gcod mar sal gyis gyur te/ sku mdog dmar bkrar bzhugs pa/ zhal gcig phyag gnyis pa/ zhal rngams pa'i mche ba gtsigs pa/ phyag na mtshon cha sna tshogs pa bsnams par bsgom mo// srid pa chag byed ma spun gnyis bsgyel ba'i gdan du/ gsang ba'i byang chub sems las/ ka ma la shwa rI ha d+hig ces brjod pas/ dug gsum dbang du sdud mar sal gyis gyur

  372. 186b

    te/ sku mdog dkar bkra la zhal gcig phyag gnyis pa la/ zhal gdangs pa'i mche ba gtsigs pa/ phyag na rbod gtong gi phyag mtshan bsnams par bsgom mo// 'dod pa'i khams kyi gtso mo spun gnyis bsgyel ba'i gdan steng du/ srog gi rtsa ba las ka ma la shwa rI ha zhes brjod pas/ pad+ma kro d+hi shwa rI mar gyur te/ sku mdog dmar mo la zhal gcig phyag gnyis par bsgom mo// nam mkha'i rgyal mo spun gnyis bsgyel ba'i gdan steng du tsit+ta las ka ma la shwa rI ha zhes brjod pas/ yak+Sha kro d+hi shwa rI mar sal gyis gyur te/ sku mdog smug nag la zhal gcig phyag gnyis par bsgom mo// ma bdun bsgyel ba'i gdan stengs du/ yid kyi rnam par shes pa las kA ma la shwa rI ha zhes brjod pas/ rak+Sha kro d+hi shwa rI mar sal gyis gyur te/ sku mdog sngon mo zhal gcig phyag gnyis par bsgom mo// dmag gi rgyal mo bzhi bsgyel ba'i gdan steng du/ thabs dang shes rab las kA ma la shwa rI ha zhes brjod pas/ sa ma ya kro d+hi shwa rI mar sal gyis gyur te/ sku mdog dmar mo zhal gcig phyag gnyis par bsgom mo// srid bzhi bsgyel ba'i gdan steng du/ steng 'og gshang lam sgo bzhi las/ oM ka ma la shwa rI ha d+hi ga/ ces brjod pas bi shwa kro d+hi shwa rI ma'i skur bskyed/ sku mdog ljang nag la zhal gcig phyag kyang gnyis par bsgom/ nyi shu rtsa brgyad bsgyel ba'i gdan

  373. 187a

    steng du/ nyon mongs pa'i yid la kA ma la shwa rI ha zhes brjod pas/ gu h+ya kro d+hI shwa rI mar sal gyis gyur te/ sku mdog dkar bkra la zhal gcig phyag gnyis par bsgom mo// de ltar dpal chen po yab yum dang / thugs rje ye shes kyi gsang ba byang chub sems las bskyed pa'i ma mo brgyad gsal ba dang / rnal 'byor tshogs kyi mchod pa phul la/ 'dzab drang ba ni/ oM shrI he ru ka kro d+hi shwa rI saTaM raM laM ma ma yo gi nI/ ru lu ru lu b+h+yo phaT/ ces brjod de/ de ltar bsgoms shing bzlas brjod nyis brgya sum 'bum bzlas so// de ltar byas na ma mo dbang du des 'dus par sdud la/ bkol ba yang des bkol la 'grub pa yang des 'grub bo// ces dpal chen pos bka' stsal te/ 'khor rnams spro bar gyur to// bsgom pa'i le'u ste nyer brgyad pa'o// // rdo rje sems dpas yang gsol pa/ ma mo 'byung ba'i rgyu zhes gang la bya// mngon rdzogs dpal la bdag phyag 'tshal// mngon rdzogs dpal gyis bka' stsol cig/ mngon rdzogs dpal gyis bka' stsal pa// nyon cig rdo rje sems dpa' gtso// ma mo 'byung ba'i rgyu zhes pa// brten pa'i glu dang dbyangs las 'byung // bdag gis 'di skad brjod par bya// hUM ma g.yel ma g.yel thugs rje can// ma g.yel ma g.yel srung ma'i tshogs// kun tu bzang mo yum gyi dbyings// ma mo bod pa'i glu

  374. 187b

    len cing // sgra ni stong gsum khyab par sgrogs// bsgrub ni ye shes thig le bsgrub// brten ni he ru ka yi gnas su brten// dur khrod chen po'i gnas 'di ru// sha chen gsung ni dri zhim zhing // dus 'di nyid du phrin las mdzod// mAM sa chen po ri ltar spungs// rak+ta'i rgya mtsho mtsho ltar rlobs/ rus pa'i phung po ri ltar spungs// dri chu mang po chu ltar 'brub// ma mo chen mo sprin ltar gtibs// pho nya mang po skad ltar 'khrug/ sum brgya drug cu'i dkyil 'khor 'byung // de ni ma mo sgrub pa'i glu/ yid tsam gdung la bshug pa blang // zhes bka' stsal to// ma mo glu'i le'u ste nyer dgu pa'o// // gnod 'dul lha yis yang gsol pa// sems can kun la phan gdags phyir// tshe srog nyams pa ji ltar gso// yang dag rdzogs la bdag nyan 'tshal// yang dag rdzogs kyis bka' stsal pa// sems can kun la phan gdags phyir// tshe srog nyams pa gso ba dang // gso ba'i cho ga ngas bstan gyi// nyon cig g.yung drung yang dag pa// stegs bu mda' gang gru bzhi la// 'khor lo rtsibs brgyad de dbus na// pad+ma chen po 'dab brgyad bri// pad+ma chen po de dbus su// rin chen 'bar ba zur brgyad bri// de dbus zla gam dmar po bri// b+han+d+ha mtshan dang ldan pa bzhag/ rin chen 'bar ba zur brgyad la// lnga la rtag pa'i rgyal mo lnga// gnyis la sme sha pra mo

  375. 188a

    ha// pad+ma chen po 'dab brgyad la// phyogs bzhir khros pa'i dbang chen bskyed// mtshams su gsang ba'i yum bzhi 'god// 'khor lo chen po'i rtsibs brgyad la// phyogs bzhir phyag rgya chen po bzhi// nyi zla yang gnyis par thod phreng rgya mtsho dgod// gcig la tshe yi snying po bri// sman mo phyi ma don gyis sbyar// dkyil 'khor de yi phyi rim du// bkra shis rtags brgyad bri bar bya// sgo bzhir khro bo bzhi yang dgod// tshil chen me mar rgyun mi gcad// lang tsho'i sgrub pa 'di ltar bya// shing bal bu dang / brag drod dang brag to yang / mar dang / a mr-i ta dang / 'di rnams dngul bum du blug nas dar dmar pos mgul du dkris la// gzungs thag dar dmar le'u dkar dmar zung gcig gis btags la/ dkyil 'khor gyi dbus su bzhag la/ gzungs thag dmar po yum gyis gzung / dkar po yab kyis gzung / zhag dgur bsnyen pa bya zhing / rtag pa'i rgyal mo lnga bskul zhing bsgrub po// de nas rang rang gi snying po bzlas// yang na tshe'i snying po dang gzhung gzhan nas 'byung ba'i snying po yang gzhung bzhin du bzlas brjod bgyi'o// dus der bar chod 'byung bas mtshams yang nas yang du bcad do// de sgrub pa'i sngags 'di'o// oM a mr-i ta sha na du na bu ba bud+d+he swA hA/ A yu u ha ya/ zhes rtag tu bzlas so// dngos grub blang ba'i sngags gsang ba

  376. 188b

    'di'o// oM b+ha b+ha la haM a a dz+nyA na sa'i sing yang // tshe sgrub pa'i le'u ste sum cu pa'o// // gnod 'dul lha yis yang gsol pa// sems can kun la phan gdags phyir// rims nad gcod pa'i cho ga gang // mngon rdzogs yab la bdag nyan 'tshal// mngon rdzogs yab kyis bka' stsal pa// sems can kun la phan gdags phyir// rims nad gcod pa'i cho ga ni// yang dag gnyid du ngas bshad kyi// nyon cig gnod 'dul lha yi gtso// ngas bstan pa la the tshom med// rims nad gcod pa'i cho ga ni// re ma ti bsgrubs la thal chen dang yungs kar dang / tsa ra'i khrag dang / ro sol dang 'di rnams bsres la/ de gang ba pa'i brnag pa'i sngags 'di'o// oM sa si ru ru phu ru na ma ri/ sau 'u ra ba ma su/ pu ta na b+h+yo/ zhes nyi shu rtsa gcig bzlas la/ rims nad yod pa'i phyogs su gtor ro// phyogs bcur yang gtor ro// phyi ma dur khrod du gtor ro// chu la yang gtor ro// des rims nad chad par 'gyur ro// rims nad bcad pa'i le'u ste so gcig pa'o// // gnod 'dul lha yis yang gsol pa// ma nu kun la phan gdags phyir// char du dbab pa'i cho ga ni// rdzogs sangs rgyas la bdag nyan 'tshal// rdzogs sangs rgyas kyi bka' stsal pa/ ma nu kun la phan gdags pa'i// char du bab pa ngas bstan gyi// nyon cig gnod

  377. 189a

    'dul lha yi gtso// ngas bstan pa la the tshom med/ char du dbab pa ni/ sro lo dang / mon sran dang // zing bu dang / de rnams bsres la/ de nas sla nga'i nang du chu blugs la/ sngags kyis rdzas de la btab la/ chu de la blugs la phyogs bcur gtor ro// gnam la yang gtor zhing sngags 'dis gdab bo// oM su ba be bas/ na ma kha kha chu da ri/ bo su ra bas tra du ya ha la swA hA/ zhes bzlas shing gtor ro// yang kha sran chu mig bzang por rdzas de blugs la// nA ga rA dza sa ma ya/ zhes drang zhing / gong gi sngags de bzlas shing chu bcu nas gnam la yang gtor ro// the tshom med par 'grub bo// char dbab pa'i le'u ste so gnyis pa'o// // g.yung drung lha yis yang gsol pa// bstan pa gnyen po 'jig byed dang // lu gu rgyud la 'gal byed dang / rtag tu gdug pa'i sems gyur pa// sems lus so sor dpral ba'i phyir// lha dang dbye ba ji ltar lags// rdzogs sangs rgyas las bdag nyan 'tshal// rdzogs sangs rgyas kyis bka' stsal pa// bstan pa gnyen po 'jig byed dang // lu gu rgyud la 'gal byed dang // drag tu gdug pa'i sems gyur te// lus sems so sor dpral ba'i phyir// dbye ba'i las rnams ngas bstan gyi// nyon cig g.yung drung yang dag pa// dgra bo lha dang dpral ba'i phyir// bya rog 'ug pa'i gung ru la// a

  378. 189b

    dang nr-i yi ming bris la// dme ba rkang gi dreg pa glan// shog shog tshon re gru bzhi la// lha dang mi yi ming bris la// tshon skud sna lngas byad du gzhug/ rkang du dza dung bcug nas ni// 'ga' ti phyin phyogs dag tu bstan// dur ra nag po dra rkang bsdam// maN+Da la yi dar gyis dkris// a nr-i pa ra'i thag pas bcings// da ra pa ti'i rus pas gdags// sba ma dag gis dud pas bdug/ prig sha'i shing la btags nas kyang // rlung la phyar te sdang mig blta// a ti ra yi lcags kyis gdab// rba na ta yi dud pas bdug/ tsa ra ta yi mda' yis brdeg/ ku sa ra yi mgul du gdags// ma la ta yi sgom nas phyung // lce 'bar ma yi snying po bzlas// rnar nyan phra ma'i gzugs bris la// lha dang mi yi bar du gzhug/ mA ra ya yi sngags kyis dbye// mtshon cha'i phyag rgya bcings nas ni// gzugs kyi bar du brdeg par bya// rak+Sha ru tra'i sngags kyis gdab// lcags kyu'i phyag rgya gnyis bcings nas// ang ku sha yi sngags kyis drang // zhags pa'i phyag rgya gnyis bcings la// pA sha hUM gi sngags kyis bcings// lcags sgrog phyag rgya gnyis bcings la// s+pho Ta baM gyi sngags kyis bsdam// dril bu'i phyag rgya gnyis bcings nas// g+haN+Do ho yi sngags kyis sbar// bdag nyid chen po'i skur bsgoms te// pho nya drug rnams gtan la dbab// gong ma'i las rnams

  379. 190a

    sbyar te bya// des ni mtshan ma 'byung bar 'gyur// des kyang mtshan ma ma byung na// 'da' ta da ra pa ti yang pa yi sogs pa la// ma la ta yi khrag gis bris// ta na ga na'i dong du gzhug/ che mchog yab yum bsgoms nas ni// sman mo'i sngags dang phyag rgyas gdab// bskul ba'i phrin las gzhung bzhin bya/ ma mo dbye byad kyi le'u ste so gsum pa'o// // g.yung drung lha yis yang gsol pa// dam las 'das pa'i sngags zer dang // mtshan ma ngan pa'i rdzu 'phrul dang // bdag dang sngags bzlog byung ba rnams// bzlog pa'i cho ga ji ltar lags// mngon sangs rgyas la bdag nyan 'tshal// bka' stsal pa/ bdag la sngags bzlog byung ba rnams// bzlog pa'i cho ga ngas bstan gyi// nyon cig g.yung drung yang dag pa// ngas bstan pa la the tshom med// bzlog pa'i cho ga 'di ltar bya// 'khor ba las byas pa'i bar bu'i nang du yi ge b+h+yo nyi shu rtsa brgyad bris la/ de'i nang du dgra bo'i ming byang gzhug b+han+d+ha dum bu brgyad pa gcig gi nang du dgra bo'i ming dang b+h+yo nyi shu rtsa brgyad bris la/ gang yin pa'i ming rus gzhug/ de nas par bu dang b+han+na gnyis la sngags 'di btab la/ ming byang la yang gdab bo// bzlog pa'i ngan sngags ni/ oM ba ra mi ra na/ da sa ri ga sha du la hUM b+h+yo b+h+yo/ zhes brjod de/ de nas yang par bu'i nang du dri chen bcug nas/

  380. 190b

    dri chus gtor la sngags te bzlas na ngan sngags zlog par 'gyur ro// mtshan ma ngan pa'i rdzu 'phrul zlog par 'gyur/ ngan sngags par bus bzlog pa'i le'u ste so bzhi pa'o// // gnod 'dul lha yis yang gsol pa// bstan pa gnyen po 'jig pa la// ngan sngags par bu ji ltar 'tshal// mngon rdzogs yab kyis bka' stsal pa// bstan pa gnyen po 'jig byed cing // lu gu rgyud las 'gal byed dang // sems can kun la gnod byed pa// ngan sngags par bu 'dis bshad kyi// nyon cig gnod 'dul lha yi gtso// ngan sngags par bu 'di ltar bya// mnga' gsol byas pa'i par bu ru// dgra bo'i ming byang byas te gzhug/ ma bdun sngags ni stong bzlas shing // ming byang de la brdeg par bya// de nas thal chen yungs dkar bsres pa yis// lan khri bzlas nas par bu gdab// gang la bya ba de dmigs la// gsal bar bsgom ste phyag btsal nas// bsgyur na dgra bo phung bar 'gyur// de yi mod la rtags 'ong ngo // ngan sngags la/ ta ra tu ra/ bu be pe te/ ba na mu la badz+ra/ ba ya b+h+yo b+h+yo ma ma dzi ta kha rag ma ra Na ma ra Na b+h+yo b+h+yo/ ngan sngags par bus bsad pa'i le'u ste so lnga pa'o// // g.yung drung lha yis yang gsol pa// bstan pa gnyen po 'jig byed cing // lu gu rgyud las 'gal byed dang // sems can kun la gnod byed pa// bdag la

  381. 191a

    sdang sems byed pa la// par bu mnan pa'i las thabs ni// rtag chen yab la bdag nyan 'tshal// rtag chen yab kyi bka' stsol cig/ de ltar gsol pa gsan nas kyang // bstan pa gnyen po 'jig byed dang // lu gu rgyud las 'gal byed cing // sems can kun la gnod byed pa// bdag la ngan sems byed pa la// par bus mnan pa ngas bstan gyi// nyon cig g.yung drung lha yi gtso// par bu mnan las 'di ltar bya// khams la sogs sbyin mo la// smyu gu'i tshul du byas pa la// zhang du thal chen blugs nas su// de yi nang du dgra gzugs gzhug/ de yi rus pa lo dang srid pa'i 'bras bu dang // ya cha ma cha bar du dang / de rnams bsres la/ til nag po dang / skye tshe dang / be'u rna dang / de rnams blugs nas/ mi khrag gis sbrus la/ gzugs byas la ming rus dang / rus kyi lha dang bcas te/ par bu gang rung gi nang du bcug la/ kha sbub la rtsis skyes bres na// lkugs shing kha sbub ste 'chi'o// rtogs pa'i dbang du mdzad nas phyag rgyas mnan no// mnan pa'i sngags la// oM gra ba bu de yag mo khu gsod/ da la bri buM ma ra Na pra be sha phaT nan/ cho ga yang sras/ par bus mnan pa'i le'u ste so drug pa'o// // g.yung drung lha yis yang gsol pa// bstan pa gnyen po 'jig byed dang / lu gu rgyud las 'gal byed cing // sems

  382. 191b

    can kun la gnod byed pa// bdag la sdang sems byed pa rnams// srog rtsa bskam na ji ltar skam// snying rtsa drangs na ji ltar drangs// rdzogs sangs rgyas la bdag nyan 'tshal// rdzogs sangs rgyas kyis bka' stsal pa// bstan pa gnyen po 'jig byed gang // srog rtsa skam pa ngas bstan gyi// nyon cig g.yung drung yang dag pa// ngas bstan pa la the tshom med// srog rtsa bskam na 'di ltar skam// zhing chen ras la gzugs bris la// snying gar mnan pa'i sngags bris la// zangs kyi sbu gu'i nang du gzhug/ de nas ma mo srog la rbad pa ni 'di skad do// hUM khams gsum rgyal mo dbang gi srid kyi gzhi// gsang ba yum la dbang bsgyur rgyas 'debs ma// gsang ba'i thig bzhis gnas bzhi 'joms byed ma// dkar mo dmar mo sngon mo ser mo bzhi// tsit+ta smug chen gnas 'dren ma// ma mo chen mo 'dren mo bzhi// dkar mo rkun mo'i tshogs ni gnas nas rgyu// rngam bag yud tsam sna la rol mdzad ma// khyed kyi phrin las skal pa'i ngo longs shing // sha rus gtad pa'i gnas skal ma ru long // hUM kra ga sha kra ma hUM/ sngon mo rmongs mo 'dren byed tsit+ta drongs// snying dang khrag bsres zhim dgu'i zas la rol// gtad sha rus la gnas bzhi zas la gtad// kha ram trag gram hUM/ dmar mo spos mos tsit+ta smug chen drongs// rtsa bzhi drod bzhi gnas bzhi dbyings su

  383. 192a

    spor// gtad par gnas bzhi ngos las khrag chen thob// gso mdzad sbyor mdzad thugs rje'i dbyings su sdud// ma btang ma g.yel myur du shig/ ti ta kr-i ma hA la b+h+yo// ma hA ma rak+ta la gri hri ni la gr-i hUM/ ser mo byang chub tshe 'dren mas ni mthing ga hUM gi klong nas drongs// dkar mo dbyings kyi thig le mas ni gnas nas spor// rtsa bzhi drod kyi gnas nas sgyur// khrag chen 'khyil ba'i gnas nas sgrol// gsang ba'i ma bzhi'i phrin las ni// bsad pa'i dgra bgegs da lta ru// khug cig rgyob cig 'bar ma bzhi// drongs shig stobs shig mtshan chen stobs// gsang ba'i dbyings nas da ltar dril// ma hA rak+ta la raM/ ma hA tsit+ta la b+h+yo// ma hA mAM sa la ya/ ma hA rak+ta sha ma sha la ya kraM/ de ltar gsang ba'i ma bzhi la dril lo// de nas 'bar ma dgu rbad de 'di skad do// hUM nang gi 'bar ma khrag 'thung lnga// rtsa bzhi drod la dbang sgyur ma// tshe gsum 'bar ma da tshur spyon// khrag 'thung klong nas ljags 'dril ma// yul gzhi 'gas ma da tshur spyon// rnam shes 'dren pa'i gad rgyangs can// snying 'dren ma mo da tshur spyon// kun gzhi sdud pa'i tshul mkhan mo// myos byed ma mo da tshur spyon// ma bzhi klong nas khrag chen 'thor// gsal 'dzin 'bar ma klong dgu mo// yum chen 'bar ma da tshur spyon// klong na gnas pa'i 'bar ma lnga// gnod pa'i

  384. 192b

    dgra bgegs klong nas drongs// 'khrugs byed ma mo byol mkhan mo// klong na gnas pa'i 'bar ma lnga// klong nas ni klong du rgyob// gnas nas ni gnas su sbyor// ma hA tsin+ta s+pha ra Na phaT/ ma hA rak+ta b+h+yo/ ma hA sa la b+h+yo/ ma hA trag sha la tsit+ta khA hi/ 'di lnga ni sbas pa'i ma bzhi dang / yang sbas kyi ma mo gcig ste lnga'o// de lnga ni ye shes kyi 'phro 'du ma lnga'o// de nas phyi'i ma mo bzhi bskul ba ni 'di skad do// hUM phyi rim ma mo 'bar ma bzhi// rtsa bzhi klong nas rgya gram 'phyo// dkar mo 'debs mkhan tshe 'phrog ma// ser mo 'debs mkhan gzi 'phrog ma// dmar mo 'debs mkhan dbang 'phrog ma// sngon mo 'debs mkhan srog 'phrog ma// phyi rim 'dren pa'i 'bar ma bzhi// 'khrug byed ma mo las la bab// g.yul bzhi ma yi las la bab// 'jigs byed ma mo 'bar ma bzhi// klong nas dril te ngang spyod mdzod// gzhan las 'joms byed g.yul bsham mo// rbod gtong ma mo 'bar ma dgu// sha ru gnod byed drongs las shog/ gtad pa'i gnas su 'phrul chen bgyed// snying 'dren ma mo'i dus la bab// srog rtsa skam pa'i dus la bab// bra ma trag sha graM/ sha ting la la kr-i/ Na ra rak+ta la b+h+yo/ ma hA mAM sa la b+h+yo/ mA hA rak+ta la b+h+yo/ ma hA shAn ting b+h+yo/ de ma de sa aM/ ma hA na he traM/ dar dar ni hUM/ zhes brjod/ drag tu bzlas so// rtag tu bzlas pa'i snying po

  385. 193a

    ni/ a hUM trag sha kri tsit+ta kr-i ma hA la b+h+yo ma hA rak+ta kr-i/ ma hA mAM sa la kr-i/ hri ti la kr-i/ 'di gsang ba'i ma bzhi brnag pa'i sngags te/ dus dang rnam pa med par bzlas na/ dgra bo'i snying yang mngon du 'byung ngo // srog rtsa skam pa'i le'u ste so bdun pa'o// // gnod 'dul lha yis yang gsol pa// bstan pa gnyen po 'jig byed la// srog rtsa bskam na ji ltar skam// yang dag rdzogs la bdag nyan 'tshal// yang dag rdzogs kyis bka' stsal pa// bstan pa gnyen po 'jig byed cing // lu gu rgyud las 'gal byed pa// sems can kun gnod byed dang // bdag la sdang sems byed pa rnams// srog rtsa skam pa ngas bstan gyi// nyon cig gnod 'dul lha yi gtso// ngas bstan pa la the tshom med// srog rtsa bskam na 'di ltar skam// dur khrod kyi ras la gzugs byas la/ 'dzag ma la byas pa'i gzugs kyi nang du bcug ste// de nas a phyi chen mo bsgom pa ni/ mdog nag mo zhing chen gyi skrag pa gsol ba/ zhing chen gyi b+han+d+ha dmar pos tha ma bskor ba/ phyag g.yas na zhing chen gyi sor phreng 'dren pa/ g.yon pa na mi mgo rlon pa'i pho ru na/ mi'i snying dang tshil bu gtubs nas bkang ba gsol bar bsgom mo// de ltar gsal ba dang / 'di skad ces bskul lo// hUM srin mo chen mo sham sham mo// gos su zhing chen pags pa gon// tha ma b+han+d+ha stong

  386. 193b

    gis bskor// a phyi chen mo mi bzad ma// sku mdog sngo nag che ba can// brjid pa'i dbu la spyan re mda'// gos su zhing chen pags pa gsol// tha ma mi mgo stong gis bskor// g.yas na zhing gis sor phreng bgrang // g.yon na mi mgo'i phor pu ru// mi khrag snying tshil gtubs nas gsol// rang la rang ni thim par stobs// zhal gdangs mche ba gtsigs pa yis// ma mo thams cad 'dar zhing 'dud// g.yang gzhi ru mtshon phyar nas su// bdud dang mu stegs thal bar rlog/ 'jig rten thams cad rlag par byed// srid pa gsum la phud nyul ma// de ni jo mo nyid la mchod// bcol na kun kyang 'grub par byed// dgra srog dmar po rtsad nas chod// 'dir spyon dam skong phrin las mdzod// snying khrag mchod pa 'di bzhes la// dgra bo'i srog rtsa drang du gsol// dgra bo'i srog rtsa skam du gsol// zhes bskul zhing sngags 'di gdab bopo// oM badz+ra mu raM shang / za 'dra ma mu raM shang / hUM khrag ra gr-i thum ri li ri li rbad/ ces pa bzlas shing zhag gsum gyi bar du mi tshig gis bar ma chod par bya'o// de nas gzugs kyi kha brag nas sngags gdab po// las 'di mi 'grub mi srid do// the tshom ma byed cig pa'o// de nas gsang ba'i lha mo la 'di skad do// hUM thig le dbyings nas bskyed pa'i khro rgyal yum/ dpal chen thugs las bskyed pa'i khro mo'i skur ston

  387. 194a

    pa// srid pa rtsad gcod dbang gi sku// mche ba gtsigs nas srog rtsa 'dren// skye shi rtsad bcad bde klong thugs la sdud// phyag nas sprul pa gtong zhing dug gsum dbyings su sdud// ma tshogs dbang du sdud cing b+ha ga'i mnga' mdzad ma// dgra bo'i srog rtsa skem phyir 'dir gshegs shig/ khrag rtsa srog gtub mchod pa 'di bzhes la// dgra bo 'di yi srog rtsa gnas su skoms/ ha ho de b+h+yo ru lu ru lu b+h+yo b+h+yo// tsit+ta la b+h+yo b+h+yo// ma hA rak+ta la b+h+yo// zhes kha brag nas gdab bo// rtsa rnams bskam pa'i le'u ste so brgyad pa'o// // gnod 'dul lha yis yang gsol ba// bstan pa gnyen po 'jig byed la// rtsa rnams bskam na ji ltar skam// rdzogs sangs rgyas la bdag nyan 'tshal// bstan pa gnyen po 'jigs byed la// rtsa rnams skam pa ngas bstan gyi// nyon cig gnod 'dul lha yi gtso// ngas bstan pa la the tshom med/ de la skye tshe dang / nyung nag dang / til nag po dang / thal chen dang bsres la/ lce pog gis sbrus la de'i gzugs byas te/ shog shog tshon gang ba brgyad la/ gcig la/ ma ne tre ni b+h+yo// zhes bris la rtse'u chung g.yas pa la glan/ gcig la/ a shan tri ni b+h+yo// zhes bris la rtse'u chung g.yon pa la glan/ gcig la/ b+ha ga dun tri b+h+yo// zhes bris la/ a sor li ka g.yas la klan/ gcig la/ ga mun tan tri na b+h+yo/ zhes bris la/ a

  388. 194b

    sor li ka g.yon la glan no// gcig la/ badz+ra ta ko badz+ra ta ko b+h+yo// zhes bris la long rtsa g.yas la glan/ gcig la/ badz+ra ta ke badz+ra ta ke b+h+yo// zhes bris pa long rtsa g.yon la glan no// gcig la/ badz+ra ni la badz+ra ni la b+h+yo/ zhes bris la srog gi khung du glan no// gcig la/ badz+ra lan+da badz+ra lan+da b+h+yo// zhes bris la kha brag tu glan no// de nas snying khrag dang snying rtsa bsres pa'i mchod pa thogs la 'di skad bskul lo// hUM ma mo chen mo me 'bar ma// b+ha ga 'bum gyi mnga' mdzad ma// dbyings phyug chen mo gshegs su gsol// sdang ba'i dgra bo las ngan po'i// rtsa rnams gnas su skam pa'i phyir// 'di yi rtse'u chung g.yas pa drongs// snying khrag mchod pa 'di bzhes la// bcol ba'i las rnams grub par mdzod// ma ne tre ne b+h+yo// hUM ma mo chen mo le 'bar ma// 'jig rten yongs kyi rgyan mdzad ma// rgyan gyi rgyal mo gshegs su gsol// sdang ba'i dgra bo las ngan po'i// rtsa rnams gnas su skam pa'i phyir// 'di yi rtse'u chung g.yon pa drongs// a shan ti ni sa ma ya b+h+yo b+h+yo// hUM ma mo chen mo me 'bar ma// bdag nyid lhag lhag bzhad mdzad ma// bdag nyid chen mo gshegs su gsol// sdang ba'i dgra bo las ngan po'i// rtsa rnams gnas su skam pa'i phyir// a so li ga g.yas pa drongs// snying khrag mchod pa 'di bzhes la// bcol ba'i las rnams grub par

  389. 195a

    mdzod// b+ha ga dun tri ni sa ma ya b+h+yo b+h+yo// hUM ma mo chen mo me 'bar ma// stong khams gcig tu rgyug 'gro ma// gcig pu yum mchog gshegs su gsol// sdang ba'i dgra bo las ngan po'i// rtsa rnams gnas su skam pa'i phyir// a so li ka g.yon pa drongs// snying khrag mchod pa 'di bzhes la// bcol ba'i las rnams grub par mdzod// ga mun tan tri ni sa ma ya b+h+yo b+h+yo/ trag rag+na b+h+yo b+h+yo/ hUM ma mo chen mo me 'bar ma// dkar mo mig gcig mche ba can// shar gyi gling nas gshegs su gsol// sdang ba'i dgra bo las ngan po'i// rtsa rnams gnas su skam pa'i phyir// 'di yi long rtsa g.yas pa drongs// snying khrag mchod pa 'di bzhes la// bcol ba'i las rnams grub par mdzod// badz+ra ta kai badz+ra ta ko sa ma ya b+h+yo b+h+yo trag rak+kha b+h+yo b+h+yo// hUM ma mo chen mo me 'bar ma// nag mo chen po ral pa can// lho yi gling nas gshegs su gsol// sdang ba'i dgra bo las ngan po'i// rtsa rnams gnas su skam pa'i phyir// 'di yi long rtsa g.yon pa drongs// snying khrag mchod pa 'di bzhes la// bcol ba'i las rnams grub par mdzod// badz+ra ta kaM badz+ra ta koke sa ma ya b+h+yo b+h+yo trag rak+Sha b+h+yo b+h+yo// hUM ma mo chen mo me 'bar ma// dmar mo chen mo dbang du sdud// nub kyi gling nas gshegs su gsol// sdang ba'i dgra bo las ngan po'i// rtsa rnams gnas su skam pa'i

  390. 195b

    phyir// srog pa rtsa la dmar mos gzhibs// dgra srog dmar mo rtsad nas mchod// dmar gyi mchod pa 'di bzhes la// bcol ba'i las rnams grub par mdzod// badz+ra ni la badz+ra ni la b+h+yo b+h+yo trag rak+Sha b+h+yo b+h+yo// hUM ma mo chen mo me 'bar ma// ser mo chen mo las mkhan mo// byang gi gling nas gshegs su gsol// sdang ba'i dgra bo las ngan po'i// gsang ba'i gnas su skam pa'i phyir// dgra bo 'di yi tshig nag gsang ba drongs// dmar chen mchod pa 'di bzhes la// bcol ba'i las rnams grub par mdzod// badz+ra lan+da badz+ra lan+da/ sa ma ya b+h+yo b+h+yo// trag rak+ta sa ma ya b+h+yo b+h+yo// sngags la/ trag rag+ma kha thaM/ snying kha rag sa ra ma ti/ du ra ta ti b+h+yo dza hUM dza ni dza/ ba ra ba ra bi dza/ ga taM ka ri dza dza/ zhes dus dang rnam pa med par bzlas so// yang rtsa skam pa'i le'u ste so dgu pa'o// // gnod 'dul lha yis yang gsol pa// bdag la sdang sems byed pa la// rtag tu bzlas pa'i thun sngags gang // ngo mtshar lha la bdag nyan 'tshal// ngo mtshar lha yis bka' stsal pa// ma mo'i thun sngags ngas bstan gyi// nyon cig gnod 'dul lha yi gtso// gsang bapaba'i thun sngags 'di bzlas so// oM gu h+ya dz+nyA na shrI he ru ka hUM/ gu h+ya dz+nyA na kro d+hi shwa rI s+t+waM/ oM ru lu ru lu hUM ma b+h+yo phaT/ ma ra Na tsit+ta kha/ nyin bzhi mu kha le kro d+hi shwa rI b+ha ga pad+mar+ya bde glong 'dus 'dus na snying dza/

  391. 196a

    sha yu tin+na b+hU b+h+yo// mo ru lu ru lu hA b+h+yo phaT/ snying kha rag rtsa ta rbad/ trag rak+Sha gra/ ma hA ma b+h+yo/ ma ha ma b+h+yo/ ma hA rak+ta gra/ rbi ni la b+h+yo// Tu ri li ri li rbad/ tsit+ta br-i zad/ gis swa mu hAM ha/ ru lu rba lu hUM b+h+yo/ tsit+ta kha tsit+ta kha rak+ta kha/ tsit+ta rak+ka kha'i/ ma hA maM sa la ya/ ma hA rak+ta la graM/ tsit+ta rbad/ dza la pa raM ha/ ru lu ru lu hUM b+h+yo/ tsi na ta tsi na ta/ ma hA mAM sa la ya/ ma hA rak+ta la graM/ tsit+ta kha tsit+ta kha rak+ka li rbad/ byi shwa san ti ha/ ru lu ru lu hUM b+h+yo/ sa ma ya tsit+ta kha tsit+ta kha/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ byi yaM yaM re ha/ ru lu ru lu hUM b+h+yo hUM/ karma ma hA tsit+ta kha/ ma hA mAM sa la ya/ ma hA rak+ta la gr-i/ tsit+ta rbad/ bruM ri li li rbad/ ma hA laM da ha/ ru lu ru lu hUM b+h+yo// tsit+ta ya tsiSh+Ta kha/ ma hA mAM sa ya/ ma hA rak+ta la gr-i/ tsit+ta rbad/ bruM ri li li rbad/ oM badz+ra kro shwa rI b+ha ka pad+mar+ya/ ru lu ru luHhUM tsit+ta kha snying kha rag/ trag rak+ta graM/ ma hA mAM sa la ya/ ma ha rak+ta la graM/ tsit+ta rbad/ oM badz+ra kro d+hi shan ting / pad+ma ka ru ting // ru lu ru lu hUM b+h+yo/ tsit+ta kha snying kha rag/ trag rak+Sha graM/ ma hA mAM sa la ya/ ma hA rak+ta la gr-i/ tsit+ta rbad/ bruM ri li li rbad/ oM mu ni tri ni b+h+yo/ tsit+ta kha rag/ snying kha rag trag rak+ka graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad// oM shan ti ni b+h+yo/ tsit+ta kha snying kha rag trag rag+na graM/ ma hA mAM sa

  392. 196b

    la ya/ ma hA rak+ta la graM/ tsit+ta rbad/ bruM ri li li rbad/ oM b+ha ga dun ti ni b+h+yo/ tsit+ta kha snying kha rag trag rag+na graM/ ma hA mAM sa la ya/ ma hA rak+ta la graM/ tsit+ta rbad/ bruM ra li li rbad/ oM nA ga mun dan tri b+h+yo/ tsit+ta kha la snying kha rag trag rag+na graM/ ma hA mAM sa la ya/ ma ha rak+ta la graM/ tsit+ta rbad// au ri li li rbad/ bruM ri li li rbad/ oM badz+ra ke badz+ra ko/ tsit+ta kha snying kha rag trag rag+ma graM/ ma hA mAM sa la ya/ ma hA rak+ta la gr-i/ tsit+ta rbad// bruM ri li li rbad/ oM badz+ra ta ke/ tsit+ta kha snying kha rag/ trag rag+na gr-i/ ma hA mAM sa la ya/ ma hA rak+ta la gr-i// tsit+ta rbad/ bruM ri li li rbad/ badz+ra ni la badz+ra ni la tsit+ta kha/ snying kha rag/ trag rag+na gr-i/ ma hA mAM sa la ya/ ma hA rak+ta la graM/ tsit+ta rbad// bruM ri li li rbad/ badz+ra lan+da badz+ra lan+da tsit+ta la'i snying kha rag trag rag+na graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ oM badz+ra sUr+ya byi ta a to ye/ tsit+ta kha snying kha rag trag rag+na graM/ ma hA mAM sa la ya/ ma hA rak+ta la gr-i/ tsit+ta rak+ta la gr-i/ tsit+ta rbad/ bruM ri li li rbad/ badz+ra pad+ma byi ta a to yi/ tsit+ta kha snying kha rag/ trag rag+na gr-i/ ma hA mAM sa la ya/ ma hA rak+ta la graM// tsit+ta rbad/ bruM raM li li rbad/ badz+ra kha rag b+h+yo ti ye a to ye/ tsit+ta kha snying kha rag/ rag+na graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ badz+ra sring 'gro b+h+yo ta ye/ tsit+ta kha snying kha rag trag rag+na graM/ ma

  393. 197a

    hA maM sa la ya/ ma hA rak+ta la gra/ tsit+ta rbad/ Tu re li li rbad/ oM badz+ra za 'gro mra rang shang / tsiSh+Na kha snying kha rag/ trag rag+ha gr-i/ ma ha maM sa la ya/ ma hA rak+ta la gr-i/ tsit+ta rbad/ DU ri li li rbad/ badz+ra kha rag/ snying kha rag trag rag+na graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ trag rag+na trag rag+ma tsit+ta kha snying kha rag/ trag rag+na graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ trag rag+na mu dra ban/ kha mun dra/ tsit+ta kha snying kha rag/ trag rag+na gr-i/ ma ha mAM sa la ya/ ma hA rak+ta la graM/ tsit+ta rbad/ bruM ri li li rbad/ rbad kha mun dra ba dra ba/ trag rag+na tsit+ta kha/ snying kha rag/ trag rag+na gr-i ma hA mAM sa la ya/ ma hA rak+ta la graM/ tsit+ta la rbad/ pra ban pra ka ra tiSh+Tha b+h+yo/ tsit+ta kha/ snying kha rag trag rag+na graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ pra gi wang shra b+h+yo// tsit+ta kha snying kha rag trag rag+na gr-i/ ma hA mAM sa la ya/ ma hA rak+ta la gr-i/ tsit+ta rbad/ bruM ri li li rbad/ ting rnam dang sa ma e a ra li nu/ bi ru lu ru lu b+h+yo// tsit+ta snying kha rag/ trag rag+na gr-i/ ma hA mAM sa la ya/ ma hA rak+ta la graM/ bruM ri li li rbad/ trag rag+na trag rag+na tsit+ta snying kha rag/ trag rag+na graM/ ma hA mAM sa la ya/ ma hA rak+ta la graM/ tsit+ta rbad/ trag rag+na trag rag+na tsit+ta snying kha rag/ trag rag+ma graM/ ma hA mAM sa la ya/ ma hA rak+ta la graM/ tsit+ta

  394. 197b

    rbad/ bruM ri li li rbad/ oM a ti b+h+yo// tsit+ta kha snying kha rag/ trag rag+na gr-i/ ma hA mAM sa la ya/ ma hA rak+ta la gr-i/ bruM ri li li rbad/ he bang te b+h+yo/ tsit+ta la kha snying kha rag/ trag rag+na gr-i/ ma hA mAM sa la ya/ ma hA rak+ta la gr-igraMgr-i/ tsit+ta rbad/ bruM ri li li rbad/ s+thi ting b+h+yo/ tsit+ta kha snying kha rag/ trag rag+na graM/ ma hA mAM sa la ya/ ma hA rak+ta la gr-i tsit+ta rbad/ bruM ri li li rbad/ pu ti b+h+yo tsi tra kha snying kha rag/ trag rag+na graM/ ma hA mAM sa la ya/ ma hA rak+ta la gr-i/ tsit+ta rbad/ bruM ri li li rbad/ mu ting b+h+yo/ tsit+ta kha snying kha rag/ trag rag+ma graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ badz+ra ti tang b+h+yo/ tsit+ta kha snying kha rag/ trag rag+ma graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ dun ting b+h+yo/ tsit+ta kha snying kha rag/ trag rag+na graM/ ma hA mAM sa la ya/ ma hA rak+ta la graM/ bruM ri li li rbad/ shan ting b+h+yo/ tsit+ta kha/ snying kha rag/ trag rag+ma graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ grub ting b+h+yo// tsit+ta kha/ snying kha rag/ trag rag+na graM/ ma hA mAM sa la ya/ mA rak+ta la gr-i/ tsit+ta rbad/ bruM ri li li rbad/ pi bang ti pang b+h+yo// tsit+ta kha snying kha rag/ trag rag+ma graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ a ta ya ta la b+h+yo/ tsit+ta kha snying kha rag/ trag rag+na graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ da la

  395. 198a

    dun b+h+yo// tsit+ta kha snying kha rag/ trag rag+na gr-i/ ma hA mAM sa la ya/ ma hA rak+ta la gr-i/ tsi ta ha rak+ta la graM/ tsit+ta rbad/ bruM ri li li rbad/ 'di na ma ma g.yas b+h+yo// tsit+ta kha rag/ trag rag+na gr-i/ ma hA mAM sa la ya/ ma hA rak+ta la graM/ tsi ta rbad/ bruM ri li li rbad/ ma nu rak+Sha sI la sogs pa'i dbang phyug ma'i sngags tshang bar btang / tsit+ta kha snying kha rag/ trag rag+na graM/ ma hA mAM sa la ya/ ma hA rak+ta la graM/ tsit+ta rbad/ bruM ri li li rbad/ trag rag+ma kha mun da b+h+yo ru lu/ he mo a yo tsit+ta na ma b+h+yo b+h+yo ru lu// he mo ya b+h+yo ru lu ya ma na sha na kro d+ha b+h+yo ru lu/ snying kha rag srog thun b+h+yo// ru lu ma b+h+yo sring b+h+yo// ru lu ma b+h+yo/ thun b+h+yo/ badz+ra snying mgo mchod/ ti la kha la za mun la da na ting rbad/ yun da na ting rbad/ da ra raM rbad/ thims dA ra rbad/ sha khrag thig sna rbad/ tshal pa dum bu khrag ti rbad/ smang na ni rbad/ shag ti shag ti rbad/ rba na rba na rbad/ dum bu dum bu tshal pa tshal pa rbad/ rak+ta rak+Sha ru tra rbad/ snying nag snying nag srog rtsa rbad/ tshal pa tshal pa te ni rbad/ bang ril daM pa duM bu dIp+ta tsakra rbad/ shi tsa tsa ru bruM ling guM guM bruM lung rbad/ sarba ku na tsa ra ling mug rbad/ tsa ra ling / ma ma rak+Sha ru tra rbad/ ces drag tu bzlas shing / dug sna tshogs khrag tu sbyar bar btab la/ dgra bo'i khyim la phog par gtor ro// dgra bo thag ring na yul phyogs su gtor ro// ma mo thun

  396. 198b

    sngags kyi le'u ste bzhi bcu pa'o// // g.yung drung lha yis yang gsol pa// bstan pa gnyen po 'jig byed rnams// dbang du bsdu ba ji ltar lags// rdzogs sangs rgyas kyis bka' stsal pa// sdang sems byed pa'i dgra bo rnams// dbang du bsdu ba ngas bstan gyi/ gro ga la dgra bo'i ming rus bris la/ ri dwags chur 'dzul gyi mig dang / nya thang la rgyug pa'i gshog pa/ chu nyi ma med pa dang / de bsres la yungs kar dang thal chen la sngags kyis btab la/ khyim mam yul phyogs su gtor/ mi byang la yang gtor la/ ming byang dog pas bcings la/ rkang pa'i bar du bzhag go// ngan sngags la/ pa ra tse na/ ma ma ba ta na/ lab laM du hUM/ che ge mo dbang du sdus shig swA hA/ badz+ra ni la snying kha rag trag rak+Sha hri hri dbang du sdus shig ces drag tu bzlas so// dgra bo dbang du bsdu ba'i le'u ste zhe gcig pa'o// // rdo rje sems dpas yang gsol pa// bstan pa 'jig pa'i dgra bo rnams// phur bus gdab pa ji ltar gdab// spyi dpal mchog gis bka' stsol cig/ spyi dpal mchog gis bka' stsal pa// bdag la sdang sems byed pa'i dgra bo rnams// phur bus gdab pa ngas bstan gyi// nyon cig rdo rje sems dpa'i dpal// mchog chen po bsgral ba'i dpa' thur g.yas pa la/ sor gcig pa dang sor gsum pa dang / sor lnga pa dang / sor brgyad pa

  397. 199a

    dang / sor bcu gnyis pa byas te/ de rnams kyang mgo rgya mdud zur brgyad par byas la/ de'i 'og ma yang zur gsum par bzhag go/ sked pa rgya mdud zur gsum par bya/ rtse zur gsum chu srin kyi kha nas dbyung bar bya'o// de nas sor gcig par byas pa'i spyi bor gsang ba'i he ru ka dgod/ sked pa rgya mdud la gsang ba'i khro mo dgod/ stod kyi bcum gzhogs la gsang ba'i ma bzhi dgod/ rtse mo la e ka dzA Ti dgod/ de nas mdun gyi dkyil 'khor e'i steng du bzhugs su gsol/ de nas byin gyis brlab pa dang dbang bskur bar bya// de nas dril zhing 'di skad brjod de/ gu h+ya shrI he ru ka hUM/ gu h+ya kro d+hi shwa rI s+t+waM/ badz+ra ki li kI li ya/ dgra bo mA ra ya phaT/ ces bzlas shing / gang la dmigs pa de'i dkar nag mtshams la brdeg go/ phur bu sor gsum pa la/ spyi bor 'jigs byed he ru ka dgod/ rgya mdud 'og ma la yum chen nyid bzhi mu kha le dgod/ stod kyi bcum gzhogs la khros pa'i dbang mo che bzhi dgod/ rtse mo la hUM gsum dgod/ de nas mdun gyi nyi ma'i dkyil 'khor du bzhugs su gsol// byin gyis brlab par bya/ dbang yang bskur/ de nas 'di skad do// oM gu h+ya dz+nyA na shrI he ru ka dz+nyA na kro d+hi shwa rI s+t+waM/ badz+ra kI li kI la ya// dgra bo mA ra ya hUM phaT/ de nas phur pa sor lnga pa la/ spyi bor dpal chen po dgod/ sked pa'i rgya

  398. 199b

    mdud la yum bkrag gsal mnyan dgod/ stod kyi bcum gzhogs la yum chen mo bzhi dgod/ rtse mo la dza dmar po dgod/ de mdun gyi nam mkha' la bzhugs su gsol// byin gyis brlab pa dang / dbang bskur ba dang / 'di skad brjod// oM shrI he ru ka gri swa mu hUM ha/ ma hA laM te ha/ badz+ra la ba ra raM ha/ byi shra san+ni ha/ byi ya yaM te ha/ badz+ra kI li kI la ya/ dgra bo mA ra na hUM phaT/ de nas phur pa sor brgyad pa la spyi bor he ru ka dgod/ sked pa rgya mdud la yum srid pa'i bde 'gro ma dgod// stod kyi bcum gzhogs la dbyings phyug ma bzhi dgod/ rtse mo'i ngos su khros pa'i dbang mo che bzhi dgod/ de nas mdun gyi nam mkha' la bzhugs su gsol/ byin gyis brlab pa dang dbang bskur ba 'di skad do// oM shrI he ru ka kro d+hi shwa rI b+ha ga pad+mar+ya/ badz+ra kI li kI la ya/ dgra bo mA ra na phaT/ oM mu na tri ni/ a shan tri ni/ b+ha ga dun d+hi/ ga mun+da tri/ badz+ra ki li kI la ya/ dgra bo mA ra na hUM phaT/ hUM sAr+ya pad+ma kha rag sring 'gro ma/ badz+ra ki li ki la ya/ dgra bo mA ra ni hUM phaT/ de nas phur pa sor bcu gnyis pa la gong ma'i steng du thugs kyi dgyes sde mo bzhi bsnan la dgod do// de nas ma mo rnams spyan drang ba dang / bzhugs su gsol ba dang gnyis su med par bstim pa dang mchod pa dbul ba dang / dngos grub gsol ba la sogs pa byas la/ de nas

  399. 200a

    'dzab la zhugs la bar du gtor tshogs kyi mchod pa 'bul/ thams cad thugs dam bskul/ phrin las bcol/ gsang ba'i thugs ka nas/ dza 'di 'dra ba spro zhing mnan sngags dang / dgra bo'i srog gi snying po dang bcas pa drang zhing dgug go/ rtags dang mtshan ma ma byung gi bar du de ltar bya'o// de nas rtags dang mtshan ma byung ba dang / myur du phur pa gdab par bya ste/ phur pa rnams gnas su gdab par bya ste/ 'debs stangs rnam pa bzhis gdab po/ de nas gnan par bya'o// phur pa'i le'u ste zhe gnyis pa'o// // gnod 'dul lha yis yang gsol pa// bdag la sdang sems byed pa rnams// dpung bshig pa yi cho ga dag/ yang dag rdzogs la bdag nyan 'tshal// yang dag rdzogs kyis bka' stsal pa// sdang bar byed pa'i dgra bo rnams// dpung bshig pa yi cho ga ni// da lta nyid du ngas bstan gyi// sdang ba'i dgra bo'i dpung bshig pa'i// las kyi cho ga 'di ltar bya/ khrab phub gyon la/ rgyal mtshan gcig dang / mdung dar lce can gcig dang gnyis thogs la// rgyal mtshan gyi rtse mor/ oM badz+ra kro d+hi shwa rI b+ha ga pad+mar+ya hUM hUM b+h+yo b+h+yo/ sa ma ya shig ces bri'o// mgul bar oM shan ting pad+ma ga ru ti b+h+yo b+h+yo sa ma ya shig ces bri'o// shar phyogs su oM mun+ni b+h+yo b+h+yo sa ma ya shig ces bri'o// lho phyogs su au a shan tri ni b+h+yo b+h+yo sa ma ya shig

  400. 200b

    ces bri'o// nub phyogs su oM b+ha ga dun tri b+h+yo b+h+yo sa ma ya shig ces bri'o// byang phyogs su oM ga mun dan+ni ni b+h+yo b+h+yo sa ma ya shig ces bri'o// de nas sked pa'i shar phyogs su/ oM badz+ra sur+ya b+h+yo a to ye b+h+yo b+h+yo sa ma ya shig ces bri'o// lho phyogs su oM badz+ra pad+ma b+h+yo to ye b+h+yo b+h+yo sa ma ya shig ces bri'o// nub phyogs su oM badz+ra kha rag b+h+yo to a to ye b+h+yo b+h+yo sa ma ya shig ces bri'o// byang phyogs su oM badz+ra sring 'gro b+h+yo to a to ye b+h+yo b+h+yo sa ma ya shig ces bri'o// de nas sked smad du shar phyogs su// oM badz+ra ki b+h+yo b+h+yo sa ma ya shig ces bri'o// lho phyogs su badz+ra ta ko badz+ra ta ke b+h+yo b+h+yo sa ma ya shig ces bri'o// nub tu oM badz+ra ni la ta badz+ra ni la badz+ra b+h+yo b+h+yo sa ma ya shig ces bri'o// byang du oM badz+ra lan+da b+h+yo b+h+yo sa ma ya shig ces bri'o// dar la skur byas te rgyal mtshan du byas na yang bzang / de nas mdung dar gyi rtse mo la srid pa'i ma mo rnams kyi snying po bri ste// dar gyi lce ru lnga bcu gcig pa byas la// dang po la oM badz+ra za 'gram mu ra shwa badz+ra za 'gram nur shwang ces bri'o// de'i 'og ma la oM badz+ra snying kha rag ces bri'o// de'i 'og ma la snying trag rak+Sha trag rak+ka ces bri'o// de'i 'og ma la kha mun tsag sha zhes bri'o// de'i 'og ma la trag rak+ta mu tra la mu tra sa tra pa trag sha b+h+yo zhes bri'o// de'i 'og ma la sra ban pra ka ra na ga ra tri dra b+h+yo zhes bri'o// de'i 'og ma la brang gi wang

  401. 201a

    gi shwang b+h+yo zhes bri'o// de'i 'og tu b+h+yo hUM ka ri ka ba rod do rod b+h+yo zhes bri'o// de'i 'og tu ni ma chu mi kaM kha tang b+h+yo zhes bri'o// de'i 'og ma la ba la dza kha b+h+yo zhes bri'o// de'i 'og ma la pad+ma ba la tsan da ma gur rak+to b+h+yo zhes bri'o// de'i 'og ma la ting saM b+h+yo zhes bri'o// de'i 'og ma la a ting b+h+yo zhes bri'o// de'i 'og ma la he ta ting b+h+yo zhes bri'o// de'i 'og tu b+h+yo ri b+h+yo zhes bri'o// de'i 'og ma la phur ting b+h+yo zhes bri'o// de'i 'og tu mu ting b+h+yo zhes bri'o// de'i 'og tu badz+ra shAn+ti b+h+yo zhes bri'o// de'i 'og tu dun ting b+h+yo zhes bri'o// de'i 'og tu grub ting b+h+yo zhes bri'o// de'i 'og ma la ha ra ting b+h+yo zhes bri'o// de'i 'og tu he bad ti bang b+h+yo zhes bri'o// de'i 'og tu a ya ta la b+h+yo zhes bri'o// de'i 'og tu da la du na b+h+yo zhes bri'o// de'i 'og tu 'di ni ma ma g.yas b+h+yo zhes bri'o// de'i 'og tu ma nu rak+Sha sI b+h+yo zhes bri'o// de'i 'og tu brah+ma NI b+h+yo zhes bri'o// de'i 'og tu ro'u tI b+h+yo zhes bri'o// de'i 'og tu biSh+Ta be b+h+yo zhes bri'o// de'i 'og ma la ko'u ma rI b+h+yo zhes bri'o// de'i 'og tu in+d+ra NI b+h+yo zhes bri'o// de'i 'og ma badz+ra ping ga la b+h+yo zhes bri'o// de'i 'og tu a mr-i ta b+h+yo zhes bri'o// de'i 'og tu so'u mya b+h+yo zhes bri'o// de'i 'og tu daN+Da daM b+h+yo bri'o// de'i 'og tu rak+kha sI b+h+yo bri/ de'i 'og tu bak+Sha sI b+h+yo bri/ de'i 'og tu ra ti badz+ra b+h+yo bri/ de'i 'og tu bri ra yat+ta b+h+yo bri/

  402. 201b

    de'i 'og tu e ka tsa ra NI b+h+yo bri/ de'i 'og tu ma no ha ra b+h+yo bri/ de'i 'og tu sid+d+hi ka b+h+yo bri/ de'i 'og tu bA ya be b+h+yo bri/ de'i 'og tu ma hA ma ra NI b+h+yo bri/ de'i 'og tu ag+ni b+h+yo bri/ de'i 'og tu bA rA hi b+h+yo bri/ de'i 'og tu tsa mur+thi b+h+yo zhes bri/ de'i 'og tu su ta ni b+h+yo bri/ de'i 'og tu bA ru NI b+h+yo bri/ de'i 'og tu ma hA ka lI b+h+yo bri/ de'i 'og tu tsa kA la badz+ra b+h+yo bri/ de'i 'og tu kuM b+ha karna b+h+yo bri/ de'i 'og tu badz+ra laM bo da ra ma b+h+yo zhes bri/ de nas dgra bo gang na 'dug pa'i phyogs su kha bltas pas/ ma bdun sring bzhi yang bskul/ nam mkha'i rgyal mo yang bskul lo// sngags drug cu rtsa brgyad kyang bzlas/ ma ma ru lu ru lu b+h+yo/ trag sha trag sha trag tsit+ta kha bruM kha rag b+h+yo// shig shig ces dus dang rnam pa med par bzlas so// de nas dgra bo'i yul phyogs su rgyal mtshan gdab pa'o// mdung gis kyang gdab pa'i tshul bstan no// des 'grub bo// dgra bo'i dpung shig pa'i le'u ste zhe gsum pa'o// / gnod 'dul lha yis yang gsol pa// bdag la sdang sems byed pa rnams// phul nas dbyung ba ji ltar dbyung // yang dag rdzogs kyis bka' stsal pa// bdag la sdang sems byed pa'i dgra bo de// yul nas dbyung ba'i cho ga ni// gtan tshigs rtsa ba gtan la dbab// nyon cig gdon 'dul lha yi gtso// ngas bstan pa la the tshom med// mi mang po

  403. 202a

    phung ba'i re'u shul gyi sa dang / srub ma'i lo ma dang / dzu tsi'i phub ma dang / thal chen dang de rnams bsres la/ rnga mo'i snying dang / khyi dang sbrang ki'i khrag gis sbrus la gzugs byas te/ gro ga la ming rus bris/ mgo ru hUM bri/ mjug tu phaT bris la brang du glan/ tsit+ta ma ra Na shag tsit+ta ma ra Na kha/ bruM ri li li rbad ces bris la snying gar glan/ yaM nag po bdun bris la kha brag tu glan/ de nas gro ba'i nang du bcug la bsdam rgya gram gyi phyag rgya bcas la// sngags 'di lan nyi shu rtsa gcig bzlas na myos shing dbyung bar 'gyur ro// sngags la/ pa ri ta na tho na bud/ na ma la shra swA hA/ yaM theg yaM zhes bzlas shing mthun pa'i rlung la bskur te btang na/ yul nas dbyung bar the tshom med do// dgra bo yul nas dbyung ba'i le'u ste zhe bzhi pa'o// // g.yung drung lha yis yang gsol pa// bdag la sdang sems byed pa rnams// ma mos kha bcing ji ltar bgyi// rdzogs sangs rgyas kyis bka' stsal pa// bstan pa gnyen po 'jig byed dang // sdang sems byed pa'i dgra bo rnams/ ma mos kha bcings la/ mi 'phan po phyug po'i thod pa la sdug pa'i spra tshil klad par brdzis la/ thod pa'i khar bcug la/ dog pa sngon dmar gyis kha bcings la/ chu srin gyi phyag rgya bcas la/ phyogs bzhir bsgyur zhing bstan la/ brnag pa'i sngags 'di bzlas so// oM naM ra

  404. 202b

    rnal/ srid pa tshugs shra la med thu las thu lcags kyi pu thed swA ha// zhes bzlas so// phyag rgya bsgyur ro// bzlog pa'i tshe na mchil ma rang gi khong bar mi gtang bar bya'o// las 'dis bdag la dgra mi srid do// des dgra bo stong yang kha bcings par 'gyur ro// kha bcing gi le'u ste zhe lnga pa'o// // g.yung drung lha yis yang gsol pa// bstan pa gnyen po 'jig byed la// nan tur las rnams ji ltar 'tshal// rdzogs sangs rgyas kyis bka' stsal pa// rtag tu sdug pa'i sems gyur la// nan tur las rnams ngas bstan gyi// nyon cig g.yung drung yang dag pa// ji ltar yid 'thad gnas su ni// 'bru sna tshogs pa'i mi gzugs la// mkhar thabs mda' yis brgyan pa ni// le'u bzang dar dkar chas kyis brgyan// yo byad tshogs pa'i sder cha dang // za 'og mda' yis rnam par brgyan// sle'u bzang sle'u ris sgra yi rkyen// rin chen sna bdun rgyan gyis brgyan// ma hA shIn+ti gzhung bzhin brjod// pho rigs rnams la gzhung bzhin sngo// de nas gzhung bzhin bsngos pa dang / sol ba'i dong khru gang ba'i nang du/ glud phyi rgan du mnan la/ de'i steng du dgra gang yin par sog la gzugs bris la kha sbub tu mnan no// de'i steng du rdo rje rgya gram gyis mnan no// de nas dgra bo'i ming nas bos te gtong ngo // las myur du grub pa'i le'u ste zhe drug

  405. 203a

    pa'o// // smug rgod la dpag bsam shing gi gzugs byas la/ gro ga la dgra'i gzugs byas la// snying gar khrag gis ming bris te/ gser g.yu gnyis skos rje drang dkar la bsngos la// de nas man+da la'i dar du gtums la/ gong du bstan pa'i gzugs dang 'da' ra pa tis gdags so// a ti pa ri'i thag pas bcing ngo // 'o dod drag tu 'bod do// des spyo rgod drag pos theb tu gzhug pa'i le'u ste zhe bdun pa'o// // lcags dang gser bsreg la// khol po zhig 'dzin la bsngos la/ gong du bstan pa'i gzugs dang / bsngos pa'i yas stegs bsreg la/ rus sbal gyi shun par gtums la ya ra ta'i dong du gzhug go/ ye shes rje mo'i sngags kyis gdab bo// des dbang po mi gsal ba dang / dag pa dang / lkugs par byed pa'i le'u ste zhe brgyad pa'o// // lcags dang zangs dang / gser dang gsum brdar la ya bdud chen po dag la bsngo// gong du bstan pa'i gzugs dang / bsngos pa'i yas stegs bsres la/ mu la ya'i dong du gzhug/ che mchog rtags kyi phyag rgyas gdab/ des ni glo bur du 'chi ba'i le'u ste zhe dgu pa'o// // 'bru sna tshogs kyi zan dag la/ gling phran bcu gnyis zla bris la// spyan gzigs dkor chas rnam par brgyan// yar la shod kyi skyes to res// rengs pa'i le'u ste lnga bcu

  406. 203b

    pa'o// // 'dzag ma dag la gzugs byas te// dgra yi ming rus snying gar glan// zan la za tshul byed du gzhug/ 'o dod chen po drag tu 'bod// de ltar byas na thun bur 'ong ba'i le'u ste nga gcig pa'o// // rus pa sna tshogs spungs pa la// gshin rje'i rgyal po dag la bsngo// yas stags gseb tu khams la// dgra bo'i gzugs byas snying gar ming rus bris// kha sbub bsgyel la mda' 'gengs tshul du bya// ci yang rung ba'i shing lpags bskon// gshin rje nag po'i sngags kyis gdab// des ni grir 'chi ba'i le'u ste nga gnyis pa'o// // mi nor du btags pa sna tshogs kyi/ dkyil du rtswa la gzugs byas la// gro ga dag la ming rus bris// sa la u ma de bA'i gzugs byas la// u ma de bA'i gzugs steng skyon/ 'dod chags spyod pa'i tshul du bya'o// ma e ba ni ra rbad dza mA ra Na phaT bya ba'i sngags kyis gdab/ des ni mkhal sked na ba dang / pho mtshan skrangs pa dang / chu 'gags nas 'chi'o// dung dang gser g.yu bse dang mtshal/ yas stags sna tshogs spyan gzigs dkor cha dang / dgra bo'i ming byang bris pa la/ ra ti dmar po'i pags pas gtums/ pa ti ba ma ra Na bzlas te gdab par bya'o// des ni myur du spros par 'gyur ro// bse dung lcags dang dgra bo'i ming rus bsre// rdza ma nag po'i nang du gzhug/ ba ti ma ra na yi/

  407. 204a

    sngags kyis gdab// sbas shing gtad na rbab dang g.yang du 'chi'o// cho ga byed pa'i dus su/ bdag nyid mu kha le'i ting nge 'dzin nam dbang chen gyi ting 'dzin du bzhugs la// gzhung bzhin du bskul zhing las bcol lo// pho rigs phyi ma la gtad pa'i las bcol ba ni yod na// 'khu ldog che la rgyab 'gyur bas/ 'dir ma gsungs so// bdud la gtad pa'i le'u ste nga gsum pa'o// // gnod 'dul lha yi yang gsol pa// seng ge'i phru gu nang 'dzings pa'i// rmi lam bzlog na ji ltar bzlog/ gsad pa'i thabs ni ji ltar lags// yang dag rdzogs la bdag nyan 'tshal/ bka' stsal pa/ nyon cig gnod 'dul lha yi gtso// rmi lam bzlog par 'di ltar bya/ lham gyi nang gi 'bob phyung la yang sa la brda ba/ ber rga dang phu 'dud yang sa la brdab bo// de gsum brdab pa'i sngags la/ oM mye u la ma swA ha/ myi ti mA ra ya ti nas/ des zlog go// gsad pa'i thabs ni/ khrag dung phor gang gi nang du khyi rus dang / wa rus dang / phag rus dang / kun bsres la srod 'khor tsam na khyim la gtor zhing sngags 'dis bzlas so// ma du ma nu ra/ rag ma nor/ ku ru bruM rbad/ dun ting sa ma ya ma sha kha kha mu kha le rbad// bar ma khyud ting hed/ ces brgya rtsa brgyad bzlas/ yu na sha khrag ldabs/ kha ma le/ kha ma le rbad/ kha mu lo ting ting rbad/ i ting ya

  408. 204b

    rbazad/ ces brjod na/ nyams nas zla ba la yang / rtsa la zla la rkyen 'ong ngo // seng ge'i phru gu 'dzings pa'i rmi ltas bzlog pa dang gsad pa'i thabs kyi le'u ste nga bzhi pa'o// // rdo rje sems dpas yang gsol pa// sems can dus min 'chi ba rnams// de la bzlog pa ji ltar bzlog/ bskang ba'i gnas lnga ji ltar lags// yang dag rdzogs kyis bka' stsol cig/ yang dag rdzogs kyis bka' stsal pa// sems can dus min 'chi ba de// bskang ba'i gnas lnga 'di rnams so// hUM snang srid thams cad yum gyi b+ha ga ste// dus gsum bde gshegs yum gyi klong nas bskyed// dbus kyi che mchog sku dang gnyis med bzhugs// mu mthar khyab pa'i thugs dam bdag skong nas// dbang dang dngos grub stsal du gsol// shar phyogs rdo rje rigs kyi gtso// rdo rje dbyings phyug mi phyed ma// bskang ngo bskal pa'i thugs dam bskang // lho phyogs rin chen rigs kyi gtso// rin chen dbyings phyug mi phyed ma// bskang ngo bskal pa'i thugs dam bskang // nub phyogs pad+ma rigs kyi gtso// pad+ma dbyings phyug mi phyed ma// bskang ngo bskal pa'i thugs dam bskang // byang phyogs las kyi rigs kyi gtso// las kyi dbyings phyug mi phyed ma// bskang ngo bskal pa'i thugs dam bskang // dbyings kyi ma chen brgyad rnams dang // yul gyi ma mo brgyad rnams kyang // bskang ngo bskal

  409. 205a

    pa'i thugs dam bskang // bskang ba'i le'u ste nga lnga pa'o// // rdo rje sems dpas yang gsol pa// dam las 'das pa'i sngags gzer dang // 'jig rten mtshan ma byol ba dang // lha 'dre rdzu 'phrul drag g.yos dang // ngan sngags rdzu 'phrul ci ltar bzlog/ rdzogs sangs rgyas kyis bka' stsal pa// dam tshig 'das pa'i sngags gzer dang // 'jig rten mtshan ma byol ba dang // drag por g.yos pa'i rdzu 'phrul rnams// bzlog pa'i las rnams ngas bstan gyi// nyon cig rdo rje sems dpa'i gtso// ngan sngags phur bus bzlog pa'i phyir// gtan tshig man ngag 'di gsungs so// ba ko 'dra ba'i maN+Dal gzhung bzhin bya// tsha tsha tsa ti mang du gdab// phyi yi bshags pa gzhung bzhin bya// de nas gsang ba'i mtshams bcad de// las kyi dkyil 'khor gzhung bzhin bya// nang gi sarba rU pa btang // bskang gso spang skong mang du gdon// bskang ba'i gnas lnga gzhung bzhin bya// ma hA shan ting cho ga bya// ma mor grags pa kun kyang bskang // yo byad nag po gzhung bzhin btang // rtags dang mtshan ma zhib tu brtag/ rtags dang mtshan ma bstan pa dang // bskang bzlog cho ga brtsam par bya// des ni mtshan ma zlog par 'gyur// de nas bskur te yang gsung ba// bskang ba des kyang ma bskangs na// dbang gi rgyal po'i skur bsgoms la// rtsa ba gang

  410. 205b

    yin ma mo de// ku sha dag la gzugs byas la// 'da' ra pa ti'i rgyu mas gdags// ye shes ma mo chen mo bzhi// che mchog he ru'i skur bsgom ste// mgo lus bsnol te gdan du bting // des ni ngan sngags bzlog par 'gyur// gal te las su ma grub na// brtags te rtsa ba gang yin pa// shog shog dag la gzugs byas te// mchog gi phur bu gsang bar brdeg/ sman mo lnga bcu rtsa gsum yang // 'dzag ma dag la gzugs byas te// zangs kyi phur bu dmar pos brdeg/ dbus kyi ma mo bcu gsum yang // zhing gi shun pa ras ma la// khrag dang mtshal gyis gzugs bris te// gser ram ser po'i phur bus gdab// des ni ngan sngags zlog par 'gyur// gal te las su ma gyur na// dbus kyi che mchog yab yum gnyis// spra tshil dag la gzugs byas te// lcags sam nag po'i phur bu yis// thugs ka nyid du gdab par bya// las rnams 'grub par gdon mi za// ki la ya yi sngags brjod la// chos nyid dbyings su gdab par bya// che mchog rtags kyi phyag rgyas gdab pa'o// ngan sngags phur bus bzlog pa'i le'u ste nga drug pa'o// // g.yung drung lha yis yang gsol pa// dbang po'i thig le nyams pa dang // thig le'i spyod pa nyams pa rnams// myur du bzlog cing gsad pa'i phyir// yang dag rdzogs la bdag nyan 'tshal// de

  411. 206a

    skad gsol pa gsan nas kyang // yang dag rdzogs kyis bka' stsal pa// rgyang la bzlog cing gsad pa'i phyir// nges pa'i man ngag 'di bstan gyi// nyon cig g.yung drung yang dag pa// rtags dang mtshan ma byung ba'i tshe// bsdams pa'i phyag rgya bkrol nas ni// dgra de'i yul phyogs bstan nas ni// gro ga shing shun ra sog la// mi de'i ming byang bris nas ni// de yi lag tu bskur nas ni// shugs sgrol ma yis sngags kyis gdab// khrag dang dug gi gtor ma yang // rabs chad thod par bshams nas kyang // yul sa de yi phyogs su gtor// las rnams grub par gdon mi za// snying gi phur bu phyung nas ni// a mr-i ta yis mchod byas nas// dam rdzas gtsang ma'i gtor ma la// ku sa ra yi rak+tas sbreng // gang yin de yi phyogs su kha bltas la// gtso 'khor gzhung bzhin bskul nas ni// lus kyang bsig cing phyag rgya bstan// bdag nyid dbang gi bskur bsgoms te// dbang drag phyag rgya bcings nas ni// gzugs de nyid la tsham rngams bya// drag shul dbang gis bskyod la btang // de ltar drag shul gyi sman mo rnams dbang du bsdus la btang bas las mi 'grub mi srid do// 'di ni ram+bu gu ya tsan+da'i thugs kyi man ngag go// bsdams pa'i phyag rgya bkrol nas ni// prik+Sha'i lcags kyis gdab nas ni// beng gi phyag rgya bcings nas

  412. 206b

    kyang // rdo rje gnod 'gros goms pa yis// phyogs der drag tu bdun 'gro'o// yab yum sngags kyis btab nas ni// beng gi phyag rgya drag bsgyur na// de ni mod la las rnams 'grub// lan gsum byas na na bar 'gyur// lan lnga byas na 'chi bar 'gyur// lan gsum drag tu dril nas ni// snying gi phur bu phyung nas kyang // spyi bo'i gtsug tu gdab par bya// lcags sna lnga yi phur bu la// dbang drag las rnams gzhung bzhin bya// des ni nges par gdon mi za// mon nam rabs chad thod pa la// nang du ma bdun snying po bri// spyi gtsug nyi zla thod phreng bri// chags 'dzin spun gnyis rna ltag bri// tshon skud gnyis kyis mig nas gdags// rak+ta ru ti'i sngags kyis gdab// bing gi phyag rgya gnyis bkrol te// drag tu bskul te 'phang la btang // las rnams 'grub par gdon mi za// zhing gi sha tshil ras ros kyis// ma mo rnams la gtang rag gtang // ngan sngags par bus bsad pa'i le'u ste nga bdun pa'o// // g.yung drung lha yis yang gsol pa// rtag tu gdug pa'i sems gyur la// nan tur las rnams ji ltar 'tshal// ngo mtshar lha yis bka' stsal pa// bstan pa gnyen po 'jig byed dang // lu gu rgyud las 'gal byed dang // rtag tu gdug pa'i sems gyur la// nan tur las rnams ngas bstan gyi// nyon cig g.yung drung yang dag pa// srog lus

  413. 207a

    rtsa rnams skam pa'i phyir// ra sog gro ga shing shun nam// g.yam pa sngon po'i ngos dag la// ra khrag khyi khrag sol ba yis// dgra bo'i gzugs ni bris nas ni// tsher ma can gyi shing rnams la// rdzas kyi br-ik+Sha'i shing bu la// ra lte dmar po'i lcags 'bras gdags// dgra bo'i gzugs la brdeg par bya// yang na ta ki pa yi shun pa la// nas gu ru ta yis bris// mgo la mkha' 'gro lnga po bri// tsa ra ma ti ta yis bris// lte bar chags 'dzin spun gnyis bri// rkang pa gnyis la ma bdun bri// g.yas kyi dum bu bzhi po la// phung byed sbas pa'i ma bzhi bri// g.yon gyi dam bu bzhi po la// khros pa'i dbang chen bzhi po bri// gsang ba'i yum bzhi klad pa'i rgyas// nyi zla thod phreng snying gi dkyil// phra men rgya mtsho mkhal ma la// ye shes tshogs kyi rje mo ni// phud kyi gtso mor bzhugs su gsol// phyi ma dman mo'i tshogs rnam ni// gdung rtsi 'khar dang go ril la'o// a phyi chen mo'i rmyangs pa la'o// dus drug rgyu ba'i dgra bo ni// sha ba snyan dang ba glang ngo // 'di ni nam gyi gung la rgyu// rta dang lug dang ra dang gsum// de ni nyi ma'i gung la rgyu ba'o// rje khol drug cu rtsa bdun ni// dus drug rgyu ba de bzhin no// myur du bsgral ba'i ngan sngags rnams// gong gi sngags rnams bzlas pa yis// dgra bo'i gzugs la brdeg par bya// g.yon gyis rmi lag

  414. 207b

    bcad nas ni// rang gi dpral ba'i dbyes su bzhag/ bdud kyi chas su zhugs nas ni// skra bshig mi gnas mchi ma phyung // de phyogs nyid du kha bstan nas// nga ro drag tu bsgrags nas su// gsang ba'i phyag rgya sdigs mdzub kyis// sngags 'di drag tu bzlas la brdeg/ snying la za ba'i rtsim sha rol// khrag 'thung kang ka sha zan/ yaM raM par la rto/ sha la byi/ zhes brdeg go/ zhing lpags g.yang gzhi dang ma bral ba bdun yang bla rer gdags so// zhing gi gur thabs dang / zhing gi rbad phur dang / mchog phran yang dgram mo// tsit+ta'i pho long dang / mi dbang gi 'bras bu dang // mtshal chen btab pa'i rak+ta dang / snrel grir shi ba'i 'dong mo dang / sbrul nag la sogs pas brgyan no// byang chub sems dang tsit+ta phrug par bya'o// lho phyogs kyi b+han+d+ha ra/ glang po che'i 'bras bu gcig dang tsit+ta gcig gis rat+na sam b+ha ba'i thugs dam bskang ngo // nub phyogs kyi b+han+d+ha ra rma bya'am bya mtshal lu'i 'bras bu dang / bud med skra ser la li ba'i rak+ta gcig gis pad+ma he ru ka'i thugs dam bskang ngo // byang phyogs su shang shang ngam/ pha wang gi 'bras bu gcig dang cir yang rung ba'i tsit+ta gcig gis don yod grub pa'i thugs dam bskang ngo // shar phyogs su b+han+dar glang po che'am rta sngon po zhig gi 'bras bu gcig gis rdo rje sems dpa'i thugs dam bskang ngo // dbus

  415. 208a

    kyi b+han+da ra dri chen dang / khyi dkar po gcig gi 'bras bus rnam par snang mdzad kyi thugs dam bskang ngo // gzugs dang ming rus ldan par brtag/ rtsibs cha dbus dang snga la 'god/ tsit+ta dpe'u chung gi le'u ste nga brgyad pa'o// // b+han+ta bco brgyad med du mi rung ngo // khrag sna stong rtsa brgyad med na yang / brgya bco brgyad med du mi rung ngo // sha sna tshogs stong rtsa brgyad med na yang / brgya rtsa brgyad med du mi rung ngo // sman sna stong rtsa brgyad med na yang / brgya rtsa brgya med du mi rung ngo // gsung chen gyi du ba yang mi 'chad par gtang ngo // gzungs ma mtshan dang ldan pa brgyad med na yang / bzhi med du mi rung ngo // dgongs pa mkhan gcig/ skyes bu sngags mkhan ngar can gcig/ dkyil 'khor gyi grwa bzhir kham rgya chen mo'i snying po bri// dkyil 'khor gyi mu ran la long rgyab sbrel bri'o// yang sbrul dang bcas par bya/ phur pa brgya rtsa brgyad kyis dkyil 'khor gyi mtha' ma bskor/ mda' bzhi yang bar khyams la gzugs b+han+d+ha bzhi dgod/ de'i bar khyams bzhi ru gser phye me long bzhi dgod/ dkyil 'khor rgyan gyis brgyan no// dpal chen po rtsa bzhi las bskyed de// nang rtags phyir shar bas sme ba dkar nag tu byung ste/ sme ba mdangs kyi ma mo zhes bya'o// drag po phur bu la sngags ni/ ma ma trag e kaM ru lu zhes btab bo// gu h+ya gter gyi le'u

  416. 208b

    ste nga dgu pa'o// // de nas yum sbas la mtshams bcad// yum rnams bdud rtsi'i chus bkrus la// mde'u sbrang ma dar le brgan gyis mgul chings byas la/ yum gyi dpung pa nas bzung la/ the tshom spang ste yang rma bcom ldan 'das dang dgongs spyod gcig tu bzhugs so// ma ltar dbang ma byed/ dbyings las ye shes sbyor/ srid ltar lhas ma ngam/ grogs ltar 'phrag ma dog/ mdza' mo ltar gzhung ma ngan/ bran ltar snying ma ring / de nas dkyil 'khor gyi grwa bzhir dbang bskur la bzhag/ dang po'i nub mo bshags pa bya/ de phyi de'i nu mo bar chad kyis mi tshugs par bya ba'i phyir/ phur pa brgya rtsa brgyad kyi dkyil 'khor bzhengs su gsol// de'i phyi de'i nub mo nam mkha' lding gcig gis thugs dam bskang / de'i phyi de'i nub mo tsa ras bzlog de'i phyi de'i nub mo lug smug pos thugs dam bskang // yum gyi dpung kha nas bzung la the tsom rma'o// khar sang khar nyin sngun/ ma rung ngo ma shes srid du ngo ma shes/ grogs su ngo ma shes/ mdza' mor ngo ma zhes/ bran mor ngo ma shes/ ma ru ni ngo shes na/ dbyings dang ye shes ldan/ grogs su ngo shes na/ brtse ba'i gzhung dang ldan/ ming por ni ngo shes na/ gzi brjid chos dang ldan/ rje ru ni ngo shes na/ dbyings su ni 'bangs su mchi/ de nas yab mngon rdzogs kyi rgyal pos srin lag nas bzung ste/ yum

  417. 209a

    gyi b+ha ga dbang du bsdus la/ spyan drang ste dgung bzhi'i nub mo shel dkar po ya sangs kyis dkar mo rnams kyi thugs dam bskang / de nas khyi nag po shel mig gis mtsho sman dang klu rnams kyi thugs dam bskang / pra dbab pa yang yum bdud rtsi'i chus bkrus// k+ta'i thig le gdab/ srin lag la skud pa nag po gcig gis gdags/ gung mo la skud pa dkar pos gdags la bzung / pra dbab pa'i yum mtshams bcad/ de nas yungs dkar la bsngags la spyi bo nas pra dbab pa'i snying po 'di yang bzlas so// trag rag+ma mu dra mu dra/ ru lu ru lu rag mo dzA dzA/ kha la ma ti bruM snying kha rag b+h+yo// ru lu ru lu kha raM rak+Sha ni thum ri li// shu ni ta rbad bruM/ gzhung las 'byung ba'i ma mo'i snying po mched// phyogs phyogs su lha dbog/ 'dzab dbab bo// pra dbab yum pad+ma'i steng du bzhags pa phyogs phyogs su dbang bskur ro// de nas pra phebs pa dang / dngos grub lugs bzhin bshams la/ bdud rtsi'i bdag yin pas/ bsnyen bsgrub bdud rtsi'i 'dzab bgrang ngo // de nas yang srin lag nas bzung ste pra dbab bo// 'jig rten snga ma'i gtam khyer nas 'ong ngo // ral gcig ma yin pas snying po nas drang ngo // trag rak+Sha mu tra ru lu bruM/ oM shrI many+dzu dIp+ta tsakra bruM// de nas sngags mkhan gyis zhabs g.yon pa'i mthe bong la btags la/ lung gis zin

  418. 209b

    par byas na lha srin sde brgyad gang la bkol ba yang 'grub bo// pra dbab pa'i le'u ste drug cu pa'o// // ta na sgrol ba'i lung gis ma rnams kyi thugs dam skongs/ ga na sbyor ba'i lung gis 'phags pa rnams kyi thugs dam bskong / sbyor sgrol gnyis su med par blta'o// sbyor sgrol gyi le'u ste re gcig pa'o// // dbang du bsdu ba yang gnyis te/ nam mkhas 'byung ba dbang du bsdu ba dang / chos nyid kyis chos can dbang du bsdu ba dang / sems kyi srid pa dbang du bsdu ba dang / spyod pas dbang du bsdu ba dang / blta bas dbang du bsdu ba'o// dbang du gang bsdu na/ ma mo don gyi lha dgu dbang du bsdu'o// ma mo 'khor la mi gzan par dbang du bsdu ba dang / bdag ma mo'i dbang du mi 'gro ba dang / ma mo bdag gi dbang du 'du bar bsdu'o// dbang du bsdu ba'i le'u ste re gnyis pa'o// // chos dang nam mkha' gnyis su med// nam mkhas 'byung ba bzhi la shi sa bstan pa dang / byang chub kyi sems bdag dpal chen pos srid pa gsum shi sa bstan pa dang / de gnyis ni blta bas shi sa bstan pa'o// spyod pas shi sa bstan pa ni// he ru ka nyid kyi sme ba dkar nag las bskyed nas/ phyi rabs kyi rnal 'byor pa rnams bstan pa bsrung bar dam bcas pa'i ched du/ 'jig rten gyi ma mo bka' bsrung du bzhag go/ phrin las kyi shi sa bstan pa ni

  419. 210a

    bdag nyid ting 'dzin la gnas te/ oM badz+ra shrI he ru ka ma hA laM te ha hUM phaT/ ces brjod pas sku che la yan lag rags pa chu las chu bur rdol ba'i tshul du lhag gis bskyed pas/ de'i zhal nas/ ma ma rag pa ma ling zum rbad dza dza/ zhes brjod pas/ yang gsang gi ma mo drug dang / yang gab dbang gi rgyal mo bzhi po de/ bya mdun du nam mkha' las babs pa bzhin nam/ nya bye tshan la bsgyur ba bzhin du gyur te/ ci bka' stsal/ 'jig rten nyams zhing 'khrugs pa ci mchis zer ro// de ltar skrag cing sngangs pa ni/ 'chi sa bstan pa'i le'u ste re gsum pa'o// // dpal chen po'i byang chub sems rin po che'i sgrom las/ thugs kyi rtsa bzhi phyogs bzhir gyes pa yang / dar dkar gyi skud pa gser gyi sbu gu nas tsam gcig gnas pa las/ snying kha rag rbad dza dza zhes brjod pas/ thugs kyi rtsa las 'thon nas phrin las kyi don mdzad pa'i ma mo sku mdog dkar mo gangs ri la nyi ma shar ba 'dra ba phyag g.yas na snying dang khrag bsnams pa/ g.yon mda' gzhu thogs pa mdun drang por ban glang dkar po bcibs te nyi zer 'bum gyis brgyan pa// zla tshes stong gis brgyan pa zhig byung bas// ci bka' stsal/ zhes zer nas mdun na 'dug go/ sring mo dkar mo dung long can zhes bya'o// lho phyogs kyi rtsa bai DUr+ya 'dra ba'i sgo nas/ sku nas tsam las//

  420. 210b

    ma mo snying dun long srog rtsa b+h+yo zhes brjod pas/ ngos g.yon du sku mdog sngon mo chu glang 'bar ma la chibs pa/ sku dang yan lag sbrul nag 'bar bas ni brgyan/ zangs kyi dra ba mig mangs gcig ni chibs kyi phyi long la btags/ phyag g.yas na lcags kyi gser ma bse gab kyang chen po gcig thogs pa/ g.yon 'phrul gyi me long gcig bsnams pa/ sku la rma bya'i thul pa gcig gsol pa// yid kyi dra ba brgya stong gis 'jig rten gyi khams g.yogs pa/ spyan g.yas g.yon gnyis nyi zla 'khyil ba tsam/ ci bka' stsal zer nas mdun du 'dug go/ nub phyogs kyi rtsa dar le brgan gyi lce'u 'dra ba sku nas tsam gcig las/ d+harma ra tsa rak+Sha dza dza/ zhes brjod pas/ sku mdog dmar mo me lce mched pa 'dra ba zangs kyi dre'u rta smug po la rnga rdog lcags kyi byas pa/ che chung gi dpag tshad brgyad khri stong yod pa zhig zhon nas/ sku la le brgan dmar po gsol ba/ zangs kyi zhags pa 'dom dgu brgya brgyad khri bzhi stong yod pa snga gong la btags pa yid kyi 'dra ba brgya stong gis 'jig rten gyi khams g.yogs pa/ sku rags sbrul gyi zhags pas bcings pa/ phyag na dug gi ga'u gcig ni bsnams/ ci bka' stsal zhes zer zhing mdun nas ye re 'dug go/ byang phyogs kyi rtsa ljang gu nas tsam las/ ru tra ma ma thun dza dza// zhes rjod pas// ngos byang mdun du sku mdog ljang

  421. 211a

    ser ral pa spyi bor bcings pa/ spyan 'bar ba/ sku khro mor bzhugs pa/ sku'i cha lugs 'bar ba/ skyes bu'i chas su zhugs pa zab slag dmar bkra la/ lcags kyi stag ral gyis brgyan pa/ lcags kyi dre'u rta nag gu la/ rnga rngog zangs su 'dug pa/ zabs su chag gang gru bzhi yod pa mgyogs pa'i tshad glog pas myur ba cig la zhon nas bsre'i sgra bstad pa/ lag pa g.yas na spu gri/ lag pa g.yon na sbrul zhags/ dung khrag bsnams pa gcig byon nas// ci bka' stsal zer nas mdun na 'dug go/ ma mo las la gzud pa'i le'u re bzhi pa'o// // ma mo mtshan gyi rnam grangs la// bzlas pa las kyi sngags kyis so// yum chen mo sems kyi bu gcig ma ni/ yum rdo rje rdzogs byed ma bya ste/ yum chen mo nyid do// dkar mo dbu dgu ma'i mtshan gsol ba// rgya gar skad du/ dkar mo ri ma ti/ saM skr-i ta'i skad du/ ma sar dbang phyug rdo rje/ sa man dza zhes bya'o// bod skad du/ dkar mo dbu dgu ma zhes bya'o// gsang ba'i mtshan gsol ba/ rdo rje lcam gcig pad+ma bsil zhes bya'o// bzlas pa las kyi sngags ni/ trag kha mun+ta b+h+yo ru lu he mo a lo tsit+ta ma ma la b+h+yo ru lu he mo ya b+h+yo ru lu/ nA ga dan+ta he mo ya b+h+yo ru lu/ ya nan sha kro ta ru lu/ snying kha rag gsog thun b+h+yo ru lu/ ma b+h+yo sring b+h+yo thun b+h+yo// mtsho sman rgyal mo'i mtshan gsol ba/ rgya gar skad

  422. 211b

    du/ Ar+ya re ma ti zhes bya'o// saM skr-i ta'i skad du/ 'od de'i sring mo zhes bya/ bod skad du/ mtsho sman chen mo dpal ldan zhes bya'o// gsang ba'i mtshan gsol ba/ gnyen gyi yum gcig klu 'bum bsil zhes bya'o// bzlas pa las kyi sngags ni/ badz+ra snying mgo chod ting kha dza la mun lo dan ti rbad/ yu na da 'di rbad da ra da ma rbad/ thim ra ma rbad/ sha 'khrugs tig sna rbad/ srid pa'i bu mo'i mtshan gsol ba/ rgya gar skad du/ 'gu ya re ma ti zhes bya'o// saM skr-i ta'i skad du/ smug nag dbu lnga ma zhes bya'o// bod skad du/ srid pa'i bu mo zhes bya'o// gsang ba'i mtshan gsol pa/ nam mkha'i mkha' 'gro dbyings rub bsil zhes bya'o// bzlas pa las kyi sngags ni/ bam tshal pa dum bu khrag ti rbad/ sna ma ni rbad/ shan ting shan ting rbad/ rba na rba na rbad/ dum bu dum bu tshal pa rbad/ rak+Sha rak+ka ru dra rbad/ snying nag snying srog rtsa rbad/ tshal pa tshal pa ti ni rbad/ baM ril dam pa/ dum bu dIp+ta tsakra rbad/ dur khrod ma mo tsa mun tri'i mtshan gsol pa/ rgya gar skad du/ king ka ra mo zhes bya'o// saM skr-i ta'i skad du/ rdo rje zla ba rlung sgrol ma zhes bya'o// bod skad du/ shrI dza mun+na zhes bya'o// gsang ba'i mtshan gsol pa/ rdo rje sgron ma rdo rje mkha' mchog ces bya'o// bzlas pa las kyi sngags ni/ shrI tsa tsa ru thun lung / gum thum na ling gum thum rbad/ sha spang

  423. 212a

    kug tshar ling mugs rbad/ phyogs rbad/ phyogs rbad/ tsa ra ling ma ma rak+Sha ru tra rbad// ces brjod do// mtshan dang bzlas pa las sngags kyi le'u ste re lnga pa'o// // bud med snrel grir shi ba'i 'dod tor rta yang mo dang / mon rabs chad kyi thod pa dang / sbrang thod phag thod/ gu gul nag po dang / dug sna tshogs de rnams dgra bo'i khyim gyi sgo nas bcal ba'i rkang 'doms bcu gsum bcal ba'i sa der/ gza' mig dmar gyi nub mo// nam gung phar phyed tshur phyed na mgo sle'u ras kyi 'phur la khang gseng du sbas nas/ nang du ming rus bcug ste/ snying po gong ma kun bzlas la/ khang phyi bskor na rta g.yag 'thab pa bzhin du rtags mod la 'ong ngo // zla gsang nag po man ngag gi le'u bcud kyi snying khu'o// gong gi mjug sdud/ 'og gi mgo 'dren pa'o// zla gsang man ngag bstan pa'i le'u ste re drug pa'o// // rtags ni nam mkha'i dbyings nas skra mdog dkar mo// dbu dgu mar ston te/ de ltar ngo ma shes na yang / rang gi mdangs dkar la/ mig sbyin dkar du 'dug la/ chags pa g.yo na grub pa'i rtags yin no// sems can sgro 'dre dang / 'bog 'dre dang / snying 'gas par byed pa dang / dbang po sdom pa dang / yan lag phra ru 'jug pa dang / yid 'gag par byed pa dang / yangs shi dang yang gsos kyi nad

  424. 212b

    yin te/ 'jig rten snga ma la dmyal ba'i grogs rdo rje yang byed dang / thig le'i spyod pa nyams pa yin pas de'i gnyen po rang gi sems kyi chad pa byung ba yin pas/ thod phreng can dang tshangs pa pho nyar gtong ba yin pas/ de'i nad kyi gtan tshigs de yin no// grub rtags dang dam tshig dmyal ba'i le'u ste re bdun pa'o// // 'jam dpal ya ma rA tsa'i gsang thun 'di yang / rnal 'byor pa shes rab zab mo rnams kyi don ched dang / dpal gzi byin bskyed pa dang / phrin las bcol ba dang / dkon mchog gi dbu 'phang bstod pa dang / gtsug lag khang dang / dben ris bsrung ba dang / bstan pa bsrung ba'i don du gsang ba thugs kyi reg chod do// oM shrI many+dzu ya ma rA tsa e ka dza Ti/ trag rak+ka mu tra/ ba mun+ta ma ru lu ru lu b+h+yo// rag mo dza dza e kaM kha la ma taM b+h+yo// dgra bo nr-i ma ra ya dza dza du ma ra ya/ mA ra du ya ya ma snying / ya ma khrag/ ya ma du/ ya ma rbad/ tshal pa bam ri la/ daM pa dum bu ma ra tsa ya hUM phaT brjod do// tsit+ta'i snying mtsho sman gyi thun 'di yang / yas stags ni thod pa bya rog gi rjes drug par dug sna tshogs dang / dme khrag rnams gsum/ khyi nag po shel mig gi khrag stsal/ yungs dkar la sngags shing / sa ma ya dgra bo'i snying ling rbud/ sa ma ya sa ma ya dgra bo'i snying kI li kI la rbud/ sa ma ya dgra bo'i snying rak+ta tsit+ta rbud/ sa ma

  425. 213a

    ya dgra bo'i snying khrag tshal zad/ sa ma la dgra bo'i snying hur bu hur zad/ sa ma ya gnas gnas thibs thibs chud/ sa ma ya dgra bo'i snying khrag tsit+ta rbud/ sa ma ya dgra bo'i snying rtsa srog rtsa tsit+ta rburgudrud/ sa ma ya dgra bo'i nir sod/ mA ra ya tsit+ta baM ri li li rbud ces bzlas/ 'dis zin pa'i nad ni bying nad dang / mdze nad dang / phol mig dang / sno zhing 'bog par 'ong ngo / dkar mo dbu dgu ma'i thun ni dme khrag rnam pa gsum b+han+na'i nang du stsal/ trag rak+ta mu dra snying kha rag zad/ chu zum ri li li b+h+yo// trag rak+ta mu dra snying kha rag/ go ro tsa na rbad/ snying rtsa srog rtsa zad/ ma ma snying rag+na thun b+h+yo// ma ma rA tsa ya ya thun b+h+yo nr-i srog rbad// chum thum ri li li du na ya ma snying mA ya hUM phaT/ nad snying 'gas pa dang / gzer ba dang / yan lag 'bral bar byed do// srid pa'i bu mo'i thun ni/ b+han+na ya e khram brgya rtsa brgyad bri'o// glang po che'i mche ba dang / dme khrag gsum dang / sa la skyes pa'i dug sna tshogs b+han+d+har stsal/ d+ha ra ma shang ki ri uSh+NI ku ru hUM phaT/ dang sa pa ling mu ling du ru du ru hUM phaT/ karma tsan+ta mu ting du ru du hUM phaT/ dug sngags so// rak+ta mu ru mu ru lu ru lu hUM phaT/ tshab pa la ni shi dgra bo la swA hA/ pad+ma nir ta ra ti ru re'u ma ti b+h+yo/ au tad+ya thA du hu ro hu be/ tsi ti ba ti si ti ra ho ru/ ru ru ru so// e bi shaM pra be shaM/ be sha ba ru

  426. 213b

    bo/ sha kar thun b+h+yo// dun ting thun b+h+yo// 'dis zin pa na 'gag nad dang / chu song 'gag pa dang / spos nad dang / skyigs 'dren pa ltar 'ong ngo // dza mun+ti'i thun gyi las stags ni/ khrag sna gsum dang / bong nga nag po dang sbrang ki'i khrag dang / bu mo gzhon pa'i mngal khrag dang / snying khrag sna tshogs stsal/ bra bo dang sran ma la zan zur gsum du byas la/ de'i nang du dgra bo'i ming rus bcug la der stsal/ sngags ni/ ru dra rbad/ rak+Sha rbad/ ma ma snying rbad/ tsit+ta rbad/ kha du ma rbad/ mA ra yarbad/ bal phyug bal phyug ma ma thun thun/ nur sod/ ning ri ni ba ba ru rbad/ nad ni klad gzer dang / chu 'khril dang / myos nad du 'ong / na ma gung dang / nyin gung dang / gnam steng la bzla'o// so so'i dgra bo'i gzugs la gnas bzhir phur bu btab la thun sbreng ngo // shin tu rgyud kyi ngan sngags zhes kyang bya/ thugs kyi reg chod ces kyang bya'o// yungs dkar gyis brab gu gul gyis bdug go/ thun bsgrub pa'i le'u ste re brgyad pa'o// // de nas thod pa'i khrag dkar dmar du 'dres na/ yab yum gnyis su med pa'i dngos grub thob pa yin no// thod pa'i khrag bo na sgrib pa yin no// bshags pa bya/ thod pa 'gul zhing ldeg na pho nya rnams kyi dngos grub thob pa yin no// khol zhing rlangs pa byung na khro bo zhe sdang can gyi dngos grub thob pa yin no// de

  427. 214a

    las nag por 'gyur na chos kyi dbyings kyi dngos grub thob pa yin no// thun grub rtags kyi le'u ste re dgu pa'o// // rabs chad thod pa gang yang rung // gzugs bcug kha bcad rgyas gdab bopo// mtshal gyis sbubs su ri bdun bri// snying po 'bod rbad bri'o// spyi bor mu kha le yang bri'o// de gar 'jug par yungs dkar la sngags shing ras su 'phur pa lam rgya gram du sbas na grir 'chi'o// bang so'i zur ram dur ma chad dam khrag gam/ la btsas gang yang rung klu'am gdug pa can yod pa'i sar chu mig bram can du sgra/ dus nyi ma phyed la bya/ de ltar byas na rtags kyang myur// des kyang 'grub par ma gyur na// phyung la gtan pa'i steng du bzhag/ sa phug nang du re ba gding // chu yis bran la snying po bzlas// so dang se'u dang yugs bor na// bsres la zhib tu brdung bar bya// phag pa'i thod par blug nas ni// rgya mtsho chen po'i nang du bsgyur// nam yang thar bar mi bya'o// phrin las rbod gtong mnan pa'i le'u ste bdun cu pa'o// // dpal chen he ru ka la phyag 'tshal lo// skye med rnam dag nam mkha' dag pa nas// snang la ma 'gags sna tshogs gzugs su shar// skye ba'i cho 'phrul 'bar ba'i skur bstan pa// hUM las bskyed pa'i dpal chen he ru ka/ ye shes thugs kyi khyad par chen po las// 'jig rten khams na rab byams ma lus

  428. 214b

    kun// raM yaM khaM ni 'phro 'dus bsreg sbyangs bkrus// steng 'og phyogs mtshams 'khor los pad+mar gnas// oM sarba ta thA ga ta bud+d+ha gan+d+he lam pad+ma d+ha ra a b+hi Shiny+tsa// gru gsum mthing nag 'bar ba'i nam mkha' las// 'thor byed rlung nag tshogs kyi rgya gram gtams// chags byed rak+ta tshogs kyi rba klong 'khyil// keng rus 'bar ba'i ri rab mi bzad brtsegs// sa gzhi rdo rje rgya gram gcal bkram ste// zhing chen gsar rnying gtams pas mtha' dbus brdal// e yaM khaM suM bruM/ mi bzad smug nag 'bar ba'i gzhal yas ni/ chu srin bye ba sa ya'i thod pa las// mi bzad dur khrod 'bar ba'i rtsigs rmang byas// dregs pa'i thod dgu 'bar ba'i rtsigs pas brtsigs// gnam lcags ngur mo 'bar ba'i gzer chen btab// rin chen mchog gis zur bzhi mdzes par brgyan// g.yu 'od sngon por 'bar ba'i kha bad can// mu khyud gnam lcags 'bar ba'i ri yis bskor// bruM bi shra bi shud+d+he dz+nyA na tsakra hUM/ mthing nag gru gsum 'bar ba'i dkyil 'khor du// zla gam dbang chen 'bar ba'i maN+Da la// gru chad gru bzhi sgo khyud bzhi dang ldan/ zod phreng rdo rje ra ba med dpung 'bar/ dz+nyA na badz+ra la maN+Da la hUM// zhing chen zhing chung mang po gcal du bkram// mchog chen mchog phran mang po gdan du bting // the'u drang dgu brgya mang po'i gab tshe la// lha srin sde brgyad mang

  429. 215a

    po'i nang rten can// ni re t+ya ni ri ti ra baM/ in dra ti ra baM/ de ba ti ra baM/ rak+Sha ti ra baM/ ru tra maN+Da la hUM/ dur khrod dbyings nas phyag rgya'i skur gsal ba// mdog bzang nag mo ral pa'i dbu rgyan can// rgyan dang cha lugs sna tshogs 'jigs pas brgyan// rlung nag 'tshub ma'i nang na sku yi phyag rgyar gsal// oM ru ru ro ru tsa pa la a shug me ma hUM b+h+yo dza dza/ ting nge 'dzin dang gzhal yas khang gi le'u ste don gcig pa'o// // dpal ldan lha mo 'gro kun byams ma khyod// sems can la ni byams mgon ma dang 'dra// mi bslu dam tshig rjes su dgongs mdzad de// bdag la brtser dgongs gnas 'di nyid du spyon// dzaHhUM baM hoH/ e h+ye hi ma ma trag ru dra ma ma sa ma ya b+h+yo// ru lu ru lu hUM dzaHdad pa dang ni dam tshig gis// ma gcig lha mo spyan 'dren na// byang shar mtshams nas gshegs su gsol// 'jigs byed chen mo gshegs su gsol// spyod pa rlabs chen gshegs su gsol// shugs drag mthu chen gshegs su gsol// khyab 'gro rtsal chen gshegs su gsol// dgra bgegs 'dul byed gshegs su gsol// yon bdag 'chi bdag bzlog phyir gshegs su gsol// khrag 'thung chen mo gshegs su gsol// 'jig rten 'khrugs byed gshegs su gsol// bdud kyi yum gcig gshegs su gsol// gshin

  430. 215b

    rje'i lcam gcig gshegs su gsol// 'dod khams dbang phyug gshegs su gsol// 'tshub ma stong 'khyil nang bzhugs gshegs su gsol// g.yas kyi phyag gis rlung 'tshub bsnams pa ni// rlung nag nang nas ral gri phyung ba'i tshul// dgra bo che ge mo yi rtsad gcod ma// dam tshig bzhin du gshegs su gsol// g.yon na ne'u le'i rkyal pa thogs pa ni// mi mgo bcad pa bzlas pa'i snod// dgra bo che ge mo yi drung 'byin ma// dam tshig bzhin du gshegs su gsol// sngon tshe dpal chen he ru ka'i// spyan sngar khas blangs dam bcas pa'i// ma ru tse yi sgo 'gram du// khas blangs mnas bor da skul cig/ dam tshig bzhin du gshegs su gsol// dzaHhUM baM hoH// e h+ye hi ru ru ro ru tsa pa la a shug me ma hUM b+h+yo dza dza/ A gats+tsha ya A gats+tsha ya au hUM/ khyed ni 'dod khams 'phrul mo che// nga ni rnal 'byor sgrub pa po// zas ngan mAM sa za za zhing // skom ngan rak+ta 'thung 'thung gi/ snod dang b+han+na thogs thogs kyi// gnas ngan brag phug rgyu rgyu yi// gos ngan g.yang gzhi gyon gyon gyi// mtshon ngan phur bu 'debs 'debs kyi// las ngan dgra bgegs sgrol sgrol gyi// dam tshig dus la babs kyi gshegs su gsol// dzaHhUM baM hoH/ e h+ye hi tad+ya thA/ ru ru ba ri d+ha ba ro sa ru ru ro ru bo d+ha ba tos si hUM dza// 'khor ba mya ngan 'das pa gnyis la dbang bsgyur

  431. 216a

    zhing // sngon tshe dpal chen he ru ka'i// spyan sngar khas blangs dam bcas pa'i// rnal 'byor bdag gi las rnams grub par mdzod// nag mo re ma ti la phyag 'tshal lo// ma mo khyed la mchod pa 'bul ba ni// dgra bo che ge mo 'di lags te// phung po lnga dang 'byung ba lnga// yul drug dbang drug rnam shes drug/ khams dang skye mched bcas pa ni// ma lus bzhes nas bsnams su gsol// ma mo dam bcas 'dir spyon sha la spyon// 'byung po 'byung mo'i sha ni zan las zhim// ma mo dam bcas 'dir spyon khrag la skyon// 'byung po 'byung mo'i khrag ni chang las zhim// ma mo dam bcas 'dir spyon rus la spyon// 'byung po 'byung mo'i rus pa mar las zhim// sha khrag rus pa'i dam rdzas 'di gsol la// bdag gi brnag pa'i las 'di mthar phyung zhig/ ru ru ro ru tsa pa la a shug me ma hUM b+h+yo dza dza// kha raM ba la ba ti ma baM ma baM ma khA hi khA hi khA hi/ dgra bo'i snying tsit+ta khA hi mAM sa khA hi rak+ta khA hi/ ni ri ti khA hi/ ba su ta khA ti/ gzugs phung dbang po lnga gsol lo// rol cig mngon du mdzod cig/ ma b+h+yo ru ru khA hi ma'o/ ma'o// spyan drang ba dang phyag 'tshal ba'i le'u don gnyis pa'o// // ma mo khyod la mthol bshags gsol ba ni// bdag cag rnal 'byor sgrub pa pos// thog ma med pa'i dus mtha' nas// mtshams med

  432. 216b

    lnga dang mi dge bcu// mdor na sdig pa ci mchis pa// de dag bdag gis so sor bshags// oM badz+ra sa twa sa ma ya sogs bya// ma mo khyod la dngos grub slong ba ni// dgra bo che ge mo ni 'di lags te// dus btab sbyangs la tshe 'di'i 'du byed skum// gzugs phung choms la yid phung chings// 'khor shig tshang dkrug las mdzod cig/ ngas kyang dmyal ba'i mi 'da'o// khyod kyang dam las ma 'da' zhig/ ma'o ma'o// ma shod ma shod/ tsa pa la tsa pa la/ hi li hi li/ ru ru b+h+yo// gsol cig rol cig/ mngon du mdzod cig ma dus gdab stungs la tshe 'di'i 'du byed skum/ sa ma ya sa ma ya/ ha na ha staM/ ging ka ra ging ka ra las mdzod cig/ ma mo khyed la phrin las bcol ba ni// dgra bo che ge mo 'di lags te/ kye ma'o nad kyi bdag mo ni// gshin rjes khams kyi sring gcig ma// 'jigs pa'i lan bu gcig ma ste// ro nye mdzes pas rnam par brgyan// cha lugs ma lus 'chang byed ma// rkang sgrog lcags kyis rab tu dkris// phyin phyogs dre'u'i pha la zhon// 'byung po phal chen kun gyis mthong // 'byung po phal chen sha la chem chem za// mi khrag chang gis ra ro myos// mtshan mo rbad pas dpag tshad dgra rnams za// longs shig de ni dgra rnams longs// ral pa 'bar bas stongs khams sngangs// dgra rnams khrag gis skom gyi rgya mtshor bskyil// dgra

  433. 217a

    rnams sha ni khyed kyi rgyags mid cig/ phongs pas dgra yis sems 'dren ma// dus la bab kyi da zo zhig/ kye ma rims kyi rkyen mo chen mo ste// 'tshub ma stong 'khyil byed pa ma mo khyed kyi mthu// shing lo rlung khyer sa la ma rig nga la yod// snying rtsa ma nyams skam pa nga la yod// mi dbang 'bras bu skam pa nga la yod// 'chi kha'i mtshal tig skam pa nga la yod// ma mo rtogs pa'i dbang gis thang gcig mi bkres sam// 'dzar ba'i snod du byas pa'i dgra bo khrid de shog/ ma mo khyed kyi mthu yi khyad par ni// shig shig gtogs spyod shigs pa byang chub lam// gtubs shig dmyal ba sgyu ma khyad par gyis// gtubs shig ma mo khyed kyi mthu dang dpal so ni// thabs mchog snying rje'i byin rlabs kyis// ri mchog rtsa ba'i brag phug tu// ka ra pI ra'i rgyu lcags kyi// rus pa phung bar bshig par mdzod// ma mo dam tshig las mdzod cig oM.o tad+ya thA ru ru bi ti tiSh+Tha ba to si/ ru ru ro ru/ be ra d+ha ba to si swA hA/ tad+ya thA ru ru bi tiSh+Tha ba to si/ ru ru ro ru bi tiSh+Tha ba to si hAM dza/ snying po 'di lan drug cu brjod/ ral chen lan bdun brda ba/ gdung ba'i nga ro phyung / 'bod pa'i brdas bod/ yun gyis ma mo khyed la gsol ba 'debs na/ bdag cag gis bcol ba'i las rnams gud mchis na// bsam pa tsam gyis grub par mdzod cig/ ma mo khyod nyid bdag gis

  434. 217b

    'grub 'gyur cig/ phrin las bcol zhing thugs dam skong ba'i le'u ste don gsum pa'o// // cho ga 'di'i thabs ni bya rog 'ug pa'i dang ru la// shog shog gru bzhi tshon re ba gnyis gcig la ming bri/ gcig la dgra'i bla bri/ khyi khrag dang ra khrag gis klan/ bar du shog bu gru bzhi pa gcig la/ a nr-i trag rak+ka phye/ bya ba bris la bar du gzhug/ rtsa ba tshon skud kyis dkri// yang shog gru gsum thig gus btags la sngags bar du gzhug/ ma ma trag rak+Sha mA ra ya phye/ zhes brjod la// yungs kar la gdab/ rlung chen po la phyar ro// las byang du 'byung ba bzhin bskul zhing las bcol lo// lha dang dpral bar yang byed do// nang 'thab tu gzhug na yang grub bo// yang na shog shog gcig la dgra bo'i ming bri// gcig la lha 'dre mi srun pa'i ming bris la bar du sngags gzhug/ shing ring po la btags la/ rlung chen po la phyar na mthar phung bar 'gyur ro// shog shog gru bzhi tshon gang ba la/ ra rog pa'i khrag gis dgra bo'i ming bri/ snying po ni shog shog tshon gang pa gcig la/ khyi rgya bo'i khrag gis dgra bo'i bla gri// skyer mda' zung gcig la/ gcig/ la bya rog gi sgros bsgon/ gcig la 'ug pa'i gong ru'i sgros bsgon/ 'ug pas bsgron pa'i mda' ni ser bkrar bri'o// bya rog gis bsgron pa'i mda' ni nag po lding nag tu bri'o// mda' de gnyis la bya rog gi

  435. 218a

    bsgron pa'i mda' la bya rog gi gong ru dma' tshad ma gcig gdags so// shog shog tshon gang ba gcig la khrag gis bris la bya rog gi gung ru la gdags so// 'ug pa'i gong ru ni mda' khra bo la gdags so// shog shog tshon gang gru bzhi pa gcig la khyi khrag gis bris pa ni 'ug pa'i gong ru la gdags so// de gnyis 'thab tu gzhug pa'i sngags ni/ oM ma ma trag ru dra mA ra ya phye/ ma ma trag kha lding / trag khrag kha lding / trag b+h+yo ru lu ru lu/ sa ser dang yungs kar yungs nag bsres la sngags brgya rtsa brgyad bzlas te/ shog shog dang gung ru la gnyis la brdeg go// de ni dgra dang dgra bla dpral ba'i sngags yin no// mkha' lding nang 'thab tu gzhug pa'i sngags kyang yin no// gnas ni lha 'dre mi srun pa'am// brag phug dgon par bya'o// bsnyen pa zhag bdun gyi bar du btsugs la// ji lta bu'i dgra bla bzang po yang 'ong ngo ngo// rtags dang sbyar la bsreg pa'i rdzas lngas bdug cing dbye'o// dbye ba gsum gyi le'u ste don bzhi pa'o// // yang rnam pa gcig la dong khru gang gru gsum pa zhig brkos la mang du rgyu sol gyis bkang la/ lhang tshar la dgra bo'i ming dang gzugs bris nas/ mi shi ba'i lag pa g.yas par bcug la/ dong gi dkyil du bcug la/ sha rus za ba'i snying po nyung dkar la lan bdun bzlas te/ zhag bdun pa

  436. 218b

    snyen pa btsugs te/ srin mo yi dwags lcags kyi rkang gsum ma rbad cing // dong kha mtshon rnon pos bcad de/ pho nya rnams kyi snying po drag tu bzlas shing / yungs kar gyis brab pho nya yang btang / lcags kyi phur bu sor gsum pa gcig snying gar btab la/ don ma grub kyi bar du ma dbyung cig par bsgo// nam par phyed tshur phyed na dong kha bsrubs la dmod btsugs te mnan pa'i las bya'o// rdo rje can yin yang gdon mi za bar nges so// dkon mchog gsum gyi bstan pa 'jig nges pa la bya'o// gzhan bab col du mi bya'o// byas na sdig che'o// yang na g.yam pa sngon po la dgra bo'i ming dang gzugs bris la/ shing sring sha'i lcags kyis dgra bo'i gzugs la brdeg cing / ma mo rdo rje gsum sgrol ma zhes bya ba/ mdog nag por 'dug pa ser bu la zhon pa gcig bsgoms la/ ma ma tra ruk+ta mu dra mu/ ru lu ru lu hUM b+h+yo hUM/ zhes brjod cing brdeg na zhag bdun na rtags 'ong ngo // yang na mi khog skam po'i nang du gtor ma bsham ste/ gtor ma bshams pa'i thabs la/ dpyid bya nag mo'i mig la gtor ma bya/ dbyar me tog sna tshogs dang / khrag bsres la gtor ma bya/ ston 'bru tshogs dang khrag bsres la gtor ma bya/ dgun ni shing su ru'i thal ba dang / thal chen dang khrag bsres la gtor ma bya/ dus bzhi dang sbyar te/ gtor ma'i nang du zhing lpags la

  437. 219a

    dgra bo'i gzugs dang ming rus bris la/ sha rus za ba'i snying po 'di bzlas so// snying la za ba rtsi ma sha/ ro la khrag 'thung kang ka sha/ zan yang tang ba la ro// sha la khyi spyang gra he/ kra he badz+ra g+han+tha b+h+yo ru lu b+h+yo// zhes bzlas so// dme lag la khrag phyung ba la rang gi dpral ba'i dbyes su byugs te/ dbang chen gyi ting nge 'dzin du bzhugs la bsgom zhing bskul nas gtor ma nyi ma nub kar btang na rgyun 'chad par 'gyur ro// dus bzhi gsung sgrol mas bsad pa'i le'u ste don lnga pa'o// // yang na rabs chad kyi thod par chu gtsang ma dang khrag bsres te blug la snying po nus tshad bzlas nas/ khyim mam khar la gtor na zhag bdun na rtags 'ong ngo // yul phyogs su gtor na yul du mi dge ba sna tshogs 'ong ngo // trag rak+Sha mu tra snying kha rag ma b+h+yo hUM// zhes brjod de thod pa 'phang ngo // yang na rabs chad kyi thod pa'i nang du khrag sna tshogs dang / dug sna tshogs la yungs kar bsres te blug la bag zan gyis kha bcad nas mig lhag nas tshos skud kyis btags la/ bdag e ka dza Ti'i ting nge 'dzin du zhugs la tshon skud bdag gi sos bzung la/ dgra bo'i yul phyogs su kha bltas te/ sngags 'di drag tu bzlas so// ma ma trag rak+Sha ru tra ma b+h+yo// zhes brjod la/ gang la dmigs pa'i khyim dang / yul dang khar la brgyab na mtha' phung ste 'ong

  438. 219b

    ngo // cho ga 'di gnyis ni dkon mchog gsum gyi sku dgra dar ba'i dgra bo'am rgyal khams yongs su phung bar byed pa'i lha 'dre mi srun pa'am/ bstan pa 'jig cing spyan mig 'jil ba'i ru dra la bya'o// thod pa dkar nag gis bsad pa'i le'u ste don drug pa'o// // yang phud gtsang mar byas la/ lha bshos zur gsum pa gsum byas la/ dkar po gcig dmar po gcig/ nag po gcig bya/ mdog dang sbyar te phur bu sen gang ba gsum gzug go/ gzhong sgor cig gi nang du/ sran ma phul gang / bra bo phul gang / so ba mchu ring phul gang / phul gsum blug la sbyor ba dang / de re re steng du lha bshos re re bzhag/ ting nge 'dzin gsum gyi bskyed de/ las kyi lha ha ya gri ba gsal bar bsgom/ sring mo bzhi dbang du bsdus la las la btang ngo // pho nya phyi ma yang btang ngo // pho nya btang ba'i rjes la rgyas pa'i lha bshos ser po yang btang ngo // chos 'khor 'jig pa'i dgra bo dang // pha tshan chen po shi kha dbye ba bya'o// mdos phur song drug gis bsad pa'i le'u ste don bdun pa'o// // ma mo srog 'dzin pa'i thabs la drug ste/ gang zhe na chos thams cad kyi srog ni ma mos 'dzin/ ma mo'i srog ni dam tshig gis 'dzin/ dam tshig gi srog ni lung gis 'dzin/ lung gi tshogs ni man ngag gis 'dzin/ man ngag gi srog ni sgom pas 'dzin/ sgom pa'i

  439. 220a

    srog ni lta bas 'dzin/ ma mo lta bas la bzla ba'i thabs ni/ snang srid kyi chos thams cad brtan ma bcu gnyis su la bzla/ bcu gnyis yang lho'i spyi mthing g.ya' ma skyong du la bzla/ de dbang phyug ma nyi shu rtsa brgyad du la bzla/ de ltar rim bzhin du yum mu kha ler la bzla/ mu kha le sems nyid la la bzla/ sems ni rgyu rkyen med pa'o// ma mo srog 'dzin gyi le'u ste don brgyad pa'o// // de kho na nyid rnam lnga la// ma mo'i de kho na nyid dang / dngos gzhi'i de kho na nyid dang // gnyis te gang zhe na/ snang srid chags par byed pa yang kun gzhi// snang srid 'byung bar byed pa yang kun gzhi'o// snying po de kho na nyid dang / snying po la bzhi ste/ snying po'i rgyu dang rgyu'i snying po dang / rgyu'i chos nyid las yi ge gang yang rung bas bskyed pa'o// rtsa ba'i sngags la/ oM AHhUM gang byung ba sku bskyed pa'o// rtsa ba'i sngags la// oM ru lu ru lu hUM b+h+yo// srog gi snying po'o// rtsa ba'i sngags la// snying kha rag snying kha rag tsit+ta rbad thun b+h+yo// bya ba ni brdeg pa'i sngags so// de kho na nyid rnam pa lnga'i le'u ste don dgu pa'o// // rdzas kyi de kho na nyid la gsum ste/ sgrub pa'i rdzas dang / bsnyen pa'i rdzas dang / mchod pa'i rdzas dang gsum mo// bsten stangs kyi de kho na nyid la bdun ste// tshogs kyi rje mo ltar bstan/ yum lnga ma'i tshul du bsten/ sgrol ging

  440. 220b

    ma bzhi phra men rgya mtsho ma dang lnga ni chung ma ltar bsten no// mjug sgrol ma bzhi mdza' mo ltar bsten no// dngos gsang ba'i yum bzhi dang 'og gi sgrol byed ma gnyis te drug ni byi mo ltar bsten no// shugs 'gro ma bzhi rgyal mo dang blon mo rnams ni sring mo ltar bsten no// drag shul gyis dbang du bsdu ba man chad bran mngags pa'i tshul gyis bsten no// gser gyi srog rtsa sgo gcod pa'i le'u ste brgyad cu pa'o// // dgos ched bco lnga dang / dang po ma mo gang nas shes par bya ba dang / gang nas byung ba'i lo rgyus ni/ 'og ma kho nar zhi ba thig le'i bzhengs nas mar byung ngo // byung nas srog zin par bya ba la gsum ste// ma mo lus kyi srog ni phyag rgyas bzung ste/ ngag gi srog gi srog ni sngags kyis bzung // sems kyi srog ni ting nge 'dzin gyis bzung / srog zin nas ji ltar bkol ba la gsum ste/ srog bzung nas bkol ba dang / bsten stangs bzhin du bkol ba dang / gong du bstan pa bzhin du ting nge 'dzin dang dbang chen gyi dkyil 'khor du bsgom la bkol ba'o// ma mo'i shi sa bstan pa la gsum ste// dam tshig ma bsrungs pas 'chi ba dang / las gzhung bzhin ma bsgrubs pas 'chi ba dang / ting nge 'dzin la le lo byas pa'i 'chi ba'o// ma mo'i dkyil 'khor bsten pa la gnyis te// dkyil chos kyi dbyings

  441. 221a

    la 'khor rang gi rigs par bskor bas dkyil 'khor/ dkyil tshogs kyi rje mo la 'khor snang srid ma mos bskor bas dkyil 'khor/ gzhan dpe'u chung zhig tu brtag go/ go gser gyi srog thig/ bstan pa'i le'u ste gya gcig pa'o// // ma mo bsgrub par bya ba'i tshad bstan pa dang / dang por sa dang / mtshams dang / gzung ma dang / thig skud dang / tshon skud dang / tshon dang / zhal zas la sogs pa'i byin gyis brlab bo// de nas bsgrub pa'i dkyil 'khor gzhung bzhin bya la bri'o// sgrub pa la gnyis te/ rang bzhin gyi bsgrub pa dang / gzugs brnyan gyi bsgrub pa'o// rang bzhin la gnyis te/ phra men rgya mtsho dang / dbyings kyi yum lnga'o// 'o na phra men rgya mtsho la sgrub tu med zer te bsgrub tu yod/ skad cig kyang 'di las 'da' mi rung bas/ rgyun du bsgrub pa'i lha yin no// nor sgrub gnod sbyin stobs bzang gi sgrub thabs ni/ dkyil 'khor zlum po khru gang gcig la/ zla gam gcig par byas la// de'i steng du b+han+d+ha lcang lo can gcig dam rdzas bdud rtsi tshang bar blugs la zhing gi g.yab mos kha bcad la/ snying po gzhung las byung ba bzhin drang zhing bsgrub bo// brgya byin sring mo sgrub pa ni/ dkyil 'khor khru gang gru gsum pa gcig byas la/ dbus su zla gam gcig par byas la/ kham phor gcig tu gangs kyi chu dang bya

  442. 221b

    rgod kyi sha dang / shel dang / nas dkar mo 'bru dgu blugs la/ A pra be sha bya ba'i 'dzab mang du drang ngo // gzhan kun gong mar bas so// tshangs pa'i chung ma sgrub pa ni/ ma trang gi thod par brtsegs pa dpral bar zla gam byas la/ b+han+d+ha mtshan ldan gcig gi nang du bdud rtsi lnga bsags la shing shun gyis bcad la// prA h+ma NI bya ba'i snying po bzlas so// yon tan ni sring mo brgyad 'dul lo// pho nya drug cu'i gtso mo ste/ rdo rje khyung gi mgo can sgrub pa ni/ zod pa'i dbus su dpral ba zla gam bri/ b+han+d+ha mtshan dang ldan par rak+ta dang dri chu bsres te/ nang du a mr-i ta blugs la snying po bzlas shing bsgrub bo// yon tan 'og ma kun 'khol lo// e ka dza Ti ral dgu ma sgrub pa gong ma dang mthun/ srid pa chags byed ma sgrub pa ni/ stegs bu khru gang ba la pad+ma 'dab ma bzhi par byas la/ kham phor nang du/ bya rgod kyi tshil lam/ chu bas bu'am mtshal spos gser g.yu la sogs pa blugs la bsgrub po// yon tan ni sman mo thams cad dbang du sdud cing 'khol lo// brtan ma bcu gnyis bsgrub pa ni// sa gtsang ma dgra phying la sogs pa bting la/ 'byor tshad bsags la bsgrub bo// snying po bzlas shing brten na yon tan ni kun mthun no// grub pa'i yon tan ni dgra la 'jebs so// rang bzhin gnyis bsgrub pa'i dkyil 'khor bcu dgu ste rtsa gcig

  443. 222a

    go/ gsang ba bsgrub pa'i le'u ste gya gnyis pa'o// // ma mo'i gsang mtshan bstan pa dang / yum lnga ni kun tu rgyu zhing 'khyams so// rdo rje dbyings kyi yum mchog ma/ sgrol ging ma bzhi la/ rdo rje bde mchog ma/ rdo rje 'od 'bar ma/ rdo rje bde sbyor ma/ rdo rje bdud rtsi rgyal mo// steng 'og gi sgrol ging ma ni rdo rje bde 'degs ma/ rdo rje bde sgrub ma/ shugs sgrol ma drug ni/ rdo rje gsang ba'i gzugs 'dzin ma/ rdo rje bde skyong ma/ rdo rje bde brtsegs ma/ rdo rje gzung 'dzin ma/ rdo rje dpal gyi yum gcig ma/ rdo rje 'khor skyong ma/ 'jug sgrol ma drug la/ rdo rje byings kyi gter ldan ma// rdo rje bde 'byams dpal gyi mchog/ rdo rje bde ba rgyas 'debs ma// rdo rje bde ba za byed ma// rdo rje bde ba tshe 'phel ma// rdo rje gsang ba'i gzung gcig ma// rdo rje bde sbyor ma/ rdo rje yum gcig ma/ rdo rje gtsug gi rgyan gcig ma// rdo rje drag mo/ rdo rje rgyan gcig ma/ rdo rje me tog gzung gcig ma/ rdo rje gsang ba'i dbyings phyug ma/ rdo rje thogs med ma/ rdo rje gar gyi dbang phyug ma/ rdo rje nam mkha'i khams kyi dbang phyug ma/ rdo rje kun tu bzang mo/ rdo rje kun grags ma/ rdo rje kun bzang ma/ rdo rje gsal 'phro ma/ rdo rje bde mchog ma/ rdo rje za ba mo// rdo rje sder mo/ rdo rje thob mo// rdo rje 'jig rten dbang sdud ma/ gsang ba rdo rje yum/ rdo rje 'jig

  444. 222b

    rten gzung 'dzin ma/ bsam 'phel gsang mtshan gyi le'u ste gya gsum pa'o// // dam tshig dbog par byin pa dang dbang du bsdu ba'i le'u la/ a mr-i ta khar blugs la sngags pa lta bu'o// ma mo 'khrugs pa bcos pa'i thabs bstan pa/ mi bde ba sna tshogs gang byung yang / bskang rdzas bzhin du rim pas bcos/ gong ma bskangs pas 'og ma bde// de nas las la gzud pa la gsum ste/ ma mo gsang ba'i las la gzud pa dang / dam bcas las la gzud pa dang / bcol ba'i las la gzud pa'o// man ngag rnam pa gsum la/ dang po ma mo gang nas byung ba'i man ngag dang / gang nas kyang ma byung bdag nyid las la byung ba ste/ phung po lnga yab lnga/ 'byung ba lnga yum lnga/ rnam par shes pa'i tshogs brgyad ke'u ri ma brgyad/ de'i yul sid+ha ma brgyad/ yan lag bzhi lha mo bzhi/ tshe'u sag ne'u sag khro bo khro mo/ sgal tshigs dbang phyug nyi shu rtsa brgyad/ bdag gi kun gzhi rnam par shes pa las/ tshe bdag chen mo gsang ba'i gzungs nyid bskyed/ khrag gi dngas ma dbugs kyi dngas ma/ drod kyi gdangs ma rnam par shes pa'i dngas ma las/ mjug sgrol ma bzhi bskyed/ rnam par shes pa'i tshogs brgyad kyi dngas ma las/ sgrol ging ma bzhi shugs sgrol ma bzhi ste brgyad bskyed/ bdag gi gsang ba'i byang chub sems las srid pa chags 'dzin spun

  445. 223a

    gnyis bskyed/ bdag gi skal tshigs las e ka dza Ti spyan drug bskyed/ bdag gi srog rtsa las 'dod khams gtso mo spyan gnyis bskyed/ bdag gi lte ba las steng 'og gi sgrol ging ma gnyis bskyed/ bdag gi yid kyi rnam par shes pa las srin mo brgyad bskyed/ rkang lag g.yas g.yon las dmag gi rgyal mo bzhi bskyed/ steng 'og gi bshang lam sgo bzhi las/ las kyi srin mo bzhi bskyed/ bdag gi mkhal ma g.yas g.yon las/ pad+ma gar gyi dbang phyug ma/ rdo rje gar gyi dbang phyug ma dang gnyis bskyed// mkhris pa las nag mo khrag 'dzag ma bskyed/ lag mgo rkang mgo gnyis te bzhi bzhi las pho nya chen mo bzhi bskyed/ bdag gi nyon mongs pa'i yid las brtan ma bcu gnyis bskyed/ dang po gang las ma mo byung na bdag nyid las byung ngo // de ltar byung ba'i man ngag go/ ma mo 'byung ba'i rgyu dang gsang ba'i las la gzud pa'i le'u ste gya bzhi pa'o// // dang por gsang ba'i las la gzud// dur khrod zhing la pho nya btang zhing gzud/ bar du dam bca' zhing las la gzud pa ni jo mor bzung na jo mor gzud do// tha mar bcol ba'i las la gzud pa ni/ dgra bo'i lus la gzud pa yin te// kun gzhi la sbrul bdag chen mo dang / tshe bdag chen mo gnyis las la gzud do// des kun gzhi nyams su gzhug go/ tha mar 'jug bsdu

  446. 223b

    ba'i man ngag ni/ snang srid kyi chos thams cad nyon mongs pa'i yid la bsdu'o// de las rim pas kun gzhi la bsdu/ kun gzhi skye ba med pa'i ngang ngo // thig le rnam pa gsum la/ dbyings dang rig pa gnyis med dang / thabs dang shes rab gnyis med dang / de ni ma mo'i thig le'o// grub pa'i thig le ni chos thams cad rang bzhin lhun gyis grub cing rtsol sems dang bral ba ste/ ye nas bcos su med pa'i klong chen po yin no// len pa'i thig le ni/ thig ni bdag gi kun gzhi byang chub sems yin/ le ni rang rig pa'i yon tan yin/ gnyis su med pa'i ngang las 'jigs byed 'bar ba'i sku dur khrod chas kyis gdug pa can 'dul ba/ rgyan dang cha lugs su snang ba las/ rdo khab len la lcags rnams 'du tshul du/ ma mo thams cad 'dar zhing 'dud// rgyal mo brgyad cu rtsa bzhi dran du 'khol/ blon mo dgu ni pho nya bzhin du 'gyed/ 'jig rten gyi chos thams cad gsal bar ston/ ma mo 'bum la sogs pa ni/ ci bgyi zer zhing bka' sdod do// ma mo bkol ba'i lugs kyis ni/ gtso mo ni tshogs kyi rje mo bzhin du bkol/ ma mo bcu gsum chung ma bzhin du bkol/ b+ha ga'i kha srung ma la sogs pa drug ni khol mo bzhin du bkol/ tshe bdag chen mo la sogs bu mo bzhin du bkol/ brtan ma bcu gnyis sum gsum bkra yang dra bzhin du bkol/ drag

  447. 224a

    shul gyis dbang du bsdu ba'i ma bdun ni byi mo'i tshul du bkol lo/ 'jig rten las 'das pa chen po las ni byung / 'jig rten la ni gnas te/ de gang las byung na ma mo'i le'u ste stong phrag drug cu rtsa lnga las/ man ngag gi le'u/ 'jig rten las 'das pa'i le'u brgya nyi shu rtsa gnyis byung ngo // ma mo dbang du bsdu zhing bkol thabs bstan pa'i le'u ste gya lnga pa'o// / ting nge 'dzin rnam gsum bskyed pa la/ de bzhin nyid kyi ting nge 'dzin bskyed pa/ de bzhin nyid kyi rang bzhin ni/ dmigs med yum gyi ngang du gsal// khyab gad la don ni rdzogs par ldan// ma hA shU n+ya dz+nyA na maN+Da la hUM/ kun tu snang ba'i ting nge 'dzin ni// rig pa'i ye shes bde chen mkha'// kun tu snang srid khyab par gsal/ gnyis med lhun gyis grub pa'i mchog/ d+harma d+hA tu maN+Da la hUM/ de nas rgyu'i ting nge 'dzin gyis/ dbang chen yum gyi dkyil 'khor bskyed// gnyis su med pa'i mkha' dbyings las// byang chub sems kyi sprin tshogs gtibs// bde mchog yid bzhin char du 'bebs// thams cad ma lus bskyed pa'i rgyu// rin chen 'bar ba'i 'od zer las// dbang chen dkyil 'khor 'byung ba'i rgyu/ e raM maM yaM bruM/ gru gsum mthing nag 'bar ba'i nam mkha' la// 'thor byed rlung nag tshogs ni rgya gram gtams// chags pa'i rak+ta rba klong kyi li li// zhing chen

  448. 224b

    gtams pa'i sa gzhi mtha' dbus brdal/ keng rus 'bar ba'i ri rab gzhal yas ni// chu srin bya ba sa ya'i thod pa la// mi bzad dur khrod 'bar ba'i rtsigs rmang byas// 'bar ba'i zod dgu rtsig pas mkhar du brtsigs// gnam lcags dur mo 'bar ba'i gzer chen gdab// rin chen mchog gis zur bzhi mdzes par brgyan// g.yu 'od sngon po 'bar ba'i kha bad can// mu khyud gnam lcags 'bar ba'i ri yis bskor// sum b+han d+ha b+han d+ha rak+Sha rak+Sha ti ra baM/ da ni gdan khri bskyed de/ mthing nag 'bar ba'i gzhal yas 'dir// zhing chen zhing chung gcal du bkram// mchog phran mang po gdan du bting // ze'u brang dgu brgya'i gab tshe la// lha srin kun gyi nang tshangs can// nr-i ti ra baM/ a kra ti ra baM/ rak+Sha ti ra baM/ da ni phyag bya ste/ mi mngon mkha' dbyings smug po'i dkyil 'khor na// sku la nyag gcig sprul pa drug la bka' nyan stong // bka' nyan re las phyag brnyan 'bum// snang srid bdag la phyag 'tshal lo// dbyar bzhin nam mkha'i khams na rgyug/ 'brug dang glog gi bdag mo mdzad// lce dang bu yug 'bebs mdzad ma// glog ma srin la phyag 'tshal lo// dpyid bzhin kun la drod 'bebs ma// chu bo kun gyi sna 'dren ma// chu bo kun gyi gzhung 'byams ma// nag mo'i gtso la phyag 'tshal lo// ston bzhin 'bras bu smin mdzad ma// spang po

  449. 225a

    de ni kha ser la// 'bru dang lo yi bcud len ma// mi rnams kun gyi dpal 'phrog cing // glog 'gyu ma la phyag 'tshal lo// dgun bzhin rgya mtsho'i gting na bzhugs// khams gsum kun gyi rgyas 'debs ma// klu bran kun gyi dgyes sde mo// glog 'gyu ma la phyag 'tshal lo// rdo rje dri chu bdud rtsi mchog/ pany+tsa a mr-i ta dang sbyar// dam rdzas snying gi khrag chen po// bsre ba'i mchog ste srog gi snying // ma hA ku ku ya/ sa ma ya pany+tsa sa ma ya/ ma hA a mr-i ta sa ma ya/ ting nge 'dzin rnam gsum gyi le'u ste gya drug pa'o// // da ni mchod pa 'bul ba ste/ smug nag 'jigs pa'i rgyal mo bzhengs su gsol// nag mo mi bzad rgya mtsho bzhengs su gsol// phyag brnyan rkang drug mdzes ma bzhengs su gsol// mdog bzang nag mo mthu chen bzhengs su gsol// e h+ye hi tshur spyon 'khor dang bcas// dzaHhUM baM hoH/ spyan 'dren ma lus gshegs su gsol// ma gcig chen mo 'dir spyon sha la spyon/ 'byung po 'byung mo'i sha ni zan las zhim// 'byung po 'byung mo'i khrag ni chang bas zhim// ma gcig chen mo 'dir spyon khrag la spyon// 'byung po 'byung mo'i rus pa mar bas zhim// ma gcig chen mo 'dir spyon rus la spyon/ bdag gis brnag pa'i las 'di mthar phyung zhig/ da lta nyid du rtags dang mtshan ma byung // kha kha bdud ma ti ru lu b+h+yo/ da ni sman mchod

  450. 225b

    bya ste/ rang byung bdud rtsi dam rdzas lnga// gdod nas dag pa bdud rtsi'i mchog/ rtsa ba brgyad la lo ma stong // sangs rgyas stong gi dngos grub len// dmar chen mtsho dang mAM sa dri// ga bur shel dang spos phor dri// sangs rgyas stong gi thugs dam ste// rnal 'byor yongs kyi dam tshig go/ dam tshig sbyin pa chen po 'di// sbyin no bstab po bskul du gsol// dam rdzas bdud rtsi chen po 'di// ma tshogs stong gi 'khor la mchod pa 'bul// 'dul ba'i lha mo mthu mo che// dus la rub cing dam ma 'phrad// dbang phyug chen mo kun gyi sring // rnal 'byor yongs kyi ma gcig ma// mtshan bzang nag mo re ma ti// ma tshogs stong gi 'khor tshogs la// rnam dag bdud rtsi dam rdzas mnyes mchod 'bul// thugs rje brtse dgongs dbang dang dngos grub gsol// bar de ma mo'i 'dzab ni nus tshad bgrang // spyan drangs pa dang mchod pa'i le'u ste gya bdun pa'o// // da ni rnga brdungs la ma mo thams cad bskul lo// ma g.yem ma 'da' sring gcig ma// ma yi nang nas ma gcig ma// dam nyams kun gyi bdud gcod ma// dam la gnas pa'i tshe 'dzin ma// stong khams kun gyi nyul le ma// nad bdag mo dang rims bdag mo// chibs su dre'u rta rkang gsum chibs// dra ba dgu yi lan phran can// byu ru dmar po'i rgyan srab can// nyin bzhin khyo dgu skungs su

  451. 226a

    sbed// mtshan mo dur khrod khyab par nyul// rnal 'byor mtha' dag tshogs khang 'grim// rnal 'byor dam tshig gtsang mi gtsang // mched lcam brtse gdung che'am chung // slob dpon ting 'dzin drod nyul ma// legs nyes stangs 'dzin dam tshig rjes gcod ma// nyid kyi mdog ni mthing nag la// ral pa'i zar bu g.yas nas g.yon du 'khyil// zhal nas mi khrag rta khrag 'dzag/ mig nas khrag 'dzag zu lu lu// lcags kyi dre'u rta rkang gsum bskyod pa'i tshe// dpag tshad brgyad khri bzhi stong yang // mtshan mo gcig la khyab par gcod// rnal 'byor chen mo a la la// dbang phyug chen mo a la la// khyod kyi lag pa g.yas pa na// bdud kyi khram bam re re thogs// skye 'gro dbugs su snang ba kun// sang phod deng sang su 'chi ba// do gcig rde'u shod nag po 'grems// khyed kyi mchan khung g.yas pa na// byang dmar dkyus kyi bam po sbed// sang phod deng sang su 'chi ba// do gcig byang dmar dkyus la 'debs// khyed kyi mtshan khung g.yon pa na// nad kyi rkyargyal pa sngon dmar la// sbrul nag brgya yi kha chings can// lnga brgya dus kyi snyigs ma la// gsang sngags bon du gyer ba'i dus// rnal 'byor grong bsnyen byed pa'i dus// de tshe srid pa'i ma mo 'khrugs// de tshe khyod kyi rtags bstan pa// khyed kyi kha rlangs ser po yis// stong khams thams

  452. 226b

    cad 'gengs byed cing // bud med ser mos sa gzhi 'gengs// che zhes mkhris chen sha ya gtong // nam mkha'i mthongs na khyod gnas pa// nam mkha'i dbyings kyi dpal mo btsan// sems can kun gyi lam ston pa// bar snang khams na bzhugs pa'i tshe// b+ha ga hri sti mkha' la char 'bebs ma// 'byung ba lnga yi cha snyoms ma// 'dzam gling 'bras bu'i bcud len ma// de yang dpal ldan re ma ti// ri rab zom la bzhugs pa'i tshe// me za ma la brag gyon ma// pu tra kun gyi tshe 'dzin ma// de yang byang shar re ma ti// 'bar ma nyul byed gtso mo ni// 'bar ma nyi ma'i zhags pa can// phud lhag nyul zhing sgrub mchog skyong // de yang dpal ldan re ma ti// hUM dbang phyug nyi shu rtsa brgyad nang na bzhugs pa'i tshe// mi srin g.yag mgo thon rlon 'chang // kha chu stag cing sgrub mchog skyong // de yang dpal ldan re ma ti// ma brgyad gtso mo mdzad pa'i tshe// e ka dzA Ti ral gcig ma// rnal 'byor ting 'dzin drod nyul ma// de yang dpal ldan re ma ti// che zhe chen mo mthu mo che// che zhe chen mo dus la bab/ phrin las bcol zhing nges tshig gi le'u ste gya brgyad pa'o// // byang shar mtshams kyi sring gcig ma// bse yi gdong la g.yu yi spyan// za 'og dkar bkra'i skrag pa can// rdum re lde'i smad dkris gsol// g.yu yi lde sho brgya la rtse// chibs su dre'u rta rkang

  453. 227a

    gsum chibs// lag na lcags phur stong 'dril ma// nad dang rims kyi bdag mo khyod// ming nas bos na mi gsan nam// dam tshig bsrungs na mi dgyes sam// bdud kyi yul du dmag 'dren na// sring gcig re ti dam la 'du// dgra bgegs ma lus rdul du rlog/ ma ru da [:]b+h+yo// de ltar byas na gang la dmigs pa la mi 'grub mi srid do// re ti byang shar sring gcig gi le'u ste gya dgu pa'o// // rang sgrol gyi sngags dang phyag rgya la// bsgom zhing dbang du bya ba ni/ oM badz+ra rbad tan/ ta ra ma rbad/ byin gyis rlabs pa'i sngags la/ oM badz+ra d+ha ra rbad/ shaM d+ha ra rbad/ khaM ril rbad/ oM badz+ra mug thig thig rbad/ oM pu tra k+Sha ni thib/ pra ti dz+nyA na d+ha ra thim/ oM badz+ra su ba ri la rbad/ pra ti ba ra pu ba tsakra rbad/ oM badz+ra d+ha ra stib/ oM badz+ra snying mgo chod/ kha la za mu lo dan ting / yu ti dan ting d+ha ra ya rbad// dbang po lnga la de skad brjod la btang / sgo dbye ba'i pho nya btang / shar phyogs nam mkha'i dkyil yangs su// sprin gyi snying po du ru kha// dbu stong phyag stong zhabs brgya ma// phyag g.yas rgyu drug tsit+ta bsnams// phyag g.yon rdo rje sna tshogs bsnams// mtshan khung g.yas kyi sgo phye la// tsit+ta dbyung ba'i dus la bab// dmar 'byin chen mo da tshur byon// thar lam ston pa'i dus la bab// oM badz+ra khrag ti snar ba

  454. 227b

    rbad// lho phyogs nam mkha'i dkyil yangs nas// chu yi snying po na tshe ma// chu srin 'bar ba'i kha nas ni// 'od zer mang po stong 'phros pas// 'od zer mang po'i 'phro 'du yis// mchan khung g.yon gyi sgo phye la// tsit+ta dbyung ba'i dus la bab// dmar 'byin chen mo da tshur sbron// thar lam ston pa'i dus la bab// oM badz+ra tsakra ru ti da ra rbad/ snying rtsa chod/ nub phyogs nam mkha'i dkyil yangs su// nag mo mkha' la dbang phyug mtsho// ri rab ngos la sku rten 'cha'// rgya mtsho'i steng du rkang brkyang nas// phyag gis stong khams yongs la nyul// nub phyogs dbugs kyi sgo phye la// tsit+ta dbyung ba'i dus la bab// dmar 'byin chen mo da tshur spyon// thar lam ston pa'i dus la bab// oM badz+ra ga shud+d+hi ta ra hI ya badz+ra hUM phaT// byang phyogs nam mkha'i dkyil yangs su// dbang drag ral pa 'joms mdzad ma// ral pa mang po gting 'phros pas// ral pa mang po'i 'phro 'du yis// byang phyogs lcags kyi sgo phyes la// tsit+ta dbyung ba'i dus la bab// dmar 'byin chen mo da tshur spyon// thar lam ston pa'i dus la bab// oM badz+ra me re shu ba du ka ra khug par rbad// lag pa g.yas pa'i sor mo gsum// lcags kyi spyang mo mgo dgu gcig tu bsam la/ mchan khung g.yas pa'i rtsib ma yar gnyis mar gnyis bar du btsugs la gdab/ lag pa g.yon gyi sor mo

  455. 228a

    gsum la 'dzin pa'i lcags kyur bsam la// mchan khung g.yon gyi rtsib ma'i go bar du btsugs la sngags gdab/ ljags kyi steng nas rdo rje lcags kyu grangs med pa cig 'phros pas phung po bsgral ba'i pho nyar gyur te/ ljags kyi steng du tsit+ta dmar po sul gsum drang ngo / de 'phros ha dmar po gcig tu gyur te/ ye shes kyi gzhal yas khang las/ b+ha ga'i dkyil du tsit+ta zur gsum drangs par bsam mo// dur khrod kyi sgo bzhi phye nas/ dbang po lnga dbyung ba'i sngags ni/ badz+ra ka ru/ glo ba ma lnga bu lnga dang yang phral lo// snying khar la yang khrag rbad/ chu bruM ri li li 'bru ti sa ti many+dzu chod/ dar blugs dar khums dar chod// snang srid rang sgrol gyi le'u ste dgu bcu pa'o// // ma mo b+h+yo/ ru lu ru lu snying kha rag/ snying kha rag/ ma rak+ka ma rak+kha/ rag mo snying khrag ma thun thun trag rak+ta ma snying re kem ma ma ru lu ru lu b+h+yo b+h+yo snying kha sa ma ya dam dam dza dza/ gro ma tsa la gro ma tsa la/ dgra bo nri mA ra ya tsa/ ma ma ni snying rtsa la thun thun/ snying khrag ma thun/ sha tiSh+Ta ma ma snying la ya b+h+yo// ma ma sha sha ma ma hri hri sa ma ya sa ma ya dgra bo nri mA ra ya sod sod/ ma tsit+ta dza la raM/ snying la tsit+ta ma ri la/ chu bruM ri la b+h+yo// rag mo snying rtsa la b+h+yo/ rag mo rag mo/ ru ru ro ru tsa ba la/ dgra bo snying kha rag ma b+h+yo/ tsa ba tsa ba b+h+yo/ khrag la mu sha la b+h+yo/ ru ru snying khrag kha la

  456. 228b

    rak+Sha ni rbad/ bruM ri li li snying la rak+Sha ni sha ri sta rbad/ bruM ri li li/ ni sha ku ru rak+ta kha raM/ ku ni ku ru kha raM/ trag rak+ta mu tra snying kha rag ma b+h+yo// li sa tri nan/ ung ti ma nan// sha la ma ti nan/ ya ma ti nan/ rak+kha tsakra ma ni hUM/ rat+na tsakra ma ni hAM/ karma tsakra ma ni hUM hUM hUM hUM hUM mA mA mA mA/ li li li li/ dung dung dung dung / b+h+yo b+h+yo b+h+yo b+h+yo// dI pa ta tsakra ni hUM/ ma dip+ta tsakra ni hUM/ baM nri ra ra hUM/ ya ba ti ba ta tsakra ni hUM/ ra pa pa ri ni byi len kha khyung tsho/ phra phud po ni cho/ lji ba za se ni cho/ ma ma li li dung b+h+yo/ sha ba ri ni b+h+yo/ be su tri ni b+h+yo/ snying kha rag b+h+yo/ su ri kha raM b+h+yo/ ma mo stong rtsa brgyad spyi dril ba'i le'u ste go gcig pa'o// // rib phyi baM ni ra ri ya hAM/ laM ni ra ti ya hAM/ tsit+ta ni ra ti ya hUM/ tsakra ni ra ti ya hUM/ la shun ni ra ti ya hAM/ ling gang ti sad/ du pa si ti sad/ tha ting pa ra sad/ pa snyigs ti sad/ rak+ka ting ni rub bu/ raM pa ri rub/ nyag tiSh+Tha shaM/ ldo ma ris shaM/ myos ta raM/ kha raM/ ti raM ro ti ma shaM/ shi li gi ni hUM/ kha raM ga ni hAM/ sha ka ni hUM/ pra ba gi rna hUM/ tsitra ga ni hAM/ yaM yaM yaM yaM yaM/ gi ni luM po ri yaM/ so rog ma ti yaM/ byi li ma yaM/ krang gri ma ma yaM kha ru ba ti raM/ guM guM guM guM guM guM/ ma guM ma guM ma guM ma guM ma guM ma guM/ sna rog pra ti raM/ sha raM pra ti raM/ smug po ya ma raM/ leb te ma raM/ shing kha ru ba ri raM/ sha ka ma raM/ spyi

  457. 229a

    blugs ma ra gri thogs ma raM/ laM l-i laM lo// baM baM baM baM/ dza ma re ma baM// s+tha ni ra ti na ya baM baM/ ga shu ta ba ba/ bruM dza ti baM baM/ rul rul rul ru la/ rbA r+thA d+hA tAM/ d+hAr+dz+dza b+hU b+h+yo/ ging na ri ba dzA ni ba gur ba ni baM/ phyi rtsa ra ba ri baM baM/ ba tri yi li/ dung du nga/ oM yu ba ba ya ta dod nya re ma raM/ shaM ka la ram ram/ ma ku ma la na ma tri ma na ma la ku cha na/ bye sne ma ma ro mo khaM/ kash+tsa ko ma la/ shi ma ma kra rong / b+h+yo b+h+yob+ho b+h+yo b+h+yo/ snying khrag tshal pa/ kang ka ri b+h+yo/ lin ti ma b+h+yo/ pra ma ni b+h+yo/ siM kha ro b+h+yo/ sna rog ma b+h+yo/ phyag g.yos ma b+h+yo/ shan+ti ma b+h+yo/ grub ting ma b+h+yo/ srub ring baM baM/ dun ting dbugs 'phrog ma b+h+yo/ shen ma rna ba baM/ oM dung / hUM dung / phaT dung / skyes 'gro kun la mnga' mdzad ma dung dung / ma ma dung / sngags 'di 'dzab tu bzlas so// ma mos bsad pa'i dug sngags kyi le'u ste go gnyis pa'o// / mtshan gyi ma grangs bstan pa ni// srid pa las kyi ma mo dang // bde 'gro las kyi ma mo dang // mkhas pa las kyi ma mo dang // rgyu'i bde 'gro las kyi ma mo dang // sras kyi dbang du bsdu ba'i las kyi ma mo dang // grags ma las kyi ma mo dang // krang kri las kyi ma mo dang / yang gsal g.yos las kyi ma mo dang / shu ba baM chen las kyi ma mo dang // 'jug pa las kyi ma mo dang // 'phen pa las kyi ma mo dang / badz+ra dbang phyug las kyi ma

  458. 229b

    mo dang // lag pa gcod pa las kyi ma mo dang // don la mkhas pa las kyi ma mo dang // mkha' la 'gro ba las kyi ma mo dang // dbyings nas shar ba las kyi ma mo dang / gdug pa 'dul ba las kyi ma mo dang // rgyu ma 'dren pa las kyi ma mo dang // ro la dga' ba las kyi ma mo dang // nad ka gtong ba las kyi ma mo dang // khrag tshil 'jib pa'i las kyi ma mo dang // snang srid nyul ba las kyi ma mo dang // mngal nas 'dren pa'i las kyi ma mo dang // phur pa 'dren pa'i las kyi ma mo dang // dbugs la mnga' mdzad las kyi ma mo dang // gtso la stob pa'i las kyi ma mo dang // nag mo sha zan las kyi ma mo dang // dkar mo sha zan las kyi ma mo dang // sngon mo drod len las kyi ma mo dang // spyi 'dul las kyi ma mo dang // srin mo 'jigs byed las kyi ma mo dang // gling bzhi 'jigs byed las kyi ma mo dang // gnod sbyin 'jigs byed las kyi ma mo dang // ral gcig 'jigs byed las kyi ma mo dang // rngam pa'i 'jigs byed las kyi ma mo dang // sha zan khrag 'thung 'jigs byed las kyi ma mo dang // rus pa 'jigs byed dam sri 'jigs byed las kyi ma mo dang // khrag la 'thung byed rngam pa'i 'jigs byed las kyi ma mo dang // phyag brnyan gtso mo las kyi ma mo dang // bud med gzugs can 'jigs byed las kyi ma mo dang // lcags sbrang mgo dgu las

  459. 230a

    kyi ma mo dang // mi mo ye shes mkha' ldan las kyi ma mo dang // lcags kyi bya khra las kyi ma mo dang // dbang byed kha 'bar las kyi ma mo dang / gshin rje kha 'bar las kyi ma mo dang // rgya yul spyan 'dren las kyi ma mo dang // g.yu'i ral can las kyi ma mo dang // gcer bu rgyug pa las kyi ma mo dang // tshig gi don srung las kyi ma mo dang // mche gtsigs sna gcod las kyi ma mo dang // tshal par gtong ba las kyi ma mo dang // rkan rdeb phrin las las kyi ma mo dang // bu mo mdza' na las kyi ma mo dang // shwa re dza dza las kyi ma mo dang // dmag gi rgyal mo las kyi ma mo dang // dgra bla'i rgyal mo las kyi ma mo dang // bag chags thal bar rlog pa'i las kyi ma mo dang // dam tshig gnyen po tshul bzhin bsrung ba las kyi ma mo dang // thugs dam gnyen po bskul ba las kyi ma mo dang // cha lugs ston pa las kyi ma mo dang // grub pa lha mo las kyi ma mo dang // phrin las mdzad pa las kyi ma mo dang // mkha' lding gser tsam las kyi ma mo dang // gling ga ta ra las kyi ma mo dang // khro gnyer srog bdag las kyi ma mo dang // sha za srog bdag las kyi ma mo dang // sme sha srog bdag las kyi ma mo dang // ro lang rngam byed srog bdag las kyi ma mo dang // da ra srid bdag las kyi ma mo dang // da ra dbugs len las kyi ma mo dang // da ra yid

  460. 230b

    'phrog las kyi ma mo dang // khyab gdal pho nya las kyi ma mo dang // ma mo la la'i lag na rgyu zhags 'ching // la la'i lag na thod phreng 'dzin// la la'i lag na zhing chung ba su 'dren// la la me khyer rgya mtsho skems// la la 'gugs byed nyams pa 'dzin// la la sbrul nag zhags pa 'dzin// la la pho nya 'gugs shing 'dren// srid pa'i bu gcig ma dang rgya bu gcig/ gshin rje'i lcam mo dpal gyi phyag brnyan khrag gis dri snom dang // gshin rje'i sring mo lcags kyi spyang mo go dgu ma dang / ya mAn lcam mo ye shes mkha' lding mi mo'i dpal dang / ya mAn lcam mo sring gcig kha 'bar ma dang / ya mAn lcam mo byis pa rnams kyi dur byed ma dang / ya mAn lcam mo srid pa bde 'gro ma dang / ya mAn lcam mo las kyi bde 'gro ma dang / ya mAn lcam mo nam mkha'i bde 'gro ma dang / ya mAn lcam mo sngas kyi bde 'gro ma dang / gshin rje'i lcam mo krang kri yang gsal g.yos dang / ya mAn lcam mo ban chen shu ba'i yang gsal g.yos dang / gshin rje'i lcam las la 'jug pa'i yang gsal g.yos dang / gshin rje'i lcam mo tsit+ta 'phen pa'i yang gsal g.yos dang // gshin rje'i lcam mo grags ma yang gsal g.yos dang / ya mAn lcam mo mngal nas 'dren dang / gshin rje'i lcam mo ro la dga' ba'i len pa dang / gshin rje'i lham mo khrag gi tshil chen dang / gshin rje'i

  461. 231a

    lcam mo rgyu ma 'dren pa dang / gshin rje'i lcam mo dgra bgegs len pa dang / gshin rje'i lcam mo snang srid spyi phud ma dang / gshin rje'i lcam mo ma mo spyi phud ma dang / gshin rje'i lcam mo spyi phud ma dang / gshin rje'i lcam mo las kyi dbang du bsdu ba'i spyi phud ma dang / gshin rje'i lcam mo grags pa spyi phud ma dang / mtsho sman rgyal mo dang nyi shu gcig/ dbyings kyi bka' sdod blon mo gcig pu ma// ye shes bka' sdod blon po be ta li// gshin rje'i bka' sdod blon mo snang srid spyi phud ma// sems las skyes pa'i bka' sdod blon mo yang gsal g.yos// thugs dam skong ba'i bka' sdod bkrag gsal mnyam// shugs sgrol bka' sdod khrag 'thung ma// drag shul bka' sdod blon mo drug cu gtso// gnod sbyin snying gcod 'bar ma me khyer glog phreng 'dzin te dgu'o// ma mo rnams kyi blon mo re ma ti'o// ma mo byung ba bstan pa'i le'u ste go gsum pa'o// // hUM pho brang rin chen gzhal yas khang // pho brang 'byams klas sprin gtibs shing // pho brang rin chen gsal bsgo la// rin chen mdzes pa'i rgyan lhab lhub// shar lho nub byang sgo bzhin// 'jigs pa bzhi yis sgo bkag kyang // mgyogs ma bzhi yis sgo phye zhig/ khaM bruM pra be sha shag/ ces brjod pas sgo dbye/ hUM yang dag gsang ba'i dkyil 'khor du// sangs rgyas ye shes bde chen

  462. 231b

    lha// yab yum sras dang 'khor bcas rnams// rigs kyi lhar ni rnam rtogs shing / gnyis med don gyis 'brel pa la// mi phyed dad pas phyag 'tshal lo// hUM yang dag gsang ba'i dkyil 'khor 'dir// rdo rje slob dpon ye shes lha// bka' drin rjes su dran pa'i phyir// gus pa'i tshul gyis phyag 'tshal lo// hUM yang dag gsang ba'i dkyil 'khor 'dir// dam tshig gzungs kyis 'brel ba'i mchog/ ma bu'i 'du shes nyer bzhag nas/ gdung ba'i tshul gyis phyag 'tshal lo// a la la ho// zhes phyag 'tshal lo// hUM dgongs shig ye shes mngon rdzogs lha// yab yum 'khor dang bcas pa rnams// bdag cag rnal 'byor sgrub pa la// dgyes shing brtan pas mdangs phyung zhig/ byams pa phyogs med spyan gyis gzigs// 'khor ba'i sems can bdag cag rnams// ma rig 'khrul pa'i rang bdag gis// gzung 'dzin gnyis su bzung bas nongs// sdig la mi 'dzin mi dge sna tshogs spyad// dri ma ngan pas na bran bzhin du gtibs shing mchis// mi gsang mi 'chab ye shes lha la mthol// ye shes lha yis bzod par bzhes// a la la ho// brda sgo dbye zhing bshags pa bya ba'i le'u ste go bzhi pa'o// // hUM rin chen in+d+ra nI la'i bum pa ru// 'bru bcud stong la sbyar ba'i 'dza' gad dpa' bos bltam// gnyis med byang chub sems kyi rang bzhin

  463. 232a

    te// 'thungs pas tshim pa'i longs spyod chen po 'dis// mchod ni ye shes lha la mchod// skong ni ma mo'i thugs dam skongs// 'bul ni slob dpon lha la 'bul// a la la ste bzhes su gsol// mdun du drang ngo // hUM gzhong pa zla gam dkyil 'khor du// tshe dang gal gnyis mthun sdebs shing // dkar gyi thig dgye dmar gyi gur phub pa'i// longs spyod mchod pa chen po 'dis// 'phags pa mchod la ma mo skongs// a la la la ho// hUM rak+ta khrag gi rgya mtsho'i thig le dang // snang srid khrag gi rba rlabs kyi li li// mkha' dbyings rgyal ba ma lus mchod pa dang // 'phags pa mchod la ma mo 'kha' 'gro'i thugs dam skongs/ a la la ho/ zhes rjod la drang ngo // 'dza' gad gtor ma rak+ta drang ba'i le'u ste go lnga pa'o// // hUM rdo rje rgyal thebs yab yum langs la rdo rje rgyal po la rgyan chas gsol ba 'di skad do// hUM gsang ba chen po'i dkyil 'khor 'dir// rab zhi mtshan mo'i dus ni 'di nyid du/ rdo rje rgyal po mnga' gsol lo// theg pa kun las dpags pa dang // ma mo dbang du bsdu ba'i phyir// zhing chen ras ga 'di gsol bas// mi 'khor chos nyid rgyan du shog/ oM gu ya sid+d+hi hUM/ zhes sku la gsol lo// dbu rgyan mchog gis mnga' gsol lo// theg pa yongs la dpags pa dang // srid gsum dbang du bsdu ba'i

  464. 232b

    phyir// srid pa spyi blugs dbu zhwa 'di gsol bas// srid pa'i dbang chen rnams la dbang sgyur shog oM gu ya he he// zhes brjod la dbu la gsol lo// de nas zhing gi sor phreng dbu la mnga' gsol ba 'di skad do// phreng ba chen pos mnga' gsol lo// theg pa yongs las 'phags pa dang // ma mo'i srog snying brang ba'i phyir// zhing gi sor phreng 'di 'bul ba'i// ma mo rnams la dbang bsgyur shog/ oM gu h+ya ma ma rak+ta hUM/ phyag tu dbul lo// phyag rgya chen pos mnga' gsol lo// bdud dang mu stegs 'dul ba dang // ma mo g.yab kyi g.yab pa'i phyir// rtse lnga 'bar ba'i phyag rgya 'di snoms la// bdud dang mu stegs dbang du sdud// oM gu h+ya ma ma// zhes rjod dbul lo// stag lpags g.yang zhi mnga' gsol lo// bdud gzhi rdul du rlog pa dang // phrin las rnam bzhi sgrub pa'i phyir// stag lpags g.yang gzhi 'di gsol bas// dpa' brtul za byed chas dang ldan par shog/ oM gu h+ya b+ha g+ha hUM/ zhes sgra la gsol/ de nas yum la rgyan chas gsol ba yab dang mthun/ de nas las kyi kar mas rgyal thebs la rgyan chas gsum gsol te 'di skad do// hUM bka' gsang dam pa'i gnas mchog 'dir// rdo rje rgyal thebs gsan cing dgongs su gsol// rdo rje rgyal po bsnyel cing bsnyel ba'i tshe// thugs dam 'phro nas bzung nas bskang ba'i phyir// rgyan chas gsum

  465. 233a

    gyis mnga' gsol lo// zhwa dkar tshil chen dbu rgyan dang // mchog gi phur bu gcig pa dang // dung chen phreng bas dbang bskur ro// rgyan chas gsum gyi mnga' gsol pas/ bdud dang mu stegs rdul du rlogs// de nas mched byings la mtshan ma gdab pa 'di skad do// hUM dur khrod chen po'i gnas brgyad dang // ye shes chen po'i klong dkyil nas/ dpal chen kun dang gcig pa dang // ma mo thams cad sgrub pa dang // mkha' 'gro dbang du bsdu ba'i phyir// thal chen mtshan ma dpral bar gdab// mtshan ma dpral bar mig gdab tu// dpal chen nyid dang rang rtags gcig/ pad+ma rak+ta'i mtshan ma 'di// smin mtshams par du thig ler dgod// zhag gi sor ris kha 'gram la// bdud rtsi rak+ka thugs ka la// oM dkar sing ha sing ha zhes// kun gyis dir re bzlas shing kun la gdab bo// rdo rje rgyal po rgyal thebs mnga' gsol zhing mchod la mtshan ma gdab pa'i le'u ste go drug pa rdzogs so// / rgya gar gyi mkhan po d+ha na saM skr-i ta dang / bod kyi lo ts+tsha ba 'brog mi dpal gyi ye shes dang gnubs kyis bsgyur ba'o// bstan pa bsrung ba'i man ngag thugs kyi yang snying ma mo 'bum tig le'u rtsa ba la sum cu so gnyis phyi ma la le'u brgya zhe gnyis so// dpal gyi yang 'grub rdo rje gshog rgod rtsal gyis rgya bod gnyis kyis gtugs sa

  466. 233b

    bud+d+ha yab sras la// dka' ba sna tshogs bsngos nas zhus pa'i bka'// kun dang thun mong ma yin rab tu gsang ba'i rgyud lung rdzogs so// gnubs rin po che sangs rgyas ye shes nas rim par brgyud do// rgya gar skad du/ d+harma d+hA tu e ka dza ti man+ta ka ma li tig na khats+tshe da mA ra Na tan+ta/ bod skad du/ ral gcig ma chos kyi dbyings bdag mo spu gri ya ma'i rgyud/ bcom ldan 'das dpal pad+ma gar gyi dbang phyug la phyag 'tshal lo// 'di skad bdag gis zos pa dus gcig na/ yum gyi mkha' chos kyi dbyings rnam par dag pa/ sprod pa thams cad dang bral ba/ chos kyi sku thig le nyag gcig rgya phyogs bcu yongs su ma chad cing / longs spyod thams cad rang la rdzogs pa'i sku/ rang byung pho nya lha mo'i gzugs su byung ba ni// bud med smug mo g.yu yi smin ma can/ sprul pa'i dung gi mche ba gtsigs pa/ spyi bo'i gtsug na g.yu yi ral gcig ma/ ral pa'i rtse la bskal pa'i me 'bar ba/ ral pa'i sked nas sprul pa'i glog stong 'gyu ba/ ral pa'i mtha' nas khrag gi ser ba 'bab pa/ bud med smug mo 'bum gyi dbus na 'gying ba/ phrin las rnam bzhis gdul bya dbyings su sgrol ba/ dpal gyi gzung ma mdzad cing thig le dbyings su sbyor ba/ nam zla dus bzhi la dbang bsgyur zhing / skye 'gro khram la 'debs pa/ 'jig rten gtso mo dbyings kyi ral gcig

  467. 234a

    ma zhes bya ste/ 'khor zhi ba'i las byed ma mo bzhi dang / rgyas pa'i las byed ma mo bzhi dang / dbang gi las byed ma mo bzhi dang / drag po'i las byed ma mo bzhi ste/ las byed ma mo bcu drug dang thabs cig tu bzhugs nas/ dpyid zla gsum la dur khrod na bzhugs nas/ sha khrag gi zas tshol/ skye 'gro khram la 'debs pas/ e ka dza ti ma zhes kyang bya/ dbyar zla gsum la nam mkhar gnas shing / me tog dang sems can gyi bkrag mdangs dang bcud len/ skye 'gro khram la 'debs pas/ b+ha ga hriSh+Ti mkha' la char 'bebs ma zhes kyang bya'o// ston zla gsum la ri rab kyi zom la gnas shing / 'bras bu thams cad kyi bcud len/ skye 'gro khram la 'debs pas gling bzhi rab 'byams drag mo rgyal zhes kyang bya'o// dgun zla gsum la byang shar mtshams na/ chags pa rak+ta'i mtsho la gnas shing srid pa gsum la rgyas 'debs// skye 'gro khram la 'debs pas/ me za brag gyon ma zhes kyang bya'o// sngags kyi srung ma byed cing / dam tshig rjes gcod pas bka'i bya ra ma zhes kyang bya'o// spu gri ya ma'i rgyud las/ gleng gzhi'i le'u ste dang po'o// // de nas bcom ldan 'das dpal pad+ma gar gyi dbang phyug gi shangs 'bar ba'i rlung sgom nas/ hrI hrI hrI/ hUM hUM hUM/ zhes brjod pas/ stong gsum gyi stong chen po'i 'jig rten gyi

  468. 234b

    khams thams cad du 'brug stong dus gcig la 'gyur ba'i sgrar gyur te/ 'jig rten khams thams cad nyams shing drag 'khrugs nas/ khams gsum dbang du bsdus/ srid gsum zil gyi mnan/ dregs pa can thams cad tshar bcad nas slar 'dus pa las/ hUM las ngag gi dbang phyug ye shes kyi he ru ka rdzu 'phrul can gcig tu gyur te/ dpal chen po la gsol pa/ sku mchog dregs pa 'dul mdzad pa// 'jig rten mgon la bdag btud nas// 'bar ma dbyings kyi ral gcig ma// lta ba'i zag ni ji ltar bcad// spyod pa'i la ni ji ltar dor// dbang dang dam tshig khyad par gang // bsgrub na nyams su ji ltar blang // khyad par rdzas ni gang la brten// gsang sngags rim pa ji ltar bzlas// thugs dam gnad nas ji ltar bskul// grub pa'i rtags tshad gang la sbyar// ma grub gnad la ji ltar dbab// nyams na thugs dam ji ltar bskang // phrin las khyad par rnam pa du// 'di don brtson 'grus nan tan du// dpa' bo thugs rjes bka' stsol cig/ spu gri ya ma'i rgyud las rkyen gleng slong ba'i le'u ste gnyis pa'o// // de nas bcom ldan 'das dpal pad+ma gar gyi dbang phyug gis// dbyings kyi ral gcig ma byang chub tu srog gzung ba zhes bya ba'i ting nge 'dzin la snyoms par zhugs nas/ blta bas zag bcad pa 'di ched du gsungs pa/ thig

  469. 235a

    le snying po byang chub sems// ngo bo 'di 'dra ma nges pas// rig dang ma rig rang byung nas// las dang ye shes gnyis su snang // ma rig pa la mngon zhen nas// las kyi ma mor gzung ba yi// rang sems rang gi don du che// khams gsum 'khor ba'i g.yang sa yin// dug sbrul rgya mtshor lhung bar 'gyur// rig pa ye shes ma mo ste// ma mo thig le byang chub sems// thig le nyid la nyid snang ste// rig dang ma rig thig ler mnyam// las dang ye shes gnyis su med// ma mo rang byung ye shes te// rang byung ye shes rang la snang // de rtogs de la gang gnas pa// sangs rgyas snying po yin par bshad// spu gri ya ma'i rgyud las ma mo byang chub tu srog gzung zhing lta bas la bzla ba'i le'u ste gsum pa'o// // de nas bcom ldan 'das dpal pad+ma gar gyi dbang phyug gi blang dor med pa'i ting nge 'dzin la snyoms par zhugs nas/ spyod pas la dor ba 'di ched du bka' stsal to// thig le spros bral ma gcig ma// thams cad 'byung gnas kun bzang mo// gnyis med spyod pa bde ba'i mchog/ gzugs snang sgrar grag sems snang ba// ma mo'i sku gsung thugs nyid de// de nyid thig ler longs spyod pa// spyod pa rmad du byung ba yin// phan gnod dmigs 'gro yon tan zhing // byed spyod phrin las rnam pa bzhi// gnyis med bde bar sbyar bar

  470. 235b

    bya// skye shi med par bsgral ba yang // thig le nyid las ma g.yos na// spyod pa thig le rol pa'i rgyan// zhes bka' stsal to// spu gri ya ma'i rgyud las spyod pas la dor ba'i le'u ste bzhi pa'o// // de nas dpal pad+ma gar gyi dbang phyug gis/ khams gsum dbang du bsdu ba'i ting nge 'dzin la snyoms par zhugs nas/ rim pa dbang gis bgrod pa 'di ched du bka' stsal to// dbang gi ngo bo shes rab ste// ting nge 'dzin dang ldan pa la// lung bstan byin gyis brlab pa dang // dbang bskur thob par bya ba la// phyi nang gsang ba rnam gsum ste// de la phyi yi dbang bskur ba// ma mo mkha' 'gro 'du ba'i sar// dur khrod gsang ba'i dkyil 'khor du// ma gcig bsnyen cing sgrub pa dang // mtshan ma'i brtan pa thob bya ste// gsang ba mchog gi dam rdzas kyis// dam la mi ldog dbang bskur ro// nang gi dbang bskur thob bya ba// bdag nyid dbang chen skur bsgoms te// gzungs ma sha mdog dmar ba la// bdag mor dbang bskur byin gyis brlab// thig le byang chub sems spros la// byang sems thig le dkar dmar gyis// sku gsung thugs dang yon tan dang // phrin las rnams su dbang bskur ro// trag rag+na mu tra/ e ka dza ti snying kha rag mo ka ya badz+ra swa b+ha wa At+ma ko&haM/ zhes pas ma mo'i sku'i dbang thob par gyur cig trag rag+na mu tra e ka dza ti snying kha

  471. 236a

    rag mo wAka badz+ra swa b+hA wa At+ma ko&haM/ zhes ma mo gsung gi dbang thob par gyur cig trag rag+na mu tra e ka dza ti snying kha rag mo tsit+ta badz+ra swa b+hA wa At+ma ko&haM/ zhes ma mo thugs kyi dbang thob par gyur cig trag rag+na mu tra e ka dza ti snying kha rag mo a nu rA ga badz+ra swa b+ha wa At+ma ko&haM/ ma mo yon tan gyi dbang thob par gyur cig trag rak+Sha mu tra e ka dza ti snying kha rag mo karma badz+ra swa b+ha wa At+ma ko&haM/ zhes ma mo phrin las kyi dbang thob par gyur cig/ so so'i rdzas kyis dbang bskur te// mi ldog brtan zhing thob par bya// gsang ba'i dbang bskur thob pa ni// ma mor snang ba rang gi sems// sems nyid ma bcos thig le'i ngang // sems la rang dbang thob pa na// chos kyi sku yi rang bzhin de/ khams gsum 'khor ba'i g.yul las rgyal// zhes bka' stsal to// spu gri ya ma'i rgyud las dbang gi le'u ste lnga pa'o// // de nas yang dpal pad+ma gar gyi dbang phyug gis/ mi 'da' ba'i ting nge 'dzin la snyoms par zhugs nas/ dam tshig gi gnad 'di ched du bka' stsal to// dam du bcas pa sdom pa ste// mi 'da' ba ste dam pa'i rigs// 'das na 'bras bu tshig pas na// dper na ta la mgo bcad bzhin// 'bras bu med cing rlag par 'gyur// dam tshig dang ni sdom pa la/ khyad par thun mong rnam pa gnyis// thun mong

  472. 236b

    'bum sde sa ma ya// bsdu na sum brgya drug cur 'dus// de yang rtsa ba yan lag gi/ dam tshig nyi shu rtsa brgyad do// bsdus pa sku gsung thugs yin no// bla med mi spang bla ma bkur// sngags dang phyag rgya rgyun mi gcad// gsang tshig gzhan du smra mi bya// dam tshig rdo rje mchog gsum po// ma mo'i sku gsung thugs yin te// dngos grub thams cad 'byung ba'i gzhi// yid bzhin dgos 'dod skong ba'i gter/ khyad par ma mo'i dam tshig ni// ma dang mo yi don rtogs nas// bzlas brjod bsnyen pa rgyun mi gcod// ting 'dzin rtse gcig brtan pa dang / rtag tu dam tshig bden pa dang // mchod tshogs gtor ma rgyun mi gcad// ma la rtag tu gdung ba bskyed// dam tshig sngags dang phyag rgya brten// rgyud kyi khungs dang sgrub pa'i gnas// bsgrub pa'i grogs dang gzungs ma dang // brda tshigs nam yang brjod mi bya// rtag tu dme nyams mkhon mi bya// dus bzhi rgyu ba'i gnas su bskang // zhes bka' stsal te/ spu gri ya ma'i rgyud las dam tshig gnad kyi le'u ste drug pa'o// // de nas bcom ldan 'das dpal pad+ma gar gyi dbang phyug gis/ dbang skyusgyusbyar thabs kyi ting nge 'dzin la snyoms par zhugs nas/ sgrub thabs kyi rim pa bka' stsal pa la ni/ ma mo bsnyen cing sgrub pa la// thabs ni rab 'bring tha ma gsum// rab kyis ting 'dzin brten te

  473. 237a

    bsgrubs// 'bring gis sngags la brten te bsgrubs// tha mas rdzas la brten te bsgrubs// rab kyi ting 'dzin brten bya ba// bskyed pa'i tshul dang rdzogs pa dang // rdzogs pa chen po'i ting 'dzin gsum// rim pa'i tshul gyis thob byas na/ shes rab ting 'dzin yo byad rten// yo byad gnyis dang ma ldan na// dngos grub thob pa'i thabs dang bral// yo byad gnyis la longs spyod na// ma mo'i dngos grub rang dbang byed// des na yo byad brtags par bya// bskyed pa'i ting 'dzin rim pa ni// de bzhin nyid dang kun snang rgyu// dbang chen yum lnga'i b+ha ga ru// b+han+d+ha 'bar ba'i gzhal yas bsgom// ro tshogs stong gi gdan steng du// lha mo bsnol ba'i khri steng na// chu srin ti ra nag mo ni// bzhi yi khri steng nyi zla bsam// smug nag dza yis 'phro 'du las// bud med smug mo chen mo gcig/ gser gyi spyan la g.yu yi smin// zhal bgrad dung gi mche ba gtsigs// sku stod zhing gi g.yang gzhi gsol// sku smad stag gi sham thabs can// klu rigs lngas ni sku la brgyan// thod pa tshar gsum se ral kha// dbu la bskal pa'i me dpung 'bar// spyan mig g.yas na khrag mtsho 'khyil// phyag g.yon b+han+d+ha rak+tas bkang // g.yas pa rdo rjes dkrug cing gsol// zhabs gnyis brkyang bskum dor thabs bgrad// bud med smug mo 'bum gyi bskor// ting nge 'dzin gyi

  474. 237b

    me gtong zhing / rim pas bsgom zhing brtan par bya// ye shes ma mo spyan drangs shing // las kyi ma mo dgug gzhug bstim// de yi mthu dang ldan bya ste// phrin las rnam bzhi dmigs dang sbyar// yongs na bar du gcod par 'gyur// ma yengs brtan na dngos grub 'grub// spu gri ya ma'i rgyud las bskyed pa'i ting nge 'dzin gyi le'u ste bdun pa'o// // de nas rdzogs pa'i ting nge 'dzin sgrub pa ni/ snying po tshig tsam brjod pa'am// dran rigs tsam gyis rdzogs pa ni// chu las chu bur rdol ba'i tshul// bud med smug mo go zu can// bka' stsal nod cing gam du 'ong // lus dang grib ma'i tshul du 'grogs// ma sring lta bur gdung ba la// bsgo ba nyan pa'i bran mor brtag spu gri ya ma'i rgyud las rdzogs pa'i ting nge 'dzin gyi le'u ste brgyad pa'o// // rdzogs chen ting 'dzin sgrub pa ni/ ting nge 'dzin la dbang thob pas// ma mo'i srog la rang dbang byed// sems dang ma mo gnyis med pas// sems nyid ma mo'i rnam par snang // yid bzhin nor bu'i gter 'chang bas// dgos 'dod rang la 'byung ba ltar// gzugs snang thams cad ma mo'i sku// sgra skad thams cad ma mo'i gsung // dran rigs thams cad ma mo'i thugs// skye med rdzogs pa'i stobs 'chang ba// longs spyod rang la rdzogs pa'i sku// sprul pa mi bzad 'dod dgur sbyar// sems kyi yon

  475. 238a

    tan ting 'dzin mdzod// dngos grub gang 'dod yid bzhin skong // spu gri ya ma'i rgyud las rdzogs chen ting nge 'dzin gyi le'u ste dgu pa'o// // 'bring gis gsang sngags brtan bya ba// ngan sngags drag sngags rnam pa gnyis// drag sngags la yang rnam gnyis te// gsad dang dmod pa'i drag sngags gnyis// ngan sngags la yang rnam gnyis te// sbyor ba phyi yi ngan sngags dang // sbyor ba nang gi ngan sngags gnyis// gang la dmigs pas de 'grub pas// gsang sngags rim pa de bstan pa// ma nor rtsa ba'i rgyu sngags ni/ dza smug gu'o// bskyed pa rkyen gyi sngags ni/ e ka dza ti ma hA kro d+ha hUM phaT/ dbang bskur ba'i sngags ni/ trag trag spyan drang ba'i sngags ni/ ma ma e ka dza ti a ra li/ dza dza hring hring / mchod pa'i sngags ni/ ma ma trag sha mu tra e ka dza ti i daM a mr-i ta ma hA li gr-ih+Na pU dza khA hi/ dngos grub blang ba'i sngags ni/ ma ma trag rak+Sha mu tra e ka dza ti kA ya sid+d+hi oM/ wak+ka sid+d+hi AHtsit+ta sid+d+hi hUM/ dam tshig gsum gyi sngags dang / phyag rgya la/ thod skam gyi phyag rgya bcas la/ oM badz+ra gu h+ya dr-i sh+ya sa ma ya hUM/ sku'i dam tshig go/ thod rlon gyi phyag rgya bcas la/ oM gu h+ya dr-i sh+ya sa ma ya ho/ thod tshal gyi phyag rgya bcas la/ oM gu h+ya dr-i sh+ya sa ma ya phaT/ thugs kyi dam chog go/ gsang ba'i drag sngags srog gi snying po nas drang ba/ ma ma trag

  476. 238b

    rak+Sha mu tra e ka dzA ti snying kha rag mo b+h+yo// dmod pa'i drag sngags las la bskul zhing rbad pa ni/ ma ma e ka dza ti sa ma ya snying la sen sen/ srog la yaM yaM/ snying rtsa ni rbad bam rol/ trag rak+Sha mu tra ni dgra la ya badz+ra b+han+na na b+h+yo/ gsad sngags la/ khA khA mA ra ya rak+ta phyung phyung ma hA e ka dza ti/ kro d+ha ma hUM phaT/ thun sgrub pa'i sngags la/ ma ma rak+Sha kha ram myos// srog rtsa rbad tsit+ta long rak+ta thun ma ma/ rak+ta tsa mur+thi/ snying khrag rag khra rag thun thun yA ma ya b+h+yo/ thun brdeg pa'i sngags la/ trag rak+ka mA ya mA ya ma snying kha rag tshal pa srog la thun b+h+yo/ phrin las bzhi'i sngags la/ ma trag rak+ka mu tra e ka dza ti snying la rag mo shAn ting ku ru swA hA/ tshe dang bsod nams rgyas pa'i sngags la/ ma ma trag mu tra e ka dza ti snying kha rag ma/ pu tra A yuHpha la sid+d+hi hUM/ log par blta ba dbang du bsdu ba'i sngags la/ ma ma trag rak+Sha mu tra e ka dza ti snying kha rag ma ba shaM ru ku swA hA/ lha 'dre thams cad dbang du bya ba'i sngags la/ ma ma trag rak+Sha mu tra e ka dza ti snying kha rag ma/ badz+ra dun b+h+yo/ ti ka na dza dza sa ma ya s+t+waM/ gzhan gyi rig sngags bzlog pa'i sngags la/ ma ma trag rak+Sha mu tra e ka dza ti snying kha rag mo man+ta ka la yak+sha zlog bdud nag po bkrag med bzlog pa'i sngags la/ yak+ka pA la ha na ha na hUM phaT/ dmu bdud nag po bzlog pa'i sngags la/ b+he ba sa twa ye ha na ha na

  477. 239a

    hUM phaT/ klu bdud nag po bzlog pa'i sngags la/ na ga ha ti nan pa ling pa ku ru ling ma ting sod/ gnod sbyin nag mo bzlog pa'i sngags la/ ma mo dun dun bzlog yag sha mo dun dun bzlog snying kha rag dun bzlog sbyor ba phyi yi ngan sngags la// dud mo phrom dkar phrom shu ri phrom/ yug ti smin/ trag du tsa ra hril b+h+yo/ tr-i tr-i hril b+h+yo// ltas ngan dbab pa'i ngan sngags la// trag he he ma ma dun tse la/ kang ke/ bri la dun tse la/ kyang ging pho ba ya yam ling sha ma ling mi sha dun dza/ pho ba ya 'ur 'ur trab trab thib thib kying kying / dun dun phob la/ tsi bi li rur yag shi du du bri la dun phob la/ sbyor ba nang gi ngan sngags la// ma ma trag rak+ta kha mun tra/ mu tra e ka dza ti snying kha rag ma b+h+yo// trag rak+Sha sa ma ya dgra bo'i snying ling rgud// s+phu gri ya ma'i rgyud las snying po'i sngags kyi le'u ste bcu pa'o// // tha ma rdzas la brten bya ba// pho sgrub 'khor lo la brten bsgrub// mo sgrub 'khor ba'i khrag la bsgrub// drag sngags nyung dkar brten la bsgrub// pho sgrub 'khor lo brten bya ba// dbang chen yab kyi 'khor lo dang // las byed ging gi 'khor lo gnyis// dbang chen yab kyi 'khor lo ni// zhing chen gsar pa'i g.yang gzhi la// dug dang rme khrag sbyar byas te// mi rkang mchog gi smyu gus bri// dbyibs ni zla ba nya lta bu// kun nas yongs su zlum pa

  478. 239b

    la// rim pa gsum dang ldan par bri// dbus su gru gsum zla gam gsum// de yi phyi rim thig skor ba// 'khor lo'i re'u mig bcu pa bri// gru gsum dbus su pad+ma bris// zla gam gsum la ma ma hA// de yi phyi rim rtsibs bcu la// da ra hri zhes bya ba dang / pad+ma shrI he ru ka a/ zhes bya ba bcu po bri/ thig skor rim pa gnyis pa la// 'khor lo'i rtsibs ni bcu pa'i nang // hrI pad+ma na ta kr-ita ces pa dang / e ka dza ti zhes pa ni/ thig skor rim pa gsum pa la/ hu lu hu lu hUM phaT/ ces bskor/ dmar nag 'jigs pa'i gzugs byas te// dbu lnga rta mchog mdzes par bya// bskal pa'i me dpung klong dkyil na// gyad kyi dor thabs brjid par bskor// sku gsung thugs su byin gyis brlabs// ye shes lnga ru dbang bskur ro// yab kyi 'khor lo steng du dgab// gong du bsnyen pa rdzogs byas la// dus bzhir yab kyi 'khor lo ni// dbang du bsdu zhing las la bzung // rtag tu yab kyi 'khor lo bcangs// gang dmigs las rnams ma 'grub na// yab kyi 'khor lo gyen la bstan// gru gsum dbus su khrag thun bzhag/ yab kyi 'khor lo go yang bzlog/ dpal gyi gdangs skad zang gsum gyis// dbang du dgug gzhug zil gyis mnan// phrin las zhi khro dmigs dang sbyar// spu gri ya ma'i rgyud las yab kyi 'khor lo'i le'u ste bcu gcig

  479. 240a

    pa'o// // las byed ging gi 'khor lo ni// sgrol ging bdag po ma ru tse// sbyor sgrol las kyi dbang po ste// dkyil 'khor gru gsum tha ma ru// sa bdag rgyal po'i snying sogs dgu// gang la bya ba'i ming rus bcas// mi zad mtshon cha'i 'khor lo bskor// ging chen gsad pa ldog med kyi// srog gi yang snying 'bru brgyad pa// skra gri 'bar ba'i drag sngags yin// oM badz+ra ging tsa tsa ra yam shwa b+h+yo// skya rengs dang po shar ba dang // nyi ma'i zer la drag tu bzlas// kun gzhi rtsa yi drag sngags dang // dbang po lnga yi sgrol sngags brgyad// mtshon cha'i 'khor lo bskor zhing bsad// spu gri'i 'bar ba'i sgrol sngags brgyad// 'di brgyad ging gi reg chod yin// oM badz+ra thib du d+ha ra ya thib rbad/ su rak+Sha thib su ti d+ha ra thib/ oM badz+ra tshub ril rbad/ pra ti mu tsakra d+ha ra rbad/ oM badz+ra d+ha ra ldibs/ oM badz+ra snying mgo chod/ kha la mu la dan ti d+ha ra ya ma ra du rbad/ snying dang ling+gar bcas pa la// 'bar ba'i 'khor lo char par dbab// phung po rdul du bshig nas kyang // ging chen tshogs kyis rol par bya// rnam shes rgyal ba'i sras su brlab// spu gri ya ma'i rgyud las ging mtshon cha'i 'khor lo'i le'u ste bcu gnyis pa'o// // mo sgrub khrag la brten bya ba// dus bzhi rgyu ba'i sa phyogs su// dkyil 'khor mda' gang gru bzhi la/ bdud rtsi

  480. 240b

    sna lnga'i chag chag gdab// gsang ba mchog gi dkyil 'khor ni// dbus kyi gru gsum thur du bru// sor gnyis 'phang du gyen la bstod// dur khrod sol bas nag por bya// zla gam dmar po gsum gyis bskor// mu khyud dkar po zod phreng dmar// gru chad bzhi ni ljang gur bya// bar khyams rnams su ser po la// sgo bzhi phyogs kyi rigs dang sbyar// dbus kyi gru gsum he zhal du// 'dod chags rang shes thod par ni/ khyi smug mo dang lug smug mo// ra spug mo dang bya smug mo// spug mo bzhi yi snying khrag bstsal// dar smug po yi gur khang dbub// bar khyams sgo bzhir 'brub khung bzhi// drag po'i thod par thun bzhi bca'// shar du ra smug snying khrag thun// lho ru khyi smug snying khrag thun// nub tu lug spug snying khrag thun// byang du bya smug snying khrag thun// nyung dkar nyung nag ske tshe dang // shang tshe bzhi la bsngags shing blug/ dkyil 'khor lcags ri'i sgo bzhi ru// sman dang rak+ta gtor ma bzhag/ byang sgor ma mo brten pa'i rdzas// zangs sam 'khar ba'i gzhong pa ru// spug mo bzhi yi khrag mtsho bskyil// smug mo bzhi yi khrag gi ni// ram bu'i phye la spras pa yi// dpal bshos zur gsum khru gang tshad// seng ldeng phur pa khru gang la// bud med smug mo'i dbang po lnga// skra dang so dang sen mo la// gang la bya ba'i gson thun dbab// 'bur

  481. 241a

    ram ris su byas pa yi// ma mo sku yi gzugs brnyan la// snying po srog gi snying po bris/ khrag gi zhu mar sku yi mdangs// ma mo'i gzugs brnyan khrag mtshor dbyung // gang dmigs gzugs mdangs khrag gi thun// gzugs la lcags thag zangs thag gdags// lcags dang zangs kyi phur bus brtos// spyi thun dril dang sgos thun gtor// thun dbab dngos dang phyogs su 'phangs// spu gri ya ma'i rgyud las ma mo khrag la bsten pa'i le'u ste bcu gsum pa'o// // drag sngags nyung dkar la brten bya// nyung dkar rgyal po sngags kyi mda'// sna tshogs dug gi khu ba nas// sngags kyi mda' mchog dbyung bar bya// shes rab pad+ma'i tshal chen gyis// zhe sdang srin mor dbang bskur nas// rgyud du gnag pa rtse gcig bya// bsnyen pa mngon du rdzogs pa dang // gang la bya ba'i snying dkyil du// snying po yi ge nr-i bsam la// drag sngags 'dis ni brdeg par bya// ma ma trag rak+Sha kha mun tra e ka dza ti snying kha rag mo b+h+yo/ ma ma trag rak+Sha sa ma ya/ dgra bo'i snying ling rgud// yang na snying dkyil nr-i bsam la// drag sngags 'dis ni brdeg par bya// trag rak+Sha mu trag e ka dza ti snying kha rag mo b+h+yo/ ya ma du snying khrag dgra bo mA ra ya nr-i sha ku ru/ kha so ba tri yaM/ dus ma son sen yaM/ dgra bo'i srog rtsa la ma ya/ kha 'og par na gnas pa yi// srid pa gsum

  482. 241b

    yang rlag par nges// spu gri ya ma'i rgyud las drag sngags nyung dkar la brten pa'i le'u ste bcu bzhi pa'o// // de nas dpal pad+ma gar gyi dbang phyug gis/ phyi nang gsang ba rnam pa gsum// ngan thabs rnam gsum bka' stsal pa// snrel gri mo yi thod pa ru// sgron mo nyid kyi maN+Dal bri// drag po'i snod du thun bzhi bca'// dbus su snying thun nyid la bsdu// mtha' ma ngan thabs rnam pa gsum// 'dod chags bya la thun zozer bya// zhe sdang khyi la sbyin bsreg bya// gti mug tsa ra dag la mnan// phur pas gdab cing khrag thun brdeg/ phyed phyar phyed ni chu la gtor// snying khrag dug sna ming byang bsreg/ sngags brjod klu bdag gnyen sar mnan// skye tshe snying sna khrag sna dug/ sog pa ming byang tsit+ta yang // ske la bskon la dgra sar bskul// rgyun du bla rdo lug la bya// sngags la phyi nang gsang ba gsum// de la phyi ltar bzlas pa ni// trag rak+ta kha mun tra e ka dza ti snying kha rag ma b+h+yo/ thog mtha' thag dang b+h+yo yis so// bar na bco lnga 'bru gnas pa// ma cig ma yi yang snying ngo // ma trag rak+Sha mu tra e ka dza ti snying kha rag ma b+h+yo/ thog mtha' ma dang b+ho yis so// bar na bcu bzhi'i 'bru gnas pa/ nang ltar bzlas pa'i yang snying yin// trag rak+Sha mu tra e ka dza ti snying kha rag ma b+h+yo// thog mtha' trag dang b+h+yo yis so// bar na bcu gnyis 'bru gnas pa// gsang bar

  483. 242a

    bzlas pa'i yang snying yin// phyi nang gsang ba yang snying la// mjug tu bsreg na swA hA sbyor// 'phang na mjug tu thun b+h+yos sbyor// mjug tu mnan pa nan gyis sbyor// phrin las bcol dang srog las drang // mchod pa dbul dang zor thun dril// bzhi ru dril te mnan bsreg 'phang // lug smug mo yi snying nang du// smug mo gsum gyi snying khrag dang // gang la bya ba'i ming dang rus// nyung dkar nyung nag skye tshe dang // sha chen rnams ni blug par bya// ma gcig ma yi yang snying ni// le brgan dar la gril la stsal// mthing nag dar gyi nang du btums// rgyun du bla rdo lus la bcangs// sngags bzlas tshad du phyin par bya// mi bsad lcags phur sor brgyad la/ khrag sna bdun la srog snying bzlas// mgar ba sha mdog nag po dang / khro gtum che ba'i dpral bar gdags// trag ces pas dbang yang bskur// ma mor mnga' gsol rgyun sngags bzlas// rtse gcig gnag pa'i 'phro 'du bya// spu gri ya ma'i rgyud las phyi nang gsang ba rnam pa gsum// ngan thabs gsum du dril ba'i le'u ste bco lnga pa'o// // de nas bcom ldan 'das dpal pad+ma gar gyi dbang phyug gis/ grub pa'i rtags tshad bstan pa ni/ mngon shes 'phrul gyi me long 'di// rtags la rnam pa gsum du bstan// rmi lam nyams dang mngon sum du// bud med smug mo 'ong ba

  484. 242b

    dang // 'od dang mtshon char 'ong ba dang // sbyor kha'i rtags ni thun la 'ong // mtshan ma'i rnam pa gang byung yang // dam tshig sngags dang phyag rgya bstan// bar chod yin na rtags mi bzod// 'od ni dkar zhing gsal ba dang // dmar zhing gdangs la chen bzang // smug nag mog por byung ba ni// sngags pa lam log dam nyams yin// mog por byung na bshags pa bya// gsad pa'i rtags ni mtshon cha ste/ kha gas so chag rtsan la ngan// mtshon cha me 'bar 'od 'phro dang // thogs pa med par gcod na bzang // thun gyi rtags mtshan bstan pa ni// b+han+d+ha'i rak+ta khol na bzang // dri zhim mnam zhing 'phel na bzang // lbu ba sob mor byung na ngan// dri mi zhim zhing nyung na ngan// dam tshig nyams na bskang bshags bya// rtags kyi rnam pa gang byung yang // dam tshig bsre zhing dngos grub blangs// gsang zhing yid la brnag par bya// dbang chen bsgom zhing dbang du bsdu// nyams kyi phyag rgya rang don brtan// bab tshol ral chod spyad nyes na// long ba ri mo mkhan dang 'dra// tshe chad rang gi gnyen por 'gyur// de bas nyams kyi phyag rgya bstan// rtswa gr-i ya ma'i rgyud las mtshan rtags kyi le'u ste bcu drug pa'o// // de nas bcom ldan 'das dpal pad+ma gar gyi dbang phyug gis/ sngags kyi 'khor lo bskor ba dang / bzlas lugs rim pa bka' stsal

  485. 243a

    pa// dbang chen yab kyi thugs ka nas// tsit+ta rin chen ga'u ru// a las zla ba'i dkyil 'khor bsam// de dkyil hUM la snying pos bskor// pad+ma ma da hri// pad+ma shrI he ru ka a/ yab kyi 'khor lo g.yas su bskor// hrI pad+ma ta kr-ita ha ya grI ba hUM/ e ka dza ti ru lu hu lu hUM phaT/ yab kyi mtha' ma las sngags bskor// gser gyi ba thag bzhin du spro// yum gyi tsit+ta ga'u ru// ma las nyi ma'i dkyil 'khor bsam// nyi dkyil trag la snying pos bskor// ma ma trag rak+Sha mu tra e ka dza ti/ snying kha rag ma b+h+yo// yum gyi 'khor lo g.yon du bskor// de yi phyi rim rbad pa'i sngags// tha ma bsad pa'i sngags kyi bskor// 'od zer lcags kyu lta bur bskor// srod la srog gi snying po ni// dge 'dun grong du 'du ba'i tshul// 'od dang bud med mtshon char 'ong // nam gung rbad pa'i snying po ni// rlung nag 'tshubs ma'i tshul du bzlas// snang ma mo 'khrug na bzang // tho rangs gsad pa'i snying po ni// khra sbrang gzan la rub pa'i tshul// gsad bcad mang po byed pa dang // sha chang mang po byed na bzang // yab kyi 'khor lo g.yas su bskor// yum gyi 'khor lo g.yon du bskor// gnyis su med pa 'phro 'du bya/ spu gri ya ma'i rgyud las bzlas lugs 'khor lo bskor ba'i le'u ste bcu bdun pa'o// // de nas bcom ldan 'das dpal pad+ma gar gyi dbang phyug

  486. 243b

    gis/ thabs dang shes rab gnyis med pas// rgyal ba yab dang sdebs pa dang // las mkhan ging dang sdebs pa dang // rgyal ba yab dang sdebs pa ni// yab ni byin che bkra shis shing // dbang du bsdu zhing byang chub thob// yum gyi rno zhing myur ba dang // bkrag zer che zhing nye bas na// yab yum gnyis med sgrub pa'i thabs// dkyil 'khor phrin las rnam pa bzhi// dbus kyi e las a dang ma// g.yas su a las zla dkyil te// hrIHlas pad+ma dbang chen ni// dbu la rta mgo 'jigs pa'i gzugs// dmar nag gyad kyi dor stabs can// mi bzad 'bar ba'i sku ru skyed// g.yon du ma las nyi dkyil steng // trag las e ka dza ti ma// dmar mo zhal gcig phyag gnyis pa// g.yas pa rdo rje g.yon pa na// b+han+d+ha rak+tas bkang ba bskyed// ye shes dkyil 'khor spyan drangs shing // gnyis med bstim zhing brtan par bya// phyag 'tshal mchod cing dgyes pa bstod// yab yum bsnyen cing bsgrub pa'i sngags// thog mtha' oM dang A yis so// bar na bcu gsum 'bru gnas pa// dbang chen yab kyi bsnyen pa yin// 'bru brgyad me dang phas kyis so// e ka dza ti'i bsnyen pa yin// yab yum bsgrub pa'i snying po ni// thog mtha' hrIHdang phaT kyis so// bar na bcu bdun 'bru gnas pa// bsgrub cing las su rung bar bya// phrin las rnam bzhi dmigs dang

  487. 244a

    sbyar// sgra gri ya ma'i rgyud las rgyal ba yab dang sdebs pa'i le'u ste bco brgyad pa'o// // las mkhan ging dang sdebs pa dang // pho sham mo la gdags pa dang // mo sham pho la gdags pa ni// rno la ngar gcig blud pa yin// gdug pa'i dpal gcig dbyung ba yin// dkyil 'khor las ni he zhal la// g.yas su a las zla ba'i steng // hrIHlas sgrol ging bdag po bskyed// g.yon du ma las nyi ma'i steng // trag las grol ging bdag mo bskyed// sku mkhar khu le rtse dgu la// dkar po gsum gyi snying srog dang // rin chen sna tshogs dar zab gdags// zla ba'i dkyil 'khor steng du dgod// mdangs ldan rma bya'i rgyal mtshan dang // smug mo gsum gyi snying srog bcas// g.yab dar dmar nag rin chen rnams// nyi ma'i dkyil 'khor steng du dgod// bdag nyid dpal chen skur bsgom la// srog gi snying po rgyun du zlas// trag rakrA mu tra e ka dza ti snying kha rag ma b+h+yo/ ma mo'i srog gi snying po'o// oM badz+ra gi tso ra yaM shA b+h+yo// sgol ging bdag po'i snying po'o// las kyi sbyor kha thun 'di bca'// snrel gri mo yi thod pa ru// 'dod chags srin mo'i mngal khrag dang // zhe sdang khyi yi snying khrag dang // gti mug bam gyi snying khrag bsags// le brgan dar gyi kha bcad la// thal chen rgyas gdab g.yung drung bri// tsit+ta dbyung ba'i sngags 'di

  488. 244b

    bzlas// trag rak+kha kha mun tra e ka dza ti snying kha rag ma b+h+yo/ trag rak+Sha sa ma ya dgra bo'i snying ling rgud// des ni tsit+ta dngos su 'byung // gsad cing gnan pa'i sbyor ba bya// bsgrub pa'i dkyil 'khor byang shar du// drag po e yi dkyil 'khor la// ging gi bsad pa'i 'khor lo bca'// yi dwags gos sam zhing lpags la// 'khor lo rim pa gsum ldan pa// thig bzhi btab pas ling tse brgyad// dbus kyi ling tse gru gsum la// gang la dmigs pa'i don ming bzhag/ nang rim phyogs mtshams ling tse brgyad// srog gi snying po 'bru brgyad bri// oM badz+ra ging tsA ra yaM shwa b+h+yo// phyi rim phyogs mtshams ling tse la// bsad pa'i drag sngags 'di brgyad bri/ oM badz+ra thibs du rbad/ d+ha ra mu libs rbad/ su rak+Sha thibs/ phra ti d+ha ra thibs// oM badz+ra tshub ri la rbad// phra ti pu tsag du ra rbad/ oM badz+ra d+ha ra ldibs/ oM badz+ra snying mgo chod/ kha la mu li dan ti d+ha ra ya ma ra du drud/ de yi phyir rim mtshon chas bskor// zo rangs nam gyi cha smad la// nyi ma'i rtse la sbyor ba bya// ling+ga 'khor lo bcas pa de// shugs 'chang gser mdog zod par stsal// 'byung po 'dus pa'i khyim du sba// spu gri ya ma'i rgyud las mkhan ging dang sdebs pa'i le'u ste bcu dgu pa'o// // de nas gar gyi dbang phyug gis// bsnyen bsgrub las kyi sbyor kha'i tshe// thugs dam

  489. 245a

    gnad nas bskul ba bstan// bsnyen pa'i dus su bskul ba ni// hUM/ dad pa dang ni dam tshig gis// tshur byon tshur gshegs lha mo khyod/ khyad par mdzes pa'i sku lus la// shin tu mdzes pa'i rgyan gyis bklubs// thugs ni sna tshogs cir yang ston// mdzad pa'i cha lugs sangs rgyas 'dra// lta ba'i 'phang ni nam mkha' 'dra// sku yi yon tan bsam mi khyab// dgongs pa'i bye brag ji snyed pa/ khyung chen mkha' la lding ba bzhin// thugs rje'i rlabs kyis snang srid rlob// g.yas kyi gshog pa gdengs pa yis// ye shes rdo rje rtse dgus 'bar// g.yon gyi gshog pa phyar ba yis// ma mo las byed bcu drug 'char// rlabs kyis 'dzam gling khyab par gcod// dge sdig gnyis kyi skul ma 'debs// srid pa gsum gyi bdud gcod ma// rA tra nag po'i srog len ma// e ka dza ti ra la gcig ma// dbu yi ral pa se yan can// ra la gcig gnam la yar brkyang bas// steng gi lha rnams kun 'dul ma// ral gcig sa la mar brkyang bas// sa bdag klu srin kun 'dul ma// lag na zangs lcags phor thogs ma// zangs zor dmar po chems se chem// bstan pa gnyen la dgra dar gyis// bstan pa bsrung ba'i mthu mo che// srog gi snying pos gnas nas spyan drangs na// rak+ta dmar gyi gtor ma 'di gsol la// thugs dam rgyud bskul bcol ba'i phrin

  490. 245b

    las mdzod// bsgrub pa'i dus su bskul ba ni// e ka dza ti nam mkha'i go zu can// thor tshugs 'bar ba'i spyan gcig ral gcig ma// dmar nag 'bar ba e yi klong dkyil na// kro d+hI shwa rI'i yum gyi b+ha ga'i kloslong // gdug pa 'dul phyir 'jigs pa'i sku byung ba// ral gcig rgya mtsho khrag gi me 'bar ma// thor cog gcig bcings spyan mig dmar la ser// rgya mtsho chen po'i klong nas me 'bar te// ri rab zom 'dzin klu rgyal sbyor chen mo// chu gri brgya yis brang gi dngos gtams shing // lcags kyu brgya phrag dgra snying 'dren mdzad ma// thugs dam rgyud bskul bcol ba'i phrin las mdzod// dza dza rak+Sha mu tra dgra la ya/ snying la ki li ma ti ya/ ma ma rak+ta ru tra rbad rgud// phrin las sbyor khar bskul ba ni/ e ka dza ti gu ya gsang ba'i yum// sku ni pad+ma rA ga'i mdog/ ro tshogs mang po bsnol ba'i gdan steng na// ti ra nag po bsnol ba'i gdan la bzhugs// chibs su chu srin nag mo chibs// sku la chu srin yang gzhi gsol// klu rgyal rigs lngas sku la brgyan// nyi zla'i zod zabs bcings pa dbu yi rgyan// dbu la me yi ral pa dmar po 'phro// ral pa bskal pa'i me 'bar lams se lam// sder mo rno dpal rgyud drug thabs kyis sgrol// spyan mig g.yas la khrag mtsho 'khyil// phyag g.yon dung chen dmar gyi bkang ba la// phyag g.yas rdo

  491. 246a

    rjes dkrug cing gsol// dmar gyi ar+g+ha 'di gsol la// thugs dam rgyud bskul bcol ba'i phrin las mdzod// e ka dza ti a ra li dza/ khyod kyi thugs dam sprul pa chen mo ni// srid mo gar gyi dbang phyug ma// sku ni rak+ta'i khro mo la/ khro mo rak+ta dza mun ti/ rak+ta'i khro mo dbu gsum spyan dgu ma// mche ba drug gtsigs zhal ni gnyer// phyag dang zhabs ni cir mi gsal// srog rtsa dbugs dang snying la 'dzum// dbu la rak+ta 'khrug pa'i lan phran las// rak+ta 'khrug pa'i khro mo 'bum 'bum 'phro// sku yi ba s+phu nyag re las// rak+ta khrag gi wa mo re/ khrag gi wa mo lce brgyad ma// dam nyams rnams kyi snying khrag 'thung // snyan nas rak+ta'i 'bru ldir ma// spyan nas rak+ta'i chu 'bab ma// shangs nas rak+ta'i rlung 'tshubs ma// zhal nas rak+ta'i me 'bar ma// gzigs ni khrag mtsho'i dbus na gzigs// mdzad ni srog gi dbang po 'phrog/ dmar gyi gtor ma 'di gsol la// thugs dam rgyud bskul bcol ba'i phrin las mdzod// ma ma rak+Sha dun dun snying la dza dza b+h+yo/ las byed ma mo bskul bar bya// srod la nag mo'i sbubs su zhugs// sku ni nag mo chen mo la// sprin nag ral pa'i thod gdengs can// sku la char sprin nag mo gyon// bdud kyi g.yang gzhi ya bas bskor/ khyod kyi lag pa g.yon pa ni// b+han+d+ha khrag gi bkang ba gsol/ khyod

  492. 246b

    kyi lag pa g.yas pa na// bdud kyi bsgral rus thod pa 'chang // sa la brdab cing rdung ba'i tshul// nr-i ti ra nag mo dza dza nan nan/ gung la dmar mo'i dbus su zhugs// sku ni pad+ma rA ga'i mdog/ sha khrag dmar gyi rjes gcod ma// srid pa gsum gyi sha za ma// srid pa gsum gyi khrag 'thung ma// ci tsam zos kyang 'grangs pa med// dgra bo'i sha khrag za ru byon// ma ra dmar mo nan nan// nam phyed mthing ga'i sbubs su zhugs// sbrul nag 'bum gyi thod gdengs can// sbrul nag stong gi snyan cha can// rigs lngas sku la brgyan pa ni// lag pa g.yas pa'i gung mo la// dkar khra gsum gyis phyin ka log/ rkang pa g.yon pa'i mthe bong la// nag khra gsum gyis nang ka log/ lag pa dgu tshigs 'khor lo yis// rgya mtsho'i gting du phyag byugs pas// klu chen brgyad ni gdan du 'ding // klu srin nag mo zas su za// dmar gyi ar+g+ha 'di gsol la// thugs dam rgyud bskul bcol ba'i phrin las mdzod// tho rangs ser mo'i sbubs su zhugs// sku ni gser gyi kha dog la// spyan yang gser gyi thu lum 'dra// phyag na gser gyi zor ba bsnams// gser ral ser mo sprugs pa yis// gser thog 'bar ba'i 'od zer gyis// dgra bo'i snying la thun 'bebs ma// ma ma ha ti nan/ sa bdag kum pa la/ dgra bo zhig thun thun/ khyed ni bdud kyi bu mo bzhi// dmar gyi ar+g+ha

  493. 247a

    'di gsol la// thugs dam rgyud bskul bcol ba'i phrin las mdzod// snying dang srog rtsa mkhal ma dang // glo ba nang khrol gang yang rung / khrag dang sen mo so dang sgra// mi bla sbrang tsam khug la shog/ mi bla sbrang tsam ma khugs na// rang gi gnas kyang zhig ta re// nyin mo dkar mo'i sbubs su zhugs// sku ni dung gi kha dog la// dbu la dung gi thor tshugs can// phyag na dung gi 'khor lo bsnams/ khros te gnyen por mngags pa'i tshe// dung gi 'khor lo bskor ba yis// tshangs rigs lha yi gnas ris 'joms// tshang rigs thams cad rdul du rlog/ ma hA yak+ka se na ha na nr-i nan/ dpral ba de ni mig gcig ma// ye shes 'bar ba'i spyan gcig ma// rgyab na de ni gshog gcig ma// 'jig rten 'byor ba'i gshog gcig ma// dbu la de ni ral gcig ma// stong khams dbang sdud ral gcig ma// zhal na de ni tshems gcig ma// skye shi rtsad bcod tshems gcig ma// brang na de ni nub gcig ma// bdud rtsi char 'bebs nub gcig ma// dbu yi ba spu nyag re la// gnam lcags thog gi bu yug 'tshub// dbu rgyan byu ru'i mchod rten la// gser gyi dril phran 'bum gyis brgyan// gnam phyed gos su gyon pas yang bas bskor// sa phyed gdan du bting pas gting za sbags// cer cer bltas pas stong gsum bsreg/ snying dang srog rtsa glo snying

  494. 247b

    dang // bgegs kyi snying khrag kha nas skyugs// yag mo yag mo kro tI shwa rI thun thun/ ru ru tsa la tsa le/ mgo la tsa le/ snying khrag thog la khA hi/ snying dang srog rtsa glo snying dang // mchin pa nang khrol khug la shog/ mi bla sbrang tsam khug la shog/ da ni bdud kyi chung ma bzhi// dmar gyi ar+g+ha 'di gsol la// thugs dam rgyud bskul bcol ba'i phrin las mdzod// pa ta ta thun/ dgun gyi rgyal mor gshegs pa'i tshe// me za brag gyon rgya mtsho'i gting na nyal/ khyod ni sa bdag dgu bskor chung ma yin// thugs dam rgyud bskul bcol ba'i phrin las mdzod// sa pa ra ti pa tig thun thun/ dpyid kyi rgyal mor gshegs pa'i tshe// na bza' sprin dkar go zu la// tha ma rlung dmar 'tshubs mas bskor// zas su glo snying nang khrol za/ khyod ni tsang kun nag mo'i chung ma ste// thugs dam rgyud bskul bcol ba'i phrin las mdzod// te ba te ba ti la pra ra ba te thun thun/ dbyar gyi rgyal mor gshegs pa'i tshe// gos su 'ja' sprin spel ma gyon// zas su me tog sna tshogs za/ khyod ni sa bdag hal khyi'i chung ma yin// thugs dam rgyud bskul bcol ba'i phrin las mdzod// na mo rat+na tra yA ya/ badz+ra kro tI ni thun thun/ ston gyi rgyal mor gshegs pa'i tshe// gos su gshin rje'i g.yang gzhi gyon// zas su 'bru dang lo thog za/ khyod ni the se'i chung ma yin// thugs dam rgyud bskul

  495. 248a

    bcol ba'i phrin las mdzod/ khyod ni bdud kyi pho nya bzhi// dmar gyi ar+g+ha 'di gsol la// snying dang srog rtsa mkhal ma dang // glo snying nang grol gang yang rung // skra dang so dang sen mo dang // mi bla sbrang tsam khug la shog/ bla sha re ma hi 'grim 'grim// sha ra ma ti thul thul/ myos myos yid yed/ sha ra ma ti gug ling / myos ling sha ling pa dum/ tsa mun tri b+h+yo/ bla 'gugs spyir dgug pa'i sngags so// srog dgug pa'i sngags la/ tsit+ta ni ga sha na sa la/ dza kra ka tri pa khug shig glo snying nang grol dgug pa'i sngags la/ dzo li tsa mun Ta Ta/ nr-i tri shi shi nu rbud/ khrag dgug pa'i sngags la/ rak+ta tsag kra de ba ni shig thum thum/ rgud rgud thum thum rgud rgud/ so dang ser mo skra dgug pa'i sngags la// da yi mi rna sad ka pa li si na/ zin gyi ni gi rbad thum du khug cig/ che ge mo'i mgo bo khos shig/ lus skoms shig sgo'i nor dang phrol cig/ skra phyi zhig las kyi rlung dmar gyis rgyab nas phul cig/ 'jigs pa'i mun nag gis mdun nas sus shig/ khro bo lag gsum pos snying nas drongs shig/ las bye ma'i ri rdibs pa bzhin zong zhig snying ardza ka yi dog pa bzhin du khos shig/ mgo pad+ma bzhin khos shig snying khrag kha nas skyugs shig don snying khong nas phyung zhig kha so sil bur lhogs shig mig 'bras thang la phyung zhig dam tshig gi

  496. 248b

    dmod pas sdigs shig dpal gyi chad pa chod cig spu gri ya ma'i rgyud las thugs dam gnad nas bskul ba dang / dam tshig dmod pa'i le'u ste nyi shu pa'o// // de nas gar gyi dbang phyug gis// tshe dang bsod nams sgrub pa dang // rigs brgyud spel bar bka' stsal pa// btsan phyug 'phan dar thod pa la// gangs chu tsan+dan chus bkrus la// mtshan ldan bu mo gzhon nu yi// nu zho mtshal dang thig ler sbyar// yum dang tshe yi snying po bri// rdo rje tshe dang snying por bcas// gsang sngags 'dis ni brtan par bya// A yuHpha la sid+d+hi hUM/ bar bar tshe yi lha mo bskul// in+d+ra ni la pad+ma tshe yi yum// sku mdog pad+ma rA ga'i mdog/ ral pa dkar po g.yas nas g.yon du 'khyil// phyag na rin chen bum pa 'dzin// tshe srog kun la dbang byed ma// mthu chen dregs pa'i las gnas tshe drongs la// skal ldan rigs kyi bu la dbang gcig skur// gzi byin mthu dang rdzu 'phrul dngos grub stsol// nI b+hUM dza A yu She a/ tshe dang bsod nams gang 'dod la// dbang bskur byin brlab brtan mar bya// gnas chen gsum du thig le gdab// ti ra 'phel byed rtag tu bcang // spu gri ya ma'i rgyud las tshe dang bsod nams 'phel ba'i le'u ste nyi shu rtsa gcig pa'o// // de nas gar gyi dbang phyug gis// nyams pa bskang ba'i lung bstan pa// zangs sam bse yi gzhong pa

  497. 249a

    @ru// smug mo gsum gyi snying khrag bsgril// ram bu'i lha bshos sum brtsegs la// ri rab chen por byin gyis brlabs// ri rab phyogs bzhis smug mo bzhi// shar du ra spug dgu yi gzugs// lho ru khyi smug dgu yi gzugs// nub tu lug smug dgu yi gzugs// byang du byang sdug dgu yi gzugs// phyogs bzhir gling bzhi'i rgyal mo bzhi// lag tu ba dan rin po che// ngar glud brgya brgya bzhi brgyas bskor// ri rab zom la smug nag dgur// rtse la rma bya'i rgyal mtshan bsnams// gur nag bud med spug mo la// mchong gi le'u ga'u gyon par bya// bang rim par dang tha ma ru// bud med smug mo 'bum gyis bskor// sna tshogs snying dang dar snas brgyan// thig le dkar dmar me long bcas// smug mo bzhi yi mdangs kyis bskor// dgu'am bdun gyi bar du bsnyen// gso gsad skong bzlog dmigs dang sbyar// ma gcig ma la bzhugs gsol gdab// las zin dgra phyogs b+h+yos btab na// gang dmigs de 'grub gdon mi za// spu gri ya ma'i rgyud la nyams na zlog pa'i le'u ste nyi shu rtsa gnyis pa'o// // de nas gar gyi dbang phyug gis// ci ltar bsnyen cing bsgrub byas kyang // ma 'grub gnad la dbab pa bstan// bdag nyid dbang chen skur bsgoms te// ma mo'i sku bskyed gdan du gting // gdan gyi snying khrag zhal du

  498. 249b

    rngub// lce yi steng du mkhas pas bzhag/ gsang sngags 'dis ni gnad la dbab// hrIHpad+ma ta krita ha ya grI ba trag rak+Sha mu tra e ka dza ti snying kha rag ma mu tsit+ta tra ta phaT nan/ hu lu hu lu hUM phaT/ che ba'i nga rgyal 'di skad bskyed// nga ni sangs rgyas kun gyi yab// nga ni bde gshegs kun gyi gtso// nga ni gshin rje kun gyi gshed// nga ni ma mo kun gyi yab// nga ni dur khrod nyid sha can// nga ni bdud kyi bdud chen po// thams cad dbang chen nga yi sku// pad+ma shrI he ru ka/ nga ni sbyor bdag chen po ste// yak+ka shrI he ru ka/ nga ni sgrol bdag chen po ste// rak+Shak+kha shrI he ru ka/ nga ni dam tshig chen po ste// sa ma ya shrI he ru ka/ nga ni thams cad sbas pa'i rang bzhin te// gu h+ya dpal chen he ru ka/ nga ni dus gsum kun tu 'byung // nga ni dus gsum da ltar gnas// nga ni dus gsum slad kyi 'byung // dus gsum 'di ni nga yi dbang // dpal 'bar dbang chen sku bzhengs pa// dmar nag 'bar ba 'jigs pa'i sku// dbu lnga phyag kyang bcu drug pa// zhabs kyang 'bar ba drug tu bgrad// dur khrod 'bar ba'i chas kyis brgyan// rdo rje'i gshog pa nam mkhar gdengs// thod sbrul 'bar ba'i rgyan gyis bklubs// me dpung 'bar ba'i nang na bzhugs// zhal bgrad 'bar ba'i mche gtsigs shing // spyan bzlog smin ma glog ltar 'khyug/ tsham rngams drag pos ma mo

  499. 250a

    'dul/ khyod kyi srog snying nga la yod/ khra spyang gzan la 'dzum pa bzhin// srog gi snying po dam la 'du/ khyod kyi dam rdzas pa la yod// ras bal rlung gi bskyod pa bzhin// mthun pa'i dam rdzas dam la 'du// bka' dang dam las mi gnas na// gzhob rgod rdog pas brdzis pa bzhin// gso glag med par dmyal thag chod// ni pa ting ku ru ni ru ku ni/ kha so ba tr-i yaM/ se na yaM ru yaM ni sod// snying za ba tsit+ta ma sha ro la khrag thun// sha la kyi khrig kang+ka sha ya/ ta ba ra ma to hri hri hUM phaT tra he tra he/ gro shog zhing ras la gnas pa'i// ma mo'i gzugs kyi snying gar brab// rtsa ma ra'am dza tis brdabs// tsham rngams drag po'i stangs stabs bya// zhal gsum bar du gzir gnan bya// des ni gnad la 'beb par 'gyur// de nas bskang zhing las la sbyar// spu gri ya ma'i rgyud las khro bo 'jigs byed gsang bas dbang du bsdu ba'i le'u ste nyi shu rtsa gsum pa'o// // de nas gar gyi dbang phyug gis// phrin las khyad par bstan pa ni// zhi ba'i las su bya ba ni// maN+Dal zla ba nya lta bu// kun nas yongs su zlum pa la/ dur khrod thal bas dkar por bya// dar dkar ras la ma gnas pa// dkar la mdzes pa'i lha mo gcig/ brtse gdung byang sems ma lta bu// gdul bya gang dmigs de la skyobs// gsang sngags 'dis ni zhi bar bya// ma ma

  500. 250b

    trag rak+ta mu tra e ka dza ti snying kha rag ma// shan+ting ku ru sA ha/ rtag tu 'di la gang gnas pa// gnod sdig thams cad zhi bar byed// rgyas pa'i las su bya ba la// maN+Dal chu skyes rgyas pa ni// btso ma gser gyi kha dog la// btsan phyug 'phan dar ka pA la// tsan+dan gur gum chus bkrus te// bzang po'i dri dang ldan pas bdug/ sman lnga snying po lnga ldan zhing // rdo rje tshe dang bcas pa la// snying po 'dis ni brtan par bya// ma ma trag rak+Sha mu tra e ka dza ti snying kha rag pu tra A yu pha la puSh+Ti hUM/ puSh+Ting ku ru swA hA/ bzlas brjod bsnyen pa'i grangs thems na// longs spyod thams cad rgyas par 'gyur// log lha dbang du bya ba na// maN+Da la b+ha ga'i dbyibs 'dra bar// shes rab mtshal gyis dmar por bya// bud med na chung mdzes ma yis// thod par dbang gi ga'u bya// mtshal chen dag gis ma gcig bri// smug mo mdzes pa'i tshul gcig ma// chags pas khams gsum dbang du sdud// gsang sngags 'dis ni rang dbang 'gyur// ma ma trag rak+Sha mu tra e ka dza ti snying kha rag ma ba shaM ku ru swA hA/ gsang sngags tshad du phyin pa na// log par lta ba dbang du 'gyur// sbyin thang dbab pa'i las byas na// mu su lkugs pa ra yi thod pa la// gang dmigs yum dang ming bris te// dbab sngags snying pos tha ma bskor// smug mo gsum gyi snying khrag dang // sna tshogs dug dang

  501. 251a

    lo bla sogs// gu gul dud pas bdug bya ste// stug mo 'jigs pa'i cha byad can// thod pa khrag gi rgya mtsho'i nang / khrag gi sbyin thang 'debs pa'i bdag/ nyung dkar khrag skam gu gul la// sbyin thang snying po 'di yis dbab// ma ma trag rak+ta mu tra/ e ka dza ti snying ga rag ma dud phrom/ dkar phrom/ shud ti phrom/ yug ti smin/ shar shar pa ta hri la b+h+yo// chu 'khyags snying por dril ba'i sngags// sgrub pa pos ni nan tan bya// chu rnams snying por dril ba dang / khyad par dus tshod gza' la gtad// bdag po gnas pa'i rten sa ru// sbyin thang zor thun dbab par bya// trag rak+Sha sa ma ya snying kha rag yul che ge mo dud phrom/ dkar phro ma/ shu ti phrom/ yug tig smin/ shar sha ta hril tshal pa thun b+h+yo// gu gul dud pas yul bdag gzir/ khrag gi sbyin zang glo bur dbab// ltas ngan dbab pa'i las byas na// snrel gri mo yi thod pa ru// ltas ngan sna tshogs snying khrag bsags// dur khrod ras kyis kha bcad la// zhing chen gsar pa'i lding khang dbub// 'bru sna tshogs pa'i phye btags la// ltas ngan sha khrag snying dang bsre// ltas ngan rgyal mo'i gzugs byas te// dkyil 'khor gru gsum e la bzhag/ sna tshogs ltas ngan gzugs kyis bskor// le brgan dar gyi gur phub la// ltas ngan sna tshogs bsgrub par bya// nyung

  502. 251b

    dkar sngags la thun du blug/ ltas ngan rgyal mo 'bar bar bskul// snying po 'di ni brtson byas nas// dngos sam phyogs su thun 'phang na// ltas ngan sna tshogs mtshor 'khrab byed// ma mo'i pho brang thebs pa'i rtags// ma ma trag rak+ta mu tra/ e ka dza ti snying kha rag ma trag ha he mdun tse ya/ kang ke pri la dun tse ya kyang kyi pho ba ya/ ya ma ling sha ma ling / sha ma ling / mi sha dza/ mi sha dun dza pho ba ya/ 'ur 'ur/ trab trab/ thib thib/ kying kying dun dun phob ya/ tsi pi li du ra yag shing 'du 'u 'du 'u shri ba la dun tse pho ba ya/ dbab pa'i sbyor ba brtsam pa yin// rig sngags sbyor ba bzlog pa'i las// smin pa'i sa la byas pa yi// mchod rten dmar po khru gang ba// bum par bzlog pa'i 'khor lo bya// ri rab nang du bsad pa'i las// 'og tu mnan pa'i 'khor lo yi// 'khor lo rtsibs mtshan yin 'bru re// las sngags rtsa ba'i yi ge la// ming dang dbyangs kyi yi ges bskor// ling+ga phur pa gnad dang bcas// dbang bskur byin rlabs thob byas la// rab tu dben pa'i gnas su bzhag/ de yi gsang sngags rim pa ni// ma ma trag rak+Sha mu tra e ka dza ti snying kham/ e ka du na bzlog ma hA du na bzlog sa ga du na bzlog tsa dur snying na bzlog ra tsa du na bzlog gcig tu dril zhing skabs su gtor/ spyi dang khyad par bzlog pa'i las// bsad pa'i so la mA

  503. 252a

    ra ya// mnan pa'i so la staM b+ha ya nan/ spyi dang khyad par bzlog pa ni// gcig tu dril zhing so sor gtor// gang la bya ba dus dang sbyar// gang dmigs de 'grub gdon mi za// sgra gri ya ma'i rgyud las phrin las khyad par so sor bstan pa'i le'u ste nyi shu rtsa bzhi pa'o// // de nas dpal pad+ma gar gyi dbang phyug gis/ 'bar ma dbyings kyi ral gcig ma// sku dang gsung dang thugs kyi gter// yon tan phrin las thams cad kyang / khyad par thabs kyi rim pa yis// dngos grub drang dbang sgyur ba dang // lta spyod so sor bstan pa la// 'dus pa'i 'khor rnams yi rangs te// mngon par bstod nas so sor dengs// gar gyi dbang phyug yab la thim// dbang chen mi gnas dbyings su mnal// spu gri ya ma'i rgyud las rgyud kyi don yongs su gtan la phab nas/ rjes su yi rangs shing mngon par bstod pa'i le'u ste nyi shu rtsa lnga pa'o// // spu gri ya ma'i rgyud rdzogs so// // rgya gar gyi slob dpon dA na shI la dang / bod kyi slob dpon dge slong yang dbang gter gyis bsgyur cing zhus te gtan la phab pa'o// kun gyi thun mong ma yin te// 'di bsgyur bsod nams chen pos ni// phyi rabs bstan pa srung bar shog/ yon tan rgya mtsho gar gnas par// bstan pa rgya mtsho tshugs par shog/ 'gro ba yongs kyis khur bar shog// rgya gar

  504. 252b

    skad du/ tsir ma ni sha pra ti tan+t+ra/ bod skad du/ e ka dza Ti sbas pa nag mo'i rgyud/ dpal khrag 'thung kun tu bzang po la phyag 'tshal lo// 'di skad bdag gis thos pa'i dus gcig na/ lcang lo can gyi pho brang nas/ kun bzang lha'i rgyal po'i phyogs kyi ri ma la ya'i brag phug tu/ dpal chen po hUM sgra'i ting nge 'dzin la snyoms par zhugs pa las/ 'khor gyi e ka dza Ti dang / re ma ti dang / re ma Ti dang / re ma dza dang / re dzu dang / nag mo'i tshogs dang / dmar mo'i tshogs dang / khro gnyer rlabs can ma'i tshogs dang / bcom ldan 'das dpal khrag 'thung gi rgyal po la rkang mgyogs kyi rdzu 'phrul bstan pas/ bcom ldan 'das dpal chen pos/ dbu dgu phyag bco brgyad du sprul te/ dur khrod kyi chas brgyad sku la brgyan nas/ bskal pa'i me ri 'bar ba'i klong na bzhugs te/ sdigs 'dzub me 'bar ba ma mo'i tshogs la bstan pas/ ma mo'i tshogs 'dar zhing brgyal nas rdog sa la 'gyel to// brgyal ba sangs nas srog gi snying po 'di phul lo// ma ma trag rak+Sha a tsa ti a pa ra tsi ta/ ces phul lo// de nas khrag 'thung gi rgyal pos nag mo'i tshogs la/ yum e ka dza ti dang / ma chags thabs kyi sbyor ba mdzad nas/ dbang mo dang spos mos gsang ba'i dbang bskur te/ ma mo'i tshogs la bka' sgos so// de nas dpal khrag 'thung gi rgyal pos 'jigs

  505. 253a

    byed 'bar tha'i ting pa 'dzin la zhugs te/ mtha' tshogs zad do// sbas pa nag ma'i chung las gleng gzha' la'u ste dang ba la// / de nas khrag 'thung gi rgyal pos nag mo'i dkyil 'ja 'di gsungs so// dkyil 'khor dmar nag gru gsum la// gru gsum dbus ni nag por bri// zla gam gsum ni dmar por bya// tha ma rdo rje ra bas bskor// zla gam gsum la gtor ma gsum// sha sna sna tshogs gtor mar bya// mtha' ma me ri rtsang gis bskor// bal tshon sngon dmar brungs kyis dgab// rma bya'i gdugs kyang steng du dbub// lug nag dpyid kar rten du bca'// lug nag spyi bo dkar po la// ma mo'i sku yi snying po bri// mgrin par srog gi snying po bri// drag po thun thun zhes bya ba// bris la de nyid rten du gzug/ bdag nyid rdo rje gzhon du yi// ting nge 'dzin la zhugs nas ni// re nag gos zu brtsam byas nas// za 'og nag khra'i phu dung bya// phyag rgya bcas la bzlas par bya// yungs kar khrag skam phul gang la// bsad pa'i rdzas ni seng ldeng phur pa dang // ma mo'i gzugs ni zhi ba'i zhal gsum ma/ kha nas khrag 'dzag mig gsum gcer bur bri// snying la gru gsum 'bar ba bri// bi ta mA ra ya phaT/ sngags dang dgra bo'i ming byang spel// mtha' mar ma mo'i drag sngags 'don// sbas pa nag mo'i rgyud las dkyil 'khor gyi

  506. 253b

    le'u ste gnyis pa'o// // de nas khrag 'thung gi rgyal pos srog gi snying po 'di rnams drangs te/ ma ma trag rak+Sha d+ha d+ha d+ha pa mi ma ha ma ma sha tAM/ a mu ka sha hUM/ ru ku ru ku/ hUM hUM phaT/ oM badz+ra ki li ki la ya/ oM srog la myur/ rag mo yag mo ka la dum pa snying rtsa sha la ma yaM sarba big+h+nAn baM hUM ni/ srog la yaM rbad/ sarba big+h+nAn baM hUM phaT/ ma ra sa na sa pa ya ra ta na ye hUM phaT/ snying phril phril/ srog ya ma yam/ chu ma ta ya hUM phaT/ snying la za ba ma te sha ya hUM phaT/ rtags thon snying trag sha dza/ tsit+ta srog tud tud/ thum ri la sham khyer b+h+yo// las kyi mtha' brtul phrin las sham khyer b+h+yo/ zhes nag mo'i tshogs kyi sku gsung thugs dang / srog gi snying po dang / 'gugs byed kyi snying po dang / dril de gtso bo la phul bas khrag 'thung gi rgyal mo zhal mngon sum du khugs par gyur to// nag mo'i tshogs kyis kyang las mngon du byed par gyur to// sbas pa nag mo'i rgyud las sngags kyi le'u ste gsum pa'o// // de nas khrag 'thung gi rgyal pos rbad pa'i bya thabs 'di gsungs te/ dpal chen ting 'dzin mngon zhugs nas// thugs ka'i dzaHlas lcags kyu 'phros// dgra bgegs shes pa bkug nas ni// A be sha yis bstim par bya// gro ga shing shun grog mkhar sa// gnas lnga'i rdzas ni sbu bar bya// ling+ga bcas la ming rus bri// mon pa nag po'i thod par

  507. 254a

    gzhug/ yungs kar brab cing dgug gzhug bya// bi ta ya dang lha mo'i srog snying spel// 'bum tsho gnyis su bzlas par bya// yungs kar bzlas shing ling+ga brab// che ge grub pa'i rtags 'ong ste// lha mo'i sku ni mngon du ston// yang na 'od dang sgra dang dri 'byung ngo // de tshe dmod sngags rbad cing bzlas// ki na mu ka sha nag pas ta pa li da ti/ ra la mur ti tsa ma ba la/ mA ra ya phaT/ ces bzlas shing yungs kar gyis brab bo// sbas pa nag mo'i rgyud las las sbyor rtags kyi le'u ste bzhi pa'o// // de nas ma mo'i tshogs rnams kyi// brub khung las kyi hom byas te// gru gsum khru phyed thur du bru/ khru phyed 'dag pas gyen du brtsigs// mtha' ma rdo rje'i ra bas bskor// de yi mtha' ma me ris bskor// gdug pa tsher ma can gyi shing rnams la// skye tsher bra ma gang rung gis// chag gang ba yi hom byas la// hom khung nang du lha mo bskyed// dza la raM gyis me 'bar gyis// kri na mu ka'i sngags rnams dang // bi ta ya yi sngags spel la// sbyin bsreg bya zhing ling+ga dbul// thal ba bsdus la rgya gram sar// gnan pa bya zhing dmod sngags bzlas// phyin ma thag tu 'chi bar 'gyur// sbas pa nag mo'i rgyud las sbyin bsreg gi le'u ste lnga pa'o// // rdzogs so// @#// rgya gar skad du/ shra na pra ma rA dza ka lI tan+t+ra nA ma/ bod skad du/ ma mo

  508. 254b

    e ka dza ti za byed sbyang rgyal nag mo'i rgyud ces bya ba/ dpal rang byung gi rgyal mo la phyag 'tshal lo// 'di skad bdag gis thos pa'i dus gcig na/ dpal rang byung gi rgyal mo'i gnas// rang bzhin lhun gyis rdzogs pa yi// b+han+d+ha 'bar ba'i gzhal yas khang // dkar dang dmar dang ser dang nag pa yi// phrin las rnam bzhir lhun gyis grub pa yi// zhi bas sba bkong rgyas pas zil gnon pa// dbang gis dbang sdud drag pos sgrol bar byed/ khams gsum dbang sdud b+han+d+ha'i gzhal yas ni// dri za la sogs phyogs skyong bcu yi mgos// shar la sogs pa de bzhin rab tu mdzes// b+han+na'i gzhal yas lhun gyis grub pa la// gnam lcags 'bar ba'i gzer chen rab tu btab// ye shes lnga ldan kha dog rab tu 'phro// lha brgyad ka ba klu brgyad gdung du bres// gza' brgyad phyam bres rgyu skar dral dra ba bgyis// rU tra dkar po ser po dmar po dang // ljang gu la sogs pags pas thog kyang phub// ye shes bzhi ldan sgo bzhir gnas pa ni// sgo skyes g.yas g.yon chu srin 'gram pa la// gzas pa pho mos ya them ma them byas// chu srin thod pa'i rta babs rab tu mdzes// ba dan sum cu rtsa gnyis rab tu gtibs// chos kyi 'khor lo rab tu nyams su dga'// 'od zer dmar nag 'phro 'du rgyun mi 'chad// chos kyi 'khor lo smug nag gdugs phub

  509. 255a

    pa'i// g.yas g.yon chu srin phru gu kha lta zhing phyogs// seng ge stag dang chu srin dom gyi mgos// b+han+da 'bar ba'i gzhal yas bad bgyis te// thod pa'i dra ba tshal bu'i dra phyed pa// zhe sdang sbrul nag chen po'i thag pas brgyus// gser gyi dril 'khrol rin chen 'od zer 'bar// sbrul nag gdug pa'i chun po nyi li li// thabs dang shes rab 'od zer gsal rgyas te// gzhan yas phyi nang med par 'od gsal 'bar// thod pa khrag 'dzag zar bu bad du ldan// sprul pa'i lha mos 'dod yon mchod pa stob// rgyal mtshan chen po bzhi yang gnas pa ni// byang shar sprul pa rdo rje'i rgyal mtshan dang // shar lho 'dul byed lcags kyi rgyal mtshan dang // lho nub lnga ldi dar gyi rgyal mtshan dang // nub byang dmar nag khrag gi rgyal mtshan te// rgyal mtshan chen po bzhi yang de bzhin gnas// de ltar gnas pa'i gzhal yas chen po de// dpal ldan rang byung rgyal mo bzhugs pa'i gnas// gzhal yas phyi rim khrag gi rgya mtshor ni// sprul pa'i ma mo mkha' 'gro bzhugs pa'i gnas// phyi rim thod pa'am lcags kyi grong khyer ni// bdud dang srin po gshin rje bzhugs pa'i gnas// mtha' ma lcags ri nag pos bskor ba'i nang // dur khrod chen po brgyad kyis gtams pa ni// dur khrod bdag po phyogs skyong yi dwags dang // ro ni sna tshogs rnam par bams pa dang //

  510. 255b

    rul dang myags dang rnam par sngo ba dang // stag dang gzig dang gcan gzan sna tshogs dang // kang ka dur bya 'dab chags sna tshogs dang // shing la sogs pa sna tshogs de bzhin gnas// sha za khrag 'thung las kyi mkha' 'gro dang // ging dang lang ka gnod sbyin pho mo'i gnas// gzhan yang dur khrod gling na ma mo'i mkha' 'gro'i tshogs// dpal chen mkha' la gtogs pa bsam mi khyab// de dag thams cad 'khor dang thabs cig bzhugs// dur khrod gzhal yas de yi phyi rim na// dur khrod me dpung 'bar bas bskor te gnas// chos nyid gang du mi 'gyur mi shigs rtags// rdo rje'i ra ba phyogs su rgya ma chad// de lta bu yi gzhal yas 'bar ba de// phrin las rnam bzhi lhun gyis grub pa'i rtags// pho brang gru gsum mkha' dbyings bde chen na// dur khrod ro yi gdan la 'gying ba'i tshul// bud med nag mo mdzes pa'i cha byad can// dkar mo ser mo dmar mo nag mo'i tshogs// nyid las mi gzhan 'khor gyis bskor te gnas// nyid kyi the tshom rgyas par bshad pa'i phyir// phyag na rdo rje'i sprul pa lha mo bde byed ma// nyid las mi gzhan dmod pa'i mtshon cha can// rang las byung ba'i nag mo 'bum dang chas// rang byung rgyal mo nyid la 'di skad gsol// e ma ho rang byung rgyal mo nyid// bdag ni rtag tu khyod la 'dud/ khyod kyi byin rlabs thugs rje

  511. 256a

    gang // rgya chen bdag la bshad du gsol// zhes gsol pas/ de'i dus de'i tshe/ dpal ldan rang byung gi rgyal mo de yang / sku mdog mthing nag 'bar ba/ mche ba gtsigs pa/ ral bas sa gzhi khebs pa la spyi bo'i gtsug na g.yu'i ral pa mthing ga 'od du 'bar ba gcig gnas pa/ zhabs gyad kyi dor thabs su bzhugs pa/ g.yas na bam chen gyi tsit+ta srog pa rtsa dang bcas nas bzung ba/ g.yon pa na g.yu'i sbrang mo rke nas bzung nas phra thabs su bsnams pa/ ti ra ro'i gdan la trag rak+Sha zhes bya ba'i sgra brjod nas/ nyid kyi las sprul pa'i ma mo bkye ste/ sku'i sprul pa las bal mo nag mo/ gsung gi sprul pa las ma mo srin mo'i tshogs dang / thugs kyi sprul pa las ma mo mon mo'i tshogs dang / gzhan yang sbyor ging dang sgrol ging la sogs pa khram thogs kyi bdud dang / srog gcod kyi ging la sogs pa dang bcas te/ sprul pa mang po nyid las bkye bas/ snang srid tham cad dus gcig tu g.yos par gyur te/ nad kyi rlangs pa dang / mtshon gyi char pa dang / bskal pa phra mo dang / dug dpal yams nad dang / gnam lcags ser ba la sogs pa/ dus gcig du 'khrugs par gyur te// slar yang 'khor bdud pho mo de dag rang la rdzogs par gyur to// snang srid thams cad bde ba la dus gcig tu bkod do// dug dpal dang yams nad la

  512. 256b

    sogs pa thams cad bdud rtsi chen por gyur te/ thams cad thugs rje chen pos bde ba la bkod do// za byed spyang rgyal nag mo'i rgyud las gleng gzhi'i skabs te dang po'o// // lha mo bde byed mas 'di skad ces gsol to// dpal ldan rang byung rgyal mo che// thugs rje'i byin rlabs bdag mo ni// nyid kyi lha spyod ji ltar lags// thugs rje'i bdag mos bshad du gsol// ces gsol pas dpal ldan rang byung rgyal mos bka' stsal pa/ lta ba rnam pa gnyis yod de// gnyis po de yang gcig gi dang // rang bzhin lhun rdzogs lta ba dang // rtogs pa mngon gyur blta ba'o// rang bzhin lhun rdzogs lta ba ni// snang srid 'di ltar snang ba'i chos// phyi nang snod bcud thams cad kun// ma mo nyid las gzhan ma yin// ma ni kun gzhi dbyings kyi klong // mo ni byang sems ye shes dang // dbyings dang ye shes don rtogs pa// ma dang mo yi don rtogs yin// ma mo de ltar rtogs pa ni// rtogs pa mngon gyur lta ba yin// de ltar gnyis med don rtogs na// bgrod pa med pa'i sa chen non// yang gcig ma mo'i lta ba ni// ma mo snying po byang chub sems// snying po nyid las gzhan ma yin// snying po byang chub ye sangs rgyas// thams cad dag pas sangs rgyas yin// lhun gyis grub pas ma mo yin// gnyis su med pas ma mo yin// rang las byung bas ma mo

  513. 257a

    yin// yongs la khyab pas ma mo yin// cir yang snang bas ma mo yin// gang yang shar bas ma mo yin/ khyab par gdal bas ma mo yin// mi 'gyur mi shigs ma mo yin// gcig las med pas ma mo yin// tha dad med pas ma mo yin// ma mo sgom zhing grub tu med// ma mo bsgoms shing bsgrubs na 'grub// bgrod du med par gar yang phyin// rtsal du med pas gang yang 'grub// gdags su med pas thams cad yin// tha dad snang bas gnyis su med// gnyis med don rtogs ma mo yin// ma ni snying po byang chub sems// mo ni rang byung ye shes yin// snying po byang chub nyid la ni// rang byung ye shes de bzhin nyid// ye nas rnam dag snying po nyid// ye nas lhun gyis rdzogs par gnas/ khyung chen nam mkhar lding ba yang // snang srid phyi rgya rlabs kyis gcod// snying po byang chub nyid las ni// ma mo zhes su gdags su med// snying po byang chub sems las ni// ma mo gzhan nas btsal mi rnyed// sems las kun 'byung thams cad sems// ma mo byang chub sems kyi rgyan// de ltar gnyis med don rtogs na// ma mo bsgom zhing bsgrub mi dgos// ma mo lus dang grib bzhin 'grogs// zhes gsungs so// za byed sbyang rgyal nag mo'i rgyud las lta ba bstan pa'i skabs te gnyis pa'o// // de nas spyod pa bka' stsal pa ni// gzugs su

  514. 257b

    snang ba thams cad kun// ma mo'i sku yi bdag nyid yin// sgra ru grag pa thams cad kun// ma mo'i gsung gi bdag nyid yin// sems kyi dran rtog thams cad kun// ma mo'i thugs kyi bdag nyid yin// rang byung ye shes thams cad kun// ma mo'i yon tan bdag nyid yin// thams cad rang las byung bas ni// phrin las rnam bzhi cir spyad kyang // ma mo'i phrin las bdag nyid yin// de ltar spyad lugs ci bder spyad// thams cad gnyis su med par spyad// thams cad ma lus ma mor spyad// ma mo'i snying po sems su spyad// ces gsungs so// za byed sbyang rgyal nag mo'i rgyud las spyod pa bstan pa'i skabs te gsum pa'o// // lha mo bde byed yang gsol pa// dpal ldan rang byung rgyal mo che// lha spyod gnyis kyi bdag mo na// nyid kyi sgom sgrub ji ltar lags// lha spyod bdag mos bshad du gsol// de skad gsol pa gsan nas kyang // rang byung rgyal mos bka' stsal pa// snang srid thams cad ma mor bsgom// ma mo byang chub sems su bsgom// sems nyid ye sangs rgyas par bsgom// thams cad 'byung ba lnga ru bsgom// 'byung ba lnga nyid nam mkhar bsgom// phyi nang snod bcud chos rnams kun// chos nyid byang chub sems su bsgom// dbyings dang ye shes gnyis med na// de yang ma mo'i sgom pa yin// thabs dang shes

  515. 258a

    rab gnyis med na// de yang ma mo'i sgom pa yin// 'khor ba myang 'das gnyis med na// de yang ma mo'i sgom pa yin// sangs rgyas sems can gnyis med na// de yang ma mo'i sgom pa yin// bde dang sdug bsngal gnyis med na// de yang ma mo'i sgom pa yin// shes rab ting 'dzin gnyis med na// de yang ma mo'i sgom pa yin// lta ba spyod pa gnyis med na// de yang ma mo'i sgom pa yin// phyi nang snod bcud gnyis med na// de yang ma mo'i sgom pa yin// yul dang dbang po gnyis med na// de yang ma mo'i sgom pa yin// ma mo sems dang gnyis med na// bsgom du med pa sgom pa'i mchog/ ces gsungs so// za byed sbyang rgyal nag mo'i rgyud las sgom pa bstan pa'i skabs te bzhi pa'o// // de nas grub pa bstan pa ni// snang zhing srid pa'i chos rnams kun// thams cad ma mor bsgrub par bya// ma mo rang byung sems su bsgrub// sems nyid ye bsgrubs chen po yin// snang med kun tu snang ba'i gdos pa can// bya ba med cing mtshan nyid ci dgar 'gyur// nor bu rin chen lta bu'i sems nyid de// ma mo mkha' 'gro sems can rnams kyi dngos// de nyid ma yengs ma mo'i sgrub pa yin// zhes gsungs so// za byed sbyang rgyal nag mo'i rgyud las sgrub pa bstan pa'i skabs te lnga pa'o// // lha mo bde byed yang gsol pa// dpal ldan rang

  516. 258b

    byung rgyal mo che// sgom sgrub gnyis kyi bdag mo ni// nyid kyi sbyor sgrol ji ltar lags// sgom sgrub bdag mos bshad du gsol// de skad gsol pa gsan nas kyang // rang byung rgyal mos bka' stsal pa// bde gshegs thugs kyi ye shes la// rang gi ye shes blo yis sbyor// thams cad chos kyis chos nyid la// sems kyis sems nyid gnyis med sbyor// thabs dang shes rab gnyis med sbyor// dbyings dang ye shes gnyis med sbyor// sangs rgyas sems can gnyis med sbyor// 'khor ba myang 'das gnyis med sbyor// phyi nang snod bcud gnyis med sbyor// yul dang dbang po gnyis med sbyor// snang srid thams cad ma mor sbyor// ma mo'i snying po sems su sbyor// sems nyid ye sbyor chen po yin// de ltar gnyis med sbyor ba na// de ni ma mo'i sbyor ba yin// zhes gsungs so// za byed sbyang rgyal nag mo'i rgyud las sbyor ba bstan pa'i skabs te drug pa'o// // de nas sgrol ba bstan pa ni/ khams gsum thams cad rang gi sems yin pas// sems nyid ye sangs rgyas pas khams gsum yongs sgrol la// srid gsum thams cad rang gi sems yin pas// sems nyid ye sangs rgyas pas byar med 'bad rtsol bral// srid pa dag pa'i zhing du ye sgrol chen po yin// rgyud drug phung por snang ba yang // rang gi sems nyid yin te ye sangs rgyas// rgyud

  517. 259a

    drug 'khor ba'i rtsad bcad dag pa'i zhing du sgrol// rgyud lnga lam gyi sgo yang rang gi sems yin pas// sems nyid ye nas sangs rgyas pas// ngan song lam yang ye nas med// ye nas dag pas dag pa'i zhing du sgrol// snang srid thams cad ma mo'i ngang du bsgral// ma mo mkha' 'gro byang chub sems su bsgral// sems nyid ye sangs rgyas pas ye bsgral chen po yin// zhes gsungs so// za byed sbyang rgyal nag mo'i rgyud las sgrol ba bstan pa'i skabs te bdun pa'o// // lha mo bde byed yang gsol pa// dpal ldan rang byung rgyal mo che// sbyor sgrol gnyis kyi bdag mo na// nyid kyi gso gsad ji ltar lags// sbyor sgrosgosgrol bdag mos bshad du gsol// de skad gsol pa gsan nas kyang // rang byung rgyal mos bka' stsal pa// 'khor ba'i sdug bsngal thams cad kun// bde chen chos kyi dbyings su gso// phyi nang snod bcud thams cad kun// snying po byang chub sems su gso// thugs rje chen po'i byin rlabs kyis/ khams gsum sems can nyon mongs gso// 'du ba'i nad kyis zin pa rnams// bdud rtsi chen po'i sman gyis gso// thugs rje'i rgyun thag chad pa rnams// rang byung ye shes thugs rjes gso// dam tshig rgyun zag chad pa rnams// mi brjed gzungs kyi thugs rjes gso// shes rab me stag shi ba rnams// ting 'dzin mi

  518. 259b

    yengs brtan pos gso// shes rab me lce chad pa rnams// rtogs pa'i khyad par brtan pos gso// rang byung ye shes rgyun chad pa// snying po byang chub sems kyis gso// sems kyi de nyid ma rtogs pas// shes rab ting 'dzin brtan pos gso// ma mo mkha' 'gro gdug gtum pa// snying po byang chub sems kyis gso// zhes gsungs so// za byed sbyang rgyal nag mo'i rgyud las gso ba bstan pa'i skabs te brgyad pa'o// // gsad pa'i sbyor ba bstan pa ni// dug lnga ye shes lnga ru bsad// dug gsum sku gsung thugs su bsad// sdug bsngal bde ba chen por bsad// 'khor ba mya ngan 'das par bsad// shes rab me lce 'bar ba yis// gzung 'dzin rlung chub 'tshubs pa bsad// shes rab me stag chen po yis// rnam rtog gru char 'bab pa bsad// rnal 'byor rtogs pa'i khyad par gyis// ma rtogs rmongs pa'i gti mug bsad// ye shes nyi ma 'od gsal bas// gti mug mun pa 'thibs pa bsad// snang srid chos rnams sems su bsad// ma mo mkha' 'gro'i dbyings su bsad// shi ba med pas ye bsad yin// sems can thams cad sems su bsad// rtogs pa mngon du gyur pa na// ting 'dzin las su rung ba na// snang srid thams cad gsad par bya// gsad du med de ye bsad yin// zhes gsungs so// za byed sbyang rgyal

  519. 260a

    nag mo'i rgyud las bsad pa bstan pa'i skabs te dgu pa'o// // lha mo bde byed yang gsol pa// dpal ldan rang byung rgyal mo che// gso gsad gnyis kyi bdag mo na// nyid kyi dbab bcad ji ltar lags// gso gsad bdag mos bshad du gsol// de skad gsol pa gsan nas kyang // rang byung rgyal mos bka' stsal pa// 'khor ba'i lung rong skam po ru// byang chub sems kyi chu bo dbab// rnam rtog me chen 'bar ba la// ye shes chen po'i chu bo dbab// dug lnga'i 'bras bu smin pa la// ye shes lnga yi ser ba dbab// dug gsum lo ma rgyas pa la// sku gsung thugs kyi thog chen dbab// gzung 'dzin rlung tshuchub ldang ba la// ting 'dzin brtan po'i thibs kyis gnon// yum gyi pad+ma'i b+ha ga ru// byang chub sems kyi chu bo dbab// chos kyi dbyings nyid gdal ba ru// rig pa'i ye shes chu bo dbab// mkha' dbyings bde chen klong yangs su// shes rab ting 'dzin chu bo dbab// mkha' 'gro ma mo'i phyogs chad du// snying po byang chub chu bo dbab// dbab tu med de yi phab yin// de ltar dbab pa bstan pa ni// byang chub sems kyi chu chen te// ma mo mkha' 'gro'i dbab lugs yin// za byed sbyang rgyal nag mo'i rgyud las dbab pa bstan pa'i skabs te bcu pa'o// // de nas bcad lugs bka' stsal pa// bde chen chos dbyings klong

  520. 260b

    yangs su// nyon mongs 'khor ba'i rgyun thag bcad// nga dang bdag tu blta ba la// gnyis med ral gri rnon po yis// byang chub sems su rgyun thag gcad// dug lnga'i khang bur bcug pa la// ye shes lnga ru rgyun thag gcad// dug gsum dra bar chud pa la// sku gsung thugs su rgyun zag gcad// chags sdang lcags su btsud pa la// thabs dang shes rab spu gri yis// chags sdang gnyis kyi rgyun thag bcad// yid gnyis the tshom za ba la// shes rab ting 'dzin brtan po yis// yid ches dad par rgyun thag gcad// snang srid ma mo thams cad kun// rang gi sems las byung bas na// sems nyid yin par rgyun zag gcad// gcad du med de rnam rtog rnams// ye sangs rgyas pas ye rtsad gcad// ces gsungs so// za byed sbyang rgyal nag mo'i rgyud las gcad thabs bstan pa'i skabs te bcu gcig pa'o// // bde byed lha mos yang gsol pa// dpal ldan rang byung rgyal mo che// dbab gcad gnyis kyi bdag mo na// nyid kyi mngon du sgrub thabs gang // rdzas dang bya ba ji ltar lags// phrin las gzhung bsrang ji ltar lags// sgrub thabs rnam pa du ru bstan// dbab gcad bdag mos bshad du gsol// de skad gsol ba gsan nas kyang // rang byung rgyal mos bka' stsal pa// las su bya ba'i bye brag rnams// nges par

  521. 261a

    bshad kyi tshul bzhin nyon// mngon du sgrub thabs rnam pa gsum// rab kyis ting 'dzin brten nas bsgrub// 'bring gis sngags la brten te bsgrub// tha mas rdzas la brten te bsgrub// rab kyis ting 'dzin sgrub thabs ni// dkyil 'khor gzhal yas gsal ba la// dmigs pa bskyed la nan tan bya// dmigs pa gsal bar gyur pa dang // ting 'dzin brtan por gyur pa yis// ma mo las su rung ba dang // rnal 'byor lus dang grib bzhin 'gyur// dmigs pa gsal bar ma gyur cing // lha mo las su ma rung na// nam kyang bkol du mi btub ste// dben pa chen po'i sa phyogs sam// dur khrod ma mo chags sa ru// bdag las ma yin gzhan mi bsnyen// 'du 'dzi spangs la bde gnas bshams// maN+Dal chag chag legs btab la// dar dkar ras la ma mo nyid// 'bri mkhan dam tshig can gyis bri// mdog nag zhabs bgrad mche gtsigs pa// spyan bzlog ral pa thur du bsig/ mthing ga'i ral pa chag gang ba// 'od 'bar gyen du bsgreng ba'o// g.yas pa bam chen tsit+ta la// g.yon pa spyang mo phra thabs thogs// skra dang ral pa'i gseb nas kyang // spyang mo mang po 'phro ba bri// g.yas su sgrol ba'i ging chen bri// g.yon du sbyor ba'i ging chen bri// kha dog gzugs mdangs mdzes par bri// de ltar bris pa'i ma mo de// maN+Dal dbus su

  522. 261b

    de bzhag la// dmigs pa bskyed la nan tan bya// res bying res gsal cung zad tsam// mang du byung bas nan tan bya// de ltar byung ste mngon gsal na// rang gi sems nyid yin par blta// lo'am zla ba'i bar du bya// de ltar yin par shes rtogs na// phrin las rnam bzhi ci dgar spyad// zhi rgyas gnyis kyis gso bar bya// dbang drag gnyis kyis gsad par bya// gsal ba mngon du gyur pa na// rang nyid ci bde ci dgar spyad// ces gsungs so// za byed sbyang rgyal nag mo'i rgyud las rab ting nge 'dzin la brten te bsgrub pa'i skabs te bcu gnyis pa'o// // sngags la brten te bsgrub pa ni// de ltar bkram pa'i ma mo de'i// mdun du dam rdzas 'tshogs byas la// sngags ni sems ma zhugs par bzlas// trag rak+ka kha mun tra mu ru lu ru lu hUM b+h+yo hUM/ rag mo te kum dza dza kha la b+h+yo/ ru lu ru lu ma hi b+h+yo/ de ni rgyun du drang bar bya// drag mo'i sngags 'dis mchod par bya// sha khrag snying sogs spyan gzigs dang // gtor ma rgyas par gsal bkram la// trag rak+Sha trag rak+Sha tsit+ta khA hi snying kha rag/ trag rak+ta gram/ ma hA mAM sa la ya/ ma hA rak+ta gram/ tsit+ta rbad zum ri li li rbad/ drag po'i sngags 'dis las la btang / trag rak+ta badz+ra kha chums ri li li/ b+h+yo rbad b+h+yo/ pra ti sa na ma dza smag pra ti sa nam dza ni khri rmag khum khum mag mag chod/ yungs

  523. 262a

    kar yungs nag ske tshe dang // dug rdzas la sogs rdzas kyis brdeg/ rdzas rnams sgrol ba'i ging du bsgom// de bzhin sngags rnams rim gyis so// zhes gsungs so// za byed sbyang rgyal nag mo'i rgyud las sngags la brten te bsgrub pa'i skabs te bcu gsum pa'o// // rdzas la brten te bsgrub pa ni// rdzas ni rnam pa lnga ru bshad// dbang rdzas mchod rdzas bsgrub pa'i rdzas// brten rdzas bskang rdzas lnga ru bshad// dbang rdzas byang sems dkar dmar dang // chang phud a mr-i ta sbyar ba'o// rgyus chen srog shad la sogs pa'o// mchod rdzas snying khrag la sogs sha/ dkar gsum mngar gsum spyan gzigs sogs// sman dang phud dang snying gis mchod// 'bras bu sna tshogs de bzhin du'o// sgrub rdzasarba kar tshigs gsum pa// dug khrag la sogs thun rnams so// rten rdzas shes rab mtshal chen dang // a mr-i ta dang byang chub sems// sha khrag snying sna tshogs pa'i phye// rtag tu lus la bsrel bar bya// ru dar dmar nag le brgan gur// rma bya'i rgyal mtshan mthing nag gur// snrel mo'i g.yang gzhi snrel mo'i mgo/ nal bu'i rgyal mtshan sha khrag snying // spyi blugs zhwa dang rnga gling dung // tsit+ta'i rgyal mtshan lug nag gseb// ltag sprod rnga dang phreng chen rnams// ma mo brten pa'i rdzas su bshad// bskang rdzas 'bras bu sna tshogs dang // bya

  524. 262b

    nag lug nag khyi rog mo// 'bri rog mo la sogs pas bskang // mi khyi rta yi bam gyis bskor// mdos la sogs pa'ang de bzhin no// de ltar rdzas rnams tshogs pa dang // ma mo gnyis su med par 'gyur// zhes gsungs so// za byed sbyang rgyal nag mo'i rgyud las rdzas la brten te bsgrub pa'i skabs te bcu bzhi pa'o// // de nas phrin las gzhung bsrang ba// brag dmar tshol zangs 'dra ba'am// mtsho gling dur khrod dag tu bsgrub// zla ba mar gyi nyi shu gnyis// gza' mchog sgra gcan 'dzin la gtad// bsgrub bya shes ldan dbang rdzogs pas// dkyil 'khor zhi rgyas dbang drag bzhi// dbus su mtshal gyis trag bris la// rba dkar tshigs gsum gzugs par bya// skyer pa mgo ling yal ga lnga// de bzhin mkha' ba'i rtsa ru gzug/ snrel mo'i thod pa dum lnga'i nang // rten rdzas shes rab mtshal chen dang // a mr-i ta dang chang phud sogs// spyan gzigs gtor ma de bzhin te// rgyab ni 'jam dpal phur la brten// yang na che mchog de bzhin no// ting 'dzin rnam gsum gsal bsgom la// dbang chen gzhal yas gdan bcas bsgom// bskyed pa rkyen gyi sngags brjod de// dbus kyi shing dang tha mi dad// sku la dbang bskur dug gis mthu byin bskyed// phrin las rdzogs nas rtag par rgyun sngags bzlas// bar du rbad cing tha mar bsad

  525. 263a

    sngags bzlas// brdeg pa'i sngags bzlas snying thun dbab par bya// gtor ma gtang zhing las kyi mtha' bsdu ste// sa tshon mkhar ba dgra bo'i phyogs su bstan// brnag pa'i ling+ga dug gis gnan par bya// ming byang gtub cing sngags bzlas sbyin bsreg bya// rba dkar mi lag mi bskur rtag tu ma mor bsgom// phrin las yongs su rdzogs nas lus dang grib bzhin 'gyur// zhes gsungs so// za byed sbyang rgyal nag mo'i rgyud las phrin las bstan pa'i skabs te bco lnga pa'o// // bde byed lha mos yang gsol pa// dpal ldan rang byung rgyal mo che// phrin las thams cad bdag mo na// sgrub thabs rnams du ru bstan// phrin las bdag mos bshad du gsol// de skad gsol pa gsan nas kyang // rang byung rgyal mos bka' stsal pa// sgrub thabs rnam pa gsum du bshad// pho bsgrub 'khor lo la brten bsgrub// mo bsgrub 'khor ba'i khrag la bsgrub// drag sngags yungs kar la brten bsgrub// pho bsgrub 'khor lor brten bsgrub pa// pho dang 'khor lo stobs che ste// de phyir 'khor lor brten te bsgrub// pho ni gdug cing gtum pa ste// de phyir 'khor lor brten la bsgrub// pho yis thams cad sgrol byed pas// de phyir 'khor lor brten la bsgrub// 'khor lo bskor bas thams cad sgrol// 'khor lo bskor bas thams cad

  526. 263b

    gcod// phrin las rnam bzhis dngos po gcod// de phyir 'khor lor brten te bsgrub// dur khrod ras la skyang nul bya// dug khrag mtshon lcags brdar la byug/ sgrol ging sbyor ging zhal bris la// lto bar srid pa'i 'khor lo bskor// srog gi 'khor lo bskor ba'i tshe// srog las drang ba'i snying pos bskor// bsad pa'i 'khor lo bskor ba'i tshe// phung zhing bsgral ba'i 'khor lo bskor// bar bar ming rus sham bur sbyar// mA ra ya yi b+h+yo bsgrags gdab// srog gi 'khor lo sgrub pa na// bdud rtsi chang phud sman gyis bkru// bskang ba'i cho ga rgya cher bya// bsad pa'i 'khor lo 'grub pa'i tshe// rabs chad thod bcug gnan gtad bya// sgrol ba sgrol ging nyid la ste// gtad pa zhang po klu la'o// zhes gsungs so// za byed sbyang rgyal nag mo'i rgyud las pho 'khor lo la brten te bsgrub pa'i skabs te bcu drug pa'o// // mo sgrub 'khor ba'i khrag la bsgrub pa ni// mo yi rang bzhin 'dod chags che/ khrag gi rang bzhin chags pa'i rgyu// chags pa'i 'bras bu khrag tu sprin// de phyir khrag la brten te bsgrub// dang po bsgrub tshe khrag gis mchod// bsad pa'i mtshon cha khrag gis bya/ khrag la dug gi grogs dang sbyar// dug khrag nad kyi rgyu yin pas// gsod tshe dug khrag spyo bar bya/ khrag la rnam pa gnyis yod ste// shi ba'i khrag dang gson po'i

  527. 264a

    khrag/ gson pa'i khrag gis bsgrub cing mchod// shi ba'i khrag gis gsad par bya// dug dang khrag gnyis drag po'i rdzas/ khrag 'phang dug la gnan pa bya// zhes gsungs so// za byed sbyang rgyal nag mo'i rgyud las mo 'khor ba'i khrag la brten te bsgrub pa'i skabs te bcu bdun pa'o// // drag sngags yungs kar la brten bsgrub bya ba/ yungs kar sngags kyi mtshon yin te// drag po'i rdzas su rab tu bsngags// yungs kar rgyal po dag la'ang // gong du bsnyen pa rdzogs byas te// mtshan ma drod la phebs pa dang // dmigs bya'i ling+ga nyid la'o// trig trig ser ser/ ku lu ku lu/ mo ku mo ku/ tsa ha tsa ha/ mu ta dza la kha he/ tsag ra lding / mu lu mu ru/ myogs lding ldang / bu chag phyug mi ha he/ bshal bshul/ mu hu pa ni tsag tsag tsig tsig mu stam ti/ he le he te/ su ru tsis tsi/ myog myog/ thum zum/ dkar ldan me he/ haM ku lu tse e phaT ni/ dga' ba'i mchog chen po'o// tsing lding mu ka ye kod kod mi he/ mya mya/ mi mi tse ku/ hA hU tsi lding / mu da ya tsing lding / khu rtsog ne/ tsa ha me mu ka ye/ ting mu long rtsa ka ye/ skar mi ting ting braphrag phrag brib brib rtsing le steng / mi lo ka yang shing pi myongs sta ri/ zhes gong du bsnyen pa rdzogs byas te// ling+ga nyid la brdeg par bya// 'di ni sngags kyi mchog yin te// yang snying thugs kyi rgyal pos

  528. 264b

    bya// brdeg na gang yin gsod pa ste// phung byed drag sngags gzir ba'i thabs// dkrugs na srid pa go bzlog ste// srid pa gsum yang 'khrugs par 'gyur// zhes gsungs so// za byed sbyang rgyal nag mo'i rgyud las drag sngags yungs kar la brten nas bsgrub pa'i skabs te bco brgyad pa'o// // lha mo bde byed yang gsol pa// las kyi dkyil 'khor chen po dag/ tshul dang thabs ni ji ltar lags// rang byung rgyal mos bshad du gsol// de skad gsol pa gsan nas kyang // rang byung rgyal mos bka' stsal pa// man ngag las kyi dkyil 'khor ni// dur khrod ma la yar song la// snrel mo'i ro'am yang na ni// gri mor shi ba'i ro blangs la// sti ra ro tshol cho ga bya// spos dang sman gyis ro sbyangs la// ro la dkyil 'khor bri bar bya// snying gar srog gi 'khor lo bri// mthing nag gru gsum zla gam gsum// mu khyud zlum po gru chad ldang // sgo bzhi rigs dang mthun par bya// shes rab mtshal gyis sngags 'di bri// gru gsum dbus su trag bris te// tha mar drag po 'di rnams bri// rag rak+Sha kha mun tra ces pa// srin mo nag mo'i drag sngags te// rang rtags srog gi snying por bshad// srid pa gsum yang sgrol bar byed// zla gam gsum la sngags 'di bri// mu ru lu ru lu hUM b+h+yo hUM/ gnod sbyin nag mo'i drag sngags te// grub pa rtags kyi snying por

  529. 265a

    bshad// srid gsum dbang du sdud par byed// mu khyud zlum por sngags 'di bri// raka mo te ke ma tsa tsa kha la ma ti b+h+yo// ma mo nag mo'i drag sngags te/ khams gsum za byed snying por bshad// thams cad ma lus zhi bar byed// gru chad bzhi la sngags 'di bri// ru lu ru lu ma hi b+h+yo// bdud mo nag mo'i drag sngags te// gdug pa 'dul byed snying por bshad// thams cad ma lus rgyas par byed// sgo bzhir dzaHhUM baM hoHbri// sgo bzhi 'byed pa'i pho nya mo// de ltar dkyil 'khor bri ba yang // byang sems dkar dmar sbyar la bri// de ni srog gi dkyil 'khor yin// lte bar srid pa'i 'khor lo bri// dbus su dug gsum yi ge dgod// mtha' ma bsad pa'i sngags kyis bskor// mA ra'i mtha' ma ming rus sbyar// dug dang khrag tu sbyar la bri// srid pa bshig pa'i 'khor lor bshad// gsang gnas bsad pa'i 'khor lo dag/ gru gsum b+ha ga'i maN+Dal du// dbus su ljang gu'i nr-i gcig bri// mtha' ma ming rus dag gis bskor// de yi mtha' ma dzas bskor te// lha mo lcags kyu spro zhing bsdu// zhags pa lcags sgrog tho ba dang // mda' gzhu me ri dmar nag bri// de ni bsgral ba'i dkyil 'khor yin// zhal du bsreg pa'i maN+Dal la// gru gsum rtse mo sna sgor bstan// nang du rdo sol chang du sbyar// dbus su raM zhes bri bar

  530. 265b

    bya// mtha' mar ag ne ma brgyad bri// dza la raM brgyad bri bar bya// gru gsum kha khyer me ris bskor// dpal ldan rang byung rgyal mo yang // sbyin sreg me yi lha mor bskyed// dug shing sna tshogs hom byas te// tsher ma can gyi shing la sbar// sbyin sreg 'bod rbad sbrel la bya// mgo bo byang shar mtshams su bstan// snying gar rba dkar tshigs gsum gzug/ dbang bskur sku bskyed phrin las bcol// lte bar 'khor lor ming rus bri// gos dang rkang rjes ngar snabs dang // dri chen dri chu dag las bya// sngon dmar btags la byad du gzhug/ sne gcig 'khar ba'i rtse mor gdags// nyams pa cho yi rgyun thag kyang // ma mo'i zhal du rngubs par bsam// gsang gnas b+ha ga'i 'brub khung nyid// lcags kyi khang sgrom 'bar bar bsam// rabs chad thod par ming rus gzhug/ lcags kyi phur bu sor brgyad pa// gdug byed nag mo'i skur bsgom ste// sngon dmar sne gcig phur bu la'o// gdug byed phur bu b+ha gar gdab// bsad pa las kyi sbyor ba bya// ro de ma mo nyid yin te// nang nub nyin gung mtshan gung du// mchod pa sbyin sreg zhal du 'bul// snying gar dar nag gur gcig dbub// gal te ro ni med gyur na// sbyin po'i sa la ro gzugs bya// gong bzhin dkyil 'khor rgyas par bri// ro de mi yis mthong mi rung // mthong na dam tshig nyams pa ste// rnal

  531. 266a

    'byor bdag la bar chad 'byung // mis ma mthong na dngos grub ster// phrin las rnam bzhi'i dngos grub thob// ces gsungs so// za byed sbyang rgyal nag mo'i rgyud las man ngag gsang ba'i dkyil 'khor srog gi bsgrub pa'i skabs te bcu dgu pa'o// // bde byed lha mos yang gsol pa// dpal ldan rang byung rgyal mo che// de yi gsang sngags ji ltar lags// bdag 'dud khyod kyis bshad du gsol// de skad gsol pa gsan nas kyang // rang byung rgyal mos bka' stsal pa// gsang sngags dgos pa'i rtsa ba rnams// nges par bshad kyi yang dag nyon// trag rak+kha kha mun tra/ mu ru lu ru lu hUM b+h+yo hUM/ rag mo te kum dzA dzA kha la b+h+yo/ ru lu ru lu ma hing b+h+yo/ rtsa ba rgyun gyi snying po yin// trag trag gur lan gur lan/ ser ser dug dug cha ru na shag bal mo sham/ mu ka ye a pa ye/ ka pa ye/ nam mkha' khams kyi sgra drag po'i// nus pa'i mthu ldan dbang bskur sngags// dzaHhUM baM hoHma ma kha dag sha ma ma kha dag sha dza hUM hUM hring hring / de ni ma mo spyan drang sngags// ma ma trag rak+Sha sa ma ya tiSh+Tha lhan/ de ni bzhugs su gsol ba'i sngags/ trag rak+kha e ka dzA ti pa tri na mo// trag rak+ta tsa pa la na mo// de ni phyag btsal ba'i sngags so// ma ma trag rak+kha e ka dza ti/ i dam pa liM pU tsa ho kha raM khA hi/ de ni gtor ma dbul ba'i sngags so// trag

  532. 266b

    rak+Sha ma ma tiSh+Tha sa ma ya/ dam bdar ba'i sngags so// las la drag po'i sngags 'dis btang // trag rak+ta mu tra snying kha rag srog rtsa rbad/ tsit+ta long rak+ta thun b+h+yo/ thums ri li li rbad/ drag po'i sngags 'dis gsad par bya// trag rak+ka badz+ra kha chums ri li li b+h+yo rbad b+h+yo/ pra ti sa ma dza/ smag phra ti sa na ma dza/ nr-i khaM khaM khaM khaM mag mag chod/ ming rus gzugs la sngags 'dis brdeg oM me da ra hri thum ril rbad/ oM me da ra lig snying kha rag rbad/ oM tsa ma ra snying kha rag ti badz+ra dun b+h+yo/ bsad pa pho mo'i sngags 'dis brdeg trig trig ser ser/ ku lu ku lu/ mo ku mo ku/ tsa ha tsa ha/ ma ti dza la/ kha he tsag ra lding / mu hu mu ru myogs lding ldang bu/ phyag phyug mi he ha bshal bshul/ ma hu sa ne/ tsag tsag cig cig mu taM ma ti/ phu ru tsis tsi/ myogs myogs/ bruM bruM/ dkar ldan me he hi/ ku ma lu tse/ e phaT nr-i/ dga' ba'i mchog chen po// tsicing lding mu ka ye kod kod mi he/ myags myags mi tsa ku/ hu hu tse he/ mud ye ye/ skar mi ting ting / prab prab/ brib brib/ tsing le lding ming lo ka ya shi baM myogs sta ri/ pho mo bsad pa ru bzlog dang // dkrug dang bcud dang brdeg pa'i sngags// de la rab tu brnag par bya'o// mo rang snying thun sngags 'dis bsgrub// trag rak+Sha kha mun tra mu tra/ mu ru lu ru lu kha la ma hi/ ru lu b+h+yo/ 'dis snying la rbad par bya'o// e ka dzA

  533. 267a

    ti me da ra lig snying kha rag ma/ rag mo srog rtsa rbad/ kha 'dar ru ni sa ma ya b+h+yo/ 'dis ni gsad par bya'o// e ka dzA ti me sen me sen/ trag rak+Sha/ snying kha rag sa ma ya dza dza/ drag sngags gsum pa'i bsgrub lugs su// phur bu'i sngags 'dis gzir bar bya'o// hUM hUM tshin+da tshin+ta mA ra ya/ ma ga sha tuM pra be sha phaT/ phung po bshig pa'i sngags 'dis brdeg pra be shag phaT/ tsi be shag te/ phyogs shu gu aM ku sha dza/ tsit+ta gu lu sma ra ma shag ti dzA/ yid kyi rnam par shes pa drangs shig pa'o// bam rmugs rbad thibs// ling shar nges sod// tsit+ta rtsad nas drongs shig pa'o// de ni snying thun sngags gzer te// phung po bshig pa'i drag sngags yin// phrin las bdag mo yin pa'i phyir// thams cad zhi bar bya ba ni// trag rak+Sha e ka dzA ti sarba shAn ting ku ru swA hA/ thams cad rgyas par bya ba'i phyir// trag rak+Sha e ka dzA ti/ sarba puSh+Ting ku ru swA hA/ thams cad dbang du bsdu ba'i phyir/ trag rak+kha e ka dzA ti/ sarba ba shang ku ru swA hA/ drag pos bsgral ba'i bsad sngags ni// trig trig ser ser sngags kyis so// ser ba dbab na 'di'o// trag rag sha ma ma/ rag mo e ka dzA ti/ dud phrom/ dkar phrom/ shu ti phrom/ yug ti smin/ drag tu tshar/ shar shal ta phob/ tr-i tr-i phob drag tu phob/ cho 'phrul ltas ngan dbab pa ni// ma ma rag mo e ka dzA ti/ yo ma

  534. 267b

    lim shag lim ma sha dzA/ mi sha dun dza pho ba ya/ trag tag he he/ ma dun tsa ya/ kram kem/ si la dun tse ya/ kyang kyang pho ba ya/ 'ur 'ur/ trab trab thib thib/ kying kying dun dun pho ba ya/ tsi pho ling / du ra yag shi/ du du bri la dun tse pho ba ya/ rgya rgya ya phob ya/ de nas sngags kyi dgos pa ste// yang dag bshad kyi nges par byos// za byed sbyang rgyal nag mo'i rgyud las dgos pa ma lus pa'i gsang sngags kyi skabs te nyi shu pa'o// // bde byed lha mos yag gsol pa// dpal ldan rang byung rgyal mo yi// thun gyi kha tshar bdag nyan 'tshal// gdug byed lha mos bshad du gsol// de skad gsol pa gsan nas kyang // rang byung rgyal mos bka' stsal pa// thun la rnam pa bzhi ru bshad// bsgrub par bya ba'i thun bzhi ni// snying thun khrag thun dug thun phur thun no// khrag thun snying du bsgrub par bya// dkyil 'khor mthing nag gru gsum du// skyed bu gsum khar zod khrag bzhag/ rgyas gdab sol ris le brgan gur// bya rgod sgro rtsa dag nas bsngags// sgo bzhi 'byed pa'i pho nya btang // sngon dmar gzungs thag lcags phur brtod// 'byung bzhi'i ma mo bsgom la gdab// drag sngags 'dis ni mngon du bsgrub// trag rak+kha kha mun tra/ mu tra e ka dzA ti snying kha rag ma b+h+yo/ trag rak+kha sa ma ya dgra bo'i snying ling rgud/ ma ma snying kha rag snying kha rag ma ma rag sha

  535. 268a

    ma ma rag sha rag mo snying khrag la ma dun dun/ trag rak+Sha ma/ snying le he ke ma/ ma ma ru lu ru lu b+h+yo/ khog sbub drongs shig/ snying khrag la sa ma ya d+haM dza dza/ snying rtsa phyung zhig ma ma snying tsit+ta la thun/ snying khrag ma ma thun/ shi sti ta ma snying la ya ma b+h+yo/ ma ma sha sha ma ma hring hring / mA mA sa ma ya dgra bo ni mA ra ya sod sod/ ma ma tsit+ta dza la raM/ snying rtsa la rol/ chum thum ri li li/ ma las myur du mdzod cig khrag las snying du grub pa dang // de nas sngags 'di bzlas par bya/ oM badz+ra snying lig oM badz+ra snying mgo chod cig kha la za mun ta lo dun ti da ra ya rbad/ oM badz+ra khrag ti snar ba rbad/ oM badz+ra tsa tu kri da ra rbad/ oM ga shu kri da ra ti ti ya badz+ra hUM phaT/ rbad du rbad du/ rbad bu rbad bu da ra ka ya/ stim bam shista sa ma ya/ de nas snying de gtub cing bsreg/ dngos grub mchog tu thob par bshad// za byed sbyang rgyal nag mo'i rgyud sa khrag thun gyi skabs te nyi shu gcig pa'o// // de nas snying thun 'di gsungs so// gru gsum mthing nag kha khyer dza// dbus su b+han+na kha sbyar la// phyi rol dug khrag dmar nag byug/ gri mor shi ba'i snying chen la// nang du snying phye sna tshogs blugs// rgyus chen dag gis bcom par bya// ming rus snying gar sngon dmar btags// de yang snying ga'i nang du gzhug/ skud pa srog rtsa'i nang nas phyung // lcags phur brtod

  536. 268b

    la gdug byed bsgom// thod pa'i steng du bu gu dbug/ gri lcags sbu gur yungs kar bsngags// mthing nag dar ram le brgan gur// rgya dang bcas te sngon dmar bcing // srog gi snying pos mngon du bsgrub// ma ma trag rak+Sha kha mun tra/ mu ru lu ru lu hUM b+h+yo hUM/ rag mo te ku ma dzA kha la b+h+yo/ 'bod cing ma mo mngon du bsgrub// ma ma trag rak+ka kha mun tra/ snying kha rak+ta srog rbad/ tsit+ta longs/ rak+ta thun b+h+yo/ chum thum ri li li rbad/ tsit+ta ku lu sma ra ma shag ti dza dza/ rtags dang sbyar la las la rbad// de nas srog snying 'di yis bsgrub// snying bam ri la/ snying kha rag tshal pa/ rbad 'ud rbad phaT/ tsag le mu ru bam/ e ste phaT/ ne ga sod sod/ 'ud myogs thum ri la/ a lo sha 'ud/ kha thun snying dum bu rbad/ dug srog khyer yag sha bam ril rbad/ yungs kar rgyal por bsngags shing brdeg/ de nas phur bu dril bya zhing // snying la mgo mjug med par brdeg/ oM badz+ra kI la ya sarba bistAn baM hUM phaT/ tsit+ta rbud khug yang phyug myogs thum bam ri la/ zhung zhung chum chum rba na rba na ki la ya kI la ya/ rak+ta rak+ka/ khrum khrum/ kro d+ha bam ri la/ zhes brdeg go/ de nas snying dang ling+gar bcas// gtub cing sngags bzlas gtor mar dbul// gtor ma bdud kyi nyi ma la// rlung la 'phyar na phung bar bshad// za byed sbrang rgyal nag mo'i rgyud las snying thun gyi sgrub

  537. 269a

    pa brnag pa'i skabs te nyi shu gnyis pa'o// // de nas myos pa'i dug thun dag/ shin tu drag po'i mdze thod nang // phyi rol dug byug re bar gril// sna tshogs khrag dang dug sbyar la// bud med zhabs mas kha yang gcad// drag po'i sngags 'dis dug thun bsgrub// ma ma trag rak+Sha/ zum ri li li/ bal dug kun dug e ka dzA ti tip+ta tsakra kro d+ha mA ra ya b+h+yo b+h+yo/ khol lam rlangs byung spros pa na// ming rus dug gi rlangs pas bdug/ gru gsum bcug la dug gis brdeg/ oM A be sha kha be sha be sha ma/ ru be sha ka thun kha thun/ shog tham shog tham/ sa tham sa tha ma/ baM mugs baM mugs/ myos rgal myos rgal/ na ti s+t+waM b+ha nan/ zhes bzlas la ling+ga la gtig cing / klu nag po gnas pa'i sar mnan no// za byed sbyang rgyal nag mo'i rgyud las myos pa dug thun gyi skabs te nyi shu gsum pa'o// // de nas gdug byed phur thun dag/ gru gsum mthing nag thur du brko/ kha khyer thod phreng me ris bskor// lcags kyi phur pa sor brgyad pa// gdug byed nag mor bsgom par bya// so ba tshig phye gu gul dang // sha chen rak+ta zhing gi ras/ go ro tsa na la sogs pas// chag gang gzugs dang dbang po btod// ming rus bris la mdun rgyab bslan// rkang rjes lud pa ngar snabs kyang // ling+ga de yi rgyu ru bya// tshon skud sna lngas gzugs bkyigs la// phur pa

  538. 269b

    de la btags la bzhag/ gu gul dud pas lha dang dbye// yungs kar rgyal po dag dang ni// phur pa dbang bskur byin gyis brlab// phur pa drag po'i sngags 'dis bsgrub// oM me da ra hring thum ril rbad/ oM tsa ra ma snying khrag rag ra ti badz+ra dun b+h+yo/ oM me da ra lig snying kha rag rbad/ grub rtags 'od dang du ba dang // me 'bar sgra dang dri zhim na// 'bar ba'i sngags bzlas gzugs la brdeg/ da ra hring gis ming la brdeg/ da ra ling gis rus la brdeg/ de nas lus spyir sngags 'dis brdeg/ hUM hUM tshin+na tshin+na mA ra ya// ma ga sha truM pra be sha phaT/ de nas lus spyir bskud cing brdeg/ snying khrag srog pa rtsa yi khrag/ pad+ma rak+ta'i gtor ma yang // gdug byed ma mo nyid la dbul// gzugs de klu gnas sa ru sba// yang na byang shar sbyin sreg hom// zhes gsungs so// za byed sbyang rgyal nag mo'i rgyud las yang snying phur thun gyi skabs te nyi shu bzhi pa'o// // lha mo bde byed yang gsol ba// dpal ldan rang byung rgyal mo che// dbab pa'i las dag bshad du gsol// de skad gsol pa gsan nas kyang // rang byung rgyal mos bka' stsal pa// dbab pa rnam pa gnyis yin te// ser ba dbab dang ltas ngan dbab// ser ba dbab par 'dod pa na// mdze can dag gi mgo thod dam// rabs chad yugs sa'i thod nang du/ khyi rgyar rog pa dmar khrag/ sngon sna sna

  539. 270a

    tshogs brdungs te sbyar// gu gul dud pa thod par 'dug/ rgya tshil gsur chen gu gul gyi// dud pas yul lha bdug par bya// rta mgrin skur bsgom ma mo gzir// ma mo'i bsnyen pa rdzogs pa dang // sngags 'dis bsnyen pa 'bum du bskul// dur phrom dkar phrom/ shud ti phrom yug ti smin/ trag dur tsar hril b+h+yo/ sha ra sha la ta hril b+h+yo/ traM traM mur b+h+yo/ phob rab tu pho ba ya/ yul lha'i thog tu thod pa nan// khrag dang sngon khus yul lha bsku// de dus sngags 'dis yul lha gzir// oM ya mAn+ta ka/ pad+man+ta kr-i ta/ ha ya grI ba/ a tsa me da ra ku ru me tse sa brag swA ha/ drag tu khros te bzlas par bya// yul lha rten bdag gzir nas kyang // yul khams ser bas 'joms par bshad// yang na klu gnas chu mig dang // bdag nyid nub phyogs phyir bskyed la// bag phye'i sbal pa bzhi byas te/ khrag la sngags bzlas spyir bor blugs// mgo mjug khrag dang sngo khus bsku// klu yang mi bzod 'joms par bshad// zang po che la las byas na// phug pa gcig tu me btang la// dgra gzugs bag phye dag la bya// ming rus khrag dang sngo khu dag/ gcig tu bsres la sbyin bsreg bya// srid pa 'khrug par ma gyur na// ser ba phebs par mi 'gyur te// ma mo chu 'khyags bdag mor bsgom// zhes gsungs so// za byed spyang rgyal nag mo'i rgyud las ser

  540. 270b

    ba dbab pa'i skabs te nyi shu lnga pa'o// // de nas ltas ngan dbab pa'i phyir// dkyil 'khor phrin las rnam bzhir bri// dbus su mthing nag gru gsum du// ltas ngan bdag mo zhal phyung ste// 'bru nag gzan la ji bzhin pa'i// mthing nag ral pas sa gzhi khyab// mche gtsigs spyan dmar rna ba krog/ phyag g.yas tsit+ta g.yon sbyang mo// thugs kar gru gsum kha phye la// dgra bgegs gang rung ming rus dang // ma mo'i snying po gzhug par bya// slar yang mthing nag dar gyis gcad// spyi bor le brgan gur gcig dbub// 'bru nag zan la ltas ngan ni// rang nyid gang 'bebs sha khrag dang // bsres te ltas ngan gzugs byas te// ma mo nyid la bskor la bzhag/ yang sbrul sna tshogs dbab pa'i phyir// re re la yang bzhi bzhis bskor// rang rang snying khrag sha rus la// gtor ma byas te bzhag par bya// gso ba la sogs pa'ang de bzhin te// sum sbrul 'od dang dbab pa'i phyir// me long g.yab cing sngags kyang bzlas// ru dar nag po rten du bca'// ma mo nyid kyi rgyab tu yang // sngon dmar dra ba bskur bar bya// rke ru gser gyi dra ba gdags// mdun du rgya shog dag la yang // ma nyes yus kha bris la bzhag/ rnal 'byor rang gi spyod yul las// rgyal ba'i sras po nyid mi bsnyen// byang sems dkar dmar a mr-i ta// chang phud sogs pas

  541. 271a

    dbang yang bskur// ltas ngan bdag mor dbang yang bskur// ltas ngan sna tshogs 'bebs par bsgom// snying khrag snying dang srog rtsa'i khrag/ sna tshogs ltas ngan sha khrag sbyar// nang nub gtor ma rgyun mi 'chad// nyams dang rmi lam mngon sum du// rnal 'byor rang gi gnas su 'ong // de nas dgra la rbad par bya// bdag nyid che mchog he ru ka/ ma mo trag las mngon du bskyed// ltas ngan sna tshogs 'gyed par bsgom// sngags 'di rgyun du bzlas par bya// trag rak+Sha kha mun tra mu ru lu ru lu hUM b+h+yo b+h+yo/ rag mo te ke ma dza dza kha la b+h+yo/ ru lu ru lu ma hi b+h+yo/ yaM lim shaM lim ma sha dza/ ma sha dun dza pho ba ya/ trag he he ya dun tse ya/ kr-i kr-i sri la dun tse ya/ kyang kying phob ya/ 'ur 'ur trab trab thib thib kying kying / dun dun phob ya/ tsi pi li dur yag shi du du pri la dun tse pho ba ya/ rgya rgya pho ba ya/ rang gi gnas dang tho phyi ru// thib thib ma byung bar du bzlas// ting nge 'dzin gyis ma zin na// yang yang 'ong yang thebs par dka'// de nas 'o dod dpang gzug ste// rdzas rnams dgra phyogs kha yang bstan// 'od dang sgra dang thug chom dang // sna tshogs ltas ngan gdon mi za// de nas rdzas rnams dril byas te// rang gi lus la bsrel bar bya// phyis ni rdzas kun gtor bas chog/ yid la gang bsam gang 'dod 'ong // zhes gsungs so// za

  542. 271b

    byed sbyang rgyal nag mo'i rgyud las cho 'phrul ltas ngan dbab pa'i skabs te nyi shu drug pa'o// // lha mo bde byed yang gsol pa// rang byung rgyal mo'i bskang rdzas gang // bskang lugs gang lags bshad du gsol// de skad gsol pa gsan nas kyang // rang byung rgyal mos bka' stsal pa// rnal 'byor ma mo spyod pa'i tshe// bskang lugs bcos thabs 'di ltar bya// dur khrod dben pa'i gnas mal lam// chu 'gram mtsho gling ri rab khar// skra bu ba mi dang ma 'phrad par// 'bru sna tshogs pa'i ngar phye la// sha khrag snying phye gser g.yu brdar// zhi rgyas las bzhi'i glo 'bur brtsegs// rgyas pa gser gzhi'i steng dag tu// snang srid gzugs kyis bskor la gzhag/ de steng zhi ba dkar zlum du// spyan gzigs sna tshogs bkram la gzhag/ zur gsum brtsegs par zla gam gsum// zla gam gsum la gtor ma gsum// mi khyi rta yi sha khrag snying // gzhan yang sna tshogs 'byor pa dgram// gru gsum rtse mo lho ru bstan// sor gnyis gyen du slong ba la/ khru gang zur du bru bar bya// sol chen dag gis nag por bya// zur gsum rtse la ru dar gsum// rma bya'i rgyal mtshan gsum yang dgod// mi khyi rta yi snying gsum yang // srog pa rtsa dang bcas te gzhag/ gru gsum dbus su snrel mo'i mgo/ dum bu lnga pa gzhag par bya// de yi nang du ma mo'i sku/ lugs ma dag

  543. 272a

    gam ra shing la// 'bur du brus pa bzhugs su gsol// yang na 'bru zan las byas pa'i// mthing nag 'jigs pa'i cha byad can// zhal gdangs spyan bgrad mche gtsigs pa'i// ral pas sa gzhi khyab pa la// spyi gtsug mthing ga'i ral pa 'od du 'bar// g.yas pa bam chen tsit+ta la// g.yon pa g.yu yi spyang mo phra thabs thogs// sbrang mo 'bum gyis bskor bar bya// thugs kar mtshal gyis trag gcig bri// zhal du brnag pa'i ming rus gzhug/ sngon du rnal 'byor byol zor bri// le brgan gur dbub zhing yol bri// de ltar bzhengs pa'i ma mo de// tshe srog bdag mo yin par bshad// tshe yi dkyil 'khor bzhengs gsol la// skabs su tshe yi snying po drang // dang por ting 'dzin rnam gsum gyis// rang gi sems nyid rtogs par bya// rtogs pa ma yengs brtan po yis// phrin las rnam bzhi'i maN+Dal la// b+han+d+ha 'bar ba'i gzhal yas su// rang byung ye shes chen po las// yi ge trag tu 'phros pa yis// trag las ma mo gsal bsgom ste// 'khor ni nag mo 'bum dang bcas// ting 'dzin brtan po ma yengs bsgom// de yi mdun du mchod pa kun// 'dod yon sna tshogs ldan pa bsgom// bya nag lug nag bskang ba'i rdzas// bdud dang ging la'ang de bzhin du// rang rang mnyes pa'i rdzas kyang bsham// zhag gsum bar du dpal bsnyen

  544. 272b

    bya// drug gi bar du tshe bsgrub bya// dgu yi bar du ma mo bsnyen// bcu gnyis bar du ma mo bskang // bco lnga'i nub mo thun zor 'phang // rgya mtsho chu bo'i gzhung la bskyon// de yis dgos 'dod thams cad 'grub// ces gsungs so// za byed sbyang rgyal nag mo'i rgyud las gu h+ya tsit+ta mdos kyi le'u zhes bya ste nyi shu bdun pa'o// // bde byed lha mos yang gsol pa// bdag ma yin pa yid ches phyir// skye rgyud lung bstan bdag nyan 'tshal// de skad gsol pa gsan nas kyang // rang byung rgyal mos bka' stsal pa// nyon cig lha mo bde byed ma// sum cu rtsa gsum lha gnas na// lha chen ma hA de ba dang // lha mo u ma de wI gnyis// ma mjal yid kyis sbyor ba mdzad pa las// yab yum gnyis su med pa'i mdangs las lha mo u ma'i dpral bar lcags kyi mdzer pa gcig skyes pa las/ yab kyis khye'ur smon lam btab/ yum gyi bu mor smon lam btab ste/ yum gyi smon lam mthu btsan nas/ bu mo bzang sdug la 'od chags pa gcig skyes so// ming yang lha mo mdangs ldan mar btags so// bu mo de zas su ni lha'i zhal zas ro mchog brgya dang ldan par za/ gos su ni lha yi na bza' pany+tsa li ka gon pa la/ bdud thod pa'i phreng ba can dang bdud mo brgya byin kun dga' mo'i bu bdud brang rkun nag po bya ba'i chung mar phyin te/ pha ma gnyis kyis dmod

  545. 273a

    pa bor ro// khyod lta zhig la bag ma song na yang gal med pa la/ khyod lha'i bu mo gsos pas bdud la song ba las/ khyod lus mthing las gnag par song zhig zas su mi sha rta sha za ba gcig tu song zhig skom du mi khrag rta khrag 'brang ba gcig tu song zhig gos su mi lpags gon pa gcig tu song zhig ces dmod pa bor bas/ yum gyi dmod pa btsan par 'gyur te/ mod de nyid la de bzhin nyin du gyur te/ dme sha gsum la rkan phab pas sa'i zhal zas zos pa shin tu ro rgyas pa/ gos su mi lpags gon pas shin tu brjid che/ ral pa nag po sa gzhi khyab pa gcig tu gyur te/ yab yum lha yin pa'i rtags su/ spyi bo'i gtsug tu mthing gi ral pa 'od du 'phro ba gcig ma 'gyur bar gnas pa las/ mtshan yang ral pa gcig mar mnga' gsol lo// de nas rgya mtsho'i gting du yum mtsho sman rgyal mo'i dngos grub brnyes te/ brag dmar chol zangs 'dra ba la nyin gyi gnas bcas// mtshan yang me za brag gyon mar gsol lo// de nas dur khrod gnas kun nyul bas/ mtshan yang dur khrod klong dgu ma// gru gsum dpal gyi pho brang du// dpal chen khrag 'thung dbang thob pas// mtshan yang dpal gyi gzungs gcig ma// lho phyogs gshin rje'i pho brang du// ya mAn ta ka'i yum mdzad pas// mtshan yang sgeg mo ral gcig ma// gru

  546. 273b

    gsum shel gyi dkyil 'khor du// rdo rje gzhon nu'i yum mdzad pas// mtshan yang 'khor lo rgyas 'debs ma// ri bo ma la ya yi rtser// phyag na rdo rje'i zhabs drung du// gsang sngags bsrung mar dbang bskur bas// mtshan yang sngags srung nag mo bya// thams cad gsod pa'i las byed pas// srin mo ral gcig sha za ma// rnal 'byor yongs kyi grogs byed pas// mtshan yang dgra 'dul nad tshod ma// de yang tsha ba'i nad gtong bas// mtshan yang bal mo kun sdug ma/ khrag rims yams nad gtong byed pas// mtshan yang nag mo khrag 'dzag ma// ltas ngan cho 'phrul gtong bas na// mtshan yang mon mo nag mo bya// de bzhin mtshan gyi rnam grangs yang // brjod kyis mi lang bsam yas te// phyag na rdo rje sprul pa'i sku// de nyid sprul pa bstan pa bas// zhes gsungs so// za byed sbyang rgyal nag mo'i rgyud las skye rgyud lung bstan pa'i skabs te nyi shu brgyad pa'o// // de nas 'dus pa'i phal mo che// shin tu ngo mtshar yi rangs nas// ma mo nyid la mngon par bstod// hUM/ gsang sngags gtan gyi srung ma mthu mo che// sngags srung nag mo ral gcig ma// mngon par bstod kyis dam ma 'da'// gru gsum yum gyi mkha' dbyings nas// trag las skur bskyed rdzogs pa ni// thugs nyid mya ngan las 'das kyang // sbyor ba khams gsum mdzad pa'i

  547. 274a

    rtags// ral pa mthing nag 'bar ba ni// chos nyid 'gyur ba med pa yi// don dam thugs su chud pa'i rtags// ral pa thor tshugs gcig bcings pa/ khams gsum dbang du sdud pa'i rtags// phyag g.yas zhing chen tsit+ta ni// 'gro drug rtsad nas gcod pa'i rtags// phyag g.yon g.yu yi spyang mo phra thabs gtong ba ni// gdug pa'i dgra bgegs myur du 'dren pa'i rtags// thugs las sbyang mo dgu 'bum 'phro ba ni// stong khams dgra bo ma lus sgrol ba'i rtags// zhabs gnyis gyad kyi dor thabs bzhugs pa ni// thabs dang shes rab gnyis med sbyor ba'i rtags// ma mo nag mo gdug pa'i srog sgrol ma// mngon par bstod kyi mthu ma chung // zhes brjod do// de nas phrin las kyis ma mo 'di skad bskul bar bya'o// phrin las rnam bzhi lhun gyis grub// gru gsum mthing nag klong dkyil nas// sngags kyi srung ma mthu mo che// sku mdog mthing nag 'bar ba la// ral pa'i zar bus sa gzhi khebs// g.yas kyi phyag na zhing chen tsit+ta bsnams// g.yon nag g.yu yi spyang mo bsnams// g.yu yi spyang mo dgu 'bum thugs kyi pho nyar 'gyed// 'dzin byed 'bar ba'i lcags kyu yis// mig gi dbang po mngon du phyung // lcags kyi sder chen gdengs pa yis// lus kyi khong khrol snying phyung zhig/ sbrang mo sprul pa'i 'phro 'du yis// srog rtsa snying rtsa

  548. 274b

    phyung la shog/ mgo dang lus su phrol la shog/ sha dang rus pa phrol la shog/ nang khrol dbang po spyos la shog/ dgra bo'i lha lnga dbang du sdus// mngon spyod drag pos rdul du rlogs// zhe sdang skyed cing srid pa dkrugs// mi mngon mkha' 'byings bde chen nas// e ka dzA ti ral gcig ma// dbu dgu thor tshugs gcig bcings shing / khams gsum srid gsum dbang du sdud// deng 'dir las rnams thams cad byed// mkha' la de bzhi gshog gcig ma// dpal gyi gtsugs 'byams a la la// zangs kyi kha la lcags kyi so// sna tshogs zhal la zhing sgrol ma// mthing nag gcer bu dbu dgu ma// snying yang dgu ste rkang gcig ma// stong khams 'phyo zhing mkha' la 'gro// bltas pas bdud rnams sgrol bar byed// lag na lcags kyu rtse dgu bsnams// gdug byed rnams kyi snying 'byin ma// rdo rje ba spu re re las// rdo rje lcags kyu re re 'phro// gnod byed ma lus rdul du rlogs// bar bar mig nas khrag 'dzag ma// rkan sgra rdebs shing bdud dpung 'joms// rtag tu dbang phyug sku la rol// dga' ba'i dbang gis grogs mdzad ma// 'dod khams gtso mo dbang du sdud/ khyod ni ma brgyad gtso mo ste/ khrag gi bcud la 'thung zhing lha rnams dbang du sdud// dam rdzas rkun gyi gtor ma 'di longs la/ khrag nad dug mda' 'phen cing phrin las mdzod// de

  549. 275a

    phyir phrin las bdag mo mthu ma chung // zhes pas phrin las kyi bdag mo bskul/ ltas ngan bdag mo 'di skad bskul// ru dar nag po rma bya dang // me long g.yab mos g.yab par bya// hUM gsang sngags gnyen gyi srung ma mthu mo che// bzhengs shig mi mngon dbyings nas bzhengs// bskul lo dam tshig bdag mo bskul// gshegs shig cho 'phrul bdag mo gshegs// sku mdog mthing nag tse re re// ral pa nag po sha ra ra// mthing nag ral gcig rgyangs se rgyang // g.yu yi smin ma khyugs se khyug/ spyan mig nyi zla 'khyil ba tsam/ khrag gi mchi ma sha ra ra// zhal gdangs mche gtsigs thams se tham/ khrag dang zhag 'dzag zu lu lu// ljags 'dril rkan rdeb chems se chem// mi lpags g.yang gzhi 'jol lo lo// dar nag ber chen lhubs se lhub// g.yas kyi phyag na tsit+ta phar mi chad// g.yon gyi phyag na sbyang mo phra thabs bsnams// de phyir phrin las bdag mo dam la 'du// zhal nas nad kyi rlangs pa thul// mig nas khrag rims yams nad gtong // sna nas dud 'thul mdze nad gtong // sku las zer 'phros 'brum nad gtong // khong nas nad slong mkhris pa gtong // de phyir nad kyi bdag mo dam la 'du// g.yas na gser gyi brag chen zangs se zang // g.yon na g.yu yi mtsho chen khyi li li// sngon na mon mo mdzes mo sha ra ra// klad na

  550. 275b

    bal mo mdzes ma ldems se ldem// zhabs gnyis dor thabs dam nyams snying dang lte bar gzir// ltas ngan wa spyang cho nge di ri ri// 'dab chags phra zabs mang po zhal la// sha zan sder chags mang po 'phur lhab lhab// sder chags stag gzig mang po 'dzum mdangs mu lu lu// sbal nag sbrul nag sdom sdig nyi li li// ces spyang kha gdangs mang po 'du ru ru// mon pa spre'u skya zhon ye re re// gser 'od g.yu 'od dung 'od lams se lam// bud med nag mo g.yab 'dor lings se ling // ltas ngan yang sbrul mang po thibs se thib// de phyir ltas ngan bdag mo dam la 'du// nyid kyi che ba brjod kyis mi lang ste// yon tan sna tshogs 'byung ba'i dpal ldan ma// ltas ngan cho 'phrul dgra la dbab tu gsol// ma ma i la ta ka keng kying kying mkha' la lding / dur du b+h+yo rog ma rgyug pa la tshor/ a mo kar nongs zhes yungs kar la bzlas la gtor ro// ltas ngan sna tshogs su shigs kyis 'ong bar 'gyur ro// za byed sbyang rgyal nag mo'i rgyud las mngon du bskul ba'i skabs te nyi shu dgu pa'o// // de nas yang dag bshad bya ba// bstan pa'i bsrung mar dbang bskur te// man+dal mda' gang gru bzhi la// sna tshogs khrag gis chag chag gdab// rdo rje sngags srung nag mo ni// lugs sam yang na dar dkar la// mkhas pas cha byad

  551. 276a

    rdzogs par bri// de yi mtha' mar rdzas rnams dgod// ting 'dzin brtan pas dgug cing bstim// yang nas yang du dmigs pa bskyed// dmigs pa brtan por gyur pa na// bstod cing bska zhing dbang yang bskur// bka' rtags phyag rgya'i dbang rtags yin// ru dar nag po rten du bca'// 'bar ba sku yi dbang yang bskur// drag sngags gsung gi dbang yang bskur// gnyis med thugs kyi dbang yang bskur// ye shes yon tan dbang yang bskur// thun rdzas phrin las dbang yang bskur// 'bras bu sna tshogs gtor mas bskur// byang sems dkar dmar sbyor ba'i dbang // de ltar dbang rnams rdzogs par bskur// de rdzogs phrin las thogs pa med// de ma rdzogs pa'i rnal 'byor pas// ma mo bsgrubs kyang 'grub mi 'gyur// zhes gsungs so// za byed sbyang rgyal nag mo'i rgyud las dbang bskur ba'i skabs te sum cu pa'o// // de nas dpal ldan rang byung rgyal mo des/ 'di skad ces bka' stsal to// he/ nga ni dus gsum thams cad du// nga yi thugs rje rgyun mi 'chad// nga ni bde gshegs sbyor sde mo// dam tshig can gyi dgra 'dul ma// nga ni rnal 'byor sgrub sde mo// dam tshig nyams pa'i srog gshed mo// nga ni rang byung rgyal mo ste// nga ni nga las byung ba yin// thams cad nga yi sprul pa yin// dkar

  552. 276b

    mo sku yi sprul pa yin// smug mo gsung gi sprul pa yin// nag mo thugs kyi sprul pa yin// ser mo yon tan sprul pa yin// dmar mo phrin las sprul pa yin// de dag thams cad nga yin pas// nga yi sprul pa bsam mi khyab// nga yi ming ni cir yang grags// nga yi phrin las thams cad byed// kun gyi rtsa ba gcod 'dod na// thams cad nga yin nga nyid ltos// nga nyid yongs su gzung bar gyis// zhes zer te mi snang bar gyur to// yongs su gtad pa'i skabs te sum cu gcig pa'o// // snying por gyur pa'i rgyud rdzogs so// de ba tsan+da la be ros zhus// // @#// rgya gar skad du// DA ki ni ag+ni d+ha dz+wa la tan+ta/ bod skad du/ mkha' 'gro ma me lce 'bar ba'i rgyud/ srid gsum 'jigs byed drag po rdo rje'i sku// bdag dang gzhan gyi dpal gyur snying rje can// bdud las rnam rgyal ye shes lnga dang ldan// phyag na rdo rje che la phyag 'tshal bstod// 'di skad bdag gis zos pa dus gcig na/ ri rab ri'i rtse mo gshin rje 'bar ba'i pho brang / gnod sbyin ut+pa la'i gdong gnas pa'i dur khrod/ srin po ma tang+ka ru tra ka'i 'chag sa/ bdud gtsug phud nag po'i khang pa/ rtsub 'gyur gyi tshal chen po/ lha dang lha ma yin g.yul 'gyed pa'i gnas/ 'byung po dge ba kha T+wAM ga'i shing nag po ti sha ka skye sa/ srin mo kang+ka la zangs kyi gshog pa me

  553. 277a

    ltar 'bar ba'i zhing khams mi ro gsar rnying mang po yod pa/ nam mkha' las tri shU la dang 'khor lo dang lce 'bab pa/ sa gzhi las ral gri dang / spu gri dang mdung rtse lnga pa skyes pa/ ri bo thams cad keng rus su snang ba/ chu klung thams cad rnag khrag tu 'bab pa/ sa phyogs thams cad ni mi ro ut+pal sngon po'i dri mnam pa/ nye 'khor na rngam pa dang / ngu ba'i nga ro rab tu 'jigs pa drag ste/ shin tu 'jigs pa rab tu skyi g.ya' ba'i gnas de na/ bcom ldan 'das dpal 'jigs byed kyi rgyal po/ rigs sngags dang gsang sngags kyi bdag po/ thabs dang shes rab kyi dbang phyug/ sku dang ye shes kyi rang bzhin/ drag po chen po dpal phyag na rdo rje snying rje chen po gtum zhing khro ba/ lus bskal pa'i me chen po ltar 'bar ba/ srid pa gsum dang bdud bzhi dang / nyon mongs pa brgyad khri dang / sgrib pa rnam pa gnyis las rab tu rgyal ba/ sangs rgyas stong rtsa brgyad kyi thugs yang dag pa'i ye shes las grub pa/ lha ma srin sde brgyad kyis mchod cing phyag byas pa/ nyi ma stong gi gzi dang ldan pa/ dbu skra kham pa gyen la brdzes pa/ spyan sdang mig me ltar 'bar ba/ shangs kyi rlung sgom nas bskal pa'i rlung 'byung ba/ zhal gyi mche ba rdo rje zla tshes su gtsigs pa/ rin po che margat+tas dbu brgyan pa/ rigs lnga'i rgyal ba mi bskyod pa bzhugs pa/ thod pa

  554. 277b

    skam rlon gyi dbu rgyan dang mgur chu can/ mchog dang glang gi ko bas brgyan pa/ lag na ye shes kyi rdo rje rtse lnga pa 'dzin pa/ klu'i rgyal po gzi can gyis thod du bcings pa/ klu tak+Sha kas rked chings byas pa/ klu kun nas gdugs dang / sog ma med kyis gdan khri bras te/ khro bo chen po'i cha byad du byas nas bzhugs so// de'i 'khor ni tshangs pa dang / 'jug sred dang / brgya byin dang / ma hA kA li dang / drang srong me bzhi 'jug dang / thang la gnas dang / gshin rje rtol pa nag po dang / srin po rA ma Na dang / chu'i lha dang / rlung gi lha dang // gnod sbyin chen po ku be ra dang / 'byung po dbang ldan dang / nyi ma dang / zla ba dang / skar ma dang / sa bdag lag chen dang / ma mo nag mo ral gcig ma dang / lto 'phye rab brtan dang / grul bum dang / dri za dang / mi'am ci dang / rnam thos kyi bu dang / lha ma yin dang / nam mkha' lding dang / 'byung po pho mo dang / gcan gzan gyi tshogs ni seng ge dang / stag dang / khwa dang / sbrang gi dang / dom dang / chu srin dang / gung dang / gzig dang / ces sbyang dang / sre mo dang / khyi li 'du dang / 'phar ba dang / sram dang / bya'i tshogs kyang bya rgod dang / chu klag dang / dur bya kang+ka dang / bzhad dang / khyung dang / bya rog dang / so bya dang / 'ug pa dang / khra dang / skye ga dang / srin bya dang / shang shang te'u dang / ne tso yang yod

  555. 278a

    do// gzhan yang glang po dang / sha sbrang dang / sbrul gdug pa can dang / rus sbal dang / rnga mo dang / bse dang / phag rgod dang / ba men dang / khyi sta dang / sha ba dang / gla ba la sogs pas bskor te bzhugs so// de'i tshe 'khor 'dus pa de rnams kyi nang nas glang po che rab tu brtan pa gtsug na gser gyi dra bas brgyan pa/ mgo bo sum cu rtsa gsum yod pa'i steng na/ nye dbang sum cu rtsa gnyis kyi dbus nas/ lha rnams kyi dbang po brgya byin zhes bya ba/ spyi bo'i gtsug na yid bzhin gyi nor bu rin po che 'bar ba/ lus la gser dang / bai DUr+yas brgyan pa/ des 'khor los bsgyur ba'i cha byad du byas nas/ glang po che'i stan las langs te/ dpal phyag na rdo rje la bskor ba lan gsum byas nas/ rgyal srid rin po che sna bdun gyis mchod par byas so// de nas brgya byin gyis 'di skad ces gsol to// rdo rje 'dzin pa gsang dbang po// yid bzhin nor bu rab 'dra zhing // dngos grub tshogs la mnga' brnyes khyod// snying rje bdag po yin pas na// ma 'ongs sems can skal ldan gyi// rdo rje mkha' 'gro go 'phang mchog/ nag mo me lce 'bar ba'i rgyud// bdag ni khyod la dri bar 'tshal// deng 'dir ston pas skabs 'byed zhu// zhes gsol pa dang / dpal hUM mdzad chen po des me 'bar ba'i gdan las bzhengs te/ rdo rje rnam par bsgyings pa'i ting nge

  556. 278b

    'dzin la snyoms pa zhugs nas/ brgya byin la seng ge'i lta stangs kyis gzigs nas/ glang po che'i 'gying bag tu gom pa gsum bor te/ hUM hUM hUM gi sngags bzlas te/ ye shes kyi phyag gis rdo rje lan gsum nam mkha' la dril te/ 'jig rten gyi khams 'di rnam pa drug tu g.yos so// de nas dpal phyag na rdo rjes 'di skad ces bka' stsal to// snying rje'i yid kyis brgya byin nyon// skal ldan dus mtha'i sems can rnams// mi nub chos kyi rgyal mtshan dang // rdo rje mkha' 'gro me lce'i rgyud// bdag gzhan don la 'jigs med pa// ngas bshad khyod kyi yid kyis zung // zhes bka' stsal pa dang / brgya byin la sogs pa'i 'khor shin tu dga' ba dang / spro ba skyes nas/ la las ni me tog man+da ra ba dang / pun+da ri ka dang / pad+ma dang / ut+pal dang / tsam pa ka dang / bu ram dang / bdug spos dang / mar me dang / byug pa dang / kha zas dang / gdugs dang / ba dan dang / bsil yab dang / bla re dang / rgyal mtshan dang / 'phan la sogs pa phyi'i mchod pas mchod de/ 'khor la las ni bdud rtsi rnam pa lnga dang / lcags kyu la sogs pa nang gi mchod pas mchod do// 'khor la las lha mo dang gnod sbyin mo'i cha byad du byas nas gsang ba'i mchod pas phul lo// de nas dpal phyag na rdo rje la lha'i dbang po brgya byin gyis 'di skad ces pa gsol to// khro chen

  557. 279a

    dus mtha'i me ltar 'bar// drag po hUM mdzad rdo rje 'dzin// da ltar 'dod pa'i khams 'di na// lha mo nag mo zhes bya ba// gtum zhing khro la lus kyang 'jigs// srid gsum skrag pa'i nus mtha can// dngos grub dam pa'i gzhir gyur 'di// dang po gleng gzhi rgyu yi rgyud// slob dpon slob ma gang gi rgyud// don dam kun rdzob lta ba'i rgyud// dkyil 'khor dam pa gsum gyi rgyud// zang ka lha rten sku gzugs rgyud// dpon dang g.yog ni dam rdzas rgyud// bskyed dang rdzogs ni ting 'dzin rgyud// rje dang khol gyi sngags kyi rgyud// bca' ba phyag rgya bcu gnyis rgyud// mchod pa gtor ma sbyin sreg rgyud// 'da' bar dka' ba dam tshig rgyud// grub pa'i drod tshad mtshan ma'i rgyud// spogs dang gnad la dbab pa'i rgyud// mi 'bral 'grogs pa gzungs kyi rgyud// pra dang mtshan ma dbab pa'i rgyud// dbang bskur gnang ba sbyin pa'i rgyud// so so las kyi bye brag rgyud// mar me dang ni bdud rtsi rgyud// thig le ye shes man ngag rgyud// lha srin sde brgyad bstod pa'i rgyud// 'khor la yongs su gtad pa'i rgyud// tha ma lung du bstan pa'i rgyud// dgos 'brel nyi shu rtsa gnyis gang // ston pas bka' stsol bdag nyan 'tshal// de skad ces gsol pa dang / dpal phyag na rdo rjes bka' stsal pa/ brgya byin la sogs pa khyed rnams kyis/ rdo rje mkha'

  558. 279b

    'gro ma'i dngos grub 'byung ba'i rgyud chen po zhu ba zhus pa legs so legs so// khyed kyang rab tu nyon la yid la zung shig ngas rnam par phye ba bstan par bya'o// sngon 'dod pa'i khams 'di nyid na/ ri rab kyi rtse byang shar gyi mtshams/ shing yongs 'du sa brtol zhes bya ba/ rtse mo na bya khyung ga ru Na gnas pa/ lo ma la 'dod pa'i yon tan lnga rang 'byung ba/ 'bras bu la rin po che sna bdun lo tog ltar smin pa/ yal ga'i rtse g.yu'i ze ba'i bar bar na// lha dang lha mo dang / gza' dang skar ma dang / nyi ma dang zla ba'i tshogs kyis brgyan pa/ rtsa ba'i ngos la khrus kyi rdzing bu bdun la/ re re la shing rta re re/ shing rta re re la bu mo bdun bdun/ bu mo re re la g.yog mo bdun bdun/ g.yog mo re re la rma bya bdun bdun yod do// shing rta de'i sa phyogs na/ sman gyi rnam pa sna tshogs dang / log tog gi rigs khri phrag bzhi rang skye ba tsan+dan dang / ga bur dang / go shiR+Sha dang / sbrul gyi snying po rdzing bu lnga brgyas bskor te/ de lta bu'i shing de thun mong gi bsod nams kyis skyes so// de'i dus la 'dod pa'i shing de ni lha rnams kyis dbang byed pa'i tshe/ ri rab kyi rtsa ba na 'od mi snang ba zhes bya ba'i gnas na/ lha ma yin gyi rgyal po sum brtsegs dang / thags zangs ris dang / he ran+d+ra ki shun dang / rnam par snang byed dang / rab sim dang / sgra gcan 'dzin la sogs pa bye ba

  559. 280a

    dung phyur tsam/ shin tu mi sdug pa'i cha byad du byas nas/ rab tu rngam pa'i nga ro dang / 'jigs shing skrag pa'i mtshon cha thogs nas/ ri rab kyi kha chos bzangs zhes bya bar lhags so// de nas ri rab kyi kha la lha ba su de ba dang / lha ma hA de ba dang / brgya byin nyid la sogs pa/ lha bye ba dung phyur la lha ma yin rnams kyis 'di skad ces smras so// ri rab rtse gnas sum cu rtsa gsum lha// shing 'di'i lha dang lha min thun mong las// da lta 'dod pa'i khyed cag lha dbang na// da ni nged cag lha min bdud la blang // zhes smras pa dang / lha rnams kyis slar smras pa/ dpag bsam shing la 'dod yon bsam yas kyang // bsod nams dbang gis lha la yongs su grub// gzhan la yod na skams shing med par 'gyur// de bas khyed la ljon shing nged mi ster// zhes smras pa dang / slar lha la smras pa/ thun mong las grub bde ldan ljon pa'i shing // lha yis dbang byas nged la mi ster na// 'jig rten sreg pa'i mtshon gyi char phab la// lha dang lha min g.yul chen 'gyed ces zer// ces smras te/ slar yang song nas lha ma yin gyis dmag drangs so// glang po che sa srung gi mgo sum cu rtsa gnyis la gnod sbyin sum cu rtsa gnyis zhon te/ dbus kyi mgo la dbang po thags zangs ris zhon te/ glang po che'i sna la ka ma la nag po btags te/ lha ma yin gyi

  560. 280b

    dmag bye ba dung phyur gyis bskor te/ rdzu 'phrul gyis nam mkha' la mtshon gyi char chen po me lce 'bar ba 'dra ba'i char 'bebs te dmag drangs so// de nas chos bzangs zhes bya ba'i gdan sar lha rnams 'tshogs te/ 'thab par brtsams pa dang / dang po lha rnams kyis khro ma shes nas rtsub 'gyur gyi khang pa na/ khro bo lang+ka nag po khros pa'i kha chu khro chu'i rdzing bu bdun 'khyil pa las 'thungs so// der lha rnams zhe sdang skyes te shin tu khro bar gyur nas/ bzo'i lha bi sho kar mas nub gcig la gser khrab bye ba phrag dgu 'bum rang brdungs so// lha ma hA kro d+has nub gcig la mtshon ral gri dang / 'khor lo dang / thod pa dang / lcags kyu dang / dgra sta dang / mdung rtse gsum pa bye ba phrag dgu khri dgu 'bum rang brdungs so// dus de tsam na lha rnams go mtshon thogs te/ glang po che rab tu brtan pa'i mgo sum cu rtsa gnyis la nye dbang sum cu rtsa gnyis zhon/ dbus kyi mgo bo la lha'i dbang po brgya byin zho na/ lha dmag bye ba dung phyur gyis mtha' brten te/ glang po che'i sna la ral gri btags nas lha dang lha min yin gnyis g.yul bkye'o// dus de tsam na lhas mtshon brgyab pa rnams ni/ khrag gar phog pa la bdud kyi dmag mi khri khri tsam du 'phel lo// lha ma yin gyis mtshon brgyab pa la ni khrag la dmag mi 'phel

  561. 281a

    bar shi'o// der lha thams cad gting 'pham ste/ lha ma yin rab tu rgyal ba'i dus su/ phyag na rdo rje nyid kyis lha rnams rgya bar bya ba'i phyir/ dpal be'u dbus nas hUM mthing nag 'bar ba gcig sbrul te/ lha biSh+Ta rA dza'i dpral ba'i dbyings su lcags kyi mdzer pa cig tu gyur to// mdzer pa brtol ba'i nang nas bud med sngon mo dbu skra bai DUr+ya'i chun 'phyangs can/ mig ut+pa la'i 'dab ma 'dra ba/ mtshan dang dpe byad du ldan pa cig byung ngo // de la lha rnams kyis ming btags pa// lha mo u ma de ba bya bar btags/ lha'i bu mo de kun gyi chung mar 'dod pa la/ nam mkha' la phyag na rdo rjes nga'i sprul pa'i tshigs bcad 'di bsgrags so// lha yi rgyal srid mtho zhing brtan pa dang // ris drug sems can dge la dgod pa dang // lha min bdud kyi g.yul chen bzlog pa'i phyir// dbang phyug lha la u ma chung mar byin// zhes bsgrags so// dus de'i tshe na 'dzam bu'i gling gi nub byang mtshams/ yak+Sha ka ma la 'bar ba'i dur khrod na/ lha ma hA de ba dge slong gi cha lugs su 'gog pa'i brtul zhugs drag po la zhugs pa'i drung du u ma de ba khrid nas zhag bdun phrag bdun drod la btsas pas/ 'dod pa'i 'khrig pa spyad do// 'khrigs pa spyad pa'i dbang gis bar snang la gza' dang skar ma byung ngo // der lha mo u ma de ba la bu tsha ming sring

  562. 281b

    gnyis skyes so// ming po ni gshin rje ma hA ka la zhes grags so// sring mo ni lha mo dmar mo tsa mun+di zhes bya bar grags so// gshin rje ming sring de gnyis chos bzangs lha'i 'dun sar khrid nas phyin to// de nas phyag na rdo rje nyid kyis/ gshin rje'i ming sring la/ ma hA yak+Sha bdud las rnam par rgyal ba'i dbang bskur te/ sngar bzhin du lha dang lha ma yin gnyis g.yul chen po bkye'o// de nas gshin rje ma hA ka las// lag na gsal shing ri rab tsam gcig gis// lha ma yin gyi g.yul ngor dril bas g.yul bzlog go// tsa mun+di'i ral gri me lce phreng ba zhes bya bas/ lha ma yin he ra na ke shu'i mgo bcad do// de nas lha dmag mang pos kyang lha ma yin la mtshon cha'i char phab nas/ khrag rnams dmag mir sprul pa 'dra ste/ lha mo tsa mun+di sa he ra na ke shu'i thod pas/ khrag bcus shing rol pas 'phel ma nus par byed kyin mtshon gyi char phab nas/ tsa mun+di'i lte ba la lha bye ba dung phyur rnams kyi rdzong byas pas 'thabs so// lha dmag dkar po rgyal bar byas shing dpag bsam shing gi mnga' bdag tu gyur te/ rnam par rgyal ba'i khang bzangs kyang rang byung du yod do// lha ma yin 'pham par gyur to// rgya byin nyon cig/ de nas lha'i bu mo tsa mun+di des/ ri khrod chen po mdangs dga' zhes bya bar/ shing ri khrod zhes bya ba'i lo ma gyon nas/ lo bdun du 'phags pa mi pham pa'i

  563. 282a

    gzungs bzlas pas/ lha mo par+N+Na sha ba ri ri khrod lo ma can zhes bya bar gyur to// de nas lha mo des klu dung gi mdzer pa can zhes bya ba'i byang chub sems dpa' de bya khyung ka ru na zhes bya bas 'tshe ba la/ lha mo par+N+Na sha ba ri des bya khyung btul bas klu bskyangs te// lha mo dkar mo dung skyong ma zhes bya bar gyur to// lha mo dung skyong ma de ni ri rab rtse mo rnam par rgyal ba'i khang bzangs rtsa/ byang shar gyi mtshams byang chub kyi shing drung na/ rin po che'i khang pa bdun brtsegs kyi gzhal yas kyi khang na/ rin po che'i khri stengs na/ gser dngul bai DUr+ya'i dbu rgyan dang mgur chus brgyan te/ lus 'gying bag tu bzhugs so// lha'i bu dang bu mo mang pos kyang longs spyod dang / glu dang dbyangs dang / rol mo bsam gyis mi khyab pa'i mchod pa byed do// brgya byin nyon cig de nas yul lang+ka pu ri ru srin po'i grong khyer bdun 'bum yod pa la/ lha rnams kyis skyon phab ste/ srin po da sha gri ba dang / de'i sring mo rna la rtse gnyis lus so// de nas srin po da sha gri bas/ lha dang mi 'dul 'dod pa'i don ched du/ sring mo lha ma ha de ba la btsun mor phur lo// de nas lha dbang phyug ma hA de ba dang / sring mo rna la rtse gnyis tshogs pa las/ phas ni khye'ur smon lam btab/ mas ni bu mor smon lam btab/ ma'i smon lam mthu btsan pas/ ya mtshan can gyi bu mo

  564. 282b

    gcig byung / pha khros pas thal khung du bor ro// mas slar blangs nas lus kyi drod la bcas nas/ A yu b+h+yAM zhes tshe drangs gsos te/ phas ming btags pa sbas pa'i thal mdog mar ming btags/ mas ming mi pham khro gnyen ro langs mar ming btags/ gnod sbyin lag na rdo rjes dmod btsugs nas ming btags pa/ dus thams cad du nag mo re ma ti zhes bya bar grags par gyur nas/ sangs rgyas kyi bstan pa bsrung ba'i nus mthu dang ldan par gyur cig ces ming du btags pa'i tshe/ bar snang gi lha ma srin sde brgyad po yongs kyis kyang de ltar gyur cig ces bzlas so// de nas skye ba thams cad du nag mo re ma ti zhes bya bar grags so// lha mo dung skyong mas ming btags pa ni/ srin mo dmar 'dab phur pa'i lha gser can zhes bya bar ming btags so// dus der srin po da sha grI ba des/ nga ni lceb po lceb po'i sgras 'jig rten du grags so// sring mo dang rna la rtse gnyis kyis ming po ma lceb par ci 'dod pa nga la smros shig ces gsol to// da sha grI bas gsol pa/ nga ni lha mo dung skyong 'dod do zhes gsol to// sring mos smras pa/ nga'i bu mo phur pa'i lha 'di ni lha mo dung skyong gi khol mo byed du gsol te/ de nas gdod bslu'o zhes smras so// de nas rna la rtsa yis bu mo khrid nas dkar mo dung skyong gi g.yog tu phul lo// de nas re ma tis dkar mo dung

  565. 283a

    skyong la 'di skad ces gsol to// kye che zhe chen mo rigs kyi yum// bdag nyid chen mo ga gar ma// dbu bzang rin chen zor tshugs la// be DUr sngon mo 'od lam lam// zhal bzang pad+ma'i dkyil 'khor du// nyi zla phrugs gcig rgyan bkod de// tshems bzang dung la ldangs bzang me// khyod 'dra 'jig rten khams na med// bdag ni khyod kyi gtan 'bangs bgyi/ khyod kyis bdag la thugs brtser dgongs// bdag kyang glo ba nye bar bgyi// ces gsol to// de nas lha mo'i g.yog mo byas nas glo ba nye bar byas te lha mo'i yid la ci 'dod pa dgos pa byas so// de nas lha mo yang khol mo de la dgyes nas gces par byed de/ de'i tshe de'i dus na yul lang ka pu ri ru/ spre'u 'bal le dang mgrin bzangs 'thabs pa la lha thams cad ltad mo la 'gro bas/ lha mo u mas bu mo dung skyong ma la 'di skad ces smras so// de ring khyod kyi gan du su 'ongs pas khyod bslu ste 'ong bas/ de la ma lha cig ces bstan tsam na/ khol mos skabs der da sha grI ba la sbran no// der srin po da sha gri bas/ srin gyi bong bu dmar ga la zhon nas/ lha mo'i pho brang sgor phyin te srin po kho bdag ni mi'i cha byad la shin tu gzugs bzang la mdzes pa cig tu sbrul/ bong bu ni ri dwags ga dor smug po cig tu sprul te/ lha mo dung skyong ma'i spyan sngar phyin nas/

  566. 283b

    rol mo'i sil snyan dang glu dbyangs sna tshogs byas pas bslus so// lha mo rol mo la dga' bas 'dzum cig shor ro// de nas srin pos glags rnyed de/ lcags kyi lham sgrog sngon po bkrol nas bzung ste glu 'di skad blangs so// kye yongs 'du shing gi gnas mchog na// rin chen mdzes pa'i pho brang nas// bde ldan 'phrul gyi lding khang na// 'gying bag tshul du gar mdzad pa// dbang phyug sras mo ma lags sam// dga' byed dung skyong ma lags sam// lhas mo mang po'i tshogs dang rol// dbu yi snyan chag gdub 'khor ni// rin chen mdzes pas kun nas spras// spyan ni ut+pal 'dab ma 'dra// shangs ni bil ba'i 'bras bu 'dra// zhal nas ut+pal ngad kyang bro// sku ni 'khril ldem gzhon tshul 'dra// gsung ni tshangs pa'i dbyangs snyan mchog/ nub 'bur stod smad phyed pas 'gying / khyod 'dra'i sku ni gzhan na dkon// lha yi longs spyod mdzes pas mi brel yang // zhabs kyi chas su lcags sgrog 'di 'bul zhes// ci mdzad ci sdug ci yang gsung pa snyan/ khams gsum dag na khyod 'dra shin tu dkon// sems can kun gyis lta bas mi ngoms khyod// bdag gis dbul 'di bzhes par gnang bar mdzod// ces phul ba la/ lha mos lcags sgrog blangs so// de nas rang gi rkang pa g.yas pa la dkris te rgyan byas so// de nas khol mo des/ jo mo dung skyong

  567. 284a

    ma la zhus pa/ kye jo mo bde mchog dung skyong ma// bdag zhu ba gcig mchis na gnang ngam byas pa la/ jo mo na re khyod glo ba nye bas ci zhus pa gnang ngo zer ro// de nas lha ni ngag bden pa'i sdom pa yod pas/ ji skad smras pa ltar byed pa yin no// de nas 'khor mos gsol pa/ kye bdag gi yun gyi rjer gyur dung skyong ma/ khyod 'dra 'jig rten gzhan na med// 'grogs pas zla med skar ma gcig shar 'dra// deng 'dir mchis pas lcags sgrog 'bul mkhan de// gtan gyi grogs zla ra mdzad par zhu ba 'bul// bdag kyang rtag tu khyod kyi bran mo byed// zhes zhus pas/ lha mo des sngar khas blangs pa des mi bya ba'i dbang med nas/ lha mo na re khyor bya'i mi de gang na 'dug su yin byas pa la/ khol mos smras pa/ de ni bdag gi zhang po srin po da sha gri ba yin/ yul lang+ka pu ran 'dug ces smras pa dang / de nas dung skyong ma dbang med du srin po'i chur mar song ngo // de nas lha mo shu u mas bu mo dung skyong ma la dmod pa bor ba nga'i bu mo rab tu gces par byas te/ lha'i longs spyod mdzes pas mi brel yang / nga la gsangs la srin po'i chung mar song // phyin cad bu mo khyod kyang srin dang 'grogs/ mi sha za yi mi lpags gyon par gyur// srog gcod byed cing mi yi thod khrag thogs// bong bu zhon la lha yi kha dog nyams// srin gyi kha dog nag

  568. 284b

    la 'jigs par shog/ de yi khol mo re ma ti khyod kyang // nga yi bu mo bslus te srin la byin/ khyod kyang mi sdug 'jigs pa'i gdong du gyur// tshe rabs kun du khyo dang ma phrad cig/ ces dmod pa bcu gnyis pa bor ro// de nas bu mo la ma'i dmos pas bsdigs nas lha'i kha dog dkar po nyams te mthing nag tu gyur mi sha za mi khrag 'thung / mi lpags gyon bong bu zhon/ gcer bur bud nas 'dug go/ bu ni srin po phru gu seng ge zla dang / me tog cod pan dang / gangs can dang / mche ba bdun la sogs pa lnga brgya skyes tsam na/ khyo srin po da sha gri ba shi'o// de nas bu mo dung skyong ma yang yugs sa'i cha lugs byas te/ skra mdun skra lan bu gcig la blas so// bran mo phur pa'i lha yang dmod pas bsdigs pas/ srin gyi phag rdzi byed tsam na/ phag rdzi dun bu srin bya bas mo la dbang med du chags pa spyad do// de nas phur pa lha yang nal bum sbrum mo// de nas dpon g.yog gnyis kyis srin po'i bong bu brkus pa zhon nas/ da sha gri ba'i ral gri sdig pa can brkus pa g.yas na thogs/ srin po'i nor bu rin po che brkus nas ne'u le'i rgyal bur sbas nas/ lag pa g.yon du thogs nas bros so// phyi nas srin po'i dmag gis bsad kyis dogs nas/ bong bu bskyod nas kha phyir bstan te/ phyi na srin po bya ra byed cing phyin no// tha mar dur khrod gcig tu

  569. 285a

    phyin na skyes pa g.yul du bsad pa'i ro gcig dang phrad do// de nas khong gnyis sha de bsregs nas za 'dod pa la gtsub shing med nas/ rgya mtsho'i 'gram na rdo rje sol gyi ri la char bab nas me 'bar ba mthong nas rdo sol me blangs nas sha bsreg nas zos so// phyin khyi dkar po gcig 'brang ba yang bsad nas zos so// pags pa la rgyal mtshan byas so// de nas khol mo re ma ti la nal phrug skyes so// khong gnyis kyis nal phrug gi sha yang zos so// de nas jo mos bong bu la zhon khol mos kha khrid byas nas rgya mtsho'i khar phyin nas/ gshin rje rlung gi 'khor lo can zhag bdun bsgoms pas/ rlung nag tshub ma nag po gcig drung der grub po// de nas lha srin dpon g.yog gnyis kyi/ snang srid kyi lha 'dre thub mo che/ bos nas smon lam btab pa/ nga yang tshe 'di 'phos ma thag tu gsang sngags kyi grub pa thob nas rgyal 'i zhal mthong ste/ 'dod pa'i khams kyi dbang phyug mar shog shig nga'i bran mo phur pa'i lha 'di yang dus thams cad du nga'i 'bangs ka ma lar shog shig/ nor du mi mgo la longs sprod par shog shig zhon pa bong bu la byed la/ lag cha ral gri la byed par shog shig ces smras so// rgya mtsho bskor zhing rlung tshub ma la bA ya be bA ya be zhes bos tsam na/ tshub ma byung bas dpon g.yog gnyis ka rgya mtsho'i nang du bsgyur te

  570. 285b

    btang ngo // de nas lha mo dung skyong ma des mi sha zos pa'i mthu dang / rang gi smon lam gyi dbang gis/ rgya mtsho'i 'gram du dur khrod chen po ro'i tshal zhes bya bar/ gshin rje'i lha mthu can gyi bu mor skyes te/ gnod sbyin ma chen mo la kha dog mthing nag la rab tu 'jigs pa// mig rtsa dmar ba mche ba zang yag la ral pa ting sa pang du 'dug pa cig tu gyur te/ gshin rje ma ru rtse dang sbyor ba byas pa la bu bdud khram nag po bya ba byung / bong bu yang dmar gA la g.yu'i rna ba can rlung gi gshog pa can/ mig mjug mar yod par cig tu byung nas nor skal byed do// de nas khor mo re ma ti ro langs ma 'di ni skye ba gang blangs zhe na/ rgya mtsho'i nang du bud med lus po phyed skams la chu srin gyi mgo can gcig tu skyes te/ ming yang klu mo gzhogs skams chu srin mgo klu mo re ma ti zhes bya bar btags nas/ zhag dgu bcu na tshe 'phos nas/ skye ba blangs pa ni yul dri za'i grong khyer gser sdings skyed mos tshal zhes bya ba na/ dug shing nag po 'gyur med kyi rtsa ba na bdud ri ti 'gong nyag dang / dran pa dbang byed gnyis byi byas pa la zhag drug cu rtsa gcig na bu mo gcig skyes te/ phas ni srid pa gsum gyi blo 'phrog mar btags/ mas ming btags pa ni ya mtshan 'phrul gyi gshog pa can du btags/ bdud pho mo gnyis kyis rang gi bu mo la skra nyag re la

  571. 286a

    gser dang / bai DUr+ya'i chun 'phyang dang / rin po che'i dbu rgyan dang / nyi zla'i thod gdengs dang / thod pa'i mgur chu dang / sbrul gyi gdu bus brgyan te/ byi byas pa'i nal phrug yin pas/ bdud kyis rin po che sna lnga'i khang pa'i dbus su thod pa'i gzhal yas khang byas/ thod pa'i nang du yang thod 'phrul gyi lding khang grub/ de'i nang du khang pa bdun brtsegs kyi bdun tshogs kyi nang du/ mi ro 'bum gyi khri stengs su bu mo de sus ma mthong sus kyang ma tshor bar sbas te/ sgo smra bo lag rings dang / nam gru khrab thogs kyis bcad do// bdud kyi dmag gi rgyal mo dang / gling bzhi'i rgyal mo dang / sa bdag gi rgyal mo dang / de rnams kyis khang pa de rab tu srung zhing 'khod do// brgya byin nyon cig/ de'i tshe na lha mo dung skyong ma ni/ sngon gyi khol mo re ma ti ro langs ma bdud kyi bu mor skyes pa bkug nas khol 'dod pa las/ phyag na rdo rje nga'i gsang sngags bye ba phrag bcwa brgyad bzlas pas/ gsang sngags de'i byin gyi brlabs las/ mkha' 'gro'i ting nge 'dzin grub pa mo/ lag na pad+ma he ru ka thogs pa gcig rang byung bas/ ma bdud kyi yul dang pho brang kun byin gyis brlabs pa'i tshe na/ bdud kyi rgyal po dang / blon po dang / 'khor rnams dran pa med par myos par gyur to// bdud kyi bu mo re ma ti des sngon gyi jo mo lha mo dung skyong ma dran pas/ yid

  572. 286b

    phyogs te dung skyong ma'i spyan sngar 'gro 'dod pa'i bsam pa drag po byung nas/ bdud ri ti 'gong nyag gi mtshon bdud kyi khram bam nag po de/ bu mo re ma tis brkus nas/ lag pa g.yas su thogs/ ma'i tshon gyi gru gu sngon dmar de brkus nas lag pa g.yon na thogs nas/ nam phar phyed tshur phyed na jo mo dung skyong ma'i gan du bros te phyin nas/ lus gcer bur 'dug pa la/ khyim bdag rab sbyin gsal gyi rdzi mo dmangs rigs mo bya ha mu zhes bya ba de re lde nag po gyon nas 'dug pa dang phrad/ mos dmangs rigs mo bsad nas sha zos/ pags pa rked la dkris/ de'i gos re lde bshus nas bdud mo nyid gyon nas phyin tsam na// lam khar srin mo burna shi ba'i gsur khrag/ nad kyi rdzing bu cig yod pa'i khar phyin pa las/ bdud mo re ma tis skom nas thog cig 'thungs tsam na/ kha rlangs las nang du song bas/ mo'i kha rlangs gar phog pas rims nad byung ngo // der mo rang yang ngo tsha skyes nas/ sngar gyi dmangs rigs mo bsad pa'i rlung bu rked las bkrol te/ nang nad kyi rdzi bus bkang nas/ kha sbrul gyis bcings te/ mchan khung du sbas nas/ sems can la gdug par bya bar bsams te/ phyin tsam na/ btsan skya rdo rje zla ba dang phrad pa na re bdud mo chen mo chags pa spyad dgos/ rngan pa yang sbyin zer nas/ mo bzung nas chags pa spyad pa'i khu

  573. 287a

    ba thigs pa gcig 'dzam bu'i gling du bo ba ni dzong ji dkar por song / der btsan skra rdo rje zla ba'i lag na sho rde'u dkar nag gang la bor ba phung bar byed pa bdun yod pa la/ mo la byi rngan du byin pa de blangs te/ lag pa g.yon du bzung nas/ grong khyer sbrang ldan zhes bya bar phyin tsam na/ rgyal po seng ge rtsal la bsod snyoms byas te/ sbrang rtsi lhung bzed gang phul nas/ sbrang rtsi lag tu len khar phyag tshang bas hub byas nas mo la sbyin/ mos blangs tsam na/ bar snang gi lha rnams kyis bdud mo/ rgyal po'i khol mo'i lhag ma dang kha 'phro 'thung ngam/ che ba nyams so zhes zer tsam na/ bdud mo re ma ti khros pas yid 'khrugs te/ rgyal rigs la der rims nad btang ngo // der rgyal po'i dkor zangs kyi dra ba dgu phul nas rims bcad do// de nas nag mo re ma ti des/ rgya mtsho'i 'gram du dur khrod chen po'i ro'i tshal du sngon gyi jo mo dung skyong ma'i spyan sngar phyin to// de nas dpon g.yog gnyis 'grogs nas/ srid pa gsum gyi sems can zad cing stongs par byed pa'i dus de tsam na/ jo mo dung skyong ma'i zhon pa srin gyi bong bu dmar ga dang / srin mo rna la dun rtse'i rgod ma zangs kyi so can gnyis chags pa spyad pa las/ dre'u mo sngon mo rlung gi gshog pa can gcig byung ba de/ rgyu ma'i mthur la zangs kyi sgra bstad nas/ lha mo dung skyong mas khol

  574. 287b

    mo re ma ti la zhon par byin/ der jo mo ni bong bu dmar gA la zhon/ khol mos dre'u sngon mo la zhon/ rje mos mi pags gon thod pa dang ral gri lag na thogs/ khol mos re lde nag po gyon/ lag na khram bam dang / shod rde'u thogs/ de nas shin tu mthu rtsal che ste skye ba rnam bzhi'i sems can yo zad cing stongs pa tsam du zos so// 'jig rten gyi mkha' 'gro ma/ dkar mo'i tshogs dang / sngon mo dang dmar mo dang / ser mo'i tshogs dang / lha mo dang / bdud mo dang / srin mo dang / bsam gyis mi khyab pa mang po yang lha mo rje khol gyi 'bangs bgyi zer zhing bran du 'ongs so// brgya byin nyon cig dus de tsam na lha mo dpon g.yon gnyis/ bud med kyi rang bzhin du gyur pa nyid kyis/ rtag par 'dod pa'i 'khrig pa spyad pa'i ched du khyo dgu dang sbyor ba byed de/ jo mo la khyo lnga khol mo la khyo bzhi yod de/ rje mo'i khyo lnga ni/ gza' rA hu la/ srin po sgra ldan/ gshin rje mA ru rtse/ bdud char ka nag po// klu kun+na la dang lnga/ khol mo'i khyo bzhi ni/ 'byung po dge ba dang / bgegs bI na ya ka dang / gnod sbyin yak+ka ka pa la dang / rlung bA ya be dang bzhi'o// de ltar dpon g.yog gnyis kyi khyo dgu ni/ nyin par ni mtshan khung g.yon du bsnyungs shing sbed la/ mtshan mo dur khrod du bskur zhung sbyor ba byed do// brgya byin nyon cig de nas lha'i bu mo la sngon gyi

  575. 288a

    las 'phros 'brel zhing dge ba spyad pa'i shugs kyis/ byang chub kyi shi drung na/ bcom ldan 'das bzhugs pa'i spyan sngar phyin nas/ lha mo des byang chub mchog tu sems bskyed de/ bcom ldan 'das kyi zhabs la phyag 'tshal nas rang gi snying po 'di phul lo// tad+ya thA/ au ru ru be ti sta ba do si/ ru ru ro ru be sti sta ba do si/ tsa pa la a shug+ne hUM b+h+yo dzaHzhes phul lo/ khol mos rang gi snying po phul ba/ tad+ya thA/ oM ru ru be ro ru hUM ti sta to si/ ra tsit+ta kha rag+ma dun b+h+yo/ ma ma trag rak+ta kha mun+na ba tra rak+ta tsit+ta kha rag+ma duM hUM b+h+yo/ ru lu sa ma ya phra ma ma hA sti pra b+h+yo zhes phul lo// de nas byang chub mchog tu sems bskyed nas lha mo dpon g.yog gnyis kyi a su ra'i brag phug tu phyin pa las bram ze mchog sred sgrub pa byed pa dang phrad do// lha mos khyod 'di na ci byed byas pa la/ bram ze mchog sred kyis smras pa/ sngon khams 'di nyid na dge slong brtan pa'i sde dang / dge slong ma dar ri sde gnyis khrims nyams te rgyal po'i chad pas bsad do// de skye ba 'phos pa ni/ bdud laM nga 'ge'u ri dang / ro sha kha 'dar gnyis su gyur te/ yul mi ci/ yod zad par zos nas/ de nas nga la za res bab pas/ nga ni bdud 'dul ba'i phyir/ yum e ka dza Ti ral gcig ma/ bsgrub bo zhes zer ro// dung skyong ma na re 'o na nged dpon g.yog kyang bsgrub par bya/ yon

  576. 288b

    tan de lta bu yod dam byas pa na/ bram ze na re khyed gnyis dngos grub ci 'dod pa yin/ lha mo na re nged gnyis 'dod pa'i khams kyi dbang mo cher gyur nas/ sangs rgyas kyi bstan pa bsrung ba'i grub pa 'dod byas pa la/ 'o na grub par bya'o zhes zer nas/ bram ze dang lha mo dpon g.yog bsgrub pa byas pas yum e ka dza Ti zhal mthong nas grub pa thob bo// yum e ka dza Tis/ lha mo dung skyong ma'i ming ni/ dpal lha mo nag mo ma hA kA li zhes btags so// khol mo'i ming ni yak+ka re ma ti zhes bya bar btags so// 'dod khams 'dul ba'i dbang mo che dbang bskur ro// ma hA kA lis kyang chos bskyang zhing bstan pa bsrung bar khas blangs so// rang gi snying po 'di phul lo// oM ru ru be ti sta ba do si/ ru ru ro ru be ti sta ba do si/ tsa pa la a shugs me b+h+yo dzaHre ma tis kyang / au ru ru ro ru be ti sta ba do si/ rag mo tsit+ta kha rag ma hUM b+h+yo/ ma ma trag rak+ta kha mun tra ba tra trag rak+Sha/ tsit+ta kha rag me re ma ti sa ma ya pra ma ya pra ma ma ha te pra dun b+h+yo// dzaHdzaHru lu b+h+yo zhes phul lo// bdud laM nga 'ge'u ri dang ro sha kha 'dar bsgral lo// de nas sa'i lha mo brtan mas kyang nam gru mched brgyad kyang 'bangs su phul lo// srin yul du dmag drangs pas/ srin po yak+ka ko re bsgral lo// brgya byin nyon cig de nas 'phags pa spyan ras gzigs kyis/ dpal rta mgrin

  577. 289a

    du sprul pa'i bsgrub pa byas te/ rta mgrin gyi zhal mthong zhing gsang ba'i gzungs ma byas te/ rje mo'i ming dpal lha mo nag mor btags so// khol mo'i ming ni rdo rje glog ma srin du ming btags so// des phyag rgya chen po'i dbang bskur ro// las kyi lhar byin gyis brlabs so// de'i tshe na dpal lha mo nag mos/ dpal rta mgrin la snying po mdongs gsol du phul lo// bstan pa bsrung bar khas blangs so// de nas sngon gyi u ma de ba dang rnal rtse gnyis kyang / sngon gyi bu mo gnyis la srin lag rtse la nu zho blugs pas bros nas/ dred mo'i ral pas g.yab mos 'bod de/ bu mo gnyis ma'i drung du phyin tsam na/ dbang bskur zhing dam bsgrags/ bstan pa bsrung bar dbang byin to// 'khor los sgyur ba'i rgyal pos kyang rang gi rtsa dang khrag dang khu ba'i mchod pa byas nas/ lha dang mi'i rgyal srid phul nas/ rma bya rin po che'i gshog pa can spyi bo na nor bu rin po che yod pa/ jo mo la nor skal du byin no// bya de mo nag mo spyi bo na nor bu rin po che yod pa cig khol mo la nor skal du byin nas/ lha mo rje khol gnyis 'khor los sgyur ba'i rgyal pos byin pa'i rma bya dang / de mo nag mo gnyis gtan gyi nor skal byed cing chags/ de nas dpal lha mo ni gsang ba'i gnas dur khrod ro khang nag po'i dbus mA ru rtse'i sgo 'gram du/ dpal phyag na rdo rje'i

  578. 289b

    he ru ka'i dngos grub sgrub pa'i tshe/ dpal phyag na rdo rje'i dngos grub grub ste/ dpal phyag na rdo rjes lha mo dpon g.yog la spyi bo gtsug tu dpal rta mgrin gsang ba'i dbang bskur/ lus ngag yid gsum la khrag 'thung he ru ka'i dbang bskur/ thugs kyi dpal be'u rigs lnga sangs rgyas kyi dbang bskur/ sku stod kyi rgyan du phra men ma bcu drug gi dbang bskur/ ljags kyi dkar dmar la lcags kyu gsang ba'i dbang bskur ro// gnad mdo chen drug tu tshom bu gsang ba'i dbang bskur ro// gsang pa pad+ma la thig le ye shes shar ba'i dbang bskur/ rdo rje pho nya mo drug cu rtsa bzhi 'khor du dbang bskur/ pad+ma gar gyi dbang phyug ni sbrul pa dang yang sbrul du dbang bskur ro// de'i tshe 'jig rten gyi khams 'di rnam pa drug tu g.yos so// de nas dpal phyag na rdo rjes jo mo'i ming ni dpal ma hA kA li zhes btags so// khol mo'i ming ni gnod sbyin shan pa nag mo re ma ti zhes btags so// sangs rgyas kyi bstan pa bsrung bar gnyer gtad do// de nas dpal phyag na rdo rje nyid la/ dpal lha mos rang gi snying po phul te/ sangs rgyas kyi bstan pa dus rtag tu bsrung bar khas blangs so// de nas dpal lha mo de mthu dang rdzu 'phrul bsam gyis mi khyab par gyur to// 'dod pa'i khams kyi dbang phyug mar gyur pa'i tshe/ lha tshangs pas nyi ma'i rgyan phul/ khyab 'jug gis zla

  579. 290a

    ba'i rgyan phul/ rnam thos sras kyis seng ge'i rna cha phul/ nam mkha'i lha bran rnams kyis gser gyi dril bu'i rgyan phul/ srin po dang sha za rnams kyis thod phreng dang khrag dang zhag gi thig le phul lo// klu dga' bos sbrul gyi gdengs ka phul/ lha mo de srid pa gsum na 'gran pa'i zla med par gyur to// de nas brgya byin gyis gsol pa/ kye bcom ldan 'das gsang ba'i bdag po/ 'dod pa'i khams kyi dbang phyug ma 'di/ dang por lha'i bu mor gyur pa dang / bar du srin po'i chung mar gyur pa dang / da ltar 'dod pa'i khams kyi dbang phyug mar gyur pa 'di// sngon gyi rkyen ci las grub pa lags zhes gsol pa dang / gsang ba'i bdag pos bka' stsal pa/ brgya byin nyon cig/ da ltar lha mo nag mo 'di sngon sangs rgyas 'khor ba 'jig gi bstan pa la lha mo 'od zer can du gyur te dge ba bcu sha stag spyad do// de nas sangs rgyas gser thub kyi bstan pa la lha mo dpa' brtan ma zhes bya bar gyur te zhe sdang rang kha mar spyad do// de nas sangs rgyas 'od srung gi bstan pa la lho mo many+dzu zhes bya bar gyur te/ dus de tsam na shAkya thub pa ni dge slong dbang phyug dpa' bo zhes bya bar grags so// dge slong de la lha mo many+dzus mchod gnas byas shig smon lam gcig tu btab bo// brgya byin nyon cig/ de da lta na ni lha mo 'di la sangs rgyas

  580. 290b

    gsum gyi ring gi rnam par smin pa shAkya thub pa'i bstan pa la dus gcig tu smin no// lha mo 'di dang por ma hA de ba'i bu mor skyes pa ni/ dang por dge ba spyad pa'i mthu'o// bar du srin po'i chung mar gyur nas rang lceb pa ni zhe sdang spyad pa'o// tha mar da ltar 'dod pa'i khams kyi dbang phyug mar gyur pa ni/ sangs rgyas thams cad kyis dbang bskur nas shAkya thub pa'i bstan pa srung ba ni sngon shAkya thub pa la sdig bshags byas kyi smon lam btab bo/ khol mo re ma ti sngags kyi bsod nams las grub pa'o// mkha' 'gro ma me lce 'bar ba'i rgyud las gleng bzhi'i le'u ste dang po'o// // de nas lha'i dbang po brgya byin gyis/ gsang ba'i bdag po dpal phyag na rdo rje la 'di skad ces gsol to// kye bcom ldan mgon po gsang ba'i bdag/ ma 'ongs phyi ma'i sems can rnams// mkha' 'gro rnal 'byor rab bsgrub pa'i// slob dpon slob ma'i mtshan ma'i rgyud// gang yin bdag gis nyan par 'tshal// zhes zhus pa'i tshe/ gsang ba'i bdag pos bka' stsal pa// dpal ldan lha mo rdo rje mkha' 'gro ma// thun mong ma yin kun gyis bya ba min// de yang slob dpon mtshan nyid bshad// slob dpon chos la rab 'dud pa// tshad med bzhir ldan snying rje can// phyi nang gsang ba'i dbang thob nas// dam tshig srog bzhin 'dzin byed cing // bden pa

  581. 291a

    gnyis rtogs lta ba can// sngags dang phyag rgya mi spong zhing // rtag tu phyag rgya che la gnas// sems can don byed man ngag ldan// de ni slob dpon mtshan nyid de// slob ma dul la dad pa can// bla ma'i zhabs la rab 'dud cing // dad dang gtod phod snying rje can// 'dul dang sdom pa dam tshig 'dzin// lha dang slob dpon rtag tu bcang // gsang sngags 'dzin pa'i snod ldan la// slob mar bya ba nga yis bshad// dpal mkha' 'gro ma me lce 'bar ba'i rgyud las slob dpon dang slob ma'i mtshan nyid bstan pa'i le'u ste gnyis pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to// rdo rje sems dpa' dpa' bo che// dus mtha'i rnal 'byor bskyang slad du// rdo rje gsang ba'i mkha' 'gro ma'i// lta ba dam pa bdag nyan 'tshal// zhes zhus pa'i tshe/ dpal phyag na rdo rjes bka' stsal pa// bdag dang rdo rje mkha' 'gro ma'i// gdod nas ma skyes gzung 'dzin yul dang bral// nga dang bdag 'dzin mtshan ma'i rtog pa bcom// don dam kun rdzob skye ba med pa'i gzhi// gnyis med chos kyi dbyings su dbyer med cing // stong nyid chos sku nam mkha' ye shes lnga// sprul pa'i phyag rgya lha dang lha mo'i mtshan mar snang // mkha' la 'ja' 'dra rang bzhin ga la yod// snying rje'i dbang gis 'gro don

  582. 291b

    byed pa na// mdor na sangs rgyas sprul pa yin pa ste/ khol mo byang chub sems dpa'i sprul pa'o// mtshan ma'i srin mo bdud mor blta mi bya// mkha' 'gro ma me lce 'bar ba'i rgyud las lta ba bstan pa'i le'u ste gsum pa'o// // de nas lha'i dbang po brgya byin gyis 'di skad ces gsol to// gsang ba'i bdag po ye nas thugs rje can// rdo rje mkha' 'gro'i dngos grub bsgrub pa'i phyir// dkyil 'khor rnam pa gsum gyi rgyud bshad 'tshal// zhes zhus pa'i tshe// phyag na rdo rjes bka' stsal pa// brgya byin la sogs 'khor rnams rab tu nyon// dkyil 'khor rnam gsum mtshan ma'i phyag rgya ni// rang bzhin dkyil 'khor byang shar ri rab rtse// ting 'dzin dkyil 'khor rnal 'byor sems kyi yul// gzugs brnyan dkyil 'khor gnas bzhi'i sa la bya// tshon rtsi mi rus ldong ros rams dang skyegs// mthing nag gru bzhi'i dbus ni e gru gsum// dbus su gtso bo phyag na rdo rje ste// de yi g.yas su lha mo nag mo ste// g.yon du ma mo'i ting 'dzin grub pa mo// gtso bo'i mdun du khol mo re ma ti// de yi phyi rim srid pa'i ma mo dang // stag sbyang bya rgod seng ge khyung gis bskor// phyi rim thod phreng me ri keng rus bri// tsa ka li 'am yig 'bru phyag mtshan bri// mkha' 'gro ma me lce 'bar ba'i rgyud las dkyil 'khor bstan pa'i le'u bzhi pa'o// // de

  583. 292a

    nas lha'i dbang po brgya byin gyis dpal phyag na rdo rje la 'di skad ces gsol to// kye 'jigs byed che mchog 'gro kun 'dul ba'i gtso// rdo rje mkha' 'gro nag mo dam pa yi// dngos grub bsgrub pa'i rdzas rnams gang lags pa'i// gsang ba'i bdag po bdag la bshad du gsol// zhes zhus pa dang / phyag na rdo rjes bka' stsal pa// rdo rje mkha' 'gro'i dngos grub 'dod pa'i mis// rdzas rnams med na dngos grub mi thob ste// rmongs pas sa bon gtsub shing gtsub bstan 'dra// kun ka tshang na dngos grub mtshan ma ster// mkha' 'gro ma la rdzas ni rnam pa bdun// bod pa'i rdzas dang ma mo bsten rdzas dang // mchod pa'i rdzas dang dam tshig bsre ba'i rdzas// bskul ba'i rdzas dang mtshan ma dbab pa'i rdzas// tha mar gnad la 'bebs shing bzlog pa'i rdzas// bdun po 'di tshar grub pa'i mtshan ma 'byung // gtso bopo phyag na rdo rje'i dam rdzas ni// go ro tsa na gtso bo bod pa'i rdzas// gtso bo'i rten ni seng ldeng mi rus phur// gsal ba lnga dang bdud rtsis gtso bo mchod// dam tshig bcu yis rdo rje sa ni mchod// gu gul nag po yungs nag til gyis bsku// spos dang lce pog mi tshil mtshan ma 'bebs// gtso bo gnad la 'bebs pa a mr-i ta// dpal ldan lha mo nag mo'i bod rdzas ni// g.yab dar dang ni hasta mi tshil dang // cong zhun spos

  584. 292b

    lngas bsregs la bod// lha mo'i rten ni bu mo gtsang ma dang // rgya mtshor shi ba'i bud med thod pa gnyis// mkhar du brtsigs la dkyil 'khor dbus su kha sprad la// mi gsod mtshon gyi ral gyi sor brgyad pa// yu ba ma bris dkyil 'khor dbus su gzugs// rma bya seng ge g.yang gzhi go gzung nag po'o// rje mo lha mo nag mo'i dam rdzas ni// dge slong sha dang mi ro seng ge'i snying // gri rgod sha dang dbang po rnam pa lnga// ru tra nag po'i snying dang bdud rtsi lnga// sman mi'i khrag dang sha khrag sna tshogs dang // phye ma lnga yis gtor bas gur kum brdzi// pad+ma'i rak+tas byugs la rgyun gtor bya// lha mo nag mo 'di dang dam tshig bsre ba'i rdzas// ru hi rdo rje pad+ma mi de sngags// bskul rdzas mi yi tshil dang gu gul bsreg/ mtshan ma 'bebs pa bu mo gtsang ma'o// gnad la 'bebs shing bzlog pa yugs sa'i rkang / khol mo re ma ti yi bod rdzas ni// dred mo'i ral pas g.yab cing srin lag bstan// gu gul dang ni mi tshil gsur gyis bod// re ma ti yi rten du lug nag gam// de mo nag mo dri mo'i thod pa'o// khol mo re ma ti yi mchod rdzas ni// bum pa gang ba'i khrag dang a mr-i ta// nal bu'i sha dang mi sha chang phud do// dam tshig bsre zhing rtag tu mchod pa'i rdzas// ru hi rdo rje pad+ma dag gis shis// bskul rdzas gu gul nag dang tsong zi'o// mtshan ma 'bebs pa bu

  585. 293a

    mo gtsang ma'o// gnad la 'bebs shing bzlog rdzas dre'u yi rkang // 'di rnams gtsang zhing ma nyams tshogs 'gyur na// rdo rje mkha' 'gro ma yi tshogs rnams ni// bung bas u dum bA ra mthong ba ltar// dga' ba skyes nas mi la dngos grub ster// de bas nan tan bskyed la brtson par bya// mkha' 'gro ma me lce 'bar ba'i rgyud las dpon g.yog gi dam rdzas bstan pa'i le'u ste lnga pa'o// // de nas lha'i dbang po brgya byin gyis// dpal phyag na rdo rje la 'di skad ces gsol to// kye gsang bdag phyag na rdo rje 'dul ba'i gtso// bsgrub pa'i rten gyi rdo rje mkha' 'gro sku// thang ka 'dri ba'i nan tan 'dri bar 'tshal// zhes zhus pa'i tshe/ gsang ba'i bdag pos bka' stsal pa/ mkha' 'gro'i rten gyi sku gzugs ni// mis ma 'phrigs par dur khrod 'gro// dang po phyag na rdo rje dang // lha mo'i bsnyen pa 'bum 'bum bzlas// de la sbyin sreg gtor ma 'bul// ri mo mkhan la dbang bskur ro// dam tshig rab tu sbyin par bya// de nas bud med zhabs ma dang // ro dkris dag gi ras dag ni// ro bsregs mgal ba'i shing gis kyang // bri ba'i tshon rtsi rnam pa lnga// dpa' bo 'bru lnga'i 'phro 'du las// rgyal ba rigs lngar byin brlabs la// dbus su phyag na rdo rje bri// mdun du lha mo nag mo ni// bong zhon ral gri thogs par bri// g.yon du

  586. 293b

    'khor mo re ma ti// dre'u zhon khram bam thogs pa'o// g.yas su bram ze mchog srid ni// mgrin pa sma ra dkar la ring // kr-iSh+Na'i stan la long phreng 'dzin// rma bya ne'u le thogs pa'o// de yi g.yon du bdag nyid ni/ kr-iSh+Na'i stan la long phreng 'dzin// rma bya'i spu dang ne'u le thogs// de nas rang gi srin khrag gis// sku gzugs rnams kyi spyan phye la// mdun du gtor ma'i sbyin sreg dbul// zhabs la btud de phyag byas la// dngos grub gang 'dod gsol ba gdab// dkyil 'khor dbus su bzhugs su gsol// lha yi sku yi thugs kar ni// srin lag khrag gis zla kham bri// de yi dbus su snying po bri// de'i dbus rgyas chen sum sgril gdags// rtse mo bdag bzung bzlas pa bya// yang na lugs ma dag la bya// de ltar byas na dngos grub rgyu// mkha' 'gro ma me lce 'bar ba'i rgyud las sku gzugs bstan pa'i le'u ste drug pa'o// // de nas lha'i dbang po brgya byin gyis/ gsang ba'i bdag po dpal phyag na rdo rje la 'di skad ces gsol to// kye gsang mdzod drag po hUM mdzad che// dpal ldan rdo rje mkha' 'gro ma'i// ting 'dzin bsgom thabs bdag la shod// ces gsol pa dang // phyag na rdo rjes bka' stsal pa// lha'i dbang po brgya byin nyon cig/ skye ba med pa'i ngang las sprul pa'i cho 'phrul ni// hUM las rdo rje rtse ni lnga pa ste// de nas bdag nyid phyag

  587. 294a

    na rdo rje yin// mdog ldang sngo la khro bo'i cha byad de// lus 'gying bag can/ dbu skra ral pa gyen la brjes pa la/ rigs lnga'i dbu rgyan can/ phyag na ye shes kyi rdo rje rtse lnga pa 'bar ba/ lus la glang chen gyi ko ba dang / mchog gi g.yang gzhi dang / stag gi sham thabs dang / zod pa'i phreng ba dang / sbrul gyi chun pos lus brgyan pa/ spyan mig dmar ba/ mche ba gcig pa/ bskal pa'i me dpung ltar 'bar ba'o// de'i mdun du dpal lha mo nag mo bskyed de/ ma ha kA li bA ya be s+pha ra na yang / de ni rlung nag tshub ma'i dkyil 'khor bskyed pa'o// ma hA kA li dza la raM/ de ni me'i dkyil 'khor bskyed pa'o// de'i dbus su b+h+rUM bi shwa bi shud+d+he ka pA la hUM/ de ni thod pa'i gzhal yas khang ngo // gar+b+ha pa hUM/ de ni bong bu dmar ga la mig mjug ma na yod pa/ rlung gi gshog pa can no// tir baM bong bu'i thog tu zhing bsnol ba'o// ma sAr+ya man+da la aM/ nyi zla'i gdan no// b+h+yo nag mo'i 'phro 'du las/ lha mo'i ting nge 'dzin/ oM de bI shrI ma hA ka lI hUM zhes pa la/ rang gi byang chub kyi sems la/ lha mo nag mo ni kha dog nag mo la/ ral pa gting za par du 'dug pa/ mig rtsa dmar ba kha gdangs pa/ mche ba gtsigs pa/ lus la sbrul dang / thod pas brgyan pa/ lag na ral gri dang ne'u le thogs pa'o// thal ba dang khrag dang zhag gis mtshon pa'o// rna rgyan dril bu

  588. 294b

    dang seng ge la byas pa/ nyi ma dang zla bas lus brgyan pa'o// sku smad glang gi ko bas brgyan pa'o// rkang pa la lcags sgrog gis brgyan pa'o// lha mo de'i spyan sngar re ma ti khol mo bskyed de// yaM bA ya be rlung gi tshub ma'o// b+h+rUM bi ha ra na hUM/ rin po che'i gzhal yas khang ngo // de'i nang du ka pA la b+h+rUM las thod pa'i gzhal yas khang ngo // de'i nang rti rti sti bruM las 'phrul gyi lding khang ngo // de'i nang du khang pa bdun bskyed do// de'i nang du dre'u rlung gi gshog pa can bskyed do// de'i steng du bse'i gdan no// de'i steng du ma nag mo'i 'phro 'du las// rak+sha re ma ti hUM zhes pa las// bdud kyi bu mo re ma ti de nag mo ral pa kham pa la/ me stag dang rin po ches brgyan pa'o// mig dmar ba mche ba gtsigs pa// re lde nag po dang mi lpags gyon pa/ lag pa na khram bam dang / shod rde'u thogs pa'i sbrul gyi gdengs ka dang / nyi zla'i thod gdengs dang / nad kyi kha rlangs can/ stag gi sham bu dang / zangs kyi dra ba dang / mtshon gyi gru gu dang ldan pa rnams bskyed do// b+h+yo b+h+yo b+h+yo b+h+yo zhes brjod pa las/ 'khor nag mo 'bum bskyed do// dpal me lce 'bar ba'i rgyud las ting nge 'dzin bstan pa'i le'u ste bdun pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to// mnyam nyid rdo rje'i sku bsnyems gsang ba'i lha// mtshan ma 'joms

  589. 295a

    pa'i dpa' brtan drag shul can// rdo rje mkha' 'gro me lce phreng ba yi// srog snying bsgrub pa'i sngags rnams bshad par zhu// zhes gsol pa dang / dpal phyag na rdo rjes bka' stsal pa/ sngags zhes bya ba mkha' 'gro'i srog rtsa yin// grangs kyang mang la zur yang ma chag ste// gug skyed tsheg drag dag kyang ma nor na// lha mo nag mo sngon du 'gugs pa yin// zhes bka' stsal pa dang / dpal phyag na rdo rje de/ rdo rje lta bu'i ting nge 'dzin la zhugs te/ dpal phyag na rdo rjes rang gi snying po 'di thugs ka nas phyung ngo // oM badz+ra tsan+da ma hA ro Sha na hUM/ gtso bo phyag na rdo rje'i bsnyen pa 'di sngon du 'bum tsho bdun du bzlas pa byas la/ gtor ma dang ni sbyin sreg gis mchod de// des ni phyag na rdo rje'i grub pa thob// lha mo bkug cing dbang du byed par nus// de nas gdod cig lha mo'i sngags la 'jug/ sngags ni dpon mo'i snying dang g.yog mo'i srog/ mngon du 'gugs pa srog gi snying po'i sngags// gtso bo'i spyan 'dren g.yog mo 'gugs pa'i sngags// mi g.yo brtan pa rdo rje gdan gyi sngags// mnyes par bya phyir gtor ma dbul ba'i sngags// ging du dbang bskur dam la gdags pa'i sngags// mngag zhug phan gnod las la bskul ba'i sngags// mi bya dbang med gnad la 'bebs pa'i sngags// sku gsung thugs kyi dngos grub blang ba'i

  590. 295b

    sngags// zhabs la 'dud pa'i slob ma dbang bskur sngags// lha dang bgegs kyi nyams len brtag pa'i sngags// brda dang mchod pa rdo rje gsang ba'i sngags// bar chod mtshan ma ngan pa bzlog pa'i sngags// bcu gnyis rdo rje'i gsang sngags bstan par bya// dpal lha mo nag mo'i srog snying la// oM ru ru be ti sta ba do si/ ru ru ro ru be tiSh+Tha ba do si/ pa tsa la a shug me hUM b+h+yo dzaHkhol mo re ma ti'i srog snying la// oM.au ru ru ro ru/ hu tiSh+Tha ba to si/ rag mo tsit+ta kha rag mo hUM b+h+yo/ ma ma trag rak+Sha/ kha mun+ta ba tra ba trag rak+Sha tsit+ta kha rag ma/ re ma ti sa ma ya/ pra ma ma hA ste pra dun b+h+yo ru lu ru lu b+h+yo dzA dzA/ de ni srog las 'dren pa'i sngags yin te// sa ya bzlas na ma mo mngon du yong // bye ba bzlas na phyag rgya ston par byed// 'bum phrag gis kyang dngos grub mtshan ma ster/ khol mo'i snying po bzlas ma thog/ thag/ nas 'ong // sa ma ya du ling rak+Sha si/ he rak+ka/ b+h+yo rak+Sha/ duM rak+Sha mA rAk+Sha si/ mA mA mA mA/ ru lu ru lu/ ru lu ru lu/ b+h+yo b+h+yo b+h+yo b+h+yo/ ru ru ru ru/ de ni 'khor ma mo 'bum gyi spyi'i snying po'o// oM ma ha kA li maN+Da la ma tre/ A ga ts+tsha ya/ A gats+tsha ya/ pra be sha ya/ pra be sha ya/ tiSh+Tha tiSh+Tha/ a ba lo ka a ba lo ka ye/ hUM dzaHde ni spyan drang ba'i sngags so// oM ma hA ka li ma ma sa ma ya/ shi ti tiSh+Tha staM/ ma hA kA li A be sha ya/ re ma ti sa ma ya be sa/ de nas

  591. 296a

    gdan gding ba'i sngags so// a maSh+Ta bi ma hA ka li re ma ti ba liM kha kha khA hi khA hi/ ma ha pU dza hoH/ a mri ta kha kha le le/ de ni gtor ma 'bul ba'i sngags so// ma ma sa ma ya ma hA kA li sa ma ya/ ma hA kA li kA ya sa ma ya/ ma hA ka li bAg sa ma ya/ ma hA kA li tsit+ta sa ma ya/ ma hA mu tra ka pA la hUM/ de ni dam tshig bstan pa'i sngags so// oM badz+ra dzo gi ni ti bi ma hA kA li sa ma ya/ badz+ra kro d+ha karma rak+Sha hUM/ de ni las la bskul ba'i sngags so// oM ru ru ru tsa hUM/ a shug me ba tri ru tra kha sha la nag mo hUM/ rak+ta tsit+ta ma hA sa mA d+hi/ ma ru kha tsit+ta nan/ rag mo ti ki ma dzaHma ma ti ti hUM b+h+yo/ de ni dpon g.yog gnang nas bskul ba'i sngags so// oM badz+ra ki ni de ba ma hA ka la re ma ti/ kA ya wAka tsit+ta sid+d+hi sa ma ya pha la A be sha a/ de ni dngos grub blang ba'i sngags so// oM ma hA kA li ye hUM phaT/ ru ru tsa pa la a shug me hUM ma hA kA li a b+hi Shiny+tsa/ ka ba la tri ni/ ma hA dz+nyA na/ kA ya wAka tsit+ta sid+d+hi hUM/ de ni dbang bskur ba'i sngags so// hring hring tsa min+ni guN+ye hUM/ de ni nyams len brtag pa'i sngags so// hUM phaT/ ma hA de bi ka li duSh+TAn+ta kaH na da ha pa tsa hu lu nan/ da ha pa tsa mA ra ya hUM phaT/ de ni mtshan ma ngan pa bzlog pa'i sngags so// hUM hUM hUM hUM hUM hUM hUM hUM/ hring hring hring hring hring hring hring hring / ta ki ta ki ta ki ta ki ta ki ta ki ta ki ta ki bruM gem bruM

  592. 296b

    gem bruM gem bruM gem bruM gem bruM gem bruM ge ma/ hUM duM hUM duM hUM duM hUM dr-i hUM duM hUM duM hUM duM/ phaT ta ka phaT ta ka phaT ka phaT ka phaT ka phaT ka phaT ka/ de ni rdo rje ma ha mkha' 'gro ma'i rnga sgra'o// mkha' 'gro ma me lce 'bar ba'i rgyud las sngags bstan pa'i le'u ste brgyad pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to// bcom ldan mgon po rgyal tshab las kyi lha// rdo rje mkha' 'gro'i rnal 'byor ma'i// gsang ba'i phyag rgya bdag la bstan par 'tshal// zhes zhus pa dang / phyag na rdo rjes bka' stsal pa/ rnal 'byor gsang ba'i phyag rgya dam pa ni// spang bar mi bya rtag tu bcang bar bya'o// dang po gtso bo rdo rje rgyal la gnas// rlung gis me sbar bong zhon dbang phyug ma// lcags kyus bzung nas gshog pas zil gyis gnon// bong bus gdan 'dings thod pas dbang bskur te// thod rlon dam brtan gnyis med dngos grub blang // rtag tu mtshan ma ngan pa phyag rgyas bzlog/ dang po gtso bo rdo rje rtse lnga ni// lag gnyis sor mo rgyab tu bsnol bcangs la// mthe bong gung mo mthe'u chung gshibs la bsgrengs// rdo rje rtse lnga phyag na rdo rje'i rgya'o// dang po rlung nag tshub ma'i phyag rgya ni// lag na thal sbyar gung sprod bsgreng ba dang // mthe chung srin lag tshigs bsnol bgrad pa dang // de brkyang mthe bong gung gtad

  593. 297a

    mdzub mo gnyis bsgreng rdzong // rtse mo bkug pa rlung gi phyag rgya'o// me ri smug nag 'bar ba'i phyag rgya ni// mdzub mo gnyis ni sor mo dgug byas te// mthe bong bkug ste de la gtad byas la// gung mo mthe'u chung bsgreng ste phyar ba'o// lha mo nag mo'i ral gri'i phyag rgya ni// lag g.yas mthe'u chung bkug ste mthe bos mnan// gung mdzub srin lag gshibs te bsgreng ba'o// khol mo re ma ti yi phyag rgya ni// lag pa g.yas bkug mthe bos mnan byas te// lhag ma gsum brkyang bas ni khram bam phyag rgya yin// ma mo dgug pa lcags kyu'i phyag rgya ni// lag gnyis rgyab sbrad mthe'u chung bsgreng nas ni// mdzub mo gnyis bkug gung srin mthe bos bsdu// brkyang ste phral nas snying gar lcags kyu gnyis// zil gyis mnan pa khyug gshog phyag rgya ni// mthe bong gnyis gshib sor mo gshog ltar brkyang // gdan mchog bong bu bdag gi phyag rgya ni// mthe'u chung bsnol bas srin lag mnan byas te// srin lag zor to mthe bos mnan pa'o// de bzhin gung mo gnyis kyang nang du bstan// byin brlabs dbang bskur zod phreng phyag rgya ni// lag pa g.yas g.yon khu tshur bcangs pa la// mtheb mdzub bzhi po lcags sgrog lta bur sbrel// lag gnyis thod rlon dam tshig phyag rgya ni// mthe bong mdzub mo bkug nas bzlum byas te// bkug nas srin

  594. 297b

    lag gnyis bcug mig 'bras 'dra// gung mo mthe'u chung gnyis ni thod rlon kha// dngos grub blang ba'i bdud rtsi bum pa ni// lag gnyis sor bcu rtse bsdus bkug la zlum// mtshan ngan bzlog pa tri shUl phyag rgya ni// lag g.yas mtheb mdzub srin lag mthil du dgug/ mthe bo gung mo mthe'u chung phyar la bsgreng // mkha' 'gro ma me lce 'bar ba'i rgyud las phyag rgya bstan pa'i le'u ste dgu pa'o// // de nas lha'i dbang po brgya byin gyis/ dpal phyag na rdo rje la 'di skad ces gsol to// kye stobs po che la gnod sbyin grags pa can// rig sngags gsang sngags tshogs kyi mnga' bdag gi/ rdo rje mkha' 'gro mnyes par bya ba'i phyir// mchod pa'i rim pa bdag la bshad du gsol// zhes zhus pa la/ gsang ba'i bdag pos bka' stsal pa// rdo rje mkha' 'gro'i dngos grub myur bya'i phyir// mnyes par byas te mchod pa rtag tu 'bul// dang por mchod pa'i rdzas kyi gtor ma 'bul// gnyis pa la ni sbyin sreg dbul ba'o// de bzhin gsum pa gsang ba'i mchod pa dbul// dang por gtor ma sha lnga bdud rtsi lnga// mchod pa'i rdzas dang dza gad rak+ta rnams// pad+ma mdzes pa'i snod du bkang byas nas// rlung gis me sbar a yis thod pa bskol// hUM gi rdo rjes rab tu dkrugs nas kyang // a dkar 'bar bas kha zas dug bcom la// dpa' bo 'bru

  595. 298a

    lngas bdud rtsir byin gyis brlabs// dang pos gtso bo phyag na rdo rje mchod// gnyis pas lha mos 'thungs par bsam// tha ma re ma ti yis rngubs par bsgom// oM badz+ra pa ni hUM/ DA ki nI ma hA ka li/ yak+ka re ma ti/ ma ma sha tuM a mu ka ma tsa me ta ba sa ma sa/ ru ti dzi baM/ prI ya bag+ni ni/ i daM ba liM gr-ih+Na gr-ih+Na/ kha kha kha kha khA hi khA hi/ gsang sngags des ni rtag tu gtor ma dbul ba'o// de nas sbyin sreg dbul ba bstab par bya// sku gzugs mdun du me thab bskor byas te// 'o ma tsher ma yod pa'i shing brtsigs la// bram ze khyim nas me blangs me sbar la// bsreg rdzas mi sha mar nag sbrang rtsi chang / khrag la sbyar la khri phrag gcig tu dbul// bsgom thabs me nyid me lha ra skyes zhon pa la// phyag bzhi g.yas na dbyug pa dang ni mchod sbyin no// g.yon na g+hun+d+he dang ni bgrang phreng rab tu 'dzin// de yi snying gar phyag na rdo rje dang // lha mo nyid dang khol mo re ma ti// gsal bar bskyed la sbyin sreg dbul bar bya'o// gnyis pa gtso bo phyag na rdo rje mchod// gsum pas lha mo nag mo de la dbul// de bzhin tha mas re ma ti la mchod// so so'i snying po bzlas shing dbul bar bya'o// oM badz+ra tsan+da ma hA ro Sha na hUM/ ma hA de bi kA li hUM/ yak+ka re ma ti hUM/ ag+na ye ha bya ka bya/ ma hA ti ba ti ba ti bya/ sarba duSh+TAn bak+ka ni kha raM khA hi swA hA/ de

  596. 298b

    nas thal ba dur khrod du bskyal// de nas gsang ba'i mchod pas rab bshad bya// dngos la mkha' 'gro gsal lam ting 'dzin la// gsang ba ye shes hUM dang aM gnyis la// rdo rje pad+mas rab tu dkrugs nas kyang // zla bas mkha' 'gro rab tu mnyes 'gyur te// thugs kyi thig les bdag gi gzi byin bskyed// thugs kyi dngos grub dam pa'i man ngag go// ma hA kA li sa ma ya bo d+hi tsit+ta/ ma hA pu dza gu h+ya staM spro ba'o// ma hA kA li sa ma ya/ ma hA rak+ta gu h+ya s+t+waM/ A be sha a/ bsdu ba'o// mkha' 'gro ma me lce 'bar ba'i rgyud las mchod pa'i le'u ste bcu pa'o// // de nas lha'i dbang po brgya byin des// dpal phyag na rdo rje la 'di skad ces gsol to// ye shes lngar ldan dpa' brtan thugs rje can// dpal ldan mi bskyod rdo rje sems dpa' khyod// rdo rje mkha' 'gro ma yi dngos grub ni// srog dang 'dra ba'i dam tshig bdag nyan 'tshal// zhes gsol pa dang / dpal phyag na rdo rjes bka' stsal pa/ mkha' 'gro ma yi dam tshig ni// gsang ba'i phyag rgya 'da' dka' ba// mi shigs rgyal pos dbang bskur te// rdo rje mtshan ma 'joms pa'i rgyu// dam tshig de nyid rab bshad bya// 'das na rdo rje dmyal ba'o// ma 'das dngos grub dam pa'i rgyu// gtso bo phyag na rdo rje dang // lha mo nag mo dpon g.yog la// sku gsung thugs kyi dam tshig ni// gtso bo'i

  597. 299a

    sku yi dam tshig ni// sku yi phyag rgya mi spong zhing // lha dang slob dpon mnyes par bya// rdo rje spun la gdung ba bskyed// gtso bo'i gsung gi dam tshig ni// bzlas brjod snying po rgyun mi gcod// mi yengs rdzun spangs gsang sngags 'dzin// gtso bo'i thugs kyi dam tshig ni// gsang ba gzhan la mi spel zhing // stan gan 'bras bu lnga la spyod// de nas gtso mo'i dam tshig bshad// lha mo'i sku yi dam tshig ni// bong bu la ni byams par bya// khal gyis mi mnan dbyug mi brdeg/ rma bya'i mdongs ni rtag tu bcang // mi yi dkyil 'khor mthong ba na// me tog skyes ltar dga' bar bya// rtag tu yi dam mi 'da' ba'i// zhag re phyag rgya gnyis gnyis bstan// lha mo gsung gi dam tshig ni// rgyun du bzlas pa byed pa dang // ne'u le mthong na bstod pa bya// phyag rgya bstan zhing dga' bar bya// zhing pags rdzas kyi snod du bya// tshub ma dag dang phrad gyur na// rked par mi gcod rgyab mi bstan// tshes grangs shis dang nam gung la// phyag rgya bya zhing bstod pa bya// lha mo'i thugs kyi dam tshig ni// 'jig rten gang dang gang dag na// bud med yugs sa yod pa la// byams par bya zhing chags pa spyad// rtag tu bu mo gtsang ma bsten// lha mo zla mtshan rgyu dus su// gsang ba'i mchod pas dam bsre'o// lha mo'i khol mo re ma ti'i// de yi sku yi dam tshig

  598. 299b

    ni// byis pa dag gi nal phrug la// gos dang kha zas mgron du sbyin// rtag par de la byams par bya// shing lo sor bzhi rked par gcad// phyad phyed la ma mo'i sku bris te// phyed la dngos grub gsol bar bri// de ni rtag tu bcang ba'o// khol mo gsung gi dam tshig ni// ma phebs bar du srog snying drang // nub re gtor ma 'dar mi rung / kha 'phro dag kyang bsre ba min// phreng ba la yang reg pa bsrung // bdag gis dgra la byed byas te// phyis ni bcos par ma bshad do// khas blangs yol du ga la rung // phud kyang nyams par bya ba min// rdo sol chur ni bsgyur mi bya/ khol mo thugs kyi dam tshig ni// nal bu yod pa'i sbrum ma la// me tog gtor zhing byams par bya/ kha zas sbyin zhing dang na mi bgrang // sna khrag zla mtshan blang bar bya// dam tshig yod rung med rung ste// bdag ma yin pa'i rnal 'byor la// rang gi lha dang snying po dang // rdzas dang phyag rgya mi bstan to// mtshan ma rdo sol zhu bas bsku// bya nag lug nag rtag tu bcang // the tshom zar ni mi rung ngo // dpon g.yog spyi yi dam tshig ni// ru hi rdo rje pad+ma'i mi// rtag tu bcangs la bsten cing mchod// de dang bral du mi rung ngo // rnal 'byor dngos grub thob bya'i phyir// sku gsung thugs kyi dam tshig bstan// brgya byin dag gis rab zhus pa// dam tshig nyams pa'i skyon ni gang // dam tshig

  599. 300a

    bsrungs pa'i yon tan gang // 'byung po'i gtso bos bshad du gsol// phyag na rdo rjes bka' stsal pa// rab tu bshad kyis brgya byin nyon// gtso bo phyag na rdo rje yi// sku yi dam tshig nyams pa na// mtho ris go 'phang rgyud lam 'chad// gsung gi dam tshig nyams pa na// bsgrubs kyang dngos grub mi 'thob cing // sngags la nus mthu med par ro// thugs kyi dam tshig nyams pa na// mkha' 'gro'i chad pas rab bcad nas// nges par rdo rje dmyal bar skye// dngos grub med par bar chod 'byung // dpal ldan lha mo nag mo yi// sku yi dam tshig nyams pa na// rgyal po'i chad dang sbrul gdug dang // me dang chu yi bar du chod// gsung gi dam tshig nyams pa na// bsgrub la g.yel zhing nus mthu med// bsgrub pa rtsom res par chod 'ong // thugs kyi dam tshig nyams pa na// nyams len 'ong zhing rims nad 'ong / khol mo bdud mo re ma ti'i// sku yi dam tshig nyams gyur na// 'khor la rims nad sgro 'bog 'ong // dgra rnams tshe dang bsod nams 'phel// gsung gi dam tshig nyams pa na// bu dang chung ma 'chi ba dang // snying mi dga' zhing kha yang yo// nor dang longs spyod zad par 'gyur// thugs kyi dam tshig nyams pa na// rang gi tshe la bar chod 'ong // mdze dang rgyu gzer na zhig 'bog/ spyi yi dam tshig nyams pa na// rtag par

  600. 300b

    bsgrubs kyang 'grub dus med// rtag par dgra dang mi 'bral lo// yang ni lha dbang brgya byin nyon// dam tshig bsrung ba'i yon tan la// gtso bo phyag na rdo rje yi// sku yi dam tshig ma nyams na// bla med byang chub go 'phang 'thob// gsung gi dam tshig ma nyams na// phyag na rdo rje'i zhal mthong nas// rdo rje'i ngag la dbang thob 'gyur// thugs kyi dam tshig ma nyams na// phrin las rnam bzhi mngon du 'grub// mkha' 'gro ma rnams mngon du 'khol// mthu dang rdzu 'phrul bsam pas 'grub// dpal ldan lha mo nag mo yi// sku yi dam tshig ma nyams na// lha srin pho mos phyag byed de// 'dod pa'i khams kyi rgyal srid thob// gsung gi dam tshig ma nyams na// sngags bzlas mkha' 'gro mngon du 'ong // bar chad med par dngos grub ster// thugs kyi dam tshig ma nyams na// bdud dang dgra yis mi tshugs shing // rtag tu rims nad mi 'byung zhing // dgra rnams the tshom med par 'chi// lha mi yongs kyis bkur bar 'gyur// tshe ring nor dang ldan par 'gyur// de nas nag mo re ma ti'i// sku yi dam tshig ma nyams na// 'khor ni bkra shis dar zhing rgyas// dgra dang bgegs rnams phung bar byed// gsung gi dam tshig ma nyams na// bu dang chung ma dar ba dang // nor dang longs spyod rgyas par 'gyur// mi rnon rkang mgyogs ro langs 'grub// thugs kyi

  601. 301a

    bo phyag na rdo rje dang // lha mo nag po dpon g.yon kun// rtag tu bdag dang mi 'bral lo// ji ltar 'dod pa'i don de 'grub// gang ltar mngag pa'i las de byed// mkha' 'gro me lce 'bar ba'i rgyud las// dam tshig gi le'u ste bcu gcig pa'o// // de nas lha'i dbang po brgya byin gyis// dpal phyag na rdo rje la 'di skad ces gsol to// hUM mdzad hUM gi rgyal po rdo rje che// rdo rje mkha' 'gro'i drod tshad mtshan ma shod// ces zhus pa dang / dpal phyag na rdo rjes bka' stsal pa// skyes bu blo ldan man ngag rtsal can gyis// gsang sngags ting 'dzin phyag rgyar rab ldan na// rdo rje mkha' 'gro'i grub rtags 'di ltar 'byung // grub rtags phyi nang gsang ba gsum du bshad// nang gi grub rtags mig dang rna ba dang // sna dang lce dang lus dang snying la 'byung // gal te mig gis srid pa gsum mthong na/ gtso bo phyag na rdo rje'i mtshan ma yin// mig gis lha mo mthong na lha mo yin// mig ni 'dar zhing 'gul na re ma ti// rna bas srid pa gsum po zos na rdo rje 'dzin// mkha' 'gros gtam zer zos na lha mos bstan// bud med 'brug sgra sgrogs na re ma ti// sna la ga bur dri ni rdo rje 'dzin// ku mu da yi dri ni lha mo nyid// spos sam gur gum bro na re ma ti// lce la dam chos 'chang na rdo rje 'dzin// lce la gsang sngags zlos na lha mo yin// legs nyes

  602. 301b

    mtshan ma smra na re ma ti// lus ni 'phro na phyag na rdo rje yin// lus las 'od 'byung ba ni lha mo'i rtags// lus po 'dar ram sbyi sha bung ba dang // sha rtsa 'gul na re ma ti yi rtags// glal lam skyugs shing mchi ma 'ong ba na// lha mo dpon g.yog yo ga phebs pa yin// gal te snying gis skye ba dran pa na// phyag na rdo rje'i dngos grub mtshan ma'o// snying ni dga' la 'tshig na rje mo yin// snying 'di khri la 'tshig na 'khol mo yin// da ni gsang ba grub rtags bstan par bya// sngags dang ting 'dzin nus pa skyed tsam na// rdo rje dbus kyi rtsa yi nam mkha' la// byang chub sems kyi dga' bde skye ba na// mkha' 'gro rang la shar bar bshad// da ni phyi yi grub rtags bstan par bya// phyi yi rtags ni rab 'bring tha ma gsum// rab ni lha mo nyid kyi sku mthong ste// nam mkha'i dbus su phyag na rdo rje mthong // bud med dkar mo bzhad cing byung ba na// gsang ba'i ye shes dngos grub ster ba'o// nag mo ral pa can du byung ba na// 'dod khams 'dus pa'i mthu rtsal dngos grub bdag la ster// dmar mo bse yi ral pa can du byung ba na// 'jig rten dbang du sdud pa'i dngos grub ster// ser mo thod pa'i phreng ba can du byung ba na// tshe dang longs spyod rgyas pa'i grub pa ster// mkha' 'gro grub rtags 'bring po ni// rdo rje nam mkha' las dbab gtso bo yin// rje mo lha

  603. 302a

    mo dung skyong grub rtags la// rdzas lud dang ni mun pa shin tu nag/ me tog char 'bab 'brug dang rlung dmar dang // bud med gzugs dang gzha' tshon ston pa'o// khol mo re ma ti yi grub rtags ni// 'brug dang rlung dmar sgo rdung khang thog 'tsheg/ thibs thibs mnan dang thal thal smra ba'o// grub rtags tha ma rmi lam dag tu ston// byang chub sems dpa' smis na gtso bo yin// ma dang sring mo rmis na jo mo na/ chung ma khol mo rmis na g.yog mo yin// bong bu sha ba rmis ba rje mo yin// dre'u dang bya nag rmis na khol mo yin// ma mo grub nas dbang du 'dus pa na// bud med dag gis bdag la phyag 'tshal na// 'dzum zhing 'khrig go byed pa spyod pa yin// ma mo grub nas dbang du ma 'dus na// mi sdug gzugs su ston zhing rje mor rdzu// gcan gzan zar 'ong ma mo phyag skyugs so// dam tshig nyams nas ma mo 'khrugs gyur na// ma mo nang 'thabs mtshon gyi char pa 'bab// bya nag nang 'thabs khrag gi na bun 'khrigs// ltas de mthong na bka' chad 'ong ba'i rtags// gal te lte phur nag mo la sogs pa'i// dam sri rnams kyis bsgrub par bar gcod na// grang la 'khrigs shing khyim du 'gro snying 'dod/ kha bla sgra snying 'dod la khro zhing 'tshig/ bud med rkub dang mo mtshan ston pa rmi// gal te gtor ma dus las yol ba na// mo

  604. 302b

    mtshan dang ni sngon gyi dbang rtags ston// du ba 'khrigs nas bud med glal ba mthong // bud med ngu ba mthong na nyams pa gnod// mig ni btsums pa ting 'dzin g.yel ba'i rtags// thal mo rdeb na dam tshig ma tshang zer// lce rtse ston na snying po chad pa yin// so sgra 'khrigs na gzhan dang 'thab mo 'ong // rgod pa thos na dgra bgegs bsgral ba'i rtags/ khro na bar chad 'ong ba sbron pa yin// sbyor bar byed na dngos grub ster ba yin// rgyang glu len pa mthong na grub thag ring // mchi ris ngo la yod na rims nad 'ong // gar thabs byed cing byung na ci bsams 'grub// gling bu 'bud pa mthong na gtor ma 'dod pa yin// phreng ba bgrang ba mthong na sbyin sreg 'dod pa yin/ kha la 'o byed sbyor ba 'dod pa yin// bong bu zhon pa smis na rje mo yin// dre'u zhon pa rmis na khol mo yin// sti sbrams thogs pa mthong na rang la chags// g.yab dar thogs pa mthong na rang la chags pa'o// me long thogs pa mthong na chung ma'i lus la chags// stang stabs byed pa slob ma'i lus la chags// bya dang gcan gzan gtor ma za ba bzang / kha rog 'dug na snying po phyag rgya nor// 'dzum pa mthong na bdag nyid tshe ring rtags// gos la me rag yod na slob ma nyams// sha ba zhon na nor rnams 'phel ba'i rtags// ma mo grub pa'i rtags rnams gang byung yang // de nas

  605. 303a

    grub rtags bzang po mthong ba na// bdud rtsi bum pa'i phyag rgya bcas la ni// dngos 'grub blang ba'i sngags ni bzlas byas la// snying la ci 'dod pa yi dngos grub blang // ma dang sring mo khol mo dam la gdags// mtshan ma ngan pa dag ni mthong ba na// mtshan ma ngan pa bzlog pa'i tri shUl phyag rgya bca'// mtshan ma ngan pa bzlog pa sngags kyis bzlog/ gal te bdag ni gzhan du don gnyer na// bud med lag na rdzas ni gang ba thogs// bya dang gcan gzan mngon du 'gro na bzang // de tshe gtor ma phul la don la 'gro// spyad stongs thogs pa mthong na don mi gnyer// grub pa'i drod tshad rnal 'byor spyi la gces// mkha' 'gro ma me lce 'bar ba'i rgyud las drod tshad bstan pa'i le'u ste bcu gnyis pa'o// // de nas dpal phyag na rdo rje la/ lha'i dbang po brgya byin gyis 'di skad ces gsol to// thabs dang shes rab mnga' mdzad rdo rje 'dzin// rdo rje mkha' 'gro bsgrubs kyang ma grub na// spobs shing gnad la dbab par zhu// zhes gsol pa dang / dpal ldan phyag na rdo rjes bka' stsal pa/ skyes bu ting 'dzin blo ldan rtsal can gyis// rdo rje mkha' 'gro ma yi gsang sngags gtsor blangs te// gang 'dod dngos grub mi thob mi srid do// 'on kyang bsgrub thag ring ba na// de la nyes dmigs rnam pa bzhi// sngon gyi las 'phros ma

  606. 303b

    'brel dang // bsnyen pa zhag grangs nyung ba dang // bgegs kyis bar du gcod pa dang // rnal 'byor dam tshig nyams pa bzhi// bsgrub thag ring ba'i rgyu bzhi yin// de bzhin mtshan ma ngos bzung ste// sngon gyi las 'phros ma 'brel na// bsgrubs kyang dngos grub mtshan ma med// bzlas brjod bsnyen pa grangs nyung na// grub rtags 'ong zhing las mi nyan// bgegs kyis bar du gcod pa na// snying mi dga' la 'gro zhing 'jigs// rnal 'byor dam tshig nyams pa na// bar chod rkyen dbang drag po 'byung // 'on kyang mi gzhag bsgyur zhing bsgrub// sngon gyi las 'phros ma 'brel na// dang po bsnyen pa yun rings la// de nas gnad la dbab pa ni// bsgrub pa'i dkyil 'khor byang shar du// dur khrod sa la gru gsum dkyil// 'phang du khru gang yod pa brtsigs// mi yi khrag gis chag chag gdab// de nas zhing sogs g.yas pa la// lha mo nyid kyi spu bris la// rgyas pa'i gzungs zag snying gar gdags// gru gsum steng du gan rgyal mnan// gzungs zag rtse mo sos bzung la// hUM mdzad chen por gsal bsgoms la// ma mo gsod pa'i snying po bzlas// rag mo tsit+ta rak+ta sti ra ti ti mA ra ya hUM/ dzaHde skad gsang sngags bzlas nas ni// ma mo'i snying khrag rngub par bsgom// ma mo bong bur bcas pa rnams// ma trang bzhin tu 'gyel bar bsam// de nas

  607. 304a

    snying gar rdog pas mnan// tsit+ta dz+wa la raM zhes pas// bdag gi zhal nas me byung bas// ma mo thul gyis bsregs par bsam// ma mo'i sa bon maM nag mo// bdag gi zhabs 'og rgyud pa las// ma ma ru lu zhes brjod pa las// bdag nyid dpal gyi zhabs 'og nas// lha mo nus pa'i thod phreng can// thal mo sbyar nas 'dug par bsgom// rta mgrin phyag rgyas dbang du bsdu/ khyung gshog phyag rgyas zil gyis mnan// gnad la gdab pa'i dam rdzas bsreg/ de ltar lan cig bsad pa des// gzugs ni rdog pa'i 'og nas dbyung // byang shar mtshams su bzhugs su gsol// smre bshags bya zhing gdung glu blang // bdud rtsi rnam pa lnga yis gso// mtshang nas bru zhing gnad nas bskul// de nas bsgrub pa bsgyur la brtsam// the tshom med par 'grub par 'gyur// bsnyen pa zhag grangs nyung ba na// mi rus sam ni ru rag sha/ lung zang dag gi phreng ba la// ma yengs grangs kyi bsnyen pa ni// 'bum tsho bdun du bzlas kyang rung // yang na mtshan ma'i bzlas pa shis// bgegs kyis bar du gcod pa na// gru gsum e dong nag po brko// mi khyi phag gi chag chag gdab/ khams rdza yi ling+ga la// snying gar dam sri'i ming bris la// rabs chad nag po'i thod par gzhug/ thod pa dong gi nang du gzhug/ 'bar ba'i dkyil 'khor gsal bar bsgom// dam sri bkug

  608. 304b

    cing bstim byas la// mi rus sor brgyad phur pa yis// mi g.yo mgon por gsal bsgoms gdab// mtshan ma ngan pa bzlog sngags bzlas// de steng rdo ba nag po la// ri rab rdo rje rgya gram bri// 'brub khung de yi kha bcad la// de steng sku gdung nag po brtsig/ de ni dam sri mnan par bshad// rnal 'byor dam tshig nyams pa la// mkha' 'gro ma yi chad pa 'byung // nyams tshad chen bka' chad che// bsgrub pa grub rtags med pa dang // rang nyid srog la bab pa'o// nyams pa 'bring gi bka' chad ni// 'khor la rkyen dang rims nad 'byung // nyams pa tha ma'i bka' chad ni// dgra dang nor la god kha 'byung // de nas nyams pa bskang ba bstan// nyams pa chen po bskang ba ni// gtor ma khri dang sbyin sreg khri// de bzhin ra tsa gsum gyis bskang // des kyang skongs par mi 'gyur na// dang po mkha' lding gsum gyis bskang // de nas shel nag gsum gyis bskang // bka' chad 'bring po byung ba na// gtor ma stong dang sbyin sreg stong // mkha' lding gnyis dang spyi nag gnyis// de bzhin ra tsa gnyis kyis bskang // mdangs kyi mar me bcwa brgyad dbul// bka' chad tha ma byung ba na// gtor ma brgya dang sbyin sreg brgya// mkha' lding gcig dang shel nag gcig/ ra tsa gcig gis skongs par bshad// mkha' 'gro ma me lce 'bar ba'i rgyud las spogs

  609. 305a

    shing thugs dam skong ba'i le'u ste bcu gsum pa'o// // de nas lha'i dbang po brgya byin gyis dpal phyag na rdo rje la 'di skad ces gsol to// drag po dpal 'bar gnod sbyin khros pa'i gtso// rdo rje mkha' 'gro'i dngos grub bsgrub 'dod pas// rtag tu bsten pa rdo rje 'dzin pas shod// ces gsol pa dang / dpal phyag na rdo rjes bka' stsal pa// nyon cig mkha' 'gro rtag tu bsten pa ni// dang po grub cing mtshan ma thob pa gces// de nas phyi nang gsang ba gsum du bstan// dpon mo'i phyi yi rten ni rma bya'o// rma bya'i snying gar b+h+yo las lha mo bskyed/ khol mo'i phyi yi rten ni bya nag mo// snying gar b+h+yo las re ma ti bskyed la// rma bya de mo nag gam shel nag la// sna la ma mo dpon g.yog legs par dbab// de nas phyi nang gsang ba'i dbang bskur la// dus su gtor mas mchod cing rten du bzung // nang gi rten ni sku dang gsang mtshan no// rang gi gzugs dang gsang mtshan kha sprad la// bar du ru ti rdo rje pad+ma mi// gsang ba ga bur stsal te lus la bsrel// gsang ba'i rten ni lhan cig grub pa'i lha// gsang ba ye shes thig le ma mor blta'o// de nas rtag tu sngags dang phyag rgya dang // ting 'dzin rdzas dang dam tshig mi spong ngo // rtag tu zas kyi phud kyis bsten par bshad// mkha' 'gro ma me lce 'bar ba'i rgyud las ma mo

  610. 305b

    rtag tu bsten pa'i le'u ste bcu bzhi pa'o// // de nas dpal phyag na rdo rje la/ lha'i dbang po brgya byin gyis 'di skad ces gsol to// kye dpal 'bar chen mo nyi ma stong gi gzi// rdo rje lha mo mkha' 'gro ma dpal gyi lha mo'i// pra rtags dbab dang slob ma dbang bskur ba'i// ma mo dbab pa'i gsang sngags bdag la shod// ces gsol pa dang / dpal phyag na rdo rjes bka' stsal pa/ lha mo 'bebs shing slob ma dbang bskur ba'i// slob dpon nyid kyis ma mo grub pa gces// de nas ma mo grub pa'i slob dpon des// dur khrod chen por zhag bdun bsnyen pa bya// sngags dang man ngag rdzas su ldan par bya// dang po rang la ma mo phebs par dbab// de nas slob ma dkyil 'khor 'jug pa dang // me tog dor dang lha ngo bstan bya dang // dpal phyag na rdo rje'i dbang bzhi bskur// dang po rdo rje rtse lnga 'bar ba'i dbang // gnyis pa shes rab dril bu dag gi dbang // de bzhin gsum pa la ni dbu rgyan te// bzhi pa rigs lnga ye shes lnga yi dbang // de nas lha mo nag mo'i dbang bzhi bskur// dang po la ni thod pa'i dbang // gnyis pas shes rab ral gri'i dbang bskur te// gsum pa la ni ne'u le'i rkyal bu'o// de bzhin bzhi pa dpa' bo hasta sbyin// de nas re ma ti yi dbang bzhi bskur// dang po dur khrod g.yang gzhi'i dbang // gnyis pa rdo rje Da ma ru yi

  611. 306a

    dbang // gsum pa kha T+wAM bdud kyi khram bam dbang // de bzhin bzhi pa chu gri 'dod pa'i dbang // dbang ni bskur ba'i sngags kyang bzlas par bya// bcu gnyis rim pa sngon du rjes pa dang // sku dang gsung gi dam tshig dpog par bya'o// de nas gsang ba'i dbang la 'jug par bya ste/ dbang po bram ze rgyal rigs rje'u rigs kyi// bu mo brgyad dang bcu drug nyi shu ma// mig gis dkyus rings sngo bsangs nu ma rgyas// skra bzang so dkar ut+pal bro// de la khrus byas me tog gser gyis brgyan// dbang po lnga la bdud rtsi dag gis gdab// dpral bar phyag na rdo rje'i gsang sngags bri// de yi snying gar lha mo'i snying po la// lte bar re ma ti yi snying po bri// sman lnga bdud rtsi lnga yi zas byin la// gsang ba'i pad+mar ru hi rdo rje stsal// de nas bsgrub pa'i dkyil 'khor nub phyogs su// dbang bskur stegs bu zlum po dmar po brtsig/ de yi steng du bu mo de bzhag la// phyogs mtshams kun du tshil dang cong zi bsreg/ steng 'og kun tu zhing gi bla re gdan// mdun dang rgyab tu gtor ma sbyin// de nas ma mo'i snying po 'bum du gdon// de nas rdo rje slob dpon gu ru yis// Da ma ru rdung ma mo drag tu bod// srog snying drang zhing g.yab dar g.yab// de nas bu mo de la sems gtad la// sngags 'di bzlas shing gdong du rtag tu blta// bu mo ma yengs sa

  612. 306b

    le bsgom du gzhug/ oM tsaN+Da ma hA ro Sha Na hUM sa ma ya pra thA ru ru ro ru tsa pa la a shug me sa ma ya pra thA/ kha mun+ma pra ma ya ma tisti pra yo ga sid+d+hi sa ma ya pra thA/ A be sha a/ drag tu ma mo bskul zhing dbab par bya'o// phebs par dka' na gnad la 'bebs rdzas bsreg/ lan gsum ma mo 'bum gyis nges par phebs// bzang ngan legs nyes mtshan ma thal thal smra'o// yang na mi smra bar yang phebs par byed// de nas bu mo de yi lus po la// spos dang me tog mar me dri chab kyis// dang po la ni phyi yi mchod pa bya// sha lnga bdud rtsi lnga dang bza' btung gis// de nas gnyis pa nang gi mchod pa dbul// gsang ba'i mchod pa khu ba'i thig le des// dang pos gtso bo rdo rje 'dzin pa mchod// gnyis pas lha mo dpon g.yog mchod par bya// gsum pas khu ba bdag btung dngos grub blang // gzungs ma mkha' 'gro yin par nges bskyed la// gzungs ma'i lce la gzhag la dam tshig bsre// de nas thig le slob ma'i lce la gzhag/ de nas ma mo thugs kyi dbang sbyin no// de nas bu mo de yi mdun du ni// dbang gi rtags su zla gam dmar po brtsig/ de nas slob ma stegs bu'i kha la gzhag/ mkha' 'gro kun la sbyin sreg gtor ma dbul// de nas bu mo shes rab ma de yis// ma mo 'dod kyi slob ma de la dbab// ma mo bskul ba'i rdzas rnams bsreg

  613. 307a

    par bya// phyi dang nang gi drod tshad mtshan ma dbab// mtshan ma phebs nas thugs kyi dam tshig dbab// dam tshig bsre ba'i gsang ba'i dbang bskur ro// des ni mkha' 'gro mngon du 'grub par bshad// ma mo mkha' 'gro thugs kyi gsang rgyud 'di// dbang dang dam tshig med pa'i slob ma la// tshig gcig bstan yang tshe yi 'du byed bskul// myur du shi nas rdo rjes dmyal bar skye// de bas dbang bskur gnang ba thob la sbyin par bshad// mkha' 'gro ma me lce 'bar ba'i rgyud las dbang bskur ba'i le'u ste bcwa lnga pa'o// // de nas lha'i dbang po brgya byin des// dpal phyag na rdo rje la 'di skad ces gsol to// kye ma phyag na rdo rje che// ngo mtshar byin brlabs rnams kyi mchog/ lha mo grub pa'i rnal 'byor pa'i// las kyi rim pa bshad du gsol// ces gsol pa dang / dpal rdo rje 'dzin pas bka' stsal pa/ nyon cig lha yi dbang po brgya byin nyon// lha mo'i grub pa thob pa'i rnal 'byor pas// so so'i las la ched du ma brtsams kyang // yid la ci 'dod bsams pa tsam gyis 'grub// 'on kyang ched du sgrub pa rtsom pa na// las kyi bye brag dam pa ngas bshad do// ma mo grub pa rnams kyis bya ba yin// dang po'i las can rnams kyis mi brtsam mo// brgya byin nyon cig zhi ba'i las kyi khyad par ni// bu ram sbrang rtsi gi'u wang dang // gu gul

  614. 307b

    spos dang 'o ma dang // mar khu til dang 'bras chan dang // a ga ru dang du ru ska// gang la bya ba'i ming dang bcas// ril bu khri tsho gcig byas la// zhi ba'i thab khung zlum po dang // 'o ma yod pa'i shing brtsigs la// mkha' 'gro ma rnams dkar po la// bdud rtsi'i bum pa thogs nas kyang // gang la bya ba'i spyi bo nas// dbang bskur lus po zhi bar bsgom// me sbar ril bu rim gyis bsreg/ gong ma'i srog snying bzlas shing dbul// srog gi snying po'i gzhug rgyan du// shin+tiM ku ru swA hA bzlas// 'bum tsho bzhi ru bzlas byas la// bdud dang bgegs rnams zhi ba dang // dgra dang nad yams zhi bar byed// rgyas pa'i las su bya ba ni// gur gum starga'i rgun 'brum dang // ut+pal mar khu gi'u wang dang // bdud rtsi lnga dang dpag bsam shing // gang la bya ba'i ming dang bcas// khri tsho gnyis kyi ril bu bya// rgyas pa'i thab khung gru bzhi pa// 'bras bu yod pa'i shing brtsigs la// gtso bo phyag na rdo rje dang // mkha' 'gro ma kun ser po la// rin chen mdzod dang bum pa thogs// gang la bya ba'i snying ga ru// dbang bskur phung po rgyas par shog/ me sbaspar ril bu rim gyis dbul// oM tsaN+Da ma hA ro Sha hUM/ kha mun+ta ba tra ba tra trag rag mo puk+Shing+ku ru swA hA// 'bum tsho brgyad du bzlas pa bya// tshe dang rigs rgyud 'phel bar byed// nor dang longs spyod 'phel bar

  615. 308a

    'gyur// dbang gi las su bya ba ni// sbrang rgod ra khrag chang dang chab tshan dang // khug chos lug mig pa dang ni// yung dang gla rtsi tsong zhun dang // nya sha mar khu rgya skyegs ni// ril bu khri tsho gsum byas la// dbang gi thab khung zla gam la// tsher ma can gyi shing brtsigs la// gtso dang 'khor gyi ma mo kun// mdog dmar lcags kyu thogs pa yis// gang la bya ba bkug par bsgom// me sbar ril bu rim gyis bsreg/ oM tsaN+Da ma hA ro Sha Na hUM/ pa tsa la a shug me/ pra ma ma hA sti pra che ge mo A kar+Na ma nA ya hrIHdzaH'bum tsho bcu drug bzlas pa na// 'khor los sgyur ba'i rgyal po dang // stag dang glang po nor bu dang // 'gro ba bzang dang blon po dang // dmag mi dang ni lha mi dang // klu dang gnod sbyin bu mo dang // kun kyang bdag gi dbang du 'gyur// bskrad pa'i las su bstan pa ni// drag po'i me zab gru gsum du// dug shing tsher ma'i me bus la// rta dang mgrin ring sha dang tshil/ khwa yi sgro dang thar nu'i chang // gang la bya ba'i ming dang bcas// 'bum tsho ru ni bzlas pa bya// rlung gi dkyil 'khor steng du ni// rlung gi rnga mo sngon mo bskyon// de steng gang la bya ba skyon// re ma ti yis sna nas khrid// lha mo nag mos phyi nas ded// phyag na rdo rjes rgyab nas phul// dpag tshad brgyad khrir bskrad par bsam// snying po bzlas shing ya stags bsreg/ snying po tha ma

  616. 308b

    skrod ces bskul// yul nas dbyung zhing 'khyams par nus// phaT tsa ba la a shug me// s+phA ra Na ma yaM phaT phaT skrod cig/ dbye ba'i las su bstan pa ni// rta g.yag bya rog 'ug pa'i sha/ btsan dug skye tshe spyang ki'i tshil// mdza' bo gnyis kyi ming bcas la// tsher ma'i shing la me bus la// 'bum tsho gcig tu bstabs pa bya// srog gi snying po'i tha mar ni// ma ma trag rag sha ru tra mA ra ya hUM phaT// gats+tsha phaT zhes ni bzlas pa bya// the tshom med par dbye bar nus// bud med 'gugs pa'i sbyor ba ni// lan tshwa rgya skyegs rdo sol dang // cong zi bu ram nya sha dang // sbrang rtsi mngal khrag khu ba dang // gang la bya ba'i ming ngam skra// ril bu brgya rtsa brgyad byas la// seng ldeng me la bsreg par bya// du ba byung na 'dod chags langs// me lce 'bar nas khugs par byed// sngags ni mkha' 'gro'i snying pos bya// tha ma bud med 'di khug bya// des ni the tshom med par nus// lkugs par bya ba bstan pa ni/ khams pa'i rdzas la dgra gzugs bya// lug gi rkan la ming bris la// de yi snying gar gzhug par bya/ kha yi nang du nya mgo gzhug kha ni tsher mas rab tu gtur// gzugs ni khyi mgo'i khar gzhag la/ khyi mgo sbyang ki'i rgyus pas dkris// gsang sngags brgya rtsa brgyad du bzlas// oM badz+ra tsaN+Da ro Sha Na hUM/ re ma ti che ge mo bag+ha hUM/ sos par bya na slar la

  617. 309a

    bshig/ gal te ma bshig mnan na ni// ma shi'i bar du kha 'thams so// smyo ba'i las su bya ba ni// btsan dug ldong ros sbrul nag go/ sdig pa'i rwa dang bye'u chung ngo // gang la bya ba'i ming dang bcas// de nyid kyi ni gnas su bsreg/ che ge mo sha tAn na/ sha pra ma ya hUM phaT/ the tshom med par 'bog cing smyo// rengs par bya ba bstan pa ni// gri rgod ro bsregs rus pa dang // a bra nag po'i 'bras bu dang // dmangs rigs khyim gyi dud pa dang // byi la'i sha dang btsan dug dang // phabs dang sug pa gu gul nag po dang // phye ma dag tu rab sbyar la// sngags ni 'bum du bzlas pa bya// oM pA Ni badz+ra ma hA ka li tsa pa la hUM/ s+pho ta grum sngo srid hUM hUM hUM de rnams kyis ni phye ma de// gang la gtor bas rengs par nus// rang lus sba ba'i sbyor ba ni/ kha ta nag po'i tshang shing la// ut+pal nag po'i khu bas byug/ bram ze'i go ro tsa nas bsku// bsgrub pa'i dkyil 'khor dbus su gzugs// phyag na rdo rje'i snying po bzlas// de nas na bun bu mo bdun// srin bal nang du dril la gzhag/ lha mo dpon g.yog snying po bzlas// srin bal thul po shing la gdags// mis ma mthong bar lus la bcang // bdag ni sus kyang mi mthong ngo // nyon cig lha dbang brgya byin nyon// bstan pa gnyen po bshig pa dang // rdo rje slob dpon brnyas pa dang // gsad

  618. 309b

    pa'i sbyor ba rab tu bshad// rje mos gsad pa'i las bzhi dang / khol mo nag mo'i thun drug ni// ngas gsungs pa la the tshom med// gsad pa'i las gzhi bstan pa ni// dang por khrag nad dbab pa dang // gnyis pa rims nad dbab pa dang // gsum pa tsha ba 'brum nag 'bar// bzhi pa snying gzer 'bar ba'o// nad bzhi gang 'dod 'bar bas bsad// khrag nad dag gis dgra gsad na// ro tshas ras la ling+ga bri// tsha ba gsum gyi khu bas bsku// bzlas pa bya zhing gtor ma gtang // phebs par dbab cing bskul par bya// oM badz+ra tsaN+Da ma hA ro Sha Na hUM/ oM ru ru tiHba to si/ ru ru be ro ru be tiSh+Tha ba to si/ tsa pa la a shug me/ che ge mo rak+ta ro ge na ga mA ra ya hUM phaT/ khri tsho gcig tu bzlas byas la// ling+ga gtor mar dbul bar bya// khrag nad kyis ni 'chi bar 'gyur// da ni rims nad dbab pa bshad// btsan dug mda' dug rgyu gzer khrag/ chang dang lo dug khrag dang bzhi// thod pa dum bu brgyad par stsal// zhing ras dag gis kha bcad la// sngags 'di sum 'bum bzlas pa bya// oM badz+ra tsaN+Da ma hA ro Sha Na hUM/ ru ru be tiSh+Tha ba to si/ ru ru ro ru ho ruSh+Ta ba to si/ tsa pa la a shug me hUM bya ha di ma ro ge na ga A be sha ya/ mA ra ya phaT/ rang nyid khros pa'i cha lugs bya// dgra yi phyogs su mtshan mo gtor// rims nad dag gis phung bar nus// tsha ba'i nad

  619. 310a

    kyis gsad pa ni// rabs chad nag po'i sha khrag dang // bya rog 'ug pa'i sha tshil dang // seng stag bya rgod sbrang ka'i snying // rta nag ra rog phag gi snying // sbrang mo'i snying dang rme gri'i sha/ cong zhun dang ni gi'u wang sbyar// dug dang khrag kyang bsres byas la// ril bu khri tsho bzhi byas la// ma trang nag po'i zhal bcas la// ma trang de yi kha nang du// dug shing nag po'i hom sbar te// rdo rje mkha' 'gro dpon g.yog kyang // nag mo ral pa rngam bag can// lag na ral gri thogs pa yi// dgra sha bcad cing za bar bsgom// ril bu re dang dgra ming re// bsdebs shing bsregs pa'i las bya'o// ma mo bskul ba'i rdzas re bsreg/ nag mo chen mo'i dmod pa ni// oM badz+ra tsaN+Da ma hA ro Sha Na hUM/ ru ru be tiSh+Tha ba to si ru ru ro ru be tiSh+Tha ba to si/ tsa pa la a shug me/ ma ma sarba sha truM a mu ka shI g+h+raM mA ra Na/ dza la raM tsit+ta dza la dzi baM ru d+hi raM ra ya na sha ya hUM phaT/ de nas thal ba ho khung mnan// tsha ba'i nad la the tshom med// snying gzer 'bar bas dgra bsad na// lcags sam dug shing phur bu la// lus la bcangs la bsnyen pa dbul// spyi bor phyag na rdo rje bsgom// rked par lha mo nag mo bsgom// rtse mor re ma ti yang bsgom// logs la 'khor gyi ma mo bsgom// kI la ya la bsgom pa rnams// sku stod rgyan dang lag char ldan// rked par zhe sdang sbrul

  620. 310b

    gyis dkris// sku smad gdug pa'i phur bu 'bar// lus la bcangs la bsnyen pa dbul// oM badz+ra tsaN+Da ma hA ro Sha Na hUM/ ru ru be tiSh+Tha ba to si/ ru ru ro ru be tiSh+Tha ba to si/ tsa pa la a shug me/ re ma ti badz+ra kI li kI la ya hUM mA ra Na hUM phaT/ rtag tu bsnyen pa dbul byas la// gtor ma sbyin sreg dag gis mchod// de nas dgra yi gzugs byas la// rkang lag dag la btab pa na// snying la btab na 'chi bar byed// snying gzer 'bar ba'i cho ga'o// khol mo nag mo'i thun drug ni// 'gu li nag mo'i thod pa'i thun// nir ti nag mo mda' yi thun// rak+ta nag mo khrag gi thun// tsa raM nag mo sgo nga'i thun// byi sha nag mo dug gi thun// tsit+ta nag mo snying gi thun// nag mo'i thun drug rab bshad bya// 'gu li nag mo'i thod mda' ni// mi ro dkris pa'i dkris ma la// dug dang khrag gi snag tsha yis// dbus nas bskor la yi ge bri// oM tsaN+Da ma hA ro Sha Na hAM/ zhes bya ba dbus su bri// de yi phyi rim du ru ru be tiSh+Tha ba do si/ ru ru ro ru be tiSh+Tha ba do si/ tsa pa la a shug me hAM b+h+yo zhes bri// de'i phyi rim du ru ru be ro ru hAM tiSh+Tha ba do si/ rag mo tsit+ta kha rag ma hUM b+h+yo/ ma ma trag rak+ka kha mun tra ba tra ba trag rak+ta tsi tra kha rag ma/ re ma ti sa ma ya ma hA pra ma sti pra pra dun b+h+yo dzaHdzaHru lu b+h+yo b+h+yo zhes bri/ de'i phyi rim du ma nag mos bskor// de'i phyi rim du b+h+yos

  621. 311a

    bskor// de nas sngags kyi 'khor lo de// nal thod dum bu brgyad par bstsal// thod pa de yin nang du ni// baM dang khyi rgyar rog snying // yugs sa mo yi mngal khrag dang // nad gang 'dod pa'i sha rus khrag/ dug sna tshogs dang khrag sna tshogs// chang dang sbyar la thod par blug/ thod pa g.yang gzhi'i steng du gzhag/ de rag dza ti ta baM dang // mkha' 'gro ma la phul nas ni// ske tshe yungs nag thal chen la// sngags 'di bzlas la thod par blug/ oM ru ru be ro ru hUM tiSh+Tha ba to si/ hUM hUM/ tsa pa la a shug me karma de byi mu di rA ga baM hUM hAM tsa pa la a shug me/ mu yaM rak+Sha thum dun nan/ kha rag tsa mun ti hUM hAM tsa pa la a shug me/ a kam mA ra Na hUM phaT/ sngags de khri tsho thon pa'i tshe// go ro tsa nas kha bcad la// dur khrod dag tu gnas dag ste// nam phyed thod mda' dgra la 'phang // ma mo bskul ba'i dam rdzas bsreg/ de ni phung zhing rlag par byed// nir ti nag mo'i mda' thun ni// mda' sgo bya smyung ka yis sgon// dug shing nag po'i mde'u btsugs la// bam gyi snying khrag yugs sa'i khrag/ btsan dug yungs kar skye tshe dang // mi rigs dgu yi so sen dang // bya dang gcan dgu'i sder mo dang // tsher ma dgu dang mtshon dpal dgu// gri rgod khrag dang g.yul sprad sa// de rnams bsres pa'i phye ma la// ma mo las la bskul ba dang // gnad

  622. 311b

    la dbab pa'i sngags kyis gdab// de yi gting la thun gyi mthu// dme gri nag mo'i zor sngags bzlas// rag mo tsit+ta mo tsa tsa mo b+h+yo/ hi li hi li ma ma b+h+yo/ badz+ra a li ga sri ga si hUM b+h+yo/ badz+ra ma ma ti b+h+yo/ de skad sngags ni bzlas nas ni// rdzas dang phur thun mda' sbubs blug/ mda' nyid dug dang khrag gis byug/ dur khrod mgal ba'i gzhu bdungs la// mde'u yi rtse mo bsreg byas la// mda' de nam phyed dgra la 'phang // gang la bya ba gri ru 'chi// rak+ta nag mo'i khrag thun ni// mi rta ra khyi phag khrag dang // rims nad khrag dang gu gul dang // tsher ma dgu dang mche sder dgu// klu yi chu dang btsan dug dang // rngar gri 'bum tri nang du stsal// yungs kar dag la thun sngags 'di// bdun khri bzlas la khrag gi nang du blug/ ru ru tsa dug a shug me pa ti ru tra kha shal mo/ che ge mo a mu ka rak+ta tsa ra nan// mA ra ya mA ra ya ru ti raM/ A kar+Na ya a hUM phaT/ de skad khrag la sngags bzlas la// ma mo las la bskul sngags gdab// de nas khrag gi zor mda' de// ro dkris dag gi 'ur rdor stsal// nam phyed dgra la 'phang bar bya'o// des ni gang la bya ba 'chi// tsa ra nag mo'i sgong thun ni// bya mo nag mo'i sgo nga yi// spyi bo brtol ba'i sgong stong du// rims kyi khrag dang btsan dug stsal// yungs kar thal chen mtshon dpal la// srog gi snying po 'bum du bzlas// tha

  623. 312a

    mar sgong thun gdab sngags bzlas/ kha mun tra ba tra ba trag sha rag mo te ke ma dzA dzA/ kha rag te ke ma b+h+yo b+h+yoHde nas sgo nga kha bcad la// hasta lag par bcug la 'phang // mkhar la brgyab kyang 'jig par nus// dgra la 'phang na the tshom med// byi sha nag mo'i dug thun ni// ma he'i rwa 'am pa men ru// mda' dug btsan dug lo dug dang // rims nad khrag dang chang blugs la// rA ru nang nyid khar bcug la// dang la mkha' 'gro'i snying po dang // las la bskul sngags ming dang bcas// de nas dug gi dpal sngags bzlas// hUM re ma ti ma ma ru lu rag Sha b+h+yo/ re ma ti byi shi ma ya sta yak+ka kro d+ha che ge mo mA ra ya phaT/ rwa rtse phra mo bcad par ni// dug gi khu ba mi mgos gting // mi mgo dug gis khengs tsam na// ma mo bskul ba'i rdzas bsregs la/ khram bam phyag rgya bcas la ni// nam phyed khros te dgra la 'phang // the tshom med par dgra brlag go/ tsit+ta nag mo'i snying thun ni// spyang ki stag dang sre mong snying / khyi dang 'ug pa wa yi snying // pho rog khrag dang sbrul gyi snying // thod pa'i nang du stsal la ni// dang po ma mo dpon g.yog gi/ gnad la bskul ba'i sngags bzlas shing // ma mo bskul ba'i dam rdzas bsreg/ de nas snying gi thun sngags ni// trag rag+na tsi ta dung ro ta ma ta sma ra ra ta b+h+yo// de skad bzlas pa'i snying thun des// grong la

  624. 312b

    brgyab kyang phung bar byed// nag mo 'bar ba'i thun drug 'dis// mkhar la brgyab kyang 'jig pa la// g.yul ngo chen por brgyab kyang bzlog/ gzhan gyi byad dang sngags kyang bzlog/ dgra dang bgegs la the tshom med// yang ni bshad kyis brgya byin nyon// bstan pa gnyen po'i sku dgra la// ltas ngan bya nag dbab pa ste// dang po bya nag bzung byas la// bcu gnyis dbang gi rim pa bskur// de nas bya la ma mo dbab// bya de mig rtsa rgod pa dang // skad 'byin gshog pa gdeng ba na// ma mo phebs pa'i rtags yin pas// phyi dang nang gi mchod pa bya// phyag rgya dgu ni rab bstan la// dbang bskur dam tshig sbyin par bya// de nas ma mo bskul sngags bzlas// las la bskul ba'i dam rdzas bsreg/ sngags 'dis bya de sbar la gtang // oM k+Sha rag sha tsi ta kha rag ma tsit+ta tung tung dza sha yu ta ti b+h+yo/ re ma ti rAk+Sha si ru lu ru lu pra ma ma hA sti pra dung b+h+yo/ ka ra ma sa ma ya b+h+yo b+h+yo b+h+yo zhes gtang ngo // des ni bya nag gang du smos par 'gro'o// mkha' 'gro ma me lce 'bar ba'i las kyi rgyud las las so so ma mo'i bye brag bstan pa'i le'u ste bcu drug pa'o// // de nas lha'i dbang po brgya byin des/ dpal phyag na rdo rje la 'di skad ces gsol to// kye rig sngags gsang sngags bdag po gsang dbang po// phyag na rdo rje thig le bstan pa bsrung ba yi

  625. 313a

    don du// bdud rtsi 'chang bzhin mar me gsod pa yi// skyes bu chen po mnga' bdag bshad du gsol// zhes zhus pa la/ dpal phyag na rdo rjes bka' stsal pa/ lnga brgya tha ma me ltar 'bar ba'i tshe// nyams pa gsod pa'i sbyor ba bshad kyis nyon// dang po mkha' 'gro me lce bsgrub pa'i rnal 'byor pas// skabs su gsad pa'i las la 'jug pa ni// dang lam tshan ma phebs pa'i bsnyen pa bya// gtor ma sbyin sreg sti ras bu tsa bya/ kham sa rkang rjes dri chu skra shad la// gang la bya ba'i snying gar ming // dug dang bdud rtsi'i gtor ma'i nang du stsal// de nas ma mo zhag bdun dbab cing bstab// bskul ba gnad la dbab pa'i dam rdzas bsreg/ gnad la dbab cing las la bskul sngags bzlas// ting 'dzin khrag 'thung bdud mo'i bar du ni// snying gi 'od zer dag gis drangs byas te// bdud rtsi drangs pa'i sbyor ba ston pa ni// gsal ba dngos grub spyi ste log pa yis// gsang sbugs bdud rtsi bdud mo'i zhal du drang // thugs kyi dkar dmar pad+ma'i sbu gur spro// bdag gi sbubs na thugs kyi dpal be'u rgyas// de nas mar me gsad pa'i ting 'dzin ni// bzhis bsdus dbus na nr-i las 'od 'bar ba// bdag nyid bdud mo'i rang bzhin gsal ba la// spro ba'i rlung gis mar me gting nas sbar// bud pa'i rlung gis mar me khad kyis

  626. 313b

    gsad// 'dren pa'i rlung gis thig le'i rtse mor drang // dang pos bkrag shor gnyis pas sum cha nyams// gsum pas phyed la bzhi pas sum gnyis med// lnga pas mun khang ltar gyur bdag la gsal// mar me bdud rtsi lo grangs du lon thub// de nas dgra gzugs 'gu ling nag por gzhug/ hom khung nang du rtsang nang phur bus bskor// nag mo ro zon kha la me 'bar ma// ma bdud rgyal po lhag pa'i snying rje can/ khrag 'thung re ma ti yi dmod pa ni// trag rag sha re ma ti'i hUM a mu ka sri kra ma ma ra na ya ma rag mo Ar+ya tsa tsa thi gi ma kha la b+h+yo b+h+yo/ rag mo tsi ta kha rag ma b+h+yo/ rag mo ti ki ma dzaHdzaHkha le dun b+h+yo/ kha rag ti ki ma dza kha le dun b+h+yo/ ma rag thun ma b+h+yo// che ge mo mA ra ya hUM phaT/ gsang sngags de ni khri tsho gnyis su gdab// yungs kar thal chen dag la sngags la gdab// 'gu ling dur khrod rnying pa'i gting du mnan// gang la bya ba de ni zhag bdun len// mkha' 'gro ma me lce 'bar ba'i rgyud las mar me bstan pa'i le'u ste bcu bdun pa'o// // de nas lha'i dbang po brgya byin gyis dpal phyag na rdo rje la 'di skad ces gsol to// kye bde ba chen po rdo rje 'chang // 'khor ba'i rgyun lam bcad pa dang // ye shes nus pa bskyed pa'i phyir// thig le ye shes man ngag 'di// snying rje can gyis bshad du gsol// zhes zhus pa'i tshe/ dpal phyag

  627. 314a

    na rdo rje des gsang ba'i thugs ka nas/ ye shes 'byung ba zhes bya ba'i 'od zer bkye nas 'dzum pa'i mdangs kyis 'di skad ces bka' stsal to// ye shes rdo rje thig le ni// thun mong ma yin shes par dka'// don dam kun rdzob gnyis su bshad// don dam sems kyi spyod yul lo// kun rdzob las kyi phyag rgya dngos// rgyal rigs bu mo de la bsten// rang rig rtsal gyis rlung g.yos te// rlung gi thig le ye shes me// rdo rje gsang bas sa bon bskul// rtog med gsang ba'i thig le la// mi bskyod mnyam par sems gtad na// mar me'i rtse mo lta bur brtan// gnas pa'i rtsa yi nam mkha' la// srog 'dren thig le bsgom pa'i tshe// brtan dang g.yo ba'i dngos po kun// bden gnyis byang chub don gsal nas// dang / dwangs ba'i chu la gzugs brnyan bzhin// rgyal ba'i go 'phang rang la 'char// mkha' 'gro ma yi rang bzhin 'grub// lhan cig skyes pa'i lha mo'i don// mkha' 'gro ma me lce 'bar ba'i rgyud las ye shes kyi thig le bshad pa'i le'u ste bcwa brgyad pa'o// // de nas lha'i dbang po brgya byin des/ dpal phyag na rdo rje la 'di skad ces gsol to// bgegs kyi gtso bo dbang phyug rje// 'gro ba thugs rjes bskyang ba'i phyir// bcu drug rdo rje 'phrul gyi rgyud// dpa' bo chen pos bshad du gsol// zhes zhus pa dang / dpal

  628. 314b

    phyag na rdo rjes bka' stsal pa/ ma 'ongs phyi ma'i sems can rnams// dad dang spro ba bskyed pa'i phyir// rdzu 'phrul bcu drug bshad kyis nyon// dang po lha yi rnal 'byor la// drod dang mtshan ma thob par bya// de nas 'phrul la 'jug pa ni// a nu sa ti'i ril bu sbyar// rma bya khrung khrung ne tso sha/ nya dang spre'u dang byi la'i sha/ rnga mo khra ta ngang pa'i sha/ ne'u le so bya mthing ril sha/ de rnams skams pa'i phye ma dang // bil ba'i shing dang a ru ra// shing tsha sug smel rus sbal rus// ka ka ru dang me khyer srin// mi rus dang ni phag rgod khrag/ mi rgod skra dang chu klag sgo// de rnams bsres la ril bu bya// sbrang rgod dag gis mgo bsdus la// dur khrod thod pa'i ga 'ur stsal// phyag na rdo rje'i snying po dang // ma mo'i srog snying bdun 'bum bzlas// bar bar bram ze'i me la bsro// de nas sna yi ril bu la// 'od dang me stag 'phros tsam na// zangs sam lcags kyi ga 'ur stsal// de nas rdo rje mkha' 'gro la// dug dang khrag gi sbyin sreg dbul// a bu si ti'i ril bu de// rang gi lce la myangs pa na// rtag tu btsan dug 'thung bar nus// yang na ma mo mkha' 'gro la// so bya rog mo'i sbyin sreg dbul// a bu si ti'i ril bu de// rkang pa'i mthil du bskus pa des// chu yi steng du 'gro bar byed// ma mo mkha' 'gro dpon g.yog la// chang dang bya rgod sbyin sreg

  629. 315a

    dbul// ril bu yan lag bzhi la bsku// bdag ni nam mkha' dag la 'phur// rdo rje mkha' 'gro ma dag la// mi sha'i mar khu sbyin sreg dbul// ril bu lce la myangs pa na// skye ba snga phyi dran par nus// ma mo dag dang mkha' 'gro la// mar dang ra khrag sbyin sreg dbul// a bu si ti'i ril bu de// bud med gang gi dpral bar bskus// de ni bdag gi dbang du 'gyur// rdo rje nag mo chen mo la// chang dang sbrang rgod sbyin sreg dbul// de nas ril bu mig la bsku// srid pa gsum ka dus gcig mthong // rdo rje mkha' 'gro chen mo la// mar dang khwa ta'i sbyin sreg dbul// ril bu rkang pa'i mthil la bsku// nyin cig dpag tshad brgyad khrir phyin// rdo rje lha mo nag mo la/ khrag dang mar khu'i sbyin sreg dbul// ril bu mchan khung gnyis bskus na// rang lus sus kyang mi mthong ngo // dpal ldan lha mo dpon g.yog la// 'bras dang bu ram sbyin sreg dbul// ril bu khong par 'thungs pa na// tshe lo stong ni thub par nges// dpal ldan rdo rje lha mo la// 'bru dang mar khu'i sbyin sreg dbul// ril bu lus la bsrel ba na// nor gyi gter la spyod par 'gyur// de nas mkha' 'gro ma la ni// til dang mi sha'i sbyin sreg dbul// a bu si ti'i ril bu de// mi ro sar pa'i khar bcug nas// ma mo'i snying po 'bum bzlas na// mi ro langs nas

  630. 315b

    dngos grub ster// gser dang dngul du 'gyur yang rung // yang na de la ral gri sbyin// ci 'dod pho nya'i mngag gzhug byed// phrin las rnam bzhi gang bcol 'grub// rdo rje dpal ldan lha mo la// go ro tsa na'i sbyin sreg dbul// ril bu nad pa'i lus la bsku// nad pa rnams ni 'tsho bar byed// yang ni rdo rje lha mo la// chang dang gi wang sbyin sreg dbul// ril bu bgyis pa lte bar bsku// sri bu dag ni 'tsho ba ba'o// rdo rje dpal ldan nag mo la// til mar ske tshe'i sbyin sreg dbul// ril bu me ru bsregs pa na// dgra la thog dang ser ba 'bebs// rdo rje lha mo nag mo la// mar dang mu tig sbyin sreg dbul// ril bu dpral ba'i dbyings su bsku// rgyal po'i chad pa mi 'byung zhing // me dang chus kyang mi tshugs so// rdo rje mkha' 'gro ma kun la// me tog bu ram sbyin sreg dbul// ril bu lte bar bskus pa na// sbrul dang btsan gyis mi tshugs so// byad stems kyang ni bzlogs par 'gyur// mkha' 'gro ma me lce 'bar ba'i rgyud las rdzu 'phrul bcu drug gi le'u ste bcu dgu pa'o// // de'i tshe 'khor 'dus pa'i nang nas/ lha'i dbang po brgya byin stan las langs te/ dpal ldan phyag na rdo rje la bstod pa/ bcom ldan mgon po rdo rje 'dzin// sku gsung ye shes lngar ldan lha// thabs dang shes rab bdag nyid can// rig sngags gsang sngags dngos po

  631. 316a

    'dzin// srid pa gsum gyis bskur ba'i gnas// lha srin brgyad kyis mchod cing bstod// nyon mongs bdud las rnam par rgyal// phyag na rdo rje che la phyag 'tshal bstod// dpal lha mo la dge bcu'i sgo nas bstod pa/ brgya byin gyis bstod pa/ de nas dpal lha mo la lha ma srin sde brgyad kyis so so nas dpal lha mo bstod pa/ de nas g.yog mo re ma ti la/ bdud ri ti 'gong nyag gis/ 'dul thabs kyi dbang gi sgo nas bstod pa/ lha la dbang sgyur lha mo dpal 'bar ma// dbang phyug sras mo lha mo gzi ldan ma// sum cu rtsa gsum gnas kyi gtso mo ste// lha mo re ma ti la phyag 'tshal bstod// bdud la dbang sgyur bdud mo dpal 'bar ma// ri ti 'gong nyag bu mo re ma ti// nag mo rtse dgu gnas kyi gtso mo ste// bdud mo re ma ti la phyag 'tshal bstod// klu la dbang sgyur klu mo dpal 'bar ma// gtsug na rin chen bu mo yid 'ong ma// rol mtsho bdun gyi gnas kyi gtso mo ste// klu mo re ma ti la phyag 'tshal bstod// gnod sbyin dbang sbur gnod sbyin dpal 'bar ma// gang ba bzang po'i bu mo shang ka na// nags tshal dra ba can gyi gtso mo ste// gnod sbyin re ma ti la phyag 'tshal bstod// bstod pa'i le'u ste nyi shu pa'o// // de nas dpal phyag na rdo rje des/ pad+ma'i gdan las sku bzhengs te 'di skad ces bka' stsal to// sras mchog

  632. 316b

    'khor gyi dam pa brgya byin nyon// lha dang lha min mi dang nam mkha' lding // bgegs dang gshin rje ma mo dang // sha za lto 'phye dri za dang // srin po grul bum bdud dam mi// sngags 'chang rnal 'byor gnod sbyin dang // nga yi 'khor rnams rab tu nyan par gyis// ngas ni rdo rje ting 'dzin lhun gyis grub// ngas ni mtshan ma 'joms pa'i phyag rgya rnyed// ngas ni thun mong ston pa'i bdud las rgyal// ngas ni snying rjes 'gro kun dge la bkod// ngas ni thabs dang shes rab kun la byed// ngas ni rdo rje mkha' 'gro'i gsang rgyud 'di// thun mong ma yin me lce 'bar ma 'di// ngo mtshar thabs mchog dngos grub dam pa'i gzhi// ngas ni bshad zin khyod la rab tu gtad// skal ldan dad dang brtson 'grus yod la gtad// snying rje gzhol zhing brtul zhugs che la gtad// bden gnyis don rtogs yi rangs brtan la gtad// brnag pa'i gzungs thub snod ldan yongs la gtad// zung shig chongs shig snod ldan rnams la shod// 'di yi don rnams rtse gcig yid kyis nyon// 'dis ni mi nub chos kyi rgyal mtshan chen po thob// 'dis ni chos kyi dbang phyug go 'phang thob// 'dis ni yid bzhin rin chen 'bar ba thob// 'dis ni ci 'dod thogs med dngos grub thob// blo dman shes chung nyan thos rnams la gsang // log pa'i mthar 'khyams mu stegs

  633. 317a

    can la gsang // dmu rgod mi mkhas skur pa mkhan la gsang // dad med snying rje spangs pa rnams la gsang // ma rig rmongs pa'i le lo can la gsang // zhes bka' stsal nas/ brgya byin gyis spyi bos blangs so// 'khor la gtad pa'i le'u ste nyi shu rtsa gcig pa'o// // de nas lha'i dbang po brgya byin des/ dpal phyag na rdo rje la 'di skad ces gsol to// kye bcom ldan 'das lung bstan du gsol/ bde bar gshegs pa mkha' 'gro ma lung bstan du gsol zhes zhus pa dang / dpal phyag na rdo rjes bka' stsal pa/ mkha' 'gro ma lha mo nag mo 'dis/ bskal pa mang po'i sngon rol nas// dus gsum rgyal ba'i zhal mthong ste// dman pa'i zhing 'dir sbrul sku yis// lha mo'i tshul du sku bstan nas// 'gro ba'i don la rab tu brtson// nyon mongs sgrib pa rab tu spangs// da ltar shes bya'i sgrib pa sbyong // de yi khol mo re ma tite// smon lam dbang gis 'gro don byed// bsgom pa'i lam la rab gnas nas// da ltar nyon mongs sgrib pa sbyong // 'di nas dus 'di phyi ma'i tshe// mkha' 'gro lha mo nag mo 'di// byang shar mtshams kyi 'jig rten khams// pad+mo rnam par rol pa der// yang dag rdzogs pa'i sangs rgyas su// pad+ma'i dpal zhes bya bar ni// ngas ni lha mo lung bstan to// de yi g.yog mo re ma ti// pad+ma can gyi zhing khams de// bde ba'i

  634. 317b

    byang chub sems dpa' ni// blo gros bshes gnyen bya bar ni// de 'dir ngas ni lung bstan no// mkha' 'gro ma me lce 'bar ba'i rgyud las yongs su lung bstan pa'i le'u ste nyi shu rtsa gnyis pa rdzogs so// // mchod na rgyal ba rigs lnga rtag tu mchod// srung na dam tshig nyi shu rtsa brgyad srungs// dgra byung lha mo nag mo mtshon char phyung // nyes chung kha 'thab tsam la mtshon mi dbyung // nga yi dkor khang 'jig na mtshon char phyung // dkon mchog dbu 'phang smod na mtshon char phyung // sangs rgyas bstan pa 'jig na mtshon char phyung // dkon mchog sku dgra dar na mtshon char phyung // zhes slob dpon pad+mas slob bu glang dpal gyi seng ge la de skad ces bka' stsal zhing gdams so// // @#// rgya gar skad du/ Ar+ya re ma ti ma hA a nan tan+t+ra/ bod skad du/ 'phags ma he sdud 'bar ba'i rgyud ces bya ba/ dkon mchog gsum la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'dzin pa chen po la sogs pa/ de bzhin gshegs pa sras dang 'khor du bcas pa rnams shes rab ma'i dbyings b+ha ga rnam par dag pa'i mkha' la bzhugs so// gzhan yang rnal 'byor dang rnal 'byor ma'i tshogs rab tu mang po dang / rnam par rol cing bzhugs pa 'di lta ste/ rnal 'byor ma he sdud chen mo dang / rnal 'byor

  635. 318a

    ma dri za'i rje mo dang / rnal 'byor ma gshin rje'i rje mo dang / rnal 'byor ma klu'i rje mo dang / rnal 'byor ma gnod sbyin gyi rje mo dang / rnal 'byor ma drang srong gi rje mo dang / rnal 'byor ma srin mo'i rje mo dang / rlung lha'i rje mo dang / dbang ldan gyi rje mo dang / nyi zla'i rje mo dang / sa bdag gi rje mo dang / thams cad kyi rje mo dang / rnal 'byor ma dur khrod kyi bdag mo la sogs pa dang thabs cig go/ gzhan yang rnal 'byor ma'i bdag med dpal nag mo chen po la sogs pa rnal 'byor ma'i tshogs du ma dang yang thabs cig tu bzhugs te/ de dag 'khor g.yog so so sde tshan mang pos gcig tu bskor te/ rngam par rol cing yongs su bstim nas bzhugs so// de'i tshe de'i dus na dpal rdo rje 'dzin pa chen pos nag po'i gdong gi dkyil 'khor la rnam par gzigs so// de nas sangs rgyas kyi mthus dpal nag po chen po rang gi stan las langs nas/ bcom ldan 'das dpal rdo rje 'dzin pa chen po la g.yas phyogs nas lan brgya stong du mar bskor ba byas nas/ dam pa'i chos zhu ba'i cho ga byas nas bcom ldan 'das kyi spyan sngar 'dug ste/ 'di skad ces gsungs to// bcom ldan 'das ma 'ongs pa'i dus na he sdud chen mo'i mthus/ kun tu khyab pa zhes bya ba'i dus mchis te/ de'i tshe sangs rgyas dang byang chub sems dpa' gzhan

  636. 318b

    zhig gis ni 'dul ba nyung / 'phags pa he sdud chen mo'i rnam par sprul nas 'dul ba ni shin tu yang mang bar mchis te/ de'i dus na sems can dag he sdud chen mo la la la ni blta/ la las ni mthong / la las ni mi mthong / la las ni dag par mthong / la las ni ma dag par mthong / la las ni mchod/ la las ni tshul dang ma yin par mchod/ thams cad tshul dang mthun pa ma yin pa'i las kyis/ he sdud kyi 'khor gtum pa rnams shin tu mi dga' zhing khros tshe 'jig rten du yang dus ma yin pa'i bar chod mang du btang bas sems can rnams nyams dman par 'chi ba'i dus mchis pas/ de dag la phan gdags pa'i slad du// de bzhin gshegs pa thams cad mkhyen pas/ he sdud chen mo 'khor dang bcas pa dga' bar gyur na grub pa chen po lags pas/ he sdud chen mo 'khor dang bcas pa dga' bar bgyi ba'i don bstan du gsol/ zhes gsol ba btab bo// de nas dpal rdo rje 'dzin pa chen pos 'di skad ces gsungs so// nag po chen po de de bzhin no// de de bzhin te/ ma 'ongs pa'i dus na he sdud chen mo dga' ba ma yin pa las// sems can rnams byang chub kyi dmigs pa'i lam dang bral bar/ mun sprul dang bsla ba'i las la 'gran dor gyis ston par 'gyur te/ de'i rkyen gyis he sdud kyi 'khor rab tu mi bsgrungs pa rnams cher 'khrug par

  637. 319a

    rngam par gyur/ drag po'i mthu che bar gyur/ thogs pa med pa'i rdzu 'phrul gyis 'jig rten du dus ma yin pa'i gnod pa dus ma yin pa'i rkyen gyis 'gro ba nyam zag par 'gyur bas/ sems can la snying brtse ba'i don gyis khyod de lta bu zhus pa legs so legs so// de'i phyir ngas khyod la legs par bstan nyon la yid la zung zhig ces gsungs so// 'phags pa he sdud chen mo dga' bar byed pa'i rgyud las gleng gzhi'i le'u ste dang po'i// // de nas bcom ldan 'das dpal rdo rje 'dzin pa chen pos he sdud chen mo dga' bar byed pa zhes bya ba'i ting nge 'dzin la snyoms par zhugs nas 'di skad ces gsungs so// chos rnams kun gyi rang bzhin ni// ci yang med pa'i thig le las// 'gro ba mtha' dag rtog pa yis// brtags pa'i chos ni cir yang snang // bde bar gshegs pa'i chos rnams ni// byis pa rnams kyi spyod yul min// so so rang rig ting 'dzin gyis// rnam dag chos sku thob pa'i tshe// 'khrul pa zhes pa ji bzhin du// byang chub sems dpa'i cho 'phrul ni// chu klung nam mkha' sogs dang mtshungs// 'gro ba rnams kyi mtshan nyid ni// mo gsham bu bzhin kun tu brtags// tha ma tha ma'i dus rnams la// tha ma tha ma'i sems can rnams// tha ma tha ma'i spyod lam gyis// tha ma tha ma'i 'bras bur bshad// srid pa dgag pa'i tshad ma

  638. 319b

    yang // he ru ka yis mi spyod de// u dum pa ra'i me tog bzhin// lo dang zla ba zhag dang dus// mi shes las rnams rtsom pa ni// he sdud ma 'ongs dus rnams su// mig gis thong ba'i spyod lam dang // de bzhin shes rab dbang pos kyang // gsal zhing mthong ba'i man ngag bral// brtags pa'i sgo gsum mdzes pas kyang // ji bzhin myang ba'i stobs med par// tho 'tshams la ni ston pa dang // phyogs gcig pa la mos pa yis// he sdud dga' ba ma yin pas// 'khor rnams kyis kyang gnod pa ston// lo tog rnams la dus med par// bcud dang kha dog bsad pa ltar// thams cad nyams par gyur pa ste// de dag dus la khungs 'byin no// dper na kha zas ro mchog ni// du ma'i nang du bcud zad dag/ chung yang thams cad phung ba ltar// sbyor ba nyams pa gcig gis kyang // dngos po mang po rlag par 'gyur// las mthun mang pos dpag tu med// mtshan rnams rdzogs pa'i ting 'dzin ni// gang gis mtshan gyis bsdus pa'i las// de dag rnam pa 'dir bshad bya// lha mo zhes bya'i mtshan nyid ni// dus gsum kun tu zhi ba'i mtshan// dpal chen mo zhes bya ba ni// dus gsum kun tu rgyal ba'i mtshan// chen mor grags pa'i mtshan grags pa// yon tan sprul pa gsang ba'i ming // byin brlab dbang bskur smon lam mo// dga' bar byed pa'i sbyor bas

  639. 320a

    ni// gang gi phun sum tshogs pa rnams// bum pa nang gi lag pa dang // dpag bsam shing la phreng ba'am// lag na rin chen lta bu ste// nyi ma sprin las byung ba bzhin// gang gis he sdud dga' mi byed// cud zad yon tan srid pa yang // dus kyi sems can ji bzhin du// srog dang 'byor ba de bzhin no// 'phags ma he sdud dga' bar byed pa'i rgyud las dga' bar byed pa'i tshul phun sum tshogs pa zhes bya ba'i le'u ste gnyis pa'o// // dmar nag sa dang dur khrod dang // nyams dga' dben pa'i sgrub gnas der// song nas bsod nams tshogs bsags te// phyi nang bshags pa gzhung du snyogs// maN+Dal byi dor legs byas la// thig dang chag chag la sogs pa// spyi yi las kun 'dra bar bya'o// mthing nag gru gsum bya ba yi// zur la logs bstas thod pa'i ra// phyi mthar me ri bcas par bri// dbus su nag po re ma ti// de mtha' gsum du re ma tri'i// sprul pa sku gsung thugs kyi'o// de mtha' nag mo 'bum gyi 'khor// phur pa gsum dang dbus dang bzhi// de mthar 'khor gyi ma mo dgod// snying po bris shing gdags par bya'o// bya lug thugs dam bskang rten gzhag/ gtor ma sha khrag spyi gzhung snyegs// ra khyi mi rta bzhi snying gzhag/ dpal gtor rten ni bcas la gzhag/ nang nub nyin mtshan bzhi la gzhag/ 'dzab dang snying

  640. 320b

    po rgyun du gtang // bstod bskul la sogs zang re bya// de ltar rtag tu byas pa dang // rnal 'byor pa de gtsang sa dang // lha mo nyid kyang dkar mor byon// 'bring na dmar la tha ma nag/ gang ltar byas kyang byon par nges// 'bring dang tha ma bshags shing bskang // ting 'dzin gang mos lha gsal bya ba gces// gang gsal bsgom pa'i thugs ka nas// nyi ma'i gdan nas kI 'phro 'dus// lha mo nyid kyi sku bskyed pa'o// tad+ya thA trag shag gra ru nan/ mug ste baM mA mA ru ru dza dza ru lu ru lu b+h+yo/ zhes bskyed/ mthing nag gcer bu dre'u rta rkang gsum zhon// zhing lpags la sogs rgyan dang ldan// gsod byed phyag na kha me 'bar// mig nas khrag 'dzag sna nas dud pa 'thul// snyan nas 'brug sgrogs ljags nas glog 'gyu ma// lus las 'od 'phro kha rlangs nad gtong ba'o// sprul pa khrag gi ral can stong gsum khengs par 'gyed// de lta'i spyi bo nas bskyed pa// pad+ma ra ti ru ti re ma ta tsit+ta snying la b+h+yo/ zhes pas sku de dmar nag re'u lde nag po gsol/ chu glang zhon nas gong bzhin bsam par bya'o// gsung las sprul pa 'di lta'o// oM ru lu ko'u 'dzu sen mye nan dza dza las byed dun ting b+h+yo// zhes pas ser nag rma bya'i le'u gsol// yu chung sha ba bcibs pa gong dang 'dra'o// thugs las bskyed pa 'di nyid do// oM u ti du ru du ru tshal pa me dza dza las la b+h+yo// ldang

  641. 321a

    nag dar nag zul pa gsol// rnga mo zhon pa de de 'dra'o// snying pos spyan drang ba'o// ma ma nag mo b+h+yo// nag mo dun ting hed ma la sa la dun dun dza dza/ nag mo har hor b+h+yo// nag mo ha ra hur b+h+yo// nag mo dun ting hed b+h+yo// nag mo pa sha dgra bo'i sha la dza dza/ nag mo dgra bo'i snying la dza dza/ nag mo dgra bo'i rtsa la dza dza// nag mo dgra bo'i srog la dza dza/ nag mo dgra bo'i dbugs la dza dza/ nag mo dgra bopo'i snying la hur hur dza dza/ rbad pa 'di kho na'o// mA b+h+yo dza mA b+h+yo dza/ nag mo baM ri li li/ nag mo sha la ri li li/ nag mo khrag la ri li li/ nag mo rtsa la ri li li/ nag mo snying la ri li li/ nag mo srog la ri li li/ bam ri li li dza b+h+yo/ oM dza dza re ma ti pa sha tsa la dza dza/ snying rgyud tsa la dza dza/ rtsa rgyud srog la dza dza/ sha rgyud snying la dza dza/ snying rgyud dbugs la dza dza/ dza dza re ma ti pa sha tsa pa la dza dza/ dgra bo'i snying la dz+ha dz+ha/ bstod bskul mtshang 'bru gzhung ltar ro// srog la gcod pa'i snying po'o// mched bzhi zer yang ma yin te// ma mo kun gyi las mkhan ma// re ma ti zhes bya bar grags// de yi las mkhan ma mo gsum// sku gsung thugs las sprul par phyung // ma nyid k+ka las bskyed pa yin// gsum po ru las bskyed pa ste// srin mo yin phyir ru las bskyed// ming yang de las zur btags pa'o// gsod pa mo dang 'gugs pa

  642. 321b

    mo// stob byed ma dang gsum du bstan// 'dzugs byed ma ni rdeg pa yin// 'dzum med ma ni 'gugs pa yin// bsrel byed ma ni lha mo yin// gcod byed ma ni gsod pa yin// gnod sbyin sring mo btsan gsum la// da ni smre sngags 'di ltar 'thon te/ hUM/ ma sring gnyen gyi mthu mo che// dbyings las bskyed pa'i ma mo ni// ma mo kun gyi gtso mo ste// dam la gnas pa'i sring mo yin// yid la gzhungs pa'i grogs mo yin// lus la bskyed pa'i bu mo yin// bdud rtsi bsgrub pa'i rgyal mo yin// phur bu bsgrub pa'i blon mo yin// las la gshin pa'i bran mo yin// ma mo kun gyi bdag mo yin// dam tshig can gyis bskul ba'i tshe// 'gro ba'i tshe srog srid gsum 'khyams// da ni nam mkha'i gung la bab// da ni chu bo'i gzhung la bab// dgra srog khog nas phyung la shog/ ma sring chen mo mthu mo che// dmag dpung bskyed la bdud dpung choms// ru mtshon phyor la bgegs dpung choms// dam la gnas pa'i ma sring tshogs// ming po rdo rje bdag 'bod tshe// bdud rtsi sman gyis g.yab 'dor na// ming po'i ltangs ma 'dzin du spyon// bdud srid gting nas g.yos pa'i tshe// ci la yang ni rtags phyin yang // rnal 'byor dgra la rtags ma phyin// ma sring chen mo dgra la chem// ma sring khrol khrol dgra la khrol// ces bskul lo// de ltar gdung zhing gtor ma

  643. 322a

    gtang // rang nyid lha yi nga rgyal bya// gtor ma rtag par sbyin par bya// yaM las rlung gi dkyil 'khor bya// gzhu bdungs 'dra ba'i ba dan phyar// raM las me yis maN+Dal bya// gru gsum me ris mtshan pa'o// paM las pad+ma'i b+han d+ha ru// rdzas lnga'i steng du lcags kyu lnga bsam ste// de steng oM AHhUM swA hA bsam// lcags kyus bkug nas rdzas lnga 'od zhu nas// 'bru lngas 'phro 'dus rdzas lnga 'od zhu nas// bdud rtsi'i gong bu gcig tu gyur par bsam// mdun du lha mo lcags kyus dgug/ mdun du gnas bsam ba li dbul// oM ru ru rag mo ma sha ma ni tsa pa la lha mo yang ma ma dung hring yag dum dza dza/ ma ma sha tru me me d+ha dzi baM ru ti ra prI ya b+hak+Sha ni i dam ba liM gr-ih+Na gr-ih+Na khA hi khA hi/ phul+la ho b+hAny+dza ho phi ba ho hr-i da ma a mr-i ta ma hA swA hA/ hUM sa ma ya khA hi/ zhes gtor ma dbul/ dus drug tu ni gtang bar bya'o// gsar/ gsor zhag/ 'phags ma he sdud dga' bar byed pa'i rgyud las dkyil 'khor rdzas dang sngags kyi le'u ste gsum pa'o// // de ltar bsgrubs shing brub khung thun bya ste// ling+ga mtshan nyid gzhung dang mthun par bya ste// bskul zhing brdeg pa dang gsad pa'i las bya'o// rang nyid bdud kyi bu mor bsam// spyi bor skra bcings gdong ma/ la/ khrag gis bskus// bdud kyi bu mo nyid bskul ba 'di skad do// b+h+yo b+h+yo/ ma bdud kun

  644. 322b

    gyi gtso mo ste// nag mo chen mo dre'u zhon ma/ khyod ni ma bdud rgyal mo ste/ khams gsum srid gsum zas su za/ khams gsum srid gsum skom du 'thung // dam nyams sha khrag zas skom yin// dpal gyi bka' las ma 'da' bar// dam nyams snying nas drongs shig khug/ aM ku sha dzaHpA sha hUM/ s+pho Ta baM/ g+haN+De hoHtrag sha dgra bo ni dzaHnag mo har hur ni che ge mo ni 'us 'us che ge mo ni dza dzaHb+h+yo/ dpal ldan nag mo re ma ti// skye 'gro kun gyi srog gcod ma// gnas ni khrag gi mtsho la gnas// mi thod spungs pa'i mkhar na bzhugs// sku la re lde nag po gsol/ khrag gi ral pa nyi li li// ral pa dmar po'i sgra gseb na// zhe sdang me stag tha ra ra// dpral ba'i dbyings na mig gcig gis/ khams gsum mi mthong gcig kyang med// dgra bo gang yin rtags la phob// spyan mig bzlog pa'i rdzi ma la// lcags kyi tsha tsha skar ltar 'khrug/ dam nyams snying nas drongs shing khug/ sna ni dri rnams snom byed ste// dam nyams dri dag tshor ba na// dpag tshad brgyad khri bzhi stong yang // yun tsam gyis ni 'khor bar rgyug/ zhal nas tshems chen gtsigs pa yis// dam nyams chem chem gsol bar mdzad// mche ba zur gsum phur pa 'dra// dam nyams srog rtsa snying rtsa chod// brang nas nu ma gcig gis kyang // rnal 'byor yongs kyi gsos mdzad

  645. 323a

    ma// g.yas na shang lam nag po yis// dam nyams rtsad nas gcod par mdzad// g.yon na tri shUl rtse gsum gyis// srid gsum dgra bo thal bar rlogs/ khrag gi lcags kyu 'bar ba yis// dkar nag mtshams nas drongs shig khug/ dam nyams rtsad nas gcod par mdzad// nad kyi rkyal pa sngon dmar gyis// dam nyams dgra la nad ka thong // sku la bus pa'i thod pas brgyan// lcags kyi dre'u rta rkang gsum bcibs// tshon gyi gru gu snga shad btags// khram bam mang po phyi shad btags// mtshan na rgyu zhags dmar po bsdog/ rgyu ni nam gyi gung la rgyu// 'khor ni bdud mo 'bum gyis bskor// bdud ni mi phyugs kun gyi bdud// mtshan nas bu sdug phrol la shog/ ma ma trag rak+ka phaT/ che ge mo ni dza mA ra ya ni dza/ snying kha rag ma b+h+yo dza dza/ che ge mo ni dza mA ra ya ni dza/ snying kha rag mo b+h+yo dza dza/ b+h+yo/ dpal ldan nag mo re ma ti/ khyod kyi kha rlangs ser po btang ba'i tshe// bud med ser mo'i sprul pa bsam mi khyab/ nad dang mkhris pa sna tshogs gtong / b+h+yo/ dpal ldan nag mo re ma ti/ khyod kyi kha rlangs dmar po btang ba'i tshe// bud med dmar mo'i sprul pa bsam mi khyab/ khrad nad rgyu gzer sna tshogs gtong / b+h+yo/ dpal ldan nag mo re ma ti/ khyod kyi kha rlangs sngon po btang ba'i tshe// bud med sngon mo'i sprul pa bsam mi

  646. 323b

    khyab// dbyig dug mig sngon sna tshogs gtong // b+h+yo/ dpal ldan nag mo re ma ti/ khyod kyi kha rlangs smug po btang ba'i tshe// bud med smug mo'i sprul pa bsam mi khyab// 'brum nad shar po sna tshogs gtong // b+h+yo// dpal ldan nag mo re ma ti// khyod kyi kha rlangs nag po btang ba'i tshe// bud med nag mo'i sprul pa bsam mi khyab// bal nad slor bug ra thor lhog pa sna tshogs gtong // b+h+yo/ sku yi sprul pa re ma ti// 'jig rten khams kyi dpal mo btsan// bzhugs ni nam mkha'i dkyil na bzhugs// rgyu ba phyogs bcur rgyu mdzad ma// ral pa ser pos stong gsum khengs// srin mo re bshal chen mo'i gzugs// chu ris ag tshom ser nag la// mi rus phreng ba glad la bskor// glang chen ko rlon sku la gsol// gcan gzan stag gi sham thabs can// g.yas kyi lcags mdung dmar po 'bar ba yis// nyams pa'i dgra la gdab par bya'o// b+h+yo/ gsung las sprul pa'i re ma dza// bar snang khams kyi bo de ma// dmar nag mi srun mche ba can// ral pa g.yas nas g.yon du 'khyil// sdang mig dgra la 'bru tshugs blta// mche ba zla tshes gtsigs pa yis// nag po sha la chem chem za// sdang mig dmar zlog dgra bo 'dul// mi lpags rlon pa sku la gsol// smyug ma'i re ldes sku smad dkris// bus pa'i thod pa snyan cha byas// sbrul nag stong gi ske rags

  647. 324a

    can// mdung zung zla med ru mtshon gyis// dgra bo'i snying la gzer bar byed// nad kyi rkyal pa kha thong la// dgra la nad ka da la ka phob// glog dmar zhon la lcags brdabs te// dam nyams khug la snying nas drongs// b+h+yo/ thugs las sprul pa'i re ma dza// 'jig rten khams kyi glog ma srin// sngo skya mi srun mche ba can// ral pa kham nag gyen du 'khyil// gti mug mun nag tshubs mar 'tshubs// ral gseb me stag tsha tsha 'phro// rno dpal mche ba gtsigs pa yis// dam nyams snying rtsa gcod mdzad ma// chu dar khra bo sku la gsol// rin chen sna lnga'i dbu rgyan can// thod skam phreng ba dbu yi thod// rdo rje 'bar ba rtse dgu bsnams// dam nyams dgra bo rdul du rlogs/ khrag skam lcags kyu mang po yis// dam nyams dgra bo'i snying nas drongs// bong bu ga ba bskyon nas kyang // dam nyams dgra bo 'dir khug cig/ snying nas drongs shig aM ku sha/ mgul nas chings shig pA sha hUM// dbang du sdus shig s+pho Ta be// thal bar rlog cig g+han De hoH/ trag rak+Sha dgra bo ni dza/ nag mo ha ra hu ra ni// che ge mo ni 'ub 'ub dza dza/ 'phags ma he sdud dga' bar byed pa'i rgyud las sku gsung thugs kyi pho nya'i le'u ste bzhi pa'o// // gsang ba las kyi hom las/ ma tang mgo byang shar du bstan/ snying gar hom khung zur gsum bru// se ba dbus la skyer ba

  648. 324b

    dang // mdzo mo bra mas mtha' ma bskor// bra mes rlung bus me bus la// raM yaM khaM gsum bskyed par bya// yaM gis bus la raM gyis bsreg/ dang po 'bar ba'i sngags 'dis bsreg/ raM raM badz+ra dza la raM raM/ me sbar der ni ming byang dang // nyung dkar sha sna dbul zhing bzlas// hUM nr-i nr-i ma ma ya pra sha bu sha ku ru rag ta kham/ tri ru rtsa shing raM zhes bsreg gsang sngags mtha' dag dang / thun sngags mtha' dag bzlas par bya// babar bar pho nya gtong ba ni/ srin mo nad gtong bskyed bskul bya'o// #9/ sbyin sreg le'u ste lnga pa'o// // lha mo sha ri sgrub zabs/ gnas dang dus la sogs pa yang // 'og nas zur gyis ston pa'o// bsgrub pa'i rtags rnams rim pa las// lha mo dngos su ston pa dang // mon pa nag por ston pa dang // gtor ma'i rdzas rnams lud pa'o// grub rtags gsum po byung ba dang // bstod cing mchod la dngos grub blang ba'o// 'od dkar me yi zlum po dang // grang zhing 'jigs la 'gro snying 'dod// gnyid rdib skyo ba ngan pa gsum// bya lug thugs dam bskang bshags bya// ma dang srid mo 'ong ba dang / khol mo 'ong zhing phyag bgyid dang // bong bu dre'u dam bca' 'dod// grub nas dbang 'dus bzang po yin// nag mo ral bsnyil mdog mi sdug/ btsan mo jo mo chung mar 'ong // gcan gzan rdzus dang phyag 'dod

  649. 325a

    pa// grub kyang dbang du ma 'dus te/ lta ba'i gyabs bskyed/ nang 'thab mtshon cha mang ba dang / me tog mang po bya nag 'thab pa dang / khrag gi na bun smug po 'thul// ma mo 'khrugs te khrag bskang dgos// lto bkres g.yal dang ngu snying 'dod// sku rkub ston cing dbang rtags ston pa dang // dud pa mang po lhag pa dang // rngan pa dus las yol bas bskang ba mang po bya// legs nyes ji yin// de yi phyir na gzabs la bya'o// las byed du mi 'dod cing drag pa'i las bya na/ he sdud kyi nang gi mchod mkhan skabs su thong // gdu kya pra h+ya khA/ rtags kyi le'u ste drug pa'o// // thog mda' nag po'i las 'jug 'phang ba la// gang mos bsam pa 'dir ma smos// thod pa nag po cheg tsher byug khrag chen dag gis byug par bya// nang bskang sngags bzlas pho nya gtong // ne tshon bun 'dzin du shed shed// sngags de bzlas pa'i thod pa la// ma mo 'khor lo dred gdong ma// dre'u'i lus la mdog nag po// so ni ral gri gtams pa 'dra// sngags bzlas bskul ba 'di dag go/ hUM/ srid pa gsum gyi gtso mo la/ khams gsum khyab par gsod byed mo// 'khor lo chen mo dre'u gdong ma// mig ni skar chen rdol pa 'dra// brang ni chu srin gtams pa 'dra// dre'u skad mkha' la btang bas kyang // srid pa'i rtse mo tshangs pa yang // thal ba bzhin du gtong bar

  650. 325b

    byed// dre'u skad sa la btang bas kyang // rgya mtsho'i gting gi klu rnams kyang // dre'u sdud 'byin zhing zhal la blta// dre'u mgo mkha' la brdabs pa yis// ri rab rtse nas snyil zhing lha rnams thal bar rlog/ dre'u mgo sa la brdabs pa yis// rgya mtsho gting skam klu rnams thang la byin// dre'u gdong ma yi dus la bab// ces bskul lo// thod pa klad la bskor la sngags 'di bzlas so// kha la kha la rak+Sha kha la rak+Sha ni tir+ha rbad/ thum ri li li/ snying kha la rak+Sha ni ti rbad/ zum ri li li/ thod pa de ltar 'phar ba yin// mda' thun brdag pa 'di yin te// skyer pa mi bsad khyi bsad la// spyi bzhur rtse mos ltong byas te// 'ug pa bya rgod gong rus gnyis/ khyi rgya po'i snying khrag sbyin gyis sbyar// ra khyi'i sgra bsres rgyud du byas// ming rus gzugs bcas snying ga ru// mde'u rtse gtad la sngags 'di bzlas// hUM tsa pa la thun kha/ khrag la thun kha/ khrag yam yam/ pho nya gtong ngo // yul phyogs su 'phang bar bya// gzugs byas snying gar brdeg par bya/ hUM/ khams gsum sgrol byed chen mo yis// lho yi phyogs su zhabs brkyang bas// zhabs kyi dkyil 'khor nyid las kyang // mi bzad 'bar ba'i sku phyung ste// sku ni sngo sgra chen mo la// zhal snga ma la phyag bcu ste// dmar dang ljang gu dud ka ste// ser ba'i zhal lngar bstan pa ste// g.yas kyi phyag rgya lnga phyung ste/ khro bo bcu yang

  651. 326a

    gsod pa snyam// g.yon gyi phyag rgya lnga byung ba/ khro mo bcu yi snying yang gzer// rgol ba ngan pa smos ci dgos// zhal nas khrag gi ral gri 'byung // sku ni mthing nag ral pa can// ral pa'i zar bu re re la// mchong gi spyang mo 'bum 'bum 'byung // srid pa'i lha 'dre kun/ thugs dam dus la bab/ ke'u raM ke'u raM/ 'bum bzlas/ 'grol/ de nas grol na 'di bzlas so// ti ma ti ma kha/ byas te brdeg bskul la bsnyen pa rdzogs par bya'o// ga ma ra tha/ thun gyi le'u ste bdun pa'o// // khrag thun brdeg pa 'di yin te// thod pa nag por ling+ga gzhug/ hUM rgya mtsho mer ba'i gting rum nas/ khrag gi btsun mo chen mo ni// lag na zangs kyi gzhu bdungs nas/ khrag gi mda' 'phen ta la la// dgra bgegs gdug pa'i snying rum du/ khrag mda' dmar po brengs se breng // ya ma dam sri ngan pa la/ khrag gi dpal la gdab 'tshal lo/ khrag dug dpal gyis bsad 'tshal lo/ khrag dug gis ling+ga la gdab bo// mkhar khyim la brdeg go/ ma ma trag snying kha rag b+h+yo// byas la brdeg go/ sngags spyir yang bzlas so// khrag mda'i le'u ste brgyad pa'o// // thal ba rdzas kun klu la gtad pa ni// chu mgo byang du bltas par gtad// klu 'dul ba'i ting nge 'dzin du bya/ klu gtor gzhung bzhin du gtong ba gces// nA ga rA tsa'i sngags dag

  652. 326b

    bzlas// dgra bo ming rus gtor mar gsal// klu gnyen khyod kyis sngon ji ltar dam bcas pa bzhin du dam nyams pa 'di bzhes shig/ ma bzhes sam bka' bcag na/ be ta li ha ya gri ba dang bya khyung ga ru Tas klu'i rgyal khams phung bar 'ong ngo // klu'i gtor ma 'di la myur bar las gyis shig/ ces byas la gtad pa'i las bya'o// ga ma tha ma/ klu la gtad pa'i le'u ste dgu pa'o// // btsan la gtad pa 'di bzhin bya'o// d+he b+ha tsa d+hi b+ha tsa tsa na spyan drangs/ b+he tsa la b+he tsa la dbu dza la dbu dza la/ ces phyag 'tshal lo// btsan khyod la dgra bo 'di gtad do// a b+hi shu dza a b+hi shu dza hUM sa ma ya hUM phaT/ 'di bzhes su gsol/ tshon skuskad kyis bcings la btsan che sar mnan no// dang po grub rtags phebs pa dang thun rnams myur bar brdeg go// phur thun khrag thun nyung thun zan thun thod thun sbyin bsreg gi rim pa bya/ tha ma klu btsan dag la gtad/ ma ma thag rak+Sha ru lu ru lu/ re ma ti tri ti ru ti snying kha rag rag mo tsa tsa mo nga// btsan gyi le'u ste bcu pa'o// / b+hUb+hU b+h+yo// da da dzA da/ nag mo ba ma ra li li/ nag mo khrag la ri li li/ nag mo snying la ri li li/ nag mo srog la ri li li/ nag mo srog la chom chom/ bam ri li li b+h+yo// ma ru lu ru lu b+h+yo// nam nam ha ra he de ma b+h+yo ru lu ru lu/ rag mo tsa tsa mun da na/ rag mo rag mo bri la kha thun/ ting ting

  653. 327a

    tsem tsem/ kro la kro la sa ma ya brengs/ ma las la b+h+yo/ tri mo shu shu yag+ha nag mo b+h+yo b+h+yo/ IM tad+ya thA pad+ma ra te ru ti/ ru lu ko ru ti/ ru lu ko ru/ us sti du ru du ru/ tsa la pa la a shug me/ i dan d+hu pa puSh+pa pa/ shrI bAn kha raM khA hi/ shrI de bI ma hA ka lI khA hi/ ma hA rag mo yag+na nag mo khA hi/ ma rag mo dun ting khA hi/ ma ma re ma ti rag ti sha ma la khA hi/ ma ri ma ti ma nu rag mo khA hi/ ma rag mo khrag la ma sham khA hi/ ma ma mug sti gr-i hA khA hi/ ma ma nag mo re'u tri gr-i hA khA hi/ tri mo shu shu sha sha nag mo khA hi/ dza dza re ma ti pa sha tsa pa la dza dza nag mo dgra bo'i snying la thum ri la rbad/ nag mo dgra bo'i srog la bam ril rbad/ nag mo dgra bo'i rtsa la bam ril rbad/ nag mo dgra bo'i dbugs la bam ril rbad/ re ma ti pa sha tsa pa la dgra bo mA ra ya thum ril rbad/ nag mo b+h+yo/ rag mo b+h+yo/ yag mo b+h+yo/ 'drig mo b+h+yo/ ma'o ma'o ma'o ma'o// rag mo te kum b+h+yo b+h+yo/ yab mo sod cig nr-i dza dza b+h+yo/ ma ma rag rmo ts+tsha b+h+yo/ nag mo re ma ti b+h+yo/ nag mo re ma ti b+h+yo/ nag mo re ma dza b+h+yo/ nag mo re ma 'dzu b+h+yo/ dgra bo'i sha la b+h+yo/ dgra bo'i snying la b+h+yo/ dgra bo'i rtsa la b+h+yo/ dgra bo'i khrag la b+h+yo/ byas la thod pa'i khrag thun 'phang ngo // spyir bsgrub pa thun gyi le'u ste bcu gcig pa'o// // ye shes kyi ma mo brgyad dang / las kyi ma mo brgyad dang // 'khor nag mo sa ma ya

  654. 327b

    'bum sde la sogs pa rnams la/ rgyud 'di zung zhig chongs shig phyi rabs kyi bstan pa srungs shig 'khor rnams kyis rjes su yi rangs te mngon par bstod pa 'di lta bu'i don yang dag par bstan pa/ bstan pa bsrung bar bgyi'o// bskyang bar bgyi'o// zhes gsungs nas mngon par bstod do// re ma ti mched bzhi phrin las kyi rgyud rdzogs so ha// / i ti// // @#// rgya gar skad du/ DA kI ma ha karma ta tA tri sa mA dza nA ma tan+t+ra/ bod skad du/ las kyi mkha' 'gro ma de kho na nyid gsum du 'dus pa zhes bya ba'i rgyud/ bcom ldan 'das ngag gi dpal la phyag 'tshal lo// 'di skad bdag gis thos pa dus gcig na/ ri rab ri'i rtse mo byang shar gyi mtshams shing yongs 'du'i tshal chen po na/ de bzhin gshegs pa thams cad kyi sku dang gsung dang thugs kyi bdag nyid bcom ldan 'das phyag na rdo rje la/ 'khor lha ma srin sde brgyad la sogs pa/ mkha' 'gro ma'i tshogs bye ba dung phyur kyis bskor te bzhugs so// de'i tshe bcom ldan 'das dpal phyag na rdo rje la 'khor 'dus pa rnams kyis phyi nang gsang ba'i mchod pa phul nas/ karma DA kIs 'di skad zhus so// stobs chen drag po 'joms mdzad rdo rje can// bcud kyis bsdus pa'i 'gro ba bdag la sogs// bstan pa 'di la skye ba ci ltar smin// ye shes sprul pas rang rgyud grub pa

  655. 328a

    mo// de bzhin rigs dang nges tshig ci ltar lags/ khyed kyis bka' stsol bdag cag nyan par 'tshal// de'i tshe bcom ldan 'das dpal phyag na rdo rjes pad+ma'i gdan las bzhengs te bka' stsal pa/ 'das pa'i dus ma byung ba'i sngon rol du/ bcud ni bskal pa'i rnam pa'i grangs kyis 'grub// lus med shes pa chang sbrang bzhin du gnas// 'jig chags gnyis kyis stongs nas bskal pa las// dus gcig tsha grang rlung 'thabs 'bras bur smin/ de min spyi mthun las kyi mkha' 'gro ma// lus la blta bas mi ngoms spyan gsum ma// mche gtsigs gcong rong chags pa'i gdung ba g.yos// phyag gis b+ha ga bskrad pa rlung gis bskyod// 'byung bzhi 'dus pa rgyu dang rkyen du 'phrad// 'gro drug ma bu til gang bzhin du smin// de min 'byung ba 'dus pa'i mkha' 'gro ma// yum chen mo las brdzus te skyes pa lnga// dbugs dang drod dang khrag dang sha rus las// rlung gi rgyal mo 'jig rten 'degs byed ma// drod kyi rgyal mo 'jig rten sreg byed ma// rlan gyi rgyal mo 'jig rten sdud byed ma// sa yi rgyal mos 'jig rten rten par byed// 'jig rten kun khyab rgyu ba'i rang bzhin las// spyi mthun srid pa chags pa'i mkha' 'gro ma// mkha' 'gro de rnams nus pa'i mthu skyes pas// 'od kyis so so'i 'jig rten gang bar gyur// so so'i nus

  656. 328b

    mthus 'jig rten dbang du 'dod// 'byung ba mi mthun rigs lnga'i ngo bo las// sprul pa'i yum gyis 'byung ba cha snyoms te// 'jig rten rgyu ba'i rang bzhin las// srid pa cha snyoms byed mkhan mkha' 'gro/ ma// gzhan yang 'byung ba chen po lnga rnams kyis// so so rang gi lus las mkha' 'gro ma// rang lus 'dzin pa rtsi thog bzhin du skyes// 'dod khams gzugs khams gzugs med mkha' 'gro ma// zhal dang mig dang rna ba las ni skyes// ma rgyud thams cad mngal nas rab tu skyes// bdud dang gshin rje srin po dbugs las skyes// bgegs rigs stong phrag drug cu brdzus las skyes// mkha' 'gro ma de rnams kyi lus la yang // skyes pa mang zhing srid pa 'di lta ste// lha dang lha min klu dang gnod sbyin mkha' 'gro ma// srin po sha za gshin rje mkha' 'gro ma// dri za mkha' lding mi'am ci mkha' 'gro ma// lho 'phye drang srong srog gi mkha' 'gro ma// bdud dang dur khrod mi yi mkha' 'gro ma// byol song yi dwags dmyal ba'i mkha' 'gro ma// las dang rab tu dmyal ba la sogs te// mkha' 'gro ma rigs thams cad gcig la gcig/ yid du mi 'ong khro zhing 'khrug pa ni// spyi mthun so so'i las kyi dbang nyid kyis// nying sha nying khrag pags pa srog la spyod// 'jigs skrag 'dod pa la sogs tha dad pas// la la 'bros la 'deg cing 'tshol ba

  657. 329a

    dang // gab gsod sha za khrag 'thung 'o dod 'bod// mi bzod ngu ba mgo lus zang la rdeb// rtsal dang ldan pa rgod cing thal mo rde ba// mi mthun mgo brnyan lus ni sna tshogs te// mi lus bya gshog mig gsum sder mo can// mche ba rA can lus gcig mgo mang dang // mdzes 'od 'bar ba mi sdug sna tshogs rnams// sdug bsngal mang po'i tshogs kyis gdungs pa la// thabs las sprul pa'i mkha' 'gro ma chen gcig/ gzhan las 'phags shing mthu rtsal che ba yis// mi bzod sdug bsngal skad cig bder mdzad pas// sna tshogs mkha' 'gro 'dus te phyogs gcig nas// spyi mthun las kyi mkha' 'gro ma nyid la// zhu ba'i tshig ni 'di skad ces gsol to// kha dog dbyibs kyi mkha' 'gro ma// bdag cag las dang rgyu 'bras ni// gang yin rigs dang rigs kyi gtso mo gang // yul dang las dang zas dang skal ba gang // zhes gsol to// yum chen mo de shin tu chags pas gdung ba'i sems g.yos par gyur te/ sems rtse gcig tu sbyor ba'i grogs gcig bsgoms pa'i 'bras bu stag gi lo'i dpyid zla ra ba la/ 'jig rten yum gcig ming dgu'i rmi lam du/ mi nag lus bongs ri rab tsam// dbu gsum mdzes pa'i phyag drug gshog par ldan// 'jigs pa'i nga ros lag pa sar brdabs pas// mkha' 'gro'i tshogs rnams brgyal

  658. 329b

    zhing snying khrag skyugs// sangs rgyas mgo bcad 'jigs pa'i rgyan mnga' bas// bde ba'i chags pa mngon gsum spyad pa rmis// lhums pa der gnas de phyi de lo dus su// srin po lcam dral gnyis skyes par gyur te/ dral po rmi lam dang ni mthun par skyes// de nas ra la ra la ru lu ru lu b+h+yo b+h+yo'i sgra byung bas/ mkha' 'gro ma thams cad shing lo rlung gis bdas pa bzhin du 'dus te dbang phyug chen po lcam dral bdag cag gi gtso bo gtso mo mdzod cig ces gsol ba btab bo// de nas mkha' 'gro ma'i rigs thams cad kyis/ dgung dang nam phyed tho rangs snga dro ru// nyi khri chig stong res mchod pa byed do// bdud kyi rgyal po des// trang ma trang ru trang / sarba DAk+ki A kaT+Ta ya A kaT+Ta ya/ nirma Na a pra me ya/ a dzi te na karma sa ru/ sa mA dza sa mA dza/ zhes brjod pas/ mkha' 'gro ma thams cad srog rang dbang med par 'dus te/ mchod nas srog gi snying po phul ba/ ma rag sha kha mun dza/ trag rak+Sha snying kha rag ma badz+ra dun ting / rag mo yag mo ma ra Na b+h+yo// DAk+ki ni de wa a su ra nA ga yag sha rag sha bI tsa sha d+hISh+Ta raSh+Ta ga ru Da kin+na ra ma ho ra ga ag ni ba ru Na/ ru tra ba ti/ gan+thar+b+ha tir+ya ka pre ta ka na raka karma na ra ka sarba DAk+ki bA ta la bA la ba si/ sarba DAk+ki a nan ta ri ba tsa ra/ sarba DAk+ki ni b+h+yo b+hU ma ta b+h+yo b+h+yo ru ru/ zhes phul bas/ he ru ka che ba'i nga

  659. 330a

    rgyal skyes te/ 'jig rten du ha ha hi hi zhes brjod pas/ snod bcud thams cad g.yo zhing 'khrugs te/ 'og min gyi gnas na de bzhin gshegs pa longs spyod rdzogs pa'i sku yang ldeg ldeg 'gul lo// bde gshegs thugs khros brdas mtshon bka' bgros mdzad// gdul thabs rnam gnyis bka' mthun stangs gcod pas// srid ma'i rgyal mo kro tI shwa rIs gzigs// trang ma trang ru trang A gar+b+ha ya A gar+b+ha ya/ ta thA ya ta thA ya/ ra la ra la b+h+yo ru lu ru lu b+h+yo// sarba DAk+ki ru tra// kro ta kro tI ru ti/ sa ma ban daM ku ru zhes brjod pas/ bdud dang khro bo khro mo yab yum gyi tshogs thams cad sil gyis lhags par gyur to// yum chen mo de'i zhal nas 'jig rten dbang phyug chen po/ 'og min gyi gnas na dpal chen po rdzu 'phrul chen po ye shes kyi rtsal dang ldan pa zhig yod/ 'khor mkha' 'gro ma dang khro bo thams cad kyis phyogs mtshams chod cig par bsgo'o// 'jig rten dbang phyug rab tu bred par gyur/ shin tu spangs pas rang gi gnas su phyin nas/ keng rus thod mkhar gsum thog brtsigs pa'i steng // b+han+d+ha'i gzhal yas dur khrod 'jigs pas brgyan// rta babs mu khyud lcags ri me 'obs byas// rnag khrag bshang gci klad pa dri chen dang // bam rul zag pa mnam zhing dku ba dang // mi gtsang rnam pa sna tshogs pas bskor ro// phyi rim

  660. 330b

    dur khrod ma brgyad bka' nyan dang // rim pas 'jigs byed khro bo bcu yis bskor// srid pa'i phur bu dpag chen mda' bzhin 'phen// de yi phyi rim dbang phyug ma yis bskor// gzhan yang ral pa can gyi tshogs rnams dang // mche ba gshog pa nu ma sder mo can// mgo brnyan ma tshogs sna tshogs pas bskor ro// dpal chen po dang nor gyis dogs pas ni// brda' ni rnam drug byed cing 'bod pa ste// skyugs la g.yab mo thal mo se gol dang // rkun po glu ste so sos go bar byas// 'ja' dang 'brug glog stong gi sgra 'byin zhing // 'bru dang rin chen sna tshogs sman dang chu// 'gro drug mkha' 'gro sha rus za ba rnams/ kha nas nad kyi rnam pa sna tshogs skyugs// kun nas bskor te btsan par byas pa yis// bdud kyi sems de rab tu der gnas pas// ma trang ru tras dpal la skur pa btab// dpal chen bya ba med par nges pa las// srid pa'i rgyal mos bcos pa 'dra zer ro// 'og min gnas nas dpal gyis dgongs pa mdzad// ci phyir nyon mongs de dang sems can rnams// thugs rje'i zhing du gyur pas sgrol du gshegs// mthong ba'i logs su lha yi gzhal yas sprul// srin po'i rnam shes mdzes shing 'dzin par byas// srin po chags skyes 'khor la gdams ngag byas// dpal gyi srin po'i lus kyis gnas su phyin// sna tshogs gzugs su

  661. 331a

    'dug pa'i 'khor rnams ni// rwa gzengs mig bgrad mche gtsigs sder mo gdengs// 'jigs pa'i skad kyis co long chen po 'byin/ kha nas khrag dang nad skyugs 'di skad zer// gtso bo rje bo lags sam gsang brda' ston// dpal gyis so so'i brda' rnams nges bstan pas// dngos nyid yin par mthong ste mchod pa phul// gzhal yas nang du byon te kha T+wAM gdengs// srin mo kro tI shwa rI cir gyis bzung // bsgral bar byas nas rang rtags snying po phul// bka' la btags te kha T+wAM spu gri byin// ma mo'i gtso mo sbyor ba'i yum du byas// dpal gyi sku gsung thugs kyi gnas yul las// sprul pa ko rI seng ha khro mo drag po'i tshogs// dur khrod pho nya phyogs skyong la sogs kun// rang rang 'dra ba'i sprul pa mang pos btul// kun gyis mgrin gcig dpal la 'di skad zhus// bdud kyi bdud rje thugs rje'i bdag po khyod// bdag cag 'khor dang bcas pa 'bangs su mchi// zhes srog gi snying po phul nas/ tha tshig blangs te dkyil 'khor bran la gnas par byas so// de yi 'khor rnams sngar 'dus gzhal yas med// srin po gzhal yas med pas spangs par gyur// sangs rgyas cho 'phrul yin par rab tu shes// rang gi gnas su rgyug pas dpal dang 'phrad// mthong thos 'jigs pa chen po rab tu skyes// dpal gyi tsham rngams brtul

  662. 331b

    zhugs spyod pa mdzad// dzaHhUM baM hoH'i phyag rgya bzhi yis bzung // sgrol sngags kha T+wAM srin po'i snying gar brgyapa// mgo bo lho nub rkang pa byang shar bstan// sha rus khrag la rol pa chen por mdzad// ma mo mkha' 'gro'i tshogs kyang rol du bcug/ dbang po rnam lnga ye shes khrag 'thung rdzas/ khog par zhugs nas rgyal ba'i dkyil 'khor bskyed// dur khrod gzhal yas 'bar bar byin gyis brlabs// bdud sde ldang ba med par bya ba'i phyir// gnas chen brgyad du mchod rten re re brtsig/ dur khrod ma brgyad bka' nyan bcas pas bsrung // rigs lnga ye shes chos dang rang bzhin las las skyes// rdo rje mkha' 'gro shugs kyi mkha' 'gro yang // chags pa'i mkha' 'gro las kyi mkha' 'gro ma// re re la'ang bzhi bzhi bcu drug ye shes mnga'// dur khrod ko rI seng ha bcu drug grub pa'i rigs// a phyi sham sham man chad sman mo'i rigs// nges pa'i tshig ni rgyu las ma byung rang bzhin lhun gyis grub// thugs rje nyi ma lta bur yongs la khyab// don dam skye med 'khor ba'i bdud las rgyal// rang bzhin mkha' 'gro ye shes ma ru bstan// srid pa nyon mongs rgyu mthun srin po'i 'khor// chags pa'i dbang gis sdug bsngal sna tshogs spyad// sngon sprad nyon mongs zad pas dpal chen gzhal yang mthong // dgos don ci 'dod sgrubs pas grub pa mo// dman pa'i sems

  663. 332a

    kyis chos nyid don mi rtog/ nyon mongs stug pos bde gshegs zhal mthong // bdag tu rtog pas 'khor ba dug gsum rgyas// rang bzhin mthu bltas srid pa'i sman mor grags// las kyi mkha' 'gro ma chen mo'i rgyud las/ skye rgyud gyi gleng gzhi rigs dang nges tshig bstan pa zhes bya ba ste le'u dang po'o// // de nas lha'i dbang po brgya byin gyis/ bcom ldan 'das dpal phyag na rdo rje la mchod pa rgya chen po mchod nas/ 'di skad ces gsol to// mthu chen rdzu 'phrul 'gro skyabs thugs rje can// 'jig rten dbang chen mkha' 'gro 'di dag rnams// sgrub thabs gnas dang dam rdzas bkol thabs rnams// 'gro rnams gnyis po don phyir bdag gis zhu// kun mkhyen rig pa'i rtsal chen khyod kyis gsung // zhes gsol pas/ bka' stsal pa/ lha'i dbang po 'di lta ste/ gtso mo bsgrub pa'i rim pa bsdus pa'i don// gzhan gsal med pas bdag gis 'dir bshad bya// skye med chos rnams nam mkha' lta bu las// dbang chen 'byung ba yum gyi ngo bor brtsegs// keng rus ri rab b+han d+ha'i gzhal yas khang // nang du tsakra rtsibs bzhi ro yi steng // man ngag rim pas mkha' 'gro lnga ru bskyed/ kha dog dbyibs ni rigs dang mthun pa las// zhal gcig phyag gnyis spyan gsum dur khrod rgyan// dbus shar lho phyogs phyag g.yas ka pA la// nub

  664. 332b

    byang gnyis g.yas tsit+ta thod pa bsnams// g.yang gzhi sbrul zhags dgra sta zhags pa thod// g.yon pa'i phyag ni lnga ste thegs par bsam// rtse gcig dbang po gang dang gang spyod yul// bsgom na de dang de yi rang bzhin 'gro// mnyam par ma bzhag rnal 'byor pas mi bya// chos can med phyir chos nyid yod ma yin// brag cha'i sgra dang mtshungs pa'i chos 'di bstan// bsam pa po med bsam pa'i chos kyang med// sngags dang lha med spros med rang bzhin las// 'khrul rtog spros pa'i rang bzhin ci yang snang // ston pa'i zhal nas gsungs pa'i lung gsum las// gnas dang rgyu rtsis dus tshod gtsug lag rgyud// mthu 'phrog las bcol dngos grub mngon bkol rgyud// sgrub rdzas gsang tshig thugs kyi sgrom bu'i rgyud// de gsum 'dus pa'i don ni 'di lta ste// rigs dang grangs dang don kyi ngo bo ste// las yul rgyu srang 'dun pa gar rgyu'i phyogs// dam rdzas sngags las dus tshod myur 'grub thabs// rdzu 'phrul sgrib shing 'khrugs nyams chad la sogs// don sngags lan cig phyir ni rtsis rgyud yin// zhes bka' stsal pa dang / lha'i dbang pos yang 'di skad ces gsol to// kun mkhyen don rnams 'byed pa shes rab bdag/ 'gro drug bdag cag rmongs pa'i don slad du// bsdus don re re nas ni bshad par zhu// zhes gsol pa dang / bcom ldan 'das

  665. 333a

    kyis bka' stsal pa/ bsdus don re re la yang gnyis gnyis te// bka' dang rang bzhin gnyis su shes par bya// ye shes chos las skye ba'i mkha' 'gro ma// rdo rje mkha' 'gro shugs kyi mkha' 'gro chags pa'i mkha' 'gro las kyi mkha' 'gro ma// rang bzhin rigs las tha dad gcig gnas pa// spyir ni mkha' 'gro shugs 'gro las kyi 'gro// de gsum dag tu thams cad 'dus pa yin// de las las kyi mkha' 'gro bzhi yod de// gral rgyug dgon pa gnas 'khyar chad pas phog/ gral rgyug bcu drug dgon pa dur khrod gnas// gnas 'khyar chad pas phog pa 'di 'dra ste// gnas 'khyar 'gro ba rigs drug yod pa las// mi dang byol song gnyis la brtag pa ni// skra dang dpral ba mig gnyis dang // sen mo lus kyi dri ma mo mtshan rtags// rmen sgrub 'khyil pa kha brag che// mgo mjug log dang lcags kyu bshul ba rnams// 'di dag mi la yod de nus mthu che// mkha' lding 'khor ba bya yi mkha' 'gro ma// sgra nyan kha dog ston pa khyi yi mkha' 'gro ma// mthong mang sgra snyan 'byin pa sprul pa'i mkha' 'gro ma// bying rmugs mi dga' 'phyo zhing 'gro snying 'dod// 'di dag nyams len par chod mkha' 'gro ma// chad pas phog pa'i mtshan nyid 'di lta ste// sbyang gdong mig rtsa dmar la mchi ris yod// skad chung co long gzhan rnams spangs

  666. 333b

    par nus// dred 'dra lus po kham nag yan lag ring // spre'u gzugs kha dmar lce ring bya byed mang // stag 'dra ngo dmar sha khrag dmar la dga'// gzugs chung pha wang mtshan ngan mig rtsa dmar// sen mo kha 'dra sor mo ring la phra// chad skrod rdu du yang tshul mthun 'jug spyod pa byed// dus ma yin pas spel zhing bde ba yod// ngo bo srog gis bsdus pa'i sems can rnams// lus bor shes pa nam mkhar las kyis 'gro// las ni phyi nang gnyis su shes par bya// byi li las la g.yel ba bzhi yod de// srid pa chags 'jig bskal pa dang po'i las// nam zla dus bzhi 'byung ba bzhi yi las// dgun 'khyags dpyid 'ju dbyar skye ston smin no// 'byung ba chen po bzhi yi las rnams la// sra byed sa ste rlan byed chu// tsha byed me la g.yo byed rlung // nang gi las la dbye ba gnyis yod de// skye bar byed dang 'chi bar byed// skyer mi ster dang mod la skye// mod la 'chi dang mchir mi ster// sa g.yos 'gul dang sa rdol thog ser dang // skar mda' ko rdung la sogs rang bzhin las// yul ni rdo rje mkha' 'gro sha sar gnas// shugs kyi mkha' 'gro khrag dang chu la gnas// chags pa'i mkha' 'gro drod dang me la gnas// las kyi mkha' 'gro dbugs dang rlung la gnas// yum chen brgyad na 'bum sde re re gnas// pho nya nag mo byang shar mtshams na

  667. 334a

    gnas// 'dzam bu gling na nyi khri chig stong gnas// ri nag phog chad mtshe'u bdun na yod// bdud kyi rigs rnams de lta bu la gnas// ri mdog dmar po sha sho bzhin mi sdug/ srin po'i rigs kyi mkha' 'gro gnas pa'i sa// sa gzhi tsha sgor dmyal ba'i chu khol ba// las kyi gshin rje la sogs gnas pa'i sa// chu srin kha 'dra shing gcig chu sna 'thab// der ni gnod sprin drag po gnas pa'i sa// shing rigs chu mig mang po yod pa ni// klu rigs mang po de la gnas pa'i sa// ri rtse thang dmar shing rigs 'ga' skyes pa// gdug pa klu rigs gdol pa gnas pa'i sa// de'u mkhar rnying rgyal po gnas pa'i sa// ri brag sa ni mi 'dra mtshan ma can// btsan btsun dmu bdud skya rengs gnas pa'i sa// dben sa re'u rul dgon shul dang // sa phug ri phug rnying pa dang // lam mdo chu gling tshugs pa dang // grog po gting zab dur khrod dag/ sman mo nag mo gnas pa'i sa'o// rdo rje mkha' 'gro ma yi rgyu srangs// shugs kyi mkha' 'gro ma yi rgyu srang chu// chags pa'i mkha' 'gro ma yi rgyu srang me// las kyi mkha' 'gro ma yi rgyu srang rlung // dgun zla gsum la rdo rje mkha' 'gro rgyu// dpyid zla gsum la shugs kyi mkha' 'gro rgyu// dbyar zla gsum la chags pa'i mkha' 'gro rgyu// ston zla gsum la las kyi mkha' 'gro rgyu// re re la yang rgyu rtsis

  668. 334b

    bzhi bzhi ste// gcig nas bdun du rdo rje mkha' 'gro rgyu// dgu nas bcu bzhi shugs kyi mkha' 'gro rgyu// bcu drug nyi shu gnyis su chags pa'i mkha' 'gro rgyu// nyer gsum dgu la thub pa las kyi mkha' 'gro rgyu// de bzhin kun la so sor sbyar bar bya// srod dang snga dro rdo rje mkha' 'gro rgyu// dros chen dros yol shugs kyi mkha' 'gro rgyu// nyin mtshan phyed yol chags pa'i mkha' 'gro rgyu// dgongs dang tho rangs las kyi mkha' 'gro rgyu// nya stong brgyad la kun ka khrugs re rgyu// ting 'dzin drod nyul nyi shu dgu la rgyu// de nyid rnal 'byor yum ni mtshan mo rgyu// tshogs kyi phud nyul nyin mo rgyu// dgon pa'i mkha' 'gro kun tu rgyu// nam langs nyi nub nyi ma rgyu// rtse srod bdun sros zla ba rgyu// sngo dro srod la dmag dpon rgyu// nying dgung nam dgung lhag pa rgyu// gung gnyis yol ba phur bu rgyu// snar dang nam chung pa sangs rgyu// nub ka tho rangs spen pa rgyu/ khyab 'jug rgyu ba 'di lta ste// lo 'jug zla 'jug yang 'jug zung 'jug bzhi// glang lug 'brug khyi bzhi yi dbyar dgun 'bring // bco brgyad nyi shu dgu la nam phyed rgyu// byi phag gnyis kyi dpyid dbyar 'bring po la// bcu bzhi nyi shu drug gi nyi rtse la// rta sbrul gnyis kyi ston dpyid ra ba yi// yar ngo bcu gsum nyi ma sbyar na rgyu// bya sbrel gnyis kyi dgun dpyid ra ba la// mar ngo nyi shu dgu yi nyin phyed na// stag

  669. 335a

    yos gnyis kyi dbyar dgun tha chung la// mar ngo bco brgyad nyi ma phyed na rgyu// bcu gnyis re re'i ngos la brgyad rgyu ste// bzhi brgyad bcu gcig bco lnga bco brgyad dang // nyi shu gnyis te lnga dang dgu rnams kyi// srod dang nyi dros nam 'jing nyin phyed dang // nam phyed nyin phyed tho rangs nyi ma myur// rim gyi nub nas shar rgyu lho nas byang // skor thabs de bzhin phyogs mtshams khyab par rgyu// dpyid ra dbyar 'bring ston zla tha chung gi/ tshes gcig bco brgyad bcu bdun gsum la rgyu// dbyar ra ston 'bring dgun zla tha chung gi/ tshes lnga bcu bdun nyi shu gsum la rgyu// dgongs dang tho rangs bya zer tsam na rgyu// nam gung nyin gung gnyis kyi yol nas rgyu// nam gyi srod dang nyi ma dros nas rgyu// nyi ma rtse shar mun sros tsam nas rgyu// grib chung srod kyi bar du thams cad rgyu// skya rengs shar nas thun gyi klu rigs rgyu// las kyi mkha' 'gro nam langs yos bu rgyu// rtse shar 'brug rgyu sha ra da sab sbrul// dros na rta rgyu phyed na lug/ myur na spre'u dgong mo bya// srod la khyi rgyu 'jing la phag/ gung la byi ba nam chung glang // tho rangs gshed po stag gi dus// mkha' 'gro rnams kyi 'dun sa ni// dur khrod brgyad dang ston pa'i zhabs kyis bcags// bya rgod ri dang grub pa thob pa'i sa// dur khrod la sogs mkha' 'gro 'dun sa ni// dbyar

  670. 335b

    gsum gangs dkar rtse la 'du// ston gsum spang snar gong du 'du// dgun gsum dgon dmar thang la 'du// dpyid gsum chu chu bo'i gzhung yang 'dus sle la 'du// tha chung bzhi la 'dun zag gcod// dbyar zla tha chung stangs kha klu yis gcod// ston zla tha chung stangs khas bdag gcod// dgun zla tha chung stangs kha ma mos gcod// ston zla tha chung stangs kha btsan la 'dor// mkha' 'gro'i rigs kyi rgyu phyogs ni// rdo rje mkha' 'gro shar nas nub tu rgyu// shugs kyi mkha' 'gro lho nas byang du rgyu// chags pa'i mkha' 'gro nub nas shar du rgyu// las kyi mkha' 'gro byang nas lho ru rgyu// mkha' 'gro mgo brnyan bcu gnyis rgyu phyogs ni// dgun ra phag gi mgo can lho ru rgyu// 'bring po byi ba'i mgo can nub tu rgyu// tha chung glang gi mgo can byang du rgyu// dpyid ra stag gi mgo can shar du rgyu// 'bring po yos bu'i mgo can lho ru rgyu// tha chung 'brug gi mgo can nub tu rgyu// dbyar ra sbrul gyi mgo can byang du rgyu// 'bring po rta yi mgo can shar du rgyu// tha chung lug gi mgo can lho ru rgyu// ston ra spre'u'i mgo can nub tu rgyu// 'bring po bya yi mgo can gong bzhin rgyu// tha chung khyi yi mgo can shar du rgyu// btsan btsun dmu bdud gangs gsum rtsibs la rgyu// ma yams sman gsum tha chung rtsibs la rgyu// sa bdag klu srin sa yi skrag la rgyu// thams cad dus gcig rgyu ba

  671. 336a

    'di lta ste// byi rta dpyid 'bring po'i bco lnga las// glang lug dpyid ston tha chung nyi shu gnyis// stag sbrel dbyar dgun ra ba'i tshes brgyad la// bya yos dbyar dgun 'bring po'i bco lnga la/ khyi 'brug dbyar dgun tha yi nyi shu gnyis// phag sbrul ston dpyid ra ba'i tshes brgyad la// dus bzhi zla ba rab 'bring tha chung la// ra ba'i tshes drug 'bring po'i nya// tha chung bzhi yi nyi shu drug/ bar snang ri rtse sa yi mtshams// ris med thams cad rgyu ba yin// rdzas ni bsgrub rdzas bskrad rdzas te// a mr-i ta ste sha lnga chen po lnga// bdug spos rin chen me tog sna tshogs dang // 'bru dang shing thog gcan zan gdug pa'i sha/ skur dang 'o ma mkhris pa tsha sman dang // g.yu rgod gser sha sgrub bu sha yi rigs// bskrad pa btsan btsun dmu bdud ma yams sman// sa bdag klu srin bgegs chen phal pa rnams// gsur chen 'gar sta'i khu bas thabs kyis bskrad// ra dang ku ku ra yi khu bas bskrad// ma gi rtsi dang bse yi shing gis bskrad// gang bsrung ba la sbyar ba'i gu gul byugs// las dang dus su 'dzom pa ni// las kyi dbang gis dus su 'dzom pa dang // thabs dang man ngag shes pas 'dzom pa'o// myur du 'grub pa 'di lta ste// man ngag thabs kyis myur du 'grub pa dang // ting 'dzin sngags dang phyag rgyas 'grub pa'o// dus tshod rnams ni gong du

  672. 336b

    bstan pa'o// rdzu 'phrul la yang rnam pa gsum yod de/ rang bzhin byin rlab thabs kyi rdzu 'phrul te// rang bzhin gcig la sna tshogs sprul pa'o// byin rlabs me 'bar dud pa 'thul ba'o// thabs kyi rdzu 'phrul thun mong dngos grub rnams// sgrib shing nyid dang rdzu ba dang // rdzu ba lha yi nga rgyal lo// ma mo'i sgrib shing dur khrod rdzas// krung ka khu byug dang ru bdud kyi shing // wa khrag byang chub sems ni btsan rigs shing / khwa sgrom ma gi'i rtsi ni klu yi shing // 'ug pa srin bya'i dang ru the'u rang shing // de rnams gcig tu sbyar na mi la sgribs// 'khrugs pa'i rtags ni drug yod de// nyi ma zla ba 'chi ba dang // dus min pa yi rlung byung dang // sgra dang 'od dang sa 'gul drug/ 'di rnams mkha' 'gro 'khrugs na 'byung // mi 'dod 'bras bu byung na nyams pa'i rtags// bcol ba dus su med na chad pa'i rtags// de byung 'khrugs na zhing gis bcos// nyams pa rnams ni tshogs kyis bskang // chad pa thams cad mdos kyis bzlog/ las kyi mkha' 'gro ma'i rgyud chen po las sgrub pa'i thabs don gyi rim pa ste gnyis pa'o// // de nas dpal chen bka' yi bsdus don ni// yul dang rgyu srang rigs dang dus tshod sngags// brda' dang las tshogs blta ba bstan pa'o// rnal 'byor gnyis med dpal dang mnyam pa yi// phyag rgya chen po bsgom pa yul zhes

  673. 337a

    bya'o// byang chub sems la rdo rje mkha' 'gro rgyu// rtsa la shugs kyi mkha' 'gro rgyu// drod la chags pa'i mkha' 'gro rgyu// dbugs la las kyi mkha' 'gro rgyu// rdzas dang dkyil 'khor 'dun sa yin// rigs ni mkha' 'gro shugs 'gro las kyi mkha' 'gro ma gsum// dpal chen bka' yi dus tshod ni// gang la mos pa'i rgyu dus gang du bstan// dpal chen bka' yi sngags ni 'di lta ste// oM shrI badz+ra shrI he ru ka hUM phaT/ sarba ma hA DAk+ki ni/ dza la sa ma ba ra hUM/ yo gi nI/ ma hA kro d+ha kro d+hi sar+b+ba duSh+TAn/ dzA ya ni bya a mU ka s+ye/ sarbA pA pam karma A ba ra NA nAn shin+taM ku ru/ kA ya tsit+ta na ta byi pa tsa le ba pa tsa le ba/ pe le ba pe le ba/ A kar sha ya A ka ra sha ya/ duSh+Ta big+h+nAn/ sarba gra ha big+h+nAn/ sarba dza rA nAn/ bya d+hi pi sha dur ni mit+ta sarba a maM ga yA nAn/ a ra ma raSh+Ta gats+tsha Sh+Ta/ gats+tsha pi rA ya na ti/ sarba gra ha b+hi ga tsit+ta rak+ta A kar sha ya A kar sha ya/ dA ra ya dA ra ya/ A gad ta ya A gad ta ya/ ban+d+ha ban+d+ha/ badz+ra sr-i kha le na ba na bad ya/ mo ha ya mo ha ya/ ku ru pa shang ku ru/ badz+ra mud ka re Na dan te/ nAr+d+ha ya nar+d+ha ya/ ha na ha na b+hi rtsi/ rap+pa[:]ha re/ d+ha ra d+ha ra/ khA da khA da/ pha d+ha ya pha d+ha ya/ ts+tshe da ya ts+tshe da ya/ da ha na mA ra ya mA ra ya/ ts+tshin+na ya ts+tshin+da ya/ b+hiSh+paM ku ru pa ra bid d+han tshe d+ha ya mAn ta krit+ya ni ka kho ra ni na/ pra yo ga da sha pa lA nAn/ ba la me

  674. 337b

    la ka sarba bi s+pho Ta ya/ sarba de tsa nan bya pa ta ya/ u ts+tsha Ta ta ya/ badz+ra he he ru ru ka sarba DAk+ki yo gI/ a mu ka s+ya/ puN+ye s+ya/ dz+nyA na s+ya/ shrI bA na te dza s+ya/ A yu She ba la s+ya/ sarba sam b+ho ga puSh+TiM ku ru/ yo gi ma hA sA d+ha ka rak+Sha rak+Sha swA hA/ brda' ni lus ngag yid de dkrug pa'o// las kyi tshogs ni gnyis 'byung ste// bud med gsad dang dus las zlog par byed// dbang dang dgug pa bsad pa bskrad// tshe srung ba dang bgegs bzlog pa'o// rnal 'byor lha dang gnyis med pas// gnas dang 'dun sar bsnyen pa la sogs bya// drod tshad yod pas rgyu srang sa ru gsad// rdo rje mkha' 'gro rgyun dbang du bya// las kyi mkha' 'gro rgyun dgug par bya// chags pa'i mkha' 'gro rgyun gsad par bya// shugs kyi mkha' 'gro rgyun bskrad par bya// de bzhin dus rnams gang la bab pa'i tshe// rang rang sngags kyis mjug la gdags pa ni// dbang la/ ba shaM ku ru shr-id kha le na ban+na ya/ dgug pa la// A kar sha ya/ A kar sha ya/ d+ha ra d+ha ra/ bsad pa la/ mA ra ya mA ra ya/ khA da khA da/ bskrad pa la/ u tshA na ya a tra ma ti di sha gats+tsha gats+tsha// sngags rnams mgo 'jug au phaT gdags par bya// tshe srung bgegs bzlog 'dod pas gtor ma btang // gang la ster ba de yi sngags mjug la// a mu ka s+ye ka ya tsit+ta/ pu N+ya s+ya dz+nyA na s+ya/ shri mAn te dza s+ya/ A yu She ba la s+ya/ rak+ta rak+kha/

  675. 338a

    ka re Na karba ku ru zhes brjod pa'o// lha yi dbang po 'di lta ste/ rdo rje sems dpa' mkha' 'gro nyid 'gyur te// bud med bde ba'i stobs kyis sdig pa 'joms// phyogs bcu'i mkha' la gshegs pa'i mkha' 'gro ma// mtshan nyid nam mkha' 'dra ba las// sgyu ma lta bur 'phrul pa mdzad// kun rdzob tsam du bstan pa 'di// mya ngan 'das la mi gnas pa// 'jig rten 'khrul pa zlog par snang // snang ba de la rang bzhin med// sems kyi rang bzhin dngos ma grub// dngos po'i ro ni kun dang bral// blo dang ldan pas mkha' ltar bsgom// smig sgra rmi lam lta bur ni// mkhas pas rang rig rtsal gyis ni// sbyor ba'i mtha' drug bsam gtan bya'o// dang po gleng gzhi'i gnas rgyu dang // phyag rgya sngags dang bsam gtan dang // de bzhin la sogs cho ga'i thabs// de bzhin 'dod pa'i bstan bya rnams// lha khyod la ni ngas bstan to// gang 'di 'chang ngam 'dzin pa la// 'jig rten pas kyang nye byed de// mkha' 'gro'i tshogs kyis srung bar byed// ces bka' stsal to// de nas lha'i dbang po brgya byin gyi stan las langs te/ lha ma srin sde brgyad dang mkha' 'gro ma'i tshogs thams cad rab tu 'gu ste/ thams cad kyis mchod pa chen pos mchod de/ dpal phyag na rdo rje la 'di skad du bstod do// e ma ho// mthu chen kun las khyad du

  676. 338b

    'phags// thugs rje drag pos gdug pa 'joms mdzad lha// ljags ser spyan bgrad mche gtsigs pad+ma'i gdan// thugs rtags rdo rje 'dzin pa khyod la bstod// ces bstod nas/ de dag thams cad rang gi gnas su 'khod par 'gyur ro// las kyi mkha' 'gro ma'i rgyud chen po rdzogs so// rgya gar gyi mkhan po shAn ting gar+b+ha dang / bod kyi lo tsA lce bkra shis kyis bsgyur cing zhus te gtan la phab pa'o//