Text

ff. 1a–303b · 606 folio sides

  1. 1a

    rdo rje phur pa gsang ba'i rgyud chen po bzhugs so//

  2. 1b

    rgya gar skad du/ badz+ra kI la ya gu h+ya ma hA tan+t+ra/ bod skad du/ rdo rje phur pa gsang ba'i rgyud chen po// bcom ldan 'das gsang ba mchog gi bdag po// rdo rje khros pa'i sku gsung thugs gzhon nu thams cad mkhyen pa la phyag 'tshal lo// 'di skad bstan cing zos pa'i dus gcig na/ bcom ldan 'das gsang ba mchog gi bdag po// dus gsum ma lus mi lus lus pa med pa'i ngo bo// rdo rje dang / 'khor lo dang / rin po che dang / pad+ma dang las kyi rang bzhin/ rigs dang ye shes kun gyi bdag nyid/ rol pa'i rdzu 'phrul la mnga' brnyes pa de/ don chos nyid skye ba med pa'i ngang las/ rtags 'gag pa med pa'i cho 'phrul gyi skur bzhugs so// 'og min gyi gnas gsang ba mchog gi dkyil 'khor chen po

  3. 2a

    dus gsum gyi rgyal ba rnams kyis gshegs shing bzhugs te gzhugs par 'gyur ba'i gnas/ rgyu rin po che dang dur khrod las byas pa'i dbyibs kha dog tha dad cing ngo bo nyid brtsegs pa ste/ de yang dbyings ye shes gsal ba'i gzhal yas khang / kun tu khyab par brdal ba chen po na/ rigs kyi yab dang / rigs kyi yum dang / gzhan yang sems dpa' dang / sems ma dang / sgo skyong sbrul skur bcas pa yang / srid zhi dang rig pa'i tshul gyis ni/ til la mar bzhin du khyab par gnas so// 'khor gyi dkyil 'khor de nyid na/ rdo rje 'dzin pa'i rgyal po yang nyid kyi sku gsung thugs las thon te// spyan snga nyid na bka' nod pa'i spobs pa dang ldan pa'i zhu ba po nyid du bzhugs so// rdo rje phur pa gsang

  4. 2b

    ba'i rgyud chen po las/ gleng gzhi'i le'u ste dang po'o// // de nas bcom ldan 'das gsang ba mchog gi bdag pos/ dus gsum dang / srid pa gsum dang / 'khor ba dang mya ngan las 'das pa dang / sa dang pha rol tu phyin pa dang / kun nas nyon mongs pa dang / rnam par byang ba dang / 'jig rten dang 'jig rten las 'das pa dang / zag bcas dang zag med/ 'dus byas dang 'dus ma byas/ bstan du yod pa dang bstan du med pa/ thog bcas dang thog med/ rtog bcas dang rtog med/ don dam pa dang kun rdzob/ bsgrub bya dang sgrub byed/ shes pa dang shes pa'i yul/ 'jig rten dang 'jig rten las 'das pa'i chos rgyu 'bras bur bcas pa/ snang zhing grags pa thams cad la/ rdzu 'phrul gyi spyan gyis kun tu yang khyab par gzigs rnam par yang gzigs so// de bzhin du gzigs pas/ chos thams cad byang chub kyi mtshan nyid stong pa chen po'i rang bzhin/ sgra bsam las 'das pa'i de bzhin nyid/ de kho na'i ting nge 'dzin la snyoms par zhugs so// de nas rdo rje 'dzin pa'i rgyal po rang gi stan las langs te/ bcom ldan 'das gsang ba mchog gi bdag po la/ phyi nang gi mchod pa'i sprin sna tshogs kyis mngon par mchod de/ lan brgya phrag stong du brkyang phyag 'tshal nas// dgongs pa chos kyi dbyings la mnal bzhin du 'di skad ces gsol to//

  5. 3a

    e ma ho bde gshegs bcom ldan 'das// e ma ho gsang mchog dgyes pa che/ e ma ho rnam par dag pa'i lam/ ngo mtshar 'byung ba khyod la 'dud// dkyil 'khor rnams kyi de nyid don// byang chub sems kyi mtshan nyid de// bdag cag rnam la bshad du gsol// de nas gsang ba mchog gi bdag pos// rdo rje 'dzin pa la bka' stsal pa/ rdo rje 'dzin pa khyod nyon cig legs par yid la zung zhig/ 'di ni sngon gyi rgyal ba thams cad dang da ltar dang phyis 'byung ba'i rgyal ba sangs rgyas rnams kyis ma gsungs gsung bar dka' ba yin te/ de ci'i phyir zhe na/ de kho na nyid byang chub sems kyi mtshan nyid de ni brjod du yang med la/ snod du gyur pa yang dkon pa'i phyir ro// rdo rje 'dzin pa de bas na khyod nyid la dris shig ces bka' stsal te ci yang mi gsung bar bzhugs so// de nas 'khor lo 'dzin pa la sogs pa'i de bzhin gshegs pa thams cad kyis rdo rje 'dzin pa la bsgo ba mdzad de/ rdo rje 'dzin pa chen po khyod ni de bzhin gshegs pas bka' stsal pa zhu ba spobs pa yin pas na/ bcom ldan 'das gsang ba mchog gi bdag po the tshom thams cad gcod pa la the tshom yang dag yang du zhus shig dang / de bzhin gshegs pa ni snod ji lta ba bzhin du chos ston pas na/ byang chub sems dpa' blo dman rnams la yang byin gyis rlobs shig

  6. 3b

    ces bka'i bsgo ba mdzad pas/ rdo rje 'dzin pa'i rgyal pos/ rigs bzhi'i sangs rgyas kyis bskul ba thugs su chud nas/ 'khor mang po dang bcas pa snod du rung bar byin gyis brlabs par mdzad nas/ ston pa'i zhal du bltas te gnas so// de nas rdo rje 'dus pa'i rgyal pos/ bsngo ba med pa'i mchod pa ma chags pa'i 'dod yon/ nam mkha' lta bur kun la khyab cing sems las sprul te/ ston pa la mchod nas 'di skad ces gsol to// don dam sems nyid skye ba med pa la// ston pa dang ni gnas dang 'khor// skye ba'i cho 'phrul 'byung ba ci// zhes gsol to// bka' stsal pa/ chos kun rtsa ba sems nyid de// rtsa ba de nyid ston pa las// gud nas bstan pa btsal ba med// bdag nyid chen po byang chub sems// rgyu dang 'bras bur bcas pa'i chos// byang chub sems la gnas pa las// gud na gnas pa ma yin no// de ni gzhal yas byang chub sems// 'khor ba'i rgyu bstan phung po lnga// 'khor ba gnas bsgyur phyag rgya yin// phyag rgya de nyid byang chub sems// 'byung ba gnas bsgyur yum lnga ste// yum lnga ma chags byang chub sems// rnam shes 'khor ba gnas bsgyur sems dpa' ste// dmigs pa med pa'i byang chub sems// yul brgyad 'khor ba gnas bsgyur sems ma ste// gnas pa med pa byang chub sems// rtag chad 'khor ba gnas bsgyur sgo

  7. 4a

    pa ste// reg pa reg shes reg bya la// 'khor ba gnas bsgyur khro bo ste// dngos po med pa'i byang chub sems// smon pa med pa'i byang chub sems// nyon drug gnas bsgyur sbrul sku ste// spros pa med pa'i byang chub sems// rtag chad 'khor ba gnas bsgyur kun bzang yab yum ste// gzung 'dzin med pa'i byang chub sems// 'khrul pa bzlog phyir sems las shar ba las// gud nas btsal ba ma yin/ gyi// btsal yang rgyal bas mi brnyes so// de bas sems nyid chos rnams kun gyi rtsa ba ste// rtsa ba de yi don rtogs nas// ci yang ma bkag chos kyi dbyings// blta ba ma bkag sems nyid nam mkha' yin// spyod pa ma bkag sems nyid rgya mtsho'i 'dzings// bsgrub pa ma bkag sems nyid chen po bsgrub// phrin las ma bkag sems kyis kun la rol// dkyil 'khor ma bkag sems nyid nyid la rdzogs// dam tshig ma bkag sems las bsrung du med// mchod pa ma bkag sems las longs spyod pa// snying po bkag ma sems nyid brjod dang bral// phyag rgya ma bkag sems nyid phyag rgya yin// ting 'dzin ma bkag sems nyid ngang la shar// zhes bka' stsal pas// 'khor rnams sems mtshan med pa la mtshan ma'i skur byung bas rtag pa'i mtha' sel to// de nas yang rdo rje 'dzin pa'i rgyal pos 'di skad ces

  8. 4b

    gsol to// spros pa med pa'i byang chub sems// don dam mchog tu ji ltar bskyed// ces zhus pa dang // bcom ldan 'das gsang ba mchog gi bdag pos/ don dam pa'i kho na nyid kyi ting nge 'dzin la cung zhig mnyam par bzhag nas/ 'dus pa'i tshogs rnams la 'di skad ces bka' stsal to// rdo rje 'dzin pa la sogs pa rnams nges par legs par nyon cig byang chub sems zhes bya ba ni// brjod dang smra bsam yul las 'das// don dam kun rdzob tha mi dad// rang gi lus ngag rdo rje ste// byang chub sems kyi ngo bo las// lus ngag yid gsum ma grub par// rig pa'i skyes bu de yis ni// byang chub mchog tu sems bskyed yin// zhes gsungs so// de nas 'khor 'dus pa rnams kyis// rang gi byang chub sems de kho na nyid la sems nas 'khod do// 'khod pas sems kyi don rtogs par gyur te// de nas rdo rje 'dzin pa'i rgyal po des// rang gi byang chub sems kyi rtogs tshad 'di phul lo// e ma ho bde gshegs bcom ldan 'das// sangs rgyas kun gyi byang chub sems// gzung 'dzin rnam spangs tshig dang yi ge'i spyod yul min// gdod nas ma skyes rtog pa'i gnas med do// zhes gsungs so// de nas bcom ldan 'das 'khor lo 'dzin pas kyang / rang gi byang chub sems rtogs tshad 'di gsungs so// e ma ho chos kun stong pa'i bdag/ rang gi

  9. 5a

    ngo bo brjod du med// brjod med de ni sna tshogs pa'i/ chos rnams kun la khyab par gnas// zhes gsungs so// de nas bcom ldan 'das rin chen 'dzin pas kyang // rang gi byang chub sems kyi rtogs tshad phul ba 'di skad gsungs so// e ma ho mnyam nyid byang chub sems// ming du btags pa'i tshig rnams kun// mnyam pa nyid la gnas bcas phyir// mnyam pa nyid las gzhan med do// zhes gsung so// de nas bcom ldan 'das pad+ma 'dzin pas kyang / rang gi byang chub sems kyi rtogs tshad 'di gsungs so// e ma ho chos su snang ba thams cad kun// rang gi ngo bo brjod du med// de nyid byang chub sems su ni// mkhas pas bsgoms na rtogs par 'gyur// zhes gsungs so// de nas bcom ldan 'das rgya gram 'dzin pas kyang / rang gi byang chub sems kyi rtogs tshad 'di gsungs so// chos kun byang chub sems nyid de// nges pa med de dngos rtog bral// de nyid dag pa'i rang bzhin te// mkhas pas ci dgar bsgoms na 'grub// ces gsungs so// de las gzhan pa'i 'khor rnams ni// byang chub sems de kho na nyid kyi don nyams su myong ste/ rang rang gis de bzhin nyid la 'khod nas gnas so// thams cad byang chub kyi sems kyis tshims pa de'i tshe na// dus gsum la sogs te 'khor ba dang mya ngan las 'das pa/

  10. 5b

    dang 'bras bur bcas pa rnams stong pa chen por gyur pa ni/ dpe nam mkha'i mtshan nyid tsam du yang bsgrub tu yod pa ma yin no// rdo rje phur pa gsang ba'i rgyud chen po las/ byang chub kyi sems de kho na nyid kyi don nges par gleng bslang ba'i le'u ste gnyis pa'o// // de nas skye ba med pa'i de bzhin nyid las/ 'gag pa med pa'i longs spyod rdzogs pa'i sku 'byung ba'i phyir na/ rdo rje 'dzin pa'i rgyal pos/ stong pa nyid kyi ngang las glu 'dis bskul to// e ma ho stong nyid rnam dag klong yangs nas// snyoms pa'i thugs rje 'byung bar mi dmigs kyang // shes rab don dam chos sku gsal ba las// mi 'gog thabs kyis snying rje nam mkhar ston// zhes bskul bas/ gsang ba mchog gi bdag pos bskul bar mkhyen te/ stong pa nyid kyi ngang la mnal bzhin du/ 'khor ba dang mya ngan las 'das pa'i chos thams cad la khyab pa'i snying rje chen po'i ting nge 'dzin la snyoms par zhugs te/ de'i tshe chos thams cad snying rje chen po'i ngo bo tsam du gnas par gyur to/ de nas rdo rje 'dzin pas/ snying rje chen po'i ngang las glu 'dis bskul to// e ma ho ma ltar byams pa'i snying rje chen po ni// mkha' ltar go yang 'byed cing kun la khyab// rig pa'i snying rje nam mkha'i dbyings rum nas// longs spyod rdzogs pa'i sku mchog bstan du gsol// a la la ho zhes bskul

  11. 6a

    to// de nas gsang ba mchog gi bdag pos bskul bar mkhyen nas/ snying rje nam mkha'i ngang las rig pa'i cho 'phrul rnam par sprul te// rdo rje'i sku mngon par 'du mdzad de/ dper na nam mkha'i dbyings la nyi ma 'bum dus gcig tu shar ba'i gzi brjid lta bu'o// de nas yang rdo rje 'dzin pas/ rmad du byung ba'i glu 'dis bskul to// e ma ho yid bzhin sku mchog nyi ma 'bar ba las// sprul pa'i cho 'phrul rdo rje'i gar mdzad cing // brjid pa'i sku mchog rdo rje 'bar ba yis// 'bar ba'i sku mchog bdag la bstan du gsol/ a la la ho zhes rnam par bskul bas bskul bar thugs su chud de/ bde bar gshegs pa thams cad kyi thugs kyi mtshan ma/ ye shes kyi rtse mo rdo rje rtse dgu pa lta bu/ sangs rgyas rnams kyis gzigs par gyur to// de nas yang rol pa'i sku mngon par 'du mdzad pa de las/ rol pa'i sku zhal gsum pa lta bu sangs rkus rnams kyis gzigs so// de nas rmad du byung ba 'dis bskul lo// e ma de ni rang byung ba'i// rigs rnams kun gyi rigs kyi gtso// dkyil 'khor kun gyi byed pa po// rdo rje 'chang chen rtag pa rol pa'i sku'o// rdo rje 'dzin pa la sogs pas 'di skad ces gsol to// e ma ho// de bzhin gshegs pa kun zhi ba'i// de gzhin gshegs pa kun gyi gnas// rdo rje chen po las byung ba'i// dkyil 'khor

  12. 6b

    dam pa bshad du gsol// e ma ho// de bzhin gshegs pa kun gi gtso// de bzhin gshegs pa kun gyi gnas// chos kun bdag med pa yi mchog/ dkyil 'khor dam pa bshad du gsol// e ma ho// mtshan nyid thams cad yang dag rdzogs// mtshan med thams cad yang dag spongs// bcom ldan gsang ba mchog gi bdag/ dkyil 'khor dam pa bshad du gsol// e ma ho// zhi ba'i chos mchog las byung ba'i// ye shes spyod pa rnam sbyong ba'i// bcom ldan gsang ba mchog gi bdag/ dkyil 'khor dam pa bshad du gsol// e ma ho// sems can kun gyi sems chen po// rang bzhin dag pas dri ma med// bcom ldan gsang ba mchog gi bdag/ dkyil 'khor dam pa bshad du gsol// zhes bskul bar mkhyen te// bcom ldan 'das kyi hUM hUM hUM zhes brjod de// byin rlabs can du bya ba'i phyir// snga tshul gyi gnas dang 'khor tshul la sogs pa de dag nyid kyi sku gsung thugs la bsdus te/ chos nyid byang chub sems su mi snang bar mdzad do// de las bo d+hi tsit+ta maN+Dal a zhes cho 'phrul gyi sgra brjod pas/ skye ba med pa'i ngang las 'gag pa med pa'i cho 'phrul gyi byang chub sems kyi gzugs brnyan ni// chos thams cad kyi ngo bo yi ge a ru gsal bar mdzad do// de la cho 'phrul gyi sgra 'di skad ces bsgrags so// yi ge a yi sems kyi rang bzhin

  13. 7a

    te// chags pa'i skyon bral nam mkha'i kha dog 'dra// sems rgya che ba'i khyad par bstan pa'i phyir// rgya mtsho'i rlabs ltar thams cad 'byung ba'i rgyu// zhes bsgrags so// byang chub sems kyi rang bzhin a re'i 'phro 'du las/ thams cad yi ge a de shin tu yang gsal te/ de las 'di skad ces bsgrags so// byang chub sems kyi yig 'bru a// 'phros pas thugs bskul rgyud sbyang ste// thabs dang shes rab dbyangs dang sgra yig tshogs// mtshan dang dpe byad kun gyi rgyu ru gsal// ka kha ga g+ha nga / tsa tsha dza dz+ha nya/ ta tha da d+ha na/ Ta Sha Da D+ha Na/ pa pha ba b+ha ma/ ya wa ra la/ sha Sha sa ha/ au au k+Sha a/ a A/ i I/ a U/ e ai/ o o/ r-i r-I/ l-i l-I/ aM A/ de nas yang gsang ba mchog gi bdag pos/ de bzhin nyid kyi dbyings las ni// lha mo dbyings phyug mngon phyung ste// hi hi dgyes pa'i gzi mdangs kyis// rin chen pad+ma rgyas mdzad nas// smin ring mdzes tshul g.yon du bzhugs// de nas yang gsang ba mchog gi bdag pos// gzhal yas rnam par gsal ba'i ting nge 'dzin la zhugs te/ nyid kyi sku dang gsung dang thugs las snying po 'di rnams ched du brjod de phyung ngo // e yaM/ khaM/ suM/ raM/ b+h+rUM/ chos dbyings gsal ba'i nam mkha' la// ye shes gsal ba'i rlung gis bskyod// byang chub sems rgyan chu rgyun las// zhi gnas

  14. 7b

    gsal ba'i sa gzhi chags// lhag mthong 'bar ba'i drod dang ldan// ye shes lnga ldan ri rab chen po la// b+h+rUM las rin chen 'bar ba'i gzhal yas khang // e ma sangs rgyas thams cad kyi// rdo rje gsang ba mchog gi gnas// dbus kyi dkyil 'khor cha dgu pa// 'khor lo rtsibs bzhi rtsibs brgyad pa// gru chad par khyams ldan pa dang // sgo yi 'gram logs ya phub khyung // phyi dang nang med kun tu nang // rnam thar brgyad kyi ka ba la// ye shes chen po bzhi'i gdung bres// 'khor lo'i gdan dang rin chen rgyan// rta babs rol mo'i tshogs su ldan// zhes brjod do// de nas yang bdag nyid dang 'khor rnams la rim gro bskyed de gdan bting ba'i phyir/ 'di skad ces brjod do// d+ha ri ta ke tha ga te/ b+he sha ra ta/ d+ha sha ta thA ga ta sa ta la/ ta thA ga ta sarba gi ra/ tsa ta ri rid ti pra ta/ shAn+ti ga ta bo sha ta ka/ rat+na da ra/ ma pa/ a sUr+ya tsan+da pad+ma maN+Da la/ seng ge glang chen rta dang rma bya nam mkha' lding // nyi zla pad+ma rin chen khri rkang mdzes// bde gshegs rnams la rim gro bskyed pa'i phyir// gdan gyi khyad par rab tu rdzogs/ de nas yang bcom ldan 'das kyis ched du brjod pa 'di brjod do// raM yaM khaM/ ji ltar snang ba'i dngos po rnams// skye med ngang du ro gcig phyir// ye shes bskal pa gsum gyis dngos po gsum// sbyangs nas rang bzhin chos dbyings

  15. 8a

    ngang du dag/ ces gsungs so// de nas gsang ba mchog gi bdag po des/ ta thA ga ta sa ma ya tiSh+Tha badz+ra zhes brjod de// dkyil 'khor chen po'i dbus su bzhugs par gyur to// de nas bcom ldan 'das kyis ma chags pa'i yum la/ 'khor gyi sku bskyed pa'i phyir na/ rjes su chags pa'i ting nge 'dzin la snyoms par zhugs so// de nas yum dbyings phyug ma zhal 'dzum pa dang bcas nas/ chags pa'i glu 'dis bskul to// e ma ho// rol pa'i cho 'phrul 'bar ba'i sku mchog las// khyab pa'i byin rlabs rdo rje'i gar mdzad cing // gsang ba b+ha ga yangs pa'i dkyil 'khor du// re skong bdud rtsi'i char rgyun dbab tu gsol/ a la la ho zhes rnam par bskul bas// bcom ldan 'das gsang ba mchog gi bdag po des// gnyis su med pa'i rol pa'i tshul gyis gar mdzad cing // rdo rje'i glu 'di blangs so// a ho bde mchog 'du 'bral med pa'i dbyings nyid du// 'dzum zhing 'khyil pas pad+ma'i b+ha ga ru// dga' mchog rdo rje gsang ba'i byang chub sems// dri med rin chen char dbab rgyun mi gcod/ sarba ta thA ga ta dz+nyA na badz+ra oM hUM phaT/ e ka tsan+ta IM// a nu rA ga yA mi// zhes gsungs so// mkha' gsang byin gyis brlabs nas/ rnam pa sna tshogs pa'i glu dang gar gyis stegs pa dang / 'khyud pa dang rol pa mdzad do// de ltar rol pa'i thabs

  16. 8b

    mchog yab kyi byang chub sems so// chags pa'i yum gyi byang chub sems kyis bskul ba'i cho 'phrul gyi sgra 'di skad bsgrags so// a ho chags pa chen po dbab pa'i byang chub sems// dus gsum bde gshegs rnams kyi rtsa bzhi'i mchog/ dri med skyon bral pad+ma'i rang bzhin las// mu tig dri med bsil ba'i 'od zer spro'o// yang thabs mchog yab kyi byang chub sems kyis/ chags pa'i yum gyi byang chub sems la bskul ba'i cho 'phrul sgra 'di skad ces bsgrags so// a ho gsal zhing dag pa zla ba'i dkyil 'khor du// skyon gyis ma gos rnam dag byang chub sems// dus gsum rgyal ba rnams kyi thugs nyid de// bsil ba'i 'od zer pad+ma'i gnas su spro ho// na maHsarba ta thA ga ta ma hA b+hi d+hi tsit+ta badz+ra swa b+hA wa At+ma ko& haM// zhes spro zhing bskul lo// de nas yang gsang ba mchog gi bdag pos// byang chub kyi sems 'phro 'du'i ting nge 'dzin la zhugs te/ ched du brjod pa 'di brjod do// e ma ho bde mchog bde ba ma// byang chub sems ni rab spros pas// sangs rgyas kun gyi thugs bskul cing // 'gro ba kun gyi rgyud sbyangs te/ slar 'dus dbyings su thim pa las// byang chub sems kyi thig ler gsal// thig le 'od kyi rang bzhin las// byang chub sems kyis kun la khyab// bo d+hi tsit+ta sarba maN+Da la/ zhes gsungs te/ de'i tshe 'khor ba dang mya ngan las

  17. 9a

    'das pa'i chos thams cad yab yum lhag pa'i byang chub sems kyi theg ler gnas so// de nas gsang ba mchog gi bdag pos/ 'phro 'du dang 'ju 'dul gyi ting nge 'dzin la snyoms par bzhugs te/ ting nge 'dzin sku gsung thugs kyi phyag rgya rnam par spros pa 'di gsungs so// de nas byang chub kyi sems las yi ge rnam par spros pa/ ta thA da d+ha na/ Ta Sha Da D+ha Na/ ka kha ga g+ha nga / tsa tsha dza dz+nyA nya/ pa pha ba d+ha ma/ ya wa ra la/ sha Sha sa ha/ k+Sha/ i I/ u A/ e ai/ oM o/ e ma sangs rgyas thams cad kyi// yi ge gsung gi phyag rgya'i tshogs// spros pas gsung bskul dag rgyud dag/ bsdus pas chos kyi phyag rgya thog/ ces gsungs so/ chos thams cad byang chub sems kyi yig 'bru mkhyen nas mngon par 'du mdzad do/ de nas yang yi ge las phyag rgya'i tshogs su gyur par mdzad de/ badz+ra/ tsakra/ rat+na/ pad+ma/ badz+ra gan d+ha/ tsakra gan d+ha/ rat+na ga na d+ha/ pad+ma ga na d+ha/ karma gan d+ha/ ut+pa la puSh+pa/ nA ga pr-ik+Sha/ rat+na sa ma ti/ tig+na khaD+ga/ pad+ma d+ha ra badz+ra raM pa/ d+harmA tsakra/ rat+na bru ba ti/ dz+nyA na mu tra/ rat+na sa ma traM/ d+harma ki raM/ ni ra ta ho pa/ du sa me g+ha pa/ puSh+pa mu tra/ su ka raM pa/ gan d+he pi pag ta/ sa ga mu tra/ d+harmA mu ta/ d+harmA e baM/ badz+ra ka wa tsa/ rat+na ga ya/ badz+ra raM/ kham baM/ ta pa ti/ dz+nyA na badz+ra/ d+harma gan d+ha hrIH/ ka pA la ni ra ga ta/ badz+ra ti tra/ na go

  18. 9b

    ra ga badz+ra karma/ ang+ku sha dzaH/ hUM pA sha hUM/ baM s+pho Ta baM/ hoHgan d+he hoH/ rdo rje dang ni 'khor lo dang // rin chen pad+ma rgya gram ste// shes rab don ston dril bu lnga// ut+pal dang ni klu shing dang // rin chen myu gu ral gri dang // pad+ma dkar dang rdo rje dang // chos kyi 'khor lo rin chen ste// gzugs mdzes me long rin chen phreng // chos kyi pi wang gar mchog ste// 'dug pa'i mchog dang me tog phreng // mar me dang ni byug pa ste// gseg shang dang ni pi wang dang // go cha dang ni po ti dang // rin chen sgrom dang me chur bstan// thabs mchog rdo rje dang ni shes rab dril bur bstan// thod pa nr-i mgo gdengs pa dang // rdo rje dang ni sbrul chen dang // rdo rje rgya gram las kyis gnon// lcags kyu dang ni zhags pa dang // lcags sgrog dang ni dril bu'o// e ma bde gshegs kun gyi thugs// rtogs par dka' ba'i snying po don// bde gshegs thugs bskul 'gro ba'i shes pa bkrol// dam tshig thugs kyi phyag rgya bstan pa'o// zhes gsungs te/ chos thams cad phyag rgya'i ngang du mkhyen to// de nas yang gsang ba mchog gi bdag pos chos sku yongs su rdzogs pa'i ting nge 'dzin la snyoms par zhugs te/ 'di skad ces gsungs so// rdo rje 'dzin dang 'khor los sgyur// rin chen mang dang pad+ma 'chang // sna tshogs las la sogs pa rnams// spyan snga nyid dang phyogs bzhi

  19. 10a

    bzhugs// bzang mo spyan dang mA ma ki// na bza' dkar mo sgrol ma rnams// rang rang gtso la 'khril ba'i tshul// sa yi snying po nam mkha'i snying // spyan ras gzigs dbang phyag na rdo rje dang // byams pa mai tri sgrib pa rnam par sel// kun tu bzang po 'jam dpal gzhon nu rnams// 'bar ba'i 'khor lo dag la 'khod// la s+ye mA le girti nIrti dang // d+hu pe puSh+pe A lo ke/ gan+d+he ma la sogs pa rnams// rang rang sems dpa' dag dang 'khril// mdun dang rgyab tu byed pa dang // bya ba dag ni gnas par bstan// brgya byin dang ni thabs bzang ris// shAkya thub thub dang se ge dang // gshin rje'i rgyal dang kha 'bar ma// 'bar ba'i bar khyams dag la 'khod// gshin rje gshed dang stobs po che// rta mgrin bdud rtsi 'khyil pa bzhi// phyogs kyi sgo bzhi dag la'o// rta gdong phag gdong seng gdong sbrul gdong rnams// rang rang khro bo bdag la 'khril// mthing ga dkar po ser le brgan// ljang gu la sogs sna tshogs mdog/ mnyen lcug 'khril ldem gzhon tshul can// gsal 'tsher lhun grub sdug gzi byin 'bar// 'od zer 'phro ba'i tshogs chen po// 'bar ba'i phreng bas 'khrigs pa'i 'od// sku mdog phyag rgya'i dkyil 'khor lhun gyis grub// e ma ho de gshegs kun gyi sku// sangs rgyas sku brnyes lus kyi nyes pa

  20. 10b

    dag/ mtshan gyi me tog dpe byad 'bru chags te// sku mchog phyag rgya'i dkyil 'khor bsam mi khyab// ces gsungs so// rdo rje phur pa gsang ba'i rgyud chen po las// sku gsung thugs phyag rgya'i dkyil 'khor spros pa'i le'u ste gsum pa'o// // de nas rdo rje 'dzin pas 'di skad ces gsol to// kye ma gsang ba mchog gi bdag/ de ltar bstan pa'i dkyil 'khor de'i// byung khungs dngos gzhi las dang yon tan gang // bde bar gshegs pas bstan du gsol// zhes gsol pas/ bcom ldan 'das kyis bka' stsal pa// nyon cig rdo rje 'dzin rgyal po// chos sku nam mkha'i ngang las ma g.yos kyang // me leng ye shes ngang las thugs mchog tshul 'dzin cing // bde ba'i ye shes lnga don thugs chud pa'i// rnam shes bag chags sbyang mdzad rdo rje 'dzin pa khyod nyid sku// chos sku nam mkha'i ngang las ma g.yos kyang // stong nyid ngang las sku mchog tshul 'dzin cing // bde ba chos kyi 'khor lo bskor mdzad de// gzugs kyi mtshan ma sbyang mdzad 'khor los sgyur rgyal po// chos sku nam mkha'i ngang las ma g.yos kyang // mnyam nyid ye shes dang las yon tan tshul du bstan// rin chen dbyig ltar dgos 'dod re skong ba// tshor ba gnas su dag mdzad rin chen mdzes pa'i sku// chos sku nam mkha'i ngang las ma g.yos kyang // so sor rtog pa'i ye shes ngang las

  21. 11a

    pad+ma 'chang ba'i sku// 'dam skyes pad ltar nyon mongs skyon ma gos// 'du shes gnas su dag pas pad+ma 'chang ba'i sku// chos sku nam mkha'i ngang las ma g.yos kyang // bya ba nan tan ye shes dang las rgya gram 'dzin pa'i sku// bdag dang gzhan gyi phrin las don mdzad dpal// 'du byed gnas su dag pas sna tshogs 'chang ba'i sku// skye med chos kyi dbyings la ma g.yos kyang // nam mkha'i spyan gyis sku mchog shes rab tshul// sangs rgyas che ba'i byin brlabs sdud mdzad de// nam mkha'i rang bzhin gnas 'gyur nam mkha'i spyan// skye med chos kyi dbyings las ma g.yos kyang // sangs rgyas spyan gyis sku mchog bsam gtan tshul// sangs rgyas che ba'i khyad par bskyed mdzad de// sa yi 'byung ba gnas 'gyur sangs rgyas spyan// skye med chos kyi dbyings las ma g.yos kyang // mA ma ki yi sku mchog sbyin pa'i tshul// nyon ngas tha ba rlan gyis spangs par byed// chu yi 'byung ba gnas 'gyur mA ma ki// skye med chos kyi dbyings las ma g.yos kyang // na bza' dkar mo'i sku mchog bzod pa'i tshul// nyon mongs bag chags thams cad bsreg mdzad ma// me yi 'byung ba gnas 'gyur na bza' dkar// skye med chos kyi dbyings las ma g.yos kyang // dam tshig sgrol ma'i sku mchog brtson 'grus tshul// nyon mongs 'khor ba'i bag chags

  22. 11b

    mthor mdzad ma// rlung gi 'byung ba gnas 'gyur dam tshig sgrol// ye shes thugs kyi chos nyid don rtogs te// gzugs sku sa yi snying po sems dpa'i tshul 'dzin cing // bla med byang chub 'bras bu smin mdzad pa'i// kun gzhi gnas 'gyur sa yi snying po'i sku// ye shes thugs kyi chos nyid don rtogs te// gzugs sku nam mkha'i snying po tshul 'dzin cing // nyon mongs sgrib pa'i dra ba gcod mdzad de// yid kyi rnam shes gnas 'gyur nam mkha'i snying po'i sku// ye shes thugs kyi chos nyid don rtogs te// gzugs sku spyan ras gzigs kyi sku mchog sems dpa'i tshul 'dzin pas// 'khor ba'i bag chags skyon gyis ma gos te// nyon mongs yid kyi gnas 'gyur spyan ras gzigs dbang sku// ye shes thugs kyi chos nyid don rtogs te// gzugs sku phyag na rdo rje sems dpa'i tshul 'dzin pas// mtha' gnyis nyon mongs 'khor ba 'joms mdzad pa// lus kyi rnam shes gnas 'gyur phyag na rdo rje'i sku// ye shes thugs kyi chos nyid thugs chud cing // gzugs sku byams pa mai tri sems dpa'i tshul 'dzin cing // che ba'i yon tan ma lus sku la rdzogs// sna yi rnam shes gnas 'gyur byams pa me tri'i sku// ye shes thugs kyi chos nyid don rtogs te// gzugs sku sgrib pa rnam sel sems dpa'i tshul 'dzin pas// 'gro ba rnams la gsung gi chos kyang

  23. 12a

    ston// rna ba'i rnam shes gnas 'gyur sgrib pa sel ba'i sku// ye shes thugs kyi chos nyid don rtogs te// gzugs sku kun tu bzang po sems dpa'i tshul 'dzin pas// bla med byang chub 'bras bu smin mdzad cing // mig gi rnam shes gnas 'gyur kun tu bzang po'i sku// ye shes thugs kyi chos nyid don rtogs te// gzugs sku 'jam dpal gzhon nu sems dpa'i tshul 'dzin cing // nyon mongs bag chags tha ba 'joms par byed// lce yi rnam shes gnas 'gyur 'jam dpal gzhon nu'i sku// skye med chos dbyings don dam thugs chud kyang // gzugs sku lha mo lA s+ye sems ma'i tshul 'dzin ma// skye med chos kyi dbyings las mnga' brnyes ma// kun gzhi yul du snang ba gnas 'gyur lA s+ye ma// skye med chos dbyings don dam thugs chud kyang // gzugs sku lha mo mA le ser mo'i tshul 'dzin ma// chos nyid rig pa nyid la gsal mdzad de// yid kyi yul du snang ba gnas 'gyur mA le ma// skye med chos dbyings don dam thugs chud kyang // gzugs sku lha mo gIrti sems ma'i tshul du bstan// rnam dag 'gro la gsung gi sgra sgrogs ma// nyon mongs yul du snang ba gnas 'gyur gi rti ma// skye med chos dbyings don dam thugs chud kyang // gzugs sku lha mo ni rti sems ma'i tshul 'dzin cing // lus kyi yul du snang ba gnas 'gyur

  24. 12b

    ni rte ma// skye med chos dbyings don dam thugs chud kyang // gzugs sku lha mo d+ha pe sems ma'i tshul 'dzin cing // gsal ba'i rig pas bde gshegs tshogs rnams tshims mdzad nas// mig gi yul du snang ba gnas 'gyur d+ha pe ma// skye med chos dbyings don dam thugs chud cing // gzugs sku lha mo puSh+pe sems ma'i tshul 'dzin ma// mkhyen pa'i rig pas dus gsum sangs rgyas mnyes// rna ba'i yul du snang ba gnas 'gyur puSh+pe ma// skye med chos dbyings don dam thugs chud kyang // gzugs sku lha mo A lo ke ste sems ma'i tshul 'dzin ma// 'khor ba ma rig mun pa sel bar mdzad// sna yi yul du snang ba gnas 'gyur A lo ke/ skye med chos dbyings don dam thugs chud kyang // gzugs sku lha mo gan+d+he sems ma'i tshul 'dzin ma// bag chags nyon mongs sgrib pa dag gyur te// lce yi yul du snang ba gnas 'gyur gan+d+he ma// ye shes thugs kyi chos dbyings don rtogs te// gzugs sku kun tu bzang po phyag rgya'i tshul 'dzin cing // 'khor ba gnas 'dren bde gshegs kun bskyed yab// byed pa po ni gnas 'gyur kun bzang bdag nyid yang // chos kyi dbyings dang ye shes dbyer med kyang // gzugs sku 'gro ba'i don du yum gyi cha 'dzin ma// 'das dang da ltar ma byon kun bskyed yum// bya ba mo ni gnas 'gyur kun bzang bdag nyid

  25. 13a

    yum// spros pa med pa'i don las ma g.yos kyang // sbrul sku brgya byin thub pa'i tshul 'dzin pa// brtson 'grus chos ston pham ltung med par mdzad// le lo gnas 'gyur lha yi thub pa mchog/ spros pa med pa'i don las ma g.yos kyang // sbrul sku thags bzang ris te thub pa'i tshul 'dzin pas// yon tan tshul khrims chos ston 'thab rtsod rnam par sel// nga rgyal gnas 'gyur lha min thub pa mchog/ spros pa med pa'i ngang las ma g.yos kyang // sbrul sku shAkya thub pa'i tshul 'dzin pas// bsam gtan chos ston brel phongs sdug bsngal sel// 'dod chags gnas 'gyur mi yi thub pa mchog/ spros pa med pa'i ngang las ma g.yos kyang // drang srong shAkya seng ge thub pa'i tshul 'dzin pas// shes rab chos ston gti mug sdug bsngal sel// gti mug gnas 'gyur byol song thub pa'i mchog/ spros pa med pa'i don las ma g.yos kyang // sbrul sku rak+Sha glang mgo thub pa'i tshul 'dzin pas// bzod pa'i chos ston tsha grang sdug bsngal sol// zhe sdang gnas 'gyur dmyal ba'i thub pa'i mchog/ spros pa med pa'i don las ma g.yos kyang // sbrul sku ded dpon kha 'bar tshul 'dzin pas// sbyin pa'i chos ston bkres skom sdug bsngal sel// ser sna gnas 'gyur yi dwags thub pa'i cho ga/ thugs rje zhi ba'i ngang las ma g.yos kyang // 'jigs byed sku mchog

  26. 13b

    gshin rje gshed du bstan// 'chi bdag gshin rje thabs kyis 'dul mdzad pa// reg pa gnas 'gyur gshin rje gshed kyi sku// thugs nyid zhi ba'i ngang las ma g.yos kyang // 'jigs pa'i sku mchog stobs po ru bstan// gdos bcas phung po'i bdud rnams 'joms mdzad pa// reg bya gnas 'gyur stobs po che ru bstan// thugs mchog zhi ba'i ngang las ma g.yos kyang // 'jigs pa'i sku mchog rta mchog dpal du bstan// 'khor ba'i nyon mongs bdud dpung rlag par byed// reg byed gnas 'gyur che mchog rol pa'i sku// thugs dam zhi ba'i ngang las ma g.yos kyang // 'jigs pa'i sku mchog bdud rtsi 'khyil par bstan// lha bdud chen po'i tshogs rnams 'joms mdzad pa// reg bya gnas 'gyur bdud rtsi 'khyil pa'i sku// mtshan ma med pa'i ngang las ma g.yos kyang // mtshan ma'i sku mchog snying rje'i tshul 'dzin ma// 'khor ba'i sems can bla med gnas su 'dren mdzad pa// rtag pa gnas 'gyur lha mo rta gdong lcags kyu ma yi sku// mtshan ma med pa'i dbyings las ma g.yos kyang // mtshan ma'i sku mchog byams pa'i tshul dzin pas// 'khor ba'i bag chags ma lus 'ching bar mdzad// chad pa gnas 'gyur lha mo phag gdong ma yi skra// mtshan ma med pa'i dbyings las ma g.yos kyang // mtshan ma'i sku mchog dga' ba'i tshul 'dzin

  27. 14a

    ma// sdig pa mi dge'i las rnams 'joms mdzad pa// bdag tu 'dzin pas gnas 'gyur lha mo nyi zla spyan gyi sku// mtshan ma med pa'i dbyings las ma g.yos kyang // mtshan ma'i sku mchog btang snyoms tshul 'dzin cing // gsung snyan bde gshegs dgyes pa bskyed mdzad de// mtshan mar 'dzin pa'i gnas 'gyur lha mo thal byed ma yi sku// zhes gsungs so// rdo rje phur pa gsang ba'i rgyud chen po las/ lha rnams kyi yon tan dang byung khungs dang dngos gzhi bstan pa'i le'u ste bzhi pa'o// // de nas yang rdo rje 'dzin pa'i rgyal pos 'di skad ces gsol to// e ma gsang ba mchog gi sku// sangs rgyas yang gyur dam pa'i bdag/ bde gshegs kun gyi sngags dang phyag rgya rnams// kun mkhyen khyod kyis bshad du gsol// zhes gsol pas thugs su chud de/ sngags dang phyag rgya rnam par spros pa zhes bya ba'i ting nge 'dzin la snyoms par zhugs nas/ bcom ldan 'das kyis 'di skad ces gsungs so// spyir ni rdo rje 'dzin rgyal po// yid kyi bsam pa ting 'dzin te// ngag tu brjod pa snying po'i mchog/ bskul bskyod thams cad phyag rgya ste// spyod yul kun tu dkyil 'khor yin// zhes gsungs so// de ltar rtogs na 'di mi dgos// ma rtogs pa la 'di dgos pas// phyag rgya bca'

  28. 14b

    dang snying po zlo// drang ba'i don du 'di skad gsungs// rdo rje 'dzin rgyal khyod nyid kyis// bsngags pa'i sngags ni 'di yin no// hUM badz+ra d+h+r-ika hUM// sems dpa'i skyil mo krung 'dug nas// lag g.yon phang par mnyam gzhag ste// g.yas pa rdo rje sa gzhi gnon// rdo rje 'dzin pa'i yin par bshad// sngags dang phyag rgya 'di yis ni// sangs rgyas grags pa chen po yang // rab tu 'dar zhing skrag gyur na// bdud rnams tshar gcod smos ci dgos// gzhan yang 'khor los sgyur rgyal gyis// gsang ba'i sngags ni 'di yin no// oM dzi ni dzi ka A~M/ lag gnyis khu tshur bcangs pa las// g.yon pa'i mdzub mo bsgreng ba la// rtse mo g.yas pa'i khu tshur gyis// gzung ba'i rtse la 'khor lo 'bar// 'khor los sgyur rgyal phyag rgya yin// sngags dang phyag rgya 'di yis ni// sangs rgyas sras dang bcas pa kun// rab tu dgyes shing mnyes par 'gyur// byang chub mchog tu gdon mi za// gzhan yang rin chen 'dzin nyid kyi// gsang ba'i sngags ni 'di yin no// sA rat+na d+h+r-i ka swA// sems dpa'i skyil mo krung 'dug gnas// g.yon pa rin chen 'dzin pa'i sku// g.yas pa rin chen mchog sbyin mdzad// rin chen 'dzin pa'i phyag rgya ste// sngags dang phyag rgya 'di yis ni// bde ba'i mchog rnams sbyin byed pas// 'gengs dka' ba yang 'gengs par byed// bkren las phyug por ji

  29. 15a

    zhig smos// gzhan yang pad+ma 'chang ba yi// gsang ba'i sngags ni 'di yin no// aM A ro li ka yAM// phyag rgya gong ma de nyid las// lag gnyis rtse bsnol phang du gzhag/ ting dzin phyag rgya pad+ma'i rten// pad+ma 'chang ba'i phyag rgya ste// sngags dang phyag rgya 'di yis ni// sangs rgyas grags pa chen po yang // dbang du 'gyur te the tshom med// khams gsum skye bo smos ci dgos// gzhan yang sna tshogs 'chang ba yi// gsang ba'i sngags ni 'di yin no// hA pra dz+nyA d+h+r-ika hA// phyag rgya gong ma de nyid las// rgya gram gdengs pa'i tshul byas te// mi 'jigs sbyin par byed pa ni// sna tshogs 'chang ba'i phyag rgya yin// sngags dang phyag rgya 'di yis ni// las rnams thams cad byed par 'gyur// mAM d+hA tI shwa rI// thal mo khong stong sbyar ba las// mdzub gnyis gdu bu ltar byas te// mthe bong sen mo mig gi tshul// gung mo'i rtse la dril bu 'bar// rdo rje dbyings phyug phyag rgya yin// sngags dang phyag rgya 'di yis ni// sangs rgyas thams cad dgyes par 'gyur// las rnams thams cad 'grub pa dang // shi ba sos par gdon mi za// lAM dwe Sha ti// lag pa thal mo khong stong sbyar// spyi bo'i gtsug tu gzhag bya ste// thal mo'i rtse la 'khor dril 'bar/ nam mkha'i dbyings phyug phyag rgya yin// sngags dang phyag rgya 'di yis ni// drag po gtum po lhan ner

  30. 15b

    'gyur// zhi ba'i las la the tshom med// muM mo ha ra ti// lag gnyis rdo rje bcings pa las// gung gnyis bsgreng ba'i tshigs gsum par// mdzub gnyis bkug pa rdo rje'i tshul// rtse la rin chen dril bu 'bar// rin chen dbyings phyug phyag rgya ste// sngags dang phyag rgya 'di yis ni// srung ba'i las kun byed pa ste// 'di yis bsrung bar byas na ni// sangs rgyas kyis kyang mi tshugs so// b+hai rA ga ra ti/ rdo rje thal mo sbyar ba las// pad+ma kha phye'i tshul byas te// dkyil nas pad+ma'i dril bus mdzes// pad+ma dbyings phyug phyag rgya yin// sngags dang phyag rgya 'di yis ni// 'jig rten 'das dang 'jig rten pa// mos spyod chen po thob par 'gyur// tAM badz+ra rA ti/ thal mo khong stong sbyar ba las// mdzub mo bkug pa'i sen mo yis// sor mo gung mo'i rtse mo mnan// rtse la rgya gram dril bu 'bar// las kyi dbyings phyug phyag rgya ste// sngags dang phyag rgya 'di yis ni// sangs rgyas sems can thams cad kun// dbang du 'gyur bar the tshom med// k+ShiM hi rA dzA ya hUM// thal mo khong stong sbyar ba las// gung gnyis bsgreng ba'i tshigs gsum pa/ mthe bong mdzub mo sen mo bsnol// srin lag the'u chung nang du bcug/ rin chen myu gu'i tshul byas te// sa yi snying po'i phyag rgya yin// sngags dang phyag rgya 'di yis ni// zhi ba'i las la the tshom med// traM A gar+b+ha ya// lag

  31. 16a

    pa g.yon pa'i mthe bong gis// gung mo srin lag sen mos mnan// g.yas pa'i mthe bos mdzub mo mnan// lhag ma gsum po g.yon pa'i nang // shubs nas phyung ba ltar byas pa// ral gri'i tshul du byas pa ni// nam mkha'i snying po'i phyag rgya yin// sngags dang phyag rgya 'di yis ni// rgyas pa'i las la shin tu 'jig/ hri ha hUM pad+ma pA da ma// rdo rje thal mo dam bsnol nas// gung gnyis gshibs te tshigs chen bcag/ pad+ma'i tshul du rab mdzes pa// spyan ras gzigs kyi phyag rgya yin/ sngags dang phyag rgya 'di yis ni// dbang gi las la the tshom med// dz+hi ku ru pA Na hrI// rdo rje thal mo dam bsnol nas// gung mo gnyis bsgreng snying po la// mthe bong srin lag drang brkyang ste// mdzub mo mthe'u chung ra yi tshul// rdo rje rtse lnga'i tshul byas pa// phyag na rdo rje'i phyag rgya yin// sngags dang phyag rgya 'di yis ni// drag po'i las la the tshom med// me d+ha ra Ne swA hA// thal mo khong stong sbyar ba las// mthe bong gnyis 'khyud dbus bzhag snying po'i tshul// sor mo ut+pal gyes pa'i tshul// byams pa mai tri'i phyag rgya yin// sngags dang phyag rgya 'di yis ni// mtshan dang dpe byad sku yang thob// b+hI ni sma ram+b+ha ya swA hA// thal mo rgyab bsnol sor mor 'khyud// mtheb gnyis steng gi dkyil du gzhag/ chos kyi 'khor lo bskor ba'i tshul// sgrib pa rnam sel phyag

  32. 16b

    rgya yin// sngags dang phyag rgya 'di yis ni// rgyu 'bras chos kyi don rnams rtogs// hUM sa rA dzA ya// g.yas g.yon thabs dang shes rab las// lag pa'i rting pa dam sbyar nas// rdo rje sor mo drang brkyang ste// rin chen snye ma'i tshul du bya// kun tu bzang po'i phyag rgya yin// sngags dang phyag rgya 'di yis ni// sems can sangs rgyas sa la byang chub smin// mAM shrI aM ra gA ya// lag pa gnyis kyi rgyab sbyar te// mthe bong mthe'u chung so sor 'khyud// rtsa ba dam sbyar co to dgye// klu shing yal ga gyes pa'i tshul// 'jam dpal gzhon nu'i phyag rgya yin// sngags dang phyag rgya 'di yis ni// dge ba'i lo tog smin par mdzad// oM badz+ra lA s+ya sa ma s+t+waM// rdo rje khu tshur gnyis bcings te// mtheb gnyis drang du gyen du bsgreng // sen mo me long tshul du bya// lA s+ya ma yi phyag rgya yin// sngags dang phyag rgya 'di yis ni// rig pa'i ye shes chos kyi dbyings la gsal// oM rat+na mA le sa ma ya ho/ rdo rje khu tshur gnyis brkyang nas// mdzub gnyis bsgreng ba g.yas g.yon dgye// smin mtshams phreng ba 'dren pa'i tshul// mA le ma yi phyag rgya yin// sngags dang phyag rgya 'di yis ni// mi brjed pa yi gzungs kyang 'thob// hrI girti rA go& haM// g.yon brkyang mthe bong srin lag mnan te pi wang 'dzin// g.yas kyi srin mtheb gnyis kyis brdeb pa'i tshul// pad+ma gi rti'i phyag rgya yin// sngags

  33. 17a

    dang phyag rgya 'di yis ni// 'gro rnams kun la chos kyi sbyin pa 'gyed// AM nirti rA ga yA mi// g.yas g.yon thabs dang shes rab las// rdo rje rol pa chen po yis// dgyes pa chen po gar gyi tshul// las kyi ni rti'i phyag rgya yin// sngags dang phyag rgya 'di yis ni// bde gshegs kun dgyes spyan yang mnyes// oM badz+ra d+hU pe d+hu// rdo rje thal mo brkyang ba las// g.yas g.yon gnyis kyi srin mtheb kyis// spos khang yu ba 'dzin pa'i tshul// badz+ra d+hU pe'i phyag rgya yin// sngags dang phyag rgya 'di yis ni// snying rje'i don mthun 'gro don byed par 'gyur// oM rat+na puSh+pe pu// rdo rje thal mo phyir bkyed de// mtheb gnyis so sor 'khyud byas te// me tog 'thor ba'i tshul byas pa// badz+ra puSh+pe'i phyag rgya yin// sngags dang phyag rgya 'di yis ni// byams pa'i mchod sbyin thob par 'gyur// aM pad+ma A lo ke hrIH// rdo rje khu tshur gnyis bcings nas// mtheb gnyis bsgreng ba mar me'i tshul// A lo ke yi phyag rgya yin// sngags dang phyag rgya 'di yis ni// dga' ba'i mchog gi don spyod 'gyur// oM badz+ra gan+d+he gan// lag pa g.yon pa'i sor mo dgye// mtheb kyis mdzub mnan dung phor dbyibs// g.yas kyi sbom po dbang mos 'thor ba'i tshul// dri chab ma yi phyag rgya yin// sngags dang phyag rgya 'di yis ni// btang snyoms don gyi sgra snyan sgrogs par

  34. 17b

    'gyur// ts+tsha ts+tsha hUM/ badz+ra tsit+ta sa ma ya hUM/ rdo rje thal mo nang du bsnol// srin lag gnyis bsgreng rtse mo ste// mthe bong mthe'u chung gung mos 'khyud// rdo rje rtse lnga'i tshul du bshad// kun bzang bdag nyid yab kyi phyag rgya yin// sngags dang phyag rgya 'di yis ni// dngos po kun gcod ye shes ngang du mkhyen par mdzod// a a a badz+rI b+ha dra sa man+ta A// sor mo drang brkyang lag rting dgye// gung mo gnyis kyi rtse mo bsgreng // dril bu 'dzin pa'i tshul byas pa// kun bzang bdag nyid mo yi phyag rgya yin// sngags dang phyag rgya 'di yis ni// mtshan ma kun gcod chos kyi mtshan nyid gsal bar byed// oM mu ne kr-i swA hA/ g.yas g.yon sor mo drang brkyang ste// srin mtheb pi wang brdeb pa'i tshul// lha dbang brgya byin phyag rgya yin// sngags dang phyag rgya 'di yis ni// le lo brtson 'grus sa la 'khod// oM mu ne hUM hUM swA hA// rdo rje sor mo phan tshun bsnol// mtheb gnyis mdzub mo'i tshigs la sbrel// rdo rje go cha'i tshul byas pa// zags bzang ris kyi phyag rgya yin// sngags dang phyag rgya 'di yis ni// gang la bsrungs na mtshon mi tshugs// oM mu ne sruM swA hA/ rdo rje thal mo rting bsnol nas// mtheb gnyis dkyil bzhag srog shing la// sor mo gseg shang bum pa'i tshul// shAkya thub pa'i phyag rgya yin// sngags dang phyag rgya 'di yis ni// sdig pa kun spyod dge tshogs 'phel

  35. 18a

    bar mdzad// oM mu ne praM swA hA// rdo rje thal mo dam bsnol nas// gung mo srin lag brkyang sbyar te// glegs bam tshul du byas pa ni// shAkya seng ge'i phyag rgya yin// sngags dang phyag rgya 'di yis ni// rtag tu chos la longs spyod 'gyur// oM mu ne k+ShaM swA hA// rdo rje thal mo khong stong las// rtse sprad tshigs zur sgrom bu'i tshul// kha 'bar ma yi phyag rgya yin// sngags dang phyag rgya 'di yis ni// longs spyod mang po thob par 'gyur// oM mu ne ye swA hA// g.yas sor gdengs pa me ri ltar// g.yon gyi snyim pa chu yi tshul// glang mgo can gyi phyag rgya yin// sngags dang phyag rgya 'di yis ni// sdug bsngal kun las rab tu thar// hUM ya mAn+ta kr-ita dzaHphaT// rdo rje khu tshur nang du bsdam// mthe bong gnyis ni gyen du 'degs// thod pa nr-i mgo gdengs pa'i tshul// gshin rje 'joms pa'i phyag rgya yin// sngags dang phyag rgya 'di yis ni// bdud kyi tshogs kun skrag par byed// pra dz+nyAn+ta kr-ita hUM phaT// g.yas g.yon thabs dang shes rab las// gung gnyis gshibs pa'i rtse mor bya// mdzub mo mthe'u chung rwa yi dbyibs// rdo rje'i tshul du byas pa ni// stobs po che yi phyag rgya yin// sngags dang phyag rgya 'di yis ni// bdud kyi tshogs rnams 'joms par byed// pad+man+ta kr-ita hrI phaT// lag pa gnyis kyi rgyab sbyar nas// mthe'u chung lu gu rgyud du mdud// mdzub

  36. 18b

    gnyis rtse sprad zhags pa'i tshul// rta mchog dpal gyi phyag rgya yin// sngags dang phyag rgya 'di yis ni// bdud kyi tshogs kun dbang du sdud// oM big+h+nAM ta kr-ita ho phaT// sor mo phan tshun bsnol ba las// gung mo gnyis ni drang por brkyang // mdzub mo mtheb chung rtse sprad phyi ru 'gyed// mthe bong srin lag rtse sprad nang du btud// rdo rje rgya gram gyes pa'i tshul// bdud rtsi 'khyil ba'i phyag rgya yin// sngags dang phyag rgya 'di yis ni// bdud kyi tshogs rnams rdul du rlog/ badz+ra d+ha ra ma hA kro d+hi shwa rI dza la ni hUM phaT// rdo rje khu tshur rgyab sbyar te// mthe chung lu gu rgyud du mdud// mdzub gnyis rtse bkug lcags kyu'i tshul// rta gdong ma yi phyag rgya yin// sngags dang phyag rgya 'di yis ni// bde gshegs spyan 'dren snying rjes 'gro don mdzad// rat+na d+ha ra ma hA kro d+hi shwa rI dza la ni hUM phaT// gong gi phyag rgya de nyid las// mdzub gnyis rtse sprad zhags pa'i tshul// phag gdong ma yi phyag rgya yin// sngags dang phyag rgya 'di yis ni// sangs rgyas bzhugs su gsol ba dang // byams pas sbyin pa chen po mdzad// pad+ma d+ha ra ma hA kro d+hi shwa rI dza la ni hUM phaT// rdo rje khu tshur gnyis bcings te// mtheb mo 'dzub mo lu gu rgyud// lcags sgrogs tshul du byas pa ni// sbrul gdong ma yi phyag rgya yin// sngags dang phyag rgya 'di yis ni// rgyal ba brten mdzad kun kyang dga' bar

  37. 19a

    mdzad// karma d+ha ra ma hA kro d+hi shwa rI dza la ni hUM phaT/ rdo rje thal mo phan tshun bsnol// gung mo rtse sprad bsgreng byas te// rtse mo dril bu 'dzin pa'i tshul// seng gdong ma yi phyag rgya yin// sngags dang phyag rgya 'di yis ni// de bzhin gshegs pa mnyes mdzad 'gro don kun la snyoms// zhes rgyal ba rnams kyi sngags dang phyag rgya'i ngo bo dang / yon tan rnam par bshad do// rdo rje phur pa gsang ba'i rgyud chen po las/ sngags dang phyag rgya rnam par spros pa'i le'u ste lnga pa'o// // de nas yang rdo rje 'dzin pas/ bcom ldan 'das la 'di skad ces gsol to// kye ma'o bde gshegs bcom ldan 'das// sangs rgyas yab gyur dam pa'i bdag/ bdag la sogs pa'i 'khor rnams la// dbang skur byin rlabs tshul bzhin mdzod// ces bskul ba mkhyen te/ bcom ldan 'das kyis// hUM hUM hUM zhes brjod de/ 'khor gyi dkyil 'khor de dag dang gzhal yas khang nyid kyi thugs kar bsdu ba mdzad de/ rgyun lam dang gshegs shul nas yum gyi b+ha ga'i bstim gnas su 'khyil ba las/ thams cad lhag pa'i byang chub kyi sems chen por gnas par mdzad do// de nas hUM hUM ma hA ga Na sa ma ya ho// zhes pa'i sgra brjod cing / yab yum nyid kyang chags pa chen po'i chos nyid byang chub sems su gnas pa las/ cho 'phrul gyi sgra ru hUM hUM zhes bsgrag nas/

  38. 19b

    smon pa med pa'i gsung rtags kyi yi ge hUM hUM gnyis su gsal bar mdzad do// yang cho 'phrul gyi sgrar badz+ra dz+nyA na g+haN+Da zhes brjod pas/ mtshan ma med pa'i thugs rtags rdo rje dang dril bu gnyis su gsal bar mdzad do// de nas yang cho 'phrul sgrar hUM hUM hUM badz+ra tsit+ta hUM/ a a a badz+ra b+ha dra sa man+ta a/ zhes brjod de// rang bzhin med pa'i yab yum gyi skur gsal bar mdzad do// de nas yang / rjes su chags pa bskyed pa'i phyir na/ rdo rje dang pad+ma rgyas par mdzad pa'i cho 'phrul gyi sgra 'di brjod do// dz+nyA na badz+ra e IM hUM phaT/ e a A~M sa ma ya s+t+waM/ sa ma ya ho/ a nu rA ga yA mi/ a nu rA gA ya ho// de nas yang gsang ba'i byang chub sems las/ 'khor dkyil 'khor yum gyi mkha' la gsal bar mdzad pa'i cho 'phrul gyi sgra 'di brjod do// oM ma hA bo d+hi tsit+ta maN+Da la hUM hUM/ de nas yang b+ha ga gsang ba'i dkyil 'khor/ phyi'i dkyil 'khor du rnam par spros pa'i snying po 'di cho 'phrul gyi sgrar brjod do// hUM s+pha ra Na phaT dzaHzhes brjod de/ gsang ba'i dkyil 'khor chen po de rgyas par mdzad do// de nas yang sku dang gsung dang thugs rdo rjer byin gyis brlabs pa'i snying po 'di cho 'phrul gyi sgrar brjod do// IM na maHsarba ta thA ga ta ma hA kA ya badz+ra swa b+hA wa At+ma ko& haM// IM na maHsarba ta thA ga ta ma hA wAka badz+ra swa b+hA wa At+ma ma ko&haM/ oM na maHsarba ta thA ga ta ma

  39. 20a

    ha tsit+ta badz+ra swa b+hA wa At+ma wa ko&haM/ de nas yang 'khor rnams la rigs lnga sgra lnga ye shes lngas dbang bskur ba'i snying po 'di cho 'phrul gyi sgrar brjod do// oM ma hA shU n+ya tA dz+nyA na badz+ra swa b+hA ba wa AH ko&haM/ IM ma hA A daR+sha dz+nyA na badz+ra swa b+hA wa At+ma ko&haM/ IM ma hA pra t+ya bek+Sha Na dz+nyA na badz+ra swa b+hA wa At+ma ko&haM/ oM ma hA sa ma tA dz+nyA na badz+ra swa b+hA wa At+ma ko&haM/ oM ma hA kr-i t+ya nuSh+Tan dz+nyA na badz+ra swa b+hA wa At+ma koH haM// zhes gsungs te/ byin gyis brlabs shing dbang bskur bas/ 'khor rnams 'gro ba'i don la thogs pa med par byin rlabs dang yang ldan/ dbang yang thob nas/ thugs rje chen pos 'gro ba'i don mdzad pa la rag par gnas so// rdo rje phur pa gsang ba'i rgyud chen po las/ byin gyis brlabs pa dang dbang bskur ba'i le'u ste drug pa'o// // de nas yang rdo rje 'dzin pa'i rgyal pos/ bcom ldan 'das la 'di skad ces gsol to// e ma ho// rnam par dag pa'i lam// sangs rgyas kun gyi sku yi mchog/ sna tshogs las byung khyod la 'dud// sangs rgyas kun gyi gsung gi mchog/ rnam dag sgra chen khyod la 'dud// sangs rgyas kun gyi thugs chen po// ye shes gtso mchog khyed la 'dud// chos kyi 'khor lo rab bskor ba'i// sangs rgyas 'khor lo khyod la 'dud// yid bzhin re ba kun skong ba'i// nor bu 'dzin pa

  40. 20b

    khyod la 'dud// 'dam skyes pad ltar sku 'khrungs pa'i// pad+ma 'chang ba khyed la 'dud// 'gro ba tha dad 'dul ba'i bye brag can// sna tshogs 'chad pa khyod la 'dud// 'dul ba'i thabs ni sna tshogs kyis// 'gro ba sna tshogs 'dul ba la// sku gsung thugs kyis sprul pa yis// thugs rjes 'gro ba'i don mdzad rigs// zhes gsol pas// bcom ldan 'das kyi bskul ba thugs su chud de// la lar sku yis don mdzad pa// 'gro rnams kun la sdig spong gzugs// sbrul skus so sor 'dul ba ni// dmyal ba rnams la gshin rjes 'dul// sgrib pa rnams la kha 'bar gzugs// dud 'gro rnams la seng ge'i gzugs// mi rnams kun la 'jig rten du// 'khor los sgyur rgyal lta bu'i gzugs// lha min rnams la thags bzang ris// lha rnams la ni brgya byin gzugs// tshangs ris rnams la lha chen gzugs// chags bral rnams la dgra bcom gzugs// rang rgyal rnams la bse ru'i tshul// sa bcu'i byang chub sems dpa' la// sku ni rnam par snang mdzad tshul// 'gro rnams ji ltar 'dul ba las// mthun byas sku ni sna tshogs 'dul// 'gro rnams ji ltar 'dul ba bzhin// chos kyi 'khor lo sna tshogs ni// la lar sde snod gsum dag tu// bsdus nas chos kyi 'khor lo bskor// la lar gsung rab bcu gnyis su// la lar stong phrag brgyad cu

  41. 21a

    bzhi// la lar brgyad khri bzhi stong du// gti mug mdongs pa'i 'gro gang la// sangs rgyas 'khor los 'khor lo bskor// zhe sdang can la rdo rje 'dzin// nga rgyal can la rin po che// 'dod chags can la pad+ma 'chang // phrag dog spyod pa'i las goms par// sna tshogs rdo rje 'khor lo bskor// 'gro ba'i skad rnams ji tsam par// de snyed sgra skad sna tshogs ston// la lar lhums na gnas pa'i tshul// la lar lhums nas gshegs par ston// la lar khyim pa lta bu'i tshul// la lar khab nas rab tu byung // la lar dka' thub dka' ba spyod// la lar byang chub mchog sems bskyed// la lar bdud bzhi 'dul bar ston// la lar rdo rje gdan la gshegs// la lar byang chub shing dbang drung // la las bskul ba'i sa las bzhengs// la lar rnam pa bcu gnyis su// lan gsum dag tu 'khor lo bskor// la lar cho 'phrul chen po ston// la lar mya ngan 'das tshul ston// la lar sku gdung ring bsrel ston// la lar chos kyi glegs bam ston// la las phyi rol 'byung ba'i las// chos dang mthun pa'i sgra skad 'byung // la lar mu stegs lta bu'i tshul// la lar 'jig rten bsam gtan tshul// la lar sa bcu rim gyis 'byung // la lar spyan lnga rnam par dag/ la lar mngon shes pha rol phyin// la lar khyab 'jug dbang phyug che// la lar 'jig

  42. 21b

    rten skyong ba'i tshul// 'gro rnams ji ltar 'dul ba bzhin// byin rlabs cho 'phrul ji ltar ston// zhes sku gsung thugs kyis 'gro ba'i don mdzad pa las/ 'khor der 'dus pa'i byang chub sems dpa' rnams ngo tshar du gyur te/ bcom ldan 'das la mgrin gcig tu 'di skad ces gsol to// e ma ho// gsang ba mchog gi bdag/ ngo mtshar 'byung ba khyod la 'dud// e ma ho gsang sngags ngo mtshar che// e ma ho ston pa'i cho 'phrul che// e ma ho ngo mtshar cho 'phrul che// e ma ho sngags kyis mi 'dul med// 'di ci ya mtshan ngo mtshar ro// zhes gsol pas// bcom ldan 'das kyis bka' stsal pa// rigs kyi bu tshur gshegs shig/ gsang ba'i theg pa 'di nyid la// su zhig mos pa'i skyes bu des// mi bya ba ni gcig kyang med// mi bsgrub pa ni gcig kyang med// rtag tu gsod la brtson pa dang // ma byin blang dang mi tshangs spyod// rdzun dang phra ma ngag rtsub dang // zas su sha dang bshang gci dang // rnag khrag don mo 'thung ba dang // ngan zos ngan spyad thams cad kyis// gsang ba 'di nyid 'grub par 'gyur// pha dang khu bo mes po dang // bu dang spun dang mdza' bo rnams// zhe sdang sems kyis gsad byas na// rdo rje rigs kyi zhing du 'khrungs// ma dang sring mo bu mo dang // gdol pa mo dang phyal ba mo// 'dod pa'i sems kyis sbyor na ni// pad+ma'i rigs su

  43. 22a

    skye bar nges// zhes gsungs pas/ 'khor gyi byang chub sems dpa' de dag skrag sngangs te brgyal bar gyur to// de nas yang rdo rje 'dzin pa chen pos 'di skad ces gsol to// bcom ldan 'das thugs rje chen po thabs mkhas pa'i bdag nyid rtog pa dang bcas pa'i byang chub sems dpa' de dag/ slar gsos te rtog pa stsal du gsol zhes zhus pa dang / bcom ldan 'das kyis bskul bar mkhyen te/ de nas byang chub sems de kho na nyid kyi ting nge 'dzin la zhugs te/ byang chub sems kyi 'od zer 'phro zhing 'khyil ba de/ byang chub sems dpa' rnams la bstims te/ byin gyis brlab pa mdzad nas/ byang chub sems dpa' de dag slar dran pa rnyed nas/ bcom ldan 'das kyi zhal du mig mi 'dzum par bltas te 'khod do// de nas bcom ldan 'das kyis 'di skad ces bka' stsal to// rigs kyi bu rnams rang rang gi 'du shes ngan pa de thong zhig/ byang chub spyod pa'i gnas 'di yin// thams cad nam mkha'i mtshan nyid de// nam mkha' la yang mtshan nyid med// de nyid 'jig rten sna tshogs te// phyag rgya'i tshogs chen de nyid do// chos rnams sgyu mar dbang bsgyur bas// de la dngos po ga la yod// ci spyad ci bsgoms ci bsgrubs kyang // de la dngos po yod mi 'gyur// byang chub nyid de ltung gnas med// dmyal ba'i gnas nyid bla med

  44. 22b

    gnas// sdug bsngal nyid na byang chub sems// 'khor ba nyid na mya ngan 'das// sgrib pa nyid na mngon sangs rgyas// byang chub spyod sgo ji snyed pa// de snyed 'bras bu bde la 'khod// nges don de la 'dus par byos// zhes gsungs pas// byang chub sems dpa'i de dag som nyi dang bral nas/ rang rang gi de bzhin la dmigs nas 'khod do// de tshe 'gro drug sems can rnams// las kyi stobs kyis dbang bsgyur yang // log lha'i mthus bsnyems ma dad pa// ji snyed gnas pa thams cad kun// sangs rgyas bstan la dad par gyur// rdo rje phur pa gsang ba'i rgyud chen po las/ 'gro ba thams cad 'dul ba la ma dad pa'i rgyu 'byung ba'i le'u ste bdun pa'o// // de nas yang rdo rje 'dzin pa'i rgyal pos/ bcom ldan 'das la 'di skad ces gsol to// e ma ho gsang ba mchog gi bdag/ byang chub spyod pa'i lam mchog la// 'gro ba ji snyed dad pa las// las kyi log lta ma dad pa'i// rgyu dang rkyen ni ji ltar lags// ma dad pa ni ci yi phyir// rigs dang sde ni gang du gtogs// 'bras bu smin pa ji ltar lags// zhes gsol pa dang // bcom ldan 'das kyis bka' stsal pa// dka' 'thub can gyi sems can de// legs pa'i rgyu las ma byung ste// med pa'i gzung 'dzin rtog ngan rgyu// rkyen ni chags sdang spyod la zhe na// lta ba log pa nyon

  45. 23a

    mongs lnga// de yi las kyi dbang btsan pas// 'bras bu ma dad rgyu ru smin// rigs ni 'khor ba'i rigs chen te// sde ni gdol pa'i 'byung por gtogs// zhes gsungs so// de nas yang rdo rje 'dzin pas// bcom ldan 'das la 'di skad ces gsol to// log pa'i sems can chen po de// ci yi thabs kyis dad par 'gyur// ma dad nges na ji ltar gdul// btul na yon tan ji ltar 'thob// ma btul ma dad skyon ni ci// zhes gsol pas// bcom ldan 'das kyis bka' stsal pa// log lha'i mthus bsnyems sems can de// bden pa'i gzhung gis gdul bar bya// ma btul ba yi skyon bstan na// phyin ci log tu chos spyod nas// lha dang mi yi srid brlag ste// kha lo log par bsgyur nas kyang // sangs rgyas dman rigs su lus la// sems can kha lo log par bsgyur nas kyang // don la ma dad skyon yod do// btul na yon tan dpag med de// dus gsum rtsad gcod 'khor ngos sprug/ 'khor ba chos nyid chen por 'gyur// sangs rgyas zhing khams rab tu rgyas// btul bas don la dad par 'gyur// zhes gsungs so// de nas yang rdo rje 'dzin pas 'di skad ces bskul lo// e ma ho bde gshegs bcom ldan 'das// ma dad pa yi sems can chen po de// las la bab pa'i thugs rje yis// bde ba chen po'i gzhung bkon nas// bde

  46. 23b

    chen sa la dgod du gsol// zhes bskul bas bcom ldan 'das kyis mkhyen nas/ sprul pa'i thugs kyi cho 'phrul mdzad de/ ye shes kyi sprin mgon ni dbyar gyi char sprin bzhin gtibs/ chos nyid drod chen po ni nam mkha'i rlan bzhin du g.yos te/ sprul pa'i sku char gyi rgyun bzhin du babs pa ni// dpe byad kyi sku la mtshan gyi me tog chags par mdzad/ gsung chags pa med pa'i tshangs pa'i dbyangs kyis chos kyi bye brag sna tshogs bsgrags nas/ bden pa'i gzhung gis 'dul bar gzas na/ rU tra nag po des se gol lan gcig brdabs nas mi 'dul mngon pa'i nga rgyal skyes te/ go'u ta ma khyod kyis bdag 'dul ba ma lags sam/ khyod rang rang gi gnas su dka' thub kyi bde ba la gnos shig/ ces zer te ma nyan to// rdo rje phur pa'i gsang ba'i rgyud chen po las/ bde ba chen po'i gzhung gis ma dad pa gdul bar gzas pa'i le'u ste brgyad pa'o// // de nas yang rdo rje 'dzin pas 'di skad ces bskul ba mdzad de// kye ma'o sangs rgyas mang po'i tshogs// snang ngo kun tu rab tu 'dir// srid pa'i log pa gdug pa can// 'khor ba'i sa bon rtsub mos 'phangs// sdug bsngal chen po yi dwags te// las kyis 'jig rten khams 'dir byung // drag po rang gi dka' thub kyis// srid pa gsum gyi bdag por smin// drag po rU tra'i gdug dpal

  47. 24a

    gyis// 'gro rnams thal rlog 'jigs byed 'di// gdul bar bya ba'i 'os mchog ste// snying rje'i bdag po kun 'dus la// sdug bsngal lam gyi rgyun bcad de// bde chen sa la gzhag par rigs// zhes gsol to// bde bar gshegs pa rnams kyis/ bskul ba'i don de thugs su chud de/ zhi ba dang bden pas mi 'dul bar dgongs nas/ 'gro ba dang tshul bstun te gdan tshogs chen po bcas te/ 'di skad dag gi 'gro ba mdzad de/ bcom ldan 'das zhe sdang chen po'i tshogs kyis bgros pa// kye 'dus pa'i tshogs chen po dag/ 'das pa'i dus nas sngon byung ltar// da ltar dus 'dir byung ba ste// bde bzhin gshegs pa'i gsung rab las// bdag nyid chen po rtag pa yis// khro bo'i tshul du sngon byung ba// de tshe sems can thams cad ni// shin tu khro drag gtum pa yis// 'o dod 'bod par ltung bar 'gyur// mi bzad chen pos sdug bsngal te// dug gsum sa la mngon zhen pa'i// ji lta ba yi thabs kyis gdul// zhes bgros so// bcom ldan gti mug chen po'i tshogs kyis bgros pa// shin tu gtum pa'i sems can de// ji ltar de dag bzhag gyur na// bag chags ngan pa'i chu rlan gyis// bdud kyi tshogs su mngon 'phen nas// rig 'dzin pa yi rgyud gcod cing // bstan pa'i gsung rab 'jig 'gyur bas// de tshe las kyi

  48. 24b

    mun pa yis// 'gro ba ma rig mun par 'khyams// dug nad rims nad phra men ma// gnod sbyin gdon dang log 'dren nyid// srid pa gsum po 'joms byed cing // dam tshig gnyen po 'dral byed pa// ji lta ba yis thabs kyis gdul// zhes bgros so// bcom ldan 'das nga rgyal chen po'i tshogs kyis bgros pa/ 'das pa'i dus na sngon phyung ba// las kyi gdug pa'i rA tra de// rgyal ba 'dus pa'i sbyor ba yis// ji ltar khro bdag gtum pa ltar// da ltar tshe 'dir byung ba ste// dug gsum brtsegs pa'i ri bo 'di// 'bar khro 'khrugs pa'i sbyor ba yis// ji ltar 'tshams pa bzhin du 'os// sangs rgyas thams cad 'dus nas kyang // khros pa'i sprin nag gtibs pa yis// mngon spyod 'bar ba'i thabs chen gyis// 'khor ba bsgral ba'i dus la bab// ces bgros so// bcom ldan 'das chags pa chen po'i tshogs kyis bgros pa// shin tu gdug cing gtum pa la// zhi bas phan par mi 'gyur te// shes rab thabs kyis ngo bo las// khro bor de bzhin gshegs kun bya// khro bo'i tshul can khros pas kyang // 'jig rten gsum dag sreg byed nan// sangs rgyas thugs rje khros pa yis// khams gsum ma lus smos ci dgos// zhes bgros so// bcom ldan 'das phrag dog chen po'i tshogs kyis bgros pa ni// rang bzhin dag pa'i ngo bo las// log rtog

  49. 25a

    phyin ci log gis bcings// dngos por rang gar zhen pa yis// gdul dka' ma lus 'dul ba dang // dam tshig la sdang rnam sbyong phyir// dur khrod gar gyi phyag rgyar mdzod// ces bgros so// rdo rje phuphur pa gsang ba'i rgyud chen po las// zhi bas mi 'dul bar dgongs nas// bde bar gshegs pa rnams kyis bka'i mol ba mdzad pa'i le'u ste dgu pa'o// // de ltar bgros pas rigs lnga'i bde bar gshegs pa de dag dgongs pa gcig tu gyur te/ log pa'i spyod pa can dngos po'i lam la mngon par 'chel ba/ mngon pa'i nga rgyal gyi mthus bsnyems nas/ sangs rgyas kyi bstan pa la mngon par ma dad pas// 'jig rten phung bar byed pa rnams/ zhi bas phan par byed pa'i skal ba la ma bab ste/ rol pa'i mdzad spyod kyis gdul bar gzig te/ thams cad dgong pa gcig tu gyur to// de nas bcom ldan 'das kyis hUM hUM zhes brjod pas/ rigs lnga'i bde bar gshegs pa la sogs pa'i 'khor thams cad gnas kyi dkyil 'khor la sogs thams cad nyid kyi thugs kar bsdu ba mdzad de/ gnyis su med pa'i chos kyi dbyings kyi nga du mi snang bar mdzad nas// chos nyid de bzhin nyid la dmigs te gnas so// rnam par mi rtog pa'i ye shes kyi rdo rje chen po des/ chos kyi dbyings de kho na nyid las khros pas/ nyon mongs pa zhe sdang la

  50. 25b

    sogs pa ngang gis mi gnas pa'i de bzhin nyid dang / don de nyid kun la khyab cing gsal ba'i kun tu snang gi ting nge 'dzin/ snying rje chen po dang gsal ba nyid du kun la khyab pa ni/ nam mkha'i mtshan nyid lta bu la mngon par 'du mdzad de/ nam mkha' mtshan ma med pa las/ mtshan ma'i rgyu'i snying po yi ge hUM sngon po// ye shes can gyi 'od du 'bar bar shar te/ des rnam par mi rtog pa'i ye shes 'od du mtshon cing 'dzin rtog zil gyis gnon pa'i ting nge 'dzin to// srog gi go ru rtogs pa'i hUM de las/ snod kyi 'jig rten gzhal yas khang du shar bar mdzad pa'i phyir/ mi rtog pa la gnas pa'i hUM de las/ cho 'phrul gyi sgrar snying po 'di rnams ched du brjod do// e ag+ne dza la maN+Da la e/ yaM karma rak+Sha haM/ ra rak+ta sa man dza la maN+Da la/ su badz+ra su me ru/ keng ni ri ti keng / raM dze la raM/ zhes bsgrags pas/ zhe sdang 'bar ba'i nam mkha' la// phrag dog 'bar ba'i tshubs mar ldan// chags pa rak+ta'i rba klong 'khyil// gti mug chen po'i sa gzhi la// nga rgyal chen po'i me ri 'bar// zhes pa ste/ dbang chen yum lnga'i nam mkha'i ngo bor shes par mdzad pa ni/ 'byung ba yum gyi gzhal yas khang mngon par shar bar mdzad do// de las yang b+h+rUM bi shra bi shud+d+he hUM zhes pas/ ye shes lnga ldan rin chen lnga yi brtsig pa la// phyi dang nang med kun tu snang bar mdzes pa

  51. 26a

    yi// rta babs la sogs rin chen rgyan dang rgyan gyis brgyan pa yi// 'dod yon lnga dang rol mo'i tshogs su bcas// zhes pas// rin chen 'bar ba'i gzhal yas khang mngon par shar bar mdzad do// b+h+rUM b+han+na dz+nyA na badz+ra b+h+rUM/ zhes pas/ b+han+d+ha skam rlon mang po'i brtsig pa la// gnam lcags ngur mo 'bar ba'i gzer chen btab// gzungs su 'dzin pa'i rgyu phreng chen po dang // kha nas me 'bar sna nas dud 'thul te// mAM sa'i sa gzhi rak+ta'i rgya mtsho dang // dri chen skyang nul dri chu'i zham chu chag chag dang // rnag dang chu ser chol bur 'khyil// mi 'gyur btab pa'i ka gdan la// zhing chen ka ba lha chen ka zhu btsug/ mchog chen gdung bres mchog bran phyam bkram ti ra'i dral bkod nas// zhing chen bla re tsit+ta'i tog/ nya chen 'phen dang chu srin za ra tshag/ zhing chen khog stod khog smad dam dum ral rol dang // grags grugs lang ling gsur chen du ba la// dur khrod bya rnams ha ha ru lu'i sgra skad di ri ri// thabs dang shes rab gsal ba'i nyi zla mthongs nas 'char// rnam thar chen po bzhi yi sgo bzhin// bdud las rnam par rgyal ba'i rgyal mtshan btsugs/ zhes pas ma dad pa de dang tshul bstun pa'i phyir na dur khrod 'bar ba'i gzhal yas khang du shar bar mdzad do// de nas yang e baM ma ya ra dza la raM zhes pas// gru gsum mthing

  52. 26b

    nag drag po ste// zla gam dmar po dbang gi tshul// mu khyud zlum po zhi ba'i ngang // brub bzhi ser po rgyas pa'o// spug nag gru gsum 'bar ba lha yi bzhugs gnas te// ye shes 'bar ba'i 'od zer phyogs bcur 'phro// phyi ni yid bzhin rin chen te// nang gi dur khrod 'bar ba'o// zhes pas gdan tshogs dang 'jigs byed 'bar ba'i gzhal yas khang du shar bar mdzad do// de nas yang ma a pa sUr+ya tsan+da pad+ma maN+Da la zhes pas/ rtag pa zil gyis gnon pa'i nyi ma dang // chad pa zil gyis mnan pa'i zla ba dang // rtag chad skyon gyis ma gos pad+ma ste// zil gnon gdan du mngon par shar bar mdzad do// de las hUM sa ma tiSh+Tha badz+ra hUM zhes pas// cho 'phrul gyi sgra bsgrags shing // gdan gyi ge sar la rgyu yi hUM nyid shar te// bcud kyi 'jig rten thams cad yi ge hUM du shar bar mdzad do// hUM de las de bzhin gshegs pa thams cad kyi thugs kyi go ru rtogs par mdzad do// badz+ra dz+nyA na badz+ra e zhes pas/ ye shes kyi rdo rje rtse dgu pa'i lte ba la hUM gis mtshan pa gcig tu mngon par 'du mdzad do// de'i tshe 'khor ba dang mya ngan las 'das pa'i chos thams cad/ thugs phyag mtshan rdo rjer gnas par gyur to// de las dz+nyA na satwa kI la ya hUM zhes pas/ rdo rje de nyid la sangs rgyas dang sems can thams cad thun mong dang thun mong ma yin pa'i snying rjes

  53. 27a

    bsgral ba'i sku mngon par 'du mdzad de// lus yod na grib ma yod pa'i tshul du yum dam tshig gi phyag rgya yang mngon par 'du mdzad do// de'i tshe chos thams cad sku phra mo'i ngang du gsal ba las/ oM badz+ra kI li kI la ya sarba big+h+nAn baM hUM hUM phaT/ dip+ta na tsakra ha na ha na hUM phaT// ces cho 'phrul gyi sgra bsgrags te/ phyag rgya chen po yab yum gnyis kyi sku mngon par 'du mdzad do// de'i tshe chos thams cad yab yum phyag rgya chen por thams cad sangs rgyas par mdzad de/ de yang sangs rgyas dang sems can kun/ kun rtog gi zhe sdang gis bsad cing mnan pa ma yin te// b+h+rUM IM AM hUM swA hA/ badz+ra rat+na tsakra pad+ma khaD+ga kA ya wAka tsit+ta gu Na karma/ dz+nyA na swa b+hA wa at+ma ko&haM/ zhes pas// sangs rgyas thams cad bsdus pa'i ngo bo// dbu la rdzogs pa'i rigs lngas bsrung ba dang / dbang bskur bar mdzad do// yang IM AHhUM kA ya wAka/ tsit+ta badz+ra swa b+hA wa At+ma ko&haM/ zhes pas// dus gsum gyi chos ma lus pa'i ngo bo// sku gsung thugs rdo rjer sbyin gyis brlab pa mdzad do// hUM hUM hUM a mr-i ta su ti pri du kI la ya hUM tung zhes pas/ srid pa gsum gyis bsdus pa'i sems can gyi ngo bo// byang chub sems dpa'i rang bzhin rnams/ bka' nan gyi tshul gyis sku la brgyan par mdzad do// de'i tshe na zag pa med pa'i sku rdo rjes gtam par mdzad do// de nas yang

  54. 27b

    dz+nyA na sa twa ki la ya hUM zhes pas/ de bzhin gshegs pa thams cad la sems dpa'i ngo bo dang / oM badz+ra kI li kI la ya sarba big+h+na baM hUM hUM phaT// ces pas/ de bzhin gshegs pa thams cad kyi snying po dang // sngags kyi ngo bo dang / oM hUM hri phaT ces pas/ de bzhin gshegs pa thams cad kyis mngag pa sgo srung dbang gi rgyal po dang // dz+nyA na badz+ra A~M hUM phaT// e a oM zhes pas ye shes/ de bzhin gshegs pa thams cad kyi mkha' dang / gsang ba'i ngo bo mngon par 'du mdzad de/ rnam par shes pa'i ngo bo dang de'i rkyen dang / de'i rtags 'byung khungs dang / de'i gnas bsrung ba ste/ thams cad rdo rje'i rang bzhin du dgongs par mkhyen to// ma dad pa'i sems can chen po de dang tshul mthun pa'i phyir na/ zhal gsum g.yas dkar g.yon dmar dbus mthing nag/ rol pa chen po'i phyag drug dang // brjid pa'i dor thabs zhabs bzhi dang // sku yi bem ldir che ba dang // gsung gi tsham rngams bsgrags pa dang // thugs kyi dgongs pa chen po dang // dpa' zhing shin tu brjid pa'i cha byad do// de nas dregs pa chen po des/ srog bcad pa'i khrag rjes yod pa de dag gis thugs rje chags pa'i rtags su sku la brgyan no// thal ba'i tshom tshom yod pa de dag gis mtshan ma spros pa med pa'i don gyis nyid la brgyan no// zhag dang bcud kyi khyal khyil ni//

  55. 28a

    don dam bcud kyi rang bzhin gyis khros pa'i sku la byugs so// dka' thub can gyi sems can de'i bgo ba'i bye brag la/ mun pa glang gi ko shun ni stobs bcu rdzogs pa'i na bzar sprul gsol// chags pa'i zhing chen ni// tshul khrims rnam par dag pa'i chos gos su mnapa/ zhe sdang rdzongs la zhen pa'i stag lpags ni/ dpa' gtum gyis 'gro ba'i don la thabs mkhas pa'i sham thabs su brgyan no// yang nga rgyal gyi drod 'bar ba ni// ye shes me yi dkyil 'khor 'bar ba dang // 'phro ba 'du bsreg pa dang // klong ba 'khyil pa mi bzad ste// nyid kyi sku la gnas par mdzad/ gdug pa can rtag chad kyi mtha' la mngon par zhen pa de/ zil gyis gnon cing spa bkong ba'i phyir/ rdo rje'i gshog pas 'jig rten gyi khams khengs pa yang khros pa nyid la rgyan mdzes par mdzad do// zod pa skam rlon gyi phreng zod de dag ni/ dus gsum sangs rgyas sku gsum gyi rang bzhin du byin gyis brlabs kyis khros pa nyid kyi rgyan du byas so// gdug cing zhe sdang ba'i sbrul bkris la sogs pa de dag ni/ mnyen lcug yum bzhi'i gzungs su byin gyis brlabs te/ phrin las rgya mtshos 'gro ba'i don mdzad pa'i rtags kyis khros pa nyid la brgyan no// gzung 'dzin la zhen pa'i sgra shin tu 'jigs pa de yang / zil gyis mtha' gnyis gnan pa'i phyir//

  56. 28b

    nyid la 'khyil bar mdzad de/ 'dod pa'i yon tan dang / kho'i longs spyod pa'i bye brag la 'dod pa'i rgya mtsho las ma thar pa'i phyir na/ kho'i gnas 'khor na khrag gi rgya mtsho 'khyil pa de dag ni/ khros pa'i rgyal pos pad+ma rak+ta las bdud rtsi sna tshogs su sprul te gsol to// nyon mongs pa la mngon par 'chel ba'i/ mi gtsang ba'i 'dam rdzab de dag ni/ dri chen las bdud rtsi sna tshogs su sprul te gsol lo// zhe sdang gi rdzongs la zhen pa'i go ro tsa na dang rkang rus kyi bcud de dag/ byang chub sems las bdud rtsi sna tshogs su sprul te zhal du bzhes so// rnag dang chu ser gyi zham chu 'bab pa de dag ni/ rdo rje dri chu las bdud rtsi sna tshogs su sprul te zhal du bzhes so// bsgral ba'i don 'chel ba'i sha dang 'bu shin tu che ba de dag ni/ mAM sa las bdud rtsir sprul te zhal du rol lo// khros pa'i rgyal pos/ dregs pa'i sems can de'i gnas khang dang tshul bstun pa'i gzhal yas ni gsal bar mdzad/ lus ngag gi rgyan gdos pa dang bcas pa de dag ni/ sku gsung thugs kyi rgyan du don dang bstun/ zag bcas kyi longs spyod de dag ni/ zag med kyi bdud rtsi mdzad de/ gdug pa de dag dang tshul bstan te/ kho'i gdos pa de dag dang bstan par bzhed pas/ kho chags sdang la zhen pa'i dbang gis ma dad de/ nga rgyal gyi de'u ma tshogs/ gti mug gi mun pa ma sol/

  57. 29a

    chags pa'i 'dam las ma thar/ zhe sdang gi mnar sems dang ma bral/ phrag dog gdug rtsub ma zhi nas/ phan zhing zhi bar ma gyur to// de tshe stong gsum 'jig rten kun// thugs rje chos kyi char gyis brlan// sman dang 'bru rnams thams cad kun// 'gro ba'i gsos su byin brlabs te// rtsa ba sdong po dar ba dang // yal ga lo ma me tog dang // snying po 'bras bu bcas par smin// 'gro drug sems can thams cad kun/ ra sA ya na'i rdzas la spyod pa las// dka' thub can de de nyid bdud kyi lta ba la mngon par dad pas/ chags sdang gi rang bzhin longs spyod par dad pa las/ thams cad 'khor ba bdud dang 'dra ba'i zas rnams thugs rje'i rtsi btang bas/ thams cad bdud rtsi'i zas la rol te spyod pa las/ dregs pa de nyid nges pa kho nar dad par ma gyur to// de nas khros pa'i rgyal po des ma dad pa de'i gzung 'dzin dang rtag chad kyi mtha' bsal ba'i phyir// brgyad khri bzhi stong chos kyi sgo mo dang // theg pa chos kyi brag dang // yan lag bcu gnyis rnam grangs te/ drang ba'i don phyir nges don gsungs pa las/ 'gro kun da cing grol ba las/ dka' thub can de nges par ma grol ma dad do// de nas rdo rje khros pa'i rgyal po des/ dregs pa pho mo rnams kyi chags par 'dod pa de zhi bar bya ba'i phyir na/ hUM hUM hUM e a ra li ru lu ru

  58. 29b

    lus ma ya dza zhes brjod pas/ dregs pa'i ma dang sring mo dang bu mo dang sles mo dang bran mo dang chung ma rnams/ srog gi snying pos ma bzod nas/ rdo rje khros pa'i thad du yud tsam gyis phyin pa las/ gsung ma chags pa'i tshangs pa'i mgur ni bzhes/ zhal bzhad spyan gzigs smin rings 'gyur// rol pa'i mdzad spyod rnam par stegs pa las/ dregs pa mo rnams 'khor ba'i rgya mtsho las ma thar nas/ rdo rje khros pa'i sku kun gyi thad thad du 'khril ba las/ rdo rje khros pa'i rgyal pos ma chags pa thabs kyi sbyor ba kun la mdzad de/ chags pa'i rgyu'i sa bon de chos nyid byang chub sems kyi 'od zer du spros pa las/ dregs pa mo rnams chags pa'i 'dod chags pa/ mchog tu yang dag par skyes nas gnas so// de'i dgyes pa'i byang chub sems kyi sprin las/ ha ha ha ha/ ha ha ha ha zhes brjod pa las/ dkar mo dang ni rkun mo dang / gtum mo dang ni rmongs mo dang / ro langs ma dang / lcam mo dang / thal byed sme sha ma tshogs rnams/ re re la yang tshogs bsam gyis mi khyab pa dang / rang rang gi cha lugs lag cha stan dang bcas te/ 'bar ba'i dkyil 'khor du 'khod do// yang dgyes pa'i byang chub sems kyi sprin las/ he he he he he he he he/ zhes brjod pas/ seng gdong wa gdong stag gdong khyi gdong dang // bya rgod gdong dang dur bya'i gdong // bya rog

  59. 30a

    gdong dang 'ug pa'i gdong / re re la yang tshogs bsam gyis mi khyab pa dang / cha lugs dang lag cha stan dang bcas te 'bar ba'i dkyil 'khor du 'khod do// yang dgyes pa'i byang chub sems kyi sprin las/ phaT phaT phaT phaT ces brjod pas/ rta gdong phag gdong seng gdong sbrul gdong rnams/ re re la tshogs bsam gyis mi khyab pa dang / cha lugs dang lag cha stan dang chas nas 'bar ba'i dkyil 'khor du 'khod do// yang dgyes pa'i sprin las/ dzA dzA dzA dza/ dzA dzA dzA dza/ zhes brjod pas/ rdo rje pho nya drug cu'i tshogs rnams gong bzhin no// yang dgyes pa'i sprin las/ ha ha ru lu hUM zhes pas/ pho ging dang mo ging rnams kyang gong ma bzhin no// de nas 'dod pa zhi ba dang / ma hA rak+ta kro tI phaT ces pas/ dregs pa mo rnams rang rang gi gnas khang ga la ba der yud tsam gyis rdzu 'phrul gyis phyin par bkye'o// de nas dregs pa chen po des shin tu yang mi dga' ba'i 'du shes skyes nas/ 'jig rten gyi khams na bdag las khyad par can med na/ bdag gi gnas khang dang cha lugs dang byed spyod dang yo byad rnams byin nyams la/ khros pa de ni gzi byin dang ldan/ ma la sogs pa rnams kyang kho'i tshig nyan par gyur to// sngon ma mthong ba'i sems can mang po yang gnas 'khor 'dir byung / kho bo rang lugs kyi chos la yang khros pa'i

  60. 30b

    rgyal po de bden pa'i gzhung med par sma na/ ji ltar srog snyam pa las/ dregs pa de zhe sdang gi me chen ni sbar/ chags pa'i rgya mtsho ni gting nas g.yos/ mun pa'i skar khung ni char sprin ltar gtibs/ phrag dog gi zug rngu ni bslang / nga rgyal gyi de'u bskyed de/ nyong mongs pa'i sgra ru ru lu ru lu ni sgrogs/ gdug pa'i lag cha kha T+wAM ga 'khrol zhing spogs par gzo ba las/ rdo rje khros pa'i rgyal pos// rak+Sha tri gu sa ma ya mu dra'i sgra bsgrags pas/ kha T+wAM ga'i lag cha de nyid phrog nas/ rgyal byed rtags kyi phyag mtshan du phyag drug g.yon gyi bar bar bsnams so// rdo rje khros pa'i rgyal pos/ kho'i nyon mongs pa'i sgra ru lu ni/ bde bar gshegs pa'i snying po oM dang hUM gi bar du bcug ste/ oM ru lu ru lu hUM b+h+yo hUM/ zhes khros pas bzlas pas// dregs pa de nyid skyes bu gang dag lce bcad pa bzhin du/ lan blan pa'i glags med par shes pa nyams par mdzad do// de nas yang cung zhig na log par rtogs pa'i sems can de/ mthu dang rdzu 'phrul yid la byas te/ lus ngag yid gsum shin tu yang khro zhing gtum gdug par sprul te/ rdzu 'phrul gyis mthu ston pa las/ rdo rje khros pa'i rgyal pos cho 'phrul sna tshogs 'byung ba'i ting nge 'dzin la mnyam par bzhag ste/ chos kyi ma 'dul ba'i sems can de/ drag po mngon spyod kyis bsgral bar dgongs nas/ bsgral ba'i don de

  61. 31a

    yang sangs rgyas thams cad la dbang mi za ba'i phyir/ dbang byin rlabs 'dod pa'i phyir/ oM ta thA ga ta kro d+ha sa mA dza zhes pas/ dus gsum gyi bde bar gshegs pa rnams/ chos kyi sku skye ba med pa las/ gzugs kyi sku 'gag pa med pa'i sku ru bzhengs te gnas so// de la rol pa'i tshig 'dis bskul lo/ hUM srid pa'i phur bu sgrub pa dang / dbang dang byin rlabs blang ba'i phyir/ 'gyur med sku ru gnas pa de/ ye shes khros par gshegs su gsol/ dzaHhUM baM hoHzhes bskul bas/ bde bar gshegs pa de dag sngon gyi thugs dam gyi dbang gis/ mdun gyi nam mkha' la til gang ba bzhin du byon no// de nas ta thA ga ta na mo badz+ra zhes pas/ de bzhin gshegs pa de dag la/ rdo rje'i phyag mngon par mdzad do// de nas yang ta thA ga ta ma hA dI pa d+hU pa puSh+pa su kha gan+d+ha i daM pU dza sa ma ye hUM zhes brjod pas/ tshul khrims dri mchog ting 'dzin me tog dang / lhag mthong mar me zhi gnas chu rgyun dang / bsil mngar ar+g+ha dag pa lha'i zhal zas kyis mngon par mchod de/ 'di skad ces bskul la/ ye shes lha mchog gshegs nas kyang // phyag 'tshal mchod bzhes thugs bskul bas// dbang dang byin rlabs stsal ba dang // rtags dang mtshan ma bstan du gsol/ zhes pas bskul lo// de la de bzhin gshegs pa rnams ni bskul ba'i don de thugs su

  62. 31b

    chud nas/ thams cad rdo rje khros pa'i sku gsung thugs las snga tshul bzhin du zhugs pas/ shin tu yang byin rlab dang ldan par mdzad/ de bzhin rigs lnga'i ngo bo thams cad rigs ma 'chol bar thim pas ni/ sku dang ye shes rigs kyi ngo bor dbang bskur/ dregs pa de dang tshul bstun pa'i phyir na/ gdos bcas kyi rgyan mang pos khros pa'i sku la brgyan pa de dag las don dang mthun pa'i mtshan mar bstan te// rab brjid mang la mang bas ma lus sba bkong bar mdzad/ de bzhin gshegs pa de dag ni/ oM dz+nyA shrI he ru ka ma hA badz+ra ces pas/ theg pa dgu dang rab ldan pas// sa dgu'i rtog pa kun bcom ste// he ru dgu yi rang bzhin gyi// ye shes dgu ldan rtags 'di byin// zhes gsungs te/ las kyi rdo rje rtse dgu pa rdo rje khros pa'i phyag g.yas kyi dang por rtags kyi phyag rgya byin no// yang oM dz+nyA na pany+tsa badz+ra/ ye shes lnga dang rab ldan pas// mchod rten rtags kyi rdo rje 'dis// dug lnga 'joms pas gnas lnga stongs// dam skong rigs snyems ye shes lnga yi rtags// zhes gsungs te/ mchod pa'i rdo rje rtse lnga pa ni/ rdo rje khros pa'i phyag g.yas kyi bar bar bskur te/ dregs pa de dag 'dul bar dbang bskur ro// de nas yang de bzhin gshegs pa de dag la/ rdo rje khros pas 'di skad ces bskul lo// e ma ho log pa'i lam gyis mnar ba las// thabs

  63. 32a

    kyis 'dul bar ma gyur te// shin tu gdug cing gtum pa la// ye shes khros pas 'dul bar 'gyur// de bas mngon par 'du mdzad rigs// zhes bskul bas/ de bzhin gshegs pa de dag gis bskul bar mkhyen te/ nyid kyi ye shes rigs kyi khro bor sprul te/ khros pa'i sprin phung du bzhugs so// de nas rdo rje khros pa dang khros pa'i sprin de dag gis/ hUM hUM hUM bi shwa badz+ra kro ta dza la maN+Da la phaT phaT phaT ha la ha la zhes brjod pas/ 'jig rten drug gi phyog mtshams thams cad/ khro bo 'chol bas lhag gis gang bar gyur to// de'i tshe 'jig rten drug gi phyogs mtshams thams cad g.yos rab tu g.yos kun tu rab tu g.yos so// 'khrugs rab tu 'khrugs kun tu rab tu 'khrugs so// tshig rab tu tshig kun tu rab tu tshig go/ 'thor 'thor kun tu rab tu 'thor ro// ldeg ldeg kun tu rab tu ldeg go/ 'gul 'gul kun tu rab tu 'gul lo// de'i tshe 'jig rten phung bar byed pa'i dregs pa de ni rang gi rdzu 'phrul gyi che ba ston cing ma 'dul lo// de nas yang rdo rje khros pa'i rgyal pos// e baM mAM ya/ badz+ra tsakra raM zhes pas/ dregs pa de rdo rje 'khor lo 'bar ba'i dra bar bcug/ phrin las bzhi'i dkyil 'khor ni lus la bkod nas gnas so// de nas oM badz+ra kI li kI ya la/ ra tri ru dra rak+kha/ ha sa ya ra na/ ha na ha na hUM phaT/ ces gsang ba'i sngags

  64. 32b

    'thon te/ rdo rje 'khor lo bskor bas mthu dang rdzu 'phrul thams cad rdo tshan la chu 'dus pa bzhin du skams te gnas so// dregs pa'i sems can de nyid du dung sems kyi gya gyu dang / lus kyi gzi byin che bar ston pa las/ oM badz+ra kI li kI la ya ra tri ru dra rak+kha A be sha ya A be sha ya hUM phaT/ ces pa'i sngags 'thon te/ chags byed dang snying po la lus sems rnal bar mdzad do// khros pa'i rgyal po nyid kyi zhabs 'og tu brdzis te gnas so// de nas dregs pa de shin tu yang mi bzod pa'i tshig gis/ 'o sha thong dpa' bo sgeg pa rab tu thong / thugs rje'i bdag po de bzhin gshegs pa'i mdzad spyod de'am/ zer zhing phyir 'bros par gzo ba las/ rdo rje khros pa'i rgyal pos/ oM badz+ra kI li kI la ya tra tri rU tra rak+kha shIg+h+raM A na ya hUM phaT/ ces pa'i sngags 'thon te/ yan lag mdzod spu'i bsti gnas la/ tsha tsha dang skar mda' bzhin du 'phros te 'khor bas/ lus kyi bsgral bskyod kun med par/ rus sbal rgya mtshor zhugs pa bzhin du gnas so// de nas yang dregs pa de sgrib pa sbyong ba'i phyir na/ rdo rje khros pa'i zhabs kyis kyang shin tu gzir te// oM badz+ra kI li kI la ya ra tri rA tra ra sha dza la pa ya dza la pa ya hUM phaT// ces sngags 'thon te/ bsam gzhi dang ngag gnas su 'phros shing 'khor bas// dregs pa de sngar spyad pa'i las ngan de dag gis 'di lta bu'i

  65. 33a

    las ngan nyams su myong ba dran te/ mi bzad pa'i 'dod 'bod cing lus zhum sems nyams te gnas so// de nas rdo rje khros pa'i rgyal pos/ rdo rje phur pa'i ting nge 'dzin la mnyam par bzhag ste/ oM badz+ra kI li kI la ya sarba big+h+nAn baM hUM hUM phaT/ ces pas yum dang gnyis su med pa'i byang chub sems las/ rdo rje phur pa khro bo las kyi phur pa ste/ zhal gcig phyag bzhi sku mdog mthing // sku smad man chad zur gsum la// thod rlon sbrul gyi rgyan gyis brgyan// dug gsum stong pa'i kha T+wAM ga dang // bag chags 'dral ba'i sta re dang // zil gnon ri rab 'debs pa'i phur bu 'dril// ral gri'i sgra la phur bu'i so// rigs kyi dbu brgyan thugs la 'bar ba'i srog/ sku la khros pa'i me dpung 'bar ba gcig 'thon te/ bka' nod pa'i tshul gyis spyan snga nyid na gnas so// yang rdo rje khros pa'i rgyal pos/ oM A hUM swA hA/ zhes pas ye shes kyi ni yi ge lngas/ gnas lngar byin brlabs dbang bskur 'od kyi 'bru'o// oM hri phaT ces pas ni/ sku gsung thugs su byin brlab mdzad/ hUM hUM hUM phaT phaT phaT/ spro bsdu phrin las sa bon no// 'das dang ma byon da ltar sangs rgyas rnams// de yi sku la 'jug pa'i phyir// oM badz+ra kI li kI la ya A be sha a a/ khros pa'i phyag drug phyag rgya gnyis// sras mchog de yi sked nas bzung // sor bcu rigs kyi yab yum

  66. 33b

    bcus// sbyor ba'i byin rlab 'phro 'du las// de nas sku gsung thugs nyid du// byin brlab bzla ba mchog tu mdzad// oM badz+ra kI li ki la ya dza la dza la hUM phaT// oM badz+ra ki li ki la ya sarba duSh+TAn hr-i da sho d+ha ya hUM phaT// oM badz+ra kI li kI la ya tsit+ta tsit+ta hUM phaT/ sras kyi dam pa mchog de la// mchod de thugs dam rgyud bskul nas// gsang sngags rgyal po 'di brjod do// oM laM hUM laM/ staM b+ha ya nan/ mo ha g+ha ya/ 'di rnams zur chags/ b+ha ga wAn/ hrIHSh+T+r-i wI kri/ badz+ra hUM kA ra/ hUM hUM phaT phaT/ badz+ra kI li kI ya la/ dzaHhUM baM ho/ sarba big+h+nAn ki la ya hUM phaT/ badz+ra hUM ka ra hUM A/ zhes pas dregs pa'i snying la gdab// a nyid byang chub sems kyis bkrus// bkrag dang gzi mdangs nyid la bstim// phur bu nyid kyang gzi byin bskyed// 'od dang mthu dpung lhag par bskyed// de nas rgyal ba thams cad la// rdo rje'i tshig tu 'dis bskul te// byang chub mchog tu sems bskyed cing // dus gsum rgyal ba'i gdung tshob pa'i// rig 'dzin bdag dang gzhan rnams la// gnod cing gdug sems ldan pa dang // dge ba'i bar du gcod pa rnams// khro bo chen po'i byin rlab kyis// yud tsam gyis ni 'dir bkug nas// lus ngag rdul du bshig byas nas// sdug bsngal nyams su myong bar mdzod// oM badz+ra kI li kI la ya ra tri rA tra rak+Sha tsit+ta tsit+ta hUM phaT/ ta thA ya ta thA ya hUM

  67. 34a

    phaT// ces pa'i sngags 'thon te/ nyon mongs pa'i gnas lnga la 'khor zhing thim pas/ nyon mongs pa las grub pa'i gdos bcas kyi phung po bshig par mdzad do// de nas yang de bzhin gshegs pa thams cad kyis/ rdo rje khros pa'i sku za byed du byin gyis brlab pa'i phyir/ oM badz+ra dz+nyA na dza la raM zhes gsungs so// rdo rje ye shes kyi me dpal dud kha 'bar ba zhig rdo rje khros pa'i phyag g.yon dang por phul te nyon mongs pa gnas su dag cing / zhal du gsol bar dbang bskur ro// rdo rje khros pa'i rgyal pos kyang dregs pa de'i bag chags kun/ rdo rje ye shes kyi me dpal gyis bsreg nas/ oM badz+ra ki li kI la ya ra tri ru tra rak+Sha b+hin+d+ha ya b+hin+na ya ha ha zhes pa'i sngags 'thon te/ phung po lhag rol la 'khor zhing zhal du rol lo// de'i tshe dregs pa'i rgyal po de yang / rdo rje khros pa'i lho khyim na bde ba'i gnas su phyin te// las dge sdig gi don mthong ste gnas pa las/ rdo rje khros pas phyag brang la bsnol nas/ kun rdzob dang tshul bstun te btsir bas/ mi gtsang ba'i rgya mtshor 'khyil te slar dran pa brlag par gyur to// de nas yang rdo rje khros pas bdud rtsi 'byung ba'i ting nge 'dzin las rnam nas khro bo sle sha 'thon te/ oM badz+ra kI li kI ya la ra tri rU tra rak+Sha badz+ra yak+ka kro ta bi dza ya kha kha khA hi khA hi// zhes bskul te/ des mi gtsang ba'i rgya mtsho de dag slar

  68. 34b

    rngubs pas dran pa rnyed nas 'di skad ces gsol to/ kye ma ho rdo rje khros pa'i sku// shin tu bde ba'i gnas gshig nas// snam du bton pa thugs rje chung // bdag kyang rgyal ba'i bka' la thogs// zhes gsol zhing / 'di skad ces sdig pa bshags so// bskal pa dpag tu med pa tshun chod nas// da lta tshe lus 'dir skyes phan chad du// lha mchog khyod dang smon lam mthun sdebs pas// dus 'dir zhal mthong yi dam lhaltar gsol na// dus tshigs 'di nas bzung nas yi dam la// snying po byang chub mchog la mi gnas par// tshe rabs 'khor ba gar skyes gar byung yang // gsang ba'i lha mchog khyod dang mi 'bral zhing // spyi dang khyad par lhag pa'i dam tshig la// mi 'da' gnas dang yun du bdag bsrung gi/ lhag chad 'gal 'khrul mchis pa mthol lo bshags// las kyi dbang gis bar chad ci byung yang // dpal chen khyod kyis gong bzhin zil gyis gnon// dngos grub mchog stsol shes rab lha mo'i sku// zhes bshags so// de nas yang dregs pa de shin tu dga' ba dang dad pa'i sems skyes nas/ 'di skad ces gsol to// dpa' bo khyod la rim gro bskyed pa dang // bdag gi sgrib pa sbyong ba'i phyir// bdag gi lus 'di gdan du 'bul// e ma ho dpa' bos bzhes su gsol// ma sring chung ma bu mo slas kyi tshogs// dpa' bo khyod kyi 'bangs su

  69. 35a

    'bul// 'bangs su 'bul lo bka' la thogs// 'bangs la nan tan ma chung zhig/ de nas de'i ma dang chung ma bu mo slas kyi tshogs rnams kyang 'di skad ces gsol to// dbus su mchi ba'i skal med kyis// dkyil 'khor mu ran mtha' la zhog/ phud la 'tshal ba'i skal med kyi// lhag ma kha chus bran la gsol// zhes gsol te/ dregs pa chen po 'khor dang bcas pa rnams kyis/ lus gnad du phul bas nyon mongs pa'i sgrib pa byang / rna bas chos nyan pas shes bya'i sgrib pa byang / rgyal ba'i pha 'bab mngon pas rgyu bsod nams kyi tshogs rdzogs/ dkyil 'khor zhal mthong bas 'bras bu ye shes kyi tshogs rdzogs te/ grub pa mor khas blangs nas/ phyi rabs kyi rnal 'byor pa'i tshogs bskang bar yang dam nos te gnas so// dregs pa chen po'i ma dang chung ma dang slas mo dang bu mo dang / bran mo rnams ni/ 'bar ba'i dkyil 'khor chen po'i mu ran la bzhag ste/ bka' la btags te dam tshig byin nas/ mda' bsgrags nas gnas so// de'i tshe na dregs pa chen po'i nye 'khor/ 'dod chags dang gti mug dang phrag dog dang nga rgyal la sogs pas so sor dregs pa'i// tshangs pa brgya byin dang ma hA de ba dang // khyab 'jug dang dbang phyug chen po rnams/ rang rang gi che ba ston cing khro zhing gtum mo/ rdo rje khros pa'i rgyal pos khro

  70. 35b

    gtum pa de dag 'dul ba'i ched du/ sras mchog bud+d+ha rin chen pad+ma las kyi phur pa 'byung ba'i ting nge 'dzin la zhugs nas// ma chags pa'i yum la rjes su chags pa bskyed de// rol pa'i byang chub sems las// oM bud+d+ha kI li kI la ya sarba big+h+nAn baM IM hUM phaT// sA rat+na kI li kI la ya sarba big+h+nAn baM traM hUM phaT/ oM pad+ma kI li kI la ya sarba big+h+nAn baM hrI hUM phaT/ hA karma kI li kI la ya sarba big+h+nA na baM ha hUM phaT/ ces pas ni/ de bzhin khro bo las kyi phur pa dang / rin chen khro bo las kyi phur pa dang / pad+ma khro bo las kyi phur pa dang / las rab khro bo las kyi phur pa rnams 'thon te/ smug nag ser nag ljang nag sngo nag dmar nag gcer bu rnams// sku stod zhal gsum phyag bzhi la/ sku smad so so'i phur pa las kyi dbyibs bzhi dang mthun pa'i phyag mtshan rang rang rigs kyi mtshan mar brgyan/ dbu la rigs bsrungs thugs la srog kyang 'bar// thod rlon sbrul gyi rgyan gyis brgyan pa rnams// zlum 'khyil gru bzhi zla gam gru gsum gdangs pa yi// gdan la bkod de bka' nod tshul du gnas// byin brlab dbang bskur la sogs rim par mdzad do// de nas rdo rje khros pa'i rgyal po yis// bud+d+ha 'dus pa'i sras mchog kI la ya/ 'di skad ces bskul te/ drag po sgrol ba'i las la btsud do// oM zlum zhing 'khyil ba'i dkyil 'khor nas// 'bar la 'phro ba'i

  71. 36a

    sku bzhengs pa// bud+d+ha 'dus pa'i sras mchog kI la ya// gti mug dregs pa chen po bsgral du gsol// sna gru bzhi gdengs pa'i dkyil 'khor nas// 'bar ba 'phro ba'i sku bzhugs la// rin chen 'dus pa'i sras mchog kI la ya// nga rgyal dregs pa chen po bsgral du gsol// aHzla gam gdengs pa'i dkyil 'khor nas// 'bar la 'phro ba'i sku bzhugs pa// pad+ma 'dus pa'i sras mchog kI la ya// 'dod chags dregs pa chen po bsgral du gsol// hA gru gsum gdengs pa'i dkyil 'khor nas// 'bar ma 'phro ba'i skur bzhugs pa// las rab 'dus pa'i sras mchog kI la ya// phrag dog dregs pa chen po bsgral du gsol// zhes bskul bar mkhyen nas// na maHsa man+ta nAn kA ya wAg tsit+ta badz+ra NAM/ A~M g+ha g+ha g+ha tA ya g+ha tA ya/ sarba duSh+TaMn mA ra ya hUM phaT/ hUM hUM hUM badz+ra kI li kI la ya/ badz+ra d+ha ro a dz+nyA pa ya ti/ kA la wAka tsit+ta badz+ra kI la ya hUM phaT/ bud+d+ha kI la ya ba ra bid+yan hUM phaT/ rat+na kI la ya ki grih+Na gr-ih+Na hUM phaT/ pad+ma kI la ya ha na ha na hUM phaT/ karma ki la ya bin+d+ha bin+d+ha hUM phaT/ ces pa'i sngags brjod cing / rdo rje 'dus pa'i phyag gis rigs bzhi'i phur pa'i sked nas rim par bzung zhing dregs pa bzhi sgrol bar mdzad do// de'i tshe dus gsum gyi sangs rgyas rnams kyis kyang / sras mchog dam pa de la 'di skad ces bsgos shing skul bar

  72. 36b

    mdzad de/ 'di skad ces cho 'phrul gyi sgrar mngon par dus gcig tu sgrogs so// kye ma sangs rgyas mang po'i sras// dge ba'i bar chad byed pa dang // gdug cing sdang sems ldan pa rnams// zung zhig chings shig rnam par chings// gtogs shig grogs dang bral bar gyis// ring par khug la smrar chug cig/ phob cig rnams par gzir bar gyis// nga yi dbang du bsdu byas te// lus dang ngag sems rdul du bshig nas kyang // dug gsum sha khrag zhal du bsdus rngubs nas// bsgo ba'i las rnams khyed kyis grub par gyis// zhes par bskul te/ bstab cing bsgral bar mdzad do// de'i don gyis 'byongs stongs mnyes skongs 'bras bu rdzogs par mdzad do// de nas yang dregs pa de lnga'i chung ma de dngos 'dzin ma dang / rtag pa mo dang / mtshan ma can dang / chad pa mo dang // smug mo la sogs pa rnams/ rang rang gi che ba ston cing shin tu yang chags pa dang ldan pa las/ yang khrag 'thung rdo rje khros pa'i sku gsung thugs gzhon nus/ gsal ba rdo rje dang / sdud pa rdo rje dang / 'bar ba rdo rje dang / g.yo ba rdo rje'i ting nge 'dzin la snyoms par zhugs te/ rdo rje 'khor ba rgyas 'debs ma dang / 'khor lo 'khor ba rgyas 'debs ma dang / rin chen 'khor ba rgyas 'debs ma dang / pad+ma 'khor ba rgyas 'debs ma dang / las rab 'khor ba rgyas 'debs ma rnams//

  73. 37a

    nyid kyi byin gyis brlabs kyis/ yum chen mo 'khor lo rgyas 'debs ma'i sku gsung thugs yon tan phrin las las 'thon te/ rgyan dang cha lugs dang / sku mdog dang phyag mtshan rnams/ rigs kyi sras dang cha mthun te/ dregs pa pho rnams gong bzhin bsgral te tshar bcad nas/ sras mchog la 'khril ba'i tshul du bzhugs so// de nas yang drag po chen po de'i nye 'khor na/ 'khor gyi gtso bo 'jig rten pa'i las la grub pa'i phyogs skyong ba bcu ste/ tshangs pa dang / brgya byin dang / me lha dang / gshin rje dang / srin po dang / chu lha dang / rlung lha dang / gnod sbyin dang / dbang ldan dang / sa bdag rnams/ brnab sems dang / ma byin len pa dang / log par blta ba dang / srog gcod pa dang / phra ma dang / 'dod pas log par g.yems pa dang / ngag 'khyal pa dang / ngag rtsub po dang / gnod sems dang / tshig brlang po dang / mi dge pa bcus dregs nas/ nga rgyal gyis mthu ston cing shin tu yang bstan pa la ma dad pa'i tshul ston pa la/ de rnams 'dul ba'i phyir na/ yang rdo rje khros pa'i sku gsung thugs gzhon nus rol pa'i stobs dang / bzlog pa'i stobs dang / 'joms pa'i stobs dang / 'jigs byed kyi stobs dang / gzhon tshul gyi stobs dang / brjid pa'i stobs dang / shugs 'chang ba'i stobs dang / gzir ba'i stobs dang / gnon pa'i

  74. 37b

    stobs dang / 'degs pa'i stobs dang / stobs bcu'i ting nge 'dzin la zhugs te/ ma chags pa'i yum la chags pa'i tshul du rol lo// hUM hUM hUM hUM hUM hUM hUM hUM hUM hUM/ zhes brjod pas/ khros pa'i rgyal po hUM ka ra zhes bya ba dang / de bzhin du rnam par rgyal ba dang / dbyug pa sngon po dang / gshin rje'i gshed po dang / mi g.yo mgon po dang / rta mgrin dang / gzhan gyis mi thub pa dang / bdud rtsi 'khyil ba dang / khams gsum rnam par rgyal ba dang / khro bo stobs po che la sogs pa rnams 'thon te/ zhal gsum phyag drug pa zhabs bzhi dang ldan zhing / zhal mdog dang phyag mtshan sna tshogs pa 'jigs byed 'bar ba'i cha lugs su byung ste/ phyogs bzhi mtshams bzhi'i steng 'og tu 'phros te gnas so// de las khros pa'i rgyal pos la sogs pa'i bde bar gshegs pa rnams kyis 'di skad ces bskul lo// rdo rje khros pa'i tshogs rnams kyis// ma dag mi dge las spyod cing // dge ba'i bar chad byed pa 'di// sngon chad dam bcas de bzhin du// mngon spyod phrin las dus la bab// ces bskul dbang bskur nas/ ye shes kyi phur pa rdo rje khros pas phyag tu re re bskur nas/ dregs pa bcu sgrol bar mnga' gsol bas// khro bo bcus bskul pa'i don de thugs su chud par mdzad/ hUM gardza gardza hUM phaT/ ha na ha na hUM phaT/ da ha da ha hUM phaT/ pa tsa pa tsa hUM phaT/ ban+d+ha ban+d+ha

  75. 38a

    badz+ra phaT/ hu lu hu lu badz+ra phaT/ tiSh+Tha tiSh+Tha badz+ra phaT/ ts+tshin+da ts+tshin+d+ra badz+ra phaT/ bin+d+ha bin+d+ha badz+ra phaT/ s+pho Ta ya s+pho Ta ya badz+ra phaT/ ces gsungs shing / phyag gi phur pas dregs pa rnams rim par mngon par bsgral lo// de nas yang khros pa'i rgyal pos/ oM badz+ra kro d+ha ka pA la hUM zhes brjod pas/ khro bo rnams kyi phyag g.yas g.yon dang por/ rdo rje 'bar ba dang dung chen 'joms pa byin te/ oM badz+ra kro ta khA hi khA hi zhes bskul bas/ khros pa rnams kyis mi dge bcu dag par bya ba'i phyir/ rdo rje tho bas gtun khung du brdungs te/ zhal du gsol bas/ khro bo rnams dgyes pa'i sgra ha ha zhes bsgrags so// de'i tshe 'khor ba mi dge ba bcu las rgyal nas/ dbang bcu la mnga' brnyes pa ni/ mos pa la dbang ba dang / byang chub la dbang ba dang / ye shes la dbang ba dang / tshe la dbang ba dang / skye ba la dbang ba dang / chos la dbang ba dang / yo byad la dbang ba dang / las la dbang ba dang / smon lam la dbang ba dang / rdzu 'phrul la dbang ba la sogs brnyes so// de ltar mdzad pas skye ba'i rgyun bcad/ nyon mongs pa las rgyal ba'i rgyal mtshan btsugs/ 'khor ba'i bag chags bcom/ 'chi bdag tshar bcad/ rtag chad kyi mtha' bsal/ las dge sdig gi shan phye/ log pa'i don la ye shes kyi mthu bstan/ 'khor ba'i bdud la thugs rje'i rtsi btang /

  76. 38b

    khams gsum sku gsung thugs su bzlog che ba'i yon tan gyi stobs kyis zil gyis mnan pa'i rtags su/ khro bo rnams kyi snam nas phyogs skyong bcu bton te/ rnam par shes pa ni rdo rje dang de bzhin du 'khor lo dang rin chen po che dang pad+ma dang las kyi rigs rnams su shes bya dag nas/ chos skyong ba'i bsrung mar dbang bskur/ lus rnams ni rang rang gi khro bo rnams la/ nyon mongs pa'i sgrib pa dag par bya ba'i phyir gdan du dbul/ lag cha mda' gzhu dang / rdo rje gdeng pa dang / me dpung 'bar ba dang / dbyug to dang / spu gri dang / zhags pa dang / ba dan dang / be con dang / kha T+wAM ga dang bum pa rnams ni/ rgyal byed rtags kyi phyag mtshan du rang rang gi khro bo'i phyag bar par phul te bsnams so// de nas yang phyogs skyong rnams kyi rigs ma ste/ tshangs pa'i chung ma dang / brgya byin gyi chung ma dang / me lha'i chung ma dang / gshin rje'i chung ma dang / srin po'i chung ma dang / chu lha'i chung ma dang / rlung lha'i chung ma dang / gnod sbyin gyi chung ma dang / dbang ldan gyi chung ma dang / sa bdag gi chung ma rnams/ skyon bcu la bag chags brtas pa ni/ ma rig pa'i skyon dang / zhen pa'i skyon dang / shes bzhin ma yin pa'i skyon dang / g.yeng ba'i skyon dang / 'chal ba'i skyon dang / le lo'i skyon dang / rmongs pa'i skyon dang / phur pa'i skyon dang / khong khro ba'i skyon

  77. 39a

    dang // rtsod pa la dga' ba'i skyon dang // rgyu'i tshogs ma bsags pa'i skyon no// de lta bu'i skyon gyis 'chel pas// bstan pa la ma dad pa de 'dul ba'i phyir na/ rdo rje khros pa'i sku gsung thugs gzhon nus/ pha rol phyin pa bcu'i don la mnyam par bzhag ste/ ye shes kyi pha rol tu phyin pa dang / sbyin pa'i pha rol tu phyin pa dang / bsam gtan gyi pha rol tu phyin pa dang / tshul khrims kyi pha rol tu phyin pa'i don dang / bzod pa'i pha rol tu phyin pa dang / brtson 'grus kyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / stobs kyi pha rol tu phyin pa dang / smon lam gyi pha rol tu phyin pa de'i ngang las ma g.yos kyang / g.yos pa'i tshul gyis ma gos pa'i yum la rol te/ hUM hUM hUM hUM hUM/ hUM hUM hUM hUM hUM/ zhes pas/ khro mo rdo rje sgra 'byin ma dang / khro mo rdo rje mda' snyems dang / khro mo rdo rje sder mo dang / khro mo rdo rje dur khrod kyi bdag mo dang / khro mo rdo rje gtun khung ma dang / khro mo rdo rje gtum mo dang / khro mo rdo rje mda' snyems ma dang / khro bo rdo rje rlung 'byin ma dang / khro bo rdo rje gsod ma dang / khro mo rdo rje bskyod ma rnams 'thon te/ stong pa nyid kyi dbyings las chos nyid kyi sgra bsgrags/ skye ba med pa'i dbyings las don brnyes/ rang bzhin med pa'i dbyings las khams gsum thugs rjes gzung / mi

  78. 39b

    dmigs pa'i dbyings su mtshan ma'i dngos po bsdus/ mtshan ma med pa'i dbyings su 'khor ba'i bag chags bcom/ chos nyid dag pa'i dbyings kyis 'gro ba'i don la brtson/ yang dag pa'i dbyings kyis nyon mongs pa'i gnas su brdeg/ gsal zhing g.yo ba'i dbyings las bag chags kyi dngos po sun phyung / rtog med sgrol ba'i dbyings su sgrib pa'i bag chags bsad/ g.yos pa chen po'i dbyings kyi mi dge ba'i skyon bskyed de gnas so// de nas dregs pa'i bu pho ste sems can gyi lus la/ phag dang stag dang g.yag dang sha ba dang / gzig dang / byi la dang / spyang ki dang / seng ge dang / drod dang / dom gyi mgo btags pa rnams rmugs pa dang / rnam smin med pa dang / tshul bzhin ma yin pa dang / shin tu chags pa dang / gnyis ka ma yin pa dang / mngan sems kyi g.yo dang / tshul khrims nyams pa dang / mtshan ma nyams pa dang / las log pa dang / mos pa las gyur pa yis/ sangs rgyas kyi bstan pa la ma dad ste/ shes rab ma yin pa dang / gsal ba ma yin pa dang / bde ba ma bstar ba dang / don ma rtogs pa dang / brtson 'grus dang mi ldan pa dang / kha na ma tho ba la mi 'joms pa dang / dge ba 'phel ba ma yin pa dang / rang bzhin med pa mi shes pa dang / gnyid dang mi ldan pa ma yin pa la sogs par spyod pa'o// de rnams sbyong zhing gdul

  79. 40a

    pa'i phyir na/ yang rdo rje khros pa'i sku gsung thugs gzhon nus rtog 'joms dang / dpa' brtul dang / rdzis tshor dang / dus 'jug dang / spyod rdzogs dang / thabs mkhas dang / za byed dang / rigs btsun dang / gsod byed dang / myos byed la sogs pa'o// de rnams dang / tshul mthun pa'i ting nge 'dzin la mnyam par bzhag nas/ ma chags pa'i yum la thabs kyis rol te/ dgyes pa'i sprin las/ ha ha ha ha ha/ ha ha ha ha ha/ zhes brjod pas ni/ sras 'phags pa'i lus la sems can gyi mgo dang tshul mthun pa'i mgo btags pa bcu byung ste/ dregs pa'i bu pho rnams grong bzhin btul te bsgral nas dam la btags so// de nas yang dregs pa'i bu mo ste/ sems can gyi lus la smig bu dang / bya rgod dang / bya rog dang / 'ug pa dang / khwa dang / pu shud dang / khra dang / pha wa dang / sre mong dang / byi ba'i mgo btags pa rnams ni/ chags pa dang / yid g.yo ba dang / phrag dog dang / rtsod pa ldang ba dang / le lo byas pa dang / spyod pa 'chal pa dang / tshul khrims 'chal pa dang / 'tsho ba 'chal pa dang / bdag tu 'dzin pa dang / nyon mongs pa dang mtshungs par ldan pa la sogs pa las byung ste/ sangs rgyas kyi bstan pa la ma dad pa dang / sems rgod pa dang / sems 'byed pa dang / dge ba la mi 'jug pa dang / tshig brlang po dang / bag

  80. 40b

    med pa dang / spyod pa brlang po dang / khrel med pa dang / log par 'tsho ba dang / dgongs pa ste sems ma zhi ba dang / g.yo sgyu dang / de rnams spyod par gyur te/ de rnams 'dul ba'i phyir na ni/ yang rdo rje khros pa'i sku gsung thugs gzhon nus/ mi 'gyur ba dang / thogs med dang / gsal byed dang / mthong byed dang / thal byed dang / bkra byed dang / g.yo byed dang / btsal byed dang rtsol byed la sogs pa'i ting nge 'dzin la mnyam par bzhag nas/ gnyis su med pa'i dgyes pa'i sprin las/ he he he he he/ he he he he he/ zhes pas ni/ yang gong gi sems can dang tshul mthun pa'i sras/ 'phags pa'i lus la sems can gyi mgo btags pa bcu byung ste/ gong bzhin btul te bsgral nas dam la btags so/ de nas yang rdo rje khros pa'i rgyal pos/ 'gro ba mtha' dag gi don bya ba'i phyir na/ don mthun dang don spyod dang / sbyin pa dang snyan pa'i ting nge 'dzin la zhugs te/ ma chags thabs kyis rol pa las/ dzaHhUM baM hoH/ zhes bskul bas/ lha mo pu shud kyi mgo dang skye ga dang / srin bya dang / khra la sogs pa'i mgo can bzhi 'thon te/ gzhal yas kyi sgo bzhi la 'khod de/ zhi ba dang / rgyas pa dang / dbang dang / drag po la sogs pas don mdzad de/ snying rje dang / byams pa dang / dga' ba dang btang snyoms kyi ngang du gsal bar mdzad do/ de nas yang

  81. 41a

    dam sri dmar po chen po zhes bya ba/ gsang sngags la skur pa btab cing smad pa las gyur pa zhig/ sngon gyi las kyi dbang gis/ sangs rgyas kyi bstan pa la bar chad byed cing / 'tshe ba las/ sangs rgyas ma lus pas/ rdo rje khros pa la bka' stsal pa/ bka'i bsgo ba mdzad pa/ rdo rje gsang ba'i don rtogs par dka' ba las ni/ sdig chen dam sri 'da' byed pa// stobs chen khro bo chen po yis// klad pa tshal pa brgya ru khos/ nyon cig las kyi dam sri 'di// nged kyi bka' las khyod ma 'da'/ zhes bskul bas/ rdo rje khros pa'i sku gsung thugs gzhon nus/ dam sri de la ye shes kyi mtshon gyi phur pas mgo la brgya pa ste/ mgo a rdza ka'i dog pa bzhin du bkas te/ de'i tshe na yang gsang ba'i snying po 'di 'thon te/ oM badz+ra kI li kI la ya dam sri gaM pa ri b+han+d+ha b+han+d+ha hUM phaT/ ces bsgral bas rnam shes rgyal ba'i sras su byas/ sha rus dur khrod kyi gzhal yas khang / don snying dur khrod kyi rdzas kyi mchod pa ru rol/ de'i slas mo dang bu mo dang ma dang sring mo chung ma rnams ni/ rdo rje khros pa la pad+ma'i mdangs phul te/ rgyal ba'i dam mnos nas phyi rabs kyi tshogs bskang bar dam bcas so// de ltar dregs pa can thams cad bsgral zhing tshar bcad pa/ de'i tshe na ni/ 'jigs byed skyong ba'i rgyal po chen po bzhis kyang 'di skad ces mnos te/ dam chos gzhung spyod

  82. 41b

    rnal 'byor la// dngos grub bar chad byed pa rnams// lha'am 'on te bdud kyang rung // mthu dang rdzu 'phrul med par bya'o// zhes gsungs te/ sring mo dang bcas pas dam mnos nas/ bstan pa skyong bar zhal gyis bzhes so// rdo rje khros pa'i rgyal pos kyang lung phog ste/ dam las 'das na snying po 'dis khyed nyid kyi mthu dang rdzu 'phrul phrogs te bsgral bar dam bcas so// oM badz+ra kI li kI la ya sarba A na ya ta thA ya ta thA ya hUM phaT/ ces gsungs so// de'i tshe na dregs pa'i gtso mos kyang rang gi snying po 'di bstabs te bstan pa bsrung bar dam bcas so// ma ma pa shaM ku ru hUM/ zur chags/ ma taM dz+nyA ka ra i dan d+ha ti ma ma karma shI g+h+raM ka ra ya zhes bstabs phul te/ phyi rabs kyi tshogs bskang bar byas nas/ mthu'i bdag nyid du mtshan gsol lo// de nas yang bdud nag po bkrag med kyi bu mo dang / gza' bi tri ba tra'i bu mo dang / btsan shu bo lag rings kyi bu mo dang / klu 'jog po'i bu mo rnams bsgral zhing sbyar bar dgongs nas/ rang dam srog gi snying po bstabs shing phul nas/ rdo rje phur pa'i dam mnos/ a dzi te ya/ a pa ra dzi te ya/ dza ye bi dza ye/ mA yar se nA pra marda na ye/ zur chags/ zhes pas phyi rabs kyi rnal 'byor pa'i thugs dam bskang bar byas te/ sa bdag chen mor mtshan gsol lo// de nas yang 'jig rten phung bar byed pa ste/

  83. 42a

    lcags kyi khyi mo ral pa can dang / lcags kyi spyang mo mgo dgu dang / zangs kyi wa mo rkang gsum dang / gser gyi 'phar ba lce brgyad ma la sogs pas/ 'gro ba kun sgrol zhing za ba las/ bcom ldan 'das kyis rdzu 'phrul gyi spyan gyis gzigs nas/ bsgral bar dgongs pas srog snying phul te dam mnos so// dz+wa la dz+wa la badz+ra/ su ru su ru badz+ra/ mu ru mu ru badz+ra/ ma tha ma badz+ra zhes pas/ pho nya shra nar mtshan gsol lo// de ltar 'jig rten pa'i dregs pa pho mo/ 'khor dang bcas pa rnams rim pas btul bsgral sbyar gnas bstabs dam la btags par mdzad do// rdo rje phur pa gsang ba'i rgyud chen po las/ rdo rje khro bor rol pas ma dad pa btul ba'i le'u ste bcu pa'o// // de nas yang rdo rje 'dus pa'i sras mchog dam pa des/ bcom ldan 'das khros pa'i sras mchog sku gsung thugs gzhon nu 'khor dang bcas pa las mchod pa bstabs te/ IM ki li kI la ya kro ta kro tI ha he phaT/ dI pa d+ha pa puSh+pa su kha gan+d+ha i daM/ a mr-i ta ba lin+ta rak+ta bo d+hi tsit+ta ho/ zhes pas phyi dag pa'i mchod pa dang / nang khyad par gyi mchod pa dang / gsang ba dga' ba'i mchod pas rgyun du mngon par mchod pa'o// mdzad spyod kyi don bsdus pas/ dkyil 'khor gyi lha la bstod pa ni/ e ma ho/ bdud bzhi bcom nas yon tan drug ldan la// yod med mtshan

  84. 42b

    ma'i dngos po kun las 'das// don dam thugs ni 'da' dka' shin tu gsang // gsang ba'i gsang sngags ma lus kun gyi gtso// thams cad ma lus mnga' brnyes bdag po'i sku/ bcom ldan 'das gsang bdag rdo rje khros pa'i sku gsung thugs gzhon nu thams cad mkhyen mdzad do// ston pa'i bdag nyid de la phyag 'tshal bstod// skye med ye shes ngang las rdo rje ki la ya// zhe sdang 'byongs pas dmyal ba'i 'jig rten stongs// thugs kyi dam tshig skongs te rdo rje'i rigs kyang brnyes// gsal la ma 'dres me long ye shes brnyes// rdo rje 'dus pa 'chang ba'i skyes bu nyid la yang phyag 'tshal bstod// 'gag med ngang las sangs rgyas kI la ya// gti mug 'byongs pas byol song 'jig rten stongs// sku yi dam tshig skongs te de bzhin gshegs kyang brnyes// dmigs su med pa'i ye shes chen po brnyes// sku mchog dam pa de la phyag 'tshal bstod// gnas med dang las rin chen kI la ya// nga rgyal 'byongs pas lha min 'jig rten stongs// spyi yi dam tshig skongs te rin chen rigs kyang brnyes// kun la snyoms pa'i mnyam nyid ye shes brnyes// yon tan dam pa de la phyag 'tshal bstod// dmigs med dang las pad+ma ki la ya// 'dod chags 'byongs pas mi yi 'jig rten stongs// gsung gi dam tshig skongs te pad+ma'i rigs kyang brnyes// kun

  85. 43a

    mkhyen so sor rtog pa'i ye shes brnyes// gsung mchog dam pa de la phyag 'tshal bstod// 'gro med 'ong ba med pas las rab kI la ya// phrag dog 'byongs pas yi dwags 'jig rten stongs// 'chal bar dam skongs las kyi rigs kyang brnyes// don grub bya ba nan tan ye shes brnyes// phrin las dam pa de la phyag 'tshal bstod// e ma ho/ shes rab rang bzhin dag pa las// dbyings kyi rang bzhin gru gsum gsal bar mdzad// dbus nas byang chub sems kyis mtshan// skye med don rnams ston byed ma// shes rab dbyings ma de la phyag 'tshal bstod// dngos med dbyings las dngos po'i tshul 'dzin ma// rdo rje rigs kyi khro mchog dpal gyi yum/ nam mkha'i 'byung ba mi dmigs rang bzhin dang // chos kyi dbyings la mnga' brnyes khro mo rgyal// rdo rje rgyas 'debs ma la phyag 'tshal bstod// rtog med ngang las rtog pa'i tshul 'dzin cing // sangs rgyas rigs kyi khro mchog dpal gyi yum// sa yi 'byung ba mi dmigs rang bzhin dang // gsal ba'i dbyings la mnga' brnyes khro mo rgyal// rdo rje 'khor lo rgyas 'debs ma la phyag 'tshal bstod// mtshan med dbyings las mtshan ma'i tshul 'dzin ma// rin chen rigs kyi khro mchog dpal gyi yum// me yi 'byung ba mi dmigs rang bzhin dang // tsha ba'i dbyings las

  86. 43b

    mnga' brnyes khro mo rgyal// rin chen 'khor lo rgyas 'debs ma la phyag 'tshal bstod// tshad med dbyings las chad pa'i tshul 'dzin cing // pad+ma rigs kyi khro mchog dpal gyi yum// chu yi 'byung ba mi dmigs rang bzhin dang // pad+ma 'khor lo rgyas 'debs ma la phyag 'tshal bstod// rmugs byed dbyings las rmugs pa'i tshul 'dzin ma// las kyi rigs kyi khro mchog dpal gyi gzungs// rlung gi 'byung ba mi dmigs rang bzhin dang // g.yo ba'i dbyings las mnga' brnyes khro mo rgyal// las rab 'khor lo rgyas 'debs ma la phyag 'tshal bstod// rol pa'i stobs las khro bo hUM ka ra// tshangs pa tshar bcad rnam shes hUM du sdud// skye shi rtsad gcod stong nyid ye shes snyems te mos pa'i dbang // khro rgyal hUM kA ra la phyag 'tshal bstod// bzlog pa'i stobs las khro bo rnam par rgyal// brgya byin tshar bcad ma byin len pa spangs// mtha' gnyis rgyal bas me long ye shes snyems te sems pa'i dbang // khro rgyal rnam par rgyal la phyag 'tshal bstod// 'joms pa'i stobs las khro bo dbyug sngon can// me lha tshar bcad log lha dbang du sdud// 'khor ba'i bag chags bcom ste ye shes snyems te ye shes la yang dbang // khro rgyal dbyug sngon can la phyag 'tshal bstod// 'jigs byed stobs las khro bo gshin rje gshed// gshin rje tshar bcad srog gcod dbang

  87. 44a

    du sdud// 'chi bdag bdud bcom mnyam nyid ye shes brnyes// tshe la dbang mdzad khro rgyal gshin rje gshed la bstod// gzhon tshul stobs las khro bo mi g.yo mgon// srin po tshar bcad phra ma dbang du sdud// rtag chad mthar ma g.yos pas mtha' bral ye shes brnyes// tshe la dbang mdzad khro rgyal mi g.yo mgon la bstod// brjid pa'i stobs las khro mchog rta mchog dpal// chu lha tshar bcad 'dod g.yems dbang du sdud// rgyu 'bras rim par phye ste kun rtog ye shes brnyes// chos la dbang ba'i dbang rgyal rta mchog dpal la phyag 'tshal bstod// shugs 'chang stobs las khro bo gzhan mi thub// rlung lha tshar bcad ngag 'khyal dbang du sdud// gzhan gyi mthu bcom ma 'dres ye shes snyems te yo byad dbang // khro rgyal gzhan gyis mi thub pa la phyag 'tshal bstod// gzir ba'i stobs las khro bo bdud rtsi 'khyil// gnod sbyin tshar bcad ngag rtsubs dbang du sdud// bdud la rtsi btang nan tan ye shes snyems// las la dbang mdzad khro rgyal bdud rtsi 'khyil la bstod// gnon pa'i stobs las khro bo khams gsum rnam par rgyal// 'byung po tshar bcad gnod sems dbang du sdud// khams gsum las rgyal don yod ye shes snyems// smon lam dbang mdzad khro bo khams gsum rnam par rgyal la bstod// 'degs pa'i stobs

  88. 44b

    las khro rgyal stobs po che// sa bdag tshar bcad tshig brlang dbang du sdud// khams gsum sku gsung thugs su stobs te che ba'i ye shes brnyes// rdzu 'phrul la dbang khro rgyal stobs po che la bstod// ye shes pa rol phyin pas khro mo sgra 'byin ma// tshangs pa'i chung ma tshar bcad ma rig skyon yang sel// stong nyid dbyings las chos nyid sgra sgrogs te// khro mo sgra 'byin ma la bstod// sbyin pa'i pha rol phyin pas ye shes rnam snyems ma// brgya byin mo ni tshar bcad zhen pa'i skyon yang sel// skye ba med pa'i dbyings las don brnyes te// khro mo rnam snyems ma la bstod// bsam gtan pha rol phyin pas rdo rje sder mo la// me lha mo ni tshar bcad shes bzhin skyon yang sel// rang bzhin med pa'i rjes su khams gsum thugs rjes gzung // khro mo sder mo ma la bstod// tshul khrims pha rol phyin pas khro mo dur khrod ma// gshin rje'i chung ma tshar bcad g.yeng ba'i skyon yang sel// mi dmigs dbyings su dngos po'i mtshan ma bsdus// khro mo dur khrod ma la bstod// bzod pa'i pha rol phyin las khro mo gtun khung ma// srin mo mtshar bcad 'chal pa'i skyon yang la// mtshan ma med pas 'khor ba'i bag chags bcom// khro mo gtun khung ma la bstod// brtson 'grus pha rol phyin pas rdo rje gtum mo ste// chu lha mo ni tshar bcad le lo dbang du sdud// chos nyid dag pa'i

  89. 45a

    dbyings kyis 'gro ba'i don la gtum// khro mo gtum mo de la bstod// shes rab pha rol phyin las rdo rje mda' snyems ma// rlung lha mo ni tshar bcad rmongs pa sel// dag pa'i dbyings kyis nyon mongs gnad du brdeg/ khro mo mda' snyems ma la bstod// thabs kyi pha rol phyin las khro mo rdo rje rlung 'byin ma// gnod sbyin ma ni tshar bcad skur ba'i skyon yang sel// gsal zhing g.yo ba'i dbyings kyis bag chags sun 'byin ma// khro mo rlung 'byin ma la bstod// stobs kyi pha rol phyin las khro mo gsod ma ste// dbang ldan mo ni tshar bcad khong khro'i skyon yang sel// rtog med sgrol ba'i dbyings su sgrib pa'i bag chags bsad// khro mo gsod ma de la bstod// smon lam pha rol phyin las rdo rje bskyod ma ste// sa bdag tshar bcad rtsod ma dga' ba'i skyon yang sel// g.yos pa chen po'i sems kyis mi dge'i skyon bskyod de// khro mo bskyod ma de la phyag 'tshal bstod// rtog 'joms chen po'i ting 'dzin las// phra men pho nya phag gi mgo/ rmugs pa las byung tshangs pa'i bu pho dang // shes rab ma yin gsal bar byed// khro chung phag gi mgo la bstod// dpa' gtum chen po'i ting 'dzin las// phra men pho nya stag gi mgo/ bden med brgya byin bu dang rnam smin bde la btsud// khro chung stag gi mgo la bstod// rdzis tshor spong ba'i ting

  90. 45b

    'dzin las// phra men pho nya g.yag gi mgo/ gsal byed me lha'i bu dang tshul bzhin ma yin don dang bstun// khro chung g.yag gi mgo la bstod// dus 'jug chen po'i ting 'dzin las// phra men ma ste sha ba'i mgo/ chags pa las byung gshin rje'i bu pho dang // bden pa ma yin sel bar byed// khro chung sha ba'i mgo la bstod// spyod rdzogs chen po'i ting 'dzin las// phra men pho nya gzig gi mgo/ gnyis ka ma yin las byung srin po'i bu pho dang // ma rtogs pa ni yid ches pas// khro chung gzig mgo de la bstod// thabs mkhas chen po'i ting 'dzin las// phra men pho nya byi la'i mgo/ g.yo las gyur pa'i chu lha'i bu pho dang // brtson 'grus ma yin don dang ldan// khro chung byi la'i mgo la bstod// za byed chen po'i ting 'dzin las// phra men pho nya sbyang ka'i mgo/ tshul nyams las byung rlung lha yi// bu dang kha na ma zo med par byed// khro chung spyang ki'i mgo la bstod// rigs btsun chen po'i ting 'dzin las// phra men ma ste seng ge'i mgo/ mi dge las byung gnod sbyin bu pho dang // dge 'phel ma yin rgyas par byed// khro chung seng ge'i mgo la bstod// za byed chen po'i ting 'dzin las// phra men pho nya dred kyi mgo/ las log las byung 'byung po'i bu pho dang // rang bzhin med par mi shes 'bras bur che// khro chung dred kyi mgo la bstod// myos byed chen po'i ting

  91. 46a

    'dzin las// phra men ma ste dom gyi mgo/ myos byed las byung sa bdag bu dang gnyid sel te// khro chung dom gyi mgo la phyag 'tshal bstod// mi 'gyur chen po'i ting 'dzin las// phra men ma ste smig bu'i mgo/ chags pa las byung tshangs pa'i bu mo dang // sems rgod pa ni zhi bar byed// khro mo smig bu'i mgo la bstod// thogs med chen po'i ting 'dzin las// phra men ma ste bya rgod mgo/ yid g.yo las byung brgya byin bu mo dang // 'du byed sems pas dbang du sdud// khro mo bya rgod mgo la bstod// gsal byed chen po'i ting 'dzin las// phra men ma ste bya rog mgo/ phrag dog las byung me lha'i bu mo dang // dge la mi 'jug skul bar byed// khro mo bya rog mgo la bstod// mthong byed chen po'i ting 'dzin las// phra men ma ste 'ug pa'i mgo/ rtsod pa las byung gshin rje'i bu mo dang // tshig brlangs po ni dbang du sdud// khro mo 'ug/ pa'i mgo la bstod// thal byed chen po'i ting 'dzin las// phra men ma ste khwa yi mgo/ le lo las byung srin po'i bu mo dang // bag med pa ni rjes su bskul// khro mo khwa yi mgo la bstod// bkra byed chen po'i ting 'dzin las// phra men ma ste pu shud mgo/ spyod 'chal las byung chu lha'i bu mo dang // brlangs po spyod pa dge bar spyod// khro mo pu shud mgo la bstod// sgrib byed chen po'i ting 'dzin las// phra men ma ste khra yi

  92. 46b

    mgo/ tshul khrims 'chal pa las byung rlung lha'i bu mo dang // khrel med pa ni chos nyid ngang du bcom// khro mo khra yi mgo la bstod// gso byed chen po'i ting 'dzin las// phra men ma ste pha wang mgo/ 'tsho ba las byung gnod sbyin bu mo dang // log pas 'tsho ba dang du len// khro mo pha wang mgo la bstod// btsal byed chen po'i ting 'dzin las// phra men ma ste sre mo'i mgo/ bdag 'dzin las byung dbang ldan bu mo dang // sems g.yeng rgod pa zhu bar mdzad// khro mo zer mo mgo la bstod// 'gug byed chen po'i ting 'dzin las// phra men ma ste byi ba'i mgo// nyon mongs mtshungs ldan sa bdag bu mo dang // g.yo dang sgra ni mi gnas te// khro mo byi ba'i mgo la bstod// don mthun las byung lha mo lcags kyu ma// zhi bas don mdzad tshad med snying rje brnyes// de bzhin rigs kyi mngag gzhug ma// lha mo pu shud mgo la bstod// don spyod las byung lha mo zhags pa ma// rgyas pas don mdzad tshad med byams pas brnyes// rin chen rigs kyi mngag gzhug ma// khro mo sgre ka'i mgo la bstod// sbyin pa las byung sna tshogs sgra sgrogs ma// dbang du spyod pas tshad med dga' ba brnyes// pad+ma rigs kyi pho nya las mkhan ma// lha mo srin bya'i mgo la bstod// snyan pa las byung lha mo dril 'khrol ma// drag shul spyod pas tshad med btang snyoms brnyes// las kyi rigs

  93. 47a

    kyi mngag gzhug ma// gsang ba'i pho nya khra yi mgo la phyag 'tshal bstod// de nas yang gsang ba sngags kyi don gsol ba ni/ kye ma ho rdo rje khros pa'i sku gsung thugs gzhon nu mi bzad rgyan gyi 'khor lo de'i/ gsang ba'i sngags rnams bshad du gsol/ zhes gsol ba'i don thugs su chud de/ bcom ldan 'das rdo rje khros pa'i sku gsung thugs gzhon nus// dkyil 'khor gyi lha rnams kyi gsang sngags 'di rnams ched du brjod de// oM badz+ra ki li kI la ya sarba big+h+nAn baM hUM hUM hUM phaT/ oM badz+ra kI li ki la ya sarba big+h+nAn baM hUM phaT/ oM bud+d+ha ki li ki ya la sarba big+h+nAn baM hUM phaT/ traM rat+na ki li ki la ya sarba big+h+nAn pa hUM phaT/ hrIHpad+ma ki li kI la ya sarba big+h+nA na baM hUM phaT/ ha karma kI li ki la ya sarba big+h+nAn baM hUM phaT// oM badz+ra dip+ta tsakra ha na ha na hUM phaT// oM badz+ra kro ti dip+ta tsakra ha na ha na hUM phaT/ oM bud+d+ha kro ti dIp+ta tsakra ha na na hUM phaT/ traM rat+na kro ti dIp+ta tsakra ha na ha na hUM phaT/ hrIHpad+ma kro ti dIp+ta tsakra hUM phaT/ ha karma kro tI dIp+ta tsakra hUM phaT/ oM badz+ra kro ta hUM kA ra hUM/ gardza gardza hUM phaT/ oM badz+ra kro ta bi dza ya hUM/ ha na ha na hUM phaT/ oM badz+ra kro ta nI la daN+Da hUM phaT/ da ha da ha hUM phaT/ oM badz+ra kro ta ya mAn+ta ka hUM/ pa tsa pa tsa hUM phaT/ oM badz+ra kro ta Ar+ya a tsa la hUM/ ban+d+ha ban+d+ha hUM phaT/ oM badz+ra kro ta ha ya grI ba hUM/ hu lu hu lu hUM phaT/ oM badz+ra kro ta a

  94. 47b

    pa ra dzi ta NAM/ tiSh+Tha tiSh+Tha hUM phaT/ zur chag oM badz+ra kro ta a mr-i ta kuN+Da li hUM/ ts+tshin+ta ts+tshin+da hUM phaT/ oM badz+ra kro trai lo kya bi dza ya hUM/ bin+da bin+da hUM phaT/ oM badz+ra kro ta ma hA ba la hUM/ s+pho Ta ya s+pho Ta ya hUM phaT/ oM badz+ra kr-ih+Na dwidI ba ya ti hUM phaT/ oM badz+ra kro tI lA se ki hUM phaT/ oM badz+ra kro tI twe tA hUM phaT/ oM badz+ra kro tI sta na pa ti hUM phaT/ badz+ra kro ti mu sa lI hUM phaT/ oM badz+ra kro tA dza ya ti hUM phaT/ oM badz+ra kro ti sha bya ti hUM phaT/ oM badz+ra kro tI sa byaM mi ta hUM phaT/ oM badz+ra kro ti ma ra NI hUM phaT/ oM badz+ra kro ti tsun+da ya te hUM phaT/ ha badz+ra sU ka ra mu kha hUM phaT/ ha badz+ra g+ha mu kha hUM phaT/ ha badz+ra tsa ma ra mu kha hUM phaT/ ha badz+ra ha ri Na mu kha hUM phaT/ ha badz+ra di pI mu kha hUM phaT/ ha badz+ra pi DA la mu kha hUM phaT/ ha badz+ra shwa na mu kha hUM phaT/ he badz+ra sed+ha mu kha hUM phaT/ he badz+ra tak+ShA mu kha hUM phaT/ ha badz+ra r-ik+Sha mu kha hUM phaT/ he badz+ra u se ka mu khI hUM phaT/ he badz+ra gr-in+d+ha mi khI hUM phaT/ he badz+ra dro Na mu khI hUM phaT/ he badz+ra u lA ka mu khi hUM phaT/ he badz+ra ka ka mu khI hUM phaT// he badz+ra bak+Sha ti mu khI hUM phaT/ he badz+ra pa ti mu khI hUM phaT/ he badz+ra ti tI la mu khI hUM phaT/ he badz+ra ba ku la mu khI hUM phaT/ he badz+ra ka si ka mu khI hUM phaT// dzaHbadz+ra b+hai ra be hUM phaT/ hUM badz+ra rat+na bag sha ta hUM phaT/ baM badz+ra a mr-i ta hUM phaT/ hoHbadz+ra ma ra Na hUM phaT/ ces rtsa ba'i lha rnams kyi ma nor ba'i rtsa ba'i sngags dang / bskyed pa rkyen gyi sngags

  95. 48a

    dang // bskul ba las kyi sngags rnams ched du brjod do// rdo rje phur pa gsang ba'i rgyud chen po las/ dkyil 'khor rgyas par bstan pa las// sdud pa pos mchod cing bstod nas/ gsang sngags kyi don zhus pa dang / de'i lan rgyas par bstan pa'i le'u ste bcu gcig pa'o// // de nas yang rdo rje 'dus pa'i sras mchog kI la yas// bcom ldan 'das rdo rje khros pa'i sku gsung thugs gzhon nu la/ rmad du byung ba'i glu sna tshogs pas mngon par mchod nas// ma dad pa'i sems can chen po de dag la/ de lta bu'i mdzad spyod bstan pa/ e ma ho ngo mtshar ya mtshan can no// de'i rjes su 'jug pa'i gang zag dang ni gnas// 'khor dang phur pa yo byad dus tshod rnams// dpa' bo khyod kyis bshad du gsol// zhes gsol pas/ rdo rje khros pa'i sku gsung thugs gzhon nus gsol ba'i don thugs su chud nas/ khros pas bka' stsal pa/ nyon cig rdo rje 'dus pa'i sras// rnal 'byor don zhus ya mtshan che'o// e ma ho nyon la yid la zung / gang zag sgrub pa'i mtshan nyid ni// rigs bzang kun gyis bkur zhing kun la mdzes// dbyibs legs gsang ba nyon mongs chung // longs spyod ldan zhing sgo yang spyod pa mdzes// gang gi las la ma rmongs bzo ba'i bye brag phyed// phyi nang sde snod thams cad la// thos bsam bsgoms la rab sbyangs

  96. 48b

    pa'i// las su dge bcu ldan zhing chos spyod tshad med ngang la gnas// bstan pa'i rgya mtsho 'dul khrims sdom pa yi// ngang la gnas te dam tshig bsrung // bla med theg pa rnam gsum la// bye brag sgrub pa'i nyams drod ldan// dkyil 'khor mtshan nyid phrin las bye brag phyed// ting 'dzin las su rung ba'i drod tshad rtags mthong ba'i// dbang gi rim pa ma lus rdzogs pa yi// de ltar ldan pa rdo rje bla ma yin// de yi phyi bzhin be'u ltar 'breng // de dang mi ldan skyon du gyur pa'i bla ma ni// gsang sngags spyad dka' 'bras bu bla ma la ltos pas// tho tso ras tshod gzu lums ma yin par// thabs kyi rim pas spang bar bya'o// gnas kyi rim pa bstan pa ni// gnod sbyin mo yis sbar rjes sam// gnod sbyin mtshon chas bshas rjes sam// klu bdud dag gi rgyu srang ngam// rten dang 'bral ba'i ya ga can// rnal 'byor bsam pas spang bar bya'o// spang na dngos grub myur bar bshad// ma spangs nam phugs rang la gnod// steng 'og par snang brtag pa ni// 'khor lo gnam la pad+ma sa// phyogs mtshams kun tu rdo rje brag/ gzhung ldan bkra shis dam pa'o// dbyibs legs lung pa ran pa dang // 'bru khung chu shing 'tshams pa dang // gcan gzan mi rgod nyam nga med// mi dang mi min rgyu srang nyul// 'di ni yid 'ong dam pa ste// de ni dang du blang bar bya'o// spang

  97. 49a

    dang dang du blang ba ni// bdag gi ting 'dzin nyams dang sbyar// ting 'dzin zab na ngan pa bdam// ting 'dzin g.yel na bzang po bdam// ting 'dzin drod dang ldan gyur na// ngan pa'i las rnams gong ma der// sgrub pa la sogs byas na yang // ngan pa'i las kyis ran pa 'grub// las la phan 'dogs yod pa dang // grims phyin shugs kyis ting 'dzin gsal// bzang po'i las su bsgrub gyur na// yun du bsring na phung 'ching med// de bas gzhung dang ldan par bya'o// 'khor gyi rim pa bstan pa ni// kha gtsag g.yo sgyu med pa dang // rem la nyams shed ldan pa dang // brling po gzhan gyis bslu bar lci// skos nyams dus la rub pa ni// gang zag pho mo de lta bu// sgrub pa phyi yi 'khor du bya// rgyal thebs stobs dang ldan pa dang // las mkhan bye brag phyed pa dang // brtul zhugs 'chang ba'i ging chen dang // drod tshad zin pa'i spyan mthong dang // gtsang sbra phyed pa'i g.yos pa ni// sgrub pa rtsa ba'i dkyil 'khor du// rigs bzhi 'os bzhi tshul bzhi dang // yon tan bcu gcig ldan pa ni// tshan ldan bkra shis yum mchog ni// dgyes skoslong gsang ba'i 'khor du bya'o// phur pa yo byad mtshan nyid ni// phur pa'i rgyu ni 'di lta ste// dngul lam dkar po'i shing rnams ni// zhi ba'i phur pa'i rgyu ru bshad// gser ram ser po'i shing rnams ni// rgyas

  98. 49b

    pa'i phur pa'i rgyu ru bshad// zangs sam dmar po'i shing rnams ni// dbang du phur pa'i rgyu ru bshad// lcags sam nag po'i shing rnams ni// drag po'i phur pa'i rgyu ru bshad// rmig zlum rkang la zhi ba bya// 'dab chags rkang la rgyas pa bya// rkang leb rkang la dbang yang bya// sder chags rkang la drag po bya// lo ma me tog yal ga med// shir shing nag po'i myu gu la// drag po'i phur pa bya bar bshad// pho mo 'dod pa'i srid ma zin// slos po ru leb mtshan la ni// de la dbang gi phur pa bya// pho dang mo yi mtshan ma dang // ma ning nag po'i mtshan ma la// de la rgyas pa'i phur pa bya// bu tsha rigs rgyud srid ma zin// dre'u rta nag po'i mtshan ma ni// de la zhi ba'i phur pa bya// 'di ni kun rdzob phur pa'i rgyu// rtogs pa'i don la mi dgos pas// ma rtogs don du bstan par zad// kun gyi rgyu ni byang chub sems// byang chub sems kyi don rtogs na// gzhan nas rgyu nyid btsal mi dgos// btsal yang rgyal bas mi rnyed do// phur pa'i tshad ni 'di lta ste// rang byung chen po'i phur pa las// sems nyid gsal ba'i tshad btang na// don dam du ni mi dgos te// dman pa'i don du tshad bstan to// sor bzhi pa dang sor drug pa// bcu gnyis su ni yang dag bshad// rtse mo'i phyogs ni ma nor bar// rtsa ba la ni rgya mdud bya// myu gu'i ngos su rtsi mo bya// spyi bor sor

  99. 50a

    gcig rgyan mdud bya// sked par de bzhin bya ba ste// stod kyi dbyibs ni sor brgyad la// rtse mo zur gsum zer sor bya ba ni// zlum po gru bzhi zla gam zur gsum ste// rtse mtshan so so'i dbyibs su ni// dbang drag gnyis ni chu srin kha nas byung // zhi la zur drug rgyas la brgyad// ri rab lta bu brjid che ba// kun rdzob dbyibs su byas pa yin// khrag 'thung 'bar ba thugs kyi ye shes la// yon tan tshang paba'i tshul lam dbyibs// de nyid rtogs na 'di mi dgos// rgyu rkyen ma 'gags don shes na// rtsa ba rtse mo dbyer med do// ma rtogs pas na de bstan no// legs pa'i yon tan bsam las 'das// legs na yi rang dod na gdung // nyes pa'i skyon ni 'di yin te// gang dgar byas na bka' las 'gal// snyed bcod byas na tshul las nyams// ngan dgur bshams na rtog par 'gyur// byams pas phyogs med phan gdags shing // ma chags dga' bas mngon bsgrubs te// byams pa phan gdags smon pa bya'o// las ni 'bum lnga'i bshags pa ste// sku yi dam tshig nyams pa bshags pa tsha tsha 'bum// gsung gi dam tshig nyams pa bshags pa gsung rab 'bum// thugs kyi dam tshig nyams pa bshags pa srog 'don 'bum/ khyad par dam tshig nyams pa bshags pa tshogs mchod 'bum// lhag pa'i dam nyams gang la bshags pa

  100. 50b

    'bum/ 'bum lnga'i bshags pas sdig pa mtshams med 'byang bar 'gyur// nyon cig rdo rje 'dus pa'i sras/ 'bum phrag tsha tsha gdab cing bshags shing bskang gso rgya cher bya'o// las dang don dam kun rdzob sems bskyed dgos pa ni// dper na ras dkar tshos su 'dzin pa bzhin// rnal 'byor pa yi nyes pa dag gyur na// bde gshegs skur 'gyur 'di la the tshom med// ma dag rgyu yis mi 'grub ste// dper na sa bon rtsi nyams pas// 'bras bu 'byung ba ga la srid// de nas nan tan cher bskyed nas// sngon du 'gro ba'i don la dad cing brtson par bya// zhes gsungs so// de skad gsungs pas rdo rje 'dus pa la sogs pa 'khor rnams ni/ phyi rabs pa'i rnal 'byor pa'i don du sngon du 'gro ba la gus pas don thugs su chud par gyur to// rdo rje phur pa gsang ba'i rgyud chen po las// rnal 'byor sngon du 'gro ba'i don rgyas par zhus lan du bstan pa'i le'u ste bcu gsum pa'o// // de nas yang rdo rje 'dus pas// bcom ldan 'das la yang rmad du byung ba'i mchod pas mngon par mchod de/ 'di skad ces gsol to// e ma bde gshegs bcom ldan 'das// rigs dang ye shes kun gyi 'byung gnas te// dam chos bye brag kun la mnga' brnyes pas// ji ltar sbrul kyang thugs kyi gdeng mi g.yo// sku gsung thugs kyi bdag la phyag 'tshal lo// zhi ba

  101. 51a

    rjes su sgrub 'dod pas// bdag nyid dang ni gnas dang 'khor// sa cho ga sta gon dkyil 'khor cho ga'i rim pa dang // 'jug dang dbang bskur phan pa'i yon tan skyon dang las kyi mtha' btul rnams// bde gshegs rgyal ba khyod kyis bshad du gsol// zhes gsol pas/ gsol ba'i don thugs su chud de// dkyil 'khor 'byung ba'i ting nge 'dzin la zhugs te/ 'di skad ces gsungs so// e ma bde gshegs 'dus pa'i gtso// dkyil 'khor rgyas pa'i don zhus ya mtshan che'o// nga yis bshad kyi khyod kyis nyon// rdo rje bla ma'i mtshan nyid ni// blo yangs rgyud la mkhas pa dang // sems kyi rnam rtog choms pa dang // ting 'dzin las su rung ba dang // phyi nang sde snod thams cad la// som nyi med de the tshom med// sran thub mi ldog dad pa che// gsang ba sbas pa'i thabs mchog rnams// snod ngan phal la mi spel ba// rdo rje rigs kyi bla mar gsungs// rkyen thub mi ldog dam tshig gnas// yid kyi sgo nas shin tu sbyangs// man ngag lung la rtag dga' zhing // sna tshogs sna tshogs ci sgo nas// bla ma'i thugs ni mnyes byed pa// rdo rje rigs kyi bu yin te// gsum mam bcu phyed man chad do// ri bo 'dus pa'i rtse rnams dang // mdangs dkar shar du gzhol ba yi// gangs ri rdo rje'i brag dkar ni// rdo rje rigs kyi sgrub gnas

  102. 51b

    yin// sa yi cho ga bstan pa ni// gnam dang sa dang bar snang rnams// rdo rje'i gur btsal brag ri brtags// de nas bus gang tsam du rko// sa yi ro lnga bsal byas nas// sa de nyid kyis dgang bar bya// khengs nas lhag na dngos grub rab// kha ta chad na dngos grub 'bring // ma khengs gyur na gzhan du spro// mngon du snang ba'i mi rnams la// rin chen rin nam bden pas bslang // bdag nyid lha yi rnal 'byor pas// mchod dang gtor ma nges thogs nas// lag gnyis 'khor los sa yi lha mo sbran// mchod la dbang bcol bden tshig bsgo// de bas legs shing dang bar bya// yo byad dam pa byang chub sems// sems kyi stobs kyis rtsol nus na// thams cad ma lus yo byad yin// lha grangs tshang ba'i phur pa dang // bsgrub pa rdzas kyi phur pa dang // nyung dkar gu gul rak+ta rnams// bsgrub pa rtsa ba'i yo byad do// phyi nang gsang ba'i mchod rdzas te// bdug pa mar me me tog bshos// gtor ma bdud rtsi rak+ta dang // gtso gzungs lhag pa'i byang chub sems// mchod pa gsang ba'i yo byad do// dur khrod sha khrag la sogs pa'i// khyi spyang wa 'phar sha khrag dang // mar zhag 'o ma khrag rnams kun// ma mo bsten pa'i yo byad do// rabs chad nag po'i thod pa dang // lcags sna lnga yi phur pa ni// dam sri mnan pa'i yo byad do// mdzes pa'i gtor ma phur

  103. 52a

    pa bcu// 'bar ba mtshams kyi yo byad do// shun chen ko ba stag lpags dang // dar gyi snying non phyag rgya'i phur rung dang // cod pan stod g.yogs smad dkris sbrul chun rnams// sngags pa rgyan gyi yo byad do// mAM sa pany+tsa dza gad tshe// tshim byed kun tu rgyug pa dang // gal phyi ka ta ri dang zla tshes dang // zla phrom zla rgyas a sa la// 'byor pa tshogs kyi yo byad do// sman dang smra ba gtsags ma ni// nad 'joms sman gyi yo byad do// go dang phub dang mtshon cha rnams// bar chad dgra bzlog yo byad do// bya nag lug nag bsgral ba'i zhing // nyams chag skong dang rkyen bzlog yo byad do// de ltar bstan pa'i yo byad rnams// sgrub pa lo zla'i yo byad ldab tu bya// ma sma pa dang ma sme ba'i// tshogs par 'grub 'gyur the tshom med// byang chub sems ni rgyu yin te// phyi ma'i rkyen gyi tshul du gnas// rgyu rkyen tshogs pas 'bras bu chud mi za// 'jug pa'i dus tshod bstan pa ni// rnal 'byor bsgrub pa'i don ldan na// dus tshod med de kun kyang dus// spyod yul kun tu sgrub pa'i dus tshod yin// ma rtogs don du 'di bstan no// dbyar dgun ston dpyid nam sla tshar ba bzhir// dbyar gyi ngo la 'jug pa ni// dbyar dgun ston dpyid zla dus so// stag glang rta bya'i nyi ma la// phur bu mig dmar nyi ma pa wa sangs// rgyal stod rgyal smad spo dang wa// nyi ma skar ma gza' dus

  104. 52b

    su// yo byad ma lus tshogs 'gyur na// sgrub pa la 'jug dus tshod yin// ma tshogs bar du dus tshod med// ces pas ni/ phyis rjes su 'jug pa'i gang zag rnams phun sum tshogs pa drug gi don gyis sgrub pa'i gzhi bzung ba la mgo mi rmongs par 'gyur ro// rdo rje phur pa gsang ba'i rgyud chen po las/ phun sum tshogs pa drug gis sgrub pa'i gzhi bzung ba/ zhugs len du bstan pa'i le'u ste bcu gnyis pa'o// // de nas yang rdo rje 'dus pa'i sras mchog kI la yas// phyi rabs kyi rnal 'byor pa rnams// sngon du bya ba'i cho ga la mgo mi rmongs par bya ba'i phyir na/ bcom ldan 'das rdo rje khros pa'i sku gsung thugs gzhon nu ma la 'di skad ces gsol to// e ma ho sangs rgyas rgyal ba'i mchog/ rjes su 'jug pa'i rnal 'byor pas// sngon du bya ba'i las ni gang // rgyal mchog khyod kyis bstan du gsol// zhes gsol te// bcom ldan 'das kyis bka' stsal pa ni/ rnal 'byor sngon du bya ba'i las// don dam kun rdzob gsum yin te// don dam sngon du 'gro ba ni// 'bras bu ye shes tshogs 'dod phyir// bde ba'i stan la 'dug nas ni// bsam gtan gyi ni phyag rgya lngas// lus sems mnyam par bzhag byas te// stong pa chen po'i ting 'dzin ni// dam pa don gyi byang chub sems// rgyu rkyen gang las ma byung zhing // mi 'gyur byang chub

  105. 53a

    brtan par bzung // kun rdzob sngon du 'gro ba ni// bdag nyid lha yi byang chub sems// bde gshegs sras bcas spyan drang bzhugs gsol dmigs// phyag 'tshal mchod pa ci 'byor 'bad// sdig bshags yi rang skyabs gsol zhing // 'gro ba ma lus don gyi phyir// snying rje mchog gis gzhi bzung ste// sa bdag 'khor lnga nyid la ni// gtor ma byin te gzhan tu btang // nyi ma rim par 'gro ba bzhin// lto/ 'phye gzhung du brtags nas ni// lnga tshan nyi shu rtsa lnga nyid// sa bdag nyid la dbul bar bya'o// rgyal po rnams la khru bcu gnyis blon po rnams la brgyad du bya// dmangs la de bzhin drug yin te// shin tu 'thas shing legs byas la// dmigs su med pa'i ting 'dzin gyis// dmigs med ngang du dag par bya// dkyil du gtsang ma'i gdan bting la// gdeng ldan bdag nyid mdzes byas dbus su 'dug/ zur ga/ shiSh+Ta bzhi nyid phyogs bzhir gnas// dus gsum bzhugs kun spyan drang mchod// yid kyis rdo rje'i bzlas pa bya// de nas blo ldan bzhi po yis// rigs bzhi'i ngang la gnas nas su// dkyil 'khor chen po shod cig ces// sngon byung bzhin du gsol ba gdab// de nas phyir nyid song nas ni// rdo rje'i stabs dang rol pa'i gar// rdo rje'i lta bas kun bltas te// bar chad bgegs bskrad dkyil 'khor

  106. 53b

    bsrung // gzhung las 'byung ba de byas na// de la bar chad yongs mi 'byung // gzhung dang mi ldan las byas kyang // ngal ba'i tshe chad don med 'gyur// des na nan tan bskyed par bya// sta gon rim pa bstan pa ni// rin chen bum pa brgyad nyid la// gtsang sbra dag byas dri yis byug/ phyag rgya bris nas gdan la bzhag/ bgegs bskrad bsang gtor rim par byas// stong nyid ngang las gzhal yas khang // gcig ni las te gnyis pa mchod pa yin// gsum pa khams gsum rnam rgyal te// lnga pa tshom bu'i dkyil 'khor bskyed// rang bzhin dkyil 'khor spyan drang mchod// mchod pa gsum gyis nges mchod la// lnga tshan nyi shu rtsa lnga nyid// sngags dang ting 'dzin gsal rdzogs nas// kha rgyan btsugs te gzungs zag gdags// rdo rje bzlas pa brgya rtsa brgyad// lha rnams kun la tshang bar bya// bum pa ma lags rgyal po lags// rgyal po sngags kyis btab nas ni// rgyal po chen por mnga' gsol gyis// rgyal po'i tshul du bzhugs su gsol// phyi nang gsang ba'i mchod rdzogs nas// mda' dang phur bu ral gri dang // me long dar sna srung skud dang // dbu rgyan snying nan phyag rgya'i phu rung dang // stod g.yogs smad dkris dkar por bya// dbang du gsol ba'i lha mo nyid// mchod nas sa gzhi nyid la bstim// pho brang dbus nas sgo bzhi ru// dri yi thig le

  107. 54a

    bzhi bcu gnyis// rtsa ba'i sngags kyis mdzes byas la// spyan drang bstim mchod gsal ba gdab la// rdo rje 'chang chen 'di zhes pas// nam langs gyur nas dkyil 'khor bri// khyed rnams la ni mchod byed dang // slob ma rjes su gzung ba'i phyir// rab tu bsten te 'jug par bya// sta gon la ni gnas par mdzod// sngon tshe dbang mdzad lho mo khyod// bdag cag sgrib sbyong tshogs skyed phyir// sngon gyi rgyal ba'i bka' bzhin du// sta go na la ni bzhugs su gsol// oM AHhUM sA hA dz+nyA na pany+tsa hUM phaT/ au d+hU pa sid+d+hi hUM/ rat+na maN+Da la sid+d+hi hUM/ bru hi gar+b+ha sid+d+ha hUM/ a mr-i ta A be sha a a/ oM AMHhUM sid+d+hi gu ru a/ pany+tsa li ka A be shA A/ kalpa br-i k+Sha hUM AH/ blo ldan khrus kyis dag byas nas// mdun bstar me tog lag thogs nas// skye rgas na dang 'chi ba yi// chu srin pir sogs 'jigs byed pas// 'dod par mdzad pa khyod 'ba' zhig/ dga' chen khyod bdag ston pa bas// mgon po chen po bdag la stsol// byang chub chen po'i tshul bstan pas// dam tshig chen po bdag la stsol// byang chub sems kyang bdag la stsol// sangs rgyas chos dang dge 'dun te// skyabs gsum dag kyang bdag la stsol// thar pa chen po'i grong mchog tu// mgon po chen pos gzhug tu gsol// dbang ldan phyogs su dkyil 'khor ni// tshom bu lnga dang ldan par

  108. 54b

    bya// bskyed dang bstim phyag mchod gzabs te// oM badz+ra kro ta hUM hUM phaT/ tsakra sa twa A~M/ pad+ma sa twa hrIH/ badz+ra sa twa hUM/ sku gsung thugs su sbyar byas nas// lus ngag yid gsum bsrung ba dang // rnam thar la ni dgod pa'i phyir// byin gyis brlab pa'i gnas mdzod cig/ bu tshur theg pa chen po yi// khyod ni tshul chen snod yin pas// gsang sngags spyod tshul cho ga ni// khyod la yang dag bshad par bya// dam tshig dam pa bstan par bya'o// byang chub sems kyang bskyed par bya// 'khor ba dag las bskyab par bya'o// dkyil 'khor chen por gzhug par bya// phyi nang gsang ba'i dbang bskur bgyi// da ni dad par rab tu skyed// oM a mr-i ta kuN+Da li hUM phaT// bsrung ba'i don du bsrung skud la// bdud rtsi 'khyil pa'i sngags kyis gdab// slob ma'i dpung pa g.yas par bcings// lus kyi nyes pa dag pa dang // bsrung dang sta gon gnas par mdzod// oM badz+ra a 'dzis sham pa ri na hUM phaT/ dur khrod so shing dor ba nyid// ngag gi nyes pa bsal ba'i phyir// dkyil 'khor gang du rab tu dor// dbang gis ltas rnams bstan du gsol// bi shud+d+he sarba hi ni hUM phaT// sa sham sho d+ha ya/ sarba bi na ya hUM phaT/ bdud rtsi chen po chu nyid las// gsang ba'i sngags kyis btab nas te// blud nas lus kyi nyes pa dag/ sta gon la ni gnas par mdzod// theg pa gzhan nas

  109. 55a

    ldog bya'i phyir// theg pa chen po'i spro ba bskyed// bdag nyid chen po'i 'khor rnams kyis// de ring bdag nyid thob pa nyid// gang gis khyed cag rgyal ba kun// sras dang bcas pas bstan 'di la// skye bzhin pa na bdag chen gyis// thams cad yongs su 'dzin la gnas// des na khyed cag theg chen la// rigs bzang po ru nges par 'gyur// de yi lam mchog dpal dang ldan// theg pa chen po las byung ba'i// khyed rnams kyis ni bgrod gyur pa'i// ma 'ongs pa na bde gshegs 'gyur// yod med dag las rnam par 'das// nam mkha' lta bur dri ma med// chos rnams kun la zab gyur cing // rab tu spros te gnas med pas// spros pa thams cad spangs pa yin// rab spros rnams kyis rab tu spros// theg pa chen po'i tshul gnas na// 'di nyid du ni chos thos 'gyur// seng ge'i nyal thabs rab tu brtags// ku sha mu gu rtse ma nyams// de las byung ba spyi bor gzugs// gzhan dag stan du gding bar bya// 'di ru nyol la ji lta bar// rmi lam mthong ba ston cig ces// de skad brjod la slob ma bskal// de nas sa stegs gru bzhi la// dam rdzas bdud rtsis ga dar bya'o// srad bu dog pa kha dog lnga// ma nor phyogs bzhags mchod pa bshams// bde gshegs rig lnga'i rgyal ba la// mchod gsol ye shes thig blangs nas// srad bu nyid

  110. 55b

    la thim gyur nas// blo ldan grogs mchog yid 'ong gzugs// gsal bar ldan nam byin gyis brlab// chags bskyed sbyor ba'i brdas bskul te// byang chub sems ni bsnol mar bstims// srad bu nyid kyang byang chub sems// de las rdo rje'i skur gyur te// dag pa tshangs pa'i thig gis ni// rang bzhin dkyil 'khor gsal bar bya// de nas thig cha rim par dbye// mtshan ma ye shes thig tu gsal// rin chen lnga yi phye ma la// yang na 'bru sna rnam lnga ste// yang na sa dang rdo la bya// byin brlabs bsam rgyud nges par bzhag/ mkhas pas thogs la dkyil 'khor bri// srad bu'i tshad ni dkyil 'khor nyis 'gyur te// sar pa legs bkal dgu bsgril ba// mdzes shing gsher ba byas pa yis// dang la tshangs thig gdab bya ste// bla ma shar la blo ldan nub// bdag nyid me lha'i mtshams 'dug ste// blo ldan rlung gi phyogs song ste// tshangs thig dang po gdab par bya// bdag nyid gshin rje'i gom stabs kyis// bdag nyid lho yi phyogs song ste// blo ldan gnod sbyin phyogs 'dong ste// tshangs thig gnyis pa gdab par bya// bdag nyid srin po'i phyogs song la// blo ldan byang shar nyid song ste// gru thig gnyis pa gdab par bya// bdag nyid rdo rje'i gom stabs kyis// bskor nas me lha'i phyogs song ste// shar gyi thig cha rim par dbye'o// phyogs gzhan de bzhin

  111. 56a

    bsgyur te gdab// gdab pa srad bu'i thig tu gsungs// kha dog don ni rigs dang sbyar// re khA gre so bslang ba 'dra// mtshon rtsi kha ba bab pa bzhin// g.yas su bskor zhing rgyun mi gcad// ye shes thig la mi 'gong ste// ting nge 'dzin gyis 'og nas 'dzul bar bya// dbus su sngags kyi bdag po ni// rdo rje gzugs dang bcas par bri// cho ga bzhin du mdzes par dgod// spyan sngar rdo rje 'dzin rgyal te// 'khor los sgyur dang rin chen 'byung // pad+ma 'chang dang sna tshogs las// phyogs kyi 'khor lo'i gdan dag la// gzugs dang bcas pa dgod par bya'o// phyi rol 'khor lo'i rtsibs brgyad la// sems dpa' brgyad dang sems ma brgyad// rim pas spel te dgod par bya// bar khyams la ni thub drug ste// sgo bzhi sgo srang 'khor dang bcas// sku'am phyag rgya'am yi ge'am// ma nges pa ni rgyal bas gsungs// bla re 'phan gdugs la sogs dang // rgyal mtshan brgyad nyid 'bar 'dra gzug/ gzhan yang dkyil 'khor ma lus dang // mchod dang rol mo ci 'byor 'bad// dkyil 'khor bca' ba'i rim pa'o// cho ga'i rim pa bstan pa ni// bskyed dang dbang bskur rim pa dag/ sngon byung bzhin du rjes 'jug pa// de nas rnal 'byor can gyis ni// dbyings nas dkyil 'khor spyan drang mchod// mchod dang

  112. 56b

    bstod pa'i las kyang bya// mnyes nas nye bar 'grub pa'o// 'jug pa'i rim pa bstan pa ni// de nas slob ma gdong g.yogs te// bgegs bskrad sangs gtor bdug pa bya'o// dkyil 'khor gtso bos dkyil 'khor du// slob ma rab tu 'jug tu gsol// sems can don du bdag stsol bas// bzod par mdzad de dgongs su gsol// skal dang ldan pa'i rigs kyi bu// las gang spyod pa ci la dga'// bdag ni gsang ba'i dkyil 'khor du// 'jug par 'tshal te bag chags kyis// bsgrib pa rab tu sbyangs byas te// rdo rje gsang ba'i dkyil 'khor du// dbang ni nod par 'tshal lags so// khyod ni de ltar 'dod yin na// snod dang ldan pa'i mtshan nyid dang // dad pa chen po'i snga ltas su// yon dang dad pa ci zhig yod// bdag gi lus dang srog la ma chags par// rta dang glang po nor gyi dbyig/ gser dngul bya ris zor sgrogs dang // g.yu dang byu ru man shel dang // g.yi sbyang dar zab gos kyi mchog/ 'bangs dang rkang 'gros yul mkhar rnams// ma zhum pa yis dbul bar bya// dga' chen khyod bdag ston pa bas// mgon po chen po bdag 'tshal lo// byang chub chen po'i tshul bstan pa// zhi ba'i dam tshig bdag la stsol// dpa' bo chen po dbang gi lha// sdom pa bdag la bshad du gsol// sangs rgyas gar mkhan las byung ba'i// gsang ba

  113. 57a

    chen por 'jug par 'tshal// phyir mi ldog pa'i dkyil 'khor du// rdo rje gsang ba'i dkyil 'khor du// rdo rje gsang ba'i dbang mchog skur// gsang ba kun gyis rigs tshogs su// bdag ni mra 'ongs slob dpon shog/ de ring khyod kyi snying la ni// rdo rje sems dpa' yang dag gnas// gal te tshul 'di dral 'gyur na// skad cig gcig gi dral te gshegs// de bas dam las ma 'da' zhig/ oM badz+ro da ka hUM/ de ring phan chad bu khyod kyi// phyag na rdo rje nga yin gyi// nga yis ji skad bsgo ba bzhin// nges pa kho nar bya dgos so// bdag la smad par ma byed cig/ gal te smad par byas na ni// tshe yi 'du byed byas nas kyang // dam chu 'di yis rkyen byas nas// dmyal ba'i rdo rjer 'gyur ta re// skal dang ldan pa rigs kyi bu// khyod kyis bsrung bar bya ba ni// lha dang bla ma spun mi spang // sngags dang phyag rgya rgyun mi gcad// gsang ba gzhan la spel mi bya// sku gsung thugasas kyi dam tshig ste// rtsa ba'i dam tshig nges thub na// dam chu 'di yis rkyen byas nas// ye shes sems dpa' nyid du 'gyur// me tog phreng ba bzang po 'di// dkyil 'khor gtso bo rab drung dor// 'gro la phan pa'i gtso chen gyis// sman par dgongs nas bzhes su gsol// pra tI ts+tsha ho// bde gshegs rgyal ba'i dkyil 'khor du// rig pa'i me tog 'di bor

  114. 57b

    bas// gang la bab pa rigs kyi lha// gtso bor rigs te bsgrubs nas ni// dngos grub rigs ni the tshom med// skal ldan khyod la sbyin par bya// de ring phan chad bu khyod kyi// mtshan ni rdo rje che ge zhes// rdo rje kun grags yin par nges// rdo rje'i mtshan gyis kun grags shog/ sngon gyi mig mkhan rgyal po yis// gser gyi gtsags bu thogs nas ni// mig gi ling tog bsal ba ltar// thugs rje ye shes thabs ldan pas// mi shes pa yi rab rib dang // ma rig mun pa bsal du gsol// deng khyod rdo rje sems dpa' yis// mig kun nye bar zhi mdzad pa'i// mig dbye ba la brtson par bya'o// rdo rje'i mig ni bla med 'gyur// badz+ra dz+nyA na tsak+Shu pra be sha phaT/ chos rnams gzugs brnyan 'dra ba yi// rang bzhin dag pas rnyog pa med// gzugs brnyan gsal ba'i dkyil 'khor gyi// kun gyis dri ma med mthong shog/ dkyil 'khor 'di la da lta nyid// dad pa'i thugs kyis blta bar gyis// khyod kyang sangs rgyas rigs las skyes// sngags dang phyag rgyas byin brlabs kyi// dkyil 'khor bzang po 'di la ltos// badz+ra maN+Dal prA be sha ho// mya ngan mi 'da' thugs rje'i ngang // nyon mongs mi spong gos pa med// ma chags rang bzhin dag pas na// pad+ma'i gdan la bzhugs gsol// dbang bskur bar bstan pa ni/ byang chub sems rdo rje sangs rgyas

  115. 58a

    kyis// bden pa chen po ji ltar byin// bdag kyang bsgral ba'i don slad du// nam mkha'i rdo rje bdag dbang skur// rin po che yi dbang 'di ni// sangs rgyas kun gyis rab gsungs te// mkhas pa kun gyis phyag byas pa'i// gnas las byung ba sbyin par bya'o// tra gsang ba gsang mchog mya ngan 'das// de la sogs pa gsang ba kun// don du brtags shing mnyan pa las// kun la bsgrag par bya ba min// d+harmA d+hA tu maN+Da la hUM A be sha A// hrIHbye ba brgyad cu'i sgra dbyangs kyis// gang 'dod skyes bu tshim par byos// shes rab don gyi dmigs dang sbyar// che chung don gyis so sor bsgrags// yongs la bsgrag par bya ba min// AM d+harmA d+hA tu pra be sha phaT// ha yi 'bar ba'i tshogs mchog la// karma'i tshogs mchog gsal sgro thim// khyod ni las rnams byed pa yin// rnam bzhi'i phrin las kun byos shig/ e baM mA yA maN+Da la sid+d+hi hUM/ rgyal ba'i gdung 'tsho ba sras chen po// sku gsung thugs kyi rdo rje zung // gnyis med rgyal bas mnyes mchod pa// bde gshegs rgyal ba kun dang sbyor// sa mi ta hUM badz+ra kA ya badz+ra hUM/ phyogs bcu 'jig rten stong gsum du/ rigs mchog rnams kyi phyag rgya tshul// dkyil 'khor kun gyi byed pa por// thams cad ma lus dbang rnams sbyin// oM AHhUM swA hA// ma hA gu ru hUM/ glegs bam chag shing rdo rje dril bu

  116. 58b

    dang // cho ga gsum ldan me long phyag rgya rnams// rna ba lce dang snying mgo lag pa g.yas pa ru// oM AHhUM swA hA/ rin chen pad+ma rdo rje 'khor lo gzhal yas su// 'phro 'dus rigs gsal spyan dang bstims mchod bzlas pa bya// gsol gdab thim gyur so so'i dbang dang ldan par bsam// sbas pa shes rab ye shes dbang // gnas dang bla ma gzungs bcas te// ting nge 'dzin gyi dkyil 'khor du// skal ldan bu yis me tog par// de nas bla ma slob dpon gyis// rdo rje rigs kyi bu mchog la// yang dag sems kyi gtan tshigs bzhin// bus kyang ji bzhin nyams su blangs// bum pa dbu rgyan cod pan dang // snying po lnga dang phyag rgya lnga ste sku lnga dang // phreng ba gdugs dang go cha bza' btung dbang byin no// de bzhin gshegs kun khrus gsol pa'i// ji ltar bltams pa tsam gyis ni// lha yi chu ni dag pa yi// dbang mchog dam pa bskur bar bya'o// A~M na maHsarba ta thA ga ta a b+hi She ka te sa ma ya hUM/ sangs rgyas kun gyi rin chen rtse// dpag tu med pa'i 'od dang ldan// rdo rje 'khor lo rin chen dang // pad+ma rgya gram khang bu lnga/ ze'u dbrog khang bum dbang bskur ro// badz+ra bud+d+ha rat+na pad+ma khaD+ga mU kA Ta traM traM/ cod pan 'di ni mdzes pa ste// ye shes lnga ldan cod pan 'dis// rtag chad gnyis las grol 'gyur zhing // 'khor ba'i nyes pas mi gos pa'i// mya ngan

  117. 59a

    'das pa'i gau 'phang thob par shog/ mau ta thA ga ta badz+ra le b+ha a b+hi Shiny+tsahA// e ma hA sangs rgyas thams cad kyi// yi ge gsung gi phyag rgya'i tshogs// gsung gi de nyid bsdus pa'i don// de bas snying po lnga yis dbang bskur ro// oM AHhUM swA hA// de bzhin gshegs pa kun gyi thugs// rdo rje 'khor lo rin chen dang // pad+ma ral gri mtshon chen lnga// phyag rgya lnga yi dbang bskur ro// oM badz+ra tsakra rat+na pad+ma khaD+ga mu dra hUM phaT// e ma ho bde gshegs kun gyi sku// mtshan dang dpe byad dpag tu med// mi 'gyur mi shigs rigs kyi gtso// de bas rigs lngas dbang bskur ro// oM satwa badz+ra hUM/ bai ro tsa na au/ rat+na sam+b+ha wa traM/ pad+ma a mi d+he ba hri/ karma a mo g+ha sid+d+hi a/ gzung dang ting 'dzin me tog phreng // sangs rgyas kun gyis bsngags pa te// sku yi rgyan du gyur pa'i phyir// de bas phreng bas dbang bskur ro// oM rat+na mA le praH ho/ stong pa'i go cha bla na med// mtshan ma'i dngos po kun bcom nas// phyin ci log gi bgegs chen bsrung // de bas go chas dbang bskur ro// badz+ra kA wA tsa badz+ra rak+Sha hUM hUM// gdug mdzes gser gyi yu ba can// skyabs chen byams pa chen po ste// nyon mongs gdung ba sel ba'i rtags// de bas gdugs kyis dbang bskur ro// oM badz+ra sUr+ya rat+na a b+hi Shiny+tsa hUM/ bza' dang bca' dang btung ba'i tshogs// kha mngar

  118. 59b

    sbyar bska 'am brlag ro mchog ste// dza gad tshe dang zla rgyas dang // tshe 'dzin mAM sa kun tu rgyu// tshims byed 'jam des zhal zas kyis// nyin mtshan rtag tu bde legs shog/ oM sarba ta thA ga ta pU dza sa ma ya hA/ gsang ba nang gi dbang bskur ro// yid du 'ong ba'i gnas dag tu// bla med rdo rje slob dpon gyis// me tog phung po'i dkyil 'khor bya// rab bskyed spyan drang mchod byas la// rigs kyi bu yis zhu ba dbul// bla mas gzung ma byin brlabs te// gsang ba byang chub sems kyi dbang // 'dod pa de la sbyin par bya// rigs bzang nyi shu lon pa'am// mtshan ldan sems phebs gang du bzung // rigs ngan mtshan ngan sems mi phebs// da ni spang bar bya ba yin// phan yon bstan par bya ba ni// dbang mchog bskur bas bu mchog de// 'jig rten me yis mchod cing bkur// bde gshegs rnams kyis sras su dgongs// lha mo rnams kyis grogs su mthong // chos skyong srung mas stongs grogs byed// 'gro don spyad kyang mi 'grib cing // 'khor 'dab rgyas shing bsam pa 'grub// tshe yi 'du byed byas na yang // rig 'dzin sa la nges par 'khod// byang chub mchog tu gdon mi za// gzhan yang 'jig rten 'phos ma thag/ las kyi dbang gis gar skyes kyang // zhag grangs nyi shu rtsa dgu tshun chad du// gos sam ming la shes bstim nas// cho ga'i rim pa

  119. 60a

    'di byas na// rigs nges pa yi sras nyid du// 'dag la rgyas btab ji bzhin no// gzhan yang yon tan dpag las 'das// skyon gyi rim pa bstan pa ni// bla med mnyes par ma byas sam// dam med dbang rnams ma mnos nas// nyan 'chad sgom zhing las byed dang // rdo rje bla ma byed pa dag/ tshe thung dmyal ba'i gnas su ltung // 'jig rten 'dir yang gnod pa dag/ 'khor du mi nad phyugs nad 'byung // yul du sad dang ser ba 'bebs// 'jig rten mi yi ya ga dar// de yi skyon du shes par bya'o// las kyi mtha' bsdus bstan pa ni// gtor mtsho gsum gnas su gtang // gshegs dang bsdus dang gzugs brnyan zhal phyes la// lus bsrung go bgo bka' nan spyod lam bya'o/ zab pa'i dbang gsum dbang bskur na// gzungs ma de dang de dag la// yon yang bla ma'i phyed shas dbul// dam tshig bsrungs de brda dang ldan par bya// ma byas pas na mnar med 'gyur// rdo rje phur pa gsang ba'i rgyud chen po las/ zhi ba rjes su bsgrub pa'i le'u ste bcu bzhi pa'o// // de nas yang rdo rje 'dus pa'i sras mchog kI la yas/ phyi rabs kyi rnal 'byor gyi don du drag po'i las bya ba'i dmigs gang la bya ba 'di skad ces gsol to// e ma ho rdo rje khros pa'i yab// dka' thub can gyi dregs pa chen po de// mngon spyod rol pas

  120. 60b

    bsgral ba e ma ho// ngo mtshar che'o// e ma ho ya mtshan can no// de'i rjes su spyod pa'i rnal 'byor pas// bsgral ba'i dmigs ni gang la bya// de yi mtshan nyid bshad du gsol// zhes zhus so// bcom ldan 'das rdo rje khros pa'i yab chen pos bka' stsal pa ni// nyon cig rdo rje 'dus pa'i sku// kun la bya bar gzhung las med// dam tshig nyams pa bsgral ba'i zhing // dam tshig me shes dam can bka' gcog pa// 'di ni bsgral ba'i zhing du gsungs// dam tshig nyams pa bsgral zhing ni// srog don bka' dam las kyis nyams// mtshan ma 'dod pas nyams dang bdun// pha ma mkhan po slob ma gsod// rdo rje nang dme byed pa dang // srog las nyams pas bsgral ba'i zhing // slob dpon bka' bslu mngan dang dbye yi sems// sngags dang phyag rgya rgyun gcod gsang ba gzhan la spel// don las nyams pas bsgral ba'i zhing // gsang sngags tshul spyod rnal 'byor la// rku mtshangs bru zhing ya ga 'dogs// bka' la skur 'debs 'khor rnams log par khrid// rtags kyi don bstan log par 'dzin// bka' las nyams pas bsgral ba'i zhing // skur ba'i gzhi byed lta ba rgyab tu bor/ spyod pa log pa dang du len cing spyod// bka' yi gzhung por phyin ci log la mkhas// dam las nyams pas bsgral ba'i zhing // sngon chad mkhon pa'i gzhi med

  121. 61a

    par// rgod cing bzhin ldog nyes med gzhan la gnad du 'jug/ bdag gis nyes par ma dran par// bdag la mthu dang rtsal 'dod pas// las kyis nyams pas bsgral ba'i zhing // gnyis med don la phyogs char 'dzin// lta ba sgro skur ras tshong zhe gcod pa'i// skye med chos bshad mtshan ma'i chos su gzung // lha srin bran du ngas 'khol gyi// mthu 'gran byed pa su zhig yod// nga nyid dpal yin nyams su ma mo byung // zer zhing gzhan la khro zhing 'tshe// mtshan mas nyams pas bsgral ba'i zhing // shes rab rnam gsum gsal med par// gzhan pas mthu che btsan 'dod pas// las kyi gtso ru mtshan ma spyod// rang gi ngo gdong khrag byugs te// mi thod zhing chen lag na thogs// dmar dong gtor yang glo la btags nas 'jig rten ma mo bsten cing 'bod// spyod pa'i don por mi 'tsham las rnams byed// tho co brlang po'i spyod pas bka' gzhung smad// rnal 'byor pa la ya ga 'dor// dus gsum sangs rgyas zhabs nas drangs// 'bar ba'i rgyal po'i thugs dang 'gal// sha za ma mo'i gzan tshogs bkram// mchog sems mi ldan sems kyi nor brus nas// shi bar shes kyang 'dod pas brgya la// phung bar shes kyang sngags 'chang 'joms// gnyen zhing btsun yang thabs kyis smod// thob tu 'dod nas gsang sngags

  122. 61b

    rku// bza' ru 'dod nas sgrub pa po'i// phud dang longs spyod brkus nas za// dug tu shes kyang lto ru za// 'dod pas nyams pa bsgral ba'i zhing // 'di ni dam nyams bsgral bar bstan pa'o// dam tshig mi shes dam can bka' gcog gi/ gsang sngags gzhung spyod rnal 'byor la// sdang bar byed na pha yang rung // gnod par byed na ma yang rung // gnad du 'dzug na spun yang rung // dam las ldog na mched kyang rung // snying ring byed na grogs kyang rung // de ni bka' gcog bsgral ba'i zhing // de nas yang rdo rje 'dus pa'i rgyal pos gsol pa// de ltar bsgral ba'i zhing de la// bsgral ba'i yon tan ci ltar lags// ma bsgral pa la skyon ni gang // zhes gsungs pas// rdo rje khros pa'i yab kyis bka' stsal pa// bsgral ba'i yon tan 'di lta ste// de dag bsgral bas rnal 'byor btsun// bdud rnams btul na bstan pa gnyen// dam med bsgral na bar chad nyung // med par gyur na bstan pa rgyas// nyams pa med na dkon mchog che// de bas yon tan bsam mi khyab// ma bsgral ba yi skyon bstan pa// dmyal khams 'phel la mtho rim 'grib// gzhung spyod rnal 'byor sgyid lug nas// gsang sngags theg pa'i chos sgo 'gag/ dam chos spang ba'i gzhir gyur nas// don la mi mthun skyon yod do// rdo rje phur pa gsang ba'i rgyud chen po

  123. 62a

    las/ bsgral ba'i dmigs pa bstan pa'i le'u ste bco lnga pa'o// / de nas yang rdo rje khros pa'i rgyal po la/ rdo rje 'dus pa'i rgyal pos 'di skad ces gsol to// e ma ho dpal chen 'bar ba'i sku// bsgral ba'i zhing rnams bstan pa de// mngon sum bsgral ba'am thabs kyis bsgral// zhes gsol pas/ rdo rje dpal chen pos bka' stsal pa// mngon sum bsgral ba ma yin gyi// thabs kyis rim pas bsgral bar bya'o// de nas yang rdo rje 'dus pas gsol pa// thabs kyis bsgral bar gsungs pa de'i// dmigs pa'i rten ni gang la bya// bka' stsal pa/ dmigs pa'i rten ni ling+ga'o// ling+ga'i rim pa ji ltar lags// bka' stsal pa/ grog mkhar sa dang mi phung sa// gangs kyi dum bu dzu che'i phub// srub ma'i lo ma zhing chen ras// ske tshe dang ni ldong ros dang // thal chen dang ni rak+ta dang // gshang ba'am ni gci ba ste// bcu gnyis thod pa'i nang du brdung // oM badz+ra ki li ki la ya muD+ga ra a ko Ta ya hUM phaT// zur chag/ lug zug ra zug gcin gyis sbrus/ oM badz+ra kI li kI la ya sa sham b+hi shwa d+ha baM khaM hUM phaT// dur khrod ku sha'i rtsa dag la// dgra dang bgegs kyi gzugs brnyan bya// oM badz+ra kI li ki la ya nr-i tri mA ra ya phaT a// de la gong gi dam rdzas byug/ oM badz+ra kI li kI la ya e ra ka hUM phaT/ mkhar nag skud pas ske nas

  124. 62b

    gdags// oM badz+ra kI li kI la ya aM ku sha hUM dzaH/ de ni gdab pa'i ling+ga yin// shing shun tshon gang pa gcig la/ de la dgra bgegs gzugs brnyan bya// de ni gzir ba'i ling+gar bshad// ras sam gro ga'am shog shog la// dgra bgegs gzugs brnyan rdzogs bri ste// kham shis nag la gdags pa ni// 'di ni bstab pa'i ling+ga'o// ma ning nag po'i thod pa la// gru gsum 'bar ba cha drug la// yan lag mgo dang gsang gnas bya/ gru gsum rtse la 'khor lo drug/ mtha' ma mU khyud zlum pos bskor// 'khor lo drug gi cha la ni// sngags dang 'phyongs gnyis mthun bsdeb pas// dgra bgegs ming dang gzugs bris la// spyi bor AM dang kI la ya// dpral bar rus la snying gar ming // g.yas su hUM la g.yon du phaT// 'doms su mA ra ya yang dgod// 'di ni gnan pa'i ling+ga'o// rdo rje phur pa gsang ba'i rgyud chen po las// dgra bgegs kyi gzugs brnyan bca' ba'i le'u ste bcu drug pa'o// // de nas yang rdo rje 'dus pa'i sras mchog kI la yas/ 'di skad ces gsol to// gong du bstan pa'i dkyil 'khor de'i// mi shes rmongs la bstan pa'i phyir// gzugs brnyan bca' ba'i dkyil 'khor cho ga gang // rjes 'jug don du bstan du gsol// rdo rje khros pas bka' stsal pa// sa dang mtshams dang go ma yi// thig dang tshon dang phyag rgya

  125. 63a

    dgod// rgyan dang mchod rdzas phyag btsal ba'o// sngon tshe dbang mdzad lha mo la// spyan drangs mchod don gsol pa ni// bar chad bgegs rnams zhi ba dang // sa yi dngos grub bdag la stsol// zur chag/ pe a kra ma sid+d+hi hUM/ phyag na rdo rje dbang gi mthus// ri rab gling bzhi'i phyogs bzhi nas// dpal ldan rgyal po chen po bzhis// phyogs srungs re ba skong du gsol// bar du gcod pa mtshams chod cig/ be shra pa Na ye// d+h+r-iSh+Ta rASh+Ta ye/ bi ru D+ha ka pe/ bi ru bAk+Sha ye/ sa ma ya hUM phaT swA hA/ dur khrod 'bar ba'i gnas chen 'dir// las kyi dbang gis bar chad byed// bka' las 'da' byed dam sri 'di// gnan cing spar ba'i dus la bab// kI la ya mA ya ra ya/ rak+Sha rak+Sha to tse phyang / hUM badz+ra swA hA/ dkar dmar ldang ser mthing sogs pa// rigs lnga'i byin rlab ye shes 'od// ma 'dres ra ri med pa'i mdog/ rigs rnams so sor kha dog gsal/ ki li ki la ya oM AHhUM swA hA// maN+Da la sid+d+hi hUM/ phyi nang gsang ba'i mchod rdzas rnams// sngags dang phyag rgya ting 'dzin gyis// so so'i gzhung du byin brlabs nas// mchog tu mdzes pa dgram par bya'o// oM ma hA pU dza sa ma ya hUM// thugs las bsrung ba'i khro rgyal bcus// mi dge bcu rnams tshar bcad nas// rnam thar la ni dgod pa'i phyir// cho ga bzhin du phur pas

  126. 63b

    gdab// ma dag pa rnams tshar chod cig/ gardza ha na da ha pa tsa b+han+ta// hu lu tiSh+Tha ts+tshin+da bin+d+ha s+pho Ta hUM phaT/ thabs dang shes rab ldan byas la// gsang ba'i dkyil 'khor thig btab pas// bde gshegs rgyal ba'i bzhugs gnas la// rdo rje thig cha rim par dbye// e maN+Da la badz+ra sid+d+hi nAn/ gnod nas dag pa'i dam rdzas bdud rtsi lnga// sku lnga ye shes lnga yi rang bzhin pas// bder gshegs rgyal ba'i bzhugs gnas bshams pa dang // drang ba'i don phyir gzhal yas chag chag gdab// oM AHhUM swA hA/ sarba pany+tsa a mri ta maN+Da la sid+d+hi hUM phaT/ sku'am gsung ste phyag rgya thugs// dbus nas mtha' yi sgo bzhi ru// rdo rje srin po'i lha rnams kun// bdag la rim par bzhugs su gsol// sa ma ya tiSh+Tha badz+ra phaT/ zhing chen bla re 'phan gdugs rgyal mtshan dang // lnga ldi ras ros dam dum sha rus khrag/ 'jigs byed chen po'i dkyil 'khor la// gdos bcas don dang bstan zhing dgod par bya'o// ma hA rak+ta ke smi ga ta maN+Da la hUM// rdo rje srin po'i dkyil 'khor la// rdo rje rnal 'byor spyan grogs rnams// ma bu'i 'du shes nyer bzhag nas// rnal 'byor spyod mchog phyag bgyid do// shrI badz+ra na mo// phyi nang gsang ba'i mchod rdzas rnams// sngags dang phyag rgya ting 'dzin gyis// so so'i gzhung du byin brlabs te// mchog tu mdzes par dgram par bya// ma hA

  127. 64a

    pu dza sa ma ye hUM// rdo rje phur pa gsang ba'i rgyud chen po las/ sgrub pa'i dkyil 'khor gzugs brnyan du bca' ba'i le'u ste bcu bdun pa'o// // de nas yang rdo rje 'dus pas/ bcom ldan 'das khros pa'i rgyal po la/ 'di skad ces gsol te/ dur khrod 'bar ba'i gnas chen du// dregs phyed rnams ni bsgral ba bzhin// rjes su 'jug pa'i rnal 'byor pas// bsgral ba'i gnas ni gang du bya// rdo rje khros pas bka' stsal pa// bsgral ba'i gnas ni don bshad pa// de yang rtogs pa'i tshad dang sbyar// sems la chos nyid mi gsal zhing // nyams dang ting 'dzin g.yel ba yis// sgrub pa'i dkyil 'khor chen po de// shar lho byang shar gang rung du// rdo rje drag po'i las bya'o// der ni nges 'grub phung 'tsheng med// dam tshig nges thub ting 'dzin brtan pa'i blo// don spyod rtags kyi blo can gyis// drag po'i gnas su bya ba la// gsang ba tsher ma can gyi ri// gcan gzan gdug pa sna tshogs yod// gnam ni gri 'dra ral gri'i shul// sa ni gru gsum me dpung 'dra// logs la dur khrod gling yod pa// tsher ma can gyi shing dag dang // dug shing gdug pa yod pa dang // brag la ra rod mang ba dang // ngam sa grogs po gting zab dang // stag gi so 'dra sbrul gyi lce// sdig pa'i ra 'dra chu srin kha// ba glang sna mtha' brag dang chu yi bar// rkang

  128. 64b

    gcig shing dang ma rungs pa// sngon chad lha mi'i g.yul sa dang // g.yul bkye ba dang mtshon 'thab dang // bsad bcad sa dang ma rungs pa// srin po bsgral ba'i bcas gzhi dang // srog chags bsad pa'i khrag rjes dang // g.yul ngor bskol ba'i sa mkhar rnams// mang po bsad pa'i phung ba'i sa// brag ni srin po ngus pa 'dra// ri ni thal phung snyil pa 'dra// lung pa me yis bsreg pa 'dra// shing rtsi rkang zang bros pa 'dra// sgang de'u mi ro phyung ba 'dra// dur khrod gnas dang shing gcig drung // rgya gram lam dang 'byung po'i srang // drag po'i las 'di bya bar shes// zhes gsungs so// rdo rje phur pa gsang ba'i rgyud chen po las// bsgral ba'i gnas bstan pa'i le'u ste bco brgyad pa'o// // de nas yang rdo rje 'dus pas/ 'di skad ces gsol to// kye ma ho/ rdo rje khros pa'i sku gsung thugs gzhon nu// rjes su sgrub pa'i rnal 'byor dang // bsgral ba'i dkyil 'khor gang lags pa// bder gshegs khyod kyis bshad du gsol// bka' stsal pa/ sngags mkhan dag gi yon tan ni// rigs kyi rnal 'byor gral du smos// tshul bzang ngang tshul bzang la shis pa des// dang po shes rab rnam gsum gyis// gtan tshigs don la yid ches nas// de nas nges par dbang thob ste// theg pa mtha' dag sems la gsal// phyogs med lta ba gdeng du

  129. 65a

    'jog/ sgrub pa rnam gnyis rgyal por bsgrubs// phrin las thogs med snying rjer spyod// dam tshig 'jigs pa'i mkhar bzhin bsrungs// rgyud dang sgrub thabs mtha' dag tshang // phyogs 'dzin spang la mkhas pa bsten// rdzas dang lag cha rtag tu 'chang // sbyor dang sgrol ba'i nyams drod ldan// phung po lha dang gnyis su med// sems ni chos nyid dang la gnas// rnal 'byor rtags ldan dam pa yis// las su bya ba chud ma zos// dkyil 'khor rim pa 'di skad ces gsungs so// 'bru ba khung dang 'khor lo dbye ba'o// de la 'brub khung rim pa bstan pa ni/ drag po'i gnas sam dkyil 'khor shar lho ru// 'brub khung las kyi dkyil 'khor ni// dkyil 'khor khru gang tsam du bya// gru gsum sum brtsegs kha khyer la// za byed zhal dang mda' gzhu bcas// mtshon cha lnga dang rtsang gis bskor// mthing nag dar gyis zhal bka' pa'i// 'khor lo'i rim pa dbye ba ni// sngar shi'i ro gos khrag can nam// bkra mi shis pa'i zhing ras la// drag po'i las la rab brtson pas// dur khrod rkang gis sbu gu bya'o// khyo dgu shi ba'i mngal khrag gis// phyi dro'i dus na bri bar bya// rgya ru chag khru gang yod la// sgo dang gru chad par khyams dang // 'bar ba'i 'khor lo rtsibs brgyad ste// nang rgyas zhi ba dbang drag bri// rgyas pa la ni dmigs pa ni// yan lag

  130. 65b

    nying lag rdzogs par bya// 'bar ba'i 'khor lo rtsibs brgyad la// drug pa'i sngags kyi phreng ba dgod// rtsibs mtshan brgyad kyi cha la ni// dang po sngags kyi phreng ba dgod// yan lag mgo dang gsang gnas la// gsum pa sngags kyi phreng ba dgod// snying po dang ni tsit+ta la// gnyis pa sngags kyi phreng ba dgod// tsit+ta ha lce'i rtse mo ru// bzhi pa'i sngags kyi phreng ba dgod// nyon mongs lnga yi gnas lnga ru/ lnga yi sngags kyi phreng ba dgod// gzhan yang so so'i gnas rnams su/ yab rnams bskul ba'i snying po brjod// 'di ni thabs kyi 'khor lo yin// phung srin nag po'i thod pa la// phrin las rnam bzhi gong bzhin du// mtha' la gru gsum nyi shus bskor// rgyas la dmigs pa gong bzhin du// sngags kyi rim pa gong bzhin no// yig 'gro g.yon la yig gzhug g.yas// phyir dmigs pa la dgod gong ma bzhin// dang po sngags dang tha ma gnyis// gru gsum dag gi cha la dgod// gzhan yang so so'i gnas rnams su// yum rnams bskul ba'i sngags kyang bri// 'di ni shes rab 'khor lo yin// ras sam gro ga'am shog shog la// phrin las bzhi mas gong bzhin de// sgo dang bar khyams de bzhin te// 'khor lo'i cha la rin chen dbyibs// gzhan rnams la yang gong bzhin de// dang po tha ma rin chen la'o// 'di ni nang gi 'khor lo ste// gzhan yang so

  131. 66a

    so'i gnas rnams su// rtsa ba'i sngags kyis mdzes par bya'o// 'di ni 'khor lo'i dbye ba'o// zhes gsungs so// rdo rje phur pa gsang ba'i rgyud chen po las/ sgrol byed slob dpon las dang gzugs brnyan 'khor lo bstan pa'i le'u ste bcu dgu pa'o// // de nas yang rdo rje 'dus pa'i rgyal pos/ phyi rabs pas bsgrub pa'i drod dang / rtags dang rdzas bsag pa'i phyir/ 'di skad ces gsol to// kye ma ho rdo rje 'dus pa'i gtso// rjes su gzhung spyod rnal 'byor pas// bsgral ba'i rdzas ni ji ltar bsag/ bsgrub pa'i rtags dang drod tshad ci// rgyal ba dpa' bas bshad du gsol// zhes gsol pas// bka' stsal pa ni/ bsgral ba'i rdzas su bstan pa ni// rgya tshil 'gro sad ma dud sme rdzas dang // bdab pa'i zhabs ma mngag pa'i nyung dkar dang // mtshon gyi 'dab lnga skud pa dang // dug dang ma rungs sbyar ba'i gtor ma dang // lcags phye zangs phye dug gtor dang // sri shing hom dang gnan pa'i thod pa dang // 'di ni drag po bsgral ba'i rdzas// grub pa'i rtags ni 'di lta ste// 'phar dang 'chog dang chags pa dang // 'gul dang ldeg dang mchod pa'o// 'od dang du ba 'byung ba dang // rnal 'byor nam mkhar 'gro ba dang // sa la mi thogs chur mi 'bying // 'di ni rtags rab bstan pa yin// mtshan ma'i ling+ga 'gul gyur ram// dmigs rno

  132. 66b

    nyams dang rtags byung na// bar gyi rtags su bstan pa yin// tha mal rmi lam ston par 'gyur// rtags kyi mtshan nyid la yang ni// grol sa dang ni ngo bo ste// de yi ngo bo brtags par gces// drod tshad mtshan nyid ldan pa ni// bdal ba chen po'i ting 'dzin gyis// chos nyid mnyam la blo bzhag nas// ci yang mi dmigs bsam las 'das// chos nyid lta ba'i drod tshad de// ga Na 'ching gral med pa'i ngang // dam rdzas blang dor med pa dang // ta na skye shi med spyod dang // 'di spyod pa yi drod tshad yin// dngos su snang ba skur grub cing // sgra ru grag pa gsung du ste// dngos med snang ba thugs grub na// 'di ni bsgrub pa'i drod tshad yin// snod kyi 'jig rten gzhal yas khang // bcud kyi 'jig rten lhar shes te// thams cad kun tu dkyil 'khor de// dkyil 'khor chen po'i drod tshad yin// byar med nyid la spyod byed cing // gang la spyad kyang bde gshegs las// byed pa mi dmigs phrin las te// 'di ni phrin las drod tshad yin// dbri snron med pa'i ting 'dzin gyis// gol sa med pa'i sa la gnas// blang dor med pa'i dbang rdzogs na// 'di ni dbang gi drod tshad yin// dam pa'i gzhi nyid bde gshegs la// zhal nas gsungs pa'i tshig tu shes// dam tshig dam pa mchog gi gzhi// 'di ni dam tshig drod tshad yin// de ltar rtags dang drod tshad zin pas

  133. 67a

    ni// drag po'i las la brtson par bya'o// rtags dang drod tshad ma zin na// drag shul spyad kyang las mi 'grub// ces gsungs so// rdo rje phur pa gsang ba'i rgyud chen po las// rdzas dang rtags dang drod tshad gsang ba bstan pa'i le'u ste nyi shu pa'o// // de nas yang rdo rje 'dus pa'i rgyal pos// rmad du byung ba'i tshig gis gsol pa// kye ma ho rdo rje khros pa'i sku gsung thugs gzhon nu// yon tan phrin las kun kyang dbyer med pa// kun gyi bdag nyid de la phyag 'tshal bstod// e ma ho ngo mtshar ya mtshan che'o// zhes bstod nas ni// de yi rdzas su sgrub pa'i rnal 'byor pas// bsgral ba'i dus ni gang la bya// zhes gsol pas// bka' stsal pa/ nyon cig rdo rje 'dus pa'i gtso// rtags dang drod tshad bstan pa ni// drag po'i las la 'jug pa'i don// bye ba'am ni sa ya'am// 'bum mam bdun 'bum bzlas pa bzlas pa nyi shu rtsa gcig la// lo ni gsum gyis 'grub par ni// ting 'dzin bar gyi de ltar ro// de ltar 'grub na drag po'i dus// de min bar du dus tshod med// drod tshad rtags la ma bab cing // grangs kyi bsnyen pa ma tshang bar// dus kyi lo zla yun thung na// drag shul spyad kyang mi 'grub ste// bde gshegs rgyal ba kun gyis gsungs// rdo rje phur pa gsang ba'i rgyud chen po las/ bsgrub pa drag po las la 'jug

  134. 67b

    par bstan pa'i le'u ste nyi shu rtsa gcig pa'o// // de nas yang rdo rje 'dus pas 'di skad ces gsol to// e ma bde gshegs bcom ldan 'das// ting nge 'dzin gyi de nyid de// phyi rabs don du bstan du gsol// a la la ho zhes gsol pas// bcom ldan 'das kyis bka' stsal pa// ting 'dzin de nyid bsdus pa'i don// legs par bshad cing mdor bstan gyi// nges par nyon cig yid la zung // rdo rje khros pas zhe sdang gcod// mtshon chen sngon po 'bar ba yis// nam mkha'i dkyil nas thig pa shar// srog gi go ru shar ba dang // snying gi go ru sgom par bya'o// oM ma hA shun+ya tA dz+nyA na badz+ra sa b+hA wa at+ma ko&haM/ d+harmA d+ha tu maN+Da la hUM/ hUM hUM badz+ra tsit+ta// hUM e ag+ni maN+Da la yaM karma rak+Sha hUM/ ra rak+ta maN+Da la/ su badz+ra su me ru hUM hUM/ raM dza la raM/ ko ni ri ti kai/ b+h+yAM bi shwa bi shud+d+he ban+d+ha dz+nyA na b+h+yAM/ e baM mA yA raM// ra tri rU tra rak+Sha maN+Da la/ ma a pa sUr+ya tsan+da pad+ma maN+Da la hUM/ s+pha ra Na phaT// saM ha ra na hUM/ dz+nyA na badz+ra s+pha ra Na phaT// saM ha ra Na hUM/ dz+nyA na sa ta kI ya la hUM/ kI la ya s+pha ra Na phaT// saM ha ra Na hUM/ oM badz+ra kI li kI la ya sarba big+h+nA na baM hUM phaT// badz+ra dIp+ta tsakra ha na ha na hUM phaT/ snying rjes bsgral ba'i dam tshig ni// gsad cing gnan pa ma yin te// phung po rdo rjes gtams byas nas// rnam par shes pa rdo rjer bsgom// zhes pas bdag nyid rtsa ba'i

  135. 68a

    dkyil 'khor du gsal bar mdzad do// phaT ni so sor bskul ba las// chags pa'i ting 'dzin gsal gyur te// yab yum sbyor ba mdzad pa las// mchod pa gsang ba so sor thim// byang chub sems ni spros pa las// dang pos bdag nyid rdo rjer bsam// gnyis pas sras mchog gsal byas pas// phyogs skyong dgug dang gdan bting la// gsum pas hUM gyur gsung rdzogs pa'o// de nas bskul bas phyag rgya rdzogs// de las phyogs bcu'i khro bo rnams// sngags kyi rim pas rdzogs gsal gyur// khro bo khro mo rol pa las// ha dang he las 'khor rnams bskyed// de nas byang chub sems 'phros pas// snying po phyag rgya'i 'phro 'du las// so so bsgoms pa'i tshul rdzogs pa'o// sa ma ya s+t+waM/ a nu rA ga yA mi// a nu ra gony+dza haM// ma ha bo d+hi tsit+ta hUM/ bsta badz+ra taM/ kI la ya mu ti dzam a pa sUr+ya tsan+da pad+ma maN+Da la// hUM hUM badz+ra na na ha/ 'di ni phyogs bcu khro bo'i dkyil 'khor ro// phur pa rdzas kyi ngo bo las// byang chub sems ni spros pa las// rigs kyi sras mchog rnam lnga nyid// spyan snga nyid dang phyogs bzhir bsam// byin brlabs la sogs sngon 'byung bzhin// gzi mdangs chags bskyed thugs bskul te// oM ma ku la rta la pra ta la hUM phaT// badz+ra bai ta lI maN+Da la hUM phaT/ badz+ra ma hA maN+Da la hUM phaT// phur pa rdzas kyi dkyil 'khor ro// zhes

  136. 68b

    gsungs so// rdo rje phur pa gsang ba'i rgyud chen po las/ rjes 'jug ting 'dzin gyi dkyil 'khor bstan pa'i le'u ste nyi shu rtsa gnyis pa'o// // de nas yang rdo rje 'dus pa'i sras mchog kI la yas/ khros pa'i rgyal po la 'di skad ces gsol to// rjes su 'jug pa'i rnal 'byor pas// bdag gi sras su lha rnams bskyed pa dang / de'i sras su bdag bya ba'i rim pa ji ltar lags// zhes gsol pas/ bka' stsal pa ni// 'khor ba yongs su sbyong ba'i phyir// rang gi ngang tshul de bzang lags// sngags dang bskul tshig 'di yang brjod// byang chub sems kyi dbang spros pas// ye shes 'od kyis lus rtog sbyangs// gser zhun lta bu'i sems dag la// gsum gyis byin brlabs 'od kyi 'bru// thugs kar thim nas sku yi dbyibs// rdo rje las byung yum gyi mkha'// chos kun byang chub sems gnas su// lha rnams so so'i snying po'i sgras// rab tu gsal bar brjod pa'i sgra// byang chub sems ni gsal bar thim// de las hUM zhes rab brjod pas// gsung gi phyag rgya nyid rdzogs nas// thugs kyi phyag rgya rab tu 'bar// de las phra mo'i sku d+mo bsdus// phyag rgya chen po'i sku nyid rdzogs// de nyid sbyor ba'i byin brlabs las// b+ha ga nyid du lha rnams bsam// dza dang phaT kyi rtsa sngags kyis// b+ha ga'i dkyil 'khor bdag dang stan la dgod// badz+ra ba kI la

  137. 69a

    ya phaT dza// rdo rje gzhon nu'i rig 'dzin rnams// srid pa'i rdo rje grub mdzod cig/ srid pa'i rdo rje phur pa'i lha// ye shes khro bo grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag gyur cig/ oM AMHhUM kA ya wAka tsit+ta dz+nyA na A be sha A// oM AMHhUM maN+Da la sid+d+hi hUM/ kI la ya kro ta kro tI ha hi hUM phaT/ saM ha ra Na hUM/ ma ha g+ha na sa ma ya ho/ hUM hUM badz+ra g+han d+ha/ badz+ra kI li kI la ya/ sarba big+h+nAn baM hUM phaT/ dIp+ta tsakra ha na ha na hUM phaT/ ma hA bo d+hi tsit+ta maN+Da la hUM phaT// lha rnams rtsa ba'i sngags gzhug tu// dza phaT ces ni kun la gdags par bya'o// zhes gsungs so// rdo rje phur pa gsang ba'i rgyud chen po las/ rjes 'jug de bzhin gshegs pa'i sras su bdag bya ba'i le'u ste nyi shu gsum pa'o// // de nas yang 'dus pa'i sras mchog kI la yas/ 'di skad ces gsol to// bde gshegs rgyal bas 'khor rnams la// byin rlabs dbang bskur ji bzhin du// rjes su 'jug pas ji ltar bya// zhes gsol pas/ bka' stsal pa/ yi ge 'bru gsum rim pas su// srog gi rta la bskyon nas su// 'phro 'du gsal ba'i ting 'dzin las// byin rlabs gsum ni nges pa ru// sngon byung bzhin du byin gyis brlabs// srog gi hUM las 'od 'phros pas// rigs

  138. 69b

    lnga rgyal ba'i thugs bskul to// sngon byung bzhin du sngags brjod cing // ye shes lnga yis dbang bskur ro// oM badz+ra sa ma ya dza tiSh+Tha badz+ra// shrI badz+ra na maHsarba ta thA ga ta pU dza badz+ra hUM/ thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlab 'dir stsol cig/ ces dbang dang byin rlab nod pa'i phyir na/ dus gsum gshegs bzhugs byon rnams kun// rdo rje khro bor bzhengs gsol drangs// phyag 'tshal dga' bas mchod pa bya// zhes gsol ba gdab bo// zhes gsungs so// rdo rje phur pa gsang ba'i rgyud chen po las/ byin gyis brlab cing dbang bskur ba'i le'u ste nyi shu rtsa bzhi pa'o// // de nas yang rdo rje 'dus pa'i rgyal pos/ 'di skad ces gsol to// rjes su sgrub pa'i rnal 'byor pas// sgrub pa'i thabs ni ji ltar bgyi// bsnyen pa'i rim pa gang ltar lags// khros pa'i rgyal pos bka' stsal pa// don dam dang ni kun rdzob kyis// bsnyen pa dang ni nye bsnyen dang // sgrub pa dang ni sgrub chen rnams// nges par 'di skad bka' stsal to// chos nyid kyi bden pa'o// sangs rgyas kyi mthu'o// gsang bsngags kyi byin brlabs so// a b+hi tsar+ya'i dus la bab pa'i gnag pa de kho na la'o// don dam pa dang kun rdzob bsnyen sgrub bzhi rdzogs nas// rtags dang mtshan ma 'byung

  139. 70a

    ba gdon mi za// rtags dang mtshan mas bsgrub pa'i drod tshad zin pa dang // bkra shis mtshan ldan b+han+ta ka pA la// ci 'byor btung ba snum pos bkang byas nas// dkyil 'khor lha tshogs tshang la gsol ba gdab// thun mong dbang gi dngos grub blang // bkra shis brjod de gsol byas na// rig 'dzin go 'phang thob par 'gyur// cho ga 'di yi byin brlabs kyis// gang zhig mos pa'i dad ldan de// dbang bcu thob nas tshad med don dang ldan// phrin las thogs med dbyings dang ye shes don mthong 'gyur// zhes gsungs so// rdo rje phur pa gsang ba'i rgyud chen po las/ bsgrub par bya ba'i thabs bstan pa'i le'u ste nyi shu rtsa lnga pa'o// // de nas yang rdo rje 'dus pas 'di skad ces gsol to// e ma ho khros pa'i bdag nyid can// rang bzhin don dam dkyil 'khor de// spyan drangs mchod pa ji ltar bgyi// bka' stsal pa ni// bdag nyid ting 'dzin rtag ldan pas// sa mA dza yis gsol btab nas// phyag rgya bzhi yis spyan yang drangs// tiSh+Tha badz+ras brtan byas nas// dgyes pa chen pos phyag btsal te// mchod pa'i rim pa sngon byung bzhin// des ni las rnams ma lus 'grub// srid pa'i phur bu sgrub pa dang // dbang dang dngos grub blang ba'i phyir// 'gyur med ye shes lha gnas pa// ye shes khro bo gshegs su gsol// ye shes khro bo gshegs

  140. 70b

    nas kyang // phyi nang gsang ba'i mchod bzhes te// rtags dang mtshan ma bstan pa dang // kI la ya yi dngos grub stsol// zhes brjod do// rdo rje phur pa gsang ba'i rgyud chen po las// rang bzhin gyi dkyil 'khor spyan drangs shing mchod pa'i le'u ste nyi shu rtsa drug pa'o// / de nas yang rdo rje 'dus pas 'di skad ces gsol to// e ma ho rdo rje khros pa'i sku gsung thugs gzhon nu// 'dod chags zhe sdang gti mug pa rgyal phrag dog rang bzhin can// dregs pa sgrol mkhas thugs rje'i dpal mgon te// thugs rje'i bdag nyid de la phyag 'tshal bstod// thugs rje chen pos dregs pa bsgral ba'i zhing // rjes bsgrub drod tshad zin par nges pa des// dgra bgegs dmigs pa bsgral ba'i rim pa gang // thugs rje'i bdag nyid khyod kyis bshad du gsol// zhes gsol pas// gsol ba'i don thugs su chud nas/ drag pos bsgral ba'i ting nge 'dzin la mnyam par bzhag ste/ 'di skad ces bka' stsal to// dang por gnod pa'i dgra bgegs de// lha dang rgyab brten dpung dang dpral// de nas nges par gzugs la bstim// 'gyur ldog med par byed du gzhug/ gzi brjid phrogs te sgro ru gzhug/ phur pas btab ste nges par bsgral// rdul du byas te tshogs la dbul// las rnams drug po re re la yang // de la drug drug sum cu drug/ cho ga gzhung sngags dang

  141. 71a

    ting 'dzin phyogs dang rdzas dang thabs// sngon zung rjes 'jug 'khor bkra shis/ de lta'i don dang ldan na ni// gang la dmigs pa gdon mi za// rdo rje'i brag kyang 'jig 'gyur na// sdig can gzhan lta smos ci dgos// zhes gsungs so// rdo rje phur pa gsang ba'i rgyud chen po las/ dregs pa can bsgral ba'i thabs bstan pa'i le'u ste nyi shu rtsa bdun pa'o// // de nas yang rdo rje 'dus pas 'di skad ces gsol to// ye shes phur pa btab pa bzhin// dmigs pa'i dgra dang bgegs rnams la// rdzas kyi phur pa bstim pa'i las ni gang // bde gshegs rgyal bas bshad du gsol// bka' stsal pa// dbye ba drag po las kyi rigs// bstim pa zhi ste de bzhin rigs// gzir ba rgyas te rin chen rigs// byad la dbang ste pad+ma'i rigs// gdab la drag ste rdo rje'i rigs// bstab pa lha phur nyid la bya// de ni spyi yi las su bshad// gdab pa'i gnas ni du zhig yod// bka' stsal pa/ gdab pa'i gnas ni nyi shu rtsa gcig ste// sngon byung dregs pa lnga bsgral la// lte ba nyid dang gsang ba dpung mgo dpyi la gdab// dregs pa chen po bsgral ba yin// sems nyid rtsad bcad snying la gdab// dregs pa'i phyogs skyong bsgral ba yin// bsgral ba'i rnam shes brgyad la gdab// dam sri chen po bsgral ba bzhin// dgra

  142. 71b

    bgegs mgo la de bzhin gdab// mthu dang rdzu 'phrul phrogs pa yin// yar dang mar gyi bdun rgyud bcad// de ni gdab pa'i las su gsungs// de nas yang rdo rje 'dus pas gsol pa// dregs pa'i sems can chen po la// dkyil 'khor lha yis gzir ba bzhin// rjes su gzir ba ji ltar bya// bka' stsal pa/ rdo rje lu gu rgyud kyi las// gzir ba'i mtshan nyid 'di yis ni// dgra bgegs gzir zhing gnan bya na// ye shes sems dpa'i sbyor ba yis// snying la tsit+ta 'khor gzir sbyong // tsit+ta sgo bsrung sbyor ba yis// mgo la la ka'o bros gzir sbyong // dam la gtogs pa'i ma tshogs kyis// khro bcu 'khor bcas sbyor ba yis// lus kyi gnas bcur gzir cing sbyong // rigs kyi yum lnga'i sbyor ba yis// sgo lnga'i rnam shes gzir cing sbyong // sgo ma bzhi yi sbyor ba yis// yan lag bzhi yi mtshan ma sbyong // dam la gtogs pa'i ma tshogs kyis// g.yang gzhis shun lpags sbyong gzir bya// rol pa'i pho nya tshogs bcas kyis// dus gsum sha rus khrag rnams sbyar// ye shes rol pa'i bro gar gyis// ma lus kun kyang gzir bar 'gyur// zhes gsungs so// gsol pa// ye shes 'bar ba'i khro tshogs kyis// rdo rje thod pa'i tho gtun du// dregs pa bsgral nas gsol te dge ba yin// rjes su 'jug na ji ltar bgyi// bka' stsal pa// mkha' yi gtun khung bde

  143. 72a

    gshegs gnas// gting dpag med pa'i dbyings nyid du// srid gsum ma lus phur pas thebs// kha zam dbyings su bsgral bar bya// kha zam dbyings su bsgral byas nas// hUM hUM bgyis pas dbang du bsdus// phaT kyi kun tu gtor bar byas// sha khrag khams gsum gang bar bton// khA khA bgyis pas lhag ma bzhes// hi hi dgyes pa'i sgra bsgrags pas// bzhes shig rol te gsol bar 'gyur// zhes gsungs so// gsol pa/ bde gshegs rgyal ba'i mdzad spyod tshe// rdo rje ye shes me dpal gyis// dregs pa'i sha rus bsregs nas rol pa bzhin// rjes su bsgrub na ji ltar bya// zhes gsol pas/ bka' stsal pa/ brub khung nyid du bya ba'am// yang na gzhung dang mthun pa ru// me thab gru gsum sum brtsegs la// dkyil du rdo rje nag po bzhag/ dang po dkar la gnyis pa nag/ gsum pa ser por bya ba ste// zla gam yang ni dmar po bya// mu khyud dkar la gru chad ljang // bar khyams nag la sgo rigs sbyar// dur khrod shing ngam tsher ma can// khru gang gru gsum dbyibs su brtsigs// yam shing nag po rtse mo ma nor bar// rtse mo gru gsum dag tu bzhag/ tshe ze'u rtsa rtse ma nor bar// rtsa ba mi yi tshil gyis byug/ sngags pa'i chas gos nag po la// byang du kha bltas 'greng nas 'dug/ dur khrod gnas sam ma bdun

  144. 72b

    khyim// yid 'ong me tog shing brgyan pa'am// shin tu dben pa'i gnas dag tu// dgang gzar gru gsum khyud gang la// dkyil du e yis mtshan par bya// blug gzar zlum po rdo rje dkyil du mdzes// phyi nang bsreg rdzas gsang ba nag por bya// shan pa'i khyim nas blangs pa'i mes// yam shing nag po sbar bar bya// bdag nyid lha yi rnal 'byor pas// raM las dam tshig me lha bsam// ye shes me lha snyan gsol spyan drang bstim phyag 'tshal// mchod pa'i rim dbul bstod pas dgyes byas nas// 'dod don gsol nas me lha gzhal yas bsam// de nang dkyil 'khor spyan drang bzhugs gsol mchod// bstod pa'i rgyal pos don rtags gang rung bstod// 'dod don gsol te phrin las bcol// bsgral ba'i ling+ga cha gcig dang // dgra bgegs gzugs brnyan gsal byas nas// dgug bstim phur pas rab gdab cing // nyung dkar brdeg cing gu gul bdug/ mtshon gyis 'debs gtub skud pas dam bcings nas// gtor ma gnyis kyang legs byas nas// mtshon cha'i char dang gtun brdung las byas te// lha yi tshogs la thim par dbul ba ni// klong yangs 'khyil ba'i hom khung du// 'bar 'phrog 'khrug pa'i me sbar nas/ gnod cing gdug pa'i dgra bgegs rnams// bsreg shing rdo rje 'bar ba yi// bka' las 'da' byed sdig chen rnams// rdo rje

  145. 73a

    me dpal snying bsregs nas// dngos por 'gyur ba'i gnas rnams kun// tshor dogs med par bsreg par bya'o// zhes gsungs so// de nas yang gsungs pa/ bde bar gshegs pa'i mdzad spyod tshe// dregs pa zhabs 'og mnan pa bzhin// rjes bsgrub gnan na ji ltar bgyi// bka' stsal pa ni// shing gcig drung dang ma rungs pa// rgya gram lam du bya ba dang // klu yi gnas dang 'byung po'i srang nyid du// dkyil 'khor gru gsum rgya sol 'dag/ de nang gnan pa'i rdzas bcug ste// dbang gi phur pa drag btab nas// dur khrod g.yam pa sngon po la// zhing chen dag gi sur khrag gis// nam mkha' sngon po gru gsum la// rdo rje rgya gram bzhi yis mdzes// 'byung ba bzhi yi dkyil 'khor ldan// yi ge dza dang mdzes pas ni// phur pa de yis spyi nas gnan// sems ma rdo rjes dam tshig bskul// sku gsung thugs kyi stobs kyis mnan// the con nyid kyang las kyis stongs// mche bas sha khrag zos par byed// nyung dkar brdeg cing gu gul bdug/ ting 'dzin 'byung chen bzhi yis ri rab bsam// de nyid las kyi lha nyid kyis// shin tu gnan pa'i mchog tu gsungs// las kyi mnan pa'i 'byung nang dus zad 'di// hUM las kyi rdo rje 'khor bcas pas// 'jig rten khams ni rab 'byams kun// skad cig yud kyis gnan par shog/ ces

  146. 73b

    gsungs so// yang gsol pa/ dregs pa bsgral ba ni slar gsol sngar bzhin// dgra bgegs bsgral na ji ltar bsgral// zhes gsol pas/ bka' stsal pa ni/ ta na ga Na sbyor ba mdzad// drag po las kyi bsgral ba rnams// rnam shes hUM gis bsdus rngubs nas// mi ldog dbyings su phaT kyis 'phangs// zla dkyil rlung gi sbyor bas bskyod// dbyings su thim nas phyag rgyar 'bar// hUM du gyur pas rnam par dag/ skur gyur 'od zer 'phro bas brjid// gtsug tu rnam par rgyal ba bsgom// ngo mtshar ngan 'gror thar pa'i thabs// de ltar bskyed la mi gnas te// ma g.yos dbu ma'i don dang ldan// mya ngan 'das pa'i dbyings su bzhag/ bde ba chen po'i gnas nyid du// de lta bu yi don ldan na// bsgral ba byas dang 'gal med 'gyur// zhes gsungs so// rdo rje phur pa gsang ba'i rgyud chen po las/ bstim gzir gdab bstab bsreg mnan bstan pa'i le'u ste nyi shu rtsa brgyad pa'o// // de nas yang rdo rje 'dus pas gsol ba ni// ma mthong rmongs la bstan pa'i phyir// gzugs brnyan dkyil 'khor ji ltar bri// thabs ni gang // zhes gsol ba dang / bka' stsal pa ni// gru gsum zla gam mu khyud zlum// gru bzhi pa la 'khor lo brgyad// bar khyams dang ni sgo bzhi bcas// gru gsum nag la zla gam dmar// mu khyud dkar la gru bzhi

  147. 74a

    ser// gong ras ldang la 'khor lo ser// rtsibs mtshan dmar la mtshams byed dkar// gru chad ldang la bar khyams dmar// sgo ni rigs bstun rta babs mdzes par bya// dur khrod rin chen rgyan gyis brgyan// dbus su bcom ldan yab yum ste// zla gam gru gsum rtse mo dang // mu khyud gru bzhi dag la dgod// rnam rgyal gshed po rta mgrin dang // bdud rtsi 'khyil pa nyid dang bzhi// rang rang gzungs dang sras bcas te// phyogs kyi 'khor lo'i gdan dag la// dri za gshin rje klu rnams dang // gnod sbyin gdan la mkhas pas dgod// dbyug sngon mi g.yo gzhan mi thub// khams gsum rnam rgyal nyid dang bzhi// rang rang gzungs dang sras bcas rnams// mtshams kyi 'khor lo'i gdan dag la// me lha srin po rlung lha dang // dbang ldan gdan dang bcas par ro// mdun du hUM chen 'khor lo bcas// rgyab tu stobs chen de bzhin du// tshangs dang sa bdag gdan la gnas// dbus kyi gnas las bzhi mthun te// phyi rim gru gsum nyi shu bya// bar khyams sgo rnams de bzhin te// dur khrod rin chen brtsegs pa la// ka ba brgyad dang gdung bcu gnyis// rta babs dur khrod rin chen brgyan// kha dog yang ni rigs dang sbyar// yang na dmar nag nyid du bya// gru gsum rnams ni yum gyi shes rab mkha'// nyi shu rtsa gcig shes par bya// yab

  148. 74b

    rnams nyi shu rtsa gcig ste// steng 'og phyogs mtshams ma nor bar// thams cad ngo bo dgod par bya// sras kyi phur pa gong bzhin te// sgo ma rnams kyang de bzhin no// dbus su zla gam sgo can gru gsum mdzes// mu khyud phyi rim rin chen 'bar ba brgyad// de yi phyi rim snam bu la// dkyil 'khor nyi shu las bzhi tshang bar bya// bar khyams sgo dang rgyan rnams de bzhin te// zla gam dmar la gru gsum nag/ sgo ni mi 'gyur mthing nag ste// sgo khyams shin tu mdzes byas la// mu khyud dkar la rin chen sngo// zur mtshan dmar la mtha' sdud dkar// gru chad nag la khyams bzhi ser// las bzhi'i dbyings ni gang dang mthun// khyams dang sgo rgyan de bzhin te// dbus su bdud 'dul yab yum ste// spyan sngar rdo rje 'dus pa gzungs mar bcas// phyogs bzhi rin chen dag la ni// rigs bzhi'i sras mchog rim par dgod// mtshams la rigs kyi yum bzhi ste// tshom bu'i dkyil 'khor nyi shu la// thabs dang shes rab gong bzhin no// gzhan rnams kyang ni de bzhin te// gzugs brnyan dkyil 'khor de skad gsungs/ rdo rje phur pa gsang ba'i rgyud chen po las/ gzugs brnyan dkyil 'khor bca' ba'i thabs bstan pa'i le'u ste nyi shu rtsa dgu pa'o// // de nas yang rdo rje 'dus pas gsol ba ni/ rdo rje khros pa mi bzad

  149. 75a

    pas// dregs pa chen po bsgral ba'i tshe// dus gsum rgyal ba'i rgyud bskul zhing // drag shul rjes su spyod pa'i tshe// lha rnams bstod bskul ji ltar lags// mi bzad khros pas bshad du gsol// zhes gsol pas// mi bzad khros pa'i rgyal pos 'di skad ces gsungs so// dbus kyi khrag 'thung bdag nyid dpal// rnam par thar pa'i dbu gsum la// g.yas dkar g.yon dmar dbus mthing zhal// pha rol phyin drug phyag rgya las// rdo rje rtse dgu rtse lnga dang // me dpung kha T+wAM ri rab phur pa 'dril// rdzu 'phrul chen po bzhi yis zhabs dag gis// dregs pa pho mo nyi zla pad+ma'i gdan la bzhugs// 'jigs byed sku la dur khrod rgyan gyis brgyan// glang chen stag chas zhing chen g.yang gzhis bklubs// thod sbrul la sogs sku la rgyan gyis brgyan// thal chen zhags dang rak+ta'i thig les brgyan// rdo rje gshog pas srid gsum zil gyis gnon// bskal pa'i me ltar 'bar ba'i klong na bzhugs// dpa' sgeg 'jigs su rung ba'i sku mnga' ba'i// rgod dang gshe dang 'jigs byed gsung gi mchog/ snying rje rngams dang zhi byed thugs// sku gsung thugs kyi bdag la phyag 'tshal bstod// g.yon nas yum chen e ka tsa ti ma// zhal gsum phyag drug sku mdog mthing // kha T+wAM ut+pal dril bu dang // b+han+d+ha rak+ta rdo rjes dkrug cing

  150. 75b

    gsol// ri rab phur bu 'dril zhing 'debs// rgyan rnams kun gyis legs brgyan cing // gsang ba'i yum chen nyid la phyag 'tshal bstod// thugs rje nyid las 'khrungs pa'i sras mchog ki la ya// sku gsung thugs yon phrin las dus la bab// rdo rje 'dus pa'i sras mchog kI la ya// mthing nag zhal gcig phyag bzhi sku smad zur gsum po// rdo rje sta re kha T+wAM ri rab phur bu 'dril// rigs kyi yum 'khril tshangs pa brgya byin gdan la bzhugs te las rnams ma lus mdzad// zhe sdang chen po'i phrin las dus la bab// rin chen 'dus pa'i sras mchog kI la ya// smug nag zhal gcig phyag bzhi sku smad zlum// 'khor lo sta re ri rab phur bu 'dril// rigs kyi yum 'khril tshangs pa'i gnas la bzhugs te zhi ba'i phrin las mdzad// gti mug chen po'i phrin las dus la bab// rin chen 'dus pa'i sras mchog kI la ya// ser nag zhal cig phyag bzhi sku smad zur bzhi ste// rin chen sta re kha T+wAM ri rab phur bu 'dril// rigs kyi yum 'khril ma hA de ba'i gdan la bzhugs nas rgyas pa'i phrin las mdzad// nga rgyal chen po'i phrin las dus la bab// pad+ma 'dus pa'i sras mchog kI la ya// dmar nag zhal gcig phyag gnyis sku smad zla gam re// pad+ma sta re kha T+wAM ri rab phur bu 'dril// rigs kyi yum 'khril khyab 'jug gdan la bzhugs te dbang

  151. 76a

    gi phrin las mdzad// 'dod chags chen po'i phrin las dus la bab// karma 'dus pa'i sras mchog ki la ya// ljang nag zhal gcig phyag bzhi sku smad zur gsum ste// rgya gram sta re kha T+wAM ri rab phur pa 'dril// rigs kyi yum 'khril dbang phyug chen po'i gdan la bzhugs te drag po'i phrin las mdzad// phrag dog chen po'i phrin las dus la bab// steng phyogs gru gsum rdo rje'i brag stong na// hUM mdzad dkar dmar sngon te rdo rje dung // mnga' gzhu 'gengs dang ri rab phur bu 'dril// tshangs pa pho mo bsnol ba'i gdan steng na/ sgra 'byin sku 'dra 'khril sbyor rol pa las// sprul pa'i phra men phag dang smig bu'i mgo/ rol pa chen po'i phrin las dus la bab// shar phyogs gru gsum rdo rje'i brag steng na// rnam par rgyal ba dkar dmar skya ste rdo rje dang // 'khor lo lcags kyu tri shul ri rab phur bu 'dril// brku byin pho mo bsnol ba'i gdan steng na// mda' snyems sku 'dra 'khril sbyor rol pa las// sprul pa phra men stag dang bya rgod mgo/ zlog byed chen po'i phrin las dus la bab// shar lho gru gsum rdo rje'i brag steng na// dbyug pa sngon po dkar dmar sngo ste rdo rje dung // rin chen dbyug pa me dpung ri rab phur bu 'dril// me lha pho mo bsnol ba'i gdan steng na/ sder mo sku 'dra 'khril sbyor rol pa las// sprul pa'i phra men g.yag dang bya rog

  152. 76b

    mgo/ 'joms byed chen po'i phrin las dus la bab// lho phyogs gru gsum rdo rje brag steng na// gshin rje gshed po sngo nag mthing ste rdo rje dang // be con dbyug to ral gri ri rab phur bu 'dril// gshin rje pho mo bsnol ba'i gdan steng na// dur khrod skra 'dra 'khril sbyor rol pa las// sprul pa'i phra men sha ba 'ug pa'i mgo/ 'jigs byed chen po'i phrin las dus la bab// lho nub gru gsum rdo rje'i brag steng na// mi g.yo mgon po mthing dmar sprug te rdo rje dung // spu gri zhags pa ri rab phur bu 'dril// srin po pho mo bsnol ba'i gdan steng na// gtun khung sku 'dra 'khril sbyor rol pa las// sprul pa'i phra men gzig dang khwa yi mgo/ mi 'gyur chen po'i phrin las dus la bab// nub phyogs gru gsum rdo rje'i brag steng na// rta mgrin dkar sngon dmar te rdo rje dung // ral gri sbrul zhags ri rab phur bu 'dril// chu lha pho mo bsnol ba'i na steng na// gtum mo skra 'dra 'khril sbor rol pa las// sprul pa'i phra men byi la pu shud mgo/ brjid pa chen po'i phrin las dus la bab// nub byang gru gsum rdo rje'i brag steng na// gzhan gyis mi thub dmar nag ljang ste rdo rje dung // ba dan rdul g.yab ri rab phur bu 'dril// rlung lha pho mo bsnol ba'i gdan steng na// mda' snyems sku 'dra 'khril sbyor rol pa las// sprul pa'i phra men sbrang ki khra yi mgo/ khyo shug chen

  153. 77a

    po'i phrin las dus la bab// byang phyogs gru gsum rdo rje'i brag steng na// bdud rtsi 'khyil ba dud ser ldang ste rdo rje dung // rgya gram dril bu ri rab phur pa 'dril// gnod sbyin pho mo bsnol ba'i gdan steng na// rlung basbyin sku 'dra 'khril sbyor rol pa las// sprul pa'i phra men seng ge pha wang mgo/ gzir ba'i phrin las chen po mdzad du gsol// byang shar gru gsum rdo rje'i brag steng na// khams gsum rnam rgyal ljang ser skya ste rdo rje dung // mda' gzhu kha T+wAM ri rab phur bu 'dril// dbang ldan pho mo bsnol ba'i gdan steng na// gsod ma sku 'dra 'khril sbyor rol pa las// sprul pa'i phra men dred dang sre mo'i mgo/ sgrol ba'i phrin las chen po mdzad du gsol// 'og phyogs gru gsum rdo rje'i brag steng na// stobs chen ljang ser dud ka rdo rje dung // tho ba gtun shing ri rab phur pa 'dril// sa bdag pho mo bsnol ba'i gdan steng na// bskyod ma sku 'dra 'khril sbyor rol pa las// sprul pa'i phra men dom dang byi ba'i mgo/ 'debs pa'i phrin las chen po mdzad du gsol// dkar mo pu shud mgo can phur bu lcags kyu 'dzin// snying rje chen pos phrin las mdzad du gsol// sngon mo skyeg mgo zhags 'dzin phur pa 'dril// byams pa chen po'i phrin las mdzad du gsol// dmar mo srin bya'i mgo can phur bu lcags sgrog can// dga' ba'i phrin las chen po

  154. 77b

    mdzad du gsol// ljang nag khra mgo dril bu phur bu 'dril// btang snyoms chen po'i phrin las mdzad du gsol// zhes gsungs so// rdo rje phur pa gsang ba'i rgyud chen po las/ lha la bstod cing phrin las bcol ba'i le'u ste sum cu pa'o// // de nas yang rdo rje 'dus pa'i rgyal pos// bcom ldan 'das la 'di skad ces gsol to// rdo rje khros pa'i rgyal pos// dregs pa pho mo'i chung ma rnams// ma chags thabs kyi sbyor ba las// dgye ba'i phrin las spros pa yi// mkha' 'gro ma rnams ji ltar sgrub// ces gsol pas/ bka' stsal pa ni/ rdo rje mkha' 'gro sgrub par 'dod pas// dur khrod chen po rab dben par// ra ba yar gyi ngo la 'jug/ dkyil 'khor zla gam le'u dgu pa las// gru chad dang ni blo 'bur dang // bar khyams sgo rim gnyis par bya// dbus su sngags kyi bdag po ste// gzugs dang bcas nas dgod par bya'o// go'u rI tso'u rI pra mo be ta li// phyogs kyi le'u tse dag la dgod// puSh+pa g+hasma tsaN+Da lI// mtshams kyi le'u tshe dag la dgod// seng gdong stag dang wa dang sbyang ki rnams// phyogs kyi glo 'bur bzhi la'o// bya rgod dur bya bya rog 'ug pa'i mgo/ mtshams kyi gru chad dag la'o// rta gdong phag dang sbrul dang seng ge bzhi// dang po sgo bzhi dag la'o// srin mo tshangs ma lha chen gsum// shar stod lcags ri dag

  155. 78a

    la'o// gtogs 'dod gzhon nu brgya byin gsum// shar smad lcags ri dag la'o// rdo rje bdud rtsi zla ba gsum// lho stod lcags ri dag la'o// be con srin mo zla ba gsum// lho smad lcags ri dag la'o// dga' ba stobs chen rdo rje gsum// nub stod lcags ri dag la'o// 'dod pa nor srung rlung lha gsum// nub smad lcags ri dag la'o// gsod byed chen mo phag mo gsum// byang stod lcags ri dag la'o// rgan byed sna chen chu lha gsum// byang smad lcags ri dag la'o// rdo rje nag po rdo rje sder// rdo rje dmar mo ljang nag bzhi// phyi yi sgo bzhi dag la'o// de yi lcags ri nag po la'o// mkha' 'gro ging dang pho nya sring mo rnams// rang bzhin don gyis gnas par bya'o// yang na snying po lnga bcu nyid// thod bu dag la bris te dgod// yang na phyag mtshan lnga bcu nyid// so so'i gnas su de bzhin no// dur khrod thod pa'i nang nyid du// ras chen sdong bu gsum sgril du// snang ba'i 'od can nyid du dgod// yang na yab yum byang sems kyis// gsang ba'i thig le lnga bcu bya// rdo rje sha chen thang mar bdal// dmar gyi rak+ta rgya mtshor bskyil// rus pa'i phung po ri ltar spungs// zhing chen g.yang gzhi sprin ltar gtibs// sprin chen lnga ldi bye ltar bkram// ba su'i rgyu phreng 'khor bar ldan// gsur chen dud pa rgyun mi gcad// mchod pa'i rim pa ci

  156. 78b

    'byor dang // yo byad la sogs bcad la bya// de nas rnal 'byor blo ldan gyis// phyi nang rgyu 'grul dam du bsdams// chag nyams dam bshags byin dbab ste// rtags gdab mchod rdzas byin gyis brlab// dam bcas rnal 'byor tshul phyag ni// rgyal ba'i mdzad spyod gzhung la bsnyeg/ thugs dam bzhin du snyan gsan gsol// rang bzhin gnas nas spyan drangs te/ ting 'dzin bskyed de nyid la bstim// sku gsung thugs kyi gzi byin bskyed// sems can don du brtan par bya// khams gsum kun gyi gdug pa dang // 'khor gyi ma tshogs zil gyis gnon// ye shes lha la dbang mi bza' phyir phyag kyang btsal// 'gro ba'i don du dam bcas te// kun tu bzang po lngas mchod nas// bdud rtsi rak+ta gtor ma gus dbul bstod// don gsol rol mo yid 'ong sgrogs// 'byor pa tshogs mchod dus drug rgyun mi gcad// ma nor ma bcos dbyings nyid dang // rang bzhin lhun gyis grub pa'i gnas// mi dmigs nam mkha'i klong du bsgrub// bde chen byang chub brtan par bzung // gnyis med mtshon pa'i lam bzang po// srid pa dbang du bsdus nas ni// khams gsum kun las 'das pa ste// 'di ni bdag gi byang chub sems// rgyu mchog 'bras bu yi ge hUM// srid pa gsum la dbang bsgyur cing // bcom ldan 'das dang skal pa mnyam// byang chub sems ni

  157. 79a

    mngon sum brtan// sa ye/ ba ma/ ya/ ra/ sa?/ kaM/ b+hU/ than+d+ha b+hU/ a ba b+hU/ nam mkha' rdo rje rlung nag rgya mtsho dang // sa gzhi keng rus ri rab ste// 'byung chen lnga las grub pa'i gzhal las ni// dbyibs dang kha dog mtshan nyid ni// so sor gsal kyang ma 'dres te// ye nas ma bcos yum chen lnga yi dang // brjod bral spros bral 'khor lo rgyas 'debs klong // mkha' mnyam rin chen 'bar ba'i gzhal yas ni// nam mkha'i mtha' ltar kun tu khyab par bdal// phyogs bcur rgya yongs ma chad pa'i// phyi dang nang med kun tu nang // dur khrod 'bar ba'i gzhal yas ni// zhing chen gcal bkram rmad du byas// b+han+da skam rlon rtsig tu brtsigs// gnam lcags gzer btab brgyan rnams rdzogs// gdan tshogs 'bar ba'i gzhal yas ni// dbus kyi zla gam sgo can ling tse dgu// gru chad glo 'bur sgo rim gnyis kyis mdzes// rin chen dur khrod rgyan gyis brgyan par gsal// lha rnams kun la brgya rtsa brgyad// ru lu 'od kyis gnas sbyang dang // bsnyen pa dang ni nye bsnyen dang // sgrub pa sgrub chen rdzogs par bya// yan lag bzhi dang ldan byas na// mtshan ma 'byung bar gdon mi za// gsung gi ngo bo hUM nyid las// thugs kyi phyag rgya rab 'bar nas// phra mo sku yi 'phro 'du las// yab yum rtsa ba'i skur gsal te// rin chen 'bar

  158. 79b

    ba'i khri steng du// ma hA de bi sti snol kha// nyi shu gsal ba'i dkyil 'khor la// chags med pad+ma kha stod rgyas// hUM hUM/ badz+ra b+han+da dz+nyA na// oM badz+ra kI li kI la ya dip+ta swA hA/ oM badz+ra ki li ki la ya/ sarba big+h+na baM hUM hA phaT/ dIp+ta tsakra ha na ha na hUM phaT/ a ma ti dzi ti sta ra sti sti ra baM/ rat+na ma hA sUr+ya tsan+da pad+ma maN+Da la/ rdo rje pad+ma ldan byas nas// byang chub sems ni nyi zla'i 'od// thim pas thim gyur gnyis ka spro// gnyis med dgyes pa'i byin brlabs las// de nas dgyes te ha brjod pas// gnas kyi lha mo brgyad 'thon te// phyogs bzhi mtshams brgyad nyid du ni// ngo mtshar stan dang lag char ldan// ha ha ha ha ha ha ha ha/ de nas dgyes he brjod pas// yul gyi lha mo brgyad 'thon te// gru chad glo 'bur dag la yang // ngo mtshar chas nas gong bzhin no// he he he he he he he he/ de nas dgyes te phaT brjod pas// ye shes sgo ma bzhi 'thon te// gzhal yas chen po'i sgo bzhir 'khod// phaT phaT phaT phaT/ badz+ra e ma sAr+ya maN+Da la hA/ a tsaN+Da maN+Da la yaM/ ma hA bo d+hi tsat+ta maN+Da la tsA/ d+hAts+tsha b+hU b+h+yo b+h+yo b+h+yo/ b+hob+hU d+h+yA b+h+yAM b+h+yo b+h+yo// b+h+yo b+h+yo b+h+yo b+h+yodz+dza b+h+yo// b+h+yo b+hU dz+ha b+h+yo b+h+yo b+h+yo/ b+h+yo b+h+yo b+h+yo b+h+yo/ zhes dgyes pa'i phrin las spros te// phyi yi khyams dang sgo la 'khod// ye shes mkha' 'gro rnams 'thon te// sngon gyi rgyal ba'i mdzad spyod bzhin// las kyi ma tshogs zil gyis

  159. 80a

    mnan// phyag rgya'i dkyil 'khor gsal ba dang // byin rlab dbang bskur sngon byung bzhin// cho 'phrul chen po'i rang bzhin du// mkhas pas nan tan bskyed de bya// badz+ra go'u ri ha/ badz+ra tsi'u ri ha/ badz+ra pra mo ha/ badz+ra be ta lI ha/ badz+ra puk+ka sI ha/ badz+ra g+hasma rI ha/ badz+ra sma sha nI ha/ badz+ra tsaN+Da lI ha// badz+ra seng ha mu khI hi/ badz+ra bya g+ha mu khI he/ badz+ra shwa na mu khI he/ badz+ra gr-i D+ha mu khI he/ badz+ra kang ka mu khI he/ badz+ra ka/ ka mu khI he/ badz+ra u lU ka mu khI he/ phaT Ar+ya te tsa te dza/ phaT a mu ka si ti hUM phaT/ phaT badz+ra lo ka baM/ phaT badz+ra b+hasmi pa la ya ba tu ho/ ma nu rak+Sha sI b+h+yo/ bra h+ma Ni b+h+yo/ ro'u tI b+h+yo/ biSh+Ta be b+h+yo/ ku mA rI b+h+yo/ in+d+ra NI b+h+yob+ho/ badz+ra ping ga la ma b+h+yo/ a mr-i taM b+h+yo/ so'u ma b+h+yo/ daN+Da daM b+h+yo/ rak+Sha sI b+h+yo/ b+hak+Sha sI b+h+yo/ ra ti badz+ra b+h+yo/ ru d+hi ra man+ta b+h+yo/ e ke tsa ti NI b+h+yo/ ma no ha raM b+h+yo/ sid+d+hi kA b+h+yo/ ba ya be b+h+yo/ ma hA ma ra Na b+h+yo/ ag+ni b+h+yo/ ba ra hI b+h+yo/ tsa muN+Di b+h+yo/ su ta ni b+h+yo/ ba ru NI b+h+yo/ ma hA ka lI b+h+yo/ tsa ka la b+h+yo/ kum+b+ha kar+Na b+h+yo/ badz+ra laM bo da ra b+h+yo/ oM badz+ra kI li kI la ya sarba big+h+nA na baM hUM phaT/ hUM dIp+ta tsakra ha he phaT b+h+yo ru lu ru lu hUM phaT/ nges pa'i don du rdo rje mkha' 'gro rnams// gdeng ldan rnal 'byor dag gis bsgrub gyur na// las kyi mkha' 'gro 'khor bcas kyis// dam bcas bzhin du rtags dang mtshan ma'i brda ston te// gdeng med dag la ston

  160. 80b

    par ga la 'gyur// brda dang lan du ma 'byor na// thabs med shes rab zang ka bas/ brda la len du brtson par bya'o// lha mo dag gi sprul pa dag/ gang zhig sor mo gcig ston pa// nges par legs par 'ong ba yin// de yis sor mo gnyis ston pa// g.yon pa'i mthe bong bcangs pa las// bskrun med phyag rgya'i brda yin te// g.yas pa'i mthe bong bstan par bya// don dam bden pa ldan dri ba'i// gang zhig srin lag ston pa na// de yis mthe chung bstan par bya// kun rdzob bde ldan dri ba yi// gang zhig mdzub mo ston pa la// de yis gung mo bstan par bya// thabs dang shes rab ldan 'dri ba// gang zhig srin mtheb ston pa la// de yis mgrin pa'i rus phreng bstan// lha yi skur bsgom nus pa yi// gang zhig gos ni ston pa la// de yis dbyug to mu tra bstan// sbyor ba'i byed pa dam pa yi// gang zhig nu ma ston pa la// de la gsang ba'i rdo rje bstan// bden rdzun legs par 'dri ba yi// gang zhig gsus pa'i so ston na// kha dang lce ni rab tu ston// bden na sbyor ba bya ba yis// gang zhig 'khril dgu ston pa la// bdag gi spyi gtsug dgo bar bya// sbyor ba ma nus sdigs byed pa'i// de yi khro gnyer ston pa la// de yi lag mthil bstan te bsdig mi dgos// sbyor ba'i don la nyal lo ba'i// de yis rkang mthil ston pa la// de yis gnas dgur sen mo

  161. 81a

    gdab// de ltar sbyor ba byas gyur na// tshig gi dbang gis srin po 'du 'gyur te// slas dang grogs su the tshom med// rus phreng la sogs rgyan thogs nas// bdag la dbang bskur byed 'gyur na// mtshan ma'i cho 'phrul ci bstan yang // chos nyid mnyam las ma g.yos na// bu yi dam tshig shes 'gyur te/ e ma ho bu ni rdo rje che// shin tu brtse ba'i mtshan nyid kyis// ma ltar dgos pa'i don byed 'gyur// brtul zhugs phyag rgya ldan 'gyur na// bran dang sring mor the tshom med// ma bcol bzhin du las rnams byed pa ni// nor bu rin chen bzhin du re ba skongs// de ni las kyi mkha' 'gro ma'o// bdag gi bu mo'i tshogs ni ye shes mkha' 'gro ma'o// rig 'dzin sa la smin te mngon pa nyid// rjes 'jug gang zhig rnam shes phung po yul dang khams rnams kun// ma spangs gnas su dag ste sangs rgyas 'di yis 'grub// las kyi mkha' 'gro bsgrubs pas sangs mi rku// brda dang rtags bstan de kun sgrib pa ste// mtshan ma'i chos kyis ting 'dzin g.yeng ba'i rgyu// de bas sems dang sems las byung ba 'bad par bya'o// las kyi mkha' 'gro 'dul ba nyid// ye shes mkha' 'gro grub pa'i shugs las 'byung ba ste// don dam de la bsgrub pa'i rtags mi bca'o// sngon gyi dam pas gsung rgyu tshogs bsag phyir// las kyi mkha'

  162. 81b

    'gro ging dang ma sring pho nya 'bar tshogs la// tshogs kyi lhag ma kha chus bran te sbyin// dam bcas bzhin du gsal ba'i las bcol lo// spyan drangs ye shes mkha' 'gro ma// gtang rag tshul du mchod phul la// nyes pa bshags te don gsol nas// gzhal yas nyid du gshegs su gsol// bskyed pa'i mkha' 'gro'i tshogs rnams kun// bdag nyid chen po'i sku la bsdu// de nas rim gyis mi dmigs par// thig le byang chub brtan par bzung // gzugs brnyan zhal phyis chag chag gdab// ces gsungs so// rdo rje phur pa gsang ba'i rgyud chen po las/ ye shes kyi mkha' 'gro ma bsgrub cing / las kyi mkha' 'gro ma yongs su dam la btags pa'i le'u ste sum cu rtsa gcig pa'o// / de nas yang rdo rje khros pa'i rgyal po la/ rdo rje 'dus pas gsol pa/ thabs kyi spyod pa mdzad pa'i tshe// phyogs bcur bzhugs pa'i sangs rgyas kyis// khros pa'i rgyal la dbang bskur bzhin// rjes su 'jug pa ji ltar bya// zhes gsol pas// khros pa'i rgyal pos bka' stsal pa// dod tshad rtags ldan bla ma yis// brtul zhugs 'chang ba'i slob ma'i phyir// yid 'ong me tog rgyas pa'am// dur khrod chen po rab dben par// mchod rten drung dam kun dga' ra// der ni dbang gi las bya ste// sa cho ga mtshams rnams gong dang 'dra// gnyis pa sta gon bya ba

  163. 82a

    ni// dkyil 'khor dam rdzas chag chag gdab// lha rnams rtsa ba'i sngags brjod cing // bdud rtsi lnga yi thig le bya// thod pa'i bum pa bcwa lnga la// dur khrod skra yis kha rgyan bya'o// ro ras dag gis mgul brgyan te// zhing chen dag gi gdan la bzhugs// de nas slob ma sta gon ni// ba su ta yis srung skud bya// dur khrod rkang la so shing bya// rdo rje dri chu'i kha dag bya'o// dbang gi yo byad ma lus kun// skabs der nges par bsog par bya'o// de dag sngags dang bskul tshig rnams// zhi ba'i las dang 'dra ba ste// thabs ni bdag nyid khros pa'i las su bsgyur cing bya'o// thig tshon cho ga gong bzhin te// dkyil 'khor gru bzhi lham pa la// sgo dang bar khyams sgo khyud dang // de nas thigs bskor gnyis byas la// nang tshan brgyad brgyad nyid du bya// dbus kyi pho brang zlum po la// thig bzhi btab pas dkyil 'khor dgu// dbus su zla gam gcig byas te// mdun rgyab gnyis su zla gam bzhi// phyogs kyi le'u tshe las gzhu'i dbyibs// phyi rim brgyad cha nyis 'gyur la// dbang gi zla gam bcu drug bya// zla gam rnams ni dmar bar bya'o// las bzhi'i dbyibs ni rigs dang sbyar// gzhan yang mdzes shing legs par bris// dbus su khros pa'i rgyal po ste// mdun stengs logs bzhi khro bo bzhi// phyi rim zla gam bcu drug dgod// spyod phyogs bzhi yi

  164. 82b

    dkyil 'khor bzhi// sras kyi phur pa lnga po dgod// gru mtshams bzhi la phyag rgya bzhi// sgo bzhi dag la sgo bsrung ste// zla gam nyi shu rtsa gcig ni// shes rab yum gyi b+ha ga nyid// khro bo nyi shu rtsa gcig ni// thabs mchog yab kyi ngo bo'o// thabs dang shes rab dbyer med don// rgyan dang mchod pa mdzes par rdzogs// cho ga'i rim pa gong bzhin du// de nas gzhugs pa'i rim pa nyid// zhi ba khro bor bskur zhing bya// de nas dbang gi rim pa nyid// rang la sku yi cha rkyen dbang // sngon byung bzhin du bskur ba ni// phung po ma spangs ngo bo nyid// gsang ba'i snying po brjod las 'das// rak+Sha me dpal skur bsgoms te// lhang nge ba ru nges pa gsal// oM badz+ra kI li kI ya la sarba big+h+nAn baM hUM phaT// e ma ho de ni rang byung ba'i// dpal chen rdo rje gzhon nu'i sku// 'khor ba yongs su sbyong ba'i phyir// ye shes sems dpas dbang bskur ro// dz+nyA na satwa/ ki la ya A/ srid pa gsum la dbang sgyur zhing // byang chub sems ni mngon sum bstan// khams gsum ye shes skyed pa'i phyir// dbu la rigs lngas dbang bskur ro// oM AHhUM swA hA// ye shes drug gi rang bzhin te// pha rol phyin pa drug gi rtags// rdo rje la sogs phyag mtshan gyis// rgyu drug gnas su sgrol bar shog/ zhag gi zo ris don dam bcud kyi rgyan rgyun kyang // rak+ta'i thig le thugs rje chags pa'i

  165. 83a

    rtags// thal chen thig le mtshan ma spros dang bral// mtshan ma gsum gyi don dam mtshon par shog/ ma hA tig sna/ ma hA rak+ta/ ma hA ki ni ri ti/ skam po chos sku ra ri longs spyod rdzogs// rlon pa sprul pa'i sku yin te// dus gsum sangs rgyas bzhugs kun dang // sku gsum ngo bor dbang bskur ro// ma hA ka pA la hUM/ sbrul rigs bzhi yi chun 'khril te// mnyen la 'khril ba sku yi rgyan// zhe sdang chen po'i rang bzhin pas// phrin las bzhi yis gdug pa zhi bar shog/ ma hA nA ga hUM/ glang chen ko rlon stobs bcu'i brjid du ldan// tshul khrims g.yang gzhi thabs la mkhas pa dang // stag lpags sham thabs dpa' bar ldan pa yi// na bza' rgyan gyi dbang mchog thob par shog/ khams gsum zil gnon rdo rje gshog pa 'di// srid gsum 'degs byed rlung gi rang bzhin pas// g.yas pa thabs la g.yon pa shes rab ste// rdo rje gshog pa'i dbang mchog thob par shog/ ye shes gcig las kyang 'dul zabs bye brag tha dad bstan pa'i phyir// rtags kyi khro chung tshon gang gis// dka' nan chen pos 'gro don byed par shog/ kham nag ral pas stong nyid don rtogs ston// mthing nag thal ba'i chun 'phyangs kyis// 'khor ba rtag chad gnyis kyi mtha' sangs te// ma g.yos dbu ma chen po'i don rtogs shog/ 'bar ba thugs rje'i rang bzhin

  166. 83b

    dang // 'phro bas khyab pa'i thugs rje dang // 'du ba dbyings kyi rang bzhin te// gleng ba zad pa'i phrin las dang // 'khyil ba'i gnyis su med pa'i don// rdo rje me yi dbang mchog thob par shog/ de ni sku yi cha rkyen no// de nas mdzad pa phrin las kyi dbang bskur ba ni// bdag dang lag pa'i mchog rnams kyis// rab tu gsor te dril byas nas// byin gyis brlabs shing dbang bskur bas// gnyis med chen po'i byin rlob shog/ gu gul sbyar ma'i rdzas mchog dam pa 'dis// sras mchog kI la ya yi gzi mdangs rab bskyed nas// mtshan dang dpe byad ldan gyur cing // 'gro ba'i don rnams byed par shog/ nyung dkar rgyal po'i sras mchog 'dis// bder gshegs sras mchog rnams kyi ni// thugs dam chen po bskul nas kyang // 'gro ba'i don rnams byed par shog/ rak+ta'i rgyal po chags pa'i bdag nyid 'dis// 'gro ba'i don la thugs dam rab bskul zhing // phyogs bcu'i 'jig rten rab 'byams su// thugs rje chag pas don rnams byed par shog/ thugs rje chen po'i cod pan 'di// thabs dang shes rab rtags yin te// gzung 'dzin mtha' rnams rab spangs te// dbyings dang ye shes mtshon par shog/ phyi nang gsang ba'i mchod rdzas te// dus gsum sangs rgyas mnyes mchod cing // 'gro ba'i don la thugs bskul zhing // mchod sbyin

  167. 84a

    stobs kyi dbang mchog thob par shog/ bsgrub pa'i shes rab tshon gang ba// gsang ba'i sngags kyis rab bskyed la// dus dang rgyan du bzla dgos pas// 'dzab bsnyen 'di yis dbang bskur ro// di ni mdzad pa phrin las kyi dbang ngo // drag po bsgral ba'i dbang ni// dbyings dang ye shes don dam pho nya dang // thabs dang shes rab rtags kyi pho nya dang // 'khor ba'i gnas nas dgra bgegs 'gug pa'i phyir// mngag pa pho nya'i phur bu gzung // phyag rgya bzhi ldan phur bu 'di byin pas/ dgug dang bcings dang dbang du bsdu ba'i phyir// bar chad dgra bgegs ling+ga la 'debs par shog/ rdo rje gdab phur 'di byin pas// ye shes dbyings la phur pa 'debs pa'i rtags// mtshan ma thabs kyi phur bu 'dis// gdab pa'i ling+ga shes pa la// thabs mchog phur bu 'debs par shog/ mtshon cha lnga ldan phur bu 'di byin pas// 'joms byed rdo rje gcod pa'i 'khor lo dang // gtub pa'i ral gri brdung ba'i dbyug to dang // gnon pa'i rgya gram phrin las kyis// ma rig rgya mtsho 'dral bar shog/ rin chen rgyas pa'i phur bu 'di byin pas// dmigs pa'i mthu dang rtsal byed lha la sogs// gnas su bskrad cing rdzu 'phrul phrogs nas ni// rang nyid tshe dang dbang thang rgyas par byed par shog/ khro mo 'bar ba'i gtun khung du// khro bo 'bar ba'i tho

  168. 84b

    tshogs kyis// 'khor ba'i bag chags sbyong ba'i phyir// mtshan ma'i dngos po rdul du rlog par shog/ drag po'i mchod gtor 'di byin pas// dam can rnams kyi thugs bskul zhing // gdug cing sdang sems ldan pa rnams// lus ngag rdul du rlog par shog/ dbang mchog dug gi gtor ma 'di byin pas// gnod byed ma lus myos shing 'tshubs pa dang // bag chags sbyong phyir sdig pa mthol gyur nas// myos 'tshub 'bab chol sbyo ru chug/ rdo rje srin po za byed dang // rdo rje srin mo zhal gdangs par// sha rus khrag ste drug gsum mchod pa yis// dug gsum stongs nas sku gsung thugs ldan shog/ klong yangs 'khyil ba'i hom khung du// 'bar 'phro 'du klong me lce de// ya ma me yi sbyor ba yis// lha rnams ma lus mnyes byed shog/ zil gnon ri rab phur pa 'di byin pas// skal med byung ngan dus zad rnams// byang chub sems ni ma skyes par// gnon byed stobs kyi dbang thob shog/ rigs ngan sme sha gdol pa'i rigs// kha cig kha ral gzungs ma la// phyag rgya'i dkyil 'khor gsal bar bkod// dbang bskur rim pa gong bzhin no// gong gi gzungs ma de nyid las// zab mo'i dbang yang de bzhin bslang // de ltar dbang rim rdzogs gyur na// mi zhes bya ba bde gshegs yin// sangs rgyas zhes ni gud na med// de yis las rnams 'grub par

  169. 85a

    bshad// de ltar drag po'i dbang rdzogs nas// gnon byed ma lus rang bzhin du// zhe sdang gting nas ma g.yos kyang // rang ngam shugs kyis sgrol 'gyur na// dmigs pa bcas na smos ci dgos// de ltar dbang mchog ma thob par// bsgral ba nyid las btson byas kyang // rang nyid tshe yi bar chad nas// 'khor ba'i g.yang sa chen po lhung // de bas nan tan bskyed par bya'o// zhes gsungs so// rdo rje phur pa gsang ba'i rgyud chen po las/ khro bo phrin las kyi dbang bskur ba'i le'u ste sum cu rtsa gnyis pa'o// // de nas yang rdo rje 'dus pas 'di skad ces gsol to// kye ma ho rdo rje gsang ba'i bdag/ bde gshegs rol pa'i rjes 'jug pa'i// rdo rje'i dbang rdzogs rnal 'byor pas// rjes su 'jug dang dam tshig rtogs// bsrung ba'i dam tshig rnam pa gang // phyi rabs don du bstan du gsol// rdo rje gsang bas bka' stsal pa// nyon cig rdo rje 'dus pa'i gtso// dam tshig dam tshig ces bya ba// rtogs pa'i don nyid yin pa ste/ de las 'das na tshig par 'gyur// rtogs pa'i don rtogs bde gshegs kyi// zhal nas gsungs pa'i gdams ngag ste// de yi don la 'das na tshig par 'gyur// gdams ngag rim par bstan pa ni// rtogs par bya ba spyi yi dam tshig yin// bsrung bar bya ba khyad par dam tshig ste// gnas par bya/

  170. 85b

    ba lhag pa'i dam tshig yin// mdor na rnam pa gsum du gsungs// yan lag rnam par phye bas rim pa ste// don dam gnyis med ston pa'i rdo rje mched rnams la// lha log ngan sems rku 'phrog brdeg la sogs// ngan du smras shing gnod pa dngos su bgyis// sku yi dam tshig nyams pa dmyal ba'i rgyu// dang po dam tshig bcas pa bzhin// bzlas brjod sngags dang snying po bar mi gcad// gsung gi dam tshig nyams pa de bzhin no// ye gsang thabs kyis chod nas mi rtogs bzhin du don med spel byed na// thugs kyi dam tshig nyams pa dmyal ba'i rgyu// sbyor dang sgrol ba ma byin len pa dang // tshig brnyan dang ni rdzun spyod pa// nyon mongs rang gar spyod pas ngan song rgyu// dug lnga ye shes lnga yi ngo bo la// ma rig log par mthong bas spangs byas te// mi spang dam tshig nyams pa de bzhin de// dri chen dri chu dmar chen mAM sa sems// so so'i rnam par rtog pas ma 'byongs te// gnyis med don las 'gal ba de bzhin no// phung po 'byung ba kha dog dbang po yul// gnyis med lta ba dang las ma rtogs te// ye shes lnga yi don 'gal gong bzhin no// de bzhin rdo rje rin chen pad+ma las// rigs kyi khyad par ye shes lnga yang snang // ye shes dmigs med don la ma rtogs pas// grub pa'i 'bras bu med pas dmyal ba'i rgyu// sa la 'jug cing spyod pa'i rnal 'byor

  171. 86a

    pas// spyi yi dam tshig don mang yang // don dang bstun pa'i nyi shu rtsa brgyad po// drang dang nges pa'i don du rtogs par bya// khyad par dam tshig bsrung ba ni// gcan gzan rgyal po seng ge dag/ gsad par bya ba'i 'os ma yin// za ma tog gi rin chen dag/ dug rnams spyo ba ma yin no// rin po che yi lcug ma dang // rtsad nas gcad par bya ba min// gangs kyi zhun chu khol ma dag/ khong du btung bar mi rigs so// pad+ma rgyas pa'i ze'u 'bru dag/ kha dbye sprad par mi bya'o// bug rdol can gyi snod dag tu// gsang ba'i bcud rnams blugs pa min// ma brtags pa yi zas dang nor// mi bsrel bcad par mi bya'o// shel gong bzhin du gsal zhing dag pa dag/ 'dam du bsgrub par mi bya'o// seng ge dkar mo'i 'o ma dag/ rin chen gser gyi snod du blugs pa las// dug can dag tu ga la blugs// dgos 'dod bskang ba'i yid bzhin nor bu dag/ thab tu bsreg par yang mi bya// bya rgyal khyung gi gshog pa dag/ bcag par bya ba ma yin no// gnam lcags ngur mo'i mtshon cha dag/ sa la brdab par mi bya'o// stag gzig sgrol ba'i las byas pa'i// las kyi mtha' ma mi rtul lo// rdo rje brag chen gtams pa dag/ bshig cing 'dral bar mi bya'o// rdo rje ra bas bskor ba dag/ gom mtshams bshig par mi bya'o// mun pa sel ba'i

  172. 86b

    sgron ma dag/ gsad cing bsgrub par mi bya'o// rdo rje chu bo'i 'ol kha dag/ bcad cing bsgyur bar bya ba min// rgyal po rtags kyi phyag rgya dag/ gzhan la sbyin bya'i rigs ma yin// rdo rje mkhar rdzong gtam pa dag/ rmang nas bzlog ste mi bshig go// rgyal mtshan rtse la btags pa'i nor bu dag/ 'dod pa'i sems kyis dbog par mi bya'o// khyad par bstan pa'i dam tshig don mang yang // mdor bsdus pa ni nyi shu'i don dang bstun// sa la gnas shing spyod pa'i rnal 'byor pas// bdag gzhan gnyis kyi don du bsrung bar bya'o// lhag pa'i dam tshig gnas par bya ba ni// mdor na rtsa ba bzhir bstan te// spyod pa rgyun dang rang bzhin lta ba dang // lta ba'i nyams drod gal mdo nges pa bzhi// yan lag don nyid bshad pa ni// spyod pa rgyun la dam tshig bzhir gnas te/ gnyid kyi dgra spang myos 'gyur dgra bgegs gzhom// gsang ba'i brda bsrung le lo'i bdud gzhom mo// rang gzhan blta ba'i dam tshig bzhir bstan te// srid gsum yongs su bsgral ba dang // khams gsum zhing du bsgral ba'i ngang // dus gsum mi ru bsgyur ba dang // 'khor ba gnas su dag par blta'o// lta ba'i nyams drod dam tshig gzhir gnas te// gdal ba chos nyid lta ba ye 'byams su// rig pa'i ye shes lta ba ye gsal du// sprul pa'i phyag brnyan lta ba ye gnas su// khyab

  173. 87a

    pa'i snying rje lta ba kun khyab pa'o// gal mdo nges pa'i mdo gsum mo// ma khrel ba yi tshul dang ni// ma nyams pa yi mdo dag dang // mthar phyin pa yi rtags nyid do// ma khrel ba yi tshul la gnyis// bde gshegs thugs kyis ma bas dang // gang zag yid kyis ma dpyad pa'o// nyams pa'i don la bzhir gnas te// zla bos nyams dang zhor la nyams// dbang med nyams dang kun tu nyams pa'o// mthar phyin rtags kyis de bzhin bzhir snang ste// dam can 'du zhing mthu rtsal che ba dang // byin rlab che zhing rig pa chags pa gnyis// yid 'ong 'byung zhing 'dod pa grub pa dang // mang pos bkur zhing grags pa thob pa bzhi'o// dam la gnas pa'i rnal 'byor pas// lhag pa'i dam tshig don la gnas par bya'o// spyi dang khyad par lhag pa'i dam tshig rnams// rtog shing bsrungs te gnas par byas gyur na// sa gzhi chen po 'dra ste kun kyang bskyed// nam mkha' dngas pa 'dra ste go yang 'byed// sreg pa med dang 'dra ste bag chags sreg/ rlan pa chu dang 'dra ste dag par byed// g.yo ba rlung dang 'dra ste 'thor par byed// yid bzhin nor bu 'dra ste re ba skong // gcan gzan seng ge gzhin te zil gyis gnon// gzhung du bsrungs na rang snang 'bras bur 'char// rgyun tu bsrings na sangs rgyas sa la spyod// de la sogs te

  174. 87b

    yon tan bsam mi khyab// nyams par 'gyur bas mi 'grub ste// dngos su nyams na ljon shing mes tshig 'dra// zur gyis nyams na sa bon mes nyams 'dra// kun tu nyams na brjod pa'i mtha' las 'das// de yis bsgrubs kyang mi 'grub ste// slar la rang sems rlag pa dang // 'bras bu 'byung bar mi 'gyur te// tshe dang srog gi bar chad 'ong ba dang // 'jig rten sgro dang skur ba'i gzhi// dam la gnas pa'i rnal 'byor dang // dam tshig nyams pa'i rnal 'byor gnyis// skad cig tsam yang sgra mi bya// smras na dam bca' 'bras bu brlag/ dam tshig nyams pa'i rnal 'byor de// dam la gnas pa'i rnal 'byor pas// dang du blangs te bsgral bar bya// bsgral ba zhi ba'i mchog yin no/ zhes rdo rje gsang ba'i bdag pos/ dam tshig gsang ba'i bkod pa mdor gsungs shing bstan to// rdo rje phur pa gsang ba'i rgyud chen po las/ dam tshig rim par phye ba'i le'u ste sum cu rtsa gsum pa'o// // de nas yang nyid las mi gzhan pa'i rdo rje 'dus pa'i sras mchog dam pa des/ he ru ka dpal la yang gsol ba ni// gdug byed rA tra la sogs pa'i// tshe dang gzi byin kun phrogs te// khros pa'i lha tshogs tshe dang gzi byin rgyas mdzad pa'i// rol pa'i mdzad spyod e ma ngo mtshar che'o// de yi rjes spyod rnal 'byor pas// khro bo'i/ tsha/ 'gro ba'i tshe nyams tshe ldog tshe 'thor

  175. 88a

    pa// rjes su bsgrub na ji ltar bgyi/ zhes gsol ba'i don thugs su chud de/ bka' stsal pa ni/ tshe dbang chen po'i gnas dag ni// 'khor lo gnam la pad+ma sa// ri bo chen po rab dben dang // yod 'od me tog rgyas pa ste// dbyibs 'dra'i sa gzhi rab tu brtag/ yang na ldong gcig ma dang mes reg dang // lung gsum mdo dang dur khrod gnas// 'bab chu chen po'i ngos su bsgrub// lha rnams mnyes par bya ba dang // gdon rnams zhi bar bya dang // srid rtse'i nyes dmigs bsal ba'i phyir// phyi yi gtor ma btang nas ni// rab tu gsang ste rgyan rnams bsags// dur khrod bdag po khyo shug dag/ brjid pa'i stobs kyi gnan par bya// dang po sa yi lha mo mchod// 'khor rnams kun la gtor ma sbyin// bden tshig bsgo ste gnas su btang // lho phye gzhung du brtag byas nas// brkos la sa yi ro lnga bsal// shin tu 'jam la snum pa'i sa// 'thas par legs pa nyid du bya// khru gang gyen du 'phags pa yi// chur ni gru bzhi nyid du bya// bkra shis ras bal skud pa la// shin tu gsar zhing mdzes pa yi// mkhas pas rab tu thogs nas ni// thig gi cha ni rnam par dbye// byang chub sems kyi thig le bya// lha rnams spyan drangs bsam mchod bstod// phyag 'tshal sta gon gnas gsol gdab// bkra shis pa yi rgyu yin no// khrus byas phyag 'tshal gsol ba gdab// srung

  176. 88b

    skud tshems shing kha dag bya// ku sha'i stan 'dug ltas brtag ste// rtags kyi tshad rnams gces par bshad// rin chen sna lnga'am dri zhim shing // yang na sa las byas pa yi// bum pa'i mchog nyid mdzes par bya// bdag nyid chen po he ru ka'i// tshe yi ye shes khyad par las// pad+ma 'dus pa spyan sngar te// rdo rje 'dus pa nub phyogs su// gzhan rnams go rim bzhin du bsam// gzhan yang 'byung lnga'i snying po lnga// rin chen lnga dang sman lnga dang / spos lnga la sogs mgul chings gzungs// kha mngar sgyur rlan snam pos dgang // tshe 'dzin mchog dang zas kyis brgyan// rgyan dang mchod pa bye brag sogs// bu mo gzhon nus bkal tshon skud// gos rgyan mdzes pa yid 'ong gzungs// phyi nang gsang ba'i mchod par ldan// thig gi cho ga rim par bya// kha dog lnga yis mtshan par bya// cho ga bzhin du rgyas byas la// ye shes lnga yi rang bzhin du// mkhas pas dkyil 'khor bri bar bya// b+ha ga he yi dkyil 'khor la// rdo rje'i brag gis rnam par gtams// dbang gi zla gam nyi shu gcig/ chu skyes pad+ma pa tras brgyan// zla gam yum gi ngo bo la// yab rnams thabs kyi phyag rgya ru// sku gsung thugs nyid gang rung dgos// spyan sngar pad+ma 'dus pa ste// phyogs cha bzhi la rigs bzhi'o// sgo bzhi dag tu sgo srung dgod// byin gyis brlabs pa'i bum pa ni// snang ba'i 'od dang bcas pa

  177. 89a

    bkram// lta ba spyod pa mthar phyin pa'i// lung dang man ngag tshad mas brgyan// dad pa mi ldog dam tshig gnas// byang chub sems la rab gzhol cing // byams dang snying rje ldan pas bsgrub// stong pa nyid kyi ye shes ni// rnam par mi rtog rtog las 'das// 'di ni mi 'gyur byang chub sems// mkha' la de bzhin rol pa'i sku// de yi che ba'i byin rlab las// dkyil 'khor bsam yas lhun gyis grub// bu mo lo grangs nyi shu la// phyag rgya'i dkyil 'khor gsal bkod de// spel pa can gyi mthu chen gyis// rnam gsum dag tu nan tan bya// rin chen la sogs bum pa la// dzaHhUM baM hoHbzhis bkug la// sku gsung thugs kyi snying po'i mchog/ lus ngag yid la bstim par bya// nr-i nyid dngos sam yid bzhin mdzod// bum pa mchog ni bzang po yis// tshe bzhag gnas ni de bzhin no// yang nas yang du dgug byas nas// mngon sum smin par gyur pa dang // dbyings su yang ni sba bar bya// rdo rje cho gas bsrung ba ni// brtan cing 'khor los gdab par bya// snying po 'byung lnga'i nang du bstim// sangs rgyas ma lus thams cad kun// rgyal po che dpag med par bsgom// sku mdog gangs ri 'tsher ba la// rgyan phreng sna tshogs rgyan gyis brgyan// yid bzhin rin chen phreng ba dang // za ma tog dang rin chen dang // bum pa bzang la sogs pa yis// gzhan

  178. 89b

    yang 'gro ba'i don bya ba'o// bsam gyis mi khyab mtha' yas mchog/ bgegs kyis nr-i rnams mi ster na// tshe dpag med kyis khro bo ste// phyogs bcu'i nam mkha'i khams bkang nas// sgra skad drag po bton nas ni// thams cad ma lus thul bar bya'o// tshe dpag med pa'i dbang du bsgrub// tshe bsnyen dang ni nye bsnyen dang // tshe sgrub dang ni sgrub chen po// thabs dang shes rab 'byor pa yis// ci 'dod las rnams 'grub par byed// tshe dbang mo ni rgyud 'phel mo// dkar mo'i mdog la 'od 'phro 'gyur// phyag na rin chen gang ba yi// phyag rgya sna tshogs ci yang 'gyur// 'jig rten drug gi phyogs bcu nas// gsang ba'i 'gro/ drug thams cad la// phan pa'i tshe dbang 'di sbyin na// de las phan pa'i nus mthu med// yi ge bzlas pa 'phrul chen ni// rnam gsum tshul gyis ma 'khrul bar// sngags bzlas cho ga par mi gcad// 'dris gsal brtan pa mchog gis bya// oM oM oM shA~M nA~M/ swA hA hA hAn+tu/ a a a a~M aM/ swa swa swa swa sa/ ha hA ha ha ha/ ts+tshar+b+huk+Sh+mAMSh+T+r-iSh+Ta/ b+hA ba bA ba ba/ d+hA dzA dzA dzA d+ha/ yA yA ya ya ya/ swa wa pra wa wa/ shwe she sh+ye she she/ d+hAts+tshaH hU~M hU~M hUM hUM/ A A A A A/ tshe rnams dbang du ma gyur na// bde gshegs lnga yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas// phyag rgya mtshon cha sna tshogs

  179. 90a

    kyis// 'jig rten phyogs bcu'i bdud bcom nas// 'gro drug tshe rnams dbang du sdud// gshol dang gtun shing phyag rgya yis// 'og gi 'jig rten khams dkrugs nas// gshin rje'i gnas nas tshe bkug nas// snying po lnga la bstim par bya// phyag rgya 'khor lo chen po yis// steng gi 'jig rten khams dkrugs te// dbang drag chen po la sogs pa'i// bar snang bgegs rnams rgyu ba las// nr-i tshe drag tu dgug par bya'o// 'khor lo'i 'bru la bstim par bya// de nas yi ge 'bru lnga ste// nr-i yi gnas lngar bstim par bya// oM AMHhUM/ badz+ra kA bA ga tsa/ badz+ra ra ga hUM/ oM sarba ta thA ga ta nr-i/ ta ya a d+hi tiSh+Tha badz+ra swA hA/ phyag rgya bsrung ba'i cho ga ste// 'bru gcig mi dmigs dbyings su thim// yid bzhin nor bu rin po che// rgyan dang rin chen phreng bas brgyan// rin chen lnga dang sman lnga dang // 'bru lnga spos lnga snying po lnga// gsang mkha' rab ldan blo ldan pas// yan lag ma nyams gsang sngags bsgom// rgyan cha lnga dang ldan byas nas// dkyil 'khor thams cad 'grub par 'gyur// de nas rigs kyi bu mchog des// yo byad ma lus ldan byas nas// mchod yon rnam pas sna tshogs kyis// mnyes mchod dngos grub thob par bya// gdod nas byang chub snying po la// rnam rtog las kyis 'khor ba rnams// rnal 'byor dbang phyug thabs mkhas

  180. 90b

    pas// 'khor ba'i dra ba bkral nas ni// yab yum gnyis med mkha' la bsgral// sgrub pa po yi las su ni// brtul zhugs bskyed de sbyor sgrol brtsam// de dag sngags kyi dam tshig ste// ming gis mi bya mi rung ngo // gal te byas na ltung bar 'gyur// ma byas na yang ltung bar 'gyur// rab brtags bsgom ste bya bar gsungs// rab bskyed spyan drangs mchod byas nas// bsnyen pa gzhung bzhin brtson par bya'o// 'bum mam sum 'bum bzlas nas ni// ma btab bzhin du las rnams 'grub// bsgrub pa'i bar chad byed pa dag/ nyin mtshan gung la rab bkug ste// gzugs la phab ste bcings la bzhag/ ting 'dzin bsar te rab tu gdab// mgo dang tsit+ta lte ba la// gsang gnas yan lag bzhi la gdab// bden pa bdar zhing yang nas yang // gru gsum e yi dkyil 'khor du// bcu gnyis sam ni rtsa gcig gis// sked nas bskor la gnad du brdeg/ gnan cing gzir ba'am de bzhin te// de nas tshe yi dngos grub dag/ nges pa nyid du blang bar bya// bde gshegs mtshan brjod bkra shis gsol// rol mo yid 'ong mnyes mchod 'bul// gtor ma tshogs gsum gnas su dgye// bsdu dang bsrung ba de bzhin te// rigs ma bsgrub par bskyed par bya// zhes gsungs so// rdo rje phur pa gsang ba'i rgyud chen po las/ gzi byin tshe gsang bar

  181. 91a

    bsgrub pa'i le'u ste sum cu rtsa bzhi pa'o// // de nas yang rdo rje 'dus pas 'di skad ces gsol to// e maho rdo rje gsang ba'i bdag/ sems can kun gyi sems can po// sangs rgyas kun gyi thugs kyi mchog/ byang chub sems la phyag 'tshal 'dud// bde gshegs rol pa'i mdzad spyod kyis// drang ba'i don du kun rdzob don bstan nas// nges pa'i don du byang chub sems rtogs bzhin// phyi rabs don du bstan du gsol// a la la ho zhes bya bas ni// gsol ba'i don bcom ldan 'das kyi thugs chud do/ chos nyid byang chub sems kyi de kho na nyid la cung zhig mnyam par bzhag ste/ nyon cig rdo rje 'dus pa'i gtso// don dam byang chub sems kyi don zhus pa ya mtshan che'o// byang chub sems zhes bya ba ni// thams cad kun gyi rgyu 'bras te// rgyu las 'bras bu btsal ba'i phyir// kun rdzob don bstan ming grib cing // 'bras bu don dang ldan pa ste// kun rdzob kun la mi gnas pas// 'bras bu don dam byang chub sems nyid sbyang bar bya'o// nges don gzod nas ma skyes rang bzhin ni// rnam par dag pa'i yum gyi tshul// ma skyes mi 'gag thabs kyi sku// rig pa'i rgyal po rang byung bas// thams cad ma lus dbang du sdud// thabs kyi rgyal po bdag gnas par// 'gro kun bla med gnas su bsgral// chos kun rtsa ba sems

  182. 91b

    yin pas// brtags shing don du rang sems bzang // sems nyid rtsa ba'i don rtogs shing // 'gyur med klong du don mnyam na// gnyis med don gsal ting 'dzin te// lus kyi bskul bskyod phyag rgya la// spyod yul kun tu dkyil 'khor ro// byed spyod thams cad tshogs gnyis 'gyur// phur pa byang chub sems kyi rtags// byang chub sems kyi phur pa yis// srid gsum 'gro ba gdar sha bcad// byang chub sems kyi phur bu yis// ma btab bzhin du lhun gyis grub// mnyam pa'i rgyal po'i rig pas gdab// phur pa chos nyid dbyings kyi rtags// byang chub sems kyi phur pa des// gzhan du gdab pa'i gnas med de// gnyis med ma bcos chos dbyings la// rang rig byang chub sems kyis gdab// phur bu 'dzin chags mya ngan 'das// ma rtogs gzung 'dzin dngos dang bral// dngos po kun bral phur pa yis// dngos po phyin ci log la gdab// don la gnyis med mya ngan 'das// gdab dang mi gdab gnyis las 'das// phur pa skye ba med pa'i don// ma skyes gdal ba'i phur pa yis// dbyings la btab pas rig pa shar// sems la btab pas don dam rtogs// khyab gad la rang bzhin phur pa yis// snang srid kun la khyad par gdab// de ltar rtogs na thebs pa yin// mngon sum gyur na phebs pa yin// tshig las 'das na sangs

  183. 92a

    rgyas yin// grangs las 'das na brjod du med// rang bzhin phur pa'i don nyid ni// phur pa bla ma chen po yin// phur pa chos kyi dbyings zhes bya// phur ni skye ba med pa'i dbyings// pa ni 'gag pa med pa'i don// gnyis su med pas mya ngan 'das// phur ni thabs kyi rgyal po yin// pa ni shes rab dag pa'i don// gnyis med mnyam pas rdo rje'i sku// phur pa kun khyab nam mkha' 'dra// phur pa kun gsal nyi zla 'dra// kun la snyoms pa'i ngo bor snang // chos kyi chos nyid phur pa yin// nam mkha'i mtshan nyid phur pa yin// sems kyi sems nyid phur pa yin// phur pa rgyud kyi rgyal po yin// phur pa lung gi bla ma yin// phur pa man ngag nges pa'i don// gnyis med gsal bas bskyed pa yin// khro bo pho nyas 'jig rten gang // 'phral la gang ba ma yin te// ye nyid nas ni gang bar gnas// gsal bar byas pa skye ba yin// nyams 'og tshud na bsgral ba yin// gnyis su med na sbyor ba yin// lhangs kyis rtogs na thebs pa yin// thugs rjes zin na dam tshig yin// de lta bu yi don ldan na// 'khor ba ngan song mya ngan zlos// sdug bsngal byang chub mya ngan zlos// sems can sangs rgyas mya ngan zlos// yul ni dbyings su mya ngan zlos// mkha' yi gtun khung bde gshegs su// rig drug sems can mya ngan zlos// sems ni chos

  184. 92b

    nyid mya ngan zlos// thams cad 'byung rgyu sems yin pas// sems las rang byung chos med do// sems nyid grol bar bya ba'i phyir// chos kyi bye brag rnam grangs bstan par zad// gnyis med sems kyi rang bzhin no// rgyu 'bras gnyis las mya ngan 'das// 'dzin rtog med pa'i phur pa la// dbyibs dang kha dog mi gnas na// gzugs dang kha dog so sor grags// log rtog phyin ci log bzhir bcings// gnyis med don du byang chub sems// 'pho 'gyur med pa phur pa'i don// mi dmigs nam mkha'i klong du bsgrub// ma nor ma bcos dbyings nyid ni// de ni rang bzhin lhun grub gnas// de la sems kyi 'bras bu ni// rgyu mchog 'bras bu yi ge hUM// gnyis med mtshon pa'i lam bzang po// srid gsum dbang du bsdus nas ni// khams gsum kun las 'das par bsam// de ni bdag gi byang chub sems// srid pa gsum la dbang bskur zhing // bcom ldan 'das dang skal ba gcig/ byang chub sems ni mngon sum bstan// thog mar gzhal yas byang chub sems// de ni rgyu 'bras ma bkag chos// bsgrub pa'i ye shes tshon gang ba'o// gsang ba'i sngags kyis bskyed nas ni// sku dang ldan par rab brgyan cing // khams gsum khro bos gang bar mdzad// gnyis ldan sku gsung thugs su ldan// sku yi tshogs ni rab brgyan te// thugs la

  185. 93a

    'bar ba'i srog kyang bzhugs// dbu la rdzogs pa'i sangs rgyas bsrung // khro bo mang pos gzir mnan nas// yul ni rnam par sgrol ba'i thugs// srid gsum khro bor rtogs pa'i ngang // srid pa gsum yang khengs zhes bya// de nas phur pa'i byang chub sems// rang byung gzugs med kun khyab pas// rgyu 'bras gnyis las mya ngan 'das// khams gsum ye shes bskyed nas ni// rang byung ye shes gsal ba'i rtags// phur pa ye shes khro bo la// nyi zla ri rab phur bu'i rgyan// shin tu brjid pa'i ye shes kyis// kha gting med pa'i phur pa la// khro bo'i tshogs kyis rab brgyan nas// rang byung ye shes shar ba'i phyir// khams gsum dbang du yang dag bsgrub// khams gsum gdug pa bsgral ba'i phyir// dag pa'i dbyings las ma g.yos kyang // tsham rngams gzi byin glog ltar 'bar// khams gsum rtsa dag bcad pa'i phyir// me dpung gsum gyis khams bsregs shing // lhun gyis grub pa'i dkyil 'khor nas// spyan drang bzhugs gsol dbyer med bstim// gnyis med gsum gyis khams bsregs nas// ye shes 'bar ba'i phrin las bsgrub// khams gsum dus gcig dbang bskur nas// rang byung sku ru rnam dag cing // rab tu srog gi gong shar nas// gnyis ldan sku gsung thugs su ldan// mya ngan 'das pa'i dbyings su

  186. 93b

    gsal// dus gcig le brgan 'bar bar ldan// snying ga lce steng spyi bo nas// yi ge 'bru gsum 'phro 'du las// sku gsung thugs su byin brlab dbang yang bskur// hUM oM AH/ rnam par shes pa ye shes mchog/ rang byung phur bu mya ngan 'das// srog dang dbugs kyi byin brlabs ni// nam mkha' lta bu'i ngang nyid las// gnyis med don gyi sku byung bas// byang chub sems kyi phur bu yis// snang srid chos dbyings nga nyid du// ma btab bzhin du lhun gyi grub// snang srid phur bu shar ba'i phyir// bdag dang lag pa'i mchog rnams la// gnyis med dbyings su sbyor ba'i phyir// yum bzhi'i phyag rgyas byin brlabs te// lag tu blangs te dril bas kyang // khams gsum snang ba'i dug rnams te// dag pa'i dbyings su sgral ba'i phyir// dpa' bo 'bru lnga'i 'phro 'du yis// phur bu'i ri rab phyag rgya ste// rdo rje gzhon nu'i sku gsung thugs// rang byung phur bur byin gyis brlab// rab tu sdug bsngal gsal bar 'gyur// rdo rje rab tu ki la ya// dngos po dbyings su bsgral ba'i phyir// drag tu gsor dril byas nas kyang // chos sku ye shes shar ba'i phyir// sems kyi yul ni rnam bsgral te// ye shes sku yis khyab par gnas// de ni de bzhin gshegs pa'i mthu// snang srid phur bur shar ba na// mkha' la de bzhin rol pa'i sku// chos

  187. 94a

    dbyings thig ler shar ba'i phyir// ma lus phur pas 'debs zhes bya// gnyis med don gyi ngo bo las// rdzogs nas rang gar gsal phyir du// byang chub sems kyi khyad par gyis// nyon mongs sdug bsngal sbyang ba'i phyir// khams gsum gsol bar bsgral bar bya// nyon mongs ye shes gnas gyur cing // srid gsum dbyings su bsgral bar bya// de nas a las rnam dag pa'i// srid pa gsum du gsal 'tsher nas// bdag dang phur bu byang chub sems// sems can lus la bstim byas te// spros shing bsdus pas khrus byas te// 'khor ba gsum ni mya ngan 'das// de nas yum chen gnyis su med// gnyis med don gyi nges pa las// bskyed pa med pa'i ri rab kyis// dmigs pa med pa'i chos dbyings las// mkha' yi gtun khung bde gshegs gnas// gting dpag med pa'i dbyings nyid du// g.yos pa med pa'i ye shes kyi// lha yang rung ste bsgral byas nas// srid gsum phur pas thebs zhes bya// snang srid skye 'gro phur bu'i gzugs// mtho nas gcig tu gyur pas na// ho zhes rab tu dga' ba yis// shin tu snying po 'di brjod do// hUM rang byung mchog sems gsal phyir du// mnyam nyid rtsal gyis bdag nyid bsgral// de bzhin hUM gis drangs nas kyang // phur bu gzi ldan thob 'gyur cing // gnyis med chos skur gcig pa'i

  188. 94b

    phyir// yul de'i sems ni hUM du snang // 'od dang 'od zer phur bu las// bdag la 'dus pas tshe ru thim// de gnyis med kyis bsgral phyir ro// bdag gi rnam shes tshogs brgyad nas// gang zhig gnas pa'i mchog rnams la// rdo rje phur bu mang shar nas// de yi tshogs brgyad dag par bya'o// khams gsum chos nyid gdar bcad phyir// khro mo 'bar ba'i gtun khung du// khro tshogs 'bar ba'i tho tshogs kyis// rdo rje tho bas brdung byas nas// khams gsum ma lus bsgral bar 'gyur// rtog 'dzin med pa'i dbang phyug des// mnyam pa'i rgyal pos spags par bsgral// shin tu gsol pas dgyes bstar nas// za byed kun la bstab par mdzod// ha ha bgyis pas dgyes par rol// hUM hUM bgyis pas dbang du sdud// kha kha bgyis pas lhag ma bzhis// bdag dang gsum du ldan nas kyang // byang chub sems kyi dbang spros pas// phung po rdul du rlogs nas kyang // sha khrag khams gsum dag par dmigs// hUM gis rab tu nam mkha' gang // phaT kyis kun tu gtor byas nas// rdo rje ye shes tshon gang gis// khams gsum byang chub sems bskyed dang // 'gro ba ma lus don bya'i phyir// srid pa'i gdar sha bcad nas kyang // spyod pa rnam pa bcu dang ldan// ljang gu las kyi sa bon te// dmar po srog gi sa bon yin// mthing ga he ru ka yi thugs// spros

  189. 95a

    pas thig les nam mkha' khyab// thams cad 'dus pas shin tu brjid// grub na sems kyi phung po tshol// khams gsum dur khrod khrag yin te// thugs rje chags pas bsgral ba'i phyir// srid pa'i gdar sha bcad nas kyang // spyod pa rnam pa bcu dang ldan// byang chub sems kyi gol sa bcad// grub mtha' 'di la 'jig mtha' med// de ni mi 'gyur byang chub sems// mya ngan 'das la rtag pa'o// sgrib pa med pas mthar phyin te// btsal du med pas ye nas grub// bsam pa las kyang mya ngan 'das// 'jig rten kun las 'das pas na// 'dzin dang rtogs pa rnam sangs nas// byang chub sems ni skad cig ma// lhan ne bar yang bdag nyid sbyor// 'jig rten kun las grub pa'i rgyal// mi nub pa yi rtags bcas shing // rdo rje sems dpa'i mkha' la nub// nub mtha' med pas shin tu spangs// yid ni chos nyid mya ngan 'das// rnam shes hUM du mya ngan 'das// hUM nyid byang chub sems kyi gzhi// byang chub sems ni phur pa ru// srid gsum ma lus mya ngan 'das// phyi nang gsang bas bsdus pa'i chos thams cad// mthar zug pa byang chub sems kyi rang bzhin phur pas lhun gyis grub par gyur to// rdo rje phur pa gsang ba'i rgyud chen po las/ phur bu byang chub sems kyi de kho na nyid kyi le'u ste sum cu rtsa lnga pa'o// // de nas rdo rje

  190. 95b

    'dus pas 'di skad ces gsol to// rjes su spyod pa'i rnal 'byor pas// las dang lus kyi dbang btsan nas// tshe yi dus byas las kyis lus sems bral 'gyur na// lus sems gnas sbyang dge ba'i stongs ni gang // zhes gsol pas// rdo rje khros pas bka' stsal pa ni// lus sems gnas sbyang dge ba'i stongs bya na// gang zhig lus sems bral 'gyur na// zhag grangs gzhi bcu rtsa dgu tshun chad du// las 'di byas na stongs su 'gyur// rnal 'byor rtsal shugs ldan pa yis// snod ni gzhal yas bcud ni lha// dngos snang sku la sgra grag gsung // rang bzhin med pa thugs yin te// sku gsung thugs su gsal ba dang // de yi byin rlab sprul pa yis// 'jig rten drug gi phyogs bkang nas// a nr-i su tri pre du dzas// rgyud drug gang na gnas kyang sems drangs la// gsal bar thugs rjes lus la bstim// de bzhin yang du yang du bya// rnam rtog lus su gsal ba des// bde gshegs rgyal ba'i dkyil 'khor la// phyag 'tshal gsol btab 'jug par bya// dkyil 'khor lha yi tshogs rnams kun// g+ha na sbyor ba'i gzi byin rnams// drang don de la rab bstim rnam rtog lus gnas sbyangs te// gser zhun bzhin du sems gnas pa// nyi zla pad+ma'i dbus dmigs te// sbar dang 'phang ba'i sngags brjod de// yab rnams thugs bskul rdo rje'i lam byung

  191. 96a

    ste// yum rnams gsang ba'i dbyings su 'khyil// de las phyogs bcur rab 'phros pas// dus gsum bde gshegs sa yab yum rnams// bskul ba'i rang bzhin thugs chud nas// g+ha na chen po'i sbyor ba mdzad// sbyor ba'i 'od zer tshur 'dus pas// gsang ba'i byang chub sems dbang bskur// de nas lha rnams tshang ba'i bstod bsngags kyi don brjod de// ma sbar bzlog ste brjod pas ni// lha rnams kun gyis gsang dbang bskur// de nas bsdu ba'i sa bon gyis// gtso bo nyid kyi thugs kar bsdus// rdo rje lam drangs pad+mo'i dkyil// dbyings nas yi ge phyag rgya'i skur gsal te// de la phan pa'i dbang rnams kyis// bcu drug zla ba rdzogs pa ltar// sku yi cha rkyen rdzogs par bskang // de ni sems sbyang rim par bshad// de yi lus la dkyil 'khor rdzogs par gsal// brtul zhugs phyag tshang ging chen gyis// ro ni rab tu gshig gyur na// gang nas sha rus khrag bcas kun// dum bu dum bur gtub nas ni// don rtogs lha yi tshogs la 'bul// dang po gzhung ldan gnas su ni// gzugs brnyan dam pa mngon bzhengs la// las kyi rim pa rdzogs pa dang // khro bo rol pa'i stangs stabs dang // khro mo gsang ba'i gar tshogs dang // phra men mgo brnyan 'dzin tshul gyis// ro de nyid ni blang bar bya// chu mchog dag gis bkrus nas

  192. 96b

    ni// dri yis byug ste ras kyis gril// de la lha yi snying po dgod// sreg khang rim pa bzhi brtsegs te// dang po bam dbyibs gnyis pa e// gsum pa yA gzugs bzhi pa mA// dang po las kyi nyon mongs zhi bar bya// gnyis pa las kyi gshed lcags drag pos bsgral// gsum pa las kyi dkyil 'khor du bcug ste// dbang rnams rdzogs par ro la bskur// bzhi pa zhi khro'i lha rnams kun// de yi sku la rgyas par bsam// me nyid zhal gyi ngo bo yi// phyi nang gsang ba'i mchod pas mchod// bstod de 'dod yon gsol ba gdab// yang na 'byung ba me nyid la// dam tshig me lha bskyed nas ni// ye shes me lha spyan drangs mtshon// de nyid gzhal yas nang du lha// ngas bsam spyan drangs bzhugs gsol mchod// de nas ro de rab bshig nas// lha rnams kun la bstod mchod 'bul// de bzhin lus kyi gnas 'byongs nas// sems nyid sbyong ba gong ma bzhin// yang na dkyil 'khor mngon bzhengs nas// lha rnams kun gyi gang gnas su// ro bshig dur khrod rdzas su dbul// lha rnams sbyang drang mchod bstod bskul// snying po byin dus rnal 'byor rol// des ni dngos grub mchog thob 'gyur// de nas las rnams rdzogs par bya// sems gnas dkyil 'khor drug tu ldan// ngan song sbyong dang mtshams dang ni// gsal ba'am snying po sbyor dang sgrol// dbang

  193. 97a

    la sogs pa drug tu bya// de ltar las rnams ci byed kyang // tsit+ta rtsa lag yab yum dang // sgo lnga'i rnam shes yul bcas pas// sras mchog khro bo yab yum mo// spyi gtsug gnas bzhi hUM mdzad 'khor// dpral ba'i mtsho bzhi rnam rgyal 'khor// lag g.yas lha bzhi dbyung sngon 'khor// chags byed srid bzhi gshin rje 'khor// rkang g.yas lbu bzhi mi g.yo 'khor// gsang ba'i gnas bzhi rta mgrin 'khor// rkang g.yon lha gzhi gzhan gyis mi thub 'khor// thugs kar gnas bzhi bdud rtsi 'khor// lag g.yon lha bzhi khams gsum bskor// snam khung gnas bzhi stobs chen 'khor// yan lag sde bzhi sgom bzhi// de las sogs pa'i rdzas rnams kun// dam la btags pa'i dam can skong // yang na rtsa ba'i rim pa la// yang na nyon mongs rim pa la'o// de ltar las kyi stangs byas na// lus sems bral ba'i gang zag de// phyir mi ldog pa'i sa la gnas// mngon sangs rgyas la the tshom med// ces gsungs so// rdo rje phur pa gsang ba'i rgyud chen po las// rnal 'byor pa sgrub pa po dang // gang zag gang yang tshe'i dus byas nas/ dge ba'i las kyi stangs gdab pa'i le'u ste sum cu rtsa drug pa'o// // de nas yang rdo rje 'dus pas 'di skad ces gsol to// e ma ho// bde gshegs rdo rje bdud rtsi mchog gi bdag/ blang dor

  194. 97b

    med pa'i mdzad spyod kyis// drag po nyon mongs la zhen pa'i// zag bcas longs spyod rnam lnga po// zag med bdud rtsir rol pa dang // thugs rje gsal gyi mdzad spyod kyis// 'bru dang sman rnams thams cad kun// rtsa ba yan lag bcas pa kun// sangs rgyas sems can kun gyi gsos su mdzad pa'i che// rjes su 'jug pas ji ltar bgyi// rdo rje bdud rtsi mchog la bdag nyan 'tshal// zhes gsol te// rdo rje bdud rtsi mchog gis bka' stsal pa// e ma ho rdo rje 'dus pa'i sras// phyi rabs rnal 'byor don gyi phyir// bdud rtsi'i don zhus pa ya mtshan che'o// bdud rtsi'i don nyid bshad bya na// nyon mongs pa yi bdud nyid la// thugs rje chen po'i rtsi btang na// khyab pa'i thugs rje chen po yis// dbyings su 'khyil ba'i bdud rtsi'i don nyid de la bya'o// kun rdzob rtags su bsgrub bya na// kun rdzob kyis ni bsgrub pa ste// srid gsum b+han+da bzang 'khor yug/ ye nas ma bcos rang bzhin snod// de yi nang du blugs pa'i sman// bcud kyi rtsa ba lo ma rnams// dbyer med dang du bsog par bya// de la nges pa'i bsam pa yis// nges pa nyid du bsgrub par bya// mi phyed dgu dang ldan pa yis// bla ma rdo rje slob dpon gyis// thams cad ma lus don bya phyir// bdud rtsi dam pa bsgrub par bya// rin chen ri dang sman ldongs dang // rtsi sman 'khrungs

  195. 98a

    pa'i sa phyogs sam// nags tshal dra bas gtibs pa'am// yid 'ong me tog rgyas par bsgrub// 'khor du bya ba'i rim pa yang // skyon drug rnam par spangs pa yis// nyi shu'am bcu'am yang na nyi shu lnga// khrims dang sdom pas bcing pa min// dang por ra ba'i chos brgyad la// der ni brtsam pa'i dus yin te// rtags kyi don nyid mthong ba'am// dus ni bcu drug nyid la don// yo byad ma lus ldan 'gyur na// 'grub 'gyur 'di la the tshom med// ma tshogs pas ni sgrub thag ring // de bas yo byad ldan par bya// bkra shis mchog ldan b+han+da lnga// phyi nang gsang ba'i rtsa brgyad stong // dbang po ra swa ya na kun// so so'i rigs dang sdom phye la// sman gyi bsrung ma so sor bstim// dam rdzas rnams kyi rtog pa gzhom// rigs kyi kha dog dar gyis dgab// mtshan ldan bkra shis gzungs zag gdags// bkod pa brgyan gyi dkyil 'khor ro// dkon mchog dag la mchod bya yin// bsgrub pa'i zhag grangs 'di tsam par// bar chad bgegs rnams bsal phyir du// phyi nang gsang ba'i rgyu 'grul bsdams// 'bar ba mtshams kyi dkyil 'khor ro// nyon mongs bag chags gzhom pa'i phyir// 'bum lnga'i bshags pa bya ba ste// ngan song sbyong ba'i dkyil 'khor ro// khrol bu la ni 'khor lo ste// gdung bzhir ka ba brgyad gtong ba'i// bzhi dang brgyad dang sgo bzhir bcas// phye ba'i

  196. 98b

    dus na brgyad cha bzhi// ka ba 'khor lo pad+ma rin chen sgo bzhir bcas// gong bu'i dus na zla gam kha sprod sgo bzhir bcas// gzugs brnyan 'gro ba 'dul ba'i dkyil 'khor ro// rigs lnga dang ni dgu bcu gsum// gsang chen rigs gcig bsnyen pa yis// des ni khrol bu sbyangs pa ste// ye shes lnga'i 'phro 'du'i bsnyen pas phye ma sbyong // dgu pa'i sngags kyi gong bu la'o// 'phro 'du 'ju 'dul dkyil 'khor ro// bstan pa lnga la mkha' lnga'i dbyings// dung byed lnga la gsang ba'i mtshan bris la// btsag pa'i tshags snod yab yum ste// srang ni thabs dang shes rab po// btsags btags bdud rtsi 'khyil pa'i dkyil 'khor ro// zla gam sgo shar bstan pa la// pad+ma 'dab ma brgyad bris la// rta mgrin dbang gi dkyil 'khor ro// dkyil 'khor bla med gdeng ni de ltar bshad// bdag nyid ngang rang rang bzhin gyis// lta ba'i phul du bdud rtsi lta ltangs yin// lta ba'i gdeng chen nyid la nges bzhag na// lta ba bla med gdeng ni de ltar bshad// dam rdzas dag la blang dor med pa dang // g+ha na dag la 'ching 'grol med pa dang / ta na dag la skye shi med spyad pa// spyod pa bla med gdeng ni de ltar bshad// spyi yi dam tshig brtag par bya ba dang // khyad par dam tshig bsrung ba dang // lhag pa'i dam tshig gnas par bya ba dang // dam tshig bla med gdeng ni de ltar

  197. 99a

    bshad// zhe rgyas dbang dang mngon spyod dang // gnan bzlog drug tu gcig tu ste// phrin las bla med gdang ni de ltar bshad// bye ma khrol bu gong bu gang la yang // rtags drug mngon du byang brang du// gzung las 'byung ba bzhin bsgrubs na// bsgrub pa bla med gdeng ni 'di ltar bshad// bdud rtsi chen po'i bum pa yis// phyi dang nang dang gsang ba'i mthar zug dbang // 'dod pa de la rab sbyin pa// dbang mchog bla med gdeng ni 'di ltar bshad// thun mong dang ni thun mong ma yin pa// don dam dang ni kun rdzob kyi// dngos grub khyad par can yang thob// dngos grub bla med gdeng ni de ltar bshad// bla na med pa'i gdeng brgyad kyis// bdud rtsi dam pa mchog bsgrub nas// sangs rgyas mchod cing rang zos na// dngos grub khyad par can yang thob// dam rdzas sman sna re re la yang // yon tan bsam gyis mi khyab cing // byin rlab mthu byin de bzhin no// de yi nus mthu dpag las 'das// zhes gsungs so// rdo rje phur pa gsang ba'i rgyud chen po las/ bdud rtsi chen po mchog gi bsgrub pa'i le'u ste sum cu bdun pa'o// // de nas yang rdo rje 'dus pa'i sras mchog kI la yas// rdo rje khros pa'i rgyal po la 'di skad ces gsol to// e ma ho// bde gshegs khros pa'i rgyal po che// zhi rgyas dbang dang mngon spyod dang // sbyor dang skong dang bzlog pa

  198. 99b

    dang // gnan dang gzir ba'i phrin las rnams// phyi rabs don du ji ltar bskum// kun mkhyen khyed kyis bstan du gsol// zhes gsol pas// khros pa'i rgyal pos bka' stsal pa ni// a ho rdo rje 'dus pa'i sras// sems can phyi rabs gzhan don phyir// phrin las don zhus ya mtshan che// phrin las rim pa bstan pa ni// 'jig rten khams ni rab 'byams na// rmug par gyur pa'i sems can la// sna tshogs las kyis zhi bar sbyar// bkra shis bde ba'i gnas dag tu// bkra shis mtshan ldan yum mchog gzung // rdo rje 'dus par bsam bya zhing // dkar la zlum pa'i dkyil 'khor la// rdo rje 'od zer 'phro bas rgyal// rin chen kha dog dkar po'am// dkar po'i shing las byas pa yi// phur pa zlum po drug btab ste// zhi ba'i lha tshogs spyan drangs la// snying po byams pas mchod sbyin bya'o// yam shing dkar la sbar ba'i me// dkar la mngar ba'i rdzas rnams kyis// zhi ba'i tshul du sbyin bsreg bya// dngul phye 'bras chen dkar po la// gtor ma byas te zhi bar bya// sa yi tshogs kyi dkyil 'khor du// gti mug las kyis 'chel ba rnams// zhi bar gyur pa'i dbyings su rol// 'di ni zhi ba'i las su bshad// 'jig rten khams ni rab 'byams na// phongs gyur pa yi sems can la// sna tshogs las kyis rgyas par bya// tsan+dan me tog nags tshal dang // nyams dga' skyed mo'i

  199. 100a

    tshal du ni// lcug phran ma yi yum mchog gzung // rin chen 'dus pa'i bsam sbyor gyis// ser po gru bzhi'i dkyil 'khor la// rin chen chu skyes dag gi brgyan// rin chen kha dog ser po'am// ser po'i shing las byas pa yi// phur pa zur bzhi btab pa ste// rgyas pa'i lha tshogs spyan drangs nas// byams pa'i sems kyis mchod sbyin bya// ser po'i shing las sbar ba'i me// kha ba'i ro ldan ser po'i rdzas// rgyas pa'i tshul gyis sbyin bsreg bya// gser phye 'bras chan ser po la// gtor ma byas te rgyas par bya// ma yi tshogs kyi dkyil 'khor du// nga rgyal las kyis 'chol rnams la// rgyas par gyur pas dbyings su rol// 'di ni rgyas pa'i las su bshad// 'jig rten khams ni rab 'byams la// chags par gyur pa'i sems can la// dbang du bya bar rab tu gsungs// zla mtshan can nam chu gling du// sdong gcig ma yi gzungs ma gzung // pad+ma 'dus pa'i bsam sbyor gyis// zla gam dmar po'i dkyil 'khor la// pad+ma mda' gzhu 'od kyis brgyan// zangs la sogs pa'i rin chen nam// dmar ba'i shing las byas pa yis// phur pa zla gam lnga btab la// dmar smug 'dra ba'i lha tshogs rnams// rdo rje dbyings phyug spyan drangs te// dga' chags yid kyis mchod sbyin bya// dmar po'i shing las sbar ba'i me// skyur la mngar ba'i rdzas rnams kyis// dbang

  200. 100b

    gi tshul du sbyin bsreg bya// zangs phye 'bras chan dmar po la// gtor ma byas te dbang du bsdus// ya yi tshogs kyi dkyil 'khor du// 'dod chags las kyis 'chel ba rnams// dbang du gyur pas dbyings su rol// 'di ni dbang gi las su bshad// 'jig rten khams ni rab 'byams na// shin tu gdug pa'i sems can la// drag shul spyod pas las bya ste// rkang gcig shing ngam dur khrod du// rigs ngan sme sha mes reg gzung // las rab 'dus pa'i bsam sbyor gyis// nag po gru gsum dkyil 'khor la// gtsang thod rgyan gyis brgyan par bya// lcags la sogs pa'i rin chen nam// tsher ma'i shing las byas pa yis// phur pa zur gsum drug btab ste// mthing nag 'bar ba'i lha tshogs rnams// drag pos 'dul phyir spyan drangs te// btang snyoms khros pa'i mchod sbyin bya'o// tsher ma'i shing las sbar ba'i me// drag po'i tshul du sbyin bsreg bya// lcags phye 'bru nag sha khrag la// sbyar ba'i gtor ma drag shul spyad// e yi tshogs kyi dkyil 'khor du// zhe sdang las kyis 'chel ba rnams// brlag par gyur pas dbyings su rol// 'di ni drag po'i las su bshad// chags pa'i don du sbyor ba ste// dbang po yul la sbyor ba dang // chos can chos nyid sbyor ba dang // shes pa shes par bya ba'i yul la sbyor ba ste// chos rnams skye ba med par sbyor ba dang // chos nyid

  201. 101a

    skye ba med par sbyor ba las// rdo rje gzhon nu yab yum skur bskyed de// yab yum sbyor bas khro bo khro mor bskyed// khro bo khro mo sbyor ba las// phra men mngags thabs bskyed par bya// yab yum sbyor ba las sras mchog yab yum bskyed// sgo ma bzhis sbyor ba'i brdas bskul te/ yab yum thams cad thabs dang shes rab gnyis su med par sbyor ba dang // mtshan ldan bkra shis yid 'ongad gzungs ma// dri rtsis skyon sbyangs gos dang rgyan phreng gdags// rnal 'byor nyid la'ang de bzhin te// rgyan gzungs gsal g.yon spel byas nas// bdag nyid lhar bsam gzungs nyid yum// bdag gi lus kyi gnas rnams su// thabs mchog nyi shu rtsa lnga bsam// yum la shes rab ma rnams bsam// rang bzhin gnas nas dgug gzhug bstim// mchod don gsol ba gdab bya ste// lcags kyus spyan drangs zhags pas 'khyud// lcags sgrog bsdams te dril bus dgyes pa bskyed// yab yum dgyes pa'i rol mo dang // lus kyi gnas rnams spyad pa ni// yum rnams chos dbyings gzhal yas su// yab rnams ye shes byang chub sems// dmigs med bde/ ba'i sbyor bas gtim// ma chags mnyam pa'i dgyes pa mchog/ bdag dang gzhan gnyis mi dbye bar// sangs rgyas sems can thams cad la// bde chen byang chub sems su mchod sbyin chen po thim byas

  202. 101b

    nas// chags pa skad kyang bla med thob par 'gyur// bka' lung gtan tshigs tshad mar mi ldan par// mtshan med gzungs btsal 'dod chags dngos spyod na// 'bras bu yul med ya ga'i gzhi dar nas// tshul chos chags pa spyod pas 'khor ba'i rgyu// 'di ni sbyor ba'i las su bshad// srog gcod phyir na sgrol ba ste// snod dang bcud kyis bsdus pa'i chos rnams dbyings nyid la// rig pa byang chub sems su snang ba ye shes te// gnyis su med pas mtshon pa mya ngan 'das// de ltar rtogs pas khams gsum thun mong dang // thun mong ma yin thugs rjes sgral ba'o// snod kyi 'jig rten shes rab gzhal yas la// bcud kyi bsdus pa'i khro bor shar// khams gsum thugs rjes thun mong du bsgral ba'o// bstan pa la gnod zhing bcu gnas nas blang phyir/ gzhung dang ldan pa'i rnal 'byor pas// gnas 'khor phur pa yo byad dus ldan te// gzugs brnyan dam pa bzhengs te ting 'dzin rig pa bsar/ rang bzhin mchod bsgrub rgyal ba'i bka' la bsten/ dmigs pa'i rten ni bcas/ dbab dpral gzir btab gtub bstang rol te/ shes pa'i gnas sbyangs nas ni/ sdig pa spyad kyang ye shes 'bar ba la// bsgral bar byas kyang ltung bar mi 'gyur ro// rgyal ba'i bka' la ni khungs phyung / mthu rtsal 'dod pas 'jig rten pa'i dregs pa mchod/ don dang mi ldan par sgrol ba'i

  203. 102a

    las byas na/ spyod rtsing khe rngams 'khor ba'i g.yang sar lhung // 'di ni sgrol ba'i rim par bshad// nyams pa'i phyir na bskang ba ste// dam rdzas bdud rtsi lnga la rten bcas nas// yi ge dpa' bo 'bru lngas dngos po dang / mtshan ma'i bag chags sbyangs te/ phyag 'tshan 'bar ba lngas ni/ gzugs su snang ba'i bag chags sbyangs te/ dug lnga'i rten ye shes lngar bsgral nas/ rigs lnga'i thugs kyi rgyud bdud rtsi lngas dbang bskur bas/ bde bar gshegs pa sku gsum gyi ngo bor bzhugs pa rnams kyi thugs dam bskang ste/ don dam pa'i bskang ba dang / dgongs rgyud rnam par dag pa'i rnal 'byor pas/ rgyu mchog gi skongs gyur yang / mtshams bcad phrin gdags me tog dor te/ mig dbye lha ngo bstan/ phung po khams dang skye mched dang // rnam shes 'byung ba dmigs pa yis// lha rnams kyi thugs dam dbyings su bskangs nas/ ka ta ri ni byin brlabs ral gri ging dbang bskur/ rgyu lnga'i sgo dgag dug lnga zhe bcad de/ rnam shes gnas sbar dbang bskur mi ldog sa la dgod/ sha khrag la sogs tshogs kyi mchod par 'bul// de yi don ldan rnal 'byor pas// srog bcad bsgral bas rnam shes thugs dam bskangs// de yi don dang mi ldan pa'i// ming tsam 'dzin pa'i rnal 'byor pas// dgongs rgyud mi gsal spyod pa'i don 'khrul nas// bskangs kyang mi skongs slar

  204. 102b

    nyid 'khor ba'i rgyu// 'di ni bskang ba'i rim par bshad// yid gnyis za phyir bzlog pa ni// khams gsum 'khor ba'i sems can rnams// mi bde'i gnas su gting 'khyams pas// thugs rje nyi zer 'dra ba yis// lus sems sku gsung thugs su bzlog pa'o// 'di ni 'khor ba ru bzlog pa'o// mu stegs lta spyod log pa dang // nyan thos la sogs lta tshogs dman pa rnams// sngags pa lta spyod 'khrul pa rnams// lta ba spyod pa bstun te ya tsha bar khrid pa ni// log dman 'khrul pa ru bzlog pa'o// byang sems sangs rgyas rgyu nyid la// nyon mongs bdud kyi rgyu byas phung po'i bdud du smin// lha yi bdud kyis bar du glags btsal nas// 'chi bdag bdud kyis bar chad byed pa'i tshe// don rig rtsal shugs ldan pa'i rnal 'byor pas// bka' yi gzhung dang mthun pa'i rdzas bsags te// rgyu mchog mtshan ldan dag la rten bcas nas// srog brjes sems sbar sha khrag rdzas kyi bzlog/ skad cig tsam yang lus sems ma bral bde thob dge sbyong de// dge sbyong thabs med nams kyang 'khor ba'i rgyus bzlog nas// dge ba skad cig tsam yang sangs rgyas rgyu// dge ba'i don sad rtsa ba'i bzlog pa'o// dam med rtsal shugs mi 'chang rnal 'byor tshul spyod pas// dge don sad med gzhan gyi rigs kyi gnyer phab nas// tshig tsam bstod pas rang gi che skyes te// don du

  205. 103a

    sha lpags 'dod phyir bzlog pa byed// dman mchog mthu byin kun kyang ngas bzlog na// 'jig rten rkyen dbang can dag smos ci dgos// de skad zer zhing bzlog pa'i las byed na// mi bzlog rang gis gshed mar 'ong ste 'khor ba'i rgyu// bzlog pa'i rim pa 'di ltar bshad// gnod byed sa la gnan pa ni// don dam sems la gnod pa ni// kun gzhi rnam par shes pa la// bag chags grangs rim bzhi gnas pa// phung po la gnas tshogs drug yul ma btang bar// bag chags thams cad mnan te kun gzhi ngo bor gnas// des ni don nyid don mthong ste// don dam bden pa'i mnan pa'o// gnas dang dkyil 'khor rdzas dang cho ga thabs// ting 'dzin sngags dang phyag rgyas byin brlabs te// 'gog byed bgegs rnams gnan byas na// spogs pa'i thabs med de la thar dus med// kun rdzob bden pa'i gzhung du mnan pa'o// dkon mchog bden pa'i bka' la mi bden par// 'jig rten 'di yi drag po'i dbang bzung nas// mthu chen dregs pa'i lha klu'i gnas rnams su// de mchod de la las kyi mthu ltos shing // de la lhar gsol dgra bgegs gnod byed pa// de ni 'jig rten log pa'i mnan pa ste// chos 'gal ya ga'i gzhi ste de mi bya// gnan pa'i rim pa 'di ltar bshad// 'gran sems can la gzir ba ni// chos dbyings ye shes ye nas gnas pa

  206. 103b

    la// bag chags nyon mongs 'gran 'jug pa// rig pa'i ye shes bsar te chos dbyings dang du gzir// mthar thug don gyi gzir ba'o// dpal chen 'bar ba'i cha byad kyis// 'gran sems rA tra gzir ba ni// sgrib gnyis byang nas tshogs gnyis rdzogs// 'di ni rtags kyis gzir ba'o// rnal 'byor dbang phyug sgrub pa la// 'gran sems can gyi dgra dang bgegs// ras sam gro ga'am shing shun la// ming ngam yang na/ gzugs bris la// khrag 'thung thugs rtags phur pas gzir// 'di ni rdzas kyi gzir ba'o// bdag nyid ting 'dzin gdeng zhugs la// 'og tu gzhug cing kun tu gzir// 'di ni bsam sbyor kun tu gzir ba'o// gzir ba'i rim pa 'di ltar bshad// ces gsungs pa/ phyi rabs kyi rnal 'byor pas bdag gzhan gyi don las byed pa las mgo mi rmongs par 'gyur ro// rdo rje phur pa gsang ba'i rgyud chen po las// bdag gzhan gyi don gyi phrin las rim par phye ba'i le'u ste sum cu rtsa brgyad pa'o// // de nas yang rdo rje 'dus pa'i rgyal pos/ 'di skad ces gsol to// e ma ho bde gshegs ting 'dzin mchog gi bdag/ sa la spyod pa'i rnal 'byor pas bza' btung gos rgyan bya byed dang // spyod pa 'gro nyal 'dug ldang ba'i// rgyun tu ting 'dzin ji ltar lags// ting 'dzin mchog gis bshad du gsol// zhes gsol pa dang / de nas

  207. 104a

    bcom ldan 'das kyis/ rgyun gyi ting 'dzin la mnyam par bzhag ste// 'di skad ces gsungs so// e maho rdo rje 'dus pa'i sras// za ba rgyun gyi ting 'dzin ni// gtsang sme med par zas rnams kun// snod chen dag gi nang du bsog/ mdun du bzhag ste sems bskyed nas// bdag nyid lha yi rnal 'byor gyis// bskul ba gsum gyis dngos po spyod// byin brlab gsal btab mchod phul phrin las bcol// byin bsdu'i dngos grub yin// lhag ma byin te gshegs su gsol// 'gro ba'i don du smos lam gdab// oM badz+ra kI li kI li la ya sarba big+h+nAn baM hUM hUM phaT/ hUM raM hUM yaM hUM khaM/ b+h+rUM b+han+d+ha ma a pa maN+Da la/ oM AHhUM ba liM ta pu tsa hUM/ A~M badz+ra kI li kI la ya/ kro ta kro ti ha he phaT sa ma ya dzaH/ A~M badz+ra dz+nyA ba ma hA pU tsa pany+tsa ba liM ta a mr-i ta rak+ta bo d+hi tsit+ta ma hA ar+g+haM pra tI dza ho/ dzaHshri bAn kha raM khA hi/ sarba pany+tsa a mr-i ta kha raM khA hi/ ha ha ha/ hUM hUM hUM/ phaT phaT phaT/ shIn+tiM puSh+Ti bA shaM mA ra ya hUM phaT/ oM badz+ra kI li kI la ya/ oM AHhUM/ lo ka pra ti pa na d+harmA tA sid+d+hi hUM AH/ rak+Sha yak+Sha ma ma b+h+yo dza pAts+tsha sa ma ya hUM swA hA/ kA ya wA ka tsit+ta dr-i sh+ya ho ya hi gats+tsha/ sa ma ya ho// dga' ldan lha yi tshogs la phyag 'tshal lo// 'byor ldan longs spyod spyan 'phel rgyas// sbyin pa rtag tu longs spyod cing // sgrib gnyis byang nas tshogs gnyis rdzogs par shog/ a la la ho// btung ba

  208. 104b

    rgyun gyi ting 'dzin ni// brlan dang gsher gyis bsdus pa yi// 'bru bcud dza gad la sogs btung ba la// gdeng ldan drang ba'i 'phro 'du las// ma mA ki yi ting 'dzin bsam// 'byung ba bcud ldan phyag rgya yis// oM badz+ra kI li kI la ya/ b+haM mA ma ki tAM tAM/ hUM badz+ra badz+ra/ dag pra ba ba ya nan hUM swA hA/ bsil mngar bdud rtsi'i ror tsha ngo bor brlabs// sbom po dbang mo thabs dang shes rab kyis// rtsir gyur sman gyi 'phro 'dur gsal// lha yi tshogs la thim par mchod// oM AMHhUM gis byin bsdus te// rang nyid 'thung bas sgrib byang nas// sku gsung thugs kyi gzi byin pheb// bgo ba rgyun gyi ting 'dzin ni// reg bya bgo ba'i bye brag rnams// 'jam dang rtsub pa gnyis med par// gsal ldan ho yi 'phro 'du yis// gan+d+he reg bya'i lhab lhub can// oM badz+ra kI li kI la ya gan+d+he pany+tsa li ka pU dza ho// nad med lang tsho bde ba dang / mtshan gyi me tog thob par 'gyur// rgyan phreng rgyan gyi ting 'dzin ni// rgyan dang bye brag thams cad la// legs dang mi legs dbyer med par// nges ldan traM gi 'phro 'du las// mA le rin chen phreng thogs ma// oM badz+ra ki li kI la ya/ mA le rat+na pU dza sa ma ya ho/ bde gshegs sras dang bcas pa mchod// byin bsdus lhag ma bdag nyid gdags// sha bkrag gsal zhing mdangs chags dang // dpe byad 'bru rnams thob par 'gyur// bya byed rgyun gyi

  209. 105a

    ting 'dzin ni// bya dang mi bya dbyer med par// mkhyen ldan ha yi 'phro 'du las// bya ba mo ni chos kyi dbyings// byed pa po ni ye shes te// bya byed dbyings las ye shes rol// IM badz+ra kI li kI la ya// karma d+harma dz+nyA maN+Da la/ pU dza sa ma ya ho// bya ba byed pas don dang ldan// spyod pa rgyun gyi ting 'dzin ni// spyad par bya ba'i rdzas rnams kun// nges par ting 'dzin rab gsal bas// sgrib sbyong phyir na bkol ba ste// spyad pas tshogs chen shes rab thob// oM badz+ra kI li ki la ya pra dz+nyA gu h+ya pA dza sa ma ya ho// nyal ba rgyun gyi ting 'dzin ni// bying rmugs g.yengs dang 'phyo ba spangs// myos 'thib gnyid kyi dgra bcom ste// seng ge'i nyal thabs rab tu brtag/ gsal ldan chen po'i ting 'dzin de// rtag chad gol sgrib ting 'dzin mtha' spangs te// brjod med bsam med brjod bsam las 'das pas// chos dbyings bde ba chen po'i ngang du gsal// oM badz+ra kI li kI la ya ma hA shu n+ya tA/ des ni don dam tshogs chen rdzogs// lta ba rgyun gyi ting 'dzin ni// dngos po mtshan mar ldan pa med// nges don chen po'i ting 'dzin gyis// chos nyid skye ba med pa las// 'gag pa med pa'i sku bzhengs pa'o// oM badz+ra kI li kI ya la wA ka tsit+ta sa ma ya hUM// lus ngag yid gsum gyi sku gsung thugs// 'gro ba rgyun gyi ting 'dzin ni// grub ldan chen po'i ting 'dzin gyis// drang don

  210. 105b

    tshad med phyir nyid 'gro ba ste// nges don dmigs med 'gro ba'i don du brtag/ oM badz+ra kI li ki la ya e baM mA yA d+harma karma hUM/ 'gro ba 'dul phyir gshegs pa ste// gzhan gyi don du 'gro ba bdag gi don// 'dug pa rgyun gyi ting 'dzin ni// dkyil 'khor rdzogs pa'i ting 'dzin gyis// bdag nyid ston pa'i rang bzhin de// gang na gnas pa gnas kyi mchog/ nyer gnas 'khor ni rang bzhin khyad par 'gro ba 'dul ba'i 'khor// brjod pa thams cad bstan pa dang // de ltar 'dzom pa dus shes bya'o// oM badz+ra kI li ki la ya maN+Da la hUM hUM// des ni phun sum tshogs par 'dug par 'gyur// zhes gsungs pas/ sa la spyod pa'i rnal 'byor pa rnams/ rgyun gyi ting 'dzin las su rung ste// sa la smin par gyur to// rdo rje phur pa gsang ba'i rgyud chen po las/ rgyun gyi ting 'dzin rim par bye ba'i le'u ste sum cu dgu pa'o// // de nas yang rdo rje 'dus pas 'di skad ces gsol to// e ma ho gsang mchog de nyid bdag/ sa la spyod pa'i rnal 'byor pas// de nyid yongs su rtogs bya'i phyir// dmigs pa'i mtshan ma la brten de nyid kyis// sgrib sbyang tshogs rdzogs 'bras bu rdzogs par bya'i phyir// dkyil 'khor dang ni maN+Dal dang // sku gzugs dang ni mchog rten dang // glegs bam dang ni phreng ba dang // rdo rje dang ni dril bu dang // mchod rdzas dang ni rol mo dang /

  211. 106a

    'di rnams de nyid ji ltar lags// rnal 'byor don du bstan du gsol// a la la ho// zhes gsol to// de nas bcom ldan 'das kyis bskul ba'i don du thugs su chud de/ de kho na nyid bcu'i ting 'dzin la mnyam par bzhag ste/ 'di skad ces gsungs so// sa la spyod pa'i rnal 'byor pas// de nyid don zhus e ma ya mtshan che'o// de nyid dam pa bstan par bya// de yi dkyil 'khor de nyid ni// gzugs brnyan spyi'i dkyil 'khor bzhengs dang ting 'dzin bsgom// rang bzhin dkyil 'khor sgrub pa ste// yid du 'ong ba'i gnas dag tu// rdul tshon kha ba bab pa bzhin// re khA gri so bsgreng ba ltar// gzhal yas khang ni tshul lam dbyibs// legs shing mdzes par bris pa ni// gzugs brnyan spyi yi dkyil 'khor ro// lha yi go bgo gnas rnams su// sku gsung thugs kyi mtshan ma gang // bkod nas mi shes drang phyir bstan// lhag pa gzugs brnyan mngon bzhengs pa'o// nam mkha'i dbyings kyi dbu gnas par// ting 'dzin snying po cho ga yis// gzhal yas dam pa bsam bya ba// gnas kyi ting 'dzin dkyil 'khor ro// de yi bzhugs pa'i sa gnas su// cho ga gsum mam lnga nyid kyis// lha yi rnal 'byor gdeng ldan de// nges pa nyid du bsam pa nyid// ting 'dzin dkyil 'khor bsgom pa ste// ting 'dzin khyad par dkyil 'khor ro// chos nyid bdal ba chen

  212. 106b

    po la// rang byung ye shes 'khor gyis brgyan// dmigs par gsal yang dmigs med pa// rang bzhin don dam dkyil 'khor ro// chos nyid skye ba med pa las// khro bo'i bsam pa drang don du// 'gag pa med pa'i phyag rgya bzhengs// bde gshegs bzhugs phyag mchod sgrub pa// rang bzhin don dam dkyil 'khor de// rang bzhin don gyis gnas pa yin// 'di ni dkyil 'khor 'di nyid do// maN+Dal de nyid brtag pa ni// dge don maN+Dal rtsom pa brtson 'grus te// 'bu srin sems can bsal ba bzod pa'i mchog/ ga dar byi dor byang chub tshul khrims de// sman dang dri yi skyang nul sbyin pa yin// me tog phud bu bkod pa shes rab bo// de nyid lha ru bsam pa bsam gtan te// spyan drang bzhugs phyag mchod bskor thabs su shes// sgrib gnyis sbyangs nas tshogs gnyis rdzogs te stobs// de yi 'bras bu thob pa ye shes so// 'gro ba'i don du shes pa smon lam nyid// maN+Dal don gyis pha rol phyin pa rdzogs par 'gyur// de phyir maN+Dal de nyid don la brtson par 'bad// sku gzugs kyi de kho na nyid ni// zangs lcags gser dngul la sogs pa// bzhu nas lugs su blugs kyang rung // dur khrod tshon rtsi rnam lnga yis// khang bu'i logs sam thang ka la// thabs la mkhas pas bris pa'am// ra dang ba so sa rdo shing // kun la 'bur du btad pa ste// mkhan po gang yang shes rab

  213. 107a

    ldan 'gyur bar// legs shing dod la tshad dang ldan par bya// rang 'dod lha yi gzugs nyid la// nges pa'i ting 'dzin rtse gcig tu// yang dag par ni bsam byas nas// sku byis sku khrus gsol ba dang // dbu bshad snyan spabs bsal te spyan dbye shangs spu btog/ tshem 'dru ljags bzhar nas// rang bzhin gnas nas spyan drang bstim phyag mchod de bsgrub byas nas// bkur 'os mchod 'os phyag bya'i gnas// 'khor ba ma stongs bar du na// zhal bsro bkra shis dbang bskur mnga' gsol nas// sku gzugs mchod pa'i rten du de nyid bya'o// mchod rten kyi de kho na nyid ni/ dang por dad ldan rnal 'byor don spyod pas// gzugs brnyan mchod rten mngon bzhengs na// sngags mkhan rab kyi blo ldan pas// rtse gcig ting 'dzin bya ba ni// 'og gi 'gram bting dge ba bcu// bang rim dang po dran pa nyer gzhag bzhi// gnyis pa yang dag spong ba bzhi// gsum pa rdzu 'phrul rkang pa bzhi// bzhi pa snang ba'i dbang po bzhi// bum rten snang ba'i dbang po lnga// bum pa byang chub lan lag bdun// srog shing mkhyen pa bcu yin te// 'khor lo bcu gsum stobs bcu nyer gzhag gsum// char khebs skyabs chen thugs rje'i bdag nyid de// bya ru thabs dang shes rab la// tog ni mi dmigs chos kyi sku// dril bu chos nyid stong pa'i sgra// dar 'phyangs 'khor

  214. 107b

    ba'i thabs las 'das// rgyu 'bras chos las grub pa'i sku mchog la// sku phyi sku khrus gsol te gzhal yas bsam// de nyid ma nor bsam pa'i gzhal yas su// sku gsung ngo bo gang yang rung ba'am// 'di ni sprul pa'i sku nyid de// spyan drang bstim mchod don gsol gdab// phyi mtha' mu yi bar du'am// 'khor ba mtha' brlags bar du ni// sku gdung mchod pa'i rten du bzhugs// glegs bam de nyid bstan pa ni// glegs bam thabs dang shes rab la// shog bu theg pa'i sa gzhi ste// zhi gnas lhag mthong zhing ni rgyags// dbyings dang ye shes kha rgyags gnyis// thig ni ma nor bden pa'i lam// dmigs skor chos dbyings spros dang bral// stug gu rig pa'i ye shes te// byang chub sems rtags snag tsha yis// yi ge gsung gi phyag rgya bri// byed pa po ni dam tshig can// legs shing tshad dang ldan byas nas// sngags mkhan dam tshig blo can gyis// dus gsum bzhugs pa'i sangs rgyas de// gsung gi de nyid byin bsdus nas// glegs bam nyid la bstim par bya// de nyid 'jig rten ma stongs par// gnas par byas te zhal bsros la// de yi don bsgrags chos kyi char phab pas// 'gro ba'i shes bkrol bde gshegs gsungs brnyes te// glegs bam de nyid dus gsum mchod pa'i rten du bzhugs// bgrang phreng de nyid bstan pa ni// rag sha'am ni rang su

  215. 108a

    yis// yang na gdug pa'i tsher ma'i shing // phreng ba chen po brgyad nyid ni// ba su ta'am rgyas chen la// dgu sgril dag tu byas nas ni// brgyas pa'i mdo la bsnyen phur gdags// mthe bong mthe chung gnyis kyis bgrang // bdag nyid mi phyed dpal yin te// phur pa sras mchog kI la ya// phreng ba yi ge bcu dgu ste// phreng thag dbugs kyi rta nyid do// phar 'gro ba dang tshur 'dus pa// mgal me klad la bskor ba'am// lcags kyi tsha tsha brdabs pa'am// gser gyi ba zag gzings pa bzhin// phar 'gro tshur 'du rgyun mi gcad// bgrang phreng de nyid don la gnas par bya// rdo rje'i de nyid bstan pa ni// gnam lcags thog gi lcags dag gam// phal pa'i lcags ni gang rung ngam yang na// shir shing la sogs gdug pa'i shing nyid la// rdo rje rtse mo lnga pa ni// lte ba pad+ma gnyis bskor bya// de la nges pa'i blo can gyis// thabs kyi phyag rgyar gsal bar bsam// lte bar dpal chen 'bar ba nyid// yar gyi rtse la sras mchog lnga// mar gyi rtse lnga gsang ba'i mtshan nyid do// yar 'bum mar 'bum steng 'og khro bo ste// pad+ma brgyad la phyogs mtshams khro bo'o// hUM/ ye shes 'bar ba'i rdo rje 'di// khro rgyal 'bar ba'i thabs kyi sku// bde chen yab yum sku bzhugs pa// dgyes pa mchog gi phrin las mdzad du gsol// rdo rje'i de nyid rab tu gnas par brtag/ dril bu'i

  216. 108b

    de nyid bstan pa ni// 'khar ba dang ni ljon dmar la// dril bu tshang dang ldan par bya// rnal 'byor nges pa'i blo can gyis// de nyid shes rab rig pa'i gzhal yas khang // rnal 'byor khro mo'i dkyil 'khor dgod// lte ba zlum po 'khor lo rgyas 'debs ma// rwa lnga rgyas 'debs yum lnga ste// lung ni b+ha ga'i mtshan nyid yin/ spyi yi rtse dang lce la ni// steng 'og khro mo rnam par bsam// pad+ma 'dab ma brgyad po la// phyogs mtshams khro mo rnam par bsams// rang bzhin shes rab khro tshogs rnams// rdo rje dbyug skyugs pas spyan drangs nas// shes rab ma la bstim mchod bsgrub// de yi sgra bsgrags dus gsum rgyal ba mnyes// 'khor ba'i sgrib pa dag par 'gyur// hUM/ shes rab chen po'i rang bzhin de// chos nyid stong pa chen po'i sgras// 'khor ba'i bag chags zil gyis gnon// dus gsum rgyal ba kun kyang mnyes// dril bu'i de nyid mchog tu bshad// mchod rdzas de nyid bstan pa na// phyi nang gsang ba'i mchod rdzas gang la yang // dbul gnas 'bul byed dbul ba'i rdzas// phul bas sgrib pa gang dag 'bras bu gang thob dang // sngags dang phyag rgya ting 'dzin dang // 'di brgyad ldan pa mchod pa'i de nyid don// mchod pa de nyid don la brtson pas 'bad par bya'o// rol mo'i de nyid bstan pa ni// rtse 'jo byed spyod la sogs dang // bla re rgyal mtshan 'phan gdugs dang // ba dan dar

  217. 109a

    gyi lda ldi dang // bro gar glu tshogs la sogs dang // 'bud dang brdung dang gsil dkrol brdab pa dang // sdug mdzes mi sdug 'jigs pa'i bye brag rnams// tha dad sna tshogs dbul ba yang // nam mkha' skye ba med pa las// mtshan ma'i cho 'phrul 'byung ba yang // phul bas chos nyid ngang la bzhes// rol mo g.yeng ba'i rgyu yin te// mi g.yeng chos nyid glur gyur yang // rol mo'i de nyid don dam rtogs pa'o// de nyid bcu yi don dam gang rtogs pa// rnal 'byor de ni shes rab can// mi zhes bya ba bder gshegs yin// zhes gsungs so// rdo rje phur pa gsang ba'i rgyud chen po las// de kho na nyid bcu'i rim pa bstan pa'i le'u ste bzhi bcu tham pa'o// // de nas yang rdo rje 'dus pas 'di skad ces gsol to// dam chos gzhung spyod rnal 'byor la// bar chad skra dgra byung gyur na// gzhan nyid skrag par bya ba'i phyir// thog dang ser ba dbab pa dang // mi nad phyugs nad rgyun mi 'chad par btang ba dang // smyo ba dang ni 'bog pa dang // myos pa dang ni rgyug pa dang // 'thab tu gzhug dang bskrad 'gyur na// thabs dang rim pa ji ltar lags// dpa' bo khyod kyis bshad du gsol// zhes gsol pas/ gsol ba thugs su chud nas/ gzhan skrag par byed pa zhes bya ba'i ting nge 'dzin la snyoms par zhugs nas 'di skad ces bka' stsal to// de

  218. 109b

    la thog dbab par 'dod pas/ lcags sna lnga la drag po'i phur pa byas te// klu nag po'i gnas su dkyil 'khor nag po gru gsum byas la// 'bras kyi zan la klu nag po'i gzugs byas la/ klu yi rgyal po dgug gzhug bstims nas/ phur pa rdo rje 'dus pa'i bsnyen pa 'bum byas te/ klu'i rgyal po de la btab nas klu gnad la bor nas thog dus su phebs par 'gyur ro// ser ba dbab par 'dod pas/ shir shing nag po la phur pa byas te/ 'bras ser po'i zan la khyab 'jug gza'i rgyal po'i gzugs byas la/ bdag nyid lha yi rnal 'byor gyi gdeng dang ldan par byas la/ lce pog nag po'i dud pas bdug cing // khyab 'jug rgyu ba'i dus su// khyab 'jug nyid gzugs la phab ste/ phur pas btab nas gnad la phab na// ser ba dus bzhin du phebs par 'gyur ro// mi nad gtong bar 'dod pas// mi gang rims kyis shi ba'i mchog phur g.yas thogs la/ dbang gi dkyil 'khor zla gam dmar por byas te/ rims kyis shi ba'i ro ras la bram ze nag mo'i mngal khrag gis ming rus bris te/ zi ra nag po'i dud pas bdug ste/ dgra bgegs bkug la bstims nas/ pad+ma 'dus pa'i bsnyen pa 'bum byas te/ phur pas btab nas dgra bo'i sa la sar sbas na mi nad 'bar bar 'gyur ro// phyugs nad gtong bar 'dod pas// seng ldeng gi phur pa thogs te phyugs nad

  219. 110a

    kyis shi ba'i snying khrag gis ma he 'am/ rta mchog gi pags pa la/ phyugs nor gyi ming bris nas phur pa btab ste// phyugs lhas sam bres su btab na/ phyugs nad 'bar bar 'gyur ro// smyo bar 'dod pas bram ze'i mchog phur g.yas pa thogs la/ nags tshal chen po'i gnas su dkyil 'khor chen po ser po gru bzhi pa gcig tu byas te/ rtsa kun ma'i lo ma la gzugs byas la/ d+ha du ra yi du bas bdug ste/ gzugs la phan nas phur pas lce la btab ste// yi dwags gnas pa'i sar mnan na// mi de smyo bar 'gyur ro// myos 'bog par 'dod na/ gser shing ngam skyer pa'i phur pa thogs te/ ras sam gro ga la a gar gyi khu bas ming rus bris la/ gong ma bzhin las byas pas 'byung po gnas pa'i sar sbas na mi de 'bog par 'gyur ro// myos par bya ba 'dod pas rgyal rigs kyi mchog phur g.yas pa thogs te/ ri bo 'dus pa'i rtser dkyil 'khor dkar po zlum po byas te/ dug shing gi lo ma la gzugs byas te// tsan+dan dkar po'i thang chus ming bris te/ mi tshil gyi du bas bdug ste// bud+d+ha 'dus pa'i bsnyen pa 'bum byas nas/ gzugs la phab na/ spyi gtsug tu phur pas btab nas/ ma mo'i gnas su sbas na/ mi de shin tu yang myos par 'gyur ro// lkugs par 'dod pas/ shug pa'am 'dzag gi phur pa thogs te/ gro ga'am shing shun la sngags lkugs nas shi/

  220. 110b

    ba'i klad khrag gis ming bris te/ gong bzhin du phur pas lce la btab nas/ sa bdag gnas pa'i sar sbas na// mi de shin tu yang lkugs par 'gyur ro// gang zhig 'thab par 'dod pas ni// dmangs rigs kyi phur pa g.yon pa thogs la/ shing rkang gcig gi gnas su/ dkyil 'khor nag po gru gsum byas te// 'ug pa'i pags pa la/ bya rog gi khrag gis kho dang mdza' ba'i ming bris te// sbrul dang smig pa lto sbyar ba'i bar du bcug la// tshon skud kyis bcings nas/ rdo sol nag po'i mes bsros te// las rab 'dus pa'i bsnyen pa 'bum byas la/ ming byang gnyis kyi bar du phur pas btab la// dur khrod kyi shing ring sa la btags la/ rlung chen po la phyar na// mdza' bo dang 'thab par 'gyur ro// bskrad par 'dod pas/ rma shing gi phur pa thogs te/ rlung gi rnga mo'i pags pa la rak+tas ming dang / rus yul khyim gyi ming bris la/ gong bzhin du las byas te// khyim gyi rtsigs rmang du sbas na/ mi de yul dbyung bar 'gyur ro// gzhan skrag pa las kyi rim pa 'di ni// las dang po pa rnams kyi spyod yul ma yin no// ting nge 'dzin las su rung zhing rtags mthong drod tshad zin pa rnams kyis ni/ gdon mi za bar 'gyur ro// zhes gsungs so// rdo rje phur pa gsang ba'i rgyud chen po las/ gzhan skrag par byed pa'i rim pa bstan pa'i le'u ste bzhi bcu rtsa gcig pa'o// // de

  221. 111a

    nas yang rdo rje 'dus pa yis/ 'di skad ces gsol to// kye maho// rdo rje khros pa'i rgyal/ rdo rje phur pa'i don bsgrub pa'i tshe/ bdug dang thugs skul chags pa rab bskyed phyir// nyung dkar rgyal dang gu gul sbyar dang rak+ta bsgrub// rdzas su 'tshal ba'i mtshan nyid de// de yi thabs ni ji ltar lags// zhes gsol pas/ gsol ba'i don thugs su chud nas/ 'di skad ces gsungs so// nyung dkar rgyal po sgrub 'dod pas// yid 'ong gnas su 'dug nas ni// ya lag med pa'i b+han+da bshams// maN+Dal gru gsum skyang nul bya'o// gu gul chu yi khyad par sbyar// yab yum dri chen dur khrod sa// khrag chen bcas pa sa bon bsres// thabs dang shes rab chus bran te// mthing nag dar gyis kha bkab nas// maN+Dal dbus su de bzhag nas// mchod pa'i bye brag ci 'byor 'bad// b+han+na khang pa sa bon lha/ bskyed dang spyan drangs rim par chod// mtheb mdzub nyi zla'i dkyil 'khor 'bar// khro bo sngo nag mtshon cha 'dzin// thugs las 'thon zhing bskur brlabs nas// gsang sngags 'di nyid 'bum du bzlas// oM badz+ra ki li ki la ya bai tA li kro ti maN+Da la rak+Sha rak+Sha hUM phaT/ ces bzlas te/ byug 'dug dus drug tshang bar bya// bar chad bgegs rnams drag tu bskrad// sa bon kha 'bus myu gu 'khrungs pa dang // sgrub po'i g.yas su nye ba yis// gnas su gru

  222. 111b

    gsum thur du brko// sa yi ro lnga bsal ba yi// dbyar zla ra ba'i nya la ni// bzang po'i mtshams su b+ha na d+ha spa'o// zla ba ngo drug bar du ni// gsal gdab bzlas brjod par mi gcad// ston zla tha chung nya la brda'o// rul dang bam sums ma shor bar// nyi grib mtshams su legs bskams na// grub pa'i 'bras bu sran ma ma sha tsam// dgun zla ra ba'i nya la zhal bsro dngos grub blang // de yis bder gshegs thugs bskul zhing // sdang dgra gdon bgegs rdul du rlogs// rnal 'byor lus sems mgul du gdags// rtag tu lus la bcangs pa las// g.yel bar byas na mi rung ngo // gu gul sbyar bar 'dod pa yis// dur khrod chen po rab dben par// dpyid zla ra ba'i nya la 'jug/ maN+Dal gru bzhi gcig byas la// ba glang lcags kyi b+han d+ha bshams// rA mig nya mgo skra spu'i gzhob// khyi spyang phag gi dri chen dkar// skye sne'u yi 'bras bur dug gi lceb// zi ra d+ha dur lce pog mu ze khrag chen dang // 'khril shing dri spos puSh+pa me tog thang chu dang // 'ug mig khrag klad sbrang rtsi ske tse gcan gzan sder mo rnams// nges par bsags te cha snyoms la// ra phod lug phod pong reng byang chub sems kyis bran// tshon gyi skud pas dam bcings la// kha ral ma yi zhabs nas gril// tsan+dan me la dros tshad bsro// maN+Dal dbus su de bzhag la// ba su ta yi

  223. 112a

    gzungs thag gdags// bdag gtso lha mo pe ta li// bsam gtan gsal bar rab zhugs te// pe ta drag mo 'khor lo can// nyi ma hUM dang ldan pa la// spyan drang bstims mchod rim par bya// de nas bsnyen pa 'di bzlas te// ma grub par du rgyun mi gcad// oM badz+ra kI li kI ya la d+hA pe pe tA li ma gu la rta la rta la pra rta la hUM phaT/ dal med rgyun du bzlas par bya// ting 'dzin 'dris shing 'phro 'du gsal ba dang // 'od dang dri dang du ba 'byung // yang na grod drod cha gzung ste// rtags byung nas ni nges bsam ste// lha mchod de thig le bya// des ni gzi byin thob par byed// lus la bcangs na gdon bgegs 'joms// dud btang dgra la bdug gyur na// lha dang rgyab brten 'bral bar 'gyur// rtags rnams mngon du byung nas ni// rul dang sums dang ma bam par// ri lu byas te rnal 'byor bcad// gu gul sbyar ba'i rdzas su gsungs// rak+ta sgrub par 'dod pa yis// chu gling gnas su 'dug nas ni// maN+Dal dmar po zla gam bya// dgun zla ra ba'i nya la 'jug/ pad+ma can gyi b+han d+ha ru// gzhi'i rak+ta dang / rigs kyi rak+ta dang // sgrol ba'i rak+ta dang / me tog gi rak+ta lnga dang / rtsi'i rak+ta lnga dang / 'bras bu'i rak+ta lnga dang / shing gi rak+ta lnga dang / chu yi rak+ta lnga dang / rak+ta sum cu so gsum bsog/ de la sbyor ba'i rak+tas bran/ le brgan dar gyis

  224. 112b

    kha bkab nas// seng ldeng me la dros bsros nas// maN+Dal dbus su de bzhag ste// bdag gsal chags pa'i dbang can bsam// dgug bstim mnyes nas bsnyen pa bya// oM badz+ra kI li kI la ya ma hA rak+ta rA ga sa ma ya pU dza hUM phaT/ ces ni 'bum mam bye ba bzlas/ mngon du khol lam rlangs pa phyur// yang na lud dam 'phags gas nas// lha la mchod de bdag nyid btung // chags pa skyes kyin mdangs kyang dmar// khams gsum mo yis pad+ma'i mdangs// chags skyes nas ni 'bul du 'ong // zhes gsungs so// rdo rje phur pa gsang ba'i rgyud chen po las/ byug brdeg bdug pa'i rdzas bsgrub pa'i le'u ste bzhi bcu gnyis pa'o// // de nas yang rdo rje 'dus pas/ 'di skad ces gsol to/ kye ma ho// bde gshegs bcom ldan 'das/ rdo rje phur pa gsang ba'i rgyud 'di nyid bdag cag la sogs pa ji ltar gnas par bgyi/ de la rnal 'byor du bgyi ba'i gang zag dam pa de la ji ltar blta bar bgyi// ma dad cing skur ba'i nyes pa ni gang / sngar 'das pa'i sangs rgyas ni gang // gang gi ring la bshad/ de ltar gyi bstan pa 'di nyid la/ srid pa gsum la dad pa can gang gi ring la dar bar 'gyur/ phyi'i dus na sangs rgyas gang gi ring la ston par 'gyur// bde bar gshegs pas lung bstan cing bshad du gsol// bka' stsal pa ni/ rdo rje 'dus pa'i rgyal

  225. 113a

    po/ rdo rje phur pa gsang ba'i rgyud chen po 'di rgyud thams cad kyi rgyal po'o// lung thams cad kyi spyi bo/ man ngag thams cad kyi 'byung khungs so// lta ba kun gyi yang rtse'o// spyod pa thams cad kyi lam mo// dam tshig can gyi srung gnas so// phrin las thams cad kyi rim pa'o// dkyil 'khor thams cad kyi ngo bo yin te// 'on tang na rdo rje 'dus pa chen po// dper na yid bzhin gyi nor bu dang mtshungs so// 'on tang na gsang ba'i yi ge 'di/ gang na gnas pa'i phyogs de na ni/ rdo rje khros pa'i rgyal po nga nyid gnas par shes par bya'o// gnas 'khor de nyid na 'jig rten pa'i dgos pa phun su tshogs par 'byung ba shes par bya'o// de bzhin gshegs pa'i sku gsung thugs yon tan phrin las yin par shes par bya'o// 'on tang na gsang ba'i rgyud chen po 'di/ rgyal mtshan gyi rtse mo la btags la/ rim gro dang bkur sti dang / mchod pa phu dud du byas te/ rjes su 'jug pa'i rnal 'byor pa rnams kyis/ bri bar bya'o/ bklag par bya'o// mnyan par bya'o// bcang bar bya'o// mchod par bya'o// sems par bya'o// bsgom par bya/ bsgrub par bya/ bshad par bya/ kun chub par bya/ rdo rje 'dus pa yang rdo rje phur pa gsang ba'i rgyud 'di la 'di rnal 'byor du bgyi ba'i gang zag dam pa de ni// khyed la sogs pa rnams kyis/ de sems can lta bur mi blta ste/ yang

  226. 113b

    dag par rdzogs pa'i sangs rgyas nyid du blta'o// rdo rje khros pa nyid du blta'o// de ci'i phyir zhe na/ yang dag par rdzogs pa'i sangs rgyas pa nyid dang / so sor ma yin tha mi dad pa'i phyir ro// gzhan yang rdo rje 'dus pa khyed nyid dang 'dra ba ste// de bzhin du 'das pa dang da lta dang ma 'ongs pa rnams dang tshul mthun dbye ba med pa'o// yang rdo rje 'dus pa ma dad cing skur ba'i gang zag de ni/ sngon gyi rgyal ba la bya ba ma byas par// lung ma bstan par ma nges pa'i bsam pa can// shin tu 'joms pa'i sems kyi bla ma la bkur sti mi byed cing / zab mo'i don la 'grib pas/ don du gnyer ba chud gson cing phyi gyis sde pa'i khar gtong ba/ sgrib pa stusdug cing bsam pa log pa can/ yid gnyis za zhing 'dzums pa'i bsam pa can/ de lta bu'i rna lam du/ 'gro zhing rtogs par mi 'gyur bas skur cing smod do// de yis las kyi rnam par smin pa mi bzad de// rdo rje gsang ba'i rgyud 'di la ma dad cing / skur pa'i dbang gis/ dmyal ba'i gnas na yang rdo rje mi bzad par bskal pa gsum du skyes so// de yang tshe 'phos na byol song gi gnas nas kyang / bkol spyod can du bskal pa gsum du gnas so// de nas tshe 'phos nas yi dwags kyi nang na yang / sgrib pa can gyi sgrib pa can du bskal pa gsum du gnas so// de nas tshe 'phos nas mi'i nang na mtha' 'khob sdig pa can spyod pa'i gnas su

  227. 114a

    bskal pa gsum du gnas so// de nas tshe 'phos nas lha ma yin gyi nang na yang 'thab cing rtsod pa can du bskal pa gsum du skyes so// de nas tshe 'phos nas kyang lha dbul po che ring po'i gnas su bskal pa gsum du skyes te/ bskal pa chen po bco brgyad du rgyud drug 'khor ba'i gnas su 'khyams nas/ sangs rgyas kyi bstan pa la mi dad pa'i tshul dzin cing / de lta bu de ni rnal 'byor gyi dbang phyug chen pos/ thugs rje thabs mkhas pas mdzad spyod kyis bsgral bar bya'o// rdo rje 'dus pa'i rgyal pos/ gsang ba'i theg pa 'di 'byung ba ni shin tu yang dkon no// dper na u dum wa ra'i me tog 'jig rten du brjod pa dang mtshungs te gsang ba'i theg pa 'di ni sngon byung ba'i sangs rgyas 'od srung chen pos/ 'bras bu rdo rje theg pa'i chos nyid kyi 'khor lo bskor ba de'i dus su/ gsang ba'i theg pa 'di yang ma brjod do// de ci'i phyir zhen/ dus de'i 'gro ba rnams gsang ba'i theg pa 'di yi snod du gyur pa med pa'i phyir ro// de bzhin du sngar 'das pa'i sangs rgyas bye ba phrag drug cu rtsa bzhis kyang gsang ba'i theg pa 'di ma bshad do// sngon thog ma'i bskal pa kun bkod ces bya ba byung ba'i tshe// sangs rgyas sngon byung gi rgyal po bya ba de'i bstan pa la rgya cher bsgrags te/ nges pa'i don rgya cher spyod do// de'i tshe 'gro ba rnams gsang ba'i theg pa 'di la shin tu

  228. 114b

    da par gyur te/ rnam par grol ba'i lam chen po la bkod do// rdo rje 'dus pa chen po/ da ltar gyi bstan pa 'di nyid kyang / lung bstan pa'i dad pa can ni/ lha'i gnas su ni lha'i dbang po brgya byin la sogs pas spyod pa la/ klu'i gnas su ni klu'i rgyal po 'jog po la sogs pa la/ 'jam dpal dang spyan ras gzigs kyis lung bstan cing rgya cher grags par 'gyur la/ mi'i gnas su ni 'dzam bu'i gling gi rgyal po dza zhes bya ba tshogs bsags pa de la/ ri ma la ya zhes bya bar phyag na rdo rjes lung bstan cing / des ni mi'i gnas su rgya cher spyod par 'gyur ro// de yang skal ba dang ldan pa rnams kyis spyod par 'gyur te/ ched 'ga' ni dngar/ ched 'ga' ni nub/ ched 'ga' ni mngon du byung / ched 'ga' ni gab cing sbas/ la las ni tshul bzhin du spyad de sngags kyi mthu stobs kyang rnyed/ phal cher 'dra tshul log par spyod pas ltung gnas su 'gyur bas/ 'gro ba la la ni dad / la la ni ma dad ste/ dus nam zhig na snyigs ma lnga'i dus 'ong ste/ sprul pa'i sgras bstan pa'i tshe na dar zhing rgyas par 'gyur ro// rdo rje 'dus pa'i rgyal po gsang ba'i theg pa 'di nyid/ ste bskal pa bye ba 'das pa'i 'og tu bskal pa me tog bkod pa zhes bya ba 'byung ba'i tshe na/ sangs rgyas 'jam pa'i dbyangs zhes bya ba/ da ltar dang tshul mthun pa zhig 'byung ste/ des gsang ba'i theg pa 'di rgya cher

  229. 115a

    ston par gyur ro// sangs rgyas gzhan gang gis kyang gsang ba'i theg pa 'di ston par mi 'gyur te// de ci'i phyir zhe na// 'gro ba rnams gsang ba'i 'di nyid kyi snod du ma gyur pa'i phyir ro// rdo rje 'dus pa gsang ba'i rgyud chen po las/ bcangs shing bskur ba'i skyon yon dang / dus gsum gyi sangs rgyas gang gis dus gang la gsungs pa zhus lan du bstan pa'i le'u ste bzhi bcu rtsa gsum pa'o// // de nas yang 'dus pa'i 'khor tshogs dang / 'jig rten pa'i chos nyan pa'i 'khor rnams kyis/ mchod pa dus mas ni mngon par mchod cing lan stong du brkyang phyag 'tshal nas/ 'di skad ces gsol to// e ma ho/ bzhi bcom drug ldan 'khor ba mya ngan 'das// bdag gzhan gnyis kyi dpal mnga' zhing // phyin ci log bzhi spangs pas khyab par mthu byin che// gzung 'dzin rnam spangs ma g.yos rdo rje de// don rtogs drang don nges pa'i don khros pa'i sku gsung thugs// ston pa'i bdag nyid de la phyag 'tshal bstod// e ma ho/ dgyes pa chen po yum gyi mkha' klong nas// dus gsum 'du 'bral med par sbyor// gnyis med theg le byang chub dag pa'i sku// gnyis med byang chub sems kyi 'phro 'du las// bka' yi 'khor lo gsang ba'i 'khor la bstod// e ma ho/ sangs rgyas kun gyi thugs kyi thugs// mi nub chos srog dbang po 'dzin byed pa// smra ba'i seng

  230. 115b

    ge zhu ba'i spobs par ldan// sku gsung thugs dang yon tan phrin las rdo rje nyid la 'dus// rdo rje 'dus pa de la phyag 'tshal bstod// e ma ho// sku gsung thugs klong gsung gi chos mchog bdud rtsi che dang mtshungs// rgyud dang lung dang man ngag kun gyi mdzod du bzhugs// 'das dang ma byon da lta rnal 'byor bgrod pa'i lam// theg pa kun las 'phags pas 'og ma zil gyis gnon// don dam bden pa'i mdzod ni dmigs pa'i sgron mar snang // bstan pa rgya mtsho'i chos la phyag 'tshal bstod// ston pa'i bzhugs pa'i gnas mchog khyad par can// bka' yi dam chos ma lus 'byung ba'i gnas// shes rab b+ha ga dus gsum bzhugs pa'i gnas// phyi nang gsang gnas de la phyag 'tshal bstod// ston pa gnas 'khor dam chos 'byung ba'i dus// 'das dang ma byon da lta dang // ma nges dus na gang 'tshams pa'i// phun sum tshogs pa'i dus la phyag 'tshal bstod// ces mngon par bstod do// de nas yang sangs rgyas 'dus pa la sogs 'khor rnams kyis/ rdo rje 'dus pa la bsgo ba mdzad de/ rdo rje 'dus pa khyod ni/ bde bar gshegs pas bka' stsal pa/ zhu ba spobs pa dang ldan pa ste/ phyi rabs kyi rnal 'byor pa'i phyir/ rgyud kyi don bsdu bar gsol lo// zhes rnam par bskul lo// de nas rdo rje 'dus pas bskul ba'i don thugs su chud de/ gsol ba ni/ e ma

  231. 116a

    ho/ bde bar gshegs pa bcom ldan 'das/ phyi rabs rnal 'byor don gyi phyir/ rdo rje gsang ba chen po'i rgyud kyi don nyid rab bsdus nas/ gnas shing rtogs par ji ltar bgyi/ zhes gsol pas/ 'di'i bar tshig dam snyam/ zhes bka' stsal pa// rdo rje 'dus pas brgyad khri bzhi stong sgo mo dang / yan lag bcu gnyis sde snod dang / bsdus pa'i sde snod rnam pa gsum dang / theg pa'i bye brag bstan pa yang / bkri ba'i don du bstan pa ste/ nges don bsdus pa rdo rje gsang ba'i rgyud 'di nyid/ khyod la sogs dang da ltar phyis 'byung yang / lha spyod sgrub dang phrin las dkyil 'khor dbang dang dam tshig ting 'dzin rnams/ rdo rje gsang ba'i rgyud las gsal bas na// lam gyi nang na nye lam dang po ste// rdo rje 'dus pa khyod la gtad// gsang ba'i rgyud 'di nub par gyur ta re/ zhes gsungs so// de nas rdo rje 'dus pa/ shin tu yang dga' ba'i yid g.yos nas/ rang gi gsang ba'i rdo rje gnas su gsor zhing / 'di skad ces dam bcas so// e ma ho/ bde gshegs kun gyi gtso/ kun gyi don bsdus te rdo rje gsang ba rgyud 'di la/ bdag la sogs pas da lta phyis spyod pas/ lam gyi nang na nye lam dam pa bgyis te/ gang dag blta ba la dang bas rgyud 'di'i blta ba'i lam la blta bar bgyi'o// gang dag spyod pa la dga' bas/ rgyud 'di nyid kyi spyod pa'i lam la mngon

  232. 116b

    par spyod par bgyi'o// gang dag sgrub pa la mos pas/ rgyud 'di nyid kyi sgrub pa'i lam la mngon par bsgrub par bgyi'o// gang dag phrin las la gus pas/ rgyud 'di nyid kyi phrin las kyi lam la phrin las su bya'o// gang dag dkyil 'khor brtsam pas/ rgyud 'di nyid kyi dkyil 'khor gyi lam[:]la mngon par rtogs par bya'o// gang dag dbang nod par sems pas/ rgyud 'di nyid dbang gi lam la mngon par nod do// gang dag dam tshig bsrung ba'i sems yod pas rgyud 'di'i dam tshig gi lam la mngon par dka' thub tu gnas par bya'o// gang dag ting nge 'dzin la mnyam par 'jog par 'dod pas/ rgyu 'di'i ting nge 'dzin gyi lam la mngon par bsgom par bya'o// 'on tang na bdag dang phyis 'byung ba'i rnal 'byor rnams kyis/ rdo rje gsang ba'i rgyud 'di'i chos kyi srog shing mngon par gzug go/ chos kyi rnga mngon par rdung ngo // chos kyi dung mngon par 'bud do// chos kyi char mngon par dbab po/ chos kyi 'khor lo rgyun 'chad med par bskor ba ste// mi nub pa'i rgyal mtshan chen por gnas par bgyi'o// zhes dam bcas so// de nas 'dus pa'i 'khor rnams kyis// chos nyid la chos nyid kyi rtsal bsdams te/ bcom ldan 'das nyid kyi sku gsung thugs la zhugs te// mi snang bar gyur to// bcom ldan 'das nyid ni dgongs pa chos kyi

  233. 117a

    dbyings la mnal lo// rgyud kyi don bsdus pa de de dag ni rin po chen po gser gyi glegs bam la bai DUr+ya zhun mas bris nas/ sku gsung thugs kyi sprul pa gsum gyis// srid pa gsum du chos kyi char mngon par bab pas/ lha dang klu dang mi'i rnal 'byor rnams/ tshom bu'i las la ma chags par rig 'dzin byang chub kyis blangs so// rdo rje phur pa gsang ba'i rgyud chen po las/ rgyud yongs su bzung zhing gtad pa'i le'u ste bzhi bcu rtsa bzhi pa'o// // rdo rje phur pa gsang ba'i rgyud chen po rdzogs so// // @#// rgya gar skad du/ ki la ya gu h+ya A sha ya ma hA tan+t+ra/ bod skad du/ phur pa gsang ba'i dgongs rgyud chen po/ bcom ldan 'das rigs lnga bde bar gshegs pa thams cad kyi sras 'jigs byed chen po la phyag 'tshal lo// 'di skad bdag gis thos pa'i dus gcig na/ bcom ldan 'das khro bo 'jigs byed kyi rgyal po badz+ra kI la ya drag po mthing nag 'bar ba'i nang nas bzhengs nas/ gdug pa can thams cad 'dul ba dang / dregs pa can dang / sangs rgyas kyi bstan pa la gnod par byed pa thams cad tshar gcad pa'i phyir rab tu drag po mi g.yo ba'i ting nge 'dzin la snyoms par bzhugs nas/ chos nyid zhi bas 'dul ba'i skabs la ma bab ste/ thabs mkhas pa'i sku drag po'i phrin las kyis 'dul bar gzigs nas/ sku

  234. 117b

    rab tu khros pa mi bzad par bstan pa'i phyir/ sku gsung thugs las gsang ba'i sngags 'di phyung ngo // oM badz+ra kI li kI la ya/ sarba big+h+nAM baM hUM phaT/ ces brjod pas/ rab tu khros pa'i ting nge 'dzin la snyoms par bzhugs te/ skye ba med pa las skye ba'i cho 'phrul dbu dgu phyag bcwa brgyad/ zhabs bgrad pa/ spyan bzlog pa/ mche ba gcig pa/ sku gsung thugs shin tu mi bzad pa gcig tu gyur to// rab tu mi bzad pa'i thugs ka nas// thugs ye shes kyi sa bon las/ gsang ba'i sngags 'di phyung ngo // e raM yaM khaM/ e raM yaM su kai/ b+h+yAM b+han+na b+h+yAM/ zhes 'di lta bu'i cho 'phrul gyi snang ba chags shing / ye shes kyi cho 'phrul du bsgyur to/ nyid kyis byin gyis brlabs nas/ karma shrI he ru ka zhes brjod pas/ khro bo karma he ru ka sku mdog ldang nag/ sku shin tu mi bzad pa 'thon to// de nas khro bo karma he ru kas/ bcom ldan 'das la badz+ra kI la ya 'di skad ces gsol to// e ma ho// bcom ldan 'das badz+ra kI la ya// dpyang thag chad pa'i ngan song 'khor ba la// thugs rje bzung nas cho 'phrul bstan pa 'di// 'di lta bu yi cho 'phrul ngo mtshar che// 'di yi rjes su bsgrub pa'i rnal 'byor pas// stong pa'i don rtogs ji ltar lags// e zhes bya ba ji ltar lags// raM yaM khaM ra su kai/ b+h+rUM b+han+na b+h+yAM/ 'di lta bu'i rdzu 'phrul ngo mtshar can/ kI la ya yis lung 'di bstan du gsol// bde bar

  235. 118a

    gshegs pas lung bstan du gsol// zhes gsol pa dang / de nas badz+ra ki la yas/ karma he ru ka'i tshig gsan nas/ 'di skad bka' stsal to// nyon cig karma he ru ka/ nga yi rjes su sgrub pa'i rnal 'byor rnams// dang po stong pa nyid du bsgom// rdo rje khros pas zhe sdang gcod// thugs ni yang dag rdo rje nyid// stong pa nyid kyi ye shes ni// rnam par mi rtog rtog las 'das// de bzhin nyid du bsgom par bya// de ni chos kyi sku nyid la// bzhin ni ma nor pa yang yin// nyid ni bcos su med pa'o// ma hA shU n+ya tA yis ni// rtog pa'i dngos po zil gyis gnon// mtshon chen sngon po 'bar ba yi// sku mi mtshon pa rgyu'i ting 'dzin/ hUM nyid byang chub sems rang bzhin// raM/ raM las me yi dkyil 'khor gyis// dngos por snang ba'i sdug bsngal bsal// dngos po rtag pa ther zug bsreg/ yaM/ yaM las rlung gi dkyil 'khor gyis// nyon mongs sdug bsngal ye shes rlung gis bskyod// phrin las thogs pa med pas don yang mdzad// khaM// khaM las ye shes chu yi dkyil 'khor gyis// nyo mongs 'khor ba'i bag chags ldan ljin rnams// dag pa ye shes chen po'i klong du bkru// e/ e las nam mkha'i rang bzhin dmigs pa med// bskal pa 'khrug zhig 'khor ba stongs pa ltar// chos nyid mnyam pa chen po'i ngang du bsgom// yaM// yaM las ye shes rlung gi dkyil 'khor gyis// sra

  236. 118b

    mkhregs ye shes rdo rje rgya gram gyis// thams cad 'degs pa'i stobs kyis shugs dang ldan// ra/ ra las rak+ta khrag gi rgya mtsho ste// 'khrugs pa'i klong dkyil thugs rje chen po'i ngang // sdug bsngal dbang 'dus 'bras bu gcig tu shar bar mdzad// su/ su las gser gyi sa gzhi yis// thams cad brten cing 'degs par byed// ke/ ko las rus pa 'bar ba'i ri rab spungs pa la// rgyud drug rus pa'i phung po ri rab la// 'khor ba gnas su dag nas cho 'phrul dngos grub bstan// keng rus 'bar ba'i ri rab bskyed par bya// b+h+rUM/ b+h+rUM las ye shes 'bar ba'i gzhal yas khang // phyogs bzhi mtshams brgyad bla 'og khyab par ni// phyi dang nang med kha dog so sor gsal// b+han+d+ha b+h+rUM/ thod pa skam rlon ye shes dkyil 'khor la// mthing nag rab tu 'bar ba'i gzhal yas khang // ye shes cho 'phrul rtog pa gzhil ba'i lung // dur khrod dkyil 'khor chen po bskyed par bya// b+han+da dz+nyA na tsakra maN+Da laM hUM/ zhes pas b+han+da'i gzhal yas khang // mthing nag rab tu 'bar ba la// 'bras bu lha la mngon du shar bar mdzad do// de nas yang oM badz+ra kI li kI ya/ dridIp+ta tsakra ha na ha na hUM/ zhes brjod pas/ de bzhin nyid kyi ngang las/ yum 'khor lo rgyas 'debs ma mngon du phyung ste/ nyid kyi sku la 'khril pa'i tshul du bzhugs par gyur to// nam mkha'i dkyil nas thigs pa

  237. 119a

    shar// srog gi go ru shar ba dang // snying gi dkyil du bsgom par bya// stong gsum ye shes gzhal yas khang // thugs rje rnam dag mun sel skyon mi gos// nyi zla pad+ma'i gdan steng du// byang chub sems kyi thigs par shar// srog sems go ru shar bas rdo rje gzhon nur shar// tsit+ta'i gzhal yas khang du ye shes sems dpa'i thugs// rdo rje'i chang gzung bzlas pa'i yi ges bskor bar bsgom// snying rjes bsgral ba'i dam tshig ni// bsad cing mnan pa ma yin te// phung po rdo rjes gtam byas nas// rnam par shes pa rdo rjer bsgom// khams gsum 'khor ba'i nyon mongs sdug bsngal rnams// thugs rje byang chub sems su bdag dang gnyis su med par bsgral// dam tshig snying rje bsgral bas bsad mnan ma yin no// bdag dang khams gsum bsgral ba'i lus ngag yid gsum ni// rdo rje gzhon nu'i sku gsung thugs su gtams// bdag dang snang srid rnam par shes pa'i tshogs// 'dus ma byas nyid rdo rje dbyer med bsgom// de nas dregs pa can thams cad gti mug gi dbang gis/ rgyu 'bras kyi don ma rtogs shing / mtshan ma med pa'i don dang rnam par bral/ mtshan ma can la zhen cing chags pas/ ngan song gsum du bskal pa mang por sdug bsngal mi bde ba sna tshogs nyams su myong nas// las kyi 'bras bu smin pas// las kyi srin por skyes nas rgyu mthun

  238. 119b

    pa'i 'bras bus shin tu 'jigs shing rmongs/ sems can thams cad la gnod par byed pa/ sdug bsngal dang yid mi bde ba dang / srog dang bral bar bgyid/ de'i don la thugs rjes dgongs nas/ yab yum gnyis su med pa'i byang chub kyi sems las// oM badz+ra kI li kI la ya// hUM hUM hUM/ dzaHdzaHdzaH/ phaT phaT phaT/ kI la ya ti ra baM/ hUM dzaHkI la ya sod chom gtogs/ zhes phyogs bcu'i sangs rgyas thams cad kyi thugs dam rjes su dran par gyur/ nyid kyi sku las kyang sras mchog grangs med pa thon par gyur te/ phyogs bcu'i dregs pa can thams cad bsdus nas bsgral bar gyur to// yab yum gnyis su med pa'i byang chub sems kyi rang bzhin las/ hUM ka ra dang sgra 'byin ma// rnam par rgyal dang rnam snyems ma// dbyug pa sngon po sder mo dang // gshin rje'i gshed po dur khrod ma// mi g.yo mgon po gtun khung ma// rta mgrin rgyal po gtum mo dang // ta ki rA tsa mda' snyems ma// bdud rtsi 'khyil pa rlung 'byin ma// khams gsum rnam rgyal gsod byed ma// stobs po che dang rdo rje bskyod ma dang // gnyis su med pa'i sprul pa'i phra men yang // phag mgo stag mgo g.yag mgo dang // sha ba gzig dang byi la'i mgo/ spyang mo'i mgo dang seng ge'i mgo/ dred dang dom gyi mgo ru bstan// smig bu bya rog bya rgod mgo/ 'ug pa khwa dang pu shud mgo/ khra yi mgo dang pha wang mgo/ sre

  239. 120a

    mo'i mgo dang byi ba'i mgo/ yang sprul pa sum sbrul grangs med kyis// srid pa'i rlung yang mi zar gtams// de nas bcom ldan 'das badz+ra ki la yas/ 'jig rten gyi dregs pa can gyi 'bras bu rgya mtsho tsam du rngubs nas badz+ra kI la ya yi 'od zer sku la bstim/ dran pa rnyed de/ badz+ra ki la ya'i yang dag pa'i bden pa mthong ngo // de'i tshe badz+ra kI la ya'i 'bangs su dam bcas mna' bor nas/ lus khro bo rnams kyi gdan du phul/ phyi rabs kyi rnal 'byor rjes su 'jug pa'i grogs dang tshogs bskyang bar dam bcas so// rgyal rnams btson du bzung ba yis/ 'bangs rnams tshams la phebs par 'gyur/ de'i tshe phyogs skyong ba rnams// khro bo'i zhabs 'og tu zhugs so// de bzhin gshegs pa thams cad kyi sku gsung thugs kyi gsang ba kI la ya/ gsang ba'i dgongs rgyud chen po las/ dregs pa can btul ba'i le'u ste dang popo'o// // de nas yang bcom ldan 'das badz+ra kI la ya la/ 'khor rnams kyis 'di skad ces gsol to// rdo rje gzhon nu'i rig 'dzin rnams// srid pa'i rdo rje grub mdzod cig/ srid pa rdo rje phur pa'i lha// ye shes khro bo grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ gsung dang thugs kyang de bzhin no// thabs

  240. 120b

    kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlabs stsal du gsol// zhes 'khor rnams kyis phyi nang gsang ba'i mchod pa phul nas/ phyi nang gsang ba'i dbang gsum dang // sku gsung thugs kyi byin rlabs kyis// stong gsum ma lus 'od zer 'phro// thams cad byang chub sems su gyur// bsdus pas sku gsung stobs chen po// sku gsung thugs su dbang bskur ro// kI la ya gsang ba'i dgongs rgyud chen po las dbang gi le'u ste gnyis pa'o// // de nas yang khro bo karma he ru kas/ bcom ldan 'das badz+ra kI la ya la 'di skad ces zhus so// kye bcom ldan 'das badz+ra kI la ya/ rjes su bsgrub pa'i rnal 'byor pas// gnas ni gang du gang du bgyi// dkyil 'khor rnam gsum sku gsung thugs// 'di yi don rnams ji ltar lags// zhes gsol pa dang / de nas badz+ra kI la yas/ gnas kyi khyad par 'di gsungs so// nyon cig karma he ru ka/ gnas kyi khyad par bstan pa ni// phur bu bsgrub pa'i gnas rnams ni// dur khrod gnas dang shing gcig drung // rgya gram lam du bya ba dang // ngam grog gnas dang khang stong du// rdo rje drag po'i dkyil 'khor bya// las la phan 'dogs yod pa dang // bsgrim zhing shugs kyis ting 'dzin gsal// de la thabs dang rtags med na// bdag gi gzugs phung brlag pa

  241. 121a

    dang // tshe dang srog la bar chad 'ong // nags tshal chen po ga na bar// der ni legs par dpyad pa ni// klu yi mig dang 'byung po'i srang // sa yi bgegs dang ma rungs sa// mi shis pa yi sa min par// las kyi bya ba'i gzhung brtsams na// bkra shis don gyi gnas yin pas// yun ring bsgrub na 'grub par 'gyur// me tog gling dang rin chen ri// dpag bsam shing dang skad snyan bya// 'bru sna tshogs dang gnam sa legs// dbyibs legs lung pa ran pa ni// bkra shis gzhung bzang gnas yin pas// gnas kyi dam pa yin zhes bshad// drag po'i las su bya ba la// dang por phur sgrub pa'i gnas// nags ri tsher ma can gyi shing // gcan gzan gdug pa sna tshogs yod// gnam ni gri mda' ral gri'i shul// sa ni gru gsum me dpung 'dra// logs la dur khrod gling yod pa// mkhas pas brtags te btsal byas na// 'di ni phur pa'i sgrub gnas yin// tsher ma can gyi shing dag dang // dug shing gdug pa yod pa dang // brag la rad rod med pa dang // grog po gting zab ngan pa dang // stag gi so 'dra sbrul gyi lce// sdig pa'i rwa 'dra chu srin kha/ ban glang sna 'thab brag chu'i bar// rkang gcig shing dang ma rungs sa// 'di ni phur pa gdab gnas yin// bsad pa'i gnas su bstan pa ni// sngon chad lha mi phungs dang // g.yul bkye ba dang mtshon 'thab

  242. 121b

    dang // bsad bcad sa dang ma rungs shul// srin po bsgral ba'i bsha' gzhi dang // srog bcad bsad pa'i khrag rjes dang // g.yul ngo bshams pa'i sa mkhar bsnyil// mang po bsad pa'i phung ba'i sa// brag ni srin mo ngu ba 'dra// ri ni thal phung bsnyil ba 'dra// lung pa me yis bsregs pa 'dra// shing rtsi rkang thang 'bros pa 'dra// sgang gshongs mi ro sbas pa 'dra// 'di ni brdeg cing bsgral gnas yin// sems la chos nyid mi gsal zhing // nyams dang ting 'dzin g.yel bas ni// gnas 'di dag tu yongs mi bya// nam phugs rnal 'byor bdag la gnod// de bas gzhung dang mthun pa yi// bkra shis sa yi gnas dag tu// yin ring bsrings na gdon gtol med// dam tshig ma nyams nges thub dang // ting 'dzin brtan pa'i blo can gyis// gnas ni de dang de dag tu// cho ga'i las 'di brtsam par bya// nges par 'grub par gdon mi za// de lta bu yis rnyed nas// yul sa de yi bdag po la// bden pas bkrol lam sa rin bcal// de nas zhag grangs 'di tsam mam// drag po'i las 'di ma grub par// gnas 'di rnal 'byor bdag yar bas// gtor ma byin pa 'di long la// ma grub par du gzhan su dengs// bkra shis pa yi smon lam gdab// de skad byas la gtor ma sbyin// bsgo ba'i las rnams gnyer yang gtad// de nas gzhung bzhin dkyil 'khor brtsig/ khams

  243. 122a

    gsum srid gsum dbang du bsdu ba'i phyir// rak+ta chags pa'i dbang gis chag chag gdab// srid gsum ye nas ye shes chen po lnga// gti mug sogs pa'i dug lnga gnas su gzhom phyir du// dam rdzas bdud rtsi lnga yis chag chag gdab// rin chen sna lnga'i kha dog tshon// 'bru lngas byin gyis brlab cing bri bar bya// thabs dang shes rab gnyis med pa'i// byang chub sems kyi thig gdab po// 'khor lo rtsibs brgyad thig tu gdab// dbus su drag po gru gsum la// zla gam dmar po dbang gi tshul// zlum po gru bzhi zhi rgyas so// gru chad bzhis ni rab tu brgyan// gru bzhi sgo khyud bzhi dang ldan// dregs pa bcu gcig bsnol mar bsgom// nyi zla pad+ma'i gdan steng du// dbus su dregs pa'i gdan dag la// badz+ra ku mA ra yang bskyed// shar gyi 'khor lo'i rtsibs dag la// dri za bsnol ba'i gdan steng du// rnam par rgyal ba yab yum bskyed// shar lho'i 'khor lo'i rtsibs steng du// me lha bsnol ba'i gdan dag la// dbyug pa sngon po yab yum bskyed// lho phyogs 'khor lo'i rtsibs steng du// gshin rje bsnol ba'i gdan steng du// gshin rje gshed po yab yum bskyed// lho nub 'khor lo'i rtsibs steng du// bden bral bsnol ba'i gdan steng du// mi g.yo mgon po yab yum bskyed// nub phyogs 'khor lo'i rtsibs steng du// klu dbang bsnol ba'i gdan

  244. 122b

    steng du// rta mgrin rgyal po yab yum bskyed// nub byang 'khor lo'i rtsibs steng du// rlung lha bsnol ba'i gdan steng du// gzhan gyis mi thub yab yum bskyed// byang phyogs 'khor lo'i rtsibs steng du// gnod sbyin bsnol ba'i gdan steng du// bdud rtsi 'khyil pa yab yum bskyed// byang shar 'khor lo'i rtsibs steng du// dbang ldan bsnol ba'i gdan steng du// khams gsum rnam rgyal yab yum bskyed// mdun du tshangs pa'i gdan steng du// hUM mdzad yab yum bskyed par bya// rgyab tu sa bdag gdan la ni// stobs chen yab yum bskyed par bya// de dag g.yas g.yon gnyis su ni// phra thabs g.yas la phra men g.yon// yang sbrul gsum sbrul bskyed par bya// sgo bzhir sgo ma bzhi dag dgod// mtshan dang ldan pa'i b+han d+ha ru// so so'i snying po bris la ni// dngos grub rten ni nub tu gzhag/ thod pa'i tshal bu bcu gcig tu// tshil chen me mar bcu gcig btang // tshigs su bcad pa'i bstod pa bya// mchod pa'i smon lam brgya dang stong // rak+ta mang po mtsho ltar rlobs// mAM sa mang po ri ltar spung // shun chen sa gzhi sprin ltar gtib// zhi bran mang po 'phan du bkram// gzhan yang rgyan rnams gzhung bzhin dgram// de ltar gsal ba'i dkyil 'khor ni// sgrub pa'i dkyil 'khor dam pa yin// maN+Dal 'dom gang gru bzhi la// thig bzhi btab pas ling tshe dgu/ dbus su

  245. 123a

    pho brang dkar zlum por// yig 'bru a re tshon gyis bri// snying po'i zhabs la a re gdags// zhi ba'i dkyil 'khor dam pa'o// maN+Dal 'dom gang gru bzhi la// sgo rnams zur la gtad par bya// dbus su 'khor lo rtsibs brgyad la// gru bzhi sgo rnams sgo la gtad// yig 'bru tAM swA gang rung dgod// lha snying zhabs la tAM swA gdags// rgyas pa'i dkyil 'khor dam pa lags// maN+Dal 'dom gang gru bzhi la// pad+ma 'dab brgyad thig tu gdab// pad+ma re la zla gam re// steng du yi ge aM re dgod// lha snying zhabs la aM re gdags// dbang gi dkyil 'khor dam pa'o// maN+Dal gru bzhi 'doms gang la// 'khor lo rtsibs brgyad thig tu gdab// 'khor lo re la gru gsum re// yig 'bru yig tshon phaT re dgod// lha snying zhabs la phaT re gdags// drag po'i dkyil 'khor dam pa'o// sgo rnams sgo khyud kun dang mthun// bsgrub pa'i dkyil 'khor 'bur du gdon// kha dog rigs dang mthun par bri// sgo yi phyi logs snam bu la// gru gsum brgya dang rtsa brgyad bri// dug dang gdug pa tsher ma can// lcags zag nag pos bsdams la ni// yig 'bru dza la raM rnams dgod// hom nag dkyil 'khor dam pa'o// rgyud kyi rgyal po de bzhin gshegs pa thams cad kyi sku gsung thugs kyi gsang ba/ kI ya la gsang ba'i dgongs rgyud las/ gnas kyi mtshan nyid bstan pa dang

  246. 123b

    dkyil 'khor gtan la dbab pa'i le'u ste gsum pa'o// // de nas yang khrag 'thung gi rgyal po badz+ra kI la ya la/ karma he ru kas 'di skad ces gsol to// kye/ bcom ldan badz+ra kI la ya// lha la dbang bskur mi 'tshal lam// byin gyis brlab na ji ltar brlab// ces gsol pa dang / badz+ra ki la yas 'di skad ces bka' stsal to// nyon cig karma he ru ka/ phyogs bcu'i sangs rgyas spyan drangs la// mchod bstod phyag 'tshal gzhung bzhin bya// gsol gdab dbang yang nod par bya// sku dang gsung dang thugs dang ni// yon tan phrin las lnga ru bskur// phyogs bcu'i srog la dbang bskur nas// srog ni ye shes gyur nas ni// khams gsum sgrol ba'i dbang bskur ro// ya// phyogs bcu'i sangs rgyas spyan drangs nas// gnyis su med par bstim byas nas// bdag nyid grub pa'i dkyil 'khor la// phyi nang gsang ba'i mchod pa brtsam// bdag nyid thugs ka'i 'od zer las// lha mo mang po slar 'thon nas// bdag la mchod pa byed par bsam// sku dang gsung dang thugs gsum du// rnam snang mi bskyod snang mtha' yas// 'khor lo pad+ma rdo rje bum// 'bru gsum po la yig 'brus bskor// sku gsung thugs kyi sa bon las// byang chub sems kyi 'od zer 'phros// srid gsum byang chub sems su bsgral// bde bar gshegs pa'i thugs dam bskang // slar 'dus bdag

  247. 124a

    gi gnas su thim// thugs nas rim par dbang bskur bas// bdag nyid lhun grub sku gsung thugs// bdag nyid khro rgyal yin pa'i phyir// sku las ye shes 'od zer 'phro// khams gsum ye nas sangs rgyas yin// rtog pa'i dbang gis 'khor ba rnams// gnyis med byang chub sems su bsgral// slar 'dus bdag la dbang bskur ro// dar gyi de ni gzungs thag la// dkar dmar mthing ser rin po che// bdag dang khro bo phur pa rdzas// sku gsung thugs kyi gnas rnams su// rigs dang sbyar te spro bsdu bya// rin po che yi sbu gu ru// re re la yang gsum gsum dgur// dbang bskur byin gyis brlab par bya'o// bum pa lnga la rgyan chas brgyan// so so'i lha yi snying po yi// zhabs la dpa' bo 'bru lnga gdags// nyung dkar bzlas la bstim par bya// rdo rje dril bu rin po che// po ti la sogs so so'i sngags kyis bstim// phyi dbang dus su so so'i zhabs la gdags// yungs kar bzlas la bstim par bya// rna ba'i dbus kyi bcud bsdus rtsa la ni// yig 'bru traM bsgom spro bsdus pas// ye shes rin chen 'byung ldan bskyed par bya// po tis dbang bskur nyan pa'i dbang // thugs ni rin chen gzhal yas khang // yi dam lha ni gsal bsgom la// ye shes lnga yis dbang bskur bas// yi dam lha nyid zhu bar gyur// gang gis dbang bskur sgom

  248. 124b

    pa'i dbang // lag mthil nyid kyi rtsa nyid la// lag pa'i 'khor lo gzhal yas khang // ye shes tshon gang don yod grub// thugs ka'i rgya gram yig 'bru ha// las kyi rigs kyi bzlas pas bskor// rdo rje rgya gram dbang bskur ye shes sems dpa' zhu// phrin las dbang bskur dam pa yin// lce dbus pad+ma 'dab brgyad la// dbus su snang ba mtha' yas bskyed// pad+ma AM la bzlas pa'i yig 'brus bskor// gsung rab dril bus dbang bskur ye shes sems dpa' zhu// bshad bzlas gnyis kyi dbang bskur mchog yin no// dbang rdzas rnams kyang de bzhin du// mkhas goms grub pas dbang bskur bya// bsnyen pa'i dkyil 'khor gzhung bzhin bri// mkhas pas lha phur rim pas 'god// b+han d+ha'i nang du bzlas nyung bsags// phur pa bcu la khro bcu'i snying po bri// logs la snying po dpal la las bsngags so// brgya mtshams stong mtshams mchod bstod gzhung bzhin bya// nyung dkar rgyal pos dbang bskur byin gyis brlab// bdag nyid rtsa ba'i dkyil 'khor gsal bsgoms la// phur pa dar gyi cod pan gzungs thag gdags// rin po che yis sbu gu khong stong byang chub sems// logs la sku gsung thugs kyi yig 'bru 'khrigs// de yi rtsa ba yan lag gsum du sbrel// byang chub sems rtsa dang ni ngag dag rtsa// sems gnas dran gzhi tsit+ta'i rtsa la 'bral// sku

  249. 125a

    gsung thugs kyi 'phro 'du grangs med spro// re re la yang gsum gsum mo// phra mo'i ting 'dzin gsal bar bya// sran ma sran chung nyung dkar til// ting 'dzin mi gsal bzlas pa bya// bdun 'bum nyi khri them pa dang // phur pa'i rtags rnams dus su 'byung // rnal 'byor dad dang ldan par 'gyur// de yis dbang rnams rim bzhin bskur// rjes 'jug dbang mchog 'dod pa des// dkyil 'khor dam pa bstan pa'i phyir// slob dpon lung dang ldan pa des// bdud rtsi khar blug mna' yis bsgag/ a mr-i ta yis na ra kan// bzlas pa'i chu ni kha ru blug/ gsang ba'i dkyil 'khor 'dir zhugs ni// khyod kyis gzhan la ma sma zhig/ gal te gzhan la smras gyur na// sdug bsngal chen pos thar mi 'gyur// srog la bar chad myur du 'ong // sems can dmyal ba chen por skye// de las thar pa'i dus med 'gyur// khyod la dam tshig dpog pa ni// yi dam lha la rtag par gnas// sngags dang phyag rgya rgyun mi gcod// bla ma mig gi 'bras ltar blta// rdo rje spun la brtse gdung che// gsang ba'i man ngag thabs mchog 'di// snod ngan gzhan la mi spel lo// rgyud 'brel blo zhen sgrub la zhugs// sbyor sgrol mchod pa rgyun mi gcod// rdzas dang lag cha rtag tu chongs// blta ba nam mkha' bcos pa med// spyod pa sa gzhi bzhin du gyis// dam tshig 'jigs pa'i mkhar

  250. 125b

    bzhin srungs// gsang ba'i sdom pa 'da' dka' ba// gsang sngags zab mo ston pa'i slob dpon la// smad sems 'phya sems byas na ni// dngos grub med cing dmyal bar ltung // srog la bar chad myur du 'ong // de ltar dam tshig phog pa dang // gsang sngags zab mo'i dbang mchog 'bras bu la// las 'phro skal bar ldan dang mi ldan pa// lus bkrus gos gtsang bskon la nyal du gzhug/ gsang sngags zab mo'i sgor zhugs dbang mchog thob/ rdo rje slob dpon phyag cha gnang gi rmi// thugs kyi dngos grub thob pa'i rtags// lag tu ba dan thogs pa dang // kun gyi dmag dpon byed cing rmi// sku la rgyan cha 'dogs shing rmi/ sku yi dngos grub thob pa'i rtags// gser g.yu lus la btags shing rmi// gzhan yang zangs lcags rin po che// bdag gis btags dang 'chang ba rmi// yon tan dngos grub thob pa'i rtags// lag tu pad+ma me tog thogs// nyi dro zla gsal mi mthong ba// rgya mtsho chen po brgal gyin rmi// bdag gi lus kyang bshas nas ni// sha khrag mi yis bgos kyin rmi// gsung gi dngos grub thob pa'i rtags// mda' gzhu go mtshon thogs pa dang // rtsi shing mang po bsrel ba dang // nam mkha' la ni 'phur gyin ni// phrin las dngos grub thob pa'i rtags// gsang sngags zab mo dbang gi 'bras bu la// las dang skal bar ldan pa'i

  251. 126a

    rigs kyi bu mchog de// bdag lus srog dang nor la sogs// bu dang chung mar bcas pa rnams// zhum pa med pa'i sems kyis dbul// rdo rje rigs kyi yon yin no// bran dang bcas pa'i 'dod yon lnga// 'khor lo can gyi yon yin no// rin chen sna lnga la sogs dang // glang po rta dang ma her bcas// rin chen rigs kyi yon yin no// ma sring bu mo chung ma dang // rab tu brgyan pa dag dang ni// rgod ma la sogs mo chags rnams// pad+ma'i rigs kyi yon du dbul// rta dang ma he glang chen dang // rdzas kyi bye brag mang po bkal ba ni// las kyi rigs kyi yon du dbul// slob dpon pad+ma'i khri la bzhugs su gsol// gser la sogs pa rin po che// dar gyi thum por bcug la ni// gzhan yang rdzas rnams ci 'bul ba// slob dpon nyid la gtor de dbul// rdo rje slob dpon thugs ka yi// ye shes sems pa nyid la phog/ 'od zer du ni 'phros pa las// slob ma yi ni thugs ka ru// ye shes sems dpa' nyid la thim// thim pas 'od du zhu bar gyur// a khaM bI ra pA dza hUM/ de skad brjod la bskor ba bya// de nas dkyil 'khor chen po ru// dbang gi rim pa bskur bar bya// dang po rgyu 'bras mi bslu bstan// de ltar 'bul byed slob ma la// rdzogs pa'i rim pa'i dbang bskur bya// bu mo lo grangs nyi shu la// phyag rgya'i dkyil 'khor

  252. 126b

    gsal bkod de// lan gsum tshul du nan tan bya// gnyis su med pa'i byang chub sems// zhal bu ka pA la ru bsam// thabs dang shes rab gnyis kyis blang // sku gsung thugs su bskul bar bya'o// dngos grub chen po thob par nges// dngos grub rnam gnyis mi ldog pa// shes rab ma yi mtshan brtag pa/ skra ni ser la li ba dang // mig la kri ka chags pa dang // 'bras bu dkar nag phyed pa dang // so la so zho chags pa dang // rkang pa'i byin pa phra ba dang // lus la dri zhim nad kyang nyung // nu ma chung la sked skabs dod// skad kyang ngang pa gzhon nu 'dra// lce 'jibs ma mchu so yis 'drad// nu ma mnye zhing kha gnyis sbyar// mkha' gsang gnyis ni byin brlabs la// e steng nyi ma pad+ma brgyad// zla ba rdo rje rtse lnga AH// s+t+waM dang ho yis bskul la ni// de la gnyis med sbyor bar bya// pad+ma la ni rdo rje zhugs// rdo rje'i lam nas pad+mar 'khyil// bde ba gsal zhing mi dmigs pa// byang chub sems chu rab phab nas// gsang ba'i pho brang dbus su ni// bde bar gshegs pa'i sku rnams bskyed// skad cig ma yi spro bsdus zhu// dkar 'tsher chub sems su gyur// byang chub sems ni spyan drangs nas// byang chub sems ni bsag pa'i snod// mtshan dang ldan pa'i ka pA la// sku gsung thugs kyi gnas rnams su// dbang bskur dngos grub bstim par

  253. 127a

    bya'o// gang zag rnams la skur ba ni// dus 'di phan chad rgyal ba'i sras// ngan song gsum du ltung mi srid// lha dang mi yi dbang por 'gyur// bskyed rim la ni sems zhugs nas// bum pa'i dbang thob sems zin nas// thar pa'i lam las ldog mi srid// zab mo'i dbang ni thob gyur nas// rdo rje sems dpa'i mtshan yongs su rdzogs pa'i sa non pa zhes pa'o// de bzhin gshegs pa thams cad kyi sku gsung thugs kyi gsang ba/ kI la ya gsang ba'i dgongs rgyud las dbang gi le'u ste bzhi pa'o// / de nas yang karma he ru kas// bcom ldan 'das badz+ra ki la ya 'di skad ces gsol to// kye gsang mchog badz+ra kI la ya// sras mchog phur pa'i dkyil 'khor gang // gsang ba las kyi dkyil 'khor gang // zhes gsol pa dang / kI la yas bka' stsal pa/ nyon cig karma he ru ka/ sras mchog phur pa'i dkyil 'khor ni// yang dag nyid du ngas bshad kyi// lus ngag yid kyis gus par nyon// las la sbyor ba'i dus su ni// gsang ba yum gyi dkyil 'khor la// me 'od 'bar bas bskor ba bri// dbus su gru gsum mthing nag la// phyi rim sgo rnams nyis brtsegs su// nang rnams phyogs bzhi mtshams brgyad la// gru gsum nyi shu rtsa gcig la// sras mchog nyi shu rtsa gcig dgod// phyi rnams phyogs bzhi mtshams brgyad du// gru

  254. 127b

    gsum brgya ni rtsa brgyad la// gnan phur brgya dang rtsa brgyad dgod// 'di ni sras mchog dkyil 'khor ro// gsad pa las kyi dkyil 'khor ni// dkyil 'khor byang shar mtshams su ni// 'brub khung las kyi dkyil 'khor bri// hom khung gru gsum gdengs pa la// rtse mo lho yi phyogs su bstan// dug gi chu yis chag chag gdab// ro bsregs sol bas nag por byug/ bang rim gsum dang ldan par bya// hUM dang phaT kyis bskor ba bri// nyi shu rtsa brgyad rtsang gis bskor// rgya grog dmar po'i tshad dang ni// mtshal khams chu yis khyer ba dang // srubs ma'i lo ma gangs kyi dum bu dang // dri chen dri chu bse yi ras ma dang // so dog gzhi blang ling+ga thal skya'i mdog/ dpral bar dus bris snying gar ming bri'o// mgo ni lho nub mtshams su bstan// rkang pa byang shar mtshams su bstan// hom khung nang du mgo bstan la// skra bshig sgren mor phyung bar bsam// de nas rnal 'byor ting 'dzin can// srid pa'i phur bu bsgrub pa dang // dbang dang dngos grub blang ba'i phyir// ye shes khro bo gshegs su gsol// khro bo chen po gshegs nas kyang // rtags dang mtshan ma bstan pa dang // ki la ya yi dngos grub stsol// srid gsum phur bur bsgrub pa'i phyir// slob dpon 'khor gnas phun sum tshogs// 'tsho ba zas dang sgrub rdzas rkyen bzlog sman// phyi nang rgyu 'grul

  255. 128a

    mtshams kyang bcad// rgyu las byung dang rkyen las byung // bar gcod dngos grub thob tu mi ster bar// ting 'dzin bsar la phyi mtshams nang mtshams bcad// dbang dang dngos grub blang ba'i phyir// ye shes khro bo spyan drangs nas// phra thabs yang sbrul sum sbrul dang // dam la btags pa'i dam can rnams// spyan drang mchod bstod gzhung bzhin bya// bsnyen pa bdun 'bum nyi khri gdon// byi ba sa yas gdon mi za// mchod pa dus drug rgyun mi gcad// dam can srung ma 'khor bcas la// drag po'i gtor ma byin nas ni// gang la bya ba'i phrin las bcol// mgyogs byed ye shes pho nya yis// ting 'dzin bsar te gnas nas dgug/ gzir gnon drag pos bsnun par bya// lha rnams drag po'i las la bskul// thugs las sprul pa'i pho nya ni// phra men drag po'i las la bskul// ting 'dzin bsar te las la bskul// bka' nyan phrin las pho nya yis// dam can gnad phab bskul ba yis// ting 'dzin bsar te gnas nas dgug/ gzir gnon drag pos brdung bar bya'o// sngags dang ting 'dzin phrin las gsum// dkyus dang phrin las sbyar ba ni// skor tshoms gsum du sbyar bar bya'o// dug gtor khrag dang nyung dkar gyis// ling+ga la ni thun du brab// 'go ba'i lha dang bral bar bya'o// gu gul nag po'i dud pas

  256. 128b

    bdug/ 'bros kyis mi thar gnad gzir bya// steng na phur bu'i ser ba dbab// drod tshad gtan la phebs pa dang // brtul zhugs bskyed de gdab par bya// de bzhin gshegs pa thams cad kyi gsang ba/ kI la ya gsang ba'i dgongs rgyud las/ sras mchog phur pa'i dkyil 'khor gyi le'u ste lnga pa'o// / de nas yang karma he ru kas 'di skad ces gsol to// kye bcom ldan badz+ra kI la ya// 'khor ba dbyings su bsgral ba'i phyir// srid gsum phur pas gdab pa la// phur pa'i rgyu ni ci la bgyi// de yi tshad ni ji ltar lags// de yi yon tan 'byung ba ji ltar lags// gsang ba'i bdag pos lung bstan du gsol// bde bar gshegs pas lung bstan du gsol// zhes zhus pas/ bcom ldan 'das badz+ra kI la yas 'di skad ces bka' stsal to// nyon cig karma he ru ka/ phur pa'i rgyu rnams ngas bshad kyi// drag po lcags kyi phur pa la// gri lcags mde'u rnying rtags phyin dang // gnam lcags thog gi lcags dag dang // gcod dang rno dang sra la sogs// steng du sor gcig rgya mdud bya// rked par sor gcig rgya mdud do// ngos brgyad rin chen zur brgyad la// khro rgyal gnas pa'i gzhal yas khang // bar gyi rgya mdud brtsegs ma la// thabs dang shes rab dbyer med do// gzhal yas rang bzhin brtsegs mar gnas// rtse mo zur gsum drag por

  257. 129a

    bshad// dbang la zangs kyi phur pa'o// rgyas par gser la sogs pa ste// zhi ba dngul dang tsan+dan no// rtse mo'i dbyibs ni so sor bstan// gzhan yang tsher ma can gyi shing // rab tu mi srun gnas dag nas// gang dag skyes pa gang yin dang // dug dang gcan gzan gdug pa can// rab tu gdug pa'i gnas dag na// skyes pa'i shing mchog tsher ma can// skyer ba dang ni seng ldeng dang // gang dag skyer ldeng mdze mo shing // rtsa ba'i logs su rgya mdud la// rtse mo'i logs su zur gsum bya// dbyibs dang kha dog gong dang mthun// gzhan yang gdug pa'i tsher ma can// gong ma de rnams ma 'byor na// gdug pa'i shing mchog gang rnyed pa// ting nge 'dzin gyis dkyil 'khor la// yid la dran zhing gsal bsgom bya// sngags dang bya ba ma nor na// des kyang grub par gzhung las bshad// 'di dag ring zung tshad bstan sor bzhi pa dang sor brgyad pa// bcu gnyis pa dang bcwa brgyad pa// de las thung bar ma gsungs te// de las ring bar yongs ma bshad// sor bzhi 'byung ba bzhi yi tshad// sor brgyad rnam shes brgyad kyi tshad// bcu gnyis skye mched bcu gnyis tshad// bcwa brgyad khams ni bcwa brgyad tshad// rtags dang sbyar te de rnams bshad// rtags phyin pa yi lcags rnams la// de yi yon tan bshad pa ni// dper na nags kyi

  258. 129b

    sdong po la// sngon chad bcad pa'i sta re dag/ de dag chod par gyur na ni// chod mi chod kyi the tshom med// de dag sngon chad ma bcad na// chod dam mi chod yongs ma nges// de bzhin rgyu yang de dang 'dra// mdor na rnal 'byor rtsal mchog gces// re re la yang skyon med de// yon tan yod par 'di las bstan// nag po shing gi dug can la// phur pa byas pa'i yon tan ni// nag po gzhan gyis mi tshugs la// dug gis pha rol gsod par byed// tsher ma can gyi shing rnams la// phur pa byas pa'i yon tan ni// skyer pas tshe dang longs spyod 'phel// mdzo mos dbang du bya ba 'grub// gzhan yang kha dog rigs dang sbyar// mdor na bde gshegs sa bon gyi// byin gyis brlabs pa gces par bshad// de bas kyang ni dam tshig gtso// rnal 'byor rnams la dam pa bsngags// dang po gzhung las byung ba bzhin// de dag ma nor bshams par bya// tshogs pas the tshom med ces bya// bsham pas bya ba chud ma zos// kun gyi rgyu ni byang chub sems// byang chub sems ni bsngags pa ste// rgyu yi rgyal po rang shar ba'o// gzhan yang phur pa'i rgyu bstan pa// zangs lcags 'khar ba gang yod pa// de yang dod cing legs par bya// ma dod pa yi skyon rnams ni// gar dgar byas pas tshul las nyams// stab tshol byas pas bka' las 'gal// rnyed btsan

  259. 130a

    byas pas byin rlabs chung // yod btsan byas pas bsgom mi bde// ngan dgur bshams na rtog par 'gyur// legs par bshams pa yi rang zhing // tshogs par bshams pa gzhung dang mthun// dod par byas na dang ba skye// bka' bzhin byas na byin rlabs yod// mdor na rtogs pa gtso bo yang // rtogs pa'i don la mthar phyin na// rnam par mi rtogs yongs mi dgos// ma rtogs pa la 'di dgos pas// log pa'i phyogs rnams 'dul slad du// 'di la rgyu bshams 'byung ba yin// mi rtog pa la rtog mi dgos// rnam par rtog la khro 'dul bzang // nyon mongs pa la gnyis pos 'joms// rtog pa bsal bar bshams pa gces// gzhan la tshugs 'dod grangs ma ltos// rtags phyin 'dod na yun du bsrings// don la rub 'dod ma g.yel gyis// rings par 'dod na brtson 'grus skyed// don 'di yid la bzhag nas kyang // sngags pas de la nan tan skyed// ces gsungs so// de bzhin gshegs pa thams cad kyi sku gsung thugs kyi gsang ba/ kI la ya gsang ba'i dgongs rgyud las/ phur pa'i rgyu bstan pa'i le'u ste drug pa'o// // de nas yang karma he ru kas/ 'di skad ces zhus so// kye bcom ldan 'das badz+ra kI la ya// phur pa bskyed pa ji ltar bgyi// byin gyis brlab na ji ltar brlab// blta ba ci la dmigs

  260. 130b

    pa lags// bde bar gshegs pas lung bstan du gsol// zhes glengs pas/ bcom ldan 'das badz+ra kI la yas 'di skad gsungs so// nyon cig karma he ru ka/ phur pa dang po bskyed pa ni// mtshon pa'i phur pa gzhal yas khang // bde gshegs spyan drangs gnas na bzhugs// phyi nang gsang ba'i mchod pa dbul// 'od zhu bdag gi thugs kar thim// byang sems hUM ni yungs 'bru tsam// ngag dag lam nas gsung 'phros pas// las gnyis byas nas rlung sgrom zhugs// sku nas rim par de bzhin du// dung khang nang nas gsang lam brgyud// pad+ma las 'phro 'od phung las// so so'i yig 'bru phyag mtshan gyur// kI la ya yi sngags brjod pas// skye med rnam dag chos dbyings las// skye ba'i cho 'phrul 'jigs par bstan pa ni// sangs rgyas 'dus pa'i sras mchog kI la ya// sku stod zhal gsum phyag drug la// sku smad lcags phur zur gsum po// ral pa kham nag gyen du 'bar// sta re rgya gram kha T+wAM phur pa 'dzin// de ni sras mchog bskyed pa'o// byin gyis brlab pa bstan pa ni// chos sku'i dbyings nas sbrul slar bzhengs// thugs kyi rdo rje mi 'gyur ba// zhe sdang rtse gcig ldan par brlab// de nas longs spyod rdzogs pa'i sku// rigs kyi khro tshogs 'khor bcas bskyed// lha grangs brgyad cu rtsa drug la// so so'i snying pos dbang skur bas// rang rang sku

  261. 131a

    la 'jug par nus// longs spyod rdzogs skur byin gyis brlab// de nas rigs lngar byin brlabs te// gnas lngar 'bru lnga bskyed pa ni// so so'i snying po gnas su bstim// rigs lnga'i dbang bskur byin gyis brlab// sku gsung thugs su byin brlabs pa// rigs rnams 'dus pa'i khongs su brlab// de nas thugs nyid mi 'gyur bar// ye shes rtse gcig byin gyis brlab// zur gsum phaT gsum drag po'i rtags// logs gsum hUM gsum drag da la snyoms// ri rab tshul du rab brjid pa// sku yi rdo rje sku yi stobs// sku stobs brjid par byin gyis brlab// gsung gi rdo rje gsung gi stobs// gdangs skad drag por byin gyis brlab// thugs kyi rdo rje thugs kyi stobs// 'dod dgur bsgyur bar byin gyis brlab// nyung dkar khrag dang gu gul gyis// bdug cing byugs la gzi byin bskyed// de nas bdag nyid chen por byin gyis brlab// lag pa g.yas pa'i mthil du ma// nyi ma'i dkyil 'khor gyur pa'i steng // hUM gzhag kun tu bzang po'i mkha'// g.yon pa'i a las zla dkyil 'khor// a bzhag kun tu bzang mo'i mkha'// yab yum thabs dang shes rab las// gnyis med byang chub sems las ni// g.yas pa'i gung mo'i steng du oM// de las rnam par snang mdzad do// mthe bong steng du hUM bsams la// de las rdo rje sems

  262. 131b

    dpa'i sku// mdzub mo'i steng du trAM bsam ste// de las rin chen 'byung ldan sku// srin lag steng du hA bsams la// don yod grub pa'i sku ru bskyed// mthe'u chung steng du AM bsams la// de las snang ba mtha' yas sku// so so'i snying pos sku bskyed la// yab yum thabs dang shes rab las// thal mo mnyam sbyor byas la ni// oM dang badz+ra an dza li// hUM zhes yongs su brjod nas ni// sor mo cung zad bsnol nas ni// badz+ra ban d+ha hUM zhes pas// sor mo rab tu bsnol te bsdam// sa ma ya ho s+t+waM kyis bskul// phur pa lag gnyis bar du gzhug/ dbus su phur bu bcug la dril// oM dang badz+ra A be sha yas bstim// bde gshegs sku ni nyung 'bru tsam// grangs med spro bsdus phur la thim// badz+ra sa twa rA dza hUM// sras mchog rdo rje phur pa'i thugs// rigs lnga yab yum sbyor ba yis// byang sems sras mchog nyid la bstim// stong gsum khengs pa'i 'od zer spro// gu gul nag po'i dud pas bdug/ khyi khrag ra khrag rnams kyis byug/ dug sna mang po rnams kyis byug/ byin brlab gzi byin bskyed la ni// phur pa sras mchog chen por bsam// gyen du gsor zhing 'di skad do// hUM bzhi gsal 'phro hUM bzhi'i tshogs las bskyed// dbu la rgya mdud bstan pa thabs kyi rtags// rtsibs la zur brgyad bstan pa khro bo brgyad// rin chen zur brgyad bstan pa khro mo

  263. 132a

    brgyad// dbus su rgya mdud bstan pa shes rab rtags// rtse mo zur gsum bstan pa sku gsung thugs kyi rtags// steng 'og gnyis su bstan pas khro bo gnyis// khong stong byang chub sems kyi dkyil 'khor nas// khro rgyal 'dus pa'i sras mchog kI la ya// ma g.yos che mchog sku gsung thugs kyi bdag/ sdug bsngal log par 'khyam pa'i sems can rnams// thugs rjes dbyer med dbyings su sgrol mdzad pa'i// thabs kyis bsgral ba'i skal dang mi ldan kyang // shugs kyis bsgral ba'i phrin las mdzad du gsol// phyi nang gsang ba'i mchod pa dbul// lta ba gang la dmigs pa ni// phur pa sras mchog dam pa'i mchog/ phur ni chos kyi dbyings nyid la// pa ni rig pa'i ye shes yin// phur ni bde ba chen po'i klong // pa ni pha rol phyin pa nyid// phur ni sku dang thugs kyi dbyings// pa ni sku gsung thugs su shar// phur ni ma bcos pa yi dbyings// pa ni ye shes chen po'o// phur ni skye ba med pa'i dbyings// pa ni 'gag pa med pa'i don// phur ni shes rab chags med klong // pa ni thabs mchog 'dod dgur bsgyur// phur ni kun tu bzang mo'i mkha'// pa ni rgyal ba kun gyi yab// phur ni kun gzhi bde chen nyid// pa ni rnam shes ye shes gsal// phur ni thig le chen po la// pa ni ye nas ma bcos pa'o// lta ba'i rgyal po nges pa'i

  264. 132b

    don// gdod nas ma skyes chos kyi dbyings// rnam dag ma skyes shes rab dbyings// don la dgongs pa'i cho 'phrul ni// snying rje chen po'i cho 'phrul lo// rig pa'i rgyal po rang gnas pas// phyi nang snod bcud rnam par dag/ thabs kyi rgyal por bdag gyur pas// srid gsum 'khor ba dbyings su sgrol// zhes gsungs so// de bzhin gshegs pa thams cad kyi gsung thugs kyi gsang ba/ kI la ya gsang ba'i dgongs rgyud las/ sras mchog gi phur pa byin gyis brlab pa dang phur pa'i lta ba'i le'u ste bdun pa'o// // de nas karma he ru kas/ bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// sangs rgyas kun gyi lam chen po// sngon tshe dregs pa btul ba'i don// de ltar rjes 'jug rnal 'byor pas// dmigs ni gang dang gang la bgyi// bsgral ba'i dmigs rnams ji ltar lags// gnyis med gtso la bdag zhu 'tshal// zhes gsol pa dang / bcom ldan 'das badz+ra kI la yas 'di skad ces bka' stsal to// nyon cig karma he ru ka/ bsgral ba'i dmigs rnams bstan pa ni// kun la bya bar gzhung las med// nyams par gyur pa bdun yod de// dam las nyams dang bka' las nyams// don las nyams dang las kyis nyams// mtshan mas nyams dang 'dod pas nyams// log pas nyams pa

  265. 133a

    bdun po la// 'di la nyams pa zhes bya ste// de dag so so'i mtshan nyid ni// de yi don rnams ngas bshad kyi// srog las nyams pa'i mtshan nyid ni// pha dang ma dang mkhan po gsod// slob ma gsod dang ngan sems can// 'di ni nam yang ltung bas na// bsgral ba'i dmigs gcig 'di yin no// don las nyams pa'i mtshan nyid ni// rdo rje slob dpon bka' bslus dang // ngan sems dpya sems byed pa dang // sngags dang phyag rgya rgyun gcod dang // gsang ba'i man ngag sbas pa rnams// snod med rnams la ston pa dang // 'di ni nyams pa chen po ste// 'di yang bsgral ba'i dmigs gcig yin// bka' las nyams pa'i mtshan nyid ni// dam la btags na sku mtshang 'dra// sgrub zlar sbran na kha yogs 'dogs// man ngag bstan na skur pa 'debs// bden par bstan na log par khrid// don rtags bstan na gol sar 'dzin// 'di ni nyams pa chen po ste// 'di la bsgral ba lhur yang brtsam// don las nyams pa'i mtshan nyid ni// bya ru mi rung sna tshogs byed// rdzas dang lag cha mngon du 'byin// tan gaN sbyor ba dngos su byed// lta ba ting 'dzin rgyab tu bor// spyod pa brlang po dang du len// khro gtum nga rgyal rang gar gtong // don gyi man ngag log par go/ pha rol 'dren la log pa'i chos// phyin ci log gi don la

  266. 133b

    mkhas// bka' gzhung bor bas rtsom pa che// log par skrod pa mtha' dag yod// 'di ni rA tra dngos yin te// mngon skrod bsgral kyang sgrib mi 'ong // las kyis nyams pa'i mtshan nyid ni// bdag dang skyes gnas mi gcig par// bsgral ba'i las kyi glor 'ongs nas// sngon chad 'khon 'gras yongs med par// klag la bab par dran nas kyang // zhi ba drang pos mi nyan par// nyes med gzhan la 'dzugs pa dang // dpung pas bsnyems nas klan ka tshol// kha lce rgod cing bzhin ldog nas// brgal ba med par bdag la rgol// dbrog rnyed med par bdag la 'phrog/ bdag gis nyes pa ma dran cing // bdag gis brgal bar ma bsams kyang // las kyi bdag la gnad 'dzugs shing // bdag la mthu dang rtsal 'dod pa// las kyi nyams pa 'di yin pas// 'di ni bsgral ba'i dmigs gcig yin// gzhan yang las kyis nyams pa ni// gal mi che bar ya ga tshol// phan pa med par bdag la 'tshe// 'ong rgyu med par sgrub par 'ong // las kyis nyams pa'i rtags yin pas// 'di la bsgral ba lhur yang brtsam// las kyi 'khor ba sdig med bshad// mtshan mas nyams pa'i mtshan nyid ni// chos la phyogs char 'dzin pas nyams// lta bas sgo khung khyud kyang byed pas nyams// rnal 'byor chen po'i thugs dkrugs nyams// rang bzhin med

  267. 134a

    pa'i chos bshad kyang // mtshan ma can gyi chos bzung nas// lha srin bran du ngas 'khol lo// mthu 'gran byed pa su zhig yod// nga yi nyams su dpal chen byung // nga ni khro bo'i rgyal po yin// gzhan yang khro zhing 'tshe la sogs// 'di ni mtshan mas nyams pa ste// bsgral bar byas kyang dam mi nyams// log par gyur pas nyams pa ni// mnyan nas go rtogs med pa ru// la lar mthu che rtsal 'dod pas// las kyi don du mtshan ma spyod// sdig pa'i phyag rgya mi mgo thogs// ral pa gsig cing so gtsigs nas// dmar gyi ar+g+ha glo la 'dogs// zhing gi pags pa phrag la bkal// sgo ba nag po sha dang tshil// snod gang khur zhing log chos spyod// spyod pa ma nor gzhung bor nas// bya bar mi 'tshams sna tshogs byed// ngo dang gdong pa khrag gis byug/ tshul 'chos dam 'dral sna tshogs byed// tho tshor spyod cing dam mi bsrung // spyod pa brlang pos bka' gzhung smod// sangs rgyas kun gyi zhabs 'dren byed// rnal 'byor sngags pa'i rkang nas 'dren// dpal chen khrag 'thung thugs khrel bskyed// ma mo mkha' 'gro'i gzan tshogs bkram// rnal 'byor yongs kyi sme btsog byas// 'di yang bsgral ba'i dmigs gcig yin// 'dod pas nyams pa'i mtshan nyid ni// 'dod chags nor gyis snying brus nas// shi bar shes kyang 'dod pas brgyal// phung bar

  268. 134b

    rtogs kyang sngags 'chang 'joms// dug tu snang yang lto ru za// gnyen pa yin kyang thabs kyis smod// thob tu 'dod nas gsang sngags brku// bza' ru 'dod nas rnal 'byor za// zas su sgrub po'i longs spyod rku// nor du gzhung spyod rnal 'byor 'joms// 'di dag 'dod pas nyams pa ste// 'di dag bsgral na rnal 'byor btsun// btul zhing tshar bcad bstan pa gnyen// med cing stongs na bar chad nyung // 'di dag bsgral bar ma byas na// mtho ris 'grib la dmyal khams 'phel// rnal 'byor dam can sgyid lug nas// theg pa chen po'i chos sgo 'gag/ 'di dag bsgral bar byas na ni// rnal 'byor bsgrub la bar chad med// theg pa chen po'i mthu dar bas// legs pa'i yon tan brjod las 'das// thabs kyi tha ma tha ma na// ting nge 'dzin gyi rtsal chung yang // 'di dag bsgral ba byas pa ni// dmyal ba'i gnas su yun thung 'gyur/ kI la ya gsang ba'i dgongs rgyud las/ bsgral ba'i dmigs bstan pa'i le'u ste brgyad pa'o// / de nas yang karma he ru kas/ 'di skad ces gsol to// kye bcom ldan badz+ra kI la ya// bsgral ba'i dmigs ni de lags na// brdeg pa'i dus tshod ji ltar lags// bde bar gshegs pas lung bstan du gsol// zhes gsol pa dang // badz+ra kI la yas 'di skad ces bka' stsal to// nyon cig

  269. 135a

    karma he ru ka/ brdeg pa'i dus tshod bstan pa ni// gnam stong dang ni tshes brgyad dang // bcwa lnga nyi shu gnyis la bya// mig dmar phur bu'i gza' rnams kyang // brdeg pa'i dus la bab par bya// dang po dkyil 'khor gzhung btsug nas// bsnyen bsgrub cho ga tshang byas la// 'dzab grangs bdun 'bum nyi khri 'don// bzlas brjod nyin mtshan rgyun mi gcad// rtags dang mtshan ma phyin pa dang // brdeg pa'i dus la bab par shes// nam gyi gung dang nyi ma dros// de la brdeg par rab tu shes// dur khrod chen po gang na bar// bsgral ba la sogs gzhung bzhin bya// rgya gram yam ni gang na bar// brdeg pa la sogs gzhung bzhin bya// 'di dag brdeg pa'i dus tshod kyang // srod la zhugs nas tho rangs kha// 'di dag brdeg par yongs mi bya// 'di dag brdeg par bya ba ni// yun ni lo zla tsam du bsring // grangs ni bye ba 'bum du bzlas// mchod pa dus drug rgyun mi gcad// cho ga bzlas brjod tshang byas nas// dbang po mngon sum khugs na rab// tha ma mig rnon la sogs pas// der ni nges par 'ong ba yin// gzhan yang brdeg pa'i dus tshod ni// dang por bsgrub par khas blangs nas// ma thon bar du dus tshod yin// gzhan yang brdeg pa'i dus tshod ni// ting 'dzin 'phro 'du gsal ba yis// bsnyen pa bdun 'bum nyi khri

  270. 135b

    gdon// rab 'bring gsum gyi rtags rnams kun// dus der mi 'byung mi srid do// brdeg pa'i dus tshod rab mchog yin// brdeg mi dgos par lhun gyis grub// yang na brdeg pa'i dus tshod ni// dam tshig chen po'i dus la bab// lha rnams drag po'i las la bskul// lha snying gdags sngags gzir gnon dang // drang zhing bkug la dbab pa dang // mkhas shing goms pas man ngag sbyar// sprul pa chen po'i dus la bab// phra men drag po'i las la bskul// lha snying gdags sngags gzir gnon bya// drang zhing bkug na dbab pa dang // mkhas shing goms pas man ngag sbyar// bka' nyan chen po'i dus la bab// dam can gnad dbab las la bskul// lha snying gdags sngags gzir gnon bya// mkhas shing goms pas man ngag sbyar// rnal 'byor rgyud grol blo zhen pas// ting 'dzin sngags dang phrin las kyi// gab sbas man ngag sbyor shes shing // man ngag gsum po skor tshoms kyis// rim gyis dbang med gnad phab nas// thugs rje chen po'i byin rlabs kyis// bsgo ba'i bka' rnams nyan par byed// gal te bka' bzhin ma byas na// kho rang mgo gas snying tshig go// de phyir bla dgug pho nya gtang // zhag bdun gyis ni khug par 'gyur// 'di dag btang nas brdeg par bya// bla dgug pho nya gtang bya ste// hUM dpal gyi pho nya las mkhan//

  271. 136a

    mo// dkar mo dung gi mche ba can// mkha' la 'byung ba'i mdzod 'khyil ma// lag na spu gris sems can sgrol// zhal du sems can snying khrag rngub// sprul pa zog zog ser chen 'bebs// phoH sum brgya drug cu 'gyed// sum brgya drug cu'i gtso mo ste// bskal pa brgyad khri'i pha rol nas// dam las 'das pa'i bla 'dren ma// nyams pa'i bla la nan ma chung // lho yi phyogs nas 'byung ba ni// nag mo lcags kyi lan tshar can// khyung gi khra thogs g.yas pa na// b+han+da gri thogs gsod la rngams// tshangs pa 'khyil ba'i cha lugs can// mi sdug mgo la gcer bu'i lus// pho nya sum brgya drug cu 'gyed// sum brgya drug cu'i gtso mo ste// bskal pa brgyad nas bla 'tshol ma// dpag tshad bye bar srog dbugs 'gugs// nyams pa'i bla dang srog la ya// nub kyi phyogs nas 'byung ba ni// dmar po nyi ma'i 'od 'phro ma// gdug pa 'dul ba grang ba sel// gsod la rngam pa'i las la brtson// mche gtsigs g.yang gzhi gos su gon// pho nya sum brgya drug cu 'gyed// sum brgya drug cu'i gtso mo ste// rab tu mi srun bla 'gug ma// nyams pa'i bla dang srog la ya// byang gi phyogs nas 'byung ba ni// ljang nag 'khyil pa'i thod gdengs can// ser mo ral can 'bum gyis bskor// phyag na ral gri nag po bsnams// pho nya sum brgya drug cu 'gyed// sum brgya

  272. 136b

    drug cu'i gtso mo ste// sngon nas dgra bo'i bla 'gug ma// nyams pa'i bla dang srog la ya// nam mkha'i lha mo phur pa'i lha// lag brgya lcags kyi phur pa 'dril// spyan brgya khrag gis mchi ma 'dzag/ zhal brgya gdug pa'i ngan sngags zlos// tshems kyis skye shi rtsa ba chod// phur bu'i las mkhan chen mo la// rab tu mi srun las la brtson// pho nya mang po phyogs bcur 'gyed// rdo rje sku gsung thugs las sbrul// nyams pa'i bla dang srog la ya// gzhan yang dam la btags pa rnams// de dag las la skul bar bya'o// de dag mngon par khugs pa dang // bsad pa'i las la sbyar bar bya'o// de bzhin gshegs pa thams cad kyi sku gsung thugs kyi gsang ba/ kI ya la gsang ba'i dgongs rgyud las/ brdeg pa'i dus tshod kyi le'u ste dgu pa'o// // de nas yang karma he ru kas bcom ldan 'das badz+ra kI la ya la 'di skad ces gsol to// kye bcom ldan badz+ra kI ya la// drag po'i las la 'jug byed pa// dregs pa nyams pa bdun po la// gang dang gang du gdab par bya// zhes zhus pas// bcom ldan badz+ra kI la yas 'di skad ces bka' stsal to// nyon cig karma he ru ka/ gang gis gang la gdab bstan pa// mthing nag gru gsum 'bar ba'i dkyil 'khor nas// bud+d+ha 'dus pa'i sras mchog kI la ya// gti mug bdud bdul khros pa'i rgyal po dbyings

  273. 137a

    nas bzhengs// mthing nag gcer bu khro gtum ral pa can// dbus kyi dgra bgegs khug la rdo rje phur pa yis// ngag 'khyal rdzun du smra ba'i snying la rgyob// gru gsum mthing nag 'bar ba'i dkyil 'khor nas// rdo rje 'dus pa'i sras mchog kI la ya// zhe sdang bdud 'dul khros pa'i rgyal po dbyings nas bzhengs// dkar nag gcer bu khro gtum ral pa can// shar gyi dgra bgegs khug la rdo rje phur pa yis// zhe sdang 'dod chags can gyi snying la rgyob// mthing nag gru gsum 'bar ba'i dkyil 'khor nas// rat+na 'dus pa'i sras mchog kI la ya// nga rgyal bdud 'dul khros pa'i rgyal po dbyings nas bzhengs// ser nag gcer bu khro gtum ral pa can// lho yi dgra bgegs khug la rdo rje phur pa yis// srog gcod log par lta ba'i snying la rgyob// mthing nag gru gsum 'bar ba'i dkyil 'khor nas// pad+ma 'dus pa'i sras mchog kI la ya// 'dod chags bdud 'dul khros pa'i rgyal po dbyings nas bzhengs// dmar nag gcer bu khro gtum ral pa can// nub kyi dgra bgegs khug la rdo rje phur pa yis// phra ma ma byin len pa'i snying la thob// mthing nag gru gsum 'bar ba'i dkyil 'khor nas// karma 'dus pa'i sras mchog kI la ya// phrag dog bdud 'dul khros pa'i rgyal po dbyings nas bzhengs// ljang nag gcer bu khro

  274. 137b

    gtum ral pa can// byang gi dgra bgegs khug la rdo rje phur pa yis// ngag rtsub gnod sems can gyi snying la rgyob// lha rnams drag po'i las la bskul// byang chub mchog tu sems bskyed de// dus gsum rgyal ba'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang // dngos grub 'phrog cing 'tshe ba rnams// khro bo chen po'i byin rlabs sa// yud tsam gyis ni 'dir bkug nas// mngon spyod tshul bzhin bsgral ba dang // lus ngag rdul du bshigs nas kyang // sdug bsngal nyams su myong bar mdzod// phra men drag po las la bskul// dngos grub par du gcod pa'i bgegs// gdug cing sdang sems ldan pa rnams// zung zhig rgyob cig rnam par chings// gtogs shig grogs dang bral bar gyis// rengs par khug pa smrar chug cig/ phob cig rnam par gzir bar gyis// nga yi dbang du gyur nas ni// bsgo ba'i bka' rnams nyan par gyis// dam can gnad dbab las la bskul// bran dang pho nya bka' nyan tshogs// sngon chad ji ltar dam bcas pa'i// khyed kyi thugs dam dus la bab// mngon spyod phrin las myur du mdzod// las sngags so sos gzir gnon bya// rdo rje gsang ba'i bka' las ni// sdig can gang zhig 'da' byed pa// stobs chen khro bo

  275. 138a

    chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// btab pa'i rting gnon mtshon gyis gtub// khro bos mtshon cha'i char phab bsam// gdug cing sdang sems ldan pa rnams// lha'am 'on te bdud kyang rung // nga la bar chad byed pa rnams// mthu dang rdzu 'phrul med par byos// bsgral ba rnams kyi mthu rnams dang // rdzu 'phrul ldang mi nus par bya// rdungs shig rdo rje 'bar ba'i gtun// bka' las 'gal byed sdig can dag/ rdo rje me dpal snying bsregs nas// lus ngag rdul phran bzhin du rlogs// khro mo 'bar ba'i gtun khung du// rdo rje tho bas brdungs byas nas// lha yang rung ste bsgral bar bya'o// yak+Sha kro ta'i zhal du ni// khams gsum bsgral ba'i mchod pa 'bul// lha rnams dkyil 'khor dam can lha srin rnams// ma nyes dbang gzugs bden pa bdar la ni// chos nyid bden pa gsang sngags byin rlabs dang // sangs rgyas mthu yis a b+hi tsaR+Ya yi// brnag pa de dag dkar nag mtshams su gdab// sems gnas dran gzhi tsit+ta'i dkyil na ni// tshon gang 'od kyi kun gzhi lung ma bstan// phyi rtsa nang rtsa phyi nang gnyis kyi rtsa// nyon mongs yid dang rnam shes kun gzhi gsum// phyi rgyu nang gnas phyi nang gnyis kar rgyu// khrag rlangs byi'u ni leb ma'i mgo

  276. 138b

    tsam la// de dkyil nr-i dud til 'bru tsam yang gnas// rtsa zhon khrag rgyu dbugs kyi rta byas nas// dkar nag mtshams kyi rtsa chen gsum la ni// drod tshad gtan la phab par gdab byas nas// srid pa gsum dang khams gsum du// nyon mongs 'khor ba'i chu rgyun 'bab// ma rig gnas su bsgral na ji ltar bsgral// bsgral tshe ba rgya 'dra bas gtums gnas pa// dug gsum rgyu la a yi gnas len gdab// ye shes drag po'i las sngags gnad la thebs// nyon mongs rgyu nyid gtor gyis 'phros pa las// ye shes 'od zer chen por gyur 'phros nas// bde gshegs thugs dam bskangs nas 'gro ba'i don kyang byas// thams cad a dkar byang chub sems su gyur// bsdus pas gser dngul zhig gar blugs pa bzhin// phur pa'i rtse yi a ni gnas len des// khab len rdo la lcags rnams 'du ba bzhin// byang chub sems kyi rang bzhin dkar la 'tsher// sku gsung thugs kyi gnas su bstim par bya// snang srid tshe bcud tshe yi dngos grub thob// khams gsum 'khor ba'i bag chags gdar sha bcad// nyon mongs 'khor ba thams cad dbyings su bsgral// rdo rje phur pas skye shi rtsad nas chod// dper na dri ma chu yis bkrus pa bzhin// khams gsum ye shes byang chub chu yis bkru// tshe lung khrus lung sgrol mchog dam pa yin// gzhan yang phur

  277. 139a

    @pa'i gnas bstan pa// rtsa gcig bcwa brgyad bcu gnyis dang // brgyad dang lnga gsum gcig tu bstan// gdab pa'i dmigs ni re re la// rtsa bran rta rnga tsam gyi mgo// sran tsam 'od nag dkyil du ni// khrag gi nr-i ni til 'bru tsam// de la dmigs la gdab par bya// gzugs mthong nyon mongs phra dog skyes// mthong byed rten dang dpral ba'i phyir// mig gnyis la yang sras mchog ste// rna thos nyon mongs zhe sdang skyes// nyan byed rten dang dpral ba'i phyir// rna ba gnyis la sras mchog re// dri tshor nyon mongs nga rgyal skyes// snom byed rten dang dpral ba'i phyir// sna bug gnyis la sras mchog re// ro tshor nyon mongs 'dod chags skye// ro myong rten dang dpral ba'i phyir// lce yi dkyil du sras mchog re// dbang po rten byed gti mug gnas// tshe gnas rten dang dpral ba'i phyir// dpral ba'i dbyes su sras mchog gcig/ rgyal rtsad nas gcad pa'i phyir// tshig chad dam// bya byed rten dang dpral ba'i phyir// dpung pa gnyis la sras mchog re// srid pa rtsad nas gcad pa'i phyir// gsang ba'i gnas su sras mchog re// gti mug 'khor rgyu rten dpral phyir// lte ba'i dkyil du sras mchog re// thams cad snyegs par byed pa'i rgyu// nyon mongs snyegs byed rten dbral phyir// rkang dbyi gnyis la sras mchog re// khams gsum 'khor ba skyed

  278. 139b

    pa'i rgyu// 'dod chags rtsad nas gcad pa'i phyir// pho mtshan dkyil du sras mchog gcig/ zhe sdang rtsad nas gcad pa'i phyir// snying gi dkyil du sras mchog gcig/ srid gsum rtsad nas gcad pa'i phyir// rtse chen gsum la sras mchog gsum// dbang po'i dngas ma mgo yin pas// khro bo mtshon cha'i char phab la// spyi bo'i gtsug tu sras mchog gcig/ mthu dang rdzu 'phrul 'phrog pa'i phyir// spyi bo'i gtsug nas rkang mthil du// sras mchog phur pa phyung la ni// khams gsum bsgral ba'i mchod pa bya'o// sran tsam 'od nag dkyil du ni// khrag gi nr-i ni til 'bru tsam// gnad sa de ru kun khyab pas// kun la de gzhin dmigs la gdab// gnad sar btab pa re re la// tshe lung khrus lung rdzogs pa re// bdag dang phur bu gzas pa po// sku gsung thugs su gnyis med bstim// ting 'dzin sngags dang phrin las gsum// gab pa'i gdams pa khong bkrar bshad// de bzhin gshegs pa thams cad kyi sku gsung thugs kyi gsang ba/ ki la ya gsang ba'i dgongs rgyud las/ sras mchog phur pa gdab pa'i le'u ste bcu pa'o// // de nas yang karma he ru kas/ bcom ldan 'das badz+ra kI la ya 'di skad ces gsol to// kye bcom ldan badz+ra kI la ya// bde bar gshegs pa thams cad kyi// sku gsung thugs kyi dkyil 'khor nas// gsang sngags dam pa ji ltar

  279. 140a

    lags// bskyed pa'i sngags ni ji ltar lags// gsod pa'i sngags ni ji ltar lags// phrin las sngags ni gang dang gang // gsang sngags bdag pos lung bstan du gsol/ zhes gsol pa dang / bcom ldan 'das badz+ra ki la yas/ 'di skad ces bka' stsal to// nyon cig karma kI la ya// dang po stong pa nyid du bsgom// rdo rje mtshon pa'i yi ge hUM// 'od 'phros bde gshegs dkyil 'khor gsal// spyan drang phyag 'tshal bzhugs su gsol// de nas phyi nang mchod pa 'bul// oM ma hA shu n+ya tA dz+nyA badz+ra swa b+hA wa At+ma ko&haM/ de rjes mtshon pa'i yi ge hUM/ hUM s+pha ra Na phaT/ saM ha ra Na hUM/ oM badz+ra kI li kI la ya/ sarba big+h+nAn baM hUM phaT// rtsa bas don bzhi rig par bya// oM badz+ra kI li kI la ya dIp+ta tsakra ha na hUM phaT/ yum bskyed pa'i sngags so// sa ma ya s+t+waM/ sa ma ya ho// dzaHhUM baM hoH// yab yum bskul ba'i sngags so// e ma sUr+ya maN+Da la// ya pad+ma maN+Da la/ aM yum gyi mkha' dbyings byin gyis rlobs pa'i sngags so// a tsan+d+ra maN+Da la// hUM A~M badz+ra oM AHhUM swA hA// yab kyi mkha' byin gyis rlobs pa'i sngags so/ hUM hUM hUM hUM hUM/ hUM hUM hUM hUM hUM// khro bo bskyed pa'i sa bon byang chub kyi sems kyi sems kyi sngags so// oM badz+ra ki li ki la ya sarba big+h+nAM baM hUM phaT// phaT phaT phaT/ hUM hUM hUM/ sgrol chom kI la ya sod chom// dzaHhUM baM hoH// kI li kI la ya/ sUr+ya tsan+d+ra ti ra baM/ in+d+ra ya ti

  280. 140b

    ra ba/ ag+na ye ti ra baM/ ya mA ya ti ra ba/ ne ra rit+ta ya ti ra baM/ ba ru NA ya ti ra baM/ pA la be ti ra baM/ ku be rA ya ti ra baM/ I sha nA ya ti ra baM/ a d+ha pr-i thi bi ti ra baM/ dregs pa bcu bsgral ba'i sngags so// ma sUr+ya maN+Da la/ paM pad+ma maN+Da la/ a tsan+d+ra maN+Da la/ dregs pa can rnams nyi zla pad+ma sum brtsegs kyis mnan pa'i sngags so// oM badz+ra kro d+ha hUM kA ra hUM/ oM badz+ra kro ta bi dza ya hUM// oM badz+ra kro ta nI la daN+Da hUM// oM badz+ra kro ta ya mAn+ta ka hUM/ oM badz+ra kro ta ar+ya a tsa la hUM/ oM badz+ra kro ta ha ya grI wa hUM/ oM badz+ra kro ta a pA ra dzi ta hUM/ oM badz+ra kro ta a mr-i ta kuN+Da li hUM/ oM badz+ra kro ta trai lo kya bi dza ya hUM/ oM badz+ra kro ta ma hA ba la hUM// khro bo bcu bskyed pa'i sngags so// oM badz+ra kro tI sha ya tI hUM/ oM badz+ra kro ta lA se ki hUM/ oM badz+ra kro tA tA dza hUM// oM badz+ra kro tI sh+ma shA na pa ti hUM/ oM badz+ra kro tI mu sa lI hUM/ oM badz+ra kro tI tsaN+Da li hUM/ oM badz+ra kro tI sha bya ti hUM/ oM badz+ra kro tI sa b+hi mi ta hUM/ oM badz+ra kro ti ma ra NI hA/ oM badz+ra kro ti tsun da ya ti hUM/ khro mo rnams bskyed pa'i sngags so// badz+ra swa ka ra mu khA he/ badz+ra u pi Sha mu kha he/ badz+ra bya g+ha mu kha he/ badz+ra gra D+ha mu khI he/ badz+ra tsa ma ra mu kha he/ badz+ra dro Na mu khI he/ badz+ra ha ri Na ka mu kha he/ badz+ra A lu ka mu khI he/ badz+ra bya g+ha mu khA he/ badz+ra ka ka mu khI he/ badz+ra pi DA la mu kha he/ badz+ra bak+Sha ti mu khA he/ badz+ra shra na mu kha he/ badz+ra ba tri mu khI he/ badz+ra sing ha mu kha he/ badz+ra ti

  281. 141a

    tI la mu khI he/ badz+ra tak+ShA mu kha he/ badz+ra na ku la mu kha he/ badz+ra ha rik+Sha mu kha he/ badz+ra mU Shi ka mu khI he/ de ni phra thabs bskyed pa'i sngags so// oM badz+ra ki li ki la ya/ dz+wa la dz+wa la pra dz+wa la pra dza la s+phu ta s+phu ta sarba na sha sa na hUM phaT// de ni sku'i sngags so// oM badz+ra kI li kI la ya sarba duSh+TAn pA ka shri ta sho d+ha ya hUM phaT/ gsung gi sngags so// oM badz+ra kI la ya/ tsit+ta tsit+ta hUM phaT/ de ni thugs kyi sngags so// gardza gardza hUM phaT/ ha na ha na hUM phaT/ pa tsa pa tsa hUM phaT/ da ha da ha hUM phaT/ ban+d+ha ban+d+ha hUM phaT/ hu lu hu lu hUM phaT/ ti sta ti sta hUM phaT/ ts+tshin+da ts+tshin+da hUM phaT/ b+hin+d+ha b+hin+da hUM phaT/ s+pho ta s+pho ta hUM phaT/ khro bo bcu'i phrin las kyi sngags so// ta thA ya ta thA ya hUM phaT/ ha sa ra ya ha ta na hUM phaT/ shI g+hin A na ya hUM phaT/ dza la pa la dza la pa la hUM phaT/ A be sha ya A be sha ya hUM phaT/ bi da ya bi da ya hUM phaT/ phra thabs yang sbrul rnams kyi phrin las kyi sngags so// oM na maHsa man+ta kA ya wA ka tsit+ta badz+ra nAn/ oM g+ha g+ha g+ha ta ya g+ha ta ya/ sarba duSh+TAn mA ra ya hUM phaT/ kI li kI la ya/ sarba pA paM/ hUM hUM phaT phaT/ hUM hUM hUM/ phaT phaT phaT/ badz+ra kI la ya d+ha ro A dz+nyA pa ya ti/ kA la wAka tsit+ta/ badz+ra kI la ya hUM phaT/ rdo rje sder mo'i sngags so/ oM laM hUM laM staM b+ha nan mo ha g+ha ya/ b+ha ga bAn/ hriHSh+T+r-i bi kri/ badz+ra hUM kA ra hUM phaT/ kI li kI la la/ dzaHhUM baM hoH/ sarba big+h+nA na/ badz+ra kI li kI la ya/

  282. 141b

    badz+ra hUM kA ra a/ phrin las thams cad grub par byed pa'i sngags so// hUM pa ra bid+yan/ ts+tshin+da ts+tshin+da hUM phaT/ ban+d+ha bin+d+ha hUM/ gr-ih+Na gr-ih+Na hUM phaT/ ha na ha na hUM phaT/ ban+d+ha ban+d+ha hUM phaT/ ha na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka tang ka te/ dza ye be dza ye/ a tsid te/ a pa ra dzi ta/ ma ra sai na pra mar+d+ha na ye hUM phaT/ gdab pa'i sngags so// oM badz+ra kI li kI la ya sarba duSh+TAM mA ra ya hUM phaT/ bde bar gshegs pas lcags phur drag po'i phrin las kyi mi bzad pa drag pos dbang bskur ba'i sngags so// oM badz+ra kI li kI la ya su ru su ru u tsusma kro ta ya hUM mA ra ya hUM phaT/ bde bar gshegs pas skyer pa'i phur pa rgyas pa mi bzad pa bsad pa drag pos dbang bskur ba'i sngags so// oM badz+ra kI li kI la ya/ bing bing mA ra ya hUM/ bde bar gshegs pas mchog phur zhi ba'i phrin las mi bzad pa bsad pa drag pos dbang bskur ba'i sngags so// oM badz+ra ki li ki la ya aM ku sha tsan+d+ri tsan+d+ri mA ra ya hUM phaT/ bde bar gshegs pas seng ldeng gi phur pa dbang gi phrin las mi bzad pa bsad pa drag pos dbang bskur ba'i sngags so// oM badz+ra kI li kI la ya byA gri kha mA ra ya hUM phaT/ bde bar gshegs pas bya phur mngag pa'i phrin las mi bzad pa bsad pa drag pos dbang bskur ba'i sngags so// oM badz+ra kI li kI la ya na ma sa man+ta

  283. 142a

    bi shud+d+he b+he ra be mA ra ya hUM phaT/ bde bar gshegs pas tsan+dan gyi phur pa zil gyis gnon pa'i mi bzad pa'i bsad pa drag pos dbang bskur ba'i sngags so// oM mA ma pa shaM ku ru ma tam dz+nyA ka ra i daM d+ha ti ma ma ka ra ma shI g+h+raM ka ra ya/ khro bo mtshon cha'i sngags so// sarba A na ya hUM phaT/ mthu 'phrog pa'i sngags so// ta thA ya ta tha ya hUM phaT/ zil gyis gnan cing ldang mi nus par bya ba'i sngags so// oM badz+ra kI li ki la ya// badz+ra kro ta/ kha tham kha tham kha tham// hUM hUM hUM/ phaT phaT phaT/ badz+ra kI li kI la ya badz+ra yak+Sha kro ta khA hi khA hi badz+ra kro ta khA hi/ ha ha ha/ gtun du brdung zhing bstab pa'i sngags so// oM laM hUM laM la sogs pa ni gnan pa'i sngags so// oM badz+ra kI li kI la ya badz+ra kro ta phyi nan/ ha na ha na badz+ra la sogs mig gi rnam par shes pa gnan pa'i sngags so// oM badz+ra kI li kI la ya badz+ra kro ta sed sU nan/ ga sha trag nan/ da ha da ha badz+ra rna ba'i rnam par shes pa gnan sngags so// oM badz+ra ki li ki la ya/ badz+ra kro ta shu la kha sa me nan// pa tsa pa tsa badz+ra/ oM badz+ra kI li kI la ya/ a ra li tshal pa kha nan/ dza la dza la badz+ra/ nyos nyos 'byung ba bzhin du yang byung / nyon mongs pa 'byung ba'i/ khub kum nan ma tha ma tha badz+ra/ ban d+ha ban d+ha badz+ra/ go ro tsa na nan/ tshal pa nan/ tshal pa nan/ ts+tshin+da ts+tshin+da badz+ra/ tsa na thil nan/ mu ru mu ru badz+ra/ kha ra phra thum khum nan/

  284. 142b

    gr-ih+Na gr-ih+Na hUM laM/ lU gdum shig nan/ bin+da bin+da hUM laM/ sa ta su ha su ta nan/ su ru su ru hUM laM/ ka tang ka ye dza ye bi dza ye/ a dzi te a pa ra dzi ti mA ra se na pra mar+d+ha ni hUM phaT/ oM laM hUM laM/ mnan phur brgya rtsa brgyad kyis gnan pa'i sngags so// oM badz+ra satwa sa ma ya kI li kI la ya hUM phaT/ sa ma ya hUM/ thams cad bka' nyan par byed pa'i sngags so// de nas oM laM la sogs pa'i sngags ni ri bo chen po'i 'og rgya mtsho chen po'i gting du gnan pa'i sngags so// karma sa twa sUR+Ya tsan+d+ra nan/ bcom ldan 'das don thams cad grub par byed pa'i sngags so// raM dza la raM s+pha ra na phaT/ ces me bskyed pa'i sngags so// oM badz+ra kI li kI la ya/ badz+ra kro ta dz+nyA na dza la raM/ dzaHhUM baM hoH/ e h+ye ma hA ka ru Ni Sha dr-i sh+ya ho// sa ma ya ho// sa ma ya s+t+waM/ ye shes kyi me lha spyan drang ba'i sngags so// badz+ra ki li kI ka ya dz+nyA na ag+ne d+he ba dza la raM hUM phaT/ me lha bskyed pa'i sngags so// s+pha ra na phaT/ spro ba'o// saM ha ra na hUM/ bsdu ba'o// raM s+tha sad phaT kyang bya sad hUM kur ye mo sad sgra/ me bsgril ba'i sngags so// man man man ti phus/ rgyung le phus s+thi ti kha la phus/ sarba sa pus/ mu le phus/ me sbar ba'i sngags so// oM AHhUM tri d+hi dris shi raM/ ma ma raM/ nyer nyer raM/ dza la raM/ dz+nyA na raM/ ag+ne raM/ au ba ya ba yu/ sa ra na ya/ s+tha ra na ya/ lam phu ye swA hA// me'i snying po drang ba'i sngags so// me gzi

  285. 143a

    byin bskyed pa'o// oM badz+ra kI li ki la ya badz+ra kro ta ag+ne ye dz+nyA na dz+wa la raM/ sa ma ya s+t+waM/ bzhugs su gsol ba'i sngags so// oM badz+ra ki li ki la ya/ dz+nyA na de wa ag+ne rA tsa/ ma ra ya dz+wa la ra khA hi/ badz+ra ki li ki la ya mA ra ya phaT/ kha raM DA ki dza la raM khA hi/ kro d+ha raM dza la raM khA hi/ ha la raM dza la raM khA hi/ to sha raM dza la raM khA hi/ ma ma dza la raM khA hi/ stam sham dza la raM khA hi/ kro ti kha raM dza la raM khA hi/ yo gi kha raM dza la raM khA hi/ nyon mongs pa bsgral ba'i phung po ni/ dkyil 'khor lha'i zhal du/ kr-i kro ti kha raM dza la raM kha hi/ mi bzad pa'i rdzas gdug pa can dang / rnam rtog gis mi mthun pa'i phyogs bsreg pa'i sngags so// bde gshegs sku gsung thugs kyi sngags// bskyed dang rdzogs dang yongs su rdzogs pa dang // dgug dang de bzhin bstim pa dang // bcing dang mthu 'phrog gzir ba dang // ting 'dzin sngags dang phrin las gsum// gab pa'i sdom pa man ngag 'di'i// rgyud dkrug lung gcus bye brag rnams// bla ma'i thugs la rag lus pas// bla ma mnyes na rin chen rnyed// ras chod can la rgyud lung gcus// rang shes rig pa mi gzhug pa// rtog ge ba yis las skal min// lta ba zab mo rgyang du bor// spyod pa brlang po dang du blangs// gsang sngags zab mo bon du gyer// nga rgyal gtum khro rang gar byed// bya ru mi rung sna tshogs byed// dam tshig yid la mi dran

  286. 143b

    pas// gang la bsam pa mi 'grub cing // bar du srog la bar chad 'byung // de nas rdo rje dmyal bar ltung // de lta bu ni ma yin te// mang du zos la las la mkhas// rgyud 'grel blo zhen sgrub la zhugs// gdeng can ldog med sems dang ldan// phrag dog med cing khong khro med// gzhan la re ba mi 'jog cing // rtsa ba yan lag dam tshig rnams// ma nyams nges thub gzhung bzhin bsrung // de lta bu yi rnal 'byor des// las su bya ba thams cad 'grub// dang por shes rab rnam gsum gyis// gtan tshigs don la yid ches nas// de nas dbang gsum rdzogs pa dang // snying rje'i sems dang ldan pa yis// khams gsum 'khor ba gzung bar bya'o// sbyor sgrol ma byin len pa dang // rdzun tshig brlang po spyad par bya// 'dod chags zhe sdang gti mug dang // nga rgyal phrag dog mi spang ngo // dri chen dri chu rak+ta dang // zil pa mAM sa dang du blang // phung po lha dang gnyis su med// sems ni chos nyid ngang du gnas// theg pa bsam yas sems la gsal// lta ba mi 'gyur gdeng du 'jog/ sgom pa ma yengs don rab gsal// dam tshig nyan thos khrims bzhin bsrungs// rgyud 'grel sgrub thabs kun la mkhas// rdzas dang lag cha rtag tu 'chang // don dang man ngag gzhung du bsgrub// tha ma phyogs rab 'dzin la mkhas// tshul dang ngang tshul bzang la shis// sbyor sgrol mchod pa rgyun mi gcod//

  287. 144a

    rnal 'byor rtogs ldan dam pa des// las su bya ba kun rdzogs nas// 'dzab zlos grangs med rgyun 'don pas// sngags dang phyag rgya mthu byin che// las dang bya ba gdon mi za// nges par brtsams pas ci 'dod 'grub// las su gtor ma gzhung srong zhing // ci bgyis bka' nyan 'khol mkhas pas// ci bgol phrin las sgrub par byed// drag shul thabs kyi pho nya ni// rdzu 'phrul phrin las shugs kyis 'gyed// rnam rtog mtshan ma thabs kyis 'joms// de ltar byas na 'grub par 'gyur// shes pa'i nang na dam pa ni// rgyud 'grel blo zhen sgrub la zhugs// yi dam lha la rtag gnas pas// de la ras chod 'byung mi srid// de bzhin gshegs pa thams cad kyi sku gsung thugs kyi gsang ba/ kI la ya gsang ba'i dgongs rgyud las/ gsang ba'i sngags bstan pa'i le'u ste bcu gcig pa'o// // de nas karma he ru kas bcom ldan 'das badz+ra kI la ya 'di skad ces gsol to// kye bcom ldan khrag 'thung badz+ra kI la ya// phyag rgya'i byin rlabs yon tan dang // sngags zlos phyag rgya ji ltar lags// nges pa'i don rnams ji ltar 'grub// gsang ba'i bdag pos bstan du gsol// zhes gsol pa dang // badz+ra kI la yas bka' stsal pa/ nyon cig karma he ru ka/ khro bo rnams kyi phyag rgya dang // phyag rgya'i yon tan bshad pa ni// lag g.yas rdo rje'i phyag rgyar

  288. 144b

    bcas// g.yon pas phur pa bcangs nas su// brkyang bskum bgrad nas khro tshul gnas// spyan bzlog mtshe gtsigs zhal yang gnyer// ku mA ra yi phyag rgya yin// rtsa ba'i sngags ni drag tu bzlas// las sngags zhabs la btags pas ni// ma mo mkha' 'gro dbang du sdud// lha srin sde brgyad bran du 'khol// srid pa gsum yang zil gyis gnon// phan gnon smon lam 'gyur shog 'grub// 'khor lo rgyas 'debs phyag rgya ni// g.yas pa thabs kyis gtso la 'khyud// g.yon pa dung dmar gtso la stob// 'khril ba'i tshul gyis stangs stabs mdzad// yum gyi gsang sngags drag tu bzlas// bde bar gshegs pa thams cad mnyes// dngos grub chen po thob par nges// g.yas pa dor zhing g.yon pa bgrad// lag g.yas sta re gyen du phyar// g.yon pa phur bu 'debs pa'i tshul// gzugs phung gcu zhing zur mig blta// spyan bzlog mche ba gtsigs nas ni// gsang sngags drag po bzlas pa ni// sras mchog phur pa'i phyag rgya yin// sangs rgyas nyid kyang brgyal bar 'gyur// dgra bgegs gzhan lta smos ci dgos// g.yon pa mdzub bsgreng snying gar gtad// g.yas pa thal mo gyen du bsgreng // gzugs phung gcu zhing brkyang bskum bgrad// hUM kA ra yi phyag rgya yin// gsang sngags drag tu bzlas pas ni// dgra bgegs gzhan lta smos ci dgos// srid gsum ma lus dbang

  289. 145a

    du sdud// rnam par rgyal ba'i phyag rgya ni// g.yon pa mdzub bsgreng snying gar gtad// g.yas pa mdzub bkug lcags kyu'i tshul// gzugs phung gcu zhing brkyang bskum bgrad// spyan bzlog mche ba gtsigs nas ni// gsang sngags drag tu bzlas byas na// rlung dang thog ser chu chen dang // gang ltar 'dod pa zlog par byed// dbyug pa sngon po'i phyag rgya ni// g.yon pa mdzub bsgreng snying gar gtad// g.yas pa rtse gsum gyen du phyar// gzugs phung gcu zhing brkyang bskum bgrad// spyan bzlog mche ba gtsigs nas ni// gsang sngags drag tu bzlas byas na// ri rab yul mkhar 'jigs pa dang // gang la dmigs pa chom par 'gyur// gshin rje gshed po'i phyag rgya ni// lag gnyis khu tshur bcangs la ni// gung gnyis sprad de bsgreng bar bya// rgyab kyi tshigs pa mdzub mos dkri// mtheb gnyis gshibs te mdun bzhag la// kha yi tshul du byas la ni// gzugs phung gcu zhing brkyang bskum bgrad// spyan bzlog mche ba gtsigs nas ni// gsang sngags drag tu bzlas byas na// gzhan gyi smyo 'bog zul bar 'gyur// bsad bcad dgug pa thogs pa med// mi g.yo mgon po'i phyag rgya ni// g.yas pa'i mthe bong mthe chung bkug/ mdzub mo gung mo'i srin lag bsgreng // g.yon pa phur pa 'debs pa'i tshul// g.yas pa ral gri 'debs pa'i tshul// gzugs phung gcu

  290. 145b

    zhing brkyang bskum bgrad// spyan bzlog mche ba gtsigs nas ni// gsang sngags drag tu bzlas byas na// 'jig rten lha 'dre 'dar zhing sngangs// gang la mngags pa'i phrin las byed// gnod pa bskrad na myur du zhi// rta mgrin rgyal po'i phyag rgya ni// mthe'u chung gnyis ni lu gu rgyud// mdzub mo gnyis ni gshibs bsgreng la// gzugs phung gcu zhing brkyang bskum bgrad// spyan bzlog mche ba gtsigs nas ni// gsang sngags drag tu bzlas byas na// gdug pa klu yi 'jigs las thar// mdzub ris byas pas ser ba bzlog/ bzlog pa gang yang thogs chags med// gzhan gyis mi thub phyag rgya ni// lag gnyis khu tshur so sor bcangs// rgyab sprad mthe'u chung lu gu rgyud// mdzub gnyis rtse mo sprad nas ni// gzugs phung gcu zhing brkyang bskum bgrad// spyan bzlog mche ba gtsigs nas ni// gsang sngags drag tu bzlas byas na// dam can gnad la phebs pa dang // lha srin sde brgyad 'dar zhing bred// ma bcol bar yang phrin las mdzad// bdud rtsi 'khyil pa'i phyag rgya ni// lag pa gnyis kyi mthe bong gis// mthe'u chung gnyis kyi rtse mo mnan// lhag ma gsum po dpung mgor bsnol// gzugs phung gcu zhing brgyad bskum bgrad// spyan bzlog mche ba gtsigs nas ni// gsang sngags drag tu bzlas byas na// sangs rgyas 'gro ba'i don la bskyod// lha srin rnams ni

  291. 146a

    las la bskyod// bgegs dang 'byung po'i gnod pa bskyod kyang skyob// ngan song 'khor ba gnas nas bskyod skyob// las dang bya ba thams cad 'grub// khams gsum rnam rgyal phyag rgya ni// lag gnyis khu tshur bcangs la ni// mdzub gnyis bsgreng ste sdigs mdzub 'phyar// gzugs phung gcu zhing brkyang bskum bgrad// spyan bzlog mche ba gtsigs nas ni// gsang sngags drag tu bzlas byas na// brag la dmigs na brul bar 'gyur// chu la dmigs na skams par 'gyur// me la dmigs na 'chi bar 'gyur// rlung la dmigs na 'chad par 'gyur// khams gsum 'khor ba las rgyal 'gyur// stobs po che yi phyag rgya ni// g.yon pa phur bu 'debs pa'i tshul// g.yas pa gtun shing brdeg pa'i tshul// gzugs phung gcu zhing brkyang bskum bgrad// spyan bzlog mche ba gtsigs nas ni// gsang sngags drag tu bzlas byas na// tha nang byung na char pa 'bebs// char pa ches na gcod par byed// phan gnon 'gyur shog stobs dang ldan// khro mo rnams kyi phyag rgya ni// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du gnas// gsang sngags drag tu bzlas byas na// rnal 'byor rjes 'jug dngos grub thob// thar pa'i lam las ldog mi srid// lag gnyis sor mo nang du bsnol// nang du phur pa bcug pa

  292. 146b

    ni// phur pa bskyed pa'i phyag rgya yin// mtheb mdzub gnyis kyi bar du ni// phur pa bcug la yas mar mngag/ phur pa bskul ba'i phyag rgya yin// lag gnyis thal mo sbyar nas ni// phur pa bcug ste dril byas na/ phur pa 'dril ba'i phyag rgya yin// g.yon pa khu tshur bcangs nas gtad// g.yas pa tho ba brdeg pa'i tshul// phur pa brdeg pa'i phyag rgya yin// lag pa gnyis kyi rting sbyar nas// gung mo'i rtse mo sprad pa ni// phur pa dam tshig phyag rgya yin// lag gnyis khu tshur bcangs nas ni// mdzub bkug lcags kyu'i tshul du byas// 'gugs shing 'dren pa'i phyag rgya yin// g.yas g.yon lag pa sor mo sbrel yang bsgreng // tshigs chen bkug nas zur du bya// mthe bong gshibs nas mdun bzhag pa// ri rab kyis gzir phyag rgya yin// lag gnyis khu tshur bcangs nas ni// mdzub bsgreng dmigs la gtad pa ni// g.yas pa zhags pa 'phen tshul bya// yan lag bcings pa'i phyag rgya yin// g.yas g.yon sor mo bsnol la ni// brkyang ste kha ni sgrub pa ni// gzugs la 'bebs pa'i phyag rgya yin// lag gnyis khu tshur bcangs nas ni// gung mo bsgreng nas rtse sprad pa// brdeg pa'i tshul du byas pa ni// bka' bsgo bran bzhin nyan pa'i phyag rgya yin// lag gnyis mthe bo mthe'u chung mnan// sor mo gsum po gshibs bsgreng nas// ral gri 'debs pa'i tshul

  293. 147a

    du byas// dgra bgegs rtsad nas gcod pa'i phyag rgya yin// phra thabs yang sbrul so so rnams// gtso bo'i phyag rgya ji bzhin bya// nges pa med pa rgyal bas gsungs// gzhan yang phyag rgya la sogs pa// yang dag rtogs na kun kyang rgya// ma rtogs pa la rtog pa gzhi la// sngags dang ting 'dzin ma nor na// las dang bya ba de yis 'grub// ting 'dzin zhan na gzhung du bya'o// de bzhin gshegs pa thams cad kyi sku gsung thugs kyi gsang ba/ ki la ya gsang ba'i dgongs rgud las/ phyag rgya'i le'u ste bcu gnyis pa'o// // de nas karma he ru kas/ bcom ldan 'das badz+ra ki li ya la 'di skad ces gsol to// kye bcom ldan badz+ra ki la ya// bde gshegs phyag rgya de lags na// rnal 'byor rjes su 'jug pa la// sku mdog phyag mtshan ji ltar lags// so so'i bye brag bstan du gsol// bde bar gshegs pas lung bstan du gsol// zhes gsol ba dang // bcom ldan 'das badz+ra kI la yas// 'di skad ces bka' stsal to// nyon cig karma he ru ka/ rnal 'byor nga yi rjes 'jug rnams// bskyed rim ting 'dzin thabs ni 'di yin gyi// mthing nag gru gsum 'bar ba'i dkyil 'khor nas// ku mA ra la bstod phyag 'tshal// nga ni khams gsum 'khor ba'i yab// khams gsum snying rje sgrol mchog ste// dbu gsum g.yas dkar g.yon dmar

  294. 147b

    dbus mthing nag/ sgeg pa dpa' ba 'jigs su rung ba dang // rgod dang gshe dang 'jigs par byed pa dang // snying rje rngams dang zhi ba la sogs pa// sku yi dngos po shin tu bsgyur ba yis// bdud bzhi gtan nas 'joms pas dpa' dpa' 'dra// rgyan dang cha lugs ldan pas sgeg sgeg 'dra// sku che yan lag rags pas 'jigs 'jigs 'dra// zhal g.yas dkar la bzhad pas rgod rgod 'dra// zhal g.yon dmar la gdangs pas gshe gshe 'dra// zhal dbus mthing la gnag pas khro khro 'dra// zhal nas gdug rtsub 'byin pas rngam rngam 'dra// rgyud drug thugs rjes 'dzin pas snying rje che che 'dra// chos sku mtshan ma med pas zhi zhi 'dra// de 'dra'i khro bo 'jigs sku gshegs su gsol// de 'dra'i khro bo 'jigs sku gshegs nas kyang // rtags dang mtshan ma bstan pa'i phyir// rdo rje rtse dgus sa dgu'i rtog pa 'joms// rdo rje rtse lngas rgyud lnga'i rtog pa sgrol// me dpung 'bar bas khams gsum nyon mongs bsreg/ kha T+wAM rtse gsum dug gsum rtsad nas gcod// ri rab phur bus khams gsum dbang du sdud// 'khor lo rgyas 'debs chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du gnas// khro bo chen po hUM ka ra// dbu gsum phyag kyang drug pa ste// g.yas dkar g.yon dmar dbus sngon zhal// phyag

  295. 148a

    drug g.yas g.yon phyag mtshan ni// dang gnyis rdo rje b+han+d+ha bsnams// bar gnyis be con sogs le bsnams// mtha' gnyis ri rab phur bu bsnams// thod pa skam rlon phreng bas brgyan// rdo rje sgra 'byin chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du gnas// khro bo chen po rnam par rgyal// dbu gsum phyag drug zhabs bzhi bgrad// g.yas sngo g.yon ldang dbus dkar zhal// phyag drug g.yas g.yon phyag mtshan ni// dang gnyis rdo rje b+han+d+ha bsnams// bar gnyis rdo rje lcags kyu bsnams// mtha' gnyis ri rab phur bu 'dril// rdo rje mda' snyems chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du bzhugs// khro bo chen po dbyug pa sngo// g.yas dkar g.yon dmar dbus sngo zhal// phyag drug g.yas g.yon phyag mtshan ni// dang gnyis rdo rje b+han+da bsdams// bar gnyis me dpal dbyug to bsnams// mtha' gnyis ri rab phur pa 'dril// rdo rje sder mo chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du gnas// khro bo chen po gshin rje gshed// g.yas sngo g.yon ldang dbus sngo zhal// phyag drug g.yas g.yon phyag mtshan ni// dang

  296. 148b

    gnyis rdo rje b+han+d+ha bsnams// bar gnyis dgra sta be con bsnams// mtha' gnyis ri rab phur pa 'dril// rdo rje dur khrod chos kyi dbyings// g.yas pa thabs kyis gtso la 'khyud// g.yon pa dur dmar yab la stob// gtso la 'khril ba'i tshul du gnas// khro bo chen po mi g.yo mgon// g.yas sngo g.yon sdug dbus ldang zhal// phyag drug g.yas g.yon phyag mtshan ni// dang gnyis rdo rje b+han+da bsnams// bar ma gshol dang ral gri bsnams// mtha' gnyis ri rab phur bu 'dril// rdo rje gtun khung chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du gnas// khro bo chen po rta mgrin ni// g.yas dkar g.yon sngo dbus dmar zhal// phyag drug g.yas g.yon phyag mtshan ni// dang gnyis rdo rje b+han+d+ha bsnams// bar gnyis sbrul zhags khra yang bsnams// mtha' gnyis ri rab phur pa 'dril// rdo rje gtum mo chos kyi dbyings// g.yas pa thabs kyis gcol 'khyud// g.yon pa dung dmar gtso la stob// gtso la 'khril pa'i tshul du bzhugs// khro bo gzhan gyis mi thub pa// g.yas ser g.yon dmar dbus dmar sku// phyag drug g.yas g.yon phyag mtshan ni// dang gnyis rdo rje b+han+tha bsnams// bar gnyis ba dan rnga yab bsnams// mtha' gnyis ri rab phur pa 'dril// rdo rje mda' snyems chos kyi

  297. 149a

    @dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du bzhugs// khro bo chen po bdud rtsi 'khyil ba ni// g.yas ser g.yon dud dbus ldang zhal// phyag drug g.yas g.yon phyag mtshan ni// dang gnyis rdo rje b+han+d+ha bsnams// bar ma rgya gram dbyug to bsnams// mtha' gnyis ri rab phur pa 'dril// rdo rje rlung 'byin chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du bzhugs// khro bo khams gsum rnam par rgyal// g.yas dkar g.yon dmar dbus ldang ser// phyag drug g.yas g.yon phyag mtshan ni// dang gnyis rdo rje b+han+d+ha bsnams// bar ma tri shUl mda' gzhu bsnams// mtha' gnyis ri rab phur pa 'dril// rdo rje gsod ma chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du bzhugs// khro bo chen po stobs po che// g.yas nag g.yon dmar dbus dud ka/ phyag drug g.yas g.yon phyag mtshan ni// dang gnyis rdo rdo b+han+d+ha bsnams// bar gnyis gtun shing mdung zung bsnams// mtha' gnyis ri rab phur pa 'dril// rdo rje bskyod ma chos kyi dbyings// g.yas pa thabs kyis gtso la 'khyud// g.yon pa dung dmar gtso la stob// gtso la 'khril ba'i tshul du

  298. 149b

    bzhugs// phra thabs nyi shu'i sku mdog ni// g.yas g.yon rigs dang sbyar bar bya// phra thabs nyi shu'i phyag rgya ni// gtso bo rnams kyi bar ma byin// shar gyi sgo ma lcags sku mdog dkar// lho yi sgom zhags pa sku mdog sngo// nub kyi sgo ma lcags sgrog sku mdog dmar// byang gi sgo ma dril bu sku mdog ldang // de bzhin gshegs pa thams cad kyi sku gsung thugs kyi gsang ba kI la ya gsang ba'i dgongs rgyud las/ sku mdog dang phyag mtshan bstan pa'i le'u ste bcu gsum pa'o// // de nas yang karma he ru kas/ bcom ldan 'das badz+ra kI la ya la// 'di skad ces gsol to// kye bcom ldan 'das badz+ra ki la ya// lus 'di dngos por blta ba la// dngos po gzhi la na ji ltar lags// thugs nyid ye nas ma bcos nyid// gdug pa 'dul ba'i skur bstan pa// bskyed pa'i rim pa ji ltar lags// zhes gsol pa dang // bcom ldan 'das badz+ra ki la yas 'di skad ces gsungs so// nyon cig karma he ru ka/ lus 'di dngos por 'dzin pa la// bde gshegs dkyil 'khor bskyed par bya// g.yeng ba'i sems can don du bsdu// bde gshegs dkyil 'khor lus la bskyed// phung po lnga ni gnas su dag/ gzugs kyi phung po gnas su dag pa'i phyir// nam mkha'i rtsa la bud+d+ha he ru bskyed// rnam shes phung po gnas su dag pa'i phyir// sa yi rtsa la badz+ra he ru bskyed// tshor ba'i phung po

  299. 150a

    gnas su dag pa'i phyir// chu yi rtsa la rat+na he ru bskyed// 'du shes phung po gnas su dag pa'i phyir// me yi rtsa la pad+ma he ru bskyed// 'du byed phung po gnas su dag pa'i phyir// rlung gi rtsa la karma he ru bskyed// 'byung ba lnga ni rgyal ba'i yum lnga'i mkha'// dngos por 'dzin pa gnas su dag pa'i phyir// bcom ldan rdo rje gzhon nu'i sku ru bskyed// zhe sdang gnas su dag pa'i phyir// rna ba'i gnad kyi rtsa la ni// khro bo chen po rnam par rgyal ba bskyed// nga rgyal gnas su dag pa'i phyir// dpung pa'i gnad kyi rtsa la ni// khro bo gshin rje'i gshed po bskyed// 'dod chags gnas su dag pa'i phyir// pho mtshan gnad kyi rtsa la ni// khro bo rta mgrin bskyed par bya// phra dog gnas su dag pa'i phyir// mig 'bras gnad kyi rtsa la ni// khro bo bdud rtsi 'khyil pa bskyed// rdzun du smra ba gnas su dag pa'i phyir// lce yi gnad kyi rtsa la ni// khro bo dbyug pa sngon po bskyed// srog gcod gnas su dag pa'i phyir// dpung g.yon gnad kyi rtsa la ni// khro bo mi g.yo mgon po bskyed// ma byin len pa gnas su dag pa'i phyir// rkang mthil gnad kyi rtsa la ni// khro bo gzhan gyis mi thub bskyed// gnod sems gnas su dag pa'i phyir// rkang g.yon gnad kyi rtsa la ni// khro bo khams gsum rnam rgyal bskyed// log lta gnas su dag pa'i phyir// mig g.yon gnad kyi rtsa la ni// khro bo hUM kA la ya

  300. 150b

    bskyed// gti mug gnas su dag pa'i phyir// lte ba gnad kyi rtsa la ni// khro bo chen po stobs chen bskyed// btang snyoms byang chub sems dang ldan// phra men phag gi mgo can bskyed// g.yo sgyu byang chub sems dang ldan// phra men smig bu'i mgo can bskyed// dpa' rtsal byang chub sems dang ldan// phra men stag gi mgo can bskyed// thogs med byang chub sems dang ldan// phra men bya rgod mgo can bskyed// gzi brjid byang chub sems dang ldan// phra men g.yag gi mgo can bskyed// rang rig byang chub sems dang ldan// phra men bya rog mgo can bskyed// gtsang ma srong byed byang chub sems dang ldan// phra men sha ba'i mgo can bskyed// phra la gting zab don rtogs byang chub sems dang ldan// phra men 'ug pa'i mgo can bskyed// 'khor ba rngam 'joms byang chub sems dang ldan// phra men gzig gi mgo can bskyed// mi tshor 'joms byed byang chub sems dang ldan// phra men khwa yi mgo can bskyed// gzi myur 'joms byed byang chub sems dang ldan// phra men byi la'i mgo can bskyed// thabs mkhas rdzu 'phrul byang chub sems dang ldan// phra men pu shud mgo can bskyed// rngam mgyogs gsod byed byang chub sems dang ldan// phra men spyang mo'i mgo can bskyed// 'dzin cing mgyogs byed byang chub sems dang ldan// phra men khra yi mgo can bskyed// gnyen po gzhal

  301. 151a

    med byang chub sems dang ldan// phra men seng ge'i mgo can bskyed// shes rab thabs mkhas byang chub sems dang ldan// phra men pa wang mgo can bskyed// gtum shing gdug pa byang chub sems dang ldan// phra men drod kyi mgo can bskyed// mgyogs shing gze ba byang chub sems dang ldan// phra men zer mo'i mgo can bskyed// rtsal chen thogs med byang chub sems dang ldan// phra men dom gyi mgo can bskyed// rku mkhas sgrol byed byang chub sems dang ldan// phra men byi ba'i mgo can bskyed// yang sbrul sum sbrul rang rang gis// srid pa rlung yang mi thar gtams// snying rje byang chub sems dang ldan// rkang mthil g.yas pa lcags kyu ma// byams pa byang chub sems dang ldan// lag mthil g.yas la zhags pa ma// dga' ba byang chub sems dang ldan// lag mthil g.yon pa lcags sgrog ma// btang snyoms byang chub sems dang ldan// rkang mthil g.yon pa dril bu ma// lus 'di dngos por 'dzin pa rnams// rtog pa'i dbang gis 'dzin pa las// lus 'di ye nas mngon sangs rgyas// ye nas rgyal ba'i dkyil 'khor yin// bskyed kyang mi dgos rang bzhin gnas// sngags dran snying po brjod pa tsam// bde gshegs sku gsung thugs su rtogs// rgya mtshor nyi zla gza' skar ltar// snang la rang bzhin med par stogs// thugs ni ye nas stong pa

  302. 151b

    nyid// stong pa nyid kyi cho 'phrul ni// 'gro ba'i don la de bzhin gnas// spyan drang mchod bstod bya ru med// lhangs kyis rtogs na spyan drang yin// gnyis su med na mchod pa yin// de nyid gus brtson bstod pa yin// ting 'dzin mi gtong sangs rgyas yin// sangs rgyas gzhan nas btsal du med// ces gsungs so// de bzhin gshegs pa thams cad kyi sku gsung thugs kyi gsang ba/ kI la ya gsang ba'i dgongs rgyud las// lus dngos por blta ba gnas su dag par bya ba dang // gdug pa can btul ba'i le'u ste bcu bzhi pa'o// // de nas yang karma he ru kas// bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// phyogs bcu'i sangs rgyas thams cad la// mchod byin mchod pa mi 'tshal lam// phyi mchod nang mchod gsang mchod gsum// 'di yi don rnams ji ltar lags// zhes gsol pa dang // bcom ldan badz+ra ki la yas 'di skad ces gsungs so// nyon cig karma he ru ka/ phyi mchod nang mchod gsang mchod gsum// rmad du byung ba'i mchod sbyin zhes// thog mar bdag nyid rtogs goms bsgral// ting 'dzin brtan pa thob nas ni// de nas gnyis med blo yis ni// blo ngan sems can snying re rje// zhing bcu rgyu 'bras mi shes pa// blo ngan 'jig rten yun du 'khor// snying rjes bzung zhing bsgral

  303. 152a

    ba'i thabs// gnyis su med par bsgral bar bya// gnas ni yab yum mkha' la 'phang // gnyis med byang chub sems kyi dbang bskur phyir// 'khril ba'i mchod chen mnyam sbyor bas// bsgral ba'i rnam shes hUM gsal bsgom// yaM las rlung gi dkyil 'khor bteg/ dza yi lcags kyus dgug bstim bya/ bdag gi thugs nas khar bton la// shangs kyi rlung sgrom dung khang nang // sku gsung thugs kyi dbang bskur bya// skal tshigs rta brgyad rdo rje'i lam// yum gyi gsang ba'i mkha' la spros// bde gshegs dkyil 'khor bskyed par bya'o// yum gyi mkha' gsang dkyil 'khor las// spros pas phyogs bcu'i rgyal ba mchod// bsdus pas bdag gi thugs kar thim// sku dang gsung dang thugs gsum du// gnas nas thim nas rdo rje'i lam// yum gyi mkha' la gang bar spros// yum gyi mkha' gsang dkyil 'khor las// rgyal ba mchod cing bdag mchod la// de nas mgal me bskor ba bzhin// yang nas yang du spro bsdus mchod// bdag nyid mnyes pas thams cad mnyes// gsang mchod rmad du byung zhes pa'o// nang mchod rmad du byung ba ni// mtshan dang ldan pa'i b+han+da lngar// dri chen dri chu rak+ta dang // mAM sa byang chub sems bkod la// dpa' bo 'bru lnga'i 'phro 'du yis// so so'i bcud bsdus phyogs phyogs bstim// thim pas 'od du zhu ba las// oM a

  304. 152b

    mr-i ta hrI hUM tha zhes brjod pas// dkar 'tsher byang chub sems su gyur// ye shes lnga rdzogs grub pa'i rdzas// bden pa'i sngags dang byin brlabs rdzas// nus mthu nges par 'byung bar 'gyur// mnyam pa'i grub rdzas chen po dag/ 'khor gsum yongs su dag par bsngo// bdag dang mnyam pa'i tshogs la 'bul// gang dang gang gis phul mchod na// rigs lnga'i dngos grub thob par nges// rdo rje'i rigs la sogs pa yi// rigs lnga'i dngos grub thob par 'gyur// nang mchod rmad du byung ba'o// phyi ma mchod rmad du byung ba ni// bdag nyid lha yi skur bsgoms la// rin po che yi snod dag tu// 'tsho ba'i zas rigs ci yang rung // 'og tu yi ge yaM bsams la// rlung gi dkyil 'khor gzhu lta bus// rgya gram ba dan phyar pa'o// rlung gi sa bon 'khrigs par bsam// de steng raM las me'i dkyil 'khor// kha dog dmar po 'bar ba la// me yis sa bon 'khrigs par bsam// de steng oM AHhUM swA hA lnga// s+pha ra Na phaT kyis rlung g.yos pas// me sbar thams cad dngos po bsregs// hUM nyid dkar por yongs su gyur// rdo rje dkar po gcig gyur te// rdzas kyi skyon rnams dag par gyur// de nas a dkar gcig tu gyur// a las 'od zer spros pas ni// so so'i gnas rnams rin chen khang // de dag byin gyis brlab par bya// ri bo phang phung rin chen phung por brlab// chu rnams bdud

  305. 153a

    rtsi chen por brlab// rtsi shing dpag bsam 'dod dgur brlab// sgra skad mchod mchod bstod byed par brlab// gos rnams lhab lhub byin gyis brlab// 'gro ba mchod pa'i lha mo rnams// rgyan gyis mdzes shing mchod rdzas thogs// bder gshegs rnams la mchod byed bsam// sngon du ci 'phrad la sogs pa// me tog phung por byin gyis brlab// me tog phreng ba rab mchog ste// bde gshegs rnams la mchod par bsngo// rmad du byung ba'i gtor ma yang // mchod pa'i lha mo bzhi rnams su// thams cad byin gyis brlab par bya// byin gyis brlab pa'i sngags 'di brjod// pU dza s+pha ra Na phaT/ ba liM b+huny+dza/ dzi g+ha phul+la/ d+hup+pe duSh+pe A lo ke g+han+d+he/ pUts+tsha s+pha ra Na hUM/ maM sa bi ga/ am+ba sas+sa kadz+dza sA da/ khan+ti khu Ni/ phe Da ga da a kA ro mu khaM/ sarba d+harmA NAM/ Ad+ya nut+pan+na tA ta oM AHhUM swA hA// ting 'dzin sngags dang tshigs su brjod// skad cig mi dmigs chos nyid bstim// de ltar gzhung byed rnal 'byor de// sbyin pa'i pha rol phyin par 'gyur// de la dam du bcas pa ni// tshul khrims pha rol phyin par 'gyur// de la bsam pa yongs su dag/ bsam gtan pha rol phyin par 'gyur// rnal 'byor de la brtson pa ni// brtson 'grus pha rol phyin par 'gyur// de la yang dag don dgongs pa// shes rab pha rol phyin par 'gyur// 'jig rten 'di la tshe ring

  306. 153b

    zhing // nad med gnod pa zhi bar 'gyur// bu lon lan chags bral ba dang // phas kyi rgol tshar chod 'gyur// longs spyod 'byor pa 'phel ba dang // 'jig rten 'di la bde skyid tshogs// bsam pa thams cad 'grub par 'gyur// 'jig rten pa dang 'jig rten 'das// dngos grub chen po thob par 'gyur// de lta bu yi mchod pa de// phyi yi mchod pa dam pa'o// kI la ya gsang ba'i dgongs rgyud las/ phyi nang gsang ba'i mchod pa bstan pa'i le'u ste bcwa lnga pa'o// // de nas yang las kyi rgyal po karma he ru kas/ bcom ldan 'das badz+ra kI la ya la 'di skad ces gsol to// kye bcom ldan badz+ra ki la ya// dpyang zag chad pa'i ngan khung 'khor ba la// thugs rjes bzung nas rdzu 'phrul bstan pa 'di// 'di lta bu yi rdzu 'phrul ngo mtshar che// 'di yi rjes su bsgrub pa'i rnal 'byor pas// lung bdun bskyed pa'i don ni ji ltar lags// bde bar gshegs pas lung bstan du gsol// zhes gsol pa dang / de nas yang badz+ra kI la yas 'di skad ces gsungs so// nyon cig karma he ru ka/ nga yi rjes su sgrub pa'i rnal 'byor pas// dang po kun gzhi stong pa nyid// rdo rje khros pas zhe sdang gcod// thugs ni yang dag rdo rje nyid// stong pa nyid kyi ye shes ni// rnam par mi rtog pa las 'das// de bzhin nyid du bsgom par bya// de rjes mtshon pa'i rgyu

  307. 154a

    bstan pa// ye shes mtshon pa rgyu yi lung // mtshon chen sngon po 'bar ba yis// thugs kyi mtshon pa rgyu yi ting nge 'dzin// rang rig ci yang ma yin pa// hUM nyid byang chub sems su bsgom// ye shes rtog pa gzhil ba'i lung // sa bon dgu yis sbyong byed bskyed yang bya// nam mkha'i dkyil nas thigs pa shar// de rjes rtsa ba'i dkyil 'khor ni// dkyil 'khor gtan la dbab pa'i lung // srog gi go ru shar ba dang // kun rdzob sgyu mar snang ba yis// rig pa so sor gnas gyur pa// srog sems go ru shar bas rdo rje gzhon nur shar// thugs ni ye shes lnga dang ldan// snying gi go ru bsgom par bya'o// tsit+ta'i gzhal yas khang du ye shes sems dpa'i thugs// rdo rje'i chang zung bzlas pa'i 'bras bus bskor bar bsgom// snying rjes bsgral ba'i dam tshig ni// bsad cing mnan pa ma yin te// rang rig ye shes sgyu mar snang ba dang // rig pa so sor snang ba ku mA rar bsgoms la// snying rje byang chub sems ni gnyis su med// shes rab dbyings kyi rtags su yum nyid bsgom// dam tshig snying rjes bsgral bas bsad mnan ma yin/ no// phung po rdo rjes gtams byas nas// bdag dang snang srid bsgral ba'i lus ngag yid gsum ni// rig pa so sor snang ba sku gsung thugs su shes// ye shes sku la phra mo mang pos gtams// rnam par shes pa

  308. 154b

    rdo rjer bsgom// log rtog sgyu mar snang ba'i bdag dang sems can rnams// bdag dang snang srid rnam par shes pa'i tshogs// 'dus ma byas kyi rdo rje dbyer med bsgom// kI la ya gsang ba'i dgongs rgyud las// bdag rtsa ba'i dkyil 'khor gyi le'u ste bcu drug pa'o// // de nas yang karma he ru kas/ bcom ldan 'das badz+ra kI la ya la 'di skad ces zhus so// kye bcom ldan badz+ra kI la ya// snang srid khro bo'i dkyil 'khor du// ngo mtshar cho 'phrul bstan pa 'di// rnal 'byor rjes su 'jug pa la// bde bar gshegs pas lung bstan du gsol// zhes gsol pa dang / de nas badz+ra kI la yas 'di skad ces bka' stsal to// nyon cig karma he ru ka/ rjes su 'jug pa'i rnal 'byor rnams// ku mA ra ru yab yum bsgom// mkha' gsang gnyis ni byin brlabs la// e steng nyi ma pad+ma brgyad// zla ba rdo rje rtse lnga A// dzaHyis dpung pa g.yas g.yon bzung // hUM gis stod spad 'khrud la ni// baM gyis thugs mtshan sbyar ba'o// hoHyis dgyes pa bskyed par bya'o// s+t+waM dang ho yis bskul ba ni// de nas gnyis med sbyor ba bya// pad+ma la ni rdo rje gzhug/ rje rje'i lam nas pad+mor 'khyil// bde ba gsal zhing mi dmigs pa// byang chub sems su rab phab nas// yab yum gnyis med bstab pas dgyes// thabs dang shes rab gnyis su med// mnyam pa chen po'i ngang

  309. 155a

    la bzhugs// byang chub sems ni dkar la 'tsher// yum gyi mkha' la gang bar lud// thogs med 'od zer lan gcig spros// rdo rje'i brag chen gtams pa'o// gnyis pa sras mchog grangs med spros// zhal gcig phyag kyang gnyis pa la// tho ba g.yas na lcags kyu g.yon// dregs pa pho mo bzung zhing ni// gsang sngags drag tu bzlas la brdeg/ phyogs bzhi mtshams brgyad steng 'og bcur// dregs pa spyi/ chings bsnol mar dbab// gsum pa me yi 'od zer spro// bzhi pa a yi 'od zer spro// lnga pa baM gyi 'od zer spro// drug pa byang sems hUM sgril bcu// spro ba yum gyi mkha' la spro// skyed pa yab kyis bskyed par bya// rang rang gsang sngags skur rdzogs pa'o// snang srid khro bo'i dkyil 'khor la// yang sbrul sum sbrul grangs med kyis// rlung yang mi thar gtams pa'o// ye shes gnyis med spyan drangs bstim// kI la ya yi sgra chen ni// gsang sngags rab tu 'brug stong ldir// khams gsum srid gsum dbang du sdud// skye shi 'khor ba dbyings su bsgral// dregs pa thams cad mngon spyod bsgral// nyom mongs bag chags gdar sha bcad// kI la ya gsang ba'i dgongs rgyud las/ phyogs bcu khro bo'i dkyil 'khor gtan la dbab pa'i le'u ste bcu bdun pa'o// // de nas yang badz+ra karma he ru kas/ bcom ldan 'das badz+ra ki

  310. 155b

    la ya la 'di skad ces gsol to// kye bcom ldan badz+ra kI la ya// srid pa gsum dang khams gsum du// nyon mongs 'khor ba'i chu rgyun 'bab// ma rig gnas su bsgral na ji ltar bsgral// bde bar gshegs pas lung bstan du gsol// zhes gsol pa dang / bcom ldan 'das badz+ra kI la yas 'di skad ces bka' stsal to// nyon cig karma he ru ka/ srid pa gsum dang khams gsum du// nyon mongs 'khor ba'i chu rgyun babs// ma rig gnas su bsgral ba ngas bstan gyi// rnal 'byor rjes su 'jug pa rnams// ku mA ra ru bdag bsgoms pas// sku gsung thugs kyi 'od zer bskul// dbyings las ye shes gzugs kyi skur bzhengs la// sku stod zhal gsum phyag drug la// sku smad lcags kyi phur pa zur gsum pa// rtse mo ye shes 'od zer 'pho// gsal ba rnam gsum ldan par bya// khrus lung rnam gsum rdzogs byas la// rnam shes rten ni dag par bya// byang chub sems kyi phur pa yis// gab pa'i man ngag sdom pa klong bcu yis// gnad chen bdun la gdab par bya// re re la yang rtsa brgyad do// tha ma rtsa gcig bdun du'o// 'byung ba bzhi dang rgyu bzhi la// thog brdzis klong phab 'gyur med kyis// bzhi'i mdo'i dngas ma zhe sdang rtsad nas bcad// dbugs kyi rta bsgral phrag dog rtsad nas bcad// sems kyi yul phyung nga rgyal rtsad nas bcad// dngas

  311. 156a

    ma'i gnas slebs 'dod chags rtsad nas bcad// tshe yi rten dpral gti mug rtsad nas bcad// kun gyi gnas bcom rten 'brel gting byung la// khab len rdo la lcags rnams 'du ba ltar// bkrag mdangs phrogs nas tshe lung bstan par bya'o// tshe lung la yang rnam gnyis te// dug lnga gnas su dag pa ye shes lnga// rnam shes gnas su dag pas rgyal ba'i sras su bya// de ka kho yi tshe lung bstan pa zhes bya'o// zhes ki la ya gsang ba'i dgongs rgyud las/ man ngag phur gcig ma'i le'u ste bcwa brgyad pa'o// // de nas yang karma he ru kas// bcom ldan 'das badz+ra ki la ya la 'di skad ces gsol to// kye bcom badz+ra kI la ya// chos rnams thams cad dngos med pas// gsal ba rnam gsum gsal byas la// mngon spyod bsgral ba mi 'gal lam// zhes gsol pas/ bcom ldan 'das badz+ra ki la yas 'di skad ces bka' stsal to// nyon cig karma he ru ka/ rnal 'byor rjes su 'jug pa la// de yi don rnams ngas bshad kyi// gsang ba mchog gi phrin las zab mo la// nyon mongs phyin ci log gi dbang byas te// snying rje byang chub sems dang ma ldan par// zhe sdang dbang gis khro bo'i dkyil 'khor bskyed// thos bsam shes rab gsal bar ma gyur par// gti mug dbang gis gsang ba'i don ma rtogs// gsang sngags gnyis

  312. 156b

    med yon tan ma rtogs par// nga rgyal dbang gis bdag nyid gcig pur bzung // khengs drag dbang gis slob dpon sku la bsngos// sri zhu chung bas rtsa ba'i dam tshig nyams// dkyil 'khor gcig pa'i rnal 'byor dam bsrung la// phrag dog dbang gis bdag bstod gzhan la smod// khe rngam dbang gis ras chod 'dod dgar spyod// gzhan mthong tsam na snying nas skur 'debs shing // gnyis med don dam zab mo rgyab tu bor// rgyu 'bras don ma rtogs pas zhe sdang chen po bskyed// nga ni theg chen khro bo'i rgyal po zer// spyod pa dpa' brlangs dang du blangs// nga rgyal khro gtum rang khar gtong // gsang sngags zab mo'i don la bon du gyer// thugs rje byang chub sems dang mi ldan pas// kha la gnas sbyong zer zhing sbyor sgrol byed// rgyu mthun 'bras bus las kyi srin por skyes// sngags kyi byin gyis brlabs kyi lha srin mthu bo che// 'jig/ rten khams su mdangs 'phrog srog bcad nas// de yi rnam smin rdo rje dmyal bar skye// de rnams rgyu mthun rnam smin de 'dra bas// gsang sngags rdo rje'i rnal 'byor de ma yin// gsang sngags rdo rje'i rnal 'byor yang dag don// da lta nyid du sku gsung thugs 'dod na// nga yi lung zab 'di la thos bsam na// mun pa'i nang du rin chen stor ba ni// sgron me btegs pas rin chen rnyed par 'gyur// nga yi lung zab 'di

  313. 157a

    la thos bsam na// da lta nyid du sku gsung thugs nyid do// lha spyod brlang po spyad na tshogs su 'gyur// nga yi lung zab 'di la zos bsam na// lcags kyi rim bu chur bskur gting du 'gro// de nyid snod du byas pas kha ru phyo// lha spyod brlang po spyad pas tshogs su 'gyur// nga yi lung zab 'di la thos bsam na// nam mkha' stong pa nyid las sprin dang na bun 'byung // 'brug dang khu rlangs bdud rtsi'i char pa 'bab// sa gzhi snum nas lo tog rgyas pa dang // 'bras bu smin nas sems can gsos su 'gyur// lta spyod brlang po spyad pas tshogs su 'gyur// nga yi lung zab 'di la thos bsam nas// skye med rnam dag chos kyi dbyings nyid las// skye ba'i cho 'phrul cir yang bstan pa ni// thugs nyid zhi ba'i ngang nyid las// sku nyid khro bo'i cha lugs bstan// snang srid dkyil 'khor rnam gsum yang // gtso bo'i dbyings las ye shes gcig/ rang rig nyid du shes spyad na// mtho yor las ni mir shes bzhin// sgyu ma lta bu'i blo dang ldan// spyod bzhi ma chags chu la nya// mkha' la bya lta bu yi tshul gyis ni// skyon ma gos par tshogs gnyis 'gyur// gdul bya'i dbang gis sangs rgyas bstan// rang rig ye shes gnyis med gzhan nas btsal du med// rig pa yul gyis mi 'phrogs rig 'dzin sa// rgyu dang 'bras bu mnyam pas mthong grol rdzogs//

  314. 157b

    sga ma rdzas kyang // nus mthu go phye rig pas khyab pa'i phyir// gang du nus pa'i mthur ldan mthar phyin kho na'o// rgyu 'bras drag zhan med pas ro gcig pas// rgya mtsho chen por nyi zla gza' skar ltar// snang la rang bzhin med pas gzhan gyi gzugs// dang po gang la byung ba tha dad ma yin te// gzugs snang thams cad dkyil 'khor rnam gsum sku// grag pa thams cad dkyil 'khor rnam gsum gsung // shes rig thams cad dkyil 'khor rnam gsum thugs// nga yi lung zab 'di la zos bsam na// gnyis med don de shes na yang dag don// gsal ba rnam gsum bzhin gyi gzugs brnyan ltar// nam mkha'i sprin dang lung stong bra cha bzhin// gnyis med so so ma yin tha dad med// don de shes na yid bzhin nor bu rin po che// de nyid rnal 'byor gnyis med dngos med bsgral/ kI la ya gsang ba'i dgongs rgyud las/ lha spyod dngos med kyi le'u ste bcu dgu pa'o// // de nas yang karma he ru kas/ bcom ldan 'das badz+ra kI la ya la 'di skad ces gsol to// kye bcom ldan badz+ra ki la ya// bde bar gshegs pa'i lung zab thos ma pas// de nyid sangs rkus sku gsung thugs nyid dam// zhes gsol pa dang / bcom ldan 'das badz+ra ki la yas 'di skad ces bka' stsal to// nyon cig karma he ru ka/ rnal 'byor rjes su 'jug pa

  315. 158a

    rnams// nad pa nad kyis nyen pa'i sdug bsngal ba// sman pa mkhas brtson phrad na nad sel ltar// sman pa mkhas mchog gso bar brtson pa yis// nad kyi gnyen po brlang por bstan pa las// nad pas ma spyad nad kyang sel mi 'gyur// sngags kyi brtul zhugs bsgoms bsgrub de bzhin no// skyes bus 'gros kyis rta yi lam btsal na// mdur gyi dkyus kyi rta yi lam bstan kyang // ma brgyug par du dus sar sleb mi 'gyur// sngags kyi brtul zhugs bsgom bsgrub de bzhin no// dper na mi gcig so ka'i nags tshal bsreg 'dod pas// rtsa dang gtsub shing lag gi 'du byed shes// ma bsrubs bar du me ni 'byung mi 'gyur// bsrubs nas me mthong bar du 'phro mi gcad// rtags phran tsam la yengs nas me nyid chad par 'gyur// sngags kyi brtul zhugs bsgom bsgrub de bzhin no// ri klung shod nas ri bo chen po'i rtse mo ru// ka la ping ka'i phru gu'i sgra dbyangs ltar// yud tsam gyis ni nam 'phang bcad nas slebs// sngags kyi bsgoms sgrub brtul zhugs de bzhin no// dpe mang rigs pas btsud na lung dang 'gal// de bas bla ma'i lung dang gdams ngag la// gdong can bzlog med bsgrub na 'bras bu myur du rnyed// mtshan ma'i bsnyen pa'i dus tshod ni// rab kyis zla ba gcig na 'grub// 'bring gis lo gcig dag na

  316. 158b

    'grub// tha mas lo gsum dag na 'grub// phyi ma'i dus la mi sdod par// tshe gcig 'di nyid dngos grub rnam gnyis thob// bskyed dang rdzogs dang rdzogs pa chen po yi// man ngag rtseg ma gsum gyi don rtogs rnal 'byor de// ting 'dzin mi gtong da ltar sangs rgyas nyid// grangs kyi bsnyen pa 'bring ni bdun 'bum mam// rab ni nyin zhag re la bcu phrag bcu// mi tshe gnyis kyis phyag rgya'i rig 'dzin sa// dngos grub rnam gnyis dus der thob par 'gyur// dus kyi bsnyen pa lo zla ma yol bar// yang gsang thugs kyi dkyil 'khor zhal phye nas// phyi nang gsang ba'i dbang gsum rdzogs byas shing // bsnyen pa gzhung bzhin dam tshig ma nyams na// mi tshe gsum gyis phyag rgya'i rig 'dzin sa// dngos grub rnam gnyis dus der thob par 'gyur// mchod pa lo zla 'das na nyams pa dang // rdo rje spun gyi nang du khong khro mnar sems nyams// ngan sems dpya sems khro sems nyams pa la// lo zla dus su nyams skongs bshags brtson bya// phyi bshags nang bshags tshogs ni brgya rtsa dbul// de yis nyams skongs sor gsol gong bzhin 'gyur// dus las 'das pas nyams pa skong mi 'gyur// 'bras bu med cing de nyid brlag par 'gyur// rdo rje spun la ngan sems dpya sems pas// dbul po'i nang nas lkugs pa mdze can dag/ kha mig yon po

  317. 159a

    yan lag ma tshang ba// de nyid bor nas dmyal khams bcu po dag/ yang dag don dam gnyis med mi shes pas// da ni theg chen sbyor sgrol dngos por blta// rgyu mthun pa yis gnod sbyin mthu bo che// mdangs 'phrog srog gcod de yi las rdzogs nas// de nyid bor nas dmyal khams bcu po dag/ dam log rdo rje 'khus pa'i khong khro can// rkyen las byung ba'i dam sri'i lus len drod nyul ma// dngos grub bar du gcod pa'i bgegs byas nas// brag par phyir mi thon pa'i sbrul du skye// de nyid bor nas dmyal khams bcu po dag/ rdo rje dmyal ba chen por skye bar 'gyur// kI la ya gsang ba'i dgongs rgyud las// sngags kyi brtul zhugs kyi le'u ste nyi shu pa'o// // de nas yang karma he ru kas/ bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// rnal 'byor las ni dang po la// gzugs brnyan dkyil 'khor mi 'tshal lam// bde bar gshegs pas lung bstan du gsol// zhes gsol pa dang / nyon cig karma he ru ka/ de yi don rnams ngas bshad kyi// rnal 'byor rjes su 'jug pa rnams// dkyil 'khor 'dom gang gru bzhi la// gru gsum mthing nag drag po'i dbus// zla gam dmar po dbang gi rten// zlum po dkar po zhi ba nyid// ser po gru bzhi rgyas pa'o// bar khyams sgo bzhi sgo khyud

  318. 159b

    dang // dug lnga'i rten gyi rdzas rnams la// yang sbrul rtod cing za ba'i tshul// phyogs bzhi mtshams su bri bar bya// dar mtshon sna lnga'i 'phan phran gdags// mchod pa'i lha mo brgyad kyi rtags// sgo rnams dag la bri bar bya// stong gsum ye shes gzhal yas khang // mthing nag me 'bar phur bu'i lha// 'od zer 'bum phrag bsam mi khyab// de lta bu ru bskyed par bya// kI la ya gsang ba'i dgongs rgyud las/ gzugs brnyan gyi dkyil 'khor kyi le'u ste shu gcig pa'o// // yang karma he ru kas/ kye bcom ldan badz+ra kI la ya// phung po lha yi dkyil 'khor ye nas mngon sangs rgyas// brnyan ma'i dkyil 'khor de nyid mi 'gal lam// zhes gsol pa dang / bcom ldan 'das badz+ra kI la yas/ 'di skad ces bka' stsal to// phrin las rnam bzhi gzhal yas khang // yon tan yid bzhin dkyil 'khor 'di// bde gshegs thugs rje 'byung ba'i shul// snang srid 'khor ba bsgral ba'i gnas// rnal 'byor dngos grub thob pa'i sa// dgra bgegs dbang du sdud pa'i sa// bskyed dang spyan drang gnyis med bstim// mchod bstod yan lag rdzogs byas na// dngos grub ci 'dod thob par 'gyur// kI la ya gsang ba'i dgongs rgyud las/ gzugs brnyan dkyil 'khor gyi yon tan bstan pa'i le'u ste nyi shu gnyis pa'o// // de nas yang karma he ru

  319. 160a

    kas/ bcom ldan 'das badz+ra ki la ya la 'di skad ces gsol to// kye bcom ldan badz+ra ki la ya// snang srid ye nas sku gsung thugs// bdag nyid phung po ye sangs rgyas// gzhan nas spyan drangs mchod bstod mi 'gal lam/ zhes gsol pa dang / bcom ldan 'das badz+ra kI la yas 'di skad ces bka' stsal to// srid pa'i phur bu sgrub pa dang // dbang dang dngos grub blang ba'i phyir// ye shes khro bo gshegs su gsol// gang la gang nas ji ltar du// gang du gang phyir gshegs su gsol// khro bo chen po gshegs nas kyang // rtags dang mtshan ma bstan pa'i phyir// kI li ya yi dngos grub stsol// kI la ya gsang ba'i dgongs rgyud las/ spyan drang ba'i le'u ste nyi shu gsum pa'o// // de nas yang karma he ru kas/ 'di skad ces gsol to// kye bcom ldan badz+ra kI la ya// bde gshegs thugs kyi gsang gas 'di// rnal 'byor rjes su 'jug pa la// 'di yi don rnams ji ltar lags// bde bar gshegs pas lung bstan du gsol// zhes gsol pa dang / bcom ldan 'das badz+ra ki la yas 'di skad ces bka' stsal to// nyon cig karma he ru ka/ rnal 'byor rjes su 'jug pa rnams// rig pa'i rgyal po gsang sngags 'di// chos kyi sku yi ngo bo yin pas na// ye shes lnga yi sgra yis dug lnga gnas su bsreg/ dregs pa 'dul

  320. 160b

    mdzad dug 'dul sngags kyi sgra// sngags ni byin rlab che bas sangs rgyas mthu// chos nyid bden pa'i byin rlab gsang sngags 'dis// sgra bzhin ma yin yid la bzlas mi chad// bum pa'i nang du mar me btang ba bzhin// rang la gsal zhing gzhan gyis mthong ba min// glen pa'i rtul zhugs brtson 'grus drag po yis// rnam gsum gsal zhing sngags sgra ma nyams par// mi tshig bar ma chod cing sems g.yeng min// shes rab me la brtson 'grus rlung gis bskyod// dug gsum gnas su bsreg pas sku gsum 'grub// tshe gcig nyid la sku gsung thugs nyid do// mtshams med rigs pas log pas dmyal bar ltung nges pa// rnam gsum gsal zhing sngags kyi 'od zer spro// tshur 'dus gnyis su med par bstim byas na// gzhan gyi rig pa sbyor ba lta ci smos// ngan song de yi gnas su ltung mi srid// thar pa'i lam la rig pa'i me tog bor 'bar yang // sngags kyi sgra la yan lag bsam mi khyab// sngags kyi sgra bshad byin nyams dngos grub yal// gsung gi sdom pa 'dzin pa'i gsang sngags 'di// dkyil 'khor rnam gnyis gnyis su med// bskyed mi dgos par rdzogs pa'i lung // mthu dpung 'od zer rab tu 'bar// bde bar gshegs pa'i mthu ni rang gi rig pa'i mthu// gzhan la re ba 'jog pas mthu mi rnyed// kI la ya gsang ba'i dgongs rgyud

  321. 161a

    las/ thugs kyi gsang ba sngags kyi le'u ste nyi shu bzhi pa'o// // de nas yang karma he ru kas/ bcom ldan 'das badz+ra ki la ya la 'di skad ces gsol to// kye bcom ldan badz+ra kI la ya// nyams pa bdun po bsgral ba la// rnal 'byor rjes su 'jug pa rnams// rnam shes rten ni ji ltar lags// bde bar gshegs pas lung bstan du gsol/ zhes gsol pa dang / bcom ldan 'das badz+ra kI la yas 'di skad ces bka' stsal to// rnal 'byor rjes su 'jug pa la// de yi don rnams ngas bstan gyi// 'byung ba bzhi ni pad+ma bzhi// rgyu bzhi rtsa chen bzhi po dag/ rnam par shes pa'i rten can yin// dkar po dmar nag mthing ga ser// chos nyid byang chub sems kyi rtsa// gnyis su med pa'i ye shes rtsa// glo bur rgyud la 'dzin pa'i rtsa// skyon yon dbang po dang byed rtsa// khrag dngas dbugs dngas dbang po dngas// rtsa dngas nyid la zhe sdang rgyu// de bzhin rim pas rgyu ba'o// kun gzhi yid dang rnam par shes// dbang po la sogs de bzhin rgyu// bzhi mdo'i dngas ma dag la ni// rta rnga bcur gshegs dkar po la// khrag dngas dmar po byi'u leb mgo/ de la dbugs dngas drod gnas pa// yod de mi mngon ser rlangs tsam// de la 'od kyi dngas ma chags// kha dog lnga yi sems yul rgyas// de la tshe yi rten gnas pa// dkar po ba rgya

  322. 161b

    bcings pa'i tshul// de rnams dbus na rnam shes bcud// sems gnas dran gzhi'i dngas ma la// sems can dran gzhi tsit+ta'i dkyil// tshon gang 'od kyi thig ler gnas// kun gzhi cha phra yid rig dang // rnam shes brgya dang nyon mongs lnga// rtog pa thams cad de yi cha las byung // rnam shes bcud dang dran pa'i dngas ma ni// dbyings dang ye shes dbyer med rang bzhin gnas// glo bur rgyud las 'dzin pa'i log rtog gis// srid pa gsum du 'khor zhing rgyud drug smin// thog ma med par bsags pa'i bag chags sgrib// nyon mongs rgyu mthun rnam smin 'bras bu ni// gos dreg gang bzhin rtsegs nas ma gyag gnas// de yis bon las rnams rim bzhin 'byung // las dbang btsan pa'i mthu ni zlog par dka'// gal te las dbang btsan te bzlog med min// de bas rnal 'byor rjes 'jug bzlog med mthus// rtsa kha'i me shor nags ri bcom pa bzhin// rnam gsum a yi gnas len byang sems kyis// nyon mongs rten can gnas ni dus gcig bcom// bskul ba las kyi gsang sngags 'di// gab pa'i man ngag klong bcu yis// gnad chen bdun la phur gcig mas// ting 'dzin sngags dang phrin las kyis// gsang sngags rab tu bzlas shing gdab// re re la yang rtsa brgyad do// tha na rtsa gcig bdun du'o// rnam shes rten ni

  323. 162a

    brtag par gces// bskul ba las kyi gsang sngags la// yon tan nyi shu gcig rdzogs pa// drangs ma bdun po rim bzhin du// gab pa'i sdom pa rim bzhin bzung // gzas pa'i tshe yi rten ni phral// nyon mongs kun gyi gnas kyang bcom// gsang sngags rab tu bzlas pa'i gab sbas dang // rnam gsum a yi gnas len byang sems kyis// bla chen rgyu ba'i drod tshad dag sbyar la// rnam shes rten rtogs tshe rten phur btab na// de la mi thebs mi srid 'gyur ba med// tshangs pa'i tshe dang ldan pa mod la 'jig/ min mda' bzhin du phyogs tshod 'phangs pa yis// thebs par mi 'gyur rang rgyud bsreg pa las// gong ma'i don de de ltar de bzhin na// skye ba'i sgo lnga rnam shes tshogs brgyad dang // dbang po'i rten dang mthu phrog zil gnon rnams// drag po'i gdab dmigs der 'dus mang na skyon// kI la ya gsang ba'i dgongs rgyud las/ nyams pa bdun po bsgral ba'i le'u ste nyi shu lnga pa'o// // de nas yang karma he ru kas/ bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// nyams pa bsgral ba de lags na// bla chen rgyu ba'i drod tshad mi 'tshal lam// zhes gsol pa dang / badz+ra kI la yas 'di skad gsungs so// rnal 'byor rjes su 'jug pa rnams// de yi don rnams ngas bshad

  324. 162b

    kyi// bla chen rgyu ba'i drod tshad dag sbyar ba// 'u khams ji khams shang khams dang // kung keg khams la sogs te bla chen rnams// ba glang sha ba lug dang nya// de rnams so sor rgyu bar bshad// g.yag dang ra dang gla ba gsum// de rnams bla chen phyi ru rgyu bar bshad// de yi drod tshad dag sbyar ba// dang po'i bla ni 'khor nyul ba// bar ma'i bla ni khug pa'o// gsum pa'i bla ni bu li d+ha ra ya// dang po gnyis pa gsum pa yi// khugs ma khugs kyi drod tshad sbyar// gcig pa gnyis pa'i drod tshad la// lha dpral dgug bstim byad 'jug go// gab sbas klong gi man ngag sbyar// gsum pa'i drod tshad rab bslab na// bla phur bstastun la gdab par bya// drod tshad zhan na btab phan med// rab tu sleb na ma btab 'chor// khugs ma khugs kyi drag zhan drod// sbyar te de bzhin bla phur gdab// zhes kI la ya gsang ba'i dgongs rgyud las/ bla chen rgyu ba'i drod tshad kyi le'u ste nyi shu rtsa drug pa'o// // de nas yang karma he ru kas/ bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// bla chen rgyu ba de lags na// lha bral dgug bstim byed gzhug gi/ gab sbas klong gi man ngag 'di// de yi don rnams ji ltar lags// zhes gsol pa dang / bcom ldan 'das badz+ra kI la yas 'di skad ces bka' stsal te// nyon cig karma he ru

  325. 163a

    ka/ rnal 'byor rjes su 'jug pa la// de yi don rnams ngas bshad kyi// bla chen rgyu ba'i drod tshad sleb// lus la lha dpral gnas nas dgug/ rnam shes gzugs bstim byed du gzhug/ sgra smyo thal bar rlog par brdeg/ phung po zhal du stob dang drug/ re re la yang drug drug ste// dang po lha dang dpral bar bya// dam tshig chen po'i dus la bab// lha rnams drag po'i las la bskul// sprul pa chen po'i dus la bab// phra men drag po'i las la bskul// phyag brnyan chen po'i dus la bab// dam can gnad dbab las la bskul// dngos grub bar du gcod pa'i bgegs// gdug cing sdang sems ldan pa rnams// rengs par khug la grogs dang bral bar gyis// pho nyas lha dbral dam pa'o// pho nya drag po de bzhin bskul// dngos grub bar du gcod pa'i bgegs// gdug cing ldang sems ldan pa rnams// zung zhig rgyob cig rnam par chings// phob cig rnam par gzir bar gyis// pho nya bkug bstim dam pa'o// pho nya drag po de bzhin bskul// dngos grub bar du gcod pa'i bgegs// gdug cing sdang sems ldan pa rnams// zung zhig chings shig rnam par sdoms// pho nyas byad gzhug dam pa'o// pho nya drag po de bzhin bskul// dngos grub bar du gcod pa'i bgegs// gdug cing ldang sems byed pa rnams// rnam par gzir la smyo chug

  326. 163b

    cig/ pho nyas sbyor gzhug dam pa'o// pho nya drag po de bzhin bskul// dngos grub bar du gcod pa'i bgegs// gdug cing sdang sems byed pa rnams// rgyob cig gtogs shig thal bar rlogs// pho nyas rtogs byed dam pa'o// pho nya drag po de bzhin bskul// dngos grub bar du gcod pa'i bgegs// gdug cing sdang sems byed pa rnams// bstab po dpal chen zhal du bstab// bstim mo yum chen dbyings su stim// 'khor rnams rol cig kha raM khA hi// zhes kI la ya gsang ba'i dgongs rgyud las/ lha bral dgug stim byed gzhug gi le'u ste nyi shu bdun pa'o// // de nas yang karma he ru kas// 'di skad ces gsol to// kye bcom ldan badz+ra kI la ya// pho nyas dgug bstim de lags na// drag po rdzas kyi dgug bstim gang // zhes gsol pa dang / bcom ldan 'das badz+ra kI la yas 'di skad ces bka' stsal to// nyon cig karma he ru ka/ bla yi drod tshad rab sleb pa// gu gul sbyar ba'i dud pas bdug/ rdzas drag lha bral dam pa'o// nyung dkar rdo rje rgyal po la// bdun 'bum nyi khri bzlas nyung brab// dgug bstim rdzas drag dam pa'o// zangs thag mnyen pas bkyig pa dang // lcags sgrog dam por gzhug pa dang // sngon dmar rdzas kyis bcings pa ni// rdzas drag byad gzhug dam pa'o// a shog pa yi 'bras bu dang // lug

  327. 164a

    mig grib skams byas pa dang // bzlas nyung gsum du brdeg pa ni// sgra sbyor gzhug pa'i rdzas drag dam pa'o// kha zam gyis ni zo ba dang // aM ku sha yis dkar nag dang // rdo rje zo bas brdungs pa ni// rtog byed rdzas drag dam pa'o// lo zla lon pa'i gtor ma dang // lcags phye zangs phye rdo phye dang // nyung dkar khrag dang snying sna sha/ dam rdzas drag po bsreg pa ni// ling+ga dag dang sbyar la bstab// stob byed rdzas drag dam pa'o// zhes kI la ya gsang ba'i dgongs rgyud las/ rdzas drag pos lha dpral dgug bstim byed gzhug gi le'u ste nyi shu brgyad pa'o// / de nas yang karma he ru kas// badz+ra ki la ya la 'di skad ces gsol to// kye bcom ldan badz+ra kI la ya// rdzas drag dgug bstim de lags na// drag po sngags kyi dgug bstim gang // zhes gsol pa dang / bcom ldan 'das kyis 'di skad ces bka' stsal to// nyon cig karma he ru ka/ bla yi drod tshad rab tu sleb pa dang // lha dpral drag po'i gsang sngag bzlas// rtsa brgyad rtsa gcig lha bdun du// gsang sngags lha dpral dam pa'o// dgug bstim drag po'i gsang sngags la// gong ma de bzhin drag tu bzlas// gsang sngags dgug bstim dam pa'o// byad gzhug drag po'i gsang sngags la// gong ma de bzhin drag tu bzlas// gsang sngags byad gzhug dam pa'o// sgra

  328. 164b

    smyo drag po'i gsang sngags la// gong ma de bzhin drag tu bzlas// gsang sngags sgra spyo dam pa'o// gtog byed drag po gsang sngags la// gong ma de bzhin drag tu bzlas// gsang sngags gtog byed dam pa'o// stob byed drag po'i gsang sngags la// gong ma de bzhin drag tu bzlas// gsang sngags stob byed dam pa'o// kI la la gsang ba'i dgongs rgyud las/ gsang sngags drag po lha dpral dgug bstim byed gzhug gi le'u ste nyi shu dgu pa'o// // de nas yang karma he ru kas// bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// gsang sngags dgug bstim de lags na// smon lam drag po'i dgug bstim gang // zhes gsol pa dang // bcom ldan 'das badz+ra kI la yas// 'di skad ces bka' stsal to// bla yi drod tshad rab sleb pa// lha dpral smon lam drag po gdab// rnal 'byor rjes su 'jug pa yis// byang chub mchog tu sems bskyed cing // don dam kun rdzob de bzhin du// ma nor bder gshegs rigs bzung nas// dngos grub par gcod dgra bgegs rnams// rnam gsum drag da la mngon spyod sgrol// bran dang pho nya bka' nyan tshogs// sngon chad dam bcas myur du sgrol// khyed rnams 'tsho ba'i lha lnga dang phrol cig/ lha dpral smon lam dam pa'o// dgug bstim smon lam drag pos

  329. 165a

    gdab// rnal 'byor rjes su 'jug pa yis// byang chub mchog tu sems bskyed cing // don dam kun rdzob de bzhin du// ma nor bde gshegs rigs bzung nas// dngos grub bar chad dgra bgegs rnams// rnam gsum drag dal mngon spyod sgrol// bran dang pho nya bka' nyan tshogs// sngon chad dam bcas myur du sgrol// khyed rnams rings par dzaHhUM baM hoHyis// rnam shes ling+gar phob cig gnyis med bstim// dgug bstim smon lam drag pos gdab/ byad gzhug smon lam drag po dgab// rnal 'byor rjes su 'jug pa yis// byang chub mchog tu sems bskyed cing // don dam kun rdzob de bzhin du// ma nor bde gshegs rigs bzung nas// dngos grub bar chad dgra bgegs rnams// rnam gsum drag da la mngon spyod sgrol// bran dang pho nya bka' nyan tshogs// sngon chad dam bcas myur du sgrol// yan lag slad lnga grwa gur stong // gabs pa ma nor brang du chug/ smon lam byad gzug drag po dam pa'o// gzir te sbyor gtsug smon lam drag pos gdab// rnal 'byor rjes su 'jug pa'i sa// byang chub mchog tu sems bskyed cing // don dam kun rdzob de bzhin du// ma nor bder gshegs rigs bzung nas// dngos grub par chod dgra bgegs rnams// rnam gsum drag da la mngon spyod sgrol// bran dang pho nya bka' nyan

  330. 165b

    tshogs// sngon chad dam bcas myur du sgrol// nyams pa bdun po gzas pa 'di// smyo ru smra ru myos su chug/ khong nas me 'bar kha nas khrag/ drag tu skyug cing lkugs su chug/ sgra sgro smon lam drag po dam pa'o// rtog byed smon lam drag po gdab// rnal 'byor rjes su 'jug pa yis// byang chub mchog tu sems bskyed cing // don dam kun rdzob de bzhin du// ma nor bde gshegs rigs bzung nas// dngos grub bar chod byed pa'i bgegs// rnam gsum drag da la mngon spyod sgrol// bran dang pho nya bka' nyan tshogs// sngon chad dam bcas myur du sgrol// khyed kyis nyams pa'i gzas pa 'di// phung po thul cig lus ngag rdul du rlog/ rtog byed smon lam drag po dam pa'o// stob byed smon lam drag pos gdab// rnal 'byor rjes su 'jug pa yi// byang chub mchog tu sems bskyed cing // don dam kun rdzob de bzhin du// ma nor bde gshegs rigs bzung nas// dngos grub par chod dgra dang bgegs// rnam gsum drag dal mngon spyod sgrol// bran dang pho nya bka' nyan tshogs// sngon chad dam bcas myur du sgrol// gzas pa'i sha khrag gzugs phung gsol// b+ha ga bAn badz+ra ku mA ra sarba pU dza khA hi bud+d+ha sa ma ya/ kA ya wA ka tsit+ta sid+d+hi hUM// stob byed smon lam drag po dam pa'o// zhes kI la ya gsang ba'i dgongs rgyud las/ smon lam drag po'i

  331. 166a

    le'u ste sum cu pa'o// / de nas yang karma he ru kas// bcom ldan 'das badz+ra ki la pa la 'di skad ces gsol to// kye bcom ldan badz+ra kI la ya// drag po'i smon lam de lags na// ting 'dzin drag po mi 'tshal lam// zhes gsol pa dang / bcom ldan 'das badz+ra kI la yas/ 'di skad ces bka' stsal to// rnal 'byor rjes su 'jug pa rnams// ting 'dzin drag po ngas bstan gyis// lha dpral ting 'dzin bstan pa ni// bdag nyid rtsa ba'i thugs ka nas// dzaHhUM baM hoH'i phyag rgya bzhis// ye shes 'od zer drag po phob// lha rnams bya nag rdos bdas bzhin// phyogs bzhi dag tu 'thor bar bsam// lha dpral ting 'dzin drag po dam pa'o// de rjes rnam shes bkug bstim ting 'dzin bya// bdag nyid rtsa ba'i thugs ka nas// dzaHhUM baM hoH'i phyag rgya bzhis// 'od zer drag po'i tsha tshar brdabs// gzas pa'i rnam shes mi 'chor bkug/ chu dang 'o ma 'dres pa'am// phye ma mar dkar thim pa bzhin// rnam shes ling+gar gnyis med thim par bsam// rnam shes bkug bstim ting 'dzin drag po dam pa'o// byad du gzhug pa'i ting 'dzin drag po ni// bdag nyid rtsa ba'i thugs ka nas// ye shes 'od zer drag po 'phros// dzaHhUM baM ho'i phyag rgya bzhis// zangs thag lcags zag byad du bzhugs// 'gyur mi shes par gru

  332. 166b

    gu thul// 'brub khung dkyil 'khor nang du ni// gru gu bzhin du bskongs par bsgom// byad gzhug ting 'dzin drag po dam pa'o// gzir gnon sgra smyo'i ting 'dzin drag po ni// bdag nyid rtsa ba'i thugs ka/ nas// dzaHhUM baM ho'i phyag rgya bzhis// 'od zer tsha tsha brdabs bzhin gzir// spro ba smra ba mtshams med pa// tha mar myos shing lkugs pa dang // khong nas me 'bar kha nas khrag/ 'phongs nas ngan khrag 'dzag par bsgom// sgra smyo'i ting 'dzin drag po dam pa'o// gtogs byed ting 'dzin drag po ni// bdag nyid rtsa ba'i thugs ka nas// ye shes 'od zer drag po yis// dzaHhUM baM ho'i phyag rgya bzhis// pho nya tho ba can dag ni// grangs med 'od zer bcas pa byung // gzas pa'i gzugs kyi phung po ni// lus ngag rdul du song bar bsam// gtogs byed ting 'dzin drag po'o// stob byed ting 'dzin drag po ni// bdag nyid rtsa ba'i thugs ka nas// sprul pa'i pho nya bsam mi khyab// dkyil 'khor rnam gsum de bzhin du// 'od zer sprul pa grangs med kyis// gzas pa'i dbang po bsdus pa dang // sha khrag rus 'chang rgyu ma gzer// bstab pas de bzhin rol par bsam// stob byed ting 'dzin drag po dam pa'o// zhes kI la ya gsang ba'i dgongs rgyud las// lha dpral dgug stim ting 'dzin gyi le'u ste sum cu gcig pa'o// // de nas yang phrin

  333. 167a

    las kyi rgyal po karma he ru kas// bcom ldan 'das badz+ra ki la ya la 'di skad ces gsol to// kye bcom ldan badz+ra ki la ya// lha rnams dgug bstim byed gzhug de lags na// rdzas drag sngags kyi nus mthu'i bye brag ni// so so'i nus mthu bde gshegs bstan du gsol// zhes gsol pa dang // bcom ldan 'das badz+ra kI la yas 'di skad ces bka' stsal to// nyon cig karma he ru ka/ de yi don rnams ngas bshad kyi// nyung dkar rgyal po rdzas drag don// nyung dkar nang nas zur bzhi pa// phrin las rnam bzhi rdzogs pa'i rtags// pho mo gnyis kyi thod pa ru// go ro tsa na ma bral bar// thabs dang shes rab kha sbyar la// b+han d+ha'i spyi bo brtol la ni// de yi nang du sa bzhag lud// mi ro bsregs pa'i thal chen dang // nyung dkar sa bon gsum du sbal// dkyil 'khor rnam gsum rtsa ba'i sngags// bsnyen pa zhag bdun bzlas brjod bya// brgya mtshams stong mtshams mchod pa yis// chu lud du ni bran bzhin dbul// ting 'dzin sngags dang phrin las kyis// khyad par mchod pa bdud rtsi dang // phyag rgya'i mchod pa gzhung bzhin bya// 'bras bu ma smin bar du dbul// nyung dkar khyad par thob par 'gyur// nyung dkar rgyal po rdzas drag 'di// gsang sngags brgya'am stong tsam du// dam bcas lus la bcangs gyur na// las dbang dag kyang bzlog 'gyur

  334. 167b

    cing // bar chad rkyen gyis tshugs mi 'gyur// yid la dran pas smon lam btsan// rig 'dzin byang chub sa gnon cing // gang la mngags pas nus mthur 'gyur// zhes kI la ya gsang ba'i dgongs rgyud las// nyung dkar rgyal po'i le'u ste sum cu gnyis pa'o// // de nas yang phrin las kyi rgyal pos// kye bcom ldan badz+ra ki la ya// nyung dkar rdzas drag de lags na// gu gul sbyar ba'i rdzas drag ji ltar lags// zhes gsol pa dang / bcom ldan 'das kyis 'di skad ces bka' stsal to// sun tri ka yi thang chu dang // mi khyi gnyis kyi dri ma dang // sbrang ki'i la du rta phur mo// sme ba lnga dang za 'og dang // 'bob tshangs mi gtsang sna tshogs sbyar// 'brang ru g.yas kyi nang du blug/ lam po che yi bzhin mdo dra// sgra nag phub la zhag bdun du// gsang sngags bzlas shing mchod pa 'bral// khyad par 'phags pa'i dri 'byung ste// khro bo rnams kyis sngon byung dran// sgrub rdzas sems bskyed yid dran gyis// sras mchog khro bo gzi mdangs bskyed// bar gcod rten dang dpral bar 'gyur// rnal 'byor dmigs pa grub pa'i rdzas// kI la ya gsang ba'i dgongs rgyud las// gu gul sbyar ba rdzas drag gis le'u ste sum cu gsum pa'o// / de nas karma he ru kas/ bcom ldan 'das badz+ra kI la ya la 'di skad ces bka' stsal to// kye bcom ldan badz+ra kI la ya// gu gul

  335. 168a

    rdzas drag de lags na// rak+ta'i rdzas drag ji ltar lags// zhes gsol pa dang // bcom ldan 'das kyis bka' stsal pa// mU la rak+ta rtsa ba'i khrag/ rdo shing rtsi thog dmar po brgya// pad+ma rak+ta lnga brgya dang // bsgral ba'i ma hA rak+ta stong // na chung mtshan dang ldan pa yi// b+han+d+ha'i nang du rdzas blug la// mtshan ldan gzhon nu'i pad+mas bcad// bsnyen pa zhag bdun bar du ni// skyes pa dar ma'i rdo rje yis// dkrug cing gsang sngags rgyun du bzlas// 'bru bcud bdud rtsi'i mchod pa 'bul// rak+ta khol ba'i rtags 'byung ste// rnal 'byor rnams la rgyas btab na// dngos grub myur du thob par 'gyur// lha srin rnams kyang bran du khol// ma mo mkha' 'gro dbang du sdud// dngos grub sgrub la bar mi gcod// sras mchog rnams kyang de bzhin du// thugs dam rjes dran gzi mdangs bskyed// gang la nus mthu mthar phyin pa'o// dbang du bsdus pa'i rdzas drag ste// gang la dmigs pa 'gugs par byed// ki la ya gsang ba'i dgongs rgyud las/ rak+ta rdzas drag gi le'u ste sum cu bzhi pa'o// // de nas yang karma he ru kas/ bcom ldan 'das badz+ra ki la ya la 'di skad ces gsol to// kye bcom ldan badz+ra kI la ya// dkyil 'khor rnam pa gsum po la// phyi nang maN+Dal gsum gyi don// 'di yi don rnams ji ltar lags// zhes gsol pa dang // bcom ldan 'das

  336. 168b

    badz+ra kI la yas 'di skad ces bka' stsal to// rnal 'byor rjes su 'jug pa rnams// byin rlab gzhung bzhin gong nas 'byung // gzugs brnyan dkyil 'khor gzhung bzhin bri// phur pa bcu gcig so so yi// logs la thugs kyi snying po bri// dpal la phrin las gsang sngags bri// sngags dang ting 'dzin phrin las kyi// rdzas drag gsum gyis byin gyis brlab// so so'i gnas nas bkod la ni// spyan drang mchod bstod gnyis med bstim// rtags dang dngos grub nod pa'i phyir// 'di rnams sgrub phur dam pa yin// phur pa nyi shu gong bzhin du// logs dang dpal la snying po bri// sngags dang ting 'dzin rdzas drag gsum// byin brlab so so'i gnas su dgod// bran dang pho nya de bzhin du// gong du mngags par 'gro ba'i phyir// 'di rnams mngag phur dam pa yin// seng ldeng phur pa sor brgyad la// logs la badz+ra gu ya man+ta bri// dpal la karma gu ya man+ta bri// thugs kyi sras mchog dngos la bstim// mtshan dang ldan pa'i b+han+d+ha ru// gru gsum kha ru bzhugs su gsol// ting 'dzin sngags dang rdzas drag gsum// 'og min gnas nas spyan drang bstim// rgyun du bsnyen pa 'bral mi bya// sku gsung thugs su rtag par bsnyen// 'di ni bsnyen phur dam pa yin// gzhan yang rtsa gcig rtsa brgyad dam// sngags dang ting 'dzin snying po bri// gong bzhin gru gsum mkha' la dgod// log par

  337. 169a

    blta ba'i nyams pa la// thugs rje dbyer med 'debs pa'i phyir// 'di ni gdab phur dam pa yin// dkyil 'khor rnam gsum de bzhin la// bdag gi thugs ka'i 'od zer bskul// sngon gyi thugs dam rjes dran te// rngam pa'i tshul gyis spyan drangs nas// dkyil 'khor rnam gsum gnyis med bstim// phyi nang gsang ba'i mchod bstod nas// ting 'dzin mi gtong yun du bsrings// skyo ngal med na sangs rgyas yin// sngags dang smon lam mthu byin che// las dang bya ba gdon mi za// nges par brtsams pas ci 'dod 'grub// dngos grub rnam gnyis thob par 'gyur// sku gsung thugs kyi dngos grub 'di// ma byin par yang rgyun du blang // rdo rje gzhon nu'i rig 'dzin yin// phyi yi dkyil 'khor rnam gsum dam pa'i mchog/ nang gi dkyil 'khor rnam gsum ni// rnal 'byor rjes su 'jug pa rnams// dang po kun gzhi stong pa nyid kyi lung // gnyis pas 'gro don rgyu 'bras mtshams sbyor lung // gsum pas ye shes mtshon pa rgyu yi lung // de rjes ye shes rtog pa gzhil ba'i lung // snang srid dkyil 'khor rnam gsum gtan la dbab// bdag gis bskyed pa'i dkyil 'khor rnam gsum dang // rang bzhin dkyil 'khor rnam gsum spyan drangs nas// sngags dang ting 'dzin gnyis su med par bstim// phyi nang gsang ba'i mchod pa rgyun du 'bul// bzlas brjod

  338. 169b

    bsnyen pa rgyun du drang // snang srid dkyil 'khor rnam gsum yang // gtso bo'i dbyings su ye nas gcig/ so so ma yin gnyis su med// de bzhin gzhung byed rnal 'byor yin// de las ldog med sangs rgyas yin// nang gi dkyil 'khor rnam gsum dam pa'o// ki la ya gsang ba'i dgongs rgyud las/ phyi nang gi dkyil 'khor rnam gsum gyi le'u ste sum cu so lnga pa'o// // de nas karma he ru kas/ bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// rnal 'byor gang zhig dngos grub myur 'dod pas// nang rtogs nub tu sku gsung thugs kyi don// gsang ba'i dkyil 'khor rnam gsum don ci lags// zhes gsol pas// bcom ldan 'das badz+ra kI la yas// 'di skad ces bka' stsal to// rnal 'byor rjes su 'jug pa rnams// nang rtogs nub tu sku gsung thugs kyi don// gsang ba'i dkyil 'khor rnam gsum ngas bstan gyi// log par ma g.yel don la gus par nyon// dang por shes rab rnam gsum gyis// gtan tshigs gtan la ma phebs par// rang bzhin med par mi shes pas// dngos po mtshan ma'i chos bzung nas// theg chen khro bo'i rgyal po zer// don dam zab mo rgyab tu bor// gsang sngags zab mo'i don la bon du gyer// spyod pa 'ba' brlang dang du blangs// gti mug dbang btsan rgyu 'bras don

  339. 170a

    ma rtogs// nga rgyang dbang gis rlom sems chen po bskyed// phrag dog dbang gis bdag bstod gzhan smod byed// 'dod chags dbang gis smras 'debs khrel 'dzem med// zhe sdang dbang gis khro bo'i dkyil 'khor bskyed// rgyud dang sgrub thabs man ngag blor ma zhan// ras chod thod rgal tshogs kyi dpon byas nas// tshogs 'dus rdzas la mi yin mchod rdzas bsgral ba zhes/ bsgral ba de la phan zhes pU dza khA hi// long bas long ba khrid pas ngam grog g.yang sar lhung // rnam smin zlog par dka' ba snying re rje// de ltar de bzhin rnal 'byor de ma yin// gab sbas gu ru'i gdams ngag med pa ru// bka' rkun bka' 'khyal dkrug cing dam mi bsrung // g.yo sgyu tshul 'chos byed pas yod tshul ston// bsod nams che ba dag la khungs phyung nas// pha rol 'dren la bslus 'debs log pa'i chos// rang la yid ches med par sgrub gzhung phar la ston// bsgrubs kyang mgo 'khor don med sa bon bsregs// rlan la me btsal me nyid sos mi 'gyur// de ltar de bzhin rnal 'byor de ma yin// tshig gi theg chen don du mi spyod par// tshogs sogs phra mo rnams la sun 'byin skur ba 'debs// snga rabs 'das pa'i bde bar gshegs pa yang // dang por byang chub mchog tu sems bskyed nas// bar du tshogs bsags tha mar mngon sangs rgyas// 'dab can rjes su 'dab

  340. 170b

    med mkha' la 'phyo 'dod pas// nus pa'i mthu med g.yang la ltung bar 'gyur// de ltar de bzhin rnal 'byor de ma yin// gsang sngags theg chen nyid la rig pa'i rgyun bcad nas// theg pa 'og ma'i chos la sa zin 'thas// de la gsang ba bshad na skur 'debs dad mi skye// rnam smin dbang gis theg chen 'phrad mi srid// bskal pa chen por 'bad rtsol sangs mi rgya// snang srid ye nas sangs rgyas yin pa la// mi rgod lta bur lcags sgrog bcug pas bsdams// rang gis rang bcings 'khor rgyu smin pa'i chos// rdza be'u so ma btang bas rlan phrad 'jig pa'i nyan// de ltar de bzhin rnal 'byor de ma yin// theg pa 'og ma'i chos la lce sbyangs nas// lam drang rjes zhugs pa yi rnal 'byor la// sgra dang tshig gi rig pa btsud nas ni// gsang sngags zab mo'i chos la sun phyung nas// 'bras bu rdo rje'i chos la skur pa 'debs// gsang sngags don la ma brten 'bras bu thob thabs med// bskal pa stong du rang don phyal par gtong // rtsod pa'i tshig rgyal rlom sems 'bras bu med// zhabs rdol snod du blugs kyang chags mi srid// rtog ge ba dang mig rnon mkhan// gsang sngags dngos grub sgrub pa'i bar chod yin// de ltar de bzhin rnal 'byor de ma yin// de la gsang sngags bshad na nyams chen yin// de ltar de bzhin rnal 'byor de ma yin// nang rtogs nub ni sku

  341. 171a

    gsung thugs nyid ni// rnal 'byor chen po gdeng chen zlog med kyis// rtsa ba yan lag dam tshig ma nyams nges thub na// dbang gsum rdzogs pas gzhan la re mi 'jog/ re dogs gnyis dang bral ba'i byang sems kyis// bud+d+ha rang nyid gzhan nas btsal du med// phung po b+h+rUM las rin chen gzhal yas khang // khog pa dur khrod chen po'i dkyil 'khor ro// rigs lnga 'dus pa'i rtsa chen tsit+ta ni// dngas ma dag ni ye nas rdo rje'i thugs// rdo rje gzhon nu gdod nas rang byung gnas// srog dang ma bral ye shes sems dpa'i thugs// glo ba ma gnyis bu gnyis bzhi la ni// rtsa bzhi dag la 'byung ba'i dngas ma bzhi// gsang ba'i yum bzhi gdod nas rang byung gnas// sum mdo'i rtsa la de bzhin rigs kyi dngas// khro bo'i rgyal po rnam rgyal rang byung gnas// g.yas na 'bad rtsol byang chub sems// g.yon na thogs med byang chub sems// mchin pa'i rtsa la pad+ma rigs kyi dngas// khro chen rta mgrin rang byung gnas// g.yas na gze myur byang chub sems// g.yon na gsal bkra byang chub sems// mkhris pa'i rtsa la yon tan rigs kyi dngas// gshin rje'i gshed po rang byung gnas// g.yas na gtsang ma byang chub sems// g.yon na mun mthong byang chub sems// gsang ba'i rtsa la phrin las rigs kyi dngas// bdud rtsi 'khyil pa rang byung

  342. 171b

    gnas// g.yas na gnyen po byang chub sems// g.yon na shes rig byang chub sems// mthong byed rtsa yi dngas ma la/ khams gsum rnam rgyal rang byung gnas// g.yas na dpa' 'dul byang chub sems// g.yon na gsod byed byang chub sems// thos byed rtsa yi dngas ma la// dbyug pa sngon po rang byung gnas// g.yas na gzi brjid byang chub sems// g.yon na rang rig byang chub sems// tshor byed rtsa yi dngas ma la// mi g.yo mgon po rang byung gnas// g.yas na rngam 'joms byang chub sems// g.yon na mi tshor byang chub sems// myong byed rtsa yi dngas ma la// ta ki rA tsa rang byung gnas// g.yas na rngam mgyogs byang chub sems// g.yon na sgrol byed byang chub sems// 'di 'jam dpal dbyangs phrin las che// tshangs pa'i rtsa yi dngas ma la// khro bo hUM chen rang byung gnas// g.yas na btang snyoms byang chub sems// g.yon na g.yo sgyu byang chub sems// srid len rtsa yi dngas ma la// khro bo stobs chen rang byung gnas// g.yas na gtum byed byang chub sems// g.yon na rku mkhas byang chub sems// rtsa chen rnams kyi dngas ma ni// sha khrag rus pa chu ba len// rin chen gser gyi sbu gu'i nang // gsang ba'i dkyil 'khor rnam gsum rang byung gnas// mgo gzhug rtsa ba na 'dzam pa la g.yengs// sras mchog tshon gang grangs med kyis// 'od zer rno myur chas par

  343. 172a

    gtams// gsang ba'i dkyil 'khor rang byung gnas// me mdag bus pa'i 'dab ma bzhin// lham me lhang nge 'od zer bcas// gu ya man tra'i sgra chen sgrogs// shel gyi bum par rin chen bcug pa bzhin// phyi dang nang med kun tu ma bsgribs par// snang la rang bzhin med pa bzhin gyi gzugs// da ltar de bzhin rtogs pa'i rnam 'byor des// bdag mchod kun mnyes thams cad 'grangs// kun la phan pa'i zas mchog 'di// thams cad gza' zhing brgyan par bya'o// gsol ba'i zas ni ci yang rung // dang po raM yaM khaM gis sbyangs// a dkar 'od dang bcas pa las// g.yas phyogs 'khyil zhing 'khor bar bsam// 'od zer don gnyis byang chub sems// ye shes bdud rtsi gnyis med bstim// a mr-i ta yi gsang sngags kyis// 'od zhu bdud rtsi chen por gyur// oM sa ma ya a mr-i ta oM AHhUM swA hA// zhes lag pa ye shes phrin las hom gzar gyis// kha yi hom khung dbyings kyi gzhal yas su// dbyings dang ye shes gnyis med mchod pa dbul// mnyam pa'i grub rdzas yongs su dag/ bdag dang mnyam pa'i tshogs la dbul// longs spyod lnga ldan bdud rtsi'i mchog/ gnyis med yongs su dag par bsngo// dkyil 'khor la yang dkyil 'khor thim// chos nyid la yang chod nyid thim// ye shes bdud rtsis dgyes shing thim// gnyis su

  344. 172b

    med pa'i mchod pa yis// sku gsung thugs su rnam par dag/ dman pa'i zas la bza' mi bya// de la ldog med ma g.yel na// nang rtogs nub ni sku gsung thugs// dngos grub chen po'i mtshan chen po// pha rol skye ba len pa por// gsang sngags ting 'dzin ma g.yengs na// sku dang gdung dang 'od dang sgra// don gyi rtags dang mtshan ma yang // sangs rgyas rtags rnams dus su 'byung // gsang ba'i dkyil 'khor dam pa yin// gzhan yang gsol ba'i lhag ma la// dang po sbrang spel gong bzhin du// ku mA ra nyid gsal bsgoms la// snang srid dkyil 'khor rnam gsum du// ting 'dzin sngags kyis rim bzhin bskyed// ye shes 'od zer bskul bas ni// ngams pa'i tshul gyis spyan drangs nas// gsang ba'i sngags kyis gnyis med bstim// bran dang pho nya de bzhin du// rang rang snying pos spyan drangs nas// bdud rtsi gtor ma dbul bar bya// dbul ba'i gsang sngags rab brjod pas// bdud rtsi rnam gsum tshim par bsam// mthing nag gru gsum 'bar ba'i maN+Dal na// bcom ldan rdo rje gzhon nu yab yum dang // phyogs bcu khro rgyal yab yum sras mchog za byed tshogs// 'khor gyi dam can bran dang pho nya tshogs// dam rdzas bdud rtsi'i gtor ma 'di 'bul bas// bar chad med cing gnod pa zhi ba dang // las kyi 'bras bu bsam pa 'grub par mdzod// dngos

  345. 173a

    grub rnam gnyis tshogs gnyis rdzogs gyur cig/ bde bar gshegs so gtan du ma lags par// thugs rje 'gro don rtse gcig mdzad par hUM/ dngos grub thob par skad cig mi dmigs sam// rnal 'byor gang zhig tshe ring 'dod pa dang // na nyung gnod pa zhi zhing lan chags khyer bar 'dod// phas gyi rgol ba tshar gcod gnod pa zhi ba dang // longs spyod 'byor pa 'phel zhing bsam pa 'grub pa dang // bar chad med par dngos grub rnam gnyis thob// le lo med par brtson pas tshogs gnyis rdzogs par 'gyur// zhi rgyas dbang dang mngon spyod dang // dgra bgegs bskrad dang dgug pa dang // de ltar de bzhin rnal 'byor des// thogs pa med par thams cad 'grub// ki la ya gsang ba'i dgongs rgyud las/ rgyun gyi ting nge 'dzin gsang ba'i dkyil 'khor rnam gsum gyi le'u ste sum cu drug pa'o// / de nas yang karma he ru kas/ bcom ldan 'das badz+ra kI la ya la 'di skad ces gsol to// kye bcom ldan badz+ra ki la ya// bskul ba las kyi gsang sngags la// yon tan nyi shu gcig rdzogs pa// de yi don rnams ji ltar lags// bde bar gshegs pas lung bstan du gsol// zhes gsol pa dang // bcom ldan 'das badz+ra kI la yas 'di skad ces bka' stsal to// nyon cig karma he ru ka/ rnal 'byor rjes su 'jug pa la// de yi gsang don ngas bstan

  346. 173b

    gyi// badz+ra gu ya man+ta la// gi ti wa ti d+ha ra ya// karma g+hA ya man+ta sbyar// gsum pa mngon spyod ma ra dgug/ 'gug byed man ngag klong du sbyar// 'gug pa dag kyang thogs pa med// badz+ra g+hA ya man+ta la// tsit+ta sa ma d+ha ra ya// karma gu ya man+ta sbyar// dngas ma gnas kyi d+hA ra ya// badz+ra g+hA ya man+ta la// ta su ko ra d+ha ra ya// karma gu ya man+ta la// dbugs kyi dngas ma d+ha ra ya// badz+ra g+hA ya man+ta la// gi rti wi ti d+ha ra ya// karma gu ya man+ta sbyar// 'od kyi dngas ma d+ha ra ya// badz+ra g+hA ya man+ta la// ku swa la hi d+ha ra ya// karma gu ya man+ta sbyar// khrag gi dngas ma d+ha ra ya// badz+ra g+hu ya man+ta la// ku li khad de d+ha ra ya// karma g+hA ya man+ta sbyar// drod kyi dngas ma d+ha ra ya// badz+ra g+hA ya man+ta la// su tri ku te sha d+ha ra ya// karma g+hA ya man+ta sbyar// 'byung ba'i dngas ma d+ha ra ya// badz+ra g+hA ya man+ta la// lo ma bu hi d+ha ra ya// karma g+hu ya man+ta sbyar// dbang du sdud pa d+ha ra ya// badz+ra gu h+ya man+ta la// se 'bru ra shi d+ha ra ya// karma gu h+ya man+ta sbyar// dgug pa mi 'tshor d+ha ra ya// badz+ra g+hA ya man+ta la// ka pa la d+ha ra ya// karma g+hA ya man+ta sbyar// dbang po 'du rten d+ha ra ya// badz+ra guh+ya man+ta la/ gu h+ya n+de bu d+ha ra ya// karma gu h+ya man+ta sbyar// bskyed par byed pa d+ha ra ya// badz+ra gu ya man+ta la// karma gu ya man+ta sbyar// bskyed pa byed dang rten 'brel d+ha ra ya// badz+ra gu ya man+ta la// u pa ti ko d+ha ra ya// karma gu ya man+tha

  347. 174a

    sbyar// 'khor ba rtsad gcod d+ha ra ya// badz+ra g+hA ya man+t+ra la// rten 'brel karma g+hA ya man+ta yis// lha dpral dag gi klong dang sbyar// badz+ra g+hA ya man+t+ra la// karma 'bebs pa'i gu ya man+ta yis// dgug bstim dag gi klong dang sbyar// badz+ra g+hA ya man+ta la// karma byad gzhug gu ya man+ta yis// bcing ba dag gi klong dang sbyar// badz+ra g+hA ya man+ta la// karma sgra smyo gu ya man+ta yis// sgra smyo dag ni klong dang sbyar// badz+ra g+hA ya man+ta la// karma gtogs byed g+hA ya man+ta yis// gtogs byed drag po klong dang sbyar// badz+ra g+ha ya man+t+ra la// stob byed karma g+hA ya man+t+ra yis// stob byed drag po'i klong dang sbyar// badz+ra gu h+ya man+ta la// b+hi hi ra d+he tse pra li hi ti// karma d+ha d+he he tsu na d+ha hi// karma g+hu ya man+ta sarba mA ra ya/ wi hi wi hi li/ de dag klong du sbyar ba yis// zhag bdun zhag bdun wi hi li wi hi li/ klong drug de ltar gdon mi za// ka pa la g+hu ya man+ta yis// tsit+ta du hi de la tri hUM/ dun tri ha tri mA ra ya/ zhag nyi shu rtsa gcig gis gdon mi za// badz+ra g+hA ya man+ta la/ karma g+hA ya man+ta/ 'du hi ri 'du hi ri ta/ gzhan gyi rig pa sbyor ba tshur phrog pa// zhag gsum dag na gdon mi za// badz+ra gu ya man+ta la karma gu ya man+ta 'ba' hu la d+hI ma pa hu la hrim/ gu ya man+ta stong gis ni// tri d+hi lam tri hri la ma// mA ra ya sreg par 'gyur ro// badz+ra g+hA ya man+ta la// karma gu ya man+ta la ma lu hri ni ti hUM hUM/ nyi shu rtsa gcig man+ta yis// b+hi

  348. 174b

    ta hri b+hi ta ri// phyis kyi rgyud gcod gdon mi za// hUM hUM hUM/ badz+ra gu ya man+t+ra// karma gu ya man+ta ka pa tsa// lan gsum brjod pas gdon mi za// phaT phaT phaT/ dza bi ta/ mod la srog 'phrog par 'gyur/ b+hu dza d+ho bi ba d+ho/ dgyes par don grub pa'o// hUM phaT gr-i ba sa ma ya/ karma g+hA ya man+ta/ oM laM dz+ha bi d+ha ra ya/ hUM laM badz+ra ma ti dza/ stam b+ha nan/ rengs par 'gyur bar gdon mi za// mo ha g+ha ya mA ra tu d+ha ra ya/ myur bar sbyar ba'o// b+ha g+ha wAn da zim ma// myur bar bka' bsgo ba'o// hrISh+TaM wi kri shi hi gung ba/ shrI badz+ra hAM ka ra/ phur pa 'du wi ra d+hi 'du wi ri d+ha/ de la sems can thams cad kyi tshe ni srog yin/ srog gi dbang po ni dngas ma yin// dngas ma ni dbugs so// dbugs ni gnad bdun no// de ni gzhi'o// de rnams kyi rta ni dbugs so// dbugs kyi rta ni khrag yin/ khrag gi rta ni rtsa'o// rtsa thams cad gzhi ni snying ngo // snying gi snying po dngas ma bdun no// gu ya man+ta badz+ra karma man+ta b+ha hu d+ha la de he// hu h+ya man+ta tshe yi dang sa ma d+ha ra ya/ gu ya man+ta srog gi dang sa ma d+ha ra ya/ gu ya man+ta dbugs kyi dang sa ma d+ha ra ya/ gu ya man+ta 'od kyi dngas ma d+ha ra ya// gu ya man+ta khrag gi dngas ma d+ha ra ya/ gu ya man+ta rtsa yi dang sa ma d+ha ra ya/ g+hA ya man+ta 'byung ba'i dngas ma d+ha ra ya/ badz+ra g+hA ya man+ta la/ karma g+hA ya man+ta sbyar// gsang sngags yon tan nyi shu gcig rdzogs pas// dngas ma

  349. 175a

    bdun la sbyor ba mes// zhag gsum dag gis gzas pa 'jig/ ka ba tsa sa lus ngag yid tri d+ha ra ya/ ses ni d+ha ra ya/ nas ni d+ha ra ya/ sras ni d+ha ra ya/ mar gyis ni d+ha ra ya/ rngas kyis rda ra ya/ sbyor bapa gsum gyi d+ha ra ya/ sgra yi yi ge bcu drug gis/ dz+wa la raM wi hi li/ zhag bdun gyis ni d+ha ra ya// sgra yi yi ge dgu dag gis/ don gsum du ni shes par bya// sgra yi yi ge bcu gcig gis// mnan phur gyis ni d+ha ra ya/ bcu drug dag gis ni/ badz+ra yak+Sha kro ta khA hi ni d+ha ra ya/ dza la raM wi hi laM/ bcu drug dag gi ni dang sbyar te/ mu ka he yi tshogs rnams/ dza la raM badz+ra yak+ka kro d+ha khA hi ni d+ha ra ya/ yi ge drug pa'i byin brlabs snying po nyi shu gcig gis 'phang pa d+ha ra ya/ gnan pa d+ha ra ya/ gdab pa rnams tri a sa da du las d+ha ru d+ha ra ya/ kI la ya gsang ba'i dgongs rgyud las/ bskul ba las kyi gsang sngags kyi le'u ste sum cu bdun pa'o// // de nas yang karma he ru kas/ bcom ldan 'das badz+ra ki la ya la 'di skad ces gsol to// kye bcom ldan badz+ra ki la ya// phrin las gsang sngags de lags na// drag po hom nag gis nr-i tri bsregs pa ji ltar lags/ lung bstan du gsol zhes pa dang / bcom ldan 'das kyis 'di skad ces bka' stsal to// rnal 'byor rjes su 'jug pa la// de yi don rnams ngas bshad kyi// stong gsum ye shes gzhal

  350. 175b

    yas khang // ye shes me dpung dbyings nas bzhengs// me yi snying po sku dang phyag rgyar gsal// dkyil 'khor rnam gsum me sku dmar po la// me zhal dmar po chos nyid chen por brdal// me so dmar po mi mthun phyogs la gtsigs// me mig dmar po rdul gyi cha dang mnyam// me lag dmar po nam mkha' khyab pa la// me phur dmar po srid pa gsum la 'debs// me zhal dmar po stong gsum khyab pa la// me dpung 'bar bas 'khor ba dbyings su bsreg/ me skad 'bar ba 'ur 'ur chems chems sgrog/ thams cad ma lus ye shes rdo rje'i me// rdo rje me dpung 'bar ba la// lus ngag yid gsum bag chags bsreg/ rdo rje sa yi mi ni dkar nag 'bar// zhe sdang 'khor ba'i sha rus bsreg par bya'o// rdo rje chu yi me ni sngo nag 'bar// nga rgyal 'khor ba'i khrag ni dza la raM// rdo rje me yi me ni dmar nag 'bar// 'dod chags 'khor ba'i drod ni dz+wa la raM// rdo rje rlung gi me ni ljang nag 'bar// phrag dog 'khor ba'i dbugs ni dza la re// rdo rje nam mkha'i me ni mthing nag 'bar// gti mug 'khor ba'i yid ni dza la re// ye shes klong yangs pom khung du// thugs rje 'bar ba'i me sbar nas// ras sam gro ga shing shun la// mtshan ma ming du bcas nas bri// dbang po mngon sum bcas pa gtam// klong drug dag gi dgug bstim bya// stod kyi klong dang smad kyi klong // 'bru dgu

  351. 176a

    dgongs don gsum dang sbyar// dngos grub bar du gcod pa'i bgegs// gdug cing sdang sems byed pa rnams// bka' las 'gal byed sdig can 'di// rdo rje me dpal snying bsreg nas// lus ngag rdul phran bzhin du rlogs// bcu drug dang ni bsgrags la ni// drag po'i sngags kyis bsreg par bya// bsod nams tshogs su bsreg pa dang // bstan pa gnyen po 'jig pa bsreg/ ces kI la ya gsang ba'i dgongs rgyud las/ drag po hom nag nr-i tri rnam gsum gyis bsreg pa'i le'u ste gsum cu brgyad pa'o// / de nas yang phrin las kyi rgyal pos/ bcom ldan 'das la 'di skad ces gsol to// kye bcom ldan badz+ra kI la ya// drag po hom nag bsreg pa de lags na// hom gyi dkyil 'khor ji ltar lags// zhes gsol pa dang // nyon cig karma he ru ka/ hom gyi dkyil 'khor gru bzhi la// hom lnga ya thog brtsegs mar brtsigs// gru bzhi phrin las rgyas pa'i hom// tshe dang dbang thang rgyas pa'i phyir// b+ha ga yum gyi mkha' la brtsigs// zlum po zhi ba chen po'i hom// dgra bgegs ma lus zhi ba'i phyir// ma skyes thig le chen por brtsigs// zla gam dmar po dbang gi hom// dgra bgegs dbang du bsdu ba'i phyir// stong gsum yum gyi mkha' la brtsigs// gru gsum mthing nag drag po'i ho ma// dgra bgegs dug gsum bsreg pa'i

  352. 176b

    phyir// dur khrod chen po'i klong du brtsigs// me ri khro bo 'bar ba'i hom// dgra bgegs ma lus bsreg pa'i phyir// dkyil 'khor la ni bri bar bya// tsher ma can gyi shing rnams dang // dug shing gdug pa can rnams dang // gsang ba'i shag pa bcu gsum la// maN+Dal rnam gsum gsang sngags la// nr-i ni bar du bcug la ni// mo ha g+ha ya bri bar bya// lcags thag gis ni bsdams la ni// gru gsum nang du bzhugs su gsol// bcu drug ni dang bcas pa yis// brgyad dang stong du sreg phyir bshams// zhes kI la ya gsang ba'i dgongs rgyud las/ drag po hom nag gi le'u ste sum cu dgu pa'o// // de nas yang karma he ru kas/ badz+ra ki la ya la 'di skad ces gsol to// kye bcom ldan badz+ra kI la ya/ drag po hom nag dkyil 'khor de lags na/ sreg rdzas bcu drug gis bsreg pa yi/ de yi don ni ji ltar lags/ lung bstan du gsol// zhes gsol pa dang / 'di skad ces bka' stsal to// rnal 'byor rjes su 'jug pa la// de yi don rnams ngas bshad kyi// b+ha yi sgra ni b+hi sha sta// mi sha khyi sha ra dang rta// nr-i dang gnyis su bsreg pa ni// mod la srog ni phrog par 'gyur// he ni he che'i tshil dang rkang // mi khyi rta spyang glang dred tshil// nr-i dang gnyis su bsreg pas ni// chos nyid bden pa'i byin rlab sangs rgyas mthus// a b+hi tsAr+ya'i gnag pa 'di kho na// rtsa ba

  353. 177a

    kha skong mi skong bar// skor tshoms dkyus su man ngag sdebs// bde gshegs thugs dam skong ba dang // rnal 'byor dngos grub thob pa dang // dgra bgegs gag pas mod la 'chi// nr-i dang thal ba sbasgrags nas ni/ chu bdag dag la gtad na ni// mdze rims dag tu 'gro bar 'gyur// rdo rje me dpal snying bsreg nas// lus ngag rdul phran bzhin du rlog/ ra ni rak+ta chen po ste// mi khyir sbyang 'phar ba spre'u// chen po gsum ni rab mchog ste// nr-i dang sgrags te bsreg nas ni// de ltar de bzhin rjes su bya// khrag nad gzir nad dag gis 'chi'o// te ni ti la'i mar khu ste// gang gi rkang mar 'bru mar dang // tsha mar ni dang sgrags la bsreg de ltar de bzhin rjes su'o// tsha ba'i rims gyis 'chi bar 'gyur// rtso ni rtso mo nyung mo dang // nyur dkar nyung nag skye tshe til// nr-i dang sgrags te bsreg la ni// de ltar de bzhin rjes su bya'o// snying ni gas nas 'chi bar 'gyur// phra ni phra dug dag yin te// ra dug sbrang dug re dug bong dug/ bse zho dang ni sgrags la bsreg/ lkugs nas 'chi ba dag tu 'gyur// li ni li khri mtshal rnams te// nr-i dang sgrags la bsreg pa ni// de ltar de bzhin rjes su bya// skye ba'i rgyu sbyang 'chad par 'gyur// hi ni hi sman chen po ste// bdud rtsi dbul zhing bsreg pas ni// dngos grub chen po thob par 'gyur// kan ni kan rdo chen po zhes bya ste// nr-i dang

  354. 177b

    sgrags te bsreg pas ni// lus bsreg gti mug sangs nas su// sku yi dngos grub thob par 'gyur// de ltar de bzhin rjes su bya'o// gtal ni gta' gtor gtor ma ste// dam rdzas tshangs pa'i gtor ma la// lo zla mchod pa'i bye brag rdzogs// bsreg pas sbyin pa'i pha rol phyin// de ltar de bzhin rjes su bya// he ni he za zangs phye ste// nr-i dang sgrags te bsreg pas ni// ngag bsreg bkres skom sangs nas ni// gsung gi dngos grub thob par 'gyur// de ltar de bzhin rjes su bya'o// btsun ni btsun cha lcags phye ste// nr-i dang sgrags te bsreg pas ni// yid dang tsha grang bsreg sangs nas// thugs kyi dngos grub thob par 'gyur// d+ha ni d+ha la gu gul te// bdun 'bum thon pa'i bzlas nyung dang // nr-i dang sgrags te bsreg pas ni// dgra bgegs rten dang bral bar 'gyur// de ltar de bzhin rjes su bya'o// hi ni hi shog pa zhes bya// d+ha du ra yi 'bras bu dang // lug mig pa yi me tog dang // nri dang sbags nas bsreg pas ni// smyo dang brgyal dang 'bog nas 'chi// ka ni ka pA la zhes bya// ka pA la yi snod dag tu/ ka ni phrin las chen po ste// ting 'dzin sngags dang phrin las gsum// brtul zhugs bskyed de phrin las bya// de ltar de bzhin rjes su bya// klong drug de ltar gdon mi za// zhag bdun tsam gyis wi hi li// zhes ki la ya gsang ba'i dgongs rgyud las/ bsreg rdzas

  355. 178a

    bcu drug gis nr-i bsreg pa'i le'u ste bzhi bcu pa'o// // de nas yang karma he ru kas// badz+ra ki la ya la 'di skad ces gsol to// kye bcom ldan badz+ra ki la ya// sgra ni yi ge dgu dag la// don gsum 'gro la ji ltar gsal// zhes gsol pa dang / rnal 'byor rjes su 'jug pa la// de yi don rnams ngas bshad kyi// ka ni phrin las chen po ste// sku yi snying po dag tu bshad// dza ni 'dzin cing 'gug par byed// gsung gi snying po dag tu bshad// a ni 'debs par byed pa yin// thugs kyi snying po dag tu bshad// mA ra bsad pa drag po'i sngags// nr-i ni sgrol bar byed pa'o// sa ni nus pa'i mchog yin te// mthu dbrog sras mchog snying po yin// ra ni chags pa dbang du sdud// dbang gi sras mchog snying po yin// pra ni gzir zhing sdig pa ste// bsdigs pa'i sras mchog snying po yin// mar ni slar yang mi ldang ste// zil gnon sras mchog snying po yin// rnga ni mngag pa'i phrin las te// dgug pa'i sras mchog snying po yin// stod kyi drug dang smad kyi dgu// dgug bstim bsreg dang 'phang ba'o// drug dang dgu dang bcu gcig dang // yon tan nyi shu gcig las sogs// kha skong ba dang bskang mi dgos// snying po nyi shu gcig gis ni// 'dod pa'i bya ba don sgrub pa'o// zhes kI la ya gsang ba'i dgongs rgyud las/ sgra'i yi ge'i don dgrol

  356. 178b

    ba'i le'u ste bzhi bcu gcig pa'o// // de nas yang karma he ru kas/ bcom ldan 'das badz+ra ki la ya la 'di skad ces gsol to// drag po hom nag de lags na// zor gyi phrin las ji ltar lags// zhes gsol nas/ rnal 'byor rjes su 'jug pa la// de yi don rnams ngas bshad kyi// drag po zor gyi dkyil 'khor la// thig dang chag chag gzhung bzhin bya// drag po'i maN+Dal gzhung bzhin bri// mthing nag gru gsum 'bar ba'i dkyil 'khor nas// bcom ldan dpal chen rdo rje gzhon nu la// sprul pa'i khro bo rnams byung ba// dam tshig chen po'i dus la bab// sprul pa chen po'i dus la bab// phyag brnyan mo'i dus la bab// khro bo bcu yi phyag brnyan te// mon mo 'di ltar ya mtshan can// mon mo'i lus la phra thabs mgo/ g.yas pa thabs kyi phyag mtshan la// g.yon pa zor gyi mda' 'phen ma// phur bu'i zor 'phen krol lo lo// nyung mo'i zor 'phen si li li// mtshon zor mang po zangs se zang // dug zor mang po thibs se thib// nad khrag khrag zor tshi li li// khrag zor chen po dgra la ya// gnag pa'i khong du dug mda' spyos// khro bo bcu yi phyag brnyan te// mon mo 'di ltar ya mtshan can// mon mo'i lus la phra men mgo/ g.yas pa rtags kyi phyag mtshan la// g.yon na zor gyi mda' 'phen ma// de ltar de bzhin rjes su bya'o// dam tshig drug gi dus la bab// bran

  357. 179a

    dang pho nya bka' nyan tshogs// sngon chad ji ltar dam bcas pa// khyed kyi thugs dam dus la bab// mngon spyod phrin las myur du mdzod// dam can gnad la phab la bskul// byang chub mchog tu sems bskyed cing // de ltar de bzhin rjes su bya// rdo rje gsang ba'i bka' las ni// de ltar de yi rjes su bya// smad kyi stod dang smad kyi smad// smad kyi smad kyi dang po dang // smad kyi stod kyi dang po'i smad// dkyil 'khor gsum gyi sbyor kha'o// zhes ki la ya gsang ba'i dgongs rgyud las/ drag po zor gyi las kyi le'u ste bzhi bcu gnyis pa'o// / de nas yang karma he ru kas// bcom ldan 'das la gsol pa// kye bcom ldan badz+ra kI la ya// drag po zor gyi phrin las de lags na// drag po zor gyi drag sngags gang // zhes gsol pa dang // rnal 'byor rjes su 'jug pa la// de yi don rnams ngas bstan gyi// ka ni sku yi snying po // gzugs can sgrol ba'i drag sngags yin// dza ni gsung gi snying po ste// ngag ni sgrol ba'i drag sngags yin// a ni thugs kyi snying po yin// yid ni sgrol ba'i drag sngags yin// mu ni mu ka he zhes bya// shwa na ma yi drag sngags yin// ru ni rak+ka srin mo ste// bdag nyid ma yi drag sngags yin// sa ni bdud kyi bu mo yin// ni ni sgrol ba'i drag sngags yin// ra ni btsan gyi bu mo yin// ni ni sgrol ba'i drag sngags yin// pra ni

  358. 179b

    gza' yi bu mo yin// ni ni sgrol ba'i drag sngags yin// mar ni klu yi bu mo yin// ni ni sgrol ba'i drag sngags yin// rnga ni ming po dag yin te// ni ni sgrol ba'i drag sngags yin// smad kyi stod kyi drag sngags dang // stod kyi bar gyi drag sngags dang // sgra yi yi ge dgu dag dang // dgra yi yi ge bcu gcig gis// bskul ba las kyi gsang sngags sbyar// phur pa zor gyi drag sngags so// zhes kI la ya gsang ba'i dgongs rgyud las/ drag po zor gyi drag sngags kyi le'u ste bzhi bcu gsum pa'o// / de nas yang karma he ru kas/ bcom ldan 'das badz+ra kai la ya la gsol pa// drag po zor gyi drag sngags de la lags na// drag po zozer gyi rdzas rnams ji ltar lags// zhes gsol pa dang / rnal 'byor rjes su 'jug pa la// de yi don rnams ngas bstan gyi// nyung dkar nyung nag ske tshe mtshe// gnyen po'i khrag thun zor dag la// mche ba can dang mchu gug khrag/ thun du brab ste zor 'phangs na// khrag gzer nad kyis 'chi bar 'gyur// nyung dkar nag ske tshe mtshe// mdze pho'i khrag thun zor 'phangs na// mdze rims nad kyis 'chi bar 'gyur// nyung dkar la sogs mi ra khyi// sna tshogs dug dang khrag thun gyis// khyim mam yul phyogs zor 'phangs na// myos dang rlabs dang lkugs nas 'chi// nyung dkar la sogs mi ra khyi// d+ha du ra dang lug mig dang // sna tshogs dug

  359. 180a

    dang khrag thun gyis// khyim mam yul phyogs zor 'phangs na// smyo 'bog brgyal nad 'chi bar 'gyur// 'brum nag nad kyis shi ba'i khrag/ nyung dkar dug dang sbyar ba yis// khyim mam yul phyogs zozer 'phangs na// yul khams 'brum nag nad kyis 'chi// mkhris nad rtsa yi khrag dang ni// nyung dkar nyungs nag dug sna tshogs// khyim mam yul phyogs zor 'phangs na// mkhris nad rims kyis 'chi bar 'gyur// nyung dkar nyungs nag ske tshe mtshe// mu zi nag po khrag sna tshogs// khyim mam yul phyogs zor 'phangs na// pho log glang thabs nad kyis 'chi bar 'gyur// myos rims tsit+ta'i khrag dang ni// nyung dkar la sogs dug sna tshogs// khyim mam yul phyogs zor 'phangs na// rims nad chen pos 'chi bar 'gyur// yul mkhar sa dang mtshon phye dang // lo zlar bshams pa'i gtor ma dang // nyung dug la sogs dme khrag dang // khyim mam yul phyogs zor 'phangs na// yul mkhar shor dang dme yis 'chi// zhes kI la ya gsang ba'i dgongs rgyud las/ drag po zor gyi rdzas kyi le'u ste bzhi bcu bzhi pa'o// // de nas yang karma he ru kas// bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// drag po zor gyi rdzas rnams de lags na// gnan phur brgya rtsa brgyad kyi don ni ji ltar lags// zhes gsol

  360. 180b

    pa dang / bcom ldan 'das badz+ra kI la yas 'di skad ces bka' stsal to// rnal 'byor rjes su 'jug pa la// de yi don rnams ngas bstan gyi// dam tshig drug gi dus la bab// smad kyi stod kyi skor tshoms dang // smad kyi stod kyi bar gyi skor tshoms kyis// badz+ra gu ya man+ta/ karma gu ya man+ta/ 'du hi ri ta 'phrogs pa hu la d+hi ma/ lus ngag yid gsum wa hi li// snying tshigs nas ni 'chi bar 'gyur/ hUM bi ta// phyis gzhan gyi rigs rgyun 'chad do// stod kyi skor tshoms par dag gis// bcu gcig dang ni nyi shu dang // smad kyi stod kyi las sngags dang // dus la bab ni drug po yis// gnad chen re la bdun tsho re// stod kyi gu ya man+t+ra bcu gcig dang // smad kyi stod kyi bar gyi gu ya man+ta ni// drug po dag ni btu bar bya// smad kyi stod gyi karma man+ta yi// bcwo brgyad dag gis byin gyis brlabs// kha skong ba dang kha mi bskang // man ngag gis ni btu bar bya// stod kyi smad kyi bar gyi mtha' btul bya// zhes kI la ya gsang ba'i dgongs rgyud las// mnan phur brgya rtsa brgyad kyi gdab pa'i le'u ste bzhi bcu lnga pa'o// // de nas yang phrin las kyi rgyal pos// bcom ldan 'das la gsol pa// brgya rtsa brgyad gdab pa de lags na// rtsa brgyad mnan sa ji ltar lags// zhes gsol pas/ de yi don rnams ngas bshad kyi// mnan pa rtsa brgyad btab pa de// gnyen

  361. 181a

    pa'i zod chen dag tu ni// mnan phur brgya ni rtsa brgyad kyis// sbyor ba gsum gyi gu ya man+t+ra yis// chu yi mig tu mnan nas ni// gnag pa du tshud mdze rims kyis// rtsa gcig bdun gyis the tshom med// pha mes thod chen dag tu ni// mnan phur brgya ni rtsa brgyad kyis// gu ya man+ta sbyor ba gsum// chu yi mig tu mnan na ni// gnag pa du tshud mdze rims kyis// rtsa gcig bdun gyis the tshom med// rabs chad glen lkugs thod pa ru// mnan phur brgya ni rtsa brgyad kyis// gu ya man+ta sbyor ba gsum// chu yi mig gi rgya mtsho'i gting // mnan par du tshud bdun rgyud chad// rtsa gcig bdun gyis the tshom med// gshed po'i thod pa dag tu ni// mnan phur brgya ni rtsa brgyad kyis// gu ya man+ta sbyor ba gsum// dur gyi dkyil du mnan na ni// mnan pa du tshud bdun rgyud chad// rtsa gcig bdun gyis the tshom med// gnyen po'i thod pa dag tu ni// mnan phur sbyor ba gsum gyis gdab// mnan pa mtsher gyi 'og tu mnan/ smas phung 'byung zhing 'chi bar 'gyur// shi ma thog gi mdze can gyi// ya mkhal ma mkhal ma brul ba// kha yi nang du gnag pa la// sbyor ba gsum gyis them par gzhug de ltar de bzhin rjes byas nas// rtsig rmang nang du bcug mnan na// smas phung chen po byung nas 'chi// pho rog 'ug pa'i thod pa ru// mnan phur rnams la de bzhin

  362. 181b

    du// skor tshoms rnams kyi man+ta la// gnag pa'i them yig bcug la ni// mnan pa'i gnas su bcug pas ni// phyis kyi rigs pa rgyun bcad nas// de yi mthu yang thob nas ni// gnag pa'i sngags pa 'chi bar 'gyur// mdze can thod pa'i nang du ni// sbrul gyi pags pa thod pa la// skor tshoms rnams kyi man+ta la// gnag pa'i them yig bcug nas ni// gnan phur de ltar de bzhin du// klu btsan gnas sar gnan na ni// mdze dang pho log rdzings pa'i nad// sngags pa'i gnag pa 'jigs par 'gyur// gla ba wa yi thod pa ru// gnan phur rnams kyang de bzhin du// skor tshoms rnams kyi man+ta la// btsun pa gnag pa them yig gzhug/ dmu bdud gnas pa'i sar mnan na// gnag pa'i btsun pa bdun chad 'gyur// seng ge dag gi thod pa ru// gnan phur rnams kyang de bzhin du// skor tshoms rnams kyi man+ta la// rgyal po gnag pa them yig gzhug/ gsang bdud g.ya' bdud sar mnan na// rgyal po'i chad pa bzlog gyur nas// rgyal po'i lus kyang 'jig par 'gyur// sbrang ki gcan gyi thod pa ru// gnag phur rnams kyang de bzhin du// skor tshoms gsum gyi man+ta yis// blon po gnag pa them par gzhug/ lha khang mchod rten dur dkyil du// gnag pa'i blon po 'chi bar 'gyur// byi la 'phar ba khra yi thod pa ru// mnan phur de ltar de bzhin du// skor

  363. 182a

    tshoms rnams kyi man+ta la// skyes pa gnag pa'i them yig gzhug/ mdze can mgo lpags gril la ni// chu bdag dag la gtad byas na// skyes pa'i lus kyang mod la 'jig/ dre'u dang khyi yi thod pa ru// gnan phur de ltar de bzhin du// skor tshoms rnams kyi man+ta yis// rje'u rigs gnag pa them yig gzhug/ khyi lpags mi lpags gril nas ni// klu bdud klu btsan sar gnan na// de yi lus rdzings 'chi bar 'gyur// grum pa khyi nag mi yi thod pa ru// gnan phur de ltar de bzhin du// skor tshoms rnams kyi man+ta la// bud med gnag pa them yig gzhug/ sa bdag gnas pa'i sar mnan na// zha grum smad rdzings 'chi bar 'gyur// spre'u zer mo'i thod pa ru// gnan phur de ltar de bzhin du// skor tshoms rnams kyis man+ta la// byis pa gnag pa them yig gzhug/ klu srin gnas pa'i sar gnan na// gnag pa'i byis pa'i srag 'phrog 'gyur// srin bya sreg pa'i thod pa ru// gnan phur de ltar de bzhin du// skor tshoms rnams kyis man+ta la// phra ma gnag pa'i them yig gzhug/ mdze can thod par bcug la ni// mdze can pags pas gril nas ni// rgya mtsho'i gting ngam chu mig tu// nag po klu la gtad byas nas// kha 'thams lce ldebs rdzings nad kyis// gnag pa'i phra ma mdze nad kyis// myur bar 'chi ba the tshom med/ stod kyi stod kyi skor

  364. 182b

    tshoms dang // smad kyi dkyus kyi skor tshoms la// de la gsum gsum dbye ba yi// ting 'dzin sngags dang phrin las kyi// sgra yi yi ge btu bar bya// gdab dang bsreg dang 'phang dang gnan// gdams ngag gi ni btus nas ni// sgra yi bod cing dgug pa dang // sgra yi gdab dang bsreg pa dang // sgra yi 'phangs shin mnan pa dang // dgongs pa rlabs chen 'khrugs pa dang // phrin las zab mo thog brdzis dang // blta ba zab mo khyab gad la dang // bsgoms pa'i khog dang dgongs pa 'dod// don ni so so'i bya ba sgrub// kha bskang ba dang skong mi dgos// kha bskang sgrub thabs bcu bzhi pa// re re la yang tha dad ste// de yid 'dod pa'i bya ba sgrubs// sgra yi yi ge'i nang nas ni// bskang mi dgos pa'i bya ba sgrub// 'dod pa'i bya ba zab mo yin// rdo ba gnyis las brus nas ni// thod pa la sogs shong bar bru// de yi nang du rdzas rnams gzhug/ thod chen la sogs them yig bri// rdo ba dag la them yig bri// sbyor ba rnam gsum them par gzhug/ rgya skyegs mtshal chen sbyar la ni// rdo yi gzugs ni sbal par bya// sbal pa nag po dmar thig can// la cha bse yis bskul bar bya// lcags gzer dag gis gdab par bya// klu chen gnas pa'i rgya mtsho'am// byang du bltas pa'i klu chen la// de yi nang du gnan par bya// ting 'dzin sngags dang phrin las

  365. 183a

    gsum// smon lam drag pos gdab par bya// gnag pa'i gzas pa du chud pa// de rnams thar med lus srog 'jig/ rdo rje slob dpon sku dgra dang // rnal 'byor yongs kyi spyi dgra dang // dkon mchog bstan pa 'jig pa dang // dam tshig nyams pa bdun po dag/ de rnams bsgral na bstan pa gnyen// lha spyod brlang po spyad na tshogs su 'gyur// phran tshegs tsam la brlang po spyad rgyur na// rang gi srog zad dmyal bar skye// zhes kI la ya gsang ba'i dgongs rgyud las/ mnan phur rtsa brgyad kyi le'u ste bzhi bcu drug pa'o// // de nas yang phrin las kyi rgyal pos// bcom ldan 'das 'di skad ces gsol to// mnan phur brgya ni rtsa brgyad de lags na// dkyus ni smad kyi stod dang ni// smad kyi smad dang skor tshoms su// gdab cing mnan pa de lags na// dkyus ni dbu zhabs dag tu ni// gdab cing mnan pa ji ltar lags// zhes gsol pa dang / bcom ldan 'das kyis 'di skad ces bka' stsal to// rnal 'byor rjes su 'jug pa la// de yi don rnams ngas bshad kyi// phur pa bdun tsho re re la// gu ya man+ta grangs ni them pa dang // rdo rje khros pa zhes sogs pas// dngas ma gsang sgo chen po la// snying gi go ru bsgom par bya// de ltar de bzhin de rjes la// snying rjes bsgral ba'i dam tshig ni// de sogs phung po rdo rjes

  366. 183b

    gtams// lus ngag yid gsum phung po la// rnam par shes pa rdo rjer bsgom// zhes kI la ya gsang ba'i dgongs rgyud las// dkyus dbu zhabs kyi phung po mgo zhabs su mnan phur gdab pa'i le'u ste bzhi bcu bdun pa'o// // de nas yang phrin las kyi rgyal pos// bcom ldan 'das la 'di skad ces gsol to// kye bcom ldan 'das badz+ra kI la ya// phung po mgo gzhug mnan phur btab pa de lags na// dkyus ni dbu zhabs dag gis ni// so sor gdab pa ji ltar lags// zhes gsol pa dang / bcom ldan 'das kyis 'di skad ces bka' stsal to// rnal 'byor rjes su 'jug pa la// de yi don rnams ngas bstan gyi// mnan phur bdun tsho re re la// gu ya man+ta dag gis gtem// rdo rje gzhon nu'i rig sogs nas// lus ngag yid gsum phung po la// ye shes khro bo grub par bsgom// de ltar de bzhin de rjes la// khro bo hUM mdzad dag gis ni// g+hi te wa ri dag tu gdab mnan bsgom// khro bo rnam par rgyal bas ni/ ku sa la hi gdab mnan bsgom// khro bo dbyug sngon dag gis ni// u pa ri ka ra ta gdab mnan bsgom// khro bo gshin rje gshed po yis// ku be ra la gdab mnan bsgom// khro bo khams gsum rnam rgyal gyis// ta su ko ra gdab mnan bsgom// khro bo mi g.yo mgon po yis// su 'u ra shi se'u sha ri gdab mnan

  367. 184a

    bsgom// khro bo rta mgrin dag gis ni// ku li kha te gdab mnan bsgom// khro bo ta ki rA tsa yis// su tri ku tre sha la gdab mnan bsgom// khro bo bdud rtsi 'khyil pa yis// tsit+ta dag la gdab mnan bsgom// khro bo stobs chen dag gis ni// gu ya pre pu gdab mnan bsgom// srin mo rak+Sha dag gis ni// lam bu hi la gdab mnan bsgom// 'dus pa'i gdab bya gsum gyis ni// ka pA la hUM tun tri tri mA ra ya/ gnag pa nyi shu rtsa gcig ni/ ka pA la ni gdab mnan bsgom// gu ya man+ta gnyis po yis// b+han d+ha su tri gdab mnan bsgom// 'du hi ri ta 'du hi ri ta// ba hu la hU ba hA la d+h+r-i/ smad kyi smad kyi gtan 'pho ba// de ltar de bzhin phyag rgyas mnan// yon tan nyi shu gcig rdzogs kyi// b+hi ta hri ma b+hi ta hri ma/ rgyun chod phyis ni ldang mi srid// 'bras bu gsum ni 'phangs pa yis// dza b+hi ta ni mod la'o// bi ho gnyis pas don grub pa'o// de ltar de bzhin pUts+tsha ho// pUts+tsha la yang rnam gsum don// khams gsum dus gcig bsgral mchod dang // khams gsum ma dag pa yi don// grub dag rdo rje smon lam sems// drag po hom gyi mchod pa ni// sgra yi yi ge bcu drug la// mtshan ma'i ming du bsdus la ni// rdo rje me dpal snying bsreg go// smad kyi stod kyi dang po'i dkyus tshig drug/ smad kyi stod kyi dkyus mthar gnas bzhi// smad kyi stod kyi

  368. 184b

    dkyus bar dreg/ snying po nyi shu gcig gi don// dgug bstim drag po'i phrin las bya// mthar gnas dkyus tshig smon lam gdab// smad kyi stod kyi dang po'i dkyus tshig drug/ smad kyi stod kyi dang po dkyus tshig bcu gcig/ smad kyi stod kyi bar pa'o// gsang sngags dkyus tshig gnyis pa la// sbyor ba gsum gyis gdab par bya// gnad bdun gcig tu man ngag sbyar// smad kyi smad kyi mthar gnas dkyus tshig gsum// sngags dang ting 'dzin phrin las gsum// 'bras bu gsum ni 'phangs pa yis// dza bi ton rmod pa lo bi to// mnyes par don grub pa'o// de ltar de bzhin du sdud pa'i smad kyi stod kyi stod kyi dkyus tshig drug/ smad kyi stod kyi dkyus tshig bab ma dang po gnyis// smad kyi smad kyi dkyus tshig mthar gnas gzhi// stod kyi skor tshoms gsum gsum dag la// gsang sngags bcu gcig re re la// skor tshoms lnga yi gsang sngags la// mtshan ma'i ming du bcas la ni// re re la yang bcu drug go/ bcu drug re la brgya ni rtsa brgyad rdo rje me dpal snying bsreg go/ smad kyi smad kyi dkyus tshig lnga// smon lam drag po de bzhin no// smad kyi stod kyi dkyus tshig drug/ stod kyi stod gsum dkyus tshig bcu gcig dang // stod kyi smad gsum stod kyi mthar gnas bzhi// re re la yang bzhi bzhir sbrel// zor gyi phrin las de bzhin man ngag

  369. 185a

    sbyar// stod kyi stod gsum gsang sngags so so la// drug dang nyi shu gcig rdzogs zor// de ltar de bzhin man ngag sbyar// thugs kyi gsang sngags sku gsung thugs// drug ni gsang sngags dril ba yis// de ltar de bzhin gdams ngag bzhin// smad kyi smad kyi mthar gnas mtshon pa ni// dang po thugs kyi sa bon dang // khams gsum bsgral ba byang sems mchod pa dang // rnam gsum rdzogs pa'i cher gsang byang sems lung // gnyis pa thugs kyi sa bon ni/ gsang rgyud rdzogs rgyud byang sems rin po che// gsum pa thugs kyi sa bon ni// sku mchog rgyun gyi ting 'dzin byang chub sems// las kyi mtha' brtul dgug cing gdab// mnan pa rtsa brgyad gdams ngag sbyar// de ltar de bzhin zor kha sbyar// b+ha he ra te tso la sogs rdo rje me dpal snying bsreg go/ smad kyi yi ge drug dang dgu// stod kyi yi ge drug pa dang // sbyor ba gsum gyi man+t+ra yis// don gsum lnga ru gzhug par bya// smad kyi stod kyi yi ge drug/ kar ma'i yi ge rgyun du drang // zhes ki la ya gsang ba'i dgongs rgyud las// dkyus dbu zhabs su gdab pa'i le'u ste bzhi bcu brgyad pa'o// // de nas yang karma he ru kas/ bcom ldan 'das la 'di skad ces gsol to// kye bcom ldan badz+ra kI la ya// dkyus ni dbu zhabs 'debs pa de lags na// dkyus ni dbu

  370. 185b

    zhabs gdab mnan zhe sdang rgyu// 'bras bu dmyal bar skye ba mi 'gal lam// zhes gsol pa dang // bcom ldan 'das badz+ra kI la yas 'di skad ces bka' stsal to// nyon cig karma he ru ka/ rnal 'byor rjes su 'jug pa la// de yi don rnams ngas bshad kyi// mdzad spyod thams cad dngos po med pa'i lung // rdo rje khros pas zhe sdang gcod// dug sdong rtsad nas gcod pa'o// mtshon chen sngon po 'bar ba yis// snang srid lus ngag yid gsum rtog pa la// sku gsung thugs kyi mtshon chen sngon po 'bar ba yis// nam mkha'i dkyil nas thigs pa shar// nam mkha' gting mtha' med pa chos dbyings gzhal yas khang // thigs pa lta bur snang srid dngos med shar// srog gi go ru shar ba dang // srid pa'i lus ngag yid gsum sku gsung thugs// sems rig phyag rgya'i dkyil 'khor ye nas yin par shar// snying gi dkyil du bsgom par bya'o// srid pa'i rtog tshogs phung po ni// lung ni gsum rgyud rdo rje bsgom// srid pa'i lus ngag yid gsum sku gsung thugs su bsgral// 'dod chags zhe sdang skyes nas gsad gnan ma yin no// phung po rdo rje gtams byas nas// srid pa'i lus ngag yid gsum phung po ni// ye nas rdo rje'i thugs ni yang dag gtams// rnam par shes pa rdo rjer bsgom// bdag dang snang srid rnam par shes pa'i tshogs// ye nas 'dus

  371. 186a

    ma byas kyi rdo rje dbyer med bsgom// sangs rgyas mdzad spyod ma 'gags dbyings dang ye shes nyid// blta ba zab mo khyab gdal nam mkha' ltar// dgongs pa zab mo bskal pa'i me dpung khrugs// phrin las zab mo thog rdzis klong phab nas// mtsho la rlang byung chu yi ngo bor gcig/ lta spyod brlang por spyad na tshogs su 'gyur// zhes kI la gsang ba'i dgongs rgyud las/ mdzad spyod dngos med kyi lung gi le'u ste bzhi bcu dgu pa'o// // de nas yang phrin las kyi rgyal pos/ bcom ldan 'das la 'di skad ces gsol to// kye bcom ldan badz+ra kI la ya// gtso bo mdzad spyod dngos med lung gi le'u de lags na// phyogs bcu khro bo'i mdzad spyod dngos med ji ltar lags// zhes gsol pa dang / bcom ldan 'das kyis 'di skad ces bka' stsal to// rnal 'byor rjes su 'jug pa la// de yi don rnams ngas bshad kyi// gardzas gdug pa ti ra bam// gtso bo badz+ra dz+nyA na yis// gdug pa'i phrin las chags pa ma btang bas// dbyings dang ye shes gnyis med byang chub sems// ha nas In+d+ra gdug pa ti ra bam// gtso bo badz+ra dz+nyA na yis// gdug pa'i 'khor ba bag chags rnam par rgyal// gdug pa'i dbyings dang ye shes gnyis med byang chub sems// da has gdug pa ag+ni ti ra bam// gtso bo badz+ra dz+nyA na yis// gdug pa'i

  372. 186b

    'khor ba bag chags dbyug pas 'joms// dbyings dang ye shes gnyis med byang chub sems// pa tsas gdug pa ya ma ti ra ba ma// gtso bo badz+ra dz+nyA na yis// gdug pa 'khor ba'i bag chags gshin rje gshed// dbyings dang ye shes gnyis med byang chub sems// ban d+has gdug pa ni rdo ti ra bam// gtso bo badz+ra dz+nyA na yis// gdug pa'i 'khor ba bag chags mi g.yo mgon// dbyings dang ye shes gnyis med byang chub sems// hu lus gdug pa ba ru ti ra bam// gtso bo badz+ra dz+nyA na yis// gdug pa'i bag chags myur drag 'joms// rengs pa'i rta mchog phrin las bzhi// dbyings dang ye shes gnyis med byang chub sems// tiSh+Thas gdug pa ba ya ti ra bam// gtso bo badz+ra dz+nyA na yis// gdug pa'i bag chags par gcod gzhan mi thub// dbyings dang ye shes gnyis med byang chub sems// ha nas gdug pa ku be ti ra bam// gtso bo badz+ra dz+nyA na yis// gdug pa'i bag chags ye shes bdud rtsir 'khyil// dbyings dang ye shes gnyis med byang chub sems// ts+tshin+das gdug pa in+d+ra ti ra bam// gtso bo badz+ra dz+nyA na yis// gdug pa'i bag chags khams gsum rnam par rgyal// dbyings dang ye shes gnyis med byang chub sems// sgo Tas gdug pa u ti ti ra bam// gtso bo badz+ra dz+nyA na yis// gdug pa'i bag chags gnas stobs stobs po

  373. 187a

    che// dbyings dang ye shes gnyis med byang chub sems// gtso bo badz+ra dz+nyA na yis// mu kha he yi rtags dang don// byang sems lus dang yan lag tshul// srid pa ye nas sku gsung thugs// zhes ki la ya gsang ba'i dgongs rgyud las// phyogs bcu khro bo mdzad spyod dngos med kyi le'u ste lnga bcu pa'o// // de nas yang phrin las kyi rgyal pos/ bcom ldan 'das badz+ra kI la ya la 'di skad ces gsol to// kye bcom ldan badz+ra kI la ya// khro bo mdzad spyod dngos med de lags na// theg pa 'og ma'i dngos med sgyu mar 'dod// gzugs stong stong gzugs gzhan ni ma yin 'dod// rang bzhin med pas snang stong dbyer med 'dod// gzugs nas rnam pa thams cad mkhyen pa'i bar// chos nyid stong pa nyid du 'og mas 'dod// snang ba sems nyid chos nyid rang rig 'dod// brtags pas dben pa'i bzhin ltar dod// chos nyid yongs su grub pa 'og ma 'dod// ces gsol pas/ bcom ldan 'das badz+ra ki la yas 'di skad ces bka' stsal to// theg pa 'og ma'i sgyu ma de yin te// bden pa gnyis kyis sems nyid gtan la dbab// sgyu ma'i blo ldan bden pa dbyer med 'dod// gzugs stong stong gzugs bden pa gnyis// gzugs sku sgra rtog sku gsung thugs nyid de// de nyid bden pa dbyer med ye yin 'dod// rang

  374. 187b

    bzhin med pas snang stong dbyer med pa// de ltar de bzhin bden pa dbyer med 'dod// bden pa gnyis kyis stong pa'i don tshol ba// mnyam par gnas pa'i ting 'dzin dbyings su ltung // langs pas kun rdzob gang dang tha dad 'dod// snang ba'i sems nyid chos nyid rang rig pa// chos nyid skad cig grangs grags pa yang ma'i rdzas nyid do// brtags pas bden pa'i chos nyid yongs su grub// ma brtag nyams dga'i chos nyid nga mi 'dod// snang ba'i chos nyid rang rig ye shes yin// rang rig bden pa dbyer med sku gsung thugs// gzugs nas rnam pa thams cad mkhyen pa'i bar// bden pa gnyis kyis stong pa'i don tshol ba// bskal pa grangs med kun tu 'od kyis// nga yi lung 'di gsang ba cher gsang yang gsang thugs// snang tsam nyid na rang bzhin med pa de// bden pa rang bzhin med pa dbyer med do// snang srid ye nas sku gsung thugs nyid de// de bzhin nyid kyi gzugs brnyan bden pa dbyer med do// snang srid ye nas gtso bo'i thugs nyid do// snang tsam nyid nas bden pa dbyer med yin// snang srid ye nas mnyam pa chen po ste// mnyam nyid tsam na bden pa dbyer med yin// zhes kI la ya gsang ba'i dgongs rgyud las/ bden pa dbyer med kyi le'u ste lnga bcu gcig pa'o// // de nas yang phrin las kyi rgyal pos// bcom

  375. 188a

    ldan 'das la 'di skad ces gsol to// bden pa dbyer med de lags na/ gdab dang gnan bsreg 'phang ba 'di// zhe sdang la sogs nyon mongs lnga// de yi cha las gtogs gyur na// dngos po dbyer med mi 'gal lam// zhes gsol pas// bcom ldan 'das badz+ra kI la yas// 'di skad ces bka' stsal to// nyon cig karma he ru ka/ rnal 'byor rjes su 'jug pa la// de yi don rnams ngas bstan gyi// zhe sdang lam du zhugs nas ni// zhe sdang ma spangs gnas su dag/ gti mug lam du zhugs nas ni// gti mug ma spangs gnas su dag/ nga rgyal lam du zhugs nas ni// nga rgyal ma spangs gnas su dag/ 'dod chags lam du zhugs nas ni// 'dod chags ma spangs gnas su dag/ phrag dog lam du zhugs nas ni// phrag dog ma spangs gnas su dag/ de ltar de bzhin lam zhugs ma spangs gnas su dag/ dngos med bden pa dbyer med do// rtsa dang sa khrag dngas dbugs dngas dang // 'od dngas tshe dngas 'byung ba dngas// zhe sdang la sogs de bzhin rgyu// byang chub sems su gnyis med bstan// ma spangs gnas su dug lnga dag/ gnyen po la ni ltos ma yin// dug lnga khro bo'i phur pa yis// dug lnga byang sems ye shes lnga// zhe sdang gnyen po byams pa yin// zhe sdang la sogs bdo ba'i dus// mtho yor la ni mir

  376. 188b

    shes tshul// mdzad spyod bden pa dbyer med don// zhes kI la ya gsang ba'i dgongs rgyud las/ mdzad spyod bden pa dbyer med kyi le'u ste lnga bcu gnyis pa'o// // de nas yang phrin las kyi rgyal pos// bcom ldan 'das la 'di skad ces gsol to// mdzad spyod bden pa dbyer med de lags na// gsang ba rgyud kyi bsgom rdzogs ji ltar lags// zhes gsol pa dang / bcom ldan 'das kyi 'di skad ces bka' stsal to// bskyed pa'i rim pa byang chub sems// byang chub sems ni sems nyid don// rtag dang chad dang sems nyid la// gzung 'dzin dran rtog stong ldan dang // kha dog dbyibs bral nam mkha' la// dkar po dmar ser mthing ldang dang // gzung dang gdags su yong med de// ser bu dang ni 'ja' tshon ltar// snang ba thabs la gting mtha' med pa yum// thams cad thabs dang shes rab ma gyur med// ma lus med pa gtan la ji ltar 'bebs// yul dang rig pa par shar tshur 'jug gnyis// phung po lnga dang sangs rgyas lnga// khams dang skye mched de bzhin du// 'gro nyal 'dug sdod spyod lam rnam bzhi la// spyod dang rol dang lha thim dkyil 'khor ro// ting 'dzin gsum dang cho ga gsum// chos rnams thams cad skye med gcig/ thugs rje chen po khyab pa che// cho ga gsum ni sprul pa'i sku// 'jig dang chags dang srid pa'i

  377. 189a

    tshul// mtha' dbus med pa'i gzhal yas khang // bcas dang bcos dang sangs rgyas rnams// gzhan nas byung ba ma yin te// kha dog lnga dang phrin las lnga// thams cad sems nyid gcig pa ste// sems las ji skyes sangs rgyas so// zhes kI la ya gsang ba'i dgongs rgyud las/ gsang ba rgyud kyi bsgom rdzogs kyi le'u ste lnga bcu gsum pa'o// // de nas phrin las kyi rgyal pos/ bcom ldan 'das la 'di skad ces gsol to// gsang ba rgyud kyi bsgom rdzogs de lags na// cher gsang lung gi bsgom rdzogs ji ltar lags// zhes gsol pa dang / bcom ldan 'das kyis 'di skad ces bka' stsal to// rgyal ba'i sku dang 'jig tshogs dang // mtshan mar snang ba'i snang srid las// kun gzhi kun tu bzang mo'i mkha' klong du// yid byung kun tu bzang po'i rol par shar// gzugs su snang ba'i lus ni sku ru shar// sgra ru grag pa'i ngag gi gsung du shar// dran rtog gshes rig yid ni thugs su shar// nam mkha' yangs pa'i mkha' dbyings la// nyi zla gza' skar shar ba bzhin// kun gzhi dbyings la yid ni skra gsung thugs// lus dang yan lag tshul du shar// sangs rgyas kun gyi ye shes sku// ngang nyid rdo rje chos dbyings la// 'bar ba'i khro bo mi bzad pa// sku yi dbyig tu bdag gyur shar// sangs rgyas kun gyi ye

  378. 189b

    shes gsung // ngang nyid rdo rje chos dbyings la// 'bar ba'i khro bo mi bzad pa// gsung gi dbyig tu bdag gyur shar// sangs rgyas kun gyi ye shes thugs// ngang nyid rdo rje chos dbyings la// 'bar ba'i khro bo mi bzad pa// thugs kyi dbyig tu 'dag gyur shar// kun gzhi me long lta bu la// yid ni bzhin gyi gzugs brnyan shar/ kun gzhi rgya mtsho lta bu la// yid ni nyi zla gza' skar shar// kun gzhi kun tu bzang mo'i mkha' dbyings la// yid ni kun tu bzang po'i thugs kyi sku ru shar// thugs kyi gsung dang thugs kyi thugs// 'khor ba mya ngan 'das pa'i chos// bkag pa med par dus gcig tu// sku gsung thugs su rang las shar// snang ba'i rang bzhin med par shar// yid dran sngags brjod tsam yang lta bar ma bsnyegs so// kun gzhi dbyings la yid ni ye shes shar// ci spyod rnam rtog mtshan ma ci byung yang // 'khor ba mya ngan 'das pas byang chub sems// dbyings dang ye shes gnyis med sku gsung thugs// thugs kyi sku dang thugs kyi gsung du shar// thugs kyi thugs ni thabs cad dbyer med shar// zhes ki la ya gsang ba'i dgongs rgyud las/ cher gsang lung gi bsgom rdzogs kyi le'u ste lnga bcu bzhi pa'o// // de nas yang phrin las kyi rgyal pos// bcom ldan 'das la 'di skad ces gsol to// cher gsang lung gi bsgom

  379. 190a

    rdzogs de lags na// man ngag yang gsang thugs kyi dkyil 'khor ji ltar lags// zhes gsol to// bcom ldan 'das kyis 'di skad ces bka' stsal to// snang ba thams cad yul yin te// yul gyi rnam pa sems yin no// cir snang cir mthong sems yin pas// sems las ma gtogs gang yang med// sems ni yang gsang thugs kyi dkyil 'khor yin// yang gsang thugs ni chos kyi sku/ snang ba'i sems nyid yang gsang thugs/ rnam rtog skye ba'i gzhi med par// rnam rtog gnyid kyang yang gsang thugs// rnam rtog yang gsang thugs la 'char nub med// sems nyid yang gsang thugs la yul dang yul can med// sems kyi ngo bo yang gsang gnyis med pa// nyams su len pa'i bsgom bya sgom byed med// yang gsang thugs ni rdo rje phur pa'o// phur ni kun gzhi kun tu bzang mo la// pa ni yid de kun tu bzang po'o// phur ni kun gzhi kun tu bzang mo la// bu ni yid de kun tu bzang po'o// phur ni kun gzhi kun tu bzang mo la// bu ni yid de kun tu bzang po dkyil 'khor rnam gsum mo// phur ni kun gzhi thugs nyid la// bu ni sku dang gsung nyid do// rdo rje kun gzhi kun tu bzang mo la// khros pa yid de kun tu bzang po'o// gnyis med dug sdong rtsad gcod zhe sdang gcod// snang srid dkyil 'khor rnam gsum ye nas thugs su

  380. 190b

    mtshon// gnyen po med pas ye nas bsregs// kun gzhi kun bzang nam mkha'i dkyil// yid ni snang srid ye nas thigs pa shar// lus dang yan lag tshul du srog gi go ru shar// kun gzhi stong pa snying gi dkyil du bsgom par bya// dam tshig kun tu bzang mo yis// yid ni snying rje thugs su bsgral// kun tu bzang po yab yum thugs// rol bsad mnan pa ma yin no// snang srid lus ngag yid gsum phung po ni// kun gzhi kun tu bzang mo rdo rjer gtams// rnam par shes pa yid ni kun tu bzang // kun gzhi kun tu bzang mo rdo rje dbyer med bsgom// srid pa ye nas phur bu ru// yang gsang thugs su rtogs pas bsgrub// yang gsang phur bu rtogs pas dbang dang dngos grub blangs// rang gi sems nyid rtogs pas ye shes khro bo dag/ rang la rang nyid spyan drangs drang du med// gzhan nas spyan drang med par sems nyid rtogs nas ni// rtags dang mtshan ma'i byin rlabs bcu bzhi 'byung // ki la ya yi dngos grub mngon shes drug dag 'byung // zhes kI la ya gsang ba'i dgongs rgyud las/ man ngag yang gsang thugs kyi dkyil 'khor gyi le'u ste lnga bcu lnga pa'o// // de nas yang phrin las kyi rgyal pos/ bcom ldan 'das la 'di skad ces gsol to// man ngag yang gsang thugs kyi dkyil 'khor de lags na// dman pa rnams la

  381. 191a

    don 'di ji ltar bstan/ bcom ldan 'das kyis 'di skad ces bka' stsal to// bya ba spyod pa rnal 'byor gsum// dman pa rnams kyis yang dag don// gsang sngags lta ba mar snyogs pas// dngos grub ster ba myur du thob// bde gshegs thugs rje mi 'byung na// sems can don ni 'byung mi srid// bde gshegs byin rlabs mi 'byung na// sems can dngos grub mi thob pas// bskyed dang spyan drang phyag 'tshal dang // mchod bstod cho ga gzhung bzhin bya// sbyin dang tshul khrims bzod brtson 'grus// bsam gtan shes rab pha rol phyin// de la bzlog med ma yengs pas// dngos grub myur du thob par nges// de phyir rnal 'byor gdeng can bzlog med kyis// rdo rje khros pa 'khor bcas kyis// dkyil 'khor gsum gyi bskyed pa ni// de la thabs dang thabs la brten// dngos grub rnam pa gnyis kyi don// zla gcig lo gcig lo gsum dang // rab 'bring gsum gyi rtags rnams ni// dus der mi 'byung mi srid do// zhes kI la ya gsang ba'i dgongs rgyud las/ thabs dman pa la bsnyegs pas dngos grub myur du thob pa'i le'u ste lnga bcu drug pa'o// // de nas yang phrin las kyi rgyal pos/ bcom ldan 'das la 'di skad ces gsol to// thabs dman pa la snyegs pas dngos grub myur du thob pa de lags na// de yi

  382. 191b

    bskyed pa'i rim pa ji ltar lags// zhes gsol pa dang / bcom ldan 'das kyis 'di skad ces bka' stsal to// rdo rje khros pa zhes sogs pas// rnam par shes pa rdo rje bsgom// ting 'dzin gsum dang cho ga gsum// bzhi dag gis bskyed par bya// yab yum mkha' gsang byin brlabs nas// bskul bskyod bde ba'i drod tshad las// 'od zer drug gis bya ba bsgrubs// oM dang hUM gnyis phaT dang bzhi// bar du mtshan nyid so sor bcug/ cho ga gsum gyis bzhi pa bskyed// karma gu ya man+ta yis// 'dod pa'i bya ba so sor bsgrub// srid pa'i phur bu zhes sogs pas// byin brlabs bcu gcig bzhi yang sras mchog bskyed// 'od zer bkug nas sku gsung thugs// gsang lam pad+ma las 'phros pas// 'od phung gu ya tha mar gtad// dkyil 'khor gsum gyi bskyed rim ni// dang po thun du bcad de bsgom// nus pa gzhug dang nus pa bskyed// nus pa brtas dang nus pa thob// nus pa bzhi pa thob nas ni// gar mkhan lag pa de bzhin du// gang ltar byas pa de bzhin snang // snang ba'i nus pa thob pa ni// gdams ngag rin chen dag las 'byung // byin rlabs bcu bzhi 'byung bar 'gyur// zhes kI la ya gsang ba'i dgongs rgyud las/ thabs dman pa la bsnyegs pas dngos grub myur du thob pa'i bskyed pa'i rim pa'i le'u ste lnga bcu bdun

  383. 192a

    pa'o// // de nas yang phrin las kyi rgyal pos/ bcom ldan 'das la 'di skad ces gsol to// thabs dman pa la bsnyegs pa'i bskyed pa'i rim pas// dngos grub myur du thob pa de lags na// de yi cho ga'i rim pa ji ltar lags// zhes gsol pas/ bcom ldan 'das kyis 'di skad ces bka' stsal to// rdo rje khros pas zhes sogs nas// rnam par shes pa rdo rjer bsgom// rtsa ba'i cho ga'i rim pa'o// A~M dang hUM nyid phaT dang bzhi// bar du mtshan nyid so sor gzhug/ karma gu ya man+ta yis// 'dod pa'i bya ba don grub pas// rdo rje he yis bar du ni// mtshan nyid so sor bcug pa dang // phyogs bcu cho ga'i rim pa'o// srid pa'i phur bu bsgrub pa nas// gshegs su gsol ba'i bar du ni// bcu gcig rtsa gcig cho ga ni// rdzas kyi cho ga'i rim pa'o// srid pa'i phur bu bsgrub pa nas// gshegs su gsol ba'i bar gyis ni// gang la gang nas gang dag gang du gang phyir du// spyan drang cho ga'i rim pa'o// khro bo chen po gshegs nas kyang // dngos grub gsol ba'i bar gyis ni// dngos grub rnam pa gnyis kyi don// bstim pa'i cho ga'i rim pa'o// dbang dang byin rlab 'dir stsol cing // 'dod pa'i don la gsol btab dang // dbang dang byin rlab nod pa'i cho ga'i rim pa'o// thabs kyi spyod pas 'gro don du// byams dang snying rjes

  384. 192b

    gang 'dul ba// sangs rgyas phrin las rdzogs mdzad nas// bud+d+ha'i mdzad spyod phrin las ni// tshad med bzhi ni sngon du 'gro// theg pa chen por mi tshud bzhin// bya ba spyod pa rnal 'byor dang // thabs che thabs mang thabs mkhas dang // thabs myur cho ga'i rim pa'o// rdo rje gzhon nu'i rig 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// 'dod pa'i bya ba don grub gsol gdab pa// longs sku gnyis thim srid pa'i lha// dbab pa'i cho ga'i rim pa'o// badz+ra yak+Sha kro ta khA hi/ rtsa ba gu ya man+ta la// mchod pa'i bye brag thams cad kyis// 'dod bya gnyis su dbul bar bya'o// mchod pa'i cho ga'i rim pa'o// zhes kI la ya gsang ba'i dgongs rgyud las// thabs dman pa la bsnyegs pa'i dngos grub myur du thob pa'i cho ga'i rim pa'i le'u ste lnga bcu brgyad pa'o// // de nas yang phrin las kyi rgyal pos// bcom ldan 'das la 'di skad ces gsol to// cho ga'i rim pa de lags na// gzhal yas khang du gsal ba yi// 'di yi don rtags ji ltar lags// zhes gsol pas/ bcom ldan 'das kyis 'di skad ces bka' stsal to// gzhal yas gsal ba'i don rtags ni// gzhal yas gru bzhir 'byung ba ni// tshad med bzhi yi don rtags yin// phyogs bzhir sgo bzhi 'byung ba ni// rnam thar

  385. 193a

    ye shes don rtags yin// rta babs yang dag spang ba bzhi/ ye nas rnam par dag pa'i don rtogs yin// dra ba dra phyed brgyan pa ni// nyon mongs che chung gnas su dag pa'i don rtags yin// zhing smug ka ba brgyad btegs pa// 'phags pa'i lam brgyad don rtags yin// tshangs pa'i gdung lnga bkye ba ni// dug lnga gnas su dag pa'i don rtags yin// nyi zla'i ka gdan ka zhu byas pa ni// thabs dang shes rab don rtags yin// zhing gi ya mkhal ma mkhal gyis// ya them ma them byas pa ni// pha ma gnas su bsad pa'i don rtags yin// sbrul nag skyes bu byas pa ni// 'khor ba zhe la sdang ba'i don rtags yin// dur khrod chen pos brgyan pa ni// nyon mongs cho 'phrul mngon du phyung // yang sbrul sum sbrul stod cing za ba'i don rtogs yin// 'dod yon lha mos brgyan pa ni// longs spyod lnga ldan don rtags yin// rin chen pha gu la sogs brgyan// tshul khrims rnam par dag pa'i rtags// rin chen lnga yi brtsigs pas brgyan pa ni// ye shes lnga yi don rtags yin// zur sgor rgyal mtshan bzhis brgyan ni/ rnam rtog bdud las rgyal ba'i don rtags yin// dpag bsam shing gis brgyan pa ni// thugs rje yongs la khyab pa'i don rtags yin// ri dwags sA ras brgyan pa ni// byang chub sems dpas bskor ba'i don rtags

  386. 193b

    yin// chos kyi 'khor lo bskor ba ni// sa bcu'i byang chub sems kyis ni// chos kyi 'khor lo bskor ba'i don rtags yin// zhing gi gdugs dang 'phan gyis brgyan pa ni// sa la gnas pa'i byang chub sems dpa' la// so so yang dag don ni ston pa'i rtags// nang ni thod pa'i gzhal yas khang // gzung 'dzin gnyis dang bral ba'i don rtags yin// dbus su gru gsum mthing nag byung ba ni// chos kyi dbyings nyid skye med la// sku gsung thugs gsum 'byung ba'i don rtags yin// zla gam dmar po gsum du byung ba ni// srid gsum dbang du sdud pa'i don rtags yin// 'khor lo rtsibs brgyad 'byung ba ni// don gyi 'khor lo rgyas par bskor ba'i don rtags yin// dbus kyi pho brang zlum po 'byung ba ni// skye med lhun gyis grub pa'i don rtags yin// dkar po zlum po byung ba ni// zhi ba chen po'i don rtags yin// ser mo gru bzhi byung ba ni// rgyas pa chen po'i don rtags yin/ rdo rje ra bas bskor ba ni// thugs ni yang dag don rtags yin// zhes kI la ya gsang ba'i dgong rgyud las/ dkyil 'khor gzhal yas khang gi don rtags kyi le'u ste lnga bcu dgu pa'o// // de nas phrin las kyi rgyal pos bcom ldan 'das la 'di skad ces gsol to// dkyil 'khor gzhal yas khang gi don rtags de lags na// 'od zer bskul ba'i don rtags ji

  387. 194a

    ltar lags// zhes gsol pa dang / bcom ldan 'das kyis 'di skad ces bka' stsal to// rnal 'byor rjes su 'jug pa rnams// dam tshig sems dpas 'od zer spro// ye shes sems dpa'i thugs dam bskul// thugs bskyed thugs dam rjes dran nas// dmas pa'i tshil gyis 'od zer bkye// dam tshig mkha' la ri dwags 'grog pa bzhin// 'og min gnas nas 'od zer bskul spyan drangs// dam tshig sems dpas 'od zer spro// ye shes sems dpa'i thugs dam bskul// thugs bskyed thugs dam rjes dran nas// dmas pa'i tshul gyis 'od zer bkye// dam tshig mkha' la ri dwags 'grogs pa dang // mar me gnyis dag gcig tu bsdom pa bzhin// dam tshig 'od zer bskul bas gnyis med gcig tu bab// dam tshig sems dpas 'od zer spro// bde bar gshegs pa'i thugs dam bskul// thugs bskyed thugs dam rjes dran nas// dmas pa'i tshul gyis 'od zer bkye// snga chu'i steng du phyi chu bab pa bzhin// gnyis su med par ma thob bar du bskul// dam tshig sems dpas 'od zer spro// bde bar gshegs pa'i thugs dam bskul// thugs bskyed thugs dam rjes dran nas// dmas pa'i tshul gyis 'od zer bkye// dkar dmar mthing gsum gnas rnams su// so ma la lcags la ngar blud bzhin// yon tan

  388. 194b

    gsum du byin rlab bskul// dam tshig sems dpas 'od zer spro// bde bar gshegs pa'i thugs dam bskul// thugs bskyed thugs dam rjes dran nas// dmas pa'i tshul gyis 'od zer bkye// so mal lcags la ngar blud bzhin// dbang dang byin brlabs nus pa thob par gyur// dam tshig sems dpa'i 'od zer spro// bde bar gshegs pa'i thugs dam bskul// thugs bskyed thugs dam rjes dran nas// dmas nas thugs kyi dpal be'u nas// byang chub sems kyi 'od spros pas// srin mtheb thabs dang shes rab kyis// 'bru gsum sgrub mchog dngos grub blang // dam tshig sems dpa'i 'od zer spro// de ltar de bzhin bde gshegs bskul// bde mchog bde sbyor b+ha ga'i klong yangs nas// rab dgyes byang chub sems kyi dngos grub bskul// dam tshig sems dpas 'od zer spro// de ltar de bzhin byang sems dgye// ye shes bdud rtsi dam tshig bdud rtsir thim// 'od zhu gnyis med kha dog lnga ru spros// 'dod pa'i yon tan lnga ni char bzhin phab/ dam rdzas bdud rtsi 'bar ba'i mchod pa dam pa 'dis// mchod pa'i bye brag rnams la mchod par 'bul// zhes kI la ya gsang ba'i dgongs rgyud las/ 'od zer bskul bas dngos grub kyi nus pa myur du thob pa'i le'u ste drug cu pa'o// // de nas phrin las kyi rgyal pos/ bcom ldan 'das

  389. 195a

    la 'di skad ces gsol to// 'od zer bskul bas dngos grub kyi// nus pa myur du thob pa de lags na// sangs rgyas kun gyi yab chen po// rnal 'byor las ni dang po yis// bde bar gshegs ba'i zhal mthong ba'i// snang ba'i nus pa ji ltar thob par 'gyur// zhes gsol pa dang / bcom ldan 'das kyis 'di skad ces bka' stsal to// rnal 'byor las ni dang po yis// rnal 'byor snang ba'i nus pa dang po la// re re la yang brgya brgya yi// dbugs dang sbyar te 'phro 'du bya// ting 'dzin gsal ba'i gnas gsum du// rnal 'byor snang ba'i nus pa 'jug par 'gyur// rnal 'byor snang ba'i nus pa gnyis pa la// re re la yang gsum gsum mo// dbugs dang sbyar te 'phro 'du bya// ting 'dzin gsal bas gnas gsum du// rnal 'byor snang ba'i nus pa bskyed par 'gyur// rnal 'byor snang ba'i nus pa gsum pa la// re re la yang re re'o// dbugs dang sbyar te 'phro 'du bya// ting 'dzin gsal ba'i gnas gcig tu// rnal 'byor snang ba'i nus pa brtas par 'gyur// rnal 'byor snang ba'i nus pa bzhi pa la// phyogs bzhi mtshams brgyad bla 'og bcur// re re la yang gting mtha' med// dbugs dang sbyar te 'phro 'du bya// ting 'dzin gsal ba rgyun mi 'chad// rnal 'byor snang ba'i nus pa thob par 'gyur// rin chen gling du phyin pas sa rdo

  390. 195b

    nub par 'gyur// snang ba'i nus pa thob pas snang ba nub par 'gyur// rdo rje gzhon nu'i rig 'dzin pas// phyir mi ldog pa'i sa yang gnon// yid bzhin nor bu 'dra la phyag 'tshal bstod// ces kI la gsang ba'i dgongs rgyud las/ bde bar gshegs pa zhal mthong ba'i snang ba'i nus pa ji ltar thob pa'i le'u ste drug cu gcig pa'o// // de nas phrin las kyi rgyal pos/ bcom ldan 'das la 'di skad ces gsol to// bdag nyid bde bar gshegs pa'i sku gsung thugs su byas nas dbang dang dngos grub slad kyis pha rol las nod pa'i don ji ltar lags/ zhes gsol pa dang / bcom ldan 'das kyis 'di skad ces bka' stsal to// bde gshegs snang ba'i nus pa ma thob par// sngon gyi thugs dam thugs bskyed pas// bde gshegs thugs rje'i byin rlab 'byung // mar me gcig las gnyis kyi tshul// dpal be'u gsum brgyud gsang lam nas// pad+ma las 'phros sras mchog byung // gzhal yas khang la lan gsum du// bskor ba byas te phyag byas la// pad+ma dbang gi sgor zhugs la/ bskal pa'i mtha' nas bsgrubs pa'i lha// ring ba'i dus nas bsnyen pa'i lha// thugs dam gcig cing dbyar dam skong // sku gsung thugs kyi dngos grub dang // gnyis su med pa'i dngos grub stsol// mchod pa lan grangs brgya stong dang // khri 'bum

  391. 196a

    bye ba dbul bar bya// gsang sngags lan grangs brgya stong dang // khri 'bum bye ba dbul bar bya// dngos grub bye ba brgya stong dang // khri 'bum bye ba blangs byas na// bde bar gshegs pa'i thugs rje 'byung // bdag sras gzhan sras de bzhin du// thabs mkhas thabs mang thabs myur bas// thabs kyi spyod pas 'gro don du// dbang dang byin rlab 'dir gsol bas// ye shes khro bo grub par 'gyur// sku gsung thugs kyi dngos grub thob// bdag la bsdu zhing 'od du thim// dbang dang byin rlabs dngos grub 'byung // zhes kI la ya gsang ba'i dgongs rgyud las/ dbang dang dngos grub blang ba'i le'u ste drug cu gnyis pa'o// // de nas yang phrin las kyi rgyal pos/ bcom ldan 'das la 'di skad ces gsol to// dbang dang dngos grub blang ba de lags na// dbang dang dngos grub blang ba'i dus// de la bar tshod 'phrog 'tshe mi 'byung ngam// zhes gsol pas/ bcom ldan 'das kyis 'di skad ces bka' stsal to// rgyu skar mgo dang rgyal skag dang // byang sems phur pa pa wa sangs// ra ba bzhi yi skya rengs gsum// bde bshegs rig 'dzin pho nya gsum// bde bar gshegs pa'i rig 'dzin gang na gnas par yang // dbang dang dngos grub dus der 'byung bar 'gyur// dbang dang dngos grub sgrub pa'i rnal 'byor

  392. 196b

    la// dam log dam sri ru dra yis// ye shes rtsal 'phang 'thon po sgrib// dngos grub 'phrog cing 'tshe bar byed// dge ba'i bsam par bar chod byed// khro bo chen po'i cha lugs kyis// bar chad drag tu bsgral bar bya'o// zhes ki la ya gsang ba'i dgongs rgud las/ dbang dang dngos grub blang ba'i dus tshod dang / dam sri bar chod bsgral ba'i dus kyi le'u ste drug cu gsum pa'o// // de nas yang phrin las kyi rgyal pos/ bcom ldan 'das la gsol pa/ dbang dang dngos grub sgrub pa'i rnal 'byor la// dam srid dam log ru dras par chod byed// 'di nyid ci las gyur pa yin zhes gsol// bcom ldan 'das kyis bka' stsal pa/ rnal 'byor rjes su 'jug pa la// 'di yi don rnams ngas bstan gyi// lha sku phyag rgya chen po bsgom las gyur// sangs rgyas mdzad spyod sngon du ma bzung bar// dngos po khro bo'i dkyil 'khor chen po bskyed// bde gshegs yi dam gcig bzung bde gshegs kun gyi ngang // yi dam bzang ngan bde bar gshegs la phye// chos la phyogs char bzung bas dam log phyogs chad nyams// lta ba sgos khur bcad pas sangs rgyas dgongs ma longs// nga ni theg chen khro bo'i rgyal po yin// sku dang yan lag rags pas 'jigs par bstan// ting nge 'dzin gyis stong gsum khengs par sprul// dgug dang bstims dang gzir

  393. 197a

    gnon drag pos brdung // 'dre srin rnams kyang lha ru bzung ste bran du khol// 'dong ngo gzas pa'i sha dang khrag la 'dong // srog chod dbugs phrogs rtags ni myur du ston// mgo sprugs so gtsigs mig bzlog brang brdung cing // sangs rgyas mdzad spyod bor bas don mi 'grub// 'jig rten 'di la phar bas tshur gnod che// sa bon me yis tshig pa la// 'bras bu skye ba ga la srid// sangs rgyas dgongs spyod bor ba las// dngos grub thob pa ga la srid// de yi rgyu mthun 'bras bu 'byung ba ni// dam log dam sri rU dra gsum du smin// 'jig rten khams gsum mdangs 'phrog srog gcod cing / rnal 'byor dngos grub 'phrog dang bar chod byed// sngon gyi las dbang btsan pa'i mthu yis ni// gcig la stong gsum khengs par sprul nas ni// yi dwags 'dre srin mthu bo cher gyur nas// 'jig rten khams kyi srog dang dbugs kyi bdag/ dge ba'i phyogs la dad pa'i bar chod byed// 'jig rten khams la gnod pa sha stag go/ de yi rnam smin dmyal khams rdo rjer bcu/ zhes ki la ya gsang ba'i dgongs rgyud las/ lha'i sku phyag rgya chen po bsgom pas// dam sri dam log rA tra gsum du gyur pa'i le'u ste drug cu bzhi pa'o// / de nas phrin las kyi rgyal pos/ bcom ldan 'das la 'di skad ces gsol to// lha'i sku phyag rgya

  394. 197b

    chen po bsgom pa las// ru tra dang ni dam srir skye ba de lags na// rnal 'byor rjes su 'jug pa rnams// lha sku phyag rgya chen po bsgom pa yis// sangs rgyas dgongs pa blang ba'i don ji ltar lags// zhes gsol pa dang / bcom ldan 'das kyis 'di skad ces bka' stsal to// rnal 'byor rjes su 'jug pa rnams// sangs rgyas dgongs pa blang ba'i don// lha sku phyag rgya chen por bsgom// rgyud dang lung dang man ngag dang // bskyed dang rdzogs dang rdzogs pa che// gsang ba cher gsang yang gsang thugs// gcig la gsum rdzogs ma rtogs par// mun mda' bzhin du phyogs tshod kyis// sangs rgyas dgongs pa longs mi 'gyur// dang por shes rab rnam gsum gyis// gtan tshigs don la phebs par dpyad// de nas bla ma dam pa las// gdams ngag rin chen thob byas la// thabs mang thabs chen thabs mkhas thabs myur bas// thabs kyi spyod pas 'gro don du// tshad med bzhi ni sngon du 'gro// byams dang snying rjes gang 'dul bas// sangs rgyas dgongs pa longs par bya// sangs rgyas phrin las rdzogs mdzad nas// sangs rgyas dgongs pa longs pa dang // dbang dang dngos grub 'byung ba yin// sangs rgyas dgongs pa longs pa la// lnga bcu gcig nas lnga yi bar// bzhi po dag nas blang bar bya'o// zhes kI la yang gsang ba'i dgongs

  395. 198a

    rgyud las/ sku phyag rgya chen po bsgom pas/ sangs rgyas kyi dgongs pa longs pa'i le'u ste drug cu lnga pa'o// // de nas yang phrin las kyi rgyal pos/ bcom ldan 'das la gsol pa/ rnal 'byor rjes su 'jug pa yis// bde bar gshegs pa thams cad la// longs spyod tshogs 'bul ji ltar bgyi// 'di yi don rnams bshad du gsol// zhes gsol pas/ bcom ldan 'das kyis bka' stsal pa// rnal 'byor rjes su 'jug pa yis// gsang ba cher gsang yang gsang thugs// bsgom pa'i khog gsum dgongs don sbyar// kun tu bzang mo yum gyi b+ha ga la// rak+ta chags pa chen po mtsho ltar 'khyil// dpal chen rdo rje gzhon nu dbyings nas bzhengs// yum chen 'khor ba rgyas 'debs sku la 'khril// phyogs bcu'i khro rgyal tshogs ni sprin ltar gtibs// pra thabs yang sbrul tshogs ni skar ltar 'khrug/ ci bgyi bka' nyan tshogs ni glog ltar 'gyu// dam can rmya mtsho'i tshogs ni mun ltar gtibs// thugs dam dbyings nas bzhengs te gshegs su gsol// srid pa'i phur bu bsgrub sogs nas// gshegs su gsol ba'i bar gyis ni// bsgom pa'i khog gsum dgongs don sbyar// longs spyod tshogs kyi zhal zas ri ltar spungs// zhing chen gsar rnying tshogs ni bye ltar bkram// mAM sa tsit+ta'i tshogs ni

  396. 198b

    rdza ltar lhags// rak+ta mang po'i tshogs ni mtsho ltar 'khyil// sbyang ba'i yi ge gsum pos sbyang // spel ba'i yi ge lnga pos spel bas ni// so so'i bcud bsdus lhar thim pa// bsgril ba'i snying po dag gis bskyil// longs spyod bdud rtsi chen por gyur// bla med mchog gi mchod pa dam pa 'di// ye shes lnga yi 'od zer rnam par spro// 'dod pa'i yon tan lnga yi char bzhin phab// dam rdzas bdud rtsi'i mchod pa dam pa 'di// bsgom pa'i khog dang dgongs don gsum// ting 'dzin sngags dang phrin las gsum// mchod pa'i bye brag thams cad kyis// thams cad du ni dbul bar bya// rgyal ba mnyes te dngos grub ni// rnal 'byor pa yis myur du thob// theg pa chen po sman pa'i sa// bskyed rdzogs tshogs sbyor mthong bskal gcig/ bsags brabs tshogs chen khyad par gyis// bsags bsregs dngos grub rnam gnyis thob// ces kI la ya gsang ba'i dgongs rgyud las/ longs spyod tshogs kyi mchod pa'i le'u ste drug cu drug pa'o// // de nas phrin las kyi rgyal pos// 'di skad ces gsol to// rnal 'byor rjes su 'jug pa yis// mos pa'i sgo nas phyag 'tshal bas// dngos grub thob pa'i don ci lags// zhes gsol pas/ bcom ldan 'das kyis bka' stsal pa/ chos dang longs sku sprul pa yi// 'ja' tshon nam mkha'

  397. 199a

    dbyer med bzhin// mos pa'i bsnyen bkur dbu la bkod// phyogs bcu'i rigs kyi gtso la phyag 'tshal lo// zhe sdang tshul gyis zhe sdang 'joms mdzad pa// rdo rje gzhon nu'i sku la phyag 'tshal bstod// 'dod chags tshul gyis 'dod chags gnas su dag/ 'khor ba rgyas 'debs sku la phyag 'tshal bstod// rmongs byed za byed che 'phel rgyas 'debs ma// gsang ba'i yum bzhi la yang phyag 'tshal bstod// thugs rjes drag snyems gdug pa 'dul mdzad pa// 'jigs byed khro bo bcu la phyag 'tshal bstod// khro bo'i chags pa thugs dam skong mdzad ma// 'jigs byed srin mo bcu la phyag 'tshal bstod// pho nya thogs pa med par rgyug pa yi// phra thabs nyi shu'i tshogs la phyag 'tshal lo// dngos grub bar chad dgra bgegs 'dul ba'i phyir// khro rgyal 'dus pa'i sras mchog kI la ya// yon tan rdzogs pa'i sku la phyag 'tshal lo// nam mkha'i lus can gar yang thogs pa med// 'dod pa sna tshogs sgyur ba'i 'phrul mo che// phyi nang mkha' 'gro'i tshogs la phyag 'tshol lo// rnal 'byor dngos grub don 'dod pa// dgongs don gsum gyis bde gshegs la// gsang ba cher gsang yang gsang thugs// mos pa'i sgo nas gdams ngag gis// phyag btsal dngos grub myur du thob// ces kI la ya gsang ba'i dgongs rgyud las/ mos sgo phyag

  398. 199b

    'tshal dngos grub myur du thob pa'i le'u ste drug cu bdun pa'o// // de nas phrin las kyi rgyal pos/ bcom ldan 'das la gsol pa// phyag 'tshal don ni de lags na/ dgongs don gsum la mos pa'i sgo nas bstod pas/ dngos grub myur du thob pa'i don ji ltar lags// zhes gsol pas/ bcom ldan 'das kyis 'di skad ces bka' stsal to// rnal 'byor rjes su 'jug pa yis// dgongs don gsum la mos bstod pa/ gru gsum mthing nag 'bar ba'i dkyil 'khor nas// bcom ldan dpal chen rdo rje gzhon nu ni// sku mdog mthing nag 'jigs pa'i tshul bstan pa// zhal gsum phyag drug zhabs bzhir bgrad// g.yas dkar g.yon dmar dbus mthing zhal// chos dang longs spyod sbrul sku'i rtags// nyon mongs bag chags thams cad zhal du rngub pa'i phyir// zhal nas khrag gi rba klong 'khyil ba yin// dug gsum rtsad nas gcod pa'i phyir// mche ba zang yag gtsigs pa yin// bag chags 'thor zhing g.yeng ba'i phyir// shangs nas rlung nag 'tshubs ma 'thor ba yin// nyon mong bag chags sreg pa'i phyir// spyan nas me yi phung po 'bar ba yin// phrin las thogs pa med par mdzad pa'i phyir// smin mtshams khro gnyer glog tu 'gyu ba yin// khams gsum srid gsum zil gyis gnon pa'i phyir// snyan nas bskal pa'i

  399. 200a

    'brug stong ldir ba yin// thugs rje'i sprul pa phyogs bcur 'gyed pa'i phyir// dbu skra ral pa kham nag phyogs bcur 'khyil ba yin// phyag drug g.yas kyi dang po'i phyag mtshan ni// rdo rje rtse dgus sa dgu'i rtog pa 'joms// phyag drug g.yas kyi bar pa'i phyag mtshan ni/ rdo rje rtse lngas rgyud lnga rab tu sgrol// phyag drug g.yon gyi dang po'i phyag mtshan ni// me dpung 'bar bas nyon mongs khams gsum bsreg/ phyag drug g.yon gyi bar ma'i phyag mtshan ni// kha T+wAM rtse gsum dug gsum rtsad nas gcod// phyag drug g.yas g.yon tha ma'i phyag mtshan ni// ri rab phur bus khams gsum dbang du sdud pa yin// badz+ra ku mA ra yi rgyan gyi cha lugs ni// gti mug lam du zhugs nas ni// gti mug gnas su dag bya'i phyir// glang chen dag gi lpags bshus nas// sku stod glang chen na bza' gsol ba yin// zhe sdang lam du zhugs nas ni// zhe sdang gnas su dag pa'i phyir// zhe sdang sbrul gyi chun po ni// rgyal rigs rje'u rigs dmangs rigs gdol pa'i rigs// dbu rgyan mgur chu snyan cha phyag gdub zhabs gdug rgyan gyis brgyan pa yin// nga rgyal gnas su dag bya'i phyir// nga rgyal stag gi lpags bshus nas// sku smad stag gi sham thabs gsol ba yin// 'dod chags lam du zhugs nas ni// 'dod chags gnas su dag pa'i phyir// dregs

  400. 200b

    pa brgyad kyi mgo bcad nas// se ral kha ru brgyan pa yin// phrag dog lam du zhugs nas ni// phrag dog ma spangs gnas su dag pa'i phyir// phrag dog mi yi lpags bshus nas/ sku la zhing chen g.yang gzhis brgyan pa yin// snang srid thugs rjes snum pa'i phyir// zhag gi zo ris sku la brgyan pa yin/ snang srid thugs rjes chags pa mi gtong phyir// rak+ta'i thig les sku la brgyan pa yin// phrin las rnam bzhi rdzogs pa'i mthar phyin phyir// thal chen tshom bus sku la brgyan pa yin// dus gsum 'byung ba'i sangs rgyas yin pa'i phyir// thod pa skam rlon ra ri'i phreng ba yis// dbu rgyan se ral kha ru brgyan pa yin// dregs pa thams cad dbang du sdud pa'i phyir// brkyang bskum tshul gyis lha chen pho mo gdan du bting ba yin// 'khor ba'i bag chags gting nas sreg pa'i phyir// sku la bskal pa'i me dpung 'bar ba yin// de 'dra khro bo 'jigs tshul bstan la phyag 'tshal bstod// dpa' bo khyod la phyag 'tshal bstod// sgeg chen khyod la phyag 'tshal bstod// bdud 'dul khyod la phyag 'tshal bstod// srid gsum 'joms pa'i lha la phyag 'tshal bstod// gsang ba cher gsang yang gsang thugs// sgom pa'i khog dang dgong pa'i don// phyogs kyi don dang ldan bstod na// mthu 'phrog dgug dang bstim pa dang // gdab dang gnan bsreg 'phang ba

  401. 201a

    dang // gnyen po stobs dang 'jigs las thar// gnyen po grub pas gang yang 'grub// mos pas bstod pas dngos grub myur du thob// ces kI la ya la gsang ba'i dgongs rgyud las/ mos pas bstod pas dngos grub myur du thob pa'i le'u ste drug cu brgyad pa'o// // de nas yang phrin las kyi rgyal pos/ bcom ldan 'das la gsol pa/ gtso bo la mos pas bstod pas dngos grub myur du thob pa de lags na// khro bo bcu la mos pas bstod pa'i yon tan bshad du gsol// zhes gsol pas/ bcom ldan 'das kyis bka' stsal pa/ bskal pa'i me ltar 'bar ba'i klong dkyil nas// phrin las gsum gyis bag chags dbyings su sdud// khro rgyal hUM kA ra la phyag 'tshal bstod// gsang ba'i thugs mchog 'khor ba rnams las rgyal// khro rgyal rnam par rgyal la phyag 'tshal bstod// 'gro ba'i don la phrin las 'joms byed pa// khro rgyal dbyug sngon dag la phyag 'tshal bstod// gzung 'dzin log rtog 'chi bdag tshar gcod pa// khro rgyal gshin rje gshed la phyag 'tshal bstod// 'khor ba'i skyon spangs sdug bsngal mgon mdzad pa// khro rgyal mi g.yo mgon la phyag 'tshal bstod// gdangs skad rngam bzhad tsham rngams phyogs bcur sgrogs// khro rgyal rta mgrin sku la phyag 'tshal bstod// thugs rjes 'gro don chags pas skyon mi

  402. 201b

    gos// khro rgyal gzhan gyis mi thub pa la phyag 'tshal bstod// 'khor ba'i bdud la thugs rje'i rtsi gtong ba// khro rgyal bdud rtsi 'khyil la phyag 'tshal bstod// khams gsum 'khor ba thugs rjes bsgral bas rgyal// khro rgyal khams gsum rnam rgyal sku la phyag 'tshal bstod// 'khor ba thugs rje'i stobs kyis bla med gnas su sgrol// khro rgyal stobs po che la phyag 'tshal bstod// 'jigs byed rngam pa'i khro rgyal yab yum bcu// 'khor ba'i byang sems phra thabs nyi shu'i tshogs// zhal bgrad mche gtsigs spyan bzlog 'gying bag can// phyag drug 'jigs pa'i mtshon cha sna tshogs bsnams// dur khrod chen po'i chas brgyad sgeg phyir brgyan// 'khor ba'i bag chags sreg phyir sku la me yi phung po 'bar// brkyang bskum tshul gyis 'gying bag stangs stabs can// dregs pa thams cad dbang sdud phyogs skyong bcu dag mnan// bdud 'dul dpa' bo khyod la phyag 'tshal bstod// thabs dang shes rab sku la phyag 'tshal bstod// ye shes sprul pa'i sku la phyag 'tshal bstod// sgom pa'i khog dang dgongs pa'i don// gsang ba cher gsang yang gsang thugs// dgongs don gdams ngag sbyar bstod nas// thun mong stobs kyis 'jig las thar// gnyen po stobs dang dngos grub dag/ myur du thob par the tshom med// ces kI la ya gsang ba'i dgongs

  403. 202a

    don las// khro bcu la mos pas bstod pa'i yon tan bstan pa'i le'u ste drug cu dgu pa'o// // de nas yang phrin las kyi rgyal pos/ bcom ldan 'das la 'di skad ces gsol to// rnal 'byor rjes su 'jug pa rnams// phur pa sras mchog bstod pa ni// byin gyis brlabs dang gzi byin bskyed// bzhengs su gsol dang las la gzhug/ gyen du gsor zhing glad la bskor// hUM bzhi gsal 'phro la sogs bdun pa bzhin// khro rgyal 'dus pa'i sras mchog kI la ya// ma g.yos chos mchog sku gsung thugs kyi bdag/ gru gsum mthing nag 'bar ba'i dkyil 'khor nas// bud+d+ha 'dus pa'i sras mchog kI la ya// gti mug bdud 'dul khros pa'i rgyal po dbyings nas bzhengs// gti mug chen pos gti mug 'joms mdzad lha la 'tshal bstod// gru gsum dka' nag 'bar ba'i dkyil 'khor nas// badz+ra 'dus pa'i sras mchog kI la ya// zhe sdang bdud 'dul khros pa'i rgyal po dbyings nas bzhengs// zhe sdang chen pos zhe sdang 'joms pa'i lha la phyag 'tshal bstod// gru gsum ser nag 'bar ba'i dkyil 'khor nas// rat+na 'dus pa'i sras mchog kI la ya// nga rgyal bdud 'dul khros pa'i rgyal po dbyings nas bzhengs// nga rgyal chen pos nga rgyal 'joms mdzad lha la phyag 'tshal bstod// gru gsum dmar nag 'bar ba'i dkyil

  404. 202b

    'khor nas// pad+ma 'dus pa'i sras mchog kI la ya// 'dod chags bdud 'dul khros pa'i rgyal po dbyings nas bzhengs// 'dod chags chen pos 'dod chags 'joms mdzad lha la phyag 'tshal bstod// gru gsum ldang nag 'bar ba'i dkyil 'khor nas// karma 'dus pa'i sras mchog ki la ya// phrag dog bdud 'dul khros pa'i rgyal po dbyings nas bzhengs// phrag dog chen pos phrag dog 'joms pa'i lha la phyag 'tshal bstod// phur pa sras mchog bstod pa ni// thur du bstan la drag tu gzer// gdab pa'i sras mchog ki la ya// dIp+ta tsakra phur pa'i lha// mi bzad drag po'i phur pa drug po yang // de ltar de bzhin rjes su'o// sku stod khro bo chen po la// zhal gsum phyag kyang drug pa ste// lte ba man chad chas rnams ni// pad+ma rA ga'i mdog 'dra ba// drag por gyur pa'i phur pa ste// dgra bgegs gzhan lta smos ci dgos// gdab dang mngags dang sdigs la sogs// btab na lha yang brlag par 'gyur// rtag tu mchod cing bcangs gyur na// sku dang gsung dang thugs kyi stobs// stobs chen khro bor bdag gyur nas// gnyen po stobs kyis 'jigs las thar// de yi yon tan bsam mi khyab// ces ki la ya gsang ba'i dgongs rgyud las/ sras mchog phur pa la mos pa bstod pa'i don gyi le'u ste bdun cu pa'o// // de nas phrin las

  405. 203a

    kyi rgyal pos/ bcom ldan 'das la gsol pa// rnal 'byor rjes su 'jug pa yis// phur pa bcangs pa'i don ni ji ltar lags// zhes gsol pas/ bcom ldan 'das kyis bka' stsal pa// rnal 'byor rjes su 'jug pa yis// rdo rje phur pa sras mchog la// khrag dang gu gul skabs su bdug/ ting 'dzin sngags ni nyin mtshan du// sum stong sum stong gdams ngag sbyar// ri dwags gong khug dag tu gzhug/ dar ram ras kyis dkris la sba// dpral bar mi bya lus la bcangs// dngos grub par chod tshugs mi 'gyur// ri la btab na ri yang snyil// brag la btab na brag kyang 'grum// mtsho la btab na rgya mtsho skem// chu bran rnams la btab na skam par 'gyur// bsrung bar btab na thub par 'gyur// bsdig na bred cing gzir ba dang // gdab dang mngags dang sdigs la sogs// dgra bgegs gzhan lta smos ci dgos// btab na lha yang rlag par 'gyur// dngos grub myur du thob par 'gyur// de yi yon tan bsam mi khyab// ces kI la ya gsang ba'i dgongs rgyud las// sras mchog phur pa bcangs pa'i don gyi le'u ste bdun cu gcig pa'o// // de nas phrin las kyi rgyal pos/ bcom ldan 'das la gsol pa// phur pa bcangs pa'i don ni de lags na// dgongs rgyud bcangs pa'i don ni ji ltar lags// zhes gsol

  406. 203b

    pas/ bcom ldan 'das kyis bka' stsal pa/ rnal 'byor rjes su 'jug pa yis// gsang ba'i dgongs rgyud chen po 'di// bai DUR+Ya yi glegs bam la// rin chen gser gyi zhun mas bris// bse sgrom smug por bzhugs su gsol// bris dang bcangs dang klog pa dang // 'chad dang nyan dang bsgom pa dang // phyi nang gsang ba'i mchod phul nas// rjes su yi rangs mos dad pas// lha dang klu dang gnod sbyin dang // dri za srin po mi 'am ci// lto 'phye che dang nam mkha' lding // bran dang pho nya mkha' 'gro mas// srung skyob ci bsam sgrub par byed// dngos grub ma thob bar du yang // ngan song dag tu skye mi srid// lha dang mi dang dbang rgyal skye// skye ba ngan pas par mi chod// brtul zhugs che na myur dag tu// dngos grub the tshom med par brnyes// zhes kI la ya gsang ba'i dgongs rgyud las// rgyud bcangs pa'i le'u ste bdun cu gnyis pa'o// // de nas yang bcom ldan 'das kyis rjes 'jug don du/ tshig dang yi ge sgra'i ting nge 'dzin la snyoms par zhugs te// rgyu'i sa bon bzhi bcu gnyis su gsungs so// de nas yang // a A// i I/ u U/ e ai/ o o/ r-i r-I/ li l-I/ aM AHsgra yi sa bon sgra yi bod// don ni sgra las byung ba'o// bzhi bcu gnyis dang bcu drug dag/ sgra don phyi mo de las dbyung bar bya// zhes kI la ya gsang

  407. 204a

    ba'i dgongs chud las/ tshig dang yi ge sgra byung tshul bstan pa'i le'u ste bdun cu gsum pa'o// / de nas yang phrin las kyi rgyal pos/ bcom ldan 'das la 'di skad ces gsol to// sgra yi sa bon bod cing sgra las 'byung ba yi// de yi don dgrol bshad du gsol// zhes gsol pas/ bcom ldan 'das kyis bzhi bcu gnyis kyi yi ge btu ba'i sgra'i ting nge 'dzin la snyoms par zhugs te// ka kha ga g+ha nga / tsa tsha dza dz+ha nya/ Ta Sha Da D+ha Na/ ta tha da d+ha na/ pa pha b+ha ma/ ya ra la wa/ sha Sha sa ha k+Sha/ lnga pa yi ni gsum pa dang // gnyis pa yi ni gsum pa la// me yi bu yi 'og tu sbyar// dang po'i dang po nyid dag dang // zab gnas pa yi gsum pa dang // de bzhin yang ni dang po la// dbyangs kyi gsum pa kun tu sbyar// mthar gnas pa yi gsum pa la// dbyangs kyi gnyis pa rab tu ldan// mthar gnas pa yi dang po'o// uSh+ma Na yi gsum pa dang / mthar gnas pa yi gnyis pas bsdus// mthar gnas pa yi bzhi pa btags// lnga pa'i gsum pa gang yin par// dbyangs kyi gsum pa sbyar bar bya// dang po'i bzhi pa dag ni btu// bzhi pa'i lnga pa dag la ni// dang po'i lnga yi thig ler byas// lnga pa yi ni gsum pa la// dang po'i lnga mthar thig ler byas// dbyangs yig dang po nyid dag dang // dbyangs kyi dgu pa sbyar bar bya// lnga pa'i

  408. 204b

    lnga mthar thig ler byas// dbyangs yig gnyis pa khong du 'gro// uSh+ma Na yi bzhi pa la// dbyangs yig lnga pa sbyar bar bya// dang po lnga pa thig ler byas// lnga pa'i gnyis pa sor bzhag dang // gsum pa'i gsum pa sor bzhag dang // thugs kyi gsung gi gsang sngags yin// gnas ngan len pa sreg pa'i mthu// zhes kI la ya gsang ba'i dgongs rgyud las/ rtsa ba'i gsang sngags kyi le'u ste bdun cu bzhi pa'o// // de nas phrin las kyi rgyal po karma he ru kas/ bcom ldan 'das badz+ra ki la ya la 'di skad ces gsol to// kye bcom ldan badz+ra ki la ya// rtsa ba'i gsang sngags yi ge btu ba de lags na// drag po khro bo'i yi ge btu ba ji ltar lags// bde bar gshegs pas lung bstan du gsol// zhes zhus pas/ thog mar oM dang hUM gnyis phaT// lnga pa yi ni gsum pa dang // gnyis pa yi ni gsum pa la// me yi bu yis gdan du byas// dang po'i gnyis pa dag dang ni// dbyangs yig bzhi dang me bur sbyar// gsum pa yi ni dang po'o// drag po'i tshig tu shes par bya// uSh+ma Na yi bzhi pa la// dbyangs yig lnga pa ldan par bya// dang po'i lnga pas mtshan pa dang // dang po'i dang po dag dang ni// mthar gnas pa yi gnyis pa dag/ 'dod pa'i bya ba don sgrub pa'o// hUM mdzad man+ta'i sgra yig go/ rdo rje khro bo re kun bzhin// lnga

  409. 205a

    pa'i gsum pa gang yin dang // dbyangs yig gsum pa sbyar bar bya// gnyis pa'i gsum pa gang yin dang // dbyangs kyi gnyis pa ldan par bya// drug pa'i dang po gang yin pa// rnam rgyal man+ta'i sgra yig go/ bzhi pa'i lnga pa gang yin dang // dbyangs kyi bzhi pa sbyar bar bya// mthar gnas pa yi gsum pa dang // bzhi pa'i gsum pa dag dang ni// gsum pa'i lnga pa bsdus te bzhag/ gsum pa'i gsum pa nyid dag la// dbyangs kyi gnyis pa de bzhin no// dbyug sngon man+ta'i sgra yig go/ drug pa yi ni dang po dang // lnga pa yi ni lnga pa la// dbyangs yig gnyis pa phye ste bzhag/ bzhi pa'i lnga pa btus la ni// bzhi pa dang po sor bzhag pa// dang po yi ni dang po'o// gshin rje gshed kyi man+ta'i sgra// dbyangs kyi gnyis pa nyid dang ni// de nas yi ge r+ya nyid dang // dbyangs kyi dang po dag dang ni// gnyis pa'i dang po gang yin dang // mthar gnas pa yi gsum pa dag/ mi g.yo mgon gyi sgra yig go/ uSh+ma Na yi bzhi pa dang // dbyangs kyi gnyis pa sbyar ba ste// drug pa'i dang po gang yin dang // dang po'i gsum pa gang yin dang // me yi bu yis gdab par bya// dbyangs kyi gsum pas phye ba yin// lnga pa'i gsum pa gang yin la// de la dbyangs kyi gnyis pas dbye// rta mgrin sngags su btu ba'i sgra// dbyangs kyi dang po gang yin dang // lnga pa'i

  410. 205b

    dang po gang yin dang // mthar gnas pa yi gnyis pa dang // de la dbyangs kyi gnyis pas dbye// gnyis pa'i dang po gang yin dang // de la dbyangs kyi gsum pa sbyar// bzhi pa'i dang po dbyangs yig gnyis pas phye// mi thub man+ta sgra yig go/ dbyangs kyi dang po gang yin dang // lnga pa'i lnga pa dag la ni// me yi bu yis gdan du byas// dbyangs yig gsum pa dang ni bsdus// bzhi pa'i dang po gang yin dang // dang po'i nyid la dbyangs lnga sbyar// bzhi pa'i lnga pa bsdus te bsres// gsum pa'i gsum pa dag dang ni// dbyangs kyi gnyis pas dbye bar bya// mthar gnas pa yi gsum pa la// dbyangs yig gsum pa khyad par phyed// bdud rtsi khyil pa'i man+ta'i sgra// bzhi pa'i dang po gang yin dang // me yi bu yis gdan du byas// dbyangs yig gsum pa sbyar bar bya// gdan du dbyangs yig gnyis pas gdab// drug pa'i gsum pa gang yin dang // dbyangs yig bcu pa dag dang ldan// dang po'i gsum pas gdab par bya// yi ge kyi nyid de nas blangs// lnga pa'i gsum pa dag la ni// dbyangs kyi gnyis pa gdan du byas// dbyangs yig gsum pas khyad par byed// gnyis pa'i gsum pa nyid dag dang // dbyangs yig gnyis pas khyad par dbye// drug pa'i dang po yang dag blangs// khams gsum rgyal ba'i man+ta'i sgra// lnga pa'i lnga pa nyid dang ni// uSh+ma Na

  411. 206a

    yis bzhi pa la// dbyangs yig gnyis pas rab tu dbye// lnga pa'i gsum pa gang yin dang // mthar gnas pa yi gsum pa dag/ stobs chen dag gi man+ta'i sgra// zhes kI la ya gsang ba'i dgongs rgyud las btu ba'i le'u ste bdun cu lnga pa'o// // de nas phrin las kyi rgyal pos/ bcom ldan 'das la 'di skad ces gsol to// kye bcom ldan badz+ra kI la ya// drag po khro bo'i yi ge btu ba de lags na// drag po khro bo rnams kyi bya ba'i don sgrub pa ji ltar lags// bde bar gshegs pas lung bstan du gsol/ zhes gsol pas/ bcom ldan 'das kyis bka' stsal pa// dang po'i dang po nyid dag dang // lnga pa'i mthar gnas sor bzhag gnyis// bru sha tra pa tra yi don la snyoms par zhugs te// oM dang hUM gnyis phaT dang bzhi// bar du mtshan nyid so sor gzhug/ mthar gnas pa yi gnyis pa la// dbyangs yig lnga pa sbyar bar bya// d+ha ra ya/ 'dod pa'i bya ba don sgrub pa'ang // yi ge nyi shu gsum pa la// dbyangs yig lnga pa gnyis su btags// dbyangs yig gsum pa brtseg ma'o// dbyangs yig gsum pa gcig gnyis pa dang gsum// dang po'i dang po nyid dag dang // lnga pa'i mthar gnas gnyis ni sor bzhag sogs// bru sha tra pa tra yi ru d+ha ra ya// hUM ka ra ru d+ha ra ya/ 'dod pa'i bya ba don sgrub pa'ang // ru rnam par rgyal ba dang // ru

  412. 206b

    dbyug pas 'joms pa dang // ru gshin rje gshed dang // ru mi g.yo mgon dang // ru rta myur drag po'i phrin las bzhi dang / ru mthus mi thub pa dang / ru bdud rtsi 'khyil ba dang / ru khams gsum las rnam par rgyal ba dang / ru gnas stobs po che dang / ru'i rnam par smin pa rgya mtsho tsam zhal du rngub nas 'od zer lus ngag yid la bstim pas/ dran pa brnyed de/ lus dang ngag yid dang chos skyong ba'o// zhes kI la ya gsang ba'i dgongs rgud las/ gsang sngags phrin las kyi 'dod pa'i bya ba'i don sgrub pa'i le'u ste bdun cu drug pa'o// / de nas phrin las kyi rgyal pos/ bcom ldan 'das la 'di skad ces gsol to// kye bcom ldan badz+ra kI la ya/ gsang sngags phrin las 'dod pa'i bya ba don sgrub de lags na/ yon tan nyi shu gcig rdzogs yi ge btu ba lung bstan du gsol/ zhes zhus pas/ bcom ldan 'das kyis bka' stsal pa/ dbyangs kyi yi ge dang po la// dbyangs yig bcu pa sbyar bar bya// dbyangs yig gnyis pa rab tu ldan// lnga pa'i mthar gnas thig ler byas// mthar gnas pa yi gsum pa la// dang po'i lnga pa thig ler byas// uSh+ma Na yi bzhi pa la// dbyangs yig lnga pa gdags par bya// dang po'i lnga pa thig ler sbyar// mtha' gnas pa yi gsum pa la// dang po'i lnga pa thig le sbyar// uSh+ma Na yi gsum pa

  413. 207a

    la// bzhi pa'i dang po gdags par bya// lnga pa'i mthar gnas sbyar bar bya// lnga pa'i bzhi pa sar bzhag la// bzhi pa'i mthar gnas gnyis su bsdus// lnga pa yi ni mthar gnas la// dbyangs yig bcu pa sbyar bar bya// uSh+ma Na yi bzhi pa sor bzhag pa'o// dbyangs yig gnyis pa rab ldan pa// dang po'i gsum pa sbyar bar bya// mthar gnas dang po sor bzhag pa'o// lnga pa'i bzhi pa sor bzhag dang // dang po'i gsum pa sor bzhag pa'o// lnga pa yi ni gsum pa la// bzhi pa'i mthar gnas bsdu bar bya// uSh+ma Na yi dang po la// me yi bu yi gdan du byas// dbyangs yig gsum pa sbyar bar bya// dang po'i dang po nyid dag dang // me yi bu yig gdan du byas// dbyangs yig gsum pa sbyar bar bya// lnga pa yi ni gsum pa la// dbyangs yig gsum pa sbyar bar bya// dang po'i dang po nyid dag la// me yi bu yis gdan du bya// dbyangs yig gsum pa sbyar bar bya// uSh+Ta Na yi dang po la// me ye bu yi dbyangs yig gnyis// dbyangs kyi yi ge gsum pas brgyan// lnga pa yi ni gsum pa dang // gnyis pa'i gsum pa me tha gdan// uSh+ma Na yi bzhi pa la// dbyangs yig lnga pa sbyar bar bya// dang po'i mthar gnas thig le byas// dang po'i dang po me bu sor bzhag gnyis// uSh+ma Na yi bzhi pa sor bzhag gnyis// dbyangs yig lnga

  414. 207b

    gnyis thig ler brgyan pa'o// lnga pa'i gnyis pa gnyis gnyis la// gsum pa'i gsum pa gnyis su sbyar// lnga pa yi ni gsum pa dang // gnyis pa yi ni gsum pa me bur ldan// dang po'i dang po mthar gnas gsum pa sor bzhag la// dbyangs yig gsum pa gnyis su sbyar bar bya// dang po'i dang po gnyis dag dang // dbyangs yig gsum pa sbyar ba'o// mthar gnas gsum pa sor bzhag la// mthar gnas dang po sor bzhag pa'o// rdo rje'i snying po ma yin pa// phur pa'i snying po brtseg ma'o// gnyis pa'i gsum pa sor bzhag dang // uSh+ma Na yi bzhi pa la// dbyangs yig lnga pa sbyar bar bya// dang po'i lnga pa thig ler brgyan// lnga pa yi ni gsum pa dang // dang po'i lnga pa thig ler brgyan// uSh+ma Na yi bzhi pa dbyangs yig bcu pa sbyar// uSh+ma Na yi gsum pa me bur dang // lnga pa'i gsum pa sbyar ba'o// lnga pa yi ni gsum pa dang po'i bzhi pa dang // dbyangs yig gsum par sbyar bar bya// bzhi pa'i mthar gnas gnyis su sdud// rdo rje phur pa'i snying po dang // uSh+ma Na yi bzhi pa sor bzhag gnyis// dbyangs yig lnga pa btags la ni// dang po'i mthar gnas thig ler brgyan// lnga pa'i gnyis pa gnyis dag la// gsum pa'i dang po sor bzhag gnyis// lnga pa'i gsum pa'i gnyis pa'i gsum pa la// me yi bu yis gdan du byas// uSh+ma Na yi bzhi pa

  415. 208a

    sor bzhag gnyis// dbyangs yig lnga pa btags la ni// dang po'i lnga pa thig ler brgyan// dang po'i dang po sor bzhag dang // mthar gnas gnyis pa sor bzhag pa'o// uSh+ma Na yi bzhi pa la// dbyangs yig lnga pa gdags par bya// dang po'i lnga pa thig ler brgyan// lnga pa'i gnyis pa sor bzhag dang // gsum pa'i dang po sor bzhag pa'o// uSh+ma Na yi bzhi pa la// dbyangs yig lnga pa gdags par bya// dang po lnga pa thig ler brgyan// dang po'i dang po sor bzhag dang // mthar gnas gnyis la sor bzhag pa'o// uSh+ma Na yi bzhi pa la// dbyangs yig lnga pa gdags par bya// dang po'i lnga pa thig ler brgyan// lnga pa yi ni gsum pa dang // dang po'i lnga pa thig ler brgyan// uSh+ma Na yi bzhi pa la// dbyangs yig lnga pa gdags par bya// dang po'i lnga pa thig ler brgyan// dbyangs yig dang por bzhag pa'o// sbyor ba gsum gsum dag gis ni// nyi shu gcig gis bya ba sgrub// ces kI la ya gsang ba'i dgongs rgyud las/ yon tan nyi shu gcig gis bya ba sgrub pa'i sgra yi yi ge btu ba'i le'u ste bdun cu bdun pa'o// // de nas phrin las kyi rgyal pos/ bcom ldan 'das la 'di skad ces gsol to// yon tan nyi shu gcig gis bya ba sgrub po'o yi ge btu ba de lags na// mnan phur gyi sgra'i don ji ltar lags zhes

  416. 208b

    gsol pas/ bcom ldan 'das kyis bka' stsal pa/ drag sngags nyi shu rtsa gcig la// yon tan nyi shu gcig gi mthu// sgra yi sbyor ba gsum dag gis// don bzhi sbyor ba me yis bsreg/ drag sngags drug pa'i sbyor ba'i mthu// smad kyi stod kyi bdun po'i sgra// 'dod pa'i bya ba bdun sgra'i mthus// drag sngags drug po sbyangs pa'i mthus// 'dod pa'i bya ba drug sgra'i mthus// bco brgyad dag gi drag sngags sgra// 'dod pa'i bya ba nyi shu brgyad// rnam gsum sgra tshig byin brlabs mthus// tshor byed drag sngags bdun btab la// phyi nan phyi nan mi phyin sgra// rnam gsum sgra tshig byin rlabs mthus// mthong byed drag sngags bdun btab la// sred su nan shag tra ga nan// sus kyang mi phyin pa yi sgra// rnam gsum sgra tshig byin rlabs mthus// thos byed drag sngags bdun btab la// a ra li tshal pa nan// sus kyang mi phyin pa yi sgra// rnam gsum sgra tshig byin brlabs mthus// ro byed drag sngags bdun btab pas// shu la khang me nan// sus kyang mi phyin pa yi sgra// rnam gsum sgra tshig byin brlabs mthus// reg byed drag sngags bdun btab pa// a ra su tri nan/ sus kyang mi phyin pa yi sgra// rnam gsum sgra tshig byin brlabs mthus// zhe sdang dran rtog drag sngags bdun btab pas// karma tsit+ta dza ra ni nan/ sus kyang mi phyin pa yi sgra// rnam gsum sgra tshig byin brlabs mthus// nga

  417. 209a

    rgyal drag sngags bdun btab pas// khe ra pra dum khum nan// sus kyang mi phyin pa yi sgra// rnam gsum sgra tshig byin brlabs mthus// phrag dog drag sngags bdun btab pas// lhu dum ma shig nan// sus kyang mi phyin pa yi sgra// rnam gsum sgra tshig byin brlabs mthus// 'dod chags drag sngags bdun btab pas// a ta su tri su tri nan/ sus kyang mi phyin pa yi sgra// rnam gsum sgra tshig byin brlabs mthus// gti mug drag sngags bdun btab pas// b+han d+ha ko ro tsa na nan// sus kyang mi phyin pa yi sgra// rnam gsum sgra tshig byin brlabs mthus// gnad gsum drag sngags re btab pas// rten dag gnyis pa'i byin brlabs sgra// mnan phur brgya ni rtsa brgyad kyis// 'dod pa'i bya ba don sgrub pa'o// kI la ya gsang ba'i dgongs rgyud las// sgra don gyi le'u ste bdun cu brgyad pa'o// // de nas yang stobs chen khro bo'i ting nge 'dzin la snyoms par zhugs te/ sku gsung thugs kyi stobs las/ khro bo mtshon cha'i drag sngags phyungs ste/ rdo rje gsang ba'i zhes karma gsum gyi sgra thon to// phur pa bdun la nyi shu gcig/ dngas ma gsum la sbyor ba gsum// 'dod pa'i bya ba bdun sgrub pa'o// gti mug rdo rje'i phur pa yis// stobs chen ma ma'i drag sngags sgras// gti mug rtsad nas bcad pa'i mthu// zhe sdang rdo rje'i phur pa yis// stobs

  418. 209b

    chen pa sha'i drag sngags sgras// zhe sdang rtsad nas bcad pa'i mthu// nga rgyal rdo rje'i phur pa yis// stobs chen ma traM nya yi drag sngags kyis// nga rgyal rtsad nas bcad pa'i mthu// 'dod chags rdo rje'i phur pa yis// stobs chen ka ri'i drag sngags kyis// 'dod chags rtsad nas bcad pa'i mthu// phrag dog rdo rje'i phur pa yis// stobs chen shI g+h+raM kA ra yi drag sngags kyis// phrag dog rtsad nas gcod pa'i mthu/ sku gsung thugs kyi stobs po che// i nan gyi ni drag sngags sgras// bgegs chen rlag par byed pa'i mthu// d+ha ti ma ma'i drag sngags sgras// rA tra sde gsum sgral ba'i mthu// lus ngag yid gsum gnas su sgul ba'i mthu// tshe yi rten phral gnad kyang gcod pa'i mthu// rgyu yi gtso bo rlung yin te// rlung bgegs pa yi drag sngags 'dis// me chu sa dang nam mkha' sogs// de bzhin de ltar rim bzhin 'gag/ tshangs pa'i tshe dang ldan pa yang // sbyor ba gsum gyis 'jig par 'gyur// zhes kI la ya gsang ba'i dgongs rgyud las/ stobs chen khro bo'i le'u ste bdun cu dgu pa'o// // de nas phrin las kyi rgyal pos/ bcom ldan 'das la 'di skad ces gsol to// bla 'gugs pho nya'i don ni ji ltar lags// zhes gsol pas/ nag po'i thod chen dag tu ni// bya rog 'ug pa'i dang ru la// gzas pa'i ming rus sgro rtsar gdags// ltag sprad sbyar te ga

  419. 210a

    bur gzhug/ gsang sngags bdun pa bris la gdags// gsang sngags bdun pa sbyor ba gnyis// drug pa'i dang po sbyar bar bya// gzas pa'i thim par bcug la ni// zhag ni nyi shu rtsa gcig tu// thun du brab cing lus la bstim// pho nya drug cu'i gtso mo ste// nam mkha'i lha mo phur pa'i lha// pho nya drug cus bla bkug nas// lag brgya lcags phur dkar nag mtshams// bdun pa drug pa'i dang po yis// sbyor ba gnyis dang gsum gyis gdab// phur pa'i lha mo bla 'gugs ma// dkar mo dung gi mche ba can// lag brgya lcags phur brgya bsgril cing // zhal brgya drag sngags drug dang bdun pa zlas par bsam// drag sngags drug gi 'od zer sngon dmar 'phros// dung gi spyang mo mgo dgu yis// gzas pa'i don snying 'dru bar bsam// ga bu'i nang du btab ste mnan// phrin las ma grub 'di yis spogs// dgug bstim ma khugs 'di yis spogs// bla phur ma thebs 'di yis thebs// bla phur gdab pa'i ga 'ur mnan// bla phur drug cu pho nyar bcas// mnan pa ri rab rtse la mnan// rlung rta dar bas phrin las gsol// spogs pa'i cho ga 'di yis ni// nyi shu gcig gis the tshom med// wi hi li wi hi li// zhes kI la ya gsang ba'i dgongs rgyud las/ bla bkug pho nya spogs pa'i le'u ste brgyad cu pa'o// // de nas phrin las kyi rgyal pos/ bcom ldan

  420. 210b

    'das la 'di skad ces gsol to// kye bcom ldan badz+ra ki la ya// rnal 'byor rjes su 'jug pa la// gzung 'dzin bzlog nas sangs rgyas su// yang dag dgongs pa ji ltar lags// zhes gsol pa dang / bcom ldan badz+ra kI la yas/ 'di skad ces bka' stsal to// gzugs sogs 'byung ba bzhi po yang // nye bar len pa len byed lnga// 'phen par byed pa las yin te// sbyin pa'i 'bras bu rgyu drug tu// rten cing 'brel ba'i 'khor lo bskor// de la zlog thabs yang dag don// bskyed pa'i rim pa yang dag don// de ltar de bzhin dkyil 'khor lha// gnyis su sbyor ba gcig tu gsal// nus 'jug bskyed dang ltas thob pa// oMHdang AM.AHdang hUM gis gzung las bzlog/ nyon mongs sgrib pa phyi gzung yul las 'das// AM dang AMHdang hUM gi ngo bo las// 'dzin pa'i shes bya'i sgrib pa'i don ma longs// chos rnams thams cad sems yin te// sems kyi rnam pa lha yi sku// bde gshegs 'dzin pa gnyis su rig par gsal// de nyid sangs rgyas dgongs ma longs// phung po khams dang skye mched dang // bde gshegs dkyil 'khor klong du'o// lus ngag yid gsum phung po yang // dkyil 'khor gsum gyi klong dkyil 'khor// snang la rang bzhin med pa bzhin lta bu// kha mig rna ba yan lag gzung 'dzin gnyis// rang bzhin med par 'dzin pa tsam yang min// mar me'i 'od kyis

  421. 211a

    mun pa sel 'gyur te// phyogs gcig mun pa sel mi 'gyur// 'od chung mun pa sel mi 'gyur// bcu drug 'od kyis mun pa sel// tha dad rin chen rnyed 'gyur tsam// dang por de ltar de bzhin no// rin chen rang las rtogs pas rnyed// mun pa'i smag ni tshon nag bzhin// sprin gyis bsgribs pa'i nyi ma bzhin// rin chen tha dad de bzhin no// sprin med nyi ma shar ba'i 'od// nyi zer dro gsal bde 'bras 'byung // rang las rin chen rnyed 'gyur te// yang gsang thugs la bde 'bras 'byung // sku gnyis 'gro don byin rlab snang // 'gro ba rnams la bde 'bras snang // rgya mtsho'i kha dang rgya mtsho'i gting // rkyen gyis de ltar de bzhin du// tha dad pa dang tha mi dad// rin chen rnyed pa de bzhin no// yang gsang thugs kyi dkyil 'khor ni// chos rnams thams cad sems yin te// sems nyid rnam par shes pa rdo rjer bsgom// chos dang chos nyid gnyis su med// chos rnams thams cad 'khor ba dang // 'khor ba nyid kyang sems yin pas// sems nyid rnam par shes pa rdo rjer bsgom// 'khor ba mya ngan 'das pa gnyis su med// chos rnams thams cad kun rdzob ste// kun rdzob nyid kyang sems yin te// sems nyid rnam par shes pa rdo rjer bsgom// don dam kun rdzob gnyis su med// sangs rgyas sems can de bzhin no// gsang ba cher gsang yang

  422. 211b

    gsang thugs// gnyis la re re gdams ngag ni// 'od kyis mun pa sel mi sel// tha dad pa dang tha mi dad// rim bzhin rin chen gdams ngag 'byung // zhes kI la ya gsang ba'i dgongs rgyud las/ gzung 'dzin bzlog nas yang dag pa'i dgongs pa bstan pa'i le'u ste brgyad cu gcig pa'o// // de nas bcom ldan 'das badz+ra kI la yas/ phyogs bcu'i sangs rgyas/ phrin las kyi rgyal po karma he ru la sogs pa la/ dgongs rgyud gtad pa la brtan par gzung ba'i ched du 'di gsungs so// chos rnams thams cad skye med la// rtog pa'i dbang gis sdug bsngal smin// de dag sgrol bar bya ba'i phyir// ljags kyi dbang po bkram nas gsungs// rjes 'jug rnams kyis brtan por zung // 'gro ba las ni dang po yis// dgongs rgyud yi ger bris gyur nas// klog dang kha ton byed pa rnams// sgra med gnas su mi skye bar// dkon mchog sgra sgrogs gnas su skye// skye ba ngan pa len par bor// rim pas 'grod nas byang chub thob// dgongs rgyud 'di la thos bsam na// rjes 'jug thogs med shes rab 'gyur// dgongs rgyud 'di la bshad gyur na// skye ba ma brgyud gnas lnga la// 'di yis 'bras bu 'phel bar 'gyur// dgongs rgyud 'di la bsgom gyur na// tshe 'di nyid la phyir mi ldog/ mngon shes drug ni 'char bar 'gyur// yid bzhin nor bu rin chen la// ci

  423. 212a

    'dod don ni 'byung bar 'byung // sku gsung thugs kyi gsang rgyud las// snga rabs da ltar slad kyis 'byon// sangs rgyas 'di las 'byung ba yin// rjes 'jug las ni dang po yis// mthong zhing zos na rtogs par 'gyur// 'di la ma yengs dam tshig che// rdo rje'i thugs las rtogs gyur na// thugs kyi sku dang thugs kyi gsung // bde bar gshegs pas rab bsngags pas// yon tan thams cad 'di las 'byung // dngos por lta ba'i gsang sngags kyang // 'di nyid bzung zhing bklags spyad na// dam pa rnams kyi dam pa'i mchog/ dngos po sgyu ma na bun mthong // longs spyod rdzogs pa'i sku dang gsung thugs rdo rje'i gnyis su med par bzhugs te/ ting nge 'dzin las bzhengs so// phrin las kyi rgyal po karma he ru kas kyang thugs rdo rje la gnyis su med par zhugs te/ gcig gi rang bzhin du mnyam zhing dbyer med par gyur te/ mi snang bar gyur to// de bzhin gshegs pa thams cad kyi sku gsung thugs la gtad cing bzung ba'i le'u ste brgyad cu gnyis pa'o// // bi drot+ta ma 'bum sde'i nang nas/ kI la ya gsang ba'i dgongs rgyud ces bya ba rdzogs so// // u rgyan gyi mkhan po pad+ma thod phreng dang / mang yul gyi lce ku ku rA tsa dang // brang ti dza ya rak+Shi tas bsgyur cing gtan la phab pa'o// gzungs ma mkhar chen bza' la gtad

  424. 212b

    pa'o// // @#// rgya gar skad du/ badz+ra ki la ya dwe Sha pa ri shud+d+ha rA dza tan+t+ra nA ma/ bod skad du/ rdo rje phur pa zhe sdang yongs su dag pa'i rgyud kyi rgyal po zhes bya ba/ bcom ldan 'das dpal 'jigs byed kyi rgyal po la phyag 'tshal lo// 'di skad bdag gis thos pa'i dus gcig na/ bcom ldan 'das dpal de bzhin gshegs pa thams cad kyi sku gsung thugs so so ma yin pa'i rang bzhin te/ de nyid kyi ngo bos mtha' dbus med pa'i gsang ba nas drag po zur gsum ste/ 'jigs byed drag po'i rgyan mang pos bklubs pa/ de nyid rigs dang rdo rje dang grangs dang rnam pa thams cad kyi khyad par dang ldan pa/ ye shes kyi phur pa'i ngo bor bzhugs so// de la bcom ldan 'das kyis bka' stsal pa/ de bzhin gshegs pa thams cad kyi sku gsung thugs kyi ye shes kyi phur pa gsang ba 'di lta bu// e ma 'khor// e ma he ru ka legs so/ legs so// snying rje chen po byang chub sems chen po dam tshig chen po snying po rdo rje phur pa zhe sdang yongs su dag pa zhes bya ba nyon cig/ karma he ru kas gsol pa/ byang chub sems 'di snying rje ji ltar 'gyur// rnal 'byor dbang phyug ji ltar lags// bcom ldan 'das kyis gsungs pas// lus dbus ye shes ros gang ba// myong ba byang chub sems su bshad// phyag rgya che la rab gnas pa// thig le dbus nas 'dren pa

  425. 213a

    ni// rnal 'byor dbang phyug chen por gsungs// karma he ru kas gsol pa/ badz+ra zhes pa ji ltar 'gyur// de yi mtshan nyid ji lta bu// ki la ya zhes ci zhig gsungs// bcom ldan 'das kyis bka' stsal pa// badz+ra zhes pa rdo rjer gsungs// kI la ya zhes phur pa ste// rdo rje phur pa bdag nyid rgyud// nga yis bshad kyi khyod nyon cig/ dgug dang dpral dang gsad pa dang // rengs pa nyid dang bskrad pa dang // sde dpung pham dang mngon spyod pa'o// ji ltar gsungs pa'i rim pa dag/ brtul bzhugs bcas las mnyan par gyis// ye shes chen po lus la gnas// kun tu rtog pa'i 'ching ba bcom// lus la ye shes skyed mi gyur// karma he ru kas gsol pa/ kye khrag 'thung gi rgyal po bcom ldan 'das nyid kyi lus la byang chub sems kyi gnas su mchis/ bcom ldan 'das kyis bka' stsal pa/ rten gnas sum cu rtsa gnyis po// sum cu rtsa gnyis 'di dag kyang byang chub kyi sems bde ba 'dzag pa'i mtshan nyid can kho na'o// de la gtso bo gsum ste// la la nA dang // ra sa na dang / a ba d+hA tI'o// la la nA ni g.yas nyid gnas// ra sa nA ni g.yon du shes// a ba d+hA tI dbus na 'dzag/ gzung dang bral zhing dri ma med// shin tu phra ba'i bdag nyid can// a b+hed+yA suk+tA rU pA dang / di byA dang / bA mA dang / bA mi nI dang / ku ra ma dzA dang / b+ha ba kI dang / she ka dang / do

  426. 213b

    ShA dang / Sh+Ta dzA dang / mA ta rA dang / sarba rI dang / shI ta dA dang / uSh+mA dang / la ma nA dang / a ba d+ha tI dang / ra sa nA dang / bra ba NA dang / kr-iSh+Ta dang / su rU bi NI dang / swa mA n+ta dang / he tu dA yi kA dang / bi lo kA dang / pre ma NI dang / sid+d+hi dang / swa ba kI dang / su ma nA s+thA dang / tr-i brit+ta dang / ka ma ni dang / ge hA dang / tsaN+Da kA dang / mA ra da ri ka'o/ sum cu rtsa gnyis po 'di dag khrag 'thung gi rgyal pos ji ltar blta/ bcom ldan 'das khrag 'thung gi rgyal pos bka' stsal pa// khams gsum po ni khu ba'i gzugs// dri bral thig le'i gzugs can nyid// rtag tu rnam spangs bde ba'i gzugs// phyi dang nang gi dbye ba gsum// A li dang ni kI li dang // zla ba'i nyi ma g.yas dang g.yon// thabs dang shes rab bdag nyid do// chos kyi thig le dang / longs spyod kyi thig le dang sprul pa'i thig le dang / bde ba chen po'i thig le'o// yi ge bzhi ni/ e baM mA yA 'o// sprul pa'i rten la thig bzhi gnas// shing ni drug cu rtsa bzhi'o// chos kyi thig le la brgyad do// longs spyod thig le la bcu drug go/ bde ba chen po'i thig le ni sum cu rtsa gnyis so// mtshon pa ni bzhi ste/ sna tshogs dang / smin pa dang / btsir ba dang / bral ba rnams so// gnas lugs kyi de kho na nyid bzhi ni/ bdag dang sngags kyi de kho na nyid dang // lha dang phur pa'i mtshan nyid kyi de kho na nyid do// sa bzhi ni/ bde ba'i

  427. 214a

    sa dang / dri ma dang bral ba'i sa dang / 'bras bu dang bcas pa'i sa dang / thams cad mkhyen pa'i sa'o// zla ba dang nyi ma dang A li dang kA li bzhi ru yang dag par 'pho ba'o// de ltar thams cad ni bzhi bzhi dang sder dbye ba'o// sprul pa'i thig le sbar bas thig le rnams bsregs pas// bde ba chen po'i thig le 'dzag pas phyag rgya chen po bskyed pa nyid do// rdo rje phur pa zhe sdang yongs su dag pa'i rgyud las byang chub sems kyi le'u ste dang po'o// // de nas byin rlab sngags kyi le'u bshad par bya ste/ yi dwags rnams kyi gtor ma'i sngags ni// oM a ka ro mu khaM sarba d+harmA NaM ad+ya nut+pan+na tA ta/ oM aHhUM phaT swA hA/ khrag 'thung rnams kyi sa bon ni/ hUM hUM hUM hUM hUM hUM hUM hUM hUM hUM hUM/ oM badz+ra ki li kI la ya sarba big+ha nAM baM hUM phaT/ rdo rje gzhon nu'i snying po'o/ sngags kyi tshig thams cad la yi ge oM la sogs pa dang / swA hA ni mthar ro// hUM dang phaT/ ni bar du gzhugs pa'o// oM badz+ra kI li kI la ya a ka tsa Da ta ba ya sha swA hA// gnas nas bskrad pa'i sngags so// lha mo rnams kyi sa bon ni// a a a a a a a a a a a// sa bon ni 'di rnams so// oM badz+ra kro ta hUM kA ra gardza gardza hUM phaT swA hA/ hUM kA ra na ta ri badz+ra kI la ya hUM hUM hUM phaT phaT/ dngos grub don ni dbye ba'o// sngon du bsnyen pa ni sum 'bum mo// der bsgrub bya de rnam par bsam te sman chen po des bskor

  428. 214b

    nas bsgrub bya thams cad kyi go bcad par 'gyur ro// rdo rje sman gyi cho ga'o// tsha ba'i rims kyis thebs par 'dod na// gnod sbyin gyi shing arga ta'i 'dab ma la dug dang skye tshe dang shing tsi tra ka'i khu bas gdug pa can gyi ming bris pa// dur khrod kyi mer bcug la sngags bzlas pa khrir bya ba ni// oM badz+ra kI li kI la ya sha truM b+h+rUM hUM hUM hUM phaT phaT phaT swA hA// khri ru bzlas pas 'grub pa'o// bud med dbang du bya bar 'dod pas/ dpyid zla ra ba'i yar gyi ngo'i tshes brgyad la shing a shra ka'i drung du gos dmar po gyon la shing ma ga ta'i kat+ta yang 'bras bu bza' shing ka ma tsi ka'i thig le byas te sngags bzlas pa ni// oM a ma yo gi mi hri b+ha shi d+ha ru swA ha/ bris khugs so// de nas dud 'gro rnams kyi snying po dbye ste// oM badz+ra ki la ya b+he lu ba u ts+tsha Ta ta u phaT/ zhes brjod nas glang po che'i mche ba'i phur bu dril bas glang rgod 'bros par 'gyur ro// oM badz+ra kI la ya pa da ma ma uts+tsha Ta ta hUM phaT ces brjod pas/ stag gi mche ba g.yas pa'i phur pa dril bas stag mi gzan 'bros par 'gyur ro// oM badz+ra ki li ki la ya i li mi li phu phu uts+tsha Ta ta hUM phaT/ ces brjod nas sbrul chen po'i mche ba dril bas/ sbrul mi gzan 'bros par 'gyur ro// gnod sbyin rdo rje rnon po'i phyag rgya bstan na// khyi rgod 'bros par 'gyur ro// rdo rje rin chen las rnams kyis// so so tha dad las sogs bya// rdo rje

  429. 215a

    phur pa zhe sdang yongs su dag pa'i rgyud las sngags kyi le'u ste gnyis pa'o// // de nas khrag 'thung 'bar ba'i le'u bshad par bya ste/ dang po byams pa bsgom byas te// gnyis pa snying rje rnam par bsgom// gsum pa dga' ba bsgom pa nyid// btang snyoms kun gyi mjug tu'o// de nas yang ni 'di ltar te// stong pa'i bde ba byang chub dang // gnyis pas dngos po sa bon bsdus// gsum pas khrag 'thung gzugs rdzogs pa'o// bzhi pas khro bo'i dbang po dgod// raM ni nyi ma mngon du bsgom// nyi ma de ru sna tshogs rdo rje dngos// rdo rje'i de nyid bsgom par bya// ra ba dang ni thog gis bcings// dang por bsgom bya dbang phyug chen po nyid// blo ldan chos nyid rang bzhin no// rnal 'byor de steng gnas pa ni// khrag 'thung 'bar ba bsgom par bya'o// rang nyid nyi ma'i snying po bsgom// dngos po de ni sa bon dkyil 'khor ro// yi ge hUM byung 'jigs chen po// shes rab rang bzhin cher rnyed nyid// kha dog nag po 'jigs chen po// yi ge hUM las rdo rje byung // rdo rje lte ba'i dbus na gnas// hUM nyid yongs su zhu ba las// zhe sdang bdag por rnam par bsgom// nag po chen po rdo rje kye// rgyan rnams kun gyi 'chang byed pa'i// lha mo lnga yis yang dag mchod// nag mo lag na gzugs 'dzin ma// chags pa'i lag na dri 'dzin ma// 'jigs byed ma ni sgra 'dzin ma// sngo

  430. 215b

    bsangs ma ni ro 'dzin ma// 'jigs chen mo ni 'khyud byed ma'o// lha mo lnga yi khyad par gyis// bde chen 'jigs pa'i gzugs mchod pa'o// dpa' bo 'jigs pa'i gzugs can la// bsdus te snying gar rab zhugs pas// rnal 'byor pa bdag zhe sdang 'gyur// sngon po cung zad dmar mdangs mdog/ rdo rje khros pa'i gzugs 'chang zhing // dmar nag ral pa gyen du brdzes// rgyan lnga yis ni rnam par brgyan// rus pa'i 'khor lo sbrul gdub dang // skra yi ske rags thal chen tshom bu dang // rak+ta'i thig les rnam brgyan pa// 'di dag rgyan lngar rab tu grags// rnam par dag pa khrag 'thung lnga// lo ni bcu drug lon pa yi// lus 'dra khros pa'i lta stangs mdzad// g.yon gyi dang po me dpung ste// bar pa kha T+wAM rtse gsum 'dzin// g.yas na rdo rje nag po ste// bar ba rtse lnga thugs kar bstan// tha ma ri rab phur pa bstan// hUM phaT sgrog pa'i bdag nyid can// mgon po dur khrod khrag rlon gsol// khro rgyal khrag 'thung bcus bskor zhing // mi bzad gar zabs rol pa'i tshul// shes rab rdo rje rgyas 'debs ni// chags pa'i tshul 'dzin yab la 'khyud// g.yas pa lnga min rak+ta stob// phyag drug zhal gsum 'jigs pa'i gzugs// hUM gsal lha yi 'khor lo rdzogs// zhabs 'og dbang phyug chen po mnan// nges par rnam par rdzis pa'o// rdo rje phur pa zhe sdang yongs su dag pa'i rgyud

  431. 216a

    las lha nyid kyi le'u ste gsum pa'o// // de nas dbang bskur ba'i le'u bshad par bya ste// snying gar 'od zer 'bar 'phro 'khrug/ byung bas sngon po lcags kyu'i gzugs// bdud rtsi 'khyil pa'i phyag na gnas// spyan 'dren mchod bstod dang po yin// 'og min sangs rgyas spyan drangs te// nam mkhar 'jigs pa'i gzugs can bsams// de nas khro mo lngas mchod de// khrag 'thung rjes su bskul nas ni// oM badz+ra kI li kI la ya a b+hi Shiny+tsa tu maM sarba badz+ra ka tha// de nas sangs rgyas thams cad ni// khrag 'thung gzugs su gyur nas ni// mkha' gsang sbyor ba'i byin rlab las// byang chub sems dpa' spyi bor bskur// lnga yi dbang bskur chags chen la// gur gum char dang glus bstod nas// mgo steng rang gi bdag por bzhugs// de ltar khrag 'thung skur rdzogs nas// thun mtshams bzhir ni byin gyis rlobs// bsgom pa byas nas langs nas su// khrag 'thung gzugs su gnas par bya'o// rdo rje phur pa zhe sdang yongs su dag pa'i rgyud las lha la dbang bskur ba'i le'u ste bzhi pa'o// // de nas gnas kyi le'u bshad par bya ste// shing gcig drung dang ma rungs pa// dug shing gdug pa yod pa dang // ma bdun gnas pa'i khyim rnams dang // srog chags ra dang chu srin kha// g.yul ngo bkye dang mtshon phog dang // bsad bcad

  432. 216b

    pa dang ma rungs pa// 'di ni drag po sgrub pa'i gnas// srin po bsgral ba'i sa mkhar dang // srog chags bsad pa'i khrag rjes dang // ma bdun 'dus pa'i sa dag tu// zhi ba sgrub pa'i gnas su gsungs// me tog 'bras bu ldan pa'i ri// gcan gzan gdug pa yod pa dang // ngang pa bzhad dang skad snyan bya// mtsho gling dang ni rgyal po'i gnas// bram ze'i khyim dang mu stegs grong // gling bzang dag dang lha yi gnas// lha rten drung dang dur khrod du// 'dir ni rgyas pa bsgrub par bya'o// stag gi so 'dra sbrul gyi lce// brag ni srin mo'i mgo bcad 'dra// lung pa zangs ri 'dra ba dang // ston pa'i zhabs kyis bcags pa'i gnas// 'di rnams bkra shis bde ba'i gnas// 'dir ni dbang gi las sgrub gsungs// 'di dag gnas kyi rim pa ste// phye bas rnam pa bzhi rnams ni// sgrub pa'i gnas su gsungs pa'o// rdo rje phur pa zhe sdang yongs su dag pa'i rgyud las gnas bstan pa'i le'u ste lnga pa'o// // de nas phur bu'i rgyu bstan pa'i le'u bshad par bya ste/ kI la ya yi rgyu rnams ni// rno zhing gdug pa'i mtshon shing la// zangs sam lcags sam rin chen rnams// bkra shis pa yi rgyu ru gsungs// drag po lcags kyi phur pa la// gri lcags mde'u rnying rtags phyin dang // gnam lcags thog gi lcags dag dang // gcod dang rno dang bra la sogs// lcags sna lnga po dag la ni// drag po mi

  433. 217a

    bzad phur pa bya// bsod nams can gyi rus pa la// ki la ya yi rgyur gsungs pa'o// dbang la zang dmar nyid kyis bya'o// rgyas pa gser la sogs pas bya// zhi ba tsan dan dkar pos bya// rtse mo'i dbyibs ni so sor byed// gzhan yang tsher ma can gyi shing // rab tu mi srun gnas dag nas// gang dag skyes pa gang yin pa// dug dang btsan dug gnas pa dang // rab tu gtum pa'i gnas dag nas// skyes pa'i shing mchog tsher ma can// gang dag skyer ldeng dug shing dang // srin po'i mchog phur g.yas pa la// rtsa ba'i logs su rgya mdud bya'o// rtse mo'i phyogs su zur gsum bya// gzhung mthun de dag ma rnyed na// yi ge gsum gyis bya bar gsungs// de dag tshad la mi ldan yang // las rnams 'grub par bshad pa yin// sor bzhi pa dang sor brgyad pa// bcu gnyis dag tu gsungs pa ste// de bas ring bar ma gsungs so// thung bar yang ni yongs ma gsungs// phur bu'i tshad kyi dbye ba ni/ dgug pa zangs kyi phur bu yin/ dbye ba seng ldeng phur pa yin// bskrad pa dug shing phur pa'o// mA ra ya yi lcags phur nyid/ mnan pa gser gyi phur bus bya'o// phur bu de rnams rgyu rnams la/ sor gcig pa ni rgya mdud bya/ stod ni zur brgyad mtshan nyid la// smad ni zur gsum nyid du bya// ri rab che ltar brjid chags pa// 'bar sprin 'khrugs pas rnam brgyan pas// shin

  434. 217b

    tu 'jigs pa'i tshul 'chang zhing // gsal ba phye ba de kho na'o// rdo rje phur pa zhe sdang yongs su dag pa'i rgyud las rgyu dang tshad bstan pa'i le'u ste drug pa'o// // de nas byin gyis rlob pa'i le'u bshad par bya ste/ thog mar sku gsum du byin gyis brlab par bya'o// dang po stong pa nyid bsgom nas// chos nyid skur byin gyis rlob pa'o// rgya mdud gzhal med khang dmigs te// phyogs bzhi dbus dang lnga rnams su// rno myur yi ge hUM lnga bzhag/ dbus su khrag 'thung 'bar ba nyid// shar du khams gsum rnam par rgyal// lho ru gshin rje gshed po nyid// nub tu rta mgrin rgyal po ste// byang nyid du ni stobs po che// 'di rnams so so'i snying po dran tsam gyis bskul te// gzugs dang gnyis su med mchod de// dkyil 'khor rgyas par rab dmigs te// phyi nang mchod pa ma lus 'bul// de nas dam tshig nyid bskul nas// gnyis su med par lha rnams rdzogs// gsal ba lha yi dkyil 'khor ro// longs spyod rdzogs skur byin gyis rlob pa'o// de nas sras mchog ki la yar bskyed pa ni// lte ba yan chad mthing nag la// dbu skra kham nag gyen du 'khyil// sbrul nag brgyan cing thod phreng bcings// spyan gsum pa ni sdang mig bgrad// g.yon pa'i phur bu dag la gzigs// mche ba rnam par gtsigs pa ste// rab tu rngam pa'i zhal dang ldan// dur khrod me dpung dbus na

  435. 218a

    'gying // lte ba yan chad chas rnams ni// lcags kyi phur pa zur gsum pa// e yi nang du brtan par bzhugs// phyag bzhi g.yas kyi dang po na// rdo rje chen po'i dbyug tho 'dzin// de 'og rdo rje rgya gram 'dzin// g.yon gyi dang po kha T+wAM 'khrol// khro bos bdud dpung rnam par 'joms// de 'og phur pa zur gsum pa// 'debs pa'i tshul du 'dzin pa yis// ngan song gsum dag 'jigs byed pa'o// stobs dang mthu dpung rtsal chen drag/ thams cad 'dus te lhag par 'jigs// thugs las phyung ste rtag pa chen por bzhugs// 'di ni sbrul sku'i byin gyis rlob pa'o// gnas lnga 'bru lnga gzhag ste brlab// sku gsung thugs su byin brlab pa// spyi bor oM la sked par hrI// rtse mor phaT ni bsam par bya'o// shes 'og thugs kyi ye shes ni// rtse gcig pa ru byin gyis brlabs// zur gsum du ni phaT gsum bzhag/ ngos gsum du ni hUM gsum ste// de yi rigs rnams so so'o// khro bo rnams kyis dbang bskur te// khro rgyal dkyil 'khor phyogs bcur spros// bsdus pas gzugs rnams thams cad kun// hUM dang phaT kyi sgra 'byin pa// sku yi tshogs la rnam par bstim// bdag nyid bdag nyid chen po yin// phur pa yang bdag nyid chen po nyid du dbang bskur zhing byin gyis brlab par bya ste/ lag pa g.yas pa'i steng du ma las nyi ma'i dkyil 'khor gyi steng du hUM bsam/

  436. 218b

    g.yon par a las zla ba'i dkyil 'khor du a bsam/ gung mo la oM bsam// mthe bong la hUM/ mdzub mo la traM/ srin lag la hri bsam/ mthe chung la a bsam// 'di rnams nyi zla'i dkyil 'khor gyi steng du rnam par gnas par bsam// de nas rdo rje thal mo mnyam par gzhag par bya ste/ oM badz+ra any+dza li hUM zhes brjod pas/ sor mo cung zad bsnol te// badz+ra b+han+na hUM zhes brjod pas sor mo rgyab sbyar te bsdam/ de nas sa ma ya s+t+waM zhes brjod pas phur pa blang te lag par bcug la/ lag pa rting pa phye ste mthe bong gnyis dang srin lag gnyis dang mthe'u chung gi phrag tu bcug la// mthe bong yang bskul zhing bsgril lo// oM badz+ra A be shA ya a zhes brjod pas// phyogs bcu dus gsum gyi de bzhin gshegs pa yab yum sras dang bcas pa thams cad zhe sdang rjes su dran pa'i sku yungs 'bru tsam grangs med par bsdu zhing bstim mo// de nas byin gyis brlabs shing dbang yang bskur ro// gu gul bdug cing nyung dkar brdeg/ ra khyi khrag dang gsur chen gyis// so so'i snying po gdon cing byug/ byin brlab dbang bskur mchog tu gsungs// bde gshegs rin chen gsal ba yis// rmad byung byin gyis brlab pa yi// rim pa tshul sbyin la sogs bya// rdo rje phur pa zhe sdang yongs su dag pa'i rgyud las/ byin gyis rlob pa'i le'u ste bdun pa'o// // de nas lha rnams yongs su

  437. 219a

    dag pa'i le'u bshad par bya ste/ nges pa'i dngos po thams cad kun// kun nas dag par brjod pa'o// phung po lnga dang dbang po drug/ skye mched drug dang 'byung chen lnga// rang bzhin gyis ni rnam par dag/ nyon mongs shes bya'i sgrib pa byang // rang nyid bdag nyid dag pa nyid// dag pa gzhan gyis dgrol ba med// yum gyi dngos po dag pa'i phyir// rang rig dag pa'i bde ba bzung // gzugs la sogs pa'i yul rnams dang // phyir rol dngos po thams cad kun// dngos po kun las dag pa ste// 'di ltar dag pas khrag 'thung khro rgyal nyid// kye khro rgyal khrag 'thung gtso// rnam par ma dag pa gang lags/ bcom ldan 'das khrag 'thung gtso bos bka' stsal pa/ gzugs la sogs pa'o// de ci'i slad du zhe na/ gzung ba dang 'dzin pa'i dngos po la zhen pa'i phyir ro// karma he ru kas gsol pa// khro bo'i rgyal po gzung ba dang 'dzin pa gang lags// khro bo'i rgyal pos bka' stsal pa// mig gis gzung bar bya ba dang // sna yis tshor bar bya ba dang // lces ni ro la myong ba dang // dag pa dug med bsten bya nyid// gzugs ni rnam par rgyal ba'o// tshor ba gshin rje'i gshed po nyid// 'du zhes ha la gri pa'o// 'du byed bdud rtsi 'khyil pa'o// rnam shes phung po zhe sdang bdag/ rus pa dbyug pa sngon po ste// khrag ni mi g.yo mgon po'o// drod ni gzhan gyis mi thub

  438. 219b

    pa'o// dbugs ni khams gsum rnam rgyal nyid// pags pa khro bo stobs po che// rtsa rgyus khro bo hUM kA ra// rnam par rgyal dang gshin rje'i gshed// ha ya grI dang bdud rtsi 'khyil// dbyug sngon can dang mi g.yo mgon// gzhan gyis mi thub khams gsum rgyal// hUM kA ra dang stobs po che// bskyed pa'i rim pa nyid kyi phyogs// srid pa rang gi ngo bo yis// lha 'di rnams kyi ngo bor gnas// yul gyi dngos por snang ba yi// gzugs kyi rdo rje snyems ma nyid// sgra yi cha la sgra 'byin ma'o// dri la rdo rje sder mor gsungs// ro la dur khrod bdag mor grags// reg la rdo rje gtun khung nyid// chos khams rdo rje mda' snyems ma// rang bzhin dngos po dag pa ste// phyi yi dngos po rdo rje rlung 'byin ma'o// nang gi cha la rdo rje gsod ma'o// go ro tsa na rdo rje bskyod chen ma// phyag drug pha rol phyin pa drug/ zhabs bzhi bdud bzhi rnam rgyal nyid// khams gsum rnam par thar pa nyid// rdo rje gsum ni spyan gsum mo// chags pa yis ni lha tshogs ni// dbang po rnam gsum rnam par grol// 'di ni phung po rnam par sbyangs// gang dang gang gis 'jig rten bcings gyur pa// de ni bcings pa las dgrol te// de nyid mi shes 'jig rten grol ma yin// de nyid rnam spangs dngos grub rnyed mi 'gyur// de phyir dri med sgra med gzugs nyid med// ro dang sems kyi rnam par dag pa

  439. 220a

    med// reg pa med cing chos kyi dngos po med// gnas lnga rang bzhin dag pas rnam grol nyid// rdo rje phur pa zhe sdang yongs su dag pa'i rgyud las rnam par dag pa'i le'u ste brgyad pa'o// // de nas slob ma la dbang bskur pa'i le'u bshad par bya ste/ dang por lha yi rnal 'byor 'bad pas hUM bzlas nas// phyis ni dkyil 'khor 'jigs pa bri// tshal dang skye bo med gnas dang // dur khrod gnas dang ma bdun gyis// dkyil 'khor dam pa rab tu bzhengs// rus pa la sogs drug tshan dam pa dang // rin chen lnga yi phye ma dang // nas dang 'bru la sogs pa'o// de nas dkyil 'khor khru gsum dang // mthe bong bdun gyis legs par bya// rdo rje rigs kyi mtshan ma'o// rig ma bzang po rnam par gzhug/ yang na ji ltar gang rnyed de// lo ni bcu drug lon pa nyid// gang 'di khu bar ldan 'gyur ba// de srid phyag rgya bsten par bya// phyag rgya gdong yang bcings pa la// thabs kyi gdong yang de bzhin ni// pad+ma rin chen bu ga'i rtsa// rdo rje khros pa'i kha dral nas// rin chen thig le dbus na drangs// shin bya'i kha ru mu kha 'dren// ro mnyam bde ba'i spyod yul nyid// rmi lam 'dra ba kho nar 'gyur// dngos su mtshan nyid mi phyed pa// phyag rgya rnal 'byor 'di yis 'grub// ston pas dkyil 'khor 'di gsungs pa// gru gsum yang dag 'bar ba nyid// sgo bzhi

  440. 220b

    gzi brjid chen po ste// thod phreng rdo rje ra bar bcas// rdo rje me 'od 'bar bar ldan// do shal do shal phyed pas brgyan// phreng ba sna tshogs rnga yab ldan// zhing gi rkang chen brgyad kyis brgyan// rdo rje srad bu mnyam par ldan// me tog sna tshogs nye bar brgyan// bdug pa mar me nye bar bri// bum pa bcu gcig sogs par ldan// de yang yal ga la sogs brgyan// mgrin pa zhing gis bkab pa dang // rin chen sna lnga yongs su gzhug/ rnam par rgyal ba shar du sbyin// rang 'dod khrag 'thung gzugs kyis ni// dur khrod skra shad ma spyad pa// sar pa legs par bkal ba dang // shin tu tshad ma mdzes pa yis// mkhas pas thig ler thig gdab bo// 'khor lo'i bdag po'i bzlas pa 'bum// dkyil 'khor gzhan gyi de bzhin khri// gong du gsungs pa'i sngags nyid kyis// mkhas pas sa yi bdag po sbyar// gong gi a sogs sngags kyis ni// de la gtor ma rnam par sbyin// ji ltar bsam gtan de bzhin 'dir// bsrung ba ji ltar gsungs pa nyid// gang zhig dbang ni rab phye ba// rang gi dkyil 'khor cho ga bzhin// mchod dang gsol pa gdab pa dang // ji ltar bshad pa de bzhin 'dir// bsrung ba ji ltar gsungs pa nyid// dbang ni rim pas sbyin par bya// dbang stegs rim gnyis dkyil 'khor bri// dkyil 'khor chen po'i dbus su ni// rdo rje nag po'i dkyil 'khor

  441. 221a

    bri// brgya byin phyogs su rdo rje kha T+wAM bri// mer ni rdo rje rin chen bri// gshin rje'i phyogs su rdo rje mda' nyid bri// bden bral phyogs su rdo rje gzhu nyid bri// chu bdag phyogs su rdo rje kyo ba bri// rlung gi phyogs su rdo rje me nyid bri// gnod sbyin phyogs su rdo rje dbyug tho bri// dbang ldan phyogs su rdo rje rtse gsum bri// shar stod du ni rdo rje thod pa bri/ nub smad du ni rdo rje rkang pa bri// shin tu 'jigs pa'i gzugs can bri// so sor thar pa dang po sbyin// de nas byang chub sdom chen sbyin// de nas dbu ma'i chos rnams bshad// mthar ni 'bras bu'i theg chen gyi// dbang sbyin 'bras bu'i rgyud 'di bshad// de nas rdo rje snyems bcas nas// rkang pa g.yas pa brkyang byas nas// lag gnyis phyag rgya chen por sbyor// slob dpon dkyil 'khor 'jug pa nyid// khrus dang gtsang sbra dri zhim lus// sna tshogs rgyan gyis rnam par brgyan// hUM snyems byams pa'i sgra yang sgrogs// hi hi 'jigs pa'i sgo phyi nas// dkyil 'khor cher por gzhug par 'gyur// de la slob dpon mtshan nyid ni// lus sems gzung ba med pa'o// sha dang khrag kyang med cing bshad gci med// skyug bro rmongs med gtsang sbra med// chags med sdang ba med pa'o// ser sna med cing phrag dog med pa'o// rgyal med pham pa med pa'o// khro ba med pa'i slob dpon gyis// slob ma la ni dbang sbyin

  442. 221b

    no// bum pa rdo rje cod pan dbang // rdo rje dril bu phur pa rin chen dbang // mi dbang de bzhin bdag po'i dbang // mthar gyis bkra shis brjod pa'o// rin chen thig le sems dbang ngo // dbyings phyug rtsa nas drangs te bskur// yid bzhin pa ni rin chen mchog/ dbang sbyin pa yi slob ma des// der ni 'di rnams ma byin na// mi bde sna tshogs 'byung ba dang // ma 'ongs mnar med 'byung ba ni// zhe sdang bdag po nyid kyis gsungs// de bas 'di rnams dbul bar bya'o// kaR+sha pa na stong rnams dang // bu dang chung ma rgyan gyis brgyan// rin chen rnam pa sna tshogs dang // gzhan yang yid du 'ong ba'i rdzas// bran pho bran mo 'khor dang bcas// dbang bskur bla ma de la dbul// de med dbang rnams mi thob bo// rdo rje phur pa zhe sdang yongs su dag pa'i rgyud las dbang gi rim pa'i le'u ste dgu pa'o// // de nas spyod pa'i le'u bshad par bya ste/ gang gi dngos grub mthar 'gro ba// rdo rje gzhon nu'i dngos grub rgya// sgrub pa po yis bcang bya ba// rna bar rus pa'i rna cha nyid// spyi bor rus pa'i 'khor lo bzang // lag par rus pa'i phreng ba nyid// sked par skra yis ske rags gnyis bskor ba// rkang par de bzhin rus gdub dang // dpung pa'i rtsa bar rus phreng nyid// mgrin par rus pa'i phreng ba ste// bgo ba glang chen pags pa nyid// khrag 'thung he

  443. 222a

    ru skyes bu nyid// spyod pa dngos grub don du byed// sman chen po ni bza' bar bya// rdo rje'i chu nyid btung bar bya// rims kyi nad kyis 'chi mi 'gyur// mi ro'i sgra yis cod pan bya// hUM zlos khro bo'i sbyor ba can// khrag 'thung lnga yi thod pas brgyan// brtul zhugs spyod pa rnam par 'dzin// thod pa sor lnga'i tshad du bya// sgra yi ske rags nyis bskor ni// thabs dang shes rab rang bzhin yin// thal rgyu zhags mchog phyi ru thogs// rdo rje rtse dgu bzlas phyir thogs// kha T+wAM shes rab rang bzhin te// rdo rje thod thogs brtul zhugs 'dzin// skal med rnams kyis de mi shes// bza' dang de bzhin btung ba nyid// ji ltar rnyed pa rab tu bza'// bza' dang mi bza' dpyad mi bya// bza' ba ma yin thams cad gzab// gtsang dang btsog pa'i rnam rtog med// 'gro dang mi 'gro rnam rtog med// phyag rgya rnyed pa'i slob ma yang // bla ma la ni sngon phyag 'tshal// dur khrod sha khrag za byed cing // brtul zhugs chen pos rgyu bar bya// phyag na rdo rje phur pa 'dzin// gu gul khrag dang sha chen 'dzin// nyung dkar rgyal po khrag chen bsnams// gnod gdug rnam gnyis bsgral slad du// rnal 'byor spyod pa seng ge lta bur bya// 'jigs med spyod pa mchog tu gsungs// rdo rje phur pa zhe sdang yongs su dag pa'i rgyud las spyod pa'i le'u ste bcu pa'o// // de

  444. 222b

    nas rak+tas byugs pa gzugs// mthing nag gur chen rgyan gyis brgyan// 'brub khung mtshan nyid 'di ltar gsungs// gzhan yang sgrub pa'i mtshan nyid ni// lha yi dkyil 'khor rdzogs pa dang // phyag brnyan dkyil 'khor dbang bskur dang // phyag rgya'i dkyil 'khor rdzogs pa dang // phyag brnyan rnams ni bskul ba dang // snying po bzlas brjod 'don pa dang // bsgrub pa'i cho ga zhes su bshad// rgyas 'debs ma yis don 'di gsol// dgug pa'i mtshan nyid ji ltar lags// dgug pa'i mtshan nyid bka' stsal pa// rlung gi rnga mo'i steng du ni// zla ba'i dkyil 'khor rgya gram bsam// dmar smug rlung gi tshogs kyis gtams// de yi steng du bsgrub bya ni// gcer bu ral bsnyil 'dar ba bsam// rdo rje khro bos skra nas bzung // lcags kyu 'bar bas rab drangs te// dmar smug 'bar ba'i ral pa can// rdo rje zhags pas 'dzud par bsam// nag po'i lcags sgrog sdang sgra can// shin tu 'bar bas bsdam par mdzad// sngo sangs dgyes pa'i tshul bzhin gnas// rdul phran dril bu'i phyag rgya bstan// dgug pa'i mtshan nyid 'di ltar bshad// rgyas 'debs ma yis yang gsol pa// dbye ba'i mtshan nyid ji ltar lags// b+ha gar ling+ga bzhag nas kyang // sna rtse rdo rjes brud nas ni/ khro bo rgyal pos bka' stsal pa// khwa ta 'ug pa'i snying ga ru// lha

  445. 223a

    dang bsgrub bya rnams par bsam// rdo rje'i rlung chen 'khrugs nas ni// de ni rnam par 'thab par bsam// nag po dug gtor gtor bas ni// de nyid rnam par dbye bar bsam// dbye ba'i mtshan nyid 'di ltar gsungs/ rgyas 'debs ma yis yang zhus pa// rin chen pad+ma kha phye nas// bum pa rin chen phyag gis bzung // khro bo'i rgyal pos bka' stsal pa// spyi bor mgrin pa snying ga dang // lte ba gsang ba rkang mthil du// sras mchog phur pas phug nas ni// khro bo'i tshogs kyi sems drangs te// bka' nyan rnams kyis khrag 'thungs pas// bsgrub bya de ni brgyal bar 'gyur// phyi yi gdab pa de ltar bshad// rgyas 'debs phyag rgya yang dag 'dzin// khro rgyal khyod la don 'di zhu'o// rdo rje rin chen bzung nas ni// rgyas 'debs ma la don 'di bshad// lcags kyus bsgrub bya bkug nas ni// gcer bu spyi'u tshugs 'dar bar bsam// gsang ba'i rdo rje rtse lnga 'od zer 'bar// spyod pa rin chen btab pa yis// sangs rgyas yin yang brlag par 'gyur// gsang ba'i gdab pa de ltar bshad// rgyas 'debs ma yis yang zhus pa// brdung ba'i mtshan nyid ji ltar lags// ri dwags lte ba mnan nas ni// khro bo'i rgyal pos bka' stsal pa// mthing nag 'bar ba'i gtun khung du// lhu dum gyur pa'i gzugs dag la// smug nag khro bo tho ba can// rdul

  446. 223b

    phran bzhugs pa thams cad kyis// brdungs te sha khrag zhal du gsol// dgyes te ha ha bzhad mor bcas// dum bu khrag 'thung tshogs la bstab// brdung ba'i mtshan nyid de ltar bshad// rgyas 'debs ma yis yang zhus pa// gnas spasbar rim pa ji ltar lags// khro bo'i rgyal pos bka' stsal cig/ mgrin pa'i thig le mnan nas ni// rgyas 'debs ma la bka' stsal pa// rdo rje rlung gi rnga mo la// zla ba'i dkyil 'khor gnas par bsam// sras mchog rtse mo bsdus pa'o// bsgrub bya'i sems de zla dkyil bzhag/ phaT kyi tshogs kyis rnam par 'phang // 'og min bde gshegs spyi gtsug nas// hUM gis bzhu ste rdo rje'i lam// 'khor bcas rdo rje'i skur gyur nas// dbang bskur sangs rgyas sras su byas// gnas sbar rim pa de ltar bya// khro mo chen mos yang zhus pa// gso ba'i mtshan nyid ji ltar lags// khro bo'i rgyal pos bka' stsol cig/ nyon cig lha mo rin chen ma// dbus kyi thig le drangs nas ni// 'bar ba'i gnas su thim nas ni// ro myong bde ba'i gzugs can ni// bdag nyid gso bar gsungs pa'o// b+ha ga'i thig le drangs nas ni// chu srin kha ru thim par bsam// ba zag rgyun gyi thig le dag/ zla ba'i dkyil 'khor steng gnas pa'i// thig le gzi brjid chen por 'bar// 'od zer sprin phung rnam par 'khrugs// gzi brjid chen

  447. 224a

    por brten par bzhugs// phur pa gso ba'i mtshan nyid do// pad+ma thig le drangs nas ni// bsgrub bya'i lte ba'i dbus su bsnun// bsgrub bya gso ba'i mtshan nyid do// rdo rje phur pa zhe sdang yongs su dag pa'i rgyud las bsgrub bya'i le'u ste bcu gcig pa'o// // de nas thig le dbye ba'i le'u bshad par bya ste// gang gis rnam par shes tsam gyis// bsgrub pa'i dngos grub thob par 'gyur// bsgrub bya'i lte ba'i rtsa dag la// 'jigs pa srin po'i gzugs can bsam// snying gar byin za'i sa bon nyid// gcer bu skra grol khrag skyug cing // 'dar zhing spyi'u tshugs gnas par bsam// bshang pa rdo rje'i lam du ni// bdud rtsi 'khyil ba 'jigs pa'i gzugs// bshang ba'i lam du phug nas ni// sha khrag mnar te srin pos thos// ma phug par ni myong mi 'gyur// phug pas dga' ba 'byin pa'o// gang yang dmigs pa skad cig gis// yud tsam gyis ni gsod par byed// rgyud 'di la ni sbyin sreg med// phyag rgya bcing bar bya ba'ang med// rgyud 'di bklags pas grub pa yin// bsam gtan tsam gyis 'grub par 'gyur// rnam rtog med pa'i rnal 'byor dag/ bstan pa la ni gnod byed dang // bla ma la ni smod byed pa// bla ma thub pa la zhus nas// snying rjes gsad par bya ba las// gzhan du bya bar ma gsungs so// rdo rje phur pa zhe sdang

  448. 224b

    yongs su dag pa'i rgyud las thig le dbye ba'i le'u ste bcu gnyis pa'o// // de nas lta stangs kyi le'u bshad par bya'o// mnyam pa ma rungs dpral ba can// dkyil 'khor byed pa'i blta bas ni// gsod pa'i lta ba mchog tu bshad// pus mo zlum por btsugs nas ni// dbang gis lta stangs g.yon na gnas// g.yas pa g.yon du ldog nas ni// g.yon pa'i cha la rnam par gzigs// dbang gi blta ba yin par bshad// dpung pa'i 'dug stangs legs gnas nas// mig phur gnyis ni ldog nas ni// sna yi rtse mor blta ba ni// rgyas pa'i lta stangs yin par bshad// mig phur gnyis ni legs bzhag nas// dbus su mnyam por blta 'dra ni// zhi ba'i lta stangs yin par bshad// 'di la 'khrug par mi bya ste// 'grub 'gyur 'di la the tshom med// sangs rgyas rdzu 'phrul bsam mi khyab// lta stangs chen po 'di yis ni// dregs pa can rnams brtan par bzung // sems can bya ba spang nas ni// bya ba ma yin thams cad bya// de la dam tshig bza' ba dang // na d+ha ga ha dang po dang // za yi sha dang dang po'i sha/ zhe sdang bdag pos dngos grub 'grub// thams cad bdud rtsi'i rang bzhin te// lta stangs bzhi yis kun bltas nas// thams cad kun nas bza' bar bya'o// rdo rje phur pa zhe sdang yongs su dag pa'i rgyud las lta stangs kyi le'u ste bcu gsum

  449. 225a

    pa'o// // de nas srin mo'i le'u bshad par bya'o// dang po byams pa bsgom par bya// gnyis pa la ni snying rje ste// gsum par dga' ba mchog tu gsungs// thams cad tha mar btang snyoms te// de nas yang ni 'di lta ste// stong pa'i rin chen byang chub sems// gnyis pa a gzugs nyon mongs 'joms// gsum pa rin chen gzugs rdzogs pa'o// bzhi pa rin chen phreng ba dgod// raM ni nyi ma rnam par bsgom// nyi ma sna tshogs rdo rje'i dngos// ra ba dra bar rab bcings nas// dang po sgom bya rlung nyid de// de 'og rin chen sa gzhi ste// bzhi pa thod pa'i gzhal yas khang // lnga pa me ri smug nag 'thib// dbus su bsgom bya ro nyid de// nyi zla rnam gnyis dbus su ni// de yis dbus su a nyid gnas// a las kha T+wAM gar byung ste// kha T+wAM dbus la a yis mtshan// nag po chen mo stobs chen mo// zhu ba las ni 'khrungs pa'o// me tog 'bar ru'i dmar spyan can// dmar ser dbu skra gyen du brdzes// kha TaM thod pa lag na 'dzin// rak+ta'i zhag dang thig les brgyan// rgyas 'debs nag mo 'jigs chen ma// lha mo 'di bcus bskor te gnas// steng du lha mo sgra 'byin gnas// brgya byin phyogs su snyems ma gnas// gshin rje'i phyogs su rdo rje dur khrod gnas// chu bdag phyogs su rdo rje gtum chen gnas// gnod sbyin

  450. 225b

    phyogs su rdo rje rlung 'byin ma// me lha'i phyogs su sder mo ste// bden bral phyogs su rdo rje gtun khung ma// rlung lha'i phyogs su rdo rje mda' snyems ma// dbang ldan phyogs su rdo rje gsod chen ma// sa bdag steng du rdo rje bskyod chen ma// lha mo 'di rnams bskor te gnas// ha ha sgrog pa'i bdag nyid can// 'jigs pa'i gzugs can lha mo tshogs// srin mo'i tshogs ni dri 'dzin mo'o// mi bzad srin mo'i dkyil 'khor pho brang rdzogs/ rdo rje phur pa zhe sdang yongs su dag pa'i rgyud las rdo rje srin mo'i le'u ste bcu bzhi pa'o// // de nas me'i mtshan nyid kyi le'u bshad par bya ste// me la rnam pa du zhig mchis// khro bo'i rgyal pos bka' stsol cig/ rgyas 'debs ma la dam 'khyud nas// me yis mtshan nyid rnam gnyis gsungs// de ltar phyi dang nang nyid do// nang gi mtshan nyid ji ltar lags// lha mo bdag ni khyed la zhu// nyon cig lha mo rin chen ma// klu dbang thig le phug nas ni// snying gar rin chen 'bar ba ston// 'bar ba dag gi gzugs can nyid// dri bral thig le'i gong bu'o// phra mor dmigs pa'i thig le nyid// brtan par byed pa phra mo'o// gsal byed 'od kyis gzugs can nyid// thig le dbus nas 'dren pa nyid// dri bral dngos po sreg pa'i mchog/ nang gi sbyin sreg de ltar gsungs// phyi yi sbyin bsreg ji ltar bya// rnal 'byor/

  451. 226a

    mnyam gzhag chos nyid kyis// dkyil 'khor gtso bor mngon sprul nas// mchod pa lnga dang ldan par bya// oM badz+ra puSh+pe AHhUM swA hA/ oM badz+ra d+hU pe AHhUM swA hA/ oM badz+ra dI baM AHhUM swA hA/ oM badz+ra gan d+he AHhUM swA hA/ oM badz+ra ni wi d+ya AHhUM swA hA/ sna tshogs hUM ni brjod pa dang // me tog la sogs 'bul ba ni// gong ma'i cho ga'i rim pa yis// mchod pa zhabs bsil gong ma bzhin// zhi bar thab khung zlum po nyid// rgyas pa la ni gru bzhi pa// dbang nyid la ni zla gam ste// bsad pa la ni gru gsum brjod// 'di nyid la ni lhag ma bsgrub// khru gang dang ni khru phyed nyid// zhi ba'i steng dang 'og tu yin// khru gang dang ni khru do nyid// rgyas pa'i steng dang 'og tu brjod// sor ni nyi shu'am de yi phyed// bsad pa'i steng dang 'og tu yin// zhi ba kha dog dkar por bsgyur// rgyas pa ser po de bzhin ni// bsad pa las ni kha dog nag/ dbang la dmar por rab tu grags// de la de bzhin de ltar dgug/ bsad pa ji ltar sran la sogs// zhi ba til dang rgyas pa'o// bsad pa tsher ma de bzhin ni// sdang la tsher ma de bzhin brjod// dbang la dgug pa ut+pa la// zhi ba 'o ma can gyi shing // rgyas la gser 'dra'i shing nyid do// dbang la tsan+dan yam shing nyid// gsod la dug shing nag po nyid// oM ag na ye ma hA tsan he de ba rA dza sarba karma pra sa ta ka/ a ku ru bya

  452. 226b

    kri ta sarba d+ha a sa si smi na ni/ hi hi to b+ha wa/ me dgug pa'o// khrag 'thung rgyal po mchod pa la// lha mo khyod ni dbang du gyur// che ge bdag ni dkyil 'khor bri// sarba ne tsa khra sarba ra pany+tsa pa d+hi taM g+hats+tsha wa hA b+h+yo b+hu kra/ a ga pa mi pi/ pra sa yA tha ka le/ sarba sid+d+hi ku ru/ me dag par byed pa'i sngags so// dzaHhUM baM ho na raM baM// mchod yon gyi sngags so// oM ni ri ti hUM khaM/ zhal bsil ba'i sngags so/ oM 'dra 'dra/ ba li'i sngags so// rdo rje phur pa zhe sdang yongs su dag pa'i rgyud las me'i mtshan nyid kyi le'u ste bco lnga pa'o// // de nas gnan pa'i le'u bshad par bya ste/ phung byed sa la gzugs byas te// dri chen po yis byugs nas su// ra ma ya yi dud pas bdug/ me chen po yi drung du bzhag/ dur khrod ro yi shun lpags la// 'khor lo bcu gcig rtsibs mtshan bri// dbus su bsgrub bya'i ming gis brgyan// mthar ni ma hA pa har ldan// pho rog sgo yi smyu gu yis// gdug pa can gyi gzugs bris la// b+han d+ha kha sbyar dbus su gzhug/ khrag chen po yis byug par bya// gzugs brnyan de yi snying gar gzhug/ tsan+dan me la dros par bsro// lam chen rgya gram dag tu mnan// rdo rje khros pas mnan par bsam// tsan+dan shing gi shun pa la// khrag chen po yis ming bris la// ha dang sha dang bcas pa ru// gdug pa'i shing la sbyin bsreg bya// bsgrub bya de ni khrid

  453. 227a

    par 'gyur// grog mkhar sa dang dri chu dang // rgya mtsho'i 'gram gyi sa dag la// gzugs brnyan sor ni bcu gnyis la// d+ha du ra yi khu bas byug/ tsan+dan smug po'i me yis bsro// bdud rtsi 'khyil pa'i sbyor ba yis// dum bur gtubs nas sbyin bsreg bya// thal ba rgya mtshor dor bsgyur na// nges pa kho nar smyo bar 'gyur// mthing nag dkyil 'khor dbus su ni// bsgrub bya 'dar zhing 'jigs par bsam// snying gar byin za'i sa bon te// rdo rje khro bo 'jigs chen gyis// lte ba snying ga phug nas ni// khrag dang rgyu ma mnar bar bsam// srin po 'jigs pa'i gzugs can gyis// sha khrag rgyu ma zos par bsam// byin za'i gzugs can 'bar ba yis// de ni nges par bsreg par 'gyur// de ni bsad pa'i las su gsungs// khyi yi khrag dang rnga mo'i sha/ dug gi me la bsreg gyur na// nges pa kho nar khugs par 'gyur// tsit+ta'i khrag dang dur khrod sa// shwa na'i rak+ta bsres pa yis// gzugs brnyan sor ni bzhi pa bya// b+han d+ha srubs med nang du gzhug/ ma ta kha yi khu bas byug/ dur khrod shing la bsros gyur na// bsgrub bya tsha ba'i rim gyis 'debs// dur khrod dag gi gsol ba la// bsgrub bya'i gzugs brnyan nag por bya// ra yi khrag gis byugs nas ni// dur khrod shing gi me yis bsro// na ra'i phur pa lnga pos bdug/ hir hir

  454. 227b

    bzhad cing thal brdabs pas// bsgrub bya'i lus ni 'gas par 'gyur// rdo rje phur pa zhe sdang yongs su dag pa'i rgyud las mnan pa'i le'u ste bcu drug pa'o// // de nas yang tshogs kyi le'u bshad par bya ste// b+ha gar ling+ga rab gnas nas// yang nas yang du 'o mdzad nas// bde chen mnyam pa myong mdzad de// rdo rje can gyis bza' bar bstan// tshogs kyi dkyil 'khor bza' bar ni// nyon cig lha mo rin chen ma// gang du zos pas 'dod don kun/ sgrub pa can gyis dngos grub 'gyur// dur khrod ri yi byang skyobs dang // de bzhin mi med grong khyer dang // yang na dben pa rgya mtsho'i mthar// bza' ba 'di ni rab tu bza'// de la stan du brtag pa ni// ro ni gzugs can bcu gcig dang // yang na stag gi pags pa dang // dur khrod ras ni de bzhin no// dbus su rdo rje gzhon nu'i gzugs// ji ltar snang bzhin gnas bzhengs nas// phyogs dang phyogs bral dag tu yang // khro bo bcu rnams legs par dgod// dam tshig ma li tan d+ha nam// stag gi pags pa'i steng du bza'// 'bal nas rgyal po'i dri chen po// bza' ba de nyid bza' ba nyid// der ni zos nas yang dang yang // srin mo'i tshogs ni mchod par bya// tshogs kyi 'khor lo sgrub par 'gyur// skyes pa'i thod pa cha gcig pa// chang ni bzang pos yongs bkang ste// bla ma la dbul

  455. 228a

    skal chen po// phyag btsal nas ni rang yang btung // pad+ma'i lag pas blang ba dang // de nyid kyis kyang slar la dbul// yang nas yang du btud nas ni// tshogs kyi yum gyi don nyid zhu// 'jigs byed rgyal pos bka' stsal pa// shin tu ring min thung ba min// pad+ma'i rnam pa'i 'dab 'dra ba// de yi dbus su dri zhim ldan// rdul dang dri zhim ldan gyur pa// ri dwags lte ba'i dri dang mtshungs// pad+ma la yang 'dab mchog dri// skad cig pad+ma lta bur 'byung // de yi ga bur sih+la dag/ lag pas dri bzang mtshon par bya// ut+pa la yi drir 'gyur zhing // a ga ru ni nag por mtshungs// dal zhing mi g.yo ma nyid dang // snyan par smra zhing yid 'ong ba// skra bzang dbus su gnyer ma gsum// phal pas pad+ma can du brjod// lhan cig skyes pa'i gzugs 'dzin la// der skyes nas ni dngos grub 'gyur// de nas rgyas 'debs rnal 'byor mas// gsol pa khro bo'i rgyal po yis// smon lam ji ltar gdab par bgyi// khro bo'i rgyal pos bka' stsal pa// khrag 'thung rigs su skyes pa yi// bsnyem med rdo rje gzhon nu nyan// bla ma la gus snying rje ldan// skye shi med par 'gyur bar shog/ lag na rdo rje phur 'dzin cing // zab mo'i chos ni klog pa dang // btsun mo'i khu ba mnyam zas can// skye zhing skye bar 'gyur bar shog/ de nas lha mo dgyes nas ni// tshig/

  456. 228b

    ni 'di nyid yang zhus pa// skal med sems can gang gis 'dul// khro bo'i rgyal pos bka' stsal pa// gsum pa rtsa yi sbyor ba yis// gdug dang bsad dang dbye ba dang // da ha'i sgra yis 'dul bar 'gyur// lha mo gzhan gyis 'dul mi 'gyur/ rdo rje phur pa zhe sdang yongs su dag pa'i rgyud las tshogs kyi le'u bcu bdun pa'o// // de nas yang phyag rgya chen po'i le'u bshad par bya ste/ thig le e baM rin chen gzugs// dbus su baM gis rgyas par brgyan// thig le'i rin chen gnas nyid do// sangs rgyas rin chen thig le'i gzugs// rtsa rnams kun nas drangs nas ni// phra ba'i bdag nyid snying gar bsgom// phra ba ba thag tshul bzhin gnas// shin tu 'bigs pa'i bde ba'i gzugs// 'bar ba'i rtsa ru thim gyur te// yo got+ta ra phra ba'i gzugs// gtum mig mar ni bde ba can// ka ta ra ya na phra gzugs te// bde ba 'dzin du rdo rje 'dzin// phrad pa thub pa'i bde ba mchog/ b+ha gar rin chen 'dren par byed// pad+ma rin chen rtsa kha phyed// rin chen bde ba phra ba'i gzugs// thig le bde ba thim gyur te// phra mo'i ye shes skye bar 'gyur// thig le gang bu'i gzugs can de// rdo rje nor bu'i rtse mor 'dren// bde ba phra mo phrad pa'o// 'khor lo 'bar ba drangs pa yin// shin tu bde ba'i gzugs can no// dang po bde ba'i ye shes so// 'khor

  457. 229a

    lo rin chen lte dbus drangs// gtum mo bde ba'i gzug can la// mchog gi ye shes dang po yis// snying ga'i dbus su thig le 'dren// rtse gnas bu ga gsal byed pa// thig le rin chen phreng bar gnas// bde ba'i ye shes gsang mdzad mchog/ rin chen dbugs 'dren gnyis pa'o// 'bar ba'i thig le rin chen 'dren// ka ha ya nar thig le'i gzugs// rin chen bde ba mchog gi mchog/ gsang ba'i bde ba gsum par gsungs// mchog gi ye shes sel mdzad pa'i// bu ga rtsa yi thig le 'dren// dbus su phra ba'i gzugs can de// thig le ba thag rgyun bzhin gnas// nA da thams cad thim gyur nas// mthar phyin ye shes 'bras bu'i mchog/ phyag rgya chen po skye bar 'gyur// 'phar dang dga' dang dgod pa dang // sa la 'di dag 'byung bar 'gyur// rdo rje phur pa zhe sdang yongs su dag pa'i rgyu las phyag rgya'i le'u ste bco brgyad pa'o// // de nas mtshon pa dbye ba'i le'u bshad par bya ste// gang gis nges pa shes 'gyur nas// grogs dang bran mor the tshom med// gang gis sor mo gcig ston pa// nges par legs par 'ong ba yin// g.yon pa'i mthe bong bcas pa la// bskrun med phyag rgyar shes par bya// gang gi mtheb srin ster ba la// de yi tha chung sbyin par bya// gang gis mdzub mo ston pa la// de yis 'og ma bstan

  458. 229b

    par bya// gang gis srin lag ston pa la// de yis mgrin pa'i rus phreng bstan// gang gis so ni ston pa la// de yis dbyug to bstan par bya// gang gis nu ma ston pa la// de yis gsang ba'i rdo rje bstan// gang zhig rus pa ston pa la// de yis kha ni rab tu bstan// gang zhig b+h+r-i gu ston pa la// de yis spyi gtsug 'khor lo dgrol// gang zhig khro gnyer ston pa la// de yis lag mthil bstan par bya// gang zhig rkang mthil ston pa la// de yis brtse ba'i mtshan nyid 'dzin// rdo rje phyag rgya'i lan gyis ni// bus ni dam tshig shes par 'gyur// e ma ho bu ni snying rje che// brtul zhugs phyag rgyar ldan pa'i mchog/ dam tshig dbang gis srin mo 'du// rus chen phreng ba thogs nas ni// de la dbang bskur byin rlabs 'gyur// kye khrag 'thung gi rgyal po de rnams 'du ba'i gnas gang lags// khro bo'i rgyal pos bka' stsal pa/ gnas dang nye ba'i gnas dang / tshan+do dang 'di brgyad pra pa ni dang / pu rtse ka dang / li hed ta dang / 'du ba dang nye ba'i 'du ba dang / dur khrod dang / nye ba'i dur khrod dang / 'thung spyod dang / nye ba'i 'thung spyod nyid dang / 'di rnams ni srin mo 'du ba'i gnas so// 'du ba'i dus gang lags// khro bo'i rgyal pos bka' stsal pa/ yi dwags zla ba bye bcu bzhi// de bzhin du yang brgyad pa nyid// rtsang chen sug dang mtshon bsnun

  459. 230a

    nyid// lcebs dang 'dun pa bza' bar bya// khro bo rnam rtog rnam spangs te// snying rje ldan pa'i sems kyis ni// bsad pa'i sha ni bza' bar bya// snying rje med pas de mi rung // khro ba spangs pas sha rnams bza'// mtshan ma rnams ni rtog mi bya// srin mo'i tshogs la gtor ma sbyin// sgrub pas dngos grub thob par 'gyur// rdo rje phur pa zhe sdang yongs su dag pa'i rgyud las mtshon byed kyi le'u ste bcu dgu pa'o// // de nas rigs brtag pa'i le'u bshad par bya ste/ rgyas 'debs ma la dam 'khyud nas// tshems kyis ma mchu bzung nas su// rigs can rnams kyi rigs gzugs zhu// 'khor lo'i gtso bos bka' stsal pa/ lus can rnams kyi rigs bshad kyi// lha mo tshul can mchog nyon cig/ skyes pa bud med gang zhig gi/ mtheb srin gyi ni rtsa ba la// rdo rje nag po rtse dgu pa// de yi rtsa bar de gnas pa// rdo rje rig chen mchog tu bshad// de yi rtsa bar 'khor lo'i rigs// rin chen kha gnyis gyes pa ni// rin po che yi rigs su gsungs// pad+ma'i sdong po chags pa ni// pad+ma'i me yi sdong po'i 'od// dpag med pa yi rigs nyid do// rgya gram ral gris mtshan pa ni// las kyi rigs su gsungs pa yin// rnal 'byor gang dag kha dog nag/ de yi lha ni zhe sdang sbyin// rnal 'byor pa gang dkar po ni// de yi lha ni gti mug

  460. 230b

    sbyin// rnal 'byor pa gang ser chen po// de yi lha ni nga rgyal sbyin// rnal 'byor pa gang hUM sngo che// de yi lha ni phrag dog sbyin// rnal 'byor pa gang dkar dmar nyid/ chags pa'i lha ni de la sbyin// rnal 'byor pa gang dkar ser che// de la zhe sdang lha sbyin no/ byis pa skye bo'i rigs can la// nga rgyal mi bcag tho mi 'tsham// kun rdzob rigs su gnas nas ni// de rnams bde gshegs rigs su 'gyur// bud med rnams kyis mtshan ma ni// ji ltar skyes pa de bzhin no// khrag 'thung rgyal la 'khyud nas ni// phreng ba'i rgyu rnams gang gang lags// rgyas 'debs ma la lo btab nas// khro bo'i rgyal pos bka' stsal pa// bzlas pa'i yul ni 'di rnams so// shel gyis rengs pa nyid la yin// dbang la tsan+dan dmar po nyid// lung thang gis ni mngon spyod nyid// ni rAM shu ni sdang ba la// rta yi rus pas skrod pa nyid// bram ze'i rus pas dgug pa nyid// glang chen rus pas ser ba la// ma he yis kyang bsad pa la'o// rengs pas 'o ma btung ba nyid// dbang la ra yi sha za'o// bsad pa la ni shra na'i sha/ dgug pa la ni bzhi mnyam nyid// sran ma yang ni bya bar brjod// bskrad pa nyid la glang por brjod// tha'i sa dang / dang po'i sa dang / na dang po dang / ga dang po dang / ha dang po nyid kyis dngos grub rgyud ni 'di 'gyur ro// bzlas pa grub pa'i 'bras bu ji ltar

  461. 231a

    lags// nyon cig lha mo rin chen ma// bzlas pas grub pa'i 'bras bu ni// sgrub po nam mkha' 'gro ba dang // phur pa 'phar dang 'khrog pa dang // nam mkhar sgra snyan 'byung ba dang // sgrub phur da ha'i sgra sgrogs dang // 'od dang du ba 'byung ba dang // bar snang dag tu brtan par gnas// srin mo'i tshogs rnams 'du ba dang // bsgrub pa'i man ngag phur tshogs bcas// gter rnams yod par smra ba dang // dril bas ri rab snyil ba dang // mtsho gling rnams ni skam pa dang // btab pas nyi zla brtan par nus// 'di rnams byung bar gyur pa dang // de nas gtor ma sbyin par bya// da nud ta nan swa ta yag sha kro d+ha khA hi khA hi// de nas dkyil 'khor mthing nag bri// lha rnams brtan par byas nas ni// mchod pa rdzogs pa rab phul nas// lha rnams sgrub pa'i thugs kar bsdu// 'di ni dngos grub pad+mar gyur// rdo rje phur pa zhe sdang yongs su dag pa'i rgyud las rigs brtag pa'i le'u ste nyi shu pa'o// // de nas bris sku'i le'u bshad par bya ste// lha mo la ni dam 'khyud nas// skyes pa'i sna rtse gzhib par bya// tshems kyis ma mchu bzung nas ni// gnas sgyur brud pa gtso bor mdzad// mnyam sbar thig le drangs nas ni// bde ba'i ro mnyam bstar nas kyang // phyag rgya'i bye brag rab phye ba// g+hu ru khyod la phyag 'tshal 'khor lo

  462. 231b

    'dzin// 'phya tshig spang phyir rna cha 'dzin// sngags zlos don du mgul rgyan 'dzin// srog gcod spang phyir lag gdub 'dzin// rtag tu lus la phyag rgyas btab// de nas rab tu bzhad mdzad nas// lha mos gtso bo la zhus pa// gtso bo bde ba gang gang gis// rdo rje gzhon nu'i bris sku bri// byed pa bde ba chen po gsungs// khro bo'i rgyal pos bka' stsal pa// 'di ni bris mkhan dam tshig can// sgrub pa po ni dam tshig ldan// bris sku 'jigs par bri ba nyid// skyes pa'i thod pa bzang po lngar// kha dog sna lnga'i tshon gyis dag nga // mi ro'i sgra yi pir nyid kyis// bris sku'i mchog nyid bri bar bya// gang dag skud pa bkal ba la// gang dag ras su 'thag pa dang // de yang dam tshig ldan pas ni// byin gyis brlab pa tshul bzhin bya// shes rab ldan pa de yis ni// zla ba yar ngo mar ngo yi// bcu bzhi pa la khyim dben par// byed na ma rungs sems kyis ni// khrag ni bag tsam 'thung bar bya// lus la na ra'i tshil gyis byug/ de nas gcer bur gyur pas ni// 'bag pa dang ni dam 'bag pas// de nas dam tshig sha chen bza'// bzhin bzang snying rjer ldan pa dang // gzugs dang lang tsho skal bzang ma/ me tog bcas shing sgrub po dga'// rang gi phyag rgya g.yon du gzhug/ bris sku 'jigs pa bri bar bya// rdo rje phur pa zhe sdang yongs su dag pa'i

  463. 232a

    rgyud las bris sku'i le'u ste nyi shu rtsa gcig pa'o// / de nas yang po la kak+ko lar bzhag nas// tshems kyis ma mchu bzung nas ni// glegs bam mtshan nyid ji ltar 'gyur// rdo rje pad+ma mnyam sbyar nas// dgyes pas khro bor rab phye la// glegs bam nga yis bshad par bya// lha mo skal chen ma nyon cig/ sbrang chen sna tshogs byas nas ni// mi yi rus pa'i smyug gu yis// glegs bam sor ni bcu gnyis pa// gro ga la ni mkhas pas bri// glegs bam dang ni bris sku nyid// skal med dag gis mthong na ni// skye ba 'di ru dngos grub med// 'jig rten gzhan du mnar med ltung // res 'ga' tsam zhig bstan pa ni// dam tshig ldan pa rnams la bya// gal te lam la spyod na yang // glegs bam skra dang mtshan khung sba// gzhan la bstan par ma gsungs so// su la yang ni bstan par mi bya'o// sbyin par yang ni ma gsungs te// brgya lam la ni re 'ga' zhig/ ston nam sbyin par byed pa dag/ dam tshig shes pa rnams la'o// khro bo'i rgyal pos 'di skad gsungs/ rdo rje phur pa zhe sdang yongs su dag pa'i rgyud las glegs bam gyi le'u ste nyi shu gnyis pa'o// // rgyud kyi rgyal po phur bu 'bum sde'i nang nas phyung ba brtag pa nyi shu rtsa gnyis su bstan pa'o// phur bu zhe sdang yongs su dag pa'i rgyud kyi rgyal po thig le mchog rdzogs

  464. 232b

    so// // g.yas ru'i lha khang gser gyi mchod rten can du// rgya gar gyi mkhan po kA ma ru par 'khrungs pa'i nag po'i zhabs dang / lo ts+tsha shrI b+ha la ku tra d+ha na de bas bsgyur/ yul dbus 'gyur 'od ma'i tshal du/ slad kyi bsgyur cing gtan la phab pa'o// // rgya gar skad du// badz+ra kI la ya gu h+ya man+ta tan+t+ra sarba b+hU ta b+hi na/ bod skad du/ rdo rje phur pa gsang ba'i sngags rgyud 'byung po kun 'dul/ bcom ldan 'das dpal rdo rje gzhon nu la phyag 'tshal lo// 'di skad bdag gis thos pa'i dus gcig na/ bcom ldan 'das zhe sdang rdo rje zag pa med pa'i ting nge 'dzin las bzhengs nas/ 'jig rten gyi khams kyi 'og min sum cu rtsa gsum du 'bar ba'i gtun khung rdo rje tho ba rol pa'i gzhal yas khang mngon par sprul te// 'byung po thams cad zil gyis gnon pa zhes bya ba'i ting nge 'dzin la snyoms par zhugs nas// zhal gsum las/ oM badz+ra kI li kI ya sarba big+h+nAM baM hUM phaT/ zhes bya ba bsgrags pa las/ 'jig rten gyi khams 'dod pa khams gsum gyi gnas ris su/ 'ur 'ur dang // mer mer dang / shig shig dang // thor thor du gyur to/ thugs ka nas hUM hUM hUM/ zhes spros shing zhal

  465. 233a

    nas drag po'i sngags brjod pas/ phyogs bcu phyogs skyong gi gdan la/ 'bar ba rol pa'i khro bo chen po bcu gshegs te rnam par gtams so// nyid kyi snying po brjod pas sprul pa dang yang sprul dang / sum sprul bsam gyis mi khyab pa 'jig rten gyi khams khengs par sprul te/ 'jig rten gyi khams thams cad kyang khro mo 'bar ba'i gtun khung srid pa'i khyams khang bang rim gsum dang ldan par sprul te// 'di ltar gyi snang ba 'di chags so// de'i tshe de ma thag rA tra'i sde dang dam log dang / dam sri la sogs pa khyams khang du chud de/ 'bros bzhin du thar pa'i gnas med par thams cad kyang ngu 'bod chen po'i gnas su lhung ste gnas so// rdo rje khro bo chen po rnams kyang sprul pa dang yang sbrul sum sbrul du bcas te/ kun nas 'khrigs pa las shin tu sha'i phung po la sbrang bu lding zhing 'du ba ltar gnas par byas so// de ltar cho 'phrul chen po kun nas 'khrugs pa las de ma thag par karma he ru ka rdo rje las zhes bya ba/ rang gi gnas 'khor gyi nang / pho brang nas bzhengs te/ zhe sdang rdo rje'i drung du 'dug nas 'di skad ces gsol to// bcom ldan 'das 'jigs byed chen po/ 'dod pa'i khams 'di lta bu'i cho 'phrul ston pa ci'i rgyu/ ci'i rkyen lags/ zhe sdang gi bdag pos bka' stsal cig ces gsol to/ bcom ldan 'das 'jigs byed

  466. 233b

    chen pos bka' stsal pa/ sems dpa' chen po rdo rje las/ ma 'ongs pa rnams la don yod par bya ba'i phyir/ 'di ltar cho 'phrul snang bar byas te/ 'dri ba'i dus la bab pas dris shig/ dris pa legs so// 'jig rten gyi khams 'dir gang dge ba srog dang 'dra ba la bar du gcod cing / dkar po'i las rnam par 'gegs par byed pa tshar gcad pa'i phyir/ 'jig rten du cho 'phrul bstan pa'o// sems dpa' chen po dam log dang / dam sri dang / rA tra'i sde tshar gcad pa'i phyir phur pa gtun khung rdo rje tho bo'i rgyud ces bya ba/ 'bar ba'i khro bo'i rol pa'i las 'di bshad par bya ste/ don yod par 'gyur ba'i phyir gus par gyis la yid la zung zhig/ ces bka' stsal to// rdo rje phur pa gsang ba'i sngags rgyud las gleng gzhi'i le'u ste dang po'o// // de nas sems dpa' chen po rdo rje las kyis gsol pa/ kye bcom ldan 'das/ dam log dam sri rU tra'i sde// khungs kyi rtsad ni ji ltar gcad// sgrub la bar chod ji ltar bsgral// khro bo'i sngags dang dkyil 'khor gang // gdug pa bsgral zhing mnan pa'i las// 'jigs byed rol pas bstan du gsol// ces gsol te gus pas 'dun no// de nas 'jigs byed chen po zhe sdang rdo rjes bka' stsal pa// nga sngon dran pa thog ma'i tshe// bskal pa 'bum phrag 'bum sngon du// sangs rgyas 'jig

  467. 234a

    rten sgron ma'i dus// dge slong thub par dka' ba la// nag po thar bas gsang don zhus// de tshe rkun po rkun mo ni// ming sring gnyis kyis pha gnyan byas// rang gi sgrar zhugs log par bsgrubs// gzhan la tshul brjod log par smras// de nas nag po rang bag pa// dam tshig nyams pa'i sgor zhugs nas// gangs kyi zhun chu khol ma 'thungs// skye ba de 'phos sdug bsngal myong // thub pa chen po'i zhing khams su// las kyi dbang gis 'dod khams skyes// rang zag ru drar nar son tshe// mos pa byas shing 'khor du 'dun// rA tra'i skal pa ma mchis te// skal ngan zhing pas sas kyang dpyang zag chad// 'di dag drang ba'i skal ba med// rtag tu 'khor 'gyur rtag tu gzhom// 'di dag lang ka'i grong gdal du// srin po lang ka mgrin bcu'i bu// dung bu mgrin dang kha 'bar ma// zhe sdang ma rungs rags pa can// sngon gyi las kyis mtshams sbyar skyes// bong bu lta bu'i rna ba can// mi yi thod phor lag na thogs// spre'u pags pa gos su gyon// kha nas dud pa sngo dmar phyung // bu chung rkun bur rku zhing za// dud 'gro ra brkus ra sha za// ra lpags ra mgo brungs su 'tsher// sbyor te srin mo brag phug sdod// lus dang mnyam pa'i ral pa la// mgo gsum sprul zhing ro dag sbed// bu chung phyi ba nya yi mgo/ phreng ba grang zhing rlung nag

  468. 234b

    dang // kha nas me 'phro chu gzhung zhon// srog chags phra mo kun gsod cing // srog dang dbugs kyis 'tsho ba byed// sngags kyi nus pa log pa'i mthus// las kyi srin po'i rigs su grub// gshog par ldan zhing so rno ba// sder mor ldan zhing mi phyugs rku// gsang sngags dam las gtan log pa// dam pa'i sri can byed pa'i dgrar// sgo lam ldan zhing sngags tshul spyod// ming yang 'brog te'u nag po dang // nag mo bya yi mgo can grags// de dag bu tsha ming sring drug/ mi phyugs phra mo kun yang rku// dge ba'i rna nyan bar chad byed// srog chags za byed dge sbyong brdzu// ming yang skor ber 'bal te'u 'dre byung dkar po beg 'ba' te'u 'dre// sa srin klu srin dam srir grags// sho ga ma yams kyang srin po'i yul khams gnas// 'dod khams srid pa thams cad nyul// 'jig rten khams kun khyab par 'tshe// thod phreng can dang bzhin mi sdug/ bdud pho bdud mo'i bu tsha ni// ming srid bcu gcig sde chen bcas// de dag sprul pa bsam yas pa// 'gong po srog bdag mngags pa'i phyogs// spyan dgu 'gong po'i phyogs su bsdu// 'gong po 'gong mo dpag med pas// dge ba'i bar chod bdud du gyur// srid pa'i bde ba phung bar bsgyur// thar lam bgrod pa log par 'dren// 'di dag log pa rnam gsum ste// rnal 'byor bar lam gang 'dod pas// 'di

  469. 235a

    dag rtag tu grub par bya// ngan pa'i lus ngag las grub pas// yang 'byung 'byung po sdug bsngal myong // thar lam gtan bral srid par dmyal// rab tu snying rje dpyang thag chad// brlag par byas na yud tsam bde// de ltar shes pas gnan par bya// zhes gsungs so// rdo rje phur pa gsang ba'i sngags rgyud las log pa'i khungs rtsad bcad pa'i le'u ste gnyis pa'o// // de nas yang zhe sdang gi rgyal po rdo rje gzhon nus bka' stsal pa// ru dra dam log dam sri'i sde// rim pas dbang bsdu bsgral gnan bya// steng nas khro bo hUM ka ra// sgra 'byin phag dang smig bur bcas// steng gi tshangs pa pho mo yang // gdan du byas nas sprul pa rnams// dbang du 'du zhing zil gyis gnon// oM badz+ra kro d+ha hUM ka ra hUM gardza gardza hUM phaT// shar nas khro bo rnam par rgyal// rnam snyems stag dang bya rgod bcas// shar gyi dri za pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM badz+ra kro ta bi dza ya hUM ha na ha na hUM phaT/ shar lhor khro bo dbyug sngon po// sder mo g.yag dang bya rog bcas// shar lhor me lha pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM badz+ra kro ta nI la daN+Da hUM da ha da ha hUM phaT/ lho nas khro bo gshin rje'i gshed// dur khrod sha ba 'ug par bcas// lho phyogs

  470. 235b

    gshin rje'i pho mo bdag/ gdan du gzir bas sprul pa rnams// dbang du 'dus shing zil gyis gnon// oM badz+ra kro d+ha ya mAn ta ka hUM pa tsa pa hUM phaT// lho nub khro bo mi g.yo mgon// gtun khung gzig dang khwa tar bcas// lho nub srin po pho mo'i bdag/ gdan du gzir bas sprul pa rngams// dbang du 'dus shing zil gyis gnon// oM badz+ra kro d+ha Ar+ya a tsa la hUM ban d+ha ban d+ha hUM phaT// nub nas khro bo rta mchog dpal// gtum mo byi la pu shud bcas// nub phyogs klu rgyal pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM badz+ra kro d+ha ha ya grI ba hUM hu lu hUM lu hUM phaT// nub byang khro bo 'dod pa'i rgyal// mda' snyems sbrang mo khra dang bcas// nub byang rlung lha pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM badz+ra kro ta a pa ra tsi ta hUM tiSh+Tha tiSh+Tha hUM phaT/ byang nas khro bo bdud rtsi 'khyil// rlung 'byin seng ge pha wang bcas// byang phyogs gnod cing pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM badz+ra kro d+ha a mr-i ta kuN+Da li hUM ts+tshin d+ha ts+tshin d+ha hUM phaT// byang shar khro bo khams gsum rgyal// gsod byed drod dang sre mor bcas/ byang shar dbang ldan pho mo'i bdag/ gdan du gzir bas sprul pa rnams// dbang du

  471. 236a

    'dus shing zil gyis gnon// oM badz+ra kro ta tre lo kya bi dza ya hUM b+hin d+ha b+hin d+ha hUM phaT/ 'og nas khro bo stobs po che// bskyod chen dom dang byi bar bcas// 'og gi sa bdag pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM badz+ra kro d+ha ma hA pa la hUM s+pho Ta s+pho Ta hUM phaT// phyogs bzhi mtshams bzhi steng 'og bcu// rdo rje khro bos rnam par gtams// dbus su ma hA de ba dang // ru dra chen po khyo shug bsnol// bdag nyid rdo rje gzhon nu dang // 'khor lo rgyas 'debs dag tu bya// khro bo bcu gcig dkyil 'khor du// kun kyang mthing nag rngam pa'i sku// rdo rje phur pa thod khrag bsnams// sprul pa lcags kyu phur pa 'debs// ru dra chen po'i sde dpon rnams// dbang sdud bran du gzir nas kyang // dpa' rtags dpa' bo'i chas brgyad ldan// sa gnon nyi zla pad+ma tshogs// nyon mongs sreg pa'i me dpung 'bar// thabs dang shes rab ldan pa la// mtshon cha sras mchog phur pa bskyed// sku stod khro bo chen po la// sku smad phur pa zur gsum mo// gzas pa'i snying dkyil thebs par bskyed// ces gsungs so// rdo rje phur pa'i gsang ba'i sngags rgyud las lha rnams kyi rang bzhin dang rtsa ba'i sngags kyi le'u ste gsum pa'o// // de nas bcom ldan 'das khrag 'thung chen po badz+ra kI la yas bka'

  472. 236b

    stsal pa// yid 'ong dben pa'i gnas btsal te// rdzas dang yo byad 'khor ldan pas// phyi dang nang gi mtshams kyang gcad// mtshan dang ldan pa'i b+han d+ha ru// nas nag sngon mo blug par bya// phur bu bco lnga dar gyis gril// rgyu rkyen dbang bskur byin brlab bya// thog mar dngos grub kun gyi gzhi// bzhi bcu gnyis dang lnga bcu brgyad// zhi dang khros pa rigs brgya mchod// 'dzab dang bstod pa bskang bshags bya// dza gad bdud rtsi lhag ma yis// rdo rje srin po'i dkyil 'khor brtsam// sgrub pa'i dkyil 'khor rnam pa gnyis// gang la mos dang shis pa bris// ye shes khros pa bco lnga dang // pho nya dpung tshogs bcas pa yi// phur pa dkyil 'khor gnas la dgod// gdug cing rtsub pa gzas pa'i gzugs// 'dra 'bag rtsa dang gzugs su bca'// zag pa'i rdzas dang dme khrag byug/ yang na chu sna'i 'jim pas bya// ming dang rus dang srog yig gzhug/ smug nag dang ni zal dkar bya// lcags zag btags la e la gtod// rta mgrin skur gnas dbang btsugs te// srid pa'i bgegs la zhal lce bcad// mthing nag me 'bar dkyil 'khor du// smug nag sngo nag dmar nag 'bar// 'jigs byed khro bo'i sprul pas drangs// dpal gyi pho nyas gnas nas dgug/ sgrub pa'i rdzas dang mchod pa dgod// bco lnga khro bo ma mo gsum// bsnyen dang bsgrub pa

  473. 237a

    tshul bzhin bya// mtshan ma mthong ngam dus bab na// phrin las drag po brtsam par bya// drag po'i rdzas dang phur pa dang // lha dang sngags kyi dgongs mtsho sdeb// rta mchog skul gsal gnas nas dgug/ dbang drag chas su zhugs nas kyang // gsur chen dud pa sgra bcas nas// ma mo 'bod cing dam la bsdu// bkrag mdangs dbrog cing tshe lung bya// gnad sgor gdab cing khrag thun dbab// byang gi pho nyanyes sha khrag bstab// byad kyi ma mos byad du gzhug/ nub kyi khro bos gnas sbar te// lho sgo sras kyi sems lung bstan// nyon mongs bsad nas gso ba shar// rtag pa rgyun gyi ye shes bsgom// de ltar phrin las mthar phyung na// tshangs pa'i tshe yang 'jig par 'gyur// zhes gsungs so// rdo rje phur pa gsang ba'i sngags rgyud las khro bo gsang ba'i las nye bar bsgrub pa'i le'u ste bzhi pa'o// // de nas yang zhe sdang gi bdag po dpal rdo rje gzhon nus bka' stsal pa// oM badz+ra kI li kI la ya/ dza la dza la/ pra dza la pra dza la s+phu Ta s+phu Ta na sa pa na ye hUM phaT// sarba duSh+TAn hri da ya hUM phaT/ ts+tshin+da ts+tshin+da hUM phaT/ mA ra ya mA ra ya hUM phaT/ su ru su ru pra su ru hUM phaT/ bi da ya bid bid hUM phaT/ na maHsa man ta bing bing hUM phaT/ u tsuSh+pa kro d+ha hUM phaT/ na maHsa man ta bi shwa d+ha ya be ra be ra hUM phaT/ aM ku sha ts+tshin+da ts+tshin+da hUM phaT// byA g+h+ri pa la sho da hr-i da

  474. 237b

    ya hUM phaT/ ces gsungs so// rdo rje phur pa gsang ba'i sngags rgud las sras mchog rtsa ba'i snying po'i le'u ste lnga pa'o// // de nas zhe sdang gi rgyal pos bka' stsal pa/ mtshams med pa la mtshams kyang gcad// khro bcus phyogs bcur phur pas gtams// khro bo 'bar ba'i thugs ka nas// 'khor lo rtsibs brgyad re mig la// nyi zla pad+ma'i gdan steng na// ye shes sems dpa'i thugs ka nas// kI la ya yi 'od zer gyis// lcags kyi tsha tsha brdab pa ltar// gang la bab pa rdul du rlag/ skor mtshams bzhi dang skor tshoms gsum// smad kyi dkyus tshig drag po las// rak+ta tshar gsum tshar lnga sgreng // rngam pa glog gi dkyil 'khor nas// rdo rje rdzu 'phrul rnam par 'phrul// dpa' bo khro bo 'jigs par bcas// rigs sngags don la yang dag sbyor// rak+ta'i mtsho dang keng rus ri// mAM sa'i nyor tshogs zhing chen gsur// rngam pa'i mkha' 'gro tshogs la bstab// rdo rje khro rgyal he ru kas// gtum khro gdug pa thabs kyis 'dul// 'bar ba'i dkyil 'khor kun la mchod// hUM mdzad hUM la ho ste rol// hUM mdzad hUM gis thugs dam bskang // gar dgu khros pa'i zhal du bstab// stong gsum thams cad phur pa'i lha// bdud 'dul khro bo'i skur bstan pa// phyogs bcu dgra bgegs thams cad kun// dengs par mi byed 'dug gyur na// thams cad ma lus thebs

  475. 238a

    par gdab// dam log dam sri rAt+pa'i sde// 'di dag tshar ni ma bcad na// sgrub la bar chod ma rungs byed// nyams pa bdud ni 'di rnams te// dgra dang bgegs dang bdud tshogs kyang // 'di gsum ma thul sku dgrar ldang // de phyir sgrub pa'i rnal 'byor pas// dam sri gnan cing dam log gsad// rU tra'i sde rnams gdul bar bya// bcu gcig dpal dang phyag rgya bzhi// ye shes khro bo bco lnga'i thugs// srog dang ldan pa'i ye shes sems// 'khor dang bcas pa'i bdag po bskyed// rang bzhin dkyil 'khor dbyer med bstim// gzir gnon sgrol ba'i sku ru bsgom// sku dang gsung thugs srog dbang bskur// zhi ba bsnyen cing khros pa bsgrub// dngos grub kun gyi gzhi ma yin// sman rag gtor ma la sogs pa// phyi nang gsang ba'i mchod pa yis// lo zla'i dus su brtson par 'bad// bsnyen pa'i bdud rtsis chag chag gdab// dkyil 'khor byin gyis rlob par 'gyur// rnal 'byor gang la mos pa ni// 'jigs byed e ya dkyil 'khor bskyed// rang bzhin sgrub phyir bstod cing bskul// zhes gsungs so// kI la ya gsang ba'i sngags rgyud las bsnyen pa'i le'u drug pa'o// // de nas zhe sdang gi bdag po rdo rje gzhon nus bka' stsal pa// gru gsum mthing nag 'bar ba'i dkyil 'khor nas// bcom ldan

  476. 238b

    dpal chen rdo rje gzhon nu ni// dbu gsum phyag drug zhabs bzhi brkyang bskum bgrad// rgyan dang cha lugs ldan pas sgeg sgeg 'dra// bdud bzhi gtan du bcom pas dpa' dpa' 'dra// sku che yan lag rags pas 'jigs 'jigs 'dra// zhal g.yas dkar la bzhad pas rgod rgod 'dra// g.yon pa dmar la gdangs pas gshe gshe 'dra// zhal dbus mthing la rngams pas khro khro 'dra// rgyu drug spyan gyis gzigs pas snying rje che che 'dra// dug gsum zhal du rngubs pas rngam rngam 'dra// de 'dra'i khro bo 'jigs pa'i skur bstan pas// chos sku mtshan ma med pas zhi zhi 'dra// rdo rje rtse dgus sa dgu'i rtog pa 'joms// rdo rje rtse lngas rgyud lnga gnas su sgrol// me dpung 'bar bas khams gsum nyes pa sreg/ kha T+wAM rtse gsum dug gsum rtsad nas gcod// ri rab phur bus khams gsum rdul du rlog/ 'khor lo rgyas 'debs dpal gyi sku la 'khril// khro bo khro mo rab 'jigs 'bar ba'i sgra// sku ni me dpung 'bar ba'i klong na bzhugs// gsung ni drag po'i sgra skad 'brug stong ldir// thugs ni mi rtog rnam rtog thams cad 'joms// dpal chen rdo rje gzhon nu yab yum la// khro bo khro mo'i tshogs kyis bskor ba ni// hUM chen mthing ga rdo rje thod khrag dang // mda' gzhu rdo rje ri rab phur pa 'dril// sku mdog mthing ga dkar dang dmar ba'i zhal// zhabs bzhi

  477. 239a

    brag steng nyi zla pho mo mnan// sgra 'byin phag dang smig bu 'khor gyis bskor// rnam rgyal dkar po rdo rje zod khrag dang // tri shUl 'khor lo ri rab phur bu 'dril// zhal mdog dkar dang sngo dang dmar ba'i zhal// zhabs bzhi brag steng brgya byin pho mo mnan// snyems ma stag dang bya rgod 'khor gyis bskor// gshin rje sngon po rdo rje thod khrag 'thung // nr-i mgo dgra sta ri rab phur bu 'dril// sku mdog sngon po dkar dang dmar ba'i zhal// zhabs bzhi brag steng gshin rje pho mo gnon// dur khrod sha ba 'ug pa'i 'khor gyis bskor// rta mgrin dmar po rdo rje zod khrag dang // zhags pa spu gri ri rab phur bu 'dril// sku mdog dmar po sngo dang dkar ba'i zhal// zhabs bzhi brag steng klu dbang pho mo mnan// gtum mo byi la pu shud 'khor gyis bskor// bdud rtsi ljang nag rgya gram dbyug tho thogs// sku mdog ljang nag dkar dang dmar ba'i zhal// zhabs bzhi brag steng gnod sbyin pho mo mnan// rlung 'byin seng ge pha wang 'khor gyis bskor// dbyug pa sngon po dkar dmar sngo ba'i zhal// rdor thod dbyug pa me thab phur pa 'dril// zhabs bzhi brag steng me lha pho mo mnan// sder mo g.yag dang bya rog 'khor gyis bskor// mi g.yo ljang sngon rdo rje thod khrag dang // ral gri zhags pa ri rab phur bu 'dril// sku mdog ljang sngon dkar dang dmar ba'i

  478. 239b

    zhing // zhabs bzhi brag steng bden bral po mo mnan// gtun khung gzigs dang kha ta 'khor gyis bskor// gzhan gyis mi thub dmar skya rdo rje thogs// rnga yab b+han d+ha ri rab phur pa 'dril// sku mdog dmar sku dkar dang dmar ba'i zhal// zhabs bzhi brag steng rlung lha pho mo mnan// mda' stems sbyang ki khra yi 'khor gyis bskor// khams gsum rnam rgyal tri shUl mda' dang zhu// sku mdog ljang ser dkar dang dmar ba'i zhal// zhabs bzhi brag steng dbang ldan pho mo mnan// gsod byed dred dang sre mo 'khor gyis bskor// stobs chen dud kha rdo rje thod khrag 'thung // zhags pa tho ba ri rab phur bu 'dril// sku mdog dud kha dkar dang dmar ba'i zhal// zhabs bzhi brag steng sa bdag pho mo mnan// skyod byed dom dang byi la'i 'khor gyis bskor// khro rgyal kun kyang dur khrod chas kyis brgyan// bskal pa'i me ltar 'bar ba'i klong nA bzhugs// shar gyi sgo ba dkar mo lho sgo ser// nub kyi sgo ba dmar mo byang sgo ldang // bya phur skyer phur mchog phur lcags phur bsnams// lcags kyu zhags pa lcags sgrog dril bu g.yon// rang byung khro bo rnams kyi mthu dang rtsal// badz+ra ki la ya yi dus la bab// lha rnams bstod cing thugs dam bskul// sras mchog khro bo bco lnga yis// btab na lha yang rlag par byed// sri can rdul du rlog pa'o// mi bzad drug gi

  479. 240a

    'khor dang bcas// sprul pas srid gsum gtams par bsgom// de nas shes pa 'du sar gdab// btab nas bde ba'i sa la dgod// ces gsungs so// rdo rje phur pa gsang ba'i sngags rgyud las khro bo la bstod pa'i le'u ste bdun pa'o// // de nas zhe sdang gi rgyal po rdo rje gzhon nus bka' stsal pa// de nas dkyil 'khor yang dag bshad// lus ni lha yi dkyil 'khor bsgom// ngag ni gsang sngags dkyil 'khor bsgom// sems ni chos nyid dkyil 'khor bsgom// dben par sa sbyangs maN+Dal bca'// 'khor gnas yo byad blo ldan pas// khro mo yum gyi gtun khung bri// gru gsum rtsa gcig 'bar ba tsam// yang na bcu gcig bdun yang bri// las kyi dkyil 'khor gru gsum e// rdo ba dag gam sa la bya// lcags sna ldang dang dug shing dang // mi dang bya yi rus pa la// sras mchog phur pa gzi ldan bya// gu gul rak+ta yungs kar gyis// sku gsung thugs kyi gzi byin bskyed// ka pA la yi gnas bzhugs nas// rdo rje ngag gi bzlas pa rtsam// sku dang chos nyid gsal ldan pas// bsnyen pa gdeng dang ldan par bya// rdo rje dkyil 'khor mchod bstod cing // rang rgyud dag par bshags sbyang bya// 'phro 'dus nye bar bsnyen bya ste// bdun 'bum nyi khri'i grangs rdzogs nas// rdo rje khro bo rol pa sgrub// 'phang dang ldeg 'khrab

  480. 240b

    bro brdung dang // nyams dang rmi ltas bzang mthong nas// sku gsung thugs kyi dngos grub blang // rang rgyud byin dang ldan gyur pas// ye shes lnga yi dbang bskur yang // rang dang gzhan la rgyas btab ste// dbang dang byin brlab tshul bzhin bya// de nas bdud dang dgra bgegs la// rdo rje kha T+wAM rol pa rtsam// zhes gsungs so// rdo rje phur pa gsang ba'i sngags rgyud las dkyil 'khor sgrub pa'i le'u ste brgyad pa'o// // de nas yang zhe sdang gi rgyal po rdo rje gzhon nus bka' stsal pa// gang gis bar gcod tshar gcad phyir// dmigs pa'i ting 'dzin gsum gsal bya// nr-i srog can dang na srog can// tri srog ldan pa bstan pa'i dgra// yid gzugs can dang gdos bcas gzugs// de la de brten srog ces pas// a nr-i su tri pre du ldan// rigs drug sa bon gzung bar bya// gang la bya ba'i dmigs rten ni// 'byung ba'i snyigs ma zags la bya// yang na bla srog gnas pa dbab// gtso bo 'jag ma dme khrag sogs// srin mo'i khang sa la sogs dang // shing shun zhing ras gang ldan la// gang la bya ba'i ming gzugs bri// srog gi yi ge gnad sngags bskor// dbye dgug bstim dang byad du gzhug/ sgra smyo rdul du brlag par bya// 'bar ba'i e dang zhal du bstab// de ltar byas na rA tra'i sde// bstan pa'i dgra gsum drungs nas 'byin// oM badz+ra

  481. 241a

    ki li ki la ya che ge mo ta tha ya ta thA ya hUM phaT/ ha sa ya ra ha ta na hUM phaT/ shri krin A na ya hUM phaT/ dza la pa ya dz+wa la pa ya hUM phaT/ A be sha ya yA be sha ya hUM phaT/ bi ta ya bi ta ya hUM phaT/ ces gsungs so// phur pa gsang ba'i sngags rgyud las sgrub pa'i bar chod rU tra bsgral ba'i le'u ste dgu pa'o// // de nas zhe sdang gi rgyal po rdo rje gzhon nus dam log bsgral ba 'di skad ces bka' stsal to// oM sum tri rak+Sha mA ra ya nan sa du rak+Sha nan// bi bi tri dam sri nan/ 'gong po ya na ma sho nan/ 'byung po ya na ma sho nan/ dza dgra nan/ sho dgra nan/ sho nan/ dza dza de ba badz+ra yag+ho nan/ 'byung po duSh+TAn mA ra ya ha na ha na hUM phaT/ pa ra bi ta na ts+tshin d+hats+tshin d+ha hUM phaT/ bin d+ha bin d+ha hUM phaT/ gr-ih+Na gr-ih+Na hUM phaT/ ha na ha na hUM phaT/ ban d+ha ban d+ha hUM phaT/ oM badz+ra rag+ga rA tsa tsit+ta zung zung / kha la rag+na tsad tsad// kha rag+harma sha na rbad sto/ 'khu na dum bu shig shig 'da' na rag sha tsit+ta phyung rbad/ ldog na rag sha rbad/ sdoms ting ting sdoms zung zung / gtubs gtubs sdoms/ rag sha tsit+ta gtubs/ rA tsa shag thum kha tri rbad// tsa pu tri tri tritre nan sod/ badz+ra kro d+ha rA dza sid+d+hi a mr-i ta hUM phaT/ oM badz+ra ki li kI la ya sarba big+h+nAn baM hUM phaT/ bdud tri ma tri tha tri/ shu la tri baM tri ya ma tri/ nA ga tri sa ma tri sum tri pu tri a sha tri/ a sha tri rA tsa tri/ trig nan

  482. 241b

    hur thums dza/ badz+ra ang+ku sha ya dza dza/ badz+ra A be sha ya a/ a pasta ya d+ha ro a dz+nyA pa ya ti a/ hUM snying khrag tsit+ta gu lu nan// baM tsIn da ts+tshin da srog rbad/ mA ra ya snying rtsa phyung phyung / so shig srog rbad/ kha kha ha ha mA ra ya hUM hUM phaT phaT rbad rbad/ ha na ha na badz+ra ru tri/ srog la breng breng dza dza thums ril shag da ha da ha badz+ra srog la dun dun thums ril shag pa tsa pa tsa badz+ra/ tsit+ta rbad thums ril shag/ ma ta ma ta badz+ra/ rtsa la rbad thum ril shag dza la dza la badz+ra/ srog la hur thum ril shag su ru su ru badz+ra/ kham nan zum ril shag/ mu ru mu ru badz+ra/ mu ru mu ru badz+ra/ dum ling khas thum ril shag/ ka tang ka ye badz+ra snying gzir sbur nan thum ri la shag dza yi bi dza ye badz+ra rA dza tri shu la gzir nan thum ri la shag a tsi ti a pa ra tsi te badz+ra tsa tri du me ru snying la gzir/ rtsa spur nan srog la breng breng / rtsa la dun dun kham shag rbad/ mA ra se na pra marda nA ya badz+ra sarba duSh+TAn trig nan rA dza ya ma dza ha ma sha ma tri hur zum dza/ du me ma ma srog la gzer thums ri la shag/ oM rni du rni du hUM hUM phaT phaT/ rA dza ni hUM hUM phaT phaT// tri ling sham/ ro ling sham/ kha thun tre thun/ bu ra tri dza rag sha ni dza dza/ hUM ma ma pa shaM ku ru ma taM nya ka ra i dan d+ha ti ma ma shi g+h+raM karma ka ra ya/ tri'u tri'u ya na mo sha dza// badz+ra ma da ni tri dza/ tri mA ra ya dza/ dam sri tri mA ra ya dza/ nA ga rA dza stag sha dza/

  483. 242a

    ma nya hi ko sha gar+tha ma ni/ mA ra ya hUM phaT/ sha lung ni ti sta pa la a sho ma b+h+yo b+h+yo hAM hUM phaT phaT rA dza thum a ti rbad/ rA dza zung a ti rbad/ rA dza kha chings lus snyoms dun tri pa ri pa ri snyoms/ tsiSh+Ta kar pa sha phag pa rA dza snyoms/ rA dza shag thum khram khra nan/ rA dza a kri pa kri na sod/ thum thum ri la ri la/ pa tsang shig pa tshang shig chings snyoms sa ma ya/ rig ru thum ri la/ bu ru lu ru lu ru lu hUM phaT/ rA dza si ti sa ma ya bying hUM phaT/ rA dza a ho hUM phaT/ sha ma ru tri ma ho dza/ thum ri li li/ ru lu ru lu sa ma ya staM/ rA dza sa ma ya ging ga rag pra ma shang ka du ri snyoms/ tsakra mA ra ya chings snyoms/ oM badz+ra rag sha rA tsa'i tsit+ta zung zung / kham rag sha rtsad rtsad/ kha rag sma sha rmad snyoms/ 'khu na dum bu shig shig shig snyoms/ 'da' na rag sha tsit+ta phyung rbad/ snyoms zung b+h+yAM si rag sha ma ra Na b+h+yo// tri rA dza au aM hUM mA ra ya stam b+ha nan nan// smr-i ti s+thi ti ma snying kha rag dza dza// oM le hUM laM staM b+ha nan/ mo ha g+ha ya b+ha ga wAn// shi kri bi kri badz+ra hUM ka ra hUM phaT/ badz+ra sum tri rag sha gtubs/ tsi tri mA ra ya hUM phaT/ khyod dam las ldog na/ su tri ma ra ya hUM phaT/ sa ru ke pa ya/ su ta mA ra ya hUM phaT// badz+ra sig nan sig nan/ mA ra ya hUM phaT/ trig nan hUM phaT// badz+ra dug nan hUM phaT/ badz+ra tsag du tsag du sod/ tsag tsag yer yer sod/ thum myogs sod// raM

  484. 242b

    yaM ting bu sod// badz+ra kI li ki la ya// dzaHhUM baM hoH/ rA dza tsit+ta zung zung khug nan/ dum bu shig ldog na rbad/ staM pa nan/ he ling nan/ tsa tre rbad/ a tri rbad/ ma tri rbad/ ma he la rbad/ rA dza trig nan rA dza hur thums/ pa tsang 'dri ma thib ra rA dza rba sbur srog nan/ snying gzir bring shag ya ma rbad/ sarba big+h+nAn/ baM hUM phaT// badz+ra kI li kI la ya hUM phaT/ badz+ra hUM kA ra a/ du me na ga mo trig nan me hur thums dza/ ru tri trig nan ru hur thums dza/ dun tri pa ri pa ri tsit+ta garba sha yag pa sod/ tri tsit+ta garba sha yag pa sod/ snyan tsit+ta garba sha yag sha sod// dung skyong pa ta mA ra ya hUM phaT/ tig tig zho 'thung skyugs sod/ tsha bang mdzod bsren mA ra ya hUM phaT// chu ha na tri dza ya mar na byi dza ya hUM phaT/ sha ma sa ru tri rA dza a ho bru rbad/ rA dza chings chings gtubs gtubs// 'khun du tsit+ta shig rag sha tsit+ta zung / rma na rbad/ thub rbad/ rbad ti dum rbad/ ya rbad ya khra ri b+ha sha ya dza// badz+ra sho na sa ma ya/ ya ma sho na sa ma ya/ nA ga sho na sa ma ya/ kha rag sho na sa ma ya/ rgyal 'gong rgyal tshe la ma sha/ dom rol khrag 'thung / snying khrag 'byung po sa ma ya dza// badz+ra dza ra trig rog ta 'byung po mA ra ya snying khrag dzaHhUM baM ho/ badz+ra aM ku sha dza/ 'byung po tshe la ma sha dom rol khrag 'thung // snying khrag 'byung po 'byung po pra ti pri mo ma sha dom la khrag 'thung / ro la khrag

  485. 243a

    'thung / snying khrag ma la ma la yes ye sar+b+bA b+hU tr-i tr-i swA hA/ oM sarba duHna ti ra ti nan/ ra dza nan/ rbad nan/ tri hur zum dza/ ma ra ya rbad// tad+ya tha tadra tha hUM phaT// sarba yA na ya hUM phaT/ ni sha ku ru yaM/ kha sod dbang ro la ya ma// thod khrag smros shig tsit+ta ku lu nan/ snying khrag smros shig tsakra raM/ rnam shes smros shig sho na raM// 'dod chags smros shig su tri kha ram// gzugs phung shig shig/ su ni tri ni yan lag chings shig/ oM sarba dza ni hAM dza/ nri tri su tri nri hAM dza/ shan tri ni hUM dza/ ka tri ni hAM dza/ gan tri ni hAM dza/ gu guM gu sr-i tsan dza dza hUM phaT// oM rtsa hUM ka te pu ra tsa te swA hA/ sr-i can nan ra dza nan/ he du ma b+ho ku ka ka re dza dza/ he du prid pu ka skye mi skye swA hA/ e ra lig shi na shig he ri ha ti pra ma le shag he ri lig sha li sha li byi/ bruM leng swA hA/ sha li b+h+yo bruM/ na ga tshe na gu tse rgu ru shad ti rbad rbad// badz+ra badz+ra badz+ra badz+ra/ badz+ra badz+ra badz+ra badz+ra badz+ra badz+ra badz+ra/ kha tha ma kha tha ma kha tha ma kha tha ma kha tha ma kha tha ma kha tha ma kha tha ma kha tha ma kha tha ma kha tham/ badz+ra yag sha rag sha kro ta kha kha kha/ khA hi khA hi khA hi/ ha ha ha/ hi hi hi/ hUM hUM hUM/ phaT phaT phaT/ ces gsungs so// phur pa gsang ba'i sngags rgyud las dam log dam sri rA tra'i sde bsgral ba'i drag sngags kyi le'u ste bcu pa'o// // de nas zhe sdang gi rgyal po rdo rje gzhon nus las kyi sbyor thabs

  486. 243b

    bka' stsal pa/ rnal 'byor don dang ldan pa la// dam log dam sri rA tra'i sde// gnas dang 'khor dang longs spyod dang // chags nas dbang byed shul 'breng dang // 'khor dang longs spyod dbang thang dpal// rgyas su mi ster 'phel ba 'grib// dkar sbyar sra rtsi bre sre stab byed pa// de dag drag po'i las 'dis 'dul// 'jig rten gzhan du 'phang la btang // rdo 'am sa la 'brub khung bca'// rnon po rtsang gis bskor nas kyang // nang du 'byung po'i gzugs rten gzhag/ khyi phag spre'u dang byi la'i mgo/ bgegs dang 'gong pa'i rU pa gzhug/ 'brog te nag po mgo dgu dang // dam sri nag mo bya mchu ma// bar du rgyal 'gong sprul pa brub// byi chings tshul du lto sbyar nas// bla shing sho mang khud du dril// blo rdo pha bong long bu la// mtshal gyis phyogs bzhir srog yig bris// se ba nya thod sdig pa'i rwa// byi ba'i snying dang sbyang ki'i brun// lam chen rgya gram sa dag ni// zhang po ma dang sprul pa bu// 'og gi rta dang rtse sa'i gnas// bla gnas yin te bla la dbab// rgya grog sked dmar khang sa dang // chu sna'i 'dag la na tshwa dang // srub ka rtswa yi lo ma dang // gong gsum lung gnas rtsi 'jigs la// gzug bcas shing shun ming rus gzhug/ thal dkar byas te byad thag gdags// gdab dang sreg dang mnan pa yi// rU pa bye brag so sor sbyar// 'brub

  487. 244a

    khung thod pa hom la gdags// re ba shug shing tsher mas dgab// dus gsum dang ni dus bzhi drug/ gshed mar gyur pa'i mtshon cha ni// lcags sna lnga yi phur bu dang // stag pa'i beng dbyug tho ba dang // gor ma shing phur rdo rje dang // ral gri 'khor lo la sogs pas// drag tu brdung zhing brnag pa bya// mo la mda' thun zor gyis brdeg/ pho la khrag thun gri mtshon gdab// bdun dang bdun gsum gang nus par// ma yengs brtson pas brab par bya// sngags drug rgyal po'i las sbyar te// gdab dang mnan bsreg bkar bar byed// ces gsungs so// phur pa gsang ba'i sngags rgyud las/ las sbyor thabs kyi le'u ste bcu gcig pa'o// // de nas yang zhe sdang gi rgyal po rdo rje gzhon nus gdon ngos bzung ba'i don du bka' stsal pa// srid pa kun la gnod pa yi// 'gong po pho mo 'di dag ni// rnal 'byor can la lha sgrubs 'jug/ phal pa rnams la mi sgrub 'jug/ bgegs dang 'bras la bgegs sbubs 'jug/ yul brgyud gang zag brgyud par byed// skye ba brgyud dang sprul pa brgyud// dngos po brgyud nas gnod par byed// rku zhing ngo sbed sna tshogs ston// 'di dag drag tu gdon gyur na// klu bdud klu btsan mes po dang // ma mo mtsho sman ma sru dang // dkar nag rgyal 'gong bcos pa shis// rgyab rten phral nas sna 'dren

  488. 244b

    bsad// mi dkar rta dkar 'bag seng dang // lha khang byung na dkar po bcos// mi nag rta nag dar nag dang // lha khang nag mthong nag po bcos// rlan dang na klung chu mig tshan// ko mog rgya mtsho klu gnyan bcos// drag ri gzar po ri rtse zang // brag dmar btsan bdud klu yang bcos// gad phug khang stong thigs pa can// khang rul dam can bsad pa rtsom// sbrang bu sbyar ba ba lang mdzo// gnag mthong sa bdag sa srin bcos// bya dang bud med ral pa can// khyi mo nag mo dam can bsad// rta dang bu chung spre'u dang // byi la btsun pa rgyal 'gong bsad// ma smad ming sring bu chung can// pho mo'i grogs dang rogs 'gras// rgyal 'gong pho mo srog rtsa gcad// btsun pa sbrang po ngan pa'i btsos// beg te lkog 'gong drung nas gdon// de la sogs pa dud 'gro'i tshogs// 'byung po la sogs tha dad rdzu// nges par brtag la gnad srog gtem// be phur hor smug bya yi mchu// sprul par bcas pa rdul du brlag/ spun gsum sprul par bcas pa yang // rgyab dang phral nas brlag par bya// klu gdon gnyan sogs brid cing bsdig/ dkor du mnga' gsol 'gong po rnams// dkor 'bog rgyal khrims la la bkar// bsgrub pas 'khor byung dam log bslus// shi sa'i 'khor lo bskor zhing mnan// gso ba chu bo'i gzhung la btang // rbad pa phyir/

  489. 245a

    bsad log 'khor bskor// smyo 'bog skar chu yungs kar dang // gu gul bdug cing brab par bya// sde gnod nang nub dus gsum brdung // dus dus gnad la phur bu gdab// phung po bsreg cing sha khrag bstab// 'khrul pa'i rtog gzhi gnan par bya// mchod rten lha khang rgya gram lam// rnal 'byor mal 'og them sgo dang // phyugs ra bres dang ma skyed sogs// gang la gnod pa'i lam gnas su// gnan pa byas na nus pa 'jig/ ces gsungs so// rdo rje phur pa gsang ba'i sngags rgyud las rtags kyis ngos bzung zhing las kyi gnad bcad pa'i le'u ste bcu gnyis pa'o// // de nas yang zhe sdang gi rgyal po rdo gzhon nus bka' stsal pa/ ras sam gro ga shog shog gam// zhing ras la sogs 'khor lo yi// rdzas la srid pa'i lto ba bri// gcod pa'i 'khor lo rtsibs bzhi pa// bsad dang mnan dang bzlog dang bskrad// gso dang srung dang shi sa dang // ji ltar dmigs pa de bzhin bri// pho dang mo yi 'khor lo brtsam// sngags dang srog dang ming yig dgod// bsrung ba rdo rje khong par bri// bu smad nor phyug gang dmigs gdags// gu gul mu zi sgog pa sogs// sme rdzas gdags shing dud pas bskor// 'byung po lha yi phra men bcas// srid gsum khyab cing nyul byed pa// 'di dag ma bcos ma bkar na// byas pa'i las

  490. 245b

    rnams don med 'gyur// 'di dag bcos bkar sprul pa bsgral// 'jig rten khyab cing dbang byed pa// dam log sde gsum dngos po'i srog/ shi nas rang srog rang gis bcad// srog dang ming dang shes pa'i rten// snying gi dkyil 'khor gnas pa de// pho g.yas mo g.yon bskor bar bsgom// 'gugs par byed pa hur thums dza// ya ma trig nan 'bru bzhis gzir// mA ra ya rbad gcod pa'i mtshon// dgug dang bcing dang bstim dang gzhug/ brul dang rtseg dang gtor dang bskrad// bsad dang bsreg dang gnan dang bkar// sngags kyis so sor gang dmigs pa// skyes bu shes rab rig pas zung // zhes gsungs so// rdo rje phur pa gsang ba'i sngags rgyud las srog gi 'khor lo bskor ba'i le'u ste bcu gsum pa'o// // de nas yang zhe sdang gi rgyal po dpal rdo rje gzhon nus/ lha rnams las la gzhug pa 'di gsungs so// dang po dbyings las ye shes bskyed// stong bdag med pa'i snying rje bsgom// rig pa gnas pa'i sgyu 'phrul hUM// rtog pa gzhil cing zhal yas bskyed// 'brub khung b+ha ga khro mo'i gtun// gsang ba yum gyi dkyil 'khor du// 'di ltar snang ba rnam par bsgyur// rdo rje khro bo'i gtun tshogs kyang // gsang ba yab kyi phur pa bskyed// rdo rje 'khor lo'i mkha' gsang nas// 'bar ba'i khro bo phyung nas kyang // phyogs bcur dregs pa'i

  491. 246a

    gdan la gdab// khro bo khro mo'i mkha' klong nas// za byed 'gug pa'i pho nya 'gyed// dpa' bo dpa' mo'i sbyor mtshams nas// sras mchog rdo rje khro bo bskyed// dbang bskur byin brlab gzi byin bskyed// dkyil 'khor rnam gsum lha tshogs la// spyan drang bzhugs bstim mchod bstod bya// so so'i snying pos bsnyen byas te// thugs dam bskul zhing pho nya 'gyed// ye shes sprul pa pho nya rnams// mgyogs byed thugs rjes mngags pa'i ging // srid gsum thams cad gang byas te// srid pa'i khyams khang btson dong du// rdo rje phur pa'i gru char dbab// sngags kyi 'khor lo me ltar 'bar// lcags kyi tsha tsha brdab pa bzhin// drug gi pho nyas las la sbyar// phyag rgya rnam bzhis kun tu khyab// drag po'i rtsal ldan kun gyis grub// bsod nams tshogs chen rdzogs pa dang // sngags grub dbang dang ldan pa la// 'dul sdom rnam par dag pas kyang // 'di dag tshar bcad dngos grub thob// de dag ldan par ma gyur kyang // 'di dag bsgral las ma byas na// dngos grub bdud kyi lag tu shor// shin tu brtson pas bsgral bar bya// dus gsum rgyun du gsad cing gnan// de ltar byas na 'bras bu thob// ces gsungs so// rdo rje phur pa gsang ba'i sngags rgyud las pho nyas tshar bcad pa'i le'u ste bcu bzhi pa'o// // de nas yang zhe sdang gi

  492. 246b

    rgyal po rdo rje gzhon nus// sri can drungs nas 'byin pa'i las bka' stsal to// mi yi srid pa dang po la// dbus kyi ri bo mchog rab srid// ri rab kyi ni dbus nas yar// dpag bsam shing gi ljon shing srid// dpag bsam shing gi rtse mo la// bdud pho thod pa'i phreng ba dang // bdud mo nag mo bzhin mi sdug/ tshogs pa'i ming sring bcu gcig ni// gang na dkar po'i las dar la// de na phung ba'i sri can te// 'di dag rnal 'byor can gyis gdul// rgyal dang blon dang dmangs dang gsum// dgra sri dme sri sgo sri dang // chung sri dur sri god sri dang // dam sri dbyal mo'i gong sri mnan// rgyal po phung byed phung sri ni// rigs ngan hor mo spyi rings mgor// chos 'khor dbus su gnan par bya// blon po phung ba'i phung sri ni// pha wang ne tso spre thod du// mdun sa chen por gnan par bya// dmangs rnams phung ba'i phung sri ni// spre'u mdzo rtol thod pa ru// yul gyi dbus dang yul mdor mnan// dgra bos phung ba'i phung sri ni// rta dang g.yag dang ra thod la// so mtshams lam gyi rgya gram gnan// dme yis phung ba'i phung sri ni// g.yi dang gsa' dang sbrang thod du// grong brdal chen po'i dbus su mnan// sgo sgo sri can langs pa ni// khyi dang phag pa'i thod pa ru// gnas pa'i sgom pa'i them par mnan// skye rgyud gcod pa'i chung sri ni// khyi phag phru gu sre bya'i

  493. 247a

    mgor// ma gnas mal gyi 'og tu mnan// rigs tshan gnas pa'i dur sri ni// se bya grun pa wa zod du// dur gyi 'dabs su gnan par bya// rnal 'byor pho mo'i dam sri ni// mi phag ra khyi'i sog pa la// mchod rten dkyil 'khor 'og tu mnan// dbyal mo gong gi sri can ni// khyi dkar sha ba'i thod pa ru// lam dang la btsas chen por mnan// nor phyugs god 'grams god sri ni// lu gu be'u ri'u thod du// nor phyugs gnas pa'i ra bar gnan// phung bar byed pa'i sri can ni// tshe rabs sngon gyi lan chags 'dod// dus 'di nyid du 'bab par 'gyur// rnal 'byor rnams kyi sku dgrar 'gyur// sri can bsgral ba'i zhing yin pas// gsang ba'i gnas su 'dus tshogs nas// slob dpon sku la phyag 'tshal te// gnod par byed pa'i phung sri dang // sdang bar byed pa'i dgra bo gnyis// sgrags te rgya gad drag pos brgal// sangs rgyas bstan pa khyod kyis bshig/ dkon mchog dbu 'phang khyod kyis smad// dge la rgyab kyis khyod kyis phyogs// yon bdag rnams la gnod pa byas// sngags 'chang rnams kyi sku la bsngos// tshe rabs snga ma'i lan chags pa// sdang bar byed dang gnod pa'i bgegs// skad cig tsam gyis phung bar bya// gru gsum 'bar ba 'dir stsol bas// nor gyis dogs pa'i ming rus 'di// rdo rje khro bo 'khor bcas

  494. 247b

    kyis// khyed kyis byin gyis brlab tu gsol// sri can 'di las 'dre che med// sri can 'di las tshe ring med// tsha ba'i dpal dang gson gyi bdud// gshin gyi lcags su che ba'i sri// chung sri rgyal blon dmangs kyi/ sri// rje khol zhang po tsha yi sri// pha sri bu sri phu nu'i sri// dgra sre dme sri yod med sri// dur sri god sri sgo sri rnams// sri can ma lus gdul ba'i phyir// dpal chen khro bo skur bsgoms nas// thams cad rdul du brlag par bya// rdo rje gzhon nus phur gdab bya// gshin rje nag po'i lto bar gzhug/ ya ma rA dza'i zas su sbyin// ma mo rnams la mchod par 'bul// pho nya rnams kyis dgug 'dren bya// ri rab chen po'i rmang du sba// gshin bu rje yi lag tu gtad// rgya mtsho chen po'i gting du sbyar// mtshon chen 'bar ba'i rtse mos bcad// rdo rje phur pa'i dpal gyis gdab// ye shes rnon po'i rtse la gtong // rag ta 'bar ba'i rba la g.yengs// yungs kar gser mde'u be mdu gzug/ gu gul sbyar ba'i dud pas bdug/ dug gi gtor mas myos su gzhug/ lcags phye zangs phye'i dpal gyis bcad// gtun khung rdo rje tho bas brdung // khro bo rol pa'i tshogs su dbul// pho mo'i snying la snying gzir gdab// de ltar byas na gdon mi za// las rnams brtsam pa thams cad 'grub// ces gsungs so// rdo rje phur pa gsang ba'i sngags rgyud las sri gdon

  495. 248a

    mnan cing brub pa las kyi le'u ste bco lnga pa'o// // de nas zhe sdang gi rgyal po dpal rdo rje gzhon nus/ sems dpa' chen po la/ bstan pa bzung ba gtad pa 'di gsungs so// kye kye gsang ba'i bdag po dpal// sems dpa' chen po'i rig 'dzin rnams// bstan pa dus kyi tha ma'i tshe// lnga brgya dus kyi snyigs ma la// sems can nyon mongs snyigs ma rgyas// de ru log pa rnam gsum gyi// bstan pa dar zhing thar lam bgegs// rnal 'byor can rnams slu bar byed// dngos grub thob pa'i bar du gcod/ sems can kha lo log par sgyur// kun kyang ma rungs phung bar byed// de ru skal ldan don yod cing // dngos grub thod dang rtags phyin dang // dpal 'phel dbang thang dar ba dang // 'bru dang bang mdzod ldan pa dang // bde skyid bsam pa 'grub 'dod pas// rdo rje phur pa sngags kyi rgyud// phrin las gsang ba rdzogs pa'i lung // 'bar ba'i khro bo rol pa 'di// spyad cing zung du gzung bar gyis// zhes gsungs te cang mi gsung bar bzhugs so// sems dpa' chen pos gsol pa/ bcom ldan 'das zhe sdang gi bdag po chen po/ ma 'ongs pa don yod par bya ba'i phyir// khro mo 'bar ba'i gtun khung dang // khro bo 'bar ba'i gtun tshogs// gtun khung rdo rje tho ba bka' stsal pa ngo mtshar ro// a la la ho// rjes su yi rang

  496. 248b

    ngo // don thams cad lhun gyis grub par bya'o// zhes gsol te 'khor dang bcas pa rjes su yi rangs te mngon par bstod do// bcom ldan 'das zag pa med pa'i ting nge 'dzin la snyoms par zhugs te/ cho 'phrul slar btul te gnas par gyur to// rdo rje phur pa gsang ba'i sngags rgyud las gtad cing bzung ba'i le'u ste bcu drug pa'o// // u rgyan gyi mkhan po pad+ma thod phreng gis// bi d+yot+ta ma 'bum sde'i tan+t+ra las phyung ba/ bod yul dbus kyi bsam yas bdud 'dul sngags pa'i gling du/ lce dz+nyA ku ku ra dang / brang ti dza ya rak+Shi tas bsgyur te/ mkhar chen bza' 'tsho rgyal la gtad cing gdams pa/ rdo rje phur pa gsang ba'i sngags rgyud las gsang ba'i phrin las rdzogs pa 'byung po kun 'dul zhes bya ba'i rgyud rdzogs so// // @#// rgya gar skad du/ badz+ra ki la ya gu h+ya tan+t+ra u pa de sha/ bod skad du/ rdo rje phur pa gsang ba gdams ngag can gyi rgyud/ bcom ldan 'das dpal badz+ra kI la ya la phyag 'tshal lo// 'di skad bdag gis thos pa'i dus gcig na/ bcom ldan 'das dpal rdo rje gzhon nu sku gsung thugs yon tan phrin las lhun gyis grub pa'i bdag nyid sangs rgyas kun gyi ye shes sku can de/ chos kyi dbyings kyi ngang nyid las// 'bar ba'i khro bo shin tu mi bzad pa/ sku yi dbyig tu gyur par bzhengs te/ ye shes

  497. 249a

    'bar ba'i gzhal yas khang / rang snang gsal ba'i dkyil 'khor gru gsum e'i dkyil 'khor na/ keng rus gsar rnying brtsegs pa'i ri rab kyi steng / me ri 'bar ba'i klong / rdo rje brag chen gtams pa'i maN+Dal na/ rgyu rin po che dang thod pa gsar rnying las grub pa/ drag po 'bar ba'i gzhal yas khang / rtsibs brgyad la sgo bzhi pa dur khrod kyi rgyan rnam pa sna tshogs pas bklubs par/ bdud dang phyogs skyong dang nyi zla'i gdan la rab tu bzhugs te/ thugs kyi sras mchog badz+ra 'dus pa dang / khro bo dang / khro mo dang / za byed dang / gsod byed dang / sprul pa dang / yang sbrul brjod kyis mi lang ba dang / gzhan yang dur khrod kyi ce spyang dang // zangs kyi wa mo dang / lcags kyi sbrang mo dang / dur khrod kyi khyi dang / rdo rje lha mo ya byin dang / de byin dang / chu byin dang / phag byin dang / nag mo'i tshogs re ma ti dang / re ma dzi dang / re ma dza dang / re ma dzu dang / gzhan yang dur khrod kyi ma bdun dang / sring mo bzhi dang // skyes mchog pho mo dang // rdo rje rigs kyi mkha' 'gro dang / rin po che dang / pad+ma'i rigs dang / las kyi rigs kyi mkha' 'gro'i tshogs rab tu mang po dang / thabs cig tu bzhugs te/ de'i tshe thugs kyi sras mchog badz+ra kI la ya 'dis bcom ldan 'das la 'di skad ces gsol to// e ma ho// gu h+ya b+ha ga wAn/ shri

  498. 249b

    badz+ra ku mA ra na maHsarba big+h+nAn baM hUM kI la ya dza hUM baM hoH/ a la la ho zhes gsol pas/ bcom ldan 'das kyis drag po chen po'i ting nge 'dzin gyis srid pa thams cad rdo rjer grub par mdzad de/ 'bar ba'i khro bo sha stag pas// gtum pa dang / rngam pa dang / brtul zhugs kyis gdug pa'i tshogs rnams dbang du bsdu ba dang / tshar bcad nas slar chos kyi dbyings su bsdu bar mdzad do// rdo rje phur pa gsang ba gdams ngag gi rgyud las gleng gzhi'i le'u ste dang po'o// // de nas thugs kyi sras mchog badz+ra kI la yas/ bcom ldan 'das la mchod cing bstod nas/ 'di skad ces gsol to// e ma ho/ bcom ldan dpal chen gyis// gdams ngag gsang ba'i rgyud chen po// ma 'ongs pa yi don ched du// 'khor rnams la ni bshad du gsol// zhes zhus so// bcom ldan 'das kyi bka' stsal pa// nyon cig badz+ra ki la ya// snying rje bsgral ba'i dam tshig ste// bsad cing mnan pa ma yin te// rnam shes gnas su dag phyir bshad// ces gsung so// de nas yang bka' stsal pa// rgyud 'di dmigs pa'i yul dang ni// sgrub pa'i thabs kyi rim pa dang // grub pa'i 'bras bu dag dang gsum// man ngag bdag gi bshad kyi nyon// zhes gsungs so// rdo rje phur pa gsang ba gdam ngag gi rgyud las gleng bslang ba'i le'u ste gnyis pa'o// // de nas thugs

  499. 250a

    kyi sras mchog des// de yi don nyid yang dag zhus// bcom ldan 'das kyis bka' stsal pa// rang bzhin ma bcos gnas pa de// ma rtogs gdul bya'i zhing du dmigs// snying rje dmigs par bya ba yin// bsgrub par bya ba'i thabs la yang // gzhi dang don gyi khog nyid dang // srog dang ye shes dbang dang ni// spyan 'dren mchod bsnyen dngos grub blang // mjug sdud las kyi kha bskang ba'o// grub pa'i 'bras bu chos sku dang // gzugs sku rgyun gyi ting nge 'dzin// gzhi ni phun sun tshogs pa ste// bdag nyid gnas dang rdzas dus te// 'khor rnams phun sum tshogs pa'o// dkyil 'khor rnam pa gsum dag las// sngon 'gro'i las rnams bya ba dang // dngos la rten dang brten nas te// 'byung ba lnga dang gzhal yas khang // bdag nyid rtsa ba'i phyogs bcu'i khro// phur pa rdzas kyi dkyil 'khor ro// khams gsum srog la dbang bskur dang // de yi srog kyang ye shes te// bdag gis dkyil 'khor gnyis la bskur// de yis 'gro drug dag la'o// dus gsum sangs rgyas thams cad kyis// sku gsung thugs su dbang bskur ba'i// spyan drang mchod dang bsnyen pa dang // dngos grub bcud ni blang ba ste// phyag dang mchod pa gtor ma dang // bdud rtsi rak+ta sbyor sgrol lo// tshogs dang lhag ma'i cho ga brgyad// bsnyen pa lha dang dam can dang // ngan sngags nye bar bsnyen

  500. 250b

    pa'o// dngos grub ye shes lha dang ni// dgra la tshe lung khrus lung dang // sgo bzhi'i phur pa mtsho bzhi ste// yum brgyad lus kyi rten brgyad dang // tsha khro bcu tshogs brgyad zhar byung gnyis// gnyis kyis dge sdig ma mnyam gdab// mtshon gyis gtub dang thun gyis brab// gnas skabs dag ni shes par bya// mnan pa sbyin sreg thun dang gsum// las kyi mjug ni bsdu bar bya// zhes gsungs so// rdo rje phur pa gsang ba'i rgyud las gdams ngag gi khog gdon bstan pa'i le'u ste gsum pa'o// // de nas thugs kyi sras mchog des// dkyil 'khor rnam gsum rim par zhus// bcom ldan 'das kyis bka' stsal pa// rdo rje khros pas zhe sdang gcod// mtshon chen sngon po 'bar ba yis// nam mkha'i dkyil nas thigs pa shar// snying gi go ru bsgom par bya/ hUM s+tha ra Na phaT/ saM ha ra Na hUM/ badz+ra e yaM/ ra suM kai raM b+h+rUM/ b+h+rUM bi shwa bi shud+d+he dz+nyA na tsakra maN+Dal e b+h+rUM/ dzaHhUM baho/ hUM s+pha ra Na phaT/ saM ha ra Na hUM/ oM badz+ra kI li ki la ya hUM phaT/ snying rjes bsgral ba'i dam tshig ni// bsad cing mnan pa ma yin te// phung po rdo rjes gtams byas nas// rnam par shes pa rdo rjer bsgom/ hUM rdo rje gzhon nu'i rig 'dzin rnams// srid pa rdo rje grub mdzod cig/ sri pa rdo rje phur bu'i lha// ye shes khro bo grub par mdzod// hUM hUM/ oM badz+ra kro d+ha hUM kA ra hUM/ gardza gardza hUM phaT/ oM badz+ra kro d+ha bi dza ya hUM/

  501. 251a

    ha na ha na hUM phaT/ oM badz+ra kro d+ha nI la daN+Da hUM/ da ha da ha hUM phaT/ oM badz+ra kro ta ya man+ta ka hUM/ pa tsa pa tsa hUM phaT/ oM badz+ra kro ta ar+ya a tsa la hUM/ b+han+da b+han+d+ha hUM phaT/ oM badz+ra kro ta ha ya grI ba hAM/ hu lu hu lu hUM phaT/ oM badz+ra kro ta a pa ra dzi ta hUM/ tiSh+Tha tiSh+Tha hUM phaT/ oM badz+ra kro d+ha a mr-i ta kuN+Da li hUM/ ts+tshin+da ts+tshin+da hUM phaT/ oM badz+ra kro d+ha trai lo kya bi dza ya hUM/ b+hin+da b+hin+da hUM phaT/ oM badz+ra kro d+ha ma hA ba la hUM/ s+pho Ta s+pho Ta hUM phaT// dzaHhUM baM ho// b+hin+na ya bing bing hUM phaT// na maHsa man+ta hring hring hUM phaT// su ru su ru pra su ru hUM phaT/ mA ra ya mA ra ya hUM phaT/ sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag bskyed cig/ hUM sa ma ya tiSh+Tha lhan/ oM bud+d+ha kI li kI la ya badz+ra/ dz+wa la dz+wa la pra dza la sarba na pa na pa ya hUM phaT/ oM pad+ma kI li kI la ya bA ka badz+ra nAn/ sarba duSh+TAn hri sho d+ha ya hUM phaT// oM badz+ra kI li kI la ya tsit+ta badz+ra nA na/ tsit+ta tsit+ta hUM phaT/ be ta lI sa man ta la rak+Sha hUM phaT// ma gu ta la ta la ni hUM phaT/ ma hA rak+ta dza la ni hUM phaT// rdo rje phur pa gsang ba gdams ngag gi rgyud las dkyil 'khor rnam gsum bskyed pa'i le'u ste bzhi pa'o// // de nas thugs kyi sras mchog des// srog dang ye shes dbang bskur zhus// bcom ldan 'das kyis bka' stsal pa// thabs kyi spyod pas 'gro don du// byams dang snying

  502. 251b

    rjes gang 'dul ba// sangs rgyas phrin las rdzogs mdzad pa// dbang dang byin rlabs 'dir gsal cig/ hwA s+pha ra Na hA phaT// nA sa ha ra Na thA/ sa r+b+ba sra tra pre du/ sa s+pha ra Na phaT/ sa ha ra Na T+Ta/ oM s+pha ra Na k+Sha/ sa s+thA ra Na phaT/ saM ha ra Na hUM/ hUM s+pha ra Na phaT/ saM ha ra na phaT/ zhes gsungs so// rdo rje phur pa gsang ba man ngag gi rgyud las khams gsum srog la dbang bskur ba dang srog ye shes su dbang bskur ba'i le'u ste lnga pa'o// // de nas thugs kyi sras mchog badz+ra ki la yas// bcom ldan 'das la 'di skad ces gsol to// spyan drang mchod pa'i rim pa sogs// bde bar gshegs pas bshad du gsol// zhes zhus so// bcom ldan 'das kyis bka' stsal pa/ srid pa'i phur bu sgrub pa dang // dbang dang dngos grub blang ba'i phyir// ye shes khro bo gshegs su gsol// khro bo chen po gshegs nas kyang // rtags dang mtshan ma bstan pa dang / kI la ya yi dngos grub stsal du gsol/ dzaHhUM baM hoH/ a ti pu ho/ pra ti ts+tsha ho/ oM badz+ra kI li kI la ya pU dza me g+ha sa mu dra s+pha ra Na sa ma ye hUM/ puSh+pe/ d+hu pe/ A lo ke/ g+han+d+he/ dam tshig chen po'i dus la bab// ba liM gtor ma bzhes su gsol// sprul pa chen po'i dus la bab// ba liM gtor ma bzhes su gsol// phyag brnyan chen po'i dus la bab// ba liM gtor ma bzhes su gsol// shra na mu kha'i dus la bab// ba

  503. 252a

    li gtor ma bzhes su gsol// sa bdag chen mo'i dus la bab// ba liM gtor ma zhes su gsol// bdag nyid chen mo'i dus la bab// ba liM gtor ma bzhes su gsol// khyed kyi dam tshig dus la bab// ba liM gtor ma bzhes su gsol// mthu rtsal 'byung ba'i dus la bab// ba li gtor ma bzhes su gsol// dam tshig chen po'i dus la bab// bdud rtsi sman gyi mchod pa bzhes// sprul pa chen po'i dus la bab// bdud rtsi sman gyi mchod pa bzhes// phyag brnyan chen po'i dus la bab// bdud rtsi sman gyi mchod pa bzhes// shwa na mu kha'i dus la bab// bdud rtsi sman gyi mchod pa bzhes// sa bdag chen mo'i dus la bab// bdud rtsi sman gyi mchod pa bzhes// bdag nyid chen mo'i dus la bab// bdud rtsi sman gyi mchod pa bzhes// khyed kyi dam tshig dus la bab// bdud rtsi sman gyi mchod pa bzhes// mthu rtsal 'byung ba'i dus la bab// bdud rtsi sman gyi mchod pa bzhes pa// dngos grub par chod byed pa'i bgegs// dngos grub par chod byed pa'i dgra// gdug cing sdang sems ldan pa rnams// zung zhig rgyob cig rnam par chings// rtogs shig grogs dang bral bar gyis// rengs par khug la smrar chug gcig/ phog cig rnam par gzir bar gyis// nga yi dbang du gyur pas na// bsgo ba'i bka' 'di nyan par gyis// ma hA rak+ta kha hi/ bran dang bka'

  504. 252b

    nyan pho nya'i tshogs// khyed kyi dam tshig dus la bab// sngon chad ji bzhin dam bcas pa'i// mngon spyod phrin las myur du mdzod// ma hA rak+ta khA hi// gdug cing sdang sems ldan pa rnams// lha'am 'on te bdud kyang rung // nga la bar chad byed pa rnams// mthu dang rdzu 'phrul med par gyis// ma hA rak+ta khA hi// khro mo 'bar ba'i gtun khung du// rdo rje tho bas brdung byas nas// lha yang rung ste bsgral bar bya'o// kha tha ma/ kha tham// dam tshig chen po'i dus la bab/ tshogs kyi mchod pa bzhes su gsol// sprul pa chen po'i dus la bab// tshogs kyi mchod pa bzhes su gsol// phyag brnyan chen po'i dus la bab// tshogs kyi mchod pa bzhes su gsol// shwa na mu kha'i dus la bab// tshogs kyi mchod pa bzhes su gsol// sa bdag chen mo'i dus la bab// tshogs kyi mchod pa bzhes su gsol// bdag nyid chen mo'i dus la bab// tshogs kyi mchod pa bzhes su gsol// khyed kyi dam tshig dus la bab// tshogs kyi mchod pa bzhes su gsol// mthu rtsal 'byung ba'i dus la bab// tshogs kyi mchod pa bzhes su gsol// shwa na mu kha'i dus la bab// lhag ma'i gtor ma bzhes su gso// bka' yi gtor ma 'di bzhes la// rnal 'byor bar chad bsrung du gsol// sa bdag chen mo'i dus la bab// lhag ma'i gtor ma bzhes su gsol// bka' yi gtor ma 'di bzhes la// rnal 'byor bar

  505. 253a

    chad bsrung du gsol// bdag nyid chen mo'i dus la bab// lhag ma'i gtor ma bzhes su gsol// bka' yi gtor ma 'di bzhes la// rnal 'byor bar chad bsrung du gsol// zhes gsungs so// rdo rje phur pa gsang ba gdams ngag gi rgyud las spyan drangs shing mchod pa'i le'u ste drug pa'o// // de nas thugs kyi sras mchog des// bsnyen pa'i don rnams zhus pa las// bcom ldan 'das kyis bka' stsal pa// snying rjes bsgral ba'i dam tshig ni// bsad cing mnan pa ma yin te// phung po rdo rjes gtams byas nas// rnam par shes pa rdo rjer bsgom// oM badz+ra ki li kI la ya sarba big+ha nAn baM hUM phaT/ oM badz+ra kI li kI la ya dzaHhUM baM ho// ka taM ka ye dza ye bi dza ye/ a tsi ti a pa ra tsi ti ma ra sa na pra mar+d+ha na ya hUM phaT/ ha sa ya ra hr-i da ya na hUM phaT/ A be sha ya/ A be sha ya hUM phaT/ shi krin A na ya hUM phaT/ dza la pa ya dza pa ya hUM phaT/ ta thA ya ta thA ya hUM phaT/ bin+d+ha ya bin+d+ha ya hUM phaT/ rdo rje gzhon nu'i rig 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// ces gsung so// rdo rje phur pa gsang ba man ngag gi rgyud las bsnyen pa rnam par gsum bstan pa'i le'u ste bdun pa'o// // de nas thugs kyi sras mchog des// sgrub pa chen po'i dus rnams zhus// bcom ldan 'das kyis

  506. 253b

    bka' stsal pa// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shwa na mu kha'i dus la bab// sa bdag chen mo'i dus la bab// bdag nyid chen mo'i dus la bab// khyed kyi dam tshig dus la bab// mthu rtsal 'byung ba'i dus la bab// bdag cag rnal 'byor sgrub pa po// byang chub mchog tu sems bskyed nas// dus gsum rgyal ba'i gdung gsob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang // dngos grub 'phrog cing 'tshe ba rnams// khro bo chen po'i byin rlab kyis// yud tsam kyis ni 'dir khug la// mngon spyod tshul bzhin bsgral ba dang // lus ngag rdul du bshigs nas kyang // sdug bsngal nyams su myong bar mdzod// oM laM hUM baM staM b+ha ya nan/ mo ha g+ha ya b+ha ga bAn shi kri bi kri/ badz+ra hUM kA ra hUM phaT/ oM badz+ra kI li kI la ya/ dzaHhUM baM ho/ sarba big+h+nAn/ badz+ra kI la ya hUM phaT/ badz+ra hUM kA ra a a/ A we a ya a a/ zhes gsungs so// rdo rje phur pa gsang ba gdams ngag gi rgyud las tshe lung khrus lung gi dgongs pa phul tu byung ste gdab pa'i le'u ste brgyad pa'o// // de nas thugs kyi sras mchog des// phrin las rnam bzhi'i don rnams zhus// bcom ldan 'das kyis bka' stsal pa// shar nas zhi ba'i phrin las

  507. 254a

    mdzad// skye ka'i mgo can dus la bab// dgra bgegs kun gyi rus pa'i mtsho// klad pa'i rgyas su ki la ya// oM badz+ra kI li kI la ya b+hin+ta ya bing bing hUM hUM phaT// lho nas rgyas pa'i phrin las mdzad// srin bya'i mgo can dus la bab// dgra bgegs kun gyi dbugs kyi mtsho// glo ba'i dkyil du kI la ya// oM badz+ra kI li kI la ya maHsa man+ta hriM hriM hUM hUM phaT// nub nas dbang gi phrin las mdzad// khra yi mgo can dus la bab// dgra bgegs kun gyi khrag gi mtsho// mchin pa'i dkyil du ki la ya// oM badz+ra kI li kI la ya// su ru su ru pra su ru hUM phaT/ byang nas drag po'i phrin las mdzad// pu shud mgo can dus la bab// dgra bgegs kun gyi sha yi mtsho// mkhal ma gnyis la mA ra ya// oM badz+ra kI li kI la ya/ mA ra ya mA ra ya hUM phaT/ rdo rje phur pa rtsa ba man ngag gi rgyud las phrin las rnam bzhi'i phur pa'i le'u ste dgu pa'o// // de nas thugs kyi sras mchog des// lus kyi rten la gdab pa zhus// bcom ldan 'das kyis bka' stsal pa// dngos grub par chod byed pa'i bgegs// dngos grub par chad byed pa'i dgra// gdug cing sdang sems ldan pa rnams// zung zhig rgyob cig rnam par chings// rtogs shig grogs dang bral bar gyis// rengs par khug la smrar chug cig/ phob cig rnam par gzir bar byos// nga yi dbang

  508. 254b

    du gyur nas kyang // bsgo ba'i bka' 'di nyan par gyis// hUM pa ra bid tan/ tshin+na tshin+da hUM phaT/ b+hin+na b+hin+na hUM phaT/ gr-ih+Na gr-i h+Na hUM phaT/ ha na ha na hUM phaT/ b+han+na b+han+d+ha hUM phaT// rdo rje phur pa rtsa ba gdams ngag gi rgyud las khro mo brgyad kyis gdab pa'i le'u ste bcu pa'o// // de nas thugs kyi sras mchog des// tshogs brgyad dag la gdab pa zhus// bcom ldan 'das kyis bka' stsal pa// bran dang bka' nyan pho nya'i tshogs// khyed kyi dam tshig dus la bab// sngon chad ci bzhin dam bcas pas// mngon spyod phrin las myur bar mdzod// ha na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka tang ka ye dza ye bi dza ye/ a tsi te a pa rA tsi ti/ ma ra se na pra marda na ye hUM phaT/ rdo rje phur pa rtsa ba gdams ngag gi rgyud las khro bo bcu'i phur pa gdab pa'i le'u ste bcu gcig pa'o// // de nas thugs kyi sras mchog des// dge sdig ma snyoms gdab pa zhus// bcom ldan 'das kyis bka' stsal pa// gdug cing sdang sems ldan pa rnams// lha'am 'on te bdud kyang rung // nga la bar chad byed pa rnams// mthu dang rdzu 'phrul med par byos/ sarba A na ya hUM phaT/ ta thA ya ta thA ya hUM phaT/ ces gsungs so// rdo rje phur pa rtsa ba gdams ngag gi rgyud las yum gyis gdab pa'i rim pa'i le'u ste bcu

  509. 255a

    gnyis pa'o// // de nas thugs kyi sras mchog des// thun gyis brab pa'i las rnams zhus// bcom ldan 'das kyis bka' stsal pa// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// hUM ma ma pa shaM ku ru ma tang nya ka ra i nan d+ha ti ma ma karma shri krang ka ra ye hUM phaT/ oM badz+ra kro ta hUM ka ra hUM gardza gardza hUM phaT/ oM badz+ra kro d+ha bi dza ya hUM/ ha na ha na hUM phaT/ oM badz+ra kro d+ha ni la daN+Da hUM/ da ha da ha hUM phaT/ oM badz+ra kro ta ya man+ta ka hUM/ pa tsa pa tsa hUM phaT/ oM badz+ra kro ta Ar+ya a tsa li hUM/ b+han+d+ha b+han+da hUM phaT/ oM badz+ra kro ta ha ya grI ba hUM/ hu lu hu lu hUM phaT/ oM badz+ra kro ta a pa ra dzi ta hUM/ tiSh+Tha tiSh+Tha hUM phaT/ oM badz+ra kro d+ha a mr-i ta kuN+Da li hUM/ ts+tshin+da ts+tshin+da hUM phaT/ oM badz+ra kro d+ha tre lo kya bi dza ya hUM// b+hin+da b+hin+d+ha hUM phaT/ oM badz+ra kro d+ha ma hA ba la hUM/ s+pho Ta s+pho Ta hUM phaT/ rdo rje phur pa rtsa ba gdams ngag gi rgyud las thun gyi le'u ste bcu gsum pa'o// // de nas thugs kyi sras mchog des// man ngag gab pa'i don zhus pas// bcom ldan 'das kyis bka' stsal pa// da ltar de lnga dag la yang // dang po lha dang dpral ba dang // gnyis dang gsum dang bzhi rnams ni// kun gyi mgo la gdags par bya// lnga pa rdul

  510. 255b

    du brlag pa dang // mtshon gyis gtub dang thun gyis brab// kun gyis khong khrag gdags par bya// mjug tu zhal du gdab bya ba// bdag nyid chen po'i dus la bab// nga yi dbang du gyur nas kyang // bsgo ba'i bka' ni nyan par gyis// bin+na ya bin+d+han+na ya hUM phaT/ badz+ra yak+Sha kro d+ha khA hi ha ha/ chos nyid kyi bden pa'o// chos nyid kyi byin gyis brlabs so// gsang sngags kyi mthu'o// a b+hi tsAr+ya'i dus la bab pa rnams kyis brnag pa'o// oM badz+ra kI li kI la ya nyi shu rtsa gcig bzlas so// hUM hUM zhes pa nyi shu rtsa gcig bzlas par bya'o// dkar nag gi mtshams su'o// kI li kI la ya zhes pa rgya rtsa brgyad bzlas pa bya'o// dkar nag gi mtshams su'o// hUM hUM phaT phaT/ ces bzlas pa bya'o// zhes gsungs so// rdo rje phur pa rtsa ba gdams ngag gi rgyud las gab pa'i don gtan la dbab pa'i le'u ste bcu bzhi pa'o// // de nas thugs kyi sras mchog des// dbang rnams bskur ba'i rim pa zhus// bcom ldan 'das kyis bka' stsal pa// rdo rje slob dpon rab mchog gis// bkra shis gzhung mthun nyams dga'i gnas// bshags skong la sogs sa chog dang // dkyil 'khor mchod bum la brten pa'i// gzhung bsrang bsnyen pa'i cho ga bya// sta gon lha bskyed cho ga gzhung bsrang // gsol gdab gnang zhing maN+Dal 'bul// so shing dor nas chos bshad cing // srung skud

  511. 256a

    gdags dang ku sha rmi lam brtag/ de nas thig dang tshon bri zhing // rgyan dang rdzas dgod las gzhung bsrang // gdong g.yogs gsol gdab 'jug par zhu// lha la gsol gdab me tog dbul// dris lan yon kyang khas su blang // dkyil 'khor bskor la bgegs bskrad cing // dam chu blud nas dam tshig/ me tog dor la lha dbog cing // gsang ba'i mtshan gdags dri ba bya// bstim dang ye shes dbab dgrol bstim// dbang gi stegs 'dug gus dang ldan// dbang bskur ba ni bum pa dang // dbu rgyan rdo rje dril bu ste// sangs rgyas yab yum la sogs lha/ dur khrod chas brgyad 'dod yon lnga// ye shes dbang bskur byin gyis brlab// bkra shis brjod cing smon lam gdab// yon dbul dge ba'i rtsa ba bsngo// dbang dang byin rlab 'dir stsol 'gyur// zhes gsungs so// rdo rje phur pa rtsa ba gdams ngag gi rgyud las rin chen dbang gi phreng ba'i le'u ste bco lnga pa'o// // de nas thugs kyi sras mchog des// mdzab dgongs rgyun gyi ting 'dzin zhus// bcom ldan 'das kyis bka' stsal pa// ki la ya yi bsnyen pa dang // mtshan ma rtags kyi bsnyen pa ste// bskyed dang rdzogs pa'i rim gnyis las// rdzogs pa'i rim pa rnam bzhi'i don// rmugs na chos nyid a dkar la// gtad la rang sems bzung bas bzlas// des ni ting 'dzin zin par

  512. 256b

    'gyur// rgod na skye med bde ba che// dbugs dang shes pa yig 'brur 'grogs// phar 'phros yul stongs 'dus pa bde// 'phro na bde chen bskor ldog cing // bya 'phur mkha' la bde ba ltar// tshur bstims bskor zhing ldog ste bzlas// byed na khro bo'i bzlas pa ni// ting nge 'dzin dang ldan pas bzlas// mtshan ma can gyi bzlas pa ni// mgal me glad la bskor ba bzhin// gser gyi ba thag gzings pa dang // bung tshang bshig pa ji bzhin du// mgar gyi tshwa tshwa gdab pa ltar// yang na dbyangs dang phrin las dang // chos nyid nus pa ldan par bya// zhes gsungs so// rdo rje phur pa rtsa ba gdams ngag gi rgyud las mdzab kyi dgongs pa'i le'u ste bcu drug pa'o// // de nas thugs kyi sras mchog des// mnan bsreg 'phang ba'i don rnams zhus// bcom ldan 'das kyis bka' stsal pa// sbyin sreg zab khung gru gsum du// tsher ma can gyi shing rnams btsir// mchod pa'i rdzas dang sreg pa'i rdzas// gtor ma dag dang ling+gar bcas// drag po'i cha lugs rdzogs byas te// mtshams gcod dgug gzhug bstim nas ni// hom khung mthing nag gzhal yas su// me lha dmar ser phur pa 'dzin// dgug cing mchod dang bstod byas la// lto bar rtsibs brgyad gzhal yas khang // lha tshogs bskyed pa'i cho ga gzhung // spyan drang mchod dang sreg rdzas dbul// gshegs shing mjug gi

  513. 257a

    las rnams bya// sbyin sreg dag gi rim pa'o// mnan pa'i 'khor lo bcas nas ni// ting 'dzin cho ga gong ltar te// lha rnams kun kyang rta mgrin bsgyur// oM badz+ra ki li kI la ya ha ya grI wa hu lu hu lu sarba big+h+nAn baM hUM phaT/ 'od 'phros bsam gyis mi khyab pas// dgug dang bstim ste bcing byas nas// mtshan ngan thod par bcug la btab// thun sngags brab ste mnan byas la// rim par g.yogs te sngags kyis mnan// 'phang ba thun gyi las rnams ni// rdzas dang sngags dang ting nge 'dzin// de ldan pas ni bya bar bshad// gzhan yang nA ga klu 'dul dang // tshe dang byin rlab la sogs pa// kun kyang 'di yis 'grub par byed// ces gsungs so// rdo rje phur pa rtsa ba gdams ngag gi rgyud las/ las kyi mjug bsdu ba'i le'u ste bcu bdun pa'o// // de nas 'dus pa'i tshogs kyis kyang // bcom ldan 'das la rab bstod pa// e ma ho// chos kyi dbyings las 'bar ba'i skur snang zhing // sangs rgyas kun dang ye shes rdzogs pa'i sku// rgyal ba'i sbrul sgra phrin las rdzogs mdzad cing // dpa' sgeg 'jigs pa'i sku la phyag 'tshal 'dud// ces bstod do/ bcom ldan 'das kyis sdud pa po la bka' stsal pa// nyon cig gzung zhig kI la ya// snying po bsdus pa man ngag rgyud// rdo rje phur pa gsang ba'i don// khyod nyid la ni gtad par bya'o// zhes

  514. 257b

    gsungs so// rdo rje phur pa gsang ba man ngag gi rgyud las ston pa la bstod pa dang // sdud pa po la gtad pa'i le'u ste bco brgyad pa'o// / rdo rje phur pa rtsa ba man ngag gi rgyud gdams ngag gi bcud ston par byed pa rdzogs so// // @#// rgya gar skad du/ ki la ya d+ha sha dA ya tan+t+ra ma hA yA na/ bod skad du/ phur bu bcu gnyis 'byung ba'i rgyud chen po bstan pa'o// bcom ldan 'das 'jigs byed chen po la phyag 'tshal lo// 'di skad bdag gis thos pa'i dus gcig na// bcom ldan 'das khro bo 'jigs byed kyi rgyal po// badz+ra kI la ya drag po mthing nag 'bar ba'i gnas na bzhugs nas// gdug pa can thams cad 'dul ba/ dregs pa can thams cad tshar bcad pa'i phyir/ rab tu drag po mi g.yo ba'i ting nge 'dzin la snyoms par zhugs nas/ nyid kyis byin rlab las// karma he ru ka zhes brjod pas// khro bo karma he ru ka/ sku ljang nag shin tu mi bzad pa bton nas// bcom ldan 'das badz+ra kI ka la ya la 'di skad ces gsol to// kye kye bcom ldan 'das/ chos thams cad zhi ba'i ting nge 'dzin gyis mi 'dul na/ thugs rje gang gis 'dul ba'i dus la bab par shes pa lags/ gang gis 'dul ba'i dus la bab par gzigs pa lags// khro bo chen pos lung bstan du gsol// bde bar gshegs pa lung bstan du gsol// thabs

  515. 258a

    mkhas pa'i bdag nyid can/ de'i dus la bab pa lags so// phrin las kyi mnga' bdag ces gsol pa dang / dpal badz+ra kI la ya sa e h+ye ho sha hUM zhes brjod pas/ nam mkha'i gtos kyi phyogs ris med pa// chos nyid bde ba'i ro bdal ba bskyed do// yaM karma rak+Sha hUM zhes brjod pas/ rdo rje rlung nag 'tshubs mas dbang du bsdus shing byin gyis brlab nas rgyas btab pas/ phrin las thogs pa med pa'i don mdzad/ ma hA rak+ta dza la maN+Da la zhes brjod pas/ khrag gi rgya mtsho gting dpag med pas/ sdug bsngal dbang du bsdus nas/ 'bras bu gcig gi rang bzhin du shar bar mdzad/ keng ni ri dza la maN+Dal zhes brjod pas 'khor ba gnas su dag pa dang / cho 'phrul mngon par 'du mdzad pa'i phyir/ keng rus gyi ri rab tu gyur/ b+ha na d+ha dz+nyA na tsakra dza la maN+Dal zhes brjod pas/ b+han d+ha'i gzhal yas khang gru gsum mthing nag rab tu 'bar ba gcig tu gyur/ de nas khro bo karma he ru kas/ bcom ldan 'das la 'di skad ces gsol to// e ma ho/ bcom ldan 'das thugs rje dpyang thag chad cing ngan song 'khor bar skyes nges pa la/ 'di ltar rdzu 'phrul bstan pa ngo mtshar che'o// 'di lta bu'i ngo mtshar bstan pa ngo mtshar che'o// 'di'i rjes su sgrub pa'i rnal 'byor pas// gnas ni gang dang gang du bstan/ dmigs pa ni gang dang gang la bgyi/ rnal 'byor rgyu dang

  516. 258b

    ldan par bya// phur pa'i rgyu ni gang dang gang lags/ phur pa bsgom pa ci ltar sgom/ byin gyis brlab pa ci ltar rlab/ brdeg pa'i dus tshod gang la bab pa lags/ dam tshig gang du bstan pa lags/ lta ba ci la dmigs pa lags/ yo byad dang rdzas gang 'tshal/ rtags du nas 'byung / 'di brtsam pa'i dgos ched dang / yon tan ci thob/ bcom ldan 'das kyis bshad cing lung bstan du gsol/ kI la ya yis bka' stsal pa// nyon cig karma he ru ka/ phur pa bsgrub pa'i gnas rnams ni// yang dag don du bshad par bya// dang por gzhung dang ldan byas nas// dur khrod gnas dang shing gcig drung // rgya gram lam du bya ba dang // 'byung po mang po gang yod sar// drag po'i las 'di bya bar gyis// las la phan 'dogs yod pa dang // grims 'byin shugs kyis ting 'dzin legs// de la thabs dang rtags med na// bdag gi gzugs phung rlag pa dang // tshe dang srog gi bar chad 'ong // nags tshal chen po'i nang na ba// der ni legs par dpyad pa yis// klu yi mig dang 'byung po'i srang // sa yi bgegs dang ma rungs pa// tsha sgo dmyal ba'i rgyu med par// las kyi bya ba gzhung brtsams nas// bkra shis don gyi gnas yin pas// sgrub yun ring na bkra shis so// me tog gling dang rin chen ri// dpag bsam shing dang skad snyan bya// 'bru sna tshogs dang gnam sa

  517. 259a

    legs// dbyibs legs lung pa ran par ni// bkra shis gzhung bsrang yun ring bas// gnas kyi dam pa yin zhes bshad// drag po'i las su bya ba la// dang por phur pa sgrub pa'i gnas// nags ri tsher ma can gyi shing // gcan gzan gdug pa sna tshogs yod// gnam ni gri 'dra ral gri'i shul// sa ni gru gsum me dpung 'bar// logs la dur khrod gling yod pa// mkhas pas brtags te btsal byas na// de ni phur pa'i sgrub gnas yin// tsher ma can gyi shing dag dang // dug shing gdug pa yod pa dang // brag la ra rod mang ba dang // grog po mang po gting zabs dang // stag gi so 'dra sbrul gyi lce// sdig pa'i rwa 'dra chu srin kha// ban glang snang 'thab brag chu'i bar// rkang gcig shing dang ma rungs pa// sngon chad lha mi phungs dag/ g.yul bkye ba dang mtshon 'thab dang // bsad bcad pa dang ma rungs dus// srin po bsgral ba'i bcas gzhi dang // srog chags bsgral ba'i khrag rjes dang // g.yul ngo bgos pa'i sa mkhar rnying // mang por bsad cing phung ba'i sa/ brag ni srin mo ngus pa 'dra// ri ni thal phung bsnyil ba 'dra// lung pa me yis bsregs 'dra ba// shing rtsi rkang thang bros 'dra ba// sgang de'u mi ro sbas 'dra ba// 'di ni brdeg cing bsgral gnas yin// sems la chos nyid mi gsal zhing // nyams dang ting 'dzin g.yel bas ni// gnas 'di dag tu yongs

  518. 259b

    mi bya// nam phugs rnal 'byor dag la 'gyod// de bas gzhung dang mthun pa yi// bkra shis pa yi gnas dag tu// yun rings bsrings na gnas rtol med// dam tshig ma nyams nges thub dang // ting 'dzin brtan pa'i blo chen gyis// gnas ni de dang de dag tu// cho ga'i las ni brtsams byas na// nges par grub na gdon rdol med// de ltar bu yi sa rnyed na// dang por byin brlabs mtshams bcad nas// ma rungs yod na gtor ma sbyin// de bas zhag grangs 'di tsam mam// drag po'i las 'di ma 'grub par// gnas 'dir rnal 'byor bdag gnas pas// gtor ma byin pa 'di long ba// ma 'grub bar du gzhan du dengs// de skad byas la gtor ma sbyin// bsgo ba'i tshig rnams bsgo bar bya// de nas dkyil 'khor gzhung bzhin brtsigs// dam rdzas chag chag gzhung bzhin gdab// kha dog tshon rnams dgye byas nas// dbus su drag po gru gsum bri// mtha' ma mtshon gyi 'khor lo la// khro bo rnams kyang rim bzhin dgod// de bzhin brgyad dang brgyad du bstan// bzhi po dag tu gang bstan dang // nyi shu rtsa brgyad la sogs pa// mkhas pas gzhung bzhin dgod par bya// gzhan yang phur pa'i rdzas dgod pa// 'og nas 'byung bas shes par bya// de phyi mtshan dang ldan pa dang // zhag grangs tshang ba'i sgrub rdzas bzhi// yo byad tshogs par mchog tu bya// gnas rnams 'di dag

  519. 260a

    yon tan ni// myur ba 'grub dang shugs 'byin dang / ngan pa'i las kyis ngan pa 'grub// don la the tshom med par ni// ngan pa'i gnas su 'grub par bshad// bkra shis bzang po'i gnas su ni// yun ring bsring na phung 'tshengs med// don la des kyang 'grub par bshad// bzang ngan gnas kyi cha dbye ba// bdag gi rtogs pa'i tshad dang sbyar// rtogs pa chung na bzang po bdam// ting 'dzin zab na ngan pa bdam// myur bar thogs pa med par ni// gang la dmigs pa 'grub ces bshad// 'di ni phur pa gnas bstan pa'i le'u dang po'o// // bsgral ba'i dmigs rnams bstan pa ni// kun la bya ba gzhung la med// nyams par gyur pa bdun yod de// srog las nyams dang dam las nyams// bka' las nyams dang don las nyams// las kyi nyams dang mtshan mas nyams// 'dod pa 'gyur bas nyams pa ni// 'di la nyams pa zhes bya ste// de dag so so'i mtshan nyid ni// srog las nyams pa'i mtshan nyid ni// pha dang ma dang mkhan po gsod// slob ma gsod dang nang dme can// 'di ni nam yang lhung bas na// bsgral ba'i dmigs ni 'di yin no// dam las nyams pa'i mtshan nyid ni// rdo rje slob dpon bka' bslu dang // ngan sems 'phya sems byed pa dang // sngags dang phyag rgya rgyun gcod dang // gsang ba'i man ngag gzhan la spel// 'di ni

  520. 260b

    nyams pa chen po ste// 'di ni bsgral ba'i dmigs gcig yin// bka' las nyams pa'i mtshan nyid ni// dam la btags na rku mtshang 'bru// sgrub la sbran na ya ga 'dogs// man ngag bstan na skur pa 'debs// bden par bstan na log par khrid// don rtags bstan na gol bar 'dzin// 'di ni nyams pa'i dam pa ste// 'di la bsgral ba lhur yang brtsam// 'di dag bsgral ba'i phrin las ni// gzhung kun las ni gsal bar 'byung // don las nyams pa'i mtshan nyid ni// bya ru mi rung sna tshogs byed// rdzas dang lag cha mngon du 'dzin// tan gan sbyor sgrol dngos por spyod// lta ba'i ting 'dzin rgyab tu bor// spyod pa dpa' brlangs dang du len// khro gtum nga rgyal rang gar gtong // don gyi man ngag log par go/ pha rol log par 'dren pa'i chos// phyin ci log gi don la mkhas// bka' gzhung bor la rdzob pa che// log par spyod pa mtha' dag yod// 'di ni rU tra dngos yin te// mngon spyod bsgral kyang mi skyon no// las kyis nyams pa'i mtshan nyid ni// bdag dang skye gnas mi gcig par// bsgral ba'i las kyi glor 'ongs nas// sngon chad mkhan 'khon yongs med par// glags la bab par dran nas kyang // zhi ba drang pos mi nyan par// nyes med gzhan la 'dzugs pa dang // dpung pa snyogs la klan ka tshol// kha lce rgod cing bzhin mdog/

  521. 261a

    bzlog/ brgal sa med cing bdag la rgol// phrog mi dgos par dag la phrog/ bdag gis nyes par ma dran zhing // bdag gis brgal bar ma bsams kyang // las kyis bdag la gnad 'dzugs shing // bdag la mthu dang rtsal 'dod pa// las kyis nyams pa 'di yin no// gzhan yang las kyis nyams pa ni// gal mi che bar klan ka tshol// phan rgyu med par bdag la 'tshe// 'ong rgyu med par bsgrubs sar 'ong // las kyi nyams pa'i rtags yin pas// 'di ni nam yang bsgral dgos pas// las kyi 'khor bas sdig med bshad// mtshan mas nyams pa'i mtshan nyid ni// chos la phyogs char bzung bas nyams// lta ba sgos khur bcas pas nyams// dam can yongs la thugs dkrug cing // rang bzhin med pa'i chos bshad kyang // mtshan ma can gyi chos bzung nas// lha srin bran du ngas 'khol lo// mthu 'gran byed pa su zhig yod// nga yi nyams su dpal chen byung // nga ni khro bo'i rgyal po yin// gzhan la khro zhing 'tshe la sogs// 'di ni mtshan mas nyams pa ste// bsgral ba byas kyang dam mi nyams// 'dod par gyur pas nyams pa ni// de yi mtshan nyid bshad bya ba// nyan pa go rtogs gsal med par// la lar mthu chen btsan 'dod pas// las kyi don du mtshan ma spyod// sdig pa'i phyag rgyar mi mgo thogs// ral pa bsig cing so gtsigs

  522. 261b

    byed// dmar gyi gtor ma glo la thogs// zhing gi pags pa phrag la bkal// sgo ba nag po sha dang tshil// snod bkang khur zhing log chos spyod// spyod pa'i don kun gzhung bor nas// bya ba mi 'tsham sna tshogs byed// ngo dang gdong pa khrag gis byugs// tshul 'gal dam 'dral sna tshogs byed// tho cor spyod cing dam mi bsrung // spyod pa brlang pos bka' gzhung smad// sangs rgyas kun gyi zhabs 'dren byas// rnal 'byor sngags pa'i rkang nas drangs// dpal chen 'bar ba thugs khral bskyed// ma mo mkha' 'gro gzan tshogs bkram// rnal 'byor yongs la dme tshogs byas// gzhan yang mtshan nyid gang yin pa// 'dod pas nyams pa'i mtshan nyid ni// 'dod chags nor gyis bslus pa dang // she bar shes kyang 'dod pas brgya la// phung bar shes kyang sngags 'chang 'joms// dug tu snang yang lto ru za// gnyan pa yin kyang thabs kyis smod// btsun pa yin kyang ngams par shom// thob tu 'dod na gsang sngags rku// bza' ru yod na rnal 'byor za// zas su sgrub pa'i longs spyod rku// nor du gzhung spyod rnal 'byor 'joms// 'di dag 'dod pas nyams pa ste// 'di dag bsgral na rnal 'byor btsun// btul zhing tshar bcad bstan pa gnyen// med cing stongs na bar chad nyung // 'di dag bsgral bar ma byas na// mtho ris 'gribs la dmyal khams

  523. 262a

    'phel// rnal 'byor dam can sgyid lugs nas// theg pa chen po'i chos sgo 'gag/ 'di dag bsgral bar byas na ni// rnal 'byor bsgrub la bar chad med// theg pa chen po'i mthu ngar bas// legs pa'i yon tan brjod las 'das// thabs kyi tha ma'i tha ma ni// ting nge 'dzin gyi rtsal chung na// 'di dag bsgral bar byas na ni// dmyal ba'i gnas su yun zung 'gyur// 'di ni bsgral ba dmigs bstan le'u gnyis pa'o// // rnal 'byor gang dag gis bya ba// 'di dag nyid du bshad pa ste// dang po shes rab rnam gsum gyis// gtan tshigs don la yid ches nas// de nas nges par dbang thob ste// snying rje'i sems dang ldan pa yis// khams gsum 'khor ba gzung bar bya// don 'di dag dang mi ldan zhing // nges pa'i lung rnams ma thob dang // mkhas la sgro skur 'dogs pa dang // gsang sngags theg chen skur da bas dang // rang shes spyad tshig tshul gnas dang // dam tshig nyams par gyur pa dang // don med phyal bar gtong ba rnams// 'di ni rnal 'byor ma yin te// log pa'i lam du shes par bya// de yis spyad kyang yong mi grub// slar la rang sems rlag pa dang // 'bras bu mnar med dmyal bar skye// 'di dag rtsom pa'i rnal 'byor pas// rigs kyi rnal 'byor gral du smos// theg pa bsam yas sems la gsal// blta ba

  524. 262b

    phyogs med gdeng du 'jog/ bsgom pa ma yengs gser phur 'debs// dam tshig nyan thos khrims bzhin bsrung // rgyu dang sgrub thabs mtha' dag 'chang // phyogs su 'jig rten mkhas pa brten// rdzas dang lag cha rtags su 'chang // don dang man ngag gzhung du bsgrub// tshul ldan ngang tshul bzang la shis// sbyor sgrol mchod pa rgyun chad med// phung po lha dang gnyis med mchod// sems ni chos nyid ngang la gnas// rnal 'byor rtags ldan dam pa des// las su bya ba kun rdzogs nas// 'dzab bzlas grangs med rgyun 'don pas// sngags dang phyag rgya mthu phyin che// las dang bya ba gdon mi za// nges par brtsams pas dgos pa 'grub// dmar gyi gtor ma gzhung bsrang zhing // cib gyi bka' nyan 'khol mkhas pas// dgar zhing dgug pa bya bar shis// drag shul thabs kyi pho nya ni// rdzu 'phrul shugs las thabs kyis 'gyed// rnam rtog mtshan ma las kyis 'grub// de dag byas na chud mi za// shes pa'i nang na dam pa ni// rgyud la blo zhen sgrub la zhugs// yi dam lha la rtags gnas na// de la bar chad yongs mi 'byung // gal te 'byung bar gyur na yang // de la reg pa tsam gyis 'grub// gzhan gyi las 'di brtsam pa yi// rnal 'byor pa ni gang yin na// phrin las bye brag phyed pa dang // rnam rtog mtshan ma spangs pa dang // gtsang sme med par spyod pa dang // blang

  525. 263a

    dor med par sgrub pa yis// gang la dmigs pa 'grub par byed// phun sum tshogs pa gsum ldan zhing // dus tshod grangs su bstan pa shes// nya dang shi ka tshes brgyad la// drag po'i las la rab brtson pas// las su bya ba de byas te// ma mo mkha' 'gro bka' nyan tshogs// de yis bkol na bran bzhin nyan// de yis bkol na bu bzhin sgrub// de yis bya ba chud ma zos// tshe dang longs spyod 'byor pa dang // legs pa kun rdzogs dngos grub ster// de yis yid la bsams pa bzhin// ci 'dod rang la 'byung bar 'gyur// gzhan yang 'jig rten bsam pa dag/ phan pa dang ni gnod pa gnyis// gzhan la phan cing sgrub 'dod na// sad dang ser ba bcad pa dang // char chu dus su phebs pa dang // mi nad phyugs nad chad la sogs// de yi gtan tshigs 'di la gnas// gzhan la gnod pa'i rgyu btsal na// dbyar ston gnyis la gnod bya ba// sad dang ser gtong gtan tshigs dang // shwa dang chu dang thog bting ba// dbyar dgun mi nad rims gtong ba// bu tsha rabs chad tshe zung ba// de yi gtan tshig 'di na yod// de ltar gtan tshigs sus shes pa// rnal 'byor don dang ldan pa ste// 'di ni brtsam par bya bar gsungs// rnal 'byor ci ldan brtsam pa'i le'u gsum pa'o// // kI la ya yi rgyud rnams ni// gang dang gang la bya ba dang // don dang

  526. 263b

    gtan tshigs 'dir zhib ste// mchog tu bsngags pa 'di las 'byung // lcags sam zangs sam gang rnyed pa// drag po'i lcags kyi phur pa la// gri lcags mde'u rnying rtags phyin dang // gnam lcags thog gi lcags dag dang // gcod dang rno dang sra la sogs// lcags sna lnga po dag las ni// khro rgyal gnas pa'i rgya mdud dang // gzhal yas khang gi rtags su bya// logs brgyad khro mo brgyad po la// bar gyi rgya mdud brtseg pa la// thabs dang shes rab dbyer med do// gzhal yas khang rang brtseg mar gnas// rtse mo zur gsum 'joms pa'i tshul// drag po rkyen gyis yang dag bshad// dbang la zangs kyi phur pa dang // rgyas pa gser la sogs pa dang // zhi ba tsan+dan dkar po dag/ rtse mo dbyibs ni so sor 'bar// bya ba'i tshad rnams mthun par bshad// gzhan yang tsher ma can gyi shing // rab tu mi srun gnas dag nas// gang dag skyed pa gang yin dang // dug dang gcan gzan gdug pa dang // rab tu gtum pa'i gnas dag nas// skyes pa'i shing mchog tsher ma can// skyer pa dang ni sing lding dang // gang dag skyer lding mdzo mo shing // rtsa ba'i logs su rgya mdud bya// rtse mo'i logs su zur gsum bya// dbyibs dang kha dog gong dang mthun// gzhan yang gdug pa'i tsher ma can// gong ma de dag ma 'byor na// gang rnyed pa la bya bar bshad// gzhung dang

  527. 264a

    mthun pa rnyed na legs// de dag gang yang ma rnyed na// ting nge 'dzin gyis dkyil 'khor lha// yid la dran zhing gsal bsgom nas// sngags dang bya ba ma nor na// des kyang bya bar gzhung las bshad// de dag ring zung tshad bstan pa// sor bzhi pa dang sor brgyad pa// bcu gnyis dag tu bshad pa ste// de las zung bar ma gsungs shing // de las ring bar yang ma bstan// sor bzhi 'byung ba bzhi yi tshad// sor brgyad rnam shes brgyad kyi tshad// bcu gnyis skye mched bcu gnyis te// rtags dang sbyar te de rnams bstan// rtags phyin pa yi lcags rnams kyis// de yi yon tan bshad pa ni// dper na nags kyi sdong po la// sngon chad bcad pa'i sta re dag/ de dag yod par gyur na ni// chod mi chod kyi the tshom med// de dag sngon chad ma bcad pas// chod dam mi chod yongs ma nges// de bzhin rgyu yang de dang 'dra// mdor na rnal 'byor rtsal mchog gces// re zhig de yang skyon med de// yon tan yod par 'di las bstan// nag po'i shing gi dug can las// phur pa byas pa'i phan yon ni// nag po gzhan gyis mi tshugs la// dug gis pha rol gsod par byed// tsher ma can gyi shing rnams ni// skyer pas tshe dang longs spyod 'phel// mdzo mos dbang du bya ba 'grub// gzhan yang kha dog rigs su sbyar// mdor na bde gshegs sa bon

  528. 264b

    gyis// byin gyis brlab pa gces par bshad// de bas kyang ni dam tshig gtso// rnal byor rnams la dam par bsngags// dang por gzhung las bstan pa bzhin// de dag ma nor bsham par bya// tshogs pas the tshom med ces bya// bshams pas bya ba chud mi zos// kun gyi rgyu ni byang chub sems// byang chub sems ni bsngags pa ste// rgyu ni rgyal por rang shar ba'o// gzhan yang phur pa'i rgyu bstan pa// zangs lcags 'khar ba gang yod par// de yang dod cing legs par bya// ma dod pa yi skyon rnams ni// gang dgar byas na tshul las nyams// stam col byas na bka' las 'gal// rnyed btsan byas na byin rlab chung // yod btsan byas na sgom mi bde// ngan dgur bshams na rtog par 'gyur// legs par byas na yi rang zhing // tshogs par bsags na gzhung dang mthun// dad par byas na dang ba skye// bka' bzhin byas na byin rlabs yod// mdor na rtogs pa gtso bo yin// rtogs pa'i don la mthar phyin na// rnam rtog las 'di yongs mi dgos// ma rtogs pa la 'di dgos pas// log pa'i phyogs rnams 'dul slad du// 'di la rgyu bsham 'byung ba yin// mi rtog pa la rtog mi dgos// rnam par rtog la khro 'dul bzang // nyon mongs pa la gnyen po 'jebs// rtog pa bsal bar bsham pa gces// gzhan la tshugs na grangs mang

  529. 265a

    zlos// rtags phyin 'dod na yun du bsring // don la rub na ma yengs kyis// rings par 'dod na brtson 'grus skyed// don 'di yid la bzhag nas kyang // sngags pas de la nan tan skyed// 'di ni phur pa'i rgyu bstan pa'i le'u ste bzhi pa'o// // phur pa ji ltar bsgom pa yi// don 'di yang dag bstan pa ni// nges pa nyid du bshad bya ste// byin gyis brlab pas thabs la ni// nges par rnam pa lnga yod de// gnyis su med par byin brlab dang // khro bo chen por byin brlab dang // shin tu brjid che byin brlab dang // phur pa rdzas su byin brlab dang // mthu dpung che bar byin brlab pa'o// oM badz+ra kI li kI la ya kI la ya/ hUM hUM ha he phaT/ dzaHb+h+yo ru lu mA ra ya phaT/ de la lag pa gting sbyar nas// sor bcu'i bar du phur pa bcug/ bcu yis byin brlab tshul bzhin bya// hUM hUM kI la ya sarba bi nA ya ka sarba ta thA ga ta ha hi khA hi hUM phaT// de nas byin gyis brlab par bya// lcags sam shing ngam gang yin pa// khyi khrag ra khrag gis byugs la// dug dang ma rungs pas kyang byug/ hUM dang dzaHdang phaT la sogs// spro bsdu tshul bzhin byas nas kyang // byin brlab bsam rgyud nges pa bzhag/ yang na byin brlab nges pa ni// dbu yi rgya mdud chos kyi sku// bar gyi rgya mdud longs spyod rdzogs// rtse mo sprul pa'i sku yin te// khro rgyal dpal chen yab yum

  530. 265b

    dang // 'khor gyi dkyil 'khor gsal bkod dang // pho nya yang sbrul la sogs pa// ci bgyi la sogs rim bzhin spro// 'bar 'thung sngags kyi rgyal po yis// nges par legs pa'i phur pa la// yang dag brtan pas byin gyis brlabs// rnal 'byor sngags kyi blo ldan pas// dam pa'i don du gzhung bsrang nas// drag pos bzlas la yid rtsom bya// nges par snying po 'bru bkod de// cho ga gsum gyi sbyor ba yis// tsa na ka tsam dgod par bya// rim pas 'phro ba mang po yis// stong gsum 'jig rten phur pas brlab// mtha' yas sems can la sogs pa// bsgral ba'i dngos po gang yin pa// raM yaM khaM gis bsregs sbyangs nas// rnam shes snying gi dkyil 'khor du// byang chub sems kyi rtse gtad de// dkar nag mtshams su brgyab nas kyang // dge sdig las kyi gshag phye ste// rnam par rtog pa'i sdig sbyangs nas// maN+Dal 'od kyi 'dul sbyong gis// dug gsum rim par bcom nas kyang // ha ta kha yis brngam pa byas// gser zhun bzhin du sems gnas pa// 'phro ba'i dgongs pas btegs nus kyang // gnyis med yum gyi mkha' la bstim// nges par rim gyis sras byas la// oM AHhUM gis byin brlabs te// sku gsung thugs su gsal byas nas// phyir yang ngan song sgo gsum bcad// rnam rtog bsgral ba'i zhing bcur brlags// bsgral ba

  531. 266a

    dbyings dang ye shes te// don du zabs dang shes rab la// chos kyi sku ya~M byin rlabs kyis// rnam par dag pa'i ngang du bsgom// 'di ni phur pa bsgom pa'i le'u lnga pa'o// / byin gyis brlab pa bstan pa ni// rgya mdud rtsa ba'i logs su ni// chos kyi sku yi khro bor brlab// logs brgyad khro mo brgyad yin te// bar kyi rgya mdud longs spyod rdzogs// rtse mo sprul pa'i skur brlab ste// don du mnga' gsol 'di skad do// hUM bzhi gsal 'phro hUM las bzhi tshogs brgyad// dbu la rgya mdud bstan pas khro rgyal bcu// rtsibs la logs brgyad pa bstan pas khro mo brgyad// rtse mo zur gsum bstan pas sku gsung thugs// khong stong byang chub sems kyi thig le las// khro rgyal 'das pa'i sras mchog kI la ya// yon tan rdzogs pa'i sku la phyag 'tshal lo// ma g.yos chos mchog sku gsung thugs kyi bdag/ sdug bsngal log par 'khyams pa'i sems can rnams/ thugs rjes bye brag dbyings su sgrol mdzad pa// thabs kyis bsgral ba'i skal dang mi ldan yang / shugs kyi bsgral ba'i phrin las mdzad du gsol// oM badz+ra g+ha g+ha g+hA ta ya// sarba pA paM kI la ya d+ha ro/ A dz+nyA pA ya ti// kA ya wAka tsit+ta hUM hUM phaT phaT// byin rlabs mtshams bcad drag po yis// dbang bsdus yongs su spang bar bya// thabs la mkhas pa'i byin rlabs kyis// yongs

  532. 266b

    kyis bsdu zhing gzir ba dang // thabs kyi dbang du bya ba'i phyir// 'bar ba'i thugs rjes mtshams bcad do// 'di ni phur bu byin rlabs le'u drug pa'o// // brdeg pa'i dus tshod bstan pa ni// gnam stong dang ni tshes brgyad la// bco lnga nyi shu gnyis la bya// mig dmar phur bu gza' rnams kun// brdeg pa'i dus la 'bab par shes// dang po dkyil 'khor gzhung btsugs te// bsnyen bsgrub cho ga tshang byas nas// 'dzab grang bsnyen pa 'bum du gdon// bzlas brjod nyin mtshan par mi gcad// rtags dang mtshan ma phyin pa dang // brdeg pa'i dus la bab par shes// nam gyi gung dang nyi ma dros// de la brdeg pa'i rab tu shis// dur khrod chen po gang na bar// bsgral ba la sogs tshul bzhin bya// rgya gram lam gyi gang na bar// brdeg pa la sogs tshul bzhin bya// 'di dag brdeg pa'i dus tshod kyang // srod la zhugs pas tho rangs kha// 'di dag brdeg par yong mi bya// 'di dag brdeg par bya ba ni// yun ni lo dang zla tsam ni// grangs ni bye ba 'bum du bzlas// mchod pa dus drug rgyun mi gcod// cho ga bzlas brjod tshang byas nas// dbang po mngon par khug na rab// tha na mig rnon la sogs pas// der ni nges par 'ong ba yin// bya ba la sogs mtshan ma la// brdeg pa'i dus tshod yin par ni// rnal 'byor pas ni shes par

  533. 267a

    bya// gzhan yang brdeg pa'i dus tshod ni// dang por bsgrub pa khas blangs pa// ma thon bar du dus tshod min// tshang nas brdeg pa'i dus tshod ni// bla dgug pa yi pho nya la// 'di dag btang nas brdeg bya ste// hUM// dpal gyi pho nya las mkhan mo// dmar dkar yang mo dung gi mche ba can// mkha' la 'byung ba'i mdzod bskyil ma// lag na sems can srog gcod ma// zhal ni sems can yongs su gsol// bskal pa'i thog thog char bar 'bebs// bskal pa brgyad kyi pha rol na// dam nyams dgra bo'i bla 'dren ma// dgra bo'i bla la nan ma chung // nag mo lcags kyi lan tshar can// khyung gi kha thogs g.yas pa na// b+han+na gri thogs gsod la rngams// tshangs pa bskyil ba'i cha lugs can// mi sdug mgo la gcer bu'i lus// bskal pa brgyad nas bla tshol tshol// dpag tshad brgyad nas srog 'gugs 'gugs// dgra bo'i bla dang srog la ya// dmar mo chen mo me 'gro ma// gdug pa 'dul ba gang ba las// gsod la rngams pa las la btson// mche gtsigs g.yang gzhi gos su gyon// rab tu mi srun bla 'gugs pa// dam nyams dgra la sa ma ya// ljang nag bsgyings pa'i thod gdengs can// ser mo ral can 'bum gyis bskor// sngon nas dgra bo'i bla 'gugs ma// gang la bya ba grub par byos// nam mkha'i lha

  534. 267b

    mo phur pa'i lha// lag brgya gzugs kyi phur pa 'dril// spyan brgya khrag gis mchi ma 'dzag/ zhal brgya gdug pa'i sngags zor zlo// tshems kyis skye shi rtsad kyang chod// phur pa'i las mkhan chen mo la// rab tu mi srun las la brtson// gang la bya ba grub par byos// gzhan yang pho nya grangs med kun// de dag las la gtang bar bya// de dag mngon par khugs pa dang // ting 'dzin rab 'bring gsum du bya/ rab kyis mngon du khug par bya// 'bring gis lang+gi 'gul bar byas// tha mas nyams dang rtags tsam 'ong // gzod cig brdeg pa'i dus tshod yin// de rnams med par dus tshod min// cho ga tshang bar gyur na ni// brdeg pa'i dus tshod yin par ni// dus la bab par shes par bya/ 'di ni brdeg pa'i dus tshod le'u bdun pa'o// // dam tshig gang yin bstan pa ni// gzhi ni dam tshig gtso bo ste// dam tshig ma nyams gzhung tshugs na// 'di dag 'grub par 'gyur bar bshad// nyams pa 'gyur pas mi 'grub ste// slar la rang nyid rlag par 'gyur// sku yi dam tshig 'da' dka' ba'i/ gsung gi dam tshig par mi gcad// thugs kyi dam tshig gsang thub pas// las ni brtsams nas 'grub ces ni// dpa' bo khro bos yang dag bshad// dam tshig dag pa 'di yis ni// rgyal ba mnyes te dngos grub thob// bka' bzhin spyod la gzhung bzhin

  535. 268a

    bsgrub// nges pa'i dam tshig dam pa yin// nges pa'i dam tshig bstan par ni// yang dag rgyal pos yang dag gsungs// 'di ni dam tshig bstan pa'i le'u brgyad pa'o// // lta ba ci la dmigs pa ni// yang dag nyid du bstan bya ste// lta ba'i rgyal po nges pa'i dbyings/ gzod nas ma skyes sems kyi dbyings// rnam par dag pa yum gyi tshul// ma skyes mi 'gag thabs kyi sku// rigs pa'i rgyal po rang byung bas// thams cad ma lus dbang du sdud// thabs kyi rgyal por bdag gnas pas// 'gro kun bla na med par sgrol// chos kyi rtsa ba sems yin pas// brtag pa'i don du rang sems bzang // rang gi sems kyi don rtogs shing // mnyam pa'i rgyal po klong gyur na// zhal nas gsungs pa thams cad dang // tshig tu brjod pa bsnyen pa la// thugs la dgongs pa ting 'dzin te// phyag gis bsgyur ba phyag rgya ste// phur pa'i phyag rgya lnga ru bshad// phur pa dam tshig phyag rgya ni// lag pa gnyis kyi rting sbyar nas// gung mo rtse sbrad drag tu gzir// de ni phur bu'i dam tshig rgya// chang bas sor brgyad rim pas bzung // gung mo rtse mo man chad la// phug pa brdeg pa'i phyag rgya yin// lag pa gnyis ni thal sbyar nas// gung mo rtse sprad mthe'u chung brgyad// srin lag 'dzub mo rgyab bsnol te// mthe bong gshibs te rab tu dril// 'di ni

  536. 268b

    phur pa dril ba'i rgya// lag pa gnyis kyi rting sprad nas// sor bcu khro bcur byin rlabs te// sras mchog dkyil du gzhag nas ni// byin gyis brlab pa byas na ni// phur pa byin gyis brlabs pa'i rgya// mtheb mdzub gnyis kyi bar du ni// phur pa bcug la yar 'phangs pas// babs pas brdeg pa'i gzugs la bskul// 'di ni phur pa bskul ba'i rgya'o// don du phyag rgya la sogs pa// yang dag rtogs na kun yang rgya// ma rtogs mtshan mas rtog pa'i zhing / rtog pa'i rgyu nyid chos nyid la/ 'khor ba'i rgyu nyid byang chub ste// bsad pa 'ba' zhig las su rung // rnam rtog sems can kun bsad na// dam pa'i bde gshegs kun mnyes te// nges par legs pa'i dgongs pa 'phel// sangs rgyas bka' las de ltar 'byung // dam pa sems kyi rang bzhin pa'o// lta ba 'di la dmigs pas bya/ 'di ni lta ba dmigs pa'i le'u dgu pa'o// // yo byad rdzas rnams bstan pa ni// sbyang dug la sogs dug rnams kyi// drag pos bsgral phyir bsad par 'byung // khyad par la sogs gtor ma ni// mkha' 'gro sbrul phyir dgod par 'byung // zangs lcags mchog tu tsher ma can/ drag pos gdul phyir gong bzhin bsham// rkang rjes sa dang dri ma rnams// nges par yod na bzang bar bstan// gzhan yang phur pa'i rdzas rnams kun// gong nas

  537. 269a

    'byung ba de shes bya// 'di ni yo byad rdzas kyi le'u bcu pa'o// // rtags kyi zhags grangs bstan pa ni// khyad par bsnyen pa gzhung btsugs te/ bka' yi sgrub pa tshul bzhin du// gzhung las 'byung ba de byas na// rab kyis zla ba gcig gis 'grub// rtags ni zhag bdun nyid kyis 'grub// 'bring pos lo gcig byas na 'grub// rtags ni zla ba phyed na phyin// tha mas lo gsum tshun chad kyis// 'grub par 'gyur te gdon mi za// rtags ni lo dus dag na 'gyur// yan lag bskums pa'i nad la sogs// rtags rnams kun ni tshul bzhin 'byung // 'di ni phur pa rtags bstan pa'i le'u bcu gcig pa'o// // 'di brtsams dgos ched yon tan ni// sems can gang zag phal pa dag/ ras chod byed pa'i tshul las nyams// bka' 'gal byed cing dkyil 'khor 'dra la// ma nyes 'joms shing skur pa 'debs// de la 'di brtsams dgos ched yod// don 'di ma nor gang spyod pa// kI la ya yi yon tan ni// tshe ring nad kyang med pa dang // dpal dang 'byor pa 'phel ba dang // gdon dang 'byung po thul ba dang // lha srin mthu chen kun 'khol dang // dregs pa dbang phyug bka' nyan dang / ci bgyi la sogs bran bzhin 'khor// 'jig rten 'dir yang kun bsam 'grub// gzhan yang yon tan brjod mi

  538. 269b

    lang // 'jig rten pha rol dag tu yang // bsgral ba dag kyang mtho ris thob// bdag kyang byang chub gnyis su med// bsam pa 'byor pa'i shes rab lags// chos kyi sku dang dbyer med na// ngan song gsum po sgo bkag nas// thar pa bde ba'i gnas kyang 'dren// sdig can bsad na las ngan bcad// dam nyams bsgral na bka' gzhung brtan// phyogs spyod yin nam log bsgral na dkyil 'khor brtan// sku dgra bsgral na bar chad chung // de nas yon tan thob pa yin// des na legs pa kun 'phel te// 'bras bu nges par chud mi za// bla med go 'phang thabs kyang che// khro bo'i rgyal po thabs mkhas pas// bsgral bas las rnams byang bar 'gyur// dpa' bo chen pos yang dag bshad// 'di dag yon tan bstan pa ni// rig 'dzin rnam gsum 'di las 'grub// dpal ldan dad pa'i 'byor pas 'grub// legs pa'i las rnams kun rdzogs te// gzhan yang 'dod pa'i yon tan rnams// yid la dmigs pa bzhin du 'grub// 'di ni brtsams pa'i dgos ched dang / yon tan ci 'thob bstan pa'i le'u bcu gnyis pa'o// // de skad ces bcom ldan 'das dpal ki la yas bka' bstsal nas/ de nas karma he ru kas// phyi nang gsang ba'i mchod pas mchod nas/ nyid kyi sku la mi snang ba'i tshul gyis thim par gyur to/ phur pa bcu gnyis 'byung

  539. 270a

    ba'i rgyud chen po gsum tsam 'gyur ba rdzogs so// // @#// rgya gar skad du/ badz+ra kI la ya dI da sha tan+t+ra/ bod skad du// rdo rje phur pa bcu gnyis kyi rgyud/ rigs lnga'i bde bar gshegs pa thams cad kyi sras/ bcom ldan 'das 'jigs byed chen po la phyag 'tshal lo// 'di skad bdag gis thos pa'i dus gcig na/ bcom ldan 'das 'jigs byed chen po badz+ra kI la ya dang / kun gzhi kun tu bzang mo btsun mo yum gyi b+ha ga la yid kun tu bzang po ye shes 'khor dang bcas pa rnams/ dbyings ye shes gnyis su med par lhun gyis grub par gnas par bzhugs so// drag po mthing nag 'bar ba'i nang nas/ bcom ldan badz+ra kI la ya bzhengs nas/ chos nyid zhi bas 'dul ba'i skabs la ma bab ste/ mtshan ma med pa dang bral/ mtshan ma can la zhen chags pas/ gdug pa can dregs pa can du smin te sems can thams cad gnod cing 'tshe/ sangs rgyas kyi bstan la gnod pa thams cad tshar bcad pa'i phyir mi g.yo ba rab tu drag po'i dpung rnam par zlog pa zhes bya ba'i ting nge 'dzin la snyoms par zhugs te/ thabs mkhas pa'i drag po'i phrin las kyis 'dul bar gzigs nas/ sku rab tu khros pa mi bzad pa bstan pa'i phyir/ sku gsung thugs las gsang sngags 'di byung ngo / oM badz+ra kI li kI la ya sarba

  540. 270b

    big+h+nAM baM hUM phaT/ ces brjod pas thun mong ma yin pa'i gnas nas/ khro bo'i dkyil 'khor du mngon par sprul lo// ci'i phyir zhe na/ lha dang / klu dang / lha ma yin dang / nam mkha' lding dang / mi'am ci dang / lto 'phye chen po dang / gnod sbyin dang / yi dwags dang / sha za dang / dri za dang / 'byung po dang / skem byed dang / brjod byed dang / smyo byed dang / lha chen po dang / phyogs skyong ba bcu dang // mkha' 'gro ma la sogs pa rnams thams cad gti mug gi dbang gis las rgyu 'bras kyi don ma rtogs shing / mtshan ma med pa dang bral// mtshan ma can la mngon par chags pas// ngan song gsum du yang bskal pa mang por sdug bsngal zhing / mi bde ba mang po nyams su myong zhing / las kyi 'bras bus las kyi srin por skyes nas/ rgyu mthun pa'i dbang gis shin tu 'jigs shing rngam pa dang / mi sdug pa dang / dri nga ba dang / dregs pa can la sogs pa'i gzugs su byung nas/ sems can thams cad la 'tshe bar bgyid/ mdangs 'phrog par bgyid/ gnod par bgyid/ bred skad 'don par byed/ yid mi bde ba mang por bgyid/ 'khrug par byed// mya ngan du byed/ srog dang bral bar byed/ 'joms par byed pa rnams la zhi bas phan par mi 'gyur te/ dbu dgu pa/ phyag bco brgyad pa zhabs bgrad// spyan bzlog mche ba gtsigs pa/ sku gsung thugs mi

  541. 271a

    bzad pa gcig tu gyur to// gsang ba'i sngags bcu gnyis phyung nas kyang / sbyang skur ye shes kyi cho 'phrul du gyur to// nyid kyi sku las dIp+ta tsakra zhes 'khor lo rgyas 'deb ma g.yon phyogs su 'thon to/ yab yum gnyis su med pa'i byang chub sems las sras mchog rdo rje tho ba lcags kyu thogs pa grangs med pas/ oM badz+ra kI li ki la ya dza dza hUM hUM phaT phaT/ ti ra baM kI la ya/ sod chom/ gtogs/ thabs shes rab las/ cha 'dzin nyi shu byung / de las cha 'dzin grangs med pa byung ste/ gdug pa can bsgral te/ rtsa ba dbyings dang ye shes las cha 'dzin nyi shu byung / dbyings dang ye shes gnyis su med pa'i byang chub kyi sems nyi shu byung / de las byang chub kyi sems grangs med bsam gyis mi khyab pa byung ste/ yid la dran pa'i snying po brjod pa tsam gyis/ nyi zer la ser ba 'bab pa bzhin du sprul pa'i sku byung ste/ gdags shing bsgral lo// de nas 'jigs byed dregs pa'i bdag po rgya mtsho tsam zhal du rngubs so// de nas badz+ra kI la ya'i 'od zer lus la bstim pa la/ bsgral 'bog bcol ba brgyal bsangs te/ dran pa rnyed de badz+ra ki la ya'i yang dag pa'i bden pa mthong ngo // de'i gdug can dbyings dang ye shes gnyis su med par bcug pa de'i tshe de'i dus su// phyogs bcu'i ye shes kyi khro bo dang / dbyings dang khro mo las dbyings dang ye

  542. 271b

    shes gnyis su med pa'i byang chub kyi sems/ gti mug byang chub kyi sems la sogs pa'i mtshan nyid thob pa'o// 'jigs byed chen po'i byin rlabs las/ karma shrI he ru ka zhes pas/ khro bo karma he ru ka ldang nag/ sku gsung thugs nyid las mi gzhan pa 'thon to// thugs ka nas kyang sras mchog stod zhal gsum phyag drug pa la/ smad lcags phur zur gsum pa grangs med pa thon to// sngon gyi thugs dam gyi dbang gis/ phyogs bcu'i sangs rgyas rnams kyang rjes su dran nas gdug pa can tshar bcad de/ de'i tshe 'jigs byed chen po dang / khro bo rnams kyis lus gdan du phul lo// yid phyi rabs kyi rjes 'jug gi tshogs kyi grogs dang chos skyong ba'i bsrung mar dam bcas te/ rgyal po btson du bzung na dmangs cham la phebs te/ dbang med dad pas bsdus pa'i 'khor ro// de bzhin gshegs pa thams cad kyi sku gsung thugs kI la ya bcu gnyis kyi tan+ta las/ gleng gzhi'i le'u ste dang pa'o// // de nas karma he ru kas bcom ldan 'das 'jigs byed chen po la 'di skad ces gsol to// e ma ho// bcom ldan badz+ra kI la ya// dpyang thag chad pa'i blo ngan 'khor ba la/ thugs rjes bzung nas cho 'phrul bstan pa 'di lta bu'i rdzu 'phrul ngo mtshar che/ de'i rjes su sgrub pa'i rnal 'byor pas// de ltar de bzhin yang dag don// gsang

  543. 272a

    ba'i bdag pos bstan du gsol// zhes gsol pas// de nas kI la ya'i bdag pos// sku gsung thugs rdo rje lta bu'i ting nge 'dzin la snyoms par zhugs nas/ 'khor gyi de bzhin gshegs pa rnams la/ rjes su 'jug pa'i rnal 'byor rnams// yang dag don ni ngas bstan gyi// gsang sngags yang dag don dam ni// theg pa gsum ni rgyab kyis phyogs// skal ba chung ba snod med de// dka' thub bsdams shing dam tshig med// don gyi gsang sngags ming du ming bsgrag cing // nye lam gol te don las 'gyang // e ma ho/ rgyud 'di rtogs par dka'// bsam pa mchog tu gyur pa'o// dbyings nyid rigs pa rgyun mi gcad// rtog pa bor ba'i pha rol na// rtog med btsal bas mi rnyed pas// rtog dang ma rtog gnyis med la// yang dag don gyi snying po ni// bde bar gshegs pas mi gzigs so// kun kyang byang chub snying po pas// sangs rgyas gzhan nas btsal du med// rdo rje khros pas zhe sdang gcod// rnam par shes pa rdo rjer bsgom// de bzhin nyid ni brdal ba'o// stong nyid ye shes dag pa la// gzugs sku rnam gnyis byin rlab can// 'di ni rang bzhin dag pa'o// 'di ni don dam nas bsngags te// don dam blo yi spyod yul min// rang bzhin snod min gsang bas grub// sangs rgyas phyi slad mi re bas// snga ma sbyangs pa'i mkhyen rabs

  544. 272b

    can// rang las sangs rgyas ye shes rtogs// chos nyid bden pa'i byin rlab mthus// thabs mang thabs mkhas thabs myur bas// thabs kyi spyod pas 'gro don du// gsang sngags 'bral sha di p+ta za dang // rdo rje khros pa zhes sogs nas// mthar gnas thugs kyi sa bon bar dag gis// rnal 'byor dgongs don slong bar bya// yang dag dbyig gi gter brus la// zhing rab gshin la sa bon gdab// glen pa'i brtul zhugs drag po dang // b+hu su ku yi spyod pa yis// bden rdzun le lo re dogs dang // the tshom med na kun gyis grub// snying rjes bsgral ba'i dam tshig ni// dam tshig chen po'i dus la bab// sku gsung thugs kyi dam tshig ni// re re la yang gsum gsum mo// ma dang bu mo chung ma dang // rab tu brgyan pa dag dang ni// ngag snyan tshig mtshon ma shor ba// snod ngan gsang ba mi spel ba// sems bskyed nga rgyal ma yengs pa// gsang sngags dam las mi 'da' bas// don dam sems bskyed srog dang mi 'bral la// rdzun tshig brlang por smra ba dang // sbyor sgrol ma byin len pa dang // 'dod chags zhe sdang gti mug dang // nga rgyal phrag dog mi spang ngo // dri chen dri chu rak+ta dang // mAM sa zil pas brgyan par bya'o// don dam kun rdzob phyin ci log/ gnang bkag gnyis ni bder gsungs pa// rgyud dang lung dang man ngag dang // rab 'bring

  545. 273a

    gsum du bshad par bya// thugs sku mtshon chen sngon po 'bar ba yis// snang ba ye shes cho 'phrul gsum gyis sbyangs// phyi nang ye shes cho 'phrul gsum gyis sbyangs// phyi nang ye shes rtog pa gzhi la bar 'gyur// a hUM raM yaM khaM/ e aM ra suM ko b+han d+ha b+h+yAM/ raM khro bo'i dkyil 'khor du mngon par 'du mdzad pa ni// zhing khams 'bar ba'i klong dkyil na// rdo rje gzhon nu rgyas 'debs mo// hUM kA ra dang sgra 'byin ma/ rnam pa brgyal dang rnam snyems ma// dbyug pa sngon po sder mo dang // gshin rje'i gshed po dur khrod ma// mi g.yo mgon po gtun khung ma// rta mgrin rgyal po gtum mo ma// gzhan gyis mi thub mda' snyems ma// bdud rtsi 'khyil brlung 'byin ma// khams gsum rnam rgyal gsod ma dang // stobs po che dang bskyod ma dang // gnyis su med pa'i sprul pa phra men dang // phag mgo g.yag mgo stag mgo dang // sha ba gzigs dang byi la'i mgo/ sbrang mo'i mgo dang seng ge'i mgo/ dred mo dom gyi mgo ru bstan// smig bu bya rog bya rgod mgo/ 'ug pa kha ta pra shud mgo/ khra yi mgo dang pha wang mgo/ sre mo'i mgo dang byi ba'i mgo/ yang sbrul sum sbrul grangs med kyis// srid pa rlung yang mi 'chor gtams// de bzhin gshegs pa thams cad kyi sku gsung thugs// kI la ya bcu gnyis kyi tan+t+ra las/ yang dag pa'i don gyi dgongs pa'i

  546. 273b

    le'u ste gnyis pa'o// // de nas bcom ldan 'das 'jigs byed chen pos/ rdo rje gsang sngags drag po'i ting nge 'dzin la snyoms par zhugs nas 'di gsungs so// de bzhin gshegs pa thams cad dang // 'khor gyi byang chub sems dpa' rjes 'jug rnams// e ma ho/ sangs rgyas thams cad kyi// bla na med pa'i byang chub sems// 'da' dka' de bzhin mi shigs pa// 'da' bar mi mdzad dam tshig can// phyogs bcu dus gsum rang bzhin dag/ de bzhin gshegs pa'i ngo bo nyid// rang gi rtog pa phra rgyas kyis// so sor smin cing sdug bsngal ba// grol bar bya phyir bla med rnams// bstan phyir rdzogs longs sprul par mdzad// 'og min btsun mo'i b+ha ga nas// drag po mthing nag 'bar ba bzhengs// mgon po bdag nyid chen po bas// rdo rje gsang sngags 'khor lo bskor// sngags kyi dbang po bkram nas ni// kun gyi don du gsungs pa 'di// de bzhin gshegs pa thams cad dang // 'khor gyi byang chub sems dpa' dang // rnal 'byor rjes 'jug brtan por bzung // nam mkha' mtha' med chos dbyings gzhal yas khang // thigs pa lta bur snang srid dngos med shar// srog sems go ru rdo rje gzhon nur shar// snang srid phung po rdo rjer yang dag gtams// gsang sngags don gyi dang po la// dkyus tshig 'bru tshig don tshig

  547. 274a

    dang // dkyus tshig gnyis dang 'bru tshig dgu// don tshig brgyad dang man ngag ni// rin chen dag la bri bar bya// dang po gnyis med byang chub sems ldan// gnyis pas rigs ni so sor bstan// gsum pas drag po'i badzab dgongs bstan// bzhi pas sku gsung thugs su bstan// don de shes pa'i rnal 'byor pas// bzlas pa'i las la 'jug par bya// oM badz+ra kI li kI la ya sarba big+h+nAM baM hUM phaT/ oM badz+ra kro d+ha hUM kA ra hUM/ oM badz+ra kro d+ha bi dza ya hUM/ oM badz+ra kro d+ha nI la daN+Da hUM/ oM badz+ra kro d+ha ya mAn+ta ka hUM/ oM badz+ra kro d+ha Ar+ya a tsa la hUM/ oM badz+ra kro d+ha ha ya grI wa hUM/ oM badz+ra kro d+ha a pa ra dzi ta hUM/ oM badz+ra kro d+ha a mr-i ta kuN+Da li hUM/ oM badz+ra kro d+ha tre lo kya bi dza ya hUM/ oM badz+ra kro d+ha ma hA ba la hUM/ oM dip+ta tsakra ha na ha na hUM phaT/ oM badz+ra kro d+hi shwa ya byi ti hUM phaT/ oM badz+ra kro d+hi lA s+ya mu kha hUM phaT/ oM badz+ra kro d+hi dra tre dza hUM phaT/ oM badz+ra kro d+hi tra na ba ri hUM phaT/ oM badz+ra kro d+hi dza la ri ri hUM phaT/ oM badz+ra kro d+hi dza ya hi hi hUM phaT/ oM badz+ra kro d+hi sha ya ti hUM phaT/ oM badz+ra kro d+hi ba ya be hUM phaT/ oM badz+ra kro d+hi ma ra na hUM phaT/ oM badz+ra d+hi tsu na de hUM phaT/ gardza gardza hUM phaT/ ha na ha na hUM phaT/ da ha da ha hUM phaT/ pa tsa pa hUM phaT/ b+han+d+ha b+han+d+ha hUM phaT/ hu lu hu lu hUM phaT/ tiSh+Tha tiSh+Tha hUM phaT/ ts+tshin+da ts+tshin+da hUM phaT bin+d+ha bin+da hUM phaT/ s+pho Ta s+pho Ta hUM phaT/ badz+ra u ka mu kha he/

  548. 274b

    badz+ra byA g+h+ri mu kha he/ badz+ra tsa te mu kha he/ badz+ra ha ri mu kha he/ badz+ra bya ri mu kha he/ badz+ra tsa la mu kha he/ badz+ra shra na mu kha he/ badz+ra sing ha mu kha he/ badz+ra sha ta mu kha he// badz+ra rag+na mu kha he/ badz+ra yag+na mu kha he/ badz+ra gr-i D+ha mu kha he/ badz+ra kaM ka mu kha he/ badz+ra hu lu mu kha he/ badz+ra ba ya ta mu kha he/ badz+ra bi sha mu kha he/ badz+ra tsa ra mu kha he/ badz+ra na ku la mu kha he/ badz+ra ti ti mu kha he/ badz+ra ka si ka mu kha he/ sUr+ya tsan+d+ra ye/ in+d+ra ya/ ag+na ye/ ya ma ye/ ne r-i ti/ ba ru na/ ba ya be/ ku be ra/ in+d+ra ya/ u ti sha na re/ ti ra baM/ oM AHhUM/ a mr-i ta kuN+Da li hUM/ na maHsarba ta thA ga ta pany+tsa a mr-i ta khA hi// oM badz+ra ki li ki la ya// oM bud d+ha ki li kI la ya/ oM rat+na kI li ki la ya/ oM pad+ma kI li kI la ya/ oM karma kI li kI la ya/ sum+b+ha ni sum+b+ha hUM/ gr-i h+Na gr-i h+Na hUM phaT/ gr-ih+NA pa ya gr-ih+NA pa ya hUM phaT/ b+ha ga bAn bid+ya rA dza ya hUM phaT/ oM badz+ra kI li kI la ya/ dza la dza la/ pra dza la pra dza la sarba na sa ba ni hUM phaT/ oM badz+ra ki li kI la ya/ sarba duSh+TAn bag pri sho d+ha ya hUM phaT/ oM badz+ra kI li kI la ya/ tshin+da tshin+da hUM phaT/ oM badz+ra kI li kI la ya sarba duSh+TAn hUM phaT/ oM badz+ra kI li kI la ya pu ru pu ru u tsusma ma hA kro d+ha hUM phaT/ oM badz+ra kI li kI ya bing sid hUM phaT/ oM badz+ra kI li ki la ya u tsu sha ts+tshin+da tshin+da hUM phaT/ oM badz+ra kro d+ha kI li kI la ya kro d+ha mu ka mA ra ya hUM phaT/ oM badz+ra kI li kI la ya na maHsa man+ta

  549. 275a

    pra shud de be ra be ra hUM phaT/ oM laM hUM laM staM b+ha nan/ mo ha g+ha ya b+ha ga bAn/ shi kr-i bi kri shri badz+ra hUM kA ra hUM hUM/ phaT phaT/ badz+ra kI li kI ya dza hUM phaT/ sarba big+h+nAn/ badz+ra ki la ya hUM hUM phaT phaT/ badz+ra hUM kA ra hUM phaT/ hUM kA ra a/ hUM pa ra si ta da hUM phaT/ tshin+da tshin+da hUM phaT/ bin+d+ha bin+da hUM phaT/ gr-i h+Na gr-i h+Na hUM phaT/ ha na ha na hUM phaT/ ban+d+ha ban+d+ha hUM phaT/ ta thA ga ta ya hUM phaT/ ha sa ya ra na da ha ta na hUM phaT/ shrI g+h+raM A na ya hUM phaT/ dz+wa la pa ya dza la pa ya hUM phaT/ A be sha ya A be ya hUM phaT/ bid da ya bid da ya hUM phaT/ oM na maHsa man+ta/ ka ya bAka tsit+ta badz+ra NaM/ g+ha g+ha g+ha ta ya sarba duSh+TAM phaT/ ki li kI la ya/ sarba pA paM hUM phaT/ hUM hUM badz+ra kI la ya badz+ra d+ha ra A dz+nyA pa ya ti/ sarba big+h+nAM ka yA ya bAka tsit+ta/ badz+ra kI la ya hUM phaT/ shAn+tiM ku ru swA hA/ puSh+Ti ku ru swA hA/ ba shaM ku ru swA hA/ mA ra ya ku ru swA hA/ DAk+ki raM dza la raM khA hi/ kro d+ha raM dza la kha raM khA hi/ ha la raM dza la raM khA hi/ raM raM traM shaM dza la raM khA hi/ yo gi kha raM dza la raM khA hi// e h+ye hi b+ha ga bAn/ ma hA ka ru Ni ka dr-i sh+ya/ sa ma ya ho/ sa ma ya s+t+waM/ oM AHhUM swA ha hUM hUM badz+ra tsit+ta hUM/ a a badz+rI sa man+ta b+ha tri hUM/ badz+ra b+han+da A yu a badz+ra pra ba sha ya/ A be sha ya a a ha na ha na/ da ha da ha badz+ra/ pa tsa pa tsa badz+ra/ ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka tang ka ye badz+ra/ dza ye bi dza ye/ a

  550. 275b

    tsi te/ ma ra se na pra mar da ni ye hUM phaT/ hUM ma ma ni ku ma traM bya/ ka ra i nan/ da tri ma ma karma shri kr-i ka re ye/ sarba a na ya hUM phaT/ ta thA ya hUM phaT/ kha thaM kha thaM kha thaM/ hUM hUM hUM/ phaT phaT phaT/ badz+ra yag+na kro d+ha khA hi khA hi/ ha ha ha/ hUM hUM hUM/ phaT phaT phaT/ hUM phaT hUM phaT hUM phaT/ hUM hUM hUM/ phaT phaT phaT/ nga ni bdud kyi bdud bdag gsang sngags 'di// rdo rje 'dzin 'gugs 'bebs pa'i sgrol ba'i mthu// rdo rje 'dzin 'gugs dkyus tshig e ka ni// oM na ma gsang sngags kyis/ phyogs bcu'i bde gshegs thugs kyi gsang sngags kyis// byin rlab chos nyid bden pa'i mthus// rdo rje sder mo'i dkyus tshig gsang sngags kyis// gdug pa'i lus ngag yid gsum snying gar mnan pa'i mthu// rdo rje 'dzin 'gugs dkyus tshig tri yi gsang sngags kyis// gdug pa'i dbang po 'du rten klad pa brgya tshal 'gas pa'i mthu// rdo rje 'dzin 'gugs dkyus tshig tsa ra'i gsang sngags kyis// gdug pa thams cad dbang po rnam shes bsdams shing sgrol ba'i mthu// rdo rje 'dzin 'gugs dkyus tshig pany+tsa'i gsang sngags kyis// gdug pa'i snying nas 'debs par byed pa'i mthu// rdo rje sder mo'i dkyus tshig cha yi gsang sngags kyis// gdug pa thams cad rtsa sbubs btsir zhing khrag skyugs sgrol ba'i mthu// rdo rje 'dzin 'gugs dkyus tshig tsit+ta'i gsang sngags

  551. 276a

    kyis// thugs kyi gsang sngags dbang du bsdus nas gnyis med 'debs pa'i tshul// rdo rje sder mo dkyus tshig tsa yi gsang sngags kyis// tshe dang bsod nams dpal dang gzi brjid thugs kyi dngos grub thob pa'i mthu// rdo rje 'dzin 'gugs dkyus tshig du wa'i gsang sngags kyis// gdug pa thams cad dbang med 'tshir pa'i mthu// rdo rje sder mo'i dkyus tshig shrin dza'i gsang sngags kyis// sku gsung thugs kyi dngos grub thob pa'i mthu// rdo rje sder mo dkyus tshig sprin dza e ka'i gsang sngags kyis// rdo rje phur pa gzi byin bskyed cing dbang du bsdus nas sgrol ba'i mthu// bdud kyi bdud chen bdud kyi yum bzhi'i gsang sngags 'di// phrin las dkyus tshig e ka'i gsang sngags kyis// gdug pa dgas shing yan lag gnon pa'i mthu// phrin las dkyus tshig ra yi gsang sngags kyis// gdug pa'i dbang po bcing zhing gnon pa'i mthu// phrin las dkyus tshig tri yi gsang sngags rnam shes sdom zhing gnon pa'i mthu// phrin las dkyus tshig tsa ra'i gsang sngags kyis// gdug pa'i gzugs phung rdul du brlag cing gnan pa'i mthu// phrin las dkyus tshig pany+tsa'i gsang sngags kyis// bcom ldan 'das bdud bdag bka' bsgo nyan pa'i mthu// phrin las dkyus tshig tsha yi gsang sngags kyis// khro rgyal byin brlab mi g.yo ba yi

  552. 276b

    sngags// dbang du bsdus nas drag tu mnan sgrol mthu// nga ni bdud kyi bdud bdag ste// bdud kun gyi ni bdud chen po// dbu dgu phyag kyang bco brgyad po// g.yas pa dgu ni za byed dgu// g.yon pa dgu ni gsod byed dgu// phra men phyag nas 'od zer 'phro// shin tu mi srun gtum bag can// snang ba'i dug lnga rab tu 'bar// kI la ya yi sgra sgrogs pas// g.yos so rab tu g.yos so// shin tu rab tu g.yos so/ g.yos par gyur to// 'jig rten gyi dregs pa thams cad brgyal ba sangs nas rab tu skrag par gyur nas/ 'jigs byed chen po'i bdud bdag gi/ zhabs la spyi bos phyag 'tshal nas/ skyabs su gsol te mgrin gcig tu 'di skad ces smras te/ rdo rje bdud bdag 'jigs byed kyi// phur pa'i 'od zer rab tu 'bar// khro bo'i me dpung 'bar ba yis// 'jigs tshul 'chang ba'i khyad par can// dbu mangs rtsub pa'i sgra sgrogs shing // phyag mangs 'jigs pa'i mtshon cha bsnams// 'jig rten khams kun nges bkang nas// khro gnyer zhal gdangs ngar skad kyis// 'jig rten khams kun 'brug stong sgrog/ rgod dang gshed dang za byed pa// don dang rtags dang ldan pa yi// 'bar ba'i rgyan cha mtshon cha 'chang // bskal pa zhig pa'i srid rtse 'bar// 'jig rten thal bar rlag mdzad pa// dpa' bo khyod la skyabs su mchi// bdud bdag khyod

  553. 277a

    la skabs pa maH// rba rgyal cad la skabs su maH// thugs rnga can pas gzang du gamal// nan tan thugs rdzas ma bzang na// mag dang lus kyang gas tha baH// me gyi phreng bas bzag pa brgyad// da thar bdag cag thugs rjes bzang / nas drags pa can rnams mthun par skabs su gsol nas/ ma dang phreng mo dang zung ma dang bran mo dang / ril phral re zas su gsol te/ gdan dang grogs rtsong \u0f7f/ zas spang ba'i thung mar dbang med dad pas bsdus so// phreng rjes bskal ba'i dam chog ni// gsad cing gnan pa ma yin te// kun la zab pa ma yin na// thog don bka' dam las kyis nyams/ @ mas nyams dang 'dod pas nyams// 'di bdun spang ste yang dag don// bsgrub na nges par 'grub pa'o// srog las nyams pa'i mtshan nyid ni// pa dang ma ni slob dpon la// 'gal ba bsgral ba dam par bshad// don las nyams pa'i mtshan nyid ni// gsang ba la sogs smra zhing spel// bka' las nyams pa 'di lta ste// slar 'debs log par 'khrid la sogs// sbyor sgrol la sogs gsang ba rnams// mngon du zad pa dam pa'i bdud// bal ga la sogs sbrul badz+ra// bdag la mahA dang bral 'dod pa// las kyis rnams pa dbang med bsgral// skye ba med pa'i chos bshad kyang // mtshan ma'i chos la zhen

  554. 277b

    sogs// mtshan ma nyams te shin tu bsgral// rtag tu zhen chags zas la sogs// 'dod pas nyams te bsgral ba yin// de nas kI la ya'i bdag po la/ 'khor rnams kyis mgrin gcig tu gsol ba/ kI la yi bdag po lags// bsgral ma bsgral gyi skyon yon ji ltar lags// de dag bsgral na rnal 'byor btsun// bdud rnams btul na bstan pa gnyen// med par bsgral na bar chad nyung // ma bsgral skyon ni dmyal khams 'phel// ma btul bar chad bsam mi khyab// chos nyid bden pa gsang sngags byin rlabs dang // thugs rje chen po sangs rgyas mthu yis ni// a b+hi tsAr+ya gnag pa 'di kho na'o// zhes kI la ya bcu gnyis kyi tan+ta las/ rdo rje gsang sngags drug po'i le'u ste gsum pa'o// // de nas 'jigs byed chen po rdo rje phra mo'i dkyil 'khor chen po'i ting nge 'dzin la snyoms par zhugs nas/ rtags kyi dam pas bka' stsal pa/ e ma ho rigs kyi khyad par can// byang chub sems kyi phur pa la// phrin las rnam bzhi'i dkyil 'khor la// 'khor lo bar khyams sgo khyud bcas// shel gyi dkyil 'khor bcas pa la// bdud kyi bdud bdag khro bo rnams// rgyas 'debs la sogs khro mo rnams// stag g.yag la sogs za byed tshogs// gsod byed la sogs phra men tshogs// lcags kyu la sogs dam la btags// gzhal yas khang gi sgor

  555. 278a

    gnas so// lho nub hom lnga yang dgod la// phyi nang gsang ba'i hom shing la// bsreg rdzas rnams dang brnag pa'o// shar lhor phrin las zor dkyil 'khor// mda' bcu ltas ngan sgo bzhi la// khro bcu'i snying po gsal bris la// thun khung phur bdun skyer mda' gzhu// nub byang thod pa'i mnan dkyil 'khor// gdab phur brgya ni rtsa brgyad de// gru gsum e la thun du dbab// byang shar rnag pa bsgral dkyil 'khor// gru gsum bang rim gnyis pa brus// brnag pa'i rnam shes dgug bstim bya'o// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// chos skyong dam can dus la bab// bran dang pho nya de bzhin bskul// sngon du bsgral ba nyams pa bdun// sngags dang ting 'dzin phrin las gsum// dkyus dang sbyar la gdab par bya// rab 'bring gsum gyi rtags byung na// dam tshig drug gi dus la bab// byang chub mchog tu sems bskyed cing // dus gsum rgyal ba'i gdung sob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang // dngos grub 'phrog cing 'tshe ba bsnams// khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang // lus ngag rdul bzhin

  556. 278b

    bshig nas kyang // sdug bsngal nyams su myong bar mdzod// dkar nag mtshams kyi gnad chen la// so sor gdab dang dril la gdab// dgug cing gdab dang bsreg pa'o// zhi rgyas dbang dang mngon spyod dang // dri dang sa yi cho ga'o// zlog dang re re drug drug ga/ zlum po'i dkyil 'khor rtsibs brgyad la// lha rnams 'khor bcas spyan drangs te// mchod rdzas thams cad dkar por bya// sngags dang ting 'dzin phrin las rnams// bsgom na thams cad zhi bar 'gyur// thog med bsags pa'i sdig sgrib dang // gdug pa can gyi dgra bgegs rnams// thams cad ma lus zhi bar 'gyur// 'di ni zhi ba'i las zhes bya// dkyil 'khor hom khung zlum po la// rdo rje pad+mos brgyan par bya'o// bsreg rdzas dkar po mchod byas nas// lha rnams 'khor bcas zhi bar 'gyur// chos nyid bden pa'i byin rlabs mthus// rnam rtog sems 'khrug zhi bar 'gyur// 'di ni zhi ba'i hom zhes bya// dngul lam dkar po'i shing rnams la// mgo bo rgya mdud rtse zur zlum// khong seng byang sems gzhal yas khang // logs la zhi ba'i lha bsgoms la// btab pas thams cad zhi bar 'gyur// zhi bar ma gyur gang yang med// zhi mdzad lha la phyag 'tshal lo// ting 'dzin sngags dang zhi ba gsum// chos nyid bden pa'i byin brlabs mthus// thams cad ma lus zhi bar

  557. 279a

    'gyur// zhi ba'i phur gdab ces bya'o// dngul dang 'bras chan 'o ma zho// gtor ma dkar po rgyan dkar po// sngags dang ting 'dzin phrin las gsum// chos nyid bden pa'i byin rlabs mthus// zhi bar bsgom zhing gtor byas na// dgra bgegs dngos lta zhi bar 'gyur// lha dang pho nya zhi bar 'gyur// zhi ba'i gtor ma zhes bya'o// lha yi dkyil 'khor chen po ru// lha yi bsnyen pa rdzogs bsgoms la// lha rnams gsang sngags zhi bar sbyor// 'bras chen 'o ma zho mar gnyis// tsan+dan rgya shug sol tog dkar// bal tog me tog sna tshogs dkar// re re gsang sngags rtsa brgyad sbyor// sbyor ba'i lha grangs re re la// sdig sgrib sdig pa zhi bar 'gyur// de ltar de bzhin smon lam gdab// de ni gsang sngags sbyor ba'i las// rjes su 'jug pa'i rnal 'byor pas// zhi ba'i sbyin sreg rtsa brgyad kyi// lha rnams zhi zhing shis pa dang // rgol bar sems dpa' zhi ba dang // gdug pas zin pa zhi ba dang // slad kyi bar chad bya sems zhi// 'di dang gzhan du de mchog thob// sbyin bsreg sbyin pa'i pha rol phyin// tshogs chen tshogs gnyis rdzogs par 'gyur// zhi ba grub pa'i yon tan no// gru bzhi'i dkyil 'khor rtsibs brgyad pa// lha rnams 'khor bcas spyan drangs te// mchod rdzas ser po me tog ser// chas gos thams cad ser

  558. 279b

    por bgos// lha rnams thams cad ser por bsgom// bdag nyid nga rgyal rdo rje bsgom// kun tu bzang mo'i chos dbyings la// kun tu bzang po'i gzi brjid kyis// bdag nyid lha rnams gnyis med bsgom// de ni rgyas pa'i las zhes bya'o// hom khung gru bzhi 'bar ba la// rdo rje 'khor los brgyan par bya// hom shing ser po'i shing rnams la// gser gyi thag pas bcings byas la// lha rnams bskyed dang spyan drangs la// de ru byin mchod bsreg par bya// rgyas pa'i dkyil 'khor hom zhes bya// gser ram ser po'i shing rnams la// mgo bo rgya mdud rtse zur bzhi// khong seng byang sems gzhal yas khang // logs la rgyas pa'i lha bsgoms la// btab pas thams cad rgyas par 'gyur// rgyas par ma gyur gang yang med// rgyas mdzad lha la phyag 'tshal lo// ting 'dzin sngags dang phrin las gsum// chos nyid bden pa'i byin rlabs mthus// thams cad ma lus rgyas par thebs// rgyas pa'i phur pa gdab ces bya'o// gser ram ser po'i phye ma dag/ me tog ser po sna tshogs phye// ser po'i 'bru sna mang sbyar la// rgyas par gyur pa'i gtor ma ste// gtor bas thams cad rgyas par 'gyur// rgyas par ma gyur gang yang med// 'di ni rgyas pa'i gtor ma'o// rgyas pa'i dkyil 'khor chen po ru// lha rnams dkyil 'khor bsnyen rdzogs nas// lha rnams gsang

  559. 280a

    sngags rgyas par sbyor// nyung dkar me tog sdong shing ser// re re gsang sngags rtsa brgyad sbyor// bsreg rdzas hom du bsreg pa na// thams cad ma lus rgyas par 'gyur// rgyas pa'i gsang sngags sbyor ba las// rjes su 'jug pa'i rnam 'byor pas// rgyas pa'i sbyin bsreg rtsa brgyad kyis// chos nyid bden pa'i gsang sngags byin rlabs mthus// lha dang rnal 'byor gzi byin byin rlabs rgyas// dpal dang tshe dang bsod nams rgyas// don dam kun rdzob longs spyod rgyas// rgyu dang 'bras bu bsod nams tshogs chen rgyas// 'di ni rgyas pa'i yon tan no// zla gam dkyil 'khor rtsibs brgyad par// lha bskyed dkyil 'khor spyan drangs nas// mchod pa la sogs gzhung bzhin bya// lha rnams go rim dmar por bsgom// chas gos dmar po rnam pa lnga// khro bo chen po'i byin rlabs kyis// rdo rje phra men ma mngags nas// ma dang bu la byams pa'i tshul// thams cad dbang du bsdus nas 'grub// 'di ni dbang gi las zhes bya'o// hom gyi dkyil 'khor zla gam la// rdo rje zhags pas brgyan par bya// seng ldeng mjo mo glang 'khal ba// gzhan yang shing rtsi dmar po rnams// hom shing thag dmar bkyigs pa ni// rnam rtog gnag pa gnyis bsreg na// ci bsgo bka' nyan dbang du 'dus// 'di ni dbang gi hom zhes bya'o// zangs sam dmar po'i shing

  560. 280b

    rnams la// mgo bo rgya mdud rtse zur gnyis// khong seng byang sems gzhal yas khang // logs la dbang gi lha bsgoms la// btab pas thams cad dbang du 'dus// dbang du ma 'dus gang yang med// dbang mdzad lha la phyag 'tshal lo// 'di ni dbang gi phur pa gdab pa'i las so// zangs phye shing dmar gong dmar phye// 'bras chen dmar po me tog dmar po'i phye// bu ram chu yis sbyar la gtor// khro bo chen po'i byin rlab kyis// phra men tshogs kyis bkug nas ni// ci bsgo bka' nyan dbang du 'du// dbang gi gtor ma'i las zhes bya'o// dbang gi dkyil 'khor chen po ru// lha dbang dkyil 'khor bsnyen rdzogs nas// lha rnams gsang sngags dbang du sbyor// zangs me seng ldeng mdzo mo me// nyung dmar kha dog dmar po'i 'bru// re re gsang sngags rtsa brgyad sbyor// bsreg rdzas hom du phul bsreg na// chos nyid bden pa'i byin rlabs sangs rgyas mthus// gnyis su med pa'i byin rlabs kyis// srid gsum khams gsum dbang du 'dus// mi mthun rtog sgrib dbang du 'dus// bdag dang gzhan gyi tha mi dad// kun bzang yab yum gnyis med kyis// thams cad dbang gi rang bzhin ni// dbang gi grub pa'i yon tan no// dkyil 'khor 'khor lo rtsibs brgyad la// de la gru gsum re re'o// bar khyams sgo khyud ldan par bya// lha rnams

  561. 281a

    dkyil 'khor bskyed spyan drangs// gnyis su med par bstim byas la// sha khrag dmar gyi mchod byas la// bsnyen bsgrub rdzogs par bskul bar bya// phur pa bzhi bcu rtsa drug la// rang rang snying po bris la ni// dkyil 'khor go nas dgod par bya// sngags dang ting 'dzin phrin las kyis// phra men tshogs ni rbad par bya// de yis las rnams 'grub par 'gyur// 'di ni drag po'i las zhes bya'o// hom khung gru gsum gnyis brtsegs la// thod pa me ris brgyan par bya// gsang ba'i rdzas ni shag pa yang bcu gsum dang // gdug pa can gyi tsher dug shing // lcags zag bsdams la gzug par bya// phur pa brgya ni rtsa ba rgya brgyad kyis// mtha' ma bskor la dgod par bya// ming byang yugs sa mo yi skar// brgyus la mtha' ma bskor la bzhag/ mi rta khyi sbrang glang dred spre'u// bse zho dug dung sna tshogs dang // lan tshwa tsha mar nyung nag dang // skye tshe ldong ros gu gul dang // lcags phye zangs bye rdo phye dang // btsos pa'i sha dang bsreg pa'i gsur// dri yi tshil dang skye ba'i rgyu// rdo rje glu yi dbyangs blangs nas// lan grangs brgya dang stong du dbul bar bya'o// lha rnams gsang sngags ma 'grub par// gnag pa them par bcug pa ni// gzugs dang ming rus bsreg par bya// dug gsum 'byung po sha khrag bkang // gsol te thams cad rgyas par

  562. 281b

    mdzod// hom du bsreg na mod la 'chi// 'di ni drag po'i hom gyi las so// lcags sam nag po'i shing rnams la// mgo bo rgya mdud rtse zur gsum// khong seng byang sems gzhal yas khang // logs la drag po'i lha bsgoms la// btab pas thams cad rlag par 'gyur// rlag par ma 'gyur gang yang med// rlag mdzad lha la phyag 'tshal lo// khro bo khro mo phra men tshogs// gnag pa'i gzugs dang ming rus la// drag tu bskul la gdab par bya// gnad gcod srog dang phral bar 'gyur// 'di ni drag po'i phur pa gdab pa'i las so// sna tshogs dug gi phye ma dang // nyung nag ske tshe til nag dang // gdug pa'i tsher ma phye ma dang // sran chan bra chan lcags phye dang // sha khrag gtor mar bsregs pa ni// rdo nag phyi ru bsres la gtor// khro bo chen po'i byin rlab kyis// phra men tshogs kyis bkug nas ni// gdug pa can rnam rlag par byed// drag po'i gtor ma'i las zhes bya'o// drag po'i dkyil 'khor chen po ru// lha yi dkyil 'khor bsnyen rdzogs nas// lha rnams gsang sngags drag por sbyor// lcags phye dug phye nyung nag gi// re re gsang sngags rtsa brgyad sbyor// gzas par them par bcug la bsreg/ rdo rje me dpal snying bsreg go// chos nyid bden pa'i byin rlabs kyis// gzas pa'i rnam shes tshe rten ni// bya sgro me yis bsreg bzhin tshig/ 'di

  563. 282a

    ni drag po'i sbyor ba'i las zhes bya// rjes su 'jug pa'i rnal 'byor pas// drag po'i sbyin bsreg rtsa brgyad kyis// chos nyid bden pa'i byin rlabs mthus// bar chod bgegs rnams rlag pa dang // gnag pa tsha ba'i nad kyis 'chi// smyo 'bog brgyal nad bgegs rnams thar// gzas pa'i gnad bdun tshe rten bsreg/ rnal 'byor gyur shog dngos grub thob// drag po 'grub pa'i yon tan no// phrin las rnam bzhi'i dkyil 'khor la// hom lnga yang dog rtse mor brtsigs// kha dog rig dang mthun par brtsig/ gdug pa can gyi hom shing la// lcags thag gi ni bskor la gzugs// ti la ya ni nyi shu gcig/ snying po nyi shu gcig gis bsdus// lan grangs nyi shu gcig tu ni// g.yas bskor g.yon bskor phur bskor la// phur pa'i 'od zer stong khams khengs// gsang sngags 'brug stong sgrogs par bsgom// mgyogs byed ye shes pho nya 'gyed// bran dang pho nya bka' nyan tshogs// khyed kyi thugs dam dus la bab// sngon chad ji ltar dam bcas pa// mngon spyod phrin las myur du mdzod// gsang ba'i yum bzhi'i gsang sngags kyis// lha rnams gsang sngags bsdus te dgug/ sder mo'i sngags kyis dgug cing gzir// bran dang pho nyas dgug cing bstim// de nas btab pa'i las byas la// gnad la dbab ni

  564. 282b

    brgyad dag la// dngos grub par chad byed pa'i bgegs// gdug cing sdang sems ldan pa rnams// rdungs shig rdo rje 'bar ba'i gtun// bka' las 'da' byed sdig can ni// rdo rje me dpal snying bsreg go/ lus ngag rdul phran bzhin du rlog/ chos nyid kyi bden pa'o// gsang sngags kyi byin rlabs so// sangs rgyas kyi mthu'o// a b+hi tsar+ya'i dus la bab bo// brnag pa 'di kho na la'o// rdo rje me dpal gyis snying bsreg cing // skor tshoms re zhing bcu drug dag/ rtsa brgyad dag tu dbul bar bya// gsang sngags gnag pa thems par 'gyur// gnag pa 'dod pa'i bya ba 'grub// ces kI la ya bcu gnyis kyi tan+t+ra las rdo rje phra mi'i dkyil 'khor chen po'i le'u ste bzhi pa'o// / de nas bcom ldan rdo rje 'jigs byed chen po'i mchod pa'i sprin mngon par 'byung ba zhes bya ba'i ting nge 'dzin la snyoms par zhugs te/ rjes 'jug gi don du mchod pa dang / bstod pa'i dkyil 'khor 'di gsungs so// bdag po'i phyag rgya mnyam bzhag la// mi dmigs thugs kyi dkyil 'khor las// lha rnams dkyil 'khor spyan drang ngo // srid pa'i phur bu sgrub pa dang // dbang dang dngos grub blang ba'i phyir// ye shes khro bo gshegs su gsol// ye shes khro bo gshegs nas kyang // rtags dang mtshan ma bstan pa dang // ki li ya yi dngos grub gsol// lha rnams

  565. 283a

    dkyil 'khor thams cad la// spyan drang phyag 'tshal mchod bstod bya// dngos grub rnam gnyis 'thob bya'i phyir// dkyil 'khor thams cad mnyes mchod do// bdag gi thugs ka'i 'od zer las// mchod pa'i lha mo sprin tshogs tsam// nam mkha' khengs pa'i char bzhin bab// bdag la mchod par byed par bsam// gtor ma tshogs mchod rdzas la yang // sbyang ba'i yi ges sbyang bar bya// spel ba'i yi giges spel la ni// thod pa'i snod ni 'jig rten khengs// bdud rtsi chen po'i 'od zer las// ye shes lnga yi 'od zer 'phro// 'dod yon lnga dang lha mo brgyad// nam mkha' khengs pa'i sprin tshogs las// bar snang khengs pa'i char bzhin bab// dkyil 'khor lha tshogs thams cad la// mchod pa'i sngags kyis dbul bar bya// thog mar rtogs gom bdag nyid bsgral// de nas gnyis med blo yis ni// blo ngan sems can yun du 'khor// gnyis su med par bsgral bar bya'o// de bzhin nyid du gnas bcas te// thugs rje chen po 'byung bar byed// 'tsho ba'i zas ni byin brlabs nas// hom gzar hom khung dkyil 'khor mchod// bdag mchod kun 'grangs thams cad mnyes// kun la phan pa'i sman yin pas// thams cad bza' zhing brgyan par bya'o// dkyil 'khor lha rnams mnyes gyur na// nyes pa thams cad rnam par

  566. 283b

    dag/ dngos grub rab mchog thob par 'gyur// lha tshogs dkyil 'khor dam tshig can// spyan drangs pa la sbyin par bya// bdud rtsi lnga dang sha lnga la// mchod dang bshags dang dgug bstim dang // bkug nas rdo/ rje phur pas gdab// khro mo 'bar ba'i gtun khung du// rdo rje tho bas brdung byas nas// lha yang rung ste bsgral bar bya'o// kha tham gyis ni rdul du brlag/ dkyil 'khor lha tshogs thams cad la// sha khrag mtshan ma ming bcas bstab// ha ha dkyil 'khor mnyes par 'gyur// he ru ka yi gnas bcu dang // dur khrod chen po'i gnas brgyad nas// dkyil 'khor 'khor bcas spyan drangs nas// dur khrod mchog gi gnas 'di ru// zhing chen gsar rnying ti rar bcas// dmar gyi ar+g+haM rgya mtshor 'khyil// mkha' 'gro 'bar ba'i tshogs bcas rnams// ma lus gshegs nas bsnam du gsol// mchod pa'i yo byad thams cad ni// nag por byas te dbul bar bya// bran dang pho nya bka' nyan tshogs// dam can tshogs la bstab pa ni// sgra bshig gcer bur phyung la ni// thal ba rak+ta zhag gis mtshan// khro bo'i cha lugs bzung nas ni// kha nas khrag dang zhag 'dzag pa// lag par thod khrag thogs nas ni// hi hi dgod cing spyugs pas 'bod// so so rngams kyi ming nas 'bod// gnag pa bos nas zhal du bstab// srin mo rnams ni tshogs kyi bdag/ he ru ka/

  567. 284a

    la phyag 'tshal bstod// 'khril ba'i mchod chen mnyam du sbyor bas// mkha' dbyings b+ha ga klong yangs nas// byang chub sems ni mchod par spro// phyogs bcu'i lha rnams sku gsung thugs// mchod pa phul bas mnyes rab mchog/ rgyal ba mnyes pas dngos grub thob// stong gsum stong gi 'jig rten na// zhi ba'i dkyil 'khor zlum po la// mkha' klong me dpung gzhal yas khang // kun gzhi kun tu bzang mo'i mkha'// 'di yang nga yi gzhal yas khang // sngags dran ye nas bde gshegs sku// yid ni kun bzang rang la shar// mkha' klong me dpung dbyings nas bzhengs// me yi snying po sku dang phyag rgyar gsal// gnyis med rtogs pa chos sku yin// byang chub sems ni khyab pa'i sku// 'jigs byed rngam pa khro rgyal sku// dpal chen 'jigs byed sku yi mchog/ zhi ba'i sku yi mchod chen yin// mchod pa chen po mchod pa che// 'di yang nga yi sku yi mchog/ bdag gis bdag mchod kun mnyes mchod// stong gsum stong gi 'jig rten na// zhi ba'i dkyil 'khor zlum po la// mkha' klong me dpung 'bar ba'i gzhal yas khang // kun gzhi kun tu bzang mo'i mkha'// 'di yang nga yi gzhal yas khang // sngags dran ye nas bde gshegs gsung // yid ni kun tu bzang po rang la shar// mkha' klong me dpung dbyings nas

  568. 284b

    bzhengs// me dpung gdangs skad dbyings nas sgrogs// rngams pa'i nga ro khro bo'i gsung // snying po 'brug dgu bsnyen pa'i gsung // sprul pa'i brda' tshig ma mo'i gsung // sna tshogs mi las gsung mchog ste// zhi ba'i gsung gi mchod pa yin// mchod pa chen po mchod pa che// 'di yang nga yi gsung gi mchog/ bdag gis bdag mchod kun mnyes mchod// stong gsum stong gi 'jig rten na// zhi ba'i dkyil 'khor zlum po la// mkha' klong me dpung gzhal yas khang // kun gzhi kun tu bzang mo'i mkha'// 'di yang nga yi gzhal yas khang // sngags dran ye nas bde gshegs thugs// yid ni kun tu bzang po rang la shar// mkha' klong me dpung dbyings nas bzhengs// tsit+ta gzhal yas gsum rgyud thugs// phyi dro nang bzhi lha yi thugs la ltos// dbyings dang ye shes gnyis med thugs// kun bzang yab yum rol pas mchod// zhi ba'i thugs kyi mchod pa yin// mchod pa chen po mchod pa che// 'di yang nga yi thugs kyi mchod// bdag gis bdag mchod thams cad mnyes// stong gsum stong gi 'jig rten na// rgyas pa'i dkyil 'khor gru bzhi la// mkha' klong me dpung la sogs nas// dbang dang mngon spyod par dag gi/ de ltar de bzhin de rjes las// rgyas dbang mngon spyod mchod pa che// sku gsung thugs kyis mchod chen po// de ni

  569. 285a

    khro bo'i dkyil 'khor la// bdag gis bdag la 'di bstod pa// hUM/ skye med rnam dag chos dbyings las// skye ba'i cho 'phrul bstan pa ni// thugs rje chen po thabs mkhas pa// nga ni bdud kyi bdud bdag ste// bdud kun gyi ni bdud chen po// gdug pa 'dul phyir skur sprul pa// phyi nang bdud rnams rnam par 'joms// 'jigs byed chen la phyag 'tshal lo/ he ru ka la phyag 'tshal lo// srid gsum 'joms mdzad lha la phyag 'tshal lo// brjid pa chen po nyid mnyes gyur// sngags kyi spyod pa 'di gsungs so// ji bzhin gsungs pa'i dbang sogs ldan// byang chub spyod pas rnam par sbyor// byang chub sems ni ma spangs shig/ rdo rje phyag rgya la sogs pa// dam pa'i chos kyang mi smod cing // mi shes pa'am blun po'am// gsang ba bstan par bya ba ni// nga bdag yongs su spongs pa ni// dka' thub kyis kyang gzir bar byas// rtag tu sdom pa bskyangs pa ste// bdud rtsi lnga dang dkon mchog la gnod bsgral bar bya// gsang sngags bud med 'dod pa rnams// byang chub sems ni blang bar bya// rdzun tshig brlang po gsang don sgra// sbyor sgrol mchod pa gzhung du smra// nyams bdun ma btang bsgral bar bya// gsang ba'i mchod pa chen po ni// goms lam ting 'dzin brtan pa thob// gsang sngags thabs chen thabs myur bas// thabs

  570. 285b

    kyi spyod pas 'gro don du// de nas ma traM gying la gtad pa/ nyon mongs 'khor ba'i sems can 'di// bsgral ba chen po'i las su rung // dpal chen zhal du bstab po khA hi// khro bo khro mo'i tshogs la bsngo// sems can 'dul ba'i skal du bzhes// ta na chen po'i zhing du sbyor// gying chen rdo rje'i phyag tu 'bul// ye shes rgya mtshor bzhes su gsol// de nas ma traM sdig can de// dkyil 'khor chen por drangs nas ni// thar pa'i lam byang dkyil 'khor 'dir// dred pa can dag 'ongs pa ltar// sel bar ldan pa'i sems can khyod// bde bar 'ongs so legs so 'ongs// khyod ni bsod nams skal pa ldan// bde gshegs thugs rjes sgrol mkhas pas// blo ngan 'jig rten snying rje re rje// gnyis su med par bsgral bar snang // thabs dang shes pa rnams kyis kyang // de nas gyi gis bstab par bya// sku gsung thugs kyi dkyil 'khor lha tshogs rnams/ e hi e hi tshur byon 'khor dang bcas// dzaHhUM baM hoHspyan 'dren gshegs su gsol// kI li ki la ya dga' ba'i bzhad mos bkang ngo // bde 'gro bde mchog a ho su kha shaM ba ra// ti sha zhes ni slob ma'i tshul cig snang gnang yang bar mdzod// rol cig dgongs shig 'dod pa'i ti ra kha kha khA hi/ sprin no bskul lo da ra da ra ha ra ha ra/ zo zhig ngo mtshar mchog tu bstab po kha kha khA hi/ zla ba la sogs dmar

  571. 286a

    chen snying po lnga// mAM sa la sogs ro mchog dpa' bo mchog/ ma tsa me tsa rak+ta ru d+hi ra khA hi/ nye ba'i bsgrub pa'i ma lus bsgrub 'tshal gyis// dri med gzi ldan mchog gi mchod pa sbyar ba 'di// ye shes tshogs rnams dgyes shing bzhes su gsol// de nas rnal 'byor gying chen gyis// ma traM la yang sdang mig blta// zhabs bgrad mdzub g.yon gtad de ni// ye shes mkha' lding sder chen gyis// 'khor ba'i byi phrug blang ba ni// bu phrug ma la gzan ster bzhin// 'dus pa chen po'i tshogs kun dgyes// dkyil 'khor chen po'i steng du gzhag/ gnyid med ye shes dkyil 'khor du// 'dus shing tshogs kyi dkyil 'khor bstan// su dag phyin pa phyir mi ldog par nges// sbyangs pa'i sngags kyis sbyang bar bya// khrus lung rnam gsum rdzogs byas las// khro bo phra men pho nya bskul// khyod ni pho nya gying ka ra// ka dar sngon po 'di long la// a b+hi tsar+ya gnas bstod de// dkyil 'khor gsang bar dbang bskul cig/ ye shes rno dpal mtshon cha 'di// nyon mongs sdig gcod ral gri ste// 'khor ba'i rtsa ba drung nas phyung // tsit+ta drangs nas b+han+d+ha'i snod du bstsal// sdig can shes pa yi ge hUM du bsgom// sla ra phaT kyis don gnyis byas// ha ra hUM gis thugs kar 'dus// rdo rje thugs su dbang mchog bskur// gsung dang sku nas de bzhin du// dung khang gsang

  572. 286b

    lam rdo rje'i lam// pad+ma las 'phros byang chub sems// lha rnams dkyil 'khor skur rdzogs par// gsang ba'i sngags kyis bskyed par bya'o// lha rnams dkyil 'khor gnas gsum nas// sku gsung thugs kyi 'od zer spro// dkyil 'khor bde gshegs thams cad mchod// don gnyis byas shing tshur 'dus nas// mgal me bzhin du bdag la mchod// thugs nas sku gsung rim bzhin du// gsang ba'i lam byung rdo rje'i lam// byang sems b+ha ga'i dkyil 'khor thim// lha rnams 'od zhu byang sems kyi// byang chub sems kyi theg le ni// tsa na ka yi 'bru tsam la/ kI la ya yi gsang sngags kyis// rdo rje gzhon nu tshon gang ba// b+ha ga'i gzhal yas khang nas ni// phyag rgya bzhi yi spyan drangs nas// 'og tu yaM las rlung dkyil 'khor// btegs nas 'og min gnas su drangs// rigs lnga yab yum lhums su drangs// rdo rje sems ni rlung lta bu// gang dag bsgral nas rdo rje'i tshe// de nyid sras kyi dang po ni// rdo rje sems dpa' khyod nyid 'gyur// thabs la mkhas pas mchod pa ste// ta na ga Na sbyor ba mchod chen po// sgra ni kham pa gyen du brdzes// brang thag sma la gsus pa 'bor// tshigs bzhi sdom la rdum pa dang // rkang pa snol phra zheng che zhing // dri dregs ma yin sha dregs chags// mig ni shel la 'bras bu ster// nyams bdun zhing bcu de dang

  573. 287a

    mnyam// lkugs pas byol song ji bzhin te// dkyil 'khor chen por btsugs nas bsgral// gong bzhin de ltar de bzhin bya'o// mchod pa chen pos rgyal ba mnyes// thun mong dngos grub ci 'dod bya// dngos grub yon tan 'di la blang // ta na ga Na mchod chen po// zhes kI la ya bcu gnyis kyi tan+ta las/ mchod pa'i sprin mngon par bya ba zhes bya ba'i le'u ste lnga pa'o// // de nas rjes 'jug gi don du dbang bskur ba dam pa zhes bya ba'i ting nge 'dzin la snyoms par zhugs nas 'khor rnams la bka' stsal pa/ rdo rje gzhon nu'i rig 'dzin rnams// srid pa'i rdo rje grub mdzod cig/ srid pa rdo rje phur pa'i lha// ye shes khro bo grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang gsum byin rlabs 'dir gsol cig/ don dam blo yi spyod yul min// brtag par dka' la dpag tu med// 'di ni rang byung bcom ldan 'das// phra mo bzhi yi sbyor ba las// yang dag dbyings nas rol pa las// thabs dang shes rab ldan pas na// stong pa las ni sku ru byung // 'gro ba'i don mdzad bdag po yis// dbang

  574. 287b

    bskur dngos grub ci 'dod 'byung // zhing sa 'dru rlog chu lud rkyen// de las 'bras bu 'byung ba bzhin// lo gsum snod bcud brtags pa la// yang dag dbyig gi gter brus nas// zhing rab gshin las sa bon gdab// nam mkha' sa gzhi pad+ma brgyad// nags tshal me tog gling chags pa// rin chen sna lnga'i lung pa dang // rin po che yi phung po dang // bkra shis pa yi gnas dag tu// sa rin btsal te blang byas la// maN+Dal 'dom gang gru bzhi la// gsang rdzas gsum gyi byin gyis brlab// thabs dang shes rab gnyis med las// byang chub sems kyi thig gdab pa'o// tshon rtsi ye shes lnga dag tu// byin gyis brlab la bri bar bya// zhi rgyas dbang dang mngon spyod dang // bzlog dang so sor bri ba ni// drag nag dbang dmar rgyas ser zhing // dkar po ser po bar khyams ser// sgo bzhi rigs dang gnag pa'o// le'u tshe dgu yi zlum po dkar// sgo rnams zur gtad gru bzhi ser// pad+ma zla gam dmar po dag/ gru gsum 'khor lo nag po la// 'bru tshig so sor dgod pa'o// slob dpon 'khor gnas phun sun tshogs// 'tsho ba zas dang rkyen bzlog sman// sgrub rdzas gsang ba'i dam rdzas so// snod du rung ba'i cho ga bya// dkyil 'khor dam par gzhug phyir du// phyi dbang dus su khrus byas la// de nas dkyil 'khor gzhug phyir du// 'phrin lan gnang

  575. 288a

    nas gzhug yon dbul// dar dkar yol bres phyi rol nas// bskyed rim rdzogs pa'i bla ma la// me tog dag ni 'phang bar bya// me tog gang la phog pa de// bskal pa'i mtha' dang ring ba'i dus// las dang skal bar 'joms pa'i lha// sngags dang phyag rgyas sems bskyed do// don dam kun rdzob de bzhin no// mig dbye a mr-i kha ru blud// rgyu 'bras mi bslu dam yang dgag/ bsnyen pa'i gnang ba'i dbang thob nas// mngon shes yi ge 'bru brgyad la// rin chen bstan pa'i gzhung bzhin du// bsgom bsgrub gsal ba ci nus bya// ha cang sgra cher ma yin chung bar gyis// gug skyed klad gor tsheg par ma nyams pa// sgra bzhin ma yin ha cang g.yeng ba yin// rnam gsum gcig tu yid la drag gsal ba// bsgom bsgrub gsal ba ci nus bya// ye shes sems dpa'i thugs ka nas// byang chub sems kyi sems dpa' yang // sku gsung thugs kyi gnas gsum nas// dbang bskur gsang lam yab yum gnyis// thabs dang shes rab gnyis su med// gsang lam kha nas sras mchog bton// gzhal yas khang la lan gsum du// bskor ba byas nas lan gsum du// pad+ma dbang sgo sgor zhugs nas// dbang dang dngos grub blang bar bya// dkyil 'khor lha rnams lus la gzhug/ sku gsung thugs kyi dbang thob 'gyur// ka pA la yi dbang

  576. 288b

    bskur bas// dur khrod he ru ka yi dbang thob 'gyur// mAM sa rak+tas dbang bskur bas// dur khrod mkha' 'gro'i tshogs la dbang bskur thob// bdud rtsi chen pos dbang bskur bas// 'chi med srog sbugs dam yang brtan pa thob// byang chub sems kyi mar mes dbang bskur bas// snang ba ye shes rang shar dngos grub thob par 'gyur// rdo rje dril bus dbang bskur bas// thabs dang shes rab gnyis med dbang thob 'gyur// dngos grub rten ni lnga dag ste// bdud rtsi sku gsung thugs kyi dngos grub rten// shar du rdo rje tshe yi dngos grub brtan// zla phrom zla rgyas go ro tsa na'o// lho ru rin chen 'bar ba'i dngos grub rten// mAM sa me sa zla rgyas mur gong ba su ta// nub tu zla gam dbang gi dngos grub brten// rak+ta rug ti ba su ta// byang du phrin las gru gsum dngos grub rten// 'bru bcud bdud rtsi zla phrom rnams// rigs dang sbyar te phyogs phyogs dgod// zhi rgyas dbang dang mngon spyod kyi// phur pa bzhi yang gdags par bya// rdo rje gzhon nu'i rig 'dzin rnams// dbang dang dngos grub blang bar bya// shes rab ma yi mtshan brtag pa// sgra ni ser la li ba dang // mig la sgrig chags pa dang // rkang pa rgyu ma phra ba dang // lus la dri zhim nad med dang // nu ma chung zhing sked skabs dod// skad kyang ngang pa gzhon pa 'dra// rdo rje lha mor byin brlab

  577. 289a

    nas// e sti nyi ma pad+ma brgyad// zla ba rdo rje rtse lnga la// s+t+waM dang ho yis bskul ba ni// de nas gnyis med sbyar ba bya// pad+mo la ni rdo rje gzhug/ byang chub sems ni pad+mor 'khyil// bde ba gsal zhing mi dmigs pa// byang chub sems chu ra ba phab nas// gsang ba'i pho brang dbus su ni// bde bar gshegs pa'i sku rnams bskyed// sgro bsdus byang sems 'od du zhu// dkar 'tsher byang chub sems su zhu// byang chub sems ni spyan drangs nas// byang chub sems dbang nod pa la// ya rkan ma rkan zla dkyil 'khor// lce dbus pad+ma 'dab brgyad de// dbang bskur dngos grub bstim par bya// dus 'di phan chad rgyal ba'i sras// ngan song gsum du lhung mi srid// lha dang mi yi dbang rgyal bskyed// bskyed rim la ni sems zhugs nas// nus pa'i dbang thob sems zin nas// thar pa'i lam nas zlog mi srid// zab mo'i dbang yang thob gyur nas// rdo rje sems dpa' mtshan yongs su rdzogs pa'i sa non pa'o// zhes kI la ya bcu gnyis kyi tan+t+ra las/ dbang bskur dam pa'i le'u ste drug pa'o// // de nas snang srid lha'i dkyil 'khor la thugs ye shes gcig la ye shes kyi bye brag mtshan nyid rnam par dbye ba zhes bya ba'i ting nge 'dzin la snyoms par zhugs nas rjes 'jug gi don du 'di gsungs so// sems g.yeng sems 'dzin

  578. 289b

    snang ba bsgyur// gting mtha' med par gzhal yas khang // snang srid ye nas sku gsung thugs// 'jigs byed rdo rje ku mA ra// nga ni khams gsum 'khor ba'i yab// srid gsum sgrol mdzad rdo rje thugs// dkar dang dmar dang dud kha'i zhal// dpa' bo sgeg pa 'jigs su rung // rgod dang gshe dang 'jigs par ston// snying rje rngam dang zhi ba la sogs pa// bdud bzhi gdan du bting pas dpa' dpa' 'dra// dur khrod chas brgyad ldan pas sgeg sgeg 'dra// sku che yan lag rags pas 'jigs 'jigs 'dra// zhal g.yas dkar la gzhad pas dgod dgod 'dra// zhal g.yod dmar la gdangs pas gshe gshe 'dra// zhal dbus mthing la gnag pas khro khro 'dra// zhal nas gdub rtsub 'byin pas rngam rngam 'dra// rgyud drug thugs rjes zin pas snying rje 'dra// chos sku mtshan ma med pas zhi zhi 'dra// de 'dra'i khro bo 'jigs pa'i tshul bstan pa// rtags dang mtshan ma bstan pa'i phyir// rdo rje rtse dgus sa dgu'i rtog pa 'joms// rdo rje rtse lngas dug lnga rab tu sgrol// me dpung 'bar bas khams gsum nyon mongs sreg/ kha T+wAM rtse gsum dug gsum rtsad nas gcod// ri rab phur pas khams gsum dbang du sdud// 'khor lo rgyas 'debs chos kyi dbyings// g.yas pa thabs kyi gtso la 'khyud// g.yon pa dung dmar gtso la stob// gtso la 'khril ba'i tshul du

  579. 290a

    gnas// bskal pa'i me ltar 'bar ba'i klong dkyil nas// gdug pa 'dul mdzad khro bo bcu// hUM kA ra dang rnam par rgyal// dbyug pa sngon po gshin rje'i gshed// mi g.yo mgon po rta mgrin rgyal// gzhan gyis mi thub bdud rtsi 'khyil// khams gsum rnam rgyal stobs po che// zhal gsum phyag drug zhabs bzhi brkyang bskum bgrad// g.yas dkar g.yon dmar dbus sngo zhal// g.yas sngo g.yon ljang dbus dkar zhal// g.yas dkar g.yon dmar dbus sngo zhal// g.yas sngo g.yon ldangs dbus mthing zhal// g.yas sngo g.yon smug dbus ljang gnag/ g.yas dkar g.yon sngo dbus dmar zhal// g.yas ser g.yon dmar dbus ljang zhal// g.yas ser g.yon dud dbus ljang zhal// g.yas dkar g.yon dmar dbus ljang ser// g.yas dkar g.yon dmar dbus dud zhal// 'khor lo mda' gzhu tri shUl lcags kyu dang // me dpal dbyug to dgra sta be con dang // gshol mda' ral gri sbrul zhags lcag sgrog dang // ba dan rnga yab rgya gram dbyug to dang // tri shUl mda' gzhu tho ba sog mdung rnams// dang po gnyis b+han+na tha ma gnyis phur bu bsnams// don rtags gsum dang lnga dang brgyad// gsum dang gnyis dang don rtags gcig/ dur khrod chen po'i chas kyis brgyan// kun tu bzang po chos kyi dbyings// g.yas pa thabs kyis

  580. 290b

    gtso la 'khyud// g.yon pa dung dmar gtso la stob// gtso la 'khril bar bzhugs pa'o// phra men nyi shu phyag mtshan ni// gtso bo rnams kyi bar ma'o// zhal ni g.yas g.yon rigs dang sbyar// lcags kyu zhags pa lcags sgrog dril// sku mdog rigs dang sbyar ba'o// yang sbrul phyag mtshan sgo bzhi yis// 'dod pa'i bya ba don sgrub pa'o// sum sbrul stod cing za ba'o// za byed shas cher za ba'o// gsod byed shas cher gsod pa'o// dug gsum bsgral ba'i khog pa la// sgrub pa'i rgyal po'i gzhal yas khang // gzhal yas khang gi phyogs bcu nas// mnyam nyid phyogs nyid rtogs gyur na// bskul bsigs thams cad phyag rgya yin// thugs dam phrin las mtshon pa'i phyag rgya'o// lag pa thal sbyar gyen du bsgreng // rkang pa bgrad nas brkyang bskum du// gom pa'i stabs kyis gar byed cing // gsang sngags las sngags lan gsum du// drag tu bzla zhing sdang mig blta// phan tshun yas mar sdang mig gis// re re la yang gsum gsum du// rkan sgra ljags 'dril lan gsum gyis// dngos grub thob dang zil gyis gnon// rU tra bsgral ba'i khog pa la// bsgrub pa'i rgyal po'i gzhal yas khang // gzhal yas khang gi pho brang phyogs bcu ru// de ltar de bzhin gsang sngags so// bya ba des kyang 'grub pa'o// ting 'dzin zhan na gzhung du bya'o// zhes kI la

  581. 291a

    ya bcu gnyis kyi tan tra las/ mtshan nyid rnam par dbye ba'i le'u ste bdun pa'o// // de nas bcom ldan 'das rdo rje gzhon nu dpal khrag 'thung rngams pa chen pos gdug pa can bsgral ba'i phyir/ bsad pa las kyi dkyil 'khor gyi ting nge 'dzin la snyoms par zhugs te phrin las phun sum tshogs pa 'di gsungs so// khro bo rol pa'i cha byad dang // lung pa gru gsum zla gam dbyibs// nags ri tsher ma can gyi shing // dur khrod chen po'i gling yod par// sgrub pa'i dkyil 'khor bri bar bya// khro bo'i dkyil 'khor bsgom la ni// phur pa byin gyis brlab par bya// nang gi byang sems gzhal yas khang // gzhal yas khang ni gsum brtsegs la// steng 'og sked pa'i gnas nas su// bzhi bcu rtsa drug gsal bsgoms la// bskyed la bde gshegs gzhugs par bya// kI la ya ni nyi shu gcig/ grangs 'dzin nyi shu gcig gis ni// phur pa bskyed cing gzi byin bskyed// nyi shu gcig gis 'od zer 'phro// mgar gyi tshwa tshwa rno myur chas// yungs kar rgyal pos brdeg par bya// gu gul tshil chen bdug phyug la// rak+tas byug la e yis gdab// brgya mtshams bstod mtshams mchod pa 'bul// bstod dang bstim dang phan gnod smon lam gdab// byang shar mtshams kyi dkyil 'khor la// gru gsum mthur du brus

  582. 291b

    pa yi// brnag pa de kho na gzhug par bya// brgya brgyad gzugs ni de yi nang // mgo ni lho nub mthur du bstan// dpral snying rus dang ming gzhug la// snying ga'i nr-i ste dza bzhag la// 'od zer lcags kyus drangs nas ni// brnag pa'i gzugs la bstim par bya// dbab pa'i sngags kyis bstim byas la// phyag rgya bzhi yi rang bzhin gyis/ dgug cing gdab brdeg yang nas yang // phrin las drug dang sngags drug dang // bdag nyid las kyi lhar zhugs nas// lus ni sum brgyud 'bru dgu las// phur pa'i khro bo sku phyung nas// bde gshegs 'jigs tshogs yan chad du// gser gyi bar thag gzings pa yis// rdo rje phur pa'i lhar thim bya// 'bum phrag gcig gam sa ya 'am// bye ba bzlas te dbang bskur nas// ting 'dzin bsnyen pa rdzogs byas te// gyur shog dngos grub thob par 'gyur// drag po'i phrin las 'jug pa yis// 'bru dgu'i phur pa skur phyung la// phyogs bcu dag tu khyab pa'i sku// khro sku lcags phur zur gsum po// mgar gyi tshwa tshwa rno myur chas// nyi zer ser ba babs pa bzhin// gnag pa'i steng du babs par bsam// phyag rgya bzhi yis bkug bstim bya// gsang sngags drag sngags yang nas yang // dam tshig chen po'i dus la bab// mgyogs byed ye shes pho nya yis// de ltar de bzhin dgug bstim bya// sprul pa

  583. 292a

    chen po'i dus la bab// thugs rje sprul pa'i pho nya'o// phyag brnyan chen po'i dus la bab// za byed gsod byed pho nya'o// shwa na mu kha'i dus la bab// shra na bzhi yi pho nya'o// bdag nyid chen po'i dus la bab// re ti mched bzhi'i pho nya'o// sa bdag chen mo'i dus la bab// tsha ba'i ma mo bzhi yi pho nya'o// yang nas yang du dgug bstim bya// so so'i drag sngags bstim par bya// khrag zor dug zor nyung zor brdeg/ dug gi gtor ma za ru gzhug/ phra men rnams dang mgyogs ma rnams// blo snying za zhing dbang po 'thog/ bstod cing dbab pa'i ting 'dzin bsar// dngos grub bar du gcod pa'i bgegs// gdug cing ldang sems byed pa rnams// zung zhig rgyob cig rnam par chings// gtogs shig grogs dang bral bar gyis// rengs par khug la smrar chug cig/ phob cig rnam par gzir bar gyis// nga yi dbang du gyur nas ni// bsgo ba'i bka' rnams nyan par gyis// mthu dbrog gu gul grogs dang bral// mngag gzhug bsnyen phur dbab pa dang // dbang du bsdu ba sngon dmar bcings// sdig phur kha tham tho bas brdung // zil gnon d+ha mda' dug kyang du lug mig smra// rtags phyin drag po'i dam rdzas bsgo ba'i bka' nyan byed// gab sras glang gi rus sbal yan lag

  584. 292b

    'dra// gdab pa'i rin chen dag la bri// rtags phyin drag po'i phur pa yis// tshe yi dwangs ma'i rten phral nas// gti mug rtsad nas gcod pa'i mthu// mthu dbrog phur pa sras mchog gis// khrag gi dwangs ma gnad sleb nas// 'dod chags rtsad nas gcod pa'i mthu// mngags pa'i sras mchog phur pa yis// dbugs kyi drangs ma'i rta phral nas// phrag dog rtsad nas gcod pa'i mthu// bsdig pa'i phur pa sras mchog gis// 'od dang mdangs kyang sems kyi gnas skabs nas// nga rgyal rtsad nas gcod pa'i mthu// zil gnon sras mchog phur pa yis// rtsa dang kun gzhi'i rten phral nas// zhe sdang rtsad nas gcod pa'i mthu// dbang gi sras mchog phur pa yis// rgyu bzhi gnad nas bsreg pa'i mthu// bsnyen pa'i sras mchog phur pa yis// 'byung ba kun gyi rten 'brel bsreg pa'i mthu// a shog pa yi rgya de ba brtsegs 'dra la// gnad bdun gcig tu dril ba las// so mal lcags mda' sra rno yis// skad cig ma yis drangs yod kyis// dus gcig thog rdzas glang phag rlang phab gnad sleb pas// kun gyi dran bral tshe lung rnam pa gnyis// brnag pa'i tshe lung 'og min gnas gsum mo// bran dang pho nya bka' nyan tshogs// khyed kyi thugs dam dus la bab/ sngon chad ji bzhin dam bcas pa// mngon spyod phrin las myur du

  585. 293a

    mdzod// rdo rje gsang ba'i bka' las ni// sdig can gang zhig 'da' byed pa// stobs chen khro bo'i byin rlab kyis// yud tsam gyis ni 'dir bkug nas// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// gdug cing sdang sems ldan pa rnams// lha'am 'on te bdud kyang rung // nga la bar chad byed pa rnams// mthu dang rdzu 'phrul med par gyis// khro mo 'bar ba'i gtun khung du// rdo rje zo bas brdung byas na// lha yang rung ste bsgral bar bya'o// zhes kI la ya bcu gnyis kyi tan tra las/ gsad pa las kyi dkyil 'khor gyi le'u ste brgyad pa'o// // de nas bcom ldan 'das bdud bdag chen pos sgrol ba/ zhes bya ba'i ting nge 'dzin la snyoms par zhugs nas sngags kyi sbyor ba'i las 'di gsungs so// rjes 'jug rgyud 'di nan tan du// sa gzhi legs par brtag byas la// 'bar ba'i ting 'dzin bsar la bsgom// bdag nyid ting 'dzin dam tshig sdom pa chags// dngos grub par chod dgra bgegs rnams// snying rjes bsgral ba'i dam tshig ni// gsad cing mnan pa ma yin te// phra mo'i sbyor ba ting 'dzin bsgom// bdag dang khro bo phur pa rdzas// sku gsung thugs kyi gnas rnams su// skye med mtshon pa'i ting 'dzin bsgom// rnam gsum dag

  586. 293b

    la skye med mtshon// de gsum skye med mtshon 'phros pas// srid pa gsum du gsal 'tsher nas// nyes byas gsum po bsreg pa ni// 'di ni byang chub sems kyi brus// phrin las gsang sngags sgrol ba'i khrus// e ka ra dang mthar gnas so// e ka ra yi e ka ra// e ka ra yis dbus ma gnas// e ka ra yi mthar gnas so// e ka'i don tshigs e ka'i gsang sngags kyis// chos nyid bden pa'i gsang sngags sgrol ba'i mthus// sku yi byang chub sems kyis lus ni rnam dag khrus// e ka ra yi don tshig tsa yi gsang sngags kyis// lus ngag yid gsum byang chub sems kyis khrus// e ka ra yi don tshig ra yi gsang sngags kyis// thugs kyi byang chub sems ni yid ni rnam dag khrus// e ka ra yi don tshig pany+tsa'i gsang sngags kyis// bcom ldan 'das bka' dri ma dag pa'i khrus// e ka ra yi don tshig tri yi gsang sngags kyis// gsung gi byang chub sems ni ngag gi rnam dag khrus// e ka ra yi don tshig tsha yi gsang sngags kyis// bag chags thabs ni byang chub sems kyi khrus// e ka ra yi don tshig ta yi gsang sngags kyis// shes rab dmigs med byang chub sems kyi khrus// e ka ra yi don tshig de wa'i gsang sngags kyis// phur pa byang chub sems kyi gnad bdun dri ma'i khrus// e ka ra yi don tshig rtsa brgya'i gsang

  587. 294a

    sngags kyis// thugs kyi phrin las byang sems rnam gsum khrus// e ka ra yi don tshig sprin dza'i gsang sngags kyis// tshad med sgo ma gsang yum byang sems khrus// e ka ra yi sprin don tshig e ka'i gsang sngags kyis// rdo rje phur pa dgra yi bag chags byang sems khrus// e ka ra yi sprin rin don tshig gsang sngags kyis// dgra bgegs mnan gzir thams cad byang chub sems kyi khrus// e ka ra yi sprin tri'i don tshig gis// rdo rje phur pa thugs kyi byang sems kyis// srid gsum bsgral ba'i drag tu byang sems khrus// e ka ra yi sprin tsa ra yi don tshig gis// rdo rje gzhon nu thugs kyi phrin las kyis// chags pa dbang du bsdus nas sgrol ba'i byang sems khrus// e ka sprin gyi pany+tsa'i don tshig gsang sngags kyis// thugs kyi thugs ni phrin las chags pa yis// chos rnams thams cad skye ba med pa'i khrus// e ka ra yi don tshig e ka ra yi gsang sngags kyis// chos nyid bden pa'i gsang sngags byin rlab mthus// brnag pa'i ri bo ye shes lnga yi mnan// tsa ra'i don tshig gsang sngags kyis// rtsa brgyad phur pas brnag pa mnan// nga yi don tshig gsang sngags kyis// ri bo'i 'og tu thugs ni byang chub sems kyis mnan// pany+tsa'i don tshig gsang sngags kyis// bdud bdag bcom ldan 'jigs byed

  588. 294b

    kyis// bran dang lha 'dre gdug pa bka' bsgo nyan// tri yi don tshig gsang sngags kyis// gdug pa can la gtad mnan pa'o// sad dang tsa yi don tshig gnyis kyi gsang sngags kyis// gnag pa thabs dang shes rab gnyis med mnan// tsar+ya'i don tshig gsang sngags kyis// rdo rje khro bo'i phur pa yis// phrin las chags pas dbang du bskul nas btab// bskal par mi 'byung mnan pa'i gsang sngags so// de ba'i don tshig gsang sngags kyis// mnan phur gso zhing gzi byin bskyed// e ka'i sprin gyi don tshig gsang sngags kyis// gzung zhing bsdam brdeg mnan pa'i gsang sngags kyi mthu'o// sprin ra'i don tshig gi gsang sngags kyis// khro bo phur pas thugs dbang drag tu bsgral zhing mnan// sprin tri'i don tshig gsang sngags kyis// dkyil 'khor rnam gsum thugs ni yang dag gis// phrin las chags pas dbang bsdus drag bskul mnan// sprin dag pany+tsa don tshig gsang sngags kyis// thugs kyi phrin las chags pas dbang sdud skye ba med par mnan// e ka'i don tshig gsang sngags kyis// yid dang zhe sdang ma rig gnas su bsgral ba'i mthu// tsa ra'i don tshig gsang sngags kyis// gnag pa'i tshe rten 'khor ba rtsad gcod mthu// ra yi don tshig gsang sngags kyis// nyon mongs yid kyi bag chags 'dod chags rtsad nas

  589. 295a

    gcad// tri yi don tshig gsang sngags kyis// bag chags so bzhi gti mug rtsad nas gcad// pany+tsa'i don tshig gsang sngags kyis// bcom ldan bdud bdag sku ni myur bskul mthu// tsha yi don tshig gsang sngags kyis// dpal chen rdo rje khro bo thabs dang shes rab dang / hUM gis phrin las dbang sdud tshe rten rnam shes bsreg/ sa ta'i sap+ta yang don tshig gsang sngags kyis// sku stod sku smad khro bo lcags phur la// rno myur chas pa'i bar snang ser babs bzhin// rtsa brgya'i don tshig gsang sngags kyis// gsang ba yum bzhi bzung zhing bsdam rten mthu// de ba'i don tshig gsang sngags kyis// brnag pa mnan cing rab gzir te// rdo rje phur pas dbang sdud bskul sgrol mthu// sprin dza'i don tshig gsang sngags kyis// rdo rje khro bo phrin las kyi// chags pas dbang du bsdus nas drag tu bsgral// sprin dza'i e ka'i don tshig gsang sngags kyis// chos rnams thams cad skye med dang du sgrol ba'i mthu// dkyus tshig don tshig 'phel 'grib ni// re re la yang gdam par bya// e ka'i dam tshig gsang sngags kyis// chos nyid bden pa'i byin brlabs mthus// yan lag bcings pa'i gnad brdeg gzer// ra yi don tshig gsang sngags kyis// sems dran myos byed gnad bsdig zor// pany+tsa'i don tshig gsang sngags

  590. 295b

    kyis// bcom ldan bdud bdag gang gdon bka' bsgo gnad brdeg go/ tri ya'i don tshig gsang sngags kyis// dbang po rnam shes bsdam brdeg zor gyi mthu// tsha yi don tshig gsang sngags kyis// thabs dang shes rab rab tu lus bshig gnad brdeg zor// tsa ra'i don tshig gsang sngags kyis// gnag pa'i snying khrag gtso bo'i gnad brdeg zor// pa ra'i don tshig gsang sngags kyis// dpal chen rdo rje khro bopo'i thugs kyi phrin las kyi// chags pas dbang sdud bskul bsgral tshe rten gnad brdeg zor// de wa'i don tshig gsang sngags kyis// gzung zhing bsdam brdeg gnad brdeg gzor// rtsa brgya'i don tshig gsang sngags kyis// bcu gcig mda' phur gnad bdun rtsa brgyad zor// sprin dza don tshig gsang sngags kyis// gnag pa mnan brdeg gnang brdeg zor// rdo rje phur pas khrag rbal ni khrag zor// sprin dza e yi don tshig gsang sngags kyis// rdo rje khro bo thugs kyi phrin las kyis// bag chags phung po skye med ngang du bsgral ba'i phyir// e ka e ka'i don tshig gsang sngags kyis// chos nyid bden pa'i byin rlabs mthu// brnag pa'i lus dang gti mug bsres// rnal 'byor sku yi dngos grub thob pa'i mthus// ra yi don tshig gsang sngags kyis// brnag pa'i yid dang tsha grang bsreg/ rnal 'byor thugs kyi dngos

  591. 296a

    grub thob// pany+tsa'i don tshig gsang sngags kyis// bden pa'i byin rlab sangs rgyas mthu yis ni// bka' bsgo myur du bsreg cing gnag pa'i ni rbal bsreg pa'i mthu// ra tsa'i don tshig gsang sngags kyis// rnam shes bcu dang tshe yi rten bsreg mthu// dri yi don tshig gsang sngags kyi/ gnag pa'i ngag dang bkres skom bsreg/ rnal 'byor gsung gi dngos grub thob pa'i mthu// tsha yi don tshig gsang sngags kyis// khro mo 'bar ba'i gtun khung du// rdo rje ye shes me 'bar bas// rdo rje me dpal snying bsreg mthu// pa ra'i don tshig gsang sngags kyis// dpal chen khro bo thugs kyi phrin las kyis// chags pa mi gtong dbang sdud rtag tu bsreg/ de wa'i don tshig gsang sngags kyis// gzung zhing bsdam btag rdo rje'i me dpal snying bsreg mthu// rtsa brgya'i don tshig gsang sngags kyis// rdo rje phur pa'i me bskal zhig/ me dpung dug sdong bsreg pa'i mthu// sprin dza'i don tshig gsang sngags kyis// gnag pa mnan gzir rdo rje ye shes me yis bsreg/ sprin dza'i e ka'i don tshig gsang sngags kyis// rdo rje phur pa'i me dpal snying khrag bsreg/ sprin dza ra yi don tshig gsang sngags kyis// thugs kyi phrin las chags pa'i dbang sdud bsreg/ sprin dza tri yi don tshig gsang sngags kyis// mi rtog ye shes me yis rtog pa'i dug

  592. 296b

    sdong bsreg/ e ka ra la 'bru tshig gnyis gnyis so// dri la don tshig gnyis dang 'bru tshig lnga// tsa ri la 'bru tshig lnga dang don tshig gnyis// pany+tsa'i 'bru tshig bzhi dang don tshig gcig/ tsha yi ba ra don tshig gnyis dang 'bru tshig gnyis gnyis so// rtsa brgyad 'bru tshig bcu gsum don tshig dgu// di bal don tshig gsum dang 'bru tshig dgu// sprin dza la ni 'bru tshig bzhi// sprin dza e ka la don tshig gnyis dang 'bru tshig drug/ sprin ra don tshig gnyis dang 'bru tshig lnga// sprin tri don tshig gnyis dang 'bru tshig drug/ mthar gnas sprin dza tsa ra'i don tshig lnga dang 'bru tshig bcu gsum mo// rdo rje thugs kyi phrin las gsang sngags kyis// khyab pa'i drag sngags sbyor ba la// btsan dug sbyor ba me dang 'dra// gnag pa'i sbyor ba dug sdong tshe rten bsreg/ gdams pa rin chen dag la bris// e ka'i dbus ma ni dkyus ni skor tshoms la// e ka'i dkyus tshig gsang sngags ni// khyab pa'i sbyor ba chen po'i don// pha rol phyin pa grol ba'o// ra yi dkyus tshig gsang sngags kyis// chos nyid bden pa'i byin rlabs mthu// zhe sdang sgo la tshe la gnad gcod mthu// tri yi dkyus tshig gsang sngags kyis// phrag dog sgo la tshe gnad 'brel// tsa ra'i dkyus tshig gsang sngags kyis// nga rgyal che la tshe gnad 'brel// tshe yis dkyus tshig gsang sngags

  593. 297a

    kyis// gti mug sgo dag tshe gnad 'brel// pany+tsa'i dkyus tshig gsang sngags kyis// gti mug sgo dag tshe gnad 'brel// pany+tsa'i dkyus tshig gsang sngags kyis// 'dod chags sgo dag tshe yi gnad gcod 'brel// skor tshoms dkyus tshig rtsa brgyad la// don gyi dkyus tshig e ka'i sa// e ka'i gsang sngags skor tshoms gsang sngags kyis// sbyor ba e kar sbyar byas nas// grogs bral khrag dang me dpal khrag dkrug gnad// chos nyid bden pa'i byin rlabs mthu// 'dod pa'i bya ba don 'grub pa'o// ra yi dkyus tshig gsang sngags kyis// dbab pa'i snying gzer dbyug gdangs me dpal snying gzer gnad// 'dod pa'i bya ba don 'grub bo// tri yi dkyus tshig gsang sngags kyis// tsa dang yan lag me dpal bcing ba'i gnad// skor tshoms e ka'i dkyus tshig gsang sngags kyis// gzir gnon sems dang me dpal snying khrag skyo ba'i gnad// tsi ri'i dkyus tshig gsang sngags kyis// smyo dang me dpal rnam shes sdoms pa'i gnad// tsha ba'i dkyus tshig gsang sngags kyis// stobs byed tshe brten me dpal srog rtsa gcod pa'i gnad// yang snying bdun gyi don bzhi re re drug/ thun 'phang me dpal gnad bdun dgug bstim la// dgug thul bsdams gzer smyos brgyal sha rus rul// gnag pa me dpal

  594. 297b

    'byung lnga rim bzhin bgegs pa'i mthu// e ka'i mthar gnas e ka'i dkyus tshig gsang sngags kyis// tshor byed rnam shes rten la dbab// yum bzhi 'dzin byed gsang sngags kyis// sbyor ba bco lnga gnad re'o// ra yi dkyus tshig gsang sngags kyis// mthong shes rnam shes rten la dbab// tri yi dkyus tshig gsang sngags kyis// thos byed rnam shes rten la dbab// tsa ra'i dkyus tshig gsang sngags kyis// rten byed rnam shes rten la gdab// pany+tsa'i dkyus tshig gsang sngags kyis// myong byed rnam shes rten la dbab// tsha yi dkyus tshig gsang sngags kyis// 'khor rgyu rnam shes rten la gdab// pa ta'i dkyus tshig gsang sngags dang // sprin dza'i gsang sngags par gyis ni// bran dang pho nya sbyor ba'o// mthar gnas dbus ma na yi gsang sngags kyis// mthu dbrog zil gyis gnon par byed// mthar gnas dkyus ni skor gsum gyis// rdo rje me dpal gzir gnon sgrol mchod dang // skur ston byang sems rin chen rnam gsum don// bco brgyad nyi shu gcig dang gnad bdun pa// mnan pa'i rgyu dang sku mchog phan gnod smon lam mo// zhes kI la ya bcu gnyis kyi tan tra las/ sngags kyi sbyor ba'i le'u ste dgu pa'o// // de nas yang bcom ldan 'das badz+ra kI la yas rjes 'jug gi don du tshig dang yi ge sgra'i ting nge 'dzin la snyoms

  595. 298a

    par bzhugs te// ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha b+ha ma/ ya ra la wa/ sha Sha sa ha/ k+Sha/ a A/ i I/ u u/ re re/ le lI/ e e/ o o/ aM a/ 'khum par byed dang sdud pa dang / khong du 'gro dang sbyor ba'o// lhag ma gnyis dang rwa bo gnyis// zla tshes thig le ngag yid dang // ring dang thung dang drag gzhan dang // rtse mo sked pa rtsa ba dang / sgra yig sgra yig bod cing drang bar bya'o// yi med dra po skabs dang sbyar// sgra yi sa bon sgra yi bod/ don ni sgra las byung ba ste// sgra don phyi mo de las drangs// zla tshes thig le gdags yig dang // zhes kI la ya bcu gnyis kyi tan tra las/ tshig dang yi ge sngags kyi sgra'i le'u ste bcu pa'o// // de nas yang bcom ldan 'das chos nyid kyi bden pa'i byin rlabs kyis ting nge 'dzin la snyoms par zhugs te/ sangs rgyas kyi phrin las rdzogs par mdzad pas/ thabs kyi spyod pas 'gro ba'i don 'di gsungs so// snang ba thams cad yul yin te// yul gyi rnam pa sems yin pas// sems las ma gtogs gang yang med// sems ni yang gsang thugs kyi dkyil 'khor yin// rnam rtog skye ba'i gzhi med par// rnam rtog nyid kyang yang gsang thugs// 'khor ba mya ngan 'das pa'i chos// thams cad kun gyi dngos gzhi ste// gnyis su 'byung

  596. 298b

    ba gang zhe na// rtogs dang ma rtogs byung bas na// sems can sangs rgyas gnyis med la// 'khor ba snga'am myang 'das snga// myang 'das snga na 'khor ba min// 'on te 'khor ba snga gyur na// rang rdol byung ngam tha dad byung // nyi ma grib so'i rang bzhin nam// mo gsham bu dang ri bong rwa// me dang du ba de bzhin pas// de ltar de bzhin rtsod gzhi rtogs// dka' spyad theg chen rigs can gyis// rgyu dang goms dang 'bras bu 'byung // ci phyir 'khor ba yul la shor// sangs rgyas sems can de bzhin pas// nyi ma'i ngo la mun pa'i gzhi med ltar// 'khor 'das byang chub sems kyi rang bzhin no// 'khor 'das byang sems rang byung gzhan la med// rin chen gling du phyin pas gzhan la btsal mi dgos// rig pa khong nas shar bas sangs rgyas da lta nyid// sems rtogs ye bsgom bsgom med yengs su med// yengs su med pas 'breng zag skyon// bsgom med yengs dang ma yengs med nyid na// da lta nyid na thams cad mkhyen pa'i rigs// nus pa thob pas bsgom dang mi bsgom gnyis// de ltar de gzhin gdams pa rin chen dag la bri// nang rtogs na nang sangs rgyas nub rtogs na nub sangs rgyas// sangs rgyas gzhan nas btsal mi dgos// bsgom med dgos 'dod rnam rtog spang du med// bden pa'i byin rlabs mthu ste

  597. 299a

    gzhan nas 'byung ba med// bden pa'i byin rlabs yang dag bstan bsrung mthu// thabs kyi phrin las 'gro don rdzogs mdzad mthu// sangs rgyas dngos grub par chod bsgral bar bya'o// sdug dang stag phrug gnyis char rtsal ma shor// dgug gdab mnan 'phang bsreg pa'i mthu// dkyil 'khor gru gsum zla gam 'khor lo dang // gru chad zla gam par khyams sgo khyud dang // thod pa'i thun dang rtsa ba'i lha sngags bran dang pho nya'i sngags// khrag zor yungs zor dug zor dang // gtor zor rting la phur zor dang // thun zor mthu dbrog zil gnan dang // khams gsum bsgral ba'i mchod pa bya'o// mda' gzhu thal chen khrag chen byug/ thod khrag thun ni phyar bar bya// dam tshig brgyad kyi dus la bab// las kyi mnar ba'i byur ngan las zad 'di// drag po'i phrin las shugs kyis mi bsgral du// bstan pa 'jigs pa'i chos 'khor rlog/ drag por gyur pa'i khrag zor 'di// snying khrag spyos shig gu lu na// rnam shes sdoms shig sha na ram// srog rtsa chod cig pu tri ram// phog par rgyob cig snying gi dkyil// gnad du rgyob cing srog pa rtsa// gnag pa'i khong du khrag thun khrag zor spros// mthing nag gru gsum 'bar ba'i dkyil 'khor nas/ bdud bdag 'jigs byed chen po dang // yum chen 'khor lo rgyas 'debs

  598. 299b

    la// gnyis su med pa'i byin rlabs las// gdug pa 'dul mdzad khro bo khro mo byung // khro bo khro mo'i byin rlab las// sprul pa'i mgo brnyan rnams byung ba// da ni zor gyi las mdzod cig/ phyogs bcu'i zor la mnga' mdzad pas// phyogs bcu'i khro bo'i phyag brnyan te// bud med 'di ltar ya mtshan can// bud med lus la khra thabs mgo/ khra thabs mgo can byang sems phyag rgya mo// phra men mgo can ma ni byang sems phra men ma// g.yas pa rang rtags zhing mchog gzhu// g.yon pa ltas ngan mde'u phur// g.yon bdungs g.yas drangs thugs kar bkang // gnag pa'i gnad la thun zor ya// de ltar de rjes de bzhin no// bden pa'i byin rlabs zor gyi mthu// gu lus khrag skyug rgyu gzer mthu// shwa ram gyis ni smyo 'bog skyugs pa'i mthu// pu tri ram gyis srog dang bral ba'i mthu// 'ba' lis snying ni zhags par byed pa'i mthu// ki lis gnad 'dus tshe brten bdun rgyud gcad pa'i mthu// mthu dbrog zil gnon rig pa'i rgyud gcod mthu// khams gsum bsgral chod dkyus don bcu gcig mthu// stag dang stag phrug rtsal ma shor ba'i mthu// lta spyod brlang po spyad na tshogs su 'gyur// gsang ba'i dkyil 'khor rnam gsum dang // sku mchog rgyun gyi spyod pa rnam bzhi yis// shes pa'i rgyud dang gom pa'i lam// kha tshar kha nyid da

  599. 300a

    lha'i shes pa bzhin// 'chad dang nyan dang bsgom dang 'don// me yi gzhal yas khang na gnas kyang de ltar de bzhin no// shes pa'i bag chags goms pas gang ltar byas pa'i mthu// mda' mde'u gzhu dang skyes bu'i mthu// gang ltar byas pa'i 'dod pa de bzhin du// dbus ma'i drag po drug gi sbyor ba'i phrin las kyis// chos nyid bden pa'i byin rlabs mthu// gang la bya ba 'dod pa'i don grub pa'o// skor tshoms lnga lnga'i mtshan nyid gsang sngags dang // bran dang pho nya gang la dmigs pa'i sngags// bdun 'bum bsnyen pa thon nas 'dod pa'i bya ba 'grub// e ka dbus ma gnas pa'i gsang sngags drug/ e ka'i gsang sngags sbyor ba'i mthu// bde bar gshegs pa'i zor gyi mthu// skor tshoms lnga yis gsang sngags la// bran dang pho nya'i gsang sngags 'dus// e ka'i gsang sngags drag po'i bsdus la gdab// gnad sa re re phur pa bdun tsho la// phur pa re la gzir gnon re// 'dzin cing 'gugs pa'i sngags kyis gzir cing gdab// yum bzhi'i sngags dang phyag rgyas mnan// gnad rer de ltar bdun bdun gyis// 'dzin 'gugs gsang sngags dam pa ni// bde gshegs thugs kyi gsang sngags yang zhun mthu// bco brgyad gnad rer bdun gyis gnag pa tshe rten 'bral bar byed// e ka'i dbus ma ni e

  600. 300b

    ka'i gsang sngags ni// thugs kyi gsang sngags e ka'i gsang sngags dang // 'dzin cing 'gugs pa'i rdo rje yum bzhi'i sngags// sbyor ba bzhi yi gnag pa'i sngags// zhe sdang nyams dang snying yang 'gas nas 'chi// e ka dbu ma ra yi gsang sngags la// thogs ma thugs kyi 'dzin 'gugs rdo rje yum bzhi'i sngags// sbyor bzhis gnag pa phrag dog rkang bskum 'chi// e ka dbus ma tri yi gsang sngags la// thogs ma thugs kyi 'dzin 'gugs rdo rje yum bzhi'i sngags// sbyor bzhis gnag pa nga rgyal lag bskum 'chi// e ka'i dbus ma'i tsa ra'i gsang sngags la// thog ma thugs kyi gsang sngags 'dzin 'gug rdo rje yum bzhi'i sngags// sbyor bzhis gnag pa 'dod chags chu 'gag 'chi// e ka'i dbus ma pany+tsa gsang sngags la// e ka dbus ma na yi gsang sngags dang // thog ma thugs kyi 'dzin 'gugs rdo rje yum bzhi'i sngags// sbyor bzhis gti mug klad 'khor mgo 'gas 'chi// e ka'i mthar gnas e ka'i gsang sngags la// e ka'i e ka'i kar ma'i gsang sngags dang // thugs kyi 'dzin 'gugs rdo rje yum bzhi'i sngags// gnag pa'i dri 'gags tsha ba'i nad kyis 'chi// e ka'i mthar gnas ra yi gsang sngags la// e ka'i e ka'i kar ma'i gsang sngags dang // thugs kyi 'dzin 'gugs rdo rje yum bzhi'i sngags//

  601. 301a

    gnag pa'i gzugs 'gas mkhris nad nad kyis 'chi bar 'gyur// e ka'i mthar gnas tri yi gsang sngags la// e ka'i e ka'i kar ma'i gsang sngags dang // thog ma thugs kyi 'dzin 'gugs 'debs pa'i rdo rje yum bzhi'i sngags// dgra bgegs rna gzer nad kyi 'chi bar 'gyur// e ka'i mthar gnas tsa tra ra'i gsang sngags la// e ka'i e ka'i kar ma'i gsang sngags dang // thog ma thugs kyi 'dzin 'dugs 'debs pa rdo rje yum bzhi'i sngags// lus 'dzing lus 'jig rlung 'gag nad kyis 'chi bar gyur// e ka'i pany+tsa mthar gnas gsang sngags la// e ka'i e ka'i kar ma'i gsang sngags dang // thog ma thugs kyi gsang sngags 'dzin 'gugs yum bzhi'i sngags// sgro 'bog brgyal nad lkugs nas 'chi bar 'gyur// e ka'i mthar gnas tsha yi gsang sngags la// e ka'i e ka'i kar ma'i gsang sngags dang // thugs kyi 'dzin 'gugs 'debs pa'i rdo rje yum bzhi'i sngags// skye ba'i rgyun bcad chu 'gag nad kyis 'chi bar 'gyur// mthar gnas e ka'i gsang sngags la// e ka'i e ka'i gsang sngags dang // thugs kyi 'dzin 'gugs 'debs pa'i rdo rje phur pa yis// dbang po rten mgo klad pa 'gags nas 'chi// mthar gnas uSh+ma Na yi gsang sngags la// e ka'i e ka'i kar ma'i

  602. 301b

    gsang sngags dang // thugs kyi 'dzin 'gugs 'debs pa'i rdo rje yum bzhi'i sngags// che sri chung sri god sri dang // lha 'dre gdug pa can gyis rigs rgud rtsad bcad na// de yi mthu 'phrog zil gnon bslang mi srid// mthar gnas e mthar dbus ma nas// gsang sngags gsum la dkyil 'khor gsum// e ka'i e ka'i kar ma'i gsang sngags dang // thugs kyi 'dzin 'gugs 'debs pa'i rdo rje yum bzhi'i sngags// phur pa bcu gcig snying po bris sngags btab// thog dang ser ba chu chen zlog par 'gyur// rgyal po'i pho brang mkhar btab 'jig par 'gyur// gang la dmigs pa'i ri 'gyel brag grum 'gyur// chos nyid bden pa'i gsang sngags byin rlabs mthu// gang la gtab kyang thogs med thebs pa'i mthu// zhes kI la ya bcu gnyis kyi tan tra las/ chos nyid bden pa'i gsang sngags dang phrin las rdzogs pa'i le'u ste bcu gcig pa'o// // de nas yang bcom ldan 'das bdud bdag chen pos bdud rnam par bcom nas 'bras bu mthar thug pa'i ting nge 'dzin la snyoms par bzhugs nas// 'bras bu tan tra yongs su gtad pa la ched du bzung ba 'di gsungs te// rdzogs pa'i sangs rgyas kun gyi gsang // bde gshegs dngos gzhi ma gzigs so// rang bzhin sbas pa gab pa dang // rgyud lung

  603. 302a

    man ngag gsang phyir gcus// rin chen dag la bri bar bya// rtog ge pa yi spyod yul min// kun gyis dngos gzhi rtogs par shor// gzugs sogs 'byung ba bzhi po yang // nye bar len pa len byed lnga// 'phen par byed pa las yin pas// smin pa'i 'bras bu rgyu drug tu// rten cing 'brel ba'i 'khor lo bskor// de las bzlog thabs yang dag don// bskyed pa'i rim pa yang dag don// de ltar de bzhin dkyil 'khor lha// gnyis su 'byor pa gcig tu gsal// nus 'jugs skyes pa ltas thob pa// oM AHhUM gis gzungs la sogs// nyon mongs sgrib pa byi gzung yul las 'das// oM dang aM dang hUM gi ngo bo las// 'dzin pa shes bya'i sgrib pa don ma longs// chos rnams thams cad sems yin te// sems kyi rnam pa lha yi sku// bde gshegs gnyis su 'dzin pa'i rig pa gsal// de nyid sangs rgyas dgongs ma longs// phung po khams dang skye mched dang // bde gshegs dkyil 'khor klong du'o// lus ngag yid gsum phur pa'am// dkyil 'khor gsum gyi klong dkyil 'khor// snang la rang bzhin med pa'i 'ja' lta bu// kha mig rna ba yan lag gzung 'dzin gnyis// rang bzhin med par 'dzin pa yang gsang min// mar me'i 'od kyis mun pa gsal 'gyur te// phyogs gcig mun pa sel mi 'gyur// 'od chung mun pa

  604. 302b

    sel mi gyur// bcu drug 'od kyis mun pa sel// tha dad rin chen rnyed gyur tsam// dang po de ltar de bzhin no// rin chen rang la rtogs pa rnyed// mun pa'i smag ni mtsho nag bzhin// sprin gyis bsgribs pa'i nyi ma ltar// rin chen tha dad de bzhin no// sprin med nyi ma shar ba'i 'od// nyi zer dro gsal bde 'bras 'byung // rang la rin chen rnyed gyur te// sangs rgyas kun gyi ye shes sku// ngang nyid rdo rje chos dbyings las// gzugs sku rnam gnyis 'byung ba'o// dag dang ma dag 'gro don ni// skad cig ma ni phrin las bzhi// sku gnyis 'gro don byin rlab snang // 'gro ba rnams la bde 'bras snang // rgya mtsho'i kha dang rgya mtsho'i gting // rkyen gyis de ltar de bzhin du// tha dad pa dang tha dad min// rin chen rnyed pa de bzhin no// yang gsang thugs kyi dkyil 'khor ni// chos rnams thams cad sems yin no// sems nyid rnam par shes pa rdo rjer bsgom// chos can chos nyid gnyis su med// chos rnams thams cad 'khor ba la// 'khor ba nyid kyang sems yin pas// sems nyid rnam par shes pa rdo rjer bsgom// 'khor 'das kun rdzob sems nyid pas// don dam kun rdzob gnyis su med// sangs rgyas sems can de bzhin no// gsang ba cher gsang yang gsang thugs// gnyis la gdams ngag re re ni// 'od kyis mun pa sel mi

  605. 303a

    sel// tha dad pa dang za mi dad// rim bzhin rin chen gdams ngag 'byung // chos rnams thams cad skye med la// rtog pa'i dbang gis sdug bsngal smin// de dag 'grol bar bya ba'i phyir// 'og min gtso mo'i b+ha ga nas// drag po 'jigs byed bdud bdag bzhengs// mgon po bdag nyid chen po ngas// thams cad rgyud kyi rgyud brtag dka'// ljags kyi dbang po bkram nas ni// kun gyi don du gsungs pa yin// rjes 'jug rnams kyis brtan por zung // 'gro ba las ni dang po yis// rdo rje'i rgyud 'di bris gyur nas// klog dang kha ton byed pa rnams// sgra med gnas su mi skye bar// dkon mchog sgra sgrogs gnas su skye// skye ba ngan pa len pa bor// rim par 'grod nas byang chub thob// rdo rje rgyud 'di thos bsam na// rjes 'jug thogs med shes rab 'gyur// rdo rje rgyud 'di bshad gyur na// skye pab mang brgyud gnas lnga la// 'di yis 'bras bu 'phel bar 'gyur// rdo rje rgyud la bsgom gyur na// tshe 'di nyid la phyir mi ldog/ mngon shes drug ni 'char bar 'gyur// yid bzhin nor bu rin chen la// ci 'dod don ni 'byung bar 'gyur// kI la ya sprin dza tan+ta ka pa tsa// snga rabs da lta slad kyis 'byon// sangs rgyas 'di las byung ba yin// rgyud kun gyi ni gsang sngags sgron gsal 'di// rjes 'jug las ni

  606. 303b

    dang po yis// mthong zhing thos na rtogs par 'gyur// 'di la ma yengs dam tshig che// rdo rje thugs skyes las kyi rtogs gyur na// thugs kyi sku dang thugs kyi gsung // bde bar gshegs pas rab bsngags pas// yon tan thams cad 'di las 'byung // dngos por blta ba'i gsang sngags kyang // 'di nyid gzung zhing gsang spyad na// dam pa rnams kyi dam pa'i mchog/ dngos po sgyu ma na bun mthong // longs spyod rdzogs pa'i sku dang gsung thugs rdo rje la zhugs nas gnyis su med par ting nge 'dzin las bzhengs te/ sdud pa po thugs rdo rje la gnyis su med par zhugs te/ gcig par rang bzhin du mnyam zhing dbyer med par gyur de mi snang bar gyur to// de bzhin gshegs pa thams cad kyi sku gsung thugs kyi gsang ba kI la ya bcu gnyis kyi tan+t+ra las/ 'bras bu mthar thug par yongs su gtad pa'i le'u ste bcu gnyis pa'o// // ma ma srid pa'i rdzongs lung chen mo//