Text

ff. 1b–334a · 666 folio sides

  1. 1b

    sangs rgyas phal po che zhes bya ba/ / bam po nyi shu gnyis pa// / de nas lha'i bu dran pa/ dang ldan pas/ byang chub sems

  2. 2a

    dpa' chos kyi blo gros la 'di skad ces smras so// kye rgyal ba'i sras ' jig rten gyi khams thams cad ni byang chub sems dpa' 'phags pa'i gsung rab la/ khyim nas khyim med par rab tu byung zhing ngur smrig gi gos 'chang ba de dag gis/ tshangs pa'i spyod pa yongs su dag pa gang gis/ byang chub sems dpa' rnam par dgod

  3. 2b

    pa 'di dag las 'das te/ myur du bla na med pa yang dag par rdzogs pa'i byang chub tu 'byung bar 'gyur ba de ji ltar yid la bya// de skad ces smras pa dang / byang chub sems dpa' chos kyi blo gros kyis/ lha'i bu dran pa dang ldan pa la 'di skad ces smras so/ kye rgyal ba'i sras de bas na/ byang chub sems dpa'i theg pa la yang dag par zhugs pa rnams kyis dmigs pa bcu rnam par bsgoms te/ dmigs pa bcu rnam par bsgom pa gang zhe na/ 'di lta ste/ lus dang lus kyi las dang / ngag dang ngag gi las dang / yid dang yid kyi las dang / sangs rgyas dang / chos dang / dge 'dun dang / bslab pa yang dag par blang ba sa bcu yid la bya/ dag ste/

  4. 3a

    ci tshangs par spyod pa de lus sam/ de ste tshangs pa'i spyod pa de lus yin na ni/ tshangs pa'i spyod pa mi gtsang bar 'gyur// tshangs pa'i spyod pa chos ma yin par 'gyur/ tshangs pa'i spyod pa 'khrugs par 'gyur/ tshangs pa'i spyod pa dring bar 'gyur/ tshangs pa'i spyod pa gtsang ba ma yin par 'gyur/ tshangs pa'i spyod pa smad par 'gyur/ tshangs pa'i spyod pa mi mthun par 'gyur/ tshangs pa'i spyod pa kun nas nyon mongs par 'gyur/ tshangs pa'i spyod pa keng rus su 'gyur/ tshangs pa'i spyod pa srin gyi tshang du 'gyur ro// de ste lus kyi las tshangs pa'i spyod pa yin na ni/ nyal ba tshangs pa'i spyod par 'gyur/ 'dug pa tshangs pa'i spyod par 'gyur/ 'greng ba tshangs pa'i spyod par 'gyur/ 'gro ba tshangs pa'i spyod par/ 'gyur/ bltas pa tshangs pa'i spyod par 'gyur/ rnam par bltas pa tshangs pa'i spyod par 'gyur/ bskum pa tshangs pa'i spyod par 'gyur/

  5. 3b

    brkyang ba tshangs pa'i spyod par 'gyur/ 'khor ba tshangs pa'i spyod par 'gyur/ 'gres pa tshangs pa'i spyod par 'gyur ro// de ste ngag tshangs pa'i spyod pa yin na ni/ dbyangs tshangs pa'i spyod par 'gyur/ nga ro tshangs pa'i spyod par 'gyur/ brjod pa tshangs pa'i spyod par 'gyur/ smra ba tshangs pa'i spyod par 'gyur/ smos pa tshangs pa'i spyod par 'gyur/ zong ka nas rtsol ba tshangs pa'i spyod par 'gyur/ lce bsgyur ba tshangs pa'i spyod par 'gyur/ mchu sbyar ba tshangs pa'i spyod par 'gyur/ tshig sbyar ba tshangs pa'i spyod par 'gyur/ de ste ngag gi las tshangs pa'i spyod pa yin na ni// brjod pa tshangs pa'i spyod par 'gyur/ brdar byas pa tshangs pa'i spyod par 'gyur/ shin tu bstan pa tshangs pa'i spyod par 'gyur/ bstan pas rnam par bstan pa tshangs pa'i spyod par 'gyur// legs par brjod pa tshangs pa'i spyod par 'gyur/ ngan du brjod pa tshangs pa'i spyod/ ra 'gyur/ rnam par gdags pa tshangs pa'i spyod par 'gyur/ rnam par spyod pa tshangs pa'i spyod par 'gyur/ yongs su smos pa tshangs pa'i spyod par 'gyur ro/ / de ste yid tshangs pa'i spyod pa yin na ni/ dpyod pa tshangs pa'i spyod par 'gyur/ rnam par dpyod pa tshangs pa'i spyod par 'gyur/ rtog pa tshangs pa'i spyod par 'gyur/ rnam par rtog pa tshangs pa'i spyod par 'gyur/ dran pa tshangs pa'i spyod par 'gyur/ phyir dran pa tshangs pa'i spyod par 'gyur/ sems pa tshangs pa'i spyod par 'gyur// rnam par sems pa tshangs pa'i spyod par 'gyur

  6. 4a

    sgyu ma tshangs pa'i spyod par 'gyur/ rmi lam tshangs pa'i spyod par 'gyur/ de ste yid kyi las tshangs pa'i spyod pa yin na ni/ 'du shes tshangs pa'i spyod par 'gyur/ yid la byed pa tshangs pa'i spyod par 'gyur/ grang ba tshangs pa'i spyod par 'gyur/ dro ba tshangs pa'i spyod par 'gyur/ bde ba tshangs pa'i spyod par 'gyur/ sdug bsngal tshangs pa'i spyod par 'gyur/ bkres pa tshangs pa'i spyod par 'gyur/ skom pa tshangs pa'i spyod par 'gyur/ dga' ba tshangs pa'i spyod par 'gyur/ zhum pa tshangs pa'i spyod par 'gyur ro// de ste sangs rgyas tshangs pa'i spyod pa yin na ni/ gzugs sangs rgyas sam/ 'on tam tshor ba sangs rgyas sam/ 'du shes sangs rgyas sam/ 'du byed sangs rgyas sam/ rnam par shes pa sangs rgyas sam/ mtshan rnams sangs rgyas sam/ mngon par shes pa sangs rgyas sam/ las sangs rgyas sam/ 'on tam rnam par smin pa sangs rgyas/ de ste legs par bshad pa'i chos nyid tshangs par spyod pa'i gnas yin na ni 'gog pa gnas su 'gyur ro/ / mya ngan las 'das pa gnas su 'gyur ro// bral ba gnas su 'gyur ro// ma skyes pa gnas su 'gyur ro// ma byung ba gnas su 'gyur ro// grags pa med pa gnas su 'gyur ro// rtog pa med pa gnas su 'gyur ro// rgyu ba med pa gnas su 'gyur ro// phrad pa med pa'i gnas ni tshangs pa'i gnas su 'gyur ro// de ste dge 'dun sdom pa'i nan tan can tshangs pa'i spyod pa yin na ni//

  7. 4b

    rgyan du zhugs pa'i 'bras bu'i phyi ma dge 'dun yin nas/ 'on tam rkun du zhugs pa'i 'bras bu dge 'dun/ lan cig phyir 'ong ba'i 'bras bu'i phyir dge 'dun nam/ 'on tam lan cig phyir ba'i 'bras bu dge 'dun/ phyir mi 'ong ba'i 'bras bu'i phyir dge 'dun nam/ 'on tam phyir mi 'ong ba'i 'bras bu dge 'dun/ dgra bcom pa'i 'bras bu'i phyir dge 'dun nam/ 'on tam dgra bcom pa'i 'bras bu dge 'dun/ gsum rig pa nyid dge 'dun nam/ drug mngon par shes pa dge 'dun nam/ 'on tam khong du chud par nan tan du byed la tshangs pa'i spyod pa// de ste/ bslab pa yang dag par blang ba tshangs pa'i spyod pa yin na ni/ tha dad du gnas pa bslab pa yang dag par blang ba 'am/ yongs su dag pa bslab pa yang dag par blang ba 'am/ slob dpon gyi tshig bslab pa yang dag par blang ba 'am/ lan gsum du klas pa bslab pa yang dag par blang ba 'am/ mkhan po bslab pa yang dag par blang ba 'am/ skra bregs pa dang ngur smrig gi gos 'chang ba bslab pa yang dag par blang ba 'am/ slong mos 'tsho ba bslab pa yang dag par blang ba 'am/ 'on tam de dag tshangs pa'i spyod pa 'am/ zhes de ltar chos de dag la rnam par bsgoms na bdag gi lus la mngon par chags pa med pa dang / bsgom pa la zhen pa med pa dang / chos rnams gnas pa med pa dang / 'das pa rgyu ba med pa dang / ma 'ongs pa ma phyin pa dang / da ltar byung ba stong la

  8. 5a

    dag las la byed pa med pa dang / rnam par smin pa la tshor ba med pa dang / 'jig rten 'di 'phos pa med pa dang / 'jig rten pha rol chud mi za ba'i phyir/ tshangs pa'i spyod pa zhes bya ba'i chos de gang yin/ de gang las byung // de su'i/ de ci zhig/ de sus byas/ de yod dam/ de med dam/ de gzugs sam/ de gzugs ma yin nam/ de tshor ba 'am/ tshor ba ma yin nam/ de 'du shes sam/ de 'du shes ma yin nam/ de 'du byed dam/ de 'du byed ma yin nam/ de rnam par shes pa 'am/ de rnam par shes pa ma yin nam tshangs par spyod pa'i chos de gang zhig/ ces de ltar mi dmigs shing dus gsum mnyam pa nyid du nam mkha' yongs su rgyas par bya ba dang / chags pa med par yid la bya ba dang / sems la bsgribs pa med pa dang / gnyis su med par shin tu spyod pa dang / bsgribs pa med pa'i sbyor ba dang / mtshan ma med pa'i sbyor ba dang / mtshan ma med pa'i chos gzung ba dang / mtshan nyid med pa'i chos rab tu shes pa dang / sangs rgyas kyi chos mnyam pa nyid dang / sangs rgyas kyi chos thams cad la yang dag par sems pas/ tshangs pa'i spyod pa yongs su dag par yid la bya'o/ / gong du yang chos bcu dang ldan pas yid la bya ste/ bcu gang zhe na/ 'di lta ste/ gnas dang gnas ma yin pa shes pa dang ldan pa dang / 'das pa dang / ma 'ongs pa dang /

  9. 5b

    da ltar byung ba'i las dang / rnam par smin pa shes pa dang ldan pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / rnam par ldang ba shes pa dang ldan pa dang / dbang po dang / brtson 'grus tha dad pa dang / yongs su rdzogs pa mchog dang / tha ma shes pa dang ldan pa dang mos pa tha dad pa dang / mos pa du ma shes pa dang ldan pa dang / khams tha dad pa dang / khams du ma shes pa dang ldan pa dang / thams cad du 'gro ba'i lam shes pa dang ldan pa dang / lha'i mig thogs pa med pa dang ldan pa dang / bsgribs pa med pa rjes su dran pa shes pa dang ldan pa dang / bag chags kyi mtshams sbyor ba yang dag par bcad pa shes pa dang ldan pa ste/ de bzhin gshegs pa'i stobs re re la yang rnam par dbye ba shin tu rgya che bar khong du chud par bya'o// thams cad kyang tshad med par blta bar bya'o// thos nas kyang snying rje chen po la brtan par bya'o/ / sems can rnam par bsgom pa yang mi gtang bar bya'o// chos la shin tu brtag pa yang mi gzhig par bya'o// bla na med pa'i chos la yang dag pa'i yi dam yang shin tu brtsam par bya'o/ / rnam par smin pa la'ang re ba med par bya'o// sgyu ma'i rang bzhin yang rjes su rtogs par bya'o// rmi lam gyi rang bzhin du'ang yang dag par spyad par bya'o// mig yor gyi rang bzhin dang

  10. 6a

    yang tha mi dad par bya'o/ / smra brnyan gyi rang bzhin yang spyod yul du bya'o// sprul pa'i rang bzhin du'ang mos par bya ste/ de de ltar zhugs pas nyon mongs pa rlung bar sangs rgyas kyi chos thams cad mngon du 'gyur ro/ / des chos de dag gnyis su med par rtogs pas sems dang po bskyed pa nyid kyis/ bla na med pa yang dag par rdzogs pa'i byang chub tu mngon par 'tshang rgya ba'i gnas yod do/ / chos thams cad sems kyi rang bzhin du shes pas gzhan gyi dring mi 'jog par shes rab kyi phung po dang yang ldan par 'gyur ro// shin tu rgyas pa chen po'i mdo sangs rgyas phal po che zhes bya ba las/ tshangs par spyod pa'i le'u zhes bya ste nyi shu rtsa gcig pa'o// / de nas lha'i dbang po brgya byin gyis/ byang chub sems dpa' chos kyi blo gros la 'di skad ces smras so/ / kye rgyal ba'i sras bsod nams kyi phung po ji tsam zhig dang ldan na/ sems dang po bskyed pa'i byang chub sems dpar 'gyur/ de skad ces smras pa dang / byang chub sems dpa' chos kyi blo gros kyis/ lha'i dbang po brgya byin la 'di skad ces smras so// kye rgyal ba'i sras gnas 'di ni yid ches par shin tu dka' ste/ shes par dka'/ brtag par dka'/ mngon par dad par dka'/ shin tu rtogs par dka'/ kun nas bsgrub par dka'/ yang dag par spyad par dka'/ brjod par dka'

  11. 6b

    bskyed par dka'/ brgal bar dka'/ khong du chud par dkas kyang / 'on kyang ci tshul du sangs rgyas kyi mthus bshad par bya'o// kye rgyal ba'i sras de la ji snyam du sems/ gang shar phyogs kyi 'jig rten gyi khams grangs med par gtogs pa'i sems can de dag la la zhig gis bskal par bde ba'i yo byad thams cad kyis rim gror byas te/ bslab pa'i tshig lnga po dag kyang 'dzin du btsud par gyur la/ de bzhin du lho phyogs dang / nub phyogs dang / byang phyogs dang / de bzhin du byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi 'jig rten gyi khams grangs med par gtogs pa'i sems can rnams kyang bskal pa de pa'i yo byad thams cad kyis rim gror byas te/ bslab pa'i tshig lnga po dag kyang 'dzin du bcud na/ rgyal ba'i sras de la ji snyam du sems/ de'i rgyus bsod nams mang du 'phel lam/ de skad ces smras pa dang / lha'i dbang po brgya byin gyis/ byang chub sems dpa' chos kyi blo gros la 'di skad ces smras so// kye rgyal ba'i sras bsod nams 'di ni sangs rgyas bcom ldan 'das rnams ma gtogs par gzhan gyis shes par mi nus so/ / smras pa/ kye rgyal ba'i sras byang chub sems dpa' sems dang po bskyed pa'i bsod nams kyi phung po la ni/ de dag gi bsod

  12. 7a

    nams snga ma des brgya'i char yang nye bar mi 'gro/ skyong gi char yang nye bar mi 'gro/ brgya stong gi rgyu dang / bye ba'i cha dang / bye ba brgya'i cha dang / bye ba stong gi cha da bye ba brgya stong gi cha dang / bye ba khrag khrig brgya'i cha dang / bye ba khrag khrig stong gi cha dang / bye ba khrag khrig brgya stong gi char yang nye bar mi 'gro/ grangs dang / cha dang / bgrang ba dang / dpe dang / rgyur yang nye bar mi 'gro'o// kye rgyal ba'i sras dpe snga ma dag lta zhog gi/ kye rgyal ba'i sras phyogs bcu'i 'jig rten gyi khams grangs med par gtogs pa'i sems can ji snyed pa de dag bskal pa brgyar bde ba'i yo byad thams cad kyis rim gror byas te/ dge ba bcu'i las kyi lam rnams la yang dag par sbyar bar gyur la/ gzhung de bzhin du bskal pa stong du bde ba'i yo byad thams cad kyis rim gror byas te/ bsam gtan bzhi la rab tu bkod pa dang / bskal pa brgya phrag stong du bde ba'i yo byad thams cad kyis rim gror byas te/ tshangs pa'i rnam par spyod pa bzhi la rab tu bkod pa dang / bskal pa bye bar bde ba'i yo byad thams cad kyis rim gror byas te/ gzugs med pa'i snyoms par 'jug pa bzhi la rab tu bkod par gyur pa dang / bskal pa bye bar bde ba yo byad thams cad kyis rim gror byas te/ rgyun du zhugs pa'i 'bras bu la rab tu bkod pa dang / bskal pa bye ba stong du bde ba'i yo byad thams cad kyis rim gror byas te/ lan cig phyir 'ong ba'i

  13. 7b

    'bras bu la rab tu bkod pa dang / bskal pa bye ba brgya stong du bde ba'i yo byad thams cad kyis rim gror byas te/ phyir mi 'ong ba'i 'bras bu la rab tu bkod pa dang / bskal pa bye ba khrag thig tu bde ba'i yo byad thams cad kyis rim gror byas te/ dgra bcom pa la rab tu bkod pa dang / bskal pa bye ba khrag khrig brgya stong du bde ba'i yo byad thams cad kyis rim gror byas te/ rang sangs rgyas kyi byang chub la rab tu bzhag par gyur na/ kye rgyal ba'i sras de la ji snyam du sems/ de'i rgyus bsod nams mang du 'phel lam/ lha'i dbang po brgya byin gyis smras pa kye rgyal ba'i sras de ni sangs rgyas bcom ldan 'das kyis mkhyen to/ / byang chub sems dpa' chos kyi blo gros kyis smras pa/ kye rgyal ba'i sras byang chub sems dpa' sems dang po bskyed pa'i bsod narnams kyi phung po de la bsod nams kyi phung po snga ma des brgya'i char yang nye bar mi 'gro'o/ / stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ kye rgyal ba'i sras gang 'di phyogs bcu'i 'jig rten gyi khams grangs med par gtogs pa'i sems can bskal pa bye ba khrag khrig brgya stong du bde ba'i yo byad thams cad kyis rim gror bya zhing bslab pa'i tshig lnga la bzhag pa dang / dge ba bcu'i las

  14. 8a

    kyi lam la yang dag par sbyar ba dang / bsam gtan bzhi la rab tu dgod pa dang / tshangs pa'i rnam par spyod pa bzhi dang / gzugs med pa'i snyoms par 'jug pa bzhi dang rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa dang / rang sangs rgyas kyi byang chub la rab tu dgod pa de tsam gyis ni sangs rgyas su mi 'gyur te/ de ni 'di ltar de bzhin gshegs pa'i rigs rgyun mi gcad pa'i phyir sems skye'o// 'jig rten gyi khams thams cad ma lus par khyab par bya ba'i phyir sems skye'o// 'jig rten gyi khams thams cad du gtogs pa'i sems can thams cad yang dag par bsgral ba'i phyir sems skye'o// 'jig rten gyi khams thams cad 'du ba dang 'jig pa yongs su shes par bya ba'i phyir sems skye'o/ / 'jig rten gyi khams thams cad du gtogs pa'i sems can rnams kyi kun nas nyon mongs pa dang / rnam par byang ba yongs su shes par bya ba'i phyir sems bskye'o// 'jig rten kyi khams thams cad kyi rang bzhin yongs su dag pa yongs su shes par bya ba'i phyir sems skye'o/ / sems can thams cad kyi bsam pa dang / bag la nyal dang / bag chags kyi mtshams sbyor ba yongs su shes par bya ba'i phyir sems skye'o/ / sems can thams cad kyi 'chi 'pho dang skye ba yongs su shes par bya ba'i phyir sems skye'o// sems can thams cad kyi dbang po dang sbyor ba yongs su

  15. 8b

    shes par bya ba'i phyir sems skye'o/ / sems can thams cad kyi sems dang po spyod pa yongs su shes par bya ba'i phyir sems skye'o// sems can thams cad kyi dus gsum gyi shes pa yongs su shes par bya ba'i phyir sems skye'o/ / byang chub sems dpa' rnams kyi sems bskyed pa de ni 'di ltar sangs rgyas thams cad dang yul mnyam pa nyid du bya ba'i phyir sems skye'o// kye rgyal ba'i sras dpe snga ma ngag lnga zhog gi/ kye rgyal ba'i sras 'di la skyes bu la la zhig byung ste/ de sems bskyed pa gcig gis shar phyogs su 'jig rten gyi khams grangs med pa 'da' la/ sems bskyed pa de dang 'dra bas shar phyogs su bskal pa grangs med pa zad zad du 'das par byas kyang shar phyogs kyi 'jig rten gyi khams gcig nas gcig tu brgyud pa zad par ma rung nas/ de'i 'og tu skyes bu gnyis pa zhig byung ste/ skyes bu snga ma nges bskal pa grangs med pas 'das pa snyed sems bskyed pa gcig gis 'das te/ de'i 'og tu skyes bu gsum pa zhig byung ste/ skyes bu snga ma de gnyis kyis bskal pa grangs med pa gnyis kyis 'das pa de dag sems bskyed pa gcig gis 'das te/ de'i 'og tu skyes bu bzhi pa zhig byung nas snga ma gsum gyis 'jig rten gyi khams grangs med par 'das pa de ngag sems bskyed pa gcig gis 'das la/ de'i 'og tu skyes bu lnga pa zhig byul ste/ skyes bu snga ma bzhis bskal pa grangs med par 'das pa de dag sems bskyed pa gcig gis 'das nas/ de'i 'og tu skyes bu

  16. 9a

    drug pa zhig byung ste/ skyes su snga ma rnams kyis bskal pa grangs med par 'das pa de dag sems bskyed pa gcig gis 'das te/ de'i 'og tu skyes bu 'dun pa zhig skyes la/ skyes busnga ma drug gis bskal pa grangs med par 'das pa de dag sems bskyed pa gcig gis 'das te/ de'i 'og tu skyes bu brgyad pa zhig skyes te/ skyes bu snga ma bdun gyis bskal pa grangs med par 'das pa de dag sems bskyed pa gcig gis 'da' la/ de'i 'og tu skyes bu dgu pa zhig byung ste/ skyes bu snga ma brgyad kyis bskal pa grangs med par 'das pa de dag sems bskyed pa gcig gis 'das par bya ste/ de'i 'og tu skyes bu bcu pa zhig byung nas skyes bu snga ma dgus bskal pa grangs med par 'das pa de dag sems bskyed pa gcig gis 'da' la/ sems bskyed pa de lta bus 'da' bas/ shar phyogs logs su bskal pa grangs med par bgrod kyang / shar phyogs kyi 'jig rten gyi khams gcig nas gcig tu brgyud pa'i mtha' ni shes par mi rung ngo // shar phyogs su ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs rnams bcu po thams cad du yang de bzhin du rgya che bar te/ skyes bu de dag gis phyogs bcur ji snyed du 'das pa de dag skyes bu re re

  17. 9b

    phyogs bcur rnam par dgod pas sems bskyed pa gcig gis bskal pa grangs med pa 'da' ba'i tshul du/ bskal pa grangs med par 'das pa de dag skyes bu brgya dag gis 'jig rten gyi khams yongs su bgrang ba'i tshul du/ phyogs bcu'i 'jig rten gyi khams gcig nas gcig tu brgyud pa ni mthar rnyed par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba'i bza' med do/ / de ci'i phyir zhe na/ kye rgyal ba'i sras byang chub sems dpa' rnams kyi sems skye ba ni 'jig rten gyi khams gcig tu 'gro ba 'am/ grangs yongs su shes pas bla na med pa yang dag par rdzogs pa'i byang chub tu skye ba ma yin gyi/ da ltar phyogs bcu tshad med par yongs su shes nas/ byang chub sems dpa' rnams kyi sems skye ste/ 'di ltar 'jig rten gyi khams phra ba yangs par yongs su shes pa dang / 'jog rten gyi khams yangs pa phra bar yongs su shes pa dang / 'jig rten gyi khams snrel zhi'i 'jig rten gyi khams spyi'u tshugs su rgyu bar yongs su shes pa dang / 'jig rten gyi khams spyi'u tshugs su rgyu ba 'jig rten gyi khams snrel zhir yongs su shes pa dang / 'jig rten gyi khams chung ngu 'jig rten gyi khams chen por yongs su shes pa dang / 'jig rten gyi khams chen po 'jig rten gyi khams chung ngur yongs su shes pa dang / 'jig rten gyi khams yangs pa 'jig rten gyi khams dog par yongs su shes pa dang / 'jig rten gyi

  18. 10a

    khams dog pa 'jig rten gyi khams yangs par yongs su shes pa dang / 'jig rten gyi khams gcig 'jig rten gyi khams brjod da du med par yongs su shes pa dang / 'jig rten gyi khams brjod du med pa 'jig rten gyi khams gcig tu yongs su shes pa dang / 'jig rten gyi khams brjod du med pa 'jig rten gyi khams gcig tu gzung ba yongs su shes pa dang / 'jig rten gyi khams gcig 'jig rten gyi khams brjod du med par gzud pa yongs su shes pa dang / 'jig rten gyi khams kun nas nyon mongs pa 'jig rten gyi khams rnam par dag par yongs su shes pa dang / 'jig rten gyi khams rnam par dag pa 'jig rten gyi khams kun nas nyon mongs par yongs su shes pa dang / skra'i rtse mo 'jig rten gyi khams tshad med par yongs su shes pa dang / 'jig rten gyi kham tshad med pa skra'i rtse mor yongs su shes pa dang / 'jig rten gyi khams gcig 'jig rten gyi khams thams cad du bsgrub par yongs su shes pa dang // 'jig rten gyi khams thams cad lus med pa'i rang bzhin du yongs su shes pa dang / 'jig rten gyi khams 'byam klas pa ma lus pa thams cad sems bskyed pa gcig gis thogs pa med par yongs su shes pa dang / byang chub sems dpa' rnams kyi sems bla na med pa yang dag par rdzogs pa'i byang chub tu skye'o/ / kye rgyal ba'i sras 'jig rten gyi khams 'da' ba'i dpe snga ma de dag lta zhog gi/ kye rgyal ba'i sras skyes bu la la zhig skyes par

  19. 10b

    gyur te/ de'i sems bskyed pa gcig gis shar phyogs kyi 'du ba dang / 'jig pa'i bskal pa grangs med pa 'grang la/ sems bskyed pas bgrang ba 'di'i tshul du shar phyogs su bskal pa grangs med pa zad zad du bgrangs kyang / shar phyogs kyi 'jig rten gyi khams kyi 'du ba'i bskal pa dang / 'jig pa'i bskal pa'i mtha' shes par mi rung nas/ de'i 'og tu skyes bu gnyis pa zhig skyes te/ skyes bu snga ma des bskal pa grangs med par 'du ba dang / 'jig pa'i bskal pa bgrangs pa de dag thams cad skad cig gcig gis bgrangs te/ de'i 'og tu skyes bu gsum pa zhig byung la/ skyes bu snga ma gnyis kyis bskal pa grangs med par 'du ba dang / 'jig pa bgrangs pa de dag sems bskyed pa gcig gis bgrangs te/ de'i 'og tu skyes bu bzhi pa zhig byung nas/ snga ma gsum gyis bskal pa grangs med par 'du ba dang / 'jig pa bgrangs pa de dag skad cig gcig gis bgrangs te/ de'i 'og tu skyes bu lnga pa zhig byung nas/ skyes bu snga ma bzhis bskal pa grangs med par 'du ba dang / 'jig pa bgrangs pa de dag skad cig gcig gis bgrangs par gyur la/ de'i 'og tu skyes bu drug pa zhig byung ste/ skyes bu snga ma lngas bskal pa grangs med par 'du ba dang / 'jig pa bgrangs pa de dag skad cig gcig gis bgrangs te/ de'i 'og tu skyes bu bdun pa zhig byung nas/ skyes bu snga ma drug gis bskal pa grangs med par 'du ba dang / 'jig pa bgrangs pa de dag skad cig gcig gis

  20. 11a

    bgrangs par gyur la/ de'i 'og tu skyes bu brgyad pa zhig byung ste/ skyes bu snga ma bdun gyis bskul bgrangs med par 'du ba dang / 'jig pa'i bskal pa bgrangs pa de dag skad cig gcig gis bgrangs par gyur te/ de'i 'og tu skyes bu dgu pa zhig skyes la/ skyes bu snga ma brgyad kyis bskal bgrangs med par 'du ba dang / 'jig pa'i bskal pa bgrangs pa de dag skad cig gcig gis bzangs te/ de'i 'og tu skyes bu bcu pa zhog byung nas/ skyes bu dgu po snga ma rnams kyis bskal bgrangs med par 'dra ba dang / 'jig pa'i bskal pa bgrangs pa de dag skad cig gcig gis bgrangs par gyur na/ kye rgyal ba'i sras skyes bu de dag grangs med pa'i tshul du phyogs bcur rnam par bkod pa dang / skad cig gcig gis 'jig rten gyi khams 'du ba dang / 'jig pa grangs med par bgrang ba'i tshul du bskal pa grangs med par bgrangs na/ 'jig rten gyi khams de dag gi 'du ba dang / 'jig pa'i bskal pa gcig nas gcig tu brgyud pa ni phyogs bcur mtha' thug par rung yang srid kyi/ byang chub sems dpa' sems dang po bskyed pa'i bla na med pa yang dag par rdzogs pa'i dge ba'i rtsa ba ni mtha' thug par mi rung ngo // de ci'i phyir zhe na/ kye rgyal ba'i sras 'jig rten 'ga'i 'du ba dang / 'jig pa bzang ba rab tu shes par bya ba'i phyir/ byang chub sems dpa' rnams kyi sems bla na med pa yang dag par rdzogs pa'i byang chub tu mi skye'i// 'jig rten gyi khams ma lus pa

  21. 11b

    thams cad kyi 'jig pa dang / 'du ba'i bskal pa shes par bya ba la 'jug pa'i byor/ byang chub sems dpa' rnams bla na med pa yang dag par rdzogs pa'i byang chub tu sems skye ste/ 'di ltar bskal pa ring po la bskal pa thung ngur yang dag par 'jug pa shes par bya ba dang / bskal pa thung ngu la bskal pa ring por yang dag par 'jug pa shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / bskal pa gcig la bskal pa grangs med par yang dag par 'jug pa shes par bya ba dang / bskal pa grangs med pa la bskal pa gcig tu yang dag par 'jug pa shes par bya ba dang / 'di lta ste/ sangs rgyas dang bcas pa'i bskal pa sangs rgyas med pa'i bskal par yang dag par 'jug pa shes par bya ba dang / sangs rgyas med pa'i bskal pa sangs rgyas dang bcas pa'i bskal par yang dag par 'jug pa shes par bya ba dang / sangs rgyas brjod du med pa'i bskal pa sangs rgyas gcig gi bskal par yang dag par 'jug pa shes par bya ba dang / sangs rgyas gcig gis bskal pa sangs rgyas brjod du med pa'i bskal par yang dag par 'jug pa shes par bya ba dang / 'di lta ste/ bskal pa rnam pa tha dad pa la bskal pa rnam pa tha mi dad par yang dag par 'jug pa shes par bya ba dang / bskal pa rnam pa tha mi dad pa la bskal pa rnam pa tha dad par yang dag par 'jug pa shes par bya ba dang / bskal

  22. 12a

    pa zad pa la bskal pa ma zad par yang dag par 'jug pa shes par bya ba dang / bskal pa ma zad pa la bskal pa zad par khong du chud pas yang dag par 'jug pa shes par bya ba dang / 'di lta ste/ bskal pa brjod du med pa sems bskyed pa gcig tu yang dag par 'jug pa shes par bya ba dang / sems bskyed pa gcig bskal pa brjod du med par yang dag par 'jug pa shes par bya ba dang / 'di lta ste/ bskal pa thams cad bskal pa med par rab tu 'jug pa shes par bya ba dang / bskal pa ma yin pa bskal par 'jug pa shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ sngon gyi mtha'i mur thug pa'i bskal ba dang / phyi ma'i mtha' mur thug pa'i bskal pa dang / da ltar byung ba'i bskal pa dang / 'jig rten gyi khams ma lus pa thams cad kyi 'du ba dang / 'jig pa'i bskal pa sems bskyed pa gcig gis yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i sangs rgyas su sems skye ste/ 'di ltar bskal pa thams cad kyi rgyus mngon par shes par bya ba'i phyir de thog mar go cha chen po mngon par sgrub bo// kye rgyal ba'i sras 'jig rten gyi khams 'du ba dang / 'jog pa'i bskal pa bgrang ba'i dpe de dag lta zhog gi/ kye rgyal ba'i sras 'di la skyes bu la la zhig skyes par gyur te/ des sems bskyed pa gcig

  23. 12b

    gos 'jig rten gyi khams grangs med par gtogs pa'i sems can rnams kyi dad pa sna tshogs pa thams cad shes la/ tshul de lta bur sems bskyed pa re re zhing shes pas shar phyogs su bskal ba grangs med pa zad par byas kyang / sems can rnams kyi mos pa tha dad pa gcig nas gcig tu brgyud pa'i mtha' zad par mi rung ba nas/ gzhung de bzhin du skyes bu bcu pa'i bar du ste/ shar phyogs su ji lta ba de bzhin du/ steng gi phyogs kyi bar gyi phyogs bcu thams cad du rgya cher byas na/ de dag gi mos pa tha dad pa gcig nas gcig tu brgyud pa ni mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / / de ci'i phyir zhe na/ kye rgyal ba'i sras sems can de tsam gyi mos pa tha da pa shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems mi skye'o// 'di ltar 'jig rten gyi khams ma lus pa thams cad du gtogs pa'i sems can rnams kyi dang pa sna tshogs mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ mos pa mtha' dang dbus med pa la 'jug pa dang / sems can gyi mos pa tha dad pa la mkhas pa mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sem

  24. 13a

    skye'o/ / 'di lta ste/ sems can gcig sems can grangs med par yang dag par 'jug par bya ba'i phyir/ dang pa'i tshul brjod du med pa'i snang ba'i 'od kyis mos pa gcig nas gcig tu brgyad pa ma lus pa dang / 'gro ba rgya mtsho mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ 'das pa dang / ma 'ongs pa dang / da ltar byung ba'i dge ba dang mi dge ba la mos pa tshad med pa la 'jug par bya ba dang / dus gsum thams cad kyi mos pa sna tshogs kyi dbang gis yongs su shes par bya ba dang / mos pa ji lta ba bzhin du mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// / 'di lta ste/ skal ba mnyam pa'i mos pa dang / skal ba mi mnyam pa'i mos pa shes pa la 'jug par bya ba dang / mos pa thams cad mos pa gcig tu yang dag par 'jug pa dang / mos pa gcig mos pa thams cad dang / mnyam pa nyid du mngon par 'tshang rgya bar bya ba dang / de bzhin gshegs pa'i stobs la rab tu 'jug pa'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ mos pa bla ma dang bcas pa dang / mos pa bla na med pa dang / lhag ma dang bcas pa dang / lhag sa med pa dang / mnyam pa dang / mi mnyam pa'i mos pa'i bye brag shes pa mngon par 'tshang

  25. 13b

    rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ gnas pa'i mos pa dang / mi gnas pa'i mos pa dang / thun mong gi mos pa dang / thun mong ma yin pa'i mos pa dang / 'dres pa dang / ma 'dres pa dang / dge ba dang / mi dge ba dang / 'jig rten pa dang / 'jig rten las 'das pa'i mos pa dang / chos thams cad kyi bye brag shin tu shes pa'i dam pa mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ dge ba'i mos pa dang / yangs pa'i mos pa dang / mos pa bar ma dang / tha dad pa dang / nges pa'i mos pa ma lus pa thams cad bsgribs pa med pa'i ye shes dang / chags pa med pa'i sangs rgyas kyi rnam par thar pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems sems skye'o/ / 'di lta ste/ rnam par dag pa'i mos pa dang / kun nas nyon mongs pa'i mos pa dang / yangs pa'i mos pa dang / dog pa'i mos pa dang / phra ba'i mos pa dang / rgya che ba'i mos pa dang / sems can gyi khams ma lus pa thams cad kyi mos pa'i tshul rnam pa tha dad pa la rab tu 'jug par bya ba dang / sems can gcig gi mos pa sna tshogs 'byam klas pa bcu mngon par 'tshang

  26. 14a

    rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ rgyud stug po'i mos pa dang / sbyor ba'i mos pa dang / yongs su brtags pa'i mos pa dang / ngang gis rjes su 'brang ba'i mos pa dang / rgya'i tshogs dang ldan pa'i mos pa dang / rkyen gyi tshogs las byung ba'i mos pa dang / mos pa'i dra ba ma lus pa thams cad mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// kye rgyal ba'i sras mos pa sna tshogs kyi dpe tha dad pa snga ma de dag lta zhog gi/ kye rgyal ba'i sras 'di la skyes bu la la zhig skyes par gyur te/ de'i sems gcig bskyed pas 'jig rten gyi khams grangs med par gtogs pa'i sems can rnams kyi dbang po sna tshogs rab tu shes par gyur la/ de lta bu'i tshul du sems bskyed pa re re la shes pas/ shar phyogs logs su bskal pa grangs med pa zad par byas kyang // shar phyogs kyi sems can rnams kyi dbang po sna tshogs gcig nas gcig tu brgyud pa mthar thug par ma rung la/ tshul de bzhin du mos pa la ji skad du brjod pa bzhin/ dbang po tha dad pa la yang shes par bya ste/ de dag gi dbang po sna tshogs gcig nas gcig tu brgyud pa ni/ phyogs bcur mthar thug par rung yang srid kyi/ byang chub sems dpa' rnams bla na med pa yang dag par rdzogs pa'i byang chub tu sems

  27. 14b

    dang po bskyed pa'i dge ba'i rtsa ba ni mtha' med do/ / de ci'i phyir zhe na/ kye rgyal ba'i sras dag sems can de tsam dag gi dbang po sna tshogs shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di ltar 'jig rten gyi khams ma lus pa thams cad du gtogs pa'i sems can rnams kyi dbang po yongs su shes par bya/ ba'i don du/ byang chub sems dpa' rnams bla na med pa yang dag par rdzogs pa'i byang chub tu sems skye'o// gzhung de bzhin du ji ltar mos pa la brjod pa de bzhin dbang po rnams la yang shes par bya/ ste/ thabs por gyur pa'i dbang po dang / sbyor ba dang ldan pa'i dbang po dang / yongs su brtags pa'i dbang po dang / ngang gis rjes su 'brang ba'i dbang po dang / rgyu'i tshogs dang ldan pa'i dbang po dang / rkyen gyi tshogs las byung ba'i dbang po dang / dbang po'i dra ba thams cad ma lus pa la mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / kye rgyal ba'i sras dbang po sna tshogs kyi dpe snga ma de dag lta zhog gi/ kye rgyal ba'i sras 'di la skyes bu la la zhig skyes par gyur te/ de'i sems bskyed pa gcig gis 'jig rten gyi khams grangs med par gtogs pa'i sems can rnams kyi bsam pa sna tshogs yongs su shes par gyur la/

  28. 15a

    tshul de lta bur sems bskyed pa re rer shes pas/ shar phyogs logs su bskal pa grangs med pa zad par byas kyang / sems can gyi bsam pa sna tshogs kyi mthar phyin par ma rung la/ gzhung de bzhin du phyogs bcu'i sems can rnams kyi bsam pa sna tshogs ni shes par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / / de ci'i phyir zhe na/ kye rgyal ba'i sras sems can de tsam dag gi bsam pa sna tshogs yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems mi skye'i/ 'di ltar 'jig rten gyi khams ma lus pa thams cad du gtogs pa'i sems can rnams kyi bsam pa sna tshogs yongs su shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye ste/ gzhung de ltar mos pa la ji ltar brjod pa bzhin du ste/ bsam pa thibs por gyur pa dang / sbyor ba dang ldan pa'i bsam pa dang / yongs su brtags pa'i bsam pa dang / ngang gis rjes su 'brang ba'i bsam pa dang / rgyu'i tshogs dang ldan pa'i bsam pa dang / rkyen gyi tshogs la byung ba'i bsam pa'i bar du bsam pa'i dra ba ma lus pa thams cad mnyam pa nyid du 'jug cing / yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag

  29. 15b

    par rdzog pa'i byang chub tu sems skye'o/ / kye rgyal ba'i sras bsam pa sna tshogs kyi dpe snga ma de dag lta zhog gi/ kye rgyal ba'i sras 'di la skyes bu la la zhig skyes te/ de'i sems bskyed pa gcig gis 'jig gyi khams grangs med par gtogs pa'i sems can rnams kyi sbyor ba yongs su shes la/ gzhung de ltar mos pa la ji ltar brjod pa bzhin du ste/ phyog bcu'i sbyor ba sna tshogs gcig nas gcig tu brgyud pa de dag ni mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo // de ci'i phyir zhe na/ kye rgyal ba'i sras semra can de tsam ngag gi sbyor ba sna tshog shes pa'i don du ni/ byang chub sems dpa' rnams bla na med pa yang dag par rdzogs pa'i byang chub tu sems mi skye'i/ 'di ltar 'jig rten gyi khams ma lus pa thams cad du gtogs pa'i sems can rnams kyi sbyor ba sna tshogs yongs su shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// gzhung de ltar mos pa la ji skad du brjod pa bzhin te/ sbyor ba'i dra ba ma lus pa thams cad kyi bar du mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / kye rgyal ba'i sras sbyor ba sna tshogs kyi dpe de dag lta zhog gi/ kye rgyal ba'i sras 'di la skyes bu la la zhig skyes te/ de'i sems bskyed pa gcig gis 'jig rten gyi

  30. 16a

    khams grangs med par gtogs pa'i sems can rnams kyi sems bskyed pa sna tshogs rab tu shes la/ tshul de lta bu'i sems bskyed pa yongs su shes pas/ gzhung de bzhin du ste/ phyogs bcu'i sems bskyed pa sna tshogs gcig nas gcig tu brgyud pa ni mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / / de ci'i phyir zhe na/ kye rgyal ba'i sras sems can dag gi sems sna tshogs yongs su shes par bya ba'i don du/ byang chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di ltar 'jig rten gyi khams chos kyi dbyings kyis klas pa/ sems can gyi khams kyis gtugs pa/ nam mkha'i dbyings kyis klas pa'i sems can gyi khams mtha' dang dbus med pa'i sems sna tshogs thams cad yongs su shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / gzhung de ltar mos pa la ji skad du brjod pa bzhin te/ sems bskyed pa'i dra ba ma lus pa thams cad mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// kye rgyal ba'i sras sems bskyed pa'i dpe snga ma de dag lnga zhog gi/ kye rgyal ba'i sras 'di la skyes bu la la zhig ces

  31. 16b

    par gyur te/ de'i sems bskyed pa gcig gis 'jig rten gyi khams zangs med par gtogs pa'i sems can rnams kyi las sna tshogs rab tu shes la/ sems bskyed pa shes pa'i tshul de lta bus shar phyogs logs su bskal pa grangs med pa zad par byas kyang / sems can rnams kyi las sna tshogs gcig nas gcig tu brgyud pa mthar thug par ma rung la/ de bzhin du skyes bu bcu pa'i bar du skyes par gyur te/ skyes bu dgu po de dag gis sems can rnams kyi las sna tshogs gcig nas gcig du brgyud pa yongs su shes par bya ba'i phyir/ bskal pa grangs med pa zad par byas pa de dag sems bskyed pa gcig gis shes par gyur kyang / phyogs bcur las sna tshogs gcig nas gcig tu brgyud pa de dag ni mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / / de ci'i phyir zhe na/ kye rgyal ba'i sras sems can de tsam dag gi las sna tshogs yongs su shes par bya ba'i don du/ byang chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di ltar 'jig rten gyi khams dang / dus gsum ma lus pa thams cad du gtogs pa'i sems can rnams kyi las sna tshogs yongs su shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ las sna tshogs mtha' dang dbus med pa la rab tu 'jug pa dang / las kyi bye

  32. 17a

    zag thams cad lam khas la mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ sems can gcig grangs med cing rnam pa tha dad par yang dag par 'jug pa dang / las kyi tshul brjod pa'i snang ba rab tu 'thob pa dang / las thams cad ma lus pa gcig nas gcig tu brgyad pa dang / las dang ldan pa'i 'gro ba rgya mtsho mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta sde 'das pa dang / ma 'ongs pa dang / da ltar byung ba'i las dge ba dang mi dge ba rnam pa tha dad pa la rab tu 'jug cing / dus gsum thams cad kyi las sna tshogs dbang gis yongs su shes par bya ba dang / las ji lta ba bzhin du mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ skal ba mnyam pa'i las dang / skal ba mi mnyam pa'i las shes pa'i mchog thob par bya ba dang / las thams cad las gcig tu yang dag par 'jug pa dang / las gcig las thams cad dang mnyam pa nyid du mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ bla ma dang bcas pa'i las dang / bla na med pa'i las dang

  33. 17b

    brnag ma dang bcas pa'i las dang / mnyam pa'i las dang / mi mnyam pa'i las kyi bye brag ye shes kyi rgyud chen pos mngon par 'tshang rgya zhing shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ gnas pa'i las dang / mi gnas pa'i las dang / thun mong gi las dang // thun mong ma yin pa'i las dang / mtha' yas pa'i las dang / mu med pa'i las dang / ma 'dres pa'i las dang / dge ba'i las dang / mi dge ba'i las dang / 'jig rten gyi las dang / 'jig rten las 'das pa'i las dang / las kyi bye brag thams cad la ye shes kyi rgyud chen pos mngon par 'tshang rgya zhing shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ shis ba'i las dang / mi shis pa dang / chen po dang / 'bring dang / tshad med pa'i las kyi sgrib pa thams cad ma lus par chags pa med pas shes par bya ba dang / sangs rgyas kyi rnam par thar pa mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ rnam par dag pa'i las dang / kun nas nyon mongs pa'i las dang rgya chen po'i las dang / rgya chung ngu'i las dang / kun tu 'brel ba'i las dang / kun tu ma 'brel ba'i las dang / phra ba'i las dang / sbom pa'i las dang / las ma lus par sems can gyi khams

  34. 18a

    kyi las kyi tshul rnam pa tha dad pa la rab tu 'jug pa dang / sems can gcig gi las sna tshogs 'byam klas pa bcu mngon par 'tshang rgya bar bya ba'i phyir/ byang chub sems dpa' rnams blar med pa yang dag par rdzogs pa'i byang chub tu sems skye'o/ / 'di lta ste/ thibs por gyur pa'i las dang / sbyor ba can gyi las dang / chung ba'i las dang / dran pa dang ldan pa'i las dang / rgyu'i tshogs dang ldan pa'i las dang / rkyen gyi tshogs las byung ba'i las dang / las kyi dra ba thams cad ma lus pa mnyam pa nyid du yongs su rig cing shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / / shin tu rgyas pa chen po'i mdo bam po nyi shu gsum pa// kye rgyal ba'i sras las sna tshogs kyi dpe snga ma de dag lta zhog gi/ kye rgyal ba'i sras 'dis skyes bu la la zhig skyes te/ de'i sems bskyed pa gcig gis shar phyogs logs su 'jig rten gyi khams grangs med par gtogs pa'i sems can rnams kyi sems bskyed pa shes par gyur la/ tshul de ltar sems bskyed pa re rer yongs su shes pas/ shar phyogs logs su bskal pa grangs med pa zad par byas kyang / sems can rnams kyi nyon mongs pa sna tshogs mthar thug par ma rung la/ de bzhin du de'i 'og tu skyes bu gnyis pa zhig skyes shes bya ba nas/ skyes bu bcu pa zhig skyes pa'i bar du ste/ skyes bu dgu po de dag gis bskal pa grangs med pas nyon mongs pa sna tshogs rab tu shes pa de dag sems bskyed pa gcig gis yongs su shes par

  35. 18b

    gyur la/ tshul de 'dra bar sems bskyed re rer yongs su shes pas/ gzhung de bzhin du ste/ phyogs bcu'i nyon mongs pa sna tshogs gcig nas gcig tu brgyud pa de dag ni mthar thug par rung yang srid kyi byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / / de ci'i phyir zhe na/ kye rgyal ba'i sras sems can de tsam dag gi nyon mongs pa sna tshogs yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di ltar 'jig rten gyi khams ma lus pa thams cad du gtogs pa'i sems can rnams kyi nyon mongs pa tshad med pa thams cad yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ nyon mongs pa yang ba dang / nyon mongs pa lci ba mngon par 'tshang rgya ba'i ye shes yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ bag la nyal ba'i nyon mongs pa dang / sems can kun nas 'khor ba'i nyom mongs pa dang / sems can thams cad kyi nyon mongs pa dang / rnam par byang ba rnam par dgod pa yongs su shes par bya ba'i phyir/ byang chub sems dpa' rnams bla na med pa yang dag pa

  36. 19a

    rdzogs pa'i byang chub tu sems skye'o/ / 'di lta ste/ sems can gcig gi nyon mongs pa tshad med pa sna tshogs rang dbang med par byed pa'i nyon mongs pa rnam par bcad pa'i ye shes pongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ sems can thams cad kyi nyon mongs pa dang rnam par dpyod pa rnam pa sna tshogs shes pa yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ ma rig pa la gnas pa'i nyon mongs pa dang / sreng ba dang ldan pa'i nyon mongs pa dang / srid pa'i rgyud thams cad kyi nyon mongs pa kun tu sbyor ba rnam par bcad pa'i ye shes yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ 'dod chags kyis ye brdams pa'i nyon mongs pa dang / zhe sdang gis khong khro ba dang / gti mug gis mngon par khebs pa dang / cha mnyam pa'i nyon mongs pa dang / nyon mongs pa thams cad rtsa ba dang bcas te rnam par gcad pa'i ye shes yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ bdag tu bya ba shin tu bsgoms pa'i nyon mongs pa dang / bdag gir bya ba la mngon par zhen pa dang / nga rgyal gyis bslang ba dang / nga rgyal gyis mngon par spel ba'i nyon

  37. 19b

    mongs pa dang / nyon mongs pa thams cad ma lus par khong du chud cing yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ tshul bzhin ma yin pa yid la byed pa las byung ba'i yongs su rtog pa rtsa bar gyur pa'i nyon mongs pa dang / yongs su rtog pa'i shugs kyi rjes su 'brang ba'i nyon mongs pa'i rnam par rtog pa dang / 'jig tshogs la mngon par zhen pa dang / lta ba'i rnam pa drug cu rtsa gnyis kyi tshul sna tshogs dang ldan pa'i nyon mongs pa mngon par 'tshang rgya ba'i ye shes yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// 'di lta ste/ sgrib pa'i nyon mongs pa dang / kun nas sgrib pa'i nyon mongs pa thams cad shes pas rnam par dag par bya ba dang / snying rje chen pos yongs su bskyab pa'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// bsam pa dang / bag la nyal ba dang / kun nas 'khor ba'i nyon mongs pa'i dra ba thams cad rnam par gcad pa'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// kye rgyal ba'i sras nyon mongs pa sna tshogs kyi dpe de dag lnga'ang zhog gi/ kye rgyal ba'i sras 'di la skyes bu la la zhig skyes par gyur la/ de'i sems bskyed pa gcig gis 'jig rten gyi khams tshad med par gtogs pa'i sems

  38. 20a

    can rnams dang lhan cig pas/ shar phyogs logs su sangs rgyas bcom ldan 'das tshad med pa dag man pa stsal bro ba'i mchog tshad med pa dang / bdug spos tshad med pa dang / na bza' dang / gdugs dang / rgyal mtshan dang / ba dan tshad med pa dang / pho brang tshad med pa dang / bla re tshad med pa dang / gzhal med khang tshad med pa dang / rin po che'i dra ba dpag tu med pa dang / seng ge'i gdan dpag tu med pa dang / rin po che'i rgyan dang / lhab lbub tshad med pa dang / mchod pa'i rnam pa tshad med pas mnyes par byas te/ bskal pa tshad med par bsnyen bkur la/ rim gro dang bkur sti byas te rjes dang mchod pas btud cing phyag 'tshal te/ spyi bos gtugs nas snyan par brjod de 'khor zhing zhal du lta la/ de bzhin gshegs pa re re la yang mi de dang 'gro ba phal 'jig rten gyi khams tshad med par gtogs pa de dag gis shin tu dad par mar me grangs med pa dag kyang bus te/ skyes bu des ji lta ba bzhin du sems can de dag gis kyang / 'jig rten gyi khams de snyeng po de dag nor bu rin po che rnam par snang ba dang / yid bzhin gyi rgyal po dang / phyogs thams cad snang bar byed pa dang / me'i 'od dang / brgal dka' ba dang / chu'i zla ba'i 'od dang / rin po che'i rgyan dang / bsod nams kyi rgyal mtshan dang / nor bu yid du 'ong ba dang / de dag la sogs pa rin po che tshad med pas yongs su bkang ste yon du gsol la/ de bzhin du me tog dang / 'phreng ba dang / spos dang / byug pa dang / phye ma dang / na bza' /

  39. 20b

    gdugs dang / rgyal mtshan dang / ba dan dang / pho brang dang / gnam yol dang / sil snyan dang / rol mo brdung ba dang / gru dang / rin po che'i bra ba dang / gser gyi dra ba dang / nor bu'i dra ba dang / dril bu'i dra ba dang / seng ge'i khri dang / de bzhin du sangs rgyas kyi mchod pa brtsam pa rgya cher te/ de bzhin gshegs pa de dag bzhugs shing 'tsho ga zhes pa'i tshe/ mchod pa'i rnam pa de lta bus mchod nas/ mya ngan las 'das nas kyang mi de dang 'gro ba phal 'jig rten gyi khams tshad med par gtogs pa de snyed kyis/ de bzhin gshegs pa re re zhing yang mchod rten 'jig rten gyi khams tshad med pa dang mnyam par yangs shing rgya che ba rin po che tshad med pa las brtsigs te/ rgyan dang rin po che tshad med pas brgyan la/ mchod rten gcig ji lta ba bzhin du mchod rten dpag tu med pa mang po la yang de bzhin du byas te/ thams cad kyi tshad kyang de tsam la mchod rten re re la yang / de bzhin gshegs pa'i sku gzugs mang po tshad med par byas te/ 'jig rten gyi khams mang po yang snang bas rgyas par gyur la/ rnam grangs de lta bur de bzhin gshegs pa la mchod pa dang / rim gro'i yon tan yongs su brjod pa de dag byed cing / yongs su mya ngan las 'das pa de dag la yang mchod pa bya bas bskal pa tshad med pa zad par gyur te/ shar phyogs su ji lta ba de bzhin du/ lho phyogs dang / nub phyogs dang / byang phyogs dang / byang shar gyi phyogs mtshams dang / shar b+ho'i phyogs mtshams dang

  40. 21a

    lho nab kyi phyogs mtshams dang / nub drang gi phyogs mtshams dang / 'og dang steng gi phyogs dang / phyogs bcu thams cad dubang rgya cher te/ skyes bu bcu po sngon du 'gro bas phyogs re re la skyes bu re re zhing yang phyogs bcur byas na/ kye rgyal ba'i sras de la ji snyam du sems/ skyes bu de la sogs pa'i mi 'jig rten gyi khams tshad med pa bcur gtogs pa de dag la de'i rgyus bsod nams kyi phung po cher 'phel 'am/ smras pa/ kye rgyal ba'i sras de ni sangs rgyas bcom ldan 'das rnams kyi sangs rgyas kyi ye shes kyis thugs su chud par zad do// smras pa/ kye rgyal ba'i sras byang chub sems dpa' sems dang po bskyed b a'i bsod nams kyi phung po ji tsam yod pa'i bsod nams kyi phung po de la bskal pa tshad med par mnyes par byas pa'i sangs rgyas mchod pa dang rim gro las byung ba'i bsod nams kyi phung po snga ma des ni brgya'i char yang nye bar mi 'gre'o/ / stong gi cha dang / brgya stong gi cha dang / bye ba brgya stong gi char yang nye bar mi 'gro'o// grangs dang / cha dang / bgrang ba dang / dpe dang / rgyur yang nye bar mi 'gro'o// kye rgyal ba'i sras dpe snga ma de dag lta'ang zhog gikye rgyal ba'i sras 'di la skyes bu gnyis pa zhig byung ste/ de'i sems bskyed pa gcig gis skyes bu snga ma de dang 'gro ba pa la 'jig rten gyi khams grangs med par gtogs pa rdzas rnams kyis bskal pa tshad med par sangs rgyas la mchod pa dang / rim gro mngon par 'du byab pa de dag sems bskyed pa gcig gis mngon par 'du byed la/ tshul de lta bur sems bskyed pa re rer mnyes par byed pas/ shar phyog logs su 'jig rten gyi khams tshad med par

  41. 21b

    gtogs pa'i sems can rnams dang lhan cig pas sangs rgyas bcom ldan 'das tshad med pa mnyes par byas te/ gzhung de bzhin du thog ma la ji skad du brjod pa de bzhin du gnyis pa la dpag tu med pa/ gsum pa la grangs med pa/ bzhi pa la bsam gyis mi khyab pa/ lnga pa la mtshungs pa med pa/ drug pa la kun tu mtha' yas pa/ bdun pa la mu med pa/ brgyad pa la sa mtshams med pa/ dgu pa la gzhal du med pa'i bar du ste/ kye rgyal ba'i sras dpe snga ma de dag lta'ang zhog gi/ kye rgyal ba'i sras 'di la skyes bu bcu pa zhig skye ste/ skyes bu snga ma dgu po de dag dang / 'jig rten gyi khams gzhal du med pa bcur gtogs pa'i sems can pha la de dag gis bskal pa dpag tu med par sangs rgyas mchod pa dang / rim gros mnyes par byas pa de tsam du sems bskyed pa gcig gis mnyes par byed cing / tshul de ltar sems bskyed pa re rer mnyes par byed pas/ shar phyogs logs su 'jig rten gyi khams brjod du med par gtogs pa'i sems can rnams dang lhan cig pas zhal zas bro ba'i mchog brjod du med pa zhes bya ba nas/ gzhan yang rgya cher te/ de lta bus sangs rgyas bcom ldan 'das brjod du med pa mnyes par byas pa nas/ kye rgyal ba'i sras byang chub sems dpa' sems dang po bskyed pa'i bsod nams kyi phung po la bskal pa brjod du med par gtogs pa'i sangs rgyas mchod pa dang / bsnyen bkur ba las byung ba'i bsod nams kyi phung po snga mas brgya'i char yang nye bar mi 'gro zhes bya ba nas/ rgyu'i bar du yang nye bar mi 'gro zhes bya ba'i bar du ste/ de ci'i phyir zhe na/

  42. 22a

    rgyal ba'i sras de ni 'di ltar sangs rgyas skyes pa de tsam nyi tshe zhig mchod cing bsnyen bkur ba 'am/ sangs rgyas kyi mchod pa'i yo byad de tsam dag gi phyir/ byang chub sems dpa' sems dpa' chen po rnams bla na med pa yang dag par rdzogs pa'i byang chub tu sems mi skye'i/ de ni 'di ltar 'jig rten gyi khams 'byam klas pa ma lus pa thams cad chos kyi dbyings kyis klas pa/ nam mkha'i dbyings kyi mthas gtugs pa/ brjod du med pa'i yang brjod du med pa/ phyogs bcu tshad las 'das pa/ 'byam klas pa/ phyogs bcu'i rnam grangs mtha' yas pa'i dra bas khyab pa/ mig 'phrul gyi rnam pas bsam yas pa/ 'jig rten gyi khams thams cad gzhi mnyam par chud pa/ 'jig rten gyi khams ma lus par 'dus pa'i tshul shin tu bstan pa/ 'du shes kyi rnam pa la gnas pa'i phyogs kyi dra ba rnam par phye ba la gnas pa thams cad du gtogs pa/ lhag ma med par ma lus pa'i 'jig rten gyi khams kyi grangs dang tshul shin tu bstan pa dag tu sngon gyi mtha'i mur thug pa'i bskal pa bgrangs pa'i tshul shin tu bstan par gtogs pa/ thams cad mkhyen pa'i ye shes kyi tshul gyis mngon par thugs su chud pa dag tu/ sangs rgyas bcom ldan 'das gang ji snyed nub par gyur te/ yongs su mya ngan las 'das pa dang / gang yang ma 'ongs pa'i dus na/ 'jig rten gyi khams thams cad du de bzhin gshegs pa dgra bcom pa yang dag par rdzogs pa'i sangs rgyas rnams 'byung bar 'gyur ba dang / gang yang da ltar byung ba'i dus na/ da ltar phyogs bcu na sangs rgyas bcom ldan 'das rnams bzhugs shing 'tsho

  43. 22b

    gzhes pa dang / chos ston pa de dag thams cad mchod cing rim gro bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye ste/ sems bskyed pa de skyes ma zag nas de dang der 'das pa'i grangs su gtogs pa sngon gyi mur gyur pa ji snyed pa de bzhin gshegs pa de dag gis mngon par thugs su chud pa de dag tu/ sangs rgyas bcom ldan 'das gang ji snyed mya ngan las 'das pa de dag gi dge ba'i rtsa ba ji lta ba bzhin du byang chub sems dpa' yid ches so/ / de bzhin gshegs pa ma byon pa de dang de'i dus su gtogs pa phyi ma'i mtha'i mur bstan pa/ dpag tu med pa mtha' dang dbus med par shin tu bstan pa dag tu/ sangs rgyas bcom ldan 'das gang ji snyed 'byung bar 'gyur pa de dag gi dge ba'i rtsa ba la yang byang chub sems dpa' de yid ches so// da ltar byung ba'i de bzhin gshegs pa'i sangs rgyas kyi ye shes mtha' dang dbus med par bstan pa/ ma lus par mngon par sangs rgyas pa'i sangs rgyas bcom ldan 'das de dag gi dge ba'i rtsa ba la yang byang chub sems dpa' de yid ches shing yongs su 'dzin par byed/ yongs su rgyas par byed/ rab tu 'thob par byed/ khong du chud par byed/ rab tu rig par byed/ shin tu sgrub par byed/ rgyud gcig tu gyur par byed/ sangs rgyas thams cad kyang mnyam pa nyid du khong du chud par byed do// de ci'i phyir zhe na/ 'di ltar sems bskyed pa de ni de bzhin gshegs pa thams cad kyi gdung rgyun mi

  44. 23a

    'chad pa'i phyir skye'o/ / 'jig rten gyi khams ma lus pa thams cad rgyas par dgang ba'i phyir skye'o// 'jig rten gyi khams thams cad du gtogs pa'i sems can yongs su bsgral ba'i phyir skye'o/ / 'jig rten gyi khams tha ma cad du 'du ba dang 'jig pa yongs su shes par bya ba'i phyir skye'o// 'jig rten gyi khams thams cad du gtogs pa'i sems can rnams kyi kun nas nyon mongs pa dang / rnam par byang ba yongs su shes par bya ba'i phyir skye'o// 'jig rten gyi khams thams cad kyi srid pa gsum yongs su dag pa yongs su shes par bya ba'i phyir skye'o/ / sems can thams cad kyi bsam pa dang / bag la nyal ba dang / bag chags thams cad yongs su shes par bya ba'i phyir skye'o// sems can thams cad kyi shi 'pho dang skye ba yongs su shes par bya ba'i phyir skye'o/ / sems can thams cad kyi dbang po dang sbyor ba yongs su shes par bya ba'i phyir skye'o// sems can thams cad kyi sems dang spyod pa yongs su shes par bya ba'i phyir skye'o// sems can thams cad kyi dus gsum gyi shes pa yongs su shes par bya ba'i phyir skye ste/ sems bskyed pa des sangs rgyas bcom ldan 'das 'das pa dag dang nye bar 'gyur ro// sangs rgyas bcom ldan 'das ma byon padang da ltar byang ba rnams dang nye bar 'gyur ro/ / 'das pa'i sangs rgyas kyi byang chub tu nye bar 'gro'o// mabyon pa dang nga ltar byang ba'i sangs rgyas kyi byang chub tu nye bar 'gro'o// sangs rgyas bcom

  45. 23b

    ldan 'das 'das nas kyi chos kyang thob par 'gyur ro/ / sangs rgyas bcom ldan 'das ma byon pa rnams kyi chos kyang thob par 'gyur ro// sangs rgyas bcom ldan 'das da ltar byung ba rnams kyi chos car thob par 'gyur ro/ / sangs rgyas bcom ldan 'das 'das pa rnams dang mnyam pa nyid du nye bar 'gro'o// sangs rgyas bcom ldan 'das ma byon pa dang da ltar byung ba rnams dang mnyam pa nyid du nye bar 'gro'o/ / sangs rgyas bcom ldan 'das 'das pa rnams kyi ye shes kyi tshogs rnam par dag par 'gyur ro// sangs rgyas bcom ldan 'das ma byon pa dang da ltar byang ba rnams kyi ye shes kyi tshogs kyang rnam par dag par 'gyur ro/ / sangs rgyas bcom ldan 'das 'das pa dang / sa byon pa dang / da ltar byung ba'i stobs la thub pa med pa shin tu brtan par 'gyur ro// 'das pa dang / ma byon pa dang / da ltar byung ba'i sangs rgyas bcom ldan 'das dag gi mi bsnyengs pa yongs su dag pa'ang yongs su rdzogs par byed do// sangs rgyas bcom ldan 'das 'das pa rnams kyi bstan par bya ba'i sangs rgyas kyi chos kyi rgyan mnyam pa nyid kyang rjes su 'thob bo/ / sangs rgyas bcom ldan 'das ma byon pa dang da ltar byung ba rnams kyi bstan par bya ba'i sangs rgyas kyi chos kyi rkyen mnyam pa nyid kyang yongs su rdzogs par byed do/ / nam mkha'i dbyings kyi mthar thug pa chos kyi dbyings kyi mtha' dang dbus med par shin tu bstan pa'i dus gsum mnyam pa nyid du thugs su chung ba'i sangs rgyas kyi ye shes kyang rjes su 'thob

  46. 24a

    po/ / de ci'i phyir zhe na/ de ltar de ni sangs rgyas su shog cig ces bya ba'i sems bskyed pa des/ 'das pa'i sangs rgyas bcom ldan 'das rnams dang nye ba yin/ ma byon pa dang da ltar byung ba'i sangs rgyas bcom ldan 'das rnams dang nye ba yin/ 'das pa dang / ma 'ongs pa dang / da ltar byung ba'i sangs rgyas kyi yul rnams dang mnyam pa yin// 'das pa'i sangs rgyas kyi chos rnams dang mnyam pa yin no/ / ma 'ongs pa dang da ltar byung ba'i sangs rgyas kyi chos rnams dang mnyam pa yin/ sangs rgyas kyi chos kyi yul thams cad dang mnyam pa yin/ gcig tu nges pa'i lus gcig tu gyur pas kyang / dus gsum du mnyam pa'i sangs rgyas thams cad kyi ye shes dang 'grogs pa yang thob ste/ ye shes de dang 'grogs par gyur pa'i sems bskyed pa byung ba de skyes ma thag tu phyogs bcu na sangs rgyas rnams kyang ched du brjod pa mdzad do/ / sems bskyed pa de nyid rten du mdzad de/ bdul ba ji bzhin du chos kyang yang dag par ston/ 'jig rten gyi khams thams cad du'ang 'dul ba tshad med pa rnams 'byung bar 'gyur/ 'jig rten gyi khams thams cad kyang rab tu g.yo bar 'gyur/ 'jig rten gyi khams thams cad kyang snang bas rgyas par 'gyur/ 'jig rten gyi khams thams cad kyi ngan song yang rgyun chad par 'gyur/ 'jig rten gyi khams thams cad kyang yongs su dag par 'gyur/ 'jig rten gyi khams thams cad du sangs rgyas 'byung ba yang yang dag

  47. 24b

    par ston par 'gyur/ sems can thams cad kyang rab tu dga' bar 'gyur/ chos kyi dbyings thams cad la yang rab tu 'jug par 'gyur/ sangs rgyas kyi rigs thams cad kyang yongs su 'dzin par 'gyur/ sangs rgyas kyi rig kyi snang ba thams cad kyang rab tu thob par 'gyur te/ dus gsum du gtogs pa la sems bskyed pa der sangs rgyas sam sangs rgyas kyi chos sam byang chub sems dpa' 'am/ byang chub sems dpa'i chos sam/ rang sangs rgyas sam/ rang sangs rgyas kyi chos sam/ nyan thos sam/ nyan thos kyi chos sam/ 'jig rten pa 'am/ 'jig rten pa'i chos sam/ 'jig rten las 'das pa 'am/ 'jig rten las 'das pa'i chos sam/ sems can nam/ sems can gyi chos kyang rung ste/ ma 'dus pa gang yang med de/ thams cad mkhyen pa nyid ni ma gtogs so// de ltar na sems bskyed pa der ni chos kyi dbyings thams cad 'dus so// de nas sangs rgyas kyi mthus de'i tshe/ phyogs bcur 'jig rten gyi khams sangs rgyas kyi zhing gi rdul shin tu phra ba snyed rnam pa drug tu g.yos par gyur te/ g.yos so// rab tu g.yos so// kun tu g.yos so// 'gul to// rab tu 'gul to// kun tu 'gul to// ldeg go// rab tu ldeg go// kun tu ldeg go// che ma ches/ rab tu chem chem/ kun tu chem chem mo// 'ur 'ur/ rab tu 'u mthar

  48. 25a

    kun tu 'ur 'ur ro/ / shig shig/ rab tu shig shig/ kun tu shig shig go// de nas sangs rgyas kyi mthu dang / sems bskyed pa de'i yon tan yang dag par brjod pa'i chos nyid rab tu thob pa'i phyir/ lha rdzas kyi me tog gi char yang mngon par bab bo// lha rdzas kyi spos kyi char yang mngon par bab bo// lha rdzas kyi phye ma'i char yang mngon par bab po// lha rdzas kyi 'phreng ba'i char yang mngon par bab bo// lha rdzas kyi gos kyi char yang mngon pa rabab bo// lha rdzas kyi rin po che'i char yang mngon par bab bo// lha rdzas kyi rgyan gyi char yang mngon par bab bo/ / lha rdzas kyi rol mo rnams kyang mngon par sgra 'byin par gyur to// lha rdzas kyi snang ba yang rab tubyung ngo // lha rdzas kyi 'od kyang rab tu byung ngo // phyogs bcur 'jig rten gyi khams sangs rgyas kyi zhing gi rdul shin tu phra ba snyed 'das pa'i pha rol nas/ de bzhin gshegs pa chos kyi blo gros su mtshan btags pa/ sangs rgyas kyi zhing gi rdul shin tu phra ba snyed kyis zhal mngon par bstan te gsung brjod pa/ chos kyi blo gros legs so legs so// phyogs bcu na de bzhin gshegs pa sangs rgyas kyi zhing gi rdul shin tu phra ba snyed kyis chos bstan pa de la ched du brjod pa mdzad ngo/ / nged kyis kyang chos bstan pa 'di nyid shin tu rnam par phye ste/ nged kyis ji ltar shin tu rnam par phye ba de bzhin du/ sangs rgyas thams cad kyis kyang shin tu rnam par phye'o// 'di nyid du

  49. 25b

    / yang khyod kyi chos bstan pa des byang chub sems dpa' sangs rgyas kyi zhing stong gi rdul shin tu phra ba snyed kyis byang chub tu sems bskyed do// de dag kyang nged kyis lung bstan te/ de dag ni ma 'ongs pa'i dus bskal pa stong phrag brjod du med pa'i mthar thams cad kyang dus gcig tu 'jig rten gyi khams ming tha dad pa dag tu/ de bzhin gshegs pa mtshan gcig pa sha stag 'byung bar 'gyur 'di ltar sems rnam par dag pa zhes bya ba sha stag tu 'gyur ro/ / nged kyis chos bstan pa 'di yang ji ltar ma 'ongs pa'i dus na/ ma 'ongs pa'i byang chub sems dpa' ma thos pa rnams kyis thos par bya ba dang / ji ltar 'jig rten gyi khams mi mjed 'dir sems can rnams kyis shes shing gleng bzhi pa 'di'i ri rab kyi rtse mo la ji ltar sems can rnams 'dul bar gyur pa de bzhin du phyogs bcu'i 'jig rten gyi kham bye ba pa khrag khrig brgya stong tshad med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ dpag tu med pa sa mtshams med pa/ brjod du med pa/ chos kyi dbyings kyis klas pa/ nam mkha'i mthas gtugs pa dag tu yang / sems can rnams 'dul bar 'gyur bar bya ba'i phyir byin gyis brlab bo/ / thams cad na yang chos bstan pa 'di nyid byang chub sems dpa' chos kyi blo gros shes bya ba sha stag sangs rgyas kyi mthu dang / bcom ldan 'das kyi sngon gyi smon lam gyis sangs rgyas kyi

  50. 26a

    chos thams cad yang dag par bstan pa dang / ye shes kyi snang ba shin tu gsal bar bya ba dang / don gyis gdul ba'i ltung ba thob pa dang / chos nyid rab tu 'thob par byas/ dang / byang chub sems dpa' rnam pa shin tu dga' bar bya ba dang / sangs rgyas kyi chos kyi rgyu yang dag par bstan pa dang / sangs rgyas kyi chos mnyam pa nyid du bya ba dang / chos kyi dbyings gnyis su med pa la 'jug par bya ba'i phyir rab tu ston to/ / de nas byang chub sems dpa' chos kyi blo gros kyis phyogs bcur bltas te/ 'khor thams cad la rnam par bsdus nas nam mkha'i khams la ni rnam par spyod/ / sems can gyi khams ni yongs su smin par byed/ las dang rnam par smin pa'i khams ni'i gal bar mi byed/ nam mkha'i khams ni yongs su dag par byed/ kun nas nyon mongs pa las byung ba ni rab tu sel/ mos pa yangs pa las byung ba ni shin tu 'phel bar byed/ sems can gyi dbang po tha dad pa la ni rab tu 'jug/ dus gsum ni mnyam par byed/ mya ngan las 'das pa'i dbyings la ni yang dag par rtog cing / rang gi dge ba'i rtsa ba'i stobs yongs su dag par bya ba la gzhol ba'i phyir/ de'i tshe sangs rgyas kyi mthus tshigs su bcad pa 'di dag smras so/ / gang zhig phyogs rnams bcu po ma lus rgyas byas shing // sems can zhing dang chos gsum dag kyang rtogs gyur pa// sangs rgyas mtsho mchog byang chub sems dpa'

  51. 26b

    de bzhin te/ / de dag 'jig rten phan phyir sems kyi dam pa skyed// nam mkha'i dbyings kyis klas pa'i chos dbyings ji bzhin dang // ji ltar sangs rgyas chos rnams 'gro kun rjes song dang / sangs rgyas thams cad kun tu khyab brnyes ji bzhin gyi// 'gro ba mi ldog don du phan par rab tu zhugs// 'jig rten rnams la byams pas rtag par rab gnas shing // 'tshe ba med par 'gro la phan phyir su zhugs te/ / snang ba ma zer 'od byed gnas su gyur pa'i rnams// bsam gyis mi khyab stobs bcu mnga' bas byin gyis brlabs// de ni zhing rnams tha dad pa yin tshul yang rnyed de ni lus kyi rnam pa kun la rab tu zhugs/ / bsod nams ye shes de yang sangs rgyas byang chub bzhin// de ni chags med gzhol ba ye shes rgyur skyes so// spri'u tshugs rgyu ba'i 'gro ba sna tshogs ma lus par/ / gzhan yang zhing rnams 'byam klas chags med mthar thug pa// de dag phra sbom rgya che yangs pa thams cad du// byang chub sems mchog de ni gcig pu kun tu 'gro// brjod du med pa shin tu phra zhing mi gnas pa'i/ / byang chub sems dpa' spyod pa'i mchog la rtag zhugs shing // mkhas pa gang gis sangs rgyas chos mthong mi ngoms pa// de dag chos rnams rgya mtsho'i rnam par chud pa yin/ / 'jig rten lam rgyud kun la su zhig snying brtse zhing // 'jig rten gsum po sbyang bar rtag tu zhugs pa'i rnams// phyi ma'i mthar thug sangs rgyas gdung gi rgyun mi gcod//

  52. 27a

    de ni bdud kyi khyim yang rab tu 'joms pa yin// dus gsum rgyal ba rnams dang rgyud gcig dngos gyur cing // shin tu phra ba'i tshul gyis lam la rtag brtson te// su zhig sangs rgyas yul la dang sems pa/ / de ni tshigs med thub pa kun gyis dbang yang bskur// rdo rje lta bur sra zhing brtan la mi shigs pa// rkang gnyis gtso bos mdzad pa rtag tu dran shes shing // 'dren pa'i spyod yul snang rab shin tu rnyed pa'i rnams// gzhan gyi dri nga la mi rgyug byang chub sems kyang skye// 'gro ba rnams kyi 'du shes rnam pa mang shes shing // de bzhin las dang 'bras bu sems kyi rnams kyang ste/ / gzhan yang dbang po'i mthu dang khams rnams du ma dag/ kun kyang byang chub sems la spyod yul gcig yin no// gang zhig chos kyi dbyings bzhin byang chub sems yangs shing / / rtag tu chos la mi gnas nam mkha' ji bzhin pa// chags med sems ldan de dag sangs rgyas ye shes zhugs// de dag rtog med chos can yang dag mtha' la gnas// sems can bsas pa rnam 'byed sems can 'du shes med// chos kyi nam rtog khrag khrig pa mthar rab tu phyin// de dag rtog la mos shing rnam par mi rtog ste// de dag zhing rnams bye ba khrag khrig rjes su zhugs/ / gang zhig sangs rgyas bye ba khrag khrig rjes sems shing // gang zhig chos dbyings tshul gyi mdzod du zhugs gyur la// gang zhig sems can dbang po'i rnam par

  53. 27b

    / mthar phyin pa// de dag sems can gtso bzhin chos nyid shes pa yin// lhag pa'i bsam pa dge dang rtag par mngon ldan zhing // skyes bu'i seng ge'i bsnyen bkur phyir ldog mi 'gyur la/ 'jig rten gtso bos mkhas pa zong bas mi ngoms pa// de dag sangs rgyas khrag khrig bye bas byin gyis brlabs// zab mo'i chos rnams rnam par 'byed kyang chags pa med // gnas pa med pas sems kyi dam pa rtag tu dag/ de dag bskal pa mtha' yas skyes bu seng ge'i sems// dus gsum chags pa med par rtogs pa'i yid dang ldan// mi phrogs thub par mi nus yid kyi dbang po dang / / gsum pa rjes su song dang rtag tu ldan gyur cing // chos rnams 'byam klas shin tu bslabs pas rmongs med pa// de dag chos dbyings 'gengs kyang nam yang mi ngoms so/ / tshig gi lam 'das ji bzhin mkhas pa zhi ba shes// de bzhin nyid la nam yang rnam par mi 'byed pa// de dag sangs rgyas thams cad yul la rjes sems shing // dus gsum chags pa med pa rtogs pa'i yi de ldan 'gyur/ / mkhas pa gang zhig sems bskyed 'byam klas chos kyi dbyings// 'gengs shing phyogs bcu'i sangs rgyas zhing du 'gro ba ni/ de dag khrag khrig tshul rnams brjod du med pa yi/ / snang ba rnyed par gnas pa'i rgyal ba'i sras yin no// chos rab mu stegs snying rje'o tshul gyi rjes song zhing // byams pa'i pha rol phyin pa bar snang rdzi

  54. 28a

    bzhin te/ / sems can khams la rnams kyang yongs su rtog med pa// de dag rnam rtog med la brtson zhing 'jig rten spyod// phyogs bcu dag tu bden pas 'gro ba yid 'bebs par/ / 'dong bas sems can gtso bo de dag kun tu rgyu// bden pa'i tshig brtson rtag tu nges pa'i sems ldan pa// de dag phyogs bcu'i mi yi mchog gis byin gyis brlabs// 'das par gyur pa'i dus kyang de dag rjes su dran// de bzhin ma 'ongs dus na 'jug pa rnam par bsgom// de dag phyogs bcu'i 'jig rten kun na mi gnas te// sems can phan dang dgrol phyir kun tu rnam par rgyu/ / ye shes 'od mchog dam pas chags pa med gyur pa// rgyu yi rnam pa chos rab nem nur med brtan rnams// de dag the tshom thams cad rnam par zlog pa byed// chos kyi dbyings 'dir nam nur med par rab tu 'jug/ gang zhig bdud rnams kun gyi gnas rnams 'joms byed dang // gang yang sems can rab ribi shin tu se la byed dang // gang rnams rtog pa 'jig cing rnam rtog mi 'grogs pa/ / sems can gtso bo de dag yul la the tshom med// dus gsum ma lus the tshom rnam par bzlog byas shing // bsam pa mchog gis de bzhin gshegs pa'i drung 'gro ste/ / dad pa'i stobs dang ldan zhing blo brtan rnyed pa'i rnams// de dag don rtogs khong du chud cing blo yang dag/ mkhas pa 'gro ba'i don du phyi ma'i mthar spro ste/

  55. 28b

    sems can don du rnam thar 'byam klas yongs su tshol// yun ring dus su skyo ba med cing zhum pa med// sems can dmyal ba sdug bsngal mang po zlog par byed// de dag bsod nams mi zad ye shes ldan/ / 'gro ba'i dbang po sna tshogs bsam la rab tu 'jug/ skye dgu'i las kyi rgyud kyang shin tu shes byas shing // bsam pa ji bzhin tshul 'dra'i chos rnams mtha' yas brjod/ / 'gro la byams pa'i sa rnams kun dang rjes su ldan// bdag med nyid rtogs 'on kyang btang snyoms byed pa min// de dag snying brtse gcig tu gsal bar chos kyang brjod// 'on kyang dmigs par mi gnas de dag 'jig rten rgyu// de dag 'od zer dra ba sna tshogs mdog bkye zhing // 'gro ba'i mun pa bsal te kun tu snang byas nas// 'od zer sgo yi pad+mo dag la rgyal sras rnams/ / kun tu bstan te rdul dang bral ba'i chos kyang sngon// spu gcig rtse la zhing rnams rgyal bas brgyan pa dang // de bzhin rgyal ba'i sras kyis brgyan pa mngon par mthong 'khor rnams blo sems gzhan dang gzhan can dpe med pa/ / 'gro ba de dag sems shes rmongs med ston pa byed// sems 'jug gcig gis phyogs rnams bcu po thams cad kyi// brjod du med pa khrag khrig zhing rnams kun bgrod cing // song ste sangs rgyas 'gro ba'i don du mchod byas nas// dri ba khrag khrig don dang ldan pa sna tshogs 'dri// bde gshegs rnams la pha

  56. 29a

    yi 'du shes nyer bzhag cing / / chos kyi gter mkhas rtag tu shes rab non po can// ye shes 'byung gnas mkhas pas sangs rgyas chags med phyir// 'gro ba'i don 'dod byang chub mchog gi spyod pa sgrub/ / gang rnams chos dbyings rnam par phye zhing bsas byas kyang // bskal pa mang po 'das byas pad par ma gyur te// chos nyid gnas med gang la'ang chud par mgyur kyang / / chags med ye shes can rnams skyo sem med par spyod// dus gsum rgyal ba'i rigs su rigs dang ldan gyur cing // bde gshegs kun gyi sku las yang dag byang gyur pas/ chos kyi lus can de dag 'gro la gzugs lus ston// sgyu mkhon mkhas pa yid 'ong sgyu ma ston pa bzhin// mkhas pa de dag la lar spyod pa mchog rnyed snang // la lar mkhas pa skye zhing mya ngan 'das par snang / / byang chub dam pa'i mchog kyang rnam par 'tshang rgya snang // mya ngan 'da' ba ston pa'ang de bzhin la lar snang // rang rgyal rnams dang nyan thos rgyal ba'i sa min pa'o// chos nyid de la ji ltar rab tu gnas pa ltos// lus dang sgra med pas ma med 'du shes ldan pa min// 'on kyang bya ba sna tshogs du mnye bar ston// 'gro bar chos rnams rnam par 'byed cing skyer 'gyur te/ / 'jig rten gtso bo mi bzhugs phyin rgyal sras rnams/ chags med mthar phyin pa yi ye shes gnas bcas te// sangs rgyas byin rlabs rnam par 'phrul pa dag kyang ston/

  57. 29b

    'jig rten 'di na de dag 'dra ba gang yang med// de dag pas kyang 'phags pa lta go ci zhig smos// thams cad mkhyen pa'i ye shes yangs pa ma thob par// thams cad mkhyen pa'i thabs su rnam 'phrul mchog kyang thob/ / gang rnams chos rab 'phags par rtag tu 'jug byed pa// de dag chos rab dam pa mchog gi theg pa yin// 'jig rten dus dang dus min tshod kyang shes byas shing // de dag 'gro la phan phyir rnam par 'phrul pa ston// dpa' ba gang rnams zhing kun bdag gi lus 'gengs shing // gang rnams 'jig rten 'od zer dra ba mchog gtong ba// mun pa bsal cing snang bas 'jig rten rgyas par byed/ / klu yi dbang po bzhin du chos kyi char pa 'bebs// rmi lam lta bu log pa'i sgyu ma 'dra ba yi// 'du byed rab tu shes nas lam rnams sbyor 'jug cing // 'gro ba thams cad snying rje chen pos khyab byas nas/ / rang bzhin dag pa thar lam bya ba med pa ston// gang rnams rgyal ba'i stobs rnams ji bzhin tshad med dang // gang rnams mkha' ltar 'gro ba kun tu mtha' yas shing // gang rnams sems can khams kun yongs su dgrol brtson pa// de dag bskal pa bye ba grangs med spyad pa spyod// las mchog bla na med pa shin tu sbyangs pa yis// yon tan dam pa sna tshogs rnams kyang kun sems shing / byang chub sems dpa' de dag spyod pa mchog mi mthong // thams cad mkhyen pa'i ye shes 'byung ba rnam par lta// sems 'byung gcig gis 'jig rten bsam gyis

  58. 30a

    mi khyab pa/ / 'byam klas kun tu rgyu zhing 'gro bar rab tu snang // rtog dang rnam rtog mi 'byed dag pa'i sems dang ldan// de dag gcig min lus la lus gcig ston pa byed/ de dag 'jig rten kun la rtog par mi byed de// mgon po kun gyi chos nyid yongs su mi rtog go// de dag chos kun rnam 'byed 'dod chags bral gyur kyang // 'gro ba thar bar bya ba yongs su mi gtong ngongo/ / 'jig rten kun gyi 'du shes rnam pa gang yod pa// bzang ngan 'bring dang de bzhin chung dang sna tshogs kyi// 'du shes thibs po dag dang rab rgal rnam phye ste// de dag byin brlabs rnam par 'phrul ba shin tu ston/ / ji ltar sgyu ma rnam pa sna tshogs tshad med pa// de 'dra'i rnam par 'phrul pas chos dbyings 'di dag 'gengs// nam mkha'i dbyings kyi mthas klas lus kyi bye brag gis// 'gro ba rnams kyi mos pa ji bzhin ston pa byed// de dag gang la'angam chags rtog dang rnam rtog med// dog pa med cing nyon mongs de bzhin rlom sems med// de dag sangs rgyas chags pa'i blo med tha ra la min/ / 'gro ba kun la'ang bde ba'i 'du shes rab tu skyed// 'jig rten kun na shes la mkhas rab mi 'jigs pa// 'jig rten 'du shes gnas la 'jug par mi byed de// de dag chos kun 'di la 'du shes gang zhes rtog/ de ltar gzhigs na dus gsum gang yang dmigs pa med// sngon gyi mthar thug 'das pa'i dus la rab zhugs te// phyi ma'i mthar thug ma 'ongs pa la rab

  59. 30b

    zhugs nas/ / zhing rnams kun na ci yod kun kyang de bzhin du// shin tu shes kyang rtag par gang yang mi dmigs so// mya ngan 'das pa'i dbyings la'ang brtson par de bzhin gnas// nyon mongs med pa'i tshul gyi rjes song mi gnas te/ / de dag yang dag mtha' 'dra de la 'dra ba med// byang chub sprod pa las kyang dpa' bo mi ldog go// gang rnams byang chub brtan pa'i ri rab bzhin gnas shing // sangs rgyas rgyal sras mkhas pas chos dbyings thams cad dang // 'gro ba kun tu shin tu gang byas pa// 'di ni dpa' bo rnams kyi spyod pa'i mchog yon no// blo mchog dam pa gang zhig thams cad mkhyen pa yi/ / rnam grol mdzes pa'i tshul mchog yangs pa 'dod pa ni// des ni gang las zag zad srid gsum bde 'byung ba'i// byang chub sems la rim pa med par 'jug par gyis// gang gi bsam pa rdul bral byang chub sems gnas pa/ / de dag yon tan legs pa zad par brjod mi nus// 'on kyang 'gro ba'i don du bde gshegs legs brjod phyir// yon tan ldan pa de yi spong ba'i mchog kyang nyon/ / gang gis zhing rnams bye ba khrag khrig rdul byas te// phyogs rnams re re kun tu bkang ste bgrang byas shing // de yi rjes su dpag pas rnam 'dren zad byed na// 'du shes rnams ni mthar thug zad par mi 'gyur ro/ / gang zhig sems can grangs mkhas sems can 'du shes med// spyod pa tsam du gzhol zhing sgra la ma chags par// gang zhig 'jig rten khams 'byed chags

  60. 31a

    pa med pa'i sems/ / de dag ldang dang grangs mkhas grangs dmig med pa yin// yid kyis nam mkha'i dbyings kyi mtha' yas rgya che dang // dus rnams 'jig rten kun tu / rtogs pa'i mkhas pa gang // skar mos thal gtor bzhin du the tshom rnam gtor ba// de dag sangs rgyas chos rtogs yid can chags pa med// gang dag phyogs rnams mtha' yas zhing la rab 'jug cing / / sems bskyed gcig gis blo nyams med par 'dod byed pa// de dag tha dang grangs la rtogs pas der zhugs te// skye ba med pa'i chos la yang dag mtha' ltar mkhas// gang zhigs sangs rgyas bye ba khrag khrig pas ma yas pa'i/ / 'khor du nye bar phyin te zham ring 'khor gnas shing // gtso bo dag la 'dra ba'i thog mar gang 'gro ba// spyod yul mchog can de yi smon lam mchog 'di yin/ / gang zhig phyogs rnams kun gyi mgon po kun dran zhing // chos nyid de la nam yang gnas par ma gyur pa// khams gsum dge ba gang yong kun gyi rgyu yin te// de dag zhing rnams thams cad yongs su dag par sbyong / / gang rnams skye ba'i rgyud du srid gsum sna tshogs rnams// 'jig rten kun na yod la ma chags mig gyur pa// de dag bag chags mkhas shing de bzhin dbang po mkhas/ / mos pa bye ba khrag khrig bsam yas de bzhin mkhas// 'gro ba'i bsam pa ji bzhin gang gis shes gyur cing // shes rab chen po de dag de bzhin chos ston pa//

  61. 31b

    de dag kun nas nyon mongs rnam dag tshul la mkhas// sems can mang po rnam par sbyor ba'i lam ldan ston// gang zhig ting 'dzin bye ba khrag khrig brjod byas rnams// sems kyi rgyu ba gcig gis rjes su zhugs gyur pa/ / de dag mtshan ma sna tshogs gnas pa rab tu shes// ldang ba'i rgyas la mkhas shing blo gros spyod yul shes// chags med byang chub de la mngon du gang zhugs shing // 'gro la phan pa'i don du blo yangs su zhugs pa// ye shes 'byam klas de dang de dag ldan pa yin// de phyir de dag skye bu mchog gi gsung yang sgrog/ gang zhig bskal pa ring dang bskal pa bud mkhas shing / / nyin zhag mkhas shing de bzhin zla ba zla phyed mkhas// gang yang 'jig rten rtag tu skye ba mkhas gyur pa// zhing gi rnam pa mkhas shing rnam phye'i chos med pa'o// gang rnams phyogs la zhugs te phyogs kyi rjes 'brang zhing / / phyogs kun tshad ni rjes su shes par ma gyur pa// de dag dbu mas phyogs kyi rjes su 'gro byed cing // zhing rnams sbyong yang yongs su ngag rdog chags pa med/ / stobs la 'jug pas rgyal ba rnams kyi stobs shes pas// 'gro ba rnams kyi gnas dang gnas min bsam byas na// 'das dang ma 'ongs da ltar byung ba'i las kyis/ yang dag rtogs byas las kyi rnam par smin la gnas// 'jig rten kun khams sna tshogs tha dad ji bzhin du// sing gsum rnam par rgyu ba'i tshul yang ji bzhin dang // dbang po rnon po 'bring

  62. 32a

    dang dbang po tha mar yang / / 'gro ba ma lus kun gyi dbang po rnam par 'byed// mos pa rnam pa sna tshogs dge dang mi dge dang // bzang ngan de bzhin 'bring la rnam par sems byed cing / / 'gro ba'i kun tu 'gro ba brtan pa rnam par 'byed// srid gsum rgyu yi rgyud kyang de dag rab tu shes// bsam gtan rnam par nyon mongs ji bzhin mtshan ma mthong // nyon mongs mtshams sbyor rnam byang cis 'gyur dang // sngan chad gnas kyi bde dang sdug bsngal rgyud rnams kyang // brtan pa rnams ni sangs rgyas stobs rnams slong ba byed// ji ltar 'gro ba'i lam rgyud nyon mongs las 'jug dang / / 'gro rgyud thams cad 'jig cing zhir 'gyur thams cad dang // zag pa sna tshogs rnams kyang ji ltar skyer 'gyur pa// bag chags mtshams sbyor ji bzhin de bzhin rab tu 'jug/ ji ltar 'jig rten nyon mongs zad cing dag 'gyur ba// de la skyes bu khyu mchog spyod pa'i blo dang ldan// stobs 'chang dag ni stobs bcu rnams kyi 'od snang ste/ / rgyal ba'i stobs kyang thob min the tshom yod pa min// spu rtse gcig la gang rnams rnam par sems byed cing // la la nyon mongs la la dag dang yangs pa yi// sna tshogs zhing rnams tshad las 'das pa kun mthong nas/ / las dang bya ba sna tshogs rgyud du rab tu shes// gang rnams rdul gcig rtse la rnam sems brjod med pa'i// zhing dang bde gshes

  63. 32b

    sras rnams sems can gtso mthong yang / / zhing rnams 'khrugs shing 'dres pa'i nyes pa gang yang med// gcig la 'jug pas rnal 'byor ldan pa kun la 'jug/ spu gcig rtse la phyogs bcu thams cad rnam phye ste/ / nam mkha'i dbyings thug 'jig rten khams rnams kun zhugs shing // phyogs 'ga' tsam yang rgyal bas stong par mthong ba med// de bzhin zhing dang 'jig rten 'byam klas de dag sbyong / / / shin tu rgyas pa chen po'i mdo bam po nyi shu bzhi pa// / de ltar brtan pas rgyal bas stong min zhing shes nas// 'jig rten kun kyang spu rtse gcig la yod par 'jug/ dus gsum rgyud rnams mtshan nyid za dang khams kun dang // nyin zhag dus dang bla phyed rgyud kyi rnam par 'jug/ de ltar rgyal zas 'jig med byang chub sems dpa'i rnams/ / skyes bu khyu mchog ye shes rgyal srid thob zhugs pa// de dag 'di 'dra shes nas rjes su sems byed cing // bde gshegs rnams la dga' ba mtha' las yangs pa 'thob/ / gang rnams bye ba khrag khrig sna tshogs lus bsgyur cing // phyogs bcu'i rgyal ba thams cad mngon par mchod pa'i phyir// rnam 'phrul dam pa bzang po kun tu ston byed pa/ / de dag mgon po rnams kyi spyod yul rab la zhugs// gang rnams sangs rgyas bye ba khrag khrig drung bslabs shing // gang rnams chos kyi mdzod rtogs yid la ngoms

  64. 33a

    med de/ / gang dag mgon po khyu mchog rnams la dga' sems pa// de dag chos kyi sprin yin spyod pa mang la spyod// ye shes 'phel bar 'gyur ba'i chos kyi gnas mkhas pa/ / de dag sangs rgyas 'byung gnas ting 'dzin thob pa yin// ri rgyal lta bu de dag dad pa'i 'byung gnas rten// ye shes 'byung gnas 'gro ba'i yon tan 'byung gnas so// gnas pa med pa dam pa shin tu yangs pa dang / / thams cad mkhyen la mngon gyur mya ngan med pa dang // sems can skyob cing nyon mongs rnyog pa med zhugs pa'i// byams pa'i bsam pas 'gro ba kun kyang 'gengs/ / de dag snying rje'i blo yang shin tu yangs pa yin// bdag la cir sems de bzhin sangs rgyas sems can la// gzhan du nam mkha' lta bur mtshan nyid med par 'jug/ nyams par gyur pa'i sems can rnams mthong phyir zhing rtsom/ / byang chub sems la mkhas pa dag gi tshad dag ni// bskal pa bye ba'i mthas kyang brjod par mi nus te// ci phyir zhe na de las sangs rgyas thams cad byung / / dbang bdes rim gror byas dang rang rgyal kun kyang byung // phyogs bcu'i zhing rnams grangs med bcur ni bgrangs gyur pa'i// sems can thams cad bskal pa gcig tu bder bkod cing / / bslab pa bcu dang dge bcu bsam gtan 'thob pa dang // tshangs pa dag dang rnam grol zhi ba'i gnas bkod cing // de dag bskal pa bye bar bde bar rab bkod de// dgra bcom nyon mongs

  65. 33b

    zhi la rab tu dgod byas kyang / / byang chub sems dpa'i dge ba'i tshogs kyi char mi rung // byang chub sems dpa' zhugs ma thag tu tshogs chen sogs// nyon mongs med cing shin tu phra lam rtogs pa yi/ / rang rgyal sems can bye ba khrag khrig bkod gyur kyang // bsod nams bsags pa des ni byang chub sems rab la// grangs dang cha dang bgrang ba'i rnam par nyer mi 'gro// zhing gi rdul ni tshad kyis shes par rung yang srid/ / skad cig sems kyis zhing mang yongs su 'das byas shing // de ltar bskal pa brjod byas zad par 'gro byas na// zhing mtha' thug par rung ming byang chub sem mchog min/ / mtha' rnams kun tu bskal pa mang po'i mtha' med de// sngon gyi mthar gyur paskal pa de bzhin ma 'ongs dang // da ltar byung ba'i bskal pa zad dang thug med pa'i// bskal pa de dag zang srid byang chub sems ma yin/ / ci phyir zhe na 'di ltar phyogs rnams kun bkang zhing // rtog dang rnam rtog yongs su shes par bya ba'i phyir// skad cig gcig gis dus gsum rtogs par bya don du/ / 'gro ba'i don du 'dod cing sems mchog rin chen skye// phyogs bcu'i zhing rnams stong mang kun tu mtha' yas pa'o// 'gro ba rnams kyi mos pa bsam pa ci 'dra dang // sbyor ba gang dang sems dang spyod pa de bzhin te// mthar thug rung sring mkha' 'dra'i byang chub sems mtha' min// de ni 'di ltar phyogs bcu byams dang snying rje dang // bsam pa chen pos 'gro ba

  66. 34a

    thams cad rgyas byas shing / / thar pa'i don du sangs rgyas yon tan kun sbyar phyir// rin chen sems kyi stobs ni tshad med rab tu skyes// mos dang bsam pa yid bzhin yang dag sbyor ba dang / / 'gro ba'i dbang po sbyor ba sems dang spyod pa'i rnams// skad cig gcig gis ji bzhin rtogs par bya ba'i phyir// thams cad mkhyen pa'i ye shes lta bu'i sems skyes so/ / 'gro ba'i las dang nyon mongs sna tshogs 'byam klas pa// gang gis khams gsum 'di dag tu ni skyer 'gyur ba// de dag mtha' ni phyogs bcur rnyed par rung srid kyi// byang chub sems kyi mchog la kun tu mtha' med do/ / ci'i phyir zhe na 'di ltar nyon mongs las bral ba'i// sems ni de bzhin gshegs pa mchod pa'i don du skye// nyon mongs grol byed de bzhin las kyi rgyud kyang gcod/ / dus gsum mun pa sel cing mi zed snying rjes byung // phyogs bcu'i sangs rgyas mtha' yas ma lus thams cad dang // sems can mang po thams cad sems gcig bskyed pa yis spos dang me tog 'phreng ba byug pa dam pa dang / / gdugs dang rgyal mtshan bza' btung na bzas mchod par byed// gzhan yang gdan gyi rnam pa 'chags dam pa dang // pho brang mang po sna tshogs tsan dan mchog bsangs pa/ / nor bu rin chen rnam par snang bas brgyan pa dang // yid bzhin nor bu ying 'ong brgyan pas mchod byas te// de ltar bde gshegs sems can mngon par mchod byed

  67. 34b

    pas/ / bskal pa khrag khrig brjod du med pa zad byas kyang // byang chub sems dpa'i bde bsags mthar phyin bde ba nyid// gang bsgrubs byang chub sems la mnyam par nyer mi 'gro// ji snyed dper brjod byas pa 'di dag thams cad kyang / / yang dag skyes pa'i byang chub sems kyi char mi rung // de yang 'di ltar dus gsum bzhugs pa'o skyes bu'i mchog/ thams cad byang chub sems mchog de las byung ba yin/ / byang chub sems ni chags pa med pa'i mthar phyin te// thams cad tshad la gnas kyang de la tshad yod min// thams cad mkhyen pa'i ye shes gzhol zhing tshad med stobs/ / sems can rang bzhin de bzhin byang chub mthar yang phyin// byang chub sems 'di nam mkha'i mtha' dang mnyam pa ste// chos rnams kun la khyab pa chos dbyings ji bzhin no// tshad med de bzhin nyid kun de yi spyod yul gyur/ / des ni kun tu khyab pa sems can gtso bzhin no// de ni 'byam klas chos rnams kun la rjes su zhugs// des ni zhing rnams ma lus 'byam klas kun tu khyab// des ni shes pa 'byam klas thams cad rtogs par chud/ / de ni sangs rgyas 'byam klas kun dang 'gal med thob// rtag tu bsod nams bla na med pa dag dang ldan// de bzhin rtag tu tshul khrims rnam dag mi gnas ldan// rtag tu kun gtong rtag par rab tu dge ba ste/ / ldog pa med pa'i brtson 'grus mchog dang rab tu ldan// bsam gtan mdzod la rtag par bsam gtan 'jug pa byed// shes rab shin tu yangs pa dang yang rtag tu ldan// rgyal sras

  68. 35a

    rnams kyis rab dam pa gang yod pa/ / de dag don du ye shes kun tu babang po byung // 'gro ba kun na skyes bu'i seng ge gang bzhugs pa// de dag gis ni byang chub sems rab byin gyis brlabs// ting nge 'dzin dang gzungs kyi dam pas rab tu brgyan// de bzhin gshegs pa'i rnam 'phrul rdzu 'phrul rnam pas brgyan// 'jog rten kun dang 'gro ba rnams kyi ji tsam tshad// nam mkha'i tshad kyang phyogs bcu dag tu ji tsam pa/ / de dag pas kyang byang chub sems 'di tshad med de// de las skyes bu'i seng ge kun kyang skyes shing byung // byang chub sems 'di stobs bcu rnams kyi rtsa ba ste// brtan pa bzhin yi gnas yin so sor shes pa'i rtsa/ / rgyal ba'i chos rnams bco brgyad yang dag 'byin pa ste// skyes bu'i gtso bos mkhyen par bya ba'i chos kun 'byin// gzugs kyi sku ni mtshan rab rnams kyis bsags pa dang / / chos sku mnyam nyid rtog pa mi mnga' brnyes pa dang // 'gro bas mchod pa'i ye shes chags med gang byung ba// kun gyi rtsa ba 'byung gnas byang chub sems 'di yin// rang rgyal theg pa 'byung zhing nyan thos theg pa'ang 'byung // bsam gtan ting 'dzin bde ba gzugs kyi khams rnams dang // gzugs med khams rnams ting nge 'dzin gyi bde ba dag/ kun gyi rtsa ba 'byung gnas byang chub sems mchog 'di yin no/ / mi dang de bzhin lha yi dbang po'i bde ba dang // lam rgyud sna tshogs kun kyang 'di la shin tu sbyangs// brtson 'grus stobs dang

  69. 35b

    dbang po'i bde ba gang yod pa/ / kun gyi rtsa ba dang po byang chub sems 'di yin// ci phyir zhe na 'di ltar byang chub sems bskyed cing // pha rol phyin drug brtson par spyad pa rab tu spyod// sems can rnamal yang spyod pa yang dag rab tu ston// des ni khams gsum 'gro ba'i bde ba kun kyang 'byung // sangs rgyas chags med thugs chud don dam mkhyen pa'i rnams// chos kyi dam pa mchog rnams yang dag kun ston cing / / rgya chen nyon mongs las las sems can dgrol mdzad de// mya ngan 'das pa dam pa mchog la dgod mdzad pa// ye shes 'od zer 'ong yangs nyi ma lta bu ste/ / 'gro bar spyod pa dkar pos yongs rgyas zla ba bzhin// yon tan shin tu bsags pa tshad med chu zla lta bu ste// dri med chags pa mi mnga' tshad med mkha' dbyings 'dra/ / gang zhig yon tan mtha' yas byang chub sems yangs pa// shin tu che zhing bde skyid tshad med smin byed cing // phyi mtha'i mur thug spyod par mos pas su brtson pa// de dag sems can 'dul ba'i don phyir rtag tu brtson/ / 'jig rten 'byam klas thams cad rnam par sbyang ba'i phyir// smon lam bye ba khrag khrig bsam gyis mi khyab dang // stong pa mtshan ma med pa smon med mi gnas pa'i/ / smon lam bye ba brgyas ni sems de dag par 'gyur// chos kyi rang bzhin nam mkha' lta bu sus rtogs shing // zhi dang rab zhi nyer zhir thams cad mnyam gzhog pa// /

  70. 36a

    de dag chos grangs khrag khrig bsam gyis mi khyab pa'i// grangs su 'gro la ston kyang de ni gnas pa med// phyogs bcu kun gyi 'jig rten gtso bo ji snyed pa// de dag kun gyis byang chub sems mchog 'di bsngags te/ / yon tan brgya phrag bsam gyis mi khyab pas kyang brgyan// sems can gtso bzhin yongs dag pha rol phyin pa yin// bskal pa sems can snyed du gal te legs brjod kyang / / byang chub sems rab de la mthar thug gang yang med// rgyal ba 'byung ba'i rigs chen der ni gang skyes pa// de yid pa ni khams gsum glongs kyang gang yang med/ / dus gsum rgyal ba kun gyis gang zhig rnam bsags pa'i// byang chub sems rab de la smon lam kun gyis gyis// byang chub sems rab dam pa de ni bsod nams gter// des ni rgyal sras chags pa med par rab tu 'thob/ / 'gro ba'i sems dang spyod pa shes shing mthong rung srid// zhing rnams rdul du rlags te bgrang bar nus kyang srid// bar snang sbra yis mnyam par gzhal bar nus srid kyi/ / byang chub sems mchog yon tan mthar phyin mi nus so// 'di las dus gsum sangs rgyas thams cad rab tu byung // 'di las 'jig rten 'gro ba kun gyi bde ba 'byung / / 'di las rgyal bas bsngags pa'i legs pa thams cad 'byung // 'dis ni sems can gtso la the tshom med par 'gyur// 'dis ni 'jig rten kun gyi bsgribs pa zad par

  71. 36b

    'gyur/ / 'dis ni zhing rnams yongs su dag pa'i mchog tu 'gyur// 'di las 'jig rten dam pa shes dang ldan pa 'byung // gang zhig phyogs bcu'i rgyal ba blta bar 'dod pa dang // gang zhig byin dang bsod nams mi zad mdzod 'dod dang // gang zhig 'gro ba kun gyi sdug bsngal zlog 'dod pa// des ni yon tan mtha' yas byang chub sems bskyed bya// shin tu rgyas pa chen po'i mdo sangs rgyas phal po che zhes bya ba las/ / byang chub sems dpa' sems dang po bskyed pa'i bsod nams kyi phung po'i dpe yang dag par bsags pa tshogs su bcad pa'i le'u zhes bya ba ste nyi shu gnyis pa'o/ / // de nas byang chub sems dpa' brtson 'grus blo gros kyis// byang chub sems dpa' chos kyi blo gros la 'di skad ces smras so// kye rgyal ba'i sras byang chub sems dpa' thams cad mkhyen pa nyid kyi sems bskyed pa rab tu thob pa/ sems dang po bskyed pa la gnas pa/ de ltar tshad med pa'i bsod nams kyi tshogs dang ldan pa/ thams cad mkhyen pa'i ye shes rgya chen po la yang dag par 'dzeg pa/ byang chub sems dpa'i skyon med par shin tu chud pa/ 'jig rten kun tu khrid par byed pa// rnam par bzlog pa/ rdzogs pa'i sangs rgyas kyi 'jig rten las 'das pa'i chos nyid kyi rjes su song ba/ 'das pa dang / ma byon pa dang / da ltar byung ba'i de bzhin gshegs pa thams cad kyis byin gyis brlabs pa/ byang chub sems

  72. 37a

    dpa'i rnam par dgod pa la shin tu nges pa/ rdzogs pa'i byang chub tu rab tu gzhol ba de dag gis/ de bzhin gshegs pa'i bstan pa la ji ltar brtson par byas pa'i rnam pa gang gis/ de bzhin gshegs pa thams cad mnyes par 'gyur ba dang / byang chub sems dpa'i rnam par dgod pa las 'das par 'gyur ba dang // spyod pa'i dkyil 'khor chen po yongs su dag par 'gyur ba dang / smon lam chen po yongs su rdzogs par 'gyur ba dang / byang chub sems dpa'i gter chen po rab tu thob par 'gyur ba dang / sems can rnams la snod ji bzhin du sbyin par byed par 'gyur ba dang / pha rol tu phyin pa'i phyogs yongasu mi gtong bar 'gyur ba dang / ji ltar dam bcas pa'i sems can rnams sgrol bar 'gyur ba dang / sangs rgyas dang / chos dang / dge 'dun gyi gdung mi 'chad par 'gyur ba dang / dge ba'i rtsa ba dmigs pa thams cad du sbyor ba don med pa mi 'gyur ba dang / kye rgyal ba'i sras byang chub sems dpa' rnams kyis de la brtson par byas nas/ chos kyi yul 'di dag yongs su rdzogs par 'gyur bar ji ltar brtsam par bya ba de legs par bshad pa mdzod cig/ 'khor 'di dag thams cad ni nyan par 'dod do// sems can chen po de dag gi brtson pa'i rnam pa ji lta bus/ ma rig pa'i mun nag thams cad bsal te/ bdud kyi dkrugs ma'i 'khor thams cad las shin tu rgyal bar byas nas/ phas kyi rgol ba thams cad zil gyis mnan te

  73. 37b

    sems kyi dri ma kun nas nyon mongs pa'i phyogs thams cad kun nas bsal nas/ dge ba'i rtsa ba phun sum tshogs pa thams cad shin tu bsgrubs te/ mi khom pa dang / ngan song dang / ngan 'gror lam thams cad rnam par bzlog nas/ ye shes kyi dkyil 'khor chen po rnam par byang bar byas te/ byang chub sems dpa'i sa dang / pha rol tu phyin pa dang / gzungs dang / ting nge 'dzin dang / mngon par shes pa dang / rig pa dang / mi 'jigs pa yongs su dag pa rnams mngon par bsgrubs nas/ sangs rgyas kyi zhing thams cad rnam par dag pa dang / mtshan dang / dpe byang byad bzang po dang / sku dang / gsung dang / thugs kyi rgyan mngon par bsgrub pa yongs su rgyas par byas te/ de bzhin gshegs pa thams cad kyi stobs dang / mi 'jigs pa dang / sangs rgyas kyi chos ma 'dres pa mnyam pa nyid kyi rjes su song ste/ thams cad mkhyen pa'i ye shes kyi yul rtogs par 'gyur ba dang / de ltar mngon par byang chub nas kyang / bsam pa'i tshul bzhin du sangs rgyas kyi zhing yongs su grub par gyur pa dag tu/ ji ltar yongs su smin par bya ba'i sems can dag la/ dus dang dbang po'i rgyud ji lta ba bzhin du/ sangs rgyas kyi mdzad pa mtha' yas pa 'byin par 'gyur ba de legs par shod cig/ 'khor 'di dag thams cad ni nyan par 'dod do// ji ltar yang byang chub sems dpa' rnams kyis byang chub sems

  74. 38a

    dpa'i yon tan 'di dang / gzhan dag dang / byang chub sems dpa'i chos dang / byang chub sems dpa'i spyod pa dang / byang chub sems dpa'i lam gyi yul rnams yongs su rdzogs par byas te/ myur du de bzhin gsheg pa'i mnyam pa nyid 'thob pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyis/ bskal pa brgya stong grangs med par yang dag par bsgrubs pa'i chos kyi mdzod 'di yang yang dag par srung zhing / byang chub sems dpa'i spyod pa la gnas shing ston pa dang 'chad pa'i tshe/ bdud dam bdud kyi ris su gtogs pa dang / phas kyi rgol ba thams cad kyis zil gyis mi non pa dang / 'jig rten gyi khams thams cad du yang skyo ba med par dam pa'i chos yongs su 'dzin par byed pa dang / de yang dag par ston pa'i tshe/ lha'i dbang po rnams kyis rim gror bya ba dang / gzhung de bzhin du klu'i dbang po dang / gnod sprin gyi dbang po dang / dri za'i dbang po dang / lha ma yin gyi gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po dang / mi'i dbang po dang / tshangs pa'i dbang pos rim gror bya ba rab tu 'thob pa dang / de bzhin gshegs pa chos kyi dbang pos rim gror bya ba rab tu 'thob pa dang / de ltar rim gror byas nas kyang 'jig rten thams cad kyis phyag bya ba/ 'jig rten thams cad kyis

  75. 38b

    mngon par mchod pa/ 'jig rten thams cad kyis dbang skur ba/ de bzhin gshegs pa thams cad kyis shin tu dgongs pa/ byang chub sems dpa' tshogs kyis shin tu bsrung ba// rang gi dge ba'i rtsa ba dang smon lam rab tu thob pa/ chos dkar po chen po yang dag par spel pa'i rnams/ de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod rnam par 'byed par 'gyur ba dang / dam pa'i chos yongs su 'dzin pa rgya chen po rab tu 'byed pa dang / byang chub sems dpa'i rim gyis spyod pa yongs su bsgrub pa shin tu ston/ par 'gyur ba de lta bu'i gnas dag yang dag par bstan pa mdzod cig/ de nas byang chub sems dpa' brtson 'grus blo gros kyis don 'di nyid brnan te brjod pa'i phyir/ byang chub sems dpa' chos kyi blo gros la tshags su bcad de smras pa/ spyod la 'jug pa mtha' yas langs pa dag/ rang byung ye shes sgrub pa dge ba'i rnams// rdzogs pa'i byang chub sems dpa' yon tan can/ / grags pa chen po rnams la legs par shod// byang chub sems dpa' gang rnams sems thob cing // bsod nams ldan pa'i ye shes thob pa rnams// skyon med zhugs pa 'jig rten rnam bzlog cing // yang dag sangs rgyas chos mnyam nyid thob rnams// de dag gis ni bde gshegs bstan pa la// brtson 'grus brtan pas ji ltar brtsen

  76. 39a

    par bya/ / gang gis phyogs bcu'i rgyal ba mnyes bya zhing // yang dag sangs rgyas sa yang gnan bya dang // spyod pa dag dang smon lam yongs dag dang // ye shes gter chen rab tu 'thob 'gyur zhing / / thob nas de dag 'gro kun mi gnas pas// yongs su blangs pa rtag tu gtong byed dang // gang yang pha rol phyin pa mchog gi lam// de dag mi gtong rab tu spyod pa dang / / sems can ji ltar sgrol byed dam bcas shing // yang dag sangs rgyas bsam pa mnyam 'dzin dang // mig gi dmigs pa brtan pa thams cad kyi// 'byung ba ston can la stobs 'gyur zhing / / skyes bu khyu mchog de dag brtson 'gyur ba'i// rnam dag lam de khyu mchog khyod kyis ston// ji ltar de dag mun pa kun bsal cing // 'khrug pa'i 'khor rnams thams cad pham byas nas/ / dri ma bral ba'i dge ldan mkhas pa rnams// skyes bu khyu mchog ye shes ldan 'gyur dang // mi khom ngan song lam rnams yongs spangs shing // ye shes chen po'i dkyil 'khor mchog sbyong dang / / yon tan bzang po thams cad ldan gyur cing // rgyal ba'i ye shes stobs kyang 'thob 'gyur dang // skyes bu khyu mchog ye shes zhugs nas kyang / sems can bsam pa ji bzhin ston byed cing // mtha' yas yangs pa'i zhing rnams bsam yas su// ston pa chen po'i las kyang byed pa dang // ci nas de dag spyod pa mchog thob nas//

  77. 39b

    mi yi khyu mchog mdzod rnams ston byed de// zil gyis mnon gzhan gyis mi 'pham par// rgyal ba'i chos nyid rtag tu 'dzin byed ston// seng ge bzhin du ji ltar 'jigs pa med// ji ltar zla bzhin dag pa'i mdog tu spyod/ / tshu la pad+mo bzhin du chags med pa// de dag rgyal ba'i yon tan ji ltar skyong // de skad ces smras pa dang // byang chub sems dpa' chos kyi blo gros kyis byang chub sems dpa' brtson 'grus blo gros la 'di skad ces smras so/ / kye rgyal ba'i sras khyod ni skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang bde ba'i phyir zhugs pa ste/ kye rgyal ba'i sras de ltar khyod byang chub sems dpa'i spyod pa shin tu rtogs shing / rnam par dag pa brtsams te 'dri zhing / de ltar rgyal ba'i sras khyod de bzhin gshegs pa dri ba/ chos mang po la rab tu gnas pa/ brtson 'grus chen pos shin tu bsags pa/ brtson 'grus ldog pa med pas shin tu byung ba 'dri bar byed pa ni/ kye rgyal ba'i sras legs so legs so// kye rgyal ba'i sras de'i phyir shin tu legs par nyon la yid la zung zhig dang / sangs rgyas kyi mthu dang / sangs rgyas kyi byin gyis brlabs kyis phyogs tsam bstan par bya'o// kye rgyal ba'i sras 'di la byang chub sems dpa' thams cad mkhyen pa nyid du sems bskyed pa thob pa rnams

  78. 40a

    kyis/ sog mar sems bskyed pa de mi nyams par yongs su bsrung ba dang / rim gror bya ba'i phyir bag yod par bya'o// kye rgyal ba'i sras de la rnam pa bcus ni/ byang chub sems dpa' bag yod pa la gnas pa zhes bya ste/ bcu gang zhe na/ tshul khrims kyi phung po shin tu bsrungs pa dang / byang chub kyi sems ma nyams shing shin tu sbyangs pa dang / byang chub sems dpa'i bsam pa g.yo dang sgyu med par blta ba dang / dge ba'i rtsa ba sbyor ba phyir mi ldog pa dang / rang gi sems bskyed pa shin tu rtogs pa dang / phyogs khyim pa dang / so so'i skye bo dang ma 'dres pa dang / dge ba'i rtsa ba las 'jig rten gyi 'du shes dang / 'dod pa thams cad dang bral ba dang / byang chub sems dpa'i lam nyan thos dang rang sangs rgyas kyi theg pa spangs pa rab tu thob pa dang / dge ba'i rtsa ba brtsam pa nan tan rgyun chad pa med pa dang / bdag gi rgyud kyi stobs kyi shugs shin tu brtags pa dag ste/ kye rgyal ba'i sras rnam pa bcu po 'di dag dang ldan pa'i byang chub sems dpa' ni bag yod pa la gnas pa zhes bya'o/ / kye rgyal ba'i sras de la byang chub sems dpa' bag yod pa la gnas pa ni/ rnam pa bcus ni yongs su dag par 'gyur te/ bcu gang zhe na/ 'di lta ste/ kye rgyal ba'i sras 'di la byang chub sems dpa' ji ltar smras pa de ltar byed pa yin/ shes bzhin gyi dran pa can yin/ khengs pa med cing g.yeng

  79. 40b

    ba med de bsam gtan zab mo la rab tu gnas pa yin/ sangs rgyas kyi chos zab mo btsal ba la nan tan byed cing rgyun mi gcod pa yin/ lhag mthong mngon par bsgrub pa la mkhas shing ji ltar thos pa'i chos la tshul bzhin du rtog par zhugs pa yin/ bsam gtan gyi rjes su song ba'i sems kyis de bzhin gshegs pa'i rnam par 'phrul pa zab mo'i rjes su song ba yin/ sa dang mnyam zhing mtho dman dang bral ba yin/ sbyor ba bzang ngan dang bar ma la sems nyams pa med pa yin/ sems can kun gyi nang na chung ngu na thams cad mkhyen pa nyid du sems gcig/ bskyed pa la'ang ston pa'i bsam pa thob pa yin/ mkhan po dang / slob dpon dang / dge ba'i bshes gnyen dang / byang chub sems dpa' dang / chos smra ba rnams la rim gro dang bkur sti'i ngang tshul can du gnas pa yin te/ kye rgyal ba'i sras rnam pa bcu po de dag gis byang chub sems dpa' bag yod pa la gnas pa yongs su dag par 'gyur ro// kye rgyal ba'i sras de la byang chub sems dpa' bag yod pa brtson 'grus brtsams pa/ dran pa nye bar gzhag pa/ mos pa che ba/ rnal 'byor rgyun ma bcad pa/ chos thams cad la mi gnas pa/ chos thams cad la brtson pa/ nyon mongs pa med pa'i tshul la zhugs pa/ sems yangs pa/ sangs rgyas kyi chos mtha' dang dbus med pa'i rjes su song ba rnams kyis ni/ de bzhin gshegs pa

  80. 41a

    dgra bcom pa yang dag par rdzogs pa'i sangs rgyas rnams mnyes par 'gyur te/ kye rgyal ba'i sras byang chub sems dpas ches bcus de bzhin gshegs pa rnams mtsha par bya'o/ / bcu gang zhe na/ byang chub sems dpa'i brtson 'grus thams cad la phyir mi ldog pa dang / lus dang srog la mi lta ba dang / 'tsho ba'i yo byad dang / 'tsho ba'i rkyen la don du gnyer ba mepa dang / chos thams cad rnam par bsgom pas nam mkha' dang mnyam pa dang / chos kyi dbyings la yang dag par gzhol ba'i lhag mthong la mkhas pa dang / mi gnas pa'i chos rnam par bsgom pa'i phyag rgya dang / rtag tu rgyun mi 'chad par bsgrubs pa'i smon lam chen po dang / yongs su sbyongs pa'i bzod pa shes pa'i snang ba dang / rang gi dge ba'i chos bsags pa dang / ma bsags pa shin tu brtags pa dang / mngon par 'du bya ba med pa'i sgo shin tu bya ba ste/ kye rgyal ba'i sras bcu po de dag gis de bzhin gshegs pa mnyes par bya'o// kye rgyal ba'i sras de la byang chub sems dpa' chos bcu la gnas pa rnams kyis/ de bzhin gshegs pa rnams mnyes par 'gyur ba yin te/ bcu gang zhe na/ 'di lta ste/ bag yod pa la gnas pa dang / mi skye ba'i bzod pa la gnas pa dang / snying rje chen po la gnas pa dang / pha rol tu phyin pa yongs su rdzogs par bya ba la gnas pa dang / spyod pa yongs su rdzogs par bya ba la gnas pa dang / smon lam

  81. 41b

    mngon par bsgrub pa la gnas pa dang / thabs mkhas pa la gnas pa dang / brtan pa'i stobs kyi shugs la gnas pa dang / chos thams cad nam mkha'i rang bzhin lta bu la rab tu gnas pa dang len pa med pa la gnas pa ste/ kye rgyal ba'i sras chos de dag la gnas pa'i byang chub sems dpa' rnams kyis ni de bzhin gshegs pa mnyes par 'gyur ro// kye rgyal ba'i sras de la chos bcu dang ldan pa'i byang chub sems dpa' rnams ni/ sa rnam par dgod pa las 'da' ba yin te/ bcu gang zhe na/ 'di lta ste/ bsod nams dang ye shes kyi tshogs shin tu bsags pa dang pha rol tu phyin pa rnam par phye ba tshad med pa'i lam gzhan gyi dring mi 'jog pa'i ye shes snang ba dang / dge ba'i bshes gnyen dang 'grogs pa rgyun ma chad pa dang / brtson 'grus zhig pa med pa dang de bzhin gshegs pa'i byin gyi rlabs kyis legs par brlabs pa dang / dge ba'i rtsa ba sbyor bas mi skyo ba dang / theg pa'i rgyan shin tu bshams pa dang / ye shes kyi bsam pa rab tu rno ba dang sa dang sa ma yin pa'i chos kyi sgo la mi gnas pa dang / 'das pa dang / ma byon pa dang / da ltar byung ba'i sangs rgyas bcom ldan 'das thams cad dang / dge ba'i rtsa ba'i rgyud kyi tshul gcig tu gyur pa dag kye rgyal ba'i sras chos bcu po de dag gis byang chub sems dpa' rnams sa nas sar rnam par dgod pa las 'da' pa yin no/ / kye rgyal ba'i sras byang chub sems dpa' de dag ni thog ma nas sa

  82. 42a

    rnam par dgod pa thams cad la mkhas pa rnam par spyod pa yin/ chos kyi sgo gang gis gang khong du chud par 'gyur ba dang / ye shes kyi sgo gang gis thob par 'gyur ba dang / bsgrub ba gang yin pa dang / rgyu 'thun pa gang yin pa dang / spyod yul gang yin pa dang / rnam par 'phrul pa gang yin pa dang / yang dag par mthong ba gang yin pa dang / chos kyi sgo rnam par dbye ba'i khyad par gang yin pa dang / ji ltar thob par bya ba thams cad kyang rnam par spyod do// de dag la shin tu rnam par spyad pas chos thams cad la mi gnas shing / sems kyi rang bzhin gyis chos thams cad khong du chud pas/ byang chub sems dpa'i sa yang dag par 'da' 'o// kye rgyal ba'i sras byang chub sems dpa' rnams ni/ 'di ltar bdag cag gis ci nas kyang myur du 'da' bar bya'o snyam du mi sems te de ci'i phyir zhe na/ 'di ltar de dag 'di snyam du sems te/ bdag cag sa nas sa la rnam par gnas pas ji lta ji ltar yang dag par gnas pa de lta de ltar bsod nams kyi tshogs ches che ba skye bar 'gyur te/ ji lta ji ltar bsod nams kyi tshogs chen po skyes par gyur pa/ de lta de ltar de bzhin gshegs pa'i sa'i rjes su song zhing / sangs rgyas kyi mdzad pa tshad med pas nye bar gnas par 'gyur ro snyam ste/ de dag sbyor ba rgyun ma chad cing skyo ba med pa'i yid dang ldan pa dang / tshogs kyi rgyan chen pos byang chub sems dpa'i sa rnam par dgod pa las yang dag par 'da' 'o// kye rgyal

  83. 42b

    ba'i sras de la byang chub sems dpa' rnams kyis rnam pa bcus spyod pa'i dkyil 'khor yongs su sbyang bar bya ste/ bcu gang zhe na/ yo byad yongs su gzung ba med pa dang / 'gro ba thams cad tshim par byed pa dang / tshul khrims yang dag par blangs pa kha na ma tho ba med pa dang / bzod pa dang nges pa mi bzad pa'i sa'i rjes su song ba dang / brtson 'grus rtsom pa phyir mi ldog pa'i sbyor ba dang ldan pa dang / dran pa'i stobs kyi shugs rmongs pa med pa dang / gcig las rnam pa tha dad pa'i chos kyi rjes su song zhing khong du chud pa dang / gnas med pa'i spyod pa bsgrub dka' ba thams cad la sems ri'i rgyal po lta bu dang / sems can thams cad dang ma 'dres pa'i mu stegs su gyur pa dang / 'gro ba thams cad du sangs rgyas thams cad dang rgyud kyi tshul gcig tu gyu ba ste/ kye rgyal ba'i sras rnam pa bcu po de dag gis/ byang chub sems dpa' rnams kyis spyod pa'i dkyil 'khor yongs su sbyang bar bya'o// de dag gi byang chub sems dpa'i spyod pa de ltar yongs su sbyangs pa de rnam pa bcus shin tu dag par 'gyur te/ bcu gang zhe na/ sems can gyi gtso bo 'jig rten gyi khams gzhan na bzhugs pas yang dag par dgongs pa dang / 'das pa'i byang chub sems dpa'i grogs kyis dge ba'i rtsa ba bskyed pa dang / sangs rgyas kyi byin gyi rlabs yang dag par gzung ba la mkhas pa dang / dge ba'i bshes gnyen la yang dag par rten pa dang / mos pa dang / brtson 'grus dang

  84. 43a

    bag yod pa la rab tu gnas pa dang / chos tha dad pa thams cad la tha mi dad par rtogs pa dang / snying rje'i byin gyis brlabs shin tu che ba dang / chos thams cad yang dag pa ji lta ba bzhin du rnam par lta ba'i shes rab kyi pha rol tu phyin pa mngon par bsgrub pa dang / thabs la mkhas pa rnam par spyod pa'i sbyor ba dang / sbyor ba thams cad la de bzhin gshes pa'i stobs kyi rjes su 'brang ba dag ste/ kye rgyal ba'i sras rnam pa bcu po de dag gis byang chub sems dpa' rnams kyis sprod pa'i dkyil 'khor yongs su sbyang bar bya'o// kye rgyal ba'i sras de la byang chub sems dpa'i smon lam rnam par dag pa bcu ste/ bcu gang zhe na/ 'di lta ste/ skyo ba med par sems can gyi khams yongs su smin par bya ba'i smon lam dang / dge ba'i rtsa ba sna tshogs bsags pas 'jig rten gyi khams yongs su dag par bya ba'i smon lam dang / lus dang srog gis bsngo zhing dam pa'i chos yongs su 'dzin pa'i smon lam dang / ye shes kyi sgo rnam par spyad pa khong du chud pas sangs rgyas kyi zhing la 'jug pa'i smon lam dang / byang chub sems dpa' thams cad dang gnyis su med pas tshul gcig gi rgyud du 'gro ba'i smon lam dang / de bzhin gshegs pa'i sgo la 'jug pas chos thams cad khong du chud pa'i smon lam dang / mos pa rnam par sbyangs pas blta na don yod pa'i smon lam dang / phyi ma'i mthar byin

  85. 43b

    gyis brlabs pas bskal par gnas pa'i smon lam dang / byang chub sems dpa' kun tu bzang po'i theg pa'i rgyun rnam pa thams cad kyi sgo nas rnam par sbyangs pa'i smon lam dag ste/ kye rgyal ba'i sras byang chub sems dpa' rnams ni de ltar smon lam rnam par sbyong ngo // de dag rnam pa bcus smon lam yongs su rdzogs par byed de/ bcu gang zhe na/ yongs su skyo ba med pa dang / rgyan chen po mngon par bsgrub pa dang / byang chub sems dpa' smon lam khyad par du 'phags pa rnams rjes su 'jug pa dang / 'jig rten gyi khams gzhan na bzhugs pa'i de bzhin gshegs pa'i sangs rgyas kyi zhing thos nas/ rang gi smon lam du mngon par bsgrub pa dang / bsam pa phyi ma'i mtha'i mur thug pa dang / sems can gyi khams thams cad yongs su smin par bya bar gtugs pa'i smon lam chen po dang ldan pa dang / bskal pa thams cad du gnas pas mi 'jigs pa dang / sdug bsngal thams cad kyis ji ma snyam pa dang / bde ba thams cad la ye mi brngam pa dang / bsam pa mnyam pa med pa'i rnam par thar pa yongs su bsrung ba dag ste/ de dag smon lam chen po de ltar yongs su sbyong zhing yongs su rdzogs par byed pa'i tshe/ sangs rgyas mthong ba'i gter zad mi shes pa yang rab tu 'thob bo// gzungs 'khrul pa med pa'i gter pang mi shes pa'ang rab tu 'thob po//

  86. 44a

    smon lam zad mi shes pas chos thams cad shin tu rtogs pa'i gzungs kyang rab tu 'thob po// snying rje chen pos 'gro ba thams cad yongs su skyob pa'i gter zad mi shes pa'ang rab tu 'thob po/ / ting nge 'dzin gyi rgyud kyi gter zad mi shes pa'ang rab tu 'thob po// 'gro ba thams cad tshim par bya ba'i bsod nams kyi gter zad mi shes pa'ang rab tu 'thob bo// chos thams cad yang dag pa ji lta ba bzhin du brtag pa'i ye shes kyi gter zad mi shes pa'ang rab tu 'thob po// rnam par smin pa la gnas pa mngon par bsgrub pa'i gter zad mi shes pa'ang rab tu 'thob po/ / sangs rgyas kyi byin gyis brlabs mtha' yas pa'i gter zad mi shes pa'ang rab tu 'thob bo// 'jig rten gyi khams mtha' dang dbus med par gtogs pa la 'jug pa'i gter zad mi shes pa'ang rab tu 'thob po/ / de ltar gter rab tu thob cing bsod nams dang ye shes kyi tshogs zad mi shes pa dang ldan pa de dag ye shes chen po'i dkyil 'khor yongs su dag pas/ sems can rnams la bsam pa ji lta ba bzhin du chos kyi gter gyis sbyin pa byed do// de la rgyal ba'i sras byang chub sems dpa' rnams sems can rnams kyi bsam pa ji lta ba bzhin du ji ltar 'jug ce na/ sbyor ba ji lta bur rgyu ba dang / rgyu dang rkyen ji lta ba dang / sems dang sems las byung ba'i sbyor ba ji lta ba las/ sems can rnams kyi bsam pa ji lta ba bzhin du 'jug

  87. 44b

    ste/ de dag de ltar bsam pa la zhugs pa'i rnams sems can rnams kyi bsam pa ji lta ba bzhin du shes shing chos yang dag par ston te/ de dag 'dod chags kyi bsam pa rnam par bzlog pa'i phyir/ mi sdug pa yang dag par ston to// zhe sdang gi bsam pa rnam par bzlog pa'i phyir/ byams pa chen po'i sbyor ba yang dag par ston to// gti mug gi bsam pa rnam par bzlog pa'i phyir/ chos rnam par 'byed pa la mkhas pa yang dag par ston to// cha mnyam pa rnam par bzlog pa'i phyir/ ye shes kyi khyad par dang ldan pa'i chos kyi sgo yang dag pa ston to// 'khor baba'i bsam pa rnam par bzlog pa'i phyir/ sdug bsngal gsum dang ldan pa yang dag par ston to// gnas kyi bsam pa rnam par bzlog pa'i phyir/ gnas med pa'i chos kyi sgro yang dag par ston to/ / zhum pa'i bsam pa rnam par bzlog pa'i phyir/ rgyan chen po'i yul yang dag par ston to// bdag gi nga rgyal gyis bcom pa'i bsam pa rnam par bzlog pa'i phyir/ chos kyi mnyam pa nyid yang dag par ston to// g.yo dang sgyus mi mnyam pa'i bsam pa rnam par bzlog pa'i phyir/ byang chub sems dpa'i bsam pa mnyam pa nyid dang zhi ba'i gnas kyi bsam pa mngon par bsgrub pa yang dag par ston to/ / de dag ni de ltar sems can rnams la bsam pa ji lta ba bzhin du chos kyi gter yang dag par ston te/ de yang don dbyer med pa la yang dag par

  88. 45a

    ston to/ / yi ge'i mtshams sbyor bas sbyar bas yang dag par ston to// shes pa rnam par dbye bas yang dag par ston to// bstan pa snga phyi ma 'dres pas yang dag par ston to/ / chos kyi tshul dang tshul ma yin pa'i bye brag dbyer med pas yang dag par ston to// mtshan nyid kyi phyag rgya rnam pa mi 'khrugs pas yang dag par ston to// chos rab tu dgod pa rgyun chad pa med pas yang dag par ston to/ / mtha' yas pa sbyang bas yang dag par ston to// the tsom thams cad shin tu gcad pa'i phyir yang dag par ston to// dbang po'i rgyud la 'jug pa'i phyir yang dag par ston to/ / de bzhin gshegs pa'i phyag rgya la dgod par gzhol bas yang dag par ston to// yang dag pa'i mtha' mtshan nyid med pa rnam par mi 'khrugs pas yang dag par ston to/ / chos kyi dbyings la yang dag par gzhol bas yang dag par ston to// chos kyi rnga yang dag par brdungs pas yang dag par ston to// gnas thams cad yang dag par spang bas yang dag par ston to/ / de bzhin gshegs pa thams cad rjes su dran pa mi gtong bas yang dag par ston to// tshig dang / skad dang / sgra dang / ngag gi lam thams cad mnyam pa nyid la mi gnas pas yang dag par ston to/ / rnam par mi rtog pa'i dbyings kyi rjes su 'gro bas yang dag par ston to// dpe thams cad rnam par dgod pas rgyud dang mi 'gal bar brtan par bya bas yang dag

  89. 45b

    par ston to/ / de bzhin gshegs pa thams cad kyi ye shes kyi dkyil 'khor rang gi lus su sems pa la yang dag par gzhol bas yang dag par ston to// de ltar sems can la chos yang dag par ston cing rtag tu rgyun mi 'chad par chos kyi nan tan gyi mtshan nyid kyi rjes su 'brang ba dang / rang gi don gting tshugs par byed pa dang / pha rol tu phyin pa'i phyogs mi gtong bas rgyan chen po'i pha rol tu phyin pa'i theg pa yang dag par sgrubs po/ / de la yang sems can thams cad tshim par bya ba dang / yo byad kyis yongs su sdud pa dang / sbyor ba mnyam par yongs su gtong bas/ sbyin pa'i pha rol tu phyin pa yongs su dag par byed do// yang dag par blangs pa mi gtong ba dang / gnas pa med pa dang / nga rgyal med pas tshul khrims kyi pha rol tu phyin pa yongs su dag par byed do/ / nyes pa thams cad khyad du gsod pa dang / sems can thams cad kyis mi 'khrugs pa dang / mnyam pa nyid la gzhol ba dang / mtho dngaman med pa dang / zad mi shes pa'i sa ma nyams par 'dzin pas/ bzod pa'i pha rol tu phyin pa yongs su dag par byed do// brtsam pa chen por rtsom pa dang / brtsam pa thams cad la zhum pa med pa dang / sbyor ba phyir mi ldog pa dang / yid la byed pa phyir mi ldog par 'gyur ba dang / mthu mtha' yas pa dang / stobs la thub pa med pa dang / sngon du 'dor

  90. 46a

    pa mi 'phrogs pa dang / dad pa'i mthu chen po dang / blang ba dang dor ba med pa'i tshogs thams cad yongs su rgyas par bya ba dang / thams cad mkhyen pa'i sgo nyams pa med pa la yang dag par 'jug pas/ brtson 'grus kyi pha rol tu phyin pa yongs su dag par byed do// 'dod pa'i yon tan thams cad kyi 'du 'dzi yongs su sbyong ba dang mi 'bral ba dang / rim gyis bsam gtan dang ting nge 'dzin mngon par bsgrub pa dang / gnas med cing blang ba med pa shin tu rtogs pa dang / nyon mongs pa thams cad rab tu sel ba dang / ting nge 'dzin gyi sgo mtha' yas pa mngon par bsgrub pa dang / mngon par shes pa chen pos rnam par 'phrul pa'i rjes su 'gro ba dang / rim gyis rnam par spong ba'i ting nge 'dzin gyi sgo la rab tu 'jug pa dang / ting nge 'dzin gcig la sgo mtha' yas par rab tu 'jug pa dang / ting nge 'dzin gyi spyod yul thams cad shes pa dang / de'i yul gyi rjes su rab tu zhugs pa dang / ting nge 'dzin dang snyoms par 'jug pa thams cad ye shes kyi phyag rgya mi 'khrugs pa'i thams cad mkhyen pa'i sa la nye bar gyur pas/ bsam gtan gyi pha rol tu phyin pa yongs su dag par byed do// sangs rgyas kyi chos thams cad mnyan pa dang / gzung ba dang / blang ba dang / bcang ba dang / dge ba'i bshes gnyen thams cad la bsnyen bkur bas yongs su mi skyo ba dang /

  91. 46b

    thos pa thams cad kyis mi ngoms pa dang / ji ltar zos pa la tshul bzhin du rtog pa dang / de la mngon sum du mnyam par gzhog pa dang / sgro 'dogs pa'i lta ba thams cad dang bral ba dang / chos thams cad rnam par 'byed pa la mkhas pa dang / mtshan nyid kyi phyag rgya tha mi dad pa dang / de bzhin gshegs pa'i sgo nas lhun gyis grub par sgom zhing / rnam par sgom pa dang / stobs la 'jug pa dang / thams cad mkhyen pa'i ye shes la 'jug pa rgyun mi 'chad pa dang / shes rab kyi pha rol tu phyin pa sgo kun dang ldan pas thams cad mkhyen pa'i sgor 'jug pas/ shes rab kyi pha rol tu phyin pa yongs su dag par byed do// 'jig rten gyi bya ba'i rgyud thams cad ston pa dang / sems can gyi yongs su smin pas yongs su mi skyo ba dang / bsam pa bzhin du bya ba ston pa dang / bya ba thams cad la mngon par chags pa med pa dang / byis pa'i spyod pa dang / 'phags pa'i spyod pa bsam pa ji lta ba bzhin du ston pa dang / 'khor ba dang mya ngan las 'das pa nye bar ston pa dang / sbyor ba thams cad shin tu brtags pas rgyu ba dang / rgyan thams cad bstan pa gnas med pa dang / 'gro thams cad kyi rjes su 'gro zhing rjes su 'brang ba dang / sems can thams cad sgrol ba'i spyod pas thabs mkhas pa'i pha rol tu phyin pa yongs su sbyong ngo // sems can gyi khams

  92. 47a

    mthar thug par yongs su smin par bya ba dang / 'jig rten gyi khams mthar thug par yongs su sbyang ba dang / de bzhin gshegs pa mthar thug par mchod pa dang / chos chags pa med pa'i mthar thug par rnam par 'tshang rgya ba dang / chos kyi dbyings kyis mthar thug par spyod pa'i dkyil 'khor yongs su rdzogs par bya ba dang / bskal pa phyi ma'i mthar thug par rab tu gnas pa dang / sems bskyed pa'i mthar thug pa'i stobs la 'jug pa dang / 'gro ba dang ldog pa mthar thug par mngon par 'tshang rgya ba dang / zhing gi gnas kyi mthar thug par thams cad mthong ba dang / de bzhin gshegs pa'i ye shes kyi mthar thug par rab tu thob par bya bas/ smon lam gyi pha rol tu phyin pa yongs su dag par byed do// bsam pa'i stobs kun nas nyon mongs pa med pa dang / lhag pa'i bsam pa'i stobs dbang du gyur cing thug pa med pa dang / snying rje chen po'i stobs skyo ba med pa dang / byams pa chen po'i stobs snyoms pa'i sbyor ba can dang / gzungs gyi stobs don thams cad kyi sbyor ba la bsgribs pa med pa dang / spobs pa'i stobs 'gro ba thams cad tshim par byed pa dang / pha rol tu phyin pa'i stobs theg pa thams cad kyi rgyan byed pa dang / smon lam gyi stobs gcad du mi rung ba dang / mngon par shes pa'i stobs tshad med pa mngon par bsgrub pa dang / sangs rgyas kyi bin gyis brlabs la mos pa dam pa'i stobs rab tu 'dzin pas/

  93. 47b

    stobs kyi pha rol tu phyin pa yongs su dag par byed do// 'dod chags kyi spyod pa khong du chud pa dang / zhe sdang gi spyod pa rjes su rtogs pa dang / gti mug gi spyod pa rab tu rtogs pa dang / cha mnyam pa'i spyod pa rjes su shes pa dang / slob pa'i sems can gyi spyod pa rab tu rtogs pa dang / skad cig gcig gis sems can mtha' yas pa'i spyod pa rnam par rtog pa dang / sems dang bsam pa mtha' yas pa thams cad shes par byed pa dang / chos thams cad la yang dag pa ji lta ba bzhin du rtogs pa dang / de bzhin gshegs pa'i stobs kyi rjes su 'jug pa dang / chos kyi dbyings kyi sgo thams cad dang ldan pa khong du chud pas/ ye shes kyi pha rol tu phyin pa yongs su dag par byed do// / shin tu rgyas pa chen po'i mdo bam po nyi shu lnga pa/ de ltar de dag pha rol tu phyin pa rnams yongs su sbyong zhing pha rol tu phyin pa de dag yongs su rdzogs par byed pa dang / pha rol gyi phyogs mi gtong ba dang / byang chub sems dpa'i theg pa rgyan chen po'i rgyan dang ldan pa la gnas shing / sems can gyi khams ji ltar dam bcas pa bzhin du yang dag par sgrol lo// de dag dge ba'i las shin tu bsags pa ston pas ngan song du 'gro ba'i sems can sgrol lo/ / brtsam pa chen po la gzud pas sems can gyi khams mi khom par 'gro ba sgrol lo// lhag mthong nye bar bstabs pas/ gzugs kyi khams na 'khor

  94. 48a

    pa'i sems can gyi khams sgrol lo/ / phra ba'i ye shes nye bar bstabs pas/ gzugs med pa'i khams su skyes pa'i sems can rnams sgrol lo// zhi ba'i tshub nye bar bstabs pas/ nyan thos dang rang sangs rgyas kyi theg pa la mos pa'i sems can gyi khams sgrol lo// stobs bcu'i rgyan brgyan chen po dang ldan pa bstan pas/ theg pa chen po la mos pa'i sems can gyi khams sgrol lo/ / de ltar na sngon las dang po pa'i sa la gnas pa'i tshe/ sems can g.yang sa chen po nas lhung ba rnam pa tha dad par gyur pa ji lta ba bzhin du shes te/ sgo sna tshogs nas gzud par bya'o zhes seng ge'i sgra bsgrags pa de bzhin du ye shes thob pa'i rnams sems can thams cad bsgral ba'i phyir rab tu zhugs pa yin no// kye rgyal ba'i sras byang chub sems dpa' ye shes de lta bu la zhugs pa ni/ rtag tu rgyan mi gcod par sangs rgyas kyi rigs dang / chos kyi rigs dang / dge 'dun gyi rigs mi gcod pa'i phyir zhugs pa yin de dag byang chub kyi sems gzhan gyi sems kyi rgyud la gzhog pas/ sangs rgyas kyi rigs mi gcod pa yin/ chos kyi mdzod rnam par 'grel pas chos kyi rigs mi gcod pa yin/ bstan pa'i tshul dang 'gal bar mi byed pas/ dge 'dun gyi rigs mi gcod pa yin/ smon lam chen po yang dag par brjod pas/ sangs rgyas kyi rigs mi gced pa yin//

  95. 48b

    rten cing 'brel par 'byung ba'i tshul yang dag par ston pas/ chos kyi rigs mi gcod pa yin/ snying po thob par byed pa'i chos la brtson pas/ dge 'dun gyi rigs mi gceng pa yin de bzhin gshegs pa'i sa bon sems can gyi zhing la 'debs pas/ sangs rgyas kyi rigs mi gcod pa yin/ dam pa'i chos yongs su 'dzin pas/ chos kyi rigs mi gced pa yin tshogs chen po yongs su sdud pa mi skyo bas/ dge 'dun gyi rigs mi gcod pa yin/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis mdzad pa dran pa'i phyir/ rtag tu de bzhin gshegs pa'i gdams ngag dang rjes su bstan pa mi gtong bas/ sangs rgyas dang / chos dang / dge 'dun gyi rigs mi gcod pa yin/ de dag de ltar skyabs gsum gyi rigs mi gcad pa'i phyir zhugs pas/ rtsam pa thams cad la kha na ma tho ba med pa yin te/ brtsam pa gang ci rtse ma yang rung / de dag thams cad du thog ba med par thams cad mkhyen pa'i sgor 'byung ba thob par byed do/ / de dag de ltar lus kyi las kha na ma tho ba med pa dang / ngag gi las kha na ma tho ba med pa dang / yid kyi las kha na ma tho ba med pa la gnas pas/ dge ba'i rtsa ba rtsom pa don yod par rtsom pa yin te/ sems can gyi don sbyor ba don yod par rtsom mo// sems can don yod par 'dul bar byed do// chos ngon

  96. 49a

    yod par ston to/ / de'i chos bstan pa thams cad kyang sems can gyi bsam pa tshim par bya ba la thogs pa med pas khong du chud par 'gyur ro// de'i sems bskyed pa gcig tsam yang log par mi 'gyur te/ sems bskyed pa gzhan thabs dang shes rab kyis yongs su zin pa thams cad kyang / thams cad mkhyen pa nyid du yongs su bsngo'o// de de ltar chos dkar po bsags pa don yod pa de lta bu la gnas pas/ rgyan rnam par phye ba bcus sems bskyed pa thams cad yongs su bsngo ste/ bcu gang zhe na/ 'di ltar lus kyi rkyen sems can 'dul ba ji bzhin du yang dag par ston pa dang / ngag gi rgyan the tsom thams cad gcod pa dang / sems kyi rgyan skad cig gcig gis ting nge 'dzin rjes su rtogs par byed pa dang sangs rgyas kyi zhing gyi rgyan kun nas nyon mongs pa med pa dang / 'od kyi rgyan 'od zer gyi dra ba mtha' dang dbus med pa bkye bas/ 'gro ba thams cad snang bar byed pa dang / 'khor gyi dkyil 'khor gyi rgyan sems can gyi rnam pa tshad med pa'i tshogs yongs su mgu bar byed pa dang / rdzu 'phrul gyi rnam par 'phrul pa'i rgyan sems can gyi bsam pa ji lta ba bzhin du rdzu 'phrul gyis rnam par 'phrul pa dang / bstan pa'i rgyan mkhas pa'i skye bo thams cad kyis yongs su gzung ba dang / mya ngan las 'das pa'i rgyan mngon par sangs rgyas pa gcig gis phyogs bcu ma lus par

  97. 49b

    rgyas par 'gengs pa dang / chos byin gyis brlab pa'i rgyan yul dang / dus dang / snod ji lta ba bzhin du sdod pa dag ste/ de dag rgyan de lta bus sems bskyed pa thams cad du mngon par bsgrub pas/ lus dang / ngag dang / yid kyi las don yod pa dang / ye shes chen po don yod pa rab tu 'thob ste/ de dag mthong bas kyang 'di ltar bla na med pa yang dag par rdzogs pa'i byang chub tu yongs su smin par 'gyur ba'i phyir sems can rnams la don yod pa yin te/ thos pa dang / bsnyen bkur ba dang / 'grogs pa dang / rjes su dran pa dang / rjes su rab tu byung ba dang / chos ston pa dang / dge ba'i rtsa ba la rjes su yi rang ba dang / dad cing mos pa dang / chung ngu na ming brjod pa tsam yang 'di ltar bla na med pa yang dag par rdzogs pa'i byang chub tu yongs su smin pa'i phyir sems can rnams la don du 'gyur ba yin no/ / kye rgyal ba'i sras 'di lta ste/ dper na rtsi'i ming mthong na bde ba zhes bya ba de mthong ma thag tu sems can rnams kyi lus la zhen pa 'am/ ltor zos pa'i dug rab tu zhi bar 'gyur ro// kye rgyal ba'i sras de bzhin du chos de lta bu dang ldan pa'i byang chub sems dpa' yang mthong ma zag tu sems can rnams kyi nyon mongs pa'i dug thams cad byang bar 'gyur te/ chos dkar po'i stobs kyi shugs kyang skye bar 'gyur ro// kye rgyal ba'i sras de ltar byang chub sems dpa' sems dpa'

  98. 50a

    chen po chos nyid de lta bu dang ldan zhing chos de dag la gnas te/ shes rab kyi 'od chen pos ma rig pa'i mun pa bsal nas/ bdud kyi dkrugs ma'i 'khor thams/ cad byams pa dang snying rje chen po'i stobs kyis pham par byas te/ ye shes dang bsod nams kyi stobs kyi shugs kyis phas kyi rgol ba thams cad zil gyis mnan nas/ rdo rje lta bu'i ting nge 'dzin la 'jug pas/ sems kyi dri ma thams cad dang nyon mongs pa'i phyogs thams cad bsal nas/ skyo ba med pa'i stobs dang shugs kyis dge ba'i rtsa ba phun sum tshogs pa thams cad rab tu bsgrubs te/ sngan chad sangs rgyas kyi zhing yongs su dag par spyad pa'i stobs dang shugs kyis mi khom pa dang / ngan song dang / ngan 'gro'i lam thams cad rnam par bzlog nas/ mngon par zhen pa med pa'i stobs dang shugs kyis ye shes kyi dkyil 'khor yongs su sbyangs te/ rim gyis thabs dang shes rab kyi stobs dang shugs kyis byang chub sems dpa'i sa dang / pha rol tu phyin pa dang / ting nge 'dzin dang / mngon par shes pa dang / rig pa dang / mi 'jigs pa yongs su dag pa mngon par bsgrubs nas/ chos dkar po thams cad kyi stobs dang shugs kyis/ sangs rgyas thams cad kyi mtshan dang / dpe byad bzang po dang / sku dang / gsung dang / thugs kyi

  99. 50b

    rgyan yongs su dag pa mngon par bsgrub pa rab tu rgyas par byas te/ ye shes kyis shes par bya ba'i dbang dang / byin gyis brlabs kyis de bzhin gshegs pa'i stobs dang / sangs rgyas kyi chos ma 'dres pa thams cad mnyam pa nyid khong du chud par byas nas/ bla na med pa yang dag par rdzogs pa'i byang chub kyang myur du 'thob cing / thams cad mkhyen pa'i ye shes kyi yul yang smon lam gyi khyad par ji lta ba bzhin du 'thob par 'gyur ro/ / sngon gyi byin gyi rlabs dang ye shes kyi byin gyi rlabs kyis mngon par sangs rgyas nas/ sems can rnams kyi bsam pa ji lta ba bzhin du sangs rgyas kyi zhing bstan te 'dul ba ji lta ba bzhin du sems can rnams la chos kyi 'khor lo chen po bskor cing / mtha' yas pa'i sems can rnam par 'dul lo/ / kye rgyal ba'i sras de ltar byang chub sems dpa'i chos de lta bu dang ldan pa dag ni/ tshul de lta bus sangs rgyas thams cad dang mnyam pa nyid kyi bar du thob par 'gyur te/ byang chub sems dpa'i spyod pa thob nas kyang / 'jig rten gyi khams mtha' yas pa dag tu dam pa'i chos yongs su 'dzin cing chos smra ba chen po'ang byed do// de ltar chos smra ba byed pa'i tshe/ de bzhin gshegs pa dgra bcom pa yang dag par rdzogs pa'i sangs rgyas kyis byin gyis brlabs pa de dag chos kyi mdzod chen po gzung zhing bsrung ba'i phyir/ so so yang dag par rig pas chos kyi tshul

  100. 51a

    rab tu dbye ba'i rjes su song ba'i byang chub sems dpa'i tshig gis/ 'khor gyi dkyil 'khor mtha' yas par bdag gi lus kyi rgyan byin gyis brlabs te bstan pa mngon par bsgrub pa rnam pa'i mchog thams cad dang ldan pa dang / so so yang dag par rig pa'i mkhas pa mtha' yas pa dang / ye shes mi zad pa' sgor 'jug pa dang / dbyangs kyi dkyil 'khor shin tu rnam par phye ba'i byin gyi rlabs dang / dbyangs gcig bsgrags pas/ 'khor gyi dkyil 'khor thams cad mgu bar byed pa'i dbyangs kyi yan lag rnam par dag pa bsam pa dang ba ga la nyal ba dang / shes pa'i sa ji lta ba bzhin du rjes su 'brang ba dang / lus kyi byin gyis brlabs 'khor gyi dkyil khor thams cad kyi nang du phyin kyang zil gyis mi non pa dang / lus kyi rgyan sgo thams cad du rnam par bstan pa dang / 'khor gyi dkyil 'khor thams cad kyi sems dang bsam pa khong du chud pas rab tu rtogs pa dang / tshig grol ba'i/ byin gyi rlabs kyi bstan pa dang / chos 'chad pa'i byin gyi rlabs la mkhas pas chos kyi gtam chen po byed de/ stobs dang shugs kyi dbang thub pa med pa dang / 'jigs pa med pa dbang zhum pa med pa dang / chos kyi dbang zil gyis mi non pa dang / ye shes kyi dbang gzhan gyis mi thub pa dang / shes rab kyi pha rol tu phyin pa'i dbang chos kyi mtshan nyid 'khrugs pa med pa dang /

  101. 51b

    so so yang dag par rig pa'i dbang mtshams sbyor ba rgyun chad pa med par bsam pa shin tu rtogs pa dang / gzungs kyi dbang chos thams cad rnam par gdon mi za ba la 'jug pa dang / smon lam gyi dbang dpe sna tshogs kyis bstan pa'i tshul nye bar bsgrub pa shin tu bstan pa dang / snying rje chen po'i dbang phyir mi ldog cing rgyun ma chad pa dang / byams pa chen po'i dbang sngon shin tu bskyed pas bsam pa thams cad tshim par byed cing 'od zer gyi dra ba chen po gtong bas chos kyi gtam chen po byed do/ / de dag ni de bzhin gshegs pa seng ge'i gdan la bzhugs shing chos kyi gtam gsung ba dang / byang chub sems dpa' ye shes dang smon lam gyi khyad par dang ldan pa ma gtogs par sems can gyi ris na byang chub sems dpa' de la phyir brgal ba 'am/ spyi gtsug blta/ ba 'am/ zil gyis mnon pa 'am/ dri ba'i tshogs yongs su dri bas thub par bya bar nus pa'i sems can gang yang med de/ de ni gnas med do// kye rgyal ba'i sras gal te byang chub sems dpa' dbang de lta bu thob pa la/ 'jig rten gyi khams brjod du med pa tsam du yangs pa'i 'khor gyi dkyil 'khor cig yod la/ 'khor gyi dkyil 'khor de yang sems can stong gsum gyi bdag po'i gzi brjid thob pa sha stag gis gang ba zhig yin na yang / de dag thams cad byang chub sems dpa' 'khor gyi dkyil 'khor du 'ongs ma thag tu lus bstan pa'i dbang gis zil rgyas

  102. 52a

    mnan te byams pa chen po'i dbang gis lus kyi gzhi tshim par byas nas/ ye shes chen po'i dbang gis sems dang bsam pa rnam par shes par byas te/ mi 'jigs pa'i bsam pa chen pos chos ston pa byed cing / spobs pa chen po'i dbang gis sems can tshim par byed do// kye rgyal ba'i sras/ de ci'i phyir zhe na/ 'di ltar byang chub sems dpa' de ni ye shes kyi dkyil 'khor tshad med pa dang ldan/ chos rnam par 'byed pa shin tu rnam par phye ba la mkhas pa dang ldan/ dran pa'i stobs dang shugs ma nyams shing rgya che ba dang ldan chos thams cad kyi tshul rnam par gdon mi za bar bzung zhing blangs pas rtogs par mkhas pa dang ldan/ byang chub sems dpa'i thabs mkhas pa mtha' dang dbus med pa dang ldan/ chos kyi mtshan nyid bsgribs pa med pa'i chos ston pa la mkhas pa dang ldan/ mos pa la mkhas pa sangs rgyas thams cad kyi byin gyi rlabs kyis blangs pa dang ldan dus gsum gyi de bzhin gshegs pa'i dkyil 'khor du yang dag par gzhol ba'i ye shes kyi byin gyis brlabs la mkhas pa dang ldan/ sems can thams cad kyi gtso bo 'das pa dang / ma byon pa dang / da ltar byung ba rnams dang / rgyud kyi tshul gcig tu gyur pa'i bsam pa bzang po rnam par dag pa la mkhas pa dang ldan pas chos smra ba chen po byed cing / de bzhin gshegs pa rnams kyi chos kyi mdzod kyang rnam

  103. 52b

    par 'byed do/ / 'das pa dang / ma byon pa dang / da ltar byung ba'i de bzhin gshegs pa rnams kyi ye shes kyi byin gyis brlabs pa'i byang chub sems dpa'i yid kyi smon lam dang / ye shes 'byam klas pas dam pa'i chos kyang yongs su 'dzin to// de nas byang chub sems dpa' chos kyi blo gros kyis/ yang byang chub sems dpa' rim gyis yang dag par 'byung ba'i chos kyi sgo'i le'u yang dag par bstan pa'i phyir/ sangs rgyas kyi byin gyis brlabs kyis/ de'i tshe tshags su bcad pa 'di dag smras so// bsod nams tshogs bsags byang chub sems la gnas pa'i rnams/ / rtag tu bag yod blo brtan mthu chen bdog pa dag/ dran dang ldan zhing byang chub sems rab mi gtong bas// phyogs rnams bcu por bde gshegs rnams ni mnyes par byed/ / brtson 'grus brtsams pa dran ldan mos pa brtan pa can// 'jig rten kun la rtag tu mi gnas mi ldog pa// zab pa'i chos zhugs mya ngan med pa'i tshul mkhas rnams/ / phyogs rnams bcu por bde gshegs rnams ni mnyes par byed// brtson 'grus brtan pas bde gshegs mnyes par byas nas kyang // dus gsum bsod nams tshogs dang ye shes ldan pa'i rnams/ / sa rnams gnon byed spyod mchog nyams pa med par byed// thub pa'i smon lam rdzogs byed ston pa'ang de bzhin byed//

  104. 53a

    ye shes gcig la zhugs pa de dag thob bya ba// thob nas 'gro ba kun la sbyin pa rab tu gtong // bsam pa dag dang khams dang sbyor ba shes byas nas/ dbang po ji bzhin mkhas pa de ltar chos kyang ston// pha rol phyin la brtson pa mthu chen ldan pa'i rnams// 'gro ba rnams la chos ston bdag gi don ma gtong // pha rol phyin rdzogs grol ba'i mthu chen ldan pa'i rnams/ / khyu mchog mthu yis 'khor ba'i mtsho las sems can sgrol// de ltar nyin mtshan skyo ba med par brtson byed cing // drang srong rgyal ba chos rigs mi gcod zhugs pa yis/ / dkar po'i spyod pa gang yang rung ste spyad pa'i rnams// thams cad don yong rgyal ba rnams kyi sar 'gro'o// de dag ci spyod thams cad 'gro ba rnams la yang / / rnam smin don yod nyon mongs dri ma sbyong bar 'gyur// 'di 'dra'i chos ldan de dag mun pa bsal byas shing // bdud 'khrugs 'khor lo pham byas byang chub thob par byed/ / de ltar brtson zhing ye shes thob pa'i bde gshegs sras// bde gshegs rnams kyi chos rab mdzod kyang rab tu ston// de dag chos smra'i bya ba kun kyang shin tu byed/ / bdud rtsi mchog zhim sprin gyi char yang mngon par 'bebs// de dag snying rje byams pas 'gro ba kun bkang zhing // bstan pa de rnams

  105. 53b

    'khor gyi bsam pa shes byas nas/ / gang gi bsam pa blo gros sems rgyud ci 'dra ba// de bzhin rgyal ba'i chos ni stong phrag du ma ston// glang po'i stabs sdug tshul bzang 'gros su 'gro ba'i rnams/ / seng ge'i rtsa la wAr rtag tu sus kyang mi thub cing // ye shes rgya mtsho lta bur ri rab bzhi ni gnas pa// sman lhur 'gro ba kun gyi nyon mongs zhi bar byed/ / byang chub sems dpa' chos kyi blo gros kyis de skad ces smras pa dang // de la ston pas rjes su dgyes par mdzad do// shin tu rgyas pa chen po'i mdo sa rgyas phal po che zhes bya ba las/ chos snang ba'i le'u zhes bya ba ste nyi shu gsum pa'o// // de nas sangs rgyas kyi mthus shar phyogs kyi 'jig rten gyi khams thams cad dang / lho phyogs kyi 'jig rten gyi kham sa thams cad dang / gzhung de bzhin du steng gi phyogs kyi 'jig rten gyi khams kyi bar thams cad na/ gling bzhi pa 'di la sogs pa gling bzhi pa re re na de bzhin gshegs pa mang po bzhugs par snang ngo // byang chub sems dpa' de dag kyang de bzhin gshegs pa'i byin gyis brlabs kyis chos ston to/ / bdag cag kyang de bzhin gshegs pa'i zhabs kyi drung na 'khod par shes so// bcom ldan 'das kyis rdzu 'phrul mngon par 'du mdzad pa ma bshig ma gtang

  106. 54a

    b ar byang chub kyi shing rlung yang ma spangs par ri rib kyi rtse mo nas mche ma'i gnas kyi lha'i bu rlab mtshe ma'i khyang pa nor tha sna tshogs gangan ba der gshegs par snang ngo / / ji ltar gling bzhi pa 'di ni bcom ldan 'das rab mtshe ma'i gnas su gshegs par snang ba de bzhin du/ 'jig rten gyi khams thams cad na'ang rab mtshe ma'i gnas su gshegs par snang ste/ byin gyi rlabs snga ma rnams kyang de bzhin ma 'khrugs par snang ngo // de nas lha'i rgyal po rab mtshems/ bcom ldan 'das rgyang ring po nas khang pa nor bu sna tshogs logs su mngon par gshegs pa mthong nas/ rings pa'i gzugs su khang pa nor bu sna tshogs kyi nang du de bzhin gshegs pa'i gang na rdzu 'phrul gyis bsgrubs pa'i seng ge'i khri pad+mo'i snying po can/ lha rdzas kyi rin po che las byas pa/ bog re brgya stong phrag bcus brgyan pa/ gser gyi dra ba brgya stong phrag bcus kun nas mngon par bres pa/ me tog gi bla re brgya stong phrag bcus kun tu khyab par byas pa/ 'phreng ba'i bla re brgya stong phrag bcu kun tu brgyus pa/ spos kyi bla re brgya stong phrag bcus spos tham cad kun tu 'thul bar bdugs pa/ rin po che'i bla re brgya stong phrag bcus kun tu bres pa/ me tog gi gdugs brgya stong phrag bcus kun nas bzung ba/ 'phreng ba'i gdugs brgya

  107. 54b

    stong phrag bcu kun nas bzung ba/ rin po che'i gdugs brgya stong phrag bcu kun nas bzung ba/ 'od zer brgya stong phrag bcus snang bar byas pa/ rab mtshe ma'i lha'i rgyal po brgya sto/ bcus rab tu btud pa/ tshangs pa brgya stong phrag bcus mngon par phyag byas pa/ byang chub sems dpa' brgya stong phrag bcus mngon par bstod pa/ rol mo brdung ba brgya stong phrag bcu'i sgra phyung ba/ chos kyi glu'i dbyangs brgya stong phrag bcu'i glu'i dbyangs dang ldan pa/ me tog gi sprin gyi char brgya stong phrag bcu rab tu phab pa/ 'phreng ba'i sprin gyi char brgya stong phrag bcu rab tu phab pa/ rgyan gyi sprin brgya stong phrag bcu rab tu phab pa/ gos kyi sprin gyi char brgya stong phrag bcu rab tu phab pas kun nas g.yogs pa/ nor bu rin po che'i sprin brgya stong phrag bcu'i char rab tu phab pas kun tu snang bar byas pa/ dge ba'i rtsa ba brgya stong phrag bcus kun nas byung ba/ sangs rgyas brgya stong phrag bcus byin gyis brlabs pa/ bsod nams rgya stong phrag bcus bsags shing bsgrubs pa/ lhag pa'i bsam pa brgya stong phrag bcus shin tu sbyangs pa/ smon lam brgya stong phrag bcus rnam par dag par byas pa spyod pa brgya stong phrag bcus kun nas bslang ba/ chos brgya stong phrag bcus rab tu bstan pa/ rnam par 'phrul pa brgya stong phrag bcu dang ldan pa/ yon tan brgya stong phrag bcus shin tu

  108. 55a

    'phags pa/ brjod pa brgya stong phrag bcu shin tu brjod pa bshams so// ji ltar gling bzhi pa 'di rab mtshe ma'i gnas kyi lha'i rgyal po rab mtshe ma'i khang pa nor bu sna tshogs su de bzhin gshegs pa'i gdan bting ba de bzhin du/ 'jig rten gyi khams thams cad kyi gling bzhi pa dag gi rab mtshe ma'i gnas su yang / khang pa nor bu sna tshogs su lha'i rgyal po rab mtshe ma rnams kyis de bzhin gshegs pa'i gdan rgyan 'di 'dra ba dang / bshams pa'i tshul 'di 'dra ba dag kyang bting bar gyur to// de nas lha'i rgyal po rab mtshams bcom ldan 'das kyi gdan pa ting nas zhe sa dang mi gror bcom ldan 'das gang na ba de logs su thal mo sbyar te phyag 'tshal nas/ bcom ldan 'das la 'di skad ces gsol to// bcom ldan 'das gshegs su gsol/ bde bar gshegs pa gshegs su gsol/ de bzhin gshegs pa dgra bcom pa yang dag pa rdzogs pa'i sangs rgyas bde bar gshegs sam de nas bcom ldan 'das lha'i rgyal po rab mtshe mas spyan drangs pa bzhin du khang pa nor bu sna tshogs su gshegs so/ / ji ltar gling bzhi pa 'dir rab mtshe ma'i gnas su lha'i rgyal po rab mtsho ma'i khang pa nor bu sna tshogs su gshegs pa de bzhin du/ 'jig rten gyi khams thams cad du'ang rab mtshe ma'i gnas kyi khang pa nor bu sna tshogs su gshegs par snang ngo // de nas

  109. 55b

    b+ha'i rgyal po rab mtshams lha'i dbang po'i gnas thams cad du sgra bsgrags te/ lha'i rgyal po rab mtshams/ bcom ldan 'das la gsol ba btab bo// de nas rgyal po rab mtshe mas sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba ji ltar bskyed pa de rjes su dran nas/ sangs rgyas kyi byin gyis brlabs kyis/ de'i tshe tshigs su bcad pa 'di dag smras so// bkra shis dam pa gang zhig gis// sangs rgyas grags pa'i dam par mtshan btags mtshan gsol pa// nor bu'i gtsug tu gshegs pa ltar/ / des ni 'dir yang bkra shis mchog gyur cig/ bkra shis dam pa gang zhig gis// 'jig rten sgron ma blo zhes mtshan btags pa// sbyang pabapa'i lam du gshegs pa ltar/ / des ni 'dir yang bkra shis mchog gyur cig/ bkra shis dam pa gang zhig gis// bsgribs med gzigs pa 'dzum pa'i spun du batshan btags pa/ rgyan gcig ldan par gshegs pa ltar// des ni 'dir yang bkra shis mchog gyur cig/ bkra shis dam pa gang zhig gis// 'jig rten sgron ma mar me mdzad ces mtshan btags ba/ / rnam par rgyal bar gshegs pa ltar// des ni 'dir yang bkra shis mchog gyur cig/ bkra shis dam pa gang zhig gis// bde gshegs yang dag don gzigs pa zhes

  110. 56a

    mtshan btags pa/ / dri med rtse mor gshegs pa ltar// des ni 'dir yang bkra shis mchog gyur cig/ bkra shis ngam pa gang zhig gis// de bzhin gshes pabar rang byung mchog ces mtshan btags pa/ / rin chen spos su gshegs pa ltar// des ni 'dir yang bkra shis mchog gyur cig/ bkra shis dam pa gang zhig gis// 'jig rten sgron ma dbyig gi lha zhes mtshan btags pa// dri med sna tshogs gshegs pa ltar// des ni 'dir yang bkra shis mchog gyur cig/ bkra shis dam pa gang zhig gis/ / 'gro ba med pa smra ba'i steg ces mtshan btags pa// thams cad tshul du gshegs pa ltar// des ni 'dir yang bkra shis mchog gyur cig/ bkra shis dam pa gang zhig gis/ / yon tan kun mnga' dpal gyis rgyas par mtshan btags pa// dga' ba'i rgyan du gshegs pa ltar// des ni 'dir yang bkra shis mchog gyur cig/ bkra shis dam pa gang zhig gis// 'jig rten phan brtson dka' thub drag por mtshan btags pa// kun nas mdog tu gshegs pa ltar// des ni 'dir yang bkra shis mchog gyur cig/ ji ltar lha'i rgyal po rab mtshem sangs rgyas kyi byin gyi brlabs kyis// sngon gyi rgyal ba'i gshegs pa brjod de mngon par bstod pa de bzhin du/

  111. 56b

    'jig rten gyi kham smra thams cad kyi rgyal po rab mtshem rnams kyang / sangs rgyas kyi byin gyi rlabs kyis sngon gyi yang dag par rdzogs pa'i sangs rgyas gshegs pa brjod cing / glu'i dbyangs kyis tshigs su bcad de mngon par bstod do// de nas bcom ldan 'das khang pa nor bu sna tshog su gshegs nas gdan bting ba la skyil mo krung bcas te bzhugs so/ / ji ltar bcom ldan 'das bzhugs pa de bzhin du/ 'jig rten gyi khams thams cad du yang gdan bting ba de dag la bzhugs par snang ngo // bcom ldan 'das bzhugs ma thag tu khang pa nor bu sna tshogs de 'di lta ste/ dper na rab mtshe ma'i lha'i ris thams cad tsam du che bar gyur par snang ste/ 'di na ji lta ba bzhin 'jig rten gyi khams thams cad na'ang de bzhin no/ / shin tu rgyas pa chen po'i mdo sangs rgyas phal po che zhes bya ba las/ rab mtshe ma'i gnas na rnam par 'phrul ba'i le'u zhes bya ba ste nyi shu bzhi pa'o// / de nas sangs rgyas kyi mthus phyogs bcu nas byang chub sems dpa' mang po lhags par gyur te/ byang chub sems dpa' re re zhing yang 'khor sangs rgyas kyi zhing brgyams stong gi rdul shin tu phra ba snyed dang lhan cig tu 'ongs te/ byang chub sems dpa' re re zhing yang byang chub sems dpa' sangs rgyas kyi zhing gi rdul shin tu phra ba snyed dang lhan cig tu phyin to//

  112. 57a

    byang chub sems dpa' de dag thams cad kyang ming 'di zhes bya ba dag ste/ 'di ltar yon tan dang ldan pa dang / blo gro dang ldan pa dang / dpal dang ldan pa dang dga' ba dang ldan pa dang / khrel dang ldan pa dang / brtson 'grus dang ldan pa dang / stobs dang ldan pa dang / rig pa dang ldan pa dang / blo dang ldan pa dang / ye shes dang ldan pa dag go/ / byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gnyen dang ldan pa dang / me tog dang ldan pa dang / nor dang ldan pa dang / dpal dang ldan pa dang / sgron ma dang ldan pa dang / rdo rje dang ldan pa dang / bde ba dang ldan pa dang / nyi ma dang ldan pa dang / dge ba dang ldan pa dang / tshangs pa dang ldan pa dag go// byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi zham ring na tshangs par spyod pa dag ste/ 'di ltar nyams pa med pa'i spyan dang / gzhan ma yin pa'i spyan dang / mi g.yo ba'i spyan dang / mi bskyod pa'i spyan dang / chu'i spyan dang / bcings pa med pa'i spyan dang / kun tu spyod pa'i spyan dang 'od kyi spyan dang / dam pa'i spyan dang / mthon mthing gi spyan ngag go// de nas byang chub sems dpa' de dag bcom ldan 'das la phyag 'tshal nas/ sangs rgyas kyi mthus phyogs

  113. 57b

    bcur rgyas par byas te/ gang nas 'ongs pa'i phyogs su bstan nas/ seng ge'i khri rin po che'i snying po can dag bshams te skyil mo krung bcas nas 'khod do// ji ltar gling bzhi pa 'do rab mtshe ma'i gnas su byang chub sems dpa' 'ongs par gyur pa de bzhin du/ 'jig rten gyi khams thams cad kyi gling bzhi pa kun tu yang rab mtshe ma'i gnas kyi khang pa nor bu sna tshogs su'ang lhags par gyur te/ byang chub sems dpa'i ming yang de skad ces bya ba sha stag/ de bzhin gshegs pa'i mtshan kyang de skad ces bya ba'i zham ring na tshangs par spyod pa sha stag go/ de nas bcom ldan 'das kyi zhabs kyi bol gnyis nas 'od zer bye ba brgya stong bkye ste/ phyogs bcu thams cad snang bar byas nas/ 'jig rten gyi khams thams cad bstan te/ byang chub sems dpa' de dag gis 'jig rten gyi khams thams cad kyi gling bzhi pa kun gyi rab mtshe ma'i gnas thams cad na yang / de bzhin gshegs pa'i rnam par 'phrul ba yod pa mthong ngo / / de nas byang chub sems dpa' yon tan dang ldan pas/ sangs rgyas kyi mthus phyogs bcur rnam pa ltas te/ de'i tshe tshigs su bcad pa 'di dag smras so/ / sangs rgyas 'od zer 'od snang bas// phyogs rnams thams cad rnam par snang // des ni rab tu gsal byas pas// mig la rab rib gang yang med// mtshe ma rab

  114. 58a

    gnas 'din/ / gang zag dam pa sangs rgyas bzhugs// de bzhin kun na'ang gsal bar snang // de ni 'jig rten ngo mtshar to// sems can gtso bo bcu yi rnams/ / gshegs par gyur pas mngon par bstod// de dag 'khor yang ci 'dra ba// de bzhin kun na'ang rab tu snang // phyogs rnams bcu po thams cad na// chos kyi dam pa rab tu ston/ / de kun ming yang 'di bzhin te// bdag cag rnams kyis kun brjod cing // 'jig rten khams kyi ming dag kyang // de zhes bya ba kun nas 'ongs// gang zag dam pa de dag ni// tshangs pa'i spyod pa'ang de na spyod// bdag cag rnams la gang btags pa// kun gyi ming yang de dang 'thun// sangs rgyas zhing rnams phun ldan pa// de dag sangs rgyas rnams 'phrul pa'o/ / mi yi 'jig rten kun na yang // 'di na rgyal ba bzhugs par shes// gzhan gyis de yi rgyal po yi// gnas na de bzhin bzhugs pa mthong // 'jig rten la nam thams cad na/ / gang zag dam pa de bzhugs kyang // rgyal ba mtshe ma rab gnas na// bzhugs par bdag cag kun kyang sems// 'jig rten khams rnams thams cad na/ / sangs rgyas gzi brjid bsam mi khyab// de dag smon lam bskul ba'i phyir// 'jig rten khams su rab tu bkye// sems can gtso bo rnam 'phrul pa// 'di dag de rnams kun

  115. 58b

    sa mthong / / sangs rgyas yon tan mtha' yas te// 'jig rten zang zing thub pas spangs// phyogs rnams thams cad kun tu rgyu// chags pa med pa nam mkha' bzhin// de ni gcig las shin tu 'das/ / mang po dag tu'ang mi dmigs so// mtha' yas legs mnga' sangs rgyas rnams// de dag shes par ji ltar rung // gnas pa med cing len pa med// chos dbyings rtogs par thugs su chung // de nas byang chub sems dpa' blo gros dang ldan pas// sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// 'jig rten mgon po 'phrul chen rnams// rdul mer gang zag dam pa dag/ 'dus shing tshogs pa bsam yas pa'i// bskal pa ngag tu shin tu dkon/ / de dag thams cad kun gzigs pa// sems can gtso bo 'od mdzad de// srogs chags kun la phan pa'i phyir// sems can rnams la chos ston to// 'jig rten mun nag 'di dag tu// 'jig rten mgon po byung gyur pa// 'jig rten sgron ma de dag ni// blta bar shin tu dka' ba yin// sbyin pa tshul khrims bzod pa'i rab// brtson 'grus bsam gtan bsgom pa dang / / shes rab sngan chad spyad pas na// 'gro la thams cad snang bar mdzad// sangs rgyas 'dra ba gang yang med// de phyir de dang mnyam pa med/

  116. 59a

    chos rnams yod pa ma yin pas// skyes bu'i dam pa mthong ba med// sangs rgyas shes rab chen po rnams// mtshan gyi tshogs ni bsam mi khyab// sku ma tshogs kyis shin tu 'phags/ / chos rnams kun gyis yang dag byeng // 'jig rten grags chen dag pa'i rnams// dpa' bo chen po de dag snang // de dag mtshan tsam thos pas kyang // ngan song thams cad spangs par 'gyur// bskal pa rnams ni brjod med par// byang chub don du 'khor byas kyang // 'di yi tshul ni ma shes na// byang chub don du zhugs pa min// sangs rgyas bsam gyis mi khyab pa/ / bskal pa bye bar bkur ba dang // gang gis tshul 'di bsam pa gnyis// 'di ni de las khyad du 'phags// gang gis brjod yas zhing gi rnams// rin chen bkang ste thub gsol kyang // 'di yi tshul ni ma shes na// sangs rgyas byang chub de la ring // de nas byang chub sems dpa' dpal dang ldan pas// sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// nam mkha' dri ma med pa la// nyi ma'i 'od zer mtha' yas pa// dpyid kyi zla ba bam la/ / phyogs bcu dag tu rab tu snang // de tshe smig rgya ci 'drab// de dag bzang bar mi nus te// mig can rnams kyang de la mongs// long 'jams kyi spyod yul min// de bzhin

  117. 59b

    sems can gtso bo yi/ / yon tan mtha' dang dbus med pa// bskal pa bsam gyis mi khyab par// sus kyang shes par mi nus so// de dag gang nas blangs pa med// de bzhin sus kyang byas pa med/ / de ni ci las skyes pa med// rnam par bsgoms nas yod pa min// 'ongs pa med pa'i chos rnams la// 'gro ba de bzhin mi dmigs te/ de phyir de dag rgyu yang med/ / de bzhin 'jig pa'ang yod pa min// 'jig pa med pa'i chos rnams kyi// rang bzhin gang gis shes pa ni// gang la skye ba med pa yi// yang dag sangs rgyas mthong ba yin/ / skyes pa med pa'i chos rnams kyi// rang bzhin dngos po mi dmigs te// de 'dra'i don du shes pas ni// dmigs pa med pa shes pa yin// 'di la shes byed gang yang med/ / chos rnams thams cad mtshan nyid med// chos nyid 'di ni shes gyur na// yongs su shes pa gang yang med// skye ba dag ni brjod pa ste// de phyir zhing rnams rab tu brjod/ / shing gi rang bzhin shes gyur na// 'khrug pa med pa rab tu shes// gang tshe 'jig rten zhing yin par// tshul bzhin dun rtog byed na// de tshe thams cad don bsdu pa/ / byang chub sems dpa' rab tu shes/ de nas byang chub sems dpa' dga' ba dang ldan pas sangs rgyas kyi mthus phyogs bcur rnam par bltas te/

  118. 60a

    de'i tshe tshigs su bcad pa 'di dag smras so// gnas 'di shin tu rgya che ste// chos kyi dbyings kyis rmas pa yin// rtag tu kun tu song ba ste// yid du 'ong zhing gnas kyang med/ / de la yang dag rtag byas shing // rim gro yod par dang byed na// sdug bsngal nam yang mi mthong ste// ngan song rnams kyang mi mthong ngo // tshad med de bzhin grangs med pa'i// 'jig rten khams su su 'gro bas// gang rnams 'di na snang ba yi// sangs rgyas byini rlabs thos par gyur// drang srong chen po'i byin gyis brlabs/ / gang gis thos par gyur nas kyang // 'di 'dra sangs rgyas chos so zhes// rtog med bla med byang chub bo// gang rnams 'das pa'i sangs rgyas kyi// chos nyid la ni yid ches pa// de kun 'jig rten sgron ma ste// rkang gnyis ldan pa'i dam par 'gyur// sangs rgyas rnam par 'phrul pa 'di// la la zhig gis thos gyur cing / / thos nas dad par byed gyur na// de dag mi yi dam par 'gyur// bstan pa gang rnams da ltar yang // sangs rgyas chos la dang byed pa// de dag don gzigs mi 'jigs pa'i/ / de bzhin gshegs par 'gyur ba yin// bskal pa bsam gyis mi khyab par// 'di 'dra thos pa shin tu dkon// smon lam dbang ni ma gtogs par/

  119. 60b

    blo gros 'di 'drar 'gyur ba min// sangs rgyas dam chos 'di las kyang // legs par bshad pa rung byas shing // gzhan la ston par su byed pa// de dag bsam gyis mi khyab 'gyur/ / de la brtson 'grus bskyed byas shing // yid la go cha bgo byas te// gang la sangs rgyas brjod pa yi// shes pa 'di 'dra mnyan par bya/ nas byang chub sems dpa' khrel dang ldan pas/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad de smras pa/ gang zhig thos nas 'di 'dra ba'i/ / dga' ba yangs pa skye ba dang // the tsom rnam par 'chad pa ni// 'jig rten na ni ngo mtshar che// 'di ltar thams cad gzigs pa'i rnams// nyid kyis 'grel bka' stsal na/ / sangs rgyas mi mkhyen gang yang med// de ltar sangs rgyas bsam mi khyab// mi shes pa yi rgyu las ni// ye shes 'jug par mi 'gyur te// mun pa'i mtha dang snang ba gnyis/ / lhan cig 'byung bar mi 'gyur bstan// ji ltar gzugs dang gzugs med pa// skal ba mnyam pa med par bshad// de ltar shes dang mo shes pa/ 'grogs par shin tu mi 'gyur ro// 'khor dang mya ngan 'das pa dag/ ji ltar med las brtags pa ltar// de bzhin gshegs dang mi shes pa// mtshan nyid bzhin du dmigs pa me

  120. 61a

    ji ltar 'jig rten 'jig pa dang / / 'du bar 'gyur ba ring ba ste// phan tshun 'grogs par mi 'gyur ba// shes dang mi shes de bzhin no// ji ltar byang chub sems dpa' yi/ / thog ma'i sems dang tha ma'i sems// lhan cig mi gnas byung ba ltar// shes dang mi shes de bzhin no// ji ltar lus dang rnam shes pa/ / gzhan dang gzhan las 'byung 'gyur ba// de bzhin shes dang mi shes gnyis// 'grogs par 'gyur ba nam yang med// ji ltar dug la phan pa'i rtsi// 'bral du dug ni drug min byed/ / de ltar shes pa mi shes pa// shin tu sel ba byed par brjod// sangs rgyas bla na gang yang med// de dang 'dra ba'ang yod pa min// de las gzhan du 'gyur ba med// de bas rgyal ba shin tu dkon// de nas byang chub sems dpa' brtson 'grus dang ldan pas/ sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ chos rnams 'di dag 'gal med par// mkhyen nas sangs rgyas thugs su chud// des ni mi mkhyen gang yang med// ye shes kyi yang pha rol phyin// ji ltar gser nga sa laM sbram/ / ngo bo nyid kyis 'gal ba med// de ltar chos min de bzhin chos// de dag thams cad mtshan nyid gcig/ sems can sems can ma yin pa// ngo bo nyid kyis ra

  121. 61b

    bzhin med/ / gdags su med las byung ba ltar// chos rnams rang bzhin de bzhin no// ma 'ongs dus ni ji lta bur// 'das pas brjod par bya ba ste// de la mtshan nyid yod pa min/ de bzhin chos la mtshan nyid med// 'brel bar skye dang 'gog pa dang // rang bzhin med dang rang bzhin dag/ rnam pa ba dad gyur pa ltar// sangs rgyas rang bzhin de bzhin no// mya nga 'das pa gzung med pa/ / gnyis kyi dus na brjod par byas// de la bye brag gang yang med// de bzhin gzugs la rnam rtog pa'o// ji ltar ji bzhin bzang byas shing // bzang bar byed ces brjod pa yang / / de la tha dang gang yang med// de bzhin gzugs kyi rang bzhin no// ji ltar gcig nas gcig gi blar// mang po'i tshul du bgrang ba yis// dngos por zangs med 'gyur ba yang / / blo yi rnam pa tha dad bstan// 'jig rten khams rnams la la dag/ bsam gyis mi khyab tshig gyur kyang // nam mkha' 'jig par 'gyur ba med// rang byung ye shes de bzhin no// ji ltar 'jig rten phyogs bcu yi// nam mkha' so sor brtags pa ltar// de bzhin sangs rgyas rnams mthong ste// sangs rgyas rnams la rtog mi mnga'/ / de nas byang chub sems dpa' stobs dang ldan pas// sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/

  122. 62a

    ji ltar dus rnams gsum po yis// sems can khams rnams brjod par gyur// sems can de dag thams cad kyang // phung po lnga las shin tu brjod de rnams las kyi phung chen yin/ / las kyi rtsa ba'ang sems yin te// sems ni sgyu ma bzhin du bshad// sgyu mar gyur pa 'gro 'di'o// gang na 'jig rten 'di byung zhing // yang na ldog par 'gyur ba yi// 'jig rten 'jig rten mi byed de// gzhan gyi rgyus kyang byas pa min// 'jig rten 'din 'byung ba 'byung // 'jig rten 'dir yang ldog par 'gyur// 'byung zhes brjod par mi bya ste// de ni 'jig rten shes pa yin// gang la 'jig rten snang ba zhes// 'du shes rnam par brtags pa yi// 'jig rten zhes bya gang zhig yin// snang ba zhes bya 'ang ci zhig yin// dus gsum dag tu rgyu ba yi// phung po 'di ni 'jig rten yin// de dag 'gog pa snang ba zhes// 'gro ba dag tu'ang 'du shes gyur// pu po zhes bya 'di ni ci/ / phung po'i rang bzhin ji lta bu// phung po rnams ni mi 'jig phyir// dngos po med ces rab tu brjod// phung po 'di dag rnam brtags don// de dgar bzhin stong pa yin/ / mi 'jig don ni stong pa ste// dngos po med ces bya ba'o// 'jig rten ji bzhin sangs rgyas te// sangs rgyas chos kyang de bzhin no// sangs rgyas sa

  123. 62b

    dang sangs rgyas rnams/ / ngo bo nyid kyis rang bzhin med// ma nor yang dag ji bzhin pa'i// chos nyid 'di ni rtogs gyur nas// kun gzigs thams cad mkhyen pa yi// sangs rgyas kun na rab tu snang // de nas byang chub sems dpa' rig pa dang ldan pas/ sangs rgyas kyi mthus phyogs bcur rnam par bltas nas/ de'i tshe tshigs su bcad de smras pa/ rang bzhin dngos po med pa yi// 'jig rten khams rnams thams cad kyi// sa yi khams rnams ji bzhin te// sangs rgyas rnam 'phrul ngo mtshar che// de yi rang bzhin 'di yin la// brjod cing bsngags pa mtha' yas te// 'das pa'i 'jig rten khams rnams su// sus kyang brjod pa ma yin no// gzhan du sems can las kyis na/ / shin tu bstan par brjod pa ste// sems can rnams ni ma gtogs par// las shes bya ba ci mi dmigs// de bzhin stong pa'i las kyis kyang // brjod pa rnams ni tshad med pas// sems can kun gyi lus su gyur// de la 'ongs pa gang yang med// ji ltar kha dog dbyibs kyi rnams// las kyi rgyu ni bsam mi khyab/ snang yang de dag de na med// rnam par rig pa'i dngos nyid 'dra// de bzhin sems can gtso bo yi// sku ni bsam gyis mi khyab pa// brjod pa rnams kyang tshad med par/

  124. 63a

    zhing rnams kun na rab tu snang // skus ni rdzogs pa'i sangs rgyas min// sangs rgyas rnams la sku mi mngar// dpa' bo chen po chos su ste/ chos kun rtogs par thugs su chud// gang gis rang byung rnams kyi sku// yang dag ji bzhin mthong ba ni// sangs rgyas chos ni rnam kun dang // chos rnams la yang rmongs pa med/ / 'das par gyur pa'i chos rnams kun// mya ngan 'das par shes gyur na// de dag shin tu mi gnas pa'i// rdzogs pa'i sangs rgyas mthong ba yin yang dag sangs rgyas sus mthong zhing / / dran pa shin tu bsgom byas te// mtshan med tha dad med pa'i rnams// de dag chos kyi rgyal po'i sras// de nas bya chub sems dpa' blo dang ldan pas/ sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ ji ltar ri mo'i las rnams la/ tshon rnams sna tshogs kun 'du ba// kun kyang 'byung ba chen por mnyam// sems kyis yongs su brtags pa yin// khams la tshon rtsi de dag med// tshon rtsi la yang khams med de/ / khams rnams ma gtogs gzhan na yang // tshen ces bya ba gang yang med// sems la ri mo de med de// ri mo la yang sems med do// sems de

  125. 63b

    ma gtogs gzhan du yang / / ri mo gang yang mi dmigs so// sems de rtag pa ma yin pa// bsam gyis khyab tshad med cing // phan tshun shes pa med pa yi// gzugs rnams thams cad ston par byed/ / ji ltar ri mo mkhan gyi rnams// sems ni gang gis ri mo de// bris pa'i sems kyang mi shes pa// de bzhin chos kyi rang bzhin no// sems ni ri mo mkhan dang 'dra// sems ni phung po byed pa ste// 'jig rten khams na ji snyed pa'i// 'jig rten 'di dag sems kyis bris// sems dang 'dra ba sangs rgyas te/ / sangs rgyas ji bzhin 'gro ba'o// sems dang sangs rgyas dag la yang // ngo bo nyid kyis zad pa med// sems kyi rgyun rnams ci 'dra la// de dag sangs rgyas rab tu mkhyen/ / de phyir sangs rgyas rang bzhin gyis// 'gro ba sna tshogs gyur par snang // lus kyi rnams la sems med de// sems la'ang lus rnams yod pa min// sangs rgyas mdzad pa'ang rab tu byed// de ltar spyod pa ngo mtshar che// gang zhig dus gsum thams cad kyi// rgyal ba thams cad shes 'dod na// sangs rgyas thams cad sems kyi dngos/ / chos kyi dbyings su blta bar gyis// de nas byang chub sems dpa' ye shes dang ldan pas/ sangs rgyas kyi mthus phyogs bcur rnam par

  126. 64a

    bltas te/ de'i tshe tshigs su bcad de smras pa/ gzung ngu med la 'dzin ces bya// snang ba med pa snang ba ste// mnyan du med par mnyan par byed// sems med pa yi sems dang ldan/ / tshad med pa la tshad ma yis// gang zhig 'dzin par mi 'dod pa// de ni tshad med tshad ma yis// nam yang 'dzin par mi 'gyur ro// brjod du med pa smra byed pa/ / bdag la shin tu slu ba ste// de yi don yang rdzogs mi byed// srog chags rnams kyang tshim mi 'gyur// de bzhin mtha' yas brjod ldan pa'i// brjod pa gang zhig smra 'dod pa/ / bskal pa grangs med zad byas kyang // rang byung rnams kyis brjod mi zad// yod bzhin nor bu dag pa ni// kha dog kun tu rab tu snang // de la kha dog yod pa min// sangs rgyas yon tan de bzhin no// ji ltar nam mkha' dri med cing // gzugs med bstan du med min yang // gzugs rnams thams cad ston par byed// nam mkha' snang ba gang yang med/ / de bzhin thams cad gzigs pa'i rnams// yon tan kun dang ldan ston kyang // de ni sus kyang mthong ba med// sems la'ang de ni mi gnas so// sangs rgyas sgra ni zag mod kyi/ / de bzhin gshegs pa sgra ma yin// sgra ni ma gtogs gzhan du yang // sangs rgyas shes par mi rung ngo // ji ltar bdag gis mthong tshul du// 'din

  127. 64b

    shes bya'i gnas ma yin/ / sangs rgyas byang chub blang du med// de la rnam par rtog pa med// sangs rgyas chos rnams gang dag kyang // su la'ang sangs rgyas gsung ba med// sems can bsam pa ji bzhin du/ / de la de 'dra ston pa mdzad// shin tu rgyas pa chen po'i mdo sangs rgyas phal po che zhes bya ba las// rab mtshe ma'i gnas su byang chub sems dpa' 'dus pas tshags su bcad pa bstan pa'i le'u zhes bya ba ste nyi shu lnga pa'o/ / // shin tu rgyas pa chen po'i mdo bam po nyi shu drug pa// // de nas de'i tshe byang chub sems dpa' yon tan dang ldan pas/ sangs rgyas kyi mthus byang chub sems dpa'i ting nge 'dzin shin tu rnam par phye ba'i rnam par 'byed pa zhes bya ba la mnyam par bzhag par gyur te// de ltar bya chub sems dpa' yon tan dang ldan pa/ / byang chub sems dpa'i ting nge 'dzin rnam par phye ba'i rnam par 'byed pa de la mnyam par bzhag ma thag tu/ de'i tshe phyogs bcu re rer yang 'jig rten gyi khams sangs rgyas kyi zhing stong phrag bcu'i rdul shin tu phra ba snyed 'das pa'i pha rol nas/ / de bzhin gshegs pa'i mtshan yon tan dang ldan pa zhes bya ba/ sangs rgyas kyi zhing stong phrag bcu'i rdul shin tu phra ba snyed kyis zhal bstan pa mthong ste/ sangs rgyas bcom ldan 'das de dag gis de la 'di skad ces bka' stsal to// yon tan dang ldan pa de ltar khyod byang chub

  128. 65a

    sems dpa'i ting nge 'dzin shin tu rnam par phye ba'i rnam par 'byed pa la mnyam par bzhag pa legs so legs so/ / rigs kyi bu khyod la ni de bzhin gshegs pa sangs rgyas kyi zhing stong phrag bcu'i rdul shin tu phra ba snyed thams cad kyang mtshan mthun pa sha stag gis/ 'di ltar bcom ldan 'das de bzhin gshegs pa rnam par snang mdzad kyi sngon gyi sman lam dang sngon gyi byin gyi rlabs dang / byang chub sems dpa' rnams kyi dge ba'i rtsa bas shin tu brtan pas na/ 'di ltar chos bstan pa dang / sangs rgyas kyi ye shes rnam par 'phel bar bya ba dang / 'jig rten gyi khams la 'jug par bya ba dang / sems can gyi khams rnam par bsgom pa dang / chags pa med pa la 'jug par bya ba dang / bsgribs pa med pa'i spyod yul dang / kun nas rab tu sbyor ba dang / thams cad mkhyen pa rab tu bsgrub pa dang / chos thams cad khong du chud par bya ba dang / dbang po thams cad yongs su shes par bya ba dang / chos bstan pa thams cad yongs su gzung bar bya ba dang / 'di ltar byang chub sems dpa'i spyod pa bcu brtsam pa rab tu 'thob par bya ba'i phyir byin gyis brlabs pa mdzad kyis rigs kyi bu khyod kyis sangs rgyas kyi mthu dang / sangs rgyas kyi byin gyi rlabs kyi byin gyis brlabs kyis chos 'di bstan pa la spobs par gyis shig/ de nas sangs rgyas bcom ldan 'das de dag gis

  129. 65b

    byang chub sems dpa' yon tan dang ldan pa la chags pa med pa nyid nye bar bsgrub pa mdzad do/ / bsgribs pa med pa nyid nye bar bsgrub pa mdzad do// byin gyis brlabs pa nyid nye bar bsgrub pa mdzad do/ / slob dpon med pa nyid nye bar bsgrub pa mdzad do// rmongs pa med pa nyid nye bar bsgrub pa mdzad do// tha dad pa med pa nyid nye bar bsgrub pa mdzad do// kha na ma tho ba med pa nyid nye bar bsgrub pa mdzad do/ / tshad med pa nyid nye bar bsgrub pa mdzad do// zil gyis mi non pa nyid nye bar bsgrub pa mdzad do// zhum pa med pa nyid nye bar bsgrub pa mdzad do/ / de ci'i phyir zhe na/ ting nge 'dzin 'di nyid kyi chos nyid thob pa'i phyir ro// de nas sangs rgyas bcom ldan 'das de dag gis phyag g.yas pa brkyang ste/ byang chub sems dpa' yon tan dang ldan pa'i mgo la byug pa mdzad do/ / sangs rgyas bcom ldan 'das de dag gis de ltar reg ma thag tu/ byang chub sems dpa' yon tan dang ldan pa ting nge 'dzin de la langs te/ byang chub sems dpa' rnams la smras pa/ kye rgyal ba'i sras dag/ byang chub sems dpa'i las ni bsam gyis mi khyab ste/ de ni 'di ltar chos kyi dbyings kyis klas so/ / nam mkha'i dbyings kyis mthar thug go// kye rgyal ba'i sras pa// de ci'i phyir zhe na/ de ni 'di ltar byang chub sems dpa'i sems dpa' chen po rnams na'ang

  130. 66a

    sangs rgyas bcom ldan 'das rnams kyi spyod pa la yang slob bo/ / ma byon pa'i sangs rgyas bcom ldan 'das rnams kyi spyod pa la'ang slob bo// da ltar byung ba'i sangs rgyas bcom ldan 'das rnams kyi spyod pa la'ang slob bo/ / kye rgyal ba'i sras dag/ byang chub sems dpa' rnams kyi spyod pa gang la bsams te de skad du smras pa de dag gang zhe na/ kye rgyal ba'i sras dag/ bcu po 'di dag ni byang chub sems dpa' rnams kyi spyod pa/ sangs rgyas bcom ldan 'das 'das pa dang / ma byon pa dang / da ltar byung ba rnams kyis gsungs pa dang / gsung ba dang / gsung bar 'gyur ba ste/ bcu gang zhe na/ 'di lta ste/ dga' bar byed pa zhes bya ba byang chub sems dpa'i spyod pa dang po dang / bde ba bskyed pa zhes bya ba byang chub sems dpa'i spyod pa gnyis pa dang / mi mthun pa med pa zhes bya ba byang chub sems dpa'i spyod pa gsum pa dang / mi zad pa zhes bya ba byang chub sems dpa'i spyod pa bzhi pa dang / rmongs pa med pa zhes bya ba byang chub sems dpa'i spyod pa lnga pa dang / lta ba bzang po zhes bya ba byang chub sems dpa'i spyod pa drug pa dang / gnas med pa zhes bya ba byang chub sems dpa'i spyod pa bdun pa dang / thub par dka' ba zhes bya ba byang chub sems dpa'i spyod pa brgyad pa dang / chos bzang po zhes

  131. 66b

    bya ba byang chub sems dpa'i spyod pa dgu pa dang / bden pa dang ldan pa zhes bya ba byang chub sems dpa'i spyod pa bcu pa dag ste/ kye rgyal ba'i sras dag/ bcu po de dag ni byang chub sems dpa' rnams kyi spyod pa/ sangs rgyas bcom ldan 'das 'das pa dang / ma byon pa dang / da ltar byung ba rnams kyis gsungs pa dang / gsung ba dang / gsung bar 'gyur ba'o/ / kye rgyal ba'i sras dag/ de la byang chub sems dpa'i spyod pa dang po dga' bar byed pa zhes bya ba gang zhe na/ kye rgyal ba'i sras dag/ 'di la byang chub sems dpa' sems dpa' chen po/ / sangs rgyas bcom ldan 'das rnams kyi sngon gyi spyod pa'i rjes su slob cing rjes su dran par bya ba dang / yid zhum pa med pa dang / yid dang bas kun tu 'phel bar bya ba dang / yongs su gzung ba dang / yang dag par bstan pa dang / rjes su rgya che bar byed cing / sdug bsngal ba'i sems can bde bar bya ba'i phyir sems can thams cad la bdog pa thams cad yongs su gtong ba dang / 'gyod pa med pa'i sems kyi sbyor ba dang / rnam par smin pa la ye brngam pa med pa dang / grags pa 'dod pa med pa dang / gnyen 'dod pa med pa dang / khe 'dod pa med pa dang / gzhan rjes su bsrung ba dang / pha rol la phan gdags pa dang / sems can thams cad la phan gang

  132. 67a

    ba'i sems kyis/ sbyin pa'i bdag po sbyin pa byed pa yin te/ kye rgyal ba'i sras dag/ 'di ni byang chub sems dpa'i spyod pa dang po'o// spyod pa de la gnas pa'i byang chub sems dpa' ni skye bo mang po'i yid du 'ong ba yin te/ de ni sems can dbul po gang dang gang na yod pa de dang der smon lam gyi dbang gis rab tu skyes to// skyes nas kyang zad mi shes pa'i longs spyod dang ldan zhing shin tu phyag pa yin te/ de la gal te dus gcig tu slong ba'i srog chags bye ba khrag khrig brgya stong grangs med pa zhig 'ongs te 'di skad dukye shes par gyis shig/ bdag cag thams cad ni bkres pas 'chi'o// gal te bdag cag gis khyed kyi sha zos na ni 'tsho bar 'gyur ro zhes tshig tu smra bar gyur kyang byang chub sems dpa' ni sbyin pa phun sum tshogs pa rnam pa 'di lta bu dang ldan te/ slong ba'i srog chags bye ba khrag khrig brgya stong grangs med pa de snyed cig nye bar lhags kyang / byang chub sems dpa' la de'i phyir sems bskyed pa gcig kyang zhum pa'i bsam par mi 'gyur gyi/ sems can de dag thams cad la snying rje chen po rab tu skye ste/ gzhan mang po zhig 'ongs kyang / de bas kyang ches dga' ba dang spro ba 'byung zhing / 'di ltar bdag gis gsol ba ma btab par sangs rgyas kyi chos la yang dag par stobs pa'i dge ba'i bshes gnyen sdug

  133. 67b

    bsngal zhing slong ba/ sbyin pa'i gnas su gyur pa 'di lta bu dag dang 'grogs par gyur pa ni/ bdag gis thob pa legs par thob ste/ ci nas kyang sems can dga' ba'i yid kyang mi nyams par bya ba de ltar bdag gis bya'o/ / bdag gis dge ba'i rtsa ba tso byas pa dang / ji ltar byed pa dang / dge ba'i rtsa ba ci byed par 'gyur ba des/ ji tsam gyis sems can de ngag thams cad 'grangs shing dus byed par 'gyur pa de tsam du che ba'i lus su gyur cig/ sems can de dag 'grangs shing tshim par ma gyur kyi bar du gcad cing bskyabs pas mi zad pa de tsam gyi lus su gyur cig/ dge ba'i rtsa ba des kyang bla na med pa yang dag par rdzogs pa'i byang chub tu yang dag par bsgrubs te/ phung po ma lus pa'i mya ngan las 'das pa'i khams su mya ngan las 'das par bya'o/ / rnam grangs 'di bzhin du ma 'ongs pa'i dus kyi 'jig rten gyi khams thams cad kyi sems can de dag thams cad las 'di 'dra ba dang ldan par gyur te/ de dag thams cad kyang bdag gi sha la zos nas/ bla na med pa yang dag par rdzogs pa'i byang chub tu yang dag par bsgrubs te/ sangs rgyas kyi chos thams cad dang mnyam pa'i ye shes kyis sangs rgyas kyi mdzad pa byas nas/ phung po'i lhag ma ma lus pa'i mya ngan las 'das pa'i dbyings su mya ngan las 'da' bar gyur cig/ bdag nyid kyang sems can gyi bsam pa yongs

  134. 68a

    su rdzogs par ma byas kyi bar du bdag tu 'du shes pa'am/ sems can du 'du shes pa 'am/ srid par 'du shes pa 'am/ srog tu 'du shes pa 'am so so'i skye bor 'du shes pa 'am/ gang zag tu 'du shes pa 'am/ shed can du 'du shes pa 'am/ shed bdag tu 'du shes pa 'am/ byed pa por 'du shes pa 'am/ tshor ba por 'du shes pa 'am/ gzhan du chos kyi dbyings nye bar gzung ba dang / sems can gyi khams mtha' yas pa'i chos nyid nye bar gzung ba dang / stong pa'i chos nyid nye bar gzung ba dang / 'dod chags dang bral ba'i chos nyid nye bar gzung ba dang / mtshan nyid med pa'i chos nyid nye bar gzung ba dang / dngos po med pa'i chos nyid nye bar gzung ba dang / gnas med pa'i/ chos nyid nye bar gzung ba dang / gzhi med pa'i chos nyid nye bar gzung ba dang / mngon par 'du bya ba med pa'i chos nyid nye bar gzung ba ma gtogs par mngon par 'tshang rgya bar ma gyur cig ces bya ste/ de ni pa dag kyang yang dag par rjes su mi mthong / bdag gi lus kyang yang dag par rjes su mi mthong / len to zhes bya bar yang yang dag par rjes su mi mthong / len pa yang yang dag par rjes su mi mthong / sbyin pa'i gnas kyang yang dag par rjes su mi mthong ste/ de ni las kyang yang dag par rjes su mi mthong / rnam par smin pa yang yang dag par rjes

  135. 68b

    su mi mthong / 'bras bu yang yang dag par rjes su mi mthong / 'bras bu chen po yang yang dag par rjes su mi mthong/ 'bras bu chung ngu yang yang dag par rjes su mi mthong ngo // de 'das pa'i dus kyi sems can thams cad kyi lus zhig pa yid la byed do/ / ma 'ongs pa dang da ltar byung ba'i sems can thams cad kyi lus 'jig pa yid la byed do// de 'di snyam du sems te kye ma sems can 'di dag rang gi lus grangs med pa zhig ni 'gags te/ 'gag cing 'gag par 'gyur yang snying po med pa'i lus la snying po mi len pa ni ngo mtshar che'o// de lta yin gyis bdag gis sems can thams cad bde bas rim gror bya ba'i phyir/ de bzhin gshegs pa'i rjes su bsgrub par bya'o// thams cad mkhyen pa'i ye shes kyang mngon par sangs rgyas te/ chos thams cad rnam par sbyang ba'i phyir/ chos nyid mi 'jig pa nye bar gzung ste/ dus gsum mnyam pa nyid du 'thun pa'i tshul gyis zhi bar bya bas/ sems can rnams la chos bstan par bya'o snyam du sems skyed de/ kye rgyal ba'i sras dag/ 'di ni byang chub sems dpa'i spyod pa dang po ste/ dga' bar byed pa zhes bya'o// kye rgyal ba'i sras dag/ byang chub sems dpa' rnams kyi spyod pa gnyis pa bde ba bskyed pa zhes bya ba de gang zhe na/ kye rgyal ba'i sras dag/ 'di la byang chub sems dpa' tshul khrims dang ldan pa yin te/ de ni mi

  136. 69a

    gnas pa yin/ gzugs dang / s+tha dang / dri dang / ro dang / reg la mi gnas pa ston pa yin/ rigs kyi bdag nyid che ba la mi gnas pa yin/ rgyud bdag nyid che ba la mi gnas pa yin/ zas kyi bdag nyid che ba la mi gnas pa yin/ gzugs kyi bdag nyid che ba la mi gnas pa yin/ longs spyod kyi bdag nyid che ba la mi gnas pa yin te/ de ltar de ni tshul khrims las yongs su nyams pa med cing / 'di ltar kun nas 'khor ba med pa dang / kun tu btsal ba med pa dang / yongs su gdung ba med pa dang bar chad med pa dang / gtse ba med pa dang / 'khrug pa med par bya'o// snang ba med par bya'o// sangs rgyas kyis bsngags pa'i chos rnams yongs su gzung ngo snyam du sems te/ kye rgyal ba'i sras dag/ byang chub sems dpa' de lta bu'i tshul khrims dang ldan pa'i drung du gal te nyin gcig bzhin du bdud bye ba khrag khrig brgya stong zhig 'ongs te/ bdud rere zhing yang lha'i bu mo bye ba khrag khrig brgya stong 'dod pa'i cho ga thams cad la mkhas pa/ bde bar rim gro bya ba thams cad thogs pa/ lus kyi rgyan gyis lus yongs su rgyas pa bye ba khrag khrig brgya stong re re bsnyen kyang / byang chub sems dpas 'dod pa ni bla na med pa yang dag par rdzogs pa'i byang chub la bar du gcod pa yin par shes nas ston pa mngon du gyur pa'i phyir

  137. 69b

    'dod pa dang ldan pa'i sems bskyed pa gcig kyang mi 'byung ste/ byang chub sems dpa' ni thams cad mkhyen pa nyid yid la bya ba dang mi 'bral lo// 'dod pa'i don du sems can 'ga' la yang sdug bsngal gyi rgyur 'gyur ba mi byed de/ chung ngu na srog gi dbang po 'gags par gyur kyang gzhan la mi dga' ba mi skyed do// kye rgyal ba'i sras dag/ byang chub sems dpa' rnams ni de bzhin gshegs pa mthong nas chung ngu na sems kyi rgyud gcig tsam gyis kyang 'dod pa la mi spyod na/ gnyis kyis gnyis sbyar ba lta smos kyang ci dgos te/ 'di ni gnas med do// byang chub sems dpa' ni 'di ltar sems skye ste/ sems can 'di dag ni yun ring po nas de ltar gzhol ba/ de ltar bab pa/ de ltar 'bab pa/ de ltar mos pa/ de lta bu'i spyod yul can de ltar nges pa de ltar byang ba/ de ltar non pa/ de ltar chags pa/ de ltar zhugs pa yin gyis/ bdag gis ni bdud 'di dag dang / bdud kyi bu mo 'di dag dang // sems can thams cad ci nas kyang bla na med pa'i tshul khrims yongs su dag pa la bkod de/ thams cad mkhyen pa nyid las phyir mi ldog par byas nas/ bla na med pa yang dag par rdzogs pa'i byang chub tu mngon par 'tshang rgya bar byas te/ phung po'i lhag ma ma lus pa'i mya ngan las 'das pa'i dbyings su yongs su mya ngan las 'da' bar 'gyur ba de ltar bya'o// de ci'i phyir zhe na/

  138. 70a

    'di ltar sangs rgyas thams cad kyi rjes su bslabs te/ mi bya ba thams cad yongs su spang ba dang / lus kyis mi shes pa thams cad yongs su spang ba ma yin ba dang / sems kyis kyang ma yin pa de ni bdag cag gi las yin gyis kye rgyal ba'i sras bdag cag gis sangs rgyas kyi chos thams cad kyi rjes su song ba'i ye shes kyis/ sems can thams cad kyi phyin ci log rab tu spong ba'i phyir chos bstan par bya'o/ / phyin ci log ni sems can rnams las gzhan na'ang med de/ phyin ci log rnams las kyang sems can rnams gud na med do/ / phyin ci log tu rang sems can 'dus pa ma yin/ sems can du'ang phyin ci log 'dus pa ma yin no// phyin ci log rnams kyang sems can ma yin/ sems can rnams kyang phyin ci log ma yin no/ / phrin ci log rnams ni ning ngan yang med/ phyin ci log rnams ni phyi rol na'ang med do// sems can rnams kyang nang na yang med/ sems can rnams ni phyi rol na yang med de/ chos de dag thams cad ni gsob brdzun pa slu ba'i chos te/ sgyu ma lta bu/ byis pa/ slu ba/ ngan pa/ chung ba/ snying po med pa rmi lam lta bu/ mig yor lta bu ste/ de dag khong du chud par bya ba'i phyir 'du byed rjes su rtogs pa'o// 'du byed rjes su rtogs pa'i phyir mya ngan las 'das pa ste/ de ni sangs

  139. 70b

    rgyas kyi byang chub tu rnam par 'tshang rgya bar byed de/ rgal bas ni sgrol bar byed/ grol bas ni 'grel par byed/ zhi bas ni zhi bar byed/ dbugs phyin pas ni dbugs 'byin par byed// bkrus pas ni 'khru bar byed/ dag pas ni dag par byed/ mya ngan las 'das pas ni mya ngan las 'dab par byed/ bde bar gyur pas ni bde bar byed pa ste/ bdag cag gis ni de bzhin gshegs pa dang skal ba ni mthun par gnas par mi bya ste/ bdag cag gis ni 'jig rten gyi spyod pa thams cad spang bar bya'o// bdag cag gis ni sangs rgyas kyi chos thams cad dang ldan par bya'o/ / bdag cag gis ni bla na med pa'i chos mnyam pa nyid kyi gnas la gnas par bya'o// bdag cag gis ni sems can thams cad la sems mnyam pas yang dag par 'jug par bya'o/ / bdag cag gis ni yul thams cad yongs su shes pa dang ldan par bya'o// bdag cag gis ni yongs su spyod pa kha na ma tho ba med pa'i bag chags dang ldan par bya'o// bdag cag gis ni rtogs pa thams cad dang ldan par bya'o// bdag cag gis ni 'byung ba thams cad la mkhas pa dang ldan par bya'o// bdag cag gis ni bla na med pa'i ye shes kun tu mtha' yas pa/ brjod du med pa/ mi gnas pa/ 'phos pa med pa/ mtha' dang dbus med pa/ mi zad pa/ gzugs med pa/ bstan du med pa la rab tu mos par

  140. 71a

    bya'o zhes zer te/ kye rgyal ba'i sras dag/ 'di ni byang chub sems dpa' spyod pa gnyis pa ste/ bde ba bskyed pa zhes bya'o// kye rgya ba'i sras dag/ byang chub sems dpa' sems dpa' chen po rnams kyi byang chub sems dpa'i spyod pa gsum pa mi mthur pa med pa zhes bya ba gang zhe na/ kye rgyal ba'i sras pa/ 'di la byang chub sems dpa' chos nyid la brtson te/ bzod pa dang ldan zhin mngon par smra ba'i ngang tshul can yin te/ de yang bdag la gnod par ma yin/ pha rol la gnod par ma yin/ gnyis ka la gnod par ma yin/ bdag bsdu bar ma yin/ gzhan bsdu bar ma yin/ gnyis ka bsdu bar ma yin/ bdag yongs su gzung bar ma yin gzhan yongs su gzung bar ma yin/ gnyis ka yongs su gzung bar ma yin/ yang dag par blangs pa grags pa'i phyir ma yin gyi/ byang chub sems dpa' ni sems 'di ltar skyes te// bdag cag gis sems can thams cad la mi dge ba thams cad spang ba'i phyir chos bstan par bya'o// 'dod chags spang ba dang / zhe sdang spang ba dang / gti mug spang ba dang / nga rgyal spang ba dang / 'chab pa spang ba dang / phrag dog spang ba dang / ser sna spang ba dang / g.yo dang sgyu spang ba dang / bzod pa dang nges pa la gzhag pa'i phyir/ bdag cag gis

  141. 71b

    sems can thams cad la chos bstan par bya'o zhes te/ kye rgyal ba'i sras dag/ byang chub sems dpa' ni de lta bur bzod cing nges pa dang ldan pa yin pas/ de la gal te srog chags brgya stong bye ba grangs med pa zhig 'ongs la/ srog chags de dag re re zhing yang kha bye ba khrag khrig brgya stong grangs med par sprul te drung ngu phyin la/ kha re re nas kyang mi snyan par brjod pa bye ba khrag khrig brgya stong grangs med pas mi snyan cing yid du mi 'ong ba dang / mi 'dod pa dang / mi sdug pa dang / mi dga' ba dang / mi tshul ba dang / 'phags pa ma yin pa dang / 'phags pa ma yin pas brjod pa dang / 'phags pa ma yin par bsnyen pa dang / yongs su spang bar bya ba sha stag tu brjod de/ lag pa re re zhing yang 'thab cha bye ba khrag khrig brgya stong grangs med pa thogs te/ byang chub sems dpa'i lus la gnod par byas la/ nyin gcig tu ji lta ba de bzhin du/ bskal pa grangs med par yang mtshams med cing ngal mi shes skyo mi shes/ rgyun mi 'chad/ gtong ba med/ sdod pa med/ gcugs su med/ dbugs 'byin pa med/ phyir srib med par btags kyang / kye rgyal ba'i sras dag/ de lta bu'i 'jigs pa chen po mi bzad pa/ ma rungs pa/ skyi g.ya' ba/ sdug bsngal ba/ nyams su 'bab pa/ tsha ba/ rtsub pas phog /

  142. 72a

    srog la bab par 'chim khang kyang / de la byang chub sems dpa' 'di snyam du sems te/ sdug bsngal gyi rnam pa 'di tsam dag gis phog pa la/ gal te bdag gis sems 'khrug pa zhig byas su zin na/ de ni mi dul ba dang / mi bden pa dang / mi mkhas pa dang / ma zhi ba dang / ma bsgoms pa dang / ma bsdams pa dang / ma khrugs pa dang / byas pa med pa dang / mnyam par sa bzhag pa dang / bdag gi lus la brten pas gzhan gyi sems mgu bar dra bar mi nus kyis shes te/ de lus dang sems kyi rang bzhin shes nas/ bog ma dang tha ma med par skye ba dang / 'khor ba'i sdug bsngal rjes su dran nas/ chos 'di dag gi tshul gyis de bzhin no zhes nas bar byed/ 'dul bar byed/ yongs su 'dems par byed de/ de ltar bdag gis kyang sangs rgyas kyi chos la bzhag ste/ sems can thams cad la sang don 'a bstan par bya'o snyam mo/ / de ci'i phyir zhe na/ 'di ltar lus 'di ni bdag dang bdag gis stong pa'o/ rang bzhin gyis stong pa'o// stong pa nyid la ni bde ba 'am

  143. 72b

    sdug bsngal ba 'am/ gnyis su brjod pa gang yang med do// gang stong pa de la ci yang med de/ chos thams cad ni ci yang ma yin pa yin gyi/ de bdag gis kyang yang dag par shes par byas te/ sems can thams cad la dngos por 'dzin pa spang ba'i phyir chos bstan par bya dgos kyi/ de ltar bdag gis 'di dag la byams pa'i sems dang phan pa'i sems dang / bde ba'i sems dang / snying rje ba'i sems dang / snying brtse ba'i sems dang / phan par dga' ba'i sems dang / yongs su mi gtong ba'i sems dang / 'tshang rgya ba'i sems dang / byang chub pa'i sems dang / mi 'phrogs pa'i sems dang / sangs rgyas kyi tshul gyi rjes su bsnyegs pa'i sems kyis bzod par bya'o snyam mo/ / kye rgyal ba'i sras dag/ 'di ni byang chub sems dpa' sems dpa' chen po rnams kyi byang chub sems dpa'i spyod pa gsum pa ste/ mi mthun pa med pa zhes bya'o/ / kye rgyal ba'i sras dag/ byang chub sems dpa' sems dpa' chen po rnams kyi byang chub sems dpa'i spyod pa bzhi pa mi zad pa zhes bya ba de gang zhe na 'di la byang chub sems dpa' sems dpa' chen po brtson 'grus dang ldan pa yin te/ brtson 'grus mchog dang ldan pa yin/ brtson 'grus rab dang ldan pa yin/ brtson 'grus

  144. 73a

    dam pa dang ldan pa yin/ brtson 'grus phul dang ldan pa yin/ brtson 'grus 'phags pa dang ldan pa yin/ brtson 'grus gya nom pa dang ldan pa yin/ brtson 'grus bla na med pa dang ldan pa yin/ brtson 'grus mi nyam pa dang ldan pa yin te/ de la 'dod chags kyi rang bzhin med/ zhe sdang gi rang bzhin med/ gti mug gi rang bzhin med/ nga rgyal gyi rang bzhin med/ 'chab pa'i rang bzhin med/ phrag dog gi rang bzhin med/ 'jungs pa'i rang bzhin med/ sgyu ma'i rang bzhin med/ sgyu'i rang bzhin med/ khrel med pa'i rang bzhin med do/ / de ni sems can gang la yang mtho ba tsam pa'i phyir brtson 'grus mi rtsom ste/ gzhan du na nyon mongs pa thams cad yongs su spang ba'i phyir brtson 'grus rtsom mo/ / bag la nyal ba thams cad yang dag par gzhom pa'i phyir brtson 'grus rtsom mo// bag chags thams cad yongs su bsal ba'i phyir brtson 'grus rtsom mo// sems can gyi khams yongs su shes par bya ba'i phyir brtson 'grus rtsom mo/ / shi 'pho dang skye ba thams cad yongs su shes par bya ba'i phyir brtson 'grus rtsom mo// nyon mongs pa thams cad yongs su shes par bya ba'i phyir brtson 'grus rtsom mo/ / sems can gyi bsam pa thams cad yongs su shes par bya ba'i phyir brtson 'grus rtsom mo// sems can thams cad kyi spyod yul

  145. 73b

    yongs su shes par bya ba'i phyir brtson 'grus rtsom mo/ / sems can thams cad kyi dbang po dang brtson 'grus rnam pa tha dad ba mchog dang tha ma'i rgyus yongs su shes par bya ba'i phyir brtson 'grus rtson mo/ / sems can thams cad kyi sems dang spyod pa shes par bya ba'i phyir brtson 'grus rtsom mo// chos kyi dbyings thams cad la 'jug pa yongs su shes par bya ba'i phyir brtson 'grus rtsom mo/ / sangs rgyas kyi chos thams cad kyi rang bzhin dang ngo bo nyid yongs su shes par bya ba'i phyir brtson 'grus rtsom mo// sangs rgyas kyi chos thams cad mnyam pa nyid yongs su shes par bya ba'i phyir brtson 'grus rtsom mo/ / dus gsum la mkhas pa mnyam pa nyid yongs su shes par bya ba'i phyir brtson 'grus rtsom mo// sangs rgyas kyi chos thams cad shes pa'i snang ba mnyam pa nyid yongs su shes par bya ba'i phyir brtson 'grus rtsom mo/ / sangs rgyas kyi chos thams cad rtogs par 'gyur ba'i ye shes yongs su shes par bya ba'i phyir brtson 'grus rtsom mo/ / sangs rgyas kyi chos thams cad tshul gcig tu mngon par 'tshang rgya ba yongs su shes par bya ba'i phyir brtson 'grus rtsom mo// sangs rgyas kyi chos mtha' dang dbus med pa thams cad mngon par 'tshang rgya ba yongs su shes par bya ba'i phyir brtson 'grus rtsom mo/ / sangs rgyas kyi chos thams cad rtogs pa'i ye shes chen po la mkhas

  146. 74a

    pa yongs su shes par bya ba'i phyir brtson 'grus rtsom mo/ / sangs rgyas kyi chos thams cad rab kya dbye ba bstan pa dang bslab pa rab tu bstan pa rgyas yongs su pabapar bya ba'i phyir brtson 'grus rtsom ste/ / kye rgyal ba'i sras dag/ byang chub sems dpa' sems dpa' chen po ni de lta bu'i brtson 'grus dang ldan pa yin no// de gal te 'jig rten gyi khams grangs med pa'i sems can rnams kyi don du sems can re re'i phyir yang bskal pa grangs med par mnar med pa'i sems can dmyal ba chen por sdug bsngal du 'dug par yang spro zhing mos te/ / sems can de dag kyang de tsam gyi bar gyis yongs su mya ngan las 'da' ba gyur la/ de'i dus su sangs rgyas bcom ldan 'das grangs med pa zhig byung ste/ sangs rgyas bcom ldan 'das de dag sras mthong ba de dag thams cad kyang bde ba'i yo byad kun dang ldan par gyur kyang / byang chub sems dpa' de bla na med pa yang dag par rdzogs pa'i byang chub tu mngon par rdzogs par 'tshang mi rgya zhing / byang chub sems dpa' de ni 'jig rten gyi khams grangs med par gtogs pa'i sems can rnams kyi phyir/ sems can re re'i don du yang bskal pa grangs med pa sems can dmyal ba chen po ni de snyed kyi sems can yongs su mya ngan las 'das kyi bar du 'dug par spro ste/ de la la la zhig gis 'di skad du/ rgya mtsho chen po grangs med pa skra'i rtse mos gzhal te/

  147. 74b

    'jig rten gyi khams grangs med pa rdul du brlags te bgrang ba snyed kyi sdug bsngal gyi tshor ba dang / sems skad cig tu yang mi 'bral ba'i sdug bsngal gyi rnam pa de lta bu dang mi 'bral bar 'gyur ro zhes zer na yang / kye rgyal ba'i sras dag/ byang chub sems dpa' ni de la de'i phyir sems bskyed pa 'ga' tsam yang 'gyod pa dang ldan pa mi 'byung gi/ de ni 'di snyam ste/ de ltar bdag gis mthus sems can 'di dag sdug bsngal gyi rnam pa de lta bu las yongs su 'grol bar 'gyur ba ni/ bdag gis 'thob pa legs par 'thob bo// gal te thabs 'di 'dra bas 'jig rten gyi khams thams cad kyi sems can thams cad yongs su mya ngan las 'da' bar 'gyur na yang / byang chub sems dpa' sbyor ba de la spro bar bya ba yin no zhes te/ de bas kyang ches dga' ba dang spro ba skye'o// kye rgyal ba'i sras dag/ 'di ni byang chub sems dpa' sems dpa' chen po rnams kyi byang chub sems dpa'i spyod pa bzhi pa ste/ mi zad pa zhes bya'o/ / kye rgyal ba'i sras dag/ byang chub sems dpa' sems dpa' chen po rnams kyi byang chub sems dpa'i spyod pa lnga pa rmongs pa med pa zhes bya ba gang zhe na/ kye rgyal ba'i sras dag/ 'di la byang chub sems dpa' dran pa dang ldan pa yin te/ dran pa'i dam pa 'khrug pa med pa/ rnam par 'khrug pa med pa/ brtan pa/ sra ba

  148. 75a

    mi shigs pa/ zil gyis mi non pa/ yongs su dag pa/ che ba/ tshad med pa/ rmongs pa med pa dang ldan pa yin te/ dran pa des 'jig rten gyi spyod pa rnams kyang yongs su 'dzin pa yin/ 'jig rten las 'das pa'i tshig kyang yongs su 'dzin pa yin/ gzugs dang gzugs med pa'i tshig kyang yongs su 'dzin pa yin/ gzugs kyi rang bzhin la btags pa'i tshig kyang yongs su 'dzin pa yin/ tshor ba dang / 'du shes dang / 'du byed dang / rnam par shes pa la btags pa'i tshig kyang yongs su 'dzin pa yin/ rnam par shes pa'i rang bzhin yongs su shes par bya ba'i phyir tshig kyang yongs su 'dzin pa yin te/ de 'jig rten 'di nas kyang rmongs pa med par shi 'pho'o// 'jig rten pha rol tu yang rmongs pa med par skye ste/ ma'i mngal du'ang rmongs pa med par 'gro'o// ma'i mngal nas kyang rmongs pa med par 'byung ste/ byang chub sems dpa' sems bskyed pa rmongs pa med pas gnas so/ / rmongs pa med par dge ba'i bshes gnyen rnams mgu bar byed do// rmongs pa med par sangs rgyas kyi chos la mos par byed do// rmongs pa med par bdud kyi las rnams rab tu shes so/ / rmongs pa med par bdud kyi las rnams spong bar byed do// rmongs pa med par bskal pa brjod du med par byang chub sems dpa'i spyod pa la gnas so//

  149. 75b

    dechen pa yongs su dag pa'i yan lag chad med pa dang ldan pa yin te/ des sangs rgyas bcom ldan 'das rnams dang / byang chub sems dpa' ldas/ dge ba'i bshes gnyen rnam las bskal pa grangs med pa na chos thos par gyur pa zab mor snang ba 'am/ yangs pa'i chos rgyan rnam par phye ba 'am/ chos sna tshogs tshig dang yi ge sna tshogs kyis bstan pa 'am/ byang chub sems dpa'i rgyan gyi chos sangs rgyas kyi byin gyi rlabs snang ba can nam/ bla ma med pa'i sangs rgyas kyi chos lhag pa'i bsam pa dge ba dang / mos pas rnam par dag pa 'am/ 'jig rten thams cad la mi gnas pa'i chos 'jig rten gyis khongs su chud pa dang 'thun pa 'am/ chos yangs pa rgya chen po'i chos su bstan pa 'am/ rab rib dang bral ba'i chos 'jig rten gyis shes par bya ba 'am/ / 'jig rten thams cad dang thun mong ma yin pa'i chos byang chub sems dpa'i ye shes kyi rjes su song ba 'am// bla na med pa'i chos thams cad mkhyen pa'i chos kyis rgya cher rnam par 'phrul pa bstan pa de lta bu dag thos kyang bskal pa grangs med pas brjed par mi 'gyur/ nyams pa mi 'gyur/ rgyun chad par mi 'gyur ro/ / de ci'i phyir zhe na/ de ni byang chub sems dpa' sems dpa' chen po spyad pa spyod pa'i tshe/ sems can su la'ang dran pa rnam par 'khrug par mi byed/

  150. 76a

    chos rig pa thogs par mi byed/ dge ba'i rtsa ba'i blo gros 'jig par mi byed de/ gzhan gyi blo la gnod par mi byed do// kye rgyal ba'i sras dag/ gal te byang chub sems dpa' sems dpa' chen po de la 'di lta bu'i sgra chen po ma tho ba dag dang phrad par gyur te/ drag po'i sgra dang / mi bzad par bos pa'i sgra dang / skye g.ya' ba'i sgra dang / yid du 'ong ba'i sgra rna ba'i spyod yul du 'ongs pa dang / yid du mi 'ong ba'i sgra rna ba'i yul du 'ongs pa dang / sems 'khrug par byed pa dang / rna ba'i rnam par shes pa 'khrug par byed pa dang / dbang po drug 'phrog par byed pa dag dang 'grogs par gyur kyang / sgra de lta bu dag gis byang chub sems dpa'i sems skad cig kyang sems rnam par 'khrug par mi 'gyur te/ dran pa rnam par 'khrug par mi 'gyur ro// spyod yul rnam par 'khrug par mi 'gyur ro// mgo rmongs par mi 'gyur ro// 'khor bar mi 'gyur ro/ / bslad par mi 'gyur ro// byang chub sems dpa' de ni 'di ltar sgra de lta bu dag yid du 'ong zhing 'thun par byed pa dang / yid du mi 'ong zhing khong khro bar byed pa dang / 'jig rten gyi khams grangs med par grags par byed pa dag gis se gol gtogs pa tsam du yang ting nge 'dzin las ldang bar mi 'gyur ro// spyod yul las ldang bar mi 'gyur ro//

  151. 76b

    chos la 'jug pa las ldang bar mi 'gyur ro// byang chub kyi spyod pa la gcig tu 'dus pa las ldang bar mi 'gyur ro// byang chub kyi sems yongs su bsgom pa las ldang bar mi 'gyur / / sangs rgyas rjes su dran pa las ldang bar mi 'gyur ro// chos yang dag pa ji lta ba bzhin du rnam par brtag pa las ldang bar mi 'gyur ro// sems can yongs su smin par bya ba'i ye shes rgyun chad par mi 'gyur ro/ / sems can yongs su dag par bya ba'i gnas shes pa rgyun chad par mi 'gyur ro// don nges par shes pa rgyun chad par mi 'gyur ro// gang gis las kyi sgrib par 'gyur pa'i sdig to'i las sogs par mi byed do// gang gis nyon mongs pa'i sgrib par 'gyur ba'i nyon mongs pa sdud par mi byed do// gang gis chos kyi sgrib par 'gyur pa'i chos la rim gro med pa mi byed do/ / gang gis chos 'jig par 'ong ba'i sgrib par 'gyur ba dam pa'i chos yongs su spong bar mi byed do// de la de lta bu'i sgra 'jig rten gyi khams grangs med par grags pa mi snyan pa dang / snyan pa bskal pa grangs med par mi sdod pa/ 'khrug par byed pa/ sems 'khrug pa/ lus 'khrug pa dbang po 'khrug pa/ myos par byed pa/ 'khor bar byed pa/ rnyog par byed pa/ rnam par rnyog par byed pa/ kun tu rnyog par byed pas dkrug

  152. 77a

    par byas kyang / de la byang chub sems dpa' 'di ltar sems kyiste/ bdag gis ni 'phags pa'i chos yongs su bsgom pas nang du mnyam par gzhag par bya'o snyam nas/ de sgra thams cad kyi skye ba la rab tu rtog go// gnas pa la rab tu rtog go// 'gog pa la rab tu rtog go// skye ba'i rang bzhin la 'jug go// 'gog pa'i rang bzhin la sa go/ / gang gis sgra de dag brjod pa de dag kyang / de lta bu'i rang bzhin nyid du shes te/ sgras chags par mi 'gyur/ sgras khong khro bar mi 'gyur zhing / de'i dran pa nyams par mi 'gyur ro/ / de sgra de dag thams cad kyi mtshan ma 'dzin cing mtshan ma skyed de/ sgras bsgo ba la mngon par chags par mi 'gyur ro// sgra la gnas par mi 'gyur ro// skra mngon par chags par mi skyed do/ / des sgra de dag brtags na mi dmigs te/ sgra de dag thams cad kyi rang bzhin rab tu shes so// rang bzhin de yang byas pa med par khong du chud do/ / mngon par 'du byed pa med pa'i rgyas 'debs shing / chos kyi dbyings kyi rang bzhin gyi tshul du chags pa med pa'i mthar yang rab tu shes so// 'di ltar byang chub sems dpa' thams cad mkhyen pa'i mthar thug pa/ phyir mi ldog pa/ mtha' yas pa/ bsam gtan gyi tshul tha dad pa thams cad la rab tu zhugs pa/ ting nge 'dzin thams cad

  153. 77b

    la rgyud gcig gi tshul du zhugs pa/ chos thams cad mtha' dang dbus med pa rab tu chud pa'i lus kyi las dben pa dang ldan pa/ ngag gi las dben pa dang ldan pa/ yid kyi las dben pa dang ldan pas shes par rtogs pa'i chos thams cad kyi rang bzhin ming dang sgra med pa zhes bya ba'i ting nge 'dzin grangs med pa'i ting nge 'dzin gyi sgo dang ldan pa 'thob ste/ snying rje chen po yang yangs shing tshad med par byed do/ / gal te de ltar byang chub sems dpa' ting nge 'dzin stong phrag grangs med pa sems kyi skad cig gcig gis thob par byed kyang / byang chub sems dpa' sems ting nge 'dzin dang ldan pa de la de lta bu'i rnam par 'khrugs pas dran pa rnam par 'khrug par mi nus kyi/ de phyir zhing 'di snyam du sems skye'o// de ltar bdag gis sems can de dag thams cad bla na med pa'i rnam pa rnam par dag pa la rab tu bkod de/ thams cad mkhyen pa nyid las phyir mi ldog par byas la/ phung po ma lus pa'i mya ngan las 'das pa'i dbyings su yongs su mya ngan las bzla'o snyam mo/ / kye rgyal ba'i sras ngag/ 'di ni byang chub sems dpa' sems dpa' chen po rnams kyi byang chub sems dpa'i spyod pa lnga pa ste/ rmongs pa med pa zhes bya ba'o// kye rgyal ba'i sras dag/ byang chub sems dpa' sems dpa' chen po rnams kyi byang chub sems dpa' spyod pa drug pa lta

  154. 78a

    ba bzang po zhes bya ba de gang zhe na/ kye rgyal ba'i sras dag/ 'di la byang chub sems dpa' sems dpa' chen po dmigs su med cing bstan pa mi dmigs pa'i lus kyi las dben pa dang / ngag gi las dben pa dang / yid kyi las dben pa thob pa yin/ ma chags ma bcings pa'i lus kyi las dang / ma chags ma bcings pa'i ngag gi las dang / ma chags ma bcings pa'i yid kyi las ma chags ma bcings par bstan pa/ gnas pa med pa/ mi gnas pa/ sems ji lta ba bzhin/ duganas pa/ sems kyi rang bzhin tshad med pa'i rjes su song ba/ chos thams cad kyi rang bzhin 'byam klas pa'i rjes su song ba/ mtshan nyid mi dmigs shing mtshan nyid bstan du med pa/ zab pa/ gting dpag par dka' ba/ de bzhin nyid kyi rang bzhin gyi rjes su song ba/ rnam par smin pa dang bral ba'i skyon med pa mngon par bsgrub pa la mkhas pa/ 'gog pa dang 'thun par gnas pa/ mya ngan las 'das pa'i dbyings kyi spyod yul can zhi ba'i rgyud rab tu thob pa/ dngos po med pa'i tshul gyi gzhir gyur pa tshig gi lam chad pa/ 'gro ba thams cad las 'phags pa/ gnas med pa'i spyod pa rab tu thob pa/ byang chub kyi sems bskyed bskyed pa'i mtshan ma la mkhas pa

  155. 78b

    rtogs pa bcings pa med pa la gnas pa/ de kho na nyid kyi chos kyi gnas kyi rjes su zhugs pa/ 'jig rten tham cad kyis mi brjod pa/ 'jig rten las 'das pa'i gnas dang ldan pa thob pa yin te/ de 'di snyam du sems so// kye sems can 'di dag thams cad ni rang bzhin 'di lta bu ste/ 'di ltar sems can med pa'i rang bzhin no// kye chos 'di dag thams cad ni rang bzhin 'di lta bu ste/ 'di ltar 'dus byas pa med pa'i rang bzhin no// kye zhing 'di dag thams cad ni 'di lta bu'i mtshan nyid de/ 'di ltar mtshan nyid med pa'o// kye dus 'di dag thams cad ni 'di lta bur byung ba ste/ 'di ltar tshig gi lam la gzhol zhing / chos kun gyi rnam par tshig gi lam la shin tu gnas kyang / chos thams cad ni tshig gi lam la mi gnas pa'o zhes/ de de ltar chos thams cad zab pa yang rab tu shes so// 'jig rten thams cad dben pa la'ang rab tu 'jug go// de de ltar sangs rgyas kyi chos ma bskyed pa la yang rab tu 'jug go/ / sangs rgyas kyi chos kyang 'jig rten gyi chos su rab tu 'jug go// 'jig rten gyi chos kyang sangs rgyas kyi chos su rab tu 'jug go// sangs rgyas kyi chos dang 'jig rten gyi chos 'dres par mi byed do/ / 'jig rten gyi chos dang sangs rgyas kyi chos tha dad par yang mi byed do// 'di ltar dus gsum la gnas pa'i chos kyi dbyin

  156. 79a

    tha dad pa med pa la'ang rab tu 'jug go/ / byang chub sems dpa'i sems chen po las kyang nyams par mi byed de/ sems can thams cad yongs su smin par bya ba dang gdul ba las kyang mi ldog ste/ sems can thams cad bskyab pa'i phyir snying rje chen po yang phyir zhing rab tu 'dzin par byed do// sems can gyi khams bdag gis smin par ma byas pa ni su zhig smin par byed/ sems can gyi khams bdag gis dul bar ma byas pa ni su zhig dul bar byed/ sems can gyi khams bdag gis zhi bar ma byas pa ni su zhig zhi bar byed/ sems can gyi khams bdag gis shes par ma byas pa ni su zhig shes par byed/ sems can gyi khams pa dag gis dag par ma byas pa ni su zhig dag par byed de/ de ltar bdag gis de lta bur zab pa'i chos yang dag par mthong la/ gcig pu bla na med pa yang dag par rdzogs pa'i byang chub tu rnam par dgrol bar bya ba 'di ni// bdag la tshul dang mi 'dra ba ste/ sems can gyi khams 'di'ang mya ngan chen po'i lam du zhugs pa/ nyon mongs pas kun nas bzung bas mdongs par gyur pa tshor ba nyam su bab pa/ mi bzad pas nad par gyur pa/ sred pas bskor ba'i btson rar zhugs pa/ sems can dmyal ba dang / byol song gi skye gnas dang / gshin rje'i

  157. 79b

    'jig rten las ma g.yos pa/ sdug bsngal gyi phung pos ma skyo ba/ sdom pa gsum gyis gcugs su ma rung ba/ mun nag gi nang du rab tu zhugs pa/ ma rig par mnga' du skye ba dang 'chi bas mnar ba/ 'byung ba ma mthong ba/ mi khom par gyur pa/ mi khom pa brgyad thob pa/ sems can gyi reb rab kyis dri ma can du gyur pa/ nyon mongs pa sna tshogs kyi nad kyi yan lag gis btab/ mya ngan chen por 'khyam pa/ lta ba'i mya ngan gyis bskor ba'o zhes/ de ltar byang chub sems dpa' sems can gyi khams la rtogs pa'i tshe/ sems 'di ltar skye ste/ de ltar bdag bla na med pa yang dag par rdzogs pa'i byang chub tu zhugs te/ ye shes kyi snang ba bla na med pa la zhugs nas sems can 'di dag yongs su ma smin cing rnam par ma rul bar bor te/ bla na med pa yang dag rdzogs pa'i byang chub tu mngon par 'tshang rgya ba ni dus ma yin gyi bdag gis ni bskal pa brjod du med pa'i yang brjod du med par sems can rnams byang chub sems dpa'i spyod pa la yongs su smin par bya'o/ / dus de lta bus sems can byang chub tu yongs su ma smin pa'i rnams yongs su smin par bya'o/ / ma dul ba rnams gdul bar bya'o snyam mo// kye rgyal ba'i sras dag/ 'di ni byang chub sems dpa' sems dpa'

  158. 80a

    chen po rnams kyi byang chub sems dpa'i spyod pa drug pa lta ba bzang po zhes bya ba ste/ byang chub sems dpa' rnams spyod pa de la gnas pas lha dang bdud dang / tshangs par bcas pa'i 'jig rten dang / dge sbyong dang / bram ze'i skye dgur bcas pa dang / lha dang / dri za dang / mi dang / lha ma yin du bcas pa'i 'jig rten gyis blta na mdzes shing / byang chub sems dpa' de mthong bas kyang sems can rnams bla na med pa yang dag par rdzogs pa'i byang chub tu don yod par 'gyur ro// thos pa dang bsnyen bkur bas kyang bla na med pa yang dag par rdzogs pa'i byang chub tu don yod par 'gyur ro/ / dmigs pa gang gis kyang rung ste/ byang chub sems dpa' de dang 'grogs pa thams cad bla na med pa yang dag par rdzogs pa'i byang chub tu don yod par 'gyur ro/ / // shin tu rgyas pa chen po'i mdo bam po nyi shu bdun pa// / kye rgyal ba'i sras dag/ 'di la byang chub sems dpa' sems dpa' chen po rnams kyi byang chub sems dpa'i spyod pa bdun pa gnas med pa zhes bya ba gang zhe na/ kye rgyal ba'i sras dag/ 'di la byang chub sems dpa' gnas med pa'i sems kyis 'jig rten gyi khams grangs med pa la 'jug pa yin/ sems bskyed pa re res zhing grangs med pa yongs su sbyong /

  159. 80b

    zhing la gnas mi skyed pa yin/ sangs rgyas bcom ldan 'das grangs med pa blta ba'i phyir 'gro zhing / me tog grangs med pa dang / spos grangs med pa dang / 'phreng ba grangs med pa dang / byug pa grangs med pa dang / phye ma grangs med pa dang / na bza' grangs med pa dang / rin po che grangs med pa dang / rgyal mtshan grangs med pa dang / pa dan grangs med pa dang / rgyan grangs med pa dang / mngon par 'du bya ba mangs med pas mngon par 'du bya ba med pa'i sa bar phyin pa dang / grangs med pa'i bsam pas bsas med pa'i chos la gnas pa bya ba'i phyir/ sangs rgyas bcom ldan 'das grangs med pa la blta ba dang / phyag 'tshal ba dang / mchod pa dang / bsnyen bkur ba'i don du 'gro zhing sems bskyed pa re re la sangs rgyas bcom ldan 'das grangs med pa mthong yang / sangs rgyas de dag la gnas mi skyed pa yin/ sangs rgyas kyi zhing rnams la gnas mi skyed pa yin/ mtshan rnams la gnas mi skyed pa yin// dpe byad bzang po rnams la gnas mi skyed pa yin// sangs rgyas kyi 'od la gnas mi skyed pa yin// sangs rgyas kyi chos bstan pa la gnas mi skyed pa yin/ / phyogs la gnas mi skyed pa yin/ phyogs mtshams la gnas mi skyed pa yin/ de bzhin gshegs pa'i 'khor gyi

  160. 81a

    dkyil 'khor la gnas mi skyed pa yin/ byang chub sems dpa'i dge 'dun 'dus pa la gnas mi skyed pa yin/ sangs rgyas kyi chos thams cad mnyan cing dga' ba skyed de bsam pa yangs par byed la/ byang chub kyi sems rab tu 'dzin cing / byang chub sems dpa'i spyod pa la shin tu gnas kyang / sangs rgyas kyi chos thams cad la gnas mi skyed pa yin/ de bzhin gshegs pa re re bsnyen bkur ba la yang bskal pa brjod du med pa zad par byed cing / sangs rgyas brjod du med pa mthong bas bskal pa grangs med par gnas kyang / sangs rgyas blta ba dang / de bzhin gshegs pa mngon du bya ba dang / chos mnyan par ngoms mi shes te/ sangs rgyas blta ba dang de bzhin gshegs pa'i chos mnyan pa la gnas mi skyed do/ / byang chub sems dpa'i rgyan dang / 'khor gyi dkyil 'khor dang / de bzhin gshegs pa khong du chud par byed kyang gnas mi skyed chags pa'i sems mi skyed do/ / 'jig rten gyi khams kun nas nyon mongs pa la zhugs kyang khong khro ba mi skyed de/ mos pa med pa'i sems mi skyed do// de ci'i phyir zhe na/ 'di ltar byang chub sems dpas ni sangs rgyas kyi chos nyid ji lta ba bzhin du shin tu khong du chud de/ de la ni kun nas nyon mongs pa'ang med/ rnam par byang ba yang med/ mun pa

  161. 81b

    yang med/ snang ba yang med/ rnam par phye ba yang med/ rnam pa tha dad pa yang med/ rnam par rtog pa yang med/ gzhan du 'gyur ba yang med/ bde ba yang med mi bde ba yang med/ lam yang med/ lam ma yin pa yang med do// byang chub sems dpa' de ltar chos kyi dbyings la zhugs pa ni/ sems can gyi khams la yang 'jug ste/ de dag kyang yongs su smin par byed cing rnam par 'dul la/ sems can rnams la gnas skyed pa yang med do// chos rnams kun nas thob par byed kyang chos la gnas mi skyed do/ / byang chub kyi sems la zhugs pa'i yid kyis 'tshang rgya bar bya ba la yang rnam par spyod de/ 'tshang rgya bar bya ba de la gnas mi skyed do// tshig gi lam yang brjod de/ cho ga gi lam la gnas par yang mi byed do// sems can gyi rgyud la'ang 'jug ste/ sems can gyi rgyud la gnas par yang mi byed do// ting nge 'dzin kyang rab tu shes shing de dag la'ang mnyam par gzhog ste/ ting nge 'dzin de dag la gnas kyi sems kyang mi skyed do// sangs rgyas kyi zhing brjod du med par 'gro zhing 'jug la/ de dag tu phyin te mthong zhing gnas kyang gnas kyi sems mi skyed do/ / de dag nas 'gro yang chags pa'i sems mi skyed de/ de dag la sems 'di ltar skyed do// kye sangs rgyas kyi chos de lta

  162. 82a

    gzung ba med/ sangs rgyas kyi byang chub de ltar bsgribs pa med/ chos dang 'dul ba de ltar legs par bstan/ sangs rgyas kyi bstan pa de ltar legs par gnas/ byang chub sems dpa'i spyod pa de ltar legs par 'jug/ byang chub kyi sems de ltar legs par gnas/ byang chub sems dpa'i rnam par bar pa de ltar shin tu rtogs/ byang chub sems dpa'i rang bzhin de ltar chags pa med/ byang chub sems dpa'i tshul de ltar gnas pa med/ byang chub sems dpa'i lam de ltar shin tu sbyangs/ byang chub sems dpa'i lung bstan pa de ltar byin gyis brlabs kyang/ byis pa so so'i skye bo 'di dag ni shes pa med pa/ mthong ba med pa/ tha dad pa med pa/ mos pa med pa/ mi mkhas pa/ gnas la spyod pa/ bsam pa rmugs pa/ 'khor ba'i rgyud shin tu 'byung ba la gzhol ba/ sangs rgyas blta ba la log bar zhugs pa/ 'dren pa'i sa las nyams pa/ lam shes pa'i drung nas gar ba/ kha lo sgyur ba/ mi tshol ba/ stobs bcu la rim gro med pa/ byang chub sems dpa' la drin du mi gzo ba/ dma' ba la gnas pa/ dngos po med pas 'jigs pa/ rigs pas spangs pa/ tshul bzhin ma yin pa la zhugs pa/ mnyam

  163. 82b

    nga nyid las log par ltung ba/ g.yang sa chen por rab tu ltung ba bdud kyi bsam pa la zhugs pa/ sangs rgyas kyi bsam pa las ring du gyur pa/ srid pa la mngon par chags pa sha stag go zhes/ de ltar byang chub sems dpa' sems can gyi khams la 'jug cing / snying rje chen po de bas kyang cher bskyed nas/ snying rje chen po rgya cher byas te gnas med pa'i dge ba'i rtsa bas dge ba'i rtsa ba yang dag par bsags nas/ 'di snyam du sems bskyed do// gal te sems can re re'i phyir yul re re dang / phyogs re rer yang bskal pa brjod du med par sems can re re 'dul ba'i phyir 'dug la/ sems can gcig la ji lta ba de bzhin du/ sems can gyi khams thams cad kyi don du 'dug kyang bdag gis de'i phyir mi dga' ba mi skyed de/ yul de dang phyogs de nas kyang bdag gung du g.yo bar mi bya'o// gud du 'gro bar mi bya'o// skra'i rtse mo tsam la chos kyi dbyings thams cad 'dus par byas te/ skra'i rtse mo'i tshul de lta bus skra'i rtse mor chud pa re rer yang sems can gyi khams yongs su smin par bya ba dang / gdul ba'i phyir bskal pa brjod du med pa'i yang brjod du med par gnas par bya'o/ / skra'i rtse mo gcig la ji lta ba de bzhin du/ chos kyi dbyings mtha' dang dbus med pa thams cad la yang de ltar te

  164. 83a

    se gol gtogs pa tsam du yang gnas kyi 'du shes mi bskyed do/ / gnas par mi bya'o// gnas kyi sems mi bskyed do// skra'i rtse mo tsas re re la yang lus gnas med pa dang / chos gnas med pa dang / dran pa gnas med pa dang / smon lam gnas med pa dang / ting nge 'dzin gnas med pa dang / rtog pa gnas med pa dang / spyod yul gnas med pa dang / sems can gyi khams 'dul ba gnas med pa dang / chos kyi dbyings la 'jug pa gnas med pas/ phyi ma'i mtha'i bskal pa'i mur thug pa'i bskal par byang chub sems dpa'i spyod pa spyad do/ / de ci'i phyir zhe na/ 'di ni byang chub sems dpa' 'di ltar sems bskyed de/ bdag gis chos kyi dbyings thams cad sgyu ma lta bur shes par bya'o/ / bdag gis sangs rgyas thams cad bltar med pa'i tshul du mig yor lta bur shes par bya'o// byang chub sems dpa' spyod pa gnas med pa'i phyir rmi lam lta bur shes par bya'o/ / bdag gis de bzhin gshegs pa rnams kyi chos bstan pa brag cha lta bur shes par bya'o// bdag gis las kyi rnam par smin pa'i mthu las byung bas/ 'jig rten thams cad sprul pa lta bur shes par bya'o// bdag gi spyod pa'i mthu las byung bas/ lus kyi yid kyi rgyu las byung bar shes par bya'o//

  165. 83b

    bdag gis sna tshogs dang 'dres pa'i phyir 'gro ba thams cad kyi sems lta bur shes par bya'o// rnam par 'gyur ba med pas bdag gis chos thams cad ni yang dag pa'i mtha' dang mnyam par bstan par bya'o/ / bdag gis phyogs bcur sems bskyed pas rgyas par bkang ste/ chos kyi dbyings kyis klas pa/ nam mkha'i mthas gtugs pa'i byang chub sems dpa'i spyod pa la gnas par bya'o/ / bdag gis sems yang bar bsgyur ba dang dran pa gnas med pas/ sangs rgyas kyi chos khong du chud cing mkhas pa/ sems kyi skad cig gcig gis thob par bya'o zhes/ de ltar byang chub sems dpa' de bdag dang sangs rgyas la bdag med pa'i tshul gyis yang dag par lta zhing / sems can chags pa med pa'i mthar phyin pa'i tshig gi lam gyi sa la smin par byed pa'i tshe/ dga' ba mtha' yas pa thob bo// sangs rgyas dang rdzogs pa'i sangs rgyas kyi chos la mos pa tshar med pa'ang yang dag par rab tu thob bo/ sems can thams cad yongs su bskyab pa'i don du bdag gis skyo ba'i sems mi bskyed do// sems can gyi khams yongs su ma smin cing ma dul gyi bar du skyo ba'i smon lam mi skyed do// bdag gis 'jig rten gyi khams thams cad las rnam par 'das par 'jig rten gyi khams thams cad du rgyu bar byas te/ smon lam gang la sems can gyi sgra yod pa dang / sems can

  166. 84a

    gyi las dang / sems can nye bar len pa dang / sems can rnam par gzhag pa dang / sems can gyi 'du shes dang ldan pa dang / sems can gyi grong dang / sems can gyi 'du byed dang sem can gyi yul dang / sems can gyi 'jug pa dang / sems can gyi ldog pa yod pa de la bdag gis gnas par bya'o// sems can thams cad 'dul ba'i dbang du smon lam de las g.yo bar yang mi bya ste/ sems bskyed pa gcig gis kyang gnas kyi 'du shes bskyed par mi bya'o// de ci'i phyir zhe na/ bdag gis gnas med pa dang mi gnas par byas te/ bdag gi yongs su sbyang bar bya'o/ / yongs su rdzogs par bya'o zhes bya ba 'di ni/ kye rgyal ba'i sras byang chub sems dpa' sems dpa' chen po rnams kyi byang chub sems dpa'i spyod pa bdun pa ste/ gnas med pa zhes bya ba'o// kye rgyal ba'i sras dag/ byang chub sems dpa' sems dpa' chen po rnams kyi byang chub sems dpa'i spyod pa thub par dka' ba zhes bya ba brgyad pa gang zhe na/ kye rgyal ba'i sras dag/ 'di la byang chub sems dpa' sems dpa' chen po rnams kyi dge ba'i rtsa ba thub par dka' ba/ gdul bar dka' ba/ rab tu gdul bar dka' ba/ phyed par dka' ba/ zil gyis ma non pa/ bsam gyis mi khyab pa/ kun tu mtha' yas pa/ mi 'phrogs pa/ bdag nyid

  167. 84b

    che ba/ rgyud kyi tshul gcig tu gyur pas/ sangs rgyas thams cad kyi zhem ring na byang chub sems dpa'i spyad pa spyod pa'i tshe/ sangs rgyas kyi chos la shin tu dad pa yin/ yangs par dad pa yin/ de bzhin gshegs pa'i byang chub la shin tu mos pa yin/ byang chub sems dpa'i smon lam gyi rgyun mi 'chad pa yin/ bskal pa thams cad du mi skye ba'i sem dang ldan pa yin/ sdug bsngal thams cad kyis sgyid lug par 'gyur ba med pa yin/ bdud thams cad kyis phyir brgal du med pa yin/ sangs rgyas thams cad kyis shin tu byin gyis brlabs pa yin/ byang chub sems dpa'i dka' thub thams cad kyis rnam par sbyangs pa yin/ byang chub sems dpa'i brtul zhugs kyis tshad mi shes pa yin/ theg pa chen po'i smon lam las phyir mi ldog pa yin te/ de byang chub sems dpa'i spyod pa bsgrub par dka' ba la gnas te/ sems bskyed pa gcig gis bskal pa grangs med par 'khor yang phyir mi ldog pa yin te/ byang chub sems dpa'i smon lam chen po yang rgyun mi gcod // de mthong ba tsam gyis kyang sems can rnams bla na med pa yang dag par rdzogs pa'i byang chub las phar mi ldeg par byed do/ / thos pa dang bsnyen bkur bas kyang sems can rnams bla na med pa yang dag par rdzogs pa'i byang chub las phyir mi ldog par byed do// sems can thams cad

  168. 85a

    sems can med pa yang shes te/ sems can gyi khams yongs su gtong ba ma yin no// 'di lta ste/ dper na mnyen pa ni pha rol tu 'thob sang ma yin tshu rol tu 'gro ba yang ma yin/ rgya klung gi gzhung la gnas pa yang ma yin/ 'gro ba dang 'ong ba rgyan mi 'chad pa'i phyir pha rol dang / pha rol ma yin par sems can rnams kyang sgrol lo// de bzhin du byang chub sems dpa' yang 'khor bar 'gro ba yang ma yin/ mya ngan las 'da' bar 'gro ba yang ma yin/ 'khor ba'i rgyud la gnas pa yang ma yin te/ tshu rol gyi su nas sems can rnams bskyod de/ pha rol gyi ngogs bde ba 'jigs pa med pa/ 'tshe ba med pa/ 'khrug pa med par rab tu bzhag kyang / sems can gyi khams bgrang ba'i tshul gyis mngon par chags pa med do/ / sems can gcig las bskyod nas mang po la mngon par chags par yang mi byed/ mang po las skyod nas sems can gcig la mngon par chags par yang mi byed// sems can gyi khams 'phel bar yang mi byed/ 'bri bar yang mi byed/ sems can gyi khams skye bar yang mi byed/ 'gog par yang mi byed/ zad par yang mi byed/ sogs par yang mi byed/ rnam par rtog par yang mi byed/ rnam pa gnyis su yang mi byed do// de ci'i phyir zhe na/ 'di ltar byang chub sems dpa' ni sems can gyi khams la zhugs shing

  169. 85b

    khong du chud pa ste/ chos kyi dbyings ji lta bar sems can gyi khams kyang de bzhin te/ sems can gyi khams dang chos kyi dbyings de la gnyis su med do// gnyis su med pa'i chos la ni 'bri ba'am/ 'phel ba 'am/ 'gag pa yang med de/ chos kyi rang bzhin ni rang bzhin gyis med par 'gyur ba'am/ len pa 'am/ gnas pa 'am/ mngon par chags ba 'am/ gnyis su 'gyur ba med do// de ci'i phyir zhe na/ chos thams cad chos kyi dbyings bstan pa'i tshul du gnyis su med pa'i phyir ro// de ltar na byang chub sems dpa' chos kyi dbyings rab tu dbye ba'i mkhas pa khong du chud pa yin te/ mtshan nyid rnam par dag pa'i lus dang / dngos po med pa'i yongs su shes pa dang / chos kyi mtshan nyid dang rang bzhin yongs su rtogs pas mtshan nyid med pa la gnas pa yin/ de ni sems can rnam pa sna tshogs kyang shes/ sems can gyi grangs kyang shes te/ 'jig rten gyi khams rnams la yang mngon par chags pa med do/ / sangs rgyas kyi zhing thams cad du yang snang ngo // sangs rgyas rnams la yang 'jug cing khong du chud par byed de/ las la rnam par rtog par mi byed do/ / don yang shin tu rtogs pa yin no// don gyi yi ge yang yongs su brjod do// chos 'dod chags dang bral ba'i mthar phyin pa thams cad kyang shes so//

  170. 86a

    rab tu shes so// khong du chud do// byang chub sems dpa'i las dang yang mi 'bral te/ byang chub sems dpa'i spyod pa las kyang phyir mi ldog go// chos kyi dbyings su gzud pa la dbang sgyur bar zhugs pas zad mi shes pa'i spyod pa dang yang ldan pa yin no/ / 'di lta ste/ dper na gtsub ma las byung ba'i me'i rgya tshad med pas mema'i dgos pa las ma 'gags pa yin no/ / de bzhin du byang chub sems dpa' yang 'jig rten thams cad na sems can gyi don las 'gags pa med par zhugs pa yin te/ kun gyi mthar byas pa yang ma yin/ kun gyi mtha' med par byas pa yang ma yin no// nye bar len pa dang bcas pa'ang ma yin no// nye bar len pa med pa'ang ma yin no// gnas pa yang ma yin/ mi gnas pa yang ma yin no// 'jig rten gyi chos kyi rjes su song ba yang ma yin/ sangs rgyas kyi chos la gzhol ba yang ma yin no// so so'i skye bo yang ma yin/ 'bras bu la gnas pa yang ma yin no/ / de ltar byang chub sems dpa' thub par dka' ba'i sems dang ldan pa spyad pa spyod de/ de ni nyan thos kyi theg pa mi ston to// rang sangs rgyas kyi theg pa mi ston to/ / sangs rgyas kyi chos kyang ston pa med do// 'jig rten dang 'jig rten gyi chos nye bar len pa med do// sems can dang sems can 'jig pa nye bar len pa med do// nyon mongs

  171. 86b

    pa dang rnam par byang ba nye bar len pa med do/ / de ci'i phyir zhe na/ chos thams cad kun nas nyon mongs pa med par byang chub sems dpas yongs su shes so// chos thams cad nye bar blangs pa med par byang chub sems dpas yongs su shes so/ / chos thams cad zhugs pa med par byang chub sems dpas yongs su shes so// chos thams cad ldog pa med par byang chub sems dpas yongs su shes so/ / de de ltar zhi zhing phra ba dang / zab pa dang / bzang po'i chos la spyod pa'i tshe/ spyod do zhes bya bar mi dmigs so// spyad do zhes bya bar mi dmigs so// spyad par bya'o zhes bya bar mi dmigs so// khams kyi yul dang / skye mched kyi yul dang / nang gi snang ba dang / phyi rol gyi snang ba dang / phyi nang gi snang ba dang / smon/ la ma yongs su bsgrub pa dang / pha rol tu phyin pa rnams dang / chos thams cad du yang mi dmigs so// de ci'i phyir zhe na/ 'di ltar chos kyi dbyings thams cad la ni gang nyan thos kyi theg pa la zhugs pa 'am/ rang sangs rgyas kyi theg pa la zhugs pa 'am/ byang chub sems dpa'i theg pa la zhugs pa 'am/ bla na med pa yang dag par rdzogs pa'i byang chub tu zhugs pa 'am/ so so'i skye bo'i khams la zhugs pa'am/ kun nas nyon mongs pa'i khams la zhugs pa 'am/ rnam par byang ba'i khams la zhugs pa 'am/ 'khor ba'i khams la zhugs pa 'am/

  172. 87a

    mya ngan las 'das pa'i khams la zhugs pa'i chos gang yang med do// de yang ci'i phyir zhe na/ 'di la chos gnyis shes bya ba yang med de/ mi gnyis pa yang med do/ / 'di lta ste/ dben nam mkha' ni phyogs brgyar ma rnyed/ mi rnyed/ rnyed par mi 'gyur yang / nam mkhar zang ba'i tshul yod do// de bzhin du byang chub sems dpas kyang chos gang yang dmigs pa med do/ / chos thams cad mngon par 'tshang rgya'o zhes grangs su bzang ba'ang yod de/ de ni yang dag pa bden pa ste/ log pa ma yin no// de ni bya ba dang mi 'gal ba'i spyod pa yang ston to/ / smon lam yang mi gtong ngo // sems can gyi khams yongs su smin pa dang 'dul ba yang byed do// chos kyi 'khor lo yang skor ro// rgya dang 'bras bu yang 'jig par mi byed do/ / chos nyid dang yang 'gal bar mi byed do// 'das pa dang / ma byon pa dang / da ltar byung ba'i sangs rgyas bcom ldan 'das rnams dang yang mnyam par 'gyur ba yin te/ de bzhin gshegs pa'i rigs kyang rgyun chad par mi byed/ chos kyi tshul dang yang 'gal bar mi byed/ chos kyi rgyud kyang rab tu shes so// chos kyi spobs pa yang 'jig par mi byed/ chos thos pas kyang rlob sems med de/ chos kyi 'byung gnas kyang rab tu thob/ chos brjod pa'ang rab tu byed/ mi 'jig pa la yang rab tu gnas

  173. 87b

    sangs rgyas kyi spyod pa'ang mi gtong ngo / / 'jig rten gyi tshul yang 'gog par mi byed/ 'jig rten mnyam pa nyid kyang rab tu ston// 'jig rten gyi spyod pa rnams la yang gnas pa med do// de ltar byang chub sems dpa' thub par bka' ba'i sems dang ldan pa byang chub sems dpa'i spyad pa la spyod de/ sems can gyi khams kyang sems can dmyal ba dang / byol song gi skye gnas dang / gshin rje'i 'jig rten nas gyen du skyod de/ de dag bskyod nas kyang yongs su smin par byed do// 'dul bar byed do// rab tu gzhog par byed do// 'das pa dang / ma byon pa dang / da ltar byung ba'i sangs rgyas bcom ldan 'das rnams kyi las kyi rgyud las kyang mi g.yo'o// 'jig rten gnas pa drin du mi gzo bas yongs su gang ba dang / dgras yongs su gang ba dang kun nas nyon mongs pa yongs su gang ba dang / mi mthun pas yongs su gang ba dang / yid gzhag tu mi rung bas yongs su gang ba dang / byis pas yongs su gang ba dang / ma dad pas yongs su gang ba dang / gzhan gyi dring la rgyug pas yongs su gang ba dang / shes rab ngan pas shin tu byang ba dang / 'jig rten gnas pa sred pa'i bsam pa dang / ma rig pas kun nas nyon mongs par gyur pa na/ byang chub sems dpa' ni byang chub sems dpa'i spyad pa spyod de/ de 'di snyam du sems so// 'di ltar bdag gis 'jig rten gnas pa drin du gzo bas

  174. 88a

    yongs su gang ba dang / mdza' bos yongs su gang ba dang / mkhas pas yongs su gang bar byang chub sems dpa'i spyod pa spyad pa lta ngo mtshar du rang ci che ste/ de lta zhe na/ bdag ni sems can mdza' ba 'am mi mdza' ba gang las kyang chung ngu na sna'i rtse mo gcig tsam mam/ chung ngu na dge bar bya ba sbyin pa tsam yang mi 'dod mi tshol te/ phyi ma'i mtha'i mur thug pa'i bskal par byang chub sems dpa'i spyad pa spyod kyang / gzhan du na sems can de dag yongs su dgrol ba dang / sems can de dag yongs su dad par 'gyur ba dang / sems can de dag 'byung bar 'gyur ba ma gtogs par/ de dag la sems skad cig tsam du bde bar 'gyur ba'ang mi tshol lo// de ci'i phyir zhe na/ bdag ni sems la len pa med cing thams cad la 'dod pa med pas/ sems can gyi gtso bor 'gyur bar byed pa ste/ 'di ltar bdag gis ci nas kyang sems can de dag bla na med pa yang dag par rdzogs pa'i byang chub kyi mthas gtugs te// shin tu bde ba'i pha rol tu phyin par 'gyur bar nan tan bya'o snyam mo// kye rgyal ba'i sras dag/ 'di ni byang chub sems dpa' sems dpa' chen po rnams kyi byang chub sems dpa'i spyod pa brgyad pa ste/ thub par dka' ba zhes bya ba'o// kye rgyal ba'i sras dag/ byang chub sems dpa' sems dpa' chen po rnams kyi byang chub sems dpa'i spyod

  175. 88b

    pa dgu pa chos bzang po zhes bya ba gang zhe na/ kye rgyal ba'i sras dag/ 'di la byang chub sems dpa' lha dang 'jig rten du bcas pa/ bdud du bcas pa/ tshangs par bcas pa/ dge sbyong dang bram zer bcas pa'i skye dgu lha dang / dri za dang / mi dang / lha ma yin du bcas pa na/ chos kyi mu stegs bzang por gyur pa yin te/ de sangs rgyas kyi rigs mi gcad pa'i phyir dam pa'i chos yongs su 'dzin par byed pa yin/ gzungs kyi snang ba rnam par dag pa thob pas gtam bya ba dang / lung bstan pa la spobs pa yin/ chos dang ldan pa'i gzungs thob pas don la spobs pa yin/ chos ji lta ba bzhin gyi gzungs chos yang dag par skul ba thob pas chos la spobs pa yin/ tshig dang smra ba thams cad kyi gzungs rab tu thob pas nges pa'i tshig la spobs pa yin/ tshig dang yi ge'i don kun tu mtha' yas shing zad mi shes pa la thogs pa med pa'i sgo'i gzungs thob pas spobs pa thogs pa med pa yin/ sangs rgyas dbang bskur ba'i gzungs kyi dbang bskur bas mngon par dga' bar byed pa'i spobs pa dang ldan pa yin/ gzhan gyi dring la mi 'jog pa'i gzungs kyi sgo thob pas snang ba thob pa'i spobs pa dang ldan pa yin/ spobs pa thun mong ba'i tshul la zhugs pas thun mong gyi spobs pa dang ldan pa yin/ don mang po dang / tshig mang po dang / yi ge mang po de dang de dag la nges pa'i tshig gi gzungs kyi sgor chud pas nges

  176. 89a

    pa'i spobs pa dang ldan pa yin/ rgyud mtha' yas pa'i gzungs thob pas mtha' yas pa'i spobs pa dang ldan pa yin te/ des ni stong gsum gyi stong chen po'i 'jig rten gyi khams kyi don du bdag gi lus gser gyi mdog tu mngon par sprul nas/ chos 'byam klas pa thams cad dbyangs kyi dkyil 'khor gyi sgo thams cad du chud pas sems can de dang dag 'dul ba'i dbang du bsam pa ji lta ba bzhin du brjod pa dang / dbang po 'byam klas pa mtha' yas pa rnams la/ lce yangs pa'i byin gyi rlabs kyis dbyangs kyi yan la rnam par dag pa dang / dus dang 'byor pa'i chos bstan pa dang / snying rje chen po 'gal ba med pas shin tu bstan pa dang / tshig gcig gi sgra brjod pas 'dul ba ji lta ba bzhin du tshim par 'gyur zhing / mtha' yas par snang bar ston pas sangs rgyas kyi mdzad pa la spyod do/ / de ni gal te sems can re re zhing tshig rnam pa tha dad pa'i tshig gi cho ga las sna tshogs kyis mngon par 'du byas pa/ rnam par smin pa brjod kyis mi lang zhing 'byam klas pas nye bar gnas pa/ bye ba khrag khrig brgya stong pasam gyis mi khyab pa/ grangs med pa/ rnam par phye ba/ rnam pa tha dad pa/ brjod du med pa dang ldan pa de lta bu'i sems can sha stag byang chub sems dpa'i 'khor du gyur la/ 'khor gyi dkyil 'khor yang 'jig rten gyi khams brjod du med pa tsam du yangs pa zhig yin te/

  177. 89b

    'dul brjod du med pa zhig 'dus nas/ sems can re re la yang kha'i sgo bye ba khrag khrig brgya stong grangs med pa brjod du med pa yod par gyur te/ sems can gcig ji lta bar sems can de dag thams cad kyang de bzhin du de snyed kyi kha'i sgo dang ldan la/ sems can de dag thams cad kyis byang chub sems dpa' la skad du brjod pa/ bye ba khrag khrig brgya stong grangs med pa rnam par brtags pas dus gcig tu dbyangs gcig tu byas te yongs su dri ba byas kyang / byang chub sems dpa' ni de lta bu'i sems can gcig nas gcig tu brgyud pa dang / de lta bu'i skad gcig nas gcig tu brgyad pa dang / de lta bu'i brjod pa sna tshogs kyis yongs su dris pa la'ang chos gzung ba la thogs pa med pa yin/ brjod pa shes par bya ba'i phyir rnam par rtog pa med pa yin te/ dri bas the tshom yongs su dris pa la thogs pa med do// 'khor gyi dkyil 'khor gcig tu ji lta ba de bzhin du/ 'khor gyi dkyil 'khor brjod du med pa de tsam thams cad du'ang de bzhin te/ de la byang chub sems dpa' 'di snyam du sems so// gal te skra'i rtse mo re re la sems bskyed pa re re zhing 'khor gyi dkyil 'khor brjod du med pa zhig byung la/ sems skad cig re re la rtog pa gzhan dang gzhan gyis skad gzhan dang gzhan du brjod pas/ chos kyi dbyings thams cad gang bar byed cing 'khor gyi dkyil 'khor rnam pa de lta

  178. 90a

    pu sha stag gis skra'i rtse mo thams cad la byung ste/ de ltar byang bas phyi ma'i mtha'i bskal pa'i mur thug par byung yang 'khor gyi dkyil 'khor de dag 'byung bas/ phyi ma'i mtha'i bskal pa'i mur thug par zad par gyur te/ 'khor de rnams ni zad mi shes par byung la/ skye ba'i rgyun mi 'chad pa zhig yod du zin na yang / bstan par bya ba'i sa de la byang chub sems dpa' sems skad cig pa 'ga' tsam du yang zhum pa mi skye'o/ / snyom pa mi skye'o// spyod sgyur ba dang kha snyom pa mi skye'o// the tshom dang yid gnyis mi skye'o/ / bag tsha ba dang 'jigs pa mi skye'o// rmongs pa dang 'khrul pa mi skye'o// byang chub sems dpa' chos bzang po la gnas pa de ni 'di snyam du sems te/ bdag gis sems can 'di dag dang / sems can gzhan rnams dang / sems can gyi khams thams cad kyang tshig gi las kyis yongs su mgu bar byas te/ chos bshad pa'i mthar thug par mi bya/ chos la rnam par thogs par mi bya'o zhes nas/ des brjod pa de dag thams cad kyang rab tu shes te/ sems can de dag la brtag mi dgos par 'byung ba'i tshig dang / tshig gis cho ga rnam pa tha dad pa brtag mi dgos par 'byung ba dang / tshig gis rnam par gdags pa brjod du med pa'i yang brjod du med par 'byung bas chos ston par

  179. 90b

    byed do/ / de brjod pa de dag thams cad kyang 'dzin la/ sems kyi skad cig gcig gis kyang tshig thams cad mkhyen pa nyid du dbang bskur ba chags pa med pa'i snying po can/ chos thams cad kyi snang ba rab tu thob pa thams cad mkhyen pa'i ye shes la gzhol ba gcig gis sems can thams cad kyang go bar byed do/ / de ltar byang chub sems dpa' sems dpa' chen po byang chub sems dpa'i spyod pa chos bzang po la gnas pa ni mngon par chags pa med pa'i tshul gyis bdag rnam par dag pa yang rab tu 'thob bo/ / sems can med par 'byung ba'i tshul gyis sems can thams cad kyi don yang yongs su rdzogs par byed do/ / de ni dus gcig tu stong gsum pa bcu nas/ stong gsum pa brjod kyis mi lang ba'i don du byin gyis brlabs shing / bdag gi lus gser gyi mdog tu mngon par sprul te/ dbyangs kyi dkyil 'khor thams cad shes pa'i sgor chud pa chos thams cad du khyab pas mtha' dang dbus med pa'i chos kyi sgor 'jug cing sangs rgyas kyi 'phrin las bsgrub ste/ 'jig rten gyi khams thams cad du rgyu ba 'gags pas 'gro ba med pa'i lus rnams dang / 'gro ba thams cad du 'byung bas mtha' yas par 'gro ba'i lus rnams dang / mi skye ba dang mnyam pa'i chos la brtson pas ma skyes pa'i lus rnams dang / 'gog par brjod pa

  180. 91a

    thams cad dmigs pa med pas 'gags pa med pa'i lus rnams dang / ji lta ba bzhin du dmigs pas bden pa med pa'i lus rnams dang / 'jig rten gyi bden pa bzhin du rnam par dmigs pas mi slu ba'i lus rnams dang / 'chi 'pho ba dang skye ba las 'das pas mi 'pho ba'i lus rnams dang / chos kyi dbyings kyi rang bzhin 'jig par mi byed pas mi 'jig pa'i lus rnams dang / dus gsum gyi tshig gi lam la brtson pas skad cig gcig gi lus rnams dang / chos kyi mtshan nyid shin tu rtogs pa'i mthar thugs pas mtshan nyid med pa'i lus rnams dang / lus rnam par phye ba 'byam klas pa bcu po de dag dang ldan pa'i byang chub sems dpa' ni dge ba'i rtsa ba thams cad bskyed pa la sems can thams cad kyi gnas yin no/ / dbugs chen po phyin par bya ba la sems can thams cad kyi dpung gnyen yin no// gnas chen po thob par bya ba la sems can thams cad kyi skyabs yin no// bla na med pa'i 'byung ba mthong bar bya ba la sems can thams cad kyi rten yin no// chos kyi tshul la 'jug par bya ba la sems can thams cad kyi 'dren pa yin no// las kyi rnam par smin pa rnam par dmigs par bya ba la sems can thams cad kyi me mar yin no/ / chos zab mo rab tu thob par bya ba la 'jig rten thams cad kyi snang ba yin no// chos thams cad ji lta

  181. 91b

    babazhin du rmongs pa med par khong du chud par bya ba la khams gsum thams cad kyi sgron ma yin no/ / snang ba'i sa rab tu 'thob par bya ba la 'jig rten thams cad kyi snang ba yin no// sangs// rgyas kyi rnam par 'phrul pa yang dag par bstan par bya ba la 'gro ba thams cad rab tu dga' ba yin no// kye rgyal ba'i sras dag/ 'di ni byang chub sems dpa' sems dpa' chen po rnams kyi byang chub sems dpa'i spyod pa dgu pa chos bzang po zhes bya ba ste/ de la gnas pa'i byang chub sems dpa' sems dpa' chen po rnams ni/ sangs rgyas kyi chos thams cad du 'jug par bya ba la 'gro ba thams cad kyi mu stegs yin no/ / kye rgyal ba'i sras dag/ byang chub sems dpa' sems dpa' chen po rnams kyi byang chub sems dpa'i spong ba bcu pa bden pa dang ldan pa zhes bya ba gang zhe na/ kye rgyal ba'i sras dag/ 'di la byang chub sems dpa' bden pa'i tshig dam pa dang ldan pas bden pa'i tshig can yin te/ de ni gang smras pa de byed/ gang byed pa de smra'o// de 'das pa'i sangs rgyas bcom ldan 'das rnams kyi bden pa'i gsung la yang slob bo// ma byon pa'i sangs rgyas bcom ldan 'das rnams bden pa'i gsung la yang slob bo/ / da ltar byung ba'i sangs rgyas bcom ldan 'das rnams kyi bden pa'i gsung la'ang slob bo// 'das pa'i sangs rgyas bcom ldan 'das rnams kyi

  182. 92a

    sangs rgyas kyi rigs la yang 'jug go/ / ma byon pa'i sangs rgyas bcom ldan 'das rnams kyi rigs la yang 'jug go// da ltar byung ba'i sangs rgyas bcom ldan 'das rnams kyi rigs la'ang 'jug go/ / 'das pa'i de bzhin gshegs pa thams cad kyi dge ba'i rtsa ba'ang 'thob po// ma byon pa'i de bzhin gshegs pa thams cad kyi dge ba'i ba'ang 'thob bo/ / da ltar byung ba'i de bzhin gshegs pa thams cad kyi dge ba'i rtsa ba'ang 'thob bo// de ni sangs rgyas bcom ldan 'das 'das pa dang / ma byon pa dang / da ltar byung ba thams cad dang / dge ba'i rtsa ba lhun gcig tu gyur pa ste/ de bzhin gshegs pa'i rjes su bslabs pa'i ye shes dang ldan pas gnyis su med par smra ba yin no// de sem can rnams kyi gnas dang gnas ma yin pa'i shes pa la'ang rab tu 'jug go/ / de sems can rnams kyi 'das pa dang / ma 'ongs pa dang / da ltar byung ba'i las rnam par smin pa shes pa la'ang rab tu 'jug go/ / dbang po dang brtson 'grus rnam pa tha dad pa rdzogs pa dang / ma rdzogs pa dang / rab dang tha ma shes pa la yang rab tu 'jug go// khams pa dad pa dang khams du ma la yang rab tu 'jug go/ / mos pa tha dad pa dang / mos pa du ma la'ang rab tu 'jug go// thams cad du 'gro ba'i lam gyi ye shes la'ang rab tu 'jug go// bsam

  183. 92b

    gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba rnam par dgod pa sems can rnams kyi dus dang / dus ma yin par byung ba'ang rab tu shes so// 'jig rten gyi khams 'byam klas pa thams cad du sngon gyi gnas rjes su dran pa'i shes pa la'ang rab tu 'jug go// lha'i mig chags pa med pa yang mngon par sgrub bo/ / zag pa zad pa shes pa'ang rab tu shes te/ byang chub sems dpa'i spyod pa nye bar gzung ba'ang rgyun mi gcod do// de ci'i phyir zhe na/ byang chub sems dpa' ni 'gro ba thams cad rnam par dag par bya ba dang gdul ba'i phyir zhugs pa yin te/ de phyir zhing sems 'di snyam du skye'o// 'di ltar 'jig rten gnas pa yongs su ma gro pabar bdag rnam par grol ba'i tshul rab tu shes par bya ba dang / sems can thams cad yongs su ma bkrol zhing smon lam rjes su ma bsrungs par/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya ba 'di ni bdag la mi chas/ de bas na ci nas kyang sems can 'di dag bla na med pa yang dag par rdzogs pa'i byang chub kyi mthas gtugs par 'gyur ba dang / gang 'di phung po'i lhags ma lus pa'i mya ngan las 'das pa'i dbyings kyi mthar thug par gzhol bar 'gyur ba de ltar bya'o// de ci'i phyi zhe na/

  184. 93a

    bdag cag ni sems can thams cad kyis gsol ba ma btab pa'i dge ba'i bshes gnyen te/ sems can thams cad kyis ma bskul bar yang dag par zhugs pa/ sems can thams cad kyi dge ba'i rtsa ba la thog mar 'gro ba'o// bdag cag ni thams cad mkhyen pa nyid la 'jug pa'i phyir kha lo sgyur ba ste/ bdag cag ni 'gro ba kun gyis gos pa med pa'i phyir mchog tu gyur pa'o/ / bdag cag ni bla na med par kha lo sgyur ba'i sa la dam par gyur pa'o// bdag cag ni sems can med pa'i mtha' la rab rib med pa'o// / bdag cag ni sngon gyi smon lam gyis thob pa dang ldan pa'o// bdag cag ni byang chub sems dpa'i yon tan gyi rgyan thams cad kyis shin tu sprul pa'o// bdag cag ni sangs rgyas 'das pa dang / ma byon pa dang / da ltar byung ba thams cad kyis yongs su bzung ba'o zhes te/ de sngon gyi smon lam yang 'jig pa mi byed do// bla na med pa'i ye shes kyi rgyan la yang rab tu 'jug go/ / sems can thams cad kyi don yang yongs su rdzogs par byed do// sngon gyi smon lam ji ltar btab pa yang thog ma dang / bar dang / pha ma'i tshul gyis yongs su rdzogs par byas nas 'gro ba thams cad rnam par dag par bya ba'i phyir/ chos thams cad shes pa'i mngon par shes pa'ang rab tu thob par byed do// sems bskyed pa

  185. 93b

    re zhing yang phyogs bcur rgyas par 'gro ste/ sems bskyed pa gcig gis kyang sangs rgyas kyi zhing brjod du med pa'i yang brjod du med pa la 'jug go// sems bskyed pa re res kyang yang dag par rdzogs pa'i sangs rgyas brjod du med pa'i yang brjod du med pa mthong ste/ de bzhin gshegs pa dgra bcom pa yang dag par rdzogs pa'i sangs rgyas de dag gi sangs rgyas kyi zhing gi rgyan yongs su dag pa la'ang rab tu 'jug go/ / de bzhin gshegs pa'i rnam par 'phrul pa yang yongs su ston to// chos kyi dbyings kyis klas pa/ nam mkha'i mthas gtugs par lus byin gyis brlab pa/ 'gro ba thams cad du khyab pa/ tshad med pa mi gnas pa'ang rab tu shes te/ bdag gi lus de dag la'ang zhing thams cad yongs su 'dus par kun tu ston cing / dus gsum gyi sems can thams cad dang / chos thams cad dang / sangs rgyas thams cad kyang rab tu ston to// sems can de dag gi 'du shes kyi rgyud dang mthu la'ang rab tu 'jug go/ / sems can de dag gi bsam pa dang / mos pa dang / las dang / rnam par smin pa rnam par dag pa ji tsam pa de tsam du/ sems can gdul ba'i don du lus byin gyis rlob ste/ de yang 'di ltar byang chub sems dpa'i ni sgyu ma lta bu'i chos thams cad kyis shin tu sprul pa ste/ mig yor lta bu'i sangs rgyas skye

  186. 94a

    bar bya ba la pha rol tu phyin pa'o/ / 'gro ba thams cad mi lam lta bur rtogs pa'i yid dang ldan pa'o// don dang yi ge'i tshogs pa mi zad pa'i mdzod do// dran pas dbang sgyur ba'i chos thams cad la nges par rtogs thob pa'o// shes rab che ba'i ting nge 'dzin thams cad la yang rab tu zhugs pa'o// gnyis su med pa'i sa la rgyud kyi tshul gcig tu gyur pa'o/ / sems can gyi khams gnyis la gnas pa la snying rje chen por gnas pa ste/ chos de lta bu dang ldan pa'i byang chub sems dpa'i ni stobs bcu mthar dben par gyur pa ste/ chos kyi byings mig 'dru la lta bu la rab tu 'jug cing gnas pa'o// chags pa med pa'i sangs rgyas kyi rnam par thar pa yongs su rdzogs pa'o// khyu mchog gi mthu phyung bas seng ge'i sgra sgrog pa'o// mi 'jigs pa rab tu thob pa'o// thogs pa med pa'i chos kyi 'khor lo bskor ba'o// phyir mi ldog par 'jig rten gyi khams thams cad du rjes su spyod pa'i ye shes dang rnam par thar pa dang ldan pa'i ye shes rgya mtsho la rab tu zhugs pa'o/ / sarba can thams cad kyi 'khor ba'i 'khor lo bzlog pa'i phyir rab tu zhugs pa'o/ / 'das pa dang / ma byon pa dang / da ltar byung ba'i sangs rgyas thams cad kyi chos kyi 'khor lo'i byin gyis brlabs dang ldan pa'o// sangs rgyas thams

  187. 94b

    cad kyi chos rgya mtsho'i tshul gyi rjes pa zhugs shing gting rnyed pa'o/ / kye rgyal ba'i sras dag/ 'don byang chub sems dpa' rnams kyi byang chub sems dpa'i spyod pa bcu / bden pa dang ldan pa zhes bya ba'o// de la gnas pa'i byang chub sems dpa' sems dpa' chen po rnams bden pas lha dang / bdud dang / tshangs par bcas pa'i 'jig rten dang dge sbyong dang bram ze'i skye dgur bcas pa dang / lha dang / dri ba dang / mi dang / lha ma yin du bcas pa'i 'jig rten dang phrad par 'dong ngo // shes par byed do// sim par byed do// yongs su dag par byed do// de nas de ni tshe sangs rgyas kyi mthus phyogs bcu'i 'jig rten du 'jig rten gyi khams kyi sangs rgyas kyi zhing rdum shin tu phra ba snyed rnam pa drug tu g.yo par gyur te/ g.yos so// rab tu g.yos so// kun tu g.yos so// 'gul to// rab tu 'gul to// kun tu 'gul to// ldeg go/ rab tu ldeg go// kun tu ldeg go/ chem chem/ rab tu chem chem/ kun tu chem chem mo// 'ur 'ur/ rab tu 'ur 'ur/ kun tu 'ur 'ur ro// shig shig/ rab tu shig shig/ kun tu shig shig go/ sangs rgyas kyi mthus lha rdzas kyi me tog gi sprin gyi char yang mngon par bab po// lha rdzas kyi spos kyi sprin gyi char yang mngon par bab po// lha rdzas kyi phye ma'i sprin gyi char yang mngon par bab po//

  188. 95a

    lha rdzas kyi 'phreng ba'i sprin gyi char yang mngon pa bab po// lha rdzas kyi gos kyi sprin gyi char yang mngon par bab po// lha rdzas kyi rin po che'i sprin gyi char yang mngon par bab po/ / lha rdzas kyi rgyan gyi sprin gyi char yang mngon par bab po// lha rdzas kyi rol mo'i sgra yang mngon par byung ngo // lha rdzas kyi snang ba yang rab tu byung ngo // lha rdzas kyi sgra yang rab tu byung ngo / / gling bzhi pa 'di'i lha'i dbang po rab mtshe ma'i gnas na ji lta ba de bzhin du/ phyogs bcu thams cad kyang rgyas par byas te thams cad na'ang sangs rgyas kyi mthus chos 'di nyid bstan par snang ngo / / phyogs bcu'i 'jig rten gyi khams sangs rgyas kyi zhing brgya stong gi rdul shin tu phra ba snyed 'das pa'i pha rol nas/ byang chub sems dpa' sangs rgyas kyi zhing brgya stong gi rdul shin tu phra ba snyed 'ongs te phyogs bcu rgyas par byas nas 'di skad ces smras so/ / kye rgyal ba'i sras de ltar khyod byang chub sems dpa' rnams kyi spyod pa'i chos nyid 'di ston pa legs so legs so/ / kye rgyal ba'i sras bdag cag kun kyang ming yon tan dang ldan pa zhes bya ba dag ste/ de bzhin gshegs pa'i mtshan kun tu yon tan zhes bya ba dag gi drung nas/ 'jig rten gyi khams yon tan gyi rgyal mtshan zhes bya ba dag nas phyin te/ thams cad na yang sangs rgyas kyi mthus 'khor 'di 'dra ba dag na tshig 'di dag dang /

  189. 95b

    yi ge 'di dag dang / bstan pa 'di dag dang / don 'di nyid brjod pas lhag chad med par chos bstan pa 'di ston to// kye rgyal ba'i sras de ltar bdag cag thams cad kyang sangs rgyas byin gyis brlabs kyis 'khor 'dir phyin te/ ji ltar 'khor 'dir bdag cag byin pa de bzhin du/ phyogs bcu'i 'jig rten gyi khams thams cad kyi snying bzhi pa'i 'jig rten gyi khas thams cad kyi rab mtshe ma'i gnas lha'i rgyal po rab mche ma'i khang pa nor bu sna tshogs shes bya ba kun tu yang / byang chub sems dpa' sangs rgyas kyi zhing brgya stong gi rdul shin tu phra ba snyed phyin par gyur to/ / / shin tu rgyas pa chen po'i mdobam po nyi shu brgyad pa// / de nas byang chub sems dpa' yon tan dang ldan pas phyog bcur bltas te/ 'khor yod pa thams cad la rnam par bltas nas/ chos kyi dbyings la rnam par lta zhing de bzhin gshegs pa'i rigs yang dag par gzung ba dang / byang chub sems dpa'i rigs yongs su sbyang ba dang / smon lam gyi rigs phyir mi ldog pa bya ba dang / spyod pa'i rigs rgyun du bsab pa dang / dus gsum gyi rgyud mnyam par bya ba dang 'das pa dang / sa byon pa dang / da ltar byung ba'i sangs rgyas thams cad kyi rigs yang dag par gzung ba dang / dge ba'i rtsa ba ji ltar bskyed pa'i rgyud brjod pa dang / dus dang ji ltar

  190. 96a

    'byor pa'i yan lag dang / dbang po dang / bsam pa dang / mos pa dang / nyon mongs pa dang / bag chags dang / sems dang / spyod pa dang rnam par g.yos pa'i rgyud thams cad yongs su brtag pa dang / sangs rgyas dang byang chub sems dpa'i rigs thams cad snang bar byed cing sangs rgyas kyi byin gyis brlabs kyis/ de'i tshe tshogasu su bcad de smras pa/ / nam mkha'i lam gyi rgyud gshegs shing // bsgribs pa med par gzigs pa'i rdul rnams sbyangs gyur pa// kun tu mtha' yas spyod yul can// stobs bcu mnga' ba de la phyag 'tshal lo// gang yang rgyal ba mi yi mchog/ chags pa mi mnga' yon tan tshad med mnga' ba ste// 'das dus mnyam pas mnyam gyur pa// rdul bas la de dag spyod pa 'di yin no// phyogs bcu'i 'jig rten khams dag na// don gyi dam pa gzigs pa brtan pa bzhags pa'i rnams/ / mtha' yas nyes pa kun bsal ba// gnas med de dag spyod pa 'di yin no// chos dbyings bsam gyis mi khyab par// skyes bu'i seng ge gang rnams byon par ma gyur pa// thugs rje che skyed rnam spyod pa/ / phan mdzad de dag spyod pa 'di yin no// dus gsum gzhal du med pa yi// rang byung gti mug rnam par bsal ba ji snyed pa// thams cad chos nyid mnyam pa ste// stobs mnga' de dag spyod pa 'di yid no// gang rnams mtha' dbus med pa yi// 'jig rten khams kyi srid pa'i rgyud rnams rab gzigs shing // gzigs nas rtog pa mi mnga' ba// mi g.yo de dag spyod pa 'di yin no// gang rnams chos kyi dbyings mkhyen cing /

  191. 96b

    rnam dag don gyi dam pa gzigs pa brtan pa rnams// gti mug zab nga rgyal sel mdzad pa// legs mnga' de dag spyod pa 'di yin no// gang rnams sems can kun mkhas shing // chos kyi dbyings la ngo bo nyid kyis zhugs gyur pa'i/ / bde gshegs gzhan dring mi 'jog pa// nam mkha' mnyam pa de ltar spyod pa 'di yin no// 'jig rten kun tu mtha' yas pa// nam mkha' klas pa yang dag thugs su chud gyur te// zil gyis mi non chos mnga' ba/ / thug mchog de dag spyod pa 'di yin no// ldog pa med pa de dag rnams// mi dma'i chos dang ldan pa thub par dka' ba dag/ smon lam stobs kyis mthar phyin pa// spyod legs mnga' ba'i spyod yin mnyan par gyis/ / mtha' dang dbus ni med pa'i ser// rjes su zhugs shing thams cad gzigs par gyur pa'i rnams// spyod yul zab mo mnga' ba yi// smra ba'i seng ge'i spyod pa 'di yin no// rab tu dbye ba'i tshig rgyus la// rjes su zhugs shing rgol ba gdul bar mdzad pa yi/ / chos rnams rtogs pa mnga' ba'i rnams// thub chen de dag spyod pa 'di yin no// 'jig rten bde ba skyed mdzad cing // sems can nyes med thugs dang ldan pa'i rnams// kha lo sgyur ba mnyam med pa'i// yon tan tshad med de dag spyod 'di yin// 'jigs pa med pa stobs mdzad cing // sems can thams cad rab tu tshom par mdzad pa'i rnams// dang zhing rnyog pa med pa yi// dpe med de dag spyod pa 'di yin no// dge ba'i thugs dang ldan pa'i rnams// bsam pa rnam par dag cing spros pa med pa yi// dpal gyi gzi brjid spungs rgyas pa// dpa' mchog ldan pa de dka smong

  192. 97a

    'di'o/ / don gyi pha rol phyin pa rnams// yon tan 'byung gnas rnam par dag pa'i thugs mnga' ba// shin tu sems pa'i blo ldan rnams// srid nas 'phags pa de dag spyong 'di'o/ / bdag med ma nyams pa med pa'i rnams// rnga yi dbyangs rab mnga' ba zhing du gzhol ba dag/ chos kyi tshul la gnas pa'i rnams// tshig la nyams med de dag spyod 'di'o// sbyin pas shin tu 'phags pa rnams/ / bsod nams mtshan rab rgyas kyang rab tu brgyan pa dag/ 'gro la phan par mdzad pa'i rnams// blo rab de dag spyod yul 'di yin no// ye shes shin tu zab pa'i sar rjes su zhugs shing blo gros shin tu brtan pa'i rnams/ / mi g.yo brtan zhing gnas pa dag/ brtul zhugs brtan pa 'di dag spong 'di'o// chos kyi dbyings la 'jug pa yi// rjes su zhugs pa'i pha rol phyin par gyur pa dag/ rnam par 'phrul la brtson pa'i rnams// chos kyi nyi ma de dag spyod 'di'o// mi mnyam mnyam pa'i blo mnga' rnams// mi gnyis yongs su bsgoms pa'i ting denge 'dzin ldan pa/ / bsam pa shin tu rtogs pa dag/ thams cad gzigs pa de dag spyod 'di'o// 'jig rten khams la rab 'jug pa// phra dang yangs dang rgya che'i rnam pa thams cad du// spyod sal thob par gyur pa rnams/ / ye shes ri bo de dag spyod 'di'o// yongs su dag pa'i sems ldan pa// khams rnams gsum po kun tu chags pa med pa dag/ tshul khrims brtul zhugs mthar phyir pa//

  193. 97b

    rnam dag sems ldan de dag spyod 'di'o// nam mkha'i dbyings kyi mthas gtugs pa'i// ye shes 'byam klas mngon par brjod du med pa la// zhugs te bslab pa'i blo ldan pa// ye shes stobs can de dag spyod 'di'o/ / ye shes gsal ba'i phung po yis// dus gsum chos kyi dbyings rnams bkang ste sgrub byed kyang // sgyid lug yid du mi 'gyur bar// sangs rgyas yul bzhugs de dag spyod yul lo/ kun tu 'gro bar song gyur cing // stobs bcu mnga' ba'i chos rnams kun kyang shes pa'i rnams// lus kyi chos kyang chags med pa// yon tan dpal can de dag spyod 'di'o// sems can mtha' dang dbus med/ pa/ phyogs bcu 'jig rten dag na rgyu bar gyur pa'i rnams// sems can kun gyi bdag ni skyabs yin pa// 'jigs med de dag spyod pa 'di yin no// rtag par brtson 'grus gnas 'cha' zhing // nam yang sangs rgyas chos la zhum pa med pa'i rnams/ / de ni 'jig rten sbyang phyir te// klu chen de dag spyod pa 'di yin no// dbang po dag gi rgyus shes pa// mos pa'i tshul gyi pha rol phyin par gyur pa'i rnams// sna tshogs khams kyang rtogs gyur pa/ / mnyam med rtogs gyur de dag spyod 'di'o// phyogs rnams bcu por tshad med pa'i// mtha' dang dbus med rin chen mang pos 'gengs byed kyang // nam yang skyo ba'i yid med pa// dad pa byed pa de dag spyod 'di'o/ / 'od zer dra ba mtha' yas pa// kun tu 'gyed cing 'jig rten snang bar byed pa'i rnams// snang ba'i chos rnams rtogs gyur pa// blo gros bsgoms pa de dag spyod 'di'o// gang zhig

  194. 98a

    phyogs bcu'i zhing gi rnams/ / khrag khrig bsam gyis mi khyab thams cad skyong byed kyang // 'jigs par 'gyur bar mi byed de// 'jig rten phan pa bskyed la rtag tu brtson// tshig gi tshul la mkhas pa'i rnams/ / brjod pa rnam par dbye ba'i pha rol phyin gyur pa// shes pa rmongs med mkhas pa dag/ mi skul sems ldan de dag spyod 'di'o// spyi'u tshugs rgyu la mkhas pa dag/ zhing rnams rnam par dbye ba'i pha rol phyin pa'i rnams/ / mi zad sa la zhugs pa dag/ pham med blo gros de dag spyod 'di'o// yon tan khrag khrig tshad med pa// byang chub rab la gzhol zhing spyod pa dag/ yon tan thams cad mthar phyin pa/ / legs pa mi med de dag spyod 'di'o// 'jig rten 'das pa smra ba'i rnams// smra ba'i dam pa smra ba'i seng ger gyur pa dag/ 'gro ba dag bya'i mthar phyin pa// rnam dag sems ldan dedag spyod 'di'o/ / sangs rgyas rnams kyis dbang bskur bas// chos kyi dam pa rab la mngon par dbang bskur zhing // chos kyi tshul gyi rjes su song ba'i rnams// yid yangs ldan pa de dag spyod 'di'o// 'gro ba'i srid pa kun srung zhing // sems can thams cad rnam par bsgoms pa'i yid ldan pa// shin tu rtogs pa'i mdzod 'chang rnams// chos kyi ri bo de dag spyod 'di yin// dbyangs kyi yan lag gcig gis kyang / / 'khor rnams brjod du med pa shes par byed pa dag/ dbyangs kyi tshul la zhugs pa'i rnams// chags med mthong ba de dag spyod 'di'o// gang zhig tshig lam rjes song zhing // ye shes shin tu

  195. 98b

    'phags pas rnam par mi rtog pa/ / rnam par rtog med spyod yul can// rang bzhin med mthong de dag spyod 'di'o// chos kyi rgya mtshor gnas 'cha' zhing // chos rnams thams cad rgya yis rab tu 'debs byed pa/ / mtshan nyid med pa'i tshul ldan rnams// dpal gyi tshul can de dag spyod 'di'o// bde bar gshegs pa'i zhing gcig tu// bsam gyis mi khyab pa yi dus rnams chung byed cing // bskal pa grangs med 'dzud byed pa/ / skyes med brtson pa de dag spyod 'di'o// tha dang mtshan can mi yi dbang // skra yi rtse mo gcig la sangs rgyas brjod las pa// gang gis de dag mthong gyur rnams// spyod pa bzang lda dedag spyod 'di'o/ / gang gis sgra yi che tsam la// brjod du med pa'i 'dren pa rnams ni mthong gyur cing // de bzhin chos dbyings thams cad de// rgyal sras de dag spyod pa 'di yin no// bskal pa brjod du med pa'i rnams/ / sems bskyed gcig gis rab tu shes par gyur pa'i rnams// ring dang thung dang nges med pa// rnam par spyod pa de dag spyod 'di'o// lta zhing don med mi 'gyur la// sangs rgyas spyod pa dag la don yod las ldan rnams/ / chags pa med pa'i yid can dag/ rgyal ba'i dam pa de dag spyod 'di yin// gang gis sangs rgyas mthong ba'i tshe// bskal pa khrag khrig rnam du'ang ngoms par mi 'gyur bar/ / dga' ba shin tu spyod pa'i rnams// blta na don yod de dag spyod 'di'o// sems can khams ni mtha' yas pa// sems shing bskal pa mang po zad par byed pa rnams// sems can med par shes

  196. 99a

    @pa dag/ sems can gtso bo de dag spyod 'di'o// bsod nams mang po bsags pa'i rnams// ye shes skyob pa bsod nams chen po'i snying po can// bsod nams mu stegs 'gro ba yi/ / sems can dam pa'i spyod 'di'o// chos dbyings kun tu mtha' yas pa// nam mkha'i rnam pa bzhin du de dag tshad med pa// tshig gi lam la gnas pa'i rnams// seng ge'i sgra sgrog de dag spyod 'di'o/ / gang zhig ting 'dzin gcig pu la// ting nge 'dzin ni khrag khrig brjod du med pa yi// chos kyi gnas su zhugs gyur pa// smra ba'i zla ba de dag spyod 'di'o// bzod pa'i stobs kyi mthar phyin pa// de dag chos rnams thams cad zhi la bzod pa yin/ / mi sgul sems dang mnyam pa'i rnams// mtha' yas shes can de dag spyod 'di'o// 'jig rten khams ni gcig nas kyang // de dag lus ni g.yo zhing 'pho bar mi byed par/ / 'gro ba kun tu 'ang snang ba'i rnams// mtha' yas lus can de dag spyod 'di yin// gang zhig zhing gi tshul rnams kun// rjes su 'jug pa shin tu phra bar rab shes kyang // yongs su rgyas bya'i blo med pa// mtha' yas sems pa de dag spyod 'di'o// gnas dang gnas min shes gyur cing // stobs la 'jug pa dag tu shin tu zhugs pa rnams// stobs kyi dam pa 'dzin pa dag/ stobs kyis stobs che de dag spyod 'di'o// 'das pa dag dang ma 'ongs dang // da ltar byang ba'i las rnams shin tu 'byams klas la// rtag tu shes pa 'jug gyur pa// tshul shes de dag spyod pa

  197. 99b

    'di yin no/ / 'gro ba'i dus dang dus min pa// ji ltar sems can 'dul bar 'gyur ba de bzhin shes// dus la 'bebs par mkhas pa'i rnams// shes pa de dag spyod pa 'di yin no// chos la spyod pa kun srung zhing // lus dang ngag yid kyi rnams kyang srung byed pa// bdud kyi lam du ma zhugs pa// shes pa'i blo can de dag spyod 'di'o// rnam par gzhag pa'i rgyus mkhas pa// chos rnams la ni ji ltar spobs par 'jug pa rnams// de bzhin nyid dang yul mnyam pa// bde gshegs spyod pa de dag spyod 'di yin// chags med mdzod la brtson pa dag/ gzungs kyi sgo mo'i dkyil 'khor rab tu shes pa'i rnams/ / chos kyi dbyings la 'jug pa yi// rjes su zhugs pa de dag spong 'di yin// dus gsum gshegs pa'i rgyal ba rnams// ji snyed bzhugs pa kun dang gcig/ sems yid ldan pa// rang bzhin gcig tu rtogs pa'i rnams// chags med rigs can de dag spyod 'di'o// bsgribs med ye shes tshul shes shing // bsgribs med ye shes phyag rgya dag la zhugs pa'i rnams/ / bsgribs med mig kyang bdog byed pa// mig can de dag spyod pa 'di yin no// gnyis su med la spyod pa yi// rdzu 'phrul rnam par gzhog pa'i mgon po thams cad kun// rnam par 'phrul pa mkhyen pa'i rnams/ / gnyis su med spyod de dag spyod 'di'o// chos kyi sprin ni mtha' yas pa'i// char chen rab tu 'bebs shing zhing rnams yangs par rgyu// don rnams thams cad rtogs gyur pa/

  198. 100a

    chos sprin de dag spyod yul 'di yin no// dad pa phyir ldog mi 'gyur zhing // rtsa ba shin tu tshugs shing dad pa nas dag pa// rnam par shes pa thams cad la// bslabs pa rnams kyi spyod yin mnyan par gyis/ / 'gro ba 'di dag ji snyed pa// ma lus thams cad sems bskyed gcig tu chud byas te// sems kyi rang bzhin shes pa'i rnams// rang bzhin med pa de dag spyod 'dra yin/ / zhing rnams bsam gyis mi khyab pa// chos kyi dbyings rnams kun tu gang gis sprul byas shing // mnyan pa med par der spyod pa// dpe med 'gro ldan de dag spyod 'di'o// sangs rgyas zhing rnams mtha' yas te/ / de dag kun na 'jig rten mgon po gang bzhugs pa// de rnams dang ni mngon sum du// sangs rgyas zhabs kyi drung na 'khod 'gyur pa// de dag lus ni gcig pur yang // ting nge 'dzin la mnyam par gzhag pa rab tu ston/ / lus ni stong phrag mtha' yas pa// ting nge 'dzin las ldang na shin tu snang // spyod pa zab dang ldan byas nas// spros pa med pa'i spyod pa dag la rab spyod pa dga' ba'i yid dang ldan pa'i rnams/ / sems can kun la dga' bar byed pa yin// dbang po tha dad tshul rnams la// blo gros gnas shing shes pa rab tu thob pa'i rnams// dbang po dag ni mi gnas pa/ / ma dus dul ba 'di dag spyod 'di yin// tha dad chos kyi tshul rnams la// chos rnams thams cad kun la dbang bas shes gyur pa// kun kyang sangs rgyas mdzad pa la// dmigs pa'i cho gas

  199. 100b

    rab tu spyod pa yin/ / shin tu yangs pa'i ljags mnga' ba// de dag dbang po rnams dang legs pa'i spyod thob na// su yi sems shig dang mi 'gyur// nam mkha' lta bu de dag spyod 'di yin// tu mtha' yas shes ldan zhing // chos rnams kun la kun tu mtha' las mig yod pa// ye shes mtha' yas tshul ldan pa// mtha' yas shes can de dag spyod 'di yin// zad mi nus pa zang byed ci bsod nams 'byam klas yod pas bsod nams mi zad pa/ / 'gro ba dag pa'i mthar phyin rnams// 'dra med de dag spyod pa 'di yin no// tshogs dang ldan zhing 'jig rten dang // de dag chos kyi lam la rab tu 'jug byas kyang / / de dag sems can 'du shes med// sems can bye ba khrag khrig rab tu 'grel// nyon mongs med pa rtogs shes shing // spyod pa mngon par shes pa thams cad mthong ba'i rnams/ / bde ba'i lam rnams ston byed pa// mig can de dag tshul ni 'di yin no// sangs rgyas ye shes spyod pa dang // tshad med yon tan dam pa thob par gyur pa'i rnams// mi 'jigs pa ni rnyed gyur pa/ / shes can de dag tshul ni 'di yin no// 'jug pa kun la rab zhugs shing // zhing la 'jug dang chos kyi dbang la zhugs gyur pa// sems can zhugs la gnas byas nas// sems can dam pa sems can 'grol bar byed/ / phyogs rnams kun tu chos kyi rnga// brdungs shing 'jig rten 'di dag ston byed pa'i// chos rab sbyin pa'i bdag po rnams// nyams me togs byed

  200. 101a

    de dag spyod 'di yin/ / skyil mo kyang 'dug gcig gis kyang // zhing yangs brjod du med pa kun ka rgyas byed kyang // su yi lus la gnod byed pa// chos sku ldan pa de dag sgo 'di yin/ / don dang yi ge gcig la yang // shin tu bstan pa bye ba khrag khrig rjes su 'brang // de dag mtha' ni rnyed mi nus// mnyam med shes ldan de dag spyod 'di yin// bsgribs pa med pa'i tshul shes pa/ / sangs rgyas rnam thar tshul la shin tu bslabs pa'i rnams// 'jigs pa med par gyur pa dag/ tshad med de dag tshul ni 'di yin no// de dag phyogs rnams rgya mtsho dang // zhing rnams rgya mtsho mtha' ma dag dang dbus med par/ / shes pa rgya mtsho ldan pa yi// chos rnams rgya mtshos 'jig rten tshim par byed// gang rnams gshegs shing skyer 'gyur dang // byang chub rnam par 'tshang rgya 'gro ba kun dag tu/ / su zhig mngon par snang gyur pa// mtha' dbus med pa 'di dag spyod 'di yin// mya ngan 'da' ba du ma yang // zhing rnams bye ba khrag khrig dag na mngon par snang // 'on kyang smra / ba'i seng ge rnams// mya ngan mi 'da' smon las phyir mi ldog/ chos rnams lhun ni gcig gyur cing // sems can kun dang lus kyang gcig tu gyur pa'i rnams// rgyal ba dag la rtog med pas// lus bci/ gyur pa spyod 'di yin// tshig dang don rnams tha dad pas// 'jig rten khams rnams mtha' dang dbus yod ma yin par// rang bzhin gcig la mos pa dag/ dus gsum shes pa de dag spyod 'di yin//

  201. 101b

    sems can dag dang rgyal ba dang // chos kyi tshul rnams kun la zad pa med rnyed pa// sangs rgyas byin la mos pa dag/ rgyal bas byin brlabs de dag spyod 'di yin// chags pa med pa'i sku 'dra zhing // chags pa med pa'i mig gi pha rol phyin pa'i rnams/ / chags med rna ba mkhas pa dang // chags med yid can de dag spyod pa de yin// mngon shes thams cad rnyed pa dang // ye shes mngon par shes pa'i rjes su song ba'i rnams// ye shes kun gyi dpal ldan pa// shes pa bzang can de dag spyod 'di yin// shin tu mnyam gzhag sems ldan zhing // ye shes mtha' yas shes rab shin tu che ba sa rnams// kun tu spyod yul ldan pa dag thams cad gzigs pa de dag spyod 'di yin/ / yon tan kun gyi mthar phyin pa// sems can yangs pa gcig nas gcig brgyud sgrol ba'i rnams// yid ni yongs su nyams med pa// rtag tu brtson pa de dag spyod 'di yin/ / kun mkhyen thams cad gzigs pa dag/ sangs rgyas thams cad dus gsum gshegs pa mgon po yi// rigs dang brgyud du skyes pa'i rnams// rgyal sras de dag spyod pa 'di yin no// rjes su bstan la brtson byed pa// phas kyi rgol ba'i lam la 'jigs med spyod pa dag/ mtha' yas blo yi spyod pa dang // sangs rgyas byang chub rjes su zhugs pa'i rnams// mtha' dbus med pa'i zhing gi rnams/ / thams cad kun tu snang ba gcig gis gsal bar byed// thams cad snang bar byed pa'i rnams// mun pa sel ba'i spyod pa 'di yin no// gang du rgyal bas mdzad 'os pa/

  202. 102a

    der ni sems can khrag khrig shin tu 'dul byed cing // sangs rgyas sgyu dang sangs rgyas zhing // sangs rgyas rgyan can khrag khrig snang bar byed// spyod pa dag ni mtha' yas la/ su gnas brtan pa de dag shes pa ji ltar rung // spyod pa thams cad shin tu ston// 'gro bar spyod pa thams cad mthar thug byed// chos kyi dbyings dang mnyam pa yin// bdag gi lus ni brjod du med par gyur pa yis/ / de dag legs par brjod byas kyang // bskal pa khrag khrig dag gis mi zad do// yon tan kun tu mtha' yas shing // yon tan mchog rnams thams cad mtha' yas pa'i// yon te kun ni brjod yas te/ / thub pas bskal par gsungs kyang zad mi 'gyur// rang rgyal rnams dang nyan thos la// gzhol bar gyur pa'i 'jig rten gzhan gyi rnams kyis lta// bskal pa brjod yas brjod byas kyang / / zad par mi nus de ni smos ci dgos// shin tu rgyas pa chen po'i mdo sangs rgyas phal po che zhes bya ba las// yon tan gyi me tog shin tu bsags pa zhes bya ba byang chub sems dpa'i spyod pa bstan pa'i le'u ste nyi shu drug pa'o/ / // de nas byang chub sems dpa' yon tan dang ldan pas// yang byang chub sems dpa' de dag la smras pa/ kye rgyal ba'i sras dag bcu po 'di dag ni byang chub sems dpa' rnams kyi gter yin te/ / sangs rgyas bcom ldan 'das 'das pa dang // ma byon pa dang // da ltar byung ba rnams kyis gsungs so// gsung ngo // gsung bar

  203. 102b

    'gyur ro/ / bcu gang zhe na/ 'di lta ste/ dad pa'i gter dang / tshul khrims kyi gter dang / ngo tsha shes pa'i gter dang / khrel yod pa'i gter dang / zos pa'i gter dang / gtong ba'i gter dang dam 'cha' ba'i gter dang / rtogs pa'i gter dang / blo gros kyi gter dang / blo'i gter te/ kye rgyal ba'i sras dag/ byang chub sems dpa' rnams kyi byang chub sems dpa'i gter bcu po de dag ni 'das pa dang / ma byon pa dang / da ltar byung ba'i sangs rgyas bcom ldan 'das kyis gsungs so// gsung ngo // gsung bar 'gyur ro// kye rgyal ba'i sras dag/ de la dad pa'i gter gang zhe na/ kye rgyal ba'i sras dag/ 'di la byang chub sems dpa' chos thams cad stong pa zhes bya bar dad par byed do// chos thams cad mtshan ma med pa zhes bya bar dad par byed do// chos thams cad smon pa med pa zhes bya bar dad par byed do/ / chos thams cad ma byas pa zhes bya bar dad par byed do// chos thams cad ma rtags pa zhes bya bar dad par byed do// chos thams cad gnas pa med pa zhes bya bar dad par byed do/ / chos thams cad tshad med pa zhes bya bar dad par byed do// chos thams cad bla na med pa zhes bya bar dad par byed do// chos thams cad 'dar mi rung ba zhes bya bar dad par byed chos thams cad 'byung ba med pa zhes bya bar dad par byed do/ / de ni chos dang 'thun pa'i dad pa dang ldan pa yin te/ chos thams cad bsam gyis mi khyab bo zhes bya bas zhum par mi 'gyur ro//

  204. 103a

    sangs rgyas thams cad bsam gyis mi khyab po zhes bya bas zhum par mi 'gyur ro// sems can gyi khams thams cad bsam gyis mi khyab bo zhes bya bas zhum par mi 'gyur ro// chos kyi dbyings bsam gyis mi khyab bo zhes bya bas zhum par mi 'gyur ro/ / nam mkha' dbyings bsam gyis mi khyab bo zhes bya bas zhum par mi 'gyur ro// mya ngan las 'da' ba'i dbyings bsam gyis mi khyab bo/ zhes bya bas zhum par mi 'gyur ro// 'das pa'i dus bsam gyis mi khyab po zhes bya bas zhum par mi 'gyur ro// ma 'ongs pa'i dus bsam gyis mi khyab po zhes bya bas zhum par mi 'gyur ro// da ltar byung ba'i dus bsam gyis mi khyab bo zhes bya bas zhum par mi 'gyur ro/ / bskal pa thams cad la 'jug pa bsam gyis mi khyab bo zhes bya bas zhum par mi 'gyur ro// de ci'i phyir zhe na/ de'i dad pa ni sangs rgyas bcom ldan 'das rnams kyis ji ltar mkhyen pa bzhin du gcig tu nges par gyur pa yin te/ sangs rgyas ye shes kyi mtha' yang zad mi shes so// 'jig rten gyi khams rnams kyang zad mi shes te/ 'jig rten gyi khams re rer yang mtha' yas pa'i sangs rgyas bcom ldan 'das rnams bla na med pa yang dag par rdzogs pa'i byang chub tu mngon par sangs rgyas so// mngon par 'tshang rgya'o// mngon par 'tshang rgya bar 'gyur ro/ / yang dag par byung ngo // yang dag par 'byung ngo // yang dag par 'byung bar 'gyur ro// yongs su mya ngan la 'das so// yongs su mya ngan las 'da' 'o// yongs su mya ngan las

  205. 103b

    'da' bar 'gyur te/ sangs rgyas kyi ye shes de ni 'bri ba 'am/ 'phel ba 'am/ skye ba 'am/ 'gag pa 'am/ 'pho ba 'am/ 'gro ba 'am/ nye bar byed pa 'am/ ring bar byed pa 'am/ shes par byed pa 'am/ 'byan par byed pa ma yin te/ de ni sangs rgyas kyi ye shes la yang dag par gnas pas/ zad pa med cing mtha' yas pa'i dad pa'i gter dang ldan pa yin no// kye rgyal ba'i sras dag/ dad pa 'di ni mtha' yas pa// kun tu mtha' yas pa/ mi zad pa/ phyir mi ldog pa myu gur gyur pa ma yin pa/ tha dad pa ma yin pa/ ma 'dres pa/ rtsa ba brtan pa/ 'phags pa dang 'thun pa/ de bzhin gshegs pa'i rigs kyi brgyud du gyur pa/ sangs rgyas thams cad kyi rigs yang dag par 'dzin pa/ byang chub sems dpa' thams cad kyi mos pa yang dag par bskyed pa/ de bzhin gshegs pa thams cad kyi dge ba'i rtsa ba'i rjes su song ba/ nges par rtogs pa sangs rgyas thams cad kyi rigs la mkhas par gyur pa yin te/ kye rgyal ba'i sras dag/ 'di ni byang chub sems dpa' sems dpa' chen po rnams kyi dad pa'i gter te/ de la gnas pa'i byang chub sems dpa' rnams ni/ sangs rgyas kyi chos thams cad thos par gyur na bden par khong du chud de/ sems can thams cad la rnam par 'byed pa'i phyir nan tan byed par 'gyur ro/ / kye rgyal ba'i sras dag/ de la byang chub sems dpa' rnams kyi tshul khrims kyi gter gang zhe na/ kye rgyal ba'i

  206. 104a

    sras dag/ 'di la byang chub sems dpa' thog mar phun sum tshogs pa'i tshul khrims dang ldan pa yin/ byin gyis ma brlabs pa'i tshul khrims dang ldan pa yin/ mi gnas pa'i tshul khrims dang ldan pa yin/ lhag par lta ba med pa'i tshul khrims dang ldan pa yin/ 'gal ba med pa'i tshul khrims dang ldan pa yin/ gzhan la mi gnod pa'i tshul khrims dang ldan pa yin/ sa 'dres pa'i tshul khrims dang ldan pa yin/ nye ba'i nyon mongs pa med pa'i tshul khrims dang ldan pa yin/ skyon med pa'i tshul khrims dang ldan pa yin/ kha na ma tho ba med pa'i tshul khrims dang ldan pa yin/ kye rgyal ba'i sras dag/ ji ltar na byang chub sems dpa' thog mar phun sum tshogs pa'i tshul khrims dang ldan pa yin zhe na/ kye rgyal ba'i sras dag/ 'di la byang chub sems dpa' thog ma nyid du sems can thams cad la phan pa dang bde bar sems so/ / kye rgyal ba'i sras dag/ ji ltar na byang chub sems dpa' byin gyis ma brlabs pa'i tshul khrims dang ldan pa yin zhe na/ mu stegs can gyi gnas pa dang mi 'dra ba'i tshul khrims yin te/ de ni 'di ltar rang bzhin gyis dus gsum mnyam pa nyid du go cha bgos shing spyod pa'o/ / ji ltar na byang chub sems dpa'i tshul khrims dang ldan pa yin zhe na/ kye rgyal ba'i sras dag/ 'di la 'dod pa'i khams la mi gnas pa'i tshul khrims can yin/ gzugs kyi khams la mi gnas pa'i tshul khrims can yin/ gzugs med pa'i khams la mi gnas pa'i tshul khrims can yin/ de ci'i phyir zhe na/ 'khor ba de

  207. 104b

    ngag la bdag gir bya ba med de/ de ltar na byang chub sems dpa' mi gnas pa'i tshul khrims dang ldan pa yin no// kye rgyal ba'i sras dag/ ji ltar na byang chub sems dpa' lhag par lta ba med pa'i tshul khrims dang ldan pa yin zhe na/ 'di la byang chub sems dpa' 'gyod pa med pa'i rgyu dang ldan pa yin te/ de ci'i phyir zhe na/ de ni 'di ltar mtshams med pa'i las mngon par 'du mi byed de/ tshul khrims lhod pa la gzhol ba ma yin no/ / de ltar na byang chub sems dpa' lhag par lta ba med pa'i tshul khrims dang ldan pa yin no// ji ltar na byang chub sems dpa' 'gal ba med pa'i tshul khrims dang ldan pa yin zhe na/ 'di la byang chub sems dpa' ma bcas pa ni 'cha' bar mi byed/ bcas pa ni gcod par mi byed de/ de ni mya ngan las 'das pa'i mthar thug zug tu ji ltar 'thun pa'i chos dang ldan pa yin no// gang gis pha rol gyi sdug bsngal gyi rgyur 'gyur pa dang / pha rol 'khrug par 'gyur ba'i tshul khrims de lta bu dam bca' ba la dam bcas shing mi gnas te/ de ni 'di ltar pha rol gyi sems dad par bya ba'i phyir tshul khrims yang dag par len par byed do/ / ji ltar byang chub sems dpa' gzhan la mi gnod pa'i tshul khrims dang ldan pa yin zhe na/ 'di la byang chub sems dpa' sems can thams cad gtse ba'i phyir tshul khrims kyi rig sngags dang / gsang sngags dang / sman gyi sbyor ba de lta bu mi sgrub kyi/ de ni sems can thams cad bskyab pa'i phyir tshul khrims yang dag par blangs te gnas so// ji ltar na byang

  208. 105a

    chub sems dpa' ma 'dres pa'i tshul khrims dang ldan pa yin zhe na/ 'di la byang chub sems dpa' chad par lta ba dang / rtag par lta ba dang / 'dres pa'i tshul khrims yang dag par len par mi byed de/ de ni 'di ltar rten cing 'brel bar 'byung ba la rten pa'i tshul khrims yang dag par len to// ji ltar na byang chub sems dpa' nyon mongs pa med pa'i tshul khrims dang ldan pa yin zhe na/ yon tan med pa bstan par bya ba'i phyir gzhan gyi sems la lta zhing rtog pa rnam pa sna tshogs su 'gyur ba ma yin no// de ni 'di ltar chos kyis ngoms pa dang ldan pa yin te/ 'byung ba'i lam tshol zhing sbyor ba'i tshul khrims yang dag par blangs te gnas so/ / ji ltar na byang chub sems dpa' skyon med pa'i tshul khrims dang ldan pa yin zhe na/ 'di la byang chub sems dpa' tshul khrims dang log pa'i tshul khrims nye bar bzung ste/ gang gis pha rol po dma' ba'i tshul can du gyur par bdag la mi bstod gzhan la mi smod do// de ni 'di ltar g.yeng ba med pa nye bar bzung ste/ tshul khrims yang dag par blangs shing gnas so/ / ji ltar byang chub sems dpa' kha na ma tho ba med pa'i tshul khrims dang ldan pa yin zhe na/ 'di la byang chub sems dpa' srog gcod pa yongs su spangs pa yin te/ ma byin par len pa dang / 'dod pas log par g.yem pa dang / brdzun du smra ba dang / phra ma'i tshig dang / dag brlang ba dang / tshig 'khyal ba dang / chags sems dang / gnod sems dang / log par lta ba sangs

  209. 105b

    su spangs pa yin te/ dge ba bcu'i las kyi lam yang dag par blangs te gnas so// de ltar na byang chub sems dpa' kha na ma tho ba med pa'i tshul khrims dang ldan pa yin/ de 'di snyam du sems bskyed de/ gang ji snyam du sems can rnams tshul khrims ngan pa can la yi dam 'cha' zhing spyod pa thams cad ni phyin ci log gi rgyu las byung ba ste/ de ltar sangs rgyas bcom ldan 'das rnams kyis thugs su chud de byin ci so 'a gyur pa'i sems can rnams tshul khrims log pa la spyod kyis/ bdag gis ni cinas kyang blan med pa yang dag par rdzogs pa'i byang chub tu mngon par sangs rgyas te/ de bzhin nyid kyi don du chos ston par 'gyur ba de ltar bya'o snyam mo/ / kye rgyal ba'i sras dag/ 'di ni byang chub sems dpa' rnams kyi tshul khrims kyi gter te gnyis pa'o// kye rgyal ba'i sras dag/ de la byang chub sems dpa' rnams kyi ngo tsha shes pa'i gter gang zhe na/ kye rgyal ba'i sras dag/ 'di la byang chub sems dpa' sngon gyi mtha'i spyod pa nye bar bzung ste/ gang 'di tshe rabs kyi 'khor ba thog ma dang tha ma med pa rgyas par ma dang 'grogs pa dang / pha dang 'grogs pa dang / zhang po dang 'grogs pa dang / sring mo dang 'grogs pa dang / spun dang 'thogs pa dang / bu dang 'grogs pa dang / bu mo dang 'grogs par gyur kyang / gcig la gcig 'tshe ba dang / gcig la gcig kyal ka byed pa dang / gcig la gcig gnod pa byed pa dang / gcig la gcig 'khrig pa dang / gcig la gcig sngo ba dang / gcig la gcig 'jug pa dang / gcig la gcig 'bod pa dang / gcig la gcig sa pa dang / gcig la gcig dbang ba dang / gcig la gcig 'khor bar gyur pa de yang 'dod

  210. 106a

    chags kyi dbang dang / zhe sdang gi dbang dang / gti mug gi dbang dang / rgyags pa'i dbang dang / nga rgyal gyi dbang dang / 'chab pa'i dbang dang / gnya' drug gi dbang dang / drag dog gi dbang dang / 'jungs pa'i dbang dang / g.yo'i dbang dang / sgyu'i dbang dang / mi dge ba'i las 'di rnams shin tu blangs pa'i phyir/ sems can dag gcig la gcig 'di lta bu'i rnam pa dang bdag nyams su myong bar 'gyur te/ thams cad kyang mi shes pa'i dbang gis gyur pa nas/ g.yo dang sgyu'i bar gyi dbang gis gyur te/ gcig la gcig bag mi byed/ rim gro mi byed/ gcig la gcig bkur stir mi byed/ gcig la gcig phu dud du mi byed/ gcig la gcig ba tsam pa med pa dang / gcig la gcig mi mkhas pa dang / gcig la gcig gnod pa dang / gcig la gcig gsod pa dang / gcig la gcig dgrar byed par gyur te/ zhes ngo tsha skyed do// ji ltar 'das pa'i dus na bdag dang sems can rnams kyi rnam pa ngan pa 'di lta bu'i tshul byung ba de bzhin du/ da ltar byung ba'i dus na yang bdag dang sems can thams cad la rnam pa/ ngan pa de lta bu dag yod do// ji ltar da ltar byung ba'i dus na bdag dang sems can rnams la rnam pa ngan pa de lta bu dag yod pa de bzhin/ ma 'ongs pa'i dus na yang bdag dang sems can thams cad la rnam pa ngan pa de lta bu dag 'byung bar 'gyur te/ de ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis kyang thugasu chud do// de ltar bdag gis ngo tsha med cing mi brtse

  211. 106b

    sangs rgyas bcom ldan 'das 'das pa dngag / mabyon pa dang / da ltar byang ba rnams kyis thugs su chud bzhin du rnam pa ngan pa 'di lta bu la gnas pa ni mi rigs/ mi chas/ da ni bdag cag gis ci nas kyang than med pa yang dag par rdzogs pa'i byang chub tu mngon par sangs rgyas nas/ de bzhin nyid kyi don du sems can rnams la chos bstan par 'gyur ba de ltar bya'o// kye rgyal ba'i sras dag/ 'di ni byang chub sems dpa' rnams kyi ngo tsha shes pa'i gter te gsum pa'o/ / kye rgyal ba'i sras dag/ de la byang chub sems dpa' rnams kyi khrel yod pa'i gter gang zhe na/ kye rgyal ba'i sras dag/ 'di la byang chub sems dpa' ni mtha' med par tshol bas khrel bar 'dzin pa yin te/ gzugs btsal ba dang / sgra dang / dri dang / ro dang / reg btsal ba dang / bu dang bu mo'i don du btsal ba dang nor dang / bran po dang / bran mo dang / g.yog yid du 'ong ba btsal ba'i phyir/ bdag gis kyang mi tshul mi che ba'i gcam bya bar 'gyur ro zhes/ de ni tshol ba'i dbang du chags pa nye bar mi len to// zhesdang nye bar mi len to// gti mug nye bar mi len to// de bzhin du nga rgyal dang / 'chab pa dang / phrag dog dang / 'jungs pa dang / g.yo dang / sgyu dang / gnod par bya ba nye bar mi len to// 'di ni 'di ltar dran pa skyes te/ gang ci yang rung ste/ sems can rnams rnam pa ngan pa de lta bu nye bar 'dzin pa thams cad ni ma rig pa'i dbang nas/ g.yo dang / sgyu dang / gnod par byed pa'i

  212. 107a

    dbang gi bar gyis byung ba ste/ de dag gcig la gcig bag mi byed/ rim gro mi byed/ bsti stang du mi byed/ phu dud du mi byed cing btsam pa med de/ grogs por mi shes shing gcig la gcig nyam nga ba dang / gcig la gcig gsod pa dang / gcig la gcig dgrar len pa 'di lta bu'i rnam pa ngan pa dag nye bar len to// mngon par dga' 'o// mngon par zhen to// tshol lo// kun tu tshol lo// kun tu btsal nas mngon par smon to// 'jal lo// kun tu 'jal lo// de ltar yang mig nyams pa de dag lam gang dang gang nas mngal gyi dri mas gos te byung ba de nyid du 'khrig pa'i chos la brten te/ mi gtsang ba 'byung bar ni kun gyis kyang shes so// de bas na de ltar bdag bla na med pa yang dag par rdzogs pa'i byang chub tu smon la/ khrel med pa'i dbang du gyur nas 'das pa dang / ma byon pa dang / da lta byung ba'i sangs rgyas bcom ldan 'das rnams kyi sku slu ba byed pa 'di ni mi rigs kyis/ da ni bdag gis ci nas kyang bla na med pa yang dag par rdzogs pa'i byang chub tu mngon par sangs rgyas nas de bzhin nyid kyi don du chos bstan par 'gyur ba de ltar bya'o snyam mo/ / kye rgyal ba'i sras dag/ 'di ni byang chub sems dpa' rnams kyi khrel yod pa'i gter te bzhi pa'o/ / kye rgyal ba'i sras da// de la byang chub sems dpa' rnams kyi thos pa'i gter gang zhe na/ kye rgyal ba'i sras dag/ 'di la byang chub sems dpa' thos pa nga

  213. 107b

    ldan pa yin te/ 'di yod na 'di 'byung ngo // 'di med na 'di mi 'byung ngo // bdi byung bas 'di skye'o// 'di 'gags pas 'di 'gag go// 'di dag ni 'jig rten pa'i chos so// 'di dag ni 'jig rten las 'das pa'i chos so/ / 'di dag ni 'dus byas kyi chos so// 'di dag ni 'dus ma byas kyi chos so// 'di dag ni lung bstan pa'i chos so// 'di dag ni lung ma bstan pa'i chos so// de la ci yod pas gang 'byung bar 'gyur zhe na/ ma rig pa yod pas 'du byed rnams 'byung ngo // ci med pas gang med par 'gyur zhe na/ rnam par shes pa med pas ming dang gzugs med par 'gyur ro// ci skyes pas gang skye par 'gyur zhe na/ sred pa skyes pas sdug bsngal skye'o// ci 'gags pas gang 'gag par 'gyur zhe na/ sred pa 'gags pas skye ba 'gag go/ de la 'jig rten pa'i chos rnams gang zhe na/ gzugs dang / tshor ba dang / 'du shes dang / 'du byed dang / rnam par shes pa'o// de la 'jig rten las 'das pa'i chos rnams gang zhe na/ 'di lta ste/ tshul khrims kyi phung po dang / ting 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po ste/ 'di dag ni 'jig rten las 'das pa'i chos so// 'dus byas kyi chos rnams gang zhe na/ 'di lta ste/ 'dod pa'i khams dang / gzugs kyi khams dang / gzugs med pa'i khams dang / sems can gyi khams te/ 'di dag ni 'dus byas kyi chos so//

  214. 108a

    'dus ma byas kyi chos rnams gang zhe na/ nam mkha' dang / mya ngan las 'das pa dang / so sor brtags te 'grog pa dang / so sor ma brtags par 'gog pa dang / rten cing 'brel par 'byung ba dang / chos kyi gnas nyid de/ 'di dag ni 'dus ma byas pa'i chos so// lung bstan pa'i chos rnams gang zhe na/ 'phags pa'i bden pa bzhi dang / dge sbyong gi 'bras bu bzhi dang / so so yang dag par rig pa bzhi dang / mi 'jigs pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad de/ 'di dag ni lung bstan pa'i chos so// lung ma bstan pa'i chos rnams gang zhe na/ 'jig rten mtha' yod pa dang / 'jig rten mtha' med pa dang / mtha' yod pa yang ma yin/ mtha' med pa'ang ma yin pa zhes bya ba 'di ni lung du ma bstan pa'o// 'jig rten rtag pa dang / 'jig rten mi rtag pa dang rtag pa yang yin la/ mi rtag pa'ang yin pa dang / rtag pa'ang ma yin la/ mi rtag pa'ang ma yin zhes bya ba 'di ni lung du ma bstan pa'o// de bzhin gshegs pa shi phan chad yod pa dang / de bzhin gshes pa shi phan chad med pa dang / de bzhin gshegs pa shi phan chad yod kyang yod la med kyang med pa dang / de bzhin gshegs pa shi phan chad yod pa yang ma yin/ med pa'ang ma yin zhes bya ba ni lung ma bstan pa'o//

  215. 108b

    bdag dang sems can rnams yod pa dang / bdag dang sems can rnams med pa dang / bdag dang sems can rnams yod pa yang yin la/ med pa yang yin pa dang / bdag dang sems can rnams yod pa yang ma yin/ med pa yang ma yin zhes bya ba 'di ni lung ma bstan pa'o// sangs rgyas ji snyed cig yongs su mya ngan las 'das/ rang sangs rgyas ji snyed cig yongs su mya ngan las 'das/ nyan thos ji snyed cig yongs su mya ngan las 'das// sangs rgyas ji snyed cig ma byon/ rang sangs rgyas ji snyed cig ma byon/ nyan thos ji snyed cig ma byon/ byang chub sems dpa' ji snyed cig skye bar 'gyur/ sangs rgyas ji snyed cig bzhugs/ rang sangs rgyas ji snyed cig bzhugs/ nyan thos ji snyed cig bzhugs/ byang chub sems dpa' ji snyed cig bzhugs/ sangs rgyas dag pas su snga/ rang sangs rgyas dag pas su snga/ nyan thos dag pas su snga/ byang chub sems dpa' dag pas su snga/ sangs rgyas dag pas su 'phyi/ rang sangs rgyas dag pas su 'phyi/ nyan thos dag pas su 'phyi/ sems can dag pas su 'phyi/ chos dag pas su snga/ 'jig rten gang nas 'ongs/ 'jig rten gang du 'gro// 'jig rten gyi khams ji snyed cig tshig par gyur/ 'jig rten gyi khams ji snyed cig gnas pa yin/ 'jig rten gyi khams gang nas 'ongs/ 'jig rten gyi khams gang zhig yongs su zad par 'gyur/ 'khor ba'i sngon gyi mtha' ni gang / 'khor ba'i phyi ma'i mtha' ni gang zhes bya ba 'di ni lung du ma bstan pa'o// de 'di ltar dran pa skyes te/ sems can gang su yang rung ste kun tu rgyug pa dang / kun tu 'khor ba thams

  216. 109a

    cad ni chos 'di dag mi shes pa'i phyir te/ de ltar thos pa dang mi ldan pa'i so so'i skye bo rnams kun tu rgyug go// kun tu 'khor ro// de bas na de ni bdag gis ci nas kyang bsam pa thams can thos pa'i mdzod bzung ste/ bla na med pa yang dag par rdzogs pa'i byang chub tu mngon par sangs rgyas nas/ de bzhin nyid kyi don du chos bstan par bya'o zhes bya ba 'di ni/ kye rgyal ba'i sras dag/ byang chub sems dpa' rnams kyi thos pa'i gter te lnga pa'o// kye rgyal ba'i sras dag/ de la byang chub sems dpa' rnams kyi gtong ba'i gter gang zhe na/ kye rgyal ba'i sras dag/ 'di la byang chub sems dpa' gtong ba dang ldan pa yin te/ yongs su gtong ba dang ldan pa yin/ nang gi gtong ba dang ldan pa yin/ phyi rol gyi gtong ba dang ldan pa yin/ phyi nang gi gtong ba dang ldan pa yin/ thams cad gtong ba dang ldan pa yin/ 'das pa gtong ba dang ldan pa yin/ ma 'ongs pa gtong ba dang ldan pa yin/ da ltar byung ba gtong ba dang ldan pa yin/ shin tu gtong ba dang ldan pa yin te/ kye rgyal ba'i sras dag/ ji ltar na byang chub sems dpa' gtong ba dang ldan pa yin zhe na/ kye rgyal ba'i sras dag/ 'di la byang chub sems dpa' rang bzhin gyi bge bsha' byed pa'i ngang tshul can yin te/ kye rgyal ba'i sras dag/ de rtag tu bgo bsha' byas shi/ bdag kyang shas kyis spyod pa yin te/ bdag bde bar bya ba dang / bdag yongs su sbyang ba dang / bdag rim gror bya ba'i phyir/ yo byad ji snyed du bsags pa

  217. 109b

    de dag thams cad kyang bgo ba sha' byas shing spyod kyi/ ma bgos par ni ma yin no// de dag spyod pa'i tshe yang sems 'di snyam du skyed de/ lus 'di la srin bu'i rigs rnam pa sna tshogs brgyad cu gnas te/ de dag kyang / bdag gi lus 'di bde bas ni bde bar 'gyur/ bdag gi lus 'di sdug bsngal bas ni sdug bsngal bar 'gyur ro zhes/ de gang ci la spyod pa de dag thams cad kyang myong ba med pa'i sems kyis de dag mi 'chi ba dang / de dag bde bar bya'i phyir gtong ngo // gzhan yang de 'di snyam du sems te/ yun ring po nas zas dang lus bde ba la chags par gyur kyis da ni bdag gi lus la chags pa las/ rnam par 'da' pabar bya'o zhes bya ba 'di ni gtong ba'o/ / byang chub sems dpa'i yongs su gtong ba gang zhe na/ 'di la byang chub sems dpa' la zas sam/ skom mam/ bza' ba 'am/ bca' ba 'am/ bldag pa 'am/ btung ba 'am/ gzhib pa 'am/ myang ba 'am/ gos sam/ 'phreng ba 'am/ byug pa 'am/ rgyan tam/ ci yang rung ste/ gang spyad na ni 'tsho'i/ ma sprad na naM 'chi bar 'gyur ba zhig nye bar gnas par gyur la/ de'i tshe slong ba zhig 'ongs te/ de la de ci nas kyang zad par 'gyur ba dang / lhag ma med par blangs kyang / de la byang chub sems dpa' 'di snyam du sems te/ sngon gyi mtha' de dag tu bdag bkres pas shi bar gyur pa yang dmigs pas mi slebs te/ su la yang phan par ma gyur to// da 'di ltar rim pas sngan chad myong ba'i chos can dang mnyam pa nyid kyis dus

  218. 110a

    bya bar gyur la/ sems can de dag kyang bde bar gyur na/ bdag gis 'thob par bya ba legs par thob bo// bdag gis 'di dag kyang zad kyang rung / 'chi ba'i mthar zug par yang rung ste/ sems can rnams 'tsho bar bya'o zhes gtong ba 'di ni yong su gtong ba'o// byang chub sems dpa' nang gi gtong ba gang zhe na/ 'di la byang chub sems dpa' dar zhing bzang por gnas pa gzugs mdzes pa/ blta na sdug pa/ mdog rgyas pa/ gya nom pa dang ldan pa/ khrus dang byug pa legs par byas pa/ 'phreng ba dang rgyan legs par btags pa/ gos gsar pa ma bab pa bgos pa gling bzhi pa'i 'jig rten gyi khams su rgyal por dbang bskur bas bskur ba/ rin po che sna bdun dang ldan pa/ de lta bu'i drung du slong ba dag cig 'ongs te/ 'di skad du bdag cag ni nas gzer ro// rgas so// 'khogs so// sdug bsngal gyis mnar to// nad tshabs che'o// nad g.yog med de 'chi la thug go/ gal te khyod kyi lus las lag pa'am/ rkang pa 'am/ sha 'am/ khrag gam/ mgo 'am/ klad pa 'am/ rus pa 'am/ rkang ngan/ su la ci dgos pa de dag khyer cig ces/ rgyal po thags thogs med par rang gi lus bdag cag la byin na/ lus 'dis bdag cag nang 'di las ldang bar 'gyur ro zhes zer na/ kye rgyal ba'i sras dag/ 'di la byang chub sems dpa' 'di snyam du sems te/ lus 'di lta zhig chos kyis de 'dra bar gyur yang su la yang phan par ma gyur kyis/ da ni de lta bu'i chos can gyi lus 'dis

  219. 110b

    sems can 'di dag bde bar 'gyur bar bya'o zhes nas/ de la sems bskyed pa 'ga' tsam yang 'gyod par 'gyur ba med pa 'di ni ning gi gtong ba zhes bya'o// de la byang chub sems dpa'i phyi rol gyi gtong ba gang zhe na/ 'di la byang chub sems dpa' gzhung de bzhin du rgya cher dbang bskur ba dang / 'khor los sgyur ba'i rgyal srid la gnas pa/ gling bzhi la dbang ba/ rin po che bdun dang bde ba'i yo byad thams cad dang ldan pa/ thog mar mngon par dbang bskur ba/ de lta bu'i drung du slong ba dag cig lhags te/ 'di skad du bdag cag ni bkren no// dbul lo// shin tu sdug bsngal lo// nor dang mi ldan no/ / khyod ni bde ba'i yo byad thams cad dang ldan na/ 'dzam bu gling bzhi'i 'khor los sgyur ba'i rgyal srid bdag cag la byin te/ phyis 'di la dbang mi sbyar bar byas na des ni bdag cag bde bar 'gyur ro zhes zer na/ de la byang chub sems dpa' 'di snyam du sems te/ phun sum tshogs pa thams cad ni zad pa'i mthar 'gyur te/ de'i tshe ni su'i bsam pa yang yongs su mgu bar bya bar mi nus kyis/ bdag gis da ni 'phral du sems can 'di dag gi bsam pa yongs su tshim par bya'o zhes nas/ de'i rgyus sems bskyed pa 'ga' tsam yang 'gyod par 'gyur ba med par gtong ba 'di ni phyi rol gyi gtong ba zhes bya'o/ / de la byang chub sems dpa'i phyi nang gi gtong ba gang zhe na/ 'di la byang chub sems dpa' 'khor los sgyur ba'i srid la de ltar dbang bskur ba/ bde ba'i yo byad thams cad

  220. 111a

    dang ldan pa bsags par bya ba/ rnam par bsags pa de lta bu'i drung du slong ba dag cig 'ongs nas/ 'di skad du khyod kyis ni 'khor los sgyur ba'i rgyal po ldan chad kyang myong bdag cag ni dge ba ma myong ba yin na/ byas bu 'khor los sgyur ba'i srid bdag cag la byin la/ khyod kyis bdag cag rim gror bya ba dang / bsnyen bkur bar gyis shig ces zer na/ de la byang chub sems dpa' 'di snyam du sems te/ bdag gi lus kyi chos nyid dang / srid kyi chos nyid de dag thams cad kyang tha mar med par 'gyur ba ste/ lus kyang rjes su 'brang bar gnas la/ srid kyang che zhing slong ba rnams kyang mngon du gyur pa de'i tshe/ snying po med pa las snying po blang bar bya'o zhes nas/ de'i rgyus sems bskyed pa 'ga' tsam yang 'gyod par 'gyur ba med par rim gro byed cing gtong ba 'di ni byang chub sems dpa'i phyi nang gi gtong ba zhes bya'o/ / de la byang chub sems dpa'i thams cad gtong ba gang zhe na/ 'di la byang chub sems dpa' thams cad 'khor los sgyur ba'i rgyal srid la de ltar dbang bskur zhing bde ba thams cad dang ldan pa de lta bu'i drung du slong ba dag cig lhags te/ 'di skad du bdag cag ni khyod kyi legs pa dang yon tan snyan pa zothos nas/ grong dang / grong khyer dang / ljongs dang / khams dang / rgyal po'i gnas du ma nas khyod ni gdon mi za ba rabadag cag gi bsam pa yongs su tshim par byed par 'gyur snyam ste/ 'dir phyin na byas bu kyo

  221. 111b

    kyis bdag cag gi bsam pa yongs su rdzogs par gyis shig ces nas/ las ni bdag cag la rin po che sna bdun dgos so zhes zer/ la la ni bdag cag la gling bzhi dgos so zhes zer/ la la ni bdag cag la rgyal po'i bu dgos so zhes zer/ la la na bdag cag la rgyal po'i mig gnyis dgos so zhes zer/ la la ni bdag cag la rgyal po'i lag pa gnyis dgos so zhes zer/ la la ni bdag cag la rgyal po'i rkang pa gnyis dgos so zhes zer/ la la ni bdag cag la rgyal po'i sha dgos so zhes zer/ la la ni bdag cag la rgyal po'i khrag dgos so zhes zer/ la la ni bdag cag la rgyal po'i mgo dgos so zhes zer/ la la ni bdag cag la rgyal po'i snying dgos so zhes zer/ de la byang chub sems dpa' 'di snyam du sems te/ sdug pa dang yid du 'ong ba thams cad dang bral zhing bye bar yang 'gyur te/ sems can gang gi bsam pa yang yongs su tshim par ma gyur kyis/ da ni bdag gi lus 'bral bar 'gyur ba'i chos can 'das sems can de dag gi chags sems rtse zil bar bya ba'i phyir bsam pa yongs su tshim par bya'o// btsal ba dang ldan pa'i chos kyi gnas su ni sems bskyed par mi bya'o/ zhes nas/ de dag thams cad gtong yang de'i phyir de la sems bskyed pa gcig tsam yang 'gyod par 'gyur ba med de/ sems can gang la yang rim gro med par mi byed pa 'di ni byang chub sems dpa'i thams cad gtong ba'o/ / de la byang chub sems dpa'i 'das pa gtong ba gang zhe na/ 'di la byang chub sems dpa'

  222. 112a

    sangs rgyas bcom ldan 'das 'das pa rnams kyi byang chub sems dpa'i spyod pa zos pa dag/ 'das pa'i sangs rgyas bcom ldan 'das rnams kyi phun sum tshogs pa thams cad nyan thos nas/ de dag thams cad la chags par mi byed/ 'bral bar mi byed/ dmigs su med pas rab tu 'jug ste/ rtog par mi byed/ rnam par rtog par mi byed/ yongs su rtog par mi byed/ smon par mi byed/ chags par mi byed/ zhen par mi byed/ rten pani sems kyis gnas par mi byed de/ rmi lam gyi chos ngos bu don par byed kyang / dge ba'i rtsi nga 'di dag la snying ngan 'du shes mi skyed do/ / dge ba'i rtsa ba de dag la rten pa'i 'du shes su mi byed de/ 'on kyang rten pa'i sems can rnams gzud pa dang / sangs rgyas kyi chos kyang yongs su smin par bya ba'i phyir brjod do// 'chad do// ston to// 'das pa'i chos la brtags na/ shar phyogs su rjes su mi mthong ngo // lho phyogs dang / nub phyogs dang / byang phyogs su rjes su mi mthong ngo // byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs su rjes su mi mthong te/ de 'di snyam du gang ci yang rung ste/ ma gtang ba de ni btang ba'o snyam du sems te/ kye rgyal ba'i sras dag/ 'di ni byang chub sems dpa'i 'das pa gtong ba'o// de la byang chub sems dpa'i ma 'ongs pa gtong ba gang zhe na/

  223. 112b

    'di la byang chub sems dpa' sangs rgyas bcom ldan 'das ma byon pa rnams kyi spyod pa nyan na/ mtshar ma'i tshul dang dngos por 'dzin pas mi 'dzin te/ 'jig rten gyi khams gzhan la brtson par mi byed pa yin/ tshol ba mi mnga' ba yin/ 'dod chags pa'i sems kyis mi smon pa yin/ de la sems mi sdud pa yin te/ myong bar mi byed do// smod par mi byed do// de dag tu dge ba'i rtsa ba rnams mi gtong ngo / / de dag tu dge ba'i rtsa ba rnams 'jug par mi byed de/ spyod pa yang rgyun gcod par mi byed do// 'on kyang dmigs pa des sangs rgyas kyi chos su 'grub par bya ba'i phyir sems can rnams kyi bsam pa dang tshogs sdud par byed cing / chos nyid kyang rab tu sdud do// chos de ni yul na yang mi gnas/ phyogs na yang mi gnas/ nang na yang ma yin/ phyi rol na yang ma yin/ rgyang ring po na yang ma yin/ drung na'ang ma yin no zhes 'di snyam du sems te/ gang du nam yang spyad pa med par bya'o snyam pa 'di ni ma 'ongs pa gtong ba'o// kye rgyal ba'i sras dag/ de la byang chub sems dpa'i da ltar byung ba'i gtong ba gang zhe na/ kye rgyal ba'i sras dag/ 'di la byang chub sems dpa' rgyal po chen po bzhi'i ris kyi lha rnams dang / sum cu rtsa gsum pa dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs pa dang / tshangs ris dang / tshangs lha nye phan dang /

  224. 113a

    tshangs pa kun 'khor dang / tshangs chen dang / snang ba dang / 'od chung dang / tshad med snang ba dang / shin tu snang ba dang / dge ba dang / chung dge dang / tshad med dag pa dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams nas/ nyan thos kyi phun sum tshogs pa dang / rang sangs rgyas kyi phun sum tshogs pa dag kyang nyan te/ des de dag thos nas kyang rmongs par mi 'gyur/ shin tu rmongs par mi 'gyur/ rab tu rmongs par mi 'gyur/ zhum par mi 'gyur kun nas zhum par mi 'gyur/ rnam par zhum par mi 'gyur/ shin tu zhum par mi 'gyur/ dma' bar mi 'gyur te/ 'di ltar de ni shes pas 'du byed du gtogs pa thams cad rmi lam lta bur mngon du byed do/ / de ni 'di snyam du gang sbyin par bya ba 'di ni su'i yang ma yin no snyam ste/ ngan song gi lam nye bar gnas pa bzlog par bya ba dang / sangs rgyas kyi chos thams cad bsgrub pa'i phyir chos ston kyang byang chub sems dpa'i lam mngon du gyur pa'i phyir de la sems rgyu ba med de/ 'di ni de ltar byung ba gtong ba zhes bya'o// de la byang chub sems dpa'i shin tu gtong ba gang zhe na/ 'di la byang chub sems dpa' sems can mig dang mi ldan pa dang / rna ba dang mi ldan pa dang / sna dang mi ldan pa dang / lce dang mi ldan pa dang / lus dang mi ldan pa grangs med pa zhig gis 'di skad du/ bdag cag la ci med pa de khyod kyis

  225. 113b

    rgyan la/ red mi snyan pa med par byas shig/ myong ni bzhas pa mangs med par bskrun par 'dug cag ces zer/ byang chub sems dpa' na dathos sa thag tu sems can de dag mi ldan pa med par gyub / bskal pa grangs med par dbang po dang mi ldan pa de yang nyams su len to// de ma'i lto na 'dug pa'i tshe/ ji lta bur spyod pa dang / mer mer por 'dug pa ji lta bu yin pa dang / rdos par gyur pa ji lta bu yin pa dang / mkhregs par gyur pa ji lta bu yin pa dang / dbang po grub pa ji lta bu yin pa dang / skyes pa ji lta bu yin pa dang / rga ba ji lta bu yin pa dang / na ba ji lta bu yin pa dang / shi ba ji lta bu yin pa dang / lus kyi rang bzhin thog ma dang / bar dang / tha ma ji lta bu bzhin du yang dag par rab tu shes te/ ngom du mi rung ba/ ngo tsha skye ba/ 'phags pa ma yin pa/ dri mi zhim pa/ rjen pa'i dri can/ ror 'gyur ba/ rus pa sogs pa/ sha dang khrag gis g.yogs pa/ rma dgu nas rtag tu zag pa'o zhes nas/ de ni sems bskyed pa gcig tsam gyis kyang de don du gnyer bar mi sems te/ sems bskyed pa gcig gis kyang chags pa mi skyed do// de shin tu gtong ba des 'dzin pa med pa'i yid dang ldan pa yin te/ lus 'di ni de ltar snying po med pa yin na/ bdag gi lus 'di snying po med par mthong bzhin du lus la chags par ji ltar byas/ sems can 'di dag gi bsam pa de bzhin du yongs su chis par bya'o// lus snying po med pa 'dis 'gro ba thams cad kyi bsam pa yongs su rdzogs par bya'o/ / 'gro ba thams cad kyis kyang shes par bya'o// ye shes kyi tshogs gang yang rung ba la yang mi gnas pa'i tshul gyis gzhag par

  226. 114a

    @#bya'o zhes nas/ lus kyi 'du shes kyang med/ sems kyi 'du shes med de/ kye rgyal ba'i sras pag/ 'di ni byang chub sems dpa'i gtong ba'i gter te drug pa no/ kye rgyal ba sras dag/ de la byang chub sems dpa'i ye shes kyi gter gang zhe na/ 'di la byang chub sems dpa' gzugs rab tu shes so// gzugs kun 'byung ba rab tu shes so// gzugs kyi 'gog pa rab tu shes so// 5 'gog par 'gro ba'i lam yang dag pa ji lta ba bzhin du rab tu shes so/ / de bzhin du tsho rab dang / 'du shes dang / 'du byed dang / rnam par shes pa yang dag pa ji lta ba bzhin du rab tu shes so// rnam par shes pa kun 'byu pa yang dag pa ji lta ba bzhin du rab tu shes so/ / rnam par shes pa 'gog pa yang dag pa ji lta ba bzhin du rab tu shes so// rnam par shes pa 'gog par 'gro ba'i lam yang dag pa ji lta ba bzhin du rab tu shes so/ / ma rig pa rab tu shes so// ma rig pa'i kun 'byung ba rab tu shes so// ma rig pa 'gog pa yang dag pa ji lta ba bzhin du rab tu shes so// ma rig pa 'gog par 'gyur ba'i lam yang dag pa ji lta ba bzhin du rab tu shes so/ / sred pa rab tu shes so// sred pa kun 'byung ba rab tu shes so// sred pa 'gog pa rab tu shes so// sred pa 'gog par 'gro ba'i lam yang dag pa ji lta ba bzhin du rab tu shes so// nyan thos rab tu shes so/ / nyan thos kyi chos rab tu shes so// nyan thos kyi kun 'byung ba rab tu shes so// nyan thos kyi mya ngan las 'da' ba yang dag pa ji lta ba bzhin du rab tu shes so// rang sangs rgyas rab tu shes so//

  227. 114b

    rang sangs rgyas kyi chos rab tu shes so// rang sangs rgyas kyi kun 'byung ba rab tu shes so// rang sangs rgyas kyi yongs su mya ngan las 'da' ba yang dag pa ji lta ba bzhin du rab tu shes so// byang chub sems dpa' rab tu shes so/ / byang chub sems dpa'i chos rab tu shes so// byang chub sems dpa'i kun 'byung ba rab tu shes so so// byang chub sems dpa'i yongs su mya ngan las 'da' ba yang dag pa ji lta ba bzhin du rab tu dashe/ so// ji ltar shes she na/ las dang / las kyi rnam par smin pa dang / bya ba dang / mngon par 'du byed pa dang / gsob dang / gsog dang / snying po med pa dang / bdag med pa rab tu shes te/ chos gang yang snying po can du shes pa med do/ / chos gang la yang rang bzhin du 'dogs pa med de/ ngo bo nyid kyi mthas gtugs par thams cad rab tu shes so// sems can rnams la yang de bzhin nyid kyi don du chos ston te/ de ci ston ce na/ 'jig pa med pa'i phyir chos ston te/ gang 'jig pa med pa'i phyir zhe na/ gzugs 'jig pa med pa'i phyir/ tshor ba 'jig pa med pa'i phyir/ 'du shes 'jig pa med pa'i phyir/ 'du byed 'jig pa med pa'i phyir/ rnam par shes pa 'jig pa med pa'i phyir chos ston to// ma rig pa 'jig pa med pa'i phyir/ nyan thos kyi chos dang / rang sangs rgyas kyi chos dang / byang chub sems dpa'i chos 'jig pa med pa'i phyir chos ston te// de ci'i phyir zhe na/ chos ni ma skyes pa/ 'dus ma byas pa/ byed pa po med pa rtsod pa med pa/ gnas pa med pa/ ma skyes pa/ mi 'byung ba/ ma blangs pa/ nye bar ma blangs pa

  228. 115a

    byed pa med pa ste/ de shes rab kyi gter de lta bu dang ldan pas/ las glen chung ngus chos thams cad la mkhas pa gzhan gyi dring mi 'jog pa yang dag pa ji lta ba bzhin du rab tu shes so// shes rab kyi gter de yang mi zad pa yin te/ de yang shin tu bstan pa bcus mi zad pa yin no// bcu gang zhe na/ thos pa la mkhas pas mi zad do// dge ba'i bshes gnyen la bsnyen pas mi zad do// tshig rab tu dbye ba la mkhas pas mi zad do/ / chos kyi dbyings la 'jug pa mngon par sgrub pas mi zad do// rgyan gcig pa'i ye shes kyi rjes su zhugs pas mi zad do// bsod nams thams cad shin tu bsags pas mi zad do/ / skyo ba med par mngon par sgrub pas mi zad do// gzungs thams cad kyi sgor zhugs pas mi zad do// sems can thams cad kyi skad dang / sgra dang / brjod pa sna tshogs kyi phyir mi zad do// 'gro ba thams cad kyi yid gnyis dang / nem nur dang / the tsom yang dag par gcod pa'i phyir mi zad do// sangs rgyas kyi rnam par 'phrul pa thams cad yongs su bstan pas sems can thams cad nye bar 'tsho ba dang / yongs su smin par bya ba dang / gdul ba'i spyod pa shin tu rtogs pa'i phyir mi zad de/ mi zad pa shin tu bstan pa bcu po de dag gis shes rab kyi gter de mi zad pa yin no// kye rgyal ba'i sras dag/ 'di na byang chub sems dpa' rnams kyi shes rab kyi gter yin te/ de la gnas pa'i byang chub sems dpa' rnams shes rab dang ye shes bla na med pa rnam par 'tshang rgya'o// kye rgyal ba'i sras

  229. 115b

    dag/ de la byang chub sems dpa' rnams kyi dran pa'i gter gang zhe na/ kye rgyal ba'i sras dag/ 'di la byang chub sems dpa' dran pa dang ldan pa yin te/ de yang rgyud rmongs pa med pa'i dran pas sngon gyi gnas rjes su dran te/ 'di ltar tshe gcig kyang rjes su dran no// tshe gnyis dang / gsum dang / bzhi dang / lnga dang / tshe brgya dang / stong dang / brgya stong dang / tshe brgya phrag du ma dang / tshe stong phrag du ma dang / tshe brgya stong phrag dus dang / 'jig pa'i bskal pa 'am/ 'du ba'i bskal pa 'am/ 'jig pa 'am/ 'dra ba'i bskal pa 'am/ 'jig pa'i bskal pa du ma 'am/ 'du ba'i bskal pa du ma 'am/ 'du ba dang 'jig pa'i bskal pa du ma dang / babaskal pa brgya dang / bskal pa stong dang / bskal pa brgya stong dang / bskal pa bye ba khrag khrig brgya stong dang / bskal pa bye ba khrag khrig brgya stong tshad med pa dang / bskal pa bye ba khrag khrig brgya stong grangs med pa bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa// gzhal du med pa/ brjod du med pa/ gnyis dang / gsum dang / bzhi dang / lnga dang / gzhung de bzhin du brjod du med pa'i yang brjod du med pa dang / sangs rgyas skye bar lung bstan pa/ shin tu brjod pa gcig dang / gnyis dang / gsum dang / bzhi dang / lnga nas sangs rgyas skye bar lung bstan pa shin tu brjod du med pa/ brjod du med pa'i yang brjod du med pa dang / sangs rgyas skye ba gcig bstan te/ de dang mtshams sbyor ba'i lung bstan pa gcig dang / gnyis dang / gsum dang / bzhi dang / lnga nas

  230. 116a

    sangs rgyas skye ba shin tu bstan te/ de dang mtshams sbyor ba lung bstan pa/ brjod du med pa'i yang brjod du med pa dang / mdo'i sde gcig dang / gnyis dang / gsum dang / bzhi dang / lnga nas/ brjod du med pa'i yang brjod du med pa'i bar dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / gleng gzhi'i sde dang / ched du brjod pa'i sde dang / 'di ltar 'das pa'i sde dang / skyes pa'i rabs kyi sde dang / shin tu rgyas pa'i sde dang / chos rmad du byung ba bstan pa'i sde dang / man ngag bstan pa'i sde gcig dang / gnyis dang / gsum dang / bzhi dang / lnga nas/ brjod du med pa'i yang brjod du med pa'i bar dang / 'khor 'dus pa gcig dang / chos kyi mtshams sbyar ba gcig nas/ chos kyi mtshams sbyar ba brjod du med pa'i yang brjod du med pa'i bar dang / dbang po sna tshogs gcig nas dbang po sna tshogs brjod du med pa'i yang brjod du med pa'i bar dang / dbang po rnam pa tha dad pa sna tshogs gcig nas/ dbang po tha dad pa sna tshogs brjod du med pa'i yang brjod du med pa'i bar dang / nyon mongs pa sna tshogs gcig nas/ nyon mongs pa brjod du med pa'i yang brjod du med pa'i bar dang / ting nge 'dzin sna tshogs gcig nas/ ting nge 'dzin sna tshogs brjod du med pa'i yang brjod du med pa'i bar ngag kyang dran pa/ dag pa/ dang ba/ rog pa med pa/ rnam par gsal ba/ rdul med pa/ rdul dang bral ba/ dri ma med pa/ 'od gsal ba/ sang sang po/ bsgribs pa

  231. 116b

    med pas rjes su dran no/ / byang chub sems dpa'i dran pa de ni 'jig rten gyi 'khrug pas mi 'phrogs pa yin// phas kyi rgol ba thams cad kyis nye bar nyon mongs par mi nus pa yin/ sngon gyi dge ba'i rtsa ba shin tu tu sbyangs pa yin/ 'jig rten gyi chos thams cad kyis ma gos pa yin/ bdud dang mu stegs can dmigs pa la gnas pa gzhan gyis mi chod pa yin/ tshe rabs kun tu 'pho ba'i lus shin tu bstan pa thams cad kyis brjod par mi nus pa yin/ sngon gyi mtha' dang / phyi ma'i mtha' dang / da ltar byung ba'i mthas rnam par mi chod pa yin/ 'jig rten gyi khams su skye ba dang gnas pa thams cad kyis skyon du ma gyur pa yin/ sangs rgyas skyes pa'i 'khor gyi dkyil 'khor du 'jug pa shin tu bstan pa thams cad kyis thogs pa med pa yin/ sangs rgyas kyi chos thams cad kyi rjes su song ba yin te/ kye rgyal ba'i sras dag/ 'di na byang chub sems dpa' rnams kyi dran pa'i gter te brgyad pa'o/ / kye rgyal ba'i sras dag/ de la byang chub sems dpa' rnams kyi rtogs pa'i gter gang zhe na/ kye rgyal ba'i sras dag/ 'di sa byang chub sems dpa' rtogs pa dang ldan pa yin te/ de yang yi ge de bzhin gzhan ma yin pas mdo'i tshul gyi chos ston to// de ni tshe'i rgyud gcig pa yang yongs su 'dzin to// tshe'i rgyud brjod du med pa'i yang brjod du med pa'i bar du yongs su 'dzin to/ / sangs rgyas kyi mtshan gcig kyang yongs su 'dzin to// sangs rgyas kyi mtshan brjod du med pa'i yang brjod du med pa'i bar du yang yongs su 'dzin to// bskal

  232. 117a

    pa grangs med pa bstan pa gcig kyang yongs su 'dzin to/ / bskal pa grangs med pa bstan pa brjod du med pa'i yang brjod du med pa'i bar du yang yongs su 'dzin to// de bzhin gshegs pas lung bstan pa brjod pa gcig kyang yongs su 'dzin to/ / de bzhin gshegs par lung bstan par brjod pa brjod du med pa'i yang brjod du med pa'i bar du yang yongs su 'dzin to// mdo gcig kyang yongs su 'dzin to/ / mdo brjod du med pa'i yang brjod du med pa'i bar du yang yongs su 'dzin to// 'dus pa gcig kyang yongs su 'dzin to// 'dus pa brjod du med pa'i yang brjod du med pa'i bar du yang yongs su 'dzin to// chos kyi mtshams sbyar ba gcig kyang yongs su 'dzin to// chos kyi mtshams sbyar ba brjod du med pa'i yang brjod du med pa'i bar du yang yongs su 'dzin to// dbang po rnam pa tha dad pa sna tshogs gcig kyang yongs su 'dzin to/ / dbang po rnam pa tha dad pa sna tshogs brjod du med pa'i yang brjod du med pa'i bar du yang yongs su 'dzin to// nyon mongs pa sna tshogs gcig kyang yongs su 'dzin to// nyon mongs pa sna tshogs brjod du med pa'i yang brjod du med pa'i bar du yang yongs su 'dzin to/ / ting nge 'dzin sna tshogs gcig kyang yongs su 'dzin to// ting nge 'dzin sna tshogs brjod du med pa'i yang brjod du med pa'i bar du yang yongs su 'dzin to// kye rgyal ba'i sras dag/ 'di ni byang chub sems dpa' sems dpa' chen po rnams kyi rtogs pa'i gter yin te/ mi zad pa/ kun tu mtha' yas pa/ dgang dka' ba/ gting rnyed par dka' ba/ bsgrub par dka' ba

  233. 117b

    mi 'phrogs pa/ thug pa med pa/ bdag nyid che ba'i sangs rgyas kyi stsal gyi rjes su song ba ste/ 'di ni gter dgu pa'o// kye rgyal ba'i sras dag/ de la byang chub sems dpa' rnams kyi blo gros kyi gter gang zhe na/ kye rgyal ba'i sras dag/ 'di la byang chub sems dpa' yang dag par rtogs par byed pa'i rtog pa dang ldan zhing blo gros dang ldan pa yin te/ mdo sde thams cad dang mi 'gal bas de chos ston pa'i tshe/ dngos po yongs su ldog pa gcig kyang brtsams te chos ston pa nas/ dngos po yongs su ldog pa brjod du med pa'i yang brjod du med pa'i bar du yang chos ston to// sangs rgyas kyi mtshan gcig nas/ tshul de bzhin du brjod du med pa'i yang brjod du med pa'i bar dang / 'jig rten gyi khams gcig dang / sangs rgyas su lung bstan pa gcig dang / mdo gcig dang / 'khor 'dus pa gcig dang / chos kyi mtshams sbyar ba gcig dang / dbang po rnam pa tha dad pa sna tshogs gcig dang / nyon mongs pa sna tshogs gcig dang / ting nge 'dzin sna tshogs gcig kyang brtsams te chos ston pa nas/ ting nge 'dzin sna tshogs brjod du med pa'i yang brjod du med pa'i bar du brtsams te chos ston to/ / nyi ma gcig kyang zad par byed cing chos ston pa nas/ zla ba phyed dang / zla ba gcig dang / logacig dang / lo brgya dang / lo stong dang / lo brgya phrag stong dang / bskal pa dang / bskal pa brgya dang / bskal pa stong dang / bskal pa brgya phrag stong dang / bskal pa bye ba khrag khrig brgya phrag stong dang / bskal pa tshad med pa dang / bsam gyis mi khyab pa dang / bskal pa dpag tu

  234. 118a

    med pa dang / grangs med pa dang / mtshungs pa med pa dang / kun tu mtha' yas pa dang / mu med pa dang / sa mtshams med pa dang / gzhal du med pa dang / brjod du med pa dag kyang zad par byed cing chos ston na/ tshig dang yi ge gcig brtsams kyang don dang / tshig dang / yi ge'i mthar zug pa med de/ de ci'i phyir zhe na/ de ni 'di ltar byang chub sems dpas byang chub sems dpa'i gter bcu rab tu thob pa'i phyir te/ gter de dag thob pas gzungs kyi snying po'i sgo chos thams cad la yang dag par gzhol ba zhes bya ba/ gzungs brgya stong grangs med pa'i 'khor thams cad mngon du 'gyur te/ de gzungs kyi 'khor brgya stong grangs med pa ston par byed do// chos snang ba shin tu bstan pa thob pas sems can thams cad la chos ston to// chos kyi sgo snang ba'i chos can lce yangs pas 'jig rten gyi khams thams cad du mngon par go bar byed pa dang / dbyangs kyi yan lag la mkhas pas 'gro ba thams cad tshim par byed pa dang / dbang po ji lta ba bzhin du mgu bar byed pa dang / nyon mongs pa dang kun nas 'khor la thams cad rnam par bzlog pa dang / sgra dang tshig rnam pa tha dad pa thams cad la rab tu zhugs pa dang / yi ge thams cad kyi spobs pas ston pa'i rjes su song ba dang / sems can thams cad kyi sa bon grung po yongs su shes pa'i bsam pa can du byed pas chos ston te/ thogs par mi byed do// skyo bar mi 'gyur ro// de ci'i phyir zhe na/ de ni 'di ltar byang chub sems dpas nam mkha'i khams dang chos kyi dbyings mtha'

  235. 118b

    dang dbus med pa rgyas par byed pa'i lus rab tu thob pa'i phyir te/ kye rgyal ba'i sras dag/ 'di ni byang chub sems dpa'i gter bcus blo gros mi zad pa/ thug pa med pa/ 'dres pa med pa/ rnam par mi chod pa/ rgyun gcad par mi nus pa/ phyir mi ldog pa/ gting rnyed par dka' ba/ ring du gyur pa/ sgo kun dang ldan pa/ sangs rgyas thams cad kyi chos la zhugs pa'o// kye rgyal ba'i sras dag/ bcu po de dag ni byang chub sems dpa' rnams kyi gter te/ mi zad pa'i rnam pa bcus mi zad pa yin no// bla na med pa yin no// mthar rdzogs pa'i sangs rgyas su 'gyur ba yin no// bcu gang zhe na/ sems can thams cad kyi nye bar 'tsho ba dang / sngon gyi smon lam legs par yongs su bsngos pa dang / bskal pa thams cad kyi grangs gcad du med pa dang / nam mkha'i dbyings dang mnyam pa nyid du khong du chud pa'i phyir/ sems can tshad med pa dang 'dus byas kyis ma gos pa'i phyir/ 'dus ma byas la yongs su bsngos pa dang / de ma thag gi yul du gyur pas chos thams cad zad mi shes pa dang / smon lam chen po tha dad pa med pa dang / spyod pa la gnas pa'i stobs shin tu 'dzin pa dang / sangs rgyas thams cad kyis yongs su bzung ba dang / chos thams cad sgyu ma lta bur 'jug pa mtha' dang dbus med pa la zhugs pa ste/ mi zad pa'i rnam pa bcu po 'di dag gis 'jig rten kyigyi bya ba thams cad kyi mthar phyin pa zad mi shes pa'i gter chen por 'gyur ro/ / shin tu rgyas pa chen po'i mdo sangs rgyas phal po che zhes bya ba las/ gter mi zad pa bcu bstan pa'i le'u nyi shu bdun pa'o//

  236. 119a

    shin tu rgyas pa chen po'i mdo bam po nyi shu dgu pa/ de nas sangs rgyas kyi mthus shar phyogs kyi 'jig rten gyi khams thams cad dang / de bzhin du lho phyogs dang nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs kyi 'jig rten gyi khams thams cad na yang gling bzhi pa 'di la sogs pa/ gling re re na yang de bzhin gshegs pa rnams bzhugs par snang ngo // byang chub sems dpa' de dag kyang de bzhin gshegs pa'i byin gyis brlabs kyis chos ston to/ / de bzhin gshegs pa'i zhabs kyi drung na yang 'khod par shes so// bcom ldan 'das kyis kyang rdzu 'phrul mngon par 'du mdzad pa de phyir ma brtul/ byang chub kyi shing drung yang phyir ma brtul/ ri rab kyi rtse mo yang phyir ma brtul bar/ rab mtshe ma'i gnas nas dga' ldan gyi gnas kyi lha'i rgyal po rab dga' ldan gyi khang pa rin po che'i rgyan ces bya ba gang na ba der gshegs par snang ngo / / ji ltar gling bzhi pa 'di na bcom ldan 'das dga' ldan gyi gnas su gshegs par snang ba de bzhin du/ 'jig rten gyi khams thams cad kyi gling bzhi pa dag na yang bcom ldan 'das dga' ldan gyi gnas su gshegs par snang ste/ byin gyis brlabs lA ma de dag kyang ma 'khrugs par snang ngo // de nas lha'i rgyal po rab dga' ldan gyis rgyang ma nas/ bcom ldan 'das khang pa rin po che thams

  237. 119b

    cad kyis brgyan par gshegs pa mthong nas/ rings pa'i gzugs su khang pa rin po che thams cad kyis brgyan pa'i nang du de bzhin gshegs pa'i seng ge'i gdan nor bu rin po che las byas pa/ lnga rdzas kyi rin po che'i rgyu las bsgrubs pa/ dge ba'i rtsa ba thams cad kyi rgyu las yongs su grub pa/ de bzhin gshegs pa'i byin gyis brlabs kyis byung ba/ dge ba'i rtsa ba bye ba khrag khrig brgya stong grangs med pa mang pos byung ba/ sangs rgyas thams cad las byung ba'i chos dkar po las byung ba/ bsod nams kyi stobs mtha' yas pa sna tshogs thams cad dang ldan pa/ kha na ma tho ba med pa'i rnam par smin pa thams cad kyis rnam par dag pa mi mthun pa med pa'i 'jig rten las 'das pa'i chos kyis byung ba/ dgos pa med pa 'gro ba thams cad du byung ba/ zug pa med pa/ 'gro ba thams cad kyis blta na sdug pa 'og re bye ba brgya stong phrag bcus brgyan pa/ gser gyi dra ba bye ba brgya stong phrag bcu kun tu bres pa/ me tog gi bla re bye ba brgya stong phrag bcu kun nas bres pa/ 'phreng ba'i bla re bye ba brgya stong phrag bcu kun nas lding ba/ spos kyi bla re bye ba brgya stong phrag bcus spos kun tu 'thul bar sbyar ba/ rin po che'i bla re bye ba brgya stong phrag bcu steng nas bkab pa/ me tog gi gdugs bye ba brgya stong phrag bcu kun nas bsgreng ba/ rin po che'i gdugs bye ba brgya stong phrag bcus kun nas bkab pa/ gdan bye ba khrag khrig brgya stong mngon par gting ba/ rin po che'i pu shu bye ba brgya stong phrag bcu rgyan du bsgrubs pa/ nor bu'i dra ba bye ba brgya stong phrag bcu

  238. 120a

    shin tu rnam par phye bas g.yog par byas la/ rin po che'i dra ba bye ba brgya stong phrag bcus 'khor kun tu g.yogs pa/ rin po che'i 'phreng ba 'phyang ba'i dra ba bye ba brgya stong phrag bcu shin tu sbyangs pas bkab pa/ lhab lhub kyi dra ba bye ba brgya stong phrag bcus shin tu klubs shing brgyan pa/ gdugs kyi dra ba bye ba brgya stong phrag bcus kun nas khebs par bkab pa/ gos sna tshogs kyi dra ba bye ba brgya stong phrag bcus sna tshogs su g.yog pa/ rin po che'i pad+mo'i dra ma bye ba brgya stong phrag bcu shin tu rgyas par bkram pa/ spos rin po che'i dra ba bye ba brgya stong phrag bcu 'phrul zhing yid du 'ong bar dri zhim pa/ rin po che'i blar chen po'i dra ba bye ba brgya stong phrag bcu'i rgyan chen po rgyas par bres pa/ rin po che'i dril bu'i rgyan gyi bla re bye ba brgya stong phrag bcus yid du 'ong ba'i sgra phyung ba/ tsan dan rin po che'i mdog lta bu'i bla re bye ba brgya stong phrag bcus yid du 'ong bar bkab pa/ rin po che'i me tog sna tshogs kyi bla re bye ba brgya stong phrag bcu me tog shin tu rgyas pa/ gos kha dog mtha' yas pa'i bla re bye ba brgya stong phrag bcus sna tshogs su snang bar bkab pa/ byang chub sems dpa'i bla re bye ba brgya stong phrag bcus sna tshogs su kun nas bkab pa/ gdugs kyi bla re kha dog rnam pa sna tshogs bye ba brgya stong phrag bcus rab tu g.yogs shing rnam pa sna tshogs su snang ba/ / gser gyi bla re bye ba brgya stong phrag bcus yid du 'ong bar bkab cing rnam par dag par byas pa/ bai DUR+Ya'i bla re bye ba brgya stong phrag bcus lha rdzas dri ma med cing shin tu dag par byas pa/ snying po sna tshogs

  239. 120b

    can gyi bla re bye ba brgya stong phrag bcus rnam pa sna tshogs kyis bla rer btab pa/ rin po che thams cad kyi bla re bye ba brgya stong phrag bcu'i nor bu rin po che bzang pos shin tu mdzes shing khebs par bkab pa rin po che'i rgyan bye ba brgya stong phrag bcus phyogs thams cad bkab pa/ rin po che'i gzugs brnyan gyi bla re bye ba brgya stong phrag bcus shin tu rnam par phye zhing mdzes par brgyan pa/ rin po che'i 'phreng ba brgya stong phrag bcus 'phreng ba kun tu 'brel bar brgyan pa/ spos kyi 'phreng ba bye ba brgya stong phrag bcus mchod pa la tshul dang 'thun pa'i spos kyis dri zhim par byas pa/ lha la mchog tu bya ba'i spos dang gdug spos bye ba khrag khrig brgya stong phrag bcus kha dog mtha' yas pa dang dri zhim por gtul ba'i mchod pa can/ lha la mchog tu bya ba'i lhab lhub kyi rgyud bye ba brgya stong phrag bcu mngon par klubs shing dag par byas pa rin po che'i me tog gi 'phreng ba bye ba brgya stong phrag bcus rin po che thams cad kyi rgyud du mdzes par byas pa/ dpal gyi snying po'i 'phreng ba bye ba brgya stong phrag bcus rin po che sna tshogs su brgyan pa/ nor bu rin po che sna tshogs kyi 'phreng ba bye ba brgya stong phrag bcus rin po che thams cad kyi rgyan du rnam par dag pa/ nor bu rin po che rgya mtsho'i rgyan gyi 'phreng ba bye ba brgya stong phrag bcus gdan gyi snying po shin tu brgyan pa/ dbang po'i rdo rje bye ba brgya stong phrag bcus shin tu spras pa/ rin po che'i snam bu bye ba brgya stong phrag bcu kun tu sbyangs pa/ 'jig rten mtha' yas pa'i dbang po'i nor bu rin po che bye ba brgya stong phrag bcus shin tu bzang

  240. 121a

    par brgyan pa/ gser gyi snying po bye ba brgya stong phrag bcus shin tu bsgrubs shing dag par byas pa/ nor bu rin po che rnam par snang ba bye ba brgya stong phrag bcus rdul med par snang bar byas pa nor bu rin po che brgya byin mngon par chags pa bye ba brgya stong phrag bcus snying po mtha' yas pa snang bar brgyan pa/ nor bu rin po che dpa' ba'i rgyal mtshan bye ba brgya stong phrag bcus shin tu 'bar bar bsgrubs pa/ nor bu rin po che brgya byin snang ba'i 'od zer bye ba brgya stong phrag bcus 'od zer snang bar byas pa/ nor bu rin po che lha las mchog tu bya ba bye ba brgya stong phrag bcus skar khung gi shar bu mdzes par bres pa/ nor bu rin po che bsod nams kyis dag pa bye ba brgya stong phrag bcus kha dog gsal bar gyur pa/ dngul gyi rta babs bye ba brgya stong phrag bcus bres pa/ snying po dkar po rab tu rnam par phye ba 'gro ba rgya mtsho'i zla gam bye ba brgya stong phrag bcus sgrubs shin tu bsgrubs pa/ nor bu rin po che dri ma med pa bye ba brgya stong phrag bcus blta na mdzes par shin tu brgyan pa/ nor bu rin po che sems kyi rgyal po bya ba brgya stong phrag bcus 'dab chags yid du 'ong zhing dga' bar kun tu brgyan pa/ nor bu rin po che seng ge'i gdong bye ba brgya stong phrag bye ba brgya stong phrag bcus shin tu spras pa'i mchod pa dang ldan pa/ nor bu rin po c he 'dzam bu'i rgyal mtshan bye ba brgya stong phrag bcus mthu brtan par shin tu brtan pa nor bu rin po che snying po dag pa bye ba brgya stong phrag bcus rnam par snang zhing mdzes par byas pa nor bu rin po che dbang po'i rgyal

  241. 121b

    mtshan bye ba brgya stong phrag bcus snang ba'i gdugs su bres pa/ nor bu rin po che dngul gyi snying po bye ba brgya stong phrag bcus nang rnam pa sna tshogs su bkram pa/ nor bu rin po che ri rab kyi rgyal mtshan bye ba brgya stong phrag bcus snying po shin tu brgyan pa/ mu tig gi 'phreng ba bye ba brgya stong phrag bcus kha dog mdzes par bres pa/ bai DUR+Ya'i 'phreng ba bye ba brgya stong phrag bcus dra bar bres pa/ mu tig dmar po'i 'phreng ba bye ba brgya stong phrag bcus rnam pa sna tshogs su rnam par phye ba/ nor bu yid du 'ong ba'i 'phreng ba bye ba brgya stong phrag bcu rnam pa sna tshogs su bkod pa/ rin po che shin tu snang ba'i 'phreng ba bye ba brgya stong phrag bcus shin tu rnam par phye zhing rab tu bzung ba/ rin po che 'bru sna tshogs kyi 'phreng ba bye ba brgya stong phrag bcus lus shi tu brgyan pa/ mu tig dmar po'i 'phreng ba bye ba phrag bcus yid du 'ong bar snang ba/ nor bu rin po che kha dog du ma'i 'phreng ba bye ba brgya stong phrag bcus snying po kha dog sna tshogs shing kha dog mtha' yas pa'i mthar phyir pa/ dga' bar byed pa'i 'phreng ba bye ba khrag khrig brgya stong phrag bcus dag par spangs pa nor bu rin po che dpal gyi 'od zer gyi 'phreng ba bye ba brgya stong phrag bcus dpal chen po rab tu 'thob pa thob par gyur pa/ nor bu'i gzugs bye ba brgya stong phrag bcus phyogs shin tu sba bar brgyan pa/ rin po dbang po'i kha dog bye ba brgya stong phrag bcu lag nas yongs su 'dzin pa/ dus dang 'thun pa'i can ngan bye ba brgya stong phrag bcus 'jig rten gyi khams thams cad du dri zhim pos rgyas par byas pa/ rim gro byad ba'i

  242. 122a

    mi'i tshogs bye ba brgya stong phrag bcus sangs rgyas kyi zhing thams cad du rjes su song ba/ spos bye ba brgya stong phrag bcus kun tu rgyas pa gzhan gyis 'pham pa med pa'i spos bye ba ba stong phrag bcu'i dri kun tu rgyas pa/ spos kyi gzugs bye ba brgya stong phrag bcu'i dri kun tu 'byung ba/ yid du 'ong ba'i spos bye ba brgya stong phrag bcu'i dri rab tu 'byung ba/ snang ba ston pa'i spos bye ba brgya stong phrag bcu'i dris 'gro ba kun tu gang ba/ dri sna tshogs kha dog mtha' yas pa bye ba brgya stong phrag bcus sangs rgyas kyi zhing thams cad du phyir mi ldog par zhim pa/ byug pa bye ba brgya stong phrag bcus shin tu byaH pa/ tsan dan rnam pa tha dad pa'i spos bye ba brgya stong phrag bcus tshon du bskus shing mdzes pa/ spos rnam pa tha dad la bye ba brgya stong phrag bcus dri zhim por shin tu bsgos pa/ a ka ru nag po pad+ma'i snying po bye ba stong phrag bcu'i sprin gyis snying por byas pa/ bdug spos bye ba brgya stong phrag bcus shin tu bdugs shing yog pa/ bdug spos kyi 'od zer bye ba brgya stong phrag bcu dbang po zhi bar zhim pa/ spos kun tu rgyu ba bye babargya stong phrag bcu yid du 'ong bar zhim pa/ spos kyi 'od zer bye ba brgya stong phrag bcus ro thams cad du bdugs shing dri zhim pa/ spos rnam par tshor bar byed pa'i dam pa bye ba brgya stong phrag bcus dbang po mi 'khrugs par spos thams cad kyi mchod par bya ba/ spos kyi rgyal po gzhal du med pa bye ba brgya stong phrag bcus spos kyi gzugs rnam pa sna tshogs su shin tu brgyan pa/ lha rdzas kyi me tog gi sprin gyi char

  243. 122b

    bye ba brgya stong phrag bcu mngon par 'bab pa/ lha rdzas kyi spos kyi sprin bye ba brgya stong khrag bcu mngon par 'bab pa/ lha rdzas kyi phye ma'i sprin gyi char bye ba brgya stong phrag bcu mngon par 'bab pa/ lha rdzas kyi pad+mo'i sprin gyi char bye ba brgya stong phrag bcu mngon par 'bab pa/ lha rdzas kyi rin po che'i me tog gi sprin gyi char bye ba brgya stong phrag bcu'i char mngon par 'bab pa/ lha rdzas kyi ut+pa la'i sprin gyi char bye ba brgya stong phrag bcu kun tu yog par 'bab pa/ lha rdzas kyi rin po che'i me tog gi char bye ba brgya stong phrag bcu rab tu 'bab pa/ lha rdzas kyi me tog put+tA ri ka'i sprin gyi char bye ba brgya stong phrag bcu shin tu 'bab pa/ lha rdzas kyi me tog man da ra ba'i sprin gyi char bye ba brgya stong phrag bcu'i tshogs chen po rab tu 'bab pa/ lha rdzas kyi me tog thams cad kyi sprin gyi char bye ba brgya stong phrag bcu rgyun du 'bab pa/ na bza'i sprin bye ba brgya stong phrag bcus par snang kha dog sna tshogs su gyur pa/ nor bu rin po che'i sprin gyi chang bye ba ho phrag bcu kun tu snang bar 'bab pa/ gdugs kyi sprin gyi char bye ba brgya stong phrag bcu kun nas yog par 'bab pa/ ba dan gyi sprin gyi char bye ba brgya stong phrag bcu kha dog sna tshogs du mar 'bab pa/ lha rdzas kyi cod pan gyi sprin gyi char bye ba brgya stong phrag bcu sna tshogs su 'bab pa/ lhab lhub kyi sprin gyi char bye ba brgya stong khrag bcu shin tu klubs par 'bab pa/ lha rdzas kyi rin po che'i sprin gyi char bye ba brgya stong phrag bcu kha dog sna tshogs su 'bab pa/ lha rdzas kyi rin po che'i se mo'i ngo'i sprin gyi char bye ba brgya stong khrag bcu rgyan chen

  244. 123a

    por 'bab pa/ lha rdzas kyi tsan dan gyi sprin gyi char bye ba brgya stong phrag cu tsan dan rnam pa sna tshogs kyi kha dog rnam pa du mar 'bab pa/ lha rdzas kyi a ka ru dang tsan dan gyi sprin gyi char bye ba brgya stong phrag bcu shin tu yog par 'thul zhing 'bab pa/ rin po che'i rgyal mtshan bye ba brgya stong phrag bcu shin tu bsgreng ba/ rin po che'i ba dan bye ba brgya stong phrag bcu shin tu spangs pa/ snam bu rin po che'i lnga lI bye ba brgya stong phrag bcu shin tu bres pa/ spos kyi snod bye ba brgya stong phrag bcu nas shin tu 'thul ba/ rin po che'i 'phreng ba'i chun po bye ba brgya stong phrag bcu kun tu sbyangs pa/ rin po che'i sil snyan bye ba brgya stong phrag bcu shin tu 'khrol zhing 'dzin pa/ lha rdzas kyi rdul yab bye ba brgya stong phrag bcu rnam par rlob cing 'dzin pa/ rin po che'i dril bu'i dra ba bye ba brgya stong phrag bcu shin tu 'khrol ba/ rin po che'i stegs bu bye ba brgya stong phrag bcus kun nas bskor ba/ rin po che'i shing ta la'i 'phreng ba bye ba brgya stong phrag bcu kun nas 'greng ba/ rin po che'i 'phreng ba bye ba brgya stong phrag bcus lnga ldir brgyan pa/ rin po'i shing bye ba brgya stong phrag bcu kun nas yog cing 'khor ba/ khang pa brtsegs pa rin po che'i rgyan can bye ba brgya stong phrag bcus nang gi rgyan du krigs pa/ rin po che'i khang bu bye ba brgya stong gi sgo la rin po che thams cad kyi 'phreng ba bkye ba gser gyi dril bu bye ba brgya stong phrag bcu 'khrol ba'i sgra yid du 'ong bar 'byung ba/ dpal gyi be'u bye ba brgya stong phrag bcu'i 'phreng ba rab tu spungs pas yongs su dag pa/ rin po che'i bkra shis bye ba brgya stong phrag

  245. 123b

    bcu'i mtshan bzang po byung ba/ gser gyi dam pa bye ba brgya stong phrag bcu'i gser gyi lcag pod kyis kun tu blas pa/ rin po che'i gdugs gcig nas gcig brgyud pa bye ba brgya stong phrag bcu rin po che thams cad kyi yu bar bzung ba/ rin po che'i rgyan bye ba brgya stong phrag bcus rin po che'i rgyan gyi dra ba thams cad du rnam par bres pa/ rin po che'i 'od zer bye ba brgya stong phrag bcu 'od zer sna tshogs su rab tu 'phro ba/ snang ba bye ba brgya stong phrag bcus kun tu snang bar byed pa/ 'od zer bye ba brgya stong phrag bcu rab tu 'tsher ba/ nyi ma'i dkyil 'khor gyi snying po bye ba brgya stong phrag bcus gzugs rab tu mdzes shing lus shin tu 'phags pa zla ba'i dkyil 'khor bye ba brgya stong phrag bcus kha dog du mar bsgrubs pa/ spros kyi 'od zer bye ba brgya stong phrag bcu rab rib med par snang ba/ lha rdzas kyi pad+ma'i dam pa bye ba brgya stong phrag bcus rab tu bsgrubs cing snying po shin tu 'phags pa/ rin po che'i dra ba bye ba brgya stong phrag bcus snying po kun nas yog par byas pa/ me tog gi dra ba bye ba brgya stong phrag bcu kun nas rgyas par bkram pa/ spos kyi dra ba bye ba brgya stong phrag bcu'i dri sna tshogs kun nas yog pa/ lha rdzas kyi gdan rin po che bye ba brgya stong phrag bcu mdzes par bting ba/ lha rdzas kyi gos rin po che bye ba brgya stong phrag bcu mdzes par bkram pa/ lha rdzas kyi gos dog sngon po bye ba brgya stong phrag bcu shin tu rgyan par bting ba lha rdzas kyi gos kha dog ser po bye ba brgya stong phrag bcu rgyan chen por bting ba/ lha rdzas kyi gos kha dog dmar po bye ba brgya stong phrag bcu lha'i dga'

  246. 124a

    bar bting ba/ lha rdzas kyi gos kha dog sna tshogs bye ba brgya stong phrag bcu gos kyi rgyan du bting ba/ lha rdzas kyi rin po che sna tshogs kyi gos rnam pa sna tshogs bye ba brgya stong phrag bcu khong legs par bting ba/ spos sna tshogs kyis yongs su bsgos pa'i gos bye ba brgya stong phrag bcu gos bzang por bting ba/ rin po che rmad du byung ba thams cad kyi gos bye ba brgya stong phrag bcus yid du 'ong ba'i rgyan du bting ba/ gos dkar po sna tshogs bye ba brgya stong phrag bcus bla gab tu bkab pa/ lha rdzas kyi dril bu'i rgyal mtshan bye ba brgya stong phrag bcus yid du 'ong ba'i sgra phyung ba/ gser gyi dra ba'i rgyal mtshan bye ba brgya stong phrag bcu sgra shin tu 'byin cing yongs su bzung ba/ lha rdzas kyi snam bu rin po che'i mtshan bye ba brgya stong phrag bcus rgyal mtshan gyi dra ba'i rkyen du brgyan pa/ spos kyi rgyal mtshan bye ba brgya stong phrag bcus spos kyi dra ba thams cad kyi rgyan rnam par dag pa/ lha rdzas kyi me tog gi rgyal mtshan bye ba brgya stong phrag bcu me tog thams cad kyi char du 'bab pa/ lha rdzas kyi gos kyi rgyal mtshan bye ba brgya stong phrag bcus gos thams cad du bskyod pa/ lha rdzas kyi nor bu rin po che'i rgyal mtshan bye ba brgya stong phrag bcus mdzes pa thams cad kyi rgyal mtshan dang ldan par byas pa/ lha rdzas kyi lhab lhub kyi rgyal mtshan bye ba brgya stong phrag bcus lhab lhung thams cad kyi rgyal mtshan rnam pa sna tshogs su gyur pa/ lha rdzas kyi 'phreng ba'i rgyal mtshan bye ba brgya stong phrag bcu phyogs kun nas 'greng ba/ lha rdzas kyi gdugs kyi rgyal mtshan bye ba

  247. 124b

    brgya stong phrag bcu dril bu thams cad 'khrol bas yid du 'ong zhing dga' ba'i sgra phyung ba/ lha rdzas kyi dung bye ba brgya stong phrag bcu'i sgra snyan pa phyung ba/ lha rdzas kyi dbye ba brgya stong phrag bcus rnga chen po'i sgra shin tu phyung ba/ lha rdzas kyi pi wang bye ba brgya stong phrag bcus yid du 'ong zhing 'brel ba'i sgra phyung ba/ lha rdzas kyi kha sbyar ba bye ba brgya stong phrag bcus dbyangs chen por sgra bsgrags pa/ lha rdzas skyil snyan bye ba brgya stong phrag bcu glu dang rol mor sbyar ba dang ldan pa/ lha rdzas kyi rol mo dbyangs kyi dam pa bye ba brgya stong phrag bcu'i sgra yid du 'ong bas sangs rgyas kyi zhing thams cad du mngon par grags par byas pa/ sprul pa'i rol mo bye ba brgya stong phrag bcus 'jig rten gyi khams thams cad sgra brnyan gyi tshogs lta bur shes par byas pa/ lha rdzas kyi rnga bo che bye ba brgya stong phrag bcu shin tu brdungs pa'i sgra phyung ba/ yid kyi rang bzhin gyi lha rdzas kyi rol mo bye ba brgya stong phrag bcus rol mo'i sgra yid du 'ong ba dang glu'i dbyangs snyan pa phyung ba/ lha rdzas kyi rol mor gtogs pa sna tshogs bye ba brgya stong phrag bcus yid dga' ba dang zhi ba'i sgra lhung ba/ tshig gi rim pa yid du 'ong ba bye ba brgya stong phrag bcus bstod cing mchod pa/ bstod pa rgya chen po bye ba brgya stong phrag bcus dga' bar bstod cing mchod pa zab mor bstod pa bye ba brgya stong phrag bcu shin tu bsgoms shing bston pa/ bstod pa sna tshogs bye ba brgya stong phrag bcus las thams cad kyi rnam par smin pa las yongs su byung bar bstod pa/ phra bar bstod pa bye ba brgya stong phrag

  248. 125a

    bcus yang dag pa ji lta ba bzhin du bstod pa/ sngon gyi spyod pas bstod pa bye ba brgya stong phrag bcu mngon par brjod de 'das pas bstod pa/ dge ba'i bstod pa bye ba brgya stong phrag bcus brten cing bstod pa/ sngon gyi sangs rgyas bsnyen bkur ba'i bstod pa bye ba brgya stong phrag bcus rnam par dag par bstod pa/ chos kyi sgo'i bstod pa bye ba brgya stong phrag bcus mngon par byung bar bstod cing 'jig pa med par bstod pa/ bstod pa rnam pa tha dad pa bye ba brgya stong phrag bcus byang chub sems dpa' thams cad kyis mi zad par brjod cing bsngags te bstod pa/ byang chub sems dpa' sa'i glu bye ba brgya stong phrag bcus byang chub sems dpa'i sa thams cad glur brjod cing sbyar ba/ / sangs rgyas kyi yon tan bye ba brgya stong phrag bcus thogs pa med par bstod pa/ sangs rgyas mthong ba'i glu bye ba brgya stong phrag bcu glu'i dbyangs su blangs pa/ chos zab mo'i glu bye ba brgya stong phrag bcus thogs pa med par chos kyi snang ba thams cad glur blangs te sbyar ba/ dbyangs rgya chen po'i glu bye ba brgya stong phrag bcus yid du 'ong ba'i sgrar sangs rgyas kyi zhing thams cad du bsgrags pa/ sems dang bsam pa bye ba brgya stong phrag bcu thogs pa med par glur blangs shing rna ba dang bar byas pa/ khams gsum du gtogs pa'i glu bye ba brgya stong phrag bcus chos thams cad kyi rang bzhin rnam par bstan pa/ dga' bar byed pa'i glu bye ba brgya stong phrag bcu thogs pa med pas dad pa dang rim gro rab tu bskyed pa/ sangs rgyas kyi spyod

  249. 125b

    yul gyi klu bye ba brgya stong phrag bcus chos kyi don thams cad gsal bar brjod cing sgra phyung ba/ gzungs kyi glu bye ba brgya stong phrag bcus chos thams cad kyi tshig rab tu dbye ba la mkhas pa dang de bzhin gshegs pa thams cad kyi gsung gi ldem po ngag rab tu rtogs pa rnam par ston pa/ chos thams cad kyi glu bye ba brgya stong phrag bcus chos thams cad glu dang / rol mo dang / sil snyan gyi sgra phyung ba dang ldan pa byang chub sems dpa' sems dang lo bskyed pa bye ba brgya stong phrag bcu la thams cad mkhyen pa'i sems kyi stobs dang shugs mthong ma thag tu skyed par byed pa/ byang chub sems dpa' las dang po pa bye ba brgya stong phrag bcu'i sems dga' zhing mos par byed pa/ byang chub sems dpa' rnal 'byor la spyod pa bye ba brgya stong phrag bcu'i mos pa rnam par sbyong ba/ byang chub sems dpa' cher skyes pa bye ba brgya stong phrag bcu'i theg pa chen po brtsams pa rgya cher byed pa/ byang chub sems dpa' sbyor ba dang ldan pa bye ba brgya stong phrag bcu'i theg pa chen po brtsams pa/ yongs su rgyas par byed pa byang chub sems dpa' bsam pa dang ldan pa bye ba brgya stong phrag bcu'i byang chub sems dpa'i spyod pa thams cad shin tu sbyor ba/ byang chub sems dpa' phyir mi ldog pa bye ba khrag khrig brgya stong phrag bcu'i byang chub sems dpa' sa thams cad rnam par sbyong ba/ byang chub sems dpa' gzhon nur gyur pa bye ba brgya stong phrag bcu'i byang chub sems dpa'i ting nge 'dzin thams cad 'od snang bar byed pa/ byang chub sems dpa' rgyal

  250. 126a

    tshab bye ba khrag khrig brgya stong phrag bcu sangs rgyas kyi yul bsam gyis mi khyab pa la 'jug par byed pa/ byang chub sems dpa' dbang bskur ba bye ba khrag khrig brgya stong phrag bcu de bzhin gshegs pa'i stobs gzhal du med pa ston pa/ byang chub sems dpa' rdzu 'phrul bye ba khrag khrig brgya stong 'thob pa rnam par 'phrul pa/ byang chub sems dpa'i mos pa bye ba brgya stong phrag bcu sgrub cing sbyong ba/ byang chub sems dpa'i dga' ba bye ba brgya stong phrag bcu shin tu skyed pa/ byang chub sems dpa'i dad pa bye ba brgya stong phrag bcu mi shigs par rab tu gzhog pa/ byang chub sems dpa'i shugs bye ba brgya stong phrag bcu rnam par 'phel bar byed pa/ byang chub sems dpa'i rab tu dga' ba bye ba brgya stong phrag bcu'i chos kyi grags pa rnam par 'phel bar byed pa/ byang chub sems dpa'i chos kyi don bye ba brgya stong phrag bcu'i ye shes gdon mi za ba nges par ston pa/ byang chub sems dpa'i dran pa bye ba brgya stong phrag bcu 'khrug pa med par spyod pa/ byang chub sems dpa'i blo gros bye ba brgya stong phrag bcu'i ye shes gdon mi za ba bskyed pa/ byang chub sems dpa'i rig pa bye ba brgya stong phrag bcu la sangs rgyas kyi chos thams cad 'dzin par byin gyis rlob pa/ byang chub sems dpa'i blo bye ba brgya sto phrag bcu yangs pa'i blo tshad med par ston pa/ byang chub sems dpa'i dad pa bye ba brgya stong phrag bcu rtsa ba brtan par byed pa/ byang chub sems dpa'i gtong ba bye ba brgya stong phrag bcu gtong ba thams

  251. 126b

    cad kyi sbyin pas rnam par sbyong ba/ byang chub sems dpa'i tshul khrims bye ba brgya stong phrag bcu tshad med pa'i tshul khrims kyi pha rol tu phyin par sgrub pa/ byang chub sems dpa'i bzod pa bye ba brgya stong phrag bcu sems 'khrugs pa med pas sangs rgyas kyi chos thams cad la bzod par 'jug pa/ byang chub sems dpa'i brtson 'grus bye ba brgya stong phrag bcu mtha' yas pa'i brtson 'grus su 'byung bar byed pa byang chub sems dpa'i bsam gtan bye ba brgya stong phrag bcu tshad med pa'i bsam gtan rtogs pa'i snang bar byed pa/ byang chub sems dpa'i shes rab kyi pha rol tu phyin pa mngon par bsgrub pa bye ba brgya stong phrag bcu shin tu snang zhing shes par byed pa/ byang chub sems dpa'i smon lam bye ba brgya stong phrag bcu'i 'byung ba rnam par sbyong ba/ byang chub sems dpa'i chos kyi sgo bye ba brgya stong phrag bcu'i ye shes snang ba gsal bar byed pa/ phyogs bcu'i sangs rgyas 'byam klas pa bye ba brgya stong phrag bcu'i chos kyi sgo snang ba/ byin gyis rlob pa phyogs bcu 'byam klas pa bye ba brgya stong phrag bcu'i chos kyi tshul rmongs pa med cing gti mug med par ston pa/ chos kyi 'byung gnas bye ba brgya stong phrag bcu rab tu 'thob par byed pa/ sangs rgyas kyi zhing bye ba brgya stong phrag bcu 'jam klas pa la 'jug par byed pachos kyi lus bye ba brgya stong phrag bcu sangs rgyas kyi zhing thams cad du 'gro bar byed pa/ / de bzhin gshegs pa'i gsung bye ba brgya stong phrag bcu mngon par bsgrub pa rab tu shes par byed pa/ thams cad mkhyen pa nyid kyi tshul bye ba

  252. 127a

    / brgya stong phrag bcu mngon par bsgrub pa'i 'byung gnas su gyur pa/ chos 'byam klas pa bye ba brgya stong phrag bcu'i tshogs rab tu sgrub pa chos kyi ye shes bye ba brgya stong khrag bcu'i sangs rgyas kyi chos thams cad mthong ba la rgyal mtshan du gyur pa/ de bzhin gshegs pa'i yul bye ba brgya stong phrag bcu yang dag par ston pa'i spyod yul can/ lha'i dbang po bye ba brgya stong phrag bcu mngon par dga' ba'i lus can/ klu'i dbang po bye ba brgya stong phrag bcu mi skyo bar lta ba/ gnod sbyin gyi dbang po bye ba brgya stong phrag bcu thal mo sbyor zhing spyi bo la gzhog pa/ dri za'i dbang po bya ba brgya stong phrag bcu mi ngoms par mos pas ldang ba/ lha ma yin gyi dbang po bye ba brgya stong phrag bcu nga rgyal gyi yid yongs su chad pa/ nam mkha'i lding gi dbang po bye ba brgya stong phrag bcu'i kha nas dar shin tu sbyangs pa/ mi 'am ci'i dbang bopo bye ba brgya stong phrag bcu sems rab tu dga' ba/ lto 'phye chen po'i dbang po bye ba brgya stong phrag bcus dga' ba'i yid du blta ba/ tshangs pa'i dbang po bye ba brgya stong phrag bcu zhe sam phu dung du gnas pa/ 'jig rten gyi dbang po bye ba brgya stong phrag bcu'i spyi bo dang lus kyis btud pa/ lha'i rgyal po brgya byin la sogs pa bye ba brgya stong phrag bcus shin tu blta ba/ rab mche ma'i lha'i rgyal po la sogs pa bye ba brgya stong phrag bcus dga' ba chen po'i sgra phyung ba/ rab dga' ldan gyi lha'i rgyal po la sogs pa bye ba brgya stong phrag bcus rab tu gdud pa/ rab 'phrul dga'i lha'i rgyal po la sogs pa bye ba brgya stong phrag

  253. 127b

    bcus phyag bya ba/ dbang byed kyi lha'i rgyal po la sogs pa bye ba brgya stong phrag bcus thal mo sbyar ba/ tshangs pa bye ba brgya stong phrag bcus blta ba/ dbang phyug chen po bye ba brgya stong phrag bcus mngon par brjod pa/ byang chub sems dpa' bye ba brgya stong phrag bcus mngon par bstod pa/ lha'i bu mo bye ba brgya stong phrag bcus shin tu mchod pa/ smon lam gyi lha'i bu bye ba brgya stong phrag bcu mngon par dga' ba/ sngon 'grogs pa'i lha bye ba brgya stong phrag bcus sgra phyung ba/ tshangs ris kyi lha'i bu bye ba brgya stong phrag bcus lus thams cad kyis phyag bya ba/ tshangs lha nye phan gyi lha bye ba brgya stong phrag bcus spyi bos gdud pa/ tshangs pa kun ris kyi lha bye ba brgya stong phrag bcus bskor ba byas pa/ tshangs pa chen po bye ba brgya stong phrag bcus yon tan mtha' yas pa'i mthar phyin pa brgya phrag stong gis shin tu bstod pa'i sgra phyung ba/ / kun snang dang ba'i lha bye ba brgya stong phrag bcu 'khor lngas phyag bya ba/ 'od chung gi lha bye ba brgya stong phrag bcus sangs rgyas skye ba shin tu dkon pa'i sgra ba sgrags pa/ tshad med 'od kyi lha bye ba brgya stong phrag bcus sangs rgyas legs par gshegs so zhes phyag bya ba/ kun snang dang ba'i lha bye ba brgya stong phrag bcus shin tu bstod cing mthong bar dka' ba'i sgra phyung ba/ dge ba'i lha bye ba brgya stong phrag bcu gzhal med khang dang ba can du 'phags pa/ 'od chung gi lha bye ba brgya stong phrag bcus

  254. 128a

    sems dang ba'i lus kyis mngon par gdung pa/ tshad med dge ba'i lha bye ba brgya stong phrag bcus sangs rgyas mthong bar mos shing rang gi lus kyis gdung pa/ dge ris kyi lnga bye ba brgya stong phrag bcus mchod pa dang rim gror bya ba/ che ba'i lha bye ba brgya stong phrag bcus dge ba'i rtsa ba rjes su dran par bya ba/ chung che'i lha bye ba brgya stong phrag bcus de bzhin gshegs pa che ba'i 'du shes rab tu skyes shing lta ba/ tshad med che ba'i lha bye ba brgya stong phrag bcus dge ba'i chos rtogs shing rim gro cher bya ba/ 'bras bu che ba'i lha bye ba brgya stong phrag bcus lus shin tu 'dud pa/ mi che ba'i lha bye ba brgya stong phrag bcus dad pa'i rtsa ba brtan par byas te mngon par brjod cing lus gdung pa/ mi dros pa'i lha bye ba brgya stong phrag bcus sangs rgyas kyi spyan snga nas thal mo sbyar zhing ngoms mi shes par blta ba/ gya nom snang ba'i lha bye ba brgya stong phrag bcus mngon par bltas te lus gdung la/ shin tu mthong ba'i lha bye ba brgya stong phrag bcus sangs rgyas kyi bstan pa la ngoms mi shes par lus dbul ba/ 'og min gyi lha bye ba brgya stong phrag bcus spyi bos gdud cing mchod pa/ lha sna tshogs bye ba brgya stong phrag bcus dga' ba chen pos snang ba'i sgra phyung ba/ lha bye ba brgya stong phrag bcus shin tu bsams shing bsgrubs te brgyan pa/ lha'i byang chub sems dpa' bye ba brgya stong phrag bcus sangs rgyas kyi gdan bsgrubs pa la byin gyi rlabs rgyun mi gcad pa/ lha'i byang chub sems dpa'

  255. 128b

    chen po bye ba brgya stong phrag bcu me tog thogs pa dang / spos thogs pa dang / 'phreng ba thogs pa dang / phye ma thogs pa dang / byug pa thogs pa dang / na bza' thogs pa dang / gdugs thogs pa dang / rgyal mtshan thogs pa dang / ba dan thogs pa dang / rin po che thogs pa dang / phyang phrul thogs pa dang / lha ba lhub thogs pas mngon par gtor cing char du phab ste rab tu dge ba/ lha/ bye ba brgya stong phrag bcus lha'i khyim mngon par 'phags pa gcig nas gcig tu brgyud pa'i pha rol tu phyin par bya ba/ lha'i gzhal me khang bye ba brgya stong phrag bcu'i lha'i bus dad par bsu ba lha'i bu btsun pa bye ba brgya stong phrag bcus lhun shin tu bzung ba/ dbang bskur ba'i lha'i bye ba brgya stong phrag bcus lhun kun nas bzung ba/ byang chub sems dpa'i sems bye ba brgya stong phrag bcus legs par sems shing spyod pa/ byang chub sems dpa' brtson pa'i sems bskyed pa bye ba brgya stong phrag bcu yid dga' bar byed pa/ byang chub sems dpa'i dbang po bye ba brgya stong phrag bcu rab tu sim par byed pa/ byang chub sems dpa' lhag pa'i bsam pa bye ba brgya stong phrag bcu yongs su dag par byed pa/ byang chub sems dpa' mos pa bye ba brgya stong phrag bcu rnam par dag par byed pa/ byang chub sems dpa'i las bye ba brgya stong phrag bcu yang dag par sbyong ba/ byang chub sems dpa'i skyes pa'i rabs bye ba brgya stong phrag bcu rab tu ston par byed pa

  256. 129a

    byang chub sems dpa'i chos kyi sgo bye ba brgya stong phrag bsu rab tu snang bar byed pa/ byang chub sems dpa' sa bye ba brgya stong phrag bcu rab tu sgrub pa/ byang chub sems dpa' ris bye ba brgya stong phrag bcu yongs su smin par 'dul ba/ dge ba'i rtsa ba bye ba brgya stong phrag bcus yang dag par byung ba/ sangs rgyas bye ba brgya stong phrag bcus byin gyis brlab pa/ bsod nams bye ba brgya stong phrag bcus yongs su grub pa/ lhag pa'i bsam pa bye ba brgya stong phrag bcus yongs su sbyangs pa/ smon lam bye ba brgya stong phrag bcus shin tu dag par byas pa spyod la bye ba brgya stong phrag bcus yang dag par skyes pa/ chos bye ba brgya stong phrag bcus nye bar brtan pa/ rnam par 'phrul pa bye ba brgya stong phrag bcu rjes su song ba/ yon tan bye ba brgya stong phrag bcus shin tu 'phags pa bshams so/ / // shin tu rgyas pa chen po'i mdo bam po sum cu pa// ji ltar gling bzhi pa chen po 'di'i dga' ldan gyi gnas su lha'i dbang po rab dga' ldan gyis khang pa rin po che thams cad kyi rgyan can du/ de bzhin gshegs pa'i gdan bting bar gyur pa de bzhin du/ 'jig rten gyi khams thams cad kyi gling bzhi pa chen dag na yang dga' ldan gyi gnas dag tu lha'i rgyal po rab dga' ldan dag gis khang pa rin po che thams cad kyi rgyan can dag tu rgyan 'di lta bu dang / tshul 'di lta bu dang / dad pa 'di lta bu dang / mos pa 'di lta bu dang /

  257. 129b

    dga' ba 'di lta bu dang / rab tu dga' ba 'di lta bu dang / zhes 'di lta bu dang / rim gro 'di lta bu dang / spro ba 'di lta bu dang / nye bar sems pa 'di lta bus// de bzhin gshegs pa'i gdan bting bar gyur to/ / de nas lha'i rgyal po rab dga' ldan gyis bcom ldan 'das kyi gdan bting nas/ zhes can rim gro dang bcas par dga' ldan gyi ris su gtogs pa'i lha'i bu bye ba brgya stong phrag bcu dang lhan cig tu dong ste/ bcom ldan 'das bsu nas/ me tog yon tan grangs med pa'i sprin gyi char ni rab tu phab/ spos yon tan bsam gyis mi khyab pa'i char ni shin tu phab/ 'phreng ba yon tan sna tshogs dang ldan pa'i sprin ni rab tu bkye/ tsan dan shin tu dag pa'i sprin yangs pa ni rab tu bkye/ gdugs rnam pa sna tshogs kyi sprin gyi char ni rab tu phab/ lha rdzas kyi gos rab tu phra ba'i sprin ni rab tu bkye/ rin po che yid du 'ong ba mtha' yas pa thams cad kyi sprin gyi char ni rab tu phab/ sems shin tu dang bas lha rdzas kyi lhab lhub dang phyang phul gyi sprin gyi char ni rab tu phab/ bdug spos rnam pa du ma'i sprin gyis ni kun tu bdugs/ lha rdzas kyi tsan dan gyi phye ma dang / a ka ru'i phye ma dang / spos kyi dam pa thams cad kyi phye ma'i sprin gyi char ni rab tu phab/ lha'i bu mtha' yas pas kyang rang rang gi lus kyi sprin shin tu bkye/ dga' ldan gyi ris su gtogs pa'i lha'i bu bye ba brgya stong phrag bcu dang / de ma yin pa'i lha'i ris nas 'dus pa'i lha'i bu rnams kyis kyang sems shin tu dang bas zhes

  258. 130a

    rab tu bskyed nas shin tu btud de phyag 'tshal lo/ / lha'i bu mo grangs med pa dag kyang dga' zhing mos pa'i sems kyis bcom ldan 'das la rab tu sems so// byang chub sems dpa' dga' ldan gyi gnas na spyod pa grangs med pa rnams kyang bar snang la gnas te/ sangs rgyas la mchod par brtson pa'i sems kyis lha rdzas las 'das pa'i mchod pas/ bcom ldan 'das la mchod pa byed do/ / rim gro byed do// phyag 'tshal lo// de'i tshe sangs rgyas kyi byin gyis brlabs dang / sangs rgyas kyi sngon gyi dge ba'i rtsa ba'i rgyu 'thun pa dang / de bzhin gshegs pa'i cho 'phrul bsam gyis mi khyab pas rol mo dkrol ba dang brdung ba'i tshogs grangs med pa yang sgra 'byin par gyur to/ / lha'i bu dga' ldan gyi gnas na 'khod pa rnams dang / lha'i bu mo rnams kyang bcom ldan 'das la ni blta/ de bzhin gshegs pa 'byung ba shin tu dkon par ni rjes su sems shing / yang dag par rdzogs pa'i sangs rgyas ni rnam pa'i mchog thams cad dang ldan pa/ sgrib pa med pa'i chos can no zhes yang dag par blta zhing de logs su mngon par blta bar gyur to/ / dga' ldan gyi gnas na 'khod pa'i 'khor thams cad dang / lha bye ba brgya stong grangs med pa bcom ldan 'das ngasu ba'i phyir rin po che thams cad kyi me tog gi phur ma thogs thogs pa dang / spos thams cad kyi phur ma thogs thogs pa dang / rin po thams cad kyi phur ma thogs thogs pa dang / rgyan thams

  259. 130b

    cad kyi phur ma thogs thogs pa dang / lha rdzas kyi tsan dan thams cad kyi phye ma'i phur ma thogs thogs pa dang / lha rdzas kyi a ka ru thams cad kyi phye ma'i phur ma thogs thogs pa dang / lha rdzas kyi rin po che thams cad kyi phye ma'i phur ma thogs thogs pa dang / lha rdzas kyi spos kyi me tog thams cad phye ma'i phur ma thogs thogs pa dang / lha rdzas kyi me tog man da ra ba'i phur ma thogs thogs pa rnams kyang dong ste/ bcom ldan 'das la gtor to// mngon par gtor to// rab tu gtor to// lha'i bu dga' ldan gyi gnas su gtogs pa bye ba khrag khrig brgya stong grangs med pa rnams kyang bar snang la 'khod de/ ye shes kyi spyod yul la gzhol ba'i sems kyis spos dang bdug pa'i sprin gyis bdug pas bar snang brgyan pa byas so// sangs rgyas la dga' zhing gzhol ba'i sems kyis lha rdzas kyi me tog thams cad kyi sprin gyi char gyis rab tu brgyan pas bar snang brgyan pa byas so/ / de bzhin gshegs pa la zhe sa cher bya ba'i sems kyis lha rdzas kyi gdugs sna tshogs kyi sprin gyis bar yog par byas te brgyan pa byas so// sangs rgyas la mchod par gzhol ba'i sems kyis lha rdzas kyi 'phreng ba sna tshogs kyi sprin rab tu bkye bas par snang brgyan byas so// sangs rgyas las thos par mos pa'i sems kyis gser gyi dra ba grangs med pa las dril bu sna tshogs kyi dra ba 'khrol zhing sgra 'byin pas yog par byas te bar snang brgyan pa byas so/ / de bzhin gshegs pa la yon gyi gnas dam pa yin par 'dzin pa'i sems kyis bla re

  260. 131a

    grangs med pa las rin po che thams cad kyi semanar smin lding zhing 'phrul ba'i rgyan gyis bar snang brgyan pa byas so/ / sangs rgyas la dge bar 'dun pa'i sems kyis lha rdzas kyi gzhal med khang grangs med par lha rdzas kyi rol mo brdung ba dang dkrol ba thams cad kyi sgra yid du 'ong ba phyung bas bar snang brgyan pa byas so/ / sangs rgyas skye ba shin tu dkon par dogs pa'i sems kyis lha rdzas kyi na bza' kha dog sna tshogs pa'i sprin dang na bza' mtshungs pa med pa'i sprin gyi char 'bab pa'i rgyan gyis bar snang brgyan pa byas so/ / sangs rgyas la mos pa mtha' yas pa'i sems kyis lha rdzas kyi cod pan grangs med pa'i sprin las cod pan gyi char chen po 'khor zhing 'bab pa'i rgyan gyis bar snang brgyan pa byas so/ / sangs rgyas la yid bde ba skyes pa'i sems kyis lha rdzas kyi rin po che kha dog sna tshogs grangs med pa'i sprin las 'phreng ba sna tshogs kyi char rgyun mi 'chad par 'bab pa'i rgyan gyis bar snang brgyan pa byas so/ / lha'i bu bye ba brgya stong grangs med pa yang lha rdzas kyi me tog kha dog tha dad pa grangs med pa lag na thogs te/ me tog zad mi shes pa'i mdzod rab tu bkye nas/ bcom ldan 'das la mngon par gtor to// mos pa'i spos dri zhim po rnyed cing sangs rgyas la dad par gnas pas/ lha rdzas kyi spos dang bdug pa kha dog sna tshogs grangs med pa lag na thogs te/ bcom ldan 'das la phul lo// rgyan chen po sprul pa'i sems kyis lha rdzas kyi tsan ngan gyi phye ma

  261. 131b

    kha dog sna tshogs grangs med pa lag na thogs te/ bcom ldan 'das la mngon par gtor to// dga' ba'i sems kyis bcom ldan 'das kyi zham ring du 'brang zhing rin po che'i gdugs kha dog sna tshogs grangs med pa lag na thogs te/ bcom ldan 'das la mngon par 'gebs so// sangs rgyas mtha' yas pa la mos pa'i sems rnam par 'phel bas gos rin po che kha dog sna tshogs grangs med pa lag na thogs te/ bcom ldan 'das gshegs pa'i lam gos kyis yog par byas so// de bzhin gshegs pa la rim gro bya bar mos pa'i sems kyis lha rdzas kyi rgyal mtshan rin po che sna tshogs kyi kha dog can lag na thogs shing / bcom ldan 'das kyi zham ring du 'dong ngo // sangs rgyas la dga' ba mtha' yas pa rnam par 'phel ba'i sems kyis lha rdzas kyi lha ba lbub dang byang phrul kha dog sna tshogs grangs med pa'i yang grangs med pa lag na thogs te/ de bzhin gshegs pa la phul lo// dad pa mi 'phrogs pa'i sems kyis lha rdzas kyi 'phreng ba grangs med pa lag na thogs te/ bcom ldan 'das la mngon par gtor to// mtshungs pa med pa'i dga' ba rnam par 'phel bas lha rdzas kyi ba dan rin po che kha dog sna tshogs grangs med pa'i yang grangs med pa lag na thogs te/ bcom ldan 'das kyi drung nas 'dzin to// lha'i bu bye ba khrag khrig brgya stong grangs med pa yang zhi ba la rab tu gzhol zhing bag yod pa tshad med pa'i sems kyis/ lha rdzas kyi rol mo brdung ba dang

  262. 132a

    dkrol ba kha dog sna tshogs grangs med pa lagan thogs te/ yid du 'ong ba'i sgra dbyangs sbyang nas bcom ldan 'das dgyes par byed do// byang chub sems dpa' bye ba khrag khrig brgya stong brjod du med pa dga' ldan gyi gnas nas 'ongs pa'i rnams kyang / lha rdzas las 'das pa'i mchod pa khams gsum las rnam par 'das la/ dmigs pa'i chos las byung ba rjen pa'i dri med pa/ chags pa med pa'i sems tshim par byed pa/ chos kyi tshul zab mos mngon par grub pa/ blo tshad med par yangs pa las byung ba/ dad pa'i rtsa ba brtan pas rnam par spel ba/ dge ba'i rtsa ba bsam gyis mi khyab pa las byung ba/ dge ba'i rtsa ba dang 'phrul pa grangs med pas mngon par bsgrubs pa/ sangs rgyas mchod pa yid kyi rang bzhin las byung ba/ mngon par 'du bya ba med pa'i chos kyi sgo'i rgyas btab pas/ chos kyi dbyings thams cad kun nas yog par byas so// lha rdzas las 'das pa'i pha rol tu phyin pa las byung ba'i me tog gi bla re sna tshogs kyis chos kyi dbyings kun nas khebs par byas so/ / lha rdzas las 'das pa mos pas rnam par dag pa/ sangs rgyas thams cad kyi yul rgyas par 'gengs pa'i na bza' sna tshogs mngon par dgab pas chos kyi dbyings brgyan pa byas so/ / chags pa med pa'i chos kyi rang bzhin rdo rje la yang dag par zhugs pa'i sems kyis/ lha rdzas las 'das pas mi skye ba'i chos las byung ba'i dril bu tshom bur bcad pa'i dra bas chos kyi dbyings brgyan

  263. 132b

    pa byas so/ / chos thams cad sgyu ma lta bur rtogs pa'i sems kyis/ lha rdzas las 'das pa'i spros thams cad kyi mchog gis bdug pa'i rgyan gyis chos kyi dbyings brgyan pa byas so// de bzhin gshegs pa bzhugs pas chos kyi dbyings rgyas par bya ba'i sems kyis/ lha rdzas las 'das pa'i rin po che thams cad kyi khri sangs rgyas kyi gdan du bting ba'i rgyan gyis chos kyi dbyings brgyan pa byas so// sangs rgyas kyi mchod pa rang bzhin 'gag pa med pa'i sems kyis/ lha rdzas las 'das pa'i rin po che sna tshogs kyi rgyal mtshan yang dag par bsgreng ba'i rgyan gyis chos kyi dbyings brgyan pa byas so// rmi lam lta bu'i chos nyid kyis bsam pa tshim pas/ lha rdzas las 'das pa'i rin po che sna tshogs kyis sangs rgyas kyi pho brang brgyan pas chos kyi dbyings brgyan pa byas so// mi gnas pa'i dge ba'i rtsa ba blang ba med pa las byung bas/ lha rdzas las 'das pa'i rin po che sna tshogs kyi pad+mos kun nas yog pa'i rgyan gyis chos kyi dbyings brgyan pa byas so// lha rdzas las 'das pa'i spros thams cad kyi / mchog gi sprin gyis chos kyi dbyings thams cad rgyas par bya ba dang / me tog kha dog mtha' yas pa sna tshogs kyi sprin dang / na bza' kha dog sna tshogs rnam pa tha dad pa thams cad kyi sprin dang / dan gyi dri zhim po mtha' yas par 'pho ba thams cad kyi sprin dang / lha rdzas las 'das pa'i rin po che thams cad kyi gdugs rnam pa sna tshogs kyi sprin dang / spos dang bdug pa sna tshogs kyi ngang kun

  264. 133a

    ldang ba'i sprin dang / 'phreng ba yid du 'ong ba thams cad kyi sprin dang / lha rdzas las 'das pa'i lhab lhub rnam par dag pa thams cad kyi sprin dang / byang chub sems dpa' bye ba khrag khrig brgya stong brjod du med pa rang gi lus gtong ba'i sprin dang / sangs rgyas kyi yon tan brjod pa las 'das pas bstod cing bsngags pa'i brjod pa zad mi shes pa'i sprin dang / de bzhin gshegs pa'i bstod pas brjod pa ji lta ba bzhin du yang dag par bsngags pa'i chos ma log pa las byung ba sangs rgyas kyi stobs mtha' dang dbus med pa las rgyu bas/ 'gro ba thams cad bde ba'i lam bstan pa dang / tshig rnam par 'byed pa brjod du med pa smos pas/ chos tshad med pa la gzhol ba'i gzungs kyi rgyud thams cad las byung ba'i so so yang dag par rig pa la mkhas pa/ mi zad pa dang mi 'jigs pa'i yid dga' bar gyur pa'i rim gro ngoms mi shes pas de bzhin gshegs pa la mngon par bstod pa/ tshig rnam par dbye zhing brjod pas byang chub sems dpa' de dag chos kyi dbyings kyi lus nam mkha'i khams rgyas par byed pa byin gyis brlabs te/ sangs rgyas 'das pa dang / ma byon pa dang / da ltar byung ba thams cad kyis yongs su bzung ba'i yid kyi dbang pos mngon par bstod do// lha'i ris gzhan dang gzhan nas 'dus pa'i lha'i 'khor de dag thams cad dang / sangs rgyas kyi zhing brjod du med pa nas 'dus pa'i byang chub sems dpa'i 'khor rnams kyang / de bzhin gshegs pa dgra bcom pa

  265. 133b

    yang dag par rdzogs pa'i sangs rgyas kyi khyu mchog gi mthu phyung ba bsam gyis mi khyab pa yongs su ston cing / de bzhin gshegs pa'i sku yang dag par 'byung ba dang / bsam gyis mi khyab pa'i rdzu 'phrul yang dag par ston pa dang / sems can grangs med pa'i rgyud tshim par mdzad pa dang / sangs rgyas kyi rgyan rnam par phye bas nam mkha'i khams thams cad dang / chos kyi dbyings thams cad rgyas par mdzad pa/ 'gro ba thams cad kyi dge ba'i rtsa ba mtha' yas pa brtan par mdzad pa/ sangs rgyas kyi cho 'phrul gzhal du med pa las byung ba/ tshig gi lam thams cad las yang dag par 'das pa/ byang chub sems dpa'i rigs dang ldan pa thams cad kyis mngon par mos par bya ba/ sems can 'dul ba ji lta ba bzhin du tshim par bya ba'i phyir/ sangs rgyas kyi sku yangs pa rjes su khyab par gyur la/ dge ba'i rtsa ba brjod pa thams cad rnam par dag pas/ sangs rgyas kyi yon tan tshad med pa yang dag par ston pa/ de bzhin gshegs pa'i yul rgyun mi 'chad par 'byung ba'i sangs rgyas kyi ting nge 'dzin las byung ba/ 'gro ba thams cad ma lus pa'i lus kyi rjes su bdal ba/ sku'i byin gyi rlabs pa las mtshams med pa/ yid tshad med pa yongs su mgu bar mdzad pa/ thams cad mkhyen pa nyid kyi rigs rgyun mi gcod pa/ sangs rgyas kyi rnam par spyod pa mtha' dang dbus med pa 'byung ba brnyes pa/ 'das pa dang / ma byon pa dang / da ltar byung ba'i sangs rgyas thams

  266. 134a

    cad kyi rigs su byung ba/ khams dang mos pa bgrang bu med pa thams cad sbyong bar mdzad pa/ byang chub sems dpa' thams cad ye shes mngon par bsgrub pa la 'jug par mdzad pa/ byang chub sems dpa' thams cad kyi dbang po rab tu dga' bar mdzad pa/ chos kyi sprin gyis nam mkha'i khams thams cad du yog par mdzad pa/ chos kyi dbyings thams cad ma lus par de bzhin gshegs pas 'dul ba'i byin gyi brlab kyis rlob pa/ sems can thams cad kyi rtog pa bsam pa ji lta ba bzhin du yongs su rgyas par mdzad pa/ mi gnas pa'i ye shes kyi rgyud kyis 'gro ba thams cad las 'phags pa/ ye shes kyi rnam pa thams cad brnyas pa/ sangs rgyas kyi byin gyis brlabs snang ba gzigs pa/ dge ba'i rtsa ba ji ltar bskyed la bzhin du yang dag par gzigs pa/ sems bskyed pa rgya chen po skye bar mdzad pa/ 'gro ba thams cad du kun tu bzang po thub pa med pa'i ye shes yang dag par rgyu bas byung ba/ 'gro ba dang zhing thams cad du khyab pa/ chos kyi dbyings thams cad du mi ldog par gshegs pa/ sangs rgyas kyi sku'i rgyud brjod du med pa'i yang brjod du med pa yang dag par ston pa/ bsam pa ji lta ba bzhin du 'khrul pa mi mnga' bar byin gyis rlob pa/ 'gro ba thams cad kyi tshig gi rnam pas yon tan mi zad pa/ sangs rgyas rjes su dran pas chos kyi dbyings thams cad rgyas par mdzad pa/ 'jig rten gyi

  267. 134b

    khams mtha' dang dbus med par khyab par mdzad pa/ byang chub kyi sems kyis ji ltar dam bcas pa'i sems can la rim gror mdzad pa/ ji ltar brnyes pa'i chos kyi sbyin pa mdzad pa sems can ji ltar 'dul ba bzhin du 'dul bar mdzad pa/ mos pa dang bsam pa ji lta ba bzhin du rnam par dag par mdzad pa/ gzugs kyi sku bsam gyis mi khyab par byin gyis rlob pa 'gro ba thams cad la gnas pa mi mnga' zhing mnyam pa nyid kyi rjes su bzhud pa/ spyod pa tha dad pa las byung ba/ de bzhin gshegs pa'i stobs bcu bsgribs pa med pa mngon par sangs rgyas pa thugs la chags pa mi mnga' bas rtag tu mnyam par bzhag cing ma 'dres pa/ ye shes thams cad la rnam par spyod pa/ don dang / tshig dang / yi ge tha dad pa yang dag par ston pa/ ye shes rgya mtsho mtha' dang dbus med pa la zhugs pa/ yon tan gyi mchog ye shes kyi snying los byung ba/ chos kyi dbyings thams cad du sangs rgyas kyi nyi ma shar ba/ 'gro ba thams cad du sngon gyi smon lam zad pa mi mnga' bar chos kyi dbyings kyi rang bzhin la gnas pa/ sangs rgyas kyi rnam par spyod pa ma nyams pa brnyes pa/ bdag gi dang yongs su gzung ba med pas gnas pa mi mnga' ba/ 'jig rten las 'das pa'i chos thams cad 'byung zhing / 'jig rten gyi chos thams cad kyis ma gos pa/ 'gro ba thams cad kyi mi shes pa'i rgyal mtshan yang dag par bcad pa/ 'jig rten thams

  268. 135a

    kyi ma shes pa chen pa yongs smrabs pa 'iganas s+thAn+ta/ 'grob thams cad snang bar smongon par 'dod pa/ 'jig rten thams ca shes kya pa la rab tu gnol pa/ 'gro ba thams ca nye bar 'tsho ba'i bsod nams yongs su mi bang pa/ byang chub sems dpa' thams cad kyi shes 'thugs su chung pas dad par bya bar thos pa/ yang dag pa rdzogs pa'i sangs rgyas sduganos pa'i byams pa chen po las byung ba/ thugs rje chen po yang dag par smon pas spyod pa/ sangs rgyas kyi sku brjod du med pa'i chos dang / sangs rgyas kyi chos sna tshogs bsam gyis kyis mi khyab pa'i gsung dang dbyangs kyi char 'bems pa/ sems can gyi bsam pa ji lta ba bzhin du yang dag par tshim par mdzad pa/ sngon gyi mtha' dang / phyi ma'i mtha' dang ltar byung ba'i mtha'i dmigs pa'i byin gyi rlabs shin tu dag cing bsam gyis mi khyab pas sems can dag par mdzad pa/ byang chub sems dpa' thams cad lung bstan pa rgyun mi 'chang ba/ sangs rgyas kyi rigs su dbang bskur bas de bzhin gshegs pa'i rgyud du byung ba/ 'jig rten thams cad du 'khor lo phyir mi ldog par 'khor ba/ 'jig rten thams cad kyi mngon par zhen pa thams cad la 'phags pa/ sangs rgyas kyi zhing dang chos kyi dbyings thams cad kyi mthas klas pa la mi gnas pa/ 'gro ba thams cad mnyam pa nyid du thugs su chud pa/ 'jig rten las 'das pa'i bsod

  269. 135b

    nams kyis rnam par dag pa/ 'khor ba la mi bzhugs par 'jig rten thams cad du snang bar gyur pa/ btsal ba mi dmigs pas chos kyi dbyings thams cad kyi rang bzhin ye shes kyi zla ba de bzhin gshegs pa tshad med pa'i rjes su bzhud pa/ sgyu ma lta bu'i ye shes kyis byin gyis rlob pa/ mig yor lta bu'i ye shes kyis rnam par ston pa/ rmi lam lta bur rjes su dran pa/ sprul pa dang mnyam par byung ba sems kyi rang bzhin lta bur 'jig rten sna tshogs thams cad byin gyis rlob pa/ las kyi rnam par smin pa'i tshul dang bsam pa ji lta ba bzhin du sems can gyi skye mched rnam par phye ba yang dag par ston pa/ sems can gyi dbang po dang 'thun par sangs rgyas kyi sku byung ba/ de bzhin gshegs pa'i dmigs pa la sems can grangs med pa'i sems yang dag par gnas pa/ 'jig rten thams cad rten cing 'brel par 'byung ba/ rnam par bstan pa'i rang bzhin du chos kyi mtshan nyid kyis yang dag par spyod pa/ ye shes kyi rgyud mtshan nyid med pa'i rang bzhin dang mtshan nyid gcig tu gyur pa/ 'jig rten thams cad kyi rang bzhin gyi mtshan nyid snang ba mngon par bsgrub pa'i spyod pa yang dag par ston cing 'gro ba thams cad gdon par brtson pa/ sangs rgyas kyi spong yul bla na med pa yang dag par ston pa/ 'jig rten dang zhing thams cad yongs su skyob pas sangs rgyas kyi mtshan ma gzung bar 'jig rten du mngon par byung ba// 'jig rten gyi nyon mongs pa'i mtshan

  270. 136a

    ma thams cad rnam par bsal ba/ 'jig rten thams cad kyi rjes su dran pa dang dmigs par 'byor par gyur pa/ 'khrug pa med pa/ khong du chud par 'gyur ba'i rgyu theg pa chen pos zhal yongs su rgyas pa/ chos thams cad kyi don grub pa/ 'gro ba thams cad kyi dge ba'i rtsa bas rnam par phye ba/ nyams pa med pa'i 'phrin las rnam par smin pas rnam par dag pa/ ye shes kyi 'byung gnas dus gsum mnyam pa nyid du thugs su chud pa/ 'jig rten thams cad kyi yongs su rtog pa yongs su mi rtog pas byung ba/ 'jig rten gyi khams thams cad du 'od zer gyi dra bas gsal bar gyur pa/ phyogs bcu 'byam klas pa thams cad du sangs rgyas kyi 'od kyis snang bar mdzad pa/ sangs rgyas thams cad kyi rjes su bzhud pa blta bas mi ngoms shing gtang mi bra ba/ yon tan chen po dang / ye shes dang / mngon par shes pa dang / byang chub sems dpa'i spyod pa 'byung ba/ dbang po mngon par mkhyen pa'i ye shes kyi spyod yul can/ ye shes kyi dkyil 'khor gyis sangs rgyas kyi mdzad pa rgyas par mdzad pa/ sangs rgyas kyi 'phrin las shin tu sgrub pa mi nub cing 'das pa dang // ma 'ongs pa dang / da ltar byung ba'i thams cad mkhyen pa'i tshul ston pa/ byang chub sems dpa'i gzungs mtha' yas pa'i char 'bebs pa/ bsam pa yangs pa'i bsgom pa yongs su 'dzin par mdzad pa/ sangs rgyas kyi dpal thams cad kyis rab tu 'bar ba/ de bzhin

  271. 136b

    gshegs pa'i sku kha dog mtha' yas pa sna tshogs su 'jig rten thams cad la mngon par ston pa/ sgrib pa'i chos thams cad du ma lhung ba/ chos thams cad kyi rang bzhin gyi don gyis dag pa/ yon tan/ gyi chos thams cad la mnga' bas mdzes pa'i dkyil 'khor can yon tan gyi 'od zer mnga' ba'i nyi mar gyur pa/ bsod nams kyi zhing du shar ba/ gzi brjid thams cad kyi dra bas mngon par skyes pa/ 'jig rten thams cad du sangs rgyas kyis sprul pa yang dag par 'dzin pa/ 'jig rten thams cad sprul par thugs su chud pa'i ye shes snang ba dang ldan pa/ de bzhin gshegs pa'i go 'phang chags pa med pa mnga' ba/ phyi ma'i mtha'i yon tan 'jig rten thams cad kyis rnam par shes pa/ 'gro ba thams cad dang 'thun par ston pa'i ye shes kyi phyag mnga' ba/ de bzhin gshegs pa ye shes kyi sman pa sems can thams cad bde bar mdzad pa/ 'jig rten tshad med pa thams cad du shin tu rnam par dag pas rjes su 'brang ba dang / 'gro ba dang zhing 'byam klas pa thams cad du phyir mi ldog pa/ ye shes kyi spyan phubs rab rib med cing rnam par dag pa/ sangs rgyas kyi lo legs pa yang dag par ston pa/ 'khu ba'i sems can gyi khams las su rung bar mdzad pa 'dul ba sna tshogs du ma la 'jug pa/ dus bzhin du 'dul ba'i rgyun mi 'chad pa/ 'gro ba thams cad la mnyam pa'i thugs kyis yang dag par spyod pa/ las skyon med pa'i rnam par smin pa dang mya

  272. 137a

    ngan las 'das pa yang dag par ston pa/ bsam pa dang las dang rgyu 'thun pa'i 'bras bu ji lta ba bzhin du sangs rgyas kyi sku rnam par ston pa/ sangs rgyas kyi sku ji lta ba bzhin du sems can gyis chos shes pa 'byung bar mdzad pa/ sangs rgyas kyis sprul pa byin gyis rlob pa/ 'jig rten gyi chos thams cad la rnam par gzigs pa'i ye shes mnga' ba/ dga' ba chen po dang lhag pa'i bsam pas dbang po dga' bar mdzad pa/ sangs rgyas mthong ba'i dad pa'i shugs mtha' yas pas byung ba/ sems can thams cad kyi rang gi dge ba'i rtsa ba phyir mi ldog par mdzad pa sems can gyi las ji lta ba bzhin du rjes su 'brang bar mdzad pa/ 'gro ba gnyid kyis log pa thams cad sad par mdzad pa/ sangs rgyas skye bas dge ba yang dag par 'phel bar mdzad pa/ sems can la sangs rgyas kyi bag dbab pa chen po stobs pa mdzad pa/ 'jig rten gyi lta ba thams cad la mi gnas pa/ ye shes kyi don la rab tu gzhog pa/ rab tu bzhag pa'i ye shes kyi tshul gyi spyod yul thugs su chud pa/ sangs rgyas kyis gzigs pa'i zil gyis ma non pa'i rgyan gyis brgyan pa/ chos kyi rgyud thugs su chud pa'i ri bo rnam par dag pa/ sangs rgyas 'byam klas pa dang byang chub sems dpa' gzhan dang gzhan du ston pa/ kha na ma tho ba med pa'i sa la sems can rab tu 'god pa/ sangs rgyas kyi yon tan grangs med pas rnam par bris pa/ las kyis sna tshogs

  273. 137b

    su gyur pa'i 'jig rten du de bzhin gshegs pa sna tshogs yang dag par ston pa/ sangs rgyas kyi 'byung gnas rnam par sbyong ba/ ye shes thams cad yongs su 'thob par mdzad pa/ 'jig rten thams cad kyi smon lam rjes su srung ba mi shigs pa/ 'gro ba thams cad la dge ba'i bshes gnyen ston pa/ snang ba dri ma med cing mchog tu dag par mdzad pa/ 'gro ba ma lus pa thams cad kyis ji tsam du mngon sum du mthong ba de tsam du brjod du med pa/ sems can thams cad kyi 'gro ba'i rjes su song ba'i byin gyi rlabs mnga' ba/ grogs sngon du 'gro ba'i dge ba'i rtsa bas sems can rnam par dag par mdzad pa/ 'gro ba thams cad kyi smon lam gyi rjes su song ba nyams pa med pa/ sems can thams cad kyi dge ba'i rtsa ba yongs su gzung bas dag par mdzad pa/ las bsags pa'i tshul gyis yongs su byung ba/ bdud kyi dkrugs ma thams cad rnam par 'jom par byung ba/ chags pa med pa'i mtha'i stobs kyis byung ba/ 'gro ba thams cad kyis blta na 'od shin tu dang bar snang pa/ ye shes kyi dbyings chags pa med pa'i snying po'i nyi ma sems can gang yang rung ba la chos kyi sbyin pa mdzad pa/ 'od zer gyi dkyil 'khor gyi mdzod mtha' dang dbus med pa/ de bzhin gshegs pa'i stobs kyi ye shes kyi dkyil 'khor mnga' ba/ 'gro ba thams cad la snang bar gyur pa/ bsam pa dang yang dag par rtog pa thams cad yongs su rdzogs pa/ phyir rgol ba shin tu bcom pa/ yon gyi

  274. 138a

    @gnas dam pa mchog tu gyur pa/ 'gro ba thams cad kyi rten du gyur pa/ yon tan tshad med par 'gyur ba/ 'gro ba thams cad yongs su dag par mdzad pa/ dge ba'i rtsa ba chung ngu tshad med par yongs su 'dzin pa/ zad mi shes pa'i ye shes kyi sar 'dzud cing rab tu gzhog pa/ 'jig rten thams cad kyi dge ba'i rtsa ba'i sems la rag las par yid ches pas/ tshad med pa'i bsod nams dang yon dag par mdzad pa/ ye shes kyi tshul gyis ngan song gsum gyi 'gro ba yongs su skyob pa'o// zhes rnam pa de lta bur de bzhin gshegs pa la mos pa rnam pa de lta bur yang dag par rdzogs pa'i sangs rgyas la yang dag par lta ba/ rnam pa de lta bur ye shes kyi mu stegs las 'bab pa/ rnam pa de lta bu'i yon tan rgya mtsho'i gang chen mtsho thams cad la 'jug pa/ rnam pa de lta bu'i ye shes kyi nam mkha'i rjes su phyin par rjes su 'gro ba/ rnam pa de lta bur 'gro ba thams cad kyi bsod nams kyi zhing du yang dag pa ji lta bar shes pa/ rnam pa de lta bur de bzhin gshegs pa dran pa'i sgos lta ba/ rnam pa de lta bur dge ba'i 'phrin las rnam par dag pa'i mtshan nyid phun sum tshogs pas de bzhin gshegs pa la rtog pa/ rnam pa de lta bu'i yang dag par rdzogs pa'i sangs rgyas kyi sku chen bo 'jig rten gyi khams thams cad du snang bar byed pa/ rnam pa de lta bu'i de bzhin gshegs pa'i sangs rgyas kyi rnam par 'phrul pa thams cad yang dag par bstan par rjes su sems pa/ de dag gis

  275. 138b

    de bzhin gshegs pa'i sku bcom ldan 'das kyi ba spu'i sgo re re nas 'od zer bye ba khrag khrig brgya stong grangs med pa 'byung ba/ grangs med par rnam par dag pa/ grangs med par shin tu snang ba/ grangs med par bltar yod pa/ grangs med pa'i sems can gyi dga' ba skyed pa/ grangs med pa'i spro ba skyed pa/ grangs med pa'i sangs rgyas la 'dun pa/ rnam par 'phel bar byed pa/ grangs med pa'i lhag pa'i bsam pa rnam par sbyong ba/ grangs med pa'i dbang po sami par byed pa/ grangs med pa'i de bzhin gshegs pa'i spyod yul thob par byed pa mang po mthong bar gyur to// 'od kyi 'khor lo bye ba khrag brig brgya stong bsam gyis mi khyab pa'ang de bzhin gshegs pa'i sku las rnam par 'phrul pa sna tshogs kyis 'phrul zhing 'byung ba/ kha dog bsam gyis mi khyab pa/ mdog bsam gyis mi khyab pa/ 'od bsam gyis mi khyab pa/ chos kyi dbyings mtha' dang dbus med pa thams cad rgyas par byed pa/ sangs rgyas kyi byin gyis brlabs dang sems can rnam par dag pas dri zhim por rab tu byung ba/ tshigs su bcad pa bye ba khrag khrig brgya stong bsam gyis mi khyab pa yongs su 'dzin pa/ 'jig rten thams cad las rnam par 'das shing 'jig rten las 'das pa'i dge ba'i rtsa bas yongs su byung ba/ rgyan bye ba khrag brig brgya stong bsam gyis mi khyab pa yang dag par ston pa/ bskal pa bye ba khrag khrig bsam gyis mi khyab par yon tan mi zad pa/ sangs rgyas kyi rnam par 'phrul pa zad mi shes pa las byung ba/ sangs rgyas

  276. 139a

    skye ba brjod du med pa yang dag par ston pa/ ye shes kyi sgo la rab tu gzhog pa/ don yangs pa shin tu ston pa/ sangs rgyas kyi sprul pa brjod du med pa'i tshul yang dag par ston pa/ sangs rgyas kyi yul mtha' dang dbus med pa chos kyi dbyings kyi klas pa/ nam mkha'i khams kyi mthar thug pa/ 'jig rten gyi khams thams cad du byin gyis brlabs kyis byung ba/ 'gro ba thams cad rnam par dag pa mnyam pa nyid kyi rjes su song ba/ thams cad mkhyen pa chags pa med pa mtha' dang dbus med pa'i sangs rgyas kyi spyod pa las byung ba/ de bzhin gshegs pa bsam gyis mi khyab pas bsten pa'i dpal yod pa/ rin po che'i 'od 'phro ba brgya stong bsam gyis mi khyab pa ltar 'byung ba mthong bar gyur to// bcom ldan 'das kyis kyang byin gyis brlabs kyi rgyan smon lam chen po las byung ba'i dge ba'i rtsa ba mtha' yas pa dang / de bzhin gshegs pa mnyes par bya ba'i spyod pas rnam par dag pa dang / sngon gyi bag yod pa las yang dag par byung ba'i thams cad mkhyen pa'i sems chags pa med pa'i dge ba'i rtsa ba las byung ba dang / de bzhin gshegs pa 'byam klas pa 'gro ba thams cad kyi the tshom gcod pa dang / de bzhin gshegs pa mthong ba la sems can tshad med pa rab tu dgod pa dang / dge ba'i rtsa ba'i sgo dang sangs rgyas kyi cho 'phrul zil gyis non pa med pa la rgya mtsho'i mthas gtugs pa'i sems can gzud par bya ba dang / byang chub sems dpa'

  277. 139b

    bka' bzhin byed pa thams cad sangs rgyas zhing kun nas 'dus pa dang / sangs rgyas kyi byin gyis brlabs dang sangs rgyas kyi chos bsam gyis mi khyab pa yongs su brjod pa'i tshul gyis/ de bzhin gshegs pa'i 'khor du ji lta ji ltar sangs rgyas kyi zhing 'byam klas pa bye ba khrag khrig brgya stong brjod du med pa grangs med pa dag na/ sems ma dad pa rnams dad par bya ba dang / sems dad pa'i rnams rnam par 'phel bar bya ba dang / sems rnam par 'phel ba'i rnams rnam par dag par bya ba dang / sems rnam par dag pa'i rnams yongs su smin par bya ba dang / sems yongs su smin pa'i rnam 'dul bar bya ba dang / chos zab mo khong du chud par bya ba dang / ye shes snang ba mtha' dang dbus med pa khong du chud par bya ba dang / sems tshad med pa'i rnams rgya che bar bya ba dang / thams cad mkhyen pa nyid du sems bskyed pa las phyir mi ldog par bya ba dang / chos nyid dang mi 'gal bar bya ba dang / yang dag pa'i mthas mi skrag par bya ba dang / de bzhin zhing rab tu rtogs par bya ba dang / pha rol tu phyin pa'i rnams kyang rab tu rdzogs par bya ba dang 'jig rten las 'das pa'i dge ba'i rtsa ba rnam par sbyang bar bya ba dang / dmigs pa thams cad la brtson pa'i sangs rgyas kyi rnam par 'phrul ba yang kun tu bzang po'i tshul du mod par bya ba dang / bdud kyi yul las rnam par ldog par bya ba dang / sangs rgyas kyi yul 'thob par bya ba dang / de bzhin gshegs pa'i chos nyid shes par bya ba dang / ye shes bsam gyis mi khyab pa skye bar bya ba dang / theg pa chen po'i

  278. 140a

    smon lam las phyir mi ldog par bya ba dang / sangs rgyas blta ba las mi 'phang bar bya ba dang / ye shes khong du chud par bya ba tshad med pa rtogs par bya ba dang / sa mtshams med pa'i bsod nams kyi stobs yang dag par yongs su bsgrub par bya ba dang / shin tu dga' ba'i sems bskyed par bya ba dang / the tshom med pa'i sa la 'jug par bya ba dang / kha na ma tho ba med cing yongs su dag pa 'thob par bya ba dang / thams cad mkhyen pa nyid la rten pa so sor 'thob par bya ba dang / chos mthong ba las phyir mi ldog par bya ba dang byang chub sems dpa' thams cad kyi tshogs kyi rjes su 'jug par bya ba dang / dus gsum gyi sangs rgyas thams cad kyi rigs grub par bya ba de lta de ltar bcom ldan 'das kyis thugs rje chen po kun tu khyab pa dang / thams cad mkhyen pa'i ye shes kyi phung po chen pos byin gyis brlabs kyi rgyan rnam pa tha dad pa mang po yang dag par bstan to/ / de ltar bcom ldan 'das kyis sems can thams cad 'dul ba'i dbang du/ sangs rgyas kyi bdag nyid che ba brjod pa'i phyir chags pa med pa'i ye shes kyi snying po rab tu snang bas/ sangs rgyas kyi dpal mtha' yas pa rab tu 'bar ba/ sangs rgyas kyi cho 'phrul bsam gyis mi khyab pas rnam par snang ba/ thams cad du bzhud pa'i de bzhin gshegs pa'i skus rnam par 'phrul pa mtha' dang dbus med pa'i cho 'phrul gyi mthu dang ldan pa/ dgongs pa yongs su rdzogs pa'i sngon gyi smon lam gyis yongs su grub pa'i ye shes kyi rnam par gnon pas/ de bzhin gshegs pa'i

  279. 140b

    gshegs stabs phun sum tshogs pa chos kyi dbang phyug brnyes pas chos thams cad la mnga' ba dang ldan pa/ thams cad mkhyen pa nyid kyi sgo nas byung ba'i de bzhin gshegs pa'i sku rnam par dag pas shin tu sbyangs pa mnga' ba/ 'das pa dang / ma byon pa dang / da ltar byung ba'i sangs rgyas thams cad dang mnyam pa nyid du gyur pa/ dge ba'i rtsa ba thams cad kyis snying po shin tu sbyangs pa/ 'gro ba thams cad kyi dpes dper mi 'gyur ba'i sku gzugs mnga' ba/ / mtshan thams cad kyi lo ma shin tu 'phags pa'i sku can/ stobs bcu'i rgyal mtshan gyi stobs chen po dang ldan la/ bskal pa mi zad pa thams cad du blta bas mi ngoms pa/ sngon gyi dge ba'i rtsa ba ston pa'i dbyangs kyis ye shes kyi nga ror gyur pa/ byang chub sems dpa' thams cad kyi dkyil 'khor mi zad pas 'gro ba thams cad la nyi ma'i dkyil 'khor du gyur pa/ yon tan thams cad kyi rgyal po chos thams cad kyi srid la mnga' ba'i phyir dus gsum snang bar byed pa'i gsung mnga' bas/ byin gyis brlabs kyi rgyan sngon gyi dge ba'i rtsa ba'i tshogs las yang dag par byung ba'i byin gyis brlabs so/ / de nas lha'i rgyal po rab dga' ldan gyis tshul 'di lta bur de bzhin gshegs pa la mchod pa dang / rim gro dang / rgyan kun tu bsham pa byas te/ dga' ldan ris kyi lha bye ba brgya stong grangs med pa dang lhan cig tu zhes can rim gro dang bcas par/ bcom ldan 'das gang na ba der thal mo sbyar te phyag 'tshal nas/ bcom ldan 'das la 'di skad ces gsol to// bcom ldan 'das gshegs su gsol/

  280. 141a

    bde bar gshegs pa gshegs su gsol/ de bzhin gshegs pa dgra bcom pa yang dag par rdzogs pa'i sangs rgyas bde bar gshegs sam/ de nas bcom ldan 'das lha'i rgyal po rab dga' ldan gyis spyan drangs nas/ sangs rgyas kyi rgyan rnam pa 'di lta bu dang / sangs rgyas kyi bdag nyid che ba 'gro ba thams cad la mdzes pa/ byang chub sems dpa' thams cad mos pa/ dga' ldan ris kyi lha'i bu thams cad mngon par dga' ba/ lha'i rgyal po rab dga' ldan gyis mi ngoms par rim gror bya zhing / tshad med pa'i sems can sangs rgyas la dmigs par brtson pa bskyed pa/ tshad med pa'i sems can sangs rgyas su dge ba'i rtsa ba bskyed pa/ mi zad pa'i bsod nams dang ldan par 'gyur ba/ dad pa dri ma med pa'i tshogs kyis bsags pa/ de bzhin gshegs pa'i zhal blta ba dang mchod pas skyo bar mi 'gyur ba/ lhag pa'i bsam pa dge ba'i tshogs kyis yang dag par bsdus pa/ thams cad mkhyen pa'i dge ba'i rtsa ba dang / smon lam dang / sems bskyed pa las byung bas/ khang pa rin po che thams cad kyis brgyan par gshegs so/ / ji ltar bcom ldan 'das 'dir gshegs pa de bzhin du/ 'jig rten gyi khams thams cad kyi gling bzhi pa dang / dga' ldan gyi gnas dag tu yang gshegs par snang ngo // bcom ldan 'das rin po che thams cad kyis brgyan pa'i khang par gshegs ma thag tu/ de'i tshe rin po che thams cad kyis brgyan pa'i khang pa rin po che'i rgyan las shin tu 'das par gnas so// lha rdzas las 'das

  281. 141b

    pa'i rin po che thams cad kyi dra bas kun nas yog par gnas so/ / lha rdzas las 'das pa'i rin po che thams cad kyi sprin gyi char mngon par 'bab par gnas so// lha rdzas las 'das pa'i rin po che thams cad kyi rgyan gyi sprin gyis brgyan par gnas so/ / lha rdzas las 'das pa'i gos thams cad kyi sprin rab tu gtong bar gnas so// lha rdza sA'adas pa'i tsan dan thams cad kyi sprin chen po rab tu gtong bar gnas so// lha rdzas las 'das pa'i dri thams cad kyi mchog dang bdug pa 'thul ba'i sprin gyi char rab tu 'bab par gnas so// lha rdzas las 'das pa'i rin po che sna tshogs thams cad kyi sprin rnam pa tha dad pa'i char rab tu 'bab par gnas so/ / lha rdzas las 'das pa'i me tog mang po'i sprin gyi tshogs kyi char rab tu 'bab par gnas so// lha rdzas las 'das pa'i sil snyan dang brdung ba bye ba brgya stong bsam gyis mi khyab pa'i sgra rab tu 'byin par gnas so/ / thams cad mkhyen pa'i chos kyi dbyangs su grag pa'i rol mo'i sgra dang glu'i dbyangs kyang rab tu 'gyed par gnas par gyur te/ ji ltar bcom ldan 'das gshegs pa de bzhin du/ 'jig rten gyi khams thams cad kyi gling bzhi pa dang / dga' ldan gyi gnas dag tu yang rin po che thams cad kyis brgyan pa'i khang par gshegs par snang ngo // de nas lha'i rgyal po rab dga' ldan gyis lha'i gnas thams cad du lha'i rgyal po rab dga' ldan gyis/ de bzhin gshegs pa la gsol ba btab bo zhes sgra brjod do// de nas sangs rgyas kyi mthus lnga'i rgyal po rab dga' ldan la bar chad du mi 'gyur

  282. 142a

    ba dang / sngon gyi dge ba'i rtsa ba'i tshogs dang / tshad med pa'i dge ba'i rtsa bas brtan pa dang / mtha' yas par sems bskyed pa'i dad pa rnam par 'phel ba dang / shugs chen po yang dag par bskyed pa dang / dga' ba chen po shin tu bskyed pa dang / dge ba'i bsam pa rnam par sbyang ba dang / thams cad mkhyen pa nyid du sems bskyed pas dga' bar bya ba dang // chos la bar chad med pa'i yid du 'gyur bar bya ba dang / chos rnams mi nyams par bya ba'i phyir dga' ldan gyi gnas kyi glu dang rol mo brdung ba dang dkrol ba'i sgra rgyun mi 'chad par gyur to// de nas lha'i rgyal po rab dga' ldan gyis sangs rgyas kyi mthus sngon gyi yang dag par rdzogs pa'i sangs rgyas rnams la dge ba'i rtsa ba bskyed pa de dag rjes su dran nas/ de'i tshe tshigs su bcad pa 'di dag smras so// bkra shis dam pa gang zhig gis/ chags pa med pa'i zla bar mtshan gsol mtshan btags pa// pho brang mchog tu rab gshegs pa/ des ni 'dir yang bkra shis legs gyur cig/ bkra shis dam pa gang zhig gis/ ye shes mtha' yas dbang zhes bya bar mtshan brtags pa/ kha dog gser du rab gshegs pa/ des ni 'dir yang bkra shis legs gyur cig/ bkra shis dam pa gang zhig gis/ kun tu mtha' yas spyan zhes bya bar mtshan btags pa/ pad+mo'i rtse mor rab gshegs pa/ des ni 'dir yang bkra shis legs gyur cig/ bkra shis dam pa gang zhig gis yan

  283. 142b

    lag rin po che zhes bya bar mtshan btags pa/ rin chen mdzod du rab gshegs pa/ des ni 'dir yang bkra shis legs gyur cig/ bkra shis dam pa gang zhig gis// dpal rab rgol paba'i stag ces bya bar mtshan btags pa/ dbang po'i khang par rab gshegs pa// des ni 'dir yang bkra shis legs gyur cig/ bkra shis dam pa gang zhig gis// yon tan thams cad ston pa'i nyi mar mtshan btags pa/ / me tog snying por rab gshegs pa// des ni 'dir yang bkra shis legs gyur cig/ bkra shis dam pa gang zhig gis// yan lag 'od zer mtha' yas par ni mtshan btags pa/ / shing gis brgyan par rab gshegs pa// des ni 'dir yang bkra shis legs gyur cig/ bkra shis dam pa gang zhig gis// mgon po the tshom 'joms pa chos kyi rgyal mtshan de/ / rin chen khang par rab gshegs pa// des ni 'dir yang bkra shis legs gyur cig/ bkra shis dam pa gang zhig gis// mi yi seng ge ye shes sgron ma mtha' yas pa// spos kyi rtse mor rab gshegs pa/ des ni 'dir yang bkra shis legs gyur cig/ bkra shis dam pa gang zhig gis// sangs rgyas yon tan kun gyi 'byung gnas 'od mnga' ba// nor bus brgyan par rab gshegs pa/ / des ni 'dir yang bkra shis legs gyur cig/ ji ltar lha'i rgyal po rab dga' ldan gyis sangs rgyas kyi mthus sngon gyi yang dag par rdzogs pa'i sangs rgyas rnams kyi yon tan brjod de

  284. 143a

    klu'i dbyangs su tshigs su bcad pas rgyal ba gshegs pa mngon par bstod pa de bzhin du/ 'jig rten gyi khams thams cad na yang lha'i rgyal po rab dga' ldan rnams sangs rgyas kyi byin gyis brlabs kyis/ klu'i dbyangs su tshigs su bcad cing sngon gyi yang dag par rdzogs pa'i sangs rgyas rnams kyi yon tan rjod pa byed cing / rgyal ba gshegs pa la yang mngon par bstod par gyur to// de nas bcom ldan 'das chos kyi sku shin tu rnam par dag pa'i sku dang / 'das pa dang / ma byon pa dang / da ltar byung ba'i yang dag par rdzogs pa'i sangs rgyas thams cad dang rigs gcig tu gyur pas rnam par 'phrul pa dang / rgyud kyi tshul gcig tu gyur pas sangs rgyas thams cad kyi rjes su thugs su chud pa'i thams cad mkhyen pa nyid dang / chos thams cad la bsgribs pa med par khyab pa'i sangs rgyas kyi spyan dang chos kyi dbyings mtha' dang dbus med pa thams cad du sangs rgyas kyi byin gyi rlabs rgyun mi 'chad pa dang / sems can 'dul ba ji lta ba bzhin du yongs su khyab pa'i sangs rgyas kyi cho 'phrul dang / de bzhin gshegs pa'i sku bsgribs pa med pa'i rgyan gyis yang dag par brgyan pa dang / dus bzhin du byung ba'i chos bstan pa dang / byang chub sems dpa' brjod du med pa sangs rgyas kyi zhing sna tshogs nas lhags pa'i 'khor gyi dkyil 'khor rnam par dag pa dang / de bzhin gshegs pa'i skus yang dag par spyod pa gnyis su med pa'i chos kyi sku la gnas pa'i sangs rgyas khyu mchog gi mthu phyung bas

  285. 143b

    rin po che thams cad kyis brgyan pa'i khang par gshegs nas gdan bting ba la skyil mo krung bcas te bzhugs so/ / ji ltar bcom ldan 'das bzhugs pa de bzhin du/ 'jig rten gyi khams thams cad du'ang bzhugs par gyur te/ ji ltar bcom ldan 'das rin po che thams cad kyis brgyan pa'i khang par gshegs pa dang byon pa'i tshe/ sangs rgyas kyi rim gro dang mchod pa byas shing rgyan gyis brgyan pa de dag thams cad pas de bzhin gshegs pa gdan de la bzhugs pa'i tshe/ grangs med pa'i yang grangs med pa'i rnam par lha rdzas las 'das pa'i me tog dang / 'phreng ba dang / spos dang / byug pa dang // phye ma dang / na bza' dang / gdugs dang / rgyal mtshan dang / ba dan dang / rin po che dang / rol mo brdung ba dang / dkrol ba dang / glu dang / bstod pa dang / zhe sa dang / rim gro dang / dad pa dang / dga' ba dang / thal mo sbyar ba dang / lha rdzas las 'das pa rnam pa grangs med pa'i rgyan dang / lha rdzas las 'das pa rnam pa grangs med pa'i bstod pa dang / lha rdzas las 'das pa rnam pa grangs med pa'i sprin gyi char 'bab pa dang / lha rdzas las 'das pa rnam pa grangs med pa'i gdugs gcig nas gcig tu brgyud de bsgreng ba dang / lha rdzas las 'das pa rnam pa grangs med pa'i rgyal mtshan la ba dan sbyangs pa dang / shin tu sbyangs pa grangs med par sbyar ba lha rdzas las 'das pa'i yo byad kyi tshul dang / bsam pa rgya chen po rnam par 'phel bas sangs rgyas mnyes par bya ba dang / mdzes

  286. 144a

    pa'i rgyan rnam par dag pa thams cad kyi rin po che'i dri thams cad dang / phyogs brgyan pa'i spos kyi sprin chen po dang / rim gro'i rnam pa sna tshogs rgya che zhing yid du 'ong bas sangs rgyas la mchod pa dang / 'jig rten gyi khams thams cad rim gro la brtson pas de bzhin gshegs pa gdan la bzhugs pa'i tshe/ grangs med pa'i rgyud du mchod pa byas so// de bzhin du 'jig rten gyi khams thams cad kyi dga' ldan gyi gnas dag tu yang mchod pa byas par gyur to/ / shin tu rgyas pa chen po'i mdo sangs rgyas phal po che zhes bya ba las/ de bzhin gshegs pa dga' ldan du bzhud pa dang gshegs pa dang / bzhugs pa'i rgyan ces bya ba'i le'u ste nyi shu brgyad pa'o// // shin tu rgyas pa chen po'i mdo bam po sum cu gcig pa/ de nas sangs rgyas kyi mthus phyogs bcu kun nas byang chub sems dpa' bcu mngon par lhags te/ byang chub sems dpa' de dag so so nas 'jig rten gyi khams sangs rgyas kyi zhing stong phrag bcu'i rdul shin tu phra ba snyed kyi pha rol nas 'ongs par gyur pa dag ste/ byang chub sems dpa' de dag re re zhing yang sangs rgyas kyi zhing stong phrag bcu'i rdul shin tu phra ba snyed kyi byang chub sems dpa' dag dang lhan cig tu phyin to// byang / chub sems dpa' de dag thams cad kyang ming 'di zhes bya ba dag ste/ 'di ltar rdo rje'i rgyal mtshan dang / dam pa'i rgyal mtshan dang / dpa' ba'i rgyal mtshan dang / skar ma'i rgyal mtshan dang

  287. 144b

    shes kyi rgyal mtshan dang / rin po che'i rgyal mtshan dang / rdul dang bral ba'i rgyal mtshan dang / dri ma med pa'i rgyal mtshan dang / dpal gyi rgyal mtshan dang / chos kyi rgyal mtshan zhes bya ba dag byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs par gyur pa dag ste/ 'di ltar rin po che'i snying po dang / yid du 'ong ba'i snying po dang / dngul gyi snying po dang / gser gyi snying po dang / nor bu'i snying po dang / rdo rje'i snying po dang / pad+ma'i snying po dang / ut+pala'i snying po dang / tsan dan gyi snying po dang / spos kyi snying po zhes bya ba dag go// byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi zham ring na tshangs par spod pa dag ste/ 'di ltar shin tu 'phags pa'i dpal dang / g.yo ba med pa'i dpal dang / bcings pa med pa'i dpal dang / spyod pa'i dpal dang / 'od zer gyi dpal dang / mtha' las rgal ba'i dpal dang / mchog gi dpal dang / dbang phyug gi dpal dang / tshangs pa'i dpal dang / shin tu bsags pa'i dpal zhes bya ba dag go// de nas byang chub sems dpa' de dag bcom ldan 'das la phyag 'tshal nas/ phyogs bcu rgyas par byas te/ gang nas 'ongs pa'i phyogs su brtan nas seng ge'i khri rin po che'i snying po can nor bu sna tshogs dang ldan pa dag mngon par sprul te/ gser gyi dra bas g.yogs pa'i lus dang / 'od zer bye ba khrag khrig brgya stong grangs med pa gtong ba dang

  288. 145a

    dri ma med pa'i 'od gtong ba dang / tshad med pa'i 'od rab tu skyed pa dang // bsam pa rnam par dag pa'i rin po che yang dag par 'dzin pa'i gzugs dang / byang chub sems dpa'i bsam pa kha nam tho ba med la las byung ba'i smon lam dang / 'gro ba thams cad kyis blta na yid du 'ong ba dang / blta na don yod par sems can gdul ba dang / rnam par dag pa'i chos kyis sangs rgyas kyi rnam par 'phrul pa yongs su ston pa dang / 'gro ba thams cad yongs su bskyab par byang chub sems dpa'i rtse gcig tu smon lam btab pa'i skyil mo krung bcas te 'khod do// byang chub sems dpa' de dag thams cad kyang 'di lta ste/ chags pa med par spyod pas sangs rgyas kyi zhing thams cad du 'gro ba dang / 'di lta ste/ gnas pa med pa'i lus dang / 'di lta ste/ tshad med pa'i lus kyis kun tu 'gro ba'i ye shes kyi lus kyi byin gyis brlabs dang / 'di lta ste/ mtha' dang dbus med pa'i sangs rgyas kyi rnam par 'phrul pa bsam gyis mi khyab pa la 'jug pa dang / 'di lta ste/ thams cad mkhyen pa'i sgo 'byam klas pa tshad med par gyur pa dang 'di lta ste/ chos la mi 'jigs par mkhas pa'i snang ba mtha' yas pa dang / 'di lta ste/ phyi ma'i mtha'i bskal par mi zad pa'i so so yang dag par rig pa'i tshul bshad pa dang / 'di lta ste/ gzungs thams cad kyis snang bar byas pa'i ye shes kyi phung po rab tu rgyas pa dang / 'di lta ste/ chos kyi dbyings rgyas par gyur pa'i shes rab kyi mig rnam par dag pa'i spobs pa dang / 'di lta ste

  289. 145b

    nam mkha'i dbyings kyis klas par ye shes kyi spyod yul yongs su gnas pa dang / mtshams med cing mtha' yas pa'i sangs rgyas rnams kyi spyod pa dang ldan pa rab tu thob par gyur pa dag go// ji ltar gling bzhi pa 'di'i dga' ldan gyi gnas su byang chub sems dpa' 'dus par gyur pa de bzhin du/ 'jig rten gyi khams thams cad kyi gling bzhi pa dang / dga' ldan gyi gnas dag tu yang byang chub sems dpa' ming 'di skad ces bya ba dag 'jig rten gyi khams ming 'di skad ces bya ba dag nas/ de bzhin gshegs pa'i mtshan de skad ces bya ba dag gi zham ring na tshangs par spyad pa sha stag 'ongs par gyur to// de nas bcom ldan 'das kyi zhabs pus mo'i lha nga gnyis nas 'od zer bye ba khrag khrig brgya phrag stong byung ste/ phyogs bcu thams cad snang bar byas nas/ 'jig rten gyi khams thams cad bstan to// nas byang chub sems dpa' de dag gis 'jig rten gyi khams de dag gi gling bzhi pa thams cad dang / dga' ldan gyi gnas thams cad na de bzhin gshegs pa'i rnam par 'phrul pa yod pa mthong bar gyur to// byang chub sems dpa' de dag ji snyed kyis phyogs bcur chos kyi dbyings kyis klas pa'i 'jig rten gyi khams kyi mthar thug pa dag na/ de bzhin gshegs pa'i sangs rgyas rnam par rol pa mthong bar gyur pa de dag thams cad/ de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad kyi sngon byang chub sems dpa'i spyod pa la dge ba'i rtsa ba'i grogs su gyur

  290. 146a

    padag ste/ 'di ltar sangs rgyas kyi rnam par thar pa 'ab mos rnam par 'phrul ba la mos pa sha stag go// chos kyi dbyings kyi lus tha dad pa med pa'i rjes su song ba shA go/ gnas med pa'i sangs rgyas kyi zhing du 'gro ba'i rjes su song bas rab tu zhugs pa sha stag go// sangs rgyas bsam gyis mi khyab pa blta ba la rjes su gzhol ba sha stag go// chags pa med pa'i sems skad cig gis chos kyi dbyings khyab par byed pa sha stag go/ / bsam pa rin po che rdul dang bral ba dang ldan pa sha stag go// brjod du med pa'i sangs rgyas mang po dang 'grogs pa dang ldan pasha stag go/ / sangs rgyas kyi byin gyis brlabs grangs med pa dang ldan pa sha stag go// yang dag par spyod pa'i mchog gi pha rol tu phyin pa sha stag go// bla na med pa yang dag par rdzogs pa'i byang chub kyi dran pa rnam par dag pa la gnas pa sha stag go/ / blo dang sems skad cig thams cad kyis cher 'phags pa rab tu thob pa sha stag go// chung ngur zhugs shing cher gyur pa'i spyod pa la bsha stag go/ / cher gyur pa la zhugs shing chung ngur 'jug pa'i rjes su chud nas ye shes kyi spyod pa'i pha rol tu phyin pa sha stag go/ de lta bu'i gnas dang / sangs rgyas kyi sku'i rang bzhin rjes su rtogs pa dang / de bzhin gshegs pa dang 'grogs shing thams cad mkhyen pa nyid thob pa'i byang chub sems dpa' rnams dang / rin po che sna tshogs ltar grub pa'i lus dang / de bzhin gshegs par gyur pa'i spyod

  291. 146b

    yul thams cad du 'gro ba dang / ye shes chen po'i chung kyi sgo rnam par phye ba dang / ye shes kyi stobs rdo rje'i rgyal mtsham gyi mthu'i mchog thob pa dang / rdo rje gcod pa'i ting nge 'dzin gyi tshul rab tu thob pa dang / sems can bye ba khrag khrig brgya stong grangs med pa'i rnams yongs su smin par gdul ba la rmongs pa med pa dang / sangs rgyas kyi rnam par 'phrul pa thams cad du 'gro ba gdon mi za ba'i mchog thob pa dang bzang ba thams cad la mngon par ma chags pa dang / bgrang ba mngon par bsgrub pa thams cad shin tu bslabs pa dang bgrang ba'i shes pa thams cad kyi mthar thug cing chos rnam par dgod pa la mkhas pa dang / 'di dag dang gzhan yang yon tan bye ba khrag khrig brgya stong brjod du med pa dang / yon tan bsngags pa rnam par dag pa mi zad las/ byang chub sems dpa' rnams kyi dus gsum gyi yon tan tshad med pa dang ldan pa sha stag de bzhin gshegs pa mngon sum du bya ba dang / sangs rgyas 'byam klas pa thams cad blta ba'i phyir kun nas 'dus par gyur to// de nas byang chub sems dpa' rdo rje'i rgyal mtshan gyis/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// yang dag sangs rgyas skye ba med// rgyal ba mya ngan mi 'da' ste/ / rgyu mthun pa yi smon lam gyis// des ni rnam par 'phrul pa snang // 'di dag chos ni bas pa mi khyab// 'di dag sems kyi spyod yul min// gang gis ye shes pha rol phyin//

  292. 147a

    des ni sangs rgyas spyod yul mthong // lus 'di yang dag sangs rgyas min// sgra yang de bzhin gshegs pa min// lus dang sgra las gzhan na yang // sangs rgyas rnam par 'phrul mi mthong / / sngon gyi las rnams ma gtogs par// rang byung rnams kyi spyod yul gyi// mchog gi tshul rnams shes pa ni// blo zhan rnams kyis mi nus so// yang dag sangs rgyas rnam 'phrul 'di// gang dag nas kyang ma 'ongs te/ / gang du'ang 'gro bar mi 'gyur ro// 'di dag rang byung sku yin no// tshad med shin tu 'dren pa rnams// chos 'di rab tu bshad mdzad kyang // chos la gnas pa gang yang med// zhing rnams bye ba kun na snang / / mkhyen pas mtha' dang dbus med de// chos kun thugs su chud cing rtogs// chos kyi dbyings la rab zhugs nas// rnam par 'phrul pa ston pa mdzad// chos rnams kun la chags pa med 'gro la de ni bsgribs mi mnga'/ / tshad med pa yi yon tan gyis// zhing rnams kun na rab tu snang // gang zhig ye shes 'di dag dang // ye shes thams cad rtogs 'dod pas// bsam pa rnam par sbyang byas te// / byang chub spyod pa spyad par bya// drang srong chen po'i byin gyis brlabs// 'di 'dra gang gis mthong gyur cing // de ni the tshom mi byed na// dge bshes mchog la bsten pa yin// de nas byang chub sems dpa' dam pa'i rgyal mtshan gyis/ sangs rgyas kyi byin gyis brlabs kyis phyogs bcur rnam par bltas nas/ de'i tshe tshigs su bcad pa 'di dag smras so// shin tu zab ste brjod du med//

  293. 147b

    brjod du yod kyang 'da' bar dka'// tshig gi lam las shin tu 'das// nam mkha' la ni rgyal ba snang // de bzhin gshegs pa'i byin rlabs kyis// mi yi seng ge mthong bar 'gyur// yang dag sangs rgyas rtog med kyang / / rgyal ba rnam par rtog par snang // 'jig rten mgon pos chos nyid dngos// zab mo 'di dag yang dag bstan// gang zag mtshungs pa med pa yi// des ni sku 'di rab tu 'byung // thams cad gzigs kyi spyod yul gyi// ye shes chen po 'di 'dra ste// 'di la gang zhig rtogs 'dod pas// des ni rgyal ba mngon du byas// yid kyi dbang po rnam dag pas// de bzhin gshegs pa bsnyen bkur zhing / / 'di yi tshul las 'da' byed tshe// nam yang skyo bar mi bya'o// mi zad pa yi bsod nams dang // byang chub sems kyis brtan pa'i rnams// the tshom rnam par bzlog byas te// de dag la ni skyo med ltos// rgyal sras gang gis chos dbyings kyi// shin tu bstan pa'i mthar phyin pa// des ni kun gzigs rnam 'phrul pa// 'di dag shin tu 'da' bar bya// dad pa chos 'di'i rtsa ba zhes/ / chos kyi phung pos bshad mdzad kyis// dad pa shin tu cher skyed la// byang chub spyod pa spyad par gyis// sangs rgyas bsti stang gang byed cing // de bzhin gshegs la drin gzo ba// yang dag sangs rgyas dpal ldan las/ / de dag rgyang mar mi gnas so// bdag nyid che ba 'di lta bu// gang gis thos mthong mkhas pa'i rnams// spyod yul thob pa cis 'gyur ba'i// smon

  294. 148a

    / mam su zhig sbyong mi byed/ de nas byang chub sems dpa' dpa' ba'i rgyal mtshan gyis/ sangs rgyas kyi byin gyis brlabs kyis phyogs bcur rnam par bzlas nas/ de'i tshe tshigs su bcad pa 'di dag smras so// ji ltar nyi ma'i 'od snang bas// mig gis gzugs rnams mthong gyur pa// de bzhin sangs rgyas byin rlabs kyis// dag pa'i sems ldan rgyal ba mthong ji ltar brtson 'grus stobs ldan pa/ / rgya mtsho la ni 'jug par byed// de bzhin ye shes stobs ldan pas// bsam du med pa'i sangs rgyas mthong // ji ltar sa bon rnam par dag/ zhing bzang la ni skye 'gyur ba/ / de bzhin sems bsam rnam dag la// sangs rgyas chos ni skye bar 'gyur// ji ltar nor gyi phung po yis// dbul ba thams cad spongs byed pa// de bzhin sangs rgyas chos rnams kyis// byang chub sems dpa' rnam dag 'gyur// ji ltar dug tu gyur pa la// nad med dug sman rgyal bar byed// de bzhin nyon mongs rnam dag la// rnam dag tshul ni spyod yul lo// sangs rgyas kyis ni gang bsngags pa'i/ / dge ba'i bshes la brten byas na// de yi mthus ni sangs rgyas kyi// chos nyid 'di dag thos par 'gyur// bskal pa bye ba grangs med par// sbyin pa mchog rnams byin byas kyang / / 'di yi tshul la rab spyod pa'i// grangs dang char yang mi 'gro'o// sangs rgyas yon tan mtha' yas te// mtshan gyis shin tu rnam par bris// brjod pas yang dag sangs rgyas rnams// /

  295. 148b

    rgyam pa shes par mi nus so// rdzogs pa'i sangs rgyas rkang gnyis mchog/ gnas nas g.yo ba mi mnga' bar// sku ni kun tu rnam chu zhing // chos kyi dbyings ni ston pa mdzad// ji ltar nam mkha'i khams 'di ni/ / nam yang rang bzhin mi 'gyur te// de bzhin sangs rgyas chos nyid kyang // ngo bo nyid las 'gyur ba med// de nas byang chub sems dpa' skar ma'i rgyal mtshan gyis/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// mi yi 'jig rten 'di kun dang // lha yi gnas rnams thams cad dang / / 'gro ba ma lus kun na yang // mi yi gtso bo shin tu snang // ji ltar sems dngos gcig pu las// rnam pa tha dad sems brjod pa// de bzhin sangs rgyas sku gcig las/ sangs rgyas thams cad brjod pa yin// byang chub gnyis su med par brjod// byang chub de yang mtshan nyid med// mtshan gyis mngon par rnam bris pa'i// sku rnams gnyis su snang bar 'gyur// mkha' dang chos kyi dbyings la zhugs// sgyu ma'i sa yang rab tu bstan// de phyir sangs rgyas de dag gi/ spyod yul blta ba zad pa med// yang dag sangs rgyas chos kyi sku// mgon po thams cad dus gsum du/ / ji ltar 'dul ba'i 'gro ba la// gzugs kyi skur yang rab tu snang // 'di 'dra'i lus su bdag gyur ces// sangs rgyas rtog par mi mdzad do// ston la rnam rtog mi

  296. 149a

    mnga' yang / / byin gyis brlabs ni ston par mdzad// dbyer med pa yi dbyings la yang // chos kyi dbyings ni yang dag nas// 'jig rten khams ni tshad med par// thub pas rnam par rtog pa ldan/ / sku ni sprul pa ma yin te// sprul min pa yang sgyu ma yin// sprul pa med pa'i chos 'di yis// sprul pa rnams ni rab tu bstan// yang dag sangs rgyas tshad med pa// chos kyi dbyings la shin tu rten/ / mtha' dang dbus med rab tu zab// tshig gi lam gyis bzla bar dka'// kun tu 'gro ba'i chos rnams la// de bzhin gshegs pa don nges mkhyen// zhing rnams kun la chags mi mnga'/ / chos kyi dbyings la rnam par spyod// de nas byang chub sems dpa' ye shes rgyal mtshan gyis/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// kun mkhyen ye shes ma chags pa// de la zhugs par gang gyur pa// de yi sems ni tshad mi zin// byang chub kyi ni spyad pa spyod// de bzhin gshegs pa mang po rnams/ / yul dang yul du de dag snang // chos rnams phyogs gcig gang la yang // yang dag sangs rgyas gnas pa med// 'jig rten sgron ma de dag gis// byin gyis brlabs ni gang bstan pa/ / bskal pa bsam gyis mi khyab par// 'di yi mtha' ni rnyed par dka'// dus gsum rnams ni ji snyed pa'i// sems can rnams kyi mthar thug pa// bgrang ba'i mthar ni phyin par

  297. 149b

    nus/ / 'dren pa la ni mthar thug med// de dag sku ni gcig tu snang // sku gnyis de dag bsam mi khyab// 'jig rten khams su snang gyur kyang // sku la gnyis su gyur pa med// ji ltar zla ba shar gyur pa// tshad med pa yi gzugs brnyan rnams// chu yi snod du snang gyur kyang // zla ba gnyis su gyur pa med// de bzhin chags med mkhyen ldan rnams// chags med rnam par 'tshang rgya ba// zhing rnams kun na rab tu snang / / sangs rgyas la ni gnyis kyang med// 'di la gcig kyang yod ma yin// sku ni gnyis sam gsum du med// ji ltar sems can bsam pa bzhin// tshad med par ni rab tu snang // sku ni 'das pa ma yin te/ / ma 'ongs pa yang ska ma yin// skyes dang byang chub mya ngan 'das// skad cig gis ni rab tu snang // ji ltar sgyu mar gyur pa'i gzugs// skyes pa ma yin 'ongs pa min// de ltar de bzhin gshegs pa'i sku/ / skye ba med par shin tu bstan// de nas byang chub sems dpa' rin po che'i rgyal mtshan gyis/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// yang dag sangs rgyas tshad med pas// tshad du sku yang rnam par bstan// ji ltar 'dul ba'i sems can rnams// de bzhin 'dren pa rab tu mthong / / sku la phyogs ni med par brjod// sangs rgyas yul ni ma lus khyab// bar snang nam mkha' ji lta bar// de bzhin sangs rgyas bsam mi khyab// der ni sems kyang

  298. 150a

    'pho ba med/ / sems la skye ba yod la'ang min// sangs rgyas rnams kyi spyod yul ni// skye ba med la rab tu gnas// ji ltar rab rib ldan pa'i mig/ nang na'ang med cing phyina'ang med/ / de bzhin 'jig rten sangs rgyas dag/ nang na'ang mi bzhugs phyi na'ang min// 'jig rten kun gyi don gyi phyir// rkang gnyis kyi ni mchog byung ste// 'jig rten du ni ma byung yang // 'jig rten dag tu skye bos mthong // sangs rgyas rnams la zhing mi gnas// rgyal ba dag la nyin mtshan med// skad cig ma yin zla ba min// rgyal ba la ni lo mi gnas// 'jig rten dag na 'di skad brjod// / nyi ma che ge mo zhig tu// rang byung byang chub rgyal bas thob// sangs rgyas nyi ma'i rjes mi 'brang // de la bskal pa yod ma yin// dus kyang ma lus med pa ste// dus gsum yang dag rdzogs sangs rgyas// / mgon po rnams ni mnga' bar 'gyur// ji ltar nyi ma'i dkyil 'khor ni// nams kyang mtshan dang mi gnas te// nyin mtshan zhes kyang rab tu brjod// de bzhin sangs rgyas chos nyid do// bskal pa gcig dang dus gsum du/ / 'dren pa bzhugs pa ma yin te// dus gsum zhes kyang rab tu brjod// sangs rgyas rnams kyi chos nyid ltos// de nas byang chub sems dpa' rdul dang bral ba'i rgyal mtshan gyis/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// yang dag sangs rgyas sku gcig ste/

  299. 150b

    'dren pa thams cad don gcig kyang // tshad med gzhan dang gzhan dag tu// phyogs bcu kun na rab tu snang // gang gis ma lus thams cad kyi// chos kyi dbyings rnams kun khyab pa// sems can gtso bo thub pa yi/ / spyod yul rnams ni ci 'dra ltos// sangs rgyas rnams kyi chos nyid ni// nang gi skus kyang snang ba min// de bzhin gshegs pa'i byin gyis brlabs// phyi rol skus kyang mi snang ngo / / dus mang kun tu las rnams kyis// ji ltar las rnams bsags pa bzhin// de bzhin so sor phye ba'i skus// rigs su byung ba rab tu bstan// rgyal ba'i chos nyid ma gtogs par// sangs rgyas sku ni 'di 'dra ba// grangs su bgrang bar mi nus te// bsams pas lta yang shes mi nus// ji ltar bdag cag sems kyi las// bsam gyis mi khyab mi 'byung ba// de bzhin sangs rgyas bsam mi khyab/ / sems kyi 'phrin las mi mnga' 'o// ji ltar zhing rnams bsam yas pa// sa la rnam par dag pas mdzes// de bzhin sangs rgyas bsam mi khyab// 'gro ba dag na mdzes par snang / / ji ltar las rnams 'jug pa ni// rkyen gyis rab tu 'byung 'gyur ba// de bzhin rgyu rnams 'thun pa las// sangs rgyas shin tu mthong bar 'gyur// yid bzhin nor bu'i rgyal po ni// ji ltar yid bsams rdzogs byed pa/ / de bzhin sangs rgyas chos nyid kyang // rtag tu smon lam rdzogs par sgrub// mtha' dang dbus med 'jig rten 'dir// 'jig rten mgon po 'dren par gyur

  300. 151a

    de yi smon lam de dag gis/ / phyogs bcu 'di dag rgyal bas gang // de nas byang chub sems dpa' dri ma med pa'i rgyal mtshan gyis/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// ye shes dkyil 'khor sangs rgyas te// 'jig rten chos rnams rnam par sbyong // 'jig rten chos rnams rnam sbyangs nas/ / sangs rgyas chos rnams rab tu brjod// de ste sems can mnyam sangs rgyas// sems can la las bsam byas na// rgyal ba de dag thams cad mthong // sangs rgyas la ni gshegs pa med/ / sangs rgyas la ni dmigs byas nas// sems kyis sangs rgyas dmigs pas na// sems bskyed pa dang rgyal mnyam par// de bzhin de dag rgyal ba mthong // dkar ba'i chos kyis nyer brtan cing / / gang gis grags pa rnam sbyangs pa// de dag thams cad sems bskyed la// shes rab ldan pa rab tu bzhugs// dmigs pa dag dang byin gyis brlabs// mi yi gtso bo ston pa mdzad/ de phyir dmigs pa kun tu yang // sangs rgyas rgyal ba gshegs par brjod// 'jig rten khams rnams 'di dag ni// sangs rgyas sku rnams bdag gi med// sems la bdag gi med pa bstan// byang chub rtogs la bdag gi med/ / mi yi se ge'i chos nyid dang // dpa' ba'i stobs la rab tu gnas// lus dang mtshan nyid mi 'dra ste// snang ba'i sems dang mnyam pa'i sku// ji ltar 'jig rten de bzhin sku// ji bzhin

  301. 151b

    / skur yang rgyal ba ste// sku yi rang bzhin shes pa ni// sangs rgyas chags pa med ces bya// sangs rgyas kun tu gzigs pa ste// chos rnams thams cad rab tu gzigs// sangs rgyas chos dang byang chub rnams/ / gang la'ang dmigs pa med pa yin// sangs rgyas la ni gshegs pa med// sangs rgyas gang na'ang mi bzhugs te// yang dag sangs rgyas log pa med// de bzhin gshegs la len mi mnga'// de nas byang chub sems dpa' dpal gyi rgyal mtshan gyis// sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// sangs rgyas thams cad kun tu khyab/ / zhing gcig la ni mi gnas te// thams cad du ni sangs rgyas gshegs// zhing rnams kun tu rab tu snang // sangs rgyas sku ni thams cad du// byin gyis brlabs dag rab tu 'byung // 'tshang rgya chos kyi 'khor lo dang / / bsam pa bzhin du mya ngan 'da'// sangs rgyas la ni su zhig sems// ci phyir sangs rgyas bsam mi khyab// yang dag sangs rgyas su yis mthong // rgyal ba sus kyang mthong bar 'gyur// ji ltar chos rnams chos nyid dang / / ji ltar sangs rgyas spyod yul du// gang dag chos rnams gcig tsam yang // de bzhin nyid la mi 'jug go// 'di ni 'jig rten 'di rgyal zhes// 'jig rten dag na rnam rtog yod// gang gis ngo bo nyid shes na/ / 'jig rten med de rgyal ba'ang med// 'jig rten dad par bya ba'i phyir// mgon po dag ni mngon sum ston// de dag gi ni blta ba 'di// shin tu dmigs par mi rung ngo // gang gis chags pa rnam pa zlog cing // chags/

  302. 152a

    ma med la dga' byed pa// chags pa thams cad rnam bzlog nas// chags med chos nyid rtogs par 'gyur// sangs rgyas zhes brjod gang yin dang // gang gis rnam 'phrul snang 'gyur ba'i/ chos ni dus gsum thams cad du// rnam pa kun tu mi rnyed do// gang gis chos nyid 'di shes shing // gang gis 'di bzhin yid ches na// thams cad mkhyen cing kun gzigs pa'i/ de bzhin gshegs par myur du 'gyur/ / sangs rgyas thams cad rnam 'phrul pa// 'di dag thams cad tshig gis bstan// yang dag sangs rgyas tshig lam med// tshig gi lam gyis rab tu brjod// de nas byang chub sems dpa' chos kyi rgyal mtshan gyis/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// gang gis rnam par 'phrul snang ba'i// sangs rgyas mthong ba med pa bas/ / 'jig rten khams rnams thams cad kyi// sdug bsngal phung po blangs kyang bla// 'gro ba gang gis byang chub tu// sems ni nam yang ma bskyed pa// de dag gnas 'di thos gyur na/ sangs rgyas byang chub 'grub par 'gyur// gang gis bsam pa gcig gis kyang // 'di la mos byed mkhas pa ni// mi yi mchog tu mi 'gyur zhes// des ni the tshom mi bya'o// de yi rnam par 'phrul pa ni/ / bskal pa bye ba'i bar du dkon// su zhig 'di la mos byed pa// de dag bla na med par 'gyur// brjod du med pa'i sangs rgyas rnams// skad cig skad cig bsnyen bkur yang /

  303. 152b

    'di yi tshul la mi gnas na// de dag bsnyen bkur byas ma yin// gang la sangs rgyas brjod gyur pa'i// chos 'di gang gis thos gyur pa// des ni mi bde kun gyis kyang // spyad pa rnams ni blang bar bya// ji tsam chos kyi dbyings rnams dang // dus gsum gyi ni mgon po yi// sangs rgyas rnams ni rten pa yi// ye shes chen po gcig thos nas// phyi mtha'i bskal pa bye ba rnams// zhing rnams re rer zad byas shing / / 'di yi tshul ni brtson byed na// de la byang chub dkon pa med// sems can rnams kyi sngon mtha' yi// 'khor bar mi rnams gnas gyur kyang // des ni sangs rgyas rab byung ba// / chos nyid 'di ni shes ma gyur// chos rnams zhig par byas pa med// chos ni 'jig par mi 'gyur te// kun tu snang las rnam 'phrul pa// 'jig rten de dag thams cad bstan// shin tu rgyas pa chen bopo'i mdo sangs rgyas phal po che zhes bya ba las/ dga' ldan gyi gnas su byang chub sems dpa' 'dus pa'i tshigs su bcad pa bstan pa'i le'u ste nyi shu dgu pa'o// // de nas byang chub sems dpa' rdo rje'i rgyal mtshan de'i tshe/ sangs rgyas kyi mthus ting nge 'dzin ye shes snang ba zhes bya ba la snyoms par zhugs te/ byang chub sems dpa' rdo rje'i rgyal mtshan byang chub sems dpa'i ting nge 'dzin ye shes snang ba zhes bya ba de la snyoms par zhugs ma thag tu/ de'i tshe na phyogs bcu'i phyogs re rer 'jig rten gyi khams sangs rgyas kyi zhing stong gi rdul shin tu phra ba snyed

  304. 153a

    'das pa'i pha rol na/ de bzhin gshegs pa sangs rgyas kyi zhing bcwa phrag stong gi rdul shin tu phra ba sbed kyis zhal bstan pa mthong ste/ de dag kyang 'di lta ste/ mtshan rdorje rgyal mtshan zhes bya ba sha stag go/ / phyogs gcig nas ji lta ba de ltar/ phyogs bcu nas kyang de bzhin te/ de la sangs rgyas bcom ldan 'das de dag gis 'di skad ces kyang bka' stsal to// rdo rje'i rgyal mtshan de ltar khyod byang chub sems dpa'i ting nge 'dzin ye shes snang ba la snyoms par zhugs pa legs so lags so/ / 'di ltar yang rigs kyi bu khyod la phyogs bcu nas de bzhin gshegs pa sangs rgyas kyi zhing brgya stong phrag bcu'i rdul shin tu phra ba snyed thams cad kyang mtshan 'thun pa sha sag gis/ 'di ltar bcom ldan 'das rnam par snang mdzad 'di'i sngon gyi smon lam dang / sngon gyi byin gyis brlabs dang / khyod kyi ye shes rnam par dag pa dang / byang chub sems dpa' rnams kyi dge ba'i rtsa bas brtan pa'i phyir 'di lta ste/ byang chub sems dpa'i mi 'jigs pa rnam par dag par bya ba dang / spobs pa chags pa med par bya ba dang / ye shes kyis bsgribs pa med pa'i sar 'jug par bya ba dang / thams cad mkhyen pa'i sems yangs pa la rab tu 'jug par bya ba dang / dge ba'i rtsa ba mi zad pa phun sum tshogs par bya ba dang / bsgribs pa med pa'i chos dkar po yongs su rdzogs par bya ba dang / chos kyi dbyings la sgo kun nas 'jug par bya ba dang / sangs rgyas thams cad kyi cho 'phrul bstan par bya ba dang / sngon gyi mtha'i mur

  305. 153b

    thug pa'i ye shes dang dran pa rgyun mi chod pa rnam par dag par bya ba dang / dbang po sangs rgyas thams cad kyi byin gyis rlabs kyis byin du brlab par bya ba dang / chos kyi sgo mtha' yas la bstan par bya ba dang / shes pa kun gzung bar bya ba dang / 'di lta ste/ yongs su bsngo ba bcu yongs su rdzogs par bstan pa dang / byang chub sems dpa' thams cad kyi dge ba'i rtsa ba gzung bar bya ba dang / 'jig rten las 'das pa'i tshogs rnams rab tu bstan par bya ba dang / thams cad mkhyen pa'i ye shes mi chod par bya ba dang / smon lam chen po'i skabs dbye bar bya ba dang / don shin tu bstan pa la 'jug pa bya ba dang / chos kyi dbyings yongs su shes par bya ba dang / byang chub sems dpa' thams cad kyi yid rab tu dga' bar bya ba dang / sangs rgyas thams cad kyi srid pa gsum gyi dge ba'i rtsa ba 'thun pa la brten par bya ba dang / de bzhin gshegs pa thams cad kyi rigs yang dag par gzung bar bya ba'i phyir byin gyis brlabs pa mdzad kyis/ kye rigs kyi bu khyod kyis de bzhin gshegs pa'i mthu dang / sangs rgyas kyis byin gyis brlabs pa dang / 'jig rten las 'das pa'i bsod nams kyis brtan pa dang / gzungs kyi snang ba la zhugs pa dang / sangs rgyas kyi chos bsgribs pa med pa la zhugs pa dang / chos kyi dbyings snang ba'i chos nyid du bya ba dang / kha na ma tho ba med pa'i chos dkar po yang dag par bsgrub par bya ba dang / ye shes kyi spyod yul yangs pa la gnas pa dang / bsgribs pa med pa'i chos snang

  306. 154a

    ba la gnas pas chos bstan pa 'di brjod pa dang bstan pa'i phyir spobs par gyis shig/ de nas sangs rgyas bcom ldan 'das de dag gis byang chub sems dpa' rdo rje'i rgyal mtshan gyi ye shes tshad med pa nye bar bsgrub pa mdzad do/ / spobs pa chags pa med pa dang tshig rab tu dbye ba la mkhas pa nye bar bsgrub pa mdzad do// bsgribs pa med pa'i chos kyi snang ba nye bar bsgrub pa mdzad do// de bzhin gshegs pa rnams kyi sku dang gcig pa nye bar bsgrub pa mdzad do// tshad med pa'i dbyangs kyi dkyil 'khor rnam par dag pa nye bar bsgrub pa mdzad do// byang chub sems dpa'i ting nge 'dzin bsam gyis mi khyab pa rnam par dbye ba la mkhas pa nye bar bsgrub pa mdzad do/ / dge ba'i rtsa ba thams cad nyams pa med par yongs su bsngo ba'i ye shes nye bar bsgrub pa mdzad do// chos thams cad kyi lhag mthong mngon par bskyed pa la mkhas pa nye bar bsgrub pa mdzad do/ / chos thams cad bstan pa'i gnas rgyun mi chod pa nye bar bsgrub pa mdzad do// de ci'i phyir zhe na/ 'di ltar ting nge 'dzin 'di nyid kyi dge ba'i rtsa ba'i gzi brjid kyi phyir ro/ / de nas sangs rgyas bcom ldan 'das de dag gis phyag g.yas pas/ byang chub sems dpa' rdo rje'i rgyal mtshan gyi spyi bo la byug pa mdzad do// sangs rgyas bcom ldan 'das de dag gis byang chub sems dpa' rdo rje'i rgyal mtshan la reg ma thag tu ting nge 'dzin de las rnam par langs te/ langs nas kyang byang chub sems dpa' de dag la smras pa/ kye rgyal ba'i

  307. 154b

    sras dag/ byang chub sems dpa'i smon lam 'di lta ste/ 'gro ba thams cad khyab par byed pa/ sems can thams cad yongs su skyob pa 'di ni bsam gyis mi khyab ste/ kye rgyal ba'i sras dag/ de la gnas shing byang chub sems dpa' sems dpa' chen po rnams 'das pa'i sangs rgyas bcom ldan 'das rnams kyi yongs su bsngo ba la slob bo/ / ma byon pa'i sangs rgyas bcom ldan 'das rnams kyi yongs su bsngo ba la slob par 'gyur ro/ / da ltar byung ba'i sangs rgyas bcom ldan 'das rnams kyi yongs su bsngo ba la slob bo// kye rgyal ba'i sras dag/ byang chub sems dpa' sems dpa' chen po rnams kyi yongs su bsngo ba gang la bsams te de skad du smras pa de dag ni gang / kye rgyal ba'i sras dag/ yongs su bsngo ba'i grangs ni du zhe na/ kye rgyal ba'i sras dag/ bsngo ba bcu po 'di dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so// gsung ngo // gsung bar 'gyur ro// bcu gang zhe na/ 'di lta ste/ sems can rnams kyi 'du shes 'gog cing 'gro ba thams cad yongs su skyob pa zhes bya ba/ byang chub sems dpa' rnams kyi yongs su bsngo ba dang po dang / mi phyed pa dang ldan pa zhes bya ba/ byang chub sems dpa' rnams kyi yongs su bsngo ba gnyis pa dang / sangs rgyas thams cad la yang dag par bskyed pa zhes bya ba/ byang chub sems dpa' rnams kyi yongs su bsngo ba gsum pa dang / thams cad du rjes su song ba zhes bya ba/ byang chub sems dpa' rnams kyi yongs su bsngo ba bzhi pa dang

  308. 155a

    bsod nams kyi mdzod mi zad pa zhes bya ba/ byang chub sems dpa' rnams kyi yongs su bsngo ba lnga pa dang / dge ba'i rtsa ba thams cad dang mnyam pa nyid kyi rjes su song ba zhes bya ba/ byang chub sems dpa' rnams kyi yongs su bsngo ba drug pa dang / 'gro ba thams cad mnyam pa nyid kyi rjes su song ba zhes bya ba/ byang chub sems dpa' rnams kyi yongs su bsngo ba 'dun pa dang / de bzhin gshegs pa'i mtshan nyid kyi rang bzhin zhes bya ba/ byang chub sems dpa' rnams kyi yongs su bsngo ba brgyad pa dang / chags pa med cing bcings pa dang bkrol ba med pa zhes bya ba/ byang chub sems dpa' rnams kyi yongs su bsngo ba dgu pa dang / chos kyi dbyings tshad med pa'i rjes su song ba zhes bya ba/ byang chub sems dpa' rnams kyi yongs su bsngo ba bcu pa ste/ kye rgyal ba'i sras dag/ byang chub sems dpa' rnams kyi yongs su bsngo ba bcu po de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so// gsung ngo // gsung bar 'gyur ro// kye rgyal ba'i sras dag/ byang chub sems dpa' rnams kyi yongs su bsngo ba dang po sems can rnams kyi 'du shes 'gog cing 'gro ba thams cad yongs su skyob pa zhes bya ba gang zhe na rgyal ba'i sras dag/ 'di la byang chub sems dpa' sbyin pa'i pha rol tu phyin pa la rab tu sbyor ba 'am/ tshul khrims kyi pha rol tu phyin pa la rnam par sbyong ba 'am/ bzod pa'i pha rol tu phyin pa la sems

  309. 155b

    pa 'am/ brtson 'grus kyi pha rol tu phyin pa la rtsom pa 'am/ bsam gtan gyi pha rol tu phyin pa la rnam par dpyod pa 'am/ shes rab kyi pha rol tu phyin pa la 'jug pa 'am/ byams pa bsgom pa yang dag par bskyed pa 'am/ snying rjes snying brtse bar byed pa 'am/ dga' ba la rab tu dga' bar byed pa 'am/ btang snyoms la shin tu gnas pa byed kyang rung ste/ dge ba'i rtsa ba rnams la shin tu bsams nas/ dge ba'i rtsa ba de dang de dag la rab tu sbyor zhing dge ba'i rtsa ba tshad med pa rnam par phye nas/ 'di ltar dge ba'i rtsa ba gang gis sems can rnams kyi sems can dmyal ba'i ngan song rgyun 'chad par 'gyur ba dang / byol song gi skye gnas dang gshin rje'i 'jig rten pa rnams kyi sdug bsngal gyi phung po rnam par ldog par 'gyur ba'i dge ba'i rtsa ba 'gro ba thams cad la rnam pa dag pa'i mthar phyin par phan 'dogs pa gang yin zhes sems bskyed do/ / de de ltar dge ba'i rtsa ba de dag yang dag par bskyed pa na 'di ltar yongs su bsngo ste/ dge ba'i rtsa ba 'dis sdug bsngal gyi phung po thams cad rnam par bzlog pa'i phyir/ bdag sems can thams cad kyi gnas su gyur cig/ nyon mongs pa thams cad las yongs su dgrol ba'i phyir/ bdag sems can thams cad kyi dpung gnyen du gyur cig/ 'jigs pa kun las bsrung ba'i phyir/ bdag sems can thams cad kyi skyabs su gyur cig/ thams cad mkhyen pa'i sa thob par bya ba'i phyir/ bdag sems can thams cad kyi lam du gyur cig/ shin tu bde ba dang ldan

  310. 156a

    pa 'thob par bya ba'i phyir/ bdag sems can thams cad kyi rten du gyur cig/ rab rib med pa ye shes snang ba yang dag par bstan pa'i phyir/ bdag sems can thams cad kyi sdang bar gyur cig/ ma rig pa'i mun pa rnam par bsal ba'i phyir/ bdag sems can thams cad kyi sgron mar gyur cig/ shin tu dag pa la rab tu dgod pa'i phyir/ bdag sems can thams cad kyi mar mer gyur cig/ chos kyi tshul la gzud pa'i phyir/ bdag sems can thams cad kyi 'dren par gyur cig/ bsgribs pa med pa'i ye shes kyi phung po bstabs pa'i phyir/ bdag sems can thams cad kyi yongs su 'dzin par gyur cig ces/ de de ltar 'grob thams cad kyi don du thams cad mkhyen pa nyid kyi mthar shin tu thug par dge ba'i rtsa ba de dag yongs su bsdu ste/ ltar mdza' ba bsrung ba'i phyir/ yongs su bsngo ba de ltar mi mdza' ba bsrung ba'i phyir yang yongs su bsngo'o// de ci'i phyir zhe na/ byang chub sems dpa' sems dpa' chen po rnams la bdag tu bya ba'i bsam pas mi mdza' ba ni gang yang med de/ de yang 'di ltar byang chub sems dpa' ni chos thams cad mnyam pa nyid la yang dag par byung ba ste/ de 'di snyam du byang chub sems dpa' mi mdza' ba'i don byed pa de dag thams cad ni bdag gi rgyud la dgod dgod pa yin no zhes te/ de dag ni sems can thams cad kyi yul thams cad la zhe sdang ba med pa'i mig gis blta'o// byang chub sems dpa' sems

  311. 156b

    dpa' chen po rnams ni 'gro ba thams cad kyi dge ba'i bshes gnyen te/ sems can thams cad la dge ba'i chos yang dag par bstan pa'i phyir 'jug go// 'di lta ste/ dper na rgya mtsho chen po ni dug thams cad kyis gdug par bya bar mi nus so/ / de bzhin du byang chub sems dpa' yang drin mi gzo ba dang / blo zhan pa dang / sems 'khrugs pa dang / rnyog pa dang / mun par gyur pa dang / rang bzhin stor ba dang rlom sems dang ldan pa dang / sgrubs pa nyams pa dang / sems dmus long lta bur gyur pa'i sems can byis pa thams cad kyis skyon can du mi nus so// 'di lta ste/ dper na lha'i bu nyi ma 'char ba de ni dmus long gi skyon gyis 'char ba las thogs par mi 'gyur ro/ / dri za'i grong khyer gyi skyon gyis thogs par mi 'gyur ro// gling bzhi pa'i 'jig rten gyi khams kyi sa'i rdul gyi skyon gyis thogs par mi 'gyur ro// / lha ma yin gyi dbang po sgra gcan gyi skyon gyis thogs par mi 'gyur ro// du ba 'khrigs pa'i skyon gyis thogs par mi 'gyur ro// 'dzam bu'i gling gi nye ba'i nyon mongs pa'i skyon gyis thogs par mi 'gyur ro// / grib ma sna tshogs kyi skyon gyis thogs par mi 'gyur ro// dug gi ri'i skyon gyis thogs par mi 'gyur ro// khams kyi nye ba'i nyon mongs pa'i skyon gyis thogs par mi 'gyur ro// dus yongs su 'gyur ba'i skyon gyis thogs par mi 'gyur ro/ / de bzhin du byang chub sems dpa' sems dpa' chen po dran pa can yang dag par shes pa dang ldan pa/ sems kyi bdag nyid che ba nyid shin tu zab cing yangs la

  312. 157a

    yid la yang dag par rtog pa mi zhan pa/ yon tan spyad pas ye shes kyi mthar gyur pa/ chos la shin tu dad pa'i sems mngon par skyes pa/ chos kyi snang ba'i 'od kyis rab tu snang ba/ don thams cad mthong ba/ chos mngon par shes pa/ ye shes rig pa rtsod pa med pa lhur byed pa/ sems can thams cad dge ba'i chos spyod pa la rab tu sbyor ba/ sems can thams cad kyis nyes par sems bskyed pa la 'khrul pa med pa de yang dge ba'i rtsa ba de dag yongs su bsngo ba na/ gnod par byed pa thams cad kyi skyon gyis thogs par mi 'gyur ro// sems can mi bsrun pa'i tshul gyis ldog par mi 'gyur ro/ / sems can gyi lta ba'i rnyog pas dge ba'i rtsa ba yongs su bsngo ba dang 'bral bar mi 'gyur ro// sems can gyi sems 'khrug pas ldog par mi 'gyur ro// sems can kyi sems kyi rgyud stor bas byang chub sems dpa'i go cha chen po bgos pa las ring bar mi 'gyur ro/ / 'gro ba thams cad yongs su bskyab pa'i smon lam dkrugs ma'i rnyog pa thams cad kyis bcil bar mi 'gyur ro/ / byang chub sems dpa'i rtsom pa chen po sems can drin du mig zo ba mthong bas lhod par mi 'gyur ro// byang chub tu dmigs pa'i dge ba'i rtsa ba sems can mi bsrun pa'i dbang pos zhub par mi 'gyur ro/ / dge ba'i rtsa ba ji lta ba bzhin las byis pa'i skye bo dang 'grogs pa las 'phang bar mi 'gyur ro// sems can gzhan gyi skyon gyis skyo bar mi 'gyur ro// /

  313. 157b

    shin tu rgyas pa chen po'i mdobs po sum su ca gnyis pa/ de ci'i phyir zhe na/ dkyil 'khor 'di ni bsgribs pa med par 'gro ba thams cad rnam par dag par bya ba'i phyir 'byung ba ste/ sems can gcig la dmigs shing byang chub sems dpa' rnams bla na med pa yang dag par rdzogs pa'i byang chub tu dge ba'i rtsa ba yongs su bsngo ba ma yin/ 'di lta ste/ zhing rnam par dag par bya ba'i phyir zhing gcig la dmigs te/ byang chub sems dpa' byang chub kyi sems la mngon par spro ba ma yin/ 'di lta ste/ sangs rgyas blta ba rnam par dmigs pa'i phyir sangs rgyas gcig la dmigs te/ byang chub sems dpa' rnams kyi dad pa skye ba ma yin/ 'di lta ste/ ye shes gcig rjes su rtogs pa'i phyir ye shes gcig la dmigs nas/ byang chub sems dpa' rnams kyi smon lam skye ba ma yin gyi/ 'di ltar sems can thams cad yongs su skyab pa'i phyir dge ba'i rtsa ba rnams yongs su bsngo'o// zhing thams cad yongs su sbyang ba'i phyir dge ba'i rtsa ba rnams yongs su bsngo'o/ / sangs rgyas thams cad la mchod cing rim gro bya ba'i phyir/ sangs rgyas thams cad blta ba la dmigs nas byang chub sems dpa' rnams kyi dad pa skye'o/ / sangs rgyas thams cad kyi chos kyi ye shes kyis rjes su rtogs par bya ba'i phyir/ byang chub sems dpa' sems dpa' chen po bla na med pa yang dag par

  314. 158a

    rdzogs pa'i byang chub tu dge ba'i rtsa ba yongs su sngo ba rnams kyi smon lam skye'o/ / de yang 'di lhur byang chub sems dpa' sems dpa' chen po sangs rgyas kyi stobs la dmigs pa la sems yangs pa/ bsam pa ma 'khums pa/ bskal pa thams cad du shin tu dkon pa'i sems rin po che dang ldan pa rnams kyi sems ni 'di lta ste/ sangs rgyas thams cad dang mnyam pa nyid kyi phyir rab tu skyes te/ de ltar byang chub sems dpa' sems dpa' chen pos dge ba'i rtsa ba de dag yang dag par mthong nas/ sems dad pa chen po rnam par dag pa dang / snying rje chen pos brtan pas bsngo zhing dge ba'i rtsa ba de dag sems can thams cad la yongs su bsngo ste/ de yang tshig tsam du ma yin gyi/ bsam pa thag pas yongs su bsngo'o/ / de yang dga' ba'i sems dang / rab tu dga' ba'i sems dang / dad pa'i sems dang / mos pa'i sems dang / 'jam pa'i sems dang / byams pa'i sems dang // nye ba'i sems dang / snying rtse ba'i sems dang / phan gdags pa'i sems kyis yongs su bsngo'o// de yang 'di ltar yongs su bsngo ste/ bdag gi dge ba'i rtsa ba 'dis sems can thams cad kyi 'gro ba rnam par dag par gyur cig/ skye ba yongs su dag par gyur cig/ bsod nams kyi bdag nyid che ba yongs su rdzogs par gyur cig/ zil gyis mi non par gyur cig/ mi zad par

  315. 158b

    gyur cig/ thub par dka' ba'i sems su gyur cig/ dran pa nyams pa med par gyur cig/ rtogs pa nges par gyur cig/ blo tshad med par gyur cig/ lus kyi las dang / ngag gi las dang yid kyi las kyi yon tan gyi rgyan thams cad yongs su rdzogs par gyur cig/ dge ba'i rtsa ba 'dis sems can de dag thams cad sangs rgyas thams cad mnyes par byed par gyur cig/ ma zhes par byas nas kyang thugs 'byung ba med par gyur cig/ sangs rgyas bcom ldan 'das de dag la mi phyed pa'i dad pa yang thob par gyur cig/ de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyis chos bstan pa thob par gyur cig/ thos nas kyang the tshom dang yid gnyis med par gyur cig/ yang dag par 'dzin cing nan tan gyis sgrub par gyur cig/ sems kyi dga' ba nyid kyang thob par gyur cig/ kha na ma tho ba med pa'i lus kyi las kyang yang dag par grub par gyur cig/ dge ba'i rtsa ba chen po la bdag rab tu gzhog par gyur cig/ shin tu dbul ba dang rnam par bral bar gyur cig/ nor bdun thob pa yongs su rdzogs par gyur cig/ sangs rgyas thams cad kyi rjes su yang slob par gyur cig/ dge ba'i dbang po thob par bya ba yang thob par gyur cig/ mos pa chen po'i mnyam pa nyid kyang yongs su rdzogs par gyur cig/ thams cad mkhyen pa'i ye shes kyi go yang rnyed par gyur cig/ 'gro ba thams cad du nyams pa med pa'i

  316. 159a

    mig kyang skyed par gyur cig/ mtshan gyis 'argyan pa'i lus yongs su rdzogs pa yang thob par gyur cig/ yon tan thams cad kyis brgyan pa'i tshig rnam par dag pa yang yongs su rdzogs par gyur cig/ dbang po bsdams shing stobs bcu dang ldan pa'i sems dge ba yang yang dag par grub par gyur cig/ gnas med par spyod pa yang yongs su rdzogs par gyur cig/ sangs rgyas thams cad bde ba'i rim gro gang dang ldan pa'i bde ba'i rim gro de dag sems can thams cad kyis thob par gyur cig/ sangs rgyas kyi gnas rab tu thob pas tshad med pa'i gnas su gyur cig/ sems can de dag thams cad kyi sdug bsngal gyi phung po sgrib pa'i las sna tshogs las byung ba sgrib pa'i las de dag gis bsgribs pas sangs rgyas mi mthong ba dang / chos mi thos pa dang / dge 'dun mi shes pa'i bsgribs pa'i las rnam pa sna tshogs kyis bsags pa'i sdug bsngal gyi phung po de dag bdag gi lus 'dis sems can dmyal ba'i skye gnas dang / ngan song gi sa'i gnas de dang de dag tu blang bar bya'o// sems can de dag thams cad ni dge ba'i rtsa ba 'dis de nas bton te/ bdag gis de dag gi sdug bsngal dang nyon mongs pa de dag blang bar bya'o/ / spro bar bya'o// mi ldog par bya'o// de las mi 'bros par bya'o// mi skrag par bya'o// mi 'jigs par bya'o// phyir mi ldog par bya'o// zhum pa med

  317. 159b

    par bya'o/ / mi skyo bar bya'o// de ci'i phyir zhe na/ bdag gis ni sems can thams cad bsgral bar smon lam btab pas na sems can thams cad kyi khur bskur dgos so// 'di ltar bdag gis sems can thams cad yongs su dgrol bar bya'o/ / 'di ltar bdag gis sems can thams cad bsgral bar bya'o// skye ba'i dgon pa dang / rga ba dang na ba'i dgon pa dang 'chi ba'i dgon pa dang / 'chi 'pho dang skye ba'i dgon pa dang / nyon mongs pa thams cad kyi dgon pa dang / mi khom pa thams cad kyi dgon pa dang / 'khor ba thams cad kyi dgon pa dang lta ba thibs po thams cad kyi dgon pa dang / dge ba'i chos thams cad stor ba'i dgon pa dang / mi shes pa las byung ba'i dgon pa dang / dgon pa de dag thams cad nas bdag gis sems can sred pa'i dra bas 'khrigs pa dang / ma rig pa'i sgrib pas bsgribs pa srid pa'i sred pa dang ldan pa/ zhen pa'i mthar gyur pa dang / sdug bsngal gyi shing tags kyis bskor ba/ bdud kyi las la rten pa/ mi mkhas la/ bsod nams 'gags pa/ the tsom du gyur pa/ rtag tu yid gnyis dang ldan pa/ mi bde ba mthong ba/ 'byung ba la mi mkhas pa/ tshub ma'i bskor ba'i lo ma lta bur 'khor zhing 'phyan pa de dag thams cad yongs su thar par bya'o zhes/ de la byang chub sems dpa' snying rje chen pos yongs su rgyas pa'i sems dang ldan pas/

  318. 160a

    sems can gyi khams 'khor ba'i 'dam du bying ba mthong nas/ sems can de dag la snying brtse ba chen po skyes pa/ phan cher gdags pa'i sems rab tu bskyed pa sems can rnams kyi don chen po bya bar dga' ba/ sems can mang po rab tu dgrol bar dge ba'i rtsa ba yongs su bsngo ba/ yongs su bsngo ba chen po la zhugs pa dang / 'das pa dang ma 'ongs pa dang / da ltar byung ba'i byang chub sems dpa' thams cad kyi yongs su bsngo ba la rab tu zhugs pa/ bsngo ba chen po'i mdos sems can thams cad la dge ba'i rtsa ba de dag yongs su bsngo ba/ sems can thams cad shin tu rnam par dag par bya bar sems pa/ sems can thams cad kyi dge ba'i rtsa ba kun thams cad mkhyen pa nyid kyi mthar thug par yongs su bsngo ba de/ sems 'di lta bu dang ldan par 'gyur te/ sems can thams cad bla na med pa'i ye shes kyi rgyal srid la rab tu gzhag pa'i phyir bdag spyod de/ bdag ni bdag 'ba' zhig yongs su dgrol ba la mngon par zhugs pa ma yin gyis/ bdag gis sems can 'di dag kun thams cad mkhyen pa nyid kyi sems rab tu snang bas 'khor ba'i dgon pa brgal dka' ba nas gdon par bya'o// / g.yang sa chen po nas blang bar bya'o// gnod pa thams cad las yongs su dgrol bar bya'o// 'khor ba'i rgyud las rab tu bsgral bar bya'o// bdag nyid kyis sems can thams cad kyi

  319. 160b

    sdug bsngal gyi phung po blang bar spro bar bya'o/ / bdag gis sems can de dag thams cad 'khor ba'i sdug bsngal chen po'i sa'i 'og nas drang bar bya'o// 'jig rten gyi khams kyi mthar thug pa thams cad kyi ngan song kun gyi sdug bsngal thams cad blangs te/ nyams su myong bar bya ba la bdag gis spro bar bya'o// bdag gis sems can thams cad dge ba'i rtsa ba las mi spang bar bya'o/ / sems can thams cad yongs su dgrol ba'i phyir/ bdag ngan song gcig na phyi ma'i mthar thug pa'i bskal par gnas par spro bar bya'o// ngan song gcig tu ji lta ba de bzhin du 'jig rten gyi khams thams cad du gtogs pa'i ngan song thams cad du gnas par spro bar bya'o/ / de ci'i phyir zhe na/ kyi hud sems can 'di dag thams cad sdug bsngal gyi gnas su lhung ba bas ni bdag gcig spu sdug bsngal myong yang bla'i/ bdag gis der bdag nyid gtar bcugs ste/ sems can dmyal ba dang / byol song gi skye gnas dang / gshin rje'i 'jig rten gyi dgon pa nas 'gro ba thams cad blus te/ bdag gis sems can thams cad kyi don du sdug bsngal tshor ba'i phung po 'di dag thams cad bdag gis lus 'dis myong bar bya'o// bdag gis ni sems can rnams kyi gzha' bden par smra ba dang / yid ches shing mi slu bar spro bar bya'i// bdag la ni sems can thams cad kyis ma yin te/ de ci'i phyir zhe na/ 'di lta ste/ 'gro ba thams cad yongs su dgrol

  320. 161a

    ba'i phyir/ bdag gis thams cad mkhyen pa'i sems can thams cad la dmigs pa skye ste/ bdag nyid 'dod pa'i phyir ni bla na med pa yang dag par rdzogs pa'i byang chub tu ma zhugs so/ / 'dod pa'i yon tan lnga la dga' zhing spyod pa'i phyir yang ma yin no// 'dod pa'i yul la bsnyen pa'i phyir yang ma yin no// 'dod pa'i khams su gtogs pa'i dga' ba mang po gzhan blang ba'i phyir yang byang chub kyi spyod pa la mi spyod do/ / de ci'i phyir zhe na/ 'jig rten gyi dga' ba 'di dag thams cad ni dgra yin no// 'dod pa la brten pa 'di ni bdud kyi yul lo/ / 'dod pa la brten pa de ni blo ngan pas bstan pa'i lam mo// sangs rgyas thams cad kyis sman pa'i yul lo// de dag la brten pa de las sdug bsngal thams cad 'byung bar 'gyur ro/ / de las sems can dmyal ba dang / byol song gi skye gnas dang / gshin rje'i 'jig rten 'di dag thams cad kyang 'byung bar 'gyur ro// de las sems can rnams 'thab pa dang / mtshang 'dru ba dang / rtsod pa dang / gnad la 'bebs pa dang / 'khrug pa dang / kun tu 'khrug pa rnams kyang rab tu 'byung ngo // sems can 'di dag ni 'dod pa la brten pas sangs rgyas bcom ldan 'das rnams las ring du gyur pa ste/ 'dod pa de dag ni mtho ris su skye ba la yang bar du gcod na/ bla na med pa yang dag par rdzogs pa'i byang chub lta la

  321. 161b

    spos kyang ci dgos te/ sems can thams cad kyi bde ba dang dga' ba thams cad kyi yang bar du 'gyur ro// de ltar bdag gis 'don pa ni ro chung ni 'chad med pa'i nyes pa can du mthong na/ cing yang de dag spyod pa'i phyir 'jug gam/ de ci'i phyir zhe na/ bdag ni don 'di dag gi phyir bla na med pa yang dag par rdzogs pa'i byang chub tu zhugs pa ma yin no// 'dod pa la dga' ba'i phyir yang byang chub sems dpa'i spyod pa la mi spyod de/ de bas na sems can thams cad la phan pa dang bde bar zhugs pa'i sems bskyed de/ bdag ni 'di ltar sems can thams cad kyi don gyi phyir/ de dag nyid kyi smon lam yongs su rdzogs par bya ba dang / bsngo zhing bsgrub pa'i phyir don de la zhugs pa ste/ de bas na bdag gis sa can sdug bsngal gyi zhags pas bcings la thams cad kyi sdug bsngal gyi zhags pa bcad de/ sdug bsngal thams cad las yongs su dgrol bar bya'o// sdug bsngal gyi rgyud las rnam par bzlog par bya'o/ / bdag gis ji lta ji ltar sems can 'di dag thams cad shin tu bde ba dang / phan par 'gyur ba'i bde ba dang / tshor ba med pa'i bde ba dang / zhi ba'i bde ba dang / mi gnas pa'i bde ba dang / mi g.yo ba'i bde ba dang / tshad med pa'i bde ba dang / ma nyams pa'i bde ba dang / mi 'gag pa'i bde ba dang / thams cad mkhyen

  322. 162a

    pa nyid kyi bde ba rab tu thob par 'gyur ba de lta de ltar dge ba'i rtsa ba de dag yongs su bsngo bar bya'o/ / bdag pa lo sbyar ba dang / bdug mgon po dang / bdag ma na 'dzin pa dang / bdag lam bde ba ston pa dang / bdag khom pa rnyed pa dang / bdag thabs la mkhas pa dang / bdag don shes pa dang / bdag 'khor ba'i rgya mtsho la thams cad mkhyen ba'i gru bo che'i mnyan par gyur pa dang / bdag yongs su bsngo ba la mkhas pa dang / bdag pha rol ston pas dge ba'i rtsa ba de dag ji lta ji ltar sems can rnams kyi skyabs su 'gyur ba dang / 'khor bar gyur pa rnams yongs su rgal bar 'gyur ba dang / de bzhin gshegs pa thams cad mnyes par 'gyur ba dang / thams cad mkhyen pa nyid du bsgribs pa med par 'gyur ba dang bdud kyi yul rnams la mi gnas par 'gyur ba dang / sdig pa mi dge ba'i grogs po thams cad yongs su spong bar 'gyur ba dang / dge ba'i bshes gnyen byang chub sems dpa' thams cad la brten par 'gyur ba dang / las rnam par dag pa la kha na ma tho ba med par 'gyur ba dang / spyad pa chen po'i smon lam rnams yang dag par bsgrub par 'gyur ba dang / dge ba'i rtsa ba thams cad khong du chud par 'gyur ba de lta de ltar yongs su bsngo'o/ / de la byang chub sems dpa' dge ba'i rtsa ba de dag yongs su bsngo ba na/ sems 'di snyam du bskyed de/ kye ma

  323. 162b

    gling bzhi'i 'jig rten gyi mas snang bar bya ba'i phyir/ gling bzhi'i 'jig rten gyi khams na sems can ji snyed pa de snyed kyi nyi ma ni mi 'char gyi/ gling bzhi'i 'jig rten snang bar bya ba'i phyi nyi ma 'di nyid gcig pu 'char te/ sems can gling bzhir gtogs pa de dag rang rang gi lus las kyang snang ba gang gis/ de dag gis nyi ma'i grangs shes par 'gyur ba 'am rang gi don bsgrub par 'gyur ba 'am/ lo tog yongs su smin par 'gyur ba 'am/ nyin cig nyin cig cing bza' shing gi ra ba na/ grong khyer dag tu dga' ba dang rtse ba'i longs spyod myong bar 'gyur ba 'am/ phyogs snang bar 'gyur ba 'am/ grong dang / grong khyer dang / ljongs dang / pho brang 'khor dang / rgyal ba'i gnas dag tu 'gro ba dang 'ong bar bya ba dang spyod pa'i don sbyar bar bya ba'i snang ba mi 'byung ste/ sems can de dag rang rang gi lus la yang 'od gang gis de dag bsgrub pa'i 'od de lta bu mi gtong ste/ 'di ltar lha'i bu nyi ma'i dkyil 'khor gcig pu gnyis su med pa de ni/ gling bzhi'i 'jig rten gyi khams su sems can rnams la snang bar bya ba'i phyir 'char zhing rab tu 'byung ngo // de bzhin du byang chub sems dpa' dge ba'i rtsa ba yongs su bsngo ba na/ sems 'di ltar skye ste/ sems can 'di dag thams cad la gang gis// 'di dag bdag nyid yongs su bskyab par bya ba de nyid kyang med na

  324. 163a

    @gzhan paskyab pa sa ci spos kyis/ bdag nyid gcig pu gnyis su med pas sems can thams cad kyi phyir/ 'di ltar sems can thams cad dgrol ba dang / sems can thams cad snang bar bya ba dang / sems can thams cad gsal bar bya ba dang / sems can thams cad shes par bya ba dang / sems can thams cad gzud par bya ba dang / sems can thams cad bsdu bar bya ba dang / sems can thams cad bskyed par bya ba dang / sems can thams cad dad par bya ba dang / sems can thams cad sim par bya ba dang / sems can thams cad kyi the tsom gcad pa'i phyir/ dge pa'i rtsa ba rnams yang dag par bsdu'o// dge ba'i rtsa ba rnams yongs su bsngo bar bya'o// bdag gis ni nyi ma'i dkyil 'khor de lta bur byas te/ gzhan las phan pa'i lan re bar mi bya'o// gzhan gyis skabs mi rnyed par bya'o// sems can thams cad kyi phyir go cha mi dor bar bya'o// sems can thams cad kyi don du spro ba mi bzlog par bya'o/ / sems can thams cad kyi bde ba sgrub pa'i yongs su bsngo ba las phyir ldog par mi bya'o// dge ba'i rtsa ba chung ngu yang bsdu bar byas te yongs su bsngo ba chung ngus yongs su bsngo zhing dga' bar mi bya'o/ / dge ba'i rtsa ba phan par mi 'gyur ba rnams ni sems can rnams la bsngo bar mi bya ste/ ci nas kyang dge ba'i rtsa ba

  325. 163b

    de das sems can thams rna na de ba gyur ba de/ brtun// mngon par chags pa med pa'i mas kyi la rten te yongs su pa bar byag// sems can rnams kyang ba yongs su bsngo bar bya'o zhes te/ de ni 'pho ba'i tshul gyis yongs su bsngo ba la gnas pa ma yin/ srid pa la mngon par chags pa'i phyir dge ba'i rtsa ba de dag la mi gnas so// mtshan ma'i tshul gyis dge ba'i rtsa ba de dag yongs su mi bsngo'o// dngos po la mngon par chags pa'i phyir las kyi rnam par smin pa la yongs su mi rtog go// phung po rnams kyi du shes la gnas shing yongs su mi bsngo'o/ / phung po 'jig pa la gnas shing yongs su mi bsngo'o// las rnam par rtog pa la gnas shing yongs su mi bsngo'o// rnam par smin pa re bas ma yin no/ / rten pas bsnyems shing ma yin no// 'brel par 'byung ba la kun tu rtog pas ma yin no// grags pa la gnas pa ma yin no// gnas kyi 'du shes la gnas pas ra yin no/ / gnas su rtog pa la gnas pas ma yin no// chos la rnam par rtog pa la gnas pas ma yin no// sems can gyi 'du shes la gnas pas ma yin te/ khams kyi tshul rnam pa tha dad pa'i rjes su song bas yongs su mi bsngo'o/ / sems kyi kun tu rtog pa la gnas te yongs su mi bsngo'o// sems kyi phyin cig log la gnas te yongs su mi bsngo'o//

  326. 164a

    'du shes kyi sbyin ci log la gnas te yongs su mi bsngo'o// lta ba phyin cig log la gnas te yongs su mi bsdu'o// tshig gi lam la gnas te yongs su mi bsngo/ de ni 'di ltar chos rnams ji lta ba bzhin rnam par spyod cing yongs su bsngo'o// sems can rnams kyi mnyam pa nyid la sems shing yongs su bsngo'o// chos kyi dbyings kyi rgyas btab pa'i dge ba'i rtsa ba de dag yongs su bsngo'o/ / 'dod chags dang bral ba dang mnyam pa'i chos kyis yongs su brtags pa'i dge ba'i rtsa ba de dang yongs su bsngo'o// chos thams cad la sgro gdags pa med par dge ba'i rtsa ba de dag rjes su rtogs par byed do/ / gnyis su med pa'i chos kyi dbyings la yang dag par lta zhing yongs su bsngo ba de dag la rab tu 'jug ste/ chos gang yang skye ba 'am 'gag par byed pa med do// de bzhin du dge ba'i rtsa ba de dag yongs su bsngo ste/ gnyen pos yongs su dag pas bsngo ba de dag la yang dag par spyod do/ / 'jig rten las 'das pa 'byam klas pa'i rjes su song bar dge ba'i rtsa ba de dag mthong ste/ gnyis kyi tshul gyis ni dge ba'i rtsa ba de dag thams cad khong du chud par mi byed do// las kyis thams cad mkhyen pa nyid du yang dag par mi spyod do/ / las las gzhan du yang thams cad mkhyen pa nyid la yongs su mi bsngo'o// las gang yin pa de yang thams cad mkhyen pa nyid la

  327. 164b

    yang dag par rjes su mi mthong ngo / / las kyi lam dang bral bas kyang thams cad mkhyen pa nyid kyi smon lam thob par mi 'gyur te/ las kyi gzugs brnyan gyis rnam par smin pa'i gzugs brnyan yongs su dag par 'gyur ro/ / rnam par smin pa'i gzugs brnyan yongs su dag pas thams cad mkhyen pa'i ye shes thob par 'gyur ro// yongs su bsngo ba de g.yo ba dang rlom sems dang / rnam par spyod pa dang bral bar yang rab tu shes so// des kyang dge ba'i rtsa ba de dag yongs su bsngo'o// yongs su bsngo ba 'dis yongs su bsngos pas/ sems can rab tu dgrol ba rgyun chad par mi 'gyur ro// dge ba'i rtsa ba de dag yongs su bsngo ba na/ chos kyi mtshan nyid la gnas pa'ang mi gtong ste/ las dang rnam par smin pa med pa'i chos thams cad la nyon mongs pa med pa'i yongs su bsngo ba'i tshul gyis/ las dang rnam par bsgrub pa la mngon par mkhas pa yin no// de ltar byang chub sems dpa' dge ba'i rtsa ba de dag yongs su bsngo ba ni/ bla na med pa yang dag par rdzogs pa'i byang chub tu rjes su spyod pa kha na ma tho ba med pa yin no// kye rgyal ba'i sras dag/ 'di ni byang chub sems dpa' sems dpa' chen po rnams kyi yongs su bsngo ba sems can rnams kyi 'du shes 'gog cing 'gro ba thams cad yongs su skyob pa zhes bya ba ste dang po'o/ / de nas byang chub sems

  328. 165a

    dpa' rdo rje'i rgyal mtshan gyis 'khor thams cad la rnam par bltas te/ chos kyi dbyings la rnam par bltas nas/ don dang / tshig dang / yi ge la 'jug par bya ba/ dang / sems rgya chen po mtha' dang dbus med pa yongs su bsgom pa dang / 'gro ba thams cad snying rje chen pos khyab par bya ba dang / dus gsum gyi sangs rgyas kyi gdung la sems yang dag par 'brel bar bya ba dang / sangs rgyas kyi chos dang yon tan thams cad la 'jug par bya ba dang / sangs rgyas thams cad kyis byin gyis brlabs pa'i lus yang dag par bskyed pa dang / sems can thams cad kyi bsam pa rab tu dbye ba dang / dge ba'i rtsa ba bskyed pa'i dus la ji ltar 'bab pa yang dag par blta ba dang / chos kyi lus dang 'thun pa'i gzugs kyi lus yongs su dag pa yang dag par bstan pa byed cing / sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa'i 'di dag smras so/ / gang zhig bsam yas bsgral bar spyod pa dag/ sems can phan phyir rtag tu zhugs pa ste// de dag brtson brtan chags med yid ldan pa// sangs rgyas yon tan rtag tu sbyor zhing tshol/ / gang zhig mtshungs med skyes bu 'dul drung du// bsam pa dri ma med par rnam sbyangs shing // chos mkhas 'gro ba bskyab pa'i sems ldan pa// de dag yongs bsngo mdzod du

  329. 165b

    zhugs pa yin/ / brtson 'grus stobs dang de dag nyer ldan zhing // ye shes stobs kyis rnam dag yid gzhungs te// bzod pa'i stobs ldan sprul par mi nus pa// de dag 'gro ba kun skyob mngon par brtson/ / shin tu yid brtan mtshungs pa med pa dang // bsam pa rnam dag dga' ba'i blo ldan pa// de dag sa dang 'dra ba'i bzod stobs kyis// 'gro ba kun la phan phyir mngon par brtson/ / bdag la bde ba tshol bar mi byed de// snying rje can gyi bsam pa de 'dra'o// 'gro ba thams cad yongs su bskyab sems can// chags med gyur par de dag zhugs pa yin/ / phyogs bcu'i sems can ji snyed gang yang rung // 'gro ba kun nas ma lus bsdu byas te// de dag don du brtan sems ldan pa'i rnams// de dag yongs su bsngo tshul bslabs pa yin/ / dga' ba'i sems kyis sbyin pa gtong bar byed// skyes bu dam pa tshul khrims rnam dag pa// brtson 'grus stobs la brtan par gnas pa'i sems// de dag ye shes dge bas yongs su bsngo/ / de dag blo gros yangs shing mtha' yas pa// bzod pa'i stobs la rtag par rab tu zhugs// bsam gtan stobs la rjes su sems pas na// mkhas pa de dag shes rab bsam mi khyab/ / phyogs bcu'i 'jig rten kun na gang yod pa'i// dge ba de dag yang dag slab pa na// 'gro ba kun la phan dang bde sems kyis// ye shes mkhas

  330. 166a

    la de dag yongs su bsngo/ / dge ba de dag gang la tshad med pa// bstan pa de dag yongs su sdud pa'i tshe// de la rtag brtson dam pa'i blo gros can// bsam yas ye shes la ni rab tu gzhog/ de dag 'gro ba'i don du mnar med pa// bskal pa bsam gyis mi khyab gnas par spro// de dag yid ni zhum par mi 'gyur te// de dag bsngo rtogs bsam pa'i yid dang ldan/ / gzugs tshol mi byed sna dang dri ma yin// zo dang reg pa de bzhin mi tshol te// 'gro ba thams cad yongs su dkrol sems kyis// ye shes dam pa'i stobs ni rtag tu tshol/ / mkhas pa de dag ye shes mkha' 'dra bas// mtha' dang dbus med spyad pa spyod pa byed// rgyal ba'i chos kyi chos nyid ci 'dra ba// mtha' yas grags pa'i spyod la de 'dra'o/ / de dag gang dung gang du 'dod byed pa// 'gro la bde ba rgya chen rab tu sgrub// rtag tu mchog brtson dga' ba byed pa ste// byang chub spyod las dga' bar tshor ba med/ gdug med sems la gnas shing zhugs pa'i rnams// ye shes dam pa mchog la rjes su sems// de dag bdag la bde bar mi 'dod de// 'gro ba kun la bde dang dga' phyir brtson/ / de dag yongs su bsngo ba mthar phyin dang // bsam pa gdug med rnam par dag yid kyis// dus gsum rgyal ba gang na bzhugs bzhugs pa'i// chos kyi grong rdal de

  331. 166b

    na rab tu gnas/ / gzugs dang tshor ba dag la mi gnas shing // 'du shes 'du byed yid la'ang ma yin te// srid pa gsum las yongs su yid bskyod de// gsod nams gter la te// dag yongs su bsngo// sems can ji snyed rgyal bas tshad byas pa// 'gro ba kun nas ma lus bsdu byas te// skyes bu dam pa de dag dgrol ba'i phyir// spyod pa'i mchog la gang zhig brtson byed pa/ de dag rnam pa kun tu sems brtan te// de dag blo gros yangs pa gzhal du med// de dag dran pa'i dbang po ma nyams pa// de dag mnyam bzhag bsam pa rnam par dag/ 'jig rten 'di mi nang dang phyi rnams su/ / gang du'ang de dag gnas 'char mi byed de// mkha' la rlung dang rlung mar ci 'dra ba// phyogs rnams kun tu sems na de bzhin no// de dag lus kyis las rnams/ rtsom byed pa// des ni rgyal ba mngon par mnyes par byed// rgyal ba rnams la ngag kyang bsdams pa ste// yid kyis de dag zhugs pa gang yang med// mi yi dbang po gang na bzhugs pa'i zhing // mtha' yas zhing du de dag 'dod byed cing // de dag kun tu thugs rje rgyal ba mthong // rgyal ba rim gro byas shing de nas 'dod// de dag rtag tu kha na ma tho med// 'gro ba kun na de dag 'jigs pa med/ / de dag srid gsum 'di na mu stegs byed// de dag bde gshegs lam la gnas pa yin// de dag rnam par bsgom zhing mngon brtson pa// skye dang 'jig pa'i tshul la rjes su sems//

  332. 167a

    / nam kya tsha ba nyid larab tu zhugs// nyon mongs med pa'i tshul la rab tu zhugs pa yin// gang gis spyod pa rab n+tar cig/ 'gro 'gran la shes pami ldog pa/ de 'dra'i chos nyid de dag rjes su sems// des ni dus gsum chags pa med par 'gyur// gang rnams 'gro ba rnam par dag byed pa// de dag yongs su bsngo ba'i pha rol phyin// de dag gnas rnams thams cad phyir zlog pas/ / de phyir de dag spyod la mi gnas so// 'gro ba kun gyi tshig lam ji snyed dang // skye dgu thams cad smra zhing mngon brjod pa// de dag smra yang rlom sems med pa yin/ / chags med yid ldan spyod pa 'di 'dra'o// bsod nams tshul la blo gros mtha' yas pa// de dag 'di ltar yongs su bsngo bas na// phyogs bcu'i 'jig rten bzhugs la ji snyed pa'i// mi yi dbang po de dag mnyes pa yin// 'gro ba thams cad yongs su skyob pa zhes bya ba ste yongs su bsngo ba dang po'o// kye rgyal ba'i sras dag/ byang chub sems dpa' sems dpa' chen po rnams kyi yongs su bsngo ba mi phyed pa dang ldan pa zhes bya ba gnyis pa gang zhe na/ kye rgyal ba'i sras dag/ 'di la byang chub sems dpa' 'di lta ste/ de bzhin gshegs pa thams cad mnyes par bya ba'i phyir/ sangs rgyas 'das pa dang / ma byon pa dang / da ltar byung ba thams cad la mi phyed par dad pa yin/ 'di lta ste/ byang chub sems dpa' thams cad

  333. 167b

    kyi dge ba'i rtsa ba dang rgyud kyi tshul gcig par bya ba'i phyir/ byang chub sems dpa' thams cad mkhyen pa nyid du sems bskyed pa gcig pa thob pa yan chad kun la yang mi phyed par dad pa yin 'di lta ste/ lhag pa'i bsam pas rab tu zhugs pas sangs rgyas kyi chos thams cad la mi phyed par dad pa yin/ 'di lta ste/ de bzhin gshegs pa thams cad kyi bstan pa yang dag par gzung zhing bsrung ba'i phyir/ de dag de dag tu skyes pa'i sangs rgyas thams cad kyi bstan pa la mi phyed par dad pa yin/ 'di lta ste/ sdang ba med pa'i mig rab tu thob pa dang sems can thams cad kyi don du dge ba'i rtsa ba thams cad yongs su bsngo ba'i phyir/ sems can thams cad la mi phyed par dad pa yin/ 'di lta ste/ mtha' yas pa'i dge ba'i rtsa ba mngon par 'du bya zhing yang dag par bsgrub pa'i phyir/ chos dkar po thams cad la mi phyed par dad pa yin/ 'di lta ste/ lhag pa'i bsam pa dang mos pa yongs su rdzogs par bya ba'i phyir/ byang chub sems dpa' thams cad kyi yongs su bsngo ba la mi phyed par dad pa yin/ 'di lta ste/ ston pa'i 'du shes yongs su ma rgyas pa rgyas par bya ba'i phyir/ chos smra ba'i byang chub sems dpa' thams cad la mi phyed par dad pa yin/ 'di lta ste/ de bzhin gshegs pa bsam gyis mi khyab pa la dad par bya ba'i phyir/ sangs rgyas thams cad kyi rnam par 'phrul pa dang cho 'phrul mi phyed par dad pa yin/ byang chub sems

  334. 168a

    dpa'i thabs mkhas pa'i spyod pa rnam pa tha dad pa sna tshogs kyis yang dag par gzung ba/ dmigs pa kun tu rgyu ba gzhan dang gzhan can de dag thams cad la mi phyed par dad pa yin te/ de ltar mi phyed pa'i gnas pa rab tu thob pa'i byang chub sems dpa' sems dpa' chen po ni dge ba'i rtsa ba ci yang rung ste/ sangs rgyas sam/ byang chub sems dpa' 'am/ nyan thos sam/ rang sangs rgyas sam/ sangs rgyas kyi bstan pa 'am/ sems can rnams la dmigs pa gang dge ba'i rtsa ba sna tshogs sam/ dge ba'i rtsa ba rnam pa tha dad pa 'am byang chub tu sems bskyed pa rnam par 'phel bar bya ba 'am/ byams pa bsgom pa'i dge ba'i rtsa ba yang dag par bskyed pas kyang rung ste/ snying rje chen po yangs pa/ tshad med pa/ yang dag par mthong bas byang chub tu sems bskyed pa yangs par bya ba dang / sangs rgyas thams cad kyi rjes su bslab pa dang / sangs rgyas thams cad kyi rjes su nan tan du bya ba dang / dge ba'i rtsa ba thams cad yang dag par bsdu ba dang / don shes pa la yang dag par 'jug par bya ba dang / bsod nams kyi tshogs yang dag par bsgrub pa dang / sbyin pa'i tshogs rab tu brtsam pa dang / yon tan thams cad kyi tshogs la rab tu 'jug par bya ba dang / dus gsum mnyam pa nyid du rnam par dpyod pa byed cing / de dge ba'i rtsa ba de dag thams cad mkhyen pa'i tshogs bsags

  335. 168b

    pa'i phyir yongs su bsngo'o/ / sangs rgyas thams cad blta ba dang mi 'bral ba yongs su rdzogs par bya ba dang / dge ba'i bshes gnyen thams cad dang mi 'bral ba rab tu thob par bya ba dang / byang chub sems dpa' thams cad dang mi 'bral bar 'grogs pa dang / thams cad mkhyen par sems bskyed pa yid la bya ba dang mi 'bral ba dang / sangs rgyas thams cad kyi bstan pa yang dag par gzung zhing bsrung ba dang mi 'bral ba dang / sems can gyi khams thams cad yongs su smin par bya ba dang mi 'bral ba dang / 'jig rten las 'das par sems bskyed cing yongs su bsngo ba dang mi 'bral ba dang / chos smra ba thams cad la phu dud du bya ba dang mi 'bral ba dang / chos kyi snang ba thams cad thob pa dang mi 'bral ba dang / smon lam chen po la rab tubartson par bya ba dang mi 'bral bar yongs su bsngo'o/ / de ltar byang chub sems dpa' dge ba'i rtsa ba de dag yang dag par sgrub cing / yang dag par sdud pa dang / nye bar sogs pa dang / mngon par 'du byed pa dang / sems pa dang / dmigs par byed pa dang / rab tu rtog pa dang / yang dag par smon pa dang / kun tu spyod pa dang / nye bar ston pa'i tshe/ 'di ltar yongs su bsngo ste/ dge ba'i rtsa ba 'di dag 'di ltar bsgrubs pa las/ dge ba'i rtsa ba dang rgyu mthun pa'i 'bras bu gang byung ba'i dge ba'i rtsa ba dang / rgyu mthun pa'i 'bras bu des/ bdag

  336. 169a

    byang chub sems dpa'i spyad pa spyong pa na/ sems kyi ga pa sa brjod du med pa'i sasargyas bac+doMs na 'angs rnams mthong ba TIg/ seMs pa mnyes pa byas par gyur cig/ de bzhin gshegs pa dgra bcom pa yang dag par rdzogs pa'i sangs rgyas de dag la yang sangs rgyas kyi rim gro rgya chen po byas par gyur cig/ rin po che grangs med pa dang / me tog grangs med pa dang / dri grangs med pa dang / 'phreng ba grangs med pa dang / na bza' grangs med pa dang / gdugs grangs med pa dang / rgyal mtshan grangs med pa dang / ba dan grangs med pa dang / rgyan grangs med pa dang / lhab lhub grangs med pa dang / rim gro grangs med pa dang / byug pa grangs med pa dang / rnam par byug pa grangs med pa dang / me tog thams cad kyi gdan grangs med pa dang / spos thams cad kyi gdan grangs med pa dang / 'phreng ba thams cad kyi gdan grangs med pa dang / can dan bzang po thams cad kyi gdan grangs med pa dang / gos tham cad kyi gdan grangs med pa dang / rdo rje thams cad kyi gdan grangs med pa dang / nor bu rin po che thams cad kyi gdan grangs med pa dang / rin po che'i spang leb thams cad kyi gdan grangs med pa dang / rin po che'i kha dog gi gdan grangs med pa dang / rin po che thams cad kyi 'chags grangs med pa dang / me tog thams cad kyi 'chag sa grangs med pa dang / spos thams cad kyi 'chags

  337. 169b

    grangs med pa dang / 'phreng ba'i rgyan thams cad kyi 'chags grangs med pa dang / gos thams cad kyi 'chag sa grangs med pa dang / rin po che thams cad kyis sna tshogs su sbas pa'i 'chag sa grangs med pa dang / rin po che thams cad kyi spang leb bting ba'i 'chags grangs med pa dang / rin po che thams cad kyi shing ta la'i 'phreng ba bsgreng ba'i 'chag sa grangs med pa dang / rin po che'i stegs bus bskor ba'i 'chag sa grangs med pa dang / rin po che thams cad kyi dril bu'i dra ba'i kun nas yog par byas pa'i 'chag sa grangs med pa dang / lha rdzas thams cad las shin tu 'das pa'i rin po che'i gtsug lag khang grangs med pa dang / lha rdzas thams cad las shin tu 'das pa'i me tog thams cad kyi gtsug lag khang grangs med pa dang / lha rdzas las shin tu 'das pa'i spos thams cad kyi gtsug lag khang grangs med pa dang / lha rdzas las shin tu 'das pa'i 'phreng ba thams cad kyi gtsug lag khang grangs med pa dang / lha rdzas las shin tu 'das pa'i can dan thams cad kyi gtsug lag khang grangs med pa dang / lha rdzas las shin tu 'das pa'i spos dang 'dug pa mchog dam pa thams cad kyi gtsug lag khang grangs med pa/ lha rdzas thams cad las shin tu 'das pa'i rdo rje gtsug lag khang grangs med pa dang / nor bu rin po che'i gtsug lag khang grangs med pa dang / spos kyi shing dang / gos kyi shing dang / rol mo'i shing dang / rin

  338. 170a

    ma chen shing dang / lhab grub kyi shing dang / shI sgra tshogs kyis gan nas paskor ba'i gtsug lag 'ang grangs med pa dang / yid du 'ong ba'i sgra 'byung ba'i shing grangs med pa ngag/ snam bu rin po che sbyangs pa'i shing grangs med pa dang / rin po che mang po'i shing grangs med pa dang / me tog dang / 'phreng ba dang / spos dang / blug pa dang / gdugs dang / rgyal mtshan thams cad grangs med pa dang / shing thams cad kyis brgyan pa'i gtsug lag khang grangs med pa dang / ba gam gyi rgyan grangs med pa dang / skar khung gi rgyan grangs med pa dang / rta babs kyi rgyun grangs med pa dang / pu shu'i rgyan dang / zla gam gyi rgyan dang / khang pa brtsegs pa'i rgyan dang / bla re'i rgyan grangs med pa dang / gser gyi dra ba'i khab grangs med pa dang / spos dang 'dug pa'i dam pa thams cad kyi rgyan grangs med pa dang / gos thams cad kyi gding bar bting ba'i rgyan gyis thams cad rab tu brgyan pa'i gtsug lag khang grangs med pas bsnyen bkur byas par gyur cig/ de ltar mchod pa rgya chen po sbyar te/ sangs rgyas thams cad la yid kyi dbang po shin tu dang bas mchod pa dang rim gro rgyun mi 'chad pa/ sangs rgyas phu dud du bya ba phyir mi ldog pa las byung bas phyag 'tshal zhing mchod pa dang bsnyen bkur bar byas te/ de bzhin gshegs pa de dag thams cad rim gror bya bas bskal pa brjod du med la'i yang brjod du med pa zad par gyur cig/ 'gro ba thams

  339. 170b

    cad dang par bya ba dang / sems can thams cad kyi dge ba'i rtsa ba yang dag par bsdu ba dang / 'gro ba thams cad kyi sdug bsngal gyi phung po rnam par bzlog pa dang / sems rgya chen po bskyed pa la mos par bya ba dang / rgyan chen pos yang dag par brgyan pa dang / tshad med par rnam par bre ba'i rgyan dang / brtsams pa mthar byin par bya ba dang / sangs rgyas 'byung ba shin tu dkon pa brjod par bya ba dang / de bzhin gshegs pa'i stobs yongs su rdzogs par bya ba dang / mchod rten sna tshogs bsnyen bkur bar bya ba dang / sangs rgyas thams cad kyi bstan pa yang dag par gzung ba'i phyir de bzhin gshegs pa bzhugs shing 'tsho ga zhes pa la de lta bu'i rim gro byed pa dang / de dag yongs su mya ngan las 'das nas kyang / sangs rgyas de dag thams cad kyi sku gdung mchod pa la rab tu brtson par bya bas pas bskal pa grangs med pa zad kyang de bzhin gshegs pa de dag mchod pa dang / bsnyen bkur ba'i rgyan dang / brjod pa yon tan mtha' yas pa bsngags pas bsgrubs pa dang 'gro ba thams cad yongs su smin par bya bar bsgrubs pa de dag mthar thug par ma 'gyur cig/ de ltar rim gro byed pa las phyir ldog par ma gyur cig/ rgyun gcod par ma gyur cig/ sems yongs su skyo ba med pa yang thob par gyur cig/ mngon par chags pa med pa'i sems 'du shes rnam par spang ba dang / mi gnas pa'i chos nyid dang / dge ba'i rtsa ba rlom sems thams cad bcom pas rlom

  340. 171a

    sems med par 'gyur ba dang / chos 'gyur ba med pa yang dag pa ji lta ba bzhin gyi rgyas btab pa'i chos kyi sgo dang / tshe dang skye ba thams cad du 'khor bar gyur pa'i sangs rgyas kyi spyod pa dang / skye ba med pa'i rang bzhin la spyod cing dmigs pa'i chos kyi rgyas btab pa'i sems bskye ba dang / de bzhin gshegs pas byin gyis brlabs pa'i yongs su bsngo ba dang / chos kyi rang bzhin la rab tu brtson pa'i yongs su bsngo ba'i mnyam pa nyid dang / mngon par 'du bya ba med pa'i tshul la zhugs pa'i mngon par 'du bya ba med par mngon par bsgrub pa dang / dngos po thams cad kyi 'du shes dang bral ba'i bsngo ba'i tshul dang / bsngo ba la mkhas pa'i rnam pa tshad med pa dang / byang chub sems dpa'i bsngo ba srid pa kun las 'phags pa dang / bsgom pa'i sgo mtshan ma la mkhas pas gnas pa dang / byang chub sems pa'i spyod pa dge ba'i rtsa ba nye bar len pa'i byin gyis brlabs can dang / byang chub tu sems bskyed pa bsngo ba chen pos yongs su sbyangs pa dang dge ba'i rtsa ba thams cad la gnas pa'i mos pa yongs su rgyas pas gnas thams cad yang dag par bcom par gyur cig/ de ltar byang chub sems dpa' sems dpa' chen po ni dge ba'i rtsa ba de ngag 'di ltar ci nas kyang 'khor ba'i rgyud du chud zos par mi 'gyur ba dang / ci nas kyang thams cad mkhyen pa nyid du sems bskyed pa chud zos par mi 'gyur ba dang / ci nas kyang srid pa'i 'du 'jis

  341. 171b

    chung zos par mi 'gyur ba dang / ci nas kyang sems can gyi khams thams cad bskal ba dang / ci nas kyang skye ba dang 'chi 'phos skyon du mi 'gyur ba dang / ci nas kyang chags pa med pa'i ye shes kyi sgo stor bar mi 'gyur ba dang / ci nas kyang byang chub sems dpa'i spyod pa gcig nas gcig tu brgyud pa'i rgyu zad par mi 'gyur ba dag ci nas kyang 'jig rten gyi chos kyis kun tu blangs par mi 'gyur ba dang / nas kyang pha rol tu phyin pa rnams kyis rnam par dag par 'gyur ba dang / ci nas kyang thams cad mkhyen pa'i stobs phun sum tshogs par 'gyur bar yongs su bsngo ste/ de ltar byang chub sems dpa' sems dpa' chen po byang chub sems dpa'i sems bskyed pa mun pa med pa dang ldan pa ni/ / chos dkar po snang bar gyur pa'i nye bar brtan cing yongs su bsngo ba'i mchog skyes bu dam pas spyad pa dang ldan pa dang / yongs su dag pa'i yid kyis yang dag par rtog pa dang / sems dang 'dra ba'i chos thams cad la bzhugs pa dang / sgyu ma dang 'dra ba'i las yongs su shes pa dang / mig yor lta bu'i las kyi rnam par smin pa la mos pa dang / sprul pa lta bu'i mngon par 'du byed pa gnas pa dang / sgra brnyan lta bu'i las la rten pa dang / grib ma lta bu'i byang chub sems dpa' spyod pa'i rjes su song ba dang chags pa med pa'i chos kyi mig rab tu skyes pa dang / bya ba med par 'byam klas pa'i rjes su song ba dang // zhi ba'i rigs rab tu thob pa dang / gnyis su med pa dang ldan pa'i 'dus byas dang 'dus

  342. 172a

    sa byas kyi chos thams cad la rab tu zhugs pa dang / chos ma nor ba'i mtshan ma thob par bya ba dang / byang chub sems dpa'i spyod pa thams cad kyi rjes su song ba dang / mtshan ma thams cad la zhen pa med pa dang / thun mong gi las la mkhas pa'i rjes su song ba dang / chos dkar po thams cad rgyun ma chad pa dang / chags pa thams cad kyis mngon par ma zhen pa dang / chags pa med par 'gro ba la rten pa dang ldan pa yin te/ de ltar byang chub sems dpa' sems dpa' chen po shin tu bsams pa'i blo dang ldan pa/ dge ba'i rtsa ba la rmongs pa med pa chos thams cad dang 'gal ba med pa'i chos can rgyu dang / las dang / bya ba dang 'gal ba med pa yang dag par mthong ba/ yongs su bsngo ba las mkhas pa ngo bo nyid kyi chos kyi tshul dang / las rnam par smin pa mngon par bsgrub pa'i pha rol tu phyin pa chos thams cad la rnam par lta zhing rnam par spyod pa'i ye shes dang ldan pa/ yongs su bsngo ba'i ye shes chen po mngon par shes pa las shin tu rig pa'i dge ba'i rtsa ba dang ldan pa/ mngon par 'du bya ba med par spyod pa'i sems dge ba dang ldan pa de dge ba'i rtsa ba de dag 'di ltar ci nas kyang 'gro ba thams cad yongs su dgrol ba dang / sangs rgyas kyi rigs bdud kyi las dang bral ba/ las kyi rnam pa yongs su byang ba'i bdag nyid can/ thams cad mkhyen pa nyid du mos shing rjes su song ba'i sems dang ldan par 'gyur bar yongs su bsngo'o// bsngo

  343. 172b

    ba de yang tshad med pa'i ye shes khong du chud par bya ba'i phyir yang dag par mthong bar byed de/ dge ba'i rtsa ba de dag 'jig rten gyi yul dang rnam par bral ba/ nyon mongs pa thams cad dang rnam par bral bar yongs su bsngo'o/ / sems can thams cad shin tu rnam par byang ba'i phyir yang yongs su bsngo ste/ ye shes rnam par dag pa'i mthar thug par zab pa'i tshul gyis dge ba'i rtsa ba de dag ci nas kyang 'khor ba'i chos kyis mi skyod cing / sangs rgyas kyis dge ba mngon par 'byung bar sems bskyed pa dang ldan par yongs su bsngo'o// dge ba'i rtsa ba de dag yongs su bsngo ba'i tshe'ang bdud kyi las thams cad las rnam par bzlog ste/ chos mnyam pa nyid kyi rgya yongs su bsngo ba'i ye shes kyi rjes song ba las rgyas 'debs par byed do// dge ba'i rtsa ba de dag thams cad mkhyen pa nyid kyi longs spyod kyi phyir yang / chos thams cad 'jig rten las 'das par khong du chud pa'i yongs su bsngo'o/ / de ltar byang chub sems dpa' sems dpa' chen po dge ba'i rtsa ba de dag yongs su bsngo ba ni// thams cad mkhyen pa'i theg pa'i dkyil 'khor yongs su grub pas 'gyod pa med pa'i dge ba'i rtsa ba dang ldan pa yin te/ kye rgyal ba'i sras dag/ 'di ni byang chub sems dpa' rnams kyi yongs su bsngo ba mi phyed pa dang ldan pa zhes bya ba ste gnyis pa'o/ / yongs su bsngo ba de dang ldan pa'i byang chub sems dpa' ni dge ba'i rtsa ba thams cad yongs su bsngo zhing / sangs rgyas grangs med pa mngon sum du bya ba thob par 'gyur ro//

  344. 173a

    chos brjod du med pa yongs su dag pa yang yongs su rdzogs par byed do// sems can thams cad mnyam pa nyid kyang khong du chud par byed do// chos thams cad la 'jug pa rmongs/ pa med pa la yang rab tu 'jug go// sangs rgyas thams cad kyi byin gyi rlabs bdud kyi las thams cad rab tu 'jom pa yang yongs su bsgrub po// mngon par skyes pa'i byang chub kyi sems kyang yongs su rdzogs par 'grub par 'gyur ro/ / chags pa med pa la rab tu 'jug pa'i phyir gzhan gyi dring mi 'jog pa'ang yang dag par 'grub bo// chos thams cad kyi don mthong ba yang rab tu thob bo// sangs rgyas kyi zhing thams cad kyi rjes su song ba'i 'du shes kyi gnas kyang rab tu rtogs par byed do/ / 'gro ba thams cad yongs su snang bar bya ba'i yongs su dag pa'ang yongs su sgrub bo// de nas byang chub sems dpa' rdo rje'i rgyal mtshan gyis/ sangs rgyas kyi byin gyis brlabs kyis phyogs bcur rnam par bltas ste/ de'i tshe tshigs su bcad pa 'di dag smras so// de dag yid ni dbye ba med sgyur cing / / ji snyed las rnams yang dag brtson byed kun// ci nas rgyal ba mngon par mnyes 'gyur ba// de ltar 'jig rten mkhas la yongs su sngo ba byed// sangs rgyas bsam du med pa bsnyen bkur cing / / sbyin 'dul sdom pa mchog gi tshul khrims rnams// ci nas 'gro kun rnam par dag 'gyur ba// de ltar 'jig rten phan phyir yongs su bsngo// ji snyed 'di na spos kyi gzhal

  345. 173b

    med khang / / me tog rnam pa na bza'i rnam pa dang // lngab lhub rnam pa gzugs kyi rnam pa dag/ des ni ye shes mkhas la bsnyen bkur byed// de ltar bskyes bu'i seng ge drang srong rnams// bskam/ pa bsam yas bsnyen cing bkur byas kyang // rgyal ba skyes bu 'dul ba mchod byas pas// nam yang ngoms par tshor bar mi 'gyur ro// de dag rgyal ba kun la mos byed cing // phyogs rnams kun gyi 'jig rten sgron ma'i rnams/ / mi yi seng ge mtshungs med ji snyed du// 'jig rten phyogs bcu dag na bzhugs pa mthong // bskal pa bsam gyis mi khyab rnam mang du// mi ngoms yid kyis sbyin pa gtong byed cing / / dge ba de la rjes su sems byed pas// bskal pa brgyar yang ngoms par mi tshor ro// 'gro ba'i 'du shes rnam rtog rab shes kyang // de la de ni mi rtog rnam mi rtog/ de dag 'gro ba'i dbang po ma lus shes// de dag phan phyir rtag tu 'jug par byed// de dag dga' zhing mnyam par gzhag pa'i sems// dad pa 'od gsal sri zhu ldan pa'i rnams// / bsam yas bskal par 'jig rten 'gro ngan phyir// yongs su dgrol ba'i sems kyis spro bar rtse// de dag bde gshegs mya ngan 'das pa la// sna tshogs rnam pa tha dad yid 'ong ba'i// mchod rten bsam gyis mi khyab rtsig byed cing / / mchod pa byed kyang nam yang tshim pa med// mtshungs med de dag sku gzugs rnam dag pa// rab tu 'od 'bar gser gyi snying po can// rgyal ba'i sku

  346. 174a

    gzugs ri rab mnyam pa dag/ bye ba brgya phrag mtha' yas rab tu byed// zil gnon dam pa rnyed pa de dag ni// bsod nams yangs pa'i stobs de sgrub pa na// de dag yongs bsngo'i shes pa rab rtog shing / dngos dang dngos med thams cad rab tu sgom// 'di 'dra'i ye shes tshul la yongs bsngos pa'i// de phyir 'khor bar zad par mi 'gyur te// chos nyid ye shes mchog dang dam pa dag/ de la chos rnams skye ba gang yang med// des ni 'jig rten mkhyen pa rnam dag ltar// sems kyang rab tu rnam par dag par 'gyur// des ni mi zad mthar phyin tshul rtogs pa'i/ / 'dus byas bsod nams zad par 'gyur ba med// gang rnams byang chub sems dang ldan 'gyur cing // 'jig rten kun la gnas pa med pa dag/ 'gro ba kun la chags pa med pa yin/ / phyogs rnams kun tu'ang mtha' yas rab tu 'gro// gang gis mi yi dbang lo kun 'byung ba// de 'dra'i sems su yongs su bsngo ba byed// 'gro ba thams cad sems dang mnyam rtogs kyang / / 'gro ba kun tu sems ni dmigs pa med// de dag dngos po thams cad ma lus par// chos rnams dngos med ji bzhin 'jug par byed// ci nas 'jig rten lam du nyams med par/ / rnam dag mig can yongs su sngo ba byed// des ni srid rnams yongs su dag par bsngo// dngos su srid la rtog par mi byed de// dngos dang dngos med tshul ni shes byed cing //

  347. 174b

    'od gsal dang bas sems kyang tshim par byed// sangs rgyas zhing gcig gnas par mi byed de// zhing rnams ma lus kun la'ang gnas mi 'cha'// 'dus byas chos kyis bsnyems par mi byed de// de dag rang bzhin la yang mi gnas so/ / ci nas rgyal ba kun gyi kun mkhyen dang // ci nas bla med sangs rgyas rgyan thob cing // ci nas rgyal ba thams cad mnyes 'gyur ba// de ltar de dag las ni yongs su bsngo// ye shes dam pa'i rnam pa tshul shes pa/ / de dag rkang gnyis dam pa 'dran byed cing // de 'dra'i chos rnams gnas med rab shes pas// de 'dra'i bsod nams gnas pa med par 'gyur// de dag 'gro ba kun gyi skyabs yin te/ / las kyi mtha' rnams thams cad rnam par spong // 'gro ba kun la phan dang 'de sems kyis// 'jig rten yongs su spang ba gang yang med// chos dang bar du mya ngan 'da' ba dag gang phyir gzhan min 'grangs pa'i sa la bsrung / / gang gis rgyal 'gyur sangs rgyas gyur pa'i rnams// de ltar dge ba de dag yongs su bsngo// 'jig rten 'gro ba'i rgyud la rlom sems med// 'dus byas rnams la'ang de dag chags pa med/ / tshig gi lam la de dag gnas pa med// tshig med lam la'ang nams kyang mi gnas so// chos rnams thams cad ma lus bsdu mdzad de// mi yi dam pa sangs rgyas ji snyed pas/ / 'gro rgyud thams cad rnam par phye bas mkhyen// thugs kyis rnam par dbye dang rtog mi mnga'// rgyan gcig las ni rgyan rnams kun 'byin kyang // rnam par rtog pa'i

  348. 175a

    chos su mi byed de/ / de dag thasus cad dngos med spyod med par// 'jig rten rtog pa med par rab tu shes// mi byed pa dang ldan pa zhes bya ba ste yongs su bsngob gnyis man/ / shin tu rgyas pa chen po'i mdo bam po sum cu rtsa gsum pa// // kye rgyal ba'i sras dag/ byang chub sems dpa' sems dpa' chen po rnams kyis yongs su bsngob sangs rgyas thams cad la yang dag par bskyed pa zhes bya ba gsum pa gang zhes na/ kye rgyal ba'i sras dag/ 'di la byang chub sems dpa' sems dpa' chen po 'das pa'i sangs rgyas bcom ldan 'das rnams kyi yongs su bsngo ba la yang rjes su slob bo/ / ma byon pa'i sangs rgyas bcom ldan 'das rnams kyi yongs su bsngo ba la yang rjes su slob bo// da ltar byung ba'i sangs rgyas bcom ldan 'das rnams kyi yongs su bsngo ba la yang rjes su slob bo/ / de byang chub sems dpa' spyad pa la baspyod pa'i tshe mi mthun pa ma yin zhing yid du 'ong ba 'am/ mi mthun pa ma yin zhing yid du 'ong bar reg pa 'am/ mi mthun pa ma yin zhing yid du 'ong ba'i chos sam/ mi mthun pa ma yin zhing kha na ma tho ba med pa rnam par dag pa/ dge ba yangs pa/ 'od gsal bkang gis yid dga' ba skye zhing bde bar 'gyur ba/ / dad pa skye ba/ dga' ba skye ba/ rab tu dga' bar gnas pa/ spro ba rab tu 'byung ba/ yid mi bde ba rnam par zlog pa/ sems bde bar 'gyur

  349. 175b

    gzhams dga' bar 'gyur ba/ bsam pa 'jam par 'gyur ba/ dbang po sim par 'gyur ba'i gzugs gang ji snyed yod pa de dag thams cad mthong bar gyur te/ de bde ba'i 'du shes de dag mthong ba'i tshe/ 'di ltar yongs su bsngo ste/ bdag gi bde ba yongs su bsngo ba 'dis/ sangs rgyas bcom ldan 'das de dag sangs rgyas kyi rnams par spyod pa'i bde ba bsam gyis mi khyab pa dang / phyi phyir zhing yang ldan par gyur cig/ sangs rgyas kyi ting nge 'dzin gyi bde ba mtshungs pa med pas yang dag par bzung bar gyur cig/ sangs rgyas kyi thugs rje chen po'i bde ba mtha' yas pa phyir zhing yang shin tu brtan par gyur cig/ sangs rgyas kyi rnam par thar pa'i bde ba tshad med pa dang yang ldan par gyur cig/ sangs rgyas kyi cho 'phrul tshad med pas shin tu bzung bar gyur cig/ sangs rgyas kyi khyu mchog gi mthu phyung ba'i bde ba rnyed par dka' bas shin tu khyab par gyur cig/ sangs rgyas kyi stobs kyi bde ba tshad med pas shin tu bde bar gyur cig/ tshor ba thams cad zhi zhing skye ba med pa'i bde bas 'gyur ba med par bde bar gyur cig/ chags pa med par gnas pa rtag tu mnyam par bzhag pa'i de bzhin gshegs pa'i bde ba gnyis su med cing yang dag par spyod pas 'khrug pa med pa'i bde bar gyur cig ces/ de ltar byang chub sems dpa' sems dpa' chen pos dge ba'i rtsa ba de dag de bzhin gshegs pa rnams la yongs su bsngos nas/ byang chub sems dpa'

  350. 176a

    rnams la yongs su sngo ba byed de/ 'di ltar bsam pa yongs su ma rdzogs pa rnams kyi bsam pa yongs su rdzogs par 'gyur ba'i phyir yongs su bsngo'o// lhag pa'i bsam pa yongs su ma dag pa rnams yongs su dag par bya ba dang / pha rol tu phyin pa yongs su ma rdzogs pa thams cad yongs su rdzogs par bya ba dang / byang chub kyi sems rdo rje'i lta bu shin tu brtan par bya ba dang / thams cad mkhyen pa'i go cha phyir mi ldog pa rgyun mi 'chad par bya ba dang / byang chub tu gzhol ba'i dge ba'i rtsa ba rnams yongs su bsrung ba dang / 'gro ba thams cad dang mnyam pa'i byang chub kyi sems bskyed pa'i smon lam yongs su rdzogs par bya ba dang / byang chub sems dpa' thams cad kyi rnam par spyod pa thob par bya ba dang / byang chub sems dpa'i dbang po thams cad kyi mngon par shes pa shin tu rno bar bya ba dang / byang chub sems dpa' thams cad kyi dge ba'i rtsa ba thams cad mkhyen pa nyid du thugs par 'gyur bar bya ba'i phyir yongs su bsngo ste/ de ltar dge ba'i rtsa ba de dag thams cad byang chub sems dpa' rnams kyi don du yongs su bsngo'o// de yang dge ba'i rtsa ba chung ngu na se gol gtogs pa tsam du sangs rgyas zhi ba'i sgra thos sam chos nyan tam/ 'phags pa'i dge 'dun bsnyen bkur byed dam/ gang ci yang rung ste/ dge ba'i rtsa ba de dag sems can thams cad la bar chad med par yongs su bsngo'o// sangs rgyas

  351. 176b

    rjes su dran pa yongs su rdzogs par yongs su bsngo'o/ / chos rjes su dran pa rab tu sbyor bar yongs su bsngo'o// 'phags pa'i dge 'dun rim gro bya bar yongs su bsngo'o// sangs rgyas mthong ba dang mi 'bral bar yongs su bsngo'o/ / sems rnam par dag par yongs su bsngo'o// sangs rgyas kyi chos khong du chud par yongs su bsngo'o// tshad med pa'i yon tan la rab tu 'jug pa'i phyir yongs su bsngo'o/ / mngon par shes pa dang dge ba'i rtsa ba rnam par dag pa'i phyir yongs su bsngo'o// chos kyi the tshom rnam par bsal ba'i phyir yongs su bsngo'o// ji ltar nyan thos dang rang sangs rgyas rnam par dag pa bstan pa la spyod pa'i sems can rnams la yongs su bsngo ba de bzhin du/ byang chub sems dpa' sems dpa' chen po de dge ba'i rtsa ba de dag sems can thams cad la'ang yongs su bsngo ste/ 'di ltar sems can dmyal ba'i lam rnam par bzlog pa'i phyir yongs su bsngo'o// byol song gi skye gnas rgyun gcad pa'i phyir yongs su bsngo'o// gshin rje'i 'jig rten rtsa ba nas gcad pa'i phyir yongs su bsngo'o// dran song gi rgyud thams cad ma lus par rgyun gcad pa'i phyir yongs su bsngo'o// sems can de dag thams cad kyang bla na med pa'i byang chub tu mos shing phyir mi ldog pa'i khyer yongs su bsngo'o/ / lhag pa'i bsam pas thams cad mkhyen pa nyid du sems bskyed pa rab tu thob par bya ba'i phyir yongs su bsngo'o//

  352. 177a

    sangs rgyas kyi chos thams cad mi spang ba'i phyir yongs su bsngo'o// thams cad mkhyen pa'i sa shin tu bde ba thob par bya ba'i phyir yongs su bsngo'o// sems can thams cad shin tu rnam par dag par bya ba'i phyir yongs su bsngo'o/ / sems can thams cad ye shes mtha' yas pa khong du chud par bya ba'i phyir yongs su bsngo'o// byang chub sems dpa' ni dge ba'i rtsa ba gang yang rung ste/ byang chub tu dmigs pa dang ma bral ba'i sems dang / thams cad mkhyen par dmigs pa la brtson pa'i yid la byed la dang / bdag gdul ba dang / pha rol gdul ba la gzhol ba'i lhag pa'i bsam pa dang / bdag dang gzhan yongs su smin par sbyor ba'i thabs mkhas pa dang / byang chub sems dpa'i tshul dang / ye shes kyi rjes su 'brang bas yongs su smin par byed pa'i rnam par thar pa dang / sems bskyed pa gnas pa med pa dang / grogs pa'i mnyam par gzhag pa dang / sngon snying rje chen po bskyed pas khyim na gnas pa dang / byams pa'i sems dang ldan pas rang gi chung ma'i rjes su 'brang ba dang / sbyor ba nyams pa med pa dang / byang chub sems dpa'i lam shin tu rnam par dag pas rtsom pa dang / yang dag par rtsom pa dang / sgrub pa dang / yang dag par sgrub pa dang / skyed pa dang / yang dag par skyed pa dang / dmigs pa chen pos yang dag par sdud pa dang / grub par byed pa dang / rgya cher byed pa dang / yongs su rdzogs par byed pa dang / brim na gnas pa dang / bu dang grogs shing gnas

  353. 177b

    ba na 'di ltar yongs su bsngo ste/ byang chub sems dpa' khyim na gnas pa'i tshe/ gang ci yang rung ste/ gos dang / zas dang / mal stan dang / nad kyi rkyen sman dang / yo byad dang / 'gro ba dang / 'ong ba dang / spyod pa dang ldang ba dang / sten pa dang / skye mched 'byung ba'i las dang spyod lam la gnas pa dang / spyod lam brtul ba dang / lus dang ngag gi las spyod pa dang / dbang po drug bsdams pa dang / rang gi lus phyi ba dang / ma nye ba dang / khru sa byed pa dang / zos pa dang / 'thungs pa dang / 'chos pa dang / myangs pa dang brkyangs pa dang / bskums pa dang / lta ba dang / kun tu lta ba dang log pa dang / sad pa dang / rang gi lus brtan par bya ba de dag thams cad byang chub sems dpa' thams cad mkhyen pa'i sems dang ldan pa/ thams cad mkhyen par dmigs pa la brtson pa sems can thams cad la phan pa dang bde bar sems pa byang chub tu smon lam tshang med pa btab pa/ sems tshad med pa dang ldan pa/ dge ba'i rtsa ba rgya chen po yongs su sdud pa/ 'gro ba thams cad bskyab par brtson la/ dge ba'i rtsa ba la rtag tu brtson pa// rlom pa dang bag med pa rnam par bzlog pa// thams cad mkhyen pa'i chos nyid la rab tu rten ga rnam par shes pa dang / sems bskyed pa dang / yid la byed pa gzhan med pa/ sangs rgyas thams cad kyi byang chub la mngon par gnas pa nyon mongs pa'i phyogs thams cad las phyir phyogs pa/ byang chub sems dpa' thams cad kyi bslab pa

  354. 178a

    ma slob pa'i sems dang ldan pa/ thams cad mkhyen pa'i lam nyams pa med pa/ ye shes kyi sa la rten pa// bstan pa'i gnas dang ldan la// dge ba'i rgyabs shes rab che/ bung ba bzhin du dge ba'i rtsa ba'i tshogs chen po sogs pa/ 'gro ba thams cad las rgyud shin tu 'phags pa/ 'du byed la mngon par zhen pa med pa/ de bzhin gshegs pa thams cad kyi gdams ngag 'thun par 'dzin pas thams cad mkhyen pa nyid du ma bsngos pa gang yang med de/ de ltar byang chub sems dpa' sems dpa' chen po khyim na gnas pa'i tshe/ dge ba'i rtsa ba de dag yang dag par sdud cing sgrub bo/ / yongs su bsngo ste/ de ltar de chung ngu na khyi'i lam gyi rgyud du gtogs pa dang / de ma yin pa'i byol song gi ris su gtogs pa la zas sna 'ga' 'am/ kham 'ga' yongs su gtong ba byed kyang de thams cad de dag nyid la phan pa dang / de dag nyid la bde ba dang / byol song gi skye gnas de dag sdug bsngal gyi rgya mtsho de dag dang / sdug bsngal gyi rgyu de dag dang / sdug bsngal gyi phung po de dag dang / sdug bsngal gyi tshor ba de dag dang / sdug bsngal bsags pa de dag dang / sdug bsngal mngon par 'du byed pa de dag dang / sdug bsngal gyi gter de dag dang / sdug bsngal gyi rtsa ba de ngag dang / sdug bsngal gyi skye mched de gnas sems can de dag yongs su sgrol zhing rnam par bzlog pa'i phyir yongs su bsngo'o// de la dmigs pas sems can thams cad mngon du byed do//

  355. 178b

    dmigs par byed do// yid la byed do// dge ba'i rtsa ba de dang de dag la yang sngon du 'gro bar byed de/ 'di ltar thams cad mkhyen pa nyid yongs su bsngo'o// byang chub tu sems bskyed pas yongs su 'dzin to/ / dge ba'i rtsa ba de dag la nye bar 'jog go/ 'khor ba'i dgon pa las rnam par zlog go// sangs rgyas kyi bde ba bsgribs pa med pa yang mngon du byed do// 'khor ba'i rgyud las 'byin par byed do/ / sangs rgyas kyis chos la brtson pa'i byams pas kyang yongs su rgyas par byed do// snying rje chen pos kyang de dag la snying brtse bar byed de/ bde ba rnam par dag pa yang de dag la yongs su bsngo'o/ / dge ba'i rtsa ba yongs su bsrung bar bya ba'i phyir yang rab tu 'jug ste/ de dag sangs rgyas kyi chos la nye bar sdud do// de dag bdud kyi yul las rnam par zlog go/ de dag de bzhin gshegs pa'i yul la 'jug par byed do/ / de dag 'jig rten gyi rgyud thams cad las gyen du spyod par byed do// de dag de bzhin gshegs pa thams cad kyi rigs la yang dag par sgrub par byed do/ / de dag dus gsum mnyam pa nyid la rab tu gzhog ste/ de ltar byang chub sems dpa' dge ba'i rtsa ba gang ci yang rung ste/ yang dag par bsgrubs pa dang / yang dag par bsgrub par 'gyur ba de dag thams cad 'di ltar yongs su bsngo ste/ 'di snyam du sems bskyed de/ ji ltar 'das pa'i sangs rgyas rnams kyis sngon byang chub sems dpa'i spyad pa la spyod cing / sangs

  356. 179a

    rgyas la rim gro mdzad pa'i dmigs pa dang / dge ba'i rtsa ba thams cad kyi dmigs pa la brtson par mdzad pa'i tshe/ gzugs la gnas pa med pa dang / tshor ba la mngon par ma chags pa dang / 'du shes kyi rnam pa phyin ci log med pa dang / 'du byed mngon par 'du bya ba med pa dang / rnam par shes pa mngon par chags pa med pa dang / skye mched drug las gyen du 'phags pa dang / 'jig rten gyi chos dang mi 'grogs pa dang / 'jig rten las 'das par yongs su bsngo ba dang / nam mkha' lta bu'i chos 'byam klas pa rab tu mkhyen pa dang / chos thams cad gnas med par rab tu rtogs pa dang / chos thams cad ma skyes pas 'byung ba dang / chos thams cad ma 'gags par gzigs pa dang / mi bden pa'i chos thams cad la mngon par chags pa las gyen du 'phags pa dang / chos thams cad mi brdzun zhing bden par gzigs pa dang / chos thams cad 'pho ba med pa la shin tu mos pa dang / chos thams cad kyi yang dag pa'i mtha' ma nyams pa la gnas pa dang / chos thams cad mtshan nyid med pa'i mtshan nyid las shin tu 'phags pa dang / chos de lta bu'i mtshan nyid can thams cad rang bzhin med pa'i rang bzhin du rtogs pa dang / sgo kun nas dge ba'i rtsa ba yang dag par bsgrub pa la brtson pa dang / de bzhin gshegs pa'i dkyil 'khor gyis gzigs pa thams cad la shin tu gzhol bas/ dge ba'i rtsa ba de dag yongs su bsngos pa de bzhin du/

  357. 179b

    bdagis kyang chos nyid de dag kho na la mos par byas te/ chos de lta bu la brtson pa'i sems bskyed pa/ chos thams cad dang mi 'gal ba sgyu ma lta bu'i chos las byung ba dag/ mig yor dang chu'i zla ba la bu'i rjes su song ba dang / me 'ong gi dkyil 'khor la gang ga kyil 'kho yongs pa na'i rdzi nga ldan pa'isas kyi bcu dang / de bzhin gshegs pa'i sa'i mthar zin par las ky-i ts+tsha yongs su shes pas yongs su bsngo'o zhes sems bskyed de/ de ltar byang chub sems dpa' sems dpa' chen po rnams 'das pa'i sangs rgyas bcom ldan 'das rnams kyi rjes su slob cing dge ba'i rtsa ba de dag yongs su bsngo'o/ 'das pa rnams la ji lta ba de bzhin du ma byon pa dang / de bzhin du da ltar byung ba dang / de bzhin du 'das pa dang / ma byon pa dang / da ltar byung ba'i sangs rgyas bcom ldan 'das rnams kyi yongs su bsngo ba'i rjes su bslabs te/ dge ba'i rtsa ba de dag yongs su bsngo'o// yang 'di ltar sems bskyed de/ sangs rgyas bcom ldan 'das de dag gis byang chub sems dpas dge ba'i rtsa ba 'di ltar yongs su masngo'o/ / zhes bya bar thugs su chud pa de lta bu'i bsngo ba rab/ dam pa/ mchog/ bla na med pa/ mnyam pa med pa/ mi mnyam pa dang mnyam pa/ 'dra ba med pa/ mtshungs/ pa med pa/ gtso bor gyur pa/ thu bor gyur pa/ kun tu snyoms pa/ me mnyam pa med pa/ bdag nyid che ba/ shin tu yangs pa/ dge ba/ rnam par dag pa/ kha na ma tho ba med pa/ brjod du med pas

  358. 180a

    yongs su bsngo'o snyam du sems bskyed de/ byang chub sems dpa' dge ba'i rtsa ba de ltar yongs su bsngo ba ni/ lus kyi las rnam par dag pas lus rnam par dag pa yin// ngag gi las rnam par dag pas ngag rnam par dag pa yin/ yid kyi las rnam par dag pas yid rnam par dag pa yin/ kha na ma tho ba med pa la gnas pas byang chub sems dpa'i spyod pa la gnas pa yin/ kha na ma tho ba med pa'i las dang ldan pas dge ba'i rtsa ba la brtson pa yin/ thams cad mkhyen pa nyid la rab tu brtson pas sems nyams pa med pa yin/ chos thams cad byed pa med pa la zhugs pas shin tu che ba la gnas pa yin/ 'jig rten gyi chos kyis ma gos pas 'jig rten las 'das pa'i chos dang 'byor pa yin/ ye shes dang mngon par shes pa'i las dang ldan pas las 'bya ma klas pa mtha' dang dbus med pa thams cad rab tu shes pa yin/ gnas pa thams cad yang dag par bcom pas yongs su bsngo ba la mkhas pa yin te/ kye rgyal ba'i sras dag/ 'di ni byang chub sems dpa' sems dpa' chen po rnams kyi yongs su bsngo ba gsum pa sangs rgyas thams cad la yang dag par bskyed pa zhes bya ba ste/ bsngo ba de la gnas pa'i sems dang ldan pa'i byang chub sems dpa' sems dpa' chen po ni/ de bzhin gshegs pa'i 'phrin las kyi zil dang ldan pa yin/ sangs rgyas kyi phun sum tshogs pa la zhugs pa yin/ ye shes kyi yul la zhugs pa yin/

  359. 180b

    chub sems dpasems dang sa bral ba yin/ thabs mkhas pa rnam par spyod pa la mkhas pa yin/ chos kyi dbyings la rab tu zhugs pa yin/ byang chub sems dpas yongs su rnam par bya ba'i mtshams sbyor ba la mkhas pa dang ldan pa yin/ de bzhin gshegs pa thams cad kyi rigs dang rgyung du chud pa yin/ chos thams cad kyi rgyus mtha' dang dbus med pa la mkhas pas rab tu dbye pa khong du chud pa yin/ 'jig rten du skye bar snang yang 'jig rten gyi chos kyi mi brjod pa yin no// de nas byang chub sems dpa' rdo rje'i rgyal mtshan gyis sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// de dag bsngo ba bslab la bslabs pa ste// skyes bu'i gtso bo ji snyed 'das pa dang // gang dag ma byon gang dag bzhugs pa'i rnams/ / de dag spyod pa'i rjes su dpa' ba slob// bde ba ji snyed gang dag rgyu ba dang // skyes bu'i gtso bos gang dag rab bsngags pa// mig tu 'ong zhing dag pargya 'jig rte mkhyen pa rnams la yongs su bsngo/ / lus kyi bde ba gang dag shes pa dang // mig bde de bzhin rna ba'i bde ba dang // sna dang lce yi bde ba mtha' yas pa// de dag rgyal ba kun la yongs su ba sngo/ / 'gro ba kun na dge ba gang yod pa// skyes bu 'dul bar thugs su chud pa'i rnams// de dag thams cad ma lus bsdu byas te// 'jig rten phan phyir de la rjes su dga'// 'jig rten

  360. 181a

    mkhyen pa'i de la dgar byas nas/ / skyes bu seng ge'i bde ba gang mnga' ba// de 'dra'i bde dang 'gro ba ldan 'gyur zhes// 'gro ba kun la de dag sngo ba byed// 'jig rten/ dag na bde 'gyur gang yod pa// skyes bu'i dam pas thugs su chud pa'i rnams// bde ba de dang 'gro kun ldan gyur te// 'jig rten sgron ma bzhin du kun gyur cig/ bde ba de dag yongs su sngo byed kyang / / mtshungs med rtag tu 'gro phan byed pa dag/ sems can phan par rtag tu zhugs pa'i rnams// yongs su bsngo bas rlom sems nam yang med// de ltar de dag yongs su bsngo ba na/ / tshe rabs skyes bu seng ge ci 'dra ba// de 'dra'i dam par bsod nams 'di gyur ces// snying rje chen pos sems kyang yongs su bskyed// 'jig rten 'di na byang chub spyad spyod cing / 'gro ba dag tu ji ltar las bsgrubs pas// rgyal bas ji ltar mkhyen pa mtshungs med pa'i// bde ba kun dang bral bar ma gyur cig/ gang yang 'gro ba kun na yod pa yin// skye mched bsdams pa yang dag skyes pa'i rnams/ / ye shes dang gis bslang bya bslabs pa dag/ skye dgu kun la phan phyir yongs su bsngo// lus dang ngag dang yid kyi las kyi rnams// gang yang rung ba'i laman yod pa dag/ ye shes rang gis bslab bya ba slabs pa'i rnams// gti mug med pas yongs su sngo ba byed// ji snyed de dag rab tu spyod pa'i rnams// rgyal sas rnams

  361. 181b

    kyis yang dag bsdu bya ba/ / de ni mtshungs med rgyal ba'i rjes su 'byung // de dag zhi ba'i yid phyir yongs su bsngo// 'jig rten thams cad ma lus bsdu byas te// 'gro yangs 'di na ji snyed dge yod pa/ / bde ba de dang yongs su ldan pa'i phyir// de la de dag yongs su sngo ba byed// bdag la bde ba nam yang mi tshol te// bde ba kun la'ang rtag par rab tu zhugs// spros pa rnams la nam yang mos pa med/ / bdag med chos la'ang rtag par 'jug pa yin// rgyal ba kun gyis ji snyed gzigs pa yi// rgyal sras ji snyed yod pa de dag phyir// myur du ma lus sangs rgyas gyur cig ces/ / bsod nams de dag yongs su sngo ba byed// bdag gis legs bsags las ni gang yod pa// de yis 'jig rten ma lus thams cad kyi// lam rgyud 'gro bar gtogs pa'i sems can rnams// de dag ma lus mi yi gtsor gyur cig/ smon lam mang po ji snyed gang yod pa// mtshungs pa med pa'i rgyal bas bstan pa'i rnams// rgyal sras bsam pa yongs su grub gyur te// smon lam de dag rnam par dag gyur cig/ 'jig rten ji snyed las kyis rnam bris pa// phyogs na yod pa thams cad mthong nas kyang / de dag yongs btsal bslab bya bslabs pa'i rnams// ma lus bsod nams thams cad yongs su bsngo// gnyis kyi chos kyis 'jal bar mi byed do// gnyis med chos

  362. 182a

    ni de dag mngon par shes/ / gnyis su yod dang gnyis su med pa la// rgyal sras de dag bsam pa mi rten to// 'gro ba'i 'du shes rgyu bsnyed pa yi// ma lus 'jig rten 'du shes 'jug byed kyang / / 'gro ba'i 'du shes rgyu ba rab rtogs pas// 'du shes yod min 'du shes med min 'gyur// de dag lus kyi yongs su dag gyur cing // de dag yid kyang yongs su dag pa yin/ / de dag ngag gis shin tu bsdams byas shing // de dag yid kyis yongs su dag pa yin// de dag bde gshegs mya ngan 'das pa dran// ma byon sangs rgyas de dag rjes su sems/ / phyogs bcu dag na bzhugs pa'i sangs rgyas kyang // de dag rjes slob chos rnams ston pa byed// dus gsum rgyal ba ye shes mkhas pa'i rnams// chags pa med pa'i thugs kyis ji lta bu ra/ / byang chub don phyir 'phrin las bsgrub mdzad pa// de dag 'jig rten phan phyir yongs su bsngo// mchog gi blo dang tshul khrims ldan pa'i blo// bden pa'i blo dang gzhan du mi 'gyur blo// yang dag blo dang rnam par dag pa'i blo// de 'dra'i blo yi dam pas yongs su bsngo// sangs rgyas thams cad la yang dag par bskyed pa zhes bya ba ste yongs su bsngo ba gsum pa'o// kye rgyal ba'i sras dag/ byang chub sems dpa' sems dpa' chen po rnams kyi yongs su bsngo ba bzhi pa thams cad du rjes su song ba zhes bya ba gang zhe na/ kye rgyal ba'i sras dag/ 'di la byang chub sems dpa'

  363. 182b

    sems dpa' chen po dge ba'i rtsal la brtson par byed pa'i tshe/ dge ba'i rtsa ba de dag 'di ltar yongs su bsngo ste/ 'di ltar yang dag pa'i mtha' thams cad du rjes su song zhing / dngos po thams cad kyi rjes su song ba dang / 'gro ba thams cad kyi rjes su song ba dang / sems can thams cad kyi rjes su song ba dang / zhing thams cad kyi rjes su song ba dang / chos thams cad kyi rjes su song ba dang / nam mkha' thams cad kyi rjes su song ba dang / dus gsum thams cad kyi rjes su song ba dang / 'dus byas dang 'dus ma byas thams cad kyi rjes su song ba dang / spyod pa'i sgra thams cad kyi rjes su song ba de bzhin du/ dge ba'i rtsa ba 'di yang dus gsum gyi sangs rgyas skye ba thams cad du rgyas par khyab par gyur cig/ 'das pa'i dus kyi sangs rgyas thams cad mchod cing bsnyen bkur ba'i rgyur gyur cig/ ma 'ongs pa'i dus kyi sangs rgyas thams cad kyi smon lam yongs su rdzogs pa'i rgyur gyur cig/ da ltar byung ba'i dus kyi 'jig rten gyi khams nam mkha'i dbyings kyis klas pa/ chos kyi dbyings kyi mthas gtugs pa/ lha rdzas dang lha rdzas ma yin pa'i rim gro 'byam klas pa dang ldan pa/ sangs rgyas thams cad mngon du gyur pa'i sangs rgyas thams cad kyi 'khor gyi dkyil 'khor gyi rgyan gyi de bzhin gshegs pa thams cad kyi rgyan rnam par dgod pa'i rgyur gyur cig/ blo bdag nyid che ba la mos shing shin tu yangs pa'i don du bsgribs pa med pa'i dge ba'i

  364. 183a

    rtsa ba thams cad rgya cher yongs su bsngo ba'i phyir/ 'jig rten gyi khams mtha' dang dbus med pa thams cad sems bskyed pas rgyas par gyur cig/ sangs rgyas bcom ldan 'das gang ji snyed chos kyi dbyings mtha' dang dbus med pa'i 'jig rten gyi khams dang / nam mkha'i dbyings 'byam klas pa la rab tu gnas pa'i 'jig rten gyi khams kyi rgyud dang / las gzhan dang gzhan gyis shin tu bsgrubs pa'i phyogs 'byam klas pa dang / 'jig rten gyi khams brjod du med par rnam par rgyu ba'i 'jig rten gyi khams dang / sangs rgyas kyi zhing brjod du med pa'i 'jig rten gyi khams kyi khongs mtha' yas pa dang / sangs rgyas kyi dmigs pa la gnas pa'i 'jig rten gyi khams du ma dang / 'jig rten gyi khams sna tshogs 'byam klas pa dang / sa mtshams med pa'i 'jig rten gyi 'khor dang / snrel zhir rgyu ba'i 'jig rten gyi khams mngon par grub pa dang / spyi'u tshugs su rgyu ba'i phyogs kyi 'khor gyi rgyud kyi 'jig rten gyi khams 'byam klas pa dang / sems can gyi 'khor mtha' dang dbus med pa'i 'jig rten gyi khams 'byam klas pa shin tu bstan pa thams cad ma lus pa de dag na bzhugs shing 'tsho ba dang / sangs rgyas kyi 'phrul ba dang / cho 'phrul yang dag par ston pa dang / byang chub sems dpa' de dag chos kyi dbyings ma lus pa dang / nam mkha'i dbyings rtsa ba ma rnyed pa 'gro ba thams cad yongs su gzud par bsgrub pa'i de bzhin gshegs

  365. 183b

    pa'i byin gyis brlabs yang dag par ston pa/ sangs rgyas kyi gzigs pa ye shes 'byam klas pa'i mngon par shes pas thugs su chud pa rab tu brjod pa/ rnam par 'phrul pa mtha' dang dbus med pas rab tu byung ba/ chos thams cad kyi rang bzhin gyi rjes su song ba/ tha mi dad pa'i chos kyi dbyings gzhi mnyam pa la rab tu zhugs pa/ de bzhin gshegs pa'i snying po'i lus su gcig pa chos thams cad kyis rab tu zhugs pa med pa/ 'gro ba thams cad la yang dag par ston pas na phyir ldog pa med pa/ 'jig rten gyi khams thams cad mngon par sgrub pa la mkhas pa/ thugs su chud pas thams cad mngon par mkhyen pa/ chos thams cad kyi rang bzhin gyis shin tu 'phags pa/ sgrib med pa'i byin gyis brlabs kyis phyir mi ldog pa/ sangs rgyas kyi dge ba'i rtsa bas yang dag par byung ba'i phyir/ chags pa med par gzigs pa'i bdag nyid che ba can bzhugs pa'i de bzhin gshegs pa dgra bcom pa yang dag par rdzogs pa'i sangs rgyas de dag dang / byang chub sems dpal sems dpa' chen po de dag la me tog gam/ spos sam/ 'phreng ba 'am/ byug pa 'am/ gdugs sam/ rgyal mtshan nam/ ba dan nam/ rin po che 'am/ me mar gyis de bzhin gshegs pa'i sku 'am/ mchod rten la'ang rung ste/ dmigs pa tshad med pas sbyar ba'i dge ba'i rtsa ba'i tshogs thams cad kyis dge ba'i rtsa ba gang dang gang skyed kyang rung ste/

  366. 184a

    'khrug pa med pa'i sems dang / rtse gcig tu gyur pa grangs med pa'i sems dang / g.yo ba med pa'i sems dang / rmongs pa med pa'i sems dang / mi skul ba'i sems dang / gnas med pa'i sems dang / mi gnas pa'i sems dang / srog med pa'i sems dang / mi g.yo ba'i sems dang / zhi ba'i sems su byas te/ 'di ltar yongs su bsngo zhing 'di snyam du dge ba'i rtsa ba 'di chos kyi dbyings shin tu bstan pas 'dus pa'i sangs rgyas thams cad thams cad mkhyen pa'i byang chub kyis 'dus pa'i ming mang po dang / tshig dang nges pa'i ngag mtha' yas pa dang / dus tha dad par mngon par 'tshang rgya ba'i de bzhin gshegs pa dang / phyi ma'i mthar thug pa'i bskal par byin gyis brlabs pa'i sku tshe'i tshad dang / mtha' dang dbus med pa shin tu bstan pa'i sngon gyi mtha' dang / phyi ma'i mtha' dang / da ltar byung ba'i yang dag par rdzogs pa'i byang chub kyis rgyas pa dang / chos kyi dbyings de bzhin gshegs pa'i 'byung gnas sangs rgyas thams cad kyi sku'i rgyan gyis brgyan pa'i sangs rgyas kyi zhing dang / chos kyi dbyings yongs su gang ba'i 'khor gyi dkyil 'khor du dus ji lta ba bzhin du yang dag par ston pa'i sangs rgyas 'byung ba'i de bzhin gshegs pa de dag gi spos kyi gdugs tshad med pa yongs su 'byung bar gyur cig/ spos kyi rgyal mtshan tshad med pa yongs su 'byung bar gyur cig/ spos kyi ba dan tshad med pa yongs su

  367. 184b

    'byung bar gyur cig/ spos kyi gzhal med khang tshad med pa yongs su 'byung bar gyur cig/ spos kyi dra ba tshad med pa yongs su 'byung bar gyur cig/ spos kyi sku gzugs tshad med pa yongasasu 'byung gyur cig/ spro kyi 'od tshad med pa yong su 'byung bar gyur cig/ spos kyi 'od zer tshad med pa yongs su 'byung bar gyur cig/ spos kyi sprin tshad med pa yongs su 'byung bar gyur cig/ spos kyi gdan tshad med pa yongs su 'byung bar gyur cig/ spos kyi 'chag sa tshad med pa yongs su 'byung bar gyur cig/ spos kyi gtsug lag khang tshad med pa yongs su 'byung bar gyur cig/ spos kyi zhing tshad med pa yongs su 'byung bar gyur cig/ spos kyi ri rab tshad med pa yongs su 'byung bar gyur cig/ spos kyi rgya mtsho tshad med pa yongs su 'byung bar gyur cig/ spos kyi chu klung tshad med pa yongs su 'byung bar gyur cig/ spos kyi shing tshad med pa yongs su 'byung bar gyur cig/ spos kyi na bza' tshad med pa yongs su 'byung bar gyur cig/ spos kyi pad+mo tshad med pa yongs su 'byung bar gyur cig/ spos kyi pho brang tshad med pa yongs su 'byung bar gyur cig/ me tog gi gdugs dpag tu med pa yongs su 'byung bar gyur cig ces bya ba nas/ tshul de bzhin du me tog gi pho brang gi bar du dpag tu med pa yongs su 'byung bar gyur cig/ 'phreng ba'i gdugs grangs med pa yongs su 'byung bar gyur cig ces bya ba nas/ 'phreng ba'i pho brang gi bar du grangs med pa yongs su 'byung bar gyur cig/

  368. 185a

    byug pa'i gdugs bsam gyis mi khyab pa yongs su 'byung bar gyur cig ces bya ba nas/ byug pa'i pho brang gi bar du bsam gyis mi khyab pa yongs su 'byung bar gyur cig/ phye ma'i gdugs mtshungs pa med pa yongs su 'byung bar gyur cig ces bya ba nas/ phye ma'i pho brang gi bar du mtshungs pa med pa yongs su 'byung bar gyur cig/ na bzo'i gdugs kun tu mtha' yas pa yongs su 'byung bar gyur cig ces bya ba nas/ na bza'i pho brang gi bar du kun tu mtha' yas pa yongs su 'byung bar gyur cig/ rin po che'i gdugs kun tu mu med pa yongs su 'byung bar gyur cig ces bya ba nas/ rin po che'i pho brang gi bar du kun tu mu med pa yongs su 'byung bar gyur cig/ mar me snang ba'i gdugs gzhal du med pa yongs su 'byung bar gyur cig ces bya ba nas/ mar me snang ba'i pho brang gi bar du gzhal du med pa yongs su 'byung bar gyur cig/ lhab lhub kyi gdugs brjod du med pa yongs su 'byung bar gyur cig ces bya ba nas/ lhab lhub kyi pho brang gi bar du brjod du med pa yongs su 'byung bar gyur cig/ nor bu rin po che'i gdugs brjod du med pa'i yang brjod du med pa yongs su 'byung bar gyur cig ces bya ba nas/ nor bu rin po che'i pho brang gi bar du brjod pa med pa'i yang brjod du med pa yongs su 'byung bar gyur cig/ de bzhin du nor bu rin po che'i rgyal mtshan dang / nor bu rin po che'i ba dan dang / nor bu'in

  369. 185b

    po che'i bla re dang / nor bu rin po che'i dra ba dang / nor bu rin po che'i sku gzugs dang nor bu rin po che'i 'od dang / nor bu rin po che'i 'od zer dang / nor bu rin po che'i sprin dang / nor bu rin po che'i gdan dang / nor bu rin po che'i 'chag sa dang / nor bu rin po che'i gtsug la ga khang dang / nor bu rin po che'i zhing dang / nor bu rin po che'i ri rab dang / nor bu rin po che'i rgya mtsho dang / nor bu rin po che'i chu klung dang / nor bu rin po che'i shing dang / nor bu rin po che'i na bza' dang / nor bu rin po che'i pad+mo dang / nor bu rin po che'i pho brang brjod du med pa'i yang brjod du med pa dag kyang kun nas gnas par gyur cig/ migs pa re re la yang grangs med pa'i rgyan rnams kun nas gnas par gyur cig/ grangs med pa'i gtsug lag khang dag/ kun nas gnas par gyur cig/ grangs med pa'i khang pa rtsegs pa dag kun nas gnas par gyur cig/ grangs med pa'i rta babs dag kun nas gnas par gyur cig/ grangs med pa'i zla gam dag kun nas gnas par gyur cig/ grangs med pa'i nor bu rin po che'i pu shu dag kun nas gnas par gyur cig/ grangs med pa'i rin po che'i skar khung rnam pa tha dad pa kun nas gnas par gyur cig/ rin po che'i kha dog rnam par dag pa grangs med pa kun nas gnas par gyur cig/ grangs med pa'i rgyan rnam pa'i mchog thams cad dang ldan pa thams

  370. 186a

    cad dang dpe med pa dag kun nas gnas par gyur cig/ 'jig rten gyi khams thams cad ma lus par sangs rgyas kyi rim gro dang rgyan rnam pa 'di lta bus rnam par dag par gyur cig/ sems can thams cad ma lus par stobs bcu'i sar 'byung bar gyur cig/ sems can thams cad shes par bstan pa'i phyir/ chos thams cad ma lus pa la chos kyi sna ba bsgribs pa med pa skye bar gyur cig/ 'gro ba thams cad gdul ba'i phyir/ dge ba'i rtsa ba thams cad ma lus par yongs su bsngo bar gyur cig ka 'pho ba med pa'i chos nyid du dus thams cad ma lus pa la 'jug par bya ba'i phyir/ nam mkha'i dbyings ma lus pa thams cad dang 'dra ba'i sems tshad med pas zhing thams cad yongs su rgyas par gyur cig/ 'gro ba thams cad kyis sangs rgyas mthong ba yongs su rdzogs par bya ba'i phyir/ dge ba'i rtsa ba thams cad rab tu 'bul bar gyur cig/ 'gro ba thams cad kyis theg pa chen po shin tu grub pa dang / chos thams cad ma lus pa la mngon par chags pa med par bya ba'i phyir/ dge ba'i rtsa ba ma lus pa la gnas pas kun nas par gyur cig/ spyod pa mtha' yas pa byin gyis brlabs pa dang / chos kyi dbyings mtha' dang dbus med pa la 'jug par bya ba'i phyir/ dge ba'i rtsa ba thams cad la yongs su spyod par gyur cig/ de bzhin gshegs pa thams cad kyi rnam par 'phrul pa la 'jug par bya ba'i phyir/ dge ba'i

  371. 186b

    ba thams cad yongs su 'gyur bar shog cig/ sems can thams cad kyis thams cad mkhyen pa'i ye shes khong du chud par bya ba'i phyir/ dge ba'i rtsa ba 'di dag ma lus par rkyen du gyur par shog cig/ ci nas kyang bdag med pa'i chos kyi dbyings las chos thams cad 'da' bar mi 'gyur bar dge ba'i rtsa ba 'di dag gis/ sems can thams cad sangs rgyas thams cad la bsnyen pa kur yongs su spyod pas yang dag par zin par gyur cig/ chags pa med pa la 'jug pa'i phyir/ chos thams cad yang dag par zin par gyur cig/ byang chub sems ngal la thams cad dge ba'i rtsa ba thams cad kyis grogs gcig tu mthun pa sa yang dag par zin par gyur cig/ byang chub sems dpa'i spyod pa thams cad smon lam yongs su rdzogs pas yang dag par zin par gyur cig bsgribs pa med pa khong du chud par bya ba'i phyir/ byang chub sems dpa'i chos snang ba thams cad yang dag par zin par gyur cig/ mtha' dang dbus med pa la mkhas par bya ba'i phyir/ de bzhin gshegs pa thams cad kyi rnam par 'phrul pas yang dag par zin par gyur cig/ sems tshad med pas yongs su rgyas par bya ba'i phyir/ sangs rgyas thams cad kyi stobs dang mi bsnyengs pas yang dag par zin par gyur cig/ mi gnyis pa'i snang 'a grub pas byang chub sems dpa'i ting nge 'dzin dang / spobs pa dang / gzungs kyi sgor 'jug pas yang dag par zin par gyur

  372. 187a

    cig/ de bzhin gshegs pa'i rnam par 'phrul pa dang cho 'phrul chen po shin tu bstan pa bsgrub pa'i phyir/ de bzhin gshegs pa thams cad kyi tshul la mkhas pas yang dag par zin par gyur cig/ skye ba dang / rnam par 'tshang rgya ba dang / 'khor lo bskor ba dang / mya ngan las 'da' ba dang / nye bar gshegs pa bstan pa dang / mchod pa dang / rim gro dang / sems can gdul ba la 'jug pa'i phyir/ de bzhin gshegs pa dus gsum du byon pa mtha' dang dbung med pa thams cad ma lus pa'i skye ba dang / sangs rgyas kyi byang chub tu mngon par 'tshang rgyabs yang dag par zin par gyur cig/ 'jig rten gyi khams thams cad ma lus par bla na med pa'i sangs rgyas kyi zhing yongs su dag pas zin par gyur cig/ bskal pa 'byam klas pa mtha' dang dbus med pa thams cad ma lus par byang chub sems dpa'i spyod pa 'brel la rgyun mi 'chad pas yang dag par zin par gyur cig/ 'jig rten du skye ba'i yul thams cad ma lus par thams cad du skye ba shin tu bstan pas yang dag par zin par gyur cig/ sems can gyi khams thams cad ma lus par byang chub sems dpa' kun tu bzang po'i spyod pas yongs su smin par bya bas yang dag par zin par gyur cig/ sems can gyi nyon mongs pa dang / bag la zhal ba dang / bag chags thams cad ma lus par rnyog pa med pa'i tshul gyis yang dag par zin par gyur cig/ sems can

  373. 187b

    gyi dbang po 'byam klas pa thams cad ma lus par mtha' dang dbus med pa la 'jug pas yang dag par zin par gyur cig/ 'gro ba thams cad kyi mos pa dang lhag pa'i bsam pa thams cad ma/ lus par nyon mongs pa med cing yongs su dag pas yang dag par zin par gyur cig/ 'gro ba thams cad yongs su smin par bya ba dang / gdul ba thams cad ma lus par dus la'i ltar 'bas pa bzhin du kun nas bstan pas yang dag par zin par gyur cig/ sems can thams cad ma lus par 'gro ba thams cad sprul pa lta bur khong du chud pas yang dag par zin par gyur cig/ de bzhin gshegs pa'i rigs thams cad ma lus par sangs rgyas byung ba thams cad kyi bstan pa gzung zhing bsrung bas yang dag par 'dzin par gyur cig ces sems bskyed cing / de ltar byang chub sems dpa' sems dpa' chen po dge ba'i rtsa ba de dag dmigs pa med pa'i tshul gyis yongs su bsngo ste/ las kyis ni rnam par smin pa la yongs su rtog par mi byed rnam par smin pas ni las la yongs su rtog par mi byed de/ chos kyi dbyings rtog pa med pa la yang dag par 'jug go/ dge ba'i rtsa ba byed pa med pas gnas pa yin no// chos nyid g.yeng ba med pa la yang rab tu brtson pa yin no/ / de ni chos thams cad la yang dad pas yang dag par 'jug ste/ chos gang rang bzhin gyis yongs su grub par byed pa 'am/ rnam par byed pa de dag

  374. 188a

    gang yang mi mthong ngo / / chos nyid dbang po med pa'i mthar thug pa la yang yang dag par 'jug ste/ chos kyi dbyings lta ba po med par yang rab tu shes shing / chos thams cad shes pa po med par yang rab tu rtogs so/ / de ltar byang chub sems dpa' sems dpa' chen po chos thams cad kyi dkyil 'khor tshad med pa rab tu shes pa/ chos thams cad kyi rkyen gyi gnas khong du chud pa/ chos thams cad lus med par rab tu mthong ba/ chos thams cad 'dod chags dang bral ba'i mthar phyin par rjes su lta ba/ 'jig rten 'gyur ba thams cad sprul pa lta bur rjes su rtogs pa/ chos gcig la sems can thams cad du rjes su mthong ba/ chos kyi dbyings mi gnyis par rab tu rig pa/ las kyi dmigs pa dang nye bar len pa la mkhas pas ma gtang ba/ 'dus byas kyi khams 'dus ma byas su mngon par bsgrub pas zhig par mi byed pa/ 'dus ma byas kyi khams 'dus byas su sgrogadags pa thams cad kyis rnam par mi rtog pa/ chos thams cad rab tu zhi ba la gzhol ba/ dge ba'i rtsa ba mngon par sgrub pa thams cad mngon par sgrub pa/ sems can thams cad yongs su bskyab par bya ba'i sems dang ldan pa/ chos rgya mtsho thams cad mngon par shes pa/ rmongs pa med par chos nyid la brtson pa/ dge ba'i rtsa ba nam mkha' lta bu thams cad yongs su bsngo ba/ bsod

  375. 188b

    nams kyis rgyas par 'gro bas 'jig rten las 'das pa'i lam du zhugs pa/ 'jig rten gyi chos kun nas mi rgyu ba/ mig la rab rib med pa/ ye shes kyi snang ba rab tu thob pa/ thabs mkhas pas yongs su bsngo ba'i ngang tshul can de/ ci nas kyang sangs rgyas thams cad kyis byin gyis brlabs pa dang / ci nas kyang zhing thams cad yongs su dag par 'gyur ba dang / ci nas kyang sems can thams cad yongs su smin par 'gyur ba dang / ci nas kyang sangs rgyas kyi chos thams cad nye bar blang bar 'gyur ba dang / ci nas kyang 'jig rten thams cad du bsod nams kyi zhing dam par 'gyur ba dang / ci nas kyang sems can thams cad kyi ded dpon du thog mar 'gro ba dang / ci nas kyang snang ba'i dkyil 'khor skye dgu thams cad la 'char bar 'gyur ba dang ci nas kyang dge ba'i rtsa ba thams cad kyis chos kyi dbyings thams cad rgyas par 'gyur ba dang / ci nas kyang 'gro ba thams cad kyi rten du 'gyur ba dang / ci nas kyang yon tan thams cad kyis sems can gyi khams thams cad rnam par sbyong bar 'gyur ba de ltar/ dge ba'i rtsa ba de dag yongs su bsngo ste/ de de ltar yongs su bsngo bas sangs rgyas kyi rigs yang dag par 'dzin ba yin/ sems can gyi rigs yongs su smin par byed pa yin/ zhing gi rigs rnam par sbyong ba yin/ chos kyi rigs 'gal bar mi byed pa yin/ las kyi rigs yongs su shes pa yin//

  376. 189a

    mi gnyis pa'i rigs mnyam par byed pa yin/ phyogs kyi rigs su khyab par 'gro ba yin// 'dod chags dang bral ba'i rigs la yang dag par rtogs pa yin/ shin tu mos pa'i rigs rab tu sgrub pa yin/ dbang po'i rigs shin tu snang bar byed pa yin te/ kye rgyal ba'i sras dag/ 'di ni byang chub sems dpa' sems dpa' chen po rnams kyi yongs su bsngo ba bzhi ba ste/ thams cad du rjes su song ba zhes bya ba'o// de la gnas shin byang chub sems dpa' sems dpa' chen po rnams dge ba'i rtsa ba thams cad yongs su sngo bar byed de/ de de ltar yongs su bsngo bas 'jig rten gyi khams thams cad du yang dag par bstan par bya ba'i phyir/ thams cad du rjes su song ba'i lus kyi las rab tu 'thob bo// sangs rgyas kyi zhing thams cad du rnam par bstan pa bsgribs pa med pa'i phyir/ thams cad du rjes su song ba'i ngag gi las rab tu 'thob bo// sangs rgyas kyi chos thams cad bstan cing gzung ba'i phyir/ thams cad du rjes su song ba'i yid kyi las rab tu 'thob bo/ / sems can thams cad kyi rjes su 'brang bar bya ba'i phyir/ thams cad du rjes su song ba'i rdzu 'phrul dang rnam par 'phrul pa rab tu 'thob bo// chos thams cad la yang dag par 'jug par bya ba'i phyir/ thams cad du rjes su song ba'i chos khong du chud pa rab tu 'thob bo// sems can thams cad kyi bsam pa tshim par bya ba'i phyir/ thams cad kyi rjes su song ba'i gzungs dang spobs pa thob

  377. 189b

    par bya ba rab tu 'thob bo/ / spu'i sbubs gcig tu 'jig rten gyi khams thams cad gzung par bya ba'i phyir/ thams cad du rjes su song ba'i chos kyi dbyings la 'jug pa rab tu 'thob bo// sems can gcig gi lus su sems can thams cad kyi lus yang dag par gzhol bar bya ba'i phyir/ thams cad kyi rjes su song ba'i lus la 'jug pa rab tu 'thob bo// bskal pa thams cad du de bzhin gshegs pa mthong ba dang mi 'bral ba la 'jug pa'i phyir/ thams cad du rjes su song ba'i bskal pa'i grangs la 'jug pa rab tu 'thob bo// skad cig gcig gis de bzhin gshegs pa 'byung ba thams cad mngon sum du bstan pa'i phyir/ / thams cad du rjes su song ba'i skad cig la 'jug pa rab tu 'thob bo// de nas byang chub sems dpa' rdo rje'i rgyal mtshan gyis sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// 'jig rten mtha' dang dbus med gang la yang // de dag gnas 'cha' gang yang yod pa min// sems can phan pa'i ngor las phyir mi ldog/ mi rab de dag ye shes 'di 'dra'o// zhing rnams la yang gnas par mi byed do// phyogs rnams la yang de dag gnas mi 'cha'// tshe dang chos kyis rlob sems mi byed de/ 'jig rten dag la rnam par rtog mi byed// phyogs bcu'i 'jig rten dag na ci yod pa'i// 'gro ba de dag ma lus kun bsdus shing // dngos po dngos med chos la dbang sgyur 'jug/ de dag

  378. 190a

    thams cad ma lus dus su bsngo/ / 'dus byas 'dus ma byas kyi chos blangs shing // 'jig rten 'di la rnam par rtog mi byed// ji ltar 'jig rten 'di bzhin chos rnams te/ de ltar 'jig rten sgron ma rnam par dag/ ji snyed las rnams yang dag rtsom pa gang // rab dang 'bring dang de bzhin tha ma'i rnams// de dag phyogs bcu'i 'jig rten mkhyen pa'i rnams/ ji snyed bzhugs la yongs su sngo ba byed// de dag yongs su bsngo ba'i mthar phyin pa// sangs rgyas mchog rjes bslab bya ba slabs pa'i rnams// ye shes ngam pa rjes su sems byed ci mi yi dam pa'i chos rnams rab tu 'thob/ / sems can phan pa'i don du rtag zhugs shing // 'gro ba kun tu 'jig rten sgron ma bzhin// phyogs rnams kun tu ma lus gyur cig ces// dge ba de dag yongs su sngo ba byed/ / de dag sems can rnam par rtog mi byed// chos la'ang rnam par rtog par mi byed de// 'jig rten gyis kyang rlom sems med pa yin// 'gro ba kun nas phyir yang mi ldog go// brtan pa de dag zhi rab rtag tu zhi// de dag mya ngan 'das pa'i spyod yul thob// sems cad chud na'ang mi spyod ma yin te// 'di 'dra'i ye shes dam pa khong du chud// de dag nam yang rtog dang rnam rtog med/ rnam par smin la'ang de dag gnas mi 'cha'// 'jig rten thams cad rgyu dang bcas pas na// chos rnams rgyu med par yang lta ba min// de dag spyod yul 'di 'dra thob pa ste// de la rtog dang rnam

  379. 190b

    par rtog pa med/ / blo mchog de dag 'gro kun kha lo sgyur// ye shes tshul la mkhas pas yongs su bsngo// thams cad du rjes su song ba zhes bya ba ste yongs su bsngo ba bzhi pa'o// / shin tu rgyas pa chen po'i mdo bam po sum cu rtsa bzhi pa// / kye rgyal ba'i sras dag/ byang chub sems dpa' sems dpa' chen po rnams kyi yongs su bsngo ba bsod nams mi zad pa'i mdzod ces bya ba gang zhe na/ kye rgyal ba'i sras dag/ 'di la byang chub sems dpa' sems dpa' chen po sgrib pa'i las thams cad las bag yongs su bya ba'i phyir// bshags pa dang 'brel ba'i dge ba'i rtsa ba 'am/ 'das pa dang / ma byon pa dang / da ltar byung ba'i sangs rgyas bcom ldan 'das thams cad dang / 'das pa dang / ma 'ongs pa dang / da ltar byung baba'i sems can gyi khams thams cad kyi dus gsum gyi dge ba'i rtsa ba la rjes su yi rang bas rjes su yi rang ba dang 'brel ba'i dge ba'i rtsa ba'am/ 'das pa dang / ma byon pa dang / da ltar byung ba'i de bzhin gshegs pa thams cad la nan tan du byas pas phyag bya ba dang 'brel pa'i dge ba'i rtsa ba 'am/ sangs rgyas kyi chos thams cad la brtson pas sangs rgyas thams cad la gsol ba gdab pa dang 'brel pa'i dge ba'i rtsa ba 'am/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dge ba'i rtsa ba mi zad pa gang la byang chub sems dpas brtson par bya

  380. 191a

    ba'i dge ba'i rtsa ba 'byam klas pa bsam gyis mi khyab pa de dag la yang dag par 'jug par byed la 'am/ gang yang 'das pa dang / ma byon pa dang / da ltar byung ba'i sangs rgyas bcom ldan 'das mngon par byang chub pa'i dge ba'i rtsa ba de dag la rjes su yi rang bar byed cing dge ba'i rtsa ba de dag la gnas par byed pa 'am/ sangs rgyas bcom ldan 'das 'das pa dang / mabyon pa dang / da ltar byung ba'i chos kyi 'khor lo bskor bas/ sems can mtha' dang dbus med pa 'dul bar gyur pa de dag la rjes su yi rang ba dang ldan pa'i sems bskyed pas khong du chud par byed pa 'am/ gang yang 'das pa dang / ma byon pa dang / da ltar byung ba'i sangs rgyas bcom ldan 'das de dag dang po thugs bskyed pa nas bzung ste/ byang chub sems dpa'i spyod pa thams cad la yang dag par byung bar gyur pa dang / bla na med pa yang dag par rdzogs pa'i byang chub tu 'tshang rgya bar gyur pa dang / mya ngan las 'das pa yang dag par bstan pa'i bar gyi dge ba'i rtsa ba de dag thams cad sangs rgyas thams cad dang rgyud kyi tshul gcig tu gyur pa'i ye shes kyi byin gyis brlabs kyis rjes su yi rang ba 'am/ de bzhin gshegs pa de dag yongs su mya ngan las 'das pa'i bstan pa yang dag par bzung ba nas nye bar bzung ste/ chos thams cad kyi mthar thug gi bar du dge ba'i rtsa ba ji snyed yang dag par 'grub par 'gyur ba 'am/ sangs rgyas la dmigs pa'i bsam pa 'byam klas pa brjod du med pa dang / rang gi dmigs pa la dge ba'i rtsa ba gang brtsams pa

  381. 191b

    de dag bla na med pa yang dag par rdzogs pa'i byang chub tu bsgribs pa med par dmigs pas mthar phyin par byed pa yang rung ste/ dge ba'i rtsa ba rnam par bye ba chang med cing 'byam klas pa dmigs pa rgya chen po grangs med pas bsags pa de dag thams cad 'di ltar yongs su bsngo ste/ dge ba'i rtsa ba gang yang dag par bsgrubs pa dang ga gang mos par byas pa dang / gang rjes su yi rang ba dang / gang yongs su rdzogs par byas pa dang ga gang yongs su grub par byas pa dang / gang spyad pa dang / gang thob par byas pa dang / gang sems pa dang / gang rtsom pa dang / gang mthu dang ldan par byed pa'i dge ba'i rtsa ba de dag gis/ gang ji snyed du sngon gyi 'das pa'i dus thams cad 'byam klas pa'i dus la 'jug pa dang / 'jig rten gyi khams shin tu bstan pa grangs las 'das pa thams cad du sangs rgyas kyi zhing gi rgyan byung ba dang / gang ji snyed du de bzhin nyid kyi go skabs thams cad kyi sngon gyi mu'i bskal pa'i mthar gyur pa/ sa mtshams med pa'i sangs rgyas kyi rigs mtha' yas pa dang / de bzhin gshegs pa thams cad kyi ye shes kyis thugs su chud pa// byang chub sems dpa'i bsam pas rnam par shes pa/ byang chub sems dpa'i sems kyis yang dag par bzung ba dag tu sangs rgyas kyi zhing gi rgyan yongs su dag pa byung ba dang / gang yang las dang rgyu mthun pa'i 'bras bu 'am/ gang yang spyod pa las yang dag par byung ba 'am/ gang yang sems can bsgral bar bya ba'i tshogs rnam par bstan pa 'am/ gang yang shin tu mos pa rnam par dag pa 'amapa gang yang

  382. 192a

    de bzhin gshegs pa'i byin gyis rlabs kyis shes par bya ba 'am/ gang yang sangs rgyas kyi rnam par 'phrul pa yang dag par bstan pa 'am/ gang yang byang chub sems dpa'i sa rnams su rnam par rig pa 'am/ gang yang de bzhin gshegs pa'i 'phrin las 'jig rten las 'das pas byung ba 'am/ gang yang byang chub sems dpa' kun tu bzang po'i spyod pa 'byam klas pas byung ba 'am/ gang yang mngon par 'tshang rgya ba'i de bzhin gshegs pa thams cad kyi byin gyis brlabs kyis byung ba 'am/ phyi ma'i mtha'i bskal par mngon par 'chang rgya ba rgyun chad pa med pa'i 'jig rten gyi khams kyi tshul thams cad shin tu bstan pa/ nam mkha'i dbyings kyis klas pa/ chos kyi dbyings kyi mthas gtugs pa/ 'jig rten gyi khams thams cad 'byam klas pa/ ma 'ongs pa'i dus mtha' yas pa'i rigs su shin tu bstan pa/ ma 'ongs pa'i lam gyi rgyud rnam pa tha dad pa grangs med par brjod pa/ ma 'ongs pa'i dus rgyun 'chad pa med cing sa mtshams kyi mtha' med pa/ de bzhin gshegs pa'i ye shes kyis mngon par bsgrubs pas thugs su chud ba/ ma 'ongs pa'i dus kyi skad cig rgyun 'chad pa med pa/ chos kyi dbyings dang / 'jig rten gyi khams dang / bskal pa gcig nas gcig tu brgyud pa thams cad mtha' yas pa dang / de bzhin gshegs pa'i stobs kyis mngon par 'chang rgya ba tshad med par gyur pa dang / ma 'ongs pa'i dus sa mtshams med cing rigs su mi chod pa

  383. 192b

    dag tu ma byon pa'i de bzhin gshegs pa dgra bcom pa yang dag par rdzogs pa'i sangs rgyas chos kyi dbyings thams cad du khyab par gshegs pa'i sangs rgyas kyi zhing gi yon tan dang / rgyan yongs su dag pa rin po che'i rgyan rnam par bre ba du ma dang / spos kyi rgyan yid du 'ong ba dang ldan pa thams cad dang / me tog thams cad kyi rgyan gyi char rab tu 'bab pa/ na bza' thams cad kyi rgyan gyi sIn sna tshogs yon tan thams cad kyis brgyan pa/ rnam pa tha dad pa'i mdzod de bzhin gshegs pa'i rgyan gyi byin gyis brlabs kyis rnam par bres pa/ sangs rgyas kyi zhing thams cad kyi rgyan rab tu brgyan par bya ba rnam pa sna tshogs tha dad pa brjod du med pas rab tu brgyan cing grub pa/ grogs bsam gyis mi khyab pa rnam par dag pas yongs su bsgrubs pa/ de bzhin gshegs pa mngon par 'tshang rgya ba'i byin gyis brlabs kyi rgyan gyis rnam par dag pa rnams 'byung bar 'gyur ba dang / gang yang ma byon pa'i de bzhin gshegs pa thams cad mngon par 'tshang rgya ba'i sangs rgyas kyi zhing yongs su dag pa/ byang chub sems dpa'i mig 'jig rten las 'das pa thun mong ma yin pas rnam par mthong ba/ byang chub sems dpa' mthu chen po'i dge ba'i rtsa ba rab tu myong bar 'gyur ba'i chos thams cad sgyu ma'i rnam pa lta bur khong du chud pa/ chos thams cad kyi mthu sprul pa lta bus rnam par dag pa/ byang chub sems dpa'i las 'byam klas pa mnyam pa nyid kyi rjes su song bas rnam par dag pa/ byang chub sems dpa'i rnam par 'phrul ba dang ting nge 'dzin gyi tshul bsam gyis

  384. 193a

    mi khyab pa la zhugs pa/ sangs rgyas kyi khyu mchog gi mthu phyung ba yang dag par nu ba/ sangs rgyas kyi 'od bla na med pas snang bar byas pa/ rgya che ba/ sna tshogs pa/ tshad med pa bsam gyis mi khyab pa rnams yang dag par gnas par 'gyur ba dang / ma byon pa'i sangs rgyas de dag thams cad kyi sangs rgyas kyi zhing yongs su dag par 'gyur ba de bzhin du/ da ltar byung ba'i sangs rgyas thams cad kyi sangs rgyas kyi zhing yongs su dag pa rab tu byung ba/ shin tu grub pa/ rnam par dag pa/ rnam pa sna tshogs pa/ tha dad pa/ kun nas yon tan can bsngags par bya ba tshad med pa dri zhim mo bsam gyis mi khyab pa/ mtha' yas shing tshad med pa dang ldan pa/ rgyan grangs med pa can/ gtsug lag khang grangs med pa dang ldan pa/ yid du 'ong ba'i sgra grangs med pa yod pa mtha' yas par yang dag par ston pa/ rjes su spyod pa'i grogs tshad med pa dang ldan pa/ yon tan sna tshogs zad mi shes pa dang ldan pa/ rgyan thams cad kyis brgyan pa spos thams cad kyis brgyan pa/ 'phreng ba thams cad kyis brgyan pa/ phye ma thams cad kyis brgyan pa rin po che thams cad kyis brgyan pa/ na bza' thams cad kyis brgyan pa/ rgyal mtshan thams cad kyis brgyan pa/ ba dan thams cad kyis brgyan pa rin po che sna tshogs kyi snam bu kun tu bting bas brgyan pa/ rin po che thams cad kyi stegs bus brgyan pa/ gser gyi dra ba grangs med pas kun tu yog par brgyan pa/ chu klung grangs med pa'i rgyan gyis brgyan

  385. 193b

    pa/ grangs med pa'i sprin gyi char rab tu 'bab pas brgyan pa/ rol mo brdung ba dang dkrol ba'i tsho gas grangs med pas yid du 'ong ba rnam par dag pa de dag dang / de bzhin du ma lus pa thams cad rab tu bzung ste/ sangs rgyas kyi zhing gi yon tan dang rgyan yongs su dag pa gang ji snyed pa gang dang gang sangs rgyas thams cad kyis rab tu mkhyen pa/ 'jig rten gyi khams kyi rgyud chos kyi dbyings kyis klas gnam mkha'i mthas gtugs pa/ zhing gi gnas su gyur pa/ thams cad phyogs kyi 'khor mtha' yas par shin tu bstan pas phyogs bcu rnam par bkod pa/ 'jig rten gyi khams 'byam klas pa dang las rnam pa sna tshogs kyis mngon par 'du byas pa/ nam mkha'i khams dang 'jig rten gyi khams thams cad kyis yongs su bsdus pa/ 'jig rten gyi khams phyogs gzhan dang gzhan gyi rjes su song bar rab tu gnas pa/ las rnam pa tha dad pas shin tu byung ba'i 'jig rten gyi khams brjod du med par shin tu bstan pa/ 'jig rten gyi 'byung gnas nam mkha'i gos gtugs pa zhing gi rgyud rnam pa tha dad pa/ brjod du med pa/ 'jig rten gyi khams mtha' dang dbus med pa'i chos kyi dbyings kyis shin tu bstan pa de ltar ma lus pa thams cad yongs su bzung ste/ chos kyi dbyings thams cad kyi sangs rgyas kyi zhing thams cad kyi rgyan la 'jug pas rgyan rnam par dag pa thams cad dang ldan pa/ sangs rgyas kyi zhing yongs su dag pa thams cad ji skad du

  386. 194a

    bshad pa dang / ji skad du bstan pa dang / ji skad du brjod pa dang / ji skad du gsal bar byas pa dang / ji skad du smos pa dang / ji skad du smras pa dang / ji skad du bslabs pa dang / ji skad du bkrol ba dang / ji lta bur brtags pa dang / ji lta bur rnam par bkod pa de dang de dag tu de bzhin gshegs pa skyes bu'i sangs rgyas kyi zhing gi rgyan dang sangs rgyas kyi zhing rnam par dag pa dang / sangs rgyas kyi zhing mnyam pa nyid dang / sangs rgyas kyi zhing dge ba dang / sangs rgyas kyi zhing gi dag nyid che ba dang / sangs rgyas kyi zhing yangs pa dang / sangs rgyas kyi zhing bde bar bskyang ba dang / sangs rgyas kyi zhing zil gyis ma non pa dang / sangs rgyas kyi zhing zang mi shes pa dang / sangs rgyas kyi zhing shin tu che ba dang / sangs rgyas kyi zhing mi 'phrogs pa dang / sangs rgyas kyi zhing mi 'jigs pa dang / sangs rgyas kyi zhing 'od gsal ba dang / sangs rgyas kyi zhing yid du 'ong ba dang / sangs rgyas kyi zhing mi mthun pa med pa dang / sangs rgyas kyi zhing kun tu snang ba dang / sangs rgyas kyi zhing rab tu snang ba dang / sangs rgyas kyi zhing rnam par brgyan pa dang sangs rgyas kyi zhing rab tu brgyan pa dang / sangs rgyas kyi zhing shin tu rnam par phye ba dang / sangs rgyas kyi zhing mchog dang / sangs rgyas kyi zhing gtso bo dang / sangs

  387. 194b

    sangs rgyas kyi zhing rab dang / sangs rgyas kyi zhing phul dang / sangs rgyas kyi zhing dam pa dang / sangs rgyas kyi zhing gya nom pa dang / sangs rgyas kyi zhing rmad du byung ba dang / sangs rgyas kyi zhing bla na med pa dang / sangs rgyas kyi zhing mnyam pa med pa dang / sangs rgyas kyi zhing 'dra ba med pa dang / sangs rgyas kyi zhing mtha' yas pa dang / de ltar yongs su bzung ste/ 'das pa dang / ma byon pa dang / da ltar byung ba'i sangs rgyas thams cad kyi sangs rgyas kyi zhing gi rgyan rnam par dag par dag pa gang ji snyed pa'i rgyan rnam par dag pa dang / dge ba'i rtsa pabapa 'dis 'jig rten gyi khams thams cad rnam par dag par gyur cig/ sangs rgyas kyi zhing thams cad 'di lta bu'i rnam par dag pa dang ldan par gyur cig/ 'jig rten gyi khams re rer yang 'das pa dang / ma byon pa dang / da ltar byung ba'i sangs rgyas thams cad kyi sangs rgyas kyi zhing gi rgyan ji snyed pa de dag thams cad yang dag par gnas par gyur cig/ grub par gyur cig rnam par dag par gyur cig/ yongs su dag par gyur cig/ yang dag par grub par gyur cig/ rab tu byung bar gyur cig/ rab tu brgyan par gyur cig/ kun tu brgyan par gyur cig byang bar gyur cig/ byin gyis brlabs par gyur cig/ 'jig rten gyi khams gcig tu ji lta ba de bzhin du/ 'jig rten gyi khams thams cad du'ang ma lus par yongs su bzung ste/

  388. 195a

    sangs rgyas kyi zhing chos kyi dbyings kyis klas pa/ nam mkha'i mthas gtugs pa thams cad ma lus par de snyed kyi rgyan gyis yongs su brgyan par gnas par gyur cig/ sangs rgyas kyi zhing thams cad ma lus par dus gsum thams cad kyi sangs rgyas kyi zhing gi yon tan rnam par phye ba dang / sangs rgyas kyi zhing gi rgyan dang / sangs rgyas kyi zhing gi bdag nyid che ba dang / sangs rgyas kyi zhing blta na mi ngoms pa dang / sangs rgyas kyi zhing tshad med pa dang / sangs rgyas kyi zhing yangs pa dang / sangs rgyas kyi zhing grangs med pa dang / sangs rgyas kyi zhing bsam gyis mi khyab pa dang / sangs rgyas kyi zhing mtshungs pa med pa dang / sangs rgyas kyi zhing mtha' yas pa ji snyed pa de dag gi rgyan gyis rnam par dag par gyur cig/ sangs rgyas kyi zhing de dag thams cad kyang byang chub sems dpa' yongs su rdzogs pa rjes su 'jug pa/ 'jig rten gyi khams la rab tu 'jug pa kun tu spyod pa mang ba/ sems can gyi khams rtogs par bya ba khong du chud pa/ chos kyi dbyings la 'jug pa rab tu rtogs pa/ nam mkha'i dbyings la 'jug pa rmongs pa med pa/ sangs rgyas rjes su dran pa rab tu thob pa/ bsam gyis mi khyab pa'i chos rjes su dran pa'i tshul can/ tshad med pa'i dge

  389. 195b

    'dun rjes su dran pa la rab tu zhugs la/ gtong ba la shin tu mos pa/ gtong ba'i rjes su dran pa rab tu thob pa/ ye shes kyi 'od zer dang ldan pa'i chos kyi nyi ma'i dkyil 'khor can chags pa med par lta ba/ dmigs su med pa las rab tu byung bas/ sangs rgyas kyi chos kyi gnas su gyur pa/ dge ba'i rtsa ba dam pas thog mar 'gro ba dang / dge ba'i rtsa ba dbang gis sangs rgyas kyi byang chub tu byung ba/ de bzhin gshegs pa'i stobs kyi rjes su song ba/ thams cad mkhyen pa nyid kyi yul gyi 'od zer rab tu 'gyed pa/ bdud kyi lam thams cad rnam par spangs ma sems can gyi khams thams cad kyi rang bzhin khong du chud pa/ phyin cig log med pas yang dag par byung ba/ dge ba'i rtsa ba dang smon lam la gti mug med pa sha stag gis yongs su gang bar gyur cig/ byang chub sems dpa' de lta bu'i tshul can/ de lta bu'i spyod pa la zhugs pa/ de lta bu'i yon tan dang ldan pa/ dge ba'i rtsa ba mtshungs pa med pa can/ rtag tu sangs rgyas kyi 'phrin las la gzhol ba/ sangs rgyas kyi byang chub snang ba rab tu thob pa/ mun pa med pa'i chos kyi dbyings kyi ye shes dang ldan pa/ chos kyi dbyings thams cad lus gcig gis khyab par byed pa'i rnam par 'phrul pa chen po yang dag par ston pa/ ye shes chen po khong du chud pas thams cad mkhyen pa nyid kyi spyod yul dang ldan pa/ chos kyi dbyings

  390. 196a

    mtha' yas pa'i tshig rab tu dbye ba mngon par bsgrub pa la mkhas pa/ zhing thams cad kyi rjes su song ba/ gnas med par sangs rgyas kyi zhing thams cad na gnas/ pa|nam mkha'i dbyings su mos pas mi gnas pa'i yid dang ldan pa/ chos kyi dbyings thams cad du rnam par phye ba'i bsam pa can/ byang chub sems dpa'i ting nge 'dzin bsam gyis mi khyab pa la mnyam par gzhog pa la mkhas pa/ thams cad mkhyen pa'i spyod yul gyi sangs rgyas kyi zhing la gnas pa/ sangs rgyas thams cad kyi byin gyi rlabs shes par bya ba la mkhas pa/ chos grangs med pa bstan cing bshad pa la 'jigs pa med pa/ 'das pa dang / ma byon pa dang / da ltar byung ba'i sangs rgyas thams cad kyi dge ba'i rjes su song ba// de bzhin gshegs pa thams cad kyi chos kyi dbyings la gnas pa/ sangs rgyas thams cad kyi chos bstan pa yongs su 'dzin pa/ smra bsam gyis mi khyab pa rnam par dbye zhing mngon par bsgrub pa la mkhas pa/ grangs med pa'i skad rnam pa tha dad pa shes pa/ bla na med pa'i sangs rgyas kyi rnam par 'phrul pa'i sa khong du chud pa/ 'jig rten gyi khams thams cad kyi rjes su song zhing chags pa med par spyod pa/ nyon mongs pa med pa'i chos kyi tshul la chos su rtog pas gnas pa med pa/ sems bskyed pa yangs pa shin tu rnam par bsgoms pa rab tu thob pa/ ye

  391. 196b

    shes gcig nas gcig tu brgyud pa'i rgyud la mkhas pa/ don gcig nas gcig tu bstan pa rab tu grub pa de lta bu dag gis 'jig rten gyi khams de dag yongs su brgyan par gyur cig/ yongs su gang bar gyur cig/ rnam par mdzes par gyur cig/ rjes su dong bar gyur cig/ kun tu gnas par gyur cig/ bsgoms par gyur cig/ shin tu bsgoms par gyur cig/ sbyangs par gyur cig/ shin tu sbyangs par gyur cig/ zhi bar byas par gyur cig/ sangs rgyas kyi zhing re re'i phyogs re re zhing yang byang chub sems dpa' tshad med pa/ grangs med pa/ bsam gyis mi khyab pa/ gzhal du med pa/ mu med pa/ sa mtshams med pa/ dpag tu med pa/ brjod du med pa/ brjod du med pa'i yang brjod du med pas yongs su rgyas par gyur cig phyogs gcig ji lta ba de bzhin du sangs rgyas kyi zhing chos kyi dbyings kyis klas pa/ nam mkha'i mthas gtugs pa/ ma lus pa/ lus pa med pa/ lhag ma med pa thams cad kyang byang chub sems dpa' 'di lta bu'i tshul can gyis yongs su rgyas shing yongs su gang bar gyur cig ces/ de ltar byang chub sems dpa' sems dpa' chen po dag pa'i rtsa ba yongs su bsngo/ ste/ tshul de lta bus sangs rgyas kyi zhing thams cad dang / tshul de lta bus 'byung ba thams cad dang / tshul de lta bus sems can gyi khams thams cad rnam par dag pa dang / tshul

  392. 197a

    de lta bus sangs rgyas thams cad kyi byang chub dang / tshul de lta bus smon lam thams cad dang / tshul de lta bus 'jig rten gyi khams cad du sangs rgyas skyes pa mthong ba dang mi 'bral ba dang / tshul de lta bus de bzhin gshegs pa sku tshe tshad med pa dang / tshul de lta bus thogs pa med par chos kyi dbyings thams cad du chos kyi 'khor lo bskor ba phyir mi ldog pa'i phyir yongs su bsngo'o/ / de ltar byang chub sems dpa' de dge ba'i rtsa ba de dag sangs rgyas kyi zhing thams cad kyi rjes su song ba'i sangs rgyas kyi zhing yongs su dag pa dang / sems can thams cad kyi rjes su song ba'i byang chub sems dpa' yongs su dag pa dang / sangs rgyas skye ba thams cad kyis ma lus par gang bar byas pa'i chos kyi dbyings yongs su dag pa dang / sangs rgyas kyi zhing thams cad ma lus par shin tu byung ba'i de bzhin gshegs pa'i sku dang / thams cad mkhyen par 'byung ba/ bgo skal ba med par yongs su bsngos pa dang / nam mkha'i khams tshad med pa'i rjes su song ba'i sems kyi sa dang / yongs su bsngo ba'i tshad bsam gyis mi khyab pa'i rjes su zhugs pa dang / yongs su bsngo ba'i mnyam pa nyid las kyi rnam par smin pa thams cad las rnam par grol zhing shin tu mos pa dang / yongs su bsngo ba'i khyad par mtha' yas par 'brel bar byas pa dang

  393. 197b

    yongs su bsngo ba'i tshul chos kyi dbyings thams cad kyi rjes su song bas yongs su bsngo ba'i tshe bdag la mi rtog go/ / bdag gi lus la rnam par mi rtog go// sangs rgyas la mi rtog go// sangs rgyas kyi chos la rnam par mi rtog go// zhing la mi rtog go// zhing gi yang dag par spyod pas rnam par spyod pa la rnam par mi rtog go// sems can la rnam par mi rtog go/ sems can gdul ba la rnam par mi rtog go// las la mi rtog go/ las kyi rnam par smin pa la rnam par mi rtog go/ sems pa la chags par mi byed do// bsam pas kyang mngon par chags par mi byed do/ / rgyu chung gzon par mi byed do// rgyu dang 'bras bu chung gzon par mi byed do// dngos po nye bar len par mi byed do// dngos po med pa'i chos la chags par yang mi byed do/ / khor ba'i rnam pa tha dad pa gcig tu mi byed do// zhi ba rnam par brtags pa med las rlom sems mi skyed do// de bzhin gshegs pa rnams kyi de bzhin gshegs pa'i yul gyis bsnyems par mi byed do/ / chos gang gis kyang chos la gnas par mi byed de/ de ltar byang chub sems dpa' sems dpa' chen po dge ba'i rtsa ba de ngag nye bar stobs so/ / khong du chud par byed do// yongs su bsngo'o// yongs su smin par byed do// mnyam par byed do// sgrub bo// mtshan mar mi byed do// dmigs par

  394. 198a

    mi byed do/ / mi 'jal lo// mi rtog go// rnam par mi rtog go// byang chub sems dpa' sems dpa' chen po de ltar yongs su bsngo ba ni/ 'das pa dang mgyon pa dang / da ltar byung ba'i sangs rgyas thams cad rjes su dran pas dge ba rtsub mi zad pa yin/ byang chub sems dpa' thams cad la yang dag par 'jug pas dge ba'i rtsa ba thams cad mi zad pa yin/ zhing rnam par dag pa yongs su bsngo bas dge ba'i rtsa ba mi zad pa yin/ sems can gyi khams rnam par dag pa la rnam par dpyod pas dge ba'i rtsa ba mi zad pa yin/ chos kyi dbyings su 'jug pa la zhugs pas dge ba'i rtsa ba mi zad pa yin/ nam mkha'i khams ltar tshad med pa'i sems la yongs su bsgom pas dge ba'i rtsa ba mi zad pa yin/ sangs rgyas thams cad kyi yul la shin tu mos pas dge ba'i rtsa ba mi zad pa yin/ byang chub sems dpa' thams cad kyi las la brtson pas dge ba'i rtsa ba mi zad pa yin/ dus gsum rab tu rnam par 'byed pas dge ba'i rtsa ba mi zad pa yin te/ de ni sems can gyi khams thams cad la sems can med par rab tu rtog cing yongs su bsngo'o// chos thams cad la srog med par khong du chud cing yongs su bsngo'o// chos thams cad la byed pa med par yang dag pa ji lta ba bzhin du shes shing yongs su bsngo'o// dge ba'i rtsa ba

  395. 198b

    thams cad la gang zag med par sems shing yongs su bsngo'o/ / chos thams cad nyon mongs pa med par rab tu rtog cing yongs su bsngo'o// chos thams cad kyi rten pa yang dag par mthong zhing yongs su bsngo'o/ / dngos po thams cad la mi gnas pa yang dag pa ji lta ba bzhin du shes shing yongs su bsngo'o// zhing thams cad la yang dag par mi gnas pa nyid du shes shing yongs su bsngo'o/ / byang chub sems dpa'i spyod pa la mi gnas pa nyid du lta zhing yongs su bsngo'o// dmigs pa thams cad la dmigs su med pa nyid du shes las mthong zhing yongs su bsngo'o/ / de de ltar yongs su bsngo bas zhing gang yang kun nas nyon mongs pa dang bcas par mig lam du snang bar mi 'gyur ro// kun tu lta yang sems can gang yang mi mthun pa mthong bar mi 'gyur ro/ / spyod pa'i tshe chos gang yang yang dag par mi mthong ngo // ye shes kyi 'jug pas gang la yang 'jug pa med do// nam mkha'i dbyings thams cad la'ang rab tu gnas te/ de yang shin tu shes so// bsod nams kyi stobs tshad med pas de bzhin gshegs pa'i skus chos thams cad gang bar shin tu shes so// sems can thams cad tshim par bya ba'i phyir/ dge ba'i rtsa ba thams cad du 'gro ba la yang dag par spyod do// de'i sems bskyed pa re re zhing yang sems can brjod du med pa'i yang brjod du med pa stobs bcu'i

  396. 199a

    sar yang dag par 'grub bo/ / des sems can thams cad bsod nams thams cad kyis yongs su gzung zhing thob par bya ba'i phyir/ dge ba'i rtsa ba rnam par dag pa bsod nams thams cad kyi 'byung gnas dang ldan pa thams cad rab tu sgrub bo/ / de yo byad ci 'dod pa phun sum tshogs pas bsod nams kyi mdzod yid bzhin gyi nor bu lta bu dang ldan pa yin no/ / de gang dang gang du 'gro ba de dang de dag tu zhing thams cad rnam par sbyong zhing 'gro'o// de gang dang gang du spyod pa de dang de dag tu sems can brjod du med pa'i yang brjod du med pa rnam par dag par bya ba'i phyir/ bsod nams kyi stobs kyis yongs su gzung ba la rab tu gzhog cing yang dag par spong ngo // de ltar yongs su bsngo ba de la rnam pa de lta bu/ de'i rgyu mthun pas byang chub sems dpa'i spyad pa spyod pa na gzugs med pa yin/ 'jig rten thams cad kyis zil gyis mi non pa'i bsod nams can yin/ bdud thams cad kyi gzi brjid mi zad pa yin/ phyir rgol ba thams cad kyis dge ba'i rtsa ba mi 'phrogs pa yin/ thams cad mkhyen pa'i yid yang dag par rtog pa dang ldan pas smon lam shin tu che ba dang sems rab tu yangs pa yin/ sems bskyed pa gcig gis sangs rgyas kyi zhing tshad med par 'gro ba yin/ ye shes kyi stobs mtha' yas pas sangs rgyas thams cad kyi yul

  397. 199b

    yongs su shes pa yin/ sangs rgyas thams cad la shin tu dad pa yin/ ye shes mtha' yas par shin tu 'jug pa la gnas pa yin/ nam mkha'i dbyings kyis klas pa'i byang chub kyi sems mngon par bsgrubs pa'i mthus/ nam mkha'i dbyings kyis klas par chos kyi dbyings shin tu yangs pa yin no// kye rgyal ba'i sras dag/ 'di ni byang chub sems dpa' sems dpa' chen po rnams kyi yongs su bsngo ba lnga pa bsod nams mi zad pa'i mdzod ces bya ba ste/ de la gnas pa'i byang chub sems dpa' ni mi zad pa'i mdzod bcu rab tu 'thob bo// bcu gang zhe na/ skra'i sbubs gcig tu sangs rgyas grangs med pa 'byung ba la 'jug pa'i phyir/ sangs rgyas blta ba'i gter mi zad la'i mdzod rab tu 'thob bo// chos thams cad gcig tu rab tu gzhol ba'i de bzhin gshegs pa'i stobs dang ye shes kyi phyir/ chos la 'jug pa'i gter mi zad pa'i mdzod rab tu 'thob bo// de bzhin gshegs pa thams cad kyis chos bstan pa yongs su bzung zhing chud mi zos par bya ba'i phyir/ dran pas gzung ba'i gter mi zad pa'i mdzod rab tu 'thob bo// de bzhin gshegs pa thams cad kyi chos kyi tshul dang dgongs pa shin tu bstan pa la mkhas par bya ba'i phyir/ blo gros rnam par nges pa'i gter mi zad pa'i mdzod rab tu 'thob bo// chos kyi tshul rnam par dbye ba la mkhas

  398. 200a

    par bya ba'i phyir/ rig pas 'dzin pa'i gter mi zad pa'i mdzod rab tu 'thob bo// nam mkha'i dbyings dang mnyam pa'i blos dus gsum thams cad khyab par bya ba'i phyir/ blo tshad med pa'i gter mi zad pa'i mdzod rab tu 'thob bo// sems can thams cad tshim par bya bas mi zad par bya ba'i phyir/ bsod nams kyi gter mi zad pa'i mdzod rab tu 'thob bo/ / sems can thams cad kyi mun pa dang / rab rib dang / ling tog dang / gti mug dang / ma rig pa'i mun pa rnam par bsal ba'i phyir/ ye shes dang / dga' ba dang / blo'i gter mi zad pa'i mdzod rab tu 'thob bo// sangs rgyas thams cad kyi chos nyid tha mi dad pa rab tu bstan pas sems can thams cad shes par bya ba'i phyir spobs pa rnam par nges pa'i gter rab tu 'thob bo/ / byang chub sems dpa'i spyod pa rgyun mi 'chad pas thams cad mkhyen pa nyid chags pa med pa'i thabs skyon med pa'i dbang bskur ba'i phyir/ stobs bcu dang mi 'jigs pa'i gter mi zad pa rab tu 'thob ste/ gter mi zad pa'i mdzod bcu po 'di dag rab tu 'thob bo// de nas byang chub sems dpa' rdo rje'i rgyal mtshan gyis/ sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so// bsam pas mthu stobs

  399. 200b

    rnyed pa de dag ni/ / mtha' yas chos la kun tu dbang sgyur cing // bsod nams gter la rjes su yi rang ba// de dag chags med tshul gyis yongs su bsngo// dus gsum rgyal ba su dag ji snyed pas/ / nas dag zhing rnams 'jig rten rnam sbyangs pa// yon tan kun dang ldan zhing 'phags pa'i rnams// de 'dun na mdag zhing du yongs su 'o// dus gsum rnam snyed bzhugs pa yi/ / tshul rnams kun la rjes su sems byed cing // thams cad lus pa med par nges bzung ste// de 'dra'i zhing ni brtan pa rnams kyis brgyan// dus gsum bskal pa ji snyed yod pa yi/ / zhing gcig yon tan de dag blang byas kyang // bskal pa ji snyed de dag zad 'gyur gyi// zhing gi yon tan bsngags pa zang mi 'gyur// 'di 'dra'i zhing rnams thams cad ma lus par/ / mi yi mchog gis ji snyed mthong gyur pa// thams cad ma lus zhing gi yon tan gyis// ji snyed 'jig rten de dag brgyan par snang // de dag kun kyang rnam dag yid dang ldan/ / de dag rgyal ba'i gsung skyes sras yin te// yon tan kun gyis brgyan pa'i sems dang ldan// zhing gi phyogs rnams rab tu rgyas par byed// de dag lus ni mtshan gyis shin tu brgyan/ / de dag dpe byad bzang pos lus kyang mdzes// de dag mtha' yas yang dag so so shes// 'gro ba'i rgya mtsho mi zad ji bzhin no// de dag spyod yul dag dang yang

  400. 201a

    ngas na/ / ting 'dzin thams gnas pa rjes su thob// mtshungs med shin tu rnam pa mdag pa'i yid// tham sa nang phyogs rnams su ni 'od kyadru 'byed// 'dri 'ja'i zhing rnams ma lus gzung byas te/ / nyan thos spyod yul dag la dad med pa// rang rgyal thams cad shin tu spangs gyur te// mi yi dam pas shin tu gang gyur cig/ de dag de 'dra'i yongs bsngo sems ldan pa/ / gang gis ma lus 'jig rten byang chub tu// dus gsum rgyal bas mngon par sangs rgyas pa// de dang ldan par yongs su sngo bar byed// phyogs bcu kun na ji snyed yod pa yi// bdud dang nyon mongs de dag rab tu 'joms// dpal ldan mthu can gzhan gyis pham mi nus// rnam par nges par chos kyi dam pa spyod// dag smon lam mthu stobs yangs pa yis// yongs su bsngo ba chags pa med gyur cing // bsod nams zad med de dag mdzod du zhugs// de ni dus gsum kun tu zad mi 'gyur// de dag spyod pas chos la 'jal bar byed/ / de dag byed pa med pa'i chos la zhugs// g.yo med chos kyang de dag rab tu shes// las kyi rnam pas yongs su mi sems so// gzugs ni ma yin/ 'on kyang gzugs med min// 'du shes yod min 'du shes med pa min// dngos yod ma yin dngos po med pa min// dngos med thams cad rang bzhin khong du chud// yod pa'ang

  401. 201b

    ma yin med pa'ang ma yin te/ / rgyu yi rgyud la mngon par chags mi byed// rkyen la'ang 'jug par de dag mi byed de// nam yang de dag chags par mi byed do// 'gro ba 'di na spra tshul ji snyed pa// la nam yang chags par mi byed de// 'du shes bsam pa brda yang rab tu shes// bdag med chos kyang so sor shin tu rtogs// de dag sems can mi 'bral cis 'gyur ba// de 'dra'i chos nyid mnyam pa rab tu rtogs/ / de 'dra'i zhing dang de bzhin las kyi rnams// dus gsum thams cad ma lus gzung byas shing // shes pas de dag de bzhin yongs su bsngo// las kyi rnam pa gang gis skye ldan zhing / / rang bzhin gang dang mtshan nyid gang yin dang // de na ci 'dra'i chos nyid yod pa dag/ de bzhin de dag dag par yongs su bsngo// gang gi yid kyis ngo bo nyid 'jal ba/ / rang bzhin byas pa med par de dag shes// 'gro la de dag mi gnas len pa med// 'gro ba kun phyir yongs su bsngo bar gzhol// spyod yul ma lus thams cad gzung byas shing / / 'od gsal thams cad rjes su sems par byed// ma lus de bzhin nyid kyang de dag shes// gang gis lta ba thams cad ma lus shing // bsam pa'i skyon por rnam par spangs pa'i rnams/ / rtag tu de dag dri med kun gdung med// chags med kun gyi tshul yang rjes su rtogs// de dag gis ni chos rnams ma bshig ste// nams kyang chos nyid zhig par 'gyur ba med// chos la

  402. 202a

    chags par de dag mi byed do/ / de dag 'jig rten sgra brnyan 'dra ba yin// gang gis dus gsum 'jig rten skyes pa yi// 'gro ba rkyen 'byung chos kyang rab tu shes// bsam pa ngag dang bag chags khong du chud/ / thams cad 'jig par byed pa gang yang med// de dag las dang las min rab tu shes// las dang rnam par 'gal bar mi byed de// las kyi rnam par smin pa chud mi gzon/ / rgyu las 'byung ba'i chos kyang shin tu ston// 'di na sems can gang yang 'khor ba med// sems can 'byung bar de dag mi byed de// sems can rnams la gnas pa med par smra// sems can rgyud kyi brda yang rab tu rtogs// bsod nams mi zad pa'i mdzod ces bya ba ste yongs su bsngo ba lnga pa'o// kye rgyal ba'i sras dag/ byang chub sems dpa' sems dpa' chen po rnams kyi yongs su bsngo ba drug pa dge ba'i rtsa ba thams cad dang mnyam pa nyid kyi rjes su song ba zhes bya ba gang zhe na/ kye rgyal ba'i sras dag/ 'di la byang chub sems dpa' sems dpa' chen po rgyal por gyur te/ srid chen po thob nas 'tshe ba dang phyir rgol ba bcom ste/ rgyal po chen por grags pa dang / srid chen po'i khams la gnas shing / srid yangs pa la dbang bar gyur nas/ khon med cing lhod pa med par srid la gnas pa/ chos kyi rgyal srid kyis skyong bar byed pa/ chos dang mthun pa/ chos kyi rjes su snyegs pa/ phun sum tshogs

  403. 202b

    pa'i srid chen po thob pa/ sa chen po la gdugs gcig tu gyur pa/ 'khor mo thogs pa med pas skyong ba/ dri ma med pa'i thabs thob pa/ srid la pha rol gyi sdes gtse ba med pa/ chos dang ldan pa/ dbyig pa med pa dang mtshon cha med pas 'gro ba rnams shin tu skyong ba/ chos kyi rjes su zhugs shing bsdu ba'i dngos po bzhis 'gro ba sdud pa/ 'khor los sgyur ba'i rgyal khor gyur pa/ 'gro ba thams cad la mdzod kyis shin tu stobs pa de dbang phyug de lta bu la gnas shing de lta bu'i chos la gnas pa/ g.yog dang 'khor mang lo shin tu 'dus pa/ gzugs dang ldan pa/ 'gro ba thams cad blta bas mi ngoms la/ yid la kha na ma po ba med pa/ bsod nams rnam par dag pa dang ldan pa/ zil gyis mnon pa'i mtshan dang ldan pa/ lus shin tu rnam par phye ba mdzes pa dang ldan pa/ blta na bzang ba/ tshul dang mthun pa'i lus dang ldan pa/ stobs dang ldan pa/ thub pa med pa'i lus dang ldan pa/ stobs chen po dang ldan pa mthu bo che'i lus kyis bzung ba/ rnam par dag pa'i las dang ldan pa/ bsgribs pa med pa'i las rnam par dag pa dang ldan pa/ de zas yongs su gtong ba 'am/ btung ba 'am/ ro 'am bzhon pa 'am/ gos sam/ me tog gam/ 'greng ba 'am/ spos sam/ byug pa 'am/ mal cha'am/ gnas sam/ rgyab rten nam/ mar me 'am/ sngon ma 'am/ nad kyi rkyen sman

  404. 203a

    dang yo byad rnams sbyin pa 'am/ rin po ches gzhal ba'i snod sna tshogs bkang zhing yongs su gtong ba dang / shing rta sna tshogs dang / shing rta du ma bkang zhing / tshad med pa'i rin po che dang nor yongs su gtong ba dang / glang po cang shes sam/ rta cang shes rgyan thams cad kyis brgyan pa gtong ba/ slong ba rnams la ci rigs su rgyal po stan bzang po gtong ba 'am/ gdugs gtong ba 'am/ rgyal mtshan dang ba dan gtong ba 'am/ rin po che gtong zhing sbyin pa 'am/ rgyan dang lha ba lhub kyi sbyin pa yongs su gtong ba 'am/ cod pan nam/ gtsug gi nor bu dag dbang phyug la spyi bo nas dbang bskur bas/ btson chas bcings shing btson ra na 'dug pa'i sems can rnams mthong nas nor thams cad yongs su gtang ba dang / g.yog dang bdag tu bcas te byin nas/ btson ra de dag nas sems can rnams yongs su thar par byed pa/ gsang par khrid pa mthong nas bdag gi lus dang srog yongs su btang ste gsod pa de slu bar byed pa/ gtsug puphud dang thor lag tu bcas pa'i mgo bo dag kyang slong bas bslangs na/ gtong ba med pa'i sems kyis gtong ba/ mig gnyis yongs su gtong ba 'am/ rna ba dang sna yongs su gtong ba 'am/ so dang lce yongs su gtong ba 'am/ mgo yongs su gtong ba 'am/ rkang lag yongs su gtong ba 'am/ rang gi lus kyang dral cing slong ba la khrag yongs su gtong ba 'am/ sha dang rkang

  405. 203b

    yongs su gtong ba 'am/ slong ba la rang gi lus la snying byung ste yongs su gtong ba 'am/ slong zhing len pa sna tshogs la rgyu ma dang / mcher ba dang / mkhal ma dang / pho ba rnams yongs su gtong ba 'am/ rang gi lus las yan lag dang / nying lag dang / rus pa bslangs na/ dad pa'i sems kyis yongs su gtong ba 'am/ slong ba la mos par lta bas pags pa dang mdog yongs su gtong ba 'am/ rkang lag las sor mo yongs su gtong ba 'am/ chos 'dod pa'i phyir rang gi sha dang sen mo yongs su gtong ba 'am/ chos shin tu dkon pa tshol zhing mes gang ba'i 'obs mi 'greng lag thag bdun du mchong bar byed pa 'am/ chos srul bar byed pa'i phyir/ sdug bsngal myong ba thams cad kyang rang gyi lus kyis bzod par byed pa 'am/ chos tshol zhing chos kyi chag dang yi ge 'bru gcig gi phyir yang rgya mtsho'i mthar thug pa'i sa chen po yongs su gtong ba 'am/ chos thams cad kyi dbang phyug byed pa 'am/ mi dge ba'i chos las sems can rnams bzlog ste/ dge ba'i chos la rab tu sbyor ba 'am/ skyes bu'i mtshan gcod pa mthong nas/ sdig pa'i las de dag las sems can de dge rnam par zlog par byed pa 'am/ de bzhin gshegs pa mngon par sangs rgyas par 'jig rten thams cad du sgrog cing / gtsug lag khang dang po brang gi longs spyod kyi phyir/ sa dang khams yongs su gtong ba 'am/ rim gro bya

  406. 204a

    pan gyi/ gna? dang mas byed pa'i 'i rnams mdzang ba / slong ba sa ma po rgya / bdas nyid 'bras pa ma/ chos pa dad pas dkyu' zhing mgu pa'i sems che/ nas/ rang gi lus kyis de bzhin gshegs pa la rim gro byed pa 'am/ bdag nyid sems can thams cad la gtong ba 'am/ sangs rgyas thams cad la rim gro bya ba'i phyir/ rgyal srid yongs su gtong ba 'am/ slong ba rnams la ci rigs su yul dang mir bcas pa 'am/ grong khyer dang rgyal po'i pho brang ngam/ rgyan thams cad kyis brgyan pa yongs su gtong ba 'am/ slong ba la bu dang / bu mo dang / chung ma dag yongs su gtong ba 'am/ slong ba rnams la ci rigs su khyim thams cad yongs su sbyin zhing gtong ba 'am/ bza' shing gi ra ba sbyin pa 'am slong ba sna tshogs dang / len pa sna tshogs dang / sems can sna tshogs dang / gang zag sna tshogs sems sna tshogs dang ldan pa la phyogs tha dad pa nas 'ongs pa/ tshad las 'das pa'i mi dang mi sna tshogs dang / sbyin pa'i gnas sna tshogs la mchod sbyin bye ba khrag khrig brgya stong du ma grangs med pa rnams byed cing yongs su gtong ba 'am/ de sbyin pa dmigs pa'i dngos po thams cad yongs su gtong ba'i tshe/ sems 'di ltar bskyed de yongs su bsngo zhing dge ba'i rtsa ba thams cad kyi snying po'i rjes su song bas gzugs shin tu bzung ba/ dge ba'i

  407. 204b

    rtsa ba thams cad kyi snying po'i rjes su song bas tshor ba shin tu bzung ba/ dge ba'i rtsa ba thams cad kyi snying po'i rjes su song bas 'du shes shin tu bzung ba/ dge ba'i rtsa ba thams cad kyi snying po'i rjes su song bas 'du byed shin tu bzung ba/ dge ba'i rtsa ba thams cad kyi snying po'i rjes su song bas rnam par shes pa shin tu bzung ba/ dge ba'i rtsa ba thams cad kyi snying po'i rjes su song bas srid thams cad shin tu bzung ba/ dge ba'i rtsa ba thams cad kyi snying po'i rjes su song bas 'khor shin tu bzung ba/ dge ba'i rtsa ba thams cad kyi snying po'i rjes su song bas longs spyod shin tu bzung ba/ dge ba'i rtsa ba thams cad kyi snying po'i rjes su song bas sbyin pa shin tu bzung ba/ de dge ba'i rtsa ba de dag 'di ltar yongs su bsngo ste/ bla na med par dmigs nas bza' ba dang btung ba 'di dag 'di ltar btang ba dang / 'di ltar byin pa dang / 'di ltar chags pa med pa dang / 'di ltar bcings pa med pa dang / 'di ltar nye bar btang ba dang / 'di ltar ma gzung ba dang / 'di ltar lhag par bsam pa dang / 'di ltar dngos po yongs su btang ba dang / 'di ltar dmigs pa la mi gnas pa dang / 'di ltar gtong ba dang ldan pas sems can thams cad ye shes kyi kha zas dang ldan pa dang / chags pa med pa la brtson pa sems kyi zas yongs su shes pa dang / chags pa med pa'i zas dang

  408. 205a

    dga' ba'i zas dang / zang zing med pa'i zas dang / ye shes kyis 'tsho ba dang / chos kyis brtun pa dang / dge ba'i rtsa bas yongs su bzung ba'i chos kyi sgra dang ye shes kyi sku la yang dag par spyod pa dang / sbyin pa'i gnas dang snying brtse ba'i kha zas rab tu len par gyur cig ces/ de ltar byang chub sems dpa' sems dpa' chen po zas sbyin pa de ngag yongs su bsngo'o/ / byang chub sems dpa' btung ba'i sbyin pa gtong ba'i tshe/ 'di ltar yongs su bsngo ste/ dge ba'i rtsa ba 'dis sems can thams cad chos kyi btung ba 'thung ba la brtson pa dang / byang chub sems dpa'i lam dang ldan pa dang / 'jig rten pa'i skom pa rgyun chad pa dang / sangs rgyas kyi ye shes kyis skom pa las mi ldog pa dang / 'dod pa'i yul gyi skom pa las phyir ldog pa dang / chos kyis tshim pa'i dga' ba rab tu thob pa dang / chos kyi sku shin tu tshim pa dang / ting nge 'dzin gyis tshim par byed pa'i sems dang ldan pa dang / shes rab rgya mtsho la zhugs pa dang / chos kyi ri rab dang ldan pa dang / chos kyi btung bas ngoms par gyur cig/ ces de ltar byang chub sems dpa' sems dpa' chen po btung ba'i sbyin pa de dag yongs su bsngo'o/ / byang chub sems dpa' bro ba'i sbyin pa skyon thams cad bsal nas rnam par dag pa sgyur ba dang / dang ra ba dang / kha ba dang / zo ba dang / tsha ba dang //

  409. 205b

    bska ba sna tshogs kyi ro mchog dang ldan pa/ shin tu 'jam pa'i ro mchog gi rnam pa dang ldan pa/ ro sna tshogs bye ba khrag khrig brgya phrag stong bsags pa dang ldan pa/ khams rnams mnyam zhing 'khrugs pa med par gzhog pas lus kyi stobs ston par byed pa/ sems dga' ba dad cing mos pa dang / spro ba dang / gsal ba skyed pa/ zhim zhing tshul dang ldan pa'i ro'i dam par gyur pa/ nang gi dbang po rnam par dag par byed pa/ lto la bde bas yang dag par ston pa/ sgom pa thams cad sel bar byed pa/ nad thams cad zhi bar byed pa/ nad med par byed pa/ rnam pa 'di lta bu'i ro dam pa sna tshogs bye ba khrag khrig brgya stong grangs med pa slong zhing len pa sna tshogs la sbyin zhing yongs su gtong ba'i tshe/ dge ba'i rtsa ba de dag 'di ltar yongs su bsngo ste/ sems can thams cad bdud rtsi'i ros brtan pa'i sems kyis ro bro ba'i mchog dang ldan par gyur cig/ sems can thams cad kha zas kyi ro tham cad kyi las yongs su shes shing / / chos kyi ro'i ye shes la rab tu gnas par gyur cig/ sems can thams cad gnas pa'i mtha' chos kyi grong khyer du byin te/ chos kyi ro du ma'i chos kyi dbyings rab tu rtogs par gyur cig/ sems can thams cad kyi chos kyi dbyings thams cad du rgyas par byed pas 'gro ba thams cad yongs su smin par bya ba dang / gdul ba la

  410. 206a

    zhugs shing chos kyi sprin gyi char 'bebs par gyur cig/ sems can thams cad bla na med pa'i chos kyi dga' bas rgyud tshim par gyur te/ ye shes mchog gi ro la sems rnam par gzhog par gyur cig/ sems can thams cad ro thams cad kyi mtshan ma la mi 'dzin pas/ sangs rgyas thams cad kyi chos la brtson pa'i sems dang ldan zhing ro'i mchog thams cad la chags pa med par gyur cig/ sems can thams cad sangs rgyas kyi chos thams cad du rab tu 'jug pas byung bas chos kyi ro gcig par gyur cig/ sems can thams cad thams cad mkhyen pa'i theg pa las phyir mi ldog cing ro mchog gi ngo bo nyid las 'byung bar gyur cig/ sems can thams cad dbang po thams cad dbye ba'i ye shes la mngon par mkhas pas/ sangs rgyas kyi chos kyi ro tha dad pa med par gyur cig/ sems can thams cad bsgribs pa med pa'i sangs rgyas kyi chos kyis tshim par spyod cing / chos kyi ros yid rgyas par gyur cig ces/ de ltar ro'i sbyin pa'i tshogs la brtson pa'i byang chub sems dpa' sems dpa' chen po sems can thams cad kyi ye shes chags pa med pa'i phung po sna tshogs bsgrub pa'i phyir/ dge ba'i rtsa ba de dag yongs su bsngo'o// byang chub sems dpa' bzhon pa'i sbyin pa gtong ba'i tshe/ dge ba'i rtsa ba rnams 'di ltar yongs su bsngo ste/

  411. 206b

    sems can thams cad thams cad mkhyen pa'i theg pa la zhon par gyur cig/ theg pa chen po rab tu thob cing rnam par gzhog pa med pa'i theg pa dang / mchog gi theg pa dang / dam pa'i theg pa dang / mgyogs pa'i theg pa dang / stobs chen po'i theg pa dang / bsod nams dang ldan pa'i theg pa dang / 'jig rten las 'das pa'i zag pa dang / byang chub sems dpa'i theg pa dang / mtha' yas pa'i theg pas byung ste/ yon tan thams cad phun sum tshogs par gyur cig ces/ de ltar byang chub sems dpa' sems dpa' chen po bzhon pa'i sbyin par gtogs pa'i dge ba'i rtsa pa de dag yongs su bsngo'o/ / byang chub sems dpa' gos kyi sbyin pa gtong ba'i tshe/ dge ba'i rtsa ba de dag sems can thams cad kyis khrel yod pa dang / ngo tsha shes pa rab tu thob par bya ba'i phyir yongs su bsngo'o/ / chos kyis rab tu yog pa'i lus kyi phyir yongs su bsngo'o// cha byad ngan pa thams cad rnam par bzlog par bya ba'i phyir yongs su bsngo'o// lus sba bar bya ba'i phyir yongs su bsngo'o/ / lus kyis 'khyud na lus la bde bar reg par bya ba'i phyir yongs su bsngo'o// kha dog dag par bya ba'i phyir yongs su bsngo'o// kha dog 'jam par bya ba'i phyir yongs su bsngo'o/ / mdog shin tu 'jam par bya ba'i phyir yongs su bsngo'o// bde bar 'gro ba rab tu thob par bya ba'i phyir yongs su bsngo'o// sangs rgyas bde bar bsnyen bkur bar bya ba'i

  412. 207a

    phyir yongs su bsdu'o/ / bla na med pa'i thams cad mkhyen pa nyi dag par bya ba'i phyir yongs su bsdu'o// de ltar byang chub sems dpa' dge ba'i rtsa ba de drug yongs su sngo bar byed do/ / de ltar byang chub sems dpa' sems dpa' chen po me tog gi sbyin pa byed pa'i tshe/ dri sna tshogs kyi me tog dang / kha dog rnam pa tha dad pa'i me tog dang yid du 'ong ba'i me tog du ma dang / mig tu 'ong ba'i me tog dang / mi mthun pa med pa'i me tog dang / dus thams cad na yod pa'i me tog dang lha rdzas dang mi'i me tog dang / 'od mdzes pa'i me tog das shin tu dri che zhing yid du 'ong bar mdzes pa'i me tog dang / 'di lta bu'i me tog rnams sangs rgyas bcom ldan 'das mngon du gyur pa dang / de bzhin gshegs pa yongs su mya ngan las 'das pa'i mchod rten rnams la 'bul ba dang / / chos dkon mchog la mchod pa byed pa dang / dge 'dun dkon mchog la 'bul ba dang / dge ba'i bshes gnyen byang chub sems dpa' la 'bul ba dang / nyan thos dang / rang sangs rgyas dang / pha dang ma rnams la sbyin pa byed pa'i tshe// chung ngu na bdag gi lus dang / de ma yin pa gzhan bkren pa/ 'phongs pa/ slong zhing len pa sna tshogs la des de dag sbyin par bya ba'i tshe/ dge ba'i rtsa ba de dag 'di ltar yongs su bsngo ste/ sems can thams cad chos thams cad kyi me tog rgyas pa'i sems dang ldan pas/ sangs

  413. 207b

    rgyas kyi ting nge 'dzin gyi me tog rgyas pa rab tu mthong bar gyur cig/ sems can thams cad sangs rgyas la dga' ba rab tu rnyed nas blta na mi ngom par gyur cig/ sems can thams cad sems can kun gyi sems mi 'khrugs pas blta na yid du 'ong bar gyur cig/ sems can thams cad dge ba'i las la lta zhing nye bar spyod pas lta ba yangs par gyur cig/ sems can thams cad dge ba'i bshes gnyen thams cad la lta ba dang / sems ma nyams pas rjes su lta ba'i dran pa dang ldan par gyur cig/ sems can thams cad 'gro ba kun gyi nyon mongs pa'i rug sreg pa'i phyir dug sman bzang po nyams su myong ba lta bur gyur cig/ sems can thams cad ye shes kyi rgyal po la 'gro ba thams cad 'god pas smon lam chen po mthong bar gyur cig/ sems can thams cad sems can kun gyi rab rib dang / ling tog dang / mun pa bsal ba'i phyir/ nyi ma'i dkyil 'khor 'char ba mthong bar gyur cig/ sems can thams cad byang chub kyi zla 'od dge ba rnams rnam par spel ba'i phyir/ zla ba lta bu mthong bar gyur cig/ sems can thams cad dge ba'i bshes gnyen mthong zhing chos kyi rnam pa'i dge ba'i rtsa ba thams cad rab tu thob par bya ba'i phyir/ sems can thams cad kyis rgya mtsho'i rin po che'i gling du 'jug pa mthong bar gyur cig/ sems can thams cad kyis bsgribs pa med pa'i ye shes mthong ba rnam par dag par rab tu thob par bya

  414. 208a

    pa'i phyir/ byang chub sems dpa'i dge ba'i rtsa ba'i me tog yongs su gtong bar gtogs pa'i dge ba'i rtsa ba de dag de ltar yongs su bsngo'o// byang chub sems dpa' 'phreng ba'i sbyin pa byed pa'i tshe/ dge ba'i rtsa ba de sems can thams cad blta na mdzes pa'i phyir yongs su bsde'o// blta na yid du 'ong ba'i phyir yongs su bsngo'o// blta na bzang ba'i phyir yongs su bsngo'o/ / blta na sdug pa'i phyir yongs su bsngo'o// blta na mngon par dga' ba'i phyir yongs su bsngo'o// blta na mya ngan med pa'i phyir yongs su bsngo'o// blta na rab tu dga' ba'i phyir yongs su bsngo'o/ / blta na yid mi bde ba med pa'i phyir yongs su bsngo'o// sangs rgyas mthong ba dang ldan pa'i phyir yongs su bsngo'o// bla na med pa'i thams cad mkhyen pa mthong ba rnam par dag pa thob pa'i phyir yongs su bsngo ste/ de ltar na byang chub sems dpa' sems dpa' chen po 'phreng ba'i sbyin pa byed pa'i dge ba'i rtsa ba de dag sems can thams cad la yongs su bsngo'o/ / byang chub sems dpa' sems dpa' chen po spos kyi sbyin pa byed pa'i tshe/ dge ba'i rtsa ba de dag sems can thams cad la 'di ltar bsngo ste/ spos yongs su btang bas bsdus pa'i dge ba'i rtsa ba 'dis sems can thams cad tshul khrims kyi spos dang ldan par gyur cig/ ma nyams pa'i tshul khrims dang / ma 'dres pa'i tshul khrims dang / rnyog pa

  415. 208b

    med pa'i tshul khrims dang / 'gyod pa med pa'i tshul khrims dang / kun nas 'khor ba med pa'i tshul khrims dang / yongs su gdung ba med pa'i tshul khrims dang / log par ma zhugs pa'i tshul khrims dang / mtha' yas pa'i tshul khrims dang / 'jig rten las 'das pa'i tshul khrims dang / byang chub sems dpa' rnams kyi pha rol tu phyin pa'i tshul khrims dang ldan par gyur cig/ tshul khrims kyi phung po gang dang sangs rgyas thams cad ldan pa de'i tshul khrims yongs su dag pa dang sems can thams cad ldan par gyur cig ces/ de ltar byang chub sems dpa' sems dpa' chen po spos kyi sbyin pa byed pa'i tshe/ dge ba'i rtsa ba de dag sems can thams cad kyi tshul khrims kyi phung po yongs su rdzogs par bya ba'i phyir yongs su bsngo'o/ / / shin tu rgyas pa chen po'i mdo bam po sum cu rtsa lnga pa// / byang chub sems dpa' byug pa'i sbyin pa byed pa'i tshe/ dge ba'i rtsa ba de dag 'di ltar yongs su bsngo ste/ byug pa byin pas yongs su bzung bas dge ba'i rtsa ba 'dis sems can thams cad btang ba thams cad yongs su gtong zhing sbyin pas bgos par gyur cig/ sems can thams cad de bzhin gshegs pa'i tshul khrims kyis shin tu rnam par dag cing tshul khrims kyis bsgos par gyur cig/ sems can thams cad chags pa med

  416. 209a

    pa'i bsam pa rab tu thob cing bzod pas bsgos par gyur cig/ sems can thams cad byang chub sems dpa'i theg pa chen po la brtson 'grus kyi go cha bsgos shing brtson 'grus kyis bsgos par gyur cig/ sems can thams cad da ltar byung ba'i sangs rgyas mngon du bzhugs pa'i ting nge 'dzin rab tu thob pas bsam gtan gyis bsgos par gyur cig/ sems can thams cad bla na med pa'i ye shes kyis rgyal po la skad cig gis rnams par dag cing shes rab kyis bsgos par gyur cig/ sems can thams cad bla/ na med pa'i chos kyi 'jigs pa med pa rab tu thob cing chos kyis bsgos par gyur cig/ sems can thams cad yon tan thams cad kyi ye shes rab tu thob cing yon tan gyis bsgos par gyur cig/ sems can thams cad de bzhin gshegs pa'i stobs bcu'i pha rol tu phyin pa thob cing byang chub sems dpa'i yongs su sngo ba thams cad kyis bsgos par gyur cig/ sems can thams cad mi dge ba'i chos thams cad rab tu spangs shing chos dkar pos sgos par gyur cig ces/ de ltar byang chub sems dpa' sems dpa' chen po byug pa'i sbyin pa byed pa'i tshe/ dge ba'i rtsa ba de dag yongs su bsngo'o// byang chub sems dpa' mal cha'i sbyin pa byed pa'i tshe/ dge ba'i rtsa ba de dag 'di ltar yongs su bsngo ste/ sems

  417. 209b

    can thams cad shes rab dang ye shes chen po thob pa'i phyir/ lha rdzas kyi mal cha rab tu thob par gyur cig/ sems can thams cad so so'i skye bo ma yin pa'i byang chub kyi sems kyi gos bgo ba'i phyir/ 'phags pa'i mal cha rab tu thob par gyur cig/ sems can thams cad 'khor ba'i sdug bsngal thams cad yongs su spang ba'i phyir/ bde ba'i mal rab tu thob par gyur cig/ sems can thams cad sangs rgyas thams cad rnam par rol pa'i cho 'phrul yang dag par mthong ba'i phyir/ rin po che lta bu'i mal rab tu thob par gyur cig/ sems can thams cad chos thams cad legs par bkod pa'i gos bgo ba'i phyir/ mnyam pa med pa'i ma la rab tu thob par gyur cig/ sems can thams cad 'jig rten las 'das pa'i chos zil gyis mnon pa rnam par dag pas rgya chen po'i ma la rab tu thob par gyur cig/ sems can thams cad chos kyi bde ba dang ldan pas dge ba'i mal rab tu thob par gyur cig/ sems can thams cad sangs rgyas kyi dmigs pa la brtson pas shin tu dag pa'i mal rab tu thob par gyur cig/ sems can thams cad dge ba'i bshes gzhan gyis bskyab pa dang ldan pas shin tu brtan pa'i mal rab tu thob par gyur cig/ sems can thams cad sangs rgyas gzims pa lta bur glo g.yas pas 'bebs pa dang ldan pas seng ge'i mal rab tu thob par gyur cig ces/ de ltar byang chub sems dpa' dran pa shes bzhin

  418. 210a

    gyis shin tu bsams pa'i dbang po yang dag par rgyu ba dang ldan pa mal cha'i sbyin pa yongs su gtong ba'i tshe/ dge ba'i rtsa ba de dag sems can thams cad la yongs su bsngo'o/ / byang chub sems dpa' sems dpa' chen po gnas kyi sbyin pa byed pa'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad yon tan gyi gnas la brtson zhing ting nge 'dzin gyi gnas spyod yul du gyur pa dang / gnas pa med cing rten pa med pa'i gnas nas mi g.yo ba dang / gnas thams cad rnam par bsgom la dang / 'jig rten gyi khams las rnam par 'das pa dang / thams cad mkhyen pa'i gnas la gnas pa dang / sangs rgyas kyi gnas yongs su zin pa dang / bla na med pa'i gnas kyi mthar phyin pa dang bde ba'i gnas la brtson pa dang / dge ba'i rtsa ba'i gnas la shin tu gnas pa dang / bla na med pa'i sangs rgyas kyi gnas dang mi 'bral zhing / sangs rgyas kyi zhing yongs su dag pa la gnas par gru/ cig ces/ de ltar byang chub sems dpa' sems dpa' chen po 'jig rten thams cad la phan pa dang bde bar sems pa/ sems can thams cad la yongs su bsngo bas yongs su skyob la/ gnas kyi sbyin pa yongs su gtong ba'i tshe/ dge ba'i rtsa ba de dag sems can thams cad la de ltar yongs su bsngo'o// byang chub sems dpa' rgyab rten gyi sbyin pa byed pa'i tshe/ dge ba'i rtsa ba de dag

  419. 210b

    'di ltar yongs su bsngo ste/ sems can thams cad 'gro ba kun la phan pa dang bde ba'i sems kyis ye shes kyi rten chen po la spyod pa dang / dge ba'i bshes gnyen gyi rten la spyod pa dang / bla ma'i rten la spyod pa dang / legs par spyod pa'i rten la spyod pa dang / byam pa chen po'i rten la spyod pa dang / snying rje chen po'i rten la spyod pa dang / pha rol tu phyin pa drug gi rten la spyod pa dang / byang chub kyi sems shin tu yangs pa'i rten la spyod pa dang / byang chub sems dpa' thams cad kyi lam gyi rten la spyod cing / sangs rgyas thams cad kyi rten la spyod par gyur cig ces yongs su bsngo'o// de ltar byang chub sems dpa' sems dpa' chen po rgyab rten gyi sbyin pa byed pa'i tshe/ dge ba'i rtsa ba de dag sems can thams cad yon tan thams cad rnams par dag par 'gyur ba dang / shin tu dag par 'gyur ba dang ye shes rnam par dag par 'gyur ba dang / lam rnam par dag par 'gyur ba dang / chos rnam par dag par 'gyur ba dang / bsam pa rnam par dag par 'gyur ba dang / mos pa rnam par dag par 'gyur ba dag smon lam rnam par dag par 'gyur ba dang / mngon par shes pa'i yon tan dang ye shes rnam par dag par 'gyur bar bya ba'i phyir yongs su bsngo'o// byang chub sems dpa' sems dpa' chen po 'di lta ste/ til mar gyi mar me 'am/ mar gyi mar me 'am/ rin po che'i mar me 'am/ nor bu'i mar me 'am/ ro'i mar me 'am/ mar me chen po 'am/ a ka ru'i mar me 'am/ tsan dan gyi

  420. 211a

    mar me 'am/ spos kyi ro thams cad kyi mar me 'am/ kha dog mtha' yas par snang ba'i mar me 'am/ rnam pa de lta bu'i mar me de dag de yongs su gtong zhing sbyin pa byed pa na/ dge ba'i rtsa ba de dag 'gro ba thams cad bde ba dang / 'gro ba thams cad bsdu ba'i phyir/ 'di ltar yongs su bsngo ste/ mar me sbyin pas yongs su bsdus pa'i dge ba'i rtsa ba 'dis sems can thams cad sangs rgyas thams cad kyi chos la snang ba mtha' yas par gyur cig/ sems can thams cad 'jig rten thams cad shin tu phra ba ma dmigs par bya ba'i phyir/ snang ba shin tu gsal zhing dang bar gyur cig/ sems can thams cad sems can med pa'i khams yongs su shes shing // snang ba rab rib med par gyur cig/ sems can thams cad 'od 'gyed pa'i lus su mngon par byung zhing/ snang ba mtha' yas par gyur cig/ sems can thams cad sangs rgyas kyi chos thams cad la phyir mi ldog pa'i sems dang ldan zhing // 'od kun tu snang ba dang ldan par gyur cig/ sems can thams cad sangs rgyas kyi zhing thams cad snang bar byed pa dang ldan zhing / sangs rgyas kyi 'od rab tu thob par gyur cig/ sems can thams cad chos kyi dbyings thams cad 'od gcig gis rgyas par byed cing thogs pa med pa'i snang ba dang ldan par gyur cig/ sems can thams cad bsam gyis mi khyab pa'i zhing du 'od zer rab tu 'gyed cing / snang ba dpag tu med par gyur cig/ sems tsam

  421. 211b

    cad ye shes kyi skar mangs 'gro ba thams cad snang bar byed pa'i 'od dang ldan zhing / 'od snang ba'i skar mda'i rgyal po lta bur gyur cig/ sems can thams cad zhing kun tu 'od 'gyed pa'i rnam par 'phrul pas byung zhing / snang ba kha dog mtha' yas par gyur cig ces/ de ltar byang chub sems dpa' sems dpa' chen po mar me'i sbyin pa rab tu gtong ba'i tshe/ dge ba'i rtsa ba de dag sems can thams cad la phan pa dang / sems can thams cad la bde ba'i phyir yongs su bsngo'o// sems can thams cad dge ba'i rtsa bas yongs su bzung bas yongs su 'dzin to// sems can thams cad dge ba'i rtsa bas yang dag par bzung bas yang dag par 'dzin to/ / sems can thams cad la dge ba'i rtsa ba'i skal bas bgo bsha' byed do// sems can thams cad la dge ba'i rtsa bas snying brtse bar byed do/ / sems can thams cad la dge ba'i rtsa ba'i skal ba sbyin par byed do// sems can thams cad dge ba'i rtsa bas rab tu bzung bas rab tu 'dzin to// sems can thams cad dge ba'i rtsa ba sbyin pas yongs su rdzogs par byed do/ / sems can thams cad dag pa'i rtsa bas dmigs par byed do// sems can thams cad dge ba'i rtsa ba mnyam pa nyid kyis mnyam par byed do// sems can thams cad dge ba'i rtsa ba shes pas rnam par dpyod par byed de/ de ltar de mar me sbyin pas bsdus pas/ dge ba'i rtsa ba de ci nas kyang sems can thams cad la dge ba'i rtsa ba rnams rab tu dgod pa'i phyir/

  422. 212a

    yongs su bsngo ba thogs pa med par 'gro bas de lta de ltar yongs su bsngo'o// byang chub sems dpa' sems dpa' chen po nad kyi rkyen sman dang yo byad sbyin pa byed pa'i tshe/ dge ba'i rtsa ba de 'di ltar yongs su bsngo ste/ dge ba'i rtsa ba 'dis sems can thams cad dmigs pa kun las shin tu langs par gyur cig/ sems can thams cad de bzhin gshegs pa'i sku rab tu thob cing lus nad med par gyur cig/ sems can thams cad mi dge ba'i nad thams cad sos par gyur te sman lta bur gyur cig/ sems can thams cad byang chub sems dpa' phyir mi ldog pa'i sa la rab tu gnas pa'i tshul gyis sman a ka da lta bur gyur cig/ sems can thams cad nyon mongs pa'i dug gi gsal shing 'byin cing sangs rgyas kyi sman du gyur cig/ sems can thams cad nyon mongs pa thams cad rnam par sbyong bas spyod pa dang ldan zhing nye bar bgrod pa'i ngang tshul can du gyur cig/ sems can thams cad shin tu mi 'khrugs pa'i chos dang ldan zhing ldan gyi rgyal po lta bur gyur cig/ sems can thams cad 'gro ba thams cad gso ba la zhugs shing sman gyi rdung lo lta bu gyur cig/ sems can thams cad thams cad mkhyen pa nyis kyi snang ba rab tu thob cing nad thams cad byang bar gyur cig/ sems can thams cad bsam pa ji lta ba bzhin du sman gyi sbyor ba la brtson pas 'gro ba thams cad kyi sman la mkhas par gyur

  423. 212b

    cig ces/ de ltar byang chub sems dpa' sman gyi sbyin pa byed pa'i tshe/ dge ba'i rtsa ba de dag sems can thams cad shin tu gso ba'i phyir yongs su bsngo'o// shin tu bde zhing dga' ba'i phyir yongs su bsngo'o/ / sems can thams cad shin tu rnam par dag par bya ba'i phyir yongs su bsngo'o// sems can thams cad sangs rgyas kyi snyun mi mnga' ba lta bu rab tu thob par bya ba'i phyir yongs su bsngo'o/ / sems can thams cad kyi nad kyi zug rngu thams cad bzlog pa'i phyir yongs su bsngo'o// sems can thams cad kyi lus nyams pa med cing brtan pa'i phyir yongs su bsngo'o/ / sems can thams cad rdo rje'i khor yug lta bur gzhom du mi choms pa dang stobs dang ldan pa'i phyir yongs su bsngo'o// sems can thams cad stobs thams cad kyis brtan cing bsam pa shin tu mtho ba thob par bya ba'i phyir yongs su bsngo'o/ / sems can thams cad kyis sangs rgyas kyi bde ba'i rnam pa zil gyis mi non pa yongs su rdzogs par 'gyur ba'i phyir yongs su bsngo'o/ / sems can thams cad kyi lus sangs rgyas thams cad kyi byin gyi rlabs kyis brtan pa'i phyir yongs su bsngo'o// gzhan yang byang chub sems dpa' sems dpa' chen po snod sna tshogs dang / bre dang / lA bres sbyin pa byed pa 'di lta ste/ gser gyi snod dang / gser gyi bre dang / lnga ze rin po che sna tshogs kyis yongs su bkang ba dang / 'di lta ste/ dngul gyi

  424. 213a

    snod dang / dngul gyi bre dang / lnga bre rin po che sna tshogs kyis yongs su bkang ba dang / 'di lta ste/ bai DUR+Ya'i snod dang / baiDUR+Ya'i bre dang / lnga bre rin po re dam pa tha dad pas/ yongs su bkang ba dang / 'di lta ste/ shel gyi snod dang / shel gyi bre dang / lnga bre rin po che'i rgyar rnam pa tha dad pas yongs su bkang ba dang / 'di lta ste/ mu sa ra gal ba'i snod dang / mu sa ra gal ba'i bre dang / lnga bre mu tig dmar pos yongs su bkang ba dang / 'di lta ste/ asma gar ba'i snod dang / a sma gar ba'i bre dang / lnga bre rin po che byu ru dang / nor bu rin po che 'od zer snang bas yongs su bkang ba dang / 'di lta ste/ rin po che shI la'i snod dang / rin po che shI la'i bre dang / lnga bre kha zas zhim po ro'i mchog sna tshogs kyis yongs su bka' ba dang / 'di lta ste/ tsan dan gyi snod dang / tsan dan gyi bre dang / lnga bre lha rdzas lta bu'i gos phrugs kyis yongs su bkang ba dang / 'di lta ste/ rdo rje'i snod dang / rdo rje'i ze dang / lnga bre spos rin po che bye ba khrag khrig brgya stong du mas yongs su bkang ba dang / 'di lta ste/ snod sna tshogs dngos po rnam pa tha dad pa'i tshogs kyis bkang ba dang / bre dang bre lnga du mtshogs bsog par bya ba tshad med pa nor gyi dbyig dang / dngul dang / gser phyes yongs su bkang ba de dag yon gyi gnas bsam gyis mi khyab par mos pa'i sems dang ldan pas/ sangs rgyas bcom ldan 'das rnam la 'bul lam

  425. 213b

    dge ba'i bshes gnyen shin tu dkon par sems bskyed pas/ byang chub sems dpa' dkon mchog thams cad la 'bul lam/ sangs rgyas kyi bstan pa shin tu bstan pa'i phyir/ 'phags pa'i dge 'dun la 'bul lam/ 'phags pa'i skye bo la shin tu mos pa'i sems kyis/ gang zag gi rnam pa nyan thos dang rang sangs rgyas la 'bul lam/ bla ma bsnyen bkur zhing bshes gnyen la rim gro bya/ pa'i sems kyis/ pa dang ma dag la sbyin pa byed dam/ de dang de dag tu yon tan gyi tshogs bsags pa dang / gdams ngag dang / bslab pa dang / 'phags pa'i bstan pa la gnas par brtson pas// slob dpon dang / bla ma dang / sbyin pa'i gnas la 'bul lam/ sems can thams cad la zhe mi sdang ba'i mig gis byams la yongs su bsgoms shing / gtong ba'i sems kyis 'das pa dang / ma 'ongs pa dang / da ltar byung ba'i byang chub sems dpa' thams cad kyi dkyil 'khor gyi sbyin pa'i pha rol tu phyin pa la gcig tu nges par zhugs pa'i sems kyis/ sbyin pa thams cad rtsom zhing tshogs chen po grangs med pas 'gro ba thams cad yongs su mi gtang zhing mi spang ba'i sems la shin tu gnas te/ sbyin pa'i dngos po thams cad la mngon par chags pa dang / yon gyi gnas thams cad la rab tu gzung ba'i sems la gnas pas/ bkren pa dang 'phongs pa'i slong ba rnams la snod sna tshogs dang / bre dang / lnga bre yo byad kyi tshogs rnam pa tha dad pas yongs su bkang ba de dag sbyin pa dang yongs su gtong ba'i tshe/ dge ba'i rtsa ba de dag

  426. 214a

    'di ltar yongs su bsngo ste/ dge ba'i rtsa ba 'dis sems can thams cad dran pa'i dbang po nam mkha'i dbyings ltar yangs pa dang ldan te/ 'jig rten pa dang 'jig rten las 'das pa'i skad thams cad gzung ba dang / / blang ba dang / yid la bya ba'i dran pa rmongs pa med cing snod tshad med pa'i snying po can du gyur cig/ sems can thams cad sangs rgyas kyi chos zab mo rgyun chad pa med pa'i chos can du gyur te/ snod bzang po rnam par dag par gyur cig/ sems can thams cad 'das pa dang / ma byon pa dang / da ltar byung ba'i sangs rgyas thams cad kyi chos yang dag par 'dzin pa'i chos can du gyur te/ bla na med pa'i snod rin po che lta bur gyur cig/ sems can thams cad 'das pa dang / ma byon pa dang / da ltar byung ba'i sangs rgyas thams cad kyi byang chub dbyer med pa la mos pas/ yang dag par gzung sangs rgyas kyi chos yangs pa'i snod du gyur cig/ sems can thams cad byang chub kyi sems bskyed pa rgya che zhing mthu che ba la yang dag par gzhol bas/ rin po che'i snod rnam pa'i mchog thams cad dang ldan pa shin tu brgyan pa lta bur gyur cig/ sems can thams cad sangs rgyas kyi ye shes mtha' dang dbus med pa tshad med pa la mos pa rnam par dag cing / yon tan thams cad kyi snod dang 'byung gnas su gyur cig/ sems can thams cad sangs rgyas kyi rnam par thar papa bsgribs pa med pas thams cad mkhyen pa'i ye shes kyi mthar gtugs te/ thams cad mkhyen pa'i ye shes kyi khongs su chud par gyur cig/ sems can thams cad sems can gyi khams thams cad ma lus par

  427. 214b

    / thams cad mkhyen pa'i stobs la rab tu gzhag pa'i phyir/ phyi ma'i mtha'i bskal par byang chub sems dpa'i spyod pa'i snod du gyur cig/ sems can thams cad sangs rgyas thams cad kyi gsung gi yan lag gis chos bstan pa yang dag par 'dzin pa'i sems dang ldan par gyur te/ yon tan mchog thams cad dang dus gsum gyi sangs rgyas kyi rigs kyi snod du gyur cig/ sems can thams cad sangs rgyas thams cad kyi chos kyi 'khor lo bskor ba la gsol ba 'debs pa dang / chos yongs su 'dri ba la smra ba'i sngon du 'gro ba'i skyes bur gyur te/ de bzhin gshegs pa thams cad kyi 'khor gyi dkyil 'khor 'jig rten gyi khams nam mkha'i mthas gtugs pa gang bar byed la shong ba'i snod du gyur cig ces/ de ltar byang chub sems dpa' dge pa'i rtsa ba de dag ci nas kyang sems can gyi khams thams cad byang chub sems dpa' kun tu bzang po'i spyod pa dang / smon lam yongs su rdzogs pa'i snod du 'gyur ba'i phyir yongs su bsngo'o// byang chub sems dpa' sems dpa' chen po shing rta sna tshogs dang / shing rta du ma dang / rin po che sna tshogs kyi shing rta tshad med pa dag sangs rgyas dang byang chub sems dpa' gcig nas gcig tu brgyud pa dang / bla ma dang / ston pa dang / dge ba'i bshes gnyen dang / dge 'dun dang nyan thos dang / rang sangs rgyas dang / sbyin pa'i gnas sna tshogs slong zhing len pa dang / phyogs gzhan nas 'ongs pa'i gang zag sna tshogs dang / 'phongs pa dang / bkren pa slong ba dpag tu med pa dang / byang chub

  428. 215a

    @sems dpa'i sgra bos te 'ongs pa dang / byang chub sems dpar yid ches pas skabs phye ste 'ongs pa dang / byang chub sems dpa'i sngon gyi smon lam dang sbyin pa'i sgra thos te 'ongs pa dang / byang chub sems dpa'i smon lam dang sems des bos shing bstabs pa de dag la sbyin zhing gtong ba 'di lta ste/ nor bu'i shing rta la rgyan gyis shin tu mdzes par byas pa sbyin pa 'am/ gser gyi shing rta la dril bu'i rnga ba rab tu 'khor ba'i rgyan rin po che'i srad bu'i lda ldi bkye ba sbyin pa 'am/ bai DUR+Ya'i shing rta la rin po che bye ba khrag khrig brgya stong du ma rnam pa sna tshogs kyis shin tu sbas pa sbyin pa 'am/ dngul gyi shing rta la shin tu dag pa'i gser rab tu bzang po'i dra bas g.yogs shing rta cang shes la bcas pa/ rin po che bye ba khrag khrig brgya stong du mas brgyan cing klubs pa sbyin pa 'am/ gser gyi shing rtul rin po che'i dra ba dang / rgyan thams cad phun sum tshogs pas brgyan cing glang po cang shes la bcas pa sbyin pa 'am/ tsan dan gyi shing rta la rin po che'i dam pa sna tshogs kyis shin tu spras te/ rin po che'i seng ge'i khris brgyan pa na chung brgya phrag stong zhon pa/ rgyan thams cad dang rin po che sna tshogs thams cad kyi gdugs phun sum tshogs pa skyes bu cang shes brgya stong du mas drang ba sbyin pa 'am/ shel gyi shing rta la rin po che du mas kha dog rnam par 'byes par shin tu mdzes par byas shing / na chung bye ba khrag khrig brgya stong grangs med pas yongs su gang ba/ rin po che'i bla res yog par bres pa/ rgyal mtshan pa dan sna tshogs kyis phyogs bzhin brgyan pa sbyin pa 'am

  429. 215b

    a sma gar ba'i shing rta la rin po che sna tshogs du mas shin tu mdzes par byas te spos sna tshogs dri zhim pos bdugs pa/ spos kyi dam pa thams cad kyi byug pas rab tu byugs pa/ me tog gi rgyan thams ca kyis chal bar bkang ba/ bu mo brgya phrag stong gis rin po che'i srad bu thogs te 'khrul pa med par drang ba sbyin pa 'am/ dri zhim po sna tshogs kyi shing rta la ras dang gos sna tshogs kyi bla'i bres pa/ rin po che'i dra bas g.yog par khebs pa/ spos dri zhim po shin tu yid du 'ong ba rnam par dag pa mi mthun pa med pa tshor na dga' ba shin tu 'thul ba/ mtshams kyi lha'i bus drang ba rin po che'i 'khor lo rin po che thams cad kyis shin tu brgyan cing mdzes par byas pa sbyin pa 'am/ rin po che thams cad tshogs pa'i 'od 'byung ba'i shing rta la kha dog rnam pa sna tshogs su snang ba'i rin po che rnam pa du ma'i rgyan gyis brgyan pa rin po che sna tshogs kyi dra ba'i bla re bres pa/ rin po che sna tshogs kyi 'phreng ba mtha' yas pa kun nas spungs pa la bu dang bu mo bskyon pa/ spos sna tshogs kyi phye mas mtha' 'khor shin tu sbyangs pa sbyin pa byed pa na/ de dag las sangs rgyas bcom ldan 'das rnams la shing rta 'bul ba'i tshe/ dge ba'i rtsa ba de dag 'di ltar yongs su bsngo ste/ sems can thams cad sangs rgyas la yon tshad med pa 'bul bar dad cing // sbyin pa'i gnas kyi dam pa la shin tu mos par gyur cig/ sems can thams cad sbyin pa'i gnas mtha' yas pas rnam par dag pas sang+yas la rab tu rten par gyur ci// se R+Ya can thams cad gtong ba rgya chen po yongs su

  430. 216a

    @grub pas sangs rgyas thams cad la yongs su gtong bar mos par gyur cig/ sems can thams cad sangs rgyas kyi rnam pa thar pa bsgribs pa med la rab tu thob cing / nyan thos dang rang sangs rgyas kyi smon lam dang bral te sangs rgyas la bskyed pa'i yon tan thams cad mkhyen pa'i ye shes kyis myong bar gyur cig/ sems can thams cad mtha' yas pa'i ye shes la shin tu mos shing sangs rgyas la yon tan gsol ba zad mi shes par gyur cig/ sems can thams cad bla na med pa'i ye shes kyi rgyal pos rnam par dag cing ye shes kyi mchog la rab tu rten par gyur cig/ sems can thams cad sangs rgyas kyi rdzu 'phrul thams cad du 'gro ba thob ste/ gang du dga' bar 'gro bar 'gyur cig/ sems can thams cad ye shes mtha' yas pa'i 'byung gnas la rab tu 'god pa 'grub pa'i phyir/ ye shes chen po la rab tu rten par gyur cig/ sems can thams cad thams cad mkhyen pa nyid kyi zhing las rnam par skye ba'i chos can du gyur te/ bsod nams kyi zhing dam par gyur cig/ sems can thams cad dge ba'i rtsa ba thams cad bskyed pas sangs rgyas kyi ye shes la mos shing / sangs rgyas thams cad la mi dga' ba med pa'i sems su gyur cig/ sems can thams cad sems kyi skad cig gcig gis chos kyi dbyings thams cad du ngal ba med par zhugs te/ sangs rgyas kyi zhing thams cad yongs su bsgrub pa lhun gyis grub pa 'grub par gyur cig/ sems can thams cad sangs rgyas skye ba

  431. 216b

    thams cad kyi drung du phyin pas/ byang chub sems dpa'i mngon par shes pas nam mkha'i dbyings thams cad du shin tu rnam par phye ba'i lus la rab tu zhugs par gyur cig/ sems can thams cad gnas dpe med pa'i lus rab tu thob pas/ ral zhing dub pa med par 'jig rten gyi khams thams cad du 'gro bar gyur cig/ sems can thams cad phyir mi ldog pa'i yid kyis 'gro ba dang ldan zhing/ lus kyi mgyogs pa phun sum tshogs pa dang ldan par gyur cig/ sems can thams cad skad cig gis bsam pa dang khams khyab par byed pas/ sangs rgyas kyi rnam par 'phrul pa thams cad yang dag par ston pa'i snang ba dang ldan zhing / sangs rgyas thams cad kyi byin gyi rlabs dang khyu mchog gi mthu 'byin pa'i pha rol tu phyin pa thob par gyur cig/ sems can thams cad byang chub sems dpa' thams cad kyi spyod pa'i rjes su 'gro ba la bde bar 'gro bas rab tu brtson par gyur cig/ sems can thams cad stobs bcu'i ye shes thams cad ma lus pa'i mthar thug par 'gro ba thob pas shin tu myur du 'gro bar gyur cig/ sems can thams cad chos kyi dbyings thams cad tha mi dad par 'jug pa la 'jig rten gyi khams kyi rgyud thams cad du 'gro ba'i pha rol tu phyin pa thob par gyur cig/ sems can thams cad phyir mi ldog pa'i thams cad mkhyen pa'i ye shes kyi spyod yul dang tshul shes te/ byang chub sems dpa' kun tu bzang po'i

  432. 217a

    spyod pa khong du chud pa'i pha rol tu phyin pa thob pas 'dong bar gyur cig/ sems can thams cad chos nyid thams cad kyi rjes su song zhing chos ji lta ba bzhin du mthong bas/ 'dra ba med pa'i ye shes kyi tshul thob par gyur cig ces/ de ltar byang chub sems dpa' sems dpa' chen po de bzhin gshegs pa rnams mngon du gyur pa 'am/ de bzhin gshegs pa yongs su mya ngan las 'das pa'i mchod rten la shing rta 'bul ba'i tshe/ dge ba'i rtsa ba de dag sems can thams cad kyis de bzhin gshegs pa'i theg pa bsgribs pa med par 'gyur ba'i mthar phyin par yongs su bsngo'o/ / byang chub sems dpa' sems dpa' chen po dge ba'i bshes gnyen la shing rta 'bul ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad pa'i drin mi gtong ba'i phyir// dge ba'i bshes gnyen mi gtang ba'i sems stor ba med par gyur cig/ sems can thams cad skal ba mnyam pa'i dge ba'i rtsa ba yongs su 'dzin pa'i phyir/ dge ba'i bshes gnyen dang don mthun par gyur cig/ sems can thams cad gtong ba dang yongs su gtong ba thams cad kyis dge ba'i bshes gnyen la phan 'dogs pa'i phyir/ dge ba'i bshes gnyen la bla ma'i rim gros cher brtson par gyur cig/ sems can thams cad dge ba'i bshes gnyen dang nye bar byas te/

  433. 217b

    spyad pa bsgrub pa'i phyir/ byasam pa dge ba dang ldan par gyur cig/ sems can thams cad dge ba'i bshes gnyen dang mthun pa'i bsnyen bkur la nan tan byed pas/ 9 shes gzhon mthong ba rab tu thob par gyur cig/ sems can thams cad sems 'khrul pa med ci nyams pa med pa dang 'dres pa med rjeng rnyod pa med pa'i phyir/ dge ba'i bshes gnyen la grol ba'i bsam pa can du gyur cig/ sems can thams cad yo byad ci 'dod pa rab tu grub pa'i phyir/ dge ba'i bshes gnyen la lus yongs su gtong bar gyur cig/ sems can thams cad byams pa dang ldan zhing khon med par rim gro byed pa'i phyir/ dge ba'i bshes gnyen gyis yongs su gzung zhing rab tu brtan par gyur cig/ sems can thams cad sangs rgyas kyi chos kun tu mthun pa yang dag par mnyan pa'i phyir/ dge ba'i bshes gnyen dang mthun par gyur cig/ sems can thams cad smon lam gcig pas/ byang chub sems dpa'i spyod pa la 'byung ba dang stobs kyi mthar thug pa'i phyir/ dge ba'i bshes gnyen gyi dge ba'i rtsa ba dang / las kyi rnam par smin pa yongs su dag pa dang mthun zhing gcig par gyur cig/ sems can thams cad ting nge 'dzin thams cad kyi yul la rnam par 'phrul pa'i ye shes mngon par shes pas/ shes rab bzang

  434. 218a

    pos chos kyi brtson 'grus la shin tu byung bar gyur cig/ sems can thams cad chos thams cad gzung ba'i pha rol tu phyin pa'i mthas gtugs par khong du chud pas rig pa'i pha rol tu phyin pa thob par gyur cig/ sems can thams cad thogs pa med pa'i theg pas thams cad mkhyen pa nyid kyi thar gtugs te/ theg pa chen pos mngon par spyod cing yang dag par gnas par gyur cig/ sems can thams cad bde ba'i phyogs las phyir mi ldog pa'i yid dang ldan zhing 'gro ba thams cad shes pa'i ye shes 'dzin par gyur cig/ sems can thams cad sangs rgyas kyi chos la ji ltar thos pa bzhin du rmongs pa med pas chos thams cad la rab tu gzhol zhing / ji lta ba bzhin du rtogs pa'i mngon par shes pa dang ldan par gyur cig/ sems can thams cad bsgribs pa med pa'i ye shes kyi chos thams cad la 'byung ba'i mthar thug ste/ sangs rgyas thams cad kyis yongs su bzung ba'i yid dang ldan par gyur cig/ sems can thams cad nyams pa med pa'i rdzu 'phrul gyi rkang pa dpe med pa rab tu thob pas/ mgyogs pa dam pa'i pha rol tu phyin pas 'gro bar gyur cig/ sems can thams cad 'gro ba thams cad yongs su smin par bya ba dang theg pa chen pos 'dul ba la rab tu zhugs pas/ 'gro zhing 'ong ba phun sum tshogs par gyur cig/ sems can thams cad ye shes kyi shing rtas 'gro ba'i mthar thug pas gti mug med par

  435. 218b

    'gro bar gyur cig/ sems can thams cad bsgribs pa med pa'i ye shes kyis thams cad du 'gro ba'i tshul shes shing chags pa med pa'i shing zhon pa dang ldan par gyur cig ces/ de ltar byang chub sem dpa' sems dpa' chen po dge ba'i bshes gnyen la shing rta 'bul ba dang / yongs su gtong bas yang dag par bzung ba'i dge ba'i rtsa ba de dag/ sems can thams cad sangs rgyas dang byang chub sems dpa' thams cad la tshul gyi rgyud gcig tu gyur pas/ bsnyen cing bkur ba yongs su bsgrub pa rnam par dag par bya ba'i phyir yongs su bsngo'o// byang chub sems dpa' sems dpa' chen po sbyin pa thams cad la shin tu bslabs pa'i sems dang ldan pa/ shes rab kyis shin tu rtogs pa'i bsam pa can yon tan gyis rnam par dag pa'i yid dang ldan pa/ mthun par yongs su gtong ba'i bsam pa can dge 'dun rin po che shin tu dkon pa'i sems dang ldan pa/ tshogs rin po che la shin tu mos pa'i bsam pa can bstan pa rab tu gzung ba'i yid dang ldan pa/ lhag pa'i bsam pashin tu brtan pa'i bsam pa can rim gro byed pa dang ldan la/ mchod sbyin chen po'i mchod sbyin shin tu byas la bstan pa'i yon tan chen po brjod pa/ sangs rgyas kyi bstan pa yon tan tha mi dad pas 'od gsal zhing rnyog pa med par dag pa ste/ de bzhin gshegs pa'i dge 'dun dkon mchog la shing rta 'bul ba'i tshe/ dge 'dun dkon mchog la shing rta phul bas yang dag pa bzung ba'i dge ba'i

  436. 219a

    rtsa ba de dag 'di ltar yongs su bsdu ste/ / dge ba'i rtsa ba 'dis sems can thams cad sangs rgyas kyi bstan pa la yang dag par gzhol bas yang dag par zin par gyur cig/ sems can thams cad 'phags pa'i skye mched las chos gzhan med par shin tu grub pas sems nang du gzhol bar gyur cig/ sems can thams cad sangs rgyas kyi chos gcig nas gcig tu brgyud pas yang dag par bzung bas 'phags par red par gyur cig/ sems can thams cad 'jig rten kun gyi shes pas yid ches par bya bas grangs su bgrang bar gyur cig/ sems can thams cad kyi chos kyi dbyings mi gnyis pa'i rang bzhin shes pa khong du chud pas chags pa med pa'i dbyings la yang dag par gzhol bar gyur cig/ sems can thams cad de bzhin gshegs pa'i ye shes kyi spyod yul gyis yang dag par byung bas cad shes kyis kun nas bskor bar gyur cig/ sems can thams cad nye ba'i nyon mongs pa'i rdul thams cad dang bral bas nyon mongs pa med pa'i chos la spyod par gyur cig/ sems can thams cad 'phags pa'i dge 'dun so so'i skye bo med pa'i sas bla na med pa'i dge 'dun dkon mchog rab tu brjod bar gyur cig/ sems can thams cad chags pa med par gyur pa'i ye shes la shin tu brtson pa'i chos can du gyur te/ 'phags pa'i chos dang ldan par gyur cig/ sems can thams cad

  437. 219b

    khams gsum thams cad kyis gos pa med pa'i sems dang ldan zhing tshogs kyi rgyal po dam par gyur cig/ sems can thams cad ye shes kyi chos kyi 'khor lo bskor ba la mkhas pas legs par bcas pa'i ye shes kyi bzhon pa dang ldan par gyur cig/ sems can thams cad 'jig rten gyi khams kyi rgyud brjod du med par shin tu 'gro ba'i 'gros la mkhas pas sems skad cig gi rdzu 'phrul rab tu thob par gyur cig/ sems can thams cad 'jig rten gyi khams thams cad du thogs pa med pa'i ye shes dang ldan zhing nam mkha' lta bu'i lus kyi shing rta sgrub par gyur cig/ sems can thams cad nam mkha'i dbyings dang de bzhin gshegs pa'i chos kyi dbyings kyi mthas gtugs par khyab par byed pas/ de bzhin gshegs pa thams cad kyi 'khor gyi dkyil 'khor du 'gro ba'i pha rol tu phyin pa'i mchog thob par gyur cig/ sems can thams cad sangs rgyas kyi zhing thams cad ma lus par gang du dga' bar 'gro zhing rgyu ba dang ldan pas/ lus yang ba'i khyad par rjes su rtogs pa rab tu thob par gyur cig/ sems can thams cad 'jig rten gyi khams thams cad du lus yang dag par ston pa'i phyir/ rdzu 'phrul gyi 'khor mtha' yas pa la mkhas par gyur cig sems can thams cad 'jig rten gyi khams thams cad du lus 'phos pa med par 'gro ba yang dag par ston pa'i phyir/ rdzu 'phrul chen po'i khyu mchog gi mthu phyung ba'i pha rol tu phyin pa thob par

  438. 220a

    gyur cig/ sems can thams cad mig yor lta bu'i rdzu 'phrul gyis 'gro ba mngon par sgrub pa'i ye shes rab tu thob pas/ sangs rgyas kyi zhing thams cad la mi gnas pa'i lus rab tu thob par gyur cig/ sems can thams cad dus la ji ltar 'bab par sems can yongs su smin par byed cing 'dul ba mi gtong ba'i phyir/ bsam gyis mi khyab pa'i rdzu 'phrul gyi khyu mchog gi mthu phyung ba yang dag par ston par gyur cig/ sems can thams cad skad cig gcig gis chos kyi dbyings thams cad la chags pa med cing bsgribs pa med pa'i tshul gyis// sems skad cig gis phyogs thams cad du 'gro ba'i rdzu 'phrul la mngon par mkhas par gyur cig ces/ de ltar byang chub sems dpa' sems dpa' chen po dge 'dun la shing rta 'bul zhing yongs su gtong bas/ yang dag par bzung ba'i dge ba'i rtsa ba de dag de ltar sems can thams cad bla na med pa'i ye shes kyi shing rta la gnas pa rnam par dag par gyur pa dang / chos kyi 'khor lo dang / chos kyi dbyings thams cad shes pa'i ye shes kyi 'khor lo rab tu bskor bar 'gyur ba'i phyir yongs su bsngo'o// gzhan yang byang chub sems dpa' sems dpa' chen po sbyin pa'i gnas kyi 'du shes nye bar bzhag pa'i sem dang ldan pa rim gro can zhes dang ldan pa/ bdag nyid che ba'i yon tan rgya mtsho gang chen mtsho'i tshul la mkhas pa/ yon tan dang ye shes kyi

  439. 220b

    'byung gnas kyi rigs dang ldan pa/ de bzhin gshegs pa'i yon tan la rnam par sems pa mthu chen por skyes pa/ bskal pa bye ba khrag khrig brgya stong du yongs su bsgoms pa'i sems dang ldan pa/ byang chub sems dpa'i spyod pa dus brjod du med pa thams cad du spyod pa rnam par sbyang ba la rab tu zhugs pa/ bdud kyi bcings pa thams cad las sems rab tu grol ba/ bdud du ma'i sde dang bdud thams cad kyi shes pa'i stobs rab tu 'joms pa'i sems dang ldan pa/ gzhal du med pa'i chos la mkhas pas snang bar gyur pa de/ nyan thos dang rang sangs rgyas la shing rta 'bul ba'i tshe/ shing rta yongs su btang bas yang dag par bzung ba'i dge ba'i rtsa ba de dag 'di ltar yongs su bsngo ste/ sems can thams cad bla na med pa'i sbyin pa yongs su smin pas grub pas/ sbyin pa'i gnas kyi dam par yid ches par gyur cig/ sems can thams cad gcig tu spyod cing mi gnyis par yang dag par spyod pas/ 'du 'dzi med pa la dga' bar gyur cig/ sems can thams cad 'gro ba thams cad bsod nams kyis yang dag par bsdu ba la brtson pas/ sbyin pa rnam par dag par byed pa'i mchog tu gyur cig/ sems can thams cad dge ba'i rtsa ba grangs med pa'i 'bras bu rab tu gtong bas/ ye shes kyi mu stegs las byung bar gyur cig/ sems can thams cad

  440. 221a

    sbyin pa'i dkyil 'khor mchog gis rnam par dag pas/ bsgribs pa med par rtogs par khong du chud par gyur cig/ sems can+da tham sa cang chos thams cad kyi rang bzhin byed pa med par khong du chud pas/ nyon mongs pa med pa'i chos la rnam par spyod par gyur cig/ sems can thams cad bsod nams kyi zhing sbyin pa'i gnas 'gro ba thams cad dga' bar byas pas/ bsod nams tshad med pa shin tu bsags par gyur cig/ sems can thams cad sbyin pa'i gnas su byas te phan 'dogs pa rnam par dag pas cho 'phrul mtha' yas pas rnam par rol pa yang dag par ston par gyur cig/ sems can thams cad stobs bcu'i theg pa mchog gi 'bras bu yongs su stobs pas/ sbyin pa'i gnas yon tan zad mi shes par gyur cig/ sems can thams cad bsod nams kyi phung po mi zad pas thams cad mkhyen pa'i mthar thug par gyur te/ sbyin pa'i gnas don yod pa'i 'bras bu dang ldan par gyur cig/ sems can thams cad ma thos pa'i sangs rgyas kyi chos kyi tshig dang yi ge 'dzin cing sdig pa'i chos rab tu zhi bar gyur cig/ sems can thams cad sangs rgyas kyi sgra don yod par ye shes kyis rnam par rig pas/ sangs rgyas kyi chos thams cad mnyam pa la mos shing brtson par gyur cig/ sems can thams cad sangs rgyas thams

  441. 221b

    cad las thos pa rjes su bsgrags pa'i chos can du gyur te/ sangs rgyas kyi chos thams cad thos pa'i pha rol tu phyin pa thob par gyur cig/ sems can thams cad zhags pa thub pa dgu bcu rtsa drug gi lta ba las rnam par 'das te/ bstan pa la gnas pa'i bya ba la mos par gyur cig/ sems can thams cad dge ba'i rtsa ba mchog rnam par spel ba byed cing 'phags pa mthong ba rab tu thob par gyur cig/ sems can thams cad 'phags pa mthong zhing 'grogs pa'i bde ba dang ldan zhing / ye shes kyis spyod pa'i gang zag la mos par gyur cig/ sems can thams cad sangs rgyas kyi lta ba rjes su thob pa las byung bas thos pa don yod par gyur cig/ sems can thams cad bstan pa rab tu gzung ba dang yongs su bsrung ba la zhugs pas/ sangs rgyas kyi bstan pa la ye shes kyi mkhas pa rab tu thob par gyur cig/ sems can thams cad sangs rgyas kyi bstan pa gsal bar bya ba'i snang ba rab tu thob pas/ chos thams cad thos pa shin tu 'dzin pa la zhugs par gyur cig/ sems can thams cad sbyin pa'i mdzod kyis dga' bar spyod cing gtong ba shin tu byed pa dang mchod sbyin shin tu byas pas/ sangs rgyas kyi bstan pa la yon tan ji lta ba bzhin du rtogs pa phun sum tshogs par gyur cig ces de ltar byang chub sems dpa' sems dpa'

  442. 222a

    chen po nyan thos dang rang sangs rgyas la shing rta 'bul ba'i tshe/ dge ba'i rnga ba de dag sems can thams cad kyi ye shes dang mngon par shes pa rnam par dag pa mchog dam pa phul rab tu thob cing / ci nas kyang mi 'jigs pa dang / thams cad mkhyen pa'i stobs dang / mi 'jigs pa rab tu thob par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po sbyin pa'i gnas dang / len pa sna tshogs phyogs gzhan dang gzhan nas 'ongs pa'i gang zag dang / slong ba 'phongs pa dang bkren pa mang po tshad med pa// byang chub sems dpa'i sgra thos te 'ongs pa dang / byang chub sems dpa'i smon lam dang / sems bskyed pas smos shing bstabs pa thams cad gtong bas shin tu re ba'i yid can de dag 'ongs pa mthong nas/ slong ba la rim gro bya bas mi ngoms pa'i sems kyis slong ba 'ongs pa rnams la bzod par gsol ba'i sems bskyed de/ 'di ltar bdag nyid phyogs de dag tu khyed kyi drung du song ste rim gror bya ba zhig na/ nga 'di ltar khyed 'dir phyin te shin tu ngal bar gyur to// zhes spyi bos btud de bzod pa gsol bas spong ba thams cad bzod par byas/ / rim gror byas/ ngal ba bstis nas ci 'dod pa sbyin pa de dag gis shin tu rim gror byed de/ 'di ltar nor bu'i shing rta 'dzam bu'i gling gi na chung

  443. 222b

    bzang mo rin po ches yongs su gang ba dang / 'di lta ste/ gser gyi shing rta yul gyi na chung rin po che shin tu rnam par dag pas yongs su bkang ba dang / 'di lta ste/ bai DUR+Ya'i shing rtan chung ma'i 'khor glu dang rol mo ba rdung zhing dkrol ba dang ldan pas yongs su bkang ba dang / 'di lta ste/ dngul gyi shing rnga shin tu mdze ba bud med gzhon du lha'i bu mo lta bus yongs su gang ba dang / 'di lta ste/ rin po che bye ba khrag khrig brgya stong grangs med pa'i rgyan gyis brgyan pa'i shing rta bud med cang shes rin po che rgyan thams cad kyis brgyan pa tshul mkhas pas yongs su gang ba dang / 'di lta ste/ tsan dan gyi shing rta byang chub sems dpas bzhon par 'os pa dang / 'di lta ste/ shel gyi shing rta bud med bzang mo bzhin bzang ba/ cha byang sdug gu shin tu brgyan pa/ gzugs mdzes pa/ blta na sdug cing mi mthun pa med pas yongs su bkang ba dang / 'di lta ste/ asma gar ba'i shing rta dbang bskur bas yongs su gang ba dang / 'di lta ste/ spos dam pa'i shing rta bu dang bu mos yongs su bkang ba dang / 'di lta ste/ rin po che'i tshogs thams cad kyis brgyan pa'i shing rta nang gi bshes gnyen dbyer mi phyed pas yongs su bkang ba dang / de rnams la 'di lta bu'i shing rta grangs med pa rnam pa sna tshogs slong mo pa thams cad la sbyin zhing yongs su gtong bas/ slong ba 'dod par bya ba'i dngos po rab tu thob pas yid la bsam pa shin tu rdzogs nas slong ba

  444. 223a

    de dag thams cad sbyin pa thams cad sbyin pa'i tshul gyis yang dag par bzung ste shin tu tshim par byas shing bsam pa rdzogs par byas nas/ dga' ba dang / mgu ba dang / rang pa dang / yid bde ba skyes par byas te/ dge ba'i rtsa ba de dag 'di ltar yong su bsngo ste/ sems can thams cad byang chub kyi shing drung du bsam gyis mi khyab cing / thogs pa med pa'i shing rta'i 'khor lo phyir mi ldog pas 'gro ba dang ldan te/ theg pa chen po'i shing rta la bzhon par gyur cig/ sems can thams cad byang chub sems dpa'i spyod pa thams cad la spyod cing / phyi ma'i mtha'i bskal pa'i mur thug par phyir mi ldog pas chos kyi shing rta cang shes la zhon par gyur cig/ sems can thams cad chos thams cad la rnam par rtog pa'i rlom sems med cing / thams cad mkhyen pa'i rigs kyi lam la brtson pas chos thams cad ci yang ma yin pa'i shing rta la zhon par gyur cig/ sems can thams cad thogs pa med pa'i rdzu 'phrul gyis sangs rgyas kyi zhing thams cad du 'gro ba la brtson pas/ kun tu 'gro ba dri ma med pa'i shing rta la zhon par gyur cig/ sems can thams cad sangs rgyas thams cad kyi chos la dga' bas mos shing yang dag par 'gro ba la brtson pas/ thams cad mkhyen pa'i theg pa'i shing rta rjes su mthun pa la rab tu gnas par gyur cig/ sems can thams cad byang chub sems dpa'i 'byung ba'i lam bcu dang / byang chub sems dpa'i

  445. 223b

    ting nge 'dzin thams cad la rab tu dga' ba'i yid dang ldan zhing / / byang chub sems dpa'i spyod pa rnam par dag pa'i shing rta la zhon par gyur cig/ sems can thams cad tshul dang 'dra ba'i yul na gnas pa dang ldan pa dang skyes bu dam pa la brten pa thob pas/ sngon byas pa'i bsod nams shin tu bsags pa dang / yang dag pa'i smon lam la shin tu brtson pa dang / byang chub sems dpa'i tshangs par spyad pa rnam par dag pa yongs su rdzogs pa phun sum tshogs pas 'khor lo bzhi pa'i shing rta la zhon par gyur cig/ sems cad thams cad de bzhin gshegs pa ma lus pa'i stobs dang ye shes la brtson pas/ phyogs thams cad kyi chos kyi dbyings su chos kyi snang ba gtong ba la bslabs par gyur cig/ sems can thams cad chos thams cad kyi shing rtas 'byung ba'i pha rol tu phyin pa thob ste/ sangs rgyas kyi chos kyi shing rta la zhon par gyur cig/ sems can thams cad phyogs thams cad du legs pa dang bde ba yang dag par ston pas/ bsod nams thams cad dang / dge ba'i rtsa ba tshang med pa dang / chos bsam gyis mi khyab pa'i shing rta la mkhas par gyur cig/ sems can thams cad 'jungs pa'i dri ma rab tu byung ste/ sbyin pa gtong bas 'byung ba'i shing rta dang ldan par gyur cig/ sems can thams cad chos kyi dbyings mtha' dang dbus med pa ma lus par tshul khrims rnam par dag pas/ tshul khrims kyi pha rol tu phyin pa'i ye shes rnam par dag pa'i shing rta dang ldan par gyur

  446. 224a

    cig/ sems can thams cad sems 'khrug pa med par gnas pas 'gro ba thams cad kyi bsam pa 'khrug pa med cing / bzod pa'i pha rol tu phyin pa'i ye shes kyi shing rta dang ldan par gyur cig/ sems can thams cad 'byung ba'i shing rtas snying po byang chub tu 'gro bar spyod pa'i go cha bgos pas/ brtson 'grus kyi pha rol tu phyin pa'i ye shes kyi shing rta dang ldan par gyur cig/ sems can thams cad shin tu mgyogs pa'i shing rtas snying po byang chub tu byung ste/ bsam gtan gyi pha rol tu phyin pa'i ye shes kyi shing rta dang ldan par gyur cig/ sems cad thams cad chos kyi dbyings kyi shing rta la shin tu zhon zhing sangs rgyas kyi yul sprul pas rgyas par byed pa'i phyir/ shes rab kyi pha rol tu phyin pa'i ye shes kyi shing rta dang ldan par gyur cig/ sems can thams cad chos yongs su gtong ba la 'jigs pa med pas thams cad mkhyen pa nyid kyi don du sbyin pa gtong ba'i phyir/ chos kyi rgyal po'i shing rta la zhon par gyur cig/ sems can thams cad chos kyi mtshan nyid dang rang bzhin gyi phyogs thams cad la rab tu 'jug pa rmongs pa med pa'i phyir/ smon lam la mi gnas pa'i ye shes kyi shing rta dang ldan par gyur cig/ sems can thams cad theg pa chen po ma nor bas 'jig rten gyi khams thams cad du skye zhing lus yang dag par bstan pa'i phyir/ sangs rgyas thams cad kyi chos kyi shing rta la zhon par gyur cig/ sems

  447. 224b

    can thams cad byang chub sems dpa' kun tu bzang po'i smon lam skyo ba med par yongs su rdzogs par bya ba yongs su rdzogs par byed pa'i phyir/ thams cad mkhyen pa rin po che'i shing rta la zhon par gyur cig ces/ de ltar byang chub sems dpa' sems dpa' chen pos sbyin pa'i gnas dang / len pa dang / slong ba sna tshogs la shing rta dga' ba dang / rab tu dga' ba dang / mos pa dang / spro ba'i yid kyi rnam par rtog pas sbyin pas yongs su bsdus pa'i dge ba'i rtsa ba de dag sems can thams cad thams cad mkhyen pa'i theg pa la zhon pa shin tu bsgrubs pas/ ye shes dang sems kyi rnam pa mtha' yas pa yongs su rdzogs par bya ba'i phyir yongs su bsngo'o// // shin tu rgyas pa chen po'i mdo bam po sum cu rtsa drug pa/ / / 'di ltar yang byang chub sems dpa' sems dpa' chen po glang po cang shes pa yan lag bdun shin tu gnas pa/ lo drug cu lon pa/ mche ba drug dang ldan pa/ kha dog pad+mo lta bu/ gdong rnam par dag pa/ dkar zhing dri ma med pa/ gser gyi rgyal mtshan can/ gser gyi rgyan dang ldan pa/ gser gyi dra bas lus kun nas g.yog pa sA rin po che sna tshogs kyi dra ba'i rgyan du bcug pa/ gser ltar blta na mdzes pa/ dpag tshad stong gis khyon du ngal ba med par 'gro ba sbyin zhing gtong ba 'am/ rta cang shes gom pa

  448. 225a

    zo mdog bde bar 'dor zhing 'degs pa dang / bya ltar mgyogs pa dang ldan pa/ rngo ma lung lor 'azil ba/ nam tsong dang rmig par ldan pa/ rmig pa'i dbyibs mtho zhing skyon med pa/ gser gyi dril bu'i dra bas brgyan pa/ rin po che sna tshogs kyi nyi ma'i dkyil 'khor dang zla ba dang ldan pa/ glo kun nas brgyan pa/ rin po che sna tshogs kyi gdong rgyan gyis rnam par brgyan pa/ bzhon na bde ba/ lus la byams pa/ shin tu mgyogs pa/ phyogs bzhir yid ltar mgyogs pa'i shugs dang ldan pa/ lha rdzas lta bu'i lhab lhab thams cad dang ldan pa/ de lta bu bla ma'i skye bo dang / bla mar bya ba dang / dge ba'i bshes gnyen dang / pa dang / ma dang / 'phongs pa dang / bkren pa slong ba dang / len pa'i 'gro ba thams cad la sbyin zhing yongs su gtong ba dang / sems yangs pas sbyin pa dang / sems la chags pa med pas gtong ba dang / rjes su 'gyod pa med pas yid mgu bar byed pa dang / snying rje chen pos yongs su rgyas pa'i bsam pas gtong ba chen po rab tu gtong zhing / byang chub sems dpa'i yon tan thams cad la rab tu brtson pa dang / byang chub sem dpa'i rigs su mngon par skyes pa'i bsam pa yongs su sbyong ba'i tshe/ dge ba'i rtsa ba de dag 'di ltar yongs su bsngo ste/ sems can thams cad byang chub sems dpa' thams cad kyi

  449. 225b

    yon tan gyi rgyan gyis byung ste/ cang shes kyi theg pa la rab tu gnas par gyur cig/ sems can thams cad sangs rgyas thams cad kyi rjes su 'gro ba'i chos kyi theg pas byung ste/ theg pa bzang po'i bzhon pa la mngon par zhon par gyur cig/ sems can thams cad de bzhin gshegs pa'i stobs bsgribs pa med pa'i ye shes kyi theg pas snang bar gyur te/ theg pa chen po la shin tu mos par gyur cig/ sems can thams can smon lam thams cad sgrol ba la rab tu zhugs pas/ brtsams pa chen po'i theg pa dang ldan par gyur cig/ sems can thams cad dge ba'i rtsa ba mnyam par bsgrub pa yongs su rdzogs par bya ba rab tu thob pa la pha rol tu phyin pa'i theg pa mnyam pa nyid kyis byung bar gyur cig/ sems can thams cad bla na med pa'i ye shes rin po ches sangs rgyas thams cad kyi chos la shin tu 'byung ba'i chos can du gyur te/ theg pa rin po che yongs su rdzogs par gyur cig/ sems can thams cad byang chub sems dpa'i ting nge 'dzin thams cad kyi me tog rgyas pa'i sems dang rgyud du gyur te/ byang chub sems dpa'i spyod pa'i rgyar rnam par bsags pa'i theg pas shin tu byung bar gyur cig/ sems can thams cad mtha' yas pa'i theg pa myur ba la mngon par brtson pa'i ye shes kyi chos

  450. 226a

    can du gyur te/ bskal pa grangs med pa'i byang chub sems dpa'i spyod pa rjes su bsam pa rjes su sems shing rnam par sbyong bar gyur cig/ sems can thams cad byang chub sems dpa' thams cad kyis yang dag par bsgrub pa la mkhas pas/ longs spyod kyi mchog thams cad dang cang shes kyi theg pa chen po'i sbyin pa byed par gyur cig/ sems can thams cad 'gro ba kun thams cad mkhyen pa'i nyid kyi lam gyi mthar gtugs par mngon par gzud par bya ba'i phyir/ theg pa shin tu mtho bar gnas shing rab tu brtan pa dang ldan par gyur cig ces/ de ltar byang chub sems dpa' sems dpa' chen po glang po cang shes dang / rta cang shes bye ba khrag khrig brgya stong grangs pa'i sbyin pa byed pa'i tshe/ dge ba'i rtsa ba de dag sems can thams cad chags pa med pa'i theg pa la mngon par bskyon zhing / ye shes kyi bzhon pa yongs su 'grub pa dang / de bzhin gshegs pa'i theg pa bsgribs pa med par 'byung ba'i mthar thug par yongs su bsngo'o/ / 'di ltar byang chub sems dpa' sems dpa' chen po 'khor los sgyur ba'i rgyal por gyur pa/ chos kyi dbang byed pa stan gyi sbyin pa byed cing / rgyal po bzhugs pa'i khri stan bzang po bai DUR+Ya'i rkang pa can seng ge'i khri la gnas pa/ gser gyi rgyu

  451. 226b

    dang rin po che'i dra bas blas pa/ stan reg na bde ba grangs med pa du ma bting ba/ nyen 'khor spos kyi dam pa thams cad kyis shin tu dri zhim par byas pa/ nor bu rin po che sna tshogs kyi rgyal mtshan bsgreng ba/ rin po che bye ba khrag khrig brgya stong du ma'i rgyan gyis brgyan pa/ gser gyi dra ba'i bla re bres pa/ gser gyi dril bu'i dra ba 'khrol ba'i sgra yid du 'ong ba'i dbyangs 'byung ba/ rin po che'i 'bru bye ba khrag khrig brgya stong phrag bcus kun nas bskor te/ rnam par phye bas shin tu 'phags shing blta na mdzes pa/ srog chags bye ba khrag khrig brgya stong grangs med pas kun nas blta ba/ gdugs khab gcig gis sa chen po thams cad skyong bar dbang bskur ba/ rgyal srid kyi dbang phyug thams cad la dbang ba'i spyan du bya ba de la 'dug cing / 'khor lo thogs pa med pas bskyang ba dang tshes bya ba la rgyal po'i bka' thams cad nyams pa med par nyan pa/ dpal rnam par snang ba dang / in dra nI la dang / nor bu rin po che'i snying pos smras pa/ nyi ma dang / zla ba dang / skar ma che phra lta bur rab tu brgyan pa/ rgyan rnam pa sna tshogs rmad du byung bas brgyan pa// rin po che khyad par du 'phags pa rgya mtshos spras pa/ / rgya mtsho dang / rgyal mtshan dang / bkra shis dang / bum pa sna tshogs yongs su gang ba dang / dga' ba 'khyil ba'i rgyan sna tshogs kyis rnam par brgyan pa/

  452. 227a

    'dzam bu chu klung gi gser gyi gyi ma bag dri ma med cing rdul dang bral bas bkab pa/ de la 'dzam bu'i gling thams cad kyi bdag po spyi bo nas dbang bskur bas mngon par dbang bskur ba'i bsod nams kyi stobs dang ldan pa/ byams pas dbang sgyur ba pha rol gyi 'khor bcom pa dang ldan pa/ bka' la zlog pa med pa/ 'dug na dga' ba de lta bu'i stan gyi rnam pa tshul de 'dra ba sbyin zhing yongs su gtong ba dang / de dag gi rgyal po bye ba khrag khrig brgya stong grangs med pa la khri stan bzang po'i rnam pa de lta bu'i sbyin pa byed cing yongs su gtong ba dang / yang dag par rdzogs pa'i sangs rgyas sbyin pa'i gnas kyi dam pa la gsol ba 'am/ skyes bu dam pa dge ba'i bshes gnyen nam/ 'phags pa'i dge 'dun dkon mchog gam/ chos smra ba 'am/ chos la dgab pa'i phyir yongs su g.yog pa'i sems kyis sam/ pha dang / ma dang / bla ma'i skye bo 'am/ nyan thos dang / rang rgyal ba'i sbyin gnas sam/ byang chub sems dpa'i theg pa la yang dag par zhugs pa thams cad dam/ de bzhin gshegs pa thams cad kyi mchod rten mchod pa'i phyir ram/ 'phongs pa dang bkren pa slong ba dpag tu med pa dag gam sems can thams cad la phan gdags pa'i phyir yang rung ste/ smin zhing yongs su gtong ba'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can

  453. 227b

    thams cad sangs rgyas kyi chos thams cad rnam par 'tshang rgya ba'i ye shes dang ldan zhing / shin tu byang chub pa'i stan dang ldan par gyur cig/ sems can thams cad bdud kyi dkrugs ma dang dpung rab tu gzhom pa'i phyir/ chos kyi dbang phyug thams cad kyi rdo rje'i ri rnam pa thams cad du thub pa med pa'i lus dang ldan zhing / 'gro ba thams cad la dbang ba'i stan rab tu thob par gyur cig/ sems can thams cad 'gro ba thams cad kyis blta bar 'os shing / sangs rgyas rnam par rol pa'i seng ge'i gdan rab tu thob par gyur cig/ sems can thams cad 'gro ba kun la chos kyi dbang phyug gis skyong ba'i phyir/ stan gyi rgyan dang 'khor rnam par dag pa brjod du med pa'i yang brjod du med pa rab tu thob par gyur cig/ sems can thams cad dge ba'i rtsa ba tshogs chen po rnam par dag pas khams gsum pas zil gyis mi non pa'i stan rab tu thob par gyur cig/ sems can thams cad bskal pa grangs med par sangs rgyas kyi gdan gyi yon tan bsngags pa mthar thug pa med pa dang ldan zhing / 'jig rten gyi khams brjod du med pa'i yang brjod du med pa stan gyis rgyas par byed pa'i byin gyi rlabs dang ldan par gyur cig/ sems can thams cad chos kyi dbyings thams cad lus kyis rgyas par byed pa'i phyir/ gter chen pos tshogs kyi stan la gnas par

  454. 228a

    gyur cig/ sems can thams cad ji ltar dam bcas pa'i sems can gyi khams thams cad la chos kyi sbyin pas rim gro byed pa'i phyir/ rgyan gyi rnam pa bsam gyis mi khyab pa sna tshogs dang ldan pa'i stan rab tu thob par gyur cig/ sems can thams cad rdzu 'phrul dang / rnam par 'phrul ba thams cad dang / sangs rgyas kyi khyu mchog gi mthu phyung ba yang dag par ston pa'i phyir/ dge ba'i stan la rab tu gnas par gyur cig/ sems can thams cad de bzhin gshegs pa'i ye shes kyis rnam par 'tshang rgya zhing / de bzhin gshegs pa'i bdag nyid che ba thams cad dang khyu mchog gi mthu phyung ba yang dag par ston pa'i phyir/ rin po che thams cad kyi stan dang / spos thams cad kyi stan dang me tog thams cad kyi stan dang / gos thams cad kyi stan dang / 'phreng ba thams cad kyi stan dang / nor bu rin po che thams cad kyi stan dang / bai DUR+Ya sna tshogs bsam gyis mi khyab pa'i stan dang / 'jig rten gyi khams brjod du med pa'i yang brjod du med pa ltar tshad med pa'i stan dang / 'gro ba thams cad ma lus par rgyan gyis rnam par dag pa'i stan dang / rdo rje'i gdan thams cad la 'khod par gyur cig ces/ de ltar byang chub sems dpa' stan gyi sbyin pas yang dag par bzung ba'i dge ba'i rtsa ba de dag sems can thams cad 'gro ba thams cad kyis ma

  455. 228b

    gos pa'i byang chub kyi stan rab tu thob cing / sangs rgyas kyi chos thams cad rnam par 'tshang rgya ba'i phyir yongs su bsngoma'adi ltar yang byang chub sems dpa' sems dpa' chen po gdugs kyi sbyin pa byed cing dbang phyug gi lus la dgab pa'i gdugs rin po che'i rgyan chen pos shin tu brgyan pa/ bye ba khrag khrig brgya stong khyad par du 'phags shing dbang che ba'i yo byad du bya ba rin po che'i rtsa ba can dril bu'i dra bas kun nas bskor ba/ rin po che'i srad bus gser gyi dril bu spungs pa'i sgra 'byung ba/ rin po che bai DUR+Ya'i 'phreng ba rab tu sbyangs pa/ nyen kor nas rnga'i sgra dbyangs yid du 'ong ba 'byung ba/ gser gyi dra ba rnam pa dag pas g.yogs shing brgyan pa/ rin po che'i dra ba brgya phrag stong gi bla re bres panor bu rin po che'i 'brug grangs med pas spras pa/ rin po che bye ba khrag khrig brgya stong du mas sna tshogs su bres shing brgyan pa/ a ka ru dang / tsan dan dang / spos kyi dam pa sna tshogs bye ba khrag khrig brgya stong du mas nyen kor dri zhim par bsgos shing bdugs pa/ 'dzam bu chu klung gi gsar ltar 'od gsal zhing dag pa/ rgyan bye ba khrag khrig brgya stong mtha' yas pas brgyan pa/ de bas kyang ches lhag pa'i gdugs bye ba khrag khrig brgya stong grangs med pa dag/ kha na ma tho ba med pa'i sems kyis sbyin par byed cing / sems can gyi gtso bo mngon du

  456. 229a

    gyur pa 'am/ de bzhin gshegs pa yongs su mya ngan las 'das mchod rten brgyan pa'i phyir ram/ chos btsal ba'i phyir byang chub sems dpa' dang dge ba'i bshes gnyen nam/ byang chub sems dpa' chos smra ba btsun par bya ba dag gam/ pa dang ma 'am/ dge 'dun dkon mchog gam/ sangs rgyas thams cad kyi bstan pa 'am/ sbyin pa'i gnas kyi gang zag sna tshogs sam/ slob dpon dang / bla ma dang / byang chub kyi theg pa grub pa 'am/ de la zhugs pa dag gam/ 'phongs pa dang bkren pa slong ba dang len pa dag la 'bul ba dang / yongs su gtong ba dang sbyin par byed pa'i tshe/ dge ba'i rtsa ba de dag 'di ltar yongs su bsngo ste/ sem+ba can thams cad sangs rgyas thams cad kyi g.yog pa rab tu thob ste/ dge ba'i rtsa bas yang dag bar yang dag par yog par gyur cig/ sems can thams cad nyon mongs pa dang nye ba'i nyon mongs pa thams cad las yongs su 'das te/ yon tan dang ye shes kyis mngon par bkab par gyur cig/ sems can thams cad 'jig rten gyi rdul dang / mun pa dang / yongs su gdung ba thams cad las rnam par 'das te/ lus shin tu bkab par gyur cig/ sems can thams cad 'gro ba thams cad kyis blta na sdug cing / sangs rgyas thams cad la mnga' ba'i ye shes kyi snying po can du gyur cig/ sems can thams cad sangs rgyas kyi chos la log pa

  457. 229b

    med par 'jug par brtson pas/ ma 'khrugs pa'i chos dkar pos shin tu bkab par gyur cig/ sems can thams cad chos kyi lus kyis sangs rgyas kyi sku'i mthar gtugs te mngon par bkab pa'i lus dang ldan par gyur cig/ sems can thams cad 'jig rten kun la stobs bcu'i ye shes kyi bla res skyob pas gdugs su red par gyur cig/ sems can thams cad khams gsum thams cad las shin tu 'phags shing chags pa med pa'i ye shes kyi snying po dang ldan pas/ ye shes kyis rnam par snang bar gyur cig/ sems can thams cad sbyin pa'i gnas dam pa la bsod nams thams cad kyis mchod pa'i phyir gdugs su 'os par gyur cig/ sems can thams cad bla na med pa'i ye shes kyi gdugs su rnam par sangs rgyas pas/ gdugs kyi dam par gyur cig ces/ de ltar byang chub sems dpa' sems dpa' chen po gdugs kyi sbyin pa byed pa'i tshe/ dge ba'i rtsa ba de dag sems can thams cad kyis chos la dbang ba'i gdugs yang dag par gzung ba thob par bya ba'i phyir yongs su bsngo'o/ / gdugs gcig gis nam mkha' thams cad kyi dbyings kyis klas pa/ chos kyi dbyings kyis mthas gtugs pa'i 'jig rten gyi khams thams cad du sangs rgyas thams cad kyi khyu mchog gi mthu phyung ba yang dag par bstan pa las phyir mi ldog

  458. 230a

    pa'i phyir yongs su bsngo'o/ / chos kyi dbyings thams cad gdugs gcig gis brgyan te/ de bzhin gshegs pa mchod par bya ba'i phyir yongs su bsngo'o// gdugs dang / rgyal mtshan dang / ba dan yid du 'ong bas/ de bzhin gshegs pa thams cad kyi sku la mngon par dgab pa'i phyir yongs su bsngo'o// sangs rgyas kyi zhing thams cad ma lus par gdugs kyi rgyan gyis kun tu yog par bya ba'i phyir yongs su bsngo'o/ / sangs rgyas kyi mtshan la mos pa'i sems can thams cad dang 'gro ba'i tshogs thams cad gdugs thams cad kyis dag pa ba'i phyir yongs su bsngo'o/ / rin po che thams cad kyi gdugs sna tshogs brjod du med pa'i yang brjod du med pa sangs rgyas gcig la phul bas/ sangs rgyas thams cad la brjod du med pa'i gdugs phul bar sems shing yongs su bsngo'o/ / sangs rgyas thams cad kyi byang chub mngon pa byang chub pas/ 'phags pa'i gdugs kyis sangs rgyas thams cad dgab pa'i phyir yongs su bsngo'o/ / sangs rgyas kyi sku ji snyed 'jig rten gyi khams chos kyi dbyings kyis klas pa/ nam mkha'i mthas gtugs pa thams cad na bzhug pa thams cad la gdugs kyis dgab pa'i phyir yongs su bsngo'o/ / nor bu rin po che thams cad kyis brgyan pa'i gdugs dang / rin po che thams cad kyi 'phreng ba brgyus shing klubs pa dang / spos thams cad kyi mchog gi dri

  459. 230b

    zhim po'i ngad 'byung ba'i gdugs dang / rin po che sna tshogs kyis rnam par spras pa'i gdugs dang / rgyan mdzes shing rnam par dag pa'i gdugs dang / rgyan tshad med par yangs shing rgya che ba dang / gser gyi dra bas kun nas yog par brgyan pa/ dril bu'i dra ba kun nas spungs pa'i sgra yid du 'ong zhing snyan pa 'byung ba'i gdugs dang / ye shes bsgribs pa med cing chags pa med pa'i gdugs dang / sangs rgyas thams cad la mngon par dgab pa'i gdugasayongs su gtang ba'i phyir yongs su bsngo ste/ de ltar byang chub sems d pa' sems dpa' chen po gdugs kyi sbyin pas yang dag par bzung ba'i dge ba'i rtsa ba de dag sems can thams cad la ye shes mchog gi gdugs kyis mngon par dgab pa'i phyir yong su bsngo'o/ / sangs rgyas thams cad kyi yon tan gyis kun nas g.yogs shing rab tu brgyan pa'i phyir yongs su bsngo'o// sangs rgyas kyi ye shes dang / yon tan dang / dgongs pa dam pa rnam par dag par bya ba'i phyir yongs su bsngo'o// sems rin po che mtha' yas pa la dbang sgyur ba rab tu thob par bya ba'i phyir yongs su bsngol/ chos thams cad la ye shes kyis dbang sgyur ba kun tu rdzogs par bya ba'i phyir yongs su bsngo'o// dge ba'i rtsa ba thams cad kyis mngon par g.yog par yongs su bsngo ba'i don du yongs su bsngo'o//

  460. 231a

    'gro ba thams cad kyis ye shes mchog gi gdugs rab tu thob par bya ba'i phyir yongs su bsngo'o// sangs rgyas thams cad kyi stobs bcus bla rer bres pa'i gdugs su 'gyur bar bya ba'i phyir yongs su bsngo'o/ / chos kyi dbyings thams cad sangs rgyas kyi zhing gcig gis g.yog par bya ba'i phyir yongs su bsngo'o// chos thams cad la dbang phyug tu dbang sgyur ba'i dbang thob par bya ba'i phyir yongs su bsngo'o/ / mthu chen po dang dbang chen po'i sems kyi rgyud thob par bya ba'i phyir yongs su bsngo'o// blo yangs pa dang sems rgya che ba thob par bya ba'i yongs su bsngo'o/ / yon tan tshad med pas 'gro ba thams cad mngon par dgab pa'i phyir yongs su bsngo'o// yon tan thams cad kyis sems mngon par dgab pa'i phyir yongs su bsngo'o// sems can thams cad kyis 'gro ba thams cad mngon par dgab pa'i phyir yongs su bsngo'o/ / ye shes chen pos mnyam par dgab pa thob par bya ba'i phyir yongs su bsngo'o// sems can thams cad kyis 'gro ba thams cad bsngo ba'i tshul ma lus par thob par bya ba'i phyir yongs su bsngo'o/ / sems dang bsam pa rnam par dag par 'gyur ba'i phyir yongasasu bsngo'o// bsam pa dge ba dang yid kyi dbang po rnam par dag pa dang ldan par bya ba'i phyir yongs su bsngo'o/ / 'gro ba thams cad yongs su bsngo ba chen pos mngon par dgab cing yang dag par bsdu ba'i phyir yongs su bsngo'o//

  461. 231b

    'di ltar yang byang chub sems dpa' sems dpa' chen po rgyal mtshan dang / ba dan rin po che sna tshogs rnam pa tha dad pa'i yu ba can/ rin po che'i dril bu'i dra ba 'khrol ba'i sgra yid du 'ong ba 'byung ba/ snam bu rin po che rnam pa sna tshogs sbyangs pa/ kha dog dang tshon sna tshogs kyi snam bus brgyan cing bsgreng ba/ gser gyi dra bas kun nas sbyangs shing klubs pa/ gser gyi dril bu'i sgra 'byung ba/ dril bu g.yer kha'i dra bso shin tu brgyan pa'i rgyal mtshan dang / ba dan bye ba khrag khrig brgya stong kha dog tha dad pa/ tshon tha dad pa shin tu mtho ba/ rin po ches rnam pa sna tshogs su brgyan pa/ rgyal mtshan gyi rtse mo zla gam gyis mdzes par brgyan pa/ 'dzam bu chu klung gi gser gyi nyi ma'i dkyil 'khor bcug pa/ 'od zer rnam pa sna tshogs 'byung ba/ rgyal mtshan gyi rgyan gyis sa thams cad kun tu yog pa/ rgyal mtshan gyi rgyan gyis sa thams cad kun tu yog pa/ rgyal mtshan gyi rgyan rnam pa du ma 'od dang ldan pas rab tu brgyan pa'i rgyal mtshan rnam pa sna tshogs bsgreng ba'i rgyan de lta bu dag/ 'jig rten gyi khams thams cad kyi las kyi rnam par smin pa la mos pa'i rgyal mtshan gyi rgyan gyis kun tu khyab par bya ba dang / 'jig rten gyi khams chos kyi dbyings thams cad kyis klas pa/ sangs rgyas kyi zhing nam mkha'i dbyings thams cad 'byam klas pa la gnas pa yangs pa/ kun tu rgyal mtshan gyi sbyin pa yongs su

  462. 232a

    btang bar mos pas 'jig rten gyi khams thams cad rgyas par bya ba dang / byang chub sems dpa'i bsam pa dang mos pa'i khyad par rnam par dag par bya ba'i phyir/ sangs rgyas bcom ldan 'das mngon du gyur pa rnams la 'bul ba 'am/ de bzhin gshegs pa yongs su mya ngan las 'das pa'i mchod rten nam/ chos dkon mchog mchod pa 'am/ dge 'dun dkon mchog la 'bul lam/ dge ba'i bshes gnyen byang chub sems dpa' rnams sam/ nyan thos dang rang sangs rgyas rnams sam/ 'khor gyi tshogs su gyur pa 'am/ gang zag gi rnam pa gzhan su yang rung ste/ slong ba thams cad la rim gror bya ba'i phyir sbyin zhing yongs su gtong ba na/ rgyal mtshan dang ba dan sbyin pas yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad ye shes kyi rgyal mtshan dang ba dan la thub pa med pas dge ba'i rtsa ba dang / bsod nams thams cad yang dag par bsgreng ba'i rgyal mtshan can du gyur cig/ sems can thams cad chos kyi go 'phang bris pa sbed pa'i chos nyid kyis chos thams cad la dbang sgyur ba'i rgyal mtshan bsgreng bar gyur cig/ sems can thams cad sangs rgyas thams cad kyi byang chub kyi chos yang dag par 'dzin pa'i chos can du gyur te/ rin po che'i gzhi la sangs rgyas kyi chos zos pa dang ldan par gyur cig/ sems can

  463. 232b

    thams cad 'gro ba kun la mar me snang bar gyur te/ rgyal mtshan shin tu 'phags par gyur cig/ sems can thams cad 'dud thams cad rnam par 'joms pa'i phyir/ thub pa med pa'i rgyal mtshan dang ba dan can du gyur cig/ sems can thams cad bdud thams cad kyis mi thub pa'i chos can du gyur te/ ye shes dang stobs kyi rgyal mtshan rab tu bsgreng bar gyur cig/ sems can thams cad rgyal mtshan thams cad mi ltung ba'i snang ba can du gyur te ye shes mthu bo che'i rgyal mtshan dang ldan par gyur cig/ sems can thams cad ye shes kyi dkyil 'khor gyis chos kyi dbyings thams cad rnam par dag par gyur te/ ye shes kyi nyi ma'i dkyil 'khor 'od zer rab tu 'gyed pa'i rgyal mtshan dang ldan par gyur cig/ sems can thams cad sangs rgyas kyi mchod pa la brtson zhing rgyal mtshan sna tshogs rab tu bsgreng bas sangs rgyas thams cad kyi zhing brjod du med pa rgyas par 'gengs pa'i phyir/ rin po che'i rgyal mtshan gyi rgyan dang ldan par gyur cig/ sems can thams cad zhags pa thub pa dgu bcu rtsa drug gi rgyal mtshan gyis dben zhing sems 'dod chags dang bral bar gyur te/ sangs rgyas kyi rgyal mtshan rab tu thob par gyur cig ces/ de ltar byang chub sems dpa' sems dpa' chen po rgyal mtshan dang ba dan gyi sbyin pa byed pa'i tshe/ dge ba'i rtsa ba de dag sems can thams cad byang chub sems dpa'i spyod pa rgya che/

  464. 233a

    zhing yangs pa dang / zab mo thams cad dang ldan par bya ba'i phyir yongs su bsngo'o// byang chub sems dpa' thams cad kyi spyod pa dang / rnam par 'phrul pa dang / 'byung ba'i rgyal mtshan dang ldan zhing / so so yang dag par rig pa rnam par dag pa thob par bya ba'i phyir yongs su bsngo'o// 'di ltar yang byang chub sems dpa' sem dpa' chen po rin po che thams cad gtong ba la mos pa dang / sems can thams cad nor gyis phyug par byed pa dang / rin po che'i mdzod thams cad 'byed pa dang / rin po che'i gter thams cad gtong ba dang / rin po che'i 'byung gnas thams cad yongs su gtong ba dang / nor bu rin po che thams cad kyi sbyin pa byed pa dang / rin po che kun gyis sems can thams cad la khyab par byed pa dang / rin po che'i tshogs thams cad 'phangs par mi sems pa'i yid kyis gtong ba dang / rin po che'i tshogs thams cad 'thor ba 'am/ rin po che thams cad yongs su btang bar sems bskyed pa'i tshe/ srog chags bye ba khrag khrig brgya stong grangs med pa la rin po che byin pas yongs su bzung ba'i dge ba'i rtsa ba de dag 'di ltar yongs su bsngo ste/ sems can thams cad dran pa'i rgyud rmongs pa med cing sangs rgyas mthong ba rab tu thob par gyur cig/ sems can thams cad sangs rgyas thams cad kyi chos kyi mdzod 'dzin pas/

  465. 233b

    chos dkon mchog gi snang ba rab tu thob par gyur cig/ sems can thams cad sbyin pa dang yongs su gtong ba shin tu brtan pas/ dge 'dun dkon mchog yongs su 'dzin par gyur cig/ sems can thams cad phyir mi ldog pa'i byang chub kyi sems rnam par dag pas/ thams cad mkhyen pa nyid kyi sems rin po che rab tu thob par gyur cig/ sems cad thams cad sangs rgyas kyi chos thams cad la rmongs pa med par gzhol bas/ ye shes rin po che la zhugs par gyur cig/ sems can thams cad ye shes rin po che tshad med pa yang dag par bstan par bya/ ba'i phyir/ byang chub sems dpa'i yon tan rin po che grangs med pa phun sum tshogs par gyur cig/ sems can thams cad stobs bcu'i ye shes rin po che mngon par 'tshang rgya ba la brtson pas/ yon tan rin po che mtha' yas pa'i bsngags pa dang ldan par gyur cig/ sems can thams cad ye shes rin po che shin tu yangs pa'i mthar thug pas/ ye shes rin po che bcu drug gi snyoms par 'jug pa rab tu thob par gyur cig/ sems can thams cad de bzhin gshegs pa'i ye shes rin po che la rnam par sangs rgyas pas/ rin po che'i ngam pas sbyin pa'i gnas kyi mchog tu gyur cig/ sems can thams cad so so yang dag par rig pa mi zad pa'i mdzod kyi chos rin po che rab tu ston pa la brtson pas/ rin po che'i dbang po ngam

  466. 234a

    par gyur cig ces/ de ltar byang chub sems dpa' sems dpa' chen po rin po che de dag yongs su gtong zhing sbyin pa byed pa'i tshe/ sems can thams cad sangs rgyas kyi spun rin po che rnam par dag cing nyams pa med pas ye shes dam pa rin po che yongs su rdzogs par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po lus dang / yan lag dang / nying lag thams cang rgyan gyis shin tu brgyan pa/ lus blta na sdug pa// rnam par dag cing mi mthun pa med pa'i rgyan gyis lus shin tu brgyan pa/ rin po che thams cad kyis rab tu brgyan pa/ rin po che'i rgyan sna tshogs rnam pa tha dad pa bye ba khrag khrig brgya stong gis shin tu brgyan pa/ sems can thams cad kyi lus rgyan gyis brgyan par brtson pa/ sems can thams cad la bu'i 'du shes kyis 'jig rten gyi bde ba dang / sangs rgyas kyi bde ba thams cad stobs pa/ dga' ba sna tshogs kyis sems can rab tu dga' bar byed pa de/ rgyan sna tshogs rnam pa tha dad pa dag sems can thams cad yongs su smin par bya ba dang / sangs rgyas kyi chos thams cad la rab tu dgod pa'i phyir sbyin zhing yongs su gtong ba'i tshe/ rgyan yongs su btang bas yang dag par bsdus pa'i dge ba'i rtsa ba de dag 'di ltar yongs su bsngo ste/ sems can thams cad ye shes kyi rgyan rnam par dag pas lha dang bcas pa'i

  467. 234b

    'jig rten gyi rgyan du reng bar gyur cig/ sems can thams cad bsod nams kyi rgyud kyi mtshan rnam par dag pa dang ldan zhing / mtshan gyis lus shin tu brgyan par gyur cig/ sems cad thams cad bsod nams brgya pa'i mtshan dang ldan pa'i lus can du red de/ lus mtshan gyis shin tu brgyan par gyur cig/ sems can thams cad kyi lus kyi yan lag mtshan kun gyis brgyan pa dang ldan zhing / lus mtshan gyis shin tu rnam par bres pa phun sum tshogs par gyur cig/ sems can thams cad so so yang dag par rig pa mi zad pa'i mdzod dang ldan zhing / tshig gi rgyan gyis shin tu brgyan par gyur cig/ sems can thams cad dbyangs kyi yan la ga yid du 'ong zhing rnam par dag pa dang ldan zhing / yon tan gyis brgyan pa'i dbyangs dang ldan par gyur cig/ sems can thams cad sangs rgyas kyi chos kyi tshig gi tshul rnam par dag pas 'gro ba kun mgu bar byed cing / sangs rgyas kyi chos thams cad kyis tshig yid du 'ong bar brgyan pa dang ldan par gyur cig/ sems can thams cad sangs rgyas kun la lta bas snyoms par 'jug cing / sems can gyi rgyan gyis brgyan par gyur cig/ sems can thams cad chos snang ba thams cad kyi chos rab tu thob cing / gzungs thams cad kyi rgyan gyis rab tu brgyan par gyur cig/ sems can thams cad sangs rgyas kyi ye shes kyis rgyud shin

  468. 235a

    tu brgyan pas/ sems ye shes kyi yang dag par brgyan pa dang ldan par gyur cig ces/ de ltar byang chub sems dpa' sems dpa' chen po lus kyi rgyan de dag yongs su gtong ba'i tshe/ dge ba'i rtsa ba de dag sems can thams cad kyis sangs rgyas kyi chos tshad med pa thams cad kyi yon tan dang ye shes kyi rgyun yongs su rdzogs te/ sems can thams cad kyi ris na nga rgyal dang / rgyags pa dang / dregs pa med par bya ba'i phyir yongs su bsngo'o// 'di ltar yang byang chub sems dpa' sems dpa' chen po dbang phyug la spyi bo nas dbang bskur bas mngon par dbang bskur ba/ cod pan dang gtsug gi rin po che'i sbyin pa byed cing yongs su gtong ba dang / mngon par stobs pa dang / sems cad thams cad la phon 'dogs pa dang / ltos pa med par yongs su gtong ba'i sems rnam par 'phel bar byed pa dang / sbyin pas bsgos pa'i rgyud yongs su bsgom pa dang / sbyin pa la dbang sgyur bar rab tu 'jug pa dang / sbyin pa'i ye shes la rab tu slob pa dang / smin pa gtong ba'i dbang po yongs su bskyed pa dang sbyin pa gtong ba'i blo rgya cher byed pa'i tshe/ cod pan dang gtsug gi rin po che yongs su btang bas yang dgo par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thas cad thams cad mkhyen pa nyid du sangs rgyas kyi chos

  469. 235b

    thams cad kyis spyi bo nas dbang bskur bas/ dbang po thams cad la shin tu dbang bskur bar gyur cig/ sems can thams cad ye shes kyi gtsug gi pha rol tu phyin pa thob pas/ spyi bo gtsug tor can gyi mgo dang ldan par gyur cig/ sems can thams cad 'gro ba kun gyi yon tan gyi spyi bo'i mthar phyin pas/ ye shes rin po che mchog gis sems can thams cad yang dag par sdud par gyur cig/ sems can thams cad 'gro ba kun gyi spyi bor phyag bya bar 'os shing ye shes rin po tsha'i mchog la yang dag par gnas par gyur cig/ sems can thams cad chos kyi skyed pa la dbang sgyur ba rab tu thob ste/ ye shes kyi cod pan shin tu bcings par gyur cig/ sems can thamasacad 'jig rten kun gyis bltar mi nus pa'i chos can du gyur te/ ye shes kyi nor bu rin po ches mgo rab tu brgyan par gyur cig/ sems can thams cad spyi bor gyur pa'i ye shes kyis sangs rgyas kyi chos thams cad la rnam par blta ba'i chos can du gyur te/ spyi bo shin tu btsun pa dang ldan par gyur cig/ sems can thams cad ye shes rin po che rgya mtsho'i snying po rnam par dag pa dang ldan zhing / stobs bcu'i rgyan cod pan gyis mgo rab tu brgyan par gyur cig/ sems can thams cad 'dod pa'i khams kyi dang po nas bdud thams cad rnam par 'joms pa'i phyir sa'i dam la gnas par gyur cig

  470. 236a

    sems can thams cad stobs bcu'i mthar thug ste/ chos kyi ye shes kyi spyi bo rnam par dag par gyur cig/ sems can tham ca ma cad mkhyen pa'i dbu zil gyis mi non pa'i sra ba rab tu thob ste/ rgyal ba'i mchog dam par gyur cig ces/ de ltar byang chub sems dpa' sems dpa' chen po cod pan dang gtsug gi rin po che yongs su gtong ba'i tshe/ dge ba'i rtsa ba des sems can thams cad kyis ye shes mchog gi 'byung gnas rnam par dag pa dang / ye shes kyi cod pan dang / nor bu rin po che rab tu thob pa'i phyir yongs su bsngo'o// 'di ltar yang byang chub sems dpa' sems dpa' chen pos btson rar bcug cing btson chas bcings pa'i sems can sdug bsngal ba/ sdug bsngal gyi khyim gyis bskor ba/ shing sgrog dang / lcags sgrog dang / ltung gi bcing bas bcings pa/ lus lcags thag gis btags pa/ bsdams pa/ shin tu rgyu ba'i lus can/ mi bde bas lus shin tu mnar ba/ skyabs med par ltung ba/ bkres pa dang sgom pas nyen pa/ gos med pa/ mun pas yog cing khebs pa/ shin tu rke ba/ brla lcags sgrog gis sgrog pa de lta bu dag mthong na/ byang chub sems dpa' snying rje can dang / rgyal po mig bzangs kyis ji ltar byas pa bzhin du/ bdag dang 'khor du bcas pa nor thams cad dang bcas par yongs su btang ste byin nas/ btson ra de nas sems can de dag yongs su thar par byed do//

  471. 236b

    nges btson ra de nas sems can de dag thar par byas nas kyang nor gyi sbyin pa thams cad mngon par byin nas/ sman dang / sman pa dang / sngags kyi rnam pas lus nad med par byas te/ bde ba dang ying dga' ba la rab tu bkod nas/ chos rin po che thos par byas te/ dga' ba'i gtam gyis dge ba'i rtsa ba la bkod nas/ sangs rgyas kyi bstan pa las mi nyams par byed do// de de ltar sems can btson ra nas bkye yang dag par bsdus pas dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad sred pa'i bcings pa dang zhags pa las shin tu grol bar gyur cig/ sems can thams cad ye shes mthong ba'i pha rol tu phyin cing / 'khor ba'i rgyud shin tu chad par gyur cig/ sems can thams cad bag la nyal pa shin tu bcom ste/ kun nas 'khor ba dang rnam par bral bas ma rig pa'i mun pa dang / rab rib dang / ling tog rnam par bsal cing / rab rib med pa'i ye shes yang dag par mthong bar gyur cig/ sems can tham cad 'gro ba kun gdon par bya ba'i ye shes kyi mthar thug par gyur te/ khams gsum pa'i bcings pa thams cad dang bral bar gyur cig/ sems can thams cad 'on mongs pa med pa'i sar ye shes bsgribs pa med pa mthong ba'i pha rol tu phyin pa thob cing / nyon mongs pa'i bcings pa thams cad shin tu shigs par gyur cig/ sems can thams cad rnam sems kyi g.yo ba rnam

  472. 237a

    par rgyu ba thams cad yang dag par gzhom pa'i phyir/ g.yo ba med pa'i ye shes la yang dag par gzhol zhing g.yo ba dang / rlom sems kyi bcings pa thams cad dang bral bar gyur cig/ sems can thams cad khams gsum pa thams cad du chags pa med par gnas shing 'dod pa'i dri ma thams cad dang bral te/ 'dod pa'i bcings pa thams cad rnam par spangs par gyur cig/ sems can thams cad bsam pa sangs rgyas thams cad la btang bas/ lhag pa'i bsam pa shin tu grol bar gyur cig/ sems can thams cad chos kyi dbyings kyis klas pa/ nam mkha'i mthas gtugs pa dag tu sems chags pa med pa dang grol zhing bcings pa med par gyur cig/ sems can thams cad 'jig rten gyi khams thams cad du 'gro ba thams cad yongs su smin par bya ba dang / gdul ba dang / theg pa chen po la dgod par bya ba'i phyir rnam par rgyu zhing / byang chub sems dpa'i mngon par shes pas 'jig rten gyi khams thams cad du 'dong bar gyur cig ces/ de ltar byang chub sems dpa' sems dpa' chen po sems can thams cad btson ra dang btson cha nas bkye bas/ yang dag par bzung ba'i dge ba'i rtsa ba de dag sems can thams cad shin tu grol zhing / de bzhin gshegs pa thams cad kyi ye shes kyi sa la gnas par 'gyur ba'i phyir yongs su bsngo'o// 'di ltar

  473. 237b

    yang sems can la la zhig srog dang dbral ba'i phyir gsad du khrid pa sdug bsngal gyi rnam pa gzhan dang gzhan gyis mi bzad cing 'dar ba/ bcing ba lngas bcings pa/ skye bo brgya phrag stong gis kun nas bskor cing 'dzam bu'i gling du gtogs pa sna tshogs nas bshal zhing bkri ba/ gnyen bshes kyi rgyud dang mdza' bo'i rgyud thams cad dang bral bar gyur pa ral gris gtsab cing bshags pa/ bsal shing bsgreng ba la bskyon pa/ lus thams cad kun nas brlag ste me 'bar ba'i nang du dor ba 'am/ sdug bsngal gyi rnam pa mi bde ba thams cad kyis mi bde bar bya ba/ gtse sna tshogs thams cad du bsgre ba zhig/ byang chub sems dpa' sems dpa' chen pos mthong bar gyur na/ de la byang chub sems dpa' sems dpa' chen po de gsad par smra ba de'i don du lus yongs su gtong ste/ ji ltar byang chub sems dpa' mi 'pham pa dang / rgyal po khyad par du 'gro bas ji ltar byas pa dang / de ma yin pa'i byang chub sems dpa' sems dpa' chen po gzhan rnam kyang sems can gsad pa slu ba'i don du lus yongs su gtong zhing / sdug bsngal gyi tshor ba thams cad nyams su len pa de bzhin du rab tu gtong bar byed cing / tshig 'di skad du smra'o// khyed kyis mi bde ba 'di dag bdag la gyis shig/ lus 'di yongs su btang gis/ nga'i srog gcad par gyis shig/ nga la ni ci byas so cog kyang mi mnyan pa med kyis/ khyed kyis mi 'di la ci

  474. 238a

    bya bar 'dod pa de las grangs med pa'i gyur tu sdug bsngal gyi rnam par gtse ba thams cad kyis mi bde ba sna tshogs su gyis shig ces te/ 'di ltar bdag gis gsang bar bkri ba mthong yang / bdag gi lus dang srog gis mi slu ba ni bdag la tshul dang mi 'dra'o// de ci'i phyir zhe na/ bdag gis ni sems can thams cad la dmigs te 'gro ba thams cad bsrung ba'i phyir/ thams cad mkhyen pa nyid du sems bskyed do snyam nas/ bdag gi lus dang srog yongs su btang ste/ gsad par bya ba de bslus nas/ dge ba'i rtsa ba de 'di ltar yongs su bsngo'o// sems can thams cad gzhan gyis gtse ba'i sdug bsngal nye bar byung bas/ lus dang srog shin tu mi 'phrogs par gyur cig/ sems can thams cad sangs rgyas thams cad las thams cad mkhyen pa'i byang chub stobs bcur lung bstan pa'i gnas rab tu thob par gyur cig/ sems can thams cad ngan song thams cad kyi lam las yongs su 'das te/ 'jig pa thams cad las rab tu thar par gyur cig/ sems can thams cad 'chi ba med pa'i ye shes kyi dbyings su zhugs pas/ 'tsho ba thams cad kyi skabs rab tu rnyed par gyur cig/ sems can tham cad dge ba'i bshes gnyen de bzhin gshegs pas yongs su bzung bas/ dgras 'jigs pa thams cad dang bral bar gyur cig/ sems can thams cad kha na ma tho ba med pa'i las dge

  475. 238b

    pa thams cad spyod pas/ ral gris gtsab pa lta bu'i mi bde ba thams cad las 'das par gyur cig/ sems can thams cad byang chub kyi shing dam pa'i drung du phyin cing 'jigs pa med par bdud kyi sde thams cad rnam par 'thor bas/ bag tsha ba dang 'jigs shing skrag pa thams cad dang bral bar gyur cig/ sems can thams cad bla na med pa'i chos kyi 'jigs pa med pas rnam par dag cing khyu mchog dang seng ge'i nga ro 'byin pas/ 'khor gyi 'jigs pa dang bag tsha ba thams cad dang bral bar gyur cig/ sems can thams cad kha na ma tho ba med pa'i las la yang dag par spyod cing / 'gro ba thams cad kyi nang na bsgribs pa med pa'i ye shes dang ldan pa'i seng ger gyur cig/ sems cad thams cad skye bo kun yongs su skyong ba'i sems dang ldan zhing / 'gro ba kun tu 'jigs pa med pa'i khang par zhugs par gyur cig ces// de ltar gsad par gyur pa dag/ byang chub sems dpa' sems dpa' chen pos rang gi lus dang srog btang ste bslus nas/ dge ba'i rtsa ba de dag sems can thams cad kyi 'khor ba'i btson ra'i sdug bsngal kun spang ba dang / sangs rgyas thams cad kyi bde ba mi spang ba'i phyir yongs su bsngo'o/ / 'di ltar yang byang chub sems dpa' sems dpa' chen po la mgo las gtsug pud dang thor bag tu bcas pa bslang na//

  476. 239a

    rgyal po gtsug na rin po che dang / byang chub sems dpa' yan lag dam pa shin tu 'phags pa dang / de ma yin pa'i byang chub sems dpa' gzhan dag gis ji ltar byin pa de bzhin du/ des slong ba de dag mthong nas/ gtong bar mos pa'i tshig dge bas thor pag dang gtsug pud du chos te khyer cig ces stobs shing / kye tshur shog bdag gi mgo las gtsug pud dang thor pag tu bcas pa long zhig ces nas/ byang chub sems dpa' 'dzam bu'i gling na btsun pa mi'i dam pa des yid rtse gcig tu byas te/ yid ma 'khrugs pa dang / yid ma 'dres pa dang / las gzhan la mi sems pa'i yid dang / 'jig rten las 'phags pa'i yid dang / rab tu zhi ba'i yid dang / thams cad mkhyen pa nyid kyi yid dang / dag pa'i yid dang / drang ba'i yid dang / rigs pa la brtson pa'i yid kyis/ gtsug pud dang thor bag tu bcas pa de slong ba la gtong ba'i tshe/ gtsug pud dang thor pag tu bcas par mtshon gyis phog ste mgo las phab nas/ pus mo g.yas pa'i lha nga sa la btsugs te/ rim gro dang bcas pa'i lus kyis sor mo bcu'i thal mo sbyar nas/ 'das pa dang / ma byon pa dang / da ltar byung ba'i sangs rgyas thams cad kyi byang chub kyi spyod pa rjes su dran pa'i sems bskyed pa dang / dga' bas rnam par spel ba'i lhag pa'i bsam pa dang / chos kyis yongs

  477. 239b

    su rgyas pa'i yid kyi dbang po dang / sdug bsngal gyi tshor bas dengs par mi 'gyur ba'i yid kyi dbang po dang / sdug bsngal gyi tshor ba skye ba'i mtshan nyid dang tha dad par khong du chud pa dang / tshor ba gcig nas gcig tu brgyud pa de dag thams cad mi rtag go zhes bya bar rab tu shes pa dang / byang chub sems dpas 'das pa dang / ma 'ongs pa dang / da ltar byung ba thams cad dang // rgyud kyi tshul gcig tu gyur pa'i gtong ba'i sems dang / sems can thams cad mkhyen pa nyid du bskyed pa las phyir mi ldog pa dang / byang chub sems dpa'i spyod lhag pa'i bsam pa'i rnam pas thob pa/ gzhan gyi dring mi 'jog pas dge ba'i bshes gnyen gyis bstan pa'i tshul la gnas te/ gtsug pud dang thor pag tu bcas pa mgo las phol ste yongs su gtong ba'i tshe// dge ba'i rtsa ba de 'di ltar yongs su bsngo ste/ sems cad thams cad byang chub sems dpa'i gtsug gi mchod rten du gyur te/ gtsug tor bltar mi snang bar gyur cig/ sems can thams cad sgra shin tu phra ba dang nyon mongs pa thams cad rnam par bsal cing / skra rdo rje nag po'i dam pa lta bur gyur cig/ sems can thams cad skra stug cing sla mtshams legs pa dang skra snum par gyur cig/ sems can thams cad mgo legs pa las shin tu legs par skyes pa'i sku rab tu 'jam pa dang ldan par gyur cig/ sems can thams cad sgra dga' ba 'khyil ba ltar

  478. 240a

    g.yas phyogs su 'khyil cing / dpal gyi be'u dang bkra shis kyi sgra dang ldan par gyur cig/ sems can thams cad nyon mongs pa dang nye ba'i nyon mongs pa las rnam par 'das shing / sangs rgyas kyi mtshan dang ldan pa'i sgra thob par gyur cig/ sems can thams cad phyogs bcu'i 'jig rten du 'gro ba thams cad rgyas par rang rang gi sgra las 'od zer rab tu 'gyed par gyur cig/ sems can thams cad sangs rgyas kyi dbu shin tu rnam par dag pa ltar skra shin tu mdzes par gyur cig/ sems can thams cad sems ma nyams shing sangs rgyas kyi dbu skra dang / dbu lta bur mdzes pa dang ldan pas spyi bo la gzhag pa'i mchod rten du 'ongs pa'i sgra dang ldan par cig/ sems can thams cad sangs rgyas kyi dbu ltar chags pa med pa'i sku mdzes par skyes pas/ mun pa dang rdul gyis mi chags pa dang ldan par gyur cig ces/ de ltar byang chub sems dpa' sems dpa' chen po gtsug pud dang thor pag tu bcas pa yongs su btang bas/ yang dag par bzung ba'i dge ba'i rtsa ba de dag sems can thams cad kyis sa lta bur shin tu zhi ba'i sems yongs su rdzogs par bya ba dang / thams cad mkhyen pa'i stobs bcu'i mthas gtugs par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po slong ba rnams la ji ltar byang chub sems dpa

  479. 240b

    dga' ba byed pa dang / rgyal po zla 'od dang / de ma yin pa'i byang chub sems dpa' tshad med pa gzhan dag gis gtod pa'i mig yongs su sbyangs pa'i sa dang / ye shes kyi mig yongs su sbyangs pa'i blo dang / chos kyi snang ba rab tu thob pa'i yid kyi gnas dang / bla na med pa'i sangs rgyas mngon du gyur pa'i yid kyi rnam pa dang / ma par shes pa thams cad kyi mthar thug pa'i yongs su bsngo ba dang / ye shes kyi skye mched la yang dag par btang ba'i sems dang / dus gsum gyi byang chub sems dpa' dang mnyam par byas pa'i sbyin pa dang gtong ba'i sems dang / zhe sdang ba med pa'i mig gis dad pa mi zlogs pa'i dbang dang / slong ba rnams la phan 'dogs pa'i sems dang / sangs rgyas kyi sman la gzhol bas/ byang chub sems dpa'i sems theg pa chen po dang / byams pa dang / snying rje yongs su bsgoms pa dang / dbang po drug shin tu bsdams pas slong ba rnams la mgo byin pa de bzhin du/ de yang mig yongs su gtong zhing chos de lta bu la zhugs pa'i sems kyis/ slong ba dang 'dod pa dag la sbyin pa byed cing mchod sbyin gyi don la 'jug pa dang / chos kyi mthu shin tu bskyed pa dang / 'jig rten thams cad kyi dga' bar lta ba dang / bag med pa'i srid pa rnam par zlog par byed pa dang / 'jig rten gyi dga' ba dang / 'dod pa sna tshogs marang gi dga' ba khong du

  480. 241a

    chud par byed pa dang / byang chub sems dpa'i dga' ba myong bar byed pa dang / ci bslangs pa'i dngos pos kha mi gtong bar byed pa dang / mi gnyis pa'i sbyin pa rjes su srung ba dang / rlom sems med pas shin tu sbyin pa yongs su gtong ba dang / slong ba rnams kyis dngos po ci bslangs pa sbyin par byed pa'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad 'gro ba thams cad kyi mig tu gyur te/ mig gi dam par gyur cig/ sems can thams cad ye shes kyi mdzod shin tu yangs pas nyams pa med pa'i mig tu gyur cig/ sems can thams cad snang ba mi 'phrogs pa dang ldan zhing sha'i mig rnam par dag pa yongs su grub par gyur cig/ sems can thams cad shi 'pho dang skye ba shes shing lha'i mig rnam par dag par gyur cig/ sems can thams cad de bzhin gshegs pa'i ye shes kyi rjes su 'dong zhing chos kyi mig rab tu thob par gyur cig/ sems can thams cad gtong ba thams cad rnam par ston pas shes rab kyi mig thob par gyur cig/ sem+ba can thams cad chos thams cad mngon par 'tshang rgya ba'i phyir sangs rgyas kyi sman dang ldan par gyur cig/ sems can thams cad chags pa med pa'i mig gi mthar thug ste/ kun tu lta ba'i mig dang ldan par gyur cig/ sems can thams cad sems can gyi khams

  481. 241b

    yongs su shes shing rab rib med pa'i mig dang ldan par gyur cig/ sems can thams cad stobs bcu mnga' ba'i de bzhin gshegs par phyin pas bsgribs pa med pa'i mig dang ldan par gyur cig ces/ de ltar byang chub sems dpa' sems dpa' chen po mig yongs su gtong ba na/ thams cad mkhyen pa'i tshad kyi mig gi chas/ sems can thams cad yongs su bsngo ba la nye bar 'god do/ / // shin tu rgyas pa chen po'i mdo bam po sum cu rtsa bdun pa// / 'di ltar yang byang chub sems dpa' sems dpa' chen po ji ltar rgyal po khyad par du 'gro ba dang / byang chub sems dpa' mdud pa med pa'i spyi gtsug gis yongs su btang ba bzhin du/ slong ba nye bar 'ongs pa la byang chub sems dpa'i spod pa blangs pa'i sems dang / de bzhin gshegs pa'i rigs su rigs dang ldan par byung bas/ sangs rgyas kyi rigs su byang ba'i sbyin pa'i sems dang / byang chub sems dpa' thams cad rjes su dran pa'i spyod pa la brtson pa dang / sangs rgyas kyi byang chub tu mthun par skyes pa dang / dbang po dang / ye shes dang / yon tan gyis shin tu btsun pa dang / khams gsum ma dag cing snying po med pa la snying por rab tu rtog pa dang / sangs rgyas dang byang chub sems dpa' blta ba rab tu thob pas rang gis lus la chags pa med

  482. 242a

    pa'i sems dang / gnas med pa'i sangs rgyas kyi chos thams cad rjes su dran par gnas pa dang / dul ba dang zhi ba'i sems dang / dbang po'i rgyu ba shin tu zhi bdang / 'gro ba'i mya ngan thams cad nas sems can thams cad gdon par sems pa'i ye shes 'byung ba'i shes rab dang / bsod nams kyi 'byung gnas dang / rgyud ched du brjod pa rgya mtshos gtong ba'i sems yangs par byas pa dang / don la rnam par nges pa'i chos dang / mgon po thams cad kyi lam du 'jug pa dang / chos kyi dbang phyug la ye shes kyis spyod pa dang / rang gi lus snying po med pa las snying po blang ba'i blos yongs su gtong ba'i tshe/ rna ba dang sna yongs su btang bas yang dag par bzung ba'i dge ba'i rtsa ba de 'di ltar yongs su bsngo ste/ dge ba'i rtsa ba 'dis sems can thams cad chos thams cad kyi sgra rnam par rig par bya ba la chags pa med pa'i rna ba dang ldan par gyur cig/ sems can thams cad kyis sgra thams cad skad ji lta ba bzhin du shes par bya ba'i phyir/ bsgribs pa med pa'i rna ba dang ldan par gyur cig/ sems can thams cad sangs rgyas kyi snyan dang ldan pas/ thogs pa med pa'i rna ba dang ldan par gyur cig/ sems can thams cad rna ba'i skye mched shin tu bsgoms pas/ rna ba rnam par dag par gyur cig/ sems can thams cad rnam par shes

  483. 242b

    pa zhi ba skye ba'i phyir/ bsgribs pa med pa'i rnabang ldan par gyur cig/ sems can thams cad sangs rgyas thams cad kyi gsung khong du chud pa'i phyir/ chos kyi dbyings la gzhol ba'i rna ba dang / ldan par gyur cig/ sems can thams cad bsgribs med pa'i chos rnam par rig par bya ba'i phyir/ gnas med pa'i rna ba dang ldan par gyur cig/ sems can thams cad phyir rgol ba 'jig par byed pa'i shes pa la mi phyed pa'i rna ba dang ldan par gyur cig/ sems can thams cad rna ba shin tu dag pa la dbang sgyur bas kun tu 'jug pa'i rna ba dang ldan par gyur cig/ sems can thams cad sangs rgyas kyi snyan rab tu 'thob par bya ba thob pas/ lha'i rna ba rab tu thob par gyur cig ces/ de ltar byang chub sems dpa' sems dpa' chen pos rna ba yongs su btang bas yang dag par bsdus pa'i dge ba'i rtsa ba de dag sems can thams cad kyi rna ba rnam par dag pa'i phyir yongs su bsngos nas/ sna rnam par dag pa yongs su bsngo ste/ sems can thams cad legs par mtho ba'i sna dang / dpe byad bzang po'i sna dang / mtshan bzang po'i sna dang / shin tu yid du 'ong ba'i sna dang / rnam par dag pa'i sna dang / rim gyis gzhol ba'i sna dang / mdzes pa 'phags pa'i sna dang / dgra thams cad rab tu 'dul ba'i sna dang / ngo blta na sdug pa'i sna dang / de bzhin gshegs pa sangs rgyas kyi shangs rab tu 'thob pa'i phyir yongs su

  484. 243a

    bsngo'o/ / sems can thams cad ngo la mi sdug pa med pa dang / chos thams cad kyi ngo dang / chags pa med pa'i ngo dang / blta na sdug pa'i ngo dang / mi mthun pa med pa'i ngo dang / shin tu rnam par dag pa'i ngo dang / kha na ma tho ba med pa'i ngo dang / de bzhin gshegs pa'i zhal gyi dkyil 'khor lta bu'i ngo dang / kun nas lta ba'i ngo dang / yid du 'ong zhing tshad med pa'i ngo dang ldan par gyur cig ces/ de ltar byang chub sems dpa' sems dpa' chen po rna ba dang sna yongs su btang bas yang dag par bsdus pa'i dge ba'i rtsa ba de ngag sems can thams cad la yongs su bsngo ste/ ci nas kyang sems can thams cad sangs rgyas kyi chos thams cad la rab tu 'jug par 'gyur ba dang / ci nas kyang sems can thams cad kyis sangs rgyas kyi chos thams cad shin tu 'dus par 'gyur ba dang / ci nas kyang sems can thams cad kyis sangs rgyas kyi chos thams cad shin tu shes par 'gyur/ ba dang / ci nas kyang sems can thams cad sangs rgyas kyi chos thams cad la shin tu 'jug par 'gyur ba dang / ci nas kyang sems can thams cad kyis de bzhin gshegs pa thams cad shin tu mthong bar 'gyur ba dang / ci nas kyang sems can thams cad kyis sangs rgyas kyi chos kyi sgo khong du chud par 'gyur ba dang / ci nas kyang sems can thams cad

  485. 243b

    shin tu zil gyis mi non pa'i yongs su dag pa thob par 'gyur ba dang / ci nas kyang sems can thams cad kyis sangs rgyas kyi chos thams cad la snang ba rab tu 'thob par 'gyur ba dang ci nas kyang sems can thams cad kyis sangs rgyas kyi zhing thams cad yongs su dag par 'gyur ba dang / ci nas kyang sems can thams cad de bzhin gshegs pa thams cad kyis byin gyis brlabs pa'i lus dang ldan par 'gyur ba de lta de ltar dge ba'i rtsa ba de dag yongs su bsngo'o/ / 'di ltar yang byang chub sems dpa' sems dpa' chen po skyid pa zil gyis mi non pa'i sa la gnas te/ u dum pa ra ltar shin tu dkon par sems dpa'i sems rnam par dag pa dang / gtong ba mi zad cing 'byam klas pa dang / dad cing klung sprugs te/ gtang ba'i sems dang / yongs su gtong pa'i blo mtha' yas pa dang / dul ba dang yongs su dul ba'i yid kyis gtong ba'i dbang po dang / gtong ba thams cad yongs su gtong ba'i mthar thug pa'i thams cad mkhyen pa'i smon lam dang / 'gro ba thams cad bde bar byed pa'i gtong ba'i 'bras bu dang / gtong ba chen po dang / shin tu gtong ba dang / rab tu gtong ba dang / mchog tu gtong ba'i sems kyis rang gi lus dang / yan lag dang / gdong gis kyang phan 'dogs pa dang / mi smod par gtong ba'i sems kyis rnam pa de lta bu'i chos la rab tu gnas te/

  486. 244a

    ji ltar rgyal po me tog so dang / glang po'i rgyal po mche ba drug pas so ji ltar byin pa de bzhin du rang gi lus dang / kha nas so yongs su gtong ba'i tshe/ dge ba'i ba de dag 'di ltar yongs su bsngo ste/ sems can thams cad 'gro ba kun gyis mchod rten du mchod par 'os par gyur te/ mche ba dkar zhing rno ba dang ldan par gyur cig/ sems can thams cad sangs rgyas kyi mtshan rab tu thob pas so mnyam zhing thags bzang bar gyur cig/ sems can thams cad byang chub sems dpa'i pha rol tu phyin pa la legs par zhugs shing dul ba'i sems kyis nye bar spyod par gyur cig/ sems can thams cad gdong gi dkyil 'khor blta na sdug cing kha'i nang dang so rnam par dag par gyur cig/ sems can thams cad kha dang so dpe med par rnam par dag cing bzhin dran pa'i rgyan gyis brgyan par gyur cig/ sems can thams cad so bzang po'i gseb nas spos zhim po'i mchog grangs med pa yid du 'ong ba dga' ba skyed pa'i ngad 'byung bas yongs su dag cing so bzhi bcu tshang ba dang ldan par gyur cig/ sems can thams cad shin tu dul ba'i so rab tu thob cing bkra shis dang / dga' ba 'khyil ba dang / pad+mo sna tshogs kyis mdzes pas bris pa'i so dang ldan par gyur cig/ sems can thams cad gdong gi dkyil 'khor nas tshad med pa'i 'od zer snang ba 'byung bas

  487. 244b

    'od zer bye ba khrag khrig brgya stong mtha' yas pa rab tu 'byung ba'i so dang ldan par gyur cig/ sems can thams cad kha zas la ma chags ma zhen cing kha na ma tho ba med par spyod pas sbyin pa'i gnas dam pa'i mthar thug par gyur te/ so'i thags legs shing 'bras chan kha bye ba lta bur gyur cig/ sems can thams cad byang chub sems dpa'i dam pa lung ston cing so'i gse ba kun nas 'od 'phro ba kha dog mtha' yas pa'i snang ba 'byung ba dang ldan par gyur cig ces / de ltar byang chub sems dpa' so'i sbyin pas yang dag par bsdus pa'i dge ba'i rtsa ba de dag sems can ma lus par thams cad mkhyen pa nyid du yang dag par bskyed pa dang / chags pa med pa'i rgyan gyi chos thams cad shes pa rnam par dag par bya ba'i phyir yongs su bsngo'o// 'di ltar yang byang chub sems dpa' sems dpa' chen po la lce bslangs pa na/ ji ltar rgyal po bzhin bzangs dang / byang chub sems dpa' phyir mi ldog pa dang / de ma yin pa'i byang chub sems dpa' gzhan dag gis kyang skye bas skye mched rnam pa sna tshogs dag la gnas shing / tshe rabs bye ba khrag khrig brgya stong grangs med pa de dang de dag tu yongs su btang bar gyur pa de bzhin du/ des kyang slong ba med pa de dag rgyal po la 'os pa'i seng ge'i gdan dag la bkod cing / slong bas mos pas sems kyis yid du 'ong zhing 'jam pa'i ngag dang / byams pa la

  488. 245a

    spyod pa'i sems kyi rang gi lce gtong ba'i tshe/ gshe ba'i sems med pa dang / rma med pa'i sems dang / nyams pa med pa'i sems dang / rigs chen po'i rigs dang ldan pa'i sems dang / sangs rgyas kyi rigs kyi rigs su byung ba'i sems dang / byang chub kyi sems la dgod cing gzhag pa'i sems dang / rgyud 'khrugs pa med pa'i sems dang / mthu stobs chen po'i shugs kyi sems dang / lus la chags pa med pa'i sems dang // tshig tu brjod pa la chags pa med pa'i sems su byas pus mo'i lha nga sa la btsugs shing bdag gi kha nas lce phyung ste/ lus thams cad la slong ba dbang byed du bcug nas/ tshig mnyan zhing 'jam pa dang / yid du 'ong ba dang / byams par spyod pas tshig tu brjod cing / ci nas kyang khyed dga' zhing yid bde ba dang / mgu zhing rangs par bdag gi lce long la gang du dgos pa de'i dgos pa sgrubs shig ces nas/ de lce sbyin zhing yongs su gtong ba'i tshe/ lce yongs su btang bas yang dag par bzung ba'i dge ba'i rtsa ba de 'di ltar yongs su bsngo ste/ dge ba'i rtsa ba 'dis sems can thams cad tshig gi tshul thams cad kyis shes par byed pa'i phyir/ lce shin tu yangs pa dang ldan par gyur cig/ sems can thams cad yang dag ji lta ba bzhin gyi tshig bden pa gnyis su bya ba med pa dang

  489. 245b

    ldan par gyur te/ gdong gi dkyil 'khor khebs pa'i lce dang ldan par gyur cig/ sems can thams cad sangs rgyas thams cad kyi cho 'phrul dang rnam par 'phrul pa yang dag par ston pa'i phyir sangs rgyas kyi zhing thams cad du khyab pa'i lce dang ldan par gyur cig/ sems can thams cad ro bro ba'i mchog shin tu rnam par dag pa ldan zhing / shin tu srab pa'i lce dang ldan par gyur cig/ sems can thams cad 'gro ba kun kyi tshig shes pas the tsom gcod pa'i phyir/ nges pa'i tshig gi dbyangs mtha' yas pa yod pa'i lce dang ldan par gyur cig/ sems can thams cad lce'i mdzod nas 'od zer bye ba khrag khrig brjod du med pa'i yang brjod du med pa 'gyed pa'i phyir/ snang ba mtha' yas pa 'byung ba'i lce dang ldan par gyur cig/ sems can thams cad rnam par nges pa'i spobs pa'i tshogs mi zad pas ston cing brjod pas/ tshig shin tu nges pa brjod pa'i lce dang ldan par gyur cig/ sems can thams cad spyod pa kun brjod pa tshad med pa'i mdzod kyi lce dang ldan zhing 'dul ba'i mtha' dang mnyam par sems can kun gyi tshig thams cad dang / smra ba thams cad rnam par 'grel ba'i lce dang ldan par gyur cig/ sems can thams cad spyod pa rjes su brjod pa'i tshig gi rgya mtsho thams cad la rab tu zhugs pas/ dbyangs kyi tshogs dang tshig gi rnam pa shes pa'i lce dang ldan par gyur cig/ sems can tham

  490. 246a

    cad spyod pa thams cad mngon par brjod pas ye shes kyi pha rol tu phyin pa thob cing / chos thams cad kyi tshig thams cad shin tu ston pa'i lce dang ldan par gyur cig ces de ltar byang chub sems dpa' sems dpa' chen po thams cad mkhyen pa nyid du dmigs pa'i smon lam la rab tu brtson pa de lce yongs su btang bas/ yang dag par bsdus pa'i dge ba'i de dag sems can thams cad kyis bsgribs pa med pa'i ye shes chags pa med pa yongs su rdzogs par bya ba'i phyir yongs su bsngo'o/ / 'di lta yang byang chub sems dpa' sems dpa' chen po chos thams cad kyi dam pa mgo lta bu'i ye shes la 'jug cing / sems can thams cad yongs su bskyab pa'i mgo byang chub khong du chud par byed/ pa dang / chos thams cad kyi mchog tshul gyi mgo dang ldan par bya ba'i phyir yang dag par lta ba dang / ye shes rnam par dag pa'i mgo la yang dag par lta ba dang / bsgribs pa med pa'i mgo yongs su sgrub pa dang / sa dam pa'i mgo rjes su lta ba dang / 'gro ba thams cad kyi ye shes dam pa mgo lta bu 'dod cing tshol pa dang / khams gsum pa thams cad kyis bltar med pa'i ye shes kyi mgo'i dam pa yang dag par bsgrub pa dang / phyogs thams cad du phyin pa'i ye shes kyi rgyal po'i mgo la mngon par mos par byed pa dang / chos thams cad

  491. 246b

    la dbang byed pa zil gyis mi non pa'i mgo yongs su grub par byed cing / de lta bu'i chos la spyod par brtson pa'i byang chub sems dpa' sangs rgyas kyi rigs thams cad kyi yongs su gto ba'i tshul la bslabs pa/ sangs rgyas la mos pa skyes pas dge ba'i rtsa ba rab tu thob pa/ slong ba mtha' yas pas dga' bas yongs su rgyas pa'i sems dang ldan pa yid kyi dbang po shin tu gsal ba/ rgyud rab tu dang zhing sems dang yid shin tu dang ba/ sangs rgyas kyi chos la dga' ba'i snang ba thob pa/ byang chub kyi sems bskyed pa shin tu rgya che ba/ rgyun mi 'chad par sems pa/ gtong ba chen po gtong ba// shin tu gco ba gtong ba'i yid dang ldan pa/ dbang po shin tu dga' bas nye bar brtan pa'i chos can lhag pa'i bsam pa yangs shing dag la rgya che bas sbyin pa gtong bar mngon par 'dod pa/ de ji ltar byang chub sems dpa' ye shes mchog dang / skyes bu dam pa ka shi'i rgyal po dang / de ma yin pa'i byang chub sems dpa' sems dpa' chen po gzhan grangs med pa dag kyang mgo yongs su gtong bar gyur pa de ltar mgo gtong ba'i tshe/ mgo yongs su gtang bas yang dag par bsdus pa'i dge ba'i rtsa ba de 'di ltar/ sems can thams cad kyis sangs rgyas kyi dbu rab tu thob par bya ba'i phyir yongs su bsngo'o// spyi gtsug bltar mi snang ba dang / skye mched zil gyis mi non pa dang / zhing thams cad

  492. 247a

    du mngon par 'phags pa dang / bum pa rgyas pa dang / dga' ba 'khyil ba dang / sra dang mgo'i 'od dang / 'od zer sna tshogs kyis rnam par brgyan pa dang / 'ji rten thams cad du rmad du byung ba dang / dpal gyi be'us brgyan pa dang / sangs rgyas kyi dbu dang ldan pa dang / ye shes kyi mgo rtogs par bya ba dang / 'gro ba thams cad kyi mchog tu phyin pa'i mgo dang ldan pa dang / mgo rnam par dag pa dang / ye shes kyi dkyil 'khor gyi mgo yong su rdzogs par bya ba'i phyir yongs su bsngo ste/ de ltar byang chub sems dpa' sems dpa' chen po mgo yongs su gtong ba'i tshe/ dge ba'i rtsa ba de dag 'di ltar 'gro ba thams cad kyis chos kyi mchog yongs su rdzogs pa dang / ye shes kyi yan lag dam pa rab tu thob par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po slong ba rnams la dad pa'i lag pa thog mar 'gro ba dang / phan 'dogs pa'i tshul dang chos la spyod pa la brtson par 'gro zhing ldog pa dang / rin po che'i lag pa thog mar 'gro bas lag pa gtong dang / spyod pa don yod par byang chub sems dpa'i lam la spyod pa dang / lag shin tu brkyang zhing gtong ba'i sems ma 'khums pa dang / rim par spyod pa'i tshul shin tu nges pa dang / byang chub sems dpa' seng ge'i rtsal gyis spyod cing lag pa yangs pa gtong

  493. 247b

    ba la mos pas lag pa yongs su gtong ba dang / tshul gyi gzhi chen po rab tu brtan pa la spyod pa'i byang chub sems dpa'i yi dam dang / tshor bas ma nyams pa'i blo dang ba dang / 'gro ba ma yin par 'gro ba las phyir log pa'i 'gro bas byang chub 'byung bas/ de ji ltar byang chub sems dpa' rtag tu brtson pa dang / rgyal po dga' ldan dang / de ma yin pa'i byang chub sems dpa' sems dpa' chen po gzhan tshad med pa dag kyang skye ba'i skye gnas sna tshogs dag na gnas shing / lag pa yongs su gtong bar gyur pa de ltar/ byang chub sems dpa' sems yang shing rgya che ba tshad med pa dang ldan pa/ sangs rgyas rgya mtsho mthong bar gyur pa/ chos kyi rgyud kyi sgo rnam par phye ba/ 'jig rten gyi khams thams cad du khyab par gtong ba'i lag pa dang ldan pa/ thams cad mkhyen pa'i byang chub yang dag par 'dzin pa'i smon lam can/ sems bskyed pa rdul med pa dang 'grogs pas kun nas bskor ba med pa/ ye shes dang chos kyi lus rgyun mi 'chad pa/ mi shigs mi chod pa'i lus dang ldan pa/ bdud kyi las thams cad kyis mi skul ba/ dge ba'i bshes gnyen gyis nye bar brtan pas sems sbrel ba/ byang chub sems dpa' thams cad kyis spyad pa dang gcig tu gyur pa'i gtong bas byung ba de/ slong ba la rkang lag gi sbyin pa byed cing yongs su gtong ba'i tshe/ dge ba'i rtsa ba de dag sems

  494. 248a

    can thams cad la 'di ltar yongs su bsngo ste/ thams cad mkhyen pa nyid du dmigs te/ rkang lag yongs su btang ba yongs su byin pa 'di la dge ba'i rtsa ba ci yod pa de dag 'di ltar sems can thams cad la yongs su bsngo'o/ / dge ba'i rtsa ba 'dis sems can thams cad rdzu 'phrul gyi rkang pa thob cing rin po che'i lag pa dang ldan par gyur cig/ de dag rin po che'i lag pa des sems can thams cad la smin pa'i gnas kyi 'du shes rab tu thob ste/ phan tshun gyi lus la rin po ches 'thor bar gyur cig/ mngon par 'thor bar gyur cig/ rab tu 'thor bar gyur cig/ sangs rgyas kyi zhing thams cad du khyab pa'i rin po che'i rgyan gyi sprin gyis sangs rgyas thams cad mchod par gyur cig/ sems can de dag thams cad kyang phan tshun du zhe sdang ba med pa'i sems dang ldan zhing / phan tshun byams pa'i sems dang ldan par gyur cig/ de dag sangs rgyas kyi zhing thams cad kyi rjes su 'dong zhing 'jigs pa med pa la gnas te mngon par 'du bya ba med pa'i phyir/ thams cad lag na rin po che thogs pa dang / lag na spos thogs pa dang / lag na gos thogs pa dang / lag na gdugs thogs pa dang / lag na 'phreng ba thogs pa dang / lag na me tog thogs pa dang / lag na phye ma thogs pa dang / lag na lhab lhub thogs pa dang / lag na me tog mtha' yas pa thogs par gyur cig/ kun

  495. 248b

    nas sgo dang ldan pa'i thabs la gnas shing / sangs rgyas thams cad la mchod par brtson pa'i sems dang / sangs rgyas kyi zhing kun tu 'gro ba'i rdzu 'phrul dang / sangs rgyas kyi zhing tham cad du thogs pa med pa'i lag pa dang / 'gro ba thams cad yang dag par 'dzin pa'i rdzu 'phrul dang / cho 'phrul gyi lag pa mtshan bzang po dang ldan pa'i lag pa dang / 'od zer gyi mdzod/ mtha' yas pa'i dkyil 'khor rab tu gtong ba'i lag pa dang / 'gro ba thams cad lag mthil gcig gis yog par byed pa'i lag pa dang / dra bar 'brel cing sen mo zangs ltar 'dug pa'i lag pa dang / sangs rgyas kyi phyag shin tu yangs pa dang ldan pas/ sangs rgyas thams cad la mchod pa byed par gyur cig ces/ de ltar byang chub sems dpa' sems dpa' chen po yon tan rgya mtsho thams cad la rab tu zhugs pa'i sems bskyed pa dang / khas len pa'i ngang tshul can dang / slong ba thams cad la mngon par mos shing 'dod pas/ dga' ba dang / spro ba dang / dad pa chen po rab tu thob pa dang / slong ba 'bod par ston pa dang / sangs rgyas kyi chos rgya mtsho thams cad kyi rjes su zhugs pa'i de bzhin gshegs pa'i dge ba'i rtsa ba thams cad dang rgyud kyi tshul gcig tu gyur pas rkang lag yongs su gtong ba byed cing / 'gro ba thams cad kyi byang chub tshol ba'i tshe/ rkang lag yongs su btang bas yang dag par

  496. 249a

    bsdus pa'i dge ba'i rtsa ba de dag 'di ltar thams cad gtong ba'i don du yongs su bsngo'o/ / 'di ltar yang byang chub sems dpa' sems dpa' chen po thams cad mkhyen pa'i bsam pa dang / sems dang yid du ldan pa/ byang chub kyi sems kyis rab tu dga' ba/ byang chub sems dpa'i spyod pa la mngon par dad pa'i sems dang ldan pa/ tshor bas dengs par mi 'gyur ba'i sems dang ldan pa/ slong ba thams cad la mngon pa mos pa'i sems dang ldan pa/ len pa thams cad la zhe mi ldang ba'i sems dang ldan pa/ byang chub sems dpa' thams cad kyi gtong ba'i lam du rab tu zhugs pa'i sems dang ldan pa/ byang chub sems dpa' thams cad kyi gtong bas sbyin par bya ba'i rjes su srung ba'i sems dang ldan pa/ byang chub sems dpa'i sbyin pa rgya chen pos btang ba shin tu gtong ba'i sems dang ldan pa/ phyir mi ldog pa'i sems rgyun mi 'chad pa dang ldan pa bdag gi lus la 'phangs par mi lta ba'i sems dang ldan pa de ji ltar byang chub sems dpa' chos kyi 'byung gnas dang / rgyal po yid bde bar sems pa dang / de ma yin pa'i byang chub sems dpa' sems dpa' chen po gzhan grangs med pa dag kyang skye ba'i skye gnas de dang dag la gnas shing / khrag yongs su gtong bar gyur pa de ltar slong ba rnams la rang gyi lus

  497. 249b

    kyi khrag gtong ba'i tshe/ khrag yongs su btang bas yang dag par bsdus pa'i dge ba'i rtsa ba de 'di ltar yongs su bsngo ste/ dge ba'i rtsa ba 'dis sems can thams cad chos dang ye shes/ kyi lus dang ldan zhing / byang chub sems dpa'i lus phun sum tshogs pa dang ldan par gyur cig/ sems can thams cad rdo rje'i snying po dang 'dra bar dge sbyong gi lus dang ldan par gyur cig/ sems can thams cad lus nyams pa med cing dag pa dang ldan te/ lus la rmi med par gyur cig/ sems can thams cad 'jig rten kun gyis mi 'phrogs pa'i sems dang ldan zhing / sprul pa lta bu'i lus dang ldan par gyur cig/ sems can thams cad 'od dang ba'i lus nyams pa med pa dang ldan zhing / yid du 'ong ba'i lus dang ldan par gyur cig sems can thams cad de bzhin gshegs pa'i sku mi gnas pa dang ldan zhing / chos kyi dbyings su mngon par skyes pa'i lus dang ldan par gyur cig/ sems can thams cad gzhan thams cad la rim gro byed pa'i lus dang ldan zhing / rin po che lta bu'i 'od yod pa'i lus dang ldan par gyur cig/ sems can thams cad 'chi ba med pa'i dbyings su chos kyi skyid pa la dbang sgyur ba'i lus dang ldan zhing / ye shes dam pa'i lus dang ldan par gyur cig/ sems can thams cad 'gro ba kun gyis blta na don yod par skyes pas/ rin po che rgya

  498. 250a

    mtsho lta bu'i lus dang ldan par gyur cig/ sems can thams cad 'jig rten kun gyi gtse bas gos pa med cing / bar snang gi rang bzhin gyi lus dang ldan par gyur/ cig ces/ de ltar byang chub sems dpa' sems dpa chen po rang gi lus las khrag gi sbyin pa byed pa'i tshe/ ye shes kyi theg pa dang / theg pa chen po la rab tu gzhol ba'i sems kyis dge ba'i rtsa ba de yongs su bsngo'o/ / dag pa'i yid kyis yongs su bsngo'o// yangs pa'i yid kyis yongs su bsngo'o// dga' ba'i yid kyis yongs su bsngo'o// rangs pa'i yid kyis yong su bsngo'o/ / spro ba'i yid kyis yongs su bsngo'o// zhum pa med pa'i yid kyis yongs su bsngo'o// bde ba'i yid kyis yongs su bsngo'o// dang ba'i yid kyis yongs su bsngo'o/ / mgu ba'i yid dang / rab tu dga' ba'i yid dang / yid bde zhing rangs pa skye bas dge ba'i rtsa ba de yongs su bsngo'o// 'di ltar yang byang chub sems dpa' sems dpa' chen po gtong ba'i sems gzhal du med pa'i dga' bas rnam par 'phel ba dang / byang chub sems dpa' dang / mkhas pa'i skye bos bsten pa'i zla med pa'i dge ba'i rtsa ba dang / lhag pa'i bsam pa dam 'jig rten gyi dri ma bsal ba dang / slong ba thams cad kyis zad par mi nus pa'i nang gi lus nye bar blangs pa'i yongs su

  499. 250b

    gtong ba dang / yon tan rin po ches yang dag par blangs pa'i dge ba 'byam klas pa dang / byang chub sems dpa' thams cad kyi yi dam gyis nye bar blangs pa'i sbyin pa'i tshogs chen po dang / slong ba thams cad kyi yid kyis 'dod par bsams pa btang yang 'gyod pa med pa'i sems dang / sbyin pa la dmigs pa'i dngos pos shin tu brtags pa'i las kyi rnam par smin pa'i rten dang / len pa rnams la sbyin pa yongs su gtong ba'i sems nyams pa med pa dang / sangs rgyas thams cad mngon du gyur pa pha lta bu'i 'du shes su mngon par 'dzin pa dang / 'gro ba thams cad la mngon du gyur pa'i sems can thams cad rnam par dag pa la gnas pa dang / 'jig rten gyi khams thams cad mngon du gyur pa'i sangs rgyas kyi zhing gi rgyan thams cad dang / 'gro ba thams cad la mngon du gyur pa'i snying rje chen pos yongs su skyob pa dang / sangs rgyas thams cad kyi byang chub la mngon du gyur pa'i stobs bcu rnam par spyod pa dang 'das pa dang / ma 'ongs pa dang / da ltar byung ba'i byang chub sems dpa' thams cad mngon du gyur pa'i dge ba'i rtsa ba mthun pa yongs su rdzogs par bya ba dang / mi 'jigs pa thams cad mngon du gyur pa'i khyu mchog dang / seng ge'i nga ro bsgrags pa dang / dus gsum mngon du gyur pa'i dus thams cad mnyam pa nyid kyi ye shes dang / dus gsum thams cad mngon

  500. 251a

    du gyur pa'i phyi ma'i mtha'i bskal par thug par zhe non pa'i byang chub sems dpa'i smon lam dang / yongs su yi 'chad pa med pas mngon du gyur pa'i sems bskyed/ pa grangs med pas/ de ji ltar byang chub sems dpa' phan pa tshol ba dang / rgyal po thams cad gtong ba dang / de ma yin pa'i byang chub sems dpa' sems dpa' chen po gzhan grangs med pa ngag kyang skye ba'i skye mched sna tshogs dag na gnas shing / sha dang rkang yongs su gtong ba de ltar spong ba rnams la lus las sha dang rkang yongs su gtong ba'i tshe/ sha dang rkang yongs su btang bas yang dag par bsdus pa'i dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad rdo rje snying po ltar mkhregs pa'i yan lag dang ldan zhing / mi shigs pa'i lus dang ldan par gyur cig/ sems can thams cad gseb med pa'i lus rab tu thob pas/ gsepa ma yin pa'i lus dang ldan par gyur cig/ sems can thams cad yid kyi rang bzhin gyi lus rnam par dag pa dang ldan zhing / sangs rgyas kyis brgyan pa'i lus dang ldan par gyur cig/ sems can thams cad mtshan sum cu rtsa gnyis kyis lus shin tu grub pas/ bsod nams brgya pa'i mtshan gyi lus dang ldan par gyur cig/ sems can thams cad de bzhin gsheg pa'i stobs bcu tha mi dad cing

  501. 251b

    ma nyams pa dang ldan te/ dpe byang bzang po brgyad cus rnam par bris pa'i lus dang ldan par gyur cig/ sems can thams cad de bzhin gshegs pa'i sku rab tu thob pas/ mtha'i las 'das pa tshad med pa'i lus dang ldan par gyur cig/ sems can thams cad bdud thams cad kyi dkrugs ma rab tu 'joms pas kun tu khyab pa'i spyod lam dang ldan zhing / thub pa med pa'i lus dang ldan par gyur cig/ sems can thams cad 'das pa dang / ma byon pa dang / da ltar byung ba'i sangs rgyas thams cad dang lus gcig par gyur cig/ sems can thams cad nam mkha'i dbyings kun tu chos kyi skus khyab par byed pa'i phyir/ chags pa med pa'i lus mngon par grub par gyur cig/ sems can thams cad 'gro ba thams cad shong ba'i lus dang ldan zhing / byang chub kyi lus dam pa dang ldan par gyur cig ces/ de ltar byang chub sems dpa' sems dpa' chen po thams cad mkhyen par dmigs pa'i sems dang ldan pa slong ba la sha dang rkang yongs su gtong ba'i tshe/ dge ba'i rtsa ba de dag sems can thams cad kyi sku mtha' las 'das pa tshad med pa rnam par dag pa rab tu thob par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po sbyin pa'i rgyud la bslabs pa'i sems dang ldan pa/ sbyin pa thams cad byin pas

  502. 252a

    spyod pa'i sems dang ldan pa/ sbyin pa'i pha rol tu phyin pa chen po thob pa'i sems dang ldan pa/ pha rol tu 'gro ba'i sbyin pa grub pa'i sems dang ldan pa/ byang chub sems dpa' thams cad kyis byin pa'i rjes su bslabs pa'i sems dang ldan pa/ sbyin pa dang yongs su gtong ba thams cad kyi zad mi shes pa'i sems dang ldan pa/ sbyin pa'i gnas thams cad la shin tu gnas pa'i sems dang ldan pa/ byang chub sems dpa' thams cod kyi sbyin pa'i las la rab tu gnas pa'i sems dang ldan pa/ sangs rgyas thams cad yid la bya bas mngon du gyur pa'i gtong ba'i sems dang ldan pa/ slong ba thams cad rgyun mi 'chad par rgyu ba rab tu mchod pa'i sems dang ldan pa de ji ltar byang chub sems dpa' yongs su skyo ba med pa dang / rgyal po g.yo ba med pa dang / de ma yin pa'i byang chub sems dpa' sems dpa' chen po gzhan grangs med pa dag gis kyang snying yongs su btang bar gyur pa de ltar slong ba kun nas 'ongs pa rnams kyis bslangs shing / rang gi lus las snying yongs su gtong zhing sbyin pa byed pa dang / spong ba dang / thob par byed pa dang / lhag pa'i bas pa rnam par sbyong ba dang / 'gro ba thams cad rab tu dgrol ba'i phyir stobs bcu'i byang chub la dmigs par byed pa dang / smon lam chen pos nan tan du byed pa dang / byang chub sem

  503. 252b

    dpa'i spyod pa la yang dag par gnas pa dang / smon lam yongs su mi gtong bas sbyin pa byed pa'i tshe/ dge ba'i rtsa ba de dag sems can thams cad la 'di ltar yongs su bsngo ste/ sems can thams cad rdo rje'i rang bzhin lta bus yongs su bzung ba'i snying dpal gyi be'us brgyan pa dang ldan zhing / rdo rje'i ri khor yug thams cad ltar mi shigs shing / rdo rje'i snying po lta/ bu'i snying dang ldan pa dang / bag tsha ba med pa'i snying dang / thub par dka' ba'i snying dang / 'jig rten thams cad kyis mi 'phrogs pa'i snying dang / dpa' ba'i rgyal mtshan ye shes kyi snying po can gyi snying dang / mthu bo che chen po dam pa'i sems kyi rgyal mtshan can gyi snying dang / 'gro ba thams kyi gtso bo lta bur mi 'phrogs pa'i snying dang / mthu bo che ltar mi shigs pa'i snying po can gyi snying dang / bdud kyi las dang / bdud kyi dpung dang / bdud kyi sde rnam par 'joms pa'i snying dang / brtan pa'i snying dang / gzengs mtho ba'i snying dang / dpa' ba'i snying dang / rtul bong pa'i snying dang / mi 'jigs/ mi sdang / skrag par mi 'gyur ba'i snying dang / rdo rje'i go cha chen po yang dag par bgos pa'i snying dang / shin tu 'atsun pa'i byang chub sems dpa' snying dang / sangs rgyas kyi chos yongs su rdzogs pas byang chub snang bar gyur pa'i snying dang / byang chub kyi shing drung du 'dug nas/ sangs rgyas kyi chos thams cad rjes su rtogs shing

  504. 253a

    rmongs pa med par thams cad mkhyen pa nyid du mngon par 'tshang rgya ba'i snying dang / stobs bcu mngon par byang chub pa rab tu 'thob pa'i snying dang ldan par gyur cig ces/ de ltar byang chub sems dpa' sems dpa' chen po snying gi sbyin pas yang dag par bzung ba'i dge ba'i rtsa ba de dag/ sems can thams cad 'gro ba thams cad kyis gos pa med pa'i stobs bcu mnga' ba'i thugs phun sum tshogs pa yongs su rdzogs pa dang ldan par yongs su bsngo'o/ / 'di ltar yang byang chub sems dpa' sems dpa' chen po slong ba mngon par dad par byed pa'i lta ba dang / gsal zhing dga' bar byed pa'i mig dang / byang chub dang mnyam par bya ba'i byams pa dang / ci 'dod pas slong ba phu dud du bya ba'i sbyin pa dang / rgyun mi 'chad par yid la byed pa'i gtong ba dang / lus la snying po med par rtogs pas snying po blang ba'i sems dang bar 'gyur ba'i lus rjes su dran pa yid la byed pa dang / spang ku dang / wa dang / khyis bza' bar gyur pa'i lus su rab tu rtog pa dang / gzhan la rag lus shing lus mi rtag par yid la byed pa dang / lus kyi rgyus thams cad khong du chud pa dang / gzhan la dang / pa'i sems dang / de lta bu'i chos de dag yid la bya ba la brtson pa de ji ltar byang chub sems dpa' legs par byin pa dang / rgyal po sdig pa bsal ba dang / de ma yin pa'i byang chub sems

  505. 253b

    dpa' sems dpa' chen po gzhan grangs med pa dag gis kyang slong ba rnams la rgyu ma dang / mchin pa dang / mkhal ma dang / glo ba yongs su btang bar gyur pa de ltar rgyu ma dang / mchin pa pa dang / mkhal ma dang / glo ba yongs su gtong ba'i tshe/ byang chub sems dpa' slong ba de dag la mi 'gebs pa'i mig gis lta zhing 'di ltar sems bskyed do// 'di ltar bdag gi lus mi rtag cing 'di ltar mi gtsang na/ 'on kyang rgyu ma dang / mchin pa dang / mkhal ma dang / glo ba lta bu dag kyang slong ba dag la dgos pa ltas sbyin par bya'o zhes/ de lta bur yid la byed cing dga' ba'i rgyud dang / de ltar chos nyid shes pa'i bsam pa dang / slong ba mthong ba dge ba'i bshes gnyen du 'jushes pa'i byin gyis rlabs kyis lus snying po med pa de las snying po blang bar 'dod de/ de lta bur yid la byed cing rab tu rtog pa dang ldan pa'i sems kyis rgyu ma dang / mchin pa dang / mkhal ma dang / glo ba de dag yongs su gtong ba'i tshe/ dgra ba'i rtsa ba de dag sems can thams cad la 'di ltar yongs su bsngo ste/ rgyu ma dang / mchin pa dang / mkhal ma dang / glo ba yongs su btang bas yang dag par bsdus pa'i dge ba'i rtsa ba 'dis sems can thams cad ye shes kyi snying po'i lus dang ldan zhing / lus kyi phyi nang shin tu gtsang zhing dag par gyur cig/ sems can thams cad thams cad mkhyen pa'i smon lam yang dag

  506. 254a

    par 'dzin pa'i phyir/ ye shes kyi lto dang yang dag par ldan par gyur cig/ sems can thams cad nang spos zhim po'i mchog thams cad dang ldan zhing / phyi rol tu 'od zer rab tu 'gyed pas blta na bzang ba'i lus dang ldan par gyur cig/ sems can thams cad rim gyis gzhol zhing mnyam pa'i lus kyi yan lag dang ldan te/ gzhu lta bu'i lto dang ldan pa'i lus su gyur cig/ sems can thams cad sangs rgyas kyi chos kyi dga' bas lus shin tu bskyed pas/ lus chos kyi zas dang ye shes kyis gso bar gyur cig/ sems can thams cad dga' ba'i lus dang chos kyi lus kyis yang dag par spong pas/ zad mi shes pa'i lus dang ldan par gyur cig/ sems can thams cad so so yang dag par rig pa'i chos snang ba dang/ ldan pas/ gzungs kyi snying pos lus kyi nang rnam par dag par gyur cig/ sems can thams cad nang gi bsam pa'i rgyud shin tu sbyangs pas/ lus yongs su dag pa dang ldan par gyur cig/ sems can thams cad ye shes kyis ngoms par byed pa'i chos kyi sprin gyi char rab tu 'bebs pas/ de bzhin gshegs pa'i sku dang ye shes kyi rnal 'byor khong du chud par gyur cig/ sems can thams cad phyi rol gyi lus 'gro ba thams cad la ye shes kyi rgyal mtshan mdzes shing snang bar gyur pas/ nang gi lus dag cing zhi bar gyur cig ces/ de ltar byang

  507. 254b

    chub sems dpa' sems dpa' chen po rgyu ma dang / mchin pa dang / mkhal ma dang / glo ba de dag rang gi lus las slong ba rnams la yongs su gtong ba'i tshe/ dge ba'i rtsa ba de dag sems can thams cad kyi lus phyi nang yongs su dag cing bsgribs pa med pa'i ye shes la rab tu 'khod pa thob par bya ba'i phyir yongs su bsngo'o/ / 'di ltar yang byang chub sems dpa' sems dpa' chen pos ji ltar byang chub sems dpa' chos kyi 'byung gnas dang / rgyal po skar ma'i 'od dang / de ma yin pa'i byang chub sems dpa' sems dpa' chen po gzhan ngag gis kyang yan lag dang / nying lag dang / rus pa slong ba rnams la yongs su btang bar gyur pa de ltar yan lag dang / nying lag dang / rus pa bslangs na slong ba rnams la gtong ba'i tshe/ slong ba mthong ma thag tu sems dga' ba dang / sems mos pa dang / sems dad pa dang / sems rab tu spro ba dang / sems thar pa dang / byams pa'i sems dang / chags pa med pa'i sems dang / dag pa'i sems dang / slong ba rnams la rim gror bya ba'i sems rab tu 'thob ste/ de yan lag dang / nying lag dang / rus pa de dag bslangs pas slong ba la yongs su gtong ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ rang gi lus kyi yan lab dang / nying lag dang / rus pa yongs su btang bas yang dag par bsdus pa'i dge

  508. 255a

    ba'i rtsa ba 'dis sems can thams cad rus pa dang / sha dang / khrag med pa'i lus dang ldan zhing / sprul pa lta bu'i lus can du gyur cig/ sems can thams cad lus la thub pa med cing zil gyis mi non pas/ rdo rje lta bu'i stobs kyi lus dang ldan par gyur cig/ sems can thams cad chags pa med cing grol ba dang bcings pa med pa'i ye shes kyi lus kyis byung ste/ thams cad mkhyen pa'i stobs dang chos su ldan pa'i lus phun sum tshogs par gyur cig/ sems can thams cad dbang po tha mi dad cing gcad du med pa rab tu thob pas/ ye shes kyi stobs kyi lus dang ldan par gyur cig/ sems can thams cad ye shes kyi stobs dang dbang gi pha rol tu phyin pa thob pas/ chos kyi stobs kyi lus dang ldan par gyur cig/ sems can thams cad lus shig shig po med pas/ yan lag shin tu brtan pa'i lus dang ldan par gyur cig/ sems can thams cad 'gro ba kun yongs su smin par byed cing 'dul ba la zhugs pas/ 'gro ba thams cad ji ltar mos pa'i lus dang yan lag gi byin gyi rlabs dang ldan par gyur cig/ sems can thams cad mthu bo che'i yan lag dang nying lag yang dag par zin pas/ stobs chen po dang ldan zhing ye shes la gnas pa'i lus dang ldan par gyur cig/ sems can thams cad chad cing dub pa med pa'i lus rab

  509. 255b

    tu thob pas/ shin tu brtan par lus kyi rgyud 'brel ba dang ldan par gyur cig/ sems can thams cad mthu dang brtson 'grus chen po dang ldan pa'i lus kyi shin tu brtan zhing stobs dang ldan par gyur cig/ sems can thams cad mtha' yas pa'i ye shes kyi khyu mchog gi mthu 'byin pa'i lus dang ldan zhing / chos kyi lus kyis 'gro ba thams cad du rnam par brgyan pa'i lus dang ldan par gyur cig/ sems can thams cad kha na ma tho ba med cing blta na don yod pa dang ldan te/ bsod nams kyi stob kyi lus ldan par gyur cig/ sems can thams cad gnas med pa'i ye shes kyi mthar thug ste gnas pa'i lus dang ldan par gyur cig/ sems can thams cad sangs rgyas thams cad kyis bsam pa byin gyis brlabs pa dang ldan zhing / sangs rgyas kyis yongs su bzung ba'i lus dang ldan par gyur cig/ sems can thams cad thams cad du 'gro ba'i lam gyi lus kyi rjes su song bas/ 'gro ba thams cad la phan 'dogs pa'i lus dang ldan par gyur cig/ sems can thams cad sangs rgyas kyi chos thams cad la phyir phyogs pa med cing mngon par lta ba'i snang bas/ sgo kun nas blta ba'i lus dang ldan par gyur cig/ sems can thams cad thams cad mkhyen pa'i theg pa la spyod pa brtsams pa mthar phyin par bya ba la brtson pas/ brtson 'grus dang ldan pa'i lus phun sum tshogs par gyur cig/ sems can

  510. 256a

    thams cad ye shes brtan par gnas pa thob pas/ nga rgyal dang / rlom pa dang / dregs pa thams cad rgyun 'chad cing rnam par dag pa'i lus dang ldan par gyur cig/ sems can thams cad thams cad mkhyen pa'i theg pa la yang dag pa ji lta ba bzhin du las grub par gyur pas/ brtul zhugs dam pa'i lus dang ldan par gyur cig/ sems can thams cad 'jig rten du skyes pa'i lus thams cad las rnam par 'das shing / de bzhin gshegs pa'i dge bas byung ba'i lus su gyur cig ces/ de ltar byang chub sems dpa' sems dpa' chen po yan lag dang / nying lag dang / rus pa de dag slong ba rnams la yongs su gtong ba'i tshe/ dge ba'i rtsa ba de dag sems can thams cad kyis thams cad mkhyen pa'i ye shes grub par bya ba dang / shin tu rnam par dag pa'i phyir yongs su bsngo'o// 'di ltar yang byang chub sems dpa' sems dpa' chen po rang gi lus las slong ba dag gis mdog dang ldan pa'i pags pa bslangs pa'i tshe/ mtshon cha thogs pa'i slong ba mthong yang dga' bar byed pa'i dbang pos slong ba la lta zhing slong ba rnams la drin du gzo ba'i 'du shes nye bar bzhag nas/ legs par bting ba'i stan la slong ba rnams bkod de/ slong ba rnams la rim gro'i 'du shes nye bar gzhog pa dang / len pa rnams la shin tu dkon pa'i 'du shes

  511. 256b

    yang dag par bskyed pa dang / thams cad mkhyen pa'i gzhi gyur pa smon par bya ba yang dag par mthong bar sems shing / slong ba rnams la phan 'dogs pa'i sems kyis rto cing 'dzum pa dang ldan par lta bas slong ba rnams la lta zhing tshur shog/ long zhig ces bya ba'i tshig brjod pa dang / slong ba rnams la bdag nyid ci dga' bar bya bar gtong ba'i// ji ltar byang chub sems dpa' dag pa'i snying po dang / ri dgas kyi rgyal po gser gyi rtsib logs ltar mdog dang ldan pa'i pags pa slong ba rnams la yongs su gtong ba'i tshe// dge ba'i rtsa ba de dag sems can thams cad la 'di ltar yongs su bsngo ste/ sems can thams cad de bzhin gshegs pa'i yon tan gyis mi ngoms shing rnam par dag pas shin tu 'jam pa'i mdog dang ldan par gyur cig/ sems can thams cad rdo rje'i mdog thub par dka' ba'i kha dog dang ldan zhing ma 'dres pa'i kha dog dang ldan par gyur cig/ sems can thams cad 'dzam bu chu klung gi gser gyi snying po ltar dag cing gser gyi mdog dang ldan par gyur cig/ sems can thams cad bsam pa ji lta ba bzhin du kha dog rnam par spang bas dag cing kha dog mtha' yas pa'i mdog dang ldan par gyur cig/ sem can thams cad dge sbyong de bzhini gshegs pa shin tu gzhon pa'i kha dog gis rnam par dag cing / rnyog pa med cing dang

  512. 257a

    ba'i kha dog dang mdog gi mchog dang ldan par gyur cig/ sems can thams cad rang bzhin gyis kha dog rnam par dag cing / kha dog dang mdog gi dam pa dang ldan par gyur cig/ sems can thams cad mtshan dang dpe byad bzang pos rnam par bres shing sangs rgyas kyi kha dog rnam par dag pas mdog dang kha dog shin tu rnam par dag par gyur cig/ sem+ba can than cad kha dog dang mdog bzang po phun sum tshogs shing / 'gro ba kun tu mdog gi snang ba rab tu 'gyed par gyur cig/ sems can thams cad 'jig rten gyi khams thams cad du 'od zer gyi dkyil 'khor brjod du med pa rnam par 'gyed pa'i rgyal mtshan dang ldan zhing / mdog 'od zer gyi dra ba can dang ldan par gyur cig/ sems can thams cad gzugs thams cad kyi kha dog rnam par dag ste/ mdog dang kha dog shin tu snum pa dang ldan par gyur cig ceg/ de ltar byang chub sems dpa' sems dpa' chen po rang gi lus las mdog dang ldan pa'i pags pa slong ba rnams la yongs su gtong ba'i tshe/ dge ba'i rtsa ba de dag sems can thams cad kyi sangs rgyas kyi zhing rnam par dag par 'gyur ba dang / de bzhin gshegs pa'i yon tan thams cad dang ldan par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po sems la phyin ci log med pa/ bzhin 'dzum pa can/ yid bde ba

  513. 257b

    thob pa/ theg pa chen po la legs par gnas pa grags pa 'dod pa med pa'i sbyin pa can/ snying thag pa nas sbyin pa la gnas pa gtong ba dang / gtong ba chen po la yid rab tu zhugs pa 'jungs pa'i dri ma la mi gnas pa'i sems dang ldan pa/ phrag dog dang 'jungs pa'i dri ma dang bral ba/ de bzhin gshegs pa'i gsung la rab tu zhugs pa de/ ji ltar byang chub sems dpa' lta ba'i brtson 'grus dang / 'dzam bu gling gi bdag po gser gyi 'od dang / de ma yin pa'i byang chub sems dpa' tshad med pa gzhan dag gis kyang sor mo rnams yongs su btang bar gyur pa ltar/ slong ba la rkang lag gi sor mo yongs su gtong ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ sor mo byin pa dang / ci bslangs pa'i dngos po btang bas yang dag par bsdus pa'i dge ba'i rtsa ba 'dis/ sems can thams cad sangs rgyas kyi phyag sor thob par gyur te/ sor mo ring bar gyur cig/ sems can thams cad sor mo rim gyis gzhol bar legs par grub pas/ sor mo zlum pa dang ldan par gyur cig/ sems can thams cad sen mo gang ba'i sor mo rnam par dag pa dang ldan zhing / sen mo zad kyi kha dog lta bu'i sor mo dang ldan par gyur cig/ sem+ba can tham cad chos thams cad 'dzin par brtson pa'i sor mo dpe byad bzang po dang ldan zhing / skyes bu dpa' bo tham cad mkhyen pa'i sor mo dang ldan par gyur cig/ sam+ba can thams cad stobs bcu'i

  514. 258a

    phyag sor dang ldan par gyur te/ dpe byad bzang pos grub pa'i sor mo dang ldan par gyur cig/ sems can thams cad shin tu sbyangs pa'i sor mo tshul dang mthun par skyes pas/ sor mo'i dam pa dang ldan par gyur cig/ sems can thams cad sor mo'i chos nyid kyi yan lag dang / bum pa gang ba dang / bkra shis kyis rnam par mdzes pa dang ldan zhing / sor mo'i rtse mo la 'khor lo yod pa'i sor mo dang ldan par gyur cig/ sems can thams cad stobs bcu'i phyag sor 'phrin las kyi rnam par smin pa rgyu mthun pas byung ba lta bu dang ldan zhing / pad+mo bzang po dang dga' ba 'khyil bas sor mo thams cad kyi tshigs dang yan lag shin tu rgyan cing / dpe byad bzang pos mdzes par rnam par phye ba'i rgyan gyis brgyan pa'i sor mo dang ldan par gyur cig/ sems can thams cad sangs rgyas kyi zhing brjod du med pa snang bar bya ba la brtson zhing / 'od zer gyi dra ba'i mdzod rab tu 'gyed pa'i sor mo dang ldan par gyur cig/ sems can thams cad sor mo shin tu mdzes pa dra bas legs par 'brel ba dang ldan zhing / sor mo legs pa dang ldan par gyur cig ces/ de ltar byang chub sems dpa' sems dpa' chen po sor mo slong ba rnams la so so yongs su gtong ba'i tshe/ sems can thams cad rnam par dag par bya ba'i sems kyis dge ba'i rtsa ba de dag thams cad

  515. 258b

    sems can rnams la yongs su bsngo'o/ / gzhan yang byang chub sems dpa' sems dpa' chen po chos 'dod pa la/ la la zhig gi chos thos par bya bar bsams te/ des 'di skad du gal te khyod kyi sha dang bcas pa'i sen mo byin na ni/ ngas khyod la chos bstan par bya'o zhes zer ba zhig yod na/ de la 'di skad du smra ste/ bdag gi sha dang bcas pa'i sen mo ni ci bder khyer la/ bdag la chos bstan par mdzod cig ces nas/ ji ltar rgyal po dbang phyug tu gyur pa legs par bshad pa tshol ba dang / byang chub sems dpa' zad mi pa dang / de ma yin pa'i byang chub sems dpa' sems dpa' chen po gzhan tshad med pa/ chos kyi chos bzang po nyid la brtson pa/ 'gro ba kun tu chos kyi lo shin tu legs pa yang dag par bstan pa'i phyir/ sha dang bcas pa'i sen mo yongs su btang bar gyur pa de ltar slong ba rnams la rang gi sha dang bcas pa'i sen mo yongs su gtong ba'i tshe/ dge ba'i rtsa bde dag sems can thams cad la 'di ltar yongs su bsngo ste/ sems can thams cad sangs rgyas kyi phyag se na rab tu grub cing / zangs kyi kha dog lta bu'i sen mo dang ldan par gyur cig/ sems can thams cad dpe byad bzang po'i sen mo rab tu thob cing / mdog snum pa'i sen mo dang ldan par gyur cig/ sems can thams cad sem mo'i dam pa dang ldan zhing / 'od 'tsher ba'i sem

  516. 259a

    mo dang ldan par gyur cig/ sems can thams cad sen mo bzang po dang ldan zhing / thams cad mkhyen pa'i phyag sen rab tu thob par gyur cig/ sems can thams cad 'jig rten thams cad kyis mi gos shing mtshungs pa med pa'i sen mo dang ldan par gyur cig/ sems can thams cad 'od kyis snang bar bya ba la brtson zhing shin tu brgyan pa'i sen mo dang ldan par gyur cig/ sems can thams cad nyams pa med cing rnam par dag pa'i sen mo gang ba dang ldan par gyur cig/ sems can thams cad ye shes che zhing yangs pa rnam par dag pa dang ldan zhing / sangs rgyas kyi chos thams cad kyi rjes su song ba'i mtshan dang ldan par gyur cig/ sems can thams cad byang chub sems dpa'i las rnam par smin pas rnam par dag cing mdzes par skyes pa'i sen mo dang ldan par gyur cig/ sems can thams cad 'od zer kha dog mtha' yas pa rab tu 'gyed pa'i mdzod dang ldan zhing / mgon po thams cad mkhyen pa'i phyag sen dang ldan par gyur cig ces/ / de ltar byang chub sems dpa' sems dpa' chen po chos 'dod pa'i phyir/ sen mo dang shar bcas pa yongs su gtong ba'i tshe/ dge ba'i rtsa ba de dag sangs rgyas thams cad kyi sku dang phyag sen gyi rgyan yongs su rdzogs par bya ba dang / thogs pa med pa'i stobs kyi mthar phyin par bya ba'i phyir yongs su bsngo'o// /

  517. 259b

    / shin tu rgyas pa chen po'i mdo bam po sum cu brgyad pa// 'di ltar yang byang chub sems dpa' sems dpa' chen po chos kyi don du chos tshol ba lhur len pa shin tu dkon pa'i chos tshol ba la zhugs pa la/ chos gtong ba'i gang zag la yas me'i rlabs su lus gzhug par byas te/ 'di skad du gal te khyod mi 'greng bdun du brkos pa'i me'i rlabs su mchod phod na/ ngas khyod la chos kyi sbyin pa bya'o zhes na/ de la byang chub sems dpa' sems dpa' chen po sgra de thos nas shin tu dga' zhing yid bde ba dang / rab tu 'dun pa'i yid skyes nas 'di snyam du sems te/ ngan song thams cad dang / mnar med pa'i sdug bsngal nyams su blang ba dang yang bsngo zhing bdag gis dam pa'i chos btsal dgos na/ 'di ltar momimo'i me rlabs su mchong ba tsam gyis dam pa'i chos rnyed par 'gyur na lta/ kye ma de ltar dkon pa'i sangs rgyas kyi chos de dag kyang / sems can dmyal ba'i sdug bsngal lta bu med bar/ me'i me rlabs tsam du mchod pas rnyed pa 'di ni ngo mtshar che'o snyam nas/ 'di ltar bdag gis mi 'greng bdun du brkos pa'i me'i rlabs su mchod par bgyis/ khyod kyis bdag la sangs rgyas kyi chos bshad du gsol zhes nas/ de ji ltar rgyal po legs par bshad pa tshol ba dang / byang chub sems dpa' rdo rje sems dpa' dang / de ma

  518. 260a

    yin pa'i byang chub sems dpa' sems dpa' chen po gzhan grangs med pa dag gis kyang / me'i rlubs su mchong bar byas pa de ltar chos kyi don du sdug bsngal gyi tshor ba thams cad dang bsngo ba'i lus kyis me'i rlubs su mchong ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad bla na med pa yang dag par rdzogs pa'i byang chub las shin tu phyir mi ldog pa'i chos can du gyur te/ thams cad mkhyen pa'i gnas dang ldan par gyur cig/ sems can thams cad sangs rgyas kyi bde ba thams cad myong bar gyur te/ g.yang sa thams cad las phyir log par gyur cig/ sems can thams cad 'jigs shing skrag pa thams cad dang bral zhing / bag tsha ba med pa'i sems dang ldan par gyur cig/ sems can thams cad bde ba dang / yid bde ba dang / chos thams cad kyi rgyan rab tu thob cing / chos tshol ba la brtson par gyur cig/ sems can thams cad me gsum rab tu zhi bas gnas pa'i sems dang ldan zhing / ngan song gi lam thams cad dang shin tu bral bar gyur cig/ sam can tham cad sangs rgyas tham cad kyi sade ba'i rnam pa rab tu thob ste/ yid bde ba thams cad dang ldan par gyur cig/ sems can thams cad me gsum dang bral zhing byang chub kyi sems kyis 'jo

  519. 260b

    chags dang / zhe sdang dang / gti mug zhi bar gyur cig/ sems can thams cad sangs rgyas thams cad mthong ba'i dga' bas yang dag par spyod cing / byang chub sems dpa'i ting nge 'dzin gyi bde ba rab tu thob par gyur cig/ sems can thams cad sangs rgyas kyi chos thams cad mnyam pa med pa la rab tu gzhol zhig/ shin tu thos pa'i chos can du gyur cig/ sems can thams cad thams cad mkhyen pa nyid kyi rjes su shin tu song ba'i chos dang ldan zhing / byang chub sems dpa'i mngon par shes pas rnam par rol pa'i bde ba rab tu thob par gyur cig ces/ de ltar byang chub sems dpa' sems dpa' chen po chos tshol zhing me'i rlabs su mchongs pas/ yang dag par bzung ba'i dge ba'i rtsa ba de dag seMs can thams cad kyis sgrib pa'i las dang spyod pa'i mthar phyin cing / ye shes kyi me shin tu rdzogs par bya ba'i phyir yongs su bsngo'o// 'di ltar yang byang chub sems ngadapa sems dpa' chen po dam pa'i chos kyi phyir sdug bsngal gyi tshor ba thams cad bdag gi lus kyis bzod par byed cing / dam pa'i chos rjod pa dang / byang chub sems dpa'i lam ston pa dang / sangs rgyas kyi byang chub gsal bar byed pa dang / bla na med pa'i ye shes kyi phung po'i tshogs yang dag par sogs pa dang / stobs bcu la brtson par byed cing / thams cad mkhyen par sems

  520. 261a

    bskyed pa yangs par byed pa dang / chags pa med pa'i ye shes kyi phung po la bdag mngon du mthun par yang dag par lta zhing sems can thams cad kyi rnam par dag pa dang // rnam par byang ba yang dag par sgrub pa dang / byang chub sems dpa'i spyod yul thams cad la rab tu 'jug pa dang / ye shes chen po la brtson zhing sangs rgyas kyi byang chub yongs su srung ba'i tshe/ ji ltar byang chub sems dpa' chos bzang po tshol ba dang / rgyal po shugs chen po 'dzin pa dang / de ma yin pa'i byang chub sems dpa' gzhan tshad med pa dag gis kyang ji ltar spyad pa bzhin du/ de sdug bsngal gyi rnam pa gcig ma yin pa nyams su 'bab pa dang / sdug bsngal tshor ba'i gnod pa rnam pa sna tshogs myong ba dang / sdug bsngal gyi gnod pa thams cad dang phrad pa rang gi lus kyis nye bar len cing bzod par byed pa dang / dam pa'i chos spong ba'i gang zag sems gtum pa can sdig pa'i las kyis bsgribs pa bdud kyi las kyis byin gyis brlabs pa dag las sdug bsngal gyi gnod pa de dag thams cad nye bar len cing bzod par byed pa'i tshe/ dge ba'i rtsa ba de dag 'di ltar dam pa'i chos shes par bya/ ba'i phyir yongs su bsngo ste/ dge ba'i rtsa ba 'dis sems can thams cad bde ba'i nan tan gyis mngon par shes pa myur ba dang ldan zhing / sdug bsngal dang mi bde ba yongs su spangs

  521. 261b

    par gyur cig/ sems can thams cad bde ba'i rnam pa thams cad rab tu 'thob pa la gnas pas/ sdug bsngal gyi tshor ba thams cad dang bral bar gyur cig/ sems can thams cad mig yor lta bu'i bde ba rab tu thob cing / sdug bsngal gyi phung po thams cad 'gags par gyur cig/ sems can thams cad ye shes kyi spyod pa'i mthar phyin te/ sdug bsngal gyi btson ra nas phyir log par gyur cig/ sems can thams cad sdug bsngal gyi lam rgyud dang gtse ba thams cad las phyir log cing / bde ba'i lam mthong bar gyur cig/ sems can thams cad sdug bsngal thams cad shin tu rnam par chad pas/ chos kyi dga' ba dang bde ba'i rnam pas shin tu brtan par gyur cig/ sems can thams cad phan tshun du zhe mi sdang zhing byams pa rab tu thob pas/ sdug bsngal las sgrol bar gyur cig/ sems can thams cad 'khor ba thams cad na yod pa'i sdug bsngal rab tu byang zhing / sangs rgyas thams cad kyi bde ba'i don mthong bar gyur cig/ sems can thams cad sdug bsngal gyi tshor ba thams cad kyis lus la gnod par 'gyur ba med cing / 'dra ba med pa'i bde ba rnam par dag pa dang ldan par gyur cig/ sems can thams cad sangs rgyas kyi bde ba bsgribs pa med pa'i mthar phyin te/ bde ba'i khyad par thams cad rab tu thob par gyur cig ces/ de ltar byang chub sems dpa' se

  522. 262a

    dpa' chen po thams cad mkhyen pa'i chos kyi phyir sdug bsngal gyi rnam pa thams cad bzod par byed cing nyams su len pa'i tshe/ dge ba'i rtsa ba de dag 'gro ba thams cad g.yang sa las bsrung zhing / thams cad mkhyen pa'i rnam par thar pa bsgribs pa med pa la rab tu dgod pa'i phyir yongs su bsngo'o// 'di ltar yang byang chub sems dpa' sems dpa' chen po dam pa'i chos btsal ba la shin tu brtson pa/ chos kyi tshig dang yi ge 'khor lngas yang dag par len pa/ 'das pa dang / ma byon pa dang / da ltar byung ba'i sangs rgyas kyi chos yongs su btsal ba dang rjes su dran pa la gnas pa/ chos kyi dga' bas spro zhing mos pa'i sems dang ldan pa/ zang zing med pa'i chos rab tu btsal ba la brtson pa/ 'jig rten pa'i rgyal po'i srid dang skyid pa'i ldan ljin thams cad las rnam par 'das pa/ sangs rgyas kyi rgyal srid dang chos kyi skyid pa la mngon par mos pa/ 'jig rten gyi dga' ba thams cad kyis ma gos pa'i yid la byed pa dang ldan pa/ 'jig rten las 'das pa'i dga' bas sems shin tu spel ba/ 'jig rten gyi skyid pa zang zing dang bral ba'i yid dang ldan pa// spros pa med pa'i sangs rgyas kyi chos la gnas pa/ rab tu thob par mngon par zhugs pa des/ rgya mtsho'i mthar thug pa'i sa chen po grong rdal bye ba khrag khrig brgya stong dang / yul dang yul

  523. 262b

    gru bye ba khrag khrig brgya stong dang / skye bo du mas yongs su gang ba bde ba'i rnam pa thams cad dang / skye bos rgyas pa'i khyim gyis gang ba bza' shing gi ra ba bye ba khrag khrig brgya stong rtse zhing dga' bar bya ba'i gzhi dang ldan pa/ chu klung yid du 'ong ba sna tshogs dang grib shing dang bza' shing mdangs dga' bas shin tu brgyan pa/ 'khrug long med cing shin tu bde ba/ gzhan gyi kham shin tu bcom pa/ bdag gi khams la nyams pa med pa/ gser dang / rin po che'i mdzod dang / bang ba bye ba khrag khrig brgya stong gis brgyan pa/ bu dang / bu mo/ chung ma dang / 'khor sna tshogs dang / chung ma'i 'khor sna tshogs yod pa/ grong khyer bye ba khrag khrig brgya stong dang / rgyal po'i pho brang 'khor dang / pho brang chen po yod pa de lta bu'i chos kyi don dang chos btsal ba'i phyir/ tshig dang yi ge'i 'bru gcig gi don du yang rgyal po'i srid snying po med pa las snying po bskyed cing / chos la dkon pa'i 'du shes rab tu bskyed nas/ 'gro ba thams cad kyi don du sangs rgyas kyi rnam par thar pa bsgribs pa med pa dang / thams cad mkhyen pa'i lam rnam par dag pa tshol zhing / ji ltar byang chub sems dpa' mthu chen dpal dang / rgyal po khyad par dpal dang / de ma yin pa'i byang chub sems dpa' sems dpa' chen po gzhan dag gis kyang ji ltar spyad par gyur pa de bzhin du yongs su gtang bar bya ba'i tshe/ sa chen po

  524. 263a

    rgya mtsho'i mthar thug pa yongs su btang ste/ chos btsal bas yang dag par bsdus pa'i dge ba'i rtsa ba de dag 'di ltar yong su bsngo ste/ dge ba'i rtsa ba 'dis sems can thams cad la ga shin tu che bar gtong ba la mngon par mos shing / shin tu yangs pa'i gtong ba dang ldan par gyur cig/ sems can thams cad 'gyod pa med par sbyin pa'i bdag por gyur te/ btang ba thams cad yongs su gtong bar gyur cig/ sems cad thams cad lus dang / srog dang / yo byad la mi lta bas chos tshol ba la shin tu brtson por gyur cig/ sem can thams cad 'gro ba thams cad kyi the tshom bcad pas tshim par bya ba la brtson zhing / chos thob par bya bas shin tu dga' bar gyur cig/ sems can thams cad sangs rgyas kyi chos la yid dga' ba rab tu thob cing / chos la mngon par dga' bar gyur cig/ sems can thams cad sangs rgyas kyi chos tshol ba'i sems chen pos spyod pa dang / byang chub tshad med pa rnyed pas lus dang / srog dang / 'jig rten gyi skyid pa yongs su gtong bar gyur cig/ sems can thams cad lus dang srog la mi lta zhing chos kyi dga' ba'i mthar thug pas/ chos kyi rim gro dang sri zhu rab tu thob par gyur cig/ sems can thams cad sangs rgyas kyi chos shin tu dkon pa mnyam pa la brtson zhing / sangs rgyas kyi bstan pa yang dag par 'dzin par gyur cig

  525. 263b

    sems can thams cad byang chub sems dpa'i spyod pa gzhan gyi dring mi 'jog pa'i mthar phyin cing / sangs rgyas kyi byang chub snang ba rab tu thob par gyur cig/ sems can thams cad rab tu shes pa'i yid kyis the tshom gyi zug rngu dang bral zhing / sangs rgyas kyi chos thams cad nges par rtogs pa mang bar gyur cig ces/ de ltar byang chub sems dpa' sems dpa' chen po dge ba'i rtsa ba de dag thams cad sems can thams cad kyi don du chos btsal ba dang / chos thams cad kyi don dang bde ba'i lam gyi ye shes mthong ba yongs su rdzogs par bya ba'i phyir yongs su bsngo'o// gzhan yang byang chub sems dpa' sems dpa' chen po chos kyi dbang phyug byed cing srog gcod pa spangs pa la sems can rnams rab tu gzhog pa dang / 'dzam bu'i glib gi grong dang / grong khyer dang / ljongs dang / pho brang 'khor dang / rgyal po'i gnas thams cad kyi shen pa dang / gsad pa'i gnas thams cad rnam par gcod pa dang / rkang gnyis pa dang / rkang bzhi pa dang / ri dgas mang po la mi 'jigs pa'i sbyin pa byed pa dang / lhod pa med pa'i sems kyis byang chub sems dpa'i spyod pa la gnas pa dang / kho na med pa'i sems kyis rgyal po'i srid thams cad la gnas pa dang / sems can gyi mi bde ba dang sdug bsngal thams cad sel ba dang / 'gro ba thams cad la bde bar byed pa'i sems rin po che bskyed pa dang / 'gro

  526. 264a

    ba thams cad ni rin po che dang 'dra ba'i bsam pa rin po tshe rab tu bsgrub pa dang / sdom pa gsum rnam par dag pa la bdag gnas shing gzhan rab tu 'jog pa'i tshe/ srog gcod pa spang ba dang bslab pa lnga la sems can rab tu bzhag pas/ yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'di sems can thams cad byang chub sems dpa'i sems so sor thob cing srog gi dbang po gcad du med pa dang / tshe ring zhing shes rab rab tu thob par gyur cig/ sems can thams cad sangs rgyas thams cad la rim gro byed pa'i tshe dang ldan zhing / tshe dpag tu med par gyur cig/ sems can thams cad gzhan gyi gnod pas srog 'gag par mi 'gyur zhing / rga shi med pa'i chos la rab tu brtson par gyur cig/ sems can thams cad tshe ji srid du 'dod cing bsams par gnas pa la mkhas shing / nad med pa'i lus dang ldan par gyur cig/ sems can thams cad phyi ma'i mtha'i bskal pa bye ba brgyar byang chub sems dpa'i spyod pa la gnas shing / sems can thams cad yongs su smin par bya ba dang gdul ba la zhugs te tshe 'gag pa med par gyur cig/ sems can thams cad stobs bcu'i dge ba'i rtsa ba yang dag par bsags pa'i 'byung gnas su gyur cing / tshe'i dngo 'dzin par

  527. 264b

    gyur cig/ sems can thams cad tsha'i tshad 'gag pa med pa'i dge ba'i rtsa ba dang smon lam yongs su rdzogs pas/ dge pa'i rtsa ba bsam pa thams cad yongs su rdzogs par gyur cig/ sems can thams cad tshe'i tshad zad mi shes pa'i dge ba'i rtsa ba la brtson zhing / sangs rgyas thams cad mthong ba dang mnyes par bya ba'i dus dang mnyam par gyur cig sems can thams cad 'phags pa'i chos la dga' ba rab tu thob cing srog gi dbang po 'gag pa med pa dang / 'phags pa'i skye mched la bslab par bya ba shin tu bslabs par gyur cig/ sems can thams cad mthu stobs dang brtson 'grus zad mi shes pa rab tu thob ste/ sangs rgyas kyi ye shes kyis dbang sgyur ba la rab tu 'jog pa dang / rga ba dang na ba med pa'i tshe phun sum tshogs par gyur cig ces/ de ltar byang chub sems dpa' sems dpa' chen po dge ba'i rtsa ba de dag sems can thams cad kyis de bzhin gshegs pa'i stobs bcu'i ye shwa shin tu rdzogs par 'gyur ba'i phyir srog gcod pa spangs pa dang / sdom pa gsum rnam par dag pa la rab tu dgod pa'i phyir yongs su bsngo'o/ / gzhan yang byang chub sems dpa' sem da pa'i chen pos byol song gi skye gnas su gyur pa rkang bzhi pa dang / mir gyur pa rnams kyi pho mtshan bcad

  528. 265a

    par gyur cing / skyes pa'i rang bzhin dang dbral bar gyur pa/ skyes bu'i dngos po gzhig par gyur pa/ nyung rum gyi dngos po la bzhag par gyur pa lus la gnod pa shin tu mi bzad par gyur pa mthong ba dang / skyes pa'i dngos po las bzlos par gyur pa/ pho smos gnyis ka ma yin pa'i skye gnas su gzhag par gyur pa/ sdug bsngal gyi tshor bas mnar bar gyur pa/ lus mi bde bas shin tu gzir bar gyur pa/ skyes par tshul gyis dpag pa tsam du gyur pa/ brten pa'i lus 'gag par gyur pa dang / sems can rnams kyi gnod pa'i rnam pa de lta bu dag byang chub sems dpa' sems dpa' chen pos mthong na/ byams pa chen pos sems can rnams yongs su skyob cing / snying rje chen po sngon du btang ste/ 'gro ba thams cad la phan 'dogs pas/ 'dzam bu'i gling gi skyes pa las nyams par gyur pa thams cad rnam par bzlog go// rab tu rgyun gcod do// yongs su skyob po// rnam par chad par byed do// chos dang mthun pa'i mdzod dang bang ba bye ba khrag khrig brgya stong dag kyang gtong zhing tshig 'di skad du brjod de/ khyod kyis gang gi phyir sdig pa'i las rnam pa 'di lta bu bya bar gyur pa de'i bde ba dang phan pa'i rnam pa thams cad ngas skur gyis/ sdig pa'i las kyi rnam pa 'di lta bu ngag tshul bzhin

  529. 265b

    ma yin pa la 'jug par sems skyes pas bde ba myong ba'i don du khyed ma byed cig/ de ltar pha rol la sdig pa'i las 'di lta bu dag byas shing / bdag gis bde ba'i tshor ba myong bar 'gyur ba 'di ni gnas ma yin te/ de'i gnas med do// 'di ltar sdig pa'i rnam pa 'di lta bu la spyod pa 'di ni sangs rgyas thams cad kyis smad pa'o zhes nas/ de ma yin pa'i mi dge ba'i chos gzhan dag byed pa mthong na yang rnam par zlog par byed cing / sam na ma cad sbyin pa thams cad yongs su btang bas yang dag par sdud do// yo byad thams cad kyis kyang mngon par sdud par byed do/ / 'di lta ste/ dben pa'i chos la yid ches par byed pa dang / dge ba'i las shin tu bsags pa dang / mi dge ba'i las phan tshun du byams pa'i sems kyis gcod pa dang / phan tshun du mi gnod cing mi 'tshe ba'i phyir legs par bshad pas kyang shin tu ngoms par byed do// sems can de dag kyang byang chub sems dpa'i tshig thos nas sdig pa'i las de las ldang ngo / / rnam par ldog go// mi spyod do// des de ltar bsgrubs pa'i dge ba'i rtsa ba de dag yongs su bsngo ste/ sems can thams cad sangs rgyas kyi mtshan gsang ba sbubs na 'dug pa dang ldan zhing / skyes bu chen po'i mtshon rab tu thob par gyur cig/ sems can thams cad brtson 'grus dang / lhag pa'i bsam

  530. 266a

    pa dang / tshangs pa'i spyod pa rnam par dag pas spyod cing / skyes bu'i mtshan dang ldan par gyur cig/ sems can thams cad chags pa med pa dpa' ba'i ye shes la yang dag par gnas pa las phyir mi ldog cing / shin tu brtan pas dbang sgyur ba rab tu thob par gyur cig/ sems can thams cad 'dod pa'i dga' bas mi bzlogs/ mi chags pa'i sems dang ldan par gyur cig/ sems can thams cad smad pa med par thams cad mkhyen par 'byung ba'i ye shes bzang po dang ldan zhing / skyes bu dam pa dang ldan par gyur cig/ sems can thams cad stobs bcu byung ba'i dge ba'i rtsa ba dang ldan zhing / skyes bu chen po'i stobs dang ldan par gyur cig/ sems can thams cad rmad du byung ba'i tshogs la gnas pa rab tu thob cing / dus thams cad du skyes bu'i dbang po nyams pa med par gyur cig/ sems can thams cad khams gsum thams cad kyi 'dod chags dang bral bas dbang sgyur zhing / byang chub sems dpa'i spyod pa la gnas pa dang / 'dod pa lnga'i yon tan gyi dga' ba la ma chags pa dang / grol zhing bcings pa med pa'i sems dang ldan par gyur cig/ sems can thams cad 'gro ba kun gyis shes shing yid ches pa'i dul ba dang ldan zhing / skyes bu mkhas pa'i dam par gyur cig/ sems

  531. 266b

    / can thams cad skyes bu'i dam pa sangs rgyas kyi mkhyen pa la zhugs pa'i ye shes dang ldan zhing / byang chub sems dpa'i mthu rtsal dang ldan par gyur cig ces/ de ltar byang chub sems dpa' sems dpa' chen po skyes bu'i dam pa yongs su bsrung ba la zhugs pa/ skal ba dang ldan pa/ 'phags pa'i skye gnas su skye ba/ thob pa'i ye shes kyi skye gnas dang / rigs la yang dag par brtson pa/ skyes bu khyad par du 'phags pa'i tshul shes pas yang dag par spyod pa/ skyes bu'i tshul bdun yang dag par mthong zhing rtogs pa// skyes bu'i mthu rtsal dam pa dang / / skyes bu'i mthu rtsal ma nor ba dang / sangs rgyas kyis bstan pa'i skyes bu'i mthun la dang / dpa' ba'i skyes bu'i mthu rtsal dang / brtan pa'i skyes bu'i mthu rtsal gyis yang dag par bzung ba de/ skyes bu'i dbang po gcad pa med par byas pa dang / skyes bu'i dbang po brtan par byas pas yang dag par bzung ba'i dge ba'i rtsa ba de dag sems can thams cad gang gis de bzhin gshegs pa'i rab kyi mthu rtsal yongs su dag par rab tu 'thob par 'gyur ba dang / mkhyen pa dang ldan pa'i skyes bur 'grub par yongs bsngo'o// gzhan yang byang chub sems dpa' sems dpa' chen po de bzhin gshegs pa mngon par sangs rgyas pa 'jig rten thams cad du grags par byed pa dang / kye ma sangs rgyas 'jig rten du byung

  532. 267a

    / / kye ma sangs rgyas 'jig rten du byung ngo zhes sangs rgyas kyi sgra sgrog cing / sangs rgyas kyi dbyangs kun tu grags par byed pa dang / sems can gyi nga rgyal dang / bag med pa dang / spros pa thams cad rnam par bzlog pa dang / sangs rgyas mthong bar sems can rnams yang dag par stobs pa dang / sangs rgyas rjes su dran pa la sems can rnams rab tu gzhog pa dang / sems can thams cad sangs rgyas la gzhol bar byed pa dang / sangs rgyas dmigs pa la brtson pa'i sems dang ldan pa'i sems can thams cad la rim gro byed pa dang / sangs rgyas rnam par rtog pa sems can rnams la ston pa dang / sangs rgyas brjod pa la sems can rnams yang dag par 'dzud pa dang / bskal pa bye bar yang sangs rgyas bcom ldan 'das skye ba ni shin tu dkon no zhes bya ba'i tshig sems can rnams la brjod pa dang / sems can de dag gis kyang de'i phyir sangs rgyas mthong bar gyur pa dang / sangs rgyas la rim gro dang zhes byed pa dang / dga' ba dang spro ba bskyed pa dang / de bzhin gshegs pa las sangs rgyas thams cad kyi mtshan nyan pa dang / sangs rgyas grangs med pa la shin tu bskyed pa'i dge ba'i rtsa ba sogs pa dang / srog chags bye ba khrag khrig brgya stong grangs med pa'i sangs rgyas kyi gter rnam par sbyong ba dang / srog chags bye ba khrag khrig brgya

  533. 267b

    stong grangs med pa de bzhin gshegs pa rnams kyi drung du yongs su smin par byed pa dang / sems can de dag kyang byang chub sems dpa'i dge ba'i bshes gnyen dam par rab tu shes pa dang / byang chub sems dpa' la yid ches pas sangs rgyas kyi chos la gnas par gyur pa dang / 'jig rten thams cad du bskal pa grangs med par bskyed cing spel ba'i dge ba'i rtsa bas sangs rgyas kyi 'phrin las yang dag par bsgrub pa'i tshe/ dge ba'i rtsa ba de dag 'di ltar yongs su bsngo ste/ dge pa'i rdung ba 'dis sems can grams cad kyis sa ngas rgyas tha ma sod cad ma nyes par bas te/ ma ma nyes pa ra mi bed pa dang / sangs rgyas pa lta ba dang mi 'bral bar gyur cig sems can thams cad sangs rgyas thams cad blta ba yid la bya ba dang ma bral zhing / sangs rgyas palta bar brtson pa'i yid dang ldan par gyur cig/ sems can thams cad sangs rgyas kyi gsung dang chos kyi mdzod yang dag par 'dzin cing / ye shes bsgom pa shin tu mang bar gyur cig/ sems can thams cad chos mnyan dang mi 'bral zhing bskal pa thams cad du byang chub sems dpa'i spyod pa la yang dag par gnas pa'i phyir/ sangs rgyas kyi chos kyi sgra 'byin par gyur cig/ sems can thams cad sangs rgyas

  534. 268a

    'byung ba thams cad mthong zhing ye shes yang dag par gzung ba'i phyir/ dran pa nye bar gzhag par gyur cig/ sems can thams cad sangs rgyas yid la bya ba dang / mthong bar bya ba'i mthu la brtson zhing yid la bya ba dang / las gzhan med par gyur cig/ sems can thams cad nam mkha'i dbyings kun tu sangs rgyas mthong ba'i 'byung gnas la zhugs shing / phyogs kun tu sangs rgyas mthong bar rab tu thob par gyur cig/ sems can thams cad 'jig rten gyi khams kun tu sangs rgyas byung ba brjod pa la brtson zhing / sangs rgyas kyi skus byin gyis brlabs par gyur cig/ sems can thams cad mos pa dang / dad pa mi shigs pa dang / snying thag pa'i bsam pas sangs rgyas thams cad dang 'grogs par gyur te/ dge ba'i bshes gnyen gyis sangs rgyas kyi chos rdzogs par thos par byas par gyur cig/ sems can thams cad sangs rgyas skye ba don yod pas 'gro ba thams cad rnam par sbyang ba'i phyir/ sangs rgyas skye ba thams cad rab tu brjod par gyur cig ces/ de ltar byang chub sems dpa' sems dpa' chen po sangs rgyas skye ba brjod pas yang dag par bzung ba'i dge ba'i rtsa ba de dag sems can thams cad kyis sangs rgyas mthong ba dang / mnyes par

  535. 268b

    byed pa dang / mi mnyes par mi byed cing / sangs rgyas kyi chos bla na med pa thams cad yongs su dag pa'i mthar phyin par yongs su bsngo'o// gzhan yang byang chub sems dpa' sems dpa' chen pos sangs rgyas bcom ldan 'das rnams kyi pho brang gi longs spyod dam/ byang chub sems dpa'i dge ba'i bshes gnyen rnams ci dga' ba'i longs spyod dam/ 'phags pa'i dge 'dun gyi gtsug lag khang gi longs spyod dam/ pho ma gnas pa'i gnas sam/ nyan thos sam/ rang sangs rgyas sam gang zag gi rnam pa sbyin pa'i gnas dag gam/ de ma yin pa'i 'phongs pa dang bkren pa slong zhing len pa dag gam// 'khor bzhi 'phongs pa med par gnas pa'i gnas sam de bzhin gshegs pa'i mchod rten brtsigs pa'i gnas sam/ yo byad sna tshogs gzhag pa'i gnas ci 'dod pa'i longs spyod du bya ba 'am/ 'jigs pa dang dogs pa med cing / dgra dang bral bas skyi g.ya' ba med pa'i gnas kyi sa dag 'bul ba'i tshe/ sa'i sbyin pa yongs su btang bas yul ci 'dod par byin pas yang dag par bzung ba'i dge ba'i rtsa ba de dag 'di ltar yongs su bsngo ste/ dge ba rtsa ba 'dis sems can thams cad byang chub sems dpa' kun tu bzang po'i spyod pa'i pha rol tu phyin pa thob cing thams

  536. 269a

    cad mkhyen pa'i sa yongs su dag par gyur cig/ sems can thams cad sangs rgyas kyi chos thams cad yang dag par 'dzin pa la dran pa'i dbang po rmongs pa bad cings lta bur red par gyur cig/ sems can thams cad sangs rgyas kyi bstan pa thams cad bsrung ba la zhugs zhing yang dag par 'dzin par gyur cig/ sems can thams cad 'gro ba thams cad la zhe sdang ba med cing dge ba'i bsam pa rnam par sbyang ba la brtson pas sems sa dang mnyam par gyur cig/ sems can thams cad sangs rgyas gcig nas gcig tu brgyud pa thams cad du byang chub sems dpa'i sa thams cad yang dag par bsgrub pa la mkhas shing / sangs rgyas thams cad kyi rigs yang dag par 'dzin pa la zhugs par gyur cig/ sems can thams cad 'gro ba kun yongs su smin par bya ba dang / gdul ba rnam par dag pa'i lam la zhugs te gnas su red par gyur cig/ sems can thams cad sangs rgyas kyi stobs la rab tu dgod par brtson zhing / sangs rgyas lta bur 'gro ba thams cad la phan 'dogs par gyur cig/ sems can thams cad sangs rgyas kyi dga' ba bla na med pa la rab tu gzhog pa'i phyir/ 'gro ba thams cad kyi dga' bar reng bar gyur cig/ sems can thams cad sangs rgyas kyi stobs dang mi 'jim

  537. 269b

    pa'i chos kyi 'byung 'anas su gyur te/ rab tu da pa la mkhas par gyur cig/ sems can thams cad sangs rgyas thams cad kyi chos kyis rnam par zhing yongs su spya / ste/ sa lta bu'i ye shes dang ldan par 'gyur cig ces/ de ltar byang chub sems dpa' sems dpa' chen pos pa'i sbyin pa yongs su btang bas yang dag par bzung ba'i dge ba'i rtsa ba de dag ci nas kyang sems can gyi khams thams cad kyis/ de bzhin gshegs pa'i sa yongs su dag pa thams cad rab tu thob par bya ba'i phyir sems can thams cad la yongs su bsngo'o/ / gzhan yang byang chub sems dpa' sems dpa' chen po sangs rgyas bcom ldan 'das byung ba'i rnams la rim gro'i don du bdag gi bran dang las byed pa rnams 'bul ba 'am/ byang chub sems dpa' dge ba'i bshes gnyen sangs rgyas kyi chos thams cad yang dag par spel bar brtson pa rnams sam/ 'phags pa'i dge 'dun dkon mchog gam/ pha dang ma 'am/ slob dpon dang bla ma'i sbyin gnas la bran dang las byed pa'i mi 'bul ba dang / sems can nad pa rnams la rim gro byed pa med pas/ 'chi bar mi 'gyur bar rim gro bya ba'i phyir/ bran dang las byed pa'i mi sbyin pa 'am/ de ma yin pa'i sems can g.yog med pa la bran dang las byed pa'i mi gtong ba 'am/ 'phongs pa 'am/

  538. 270a

    bkren pa slong zhing len pa gzhan dang gzhan dag la bran dang las byed pa'i mi gtong ba 'am/ de bzhin gshegs pa mya ngan las 'das pa'i sangs rgyas kyi mchod rten bsrung ba'i phyir 'bul ba 'am/ dam pa'i chos yongs su bsrung ba'i phyir yi ge dang grangs la shin tu bslabs pa'i mi bye ba khrag khrig brgya stong mang po 'bul bar byed cing rim gro pa de dag kyang mkhas pa/ tshul shes pa/ cang shes pa/ brtson pa/ le lo med pa/ drang ba/ drang po dang ldan pa/ phan par sems pa/ bde bar sems pa/ byams par sems pa rim gro byed pa'i ngang tshul can/ kho na med pa/ gcugs med par yongs su spyod pa/ bzo dang sgyu rtsal sna tshogs dang / grangs la shin tu bslabs pa'i shes pa gsal ba can/ rim pa'i tshul shes pa/ dga' bar byed cing rim gro byed pa la brtson zhing stong pa/ byang chub sems dpa'i las las byung ba/ yid du 'thad pa/ rim gro byed pa/ sems shin tu dang ba de lta bu'i rim gro pa dag gnas gar 'os pa dang / ci rigs pa dang / phan 'dogs pa de dang de dag la 'bul zhing yongs su gtong ba dang sbyin pa byed pa'i tshe/ dge ba'i rtsa ba de dag sems can thams cad la 'di ltar yongs su bsngo ste/ rim gro pa yang dag par btang ba dang ldan pa'i dge ba'i rtsa ba 'dis/ sems can thams cad sangs rgyas

  539. 270b

    'a ma gyum mas ba sa ga cin g / sangs rgyas thams cad dang mthun pa'i rim gro par gyur cig/ sems can thams cad yid la bya ba dang / bsam pa dang / rnam par rtog pa gzhan med cing / sangs rgyas thams cad la rtag tu skabs phye bar gyur cig/ sems can thams cad dge ba thams cad yang dag par sdud pa la brtson zhing / sangs rgyas thams cad kyi rigs las mi nyams pa dang sangs rgyas kyi rjes su snyegs par gyur cig/ sems can thams cad don yod par dus thams cad du phrad cing / sangs rgyas thams cad la dus dang mthun par rim gro dang bsnyen bkur byed par gyur cig/ sems can thams cad yi ge rnam par dag pas mi 'jigs par spyod cing / sangs rgyas kyi chos kyi don 'dzin par gyur cig/ sems can thams cad sangs rgyas thams ca la lus dang srog phul zhing / sangs rgyas thams cad la ngoms mi shes par lta bar gyur cig/ sems can thams cad 'jig rten gyi khams thams cad yang dag par 'joms pas/ sangs rgyas thams cad la lta ba dang ldan par gyur cig/ sems can thams cad ngo mtshar du 'dzin pa dang / de ma yin pa'i gnas gzhan med cing sangs rgyas thams cad la rten par gyur cig/ sems can thams

  540. 271a

    cad sangs rgyas kyi chos bla na med pa la mngon du gyur pa'i sems dang ldan par gyur te/ sangs rgyas kyi rjes su 'brang ba'i blo gros dang ldan par gyur cig ces de ltar byang chub sems dpa' sems dpa' chen po rim gro pa yongs su btang bas yang dag par bsdus pa'i dge ba'i rtsa ba de dag/ sems can thams cad kyis rdul med cing rdul dang bral ba/ dri ma med pa/ rnyog pa med pa'i sar sangs rgyas kyi chos rnam par dag pa dang / sangs rgyas kyi sku gzhan la rag lus pa med pa'i rten gyi tshul rab tu thob par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po sems dma' bar byas shing sa la gding ba'i rdog lam dang 'dra ba'i sems su byas te/ sa dang 'dra bar sdug bsngal thams cad bzod pa mi 'gyur ba/ mi skyo ba/ sems can thams cad rim gro byed pas ngal ba med pa'i yid dang ldan pa/ sems can thams cad kyi sbyin bdag dge ba'i rtsa ba thams cad nye bar stobs pa'i sems dang ldan pa/ 'gro ba byis pas nyes par byas pa nyams su len cing rna la gzon pa'i ngang tshul can/ dge ba shin tu brtan pa la brtson pa/ yid la byed pa bzang pos gnas pa la brtson pa/ sems can gyi khams thams cad bsnyen bkur ba'i sems kyis bdag nyid rim gro par 'bul ba

  541. 271b

    dge ba'i rtsa ba de dag 'di ltar yongs su bsngo ste/ ci nas kyang sems can thams cad shin tu rim gro byas pa dang / ci nas kyang byang chub sems dpa'i spyod pa rgyun mi 'chang pa dang / ci nas kyang byang chub sems dpa'i don nyams pa med pa dang / ci nas kyang byang chub sems dpa'i lam du legs par zhugs par 'gyur ba dang / ci nas kyang byang chub sems dpa'i mnyam pa nyid khong du chud par 'gyur ba dang / ci nas kyang de bzhin gshegs pa'i rigs su bdag nyid bgrang bar 'gyur ba dang / ci nas kyang byang chub sems dpa'i spyod pa bden pa'i tshig dang 'grogs pa rjes su srung bar 'gyur ba dang / ci nas kyang khams gsum thams cad sangs rgyas kyi chos kyis rnam par dag par 'gyur ba dang / ci nas kyang lhag pa'i bsam pa rtogs par sangs rgyas kyi chos thams cad khong du chud par 'gyur ba dang / ci nas kyang sems can thams cad kyi dge ba'i rtsa ba skyon med cing rnam par dag par 'gyur ba dang / ci nas kyang sems can de dag thams cad yon tan chen po la rab tu zhugs te/ thams cad mkhyen pa'i mthar shin tu thug par 'gyur ba de ltar yongs su bsngo'o// de 'di ltar yongs su bsngo/ ste/ 'di ltar lus kyi rim gro sems can thams cad la yongs su btang ba 'di dge ba'i rtsa ba gang bsags pa des sems can thams cad yongs su rtogs pa'i chos can/ rab tu

  542. 272a

    'dzin pa'i chos can/ yang dag par len pa'i chos can/ mi 'khrul ba'i chos can/ chung mi za ba'i chos can/ mi nyams pa'i chos can/ mi 'bral ba chos can/ yid shin tu dul ba'i chos can/ ma dul ba 'dul ba'i chos can/ chos kyis nye bar dul ba'i chos can gyi rim gro pa/ sangs rgyas thams cad la shin tu nye bar sems pa'i sems dang ldan par gyur cig ces/ de ltar byang chub sems dpa' sangs rgyas thams cad la rim gro'i nan tan du byas te/ sems can de dag thams cad dge ba'i rtsa ba des mchod rten gyi dam par 'gyur ba dang / 'gro ba thams cad bsnyen bkur bar 'os par 'gyur ba dang / sems can thams cad sangs rgyas kyi ye shes rtogs par gyur pa'i phyir sbyin pa'i gnas dam par 'gyur ba dang / 'gro ba thams cad la snying brtse ba'i phyir len pa'i dam par 'gyur ba dang / dge ba'i rtsa ba thams cad la 'jug pa'i phyir bsod nams kyi dam pa dang ldan par 'gyur ba dang / sbyin pa tshad med pa'i phyir sbyin sreg dam pa dang ldan par 'gyur ba dang / khams gsum thams cad nas 'byung ba'i dam par 'gyur ba dang / lam ji lta ba bzhin du yang dag par ston pa'i phyir ded dpon dam par 'gyur ba dang / sangs rgyas kyi chos thams cad yang dag par gzung ba'i phyir gzungs kyi dam pa rab tu thob par 'gyur ba dang / nam mkha'i

  543. 272b

    dbyings ltar chags pa med pa'i lam gyi 'byung bas chos kyi dbyings tshad med pa dam par 'gyur ba'i phyir yongs su bsngo ste/ de ltang byang chub sems dpa' sems dnga' chen po r im gro par phul bas yang dag par gzung ba'i dge ba'i rtsa ba de dag sems can gyi khams thams cad phyag bya b.re 'os pa'i ye shes kyi phung po dang ldan par bya ba'i phyir sems can thams cad la yongs su bsngo'o/ / 'di ltar yang byang chub sems dpa' sems dpa' chen po chos la dga' ba dang / dad pa dang / rab tu dga' zhing dang ba'i sem kyis sangs rgyas bcom ldan 'das rnams la chos dkon mchog bla na med pa la mos pa'i bsam pa dang / sangs rgyas thams cad la phar sems pa'i sems skyed pa dang / chos bye ba grangs med pa bar chad med pa'i chos kyis khong du chud cing yang dag par bzung ba dang / shes rab chen po rin po che la yang dag par gzhol ba'i dge ba'i rtsa ba mngon du gyur pa dang / de bzhin gsheg ba'i spyod pa mtha' yas pa rjes su dran pa'i sangs rgyas kyi yul dang / don gyi rjes su 'brang bas de bzhin gshegs pa'i ldem po dag khong du chud pa dang / de bzhin gshegs pa'i chos kyi sprin las sangs rgyas thams cad kyi chos kyi char mngon par bab pa dang / rtul bod pas dbang sgyur ba sems kyi dpa' bas thob pa dang / thams cad mkhyen pa'i theg pa phun sum

  544. 273a

    tshogs pa thams cad mkhyen pa gang zag gi mchog gi sar shin tu bstan pa dang / chos chen po bye ba brgya stong tshad med pas shin tu brtan pa'i dbang pos bdag gi lus 'bul zhing / de ltar byang chub sems dpa' sems dpa' chen po chos de lta bu dag nyan pas/ de bzhin gshegs pa la dga' ba tshad med pa rnam par 'phel ba'i sems dang ldan pa/ chos spyod pa la yang dag par gnas pa'i sems can dam pa rang gi the tshom chad pa/ gzhan gyi the tshom gcod pa la rab tu zhugs la/ rab tu dga' ba'i mtshan mas sems ma nyams pa/ dge ba'i rtsa ba thams cad dang yon tan gyi 'byung gnas rab tu thob pa/ bsam pa tshad med pa'i spyod pa'i rjes su zhugs pa/ sems can thams cad kyi don la brtson pa'i sems dang ldan pa/ rdo rje'i snying po lta bu'i ye shes dam pa'i khyad par khong du chud pa'i sems brtan zhing shin tu gnas pa/ sangs rgyas thams cad kyi zhabs kyi drung na gnas shing rnam par dag par byed pa/ de bzhin gshegs pa thams cad kyi zhabs kyi drung na gnas pa las mi 'bral ba de/ chos kyi rnam pa 'di lta bu dag la rab gnas te/ rang gi lus de bzhin gshegs pa la mngon par 'bul ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems

  545. 273b

    can thams cad sangs rgyas thams cad kyis yang dag par bzung ba'i lus dang ldan zhing / mi dma' ba'i lus yongs su rdzogs pa rab tu thob par gyur cig/ sems can thams cad sangs rgyas thams cad blta ba dang mi 'bral ba'i rjes su song ba'i sems dang ldan pas/ sangs rgyas thams cad la nye bar brten cing spyod par gyur cig/ sems can thams cad ye shes kyi yon tan dang ldan zhing / nyams pa med pa'i lus dang ldan par gyur cig/ sems can thams cad sangs rgyas thams cad mnyes pa bya ba la brtson zhing / mi dmigs pas tshangs pa'i spyad pa spyod par gyur cig/ sems can thams cad bdag tu bya ba dang bdag gir bya ba las gyen du 'phags shing / bdag gi med pa'i lus rab tu thob par gyur cig sems can thams cad lus 'phos pa med par lus yang dag par ston cing / sangs rgyas kyi zhing thams cad du lus rnam par bkram par gyur cig/ sems can thams cad bdag gi med cing yongs su 'dzin pa med par 'gro bas/ gzhan la rag las pa med pa'i lus dang ldan par gyur cig/ sems can thams cad bla na med pa'i lus kyi rig dang ldan zhing / sangs rgyas kyi skur mngon du skyes par gyur cig/ sems can thams cad 'azod pa'i stobs kyis sems la thub pa med cing / chos kyi stobs dang ldan pa'i lus can du gyur cig/

  546. 274a

    sems can thams cad de bzhin gshegs pa'i sku rnam par dag pa yongs su rdzogs pas/ 'dra ba med pa'i lus dang ldan par gyur cig/ sems can thams cad dmigs pa med pa'i dbyings su byung bas/ 'jig rten las 'das pa'i bsod nams kyi lus dang ldan par gyur cig ces/ de ltar byang chub sems dpa' sems dpa' chen pos de bzhin gshegs pa la rang gi lus phul bas yang dag par bsdus pa'i dge ba'i rtsa ba de dag ci nas kyang / sems can gyi khams thams cad dus gsum gyi de bzhin gshegs pa'i rigs dang brgyud du yang dag par 'grub par 'gyur bar bya ba'i phyir sems can thams cad la yongs su bsngo'o/ / 'di ltar yang byang chub sems dpa' sems dpa' chen po sems can thams cad la 'gro ba kun gyi dge ba'i rtsa ba ltar phan 'dogs pas bdag nyid yongasu gtong ba dang / sems can thams cad kyi dge ba'i rtsa ba la yang dag par sems pa dang / mar me lta bur bdag sems can rnams la bsnyen pa dang / bde ba lta bur bdag sems can thams cad la byin gyis rlob pa dang / chos kyi gzhi lta bur bdag 'gro ba thams cad yang dag par 'dzin pa dang / snang ba lta bur bdag sems can thams cad la yongs su gtong ba dang / 'gro ba thams cad mig yor lta bur bdag sems can thams cad la sdang bar byed pa dang / dge ba'i rtsa ba'i

  547. 274b

    rgyud lta bur bdag 'gro ba thams cad la ston pa dang / dge ba'i bshes gnyen lta bur bdag sems can thams cad la stobs pa dang / lam lta bur bdag sems can thams cad la yang dag par ston pa dang / bla na med pa'i bde ba'i rnam pa rab tu thob pa lta bur bdag sems can thams cad la yongs su spong ba dang / nyi ma lta bur bdag 'gro ba thams cad la snyoms par byed pa dang / de lta bu'i chos dang ldan par bdag sems can thams cad la yongs su gtong ba'i tshe/ bdag btang bas byung ba'i dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad sangs rgyas kyi ye shes kyi sar rab tu phyin par gyur cig/ sems can thams cad bla na med pa yang dag par rdzogs pa'i byang chub kyi ye shes dang ldan par gyur cig/ sems can thams cad de bzhin gshegs pa'i 'khor gyi dkyil 'khor du dul ba thob par gyur cig/ sems cad thams cad sangs rgyas kyi phyir spyod pa la mkhas shing spyod pa phun sum tshogs pa dang ldan par gyur cig/ sems can thams cad don dang / chos dang / ye shes dang / mngon par shes pa dang ldan zhing mya ngan las 'das pa'i mthu yod par gyur cig/ sems can thams cad de bzhin gshegs pa'i rigs su byung bas rab tu tshim par gyur cig/ sems can thams cad de bzhin

  548. 275a

    gshegs pa'i dgongs pa dge bas ma rig pa'i bsam pa spangs par gyur cig/ sems can thams cad byang chub kyi shing drung du dge ba'i rtsa ba dang ldan pas shin tu byung bar gyur cig/ sems can thams cad 'tshe ba'i sems bskyed pa dang bral zhing nyon mongs pa'i dgra shin tu choms par gyur cig/ sems can thams cad sangs rgyas kyi bstan pa yang dag par 'dzin pa'i phyir yongs su srung ba thob par gyur cig ces/ de ltar byang chub sems dpa' sems dpa' chen po sems can thams cad la bdag yongs su btang bas/ yang dag par bsdus pa'i dge ba'i rtsa ba de dag 'gro ba thams cad la phan pa dang / sems can thams cad kyis bla na med pa'i bde ba dang ldan pa thob par bya ba'i phyir yongs su bsngo'o// 'di ltar yang byang chub sems dpa' sems dpa' chen po sangs rgyas thams cad la drin du gzo ba'i sems bskyed pas sangs rgyas thams cad kyi rim gro bya ba dang / bu ltar bsam pa dang / de bzhin gshegs pa thams cad kyi byang chub tu lhag pa'i bsam pa rnam par sbyang ba dang / sangs rgyas kyi chos thams cad la sems can la sems 'od snang zhing dang bar byin gyis brlab pa dang / 'jig rten gyi 'du shes las bdag phyir log par bya ba dang / bdag sangs rgyas kyi rigs su gtogs par bgrang ba dang / bdag sangs rgyas thams cad dang

  549. 275b

    mthun par gzung ba dang / bdag bdud kyi yul las ring du bya ba dang / bdag sangs rgyas kyi yul la mos par bya ba dang / bdag sangs rgyas kyi chos thams cad kyi snod du byin gyis brlab pa dang / de lta bu'i chos la brtson par byed pa'i byang chub sems dpa' sems dpa' chen po sangs rgyas thams cad la rim gro byed pa'i tshe/ dge ba'i rtsa ba de sems can thams cad la 'di ltar yongs su bsngo ste/ dge ba'i rtsa ba 'dis sems can thams cad thams cad mkhyen pa'i ye shes rin po che'i 'byung gnas su gyur te/ sems nye bar brtan pa rnam par dag pa rab tu thob par gyur cig/ sems can thams cad sdig to'i las thams cad la zhe sdang zhing cang shes dang yang dag par 'grogs par gyur cig/ sems can thams cad shin tu bzung ba'i chos can du gyur te/ mi phyed pa'i g.yog dang ldan par gyur cig/ sems can thams cad dbang bskur ba'i byang chub sems dpa'i sa thob ste/ de bzhin gshegs pa thams cad kyi slob mar gyur cig/ sems can thams cad mi dge ba thams cad las shin tu 'das te/ sangs rgyas thams cad kyis yongs su bzung bar gyur cig/ sems can thams cad byang chub sems dpa'i chos skyon med pa la yang dag par spyod cing / sangs rgyas thams cad dang mthun par gyur cig/ sems can thams cad thams cad mkhyen pa'i ye shes su lung bstan

  550. 276a

    pa'i phyir/ sangs rgyas la dmigs pa dang ldan par gyur cig/ sems can thams cad sangs rgyas kyi chos thams cad la dbang sgyur zhing / sangs rgyas thams cad la rag lus par gyur cig/ sems can thams cad len pa med pa'i las mngon par 'du byed cing / de bzhin gshegs pa thams cad kyis nye bar bzung bar gyur cig/ sems can thams cad ye shes kyi spyod pas sangs rgyas thams cad mnyes par bya ba la brtson zhing / sangs rgyas thams cad la bsnyen bkur byed pa'i dam par gyur cig ces/ de ltar byang c hub sems dpa' sems dpa' chen po de bzhin gshegs pa'i rim gro byed pas yang dag par bzung ba'i dge ba'i rtsa ba de dag sangs rgyas thams cad kyi byang chub mngon du gyur pas yongs su bsngo'o/ / 'jig rten thams cad yongs su bskyab pa'i sems kyis yongs su bsngo'o// khams gsum pa thams cad las byung ba'i sems kyi yongs su bsngol/ gnod pa med pa'i rgyud kyis yongs su bsngo'o// tshad med pa'i byang chub sems dpa' thob pas yongs su bsngo'o// sangs rgyas kyi chos kyis snang bar byas pa'i shes pas yongs su bsngo'o/ / sangs rgyas thams cad kyis shin tu bzung bas yongs su bsngo'o// de bzhin gshegs pa thams cad kyis byin gyis brlabs pas yongs su bsngo'o//

  551. 276b

    sangs rgyas thams cad kyi chos la mos pas yongasasu bsngo'o// 'das pa dang / ma byon pa dang / da ltar byung ba'i sangs rgyas thams cad dang dge ba'i rtsa ba gcig tu byas yongs su bsngo'o/ / ci nas kyang sangs rgyas kyi chos thams cad khong du chud par bya ba'i phyir/ 'gyod pa med pa'i sems shin tu rdzogs par 'gyur bar dge ba'i rtsa ba de dag yod su bsngo'o/ / // shin tu rgyas pa chen po'i mdo bam po sum cu dgu pa// / 'di ltar yang byang chub sems dpa' sems dpa' chen po yong su 'dzin pa thams cad las rnam par 'das pa/ rgyal po'i srid la zhen pa'i bsam pa med pa/ ma chags pa'i sems dang ldan pa/ skyid pas ma bcings pa/ rgyal po'i srid la yongs su 'dzin pa med pa/ yongs su bzung ba la mi gnas pa/ ma gtang ba gtong ba/ dbang phyug la ma chags pa/ gnod pa med pa'i las dang ldan pa/ sems can thams cad la phan pa dang bde bar sems pa de rgyal po'i srid yongs su gtong ba'i tshe/ rgyal po'i srid byin pas yang dag par bzung ba'i dge ba'i rtsa ba de dag 'di ltar yongs su bsngo ste/ ci nas kyang las kyi rnam par smin pa la ye rngam pa med pa de ltar dge ba'i rtsa ba de dag yongs su bsngo'o/ / ci nas kyang 'jig rten gyi chos la dga' ba mi skye ba de ltar dge ba'i rtsa ba de dag yongs su ba

  552. 277a

    ci nas kyang srid par skye ba'i skye mched la mngon par zhen pa med pa de ltar dge ba'i rtsa ba de dag yongs su bsngo'o/ / ci nas kyang 'jig rten gyi khams thams cad kyi gnas la gnas kyi 'du shes mi skyed pa de ltar dge ba'i rtsa ba de dag yongs su bsngo'o/ / ci nas kyang phung po dang / khams dang / skye mched la mngon par zhen pa med pa de ltar dge ba'i rtsa ba de dag yongs su bsngo'o/ / ci nas kyang phyi nang gi chos thams cad du lus la gnas pa'i sems mi skye ba de ltar dge ba'i rtsa ba de dag yongs su bsngo'o// ci nas kyang byang chub sems dpa'i spyod pa thams cad la rmongs par mi 'gyur ba de ltar dge ba'i rtsa ba de dag yongs su bsngo'o/ / ci nas kyang dge ba'i bshes gnyen thams cad dang ring du mi 'gyur ba dge ba'i rtsa ba de dag yongs su bsngo'o/ / ci nas kyang byang chub sems dpa'i spyod pa chen po'i smon lam nyams par mi 'gyur ba de ltar dge ba'i rtsa ba de dag yongs su bsngo'o// ci nas kyang dge ba'i bshes gnyen thams cad mngon par mnyes par 'gyur ba de ltar dge ba'i rtsa ba de dag yongs su bsngo'o/ / gzhan yang 'di ltar yongs su bsngo ste/ rgyal po'i srid byin pas yang dag par bsdus pa'i dge ba'i rtsa ba 'dis/ sems can thams cad chos kyi dbang phyug gi dam pa thob ste/ chos kyi rgyal srid la dbang sgyur ba rab tu thob par gyur cig/ sems can thams cad

  553. 277b

    rgyal po'i dkrugs ma dang dgra thams cad rab tu gzhom pa'i phyir/ sangs rgyas kyi rgyal srid rab tu thob par gyur cig/ sems can thams cad de bzhin gshegs pa'i ye shes kyis sangs rgyas kyi chos rab tu brjod pa'i phyir/ sangs rgyas kyi rgyal srid chen po la rab tu gnas par gyur cig/ sems can thams cad bla na med pa'i chos kyi 'khor lo thogs pa med pa bskor ba'i phyir/ sangs rgyas thams cad kyi yul gyi rgyal srid la rab tu gzhol bar gyur cig/ sems can thams cad chos kyi dbang phyug sangs rgyas kyi rigs rgyun mi 'chad par yang dag par 'dzin pa'i tshul du/ de bzhin gshegs pa thams cad kyi dge ba'i rtsa bas mngon par byung bar gyur cig/ sems can thams cad byang chub sems dpa' tshad med pa yang dag par sgrub pa'i phyir/ sangs rgyas kyi rgyal srid yangs shing tshad med pa rjes su skyong bar gyur cig/ sems can thams cad sangs rgyas 'byung ba rgyun ma chad pa dang ldan zhing / chos kyi dbyings la nges pa'i rgyal srid dang ldan par gyur cig/ sems can thams cad 'gro ba kun gdul ba la thogs pa med par zhugs pas/ sangs rgyas kyi zhing thams cad du ye shes kyi dbang phyug tu gyur cig/ sems can thams cad 'jig rten gyi khams kun gyi sems can theg pa chen po la rab tu gzhog pa'i tshul gyis 'jig rten gyi khams chos kyi dbyings kyis klas pa

  554. 278a

    nam mkha'i mthus gtugs pa thams cad du chos kyi sbyin bdag tu gyur cig/ sems can thams cad 'das pa dang / mabyon pa dang / da ltar byung ba'i sangs rgyas b+har+tha// cad dang dge ba'i rtsa ba'i rgyud kyi tshul gcig tu gyur te/ lhod pa med pa'i rgyal srid rab tu thob par gyur cig ces/ de ltar byang chub sems dpa' sems dpa' chen po rgyal po'i srid yongs su btang bas yang dag par bzung ba'i dge ba'i rtsa ba de dag ci nas kyang 'gro ba thams cad du shin tu bde ba dang / legs pa 'byung ba'i phyir sems can thams cad la yongs bsngo'o/ / 'di ltar yang byang chub sems dpa' sems dpa' chen pos sems ma 'khrugs pa dang / byang chub sems dpa'i sems rtse gcig pa dang / smon lam tshang med par byas te/ snying rje chen po bskyed cing byams pa chen po'i stobs nye bar bzhag ste/ bsam pa shin tu tshim par byas nas/ sems can gyi don la bdag rab tu bzhag ste/ ye shes chen po la shin tu mos par byas nas/ sangs rgyas kyi chos la mnyam pa'i sems su byas te/ dge ba'i chos nyid la rnam par spyod cing thams cad mkhyen pa'i rgyal srid la rab tu gzhol bar sems bskyed pa dang / chos kyi dbang phyug la shin tu brtson pa'i bsam pa dang / ye shes la dbang sgyur ba thob pa'i yid kyi dbang po dang / yon tan thams cad rnam par

  555. 278b

    sbyong ba'i rab tu 'jug pa dang / blo brtan pa dang ldan pa'i bsam pa yangs pa dang / tshogs su gyur pa'i dge ba'i rtsa ba thams cad/ brtsams par skabs phye ba dang ldan pa'i sangs rgyas kyi chos kyi smon lam dang / gzhan la rag las pa med pa'i thams cad mkhyen pa nyid kyi chos dang / shin tu brtan pa'i byang chub tu sems bskyed pa'i stobs dang / brtsams pa thams cad mthar 'byin pa'i byang chub sems dpa' thams cad kyi spyod pa'i smon lam gyis mi dang yul du bcas pa dang / grong khyer dang / rgyal po'i pho brang 'khor rgyan thams cad kyis rnam par brgyan pa thams cad gtong bar yongs su btang bas slong ba rnams la yongs su gtong ba'i tshe/ yul dang mir bcas pa dang / grong khyer dang / rgyal po'i pho brang yongs su btang bas yang dag par bsdus pa'i dge ba'i rtsa ba de dag sems can thams cad la 'di ltar yongs su bsngo ste/ yul dang mir bcas pa dang / grong khyer dang / rgyal po'i gnas rab tu byin pa'i dge ba'i rtsa ba 'dis/ sems can thams cad kyis 'jig rten gyi khams thams cad rnam par sbyangs te/ sangs rgyas thams cad bzhugs shing spyod pa'i phyir/ sangs rgyas thams cad la 'bul bar gyur cig/ sems can thams cad zhi ba'i gnas rab tu thob cing / dgon pa shin tu dben pa la mngon par mos par gyur cig/ sems can thams cad

  556. 279a

    bla na med pa'i dben pa'i mthar thug par grong dang / grong khyer dang / ljongs dang / khams dang / rgyal po'i gnas la gnas pa med par gyur cig/ sems can thams cad 'jig rten gyi smra ba thams cad las rnam par 'das te 'du 'dzi med par gyur cig/ sems can thams cad 'gyod pa med pa'i sbyin bdag tu gyur te/ gtong ba'i sems dang mi 'bral bar gyur cig/ sems can thams cad gnas med pa'i bsam pa rab tu thob cing / khyim gyi gnas dang rab tu bral bar gyur cig/ sems can thams cad btang ba shin tu gtong ba'i sems dang ldan zhing gtang bar bya ba gtong bar gyur cig/ sems can thams cad khyim gyi gnas la chags pa las rnam par 'das te/ gnas pa chud za ba med par gyur cig/ sems can thams cad gnod pa dang / 'tsho ba dang / 'jigs pa thams cad las rnam par 'das te/ gtse ba thams cad kyis yongs su btang bar gyur cig/ sems can thams cad la sangs rgyas thams cad la sangs rgyas kyi zhing 'bul bas 'jig rten gyi khams thams cad rnam par sbyong bar gyur cig ces/ de ltar byang chub sems dpa' sems dpa' chen po yul dang mir bcas pa dang / grong khyer dang / rgyal po'i pho brang 'khor yongs su gtong ba'i tshe/ dge ba'i rtsa ba de dag sangs rgyas kyi zhing gi gnas yongs su dag par bya ba'i phyir/ sems can thams cad la yongs

  557. 279b

    su bsngo'o/ / 'di ltar yang byang chub sems dpa' sems dpa' chen po g.yog dang 'khor la dga' ba'i mtshan mar mi 'dzin cing ltos pa med pa'i sems dang ldan pa/ 'khor ba thams cad la zhen pa med pa'i rgyud can 'dod pa'i dga' ba thams cad kyis sems bcings pa med pa/ gzugs kyi rnam pa thams cad la mngon par ma chags pa'i sems dang ldan pa/ 'dod pa'i dga' ba thams cad la sems mi brkam pa// 'dod pa'i dga' ba sna tshogs su yongs su spyod pa la rtog pa med par gnas pa/ 'dod pa'i sbyor ba thams cad la chags pa med pa'i sems dang ldan pa/ bud med kyi dga' ba dang rtsed mo'i dga' ba yongs su spyod pa thams cad la mtshan mar mi 'dzin pa/ bud med rin po che'i yan lag dang nying lag thams cad la ma chags pa/ 'jig rten gyi phun sum tshogs pa thams cad las phyir lo go pas g.yog 'khor dag chung ma'i 'khor dang rol mor bcas pa/ glu dang / gar dang / rnga dang / rol mo dkrol ba byed cing spyod pa/ bsnyen bkur zhing rim gro bya ba la shin tu mkhas par gyur pa/ bzo dang sgyu rtsal shin tu bslabs pa/ 'jig rten pa'i yon tan thams cad dang ldan pa/ dga' bar byed pa yod du 'ong ba'i rim gros rtsa bar byed pa/ bkur sti'i tshul la mkhas pa/ rol mo brdung

  558. 280a

    ba'i sgra yid du 'ong ba shin tu phyung ba dang / rol mo dkrol ba dang / glu'i sgra mi mthun pa med pa dang / gar gyis nye bar spyod pa dang ldan pa/ bud med cang shes kyi tshogs kyis kun nas bskor ba/ bzhin sdug gu cha byad sdug gu'i bu mo rin po che dang ldan pa/ 'phreng ba dang / spos dang / bdug spos dang / rgyan gyis rim gro byed pa/ bzhad gang dang / rol mos dga' bar rtsa zhing bkur sti rnam pa sna tshogs yid du 'ong ba ston pa'i bud me rin po che 'grogs 'grogs pa/ ngag nyan cing mthun par 'dzin pa/ nges pa'i tshig gis dga' bar byed cing rim gror byed pa/ rgyan bzang po rab tu mang bas blta na yid du 'ong bar brgyan pas shin tu rnam par dag pa/ rol mo brdung ba dang dkrol bu bye ba khrag khrig brgya stong dang ldan pa/ byang chub sems dpa'i las kyi dge ba'i rtsa ba dang rgyu mthun par byung ba/ cang shes shing byang chub sems dpa'i dbang gi rjes su 'brang ba// sems dga' bar byed pa de lta bu'i g.yog 'khor dang / chung ma'i 'khor dang / rol mor bcas pa shin tu bshes pa de dag thams cad yongs su gtong zhing sbyin pa byed pa'i tshe/ dge ba'i rtsa ba de dag 'gro ba thams cad nas 'byung ba'i sems kyis yongs su bsngo'o/ / sangs rgyas kyi chos la dga' ba rab tu thob pas yongs su sngo'o// snying po blangs pa'i sems kyis yongs

  559. 280b

    su bsngo'o/ / ye shes rdo rje'i dbyings mi shigs pa'i sems kyis yongs su bsngo'o// de bzhin gshegs pa'i dkyil 'khor rab tu thob pas yongs su bsngo'o// snying po len bar byas te yongs su bsngo'o/ / bla na med pa'i sems dang ldan pas yongs su bsngo'o// ye shes kyis khong du chud pa'i chos dang ldan pas yongs su bsngo'o// dge ba'i rtsa ba thams cad kyi 'byung gnas su re par byas te yongs su bsngo'o/ / dus gsum gyi sangs rgyas thams cad dang mi 'gal bar byas te yongs su bsngo'o// de lta bu'i chos la rnam par spyod cing byang chub sems dpa' sems dpa' chen po de bzhin gshegs pa'i rigs dang ldan pa'i rigs kyi brgyud du byung ba/ sangs rgyas kyi rigs rnam par dag pas rab tu skyes pa/ thams cad mkhyen pa'i lam du sems mngon par skyes pa/ byang chub sems dpa'i las dang ye shes 'byam klas pa la zhugs pa/ 'jig rten gyi dri ma thams cad rab tu sbyong ba/ sbyin pa byed pa/ sbyin pa'i sems dang ldan pa/ yom tan chen po'i dkyil 'khor gyis sbyin pa'i gnas su gyur pa/ 'jig rten thams cad kyi gnas dang 'gro ba thams cad kyi rten du gyur pa/ sems can thams cad rnam par dag par bya ba la yang dag par zhugs pa/ dge ba'i rtsa ba thams cad gzung ba la yang dag par brtson pa de/ 'khor thams cad yongs su btang bas yang dag par bzung ba'i dge

  560. 281a

    ba'i rtsa ba de dag 'di ltar yongs su bsngo ste/ sems can thams cad byang chub sems dpa'i ting nge 'dzin mi 'phrogs pa rab tu thob ste/ ting nge 'dzin tshad med pa'i 'khor gyis bskor bar gyur cig/ sems can thams cad sangs rgyas mthong bas spro ba dang dga' ba rab tu thob ste/ sangs rgyas thams cad kyi ting nge 'dzin gyi rgyan la mnyam par gzhog par gyur cig/ sems can thams cad tshad med pa'i ting nge 'dzin gyis rnam par 'phrul pa la gnas shing / byang chub sems dpa'i ting nge 'dzin gyis rnam par rtse zhing spyod par gyur cig/ sems can thams cad sems la 'khrug pa med cing / chos dang mthun pa'i ting nge 'dzin rab tu thob par gyur cig/ sems can thams cad ting nge 'dzin thams cad la dbang sgyur zhing byang chub sems dpa'i ting 'dzin zab mo rab tu thob par gyur cig/ sems can thams cad yang dag par bral ba'i yid rab tu thob ste/ ting nge 'dzin gyi 'khor dang ldan par gyur cig/ sems can thams cad ting nge 'dzin gyi mtshan ma 'dzin pa shin tu thob ste/ ting nge 'dzin sna tshogs la mkhas par gyur cig/ sems can thams cad ting nge 'dzin thams cad bsgom pa la gnas shing / ting nge 'dzin gyi khyad par shes par gyur cig/ sems can thams cad rtag tu rgyun mi 'chad pa'i sems kyis mi gnyis pa'i ting nge 'dzin la yang dag par spyod cing

  561. 281b

    chags pa med pa'i ting nge 'dzin rab tu thob par gyur cig ces/ / de ltar byang chub sems dpa' sems dpa' chen po 'khor thams cad yongs su btang bas yang dag par bzung ba'i dge ba'i rtsa ba de dag sems can thams cad kyi 'khor gzhan gyis mi phyed cing rnam par dag pa dang / byang chub sems dpa'i 'khor gyi tshogs rab tu thob par bya ba'i phyir yongs su bsngo'o// byang chub tu sems bskyed pa shin tu rnam par dag par 'gyur ba dang / sangs rgyas kyi chos yongs su rdzogs pa rab tu thob par 'gyur ba'i phyir sems can thams cad la yongs su bsngo'o// thams cad mkhyen pa'i ye shes khong du chud pa dang / thams cad mkhyen pa'i stobs yongs su rdzogs par 'gyur ba'i phyir sems can thams cad la yongs su bsngo'o// skal ba mnyam pa'i sems can dang 'grogs pa dang mthun pa'i g.yog 'khor rab tu 'thob par bya ba'i phyir sems can thams cad la yongs su bsngo'o/ / kha na ma tho ba med pa'i dge ba'i rtsa ba rab tu 'grub pa dang / thams cad mkhyen pa'i bsod nams yongs su rdzogs par 'gyur ba'i phyir sems can thams cad la yongs su bsngo'o// sangs rgyas kyi sku rnam par dag par 'thob pa dang / g.yog nas pa ldan par bya ba'i phyir sems can thams cad la yongs su bsngo'o/ / sangs rgyas kyi chos mi zad pa thams cad kyi mdzod shin tu rigs pa la zhugs pas rab tu ston pa dang / so so yang

  562. 282a

    dag par rig pa gcig nas gcig tu brgyud pa thams cad 'thob par bya ba'i phyir sems can thams cad la yongs su bsngo'o/ / 'gro ba thams cad kyi dge ba'i rtsa ba las rnam par 'das pa dang / sems can thams can grogs su 'gyur ba'i dge ba'i rtsa ba yongs su rdzogs par bya ba'i phyir sems can thams cad la yongs su bsngo'o// rnam par dag pa'i chos thams cad yongs su rdzogs par 'gyur ba dang / kha na ma tho ba med pa'i las yongs su rdzogs par bya ba'i phyir sems can thams cad la yongs su bsngo'o// chos snang ba thams cad kyi rgyan yongs su dag par bya ba dang / sangs rgyas kyi chos thams cad mngon sum du rdzogs par bya ba'i phyir sems can thams cad la yongs su bsngo'o// gzhan yang byang chub sems dpa' sems dpa' chen po bu dang / bu mo dang / chung ma yongs su gtong zhing / ji ltar gzhon nur shin tu sbyong ba dang / rgyal po rgyan thams cad ston pa dang / de ma yin pa'i byang chub sems sapa' sems dpa' chen po gzhan dag kyang thams cad mkhyen pa'i lam la mngon par gnas pa gtong ba dang yongs su gtong ba thams cad rnam par 'phel bar byed pa/ byang chub sems dpa'i gtong ba'i lam rnam par sbyong ba/ phyis 'gyod pa med pa'i gtong ba'i sems rnam par sbyong ba/ gtong ba rin po che thams cad kyis thams cad mkhyen par sems bskyed pa la mnyam par gzhog pa

  563. 282b

    'gro ba thams cad rnam par dag par byed pa'i lhag pa'i bsam pa rab tu sgrub pa/ lhag pa'i bsam pas dag pa'i byang chub sems dpa' thams cad du yongs su rdzogs par byed pa/ byang chub sems dpa'i lam gyis bdag mngon par bskyab par yang dag par lta ba/ sangs rgyas thams cad kyi byang chub tu sems mngon du gyur par byin gyis rlob pa/ de bzhin gsheg pa thams cad kyi rigs la gnas pa'i sems bskyed pa yongs su sgyur ba rnams kyis bu dang / bu mo dang / chung ma yongs su btang ba de ltar/ bu dang / bu mo dang / chung ma de dag bsam pa stobs dang ldan par byas te gtong ba dang / bdag de bzhin nyid du mos par byas te sbyin par byed pa dang / bdag nyid 'jig rten thams cad kyis ci 'dod par smad par yang dag par lta ba dang / bdag sems can thams cad la sbyin pa kun gyi 'byung gnas su gyur par byin gyis rlob pa dang / gang gis sems can dma' bar gyur pa de bdag gis yongs su rgyas par byed pa dang / de lta bu'i tshul gyis bdag yang dag par 'dzin pa dang mchod rten dam par 'gyur ro zhes/ 'gro ba thams cad du bdag spro bar byed pa dang / thams cad mkhyen pa'i sems nyid 'gro ba thams cad du shin tu sgrub pa dang / bdag 'gro ba thams cad la phan pa'i mu stegs su rjes su lta ba dang / bdag 'jig rten thams cad kyi 'babs

  564. 283a

    bde bar rab tu rtog pa dang / bdag 'gro ba thams cad kyi sbyin bdag tu mos par byed pa dang / bdag ye shes kyi yid dang ldan par byas shing / bdag byang chub sems pa'i spyod pa la rab tu brtson par yang dag par shes pa dang / bdag ji ltar smras pa de ltar byed pa la sbyor ba dang / bdag gis thams cad mkhyen pa nyid go/ cho bgos par rab tu rtog cing ye shes dang bsod nams kyi zhing tshol ba dang / 'gro ba thams cad la dam bcas pa'i sems rjes su srung ba dang / rab tu nan tan byed pa la bdag shin tu gzhog pa dang / 'gro ba thams cad du snang ba'i ye shes yang dag par skyed pa dang / byang chub sems dpa' thams cad kyi gtong ba'i sem yid la byed pa dang / de bzhin gsheg pa thams cad mngon sum du dmigs par byed pa'i tshe/ chags pa med pa dang grol zhing bcings pa med pa'i sems dang ldan pa/ sems can thams cad kyi don du ye shes dang bsod nams kyi tshogs bsags pa de dge ba'i rtsa ba de dag 'di ltar yongs su bsngo ste/ bu dang / bu mo dang / chung ma yongs su btang bas yang dag par bsdus pa'i dge ba'i rtsa ba 'dis/ sems can thams cad chos thams cad kyis 'jig rten gyi khams rgyas par 'gengs pa'i chos kyi 'khor lo phyir mi ldog pa yang dag par bskor bas sangs rgyas kyi byang

  565. 283b

    chub la 'jog par byed cing / bdag gi lus kyi sprul pa rab tu 'gyed par gyur cig/ sems can thams cad sangs rgyas kyi zhing thams cad du smon lam gyis 'dong zhing / lus la mngon par chags pa med par gyur cig/ sems can thams cad kyis chags pa dang khong khro ba spangs shing / sdug pa dang mi sdug pa'i sems dang bral bar gyur cig/ sems can thams cad sangs rgyas kyi rigs kyi rjes su spyod cing de bzhin gshegs pa'i sras su red par gyur cig/ sems can thams cad tha dad pa med pa'i sems kyis byung zhing // sangs rgyas thams cad la rab tu 'du shes thob par gyur cig/ sems can thams cad sangs rgyas thams cad kyi chos kyi sku las byung ba gsung las skyes par gyur te/ nges par sangs rgyas kyi sras su gyur cig/ sems can thams cad de bzhin gshegs pa'i ye shes khong du chud par 'gyur ba'i phyir go skabs rab tu thob par gyur cig/ sems can thams cad yang dag bral ba'i mthar byin te/ sangs rgyas kyi byang chub dang ldan par gyur cig/ sems can thams cad bla na med pa'i chos gtong ba la brtson zhing / sangs rgyas kyi byang chub yang dag par 'god pa dang ldan par gyur cig/ sems can thams cad rkyen thams cad kyis zad par mi nus shing / shin tu rtogs par bzhag pa'i sems dang ldan par gyur cig/ sems

  566. 284a

    can thams cad byang chub kyi shing drung du rnam pa'i mchog thams cad dang ldan pa/ bla na med pa yang dag par rdzogs pa'i byang chub tu rnam par sangs rgyas te/ chos las skyes pa dang / chos las byung ba'i bu dang / bu mo dang / chung ma rab tu 'gro bar byed par gyur cig ces/ de ltar byang chub sems dpa' sems dpa' chen po bu dang mo dang / chung ma yongs su btang ba las byung ba'i dge ba'i rtsa ba de dag bsgribs pa med pa'i ye shes rab tu 'thob pa dang / khams gsum pa thams cad la chags pa med pa'i rnam par thar pa khong du chud par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po khyim gyi dngos po la chags par gnas pa'i rnam pa la mos pa med pa/ khyim gyi rnam par rtog pas yongs su rtog pa med pa/ khyim gyi yo byad thams cad la don du gnyer ba med pa// khyim gyi chags pa thams cad kyis 'dod par gyur pa med pa/ khyim gyi longs spyod thams cad la ro myong bar lta ba med pa/ khyim gyi longs spyod thams cad khong du chud pa'i sems dang ldan pa/ khyim la mngon par chags pa thams cad las gyen du spags pa'i sems dang ldan pa/ khyim dang gnas la rten pa thams cad

  567. 284b

    la mngon par mos pa med par gyur pa/ khyim dang gnas la rten pa thams cad yud tsam gyi 'du shes kyis byin gyis brlabs pa/ sangs rgyas kyi bstan pa la shin tu 'byung ba'i bsam pa dang ldan pa/ byang chub sems dpa'i gnas thams cad la zhugs pa'i sems dang ldan pa/ sangs rgyas kyi chos thams cad kyis brgyan pa'i sems dang ldan pa/ gcig nas gcig tu rjes su 'gyod pa med par gtong ba/ dmigs pa'i dngos po thams cad kyi sgo nas sangs rgyas thams cad kyis yang dag par bsngags pa/ 'gyod pa med par gtong ba'i sems dang ldan pa/ khyim yongs su bzung ba shin tu btang ba la mngon par chags pa med pa'i yid dang ldan pa/ phyogs dang yul thams cad la gnas med par gnas pa/ khyim radang gnas la chags pas rtsom pa med par yongs su bzung ba thams cad sbyin par shin tu pas gtong ba/ slong ba thams cad mthong na rab tu dga' ba dang / spro ba dang // yid dag ba skye bas slong ba rnams la tshul dang ldan pa'i sems kyis/ khyim dang khyim gyi yo byad dang rgyan thams cad yongs su gtong ba'i tshe/ khyim gyi sbyin pa yongs su btang bas yang dag par bsdus pa'i dge ba'i rtsa ba de dag 'di ltar yongs su bsngo ste/ sems can thams cad dkon mchog dam par 'byung ba la mngon par mos shing / bu dang bu mo shin tu btang bar gyur cig/

  568. 285a

    sems can thams cad khyim med par rab tu byung zhing khyim las rnam par grol te/ yang dag par rdzogs pa'i sangs rgyas kyi bstan pa la tshangs pa'i spyad pa spyod par gyur cig/ sems can thams cad phyir mi ldog pa'i sems kyis 'jungs pa med par gnas shing / thams cad yongs su gtong ba la mngon par mos par gyur cig/ sems can thams cad sogs pa med cing chog shes pa la brtson pas/ khyim gyi chos dang rab tu bral bar gyur cig/ sems can thams cad sangs rgyas kyi pho brang dang gnas la yang dag par gnas shing / khyim dang gnas la gnas pa med par gyur cig/ sems can thams cad kyi bar du gcod pa'i nan tan thams cad 'gags par gyur te/ sgrib pa'i chos thams cad shin tu spangs par gyur cig/ sems can thams cad dgos pa med pa'i sems kyi gnas la rten pas/ lhun ljin med pa'i khyim dang ldan par gyur cig/ sems can thams cad khyim na gnas pas mngon par rdzogs par sangs rgyas pa mthong ba'i ye shes dang ldan zhing / yongs su smin par bya ba la mkhas par gyur cig/ sems can thams cad sangs rgyas thams cad kyi gnas kyi rjes su song ba'i sems kyi ye shes dang ldan zhing / khyim gyi gnas rnam par rig pa rab tu mthong bar gyur cig/ sems can thams cad khyim gyis sangs rgyas kyi rnam par spyod pa rab

  569. 285b

    tu thob cing / sems can thams cad mtha' yas pa'i sim par byed par gyur cig ces/ de ltar byang chub sems dpa' sems dpa' chen po khyim gyi sbyin pa yongs su btang bas yang dag par bsdus pa'i dge ba'i rtsa ba de dag sems can thams cad kyis byang chub sems dpa'i spyod pa dang / smon lam dang / rnam par 'phrul pa sna tshogs rab tu thob par bya ba'i phyir yongs su bsngo'o/ / 'di ltar yang byang chub sems dpa' sems dpa' chen po bza' shing gi ra ba dga' ba dang / rtse ba dang / longs spyod mang po sna tshogs kyi gnas yongs su gtong zhing sbyin pa dang / stobs pa dang / bdag sems can thams cad kyi bza' shing gi ra bar gyur pa'o zhes yang dag par lta ba dang / bdag chos kyi dga' bar gyur par 'jig rten thams cad la yongs su ston pa dang / bdag sems can thams cad la yid bde ba'i sbyin pa byed par byin gyis rlob pa dang / bdag 'gro ba thams cad du dga' ba mtha' yas pa yang dag par skyed par shin tu ston pa dang / bdag khams gsum thams cad na chos dkar po skye ba'i sgor gyur par yang dag par 'dzin pa dang / bdag 'gro ba thams cad kyi sems dga' ba rtag tu skyed par byed par 'jig rten thams cad du gnas par byed pa dang / bdag sems can thams cad la sangs rgyas kyi byang chub stobs par smon

  570. 286a

    lam 'debs pa dang / bdag skye dgu thams cad kyi pha dang 'dra bar nan tan byed pa dang / bdag khams gsum thams cad na ye shes kyi 'byung gnas su gyur par rab tu rtog pa dang / bdag sems can gyi khams thams cad na yo byad kyis mi brel bar byed par rab tu gzhog pa dang / bdag smon lam thams cad kyis dge ba'i rtsa ba thams cad ma dang 'dra babar skyed par yang dag par sgrub pa'i tshe/ dge ba'i rtsa ba de dag sems can thams cad kyi skyon gyis skyo ba med par yongs su bsngo'o// sems can thams cad kyi gnod pas 'khrul pa med pa'i sems kyis yongs su bsngo'o/ / 'jig rten gyi gnas drin du mi gzo bas yongs su gang bas yongs su yi chad pa med par yongs su bsngo'o// sems can thams cad las 'thob par bya ba la re ba med par yongs su bsngo'o/ / 'jig rten thams cad la smon pa med pa'i sems kyis yongs su bsngo'o// 'jig rten thams cad kyi sdug bsngal bsal ba'i sems kyis 'gro ba thams cad la yongs su bsngo'o/ / bar snang dang mnyam pa'i sems kyis 'gro ba thams cad gos pa med par bya ba'i phyir yongs su bsngo'o// dge ba'i rtsa ba thams cad sngon du 'gro ba'i sems kyis yang dag pa ji lta ba bzhin du rab tu rtog pa'i phyir yongs su bsngo'o/ / sems can thams cad kyi sdug bsngal blang bar go cha bgos pa'i sems kyis

  571. 286b

    skye dgu thams cad la yongs su bsngo'o/ / lta ba'i rnam pa thams cad shin tu bzlog pa'i byang chub sems dpa'i spyod pa chen po dang / smon lam mnyam pa med pa la rab tu brtson pa dang / theg pa chen po'i smon lam gyis skyo ba med par yongs su bsngo ste/ de ltar byang chub sems dpa' sems dpa' chen po bza' shing gi ra ba yongs su btang bas yang dag par bsdus pa'i dge ba'i rtsa ba de dag yongasu bsngo'o/ / de de ltar yid la byed pa'i rab tu rtog pa'i sems dang ldan par byas shing 'di ltar yongs su bsngo ste/ sems can thams cad kyis gong nas gong du ye shes kyi bza' shing gi ra ba rab tu thob ste/ dge ba'i rtsa ba gsar pa dang gsar pa yang dag par 'byung ba dang ldan par gyur cig/ sems can thams cad sangs rgyas thams cad la lta zhing bsnyen bkur ba dang rim gro byed pa'i phyir 'khrug pa med pa'i chos can du gyur cig/ sems can thams cad sangs rgyas kyi zhing gi bza' shing gi ra ba la dga' ba rab tu thob ste/ chos la rab tu dga' bas dga' bar gyur cig/ sems can thams cad mngon par dga' ba'i bza' shing gi ra bar sangs rgyas kyi cho 'phrul yang dag par mthong ba'i phyir dga' ba'i sem dang ldan pa 'gyur cig/ sems can thams cad kyi yul la rnam par rtse zhing spyod pas sangs rgyas kyi dgyes pa dang rol pa la rab tu brtson par gyur cig/ sems can thams cad sangs rgyas kyi zhing / de bzhin

  572. 287a

    gshegs pa'i 'khor gyi dkyil 'khor dang / 'dul bar 'dong bas dga' ba dang / rtse ba dang / longs spyod la rab tu brtson par gyur cig/ sems can thams cad byang chub sems dpa'i rnam par thar pas phyi ma'i mthar thug pa'i bskal par byang chub sems dpa'i spyod pas yongs su mi skyo ba'i sems kyis gnas pa'i phyir/ byang chub sems dpa'i rtse ba dang / longs spyod dang / dga' la mos par 'gyur cig/ sems can thams cad sangs rgyas kyi bza' shing gi ra ba sems chen po bskyed pas dga' ba la rten cing / chos kyi dbyings thams cad sangs rgyas kyis gang bar chud par gyur cig/ sems can thams cad sangs rgyas kyi zhing sna tshogs su sangs rgyas mchod pa dang rim gro bya ba la dga' zhing / sangs rgyas kyi zhing thams cad du 'gro ba la brtson par gyur cig/ sems can thams cad sangs rgyas kyi zhing thams cad rab tu brgyan par bya ba rnam par dag par 'gyur ba'i phyir dga' zhing mos pa'i sems dang ldan par gyur cig ces/ de ltar byang chub sems dpa' sems dpa' chen po bza' shing gi ra ba rtse ba dang / dga' ba dang / longs spyod kyi gnas yongs su gtong ba'i/ dge ba'i rtsa ba de dag sems can thams cad sangs rgyas thams cad kyi bza' shing gi ra ba rol pa'i gnas su 'dong zhing / sangs rgyas thams cad thams cad mtho

  573. 287b

    ba 'grub par 'gyur bar bya ba'i phyir yongs su bsngo'o/ / gzhan yang byang chub sems dpa' sems dpa' chen po mchod sbyin bye ba khrag khrig 'am stong grangs med bdu ma rung ba/ sangs rgyas thams cad kyis bsngags pa/ sems can thams cad la mi 'tshe bar gzhol ba/ 'gro ba thams cad rnam par dag par bya ba la brtson pa/ gtan pa med pa las kyi lam gsum shin tu dag pa/ ye shes kyis grub pa'i mchod sprin yo pad grangs med par sogs pa/ dmigs pa bye ba khrag khrig brgya stong grangs med pas rnam par dag pa/ sbyin pa rnam pa tha dad pa'i tshul gyis yang dag par bzung ba/ yo byad kyi rnam pa du ma dang ldan pa/ sbyin pa'i tshogs sna tshogs bye ba khrag khrig brgya stong grangs med pa can gyi mchod sbyin du ma byed pa'i tshe/ mchod sbyin byas pa'i smin pa chen pos yang dag par bzung ba'i dge ba'i rtsa ba de dag byang chub kyi sems dkon pa sbyin pa'i tshogs tshad med pas sems can thams cad rnam par dag par bya ba la zhugs pa/ dge ba brtsam pa thog ma dang / bar ma dang / tha mar rnam par dag pa sna tshogs dang ldan pa/ mos pa bye ba khrag khrig brgya stong gi bsam pa can/ sems can grangs med pa mngon par mgu bar byed pa/ byams pa tshad med pa bsgom pa yang dag par spyod pas nye bar gnas pa/ 'gro ba thams cad

  574. 288a

    snying rje chen pos yongs su bskyab pa shin tu grub pa/ 'das pa dang / ma byon pa dang / da ltar byung ba'i de bzhin gshegs pa mngon par mnyes par byed pa/ sangs rgyas thams cad kyi rigs kyi phyir rjes su 'gyod pa med pas gtong ba'i sems dang ldan pa/ phyis mya ngan du bya ba med par yang dag par spyod pas/ khyad par rnam par 'phel bar byed pa/ dad pa'i dbang po sems skad cig gis tshad med par rnam par 'phel bar byed pas/ gtong ba dang ldan pa de 'di ltar yongs su bsngo ste/ theg pa chen po'i sems bskyed pas grub pa'i mchod sbyin byas pa'i dge ba'i rtsa ba 'dis sems can thams cad gtong ba chen po dang / shin tu gtong ba dang / rab tu gtong ba dang mchog tu gtong ba dang / gya nom par gtong ba dang / phul du gtong ba dang / bla na med par gtong ba dang / mnyam pa med par gtong ba dang / 'jig rten thams cad las 'phags pa'i gtong ba dang / sangs rgyas thams cad kyis bsngags pa'i chos gtong ba dang ldan zhing sbyin bdag gi dam pas sems can gyi khams thams cad ngan song nas 'don pa/ ye shes kyi lam la rab tu gzhog pa'i smon lam mnyam pa med pa dang ldan/ dge ba'i rtsa ba nor ba med pa dang ldan pa/ bdag mnyam pa med pa'i ye shes rjes su sangs rgyas pa

  575. 288b

    dang ldan zhing / sems can thams cad zhi ba'i ye shes la rab tu gzhog pa/ mngon par shes pa'i ye shes mnyams pa med pas 'gro ba thams cad la shin tu mkhas par byas pa/ ye shes kyi sa dang sangs rgyas kyi chos la gzhol ba/ sangs rgyas thams cad kyi rgyan gyi pha rol tu phyin pa dang ldan pa/ sangs rgyas kyi chos thams cad phyir mi ldog pas rgyun chad pa med par gyur te/ mchod sbyin shin tu byas par gyur cig/ sems can thams cad 'gro ba kun la rim gro byed cing / bla na med pa'i ye shes kyi mthar thug par rgyu na pa med pas phyir mi ldog pa'i mchod sbyin byed par gyur cig/ sems can thams cad tshad med pa mtha' yas pa'i bsod nams bsags pa'i pha rol tu phyin cing / dge ba'i rtsa ba legs par bskyed pa dang ldan par gyur cig/ sems can thams cad bsod nams kyi dkyil 'khor gyis chos kyi dbyings tshad med pa bla na med par snang ba'i bde ba yongs su gtong zhing / sangs rgyas thams cad kyis bsngags par 'gro ba thams cad kyi sbyin bdag tu gyur cig/ sems can thams cad sems can gyi khams su snyoms par dge ba'i rtsa/ bas yang dag par 'dzin pa'i pha rol tu phyin pa thob cing mnyam pa'i sems kyis mchod sbyin byed par gyur cig/ sems can thams cad theg pa'i mchog la 'gro ba thams cad rab tu

  576. 289a

    dgod par brtson zhing mchod sbyin gyi dam pa byed par gyur cig/ sems can thams cad dus ma yin pa thams cad las 'das shing dus ma yin pa thams cad la bab pa'i mchod sbyin mthar phyin par 'gro ba thams cad mtshan nyid gcig tu gyur pa'i mchod sbyin byed par gyur cig/ sems can thams cad skyes bu dam pa'i mchod sbyin phun sum tshogs pa'i pha rol tu phyin pa dang ldan zhing mchod sprin legs pa dang ldan par gyur cig/ sems can thams cad sangs rgyas thams cad kyis nye bar bstan te thams cad mkhyen pa nyid kyi mthar phyin pa la bkod de/ mchod sbyin gyi rgyan mtha' las rgal ba rnam pa sna tshogs kyis mchod sbyin byed par gyur cig/ sems can thams cad chos kyi dbyings tshad med par bsod nams kyi mchod sbyin byed pas mtha' dang dbus med pa'i bsod nams bsags pa'i pha rol tu phyin pa yang das par sgrub cing / thams cad mkhyen pa'i rnam par dag pa dang ldan par gyur cig/ sems can thams cad smon lam chen pos sems can gyi khams thams cad sgrol zhing de bzhin gshegs pa'i gnas su gzhog pas 'gro ba kun gyi mchod sbyin gyi bdag por gyur cig ces/ de ltar byang chub sems dpa' sems dpa' chen pos mchod sbyin byas pa'i bsod nams chen po byin pas yang dag par bsdus

  577. 289b

    pa'i dge ba'i rtsa ba de dag ci nas kyang sems can gyi khams thams cad kyis mchod sbyin legs par byas par 'gyur ba dang / mchod sbyin chud mi za bar 'gyur ba dang / sangs rgyas tham/ cad mngon par mnyes pa'i mchod sbyin dang ldan par 'gyur ba dang / sems can thams cad la zhe sdang ba med pa'i mig gi mchod sbyin du 'gyur ba dang / 'gro ba thams cad yongs su skyob pa'i mchod sbyin du 'gyur ba dang / thams cad mkhyen pa'i ye shes kyis grub pa'i mchod sbyin byas par 'gyur ba dang / sangs rgyas thams cad blta ba dang mi 'bral ba'i mchod sbyinas 'gyur ba dang / cho ga dang shin tu ldan pa'i mchod sbyin du 'gyur ba dang / byang chub sems dpa'i yon tan thams cad kyis yongs su grub pa'i sangs rgyas kyi ye shes kyi mchod sbyin du 'gyur pa dang / sems can thams cad bla na med pa'i mchod sbyin byed cing / de bzhin gshegs pa'i mchod sbyin gyi mthar thug par 'gyur bar yongs su bsngo'o/ / gzhan yang byang chub sems dpa' sems dpa' chen po yo byad kyi tshogs dang / dngos po la chags pa med pa'i sems dang ldan pa/ mngon par ma chags pa'i sems dang ldan pa/ rnam par smin pa la mi re ba'i sems dang / 'jig rten gyi phun sum tshogs pa thams cad re

  578. 290a

    zhing 'dod pa med pa'i sems dang / skyon med pa'i sems dang / rmongs pa med pa'i sems dang / chos la rtog pas shin tu btsal ba'i sems dang / sem can thams cad don la gzhag par yongs su bsngo ba'i sems dang / chos thams cad kyi rang bzhin yang dag pa ji ltar ba bzhin du rab tu rtogs pa'i sems dang ldan pa/ longs spyod mtha' yas pa rnam pa sna tshogs thams cad la dmigs pa tshad med pa'i rim gro byed pa'i tshul can/ sems can la phan pa rnam pa tha dad pas rnam pa sna tshogs du mar yang dag par spyod pa/ dngos po'i rnam pa tshad med pa brjod du med pa dang / mngon par 'du bya ba'i mtshan nyid sna tshogs can thams cad sbyin pa'i tshogs la rab tu brtson pa/ gtang bar bya ba mtha' yas pa stobs pas gtong ba thams cad yang dag par gtong ba la gzhol ba/ phyi nang gi yul zad mi shes pa'i dmigs pa thams cad shin tu ston pas de dag gtong ba dang / yongs su gtong ba dang / stobs pa dang / sbyin par byed pa dang / 'bul ba dang / bsam pa'i stobs rnam par 'phel bar byed pa dang / 'gro ba thams cad du yon tan chen po thob pas sems rin po che dang 'grogs pa dang / lan la re ba med par 'gro ba thams cad snying rjes rjes su skyong ba dang / 'gro ba rin po che thams cad kyi bsam pa rin po che shin tu sgrub pa dang /

  579. 290b

    'das pa dang / ma byon pa dang / da ltar byung ba'i sangs rgyas thams cad dang gcig tu bgrang ba'i dge ba'i rtsa bas thams cad mkhyen pa nyid rnam par 'phel bar byed pa'i tshe/ yo byad thams cad kyi sbyin pa yongs su btang bas yang dag par bsdus pa'i dge ba'i rtsa ba de dag sems can gyi khams thams cad ma lus par yongs su smin par bya ba dang / gdul ba gcig nas gcig tu brgyud pa rnam par dag par bya ba'i phyir yongs su bsngo'o/ / zhing thams cad ma lus par gcig nas gcig tu brgyud pa nye ba'i nyon mongs pa med cing rgyan rnam par dag pas rnam par dbye ba dang / rab tu brgyan pa yongs su rdzogs par bya ba'i phyir yongs su bsngo'o// chos kyi dbyings thams cad ma lus par sems gcig gis rgyas par dgang ba dang / rnam par dag par bya ba'i phyir yongs su bsngo'o// nam mkha'i khams thams cad ma lus pa'i mthar thug par yongs su rgyas par bya ba'i phyir yongs su bsngo'o// dus mtha' dang dbus med pa thams cad ma lus pa la 'jug cing / thams cad mkhyen pas 'dul bas dus thams cad du chos kyi 'khor lo rab tu bskor ba'i phyir yongs su bsngo'o// ye shes kyi byin gyi rlabs thams cad ma lus pa la mkhas pa yang dag par bstan pas 'gro ba thams cad la phan gdags pa'i phyir yongs su bsngo'o// sangs rgyas

  580. 291a

    kyi byang chub thams cad ma lus par mngon par 'tshang rgya bar bya bas phyi ma'i mtha'i mur thug pa'i bskal par bstan pa/ 'jig rten gyi khams 'byam klas pa thams cad du rgyun mi 'chad pas sems can kun gyis sangs rgyas kyi chos shes par bya ba'i phyir yongs su bsngo'o/ / bskal pa'i grangs thams cad ma lus pa byang chub sems dpa'i spyod pas rgyas par dgang ba'i phyir yongs su bsngo'o/ / 'jig rten gyi khams kyi grangs dang / 'jig rten gyi khams kyi rgyud dang / 'jig rten gyi khams 'byam klas pa kun nas nyon mongs pa dang / rnam par dag pa dang / che ba dang / chung ba dang / phra ba dang / yangs pa dang / snrel zhing rgyu ba dang / spre'u tshugs su bstan pa dang / rgyan gcig pa dang / rgyun tha dad pa dang / 'jig rten gyi khams sna tshogs su bgrang zhing bstan pa thams cad ma lus par byang chub sems dpa'i spyod pas yongs su rgyas par dgang ba'i phyir yong/ su bsngo'o// sangs rgyas kyi 'phrin las thams cad ma lus pa la dus gsum du brtson pas sems skad cig re re zhing thams cad mkhyen por gdul ba dang / rab tu dgod par bya ba'i yongs su bsngo ste/ de ltar byang chub sems dpa' sems dpa' chen po sems can gyi khams grangs med pa thams cad gzud par bya ba'i phyir/ sangs rgyas kyi lam rgyun mi gcad pa la

  581. 291b

    zhugs pa/ snying rje chen pos 'gro ba thams cad yongs su skyob cing / byams pa chen po tshad med pa la gnas pa/ byang chub sems dpa'i spyod pa thams cad kyi rjes su slob par zhugs pa/ de bzhin gshegs pa'i gdams ngag thams cad kyi tshul la gnas pa/ sangs rgyas thams cad la dge ba'i rtsa ba rgyun mi 'chad par skyed pa/ dus thams cad du slong ba la skyo ba med par rim gro byed pa'i sems dang ldan pa/ gtang ba thams cad btang bas 'gyod pa med pa'i sems dang ldan pa/ sbyin pa brtsams pa thams cad thasra sa mkhyen par yongs su bsngo ba la brtson pa des slong ba de dang de dag 'ongs shing / yo byad kyi dngos po mtha' yas pa slong ba dang / slong ba thams cad kyi bsam pa yongs su rdzogs par byed pa'i byang chub sems dpa'i spyod pas dus gzhan dang gzhan du spong ba 'ongs pa dang / slong ba de dang de dag yul de dang der 'ongs shing / dus gzhan dang gzhan du phyin pa/ dmigs pa'i dngos po rnam pa tha dad pa slong ba dang / slong ba'i sems can sna tshogs bsam pa mthun pas gdong du lta ba dang / sems can slong ba grangs med par 'dus shing / byang chub sems dpas skabs phye ba la gnas pa dang / sbyin pa thob pa la sdod pa'i slong ba sna tshogs dang / len pa sna tshogs dang / sems can sna tshogs pa dang / gang zag gzhan dang gzhan sems sna tshogs dang ldan pa/ phyog

  582. 292a

    gzhan dang gzhan nas 'ongs pa'i mi rnam pa tha dad pa gzhan dang gzhan du gyur pa/ skye gnas tha dad pas zin pa sbyin pa'i gnas gzhan dang gzhan du gyur pa de lta bu'i slong ba'i tshogs chen po srog chags bye ba khrag khrig brgya stong grangs med pa kun nas 'dus pa mthong na/ slong ba de dag thams cad la sems dga' ba dang / sems dad pa dang / slong ba la byams pa dang / dge ba'i bshes gnyen mthong ba'i 'du shes kyis snying rje chen pos rim gro byed pa'i sems dang / yid rab tu spro ba dang / sems shin tu tshim pa rab tu 'thob ste/ phyir ldog pa med pa'i dad pas gtong ba rgyun mi 'chad par bya ba'i sems dang / skyo ba med cing khyad par du 'phel bar gtang ba'i sems kyis slong ba ji ltar 'ongs pa dang / dngos po ci slong ba de dag yongs su tshim pa dang / yongs su rgyas pa dang / lag gang ba dang / snod gang ba dang / bsam pa gang ba dang / ci 'dod pa'i dngos po thob pa dang / yid bde ba mtha' yas pas rgyas pa dang / dbul bor ba dang / nor drang yo byad thams cad sdud pas brtan pa dang / dngos po yongs su gtang ba thams cad kyis shin tu bsdud pa dang / bslangs pa'i dngos po thams cad thob pas yid bde ste sgra che zhing mtho ba 'byin pa dang / ci bde bar 'dong zhing spyod pa dang / bsam pa ji bzhin du shin tu tshim pa dang / nyon mongs pa med

  583. 292b

    par sbyin pa thob pa dang / chad cing dub pa med pa'i sems dang ldan par byed de/ slong ba de dag mthong ba tsam gyis byang chub sems dpa' sems dpa' chen po shin tu dga' bar 'gyur gyi// brgya byin gyi stan la 'dug pas bskal pa bye ba khrag khrig brgya stong du gnas pas ni ma yin no// rab mtshe ma'i dbang phyug la bskal pa bye ba khrag khrig brgya stong grangs med par gnas pas ma yin no/ / dga' ldan du skyes te skye ba dang 'chi 'pho ba las rnam par 'das pas ma yin no// rab 'phrul dga'i dbang phyug la bskal pa grangs med par bde ba'i rnam pa thob pas ma yin no/ / dbang sgyur ba'i dbang gis bskal pa bsam gyis mi khyab par yid du 'ong ba'i bud med kyi bde ba la gnas pas ma yin no// tshangs pa'i stan la gnas pas bskal pa brjod du med par tshangs pa'i bde ba la spyod pas ma yin no/ / mir gyur te 'khor lo sgyur ba'i srid stong gsum gyi mthar thug pa'i bde ba'i rnam pas bskal pas mtshams med cing tshad med par dga' ba dang / rtse ba dang / longs spyod thob par gyur pas ma yin no// dge rgyas kyi lha'i bde ba la bskal pa mtshungs pa med par bde ba'i rnam pa zad mi shes pa dang 'grogs pas ma yin no/ / gtsang mi'i gnas na gnas pas bskal pa mu med par bde ba dang 'grogs par gyur pas ma yin te/ de ltar byang chub sems dpa' sems

  584. 293a

    dpa' chen po slong ba sna tshogs mthong na dga' bar 'gyur ro/ / spro ba skye'o// mos pa 'byung ngo // rab tu dga' ba 'grub bo// dad pa 'phel lo// bsam pa 'byung ngo / / dbang po las su rung bar 'gyur ro// dga' ba'i sems yongs su rdzogs par 'gyur ro// mos pa chen pos bskyed pa'i sems kyi shugs rnam par 'phel lo// sangs rgyas kyi byang chub rtsa ba brtan zhing rnam par 'phel bar 'gyur ro// de dge ba'i rtsa ba de dag slong ba de dag dang sems can thams cad la phan pa'i phyir yongs su bsngo'o// bde ba'i phyir yongs su bsngo'o/ / don gyi phyir yongs su bsngo'o// rnam par dag pa'i phyir yongs su bsngo'o// byang chub kyi phyir yongs su bsngo'o// mnyam pa nyid kyi phyir yongs su bsngo'o// yid bzang po'i 'byung gnas su 'gyur ba'i phyir yongs su bsngo'o// theg pa chen po'i bzang ba nyid kyi phyir yong su bsngo'o// brtsams pa bzang po thams cad shes pa dang / 'byor par bya ba'i phyir yongs su bsngo'o/ / byang chub sems dpa' kun tu bzang po'i spyod pa dang / smon lam yongs su rdzogs pas stobs bcu'i ye shes mngon par 'tshang rgya bar bya ba'i phyir yongs su bsngo'o/ / de yang sems chags pa med pa dang grol zhing bcings pa med pa'i lus kyi las kyi phyir yongs su bsngo'o// sems chags pa med pa dang grol zhing

  585. 293b

    bcings pa med pa'i ngag gi las kyi phyir yongs su bsngo'o/ / sems chags pa med pa dang grol zhing bcings pa med pa'i yid kyi las kyi phyir yongs su bsngo'o// de yang sems can gyi 'du shes kyis yongs su bsngo ba ma yin/ / gzhung de bzhin du srog gi 'du shes kyis ma yin/ gang zag gi 'du shes kyis ma yin/ shed las skyes pa'i 'du shes kyis ma yin/ shed bdag gi 'du shes kyis ma yin/ skye ba po'i 'du shes kyis ma yin/ byed pa po'i 'du shes kyis ma yin// tshor ba po'i 'du shes kyis ma yin// yod pa dang med pa'i 'du shes kyis yong su bsngo ba ma yin/ 'jig rten 'di'i 'du shes kyis ma yin/ 'jig rten pha rol gyi 'du shes kyis ma yin/ shi 'pho ba'i 'du shes kyis ma yin/ skye ba'i 'du shes kyis ma yin/ rtag pa'i 'du shes kyis ma yin/ mi rtag pa'i 'du shes kyis ma yin/ sred pa'i 'du shes kyis ma yin/ sred pa med pa'i 'du shes kyis ma yin/ 'du shes pas yongs su sngo ba ma yin/ 'du shes med pa ma yin pas yongs su sngo ba ma yin te/ de chags pa med pa'i sems kyis yongs su bsngo'o// bcings pa med pa'i sems kyis yongs su bsngo'o/ / grol ba med pa'i sems kyis yongs su bsngo ste/ de ni las yongs su mi bsngo'o// rnam par smin pa yongs su mi bsngo'o// rtog pa yongs su mi bsngo'o// rnam par

  586. 294a

    rtog pa yongs su mi bsngo'o/ / sems pa yongs su mi bsngo'o// bsam pa yongs su mi bsngo'o// sems yongs su mi bsngo'o// sems med pa yongs su mi bsngo'o/ / de de ltar yongs su sngo ba'i tshe/ nang la mngon par chags pa med do// phyi rol la mngon par chags pa med do// rkyen la mngon par chags pa med do// dmigs pa la mngon par chags pa med do/ / rgyu la mngon par chags pa med do// rgyu 'dus pa la mngon par chags pa med do// chos la mngon par chags pa med do// chos nyid la mngon par chags pa med do/ / sems pa la mngon par chags pa med do// bsam pa la mngon par chags pa med do// de de ltar yongs su bsngo ba'i tshe/ gzugs la chags pa med do// gzugs nye bar len pa la chags pa med do/ / gzugs 'gog pa la chags pa med do// tshor ba la chags pa med do// tshor ba nye bar len pa la chags la med do// tshor ba 'gog pa la chags pa med do/ / 'du shes la chags pa med do// 'du shes nye bar len pa la chags pa med do// 'du shes 'gog pa la chags pa med do// 'du byed la chags pa med do// 'du byed nye bar len pa la chags pa med do// 'du byed 'gog pa la chags pa med do// rnam par shes pa la chags pa med do// rnam par shes pa nye bar len pa la chags pa med do//

  587. 294b

    rnam par shes pa 'gog pa la chags pa med do// gang de lta bu'i chos la chags pa med pa de ni gzugs la bcings pa med do// gzugs kyi skye ba la bcings pa med do// gzugs kyi 'gag pa la bcings pa med do/ / tshor ba la bcings pa med do// tshor ba'i skye ba la bcings pa med do// tshor ba'i 'gag pa la bcings pa med do// 'du shes la bcings pa med do/ / 'du shes kyi skye ba la bcings pa med do// 'du shes kyi 'gag pa la bcings pa med do// 'du byed la bcings pa med do// 'du byed kyi skye ba la bcings pa med do// 'du byed kyi 'gag pa la bcings pa med do// rnam par shes pa la bcings pa med do// rnam par shes pa'i skye ba la bcings pa med do// rnam par shes pa'i 'gog pa la bcings pa med do/ / gang chos de dag la bcings pa med pa de ni chos thams cad la chags pa med pa ste/ de ci'i phyir zhe na/ chos gang chos la 'dzin pa 'am/ chos gang la chos kyis chags par 'gyur ba'i chos de lta bu skyes pa 'am/ skye ba 'am/ skye bar 'gyur ba gang yang med de/ de yang 'di ltar chos thams cad ni 'du shes dang bral ba'i ngo bo nyid kyis dngos po med pa'i rang bzhin te/ gcig ma yin no// gnyis ma yin no// mang ba ma yin no// tshad med pa ma yin no// chung ngu ma yin no// nyung ngu ma yin no// dma' ba ma yin no// yangs pa

  588. 295a

    ma yin no/ / zab pa ma yin no// gsal ba ma yin no// zhi ba ma yin no// spros pa ma yin no// gnas pa ma yin no// gnas med pa ma yin no// chos ma yin no// chos med pa ma yin no// bsgom pa ma yin no// bsgom pa med pa ma yin no// yod pa ma yin no// med pa ma yin no// de de ltar chos med pa'i tshul gyis chos rnams la rnam par lta ste/ chos kyi tshig gi lam la gnas pas chos ma yin zhes bya bar yang dag par rjes su mi mthong ngo // de las kyi lam yang rgyun gcod par mi byed do// byang chub sems dpa'i sdod pa yang rnam par thogs par mi byed do/ / thams cad mkhyen pa nyid las kyang phyir mi ldog go/ rten pa'i las sgyu ma lta bur yang rab tu shes so// chos sgra/ brnyan dang 'dra ba yang 'jig par mi byed do// sems cad du snang bas kyang rlom sems su mi byed do// chos thams cad sgyu ma dang mnyam pa yang yang dag pa ji lta ba bzhin du shes te/ las rnams kyi rgyu'i mthu dang yang 'gal bar mi byed do// las la gzhol bar yang rab tu 'jug ste/ chos rnams mngon par 'du bya ba med pa yang yang dag pa ji lta ba bzhin du rab tu shes te/ mngon par 'du bya ba med pa'i lam yang rgyun mi gcod do// de dge ba'i rtsa ba de dag 'di ltar yongs su bsngo ste/ gang gi phyir thams cad mkhyen

  589. 295b

    pa nyid yul med cing / thams cad mkhyen pa nyid kun tu 'gro bas thams cad mkhyen pa nyid thams cad du yongs su bsngo zhing thams cad las ldog par mi byed do// ci'i phyir yongs su bsngo ba zhe na/ 'di ni 'jig rten las pha rol tu gyur pas na de'i phyir pha rol ces bya'o// phung po las gzhan du 'gyur bar byed pas na/ de'i phyir yongs su bsngo ba zhes bya'o// tshig gi lam las gzhan du gyur pas na/ de'i phyir yongs su bsngo ba zhes bya'o// sems can gyi 'du shes sna tshogs las pha rol tu gyur pas na/ de'i phyir yongs su bsngo ba zhes bya'o// / 'jig tshogs mang po las gzhan du gyur pas na/ de'i phyir yongs su bsngo ba zhes bya'o// mngon par 'du byed pa las gzhan du gyur pas na/ de'i phyir yongs su bsngo ba zhes bya'o// srid pa las gzhan du gyur pas na/ de'i phyir yongs su bsngo ba zhes bya'o// nye bar len pa las gzhan du gyur pas na/ de'i phyir yongs su bsngo ba zhes bya'o// 'jig rten gyi chos las gzhan du gyur pas na/ de'i phyir yongs su bsngo ba zhes bya'o// de de ltar yongs su bsngo bas sangs rgyas kyi rjes su song ba yin/ chos kyi rjes su song ba yin// ye shes kyi rjes su song ba yin/ / byang chub kyi rjes su song ba yin// don gyi rjes su song ba yin/ yongs su bsngo ba'i rjes su song ba yin/ spyod yul gyi rjes su song ba yin/ spyod pa'i rjes

  590. 296a

    su song ba yin/ rang bzhin gyi rjes su song ba yin/ rnam par dag pa'i rjes su song ba yin te/ de de ltar yongs su bsngo bas chos shes par bya ba thams cad khong du chud par byed pa yin/ / sangs rgyas thams cad mnyes par bya ba yang yongs su rdzogs par byed de/ sangs rgyas gang yang thugs 'byung bar byas pa med pa yin/ chos gang la yang mi mthun par byas pa med pa yin/ chos gang yang chud gzan pa med pa yin/ chos gang dang yang 'gal bar byed pa med pa yin/ chos dngos po gang yang nyams par bye pa med pa yin/ chos gang yang bor ba med pa yin/ rgyu gang yang bshig pa med pa yin/ rkyen gang yang phyi nang gi chos thams cad dang 'gal bar byas pa med pa yin/ las kyi 'bras bu yang rgyun gcod par mi byed do/ / kye rgyal ba'i sras dag/ 'di ni byang chub sems dpa' sems dpa' chen po rnams kyi yongs su bsngo ba drug pa dge ba'i rtsa ba thams cad dang mnyam pa nyid kyi rjes su song ba zhes bya ba ste/ yongs su bsngo ba des yongs su bsngo ba'i byang chub sems dpa' sems dpa' chen po ni sangs rgyas tshad med pas byin gyis brlabs pa yin no/ / snying po thob pa yin no// chos nyid thob pa yin no// thams cad mkhyen pa la brtson pa yin no// don gyi chos dang ldan pa yin no// chos thams cad kyi rang bzhin gyi rjes

  591. 296b

    su song ba yin no/ / dge ba'i rtsa ba dam pa thams cad kyi rjes su song ba yin no// smon lam chen po yongs su rdzogs par bya ba'i rjes su song ba yin no// rdo rje ltar mi shigs pa'i snying po'i rjes su song ba yin no/ / chos thams cad kyi dbang phyug la dbang sgyur ba rab tu thob pa dam pa'i rjes su song ba yin no// // bam po bzhi bcus / de nas byang chub sems dpa' sems dpa' chen po rdo rje'i rgyal mtshan gyis phyogs bcur rnam par bltas te/ 'khor thams cad la bltas nas/ chos kyi dbyings la lta ba dang / don dang / yi ge dang / tshig la 'jug pa dang / sems mtha' dang dbung med par yangs pa yongs su bsgom pa dang / 'gro ba thams cad snying rje chen pos rgyas par bya ba dang dus gsum gyi sangs rgyas thams cad kyi rigs kyi sems yang dag par 'brel bar bya ba dang / yon tan thams cad la 'jug pa dang / sangs rgyas thams cad kyis byin gyis brlabs pa'i lus su yang dag par shes par bya ba dang / sems can thams cad kyi bsam pa rab tu dbye ba dang / dge ba'i rtsa ba ji ltar bskyed pa thob pa yang dag par mthong ba dang / chos kyi lus rjes su song ba'i gzugs kyi lus yongs su dag par yang dag par ston pa dag byed cing / sangs rgyas kyi byin gyi rlabs kyis de'i tshe tshigs su bcad pa 'di dag smras so// de dag rgyal po'i

  592. 297a

    rigs dang ldan gyur cing / / 'gro ba kun na rgyal po gang yod pa// de dag zil gnon rgyal po 'gro ba'i mchog/ phan pa'i don du rgyal po mthu chen 'gyur// de dag dang ba'i yid du rab gyur cing // 'gro ba kun la dbang sgyur rab thob ste// chos dang ldan par chos kyi rgyal srid skyong // 'gro ba rnams kyi bde ba rab tu skyed// de dag rgyal po'i rigs brgyud rnam dag pas/ / chos dang ldan par chos kyi 'khor lo bskor// de dag 'khrug med rgyal srid skyong bar byed// phyogs rnams kun nas 'khor lo phyir mi ldog/ de dag yon tan gzugs dang rab tu ldan/ / mkhas pa'i blo dang shes rab ye shes ldan// de dag zil non mthu la ldog pa med// bdud kyi dkrugs ma thams cad rab tu 'joms// de dag tshul khrims rnam par dag pa ste// bzod pa'i stobs la bsdams pa'i sems kyis gnas// kho na 'dzin khro ba rnam dag yid bsal bas// rgyal ba rnams kyi chos 'dir rtag tu brtson/ / de dag zas dang skom dag sbyin byed cing // bzhon dang 'phreng ba gos dang spos mang dang // mal dang byug pa rgyab rten mar me dag/ rnam pa mtha' yas ji snyed gtong byed cing / / phan pa'i sems kyis de dag sbyin byed tshe// de la shin tu dad pa'i sems bsgyur cing // bsam pa dag pas dga' ba yongs bskyed de// 'jig rten bla ma dag la sbyin pa byed//

  593. 297b

    ngag dngos po thams cad gtong byed cing // phyi dang nang dang gang rnams ji snyed pa// kun kyang dang ba'i yid kyis rab tu gtong // yid la zhum par byed pa gang yang med// mgo yang gtong zhing mig kyang rab tu gtong / / lag pa gtong zhing de bzhin rkang pa gtong // sha dag gtong zhing de bzhin rkang yang gtong // thams cad lus kyang mi dga' med par gtong / / de dag dbang phyug shin tu yangs gyur cing // rigs dang rus ldan 'gro ba mi yi rje// kha nas lce yangs shin tu brkyang byas shing // slong ba rnams la mi dga' med par gtong / / de dag dbang phyug shin tu yangs gyur cing // slong ba rnams la lce sbyin byas nas kyang // 'di na 'gro ba yod pa ma lus kun// rgyal ba'i ljags yangs ji bzhin thob 'gyur bsngo/ / rab tu spro byas bu yang sbyin par byed// mi dga' med byas chung ma sbyin par byed// rab tu dga' byas rgyal srid sbyin par byed// bdag kyang gzhan gyi bran du sbyin par byed/ / ci 'dod gtong zhing thams cad gtong bar byed// mi sbyor gtong zhing dus su gtong ba byed// ci 'dra'i dngos po bslangs par gyur pa rnams// thams cad bsam pa bzhin du rab tu gtong / / chos kyi don du bdag kyang gtong bar byed// byang chub don du dka' ba rab tu spyod// sems can don du thams cad bzod par byed// ye shes don du phyir ldog mi 'gyur

  594. 298a

    ro/ rgyal ba rnams las chos rnams mnyan byas shing // mngon par g.yog phyir 'bul bar byed pa'i tshe// 'gro ba thams cad yongs su bskyab sems kyis/ rgyal ba rnams la dga' ba yangs pa skyed// mi yi gtso bo 'dren pa mthong nas kyang // byams ldan phan pa'i sems kyis rim gro byed// dga' bar byed pa'i yid dang ldan gyur cing // / snod du gyur te chos rnams len par byed// ci nas 'jig rten 'di dag pa der 'gyur zhing // ci nas thams cad bskyabs par 'gyur ba dang // ci nas 'gro ba thams cad 'grol 'gyur bar// de dag 'gro ba kun la yongs su bsngo// gzug mdzes bzhin sdug dag sman ldan pa dag/ me tog sdug btags spos zhim bskus pa'i rnams// 'phreng ba lha ba lhub rgyan dang ldan pa yi// 'khor dang ldan par de dag rab gyur cing // mkhas shing shes pa'i g.yog 'khor de dag kyang // phan par sems pa'i yid kyis gtong ba'i tshe// bltos shing re ba'i sems kyang mi 'byung bar/ / sems can phan phyir byang chub rab tu tshol// dge ba de la rjes su sems byed cing // sna tshogs yangs shing rgya che snrel zhi las// 'gro ba kun la brtan pa yongs su bsngo/ / las la gnas su byed pa gang yang med// de dag rgyal srid yangs pa sbyin par byed// yul dang mir bcas grong khyer dam pa dang // rgyal po'i pho brang gnas su gyur

  595. 298b

    pa dang / / khyim dang bza' shing ra ba sbyin par byed// bskal pa brgyar yang sus kyang ma byin pa'i// sbyin pa 'jig rten mi yig tso la 'bul// 'jig rten rnams kyi pha rol phyin byas shing 'gro ba kun la pha rol ston par byed/ / de dag phyogs bcu'i slong ba mang po dag/ rnam pa sna tshogs mthong bar gyur nas kyang // slong ba thams cad shin tu mgur byas shing / shin tu dgar 'gyur de bzhin spro bar byed/ / dus gsum rgyal ba kun gyis cing bsngos pa// skyes bu 'dul ba de dag spyod yul la// rab tu bslabs te pha rol phyin byas shing // de dag las de yongs su sngo bar byed/ / chos rnams 'di la kye ma su zhig zhugs// gang la zhugs gyur ji ltar zhugs gyur ces// de dag chos dngos 'di la rnam lta yang // sbyin pa'i sems la rnam par thogs pa med/ / chos nams gang la chos kyis chags med par// ye shes tshul shes de dag yongs su bsngo// chos kyi tshul la de dag yong su bsngo// don gyi tshul shes de dag yongasu bsngo// las la rnam yang rnam par rtog pa med/ / rnam par smin la'ang gnas par mi byed de// byang chub rten par rab tu dpas shes kyang // chos nyid dbyings las 'gal bar mi byed do// lus la chags par de dag mi byed de// sems la'ang de dag gnas par mi byed do// las kyis de dag blo 'jug mi byed de// las kyis ye shes rten la'ang 'jug mi byed//

  596. 299a

    las kyis ye shes rten la'ang 'jug mi byed// 'das pa'i chos la rtog par mi byed de// ma 'ongs chos la'ang blo ni gtong mi byed// da ltar yod la'ang gnas par mi byed de/ / dus gsum kun las rnam par dben par skyes// de dag gzugs kyi pha rol phyin gyur cing // tshor ba 'du shes 'du byed yid rnams dang // 'jig rten kun gyi pha rol phyin gyur te/ / dag pa de dag dma' yid mi 'gyur// phung po rnams dang khams la yongs btsal cing // skye mched de bzhin lus kyi rnam pa dang // sems kyi rnam pa ma lus rnam gzhigs kyang / / byang chub dngos su gang yang mi rnyed do// rtag la nam yang chags par mi byed de// chad pa la yang de dag sems mi 'jug/ chos nyid yod dang med pa ma yin te/ / gcig nas gcig brgyud las kyang ma lus shes// sems kyi rgyu yis byang chub thob mi byed// chos nyid la yang de dag mi gnas te// zhing la'ang de dag gnas pa ma yin no/ / dus gsum chos rnams kun kyang yod pa min// de ltar spyod pa chos 'di kun rtog cing // ji ltar rgyal ba kun gyis brtag mdzad pa// de ltar des btsal nam yang rnyed pa min/ / spyod pa rnams la mi shes rmongs pa med// bya ba'i lam dang 'gal bar mi byed cing // las kyi lam rnams yongs su rjod byed pas// sem

  597. 299b

    can lam rnams yongs su sbyong byed cing / rgyur bcas brgyan dang bcas par de la rtog/ ye shes mkhas pas gang rnams brjod mdzad pa'i// mkhas pa'i lam la de dag spyod byed cing / / don gyi tshul la rjes su sems byed pas// byang chub tshul ni mi yi gtso bos rtogs// chos rnams skye med 'jig pa med pa ste// 'gro ba kun tu gang yang 'pho ba med/ / chos rnams skye dang shi 'pho med par yang // rgyal ba'i chos kyi tshul rnams rab tu rtogs// chos rnams gang gi rang bzhin rnam shes pa// de ni rang bzhin dngos yod mi rtogs te/ / dngos med rtog med de dag rab tu shes// bde gshegs ye shes de dag rnam par mthong // 'gro ba kun dang chos nyid thams cad dang // sems can rnam pa zhing gi rnam par dang // chos kyi rnam pa dus rnams ma lus pa'i// chos rnams mkhas pas gang yang brjod pa med// chos rnams ma lus gzung bar bya// pa med// ji snyed sems can rgyal bas sangs rgyas pa// de yi chos la'ang chos ni dngos med de// de yang dus dang chos su brjod pa yin// chos nyid kun tu 'gro ba ci 'dra ba// de bzhin de dag yongs su sngo ba byed// des kyang 'gro ba kun las bsgyur byas te// de la kun tu dpa' bo yongs su bsngo// dge ba'i rtsa ba thams cad dang mnyam pa nyid kyi rjes su

  598. 300a

    song ba zhes bya ba ste yongs su bsngo ba drug pa'o/ / kye rgyal ba'i sras dag/ byang chub sems dpa' sems dpa' chen po rnams kyi yongs su bsngo ba 'gro ba thams cad mnyam pa nyid kyi rjes su song ba zhes bya ba bdun pa gang zhe na/ kye rgyal ba'i sras dag/ 'di la byang chub sems dpa' sems dpa' chen po thams cad gtong ba'i dmigs pa la brtson pa/ / tshul khrims rnam par dag pa la rab tu rten pa/ lhag pa'i bsam pas byang chub sems dpa'i yi dam phyir mi ldog pa'i brtson 'grus dang ldan pa/ thams cad gtang ba'i bzod pa dang ldan zhing / rna la gzon pa'i ngang tshul can/ bsam gtan 'byam klas pa/ rnam pa tha dad pa la mkhas pa'i rjes su zhugs pa/ shes rab kyi tshul dang sa rnam par dpyod pa la mkhas pa/ 'gro ba thams cad kyi sems kyis rnam par phye ba'i dge ba'i rtsa ba dang ldan pa/ yon tan mtha' yas pa yang dag par bsdus pa'i dge ba'i rtsa ba dang ldan pa/ byang chub sems dpa'i las la rab tu brtson par yid la byed pa dang ldan pa/ 'gro ba thams cad kyi dge ba'i rtsa ba thams cad kyi phyogs mngon par skyob pa de dge ba'i rtsa ba chung ngu nye bar sogs kyang rung / dge ba'i rtsa ba chen po nye bar sogs kyang rung / dge ba'i rtsa ba yangs pa nye bar sogs kyang rung / dge ba'i rtsa ba rgya

  599. 300b

    chen po nye bar sogs kyang rung / dge ba'i rtsa ba tshad med pa nye bar sogs kyang rung / dge ba'i rtsa ba sna tshogs mang po rdul tsam yan chad nye bar sogs kyang rung / dge ba'i rtsa ba gzhal du med pa nye bar sogs kyang rung / dge ba'i rtsa ba bsam gyis mi khyab pa nye bar sogs kyang rung / dge ba'i rtsa ba grangs med pa nye bar sogs kyang rung / dge ba'i rtsa ba mu med pa nye bar sogs kyang rung / sangs rgyas la dmigs pa'i dge ba'i rtsa ba nye bar sogs kyang rung / chos la dmigs pa'i dge ba'i rtsa ba nye bar sogs kyang rung / tshul de bzhin du dag 'dun la dmigs pa dang / dge ba'i bshes gnyen la dmigs pa dang / sems can thams cad la dmigs pa dang / thabs mkhas pa la dmigs pa dang / legs pa'i dge ba'i rtsa ba'i sems bsgom pa la dmigs pa dang / nang la dmigs pa dang / phyi rol la dmigs pa dang / dge ba'i rtsa ba rnam pa tha dad pa mtha' yas pa'i tshogs la dmigs pa'i dge ba'i rtsa ba nye bar sogs kyang rung ste/ dge ba'i rtsa ba de dag la yongs su spyod pa dang / nye bar gnas pa dang / 'jug pa dang / yang dag par bsgrub pa dang / nye bar sogs pa dang / tshogs su bya ba dang / mos par bya ba dang / rnam par sbyang ba dang / rnam par ston pa dang / rgya cher byed pa'i tshe bzod pa rab tu thob pa'i sems dang ldan pa/ sems can dmyal ba'i sgo shi

  600. 301a

    tu bcad pa/ dbang po rgyu ba shin tu bsdams pa/ bya ba'i tshul la rab tu zhugs pa/ phyin ci log med par 'gro ba/ sangs rgyas kyi chos thams cad kyi snod du gyur pa/ 'gro ba thams cad kyi bsod nams kyi zhing du byung ba/ sangs rgyas thams cad kyis byin gyis brlabs pa/ de bzhin gshegs pa'i dge ba'i rtsa ba thams cad kyis shin tu gsol pa/ dge ba'i rtsa ba thams cad las byung ba/ sangs rgyas kyi smon lam gyi rjes su song ba/ sangs rgyas kyi chos thams cad yongs su sbyang ba'i sems dang ldan pa/ de bzhin gshegs pa thams cad kyi 'phrin las kyi rjes su 'brang ba/ rang gi sems kyi go skabs rnyed pa/ 'das pa dang / ma byon pa dang / da ltar byung ba'i sangs rgyas dang 'dre ba/ sangs rgyas kyi 'khor thams cad du 'byung ba/ sangs rgyas thams cad kyi phyag gi stobs kyis phyung ba/ sangs rgyas thams cad kyi yon tan gyis yang dag par 'phags pa/ mtho ris la chags pa med pa/ skyid pa la yongs su 'dzin pa med pa/ mngon par 'du byed pa la chags pa med pa/ dge ba'i rtsa ba'i dngos po thams cad yongs su sngo bar byed pa/ 'gro ba thams cad kyi bsod nams kyi gter du gyur pa/ thams cad dang ldan pa'i nan tan la rab tu zhugs pa/ 'gro ba thams cad dgab pa'i gdugs su gyur pa/ 'gro ba thams cad rab tu rten

  601. 301b

    pa'i lam gyis mngon par 'don pa/ sems can thams cad kyi dge ba'i rtsa ba brtan par byed pa/ yul thams cad du yongs su bsngo ba/ thams cad mkhyen pa'i byang chub kyi sgo rgyun mi 'chad par 'byed pa/ ye shes kyi rgyal mtshan yang dag par gzugs par byed pa/ lam chen po rnam par sbyong ba la brtson pa/ 'gro ba thams cad kyis blta na don yod pa la zhugs pa/ 'jig rten thams cad kyi dri ma sbyong ba/ rab tu sbyin pa'i sems dang ldan pa/ de bzhin gshegs pa'i rigs su rigs dang ldan par byung ba/ sangs rgyas kyi rigs rnam par dag par rab tu skyes pa/ yon tan gyi dkyil 'khor chen pos sbyin pa'i gnas su gyur pa/ 'jig rten thams cad kyi rten du gyur pa/ 'gro ba thams cad kyi gnas su gyur pa/ sems cad thams cad rnam par dag pa la yang dag par gzhog pa/ dge ba yongs su bsdu ba la yang dag par brtson pa/ byang chub tu sems bskyed pa'i byin gyi rlabs dang / lhag pa'i bsam pa rdul med pas yongs su bzung ba de dge ba'i rtsa ba de dag spyod pa'i tshe/ sems 'di ltar skyed de/ dge ba'i rtsa ba byang chub sems bskyed pas yang dag par bzung ba dang / byang chub tu sems bskyed pas bsams pa dang / byang chub tu sems bskyed pas brtan pa dang / byang chub tu sems bskyed pa'i bsam pa las byung ba dang / byang chub tu sems bskyed pas

  602. 302a

    phan pa la zhugs pa dang / 'gro ba thams cad ma lus pa la snying brtse bar byed pa dang / thams cad mkhyen pa'i spyod yul du yang dag par bsgrubs pa dang / stobs bcu la dmigs par brtson pa dang / stobs bcu'i dbyings su yang dag par bsgrubs pa dang / dge ba'i rtsa ba'i dbyings su mngon par bsgrubs pa dang / dge ba'i rtsa ba de ltar yang dag par bsgrubs pa de dag las rnam par smin pa gang byung ba de phyi ma'i mtha'i bskal pa'i mur thug par byang chub sems dpa'i spyad pa la spyod pa dang / 'gro ba thams cad la yongs su gtang bar bya ba yongs su gtong ba'i phyir sems can thams cad la yongs su bsngo ste/ sems can gyi khams thams cad las sems can gcig kyang ma chud pa med par byas te/ sems can gcig la ji lta ba de bzhin du sems can thams cad ma lus pa la yang yongs su sngo bar byed de/ de 'di ltar yongs su bsngo'o// 'jig rten gyi khams grangs med pa rin po ches yongs su rgyas pa dang / rin po che thams cad kyis chal par gang ba dang / 'jig rten gyi khams grangs med pa gos kyis rnam par dag cing gos kyis yongs su gang ba dang / 'jig rten gyi kham grangs med pa spos thams cad kyis yid du 'ong zhing dri zhim pos yongs su rgyas pa dang / 'jig rten gyi khams grangs med pa rgyan thams cad kyis rnam par mdzes shing

  603. 302b

    lhab lhub kyis yongs su rgyas pa dang / 'jig rten gyi khams grangs med pa nor bu rin po che mtha' yas pas khyad par du 'phags shing / nor bu rin po ches yongs su rgyas pa dang / 'jig rten gyi khams grangs med pa me tog sna tshogs kyis kha dog du ma dang ldan par gyur cing / me tog thams cad kyis yongs su rgyas pa dang / 'jig rten gyi khams grangs med pa kha zas zhim po sna tshogs rnam pa tha dad par ldan zhing / kha zas zhim po yongs su phun sum tshogs pa dang / 'jig rten gyi khams grangs med pa gser dang / dngul dang / nor gyi dbyigs gis dag cing / nor gyi dbyig gis yongs su rgyas pa dang / 'jig rten gyi khams grangs med pa rin po che'i ba dan sna tshogs kyis brgyan cing / lha rdzas kyi gos thams cad kyis kun nas yog ste/ grags pas yongs su rgyas pa dang / 'jig rten gyi khams grangs med pa rin po che sna tshogs kyi cod pan gyis rnam pa sna tshogs su yongs su brgyan cing / rin po che'i cod pan gyis yongs su rgyas pa dge slong ba re re la phyi ma'i mtha'i bskal pa'i mur thug par sbyin pas ngoms par ma gyur cig/ rgyun gcod par ma gyur cig/ slong ba gcig la ji lta ba de bzhin du slong ba thams cad ma lus pa la yongs su gtong zhing / slong ba re re la yang phyi mo'i mtha'i bskal pa'i mur thug par shin tu tshim par byed kyang yongs su skyo

  604. 303a

    bar ma gyur cig/ phyir ldog par ma gyur cig/ de yang 'di ltar sgyu med pa'i sems dang / 'dod cing sred pa med pa'i sems dang / grags pa 'dod pa med pa'i sems dang / 'gyod pa med pa'i sems dang / mya ngan med pa'i sems dang / thams cad mkhyen pa'i lam la the tsom med pa'i sems dang / gtang ba shin tu gtong ba'i sems dang snying brtse ba'i sems dang / yongs su smin par bya ba'i sems dang / thams cad mkhyen pa'i ye shes la rab tu dgod pa'i sems kyis yongs su gtong bar gyur cig ces/ de ltar byang chub sems dpa' sems dpa' chen po dge ba'i rtsa ba de dag ma 'ongs pa'i bskal pa'i mthar gtong ba dang / 'dod pa'i sbyin pa gtang ba'i phyir yongs su bsngo'o// gzhan yang byang chub sems dpa' sems dpa' chen po dge ba'i rtsa ba de dag sems can gyi khams las sems can gcig kyang ma chud pa med par byas shing / sems can thams cad la 'di ltar yongs su bsngo ste/ 'jig rten gyi khams grangs med pa glang po cang shes yan lag bdun shin tu gnas pa gser gyi rgyal mtshan dang / gser gyi rgyan dang / gser gyi dra bas g.yogs pa dang / rin po che'i rgyan thams cad kyis rab tu brgyan pas yongs su gang ba'i sbyin pa byed par gyur cig/ 'jig rten gyi khams grangs med pa rta'i rgyal po'i sprin ces

  605. 303b

    bya ba dang 'dra ba rta'i rgyan thams cad kyis brgyan pa/ rin po che'i rgyan sdug gu sna tshogs dang / yan lag gi rgyan sna tshogs kyis brgyan pas yongs su gang ba'i sbyin pa byed par gyur cig/ 'jig rten gyi khams grangs med pa bud med dang / rol mo brdung ba dang / dkrol ba yid du 'ong ba'i sgra dbyangs dang ldan pa dang bcas pas yongs su gang ba'i sbyin pa byed par gyur cig/ 'jig rten gyi khams grangs med pa bu dang bu mos gang ba byang chub kyi sems la gnas shing / phyi ma'i mtha'i bskal pa'i mur thug par slong ba re re la yang yongs su gtong bar gyur cig/ 'jig rten gyi khams grangs med pa rang gi lus kyis yongs su bkang ste/ byang chub kyi sems kyi stobs shin tu bdo ba'i yid kyis yongs su gtong bar gyur cig/ 'jig rten gyi khams grangs med pa rang gi mgos yongs su bkang ste/ bag yod pa'i sems kyis yongs su gtong bar gyur cig/ 'jig rten gyi khams grangs med pa rang gi lus la byung ba'i mig gis yongs su bkang ste/ mig gi sbyin pa byed par gyur cig/ 'jig rten gyi khams grangs med pa sha dang rkang gis yongs su bkang ste/ sdug bsngal gyis nyams pa med pa'i yid kyi dbang pos yongs su gtong bar gyur cig/ 'jig rten gyi khams grangs med pa bdag dbang ba'i rgyal po'i srid dang skyid pas yongs su bkang ste/ srid kyi sbyin pa byed par gyur cig/ 'jig rten gyi khams

  606. 304a

    grangs med pa bran dang las byed pa'i mis yongs su bkang ste/ gtang ba thams cad yongs su gtong ba dang / ma 'dres par gtong ba chen po'i sems la gnas pas slong ba re re la yang yongs su gtong bar gyur cig/ de bzhin du sems can gyi khams thams cad ma lus par yongs su bzung ste/ sems can gyi khams thams cad las gcig kyang ma chud pa med par slong ba gcig la ji lta bar slong ba thams cad la'ang de bzhin du/ sems can re re zhing yang phyi ma'i mtha'i bskal pa'i mur thug par tshim par byed par gyur cig/ 'jig rten gyi khams gcig tu phyi ma'i mtha'i bskal pa'i mur thug par byang chub sems dpa'i spyad pa spyod cing / 'jig rten gyi khams gcig tu ji lta ba de bzhin du 'jig rten gyi khams chos kyi dbyings kyis klas pa/ nam mkha'i dbyings kyi mthas gtugs pa thams cad du'ang snying rje chen po yangs pas yongs su rgyas pa'i sems dang / sems can thams cad la snying brtse pas sems can thams cad la rim gro byed pa'i tshe/ de'i rgyus bdag gi sems sbyin pa las phyir ldog par ma gyur cig/ gtong ba'i sems kyis se gol gtogs pa tsam yang skyo bar ma gyur cig/ de yang 'di ltar chags pa med pa'i sems dang / shin tu gtong ba'i sems dang / bdag nyid yangs pa'i sems dang / zab pa'i sems dang / legs par yongs su sdud

  607. 304b

    pa'i sems dang / mngon par ma zhen pa'i sems dang / chos la srog med pa'i sems dang / yid shin tu thul ba'i sems dang / ma 'khrugs pa'i sems dang / g.yeng ba med pa'i sems dang / rin po che'i rigs sna tshogs thob pa'i sems dang / las kyi rnam par smin pa thams cad la re ba med pa'i sems dang / chos thams cad ma lus par mngon par 'tshang rgya bar bya ba'i sems dang / bsngo ba chen po'i rjes su 'brang ba'i sems dang / don gyi chos shin tu rtogs pa'i sems dang / ye shes chen po'i sa rab tu thob pa'i sems dang / sems can thams cad thams cad mkhyen pa'i ye shes la dgod pa'i sems dang / chos kyi snang ba chen po yang dag par bskyed pa'i sems dang / thams cad mkhyen pa'i ye shes la 'jug pa yang dag par bsgrubs pa'i sems kyis sbyin par gyur cig ces/ de ltar byang chub sems dpa' sems dpa' chen po sems kyi skad cig re re la nye bar bsags pa'i dge ba'i rtsa ba de dag yongs su bsngo ste/ sems can de dag longs spyod kyis 'phongs pa med pa yongs su rdzogs par bya ba'i phyir yongs su bsngo'o// de dag gi bsod nams mi zad pa yang dag par bsdu ba'i phyir yongs su bsngo'o/ / de dag gis bde b.raro gtogs pa'i bde ba thams cad rab tu thob par bya ba'i phyir yongs su bsngo'o// de dag gi byang chub sems dpa' sems dpa'

  608. 305a

    chen po'i las kyi tshogs kyi phyir yongs su bsngo'o/ / de dag gis chos thams cad kyi phung po yongs su rdzogs par bya ba'i phyir yongs su bsngo'o// de dag theg pa thams cad las phyir mi ldog par bya ba'i phyir yongs su bsngo'o/ / de dag gis sangs rgyas thams cad mthong zhing mchod pa yongs su rdzogs par bya ba'i phyir yongs su bsngo'o// de dag sems can gyi khams thams cad du nyams pa med pa'i phyir yongs su bsngo'o/ / de dag sems can thams cad la sems mnyam pas rnam par dag par 'gyur ba'i phyir yongs su bsngo'o// de ngag sems can thams cad kyi mi khom pa rnam par spong zhing / thams cad mkhyen pa'i ye shes la rab tu dgod par bya ba'i phyir yongs su bsngo'o// de ltar yongs su bsngo ba'i tshe yid bde zhing sems rab tu dga' bas yongs su bsngo ste/ 'di ltar sems can thams cad la phan pa dang bde ba'i phyir yongs su bsngo'o// sems can thams cad la mnyam pa'i sems la gnas te yongs su bsngo'o/ / sems can thams cad la gtang ba'i sems las su rung ba la gnas te yongs su bsngo'o// sems can thams cad la gtang ba yang dag par bsdus pa'i sems la gnas te yongs su bsngo'o/ / sems can thams cad mngon par mgu bar gtang ba'i sems la gnas te yongs su bsngo'o// sems can thams cad kyi dbul ba bzlog

  609. 305b

    pa'i phyir gtang ba'i sems la gnas te yongs su bsngo'o/ / sems can thams cad nor thams cad kyis bsdu ba'i phyir gtang ba'i sems la gnas te yongs su bsngo'o// sems can/ thams cad la nor grangs med par gtang ba'i sems la gnas te yongs su bsngo'o// sems can thams cad la gtang ba mtha' yas pa thams cad yongs su gtang ba'i sems la gnas te yongs su bsngo'o/ / sems can thams cad la phyi ma'i mtha'i bskal pa'i mur thug par rgyun chad pa med par gtang ba'i sems la rgyun chad pa med par gnas te yongs su bsngo'o/ / sems can thams cad la nor thams cad 'gyod pa med par sbyin pa dang / mdzod thams cad skyob med par gtang ba'i sems la gnas te yongs su bsngo'o// sems can thams cad la dngos po thams cad sbyin zhing gtang ba'i sems la gnas te yongs su bsngo'o// sems can thams cad kyi rjes su 'gro ba'i sems la gnas yongs su bsngo'o/ / sems can thams cad la phan gdags pa'i phyir gtang ba'i sems la gnas te yongs su bsngo'o// sems can thams cad la nor mang po rgya che ba/ yangs pa gtang ba'i sems la gnas te yongs su bsngo'o/ / sems can thams cad rgyan du mas rim gro bya ba'i phyir gtang ba'i sems la gnas te yongs su bsngo'o// sems can tham

  610. 306a

    cad la thogs pa med par gtang ba'i sems la gnas te yongs su bsngo'o/ / sems can thams cad la tha ba med par gtang ba'i sems la gnas te yongs su bsngo'o/ / sems can thams cad la stobs chen po shin tu bdo ba rdo rjes gtang ba'i sems la gnas te yongs su bsngo'o// sems can thams cad la nyi ma ltar snyoms pa'i 'od zer gyis gtang ba'i sems la gnas te yongs su bsngo'o/ / sems can thams cad la sangs rgyas kyi ye shes bsgrub pa'i phyir gtang ba'i sems la gnas te yongs su bsngo'o// sems can thams cad kyi theg pa chen po'i dge ba'i rtsa ba yongs su rdzogs par bya ba la gnas te yongs su bsngo'o// sems can thams cad la sangs rgyas kyi ye shes sgrub pa'i dge ba'i rtsa ba mngon du gyur pa la gnas te yongs su bsngo'o/ / sems can thams cad dang bsam pa tha dad pa med pa yongs su rdzogs par bya ba la gnas te yongs su bsngo'o// sems can thams cad kyi dge ba'i rtsa ba shin tu rnam par dag par bya ba la gnas te yongs su bsngo'o/ / sems can thams cad kyi the tsom thams cad bsal zhing dgag pa la gnas te yongs su bsngo'o/ / sems can thams cad ye shes dang yon tan mnyam pas rnam par dag par 'gyur bar bya ba la gnas te yongs su bsngo'o// sems can thams cad

  611. 306b

    kyi bsod nams thams cad yongs su rdzogs par bya ba mi 'phrogs pa la gnas te yongs su bsngo'o/ / sems can thams cad kyis mi g.yo ba'i ting nge 'dzin rnam par dag pa yongs su rdzogs par bya ba la gnas te yongs su bsngo'o/ / sems can thams cad thams cad mkhyen pa'i ye shes tha dad pa med pa la yongs su bsngo bar bya ba la gnas te yongs su bsngo'o/ / sems can thams cad kyis byang chub sems dpa'i spyod pa dang / rnam par 'phrul pa mtha' yas pa yongs su rdzogs par bya ba la gnas te yongs su bsngo'o// sems can thams cad kyi dge ba'i rtsa ba gnas med pa yang dag par bsgrub pa la gnas te yongs su bsngo'o/ / sems can thams cad kyis 'das pa dang / ma byon pa dang / da ltar byung ba'i sangs rgyas thams cad rjes su dran pa rnam par dag par bya ba la gnas te yongs su bsngo'o/ / sems can thams cad dge ba'i rtsa ba dam pa mngon par skyes pas rnam par dag par bya ba la gnas te yongs su bsngo'o/ / sems can thams cad kyi bdud kyi las dang / sgrib pa dang / bar du gcod pa'i chos thams cad bsal zhing dgag pa la gnas yongs su bsngo'o/ / sems can thams cad kyi yon tan gyi spyod pa mtha' yas pa mngon par skyes pa mnyam zhing rnam par dag pa yongs su rdzogs par bya ba la gnas te yongs su

  612. 307a

    bsngo'o/ / sems can thams cad sangs rgyas thams cad kyi thugs rlabs po che yid la bya ba dang mi 'bral bar bya ba la gnas te yongs su bsngo'o// sems can thams cad sangs rgyas thams cad mnyes par bya ba la brtson pa'i sems dang mi 'bral bar bya ba la gnas te yongs su bsngo'o/ / sems can thams cad kyis go skabs rnyed cing dge ba'i rtsa ba skyon med pa dang / chos dkar po thams cad kyi mnyam pa nyid rnam par dag par yongs su rdzogs par bya ba la gnas te yongs su bsngo'o// sems can thams cad kyis shin tu rgya che zhing mtha' yas pa'i sems dang bsam pa rlabs po che mnyam pa nyid kyis rnam par dag pa la gnas te yongs su bsngo'o/ / sems can thams cad kyi gtong ba'i sems rnam par dag cing mnyam pa nyid du bya ba la gnas te yongs su bsngo'o/ / sems can thams cad sangs rgyas kyi tshul khrims dang nan tan mnyam pa nyid kyis rnam par dag par bya ba la gnas te yongs su bsngo'o// sems can thams cad brtson 'grus chen po'i phung po brtson 'grus thams cad kyis mnyam pa nyid du gyur pa'i rgyud 'tshob par bya ba la gnas te yongs su bsngo'o// sems can thams cad bzod pa'i pha rol tu phyin pa chen po rab tu thob par bya ba la gnas te yongs su bsngo'o/ / sems can thams cad bsam gtan mtha' yas pas rnam par phye ba'i ye shes dang / mngon

  613. 307b

    par shes pa dang ldan par bya ba la gnas te yongs su bsngo'o/ / sems can thams cad kyis chos kyi sku shes rab kyi pha rol tu phyin pa yongs su rdzogs par bya ba la gnas te yongs su bsngo'o/ / sems can thams cad kyi chos kyi dbyings mtha' yas pa rnam par dag cing mnyam pa nyid du yongs su rdzogs par bya ba la gnas te yongs su bsngo'o// sems can thams cad kyi mngon par shes pa thams cad kyi dge ba'i rtsa ba rnam par dag pa yongs su rdzog par bya ba la gnas te yong su bsngo'o/ / sem+ba can tha mA cad spyod pa mthun pas yang dag par 'byung zhing chos yang dag par bsgrub pa mnyam pa nyid kyis yongs su rdzogs par 'gyur ba la gnas te yongs su bsngo'o/ / sems can thams cad kyi yul la 'jug pa yongs su rdzogs par bya ba la gnas te yong su bsngo'o/ / de ltar byang chub sems dpa' sems dpa' chen po'i dge ba'i rtsa ba de dag 'di ltar sems can thams cad kyi lus kyi las mnyam zhing rnam par dag par 'gyur ba dang / sems can thams cad kyi ngag gi las mnyam zhing rnam par dag par 'gyur ba dang / sems can thams cad kyi yid kyi las mnyam zhing rnam par dag par 'gyur ba dang / sems can thams cad kyi dge ba'i las rnam par smin pa mnyam zhing rnam par dag par 'gyur ba dang / sems can thams cad kyi chos khong du chud pa mnyam zhing rnam par dag

  614. 308a

    par 'gyur ba dang / sems can thams cad kyi don khong du chud pa rnam par dag par 'gyur ba dang / sems can thams cad kyi spyod pa khong du chud pa rnam pa dag par 'gyur ba dang / sems can thams cad kyis byang chub sems dpa'i smon lam khong du chud pa rnam par dag par 'gyur ba dang / sems can thams cad kyis yon tan thams cad 'thob pa'i ye shes khong du chud pa rnam par dag par 'gyur ba dang / sems can thams cad kyi rgyud gcig tu gyur pa'i dge ba'i rtsa ba thams cad thams cad mkhyen pa'i theg pa las 'byung bar yongs su bsngo ba mnyam pa nyid kyis yongs su rdzogs par bya ba dang / sems can thams cad kyis zhing rnam par dag pa thams cad mthong ba dang / 'jug pa dang / nyams su myong ba mnyam pa nyid yongs su rdzogs par bya ba dang / sems can thams cad kyis sangs rgyas thams cad mthong ba mnyam pa nyid yongs su rdzogs pa skyon med par bya ba dang / sems can thams cad kyis mtshan dang / dpe byad bzang po dang / bsod nams kyi rgyan rnam pa sna tshogs thams cad mnyam pa nyid yongs su rdzogs par bya ba dang / sems can thams cad kyis yan lag drug cu dang ldan pa'i dbyangs kyi rkyen phun sum tshogs pa'i gsung yan lag brgya stong phrag brgyad kyis brgyan pa dang / gsung gi tshul mtha' yas pa'i yon tan dang ldan pa'i sangs rgyas kyi dbyangs yang dag par

  615. 308b

    bsgrub pa yongs su rdzogs par bya ba dang / sems can thams cad kyis stobs bcu'i rgyan chags pa med pa'i sems kyis mnyam par 'grub par bya ba dang / sangs rgyas kyi chos kyi rgyan mi 'phrogs pa thams cad dang / tha dad pa yang dag par shes pa mnyam pa nyid yongs su rdzogs par bya ba dang / sems can thams cad bla na med pa'i mi 'jigs pas khyu mchog dang seng ge'i nga ro mnyam pa nyid sgrog par bya ba dang / sems can thams cad chos kyi 'khor lo thogs pa med cing phyir mi ldog pa rab tu bskor bas thams cad mkhyen pa'i ye shes thob par bya ba dang / sems can thams cad kyis chos thams cad mngon par bsgrub pa la 'jug pa mnyam pa nyid yongs su rdzogs par bya ba dang / sems can thams cad kyis dge ba'i rtsa ba'i las thams cad rnam par dag pas dus mnyam pa nyid yongs su rdzogs par bya ba dang / sems can thams cad kyis bla na med pa'i ded dpon yongs su grub cing rnam par dag pa mnyam pa nyid du bya ba dang / sems can thams cad kyis rgyan gcig dang / rgyan mtha' yas pa dang / sangs rgyas thams cad kyi rgyan mnyam pa nyid yongs su rdzogs par bya ba dang / sems can thams cad kyis dus thams cad mnyam pas dus gsum gyi dkyil 'khor gyi rjes su 'gro ba'i yid mnyam pa nyid yongs su rdzogs par bya ba dang / sems can thams cad sangs rgyas kyi zhing

  616. 309a

    thams cad du 'dong zhing chos bstan pa don du gnyer ba'i skye mched mnyam pa nyid yongs su rdzogs par bya ba dang / sems can thams cad thams cad mkhyen pa la phan pa'i rim gro rtag tu byed par shes pa'i rjes su 'dong bar bya ba dang / sems can thams cad kyis chos thams cad rnam par mthong ba'i ye shes kyis thams cad mthong ba dang ldan pa mnyam pa nyid yongs su rdzogs par bya ba dang / sems can thams cad kyis mi g.yo ba'i las kyi lam thams cad kyi rnam par smin pa bsgribs pa med pa mnyam pa nyid yongs su rdzogs par bya ba dang / sems can thams cad dbang po thams cad la 'jug pa'i dbang po'i mngon par shes pa sna tshogs kyis 'gro ba thams cad kyi dbang po shes pa mnyam pa nyid yongs su rdzogs par bya ba dang / sems can thams cad kyis rnam par dbye ba med pa'i ye shes mnyam pa nyid kyis mnyam pa nyid gcig cing rnam par dag pa yongs su rdzogs par bya ba dang / sems can thams cad kyis dge ba'i rtsa ba mi mthun pa med cing 'thun pa thams cad mnyam pa nyid du rnam par phye ba yongs su rdzogs par bya ba dang / sems can thams cad kyis byang chub sems dpa'i rdzu 'phrul dang cho 'phrul chen po can gyi rdzu 'phrul khong du chud pa rab tu thob pa'i mnyam pa nyid yongs su rdzogs par bya ba dang / sems can thams cad kyis sangs rgyas kyi yon tan

  617. 309b

    zad mi shes pa dang / thams cad mkhyen pa'i bsod nams gcig tu mnyam pa rab tu 'thob par bya ba dang / sems can thams cad chos thams cad mnyam pa nyid khong du chud ba dang mi 'bral zhing / byang chub tu sems bskyed pa yongs su shes par bya ba dang / sems can thams cad sbyin pa'i gnas kyi dam par gyur te/ dam pa'i chos mthong ba yongs su rdzogs par bya ba dang / sems can thams cad kyis mthu chen pos sbyin pa rnam par dag cing snying rje chen po mnyam pa nyid rab tu thob par bya ba dang / sems can thams cad kyis zil gyis mi non cing bzod par dka' ba'i gzi brjid mnyam pa nyid yongs su rdzogs par bya ba dang / sems can thams cad kyis thub par dka' zhing blta na don yod pa mnyam pa nyid yongs su rdzogs par bya ba dang / sems can thams cad kyis pham pa med pa'i sems dang yid dang bsam pa nyid yongs su rdzogs par bya ba dang / sems can thams cad kyis chos 'byam klas pa thams cad la dogs pa med par zhugs te khong du chud par bya ba dang / sems can thams cad 'jig rten gyi khams thams cad du 'ong dang 'od zer gcig rab tu gtong ba mnyam pa nyid la 'jug par bya ba dang / sems can thams cad thogs pa med par byang chub sems dpa' thams cad kyi brtson 'grus brtsams pa mthar phyin par bya ba mnyam

  618. 310a

    pa nyid la nan tan byed par bya ba dang / sems can thams cad kyis spyod pa gcig pa dang / smon lam mthun pa yongs su rdzogs par bya ba dang / sems can thams cad kyis brjod pa gcig pa dang / 'byung ba mnyam pa nyid yongs su rdzogs par bya ba dang / sems can thams cad kyis byang chub sems dpa' thams cad kyi lhag pa'i bsam pa mnyam pa yongs su rdzogs par bya ba dang / sems can thams cad kyis dge ba'i gshes gnyen thams cad mthong zhing mgu bar bya ba mnyam pa nyid rab tu thob par bya ba dang / sems can thams cad kyis byang chub sems dpa'i spyod pa thams cad dang / sems can gdul ba rgyun mi 'chad pa mnyam pa nyid yongs su rdzogs par bya ba dang / sems can thams cad kyis thogs pa med par chos bstan pa dbyangs kyi yan lag thams cad du grags pa mnyam pa nyid la 'jug pa yongs su rdzogs par bya ba dang / sems can thams cad kyis sems dang shes pa thams cad sems dang shes pa gcig tu yongs su bsngo ba'i dge ba'i rtsa ba mnyam pa nyid yongs su rdzogs par bya ba dang / sems can thams cad kyis rnam par bral ba med pa'i dge ba'i rtsa ba thams cad yang dag par bsags pa mnyam pa nyid la sems can thams cad rab tu god par bya ba dang ldan pa'i ye shes rnam par dag par bya ba dang / sems can thams cad kyis thams

  619. 310b

    cad mkhyen pa'i bsod nams kyi lhun mnyam pa nyid rnam par dag par bya ba dang / sems can thams cad kyis rmongs pa med par sems can thams cad kyi dge ba'i rtsa ba bsams shing yongs su bsngo ba shin tu grub par 'gyur ba'i mnyam pa nyid yongs su rdzogs par bya ba dang / sems can thams cad kyis thams cad mkhyen pa nyid du mngon par 'tshang ba mnyam pa nyid yong su 'grub cing yongs su rdzogs par bya ba dang / sems can thams cad kyis 'byung ba thams cad mi mnyam pa med pa dang / mngon par shes pa dang ye shes kyi 'byung ba thams cad mnyam pa nyid yongs su rdzogs par bya ba dang / sems can thams cad 'khor gcig rnam par dag pas 'khor thams cad rnam par dag par byed pa'i ye shes mnyam pa nyid kyis brgyan par bya ba dang sems can thams cad kyis sangs rgyas kyi zhing thams cad sangs rgyas kyi zhing gcig dang mnyam pa nyid du mthong ba dang ldan par bya ba dang / sems can thams cad kyis lhab lhub thams cad dang / lha ba lhub brjod du med pa dang / lhab lhub mtha' yas pa dang / lba ba lhu ba mu med pa dang / sangs rgyas kyi zhing thams cad rgyan gyis rab tu brgyan par bya ba'i lha ba lbub mnyam pa nyid yongs su rdzogs par bya ba dang / sems can thams cad kyis chos thams cad rnam par rtogs shing mkhas pa dang / don rnam par rdzogs pa mnyam pa nyid yongs su rdzogs par

  620. 311a

    bya ba dang / sems can thams cad kyis sangs rgyas thams cad kyi rnam par 'phrul pa rnam pa'i mchog rnam pa dam pa/ rnam pa thams cad dang ldan pa mnyam pa nyid yongs su rdzogs par bya ba dang / sems can thams cad kyis rnam pa tha dad pa med cing / rnam pa tha dad pa dang bral ba'i mngon par shes pa dang / bsod nams dang / yon tan mnyam pa nyid rab tu thob par bya ba dang / sems can thams cad kyis chos mi mnyam pa med pa'i dge ba'i rtsa ba mnyam pa 'ang ldan pa'i sangs rgyas thams cad kyi dbang bskur bas dbang bskur ba gcig tu legs par dbang bskur ba mnyam pa nyid yongs su rdzogs par bya ba dang / sems can thams cad tshul zil gyis gnon cing / phas zil gyis mi non pa'i sems can thams cad kyi ye shes dang / lus rnam par dag pa yongs su rdzogs pa thob par bya ba'i phyir yongs su bsngo'o// de ltar byang chub sems dpa' sems dpa' chen po snying brtsa ba dang ldan pa/ phan par dga' ba/ snying rje chen po can// sems can thams cad rnam par dag par bya ba la yang dag par zhugs pa/ phrag dog med pa/ ser sna med pa/ rigs dang ldan pa/ rab tu dge ba/ che ba nyid dang ldan pa/ yangs pa la mos pa/ 'khrug pa med pa/ khro ba med pa/ rnyog pa med pa/ rab rib med pa/ khams dang bsam pa shin tu gsal ba'i yid dang ldan pa/ drang po/ drang ba

  621. 311b

    g.yo ba med pa/ rmongs pa med pa/ mchog tu bya ba/ mi phyed pa 'da' ba med par spyod pa/ phyir mi ldog pa/ sems can thams cad la sems mnyam pa/ chos dkar po'i stobs kyi shugs dang ldan pa/ mdud pa med pa/ nyams pa med pa/ chos dkar po thams cad yongs su bsngo ba la mkhas pa/ sems can thams cad yongs su smin par bya ba dang / gdul ba la yang dag par brtson pa/ las ngan pa thams cad ma 'gags pa/ dka' thub dang brtul zhugs chen po'i dge ba'i rtsa ba sems can thams cad la yongs su bsngo ba la mkhas pa/ brtul zhugs dang dka' thub kyis sems can thams cad kyi dge ba'i rtsa ba shin tu spong ba/ sems can thams cad kyi sdug bsngal gyi phung po rang gi lus kyis len pa/ ye shes chen po'i mig gis yang dag par lta ba'i dge ba'i rtsa ba dang ldan pa/ ye shes kyi 'byung gnas dge ba'i rtsa ba rab tu nyan pa/ sems can thams cad la dge ba'i rtsa ba yongs su bsngo ba/ sems can thams cad yon tan rnam par dag pa la rab tu dgod pa'i phyir/ dge ba'i rtsa ba mnyam par yongs su bsngo ba/ sems can thams cad kyi phyir dge ba'i rtsa ba yongs su bsdu ba la mkhas pa/ don gyi rjes su song ba'i khams kyi yon tan mngon par shes pa/ sems can thams cad dang mnyam du dge ba'i rtsa ba rnam par byang bar yongs su bsngo ba/ sems can thams

  622. 312a

    cad kyi bsod nams kyi zhing gi rnam pa la/ chos dkar po'i sa bon lta bur gyur pa/ dge ba'i rtsa ba thams cad 'gyod pa med par yongs su bsngo ba dang ldan pa/ sems// can gyi khams thams cad thams cad mkhyen pa'i skal ba yongs su bsngo bas yongs su 'dzin pa/ dge ba'i rtsa ba thams cad kyi skal ba dang shas kyi char 'bebs pas dbyar gyi dus su gyur pa/ yongs su bsngo ba'i rigs pa dang ldan pa de dge ba'i rtsa ba de dag 'di ltar yongs su bsngo ste/ ci nas kyang sems can thams cad shin tu bde zhing skyid pa dang ldan par 'gyur ba dang / ci nas kyang sems can thams cad rnam par dag par 'gyur ba dang / ci nas kyang sems can thams cad shin tu bde bar 'gyur ba dang / ci nas kyang sems can thams cad shin tu grol bar 'gyur ba dang / ci nas kyang sems can thams cad mnyam pa nyid du 'gyur ba dang / ci nas kyang sems can thams cad shin tu shes pa dang ldan par 'gyur ba dang / ci nas kyang sems can thams cad chos dkar po la shin tu bkod par 'gyur ba dang / ci nas kyang sems can thams cad nyams pa med pa'i mig dang ldan par 'gyur ba dang / ci nas kyang sems can thams cad shin tu dul ba'i yid dang ldan par 'gyur ba dang / ci nas kyang sems can thams cad stobs bcu'i 'dul ba dang ldan par 'gyur bar yongs su bsngo ste/ de ltar yongs su bsngo ba

  623. 312b

    yang las kyi gnas su yongs su mi bsngo'o/ / rnam par smin pa'i gnas su ma yin no// lus kyi gnas su ma yin no// dngos po'i gnas su ma yin no// zhing gi gnas su ma yin no/ / phyogs kyi gnas su ma yin no// sems can thams cad kyi gnas su yongs su mi bsngo'o// sems can thams cad kyi gnas las gud du 'phags par yang yong su mi bsngo'o/ / mngon par zhen pa thams cad las gud du 'phags par yang yongs su mi bsngo ste/ mngon par zhen pa'i chos yongs su shes par bya ba'i phyir yongs su bsngo'o// de ltar dge ba'i rtsa ba de dag sems can thams cad la yongs su bsngo zhing stobs pa/ 'jig rten thams cad nges par byed pa/ sangs rgyas kyi ye shes yongs su rdzogs par byed bsam pa mnyam pas sems las su rung bar byas pa/ shin tu dag pa/ shin tu brtags pa/ shes rab dang ye shes dang ldan pa/ nang mnyam par gzhag pa dang ldan pa/ phyi rol gyi dmigs la shin tu rtogs pa/ 'das pa dang / ma 'ongs pa dang / da ltar byung ba'i mthar phyin pa/ sangs rgyas kyi rigs shin tu gsal ba dang ldan pa de yongs su bsngo ba des de ltar yongs su bsngo ba'i tshe/ chus zil gyis gnon la/ phas zil gyis mi non pa yin/ yon tan mi bzad pa yin// 'gro ba thams cad du byang chub sems dpa' thams cad kyi

  624. 313a

    spyod pa la brtson pa yin/ zhing thams cad na bzhugs pa'i sangs rgyas kyang tshegs chung ngus mig lam du snang bar mthong ba yin/ 'jig rten gyi khams thams cad na yang byang chub sems dpa'i spyad pa spyod par snang ba yin te/ tshig rab tu phye ba thams cad la mkhas pa dang ldan pa'i gzugs kyang rab tu thob cing khong du chud do// phyi ma'i mtha'i bskal pa'i mur thug par rgyun chad pa med pa'i chos bstan pa'i dkyil 'khor gyis sems can thams cad dga' bar bya ba yongs su rdzogs par byed pas/ sangs rgyas kyi zhing brjod du med pa'i yang brjod du med par yongs su sbyang ba'i don du sems kyi skad cig re re la mig yor snang ba'i tshul du skye ba yin/ 'jig rten gyi khams thams cad du sangs rgyas kyi zhing yongs su dag pa brjod du med pa'i yang brjod du med pa sems kyi skad cig ring la yongs su rdzogs par byed kyang / sangs rgyas kyi zhing yongs su sbyang bar rnam par dpyod pa'i ye shes kyis ngoms mi shes pa yin/ sems can bye ba khrag khrig brgya stong brjod du med pa'i yang brjod du med pa mnyam pa nyid gang la bdag nyid gnas pa de la yongs su rdzogs par pa yin/ yongs su sgrub pa yin/ yongs su sbyong ba yin/ pha rol tu phyin pa thams cad la rab tu brtson par byed cing / sems can rnams yongs su sdud pa yin/ las ji

  625. 313b

    rnam par dag pa'i tshul bzhin du yang yang dag par 'byung ba yin/ thogs pa med pa'i rna ba mngon par bsgrub pa yang rab tu 'thob pa yin/ sangs rgyas kyi zhing brjod du med pa'i yang brjod du med par chos kyi 'khor lo bskor te/ chos mtha' yas pa bstan cing brjod pa thos na/ de dag thams cad 'dzin pa yin te/ chos bstan pa de la ring ba'i 'du shes te pabar mi gzhog go/ / sems skad cig gis byung ba dngos po med pa la rab tu gnas pa/ rten pa med cing / mngon par 'du bya ba med pa dang / gnas pa med pa'i byang chub sems dpa'i rdzu 'phrul la gnas shing / sangs rgyas kyi zhing brjod du med par 'gro ba dang / sangs rgyas kyi zhing mang po rnam par phye ba thams nang du 'gro bar bya ba la se gol gtogs pa tsam yang dus gang du yang thogs pa med pa yin/ byang chub sems dpa'i spyad pa spyod pa'i tshe'ang skal ba mnyam pa'i byang chub sems dpa' mthong ba dang ldan pa yin te/ yon tan 'di dag gzhan dag kyang rnam par dag cing mtha' dbang bud med pa'i dkyil 'khor/ byang chub sems dpa'i spyod pa dang mthun pa/ brjod du med pa'i yang brjod du med pa dang / zad mi shes pa'i yon tan dang / legs pa 'thob par 'gyur na/ bla na med pa'i yang dag par rdzogs po'i byang chub tu mngon par 'tshang

  626. 314a

    rgya ba'i tshe/ 'di lta ste/ zhing thams cad rnam par dag pa mnyam pa nyid dang / sems can thams cad rnam par dag pa mnyam pa nyid dang / lus thams/ cad rnam par dag pa mnyam pa nyid dang / dbang po thams cad rnam par dag pa mnyam pa nyid dang / las kyi rnam par smin pa thams cad rnam par dag pa mnyam pa nyid dang / 'khor gyi dkyil 'khor thams cad rnam par dag pa mnyam pa nyid dang / spyod pa yongs su rdzogs par bya ba thams cad rnam par dag pa mnyam pa nyid dang / chos thams cad kyi tshul la 'jug pa rnam par dag pa mnyam pa nyid dang / de bzhin gshegaso pa thams cad kyi smon lam yongs su rdzogs par bya ba rnam par dag pa mnyam pa nyid dang / sangs rgyas thams cad kyi yul gyis rnam par 'phrul pa yang dag par bstan pa rnam par dag pa mnyam pa nyid 'thob pa lta ci smos/ / // bam po bzhi bcu gcig pa/ / // de ltar byang chub sems dpa' sems dpa' chen po yongs su bsngo ba 'dris yongs su bsngo ba'i tshe/ yon tan gyi rgyud kyi tshul rnam par dag par bya ba dang / yon tan thams cad rab tu brgyan par bya ba yongs su rdzogs pa rab tu 'thob ste/ de 'di ltar yongs su bsngo ba'i 'dis yongs su bsngo ba'i tshe/ sems can

  627. 314b

    rnams zhing dang 'gal bar mi byed do/ / zhing rnams sems can dang 'gal bar mi byed do// zhing rnams sems can gyi las dang 'gal bar mi byed do// sems can gyi las rnams zhing dang 'gal bar mi byed do/ / bsam pa sems dang 'gal bar mi byed do// sems bsam pa dang 'gal bar mi byed do// bsam pa dang sems dmigs pa dang 'gal bar mi byed do/ / dmigs pa dang / bsam pa dang / sems dang 'gal bar mi byed do// las kyi rnam par smin pa rten pa dang 'gal bar mi byed do// rten pa la las kyi rnam par smin pa dang 'gal bar mi byed do/ / las bya ba lam dang 'gal bar mi byed do// lam las bya ba dang 'gal bar mi byed do// chos nyid mtshan nyid dang 'gal bar mi byed do/ / mtshan nyid chos nyid dang 'gal bar mi byed do// chos rnams skye ba'i rang bzhin dang 'gal bar mi byed do// skye ba'i rang bzhin chos rnams dang 'gal bar mi byed do// zhing gi mnyam pa nyid sems can gyi mnyam pa nyid dang 'gal bar mi byed do// sems can gyi mnyam pa nyid zhing gi mnyam pa nyid 'gal bar mi byed do// sems can gyi mnyam pa nyid chos kyi mnyam pa nyid dang 'gal bar mi byed do/ / chos thams cad mnyam pa nyid sems can thams cad mnyam pa nyid dang 'gal bar mi byed do// sems can thams cad

  628. 315a

    mnyam pa nyid chos thams cad mnyam pa nyid dang 'gal bar mi byed do/ / 'dod chags dang 'bral ba'i mtha' mnyam pa nyid sems can thams cad kyi gnas mnyam pa nyid dang 'gal bar mi byed do/ / sems can thams cad kyi gnas mnyam pa nyid 'dod chags dang 'bral ba'i mtha' mnyam pa nyid dang 'gal bar mi byed do// 'das pa ma 'ongs pa dang 'gal bar mi byed do/ / ma 'ongs pa 'das pa dang 'gal bar mi byed do// ma 'ongs pa dang 'das pa da ltar byang ba dang 'gal bar mi byed do// da ltar byung ba ma 'ongs pa dang 'das pa dang 'gal bar mi byed do/ / dus mnyam pa nyid sangs rgyas mnyam pa nyid dang 'gal bar mi byed do// sangs rgyas mnyam pa nyid dus mnyam pa nyid dang 'gal bar mi byed do/ / byang chub sems dpa'i spyod pa thams cad mkhyen pa nyid dang 'gal bar mi byed do// thams cad mkhyen pa nyid byang chub sems dpa'i spyod pa dang 'gal bar mi byed do/ / de de ltar yongs su bsngo ba'i tshe/ las mnyam pa nyid dang ldan pa yin/ rnam par smin pa mnyam pa nyid dang ldan pa yin/ lus mnyam pa nyid dang ldan pa yin/ tshul mnyam pa nyid dang ldan pa yin/ smon lam mnyam pa nyid dang ldan pa yin/ sems can thams cad mnyam pa nyid dang ldan pa yin/ zhing thams cad

  629. 315b

    mnyam pa nyid dang ldan pa yin/ spyod pa thams cad mnyam pa nyid las byung ba yin/ ye shes thams cad mnyam pa nyid dang ldan pa yin/ 'das pa dang / ma byon pa dang / da ltar byung ba'i sangs rgyas thams cad mnyam pa nyid dang ldan pa yin/ sangs rgyas thams cad mngon par mnyes par byed pa yin/ byang chub sems dpa' thams cad mngon par dga' bar byed pa yin/ / dge ba'i rtsa ba thams cad mngon par 'grub par byed pa yin/ smon lam thams cad thams cad mngon par 'grub par byed pa yin/ sems can thams cad yongs su smin par bya ba mngon par 'grub par byed pa yin/ las thams cad rab tu rtogs pa mngon par 'grub par byed pa yin/ dge ba'i bshes gnyen mthong zhing bskya bkur byed pa mngon par 'grub par byed pa yin/ rnam par dag pa thams cad kyi dkyil 'khor dang ldan pa mngon par 'grub par byed pa yin/ chos thams cad kyi tshul la 'jug pa mngon par 'grub par byed pa yin/ chos dkar po thams cad yongs su bsngo ba rnam par dag pa'i dkyil 'khor mngon par 'grub par byed pa yin te/ kye rgyal ba'i sras dag 'di ni byang chub sems dpa' sems dpa' chen po rnams kyi yongs su bsngo ba 'gro ba thams cad mnyam pa nyid du rjes su song ba zhes bya ba ste bdun pa'o/ / yongs su bsngo ba de dang ldan

  630. 316a

    pa'i byang chub sems dpa' sems dpa' chen po ni 'dod pa thams cad kyi tsher ma dang bral zhing phyir rgol ba rab tu bcom pa yin/ rgyud kyi tshul gcig tu gyur pas lhong pa med par shin tu byung ba yin/ / yon tan gyi rgyal srid dang dbang rab tu thob pas bsod nams kyis skyob pa'i mthu chen po dang ldan pa yin/ zhing thams cad du 'gro ba la zhugs pas chags pa med par spyod pa yin/ lus thams cad dang ldan pas shin tu rnam par phye ba yin/ spyod pa dang smon lam thams cad kyis rnam par 'phrul ba'i ye shes dang ldan pas spyod pa chen pos byung ba yin/ sangs rgyas kyi zhing thams cad du rna ba'i shes pa thogs pa med par zhugs pa'i chos thams cad yongs su shes pa dang ldan pa yin/ shes rab kyi mig shin tu dag pa'i blo rab tu thob pas sangs rgyas thams cad mthong ba dang ldan pa yin/ dge ba'i rtsa ba brtsams pa thams cad mthar phyin par bya ba la rgyun mi 'chad pa yin te/ chos 'thob par bya ba thams cad thob pas rlom sems med pa yin no/ / de nas byang chub sems dpa' sems dpa' chen po rdo rje'i rgyal mtshan gyis/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so// de dag bsod nams rlabs chen byed pa dang // rgya che zab mo phra dang rags byed cing // sna tshogs chu du

  631. 316b

    rnam pa byed kyang rung / / thams cad mtha' yas rnam par yongs su bsngo// de dag dngos po ji snyed gang yod pa// rgya che yangs pa gang dang gang yang rung // glang po'i shing rta rdza u0f7f s hing rta dang / / gos dang dbyig dang gser dang dngul dag gis// phyogs dang zhing rnams mtha' yas kun bkang zhing // de dag mgo dang mig dang lag pa dang // sha dang rkang dang de bzhin rkang pa dang / / rang gi lus kyis kun bkang sbyin par bsngo// de dag de ltar yongs su bsngo byas nas// sems can phan phyir yongs su dgrol sems kyis// mtha' dang dpung med bskal par spyod pa byed/ / 'gro ba kun nas de dag sems mi ldog/ de dag 'gro ba kun la phan pa'i phyir// legs par byas pa'i las kyis srid gsum gyi// 'gro ba ma lus thams cad cings kyang / / bde bar 'gyur zhing byang chub thob par bsngo// de dag mnyam zhing mtshungs par yongs su bsngo// las rnams dag pa ji ltar yongs bsgrubs pa// de dag 'gro ba kun dang mnyam par bsngo/ / de dag smon lam 'ching bar 'gyur ba med// 'gro ba kun tu ci la'ang thogs med par// thams cad rjes su smon lam de dag 'gro// de dag 'gro la phan phyir bsngo khyebyed kyang / / mkhas pa rnams la spros pa gang yang med// 'gro ba kun la de dag gnyis gyur cig/ sbyin pas 'phags te tshul khrims rnam dag la// brtson 'grus stobs kyis

  632. 317a

    ma sa la bcings med pa/ de dag smon lam byer ldog med pa sbyis// pasnru ga rgyal byin du// chos kyi rgyun la rnams pa nyis sku pa de dag don nges pha rol phyin bya'i phyir/ / rkang gnyis dbang po'i drung du ye shes rkeng pas 'dong // de dag chos kyi rnga yi mthar phyin pas// rtag tu ye shes rnam pa'i snying po 'chang / / tshul bzhin chos la chags pa med par zhugs// de bas de dag yid la chags pa med// chos la gnyis su byed pa ste// gnyis su med par chos la mi byed do/ / gnyis mang gnyis las yongs su grol bas na// 'gro ba kun gyi tshig lam thams cad shes// de dag 'jig rten mnyam nyid khong du chud// sems dang sgra dang las rnams thams cad kyang / / sprul pa lta bur 'gro ba kun shes te// kun kyang las kyi rnam smin tshul du 'jug/ 'jig rten ji snyed yod pa las rnams kyis// byin gyi rlabs yin/ phyogs rnams sgra kun kyang // las kyi rnam par smin pas jig rten 'di shes na// las rnams thams cad ma lus 'gag pa 'gyur// de dag 'gro ba kun dang mnyam nyid du// lus dang ngag dang sems rnams mnyam nyid kyi/ / 'gro ba kun dang mnyam pa nyid phyir bsngo// mnyam pa nyid kyi gzhung tshul 'di 'dra'o// yongs su spyod pas 'gro ba thams cad kyi// gzugs

  633. 317b

    rnams sbyangs shing de yi las bsngo ba/ / skyes bu 'dul ba'i bsod nams ci 'dra ba// de 'drar 'gro kun bsod nams gter du bsngo// de dag 'gro ba thams cad zil mnan cing / brtsod 'grus lus dang ldan par gyur pa rnams/ / skye dgu kun la phan par bya sems kyis// bsod nams rgya mtsho yongs su bsngo bar byed// bdag gis bsod nams bsgrubs pa gang yod pa/ de yis 'gro kun rtag tu rnam dag gyur// rgyal ba de dag ji ltar rnam dag pa// de ltar 'jig rten rnam dag ldan gyur cig/ mkhas shing don gyi tshul la shes gyur nas// ye shes mkhyen ldan chos rab bsngags gyur cig/ 'gro kun sangs rgyas ji bzhin gyur cig ces// dge ba de dag mnyam pa nyid du bsngo// de dag chos rnams gsog tu 'jal byed de// 'gro ba thams cad stong par rnam rig nas/ / byed pa med cing byed po gang yang med// 'gro ba rnams kyi las kyang chud mi za// chos rnam zhi zhing 'jig rten ma zhi bar// rtog med sems kyis de ltar 'jal byed cing / / 'jig rten de dag rnam par rtog shes kyang // rnam par rtog cing yongs su bsngo mi byed// bde gshegs skur bgrang lus dang ldan pa'i rnams// rgyal ba rnam kyi chos las skyes pa'i sras/ / de dag 'jig rten 'di la the tshom med// rgyal sras de dag de ltar yongs su bsngo// 'gro ba thams cad mnyam pa nyid du rjes su song ba zhes bya ba ste/

  634. 318a

    yongs su bsngo ba bdun pa'o// kye rgyal ba'i sras dag/ byang chub sems dpa' sems dpa' chen po rnams kyi yongs su bsngo ba de bzhin nyid kyi mtshan nyid kyi rang bzhin zhes bya ba brgyad pa gang zhe na/ / kye rgyal ba'i sras dag/ de la byang chub sems dpa' sems dpa' chen po chos dkar po spyod pa la rab tu brtson pa'i sems dang ldan pa/ snying rje chen po shin tu gsal bar bya ba la rab tu zhugs pa/ lhag pa'i bsam pa chen po rin po che rab tu thob pa/ sangs rgyas thams cad yid la bya ba la brtson pa/ chos dkar po thams cad yongs su bsngo ba rgyun mi 'chad pa'i sems dang ldan pa/ byang chub sems dpa'i lam gyi bsam pas dge ba'i rtsa ba dam pa bzang po mngon par bsgrub pa la mkhas pa/ yon tan dang ye shes la rab tu brtson pa'i yid la byed pa can kha lo sgyur ba/ dge ba'i rtsa ba thams cad ye shes kyis yongs su bsngo ba'i tshul la mkhas pa/ dge ba'i rtsa ba thams cad la yang dag par sems dpa'i mig dang ldan pa/ ye shes dang mngon par shes pa shin tu rgya che ba dang ldan pa/ dran pa shes bzhim can brtan zhing mi g.yo ba'i sems dang ldan pa/ rmongs pa med pa/ dran pa nye bar gzhag pa/ khong nas snying me ladang ldan pa/ las la thub pa med pa/ ye shes la dmigs pa

  635. 318b

    thams cad las phyir mi ldog pa/ theg pa chen po'i sems kyis dpa' ba/ 'gro ba thams cad bde bar bya ba'i dge ba'i rtsa ba rab tu thob pa/ dge ba'i rtsa ba skyon med pa yang dag par sogs shing dge ba'i rtsa ba rnam pa tha dad pa mtha' yas pa nye bar sgrub pa dang / dmigs par byed pa dang / yongs su rdzogs par byed pa dang / yongs su dag par byed pa dang / nan tan du byed pa dang / mngon par brtson pa byed pa dang / yongs su spyod cing sems pa dang / yang dag par spyor pa dang / rab tu ston pa'i tshe dge ba'i rtsa ba sgo rnam pa tha dad pa gzhan dang gzhan gyi mtshan nyid sna tshogs dang ldan pa/ dngos po gzhan dang gzhan las byung ba/ rnam pa sna tshogs su bkod par gyur pa/ yang dag par spyod pa du ma dang / brjod pa mtha' yas pa'i tshul gyis rnam par brtags pa/ dge ba'i rtsa ba rnam pa sna tshogs su yang dag par spad cing tshad med par rnam par phye ba las byung ba/ stobs bcu 'gro ba'i sems kyi byin gyis brlabs pa de dag dmigs pa rnam pa sna tshogs la rab tu brtson pa/ gnyis su med pa'i thams cad mkhyen pa nyid la tshul gyi rgyud gcig tu gyur pas 'di yongs su bsngo ste/ dge ba'i rtsa ba 'dis byang chub sems dpa'i spyod pa la brtson pa rnams kyi chags pa med pa'i lus yongs su rdzogs par gyur cig/ byang chub sems dpa

  636. 319a

    spyod pa la gnas pa rnams kyi chags pa med pa'i ngag yongs su dag par gyur cig/ theg pa chen po la gnas par byed pa'i spyod pa thob par bya ba'i phyir chags pa med pa'i sems yongs su grub par gyur cig/ byang chub sems dpa' thams cad kyi spyod pa rnam par dag pa'i phyir/ bsgribs pa med pa'i sems yongs su rdzogs par gyur cig/ 'gro ba mtha' dang bus med pa thams cang rgyas par dgang bur byer/ sprin po chen po mthar yas pa'i sems bskyed pa rab thob par gyur zil gyis mnon pa'i sems rab tu 'thob par bya ba'i phyir/ chos la dbang sgyur ba'i sems kyi chos kyi snang ba thams cad ston par gyur cig/ byang chub tu sems bskyed pa'i snang ba rab tu thob pa'i phyir/ ye shes kyi 'byung gnas dang mngon par shesas pa thams cad rnam par dag par gyur cig/ sangs rgyas rjes su dran pa rab tu 'thob pa'i phyir/ 'das pa dang / ma byon pa dang / da ltar byung ba'i sangs rgyas thams cad rjes su dran pa rnam par dag par gyur cig/ lhod pa med par yongs su 'byung ba'i phyir/ kho na med par gnas pa'i lhag pa'i bsam pa yongs su rdzogs par gyur cig/ stobs bcu'i ye shes la rab tu dgod pa'i phyir/ 'gro ba thams cad nye bar blang bas khyab par bya ba rgyun chang

  637. 319b

    med par gyur cig/ gos pa med par 'jig rten gyi khams su gnas par bya ba'i phyir/ 'jig rten gyi khams thams cad du rgyu ba'i ting nge 'dzin rab tu thob par gyur cig/ sems can mtha' yas pa gdul ba rgyun chad pa med par bya ba'i phyir/ 'jig rten gyi khams thams cad du gnas par bya bas mi skyo bar gyur cig/ byang chub sems dpa' bsam gyis mi khyab pa rab tu bsgrub pa'i phyir/ bsam pa'i rang bzhin mtha' dang dbus med pa mngon par sgrub pa la mkhas par gyur cig/ rnam pa tha dad pa'i phyogs su ye shes kyis 'jug pa yongs su rdzogs par bya ba'i phyir/ 'jig rten gyi khams thams cad la rmongs pa med pa'i ye shes dang ldan par gyur cig/ ye shes dang mngon par shes pa la dbang sgyur bar bya ba'i phyir/ sems skad cig gi 'byung bas 'jig rten gyi khams rnam par dag pa thams cad yongs su rgyas par gyur cig/ 'jig rten thams cad mthong ba rnam par ngas pa rab tu 'thob par bya ba'i phyir/ chos thams cad la 'jug pa'i rang bzhin yongs su rdzogs par gyur cig/ tha dad pa med pa'i ye shes dam pa 'thob pa'i phyir/ zhing gcig zhing thams cad du rjes su rtogs pa'i ye shes dang ldan par gyur cig/ sems can brjod du med pa gdul zhing byin gyis brlabs pa'i phyir/ zhing thams cad byin gyis rlob pa'i byang chub sems

  638. 320a

    dpa'i byin gyi rlabs mthong ba yongs su rdzogs par gyur cig/ sangs rgyas kyi zhing thams cad tshad med par bya ba'i phyir/ chos kyi dbyings tshad med pa sangs rgyas kyi zhing gcig tu mngon par mos par gyur cig/ sangs rgyas kyi zhing thams cad ye shes kyis mthong ba dam pa thob par bya ba'i phyir/ sangs rgyas kyi zhing thams cad du 'gro ba'i ye shes kyi byin gyi rlabs rab tu thob par gyur cig ces/ de ltar byang chub sems dpa' sems dpa' chen po dge ba'i rtsa ba de dag zhing gi rnam pa'i phyir yongs su bsngo'o// 'gro ba thams cad rgyas par dgang ba'i phyir yongs su bsngo'o/ / ye shes kyis rnam par spyad cing byin gyis brlabs pa'i phyir yongs su bsngo'o// ji ltar bdag gi phyir yongs su bsngo ba de ltar sems can thams cad kyi phyir yang yongs su bsngo ste/ 'di ltar sems can dmyal ba'i ngan song dgag pa'i phyir yongs su bsngo'o// byol song gi skye gnas kyi ngan song med par bya ba'i phyir yongs su bsngo'o// gshin rje'i 'jig rten gyi ngan song rgyun gcad pa'i phyir yongs su bsngo'o// sems can thams cad kyi sgrib pa'i las rgyun gcad pa'i phyir yongs su bsngo'o// sems can thams cad la sems mnyam pa'i ye shes thob par bya ba'i phyir yongs su bsngo'o/ / dgra thams cad dang mdza' ba thams cad bde ba thams cad la gzud pa'i ye shes rnam par dag par bya ba'i phyir

  639. 320b

    yongs su bsngo'o/ / sems can thams cad mngon du gyur pa'i ye shes kyi snang ba yang dag par bstan pa rnam par dag par bya ba'i phyir yongs su bsngo'o// sems can gyi ngor bsam gyis mi khyab pa'i ye shes rtogs pa yongs su rdzogs par bya ba'i phyir yongs su bsngo'o/ / lhag pa'i bsam pa rdul med pa'i bang chub kyi sems dang / ye shes tshad med pa yongs su rdzogs par bya ba'i phyir yongs su bsngo'o/ / sems can thams cad bde ba'i lam bstan par mnyam du yongs su bsngo ba'i phyir yongs su bsngo'o// yang dag pa'i sems la brtson pa'i byang chub sems dpa' sems dpa' chen po de 'di ltar yongs su bsngo ste/ sems can thams cad la rnam par byang ba'i sprin gyi char dbab pa'i tshul dang / sems can thams cad la bsod nams kyi zhing du dmigs pa'i tshul dang / sems can thams cad byang chub kyi sems kyi khongs su gtogs pa'i yongs su bsngo bas bsrung ba'i byin gyis brlabs kyis bsgribs pa thams cad dang mi 'grogs par bya ba'i phyir yongs su bsngo'o/ / bsgribs pa med pa'i dbyings la gnas par yongs su bsngo'o// ye shes dang mngon par shes pa chags pa med pas sems can thams cad kyis ye shes mthong ba yongs su rdzogs par bya ba'i phyir yongs su bsngo'o/ / sems can thams cad kyi lus kyi rjes su 'gro ba'i rnam

  640. 321a

    par 'phrul pa yongs su rdzogs par bya ba'i phyir yongs su bsngo'o/ / sems can thams cad don yod pa'i dge ba'i sa rnam pa'i mchog thams cad dang ldan pa'i ye shes kyis phan 'dogs par bya ba'i phyir yongs su bsngo'o/ / 'gro ba thams cad yongs su sdud pas 'gro ba thams cad rnam par dag par bya ba'i phyir yongs su bsngo'o// thams cad mkhyen pa nyid kyi mthar thug pa ste/ sems can thams cad kyis sems bsgribs pa med cing mi bskul ba rab tu thob par bya ba'i phyir yongs su bsngo'o// gang yang byang chub sems dpa' sems dpa' chen pos dga' dga' ltar 'dug pa mthong ba 'am/ bza' shing gi ra ba dga' dga' ltar 'dug pa dang / ldang ba dga' dga' ltar 'dug pa dang / me tog dga' dga' ltar 'dug pa dang / spos yid du 'ong ba dang / shing thog dga' dga' ltar 'dug pa dang / gos yid du 'ong ba dang / rin po che dga' dga' ltar 'dug pa dang // rgyan dga' dga' ltar 'dug pa dang / ldum ra dga' dga' ltar 'dug pa dang / grong khyer dga' dga' ltar 'dug pa dang / ljongs dga' dga' ltar 'dug pa dang / rgyal po'i gnas dga' dga' ltar 'dug pa dang / khams dga' dga' ltar 'dug pa dang / yul dga' dga' ltar 'dug pa dang / rgyal po'i srid dga' dga' ltar 'dug pa dang / dbang dga' dga'

  641. 321b

    ltar sbyar ba dang / phyogs dga' dga' ltar 'dug pa dang / 'khor dga' dga' ltar 'dug pa dang / 'brog dga' dga' ltar 'dug pa dag mthong / byang chub sems dpa' maH dang ye shes la brtson pa/ bsod nams dam pas byang ba/ dge ba'i rtsa ba don du gnyer ba/ 'gro ba kun tu bag yod par smod pa/ legs par bstan pa'i dge ba'i rtsa ba la brtson pa/ rgya mtsho lta bu shin tu dben pa/ dge ba'i rtsa ba zad mi shes pa thams cad dang ldan pa/ bsod nams kyi 'byung gnas dang ldan pa/ dge ba'i rtsa ba thams cad tha mi dad pa la mkhas pas yongs su bsngo ba/ rnam pa mtha' yas pa'i dge ba'i rtsa ba thams cad bsngo ba mthong ba dang rnam par spyod pa'i ye shes dang ldan pa/ sems can thams cad la sems pas dmigs pa chud mi za ba'i dge ba'i rtsa ba dang ldan pa/ sems can thams cad kyi tshad kyis klas par rgyun mi 'chad cing / de bzhin nyid dang mnyam pa'i dge ba'i rtsa ba dang ldan pa/ dge ba'i rtsa ba de dag 'di ltar yongs su bsngo ste/ sems can thams cad chos nyid ji lta ba bzhin du yongs su 'dzin pa'i chos nyid kyi ngang tshul can du gyur te/ sangs rgyas mthong ba'i dga' ba rab tu thob cing / sems can grangs med pa thams cad de bzhin nyid dang nyam par rnam par dag par gyur cig ces/ de 'di ltar byang chub sems

  642. 322a

    dpa' sems dpa' chen pos dga' dga' ltar 'dug pa mthong ba de dag thams cad sems can thams cad la yongs su bsngos nas/ sangs rgyas kyi zhing thams cad sangs rgyas thams cad bsten bkur ba yongs su rdzogs pas mdangs dga' ba dang / zhing thams cad nye ba'i nyon mongs pa med cing rnam par dag pas mdangs dga' ba dang / sems can thams cad la sangs rgyas kyi chos thams cad yang dag par bstan pas mdangs dga' ba dang / byang chub sems dpa'i spod pa thams cad yongs su gzung ba rab tu thob pas mdangs dag bapa dang / dge ba'i bshes gnyen thams cad la zhe sdang ba med pa'i mig gis lta bas mdangs dga' ba dang / dngos po thams cad yid du 'thad pa mthong bas mdangs dga' ba dang sems can thams cad yang dag par bzung ba rab tu thob pas mngangs dga' ba dang / sangs rgyas kyi chos thams cad la chos kyi snang ba thams cad rab tu thob pas mdangs dpa' ba dang / sem can thams cad la gtong ba'i sems kyis sbyin pa byed pas mdangs dga' ba dang / chos thams cad 'jigs pa med par sems can thams cad la rab tu ston pas mdangs dga' ba dang byang chub sems dpa'i ting nge 'dzin thams cad rab tu thob pas mngangs dga' ba dang / byang chub sems dpa' thams cad kyi gzungs 'dzin pas mdangs dga' ba dang / byang chub sems dpa'

  643. 322b

    thams cad kyi ye shes mtha' yas pas rnam par spyod pas mngangs dga' ba dang / byang chub sems dpa' thams cad kyi rnam par 'phrul pa yang dag par bstan pas mdangs dga' ba dang / de bzhin gshegs pa'i dkyil 'khor thams cad kyis shin tu bstan pa yang dag par bstan pas mdangs dga' ba dang / tshig rab tu phye ba thams cad la mkhas pas bstan pa yang dag par ston pas mdangs dga' ba dang / snying rje chen po rab tu thob pas mdangs dga' ba dang / byang chub sems skye ba sar pa gsar pas dbang po dga' bar gyur te mdangs dga' ba dang / sangs rgyas thams cad kyi rigs su chud pas mdangs dga' ba dang / sems can gyi khams thams cad 'dul ba rgyun mi 'chad pas mdangs dga' ba dang / byang chub sems dpa' thams cad kyi spobs pa mi zad pas chos thams cad rab tu ston pas mdangs dga' ba dang / 'jig rten gyi khams re re yang brjod du med pa'i yang brjod du med pa'i bskal par gnas pas yongs su mi skyo zhing mdangs dga' ba dang / sangs rgyas kyi chos mtha' yas pa'i tshul la sgo mnyam pas 'jug pas mdangs dga' ba dang / rtsa ba med pa'i chos thams cad chags pa med pa'i tshul la rab tu 'jug pas mngangs dga' ba dang / 'dod chags med pa dang mnyam pa'i chos thams cad kyi sgrib pa yongs su spang ba'i phyir mi

  644. 323a

    gnyis pa'i dbyings khongs du chud pas mdangs dga' ba dang / 'dod chags dang bral ba'i mtha' dang mnyam pa'i chos thams cad la bden pa'i mtha' ji lta ba bzhin du rab tu 'jug pas mdangs dga' ba dang / byang chub sems dpa' thams cad kyi rtsod pa med pa yongs su rdzogs pas mdangs dga' ba dang / bsam pa rdo rje'i snying po lta bus thams cad mkhyen pa'i brtson 'grus rnam par dag pa yongs su rdzogs pas mdangs dga' ba dang / dge ba'i rtsa ba thams cad la bar du gcod pa'i dgra rab tu gdul ba yongs su rdzogs pas mdangs dga' ba dang / 'gro ba thams cad du khyab pa'i thams cad mkhyen pa'i tshul gyi sgo mngon par 'tshang rgya ba yang dag par bstan pa yongs su rdzogs pas mdangs dga' bar bya ba'i phyir yongs su bsngo ste/ de ltar byang chub sems dpa' sems dpa' chen po ye shes kyi snang ba rab tu thob pa dge ba'i bshes gnyen gyis yongs su bzung ba/ de bzhin gshegs pa'i nyi mas sems shin tu snang bar byas pa/ rmongs pa med pa'i chos la rab tu brtson pa/ ye shes kyi las la zhugs pa/ ye shes kyi sa la shin tu bslabs pa/ chos kyi dbyings thams cad du dge ba'i rtsa ba rnam par bkram pa/ yongs su bsngo ba'i ye shes dang ldan pa/ byang chub sems dpa'i dge ba'i rtsa ba rgya mtsho

  645. 323b

    thams cad kyi gting rnyed pa/ ye shes kyi rigs pa dam pa bzhugs pa/ dge ba'i rtsa ba rnam pa tha dad pa 'byam klas pa thams cad kyi ye shes la 'jug pa dang ldan pa de 'jig rten thams cad du gnas med par 'gro ba'i sems dang / sems can gyi khams thams cad la mngon par chags pas mi gnas pa'i bsam pa dang / chos thams cad la rlom sems med pa'i yid la byed pa dang / sangs rgyas thams cad la nyams pa med pa'i ye shes dang / mngon par shes pa dang / 'das pa dang / ma byon pa dang / da ltar byung ba'i sangs rgyas thams cad d ang mi 'gal ba'i yongs su bsngo ba'i sgos dge ba'i rtsa ba nye bar bas gra ba de dag thams cad chos thams cad kyi mnyam pa nyid dang 'gal ba med cing de bzhin gshegs pa'i mtshan nyid 'khrugs par mi 'gyur ba dang / dus mnyam pa nyid la rnam par dpyad pa dang / sems can med par rtogs par bya ba dang / de bzhin gshegs pa'i byang chub kyi rjes su 'brang ba dang / chos rnam par dgod pa yang dag par brjod pa dang / don shes pa khong du chud par bya ba dang / zil gyis gnon pa'i sa thams cad kyi rjes su 'brang ba dang / chos nyid ji lta ba bzhin du rnam par dpyad pa dang / ye shes kyi dkyil 'khor la yang dag par sems pa dang / bsam pa shin tu brtan pa yang dag par rdzogs par bya ba dang / las thams cad yang dag par bsags pa la 'jug pa dang / chos

  646. 324a

    rnams kyi dben pa nyid yang dag par lta ba dang / chos thams cad kyi skyon med pa nyid dang / chos ji lta ba bzhin du sprul pa'i rgyu dang ldan pa rab tu 'jug par bya ba'i phyir chos thams cad kyi rang bzhin dngos po med par khong du chud par bya ba dang / don thams cad rnam pa sna tshogs su 'byung ba la rnam par dpyod pa dang / brjod pa thams cad la gnas med par shin tu bsgrubs pa dang / gnas thams cad rkyen sna tshogs kyis byung ba yang dag pa ji lta ba bzhin du rab tu shes par bya ba dang / yongs su bsngo ba rnam par dben pa la rab tu dpyod pa dang / chos thams cad tshul gcig tu yang dag par blta ba dang / tshul mtha' yas pa'i chos thams cad dang 'gal ba med par bya ba dang / yongs su bsngo ba la mkhas pa'i byang chub sems dpa' thams cad la 'grogs par bstan pa dang / dge ba'i rtsa ba thams cad yongs su bsngo bas 'gro ba thams cad yang dag par gzung ba dang / 'das pa dang / ma 'ongs pa dang / da ltar byung ba'i byang chub sems dpa' thams cad kyi yongs su sngo ba khong du chud par byed cing yongs su bsngo ste/ de ltar byang chub sems dpa' sems dpa' chen po 'jigs pa med pa'i sems kyis sangs rgyas kyi chos thams cad la yongs su bsngo'o/ / tshad med pa'i sems kyis sems can thams cad rnam par dag par bya ba'i phyir yongs su bsngo'o// bdag gir bya ba med pa'i sems kyis phyogs

  647. 324b

    thams cad la yongs su bsngo'o/ / khyad par med pa'i sems kyis 'jig rten thams cad la yongs su bsngo ste/ dge ba'i rtsa ba de yul dang spyod yul thams cad dang / 'jig rten thams cad kyis gos pa med pa'i phyir yongs su bsngo'o/ / dge ba'i rtsa ba de 'jig rten las 'das pa'i chos le yang dag par spong bas yongs su bo sde'o// dge ba'i rtsa ba de 'gro ba thams cad mi dmigs shing mi gnas pa yongs su bsngo'o/ / dge ba'i rtsa ba de thams cad zil gyis gnon pa'i nan tan pas yang dag par bskyed pas yongs su bsngo'o// dge ba'i rtsa ba de chos kyi 'byung gnas rnam par brtags pa med pa mngon par bsgrubs pas yongs su bsngo'o/ / dge ba'i rtsa ba de de bzhin nyid kyi sgo thams cad du 'gro zhing / mtha' dang dpubung med par 'gro bas yongs su bsngo'o/ / de bzhin nyid ji lta ba de bzhin du dge ba'i rtsa ba de dag chos thams cad kyi de kho na rab tu rtogs par bya ba'i phyir yongs su bsngo'o// de bzhin nyid kyi ngang tshul gang yin pa de'i ngang tshul du gyur par dge ba'i rtsa ba de dag yongs su bsngo'o/ / de bzhin nyid kyi rang bzhin gang yin pa de bzhin du dge ba'i rtsa ba de dag chos thams cad kyi rang bzhin rang bzhin med pa'i phyir yongs su bsngo'o// de bzhin nyid kyi mtshan nyid gang yin pa de bzhin du dge ba'i rtsa ba de dag mtshan nyid med pa'i chos thams cad mtshan nyid kyis yang dag par dmigs pa'i phyir yongs su bsngo'o// chos nyid

  648. 325a

    gang gis de bzhin nyid de rtogs par 'gyur ba de bzhin du ngas pa'i rtsa ba de dag sangs rgyas kyi chos la gyis ldog pa'i phyir yongasas la'o/ / de bzhin yul gang yin pa de bzhin du dge ba'i rtsa ba de dag de bzhin gshegs pa'i spyod yul khong du chud par bya ba'i phyir yongs su bsngo'o/ / de bzhin nyid kyi spyod yul gang yin pa de bzhin du dge ba'i rtsa ba de dag 'das pa dang / ma byon pa dang / da ltar byung ba'i sangs rgyas thams cad kyi yul/ yul med pa'i rang bzhin du khong du chud pa yongs su rdzogs par bya ba'i phyir yongs su bsngo'o/ / de bzhin nyid gang la gzhog pa de bzhin du dge ba'i rtsa ba de dag 'gro ba thams cad kyi gnas su 'gyur ba'i phyir yongs su bsngo'o// de bzhin nyid ji ltar rjes su song ba de bzhin du dge ba'i rtsa ba de dag phyi ma'i mthar gyur pa'i bskal pa'i rjes su 'brang zhing rgyun 'chad pa med pa'i phyir yongs su bsngo'o/ / de bzhin nyid ji ltar tshad med pa de bzhin du dge ba'i rtsa ba de dag 'gro ba thams cad kyi sems nam mkha'i dbyings ltar tshad med par bya ba'i phyir yongs su bsngo'o/ / de bzhin nyid kyis gang du khyab pa de bzhin du dge ba'i rtsa ba de dag 'jig rten gyi khams thams cad sems gcig gis rgyas par dgang ba'i phyir yongs su bsngo'o/ / de bzhin nyid ji srid du ring bar gnas pa de bzhin du dge ba'i rtsa ba de dag 'jig rten tha

  649. 325b

    cad dga' ba zang mi shes par gnas par bya ba'i phyir yongs su bsngo'o/ / de bzhin nyid ji ltar rjes su 'gro ba de bzhin du dge ba'i rtsa ba de dag sangs rgyas kyi chos dpe med pa thams cad yong su rdzogs par bya ba'i phyir yongs su bsngo'o/ / de bzhin nyid kyi snying po gang yin pa de bzhin du dge ba'i rtsa ba de dag nye ba'i nyon mongs pa thams cad bsal ba'i snying po dang ldan par yongs su bsngo'o/ / de bzhin nyid ji ltar mi shigs pa de bzhin du dge ba'i rtsa ba de dag 'gro ba thams cad mi mthun pa med par bya ba'i phyir yongs su bsngo'o// de bzhin nyid kyi snang ba gang yin pa de bzhin du dge ba'i rtsa ba de dag thams cad du snang ba yong su bsngo'o/ / de bzhin nyid ji ltar thams cad na yod pa de bzhin du dge ba'i rtsa ba de dag thams cad du 'gro bar yod su bsngo'o/ / de bzhin nyid ji ltar dus thams cad na yod pa de bzhin du dge ba'i rtsa ba de dag dus thams cad kyi rjes su 'brang bar yongs su bsngo'o// de bzhin nyid ji ltar rnam pa thams cad na yod pa de bzhin du dge ba'i rtsa ba de dag spyod pa thams cad kyi rjes su 'gro zhing rnam par dag par yongs su bsngo'o/ / de bzhin nyid ji ltar chos thams cad la thogs pa med pa de bzhin du dge ba'i rtsa ba de dag spyod pa thams cad la thogs pa med par yongs su bsngo'o/ / de bzhin nyid ji ltar chos thams cad la mig tu gyur pa de bzhin du dge ba'i rtsa ba de dag

  650. 326a

    'gro ba thams cad kyi mig tu gyur par yongs su bsngo'o/ / de bzhin nyid ji ltar dub par 'gyur ba med pa de bzhin du dge ba'i rtsa ba de dag byang chub sems dpa' smod pa thams cad la dub pa med par yongs su bsngo'o/ / de bzhin nyid ji ltar zab pa de bzhin du dge ba'i rtsa ba de dag yongs su bsngo ba zab mo nyid du yongs su bsngo'o// de bzhin nyid ji ltar dngos po med pa de bzhin du dge ba'i rtsa ba de dag dngos po med par khong du chud par bya ba'i phyir yongs su bsngo'o/ / de bzhin nyid ji ltar 'byung ba med pa de bzhin du dge ba'i rtsa ba de dag bstan du med pa'i tshul gyis yongs su bsngo'o/ / de bzhin nyid ji ltar rab rib med pa de bzhin du dge ba'i rtsa ba de dag rab rib med pa'i mig 'thob par yongs su bsngo'o/ / de bzhin nyid ji ltar 'dra ba med pa de bzhin du dge ba'i rtsa ba de dag byang chub sems dpa'i spyod pa 'dra ba med pa bsgrub pa'i phyir yongs su bsngo'o// de bzhin nyid ji ltar zhi ba de bzhin du dge ba'i rtsa ba de dag rab tu zhi ba la gzhol bar yongs su bsngo'o/ / de bzhin nyid ji ltar rtsa ba med pa de bzhin du dge ba'i rtsa ba de dag rtsa ba med pa'i chos dam pa'i phyir yongs su bsngo'o/ / de bzhin nyid ji ltar mtha' dang dpung med pa de bzhin du dge ba'i rtsa ba de dag 'gro ba mtha' dang dpung med pa thams cad rnam par dag par bya ba'i phyir yongs su bsngo'o// de bzhin nyid

  651. 326b

    ji ltar chags pa med par de bzhin du dge ba'i rtsa ba de dag chags pa med pa'i mtha' dang mur thug par yongs su bsngo'o/ / de bzhin nyid ji ltar bsgribs pa med pa de bzhin du dge ba'i rdza de dag bsgribs pa thams cad rab tu bsal ba'i phyir yongs su bsngo'o/ / de bzhin nyid ji ltar 'jig rten na rgyu ba med pa de bzhin du dge ba'i rtsa ba de dag 'jig rten gyi chos thams cad rgyu ba med par bya ba'i phyir yongs su bsngo'o/ / de bzhin nyid ji ltar 'jig rten du ma gtogs pa de bzhin du dge ba'i rtsa ba de dag 'khor ba thams cad du ma gtogs par bya ba'i phyir yongs su bsngo'o/ / de bzhin nyid ji ltar mngon par 'du bya ba med pa de bzhin du dge ba'i rtsa ba de dag mngon par 'du bya ba thams cad las gyen du 'phags par yongs su bsngo'o// de bzhin nyid ji ltar gnas pa de bzhin du dge ba'i rtsa ba de dag de bzhin nyid la gnas par yongs su bsngo'o/ / de bzhin nyid ji ltar chos thams cad dang 'byor pa de bzhin du dge ba'i rtsa ba de dag sems can thams cad spyod pa thos pa la brtson par bya ba'i phyir yongs su bsngo'o/ / de bzhin nyid ji ltar chos thams cad la yod pa de bzhin du dge ba'i rtsa ba de dag 'gro ba thams cad dang mnya pa'i spyod pa yongs su 'grub par bya ba'i phyir yongs su bsngo'o/ / de bzhin nyid ji ltar chos thams cad dang bral ba med pa de bzhin du dge ba'i rtsa ba de dag 'gro ba thams cad dang / phyi ma'i

  652. 327a

    mtha'i mur thug par mi 'bral bar yongs su bsngo'o/ / de bzhin nyid ji ltar chos thams cad la zad pa med pa de bzhin du dge ba'i rtsa ba de dag 'gro ba thams cad la yongs su bsngo ba mi zad pa'i phyir yongs su bsngo'o/ / de bzhin nyid ji ltar chos thams cad dang 'gal ba med pa de bzhin du dge ba'i rtsa ba de dag 'das pa dang / ma byon pa dang / da ltar byung ba'i sangs rgyas thams cad dang 'gal ba med par yongs su bsngo'o/ / de bzhin nyid ji ltar chos thams cad kyi mdo yin pa de bzhin du dge ba'i rtsa ba de dag 'gro ba thams cad ma lus pa'i dge ba'i rtsa ba yang dag par bsdu ba'i phyir yongs su bsngo'o/ / de bzhin ji ltar chos thams cad la rgyud kyi tshul gcig tu gyur pa de bzhin du dge ba'i rtsa ba de dag 'das pa dang ma byon pa dang / da ltar byung ba'i sangs rgyas thams cad dang rgyud kyi tshul gcig tu 'gyur bar yongs su bsngo'o// de bzhin nyid ji ltar chos thams cad las ma 'das pa de bzhin du dge ba'i rtsa ba de dag 'jig rten pa dang / 'jig rten las 'das pa yang dag par bsdu ba'i phyir yongs su bsngo'o// de bzhin nyid ji ltar zil gyis ma non pa de bzhin du dge ba'i rtsa ba de dag 'gro ba thams cad kyis zil gyis mi non pa'i phyir yongs su bsngo'o/ / de bzhin nyid ji ltar mi bskul ba de bzhin du dge ba'i rtsa ba de dag bdud thams cad kyi las kyis mi bskul ba'i sems

  653. 327b

    dang ldan par yongs su bsngo'o/ / de bzhin nyid ji ltar ma 'khrugs pa de bzhin du dge ba'i rtsa ba de dag byang chub sems dpa'i spyod pa thams cad ma 'khrugs par spyad pa'i phyir yongs su bsngo'o/ / de bzhin nyid ji ltar g.yo ba med pa de bzhin du dge ba'i rtsa ba de dag sems can thams cad g.yo ba med pa'i phyir yongs su bsngo'o// de bzhin nyid ji ltar zad pa med pa de/ bzhin du dge ba'i rtsa ba de dag 'jig rten gyi chos thams cad kyis mi zad par bya ba'i phyir yongs su bsngo'o// de bzhin nyid ji ltar byang chub yin pa de bzhin du dge ba'i rtsa ba de dag chos thams cad rnam par 'tshang rgya ba mthong bar bya ba'i phyir yongs su bsngo'o/ / de bzhin nyid ji ltar zhig pa med pa de bzhin du dge ba'i rtsa ba de dag sems can thams cad kyi lhag pa'i bsam pa 'jig pa med par bya ba'i phyir yongasasu bsngo'o/ / de bzhin nyid ji ltar snang ba yin pa de bzhin du dge ba'i rtsa ba de dag 'gro ba thams cad kyi ye shes kyi snang ba chen po rab tu thob par bya ba'i phyir yongs su bsngo'o/ / de bzhin nyid ji ltar brjod du med pa de bzhin du dge ba'i rtsa ba de dag brjod pa thams cad brjod du med par shes par bya ba'i phyir yongs su bsngo'o d e bzhin nyid kyis ji ltar 'gro ba thams cad yang dag par gzung ba de bzhin du dge ba'i rtsa ba de dag byang chub sems dpa'i spyod pa thams cad yang dag par gzung ba rab tu thob par bya

  654. 328a

    ba'i phyir yongs su bsngo'o/ / de bzhin nyid ji ltar spyod pa thams cad kyi rjes su song ba de bzhin du dge ba'i rtsa ba de dag brjod pa dang spyod pa thams cad ma lus par yongs su shes pa'i ye shes kyi phyir yongs su bsngo'o/ / de bzhin nyid ji ltar chos rnam pa tha dad pa thams cad ma lus pa la 'gro ba de bzhin du dge ba'i rtsa ba de dag sangs rgyas kyi zhing thams cad du mngon par 'tshang rgya bas mngon par sangs rgyas shing rnam par 'phrul par yang dag par bstan pa yongs su rdzogs par bya ba'i phyir yongs su bsngo'o/ / bzhin nyid ji ltar rnam par rtog pa med pa de bzhin du dge ba'i rtsa ba de dag 'jig rten thams cad kyi yongs su rtog pa rnam par rtog pa med par bya ba'i phyir yongs su bsngo'o// de bzhin nyid ji ltar lus thams cad la yod pa de bzhin du/ dge ba'i rtsa ba de dag tshad med pa'i lus kyis sangs rgyas kyi zhing thams cad rgyas par dgang ba'i phyir yongs su bsngo'o// de bzhin nyid ji ltar skye ba med pa de bzhin du dge ba'i rtsa ba de dag skye ba med pas skye ba mngon par bsgrub pa la mkhas pa bstan pa'i phyir yongs su bsngo'o/ / de bzhin nyid ji ltar gang na yang med pa ma yin pa de bzhin du dge ba'i rtsa ba de dag dus gsum du gtogs pa'i lus thams cad kyis thams cad du rnam par 'phrul zhing / sangs rgyas kyi zhing byin gyis brlabs pa yang dag par bstan pa yongs su rdzogs par

  655. 328b

    bya ba'i phyir yongs su bsngo'o/ / ji ltar de bzhin nyid mtshan mo la yod pa de bzhin du dag pa'i rtsa ba 'dis dus thams cad du bla na med pa'i snang cing / sangs rgyas kyi mdzad pa yongs su rdzogs par sna / cig/ ji ltar de bzhin nyid nyin mo la yod pa de bzhin du dge ba'i rtsa ba 'dis 'gro ba kun gyi nyin mor bgrang ba thams cad du sangs rgyas kyi rnam par 'phrul pa yongs su ston pa'i phyir/ phyir mi ldog pa'i chos kyi 'khor lo rab tu dgod cing / 'gro ba thams cad kyis bltas na don yod pa rnam pa dag par gyur cig/ ji ltar zla ba dang yud tsam la de bzhin nyid yod pa de bzhin du dge ba'i rtsa ba 'dis 'gro ba thams cad kyis dus thams cad skad cig gcig tu khong du chud par bya ba'i phyir/ dus la 'jug par mkhas pa la rab tu gnas par gyur cig/ ji ltar de bzhin nyid dbyar gyi dus la yod pa de bzhin du dge ba'i rtsa bab 'dis dbang po rnam pa tha dad pa rab tu shes par bya ba'i phyir/ bskal pa'i gnas sna tshogs su dbang po rnam par dag pa yongs su rdzogs par gyur cig/ ji ltar de bzhin nyid 'du ba dang 'jigs pa'i bskal pa la yod pa de bzhin du dge ba'i rtsa ba 'dis 'gro ba thams cad rnam par dag par gdul ba'i phyir/ bskal pa thams cad du rnam par dag pa rnam par bkod pas skye ba med cing gos pa med par gnas par gyur cig ji ltar de bzhin nyid phyi ma'i mtha' la yod pa de bzhin du dge ba'i rtsa ba 'dis smon lam chen po las phyir mi ldog pa'i phyir/ phyi ma'i mtha'i bskal pa'i mur thug par thams cad du byang chub sems

  656. 329a

    dpa'i spyod pa la gnas pa rnam par dag par gyur cig/ ji ltar de bzhin nyid 'gro ba'i dus la yod pa de bzhin du dge ba'i rtsa ba 'dis sems kyi skad cig gcig tu yang 'bral ba med par bya ba'i phyir/ sems can thams cad kyi sems skad cig gis sangs rgyas thams cad mthong ba yongs su rdzogs par gyur cig/ ji ltar de bzhin nyid thams cad du 'gro ba de bzhin du dge ba'i rtsa ba 'dis khams gsum thams cad rnam par dag par 'gyur ba'i phyir/ thams cad zil gyis gnon pa thob par gyur cig/ ji ltar de bzhin nyid dngos po dang dngos po med pa thams cad kyi rjes su song ba re// bzhin du dge ba'i rtsa ba 'dis dngos po med pa yongs su shes pa'i phyir/ dngos po thams cad rnam par dag par gyur cig/ ji ltar de bzhin nyid dag pa de bzhin du dge ba'i rtsa ba 'dis tshogs chen po rgyu chen pos 'byung ba'i phyir/ byang chub sems dpa' thams cad kyi spyod pa yongs su dag par gyur cig/ de bzhin nyid ji ltar 'od dang ba de bzhin du dge ba'i rtsa ba 'dis sems kyi 'od dang ba'i phyir/ byang chub sems dpa' ting nge 'dzin thams cad rab tu thob par gyur cig/ de bzhin nyid ji ltar dri ma med pa de bzhin du dge ba'i rtsa ba 'dis dri ma med pa'i sems yongs su rdzogs shing / dri ma thams cad byang bar gyur cig/ ji ltar de bzhin nyid bdag gis med pa de bzhin du dge ba'i rtsa ba 'dis sangs rgyas kyi zhing thams cad rgyas par 'gengs par bya ba'i phyir/ tshad med pa yongs su gzung bar sems bskyed pa rnam par dag par gyur cig/ de bzhin nyid ji ltar

  657. 329b

    mnyam pa nyid yin pa de bzhin du dge ba'i rtsa ba 'dis chos thams cad snang zhing / rab rib med pas mnyam par ye shes kyi 'byung gnas thams cad rab tu thob par gyur cig/ ji ltar de bzhin nyid bgrang du med pa de bzhin du dge ba'i rtsa ba 'dis 'jig rten gyi khams thams cad du chos kyi sprin gyis rgyas par dgang ba'i phyir/ thams cad mkhyen pa'i theg pa dang stobs kyi mdzod grangs med pa la gnas par gyur cig/ ji ltar de bzhin nyid mnyam pa nyid kyi gnas su gyur pa de bzhin du dge ba'i rtsa ba 'dis/ byang chub sems dpa'i spyod pa thams cad nye bar blangs pa rab tu thob par bya ba'i phyir/ thams cad mkhyen pa la rab tu dgod par gyur cig/ de bzhin nyid ji ltar sems can gyi khams rnam par phye ba thams cad la yod pa de bzhin du dge ba'i rtsa ba 'dis thogs pa med pa'i ye shes yongs su rdzogs pas sems can thams cad mngon du red par gyur cig/ ji ltar de bzhin nyid shes pa dang / brjod pa dang / rnam par brjod pa dang / brda dang / gang zag thams cad la yod pa de bzhin du dge ba'i rtsa ba 'dis sgra grag pa thams cad shes pas sems can gyi khams thams cad shes par bya ba'i phyir/ sems can thams cad kyi sgra skad shes pa'i mngon par shes pa yang dag par 'dzin pa la mkhas par gyur cig ji ltar de bzhin nyid 'gro ba thams cad las rnam par 'das shing / 'gro ba thams cad yongs su bsdu ba'i mthar thug pa de bzhin du dge ba'i rtsa ba 'dis/ sems can thams cad dge ba'i rtsa ba

  658. 330a

    la rab tu brten par bya ba'i phyir/ 'gro ba thams cad las 'das par gyur cig/ ji ltar de bzhin nyid yangs pa de bzhin du dge ba'i rtsa ba 'dis 'khrul pa med par byang chub sems dpa'i spyod pa thams cad la shin tu brtson pas/ 'das pa dang / ma byon pa dang / da ltar byabyung ba'i sangs rgyas thams cad kyi chos bstan pa yang dag par 'dzin par gyur cig/ ji ltar de bzhin nyid nam yang yal ba med pa de bzhin du dge ba'i rtsa ba 'dis ye shes chen po la sems can thams cad rab tu dgod pa'i phyir/ bskal pa thams cad du byang chub sems dpa'i spod pa la rab tu brtson par gyur cig/ ji ltar de bzhin nyid chos 'jam klas pa thams cad la yod pa de bzhin du dge ba'i rtsa ba 'dis chags pa med pa'i dran pa rnam par dag pas bsod nams kyi rgyud 'byam klas pa bzung bar gyur cig/ ji ltar de bzhin nyid bsngags pa mtha' yas pa de bzhin du dge ba'i rtsa bdis/ byang chub sems dpa'i spyod pa thob pa'i phyir/ ye shes bsngags pa mtha' yas pa khong du chud par gyur cig/ ji ltar de bzhin nyid nye bar len pa med pa de bzhin du dge ba'i rtsa ba 'dis/ 'gro ba thams cad nye bar bzung ba rnam par dag cing / chos thams cad la len pa med par gyur cig/ ji ltar de bzhin nyid g.yo ba med pa de bzhin du dge ba'i rtsa ba 'dis/ byang chub sems dpa' kun tu bzang po'i spyod pa dang / smon lam yongs su rdzogs pas mi g.yo zhing brtan pa dang / shin tu gnas par gyur cig/ ji ltar de

  659. 330b

    bzhin nyid sangs rgyas kyi yul du gyur pa de bzhin du dge ba'i rtsa ba 'dis nyon mongs pa thams cad kyi yul zhi bar bya ba'i phyir/ 'gro ba thams cad kyis ye shes kyi yul yong su rdzog par gyur cig/ ji ltar de bzhin nyid mi 'phrogs pa de bzhin du dge ba'i rtsa ba 'dis mu stegs can gzhan dang phas kyi rgol ba thams cad tshar gcad pa'i phyir/ bdud kyi las thams cad kyis mi 'phrog par gyur cig/ ji ltar de bzhin nyid bsgom pa yang ma yin/ mi bsgom pa yang ma yin pa de bzhin du dge ba'i rtsa ba 'dis/ rnam par rtog pa thams cad rab tu spong ba'i phyir/ dngos po dang dngos po med pa thams cad la rnam par mi rtog par gyur cig/ ji ltar de bzhin nyid byung ba med pa de bzhin du dge ba'i rtsa ba 'dis/ byang chub kyis sems kyi rgyan thams cad 'thob par brtson pa'i phyir/ sangs rgyas thams cad mthong bas dma' ba med par gyur cig/ ji ltar de bzhin nyid 'gro ba'i smra ba la yod pa de bzhin du dge ba'i rtsa ba 'dis/ skad la mkhas pa'i rgyud kyis shin tu 'phags par 'gyur ba'i phyir/ skad rnam par phye ba shes pas mngon par shes par gyur cig/ ji ltar de bzhin nyid chos thams cad la ltos pa med pa de bzhin du dge ba'i rtsa ba 'dis/ sems can thams cad kun tu bzang po'i spyod pas byung ba'i phyir/ sems can thams cad ltos pa med par gyur cig/ ji ltar de bzhin nyid sa nas sar 'gro ba de bzhin du dge ba'i rtsa ba 'dis kun tu bzang po'i rgyan thob pa'i phyir/ sems can thams cad kyi gnas ye shes kyi sa thob par gyur cig/ ji ltar de bzhin nyid gcad du med

  660. 331a

    pa de bzhin du dge ba'i rtsa ba 'dis/ spyod pa'i dkyil 'khor thams cad yang dag par bstan pa'i phyir/ sems can thams cad kyis mi 'jigs pa gcad du med pa rab tu thob par gyur cig/ ji ltar de bzhin nyid zag pa med pa de bzhin du dge ba'i rtsa ba 'dis/ chos shes pa'i tshul gyis rnam par shes pa'i phyir/ zag pa med pa'i dge ba'i rtsa bas byang chub kyi sems yongs su rtogs par gyur cig/ ji ltar de bzhin nyid kyis chos gang yang 'gag pa med cing / chos gang yang mngon par sangs rgyas pa med pa de bzhin du dge ba'i rtsa ba 'dis/ chos kyi dbyings mtha' yas pa sems bskyed pas rgyas par dgang ba'i phyir/ chos thams cad mngon par 'tshang rgya bar gyur cig/ ji ltar de bzhin nyid sngon gyi mthas zad par ma gyur pa dang / phyi ma'i mthas rgyas par 'gyur ba med cing / da ltar byung ba'i rnam pa tha dad par ma gyur de bzhin du dge ba'i rtsa ba 'dis/ 'khor ba thams cad las rnam par 'da' ba'i phyir/ byang chub kyi sems sar pa gsar pa'i smon lam gyis 'gro ba thams cad rnam par dag pa dang ldan par gyur cig/ ji ltar de bzhin nyid dus gsum du rnam par rtog pa med pa de bzhin du dge ba'i rtsa ba 'dis/ da ltar byung ba'i dus la skad cig rnam par dag pa'i phyir/ sngon gyi mtha' dang phyi ma'i mtha' rnam par dag par gyur cig/ ji ltar de bzhin nyid sangs rgyas dang byang chub sems dpa' thams cad yongs su 'grub pa'i rgyu yin pa de bzhin du dge ba'i rtsa ba 'dis/ shin tu brtson pa'i brtson 'grus

  661. 331b

    'thob pa'i phyir/ sems can thams cad kyis sangs rgyas kyi ye shes rab tu grub par gyur cig/ ji ltar de bzhin nyid nam yang kun nas nyon mongs par mi 'gyur zhing / shin tu rnam par dag pa de bzhin du dge ba'i rtsa ba 'dis/ thams cad mkhyen pa nyid rnam par dag pa yongs su rdzogs par 'gyur ba'i phyir/ 'gro ba thams cad kyi kun nas nyon mongs pa shin tu spangs par gyur cig ces/ de ltar yongs su bsngo/ ba'i byang chub sems dpa' ni 'jig rten thams cad yongs su dag par bya ba'i phyir/ zhing thams cad mnyam pa nyid 'thob bo// chos kyi 'khor lo thogs pa med cing phyir mi ldog pa'i phyir/ 'jig rten thams cad mnyam pa nyid 'thob bo/ / thams cad mkhyen par smon pas shin tu 'byung ba'i phyir/ byang chub sems dpa' thams cad dang mnyam pa nyid 'thob bo// dus gsum gyi sangs rgyas thams cad dang mnyam pa nyid kyi phyir/ sangs rgyas thams cad dang mnyam pa nyid 'thob bo// rang bzhin 'khrugs pa med pa'i phyir/ chos thams cad mnyam pa nyid 'thob bo// tshig gi tshul thams cad la mkhas pa'i rgyus yongs su shes pa'i phyir/ dus thams cad mnyam pa nyid 'thob bo// ji ltar bskyed pa'i dge ba'i rtsa ba yongs su bsngo ba'i phyir/ byang chub sems dpa'i spyod pa thams cad mnyam pa nyid 'thob bo// dus ji lta ba bzhin du sbyor ba'i sangs rgyas kyi 'phrin las rgyun mi gcod pa'i phyir/ dus thams cad mnyam pa nyid 'thob bo// 'jig rten pa dang 'jig rten las 'das pa'i dge ba'i rtsa ba gos pa med

  662. 332a

    pa'i mthar thug pa'i phyir/ las kyi rnam par smin pa thams cad mnyam pa nyid 'thob bo// 'jig rten thams cad dang mi 'gal bar sangs rgyas kyi mdzad pa yang dag par bstan pa'i phyir/ sangs rgyas kyi rnam par 'phrul pa dang byin gyi rlabs mnyam pa nyid 'thob ste/ kye rgyal ba'i sras dag/ 'di ni byang chub sems dpa' sems dpa' chen po rnams kyi yongs su bsngo ba de bzhin nyid kyi mtshan nyid kyi rang bzhin zhes bya ba ste brgyad pa'o/ / de la gnas pa'i byang chub sems dpa' sems dpa' chen po ni/ sangs rgyas kyi khyu mchog dang seng ge'i nga ro 'jigs pa med par bsgrag par bya ba'i phyir/ chos kyi sgo rnam par dag pa mtha' dang dpung med pa rab tu thob bo/ / dus thams cad du rgyun mi 'chad pa'i tshul du byang chub sems dpa' thams cad kyi yongs su smin par bya ba dang / gdul ba mtha' dang dbung med pa yong su rdzogs pa rab tu 'thob bo// 'jig rten gyi khams thams cad lus gcig gis rgyas par dgang ba'i phyir/ de bzhin gshegs pa'i sku mtha' dang dbung med pa tshad med pa rab tu 'thob bo// dbyangs gcig gis sems can gyi khams thams cad shes par bya ba'i phyir/ de bzhin gshegs pa'i gsung mtha' dang dpung med pa mngon par bsgrub pa yongs su rdzogs pa rab tu 'thob bo// 'jig rten gyi khams thams cad sgra'i sbubs gcig tu yong su 'dra bar bya ba'i phyir/ de bzhin gshegs pa'i stobs mtha' dang dpung med pa yongs su rdzogs pa rab tu 'thob bo/ / sems can thams cad kyi lus rdul gcig la rab tu dgod pa'i phyir/ de bzhin gshegs pa rnam par 'phrul pa mtha' dang dpung med pa yong su rdzogs pa rab tu

  663. 332b

    'thob bo/ / sems can gcig gi lus la sangs rgyas kyi yul thams cad mngon par 'tshang rgya ba yongs su bstan pa'i phyir/ de bzhin gshegs pa'i rnam par thar pa mtha' dang dpung med pa thams cad rab tu 'thob bo// ting nge 'dzin gcig la ting nge 'dzin thams cad mngon par bsgrub pa la mkhas pa'i phyir/ de bzhin gshegs pa'i ting nge 'dzin mtha' dang dpung med pa thams cad yongs su rtogs par rab tu 'thob bo// phyi ma'i mtha' mur thug par chos gcig gi tshig shin tu bstan pas sems can thams cad kyi the tshom gcad pa zad mi shes pa'i phyir/ de bzhin gshegs pa'i tha dad pa yang dag par shes pa mtha' dang dbung med pa thams cad yongs su rdzogs pa rab tu 'thob bo/ / sems can gyi khams ma lus par stobs bcu'i thams cad mkhyen pa nyid mngon par rdzogs par 'tshang rgya ba bstan pa'i phyir/ de bzhin gshegs pa'i dpa' brlabs po che mtha' dang dpung med pa yongs su rdzogs pa rab tu 'thob bo/ / de nas byang chub sems dpa' rdo rje'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so// de dag bsam pa brtan pa'i sems ldan pa// dran pa gsal bas rmongs pa med gyur cing // brtan zhing des la yongs su gdung med pa// mtshungs med de/ dag bsod nams yang dag sogs// de dag mi mthun med pa'i yid ldan zhing // bsam pas shin tu rnam par dag pa'i rnams// ji snyed sna tshogs 'jig rten skye ba yi// lus kyi rnam pa thams cad rmongs med mkhas// /

  664. 333a

    de dag las kyi rnam pa sna tshogs pa// rnam pa tha dang yangs la rjes su sems// de ni 'jig rten ma lus bde bar byed// de la yid kyis rtag tu mngon par brtson// de dag 'gro ba kun dang 'gas med lam dga' bar byed pa'i sems dang ldan pa ste/ / las kyi rnam pa ci 'drar rnam phye ba// de dag yang dag bsgrub par mngon par brtson// kha lo sgyur sar thams cad gzung sems ldan// yongs su gdung med chags med yid dang ldan// don dang chos nyid de dag rjes su 'thob/ / 'gro la phan phyir de dag mngon par brtson// de dag yid kyis dag pa rtogs gyur cing // gang dag rnam pa tha dad grangs mang ba// de dag rgyud dang tshul yang rab tu shes// de dag 'jig rten phan phyir yongs su bsngo/ / shin tu yangs pa'i tshul gyi dam pa 'di// mnyam yangs ye shes rtag tu tshul shes pas// gnas rnams thams cad ma lus mthong byas shing // de bzhin nyid ltar yongs su sngo ba byed// gang la de bzhin nyid de yod pa yi/ / rnam pa thams cad 'jig rten blang byas shing // 'jig rten rgyud rnams chags pa med pa'i phyir// de 'dra'i las su brtan pa yongs su bsngo// de ni kun tu 'gro bar rtogs byas shing // de bzhin nyid kyi tshul rgyud gang yinas dmig pa dag dang 'on tam dmigs med pa/ / de ltar bsod nams yid du 'ong ba bsngo// mun la yod dang nyin la yod pa dang // yud du yan man de bzhin zla 'od dang // lo la yod dang bskal pa yod pa 'am// de bzhin ji bzhin de bzhin nyid du bsngo/ / dus la yod pa'am zhing la yod pa dang // sems can yod pa'am chos la yod pa dang // kun la yod pa'am yod pa ma yin pa// de bzhin bsod nams ma lus yongs su bsngo// de bzhin nyid kyi rang bzhin ci 'dra/

  665. 333b

    ba// rang bzhin de 'drar sems kyang bsgyur byas shing // ji ltar de bzhin nyid de rjes 'gro ba// de ltar bsod nams gcig min yongs su bsngo// de bzhin ji bzhin de bzhin nyid kyi dngos// de la chos nyid gang yang yod med cing // rang bzhin mi ldan ji ltar de bzhin nyid/ / de ltar las rnams mkhas pa yongasu bsngo// de bzhin nyid kyi mtshan nyid ci 'dra dang // de bzhin nyid kyi ngang tshul ci 'dra dang // de bzhin nyid kyi rang bzhin ci 'dra ba// de 'drar las rnams kun kyang yong su bsngo// de dag mtha' las la rab zhugs shing / / de bzhin nyid de ji ltar mtha' yas te// de la chags dang bcings pa med pa ltar// de ltar las rnams shin tu dag par byed// de ltar rgyal sras shin tu mkhas pa dag/ bsam pas mi g.yo shin tu brtan thob pa// ye shes stobla ldan tshul la mkhas gyur pa/ / de dag rgyal ba'i mdzod kyi tshul la zhugs// de dag tshul gyi rgyal po'i tshul shes pas// de la chags dang bcings pa med pa'i phyir// chagra pa med sems ni 'jug pa mi 'gyur te// 'jug par byed pa'ang gang yang dmig pa med/ / chos kyi lus ni rab tu thob byas shing // 'gro ba kun las mtshan nyid ji bzhin pa// chos nyid de la mtshan nyid med gsungs pa// de 'dra'i mtshan nyid chos la rab tu zhugs// de ltar de dag 'grogs pa bsam mi khyag// de la sems ni lhag ma med par byed// bsam yas chos rnams kun la rab tu zhugs// sems ni sems min rnam par dben par shes// de dag chos dben nyid la 'jug byed cing // de ltar chos nyid rjes su sems pa byed// g.yo dang rlom sems thams cad 'gags pa ste/ / de phyir yon tan rnam par grags pa yin// de dag rnam smin thams cad ma lus pa// ye shes rgyas btab zad par mi 'gyur te// de ni mi zad mi zad nyid kyi dngos/ mi zad mtha' yi tshul dang 'gal ba med/

  666. 334a

    bsam pa lus kyi phyi rol yod pa min// sems ni nang na'ang yod pa ma yin te// dus rnams gang na'ang sems ni yod pa min// rlom sems rlom chos med pas zhi bar 'gyur// de 'dra'i smon lam ldan pa rgyal sras rnams/ / chos kyi rang bzhin zhi ba stong pa ste// chos rnams ma lus thams cad g.yo ba med// bdag nyid rgyal bas rnam par sangs rgyas med// de bzhin nyid gang 'gro ba kun mnyam pa'i// chos nyid mtshan nyid rjes su shes byas shing / / bsam yas mtshan nyid de dag mthong gyur nas// mtshan nyid med pa'i shes la rmongs pa med// de ltar zab pa'i spyod la rab brtson pa// de dag byang chub rtag par brtson pa ste// de dag smon lam de yang ldog pa med/ / 'gro ba kun gyi don du de dag brtson// de dag 'jig rten rnams las 'das gyur cing // 'chi 'pho yongs su rtog pa med byas te// sprul pa 'dra bar sems kyang rig byas nas// de dag 'gro ba gdul phyir rab tu 'jug/ de dag mthong dang dran pa 'di 'dres/ las kyi smin pas 'jig rten byung ba yi// khams gsum pa yi sems can thams cad la// de dag yongs su bskyab par mngon par brtson// 'gro ba kun gyi 'du shes rgyu ba dang // rnam par rtog pa ji snyed tha dad pa'i// skal ba mi mnyam de dag de/ bzhin shes// ngo bo nyid las nam yang phyir mi ldog/ shes pas mkhas pa chos rab bsngags pa'i rnams// 'gro ba kun la snying brtse'i sems ldan pa// chos kyi tshul la rjes su sems byed cing // tshul mkhas de dag de