Text
ff. 2a–354a · 705 folio sides
- 2a
dpa' chen po rnams kyi yongs su bsngo ba chags pa med pa dang / grol zhing bcings pa med pa zhes bya ba dgu pa gang zhe na/ kye rgyal ba'i sras dag/ 'di l a byang chub sems dpa' sems dpa' chen po dge ba'i rtsa ba thams cad la brnyas pa medo pa'i sems dang ldan pa yin/ 'khor ba bsgrub pa la brnyas pa med pa'i sems
- 2b
dang ldan pa yin/ dge ba'i rtsa ba yang dag par bsdu ba la brnyas pa med pa'i sems dang ldan pa yin/ dge ba'i rtsa ba thams / cad yongs su btsal ba la brnyas pa med pa'i sems dang ldan pa yin/ bshags pa'i las la brnyas pa med pa'i sems dang ldan pa yin/ rjes su yi rang ba'i dge ba'i rtsa ba la brnyas pa med pa'i sems dang ldan pa yin/ 'jig rten gyi khams gzhan na bzhugs pa'i de bzhin gshegs pa la phyag bya ba'i las la brnyas pa med pa'i sems dang ldan pa yin/ thal mo sbyar zhing 'dud pa'i las la brnyas pa med pa'i sems dang ldan pa yin/ mchod rten la phyag bya ba dang / bla ma la
- 3a
phyag bya ba'i las la brnyas pa med pa'i sems dang ldan pa yin/ 'jig rten gyi khams gzhan na bzhugs pa'i de bzhin gshegs pa rnams la gsol ba gdab pa'i las la brnyas pa med pa'i sems dang ldan pa yin te/ / de dge ba'i rtsa ba de dag la rab tu 'jug pa dang / dge ba'i rtsa ba de dag gi go skabs dbye bar byed pa dang / dge ba'i rtsa ba de dag la yid ches pa brtan par byed pa dang / dge ba'i rtsa ba de dag la bdag rab tu sbyor ba dang / dge ba'i rtsa ba de dag sems kyi bdag nyid che ba nyid la rab tu gzhog pa dang / dge ba'i rtsa ba de dag gi phyir chags pa med pa'i sems la rab tu brtson par byed pa dang / dge ba'i rtsa ba de dag sbyin pa la rag las par yang dag par sgrub pa dang / dge ba'i rtsa ba de dag gi phyir lhag pa'i bsam pa nyams pa med pa rab tu sgrub pa dang / dag pa'i rtsa ba de dag de bzhin gshegs pas dmigs pa'i yul la rab tu sbyor
- 3b
pa dang / dge ba'i rtsa ba de dag gi phyir stobs kyi shugs rab tu 'thob pa la yang dag par lta ba'i tshe/ dge ba'i rtsa ba de dag 'di ltar yongs su sngo ste/ 'di ltar chags pa med pa dang / grol zhing bcings pa med/ pa'i sems su/ kun tu bzang po'i lus rab tu grub par gyur cig/ chags pa med pa dang / grol zhing bcings pa med pa'i sems su/ kun tu bzang po'i ngag gi las phun sum tshogs par gyur cig/ chags pa med pa dang / grol zhing bcings pa med pa'i sems su// kun tu bzang po'i yid kyi las yongs su rdzogs par gyur cig/ thams cad du rab tu brtson pas chags pa med pa dang / grol zhing bcings pa med pa'i sems su/ kun tu bzang po'i brtson pa la brten par gyur cig/ phyogs thams cad du song zhing chags pa med pa dang / grol zhing bcings pa med pa'i sems su// kun tu bzang po'i dbyangs chags pa med pa'i gzungs 'thob par bya ba rab tu thob par gyur cig/ sangs rgyas thams cad mthong ba yang dag par 'dzin cing chags pa med pa dang / grol zhing bcings pa med pa'i sems su// kun tu bzang po'i sangs rgyas thams cad mthong ba'i gzungs 'thob par bya ba rab tu thob par gyur cig/ chos kyi sprin brjod du med pa ma lus par dkyil 'khor thams cad dang ldan pa'i dbyangs kyis rab tu bstan pa'i phyir chags pa med pa dang / grol zhing bcings pa med pa'i sems su/ kun tu bzang po'i dbyangs thams cad la mkhas pa'i gzungs rab tu thob par gyur cig/ 'jig rten gyi khams thams cad du byang chub sems dpa'i spyod pa
- 4a
la brtson zhing chags pa med pa dang / grol zhing bcings pa med pa'i sems su/ kun tu bzang po'i spyod pa bskal pa thams cad du yang dag par 'dzin pa'i gzungs rab tu thob par gyur cig/ phyi ma'i mtha'i bskal pa'i mur thug pa ma lus pa thams cad du sems can gcig gi lus la ji lta ba de bzhin du/ sems can ma lus pa'i lus la'ang chags pa med pa dang / grol zhing bcings pa med pa'i sem su/ kun tu bzang po'i byang chub semasadapa'i spyod pa dang / rnam par 'phrul pa dang / byin gyi rlabs thams cad sems can gcig gi lus la byin gyis rlob par gyur cig/ byang chub sems dpa'i spyod pa la rab tu brtson zhing chags pa med pa dang / grol zhing bcings pa med pa'i sems su/ kun tu bzang po dang mngon sum du 'gyur ba'i gnas su/ 'khor gyi dkyil 'khor thams cad mtha' dag lhag pa med cing ma lus par gzud pa bstan par byin gyis byin du rlob par gyur cig/ sems can thams cad 'dzud pa la chags pa med pa dang / grol zhing bcings pa med pa'i sems su/ kun tu bzang po'i sgo gcig nas/ sangs rgyas kyi rnam par 'phrul pa brjod du med pa'i yang brjod du med pa mi zad pa yang dag par mthong bar gyur cig/ sangs rgyas thams cad kyi sku mngon sum du mthong ba'i phyir chags pa med pa dang / grol zhing bcings pa med pa'i sems su/ kun tu bzang po sgo sna tshogs nas/ sangs rgyas kyi rnam par 'phrul pa brjod du med pa'i yang brjod du
- 4b
med pa'i bskal par rnam par dgod pa mi bzad pa la sems can thams cad rab tu 'jug par gyur cig/ yongs su skye ba med pa'i sems la chags pa med pa dang / grong zhing bcings pa med pa'i sems su/ kun tu bzang po'i stobs bcu'i ye shes kyi sgo la/ sems can du gdags pa brjod du med pa'i yang brjod du med pa yang dag par 'dzud pa dang / rab tu 'khod pa dang / sems kyi skad cig re re la snying rje chen po yang dag par 'byung bar gyur cig/ kun tu bzang po'i spyod pa la gnas pa'i tshe/ chags pa med pa dang / grol zhing bcings pa med pa'i sems su/ kun tu bzang po'i sems can thams cad kyi lus kyis sangs rgyas kyi khyu mchog gi mthu phyung ba dang / rnam par 'phrul pa thams cad yang dag par ston par gyur cig/ sems su thams cad 'dul ba'i dbang nye bar bzung ste/ sems gcig la ji lta ba de bzhin du/ sems can thams cad ma lus pa la'ang de bzhin du/ thams cad mkhyen bI'i stobs la rab tu dgod pa'i phyir chags pa med pa dang / grol zhing bcings pa med pa'i sems su/ kun tu bzang po'i 'gro ba kun gyi brjod pa sems can gcig gi tshig rnam par gdags pa la byin gyis rlob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ kun tu bzang po'i sems can gcig gi lus la sems can thams cad kyi lus yang dag par gzud par byin gyis byin du rlob cing / de dag kyang dge ba'i rtsa ba des sangs rgyas kyi sku rab tu thob par rang rang gis
- 5a
shes par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ kun tu bzang po'i me tog gcig la 'jig rten gyi khams ma lus par rnam par dag par byin gyis brlab pa yang dag par shes par gyur cig/ sangs rgyas kyi zhing thams cad du sems can thams cad gdul ba'i dbang nye bar bzung ste/ rnam par bstan par bya ba'i phyir chags pa med pa dang / grol zhing bcings pa med pa'i sems su/ kun tu bzang po'i chos kyi dbyings su sgra dbyangs mngon par bsgrub pa mngon par sgrub par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ kun tu bzang po'i sngon gyi mtha'i bskal pa'i mur thug pa sems kyi skad cig re res shin tu ston cing / sangs rgyas kyi shags kyi rgyan 'jig rten gyi khams 'byam klas par gtogs pa thams cad du rjes su dran par gyur cig/ dge ba'i rtsa ba 'dis 'jig rten gyi khams sna tshogs 'byam klas pa thams cad du ma byon pa'i sangs rgyas 'byung ba'i phyir chags pa med pa dang / grol zhing bcing pa med pa'i sems su/ / kun tu bzang po'i bskal pa phyi ma'i mur thug pa 'jig rten gyi khams thams cad du gtogro par shin tu bstan pa la 'jug par gyur ci/ dge ba'i rtsa ba 'dis byang chub sems dpa' kun tu bzang po'i spyod pa la brtson zhing chags pa med pa dang / grol zhing bcings pa med pa'i sems su/ chos kyi dbyings thams cad snang ba gcig tu rgyas par bkang ste/ 'jig rten gyi khams nam mkha'i dbyings kyi
- 5b
thar thug pa thams cad snang ba byed par gyur / dge pa'i rtsa ba 'dis kun tu bzang ba'i spyod pa las par spyod ba thob cing chags pa mad pa dang / bram zhing btsas pa sad pa'i se mas rtsa/ rgyud mtha' yas pa'i spyod pa'i rgyus snyan par gyur ci/ dge ba'i rtsa ba 'dis chags pa med pa dang / grol zhing bcings pa med pa'i sems su/ de bzhin gshegs pa so shes la 'jug pa'i cha/ bskal pa thams cad du zad par gyur kyang / ye shes mtha' dang dbus med pa'i mthar mi 'gyur yang / de bzhin gshegs pa'i yo shes kyi byin gyi rlabs kyang / kun tu bzang po'i spyod pas rab tu grub par gyur ci/ dge ba'i rtsa ba 'dis chags pa med pa dang / grol zhing bcings pa med pa'i sems su byang chub sems dpa' thams cad kyi spyod pa la brtson par byed pa'i cha/ chos kyi dbyings ma lus pa na bzhugs pa'i de bzhin gshegs pa thams cad ma lus pas zhal bstan pa mdzad de/ sangs rgyas thams cad kyis byin gyis brlabs shing / kun tu bzang po'i spyod yulal rab tu zhugs pa'i bsam pas lus kyi las dang / ngag gi las dang / yid kyi las la dub pa med par brtson zhing / bya chub sems dpa'i spyod pa spyod par gyur dge ba'i rtsa ba 'dis chags pa med pa dang / grol zhing bcings pa med pa'i sems dang ldan zhing / kun tu bzang po'i sems don gyi tshogs dang ma 'gal ba/ chos
- 6a
lus mnyams pa/ nges pa'i tshig gi sar rnam par dag pa/ spobs pa thams cad mi zad pa'i mdzod/ sems can thams cad gdul ba'i sar gyur pas sangs rgyas thams cad kyi byang chub rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ byang chub sems dpa' kun tu bzang po'i spyod pa la rtson zhing / 'od mtha' yas pa dang / snang ba bsam gyis mi khyab pas chos kyi sgo re re la 'jug cing / de bzhin du chos thams cad kyi sgo nas 'gro zhing 'jug pas/ thams cad mkhyen pa'i sa'i mthar thug pa rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ kun tu bzang po'i rgyan gyi pha rol tu phyin pa thob ste/ dmigs pa re re zhing thams cad mkhyen pa nyid thams cad la zhugs kyang / thams cad mkhyen pa'i ye shes mthar thug par mi 'gyur ba'i tshul gyis rgyal po de lta bu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ tshe 'di nas nye bar bzung ste/ phyi ma'i mtha'i bskal pa'i mur thug par rmongs pa med cing / rgyun mi 'chad par chos la gzhol zhing / byang chub sems dpa' kun tu bzang po'i spyod par gyur pa'i rgyud brjod du med pa'i thams cad mkhyen pa nyid du rnam par 'tshang rgya ba'i tshul thob par gyur cig
- 6b
dge ba'i rtsa ba 'dis chags pa med pa dang / grol zhing bcings pa med pa'i sems su/ byang chub sems dpa'i spyod pa thams cad la rab tu snang bar gyur pa'i sems bsgribs pa med pa'i chos kyi snang ba rab tu thob pas/ rgyun mi 'chad pa'i las la ra tu brtson zhing / byang chub sems dpa' kun tu bzang po'i rnam par 'phrul pa rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ byang chub sems dpa' kun tu bzang po'i spyod pa thob par bya ba la brtson zhing / thams cad kyi tshul dang / mtha' yas pa'i tshul dang / bsam gyis mi khyab pa'i tshul dang / byang chub sems dpa'i tshul dang / thams cad mkhyen pa'i tshul dang / byang chub sems dpa'i 'dul ba thams cad kyi tshul dang / chos kyi 'khor lo mtha' dang dbus med pa rab tu bskor ba'i tshul dang / dus brjod du med pa'i tshul dang / chos rnam pa tha dad pa bstan pa'i tshul dang / 'jigs pa med pa'i mdzod sa mtshams med pa'i tshul dang / chos thams cad ma lus par bstan pa'i tshul dang / tshul dang tshul ma yin pa rjes su rtogs pa'i ye shes 'thob par bya ba rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ phyir mi ldog pa'i sems can byang chub tu yang dag par 'byung ba nyams pa med par bya ba dang / bstan pa dam pa'i dge
- 7a
ba'i rtsa bas sems can thams cad rnam par dag pa'i mthar phyin par byed cing / kun tu bzang po'i las kyis bsrel bas 'gro ba thams cad dga' bar byed pa'i lus kyi las yongs su rdzogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ sems can gyi khams thams cad dga' bar bya ba'i tshig brjod du med pa la rab tu brtson zhing / ngag gi las kyi rgyan thams cad rnam par dag pa dang / byang chub sems dpa' kun tu bzang po'i byin gyi rlabs la brtson pas/ sems can thams cad kyi rnam par brjod pa yongs su shes par bya ba'i ye shes rnam par dag pa yongs su thob par gyur cig/ dge ba'i rtsa ba 'dis kun tu bzang po'i spyod pa'i spyod yul rab tu rtogs shing chags pa med pa dang / grol zhing bcings pa med pa'i sems su/ 'gro ba 'byam klas pa thams cad dang / zhing 'byam klas pa thams cad dang / sems can 'byam klas pa thams cad dang / mngon par shes pa dang / ye shes brjod du med pa'i yang brjod du med pa'i chos 'byam klas pa dang / chos 'byam klas pa'i rgyan de bzhin gshegs pa'i dkyil 'khor gyi mdzod thams cad nas byung ba dang lhag pa'i bsam pas rnam par dag pa'i sems kyi rgyud mnyam pa nyid kyis zhugs pa'i ye shes 'byam klas pa rab tu rtogs par gyur cig/ dge ba'i rtsa ba 'dis chags pa med pa
- 7b
dang / grol zhing bcings pa med pa'i sems su sangs rgyas thams cad kyi sku las byung ba'i lus rnam par dag pa dang / lhag pa'i bsam pa rnam par dag pas mos pa rab tu grub pa dang / sangs rgyas kyi byin gyi rlabs la brtson pa dang / sangs rgyas kyi gzi brjid kyis yongs su bzung ba dang / sangs rgyas kyi yul la yang dag par gnas pa dang / ye shes kyi rgyan mtha' yas pas snang bar byas pa dang / byang chub sems dpa'i las kyis mngon par byung ba dang / tshig rab tu dbye ba thams cad la mkhas pa rnam par dag pa khong du chud par bya ba la rab tu zhugs pa dang / theg pa chen po mtha' yas pa'i rnam par 'phrul pas rab tu byung ba dang / 'gro ba mtha' dang dbus med pa thams cad mngon par rdzogs par 'tshang rgya bar bya ba yang dag par bstan pa dang / byang chub sems dpa' kun tu bzang po'i spyod pa dang / smon lam dang yongs su bsngo ba yongs su rdzogs pa thob par gyur cig/ dge ba'i rtsa ba 'dis mnyam pa nyid kyi smon lam gyi dbang pos brtson zhing chags pa med pa dang / grol zhing bcings pa med pa'i sems su/ dbang po rna ba dang / dbang po dge ba dang / chos thams cad la dbang sgyur ba'i dbang po dang / mi zad pa'i dbang po dang / dge ba'i rtsa ba thams cad la brtson pa'i dbang po dang / sangs rgyas kyi yul thams cad la mnyam pa nyid du gyur pa'i dbang po dang / byang chub sems dpa' thams cad kyi lung bstan pa la phyir mi ldog pa
- 8a
dang / shin tu brtson pa'i dbang po dang / sangs rgyas kyi chos thams cad shin tu phugs pa'i dbang rdo rje'i khams lta bu dang / de bzhin gshegs pa thams cad kyi ye shes mtha' dang dbus med pa'i snang ba rab tu thob pas rdo rje'i 'od 'phro ba'i dbang po dang / dbang po rab tu dbye ba thams cad ma lus pa la dbang sgyur ba'i dbang po dang / sems can mu med pa thams cad mkhyen pa'i dbang po la rab tu dgod pa'i phyir/ dbang po mtha' yas pa 'byam klas pa dang / dbang po thams cad yongs su rdzogs par bya ba'i dbang po bsgribs pa med cing rnam par dag pa rab tu thob par gyur cig/ dge ba'i rtsa ba 'dis kun tu bzang po'i spyod pa la rab tu brtson pa'i sems dang ldan pa chags pa med pa dang / grol zhing bcings pa med pa'i sems su byang chub sems dpa' thams cad kyi rdzu 'phrul dang / tshad med pa 'byam klas pa byin gyis brlabs pa'i rdzu 'phrul dang / ye shes mtha' yas pas khyu mchog gi mthu 'byin pa'i rdzu 'phrul dang / lus ma g.yos par sangs rgyas kyi zhing thams cad kun tu bstan pa'i rdzu 'phrul dang / byang chub sems dpa'i dbang chags pa med cing thogs pa med pa'i rdzu 'phrul dang / ma 'ongs pa'i sangs rgyas kyi zhing byin gyis brlab cing yang dag par bstan pa'i rdzu 'phrul dang / sangs rgyas kyi zhing thams cad lus gcig gis rgyas par dgang ba'i rdzu 'phrul dang / byang chub sems
- 8b
dpa'i rnam par thar pa bsgribs pa med pas rnam par rtse ba'i rdzu 'phrul dang / mngon par 'du bya ba sad pa'i sems skad cig gi rdzu 'phrul dang / dpas pa med pa la rab tu gnas pas brtan pa'i rdzu 'phrul dang / sgra'i sbubs gcig tu 'jig rten gyi khams brjod du med pa rab tu dgod pa dang / chos kyi dbyings thams cad du rgyu zhing de bzhin gshegs pa'i 'khor gyi dkyil 'khor bstan bas/ sems can 'byam klas pa thams cad rnam par bstan pa'i ye shes kyi sgo la 'jug pa'i rdzu 'phrul rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su sangs rgyas kyi zhing shin tu dag pa la rab tu zhugs pa'i ye shes kyis 'jug pa dang / sangs rgyas kyi zhing mtha' dang dbus med par rab tu zhugs pa'i ye shes kyi sa dang / skye ba med pa la brtson pa'i sems bskyed pa la 'jug pa dang / kun tu babang bas rtogs pa'i skra nas 'jug pas rab tu 'byung ba'i byang chub sems dpa'i spyod pa rab tu 'thob pas/ 'jig rten gyi khams brjod du med pa re re lus kun tu dgye ba'i byin gyi rlabs shin tu bstan pas zhing gi rgyud la rab tu zhugs par gyur ga dge ba'i rtsa ba 'dis chags pa med pa dang / grol zhing bcing ba med pa'i sems su/ sangs rgyas kyi rigs su 'byung ba'i byang chub sems dpa'i spyod pa'i rgyud la gnas shing / rnam pa'i tshul tha dad pa brjod
- 9a
du med pa'i yang brjod du med pa/ bsam gyis mi khyab pa'i lhag pa'i bsam pas rnam par bye ba thob ste/ chad med pa'i smon lam la yang dag par brtsom ning chos dbyings thams cad dang / dus gsum gyi chos kyi dbyings thams cad du rgyun mi 'chad par rab tu zhugs pa'i sems su/ kun tu bzang po'i spyod pa'i tshul kun shes pa dang / rab tu shes pa dang / rjes su rtogs pa'i shes rab kyi dbyings la rab tu zhugs par gyur cig/ dge ba'i rtsa ba 'dis byang chub sems dpa' kun tu bzang po'i spyod pa'i sgos rnam par dag par byas pa'i mig gi sgo dang ldan zhing chags pa med pa dang / grol zhing bcings pa med pa'i sems su/ skra'i sbubs re re zhing brjod du med pa'i yang brjod du med pa'i zhing rnams yang dag par 'dzud pa rab tu shes par gyur cig/ de bzhin du chos kyi dbyings thams cad la 'jug pa nye bar bzung ste/ nam mkha'i dbyings kyi mthar thug pa ste/ sgra'i sbubs gcig tu ji lta ba de bzhin du chos kyi dbyings thams cad nam mkha'i mtha' gtugs pa'i sgra'i sbubs thams cad du 'dzud pa la rab tu mkhas par gyur cig/ shin tu shes par gyur cig/ mngon par rtogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su sems kyi skad cig gcig la brjod du med pa'i yang
- 9b
brjod du med pa'i bskal pa lhag pa'i bsam pas yang dag par rtogs par byed cing mtha' dang dbus med pa gcig nas gcig tu brgyud pas mthong bar gyur cig/ rab tu zhugs par gyur/ cig/ de bzhin du sems can gyi khams thams cad ma lus pa'i sems kyi skad cig la 'jug pa'i tshul du/ tshul 'di kun tu bzang ba la brtson pa'i lhag pa'i bsam pas yongs su shes par gyur cig/ rab tu rtogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems kyis lus re rer yang brjod du med pa'i yang brjod du med pa'i lus yongs su 'dzud pa mthong bar gyur cig/ rab tu rtogs par gyur cig/ lus gcig la ji lta ba de bzhin du lus 'byam klas pa la 'jug pa thams cad ma lus par nye bar bzung ste/ sems can gyi khams thams cad ma tshang ba med pa dang / lhag pa med par shes pa'i sems bskyed pa chos kyi dbyings thams cad rgyas par khyab pa/ byang chub sems dpa' kun tu bzang po'i spyad pas yongs su bsngos pas tshul gyis 'di la rab tu zhugs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su// sangs rgyas thams cad rtogs par bya ba rab tu rtogs shing / nam mkha'i dbyings thams cad de bzhin gshegs pa'i sku dang bral ba med cing mtshan gyis rnam par 'phrul pa'i sku dang / dbyangs kyi
- 10a
yan lag rab tu dgye ba rgyun chad pa med pas snang bar mdzad pas gang ba rab tu chud par gyur cig/ de bzhin gshegs pas gsungs pa de dag kyang yang dag par 'dzin par gyur cig/ de bzhin gshegs pa'i sku de dag kyang kun tu bzang po'i smon lam yangs pa rgya chen po dang / 'jig rten thams cad kyi 'du shes phyin ci log dang / sems phyin ci log dang / lta ba phyin ci log las 'phags pa'i lta ba dang / phyin ci log thams cad spangs pa'i lta ba'i tshul gyis dmigs su med par rab tu rtogs par gyur cig/ dge ba'i rtsa ba 'dis byang chub sems dpa' kun tu bzang po'i spyod pa la brtson pa'i byang chub sems dpa'i sa la gnas shing chags pa med pa dang / grol zhing bcings pa med pa'i sems su/ sems kyi skad cig gcig la mi 'phrul rnam par dbye ba'i tshul dang / chos kyi dbyings thams cad gzhi mnyam pas rnam par dbye ba dang / 'jig rten gyi khams sna tshogs la tshul gcig tu 'jug pa dang / 'jig rten gyi khams brjod du med pa'i yang brjod du med pa la rnam pa du ma rab tu 'jug pa dang / chos kyi dbyings thams cad la tshul gcig tu 'jug pa dang / nam mkha'i dbyings thams cad du rnam pa tha dad pa kun tu dgye bar 'gal ba med pa'i tshul la rab tu 'jug pas 'jig rten gyi khams kyi rgyud thams cad dang / snrel zhing rgyu ba'i 'jig rten gyi khams la rab tu 'jug pa dang / spyi'u tshugs su rgyu ba'i 'jig
- 10b
rten gyi khams la rab tu 'jug pa dang / phyogs kyi dra ba brjod du med pa'i yang brjod du med pa'i rgyud dang / zhing 'byam klas pa thams cad la 'jug pa yongs su shes par gyur cig/ rab tu rtogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ spyad pa'i ye shes rin po ches 'du shes kyi rnam pa thams cad la 'jug par bsgoms pa'i ye shes kyi sa la yang dag par gnas shing / 'du shes kyi rnam pa 'di lta ste/ sems can du 'du shes pa'i rnam pa dang / chos su 'du shes pa'i rnam pa dang / zhing du 'du shes pa'i rnam pa dang / phyogs su 'du shes pa'i rnam pa dang / sangs rgyas su 'du shes pa'i rnam pa dang / dus su 'du shes pa'i rnam pa dang / las su 'du shes pa'i rnam pa dang / spyad par 'du shes pa'i rnam pa dang / khams su 'du shes pa'i rnam pa dang / mas par 'du shes pa'i rnam pa dang / dbang bar 'du shes pa'i rnam pa dang // dus su 'du shes pa'i rnam pas byin gyi rlabs su 'du shes pa'i rnam pa dang / nan mongs par 'du shes pa'i rnam pa dang / rnam par byang bar 'du shes pa'i rnam pa dang // yongs su smin par 'du shes pa'i rnam pa dang / sangs rgyas mthong bar 'du shes pa'i rnam pa dang / chas kyi 'khar la bskor bar 'du shes pa'i rnam pa dang / chas bshad pa kun shes par bya bar 'du shes pa'i rnam pa dang / 'dul bar 'du shes pa'i rnam pa dang /
- 11a
'byung ba rnam pa tha dad par 'du shes pa'i rnam pa dang / sa sna tshogs dang sa du mar 'du shes pa'i rnam pa dang / byang chub sems dpa'i 'jug par 'du shes pa'i rnam pa dang / byang chub sems dpa'i gnas su 'du shes pa'i rnam pa dang / byang chub sems dpa'i snyoms par 'jug par 'du shes pa'i rnam pa dang / byang chub sems dpa'i snyoms par 'jug pa las ldang bar 'du shes pa'i rnam pa dang / byang chub sems dpa'i 'jig par 'du shes pa'i rnam pa dang / byang chub sems dpa'i 'du bar 'du shes pa'i rnam pa dang / byang chub sems dpa'i 'chi 'pho bar 'du shes pa'i rnam pa dang / byang chub sems dpa'i skye bar 'du shes pa'i rnam pa dang / byang chub sems dpa'i rnam par thar par 'du shes pa'i rnam pa dang / byang chub sems dpa'i rnam par 'phrul par 'du shes pa'i rnam pa dang / byang chub sems dpa'i byin gyi rlabs su 'du shes pa'i rnam pa dang / byang chub sems dpa'i yul du 'du shes pa'i rnam pa dang / 'jig pa dang 'du ba'i bskal par 'du shes pa'i rnam pa dang / nyin mtshan dang / rab rib med pa dang / snang bar 'du shes pa'i rnam pa dang / zla ba phyed dang / zla ba gcig dang / lo dang / dus 'gyur bar 'du shes pa'i rnam pa dang / 'gro ba dang 'ong bar 'du shes pa'i rnam pa dang / 'greng ba dang 'dug par 'du shes pa'i rnam pa dang / 'du shes pa'i rnam
- 11b
pa de dag dang / 'du shes kyi rnam pa'i sa de dag thams cad rnam par rtogs pa med pa'i sems dang ldan zhing 'du shes thams cad rnam par spangs pa'i yid dang / chags pa thams cad rnam par bzlog pa'i sems dang / bsgribs pa thams cad rab tu spangs pa'i yid kyis yang dag par rtogs pa dang ldan zhing / de bzhin gshegs pa thams cad kyis yongs su gsal bar bya ba'i ye shes dang / sangs rgyas kyi chos thams cad kyis mngon par brlan pa'i dge ba'i rtsa ba dang / de bzhin gshegs pa thams cad kyi ska la yang dag par gnas pa'i lus dang chos dkar po thams cad yongs su gzung ba dang / yang dag par rdzogs pa'i sangs rgyas kyi spyod pa'i pha rol tu phyin pa thob pa shin tu brlabs pa/ sems can thams cad kyi gtso bo kun tu bzang po'i spyod pa spong pas dbang bskar ba'i smon lam dang ldan pas sems kyi skad cig gcig la 'jug par shes par gyur cig/ mthong bar gyur cig/ rab tu shes par gyur cig/ zhugs par gyur cig/ shin tu sgrub par gyur cig/ yongs su rgyas par byed par gyur cig/ yongs su shes par gyur cig/ rab tu rtogs par gyur cig/ rjes su thob par gyur cig/ rab tu 'phel bar byed par gyur cig/ byin gyis rlob par byed par gyur cig/ dge ba'i rtsa ba 'dis 'gro ba thams cad la rnam pa bzang po'i spyod pa'i ye shes rin po che dang / kun tu bzang po'i 'byung ba rtsom pa
- 12a
rlabs po che dang / chags pa med pa dang / grol zhing bcings pa med pa'i sems re re la sems chad med pa yongs su 'jud par byed cing yang dag par rten pa dang / rnam par rtog par gyur pa dang / rnam pa sna tshogs su gyur pa dang / mngon par 'du bya ba rnam pa sna tshogs kyi las dang / tshad med pa'i las dang / mtshan nyid tha dad pa'i las dang / sems rnam pa sna tshogs dang / bsam pa tha dad pas byung zhing yang dag par gzhol bar gyur pas rab tu shes par gyur ci/ dge ba'i rtsa ba 'dis kun tu bzang ba'i smon lam dang / ye shes chen po rin po che dang / chags pa med pa dang / bral zhing bcings pa med pa'i sems su skye mched re re zhing brjod du med pa'i skye mched rab tu gzud pa dang / de bzhin du skye mched 'byam klas pa la rab tu 'jug pa shes par gyur cig/ rab tu shes par gyur cig/ khong du chud par gyur cig/ shin tu rtogs par gyur cig/ dge ba'i rtsa ba 'dis byang chub sems dpa' kun tu bzang po'i spyad pa dang las la rab tu brtson pa'i ye shes kyi sa dang / chags pa med pa dang / grol zhing bcings pa med pa'i sems su// las 'byam klas pa re re la wa mngon par 'du bya ba brjod du med pa'i yang brjod du med pa rkyen sna tshogs kyis mngon par 'du byas pa rnams yang dag par gzud pa dang / / las 'byam klas pa gcig la ji lta ba de bzhin du las kyi mngon
- 12b
par 'du bya ba thams cad kyis las kyi yul sna tshogs su dmigs pa la brtson par byed pa shes par gyur cig/ rab tu shes par gyur cig/ ye shes shin tu thob par gyur cig/ yongs su rdzogs par byed par gyur cig/ dge ba'i rtsa ba 'dis chags pa med pa dang / gral zhing bcings pa med pa'i sems su chos re re la brjod du med pa'i yang brjod du med pa'i chos yang dag par gzud pa rab tu shes par gyur cig/ chos gcig pa da'ang chos thams cad du yang dag par gzud pa rab tu shes par gyur cig/ chos rnam par phye ba'ang rab tu shes par gyur cig/ ma chags pa dang 'gal ba med par yang chud par gyur cig/ dge ba'i rtsa ba 'dis byang chub sems dpa'i spyod pa kun tu bzang po'i chags pa med pa'i rgyun du gyur pa la gnas shing thams cad shes pas chags pa med pa dang / grol zhing bcings pa med pa'i sems su/ chos bstan pa re re la chos bstan pa rnam par phye ba 'byam klas pa brjod du med ba'i yang brjod du med pa gzhan dang gzhan yongs su smin par bya bas yang dag par bsdus pa/ 'dul ba bsam gyis mi khyab pas yang dag par bsdus pa/ mtha' dang dbus med pa'i dus su yang dag par bshad pa/ dus thams cad du sems can gyi dang po dang mos pa ji lta ba bzhin du go bar byed pa/ sems can gyi mthu ji bzhin du sangs rgyas kyi gsung gi dbyangs
- 13a
@kyis rnam par rig par byed pa/ sangs rgyas kyi gsung gcig gis brjod du med pa'i 'khor gyi dkyil 'khar gyi sems can 'byam klas pa rnam pa tha dad pa mngon par dga' bar byed pa/ chos kyi dbyings thams cad de bzhin gshegs pa gcig gi 'khor gyi dkyil 'khor du gyur pa'i byang chub sems dpa'i bsam pa rgya cher byed pa// mtha' dang dbus med pa'i spyod pa'i dkyil 'khor la rab tu gnas shing kun tu bzang po'i sa la rab tu zhugs pa'i sems kyis yongs su shes par gyur cig/ rab tu shes par gyur cig/ khong du chud par gyur cig/ semaso skad cig sems skad cig cing khong du chud pa'i ye shes kyis ji skad du brjod pa'i chos 'byam klas pa la 'jug pas khong du chud par gyur cig/ sems kyi skad cig brjod du med pas rnam par spel ba'i ye shes kyi phung po chen pos phyi ma'i mtha'i bskal pa mtha' dang dbus med pa'i mur phyin par zhing 'byam klas pa thams cad du spyod cing ston par gyur cig/ kun tu bzang po'i dmigs pa ye shes chen po la brtson pa dang / spyod pa brtsams pa thams cad rab tu 'grub par byed pa'i kun tu bzang po'i sas// nam mkha'i dbyings thams cad spyad pa la 'jug pas bral ba med pas yongs su rgyas par byed par gyur cig/ dge ba'i rtsa ba 'dis byang chub sems dpa' kun tu bzab pa'i spyod pa'i sgo la rab tu brtson pa'i dbang pos chags pa med pa dang / gral zhibo bcings pa med pa'i sems su/ byang chub sems dpa'i spod pa'i
- 13b
rgyal po rab tu thob cing bsam pa brjod du med pa'i yang brjod du med pa rnam par phye ba la gnas pa dang / dmigs pa bsam gyis mi khyab pa dang / spyod pa dag pas byung bas dbang por re la brjod du med pa' yang brjod du med pa yang dag par gzud par yongs su shes par gyur cig/ rab tu shes par gyur cig/ shin tu rtogs par gyur cig/ khong du chud bar gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems dang / 'jigs pa med pa'i sems dang / rmongs pa med pa'i sems dang / rnam par 'khrugs pa med pa'i sems dang / bslad pa med pa'i sems dang / dbang po mi dma' ba'i sems dang / rtse gcig pa'i sems dang / shin tu mnyam par gzhag pa'i sems dang / chos shin tu rnam par phye ba'i sems dang / ye shes shin tu bstan pa'i sems dang / byang chub sems dpa' kun tu bzang po'i spyod pa dang / yongs su bsngo ba'i rjes su song ba'i sems kyis gzugs shin tu phra ba dang / lus shes pa shin tu phra ba dang / zhing shes pa shin tu phra ba dang / bskal pa shes pa shin tu phra ba dang / 'jig rten shes pa shin tu phra ba dang / yul shes pa shin tu phra ba dang / dus shes pa shin tu phra ba dang / chos kyi rnam grangs shes pa shin tu phra ba dang / las kyi rnam par smin pa shes pa shin tu phra ba dang / rnam par dag pa shes pa shin tu phra ba dang /
- 14a
shin tu phra ba 'di dag thams cad sems kyi skad cig gcig tu brkyang ba'i ye shes byang chub sems dpa' kun tu bzang po'i spyod pa'i rjes su song bas/ yang dag pa ji lta bzhin du rab tu shes par gyur cig/ shin tu rtogs par gyur cig/ khong du chud par gyur cig/ dge ba'i rtsa ba 'dis chags po med pa dang / grol zhing bcings pa med pa'i sems su rag las pa med par byang chub sems dpa'i spyod pa la rab tu gnas shing / kun tu bzang po'i spyod pa la brtson pa'i spyod pa chen po la dub pa med par gnas shing / sems can gyi rgyud shin tu phra ba dang / sems can gyi shi 'pho shin tu phra ba dang / sems can skye ba shin tu phra ba dang / sems can gyi gnas shin tu phro ba dang / sems can gyi rten shin tu phra ba dang / sems can mtha' dang dbus med pa'i ris shin tu phra ba dang / sems can gyi khams thams cad kyi yul shin tu phra ba dang / sems can gyi 'du byed shin tu phra ba dang / sems can bstan pa shin tu phra ba dang / sems can dmigs pa shin tu phra ba'i shin tu phra ba 'di dag dang shin tu phra ba la 'jug pa ji snyed gang yang rung ste/ de dag thams cad sems gcig brkyang ba'i spyod pa'i ye shes kyis shes par gyur cig khang du chud par gyur ci/ dge ba'i rtsa ba 'dis chags pa med pa dang / bral zhing bcings pa med pa'i sems su byang chub sems dpa' kun tu bzang ba'i spyad pa la
- 14b
tu brtson pa'i lhag pa'i bsam pas byang chub sems dpa' rnams kyis thog ma sems bskyed pa nas nye bar gzung ba'i byang chub sems dpa'i spyod pa shin tu phra ba dang / byang chub sems dpa'i gnas shin tu phra ba dang / byang chub sems dpa'i rnam par 'phrul pa shin tu phra ba dang / byang chub sems dpa'i sangs rgyas kyi zhing tshad med par 'gro ba shin tu phra ba dang / byang chub sems dpa'i chos snang ba rab tu thob pa shin tu phra ba dang / byang chub sems dpa'i mig rnam par dag pa shin tu phra ba dang / byang chub sems dpa'i lhag pa'i bsam pa yongs su grub pa shin tu phra ba dang / byang chub sems dpa'i sangs rgyas thams cad kyi 'khor gyi dkyil 'khor du 'gro ba shin tu phra ba dang / byang chub sems dpa'i gzungs kyi sgo shes pa shin tu phra ba dang / byang chub sems dpa'i 'jigs pa med pa'i sa mtha' dang dbus med pa tha dad pa yang dag par shes pa thams cad kyi mdzod kyi 'od shin tu phra ba dang / byang chub sems dpa'i ting nge 'dzin mtha' dang dbus med pa'i mtshan ma shin tu phra ba dang / byang chub sems dpa'i sangs rgyas thams cad mthong ba'i ting nge 'dzin du thob pa'i shes pa shin tu phra ba dang / byang chub sems dpa'i ting nge 'dzin zab mo mngon par bsgrub pa shin tu phra ba dang / byang chub sems dpa'i ting nge 'dzin rgya mtsho'i rgyan shin tu phra ba dang / byang chub sems dpa'i chos kyi dbyings kyi ting nge 'dzin rgya
- 15a
ye shes shin tu phra ba dang / byang chub sems dpa'i khyu mchog gi mthu phyung ba chen po rnam par 'phrul pa dang ting nge 'dzin mngon par bsgrub pa'i ye shes shin tu phra ba dang / byang chub sems dpa'i phyi ma'i mtha'i mur spyod pa yang dag par gzud pa'i ting nge 'dzin gyi ye shes shin tu phra ba dang / byang chub sems dpa'i ting nge 'dzin rnam par dbye ba mtha' dang dbus med pa thams cad mngon par bsgrub pa'i ye shes shin tu phra ba dang / byang chub sems dpa'i sangs rgyas thams cad dang mngon sum du zhabs kyi drung na 'dug kyang sangs rgyas gcig dang yang bral ba med pa'i ting nge 'dzin mngon par bsgrub pa shin tu phra ba dang / byang chub sems dpa' thams cad kyi ting nge 'dzin rgya che zhing yangs pa dang / zab cing bsgribs pa med pa dang / chags pa med pa la rab tu brtson pas thams cad mkhyen pa nyid kyi mthar thug par spyod pa yang dag par zung ba'i mdzod shes pa'i sa khong du chud pa dang / mngon par shes pa'i sa rab tu thob pa dang / don gyis shin tu rtogs pa dang byang chub sems dpa' thams cad kyi ting nge 'dzin bsgribs pa med pa'i ye shes shin tu phra ba thams cad shes par gyur cig/ rab tu rtogs par gyur cig/ dge ba'i rtsa ba 'das chags pa med pa dang / grol zhing bcings pa med pa'i sems dang / byang chub sems dpa' thams cad kyi byang chub sems dpa' rnam par dgod pa'i ye shes shin tu phra ba dang / byang chub sems
- 15b
dpa'i sa shin tu phra ba dang / byang chub sems dpa'i spyod pa rnam par tha dad pa shin tu phra ba dang / byang chub sems dpa'i yongs su bsngo ba mngon par bsgrub pa shin tu phra ba dang / byang chub sem dpa'i sangs rgyas thams cad kyi gter rab tu thob pa shin tu phra ba dang / byang chub sems dpa'i ye shes rnam par dpyad pa shin tu phra ba dang / byang chub sems dpa'i smon lam rnam par 'phrul pa shin tu phra ba dang / byang chub sems dpa'i snyoms par 'jug pa bstan pa shin tu phra ba dang / byang chub sems dpa'i rdzu 'phrul gyi tshul shin tu phra ba dang / byang chub sems dpa'i phyag rgya shin tu phra ba dang / byang chub sems dpa'i tshe gcig gis 'thob pa la dbang sbyar ba shin tu phra ba dang / byang chub sems dpa'i dga' ldan gyi gnas su skyes pa shin tu phra ba dang / byang chub sems dpa'i lha'i pho brang gi gnas na 'dug pa shin tu phra ba dang / byang chub sems dpa' sangs rgyas kyi zhing yongs su dag pa shin tu phra ba dang / byang chub sems dpa'i mi'i 'jig rten na dga' bar gnas pa shin tu phra ba dang / byang chub sems dpa'i 'od zer gyi dra ba dgye ba shin tu phra ba dang / byang chub sems dpa'i rigs rnam par dbye ba shin tu phra ba dang / byang chub sems dpa'i 'khor gyi dkyil 'khor rnam par dbye ba shin tu phra ba dang / byang chub sems dpa'i 'jig rten gyi khams thams cad du rgyas par skye ba shin tu phra ba dang / byang chub sems dpa'i lus
- 16a
gcig gis shi 'phos pa rnam pa tha dad pa bstan pa shin tu phra ba dang / byang chub sems dpa'i ma'i mngal du 'gro ba shin tu phra ba dang / byang chub sems dpa'i ma'i mngal du song nas gnas pa shin tu phra ba dang / byang chub sems dpa'i ma'i mngal na rnam par 'phrul pas/ chos kyi dbyings thams cad 'khor gyi dkyil 'khor gcig par ma'i ltor shong ba'i ye shes shin tu phra ba dang / byang chub sems dpa'i ma'i mngal na sangs rgyas kyi khyu mchog gi mthu phyung ba thams cad yang dag par bstan pa'i ye shes shin tu phra ba dang / byang chub sems dpa'i tshe shin tu phra ba dang / byang chub sems dpa'i gom pa bdun du seng ge'i stabs su 'gro ba'i ye shes shin tu phra ba dang / byang chub sems dpa' btsun mo'i 'khor gyi nang na thabs mkhas pa yang dag par ston pa'i ye shes shin tu phra ba dang / byang chub sems dpa'i mngon par 'byung ba'i tshul dang spyod pa rab tu sbyor ba shin tu phra ba dang / byang chub sems dpa' byang chub kyi shing drung du 'dug pa shin tu phra ba dang / byang chub sems dpas bdud kyi sde rab tu pham par byas te/ bla na med pa yang dag par rdzogs pa'i byang chub tu rnam par 'tshang rgya ba shin tu phra ba dang / de bzhin gshegs pa'i byang chub kyi shing drung du 'dug pa shin tu phra ba dang / byang chub sem dpas bdud kyi sde rab tu pham par byas te/ bla na med pa yang dag par rdzogs pa'i byang chub tu rnam par 'tshang rgya ba shin tu phra ba dang / de bzhin gshegs pa'i byang chub kyi gdan la 'dug ste/ 'jig/
- 16b
rten gyi khams thams cad du 'od zer gyi dra ba rab tu dgye ba shin tu phra ba dang / de bzhin gshegs pa'i rnam par 'phrul pa yang dag par bstan pa shin tu phra ba dang / de bzhin gshegs pa'i sang ga'i nga ro phyung ba'i mya ngan las 'das pa chen po shin tu phra ba dang / de bzhin gshegs pa sems can thams cad gdul ba'i 'khor du thogs pa med pa shin tu phra ba dang / de bzhin gshegs pa'i rnam par 'phrul pa bsam gyis mi khyab pa la byang chub kyi sems rdo rjes lta bu yongs su shes pa shin tu phra ba dang / 'jig rten thams cad rgyas par 'gengs pa'i de bzhin gshegs pa'i byin gyi rlabs yongs su bstan pa shin tu phra ba dang / 'jig rten gyi khams thams cad rgyas par 'gengs pa'i sangs rgyas kyi mdzad pa phyi ma'i mtha'i mur thug par rgyun mi 'chad pa shin tu phra ba dang / de bzhin gshegs pa'i byin gyi rlabs chos kyi dbyings kyi mthar thug par thogs pa med pa shin tu phra ba dang / / nam mkha'i dbyings kyi mthas gtugs pa'i zhing gi yul thams cad du sems can 'dul bar sangs rgyas skye ba bstan pa shin tu phra ba dang / sangs rgyas kyi sku gcig sangs rgyas kyi sku tha dad par rab tu smra ba'i shes pa shin tu phra ba dang / 'das pa dang / ma 'ongs pa dang / da ltar byung ba'i dus gsum du g shegs pa'i de bzhin gshegs pa gang ji snyed pa'i dkyil 'khor gyi khyu mchog go mthu dbyung ba'i ye shes shin tu phra ba gang ji snyed pa de dag thams cad sems kyi skad cig re re zhing rnam par 'phel ba'i ye
- 17a
shes kyi dkyil 'khor dang / byang chub sems dpa'i spyad pa'i sbyor ba phyir mi ldog cing rgyun mi 'chad pa dang / kun tu bzang por rab tu 'phros pa'i yongs su bsngo ba'i sa dang / de bzhin gshegs pa thams cad khong na yang dag par 'dzin pa'i byang chub sems dpa'i spyad pa dang / 'dod chags dang bral ba med pas byung ba'i byang chub sems dpa'i sgo'i dkyil 'khor dang / spyod pa 'byam klas pa la brtson pa shin tu rnam par sbyangs pa dang / byang chub sems dpa'i spyod pa la dmigs pa 'gro ba thams cad bde bar bya ba dang / byang chub sems dpa'i sems dang bsam pas chen por shin tu bsgrubs pa dang / chos kyi dbyings thams cad du 'dal ba'i dmigs pa'i mdzod kyi yongs su bsngo ba'i sgra rnga rje'i rgyal mtshan dang / byang chub sems dpa' 'jug pa'i sgo de bzhin gshegs pas dgongs pa dang / chos bstan pa 'gal ba med pa'i tshul gyi chos thams cad kyi don rab tu bstan pa dang / 'gro ba thams cad kyis mi bskul ba'i dam bcas pa shin tu rgya che ba dang / sems skad cigagis mthar phyin pa'i 'jug pa dang / dmigs pa'i mdzod sems dang sems ma yin pa'i sa thams cad rab tu rtogs pa dang / yang dag par bstan pa'i sgo sems ma yin pa'i sems mngon par bsgrubs pa dang / ye shes kyi sa tshig gi lam thams cad las gyen du 'phags pa dang / spyod pas mngon par 'tshang rgya ba'i byin gyi rlabs byang chub sems dpa' thams cad dang rgyud kyi tshul gcig tu gyur pa dang / kun tu
- 17b
bzang ba'i spyod pa'i dkyil 'khor phyi ma'i mtha'i mur rgyun mi 'chad pa dang / spyad pa rgyun mi 'chad pa dang / 'jig rten thams cad kyi 'gro ba'i rtogs pa dang / 'du shes kyi rnam pa dang / tshig gi lam du gdags pas gtugs pa'i byin gyi rlabs khyad par gyi smon lam chen pos rnam par 'phrul pas khong du chud par gyur cig/ rab tu shes par gyur cig/ shin tu sgrub par gyur cig/ rnam par spyod par gyur cig/ 'gro ba kun tu yang dag par ston par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su sems can gyi khams thams cad la 'jug par shes pa shin tu phra ba dang / sems can gyi khams rnam par dbye ba shes pa shin tu phra ba dang / sems can gyi khams sna tshogs rtogs par bstan pa shes pa shin tu phra ba dang / sems can khams du ma'i mngon par zhen pa shes pa shin tu phra ba dang / sems can gyi khams kyi bye brag tha dad par shes pa shin tu phra ba dang / sems can gyi khams skal ba mnyam pa shes pa shin tu phra ba dang / sems can gyi khams mtha' dang dbus med pa'i lam gyi rgyud shes pa shin tu phra ba dang / sems can gyi khams bsam gyis mi khyab pa mngon par 'du bya ba sna tshogs rnam par rtog par gyur pa shes pa shin tu phra ba dang / sems can mtha' yas pa'i nyon mongs pa shes pa shin tu phra ba dang / sems can grangs med pa'i rnam par byang ba shes pa
- 18a
shin tu phra ba dang / sems can gyi khams kyi yul shes pa shin tu phra ba 'di dag dang / shes pa shin tu phra ba gang ji snyed pa de dag thams cad sems skad cig dang ldan pa'i ye shes kyi phung po dang / sems can thams cad yongs su smin par bya ba'i byin gyi rlabs dang / dus ji lta ba bzhin du bstan pas 'dul ba yongs su bzung ba dang / dus thams cad du chos kyi sgo brjod du med pa rab tu bstan cing chos kyi 'khor lo bskor ba'i byin gyi rlabs dang / byang chub sems dpa'i spyod pa la rab tu brtson pa'i ye shes 'byam klas pa dang / 'gro ba thams cad rab tu dga' ba'i gnas su gyur pa'i lus brjod du med pa'i byin gyi rlabs kyi khyu mchog gi mthu phyung ba dang / byang chub sems dpa'i sems la zhugs pa ye shes kyi nyi mas snang bar byas pa dang / byang chub sems dpa' sems mngon par rdzogs pa'i byin gyi rlabs byang chub sems dpa'i ye shes kyi khyu mchog gi mthu phyung ba dang / ye shes chen po 'byam klas pa dang / kun tu bzang po'i spyod pa la rab tu brtson pa'i 'jug pas yang dag pa ji lta ba bzhin du yongs su shes par gyur cig/ rab tu shes par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su 'jig rten gyi khams chas kyi dbyings kyis klas pa/ nam mkha'i mthas gtugs pa thams cad shes pa shin tu phra ba 'di lta ste/ 'jig rten gyi khams shes pa shin tu phra ba dang / 'jig
- 18b
rten gyi khams cher gyur pa shes pa shin tu phra ba dang / 'jig rten gyi khams kun nas nan mongs pa shes pa shin tu phra ba dang / 'jig rten gyi khams rnam par dag pa shes pa shin tu phra ba dang // 'jig rten gyi khams rgya chen po shes pa shin tu phra ba dang / 'jig rten gyi khams sna tshogs shes pa shin tu phra ba dang / 'jig rten gyi khams yangs pa shes pa shin tu phra ba dang / 'jig rten gyi khams dog pa shes pa shin tu phra ba dang / 'jig rten gyi khams thams cad bsgribs pa med pa'i rgyan gyis rab tu brgyan pa shes pa shin tu phra ba dang / 'jig rten gyi khams thams cad ma lus par sangs rgyas skye bas rgyas par dgang ba shes pa shin tu phra ba dang / 'jig rten gyi khams thams cad ma lus par rab tu snang bar bya ba shes pa shin tu phra ba dang / 'jig rten gyi khams thams cad ma lus par lus kyis rgyas par dgang ba shes pa shin tu phra ba dang / 'jig rten gyi khams thams cad ma lus par 'od zer rab tu dgye bas snang bar bya ba shes pa shin tu phra ba dang / 'jig rten gyi khams thams cad ma lus par sangs rgyas thams cad kyi byin gyi rlabs dang / sangs rgyas thams cad kyi rnam par 'phrul pa dang / khyu mchog gi mthu phyung ba yang dag par bstan pa shes pa shin tu phra ba dang / 'jig rten gyi khams thams cad ma lus par dbyangs gcig gis dbyangs thams cad du rnam par bstan cing rgyas par dgang ba shes pa shin tu phra ba dang / 'jig rten gyi khams
- 19a
thams cad ma lus pa'i 'khor gyi dkyil 'khor gyis sangs rgyas kyi sku kun nas bskor bas sangs rgyas kyi zhing thams cad la 'jug pa shes pa shin tu phra ba dang / chos dbyings thams cad ma lus par sangs rgyas kyi zhing gcig tu byin gyis brlabs pa shes pa shin tu phra ba dang / chos kyi dbyings thams cad ma lus pa'i sangs rgyas kyi zhing gcig sangs rgyas kyi zhing thams cad du byin gyis brlabs par shes pa shin tu phra ba dang / 'jig rten gyi khams thams cad ma lus par rmi lam lta bur 'jug pa shes pa shin tu phra ba dang / 'jig rten gyi khams thams cad ma lus par mig yor lta bur rnam par dmigs pas rgyas par dag ba shes pa shin tu phra ba dang / 'jig rten gyi khams shes pa shin tu phra ba 'di dag shes pa shin tu phra ba de dag thams cad byang chub sems dpa'i spyod pa sgyu ma lta bu'i rnam par yang na bar bsgrub pa la zhugs shing khong du chud pa dang / byang chub sems dpa' kun tu bzang po'i spyod pa dang / rnam par 'phrul pa dang / ye shes khong du chud pas byang chub sems dpa'i spyod pa thams cad rgyun mi 'chad pa kun tu bzang po sgyu ma lta bur mthong ba dang / sangs rgyas thams cad kyi khyu mchog gi mthu phyung ba dang / rnam par 'phrul pa byang chub kyi sems kyis yang dag par bskyed pa dang/ lus la chags pa med par brtson pa'i yang dag par lta ba dang / dge ba'i rtsa ba chags pa med pa'i ye shes dang ma bral ba dang /
- 19b
mngon par chags pa med pa'i chos nyid dang / sems kyi rgyud dmigs pa med pas yang dag par 'jug pa dang / mtshan ma la 'jug pa mtshan ma thams cad las gyen du 'phags pa dang / byang / chub sems dpa'i spyod pa'i mtshan ma yongs su sbyangs pa dang / 'du shes kyi rnam pa thams cad dang bral ba'i ting nge 'dzin thams cad kyi rgyan dang / 'jig rten gyi khams thams cad du byang chub sem dpa'i spyod pa rnam por bkod pa khams thams cad shes pa dang ldan pas rab tu shes par gyur cig/ khong du chud par gyur cig/ dge ba'i rtsa ba 'dis chags pa med pa dang grol zhing bcings pa med pa'i sems su/ chos kyi dbyings mtha' yas pa la 'jug pa shes pa shin tu phra ba dang / chos kyi dbyings shin tu bstan pa shes pa shin tu phra ba dang / chos kyi dbying yangs la 'jug pa shes pa shin tu phra ba dang / chos kyi dbyings bsam gyis mi khyab pa rnam par dbye ba shes pa shin tu phra ba dang / chos kyi dbyings thams cad rnam par dbye ba shes pa shin tu phra ba dang / chos kyi dbyings thams cad sems gcig gis rgyas par dgang ba shes pa shin tu phra ba dang / chos kyi dbyings thams cad la yang dag par gzhol ba shes pa shin tu phra ba dang // chos kyi dbyings thams cad dmigs su med pa'i spyod yul du shes pa shin tu phra ba dang / chos kyi dbyings thams cad chags pa med par rnam par brtag pa shes pa shin tu phra ba dang // chos kyi dbyings thams cad skye ba med par
- 20a
yongs su rig pa shes pa shin tu phra ba dang / chos kyi dbyings thams cad du byin gyi rlabs kyi lus kyis rnam par 'phrul pa shes pa shin tu phra ba dang / chos kyi dbyings 'byam klas pa shes pa shin tu phra ba dang / 'di dag thams cad byang chub sems dpa' kun tu bzang ba ma spyod pa'i byin gyi rlabs kyis ye shes dang chos la dbang sgyur ba rab tu zab pa/ 'gro ba thams cad tshim par byed pa la brtson pa/ don gyi lus yongs su mi gtong zhing chos kyi lus blta ba la bsgribs pa med pa'i ye shes mnyam pa med pa mngon par bsgrub pa'i rnam pa rab tu thob pa/ chos thams cad la mi gnas pa'i rang bzhin las ma g.yos pa yang dag pa ji lta ba bzhin nam mkha' ltar gos pa med pa'i tshig gi lam rnam par brjod pa'i spyod pa dang ldan pa/ rnam par bkod pa'i don gyi rang bzhin shin tu rtogs pa/ rang bzhin gyis zhi ba yongs su rig pa'i ye shes kyis mi gnas pa'i yid kyi yang dag par rtogs pa dang ldan pa/ dmigs pa'i tshul la rten pa med par gnas pa/ chos kyi dbyings thams cad kyi tshul yangs pa khong du chud pa/ 'jig rten thams cad du mi gnas pas yang dag par rgyu ba/ chos thams cad la mi dmigs pa gnas thams cad yang dag par bcom pas kun tu bzang ba'i spyod pa'i sgo 'di dag la zhugs pa'i ye shes kyis yang dag par ji lta ba bzhin du khong du chud par gyur ci/ dge ba'i rtsa ba 'dis chags pa med pa dang / grol
- 20b
zhing bcings pa med pa'i sems su/ bskal pa gang ji snyed pa thams cad shes pa mngon par bsgrub pa 'di lta ste/ brjod du med pa'i bskal pa sems kyi skad cig gcig gis byin gyis rlab pa shes pa shin tu phra ba dang / sems kyi skad cig gcig la brjod du med pa'i bskal pa yang dag par bstan pa shes pa shin tu phra ba dang / grangs med pa'i bskal pa la yang dag par 'jug pa shes pa shin tu phra ba dang / bskal pa gcig grangs med pa'i bskal par yang dag par 'jug pa shes pa shin tu phra ba dang / bskal pa ring po bskal pa thung ngur yang dag par 'jug pa shes pa shin tu phra ba dang / bskal pa thung ngu bskal pa ring por yang dag par 'jug pa shes pa shin tu phra ba dang / sangs rgyas dang bcas pa'i bskal pa sangs rgyas mi bzhugs pa'i bskal par 'jug pab shes pa shin tu phra ba dang / bskal pa thams cad ma lus pa'i grangs shes pa shin tu phra ba dang / bskal pa thams cad ma lus par bskal pa ma yin par shin tu brtag pa shes pa shin phra ba dang / sngon gyi mtha'i mur thug pa'i bskal pa dang / phyi ma'i mtha'i mur thug pa'i bskal pa dang / da ltar byung ba'i mu la yod pa'i bskal pa dang / dus gsum gyi bskal pa thams cad ma lus par sems kyi skad cig gcig gis mngon par rdzogs par byang chub pa shes pa shin tu phra ba dang / bskal pa shes pa shin tu phra ba 'di dag dang / bskal pa ma lus pa'i
- 21a
g rangs de bzhin gshegs pa'i ye shes kyis thugs su chud pa shes pa shin tu phra ba de dag thams cad byang chub sems dpa' thams cad kyi spyod pa'i dkyil 'khor gyi rgyal po rab tu thob pa'i sems dang ldan pa/ kun tu bzang po'i spyod pa la rab tu zhugs pa'i sems dang ldan pa/ rtog pa dang rnam par rtog pa'i spros pa thams cad rab tu bsal ba'i sems dang ldan pa/ skyo ba med pa'i smon lam chen pos rtsom pa rgyun mi 'chad pa'i sems dang ldan pa/ mtha' dang dbus med pa'i 'jig rten mang por sangs rgyas mang po yang dag par bstan pas yongs su rgyas par 'gengs pa'i sems dang ldan pa/ de bzhin gshegs pa thams cad kyi dge ba'i rtsa ba byang chub sems dpa'i spyod pa'i rigs yang dag par gzung ba'i sems dang ldan pa// sems can thams cad shin tu bag dro bar byed pa'i spyod pa'i rigs dang rnam par 'dres pa'i sems dang ldan pa/ bskal pa'i grangs thams cad du mngon par rdzogs par 'tshang rgya bar yang dag par bstan pa'i sems dang ldan pa/ 'jig rten gyi khams re re nas phyi ma'i mtha'i mur mi g.yo bar spyod pa rgyun mi gcod pa'i sems dang ldan pa/ 'jig rten gyi khams thams cad du de bzhin gshegs pa'i sku'i 'phrin las byang chub sems dpa'i lus kyis yongs su rgyas par 'gengs pa'i sems dang ldan pas/ sems kyi rgyu ba gcig gi gnas kyi sa yang dag
- 21b
pa ji lta ba bzhin du rab tu shes par gyur cig/ yang dag pa ji lta ba bzhin du khong du chud par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su chos shin tu phra ba shes pa 'di lta ste/ zab mo'i chos shin tu phra ba dang / yangs pa'i chos shin tu phra ba dang / sna tshogs kyi chos shin tu phra ba dang / rgyan rnam par dbye ba'i chos shin tu phra ba dang / mtha' dang dbus med pa'i bskal pa thams cad du bstan pa shin tu phra ba dang / chos thams cad chos gcig tu yang dag par 'jug pa shin tu phra ba dang / chos gcig chos thams cad du yang dag par 'jug pa shin tu phra ba dang / chos thams cad chos ma yin par 'jug pa shin tu phra ba dang / chos ma yin par shes pa chos rnam par dgod pa thams cad dang mi 'gal ba shin tu phra ba dang / 'di lta ste/ sangs rgyas kyi chos kyi tshul thams cad ma lus pa grangs la 'jug pa shes pa shin tu/ phra ba 'di dag dang / 'jig rten gyi khams thams cad du chos thams cad kyi grangs rnam par bkod pa dang / bstan pa shes pa shin tu phra ba de dag thams cad chags pa med par shes papa'i sems spyod pa gcig gi khyu mchog gi mthu phyung bas yang dag par bskyed pa dang / mtha' dang dbus med pa'i chos kyi dbyings la zhugs pa'i sems dang / spong pa'i byin gyi
- 22a
rlabs chos rnam pa tha dad pa thams cad khong du chud pa'i bsam pa'i stobs dang / shugs chags pa med pas rab tu rtogs pa dang / dbang po thams cad mkhyen pa'i ye shes kyis rab tu brtan pa dang / dran pa dang / shes pa dang / chos la mkhas pa sangs rgyas thams cad kyi ye shes kyi khongs su chud pa dang / sangs rgyas mang po chos kyi dbyings thams cad yongs su khyab pa dang / byang chub sems dpa'i lus yang dag par bstan pa'i las de bzhin gshegs pa thams cad kyi skur gtogs pa dang / tshig rnam par dgod cing shin tu bstan pa 'jig rten gyi khams thams cad du grags pa dang / yid kyi las sangs rgyas thams cad kyi byin gyi rlabs kyis yang dag par gzung ba dang / kun tu bzang po'i spyod pa mngon par bsgrub pa'i ye shes chas mtha' dang dbus med pa rnam pa tha dad pa'i grangs dang tshul thams cad ma lus pa'i ye shes la mkhas pa'i thams cad mkhyen pa nyid mngon par posgrub pas yang dag par ji lta ba bzhin du shes par gyur cig/ khang du chud par gyur cig/ dam pa bzhi bcu gsum dge ba'i rtsa ba 'dis chags pa med pa dang / grol zhing bcings pa med pa'i sems su zhing thams cad ma lus par mngon par bsgrub pa shin tu phra ba dang /
- 22b
sems can thams cad ma lus pa'i ye shes dang / mngon par shes pa mngon par bsgrub pa shin tu phra ba dang / las kyi rnam par smin pa thams cad ma lus par shes pa mngon par bsgrub pa shin tu phra ba dang / 'gro ba thams cad ma lus pa'i sems shes pa mngon par bsgrub pa shin tu phra ba dang / dus thams cad ma lus par slebs par chos bstan pa shes pa mngon par bsgrub pa shin tu phra ba dang / chos kyi dbyings mtha' dang dbus med pa thams cad ma lus par rab tu rtogs pa'i ye shes mngon par bsgrub pa shin tu phra ba dang / nam mkha'i dbyings thams cad ma lus pa'i mtha' thug pa dang / dus gsum shes pa mngon par bsgrub pa shin tu phra ba dang / tshig dang ngag gi lam thams cad ma lus par shes pa mngon par bsgrub pa shin tu phra ba dang / 'jig rten gyi chos thams cad ma lus par shes pa mngon par bsgrub pa shin tu phra ba dang / 'jig rten las 'das pa'i spyod pa thams cad ma lus par shes pa mngon par bsgral shin tu phra ba dang / shes pa mngon par bsgrub pa 'di dag dang / de bzhin gshegs pa thams cad kyi lam dang / byang chub sems sa dpa' thams cad kyi lam dang / 'gro ba thams cad kyi lam shes pa mngon par bsgrub pa shin tu phra ba dang / de dag thams cad byang chub sems dpa'i
- 23a
spyod pa dang ldan zhing kun tu bzang po'i byin gyi rlabs yang dag par 'dzin pas chos ji lta ba bzhin dang / yi ge'i ji lta ba bzhin du mig yor dang 'dra ba'i shes pa mngon par bsgrub pa dang / rmi lam dang 'dra ba'i shes pa mngon par bsgrub pa dang / sgyu ma dang 'dra ba'i shes pa mngon par bsgrub pa dang // sgra brnyan dang 'dra ba'i shes pa mngon par bsgrub pa dang / sprul pa dang 'dra ba'i shes pa mngon par bsgrub pa dang / dbyin pa dang mnyam pa'i shes pa mngon par bsgrub pa dang / zhi ba deng mnyam pa'i shes pa mngon par bsgrub pa dang / chos kyi dbyings thams cad kyi rang bzhin dang mnyam pa'i shes pa mngon par bsgrub pa dang / gnas med pa dang mnyam pa'i shes pa mngon par bsgrub pa dang / sangs rgyas kyi chos thams cad dang mnyam pa'i shes pa mngon par bsgrub pa dang / kun tu bzang po'i spyod pa nye bar blang ba la gnas par brtson pa'i shes pa mngon par bsgrub pa shin tu phra bas rab tu shes par gyur cig/ khong du chud par gyur cig ces te/ de yang 'jig rten nam 'jig rten gyi chos la mi rtog pa dang / de yang byang chub bam byang chub sems dpa' la mi rtog pa dang / de yang byang chub sems dpa'i spyod pa 'am 'byung ba'i lam la mi rtog pa dang / de yang sangs rgyas dang sangs rgyas kyi chos thams cad la mi rtog pa dang / de yang sems can thams cad gdul ba dang mi gdul ba la rnam par mi
- 23b
rtog pa dang / de yang dge ba'i rtsa ba 'am yongs su bsngo ba la rnam par mi rtog pa dang / de yang bdag gam gzhan la rnam par mi rtog pa dang / de yang dngos po dang dmigs pa la rnam par mi rtog pa dang / de yang byang chub sems dpa'i spyod pa 'am mngon par 'tshang rgya ba la rnam par mi rtog pa dang / de yang chos nyid dam yongs su shes par bya ba la rnam par mi rtog pas// de ltar byang chub sems dpa' sems dpa' chen po dge ba'i rtsa ba de dag chags pa med pa dang grol zhing bcings pa med pa'i sems dang / chags pa med pa dang grol zhing bcings pa med pa'i lus dang / chags pa med pa dang grol zhing bcings pa med pa'i sgra dang / chags pa med pa dang grol zhing bcings pa med pa'i las dang / chags pa med pa dang grol zhing bcings pa med pa'i rnam par smin pa dang / chags pa med pa dang grol zhing bcings pa med pa'i 'jig rten dang / chags pa med pa dang grol zhing bcings pa med pa'i zhing dang / chags pa med pa dang grol zhing bcings pa med pa'i sems can dang / chags pa med pa dang grol zhing bcings pa med pa'i chos dang / chags pa med pa dang grol zhing bcings pa med pa'i ye shes kyis yongs su bsngo ste/ de de ltar yongs su bsngo bas 'das pa'i sangs rgyas dang / byang chub sems dpa' thams cad kyi yongs su bsngo ba 'thob pa yin/ ma byon pa'i sangs rgyas dang /
- 24a
byang chub sems dpa' thams cad kyi yongs su bsngo ba 'thob pa yin/ da ltar byung ba'i sangs rgyas dang / byang chub sems dpa' thams cad kyi yongs su bsngo la 'thob pa yin/ 'das pa'i sangs rgyas thams cad kyi yongs su bsngo ba la slob pa yin/ ma byon pa'i sangs rgyas thams cad kyi yongs su bsngo ba 'grub par 'gyur ba yin/ da ltar byung ba'i sangs rgyas thams cad kyi yongs su bsngo ba la rab tu gnas pa yin/ 'das pa'i sangs rgyas thams cad kyi yongs su bsngo ba'i lam la gnas pa yin/ ma byon pa'i sangs rgyas thams cad kyi yongs su bsngo ba'i lam mi gtong ba yin/ da ltar byung ba'i sangs rgyas thams cad kyi yongs su bsngo ba'i lam dang 'gal bar mi byed pa yin/ 'das pa'i sangs rgyas thams cad kyi gdams ngag la nan tan du byed pa yin/ ma byon pa'i sangs rgyas thams cad kyi gdams ngag la nan tan byed par 'gyur ba yin/ da ltar byung ba'i sangs rgyas thams cad kyi gdam ngag khong du chud par byed pa yin/ 'das pa'i sangs rgyas thams cad kyi mnyam pa nyid yongs su rdzogs par byed pa yin/ ma byin pa'i sangs rgyas thams cad kyi mnyam pa nyid sgrub par 'gyur ba yin/ da ltar byung ba'i sangs rgyas thams cad kyi mnyam pa nyid la nan tan byed pa yin/ 'das pa'i sangs rgyas thams cad kyi yul la yongs su spyad pa yin/ ma byon pa'i sangs rgyas thams
- 24b
cad kyi yul la rab tu gnas pa yin/ da ltar byung ba'i sangs rgyas thams cad kyi yul dang mnyam par 'gyur ba yin/ 'das pa dang / ma byon pa dang / da ltar byung ba'i sangs rgyas thams cad dang dge ba'i rtsa ba'i mtshan nyid gcig yin/ 'das pa dang / ma byon pa dang / da ltar byung ba'i sangs rgyas kyi rigs thams cad dang mnyam pa nyid du gnas pa thob pa yin// 'das pa dang / ma byon pa dang / da ltar byung ba'i de bzhin gshegs pa thams cad kyi spyod yul dang tshul gyi rgyud gcig tu gyur pa yin/ 'das pa dang / ma byon pa dang / da ltar byung ba'i sems can gyi gtso bo thams cad kyi yul dang mi 'gal ba thob pa yin te/ kye rgyal ba'i sras dag/ 'di ni byang chub sems dpa' sems dpa' chen po rnams kyi yongs su bsngo ba chags pa med pa dang / grol zhing bcings pa med pa'i sems zhes bya ba ste dgu pa'o// yongs su bsngo ba de la gnas pa'i byang chub sems dpa' sems dpa' chen po ni dge ba'i rtsa ba thams cad de ltar yongs su bsngo ste/ de de ltar yongs su bsngo bas khor yug dang / rdo rje'i ri thams cad kyis mchoms pa'i stobs dang ldan pa yin/ 'gro ba thams cad kyi gzugs thams cad ma lus pa dang ldan zhing zil gyis mi non pa yin/ bdud kyi sde dang / bdud kyi dpung dang / bdud kyi las thams cad rab tu 'joms pa
- 25a
yin/ 'jig rten gyi khamams cad du byang chub sems dpa'i spyod pa ma lus pa yang dag par bstan pa la brtson pa yin/ 'gro ba thams cad la go bar byed par sangs rgyas kyi chos thams cad kyi tshig dbye ba la mkhas pa dang ldan pa yin/ sangs rgyas kyi chos thams cad la rmongs pa med pa'i ye shes 'byam klas pa dang ldan pa yin/ gang dang gang du shi 'pho ba dang / skye ba dang / 'gro ba dang / 'ong ba dang / gnas pa dang / 'dug pa thams cad du mi phyed pa'i g.yog 'khor dang ldan pa yin/ 'das pa dang / ma byon pa dang / da ltar byung ba'i sangs rgyas thams cad kyis chos bstan pa dang / chos kyi 'byung gnas dran pa yang dag par 'dzin pa rnam par dag pa rab tu 'thob pa yin// byang chub sems dpa'i spyod pa thams/ cad yongs su gzung ba la mi skyo bas phyi ma'i mtha'i bskal pa'i mur thug par spyod pa rgyun mi 'chad pa yin/ gnas thams cad yang dag par bcom pa yang rab tu 'thob pa yin/ byang chub sems dpa' kun tu bzang po'i spyod pa dang smon lam yang dag par bskyed pa'ang 'thob pa yin/ thams cad mkhyen pa'i sangs rgyas kyi mdzad pa dang / byin gyi rlabs dang / byang chub sems dpa'i spyad pa dang / rnam par 'phrul pa thob par bya ba'ang rab tu 'o thob pa yin/ de nas byang chub sems dpa' sems dpa' chen po rdo rje rgyal mtshan gyis sangs rgyas kyi rgyan
- 25b
rlabs kyis phyogs bcur rnam par bltas te/ de'i tshe tshigs su bcad pa 'di dag smras so// de dag zil gyis mi non 'gyur byas shing // 'dra mad de dag phyogs rnams thams cad du/ las rnams ci 'drar yongs su bsags byas pa// de dag kun la brnyas par yang mi byed// bdag gis byas pa 'am gzhan gyis byas pa yi// dge ba gang la'ang brnyas par mi byed de/ / de la shin tu mas pa'i rab bskyed cing // de dag sems can phan phyir yongs su snga// de dag sems la mtho ba med byas shing // yid la dma' ba'ang 'chang ba med byas te/ / rgyal ba rnams kyi skra yi 'phrin las dang // gsol ba btab las las yangs gang 'byung dang // gang yang rnam pa mang po byed gyur cig/ sems can kun la bde dang phan sems kyis/ / bstan pa'i mos dang bsam las byung ba dang // skyes bu dbang por ci nas 'gyur bar sngo// rnam pa sna tshogs ji snyed gang yod tshul// 'gro ba 'di na tha dad mi 'dra ga/ rgya che yangs dang phra mo zab mo'i rnam// de dag dag gis yongs bsags shes par bya// ji skad 'jig rten yangs pa'i 'gro ba yi// sna tshogs lus rnams lus su gzhol gzud pa// de dag shes byas spyad pa spyad pa'i tshe/ / ye shes sgo las phyir ldog ma gyur cig/ gang yang 'jig rten zhing gi sgo mang ba// phra dang rgya che spyi'u chug snrel zhi dag/ skra yi sbubs su kun kyang bsdu byas te/
- 26a
ye shes sgo nas thams cad shes gyur cig/ gang yang sems kyi tshul mang gcig min pa// de dag sems su yang dag bsdu byas te// ye shes sgo nas de dag shes byas nas/ / spyod las ldog pa med par spyad par bya// 'gro ba kun gyi dbang po bsam pa dag/ rgya che de bzhin shin tu phra ba dang // zab mo sna tshogs ji snyed bsdu byas shing // thams cad rang bzhin ji bzhin shes gyur cig/ gang yang las kyi rnam pa sna tshogs pa// rab dang 'bring dang de bzhin tha ma'i rnams// thams cad ye shes sgo nas shes byas te// bde gshegs stobs la rab tu 'jug gyur cig/ bdag gis las gtsang yongs su gang bsags pas// 'jig rten bskal pa bsam gyis mi khyab pa// ji snyed de dag skad cig sems btud cing // phyogs rnams kun tu de dag shes gyur cig/ dus rnams snrel zhir dus gsum gzud byas shing // bskal pa mi mnyam tha dad mtshan shes nas// de dag mnyam nyid de dang 'gal med du// spyod cing kun tu rmongs pa med 'gyur cig/ 'gro ba'i spyod pa ji snyed gang yang rung // 'jig rten dag na brkyang brkum mi g.yo ba// rnam pa tha dad thams cad shes gyur kyang // mtshan med dngos kyi rnam sems med gyur cig/ phyogs rnams kun na skyes dbang ji snyed pa/ / su bzhugs de dag rnam par 'phrul mdzad pa// tshul gyis dkon zhing shin tu yangs pa'i rnams// de dag thams cad tshul bzhin shes gyur cig/ dga'
- 26b
ldan gnas na rang byung gang bzhugs pa/ / mi yi seng ge 'dra med chen po dang // phra dang yangs dang rnam par rgya che dag/ rang bzhin bzhin du thams cad mthong gyur cig/ yul gyi phyal na dpe zla med pa'i rnams/ / rnam par 'phrul pa ji snyed mdzad pa dang // 'tshang rgya mya ngan 'das dang 'khor lo'i mchog/ 'gro ba kun tu ldog pa med pa dang // mi yi seng ge bltam par gyur pa'i tshe/ / lha yi mchog dang tshangs pa'i mchog rnams dang // ye shes mchog dang shes la gnas rnams kyis// lag pa'i dam pas rim gror blangs pa dang // de bzhin chas dbyings ma lus ji snyed pa'i/ / phyogs na gang yod thams cad bsdu byas shing // sangs rgyas rnam 'phrul gzhi mtha' dbus med pa// de dag thams cad mthong zhing shes gyur cig/ skyes bu khyu mchog 'jig rten byung gyur cig/ gshegs thabs bdun por gshegs par gyur pa dang // de pe zla med pas rnam par gzigs pa dang // thams cad chags med sgo nas shes gyur cig/ gang yang skyes dbang bzhad mo bzhad pa dang // skye dgu 'di dag 'dod byin gzigs gyur cing // sems can 'di dag rab rib bsgribs mdongs pa// srid pa'i sdug bsngal kun las dgrol bya zhes/ / seng ge'i nga ro rnam par sgrog mdzad pa// bdag cag 'jig rten 'phags pa'i gtso yin gyis// ye shes sgron ma shin tu 'dir bstan cing // 'gro ba kun gyi skye ba
- 27a
dgag par bya/ / gang yang 'od zer brgya phrag mtha' yas pa// mi yi seng na skye tshe rab 'phro bas// ngan song thams cad zhi bar gyur pa dang // 'gro ba kun gyi sdug bsngal zhir gyur dang / / gang yang btsun mo'i 'khor gyi khrod bzhugs shing // mi yi seng ge rnam par 'phrul mdzad dang // 'gro ba kun la phan dang bde thugs kyis// 'jig rten sgren ma mngon par byung ba dang / / 'bru rgyud 'di las shin tu byung gyur cing // byang chub shing drung skyes dbang bzhugs gyur nas// sa rnams bskyod byas dpe zla med pa yi// 'od snang phyogs bcu kun tu kyai gyur cing / / bdud kyi khyim rnams rab tu ldeg mdzad de// phyogs bcu'i 'jig rten sems cad sbrul mdzad dang // sngan spyad gang rnam yangs su smin mdzad cing / / gang don skra dbang rnam par 'tshang rgya ba// ma lus sgra yi sbubs su bsdu byas shing // phyogs rnams zhing rgyu de bzhin bsdu byas te// sems can mtha' yas rgyud kyang sangs bsdus shong / / rgyal ba rnams kyi rnam 'phrul grub gyur cig/ tshul rnams 'di dag ma lus shes bya ste// 'jig rten mkhyen pa'i yon tan brjod pa dang // ye shes mikhyen pa'i yon tan ma brjod pa/ / thams cad spyad la nan tan shes gyur cig/ ji snyed bdud kyi dkrugs ma mang po dag/ de dag dbungogs stong gsum khyab gyur cing // bdud rnams
- 27b
phyin ci log stong mang po dag/ thams cad chags med sgo nas thul gyur cing // zhing na mi yi seng ge gang bzhugs dang // brgya byin gaman skyes dbang gang bzhugs dang // tshangs pa'i gnas na rang byung gang bzhugs na/ / chags med thams cad ma lus mthong gyur cig/ gang rnams chos kyi 'khor lo bskor ba dang // mi yi gtso bo'i ske tshul mtha' yas pa// dus kyi dus gsum bskal pa ji snyed par// gang rnams rgyal bas mtha' ma ma brnyes dang // dpe zla med pa'i gdan du gyur pa rnams// mtha' yas phyogs rnams gang gis khyab gyur pa// mtshan nyid tha dad rgyan gyis dag pa'i rnams/ / kun tu rgyal ba bsam yas bzhugs pa dag/ de dag rgyal sras mang pos yongs bskor cing // chos dbyings ma lus kun tu khyab mdzad nas// gang gis sangs rgyas ma lus byung gyur pa'i// byang chub spyod pa kun tu staston mdzad cing // ye shes mkhyen pa rnams kyi tshul gcig gis// sangs rgyas ma lus thams cad bsdu mdzad cing / / rgyal ba'i rgyan tshul rnam pa sna tshogs kyis// gong gis chos kyi chos nyid yongs khyab dang // dpe zla med pa'i rnam 'phrul ji snyed dang // rgyal ba rnams kyi sku tshul ji snyed dang // gang yang sku che bzung ste skyes gyur dang // gang yang btsun mo'i 'khor gyis bskor ba dang // dpe zla med pa'i rnam 'phrul ji skad dang // mkhas pas dbang po shin tu phra ma khyen dang /
- 28a
ngan 'das nas ring bsrel kun bsdus te/ bgos shing rgyal ba'i mchod rten byas pa'i bar// 'jig rten dag na tshad med ma lus pa'i// spyod pa 'tha' yas de dag rab spyod cing / / rgyal ba'i spyod pa yongs su gang brjod pa// de dag kun la spyod yangs 'jug gyur cig/ de ltar tshul rnams kun la yongs sngo ste// dge ba de dag yongs su bsngo bas na// byang chub smod pa de dag rab tu shes/ / skyod pas skyo bar nam yang mi 'gyur ro// de dag rnam par 'phrul pa ji snyed pa// rgyal ba rnams kyis brjod pa gang yang rung // 'gro ba 'dir 'jig rten mkhyen pa yi/ / gang yod thams cad ma lus rtogs par shes// de ltar skyes dbang thams cad ma lus par// rang byung yul rnams rjes su thob gyur to// de dag skad cig gcig gis rtogs gyur kyang / / byang chub spyod las rnam par phyir mi ldog/ gang yang rgyal ba'i spyod yul phra ba rnams// zhing dang chos kyi rgyud rnams thams cad kun// de dag spyad pa mchog gis shes gyur te/ / yongs su bsngo ba'i pha rol phyin pa thob// bskal pa shin tu phra la 'jug pa gang // skad cig gcig la grangs dang grangs med tshul// de dag byang chub shes pas rtogs gyur kyang / / spyod pa'i dam pa de las phyir mi ldog/ gang yang 'gro ba rnams kyi zhing chan dang // kun nas nyon mongs de bzhin rnam dag rnams// kun kyang ye shes spyod pas
- 28b
shes byas shing / / de la yid gzhungs sems can dam pa 'khod// dus kyi tshul rnams rjes su sems byed cing // skad cig sems kyis bsam yas bskal pa dang // de bzhin dus gsum ma lus thams cad kyang / / spyod pa'i mchog la gnas shing rab tu shes// sems la yang dag gzhol zhing 'jug pa dang // chos la yang dag 'jug dngul rnams dang // zhing la yang dag 'jug pa mkhas 'di la/ / kun kyang spyod pa dam pas rab tu shes// ye shes mngon par bsgrub pa gang yod dang // sems can bsgrub dang de bzhin chos bsgrub dang // rnam par 'phrul thob byang chub bsgrub pa'i rnams/ / mtho' dbus gzhi med thams cad ma lus pa// 'jug pa shin tu phra ba mtha' dag bsdu byas shing // rnam par phye ba ji snyed yod po rnams// bskal pa mi mthun tha da mtshan ldan pa/ / de dag thams cad spyod pa yangs pas shes// phyogs kyi rgyud na zhing rnams gcig min pa// 'gro ba rnams na sna tshogs gang yod dang // sems can 'gro rgyud sna tshogs tha dad pa/ / spyod pa'i stobs la gnas shing shes par byed// gang gis yongs su bsngo ba 'di shes pa// de ni ji snyed 'das pa'i sangs rgyas dang // gang rnams ma byon gang dag bzhugs pa'i rnam// / de dag spyod dang mnyam pa nyid 'thob bo// rgyal ba kun gyi bsod nams 'thob par 'gyur// rgyal ba kun gyi ye shes 'thob par 'gyur// rgyal ba kun gyi spyod pa'i rjes bslabs shing // yongs
- 29a
su bsngo ba 'di dag thob par 'gyur/ / 'gro ba kun gyis thub par dkar gyur cig/ 'jug pa kun tu bslab bya bslabs pa da// rgyal ba kun gyi rjes su sems pa rnams// thams cad 'jig rten sgron ma mthong bar 'gyur// de yi spyod la tshad gdab mi nus te// yon tan rnams la'ang tshad kyis gzhal mi nus// dpe med de dag spyod la gnas bcas shing // rgyal ba kun gyi rnam 'phrul rab tu shes/ / chags pa med pa dang / grol zhing bcings pa med pa'i sems zhes bya ba ste yongs su bsngo ba dgu pa'o// kye rgyal ba'i sras dag byang chub sems dpa' sems dpa' chen po rnams kyi yongs su bsngo ba chos kyi dbyings tshad med pa zhes bya ba bcu pa gang zhe na/ kye rgyal ba'i sras dag/ byang chub sems dpa' sems dpa' chen po chos smra ba chen por gyur pas dri ma med pa'i go 'phang thob pa/ chos kyi mdzod kyi sbyin pa rab tu byin zhing snying rje chen po dang ldan pas byams pa chen po thob cing / byang chub kyi sems la sems can rab tu dgod par brtson pa/ sems can gyi don la zhugs pas byang chub kyi sems rgyun mi 'chad par dge ba'i rtsa ba nye bar bsogs pa/ sems can thams can gyi kha lo sgyur bas 'gro ba thams cad la thams cad mkhyen pa'i lam yang dag par ston pa/ 'gro ba thams cad la chos kyi nyi ma dam par gyur pas dge ba'i rtsa ba tshad med
- 29b
pas 'jig rten thams cad snang bar byed pa/ 'gro ba thams cad la sems rab tu mnyam pas sems can thams cad kyi dge ba'i rtsa ba mngon par 'du byed pa/ rgyun mi gcod pa'i ye shes la dbang sgyur zhing sems rnam par dag pas dge ba'i rtsa ba'i las thams cad nyams pa med par sgrub pa/ ye shes chen pos 'gro ba thams cad kyi dad dpon du gyur pas sems can thams cad la bde ba'i lam yang dag par ston pa/ dge ba'i rtsa ba'i chos bskyed pa thams cad la sems can thams cad kyis sngon 'dren pa/ sems can thams cad kyi dge ba'i rtsa ba dbyer mi phyed par gyur pas 'gro ba thams cad kyi dge ba'i rtsa ba spel ba la zhugs pa/ dam pa'i chos sbyin pa sngon du gtong bas chos dkar po thams cad la yang dag par brtson pa/ / thams cad mkhyen pa nyid du sems bskrad pas yongs su bzung ba'i bsam pas stobs dang drashags kyi pha rol tu phyin pa thob pa'i lhag pa'i bsam pa shin tu brtan pa las byung ba'i byang chub kyi sems bskyed pa yang dag par bsgrubs pas nye bar ston pa'i spyod pa mthu chen po'i sems dang ldan pas/ byang chub tu sems bskyed pa la mos shing dge ba'i bshes gnyen la brten pa'i spyod pa dang ldan pa/ sgra med par byang chub tu sems bskyed pa'i lhag pa'i bsam pa yang dag par bsgrubs pas thams cad
- 30a
mkhyen pa'i sgo'i dmigs pa mtha' dang dbus med pa la sems pa/ dge ba'i rtsa ba la dmigs shing yongs su bsngo ba rgya chen mas bsgribs pa med pa'i yul thams cad yang dag par bsdu ba la zhugs shing rab tu bsgrub pa da chung ngu na sangs rgyas kyi gsung las cig dang yi ge gcig zas sam/ stan tam/ yang dag par 'dzin kyang rung ste/ sangs rgyas thams cad mngon du gyur pa'i 'jig rten gyi khams 'byam klas pa de dag na/ sangs rgyas bcom ldan 'das gang bzhugs shing 'tsho ba de dag dran pas dmigs te/ 'das pa'i sangs rgyas rnams kyang yid la byed/ ma byon pa'i sangs rgyas rnams kyang yid la byed/ da ltar byung ba'i sangs rgyas rnams kyang yid la byed/ 'das pa dang / ma byon pa dang / da ltar byung ba'i sangs rgyas thams cad kyang yid la byed cing / byang chub sems dpa'i spyad pa spyod pa'i cha/ dge ba'i bde dag 'di ltar yongs su bsdu ste/ dge ba'i rtsa ba 'dis sangs rgyas de dag thams cad kyis yang dag par dgongs te/ 'jig rten gyi khams gcig tu byang chub kyi spyad pa spyod par gyur cig 'jig rten gyi khams gcig tu ji lta ba de bzhin du 'jig rten gyi khams chos kyi dbyings kyis klas pa/ nam mkha'i mthas gtugs pa ma lus pa thams cad du yang / byang chub sems dpa'i
- 30b
spyad pa spyod par gyur cig/ phyi ma'i mtha'i mur thug pa'i bskal par sems can gcig gi don du byang chub sems dpa'i spyad pa yang dag par spyod par gyur cig/ sems can gcig gi don du ji lta ba de bzhin du sems can gyi khams mtha' dag ma lus pa lhag ma ma lus pa thams cad kyi don du sems can gcig gi phyir yang phyi ma'i mtha'i mur thug par go cha bgos te/ sems can gcig gi phyir ji lta ba de bzhin du sems can thams cad kyi phyir yang go cha bgos te/ byang chub sems dpa'i spad pa yang dag par spyod par gyur cig/ dge ba'i rtsa ba 'dis nam yang sangs rgyas dang 'bral ba'i 'du shes dang / dge ba'i bshes gnyen dang 'bral ba'i 'du shes skye bar ma gyur cig/ 'di ltar yang sangs rgyas thams cad mngon du gyur sangs rgyas skye ba gcig dang yang mi 'bral zhingasangs rgyas thams cad kyis byang chub sems dpa'i tshangs par spyod pa yang dag par bstan pa dang / brjod pa dang / bsngags pa de la spyod par gyur cig/ de dag yongs su rdzogs par byed par gyur cig/ tshangs pa'i spyad pa mgod par smad par gyur cig/ tshangs pa'i spyod pa ma nyams par yongs su rdzogs par byed par gyur cig/ tshangs pa'i spyod pa ma 'dres par yongs su sbyang bar gyur cig/ tshangs pa'i smad parnyag pa med pa la gnas par gyur cig/ ltung ba med
- 31a
pa'i tshangs pa'i spyod pa la rab tu gnas par gyur cig/ zil gyis mi non pa'i spyod pa la yongs su spyod par gyur cig/ sangs rgyas kyis bsngags pa'i tshangs pa'i spyod pa la nan tan du spyod par gyur cig/ mi gnas pa'i tshangs par spyad pa la rab tu bsgrub par gyur cig/ mi dmigs shing byang chub kyi sems la gnas pa'i tshangs pa'i sprod po rnam par sbyong bar gyur cig/ 'das pa dang / ma byon pa dang / da ltar byung ba'i sangs rgyas thams cad kyi spyod pa'i rjes su spyod pa khong du chud par gyur cig/ ji ltar bdag tshatshongs pa'i spyod pa de la nan tan du byed pa de bzhin du tshangs pa'i spyod pa chags pa med pa dang / tshangs par spyod pa gnas pa med pa dang / tshangs par spyod pa nyon mongs pa med pa dang / tshangs par spyod pa nyams pa med pa dang / tshangs par spyod pa bsgribs pa med pa dang / tshangs par spyod po brtan pa dang / tshangs par spyod pa gzhan gyi dring mi 'jog pa dang / tshangs par spyod pa mi bskul ba dang / tshangs par spyad pa mi g.yo ba dang / tshangs par spyod pa mi 'khrugs pa de la sems can thams cad kyang rab tu dgod do// sems can thams cad rab tu sbyar ro/ / sems can thams cad shin tu bsgrub bo// sems can thams cad rnam par spang ngo // sems can thams cad dri ma med par bya'o// sems can thams cad rnam
- 31b
bar snang bar bya'o/ / sems can thams cad rdul med par bya'o// sems can thams cad rab rib med par bya'o// sems can thams cad yongs su gdung ba med par bya'o// sems can thams cad 'byung ba la gnas par bya'o/ / sems can thams cad 'gyod pa thams cad dang bral zhing gnod sems dang rnam par bral ba'i pha rol tu phyin pa thob par bya'o// de ci'i phyir zhe na/ byang chub sems dpa'i tshangs par spyod pa rnam par ma dag pas/ gzhan gyi tshangs par spyod pa rnam par dag par bya bar mi nus so// byang chub sems dpa' tshangs par spyod pa las phyir log pas/ pha rol byang chub sems dpa'i tshangs par spyod pa la bsgrub par mi nus so// byang chub sems dpa' tshangs par sprod pa rgyun chad pas/ gzhan byang chub sems dpa'i tshangs par spyod pa la rnam par dag par bya bar mi nus so// byang chub sems dpa' tshangs par spyod pa dang bral bas/ gzhan byang chub sems dpa'i tshangs par spyod pa la nan tan du byed du gzhug par mi nus so/ / byang chub sems dpa' tshangs par spyod pa las nyams pas/ gzhan byang chub sems dpa'i tshangs par spyad pa la sbyar bar mi nus so/ / byang chub sems dpa' tshangs par spyod pa la mos pa med pas/ gzhan byang chub sems dpa'i tshangs par spyod pa la mos par bya bar mi nus so// byang chub
- 32a
sems dpa' tshangs par spyod pa la rnam par mi gnas pas/ gzhan byang chub sems dpa'i tshangs par spyod pa la gnas par gzhan mar mi nus so// byang chub sems dpa' tshangs par spyod pa la ma zhugs pas/ gzhan byang chub sems dpa'i tshangs par spyod pa la gzhug par mi nus so// byang chub sems dpa' tshangs par spyod pa las g.yos pas/ gzhan byang chub sems dpa'i tshangs par spyod pa mi g.yo ba la gzhag par mi nus so// byang chub sems dpa' tshangs par spyod pa ma sprad pas/ gzhan byang chub sems dpa'i tshangs par spyod pas yang dag par gzung bar mi nus so/ / de ci'i phyir zhe na/ byang chub sems dpa' ni ji skad smra ba de ltar byed pa yin// byang chub sems dpa' ni ma nor ba la gnas shing ma nor bar smra ba yin/ byang chub sems dpa' ni bden par smra zhing de bzhin du byed pa la gnas pa yin/ byang chub sems dpa' ni lus kyi las dang / ngag gi las dang / yid kyi las yongs su dag cing nyon mongs pa thams cad bsal ba yin/ byang chub sems dpa' ni bsgribs pa thams cad rnam par 'thor zhing bsgribs pa med pa'i spyod yul la zhugs pa yin/ byang chub sems dpa' ni lhag pa'i bsam pa dang ldan zhing gzhan la lhag pa'i bsam pa dag pas chos ston pa yin/ byang chub sems dpa' ni drang po'i tshul gyis dge ba'i rtsa ba
- 32b
la 'jam pa'i sems dang ldan zhing gzhan drang po la gzhog pa yin/ byang chub sems dpa' ni 'gyod pa dang bral bar byas shing gzhan 'gyod pa las rnam par slong ba yin/ byang chub sems dpa' ni yid dang bar gyur cing gzhan sems dang ba dbyer med pa la yang dag par bsgrub pa yin/ byang chub sems dpa' ni chos yang dag par brjod par gyur cing / gzhan chos la nye bar stobs pa yin te/ de ltar byang chub sems dpa' sems dpa' chen po dge ba'i rtsa ba de dag yongs su sngo'o// gzhan yang byang chub sems dpa' sems dpa' chen po chos sbyin pa la brtson pa dge ba'i rtsa ba de dag 'di ltar yongs su sngo ste/ dge ba'i rtsa ba 'dis chos thams cad kyi sgo mi zad pa rab tu thob par gyur cig/ chos thams cad shin tu bstan pa'i sgo 'gro ba thams cad tshim par byed pa/ gzhan gyis brgal ba thams cad las rnam par 'dra ba dor ba dang bzhag pa rab tu 'gags pa rab tu thob par gyur cig/ dge ba'i rtsa ba 'dis 'das pa dang / ma byon pa dang / da ltar byung ba'i sangs rgyas thams cad kyi chos rgya mtsho shin tu ston par gyur cig/ chos kyi sku gnas re re dang chos kyi tshul re re dang / chos rnam par brjod pa re re dang / chos su gdags pa re re dang / chos su smos pa re re dang / chos brjod pa re ri dang / chas kyi skar
- 33a
re dang chos la 'jug pa re re dang / chos bskyed pa re re dang / chos rnam par dgod pa re re las chos mi zad pa mtha' dang dbus med pa'i mi 'jig pa la rab tu brtson pa thob ste/ tha dad pa yang dag par shes pa la zhugs pas ston cing 'gro ba thams cad kyis phyi ma'i mthar thug pa mi zad pa dang ldan pa dang / sems can thams cad la lhag pa'i bsam pas bstan pa yang dag par bsgrubs pa'i tshig chags pa med pas byung ba dang / 'khrul pa med pa'i spobs pas 'gro ba thams cad dga' bar byed pa'i chos shin tu ston pa dang / 'gro ba thams cad du rjes su bsgrags pa'i chos kyi tshig gi tshul dang ldan pa dang / chos thams cad kyi snang ba mtha' yas pa rgyun mi 'chad pa'i dga' ba'i shugs yang dag par spyad pa dang / sems can thams cad dga' ba dang / mas pas thams cad mkhyen pa nyid la rab tu bzhag par rmongs pa med pa dang / chos snang ba'i sdehA pa dang ldan pa dang / tshig thams cad yang dag par gzung ba'i byin gyi rlabs kyis 'jig rten gyi khams thams cad rab tu brtson pa dang / chos kyi dbyings su lus chad med pas byin gyis rlu/ pa dang / chos kyi dbyings sems yangs pa tshad med pas rgyas par 'gengs pa dang / chos kyi dbyings su dbyangs thams cad rnam par dag pa tshad med pas grags par byed pa dang / chos kyi dbyings
- 33b
su chad med pa'i labar rgyad kyil 'bar yang dag par snyan pa dang / rnab kya byings kyang chu sems dpa'i sas cad mdapal bldan pa dang / chas kya byings kyi dum mams dpa' pa tshad med pa rab tu thob pa dang / chos kyi dbyings la yang dag par 'jug pa tshad med pa rab tu rtogs pa dang / chos kyi dbyings su chos tshad med pa mngon par bsgrub pa la bslabs pa dang chos kyi dbyings su byang chub sems dpa'i spyod pa tshad med pa yang dag par spyod pa la gnas pa dang / chos kyi dbyings tshad med pa'i byang chub sems dpa'i spyod pa'i khongs su chud pas/ sems can thams cad kyi gtso bos yang dag par bstan pa rab tu thob par gyur cig ces/ de ltar sems can thams cad thams cad mkhyen pa'i ye shes la rab tu dgod pa shin tu bsgrubs pa'i phyir byang chub sems dpa' dge ba'i rtsa ba de dag yongs su sngo'o/ / gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su snga ste/ chos kyi dbyings tshad med pa'i sangs rgyas mthong ba dang / chos kyi dbyings tshad med pa'i sems can gdul ba dang / chos kyi dbyings tshad med pa'i sangs rgyas kyi zhing byin gyis brlab pa dang chos kyi dbyings tshad med pa'i byang chub sems dpa'i ye shes khong du chud par bya ba dang / chos kyi dbyings tshad med pa'i mi 'jigs pa rab tu thob par bya ba dang / chas
- 34a
kyi dbyings tshad med pa'i tha dad pa yang dag par shes pa rab tu thob par bya ba dang / chos kyi dbyings tshad med pa'i byang chub sems dpa'i gzungs rab tu thob pabar bya ba dang / chos kyi dbyings tshad med pa'i byang chub sems dpa'i gnas bsam gyis mi khyab pa rab tu thob par bya ba dang / chos kyi dbyings tshad med pa'i bsod nams bsags ba yongs su grub par bya ba dang / chos kyi dbyings tshad med pa'i sems can gyi don gyi dge ba'i rtsa ba yongs su rdzogs par bya ba thob par gyur cig/ dge ba'i rtsa ba des chos 'di dag yongs su rdzogs par gyur cig/ ji ltar bdag gis thob par gyur pa de bzhin du/ sems can thams cad kyis kyang thob par gyur cig/ thob pa 'di dag mnyam pa nyid 'di dang yongs su rdzogs pa 'dis sems can thams cad bdag dang spyod pa mnyam par gyur cig/ bsod nams mnyam pa dang / ye shes mnyam pa dang / stobs mnyam pa dang / mi 'jigs pa mnyam pa dang / rnam par dag pa mnyam pa dang / rnam par 'phrul pa mnyam pa dang / mngon par byang chub pa mnyam pa dang / chos bstan pa mnyam pa dang / don mnyam pa dang / rnam par nges pa mnyam pa dang / mngon par shes pa thams cad mnyam pas mnyam par gyur cig ces/ de ltar byang chub sems dpa' sems dpa' chen pa dge ba'i rtsa ba de dag yongs
- 34b
su sngar/ / gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su sngo ste/ ji ltar chos kyi dbyings tshad med pa de bzhin du dge ba'i rtsa ba de dag tshad med pa'i ye shes yongs su bsgrub pa'i phyir yongs su sngo'o/ / ji ltar chos kyi dbyings mtha' dang dbus med pa de bzhin du dge ba'i rtsa ba de dag sangs rgyas mtha' dang dbus med pa thams cad mthong ba yongs su rdzogs par bya ba'i phyir yongs su sngo'o/ / ji ltar chos kyi dbyings ma lus gcad pa med pa de bzhin du dge ba'i rtsa ba de dag sangs rgyas kyi zhing ma lus gcad pa med pa thams cad du 'gro bar yongs su sngo'o/ / ji ltar chos kyi dbyings sa mtshams med pa de bzhin du dge ba'i rtsa ba de dag 'jig rten gyi khams sa mtshams med pa thams cad du byang chub sems dpa'i spyad pa spyad par yongs su snga'o/ / ji ltar chos kyi dbyings ris su chad pa med pa de bzhin du dge ba'i rtsa ba de dag sems can thams cad la thams cad mkhyen pa'i shes ris su chad pa med par bya ba'i phyir yongs su snga'o/ / ji ltar chos kyi dbyings rgyud kyi tshul gcig par gyur pa de bzhin du dge ba'i rtsa ba de dag sems can thams cad ye shes kyi rgyud kyis tshul gcig tu 'gyur ba'i phyir yongs su snga'o/ / ji ltar chos kyi dbyings rang bzhin yongs su dag pa de bzhin du dge ba'i rtsa ba de dag 'gro ba thams cad shin tu rnam par dag par bya ba'i phyir
- 35a
yongs su snga'o/ / ji ltar chos kyi dbyings 'gro ba thams cad kyi rjes su song ba de bzhin du dge ba'i rtsa ba de dag sems can thams cad kyis byang chub sems dpa' kun tu bzang po'i spyod pa yang dag par bsdu ba'i phyir yongs su snga'o/ / ji ltar chos kyi dbyings 'gro ba thams cad kyi rgyan du gyur pa de bzhin du dge ba'i rtsa ba de dag sems can thams cad kyis kun tu bzang po'i spyod pa'i rgyan rnam par dag par yongs su snga'o/ / ji ltar chos kyi dbyings la 'jig pa med pa de bzhin du dge ba'i rtsa ba de dag byang chub sems dpa' spyod pa thams cad 'jig pa med pa'i phyir yongs su snga'o/ / gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su snga ste/ gang gis thams cad mkhyen pa nyid du 'gyur ba der dge ba'i rtsa ba de dag yongs su sngo'o/ / thams cad mkhyen pa nyid ni thams cad du 'gro bas na thams cad du 'gro ba'i phyir dge ba'i rtsa ba de dag yongs su sngo'o// ci nas kyang 'gro ba thams cad du shin tu snang bar gyur pa de ltar dge ba'i rtsa ba de dag yongs su snga'o/ / ci nas kyang sangs rgyas mthong ba dang / sangs rgyas kyi mdzad pa yongs su 'thob pa de ltar dge ba'i rtsa ba de dag yongs su snga'o/ / ci nas kyang sangs rgyas mthong ba dang / sangs rgyas kyi mdzad pa thogs pa med par 'gyur ba de ltar dge ba'i rtsa ba de dag yongs su snga'o//
- 35b
ci nas kyang sangs rgyas mthong ba sems can thams cad rnam par dag par bya ba las phyir mi ldog pa de ltar dge ba'i rtsa ba de dag yongs su sngo'o// ci nas kyang sangs rgyas mthong ba yongs su shes shing rab tu 'phel bar byed pa de ltar dge ba'i rtsa ba de dag yongs su sngo'o/ / ci nas kyang sangs rgyas mthong ba gnas su mi 'gyur ba de ltar dge ba'i rtsa ba de dag yongs su sngo'o// ci nas kyang sangs rgyas mthong ba chags pa med par khong du chud par 'gyur ba de ltar dge ba'i rtsa ba de dag yongs su sngo'o/ / ci nas kyang sangs rgyas mthong zhing kun tu bzang ba'i spyod pa yang dag par 'grub par 'gyur ba de ltar dge ba'i rtsa bar dag yangs su ltar/ / cims kyab sangs rgyas ma pazhing mngon sum du bsdu brgyan mi 'chad par ltar dge ba'i rtsa ba dag yongs su gyul ci nas kyang sangs rgyas mthong bas byang chub sems dpa'i stobs dang shugs skye bar 'gyur ba de ltar dge ba'i rtsa ba de dag yongs su snga'o/ / ci nas kyang sangs rgyas mthong zhing dngos po nyams par 'gyur ba thams cad las 'phags par 'gyur ba de ltar dge ba'i rtsa ba de dag yongs su snga'o/ / 'di ltar yang chos kyi dbyings byed pa med pa dang / chos kyi dbyings kyi rang bzhin dang / chos kyi tsing+ge kyi ngo ba nyid dang / chos kyi dbyings gnas med pa dang / chos kyi dbyings nyams pa med pa dang / chos kyi dbyings dben pa dang chos kyi dbyings zhi ba dang / chos
- 36a
dbyings gnas med pa dang / chos kyi dbyings mi 'pho ba dang / chos kyi dbyings tha dad pa med pa bzhin du 'gyur bar yongs su snga'o// gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su sngo s+ho/ / dge ba'i rna ba chos bstan cing brjod pas yang dag par bzung ba dang / chos bstan par bskal ba dang / de la dmigs pa la brtson par byas pa'i dge ba'i rtsa ba dang / de dag la sogs pa dge ba brtsams pa gzhan dang gzhan gyis sems can thams cad sangs rgyas thams cad kyis byin gyis brlabs shing byang chub sems dpar gyur te chos smra bar gyur cig/ sems can thams cad kyi dbyings kyi thams cad mkhyen pa'i ye shes la sems can thams cad 'god pa'i tshul gyis bla na med pa'i chos smra bar gyur cig/ sems can thams cad 'jig rten kun gyis chos yongs su dris pas zad par mi 'gyur bas mi 'phrogs pa'i chos smra bar gyur cig/ sems can thams cad chos kyi snang bas bsgribs pa med pa thob pa'i phyir chags pa med pas phyir chags pa med pa'i chos smra bar gyur cig/ sems can thams cad sangs rgyas kyi chos thams cad kyi tshig dang yi ge brjod pa la mkhas shing ye shes snying pa chos smra bar gyur ci/ / sems can thams cad de bzhin gshegs pa thams cad kyi ye shes ston pa la mkhas shing sangs rgyas kyi byin gyis brlabs pa'i chos smra bar gyur cig
- 36b
sems can thams cad kyi dring mi 'jog cing yang dag pa ji lta ba bzhin du chos ston pas mig dang 'dra ba'i chos smra bar gyur cig/ sems can thams cad rigs pas bzung ba'i tshig dang / yi ge chud ma zos par shin tu ston pas sangs rgyas kyi chos thams cad dran pas yang dag par 'dzin pa'i chos smra bar gyur cig/ sems can thams cad mtshan gyis shin tu brgyan pa'i lus dang ldan zhing / 'od mtha' yas par 'phro ba'i chos yang dag par dpyad pa la mkhas pas nye bar mi dmigs pa'i lam du zhugs pa'i chos smra bar gyur cig/ sems can thams cad chos rgyun mi 'chad pa la gnas shing sangs rgyas kyi chos thams cad kyi char bsam pa thag pas dbab pa'i byin gyi rlabs kyis chos kyi sprin rab tu ston cig/ sangs rgyas kyi zhing brjod du med pa lus kyis rgyas par 'gengs pa'i chos smra bar gyur cig/ sems can thams cad gzhan gyis 'pham par mi nus pa'i rgyal mtshan dang ldan pa'i chos smra ba'i mdzod bdag pas chos rgya mtsho thams cad dang / sangs rgyas kyi chos chud mi gzon pa'i chos smra bar gyur cig/ sems can thams cad sangs rgyas kyi spobs pa la brtson zhing chos thams cad yang dag par brjod pa la mkhas pas chos thams cad kyi dkyil 'khor gyi nyi ma'i chos smra bar gyur cig/ sems can thams cad chos kyi dbyings mtha' yas pa
- 37a
shin tu bstan pa'i chos kyi 'byung gnas dang mdzod rab tu thob cing / chos kyi 'byung gnas dang rigs kyi tshul dang ldan pa'i chos smra bar gyur cig/ sems can thams cad chos kyi mdzod rnam par phye ba'i ye shes dang ldan zhing dbye ba med pa dang / gnas pa med pa'i chos la gnas pa rab tu thob pa'i chos smra bar gyur cig/ sems can thams cad de bzhin gshegs pas shin tu bstan pa'i pha rol tu phyin pa'i ye shes dang ldan zhing dbye ba med pa dang / gnas pa med pa'i chos la gnas pa rab tu thob pa'i chos smra bar gyur cig/ sems can thams cad yon tan dang bsngags pa mu med cing zad mi shes pa dang ldan te/ chos thams cad khong du chud pa'i chos smra bar gyur cig/ sems can thams cad bden pa'i mtha'i tshul gyis rjes su zhugs pas 'gro ba thams cad la mi slu ba'i chos smra bar gyur cig/ sems can thams cad bdud kyi las thams cad khong du chud pa'i ye shes dang ldan zhing bdud thams cad rnam par 'thor ba'i chos smra bar gyur cig/ sems can thams cad bdag gi med pa dang / yongs su 'dzin pa med pa'i sems dang ldan zhing sangs rgyas thams cad kyis yongs su bzung ba'i chos smra bar gyur cig/ sems can thams cad byang chub sems dpa'i chos kyi stobs kyis smon lam rab tu thob cing / 'gro ba thams cad bde bar
- 37b
byed pa'i chos smra bar gyur cig/ de yang 'di ltar yongs su mA na// nyams pa med pa'i las kyis yongs su snga'o// nyams pa med pa'i rnam par smin pas yongs su sngo'o/ / nyams pa med pa'i sems kyis yongs su sngo'o// nyams pa med pa'i chos la yongs su snga'o// nyams pa med pa'i dngos po la yongs su sngo'o// nyams pa med pa'i rgyu rnams kyis yongs su snga'o/ / nyams pa med pa'i chos kyi lam gyis yongs su snga'o// nyams pa med pa'i ming mang po dang / tshig mang po dang / yi ge mang po'i phyir yongs su sngo'o/ / nyams pa med pa'i yongs su sngo ba'i phyir yongs su snga'o// nyams pa med pa'i sems can gyi don bya ba'i phyir yongs su sngo ste// de ltar byang chub sems dpa' dge ba'i rtsa ba de dag yongs su sngo yang gzugs kyi tshul la chags shing yongs su mi sngo'o/ / 'dod pa la gnas pa'i sgra'i don la yongs su mi sngaru// dri'i phyir yongs su mi sngo'o// ro'i phyir yongs su mi snga'o/ / reg bya'i phyir yongs su mi sngo'o// 'dod pa la gnas pa'i chos rnams kyi phyir yang yongs su mi sngo'o// mtho ris su skye ba'i phyir yang yongs su mi sngo'o// 'dod pa spyad pa'i phyir yang yongs su mi sngo'o/ / 'dod pa'i yul la chags pas kyang yongs su mi snga'o// g.yog 'khor gyi phyir yongs su mi snga'o// dbang phyug don du gnyer bar yongs su mi sngo'o// 'khor
- 38a
pa'i dga' ba'i don du yongs su mi sngo'o/ / 'chi 'pho dang skye ba la gnas shing yongs su mi sngag/ dngos po la mngon par mos shing yongs su mi sngal/ 'dod pa dang ldan par bya ba'i bsam pas yongs su mi sngo'o// kun gzhi la mos pas yongs su mi sngo'o// bstan pa'i sems kyis yongs su mi sngo'o// dge ba'i rtsa ba gzhig pa'i don du yongs su mi snga'o/ / khams gsum pa la gnas pas kyang yongs su mi sngo'o// bsam gtan dang / rnam par thar pa dang / ting nge 'dzin dang / snyoms par 'jug pa'i ro la chags pas kyang yongs su mi snga'o/ / nyan thos dang rang sangs rgyas kyi theg pa la gnas shing yang yongs su mi snga'o// 'di ltar 'gro ba thams cad yongs su smin par bya ba dang / gdul ba'i don du thams cad mkhyen pa'i ye shes rdzogs par bya ba'i phyir yongs su sngo'o// chags pa med pa'i ye shes la 'jug pa'i phyir yongs su snga'o// bsgrib pa med pa'i dge ba'i rtsa ba rnam par dag par bya ba'i phyir yongs su sngo'o/ / 'gro ba thams cad 'khor ba nas rab tu gdon pa'i ye shes chen po khong du chud par bya ba'i phyir yongs su sngo'o// byang chub tu sems bskyed pa rdo rje lta bu dang / bsam pa brtan pa yongs su rdzogs par bya ba'i phyir yongs su snga'o// yun du 'chi ba med pa'i chos bsgrub pa'i phyir yongs su sngo'o// sangs
- 38b
rgyas kyi rigs kyis brgyan pa'i rgyan du ma dang thams cad mkhyen pa'i spyod pas rnam par 'phrul pa yang dag par bstan pa'i phyir yongs su sngo'o/ / chos snang ba thams cad kyi ye shes kyi rdzu 'phrul gyis byang chub sems dpa'i rnam par 'phrul pa grub par bya ba'i phyir yongs su snga'o/ / chos kyi dbyings kyis klas pa nam mkha'i mthas gtugs pa'i zhing thams cad du byang chub sems dpa' kun tu bzang po'i spyod pa'i gzhi yongs su rdzogs pa thob cing phyir mi ldog pa dang / rdo rje lta bu go cha don yod pas sems can thams cad kun tu bzang po'i sa la rab tu dgod pa la gnas shing yongs su sngo'o/ / phyi ma'i mtha'i bskal pa'i mur thug par sems can thams cad rab tu dgrol bar bya ba rgyun mi 'chad pa dang / sangs rgyas kyis bsgribs pa med pa thams cad 'jig rten du yang dag par bstan pa'i spyod pa rgyun mi 'chad pa la rab tu gnas par bya ba'i phyir nye bar gnas shing yongs su sngo'o/ / de de ltar yongs su snga yang rang bzhin dang mnyam pa'i sems kyis yongs su snga'o/ / chos nyid dang mnyam pa'i sems kyis yongs su sngo'o// 'gro ba tshad med pa thams cad dang mnyam pa'i sems kyis yongs su snga'o/ / nyon mongs pa med pa dang mnyam pa'i sems kyis yongs su snga'o// byed pa med pa'i rang bzhin dang mnyam pa'i sems kyis yongs su sngo'o//
- 39a
chas 'khrugs pa sad pa yongs su gas pa sems ts+tshas yangs su sdug/ dus gsum sarnam pa cad du zhugs par khams kyis yangs su sdug// 'angs/ pa dang / ma byon pa dang / nga ltar byung ba'i de bzhin gshegs pa'i rigs su byung ba'i sems kyis yongs su snga'o// mngon par shes pa ma nyams pa thob pa'i sems rgyas sangs su swA'o/ / thams cad mi ldan pa'i spyad pa la grub pa'i sems kyis yangs su sngal/ sems can thams cad sems can dmyal ba ras @# phyi yangs su / sems canathams cad tu thos na sbyi gnas su ma shod pan phyir yongs su stsal/ sems cam thams 'i 'jig rnamamag dpag pa'i phyi sangs su ldan/ sems can mas cang kyi sgrib pa'i chas thams cad yangs su la// 'thab thams cad kyi sems las shes bye yangs su sa/ ras kyil mal dus la ba par 'al pas dga' bar bya ba phyis yongs su sul// thams bcu'i la sems can thams cad bzung ba'i byor mdzes su san/ byang chub sems dpa'i chos dang / sman lam mapa' dang 'bum med pazab par byaba'am
- 39b
par dag pa'i chos can du bya ba'i phyir yongs su sngo'o/ / byang chub kyi sems cad shes bsgom pa yongs su rdzogs par bya bas dge ba'i bshes gnyen grangs med pa thams cad dga' bar bya ba'i sems kyis yongs su sngo'o/ / sangs rgyas kyi chos zab mo la gnas par bya ba'i lhag pa'i bsam pas sangs rgyas kyi chos thams cad yang dag par gzung zhing / ye shes kyi snang ba shin tu 'phags par bya ba'i phyir yongs su sngo'o/ / byang chub sems dpa'i spyod pa la bsgribs pa med par mngon sum du 'gyur bar bya ba'i phyir yongs su snga'o// sangs rgyas thams cad mngon du lta ba mngon par mos pas yongs su sngo'o// chos snang ba thams cad la mngon par mos pas yongs su sngo'o// dogs pa med pa'i byang chub kyi sems kyis 'jigs pa med pa la mngon par zlo bas yongs su sngo'o/ / byang chub sems dpa'i gnas bsam gyis mi khyab pa'i ye shes la mngon par mos pas yongs su sngo'o// sems can thams cad snying rje chen po rnam par dag pas yongs su bskyab pa la mngon par mos pas yongs su sngo'o// sangs rgyas kyi zhing mtha' dag ma lus pa lhag ma med pa thams cad rnam par dag par bya ba dang / brjod du med pa'i rgyan sna tshogs kyis thams cad brgyan par mngon par mos pas yongs su sngo'o// bdud kyi las
- 40a
dang / bdud kyi zhags pa dang / bdud kyi dkrugs pa thams cad rnam par gtor ba dang / rab tu gzhom pa mngon par mos pas yongs su rdza// sangs rgyas kyi zhing thams cad du gnas med par byang chub sems dpa'i spyod pa la gnas par mngon par mos pas yongs su sngo'o// thams cad mkhyen pa'i sems rgya chen pos sa rgyas thams cad kyi chos kyi rgyud la 'jug par mngon par mos pas yongs su snga'o/ / dran pa rnam par sbyangs pas yongs su snga'o// blo gros rnam par nges pas yongs su snga'o// sadra rgyas kyi chos thams cad rig pas shin tu 'dzin pa'i mngon par shes pas yongs su sngo'o/ / blo mtha' dang dbus med cing chags pa med pas yongs su snga'o// lhag pa'i bsam pa rnam par dag pas yongs su sngo'o/ / 'gro ba thams cad la byams pa chen po spyod pas yongs su snga'o// snying rje chen po la rab tu brtson pa'i sems kyis yongs su sngo'o// dga' ba'i sems kyi yongs su sngo'o/ / btang snyoms kyis gnyis la chags pa dang bral ba'i dge ba'i rtsa ba la dbang sgyur bar gnas pas yongs su sngo'o// rten cing 'brel te 'byung ba'i chos bsngags pa'i lam rab tu dbye bas chos rnam par dbye ba la zhugs pa dang / chos nyid la nges par gzhog pa'i yid dang sems kyis yongs su snga'o// dpa' ba'i rgyal mtshan gyi sems kyis yongs su snga'o//
- 40b
gzhan gyis mi thub pa'i rgyal mtshan dang ldan pa'i mdzod kyi sems kyis yongs su snga'o// bdud kyi dkyil 'khor thams cad rnam par gtor ba'i sems kyis yongs su sngal// rnam par dag pa dang chags pa med pa thams cad rab tu 'thob par bya ba'i sems kyis yongs su sngo'o/ / byang chub sems dpa'i spyod pa thams cad spyad pa las phyir mi ldog par bya ba'i sems kyis yongs su sngo'o/ / chos dam pa dang / rab dang / phul la mngon par mos pa'i sems kyis yongs su bsngo'o// yon tan gyi chos thams cad la dbang sgyur ba'i ye shes kyis khyad par du 'phags pa'i thams cad mkhyen pa lams shing dang ba'i sems kyis yongs su bsdu'o/ / bsam pa thams cad yongs su rdzogs par bya ba dang / 'dud kyi dkrugs pa thams cad rab tu gzhig pa dang / chags pa med cing dri ma med pa'i chos kyi go 'phang 'thob pa dang / sangs rgyas kyi mangs 'gro ba thams cad la chos kyi 'khor lo bskor ba las phyir ldog pa'i sems kyis yongs su bsngo'o/ / de bzhin gshegs pa'i chos kyi ye shes kyi nyi ma rab dang phul khyad par du 'phags pa'i 'od zer brgya stong gis brgyan pa'i chos kyi dbyings kyi ye shes chen po'i snang ba 'gro ba thams cad du rab tu dgye ba'i sems kyis yongs su bsngo'o/ / 'gro ba thams cad yongs su smin par bya zhing gdul ba dang / bsam pa ji lta ba bzhin du sems kyi rgyud
- 41a
shin tu tshim par bya ba dang / sngon gyi smon lam chen po nub pa med pas phyi ma'i mtha'i mur spyod pa chen po'i rgyud rgyun mi 'chad cing rnam par dag pa dang / snang ba dri ma med pas rgyags pa dang / dregs pa dang / nga rgyal shin tu gcad pa dang / 'gro ba thams cad kyi nyan mongs pa rnam par gtor ba'o'o// sred pa'i dra ba yang dag par gtug pa dang / ma rig pa'i mun pa thibs po bsal ba dang / bsgribs pa med cing dri ma dang bral la chags pa med pa'i chos kyi lo shin tu legs pa dang / 'gro ba thams cad du bskal pa'i grangs rnam par 'chad pa med pas thams cad mkhyen pa'i ye shes rnam par 'tshang rgya ba dang / spyod pa'i rgyud las phyir mi ldog pas sems can gyi tshogs so so chags pa med pa'i ye shes rab dam pa mchog rnam par 'tshang rgya bar bya ba dang / sems can thams cad re re las sangs rgyas kyi sku shin tu bstan pa'i rnam par 'phrul pa las phyir mi ldog par bya ba'i phyir yongs su bsdu'o/ / de ltar byang chub sems dpa' dge ba'i rtsa ba de dag yongs su snga yang 'dod pa'i yul dang / khams gsum pa la gnas shing yongs su mi snga ste/ de tso'i phyir zhe na/ 'di ltar byang chub sems dpas ni dge ba'i rtsa ba rnams 'dod ma chags pas yongs su bsngo bar bya'o// byang chub sems dpas ni dge ba'i rtsa ba rnams zhe mi sdang bas yongs su bsngo bar
- 41b
bya'o/ / byang chub sems dpas ni dge ba'i rtsa ba rnams gti mug med pas yongs su bsdu bar bya'o// byang chub sems dpas mi dge ba'i rtsa ba rnams gnod pa med pas yongs su bsdu bya'o/ / byang chub sems dpas ni dge ba'i rtsa ba rnams nga rgyal med pas yongs su bsngo bar bya'o// byang chub sems dpas ni dge ba'i rtsa ba rnams g.yo med pas yongs su bsngo bar byan byang chub sems dpas ni dge ba'i rtsa ba rnams drang pos yongs su bsngo bar bya'o/ / byang chub sems dpas ni dge ba'i rtsa ba rnams rigs pas yongs su bsngo bar bya'o// byang chub sems dpas ni dge ba'i rtsa ba rnams mngon par brtson pas yongs su bsngo bar bya ste/ de de ltar yongs su bsngo bas sems rab tu dang ba 'thob bo// byang chub sems dpa'i spyod pa la go/ skabs dbye ba 'thob bo// byang chub sems dpa'i lam rnam par dag par 'gyur ro// de bzhin gshegs pa'i rigs su 'jug par 'gyur ro// sangs rgyas kyi ya shes rab tu 'grub par 'gyur ro/ / 'jig rten gyi nyes pa thams cad rab tu spong ngo // bdud kyi las thams cad rab tu spong ngo // dge ba'i bshes gnyen thams cad rab tu dga' bar byed do// bdag gi smon lam chen po yongs su rdzogs par byed do// sems can thams cad gnyer ba chen pos shin tu 'bod pa yin no// gzhan yang byang chub sems dpa'
- 42a
sems dpa' can sa cham spyan pa la sogs pa'i dge pa'i rtsa bar dag 'di snyam yangs su m+b+ha s+t+wa~M/ dge pa'i rtsa ba 'dis sems can bams cad kyis nas kya rnam par dag pa zab par gyur ci/ / sems can thams cad kyis dbyangs snyan pa dang / sa shes kyi rnga'i dbyangs dang / thams cad du bsam gyis mi khyab cing phags pa'i byangs yid du 'ong ba'i dbyangs dang / dag pa'i dbyangs dang / zhing thams cad du rgyas par 'gengs pa'i dbyangs dang / yon tan bye ba brgya stong brjod du med pa'i rgyan gyis brgyan pa'i dbyangs dang / sgra bzla za dang sgra che bas rnam par 'khrug pa thams cad rab tu zhi bar byed pa'i dbyangs dang / chos kyi dbyings thams cad sgras rgyas par 'gengs pa'i dbyangs dang / 'gro ba thams cad kyis ngag mnyan pa'i dbyangs rab tu thob par gyur cig/ sems can thams cad kyis sgra dang dbyangs mtha' yas pa'i ye shes rab tu zab par gyur cig/ sgra dang dbyangs thams cad rnam par dag pa rab tu thob par gyur cig/ dbyangs tshad med pa dang / tshig gi lam thams cad shes pa rab tu thob par gyur cig/ dbyangs la dbang sgyur ba zil gyis mi nan ba'i dbyangs thams cad la rab tu 'jug pa'i ye shes rab tu thob par gyur cig/ dbyangs thams cad kyis brgyan pa'i dbyangs kyi yan lag rnam par dag pa'i dbyangs rab tu thob par gyur cig
- 42b
sems can thams cad 'gro ba thams cad kyis mnyan na mi ngoms pa'i dbyangs rab tu thob par gyur cig/ sems can thams cad kyis 'gro ba kun mas par nyan pa'i dbyangs kyi pha rol tu phyin pa thob par gyur cig/ sems can thams cad dad par byed pa'i dbyangs dang ldan par gyur cig/ sems can thams cad sangs rgyas kyi dbyangs su rjod pas smras pa'i sems rnam par dag pa rab tu thob par gyur cig/ sems can thams cad sangs rgyas kyi chos thams cad rnam par sgrog pa'i sgra rab rib med pa'i dbyangs kyis smra bar gyur cig/ sems can thams cad chos thams cad kyi gzungs kyi rgyan gyis chos thams cad rnam pa du mar ston pa dang / chos kyi dbyings tshad med pa'i 'khor gyi dkyil 'khor thob pa dang / bsam gyis mi khyab pa'i chos kyi rdo rje'i tshig gis yang dag par gzung ba dang / chos thams cad rjod pa rab tu dbye ba ye shes dang ldan pa dang / tshig dang yi ge brjod du med pa brjod pa'i mdzod dang ldan pa dang / chos rnam pa tha dad pa thams cad shin tu bstan pa la gzhag pa dang / gnas par bya ba dang / rgyun mi 'chad par bya ba dang / chos snang ba thams cad kyi 'od rab tu thob pa la 'jug pa dang / 'gro ba thams cad thams cad mkhyen pa nyid kyi rnam par dag pa'i mthar thug par bya ba dang / chos thams cad
- 43a
kyis yang dag par bsdus pa'i don dang / tshig dang / yi ge rnam par 'phrul pa'i dbyangs kyi byin gyi rlabs dang ldan pa dang / chags pa med pa'i dbyangs la dbang ba'i pha rol tu phyin pa thob pa dang / 'gro ba thams cad kyi shes pa'i dbyangs dang ldan par gyur cig/ dge ba'i rtsa ba 'dis sems can thams cad mi dma' ba'i dbyangs dang / bag tsha ba med pa'i dbyangs dang / 'dod chags med pa'i tshig gi dbyangs dang / ngag snyan pa'i dbyangs dang / 'khor gyi dkyil 'khor thams cad mngon par dga' bar byed pa'i dbyangs dang / sangs rgyas kyi chos / thams cad rjod pa'i dbyangs dang / 'gro ba thams cad kyi the tsom gcod cing khong du chud par byed pa'i dbyangs dang / spobs pas legs par sbyar ba'i dbyangs dang / sems can gnyis kyis log pa thams cad sad par byed pa'i dbyangs dam pa yangs pa dang ldan par gyur cig/ ces de ltar byang chub sems dpa' sems dpa' chen po dge ba'i rtsa ba de dag yongs su bsngo'o/ / // bam po bzhi bcu rtsa bzhi pa// gzhan yang byang chub sems dpa'i dge ba'i rtsa ba de dag 'di ltar yongs su sngo ste/ sems can thams cad kyi lus rnam par dag cing kha na ma tho ba med pa dang / sems can thams cad kyi bsod nams rnam par dag cing kha na ma tho ba med pa dang / sems can
- 43b
thams cad kyi mtshan rnam par dag cing kha na ma tho ba med pa dang / sems can thams cad kyi las dang rnam par smin pa rnam par dag cing kha na ma tho ba med pa dang / sems can thams cad kyi thams cad mkhyen pa'i bsam pa rnam par dag cing kha na ma tho ba med pa dang / sems can thams cad kyi byang chub kyi sems tshad med pa rnam par dag cing kha na ma tho ba med pa dang / sems can thams cad kyi dbang po'i tshul rab tu shes pa rnam par dag cing kha na ma tho ba med pa dang / sems can thams cad kyi mos pa rnam par dag cing kha na ma tho ba med pa dang / sems can thams cad kyi spyad pa chags pa med pa la brtson pa'i smon lam rnam par dag cing kha na ma tho ba med pa dang / sems can thams cad kyi dran pa dang / blo gros dang / rig pa dang / blo dang / ye shes dam po/ spobs pa rnam par dag cing kha na ma tho ba med pa'i phyir/ byang chub sems dpa' sems dpa' chen po dge ba'i rtsa ba de dag yongs su sngo ste/ sems can thams cad kyi lus rnam pa de ltar yongs su dag cing lus yongs su dag pa/ shin tu gsal ba/ rnyog pa med pa/ rnam par dang ba/ rnam par dag pa/ rdul med pa/ dri ma dang bral ba/ 'od gsal zhing dang ba/ yid du 'ong ba/ bsgribs pa med pa de la 'jig rten gyi khams thams cad gzugs brnyan gyi tshul du snang bar gyur cig/ mig yor gyi rnam par dmigs pas
- 44a
'gro ba thams cad snang bar gyur cig/ mig yor gyi gnas kyi rnam pa thams cad snang bar gyur cig/ 'di lta ste/ dper na me long gi dkyil 'khor shin tu dag pa la tshigs su mi 'gyur bar gdong du dmigs pa rnam par snang ba de lta bu'i lus yongs su dag pa sems can thams cad kyis rab tu thob par gyur cig/ sems can thams cad byang chub sems dpa'i spyod pa yang dag par ston pa dang / chos yang dag par bston pa dang / yon tan yang dag par ston pa dang / nan tan yang dag par ston pa dang / 'grub pa yang dag par ston pa dang / byang chub sems dpa'i spyod yul dang smon lam yang dag par ston pa dang / 'jig rten gyi khams gzhan na bzhugs pa'i sangs rgyas thams cad yang dag par ston pa dang / sangs rgyas thams cad kyi rnam par 'phrul pa dang cho 'phrul yang dag par ston pa dang / byang chub sems dpa'i rnam par thar pa bsam gyis mi khyab pa'i byin gyi rlabs ya ga par ston pa dang / byang chub sems dpa' kun tu bzang po'i spyod pa dang smon lam yongs su rdzogs pas thamams cad mkhyen pa yang dag par ston par gyur cig/ de ltar yongs su dag pa'i lus kyi rnam pas sems can thams cad ma lus bar yongs su bzung ste/ thams cad mkhyen pa'i bsod nams kyi sku yongs su dag pa dang ldan par gyur ci/ gzhan yang byang chub sems dpa' sems dpa' chen po chos
- 44b
kyi sbyin pas 'byung ba la sogs pa'i dge ba'i rtsa ba de dag 'di ltar yongs su sngo ste/ dge ba'i rtsa ba 'dis 'jig rten gyi khams thams cad du rjes su song ba'i lus kyis byang chub sems dpa'i spyad pa spyod par gyur cig/ 'gro ba thams cad kyis blta na don yod cing byang chub kyi sems las phyir mi ldog pa dang / sems can thams cad la mthun par gyur pas bsam pami 'khrugs pa dang / bskal pa thams cad du skyo ba med par byung bas 'jig rten gyi khams thams cad du ma 'ongs pa'i dus kyi phyi ma'i mtha'i mur thug par gnas pa dang / chos kyi dbyings tshad med par snying rje chen po rgyun mi gcod pas/ sems can thams cad la dus la bab par chos ston pa mi gtong bas dbang po yang dag pa ji lta ba bzhin du shes pa dang / dge ba'i bshes gnyen dran pa'i khongs su gtogs pa'i sems dang ldan pas sems bskyed pa gcig dang yang mi 'bral ba dang / sangs rgyas thams cad 'dod cing zhal blta ba'i sems kyis de bzhin gshegs pa yid la byed pa mi gtang ba dang / dge ba'i rtsa ba brtsams pa thams cad rjes med par mi byed cing // sems can thams cad thams cad mkhyen pa'i sems la rab tu dgod pa'i sems kyis phyir mi ldog pa'i 'khor lo thob par bya ba'i phyir/ sangs rgyas kyi chos snang ba thams cad kyis chos thams cad la lta zhing sems pa yang dag par len pas chos kyi sprin yang dag par 'dzin pa'i byin gyi rlabs kyis
- 45a
byang chub sems dpa'i spyad pa spyod par gyur cig/ sems can thams cad lnga 'jug pa dang / sing thams cad la 'jug pa dang / chos thams cad la 'jug pa dang / 'jig rten dang dus thams cad la 'jug pa dang / sems can thams cad kyi las dang rnam par smin pa shes pa la 'jug pa dang / byang chub sems dpa' thams cad kyi thabs mkhas pa'i shes la 'jug pa dang / byang chub sems dpa' thams cad kyi mngon par bsgrub pa'i ye shes la 'jug pa dang / byang chub sems dpa' thams cad kyi rnam par dag pa'i spyod yul gyi ye shes la 'jug pa dang / sangs rgyas thams cad kyi byin gyi rlabs dang khyu mchog gi mthu la 'jug pa dang / chos kyi dbyings mtha' dang dbus med pa thams cad la 'jug pa rab tu thob pa la gnas shing byang chub sems dpa'i spyad pa spyod par gyur cig ces/ de ltar byang chub sems dpa' sems dpa' chen po dge ba'i rtsa ba de dag yongs su sngo'o// gzhan yang byang chub sems dpa' sems dpa' chen po dge ba'i lam dang / chos la brtson pa dge ba'i rtsa ba de dag zhing thams cad yongs su dag par bya ba'i phyir 'di ltar yongs su sngo ste/ sangs rgyas kyi zhing gcig kyang rgyan dang lha ba lhub brjod du med pa'i yang brjod du med pa dang ldan zhing chos kyi dbyings tshad med par shin tu yangs par gyur te/ sangs rgyas kyi zhing gcig ji lta ba
- 45b
bzhin du/ sangs rgyas kyi zhing sangs rgyas kyi ye shes kyis mngon par sangs rgyas pa thams cad ma lus par de ltar rnam par dag cing 'od gsal ba dang / bzang zhing bsgribs pa med par gyur cig sangs rgyas kyi zhing gcig tu dmigs pa rnam par dag pa rnams ji ltar gzugs brnyan gyi tshul gyis yongs su snang ba de bzhin du/ sangs rgyas kyi zhing ma lus pa thams cad du'ang yongs su snang bar gyur cig/ sangs rgyas kyi zhing de dag thams cad kyang gcig gzung bas yongs su bzung ste/ chos kyi dbyings tshad med par rtogs pa'i rnam par dag pas rnam par dag par gyur cig/ 'di lta ste/ rin po che'i rgyan grangs med pa kun nas gnas par gyur cig/ gos rin po che thams cad bting zhing rin po che sna tshogs grangs med pa thams cad kyi rin po che rnam par dag pa'i gdan kun nas gnas par gyur cig/ rin po che thams cad kyi dril bu'i dra ba dang ldan zhing / rin po che'i bla re grangs med pa kun nas gnas par gyur cig/ rin po che thams cad gcig nas gcig tu brgyud pas yongs su bzung zhing / rin po che'i gdugs grangs med pa kun nas gnas par gyur cig/ nor gyi dbyig thams cad kyi char rab tu 'bab pa'i rin po che'i sprin grangs med pa kun nas gnas par gyur cig/ blta na yid du 'ong la rnam par dag pa'i rin po che'i me tog grangs med pa kun nas gnas par gyur cig/ rin po che sna tshogs
- 46a
kyis skar khung shin tu brgyan cing / rin po che thams cad kyi stegs bu grangs med pa kun nas gnas par gyur cig/ sangs rgyas kyi dbyangs yid du 'ong ba sems can thams cad kyi khams su sgrog cing rin po che'i dril bu grangs med pa kun nas gnas par gyur cig/ sangs rgyas kyi byang chub kyi yon tan gyis sems rgyas shing gsal bas rin po che'i pad+mo grangs med pa kun nas gnas par gyur cig/ rin po che thams cad kyi me tog dang ldan zhing rin po che'i shing grangs med pa kun nas gnas par gyur cig/ byang chub sems dpa' mang po'i gnas rin po che'i gtsug lag khang grangs med pa kun nas gnas par gyur cig/ sangs rgyas thams cad kyi zhing thams cad du yid du 'ong bar rgyu ba'i rin po che'i khang pa brtsegs pa grangs med pa kun nas gnas par gyur cig/ rin po che'i rgyan chen pos spras pa'i rin po che'i bags grangs med pa kun nas gnas par gyur cig/ rin po che thams cad rnam par dag pas rnam par dag pa'i rin po che'i rta babs grangs med pa kun nas gnas par gyur cig/ rin po che thams cad kyi se mo do las rab tu bkye ba'i rin po che'i 'od zer gyi sgo grangs med pa kun nas gnas par gyur cig/ rin po che sna tshogs kyis brgyan pa'i shing rta la rin po che'i zla gam grangs med pas brgyan pa kun nas gnas par gyur cig/ bsam gyis mi khyab pa'i rin po ches rnam par dag pa'i rin po che'i skar khung
- 46b
rnam pa sna tshogs grangs med pa kun nas gnas par gyur cig/ de bzhin gshegs pa'i 'phrin las kyi dge ba'i rtsa ba rab tu grub pas rin po che'i rgyan dang lngab lhub grangs med pa kun nas gnas par gyur cig/ rin po thams cad kyi rgyan dang ldan pa'i rin po che'i snying po rab tu brgyan pa grangs med pa kun nas gnas par gyur cig/ yid du 'ong ba'i rin po ches shin tu rnam par dag pa'i rin po che'i rgyan dang lhab lhub sna tshogs grangs med pa kun nas gnas par gyur cig/ chos thams cad kyi rgyu shin tu rig par 'bab pa'i rin po che'i chu klung grangs med pa kun nas gnas par gyur cig/ chos rgya mtsho thams cad dang ldan pa'i rin po che'i rgya mtsho grangs med pa kun nas gnas par gyur cig/ chos thams cad kyi me tog puN+Da ri ka rjes su sgrogs pa'i rin po che'i me tog puN+Da ri ka grangs med pa kun nas gnas par gyur cig/ ye shes kyi ri bo shin tu 'phags shing rnam par dag pa'i rin po che'i ri bo grangs med pa kun nas gnas par gyur cig/ rin po che thams cad kyi srad bu bres pa'i rin po ches mig mangs ris su rnam par phye ba grangs med pa kun nas gnas par gyur cig/ ye shes chen po'i 'od zer gyis chos kyi dbyings thams cad du snang bar byed pa'i rin po che'i 'od thogs pa med par gsal ba grangs med pa kun nas gnas par gyur cig/ yid du 'ong ba'i sgra snyan par sgrogs pa'i rin po che'i dril bu rab tu dkrol ba grangs med pa kun nas gnas par gyur cig/ byang chub kyi
- 47a
sems rin po che dang ldan pas rin po che rnam par dag pas rnam par sbyangs pa grangs med pa kun nas gnas par gyur cig/ rin po che'i kha dog bsam gyis mi khyab cing rnam par dag pa'i snam bu rin po che rab tu sbyangs pa grangs med pa kun nas gnas par gyur cig/ rin po che'i zla gam gyi rgyal mtshan gyis rnam par mdzes pa'i rin po che'i rgyal mtshan bsgreng ba grangs med pa kun nas gnas par gyur cig/ rin po che thams cad kyi ba dan gyi sprin gyi char mngon par 'bab pa'i rin po che'i ba dan grangs med pa kun nas gnas par gyur cig/ bar snang gi rgyan sna tshogs kyi snam bu rin po che'i lda ldi mngon par bres pa grangs med pa kun nas gnas par gyur cig/ rin po che sna tshogs reg na bde ba'i rin po che'i gding ba yongs su bting ba grangs med pa kun nas gnas par gyur cig/ byang chub sems dpa' thams cad yang dag par ston cing / thams cad mkhyen pa'i spyan rnam par sbyong ba'i rin po che'i klong grangs med pa kun nas gnas par gyur cig/ byang chub sems dpa'i tshogs brgya stong thams cad kyis mdzes par gyur pa'i rin po che'i se mo do rab tu sbyangs pa grangs med pa kun nas gnas par gyur cig/ gnas pa dang mi gnas pa thams cad las shin tu 'das pas rin po che'i khang pa dang / gnas grangs med pa kun nas gnas par gyur cig/ rdo rje rin po ches mdzes par gyur cig/ rin po che'i rgyan gyis rab tu btsun pa grangs med
- 47b
pa kun nas gnas par gyur cig/ grangs med par mthong ba thams cad rnam par dag cing rin po che sna tshogs kyis shin tu brgyan pa grangs med pa kun nas gnas par gyur cig/ rin po che khyad par du 'phags pa thams cad dang ldan zhing / rin po che rnam par dag pas rnam par sbyangs pa grangs med pa kun nas gnas par gyur cig/ chags pa med pa'i lus kyi tshul rnam par dag pas rin po che'i khor yug gis kun nas bskor ba grangs med pa kun nas gnas par gyur cig/ 'jig rten gyi khams thams cad du dri zhim po rjes su song zhing / rin po che'i spos grangs med pa kun nas gnas par gyur cig/ sprul pa re re zhing chos kyi dbyings kyi tshad dang mnyam pas rin po che'i 'phrul pa shin tu sprul pa grangs med pa kun nas gnas par gyur cig/ snang ba re re las snang ba thams cad ston cing / rin po che'i snang ba grangs med pa kun nas gnas par gyur cig/ chos kyi ye shes kyi 'od rnam par dag pa'i rin po che'i 'od grangs med pa kun nas gnas par gyur cig/ 'od zer re res kyang chos kyi dbyings thams cad du khyab par gyur pa'i rin po che'i 'od zer nyams pa med pa grangs med pa kun nas gnas par gyur cig/ rin po che'i 'byung gnas thams cad dang ldan pa'i rin po che'i 'byung ba grangs med pa kun nas gnas par gyur cig/ chos rin po che'i dbyig thams cad sbyin pa'i rin po che'i mdzod grangs med pa kun
- 48a
nas gnas par gyur cig/ de bzhin gshegs pa'i rgyal mtshan shin du 'phags pa'i rin po che'i dpal grangs med pa kun nas gnas par gyur cig/ ye shes bzang po chen po rnam par dag pa'i rin po che bzang po grangs med pa kun nas gnas par gyur cig/ byang chub sems dpa' thams cad kyi ting nge 'dzin la dga' zhing rtse ba'i rin po che'i bza' shing gi ra ba shin tu brgyan pa grangs med pa kun nas gnas par gyur cig/ de bzhin gshegs pa'i dbyangs kyis 'gro ba thams cad rnam par bstan pa'i rin po che'i dbyangs grangs med pa kun nas gnas par gyur cig/ rin po che thams cad kyi 'bru las chos kyi 'od zer rab tu 'byed pa'i rin po che'i gzugs grangs med pa kun nas gnas par gyur cig/ mtshan thams cad mtshan ma yin pas brgyan pa'i rin po che 'dra ba med pa grangs med pa kun nas gnas par gyur cig/ rin po che thams cad kyi rim gro byang chub sems dpa'i dga' ba skyed pa'i rin po che'i rim gro grangs med pa kun nas gnas par gyur cig/ rin po che thams cad kyis lhun legs par brtsigs pa'i rin po che las bsgrubs pa grangs med pa kun nas gnas par gyur cig/ rin po che thams cad kyis shin tu brtan par brgyan pa'i rin po che'i gnas grangs med pa kun nas gnas par gyur cig/ byang chub sems dpa'i ting nge 'dzin gzhal du med pa'i gos bde bar dgo ba rab tu thob pa'i rin po che'i gos dang ldan pa grangs med pa kun nas gnas par gyur
- 48b
cig sems bskyed ma thag tu shin du mthong ba'i gzungs rab tu thob cing chos gos dang ldan pa grangs med pa kun nas gnas par gyur cig/ las rin po che thams cad rnam par smin pa nges par rtogs shing rnam par dag pa'i rin po ches brkos ba grangs med pa kun nas gnas par gyur cig/ mthong ma thag tu chos thams cad kyi tshul shes pa'i mig rnam par dag cing nyams pa med par blta ba'i rin po che grangs med pa kun nas gnas par gyur cig/ ye shes kyi phung pos grub pa'i rin po che'i 'od kyi phung po grangs med pa kun nas gnas par gyur cig/ de bzhin gshegs pa'i seng ge'i gzims kyi nga ros rnam par dag pa'i rin po che'i mal grangs med pa kun nas gnas par gyur cig/ se shes kyi mar me yongs su grub pa'i rin po che'i mar me grangs med pa mang po kun nas gnas par gyur cig/ shing ta la gcig dang gnyis la rin po che'i srad bus mig mangs ris su bris pa shin tu rnam par dag pa'i rin po che'i shing ta la grangs med pa mang po kun nas gnas par gyur cig/ rin po che'i yal gas shin tu rnam par dag pa'i rin po che'i sdong po grangs med pa kun nas gnas par gyur cig/ rin po che sna tshogs kyi yal ga dang ldan pa'i rin po che'i shing sA la grangs med pa kun nas gnas par gyur cig/ bsam gyis mi khyab pa'i bya mang po chos kyi rgyun klog pas brgyan pa'i rin po che'i nags tshal grangs med pa kun nas gnas par
- 49a
gyur cig/ ye shes kyi sdang ba kun tu gtong ba'i rin po che'i lo ma dang ldan pa grangs med pa kun nas gnas par gyur cig/ byang chub sems dpa' bsam gyis mi khyab pa me tog gcig la gnas shing chos kyi dbyings thams cad du rgyu ba'i rin po che'i me tog dang ldan pa grangs med pa kun nas gnas par gyur cig/ thams cad mkhyen pa'i ye shes chen po las phyir mi ldog pa'i 'bras bu rab tu thob pa'i rin po che'i 'bras bu dang ldan pa grangs med pa kun nas gnas par gyur cig/ grong gi chos thams cad yongs su spangs par gnas pa'i rin po che'i grong grangs med pa kun nas gnas par gyur cig/ rin po che thams cad kyis yog pa'i sems can gyis gang zhing rin po che'i 'byung gnas grangs med pa kun nas gnas par gyur cig/ mthu bo che dpa' bo'i chos kyi go cha brtan pa bgos pas byang chub sems dpa'i sems phyir mi ldog pa dang ldan pa'i rgyal po'i gnas rin po che grangs med pa kun nas gnas par gyur cig/ sems kyi gnas thams cad las rnam par 'das pas rab tu gang ba'i rin po che'i gnas grangs med pa kun nas gnas par gyur cig/ yongs su shes pa'i gos thams cad rab tu bgo ba'i gos rin po tshechetshegrangs med pa kun nas gnas par gyur cig/ khyim med par rab tu byung ba'i byang chub sems dpas yongs su gang zhing rin po che'i 'byung gnas kyi gnas grangs med pa kun nas gnas par gyur cig/
- 49b
blta na yid du 'ong ba rin po che dang ldan pa'i mthun pa'i rin po che grangs med pa kun nas gnas par gyur cig/ bsam gyis mi khyab pa'i ye shes kyi 'od 'phro ba rab tu gtong ba'i chos kyi 'khor lo shin tu sprul pa rab tu bskor ba'i rin po che'i 'khor lo grangs med pa kun nas gnas par gyur cig/ rin po che thams cad kyi shing rnam par dag pa mig 'phrul gyi rnam pa shin tu dag pa'i rin po che'i shing grangs med pa kun nas gnas par gyur cig/ blta na bsam gyis mi khyab pa'i rin po che shin tu rnam par bkram pa'i rin po che'i sa rnam par dag pa zangs med pa kun nas gnas par gyur/ cig/ yid du 'ong ba'i dbyangs chos kyi dbyings thams cad du sgrog pa'i rin po che'i rol mo brdung ba grangs med pa kun nas gnas par gyur cig/ phyi ma'i mtha'i bskal pa'i lur byin gyi rlabs rgyun mi 'chad pa'i rin po che'i rol mo brdung ba grangs med pa kun nas gnas par gyur cig/ phyi ma'i mtha'i bskal ba'i mur byin gyi rlabs rgyun mi 'chad pa'i rin po che'i rol mo dkrol ba grangs med pa kun nas gnas par gyur cig/ chos rin po che rnams yongs su 'dzin pa'i sems can rin po che grangs med pa kun nas gnas par gyur cig/ bsod nams rin po che dang ldan pa'i lus rin po che rnam par dag pa grangs med pa kun nas gnas par gyur cig/ chos rin po che rab tu brjod pa'i rnam par dag pa'i ngag rin po che grangs med pa kun nas gnas par gyur
- 50a
cig/ thams cad mkhyen par smon pa'i bsam pa rin po che rab tu thob pa'i sems yongs su byang ba rin po che grangs med pa kun nas gnas par gyur cig/ thams cad mkhyen pa'i ye shes rin po che'i stobs rmongs pa med pa la rten pa'i dran pa rin po che yongs su dag pa grangs med pa kun nas gnas par gyur cig/ sangs rgyas thams cad kyi chos rin po che bzung ba dang yang dag par bcang ba'i byin gyi rlabs yod pa'i rig pa rin po che rnam par dag pa grangs med pa kun nas gnas par gyur cig/ sangs rgyas thams cad kyi chos kyi mdzod nges par rtogs pa'i byang chub sems dpa'i blo gros rin po che yongs su dag pa grangs med pa kun nas gnas par gyur cig/ thams cad mkhyen pa'i rin po che shin tu yangs pas rgyas par 'gengs pa'i blo rin po che tshad med ba grangs med pa kun nas gnas par gyur cig/ stobs bcu rin po che thams cad nyams pa med pa'i mig rin po che yongs su dag pa grangs med pa kun nas gnas par gyur cig/ chos kyi dbying mtha' dang dbus med pa thams cad du mnyan pa rnam par dag pa'i rna ba rin po che yongs su dag pa grangs med pa kun nas gnas par gyur cig/ mthun pa'i dri rin po che rnam par dag pa'i sna rin po che yongs su dag pa grangs med pa kun nas gnas par gyur cig/ mtha' dang dbus med pa'i tshig gi tshul thams cad rnam par ston pa'i lce yangs pa rin po che grangs med pa kun nas gnas
- 50b
par gyur cig/ 'jig rten gyi khams thams cad du thogs pa med par 'gro ba'i lus rin po che yongs su dag pa grangs med pa kun nas gnas par gyur cig/ kun du bzang po'i spyod pa dang sngon lam la brtson pa'i yid rin po che yongs su dag pa grangs med pa kun nas gnas par gyur cig/ dbyangs rin po che rnam par dag pas 'jig rten gyi khams thams cad du rgyas par 'gengs pa'i dbyangs rin po che yongs su dag pa grangs med pa kun nas gnas par gyur cig/ ye shes rin po che sngon du 'gro ba'i lus kyi las rin po che grangs med pa kun nas gnas par gyur cig/ ye shes rin po che bsgribs pa med pa la brtson pas ngag gi las rin po che yang dag par yongs su dag pa grangs med pa kun nas gnas par gyur cig/ chags pa med pa'i ye shes rin po che'i mthar thug pa'i yid kyi las rin po che yang sa shing yongs su dag pa grangs med pa kun nas gnas par gyur cig/ sangs rgyas kyi zhing de dag thams cad la sangs rgyas kyi zhing gcig dang / yul gcig dang / phyogs gcig dang / kwa'i mchog ma'i rtse mo re re zhing yang de ltar skye mched kyi ye shes rnam par dag pa'i byang chub sems dpa' tshad med pa nas/ byang chub sems dpa' brjod du med pa'i yang brjod du med pa grangs dang bgrang ba las 'das pas kun tu gang bar gyur cig/ phyogs gcig tu ji lta ba bzhin du chos kyi dbyings kyi mthas gdugs pa/ nam mkha'i dbyings kyi khongs su gtogs
- 51a
pa'i sangs rgyas kyi zhing ma lus pa thams cad kyang yongs su gang bar gyur cig/ de ltar byang chub sems dpa' dge ba'i rtsa ba de dag rin po che'i dmigs pas sangs rgyas kyi zhing yongs su dag pa'i phyir yongs su sngo'o/ / sangs rgyas kyi zhing de dag thams cad kyang / sangs rgyas kyi zhing gcig gzung bas bsdus te/ spos rnam pa sna tshogs thams cad kyi spos kyi rgyan tshad med pa kun nas gnas par cig/ gzhung de ltar rin po che ji lta ba de bzhin du spos su bsngo ba'ang khong du chud par byas te/ ye shes kyi blos chags pa med pa'i mthar thug pa'i spos kyi yid kyi las rgya chen po yongs su dag pa/ tshad med pa'i bar du kun nas gnas par gyur cig/ de bzhin du me tog sna tshogs thams cad kyi me tog gi rgyan bsam gyis mi khyab pa kun nas gnas par gyur cig ces bya ba nas/ ye shes kyi me tog chags pa med pa'i mthar thug pa'i yid kyi las me tog rgya che zhing yongs su dag pa bsam gyis mi khyab pa kun nas gnas par gyur cig/ 'phreng ba dang byug pa sna tshogs thams cad kyi 'phreng ba dang byug pa'i rgyan mtshungs pa med pa kun nas gnas par gyur cig ces bya ba nas/ ye shes kyi 'phreng ba dang byug pa chags pa med pa'i mthar thug pa'i yid kyi las kyi 'phreng ba dang byug pa'i rgyan rnam par dag pa mtshungs pa med pa'i bar du kun nas gnas par gyur cig/ phye ma dang bdug pa sna tshogs thams cad kyi bye ma
- 51b
dang bdug pa'i rgyan sa mtshams med pa kun nas gnas par gyur cig ces bya ba nas/ ye shes kyi phye ma dang bdug pa chags pa med pa'i mthar thug pa'i yid kyi las kyi phye ma dang bdug pa yongs su dag pa sa mtshams med pa'i bar du kun nas gnas par gyur cig/ gos dang chos gos sna tshogs thams cad kyi gos dang chos gos kyi rgyan mu med pa kun nas gnas par gyur cig ces bya ba nas/ ye shes kyi gos dang chos gos kyi rgyan chags pa med pa'i mthar thug pa'i yid kyi las khrel yod pa dang / ngo tsha shes pa'i gos dang / chos gos yongs su dag pa mu med pa'i bar du kun nas gnas bar gyur cig/ zhing thams cad du gdugs sna tshogs yang dag par btsugs pa'i gdugs kyi rgyan sa mtshams med pa kun nas gnas par gyur cig ces bya ba nas/ ye shes kyi gdugs kyi rgyan chags pa med pa'i mthar thug pa'i yid kyi las ye shes kyis yang dag par khyab pa yongs su dag pas mtshams med pa'i bar du kun nas gnas par gyur cig/ rgyal mtshan dang ba dan sna tshogs thams cad kyi rgyal mtshan dang ba dan gyi rgyan tshad med pa kun nas gnas par gyur cig ces bya ba nas/ ye shes kyi rgyal mtshan dang ba dan chags pa med pa'i mthar thug pa'i yid kyi las kyi ye shes kyi rgyal mtshan dang ba dan gyi rgyan yongs su dag pa tshad med pa'i bar du kun nas gnas par gyur cig/ lhab lhub sna tshogs thams cad kyi lhab lhub kyi rgyan brjod du med pa'i
- 52a
yang brjod du med pa kun nas gnas par gyur cig ces bya ba nas/ ye shes kyi lhab lhub kyi rgyan gyi mthar thug pa'i yid kyi las kyi ye shes kyi lhab lhub kyi rgyan gyis brgyan pa rnam par dag pa brjod du med pa'i yang brjod du med pa'i bar du kun nas gnas par gyur cig/ de ltar tshul de bzhin du thams cad du'ang shes par bya ste/ sangs rgyas kyi zhing de dag las sangs rgyas kyi zhing gcig gzung bas bsdus te/ nor bu rin po che sna tshogs thams cad kyi nor bu rin po che'i rgyan brjod du med pa'i yang brjod du med pa kun nas gnas par gyur cig ces bya ba nas/ nor bu rin po che thams cad kyi shing kun du bres pa'i nor bu rin po che'i gdan rnam par dag pa brjod du med pa'i yang brjod du med pa kun nas gnas par gyur cig/ de ltar tshul de bzhin du kun tu byas te dmigs pa re re zhing lan brgyar bzlas par bya'o// ye shes kyi nor bu rin po che chags pa med pa'i mthar thug pa'i yid kyi las kyi shes nor bu rin po che rnam par dag pa brjod du med pa'i yang brjod du med pa'i bar du gnas par gyur cig ces/ de ltar byang chub sems dpa' sems dpa' chen po chos kyi sbyin pa la sogs pa'i dge ba'i rtsa ba de dag dge ba'i rtsa ba thams cad kyis bsgrubs pa'i sangs rgyas kyi zhing yongs su dag par yongs su sngo'o/ / sems can thams cad yongs su dag
- 52b
pa mnyam pa nyid kyi phyir yongs su sngo'o/ / sems can thams cad mnyam pa nyid mi 'khrugs pa yongs su dag pa dang / sems can thams cad mnyam pa nyid kyi phyir/ sangs rgyas kyi chos zab mo la 'jug pa dang / sems can thams cad mnyam pa nyid kyi phyir/ bsod nams kyi stobs thub pa med pa rnam par dag pa dang / sems can thams cad mnyam pa nyid kyi phyir/ bsod nams kyi mtshan nyid rnam par dag pa zil gyis mnon pa bstan pa dang / sems can thams cad mnyam pa nyid kyi phyir/ mi zad pa'i ye shes kyi stobs kyis sems can thams cad sangs rgyas kyi chos la gzud pa dang / sems can thams cad mnyam pa nyid kyi phyir/ tshig gi rnam grangs med pa shin tu dag pa'i dbyangs dang / sems can thams cad mnyam pa nyid kyi phyir/ thogs pa med pa mig gis chos kyi dbyings kyis klas pa/ nam mkha'i mthas gdugs pa shes par bya ba dang / sems can thams cad mnyam pa nyid kyi phyir/ sngon gyi mtha'i mur thug pa'i bskal pa'i 'jig rten gyi khams 'byam klas pa thams cad rjes su dran pa rnam par dag pa dang / sems can thams cad mnyam pa nyid kyi phyir/ bsgribs pa med pa'i blo gros chen pos chos nges par rtogs pa'i mdzod dang / sems can thams cad mnyam pa nyid kyi phyir/ byang
- 53a
chub mtha' dang dbus med pas chos kyi dbyings rgyas par dgang ba la chags pa med par yang dag par gzhol ba dang / sems can thams cad mnyam pa nyid kyi phyir dge ba'i rtsa ba thams cad rgyud kyi tshul gcig tu gyur pas rnam par dbye ba med pa dang / sems can thams cad mnyam pa nyid kyi phyir/ rgyud kyi tshul gcig tu gyur pa'i lus kyi las dang / ngag gi las dang / yid kyi las yon tan thams cad kyi rgyan dang ldan pa rnam par dag pa dang / sems can thams cad mnyam pa nyid kyi phyir/ kun tu bzang po'i spyod pa rgyud kyi tshul gcig tu gyur pas 'byung ba dang / sems can thams cad mnyam pa nyid kyi phyir/ sangs rgyas kyi zhing thams cad rgyud kyi tshul gcig cing rnam par dag pa la 'jug pa dang / goms par bya ba dang / sems can thams cad mnyam pa nyid kyi phyir/ shes pa thams cad rnam par dpyad pa la 'jug pa yongs su rdzogs par bya ba dang // sems can thams cad mnyam pa nyid kyi phyir/ mi mnyam pa med par dge ba'i rtsa ba thams cad yongs su bsngo ba dang / sems can thams cad mnyam pa nyid kyi phyir/ lhag pa'i bsam pa gcig nas gcig tu brgyud pa rnam pa tha dad pas thams cad mkhyen pa'i ye shes yongs su rdzogs par bya ba dang / sems can thams cad mnyam pa nyid kyi phyir/ dkar po'i phyogs thams cad bsgrub
- 53b
cing brtan par bya ba dang / sems can thams cad mnyam pa nyid kyi phyir/ skad cig gcig gis thams cad mkhyen pa nyid du mngon par 'tshang rgya ba'i mthar thug par bya ba dang / sems can thams cad mnyam pa nyid kyi phyir/ nan tan gyi rnam pa thams cad yongs su rdzogs pa rnam par dag pa yongs su bsgrub pa'i phyir yongs sngo ste/ de ltar byang chub sems dpa' sems dpa' chen pos dge ba'i rtsa ba de dag sems can thams cad mnyam pa nyid kyi phyir yongs su bsngos nas/ chos thams cad yongs su dag par chos bstan pa'i tshul gyis chos nyid kyi stobs mnyam pa nyid yongs su rdzogs par bya ba'i phyir yongs su sngo ste/ dge ba'i rtsa ba 'dis chos rgya mtsho brjod du med pa'i yang brjod du med pa 'thob pa rnam par dag pa'i spyod pa'i byin gyi rlabs dang ldan par gyur cig ces yongs su sngo'o/ / chos rgya mtsho de dag las chos rgya mtsho re re zhing yang chos kyi dbyings tshad med pa'i ye shes kyi snang ba rnam par dag par bya ba'i phyir yongs su sngo'o/ / tshig thams cad rab tu dbye bas shin tu bstan pa mngon par bsgrub pa yang dag par bstan pa'i phyir yongs su sngo'o// chos 'byam klas pa mtha' dang dbus med pa thams cad dang chos kyi snang ba thams cad kyi ting nge 'dzin rab tu thob par bya ba'i phyir yongs su sngo'o/ / dus gsum dang mi 'gal ba'i sangs rgyas thams cad kyi spobs pa thob par bya ba'i phyir yongs su sde'o// dge
- 54a
ba'i rtsa ba de 'das pa dang / ma byon pa dang / da ltar byung ba'i sangs rgyas thams cad kyis byin gyis brlabs pa'i lus thob par bya ba'i phyir yongs su sngo'o// dge ba'i rtsa ba de sangs rgyas la dga' ba dang / chos la dga' ba dang / sems can thams cad yongs su bskyab pa'i phyir/ snying rje chen po la dga' ba las phyir mi ldog pa yongs su rdzogs par bya ba'i phyir yongs su sngo'o/ / dge ba'i rtsa ba de las kyi rnam pa bsam gyis mi khyab pa la bsgribs pa med pa'i ye shes kyis yang dag par gzhol bar bya ba dang / 'khor gyi dkyil 'khor rnam par dag pa thams cad kyi sems dang dbang po dang bar bya ba dang / dga' bar bya ba'i phyir yongs su sngo'o// dge ba'i rtsa ba de zhing gi rgyud snrel zhi dang / spyi'u tshugs su rgyu ba thams cad shin du babastan pa dang / phra ba dang / rgya che ba dang / yangs pa dang / dog pa dang / zag gru che ba sna tshogs dang / rnam par dag pa dang / kun nas nyon mongs pa thams cad du chos kyi 'khor lo rgyun mi 'chad par mnyam pa nyid du yang dag par bskor ba'i phyir yongs su rdzo'o/ / dge ba'i rtsa ba de sems bskyed pa'i skad cig re re dang / mi 'jigs pa gzhan dang gzhan tha dad pa yang dag par shes pa mi zad pas/ chos snang ba gsar pa gsar pa rab tu thob cing bstan pa dang bshad pa'i phyir yongs su sngo'o// dge ba'i rtsa ba de dge ba'i rtsa ba thams cad tshol ba la lhag pa'i bsam pa
- 54b
dang rngadabang po ma 'khrugs shing mi dma' bas/ / chos 'byam klas pa thams cad ma lus par mngon par shes pa'i ye shes dang chos kyi rdzu 'phrul thob pas/ sems can gyi 'khor gyi dkyil 'khor 'byam klas pa thams cad mngon par dga' ba dang / tshim par chos thams cad rab tu bstan pa'i phyir yong su sngo'o// dge ba'i rtsa ba chos kyi dbyings tshad med pa thams cad du song ba'i yongs su sngo ba la gnas shing 'di ltar yongs su sngo ste/ chos kyi dbyings tshad med par song ba'i lus kyi las kyis yongs su sngo'o// chos kyi dbyings tshad med par song ba'i ngag gi las kyis yongs su sngo'o// chos kyi dbyings tshad med par song ba'i yid kyi las kyis yongs su sngo'o// chos kyi dbyings tshad med par song ba'i gzugs mnyam pa nyid la gnas shing yongs su sngo'o// chos kyi dbyings tshad med par song ba'i tshor ba dang / 'du shes dang / 'du byed dang / rnam par shes pa mnyam pa nyid la gnas shing yongs su sngo'o// chos kyi dbyings tshad med par song ba'i phung po mnyam pa nyid la gnas shing yongs su sngo'o/ / chos kyi dbyings tshad med par song ba'i khams mnyam pa nyid la gnas shing yongs su sngo'o// chos kyi dbyings tshad med par song ba'i skye mched mnyam pa nyid la gnas shing yongs su sngo'o/ / chos kyi dbyings tshad med par song ba'i nang mnyam pa nyid la gnas shing yongs su sngo'o// chos kyi dbyings tshad med par song ba'i phyi rol
- 55a
mnyam pa nyid la gnas shing yongs su sngo'o/ / chos kyi dbyings tshad med par song ba'i brtsam pa mnyam pa nyid la gnas shing yongs su sngo'o// chos kyi dbyings tshad med par song ba'i bsam pa mnyam pa nyid la gnas shing yongs su sngo'o/ / chos kyi dbyings tshad med par song ba'i sbyor mnyam pa nyid la gnas shing yongs su sngo'o// chos kyi dbyings tshad med par song ba'i mos pa mnyam pa nyid la gnas shing yongs su sngo'o/ / chos kyi dbyings tshad med par song ba'i dbang po mnyam pa nyid la gnas shing yongs su sngo'o// chos kyi dbyings tshad med par song ba'i sngon gyi mtha' dang / phyi ma'i mtha' dang / da ltar byung ba mnyam pa nyid la gnas shing yongs su sngo'o// chos kyi dbyings tshad med par song ba'i las kyi rnam par smin pa mnyam pa nyid la gnas shing yongs su sngo'o/ / chos kyi dbyings tshad med par song ba'i kun nas nyon mongs pa dang / rnam par byang ba rnam par dag pa mnyam pa nyid la gnas shing yongs su sngo'o// chos kyi dbyings tshad med par song ba'i sems can thams cad mnyam pa nyid la gnas shing yongs su sngo'o/ / chos kyi dbyings tshad med par song ba'i zhing thams cad mnyam pa nyid la gnas shing yongs su sngo'o/ / chos kyi dbyings tshad med par song ba'i chos thams cad mnyam pa nyid la gnas shing yongs su sngo'o// chos kyi dbyings tshad med par song ba'i 'gro ba thams cad du snang ba mnyam pa nyid la gnas
- 55b
shing yongs su sngo'o/ / chos kyi dbyings tshad med par song ba'i byang chub sems dpa' thams cad mnyam pa nyid la gnas shing yongs su sngo'o// chos kyi dbyings tshad med par song ba'i byang chub sems dpa' sbyospyod pa dang / smon lam thams cad mnyam pa nyid la gnas shing yongs su sngo'o// chos kyi dbyings tshad med par song ba'i byang chub sems dpa'i 'byung ba thams cad mnyam pa nyid la gnas shing yongs su sngo'o/ / chos kyi dbyings tshad med par song ba'i byang chub sems dpa'i yongs su smin par bya ba dang / 'dul ba thams cad mnyam pa nyid la gnas shing yongs su sngo'o// chos kyi dbyings tshad med par song ba'i byang chub sems dpa'i 'khor thams cad mnyam pa nyid la gnas shing yongs su sngo'o/ / chos kyi dbyings tshad med par song ba'i chos thams cad mi gnyis pa'i dbyings mnyam pa nyid la gnas shing yongs su sngo'o/ / chos kyi dbyings tshad med par song ba'i de bzhin gshegs pa'i dkyil 'khor thams cad mnyam pa nyid la gnas shing yongs su sngo'o/ / de de ltar yongs su sngo bas chos kyi dbyings tshad med pa dang mnyam pa'i lus yongs su dag pa kun nas gnas par 'gyur ro// chos kyi dbyings tshad med pa dang mnyam pa'i ngag yongs su dag pa kun nas gnas par 'gyur ro/ / chos kyi dbyings tshad med pa dang mnyam pa'i sems yongs su dag pa kun na gnas par 'gyur ro// chos kyi dbyings tshad
- 56a
med pa dang mnyam pa'i byang chub sems dpa'i spyod pa dang smon lam yongs su dag pa kun nas gnas par 'gyur ro/ / chos kyi dbyings tshad med pa dang mnyam pa'i 'khor gyi dkyil 'khor yongs su dag pa kun nas gnas par 'gyur ro/ / chos kyi dbyings tshad med pa dang mnyam pa'i chos thams cad bstan pa dang brjod pas byang chub sems dpa' thams cad go bar bya ba yongs su dag pa kun nas gnas par 'gyur ro/ / chos kyi dbyings tshad med pa dang mnyam pa'i 'jig rten gyi khams thams cad ma lus par chos kyi dbyings la yang dag par gzhol ba'i tshul gyis lus 'byam klas pa rjes su 'gro bar kun nas gnas par 'gyur ro/ / chos kyi dbyings tshad med pa dang mnyam pa'i snang ba mtha' dang dbus med pa t hams cad dang mi 'jigs pa rnam par dag pa'i tshig gcig brjod pas sems can gyi khams ma lus pa thams cad kyi the tsom garjod cing sems dang dbang po dang / bsam pa khong du chud par byed pas tshim par byed pa dang / bla na med pa thams cad mkhyen pa'i stobs dang / mi 'jigs pa dang / de bzhin gshegs pa'i rnam par 'phrul pa dang / sangs rgyas kyi che ba nyid dang / ye shes la 'jug pa shin tu 'phags pa dang / chos mngon par shes pa la gnas par bya ba kun nas
- 56b
gnas par 'gyur te/ kye rgyal ba'i sras dag 'di ni byang chub sems dpa' sems dpa' chen po rnams kyi yongs su bsngo ba chos kyi dbyings tshad med pa zhes bya ba bcu pa te/ byang chub sems dpa' sems dpa' chen po'i chos sbyin pa la sogs pa'i dge ba'i rtsa ba thams cad bsngo ba des yongs su bsngos na/ byang chub sems dpa' kun du bzang po'i spyod pa dang smon lam mtha' dang dbus med pa yongs su rdzogs pa 'thob par 'gyur ro/ / 'jig rten gyi khams thams cad kyi sangs rgyas kyi zhing chos kyi dbyings kyis klas pa nam mkha'i mthas gtugs pa thams cad yongs su dag pa 'thob par 'gyur ro/ / sems can thams cad kyis kyang rab tu thob par bya ba la brtson par byed par 'gyur ro// chos thams cad la 'jug pa'i ye shes mtha' dang dbus med pa thams cad yongs su 'grub par 'gyur ro/ / sems bskyed pa mtha' dang dbus med pa thams cad kyi skad cig re re la sangs rgya skyed pa thams cad mthong pa rab tu 'thob cing khong du chud par 'gyur ro/ / de bzhin gshegs pa thams cad kyi rnam par 'phrul pa dang // rgya chen po'i rnam par 'phrul pa dang / bsgribs pa med pa'i rnam par 'phrul pa dang bsam gyis mi khyab pa'i rnam par 'phrul pa dang / 'gro ba thams cad rnam par dag par byed pa'i rnam par 'phrul pa dang / 'jig rten gyi khams thams cad byin gyis rlob cing brtan
- 57a
par byed pa'i rnam par 'phrul pa dang / shin tu bstan pa brjod du med pa'i rnam par 'phrul pa dang / dus thams cad du rnam par 'phrul pa'i mngon par shes pa dang / ye shes dang phyir mi ldog pa'i byin gyi rlabs kyis chos kyi dbyings mtha' dang dbus med pa thams cad ma lus par rgyas par 'gengs pa la 'jug cing khong du chud par 'gyur ro// kun tu bzang po'i mig mtha' dang dbus med pa mngon par bsgrubs pa yongs su rdzogs pa 'thob par 'a gyur ro/ / mtha' dang dbus med pa'i chos bstan pa chags pa med pa'i rna ba'i ye shes khong du chud pa yang dag par 'dzin par 'gyur ro/ / chos kyi dbyings mtha' dang dbus med pa thams cad lus kyi skyil mo krung gcig gis yongs su rgyas par byin gyis rlob kyang sems can thams cad la gnod pa med par byed par 'gyur ro/ / dus gsum mtha' dang dbus med pa thams cad la 'jug pa'i ye shes 'byam klas pa yongs su rdzogs pa 'thob cing khong du chud par 'gyur ro// blo mtha' dang dbus med pa thams cad rnam par dag pa dang / sems can thams cad rnam par dag pa dang / chos thams cad rnam par dag pa dang / skye mched yongs su shes pa'i ye shes thams cad rnam par dag pa dang / nam mkha'i dbyings mtha' dang dbus med pa thams cad la 'jug cing rgyas par 'gengs pa'i ye shes rnam par dag pa dang / sems can gyi ris dang skye gnas rnam pa sna tshogs su gyur pa thams
- 57b
cad nas byung ba'i sgra dang / smra ba dang / skad thams cad ma lus pa la mngon sum gyi ye shes rnam par dag pa dang / 'jig rten gyi khams thams cad ma lus par rnam pa mtha' yas pa'i 'od zer dang 'od kyi dkyil 'khor rab tu gtong zhing mtha' dang dbus med pa snang bar byed pa rnam par dag pa dang / / dus gsum thams cad kyi byang chub sems dpa'i spyod pa ma lus par mngon par bsgrub pa'i ye shes rnam par dag pa dang / 'das pa dang / ma byon pa dang / da ltar byung ba'i de bzhin gshegs pa'i dkyil 'khor mtha' dang dbus med pa ma lus pa thams cad la skad cig gcig tu 'jug pa'i ye shes rnam par dag pa dang / sems can thams cad kyi mngon par 'du bya ba thams cad ma lus pa la 'jug pas 'gro ba mtha' dang dbus med pa rnam par dag par bya ba rab tu 'thob par 'gyur ro/ yongs su rdzogs par byed pa dang rab tu sgrub bo// rnam par dag par byed do// mnyam par byed do// mngon sum du byed do// rab tu rtogs par byed do// khong du chud par byed do// yang dag par sems par byed do// rnam par dag pa thams cad kyi pha rol tu phyin pa thob par bya ba rjes su thob par byed do// de nas de'i tshe sangs rgyas kyi byin gyi rlabs kyis phyogs bcu'i 'jig rten du/ sangs rgyas kyi zhing brgya phrag stong gi rdul shin tu phra ba snyed kyi 'jig rten gyi khams rnam pa drug tu g.yos te/ g.yos so// rab tu g.yos so// kun
- 58a
g.yos so/ / 'gul to// rab tu 'gul to// kun tu 'gul to// ldeg go/ rab tu ldeg go/ kun tu ldeg go// chem chem/ rab tu chem chem/ kun tu chem chem mo/ / 'ur 'ur/ rab tu 'ur bu ra/ kun tu 'ur 'u ra ro// shig shig/ rab tu shig shig/ kun tu shig shig go/ sangs rgyas kyi mthu dang // chos nyid rab tu thob pas lha rdzas kyi me tog gi sprin gyi char mngon par bab bo/ / lha rdzas kyi 'phreng ba'i sprin gyi char mngon par bab bo// lha rdzas kyi phye ma'i sprin gyi char mngon par bab bo// lha rdzas kyi gos kyi char mngon par bab bo// lha rdzas kyi rin po che'i sprin gyi char mngon par bab bo/ / lha rdzas kyi lhab lhub kyi sprin gyi char mngon par bab bo// lha rdzas kyi spos kyi sprin gyi char mngon par bab bo// lha rdzas kyi nor bu rin po che'i sprin gyi char mngon par bab bo/ / lha rdzas kyi dus dang mthun pa'i tsan dan gyi sprin gyi char mngon par bab bo// lha rdzas kyi sbrul gyi snying po'i tsan dan mchog gi sprin gyi char mngon par bab bo// lha rdzas kyi gdugs dang / rgyal mtshan dang / ba dan kha dog sna tshogs kyi sprin gyi char mngon par bab bo// lha rdzas kyi lha'i lus grangs med pa'i sprin gyi char mngon par bab bo// lha rdzas kyi dbyang kyi yan lag brgya stong brjod du med pa'i tshig dang / brjod pa la rtog pa bsam gyis mi khyab pa dang ldan pa yid du 'ong bar spyod pa'i chos chen po'i sprin gyi char mngon par bab bo// lha rdzas kyi de
- 58b
bzhin gshegs pas bstod pa'i sangs rgyas bsngags pa bsam gyis mi khyab pa'i sprin gyi char mngon par bab bo/ / lha rdzas kyi legs so zhes bya ba dang / lhung lhung ldegs kyi sgra 'byin pa dang dga' bar byed pa'i dbyangs kyi sprin gyi char mngon par bab bo/ / lha rdzas kyi lha'i lus bye ba khrag khrig brgya stong grangs med cing brjod du med pas rab tu bdud do// lha yul gyi lha grangs med pa sangs rgyas rjes su dran pa la brtson par yid la byed cing / de bzhin gshegs pa la shin tu dad pa'i sems kyi rgyud dang ldan pa/ sangs rgyas kyi yon tan dang mi 'bral ba'i sems kyis mngon par gnas so/ / lha rdzas kyi rol mo brdung ba dang / dkrol ba'i sgra lha'i klu'i dbyangs kyi tshul grangs med par grag pa de bzhin gshegs pa mchod cing yid la bya ba la brtson pa rnams kyang rab tu bsgrags so/ / lha rdzas las shin tu 'das pa'i 'od zer brgya stong grangs med pas kyang 'jig rten gyi khams chos kyi dbyings kyis klas pa/ nam mkha'i mthas gtugs pa thams cad kyi sangs rgyas kyi zhing gi thag gru thams cad du rab tu snang bas khyab par byas so/ / lha rdzas las 'das pa'i sprul pa dang / sangs rgyas kyi yul grangs med pa bstan pa dang / de bzhin gshegs pa'i klu'i cho 'phrul rnams kyang yang dag par bstan par gyur to/ / gling bami pa 'di dga' ldan gyi gnas su lba'i dbang po rab dga' ldan gyi khang pa na ji lta ba de bzhin du 'jig
- 59a
rten gyi khams thams cad du'ang phyogs bcu rgyas par bkang zhing chos bstan pa 'di nyid kun tu byung ngo / / sangs rgyas kyi mthus phyogs bcu'i sangs rgyas kyi zhing bcu'i rdul shin tu phra ba snyed kyi 'jig rten gyi khams kyi pha rol dag nas kyang / sangs rgyas kyi zhing brgya stong phrag bcu'i rdul shin tu phra ba snyed kyi byang chub sems dpa' lhags nas phyogs bcu bkang ste 'di skad zer ro/ / kye rgyal ba'i sras de ltar khyod kyis yongs su bsngo ba'i chos nyid 'di bshad pa legs so legs so// kye rgyal ba'i sras bdag cag kun kyang ming rdo rje rgyal mtshan zhes bya ba sha b+ha ga ste/ 'jig rten gyi khams kyi ming rdo rje'i 'od ces bya ba dag na de bzhin gshegs pa'i mtshan rdo rje'i dpal zhes bya ba bzhugs pa dag gi drung nas 'dir phyin te/ kun na'ang sangs rgyas kyi byin gyis 'khor gyi rnam pa 'di lta bu dag na/ tshig 'di dag dang / yi ge 'di dag dang // go bar bya ba 'di dag gis dron 'di nyid lhag pa med cing chad pa med par rjod de chos 'di nyid ston to// kye rgyal ba'i sras bdag cag kyang de ltar phyogs bcu'i 'jig rten gyi khams re re'i gling bzhi pa dag gi dga' ldan gyi gnas kyi lha'i rgyal po rab dga' ldan gyi khang pa rin po che thams cad kyi rgyan ces bya bdag tu sangs rgyas kyi zhing brgya skang phrag bcu'i rdul shin tu phra ba snyed kyi byang chub sems dpa' rnams phyin pa mngon du mthong ba sha sngag sangs rgyas kyi byin gyi rlabs kyis 'khor 'dir phyin to/ /
- 59b
de nas byang chub sems dpa' rdo rje'i rgyal mtshan gyis phyogs bcur bltas te/ 'khor thams cad la bltas nas chos kyi dbyings la rnam par blta ba dang / don dang / tshig dang / yi ge la rab tu 'jug pa dang / sems bskyed pa mtha' dang dbus med par yangs pa yongs su bsgom pa dang / 'gro ba thams cad la snying rje chen po khyab par bya ba dang / dus gsum gyi sangs rgyas kyi rigs su sems yang dag par 'brel bar bya ba dang / sangs rgyas thams cad kyi yon tan la 'jug pa dang / sangs rgyas thams cad kyi byin gyis brlabs pa'i lus yang dag par bskyed pa dang / sems can thams cad kyi bsam pa yang dag par shes par bya ba dang / dge ba'i rtsa ba bskyed pa'ang ji ltar dus la bab pa la yang dag par blta ba dang / chos kyi lus kyi rjes su song ba'i gzugs kyi lus yang dag par bstan par byed cing / sangs rgyas kyi byin gyi rlabs kyis de'i tshe tshigs su bcad pa 'di dag smras so// de dag chos la rab tu mkhas gyur cing / / chos rgyud mtha' yas rnam par dag byas nas// chos kyi 'od byed chos la kha lo sgyur// chos rnams rab rtogs chags pa med pa thob// de dag chos kyi kha lo sgyur gyur te// shin tu dkon pa'i chos rnams ston byed cing / / chos kyi sgo la rab tu gzhag bya bar// sems can mtha' yas phyogs su go bar byed// de dag chos kyi gang chen mtsho 'thung zhing // chos nyid sprin char phyogs su rab tu
- 60a
'bebs/ / 'jig rten khams su chos nyid nyi shar cing // sems can phan phyir chos rnams ston pa byed// de dag shin tu dkon pa'i sbyin bdag ste// chos kyi rnam tshul shes pa rjes su thob/ / chos kyi snang bas rab tu sems gsal ba// 'jigs med 'jig rten dag tu chos rab ston// shin tu dri med chos kyi sems dang ldan// chos kyi go la de dag rab tu gnas// sgo rnams rgya mtsho de dag shin tu 'phags/ / 'jig rten dag tu chos nyid rnga yang rdung // de dag shin tu dkon pa'i chos rjod cing // chos nyid bsod nams yang dag sogs par byed// chos nyid bsam pa yongs su dag byed cing / / chos kyi gter rnams 'gro ba kun la ston// chos kyi khang par rgyal bas dbang bskur ba// chos nyid ye shes snying po'i lus dang ldan// chos kyi mtshan gzhi rtogs pa'i ye shes can// de dag chos nyid bzang po'i chos la gnas/ / rgyal ba kun gyis gang la bstod mdzad dang // rab kyi phul gyis gang zhig gnang 'gyur zhing // skyes dbang thams cad gang gis bskyed gyur pa'i// sbyin pa dam pa de dag sbyin par byed/ / de dag chos kyi lus ldan shes dang ldan// 'jig rten mkhas pas chos nyid sprul mdzad dang // chos kyi sgron ma 'gro la phan pa'i phyir// dma' ba med par mtha' yas chos ston to/ / di dag chos bzang dam pa sbyin byas nas// dge rtsa de dag rjes su sems byed cing // 'jig rten dag tu dge ba gang byas pa// de dag yongs bsngo'i shes dang ldan pa yin// rang byung thams cad
- 60b
gang gis bskyed gyur pa'i/ / dge rtsa de dag 'gro ba'i don du shes// thams cad nam phye rnam par dag gyur cig/ sangs rgyas rgyan gyi pha rol phyin par byed// zhing gi rgyan mang shin tu rgya che zhing / phyogs rnams kun tu de la tshad med pas/ / 'jig rten kun tu bsam yas rgyan ldan pa// de 'drar zhing rnams ma lus kun gyur cig/ skyes bu 'dul ba'i ye shes ji tsam pa// de 'drar sems can rnam dag ldan gyur te/ / rgyal ba'i sras po bzang po ji bzhin du// yon tan kun gyis sems brgyan ldan gyur cig/ de dag rnam 'phrul shin tu rnam yangs pa// gang gis 'jig rten ma lus rgyas gang ba/ / de yi spyod la shes rab bzang gnas par// sems can thams cad ma lus gyur par shog/ ji snyed 'jig rten ma lus gang yang rung // phyogs su rgyal ba kun gyis sangs rgyas pa// kun kyang kun tu bzang po ji bzhin du// legs spyod dam pa mchog dang ldan gyur cig/ yon tan rgyud rnams ji snyed gang yang rung // rgyal sras rnams dang rgyal bas thugs chud pa'i// yon tan gang la mtha' dang dbus med pa/ / yon tan de 'drar sems can kun gyur cig/ gang yang rdzu 'phrul stobs dang ldan pa'i rnams// 'jug pa kun la bslab pa kun bsrabs pa// rnam 'phrul thams cad yang dag ston pa'i rnams/ / phyogs rnams thams cad rgyas par 'dor gyur cig/ sems kyi skad cig gcig gis rang byung rnams// 'dren pa sem can kun dang mnyam mthong ste// chos rnams
- 61a
thams can ma lus bsku byas shing / / zla rtse gcig tu mi mgon skur gyur cig/ 'jig rten 'di na 'gro ba gang rgyu ba// gang rnams mi yi dam pas mkhyen gyur pa// de dang mnyam pa thams cad ma lus pa'i/ / 'jig rten mkhyen la mchod pa byed gyur cig/ spos kyi rgyud dang de bzhin me tog dang // gos kyi rgyud dang de bzhin gdugs rnams kyis// chos dbyings ma lus rgyas par gang byas shing / / 'jig rten kun tu yid kyis 'gengs gyur cig/ sangs rgyas mtshan gyi rnam par bsam yas pa// skra rtse gcig tu thams cad bsdu ba yis// lhag ma med par lam rnams kun bsdus shing / / 'jig rten blon la phyag 'tshal gyur par shog/ rgyal ba de dag kun la phyag 'tshal te// thams cad lus kyi tshul gyis 'dud byed cing // phyogs rnams kun tu rgyal ba kun ston pas/ / phyi ma'i bskal kun zad par byed gyur cig/ sems can snyed kyi yid kyi rnam pa yis// rgyal ba gcig la'ang mchod pa byed gyur cig/ ji ltar rgyal ba gcig mchod de bzhin du/ / skyes dbang ma lus kun la'ang mchod gyur cig/ de dag mchod pa'i yon tan rjod byed pas// 'gro ba kun tu bskal par zad gyur kyang // skyes bu 'dul ba dpe zla med pa yi/ / rgyal ba mchod pa'i mthar thug med gyur cig/ 'gro ba kun na bskal mang ji snyed pa// de snyed bskal par spyad pa spyod byed cing // rgyal ba gcig la rim gro bya bas kyang // bskal pa thams cad
- 61b
ma lus zad gyur cig/ rgyal ba gcig la ji tsam brjod gyur pa// rgyal ba kun la'ang bskal pa de snyed de// bskal pa'i grangs kyi mthar thugs gyur cig/ rgyal ba'i spyod pas skyo ba med gyur cig/ ji ltar chos dbyings rnam par dag pa dang // ji tsam rgya chen yongs su mtha' yas pa// de snyed rgya chen me tog bzang po'i rnams// thub mang sems can snyed la 'bul gyur cig/ dri zhim ldan pa'i de bzhin phye na dag/ gtsang zhing rnam dag rnam pa sna tshogs la// 'gro ba kun na dpe zla dmigs med pa// de 'dras rgyal ba mchod pa byed gyur cig/ zhing rnams du ma sems can mnyam pa yi nga rgyal ba gcig la gdugs rnams 'bul byed cing / / rgyal ba kun la'ang de bzhin dgab bya bas// rgyal ba rnams la gdugs mchod byed gyur cig/ byug pa dam pa mchog tu gyur pa rnams/ / 'gro ba 'di na gang la dpe med pa// de yis sangs rgyas mchod byed spyod pa yis// bskal mang sems can mnyam pa zad gyur cig/ de bzhin byug dang spos kyi phye ma dang // me tog bdug pa na bza' thos rnams dang / / rin chen lhab lbub mchod pa mtha' yas pa'i// rim gro skyo ba med par byed gyur cig/ 'jig rten sbron pa sems can mnyam pa dag/ skad cig re rer byang chub 'tshang rgya ba/ / de dag yon tan mtha' yis rjod byed cing // skyes bu 'dul la mchod pa byed gyur cig/ sems can mnyam pa'i 'jig rten mkhyen pa la// sems can
- 62a
mnyam pa'i bskal pa bgrang byas shing / / blo mchog ldan pa mchod pa byed pa ni// rgyal bas bshad kyang zad par ma gyur cig/ rgyal ba rnams la 'di 'dra'i mchod byed cing // sangs rgyas rnam 'phrul kun du bgengs byed pas// bzang dang ldan pa'i spyod la gnas bcas shing // sangs rgyas ma lus thams cad mthong gyur cig/ 'gro kun dge ba ji snyed yod pa dang / byas dang byed 'gyur de bzhin byed pa dag/ bzang po ci bzhin de 'dra'i sa dag la// kun kyang kun nas bzang por red gyur cig/ 'jig rten thams cad ma lus sems can rnams// ji snyed rgyal ba kun gyis thugs chud pa/ / kun kyang mkhas pa kun gyis bsngags pa yi// kun tu bzang po de bzhin 'gyur bar shog/ phyogs rnams ma lus kun du ci byas pa// skyes bu dam pa de ltar yongs su bsngo/ rdo rje'i rgyal mtshan rgyal bas gang gsung ba// yongs bsngo dam pa mchog dang phul yang yin// de bzhin zhing rnams thams cad ma lus par// rgyu bzhin kun kyang khong du chud bya ste// sems can ji snyed thams cad ma lus pa/ / de dag kun kyang kun tu bzang gyur cig/ sbyin pas yongs bsngo ji bzhin re gyur cig/ tshul khrims kyis kyang bsngo bzhin red gyur cig/ brtson 'grus stobs kyis bskal par mi ldog cing / / bzod pas 'khrug pa med pa'i yid gyur cig/ bsam gtan gyis kyang rtse gcig yid ldan zhing // ting 'dzin kun gyi spyod yul shes gyur cig/
- 62b
shes rab dus rnams gsum po thams cad du// 'jig rten dag tu mthar dmigs med gyur cig/ lus dang ngag dang yid rnams thams cad kyang // rnam pa kun tu rnam dag mkhas gyur cig/ spyod pa de dag thams cad ma lus par// kun kyang kun tu bzang por red gyur cig/ ji ltar chos dbyings rlom pa'i sems med cing // de la spos dang chags pa med pa dang // mya ngan 'da' dang bsgribs pa med pa ltar/ / de bzhin sems la rlom sems med gyur cig/ chos mkhas yongs su bsngo ba gang brjod pa// de ni rgyal bas gsungs pa'i bsngo ba ste// mkhas pa'i spyod pa ci nas 'grub 'gyur bar/ / dge ba yangs pa de yis yongs su bsngo// rgyal ba'i sras kyis 'di la bslab bya ste// ji snyed gang yod thams cad ma lus par// khams rnams kun kyang yongs su bsdu byas te/ / ci nas bde gshegs stobs la 'jug par bsngo// yangs pa ji snyed rgyal bas gsungs pa dang // kun tu bzang zhes gang la gdags pa yi// rgyal ba'i sras rnams gang la gnas gyur pa'i/ / spyod pa dam pa de dag su 'dod pas// sems can ma lus thams cad bgrang bar nus// dus gsum sems kyang ma lus kun bgrang nus// gang la kun tu bzang por ming gdags pa/ / rgyal gros de yi yon tan mtha' med do// nam mkha' spu rtses bgrang bar nus kyang srid// zhing rnams kun gyi rdul kyang bgrang bar rung // gang la rgyal sras drang srong che gnas pa'i//
- 63a
spyod pa de dag bzung bar mi nus so// chos kyi dbyings tshad med pa zhes bya ba ste/ yongs su bsngo ba bcu pa'o// shin tu rgyas pa chen po'i mdo sangs rgyas phal po che zhes bya ba las/ rdo rje chum mtshan gyis yongs su bsngo ba'i le'u ste sum cu ba'o// / bam po bzhi bcu rtsa lbu ba/ de nas bcom ldan 'das lha'i rgyal po dbang sgyur gyi gnas kyi nor bu rin po che dam pa'i khang pa na/ byang chub sems dpa'i dge 'dun chen po thams cad kyang bla na med pa yang dag par rdzogs pa'i byang chub las phyir mi ldog pa 'jig rten gyi khams gzhan dang gzhan nas 'dus pa sha stag kun kyang / byang chub sems dpa'i ye shes kyi yul dang spyod yul thams cad rab tu thob pas gnas pa/ de bzhin gshegs pa thams cad kyi ye shes kyi yul la 'jug cing gzhol ba'i spyod yul ma gtang ba/ / 'gro ba thams cad yongs su smin par bya ba dang / gdul bar bya ba'i dus bzhin du thogs pa med pa'i byin gyi rlabs rnam pa tha dad pas bya ba thams cad yang dag par ston pa la mkhas pa/ byang chub sems dpa'i smon lam thams cad mngon par bsgrub cing bskul ba dang / zhing dang / dus su spyod pa la gnas pa'i rgyun mi gcod pa/ byang chub sems dpa'i bsod nams dang / ye shes dang / rdzu 'phrul gyi tshogs yongs su rdzogs shing 'gro ba thams cad nye bar 'tsho ba mi zad pa la
- 63b
rab tu zhugs pa/ byang chub sems dpa'i shes rab dang / thabs thams cad kyi pha rol tu phyin pa dam pa thob pa/ byang chub sems dpa'i spyod pas 'khor ba dang / mya ngan las 'das pa'i sgo yang dag par bstan cing shin tu bsgrub pa'i rgyun mi gcod pa/ byang chub sems dpa' bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / rig pa dang / ye shes la rnam par rol pa'i mngon par shes pas bya ba thams cad yang dag par ston pa la mkhas pa/ byang chub sems dpa'i rdzu 'phrul dang / stobs dang / dbang thams cad thob cing mngon par 'du bya ba med pa'i sems skad cig gis/ de bzhin gshegs pa thams cad kyi 'khor gyi dkyil 'khor du 'dong ba la sngon du 'dren pa'i gtam gyi skyes bu dam pa/ de bzhin gshegs pa thams cad kyi chos kyi 'khor lo yang dag par gzung ba dang / sangs rgyas la mchod pa dang / rim gro rgya chen po bya ba'i don du mngon par brtson pa/ byang chub sems dpa'i las thams cad yang dag par blang ba mnyam pa nyid kyis sbyor bas/ 'jig rten gyi khams thams cad du lus kyi gzugs brnyan rab tu 'byung ba/ chos kyi dbyings thams cad du chags pa med pa'i dbyangs rab tu sgrog pas/ dus gsum thams cad du chags pa med pa'i sems dang ye shes kyi yul rgyas par 'gengs pa
- 64a
byang chub sams dpa'i yon tan dang / / nan tan yongs su rdzogs pa thams cad bskal pa brjod du med par rgyar mi 'chad par yang dag par bstan pa la yon tan bsdug+sas shing / brjod pa zad mi shes pa sha stag ste/ 'di ltar byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rin po che'i snying po dang / byang chub sems dpa' sems dpa' chen po pad+mo'i snying po dang / byang chub sems dpa' sems dpa' chen po dpal gyi snying po dang / byang chub sems dpa' sems dpa' chen po badz+re dpal gyi snying po dang / byang chub sems dpa' sems dpa' chen po nyi ma'i snying po dang / byang chub sems dpa' sems dpa' chen po gtsang ma'i snying po dang / byang chub sems dpa' sems dpa' chen po sa'i snying po dang / byang chub sems dpa' sems dpa' chen po zla ba dri ma med pa'i snying po dang / byang chub sems dpa' sems dpa' chen po rgyan rnam par dgod pa thams cad rab tu snang bar ston pa'i snying po dang / byang chub sems dpa' sems dpa' chen po ye shes rnam par snang ba'i snying po dang / byang chub sems dpa' sems dpa' chen po dpal yid du 'ong ba'i snying po dang / byang chub sems dpa' sems dpa' chen po tsan dan dpal gyi snying po dang / byang chub sems dpa' sems dpa' chen po me tog dpal gyi snying po dang / byang chub sems dpa' sems dpa' chen po me tog rgyas pa'i
- 64b
dpal gyi snying po dang / byang chub sems dpa' sems dpa' chen po pa la lha'i snying po dang / byang chub sems dpa' sems dpa' chen po bsod nams dpal gyi ring po dang / byang chub sems dpa' sems dpa' chen po bsgribs pa med pa'i ye shes rnam par dag pa dpal gyi snying po dang / byang chub sems dpa' sems dpa' chen po yon tan dpal gyi snying po dang / byang chub sems dpa' sems dpa' chen po mthu chen dpal gyi snying po dang / byang chub sems dpa' sems dpa' chen po dri ma med pa'i snying po dang / byang chub sems dpa' sems dpa' chen po dri ma dang bral ba'i snying po dang / byang chub sems dpa' sems dpa' chen po spobs pa sna tshogs kyi rgyan gyi snying po dang / byang chub sems dpa' sems dpa' chen po 'od zer gyi dra ba chen po rab tu snang ba'i snying po dang / byang chub sems dpa' sems dpa' chen po 'od dri ma med pa'i dpal gyi gzi brjid bzang po'i snying po dang / byang chub sems dpa' sems dpa' chen po gser bzang po dri ma med pa'i dbyig gis smras pa'i gzi brjid mdzes pa'i snying po dang / byang chub sems dpa' sems dpa' chen po mtshan thams cad kyis brgyan pas rnam par dag pa'i dpal gyi snying po dang / byang chub sems dpa' sems dpa' chen po dpal gyi be'u rdo rje 'od 'phro bas brgyan pa'i snying po dang / byang chub sems dpa' sems dpa' cher po 'ong sar ring 'phro ba'i dpal gyi nying po dang / byang chub
- 65a
sems dpa' sems dpa' chen po skar ma'i rgyal po 'od rab tu snang ba'i snying po dang / byang chub sems dpa' sems dpa' chen po nam mkha'i mdzod ye shes bsgribs pa med pa'i snying po dang / byang chub sems dpa' sems dpa' chen po dbyangs kyi dkyil 'khor bsgribs pa med cing nga ro snyan pa'i snying po dang / byang chub sems dpa' sems dpa' chen po gzungs kyi yon tan gyis 'gro ba thams cad kyi smon lam yang dag par 'dzin pa'i snying po dang / byang chub sems dpa' sems dpa' chen po rgya mtsho'i rgyan gyi snying po dang / byang chub sems dpa' sems dpa' chen po ri rab dpal gyi snying po dang / byang chub sems dpa' sems dpa' chen po yon tan thams cad rnam par dag pa'i snying po dang / byang chub sems dpa' sems dpa' chen po de bzhin gshegs pa'i snying po dang / byang chub sems dpa' sems dpa' chen po sangs rgyas dpal gyi snying po dang / byang chub sems dpa' sems dpa' chen po rnam par grol ba'i zla ba dang de dag la sogs pa byang chub sems dpa' sems dpa' chen po tshad med pa/ / gzhal du med pa/ grangs med pa/ bsam gyis mi khyab pa/ mtshungs pa med pa/ dpag tu med pa/ kun tu mtha' yas pa/ mu med pa/ sa mtshams med pa/ brjod du med pa'i yang brjod du med pa/ byang chub sems dpa' sems dpa' chen po rdo rje'i snying po la sogs pa sangs
- 65b
rgyas kyi zhing sna tshogs nas 'dus pa sha stag dang thabs gcig tu bzhugs so/ / de nas de'i tshe byang chub sems dpa' sems dpa' chen po rdo rje'i snying po sangs rgyas kyi mthus theg pa chen po rab tu snang ba zhes bya ba'i ting nge 'dzin la snyoms par bzhugs so/ / byang chub sems dpa' sems dpa' chen po rdo rje'i snying pos byang chub sems dpa'i ting nge 'dzin theg pa chen po r ab tu snang ba de la mnyam par gzhag ma thag tu de nas de'i tshe phyogs bcu'i 'jig rten gyi phyogs re re'i 'jig rten gyi khams sangs rgyas kyi zhing bye ba phrag bcu'i rdul shin tu phra ba snyed kyi pha rol nas/ sangs rgyas bcom ldan 'das sangs rgyas kyi zhing bye ba phrag bcu'i rdul shin tu phra ba snyed kun kyang mtshan rdo rje'i snying po zhes bya ba mthun pa sha stag gis zhal mngon par bstan de/ sangs rgyas bcom ldan 'das de dag gis de la 'di skad ces gsol to// rigs kyi bu de ltar khyed byang chub sems dpa'i ting nge 'dzin theg pa chen po rab tu snang ba la snyoms par zhugs pa legs so legs so/ / 'di ltar rigs kyi bu khyod la phyogs bcu'i sangs rgyas bcom ldan 'das sangs rgyas kyi zhing bye ba phrag bcu'i rdul shin tu phra ba snyed kun kyang mtshan rdo rje'i snying po zhes bya bar mthun pa sha stag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad 'di'i sngon gyi smon lam
- 66a
gyi byin gyi rlabs dang / khyod nyid kyi ye shes kyi khyad par gyis/ byang chub sems dpa' thams cad la sangs rgyas kyi chos snang ba bsam gyis mi khyab pa rab tu brjod cing / shes kyi sa la 'jug par bya ba dang / dge ba'i rtsa ba thams cad yang dag par bsdu ba dang / sangs rgyas kyi chos thams cad rab tu dbye ba la mkhas par bya ba dang / chos thams cad la ye shes shin tu yangs par bya ba dang / shin tu legs par gnas pa'i chos rab tu bstan pa dang / ye shes tha mi dad pa rnam par sbyang ba dang / 'jig rten gyi chos thams cad kyis gos pa med par bya ba dang 'jig rten las 'das pa'i dge ba'i rtsa ba yongs su dag par bya ba dang / ye shes bsam gyis mi khyab pa'i yul khong du chud par bya ba nas thams cad mkhyen pa'i ye shes kyi yul gyi bar du khong du chud par bya ba dang / 'di ltar byang chub sems dpa'i sa bcu brtsam pa rab tu 'thob par bya ba dang / byang chub sems dpa'i sa ma nor bar rnam par dgod pa shin tu bstan pa dang / sangs rgyas kyi chos thams cad la yang dag par dmigs par bya ba dang / zag pa med pa'i chos kyi bye brag rnam par bsgom pa dang / rnam par dbye ba shin tu rnam par phye ba'i shes rab kyi snang ba chen po la mkhas pa'i ye shes kyi rgyan 'thob par bya ba dang / shin tu brtags pa'i ye shes kyi sgo la 'jug par bya ba dang / gnas kyi rnam pa ci rigs su brjod pa dang / spobs pa'i snang ba dma' ba med par 'thob par bya ba dang /
- 66b
tha dad pa yang dag par shes pa chen po'i sa shin tu rtogs par bya ba dang / byang chub kyi sems la dran pa nyams pa med par bya ba dang / sems can gyi khams thams cad yongs su smin par bya ba dang / thams cad du song ba'i blo rnam par gdon mi za ba la mkhas pa rab tu 'thob par bya ba'i phyir byin gyis brlab pa mdzad do/ / de bas na rigs kyi bu khyod kyis chos kyi sgo rab tu dbye ba la mkhas par 'gyur ba'i chos kyi rnam grangs 'di la sangs rgyas kyi mthu dang / de bzhin gshegs pa'i ye shes snang ba'i byin gyi rlabs kyis rang gi dge ba'i rtsa ba yongs su dag par bya ba dang / chos kyi dbyings shin tu sbyang ba dang / sems can gyi khams thams cad la phan gdags pa dang / chos kyi sku'i ye shes kyi lus la 'jug par bya ba dang / sangs rgyas thams cad kyis dbang bskur ba yang dag par blang ba dang / 'jig rten gyi khams thams cad du shin tu 'phags pa'i lus 'byung bar bya ba dang / 'jig rten gyi lam gyi rgyud thams cad las yang dag par 'da' bar bya ba dang / 'jig rten las 'das pa'i chos kyi tshul yongs su dag par bya ba dang thams cad mkhyen pa'i ye shes yongs su rdzogs par bya ba'i phyir spobs pa skyed cig/ de nas sangs rgyas bcom ldan 'das de dag gis byang chub sems dpa' rdo rje'i snying po la zil gyis mi non pa'i lus / nye bar bsgrub pa mdzad do// thogs pa med pa'i spobs pas shin du ston pa nye bar bsgrub pa mdzad do// shin tu sbyangs pa'i ye shes par phye ba la 'jug pa nye bar bsgrub pa mdzad do// dran pa nyams pa med pa'i byin gyi rlabs
- 67a
nye bar bsgrub pa mdzad do/ / blo gros shin tu nges par rdzogs pas mkhas pa nye bar bsgrub pa mdzad do// thams cad kyi rjes su song bdi tho'i rjes su 'gro ba nye bar bsgrub pa mdzad do// yang dag par rdzogs pa'i sangs rgyas kyi stobs thub pa med pa nye bar bsgrub pa mdzad do// de bzhin gshegs pa'i mi 'jigs pa che zhing zhum pa med pa nye bar bsgrub pa mdzad do// thams cad mkhyen pa'i ye shes dang tha dad pa yang dag par mkhyen pas rnam par dbye ba'i chos kyi tshul shin du rtogs par bya ba nye bar bsgrub pa mdzad do/ / de bzhin gshegs pa thams cad kyi sku dang / gsung dang / thugs kyi rgyan shin tu rnam par phye ba mngon par bsdu ba nye bar bsgrub pa mdzad do/ / de ci'i phyir zhe na/ de ni ting nge 'dzin de nyid kyi chos nyid rab tu thob pa dang / sngon gyi smon lam gyis mngon par bsgrubs pa dang / lhag pa'i bsam pa shin tu rnam par sbyangs pa dang / ye shes kyi dkyil 'khor shin du sbyangs pa dang / tshogs shin tu bsags pa dang / yongs su sbyangs pa shin tu byas pa dang / dran pa'i snod tshad med pa dang / mos pa rnam par dag cing 'od shin tu gsal ba dang / gzungs kyi sgo tha dad pa med par thob pa dang / chos kyi dbyings kyi ye shes kyi phyag rgyas shin tu btab pa'i phyir ro// de nas sangs rgyas bcom ldan 'das de dag gis de dag na bzhugs bzhin du rdzu 'phrul gyi mthus so so nas phyag g.yas pa brkyang ste// byang chub sems dpa' rdo rje'i snying po'i mgo la byug pa
- 67b
mdzad do/ / sangs rgyas bcom ldan 'das de dag gis byang chub sems dpa' rdo rje'i snying po la reg ma thag tu de nyid kyi tshe/ ting nge 'dzin de las langs nas/ byang chub sems dpa' de dag la smras pa|kye rgyal ba'i sras dag/ byang chub sems dpa'i smon lam 'di ni shin tu rnam par gdon mi za ba ste/ tha mi dad pa/ bltar med pa/ chos kyi dbyings kyi klas par yangs pa/ nam mkha'i dbyings kyi mthar thug pa'i phyi ma'i mtha'i mur thug pa/ sangs rgyas kyi zhing thams cad dang / sems can gyi khams thams cad rgyas par khyab pa/ 'gro ba thams cad yongs su skyob pa/ de bzhin gshegs pa thams cad kyis byin gyis brlabs pa ste/ kye rgyal ba'i sras dag/ des ni byang chub sems dpa' sems dpa' chen po rnams 'das pa'i sangs rgyas bcom ldan 'das kyi ye shes kyis la'ang rab tu 'jug par 'gyur ro/ / ma byon pa'i sangs rgyas bcom ldan 'das rnams kyi ye shes kyi sa la'ang rab tu 'jug par 'gyur ro// da ltar byung ba'i sangs rgyas bcom ldan 'das rnams kyi ye shes kyi sa la'ang rab tu 'jug par 'gyur ro/ / kye rgyal ba'i sras dag/ de la bcu po 'di dag ni byang chub sems dpa' rnams kyi ye shes kyi sa rnams te/ gang la bsams te bdag gi de skad du smras pa de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so// gsung ngo // gsung bar 'gyur ro// bcu gang zhe na/ 'di lta ste/ rab tu dga'
- 68a
pa zhes bya ba byang chub sems dpa'i sa dang po dang / dri ma dang bral ba zhes bya ba byang chub sems dpa'i sa gnyis pa dang / 'od byed pa zhes bya ba byang chub sems dpa'i sa gsum pa dang 'od 'phro ba can zhes bya ba byang chub sems dpa'i sa bzhi pa dang / rgyal bar dka' ba zhes bya ba byang chub sems dpa'i sa lnga pa dang / mngon sum zhes bya ba byang chub sems dpa'i sa drug pa dang / ring du song ba zhes bya ba byang chub sems dpa'i sa bdun pa dang / / mi g.yo ba zhes bya ba byang chub sems dpa'i sa brgyad pa dang / legs pa'i blo gros shes bya ba byang chub sems dpa'i sa dgu pa dang / chos kyi sprin ces bya ba byang chub sems dpa'i sa bcu pa ste/ kye rgyal ba'i sras dag/ de rnams ni byang chub sems dpa' rnams kyi byang chub sems dpa'i sa bcu ste/ de ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ / gsung ngo // gsung bar 'gyur ro// kye rgyal ba'i sras dag/ bdag gis ni sangs rgyas kyi zhing gang na'ang de bzhin gshegs pa dgra bcom pa yang dag par rdzogs pa'i sangs rgyas rnams byang chub sems dpa'i sa bcu po 'di dag mi gsung ba de lta bu ma mthong ngo / / de ci'i phyir zhe na/ kye rgyal ba'i sras dag/ byang chub sems dpa' sems dpa' chen po rnams kyi byang chub sems dpa'i lam yongs su sbyong ba/ chos snang ba'i sgo 'di ni yang dag phul zhes bya ba yin te/ 'di ltar byang chub sems dpa'i sa rnam par dgod pa shin tu bstan pa'o//
- 68b
kye rgyal ba'i sras dag gnas 'di ni bsam gyis mi khyab pa ste/ 'di ltar byang chub sems dpa' rnams kyis shes pa'o// de nas de ltar byang chub sems dpa' rdo rje'i snying pos/ byang chub sems dpa'i sa bcu po 'di dag ming tsam zhig brjod de/ cang mi zer bar 'dug nas de las rab tu phye ste ma bshad pa dang / de nas byang chub sems dpa'i 'khor de dag thams cad byang chub sems dpa'i sa bcu po de ngag gi ming tsam zhig thos nas rab tu phye sde ma brjod pas skom par gyur nas/ de dag 'di snyam du sems te/ de ltar byang chub sems dpa' rdo rje'i snying pos byang chub sems dpa'i sa bcu po de dag gi ming tsam zhig brjod de cang mi zer bar 'dug nas de las rab tu phye zhing mi ston pa de rgyu ni gang rkyen ni ci zhig yod snyam pa dang / / de'i tshe byang chub sems dpa'i 'khor 'dus pa de na/ byang chub sems dpa' sems dpa' chen po rnam par grol ba'i zla ba zhes bya ba 'dus shing 'dug 'dug ste/ de nas byang chub sems dpa' rnam par grol ba'i zla bas/ byang chub sems dpa'i 'khor de dag gi sems kyis yongs su rtog pa sems kyis yongs su shes nas/ byang chub sems dpa' rdo rje'i snying po la klu'i dbyangs kyis tshogs su bcad de don de dris so// ci phyir rtog pa rnam dag cing // dran dang ye shes ldan pa yis// sa yi mchog ni brjod byas te/ / mkhas pas rnam par phye mi bshad// 'di kun nges par rtogs pa ste// byang chub sems dpa' grags chen yin// ci phyir khyod ni sa brjod de// rab tu phye ba bshad mi bgyi// rgyal sras 'jigs
- 69a
med 'di dag ni/ / kun kyang shin tu can par 'dod// mas don nul yang dag rtsa// rnam par byeskye bshad pa mjos/ 'khor 'du shin tu ma dang ste/ mal med cing dge dang 'du// da mchog la gnas pa ste/ / yon tan ye shes ldan pa yis// phan tshun gcig la gcig blta zhing // kun kyang rim gro bcas par gnas// sbrang rtsi ji ltar spang min pa// de ltar bdud rtsi mchog kyang 'dod/ / rdo rje'i snying po 'jigs med pa// shes rab chen pos de thos nas// 'khor rnams dga' bar bya ba'i phyir// bde bar gshegs pa'i sras la smras// sangs rgyas sku rab yang dag 'byung bas na// byang chub sems dpa'i spyod pa rab bstan cing / / sa rgyu dam pa rnam par dbye bya ba// de ni rmad byung mchog tu dga' ba yin// phra zhing blta dka' rnam par rtog pa spangs// sems kyi sa dang bral bas bsgrub par dka'// mkhas pa rnams kyi zag med spyod yul te/ / 'gro ba rnams kyis de thos mos par 'gyur// rdo rje lta bur bsam pa rab bzhag ste// sangs rgyas ye shes mchog la mos byas shing // bdag med pa yi sems kyis shes na// ye shes dam pa 'di gzod mnyan par nus/ / ji ltar bar snang tshon ris bri ba dang // nam mkha'i dbyings la rlung gnas ji bzhin du// de ltar ye shes zag pa med pa yang // shin tu lha dka' thub pas rnam par phye// de la bdag gi sems ni 'di snyam byed/ / sangs rgyas ye shes dam pa bsam yas la// 'gro ba gang rnams dad par byed dkon zhes// de yi phyir na ma smras ma bshad do// de skad ces smras pa dang / byang chub sems dpa' rnam par grol ba'i
- 69b
zla bas/ byang chub sems dpa' rdo rje'i snying po la 'di skad ces smras so// rgyal ba'i sras 'khor 'di ni byang chub sems dpa' sems dpa' chen po chos 'di dag la bsam pa shin tu sbyangs pa/ kun tu rtog pa yongs su sbyangs pa spyad par bya ba shin tu spyad pa/ tshogs shin tu bsags pa/ sangs rgyas bye ba khrag khrig brgya stong shin tu bsnyen bkur ba/ yon tan dang ye shes tshad med pa dang ldan pa/ the tsom dang nem nur med pa/ nyon mongs pa dang bral ba/ mos pa dang lhag pa'i bsam pa la rab tu gnas pa/ gzhan gyi dring mi 'jog pa sha stag tshogs pas yongs su dag pa yin gyis/ kye rgyal ba'i sras de bzhin gshegs pa'i byin gyis legs par bshad pa mdzod cig dang / byang chub sems dpa' 'di dag thams cad ni rnam pa 'di lta bu'i gnas zab mo la mngon sum du gnas pa sha stag go// de nas byang chub sems dpa' rnam par grol ba'i zla bas don 'di nyid gsal par bzlas pa'i phyir/ byang chub sems dpa' rdo rje'i snying po la tshigs su bcad de smras pa/ byang chub sems dpa'i spyod pa bla med pa// sa rnams rab phye rnam dgod brtags pa yi// ye shes sbyong zhing byang chub 'thob byed pa/ / mchog dang dam pa zhi pa'i chos rnams shod// 'khor ni dag pa nyon mongs med pa'i mchog/ mos dang bsam pa shin tu sbyangs pa ste// sangs rgyas bye ba mang la spyad pa spyad// sa 'di brtag la yid ches ldan pa yin/ de nas byang chub sems dpa' rdo rje'i snying pos/ byang chub sems dpa' rnam par grol ba'i zla ba la 'di skad ces smras so// kye rgyal ba'i sras 'khor 'di ltar byang chub sems
- 70a
dpa' sems dpa' chen po chos kyi rnam pa 'di lta bu'i gnas zab mo la bsam pa shin du sbyangs pa/ kun tu rtog pa yongs su sbyangs pa/ spyad pa shin tu spyad pa/ tshogs shin tu bsags pa/ sangs rgyas bye ba khrag khrig brgya stong la dge ba'i rtsa ba shin tu bsags pa/ yon tan dang ye shes tshad med pa dang ldan pa/ the tsom dang nem nur med pa/ nyon mongs pa dang bral ba/ mos pa dang lhag pa'i bsam pa la rab tu gnas pa/ gzhan gyi dring mi 'jog pa sha stag tshogs pas shin tu dag pa'ang yin na/ 'on kyang sems can mos pa chung ngu gzhan dag gis zab mo'i rnam pa 'di lta bu bsam gyis mi khyab pa'i gnas dag thos par gyur la/ thos nas kyang the tsom dang yid gnyis su gyur na/ de dag la yun ring por gnod pa dang / don med pa dang / mi bde ba'i rgyur 'gyur bas/ 'di lta zhig tu snying brtse ba'i phyir/ bdag ni cang mi zer bar 'dug pa nyid du mos so/ / de nas byang chub sems dpa' rdo rje'i snying pos don 'di nyid gsal bar bstan pa'i phyir tshigs su bcad pa 'di dag smras so// 'khor 'di rnam dag shes rab yangs pa ste// zab cing gsal ba'i spyod ldan rtogs shes shing / / gzhan dring mi 'jog ri rgyal bzhin mi g.yo// bsam rtog mi 'khrug rgya mtsho chen po 'dra// 'on kyang ma rtogs mi shes ma spyad pa// rnam shes yul gnas don la shes med pas// thos shing mches 'phral du ngan song ltung / / de dag snying brtses ye shes ma ma bshad/ de nas byang chub sems dpa' rnam par grol ba'i zla bas yang / byang chub sems dpa' rdo rje'i snying lnga gsol pa
- 70b
btab pa/ rgyal ba'i sras legs par bshad pa mdzod cig dang / de bzhin gshegs pa'i byin gyis rnam pa 'di lta bsam gyis mi khyab pa'i gnas 'di dag kyang gzhan du mi 'gyur ba dang / legs par yid ches par 'gyur/ ro// de ci'i phyir zhe na/ kye rgyal ba'i sras de ni 'di ltar sa shin tu bstan pa 'di bshad pa'i tshe chos nyid rab tu thob pas/ sangs rgyas thams cad kyis kyang dgongs par 'gyur/ byang chub sems dpa' thams cad kyang ye shes kyis 'di yongs su bsrung ba'i don du rab tu brtson par byed do/ / de'ang ci'i phyir zhe na/ 'di ni spyod pa'i sa dang po ste/ 'di ni sangs rgyas kyi chos thams cad yang dag par 'grub pa'i gzhi yin no// kye rgyal ba'i sras 'di lta ste/ dper na yi ge dang 'bru bgrangs pa ji snyed du bstan pa de dag thams cad kyi sngon du 'gro ba'ang yi ge'i phyi mo'o// tha mar yang yi ge'i phyi mo la 'dug ste/ yi ge'i phyi mo bstan pas ma khyab pa de lta bu'i yi ge dang 'bru bgrangs pa bstan pa ni gang yang med do/ / kye rgyal ba'i sras de bzhin du sangs rgyas kyi chos thams cad kyang spyod pas rab tu 'grub pas sa sngon du 'gro'o// rang byung gi ye shes kyi mthar thug par 'gyur bas sa'i mthar thug pa'o/ / de bas na kye rgyal ba'i sras shod cig dang / de bzhin gshegs pa dgra bcom pa yang dag par rdzogs pa'i sangs rgyas rnams kyang yongs su bsrung ba'i phyir byin gyis rlob pa mdzad do// de nas byang chub sems dpa' rnam par grol ba'i zla bas don 'di nyid gsal bar bzlas pa'i phyir/ byang chub sems dpa' rdo rje'i snying po la tshigs su bcad de smras pa/ sa dang skyospyong 'jug byang chub 'gyur ba ye shes sgrub byed pa// spyod pa
- 71a
rnam dag thams cad mkhyen pa'i sras kyis legs par shod/ / phyogs bcu'i rgyal ba bde gshegs kun mgon 'dren pa ji snyed pa// khyu mchog de kun ye shes 'byung gnas ston la dgongs pa mdzad/ 'di ni dang po zhugs pa'i shes spyod 'di yi mthar thug ste// rgyal ba'i chos rab gzhal yas ji snyed de dag 'byung gnas 'di// yi ge bgrangs pa'i phyi mo'o rjes 'gro sngon du de 'gro ltar// de bzhin sa mchog blo yi yul du tha mthug par 'dong / / de nas byang chub sems de dag thams cad kyis dbyangs kyi nga ro gcig tu glu'i dbyangs kyis tshigs su bcad de/ byang chub sems dpa' rdo rje'i snying po la don 'di nyid kyi phyir gsol ba btab pa blo yang sa dam pa'i phul mnga' ba/ / spobs pa mtha' yas rnam par dbye ba rtogs mkhyen pas// yid du 'ong ba'i gsung dbyangs kyis// kun la phan don dam pa bshad pa mdzod// dran dang dga' bas spyod dag pa// stobs bcu'i stobs kyi shugs sogs yon tan ldan pa yi/ / sa yi dam pa mchog gi rnams// tha dad yang dag don mkhyen spyod pas shod// zhi sdom bsgrubs pa'i yid ldan la// nga rgyal dregs dang lta ba'i nyon mongs zhir gyur pas// 'khor 'dir the tsom bral ba ste// khyod kyis legs par bshad du re zhing sdod// skom pa bsil ba'i chu 'dod bzhin// bkres pa kha zas nad pa sman rab 'dod pa dang // bung ba sbrang rtsi 'dod pa ltar// de bzhin 'khor 'di / khyod kyi tshig la sdod// de bas shin tu blo yangs pas// rdul med rnam la sa yi dam par 'jug pa shod// chags med stobs bcu'i tshogs gyur pa// bde gshegs spyod pa ma lus bshad pa mdzod// de nas de'i
- 71b
tshe bcom ldan 'das shAkya thub pa'i mdzod spu nas byang chub sems dpa'i stobs snang ba zhes bya ba'i 'od zer 'khor gyi 'od zer brgya stong grangs med pa dang ldan pa byung ngo / / de byung nas phyogs bcu thams cad kyi 'jig rten gyi khams 'byam klas pa thams cad ma lus par snang bar byas nas sems can thams cad kyi ngan song gi sdug bsngal thams cad rtse zil bar byas te/ bdud kyi khyim thams cad zil gyis mnan nas de bzhin gshegs pa thams cad kyi 'khor gyi dkyil 'khor snang bar byas te/ sangs rgyas kyi yul gyi rnam pa bsam gyis mi khyab pa'i mthu bstan nas/ phyogs bcu thams cad kyi 'jig rten gyi khams 'byam klas pa thams cad du de bzhin gshegs pa thams cad kyi 'khor gyi dkyil 'khor du chos bstan pa'i byin gyi rlabs kyis byin du brlabs pa'i byang chub sems dpa'i lus snang bar byas te/ sangs rgyas kyi rnam par 'phrul pa bsam gyis mi khyab pa bstan nas/ steng gi bar snang la 'od zer stug po'i sprin gyi dra ba'i khab pa brtsegs pa chen por byas te 'dug go// de bzhin du sangs rgyas bcom ldan 'das de dag gi mdzod spu dag nas kyang / byang chub sems dpa'i 'od snang ba zhes bya ba'i 'od zer 'khor gyi 'od zer grangs med pa dang ldan pa dag byung bar gyur to/ / byung nas kyang de dag gis phyogs bcu thams cad du 'jig rten gyi khams 'byam klas pa kun tu de bzhin gshegs pa thams cad kyi dkyil 'khor du chos bstan pa'i byin gyis byin du brlabs pa'i byang chub sems dpa' rnams snang bar byas te/ sangs rgyas kyi rnam par 'phrul pa bsam gyis mi khyab par bstan nas/ 'jig chen gyi
- 72a
mi mjed 'di'ang snang bar byas/ bcom ldan 'das shAkya thub pa de bzhin gshegs pa'i 'khor gyi dkyil 'khor 'di'ang snang bar byas te/ byang chub sems dpa' sems dpa' chen po rdo rje snying po'i lus kyang snang bar byas nas/ steng gi bar snang la de bzhin du 'od zer stug po'i sprin gyi dra ba'i khang pa brtsegs pa chen por byas te 'khod do// de nas 'od zer stug po'i sprin gyi dra ba'i khang pa brtsegs pa chen po de dag nas sangs rgyas kyi byin gyis sgra'i rnam pa 'di lta bu 'di byung ngo / / mi mnyam mnyam dang mnyam pa mkha' dang mnyam pa dag/ stobs bcu'i khyu mchog mthu ldan tshad med yon tan can/ 'jig rten kun mchog mi yi dam pa phul gyi rnams// shAkya seng ge'i chos la byin rlabs dam pa mdzad// bde gshegs sras po 'dren pa'i byin gyis bshad par gyis// chos rgyal khyu mchog rnams kyi mdzod kyi dam pa phye/ / sa yi ye shes rnam phye spyod mchog rab yangs pa// stobs bcu'i byin gyis ma thogs myur du bstan pa gyis// gang gis rna lam bsam par chos dam rin chen 'di// song bar gyur pa de dag bde gshegs byin gyis brlabs/ / rdul med sa kun rim gyis rab tu rdzogs byas nas// stobs bcu ldan pa'i rgyal ba dam par 'grub par 'gyur// rgya mtsho'i chu byung gyur cing bskal pa'iri mes gdungs kyang / gal te snod gyur sems can de dag 'di la nyan// gang rnams the tsom za zhing yid gnyis byed pa ni// de dag rna bas rnam pa kun du thos mi 'gyur// de phyir sa yi ye shes lam mchog bstan par gyis// gnas dang
- 72b
rgyud dang 'phro ba rim gyis rab tu shod/ / spyod dang yul dang chos dang ye shes tshul rnams kyi// chos kyi tshul yang 'gro ba kun la phan phyir shod// de nas byang chub sems dpa' rdo rje'i snying pos phyogs bcur bltas nas 'khor thams cad de bas kyang dad par bya ba'i phyir/ de'i tshe tshigs su bcad pa 'di dag smras so// phra la shes dka' drang srong chen po'i lam// mi rtog rtog yul ma yin blta bar dka'// rang bzhin zhi zhing 'gag med 'byung ba med/ / mkhas gsal shes pas bong du chud pa yin// ngo bo nyid stong zhi zhing sdug bsngal zad// rgyud las rnam grol mnyam par mya ngan 'das// mtha' dang dbus med tshig gis brjod du med/ / dus gsum grol ba nam mkha' 'dra zhing mtshungs// bde gshegs spyod yul zhi zhing nye bar ni// smra ba'i lam rnams kun gyis brjod par dka'// de dag sa dang spyod pa de 'dra bas// sba bar dka' na bstan par ga la nus/ / de ni bsam yas sems lam rnam par spangs// ye shes mngon bsgrubs rgyal ba'i spyod yul te// phung po skye mched khams kyis bskyed pa min// sems kyis mi shes yid kyis rnam ma brtags/ / ji ltar bar snang gnas kyi bu yi rjes// shin tu sgra dka' bstan par mi nus pa// de lngar bde gshegs sras kyis rnams kyang // yid dang sems kyi yul gyis shes mi nug 'on kyang byams dang snying rje'i smon las gyis/ / de las phyogs tsam rim pa'i tshul bzhin du// bshad par bya sde sems kyi spyod yul min// ye shes tshul gyis rdzogs par bya ba'o// de 'dra'i
- 73a
spyod yul phra zhing blta dka' ba/ / rang rig yin pas brjod par mi nus kyang // 'on kyang bde bar gshegs pa'i mthus brjod kyis// thams cad mthun par nan tan gyis te nyon/ / ye shes sa dang spyod 'jug ci 'dra ba// bskal pa bye bar zad par mi nus te// yang dag don dngos gzhan min gnas pa las// mdo tsam bshad kyis de dag mnyan par gyis// mthun zhing nan tan yod par sta gon mnos// bde gshegs byin gyis bdag gis bshad par bya// dpe ldan 'thar la yi ge mnyam pa yi// chos sgra dam pa bdag gis brjod par bya// 'di ni tshig gis brjod par shin tu dka'/ / de ltar tshad med bde gshegs mthu dag las// chu thigs gcig 'dra bdag gi lus 'di la// de ring zhugs kyis bshad pa mnyan par gyis// rgyal ba'i sras dag/ de la sems can dge ba'i rtsa ba shin tu bsags pa/ spyad pa shin tu spyad pa/ tshogs shin tu bsags pa/ sangs rgyas byung ba shin tu bsnyen bkur ba/ chos dkar po shin tu bsdus pa/ dge ba'i bshes gnyen gyis shin tu bzung ba/ bsam pa yongs su dag pa/ lhag pa'i bsam pa shin tu rgya chen po can/ mos pa rgya chen po dang ldan pa/ snying rje dang snying brtse ba mngon du gyur pa sangs rgyas kyi ye shes la mngon par mos pa rnams rnam pa thams cad mkhyen pa'i ye shes la mos pa dang / stobs bcu'i stobs 'thob par bya ba dang / mi 'jigs pa chen po 'thob par bya ba dang
- 73b
sangs rgyas kyi tshogs mnyam pa nyid 'thob par bya ba dang / 'gro ba thams cad yongs su bskyab par bya ba dang / snying brtse ba dang snying rje chen po yongs su dag par bya ba dang / phyogs bcu ma lus par thogs pa med pa'i ye shes mngon du 'gyur bar bya ba dang / sangs rgyas kyi zhing ma lus pa thams cad thogs pa med par yongs su sbyang bar bya ba dang / dus gsum thams cad skad cig gcig gis khong du chud par bya ba dang / chos kyi 'khor lo chen po rab tu bskor ba la khyu mchog gi mthu dbyung ba rgya chen po 'thob par bya ba'i phyir/ byang chub sems dpa' rnams kyi sems snying rje chen po sngon du 'gro ba/ shes rab dang ye shes kyi dbang du rdur pa/ thangs mkhas pas yongs su bzung ba/ bsam pa dang lhag pa'i bsam pas rab du bstan pa/ de bzhin gshegs pa'i stobs tshad med pa dang ldan pa/ sems can gyi spobs dang / rna stobs rnam par dbye bar bya ba/ shin tu rnam par phye ba/ chags pa med pa'i ye shes mngon du gyur pa/ rang byung gi ye shes dang mthun pa/ sangs rgyas thams cad kyi chos la shes rab dang ye shes gyi man ngag yang dag par tshol ba/ sangs rgyas byung ba thams cad las gdams ngag yang dag par blangs pa/ chos kyi dbyings kyi klas pa dang nAm mkha'i mthar thug par gnas pa/ phyi ma'i mtha'i mur/ thug pa skye bar 'gyur te/ sems bskyed pa de bskyed ma thag tu/ byang chub sems dpa' sems dpa' chen po so so'i skye bo'i sa las rab tu 'das pa yin/ byang chub sems dpa'i skyon med pa shin tu non
- 74a
pa yin/ de bzhin gshegs pa'i rigs su skyes pa yin// rigs brjod pa la kha na ma tho ba med pa yin/ 'jig rten gyi lam thams cad las phyir log pa yin/ 'jig rten las 'das pa'i lam shin tu non pa yin/ byang chub sems dpa'i chos nyid la gnas pa yin/ byang chub sems dpa'i rnam par dgod pa la rab tu gnas pa yin/ dus gsum mnyam pa nyid kyi rjes su song yin/ rdzogs pa'i byang chub la shin tu gzhol bas de bzhin gshegs pa'i rigs su nges pa yin/ kye rgyal ba'i sras dag chos kyi rnam pa 'di lta bu la gnas pa yin/ byang chub sems dpa' ni byang chub sems dpa'i sa rab tu dga' ba la mi g.yo ba'i tshul gyis rab tu gnas so/ / kye rgyal ba'i sras dag/ de la byang chub sems dpa'i sa rab tu dga' ba la gnas pa'i byang chub sems dpa' ni rab tu dga' ba mang ba yin/ yid bde ba mang ba yin// mos pa mang ba yin// rangs pa mang ba yin/ mgu ba mang ba yin/ spro ba mang ba yin/ rtsol ba mang ba yin/ 'tshe ba med pa mang ba yin/ khro ba med pa mang ba yin/ kye rgyal ba'i sras dag/ de ltar byang chub sems dpa'i sa rab tu dga' ba la gnas pa'i byang chub sems dpa' ni sangs rgyas bcom ldan 'das rnams rjes su dran zhing rab tu dga' ba yin/ sangs rgyas kyi chos rnams rjes su dran zhing rab tu dga' ba yin/ byang chub sems dpa' sems dpa' chen po rnams rjes su dran zhing rab tu dga' ba yin/ byang chub sems dpa'i spyod pa rjes su dran zhing rab tu dga' ba yin/ pha rol tu phyin pa rnam par
- 74b
dag pa rjes su dran zhing rab tu dga' ba yin/ byang chub sems dpa'i sa'i khyad par rjes su dran zhing rab tu dga' ba yin/ byang chub sems dpa'i spyod yul mi 'phrogs pa rjes su dran zhing rab tu dga' ba yin/ de bzhin gshegs pa'i gdams ngag dang lung rjes su dran zhing rab tu dga' ba yin/ sems can gyi don rab tu thob par bya ba rjes su dran zhing rab tu dga' ba yin/ de bzhin gshegs pa thams cad kyi ye shes la 'jug pa'i thabs rjes su dran zhing rab tu dga' ba yin/ yang de 'di snyam du sems te/ bdag ni 'gro ba thams cad kyi yul las phyir log go zhes rab tu dga' ba skyed do// bdag ni sangs rgyas kyi sa dang nye bar gyur to/ zhes rab tu dga' ba skyed do// bdag ni byis pa'i sa las ring du gyur to zhes dga' ba skyed do// bdag ni ye shes kyi sa dang nye bar gyur to zhes rab tu dga' ba skyed do// bdag ni ngan song dang ngan 'gro'i 'jigs pa thams cad rgyun chad do zhes rab tu dga' ba skyed do/ / bdag ni sems can thams cad kyi gnas su gyur to zhes rab tu dga' ba skyed do// bdag gis de bzhin gshegs pa thams cad mthong bar 'gyur ba dang nye bar gyur ro zhes rab tu dga' ba skyed do/ / de bzhin gshegs pa thams cad kyi yul la yang dag par byung ngo zhes rab tu dga' ba skyed do// bdag ni byang chub sems dpa' thams cad kyi mnam nyid dang ldan par gyur to zhes rab tu dga' ba skyed do/ / bdag ni 'jigs pa dang / bag tsha ba dang / sdang ba dang / spyi g.ya' ba thams cad dang bral lo zhes rab tu dga' ba skyed do// de ci'i phyir zhe na/ kye rgyal ba'i sras dag/ 'di lngar byang
- 75a
chub sems dpas byang chub sems dpa'i sa rab tu dga' ba 'di thob ma thag tu 'jigs pa'i rnam pa 'di dag 'di lta ste/ 'tsho ba med pas 'jigs pa 'am/ mi bsngags pas 'jigs pa'am 'chi bas 'jigs pa 'am/ ngan song gis 'jigs pa 'am/ 'khor du bag tsha bas 'jigs pa de dag thams cad de la med pa yin/ de ci'i phyir zhe na/ 'di ltar de ni bdag gi 'du shes dang bral bas/ de la bdag 'phangs par sems pa'ang med na/ yo byad thams cad la 'phangs par sems pa lnga ga la yod de/ de'i phyir de la 'tsho ba med pas 'jigs pa med do// de ni su las kyang rim gror bya ba cung zad tsam yang re ba med la/ gzhan du na bdag nyid kyis sems can de dag la yo byad mang po thams cad kyis bsdud par bya'o snyam du sems pas/ de'i phyir de la mi bsngags pa'i 'jigs pa med do// de bdag tu lta ba dang 'bral bas de la bdag gi 'du shes med de/ de'i phyir de la 'chi ba'i 'jigs pa med do// bdag shi nas kyang gdon mi za bar sangs rgyas dang byang chub sems dpa' dag dang mi 'bral bar 'gyur ro zhes/ de'i phyir de la ngan song gi 'jigs pa med do/ / de 'di snyam du sems te/ bdag gi bsam pa dang 'jig rten na mtshungs pa'ang su'ang med na lhag pa lta ga la yod ces/ de'i phyir de la 'khor du bag tsha ba med do// kye rgyal ba'i sras dag/ de ltar 'jigs pa dang / sdang ba dang / bag tsha ba dang / skye g.ya' ba med pa'i byang chub sems dpa' ni snying rje chen po sngon du 'gro bas lhag pa'i bsam pa ma nyams shing mi dma' bas de bas kyang dge ba'i
- 75b
rtsa ba thams cad yang dag par bsdu ba'i phyir rab tu brtson par byed do/ / kye rgyal ba'i sras dag/ de dad pa la dbang sgyur ba dang / mos pa pang ba dang / yid ches pa shin du rnam par dag pa dang / rtog pa mang ba dang / snying brtse ba dang / snying rjes mngon par sgrub pa dang / byams pa chen po dang ldan pa dang / yid skyo ba med pa dang / ngo tsha shes pa dang / khrel yod pa'i rgyan dang / bzod cing nges pa dang ldan pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyi bstan pa la rim gro dang / bkur sti dang / ri mo yod pa dang / nyin mtshan du mi ngoms par dge ba'i rtsa ba sogs pa dang / dge ba'i bshes gnyen la rten pa dang / chos kyi dga' bas dga' bar gnas pa dang / mi ngoms pa mang du thos pa tshol ba dang / ji skad du thos pa'i chos la tshul bzhin du rtog pa dang / gnas med pa'i yid dang / 'thob pa dang / bkur sti dang / bsngags pa la chags pa med pa dang / yo byad thams cad la 'phangs par sems shing chags pa med pa dang / sems bskyed pa rin po che lta bus ngoms pa med par mngon par bsgrub pa dang / thams cad mkhyen pa nyid kyi sa la mngon par mos pa dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa la dmigs pa dang / pha rol du phyin pa'i tshogs yongs su tshol ba dang / sgyu dang g.yo yongs su spangs pa dang / ji skad du smras pa de ltar byed pa dang / rtag tu rgyun mi 'chad par bden pa'i tshig gi rjes su srung ba dang / de bzhin gshegs pa'i rigs la skyon du 'gyur bar mi byed pa dang / byang chub sems pa'i
- 76a
bslab pa mi gtong ba dang / ri'i dbang po'i rgyal po chen po kar thas cad mkhyen pa nyid kyi sems mi bskul ba dang / 'jig rten gyi bya ba thams cad la mngon par dga' ba med pa dang / 'jig rten las 'das pa'i dge ba'i rtsa ba'i lam dang ldan pa dang / mi ngoms par byang chub kyi yan lag gi tshogs rab tu bsags pa dang / nag tu rgyun mi 'chad par gong nas gong du khyad par du 'bogs pa'i lam tshol ba dang sa yongs su sbyong ba'i chos kyi rnam pa 'di lta bu dag dang ldan pa'i byang chub sems dpa' sems dpa' chen po ni/ byang chub sems dpa'i sa rab tu dga' ba la gnas pa yin te/ de byang chub sems dpa'i sa rab tu dga' ba de la shin tu gnas shing / rnam pa 'di lta bu'i smon lam chen po dang / brtson pa chen po dang / mngon par bsgrub pa chen po 'di dag mngon par sgrub ste/ 'di ltar sangs rgyas thams cad ma lus pa lhag ma med pa mtha' dag la mchod cing rim gro bya ba'i phyir/ rnam pa'i mchog thams cad dang ldan pa/ mos pa rgya chen pos rnam par dag pa/ chos kyi dbyings kyis klas par rgya che da/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa bgrangs pa thams cad sangs rgyas skye ba bgrangs pa la rim gro dang // mchod pa chen po rgyun mi 'chad pa'i smon lam chen po mngon par sgrub po// 'di lta ste/ de bzhin gshegs pa thams cad kyis gsungs pa'i chos kyi tshul yang dag par gzung ba dang / sangs rgyas thams cad kyi byang chub yang dag par blang ba dang / yang dag par rdzogs pa'i sangs rgyas thams cad kyi bstan pa yang dag par bsrung ba'i phyir chos kyi dbyings
- 76b
kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ skal pa bgrangs pa thams cad kyi sangs rgyas 'byung ba bgrangs pa'i dam pa'i chos yongs su gzung ba rgyun mi 'chad pa'i smon lam chen po mngon par sgrub bo/ / 'di lta ste/ 'jig rten gyi khams 'byam klas pa thams cad ma lus pa'i sangs rgyas skye ba thams cad kyi dga' ldan gyi pho brang dam pa na bzhugs pa la sogs te/ 'pho ba dang / gshegs pa dang / sku na bzhugs pa dang / skye ba dang / gzhon nu rol pa dang / btsun mo'i 'khor gyi nang na bzhugs pa dang / mngon par 'byung ba dang / dka' ba sprad pa dang / snying po byang chub tu gshegs pa dang bdud gdul ba dang / mngon par 'tshang rgya ba dang / gsol ba gdab pa dang / chos kyi 'khor lo chen po bskor ba dang / mya ngan las 'das pa chen po ston pa'i drung du 'gro zhing mchod pa dang / rim gro bya ba dang / dam pa'i chos yang dag par gzung ba'i sbyor ba la sogs pa thams cad dus gcig tu mngon par bsgrub pa'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa bgrangs pa thams cad du sangs rgyas 'byung ba bgrangs pa'i drung du 'gro ba nas/ mya ngan las 'das pa chen po'i bar gyi drung du 'gro ba rgyun mi 'chad pa'i sngon lam chen po mngon par sgrub bo/ / 'di lta ste/ byang chub sems dpa'i spyod pa rgya chen po shin tu yangs pa/ tshad med pa/ mi 'phrogs pa// tha mi dad pa/ pha rol du phyin pa thams cad kyis yang dag par bsdus pas yongs su snang ba'i phan lag dang /
- 77a
nye ba'i yan lag tu bcas pa mngon par bsgrub pa dang / mtshan nyid dang bye brag gi mtshan nyid du bcas pa dang / 'grub pa dang / 'jig pa dang / byang chub sems dpa'i spyod par gtogs pa thams cad dang / sa ji lta ba bzhin dang // ji lta bur bstan pa dang / pha rol tu phyin pa yongs su sbyang ba la gdams ngag dang / man ngag sbyin pas nye bar brtan pa'i sems bskyed pa mngon par bsgrub pa'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa bgrangs pa thams cad du spyod pa bgrangs pa sems bskyed pas mngon par bsgrub pa/ rgyun mi 'chad pa'i smon lam chen po mngon par sgrub bo// 'di lta ste/ sems can gyi khams thams cad ma lus pa lhag ma med pa mtha' dag gzugs yod pa dang / gzugs med pa dang / 'du shes yod pa dang / 'du shes med pa dang / 'du shes yod pa' nga ma yin/ 'du shes med pa'ang ma yin pa dang / sgo nga las skyes pa dang / mngal nas skyes pa dang / drod gsher las skyes pa dang / rdzus te byung ba/ khams gsum du gtogs pa dang / 'gro ba drug tu 'dus pa/ skye ba thams cad du gtogs pa'i sems can gyi khams thams cad yongs su smin par bya ba dang / sangs rgyas kyi chos la gzud pa dang / lam gyi rgyud mdzangs pa thams cad rgyun gcad pa dang / thams cad mkhyen pa'i ye shes la dgod pa'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa
- 77b
bgrangs pa thams cad dang / sems can bgrangs pa thams cad du sems can gyi khams yongs su smin par bya ba la rgyun mi 'chad pa'i smon lam chen po mngon par sgrub bo// 'di lta ste/ 'jig rten gyi kham yangs pa dang / dog pa dang / rgya chen po dang / tshad med pa dang / phra ba dang / che ba dang / snrel zhi dang / spyi'u tshugs su rgyu ba thams cad ma lus pa lhag ma med pa mtha' dag pa ni mnyam par yang dag par 'jug pa khong du chud par bya ba dang / mig 'phrul gyi rnam pa lhar phyogs bcu'i rnam pa tha dad pa ma lus pa'i rnam pa la 'jug pa rnam par phye ba'i ye shes khong du chud cing mngon du 'gyur bar bya ba'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa bgrangs pa thams cad du 'jig rten gyi khams bgrangs par 'jig rten gyi khams thams cad la 'jug cing yongs su dag par bya ba'i phyir smon lam chen po mngon par sgrub bo/ / 'di lta ste/ zhing thams cad gcig tu yang dag par gzhol bar bya ba dang / zhing gcig zhing thams cad du yang dag par gzhol bar bya ba dang / yongs su sbyang ba dang / sangs rgyas kyi zhing tshad med pa 'od mang po'i rgyan gyis rab tu brgyan par bya ba dang / kun nas nyon mongs pa thams cad bsal bas yongs su dag pa'i lam dang ldan pa dang / sems can ye shes kyi 'byung gnas tshad med pas yongs su gang ba'i sangs rgyas kyi yul rgya chen po la yang dag par gzhol zhing khong du chud par bya ba dang / bsam pa'i tshul bzhin du sems can
- 78a
rnams la yang dag par bstan cing shin tu tshim par bya ba'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa'i phyi ma'i mtha'i mur thug pa bskal pa bgrangs pa thams cad du zhing bgrangs par sangs rgyas kyi zhing yongs su dag par bya ba la rgyun mi 'chad pa'i smon lam chen po mngon par sgrub bo/ / 'di lta ste/ byang chub sems dpa' thams cad dang bsam pa gcig pa'i sbyor ba dang / lhod pa med pa'i dge ba'i rtsa ba thams cad bsags pa dang / byang chub sems dpa' thams cad dang dmigs pa gcig cing mnyam pa dang / byang chub sems dpa' dang rtag tu rgyun mi 'chad par 'grogs shing mi 'bral ba dang / sangs rgyas 'byung ba ci dkar bstan pa dang / rang gi sems bskyed pas de bzhin gshegs pa thams cad kyi yul dang / mthu dang ye shes khong du chud par bya ba dang / / ma nyams shing rjes su 'brang ba'i mngon par shes pa rab tu 'thob par bya ba dang // 'jig rten gyi khams thams cad du rnam par rgyu bar bya ba dang / sangs rgyas thams cad kyi 'khor gyi dkyil 'khor du gzugs brnyan 'byung ba yang dag par bstan pa dang / skye ba'i skye gnas thams cad du rang gi lus rjes su 'gro bar bya ba dang / theg pa chen po bsam gyis mi khyab pa dang ldan pa'i byang chub sems dpa'i spyod pa thams cad spyad pa rgyun mi 'chad pa'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa'i phyi ma'i mtha'i mur thug pa/ bskal pa bgrangs
- 78b
pa thams cad du spyod pa bgrangs par theg pa chen po mngon par bsgrub pa la/ rgyun mi 'chad pa'i smon las chen po mngon par sgrub bo// 'di lta ste/ phyir mi ldog pa'i 'khor lo la ya ra gnas sha byang chub sems dpa'i spyod pa spyad pa dang / lus dang / ngag dang / yid kyi las don yod par bya ba dang / mthong ma thag tu sangs rgyas kyi chos gdon mi za bar 'thob par bya ba dang / dbyangs brjod pa zag tu ye shes khong du chud par bya ba dang / dad par gyur ma thag tu nyon mongs pa phyir mi ldog par bya ba dang / bsam pa sman gyi rgyal po chen po lta bu rab tu 'thob par bya ba dang / lus yid bzhin gyi nor bu lta bu 'thob par bya ba dang / byang chub sems dpa'i spyod pa thams cad spyad pa'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa// phyi ma'i mtha'i mur thug pa/ bskal pa bgrang pa thams cad du phyir mi ldog pa'i 'khor lo bgrangs par spyod pa thams cad 'bras bu yod pa rgyun mi 'chad pa'i smon lam chen po mngon par sgrub bo/ / 'di lta ste/ 'jig rten gyi khams thams cad du bla na med pa yang dag par rdzogs pa'i byang chub tu mngon par 'tshang rgya ba dang / sgra'i sbubs gcig dang tha mi dad pa'i sgra'i sbubs thams cad du tshe dang / skye ba dang / gzhon nu rol pa dang / btsun mo'i 'khor gyi nang na bzhugs pa dang / mngon par 'byung ba dang / rnam par 'phrul pa dang / snying po byang chub tu gshegs pa dang / bdud gdul ba dang / mngon par 'tshang rgya ba dang / gsol ba gdab pa dang / chos kyi 'khor lo bskor ba dang / yongs
- 79a
su mya ngan las 'das 'da' ba chen po bstan pa dang / sangs rgyas kyi yul dang / mthu dang / ye shes chen po khong du chud par bya ba dang / sems can gyi khams thams cad kyi bsam pa jis ba bzhin du sangs rgyas 'byung ba dang / skad cig skad cig tu mngon par 'tshang rgya ba dang / rab du zhi ba 'thob par bya ba yang dag par bstan pa dang / mngon par 'tshang rgya ba gcig gis chos kyi dbyings thams cad 'phrul pas rgyas par dgang ba dang / dbyangs gcig brjod pas sems can gyi khams thams cad kyi sems dang / bsam pa shin du tshim par bya ba dang / mya ngan las 'das pa chen po yong su bstan pa dang / spyod pa rnams rgyun mi 'chad par bya ba dang / theg pa chen po'i sa la chos thams cad rnam par dgod pa yang dag par bstan pa dang / chos shes pa'i rdzu 'phrul gyi sgyu dang mngon par shes pa dang / dbang gis chos kyi dbyings thams cad sprul pas rnam par dgang ba'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa bgrangs pa thams cad du mngon par 'tshang rgya ba bgrangs par ye shes chen po'i mngon par shes pa rgyun mi 'chad pa'i smon lam chen po mngon par sgrub bo// kye rgyal ba'i sras dag/ de ltar rnam pa 'di lta bu'i smon lam chen po dang / brtson 'grus chen po dang / mngon par sgrub pa chen po'i smon lam gyi sgo bcu po 'di dag la sogs pa/ smon lam brgya stong grangs
- 79b
med pa phrag bcu tshang ba dag byang chub sems dpa'i sa rab tu dga' ba la gnas pa'i byang chub sems dpas 'thob bo/ / mngon par sgrub bo// smon lam de dag kyang mthar thug pa'i gnas bcus mngon par sgrub ste/ bcu gang zhe na/ 'di lta ste/ sems can gyi khams kyi mthar thug pa dang / 'jig rten gyi khams kyi mthar thug pa dang / nam mkha'i khams kyi mthar thug pa dang / chos kyi khams kyi mthar thug pa dang / ngan las 'das pa'i khams kyi mthar thug pa dang / sangs rgyas 'byung ba'i khams kyi mthar thug pa dang // de bzhin gshegs pa'i ye shes kyi khams kyi mthar thug pa dang / sems kyi dmigs pa'i khams kyi mthar thug pa dang / ye shes mngon par bsgrub pa'i khams kyi mthar thug pa dang / 'jig rten gyi rgyud dang / chos kyi rgyud dang / ye shes kyi rgyud kyi khams kyi mthar thug dag go// / bam po bzhi bcu drug pa/ de ltar smon lam chen po 'di dag sems can gyi khams kyi mtha' gang du thug pa de'i mthar thug par gyur cig/ smon lam chen po 'di dag 'jig rten gyi khams kyi mtha' gang du thug pa dang / nam mkha'i khams dang / chos kyi khams dang / mya ngan las 'das pa'i khams dang / sangs rgyas 'byung ba'i khams dang / de bzhin gshegs pa'i ye shes kyi khams dang / sems kyi dmigs pa'i khams dang / ye shes mngon par bsgrub pa'i khams dang / 'jig rten gyi rgyud dang / chos kyi rgyud dang / ye shes kyi rgyud kyi khams kyi
- 80a
bya/ mtha' gang du thug pa de'i mthar thug par gyur cig/ 'di ltar sems can gyi khams mthar thug pa med pa dang / 'jig rten gyi khams dang / chos kyi khams dang / mya ngan las 'das pa'i khams dang / sangs rgyas 'byung ba'i khams dang / de bzhin gshegs pa'i ye shes kyi kham dang / sems kyi dmigs pa'i khams dang / ye shes kyi mngon par bsgrub pa'i khams dang 'jig rten gyi rgyud dang / chos kyi rgyud dang / ye shes kyi rgyud kyi khams mthar thug pa med pa de bzhin du smon lam chen po 'di dag kyang mthar thug pa med par gyur te/ bdag gi dge ba'i rtsa ba 'di dag kyang mthar thug pa med par gyur cig ces/ de ltar smon lam shin tu bsgrubs shing / phan pa'i sems dang ldan pa/ 'jam pa'i sems dang ldan pa/ las su rung ba'i sems dang ldan pa/ zhi ba'i sems dang ldan pa/ dul ba'i sems dang ldan pa/ nye bar zhi ba'i sems dang ldan pa/ mnyen pa'i sems dang ldan pa/ byams pa'i sems dang ldan pa/ 'khrug pa med pa'i sems dang ldan pa/ slong ba med pa'i sems dang ldan pa/ de ni legs par rtog pa mang zhing dad pa dang ldan pa yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams kyi sngon gyi mtha'i spyod pa mngon bar bsgrubs pa'i rgyud la yid ches pa yin/ pha rol tu phyin pa yang dag par bsdu ba la yid ches pa yin/ sa yang dag par bsgrub pa dang / khyad par du 'gyur ba la mngon par ming ches pa yin// stongs rje/
- 80b
su 'grub pa la mngon par yid ches pa yin/ mi 'jigs pa yongs su rdzogs par 'gyur ba la mngon par yid ches pa yin/ sangs rgyas kyi chos ma 'dres pa mi 'phrogs pa la mngon par yid ches pa yin/ sangs rgyas kyi chos bsam gyis mi khyab pa la mngon par yid ches pa yin/ sangs rgyas kyi yul mtha' dang dbus med pa mngon par bsgrub pa la mngon par yid ches pa yin/ de bzhin gshegs pa'i spyod yul tshad med pa'i rjes su song ba'i rjes su 'jug pa la mngon par yid ches pa yin/ 'bras bu yongs su grub pa la mngon par yid ches pa yin te/ mdor bsdu na byang chub sems dpa'i spyad pa thams cad/ de bzhin gshegs pa'i sa dang ye shes kyi bar du shin tu bstan pa'i byin gyi rlabs la mngon par yid ches pa yin no// yang de 'di snyam du sems te/ sangs rgyas kyi chos 'di dag de ltar rgya che zhing de ltar zab la/ de ltar dben zhing // de ltar zhi ste/ de ltar stong la/ de ltar mtshan ma med cing // de ltar smon pa med la/ de ltar chags pa med de/ de ltar gos pa med cing / de ltar tshad med la/ sangs rgyas kyi chos de dag de ltar rlabs chen 'on kyang byis pa so so'i skye bo 'di dag lta ba ngan par lhung ba'i rgyud dang / ma rig pa'i mun nag dang / rab rib kyi thibs pos kun nas khebs pa'i yid dang / nga rgyal gyi rgyal mtshan shin tu bsgreng ba'i yongs su rtog pa dang / sreng ba'i dra bas mngon par ye bajam pa'i yid la bya ba dang / sku dang g.yo'i thibs po la rjes su sbyong ba'i sems dang / bsam pa dang / phrag dog dang / 'jungs pa can gyi
- 81a
kun nas 'khor bas/ lam gyi rgyud du skye ba'i kun tu 'brel ba dang / 'dod chags dang / zhe sdang dang / gti mug la spyod pa'i las shin tu bsags pa dang / khrob dang khon du 'dzin pas 'bar bar byas pa'i sems kyi me lce dang / phyin ci log dang bcas pa'i las mngon par bsgrub pa dang / 'dod pa dang / srid pa'i ma rig pa dang / lta ba dang / kun tu zag pa'i bag chags mtshams 'brel ba'i sems dang / yid dang / rnam par shes pa'i sa don gyis 'di lta ste/ khams gsum du ming dang gzugs lhan cig tu skyes shing tha mi dad par byung ba'i yang skye ba'i sdug bsngal gyi myu gu mngon par skyed do/ / ming dang gzugs de rnam par 'phel nas/ skye mched drug gi tshogs 'byung bar 'gyur ro// skye mched rnams byung bas phan tshun reg po dang phrad cing 'dus pas tshor ba mngon par 'byung ngo / / tshor ba myong ba de nyid la yang dang / yang mngon par dga' bas sred pa dang / nye bar len pa rnam par 'phel lo// nye bar len pa rnam par 'phel bas srid pa kun tu 'byung ngo / / srid pa kun tu byung bas skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyang 'byung bar 'gyur te/ de ltar sems can de dag gi sdug bsngal gyi phung po bdag dang bdag gi med pa/ gsob gsog stong pa byed pa med pa/ sems med pa/ rtswa dang / shing dang / rtsig pa dang / sgang sgong dang / mig yor lta bu mngon par 'byung yang de ltar khong du
- 81b
mi chung ngo zhes/ de la byang chub sems dpa' sems can de dag de ltar sdug bsngal kyi phung po dang 'bral mi myong ba mthong nas/ de'i phyir de'i snying rje chen po rgyas pa 'byung ste/ sems can 'di dag ni bdag gis yongs su bskyab par bya ba dag go/ / yongs su dgrol bar bya ba dag go// shin tu bde ba la dgod par bya ba dag go snyam ste/ de'i phyir de'i byams pa chen po rgyas par 'byung ngo // kye rgyal du'i sras dag/ de ltar byang chub sems dpa' snying rje dang / byams pa de lta bu'i rnam pa dang ldan pa'i lhag pa'i bsam pas/ byang chub sems dpa'i sa dang po la gnas pa tsha/ dngos po thams cad la 'phangs par sems pa'i sems yongs su spangs nas/ sangs rgyas kyi ye shes la mos pa dang / dad pa rlabs po che'i blos sbyin pa chen po la rab tu brtson par byed de/ de 'di ltar 'di lta ste/ nor dang 'bru'i mdzod dang / bang ba yongs su gtang bar bya ba dag gam/ gser dang / nor bu dang / mu tig dang / bai nuR+Ya dang / rin po che shI la dang / byu ru dang / dngul dang / sa le sbram yongs su gtang bar bya ba 'am/ rin po che'i rgyan dang lhab lhub yongs su gtang ba 'am/ rta dang / glang po dang / shing rta dang / rkang tang dang / bzhon pa yongs su gtang ba 'am/ bran po dang / bran mo yongs su gtang ba 'am/ grong dang / grong khyer dang / ljongs dang pho brang 'khor dang rgyal po'i gnas yongs su gtang ba 'am/ bza' shing gi rab dang / dka' thub kyi nags tshal dang / gtsug lag khang yongs su gtang ba 'am/ chung ma dang / bu dang / bu ma
- 82a
yongs su gtang ba 'am/ sdug cing yid du 'ong ba'i dngos po thams cad yongs su gtang ba 'am/ mgo dang / rna ba dang / rkang lag dang / mig dang / yan lag gi dam pa dang / lus thams cad yongs su gtang ba 'am/ gtang bar bya ba'i dngos po de dag thams cad la chags pa med par byas nas/ sangs rgyas kyi ye shes la dad pa dang / mos pa'i blos yongs su gtong ste/ de ltar de byang chub sem sa pa'i sa dang po 'di la gnas pa'i tshe gtong ba chen po rab tu byed do/ / de de ltar byams pa dang / snying rje dang / gtong ba'i bsam pa dang ldan pas sems can yongs su bskyab pa'i phyir/ yang dang yang 'jig rten pa dang / 'jig rten las 'das pa'i don yongs su tshol zhing don du gnyer to// de de ltar yongs su tshol zhing don du gnyer ba'i tshe yongs su skyo ba'i sems mi skye ste/ de'i phyir de'i yongs su mi skyo ba'i sems mngon par 'byung ngo / / yongs su skyo ba med pas gtsug lag thams cad la 'jigs pa med pa yin/ de'i phyir de gtsug lag thams cad la rab tu shes pa yin te/ de de lta bu'i gtsug lag dang ldan pas bya ba dang / mi bya ba shin tu rtogs pa'i blos sems can rab dang / 'bring dang / tha ma la dad pa'i tshul ji lta ba dang / ci 'os pas ci nus su snying zag pa nas yang dag pa nyid thob par bya ba'i phyir brtson par byed do/ / nan tan du byed do// de'i phyir de 'jig rten shes pa yin te/ 'jig rten shes pas dus dang tshod du ran par spyod cing ngo tsha shes pa dang / khral yod pas bsam pa
- 82b
shin tu brgyan pas/ bdag dang gzhan gyi don du rab tu brtson par byed de/ de'i phyir ngo tsha shes shing khrel yod pa yin/ sbyor ba de dag la'ang 'byung bar spyod pa yin/ phyir mi ldogs shing phyir mi ldogs pa'i brtson 'grus dang / stobs kyi shugs kyang rab tu thob pa yin te/ de ltar de dga' ba'i stobs dang shugs yongs su skyes pa yin/ dga' ba'i stobs dang shugs rab tu thob pas/ de bzhin gshegs pa mchod cing rim gro bya ba la rab tu brtson zhing bstan pa la'ang nan tan shin tu byed do/ / de ltar de'i sa yongs su sbyong ba'i chos 'di lta ste/ dad pa dang / snying rje dang / byams pa dang / gtong ba dang / skyo ba med pa dang / gtsug lag shes pa dang / 'jig rten shes pa dang / khrel yod cing ngo tsha shes pa dang / dga' ba'i stobs kyi shugs dang / de bzhin gshegs pa mchod cing rim gro bya ba'i nan tan yongs su skyes pa yin no/ / de de ltar byang chub sems dpa'i sa rab tu dga' ba 'di la gnas pa'i tshe/ lta ba rgya chen po dang / smon lam gyi stobs kyis sangs rgyas mang po rab tu snang bar 'gyur te lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang
- 83a
sangs rgyas bye ba khrag khrig brgya stong phrag mang po rab tu snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos rim gro byed do/ / bkur sti byed do// mchod pa byed do// na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo/ / dge 'dun gyi tshogs rnams la yang dag par mchod par byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo'o/ / de ltar des sangs rgyas bcom ldan 'das de dag mchod pas sems can yongs su smin par bya ba mngon par grub pa yin/ de bsdu ba'i dngos po sbyin pa dang / ngag snyan pa gnyis kyi shas che bas/ sems can rnams yongs su smin par byed de/ de'i mos pa'i shugs dang / stobs kyis bsdu ba'i dngos po gong ma gnyis kyang yongs su 'grub par 'gyur te/ ma lus par khong du chud par ni ma yin no/ / de'i pha rol tu phyin pa bcu las sbyin pa'i pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma yin no// de ji lta ji ltar sangs rgyas bcom ldan 'das rnams la mchod pa byed cing / / sems can yongs su smin par bya ba la brtson pa dang / sa yongs su sbyong ba'i chos 'di dag yang dag par blangs te/ gnas pa de ltar de'i dge ba'i rtsa ba
- 83b
thams cad mkhyen pa nyid du yongs su bsngos pa/ de dag de bas kyang shas cher shin tu byang ba dang / yongs su dag pa dang las su rung bar 'gyur ro// kye rgyal ba'i sras ngag 'di lta ste dper na mgar ba mkhas pas gser gyi sa le sbram ji lta ji ltar mer bsregs pa de lta de ltar shin tu byang zhing yongs su dag pa dang / ci dgar las su rung bar 'gyur ro// kye rgyal ba'i sras dag/ bzhin du byang chub sems dpa' rnams ji lta ji ltar sangs rgyas bcom ldan 'das rnams la mchod pa byed cing / sems can yongs smin par bya ba la brtson par byed pa dang / sa yongs su sbyong ba'i chos kyi rnam pa 'di lta bu dag yang dag par blangs te gnas pa de lta de ltar dge ba'i rtsa ba thams cad mkhyen pa nyid du bsngos pa de dag shin tu byang ba dang / yongs su dag pa dang / ci dgar las su rung bar 'gyur ro// kye rgyal ba'i sras dag/ gzhan yangs dang po la gnas pa'i byang chub sems dpa'i sems dpa' chen pos/ byang chub sems dpa'i sa dang po de nyid kyi rnam pa dang / 'thob par bya ba dang / rgyu mthun pa'i 'bras bu sangs rgyas dang / byang chub sems dpa' dang / dge ba'i bshes gnyen las yongs su btsal zhing yongs su dri bar bya'o// sa'i yan lag yongs su bsgrub pa'i phyir yang ngoms mi shes par byas te// des byang chub sems dpa'i sa dang po 'di la gnas pa'i tshe/ byang chub sems dpa'i sa gnyis pa dang / gsum pa dang / bzhi pa dang / lnga pa dang / drug pa dang / bdun pa dang / brgyad pa dang / dgu pa dang / 'du 'i/
- 84a
rnam pa dang / 'thob par bya ba dang / rgyu mthun pa'i 'bras bu sangs rgyas dang / byang chub sems dpa' dang / dge ba'i bshes gnyen las yongs su btsal zhing yongs su dri bar bya'o// sa'i yan lag yongs su bsgrub pa'i phyir yang ngoms mi shes par bya'o// des sa'i phyogs dang mi mthun pa'i phyogs la mkhas par bya'o// sa 'grub pa dang 'jig pa la mkhas par bya'o// sa'i rnam pa dang rgyu mthun pa'i 'bras bu la mkhas par bya'o/ / sa 'thob par bya ba dang rnam par bsgom pa la mkhas par bya'o// sa'i rnam pa yongs su sbyang pa la mkhas par bya'o// sa nas sar 'phar ba la mkhas par bya'o/ / sa dang sa la rnam par gnas pa la mkhas par bya'o// sa nas sa'i gnas gzhan du 'pho bar bya ba la mkhas par bya'o// sa nas sar yongs su sbyang ba'i khyad par gyi ye shes la mkhas par bya'o/ / sa nas sa thob nas phyir mi ldog pa'i ye shes la mkhas par bya'o// byang chub sems dpa'i sa yongs su sbyang bas/ de bzhin gshegs pa'i sa mnon pa la mkhas par bya'o// kye rgyal ba'i sras dag/ de ltar byang chub sems dpa' sems dpa' chen po sa'i rnam pa mngon par bsgrub pa la mkhas pa ni sa dang po las gyen du ma bskyod par sa bcu'i bar du mnan cing thob par bya ba thogs pa med de/ thogs pa med par 'gro ba dang / sa'i ye shes snang bas/ sangs rgyas kyi ye shes snang ba'ang rab tu 'thob bo// kye rgyal ba'i sras ngag 'di lta ste/ dper na ded dngon chen po
- 84b
mkhas pa lam grogs su gdon pa'i bsam pa dang ldan pa/ / grong rdal chen po'i sar phyin par bya bar 'dod pa ni thog ma nas lam dang / lam gyi yon tan dang / lam las gol ba'i nyes pa dang / lam gyi bar lam gyi khyad par dang / lam gyi bar lam 'khrul na nyes par 'gyur ba dang / lam du bya mi bya dang / brgyags bshams pa yongs su tshol zhing kun 'dri'o// thog ma'i lam gyi bar lam nas ma 'phags pa nas grong rdal du phyin gyi bar du shin tu mkhas pa yin te/ lam gyi bar lam de nas ma 'phags par de nyid nas shes pas shin tu brtags pa'i blo dang / brgyags kyi tshogs chen po phun sum tshogs pas lam grogs mang po rnams nyam nyes med par grong rdal chen po der phyin par byed de/ mya ngan dang dgon pa'i nyes pas bdag dang lam grogs rnams la gnod par mi 'gyur bar byed do// kye rgyal ba'i sras dag/ de bzhin du byang chub sems dpa' sems dpa' chen po ded dpon mkhas pa'ang gang gi tshe/ byang chub sems dpa'i sa dang po la gnas shing / sa'i phyogs dang mi mthun pa'i phyogs la mkhas pa dang / sa 'grub pa dang 'jig pa la mkhas pa dang / sa'i rnam pa dang rgyu mthun pa'i 'bras bu la mkhas pa dang / sa 'thob par bya ba dang rnam par bsgom pa la mkhas pa dang sa'i yan lag yongs su sbyang ba la mkhas pa dang / sa nas sar 'phar ba la mkhas pa dang / sa nas sar rnam par gnas pa la mkhas pa dang / sa nas sar khyad par du 'gyur ba'i ye shes la
- 85a
mkhas pa dang / sa nas sa thob pa las phyir mi ldog pa la mkhas pa dang / byang chub sems dpa'i sa thams cad yongs su sbyong bas de bzhin gshegs pa'i sa gnon pa la mkhas par gyur pa de'i tshe bsod nams kyi tshogs chen po'i brgyags yongs su bzung ba dang / ye shes kyi tshogs chen po la rnam par dbye ba shin tu byas pa dang / sems can gyi lam grogs mang po yongs su gdon pa'i bsam pa dang ldan pas thams cad mkhyen pa'i grong rdal chen por phyin par bya bar 'dod cing / thog ma nus sa'i lam dang / sa'i lam gyi yon tan dang / sa'i lam gol ba'i nyes pa dang / sa'i lam gyi bar lam gyi khyad par dang / sa'i lam gyi bar lam 'khrul na nyes par 'gyur ba dang / bsod nams kyi tshogs chen po'i brgyags bshams shing bsogs pa dag kyang / sangs rgyas dang / byang chub sems dpa' ngag dang / dge ba'i bshes gnyen dag las yongs su tshol zhing yongs su 'dri ste/ de lam gyi bar lam dang po nas gyen du ma 'phags par thams cad mkhyen pa'i grong rdal chen por phyin par bya ba'i bar du mkhas pa yin/ de de ltar ye shes kyis rnam par rtogs pa'i blo dang / bsod nams dang / ye shes kyi tshogs chen po'i brgyags phun sum tshogs pas/ sems can gyi lam grogs kyi tshogs tshon pa yongs su smin pa'i tshul bzhin du 'khor gyi mya ngan dang / dgon pa rgal dka' ba la bsgral te// thams cad mkhyen pa'i ye shes kyi grong rdal chen po'i bar du phyin par byed cing / 'khor ba'i myangan dang / danan
- 85b
pa'i nyes pas sems can lam grogs sam/ bdag la gnod par yang mi 'gyur bar byed do// kye rgyal ba'i sras dag/ de bas na byang chub sems dpa' sems dpa' chen pos yongs su skyo ba med pa'i yid kyis sa yongs su sbyang ba'i khyad par la brtson par bya'o/ / de bzhin gshegs pa thams cad kyi ye shes kyis mnan pa'i bar du'ang mkhas par bya'o// kye rgyal ba'i sras drag/ 'od ni byang chub sems dpa' sems dpa' chen po rnams kyi byang chub sems dpa'i sa dang po rab tu dga' ba'i sgor 'jug pa mdor bsdus te bstan pa'o/ / rgya cher ni shin tu bstan pa brgya stong grangs med la rnam pa'i mur thug pa med pa ste/ bskal pa grangs med pa'i mthar thug par shin tu bstan pa'i tshul gyis khong du chud par bya'o// de la gnas pa'i byang chub sems dpa' sems dpa' chen po ni phal cher 'dzam bu'i gling gi rgyal por 'gyur te/ srid chen po la dbang sgyur ba rab tu thob cing chos kyis yongs su bskyang ba dang / sems can rnams sbyin pa chen pos yongs su bsdu ba la mkhas shing mthu yod pa yin// sems can rnams kyi 'jungs pa'i dri ma bzlog pa la mkhas pa yin/ sbyin pa chen po rtsom pas yongs su dub par mi 'gyur ba yin/ de sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ rnam par
- 86a
'dren par 'gyur/ yongs su 'dren par 'gyur ba nas// thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yang la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres po yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'dral ba yin/ de 'dod na skad cig yud tsam thang cig tu khyim dang / chung ma dang / srid thams cad yongs su spangs te/ de bzhin gshegs pa'i bstan pa la rab tu 'byung ba dang / rab tu byung nas kyang skad cig yud tsam thang cig tu ting nge 'dzin brgya rab tu 'thob cing snyoms par 'jug pa dang / sangs rgyas brgya mthong ba dang / de dag gi byin gyi rlabs kyang yang dag par shes pa dang / 'jig rten gyi khams brgya bskyod pa dang / sangs rgyas kyi zhing brgyar 'gro ba dang / 'jig rten gyi khams brgya snang bar bya ba dang / sems can brgya yongs su smin par bya ba dang / bskal pa brgyar gnas par bya ba dang / sngon gyi mtha' dang phyi ma'i mtha'i bskal pa brgya la rab tu 'jug pa dang / chos kyi sgo brgya rnam par 'byed pa dang / lus brgya yongs su bstan pa dang / lus re re la'ang byang chub sems dpa'i 'khor brgya yang dag
- 86b
par bstan par bya ba'i brtson 'grus kyi rnam pa de lta bu rtsom mo/ / de yan chad byang chub sems dpa'i smon lam gyi mthu can rnams smon lam gyi khyad par gyis rnam par 'phral te/ de dag gi lus sam/ 'ong ngam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dang bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du mas kyang dgang bar dka' 'o// de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so// de dag dkar po'i chos bsag dge ba phul ldan zhing / / bde gshegs yongs su bsnyen bkur snying rje byams ldan la// dad pa rgya che dag sems dang tshul dga' ldan pa// rgyal ba'i ye shes don du rlabs chen sems kyang bskyed// rgyal ba'i chos rdzogs 'gro ba yongs su bskyab don du/ / thams cad mkhyen pa sangs rgyas stobs sbyong brtan mthu can// brtse rab chen pos chos kyi 'khor lo bskor bya bas// rgyal ba'i zhing sbyong sems kyi dam pa rab tu skyed/ 'gro bar rnam pa sna tshogs dus rnams bstan pa'i phyir// 'dren pa kun gyi yon tan thams cad 'dod tshol zhing // dus gsum skad cig gcig tu mi tog shes byed pa'i// mkha' 'dra
- 87a
shin tu yangs pa'i sems dang ldan par byed/ / shes dbang sgyur snying rje sngon 'gro thabs ldan zhing // mos dang bsam pa rnam dag stobs kyis tshad med la// chags med mngon gyur gzhan gyi dring la mi 'jog pa/ / bde gshegs rnams dang mnyam gyur sems kyi dam pa skyed// bde gshegs sras sems rin chen yang dag skyes 'phral du// byis pa'i spyod bral sangs rgyas rnams kyi spyod dang ldan/ / stobs bcu mnga' rigs kha na ma tho med par skyes// bde gshegs mnyam nyid rjes rtogs byang chub mchog tu ngos// 'di 'dra'i sems dang sa 'thob lhan cig mngon par skyes// bsam pa mi g.yo ri yi rgyal po 'dra bar gnas// rab tu dga' zhing spro mang dang dang ldan pa ste// mos pa'i shugs yangs rtag par sems kyi mchog dang ldan// 'khrug dang 'tshe ba med cing khro ba med pa ste/ / ngo tsha shes shing sri zhu dang ldan shin tu bsdams// 'gro ba yongs su bskyab pa'i mtshungs med ye shes dran gyur cing // 'dod par bya ba'i gnas dang ldan gyur dga' ba skyed// sa thob gyur ma thag tu 'jigs pa lnga dang 'bral/ / 'tsho ba med dang 'chi dang mi bsngags ngan 'gro dang // 'khor gyi 'jigs bral de la bag cha'i rnam pa med// ci phyir zhe na de la bdag gi gnas med do// de dag bag chags bral zhing snying rje byams dang ldan/ / bsti stang dang ldan dga' ba phun sum yon tan mang // nyin dang mtshan du dge ba'i phyogs la rten byed cing // sems can don du chos brtson 'dod skying phyir ma yin/
- 87b
/ dge ba'i chos thos bsam la mkhas shing gnas med spyod// thob sems sred bral byang chub sems la rtag par dga'// bde gshegs ye shes 'dod cing gzhan du sems pa med// pha rol phyin pa chos zhing sgyu dang g.yo yang spangs/ / ci smras de bzhin byed pas bden pa'i tshig la gnas// rgyal ba'i rigs skyon mi 'gyur byang chub slob la spyod// 'jig rten las kyi bsam bral 'gro ba'i don du brtson// dka pos ngoms pa med par phyir zhing gong du rtsol// de dag 'di 'dra'i chos brtson yon tan don dang ldan// rgyal ba blta ba'i don du smon lam mngon par sgrub// dam chos yongs su gzung zhing drang srong drung 'gro dang / / spyod pa mchog gi don du smon lam mngon par sgrub// sems can yongs su smin bya sangs rgyas zhing sbyong ste// de yi zhing mchog rgyal sras kun gyis gang 'gyur zhing // rgyal sras rnams dang bsam pa gcig cing don mthun phyir// skra sbubs kun tu don gyi dam pa mngon 'tshang rgya// de dag smon lam du ma mngon par sgrub pa byed// de dag mtha' yas yangs shing mthar thug med dang ldan/ / nam mkha'i khams dang chos nyid mya ngan 'das khams dang // 'jig rten mthar thug rgyal ba 'byung dang ye shes sa// sems kyi yul dang ye shes 'jug pa'i mthar thug dang rnam gsum rgyud rnams mthar thug 'gro ba'i mur thug pa/ / rnam pa de tshul bdag smon mthar yang thug gyur cig/ de dag mthar thug ji bzhin bdag spyod de 'drar shog/ de ltar mngon bsgrubs 'jam
- 88a
zhing byams pa'i sems ldan pa/ / sangs rgyas yon tan yid ches sems can rnam par lta// sems can sdug bsngal nyon mongs bdag gis bskyab ces te// rten 'brel 'byung 'jug snying rje byams dang ldan pa ni/ / de dag don du sna tshogs sbyin pa yang du rtsom// rgyal srid mchog dang rin chen sna tshogs glang po rta// mgo dang rkang lag mig dang de bzhin bdag gi sha// thams cad yongs su gtong yang zhum pa'i yid med do/ / gtsug lag sna tshogs tshol yang yongs su skyo ba med// gtsug lag 'jig rten spyod pa'i rjes kyang rab tu bsnyegs// 'jig rten shes dang ldan zhing khrel yod dga' dang ldan/ / bde gshegs gcig min rim gro rje ser mchod pa byed// de ltar mkhas pa nyin mtshan rtag tu brtson pa yi// dge ba mer bcug gser bzhin shin tu dag par 'gyur// de dag sa rnams bcu po 'di la sbyang byas shing / / thogs pa med par rlags med rab tu thob par 'gyur// ji ltar ded dpon lam grogs mang la phan brtson pa// lam gyi yon tan dris shing bde ba'i grong du skyel// de bzhin byang chub sems dpa' dang po'i sa gnas pa// 'gro ba'i don bshams chags med sa bcur rab tu 'thob// 'di gnas yon tan ldan pa mi yi dbang por 'gyur// byams pa'i sems kyis sa rnams ma lus yongs su skyong / / 'dzam bu'i rgyal mtshan srid kun rab tu skyong byed cing // sbyin pas 'gro ba sangs rgyas ye shes mchog la 'god// khyu mchog dam pa 'dod na rgyal srid rab tu gtong // rgyal ba'i
- 88b
bstan par rab tu byung zhing brtson 'grus rtsom/ / ting 'dzin brgya dang sangs rgyas brgya rnams mthong bar byed// zhing brgya bskyod cing rab tu snang byed kun tu 'gro// sems can brgya skyong chos kyi sgo la 'god pa byed/ / bskal pa brgyar 'jug lus brgya rab tu ston pa byed// rgyal ba'i sras kyang brgya yi grangs tshad yongs su ston// de yi gong na smon mchog stobs ldan tshad kyang med// bdag gi don du mdor bsdus te/ sa rnams khyed la bshad pa byas// rgya cher bskal pa bye bar yang // thams cad zad par mi nus so// de ltar sa yi dang po 'di// 'jig rten kun la phan sems pa'i// byang chub sems dpa' mchog rnams la/ / rgyal ba'i sras kyis bstan pa yin// rab tu dga' ba zhes bya ba ste/ byang chub sems dpa'i sa dang po'o// sa mchog yid du 'ong ba 'di'i// gnas kyi dam pa thos gyur nas// bde bar gshegs pa'i sras kyi rnams// yid rtog drang zhing rab tu dga'// kun kyang stan las langs gyur te// mkha' yi dbyings la mngon 'phags nas// me tog sil ma rab tu 'thor// legs shes bya ba'i tshig kyang rjod/ / rdo rje'i snying po 'jigs med pa// shes rab chen po legs so legs// byang chub sems dpa'i spyod pa ste// sa 'di khyod kyis legs par bshad// 'khor 'di rnam par dang zhing gsal/ / rnam grol zla ba 'di yang 'di// rgyal ba'i sras kyi gong du yang // sa gnyis rab tu brjod pa mdzod// yid kyi rtog pa ci 'dra bas// sa gnyis pa ni 'thob 'gyur ba// shes rab chen
- 89a
pos bshad par mdzod/ / rgyal ba'i sras rnams mnyan par 'dod// byang chub sems dpa' rdo rje'i snying pos smras pa/ kye rgyal ba'i sras dag/ de ltar byang chub sems dpa' sa dang po la yongs su sbyang ba byas pa de sa gnyis pa la mngon par mos pa yin te/ de'i sems kyi bsam pa bcu 'byung ngo // bcu gang zhe na/ 'di lta ste/ drang po'i bsam pa dang / 'jam pa'i bsam pa dang / las su rung ba'i bsam pa dang / dul ba'i bsam pa dang / zhi ba'i bsam pa dang / dge ba'i bsam pa dang / ma 'dres pa'i bsam pa dang / mi ltos pa'i bsam pa dang / rlabs po che'i bsam pa dang / bdag nyid che ba'i bsam pa dang / sems kyi bsam pa bcu po 'di dag 'byung ste/ de dag gis byang chub sems dpa'i sa gnyis pa dri ma dang bral ba la gnas pa yin/ / kye rgyal ba'i sras dag/ de la byang chub sems dpa'i sa dri ma dang bral ba la gnas pa'i byang chub sems dpa' ni rang bzhin gyis srog gcod pa dang bral ba yin te/ dbyig pa spangs/ mtshon cha spangs/ khon du 'dzin pa spangs shing ngo tsha dang ldan pas srog chags su gyur pa thams cad la phan pa drang bde bas phan 'dogs shing byams pa'i sems dang ldan pa yin te/ de yid kyis yongs su rtog pa tsam gyis kyang srog chags la 'tshe ba mi byed na/ sems can gzhan la sems can du 'du shes shing ched du bsams te lus la gtse ba chen po bya ba lta ci smos/ bdag
- 89b
gi longs spyod kyis chog shes shing gzhan gyi longs spyod la re ba med pas ma byin pa len pa dang bral ba yin te/ de gzhan gyis yongs su bzung ba'i dngos po la bzhin gyis yongs su bzung bar 'du shes shing rku sems nye bar gzhag ste/ chung ngu na rtswa dang lo ma'ang ma byin par mi len na/ 'tsho ba'i yo byad gzhan lta ci smos// bdag gi chung mas chog shes shing gzhan gyi chung ma la re ba med pas 'dod pas log par g.yem pa dang bral ba yin te/ de gzhan gyis yongasu zhu ba'i bud med gzhan gyi chung ma rus dang / mtshan ma dang / chos kyis bsrung ba'i rnams la chags sems kyang mi skyed na gnyis kyi gnyis phrad par bya ba lta ci smos/ yang dag par smra zhing bden par smra ba dang / dus su smra ba dang / tshod du smra la/ ji skad du smras pa de bzhin du byed pas brdzun du smra ba dang bral ba yin te/ de chung ngu na rmi lam du'ang brdzun gyi tshig mi rjod na ched du bsams te rjod pa lta ci smos/ de sems can gyi dbyen mi byed cing mi 'tshe ba la zhugs pas phra ma'i tshig dang bral ba yin te/ de de dag dbye ba'i phyir/ tshu bi'i las thos shing pha bir snyod pa ma yin/ pha bi las thos nas tshu bir snyod pa ma yin te/ 'dum pa rnams bye bar mi byed/ bye ba rnams la dper bas mi gnod de/ mi 'dum pa la dga' zhing mi 'dum pa la mos pa ma yin pas/ bden nam brdzun yang rung mi 'dum par bya ba'i tshig mi smra'o/ / zhe gcod pa'i tshig dang bral ba yin te/ rnyogs pa dang / brlang ba dang / rtsub pa dang / gzhan la gnod pa dang / zhe snang par 'gyur ba dang / nyes pa ngor rjod
- 90a
pa dang / nyes pa ngor rjod pa la gzhol ba dang / grong mi'i tshig dang / ma rabs kyi tshig dang / gzungs su gzung ba ma yin pa dang / rnar mi snyan pa dang / khro ba dang / gshe ba las byung ba dang / snying na bar byed pa dang / yid yongs su gdung bar byed pa dang / mi snyan pa dang / yid du mi 'ong ba dang / bdag dang gzhan gyi sems ma rung bar byed pa'i tshig gi rnam pa de lta bu spangs te/ gang 'di 'jam pa dang / yid du 'ong ba dang gzungs su gzung ba dang / rnar 'ong ba dang / snying du sdug pa dang / pho brang 'khor gyi tshig dang / gtsigs pa dang / gsal ba dang / go ba dang / mnyan par 'os pa dang / mi gnas pa dang / skye bo mang po dga' bar 'gyur ba dang / skye bo mang po'i yid du'i nga ba dang // mkhas pas bsngags pa dang / sems can thams cad la phan zhing bde bar 'gyur ba dang / yid bang par byed pa dang / yid sim par byed pa dang / bdag dang gzhon gyi sems dang bar byed pa dang / 'dod chags dang / zhe sdang dang / gti mug dang / nyon mongs pa thams cad zhi bar byed pa'i tshig gi rnam pa de lta bu dag rjod do/ / tshig 'khyal pa spangs pa yin te/ legs par lan glon pa'i tshig dang / dus su slu ba dang / bden par smra ba dang / don du smra ba dang / chos su smra ba dang / rig par smra ba dang / dul bar smra ba dang / dus la bab par shin tu 'go ba'i tshig gtan tshigs dang bcas par smra bas/ de chung ngu na bzhad gang du bya ba tsam gyi tshig la'ang yongs su spang bar bya ba yongs su
- 90b
spong na dgos pa don du gnyer zhing tshig rnam par 'khrug pa lta ci smos/ chags sems med pa yin te/ de gzhan gyi nor dang / gzhan gyi 'dod pa dang / gzhan dbang ba'i yo byad gzhan gyis yongs su bzung ba la ji ltar na gang gzhan gyi yin pa de dag bdag gir 'gyur zhes te/ chags sems mi skyed/ mi re mi smon cing 'dod pa'i sems mi skyed do// gnod sems dang bral ba yin te/ sems can thams cad la byams pa'i sems dang / phan pa'i sems dang / snying brtse ba'i sems dang / bde ba'i sems dang / 'jam pa'i sems dang / 'gro ba thams cad la phan gdags pa'i sems dang / 'byung po thams cad la phan zhing brtse ba'i sems dang ldan pas/ gang 'di khro ba dang / mdud par 'dzin pa dang / tha ba dang / dri ma dang / gnod sems dang / khong khro ba la sogs pa de dag spangs te/ gang 'di phan pa dang ldan pa byams pa dang ldan pa/ sems can thams cad la phan pa dang bde bar bya ba'i phyir rnam par rtog cing rnam par dpyod pa de dag la rnam par rtog pa yin/ yang dag par lta ba dang ldan zhing ngo mtshar dang / bkra shis dang / ngang tshul ngan pa'i lta ba sna tshogs dang bral ba yin te/ lta ba drang zhing g.yo med la sgyu med pas/ sangs rgyas dang / chos dang / dge 'dun la bsam pa nges pa yin/ de dge ba bcu'i las kyi lam 'di dag rtag tu rgyun mi 'chad par srung zhing / 'di ltar sems kyi bsam pa mngon par sgrub ste/ sems can rnams kyi ngan song dang / ngan 'gro dang / log par lhung ba yod pa gang yang rung ste/ de dag thams cad mi
- 91a
dge ba bcu'i lam yongs su blangs pa'i rgyu las byung gis/ bdag gis ni 'di ltar bdag nyid yang dag pa'i nan tan la gnas te/ gzhan yang yang dag pa'i nan tan la dgod par bya'o/ / yang dag pa'i nan tan la gnas par bstan to// de ci'i phyir zhe na/ bdag log pa'i nan tan la gnas shing / gzhan yang dag pa'i nan tan la dgod par bya ba 'di ni gnas med skabs med pa ste/ 'di ni mi srid do zhes nas yang de 'di ltar rnam par dpyod de/ mi dge ba bcu'i las kyi lam yongs su bzung ba'i rgyus/ sems can dmyal ba dang / byol song gi skye gnas dang / gshin rje'i 'jig rten gyi lam gyi rgyud du skye ba rnams yod par gyur to/ / dge ba bcu'i las kyi lam yongs su bzung bas ni mir skye ba la sogs pa srid pa'i rtse mo'i bar du skye ba yod par gyur to// de'i gong du dge ba bcu'i las kyi lam 'di dag nyi tshe ba'i sem+ba dang / khams gsum pas skrag pa'i yid dang / snying rje chen po med pa dang / gzhan las thos pa'i sgra'i rjes su 'brang bas/ shes rab kyi rnam par yongs su bsgoms na/ nyan thos kyi theg pa yongs su sgrub do// de'i gong du gzhan gyi dring mi 'jog pa dang / rang mngon par 'tshang rgya ba dang / snying rje chen po dang // thabs mkhas pa med pa dang / rten cing 'brel par 'byung ba zab par khong du chud pas yongs su sbyangs na/ / rang sangs rgyas kyi theg pa yongs su sgrub bo// de'i gong du yangs shing tshad med pa'i sems dang / snying brtse zhing snying rje dang ldan pa dang
- 91b
thabs mkhas pas yang dag par bzung ba dang / smon lam chen po shin tu btab pa dang / sems can thams cad yongs su mi gtong ba dang / sangs rgyas kyi ye shes rgya chen po la dmigs pas yongs su sbyangs na byang chub sems dpa'i sa yongs su dag pa dang / pha rol tu phyin pa rnam par dag pa'i spyod pa rgya chen po yongs su sgrub par 'gyur ro// de'i gong du dge ba bcu'i las kyi lam 'di dag nyid rnam pa'i mchog thams cad dang ldan par yongs su sbyangs pas stobs bcu'i stobs thob par 'gyur ba dang / mi 'jigs pa bzhi thob pa nas/ rnam pa'i mchog thams cad dang ldan pa'i sangs rgyas kyi chos thams cad yongs su 'grub pa yang dag par sgrub bo/ / de lta bas na bdag gis dge ba bcu'i las mngon par sgrub tu 'dra ba la rnam pa thams cad du yongs su sbyangs shing mngon par sgrub pa la brtson par bya'o zhes nas/ de 'di ltar yang dag par slob ste/ mi dge ba bcu'i las kyi lam 'di dag bstan pa dang / bsgoms pa dang / mang du byas pa'i shas che bas na sems can dmyal ba'i rgyur 'gyur ro// 'bring gis ni byol song gi skye gnas kyi rgyur 'gyur ro// tha mas ni gshin rje'i 'jig rten gyi rgyur 'gyur te/ de la srog gcod pas ni sems can dmyal bar khrid ngo // byol song gi skye gnas su khring ngo // gshin rje'i 'jig rten du khrid ngo // de nas ci ste mir skyes na'ang rnam par smin pa gnyis mngon par sgrub pa 'di lta ste/ tshe thung ba dang / nad mang ba'o// ma byin par len pas ni sems can dmyal bar khrid do//
- 92a
byol song gi skye gnas su khrid ngo // gshin rje'i 'jig rten du khrid do// de nas ci ste mir skyes na'ang rnam par smin pa gnyis mngon par sgrub pa 'di lta ste/ longs spyod chung ba dang thun mong gi longs spyod du 'gyur ba'o/ / 'dod pas log par g.yem pas ni sems can dmyal bar khrid do// byol song gi skye gnas su khrid ngo // gshin rje'i 'jig rten du khrid ngo // de nas ci ste mir skyes na'ang rnam par smin pa gnyis mngon par sgrub pa 'di lta ste/ lhod pa dang bcas pa'i chung ma dang / g.yog 'khor gyi mi bsrung ba'o// brdzun du smra bas ni sems can dmyal bar khrid do// byol song gi skye gnas su khring ngo / / gshin rje'i 'jig rten du khrid ngo // de nas ci ste mir skyes na'ang rnam par smin pa gnyis mngon par sgrub pa 'di lta ste/ skur pa mang ba dang / gzhan gyis bslu ba'o// phra mas ni sems can dmyal bar khrid ngo / / byol song gi skyes gnas su khrid ngo // gshin rje'i 'jig rten du zhing ngo // de nas kyi ste mir skyes na'ang rnam par smin pa gnyis mngon par sgrub pa 'di lta ste/ g.yog mi 'dums pa dang / g.yog ngan par 'gyur ba'o// zhe gcod pa'i tshig gis ni sems can dmyal bar khrid ngo // byol song gi skye gnas su khrid do// gshin rje'i 'jig rten du khrid do// de nas ci ste mir skyes na'ang rnam par smin pa gnyis mngon par sgrub pa 'di lta ste/ yid du mi 'ong ba thos pa dang / 'thab mo'i tshig go// tshig bkyil pas ni sems can dmyal bar khrid do// byol song gi skye gnas su
- 92b
khrid do/ / gshin rje'i 'jig rten du khrid do// de nas ci ste mir skyes na'ang rnam par smin pa gnyis mngon par sgrub pa 'di lta ste/ tshig mi btsun pa dang / spobs pa ma rtags pa'o// chags sems kyis ni sems can dmyal bar khrid do/ / byol song gi skye gnas su khrid ngo // gshin rje'i 'jig rten du khrid do// de nas ci ste mir skyes na'ang rnam par smin pa gnyis mngon par sgrub pa 'di lta ste/ chog mi shes pa dang / 'dod pa che ba'o// gnod sems kyis ni sems can dmyal bar khrid do// byol song gi skye gnas su khrid do// gshin rje'i 'jig rten du khrid ngo // de nas ci ste mir skyes na'ang rnam par smin pa gnyis mngon par sgrub pa 'di lta ste/ gnod par glags lta ba dang / pha rol gyis mnar ba'o// log par lta bas ni sems can dmyal bar khrid // byol song gi skye gnas su khrid ngo // gshin rje'i 'jig rten du khrid do// de nas ci ste mir skyes na'ang rnam par smin pa gnyis mngon par sgrub pa 'di lta ste/ lta ba ngan par ltung ba dang / g.yo sgyu can no// de ltar na mi dge ba bcu'i las kyi lam 'di dag ni sdug bsngal gyi phung po che zhing tshad med pa sdud par 'gyur gyis/ mi dge ba bcu'i las kyi lam 'di dag bdag gis spangs te/ chos la dga' zhing mos pas dga' bar gnas par bya'o zhes te/ de mi dge ba bcu'i las kyi lam 'di dag spangs nas dge ba bcu'i las kyi lam la gnas shing gzhan yang de nyid la rab tu gzhog go/ de sems
- 93a
can rnams la sngon pas kyang phan pa'i sems dang / bde ba'i sems dang / byams pa'i sems dang / snying rje'i sems dang / snying brtse ba'i sems dang / phan gang gra pa'i sems dang / yongs su bsrung ba'i sems dang / slob dpon gyi sems dang / ston pa'i sems dang / mnyam pa'i sems skyed cing / de 'di snyam du sems te/ kye ma sems can 'di dag ni lta ba ngan par lhung ba dag ste/ blo gros mi mnyam zhing bsam pa mi mnyam pa log pa'i lam thibs por rgyu ba yin gyis/ de dag bdag gis bden pa'i lam/ yang dag par lta ba'i lam/ de bzhin nyid ji lta ba bzhin la rab tu dgod par bya'o// e ma'o sems can 'di dag ni mi mthun zhing rtsod pa dang / 'thab pa la zhugs pa/ rtag tu rgyun mi 'chad par khro ba dang / khon du 'dzin pas shin tu 'bar bar gyur pa yin gyis/ de dag bdag gis bla na med pa'i byams pa chen po nye bar sgrub pa la rab tu dgod par bya'o// kye ma sems can 'di dag ni chog mi shes shing gzhan gyi nor la mngon par zhen to/ / shin tu mi bzad par 'tsho bas rjes su spyod pa yin gyis/ de dag bdag gis lus dang // ngag dang / yid kyi las yongs su dag pas 'tsho pa la rab tu dgod par bya'o/ / kye ma sems can 'di dag ni 'dod chags dang / zhe sdang dang / gti mug dang / sred pa'i gzhi dang ldan zhing / nyon mongs pa sna tshogs kyi ma lce rtag tu rgyun mi 'chang
- 93b
par kun tu 'bar bar gyur kyang 'di las 'byung ba'i thabs yongs su mi tshol ba yin gyis/ de dag bdag gis nyon mongs pa thams cad shin tu zhi zhing gtse ba med pa'i mya ngan las 'das pa la rab tu dgod par bya'o/ / kye ma sems can 'di dag ni gti mug gi mun pa dang / rab rib kyi ling tog gis bsgribs shing mun pa chen po thibs po'i nang du song bas shes rab kyi snang ba dang ring du gyur te/ 'khor ba'i mya ngan chen por las shing lta ba ngan pa'i mya ngam la gzhol bar gyur pa yin gyis/ de dag bdag gis ci nas kyang chos thams cad kyi yang dag pa ji lta ba nyid bsgribs pa med pa khong du chud par 'gyur ba dang / gzhan gyi dring mi 'jog pa thob par 'gyur bar shes rab kyi mig bsgribs pa med pa yongs su spang bar bya'o// kye ma sems can 'di dag ni 'khor ba'i mya ngam dang / dgon pa chen por las shing sems can dmyal ba dang / byol song gi skye gnas dang / gshin rje'i 'jig rten gyi g.yang sa la mngon du lta bas/ lta ba ngan pa mi bzad pa'i dra bas kun nas 'khor ba/ gti mug thibs pos kun nas yog pa/ log pa'i lam gol bar zhugs pa/ long bar gyur pa/ dge ba'i mgon med pa/ 'byung ba med pa la 'byung bar lta ba/ bdad kyi zhags pas bcings pa/ yul gyi rkun pos zin pa/ bdud kyi bsam pa thibs por nub pa/ sangs rgyas kyi bsam pa dang ring du gyur pa yin gyis/ de dag bdag gis rnam pa de lta bu'i 'khor ba'i dgon pa dang / mya ngam brgal ba dka' ba las bsgral te/
- 94a
'jigs pa med pa'i gnas thams cad mkhyen pa'i grong rdal chen po gtse ba med par rab tu dgod par bya'o// kye ma sems can 'di dag ni chu bo chen po'i glong du bying zhing 'dod pa dang / srid pa'i ma rig pa dang / lta ba'i chu bo la rab tu gzhol ba/ 'khor ba'i rgyud du 'brang ba/ sred pa'i chu klung gis khyer zhing dba' rlabs chen pos g.yengs pa/ sred pa'i 'dod chags kyi mthus shin tu bcom pa/ brtag pa'i mthu med pa/ 'dod pa dang / gnod sems dang / 'tshe ba dang / rnam par rtog pa mang po'i rjes su spyod pa/ 'jig tshogs lnga lta ba'i chu'i srin pos khrid pa 'dod pa'i yon tan thibs po'i glong du zhugs pa/ smon pa'i 'dod chags kyi 'dam du thogs pa/ nga'i nga rgyal gyi dbye chen por 'khyams pa// rten med pa/ skye mched kyi grong rdal nas ma 'phags pa/ dge ba'i sgrol ba med pa yin gyis/ de dag bdag gis snying rje chen po dang / dge ba'i rtsa ba'i stobs kyi shugs kyis bton te/ thams cad mkhyen pa'i rin po che'i gling gtse ba med pa// rdul med pa// zhi ba/ bde ba/ 'jigs pa med pa la rab tu dgod par bya'o// kye ma sems can 'di dag ni khams gsum gyi sdug bsngal dang / yid mi bde ba dang / 'khrug pa mang po can// chags pa dang / khong khro ba dang / sdug pa dang / mi sdug pas rnam par bcings pa/ mya ngan dang smre sngags 'don pa'i rjes su spyod pa// sred pa'i sgrog gis bcings pa// ma rig
- 94b
pa'i thibs pos kun nas yog pa'i nang na mi mthun par gyur pa yin gyis/ / de dag bdag gis khams gsum pa'i gnas thams cad la dben pa'i mya ngan las 'das pa bsgribs pa med pa la rab tu dgod par bya'o/ / kye ma sems can 'di dag ni bdag dang bdag gi la mngon par zhen cing / phung po'i gnas las ma 'phags pa/ phyin ci log bzhi la rab tu zhugs pa/ skye mched drug gi grong stong pa la shin tu gnas pa/ 'byung ba chen po bzhi'i sbrul gyis gtse ba/ phung po'i gshed ma dang chom pos shin tu bcom pa// gzhal du med pa'i sdug bsngal myong bar gyur pa yin gyis/ de dag bdag gis bde ba'i dam pa gnas thams cad dang bral ba 'di lta ste/ bsgribs pa thams cad med pa'i mya ngan las 'das pa la rab tu dgod par bya'o// kye ma sems can 'di dag ni dma' ba dang / zhan pa dang zhum pa la mos shing thams cad mkhyen pa'i ye shes dam pa'i sems mi 'dog pas theg pa chen po'i 'byung ba yod kyang / nyan thos dang rang sangs rgyas kyi blo can yin gyis// de dag bdag gis sangs rgyas kyi chos rgya chen po'i blo gros dang / bsam pa yangs pa'i theg pa chen po bla na med pa la thams cad mkhyen pa'i ye shes yongs su bstan pas rab tu dgod par bya'o snyam mo// kye rgyal ba'i sras dag/ de ltar tshul khrims kyi stobs dang / mthu de lta bu dang ldan pa'i byang chub sems dpa'i snying rje dang / byams pa mngon par bsgrub pa la mkhas pa/ sems can thams cad kyis ma
- 95a
bcol ba'i bshes gnyen du gyur pa/ sems can thams cad yongs su ma gtang bar bya ba dang / mi bya ba mngon par bsgrub pa la mkhas pa// byang chub sems dpa'i sa dri ma med pa la gnas pa de'i lta ba rgya chen po dang / smon lam gyi stobs kyis sangs rgyas mang po rab tu snang bar gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po rab tu snang bar 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do// bkur sti byed do// bsti stang byed do// mchod pa byed do// na bza' dang / bsod snyoms dang / gzims cha dang / snyun gyi rkyen sman dang / yo byad dag 'bul zhing / byang chub sems dpa'i bde ba'i yo byad thams cad kyang yongs su 'phrul lo// dge 'dun gyi tshogs rnams la'ang yang dag par mchod pa byed do// dge ba'i rtsa ba de dag kyang thun med pa yang dag par rdzogs pa'i byang chub tu yongs su bsngo'o/ / de bzhin gshegs pa dgra bcom pa yang dag par rdzogs pa'i sangs rgyas de dag las dge ba bcu'i las kyi lam 'di dag kyang rim gro chen pos rab tu 'chi
- 95b
te/ ji ltar bzung ba de'ang bar mdor chud zos par mi byed do// de bskal pa du ma dngabaskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang bskal pa khrag khrig du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang bskal pa bye ba khrag khrig brgya stong phrag du mar ser sna'i skyon dang / tshul khrims ngan pa'i dri ma med pas gtong ba dang / tshul khrims rnam par dag pa la yang dag par 'byung zhing gnas so// rgyal ba'i sras dag/ 'di lta ste/ dper na gser gyi sa le sbram de nyid nag tsur du bcug na/ de bas kyang dri ma thams cad dang bral bar 'gyur ro// kye rgyal ba'i sras dag/ de bzhin du byang chub sems dpa'i sa dri ma dang bral ba 'di la gnas pa'i byang chub sems dpa' yang bskal pa du ma nas/ bskal pa bye ba khrag khrig brgya stong du ma'i bar du sar sna'i nyes pa dang / tshul khrims ngan pa'i dri ma med pas gtong ba dang / tshul khrims rnam par dag pa la yang dag par 'byung zhing gnas so// de'i bsdu ba'i dngos po bzhi lus ngag snyan pa'i shis che ba yin/ pha rol tu phyin pa bcu las tshul khrims kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma yin no// kye rgyal ba'i sras dag/ 'di ni byang chub sems dpa'i sa dri ma med pa zhes bya ba ste/
- 96a
byang chub sems dpa'i sa gnyis pa mdor bstan pa'o// de la gnas pa'i byang chub sems dpa' ni phal cher 'khor los sgyur ba'i rgyal po gling bzhi la dbang bar 'gyur te/ chos kyi dbang sgyur ba rab tu thob cing / rin po che bdun dang ldan pa/ sems can thams cad kyi ser sna'i skyon dang / tshul khrims ngan pa'i dri ma bzlog par bya ba la mkhas shing mthu yod pa dang / sems can rnams dge bo bcu'i las kyi lam la rab tu dgod par bya bar shin tu mkhas pa dang / sbyin pa chen po rtsom pas thub pa med pa yin te/ sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la byang dang / pha rol tu phyin pa yid la bya ba dang / stobs yid la bya ba dang / mi jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang
- 96b
ldan pA'i thams cad mkhyen pa'i ye shes kyi bar du yid la bya ba dang mi 'bral ba yin no/ / de 'dod na skad cig yung tsam thung cig tu khyim dang / chung ma dang / sring thams cad yongs su spangs te/ de bzhin gshegs pa'i bstan pa la rab tu 'byung ba dang / de rab tu byung nas kyang skad cig yud tsam thang cig tu ting nge 'dzin stong rab tu 'thob cing / de dag la snyoms par 'jug pa dang / sangs rgyas stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams stong baspyod pa dang / sangs rgyas kyi zhing stong du 'gro ba dang / 'jig rten khams stong snang bar byed pa dang / sems can stong yongs su smin par byed pa dang / bskal pa stong du gnas pa dang / sngon gyi mtha' dang / phyi ma'i mtha'i bskal pa stong la rab tu 'jug pa dang / chos kyi sgo stong rnam par 'byed pa dang / lus stong yongs su bstan pa dang // lus re re la'ang byang chub sems dpa'i 'khor stong yang dag par bstan par bya ba'i brtson 'grus ngos bu rtsom mo/ / de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag ni lus sam/ 'od ngam/ rdzu 'phrul lam// mig gam/ spyod yul lam/ dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa yum dang / bskal pa
- 97a
phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong du ma'i bar gyis kyang bgrang bar dka' 'o// de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan pa'i phyir de'i tshe tshigs su bcad pa 'di dag smras so// de dag mnyen drang las rung 'jam pa'i sems ldan zhing / / bsam pa dge dang bsam pa zhi dang ldan pa'i rnams// 'du 'dzi'i dmigs bral rlabs chen blo dang ldan pa yi// tshe nyid sems ldan mkhas pa de dag gnyis la 'phar// de gnas yon tan 'chang zhing dge ba phun ldan pa// gtso med sems ldan srog gcod rnam par kun spangs shing // ma byin len dang gzhan gyi chung ma de bzhin spangs// bden dang ldan zhing phra ma mi smra zhe gcod med/ / gzhan gyi longs spyod 'dod sems bral zhing byams sems ldan// drang zhing g.yo med yang dag lam du rab tu zhugs// g.yo med thibs po med cing shin tu nges pa ste// rtag tu bag yod ston pa'i spyod pa yongs su srung / / sems dmyal byol song skye gnas sdug bsngal ji snyed dang // gshin rje'i ris na yi dgas rtag tu lus 'bar ba// de dag sdig blos dge ba min la brtson pas byung // de bas de spangs bden pa'i chos dang ldan par bya// mi yi nang du skye ba yid du 'ong la sogs// srid rtse'i bar gyi lha yi bsam gtan bde ba dang // rang rgyal theg pa de bzhin nyan thos theg pa dag/ ku
- 97b
kyang dkar lam bcu pos byung ba yin zhes te/ / de ltar shes shing rtag par mkhas pa bag yod pa// shin tu bsdams pa'i yid kyis pha rol tshul la 'god// sems can sdug bsngal shes shing snying brtse bskyed byas nas/ / de bas gong du snying rje'i sems dang ldan par byed// kye ma byis pa'i blo can 'di dag lta ngan lhung // khro zhing shar gnyer gnod pa kun sems rtsod pa can// rtag tu mi ngoms yul la yang dang yang du smon/ / gzhi gsum 'brel pa de dag yongs su dgrol bar bya// gti mug mun pa chen pos kun nas yog pa'i rnams// lta ba'i dra mang mya ngam lam du lhung 'gyur ba/ / 'khor ba'i shing thags nang na rtag tu dgras gtse zhing // bdud kyi chom po'i nang gnas de dag bdag gis dgrol// nyon mongs rlabs kyis g.yengs shing chu bo bzhir nub pa// khams gsum sdug bsngal brgya yis yongs su gdungs pa'i rnams/ / phung po'i gnas la rten cing bdag tu 'du shes pa// de dag sdug bsngal dgrol don bdag gis brtson par bya// sangs rgyas ye shes dam pa rmad byung phul spangs shing / / 'byung ba yod bzhin dma' ba'i blo gros skyed byed pa// de dag de bzhin gshegs pa'i ye shes yangs dkod ces// rgyal ba'i ye shes don du brtson 'grus yangs pa rtsom/ / 'di gnas yon tan brgya bsags drang srong chen po rnams// bde gshegs du ma mthong zhing mchod pa'ang rab tu byed// dge ba de dag bskal pa bye bar phyir zhing spong //
- 98a
gser gyi dam pa nag tshur nang du bcug pa bzhin// 'di gnas rgyal sras 'khor los sgyur ba'i rgyal por 'gyur// dge ba bcu la sems can rab tu dgod par byed// dge tshos gang yang rung ste sogs par byed pa'i rnams/ / stobs bcu ldan zhing 'gro ba'i skyabs 'gyur don du sogs// 'dod na rgyal po'i srid kyang rnam par spangs byas shing // brtan pa'i rnams ni bstan pa'i mchog la rab byung nas/ / brtson 'grus ldan zhing ting 'dzin dam pa mchog kyang 'thob// sangs rgyas stong tshang skad cig gis mthong bar byed// 'di 'dra'i tshul gyi bgrangs pas gzhan yang gcig min pa/ / khyu mchog sa 'di gnas pa rab tu ston pa byed// de yi gong na ye shes smon lam mchog ldan pa// rnam par 'phrul pa rnam pa du mas sems can 'dul// de ltar sa mchog gnyis pa 'di// 'jig rten kun la phan 'dod pa'i// byang chub sems dpa'i mchog rnams la// bde bar gshegs pa'i sras kyis bstan// dri ma dang bral ba zhes bya ba ste/ byang chub sems dpa'i sa gnyis pa'o/ / // bam po bzhi bcu bdun pa// byang chub sems dpa'i spyod yul bsam yas pa// sa mchog spyod pa de skad thos gyur nas// rgyal ba'i sras rnams rab tu dga' zhing bsti stang du/ / me tog sprin char kun nas mngon par 'bebs// ri yi rgyal por bod pa legs so lags// sems can kun la snying brtse bsam pa yis//
- 98b
sa mchog dam pa'i spyod yul de 'dra dang // mkhas pa'i tshul khrims sdom pa khyod kyis bshad// yang dag de dngos ma nor gzhan min pa'i// byang chub sems dpa'i spyod pa yid 'ong zhing // sems can kun la phan dang bde bar rab sems pa// phul du 'od gsal khyod kyis bstan pa byas// da dung da cung lha dang mis mchod cing // chos kyi ye shes rigs par rjod mkhas pa// de dag spyod yul tshul ni ji bzhin du/ / sa yi dam pa gsum pa brjod par mdzod// drang srong chen po'i sbyin tshul spyod pa dang // bzod pa brtson 'grus zhi ba shes rab thabs// byams pa'i mchog dang snying rje lam gyi rnams/ / rgyal sras spyod pa rnam sbyang bstan mdzod cig/ rdo rje'i snying po 'jigs med la// rnam grol zla bas yang smras pa// gsum la yang dag 'phar 'gyur ba'i// bsam pa mkhas pas bshad pa mdzod/ / byang chub sems dpa' sems dpa' chen po rdo rje'i snying pos smras pa// kye rgyal ba'i sras dag/ de ltar byang chub sems dpa' sa gnyis pa la bsams pa shin tu sbyangs pa ni sa gsum pa yongs su gnon te/ de sems kyi bsam pa yid la bya ba bcus yongs su gnon to// bcu gang zhe na/ 'di lta ste/ dag pa'i sems kyi bsam pa yid la bya ba dang / mi g.yo ba'i sems kyi bsam pa yid la bya ba dang / skyo ba'i sems kyi bsam pa yid la bya ba dang / 'dod chags dang bral ba'i sems kyi bsam pa yid la bya ba dang / phyir mi ldog pa'i
- 99a
sems kyi bsam pa yid la bya ba dang / brtan pa'i sems kyi bsam pa yid la bya ba dang / sbyangs pa'i sems kyi bsam pa yid la bya ba dang / rlom pa'i sems kyi bsam pa yid la bya ba dang / rlabs po che'i sems kyi bsam pa yid la bya ba dang / bdag nyid che ba'i sems kyi bsam pa yid la bya ba'o// kye rgyal ba'i sras dag/ byang chub sems dpa' byang chub sems dpa'i sa gsum pab la gnas pa ni 'du byed kyi rnam pa thams cad la mi rtag par yang dag pa ji lta ba bzhin du rab tu rtog go/ / sdug bsngal ba dang / bdag med pa dang // mi sdug pa dang / yid brtan du mi rung ba dang / rnam par 'jig pa dang / ring du mi gnas pa dang / skad cig tu 'byung zhing 'gag pa dang / mi zad cing mi skye mi 'gag pa dang / sngon gyi mtha' kun nas ma byung ba dang / phyi ma'i mtha' 'pho ba med pa dang / da ltar byung ba mi gnas par rab tu rtog go// de 'du byed kyi rnam pa de lta bu la rab tu rtog pa'i tshe/ mngon par 'jig pa dang / mya ngan can/ smre sngags 'don pa can/ 'khrug pa can/ yid du 'ong ba dang / yid du mi 'ong bas rnam par bcings pa/ sdug bsngal dang yid mi bde ba mang ba/ bsags pa med pa las byung ba/ 'dod chags dang / zhe sdang dang / gti mug gi me rab tu 'bar ba/ nang du mas rnam par skyed pa/ sgyu ma'i rang bzhin lta bur mthong nas/ de de bas kyang 'du byed thams cad las sems gyen du skyod cing de bzhin gshegs pa'i ye shes la rab tu gtong ste/ des de
- 99b
bzhin gshegs pa'i ye shes bsam gyis mi khyab pa'ang rjes su mthong ste/ mtshungs pa med pa dang / gzhal du med pa dang // rnyed par dka' ba dang / ma 'dres pa dang / gnod pa med pa dang / 'khrug pa med pa dang / mi 'jigs pa'i grong rdal du 'gro ba dang / phyir mi ldog pa dang / 'gro ba mang po yongs su skyob pa'ang yang dag par rjes su mthong ngo // des de bzhin pa pa'i ye shes de ltar tshad med pa mthong ste/ 'du byed kyi rnam pa de ltar sdug bsngal mang pos gtses par mthong nas/ sems can thams cad la de bas kyang shas cher sems kyi bsam pa bcu nye bar gzhog ste/ bcu gang zhe na/ 'di lta ste/ mgon med pa dang / skyabs med pa dang / rten med pa'i sems kyi bsam pa dang / rtag tu 'phongs pa'i sems kyi bsam pa dang / 'dod chag srangs zhe sdang dang / gti mug go ma kun nas 'bar ba'i sems kyi bsam pa dang / srid pa'i btson ras bzung ba'i sems kyi bsam pa dang / rtag tu rgyun mi 'chad par nyon mongs pa'i thibs pos bsgrubs pa'i sems kyi bsam pa dang / brtag pa'i mthu med pa'i sems kyi bsam pa dang / dge ba'i chos la mos pa med pa'i sems kyi bsam pa dang / sangs rgyas kyi chos thams cad las shin tu gol ba'i sems kyi bsam pa dang / 'khor ba'i rgyud kyi rjes su 'bab pa'i sems kyi bsam pa dang / thar pa'i lam gyis spangs pa'i sems kyi bsam pa dang / sems kyi bsam pa 'di bcunya
- 100a
bar gzhog go/ / des de ltar sems can gyi khams gtse ba mang po can mthong nas brtson 'grus 'di ltar rtsom ste/ sems can 'di dag ni bdag gis bskyab par bya ba/ yongs su dgrol bar bya ba/ yongs su sbyang bar bya ba/ shin tu gdon par bya ba/ rab tu dgod par bya ba/ shin tu brtan par bya ba/ yongs su tshim par bya ba/ gnas su phyin par bya ba/ rnam par gdul bar bya ba/ yongs su mya ngan las bzla bar bya ba yin no zhes nas/ de de ltar 'du byed kyi rnam pa thams cad las skyo ba'i rjes su song zhing sems can thams cad la rab tu lta ba'i rjes su song ba dang / thams cad mkhyen pa'i ye shes la thams cad mkhyen pa'i ye shes kyi rjes su song zhing / de bzhin gshegs pa'i ye shes la rab tu rten pas sems can thams cad yongs su bskyab par bya ba la brtson pa de 'di ltar yongs su rtog ste/ rgyu dang / gzhi dang / tshul dang // thabs gang zhig gis 'di lta bur sdug bsngal dang / nye ba'i nyon mongs par lhung ba'i sems can 'di dag mngon par gdon par nus/ rgyu dang / gzhi dang / tshul dang / thabs gang zhig gis ni shin tu bde ba'i mya ngan las 'das par dgod par nus snyam nas de la byang chub sems dpa' 'di snyam du sems te/ / bsgribs pa med pa'i ye shes rnam par thar pa'i gnas ma gtogs par gzhan gyis mi nus so// bsgribs pa med pa'i ye shes rnam par thar pa'i
- 100b
gnas de'ang chos thams cad yang dag pa ji lta ba bzhin khong du chud pa ma gtogs par gzhan gyis thob par mi nus so/ / chos thams cad yang dag pa ji lta ba bzhin du khong du chud pa'ang rgyu ba med cing skye ba med pa la spyod pa'i shes rab ma gtogs par gzhan gyis khong du chud par mi nus so/ / shes rab kyi snang ba de'ang bsam gtan la mkhas shing rtogs pa'i blos rab tu rtog pa med par gzhan gyis thob par mi rung ngo / / bsam gtan la mkhas shing rtogs pa'i blos rab tu rtogs pa de'ang thos pas mkhas pa med par mi 'byung ngo zhes/ de de ltar shin tu brtags pa'i shes pa dang ldan pas/ de bas kyang shas cher dam pa'i chos tshol ba la mngon par brtson par gnas te/ nyin mtshan du chos mnyan pa don du gnyer ba yin/ sangs rgyas kyi chos btsal ba'i don du chos la mos shing ngoms mi shes la rgyun mi 'chad pa yin/ chos la dga' zhing spro ba dang chos la rab tu 'jug pa yin/ chos la gzhol zhing chos la 'bab pa dang / chos la bab pa yin/ chos la rten cing / chos la skyebs tshol ba dang / chos la mthu tshol ba yin/ chos dang gnyer ba'i chos la mngon par brtson pa yin te/ de de ltar chos tshol ba la mngon par brtson pas rin po che'i rnam pa 'am// dbyig gi rnam pa 'am/ nor dang 'bru'i mdzod dang / bang ba gang yang rung ste yongs su mi gtong ba de lta bu gang yang med do// chos smra ba'i gang zag de 'ba' zhig la dga' ba'i 'du shes su gyur pa las
- 101a
par de dag gzhan la cung zad kyang dga' ba'i 'du shes mi skyed do/ / de ni chos kyi don du phyi rol gyi dngos po nye bar bzung ba yongs su mi gtong ba de gang yang med do// nang gi dngos po yongs su mi gtong bar bya ba de lta bu'ang cung zad kyang med do// gang 'di dag 'di lta ste/ g.yog 'khor yongs su gtang ba 'am/ rgyal srid yongs su gtang ba 'am/ longs spyod yongs su gtang ba 'am/ nor dang / 'bru dang / nor bu dang / gser gyi mdzod dang / byang ba yongs su gtang ba dang / d+ha dang / glang po dang / shing rta dang / bzhon pa yongs su gtang ba 'am/ rin po che'i rgyan dang / lhab lhub yongs su gtang ba dang / chung ma dang / bu dang / bu mo yongs su gtang ba 'am/ mgo dang / rkang lag dang / yan lag gi dam pa yongs su gtang ba 'am/ lus thams cad yongs su gtang bar bya ba'ang rung ste/ de dag thams cad chos kyi don du yongs su mi gtong ba gang yang med do// bla ma la bsnyen bkur dang rim gror bya ba gang yang rung ste/ nyams su mi len pa gang yang med do/ / nga rgyal dang lhag pa'i nga rgyal yongs su gtang bas nga rgyal med pa la spyad pa gang yang rung ste/ nyams su mi len pa gang yang med do// lus kyi gnod pa gang yang rung ste/ nyams su mi len pa gang yang med de/ de ma thos pa'i chos kyi tshig gcig thos pa nor che bar 'dzin gyi/ stong gsum gyi stong chen po'i 'jig rten gyi khams yongs su gang ba'i rin po che'i phung po thob
- 101b
pas ni ma yin no/ / legs par bshad pa'i tshigs su bcad pa gcig thos pas sems dga' bar 'gyur gyi/ brgya byin dang / tshangs pa dang / 'khor los sgyur ba'i rgyal po'i srid la bskal pa brgya stong mang ba'i mthar thug par gnas pas ni ma yin no/ / de la la la zhig brgya la 'di skad du zer te/ gal te khyod kyis me'i dong chen por lus bor te/ sdug bsngal gyi tshor ba'i phung po rang gi lus kyis nyams su blang bar nus na/ ngas khyod la chos kyi tshig yang dag par rdzogs pa'i sangs rgyas kyis bstan pa/ byang chub sems dpa'i spyod pa yongs su sbyong ba 'di bshad par bya'o zhes na yang de 'di snyam du sems te/ chos kyi tshig yang dag par rdzogs pa'i sangs rgyas kyis bstan pa/ byang chub sems dpa'i spyod pa yongs su sbyong ba'i don du ni stong gsum gyi stong chen po'i 'jig rten gyi khams mes gang bar yang tshangs pa'i 'jig rten nas bdag gis bdag dor bar mos nas/ me'i dong tha mal pa 'di lta bu zhig tu bdag dor ba lta ci smos kyis/ de bas sems can dmyal ba'i sdug bsngal thams cad nyams su bab pas kyang bdag gis chos btsal ba byas/ mi'i sdug bsngal dang 'grogs pa lnga khyad du gsad do zhes nas/ de rnam pa de lta bu'i brtson 'grus rtsom pas chos yongs su tshol lo// ji skad du thos pa'i chos rnams la'ang tshul bzhin du rab tu rtog pa'i ngang tshul can yin te/ de chos de dag thos nas kyang rjes la rang gi sems rtogs par gzhag pas gcig pu dben
- 102a
pan 'jug cing 'dri ltar rtog go/ / chos dang gnyer ba'i chos la nan du bya bas sangs rgyas kyi chos khong du chud par bya ba'i tshig gi las yongs su dag pa 'da' zhig gis ma yin no zhes te/ byang chub sems dpa' de byang chub sems dpa'i sa 'od byed pa la gnas shing 'dod pa rnams las dben/ sdig to dang mi dge ba'i chos rnams las dben zhing rnam par rtog pa can rnam par dpyod pa can/ dben pa las skyes pa'i dga' ba dang bde ba'i bsam gtan dang po la nye bar bsgrubs te gnas so// de rnam par rtog pa dang / rnam par dpyod pa rnam par zhi ste/ nang shin tu dang zhing sems kyi rgyud gcig tu gyur pas/ rnam par rtog pa dang / rnam par dpyod pa med cing / ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ / de dga' ba las 'dod chags dang bral te btang snyoms su gnas pas dran pa dang ldan zhing rab tu shes par bde ba'ang lus kyis rab tu tshor te/ 'phags pa rnams kyis btang snyoms pa dran pa can dga' ba med la bde ba la gnas pa'o zhes bya bar bsam gtan gsum pa la nye bar bsgrubs te gnas so/ / de bde ba yang spangs/ sdug bsngal yang spangs la bde ba'i yid dang / nyam nga ba'i yid kyang sngar nub pas/ sdug bsngal yang med/ bde ba'ang med pa'i btang snyoms dran pas yongs su dag pa'i bsam gtan bzhi pa la nye bar bsgrubs de gnas so//
- 102b
de gzugs su 'du shes pa las rnam pa thams cad du 'das nas/ thogs pa'i 'du shes rnams nub ste/ 'du shes sna tshogs yid la mi byed pas mtha' yas nam mkha' zhes te/ nam mkha' mtha' yas pa'i skye mched la nye bar bsgrubs te gnas so/ / de nam mkha' mtha' yas pa'i skye mched las rnam pa thams cad du 'das nas mtha' yas rnam shes zhes te/ rnam par shes pa mtha' yas ba'i skye mched la nye bar bsgrubs te gnas so/ / de rnam par shes pa'i skye mched las rnam pa thams cad du 'das nas ma yod cung zad ces te/ cung zad kyang med pa'i skye mched la nye bar bsgrubs/ te gnas so// de cung zad kyang med pa'i skye mched las rnam pa thams cad du 'das nas 'du shes med 'du shes med min gyi skye mched la nye bar bsgrubs te gnas so// chos dang gnyer ba'i chos la nan tan du byas ma gtogs par de'ang mngon par dga' ba'i gnas dang rten ma yin pas/ de byams pa dang ldan pa'i sems yangs pa/ rgya che ba/ gnyis su med pa/ tshad med pa// khon med pa/ lhod pa med pa/ bsgrings pa med pa/ gnod pa med pa thams cad du khyab pas 'jig rten gyi khams chos kyi dbyings kyis klas pa/ nam mkha'i mthas gtugs pa thams cad rgyas par bkang nas nye bar bsgrubs te gnas so/ / de bzhin du snying rje dang ldan pa dang / dga' ba dang ldan pa dang / btang snyoms dang ldan pa'i sems yangs pa/ rgya che ba/ gnyis
- 103a
su med pa/ tshad med pa/ khon med pa/ ltod pa med pa/ bsgribs pa med pa/ gnod pa med pa/ thams cad du khyab pas 'jig rten gyi khams chos kyi dbyings kyis klas pa/ nam mkha'i mthas gtugs pa thams cad rgyas par bkang nas nye bar bsgrubs te gnas so// de rdzu 'phrul gyi rnam pa du ma myong bar byed de/ sa 'di'ang g.yo bar byed do/ / gcig tu gyur nas mang por 'gyur ro// mang por gyur nas gcig tu 'gyur ro// snang ba dang mi snang ba la'ang rab tu spyod de// rtsig pa la thags thogs med pa dang / ra ba la thugs thogs med pa dang / ri la'ang dper na nam mkha' bzhin du thags thogs med cing chags pa med par 'gro'o// dper na nam mkha' la lding ba'i bya bzhin du nam mkha' la'ang skyil mo krung gis gnas par byed do/ / chu bzhin du sa la'ang nub cing 'byung bar ston to// sa bzhin du chu la'ang 'bying ba med par 'gro'o// me'i phung po chen po bzhin du du ba thul lo// me lho 'bar ro// sprin chen po bzhin du lus las char 'bebs so/ / nyi ma dang zla ba 'di dag 'di ltar rdza 'phral che zhing // 'di ltar mthu che la/ 'di ltar dbang che bar bgrang ba dag kyang lag pas nyug cing reg par byed do/ / tshangs pa'i 'jig rten gyi bar du'ang lus kyis dbang sgyur te/ de lha'i rna ba'i khams rnam par dag pa mi las 'das pas/ lnga dang mi'i sgra gnyis ka'ang nyan to// ring yang rung / nye'ang
- 103b
rung ste/ chung ngu na sbrang bu dang / sha sbrang dang / bung ba dang / srin bu'i sgra'ang thos so// de sems can pha rol dang / gang zag pha rol gyi sems kyang sems kyis yang dag pa ji lta ba bzhin du rab tu shes te/ 'dod chags dang bcas pa'i sems la 'dod chags dang bcas pa'i sems shes yang dag pa ji lta ba bzhin du rab tu shes so// 'dod chags dang bral ba'i sems la 'dod chags dang bral ba'i sems shes yang dag pa ji lta ba bzhin du rab tu shes so/ / zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / nyon mongs dang bcas pa dang / nyon mongs dang dral ba dang / che ba dang / chung ba dang / yangs pa dang / dog pa dang / mnyam par bzhag pa dang / mnyam par ma gzhag pa dang / rnam par grol ba dang / rnam par ma grol ba dang / skyon can dang / skyon med pa dang / sems rgya chen po la sems rgya chen po'o zhes yang dag pa ji lta ba bzhin du rab tu shes so// sems rgya chung ngu la sems rgya chung ngu'o zhes yang dag pa ji lta ba bzhin du rab tu shes so// de ltar na sems can pha rol dang / gang zag pha rol gyi sems sems kyis yang dag pa ji ltarab bzhin du rab tu shes so/ / de rnam pa du mar sngon gyi gnas rjes su dran te/ tshe rabs gcig kyang rjes su dran no// gnyis dang / gsum dang / bzhi dang / lnga dang
- 104a
bcu dang / nyi shu dang / sum cu dang / bzhi bcu dang / lnga bcu dang / tshe rabs brgya'ang rjes su dran no// tshe rabs brgya phrag du ma dang / tshe rabs stong phrag du ma dang / rabs brgya stong phrag du ma dang / tshe rabs bye ba brgya stong phrag du ma nas// tshe rabs bye ba khrag khrig brgya stong phrag du ma'i bar du rjes su dran no// 'du ba'i bskal pa du ma dang / 'jig pa'i bskal pa tra ma dang / 'du ba dang / 'jig pa'i bskal pa du ma'ang rjes su dran no// bskal pa brgya'ang rjes su dran no// bskal pa stong dang / bskal pa stong phrag brgya dang / bskal pa bye ba stong phrag brgya nas/ bskal pa bye ba brgya stong du ma'i bar du rjes su dran no// bskal pa khrag khrig dang / bskal pa khrag khrig brgya dang / bskal pa khrag khrig stong dang / bskal pa khrag khrig stong phrag brgya dang / bskal pa bye ba khrag khrig brgya stong nas/ bskal pa bye ba khrag khrig brgya stong phrag du ma'i bar du rjes su dran te/ bdag ni che ge mo zhig na 'dug 'dug go// ming ni 'di zhes bya'o// rigs ni 'di yin no// rus ni 'di yin no// kha zas ni 'di lta bu zhig zos so// tshe ni 'di tsam zhig tu gyur to// 'di srid gcig tu ring du gnas so// bde ba dang nyon mongs pa ni 'di lta bu zhig myong ngo / / de nas shi 'phos nas che ge mo zhig tu skyes so// de nas kyang shi 'phos nas 'di lta bu zhig tu skyes so zhes sa tshigs dang bcas/ mtshan
- 104b
ma dang bcas/ ngan rtags dang bcas pa rnam pa du mar sngon gyi gnas rjes su dran no// des lha'i mig rnam par dag cing mi las 'das pas/ sems can rnams shi 'pho ba dang / skye ba dang / kha dog sdug pa dang / kha dog mi sdug pa dang / bde ba'i lam du phyin pa dang / ngan song du song ba dang / ngan pa dang / bzang po thams cad rab tu mthong ngo // las ji lta ba bzhin du rjes su 'brang ba'i sems can rnams yang dag pa ji lta ba bzhin du rab tu shes te/ sems can 'di dag ni lus kyis ngan du spyod pa dang ldan pa/ ngag gis ngan du spyod pa dang ldan pa/ yid kyis ngan du spyod pa dang ldan pa/ 'phags pa rnams la skur pa 'debs pa/ log par lta ba can dag ste/ log par lta ba'i las rab tu blangs pa'i rgyus lus zhig ste/ shi ba'i 'og tu ngan song ngan 'gro log par ltung ba sems can dmyal bar skye'o zhes bya ba dang / sems can 'di dag ni lus kyis legs par spyod pa dang ldan pa// ngag gis legs par spyod pa dang ldan pa/ yid kyis legs par spyod pa dang ldan pa/ 'phags pa la skur pa mi 'debs pa/ yang dag pa'i lta ba can dag ste/ yang dag pa'i lta ba'i las rab tu blangs po'i rgyus zhig ste/ sha bi'i 'og tu bde 'gro mtho ris kyi 'jig rten du lhar skye'o zhes bya bar rab tu shes te/ de ltar na lha'i mig rnam par dag pa mi las 'das pas/
- 105a
sems can 'chi ba dang / skye ba dang / kha dog sdug pa dang / kha dog mi sdug pa dang / bde 'gror song ba dang / ngan song du song ba dang / ngan pa dang / bzang po thams cad sa tshigs dang bcas/ mtshan ma dang bcas/ ngan rtags dang bcas par rab tu mthong ste/ las ji lta ba bzhin du rjes su 'brang ba'i sems can rnams kyang yang dag pa ji lta ba bzhin du rab tu shes so/ / de bsam gtan dang / rnam par thar pa dang / ting nge 'dzin dang / snyoms par 'jug pa 'di dag la snyoms par 'jug cing rnam par ldang yang / gang du byang chub kyi yan lag rnams yongs su rdzogs par 'gyur ba'i gnas ma gtogs par de dag gi dbang gis mi skye'o/ / byang chub sems dpa'i sa 'od byed pa 'di la gnas ba'i tshe/ de'i lta ba rgya chen po dang / smon lam gyi stabs kyis sangs rgyas mang po snang bar 'gyur te/ ltango rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrab brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po rab tu snang
- 105b
bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas mthong nas bsam pa rgya chen pos rim gro byed do// bkur sti byed do// bsti stang byed do// mchod pa byed do/ / na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo/ / dge 'dun gyi tshogs rnams la'ang yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo'o// de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing / de dag las rim gror chos nyan to// len to// 'dzin to// thos nas kyang ci tshul du nan tan gyis yang dag par sgrub ste/ de chos thams cad la 'pho ba med pa dang / 'jig pa med pa dang / rten cing 'brel par 'byung ba shes pas rab tu lta zhing rtog pas kyang 'dod pa'i bcings pa thams cad bsrabs par 'gyur ro/ / srid pa'i bcings pa thams cad bsrabs par 'gyur ro// ma rig pa'i bcings pa thams cad bsrabs par 'gyur ro// lta ba las byung ba'i bcings pa rnams ni snga nas kyang byang ba yin te/ byang chub sems dpa'i sa 'od byed pa 'di la gnas pa'i byang chub sems dpa'i log pa'i 'dod chags ni bskal pa du ma dang / bskal pa
- 106a
brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar spangs shing mi sogs par gnas so/ / log pa'i zhe sdang spangs shing mi sogs par gnas so// log pa'i gti mug spangs shing mi sogs par gnas so// de'i dge ba'i rtsa ba de dag kyang yongs su byang ba dang / yongs su dag pa dang / las su rung bar gyur pas gnas so// kye rgyal ba'i sras dag 'di lta ste/ dper na gser gyis le sbram de nyid mgar ba mkhas pa'i lag na spyod na srang grangs ci yod pa'i tshad bzhin du 'dug go/ / kye rgyal ba'i sras dag/ de bzhin du byang chub sems dpa' sems dpa' chen po byang chub sems dpa'i sa 'od byed pa 'di la gnas pa'o log pa'i 'dod chags kyang 'grib pa med par 'byung bar 'gyur ro/ / log pa'i zhe sdang yang 'grib pa med par 'byung bar 'gyur ro// log pa'i gti mug kyang 'grib pa med par 'byang bar 'gyur ro/ / dge ba'i rtsa ba de dag kyang rab tu 'byang zhing yongs su dag pa dang / las su rung bar 'gyur ro// de'i bzod pa dang nges pa'ang de bas kyang yongs
- 106b
su dag par 'gyur ro/ / grogs la bde zhing nges pa'i bsam pa dang / mi 'khrugs pa'i bsam pa dang / slong ba med pa'i bsam pa dang / rnyog pa med pa'i bsam pa dang / mthe dman med pa'i bsam pa dang / sems can la phan 'dogs pas lan mi re ba'i bsam pa dang / phan btags pa la phyir lan glon pa'i bsam pa dang / g.yo ba med cing sgyu med pa'i bsam pa dang / thibs po med pa'i bsam pa yongs su dag par 'gyur te/ de'i bsdu ba'i dngos po bzhi las don sgrub pa'i shas che ba yin/ pha rol tu phyin pa bcu las bzod pa'i pha rol tu phyin pa shas che ba yin te/ lhag ma rnams kyang ci tshul ci nus su yang dag par mi sgrub pa ma yin te/ kye rgyal ba'i sras dag/ 'di ni byang chub sems dpa'i sa 'od byed pa zhes bya ba ste/ byang chub sems dpa'i sa gsum pa'o/ / de la gnas pa'i byang chub sems dpa' ni phal cher lha'i rgyal por dbang por 'gyur te/ sems can rnams kyi 'dod pa'i 'dod chags rnam par bzlog pa'i thabs nye bar bsgrub pa la mkhas shing mthu yod pa yin/ de sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom rung ste/ de thams cad ji ltar na sems can thams cad kyi mchog tu 'gyur// gtso bor 'gyur/ bu bor 'gyur/ phul du 'gyur/ dam par 'gyur/ bla na med par 'gyur/ 'dren/
- 107a
par 'gyur/ rnam par 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba dang / rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin brgya stong rab tu 'thob cing / de dag la snyoms par 'jug pa dang / sangs rgyas brgya stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams brgya stong skyod pa dang / sangs rgyas kyi zhing brgya stong du 'gro ba dang / 'jig rten gyi khams brgya stong snang bar bya ba dang / sems can brgya stong yongs su smin par bya ba dang / bskal pa brgya stong du gnas par bya ba dang / sngon gyi mtha' dang / phyi ma'i mtha'i bskal pa brgya stong la rab tu 'jug pa dang / chos kyi sgo brgya stong rnam par 'byed pa dang / lus brgya stong yongs su bstan pa dang / lus re re la'ang byang chub sems dpa'i 'khor brgya stong yang dag par
- 107b
bstan par bya ba'i brtson 'grus kyi rnam pa de lta bu rtsom mo/ / de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis bgrang bar dka' de nas byang chub sems dpa' sems dpa' chen po rdo rje'i snying pos sa'i don 'di nyid yang brtag pa dang / bstan par bya ba'i phyir de'i tshe tshigs su bcad pa 'di dag/ blas so// de dag yon tan 'byung gnas bsam dag sems nges pa// skyo zhing 'dod chags bral te 'tshe med sems dang ldan// sems bskyed brtan pa dga' ldan rgya chen shugs can rnams/ mkhas pa bdag nyid che ba'i sems ldan gsum pa gnon// 'od byed sa phyogs 'di la gnas pa'i mkhas pa ni// sdug bsngal mi rtag mi sdug rab tu 'jig chos dang // ring por mi gnas skad cig snying po med par ni/ / 'dus byas rnam pa 'ong ba med la rab tu rtog/ nang du gyur pa mya ngan smre sngags 'don dang bcas// gnod dang 'khrug dang sdug dang mi sdug rjes 'brang ba/
- 108a
sdug bsngal yi slong phung po 'bar ba'i me 'dra bar// 'dus byas mtha' yas kun nas 'bar mthong de las spyod// srid pa gsum po kun las skyo zhing ltos sems med/ bde gshegs ye shes 'dod cing blo gzhan med pa ste// bsam du med cing gzhal yas pha rol mtha' yas pa'i// rgyal ba'i ye shes gnod med de dag rab tu mthong // de dag sangs rgyas ye shes gnod med mthong gyur nas/ / skyabs med mgon dang bral ba rab tu dgrol ba'i phyir// rtag tu dbul zhing ma gsum kun nas 'bar byur dang // srid pa'i btson rar sdug bsngal sna brgyas sems bskor cing / / nyon mongs bsgribs dang rnam par lta dang 'dod nyams pa// bde gshegs chos kyi dga' ba stor ba'i byis pa rnams// 'khor ba'i rgyud du 'bab cing thar pas sngangs gyur pa/ bdag gis bskyab pa yin zhes brtson 'grus dam du rtsom// ye shes 'dod pas ltos pa med par 'gro don byeng // gang rgyus rnam thar lam gyi rgyud ni gang zhes rtog/ bde gshegs ye shes bsgribs pa med las gzhan med na/ / bde gshegs ye shes de yang shes rab mthus 'byung ste// shes rab thos las 'byung bar byang chub sems dpa' rtog/ de ltar shes nas thos ngon spyad par brtson 'grus rtsom nyin mtshan nyan pa'i rgyur spyod bya ba gzhan med par/ / chos kyi don gnyer chos la rab tu rten pa yin// nor bu mu tig rin chen tshogs dang mdza' gnyen dang // srid long dum pho brang phum ldan dam pa dang
- 108b
chung ma dag dang bu dang mthun par spyod pa'i 'khor/ / ltos med sems kyis mkhas pa chos kyi don du gtong // mgro dang rkang lag mig dang de bzhin bdag gi sha// lce dang mche ba rna ba sna dang khrag rnams dang / / 'phangs pa'i rkang dang snying phyung yongs su gtong ba byed// 'di ni dka' bar mi rtsi thos pa de dka' rtsi// la la de drung 'ongs shing de skad sgrar gyur te// de ste me lce mi bzad 'bar ngong mchod phod na/ / bde gshegs bstan chos rin chen bshad do zhes na yang // thos nas med ma'i yid kyis yon tan dong du mchod // chos kyi tshig gcig don du ri rab rtses btags par/ / stong gsum mes bkang tshangs ris yul nas mchongs gyur kyang // da dung rgyal ba'i byang chub yangs pa thob dka' na// de ste tha mal mi bdes rnyed 'gyur shin tu bde// drang srong mchog gi ye shes 'thob 'gyur ji srid pa/ / de srid bar du mnar med sdug bsngal bzod bya na// mi yi sdug bsngal phung po sna tshogs ci smos kyis// chos rab mnyam pa'i don du bdag gis nyam blang zhes// chos rnams thos par gyur nas tshul bzhin sems par byed// bsam gtan tshad med de bzhin gzugs meng rnam pa bzhi// mngon par shes pa'i dam pa lnga po mngon sgrub kyang // de dag dbang gis skye bar de dag 'gyur ba min/ / legs ldan 'di gnas sangs rgyas khrag khrig mang po la// mchod par byed cing nges rtogs yid kyis chos kyang nyan// bsrabs par gyur cing log bral yongs su dag par 'gyur//
- 109a
skyon me gser zlas dza ltar grang la gcal na// de gnas yon na ldanas rnas bdag pa ste// yang byu na bye 'dad pa'i 'a pa rnam pa sa// / zlas tshogs ma'i dge ba'i lam la dgod/ / sangs rgyas yon tan mngon 'dod bsam pa gzhan yang med// 'di la gnas pa'i rgyal sras brtson 'grus rab rtsom ste// brgya phrag stong las mi nyung ting 'dzin 'thob pa yin/ / mtshan rab sku brgyan sangs rgyas rnams kyang rab tu mthong // yan chad smon lam rab ldan yon tan bsam mi khyab// de ltar sa mchog gsum pa 'di// 'jig rten kun la phan brtson pa'i// byang chub sems dpa'i mchog rnams la// rgyal ba'i sras kyis bstan pa yin// 'od byed pa zhes bya ba ste// byang chub sems dpa'i sa gsum pa'o// sa mchog dam pa yid 'ong phul gyi/ / spyod pa yangs pa 'di 'dra zos nas// rgyal sras yid dga' shin tu mgu gyur// rgyal ba la ni me tog mngon 'thor// chos 'di shin tu bstan cing brjod pas// lan tshwa'i gang chen mtsho yang g.yos gyur/ / lha yi bu mo yid 'ong snyan pa'i// glu yi dbyangs su chos rab dbyangs len// dbang sgyur lha dbang shin tu yid dga'// bde gshegs rin chen lha rdzas nor 'thor// don grub yon tan pha rol phyin pa'i// rgyal ba de cha gsung rab sgrog mdzad// ci phyir zhe na chos kyi dam pa// rdzogs pa'i byang chub sems dpa'i spyod rab// de ring 'dir thos mkhas pa'i sa de// bskal pa brgyar yang thos par rab dka'//
- 109b
rgyal sras mkhas la spyod pa'i dam pa// lha dang mi la phan pas yang shong // sa don nges pa ma nor lam 'di// lha mang 'di dag yid dga' nyan 'gyur// bde bar gshegs pa'i sras po la// rnam thar zla bas yang smras pa// bzhi par yang dag 'phar ba yi// spyod yul mkhas pas bshad par mdzod// byang chub sems dpa' rdo rje'i snying pos smras pa/ kye rgyab pa'i sras dag/ de ltar byang chub sems dpa' byang chub sems dpa'i sa gsum pa la snang ba shin tu sbyangs pa ni/ byang chub sems dpa'i sa bzhi pa yongs su gnon te/ de chos snang ba la 'jug pa bcus yongs su gnon to/ / bcu gang zhe na/ 'di lta ste/ sems can gyi khams rnam par dpyad pa snang ba la 'jug pa dang / 'jig rten gyi khams rnam par dpyad pa snang ba la 'jug pa dang / chos kyi khams rnam par dpyad pa snang ba la 'jug pa dang / nam mkha'i khams rnam par dpyad pa snang ba la 'jug pa dang / rnam par shes pa'i khams rnam par dpyad pa snang ba la 'jug pa dang / 'dod pa'i khams rnam par dpyad pa snang ba la 'jug pa dang / gzugs kyi khams rnam par dpyad pa snang ba la 'jug pa dang / gzugs med pa'i khams rnam par dpyad pa snang ba la 'jug pa dang / bsam pa dang mos pa yangs pa'i khams rnam par dpyad pa snang ba la 'jug pa dang / bdag nyid che ba'i bsam pa dang mos pa'i khams
- 110a
rnam par dbyung babyung ba la 'jug pa dang / chos snang bul 'jugs bcu po 'di dag gis yongs suganonan/ ba rgyal pa'i sras dag/ des b yang chub sems dang pas 'od 'phro ba can thob pa'i byang chub sems dpa' ni de bzhin gshegs pa'i rigs su de'i bdag nyid kyi chos rab tu 'thob pa'i phyir ye shes yongs su smin par byed pa'i chos bcus yang dag par byung ba yin/ bcu gang zhe na/ 'di lta ste/ phyir mi ldog pa'i bsam pa dang / dkon mchog gsum la dad pa mi phyed pa rab tu thob pa'i mthar thug pa dang / 'du byed skye ba dang 'jig pa rnam par bsgoms pa dang / rang bzhin gyis ma skyes pa rnam par bsgom pa dang / 'jig rten rgyu zhing ldog pa rnam par bsgom pa dang // las kyis srid par skye ba rnam par bsgom pa dang / 'khor ba dang mya ngan las 'das pa rnam par bsgom pa dang / sems can gyi zhing dang las rnam par bsgom pa dang / sngon gyi mtha' dang phyi ma'i mtha' rnam par bsgom pa dang / med pa'i mtha' dang zad pa'i mtha' rnam par bsgom pa ste/ kye rgyal ba'i sras dag/ ye shes yongs su smin par byed pa'i chos bcu po 'di dag dang ldan pa'i byang chub sems dpa' sems dpa' chen po ni/ de bzhin gshegs pa'i rigs su de'i bdag nyid kyi chos rab tu 'thob pa'i phyir yang dag par byung ba yin// kye rgyal ba'i sras dag/ byang chub sems dpa'i sa 'ong
- 110b
'phro ba can la gnas pa'i byang chub sems dpa' de ni yongs su sbyong ba dang ldan zhing shes bzhin can dran pa dang ldan par 'jig rten gyi chags sems dang / yid mi bde ba rnam par spangs nas dang / gi lus la lus kyi rjes su lta bar gnas so// yongs su sbyong ba dang ldan zhing shes bzhin can dran pa dang ldan pa dang 'jig rten gyi chags sems dang yid mi bde ba rnam par spangs te/ phyir lus la lus kyi rjes su lta bar gnas so// skyong ba dang ldan zhing shes bzhin can dran pa dang ldan par 'jig rten gyi chags sems dang yid mi bde ba rnam par spangs te/ nang gi lus la lus kyi rjes su lta bar gnas so// de bzhin du nang gi tshor ba dang / phyi rol gyi tshor ba dang / phyi nang gi tshor ba dang / de bzhin du nang gi sems dang / phyi rol gyi sems dang / phyi nang gi sems la ste/ sbyong ba dang ldan zhing shes bzhin can dran pa dang ldan par 'jig rten gyi chags sems dang / yid mi bde ba rnam par spangs te/ nang gi chos la chos kyi rjes su lta bar gnas so/ / yongs su sbyong ba dang ldan zhing shes bzhin can dran pa dang ldan par 'jig rten gyi chags sems dang / yid mi bde ba rnam par spangs te/ rol gyi chos la chos kyi rjes su lta bar gnas so// yongs su sbyong ba dang ldan zhing shes bzhin can dran pa dang ldan par 'jig rten gyi chags sems dang / yid mi bde ba rnam par
- 111a
spangs te/ phyi nang gi chos la chos kyi rjes su lta bar gnas so// de sdig to dang mi dge ba'i chos ma skyes pa rnams mi skye ba'i phyir dad pa skyed do// rtsol lo// brtson 'grus rtsom mo/ / sems rab tu 'dzin to// smon lam yang dag par 'debs so// sdig to dang mi dge ba'i chos skyes pa rnam par spang ba'i phyir dang pa skyed do// rtsol lo// brtson 'grus rtsom mo// sems rab tu 'dzin to// smon lam yang dag par 'debs so// dge ba'i chos ma skyes pa rnams skye bar 'gyur bar dad pa skyed do// rtsol lo// brtson 'grus rtsom mo// sems rab tu 'dzin to// smon lam yang dag par 'debs so// dge ba'i chos skyes pa rnams gnas pa dang / mi nyams pa dang / rgya cher 'gyur ba dang / de bas kyang 'phel bar 'gyur ba dang / bsgom pa dang / yongs su rtogs par 'gyur ba'i phyir dang paskyed do// rtsol lo// brtson 'grus rtsom mo// sems rab tu 'dzin to// smon lam yang dag par 'debs so// de mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa// 'gog pa la gnas pa
- 111b
rnam par spangs pas yongs su grub pa yongs su sgom mo/ / sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa// 'dod chags dang bral ba la gnas pa/ 'gog pa la gnas pa// rnam par spangs pas yongs su grub pa yongs su sgom mo// dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo// dad pa'i dbang po dben pa la gnas pa// 'don chags dang bral ba la gnas pa/ 'gog pa dang / rnam par spangs pas yongs su grub pa yongs su sgom mo// brtson 'grus kyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo// dran pa'i dbang po dben pa la gnas pa/ 'dod chags dang bral ba la gnas pa 'gog pa la gnas pa/ rnam par spangs pas yongs su grub pa yongs su sgom mo// ting nge 'dzin gyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo// shes rab kyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa
- 112a
rnam par spangs pas yongs su grub pa yongs su sgom mo/ / drang pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo// brtsom 'grus kyi stobs dben pa la gnas pa/ 'dod chags dang bral ba la gnas pa// 'gog pa la gnas pa// rnam par spangs pas yongs su grub pa yongs su sgom mo// dran pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / ting nge 'dzin gyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / shes rab kyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / dran pa yang dag byang chub kyi yan lag dben pa la gnas pa/ 'dod chags dang bral ba la gnas pa// 'gog pa la gnas pa// rnam par spangs pas yongs su grub pa yongs su sgom mo/ / chos rnam par dbye ba yang ngag byang chub kyi yan lag dben pa la gnas pa/ 'dod chags dang bral ba la gnas pa/ 'gog
- 112b
pa la gnas pa/ rnam par spangs pas yongs su grub pa yongs su sgom mo// brtson 'grus yang dag byang chub kyi yan lag dben pa la gnas pa/ 'dod chags dang bral ba la gnas pa// 'gog pa la gnas pa/ rnam par spangs pas yongs su grub pa yongs su sgom mo// dga' ba yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo// bag yangs yang dag byang chub kyi yan lag dben pa la gnas pa/ 'dod chags dang bral ba la gnas ba/ 'gog pa la gnas pa/ rnam par spangs pas yongs su grub pa yongs su sgom mo// ting nge 'dzin yang dag byang chub kyi yan lag dben pa la gnas pa/ 'dod chags dang bral ba la gnas pa 'gog pa la gnas pa/ rnam par spangs pas yongs su grub pa yongs su sgom mo// btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo// yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa rnam par spangs pas yongs su thub pa yongs su sgom mo/ / yang dag pa'i rtog pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par
- 113a
spangs pas yongs su grub pa yongs su sgom mo/ / yang dag pa'i ngag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam pabar spangs pas yongs su grub pa yongs su sgom mo/ / yang dag pa'i las kyi mtha' dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / yang dag pa'i 'tsho ba dben pa la gnas pa/ 'dod chags dang bral ba la gnas pa/ 'gog pa la gnas pa/ yang dag par spangs pas yongs su grub pa yongs su sgom mo/ / yang dag pa'i rtsol ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / yang dag pa'i dran pa dben pa la gnas pa/ 'dod chags dang bral ba la gnas pa/ 'gog pa la gnas pa// rnam par spangs pas yongs su grub pa yongs su sgom mo// yang dag pa'i ting nge 'dzin dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo// de dag kyang sems can thams cad la lta ba dang / sngon gyi smon lam mngon par bsgrubs pas nye bar brtan pa dang / snying rje chen po sngon du btang ba dang / byams pa chen po dang ldan par bya ba dang / khams
- 113b
cad mkhyen pa'i ye shes la dmigs pa dang / sangs rgyas kyi zhing bsgrub cing rgyan mngon par grub par bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / gzugs dang / mtshan dang / dpe byad bzang po dang / dbyangs kyi yan lag dang / gsung phun sum tshogs pa mngon par bsgrub pa dang / gong nas gong du khyad par 'gyur ba'i chos yongs su btsal ba dang / sangs rgyas kyi rnam par thar pa zab mo thos pa khong du chud par bya ba dang / shes rab dang thabs la shin tu mkhas pas rnam par spyod pa'i phyir ro/ / kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' ni/ gang 'di 'jig tshogs la lta ba sogs pa bdag tu mngon par chags pa dang / sems can du mngon par chags pa dang / srog dang / gso ba dang / gang zag dang / shed bdag dang / shed las skyes pa la mngon par chags pa dang / phung po dang / khams dang / skye mched la mngon par chags pa las byung ba/ brkyang ba dang / bskum pa dang / rnam par brtags pa dang / rnam par dpyad pa dang / dran pa dang / bdag gir byas pa dang / nor du byas pa dang / brten pa'i gnas su gyur pa de dag thams cad kyi thams cad du rab tu shes so// rab tu spong ngo //
- 114a
de 'di ltar las gang bya ba'i mcha ba/ yang dag par rdzogs pa'i sangs rgyas kyis smad pa/ kun nas nyon mongs pa dang ldan pa de dag thams cad kyi thams cad spong ngo / / las gang bya ba'i rigs pa yang dag par rdzogs pa'i sangs rgyas kyis bsngags pa/ byang chub kyi lam gyi tshogs dang mthun pa/ de dag yang dag par blangs shing gnas te/ de phyir zhing ji lta ji ltar thabs dang shes rab kyis mngon par bsgrub pa'i lam yang dag bsgrubs pa'i phyir/ lam gyi yan lag rnams sgom pa de lta de ltar 'jam pa'i sems dang ldan pa yin/ gnyen pa'i sems dang ldan pa yin/ / las su rung ba'o sems dang ldan pa yin/ phan pa dang bde ba skyed pa'i sems dang ldan pa yin/ kun nas nyon mongs pa med pa'i sems dang ldan pa yin kong nas gong du khyad par yongs su tshol ba'i sems dang ldan pa yin/ ye shes kyi khyad par la mos pa'i sems dang ldan pa yin/ 'gro ba thams cad yongs su bskyab pa'i sems dang ldan pa yin// bla ma la rim gro bya ba dang mthun pa'i sems dang ldan pa yin/ ji skad du thos pa'i chos la nan tan du byed pa'i sems dang ldan pa yin te/ de ni byas pa shes pas drin du gzo ba yin 'grogs na bde zhing nges pa yin/ 'jam zhing mnyen pa yin/ sgyu med cing nga rgyal med la thibs po med par spyod pa yin/ mthun par 'dzin cing nga lo bde ba yin te/ de de ltar bzod
- 114b
pa dang ldan pa yin/ de ltar dul ba dang ldan/ de ltar zhi ba dang ldan te/ de ltar bzod cing dul la zhi ba dang ldan pas/ gong dus yongs su sbyong ba'i las rnams yid la byed cing yang dag par spyod pas phyir mi ldog pa'i brtson 'grus dang ldan pa yin/ rgyun ma chad pa'i brtson 'grus dang ldan pa yin/ kun nas nyon mongs pa med pa'i brtson 'grus dang ldan pa yin/ rdzogs pa ro mi nus pa'i brtson 'grus dang ldan pa yin/ skyo ba med pa'i brtson 'grus dang ldan pa yin/ yangs pa'i brtson 'grus dang ldan pa yin/ mtha' yas pa'i brtson 'grus dang ldan pa yin/ shin tu sbyangs pa'i brtson 'grus dang ldan pa yin/ mi mnyam pa dang mnyam pa'i brtson 'grus dang ldan pa yin/ mi 'phrogs pa'i brtson 'grus dang ldan pa yin/ sems can thams cad yongs su smin par byed pa'i brtson 'grus dang ldan pa yin/ tshul dang mi tshul ba bye brag phyed pa'i brtson 'grus dang ldan pa yin te/ phyir zhing de'i bsam pa'i khams yongs su dag par 'gyur ro/ / lhag pa'i bsam pa'i khams dang mi 'bral lo// mos pa'i khams kyang shin tu byang bar 'gyur ro// dge ba'i rtsa ba rnam par 'phel ba'ang yongs su skye'o/ / 'jig rten gyi dri ma'i rnyog pa dang yang bral bar 'gyur ro// the tsom dang / yid gnyis dang / nem nur yang rgyun 'chang bar 'gyur ro// nem nur med pa la mngon sum du
- 115a
gyur pa'ang yongs su rdzogs par 'gyur ro/ / dga' ba dang bag yangs kyang yang dag par 'byung ngo // de bzhin gshegs pa la dad pa rlabs po che'ang mngon sum du 'gyur ro/ / sems kyi bsam pa tshad med pa'ang yang dag par skye'o// de byang chub sems dpa'i sa 'od 'phro ba can 'di la gnas pa'i tshe// lta ba rgya chen po dang / smon lam gyi stobs kyis sangs rgyas mang po snang bar 'gyur te/ lto ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas / khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do// bkur sti byed do// bsti stang byed do// mchod pa byed do// na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'dul zhing / byang chub sems dpa'i bde ba'i yo byad thams cad kyang yongs su 'dul ro//
- 115b
dge 'dun gyi tshogs rnams la'ang yang dag par mchod par byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo'o// de bzhin gshegs pa dgra bcom pa yang dag par rdzogs pa'i sangs rgyas de dag bsnyen bkur byed cing / de dag gis chos bstan pa'ang rim gro nyan cing len to// 'dzin to// thos nas kyang ci tshul du nan tan gyis yang dag par sgrub bo/ / de dag las phal cher de bzhin gshegs pa de dag gi bstan pa la rab tu 'byung ste/ phyir zhing de'i bsam pa dang / lhag pa'i bsam pa dang // mos pa mnyam pa nyid kyang rnam par dag par 'gyur te/ byang chub sems dpa'i sa 'od 'phro ba can 'di la gnas pa'i byang chub sems dpa' de bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar bsam pa dang / lhag pa'i bsam pa dang / mos pa mnyam pa nyid rab tu gnas so/ / de dge ba'i rtsa ba de dag thams cad yongs su dag cing shin tu 'od gsal bar 'gyur// kye rgyal ba'i sras ngag 'di lta ste/ dper na gser gyi sa le
- 116a
sbram de nyid mgar ba mkhas pas rgyan du byas pa ni/ de ma yin pa'i gser gyi sa le sbram gzhan rgyan du ma byas pas mi 'phrogs shing mi thub pa yin/ kye rgyal ba'i sras dag d e bzhin du byang chub sems dpa' sems dpa' chen po byang chub sems dpa'i sa 'od 'phro ba can 'di la gnas pa'i dge ba'i rtsa ba de dag kyang de ma yin pa'i byang chub sems dpa'i sa 'og ma rnams la gnas pa'i byang chub sems dpa' rnams kyi dge ba'i rtsa bas mi 'phrogs shing mi thub pa yin/ / kye rgyal ba'i sras dag 'di lta ste/ dper na nor bu rin po che 'od dang ldan pa/ 'od zer gyi dkyil 'khor yongs su dag pa can/ snang ba rab tu gtong ba ni de ma yin pa'i rin po che'i rnam par mi 'phrogs shing mi thub pa yin/ rlung langs pa dang / chu dang / char dad pas khong mi chod pa yin/ / kye rgyal ba'i sras dag/ de bzhin du byang chub sems dpa' sems dpa' chen po byang chub sems dpa'i sa 'od 'phro ba can 'di la gnas pa'ang / de ma yin pa'i sa 'og ma la gnas pa'i byang chub sems dpa' rnams kyis mi 'phrogs shing mi thub pa yin/ bdud dang nyon mongs pa'i rgyud rnams kyis ye shes mi chod pa yin// de'i bsdu ba'i dngos po bzhi las don mthun pa'i shas che ba yin/ pha rol tu phyin pa bcu las brtson 'grus kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma
- 116b
yin no/ / kye rgyal ba'i sras dag/ 'di ni byang chub sems dpa' sems dpa' chen po rnams kyi byang chub sems dpa'i sa bzhi pa ste 'od 'phro ba can zhes bya'o// de la gnas pa'i byang chub sems dpa' sems dpa' chen po ni phal cher lha'i rgyal po rab mtshe mar 'gyur te/ sems can rnams kyi 'jig tshogs la lta ba mang po yang dag par gzhom pa la mkhas shing mthu yod pa yin/ de sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba dang / rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na
- 117a
skad cig yud tsam thung cig tu ting nge 'dzin khrag khrig rab tu 'thob cing / de dag la snyoms par 'jug pa dang / sangs rgyas khrag khrig mthong zhing / de dag gi byin gyi rlabs kyang yang dag par shes pa dang / 'jig rten gyi khams khrag khrig skyod pa dang / sangs rgyas kyi zhing khrag khrig tu 'gro ba dang / 'jig rten gyi khams khrag khrig snang bar bya ba dang / sems can khrag khrig yongs su smin par bya ba dang / bskal pa khrag khrig tu gnas par bya ba dang / sngon gyi mtha' dang phyi ma'i mtha'i bskal pa khrag khrig la rab tu 'jug pa dang / chos kyi sgo khrag khrig rnam par 'byed pa dang / lus khrag khrig yongs su bstan pa dang / lus re re la'ang byang chub sems dpa'i 'khor khrag khrig yang dag par bstan par bya ba'i brtson 'grus kyi rnam pa de lta bu rtsom mo// de yan chad byang chub sems dpa'i smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'ong ngam/ rdzu 'phrul lam/ mig gam/ spyod yul lam dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka' 'o// de nas byang chub sems dpa' rdo rje
- 117b
snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so// sa gsum 'ong byed pa la shin tu sbyang byas shing // nam mkha'i khams dang yid kyi khams dang khams gsum dang / sems can spyod dang chos dang 'jig rten dpyod byed cing // mos dang bsam pa rnam par dag pa yang dag gnon// 'od 'phro yod pa'i sa thob 'phral du mthu chen rnams/ / ston pa'i rigs su yang dag skyes pas phyir mi ldog/ sangs rgyas chos dang dge 'dun dkon mchog dang mi phyed// skye zhing 'jig dang gnas pa byed pa med par lta/ / 'jig rten rgyu ba'i las dang byed dang srid skye dang // mya ngan 'das 'khor zhing dang sems can rnam par sgom// sngon dang phyi mtha' zad dang skye med grub pa dang // las la ston pa'i rigs kyi rjes su 'brang zhing sgom// de dang 'di 'dra'i chos ldan phan dang bder sems pa// lus dang dran pa tshor ba sems dang chos sgom ste// dran pa nyer bzhag bsgom pa rten pa rnam spangs pa/ / phyi dang nang gi gnyis ka'i rnam par mkhas pa sgom// sdig to zad cing dge chos rnam par 'phel 'gyur ba'i// yang dag spong ba bzhi la'ang mkhas pa sgom pa byed/ / rdzu 'phrul rkang pa bzhi dang stobs dang dbang po dang // byang chub yan lag rin chen lam rab yid 'ong sgom// de dag kun kyang 'gro la lta ba'i blo sgom ste//
- 118a
snying brtse byams pa ston 'gro smon lam nye bar ston// stobs kyi dam pago 'phang mchog gi rjes sems shing // thams cad mkhyen pa'i ye shes sangs rgyas zhing la smon/ / ston pa'i 'jigs med rnams dang chos rnams 'phrogs med dang // sangs rgyas gsung gi mchog la brtan pa smon byed cing // rin chen lam zab rnam par thar pa'i gnas rnams dang / / che ba'i thabs rnams yang dag bsgrub phyir bsgom pa med// 'jig tshogs lha med lta ba drug cu gnyis kyang med// bdag dang bdag gi med cing srog tu dmigs pa med// phung po skye mched rnams dang khams kyi gnas dang rten// kun kyang mkhas pas bzhi pa'i sa la rab tu spangs// des ni gang dang gang rnams rgyal bas smang mdzad pa'i// las dang nyon mongs bcas pa don du mi 'gyur rnams/ / de dag yongs su spangs shing mkhas pa khong nas dag/ 'gro ba bskyab pa'i don du las rab dge la brtson// mkhas pa de ni byams pa'i sems ldan bag kyang yod// mnyen 'jam sems ldan phan dang bde byed drang ldan ldan// dam pa'i don rnams thams cad skyon med yongs su tshol// ye shes dbang bskur mngon mos 'gro ba'i don kyang byed// bla ma rim gror byed dang ldan zhing nan tan brtson/ / dri mag po khro ba med cing nga lo bde dang ldan// sgyu med thabs po med cing shin tu nges pa ste// yang dag sgrub byed brtson 'grus phyir ldog med pa yin// yid du 'ong
- 118b
ba'i sa 'di la ni de gnas tshe/ / lhag pa'i bsam pa nyid dang bsam dpa' thob par 'gyur// mos pa rab tu 'byang 'gyur dge chos rnam par 'phel// dri ma rnyog pa the tsom yid gnyis thams cad bsal/ 'di la gnas pa'i mi rab khyu mchog rgyal ba'i sras// bde gshegs bye ba du ma mngon par mchod pa byed// chos kyang nyan byed bstan pa de la rab tu 'byung // rgyan du byas pa'i gser ltar mi 'phrogs thub pa med/ / mkhas pa 'di la gnas pa'i yon tan bsam pa dang // ye shes thabs dang spyod pa rnam dag lam la yang // rnam par bzlog par bdud rnams bye bas mi nus te// rin chen 'od la rlung gis chod par mi 'gyur bzhin/ / mi dang lhas mchod 'os pa 'di la gnas pa yi// dbang phyug mtshe ma'i dam pa chos la spyod par 'gyur// lta ba'i thibs po rnams las sems can rnam par zlog/ rgyal ba'i ye shes don du dge ba'i rab tu rtsom// brtson 'grus ldan pas mi yi khyu mchog khrag khrig brgya// gzhan du mi sems shin tu mnyam par bzhag pas mthong // yan chad smon lam dam pa yon tan ngon spyod pa// ye shes 'byung gnas bskal pa mang por mngon par sgrub// de ltar sa mchog bzhi pa 'di// rnam dag dag pa'i spyod ldan zhing / yon tan ye shes don ldan pa// bde bar gshegs pa'i sras kyis bstan// 'od 'phro can zhes bya ba ste// byang chub sems dpa'i sa bzhi pa'o// /
- 119a
dam po bzhi bcu brgyad pa// / mkhas pa rnams kyis mchog spyod pa thos gyur nas// chos kyi shes pas rgyal sras rnams ni mgu zhing dga'// dga' ba'i yid kyis mkha' las me tog char yang 'bebs// bdag nyid che ba'i bde gshegs sras po dge zhes brjod// lha yi bdag po dbang sgyur lha yi tshogs rnams dang // dga' bas mkha' la 'phags te bde gshegs mchod pa'i phyir/ / me tog sna tshogs sprin chen mdog sdug yid 'ong ba// dga' zhing mos pas bde bar gshegs la mngon par gtor// glu dbyangs snyan pa yid 'ong sil smasnyan rnga yi sgra/ / lha tshogs mang pos rgyal ba mchod pa'i don du byas// rgyal po de tshe rab tu 'phrul pa'i sku yang sbron// sgra dbyangs rnam pa kun las 'di 'dra'i sgra byung ngo // yun ring mchog gis thub pa'i dgongs pa rdzogs/ / yun ring mchog gis thub pas byang chub brnyes// lha mi phan pa yun ring mchog gis mthong // lha yi gnas su shAkya rngub pa gshegs/ mun ring mchog gis rgya mtsho'i chu yang g.yos// yun ring mchog gis 'od bzang thub pas bkye// yun ring mchog gis sems can bde bar 'gyur// thugs rje che gsung yun ring mchog gis thos/ / yun ring mchog gis thub pa che dang phrad// yon tan kun gyi mtha' phyin dbyon to// nga rgyal dregs snyems mun pa kun spongs te// mtshungs med mchod par 'os la mchod par
- 119b
gyis/ / de la mchod byas bde 'gro'i lam du 'gro// de la mchod byas bde ba rnam pa mang // de la mchod byas sdug bsngal thams cad 'byang // de la mchod byas rgyal ba'i ye shes 'thob/ / rgyal ba mkha' ltar rnam par dag pa ste// 'gro bas mi gos pad+mo'i chu dang 'dra// shin tu 'phags pa rgya mtsho'i ri rab bzhin// spro ba'i sems kyis rgyal ba mchod gyis shig/ de skad dbyangs su brjod byas nas// lha yi bu mo brgya mang ba// dga' bas rgyas par rab tu lta// shin tu dga' bas rim gror byed// de nas rdo rje'i snying po la// rnam thar zla bas smras pa ni/ / sa lnga'i rnam pa ci 'dra ba// rgyal ba'i sras kyis bshad par mdzod// byang chub sems dpa' rdo rje snying pos smras pa/ kye rgyal ba'i sras dag/ ltar byang chub sems dpa' byang chub sems dpa'i sa bzhi pa la sa'i lam yongs su rdzogs pa ni/ byang chub sems dpa'i sa lnga pa la 'jug ste/ de sems kyi bsam pa rnam par dag pa mnyam pa nyid bcus 'jug go/ / bcu gang zhe na/ 'di lta ste/ 'das pa'i sangs rgyas kyi chos kyis bsam pa rnam par dag pa mnyam pa nyid dang / ma byon pa'i sangs rgyas kyi chos kyis bsam pa rnam par dag pa mnyam pa nyid dang / da ltar byung ba'i sangs rgyas kyi chos kyis bsam pa rnam par dag pa mnyam pa nyid dang / tshul khrims kyis bsam pa rnam par dag pa
- 120a
mnyam pa nyid dang / sems kyi bsam pa rnam par dag pa mnyam pa nyid dang / lta ba dang / nem nur dang / dogs pa bsal bas bsam pa rnam par dag pa mnyam pa nyid dang / lam dang lam ma yin pa shes pas bsam pa rnam par dag pa mnyam pa nyid dang / nan tan dang spong ba shes pas bsam pa rnam par dag pa mnyam pa nyid dang / byang chub kyi phyogs kyi chos thams cad gong nas gong du rnam par bsgom pas bsam pa rnam par dag pa mnyam pa nyid dang / sems can thams cad yongs su smin par bya bas bsam pa rnam par dag pa mnyam pa nyid de/ kye rgyal ba'i sras dag/ sems kyi bsam pa rnam par dag pa bcu po 'di dag gis de la 'jug ste// kye rgyal ba'i sras dag/ byang chub sems dpa'i sa lnga thob pa'i byang chub sems dpa'i de ni byang chub kyi phyogs dang / lam gyi yan lag de dag nyid la sbyang ba shin tu byas shing / lhag pa'i bsam pa shin tu sbyangs pas de'i gong du lam gyi khyad par tshol zhing de bzhin nyid kyi rjes su zhugs pa dang / smon lam gyi mthu dang / shugs dang / snying rje dang / byams pas sems can yongs su mi gtong ba dang / bsod nams dang ye shes kyi tshogs rab tu bsags pa dang / yongs su rgyun 'chad pa med pa dang / thabs la mkhas pas mngon par bsgrub pa dang / gong nas gong du sa'i snang ba blta ba dang / de bzhin gshegs pa'i
- 120b
byin gyi rlabs btsal ba dang / dran pa dang / blo gros dang / rig pa dang / blo'i stobs dang / shugs kyis yid la bya ba'i phyir mi zlogs par byas te/ 'di ni sdug bsngal 'phags pa'i bden pa zhes bya bar yang dag pa ji lta ba bzhin du rab tu shes so/ / 'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam 'phags pa'i bden pa zhes bya bar yang dag pa ji lta ba bzhin du rab tu shes te/ de kun rdzob kyi bden pa la mkhas pa yin/ don dam pa'i bden pa la mkhas pa yin// mtshan nyid kyi bden pa la mkhas pa yin/ rnam par dbye ba'i bden pa la mkhas pa yin/ brtag pa'i bden pa la mkhas pa yin/ dngos po'i bden pa la mkhas pa yin/ 'byung ba'i bden pa la mkhas pa yin byang zhing mi skye ba'i bden pa la mkhas pa yin/ lam gyi ye shes la 'jug pa'i bden pa la mkhas pa yin// byang chub sems dpa'i sa'i rim pa mtshams sbyar ba grub par bya bas de bzhin gshegs pa'i ye shes yang dag par bskyed pa'i bar du mkhas pa yin te/ de sems can gzhan dang gang zag gzhan la bsam pa ji lta ba bzhin du shin tu dga' bar byed pas kun rdzob kyi bden pa'ang rab tu shes so/ / theg pa gcig tu yang dag par gzhol bas don dam pa'i bden pa'ang rab tu shes so// chos kyi rang gi mtshan nyid khong du chud pas mtshan nyid kyi bden
- 121a
pa'ang rab tu shes so/ / chos kyi bye brag rnam par dgod pa khong du chud pas rnam par dbye ba'i bden pa'ang rab tu shes so// phung po dang / khams dang skye mched rnam par dgod pas rtog pa'i bden pa'ang rab tu shes so/ / lus dang sems la gnod pa nyams su 'bab pas dngos po'i bden pa'ang rab tu shes so// 'gro ba'i rgyud kyi mtsham sbyor bas 'byung ba'i bden pa'ang rab tu shes so/ / rims yongs su gdung ba thams cad shin tu zhi bas byang zhing mi ba'i bden pa'ang rab tu shes so// mi gnyis pas mngon par bsgrub pos lam gyi ye shes la 'jug pa'i bden pa'ang rab tu shes so/ / rnam pa thams cad du mngon par 'tshang rgya ba dang / byang chub sems dpa'i sa'i rim pa thams cad mtshams sbyar ba rab tu bsgrub pas de bzhin gshegs pa'i ye shes yang dag par 'byung ba'i bden pa'ang rab tu shes so/ / de'ang mos pas shes pa'i stobs dang shugs kyis te/ lhag ma ma lus par ye shes khong du chud pas ni ma yin no/ / de de ltar bden pa la mkhas pa mngon par bsgrubs pa'i blos 'dus byas thams cad gsob gsog brdzun pa bslu ba'i chos can dku byed pa/ byis pa 'drid par yang dag par ji lta ba bzhin du rab tu shes te/ de sngon pas kyang sems can thams cad la snying rje mngon du 'gyur ro// byams pa chen po'i snang ba'ang rab tu 'byung ste/ de de ltar ye shes kyi stobs
- 121b
dang shugs rab tu thob cing sems can thams cad la lta ba dang / sangs rgyas kyi ye shes la mngon par mos pas 'du byed kyi rnam pa thams cad sngon gyi mtha' dang phyi ma'i mtha' rab tu rtog ste/ 'di ltar sngon gyi mtha'i ma rig pa dang / srid pa dang / sred pa las rab tu byung ba'i sems can 'khor ba'i rgyud du 'bab pa/ phung po'i gnas las ma 'phags pa/ sdug bsngal gyi phung po chen po bdag med pa/ sems can med pa/ srog med pa// gso ba med pa// gang zag med pa/ bdag dang bdag gi bral ba rnam par 'phel lo zhes de'ang yang dag pa ji lta ba bzhin du rab tu shes so/ / 'di ltar phyi ma'i mtha' med pa la rmongs pa'i 'dod pa 'di nyid rgyun gcad pa dang / mthar dbyung ba dang / 'byung bar bya ba dang / yod pa dang / med pa de'ang yang dag pa ji lta ba bzhin du rab tu shes te/ de 'di snyam du sems so// de ltar lus grangs med pa zhig 'gags la 'gag par 'gyur zhing 'gag bzhin te/ 'di ltar rgyud par 'gyur yang lus la skyo ba mi skyed cing / sdug bsngal gyi 'khrul 'khor je bas je 'phel du byed pa dang / 'khor ba'i rgyud las phyir mi ldog cing / phung po'i gnas mi gtong ba dang / khams kyi sbrul gyis skyo bar mi 'gyur ba dang / nga rgyal dang lta ba'i zug rngu mi 'byin cing / 'dod chags dang / zhe sdang dang / gti mug gi me lce 'bar ba zhi bar mi byed pa dang / ma rig pa'i
- 122a
mun pa chen po mi sel cing / sred pa'i mtsho mi skems la/ stobs bcu'i dengad dpon mi tshol zhing bdud kyi bsam pa thibs po'i rjes su song ste/ 'khor ba'i rgya mtsho rnam par rtog pa sna tshogs kyi chu srin gyis dkrugs pas yongs su g.yeng bar 'khod cing / byis pa so so'i skye bo de dag de ltar mi shes shing rmongs pa ni ngo mtshar ches/ ma la bdag gis sems can de ltar sdug bsngal gyis mnar ba/ mgon med pa/ dpung gnyen med pa/ skyabs med pa// gnas med pa/ gzhi med pa/ rten med pa/ long bar gyur pa/ ma rig pa'i sgo nga'i sbubs dang spros yog pa/ mun pas khebs pa/ de dag gi don du bdag gcig pu gnyis su med pas/ bsod nams dang ye shes kyi tshogs kyi rnam par bsags par bya ba ji lta bur bsags pas sems can de dag shin tu rnam par dag pa 'thob par 'gyur ba dang / stobs bcu'i stobs kyi ye shes chags pa med pa'i bar gyi mthar thug pa thob par 'gyur ba'i rnam pa de lta bu'i bsod nams dang ye shes kyi tshogs bsags par bya 'am snyam ste/ / de de ltar shin tu brtags pa'i ye shes kyis mngon par bsgrubs pa'i blos dge ba'i rtsa ba gang ci rtsom yang de dag thams cad sems can thams cad yongs su bskyab pa dang / sems can thams cad la phan pa dang / sems can thams cad la bde ba dang / sems can thams cad la
- 122b
snying brtse ba dang / sems can thams cad la gtse ba med pa dang / sems can thams cad yongs su dgrol ba dang / sems can thams cad drang ba dang / sems can thams cad dang par bya ba dang / sems can thams cad gdul ba dang / sems can thams cad yongs su mya ngan las 'das bzla ba'i phyir rab tu rtsom ste/ byang chub sems dpa'i sa lnga pa shin tu rgyal bar dka' ba 'di la gnas pa'i byang chub sems dpa' ni de bas kyang nyams par mi 'gyur ba'i chos nyid kyis dran pa dang ldan pa yin/ shin tu nges par rtogs pa'i ye shes kyis blo gros dang ldan pa yin/ mdo'i don dang / tshul dang / ldem po ngag khong du chud pas rig pa dang ldan pa yin/ bdag dang gzhan gyi sems rjes su srung bas ngo tsha shes shing khrel yod pa yin/ sdom pa dang tshul ma bor bas dga' ba dang ldan pa yin// gnas dang gnas ma yin pa la mkhas shing shin tu brtags pas blo dang ldan pa yin/ gzhan gyi dring mi 'dzeg pas ye shes dang ldan pa yin/ don dang don ma yin pa'i tshig yang dag par dbye ba la mkhas pas shes rab dang ldan pa yin/ bsgom pa mngon par bsgrub pa la mkhas pas mngon par shes pa bsgrub pa thob pa yin/ / 'jig rten gyi rjes su 'brang bas thabs la mkhas pa yin/ bsod nams kyi cho ga nye bar sogs pas ngoms mi shes pa yin/ ye shes kyi tshogs yongs su tshol bas brtson 'grus
- 123a
rgyun mi 'chad pa yin/ byams pa dang snying rje chen po'i tshogs yang dag par sogs pas skyo ba med pa'i bsam pa dang ldan pa yin/ de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa yongs su tshol bas snyom las med par yongs su tshol ba la brtson pa yin/ sangs rgyas kyi zhing bsgrub pa dang rgyan mngon par shes pas mngon par bsgrub pa'i yid dang ldan pa yin/ mtshan dang dpe byad bzang po yang dag par bsgrub pas dge ba rnam pa sna tshogs la brtson pa yin/ de bzhin gshegs pa'i sku dang/ gsung dang / thugs kyi rgyan yongs su tshol bas rtag tu rgyun mi 'chad par brtson pa yin/ byang chub sems dpa' dang chos smra ba thams cad la rim gro byed pas bsnyen bkur dang sri zhu chen po'i ngang tshul can yin/ byang chub kyi sems dang thabs mkhas pa chen po'i tshul dang ldan par 'jig rten du rgyu bas khong khro ba med pa'i sems dang ldan pa yin/ sems can thams cad yongs su smin par bya ba la mngon par brtson pas nyin mtshan du gzhan du sems pa'i yid yongs su spangs pa yin te/ de de ltar mngon par brtson pas sbyin pas kyang sems can yongs su smin par byed do/ / ngag snyan pa dang / don bsgrub pa dang / don mthun pa dang / gzugs kyi lus kun tu bstan pa dang / chos bshad pa dang / byang chub sems dpa'i spyod pa brjod pa dang / de bzhin
- 123b
gshegs pa'i che ba nyid smos pa dang / 'khor ba'i nyes pa bstan pa dang / sangs rgyas kyi ye shes kyi yon tan yongs su grags par bya ba dang / rdzu 'phrul dang rnam par 'phrul pa chen po mngon par bsgrub pa dang / bya ba dang thabs rnam pa sna tshogs kyis sbyor bas sems can yongs su smin par byed do// de ltar sems can yongs su smin par bya ba la mngon par brtson pa dang ldan zhing / sangs rgyas kyi ye shes kyi rjes su song ba'i bsam pa can/ dge ba'i rtsa ba phyir mi ldog pa'i sbyor ba dang ldan pa/ khyad par can gyi chos yongs su btsal ba la mngon par brtson pa de gang 'di 'jig rten na yod pa'i yi ge dang / gtsug lag dang / lag brda dang / grangs dang / rtsis dang / shod thabs la sogs pa dang / khams kyi cho ga dang gso ba'i cho ga dang / skem pa dang / brjed byed dang / 'byung po'i gdon bsal ba dang / dug dang ro langs kyi sbyor ba bsal ba dang / rang bzo dang / gar gyi cho ga dang / gtam dang / rol mo dang / bsrung gtam la dga' ba skyed pa dang / gro dang / grong khyer dang / bza' shing gi ra ba dang / chu klung dang / mtshe'u dang / lteng ka dang / rdzing bu dang / me tog dang / shing thog dang / rtsi dang / nags tshal mngon par bsgrub pa dang / gser dang / dngul dang / nor bu dang / mu tig dang / bai DUR+Ya dang / dung dang / rin po che shI la dang /
- 124a
byu ru dang / rin po che rnams kyi 'byung gnas bstan pa dang / nyi ma dang / zla ba dang / gza' dang / rgyu skar dang / sa g.yo ba dang / ri dgas kyi ltas dang / rmi lam dang / ltas bstan pa la 'jug pa dang / yan lag dang nying lag gi mtshan dang / spyod pa'i mtshan dang / sdom pa dang / tshul dang / bsam gtan dang / mngon par shes pa dang / tshad med pa dang / gzugs med pa'i gnas rnams dang / gzhan yang gang sems can 'tshe bar mi 'gyur ba'i sbyor ba dang / sems can thams cad la phan pa dang bde bar 'gyur ba yod dgu de dag thams cad 'jig rten la snying brtse bas rim gyis/ sangs rgyas kyi chos la rab tu dgod pa'i phyir mngon par sgrub bo// byang chub sems dpa'i sa shin tu rgyal bar dka' ba 'di la gnas pa'i byang chub sems dpa'i lta nga rgya chen po dang / smon lam gyi stobs kyis sangs rgyas mang po snang bar 'gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang
- 124b
sangs rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do/ / bkur sti byed do// bsti stang byed do// mchod pa byed do// na bza' dang / bsod snyoms dang / gzims cha dang / snyun gyi rkyen sman dang yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo// dge 'dun gyi tshogs rnams la'ang yang dag par mchod pa byed do// dge ba'i rtsa ba de dag kyang bla na med pa yang dag par rdzogs pa'i byang chub tu yongs su snga'o/ / de bzhin gshegs pa dgra bcom pa yang dag par rdzogs pa'i sangs rgyas de dag la rim gro byed cing / de dag las rim gro dang / zhe sa dang / bsti stang du chos bstan pa nyan to// len to// 'dzin to// thos nas kyang ci tshul du nan tan gyis yang dag par sgrub ste/ de dag las phal cher de bzhin gshegs pa de dag gi bstan pa la rab tu 'byung ngo / / rab tu byung nas kyang thos pa 'dzin pa'i gzungs rab tu thob pa'i chos smra bar 'gyur ba yin// de ltar byang chub sems dpa'i sa shin tu rgyal bar dka' ba 'di la gnas pa'i byang chub sems dpa' de'i dge ba'i rtsa ba de dag bskal pa du mar shin tu byang ba dang / yongs su dag pa dang / 'od rab tu gsal bar gnas so//
- 125a
bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar dge ba'i rtsa ba de dag shin tu byang ba dang / yongs su dag pa dang / rab tu 'od gsal bar gnas so// kye rgyal ba'i sras dag/ gser gyi sa le sbram de nyid rin po che mus gal bas btab na/ de bas kyang yongs su 'tsher ro// yongs su dag par 'gyur ro// 'od shin tu gsal zhing dang bar 'gyur ro// kye rgyal ba'i sras dag/ de bzhin du byang chub sems dpa'i sa shin tu rgyal bar dka' ba 'di la gnas pa'i byang chub sems dpa'i dge ba'i rtsa ba thabs dang shes rab kyis rnam par sdud pa yang / de bas kyang shin tu byang ba dang / yongs su dag pa dang / rab tu 'od gsal zhing dang ba yin/ ye shes kyi sbyor ba'i yon tan mngon par bsgrubs pa dang ldan pa yin/ mi 'phrogs shing shin tu brtags pa yin// kye rgyal ba'i sras dag 'di lta ste/ dper na nyi ma dang / zla ba dang / skar ma dang / rgyu skar gyi gzhal med khang gi 'od snang ba ni rlung gi dkyil 'khor gyis mi 'phrogs shing / rlung dang thun mong du mi spod pa yin/
- 125b
kye rgyal ba'i sras dag/ de bzhin du byang chub sems dpa'i sa shin tu rgyal bar dka' ba 'di la gnas pa'i dge ba'i rtsa ba thabs dang / shes rab dang / ye shes dang / sems kyis shin tu brtags pa dang ldan pa'ang / nyan thos dang rang sangs rgyas kyis mi 'phrogs pa yin/ 'jig rten pa dang thun mong du mi spyod pa yin/ de'i pha rol tu phyin pa bcu las bsam gtan gyi pha rol tu phyin pa'i shas che ba yin te/ lhag ma rnams kyang ci tshul ci nus su mi sgrub pa ma yin no// kye rgyal ba'i sras dag/ 'di ni byang chub sems dpa'i sa shin tu rgyal bar dka' ba/ zhes bya ba byang chub sems dpa'i sa lnga pa mdor bstan pa'o// de la gnas pa'i byang chub sems dpa' ni phal cher lha'i rgyal po rab dga' ldan du 'gyur te/ sems can thams cad kyi mu stegs kyi gnas thams cad rnam par bzlog pa la mkhas shing mthu yod pa yin/ de sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur// dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba
- 126a
dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba dang / rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ / de 'dod na skad cig yud tsam thang cig tu ting nge 'dzin khrag khrig phrag stong rab tu 'thob cing / de la snyoms par 'jug pa dang / sangs rgyas khrag khrig phrag stong mthong zhing / de dag gi byin gyi rlabs kyang yang dag par shes pa dang / 'jig rten gyi khams khrag khrig phrag stong skyod pa dang / sangs rgyas kyi zhing khrag khrig phrag stong du 'gro ba dang / 'jig rten gyi khams khrag khrig phrag stong du snang bar bya ba dang / sems can khrag khrig phrag stong yongs su smin par bya ba dang / bskal pa khrag khrig phrag stong du gnas par bya ba dang / sngon gyi mtha' dang phyi ma'i mtha'i bskal pa khrag khrig phrag stong la rab tu 'jug pa dang chos kyi sgo khrag khrig phrag stong rnam par 'byed pa dang / lus khrag khrig phrag stong yongs su bstan pa dang / lus re re la'ang byang chub sems dpa'i 'khor khrag khrig phrag stong yang dag par bstan
- 126b
par bya ba'i brtson 'grus kyi rnam pa de lta bu rtsom mo/ / de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du mas kyang bgrang bar dka'o/ / de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so// rgyal ba'i spyod pa bzhi par de ltar rnam sbyang ste// dus gsum mnyam pa nyid kyi rjes su sems byed cing // tshul khrims sems dang nan tan lam rnam dag pas// nem nur med pa'i mkhas pa lnga pa yongs su gnon/ / dran pa'i gzhu dang dbang po mda' rno phyir mi ldog/ yang dag spong ba rta yin bzhon pa rdzu 'phrul rkang // stobs lnga go cha dgra rnams kun gyis tshugs mi nus// dpa' bas mi ldog mkhas pa lnga pa yongs su gnon// ngo tsha khrel yod gos yin mkhas pa'i tshul gtsang spos// byang chub yan lag 'phreng ba byug pa bsam gtan mchog/ shes rab rnam par
- 127a
dpyod dang thabs mchog rgyun yin te/ / bza' shing rab ting 'dzin dga' ldan yang dag gnon// rdzu 'phrul ba ni po rkang pa dran pa rnam ngag mgrin// byams rtse rnam dag mig yin shes rab mche ba mchog/ bdag med nga ros nyon mongs dgra rnams rab tu 'jom// mkhas pa mi yi seng ge sa lnga yongs su gnon// de dag sa mchog lnga pa'i phyogs su phyin gyur nas/ / yongs su dag pa'i lam rnams phyir zhing gong du sbyong // bsam dag mkhas pa rgyal ba 'thob par bya don du// skyo ba med par snying rje byams pa'i rjes su sems/ bsod nams tshogs bsags de bzhin ye shes rab ldan pa// sa rnams snang bar bya phyir gcig min thabs rtog cing // sangs rgyas byin gyis dran dang blo gros blo thob pas// bden pa bzhi po ma lus yang dag khong du chud/ / don dam bden pa de bzhin kun rdzob mtshan bden dang // rnam par dbye ba'i bden pa de bzhin brtag bden dang // 'byung zhing 'jug dang dngos po zhe lam bden pa nas/ / sgrib med bden pa'i bar du yang dag rab tu rtogs// de ltar badren pas yongs su sbyangs pa'i blo phra yang // rnam thar dam pa sgrib med de ni thob pa min// ye shes mos yangs yon tan rnams kyi 'byung gnas te/ / 'gro kun dgra bcom rang rgyal rnams ni zil gyis gnon// de dag bden pas de ltar rang gi blos bsgrubs pas// 'dus byas brdzun zhing rang bzhin snying po med par shes/
- 127b
sems can ngon du bde gshegs ye shes tshol ba'i tshe// bde gshegs thugs brtse byams pa snang ba rab tu 'thob// 'dus byas sngon dang phyi mtha' mkhas pa rab tu lta// gti mug mun gnag mun pas 'khrugs shing sred chags pa'i/ / 'gro rnams sdug bsngal phung po lta ba bdag med cing // srog bral rtsa zhing 'dra ba mngon par sel ba byed// nyon mongs rjes 'gro 'di bdag 'das dang ma 'ongs pa'i'o/ / sdug bsngal rgyun gcod mthar phyin gzhol bar yong mi byed// kyi hud 'gro ba de ltar 'khyams shes snying rje skye// gti mug 'khrul pas 'khor ba'i rgyud du phyir mi ldog/ phung po'i gnas dang khams sbrul lta ba'i zug rngu can// mes gdungs yid can sgrib pa'i mun pas bsgribs gyur pa// don rnams rnam par ma brtags sred pa'i mtshor lhung zhing / / rgyal ba'i ded dpon bral ba sdug bsngal rgya mtsho gnas// de ltar rig nas bag yod phyir zhing rab tu rtsom// ci rtsom kun kyang 'gro ba rnam thar don du ste// phyir zhing dran ldan blo gros rig dang ldan pa yin/ / khrel yod dga' ldan mkhas pa blo ldan shes rab ldan// bsod nams bsags dang ye shes dam pas mi ngoms shing // rtag tu skyo med le lo med par thos pa tshol/ / zhing sgrub rgyal ba'i mtshan dang sangs rgyas gsung tshol zhing // sems can phan par brtson pa'i bya bas ngoms mi shes// 'gro ba smin bya'i don du mkhas pas bzo yi gnas//
- 128a
yi ge lag brda grangs dang rtsis dang gso ba'i thabs// 'byung po'i gdon dang las rnams sna tshogs bsal ba'i phyir// snying brtse byams pa'i blo gsal gtsug lag kun la gzhog/ rang bzo mchog dang gar sdug sna tshogs dga' byed dang // chu klung rab shing thog me tog 'dug gnas dang // bya ba sna tshogs sgrub byed sems can bde don du/ rin chen 'byung gnas du ma'ang nye bar ston pa byed// sa g.yo nyi zla gza' skar kun kyang de bzhin du// sems can yan lag mtshan ma'i dpyad dang rgyal srid gnas// gzugs med bsam gtan mngon shes mchog dang tshad med pa/ / 'gro la bde dang phan pa'i don 'dod mngon par sgrub// shin tu rgyal dka' 'di thob shes rab mchog spyod pa// sangs rgyas bye ba mchod byed chos rnams nyan par byed/ / de dag dge dang bsam pa phyir zhing dag par 'gyur// gser sbram ji ltar mu sar gal bas btab pa bzhin// ji ltar bar snang gza' yi rin chen gzhal med khang / / rlung la rgyu ste 'on kyang rlung gis 'phrogs pa min// de ltar 'gro ba'i don spyod 'jig rten chos spyod kyang // ji ltar pad+mo chus mi chags bzhin 'phrogs pa min// 'di la gnas pa dga' ldan dbang po mkhas par 'gyur/ mu stegs spyod dang lta ba mang po'i gnas kyang sel// stobs rnams bcu pos sems can bskyab par bya'o zhes// dge ba de dag rgyal
- 128b
ba'i ye shes don du rtsom/ / 'di nas gong du brtson 'grus rtsom byed mthu thob pa// khrag khrig bye ba stong gi bde gshegs mchod pa byed// ting 'dzin thob nas khrag khrig zhing yangs mkhas pas skyong/ / yan chad smon lam khyad par yon tan 'byung gnas so// de ltar sa mchog lnga pa yi// thabs kyi rnam pa khrag khrig gis// sems can gtso la yang dag tu// rgyal ba'i sras kyis bstan pa yin/ / shin tu rgyal bar dka' ba zhes bya ba ste/ byang chub sems dpa'i sa lnga pa'o// mkhas pa rnams kyis mchog spyod par rab thos nas// rgyal sras dga' zhing mkha' las me tog char 'bebs so/ / nor bu rin chen rnam dag 'od gsal rgya chen 'byung ba dag/ bde bar gshegs la mngon 'thor dge zhes rnam par rjod// lha rnams brgya phrag stong bgrangs dga' zhing bar snang las/ / lha rdzas yid 'ong rin chen sna tshogs phye ma rnams// bde bar gshegs la mngon 'thor byug pa 'phreng ba spos// gdugs dang rgyal mtshan ba dan se mo do yang 'bul// lha yi dbang po dbang sgyur lha tshogs mang po dang / / steng gi mkha' la 'khor cing rin chen sprin yangs pa// rgyal ba'i mchod pa'i don du bde bar gshegs la 'thor// dga' ba'i sems kyis rgyal sras legs shes rnam par rjod/ / bar snang gnas las lha yi bu mo stong gis kyang // gru dbyangs yid 'ong rol mo'i sgra dbyangs snyan par byung // sgra rnams kun gyi dbyangs las 'di skad
- 129a
tshig kyang byung / / rgyal ba'i gsung ni yid 'ong nyon mongs gdung ba sel// chos rnams thams cad stong zhing dngos zhi mtshan ma med// nam mkha'i dbyings dang mtshungs mnyam rnam dag rnam mi rtog/ 'gro dang gnas las rnam 'das ma lus spros pa med// de bzhin nyid du chos rnams yang dag mnyam mi rtog/ chos rnams kun la snang ba khong du sus chud pa// de la dngos dang dngos med g.yo ba gang yang med// snying rje brtse bas 'gro ba dgrol phyir brtson pa ni// de dang de dag rgyal sras chos kyi sku skyes pa'o// mtshan ma thams cad spangs shing sbyin pa'i spyad pa spyod/ / tshul khrims shin tu sems dam sngon nas zhi zhing dul// 'gro ba'i don du chos kyi ye shes ma nyams bzod// brtson 'grus stobs dang ldan zhing chos rnams kun gyis dpon/ / nyon mongs bsal cing bsam gtan tshul la zhugs// dngos po thams cad snga nas zhi khring rnam par phye// ye shes spyod dang stobs phyug rtag tu 'gro don brtson// rgyal sras de dag sdig zhi che ba nyid dang ldan// de skad sgra dbyangs snyan pa stong bgrangs brjod byas nas// lha yi bu mo mi spu dang par thul la lta// rdo rje'i snying po 'jigs meng la// thar pa'i rma bas yang smras pa/ / sa mchog lnga yi gong ma de/ rnam pa ci 'dras 'grub par 'gyur/ byang chub sems dpa' rdo rje'i snying pos yang smras pa// kye rgyal ba'i sras dag/ de ltar
- 129b
byang chub sems dpa'i sa lnga pa la sa'i lam yongs su rdzogs pa'i byang chub sems dpa' de ni/ byang chub sems dpa'i sa drug pa la 'jug go// de chos mnyam pa nyid bcus 'jug ste/ bcu gang zhe na/ 'di lta ste/ chos thams cad mtshan ma med pa mnyam pa nyid dang / chos thams cad mtshan nyid med pa mnyam pa nyid dang / chos thams cad mi skye ba mnyam pa nyid dang chos thams cad ma byung ba mnyam pa nyid dang / chos thams cad dben pa mnyam pa nyid dang / chos thams cad snga nas rnam par dag pa mnyam pa nyid dang / chos thams cad spros pa med pa mnyam pa nyid dang / chos thams cad blang ba med pa dang dor ba med pa mnyam pa nyid dang / chos thams cad sgyu ma dang / rmi lam dang / mig yor dang / gra brnyan dang / chu'i zla ba dang gzugs brnyan dang / sprul pa dang mtshungs pa mnyam pa nyid dang / chos thams cad dngos po yod pa dang / dngos po med pa dang / gnyis ga ma yin pa mnyam pa nyid de// kye rgyal ba'i sras dag/ chos mnyam pa nyid bcu po 'di dag gis byang chub sems dpa'i sa drug pa la 'jug go// de chos thams cad la rang bzhin de 'dra bar rab tu cing spyod pa dang / mthun par sems shing mi mthun par mi byed pas/ byang chub sems dpa'i sa drug pa mthun pa'i bzod pa rnon pos 'thob ste/ 'on kyang da dung mi skye ba'i chos la
- 130a
bzod pa mngon du gyur pa ni thob pa ma yin no/ / de chos thams cad la rang bzhin de ltar rtog pa'i tshe/ de bas kyang snying rje chen po sngon du 'gro ba dang / snying rje chen po la dbang skur bas snying rje chen po yongs su rdzogs par bya ba'i phyir/ 'jig rten 'byung ba dang 'jig pa la rnam par lta'o// de 'jig rten 'byung ba dang 'jig pa la lta ba'i tshe/ 'di snyam du 'jig rten kun tu rgyu ba'i skye ba ji snyed yod pa de dag thams cad bdag tu mngon par zhen pa las 'byung ste/ bdag tu mngon par zhen pa dang bral na 'byung ba'ang med par 'gyur ro// byis pa'i blo can bdag tu mngon par zhen pa/ mi shes pa'i rab rib kyis bsgribs pa/ yod pa dang med pa la mngon par mos pa/ tshul bzhin ma yin pa yid la byed pa la gzhol ba/ yang dag pa ma yin par rab tu zhugs pa/ log pa'i rjes su 'brang ba/ de dag gi bsod nams dang bsod nams ma yin pa'i 'du byed nye bar sogs te/ 'du byed de dag gis yongs su bsgos pa'i sems kyi sa bon zag pa dang bcas pa/ nye bar len pa dang bcas pa ni/ ma 'ongs pa'i skye ba dang / rga shi dang / yang srid pa mngon par 'grub pa 'byung bar nye bar song ba yin te/ las kyi zhing gi gzhi dang / ma rig pa'i mun pa dang / sred pa'i snum dang / nga'i nga rgyal gyis brlan pa'i lta ba'i rnam pa dang / dran pa rab tu 'phel bas ming dang gzugs kyi myu gu
- 130b
'byung ste/ byung nas rnam par 'phel lo// ming dang gzugs kyi myu gu rnam par 'phel nas/ dbang po lnga 'byung bar 'gyur ro// dbang po lnga 'byung nas/ phan tshun 'dus phrad pas nye bar reg par 'gyur ro/ / reg pa 'dus pas tshor ba 'byung ngo // tshor ba de'i rjes su mngon par smon pas sred pa 'byung ngo // sred pa ni nye bar len pa rnam par 'phel bar byed do// nye bar len pa rnam par 'phel ba las srid pa 'byung bar 'gyur ro// srid pa byung nas phung po lnga po 'byung bar 'gyur te/ phung po lnga byung nas lam gyi rgyud lngar rim gyis dengs par 'gyur ro/ / dengs nas 'bral bar 'gyur te/ dengs shing bral bas mi dga' zhing yongs su gdung bar 'gyur ro// mi dga' ba dang yongs su gdung ba'i rgyus mya ngan dang / sngags don pa dang / sdug bsngal ba dang / yid mi bde ba dang / 'khrug pa 'byung bar 'gyur yang / de dag la su'ang 'byung bar byed pa med do// rang bzhin dang lhun gyis grub par 'jig par 'gyur ba'ang de dag la 'jig par byed pa su'ang med do zhes/ de ltar byang chub sems dpa' sems dpa' chen po lugs su mthun par rten cing 'brel bar 'byung ba la rab tu rtog go/ de 'di snyam du sems te/ bden pa mngon par mi shes pa ni yang dag par ma rig pa ste/ ma rig pas byas pa'i las kyi rnam par smin pa'i 'du byed rnams so// 'du byed la gnas pa
- 131a
sems dang po ni rnam par shes pa'o/ / rnam par shes pa dang lhan cig du skyes pa'i nye bar len pa'i phung po bzhi ni ming dang gzugs so// ming dang gzugs rnam par/ 'phel ba ni skye mched drug go// dbang po dang / yul dang / rnam par shes pa gsum phrad pa zag pa dang bcas pa ni reg pa'o// reg pa'i rjes las skyes pa ni tshor ba'o// tshor ba la chags pa ni sred pa'o/ / sred pa rnam par 'phel ba ni nye bar len pa'o// nye bar len pa las byung ba'i las zag pa dang bcas pa ni srid pa'o// las dang rgyu mthun pa'i 'bras bu ni skye ba'o// skye ba ni phung po 'byung ba'o// phung po yongs su smin pa ni rga ba'o// rgas nas phung po 'jig pa ni 'chi ba'o// 'chi zhing 'bral ba'i tshe myos shing chags par 'gyur ba'i sems la yongs su gdung ba ni mya ngan to/ / mya ngan las byung ba'i tshig tu rjod pa ni smre sngags 'don pa'o// dbang po lnga'i nyams su bab pa ni sdug bsngal lo// yid kyis lnga ba'i nyams su bab pa ni yid mi bde ba'o/ / sdug bsngal dang yid mi bde ba mang po byung ba ni 'khrug pa ste/ de ltar na sdug bsngal gyi phung po chen po dang / sdug bsngal gyi sdong po 'ba' zhig byed pa po dang tshor ba po med pa mngon par grub par 'gyur ro/ / de 'di snyam du sems te/ byed pa po la mngon par chags pas las rnams yod par gyur to// gang na byed pa po med pa de nangon
- 131b
dam par na las kyang mi dmigs so/ / de 'di snyam du sems te/ 'di ltar khams gsum pa 'di ni sems tsam ste/ gang 'di srid pa'i yan lag bcu gnyis de bzhin gshegs pas rab tu phye ste bka' stsal pa de dag thams cad kyang sems gcig la gnas pa dag go/ / de ci'i phyir zhe na/ dngos po gang la 'dod chags dang ldan pa'i sems skyes pa de ni rnam par shes pa'o/ / dngos po ni 'du byed do// 'du byed la mgo mongs pa ni ma rig pa'o// ma rig pa'i sems dang lhan cig skyes pa ni ming dang gzugs so// ming dang gzugs rnam par 'phel ba ni drug gi skye mched do/ / drug gi skye mched dang 'brel ba ni reg pa'o// reg pa dang lhan cig skyes pa ni tshor ba'o// tshor bas mi ngoms pa ni phred pa'o// sred pas mnar sdug cing mi gtong ba ni nye bar len pa'o/ / zid pa'i yan lag 'byung ba 'di dag ni srid pa'o// srid pa 'byung ba ni sre ba'o// skye ba yongs su smin pa ni rga ba'o// rga ba dang bral ba ni 'chi ba'o/ / de las rig pa ni bya ba gnyis su nye bar gnas pa yin te/ sems can rnams kyang dmigs pa la rmongs par byed do// 'du byed mngon par bsgrub pa'i rgyu'ang 'byin no/ / 'du byed rnams kyang bya ba gnyis su nye bar gnas pa yin te/ ma 'ongs pa'i rnam par smin pa'ang mngon par 'grub par byed do// rnam par
- 132a
shes pa mngon par 'grub pa'i rgyu'ang 'byin to/ / rnam par shes pa'ang bya ba gnyis su nye bar gnas pa yin te/ srid pa'i nying gi mtshams kyang sbyor ro// ming dang gzugs mngon par 'grub pa'i rgyu'ang 'byin to/ / ming dang gzugs kyang bya ba gnyis su nye bar gnas pa yin te/ phan tshun nye bar rton par yang byed do// skye mched drug mngon par 'grub pa'i rgyu 'ang 'byin to/ / drug gi skye mched kyang bya ba gnyis su nye bar gnas pa yin te/ rang gi yul rnam par phye ba'ang ston to// reg pa mngon par 'grub pa'i rgyu'ang 'byin to/ / reg pa'ang bya ba gnyis su nye bar gnas pa yin te/ dmigs pa la reg par yang byed do// tshor ba mngon par 'grub pa'i rgyu'ang 'byin to// tshor ba'ang bya ba gnyis su nye bar gnas pa yin te/ yid du 'ong ba dang / yid du mi 'ong ba dang gnyis ka ma yin par tshor ba'ang skyed do// sred pa mngon par 'grub pa'i rgyu'ang 'byin to// sred pa'ang bya ba gnyis su nye bar gnas pa yin te/ chags par 'gyur ba'i dngos po la mngon par chags par yang byed do// nye bar len pa mngon par 'grub pa'i rgyu'ang 'byin to// nye bar len pa'ab bya ba gnyis su nye bar gnas pa yin te/ kun nas nyon mongs pas 'ching bar byed do// srid pa mngon par 'byung ba'i rgyu'ang 'byin to// srid pa'ang bya ba gnyis su nye bar gnas pa yin te/ srid pa'i
- 132b
rgyung gzhan du'ang gnas par byed do/ / skye ba mngon par 'grub pa'i rgyu'ang 'byin to// skye ba'ang bya ba gnyis su nye bar gnas pa yin te/ phung po 'byung bar yang byed do// rga ba mngon par 'grub pa'i rgyu'ang 'byin to/ / rga ba'ang bya ba gnyis su nye bar gnas pa yin te/ dbang po yongs su 'gyur bar yang byed do// 'chi bar 'gyur ba'i rgyu'ang 'byin to// 'chi ba'ang bya ba gnyis su nye bar gnas pa yin te/ / 'du byed 'jig par yang byed do// yongs su ma shes pa rgyun mi 'chad pa'i rgyu'ang 'byin to// de la ma rig pa'i rkyen gyis 'du byed rnams so/ zhes bya ba ni/ ma rig pa'i rkyen gyis 'du byed rnams rgyun mi 'chad cing rngon pa'o// 'du byed kyi rkyen gyis rnam par shes pa'o zhes bya ba ni 'du byed kyi rkyen gyis rnam par shes pa rgyun mi 'chad cing rton pa'o/ / rnam par shes pa'i rkyen gyis ming dang gzugs shes bya ba ni rnam par shes pa'i rkyen gyis ming dang gzugs rgyun mi 'chad cing rngon pa'o// ming dang gzugs kyi rkyen gyis du gi skye mched ces bya ba ni ming dang gzugs kyi rkyen gyis drug gi bye mched rgyun mi 'chad cing rton pa'o/ / drug gi skye mched kyis reg pa'o zhes bya ba ni drug gi skye mched kyi rkyen gyis reg pa rgyun mi 'chad cing rngon pa'o/ / reg pa'i rkyen gyis tshor ba'o zhes bya ba ni reg pa'i rkyen gyis tshor ba rgun mi 'chad cing rton pa'o// tshor ba'i rkyen gyis sred pa'o zhes bya ba ni tshor ba'i rkyen gyis sred pa rmum
- 133a
'chad cing rngon pa'o/ / sred pa'i rkyen gyis nye bar len pa'o zhes bya ba ni sred pa'i rkyen gyis nye bar len pa rgyun mi 'chad cing rton pa'o// nye bar len pa'i rkyen gyis sred pa'o zhes bya ba ni nye bar len pa'i rkyen gyis sred pa rgyun mi 'chad cing rton pa'o/ / srid pa'i rkyen gyis skye ba'o zhes bya ba ni srid pa'i rkyen gyis skye ba rgyun mi 'chad cing rton pa'o// skye ba'i rkyen gyis rga shi'o zhes bya ba ni skye ba'i rkyen gyis rga shi rgyun mi 'chad cing rton pa'o/ / ma rig pa 'gags pas 'du byed rnams 'gag go zhes bya ba ni ma rig pa'i rkyen med pas 'du byed rnams nye bar zhi zhing rton pa med pa'o/ / 'du byed 'gags pas rnam par shes pa 'gag go zhes bya ba ni 'du byed kyi rkyen med pas rnam par shes pa nye bar zhi zhing rton pa med pa'o// rnam par shes pa 'grags pas ming dang gzugs 'gag go zhes bya ba ni rnam par shes pa'i rkyen med pas ming dang gzugs nye bar zhi zhing rton pa med pa'o/ / ming dang gzugs 'gags pas drug gi skye mched 'gag go zhes bya ba ni ming dang gzugs kyi rkyen med pas drug gi skye mched nye bar zhi zhing rton pa med pa'o/ / drug gi skye mched 'gags pas reg pa 'gag go zhes bya ba ni drug gi skye mched kyi rkyen med pas reg pa nye bar zhi zhing rton pa med pa'o/ / reg pa 'gags pas tshor ba 'gag go zhes bya ba ni reg pa'i rkyen med pas tshor ba nye bar zhi zhing rton pa med pa'o// tshor ba 'gags pas
- 133b
sred pa 'gag go zhes bya ba ni tshor ba'i rkyen med pas sred pa nye bar zhi zhing rton pa med pa'o/ / sred pa 'gags pas len pa 'gag go zhes bya ba ni sred pa'i rkyen med pas len pa nye bar zhi zhing rngon pa med ba'o/ / nye bar len pa 'gags pas srid pa 'gag go zhes bya ba ni nye bar len pa'i rkyen med pas srid pa nye bar zhi zhing rton pa med pa'o// srid pa 'gags pas skye ba 'gag go zhes bya ba ni srid pa'i rkyen med bas skye ba nye bar zhi zhing rton pa med pa'o/ / skye ba 'gags pasarga shi 'gag go zhes bya ba ni skye ba'i rkyen med pas rga shi nye bar zhi zhing rton pa med pa'o// de la ma rig pa dang / sred pa dang / nye bar len pa ni nyon mongs pa'i lam gyi rgyun mi 'chad pa'o// 'du byed dang srid pa ni las kyi lam gyi rgyun mi 'chad pa'o// lhag ma rnams ni sdug bsngal gyi lam gyi rgyun mi 'chad pa'o// rab tu rnam par phye bas sngon gyi mtha' dang / phyi ma'i mtha' 'gags pas lam gyi rgyun 'chad pa'o// de ltar lam 'di gsum ni bdag med cing bdag dang bdag gi dang bral bar 'byung zhing 'jig pa ste/ rang bzhin gyis mdung khyim lta bu'o// de ltar ma rig pa'i rkyen gyis 'du byed rnams shes bya ba 'di ni sngon gyi mtha' la bltas pa'o// rnam par shes pa dang / ming dang gzugs dang / drug gi skye mched dang / reg pa dang / tshor ba 'di dag ni da ltar byung ba la bltas pa'o// sred pa dang / nye bar len pa dang / srid pa dang /
- 134a
skye ba zhes bya ba 'di ni phye ma'i mtha' las bltas pa ste/ de phan chad du'ang de dag rgyun du 'byung ngo // ma rig pa 'gags pas 'du byed rnams 'gag ces bya baba'adi ni lta ba rgyun chad pa ste/ lhag ma rnams kyang de bzhin no// yang 'di ltar srid pa'i yan lag bcu gnyis po 'di dag gi rgyus sdug bsngal gsum 'byung ste/ de la ma rig pa dang 'du byed dang / rnam par shes pa dang / ming dang gzugs dang / drug gi skye mched ces bya ba 'di ni 'du byed kyi sdug bsngal lo// reg pa dang / tshor ba zhes bya ba 'di ni sdug bsngas gyi'ang sdug bsngal lo/ / sred pa dang / nye bar len pa dang / srid pa dang skye ba nas/ 'khrug pa zhes bya ba'i bar 'di ni 'gyur ba'i sdug bsngal lo// ma rig pa 'gags pas 'du byed rnams 'gag ces bya ba 'di ni sdug bsngal gsum gyi rgyun 'chad po'o/ / ma rig pa'i rkyen gyis 'du byed rnams shes bya ba ni// 'du byed rnams rgyu dang rkyen las byung ba ste/ lhag ma rnams kyang de bzhin no// ma rig pa 'gags pas 'du byed 'gag ces bya ba ni 'du byed rnams med pa ste/ lhag ma rnams kyang de bzhin no// ma rig pa'i rkyen gyis 'du byed rnams shes bya ba ni skye ba rnam par 'brel pa ste/ lhag ma rnams kyang de bzhin no// ma rig pa 'gags pas 'du byed 'gag ces bya ba ni 'jig pa rnam par 'brel ba ste/ lhag ma rnams kyang
- 134b
bzhin no/ / ma rig pa'i rkyen gyis 'du byed rnams shes bya ba ni srid pa lugs su mthun par brtag ste/ lhag ma rnams kyang de bzhin no// ma rig pa 'gags pas 'du byed 'gag ces bya ba ni zad pa dang 'jig pa'i lugs su mthun par brtag pa ste/ lhag ma rnams kyang de bzhin no zhes de ltar rten cing 'brel par 'byung ba la lugs su mthun pa dang / mi mthun pa'i tshul du rab tu rtog ste/ 'di wA ra srid pa'i yan lag rjes su 'brel ba dang / sems gcig tu yang dag par 'dra ba dang / rang gi las ma 'dres pa dang / ched du byed pa med pa dang / lam gsum gyi rgyun du 'brang ba dang / sngon gyi mtha' dang / da ltar byung ba dang / phyi ma'i mtha' la blta ba dang / sdug bsngal gsum 'byung ba dang / rgyu dang rkyen las byung ba dang / skye ba dang 'jig pa rnam par 'brel pa dang / srid pa'i lugs su mthun pa dang / zad par 'gyur bar rab tu rtog pa'o// de de ltar rten cing 'brel par 'byung ba la rnam pa bcur rab tu rtog cing / bdag med pa dang / srog med pa dang / gang zag med pa dang / ngo bo nyid kyis stong pa dang / rang bzhin gyis byed pa po dang / tshor ba po med par rab tu rtog pa'i tshe/ stong pa nyid kyi rnam par thar pa'i sgo skyes pa yin/ srid pa'i yan lag 'di dag gi rang bzhin 'gags shing rnam par thar pa la shin tu nye bar gnas pas chos kyi mtshan ma gang yang mi skye ste/ des de'i mtshan ma med pa'i rnam par thar pa'o/
- 135a
skyes pa yin/ de ltar de stong pa nyid dang mtshan med pa la zhugs pas snying rje chen po sngon du gtong zhing sems can yongs su smin par bya ba ma gtogs pa 'dod pa gang yang mi skye ste/ des de'i smon pa med pa'i rnam par thar pa'i sgo skyes pa yin/ de rnam par thar pa'i sgo gsum po 'di dag sgom pas bdag dang pha rol gyi 'du shes dang bral ba dang / byed pa po dang tshor po po'i 'du shes dang bral ba dang / yod pa dang med pa'i 'du shes dang bral bas byang chub kyi yan lag yongs su ma rdzogs pa rnams yongs su rdzogs par bya ba'i phyir snying rje chen po sngon du btang ste/ de bas kyang shin tu brtson par byed do// de 'di snyam du sems te/ 'du ba yod pas ni 'dus byas 'phel bar 'gyur ro// 'du ba dang bral bas ni 'phel ba med do// rgyu rkyen ldan pas ni 'du byed 'phel bar 'gyur ro/ / rgyu rkyen dang mi ldan pas ni 'phel ba med do// de ltar bdag gis de lta bu 'dus byas nyes pa mang po'i skyon can shes par bya ste/ 'du ba dang // rgyu rkyen ldan pa 'di dag rgyun gcad par bya'o/ / sems can yongs su smin par bya ba'i phyir/ 'du byed rnams shin tu zhi ba'ang mngon du mi bya'o zhes te/ kye rgyal ba'i sras dag/ de de ltar 'du byed kyi rnam pa de ltar nyes pa mang po'i skyon can/ snying po dang rang bzhin med pa/ skye ba med pa dang 'gag pa med pa'i rang bzhin du rab tu rtog pa dang / snying rje chen po rab tu sgrub pa dang /
- 135b
sems can yongs su mi gtong bas chags pa med pa'i ye shes mngon sum zhes bya ba/ shes rab kyi pha rol tu phyin pa la gnas pa snang ba'i tshul du mngon sum du 'gyur ro// de de lta bu'i ye shes dang ldan zhing shes rab kyi pha rol tu phyin pa la gnas pa'i snang bar gyur nas kyang / byang chub kyi yan lag yongs su sdud pa'i rkyen nye bar sogs shing yang dag par snad do/ / 'dus byas dang 'grogs par yang mi gnas so// 'du byed rnams rang bzhin gyis zhi ba'ang rab tu rtog go/ 'on kyang byang chub kyi yan lag rnams ma rdzogs pa'i phyir de la mi gnas te/ de byang chub sems dpa'i sa mngon sum 'di la gnas pa'i tshe/ 'jug pa stong pa zhes bya ba'i ting nge 'dzin skye bar 'gyur ro// rang bzhin stong pa nyid dang / don dam pa stong pa nyid dang / chen po stong pa nyid dang / 'du ba stong pa nyid dang / mngon par sgrub pa stong pa nyid dang / yang dag pa ji lta ba bzhin du rnam par rtog pa'i stong pa nyid dang / ltos pa stong pa nyid dang / tha dad pa dang tha dad pa med pa stong pa nyid ces bya ba'i ting nge 'dzin kyang skye bar 'gyur te/ de dag la sogs pa stong pa nyid kyi sgo'i ting nge 'dzin brgya stong phrag bcu de la mngon sum du 'gyur ro/ / de bzhin du mtshan ma med pa'i sgo'i ting nge 'dzin brgya stong phrag bcu dang / smon pa med pa'i sgo'i ting nge 'dzin brgya stong phrag bcu mngon sum du 'gyur/
- 136a
ro// de ltar byang chub sems dpa'i sa mngon sum 'di la gnas pa'i byang chub sems dpa' de phyir zhing mi phyed pa'i bsam pa yongs su rdzogs pa 'thob bo/ / nges pa'i bsam pa dang / dge ba'i bsam pa dang / zab pa'i bsam pa dang / phyir mi ldog pa'i bsam pa dang / rgyun mi 'chad pa'i bsam dang / dri ma med pa'i bsam pa dang mtha' yas pa'i bsam pa dang / ye shes la mngon par mos pa'i bsam pa dang / thabs dang shes rab tu ldan pa'i bsam pa yongs su rdzogs pa 'tho ba ste/ byang chub sems dpa'i bsam pa 'di bcu ni de bzhin gshegs pa'i byang chub kyi rjes su song ba yin/ phas kyi rgol ba thams cad kyis phyir mi ldog pa yin/ ye shes kyi sa la yang dag par gzhol ba yin nyan thos dang rang sangs rgyas kyi sa las rnam par log pa yin/ sangs rgyas kyi ye shes mngon du bya ba la shin tu nges pa yi/ bdud dang nyon mongs pa kun nas rgyu ba thams cad kyis mi 'phrogs pa yin/ byang chub sems dpa'i snang ba la shin tu gnas pa yin/ stong pa nyid dang / mtshan ma med pa dang / smon pa med pa'i chos yang dag par sprad pa yongs su bsgoms pa yin/ thabs dang / shes rab dang / ye shes rnam par dpyad pa dang ldan pa yin/ byang chub kyi phyogs kyi chos mngon par bsgrub pa dang rnam par 'dres po yin/
- 136b
deltar de byang chub sems dpa'i sa mngon sum 'di la gnas pa'i tshe/ shes rab kyi pha rol tu phyin pa la gnas pa'i shas che ba yin/ chos de dag la tshul bzhin du mthun par byed cing mi mthun par mi byed pas/ mthun pa'i bzod pa gsum pa rab tu rno ba skyes pa yin/ de ltar de byang chub sems dpa'i sa mngon sum 'di sa gnas pa'i tshe/ de'i lta ba rgya chen po dang / smon lam gyi stobs kyis sangs rgyas mang po snang bar 'gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do// bkur sti byed do// bsti stang byed do// mchod pa byed do// na bza' dang / bsod snyoms dang / gzims cha dang // snyan gyi rkyen sman dang / yo byad dag kyang 'bul zhing / byang chub sems
- 137a
dpa'i bde ba'i yo byad thams cad kyang yongs su 'bul lo/ / dge 'dun gyi tshogs rnams la yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo'o/ / de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing rim gro dang bkur stis nan tan du chos nyan cing len to/ / 'dzin to// zos nas kyang yang dag pa ji lte ba bzhin du snyoms par 'jug pa dang / shes rab dang ye shes kyi snang bas rab tu brtson par byed do/ / nan tan gyis yongs su 'dzin pas de sngon pas kyang de bzhin gshegs pa'i chos kyi mdzod rab tu thob pa yin/ de ltar de byang chub sems dpa'i sa mngon sum 'di la gnas pa'i tshe/ dge ba'i rtsa ba de dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar sngon pas kyang ches byang ba dang / ches 'od gsal zhing dang bar gnas so// kye rgyal ba'i sras dag 'di lta ste/ dper na gser gyi sa le sbram de nyid bai DUR+Yas btab na sngon pa
- 137b
kyang shan tu 'tsher la 'od gsal zhing dang bar 'gyur ro/ / kye rgyal ba'i sras dag/ de bzhin du byang chub sems dpa'i sa mngon sum 'ad la gnas pa'i byang chub sems dpa'i dge ba'i rtsa 'di dag kya shes rab dang ye shes kyis shin tu brtags pas kyang sngon pas kyang shin tu byang la 'od gsal zhing dang ba yin te/ phyi phyir zhing yang rab tu zhi bas mo 'phrogs par 'gyur ro// kye rgyam pa'i sras dag 'di lta ste/ dper na zla ba'i 'od ni sems can gyi lus kyang sim par byed la/ rlung gi dkyil 'khor chen po bzhis kyang mi 'phrogs pa yin/ kye rgyal ba'i sku dag/ de bzhin du byang chub sems dpa' sems dpa' chen po byang chub sems dpa' sa mngon sum 'di la gnas pa'i dge ba'i rtsa ba de dag sngon pas kyang sems can du ma'i bsam pa'i nyon mongs pa 'bar ba'ang zhi zhing sim par byed la/ bdud kyi lam gyi rgyud bzhis kyang mi 'phrogs pa yin/ de'i pha rol tu phyin pa bcu las shes rab kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma yin no// kye rgyal ba'i sras dag/ 'di ni byang chub sems dpa'i sa mngon sum zhes bya ba ste/ byang chub sems pa'i sa drug pa'o/ / de la gnas pa'i byang chub sems dpa' phal cher lha'i rgyal po rab 'phrul dgar 'gyur te/ sems can thams cad kyi lhag pa'i nga rgyal zhi bar bya ba
- 138a
la mkhas shing mthu sod pa yin/ nyan pa thams cad kyis yongs su dri bas mi 'phrogs pa yin/ de smyon pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mo 'jigs pa yid la bya ba dang / sangs rgyas kyi chos mo 'dres pa yid la bya ba nas/ rnam pa'o mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam zang cig tu ting nge 'dzini khrag khrig brgya stong rab tu 'thob cing de dag la mnyam par gzhog pa dang / sangs rgyas khrag khrig brgya stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams khrag khrig brgya stong
- 138b
spyod pa dang / sangs rgyas kyi zhing khrag khrig brgya stong du 'gro ba dang / 'jig rten gyi khams khrag khrig brgya stong snang bar bya ba dang / sems can khrag khrig brgya stong yongs su smin par bya ba dang / bskal pa khrag khrig brgya stong du gnas par bya ba dang / sngon gyi mtha' dang phyi ma'i mtha'i bskal pa khrag khrig brgya stong la rab tu 'jug pa dang / chos kyi sgo khag khrig brgya stong rnam par 'byed pa dang / lus bye ba brgya stong yongs su bstan pa dang / lus re re la'ang byang chub sems dpa'i 'khor khrag khrig brgya stong yang dag par bstan par bya ba'i brtson 'gras kyi rnam pa de lta bu rtsom mo/ / de yan chad byang chub sems dpa' smon lam gyi mthu cang rnams sman lam gyi khyad par gyis rnam par 'phral te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang 'grang bar dka' 'o// de nas byang chub sems dpa' rdo rje'i snying pos sa'o don 'di nyid yang brtag par bya ba dang / brtan par bya ba'i phyir de'i tshe tshigs su bcad pa 'ang dag smras so// mkhas pas
- 139a
lam gyi spyod pa lnga por yongs rdzogs nas/ / chos rnams mtshan med mtshan nyid med dang ma skyes dang // ma byung snga nas yongs su ni zhing spros med pa// yongs su sgom pas ye shes blo can drug pa gnon/ / chos rnams dben zhing len med rnam par rtog med dang // sgyu ma'i rang bzhin gnyis kyi dngos las rnam grol bas// chos kyi tshul la 'gal med rjes su mthun byed cing / / ye shes ldan pa'i dam pa dru pa yongs su gnon// mthun pa rnol gnas shing ye shes stobs ldan pa// 'jig rten kun gyi 'byung dang 'jig la rab tu rtog/ gti mug mun pas 'gro ba 'byung ba kun tu bskyed/ / gti mug de nyid bral bas 'byung ba med pa yin// rkyen gyi rnam pa don dam stong par rnam pa 'byed// bya ba mi 'gal rgyu rkyen byed pa mnyam par shes/ / yang dag ji bzhin byed pa med par las shes nas// 'dus byas sprin stug lta bur byed pa med par shes// bden pa mi shes de ni yang dag ma rig pa// las ni sems kyi stobs kyis mgo rmongs byung bar 'gyur/ / sems la brten te lhan cig byung ba mong dang gzugs// de ltar sdug bsngal phung po chen po'i bar du 'byung // khams gsum sems kyi rgyu las byung ba der 'jug ste/ / srid pa'i yan lag bcu gnyis 'di dag sems gcig rten// 'dod chags skyes pa de las sems su brjod pa yin// de bzhin srid pa'i dngos po sems kyi rnam pa'o// ma rig bya
- 139b
ba gnyis byed rmongs bya'i dngos po la/ / rmongs par byas shing de nas sems pa'i rgyu yang 'byin// de bzhin rga ba phung po gzhig bya 'jig byed par// de las sdug bsngal ming thogs thams cad mi zad 'byung / / ma rig rkyen gyis chad par 'gyur ba yod pa yin// rnam par chad cing rgya rkyen bral bas yod pa 'gag/ gti mug sred pa nyer len nyon mongs lam yin te// las dang srid pa sems pa lhag mi sdug bsngal yin/ / gti mug skye mched bar du 'dus byas sdug bsngal te// reg dang tshor ba de dag sdug bsngal sdug bsngal yin// yan lag lhag mar 'gyur ba'i sdug bsngal rnam 'phel ba/ / bdag med shes pas sdug bsngal gsum po 'chad par 'gyur// mun pa sems dang 'dus byas 'di ni sngon bltas yin// rnam par shes nas tshor ba'i rgyud du da ltar byung / sred dang srid par sdug bsngal 'byung ba phyi ma'i mtha'// 'gags shing zad de dag lta ba chad pa yin// gti mug rkyen gyis de dag rnam par 'brel ba 'byung // zad pas byung dus rkyen rnam rnam par 'brel ba yin/ / rgyu las rgyu 'byung med na rgyu yi rgyun chad 'gyur// bde phan shes ldan rang bzhin stong pa de ltar rtog/ rgyun du mthun pa gti mug mun las byung ba yin// mi mthun bzlog pa gti mug zad pas mi 'byung ba'o/ / zad pa'i rkyen dang de dag yod dang med pa las// gnas pa med blo rnam pa bcur ni de ltar rtog/ srid pa'i yan lag mtshams dang sems gcig
- 140a
las mthun dang / / ched du mi byed rgyud gsum rjes 'brang sngon mtha' dang // sdug bsngal gsum dang rgyus byung skye dang 'dzag pa dang // srid pa'i mthar phyin zad dang rkyen gyi lugs mthun par/ / de ltar rten 'brel byung la yang dag 'jug byed pas// sgyu 'dra yang dag ma yin tshor bar byed med cing // rmi lam 'dra ba de bzhin mig yor 'dra ba ste// byis pa slu ba'i mig rgyu rang bzhin mtshungs mnyam pa/ / de ltar bsgom pa mkhas pa'i stong pa nyid kyi sgo// rkyen rnams med pa de ni mtshan ma med pa ste// log par shes pas nam yang smon pa med pa yin// gzhan du sems can snying brtse'i don du skye ba 'dzin// de 'dra'i rnam thar sgo la sgom byed mthu che ba// snying brtse ba yi blo ldan sangs rgyas yon tan mngon 'dod cing // 'dus byas 'dus pa mkhas pa yos/ su rtog byed pas// bsam pa nges shing gcig min legs dang ldan pa yin// stong nyid ting 'dzini stong phrag bcu rnams yongs su rgyas// de bzhin brtan pa mtshan ma med dang smon meng ldan// shes rab shas che mthun pa'i bzod pa mchog can te// mkhas pa'i rnam thar ye shes chags pa med dang ldan// de 'dra'i bsam pas drang srong tshe mang mchod byed pas// rgyal ba'i bstan pa 'di la shin tu bsngags pa yin/ / de ni sangs rgyas mdzod thob khong du chud pas na// bai DUR+Yas btab gser mdoge bzhin du sngon pas gsal// zla ba'i 'od ni 'gro ba'i lus la sim par byed/
- 140b
rlung bzhi langs pas yongs su 'phrogs par mi nus so// rgyas sras 'od kyang bdud kyi las las shin tu 'das// nyom mongs yongs su gdung dang sdug bsngal nad kyang sel// sa 'dra phyogs su phyin pa lha yi bdag por 'gyur/ / 'phrul dga'i dam pa lhag pa'i nga rgyal sel la mkhas// ye shes lam dang ldan pa de ni ci rtsom yang // nyan thos lam pas 'das te brtan zhing mi 'phrogs pa'o/ / bde gshegs sras po brtson 'grus ldan pa 'dod gyur na// ting 'dzin bye ba brgya stong tshangs pa 'thob par byed// skad cig gcig tu phyogs bcur sangs rgyas mang po lta/ / dpyod kyi nyi ma gsal zhing lhag par byed pa bzhin// zab cing ba lta dka' phra ba ste// nyan thos rang rgyal shes mi nus// bdag nyid che la sa drug pa/ rgyal ba'i sras kyis bshad pa yin/ / mngon sum zhes ni bya ba ste// byang chub sems dpa'i sa drug pa'o// / bam po bzhi bcu rtsa dgu pa// de nas sna tshogs yid 'ong sprin/ / lha tsho gas mang po mkha' la gnas shing mngon par 'thor// tshig snyan rnam par rjod pa byed// dga' ba'i dam pa mchog gis yongs su rgyas// dge 'o don dam sems mdzad cing / / yon tan brgya dang yan lag ldan zhing dbang sbyar ba// mi yi pu Na Da ri ka yis// 'gro la phan pa'i spod rab yang dag bshad// yid 'ong 'ong mchog ldan
- 141a
khyod dang / / mi yi gtso bo mya ngan yongs su sel mdzad la// dbang phyug chen po mkha' gnas shing // spos sprin yid 'ong dam pa mngon par 'thor// tshig snyan rab tu rjod pa byed/ / lha tshogs mang po mkha' las dga' 'gyur dbyangs sgrog cing // gang gis sa bstan 'di thos pa// de dag 'thob pa bzang po 'thob ces zer// rol mo brdung dkrol dbyangs snyan pa// brgya mang lha yi bu mos dga' bar byas// bde bar gshegs dang khyod mthu yis// tshig rab 'di 'dra rab tu brjod par 'gyur// zhing dang nges spyod dam pa can// ma dul 'dul mdzad 'jog rten kun gyis mchod byas pa/ / 'jig rten kun las 'das pa yi// 'jig rten spyod pa shin tu phra ba bstan// sna tshogs lus kyang rab tu bstan// lus dang lus la chos nyid phun sum tshogs shing ldan/ / rnam dpyod zhi nas mthus btsal bas// dbyangs su sgrog kyang yi ge rjod mi byed// zhing rnams brgyar yang 'dong byed cing // mgon po mchod par 'os pa mchod par byed/ zhing rgyal bdug tu 'du shes pa// ye shes dbang sgyur mchog gi rab tu sel// sems can yongs su smin byed kyang // bdag dang gzhan gyi 'du shes rnam pa kun tu med// dge ba yongs pa yang dag sogs/ / 'on kyang dge ba sogs la gnas pa med// 'dod chags zhe sdang gti mug gis// 'jig rten thams cad rab tu 'bar bar mthong gyur cing // 'du shes thams
- 141b
cad rnam spangs nas/ / snying brtse ldan par brtson 'grus rab tu rtsom// lha mang lha yi bu mo yis// gsung ba'i mchog la mchod byas nas// kun kyang mi smra dgar gyur te// drang srong che la lta zhing gnas zathar pa'i zla bas yang smras pa/ / 'khor rnams shin tu rnam par dang // sa bdun pa yi rnam par dag/ rgyal ba'i sras kyis bshad pa mdzod/ byang chub sems dpa' rdo rje'i snying pos smras pa/ kye rgyal ba'i sras dag/ byang chub sems dpa'o sa drug pa la de ltar sa'o lam yongs su rdzogs pa'i byang chub sems dpa' ni/ byang chub sems dpa'i sa bdun pa yongs su gnon to/ / de thabs dang shes rab kyis mngon par bsgrubs pa'i lam brtsam pa'i khyad par bcus yongs su gnon to// bcu gang zhe na/ 'di lta ste/ stong pa nyid dang / mtshan ma med pa dang / smon pa med pa'i ting nge 'dzin shin tu bsgoms pa'i yid dang yang ldan la/ bsod nams dang ye shes kyi tshogs chen po'ang yang dag par sogs pa yin/ bdag med pa dang / gso ba med pa dang / gang zag med pa'i chos pa'ang rab tu 'jug la/ tshad med pa bzhi mngon par sgrub pa'ang yongs su mi gtong ba yin/ bsod nams kyi tshogs kyis shin tu mthong ba'i pha rol tu phyin pa mngon par bsgrub pa'ang mngon par bsgrub la/ chos gang la'ang mngon par chags pa med pa yin/ khams gsum pa
- 142a
las dben par gyur pa'ang thob la/ khams gsum pa bsdu ba dang / rgyan mngon par bsgrub pa'ang mngon par bsgrub pa yi/ nyon mongs pa 'bar ba thams cad shin tu zhi zhing rab tu zhi ste/ nye bar zhi ba'ang yin la/ sems can thams cad kyi 'dod chags dang / zhe sdang dang / gti mug dang / nyon mongs pa'o me lce rab tu zhi bar mngon par bsgrub pa'ang mngon par bsgrub pa yin/ sgyu ma dang / mi lam dang / mig sor dang / sgra brnyan dang / chu'i zla ba dang / gzugs brnyan dang / sprul pa'i rang bzhin lta bur yod pa dang med pa dang / gnyis ka ma yin pa thams cad kyang khong du chud la/ las dang bya ba rnam par phye ba tshad med pa'i bsam pa'ang mngon par bsgrub pa yin/ zhing gau thag gru nam mkha' dang mnyam par shin tu bsgoms pa na yid dang ldan lo/ / sangs rgyas kyi zhing yongs su sbyang shong bsgrub pa dang / rgyan kyang mngon par sgrub pa yin/ sangs rgyas thams cad kyi rang bzhin dang / chos kyi sku nam mkha' lta bur yang rab tu 'jug la/ gzugs dang / mtshan dang / dpe byad bzang po bsdu zhing rgyan mngon par bsgrub pa'ang mngon par bsgrub pa yin/ de bzhin gshegs pa'i gsung rang bzhin gyis zhi zhing brjod du med pa'i sgra dbyangs dang ldan par yang yid ches la/ sems can thams cad kyi dbyangs kyi yan lag rnam par
- 142b
phye ba'i rgyan mngon par bsgrub pa'ang mngon par bsgrub pa yin/ sangs rgyas bcom ldan 'das rnams kyis skad cig tu dus gsum thugs su chud par yang khong du chud la/ dus dang bskal pa'i grangs mtshan nyid tha dad pa la'ang sems can gyi bsam pa rnam par bsgom pa'i phyir rjes su 'jug pa yin te/ kye rgyal ba'i sras dag thabs dang shes rab kyis mngon par bsgrubs pa'i lam brtsam pa'i khyad par 'di bcus/ byang chub sems dpa' sa drug pa la rnam par dbye ba shim tu byas pas bdun yongs su gnon to// kye rgyal ba'i sras dag/ de ltar byang chub sems dpa' sems dpa' chen po lam gyi tshogs thabs dang shes rab kyis mngon par bsgrubs pa'i khyad par snang bar gyur pa 'di dag mngon par bsgrub pas/ byang chub sems dpa'i sa bdun yongs su gnon ces bya ste/ de ltar byang chub sems dpa'i sa bdun pa la gnas pa'i byang chub sems dpa' de ni sems can gyi khams tshad med pa la 'jug go/ / sangs rgyas bcom ldan 'das rnams kyi sems can yongs su smin par mdzad pa dang / 'dul ba'i 'phrin las tshad med pa la 'jug go// 'jig rten gyi khams po tshad med pa la 'jug go/ / sangs rgyas bcom ldan 'das rnams kyi sangs rgyas kyi zhing rnam par dag pa tshad med pa la 'jug go// chos tha dad pa tshad med pa la 'jug go// sangs rgyas bcom ldan 'das rnams
- 143a
kyiye shes mngon par 'tshang rgya ba tshad pa la 'jug go/ / bskal pa'i grangs tshad med pa la 'jug go// sangs rgyas bcom ldan 'das rnams kyi dus gsum thugs su chud pa tshad med pa la 'jug go/ sems can gyi mos pa'i khyad par chad med pa la 'jug go// sangs rgyas bcom ldan 'das rnams kyi mtshan dang / sku gzugs su dang / sku smra tshogs ston pa tshad med pa la 'jug go/ sems can rnams kyi bsam pa dang dbang po tha dad pa tshad med pa la 'jug go// sangs rgyas bcom ldan 'das rnams kyi gsung brjod pas sems can yongs su smin par mdzad pa tshad med pa la 'jug go/ / sems can rnams kyi sems dang spyod pa tshad med pa la 'jug go// sangs rgyas bcom ldan 'das rnams kyi ye shes 'byam klas pas thugs su chud pa tshad med pa la dz+ra go/ nyan thos kyi zag pas 'byung ba la mos pa tshad med pa la 'jug go// sangs rgyas bcom ldan 'das rnams kyi lam shin tu bstan pa'o ye shes la 'jug pa tshad med pa la 'jug cing mos par byed do// rang sangs rgyas kyi ye shes yang dag par bsgrub pa shin tu rdzogs par bya ba tshad med pa la 'jug go/ sangs rgyas bcom ldan 'das rnams kyi ye shes zab mo'i sgor 'jug pa bstan pa tshad med pa la 'jug go/ / byang chub sems dpa' rnams kyi byang chub sems dpa'i spong pa'i spor ba tshad med pa la 'jug go// sangs rgyas bcom ldan 'das
- 143b
rnams kyi theg pa chen po yang dag par bsgrub pa la 'jug pa shin tu bstan pa tshad med pa la 'jug go/ / de 'di snyan du sems te/ de bzhin gshegs pa dgra bcom pa yang dag par rdzogs pa'i sangs rgyas rnams kyi spod yul ni de ltar tshad med pa ste/ de ni bskal pa brgya phrag khrag khrig dang / bskal pa stong phrag khrag khrig dang / bskal pa brgya stong khrag khrig nas de snyed kyi bskal pa bye ba khrag khri ga brgya stong gis kyang bgrang bar dka' ste/ sangs rgyas bcom ldan 'das rnams kyi spyod yul de bdag gis lhun gyis grub par bsgrub par bya'o/ / rtog pa med pa dang rnam par rtog pa med par yongs su rdzogs par bya'o zhes/ de de ltar shin tu brtags pa'i ye shes dang mngon por shes pa dang ldan zhing rtag tu rgyun mi 'chad par brtson pa ni/ thabs dang shes rab kyis yongs su bsgoms pa'i lam gro tshogs rgya chen po'i ye shes pa mi g.yo ba'i tshul gyis yongs su gnas pa yin/ de skad cig gcig tu'ang lam mngon par bsgrub pa las sdang bar mi byed de/ de 'gro'ang de lta bu'i ye shes mngon par bsgrub pa yin/ 'greng ba dang / 'dug pa dang / nyal ba dang / rmi lam dag tu'ang sgrib pa med cing spyod lam thams cad la gnas kyang rnam pa 'di lta bu'i 'du shes yid la bya ba dang mi 'bral ba yin/ de'i sems bskyed pa re re la'ang byang chub sems dpa'i pha rol tu phyin pa bcu dang / byang chub sems dpa'i sa bcu yang dag par bsgrub pa yang dag par 'byung ngo //
- 144a
de ci'i phyir zhe na/ 'di ltar byang chub sems dpa' sems dpa' chen po de snying rje chen po sngon du btang ba'i sems bskyed pa byung ba re re zhing yang sangs rgyas kyi chos yang dag par bsgrub pa dang / de bzhin gshegs pa'i ye shes kyi don du yongs su sngo bas/ de la gang sangs rgyas kyi ye shes yongs su tshol zhing / sems can rnams la dge ba'i rtsa ba yongs su gtong ba 'di ni de'i sbyin pa'i pha rol tu phyin pa'o/ / gang nyon mongs pa'i yongs su gdung ba thams cad rab tu zhi ba 'di ni de'i tshul khrims kyi pha rol tu phyin pa'o// gang snying rje dang byams pa sngon du 'gro bas sems can thams cad la 'tshig pa med pa 'di ni de'i bzod pa'i pha rol tu phyin pa'o/ / gang gong nas gong du dge ba'i chos tshol bas mi ngoms par dam 'cha' ba 'di ni de'i brtson 'grus kyi pha rol tu phyin pa'o// gang thams cad mkhyen pa'i ye shes mngon du bya ba'i phyir/ 'gyod pa med pa'i lam dang ldan pa 'di ni de'i bsam gtan gyi pha rol tu phyin pa'o// gang rang bzhin gyis ma skyes pa mngon du gyur pa 'di ni de'i shes rab kyi pha rol tu phyin pa'o// gang ye shes tshad med pa mngon par bsgrub pa 'di ni de'i thabs mkhas pa'i pha rol tu phyin pa'o// gang gong nas gong du ye shes la dmigs shing mngon par sgrub pa 'di ni de'i smon lam gyi pha rol tu phyin pa'o// gang phas kyi rgol ba thams cad dang bdud kyi tshogs thams cad kyis lam yongs su mi chod pa 'di ni de'i stobs kyi pha rol tu phyin pa'o// gang chos thams cad la yang dag pa ji lta ba bzhin du rtog pa 'di ni de'i ye shes
- 144b
kyi pha rol tu phyin pa'o/ / kye rgyal ba ri sras dag/ de ltar na byang chub sems dpa'i sa ring du song ba 'di la gnas pa'i byang chub sems dpa'i pha rol tu phyin pa bcu po de dag de ltar yongs su rdzogs par 'gyur te/ bsdu ba'i dngos po bzhi'ang yongs su rdzogs par 'gyur ro// byin gyi rlabs bcu dang / byang chub kyi phyogs kyi chos sum cu rtsa bdun dang / rnam par thar pa'i sgo gsum dang / mdor bsdu na byang chub kyi yan lag gi chos thams cad skad cig skad cig tu yo su rdzos par 'gyur ro/ / de skad ces smras pa dang / byang chub sems dpa' rnam par grol ba'i zla bas/ byang chub sems dpa' sems dpa' chen po rdo rje'i snying po la 'di skad ces smras so/ / kye rgyal ba'i sras ci byang chub sems dpa' sems dpa' chen po byang chub sems dpa'i sa bdun pa 'di la gnas pa 'ba' zhig gi byang chub kyi yan lag thams cad skad cig skad cig tu yongs su rdzogs par 'gyur ram/ 'on te ma yin gyis sa bcu po thams cad la rang de bzhin du yongs su rdzogs par 'gyur/ byang chub sems dpa' rdo rje'i snying pos smras pa/ kye rgyal ba'i sras sa bcu po kun la'ang / byang chub sems dpa'i byang chub kyi yan lag thams cad skad cig skad cig tu yongs su rdzogs par lta 'gyur te/ byang chub sems dpa'i sa bdun pa 'di la ni de dag pas lhag par yongs su rdzogs par 'gyur ro/ / de ci'i phyir zhe na/ kye rgyal ba'i sras byang chub sems dpa'i sa 'di ni nan tan du bya ba'i spyod pa yongs su rdzogs par byed pa ye shes dang mngon par shes pa'i spyod pa yongs
- 145a
su gnon pa ste/ de ltar kye rgyal ba'i sras byang chub sems dpa'i sa dang po la ni smon lam thams cad la lhag par dmigs pas/ byang chub sems dpa'i byang chub kyi yan lag thams cad yongs su rdzogs par 'gyur ro/ / gnyis pa la sems kyi dri ma thams cad bsal bas/ gsum pa la smon lam rnam par 'phel ba dang chos kyi snang ba thob pas/ bzhi pa la lam la 'jug pas/ lnga pa la 'jig rten gyi spyod pa'i rjes su 'brang bas/ drug pa la chos zab mo'i sgor 'jug pas/ byang chub kyi yan lag thams cad yongs su rdzogs par 'gyur te byang chub sems dpa'i sa bdun pa 'di la ni sangs rgyas kyi chos thams cad yongs su sgrub pas/ byang chub kyi yan lag thams cad skad cig skad cig tu yongs su grub par 'gyur ro// de ci'i phyir zhe na/ byang chub sems dpa'i sa dang po nas bzung ste/ byang chub sems dpa'i sa bdun pa'i bar du byang chub sems dpas mngon par bsgrubs pa'i ye shes mngon par sgrub pa'i sbyor ba'i yan lag de dag byang chub sems dpa'i sa brgyad pa yan chad lhun gyis grub par yongs su 'grub bo/ / kye rgyal ba'i sras 'di lta ste/ dper na kun nas nyon mongs shing rnam par dag pa'i 'jig rten gyi khams dang shin tu dag pa'i 'jig rten gyi khams dag gi 'jig rten gyi khams gnyis kyi 'jig rten gyi khams kyi bar ni smon lam dang / thabs dang / shes rab dang / mngon par
- 145b
shes pa'i stobs dang / shugs chen po ma gtogs par 'od dod brgal bar mi nus so// kye rgyal ba'i sras de bzhin du byang chub sems dpa' spyod pa 'dres pa dang / yongs su dag pa'i bar yang smon lam dang / thabs dang / shes rab dang / mngon par shes pa dang / ye shes kyi stobs dang / shugs chen po ma gtogs par 'od dod brgal bar mi nus so// byang chub sems dpa' rnam par grol ba'i zla bas smras pa/ kye rgyal ba'i sras 'o na ci byang chub sems dpa'i sa rnams la/ byang chub sems dpa'i spyod pa nyon mongs pa'i spyod pas kun nas nyon mongs par yid ches par bya ba yin nam/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i sa dang po rab tu dga' ba nyid bzung ba yan chad du/ byang chub sems dpa' spyod pa thams cad byang chub tu yongs su bsngos pa'i dbang gi nyon mongs pa'i rnyog pa dang bral bar gar 'os pa'i tshul gyis lam mnyam pa nyid kyis yid ches par byas te/ de tsam gyis sa bdun po rnams su nyon mongs pa'i spyod pa las yang dag par 'das shes mi bya'o/ / kye rgyal ba'i sras 'di lta ste/ dper na 'khor los sgyur ba'i rgyal po ni lha rdzas kyi glang po rin po che la zhon zhing gling bzhi dag tu'ang 'gro// mi'i sdug bsngal dang / 'phongs pa dang / kun nas nyon mongs pa'i nyes pa rnams kyang rab tu shes te/ 'on kyang nyes pa de dag gis gos par mi 'gyur ro// de tsam gyis mi'i lus las 'das
- 146a
pa'ang ma yin/ nam mi'i lus spangs te tshangs pa'i 'jig rten du skyes par gyur pa de'i tshe ni tshangs pa'i gzhal med khang na gnas shing stong gi 'jig rten gyi khams kyang mthong de dag tu'ang 'gro/ tshangs pa'i gzugs brnyan yang kun tu ston te/ mi zhes kyang mi brjod do// kye rgyal ba'i sras de bzhin du byang chub sems dpa'i sa dang po bzung ba yan chad/ byang chub sems dpa'i pha rol tu phyin pa'i theg pa la zhon zhing 'gro ba thams cad du rgyu ba'i tshe/ kun nas nyon mongs pa'i nyes pa rnams kyang rab tu shes te/ yang dag pa'i lam du zhugs pas kun nas nyon mongs pa de dag gis gos par yang mi 'gyur ro/ / 'on kyang de tsam gyis sa bdun po rnams la nyon mongs pa'i nyes pa rnams las yang dag par 'das shes mi bya ste/ nam sbyor ba can gyi spyod pa thams cad spangs te/ sa bdun po nas sa brgyad pa yongs su non par gyur te/ byang chub sems dpa'i theg pa yongs su dag pa la zhon zhing 'gro ba thams cad du rgyu ba'i tshe/ kun nas nyon mongs pa'i nyes pa thams cad kyang rab tu shes te/ 'jig rten gyi bya ba kun las 'das pas nyes pa de dag gis kun nas nyon mongs par gyur ces mi bya'o// kye rgyal ba'i sras byang chub sems dpa'i sa bdun pa 'di la gnas pa'i byang chub sems dpa' ni 'dod chags la sogs pa'i nyon mongs pa mang po thams cad las kyang shin tu shas che bar 'das te/ byang chub sems dpa'i sa bdun pa 'di la spyod pa'i byang chub sems dpa' de ni nyon mongs pa
- 146b
can zhes kyang mi bya/ nyon mongs pa med pa zhes kyang mi bya'o// de ci'i phyir zhe na/ nyon mongs pa thams cad rgyu ba med pas nyon mongs pa can zhes mi bya'o// de bzhin gshegs pa'i ye shes mngon par 'dod cing bsam pa yongs su ma rdzogs pas nyon mongs pa med pa zhes kyang mi bya'o/ / de ltar byang chub sems dpa'i sa bdun pa 'di la gnas pa'i byang chub sems dpa' ni lhag pa'i bsam pas yongs su dag pa'i lus kyi las dang ldan pa yin/ ngag gi las dang ldan pa yin/ lhag pa'i bsam pas yongs su dag pa'i yid kyi las dang ldan pa yin/ de ni 'di ltar mi dge ba'i las kyi lam de bzhin gshegs pas smad pa kun nas nyon mongs pa dang bcas pa de dag las thams cad kyi thams cad du yang dag par 'das pa yin/ gang 'di dag dge ba'i lam yang dag par rdzogs pa'i sangs rgyas kyis bsngags pa de dag gi rjes su rtag tu rgyun mi 'chad par 'brang ba yin/ gang yang byang chub sems dpa'i sa lnga pa la bzo'i gnas dang las kyi gnas ji ltar mngon par bsgrubs pa de dag thams cad kyang lhun gyis grub par rab tu 'byung ngo / / de ni stong gsum gyi stong chen po'i 'jig rten gyi khams na slob dpon du bya ba yin te/ de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' sa brgyad pa yan chad kyi byang chub sems dpa' ma gtogs par su'ang de dang bsam pa 'am sbyor bas mnyam pa med do// 'di ltar yang gang
- 147a
'di dag bsam gtan rnams dang / ting nge 'dzin dag dang / snyoms par 'jug pa rnams dang / mngon par shes pa dag dang / rnam par thar pa rnams kyang thams cad du bsgom pa mngon par bsgrub pa'i sgo'i tshul gyis mngon du 'gyur te/ 'on kyang dadung byang chub sems dpa'i sa brgyad pa la ji ltar de bzhin du ni rnam par smin pas yongs su rdzogs pa ma yin no// da ltar byang chub sems dpa'i sa bdun pa 'di la gnas pa'i byang chub sems dpa'i sems bskyed pa thams cad la shes rab dang / thabs dang / bsgom pa'i stobs yongs su rdzogs par 'gyur te/ ston pas kyang byang chub kyi yan lag thams cad yongs su rdzogs pa rab tu 'thob bo// de de ltar byang chub sems dpa'i sa bdun pa 'di la gnas pa'i tshe/ byang chub sems dpa'i ting nge 'dzin rnam par dbye ba shin tu rnam par phye ba zhes bya ba dang mnyam par gzhog ste/ byang chub sems dpa'i ting nge 'dzin don shin tu bsam pa zhes bya ba dang / khyad par gyi blo gros shes bya ba dang / rab tu phye ba'i don gyi mdzod ces bya ba dang / chos ji lta ba bzhin du rnam par 'byed pa zhes bya ba dang / rtsa ba shin tu gnas pas brtan pa zhes bya ba dang / ye shes dang mngon par shes pa'i sgo zhes bya ba dang / chos kyi dbyings yongs su sbyangs pa zhes bya ba dang / de bzhin gshegs pa'i yon tan zhes bya ba dang / don sna tshogs kyi mdzod 'khor ba dang mya ngan las 'das pa'i sgo zhes bya ba la'ang mnyam par gzhog ste/ de dag la
- 147b
sogs pa mngon par shes pa dang / ye shes chen po sgo'i ting nge 'dzin sa yongs su sbyong bar byed pa brgya stong phrag bcu tshang ba la snyoms par 'jug go// de thabs dang shes rab kyis yongs su sbyangs pa'i ting nge 'dzin de dag rab tu thob pa dang / snying rje dang snying brtse ba'i mthus nyan thos kyi sa las 'das pa yin/ rang sangs rgyas kyi sa las 'das pa yin/ shes rab dang ye shes kyis rnam par dpyad pa'i sa mngon sum du gyur pa yin/ de ltar de byang chub sems dpa'i sa bdun pa 'di la gnas pa'i tshe/ lus kyi las tshad med pa mtshan ma dang bral ba rab tu 'byung ngo // ngag gi las tshad med pa mtshan ma dang bral ba rab tu 'byung ngo / / yid kyi las mtshan ma dang bral ba shin tu rnam par sbyangs pa mi skye ba'i chos kyi bzod pas snang bar gyur pa tshad med pa rab tu 'byung ngo // byang chub sems dpa' rnam par grol ba'i zla bas smras pa/ / kye rgyal ba'i sras de lta go/ byang chub sems dpa'i sa dang po la gnas pa'i tshe'ang / byang chub sems dpa'i lus dang ngag yid kyi las tshad med pa nyan thos dang rang sangs rgyas kyi spyod pa las yang dag par 'das na ci rab/ byang chub sems dpa' rdo rje'i snying pos smras pa/ kye rgyal ba'i sras de lta'ang yin te/ de ni sangs rgyas kyi chos la dmigs pa'i mthur zad kyi/ rang gi blos rnam par dpyad pa ni ma yin no/ / byang chub sems dpa'i sa bdun pa 'di la ni rang gi blo'i spyod yul rnam par dpyod pa rab tu thob pas nyan thos dang rang sangs rgyas thams cad kyis mi 'phrogs pa
- 148a
yin/ kye rgyal ba'i sras 'di lta ste/ dper na rgyal po'i rigs su skyes pa'i rgyal po'i mtshan dang ldan pa ni btsas ma thag tu rgyal po'i byin gyis blon po'i tshogs thams cad zil gyis gnon gyi/ rang gi blos rnam par dpyad pas ni ma yin no// nam nar son par gyur pa de'i tshe rang gi blo'i mthus blon po thams cad kyi byed pa'i tshul las shin tu 'das pa yin/ rgyal ba'i sras de bzhin du byang chub sems dpa' yang sems bskyed ma thag tu lhag pa'i bsam pa'i bdag nyid chen pos nyan thos dang rang sangs rgyas thams cad zil gyis gnon te/ rang gi blos rnam par brtags pas ni ma yin no/ / byang chub sems dpa'i sa bdun pa 'di la gnas pa'i byang chub sems dpa' ni rang gi yul gyi ye shes kyi stobs kyi shugs kyis nyan thos dang rang sangs rgyas kyi byed pa'i tshul las shin tu 'das pa yin no/ / kye rgyal ba'i sras de ltar byang chub sems dpa' sems dpa' chen po byang chub sems dpa'i sa bdun pa 'di la gnas pa'i tshe/ lus dang / ngag dang yid kyi las zab cing dben la rgyu ba med pa dang ldan pa'ang rab tu thob pa yin te/ khyad par gong du btsal ba'i brtson 'grus kyang yongs su mi gtong ngo // yongs su btsal ba'i brtson 'grus des kyang yang dag pa'i mthar gnas pa la'ang gnas te/ khyad par gong ma shin tu thob par bya ba'i phyir yang dag pa'i mtha' mngon du'ang mi byed do// byang chub sems dpa' rnam par grol ba'i zla bas smras pa/
- 148b
kye rgyal ba'i sras byang chub sems dpa'i sa gang yan chad du/ byang chub sems dpa' 'gog pa la snyoms par 'jug/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i sa drub pa yan chad/ byang chub sems dpa' 'gog pa la snyoms par 'jug ste/ byang chub sems dpa'i sa bdun pa 'di la gnas pa'i byang chub sems dpa' na skad cig re re la'ang 'gog pa la snyoms par 'jug ste/ 'gog pa mngon du byas shes ni mi bya'o// de bas na de ni bsam gyis mi khyab pa'i lus dang / ngag dang / yid kyi las dang ldan zhes bya ba yin no// kye rgyal ba'i sras de ltar byang chub sems dpa' yang dag pa'i mtha' la gnas pas kyang gnas la/ yang dag pa'i mtha' mngon du'ang mi byed pa ni ngo mtshar che'o// kye rgyal ba'i sras 'di lta ste/ dper na mi la la zhig rgya mtsho chen po'i gru chen por zhugs te/ rgal ba'i thabs la mkhas shing / rlung la mkhas pa dang / chu la mkhas pa ni rgya mtsho chen po'i chu'i nyes pas mi gos so// kye rgyal ba'i sras de bzhin du/ byang chub sems dpa' sems dpa' chen po byang chub sems dpa'i sa bdun pa 'di la gnas shing pha rol tu phyin pa'i gru chen por zhubs pa'ang yang dag pa'i mtha' la gnas pas kyang gnas la/ yang dag pa'i mtha' mngon du'ang mi byed do// de ltar de ye shes kyi stobs dang shugs thob pa ni ting nge 'dzin dang / ye shes kyi stobs dang / shugs kyis mngon par bsgrungs pa'i blo dang
- 149a
thabs dang shes rab kyi stobs dang / shugs chen pos 'khor ba'i sgo'ang ston la/ mya ngan las 'das pa'i bsam pa dang yang mi 'bral ba yin/ 'khor mang pos kun nus bskor bar snang yang rtag tu rgyun mi 'chad par sems kyi dben pa'ang rab tu thob pa yin/ / khams gsum du skye ba'ang smon lam gyi dbang gis mngon par sgrub la/ 'jig rten gyi nyes pas kyang mi gos ba yin/ zhi zhing rab tu zhi ba yin la/ thabs kyis kyang rab tu 'bar te/ de ltar 'bar yang tshig par mi 'gyur ba yin/ sangs rgyas kyi ye shes la'ang yongs su 'jug pa/ nyan thos dang rang sangs rgyas kyi sa las kyang phyir ldog pa yin/ sangs rgyas kyi yul gyi mthil du'ang phyin la/ bdud kyi yul na'ang 'jug par snang ba yin/ bdud kyi lam bzhi las kyang yang dag par 'das la/ bdud kyi yul dang spyod yul yang yang dag par ston pa yin/ mu stegs can gyi gnas thams cad na'ang 'dug par snang la/ sangs rgyas kyi mu stegs kyi gnas kyi bsam pa'ang mi gtong ba yin/ 'jig rten gyi bya ba thams cad dang yang ldan par snang la/ 'jig rten las 'das pa'i tshul la'ang yang dag par gzhol ba yin/ lha dang / klu dang / gnod sbyin dang / dri za dang lha ma yin dang / ma mkha' lding dang / mi 'am ci dang / mi dang / mi ma yin pa dang / brgya byin dang / tshangs pa dang / 'jig rten gyi mgon po thams cad las lhag pa'i rgyan dang / lta ba lhub shin tu bsgrubs pa'ang
- 149b
rab tu thob la/ chos la dga' ba yid la bya ba'ang mi spong ba yin/ de ltar de lta bu'i ye shes dang ldan par byang chub sems dpa'i sa ring du song 'di la gnas pa'i byang chub sems dpa' de'i lha brgya chen po dang / smon lam gyi stobs kyis sangs rgyas mang po snang bar 'gyur te/ lta brgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag yang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do// bkur sti byed do// bsti stang byed do// mchod par byed do// na bza' dang / bsod snyoms dang / gzims cha dang / spun gyi rkyen sman dang / yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo// dge 'dun gyi tshogs rnams la'ang yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o// de ltar de bzhin gshegs pa de dag la bsnyen bkur byed cing / de dag las rjes dang
- 150a
rim gros nan tan du chos bstan pa nyan cing len to/ / 'dzin to// thos nas kyang ma nor ba'i snyoms par 'jug pa dang / shes rab dang ye shes kyi snang bas rab tu brtson par byed cing nan tan gyis yongs su 'dzin to/ / sangs rgyas bcom ldan 'das de dag gi bstan pa'ang yang dag par 'dzin to// nyan thos dang rang sangs rgyas kyi mngon par rtogs pa yongs su dri bas kyang mi 'phrogs pa yin te de ston pas kyang sems can la phan 'dogs pa'i chos kyi bzod pa rnam par dag par 'gyur ba yin/ / de ltar byang chub sems dpa'i sa ring du song ba 'di la gnas pa'i byang chub sems dpa' de'i dge ba'i rtsa ba de dag ston pas kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar shin tu dag cing yongs su byang bar gnas so/ / kye rgyal ba'i sras 'di lta ste/ dper na gser gyi sa le sbram de nyid rin po che thams cad kyis rab tu smras pa ni sngon pas kyang rgyan gyi rnam pa gzhan dang gzhan gyis mi thub pa dang / ches 'od gsal zhing dang bar 'gyur ro// kye rgyal ba'i sras de bzhin du byang chub sems dpa' sems dpa' chen po byang chub
- 150b
sems dpa'i sa ring du song ba 'di la gnas pa'i thabs dang shes rab kyis bsgrubs pa'i dge ba'i rtsa ba de dag sngon pas kyang ches shin tu byung ba dang / ches 'od gsal zhing dang bar 'gyur ro// nyan thos dang rang sangs rgyas thams cad kyis kyang mi 'phrogs pa yin// kye rgyal ba'i sras 'di lta ste/ dper na nyi ma'i 'od ni skur ma'i tshogs dang / zla ba'i 'od kyis mi 'phrogs shing 'dzam bu'i gling na rlan gyi bag yod pa thams cad kyang shin tu skam par byed do/ / kye rgyal ba'i sras de bzhin du byang chub sems dpa'i sa ring du song ba 'di la gnas pa'i byang chub sems dpa'i dge ba'i rtsa ba de dag kyang sngon pas kyang nyan thos dang rang sangs rgyas thams cad kyis mi 'phrogs pa yin/ phyin ci log bzhi dang ldan pa'i nyon mongs pa'i rlan gyi rnam pa thams cad kyang yongs su skems so// de'i pha rol tu phyin pa bcu las thabs mkhas pa'i pha rol tu phyin pa'i shas che ba yin te/ lhag ma rnams kyang ci tshul ci nus su mi sgrub pa ma yin no// kye rgyal ba'i sras 'di ni byang chub sems dpa' sems dpar chen po rnams kyis ring du song ba zhes bya ba ste/ byang chub sems dpa'i sa bdun pa mdor bstan pa'o// de la gnas pa'i byang chub sems dpa' sems dpa' chen po ni phal cher lha'i rgyal po dbang sgyur du 'gyur te/ sems can rnams la mngon par rtogs pa'i ye shes yang dag par bstan pa la mkhas shing mthu yod pa ste/ nyan thos dang rang sangs rgyas thams
- 151a
cad kyis yongs su dri bas mi zad pa yin/ sems can skyon med par shin tu bzla bar bya ba la'ang mkhas pa yin te/ sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur pa nas/ thams cad mkhyen pa'i ye shes la rten pa'i bar du 'gyur te/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba dang / rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam pang cig tu ting nge 'dzin bye ba khrag khrig brgya stong rab tu 'thob cing // de dag la snyoms par 'jug pa dang / sangs rgyas bye ba khrag khrig brgya stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams bye ba khrag khrig brgya stong snang bar bya ba dang
- 151b
sems can bye ba khrag khrig brgya stong yongs su smin par bya ba dang / bskal pa bye ba khrag khrig brgya stong du gnas par bya ba dang / sngon gyi mtha' dang phyi ma'i mtha' bskal pa bye ba khrag khrig brgya stong mang po la rab tu 'jug pa dang / chos kyi sgo bye ba khrag khrig brgya stong rnam par 'byed pa dang / lus bye ba khrag khrig brgya stong yongs su bstan pa dang / lus re re la'ang byang chub sems dpa'i 'khor bye ba khrag khrig brgya stong yang dag par bstan par bya ba'i brtson 'grus kyi rnam pa de lta bu rtsom mo/ / de yan chad byang chub sems dpa'i smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka' 'o/ / de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so// ye shes zab mo don dam tshig gi rjes bsnyegs shing // sa drug glokhro pa'i yid ldan bdag nyid mnyam gzhag pa// shes rab thabs gnyis zung du 'brel ba mngon par sgrub// mkhas pa sa bdun
- 152a
spyod pa dam pa yongs su gnon/ / stong pa mtshan med mi smon snying rje byams dang ldan// chos nyid mnyam pa'i rjes 'gro sangs rgyas mchod par byed// shes pas shes byas bsod nams stobs kyis mi ngoms pas/ / de phyir mkhas pa bdun pa'i sa phyogs yongs su gnon// khams gsum mngon par sgrub byed shin tu dben pa thob// nyon mongs stobs rnams zhi yang 'gro bzhi la mos/ / mig yor sgyu ma rmi lam mi gnyis chos spyod kyang // snying rje las spyod ston pa mkhas pas bdun pa gnon// nam mkha'i bsam pas zhing rnams yongs spyod rnam mi rtog nga rgyal ba'i mtshan dang ldan zhing mi g.yo chos dang ldan/ / brjod pa'i dbyangs bral 'gro ba dgar bya don du gnyer// skad cig sems kyi rgyal bas kun mkhyen yang dag gzhol// chos rnams 'di dag spyad pas snang ba zob gyur pas/ / 'gro ba'i don 'dod sa mchog yongs su mnan ces bya// de dag sa 'dir gnas shing mtha' yas sems can spyod// bde gshegs tshad med las mkhyen rnam par spyod pa byed/ / zhing dang bskal pa chos grangs sna tshogs du ma dang // mos dang bsam pa sems dang spyod pa sna tshogs dang // theg pa gsum po bstan pa tshad med yang dag 'jug bdag gis sems can de dag yongs su smin bya zhes/ / de dag de ltar rnam phye shes rab lam ldan pa// spyod lam bzhi por mngon par brtson zhing thabs dang ldan// sems kyi skad cig kun la
- 152b
byang chub yon tan sgrub/ / pha rol byin pa bcur 'jug yongs su rdzogs par byed// sems skyes 'gro la yongs sngo de ni sbyin pa'o// tshul khrims nyon mongs zhi ba bzod pa mi 'tshig pa// brtson 'grus de nas khyad par gong du rtsom pa ste// lam las mi bsgral de ni legs ldan bsam gtan no// mi skye'i bzod pa rdul med mkhas pa'i shes rab mchog/ da dung mngon 'dod/ bsngo ba de yi smon lam ste// mi thub stobs yin shin tu rtogs pa ye shes so// de ltar byang chub yon tan thams cad skad cig ldan// dang por dmigs pas yon tan yongs su rdzogs par 'gyur/ / gnyis la dri ma bsal phyir gsum 'gegs bsal bas// bzhi la lam gyis lnga la mnyam pa nyid kyis te// mi skye'i snang bas mkhas pa'i drug pa rnam par 'phel// bdun pa 'dir phyin mtha' dag kun rdzogs par// smon lam du ma sna tshogs mngon par sgrub pa byed// ci phyir zhe na ye shes spyod pa 'dir grub pa// de ni brgyad pa yan chad kun tu rnam par 'gyur/ / 'da' dka' phyin dka' ye shes mang po'i las kyis grub// zhing gnyis bar mtshams ji ltar yongs su brgal dka' bzhin// bdun la spyod pa rgyal po chags med ji bzhin te/ lam la gnas pa yin gyi thams cad brtan ma 'das// brgyad pa'i ye shes sa dang gang tshe ldan gyur pa// de tshe sems kyi yul 'das ye shes las la gnas// tshangs pa 'gro ba lta yang mi ni
- 153a
bdag nyid min/ / ba de bzhin mkhas pa pad+mo bzhin du mi chags spyod// 'di la gnas pa nyon mongs sna tshogs rab tu 'dang // de dag nyon mongs spyod med byang ba rang thob pa min/ / lam la gnas kyang de 'dra'i nyon mongs spyod med min// rgyal ba'i ye shes mngon 'dod de bas zad pa min// 'jig rten bzo dang las gnas rnam pa sna tshogs dag/ mkhas pa gtsug lag rgyus la gnas te shes byas dang / / bsam gtan mngon shes stobs sgom ldan par gyur pa'i rnams// de bas gsal 'gyur ting 'dzin sna tshogs mngon par sgrub// nyan thos rang rgyal spyod las yongs su 'das pa ste/ / bdun pa'i byang chub sems dpa'i spyod la mkhas pa gnas// sngan chad bsam pas yin gyi 'di la ye shes kyis// nar son mthu dang ldan pa'i rgyal po'i bu bzhin no/ shin tu zab dang ldan pas gong du rtsom byed de// 'gog pa'i sems dang ldan yang mngon par mi byed do// ji ltar rgya mtshor phyin cing gru chen zhugs gyur pa// chu tshul thams cad mngon gyur gru la skyon mi 'gyur/ / de dag sngon pas thabs dang shes rab mchog dang ldan// shes dka' 'gro ba kun tu shes spyod yon tan mang // sangs rgyas bye ba mang du bsam pa dag pas mchod// gser sbra ma de nyid rin chen mang pos spras pa bzhin/ / 'di la gnas pa'i mkhas pas shes rab mchog gi 'od// sred pa'i chu rnams ji ltar nyi bzhin yongs su skems// sa mchog 'di la gnas pa
- 153b
dbang sgyur rgyal por 'gyur/ / ye shes dam pa'i 'bras bu ston la mthu yod mkhas// 'dod na brtson 'grus dam pa'i stobs dang ldan gyur pa// sangs rgyas bye ba khrag khrig brgya stong tshang ba dag phyogs rnams kun tu shin tu mnyam par bzhag pas mthong / / yan chad smon lam yon tan mchog can tshad kyang med// 'di ni sa mchog bdun pa ste// rang rgyal dbang la spyod pa dang // 'ji rten kun gyis shes par dka'/ / thabs dang shes rab sbyong ba'o// ring du song ba zhes bya ba ste// byang chub sems dpa'i sa bdun pa'o// // bam po lnga bcu pa/ / mkhas pa'i spyod pa de 'dra dam pa thos nas// lha yi tshogs dang lha yi dbang po kun dga'// byang chub sems dpa' 'gro phan brtson pa mang po// bde bar gshegs dang rgyas sras rnams la mchod byed/ / me tog 'phreng ba rgyal mtshan ba dan yid 'ong // spos dang phye ma rin chen na bza' rgyan pa// dbyig gis spras pa'i gdugs rab khrag khrig dum// 'phreng ba'i sprin gyi dam pa'i char yang mngon 'bebs/ / lha yi bu mos yid du 'ong ba'i sgra dbyangs// du ma'i sil snyan gar gyi mchog dang ldan byas// bde bar gshegs dang rgyal sras mchod pa'i don du// thub pa'i yon tan rmad du byung brjod pa/ / thams cad gzigs pa dang gnyis khyu mchos gtso bo// sangs rgyas spyod yul 'grol phan byin ston mdzad// dbyangs sprin yid du 'ong ba rab tu 'byung ba sa ni// rnga dang sil bran
- 154a
tshogs rnams la 'di byung / / skra yi rtse la bde gshegs brgya phrag stong snyed// gang+gA khrag khrig bye ba'i rdul bas de mang // zhing mchog dam pa mnyam pa med pa dag na// khyu mchog rnams ni rdul bral chos rnams ston mdzad/ / spu gcig rtse la 'byam klas dam pa'i zhing ngam// gling bzhi du me rgya mtsho mtsho chen kun gnas// khor yug bye ba de bzhin ri rab thams cad// so so'i tshul dang ldan par kun kyang snang gyur/ / sgra yi rtse mo de la 'gro rgyud drug po// yi dgas byol song mi dang sems dmyal lha dang // gnod sbyin srin po klu dang lha min mang po// sna tshogs las kyi yul la kun kyang spyod byed/ / rdul bral kun gyi zhing gi spyod yul kun tu// 'khor lo dam pa'i mchog kyang de tshe 'khor gyur// 'gro ba'i 'du shes sems dang de bzhin spyod pa// bde gshegs gsung gi dam pa kun kyang bsnun byas/ / sems can lus la bde gshegs zhing mang sna tshogs// zhing la sems can rmad snyed lus kyang de bzhin// lha dang mi yi lam rgyud de bzhin sna tshogs// mkhyen nas bde bar gshegs pa chos rnams kun ston/ / shin tu yangs pa'i zhing la 'du shes phral gyur// rdul gyi mtshan ma dag la 'du shes yangs gyur// de la sogs pa bde bar gshegs pa'i rdzu 'phrul/ 'jig rten kun gyis brjod kyang zad par mi 'gyur// che ba nyid dbyangs de skad du// snyan pa'i dbyangs su grag gyur nas// 'khor rnams rab tu dga' zhing zhi// gsung ba'i mchog la lta zhing gnas//
- 154b
'khor rnams zhi bar shes gyur nas// rnam grol zla bas yang smras pa// sa brgyad pa yi rnam pa dang // de lta 'jug pa bstan par mdzod// byang chub sems dpa' rdo rje'i snying pos smras pa// / kye rgyal ba'i sras dag/ de ltar byang chub sems dpa' sems dpa' chen po byang chub sems dpa'i sa bdun pa la rnam par dbye ba shin tu byas pa// thabs dang shes rab kyi sa lam shin tu spangs pa/ tshogs shin tu bsags pa/ smon lam chen po shin tu btab pa'i stobs dang shugs can/ de bzhin gshegs pa'i byin gyis shin tu brlabs pa/ rang gi dge ba'i rtsa ba'i stobs dang shugs thob pa/ de bzhin shegs pa'i stobs dang / mi 'jigs pa dang / sangs rgyas kyi chos ma 'dres pa yid la bya ba dang ldan pa/ bsam pa dang lhag pa'i bsam pas yongs su sbyang ba'i sems ldan pa/ bsod nams dang ye shes kyi stobs kyis mngon par 'phags pa/ snying rje dang snying brtse ba chen pos sems can gyi khams thams cad yongs su mi gtong ba'i sbyor ba dang ldan pa/ ye shes kyi lam mtshad med pa'i rjes su song ba/ de chos thams cad thog ma nas ma byung ba nyid la yang dag pa ji lta ba bzhin du 'jug go// ma skyes pa dang / mtshan nyid med pa dang / skye ba med pa dang / 'jig pa med pa dang / zug pa med pa dang / mi rgyu ba dang / mi ldog pa dang / dngos po med pa'i rang bzhin dang / thog ma dang / tha ma dang / dbus mnyam pa nyid dang / de bzhin nyid kyis rnam par mi rtog pa'i thams cad mkhyen
- 155a
pa'i ye shes la'ang yang dag pa ji lta ba bzhin du 'jug ste/ des rnam pa thams cad du sems dang / yid dang / rnam par shes pa'i rnam par rtog pa dang / 'du shes dang bral zhing thogs pa med la/ nam mkha' dang 'dra zhing nam mkha'i rang bzhin du khong du chud pas mi skye ba'i chos la bzod pa thob ces bya'o// kye rgyal ba'i sras dag/ de la de lta bu'i bzod pa dang ldan pa'i byang chub sems dpa' ni/ byang chub sems dpa'i sa mi g.yo ba thob ma thag tu byang chub sems dpa'i gnas zab mo shes par dka' ba tha mi dad pa mtshan ma thams cad dang bral ba/ 'du shes kyi bgegs thams cad las phyir log pa tshad med pa nyan thos dang rang sangs rgyas thams cad kyi mi 'phrogs pa dben pa thams cad mngon du gyur pas shin tu thob pa yin/ / kye rgyal ba'i sras dag 'di lta ste/ dper na dge slong rdzu 'phrul dang ldan pa/ sems thams cad la dbang thob pa/ mthar gyis 'gog pa'i bar du mnyam par bzhag pa'i rgyu ba dang / sems pa dang / g.yo ba'i rnam par rtog pa dang / 'du shes thams cad dang bral ba yin// kye rgyal ba'i sras dag/ de bzhin du byang chub sems dpa' yang byang chub sems dpa'i sa brgyad pa mi g.yo ba 'di thob ma thag tu ched du bya ba thams cad dang bral te/ lhun gyis grub pa'i chos nyid thob cing lus dang / ngag dang / sems kyi rtsom pa thams cad dang bral te/ shin tu dben pa'i chos nyid la gnas pa yin/
- 155b
kye rgyal ba'i sras dag 'di lta ste/ dper na mi la la zhig gnyid kyis log pa'i rmi lam du bdag chu klung chen pos khyer snyam byed la/ de de nas ci phyin du 'bad cing rtsol ba chen po rtsom rtsom pa las/ de 'bad cing rtsol ba chen po de nyid kyis sad par gyur na/ de sad ma thag tu 'bad cing rtsol ba thams cad dang bral bar 'gyur ro// kye rgyal ba'i sras dag/ de bzhin du byang chub sems dpa' yang nyon mongs pa'i chu klung chen po bzhir sems can mang po dong bar shes nas 'bad cing rtsol ba yongs su rtsom mo/ / de brtson 'grus chen po dang ldan pas byang chub sems dpa'i sa mi g.yo ba 'di thob ma thag tu ched du bya ba thams cad dang bral ba yin te/ de'i gnyis po rgyu ba 'am mtshan ma rgyu ba dag kyang thams cad kyi thams cad du mi snang bar 'gyur ro// kye rgyal ba'i sras dag 'di lta ste/ dper na tshangs pa'i 'jig rten du skyes shing gnas pa ni 'dod pa la spyod pa'i nyon mongs pa rnams yongs su mi rgyu ba yin te/ kye rgyal ba'i sras dag/ de bzhin du byang chub seras dpa'i sa mi g.yo ba la gnas pa'i byang chub sems dpar yang sems dang / yid dang / rnam par shes pa'i yongs su rgyu ba rnams thams cad du yongs su mi rgyud min te/ de sangs rgyas la song bu rtsu ba 'am/ byang chub la yongs su rgyu ba 'am/ byang chub sems dpa' la yongs su rgyu ba 'am/ rang sangs rgyas la yongs su rgyu ba 'am/ nyan thos la yongs su rtsu ba 'am/ mya ngan las 'das
- 156a
pa la yongs su rgyu ba 'am/ dgra bcom pa la yongs su gru ba 'am/ phyir mi 'ong ba la yongs su rgyu ba 'am/ lan cig phyir 'ong ba la yongs su rgyu ba 'am/ rgyun du zhugs pa la yongs su rgyu ba'ang yongs su mi rgyun 'jig rten pa'i yongs su rgyu ba yongs su mi rgyu ba lta ci smos/ kye rgyal ba'i sras dag/ de ltar mi g.yo ba'i sa la gnas pa'i byang chub sems dpa' sngon gyi smon lam gyi stobs dang shugs la gnas pa de'i chos kyi sgo'i rgyud de la sangs rgyas bcom ldan 'das rnams de bzhin gshegs pa'i ye shes kyis nye bar bsgrub pa mdzad de/ de la 'di skad ces kyang bka' stsal to/ / rigs kyi bu legs so legs so// sangs rgyas kyi chos rjes su rtogs par bya ba la 'di ni don dam pa'i bzod pa'ang yin na/ 'on kyang rigs kyi bu nged kyi stobs bcu dang / mi 'jigs pa bzhi dang / sangs rgyas kyi chos phun sum tshogs pa de khyod la med kyis/ sangs rgyas kyi chos phun sum tshogs pa de dag yongs su btsal ba'i phyir brtson 'grus rtsoms shig/ bzod pa'i sgo 'di nyid kyang ma gtang zhig/ rigs kyi bu 'di lta ste/ khyod kyis de ltar zhi ba'i rnam par thar pa thob kyang byis pa so so'i skye bo 'di dag zhi ba ma yin/ rab tu zhi ba ma yin te/ nyon mongs pa sna tshogs yongs su rgyu bar gyur na/ de ltar rnam par rtog pa rnam pa sna tshogs kyis yongs su mnar ba la soms/ 'di ltar yang rigs kyi bu khyod kyi sngon gyi smon lam
- 156b
sems can gyi don yongs su 'grub par bya bar btab pa dang / ye shes kyi sgo bsam gyis mi khyab pa dran par gyis shig/ 'di ltar yang rigs kyi bu 'di ni chos rnams kyi chos nyid de// de bzhin gshegs pa rnams byung yang rung ma byung yang rung / chos kyi dbyings dang / chos kyi gnas nyid 'di ni de bzhin du 'jug pa ste/ 'di ni de bzhin gshegs pa rnams nyi tshe brjod par bya ba ma yin te/ nyan thos dang rang sangs rgyas thams cad kyang rnam par mi rtog pa'i chos nyid 'di 'thob bo// rigs kyi bu khyod nged kyi lus tshad med pa dang / ye shes tshad med pa dang / sangs rgyas kyi zhing tshad med pa dang / ye shes mngon par bsgrub pa tshad med pa dang / 'od kyi dkyil 'khor tshad med pa dang / dbyangs kyi yan lag rnam par dag tshad med pa la ltos/ khyod kyis kyang de bzhin du mngon par bsgrub par bya dgos so/ / 'di ltar rigs kyi bu gang de ltar chos thams cad la rnam par mi rtog pa de ni khyod kyi snang ba gcig pur zad de/ rigs kyi bu de bzhin gshegs pa rnams kyi chos snang ba ni ci 'dra ste/ yongs su mtha' yas par song la/ yongs su mtha' yas par bsgrubs pa ste/ de snyed kyi bskal pa bye ba khrag khrig brgya stong gis kyang bgrang bar dkas/ de dag thob par bya ba'i phyir mngon par bsgrub pa skyed cig/ 'di ltar yang rigs kyi bu phyogs bcu'i zhing tshad med pa dang / sems can tshad med pa dang /
- 157a
chos rnam par bye ba tshad med pa la ltos te/ de dag thams cad ma nor bar bgrang bar gyis shig ces te/ kye rgyal ba'i sras dag/ de ltar de lta bu'i ye shes dang ldan pa'i byang chub sems dpa' la/ sangs rgyas bcom ldan 'das de dag ye shes mngon par bsgrub pa'i sgo de dag la sogs pa gang gis byang chub sems dpa' ye shes rnam par phye ba'i tshul mngon bar bsgrub pa'i las tshad med pa yongs su rdzogs par byed pa/ gzhal du med pa dag nye bar bsgrub pa mdzad do// kye rgyal ba'i sras dag/ khyed kyis yid ches pa dang khong du chud par bya na/ gal te sangs rgyas bcom ldan 'das de dag gis byang chub sems dpa' de mngon par bsgrub pa'i sgor gzhug pa ma mdzad du zin na/ de nyid de'i mtha' las brgal ba'i mya ngan las 'das par 'gyur te/ sems can thams cad kyi dgos pa'ang rgyun bcad par 'gyur ro// de ltar sangs rgyas bcom ldan 'das de dag ni byang chub sems dpa' de la ye shes mngon par bsgrub pa'i las gang gis skad cig gcig tu mngon par bsgrubs pas kyang / thog ma sems bskyed pa phyin chad sa bdun la zhugs shing rjes su song ba'i yongs su rtsom pa'i bar snga ma de dag gis brgya'i char yang nye bar mi 'gro/ stong gi cha dang / khrag khrig gi rwa dang / khrag khrig brgya'i cha dang / khrag khrig stong gi cha dang / khrag khrig brgya phrag stong gi cha dang / bye ba khrag khrig brgya phrag stong gi char yang nye bar mi 'gro'o// grangs dang / cha dang /
- 157b
bgrang ba dang / depe dang / rgyur yang nye bar mi 'gro ba nas/ bskrun pa tsam gyi bar du'ang mi chog pa de snyed du tshad med pa'i ye shes mngon par bsgrub pa las nye bar bsgrub pa mdzad do// kye rgyal ba'i sras dag/ de ci'i phyir zhe na/ sngan chad lus gcig gis mngon par bsgrub pas spyod pa mngon par bsgrub par gyur gyi/ 'di la gnas pa'i byang chub sems dpa' rnams ni lus rnam par phye ba tshad med pas byang chub sems dpa'i spyod pa'i mthu yongs su sdud de/ dbyangs mngon par bsgrub pa tshad med pa dang / ye shes mngon par bsgrub pa tshad med pa dang / skye ba mngon par bsgrub pa tshad med pa dang / zhing yongs su sbyang ba tshad med pa dang / sems can yongs su smin par bya ba tshad med pa dang / sangs rgyas mchod cing bsnyen bkur ba tshad med pa dang / chos kyi tshul khong du chud pa tshad med pa dang / mngon par shes pa mngon par bsgrub pa'i stobs dang shugs tshad med pa dang / 'khor gyi dkyil 'khor tshad med pa rnam par phye ba dang / tshad med pa'i rjes su song ba'i lus dang / ngag dang / yid kyi las kyis byang chub sems dpa'i spyod pa thams cad kyi mthu mi bskul ba'i tshul gyis yang dag par sgrub bo/ / kye rgyal ba'i sras dag 'di lta ste/ dper na rgya mtsho chen por 'gro ba'i gru ni rgya mtsho chen por ma phyin gyi bar du ched du bskyod cing 'gro bar bya ba yin te/ rgya mtsho chen po la zhen ma thag tu rlung gi dkyil 'khor gyis bsu bas ched du bskyod mi dgos pa yin// des rgya mtsho chen po la nyin gcig gis ci chod pa de ni sngon ched
- 158a
du bskyod cing 'gro bas lo brgyar yang de ltar tshad med par phyin par mi nus so/ / kye rgyal ba'i sras dag/ de bzhin du byang chub sems dpa' sems dpa' chen po dge ba'i rtsa ba chen po'i tshogs yang dag par bsags pa theg pa chen po'i grur zhugs pa'ang / byang chub sems dpa'i spyod pa'i rgya mtshor phyin nas yud tsam gcig tu lhun gyis grub pa'i ye shes kyis thams cad mkhyen pa'i ye shes ji tsam yang dag par gnon pa de ni sngon gyi ched du bya ba'i las kyis bskal pa brgya stong du'ang yang dag par non par mi nus so/ / kye rgyal ba'i sras dag/ de la byang chub sems dpa'i sa brgyad p a 'di thob pa'i byang chub sems dpa' ni tha bas mkhas pa'i ye shes kyi sa bsgrub pa lhun gyis grub pa la shin tu zhugs pa'i byang chub sems dpa'i blos thams cad mkhyen pa'i ye shes la rnam par pyod cing 'jig rten gyi khams 'byung yang rnam par spyod do/ / 'jig rten gyi khams 'jig pa'ang rnam par spyod do// de 'jig rten ji ltar 'byung ba de'ang rab tu shes so// 'jig rten ji ltar 'jig pa de'ang rab tu shes so/ / las gang bsags pas 'jig rten 'byung bar 'gyur ba de'ang rab tu shes so// las gang bsogs pas 'jig rten 'jig par 'gyur ba de'ang rab tu shes so// dus ji srid kyis 'jig rten 'byung bar 'gyur ba de'ang rab tu shes so/ / dus ji srid kyis 'jig rten 'jig par 'gyur ba de'ang rab tu shes so// dus ji srid 'jig rten byung nas gnas pa de'ang rab tu shes so// dus ji srid du 'jig rten
- 158b
zhig par gnas pa de'ang rab tu shes so/ / de sa'i khams shin tu chung ba'ang rab tu shes so// sa'i khams shin tu che ba'ang rab tu shes so// sa'i khams tshad med pa'ang rab tu shes so// sa'i khams rnam par phye ba'ang rab tu shes so/ / de chu'i khams shin tu rlung ba'ang rab tu shes so// chu'i khams shin tu che ba'ang rab tu shes so// chu'i khams tshad med pa'ang rab tu shes so// chu'i khams rnam par phye ba'ang rab tu shes so/ / de me'i khams shin tu chung ba'ang rab tu shes so// me'i khams shin tu che ba'ang rab tu shes so// me'i khams tshad med pa'ang rab tu shes so// me'i khams rnam par phye ba'ang rab tu shes so/ / de rlung gi khams shin tu chung ba'ang rab tu shes so// rlung gi khams shin tu che ba'ang rab tu shes so// rlung gi khams tshad med pa'ang rab tu shes so// rlung gi khams rnam par phye ba'ang rab tu shes so/ / de shin tu phra ba'i rdul phra ba nyid kyang shin tu shes so// shin tu phra ba'i rdul yangs pa'ang rab tu shes so// shin tu phra ba'i rdul tshad med pa'ang rab tu shes so// shin tu phra ba'i rdul rnam par phye ba'ang rab tu shes so/ / 'jig rten gyi khams gang na sa'i khams kyi rdul shin tu phra ba ji snyed pa de dag kyang rab tu shes so// chu'i khams kyi rdul shin tu phra ba ji snyed pa de dag kyang rab tu shes so/ / me'i khams kyi rdul shin tu phra ba de dag kyang rab tu shes so// rlung gi khams kyi rdul shin tu phra ba de dag kyang rab tu shes so// rin po che rnam par phye ba ji snyed pa yod pa
- 159a
dang / rin po che'i rdul shin tu phra baji snyed yod pa de dag kyang rab tu shes so// sems can gyi lus la rdul ji snyed yod pa de dag kyang rab tu shes so// zhing gi spyan la rdul shA/ tu phra ba ji snyed yod pa de dag kyang rab tu shes so// de sems can gyi lus re ba dang / lus yangs pa dang / lus phra ba dang / lus rnam par bye ba'ang rab tu shes so// sems can dmyal ba pa'i lus rdul shin tu phra ba ji snyed kyis byung ba dang / byol song gi skye gnas pa'i lus rdul shin tu phra ba ji snyed kyis byung ba dang / gshin rje'i 'jig rten pa'i lus rdul shin tu phra ba ji snyed kyis byung ba dang / lha ma yin gyi 'jig rten pa'i lus rdul shin tu phra ba ji snyed kyis byung ba dang / lha'i 'jig rten pa'i lus rdul shin tu phra ba ji snyed kyis byung ba dang / mi'i ris su gtogs pa'i lus rdul shin tu phra ba ji snyed kyis byung ba de dag kyang rab tu shes so/ / de de ltar rdul shin tu phra ba rab tu dbye ba la zhugs pa ni 'dod pa'i khams 'jig pa'ang rab tu shes so// gzugs kyi khams 'jig pa'ang rab tu shes so// / gzugs med pa'i khams 'jig pa'ang rab tu shes so// 'dod pa'i khams 'du ba'ang rab tu shes so// gzugs kyi khams 'du ba'ang rab tu shes so// gzugs med pa'i khams 'du ba'ang rab tu shes so/ / 'dod pa'i khams chung ba'ang rab tu shes so// 'dod pa'i khams che ba rang rab tu shes so// 'dod pa'i khams tshad med pa'ang rab tu shes so// 'dod pa'i khams rnam par phye ba'ang
- 159b
rab tu shes so/ / gzugs kyi khams dang gzugs med pa'i khams chung ba'ang rab tu shes so// che ba'ang rab tu shes so// tshad med pa'ang rab tu shes so// rnam par phye ba'ang rab tu shes so// dekhams gsum rnam par spyad pa'i ye shes khong du chud pa mngon par bsgrubs pa'i ye shes kyi snang ba dang ldan la/ sems can gyi lus rab tu dbye ba la mkhas shing zhing gi lhun rnam par dbye ba ye shes la mkhas pas skye ba'i skye mched thams cad mngon par bsgrub pa la blo shin tu gdong ste/ de ni sems can yongs su smin par bya ba'i phyir sems can rnams kyi skye ba dang / yongs su grub pa ci 'dra ba de lta bur rang gi lus byin gyis rlob bo/ / de stong gsum gyi stong chen po'i 'jig rten gyi khams rgyas par bkang zhing / sems can gyi mos pa ji lta ba de bzhin du rang gi lus mig yor lta bu'i ye shes kyi rjes su 'brang bas skye bar bya ba'i phyir mngon par sgrub ste/ stong gsum gyi stong chen po'i 'jig rten gyi khams gnyis sam/ gsum mam/ bzhi'am/ lnga 'am/ bcu 'am/ nyi shu 'am/ sum cu 'am/ bzhi bcu 'am/ lnga bcu dag nas/ brjod du med pa'i yang brjod du med pa'i bar dag rgyas par bkang ste/ sems can gyi mos pa ji lta ba de bzhin du rang gi lus mig yor lta bu'i ye shes kyi rjes su 'brang bas skye bar bya ba'i phyir mngon par bsgrub bo/ / de de lta bu'i ye shes dang ldan pas sangs rgyas kyi zhing gcig nas kyang mi g.yo la/ sangs rgyas kyi zhing brjod du med pa
- 160a
dag gi de bzhin gshegs pa'i 'khor gyi dkyil 'khor dag tu 'ang snang bar phyin pa yin/ de sems can rnams kyi lus rnams kyi phye ba dang / mos pa dang / bsam pa ji lta ba bzhin du zhing de dang de dag dang / 'khor gyi dkyil 'khor de dang de dag tu de lta de ltar rang gi sras son te/ de dge sbyong ni 'khor gyi dkyil 'khor du dge sbyong gi kha dob dang gzugs ston to// bran na 'khor gyi dkyil 'khor du bram ze'i kha dog dang gzugs ston to/ / rgyal rigs kyi 'khor gyi dkyil 'khor du rgyal rigs kyi kha dog dang gzugs ston to// rje'u rigs kyi 'khor gyi dkyil 'khor du rje'u rigs kyi kha dog dang gzugs ston to/ / khyim bdag gi 'khor gyi dkyil 'khor du khyim bdag gi kha dog dang gzugs ston to// rgyal po chen po bzhi'i rigs kyi 'khor gyi dkyil 'khor du rgyal po chen po bzhi'i rigs kyi kha dog dang gzugs ston to/ / sum cu rtsa gsum pa'i 'khor gyi dkyil 'khor du sum cu rtsa gsum pa'i kha dog dang gzugs ston to// de bzhin du mtshe ma'i 'khor gyi dkyil 'khor dang dga' ldan gyi 'khor gyi dkyil 'khor dang / 'phrul dga'i 'khor gyi dkyil 'khor dang / gzhan 'phrul dbang byed kyi 'khor gyi dkyil 'khor dang / tshangs pa'i 'khor gyi dkyil 'khor nas/ 'og min gyi 'khor gyi dkyil 'khor gyi bar du de lta de lta bu'i kha dog dang gzugs ston to/ / de nyan thos kyis 'dul ba'i sems can rnams la nyan thos kyi lus dang / kha dog dang / gzugs ston to// rang sangs rgyas
- 160b
kyis 'dul ba'i sems can rnams la rang sangs rgyas kyi lus dang / kha dog dang / gzugs ston to// byang chub sems dpas 'dul ba'i sems can rnams la byang chub sems dpa'i lus dang / kha dog dang gzugs ston to/ / de bzhin gshegs pas 'dul ba'i sems can rnams la de bzhin gshegs pa'i sku dang / kha dog dang / sku gzugs ston to// kye rgyal ba'i sras dag/ de ltar sangs rgyas kyi zhing brjod med pa ji snyed pa de dag gi sems can rnams kyi mos pa rab tu mang ba de dag thams cad du rang gi lus de lta de ltar rnam par phye ba yongs su ston to/ / de lus kyi rnam par rtog pa dang // 'du shes thams cad dang rnam par bral ba ste/ lus mnyam pa nyid thob pas sems can gyi lus rab tu shes so// zhing gi lus dang / las kyi rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / ye shes kyi lus dang / chos kyi lus dang / nam mkha'i lus kyang rab tu shes so// des sems can rnams kyi sems dang bsam pa mngon par bsgrub pa yongs su shes pas 'dod na/ sems can gyi lus nam mkha'i lus su byin gyis rlob bo// de bzhin du zhing gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / ye shes kyi lus dang / chos kyi lus kyang nam mkha'i lus su byin gyis rlo po// des som
- 161a
can rnams kyi sems dang bsam pa mngon par bsgrub pa yongs su shes pas/ sems can gyi lus rang gi lus su byin gyis rlob bo// de bzhin du zhing gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / ye shes kyi lus dang / chos kyi lus dang / nam mkha'i lus kyang rang gi lus su byin gyis rlob bo/ / des sems can rnams kyi sems dang bsam pa mngon par bsgrub pa yongs su shes pas/ lus gang dang gang lus gang dang gang du 'dod pa de dang de'i lus su lus de dang de dag byin gyis rlob bo/ / de sems can gyi lus rnams kyi las kyi lus kyang rab tu shes so// rnam par smin pa'i lus dang / nyon mongs pa'i lus dang / gzugs kyi lus dang / gzugs med pa'i lus kyang rab tu shes so/ / zhing gi lus rnams kyi chung ba'i rang bzhin yang rab tu shes so// che ba dang / tshad med che ba dang / kun nas nyon mongs pa dang / rnam par dag pa dang / snrel zhi dang // spyi ru tshugs dang / gzhi mnyam par yang dag par 'jug pa dang / phyogs kyi dra ba rnam par dbye ba'ang rab tu shes so// las rnam par smin pa'i lus rnam par phye ba'i brda'ang rab tu shes so// de bzhin du nyan thos kyi lus rnam par phye ba'i brda dang / rang sangs rgyas kyi lus rnam par phye ba'i brda dang / byang chub sems dpa'i lus rnam par phye ba'i brda'ang rab tu shes so// de bzhin gshegs pa'i
- 161b
sku rnams kyi mngon par 'tshang rgya ba'i lus kyang rab tu shes so/ / smon lam gyi lus dang / sprul pa'i lus dang / byin gyi rlabs kyi lus dang / gzugs dang / mtshan dang / dpe byad bzang po'i rgyan gyi lus dang / 'od kyi lus dang / yid kyi rang bzhin gyi lus dang / bsod nams kyi lus dang / ye shes kyi lus dang / chos kyi lus kyi lus rab tu shes so// ye shes kyi lus rnams kyi shin tu rnam par dpyad pa nyid kyang rab tu shes so/ / yang dag pa ji lta ba bzhin du brtags pa'ang rab tu shes so// 'bras bu'i sbyor bas yang dag par gzung ba dang / 'jig rten pa dang / 'jig rten las 'das pa rnam par phye ba dang / theg pa gsum par dgod pa dang / thun mong dang / thun mong ma yin pa dang / 'byung ba dang / mi 'byung ba dang / slob pa dang / mi slob pa'ang rab tu shes so// chos kyi lus rnams kyi mnyam pa nyid kyang rab tu shes so/ / 'khrul pa med par rab tu shes so// gnas dang / brda dang / kun rdzob rnam par dgod pa dang / sems can dang sems can ma yin pa'i chos rnam par dgod pa dang / sangs rgyas dang chos dang / 'phags pa'i dge 'dun rnam par dgod pa'ang rab tu shes so// nam mkha'i lus rnams kyi tshad med pa nyid kyang rab tu shes so// thams cad kyi rjes su song ba dang / lus med pa dang nor ba med cing mtha' yas pa dang / gzugs mang po mngon zhing gsal bar byed pa'ang rab tu shes so// des lus kyi ye shes mngon par bsgrub pa de lta bu rab tu thob pas bskal pa brjod du med
- 162a
pa'i yang brjod du med par tshe byin gyis brlabs pa'i phyir tshe'i dbang rab tu 'thob bo/ / ting nge 'dzin shin tu rtogs pa'i ye shes la 'jug par bya ba'i phyir sems kyi dbang rab tu 'thob bo/ / 'jig rten gyi khams thams cad rgyan du mas rab tu brgyan cing shin tu klubs pa'i byin gyi rlabs yang dag par bstan pa'i phyir yo byad kyi dbang rab tu 'thob bo// las kyi rnam par smin pa'i byin gyi rlabs dus bzhin du ma nor bar bstan pa'i phyir las kyi dbang rab tu 'thob bo/ / 'jig rten gyi khams thams cad du skye ba yongs su bstan pa'i phyir skye ba'i dbang rab tu 'thob bo// sangs rgyas kyi zhing dang dus gang du ci dga' bar mngon par 'tshang rgya bar yang dag par bstan pa'i phyir smon lam gyi stobs rab tu 'thob bo/ / 'jig rten gyi khams thams cad sangs rgyas kyis rab tu gang ba yang dag par bstan pa'i phyir mos pa'i dbang rab tu 'thob bo/ / sangs rgyas kyi zhing thams cad du rdzu 'phrul dang / rnam par 'phrul pa yang dag par bstan pa'i phyir rdzu 'phrul gyi stobs rab tu 'thob bo// de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan dang dpe byad bzang po dang / mngon par 'tshang rgya ba yang dag par bstan pa'i phyir ye shes kyi dbang rab tu 'thob bo/ / mtha' dang dbus med pa'i chos kyi sgo snang ba yang dag par bstan pa'i phyir chos kyi dbang rab tu 'thob bo// de byang chub sems dpa'i dbang bcu po 'di dag tho ba ma thag nas bsam gyis
- 162b
mi khyab pa'i ye shes dang ldan pa yin/ tshad med pa'i ye shes dang ldan pa yin/ yangs pa'i ye shes dang ldan pa yin/ mi 'bogs pa'i ye shes dang ldan pa yin/ des de lta bu rjes su song zhing / de lta bu'i ye shes dang ldan pas lus kyi las kha na ma tho ba shin tu med pa yang dag par rgyu zhing 'byung ba yin/ dag gi las kha na ma tho ba shin tu med pa yang dag par rgyu zhing 'byung ba yin/ yid kyi las kha na mtho ba shin tu med cing ye shes sngon du 'gro ba/ ye shes rjes su 'brang ba/ shes rab kyi pha rol tu phyin pas dbang sgyur ba/ snying rje chen po sngon du 'gro ba'i thabs mkhas pas shin tu rnam par bye ba smon lam gyis shin tu mngon par bsgrubs pa/ de bzhin gshegs pa'i byin gyis shin tu brlabs pa/ sems can gyi don bya zhing sbyor ba rgyun ma chad pa/ 'jig rten gyi khams thams cad du rnam par phye ba yang dag par rgyu zhing 'byung ngo / / kye rgyal ba'i sras dag/ de la mdor bsdun byang chub sems dpa' sa mi g.yo ba 'di thob pa'i byang chub sems dpa'i lus dang / ngag dang / yid kyi las ni sangs rgyas kyi chos thams cad yang dag par sdud pa'i phyir yang dag par rgyu zhing 'byung ngo // de ltar des byang chub sems dpa'i sa mi g.yo ba 'di thob pas nyon mongs pa'i rgyu ba thams cad dang bral ba'i phyir bsam pa'i stobs shin tu brtan pa yin/ lam dang mi 'bral ba'i phyir lhag pa'i bsam pa shin tu brtan pa yin/ sems can gyi don yongs su mi stong pa'i phyir snying rje chen po
- 163a
stobs shin tu brtan pa yin/ 'gro ba thams cad yongs su skyob pa'i phyir byams pa chen po'i stobs shin tu brtan pa yin/ nyams pa med pa'i chos dang ldan pa'i phyir gzungs kyi stobs shin tu brtan pa yin/ sangs rgyas kyi chos thams cad rab tu dbye ba'i bye brag la mkhas pa'i phyir spobs pa'i stobs shin tu brtan pa yin/ 'jig rten gyi khams mtha' yas par spyod pa'i rnam pa la mkhas pas mngon par shes pa'i stobs shin tu brtan pa yin/ byang chub sems dpa'i bya ba thams cad yongs su mi gtong ba sa smon lam gyi stobs shin tu brtan pa yin/ sangs rgyas kyi chos thams cad yang dag par bsgrub pa'i phyir pha rol tu phyin pa'i stobs shin tu brtan pa yin/ thams cad mkhyen pa'i ye shes rnam pa thams cad du mngon du gyur pas de bzhin gshegs pa'i byin gyi rlabs kyi stobs shin tu brtan pa yin te/ de de lta bu'i stobs kyi shugs dang ldan pas bya ba thams cad kyang yang dag par ston la/ bya ba thams cad la kha na ma tho ba med pa yin// kye rgyal ba'i sras dag/ 'di ni byang chub sems dpa'i ye shes kyi sa brgya pa ste/ mi 'phrogs pa'i phyir mi g.yo ba zhes bya'o// ye shes mi zlog pa'i phyir mi 'gyur ba zhes bya'o// 'gro ba thams cad kyis shes par dka' bas na thob par dka' ba'i sa zhes bya'o// kha na ma tho ba med pa'i phyir gzhon nu'i sa zhes bya'o/ / bsam pa ji lta ba bzhin dbang sgyur ba'i skye ba'i sa zhes bya'o// gzod bya ba med pas yongs su rdzogs pa'i sa zhes bya'o// ye shes kyis rnam par dbye ba shin tu byas pas
- 163b
mthar thug pa'i sa zhes bya'o/ / smon lam shin tu mngon par bsgrub pas mya ngan las 'das pa'i sa zhes bya'o// gzhan gyis rnam par mi 'khrugs pas byin gyi rlabs kyis zhes bya'o// sngon gyi mtha' mngon par bsgrubs pas lhun gyis grub pa'i sa zhes bya'o/ / kye rgyal ba'i sras dag/ de ltar byang chub sems dpa' de lta bu'i ye shes mngon par bsgrubs pa dang ldan zhing / sangs rgyas kyi rigs kyi rjes su song ba/ sangs rgyas kyi yon tan gyis shin tu gsal bar gyur pa/ de bzhin gshegs pa'i spyod lam dang / spyod pa dang / tshul gyi rjes su song ba/ sangs rgyas kyi yul la mngon du gyur pa de ni rtag tu rgyun mi 'chad par de bzhin gshegs pa'i byin gyis shin tu brlabs pa yin/ brgya byin dang / tshangs pa dang / 'jig rten mgon pos rab tu bsu ba yin/ lag na rdo rje rtag par rjes su 'brang ba yin/ ting nge 'dzin gyi stobs yongs su ma gtang ba yin/ lus rnam par phye ba tshad med pa mngon par grub pa yin/ lus kyi spyod pa'i stobs thams cad ldan pa yin/ mngon par shes pa chen po ri rnam par smin pa yongs su rdzogs pa yin/ ting nge 'dzin mtha' yas pa la dbang sgyur ba yin/ lung bstan pa tshad med pa yang dag par nod pa yin/ yongs su smin pa'i tshul bzhin du 'gro ba rnams la mngon par 'tshang rgya ba yongs su ston pa yin te/ de de lta bu'i sa dang ldan zhing theg pa chen po'i dkyil 'khor la rab tu zhugs pa/ shin tu rnam par dpyad pa'i ye shes mngon par shes pa chen po dang ldan pa// rtag tu rgyun mi 'chad
- 164a
par shes rab snang ba'i 'od zer gtong ba/ chos kyi dbyings chags pa med pa'i lam du zhugs pa/ 'jig rten gyi khams kyi las rnam par dbye ba la mkhas pa/ yon tan gyi rnam pa thams cad yang dag par ston pa/ rang gi sems bskyed pa la dbang sgyur ba/ sngon gyi mtha' dang phyi ma'i mtha' shin tu rtogs pa'i ye shes can/ bdud kyi lam thams cad yongs su bzlog pa'i ye shes dang ldan pa/ de bzhin gshegs pa'i yul dang spyod yul gyi rjes su zhugs pa'i ni 'jig rten gyi khams 'byam klas shing mu med pa dag tu byang chub sems dpa'i spyod pa phyir mi ldog pa'i tshul gyis spyod pa de'i phyir/ byang chub sems dpa' de ni byang chub sems dpa'i sa mi g.yo ba thob pa yin zhes bya'o// kye rgyal ba'i sras dag/ de la byang chub sems dpa'i sa mi g.yo ba thod pa'i byang chub sems dpa' ni ting nge 'dzin gyi stobs kyis mngon par bsgrubs pas/ rtag tu rgyun mi 'chad par de bzhin gshegs pa mtha' yas pa mthong ba dang mi 'bral ba yin/ sangs rgyas mthong ba mchod cing bsnyen bkur brgya chen po'ang yongs su mi gtong ste/ de bskal pa re re dang / 'jig rten gyi khams 'byam klas pa re re dag tu'ang sangs rgyas du ma dang / sangs rgyas brgya phrag du ma dang / sangs rgyas stong phrag du ma dang sangs rgyas brgya stong phrag du ma dang / sangs rgyas bye ba brgya stong phrag du ma dang / sangs rgyas khrag khrig du ma dang / sangs rgyas khrag khrog brgya phrag du ma dang / sangs rgyas khrag khrig stong phrag du ma dang / sangs rgyas
- 164b
khrag khrig brgya stong phrag du ma dang / sangs rgyas bye ba khrag khrig brgya stong phrag du ma la rim gro byed do// bkur sti byed do// bsti stang byed do// mchod pa byed do// mchod pa mngon par bsgrub pa'i rnam pa thams cad kyang yang dag par 'bul lo/ / de bzhin gshegs pa de dag la bsnyen bkur byed cing // 'jig rten gyi khams rnam par dbye ba sngon du 'gro ba'i chos snang ba nye bar bsgrub pa'ang yang dag par len to// de sngon pas kyang de bzhin gshegs pa'i chos kyi mdzod rab tu thob pas 'jig rten gyi khams rnam par phye ba yongs su dris pa shin tu bstan pas mi 'phrogs pa yin/ de'i dge ba'i rtsa ba de dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du ma shin tu byung ba dang / yongs su dag pa dang / shin tu 'od gsal zhing dang bar gnas pa yin/ / kye rgyal ba'i sras dag 'di lta ste/ dper na gser gyi sa le sbram de nyid mgar ba mkhas pas des yongs su zin par gyur nas/ 'dzam bu'i gling gi bdag po'i mgul lam mgo la btags na/ sems can 'dzam bu'i gling pa thams cad kyi rgyan gyi rnam pa kun gyis mi thub mi 'phrogs pa yin/ kye rgyal ba'i sras dag/ de bzhin du byang chub
- 165a
sems dpa'i sa mi g.yo ba 'di la gnas pa'i byang chub sems dpa'i dge ba'i rtsa ba de dag nyan thos dang rang sangs rgyas thams cad nas/ byang chub sems dpa'i sa bdun pa la gnas pa'i byang chub sems dpa' rnams kyi bar gyis kyang mi 'phrogs pa yin/ byang chub sems dpa'i sa 'di dang ldan pa'i byang chub sems dpa'i ye shes kyi 'od chen po ni ye shes kyi sgo shin tu rnam par phye bas sems can rnams kyi nyon mongs pa'i mun pa rab tu sel to/ / kye rgyal ba'i sras dag 'di lta ste/ dper na stong la dbang ba'i tshangs pa ni stong gi 'jig rten gyi khams byams pas bkang zhing 'od kyis snang bar byed do/ / kye rgyal ba'i sras dag/ de bzhin du byang chub sems dpa'i sa mi g.yo ba la gnas pa'i byang chub sems dpa' yang sangs rgyas kyi zhing brgya stong phrag bcu'i rdul shin tu phra ba snyed kyi bar gyi 'jig rten gyi khams snang bas rgyas par bkang zhing / sems can rnams kyi nyon mongs pa'i yongs su gdung ba mthar gyis zhi bar byed do// lus kyang shin tu tshim par byed do/ / de'i pha rol tu phyin pa bcu las smon lam gyi pha rol tu phyin pa'i shas che ba yin te/ lcags rnams kyang ci tshul ci nus su yang dag par mi sgrub pa ma yin no// me rgyal ba'i sras dang/ 'di ni byang rung sems dpa'i sa mi g.yo ba zhes bya ba ste/ byang chub sems dpa'i sa brgyad pa mdor bstan pa'o// rgya cher ni bskal pa mu med pas bstan pa'i mthar thug par shes par bya'o// de la gnas parda
- 165b
byang chub sems dpa' ni phal cher stong gi bdag po tshangs pa chen por gyur te/ gzhan la zil gyis gnon cing / gzhan gyi zil gyis mi non pa dang / don mthong zhing dbang thob par gyur te/ sems can rnams la nyan thos dang / rang sangs rgyas dang / byang chub sems dpa'i pha rol tu phyin pa ston pa la mkhas shing mthu yod pa yin/ 'jig rten gyi khams rnam par phye ba yongs su dris pas mi 'phrogs pa yin// de sbyin pa 'am/ ngag snyan pa'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang // pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam pang cig tu ting nge 'dzin stong gsum brgya stong phrag bcu'i rdul shin tu phra ba snyed rab tu 'thob cing
- 166a
de dag la snyoms par 'jug pa dang / sangs rgyas stong gsum brgya stong phrag bcu'i rdul shin tu phra ba snyed mthong ba dang / de dag gi byin gyi rlabs kyang yang dag par shes pa dang / 'jig rten gyi khams stong gsum brgya stong phrag bcu'i rdul shin tu phra ba snyed skyod pa dang / sangs rgyas kyi zhing stong gsum brgya stong phrag bcu'i rdul shin tu phra ba snyed du 'gro ba dang / 'jig rten gyi khams stong gsum brgya stong phrag bcu'i rdul shin tu phra ba snyed snang bar bya ba dang / sems can stong gsum brgya stong phrag brgya stong phrag bcu'i rdul shin tu phra ba snyed yongs su smin par bya ba dang / bskal pa stong gsum brgya stong phrag bcu'i rdul shin tu phra ba snyed du gnas par bya ba dang / sngon gyi mtha' dang / phyi ma'i mtha' bskal pa stong gsum brgya stong phrag bcu'i rdul shin tu phra ba snyed la rab tu 'jug pa dang / chos kyi sgo stong gsum brgya stong phrag bcu'i rdul shin tu phra ba snyed rnam par 'byed pa dang / lus stong gsum brgya stong phrag bcu'i rdul shin tu phra ba snyed yongs su bstan pa dang / lus re re la'ang byang chub sems dpa'i 'khor stong gsum brgya stong phrag bcu'i rdul shin tu phra ba snyed yang dag par bstan par bya ba'i phyir/ brtson 'grus kyi rnam pa de lta bu rtsom mo// de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa 'am/ mngon par
- 166b
'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma'i bar gyis bgrang bar dka' 'o// de nas byang chub sems dpa' rdo rje'i snying pos sa'i don 'di nyid yang brtan par bya ba dang / bstan par bya ba'i phyir de'i tshe tshigs su bcad pa 'di dag smras so// de dag sa bdun shes rab thabs kyi sa lam sbyangs shing shin tu tshogs bsags smon lam chen por btab pa/ mi yi dam pas byin brlabs dge ba'i rtsa ldan zhing / ye shes mngon 'dod mkhas pa brgyad pa yongs su gnon// bsod nams ye shes nye bsags snying rje byams ldan zhing / / tshad med sems kyi rjes song mkha' dang 'dra ba'i blo// drang srong chen po chos thos rtogs pa'i stobs ldan pa/ mi skye'i bzod pa phra zhing zhi ba rab tu 'thob// snga nas ma skyes mi skye mtshan nyid med pa dang / ma byung 'jig pa med cing rgyu ba med pa dang / dngos po skye 'jig med pa'i de nyid rtog med pa/ yid dang sems kyi rgyu ba med cing nam mkha' 'dra// de dag 'di 'dra'i bzod ldan spros pa med gyur pa'i/ mkhas pa zab spyod zhi ba'i gnas rab thob pa yin// dgra bcom rang rgyal 'gro ba kun gyis shes par dka'// mtshan ma sna tshogs 'dzin pa'i 'du shes rnam par bsal/ de ltar gnas pa'i yid dang sems dang rtog pa med// dge slong 'gog dang ldan ltar rnam par mi rtog thob// rmi lam chus khyer gnyid sad bzhin du rtsom dang bral// tshangs pa'i gnas kyi 'dod pa rdza
- 167a
bzhin gnyis kyang med/ / sngon gyi byin gyis bde gshegs yang dag sprul pa mdzad// 'di ni bde gshegs dbang bskur bzod pa dam pa ste// nged kyi ye shes stobs yangs sangs rgyas chos kyi rnams/ / de dag khyod la med kyis de la brtson 'grus rtsom// ci phan khyod kyi nyon mongs 'bar ba kun zhi yang / 'jig rten nyon mongs mes tshig de dag mi lta 'am// sems can phan phyir spyad pa'i sngon gyi smon lam soms/ / 'gro ba mthar rgyur ye shes don zhugs shes par gyis// chos nyid de bzhin nyid 'di mi rtog rtag tu 'dug/ sa 'di rgyal ba nyan thos rang rgyal kun gyi ste/ 'di ni 'jig rten dag tu stobs bcur mi brjod do// gzhan du ye shes yangs pa dus gsum tshad kyis brjod// de ltar de la mtshungs med lha dang mis mchod pa// ye shes sgo mo rnam mang nye bar bsgrub pab mdzad/ / rgyal ba'i chos sgrub pha rol mtha' yas bzhugs mdzad pa// de la sngon gyi byang chub spyod pas char mi 'gro// khyu mchog de dag ye shes sa mchog 'di thob nas// phyogs rnams kun tu skad cig gcig gis rgyas 'gengs pa/ / ye shes zhugs dang ldan zhing mngon shes mchog thob pas// rgya mtsho cher byin gru chen rlung gis bkur ba bzhin// ched du bskyod sems bral zhing ye shes las la gnas/ / zhing rnams 'byung zhing gnas pa rnam par dpyod pa byed// khams rnams bzhi po kha dog pa dngan yangs pa dang // phra zhing che dang rnam par phye la yang dag 'jug/ stong gsum shin tu rdul phra kun
- 167b
la 'jug byed de/ / khams bzhi 'gro ba'i lus can rnam par phye ba dang // rgyud drug rin chen rnam par phye ba'i rdul phran rnams// rnam par phye zhing ye shes yul gyis ma lus bgrang // ye shes rnam sgoms yid ldan lus rnams thams cad du/ / 'gro ba'i don phyir rang gi lus rnams gzud par byed// stong gsum thams cad sna tshogs gzugs kyis khyab byas shing // 'jig rten mtha' yas dag tu sna tshogs lus kyang ston/ bar snang mkha' la nyi zla rlung gi rgyu 'gro yang // so so'i dkyil 'khor gzugs brnyan chud dkyil rab tu snang // de bzhin mi g.yo'i chos la ye shes dam pas rgyu// bsam dag 'gro ba rnams la mkhas pa'i gzugs brnyan snang / / 'gro ba'i bsam pa bzhin du lus kyi rnam phye ba// mi dang lha yi 'khor rnams kun tu ston par byed// nyan thos rang rgyal bde gshegs sras kyi lus rnams dang / bde bar gshegs sku yan lag brgyad pa rab tu ston/ / sems can zhing dang de bzhin las kyi rnam smin lus// 'phags lus sna tshogs de bzhin chos dang ye shes lus// nam mkha'i lus dang mnyam pa nyid du khyu mchog ldan// rdzu 'phrul sna tshogs 'gro ba tshim par bya phyir ston// dbang bcur dri ma med pa'i ye shes dpyod pa thob// ye shes dpyod dang las rnams snying rje mthun pa'ang thob// las rnams ji snyed rgyal ba'i chos rnams yongs su bsgrub/ / sdom pa gsum la gnas shing mi g.yo ri rab bzhin// rgyal sras rnams kyi stobs bcu bskyod par mi nus pa// de dag kun ldan bdud rnams kun gyi yong mi zlogs/
- 168a
sangs rgyas byin rlabs brgya byin rangs pas phyag kyang bya// lag na rdo rje'i dpung rnams rtag tu phyi bzhin 'brang // sa phyogs 'di la gnas pa'i yon tan mtha' yas te// de dag bskal pa khrag khrig stong gis zad mi nus/ / de dag sangs rgyas bye ba bsnyen bkur yang byed pas// rgyal po'i mgo la 'dug pa'i rgyan bzhin shin tu gsal// sa phyogs 'di nas byang chub sems dpa' shes ldan pa/ / stong gi bdag po tshangs chen yon tan mang por 'gyur// theg pa gsum ston yongs su mi 'khrugs mi 'phrogs te// 'od bzangs byams pa'i bsam pas 'gro ba'i nyon mongs sel/ skad cig gcig tu stong phrag bcu bzhi'i zhing rnams kyi// rdul khams ji snyed de snyed ting 'dzin ldan pa thob// phyogs bcu'i sems can gtso bo de snyed mang po mthong // yan chad smon lam mchog gi rgyan can gcig min no/ / 'di ni mdor bsdus rgyal sras kyi// sa brgyad shin tu bstan pa ste// rgya chen bskal pa bye bar yang // thams cad mthar phyin mi nus so// byang chub sems dpa'i sa brgyad ba ste/ mi g.yo ba zhes bya ba'o// / bam po lnga bcu rtsa gcig pa// sa mi dam pa 'di bshad tshe// de bzhin gshegs pa'i byin rlabs kyis/ tshad med bsam gyis mi khyab pa'i// bye ba'i zhing rnams g.yos par 'gyur// thams cad gzigs pa'i sku las kyang // 'od zer yid du 'ong ba bkye// des ni zhing rnams snang bar byas/
- 168b
sems can rnams kyang bde bar 'gyur// byang chub sems dpa' stong snyed kyang // bar snang gnas la 'khor gyur te// lha rdzas lhag pa'i mchod pa yis// gsung ba'i mchog la mchod pa byed// lha yi rgyal po dbang phyug dang // dbang sgyur rnams kyang dga' bar gyur// mchod pa rnam pa sna tshogs kyis// yon tan rgya mtsho mchod pa byed// de nas lha yi bu mo stong // dga' zhing dbang bo bder gyur pas/ / sbyar legs ston pa'i glu yi dbyangs// ston pa mchod pa'i don du len// rol mo'i sgra dbyangs de dag las// drang srong chen po'i byin rlabs kyis// 'di 'dra'i sgra dbyangs stong snyed du/ / snyan pa'i dbyangs su grag par gyur// zhi dul rab zhi dri ma thams cad med zur cig/ sa yi mchog dang ldan pas spyod pa legs spyod pa// phyogs bcur 'gro la phan phyir spyod pa'i khru mchog rnams/ / mkha' dbyings 'dra ba'i yid kyis rgyal ba'i spyod pa ston// mi yi gnas dang lha yi gnas dang klu gnas su// phyogs bcur bsod nams stobs kyis rgyan rnams mang po byung / / de las yang du rgyal sras ye shes la ma mos pa// rgyal ba'i yon tan bsngags pa rgya chen rab tu ston// zhing gcig ma g.yos rdul med zhing rnams thams cad du// 'gro la phan byed zla ba lta bu'i 'od ldan pa/ / thams cad dbyangs su 'du shes sems zhi yid rab kyis// so so skad bzhin sgra skad brgya yang rnam par brjod// sems can gang rnams blo zhan sems yid dmar gyur pa
- 169a
de la mkhas pa khyu mchog nyan thos spyod pa ston/ / sems can gang rnams sems rno rang rgyal theg brtson pa// de la rdul med rang rgyal theg pa'i ye shes ston// sems can gang rnams pan sems snying rje brtse yid can/ / de la de dag rgyal sras spyod pa'i mchog kyang ston// sems can gang rnams blo mchog dam pa'i yid mos pa// de la mkhas pa tshad med sangs rgyas sku ston to/ / ji ltar sgyu mkhan 'gro ba rnams la sgyu ston pa// lus mang bye ba sna tshogs de dag dngos po med// de bzhin rgyal sras mkhas pa ye shes sgyu mkhas pa// spyod pa thams cad ston kyang de dag dngos po med/ / 'di 'dra'i sgra skad brgya stong du// snyan pa'i dbyangs su brjod byas nas// lha yi bu mo mi smra bar// zhi la mos pas rgyal ba lta// 'khor rnams rnam par dang bas na// bde gshegs sras la yang smras pa/ / dam chos spyod pa'i spyod pa rnams// brgyad pa'i gong du yang gsungs shig/ byang chub sems dpa' rdo rje'i snying po sa smras pa/ kye rgyal ba'i sras dag/ de ltar byang chub sems dpa' byang chub sems dpa'i sa brgyad pa la gnas pa ni de lta bu'i blo tshad med pa'i ye shes kyis rnam par dpyad pas de nas gong du rnam par thar pa zhi ba la mos par zhe non cing / de nas gong du de bzhin gshegs pa'i ye shes shin tu rdzogs par rnam par dpyad pa dang / de bzhin gshegs pa'i gsang ba'i rjes su 'jug par bya ba la 'jug pa dang / ye shes bsam gyis mi khyab pa'i
- 169b
che ba nyid rnam par dbye ba dang / gzungs dang ting nge 'dzin rab tu dbye ba yongs su sbyang ba dang / mngon par shes pa rgya chen po mngon par bsgrub pa dang / 'jig rten gyi khams rnam par dbye ba khong du chud par bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa yongs su mi 'phrogs pa sbyang bar bya ba dang / de bzhin gshegs pa'i chos kyi 'khor lo bskor ba dang / khyu mchog gi mthu phyung ba'i rjes su 'brang bar bya ba dang / snying rje chen po'i mthu phyung ba yongs su mi gtong bar byed pas/ byang chub sems dpa'i sa dgu pa yongs su gnon te/ de byang chub sems dpa'i sa 'di la gnas pa'i tshe/ dge ba dang / mi dge ba dang / lung du ma bstan pa'i chos mngon par 'du bya ba yang dag pa ji lta ba bzhin du rab tu shes so// zag pa dang bcas pa dang zag pa med pa'i chos mngon par 'du bya ba dang / 'jig rten pa 'am 'jig rten las 'das pa'i chos mngon par 'du bya ba dang / bsam pa dang bsam du med pa'i chos mngon par 'du bya ba dang / nges pa dang ma nges pa'i chos mngon par 'du bya ba dang / nyan thos dang rang sangs rgyas kyi chos mngon par 'du bya ba dang / byang chub sems dpa'i spyod pa'i chos mngon par 'du bya ba dang / de bzhin gshegs pa'i sa'i chos mngon par 'du bya ba dang / 'dus byas kyi chos mngon par 'du bya ba dang / 'dus ma byas pa'i chos mngon par 'du bya ba la yang yang dag par ji lta ba bzhin du
- 170a
rab tu shes so/ / de de lta bu'i shes par bya ba khong du chud pa'i blos sems can thams cad kyi sems thibs po rab tu rgyu ba yang dag pa ji lta ba bzhin du rab tu shes te/ nyon mongs pa thibs po rab tu rgyu ba dang / las thibs po rab tu rgyu ba dang / dbang po thibs po rab tu rgyu ba dang / mos pa thibs po rab tu rgyu ba dang / khams thibs po rab tu rgyu ba dang / bsam pa dang bag la nyal ba'i thibs po rab tu rgyu ba dang / skye ba'i thibs po rab tu rgyu ba dang / bag chags kyi mtshams sbyor ba'i thibs po rab tu rgyu ba dang / phung po gsum du rnam par gnas pa thibs po rab tu rgyu ba yang dag par ji ltarab bzhin du rab tu shes so/ / de ni sems can rnams kyi sems rnam pa tha dad pa yang dag pa ji lta ba bzhin du rab tu shes te/ sems rnam pa sna tshogs dang / sems skad cig tu myur du 'gyur zhing 'jig pa dang / mi 'jig pa dang / sems lus med pa dang / sems mtha' yas shing thams cad du dbang byed pa dang / sems 'od gsal zhing dang ba dang / sems nyon mongs pa dang bcas pa dang / nyon mongs pa med pa dang / sems bcings pa dang / rnam par grol ba dang / sems sgyu ma lta bur rnam par bsgrub pa dang / sems 'gro ba'i rgyud ji lta ba bzhin du nye bar gnas pa nas/ sems rnam pa sna tshogs stong phrag du ma'i bar du yang dag pa ji lta ba bzhin du rab tu shes so/ / de ni nyon mongs pa rnams ring du song ba yang dag pa ji lta ba bzhin du rab tu shes te/ sbyor ba mtha' yas pa dang / lhan cig skyes shing tha mi dang
- 170b
pa dang / bag la nyal ba dang / kun nas 'khor ba'i gnas gcig pa dang / sems dang ldan pa dang / mi ldan pa dang / skye ba'i mtshams sbyor ba dang / lam gyi rgyud ji lta ba bzhin du nye bar gnas pa dang / khams gsum rnam par phye ba dang / sred pa dang / ma rig pa dang / lta ba'i zug rngu dang / nga rgyal dang / gti mug gi kha na ma tho ba chen po dang / las rnam pa gsum gyi gzhi rgyun mi 'chad pa nas/ mdor bsdu na nyon mongs pa'i rgyud stong phrag brgyad cu rtsa bzhi'i bar du rjes su 'jug par bya ba yang dag pa ji lta ba bzhin du rab tu shes so/ / de ni las dge ba dang / mi dge ba dang / lung du ma bstan pa yang dag pa ji lta ba bzhin du rab tu shes so/ / rnam par dmigs pa dang / rnam par mi dmigs pa dang / sems dang lhan cig tu skyes shing tha mi dad pa dang / rang gi rang gis skad cig tu rgyus 'byung zhing 'jig la 'bras bu rung mi za bar mtshams 'byor pa dang / rnam par smin pa yod pa dang / rnam par smin pa med pa dang / nag po dang / dkar po dang / mi dkar mi gnag pa dang / phyogs du ma'i las yongs su len pa rnam pa tha dad pa dang / las kyi zhing tshad med pa dang / 'phags pa dang 'jig rten pa rnam par phye ba dang / 'jig rten las 'das pa'i chos rnam par dgod pa dang / nye bar len pa dang bcas pa dang / nye bar len pa med pa dang / 'dus byas dang / 'dus ma byas pa dang / tshe 'di dang / skye ba dang / rgyud gzhan du tshor bar 'gyur ba dang / theg pa dang / theg pa ma yin par nges pa dang mangs pa nas/
- 171a
las rnam pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so// de ni dbang po zhan pa dang / 'bring dang / rab rnams yang dag pa ji lta ba bzhin du rab tu shes te/ / sngon gyi mtha' dang / phyi ma'i mthar tha dad pa dang / tha mi dad pa dang / yangs pa dang / 'bring dang / tha ma dang / nyon mongs pa dang / lhan cig tu skyes shing tha mi dad pa dang / theg pa dang / theg pa ma yin par nges pa dang / mnges pa dang / yongs su smin pa'i tshul bzhir du 'dul ba dang / dbang po'i dra ba'i rjes su 'brang zhing myur du 'jig pa dang / mtshan mar 'dzin pa dang / dbang po'i dbang gzhan gyis mi thul ba dang / dbang po'i rnam pa phyir bzlog tu rung ba dang / phyir bzlog tu mi rung ba dang / ring du song ba dang / lhan cig skyes pa rnam pa sna tshogs tha dad pa nas/ dbang po rnam pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so// de ni mos bzhan pa dang / 'bring dang / rab rnams yang dag pa ji lta ba bzhin du rab tu shes pa nas/ dbang po'i tshul bzhin du mos pa rnam pa bdad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so// de ni khams pan dang / 'bring dang / rab rnams yang daH/ pa ji lta ba bzhin du rab tu shes pa nas/ khams rnams pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so// de ni bsam pa thas dang / 'bring dang / rab rnams yang dag paji
- 171b
lta ba bzhin du rab tu shes pa nas/ bsam pa rnam pa tha dad pa stong phrag du ma'i bar du yang dag pa ji lta ba bzhin du rab tu shes so// de ni bag la nyal ba rnams bsam pa dang lhan cig skyes pa dang / sems dang lhan cig skyes pa dang / sems dang ldan pa dang / sems dang mi ldan pa dang / ring du song ba dang / thog ma med pa nas gud du ma bskyod pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa bzod par dka' ba dang / khams gsum pa'i mtshams shin tu sbyor ba dang / thog ma med pa'i dus kyi sems kyi rgyud kun tu rgyu bar byed pa dang / skye ba'i sgo kun nas 'byung ba rnam par dmigs par byed pa dang / gnyen po thob pas dngos por mi 'gyur pa dang / sa'i skye mched dang phrad pa dang / mi 'phrad pa dang / 'phags pa'i lam tha dad pa med pas yang dag par bsal ba yang dag pa ji lta ba bzhin du rab tu shes so/ / de ni skye ba rnam pa tha dad pa yang dag pa ji lta ba bzhin du rab tu shes te/ las ji lta ba bzhin du skye ba dang / sems can dmyal dang / byol song dang / yi dgas dang / lha ma yin dang / mi dang / lha'i gnas rnam par dgod pa dang / gzugs dang gzugs med par skye ba dang / 'du shes yod pa dang 'du shes med par skye ba dang / las kyi zhing dang / sred pa'i rlan dang / ma rig pa'i mun pa dang / rnam par shes pa'i sa bon gyis yang srid pa rab tu 'byung ba dang / ming dang gzugs lhan cig/
- 172a
skyes shing tha mi dad pa dang / srid par mgo yung khyer zhing sred pas mngon par mos pa'i mtshams sbyor ba dang / spyod par 'dod pa dang / 'byung bar 'dod pa dang / sems can la mos pa dang / thog ma dang / tha ma med pa dang / khams gsum pa yongs su 'dzin pa dang / srid pa nyid gi mtshams sbyor ba yang dag pa ji lta ba bzhin du rab tu shes so// de ni bag chags rnams rgyu ba dang / mi rgyu ba yang dag pa ji lta ba bzhin du rab tu shes te/ lam gyi rgyud gang dang ji ltar 'brel ba'i bag chags kyis bsgos pa dang / sems can spyan pa spyod pa ji lta ba bzhin du bsgos pa dang / las dang nyon mongs pa la goms pa ji lta ba bzhin du bsgos pa dang / dge ba dang / mi dge ba dang / lung du ma bstan pa'i las la goms pas bsgos pa dang / yang srid par 'gro bar bsgos ba dang / mthar gyis bsgos pa dang / ring du song zhing rgyun mi 'chad pa dang / nyon mongs pa bsal bas bsgos pa dang / dngos por gyur pa dang / dngos por ma gyur pas bsgos pa dang / nyan bos dang / rang sangs rgyas dang / byang chub sems dpa' dang / de bzhin gshegs pa mthong zhing thos pas bsgos pa yang dag pa ji lta ba bzhin du rab tu shes so// de ni sems can gyi phung po yang dag par nges pa dang / log par nges pa dang / gnyis kar ma nges pa yang dag pa ji lta ba bzhin du rab tu shes te/ yang dag par lta bas yang dag par nges pa dang / log par
- 172b
lta bas log par nges pa dang / de gnyis ka dang bral bas ma nges pa dang / mtshams med pa lnga la sa gang yang rung bar log par nges pa dang / dbang po lngar yang dag par nges pa dang / de gnyis ka dang bral bas ma nges pa dang / log pa brgyad du log par nges pa dang / yang dag pa la yang dag par nges pa dang / phyis byar med pa dang / de gnyis ka dang bral bas ma nges pa dang / ser sna dang phrag dog dang / snying mi brtse ba la nye bar spyod pa ma btang bas log par nges pa dang / 'phags pa bla na med pa'i lam bsgoms pas yang dag par nges pa dang / de gnyis ka dang bral bas ma nges pa'i phung por bstan pa yang dag pa ji lta ba bzhin du rab tu shes so/ / kye rgyal ba'i sras dag/ de ltar de lta bu'i ye shes dang ldan pa'i byang chub sems dpa' ni byang chub sems dpa'i legs pa'i blo gros la rab tu gnas pa zhes bya ste/ byang chub sems dpa'i sa legs pa'i blo gros 'di la gnas pa'i byang chub sems dpa' de na sems can gyi spyod pa rnam pa tha dad pa de lta bu dag yongs su shes nas/ de'i tshul bzhin du thar pa nye bar bsgrubs pa nye bar bsgrub bo// de sems can yongs su smin par bya ba'ang yang dag pa ji lta ba bzhin du rab tu shes te/ sems can gdul ba dang / nyan thos kyi theg pa bstan pa dang / rang sangs rgyas kyi theg pa bstan pa dang / byang chub sems dpa'i theg pa bstan pa dang / de bzhin gshegs pa'i sa bstan pa yang dag pa ji lta ba bzhin du rab tu shes so//
- 173a
des de ltar shes nas sems can rnams la yang dag pa ji lta ba bzhin du chos ston te/ bsam pa rnam par dbye ba'i tshul ji lta ba dang / bag la nyal ba rnam par dbye ba'i tshul ji snya pa dang rnga dbang po rnam par dbye ba'i tshul ji lta ba dang / mos pa rnam par dbye ba'i tshul ji lta ba dang / spyod yul rnam par dbye ba'i tshul ji lta ba bzhin du ye shes nye bar bsgrub pa dang / spyod yul thams cad kyi rgyus khong du chud pa dang / khams thibs po yongs su rgyu ba'i tshul ji lta ba bzhin du rjes su 'brang bar bya ba dang / skye ba dang nyon mongs pa'i las kyi bag chags rnam pa gang dang gang yod pa phyir bzlog par bya ba dang / phung po rnam par dgod pa'i tshul ji lta ba bzhin du tshul dang sbyar ba dang / theg pa gang la mos pa'i rnam par thar pa thob par bya bas chos ston te/ de ltar byang chub sems dpa'i sa legs pa'i blo gros 'di la gnas pa'i byang chub sems dpa' ni chos smra ba chen po'i go 'phang la gnas shing / de bzhin gshegs pa'i chos kyi mdzod yongs su srung ba yin/ de chos smra ba'i tshul dang ldan pas ye shes la mkhas pa tshad med pa'i rjes su song zhing tha dad pa yang dag par shes pa bzhis mngon par bsgrubs pa'i byang chub sems dpa'i tshig gis chos ston te/ de la byang chub sems dpa'i tha dad pa yang dag par shes pa bzhi rtag tu rgyur mi 'chad cing sa 'dres par yang dag par 'byung ngo / / bzhi gang zhe na/ 'di lta ste/ chos tha dad pa yang dag par shes pa dang / don tha dad pa yang dag par shes pa dang /
- 173b
nges pa'i tshig tha dad pa yang dag par shes pa dang / spobs pa tha dad pa yang dag par shes pa'o// de chos tha dad pa yang dag par shes pas chos rnams kyi rang gi mtshan nyid rab tu shes so// don tha dad pa yang dag par shes pas chos rnams kyi rnam par dbye ba rab tu shes so/ / nges pa'i tshig tha dad pa yang dag par shes pas chos rnams ma 'dres par bstan pa rab tu shes so// spobs pa tha dad pa yang dag par shes pas chos rnams mthun par rjes su mtshams sbyar ba rgyun mi 'chad pa rab tu shes so/ / gzhan yang chos tha dad pa yang dag par shes pas chos rnams kyi rang bzhin med pa rab tu shes so// don tha dad pa yang dag par shes pas chos rnams kyi 'byung ba dang 'jig pa rab tu shes so// nges pa'i tshig tha dad pa yang dag par shes pas chos thams cad rnam par dgod pa rgyun chad pa med par chos ston to/ / spobs pa tha dad pa yang dag par shes pas ji ltar rnam par dgod pa bzhin du 'khrugs pa med pa mtha' yas pas chos ston to// gzhan yang chos tha dad pa yang dag par shes pas da ltar 'byung ba'i chos rnam par dbye ba rab tu shes so/ / don tha dad pa yang dag par shes pas 'das pa dang ma 'ongs pa'i chos rnam par dbye ba rab tu shes so// nges pa'i tshig tha dad pa yang dag par shes pas 'das pa dang / ma 'ongs pa dang / da ltar byung ba ma 'dres par chos ston to// spobs pa tha dad pa yang dag par shes pas dus re re zhing chos kyi snang ba mu med par chos ston to// gzhan yang chos tha
- 174a
dad pa yang dag par shes pas chos kyi bye brag rab tu shes so/ / don tha dad pa yang dag par shes pas don gyi bye brag rab tu shes so// nges pa'i tshig tha dad pa yang dag par shes pas skad ji lta ba bzhin du bstan pas chos ston to/ / spobs pa tha dad pa yang dag par shes pas bsam pa ji lta ba bzhin du shes pas chos ston to// gzhan yang chos tha dad pa yang dag par shes pas chos kyi rgyus rnam par dbye ba ma 'dres pa mkhas par rab tu shes so/ / don tha dad pa yang dag par shes pas rjes su 'gro ba'i ye shes de bzhin nyid rnam par dgod pa rab tu shes so// nges pa'i tshig tha dad pa yang dag par shes pas kun rdzob kyi rgyas yang dag par bstan pas chos ston to/ / spobs pa tha dad pa yang dag par shes pas don dam pa'i rgyus la mkhas pas chos ston to// gzhan yang chos tha dad pa yang dag par shes pas chos rnams tshul gcig las mi 'gyur ba rab tu shes so/ / don tha dad pa yang dag par shes pas phung po dang / khams dang / skye mched dang / rten cing 'brel par dbyung ba mkhas par khong du chud par bya ba la yang dag par 'jug go/ nges pa'i tshig tha dad pa yang dag par shes pas 'gro ba thams cad mngon par smon pa'i sgra dbyangs shin tu snyan pa'i tshig gis chos sngon to/ / spobs pa tha dad pa yang dag par shes pas phyi phyir zhing dran pa mtha' yas pas chos ston to// gzhan yang chos tha dad pa yang dag par shes pas theg pa gcig la yang dag par gzhom parda dang
- 174b
pa rab tu shes so/ / don tha dad pa yang dag par shes pas theg pa rab tu rnam par phye ba'i rnam pa tha dad pa rab tu shes so// nges pa'i tshig tha dad pa yang dag par shes pas theg pa thams cad tha dad pa med par shin tu ston to/ / spobs pa tha dad pa yang dag par shes pas theg pa re re la'ang chos kyi snang ba mu med par shin tu ston to// gzhan yang chos tha dad pa yang dag par shes pas byang chub sems dpa'i spyod pa dang / ye shes kyi spyod pa dang / chos kyi spyod pa thams cad ye shes kyis khong du chud par bya ba la rab tu 'jug go// dom tha dad pa yang dag par shes pas sa bcu rnam par dgod cing shin tu bstan pa rnam par phye ba la yang dag par 'jug go/ / nges pa'i tshig tha dad pa yang dag par shes pas sa'i lam ji lta ba bzhin du nye bar bsgrub pa tha mi dad par yang dag par ston to// spobs pa tha dad pa yang dag par shes pas sa re re zhing rnam pa mu med pa yang dag par ston to/ / gzhan yang chos tha dad pa yang dag par shes pas de bzhin gshegs pa thams cad mtshan nyid gcig tu khong du chud par bya ba la rab tu 'jug go/ don tha dad pa yang dag par shes pas dus dang / dngos po dang / mtshan nyid rnam par phye ba sna tshogs khong du chud par bya ba rab tu shes so// nges pa'i tshig tha dad pa yang dag par shes pas khong du chud pa rnam par phye ba ji lta ba bzhin du bstan pa chos ston to/ / spobs pa tha dad pa yang dag par shes pas chos kyi tshig re re la'ang bskal pa mtha' yas par rgyun mi 'chad par chos ston to// gzhan yang chos tha dad pa yang dag par shes pas de bzhin gshegs
- 175a
pa thams cad kyi gsung dang / stobs dang / mi 'jigs pa dang / sangs rgyas kyi chos dang / byams pa chen po dang / lugs rje chen po dang / tha dad pa yang dag par mkhyen pa'i tshul dang / chos kyi 'khor lo bskor ba dang / thams cad mkhyen pa'i ye shes rtogs par bya ba rab tu shes so// don tha dad pa yang dag par shes pas sems can gyi spyod pa stong phrag brgyad cu rtsa bzhi dang / bsam pa ji ltar dang / dbang po ji lta ba dang / mos pa ji lta ba bzhin du de bzhin gshegs pa'i gsung rab tu shes so// nges pa'i tshig tha dad pa yang dag par shes pas sems can thams cad kyi spyod pa dang ma 'dres pa'i de bzhin gshegs pa'i gsung rjes su bsgrag pas chos ston to/ / spobs pa tha dad pa yang dag par shes pas de bzhin gshegs pa'i ye shes 'od gsal ba dang spyod pa'i dkyil 'khor la mos pas chos ston to// kye rgyal ba'i sras dag de ltar tha dad pa yang dag par shes pa'i ye shes de lta bu dang ldan pa'i byang chub sems dpa' de bzhin gshegs pa'i chos kyi mdzod thob cing / byang chub sems dpa sa dgu la gnas pa chos smra ba chen po'i go 'phang la gnas pa'i tshe/ don dang ldan pa'i gsungs rab tu thob pa yin/ chos dang ldan pa'i gsungs rab tu thob pa yin/ ye shes mngon par bsgrub pa dang ldan pa'i gzungs rab tu thob pa yin/ snang ba dang ldan pa'i gzungs rab tu thob pa yin/ blo gros bzang po dang ldan pa'i gzungs dang / dbyig dang ldan pa'i gsungs dang / grags pa ldan pa'i gzungs
- 175b
dang / gzi brjid dang ldan pa'i gzungs dang / rags pa med pa'i sgo'i gzungs dang / mtha' yas pa dang ldan pa'i gzung dang / don sna tshogs kyi mdzod dang ldan pa'i gzungs rab tu thob pa yin/ de gzungs de dag la sogs pa gzungs kyi sgo brgya stong grangs med pa phrag bcu yongs su tshangs par thob ste/ gzungs kyi sgo brgya stong grangs med pa phrag bcu dang ldan pa'i dbyangs kyi yan lag la mkhas pas de snyed du tshad med pa nyid dang ldan pa'i spobs pa rnam par bye ba'i sgos chos ston to/ / de de ltar tshad med pa'i gzungs kyi sgo brgya stong grangs med pas tshad med pa'i sangs rgyas bcom ldan 'das rnams las chos nyan cing thos nas kyang brjed par mi byed de/ / ji skad du thos pa'ang tshad med par rnam par phye bas shin tu ston to// de ni de bzhin gshegs pa gcig las gzungs kyi sgo brgya stong grangs med pa phrag bcus chos khong du chud par byed de/ de bzhin gshegs pa gcig las ji lta ba de bzhin du yang dag par rdzogs pa'i sangs rgyas mtha' yas pa las gzungs kyi sgo brgya stong grangs med pa phrag bcus chos khong du chud par byed do/ / de smon pa tsam gyis kyang yang dag par rdzogs pa'i sangs rgyas rnams las chos kyi sgo snang ba ches mang du yang dag par 'dzin gyi/ nyan thos shin tu mang du thos pa dang ldan pa zos pa 'dzin pa'i gzungs rab tu thob pa rnams kyis ni bskal pa brgya phrag stong du'ang gzung ba'i byor gyi rlabs kyis de ltar mi zin to/ / de ltar de lta bu'i gzungs thob cing
- 176a
spobs pa thob pas chos kyi gtam bya ba'i phyir 'dug na/ stong gsum gyi stong chen po'i 'jig rten gyi khams thams cad rgyas par bkang ste/ chos kyi stan la 'dug cing sems can rnams la bsam pa ji lta ba bzhin du rnam par phye zhing chos ston to/ / de'i chos kyi stan yang de bzhin gshegs pa dag dang / byang chub sems dpa' dbang bskur ba'i sa thob pa ma gtogs par thams cad las 'phags shing snang ba tshad med pa dang ldan pa yin/ de 'dod na chos kyi stan la 'dug cing dbyangs gcig gis 'khor thams cad du sgra skad sna tshogs rnam pa tha dad pas yang dag par go bar byed do/ / 'dod na sgra skad sna tshogs dang / dbyangs kyi yan lag tha dad pa rnam par phye bas/ 'khor thams cad mngon par go bar byed do// 'dod na 'od zer gyi sgo nye bar bsgrubs pas/ chos kyi sgo shin tu brjod do/ / 'dod na ba spu'i bu ga thams cad nas dbyangs rnam par phye ba shin tu brjod do// 'dod na stong gsum gyi stong chen po'i 'jig rten gyi khams na gzugs su snang ba ji snyed yod pa'i gzugs su snang ba de dag las chos kyi sgra 'byung bar byed do/ / 'dod na dbyangs kyi yan lag gcig gi sgras chos kyi dbyings thams cad khong du rung bar byed do// 'dod na sgra dang dbyangs thams cad chos kyi sgrar byin gyis rlob bo/ / 'dod na 'jig rten gyi khams thams cad yod pa'i glu dang / rol mo brdung ba dang / dkrol ba'i sgra thams cad las chos kyi sgra 'byung bar byed do// 'dod na yi ge gcig gi sgra
- 176b
las chos thams cad kyi tshig rab tu phye ba'i sgra 'byung bar byed do/ / 'dod na 'jig rten gyi khams mtha' yas shing brjod du med pa'i sa dang / chu dang / me dang / rlung kyi phung po rdul shin tu phra rab rnam par phye ba'i rdul shin tu phra ba re re las chos kyi sgo brjod du med pa 'byung bar byed do/ / gal te de la stong gsum gyi stong chen po'i 'jig rten gyi khams su gtogs pa'i sems can rnams 'ongs te/ skad cig yun tsam zang cig tu dri ba yongs su 'dri zhing / de dag re res kyang sgra rnam pa tha dad pa tshad med pas yongs su dris par gyur la/ gcig gis gang dris pa de gzhan mi 'dri bar gyur na'ang de la byang chub sems dpa' des sems can de dag thams cad kyi sgra tshig so so dang / yi ge'i 'bru yan chad ma lus par bzung ste/ bzung nas kyang tshig gcig mngon par brjod pas sems can de dag thams cad kyi sems dang bsam pa tshim par byed pa nas/ 'jig rten gyi khams brjod du med pa'i bar du gtogs pa'i sems can thams cad kyi skad cig zang cig yud tsam du dri ba yongs su dris te/ de dag re re zhing yang sgra rnam pa tha dad pa tshad med pas 'dri bar gyur la/ gcig gis ci dris pa de gzhan mi 'dri bar gyur na'ang / de dag thams cad byang chub sems dpa' des skad cig yud tsam thang cig tu ma lus par bzung ste/ sgra gcig brjod pas de dag thams cad khong du chud par byed do// de 'jig rten gyi khams brjod du med pa'i yang brjod du med pa'i bar dag kyang rgyas par bkang zhing sems can rnams la bsam
- 177a
pa dang / dbang po dang / mos pa ji lta ba bzhin du chos ston to// chos kyi gtam la zhugs pa'i tshe'ang de bzhin gshegs pa'i byin gyi rlabs len cing sangs rgyas kyi mdzad pa thams cad kyis sems can thams cad la nye bar gnas pa yin/ yang de 'di lta bu'i ye shes snang bas 'dzin pa yongs su rtsom ste/ gal te sgra'i rtse mo'i go gcig la 'jig rten gyi khams brjod du med pa'i rdul shin tu phra ba ji snyed pa de snyed kyi de bzhin gshegs pa bzhugs la/ de skad du tshad med par gyur pa'i 'khor gyi dkyil 'khor du chos bstanate/ de bzhin gshegs pa de dag re res kyang / de snyed kyi sems can chud med pa la chos rnam pa tha dad par shin tu bstan te/ sems can gyi bsam pa'i rgyud re re la'ang de skad du chos nye bar bsgrub pa tshad med par nye bar bsgrub par gyur la/ de bzhin gshegs pa gcig gis ji lta ba bzhin du de bzhin gshegs pa thams cad kyis 'khor gyi dkyil 'khor thams cad du ste/ skra'i rtse mo'i go gcig la ji lta ba de bzhin du chos kyi dbyings thams cad du de ltar gyur kyang de dag thams cad zin par gyur na/ 'jig rten gyi khams de tsam dag gi sems can rnams kyi lta smos kyang ci dgos/ de de ltar byang chub sems dpa'i sa legs pa'i blo gros 'di thob pa'i byang chub sems dpa' ni nyin mtshan du yid la bsam pa gzhan med par sangs rgyas kyi spyod yul la zhugs pas/ de bzhin gshegs pa dang 'grogs pa rab tu thob cing byang chub sems dpa'i rnam par thar pa zab mo rab tu thob pa yin/ de de lta bu'i//
- 177b
ye shes dang ldan zhing mnyam par bzhag kyang de bzhin gshegs pa blta ba yongs su mi spong ste/ bskal pa re re zhing yang sangs rgyas du ma nas/ sangs rgyas brgya stong bye ba khrag khrig lta zhing mthong nas kyang rim gro dang / bkur sti dang / bsti sbrang dang / mchod pa byed de/ sangs rgyas mthong zhing mchod pa bya ba rgya chen po yongs su mi gtong ngo // de bzhin gshegs pa de dag la zhu ba yongs su bu ba'ang byed de/ cho kyi gzungs rab tu bstan pa las shin tu byung ba yin/ de'i dge ba'i rtsa ba de dag kyang ston pas kyang shin tu byang zhing mi 'phrogs par 'gyur te/ kye rgyal ba'i sras dag 'di lta ste dper na gser gyi sa le sbram de nyid mgar ba mkhas pas rgyan du byas te/ yongs su zin pa 'khor los sgyur ba'i rgyal po'i yan lag gi dam pa mgo 'am mgul du btags na/ khams kyi rgyal po thams cad dang gling bzhi pa'i sems can thams cad kyi rgyan gyi rnam pas mi thub cing mi 'phrogs pa yin no/ / kye rgyal ba'i sras dag/ de bzhin du byang chub sems dpa'i sa legs pa'i blo gros 'di la gnas pa'i byang chub sems dpa'i dge ba'i rtsa ba de dag kyang nyan thos dang / rang sangs rgyas dang / sa 'og ma la gnas pa'i byang chub sems dpa' thams cad kyis mi 'phrogs shing mi thub pa yin// de'i dge ba'i rtsa ba des ni sems can rnams kyi nyon mongs pa dang / sems kyi thibs po snang bar byas te de nyid nas phyir ldog go/ kye rgyal ba'i sras dag 'di lta ste/ dper na stong gnyis la dbang ba'i
- 178a
tshangs pa chen po ni stong gnyis kyi 'jig rten gyi khams thams cad kyi thibs po dma' bar gzhol ba yongs su snang bar byed do/ / kye rgyal ba'i zas dag/ de bzhin du byang chub sems dpa'i sa legs pa'i blo gros 'di la gnas pa'i byang chub sems dpa'i dge ba'i rtsa ba snang ba de'ang sems can rnams kyi nyon mongs pa dang / sems kyi thibs po snang bar byas te/ de nyid nas phyir ldog gode'i pha rol tu phyin pa bcu las stobs kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub par ni ma yin no// kye rgyal ba'i sras dag 'di ni byang chub sems dpa'i sa legs pa'i blo gros shes bya ba ste/ byang chub sems dpa'i sa dgu pa mdor bstan pa'o// rgya cher ni bskal pa mu med pa'i bstan pa'i mthar thug par shes par bya'o/ / de la gnas pa'i byang chub sems dpa' ni phal cher tshangs pa chen por gyur te/ stobs dang mthu chen po thob pa stong gnyis la dbang zhing zil gyis gnon la gzhan gyis zil gyis mi nor pa/ mthun pa'i don mthong ba/ dbang shin tu thob pa/ sems can rnams la nyan thos dang / rang sangs rgyas dang / byang chub sems dpa'i pha rol tu phyin pa thams cad ston pa la mkhas shing mthu yod pa de/ sems can gyi bsam pa yongs su dris pa bstan pas mi 'phrogs pa yin// de sbyin pa 'am/ ngag snyan pa 'am/ don bsgrub pa 'am/ don
- 178b
mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yin la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin sangs rgyas kyi zhing grangs med pa brgya stong phrag bcu chung ba'i rdul shin tu phra ba snyed rab tu thob cing de dag la snyoms par 'jug pa dang / sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed mthong ba dang / de dag gi byin gyi rlabs kyang yang dag par shes pa dang / 'jig rten gyi khams sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed skyod pa dang / sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed du 'gro ba dang / 'jig rten gyi
- 179a
/ khams sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed snang bar bya ba dang / sems can sangs rgyas kyi zhing grangs med pa brgya stong phrag bcu chang ba'i rdul shin tu phra ba snyed yongs su smin par bya ba dang / bskal pa sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed du gnas par bya ba dang / sngon gyi mnga' dang phyi ma'i mtha'i bskal pa sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed la rab tu 'jug pa dang / chos kyi sgo sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed rnam par 'byed pa dang / lus sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed yongs su bstan pa dang / lus re re'ang byang chub sems dpa'i 'khor sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed yang dag par bstan pa'i brtson 'grus kyi rnam pa de lta bu rtsom mo/ / de yan rang byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du mas kyang bgrang bar dka' 'o//
- 179b
de nas kyang chub sems dpa' 'a cha dang thos pa ngon 'ang bdags par bya ba dang / bstan par bya ra gyur de'i tshetshams sung bdang 'dir gasmras so// de dag ra me thobs pa yis rnam dpyod cing / / ye shes phra ba'i dam pa 'gro bas shes dkar ba// de bzhin dade gshegs gsang ba'i gnas la yang dag 'jug/ 'gro ba'i don byed de dgas dgu yongs su gnon// de dag gzungs mchog ting 'dzin che ba nyid mchog dang // mngon shes yang sa dang de bzhin zhing 'jug mtha' yas dang // stobs dang rtogs pa'i ye shes rgyal ba'i brtan gnas dang // smon lam snying rje'i bsam pas mkhas pa dgu la 'jug/ sa dgu ldan pa de dag rgyal ba'i mdzod 'dzin cing // dge ba'i chos dang mi dge lung du ma bstan dang // zag dang bcas dang 'jig rten pa dang 'phags pa dang / / bsam du rung dang bsam du mi rung mkhas pas shes// nges pa'i chos dang ma nges ros kyang rab tu rtogs// theg gsum phun sum tshogs pa'i bya ba yongs su 'jal// 'dus byas rnam par phye dang grangs dang rgyu ba dag/ 'jig rten ji ltar mngon byed de la rab tu 'jug/ de dag de 'dra'i shes ldan blo mchog phra ldan pa// sems can sems kyi thibs po yongs su rtog pa byed// rnam shes sna tshogs myur du 'gyur zhing ldog pa dang / rnam shes mtha' yas 'byung la rtag tu mkhas pa 'jug/ nyon mongs mtha' yas sbyor dang grogs su 'gyur ba dang // kun nas 'khor dang
- 180a
bag nyal 'gro rgyud mtshams sbyor dang / / las rnams sna tshogs rnam par phye la'ang de bzhin 'jug/ rgyu dang 'gog dang de bzhin 'bras bu 'jig la'ang yang dag 'jug/ dbang po rno dang tha ma 'bring dang yangs pa dang / / tha dad sngon dang phyi ma'i mtha' la'ang yang dag 'jug/ mos pa dge dang mi dge sna tshogs du ma dag/ stong phrag brgyad cu rtsa bzhi kun la yang dag 'jug/ khams kyi rnam pa nyon mongs lta ba srid pa'i rnams/ / thibs por gyur pa snga phyi med cing 'chad med dang // bag nyal bsam pa lhan cig skyes pa'i rgyud rnams kyi// sems rnams kun rgyu 'brel cing rgyun 'chad mi 'gyur ba/ / bsam pa bag nyal rgyud yod dngos po ma yin te// yul la mi gnas bsam pa yongs su 'a bral mi 'gyur// shes pa dka' ba'i bsam gtan yul las phyir mi ldog/ rdo rje lta bu'i lam gyis chod 'gyur gzhan gyis min/ / rgyud drug skye ba rnam par phye la rab tu 'jug/ sred rlan ma rig mun pa de bzhi las kyi zhing // rnam shes sa bon can 'gyur myu gu ming dang gzugs// khams gsum sngon mtha' med par de dag rab tu 'jug/ de dag bag chags tshul dang nyon mongs las dang sems// 'dod chags bral bas lam gyi rgyud du 'byung ba min// sems can phung po gsum du nges pa yang dag lta bar bying ba shes pa'i las dang de dag ldan/ / de 'dra'i shes ldan sa mchog 'di la gnas pa ste// sems can bsam pa mos pa dbang po'i tshul bzhin du// chos rnams rnam par phye zhing shin tu ston pa byed// rnga dang yang dag don
- 180b
shes nges tshig spobs pa yin/ / de dag chos smra'i tshul la gnas pa rab tu thob// seng ge khyu mchog dpe' dra ri yi rgyal po 'dra// bdud rtsi sprin chen zhim pa'i char yang rab tu 'bebs// klu yi dbang po rgya mtsho rgyas pa byed pa bzhin/ / don gyi don shes de bzhin chos nyid rab tu shes// nges tshig rjes su song zhing spobs pa rab tu thob// de dag grangs med stong phrag bcu yi gzungs thob pas// chos rnams/ radzin pa rgya mtsho sprin chen char 'dzin bzhin// de dag de 'dra'i ting 'dzin gzungs gsal thob gyur par// skad cig gcig gis sangs rgyas mang po stong yang mthong // rin chen chos rnams thos nas yang du ston byed de/ / tshig gi dkyil 'khor rnam dag dbyangs kyi yan lag ldan// 'dod na stong gsum 'jig rten khams su gtogs pa yi// sems can bsam sems sna tshogs tshul bzhin smin byed cing // / thams cad bsam pa dbang po ji bzhin tshim par byed// gling bzhi rgya mtsho'i sprin bzhin yang dag rab tu 'jug/ de bas gong du legs ldan brtson 'grus rab thob pa// sgra rtse'i go gcig bsam gyis mi khyab sems pa byed/ / sems can sna tshogs mngal ba de gshegs chos ston pa// thos nas sa bon kun 'dzin sa gzhi yongs su 'dzin// phyogs rnams bcu po'i sems can mang po rdza snyed pa/ / de dag thams cad 'khor gcig 'dus par 'khod gyur kyang // de dag bsam pa skad cig gcig gis bsam byas shing // sgra skad gcig gis de dag thams cad tshim par byed/
- 181a
'di la gnas pa chos rgyal lha mi mchog du 'gyur// rngul pa'i zas po chos kyis yongs su sbyong ba yin// nyin ma can kun tu rgyal ba rnams dang rtag byang 'grogs/ chub sangs ye shes rnam par thar pa ldan par gnas/ / de dag yang du sangs rgyas khrag khrig bsnyen bkur byed// 'khor los sgyur ba'i rgyan bzang yongs su byang ba bzhin// de yi 'od kyang nyon mongs thibs po snang ba byed/ tshangs pa'i 'od kyis stong gnyis 'jig rten ji bzhin no// 'di la gnas pa legs ldan tshangs chen 'jig rten du// skye 'gyur theg gsum ston la mkhas shing mthu yod pa// 'gro ba kun la phan phyir ci rtsom gang yang rung / / yon tan shes ldan pa de gshegs ye shes ldan pa sngo// grangs med zhing du gtogs pa'i rdul phran du yod pa// de snyed ting 'dzin skad cig gcig tu brtan bathob/ / phyogs rnams kun gyi rgyal ba mthong zhing gsung yang nyan// yan chad smon lam ldan pa tshad med rnam par 'phrul// 'di ni sa rab dgu pa ste/ ye shes chen pos rnam par spyod// zab cing blta dka' shin tu za/ / rgyal ba'i sras kyis bstan pa yin// legs pa'i blo zos shes bya ba ste byang chub sems dpa'i sa dgu pa'o// bam po lnga bcu gnyis pa/ spyod pa bla na med pa 'di thos nas// gtsang gnas lha rnams bye ba rab tu dga'// dbang po tshim par bar snang mkha' la gnas/ bde bar gshegs la rje sar mchod pa byed// byang chub sems dpa'
- 181b
bye ba bsam yas pa/ / bar snang mkha' gnas rab tu dgar gyur cing // spos sprin tshad med yid du 'ong ba dag/ 'gro ba'i nyon mongs sel ba dri zhim 'dug pa byed// lha yi dbang po dbang sgyur rab dgar zhing / rnga bar snang gnas las lha 'khor khrag khrig dang // rim gro bcas par gos rnams 'dor bar byed// yid 'ong gos brgya yongs su bskor ba byas// lha yi bu mo mang po shin tu dga'// bde bar gshegs la rjesas mchod pa byed// rol mo brdung ba bye ba khrag khrig byed// 'di 'dra'i sgra dbyangs kun las byung bar 'gyur// zhing mchog gcig na bde bar gshegs pa bzhugs// zhing rnams kun tu sku gzugs rab tu bstan// sku gzugs khrag khrig sna tshogs yid du 'ong // chos dbyings rgya chen yongs su rgyas par gang // spu gcig rtse nas bde gshegs 'od bkye ba/ 'gro ba'i nyon mongs yongs su zhi bar 'phro// zhing gi rdul khams zad par nus 'gyur gyi// de dag bgrang bas shes par mi nus so// la las sangs rgyas mtshan rab mngar bar mthong // 'khor los sgyur ba'i dam par ga las mthong / / zhing rnams la lar spyod pa mchog mdzad cing // dag cing zhi bar rkang gnyis dam pa mthong // dkar ldan gnas na mgon po bzhugs pa dang // 'pho dang gshegs bar de bzhin rab tu sdang / / ning rnams bye bar yum gyi sku bzhugs dang // zhing rnams la lar bye ba de bzhin snang // 'gro ba'i don du mgon po 'byung mdzad dang // byang chub dam pa mchog tu 'tsha
- 182a
rgyu zhing / / chos kyi 'khor lo mya ngan 'da' ba dag/ zhing mang khrag khrig kun na de bzhin snang // snu ma'i mkhan po mkhas par lobs gyur pa// ji ltar mtsho phyir gzugs mang ston pa bzhin/ / de bzhin ston pa ye shes mchog mkhyen pa// sku gzugs kun tu 'gro ba rnams la ston// stong pa zhi ba rang bzhin mtshan nyid med// chos nyin par sna mkha' dang mnyam par yang // sangs rgyas ston pa don dam de nyid du/ / sangs rgyas spyod yul mchog gis yang dag bstan// bde gshegs spyod yul rang bzhin ci 'dra ba// sems can kun gyi chos nyid de 'dra ste// mtshan dang mtshan gzhi mnyam nyid kyis 'dra/ / mtshan nyid med pa chos rnams kun gyi mchog/ bde gshegs ye shes don du su gnyer bas// rtog dang rnam rtog yong rtog yongs su spangs// dngos dang dngos med mnyam nyid shes par gyis// myur du mi yi gtso bo mchog tu 'gyur// 'di 'dra'i sgra skad stong snyed du// snyan pa'i dbyangs su brjod byas nas// lha dri mo mi smra zhing // zhi la dga' bar bde gshegs lta// 'khor rnams zhi bar shes gyur nas rnam thar zla ba 'jigs med pas/ / rdo rje'i snying po 'jigs med pa// rgyal sras de la yang smras pa// bcu par yang dag 'phar ba yi// rnam pa yon tan spyod yul dang // mtshan ma dag dang cho 'phrul rnams mkhas pas kun kyang bstan pa mdzod/ byang chub sems dpa' rdo rje'i snying pos smras pa/ kye rgyal ba'i sras dag/ de ltar byang chub sems dpa' de byang chub sems dpa'i sa dgu pa'i bar du shes
- 182b
par bya ba tshad med pa yongs su brtags pa'i thos rnam par dbye ba shin tu rnam par byeb/ chos dkar po shin tu rdzogs pa bsags par bya ba'i tshigs mthar mas pa shin tu bsagasu pa/ bsod nams dang sa shes kyi tshogs yongs su zin pa/ snying rje chen po shin tu yangs pas thob pa/ 'jig rten gyi khams rnam par phye ba rnam pa tha dad pa la mkhas pa/ sems can gyi khams thibs pos nye bar spyod pa la rab tu zhugs pa/ de bzhin gshegs pa'i spyod yul la 'jig pa dang ldan pa'i 'du shes dang yid la byed pa can/ stobs dang / mi 'jigs pa dang / sangs rgyas kyi chos la lhag par dmigs pari rjes su song ba ni rnam pa thams cad du thams cad mkhyen pa'i ye shes la dbang bskur ba'i sa thob pa zhes bya'o/ / kye rgyal ba'i sras dag/ byang chub sems dpa' ye shes de lta bu dang ldan zhing dbang bskur ba'i sa thob pa de la byang chub sems dpa'i ting nge 'dzin dri ma med pa zhes bya ba mngon du 'gyur ro/ / byang chub sems dpa'i ting nge 'dzin chos kyi dbyings rnam par bye ba la 'jug pa zhes bya ba dang / snying po byang chub kyi rgyan rnam par phye ba zhes bya ba dang / 'od zer gyi me tog rnam pa thams cad ces bya ba dang / rgya mtsho'i snying po zhes bya ba dang / rgya mtsho'i rgya zhes bya ba dang / nam mkha'i dbyings ltar yangs pa zhes bya ba dang / chos thams cad kyi rang bzhin rnam par 'byed pa zhes bya ba dang / sems can thams cad kyi sems dang spyod pa'i rjes su song ba zhes bya ba dang / da ltar byung ba'i sangs rgyas thams cad mngon sum du bzhugs pa zhes
- 183a
bya ba mngon du 'gyur te/ de la de dag la sogs pa ting nge 'dzin brgya stong grangs med pa phrag bcu mngon du 'gyur ro// de ting nge 'dzin de dag thams cad la mnyam par gzhog cing rnam par ldang ngo/ de ting nge 'dzin la mkhas pa dang ldan pa yin te/ ting nge 'dzin gyi dgos pa de dag thams cad la'ang rab tu spyod do// ting nge 'dzin brgya stong grangs med pa phrag bcu'i ba ma la thams cad mkhyen pa'i ye shes kyi khyad par gyis mngon par dbang bskur ba zhes bya ba'i byang chub sems dpa'i ting nge 'dzin mngon du 'gyur te/ de mngon du gyur ma thag tu/ stong gsum brgya stong phrag bcu'i tha gru dang mnyam pa'i rin po che'i pad+mo chen po rin po che thams cad kyis rnam pa thams cad du smras shing brgyan pa/ 'jig rten thams cad kyi spyod yul las 'das pa/ 'jig rten las 'das pa'i dge ba'i rtsa bas byung ba/ sgyu ma'i rang bzhin dang spyod yul gyis yongs su grub pa/ chos kyi dbyings la shin tu gnas par snang ba/ lha rdzas kyi yul las shin tu 'das pa nor bu rin po che bai DUR+Ya'i chu bo chen po can/ tsan dan gyi rgyal po mtshungs pa med pa'i snying po can a sma gar ba rab kyi ze ba can/ 'dzam bu chu klung gi gser ltar snang ba'i lo ma can/ 'od zer tshad med pas shin tu rgyas pa'i spun can/ rin po che thams cad kyis nang yongs su spras pa rin po che mu med pa'i dra ba kun nas yog pa/ stong gsum brgya stong phrag bcu tshang ba'i rdul shin tu phra ba snyed kyi rin po che'i pad+mo chen po'i 'khor dang ldan pa 'byung bar 'gyur te/ byang chub sems dpa' de
- 183b
lus kyang de dang rkyen du 'tsham zhing / de'i tshul dang mthun par gnas so// de thams cad mkhyen pa'i ye shes kyi khyad par gyis dbang bskur ba dang ldan pa'i ting nge 'dzin thob ma thag tu rin po che'i pad+mo'i rgyal po chen po de la 'dug par snang ste/ rin po che'i pad+mo'i rgyal po chen po de la byang chub sems dpa' de 'dug ma thag tu rin po che'i pad+mo'i rgyal po chen po de'i 'khor rin po che'i pad+mo ji snyed byung ba de snyed kyi byang chub sems dpas byang chub sems dpa' de yongs su bskor te/ rin po che'i pad+mo chen po de dag la 'khod nas byang chub sems dpa' de nyid la lta zhing / de dag re re'ang ting nge 'dzin brgya stong phrag bcu bcu la snyoms par 'jug go/ / byang chub sems dpa' de dang / byang chub sems dpa' de dag gis mnyam par bzhag ma thag tu 'jig rten gyi khams thams cad ma lus par g.yo bar 'gyur ro// ngan song thams cad rtse zil bar 'gyur ro// chos kyi dbyings thams cad snang bas rgyas par 'gyur ro// 'jig rten gyi khams thams cad yongs su dag par 'gyur ro// zhing thams cad du sangs rgyas kyi sgra grag par 'gyur ro/ / skal ba dang spyod pa mthun pa'i byang chub sems dpa' thams cad kyang 'du bar 'gyur ro// 'jig rten gyi khams thams cad kyi lha dang mi'i rol mo brdung ba dang dkrol ba'i sgra rang 'byung bar 'gyur ro/ / sems can thams cad kyi bde ba'ang skye bar 'gyur ro// yang dag par rdzogs pa'i sangs rgyas thams cad la bsam gyis mi khyab pa'i
- 184a
mchod pa dang rim gro'ang rab tu 'byung bar 'gyur ro/ / de bzhin gshegs pa thams cad kyi 'khor gyi dkyil 'khor yang rnam par dmigs par 'gyur te/ de ci'i phyir zhe na/ kye rgyal ba'i sras dag/ byang chub sems dpa' de rin po che'i pad+mo'i rgyal po de la 'dug ma thag tu rkang pa'i mthil gnyis kyi 'og nas 'od zer brgya stong grangs med pa phrag bcu 'byung ngo / / byung nas kyang phyogs bcur mnar med pa'i sems can dmyal ba chen po yan chad snang bar byas te/ sdug bsngal rnam kyang rab tu zhi bar byed do// pus mo'i lha nga gnyis nas 'od zer brgya stong grangs med pa phrag bcu 'byung ste/ byung nas kyang phyogs bcur byol song gi skye gnas kyi gnas thams cad snang bar byas nas/ sdug bsngal rnams kyang rab tu zhi bar byed do/ / lte ba'i dkyil 'khor nas 'od zer brgya stong grangs med pa phrag bcu 'byung ste/ byung nas kyang phyogs bcur gshin rje'i 'jig rten gyi khams thams cad snang bar byas nas/ sdug bsngal rnams kyang rab tu zhi bar byed do// g.yas g.yon gyi rtsi ba logs gnyis nas 'od zer brgya stong grangs med pa phrag bcu 'byung de/ byung nas kyang phyogs bcur mi'i gnas rnams snang bar byas te/ sdug bsngal rnams kyang rab tu zhi bar byed do// lag pa'i mthil gnyis nas 'od zer brgya stong grangs med pa phrag bcu 'byung ste/
- 184b
byung nas kyang phyogs bcur lha dang lha ma yin gyi gnas rnams snang bar byas nas/ sdug bsngal rnams kyang rab tu zhi bar byed do// phrag pa gnyis nas 'od zer brgya stong grangs med pa zag bcu 'byung ste/ byung nas kyang phyogs bcur nyan thos kyi theg pa pa rnams kyi gnas snang bar byas nas/ chos snang ba'i sgo'ang nye bar sgrub bo// rgyab dang mgul nas 'od zer brgya stong grangs med pa phrag bcu 'byung ste/ byung nas kyang rang sangs rgyas kyi gnas thams cad snang bar byas nas/ zhi ba'i ting nge 'dzin tshul gyi sgo'ang nye bar sgrub bo// kha'i sgo nas 'odod zer brgya stong grangs med pa phrag bcu 'byung ste/ byung nas kyang phyogs bcur byang chub sems dpa' sems dang po bskyed pa bzung ba yan chad sa dgu pa thob pa'i bar dag snang bar byas nas/ shes rab dang thabs kyi tshul gyi sgo'ang nye bar sgrub bo// smin mtshams kyi mdzod spu nas 'od zer brgya stong grangs med pa phrag bcu 'byung ste/ byung nas kyang phyogs bcur bdud kyi gnas thams cad zil gyis mnan te/ dbang bskur ba'i sa thob pa'i byang chub sems dpa' rnams snang bar byas nas/ de dag kyi lus su nub par 'gyur ro// yan lag dam pa'i spyi gtsug nas 'od zer stong gsum brgya stong grangs med pa phrag bcu tshang ba'i rdul shin tu phra ba snyed 'byung ste/ byung nas kyang phyogs bcur de bzhin gshegs pa'i 'khor gyi dkyil 'khor thams cad sna bar byas te/ 'jig rten lan
- 185a
bcur bskor ba byas nas/ steng gi nam mkha'i dbyings la 'dug ste/ 'od zer gyi dra ba'i dkyil 'khor du byas nas/ de bzhin gshegs pa la mchod cing rim gro bya ba 'od shin tu gsal ba zhes bya ba rab tu byed de/ mchod pa dang rim gro de la sems dang po bskyed pa nye bar 'byung ba yan cha sa dgu pa thob kyi bar du de bzhin gshegs pa mchod cing rim gro byas pas brgya'i char yang nye bar mi 'gro'o/ / stong gi cha dang / brgya stong gi cha dang / khrag khrig gi cha dang / khrag khrig stong gi cha dang / khrag khrig brgya stong gI cha dang / bye ba khrag khrig brgya stong gi char yang nye bar mi 'gro'o// grangs dang / cha dang / bgrang ba dang / dpe dang / rgyur yang nye bar mi 'gro ba nas/ basbran pa tsam gyi bar du'ang mi chog go// 'od zer gyi dra ba'i dkyil 'khor chen po de las phyogs btsun me tog tu gdags pa dang / sprospos dang / bdug pa dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang / bdan dang / rin po che'i rgyan dang / nor bu rin po cher gdags pa ci yod pa de dag thams cad las lhag cing / 'jig rten gyi yul thams cad las 'das pa'i dge ba'i rtsa ba'i dbang gis grub pa dag sprin chen po'i char bzhin du mngon par 'baba'o// ma rlod pa de dag sems can gang gis mthong ba de dag thams cad kyang bla na med pa yang dag par rdzogs pa'i byang chub tu nges par 'gyur ro/ / mchod pa dang rim gro'i rnam pa de lta bu dag byas nas kyang 'od zer de dag gis de bzhin z ab khrig brgya
- 185b
gshegs pa'i 'khor gyi dkyil 'khor thams cad snang bar byas nas/ 'jig rten lan bcur bskor ba byas te/ de bzhin gshegs pa dgra bcom pa yang dag par rdzogs pa'i sangs rgyas rnams kyi zhabs kyi mthil gyi 'og tu nub par 'gyur te/ de nas de bzhin gshegs pa de dag dang / byang chub sems dpa' de dag gis 'jig rten gyi khams 'byam klas pa che ge mo zhig tu de lta bu'i spyod pa dang ldan pa'i byang chub sems dpa' dbang bskur ba'i dus la 'ab par thubs su chud / / kye rgyal ba'i sras dag/ der phyogs bcu nas byang chub sems dpa'i sa dgu la gnas pa'i bar gyi byang chub sems dpa' mtha' yas pa 'ongs te/ byang chub sems dpa' de la kun nas bskor nas mchod pa chen po byas te/ byang chub sems dpa' de nyid la lta zhing ting nge 'dzi stong phrag bcu la so so nas mnyam par gzhog go/ / byang chub sems dpa' dbang bskur ba'i sa thob pa rnams kyi dpal gyi be'u dang / rdo rje dang / bkra shis las bdud kyi dgra las rnam par rgyal ba zhes bya ba'i 'od brer chen po gcig 'od zer gyi 'khor baN+Da sdong zangs med pa phrag bcu dang ldan par 'thung ste/ thung nas kyang phyogs bcu snang bar byas nas cho 'phrul mu med par mang gapa' bstan te/ byang chub sems dpa' de'i dpal gyi be'u dang / rdo rje dang bkra shis su nub par 'gyur ro// 'od zer de dag der nub ma thag tu byang chub sems dpa' de'i stobs dang
- 186a
mthu'ang brgya phrag stong gyur pas kyang lhag par mngon par 'phel bar snang ngo / / kye rgyal ba'i sras dag/ de nas de bzhin gshegs pa dgra bcom pa yang dag par rdzogs pa'i sangs rgyas de dag gi smin mtshams kyi mdzod spu nas thams cad mkhyen pa'i mngon par shes pa dang ldan pa zhes bya ba'i 'od zer gyi 'khor grangs med pa dang ldan pa 'byung ste/ / de dag gis phyogs thams cad du 'jig rten gyi khams thams cad ma lus par snang bar byas nas/ 'jig rten lan bcur bskor te/ de bzhin gshegs pa'i rnam par 'phrul pa chen po bstan nas/ byang chub sems dpa' brgya stong bye ba khrag khrig mang po yang dag par bskul nas/ sangs rgyas kyi zhing 'byam klas pa thams cad rnam pa drug tu bskyod de/ ngan song thams cad kyi lam gyi rgyud dang / skye ba dang / shi 'pho rab tu zhi bar byas nas/ bdud kyi gnas thams cad zil gyis mnan te/ de bzhin gshegs pa thams cad mngon par 'tshang rgya bar rnam par sangs rgyas pa'i sangs rgyas kyi gdan yang dag par bstan nas/ sangs rgyas thams cad kyi 'khor gyi dkyil 'khor brgyan pa'i mthu rab tu bstan te/ 'jig rten gyi khams chos kyi dbyings kyis klas pa/ nam mkha'i mthas gtugs pa thams cad snang bar byas nas phyir log ste/ byang chub sems dpa'i 'khor gyi dkyil 'khor thams cad kyi steng nas bskor ba byas ste/ rgyan chen po bstan nas 'od brer de dag byang
- 186b
chub sems dpa' de'i yan lag gi ram par nuba'o/ / de'i 'khor gyi 'od zer rnams kyang de ltar tshogs pa'i byang chub sems dpa' rnams kyi mgor nub par 'gyur ro// 'od zer de dag gis bos pa thag tu byang chub sems dpa' de dag gis sngan chad ma thob pa'i ting nge 'dzin stong phrag bcu bcu rab tu 'thob bo/ / 'od zer de dag kyang dus gcig tu byang chub sems dpa'i de'i yan lag dam pa la 'char bar 'gyur te/ byang chub sems dpa' de'ang yang dag par rdzogs pa'i sangs rgyas kyi yul la mngon par dbang bskur ba zhes bya'o// stobs bcu yongs su rdzogs nas ni yang dag par rdzogs pa'i sangs rgyas su 'grang ba'ang 'thob par 'gyur ro/ / kye rgyal ba'i sras dag 'di lta ste/ dper na 'khor los sgyur ba'i rgyal po'i bu thu bo gzhon nur tsun mo dam pa las btsas pa/ rgyal po'i mtshan dang ldan pa de 'khor los sgyur ba'i rgyal pos lha rdzas kyi glang po rin po che la gser gyi khri dam pa'i steng du gzhag ste/ steng nas bla re bres shing bdugs dang / rgyal mtshan dang bdan dang / rol mo brdungs pa dang / dkrol ba dang / klu'i dbyings la sogs pa'i rgya chen po byas te/ rgya mtsho chen po bzhi las chu blangs pa gser gyi bum pas bcus te/ rlu nges bzhon nu de'i spyi bo nas mngon par dbang bskur na/ dbang bskur ma thag tu de ni rgyal rigs spyi bo nas dbang bskur ba zhes bya ba'i grangs su 'gro'o// dge ba bcu'i las kyi lam yongs su rdzogs nas ni 'khor las
- 187a
sbyar bar bgrang ba rab tu 'thob bo/ / kye rgyal ba'i sras dag/ de bzhin du byang chub sems dpa' yang sangs rgyas bcom ldan 'das de dag gis dbang bskur ma thag tu ye shes kyi dbang mngon par bskur bas mngon par dbang bskur zhes bya'o/ / stobs bcu yongs su rdzogs nas ni yang dag par rdzogs pa'i sangs rgyas kyi grangs su 'gro'o// kye rgyal ba'i sras dag/ 'di ni gang gi don du byang chub sems dpa' dka' ba brgya stong dus rtsom pa'i byang chub sems dpa'i mngon par dbang bskur ba'o/ / de de ltar mngon par dbang bskur zhing yon tan dang ye shes rnam par 'phel ba ni/ byang chub sems dpa'i sa chos kyi sprin la gnas pa zhes bya'o/ / kye rgyal ba'i sras dag/ de la byang chub sems dpa'i sa chos kyi sprin la gnas pa'i byang chub sems dpa' ni chos kyi khams yang dag par bsgrub pa yang dag pa ji lta ba bzhin du rab tu shes so/ / 'dod pa'i khams yang dag par bsgrub pa dang / gzugs kyi khams yang dag par bsgrub pa dang / gzugs med pa'i khams yang dag par bsgrub pa dang / 'jig rten gyi khams yang dag par bsgrub pa dang / sems can gyi khams yang dag par bsgrub pa dang / rnam par shes pa'i khams yang dag par bsgrub pa dang / 'dus byas dang 'dus ma byas kyi khams yang dag par bsgrub pa dang / nam mkha'i khams yang dag par bsgrub pa dang / yang dag pa dang yang dag pa ma yin pa'i khams bstan pa yang dag par bsgrub pa dang / mya ngan las 'das pa'i
- 187b
khams yang dag par bsgrub pa dang / lta ba'i rnam pa dang / nyon mongs pa rnam par bsgrub pa yang dag pa ji lta ba bzhin du rab tu shes so// 'jig rten gyi khams 'jig pa dang 'du yang dag par bsgrub pa dang nyan thos kyi spyod pa yang dag par bsgrub pa dang / rang sangs rgyas kyi spyod pa yang dag par bsgrub pa dang / byang chub sems dpa'i spyod pa yang dag par bsgrub pa dang / de bzhin gshegs pa'i stobs dang / mi 'jigs pa dang / gzugs kyi sku dang / chos kyi sku yang dag par bsgrub pa dang / rnam pa thams cad du thams cad mkhyen pa'i ye shes yang dag par bsgrub pa dang / mngon par rdzogs par 'tshang rgya ba dang / chos kyi 'khor lo bskor ba dang / bzlog pa bstan pa yang dag par bsgrub pa dang / mdor bsdu na chos thams cad rnam par phye ba la 'jug cing shin tu brtag pa yang dag par bsgrub pa yang dag pa ji lta ba bzhin du rab tu shes so/ / de de lta bu'i ye shes dang ldan pa'i blos gong du sems can gyi sprul pa'i las yang dag pa ji lta ba bzhin du rab tu shes so// nyon mongs pa'i sprul pa dang / lta ba'i rnam pa'i sprul pa dang / 'jig rten gyi khams kyi sprul pa dang / chos kyi khams kyi sprul pa dang / nyan thos kyi sprul pa dang / rang sangs rgyas kyi sprul pa dang / byang rluchub sems dpa'i sprul pa dang / de bzhin gshegs pa'i sprul pa dang / sprul pa thams cad kyi rnam par dgod pa dang / rnam par mi dgod pa yang dag pa ji lta ba bzhin du rab tu shes so// de
- 188a
sangs rgyas kyi byin gyi rlabs kyang yang dag pa ji lta ba bzhin du rab tu shes so/ / chos kyi byin gyi rlabs dang / dge 'dun gyi byin gyi rlabs dang / las kyi byin gyi rlabs dang nyon mongs pa'i byin gyi rlabs dang / dus kyi byin gyi rlabs dang / smon lam gyi byin gyi na sa dang / mchod pa'i byin gyi rlabs dang / spyod pa'i byin gyi rlabs dang / bskal pa'i byin gyi rlabs dang / ye shes kyi byin gyi rlabs yang dag pa ji lta ba bzhin du rab tu shes so// gang 'di de bzhin gshegs pa dgra bcom pa yang dag par rdzogs pa'i sangs rgyas rnams kyi phra ba la 'jug pa'i le shes 'di lta ste/ spyod pa phra ba la 'jug pa'i ye shes sam/ skye ba dang 'pho ba phra ba la 'jug pa'i ye shes sam/ sku re phra ba la 'jug pa'i ye shes sam mngon par 'byung ba phra ba la 'jug pa'i ye shes sam/ mngon par byang chub pa phra ba la 'jug pa'i ye shes sam/ rnam par 'phrul pa phra ba la 'jug pa'i ye shes sam/ chos kyi 'khor lo bskor ba phra ba la 'jug pa'i ye shes sam sku tshe'i tshad byin gyis brlabs pa phra ba la 'jug pa'i ye shes sam/ yongs su mya ngan las 'da' ba phra ba la 'jug pa'i ye shes sam/ bstan pa gnas pa phra bal 'jug pa'i ye shes de dag thams cad yang dag pa ji lta ba bzhin du des rab tu shes so/ / gang 'di de bzhin gshegs pa dgra bcom pa yang dag par rdzogs pa'i sangs rgyas rnams kyi gsang ba la 'jug pa'i gnas 'di lta
- 188b
ste/ sku'i gsang ba 'am/ gsung gi gsang ba'am/ thugs kyi gsang ba'am/ dus dang dus ma yin pa thugs su chud pa'i gsang ba'am/ byang chub sems dpa' lung bstan pa'i gsang ba'am/ sems can bsdu ba dang tshar bcad pa'i gsang ba 'am/ theg pa tha dad pa'i gsang ba 'am/ sems can gyi spyod pa dang dbang po rnam par phye ba'i gsang ba 'am/ spyod pa dang mngon par 'tshang rgya ba'i rang bzhin brjod pa thugs su chud pa'i gsang 'de dag thams cad yang dag pa ji lta ba bzhin du des rab tu shes so/ / gang 'di dag bskal pa la 'jug pa'i ye shes 'di lta ste/ bskal pa gcig sa bskal pa grangs med par yang dag par 'jug pa dang / grangs med pa'i bskal pa la bskal pa gcig tu yang dag par 'jug pa dang / bskal pa grangs med pa la bskal pa grangs med par yang dag par 'jug pa dang / skad cig la bskal pa dang / bskal pa la skad cig tu yang dag par 'jug pa dang / bskal pa la bskal pa ma yin par yang dag par 'jug pa dang / bskal pa ma yin pa la bskal par yang dag par 'jug pa dang / sangs rgyas dang bcas pa'i bskal pa sangs rgyas med pa'i bskal par yang dag par 'jug pa dang / sangs rgyas med pa'i bskal pa sangs rgyas dang bcas pa'i bskal par yang dag 'jug pa dang / 'das pa dang / ma 'ongs pa dang / da ltar byung ba la da ltar byung ba dang / 'das pa dang / ma 'ongs pa'i bskal par 'jug cing / ma 'ongs pa dang / 'das pa dang / da ltar byung ba'i
- 189a
bskal par yang dag par 'jug pa dang / bskal pa ring po la bskal pa thung ngur yang dag par 'jug pa dang / bskal pa thung ngu la bskul pa ring por yang dag par 'jug pa dang / bskal pa thams cad la ming du btags par yang dag par 'jug pa de dag thams cad kyang yang dag pa ji lta ba bzhin du des rab tu shes so// gang 'di dag de bzhin gshegs pa rnams kyis thugs su chud pa'i ye shes 'di lnga ste/ skra'i rtse mo la 'jug pa'i ye shes sam/ rdul shin tu phra ba la 'jug pa'i ye shes sam/ zhing mang po mngon par 'tshang rgya ba la 'jug pa'i ye shes sam sems can gyi lus dang sems mngon par 'tshang rgya ba la 'jug pa'i ye shes sam/ thams cad du khyam pa mngon par 'tshang rgya ba la 'jug pa'i ye shes sam/ snrel zhi'i spyod pa la 'jug pa yang dag par bstan pa'i ye shes sam/ lugs dang mthun pa'i spyod pa yang dag par bstan pa la 'jug pa'i ye shes ma/ lug dang mi mthun pa'i spyod pa yang dag par bstan pa la 'jug pa'i ye shes sam/ 'jig rten bsam du rung ba dang / / bsam du mi rung ba dang / rnam par shes par rung ba dang / rnam par shes par mi rung ba'i spyod pa yang dag par bstan pa la 'jug pa'i ye shes sam/ nyan thos kyis shes par bya ba dang / rang sangs rgyas kyis shes par bya ba dang / byang chub sems dpas shes par bya ba dang / de bzhin gshegs pas mkhyen par bya ba'i spyod pa yang dag par bstan pa la 'jug pa'i ye shes de dag thams cad kyang yang
- 189b
dag pa ji lta bzhin du des rab tu shes so/ / kye rgyal ba'i sras dag/ de ltar na sangs rgyas bcom ldan 'das rnams kyi ye shes shin tu yangs pa tshad med pas sa 'di la gnas pa'i byang chub sems dpas khong du chud pa'i ye shes kyang tshad med do/ / kye rgyal ba'i sras dag/ de ltar byang chub sems dpa'i sa 'di dang ldan pa'i byang chub sems dpa' des byang chub sems dpa'i rnam par thar pa bsam gyis mi khyab pa zhes bya ba rab tu 'thob bo/ / bsgribs pa med pa zhes bya ba dang / rnam par dag pa rab tu 'byed pa zhes bya ba dang / sgo kun tu snang ba zhes bya ba dang / de bzhin gshegs pa'i mdzod ces bya ba dang / 'khor lo thobs pa med pa dang ldan pa zhes bya ba dang / dus gsum gyi rjes su song ba zhes bya ba dang / chos kyi dbyings kyi snying po zhes bya ba dang / rnam par thar pa'i dkyil 'khor snang ba zhes bya ba dang / yul ma lus pa zhe bya ba'i byang chub sems dpa'i rnam par thar pa rab tu 'thob bo// kye rgyal ba'i sras dag 'di lta ste/ byang chub sems dpa'i rnam par thar pa bcu po de dag la sogs pa rnam par thar pa'i sgo brgya stong grangs med pa/ byang chub sems dpa'i sa bcu po 'di la gnas pa'i byang chub sems dpas rab tu 'thob ste/ de bzhin du ting nge 'dzin brgya phrag stong dang / gzungs brgya phrag stong dang / mngon par shes pa mngon par bsgrub pa brgya phrag stong yang rab 'thob bo// de ye shes de lta bu dang ldan pa'i blo dang tshad med pa'i rjes su song ba'i dran pa mkhas pa dang
- 190a
ldan pa yin/ de phyogs bcu'i sangs rgyas bcom ldan 'das grangs med pa las skad cig yud tsam thang cig tu chos kyi snang ba chen po tshad med pa dang / chos kyi 'od chen po / dang chos kyi sprin chen po yang dag par 'dzin to// mos par byed do// yang dag par len to// 'dug gir byed do// kye rgyal ba'i sras dag 'di lta ste/ dper na rgya mtsho'i klu'i rgyal po'i sprin las rnam par bkye ba'i rgyu'i phung po chen po ni rgya mtsho chen po ma gtogs par sa'i phyogs gzhan gyis bzod pa'am/ bdag gir bya ba dang / blang ba 'am/ gzung bar mi nus so// kye rgyal ba'i sras dag/ de bzhin du de bzhin gshegs pa rnams kyi de bzhin gshegs pa'i gsang ba la 'jug pa dang / chos kyi snang ba chen po dang / chos kyi 'od chen po dang / chos kyi sprin chen po de dag ni sems can thams cad dang / nyan thos dang rang sangs rgyas thams cad dang / sa dang po nye bar bzung ba yan chad sa dgu pa'i bar la gnas pa'i byang chub sems dpa' dag gis kyang bzod pa 'am/ blang ba 'am/ yang dag par gzung ba'am/ bdag gir bya bar sla ba ma yin te/ byang chub sems dpa'i sa chos kyi sprin 'di la gnas pa'i byang chub sems dpa' ni de dag thams cad la mos par byed do// yang dag par len to// yang dag par 'dzin to// bdag gir byed do// kye rgyal ba'i sras dag 'di lta ste/ dper na rgya mtsho chen po ni klu'i rgyal la chen po gcig gi sprin chen po'ang brjod do//
- 190b
len to// 'dzin to// bdag gir byed do// klu'i rgyal po chen po gnyis dang gsum nas/ tshad med pa'i bar gyi sprin chen po dag kyang skad cig yud tsam thang cig gis bzod ngo do// len to// 'dzin/ to// bdag gir byed do// de ci'i phyir zhe na/ rgya mtsho chen po de tshad med par rgya che zhing yangs pa'i phyir ro// kye rgyal ba'i sras dag/ de bzhin du byang chub sems dpa'i sa chos kyi sprin 'di la banas pa'i byang chub sems dpa' yang / de bzhin gshegs pa gcig las kyang skad cig yud tsam thang cig tu chos snang ba chen po dang / rlos kyi 'od chen po dang / chos kyi sprin chen po tshad med pa rnams bzod do/ / yang dag par len to// yang dag par 'dzin to// bdag gir byed do// de bzhin gshegs pa gnyis dang gsum nas/ tshad med pa'i bar dag las kyang / skad cig yur tsam thang cig chos kyi snang ba chen po dang / chos kyi 'od chen po dang / chos kyi sprin chen po tshad med pa 'thong ngo // yang dag par 'dzin to// yang dag par len to// bdag gir byed do// de'i phyir nas 'di'ang chos kyi sprin ces bya'o// byang chub sems dpa' rnam par grol ba'i zla bas smras pa/ kye rgyal ba'i sras de bzhin gshegs pa ji snyed cig las byang chub sems dpa' skad cig yud tsam thang cig tu chos kyi snang ba chen po dang / chos kyi 'od chen po dang / chos kyi sprin chen po bzod par byed pa dang / yang dag par 'dzin pa dang / yang
- 191a
dag par len cing bdag gir byed pa de dag 'grang bar nus sam/ byang chub sems dpa' rdo rje'i snying pos smras pa/ kye rgyal ba'i sras de bzhin gshegs pa 'di snyed cig las bya chub sems dpa' skad cig yud tsam thang cig tu chos kyi snang ba chen po dang / chos kyi 'od cheran po dang / chos kyi sder chen po bzod cing yang dag par len pa dang / yang dag par 'dzin cing bdag gir byed do zhes grangs kyis shin tu bstan pa'i tshul du bgrang bar sla ba ma yin te/ 'on kyang dpe tsam du bstan par bya'o// kye rgyal ba'i sras 'di lta ste/ dper na phyogs bcu'i 'jig rten gyi khams sangs rgyas kyi zhing brjod du med pa bye ba khrag khrig brgya phrag stong gi rdul shin tu phra ba snyed na/ sems can gyi khams ma lus pa'i tshul du ji snyed cig yod pa de dag las sems can gcig cig thos pa 'dzin pa'i gzungs rab tu thob par gyur te/ 'di lnga ste/ dper na bcom ldan 'das rdo rje pad+mo'i bla ma de bzhin gshegs pa dgra bcom pa yang dag par rdzogs pa'i sangs rgyas kyi dge slong rnam par rgyal ba chen po zhes bya ba bzhin du/ de bzhin gshegs pa'i zham ring ba nyan thos chen po thos pa 'dzin pa'i mchog tu phyin par gyur la/ rnam pa de lta bu'i thos pa 'dzin pa'i stobs kyi shugs dang / sems can gcig pu de ldan par gyur te/ sems can gcig pu de ci 'dra ba de bzhin du 'jig rten gyi khams de dag thams cad kyi sems can thams cad ldan par gyur la/
- 191b
gcig gis gang bzung ba de gzhan gyis ma bzung na/ kye rgyal ba'i sras de la ji snyam du sems// sems can de dag ni thos pa 'dzin pa'i shes pa de dag tshad med cing mnga' yin mod/ byang chub sems dpa' rnam par grol ba'i zla bas smras pa/ kye rgyal ba'i sras sems can de dag gi thos pa 'dzin pa'i shes pa de ni mang sde tshad kyang med do// byang chub sems dpa' rdo rje'i snying pos smras pa/ kye rgyal ba'i sras khyod kyis khong du chud pa dang yid ches par bya na/ de ltar byang chub sems dpa'i sa chos kyi sprin 'di la gnas pa'i byang chub sems dpa' ni/ de bzhin gsheg ses gcig las kyang skad cig yud tsam thang cig tu rlos kyi snang ba dang / 'od dang / sprin chen po chos kyi dbyings dus gsum gyi mdzod ces bya ba bzod cing yang dag par len to// yang dag pa 'dzin to/ / bdag gir byed do// chos kyi snang ba dang / 'od dang / sprin chen po yang dag par 'dzin pa'i shes pa de la thos pa 'dzin pa'i shes pa snga mas brgya'i char yang nye bar mi 'gro'o// stong gi rma dang / brgya phrag stong gi cha dang / bya ba'i cha dang / bye ba brgya'i cha dang / bye ba stong gi rma dang / bye ba brgya stong gi cha dang / bye ba khrag khrig brgya stong gi rma dang / grangs dang / cha dang / bgrang ba dang / dpe dang / rgyur yang nye bar mi 'gro ba nas/ bskrun pa tsam gyi bar du'ang mi chog go// de bzhin gshegs pa gcig las ji lta ba de bzhin du/ phyogs bcu'i 'jig rten gyi khams snga ma
- 192a
dka na rdul shin tu phrab ji snyed pa de snyed kyi yang dag par rdzogs pa'i sangs rgyas rnams dang / de dag pas kyang chos mang zhing tshad med pa'i de bzhin gshegs pa rnams las skad cig yud tsam thang cig tu chos kyi snang ba dang / 'od dang / sprin chen po chos kyi dbyings du gsum gyi mdzod ces bya ba bzod cing yang dag par len to// yang dag par 'dzin to// bdag gir byed do/ / de bas nas 'di'ang chos kyi sprin ces bya'o// kye rgyal ba'i sras gzhan yang byang chub sems dpa'i sa chos kyi sprin la gnas pa'i byang chub sems dpa' ni rang gi smon lam gyi stobs dang / shugs kyis snying brtse ba dang / snying rje chen po'i chos kyi snang ba chen po rab tu sgrog pa'i 'brug sgra shin tu sgrog pa mngon par shes pa dang / rig pa dang / mi 'jigs pa'i glog rnam par 'gyur ba/ 'od zer chen po'i rlung gis shin tu bskyod pa/ bsod nams dang ye shes kyi sprin gyi dra ba stug pos kun nas khebs pa/ lus sna tshogs kyi sprin gyi glog yang dag par ston pa chos kyi chen po rab tu sgrog pa/ bdud kyi 'khor thams cad shin tu tshar gcod pa yongs su bsrung ste/ skad cig yud tsam thang cig tu phyogs bcu'i 'jig rten snga ma de das na rdus shin tu phra ji snyed yod pa de snyed kyi 'jig rten gyi khams kyang bye ba khrag khrig brgya stong dang / de dag pas kyang ches mang zhing tshad med pa'i 'jig rten gyi khams bye ba khrag khrig brgya stong rgyas par bkang ste/ dge ba'i
- 192b
bdud rtsi'i rgyun gyi char chen pos bsam pa ji lta ba bzhin du sems can rnams kyi mi shes pa las langs pa'i nyon mongs pa'i rdul gyi me lce thams cad rab tu zhi bar byed do/ / de bas nas 'di'ang chos kyi sprin ces bya'o/ / kye rgyal ba'i sras gzhan yang byang chub sems dpa'i sa chos kyi sprin la gnas pa'i byang chub sems dpa' ni/ 'jig rten gyi khams gcig tu'ang dga' ldan gyi gnas na bzhugs pa nas 'azung ste 'pho ba dang / yum gyi skur bzhud pa dang / sku na bzhugs pa na/ tshe dang mngon par 'byung ba dang / mngon par 'tshang rgya ba dang / gsol ba gdab pa dang / chos kyi 'khor lo chen po bskor ba dang / mya ngan las 'das pa chen po bstan pa'i bar du sems can gyi bsam pa'i tshul dang / 'dul ba'i tshul ji lta ba bzhin du de bzhin gshegs pa'i 'phrin las thams cad byin gyis rlob bo/ / de bzhin du 'jig rten gyi khams gnyis nas 'jig rten gyi khams snga ma de dag na rdul shin tu phra ba ji snyed yod pa de dag pas kyang ches mang ba'i 'jig rten gyi khams bye ba khrag khrig brgya stong tshad med pa'i bar dag tu'ang dga' ldan gnas na bzhugs pa nas 'byung ste/ yongs su mya ngan las 'das pa chen po bstan pa'i bar du sems can rnams kyi bsam pa'i tshul dang / 'dul ba'i tshul ji lta ba bzhin du de bzhin gshegs pa'i 'phrin las thams cad byin gyis rlob bo// de de lta bu'i ye shes dang ldan zhing shin tu
- 193a
brtags pa'i mngon par shes pa chen po thob pas/ 'dod na 'jig rten gyi khams dog pa yangs par byin gyis rlobabo// yangs pa'ang byin gyis rlob bo// dod na kun nas nyon mongs pa rnam par dag par byin gyis rlob bo/ / rnam par dag pa kun nas nyon mongs par byin gyis rlob bo// de bzhin du rgya chen po dang / shin tu yangs pa dang / tshad med pa dang / phra dang / tha gru chen po dang / snrel zhi dang / spyi'u btsugs dang / gzhi mnyam pa la sogs pa'i 'jig rten gyi khams thams cad kyang khyu mchog gi mthu phyung bas mngon par bsgrub pa de dang der byin gyis rlob bo/ / de 'dod na rdul shin tu phra ba gcig la 'jig rten gyi khams khor yug gi 'obs dang bcas pa rnam pa thams cad dang ldan pa gcig kyang byin gyis rlob ste// rdul shin tu phra ba de'ang mi 'phel la bya ba de dag kyang yongs su ston to/ / rdul shin tu phra ba gcig la 'jig rten gyi khams gnyis dang / gsum dang / bzhi dang / ldanas 'jig rten gyi khams brjod du med pa'i bar du thams cad kyang khor yug gi 'obs dang bcas pa rnam pa thams cad dang ldan par byin gyis rloba'o/ / rdul shin tu phra ba de'ang mi 'phel la bya ba de dag kyang yongs su ston // 'dod na 'jig rten gyi khams gcig tu 'jig rten gyi khams gnyis kyi rgyan yongs su ston to// 'dod na 'jig rten gyi khams brjod du med pa'i bar gyi rgyan yongs su ston to// 'dodan
- 193b
'jig rten gyi khams gcig gi rgyan 'jig rten gyi khams gnyis su yongs su ston to/ / 'dod na 'jig rten gyi khams brjod du med pa ngag tu'ang yongs su ston to// 'dod na 'jig rten gyi khams brjod du med bdag na/ sems can gyi khams ji snyed yod pa de dag thams cad 'jig rten gyi khams gcig tu sdud de/ sems can de dag la'ang gnod par mi 'gyur ro// 'dod na 'jig rten gyi khams gcig na/ sems can gyi khams ji sbed pa de dag 'jig rten gyi khams brjod du med par sdud de/ sems can de dag la'ang gnod par mi 'gyur ro// 'dod na skra'i rtse mo gcig la sangs rgyas kyi yul gyi rgyan rnam pa thams cad dang ldan pa gcig ston to/ / 'dod na sangs rgyas kyi yul gyi rgyan rnam pa thams cad dang ldan pa brjod du med pa'i bar du ston to// 'dod na 'jig rten gyi khams brjod du med pa dag na/ rdul shin tu phra ba ji snyed yod pa de snyed kyi lus skad cig yud tsam thang cig tu shin tu sprul pa byed do// lus re re la'ang de snyed kyi lag pa yongs su ston te/ lag pa de dag gis kyang phyogs bcu'i sangs rgyas mchod pa rab tu byed de/ lag pa re res kyang medog gi phung po chu klung gang+gA'i bye ma snyed sangs rgyas bcom ldan 'das de dag la mngon par 'thor ro/ / me tog ji lta ba de bzhin du spos dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang /
- 194a
ba dan dang / de bzhin du rgyan thams cad kyang yongs su 'bul lo// lus re re la'ang de snyed kyi mgo byin gyis rlob cing / mgo re re la'ang de snyed kyi lce byin gyis brlabs te/ de dag gis kyang sangs rgyas bcom ldan 'das de dag gi yon tan shin tu rjod par byed do// sems bskyed pa re re la'ang phyogs bcu rgyas par khyab par 'gro ste/ sems bskyed pa tsam gyis kyang mngon par rdzogs par byang chub pa tshad med pa nas/ mya ngan las 'das pa chen po'i rgyan gyi bar du byin gyis rlob bo// dus gsum gyi lus tshed med pa'ang byin gyis rlob ste/ rang gi lus la sangs rgyas bcom ldan 'das tshad med pa rnams kyi sangs rgyas kyi zhing gi yon tan dang rgyan tshad med pa byin gyis rlob bo/ / 'jig rten gyi khams 'jig pa dang / 'du ba thams cad kyang rang gi lus la byin gyis rlob bo/ / rlung gi dkyil 'khor thams cad kyang ba spu'i khung bu gcig nas gtong de/ sems can rnams la gnod par mi byed do// 'dod na chu'i phung po yan chad 'jig rten gyi khams gcig byin gyis rlob bo/ / der yang pad+mo chen po byin gyis rlob bo// pad+mo chen po de'i 'od rnam par phye bas kyang 'jig rten gyi khams mu med pa rgyas par gang bar byed de/ dela'ang byang chub kyi shing chen po yongs su ston pa nas rnam pa'i mchog thams cad dang ldan pa'i thams cad mkhyen pa'i bar du yang dag par bstan to// rang gi lus la phyogs
- 194b
bcu'i nor bu dang / glog dang / nyi zla'i 'od kyis rlob pa nas/ snang ba dang 'od thams cad kyi bar du byin gyis rlob bo// kha'i dbugs kyis kyang phyogs re re'i 'jig rten gyi khams mtha' yas pa g.yo bar byed de/ sems can rnams 'jigs par yang mi byed do// phyogs bcur rlung gis 'jig pa dang / mes 'jig pa dang / chus 'jig pa'ang byin gyis rlob la/ 'dod na sems can thams cad bsam pa bzhin du gzugs kyi lus dang / gnas yongs su brgyan par byin gyis rlob bo// rang gi lus la de bzhin gshegs pa'i sku byin gyis rlob ste/ de bzhin gshegs pa'i sku la rang gi lus byin gyis rlob bo// de bzhin gshegs pa'i sku la rang gi sangs rgyas kyi zhing byin gyis rlob bo// rang gi sangs rgyas kyi zhing du de bzhin gshegs pa'i sku byin gyis rlob bo/ / kye rgyal ba'i sras de ltar byang chub sems dpa'i sa chos kyi sprin la gnas pa'i byang chub sems dpa' ni rdzu 'phrul dang / rnam par 'phrul pa 'di dag dang / gzhan yang bye ba khrag khrig brgya stong tshad med pa yongs su ston to/ / de nas 'khor de'i byang chub sems dpa' la la dang / lnga dang / klu dang / gnod sbyin dang / dri za dang / lha ma yin dang brgya byin dang / tshangs pa dang / 'jig rten gyi gon po dang / dbang phyug chen po dang / gtsang ma'i gnas su gtogs pa kha cig 'di snyam du sems te/ de ltar de ste/ byang chub sems dpa'i rdzu 'phrul mngon par
- 195a
'du bya ba'i spyod yul yang de ltar tshad med na/ de bzhin gshegs pa rnams kyi rdzu 'phrul gyi rnam pa ci 'dra ba zhig yod snyam pa dang / de nas byang chur sems dpa' rnam par grol ba'i zla bas 'khor de dag gi sems dang bsam pa'i rgyud shes nas/ byang chub sems dpa' rdo rje'i snying po la 'di skad ces smras so// kye rgyal ba'i sras 'khor 'di dag the tsom du gyur na de dag gi the tsom gcad pa'i phyir/ byang chub sems dpa'i cho 'phrul rnam par phye ba cung zad cig mi bstan tam// // bam po lnga bcu gsum pa// de nas byang chub sems dpa' rdo rje'i snying po de'i tshe/ byang chub sems dpa'i ting nge 'dzin sangs rgyas kyi zhing thams cad kyi lhan dang / rang bzhin yang dag par ston pa zhes bya ba la snyoms par zhugs so/ / de ltar byang chub sems dpa' rdo rje'i snying po byang chub sems dpa' ting nge 'dzin sangs rgyas kyi zhing thams cad kyi lhun dang / rang bzhin yang dag par ston pa la snyoms par zhugs ma thag tu de nas de nyid kyi tshe/ byang chub sems dpa'i 'khor de dag thams cad dang / lha dang / klu dang / gnod sbyin dang / dri za dang / lha ma yin dang / @ byin dang / tshangs pa dang / 'jig rten gyi mgon po dang / dbang phyug chen po dang / gtsang ma'i gnas kyi ris su gtobs pa'i 'khor de dag thams cad byang chub sems dpa' rdo rje'i snying
- 195b
po'i lus kyi nang na 'khod par rang rang gis shes par gyur te/ der sangs rgyas kyi zhing mngon du grub par shes so// sangs rgyas kyi zhing de'i rnam pa dang / rgyan ji snyed pa de dag kyang bskal pa khrag khrig tshang bas kyang brjod par mi nus par mthong ste/ der byang chub kyi shing stong gsum brgya stong phrag bcun khyab pa'i lhan can stong gsum khrag khrig yongs su tshang ba tsam du yangs shing tshad med pa'i yal ga can rtse mo shin tu mtho ba byung ste/ de dang rkyen du 'bab par de'i drung gi snying po byang chub la seng ge'i khri rgya chen po byung nas/ de la de bzhin gshegs pa mngon par shes pa'i blo gros thams cad kyi rgyal po zhes bya ba snying po byang chub tu gshegs te bzhugs par mthong ngo / / de ltar de na rgyan snyed snang bar gyur pa de dag ni bskal pa khrag khrig yongs su tshang bas kyang brjod par dka' 'o// des no 'phrul chen po de bstan nas/ byang chub sems dpa'i 'khor de dag thams cad dang / lha dang / klu dang / gnod sbyin dang / dri bra dang / lha ma yin dang / brgya byin dang / tshangs pa dang / 'jig rten gyi mgon po dang / dbang phyug chen po dang / gnas btsang ma'i ris su gtogs pa'i 'khor de dag thams cad so so'i gnas ji bzhin du bkod pa dang / de nas 'khor de dag thams cad ngo mtshar dang / rmad du gyur nas mi smra bar byang chub sems dpa' rdo rje'i snying po de nyid la sems shing 'khod par gyur to/ / de nas byang chub sems dpa' rnam par grol ba'i zla bas/ byang chub sems
- 196a
dpa' rdo rje'i snying po la 'di skad ces smras so/ / kye rgyal ba'i sras ting nge 'dzin 'di'i mthu rnam par bkod pa de ni rmad du byung bar ngo mtshar chen/ kye rgyal ba'i sras ting nge 'dzin de'i ming ci zhes bya/ byang chub sems dpa' rdo rje'i snying pos/ kye rgyal ba'i sras ting nge 'dzin 'di ni sangs rgyas kyi zhing thams cad kyi lhun dang rang bzhin yang dag par ston pa zhes bya'o// byang chub sems dpa' rnam par grol ba'i zla bas smras pa/ kye rgyal ba'i sras 'on ting nge 'dzin 'di'i spyod yul dang / yul dang rgyun ji lta bu yin/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa' ting nge 'dzin 'di la shin tu goms pa ni 'dod na/ sangs rgyas kyi zhing 'dra ba 'jig rten gyi khams chu klung gad+hA'i bye ma snyed dam/ de bas kyang mang du rang gi lus la ston to// kye rgyal ba'i sras byang chub sems dpa'i sa rlos kyi sprin la gnas pa'i byang chub sems dpas ni byang chub sems dpa'i ting nge 'dzin 'di 'dra ba brgya stong shin tu mang ba rab tu 'thob ste/ de bas byang chub sems dpa' de'i lus sem/ lus kyi las ni byang chub sems dpa' rgyal tshab kyi go 'phang thob cing / byang chub sems dpa'i sa legs pa'i blo gros la gnas pa dag gis kyang shes par slab ma yin no// ngag gam ngag gi las kyang shes par sla ba ma yin no// yid dam yid kyi las kyang
- 196b
shes par slab ma yin no/ / rdzu 'phrul shes par slab ma yin no// dus gsum la rnam par lta ba shes par slab ma yin no// ting nge 'dzin gyi spyod yul la 'jug pa shes par slab ma yin no/ / ye shes kyi yul shes par sla ba ma yin no// rnam par thar pas rnam par rol pa shes par spang ma yin no// 'phrul pa'i las shes par sla ba ma yin no// byin gyi rlabs kyi las shes par smra ba ma yin no// mthu'i las shes par sla 'am yin pa nas mdor bsdu na gom pa 'dor zhing 'deg pa'i las kyi bar du'ang byang chub sems dpa' rgyal tshab kyi go 'phang 'thob cing / / byang chub sems dpa'i sa legs pa'i blo gros la gnas pa rnams kyis kyang shes par sla ba ma yin te/ kye rgyal ba'i sras byang chub sems dpa' sachos sprin 'di ni mdor bsdus te bstan na'ang de ltar rmad med pa ste/ rgya cher ni bskal pa brgya stong grangs med pas kyang bstan pa'i mthar thug par mi 'gyur bar shes par bya'o// byang chub sems dpa' rnam par grol ba'i zla bas smras pa/ kye rgyal ba'i sras byang chub sems dpa' rnams kyi spyod pa'i yul dang / byin gyi rlabs kyang de ltar tshad med na/ de bzhin gshegs pa rnams kyi spyodan yul dang / yul gyi rgyud ci 'dra ba zhig yod/ byang chub sems dpa' rdo rje'i snying pos smras pa/ kye rgyal ba'i sras 'di lta ste/ dper na mil la zhig gis gling bzhi pa'i 'jig
- 197a
rten gyi khams nas rde'u rgya shug gi tshig gu tsam gnyis sam/ gsum zhig blangs te/ 'jig rten gyi khams mtha' yas pa dag na sa'i khams ji snyed cig yod/ rdong 'di las ji tsam zhig gis lhag par 'phags shing lhag par tshad med ces zer bzhig yod na/ kye rgyal ba'i sras de ltar khyod de bzhin gshegs pa dgra bcom pa yang dag par rdzogs pa'i sangs rgyas ye shes tshad med pa mnga' ba rnams kyi chos nyid byang rlub sems dang chos nyid kyis 'jal ba ni khyod kyi tshig 'di dang 'dra bar bdag gis dpags so/ / kye rgyal ba'i sras ji ltar gling bzhi pa'i 'jig rten gyi khams nas/ gang blangs pa'i sa'i khams chung la lhag ma lus pa tshad med pa de bzhin du/ kye rgyal ba'i sras byang chub sems dpa'i sa chos kyi sprin 'di kho na'ang bskal pa grangs med par shin tu bstan kyang phyogs tsam zhig bstan du zad na/ de bzhin gshegs pa'i sa lta smos su'ang ga la yod/ kye rgyal ba'i sras khyod kyis khong du chud pa dang yid ches par bya na/ bzhin gshegs pa 'di dag gis mdun na dbang du bzhugs te/ kye rgyal ba'i sras gal te phyogs bcu'i phyogs re re'i sangs rgyas kyi zhing 'jig rten gyi khams mu med pa'i rdul shin tu phra ba snyed gcigs 'di lta bu thob pa'i byang chub sems dpa' rnams kyis bu ram shing gi tshal lam smyig ma'i tshal lam/ 'od ma'i tshal lam til gyi zhing thibs po bzhin du yongs su gang bar
- 197b
gyur kyang / byang chub sems dpa'i spyod pa mngon par bsgrub pa/ bskal pa mu med par bsgrubs pa de dag gis ni de bzhin gshegs pa'i ye shes skad cig yud tsam thang cig tu byung ba'i de bzhin gshegs pa'i yul gyi brgya'i char yang nye bar mi 'gro/ / stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi rwa dang / bye ba brgya stong gi cha dang / bye ba khrag khrig brgya stong gi chur yang nye bar mi 'gro ba nas/ grangs dang / rwa dang / bgrang ba dang / dpe dang / rgyu dang / bsnun pa tsam du'ang nye bar mi 'gro'o// kye rgyal ba'i sras de ltar ye shes de lta bu dang ldan pa'i byang chub sems dpa' de bzhin gshegs pa'i sku dang / gsungs dang / thugs dang gnyis su med pa ni/ byang chub sems dpa'i ting nge 'dzin gyi stobs kyang yongs su mi gtong la/ sangs rgyas blta ba dang / ma rlod pa dang / rim gro'ang rab tu byed de/ bskal pa re re la'ang de bzhin gshegs pa mtha' yas pa la mchod pa rnam pa thams cad du mngon par bsgrubs pa'i ma rlod pa rgya chen po'i rjes su song bas mchod pa byed do/ / sangs rgyas bcom ldan 'das de dag gi byin gyi rlabs kyi sna ba'ang yang dag bapar 'dzin to/ / de ni sngon pas kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pargya stong phrag du ma dang / bskal pa bye ba brgya
- 198a
stong phrag du ma dang / bskal pa khrag khrig phrag du mA dang / bskal pa khrag khrig brgya phrag du ma dang / bskal pa khrag khrig stong drag du ma dang / bsgral pa khrag khrig brgya stong phrag du ma dang / bskal pa bye ba khrag khrig brgya stong phrag du mar chos kyi dbyings yongs su dris pa shin tu bstan pas mi 'phrog par gnas so// kye rgyal ba'i sras ngag 'di lta ste/ dper na lha rdzas kyi rgyun gyi rnam pa mgar bas ma 'ardungs pa rin po che'i dam pas spras pa/ lha'i rgyal po dbang sgyur gyi yan lag dam pa mgo 'am mgul du btags na/ de ma yin pa'i lha dang mi'i rgyan gyi rnam pa gzhan gyis mi 'phrogs shing mi thub pa yin/ kye rgyal ba'i sras de bzhin du byang chub du pa'i sa bcu po chos kyi sprin 'di thob pa'i byang chub sems dpa'i ye shes kyi rgyud de dag kyang sems can thams cad dang / nyan thos dang / rang sangs rgyas thams cad dang / byang chub sems dpa'i sa dang po nye bar bzung ba yan chad byang chub sems dpa'i sa dgu pa thob pa'i bar gyi byang chub sems dpa' rnams kyis kyang mi 'phrogs pa yin/ byang chub sems dpa'i sa 'di la gnas pa'i ye shes snang ba ni sems can rnams thams cad mkhyen pa'i ye shes la gzung ba'i rgyu yin te/ de ma yin pa'i ye shes snang ba gzhan gyis mi 'phrogs so// kye rgyal ba'i sras 'di lta ste/ dper na lha'i rgyal po dbang phyug chen po'i 'od kyis ni skye mched thams cad
- 198b
du'ang khyab la sems can rnams kyi lus kyang sim par byed do/ / kye rgyal ba'i sras de bzhin du byang chub sems dpa'i sa bcu pa 'di la gnas pa'i byang chub sems dpa'i ye shes snang ba'ang nyan thos dang / rang sangs rgyas thams cad dang / byang chub sems dpa'i sa dang po nye bar bzung ba yan chad byang chub sems dpa'i sa dgu pa la gnas pa'i bar gyi byang chub sems dpa' rnams kyis kyang mi 'phrogs pa yin/ thams cad mkhyen pa'i ye shes kyi bar gyi chos nyid la'ang sems can rnams rab tu gzhog to// kye rgyal ba'i sras byang chub sems dpa'i ye shes de lta bu dang ldan pa la ni/ sangs rgyas bcom ldan 'das rnams kyis dus sum gyi ye shes yang dag par bstan te/ chos kyi dbyings rab tu phye ba'i ye shes dang / 'jig rten gyi khams thams cad rgyas pa dgang ba dang / 'jig rten gyi khams thams cad du snang bar byin gyis brlab pa dang / sems can thams cad dang zhing gi chos yongs su shes par bya ba dang / sems can thams cad kyi sems dang / spyod pa la 'jug pa'i ye shes nas mdor bsdun/ thams cad mkhyen pa'i ye shes thob par bya ba'i bar du yang dag par bstan to// de'i pha rol tu phyin pa bcu las ye shes kyi pha rol tu phyin pa'i shas che ba yin te/ kye rgyal ba'i sras 'di ni byang chub sems dpa' rnams kyi chos kyi sprin ces bya ba byang chub sems dpa'i sa
- 199a
bskul mdor bstan pa'o/ / rgya cher ni bskal pa grangs medang mu med pas bstan pas mthar thug par shes par bya'o// de la gnas pa'i byang chub sems dpa' ni phal cher lha'i rgyal po dbang phyung chen por 'gyur te/ sems can rnams la nyan thos dang / rang sangs rgyas dang / byang chub sems dpa' pha rol tu phyin pa bstan pal mkhas shing mthu yod pa yin/ rlos kyi dbyings rnam par phye ba yongs su dris pa bstan pas mi 'phrogs pa yin/ sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung / de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / rlos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin/ ba yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad
- 199b
mkhyen pa'i ye shes kyi bar du yid la bya ba dang mi 'bral ba yin te/ de 'dod ma skad cig thang cig yud tsam cig tu ting nge 'dzin sangs rgyas kyi zhing brjod du med pa byed khral khrig brgya stong phrag bcu rdul shin tu phra ba snyed rab tu 'thob cing de dag la snyoms par 'jug pa dang / sangs rgyas sangs rgyasad+d+hi ming brjod du med pa bye ba khram khrig brgya stong phrag bcu'i rdul shin tu phra ba snying mthong ba dang / ra ngag gi phrin gyi rlabs kyang yang dgu par shes pa dang / 'jig rten gyi khams sangs rgyas kyi zhing brjod du med pa bye ba brag khrig brgya stong phras bcu'i rdul shin tu zla ba sdu spyo pa dang / sangs rgyas kyi zhing sangs rgyas kyi zhing brjod du med pa bye 'a khrag khrig brgya stong phrag bcu'i rdul shin tu phra bar 'gro ba dang / 'jig rten gyi khams sangs rgyas kyi zhing brjod du med pabye ba khral khrig brgya stong phrag bcu'i rdul shin tu phra ba snang bar bya ba dang / sems can sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba yongs su smin par bya ba dang / bskal pa sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed du gnas par bya ba dang / sngon gyi mtha' dang / phyi ma'i mtha' bskal pa sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba la rab tu 'jug pa dang / chos kyi sgo sangs rgyas kyi zhing brjod du med pa bye ba khrag khrig brgya stong phrag bcu'i
- 200a
rdul shin tu phrab rnam par dbye bar bya ba dang / lus sangs rgyas kyi zhing brjod du med pa bye ba khrag khrig brgya stong phrag bcu'i rnardul na tu phra sa yongs su bstan pa dang / lus re la'ang byang chub sems dpa'i 'khor sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba yang dag par bstan pa'i brtson 'grus kyi rnam pa de lta bu rtsom mo/ / de yan chad byang chub sems dpa' smon lam gyi mthu can rnams smon lam gyi khyad par gyi rnam par 'phrul te/ de dag gi lus sam/ 'od dam/ rdzu 'phrul lam/ mig bam/ spyod yul lam dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal pa brgya phrag du ma dang bskal pa stong phrag du ma dang / bskal pa brgya stong phrag du ma'i bar gyis kyang bgrang bar dka' 'o// kye rgyal ba'i sras byang chub sems dpa'i sa bcu po de dag ni rim gyis mngon du gzhol bas thams cad mkhyen pa'i ye shes la rnam pa thams cad rjes su song bar blta'o/ / kye rgyal ba'i sras 'di lta ste/ dper na mtsho chen po ma dros pa las byung ba'i 'bab chu ni chu klung rnon po'i rgyud kyi sgo bzhis 'dzam bu'i gling yongs su ngoms par byas nas mi zad par byal te/ gong du rnam par 'phel ba dang / rgya mtsho chen po'i bar du zhen par 'gyur te/ chu de ni
- 200b
thog ma nas kyang rgya mtsho chen po la mngon par gzhol ba yin/ kye rgyal ba'i sras de bzhin du byang chub kyi sems las byung ba'i dge ba'i rtsa ba'i chu 'bab pa smon lam chen po'i chu klung gi rgyun gyi sgo nas bsdu ba'i dngos po bzhis sems can gyi khams ngoms par byas te/ mi zad par byas nas gong du rnam par 'phel ba dang / rnam pa thams cad du thams cad mkhyen pa'i ye shes kyi bar gyi rgya mtsho chen po la zhen par 'gyur te/ dge ba'i rtsa ba'i chu de ni thog ma nas kyang thams cad mkhyen pa nyid kyi rgya mtsho chen po la mngon par gzhol ba yin/ kye rgyal ba sras byang chub sems dpa'i sa bcu po de dag ni/ sangs rgyas kyi ye shes kyi gzhi las yod par 'gyur te/ kye rgyal ba'i sras 'di lta ste/ dper na sa chen po'i gzhi las ri'i rgyal po chen po bcu yod par gyur pa 'di lta ste/ ri'i rgyal po chen po kha ba can dang / ri'i rgyal po chen po spos kyi ngad can dang / ri'i rgyal po chen po rnam par 'dal ba dang / ri'i rgyal po chen po drang srong ri dang / ri'i rgyal po chen po gnya' shing 'dzin dang / ri'i rgyal po chen po rta rna ri dang / ri'i rgyal po chen po sa 'dzin dang / ri'i rgyal po chen po khor yug dang / de'i rgyal po chen po dpa' can dang / ri'i rgyal po chen po ri rab bo// kye rgyal ba'i sras de la 'di lta ste/ dper na ri'i rgyal po chen po kha ba can ni/ sman gyi rnam pa thams cad kyi 'byung ba nas te/ sman
- 201a
sna tshogs thams cad blangs pas mthar thug pa med do/ / kye rgyal ba'i sras de bzhin du/ byang chub sems dpa'i sa rab tu dga' ba la gnas pa'i byang chub sems dpa' yang 'jig rten pa'i gtsug lag dang / tshig dang / sngags dang / rig pa'i gnas kyi 'byung gnas yin te/ 'jig rten pa'i gtsug lag dang / tshig dang / sngags dang / rig pa'i gnas bstan pas mthar thug pa med do/ / kye rgyal ba'i sras 'di lta ste/ dper na ri'i rgyal po spos kyi ngad can ni/ spos kyi rnam pa thams cad kyi 'byung gnas yin te/ spos kyi rnam pa sna tshogs blangs pas mthar thug pa med do/ / kye rgyal ba'i sras de bzhin du/ byang chub sems dpa' sa dri ma med pa dang bral ba la gnas pa'i byang chub sems dpa' yang byang chub sems dpa'i tshul khrims dang / sdom pa dang / tshul thams cad kyi 'byung gnas yin te/ byang chub sems dpa'i tshul khrims dang / sdom pa dang / tshul rnam pas sna tshogs kyi spos kyi mthar thug pa med do/ / kye rgyal ba'i sras 'di lta ste/ dper na ri'i rgyal po rnam par 'dal ba ni rin po che'i rang bzhin shin tu dag pa// rin po che'i rnam pa thams cad kyi 'byung gnas yin te/ rin po che'i rnam pa sna tshogs thams cad blangs pas zad pa med do// kye rgyal ba'i sras de bzhin du/ byang chub sems dpa'i sa 'od byed pa la gnas pa'i byang chub sems dpa' yang
- 201b
'jig rten pa'i bsam gtan dang / mngon par shes pa dang / rnam par thar pa dang / ting nge 'dzim dang / snyoms par 'jug pa rnams kyi 'byung ba nas yin te/ 'jig rten pa'i bsam gtan dang / mngon par shes pa dang / rnam par thar pa dang / ting nge 'dzin dang / snyoms par 'jug pa yongs su dris pa bstan pas zad pa med do// kye rgyal ba'i sras 'di lta ste dper na ri'i rgyal po chen po drang srong ri ni rin po che'i rang bzhin rnam par dag pa/ drang srong mngon par shes pa lnga dang ldan pa'i 'byung gnas yin te/ mngon par shes pa lnga dang ldan pa'i drang srong 'grangs pas zad pa med do/ / kye rgyal ba'i sras de bzhin du/ byang chub sems dpa'i sa 'od 'phro ba can la gnas pa'i byang chub sems dpa' yang lam dang lam ma yin pa'i khyad dang bye brag shes pa thams cad kyi 'byung gnas yin te/ lam dang lam ma yin pa'i khyad dang bye brag gi rgyud yongs su dris pa yongs su bstan pas zad par mi 'gyur ro// kye rgyal ba'i sras 'di lta ste d per na ri'i rgyal po chen po gnya' shing 'dzin ni rin po che'i rang bzhin rnam par dag pa gar sbyin rdzu 'phrul chen po dang ldan pa rnams kyi 'byung gnas yin gnod sbyin rdzu 'phru chen po can bgrangs pas drang ba med do/ / kye rgyal ba'i sras de bzhin du/ byang chub sems dpa'i sa shin tu rgyal bar dka' ba la gnas pa'i byang chub sems dpa' yang mngon par shes
- 202a
pa dang / rdzu 'phrul dang / rnam par 'phrul pa dang / rmo 'phrul thams cad kyi 'byung gnas yin te/ mngon par shes pa dang / rdzu 'phrul dang / rnam par 'phrul ba dang / rlo 'phrul yongs su dris pa bstan pas zad pa med do// kye rgyal ba'i sras 'di lta ste/ dper na ri'i rgyal po chen po rta rna ri ni rin po che'i rang bzhin rnam par dag pa/ shing thog gi rnam pa thams cad kyi 'byung gnas yin te/ shing thog rnam pa sna tshogs thams cad blangs pas zad par mi 'gyur ro// kye rgyal ba'i sras de bzhin du/ byang chub sems dpa'i sa mngon sum la gnas pa'i byang chub sems dpa' yang rten cing 'brel par 'byung ba la 'jug pa shin tu bstan pa'i 'byung gnas yin te/ nyan thos kyi 'bras bu mngon par khong du chud par bya ba yongs su dris pa bstan pas zad pa med do/ / kye rgyal ba'i sras 'di lta te/ dper na ri'i rgyal po chen pos 'dzin ni rin po che'i rang bzhin rnam par dag pa/ klu rdzu 'phrul chen po dang ldan pa rnam kyi 'byung gnas yin te/ klu rdzu 'phrul chen po can bgrangs pas zad pa med do// kye rgyal ba'i sras de bzhin du/ byang chub sems dpa' sa ring du song ba la gnas pa'i byang chub sems dpa' yang thabs dang shes rab shin tu bstan pa'i 'byung gnas yin te/ rang sangs rgyas kyi 'bras bu mngon par khong du chud bar bya ba yongs su dris pa bstan pas zad pa med do// kye rgyal ba'i sras 'di lta ste/
- 202b
dper na ri'i rgyal po chen po khor yug ni rin po che'i rang bzhin rnam par dag pa/ dbang du gyur pa rnams kyi 'byung gnas yin te/ dbang du gyur pa bgrangs pas zad pa med do// kye rgyal sras de bzhin du/ byang chub sems dpa' sa mi g.yo ba la gnas pa'i byang chub sems dpa' yang byang chub sems dpa'i dbang mngon par bsgrub pa yongs su dris pa shin tu bstan pa'i 'byung gnas yin te/ 'jig rten gyi khams rnam par phye ba yongs su dris pa bstan pas zad pa med do// kye rgyal ba'i sras 'di lta ste/ dper na ri'i rgyal po dpal dang ldan pa ni rin po che'i rang bzhin rnam dag pa/ lha ma yin rdzu 'phrul chen po dang ldan pa rnams kyi 'byung gnas yin te/ lha ma yin rdzu 'phrul chen po can bgrangs pas zad pa med do// kye rgyal ba'i sras de bzhin du/ byang chub sems dngadapa'i sa legs pa'i blo gros la gnas pa'i byang chub sems dpa' yang sems can 'byung ba dang / 'jig pa shes pa'i rgyud thams cad kyi 'byung gnas yin te/ 'gro ba thams cad 'byung ba yongs su dris pa bstan pas zad pa med do/ / kye rgyal ba'i sras 'di lta ste/ dper na ri'i rgyal po chen po ri rab ni rin po che'i rang bzhin rnam par dge pa/ la rdzu 'phrul chen po dang ldan pa rnams kyi 'byung gnas yin te/ lha rdzu 'phrul chen po can bgrangs pas zad pa med do// kye rgyal ba'i sras de bzhin du/ byang chub sems dpa'i sa chos sprin la gnas pa'i byang chub sems dpa' yang
- 203a
de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa rnams kyi 'byung gnas yin te/ sangs rgyas kyi 'phrin las yang dag par bstan pa yongs su dris pa bstan pas zad pa med do/ / kye rgyal ba'i sgras ji ltar ring po che'i ri chen po de dag rgya mtsho chen po las byung zhing / rgya mtsho chen po las smos pa de bzhin du/ ce rdul ba'i sras byang chub sems dpa'i sa bcu po 'di dag kyang thams cad mkhyen pa nyid las byung ba'o/ / thams cad mkhyen pa nyid las smos pa'o// kye rgyal ba'i sgras 'di lta ste/ dper na N+ya mtsho chen po ni rnam pa bcus mi 'phrogs pa'i phyir rgya mtsho'i grangs su 'gro ste/ bcu gang zhe na/ 'di lta ste/ rim gyis gzhol ba dang / shi ba'i ro dang mi 'grogs pa dang / chu gzhan gyi grangs yongs su spangs pa dang / ro gcig pa dang / rin po che mang ba dang / zab cing gting ring ba dang / yangs shing tshad med pa dang / 'byung po mang po'i gnas su gyur pa dang / dbres kyi tshul las mi 'da' ba dang / sprin chen po'i char thams cad yongs su 'dzin pas mi ngoms pa'o// kye rgyal ba'i sras de bzhin du/ byang chub sems dpa' yang spyod pa'i rnam pa bcus mi 'phrogs pa'i grangs su 'gro'o/ / bcu gang zhe na/ 'di lta ste/ byang chub sems dpa'i sa rab tu dga' ba la smon lam chen po rim gyis mngon par bsgrubs pas gzhol ba dang
- 203b
byang chub sems dpa'i sa dri ma dang bral ba la tshul khrims ngan pa'i ro dang mi 'grogs pa dang / byang chub sems dpa'i sa 'od byed pa la 'jig rten pa rnam par gdags pa'i grangs yongs su spangs pa dang / byang chub sems dpa'i sa 'od 'phro ba can la sangs rgyas la mos pa mi byed pa'i ro gcig pa dang / byang chub sems dpa'i sa shin tu rgyal bar dka' ba la thabs dang mngon par shes pa tshad med pas 'jig rten gyi bya ba mngon par bsgrub pa'i rin po che mang ba dang / byang chub sems dpa'i sa mngon sum la rten cing 'brel par 'byung ba rab tu brtags pas shin tu zab pa dang byang chub sems dpa'i sa ring du song ba la blo dang rnam par 'byed pa dang mkhas pa yangs shing tshad med pa dang / byang chub sems dpa'i sa mi g.yo ba la rgyan rnon po mngon par bsgrub pa yang dag par bstan pa'i 'byung po mang po gnas pa dang / byang chub sems dpa'i sa legs pa'i blo gros la rnam par thar pa zab mo dang 'gro ba thams cad kyi spyod pa ji lta ba bzhin du khong du chud pa'i tshul gyi dbres las mi 'da' ba dang / byang chub sems dpa'i sa chos kyi sprin la de bzhin gshegs pa thams cad kyi chos snang ba'i sprin chen po'i char yang dag par gzung bas mi ngoms pa'o// kye rgyal ba'i sras 'di lta ste/ dper na nor bu rin po che ni rin po che'i mkhan po mkhas pas shin tu bsregs shin tu bsgrubs/ shin tu sbyangs// shin tu dag par byas/ le
- 204a
par dug/ rin po che'i srad bus legs par btags/ rin po che'i bai DUR+Ya'i rtsa ba'i rgyal mtshan gyi rtse mo la gzhag ste/ 'od thams cad 'byung bar gyur la/ rgyal bopos bsngags par gyur te/ rin po che'i rigs bcu las 'das shing shin tu 'phags par gyur ba de'i tshe/ sems can thams cad la rin po ches phan gdags pa'i don du nye bar gnas pa yin/ kyekyi rgyal ba'i sras de bzhin du/ byang chub sems dpa'i thams cad mkhyen pa nyid kyi sems rin po che bskyed pa'ang sbyangs pa'i yon tan gyi sdom pa dang / tshul khrims dang / brtul zhugs dang dka' thub kyis shin tu bsregs/ bsam gtan dang / rnam par thar pa dang / ting nge 'dzin dang / snyoms par 'jug pas shin tu bsgrubs/ lam kyi yan lag gi rnam pas shin tu sbyangs/ thabs dang mngon par shes pas shin tu dag par byas/ rten cing 'brel par 'byung bas shin tu phug/ thabs dang shes rab rin po che sna tshogs kyi srad bus shin tu btags// dbang gi rin po che'ibai DUR+Ya'i yu ba'i rgyal mtshan gyi rtse mo la gzhag/ sems can gyi spyod pa rab tu brtag pa dang thos pa'i ye shes kyi 'od rab tu 'byung bar 'gyur te/ chos kyi rgyal po de bzhin gshegs pas yang dag par rdzogs pa'i sangs rgyas kyi mngon par dbang bskur bas dbang bskur bar gyur pa de'i tshe/ sems can thams cad la sangs rgyas kyi 'phrin las rin po che thams cad kyis yang dag par
- 204b
gdags pa'i don du nye bar gnas pa yin te/ de'i tshe thams cad mkhyen pa zhes bya'o// kye rgyal ba'i sras byang chub sems dpa'i spyod pa yang dag par bsgrubs shing rnam pa thams cad du thams cad mkhyen pa'i ye shes dang / yon tan yang dag par bsags pa'i chos kyi sgo'i rgyud 'di ni/ sems can dge ba'i rtsa ba ma bskyed po rnams kyi rna lam du grag par mi 'gyur ro// byung chub sems dpa' rnam par grol ba'i zla bas smras pa/ kye rgyal ba'i sras 'on rnam pa thams cad du thams cad mkhyen pa'i ye shes dang / yom ngar yang das par bsams pa'i chos kyi sgor rgyud 'di gang gi rna lam du grag par gyur pa de dag bsod nams kyi tshogs ji tsam zhin dang ldan par 'gyur/ byang chub sems dpa' rdo rje'i snying pos smras pa/ kye rgyal ba'i sras thams cad m khyen pa'i ye shes kyi mthu ji tsam pa de snyed kyi bsod nams kyi tshogs ni thams cad mkhyen pa nyid du sems bskyed cing bsgrub par dmigs pa la yodachos kyi sgo'i rgyud 'di grub cing mngon pa gyur pa'i bsod nams kyi tshogs kyang de tsam du shes par bya'o/ / de ci'i phyir zhe na/ kye rgyal ba'i sras rnam pa thams cad du thams cad mkhyen pa'i ye shes dang / yon tan yang dag par bsas pa'i chos kyi rgyud 'di ni/ byang chub sems dpa' ma yin pas mnyam pa 'am/ mos par bya ba 'am/ gzung bar yang mi nus na/ bsgom pa'i rnam pa'i snuHras brtson par mi nus pa lnga ci smos
- 205a
de bas na kye rgyal ba'i sras gang gis chos kyi sgo'i rgyud 'di thos te/ thos nas mos par byed pa dang / mos par byas shing 'dzin pa dang / bskyob pa'i rnam pas brtson par byed na/ sems can de dag ni thams cad mkhyen pa'i ye shes kyi sgo dang ldan par shes par bya'o// de nas de'i tshe sangs rgyas kyi mthu dang / chos nyid thob pas phyogs bcur 'jig rten gyi khams sangs rgyas kyi zhing khrag khrig phrag bcu'i rdul shin tu phra ba snyed rnam pa drug dang ltas chen po bco brgyad du g.yos so/ / rab tu g.yos so// kun tu g.yos so// 'gul lo// rab tu 'gul lo// kun tu 'gul lo// ldeg go/ rab tu ldeg go// kun tu ldeg go// che mchem/ rab tu rjem/ kun tu chem chem mo// 'ur 'ur/ rab tu 'ur 'ur/ kun tu 'ur 'ur ro// shig shig/ rab tu shig shig/ kun tu shig shig go/ sangs rgyas kyi mthu dang chos nyid rab tu thob pas lha rdzas kyi 'phreng ba'i sprin gyi char mngon par bab bo// lha rdzas kyi gos kyi sprin gyi char mngon par bab bo/ / lha rdzas kyi rin po che'i sprin gyi char mngon par bababo// lha rdzas kyi gdugs kyi sprin gyi char mngon par bab bo// lha rdzas kyi rgyal mtshan gyi sprin gyi char mngon par bang bo// / lha rdzas kyi ba dan gyi sprin gyi char mngon par bab bo// lha rdzas kyi rol mo brdung ba dang / dkrol ba dang / glu'i dbyangs kyi sprin gyi sgra mngon par sgrog go/ lha rdzas las 'das par thams cad mkhyen pa'i
- 205b
sal mngon par bstod pa'i klu'i dbyangs kyi sprin gyi sgra mngon par sgrog go/ / ji ltar gling bzhi pa'i 'jig rten gyi khams 'di'i gzhan 'phrul dbang byed kyi gnas su lha'i dbang sbur gyi gzhal med khang nor bu rin po che'i snying por ji lta ba de bzhin du/ 'jig rten gyi khams thams cad du 'am phyogs bcu rgyas par gang zhing chos ston pa 'di'ang thams cad du byung bar gyur to// sangs rgyas kyi mthus phyogs bcu nas byang chub sems dpa' sangs rgyas kyi zhing khrag khrig phrag bcu'i rdul shin tu phra ba snyed phyogs bcu rgyas par byed cing lhags te/ de dag phyis nas kyang 'di skad ces zer ro/ / kye rgyal ba'i sras de ltar khyod kyis byang chub sems dpa'i chos nyid 'di brjod pa legs so legs so// kye rgyal ba'i sras bdag cag kyang rdo rje'i snying po zhes bya ba ming mthun pa sha stag ste/ 'jig rten gyi khams rdo rje'i dpal zhes bya ba dag nas/ de bzhin gshegs pa'i mtshan rdo rje'i rgyal mtshan zhes bya ba dag gi drung nas 'dir lhags 'jig rten gyi khams de dag thams cad na'ang rlos bstan pa 'di nyid sangs rgyas kyi mthus 'khor gyi rnam pa 'di 'dra ba dag la tshig 'di nyid dang / yi ge 'di dag nyid dang khong du chud par bya ba 'di dag nyid dang / don 'di nyid lhag chad med par mngon par brjod de 'byung bar gyur to// kye rgyal ba'i sras bdag cag kyang dbang du gyur pa sha stag sangs
- 206a
rgyas kyi mthus 'khor 'dir byin te/ kye rgyal ba'i sras 'jig rten gyi khams 'dir bdag cag ji ltar phyin pa de bzhin du/ phyogs bcu'i 'jig rten gyi khams t hams cad kyi gling bzhi pa'i 'jig rten gyi khams re re'i gzhan 'phrul dbang byed kyi gnas kyi lha'i rgyal po dbang sgyur gyi gzhal med khang nor bu rin po che'i snying por yang sangs rgyas kyi zhing khrag khrig phrag bcu'i rdul shin tu phra ba snyed kye byang chub sems dpa' rnams phyin par gyur to/ / de nas byang chub sems dpa' rdo rje'i snying pos phyogs bcur bltas te/ 'khor gyi dkyil 'khor thams cad la bltas nas/ chos kyi dbyings la rnam par blta ba dang / thams cad mkhyen pa'i ye shes kyi sems bskyed pa yang dag par brjod pa dang / byang chub sems dpa'i yul yang dag par bstan pa dang / spyod pa'i stobs yongs su sbyangs pa dang / rnam pa thams cad mkhyen pa yang dag par bsgrub pa brjod pa dang / 'jig rten gyi dri ma bsal ba dang / thams cad mkhyen pa'i ye shes nye bar bsgrub pa dang / bsam gyis mi khyab pa'i ye shes kyi rgyun yongs su bstan pa dang / byang chub sems dpa' thams cad kyi yon tan rab tu rjod par byed cing / sa'i don 'di'ang brtag par bya ba dang bstan pa'i phyir/ sangs rgyas kyi mthus de'i tshe tshigs su bcad pa 'di dag smras so// zhi dang dul dga' zhi zhing dul ba'i yin ldan la/ nam mkha'
- 206b
dbyings 'dra bar snang mkha' dang mtshungs 'dra zhing / / tha ba'i dri ma rnam spungs lam rnams shes gnas pa'i// byang chub sems dpa'i spyod pa'i khyad par rab la nyon// bskal pa bye bar dge ba brgya stong rab bsags shing / / sangs rgyas brgya stong drang srong chen po mo chod byas te// dbang sgyur rnams dang rang rgyal mtha' yas mchod byas nas// 'gro ba kun la phan phyir byang chub sems skye'o/ / brtul zhugs dka' thub dka' spyad dul bzod ldan gyur la// khrel yod dpal gyi spyod ldan ye shes 'phags shing // blo gros rig yangs sangs rgyas ye shes sems ldan gyi/ / byang chub sems rab rgyal ba'i stobs dang mnyam 'dra skye// dus gsum rgyal ba ji snyed mchod rab mchod pa'i phyir// nam mkha'i dbyings tshang zhing rnams thams cad yongs su sbyong / / chos rnams thams cad ji snyed de dag mnyam rtogs pas// 'gro ba dgrol ba'i don du byang chub sems skye'o// gzhal yas sems skyes sa mchog rab tu tho gyur nas// sdig pa thams cad bsal phyir rdul med rab tu dka'/ / smon lam stobs dpyad dkar chos yang dag bsags byas nas// snying rje brtse ldan sa oM gong ma yongs su gnon// 'gro phyir byams sems tshul khrims thos dang yon tan ldan/ / dri med dri bral rang bzhin yongs dag bsam pa yis// 'jig rten thams cad med gsum 'bar bar mthong gyur nas// gsum pa rnam yongs r+b+ba
- 207a
ma sa thun/ nas nga ma chu sa/ ma s a yo ma na / nas sa dus ni 'i ma sa sems sasu su ma mags pa ma 'i la ma ma '
- 207b
jig rten yang dag nyid dpyod pa'i/ / rang bzhin chen po 'gro phyir legs pa'i blo gros gnon// 'di la shin tu phra bar 'jig rten kun dpyad cing // sems can thibs po'i spyod ldan nyon mongs las dpyad de/ / de dag gdul ba'i spyod pas yon tan mang po gnon// bde gshegs mdzod thob don gyi dam pa rab tu ston// dkar chos rim gyis de 'dra'i spyod dang ldan gyur pas// sa dgu'i bar du bsod rnams ye shes tshogs thob cing / / rgyal ba rnams kyi stobs mchog don dam mngon 'dod pa// ye shes yon tan dbang bskur sangs rgyas kun las 'thob// brgya stong phrag bcu'i ting 'dzin grangs med gang yod pa/ / spyod yul shes pa che nyid shes yangs thob gyur nas// de yi rjes la thams cad mkhyen par dbang bskur 'thob// yul yang sa ting 'dzin de dag thob pas de mi bskul/ / gang tshe de yis kun mkhyen dbang bskur thob pa'i tshe// pad+mo rgya chen rin chen kun gyis brgyan pa 'byung // de yi tshul mthun lus kyis dbugs su gnas par 'gyur// rgyal ba'i sras kyis yongs bskor de la lta zhing gnas// de yi 'od zer khrag khrig mtha' yas stong phrag mang // phyogs bcu'i 'gro ba'i sdug bsngal kun kyang zhi bar byed// mgo yig drug nas 'od zer bye ba stong byung zhing / / phyogs rnams kun gyi mi yi gtso bo'i 'khor du rgyu// steng gi mkha' yi dbyings la 'od zer dra bar gnas// sangs rgyas mchod phyir brtson par rgyal ba'i
- 208a
zhabs su 'dong / / de tshe rgyal ba rnams dang rgyal sras rnams kyis kyang // chos rab don du rgyal sras dbang bskur thob par mkhyen// ma rlod pa'i don du rgyal sras mtha' yas kun kyang 'o/ / de'i tshe kun mkhyen dbang bskur mi mchog mdzod spunas// dbang bskur 'od zer dam pa mang po 'byung bar 'gyur// 'od zer mchog gis bskor cing spyi bo'i gtsub tu rlug// 1/ rgyal mchog bu yi thu bo srid mchog la// dbang bskur zhing du sangs rgyas kun gyi dbang bskur tshe// phyogs bcu'i 'jig rten thams cad kun nas g.yo bar 'gyur// mnar med par gyi sdug bsngal de/ tshe zhi zhing 'dug/ gang tshe kun mkhyen dbang gis mngon par dbang bskur ba// de phyir mkhas pas chos sprin sa mchog thob ces bya// mkhas pa 'di la gnas pa'i shes rgyang tshad med de// sa rab 'di la gnas pa 'gro kun gtso yin no/ / gzugs dang gzugs med de bzhin 'dod pa'i khams yangs med// sems can khams dang zhing dang chos khams yangs pa dang // grangs dang grangs med nam mkha'i khams kyi bar du ste/ / chos dbyings yangs pa thams cad ma nor khong du chud// 'di la gnas pa mthu chen sprul pa'i las kun dang // de bzhin byin rlabs rgyal ba'i ye shes phra ba dang // mi mchog gsang ba bskal pa'i grangs rnams shes bya dang / / skra rtse gcig tu 'jig rten khams rnams gzud pa dang // mi yi gtso bo 'byung dang sku tshe 'tshang rgya dang // 'khor lo dam pa bskor dang mya ngan
- 208b
'da' ba'i rnams/ / thams cad rab shes gong du rnam thar zhing ba dag/ sngon chad ma thob kun kyang de tshe rab tu 'thob// 'di la gnas pa'i mthu chen rgyal ba'i chos kyi sprin// thams cad khong du chung byed dran pas kun kyang 'dzin/ / klu rnams kun gyi sprin char rgya mtsho 'dzin pa ltar// de bzhin rgyal ba'i chos sprin char chen kun kyang 'dzin// rgyal ba gcig las chos gang mthu chen des thob pa/ de la phyogs bcu mtha' yas zhing gi sems can rnams// thams cad bde gshegs nyan thos thos pa 'dzin gyur kyang // byang chub sems dpas thos pa'i grangs char nyer mi 'gro// ye shes spyod pa'i stobs kyis sngan rmad spyad pa'i mthus/ / skad cig yud tsam cig tu khrag khrig zhing bkang zhing // bdud rtsi'i char 'bebs nyon mongs kun kyang zhi bar byed// de phyir rgyal bas 'odi ming chos kyi sprin ces gsungs/ / 'di gnas mthu chen lha yi 'jig rten gtsor gyur pa'i// phyogs rnams kun tu mi yi gtso bo'i yul yang ston// rnam 'phrul khrag khrig stong phrag du ma yang ston te/ / byang chub spyod pa de sems 'gro ba myos par 'gyur// mkhas pa legs ldan 'di gnas gom pa bor ba tsam// sa dgu'i bar du gnas pas shes par mi nus ma// sems can gzhan gyis shes par mi 'gyur smos mi dgos// dus gsu mnyan thos rang rgyal kun gyis de bzhin no// 'di gnas thams cad mkhyen par 'gro ba kun la ston// shes
- 209a
pas dus gsum kun tu thogs med zhi chos can/ / zhing rnams kun tu rgyas bkang chos rnams kun gyi bar// rgyal ba kun gyi yon tan brjod cing ston pa byed// mkhas pa 'di la gnas pa sangs rgyas mchod byed cing / / phyogs rnams kun tu zhing dang chos kyi dbyings bkang ste// rgyal ba mngon du mchod pas mchod byed 'phrogs pa med// yon tan kun ldan sa yi lha yi lha zhes bya/ / mkhas pa 'di gnas shes rab snang bas 'gro kun gyi// mun pa kun bsal chos kyi tshul yang rab tu ston// dbang phyug dam pa'i mthu yis 'gro ba'i 'don chags sel/ / de bas rgyal sbas nyon mongs sel lA mkhas shes bya// 'di la gnas pa de dag khams gsum dbang phyug 'gyur// ye shes tshul shes theg pa gsum pa ston la mkhas/ / skad cig yud tsam cig gis ting 'dzin gcig min 'thob// phyogs bcu kun tu rgyal ba'i dam pa gcig min ston// 'di ni bdag gis rgyal slas rnams mdor bstan gyi// rgya cher bskal pa brgya phrag stong gis bstan mi nus// yon tan 'di 'dra'i sangs rgyas ye shes sa 'di la// gnas pa rtag tu ri yi rgyal po bzhin mi g.yo// rgyal sras thog ma gtsug lag kun gyis mi g.yo ste/ / sman gyi rnam pa kun gnas ri rgyal gangs bzhin no// tshul khrims thos pas gnyis pa spos dad spos dang 'dra// rnam 'dal me tong rje
- 209b
bzhin gsum pa shes par bya/ / lam la mos bzhin mi 'khrugs 'od 'phro thob pa ste// drang srong gnas bzhin mkhas pa rnams kyi rten gyur pa'o// gnod sbyin gnya' shing 'dzin bzhin bsam yas lnga pa thob/ / rta rna'i shing thog 'dra bar drug pa'i 'bras bu ste// bdun pas 'dzin klu bzhin shes rab chen pos thob// khor yug dbang ldan bzhin du brgyad pa dbang can thob// dgu pa dri ma sel ba dpal can lha min bzhin// bcu pa rgyal ba'i legs ldan ri rab lha gnas 'dra// dang po smon lam sngon 'gro gong ma tshul khrims tshogs// gsum pa spyod pa'i yon tan bzhi pa gcig gi dngos/ / lnga pa dge mang drug pa shin tu zab pa'i dngos// brgyad pa blo gros yangs pa kun tu gcin min rgyan// dgu pa mkhas pa ye shes phra zhing bra ba dang ldan// 'gro/ rgyud thams cad ye shes ldan pas rab tu gnon// bcu pa rgyal ba rnams las yang dag chos 'dzin te// rgyal sras spyod pa mi bskul rgya mtsho de 'dra'o// spyod pa bcu 'das thog ma'i sems rab skye bar 'gyur/ / dka' thub brtul bas gnyis pa gsum pa bsam gtan gyis// dag pas bzhi pa shin tu byang bas lnga pa'o// drug pa rnon pos rtogs pa bdun pa mi phyengs// brgyad pa mthu chen rdo rje'i rgyal mtshan ldan pa yin// dgu la ye shes ldan pas thibs po'i spyod pa shes// bcu la rgyal bas dbang bskur rgyal po dbang thob bzhin// yon ngan rim chen
- 210a
dag pas de bzhin rim du 'angar/ / phyogs rnams kun gyi zhing rnams bshig ste bgrang bar nus// rnam shes gcig gis 'gro ba kun sems shes par rung / nam mkha'i dbyings kun sla yis gzhal bar nus srid kyi// rgyal ba'i yon tan bskal pa khrag khrig bshad mi nus/ de bzhin gshegs pa dgra bcom pa yang dag par rdzog paba'i sangs rgyas kyis mngon par gnang ste/ yid dga' bar byang chub sems dpa' sems dpa' chen po rdo rje'i snying pos de skad ces smras pa dang / bcom ldan 'das gzhan 'phrul dbang byed kyi lha'i nang na bzhugs shing mngon par sangs rgyas nas ring por ma lon te/ zhag bdun pa gnyis la bab pa'i tshe/ lha'i rgyal po dbang byed kyi gzhal med khang nor bu ring po che'i snying pon bcum pas byang chub sems dpa' rdo rje'i snying pos bshad pa la mngon par dgyes par mdzad do/ / byang chub sems dpa' 'khor de dag thams cad dang / lha dang / klu dang / gnod sbyin dang dri bra dang / lha ma yin dang / brgya byin dang / tshangs pa dang / 'jig rten gyi mgon po dang / dbang phyug chen po dang / gtsang ma'i ris su gtogs pa'i 'khor thams cad kyang mngon par dga'/ / shin tu rgyas pa rnon po'i mdo sangs rgyas phal po che zhes bya ba las/ sa bcu'i le'u ste sum cu rtsa gcig pa'o// // bam po lnga
- 210b
bcu bzhi pa/ / / bcom ldan 'das de bzhin gshegs pa'i byin gyi rlabs la/ byang chub sems dpa' sems dpa' chen po kun tu bzang po la sogs pa thams cad kyang / byang chub sems dpa' kun tu babrang po'i spyod pa la gnas pa/ sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu dang thabs cig tu bzhugs te/ de'i tshe 'khor gyi dkyil 'khor de nyid du phyogs bcu nas/ byang chub sems dpa' sems dpa' chen po seng ge'i khri chags pa med pa'i rgyan gyi snying po can la 'khod pa bcu 'thon par gyur te/ byang chub sems dpa' de dag re re zhing yang byang chub sems dpa' sems dpa' chen po'i 'khor seng ge'i khri chags pa med pa'i rgyan gyi snying po can la 'khod pa/ / sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas pa sha stag go/ byang chub sems dpa' sems dpa' chen po de dag thams cad kyang ming 'di zhes bya ba dag ste/ 'di ltar byang chub sems dpa' sems dpa' chen po kun tu snang ba mdzod kyi snying pos byung ba zhes bya ba dang / byang chub sems dpa' sems dpa' chen po brab mo'i mdzod kyi snying pos byung zhes bya ba dang / byang chub sems dpa' sems dpa' chen po dpal gyi gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po sIr sgra zab mo rnam pa tha da
- 211a
mdzod kyi snying pos byung ba zhes bya ba dang / byang chub sems dpa' sems dpa' chen po rdo rje mi phyed pa'i gtsug gi mdzod kyi snying pos byung ba zhes bya ba dang / byang chub sems dpa' sems dpa' rin po ngag gi lam mi g.yo bar kun tu 'gro ba'i 'od zer snang ba'i gzi brjid kyi snying pos byung ba zhes bya ba dang / byang chub sems dpa' sems dpa' chen po grags pa snyan par kun tu rnam par grags pa'i 'od zer gyi gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' rnon po ri'i rgyal po mi g.yo ba'i 'od zer snang ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po kun nas blta ba'i gzugs rnam par dmigs pa'i 'od zer gyi rgyal po snang ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po stobs bcu rnam par dag pa thub pa med pa'i 'od zer snang ba'i gzi brjid kyi mdzod kyi snying pos byung ba zhes bya ba dag ste/ byang chub sems dpa' sems dpa' chen po de dag de ltar 'thon ma thag tu de'i mod la/ byang chub sems dpa' sems dpa' chen po kun tu bzang po ma gtogs par byang chub sems dpa' 'khor de dag thams cad kyang langs par gyur to/ / byang chub sems dpa' sems dpa' chen po kun tu bzang po'i 'od ma gtogs par 'od thams cad kyang mi snang bar gyur te/ thams cad kyang zil gyis nom par gyur to//
- 211b
sangs rgyas kyi chod pa bsam gyis mi khyab pa chos kyi dbyings rgyas par khyab pa mang po'ang mngon par byung bar gyur te/ 'di ltar spos kyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ / me tog gi sprin rlos kyi dbyings rgyas par khyab pa brjod du med pa'i yang brjod du med pa bye ba khrag khrig brgya stong phrag bcu'i char mngon par bab par gyur to// byug pa'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to// gdugs kyi sprin chos kyi dbyings thams cad rgyas par khyab pa bye ba khrag khrig brgya/ stong gi char mngon par bab par gyur to// gos kyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to// rin po che'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ / rgyal mtshan gyi sprin chos kyi dbyings thams cad rgyas par khyab pa bya ba khrag khrig brgya stong gi char mngon par bab par gyur to/ / ba dan gyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to// 'jig rten gyi khams yongs su dag pa'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ / byang chub sems dpa'i 'khor gyi dkyil 'khor gyi sprin chos kyi dbyings thams cad rgyas par
- 212a
khyab pa bye ba khrag khrig brgya stong gi char mngon par bab par gyur to/ / 'od zer gyi dra ba snang ba chen pa'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ / rin po che sna tshogs kyi gzhal med khang gi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to// snying po byang chub kyi rgyan rnam par phye ba'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to// de bzhin gshegs pa'i gzug brnyan snang ba'i gos kyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ / byang chub sems dpa' sems dpa' chen po de dag gi seng ge'i khri mang po de dag las/ byang chub sems dpa' re re'i seng ge'i khri'i rgyan rin po che rnam par dag pa re re dang / dmigs pa mang po de dag thams cad las dmigs pa re re las kyang 'jig rten gyi khams 'byam klas pa thams cad yongs su snang bar gyur to/ / dmigs pa mang po de dag thams cad las dmigs pa re re zhing yang / sems can gyi khams 'byam klas pa thams cang yongs su snang ba gyur to/ / dmigs pa mang po de dag thams cad las dmigs pa re re zhing yang / de bzhin gshegs pa 'byam klas pa thams cad yongs su snang bar gyur to// dmigs
- 212b
pa mang po de ngas thams cad las dmigs pa re re zhing yang / byang chub sems 'byam klas pa thams cad yongs su snang bar gyur to// dmigs pa mang po de dag thams cad las dmigs pa re re zhing yang dus 'byam klas pa thams cad yongs su snang bar gyur to/ / dmigs pa mang po de dag las dmigs pa re re zhing yang / 'jig rten gyi khams thams cad kyi 'das pa'i 'jig rten gyi khams 'byam klas pa brjod du med pa'i yang brjod du med pa sangs rgyas byung ba dang bcas pa/ chos kyi 'khor lo bskor ba dang bcas pa/ de bzhin gshegs pa'i 'khor gyi dkyil 'khor dang bcas pa/ byang chub sems dpa'i 'khor gyi dkyil 'khor dang bcas pa/ sems can 'dul ba dang bcas pa/ ming gi 'khor lo dang 'acas pa mang po yongs su snang bar gyur to/ / byang chub sems dpa' de dag gis sngon gyi mtha'i mur thug pa'i dus dag du 'jig rten gyi khams gang dang gang du byang chub sems dpa'i spyod pa spyad par gyur pa de dag kyang yongs su snang bar gyur to// / de bzhin gshegs pa de dag gi zhabs drung na 'khod cing / pha rol tu phyin pa de dag thams cad yongs spyod ba'ang yongs su snang bar gyur to// dmigs pa mang po de dag thams cad las dmigs pa re re zhing yang / phyi ma'i mtha'i mur thug pa'i dus kyi 'jig rten gyi khams 'byam klas pa brjod du med pa'i yang brjod du med pa sangs rgyas skye ba dang bcas pa chos kyi 'khor
- 213a
lo dang bcas pa/ de bzhin gshegs pa'i 'khor gyi dkyil 'khor dang bcas pa/ byang chub sems dpa'i 'khor gyi dkyil 'khor dang bcas pa/ sems can 'dul ba dang bcas pa/ ming gi 'khor lo dang bcas pa mang po yongs su snang bar gyur to// byang chub sems dpa' de dag phyi ma'i mtha'i mur thug pa'i dus dag tu 'jig rten gyi khams gang du byang chub sems dpa'i spyod pa spyad par 'gyur ba de dag kyang yongs su snang bar gyur to/ / de bzhin gshegs pa de dag gi zhabs kyi drung na 'khod cing pha rol tu phyin pa yongs su sbyong ba byed pa dag kyang yongs su snang bar gyur to/ / de nas byang chub sems dpa' de dag 'di snyam du gyur te/ byang chub sems dpa' 'di dag 'jig rten gyi khams 'byam klas pa ni gang dang gang nas lhags/ de bzhin gshegs pa ni gang dang gang gi zhabs kyi drung nus phyin snyam ste/ byang chub sems dpa' 'khor gyi dkyil 'khor de dag thams cad kyis/ byang chub sems dpa' sems dpa' chen po kun tu bzang po la 'di skad ces smras so/ / kye rgyal ba'i sras byang chub sems dpa' 'di dag lhags ni gang nas lhags/ 'jig rten gyi khams 'byam klas pa ni gang shed nas/ de bzhin gshegs pa ni gang zhig gi zhabs kyi drung nas 'dir phyin/ de nas byang chub sems dpa' sems dpa' chen po kun tu bzang pos/ byang
- 213b
rgyub sems dpa'i khor gyi dkyil 'khor de dag thams cad la 'di skad ces smras so/ / kye rgyal ba'i sras pa// de bas ma byed nyid kyis byang chub sems dpa' 'di dag 'jig rten gyi khams ni gang nas lhags/ de bzhin gshegs pa ni gang zhig gi zhabs kyi drung nas phyin pa yongs su brtag pa dang / yongs su dpyad pa gyis shig/ de nas byang chub sems dpa' rlags pa med pa'i mig gis kun tu 'gro ba zhes bya ba'i ting nge 'dzin dang / thams cad kyi rjes su song ba zhes bya ba dang / chos kyi dbyings shin tu rnam par phye ba zhes bya ba dang / mngon par shes pa thams cad dang ldan pa zhes bya ba dang / dmigs pa thams cad shin tu rnam par phye ba'i snying po zhes bya ba dang / sems can thams cad kyi lus mngon par shes pa dang ldan pa zhes bya ba dang / byang chub sems dpa'i ting nge 'dzin sangs rgyas kyi zhing thams cad kyi gzhi rab tu rtogs pa zhes bya ba dag la mnyam par gzhag go// de ltar de dag la sogs pa'i byang chub sems dpa'i ting nge 'dzin grangs med pa bye ba khrag khrig brgya stong phrag bcu la/ byang chub sems dpa' re res kyang mnyam par gzhag ste/ kun gyis byang chub sems dpa'i ting nge 'dzin gzhan dang gzhan stab la snyoms par bzhag kyang 'jig rten gyi khams 'byam klas pa de dag kyang ma mthong / de bzhin gshegs pa gang gi zhabs kyi drung na byang chub sems dpa' de dag tshangs pa'i spyad pa spyod pa de dag
- 214a
kyang ma mthong nas/ ting nge 'dzin de dag las langs te/ byang chub sems dpa' sems dpa' chen po kun tu bzang po la 'di skad ces smras so// kye rgyal ba'i sras bdag c ag byang chub sems dpa' re res kyang byang chub sems dpa'i ting nge 'dzin grangs med pa bye ba khrag khrig brgya stong phrag bcu la mnyam par bzhag kyang 'jig rten gyi khams 'bum klas pa de dag kyang mthong ngo / / byang chub sems dpa'a'i de dag sangs rgyas bcom ldan 'das gang gi zhabs kyi drung na tshangs par spyod pa'i de bzhin gshegs pa de dag kyang ma mthong ngo // de nas byang chub sems dpa' sems dpa' chen po kun tu bzang pos yang byang chub sems dpa'i 'khor gyi dkyil 'khor de dag la smras pa/ kye rgyal ba'i sras dag/ bdud du byang chub sems dpa' de dag 'jig rten gyi khams 'byam klas pa gang nas lpags pa dang / de bzhin gshegs pa gang zhig gi zhabs kyi drung nas lhags pa brtag par gyis shig/ dpyad par gyis shig/ 'jig rten gyi khams 'byam klas pa de dag ni mthong bar dka' 'o// sangs rgyas bcom ldan 'das gang gi zhabs kyi drung na/ byang chub sems dpa' 'di dag tshangs pa'i spyad pa spyod pa'i nga bzhin gshegs pa de dag kyang de bas kyang shin tu mthong bar dka' 'o/ / de nas byang chub sems dpa' de dag las byang chub sems dpa' re res kyang / byang chub sems dpa'i
- 214b
ting nge 'dzin sangs rgyas kyi zhing bcu'i rdul shin tu phra ba nyid la mnyam par gzhag go/ / de ltar mnyam par bzhag kyang byang chub sems dpa' de dag gis 'jig rten gyi khams 'byam klas pa de dag kyang ma mthong ngo / / sangs rgyas bcom ldan 'das gang gi zhabs kyi drung na byang chub sems dpa' de dag tshangs pa'i spyad pa spyod pa'i de bzhin gshegs pa de dag kyang ma mthong ngo // de nas byang chub sems dpa' de dag ting nge 'dzin de las langs te/ byang chub sems dpa' sems dpa' chen po kun tu bzang po la 'di skad ces smras so// kye rgyal ba'i sras bdag cag byang chub sems dpa' re res byang chub sems dpa'i ting nge 'dzin sangs rgyas kyi zhing bcu'i rdul shin tu phra ba snyed la mnyam par bzhag kyang 'jig rten gyi khams 'byam klas pa de dag kyang ma mthong ngo / / gang zhig gi zhabs kyi drung na byang chub sems dpa' de dag tshangs pa'i spyad pa spyod pa'i de bzhin gshegs pa de dag kyang ma mthong ngo // de nas byang chub sems dpa' sems dpa' chen po kun tu bzang po stan de las nam mkha'i dbyings su 'phags te/ bcom ldan 'das la lan brgya stong du mar g.yas phyogs su bskor ba byas nas/ byang chub sems dpa'i 'khor gyi dkyil 'khor thams cad la 'di skad ces smras so/ / kye rgyal ba'i sras dag/ de bzhin gshegs pa'i sku chags pa mi mnga' ba'i rgyan dang ldan pa/ dus gsum mtshungs par mnyam pa/ 'jig
- 215a
rten gyi khams 'byam klas pa thams cad kun tu khyab pa/ chos kyi dbyings kyi khongs su chud pa/ 'gro ba thams cad kyi bsam pa ji lta ba bzhin du rnam par dmigs pa'ang la ltos shig dang / / de la 'jig rten gyi khams 'byam klas pa thams cad kyang gzugs brnyan du gyur par snang ngo // de bzhin gshegs pa 'byam klas pa thams cad kyang gzugs brnyan du gyur par snang ngo / / byang chub sems dpa' 'byam klas pa thams cad kyang gzugs brnyan du gyur par snang ngo // sems can gyi khams 'byam klas pa thams cad kyang gzugs rnyan du gyur par snang ngo // lam gyi rgyud 'byam klas pa thams cad kyang gzugs brnyan du gyur par snang ngo / / kye rgyal ba'i sras dag/ de bas na khyed kyis rang gi lus kun tu lta ba'i mig dang ldan par byin gyis rlobs la/ shes rab kyi mig nam mkha'i dbyings kyis klas par byin gyis rlobs te/ ye shes yangs pa'i mig dmigs pa thams cad kyi rjes su song ba khong du chud par gyis la phyogs 'byam klas pa thams cad du de bzhin gshegs pa thams cad byin gyis rlob tre/ de bzhin gshegs pa'i sku thams cad du mi gnas pa 'di la gnas pa thams cad yongs su gsal ba'i lta bas ltos shig/ mngon par zhen pa thams cad las gyen du 'phags pa dang / srid pa thams cad la mngon par zhen pa med pa dang / shin tu phra ba'i tshul gyis stobs bcu'i stobs rab tu non pa dang
- 215b
d migs pa chung ngu la rgya chen por 'jug pa'i lta bas ltos shig de nas byang chub sems dpa' de dag gis byang chub sems dpa' sems dpa' chen po kun tu bzang po gdams ngag bzhin du thal mo sbyar te/ bcom ldan 'das la phyag 'tshal nas/ sems shing rtog rtog pa dang / bcom ldan 'das kyi zhabs gnyis kyi 'khor lo rtsibs stong 'a pa la 'jig rten gyi khams myos kyi dbyings kyi 'khor lo zhes bya ba yod pa mthong bar gyur te/ 'jig rten gyi 'bras den de bzhin gshegs pa chos kyi dbyings rgyan gyi rgyal po zhes bya ba sa shing 'tsho skyong ngo / / chos ston to// de'i sangs rgyas kyi zhing nas byang chub sems dpa' kun tu snang ba mdzod kyi snying pos byung ba zhes bya ba dang / byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun dus te 'ongs nas/ seng ge'i khri chags pa med pa'i rgyan gyi snying po can la 'dug go/ / bcom ldan 'das kyi zhabs byin pa'iri dgas e n+ya ya'i byin pa lta bu gnyis la 'jig rten gyi khams chags pa med pa'i snying po zhes bya ba yod de/ de na de bzhin gshegs pa 'od rgya mtsho chags pa med cing dri ma med pa'i snying po zhes bya ba bzhugs shing 'tsho skyong ngo / / chos ston to// de'i sangs rgyas kyi zhing nas byang chub sems dpa' zab mo'i
- 216a
mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go// de bzhin gshegs pa'i zhabs pus mo gnyis kyi lhang la 'jig rten gyi khams sa le sbram yod pa zhes bya ba yod de/ de bzhin gshegs pa gser 'bar ba dam pa zhes bya ba bzhugs shing 'tsho skyong ngo // chos ston to// de'i sangs rgyas kyi zhing nas byang chub sems dpa' dpal gyi gzi brjid mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i snying po can la 'dug go// bcom ldan 'das kyi sku ste zur gyi dkyil 'khor la 'jig rten gyi khams rin po che sna tshogs kyi rgyan gyi snying po zhes bya ba yod de/ de na de bzhin gshegs pa dge ba sna tshogs kyi snying po zhes bya ba bzhugs shing 'tsho skyong ngo // chos ston to// de'i sangs rgyas kyi zhing nas byang chub sems dpa' sprin sgra zab mo rnam pa tha dad pa'i mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du
- 216b
med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyun gyi snying po can la 'dug go// bcom ldan 'das kyi sku lte ba'i dkyil na 'jig rten gyi khams rnam par snang ba'i snying po zhes bya ba yod de/ de na de bzhin gshegs pa rnam par snang mdzad gzi brjid kyi rgyal po zhes bya ba zhugs shing 'tsho skyong ngo // chos ston to// de'i sangs rgyas kyi zhing nas byang chub sems dpa' rdo rje mi phyed pa'i gtsug gi mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i snying po can la 'dug go// bcom ldan 'das kyi thugs ka na 'jig rten gyi khams dpal gyi 'od zer snying po zhes bya ba yod de/ de ni de bzhin gshegs pa dpal gyi be'u rgyan gyis brgyan pa'i snying po zhes bya ba bzhugs shing 'tsho skyong ngo / / chos ston to// de'i sangs rgyas kyi zhing nas byang chub sems dpa'ang ngag gi lam mi g.yo bar kun tu 'gro ba'i 'od zer snang ba'i gzi brjid kyi mdzod kyi snying pos byung ba zhes byar b yang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas
- 217a
@seng ge'i khri chags pa med pa'i rgyun gyi snying po can la 'dug go/ / bcom ldan 'das kyi sku phrag pa'i lhun gnyis la 'jig rten gyi khams gser yod pa zhes bya ba yod de/ de na de bzhin gshegs pa gser 'bar ba'i snying po zhes bya ba bzhugs shing 'tsho skyong ngo // chos ston to// de'i sangs rgyas kyi zhing nas byang chub sems dpa' grags pa snyan par kun tu rnam par grabs pa'i 'od kyi gzi brjid mdzod kyi snying pos byung ba zhes bya ba/ byang chub sems dpa' 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go// bcom ldan 'das rnam par snang mdzad kyi zhal gyi gsung gi dbyangs la 'jig rten gyi khams rin po che sna tshogs shes bya ba yod de/ de na de bzhin gshegs pa 'od zer dpag tu med pa'i gzi brjid kyis rab tu brgyan pa'i rgyal po zhes bya ba bzhugs shing 'tsho skyong ngo / / chos ston to// de'i sangs rgyas kyi zhing nas byang chub sems dpa' ri'i rgyal po mi g.yo ba'i 'od zer snang ba'i gzi brjid mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i
- 217b
rgyan gyi snying po can la 'dug go/ / bcom ldan 'das rnam par snang mdzad kyi smin mtshams na 'jig rten gyi khams chos kyi dbyings mi zad pa'i mdzod ces bya ba yod de/ de na de bzhin gshegs pa ye shes dus gsum du mi phrad pa'i mdzod ces bya ba bzhugs shing 'arlo skyong ngo / / chos ston to// de'i sangs rgyas kyi zhing nas byang chub sems dpa' kun nas blta ba'i gzugs rnam par dmigs pa'i 'od zer gyi rgyal po snang ba'i gzi brjid mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bsgrod cing mdun du byas te 'ongs nas seng ge'i khri chags pa med pa'i rgyan gyi snying po can la 'dug go/ / bcom ldan 'das rnam par snang mdzad kyi dbu la 'jig rten gyi khams bzhi spyi'u tshugs kyi lhun yongs su 'dzin pa zhes bya ba yod de/ de na de bzhin gshegs pa rin po che'i me tog brtsegs pa zhes bya ba bzhugs shing 'tsho skyong ngo // chos ston to// de'i sangs rgyas kyi zhing nas byang chub sems dpa' stobs bcu rnam par dag pa thub pa med pa'i 'od zer snang ba'i gzi brjid mdzod kyi snying pos byung ba zhes bya ba/ byang chub sems dpa' 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng po'i khri chabs pa med pa'i rgyan gyi
- 218a
snying po can la 'dug go/ / de nas byang chub sems dpa' de dag thams cad kyis 'jig rten gyi khams rgya mtsho de dag dang / de bzhin gshegs pa'i 'khor gyi dkyil 'khor de dag dang / byang chub sems dpa'i 'khor gyi dkyil 'khor de dag dang / sangs rgyas kyi rnam par 'phrul pa de dag mthong bar gyur nas/ byang chub sems dpa' de dag thams cad las byang chub sems dpa' re res kyang ting nge 'dzin chos kyi dbyings kyi snying po la sogs pa ting nge 'dzin sangs rgyas kyi zhing bcu'i rdul shin tu phra ba snyed thob par gyur to/ / byang chub sems dpa' re res kyang gzungs chos thams cad kyi sa la sogs pa gzungs sangs rgyas kyi zhing bcu'i rdul shin tu phra ba snyed thob par gyur to/ / byang chub sems dpa' re res kyang shes rab kyi pha rol tu phyin pa rdul dang bral ba'i snying po la sogs pa shes rab kyi pha rol tu phyin pa sangs rgyas kyi zhing bcu'i rdul shin tu phra ba snyed thob par gyur to/ / byang chub sems dpa' de dag thams cad las byang chub sems dpa' re res kyang stobs kyi glogal sogs pa thams cad mkhyen pa nyid kyi klog sangs rgyas kyi zhing bcu'i rdul shin tu phra ba snyeng thobar gyur to/ / kye rgyal ba'i sras dag/ chos kyi sgo 'di dag ni bsam pa rdo rje dam pa lta bur byas te yongs su chub par bya'o/ / rim gro chen po dang ldan pa'i bsam pas yongs su bsrung bar bya'o// kye rgyal ba'i sras dag/ chos kyi sgo 'di dag ni byang
- 218b
chub sems dpa' sems dpa' chen po dge ba'i bshes gnyen gyis yongs su zin pa kun tu bzang po'i spyod pa la zhugs pa rnams ma gtogs par gzhan gyi rna lam du 'gro bar mi 'gyur ro/ / byang chub sems dpa' sems dpa' chen po kun tu bzang pos de skad ces smras pa dang / byang chub sems dpa' sems dpa' chen po de dag yid dga' ste/ byang chub sems dpa' sems dpa' chen po kun tu bzang pos smras pa la mngon par dga' 'o/ / shin tu rgyas pa chen po'i mdo sangs rgyas phal po che zhes bya ba las/ kun tu bzang pos bstan pa'i le'u zhes bya ba ste sum cu rtsa gnyis pa'o/ / // bam po lnga bcu rtsa lnga pa// / bcom ldan 'das thog ma mngon par sangs rgyas pa pho brang 'ong thams cad kyi snying po can de bzhin du mnyam par bzhag par/ bcom ldan 'das bsam gtan khrag khrig brgya'i ting nge 'dzin dang / thams cad kyis mi phyed pa'i lhag pa'i bsam pas thob pa'i thams cad mkhyen pa'i stobs dang / bzhin gshegs pa'i sku shin tu dag pa dang / gnas med pa la rten pa'i sangs rgyas kyi sku dang / mi gnyis pa'i zhi gnas dang yang dag par ldan pa dang / tshad med par khyad pa'i sangs rgyas kyi che ba nyid dang / mi gnas pa'i bsam gtan gyi rgyung dang / 'grong thams cad kyis rnam par dmigs pa'i de bzhin gshegs pa bltab dang / dus la dang pa'i sangs rgyas
- 219a
'byung ba dang / skad cig gcig gis byung ba'i mtshan nyid med pa la spyod pas zhugs te/ byang chub sems dpa' dbang bskur ba byang chub sems dpa'i rnam par dgod pa la rab tu gnas pa mtha' dang dbus med pa'i chos kyi dbyings kyis/ byang chub sems dpa'i yongs su dag pa dang ldan pa/ byang chub sems dpa'i ting nge 'dzin kun tu lta ba rab tu thob pa/ 'gro ba thams cad bde bar byed pa'i snying rje chen po rab tu thob pa/ 'dud kyi dpung thams cad rab tu 'jom pa/ thams cad mkhyen pa'i ye shes yang dag par bsgrub pa/ 'gro ba thams ca du rab tu zhi bar gnas pas byang chub sems dpa'i rnam par thar pa mi gnas pa la gnas pa/ sangs rgyas kyi zhing bcu'i rdul shin tu phra ba snyed dang thabs cig ste/ 'di ltar byang chub sems dpa' rdo rje'i gtsug dang / zhal du med pa'i blo gros dang / zhi ba'i blo gros dang / gtong ba'i blo gros dang / klu'i blo gros dang / thob pa'i blo gros dang / sbyin pa'i blo gros dang / stobs kyi blo gros dang / bsam gyis mi khyab pa'i blo glos dang / chags pa med pa'i blo gros dang / mchog gi blo gros dang / lha'i blo gros dang / mchod sbyin byas pa'i blo gros dang / mthu'i blo gros dang / don gyi blo gros dang / chos la dbang ba'i blo gros dang / chos kyi blo gros dang / zhi ba'i blo gros dang / nam mkha'i blo gros dang / skad cig gcig gi blo gros dang / legs pa'i blo gros dang /
- 219b
sdom pa'i blo gros dang / mkha'i blo gros dang / stobs kyi blo gros dang / glang po'i blo gros dang / sangs rgyas kyi mthu'i rno gros dang / don rnam par dmigs pa'i blo gros dang dam pa'i blo gros dang / ye shes snang ba'i blo gros dang / 'phags pa'i blo gros dang / dran pa'i rgyan dang / dngos po med pa'i mthar phyin pa dang / rang bzhin gyi rgya dang yul zab mo dang / gnas dang / gnas ma yin pa la mkhas pa dang / klu'i 'od dang / snang ba 'dzin pa dang / sangs rgyas kyi rim gro la brtson pa dang / sems kyi rgyal po dang spyod pa gcig pa dang / mngon par shes pa ma nyams pa dang / ye shes kyi tshogs dang / yon tan 'byung gnas dang / chos kyi sgron ma dang / 'gro ba'i bdag po dang / 'gro nga 'dzin pa dang / bde ba byed pa dang / mchog tu gyur pa dang / bla na med pa dang / mnyam pa med pa dang / 'dra ba med pa med pa dang / 'od thogs pa med pa dang / 'od rab tu snang ba dang / grags pa'i 'od dang / shin tu rnam par snang ba dang / lag pa brtan pa dang / chos kyi char pa dang / thig le dam pa dang / ye shes kyi mig dang / chos kyi mig dang / shes rab kyi sprin dang / sa'i rgyal po dang smon lam khyad par du thogs pa med pas 'gro ba dang / ye shes kyi snying po dang / bsam pa'i rgyal po dang / nang gi blo gros yang dag par grub pa dang / thams cad mkhyen pa'i spyod yul dang
- 220a
sa'i stobs kyis rnam par gnon pa dang / sa dang stobs dang / mi 'jigs pa 'dzin pa dang / zla ba bzang po dang / ri bo chen po'i dpal dang / ri bo che chen po'i dpal dang / bar snang gi rgyud dang / khams chen po'i rgyal po dang / dkyil 'khor mnyam pa khong du chud pa dang / kazi brjid gzhan gyis mi 'pham pa dang / klu chen po'i lta ba'i dpal dang / mnyam pa nyid kyi ngang tshul dang / phyir mi ldog pa'i brtson 'grus dang / sangs rgyas kyi 'khor lo yang dag par 'dzin pa'i dpal dang / dran pa'i yul nyams pa med pa dang / bsam kyis mi khyab pa'i blo gros kyis rnam par rdzogs pa dang / mtha' dang dbus med pa'i blo rnam par rol pa dang / mdzod brang mi shes pa dang / ye shes nyi ma'i dpal dang / chos kyi nyi ma dang / ye shes phun sum tshogs pa'i snying po dang / blo dam pa'i chur 'bebs pa dang / kun tu blta ba dang / blta nangon yod pa dang / rjes su mngon par shes pa dang / ye shes rdo rje'i blo gros dang / kun tu mig gi dpal dang / sangs rgyas kyi don gyi nyi ma dang / sangs rgyas kyi rdo rje yang dag par gzung ba'i bsam pa dang / byang chub sems dpa' sems dpa' chen po mig/ gi yul kun tu ye shes kyi rgyan dang / de dag la sogs pa byang chub sems dpa' sangs rgyu kyi zhing bcu'i rdul shin tu phra ba snyed kun kyang / sngon bcom ldan 'das de bzhin gshegs pa
- 220b
rnam par snang mdzad kyi byang chub sems dpa'i spyod pa dang / dge ba'i rtsa ba la grogs su gyur pa sha stag dang thabs gcig no/ de nas byang chub sems dpa' kun tu mi de sangs rgyas kyi mthus stan las langs te/ bla gos phrag pa gcig la gzar nas pus mi g.yas pa'i lha nga sa la btsugs te/ bcom ldan 'das gang na ba der thal mos btud do// bcom ldan 'das la 'di skad ces gsol to/ / gal te bdag gis zhus nas zhus pa'i lung bstan par bcom 'das kyis skabs dbye bar snang na/ bdag gis de bzhin gshegs pa dgra bcom pa yang dag par rdzogs pa'i sangs rgyas la phyogs gcig cig zhu'o/ / de skad ces gsol pa dang / bcom ldan 'das kyis byang chub sems dpa' sems dpa' chen po kun tu mig la 'di skad ces bka' stsal to/ / kun tu mig khyod kyis de bzhin gshegs pa la ci dang ci 'dod pa dris shig dang / ngas dris pa de dang de'i lung bstan pas/ khyod kyi sems tshim par bya'o// de skad ces bka' stsal pa dang / byang chub sems dpa' kun tu mig gis/ bcom ldan 'das la 'di skad ces gsol to// btsun pa bcom ldan 'das ting nge 'dzin dang / rnam par thar pa du dang ldan pa'i byang chub sems dpa' kun tu bzang po'i sgo dang / kun tu bzang po'i spyod pa dang / smon lam du ldan pa'i rnams ting nge 'dzin dang / rnam par thar pa la snyoms par 'jub cing
- 221a
rnam par ldang ba lags/ ting nge 'dzin gyi khya par gyi gnas thob pa lags/ byang chub sems dpa'i ting nge 'dzin pasam gyis mi khyab pa la snyoms par 'jug pa dang / rnam par ldang ba la mkhas pa rgyun mi 'chad pa lags ting nge 'dzin thams cad kyi khyu mchog gi mthu dang / rnam par 'phrul pa dang ldan pa lags de skad ces gsol pa dang / bcom ldan 'das kyis byang chub sems dpa' kun tu mig la 'di skad ces bka' stsal to// kun tu mig khyod kyis de ltar 'das pa dang / ma 'ongs pa dang / da ltar byung ba'i byang chub sems dpa'i dkyil 'khor thams cad dang / de bzhin gshegs pa'i dkyil 'khor thams cad kyi don du de bzhin gshegs pa la don 'di 'dri bar sems pa legs so legs so// kun tu mig de bas na byang chub sems dpa' kun tu bzang po bsam gyis mi khyab pa'i byang chub sems dpa'i rnam par phrul pa dang ldan pa/ byang chub sems dpa'i khyu mchog gi mthu ba sgrub par dka' ba dang ldan pa/ byang chub sems dpa'i spyod pa la 'jug pa tshad med pas mngon par byung ba/ byang chub sems dpa'i cho 'phrul dang rnam par ldan pa la shin tu bsgribs pa/ byang chub sems dpa'i smon lam bsgrub par dka' bas rnam par sbyangs pa/ byang chub sems dpa'i 'byung ba'i phyir mi ldog pa dang ldan pa/ pha rol tu phyin pa'i tshul mtha' las pas rnam par sbyangs
- 221b
bzungs 'thun par bya su med pa dang ldan pa/ thadang pa yang dag par shes pas thams pa med par rnam par dgam/ 'jo thams cad la sngo ba med pa thob pa'i spri b os phyi ma'i mtha'i mur thug pa'i smon la dang ldan pa'i 'khor 'dir 'dus te 'dug pa yin gyisade la dris shig dang ting nge 'dzin dang rnam par 'phrul pa ston to/ / de nas byang chub sems dpa'i 'khor de dag gis byang chub sems dpa' kun tu bzang po'i ming thos ma thag tu byang chub sems dpa'i ting nge 'dzin bsam gyis mi khyab pa mngon du gyur to/ / chags pa med pa'i sems rnam par phye bas kyang byin gyis brlabs par gyur to// ye shes bsam gyis mi khyad par 'jug par bya ba la'ang rab tu gzhog par gyur to/ / ye shes mi 'phrogs pa'i spyod yul yang rab tu byung ngo // de bzhin gshegs pa grangs med pa mthong zhing rnam par dmigs pa'ang mngon du gyur to// de bzhin gshegs pa'i stobs tshad med pa'ang khong du chud par gyur to// de bzhin gshegs pa dang rgyud kyi tshul gcig pa'ang rjes su rtogs par gyur to// dus gsum mtha' yas pa la 'jug pa'ang khong du chud par gyur to/ / bsod nams brang mi shes pa'i byin kyang thob par gyur to// rnam par 'phrul pa bzang po yongs su rdzogs par bya ba khong du chud
- 222a
par gyur nas/ de dag thams cad rim gro dang bcas shing rjes dang bcas pas de bzhin gshegs pa'i 'khor gyi dkyil 'khor thams cad du lta bar gyur na/ de bzhin gshegs pa'i byin gyi rlabs dang / byang chub sems dpa' kun tu bzang po'i rdzu 'phrul gyi khyu mchog gi mthus byang chub sems dpa' kun tu bzang po'ang ma mthong byang chub sems dpa' kun tu babrang po'i stan yang ma mthong / byang chub sems dpa' kun tu babrang po gang na gnas pa'i stan yang ma mthong ngo // de nas byang chub sems dpa' kun mig gis/ / bcom ldan 'das la 'di skad ces gsol to// bcom ldan 'das byang chub sems dpa' kun tu bzang po da ltar ga la mchis/ bcom ldan 'das kyis bka' stsal pa/ kun tu mig 'khor 'di nyid kyi nang na nga'i zhabs kyi drung na 'dug go// nga'i zhabs kyi drung na spyod do// nga'i zhabs kyi drung na ma g.yos so// de nas byang chub sems dpa' kun tu mig dang / byang chub sems dpa'i 'khor de dag thams cad kyi yang 'khor gyi dkyil 'khor thams cad la rnam par bltas nas/ bcom ldan 'das la 'di skad ces gsol to/ / bcom ldan 'das bdag cag gis kun tu bzang po der mthong ngo // de'i lus kyang ma mthong ngo // de'i stan yang ma mthong ngo // bcom ldan 'das kyis bka' stsal pa/
- 222b
rigs kyi bu dag khyed kyis byang chub sems dpa' kun tu bzang po'i lus ma mthong zhing / snyun ma mthong ba de ni de de bzhin te lus so// de ci'i phyir zhe na/ 'di ltar byung chub sems dpa' kun tu bzang po de ni brjod du med cing zad pa la gnas pa ste/ 'di ltar ye shes kyi dbyings mtha' yas par 'jug pa la zhugs pa'o// seng ge rnam par bsgyings pa'i ting nge 'dzin rab tu thob pa'o/ / sangs rgyas kyi cho 'phrul bla na med pa rab tu thob pa'o// chags pa med pa'i mthas rnam par dag pa'i de bzhin gshegs pa'i stobs btsus grub pa'o/ / chos kyi dbyings dam pa'i lus dang ldan pa'o// sangs rgyas thams cad kyi byin gyi rlabs la gnas pa'o// 'das pa dang / ma byon pa dang / da ltar byung sangs rgyas thams cad dang / ye shes bla mi dad pa'i rgyan dang ldan pa'o// 'di lta ste/ byang chub sems dpa' kun tu bzang po 'di ni/ sems skad cig gis mtha'i rjes su 'brang ba'o/ / de nas byang chub sems dpa' kun tu mig gis de bzhin gshegs pa las kun tu bzang po'i yon tan rnam par dag pa thos ma thag tu byang chub sems dpa'i ting nge 'dzin grangs med pa brgya stong phrag bcu la mnyam par bzhag ste/ byang chub sems dpa' kun tu bzang po mngon par 'dod cing mthong bar bya ba dang gsol bag rab
- 223a
pa'i zasam pas tshol mo/ / yongs su tshol lo// rab tu rtog// shin tu ni bcing brtags pa ts+tsha na// rjes su na// rnam par gyug/ 'on kyang byang chub sems dpa' kun tu mig gis/ byang chub sems dpa' kun tu bzang po ma mthong ngo // byang chub sems dpa'i 'khor de dag thams cad kyis kyang mthong bar mgyur to// de nas byang chub sems dpa' kun tu mig ting nge 'dzin de las langs te/ bcom ldan 'das la 'di skad ces gsol to// bcom ldan 'das ting nge 'dzin grangs ma mchis pa stong phrag bcu la mnyam par bzhag ste/ rnam par bltas kyang byang chub sems dpa' kun tu bzang po ma mthong / de'i lus kyi las kyang ma mthong / de'i ngag dang ngag gi las kyang mthos so/ / de'i yid dang yid kyi las kyang ma mthong / de'i stan yang ma mthong / byang chub sems dpa' kun tu bzang po de gang na mchis pa dang / spyod pa'i phyogs de'ang ma mthong bcom ldan 'das kyis bka' stsal pa/ kun tu mig de ni de bzhin te/ khyod kyis byang chub sems dpa' kun tu bzang po de mi mthong ngo // de ci'i phyir zhe na/ byang chub sems dpa'i rnam par thar pa bsam gyis mi khyab pa la shin tu bslabs pa ni/ byang chub sems dpa' kun tu bzang po'o// kun tu mig de la ji snyam du sems// sgyu ma'i
- 223b
gzugs kyi rnam pa sna tshogs mang po sgyu ma'i sngags kyi yi ge bang la gnas pa dmigs par nus sam/ btsun pa bcom ldan 'das ma lags so// bcom ldan 'das kyis bka' stsal pa/ kun tu mig sgyu ma'i sngags kyi gzugs kyi rnam pa de dag kyang dmigs shing bstan par mi nus na/ byang chub sems dpa' kun tu bzang po'i lus kyi spyod yul gsang bdang / ngag gi spyod yul gsing ba dang / yid kyi spyod yul gsang ba la 'jug par mi nus pa drang / mthong bar mi nus palta smos kyang ci dgos/ de tso'i phyir zhen/ byang chub sems dpa' kun tu bzang po ni zab cing bsam gyis mi khyab par rnam par spyod pa'o// byang chub sems dpa' kun tu bzang po ni tshad med cing tshad las 'das pa ste/ ye shes rdo rje'i blo dang ldan pa'o/ / chos kyi dbyings mtha' dang dbus med pa la yang dag par gnas pa'o// 'jig rten gyi khams thams cad du gnas par spyod cing / sems can thams cad kyi lus dang gzugs kyi rjes su zhugs pa'o/ / blang ba med pa'i chos kyi tshul dang ldan pa'o// mi zad cing tha mi dad pa'i rdzu 'phrul dang / khyu mchos gi mthul lhun gyis grub par gnas pa'i mthar phyin pa'o/ / byang chub sems dpa' kun tu bzang po ni chos kyi dbyings khong du chud pa dang ldan pa'o// de ltar rigs kyi du byang chub sems dpa'
- 224a
kun tu bzang po ni blta na don yod pa'o/ / mnyan pa don yod pa'o// bsnyen bkur bdon yod pa'o// bsam pa don yod pa'o// rjes su dran pa don yod pa'o/ / de la dad par bya ba don yod pa'o// byang chub sems dpa' kun tu bzang po de ni mthong ba don yod pa'o// thos pa don yod pa'o// bsnyen bkur ba don yod pa'o/ / bsam pa don yod pa'o// rjes su dran par byas pa don yod pa'o// de la mos par bya ba don yod pa'o// blta ba don yod ba'o// bstags pa don / yod pa'o// btsal ba don yod pa'o// byang chub sems dpa' kun tu bzang po ni rjes su smon lam gdab pa don spyod pa'o// de nas byang chub sems dpa' kun tu mig dang byang chub sems dpa'i 'khor de dag thams cad byang chub sems dpa' kun tu bzang po mthong bar 'dod cing thal mo sbyar te/ bcom ldan 'das dang byang chub sems dang 'akun tu bzang po sa phyag 'tshal zhing drig 'di skad brjod do/ / sangs rgyas thams cad la phyug 'tshal lo// byang chub sems dpa' kun tu bzang po la phyag 'tshal lo// sangs rgyas tham ca la gtung de phyag 'tshal lo/ / byang chub sems dpa' kun tu bzang po sa btud daphyag 'tshal lo// de nas bcom ldan 'das kyis/ byang chub sems dpa' kun tu
- 224b
mig dang / byang chub sems dpa'i 'khor chen po de dag la bka' stsal pa/ rigs kyi bu dag byang chub sems da pa'i kun tu bzang po la phyag chol la gsol 'tho kyi// phyogs thams cad du mngon du gyis la kun tu mig gi lus su byin gyis rlobs te/ byang chub sems dpa' kun tu bzang po la dmigs pa gyis/ chos kyi dbyings thams cad mngon du bya ba'i sems kyis byin gyis brlabs par gyis te/ chos thams cad 'dod chags dang dril bar khong du chud par gyis/ byang chub sems dpa' kun tu bzang po dang smon lam gcig par byung ste/ gnyis su med pa la mnyam par zhog la/ 'jig rten gyi khams thams cad lus las mngon par byung bar byin gyis rlobs te/ dbang po tha mi dad pa'i rjes su 'brang bar gyis la kun tu bzang po'i smon lam kun tu 'gro ba yongs su sbyang bgyis shig dang / byang chub sems dpa' kun tu bzang po mthong bar 'gyuraro// de nas byang chub sems dpa' kun tu mig gis/ bcom ldan 'das kyis bka' stsal pa de skad thos nas byang chub sems dpa'i 'khor de dag dang bcas pas spyi bos gtugs te phyag 'tshal nas// byang chub sems dpa' kun tu bzang po la gsol pa btaba'o/ / byang chub sems dpa' de dag gis gsol ba btab ma thab tu de'i tshe byang chub sems dpa' kun tu bzang pos rnam par thar pa'i
- 225a
rnam par 'phrul pa gang gis byang chub sems dpa' de dag thams cad kyis/ / byang chub sems dpa' kun tu bzang po de bzhin gshegs pa'i zhabs kyi drung na gnas shing pad+mo'i bstan la 'dug par mthong bar 'gyur ba dang / 'khor de'i byang chub sems dpa' rnams kyi lus las kyang 'byung bar snang ba dang / 'jig rten gyi khams kyi rgyud 'byam klas pa dag nas kyang 'ong bar snang ba dang / sangs rgyas gcig nas gcig tu rgyud pa thams cad yang dag par ston pa dang / sangs rgyas thams cad kyi 'phrin las 'jig rten gyi khams thams cad du rab tu brjod pa dang / byang chub sems dpa'i spyod pa thams cad rab tu ston pa dang / thams cad mkhyen pa'i ye shes kyi lam snang bar byed pa dang / byang chub sems dpa'i rnam par 'phrul pa thams cad yang dag par ston pa dang / byang chub sems dpa'i khyu bachog gi mthu phyung ba thams cad yang dag par brjod pa dang / de bzhin gshegs pa tshad med pa'i dus gsum rab tu ston pa de lta bu'i rnam par 'phrul pa kun tu bstan to/ / de nas byang chub sems dpa' kun tu mig dang / byang chub sems dpa'i 'khor de dag thams cad kyis rnam par 'phrul pa de dag mthong nas de dag dka' zhing mgu ste/ yi rangs nas rab tu dga' zhing bde ba dang yid dga' ba skyes nas/ dmigs pa thams cad kyis btud pa'i rjes sa/ byang chub sems dpa' kun tu bzang /
- 225b
po la phyag 'tshal to// de'i tshe sangs rgyas kyi byin gyi rlabs dang / byang chub sems dpa' de dag gi mos pa dang / byang chub sems dpa' kun tu bzang po'i sngor kya sa ba'i rtsa bas sprin gyi char stong phrag bcu mngon par bab par gyur pa 'di lta ste/ me tog sna tshogs kyi sprin gyi char mngon par bab bo// 'greng ba sna tshogs kyi sprin gyi char mngon par bab bo/ / spos sna tshogs kyi sprin gyi char mngon par bab bo// spos kyi phye ma sna tshogs kyi sprin gyi char mngon par bab bo// gdugs sna tshogs kyi sprin gyi char mngon par babam na bza' sna tshogs kyi sprin gyi char mngon par bab bo/ / rgyan sna tshogs kyi sprin gyi char mngon par bab bo// rin po che sna tshogs kyi sprin gyi char mngon par bab bo// spos sna tshogs kyi sprin gyi char mngon par bab bo/ / snam bu rin po che'i sprin gyi char mngon par bab bo// 'jig rten gyi khams brjod du med pa rnam pa drug tu g.yos so// rol mo brdung ba dang dkrol ba thams cad kyi sgra mang po byung ngo // lha'i nga ro snyan pa mang po rab tu byung ngo // 'jig rten gyi khams brjod du med pa'i yang brjod du med pa'i snang ba chen bos khyab par snang ngo / / 'jig rten gyi khams brjod du med pa'i yang brjod du med pa'i sems can rnams rnam par dag par gyur to// ngan song gi lam gyi rgyud gsum rnam par zhi bar gyur to//
- 226a
'jig rten gyi khams brjod du med pa'i yang brjod du med pa rnam par dag par gyur to// byang chub sems dpa' brjod du med pa'i yang brjod du med pa byang chub sems dpa' kun tu bzang po'i spyod pa la zhugs par gyur to/ / byang chub sems dpa' brjod du med pa'i yang brjod du med pa byang chub sems dpa' kun tu bzang po'i spyod pa la yongs su grub par gyur to// byang chub sems dpa' brjod du med pa'i yang brjod du med pa byang chub sems dpa' kun tu bzang po'i spyod pa la smon lam yongs su rdzogs par byas nas/ bla na med pa yang dag par rdzogs pa'i byang chub tu mngon par sangs rgyas par gyur to/ / de nas byang chub sems dpa' kun tu mig gis/ bcom ldan 'das la 'di skad ces gsol to// bcom ldan 'das byang chub sems dpa' kun tu bzang po ni bdag nyid che ba la rnam par spyod pa'o/ / mtshungs pa ma mchis pa la rnam par spyod pa'o// yongs su mi chod pa la rnam par spyod pa'o// slar mi ldog pa la rnam par spyod pa'o// mnyam pa nyid rjes su rtogs pa la rnam par spyod pa'o// gzhan gyis mi zlogs pa la rnam par spyod pa'o// chos thams cad tha mi dad pa la rnam par spyod pa'o/ / chos thams cad dang ma 'dres par rnam par spyod pa'o// sems can thams cad kyi sems kyi byin gyi rlabs mkhas pa la rnam par spyod pa'o// bcom ldan 'das byang chub sems dpa'
- 226b
kus tu bzang pon chos thams cad kyi dbang dang / ting nge 'dzin dang / rnam par bar pa la rnam par spyod pa'o// bcom ldan 'das kyis bka stsal pa/ kun tu mig spyod kyis skad du smras pa de bzhin te/ byang chub sems dpa' kun tu bzang po ni yon tan grangs med pas rnam par dag pa'o// yon tan mtshungs pa med pas rnam par brgyan pa'o// yon tan tshad med pas rin po che dang ldan pa'o// yon tan bsam gyis mi khyab pa'i 'byung gnas rgya mtsho'o// yon tan dpag tu med pa'i mtshan nyid do// yon tan mu med pa'i sprin to/ / yon tan sa mtshams med pas bsngags shing bstod pa'o// chos rin po che zad mi shes pa'o// byang chub sems dpa' kun tu bzang po ni// sangs rgyas thams cad kyi yon tan brjod cing bsngags pa mi zad pa'o// de nas bcom ldan 'das kyis byang chub sems dpa' kun tu bzang po la 'di skad ces bka' stsal to/ / kun tu bzang po khyod kyis byang chub sems dpa' kun tu mig dang / byang chub sems dpa'i 'khor thams cad la/ byang chub sems dpa' kun tu bzang po'i spyod pa dang // smon lam yongs su rdzogs pa dang ldan pa'i byang chub sems dpa' sems dpa' chen po rnams kyi ting nge 'dzin shin tu bstan pa gang gis 'das pa dang / ma 'ongs pa dang / da ltar byung
- 227a
ba'i byang chub sems dpa'i spyod pa byung ba dang / 'byung ba dang / 'byung bar 'gyur ba'i ting nge 'dzin bcu shin tu bstan pa la mkhas pas/ ting nge 'dzin rgya chen po bcu shin tu bstan pa spobs par gyis shig/ bcu gang zhe na/ 'di lta ste/ byang chub sems dpa'i ting nge 'dzin rgya chen po la mkhas pa rab tu thob pa dang po rjes su 'gro ba snang ba zhes bya ba dang / 'di lta ste/ byang chub sems dpa'i ting nge 'dzin rgya chen po rab tu thob pa yid du 'ong ba zhes bya ba dang / 'di lta ste/ zhing 'byam klas pa gcig nas gcig tu brgyud pa'i rjes su song ba dang / 'di lta ste/ lhag pa'i bsam pa gtsang mas spyod pa zhes bya ba dang / 'di lta ste/ 'das pa'i rgyan gyi snying po zhes bya ba dang / 'di lta ste/ ye shes rnam par snang ba'i snying po zhes bya ba dang / 'di lta ste/ sangs rgyas thams cad kyis rnam par bkod pa'i 'jig rten gyi khams kyi rgyan ces bya ba dang / 'di lta ste/ sems can gyi lus tha mi dad pa zhes bya ba dang / 'di lta ste/ sems kyi khams la dbang ba zhes bya ba dang / 'di lta ste/ byang chub sems dpa'i ting nge 'dzin rgya chen po la mkhas pa rab tu thob pa bcu pa chags pa med pa'i dkyil 'khor zhes bya ba ste/ byang chub sems dpa' sems dpa' chen po rnams kyi ting nge 'dzin rgya chen po 'di bcu ni 'das pa dang / ma byon pa dang
- 227b
da ltar byung ba'i de bzhin gshegs pa thams cad kyis gsungs so/ / gsung ngo // gsung bar 'gyur ro// byang chub sems dpa' gang gis ting nge 'dzin bcu po 'di dag la bsten cing bsgoms te/ mang du byas pa dang / dngos por byas pa dang / shes par byas pa dang / mngon du byas pa dang / mdun du byas pa dang / mnyam par bzhag pa dang / shin tu brtsams pa de dag kyang byang chub sems dpa'i ting nge 'dzin bcu po 'di dag dang ldan pas/ byang chub sems dpa' yin yang sangs rgyas shes bya'o// de bzhin gshegs pa zhes bya'o/ / stobs bcu zhes bya'o// 'dren pa zhes bya'o// rnam par 'dren pa zhes bya'o// thams cad mkhyen pa zhes bya'o// thams cad gzigs pa zhes bya'o// chags pa med pa la gnas pa zhes bya'o// bsgribs pa med pa'i spyod yul can zhes bya'o// chos thams cad kyi dbang phyug ces byang chub sems dpa' gang gis ting nge 'dzin 'di dag thob pa de ni 'jig rten gyi khams thams cad du rjes su song ba'ang yin la/ / 'jig rten gyi khams thams cad nas phyir log pa'ang yin// sems can thams cad kyi khams su rab tu song ba'ang yin la/ sems can med pa'i mtha' yang khong du chud pa yin/ chags pa med pa'i lus kyi snying po'i rjes su song ba'ang yin la/ chos kyi dbyings thams cad la'ang 'jug par spyod pa
- 228a
yin/ / chos kyi dbyings mtha' dang dbus med pas kyang rnam par dag la/ 'das pa dang / ma byon pa dang / da ltar byung ba'i de bzhin gshegs pa thams cad kyi'ang rjes su 'brang ba yin/ de bzhin gshegs pa thams cad kyi chos rnam par mthong ba'ang yin la/ spyod pa thams cad kyi'ang rjes su song ba yin/ dbyangs kyi yan lag dang yi ge la rab tu spobs shing / byang chub sems dpa'i spyod pa thams cad yongs su rdzogs pas rnam par dag pa'ang yin la/ byang chub sems dpa'i spyod pa rnam par phye ba yongs su rdzogs par bya ba la'ang rab tu gnas pa yin/ rtag par dus gsum skad cig tu zhugs pa'ang yin la/ dus thams cad yongs su shes par bya'i phyir yang dag par gzhol ba yin/ sangs rgyas thams cad kyi chos ston pa'ang yin la/ thabs kyis chos thams cad kyi 'khor lo bskor ba las phyir mi ldog pa'i lus dang yang ldan pa yin/ 'das pa dang / ma 'ongs pa dang / da ltar byung ba'i byang chub sems dpa' thams cad rnam par 'tshang rgya bar bya ba'i tshul la'ang rab tu zhugs la// sangs rgyas gcig mngon par sangs rgyas pas sangs rgyas thams cad du'ang shin tu ston pa yin te/ 'di dag ni byang chub sems dpa' rnams kyi chos kyi rnam pa'i tshul lo// 'di dag ni byang chub sems dpa' rnams kyi ye shes rnam par sbyang ba'i tshul lo// thams
- 228b
cad mkhyen pa'i rgyal mtshan gzhan gyis mi 'pham pa'i tshul lo/ / byang chub sems dpa' kun tu bzang po'i spyod pa dang smon lam gyi tshul lo// byang chub sems dpa' mngon par shes pa rnon po dang 'grogs pa'i tshul lo/ / gzungs dang spobs pa thams cad kyi tshul lo// dus gsum tha mi dad pa'i tshul lo// 'das pa dang / ma byon pa dang / da ltar byung ba'i sangs rgyas thams cad kyi tshul lo/ / sems can thams cad thams cad mkhyen pa nyid la rab tu dgod pa'i tshul lo// 'di dag ni byang chub sems dpa' thams cad kyi 'jig rten gyi khams thams cad yongs su dag par bya ba'i khyu mchog gi mthu bstan pa'i tshul lo/ / byang chub sems dpa'i ting nge 'dzin 'di dag thob pa'i byang chub sems dpa' rnams ni mthu mi zad pa'i phyir/ chos kyi dbyings kyi stobs thob pa yin// 'pho ba med pa'i mthar thug par 'gyur ba'i phyir/ nam mkha'i dbyings ltar tshad med pa yin// chos kyi rgyal sring la 'gro ba dbang bskur ba'i phyir/ dbang mtha' yas par sbyar ba yin/ stobs bcu shin tu yangs pa'i tshul thob pa'i phyir/ 'gro ba thams cad du tshad med pa'i ye shes thob pa yin/ rab tu rno pa'i mtha' la zhugs pas nyon mongs pa med pa'i sems rab tu bsgoms pa yin/ shugs dang ldan pa'i rtsal bdog pas snying rje chen po'i seng ge yin
- 229a
yon tan dang bsngags pa thams cad dang ldan pas/ chos kyi sgron ma la yang dag par gzhol zhing mi zad pa yin/ nyan thos dang rang sangs rgyas thams cad kyi bsam gyis mi khyab pa yin/ / chos shes shing khong du chud pas gnas kyi mthar phyin pa yin/ spyod pa dang / rnam par gdags pa dang / brda thams cad la sna tshogs su shin tu bstan pa byed par mkhas pa yin/ chos thams cad mtshan ma med pa mkhas pa la zhugs pas mtshan ma med pa la mos pa yin/ de bzhin gshegs pa'i mnga' chen pos rnam par dag pas rigs dang rgyud rnam par dag pa yin/ gzhi med pa la 'jug pa'i ye shes kyis chos kyi gzhi rab tu dbye ba'i snying po'i rjes su song ba yin/ chos yongs su gtong ba la brtson pas dus thams cad du mkhas pa dang ldan pa yin/ / shes par bya ba khong du chud pas sems can gyi nang na mkhas pa yin// skye dgu thams cad shin tu dag par byed pas mtha' yas pa rnam par spyod pa yin/ sangs rgyas kyi byang chub rnam par sangs rgyas pa dang / 'tshang rgya bar bya ba'i spyod pa yang dag par ston pas// byang chub sems dpa'i dkyil 'khor gyi thabs la mkhas pa yin/ / byang chub sems dpa'i spyod pa'i byin gyi rlabs kyis zad mi shes pa yin/ thams cad mkhyen pa'i yul rnam par 'tshang rgya bar bya ba la mkhas pas cho 'phrul chen po ston pa
- 229b
yin gyis/ de bas na kun tu bzang po byang chub sems dpa'i ting nge 'dzin bcu po 'di dag rgya cher spros te bshad pas bstan pa gyis shig/ byang chub sems dpa'i 'khor 'di dag thams cad nyan par 'dod do/ / de nas byang chub sems dpa' kun tu bzang po la/ bcom ldan 'das kyis bka' stsal ba dang / byang chub sems dpa' de dag gis kyang gsol ba btab par shes nas/ byang chub sems dpa' kun tu mig dang / byang chub sems dpa'i tshogs thams cad la smras pa/ kye rgyal ba'i sras dag bcu po 'di rnams ni byang chub sems dpa' sems dpa' chen po rnams kyi byang chub sems dpa'i chos ma lus par mthar thug pa ste/ bcu gang zhe na/ 'di lta ste/ sangs rgyas skye bar khong du chud pa'i ye shes dang / sems can dri ma med pa mngon par bsgrub par bya ba'i ye shes dang / 'jig rten gyi khams mig yor lta bur shes pa'i ye shes dang / chos kyi dbyings kyi rjes su 'jug pa'i ye shes dang / byang chub sems dpa' rab tu gzung ba la mkhas pa'i ye shes dang / phyir mi ldog pa'i byang chub sems dpa'i thabs yongs su mnan pa'i ye shes dang / don thams cad dang ldan pa'i chos kyi lhag mthong la mkhas pa'i ye shes dang / byang chub kyi sems kyi mthu'i rjes su song ba'i
- 230a
ye shes dang / sangs rgyas kyi chos thams cad shes pa'i ye shes dang // thams cad mkhyen pa'i smon lam dang byin gyi rlabs kyi ye shes te/ kye rgyal ba'i sras dag/ de dag ni byang chub sems dpa' rnams kyi byang chub sems dpa'i chos ma lus par mthar thug pa'o// kye rgyal ba'i sras dag bcu po 'di dag ni byang chub sems dpa' sems dpa' chen po rnams kyi sems bskyed pa mtha' dang dbus med pa ste/ bcu gang zhe na/ 'di lta ste/ sems can thams cad nye bar gzung ba dang yongs su dgrol ba'i phyir/ sems bskyed pa mtha' dang dbus med pa dang / 'di lta ste/ sangs rgyas kyi chos thams cad yongs su bsgrub pa'i phyir/ sems bskyed pa mtha' dang dbus med pa dang / 'di lta ste/ sangs rgyas thams cad bsnyen bkur zhing mchod pa'i phyir/ sems bskyed pa mtha' dang dbus med pa dang // 'di lta ste/ sangs rgyas thams cad mthong bar bya ba'i mig tshad med pa yang dag par bsgrub pa'i phyir/ sems bskyed pa mtha' dang dbus med pa dang / 'di lta ste/ sangs rgyas thams cad kyi gsung dang dbyangs dang / bka' yang dag par gzung zhing nyams pa med par bya ba'i phyir/ sems bskyed pa mtha' dang dbus med pa dang / 'di lta ste/ sangs rgyas thams cad kyi rnam par 'phrul pa'i bye/
- 230b
brag tha dad par rnam par dbye ba la mkhas par khong du chud pa bskyed pa'i phyir/ sems bskyed pa mtha' dang dbus med pa dang / 'di lta ste/ de bzhin gshegs pa rnams kyi byang chub kyi mtshams sbyar ba'i stobs la 'jug par bya ba'i phyir/ sems bskyed pa mtha' da da pus med pa dang / 'di lta ste/ thams cad mkhyen pa'i stobs mtha' yas pas shin tu phra bar dmigs shing yongs su mnan pa'i sangs rgyas kyi chos rab tu bstan pa'i phyir/ sems bskyed pa mtha' dang dbus med pa dang / 'di lta ste/ sangs rgyas kyi khyu mchog gi mthu bsam gyis mi khyab cing 'byam klas pa la 'jug pa dang khong du chud par bya ba'i phyir/ sems bskyed pa mtha' dang dbus med pa dang / 'di lta ste/ sangs rgyas kyi tha dad pa yang dag par mkhyen pa mngon du bya bar lhag pa'i bsam pa yang dag par btang zhing sangs rgyas kyi chos thams cad yang dag par blang ba'i phyir/ sems bskyed pa mtha' dang dbus med pa dang / 'di lta ste/ de bzhin gshegs pa thams cad kyi 'khor gyi dkyil 'khor du 'jug cing lus sna tshogs kyi byin gyi rlabs yang dag par bstan pa'i phyir/ sems bskyed pa mtha' dang dbus med pa ste/ kye rgyal ba'i sras dag bcu po de dag ni byang chub sems dpa' rnams kyi sems bskyed pa mtha' dang dbus med pa'o// kye rgyal
- 231a
ba'i sras dag bcu po 'di rnams ni byang chub sems dpa' sems dpa' chen po rnams kyi ting nge 'dzin gyi bye brag la 'jug pa'i ye shes te/ bcu gang zhe na/ 'di ltar shar phyogs su snyoms par zhugs te/ nub phyogs nas rnam par ldang ba dang / nub phyogs su snyoms par zhugs te/ shar phyogs nas rnam par ldang ba dang / shar dang byang gi mtshams su snyoms par zhugs te/ lho dang nub kyi mtshams na sa rnam par ldang ba dang / lho dang nub kyi mtshabs su snyoms par zhugs te/ shar dang byang gi mtshams nas rnam par ldang ba dang / lho phyogs su snyoms par zhugs te/ byang phyogs nas rnam par ldang ba dang / byang phyogs su stobs par zhugs te/ lho phyogs nas rnam par ldang ba dang nub dang byang gi mtshams su snyoms par zhugs te/ shar dang lho'i mtshams nas rnam par ldang ba dang / shar dang lho'i mtshams su snyoms par zhugs te/ nub dang byang gi mtshams nas rnam par ldang ba dang / 'og gi phyogs su snyoms par zhugs te/ steng gi phyogs nas rnam par ldang ba dang / steng gi phyogs su snyoms par zhugs shing 'og gi phyogs nas rnam par ldang ba ste/ kye rgyal ba'i sras dag bcu po 'di rnams ni byang chub sems dpa' sems dpa' chen po dag gi ting nge 'dzin gyi bye brag la 'jug pa'i ye
- 231b
shes so/ / kye rgyal ba'i sras dag bcu po 'di rnams ni byang chub sems dpa' sems dpa' chen po rnams kyi ting nge 'dzin rgya chen por bya ba la mkhas pa ste/ bcu gang zhe na 'di lta ste/ kye rgyal ba'i sras dag/ 'di la byang chub sems dpa' sems dpa' chen pos stong gsum gyi stong cher po'i 'jig rten gyi khams pa d+mo gcig tu byin gyis brlabs pad+mo gcig pu de rang gi skyil mo krung gis rgyas par khyab par byin gyis rlob bo/ / rang gi lus de las kyang stong gsum gyi stong chen po'i 'jig rten gyi khams ston to// stong gsum gyi stong chen po'i 'jig rten gyi khams der yang gling bzhi pa khrag khrig phrag brgya ston to/ / gling bzhi pa khrag khrig brgya po re re zhing yang bdag gi lus re re byir gyis rlob ste/ lus de dag re re la'ang stong gsum gyi stong chen po'i 'jig rten gyi khams khrag khrig brgya brgya ston to// 'jig rten gyi khams de dag gi gling bzhi pa re rer yang byang chub sems dpa'i spyod pa khrag khrig brgya brgya yang dag par ston to/ / byang chub sems dpa'i spyod pa de dag re re la'ang pos pa bye ba khrag khrig brgya brgya mngon par bsgrub bo// mos pa de dag re re la'ang dbang po sna tshogs rnam par phye ba khrag khrig phrag brgya brgya yongs su rdzogs par rab tu 'thob par bya ba yongs su rdzogs par byed do/ / dbang po sna tshogs rnam par phye ba de dag re re
- 232a
la'ang byang chub sems dpa' khrag khrig phrag brgya brgya phyir mi ldog pa'i lam gyis byang chub sems dpa'i chos la rab tu gzhog go/ / 'on kyang lus mang po 'am lhag par 'phel bar mi byed de/ / mnyam par bzhag pa'ang nyams par 'gyur pa med do// kye rgyal ba'i sras dag/ 'di lta ste/ dper na lha ma yin gyi dbang po sgra gcan zhes bya ba yod de/ de'i rang bzhin gyi lus ni dpag tshad bdun brgya'o// de'i sprul pa'i lus ni dpag tshad brgya stong phrag drug cu rtsa brgyad de/ de'i lus phyed rgya mtsho chen po'i nang na 'dug kyang lus kyi stod gyen du 'phags pa ri rab kyi rtse mo dang mnyam yang kye rgyal ba'i sras dag/ lha ma yin gyi dbang po sgra gcan de sprul pa'i lus dpag tshad brgya stong phrag drug cu rtsa brgyad pa des sngon gyi lus 'jig par mi byed de/ sngon skyes pa'i phung po dang / khams dang / skye mched kyang yongs su nyams par mi 'gyur ro/ / lus chen po de yod pas kyang sprul pa'i lus la gzhan du 'du shes par mi 'gyur te// lus snga ma shi 'phos pa'i 'du shes kyang med la/ gsar du skyes pa'i lus kyis kyang nyams dga' ba rab tu thob pa yin te/ sprul pa'i lus des mthu dang dbang byed par dbang sgyur bar yang dag par ston pa na rmongs shing 'khrul par 'gyur ba'ang med de/
- 232b
lha ma yin gyi dbang po sgra gcan de ni 'dod chags can/ zhe sdang can/ gti mug can te/ nga rgyal dang dregs pa dang ldan yang rgya mtsho'i nang na gnas shing / rgya mtsho'o nang gi khyim na 'dug bzhin du rnam pa de lta bu'i sprul pa'i lus kyis mngon par 'phags na/ byang chub sems dpa' sems dpa' chen po chos thams cad sgyu ma'i rnam par rab tu rtogs pa 'jig rten thams cad dpe med pa/ mig yor dang mnyam par rab tu zhugs pa/ 'jig rten gyi khams thams cad sangs rgyas skyes pa'i sprul pa rnam par dmigs pa lta bur khong du chud pa/ sgra dbyangs rnam par dmigs pa thams cad ri'i brag cha lta bur shes pa// yang dag pa'i chos rab tu mthong ba/ chos ji lta ba bzhin lus dang ldan pa rang bzhin gyi 'od gsal zhing dang ba'i chos la zhugs pa/ sems kyi rang bzhin dngos po med par rab tu rtogs pa/ lus kyi yul tshad med pa la gnas pa/ sangs rgyas kyi ye shes sdang bas byang chub kyi spyod pa rnam par sbyangs pa lta smos kyang ci dgos te// ting nge 'dzin chen po de la gnas pas cung zad du 'khrul pa'ang med na thong zhing rmongs par 'gyur ba med pa lta ci smos/ de lus kyi stong lha'i 'jig rten du 'phags par byin gyis rlob cing / lus kyi smad 'dod pa'i khams na 'dug par byin gyis
- 233a
rlob kyang / shin tu mnyam par bzhag pas rab tu sbyar ba'i ting nge 'dzin gyi dkyil 'khor chen po des// rang gi lus kyi nang du rlag pa de lus chen po ston cing spyoms pa'i skye ba dang / rdzu 'phrul thams cad kyang lus kyi nang du rlag par byin gyis rlob bo// kye rgyal ba'i sras dag 'di lta ste/ dper na mi sdug pa bsgoms pa la gnas pa'i dge slong ni mi sdug pa'i mtshan mar rnam par lta zhing / nang gi lus la rtog pa la mngon par brtson pa yin// de bzhin du byang chub sems dpa' sems dpa' chen po'ang lus su 'jig rten gyi khams thams cad chud par bya ba'i phyir/ chos kyi lus la brtag par mngon par brtson pa yin te/ lus de la 'jig rten dang 'jig rten gyi chos mthong yang 'di lta ste/ byang chub sems dpa' khyu mchog go mthu dang / rnam par 'phrul pa dang / ting nge 'dzin rab tu thob pas lus la 'jig rten dang 'jig rten gyi chos kyis chags pa med do// kye rgyal ba'i sras dag/ 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes rjes su 'gro ba snang ba zhes bya'o// kye rgyal ba'i sras dag/ gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi rdul shin tu phra ba snyed kyi stong gsum gyi stong chen po'i 'jig rten
- 233b
khams rnams stong gi 'jig rten gyi khams re re la byin gyis rlob ste/ 'jig rten gyi khams de dag re rerang lus rnam par dmigs pa stong gsum gyi stong chen po'i 'jig rten gyi khams kyi rdul shin tu phra ba snyed yang dag par ston to/ / lus de dag re re las kyang 'od zer gyi dkyil 'khor stong gsum gyi stong chen po'i 'jig rten gyi khams kyi rdul shin tu phra ba snyed rab tu 'gyed do// 'od zer re re la'ang kha dog stong gsum gyi stong chen po'i 'jig rten gyi khams kyi rdul shin tu phra ba snyen yang dag par ston te/ kha dog de dag re res kyang 'jig rten gyi khams stong gsum gyi stong chen po'i 'jig rten gyi khams kyi rdul shin tu phra ba snyed snang bar byed do/ / snang ba de dag re res kyang sems can stong gsum gyi stong chen po'i 'jig rten gyi khams kyi rdul shin tu phra ba snyed yongs su smin par byed do/ / de la'ang byang chub sems dpa' des 'jig rten gyi khams rab tu shes so// 'jig rten gyi khams rnam par phye ba rab tu shes so/ / 'jig rten gyi khams kun nas nyon mongs pa rab tu shes so// 'jig rten gyi khams rnam par dag pa rab tu shes so// 'jig rten rgya khams su 'gro ba rab tu shes so/ / 'jig rten gyi khams byin gyis brlab pa rab tu shes so// 'jig rten gyi khams su gnas par bya ba rab tu shes so// 'jig rten
- 234a
gyi khams snang bar bya ba rab tu shes so/ / 'jig rten gyi khams nas 'gro ba'ang rab tu shes so// de ltar byang chub sems dpa' 'jig rten gyi khams la de ltar 'jug kyang / 'jig rten gyi khams ji lta ba de bzhin du byang chub sems dpa' la 'jug ste/ 'jig rten gyi khams rnam par dmigs pas 'jig rten gyi khams spro bar yang mi byed de/ chos kyi rang bzhin las kyang 'jig rten gyi khams 'jig par mi byed do// // bam po lnga bcu drug pa/ kye rgyal ba'i sras dag 'di lta ste/ dper na lha'i bu nyi ma 'char ba'i tshe ri rab ri'i rgyal po 'khor bar gnas pa'i rin po che'i ri bdun la 'char bar 'gyur te/ ri bdun po de dag la shar nas ri mtshams kyi gnas bdun po shin tu rub pa de dag tu'ang snang ba'i tshul gyis kun tu 'char ro/ / de'ang rin po che'i ri bdud po gser gyi mdog can de dag la nyi ma'i gzugs brnyan sdang bas ri bdun gyi nyi ma'i gzugs brnyan ri mtshams bdun po de dag tu snang ba'i tshul gyis 'char bar 'gyur te/ ri mtshams bdun po de dag kyang gser gyi mdog tu 'dug pas de dag las kyang ri bdun po de dag la gzugs brnyan gyi tshul du nyi ma'i 'od 'char zhing rnam par dmigs par 'gyur ro/ / de ltar na gcig gis gcig snang bar bya ba'i tshul du ri mtshams de
- 234b
dag tu nyi ma'i gzugs brnyan shar cing / rin po che'i ri de dag la nyi ma'i gzugs brnyan 'byung bas/ de'i phyir rin po che'i ri rnams las nyi ma 'char zhes bya'o// de ltar gcig nas gcig tu snang ba rnam par dmigs pa brgyad pas nyi ma'i dkyil 'khor gyi mthar thug pa med de/ de ltar snang ba'ang dngos po'ang ma yin/ dngos po ma yin pa'ang ma yin// yod pa'ang ma yin/ med pa'ang ma yin/ ri rnams la gnas pa'ang ma yin// nang du phyin pa'ang ma yin// phyi rol na gnas pa'ang ma yin/ de dag dang bral bar gnas pa'ang ma yin no/ / kye rgyal ba'i sras dag/ de bzhin du byang chub sem sa dpa' sems dpa' chen po byang chub sems dpa'i ting nge 'dzin 'di la gnas pa'ang 'jig rten gyi khams rnam par dmigs pa 'jig par yang mi byed do/ / chos rnams kyi rang bzhin yang yongs su mi spong ngo // byang chub sems dpa' de nyid 'jig rten gyi khams kyi nang du byin kyang ma yin no/ / byang chub sems dpa' de 'jig rten gyi khams rnam par dmigs pa'i phyi rol na 'dug pa ma yin no// byang chub sems dpa' de 'jig rten gyi khams la'ang mi rtog ste/ byang chub sems dpa' de 'jig rten gyi khams la rnam par rtog pa'ang ma yin no// byang chub sems dpa' de 'jig rten gyi khams kyi mtshan ma rnam par 'jig par byed pa
- 235a
ma yin no/ / chos thams cad kyi mtshan nyid gcig pu'ang mtshan nyid med pa las rnam par mi rdzogs te/ byang chub sems dpa' de'ang chos rnam par dbye 'khrugs par mi byed do/ / byang chub sems dpa' de de bzhin nyid kyi rang bzhin gnas pa de las kyang phyir mi ldog go// kye rgyal ba'i sras dag 'di lta ste/ dper na/ sgyu ma'i gtsug lag mig 'phrul zhes bya ba 'jig rten na yod de/ sgyu ma'i mkhan po sgyu ma'i gtsug lag de la shin tu bslabs shing nan tan du byed byed pa'i rnams lam po che'i bzhi mdo dag tu 'khod cing 'gro ba'i tshogs chen pos 'dus pa dag gi mdun du skad cig yud tsam du nyi ma gcig dang / nyin zhag bdun dang / zla ba phyed dang / zla ba gcig kyang ston to/ / lo gcig kyang ston to// lo brgya'ang ston to// grong yang ston to// yul yang ston to// chu klung gi rgyun kyang ston to// rgya mtsho'ang ston to/ / sprin yongs su sdud pa'ang ston to// sprin chen po las char 'bab pa'ang ston to// gnam stong pa las char 'bab pa'ang ston to// 'jig rten gyi gnas rnam pa sna tshogs kyang ston to/ / de ltar bstan pas nyi ma gcig pu 'jig par mi 'gyur ro// nyi ma gcig pus kyang nyin zhag dang / zla ba dang / lo de dag 'jig par mi 'gyur ro//
- 235b
yun ring pos kyang sgyu ma'i ston cing sgrub pa zad par mi 'gyur te/ sgyu ma bstan pa'i dus kyis kyang yun ring po rnam par dmigs pa zad par mi 'gyur ro// kye rgyal ba'i sras dag/ de bzhin du byang chub sems dpa' sems dpa' chen po ting nge 'dzin 'di la mnyam par gzhag pa'ang 'jig rten gyi khams gcig tu 'jig rten gyi khams grangs med pa la 'jug pa rab tu ston to/ / rlung gi phung po dang / me'i phung po dang / chu'i phung po dang / sa'i phung por bcas pa dang / rgya mtsho dang gling du bcas pa dang / rin po che'i ri dang / ri rab dang / khor yug dang / btang bzung dang / khor yug chen pos yongs su bskor bar bcas pa dang / mi'i 'jig rten dang / grong rdal dang / yul gru dang / grong gis gang bar bcas pa dang / bza' shing gi ra ba dang / chu klung dang / mtsho dang / lteng ka dang bcas pa dang / lha'i gnas dang rgyan du bcas pa dang / klu'i gnas su bcas pa dang / gnod sbyin gyi gnas su bcas pa dang / dri za'i gnas su bcas pa dang / lha ma yin gyi gnas su bcas pa dang / nam mkha' lding gi gnas su bcas pa dang / mi 'am ci'i gnas su bcas pa dang / mi'i rgyan dang gnas su bcas pa dang // 'dod pa'i khams kyi yul dang bcas pa dang / gzugs
- 236a
kyi khams kyi yul dang bcas pa dang / gzugs med pa'i khams kyi yul dang bcas pa dang // 'jig rten gyi khams byung bur bcas pa dang / 'jig rte gyi khams stong du bcas pa dang / / 'jig rten gyi khams stong gsum du bcas pa dang / las dang rnam par smin par bcas pa dang / shi 'pho dang skye bar bcas pa dang / sems can du bcas pa dang / yun ring por bcas pa dang / yud tsam thang cig tu bcas pa dang // nyi mar bcas pa dang / dus mtshams su bcas pa dang / zla ba dang kho dang / lo brgyar bcas pa dang / bskal pa dang / 'jig pa dang / 'du bar bcas pa dang / kun nas nyon mongs pa dang / rnam par dag pa dang / yangs pa dang phra ba dang / rgya che ba dang / tshad med par bcas pa dang / sangs rgyas skye bar bcas pa dang / byang chub sems dpa'i 'khor du bcas pa dang / 'dul ba'i sems can du bcas pa dang / sangs rgyas rnam par 'phrul pa'i yul dang / thams cad du byin gyis brlabs pa dang / sangs rgyas kyi zhing rnam par dag par bcas pa dang / yul dang / phyogs dang / zhi sna tshogs dang / gnas snod du mas gang ba dang / 'gro ba'i rgyud sna tshogs dang / sems can gyi ris bsam gyis mi khyab par bcas pa dang / sngon gyi mtha' dang / phyi ma'i
- 236b
mtha' dang / da ltar byung ba dang / rin po che sna tshogs dang / rin po che du ma dang // las dang rnam par smin pa sna tshogs rnam par dag par bcas pa dang / 'jig rten gyi khams de dag la 'jig rten gyi khams gcig tu 'jug pa'i tshe/ 'jig rten na yod pa dang / 'jig rten du gtogs pa'i sems can de dag thams cad kyang ston to// mthong bar byed do// shes par byed do/ / rnam par dpyod do// rtog par byed do// rab tu shes par byed do// khong du chud par byed do// de la yang dag par 'jug pa'ang mi zad pa'i ye shes kyis thob par gyur par yang dag pa ji lta ba bzhin du ma nor bar blta'o/ / 'jig rten gyi khams kyi grangs de dag gis kyang 'jig rten gyi khams 'di dag rnam par 'jig par mi byed do// 'jig rten gyi khams 'di dag gis 'jig rten gyi khams de dag rnam par 'jig par mi byed do// de ci'i phyir zhe na/ byang chub sems dpa' ni chos thams cad la srog med pa'i chos su rab tu zhugs pa ste/ byang chub sems dpa' ni byed pa med pa'i chos la rab tu zhugs pas spyod pa thams cad la rlom sems med do// byang chub sems dpa' ni 'jig rten thams cad nyon mongs pa med pa'i chos la brtson pas bdag med pa la spyod pa yin/ / byang chub sems dpa' ni lus thams cad la rten cing 'brel par 'byung ba'i chos su yang
- 237a
dag pa ji lta ba bzhin du lta'o/ / sems can med pa la spyod pa yin// byang chub sems dpa' ni skye ba dang 'jig pa thams cad chos kyi rgyud kyi rgyu las byung ba'i chos su rtog pas gang zag med pa la spyod pa yin/ byang chub sems dpa' ni chos kyi rang bzhin yang dag par blang ba la zhugs pas shed cad dang shed las skyes pa med pa la gnas pa yin/ byang chub sems dpa' ni chos thams cad rang bzhin gyis dben pas byed pa po med pa la spyod pa yin// byang chub sems dpa' ni chos thams cad la de bzhin gshegs pa'i spyod pa rnam par phye ba gcig gis spyod pas rnam par mi rtog pa la spyod pa yin/ byang chub sems dpa' ni chos kyi dbyings dbyer med pa'i chos nyid kyis bsam gyis mi khyab pa la gnas pa yin/ byang chub sems dpa' ni thabs kyi rnam grangs la mkhas shing sems can gdul ba la brtson pas snying rje chen po la spyod pa yin te// de ltar na byang chub sems dpa' sems dpa' chen po 'jig rten gyi khams gcig rnam par gzhog pas/ 'jig rten gyi khams rnam par dgod pa grangs med pa la 'jug go// bskal pa grangs med pa'i rgyud rab tu shes so/ / byang chub sems dpa'i 'jug pa grangs med pa yang dag par mthong ngo // sangs rgyas grangs med pa'i rjes su yang dag par 'brang ngo // de bzhin gshegs pa
- 237b
dgra bcom pa yang dag par rdzogs pa'i sangs rgyas de dag gis chos bstan pa yang dag par 'dzin to/ / byang chub sems dpa'i spyod pa de la'ang bdag yang dag par spyod par mthong ste/ 'di nas kyang bdag gud du g.yo ba med do// de dag dang bdag tu tha dad pa med par yang rab tu shes te/ chos kyi dbyings la 'jug pas kyang rgyun chad pa med par rab tu 'jug go/ ye shes kyi rjes su 'jug cing phyir mi ldog pa'ang rab tu shes te/ dper na sgyu ma'i mkhan po des 'di la gnas shing sgyu ma thams cad ston kyang sgra ma'i sprul pa des sa 'di skyon can du'ang mi 'gyur la/ sgyu ma'i sprin de dag gis kyang sa 'di rlan par mi 'gyur te/ sgyu ma'i nyi ma des mun pa'i grangs su bya ba 'di dag bsal bar mi 'gyur ro// de bzhin du bya chub sems dpa' yang sangs rgyas kyi zhing gi yul la zhing du 'jug pa'ang byed/ 'jig rten ma yin pa'i yul la 'jig rten yang rab tu shes/ gzugs med pa'i yul la gzugs su byin gyis rlob pa'ang shin tu ston te/ gcig gis gnyis pa 'jig par mi byed do// gnyis pas kyang gcig 'jig par mi byed de/ de ni des 'jig rten gyi chos thams cad sgyu ma'i dra bar chos kyi rang bzhin la 'jug pas rab tu shes shing khong du chud pa dang / ye shes kyi rang bzhin la 'jug pa las kyi rang bzhin la 'jug pas khong du chud pa dang
- 238a
las kyi rang bzhin ye shes kyi rang bzhin du rab tu sgrub pa dang / / ye shes kyi rang bzhin du las thams cad rab tu spyod pas de'i phyir rab tu shes so// 'di lta ste/ dper na sgyu ma'i mkhan po de ni sgyu ma'i rnam pa ston nas med par yongs su ston pa ma yin// skye bo'i tshogs sna tshogs med par yongs su ston pa'ang ma yin no// de bzhin du byang chub sems dpa' yang nam mkha'i rang bzhin med par 'jig rten thams cad la yongs su 'jug pa'ang ma yin/ 'jig rten gyi rnam pa med par nam mkha'i rang bzhin la 'jug pa'ang ma yin no// de ci'i phyir zhe na/ nam mkha'i rang bzhin yang 'jig rten dang tha mi dang / 'jig rten gyi rnam pa'ang nam mkha'i rang bzhin dang tha mi dad de/ byang chub sems dpa' de ni nam mkha'i rang bzhin de la 'jig rten gyi yul dang / las sna tshogs kyi rgyan rnam pa sna tshogs la rab tu 'jug go// mngon par sgrub bo// yang dag par lta'o// khong du chud par byed do// rtogs par byed do// goms par byed do// rjes su sgom mo// rab tu rtog go// rnam par dpyod do// sems skad cig gis 'jig rten gyi khams grangs med pa'i 'jig pa dang / 'du ba'i rnam pa'ang rab tu shes so// bskal pa gcig nas gcig tu brgyud pa'i rnam pa la brtson par bya ba'ang rab tu shes so// skad cig gcig gis bskal pa
- 238b
de dag gcig nas gcig tu brgyud pa'i dus thams cad dbang du byed do/ / sems kyi skad cig re re la bskal pa dang / dus rnam par dmigs pas mang du byed pa de'ang lus las gzhan du mi byed de/ de'ang de bzhin gshegs pa'i ye shes bsam gyis mi khyab pa'i rnam par thar pa sgyu ma la byang chub sems dpa' rab tu slob cing yongs su grub pa'i pha rol tu phyin pas ye shes sgyu ma'i mthar phyin pa dang / 'jig rten sgyu ma'i grangs kyi rjes su zhugs pa dang / chos thams cad sgyu ma'i rang bzhin du rtogs pa dang / 'jig rten dang 'gal ba med pa'i ba shes sgyu ma'i mthar phyin pa dang / dus gsum sgyu ma tha mi dad par khong du chud pa dang / mngon par shes pa sgyu ma nges par rtogs pa dang / sems sgyu ma mtha' yas shing mu med pa la rab tu zhugs pa dang / sangs rgyas thams cad sgyu ma'i rang bzhin du yang dag par mos par bya ba'i phyir te/ de ltar byang chub sems dpa' 'jig rten gyi khams thams cad la rab tu 'jug cing rnam par spyod kyang thams cad du chags pa med do/ / kun la'ang rlom sems med do// 'di lta ste/ dper na sgyu ma byed pa ni mi 'phrul dang / sgyu ma thams cad ston kyang yongs su ston pa'ang med/ de la rmongs par yang mi 'gyur ro// de bzhin du byang chub sems dpa' rnams kyang chos thams cad la 'jug pa'i pha rol tu phyin la/ chos
- 239a
la zhugs pas rlom pa'ang med do/ / kye rgyal ba'i sras dag 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes yid du 'ong ba zhes bya ba ste gnyis pa ste/ / kye rgyal ba'i sras dag/ gzhan yang byang chub sems dpa' sems dpa' chen po dag/ shar phyogs logs su 'jig rten gyi khams grangs med pa 'da' zhing / der sangs rgyas kyi zhing 'byam klas pa gcig nas gcig tu brgyud pa'i rjes su song ba zhes bya ba'i ting nge 'dzin la snyoms par 'jug go// 'jig rten gyi khams de dag ji snyed 'das pa de snyed kyi sangs rgyas kyi zhing rdul shin tu phra ba snyed kyi 'jig rten gyi khams 'das nas/ 'jig rten gyi khams de dag tu'ang 'jig rten gyi khams la laranya ma rangs par snyoms par 'jug go/ / la lar snga dro'i dus/ la lar nyi ma gung gi dus/ la lar byi dro'i dus la lar s+thA dro'i thun gyi dus la lar nyi ma gung gi thun gyi dus la lar byi dro'i thun gyi dus la lar skad cig gcig gi dus/ la lar yud tsam gcig gi dus// la lar thang gcig gi dus la lar srod kyi dus// la lar yud du lan man gyi dus/ la lar zla ba gcig gi dus// la lar lo'i dus la lar lo brgya stong gi dus// la lar lo bye ba brgya stong gi dus// la lar lo bye ba khrag khril
- 239b
brgya stong gi dus/ la lar bskul pa gcig gi dus la lar bskal pa brgya'i dus/ la lar bskal pa stong gi dus la lar bskal pa brgya phrag stong gi dus/ la la bskal pa bye ba khrag khrig brgya stong gi dus la lar bskal pa tshad bang pa'i dus/ la lar bskal pa dpag tu med pa'i dus la lar bskal pa mu med pa'i dus// la la bskal ba mtha' yas pa'i dus la lar bskal pa grangs med pa'i dus la lar bskal pa bas pa gyis mi khyab pa'i dus la lar bskal pa gzhal du med pa'i dus/ la lar bskal pa bgrang du med pa'i dus/ la lar bskal pa sa mtshams med pa'i dus la lar bskal pa brjod du med pa'i dus su snyoms par 'jub kyang // byang chub sems dpa' des chos sgyu ma de dag ring du gnas par sems par mi 'gyur ro/ / dus gzhan du rjes su 'brang bar yang mi sems te/ byang chub sems dpa' de dus rnam pa tha dad pa sna tshogs de dag la mngon par chags par yang mi byed do/ / mngon par zhen pa'ang mi bskyed do// dbang du'ang mi byed de/ mi rtog go// rnam par mi rtog go// chos thams cad la nyams pa med par yang gzhol bas byams pa'i mngon par shes pa dang ldan pa yin/ / ting nge 'dzin gyi mngon par shes pas ldang ba yin/ kye rgyal ba'i sras dag 'di lta ste/ dper na lha'i bu nyi ma ni nyin par
- 240a
snang bar byed cing 'gro'ang nyin par dang yang 'grogs pa med/ mtshan mo dang yang mi 'grogs so// 'gro ba'i tshe'ang nyin mor snang la/ nub nas kyang mtshan mor snang ngo / / 'on kyang nyin par yang bskyed pa med la/ mtshan mo'ang bshig pa med do// de bzhin du byang chub sems dpa' sems dpa' chen po'ang 'jig rten gyi khams grangs med pa dag tu snyoms par zhugs shing grangs su brjod pas rnam par ston to/ / kye rgyal ba'i sras dag 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes zhing 'byam klas pa gcig nas gcig tu brgyud pa'i rjes su song ba zhes bya ba ste gsum pa'o/ / kye rgyal ba'i sras dag/ gzhan yang byang chub sems dpa' sems dpa' chen po rnams ni/ sems can gyi lus sangs rgyas kyi skur mngon par mos par byed do// des de bzhin gshegs pa shin tu mang po mthong bas/ 'jig rten gyi kham grangs med pa'i rdul shin tu phra ba snyed kyi de bzhin gshegs pa de dag la spos kyi rnam pa'i mchog thams cad kyis mchod par byed do/ / me tog sna tshogs yid du 'ong ba thams cad ma pa gyid/ / 'ang mas pa dam pa sas rgyas kyi nga mangs med pa'i dus mas kyid kyi pa byed pa/ kyirnas la pa pas mas sa
- 240b
'das pa thams cad kyis mchod pa byed do/ / 'gro ba thams cad kyi rin po che sna tshogs tshad med pas kun tu g.yog pa'i rnam pa thams cad kyis mchod pa byed do// rgyar rnam par phye ba'i tshogs kyi rnam pa thams cad kyis mchod pa byed do/ / nor bu rin po che sna tshogs dam pa'i gtsug lag khang gi rnam pa grangs med pa thams cad kyis mchod pa byed do// lha rdzas las kyang 'das pa'i mnapa stsal dang / zhal zas sangs rgyas kyi byin gyis brlabs pa'i rnam pa dam pa thams cad kyis mchod pa byed do// sangs rgyas kyi zhing thams cad rnam par dag par bya ba'i rgyan sna tshogs rnam pa tha dad pa ma lus pa sangs rgyas la bsnyen bkur ba dang / mchod pa'i rnam par gtogs pas sangs rgyas thams cad la rim gro bya ba'i tshul dang ldan par mchod pa byed do// de bzhin gshegs pa de dag gi zhabs la'ang phyag 'tshal zhing lus thams cad kyis rab tu 'bebs so/ / rje sar zhu ba rnams kyang byed de/ sangs rgyas kyi chos kyang shin tu rtogs par byed do// sangs rgyas kyi bstan pa'ang rab tu 'dzin to// sangs rgyas kyi che ba nyid kyang khong du chud par byed do// de bzhin nyid la'ang yang dag par 'jug pas rab tu 'jug go// snying rje chen po'i rjes su 'brang ba'ang rab tu byed do/ / chags pa med pa'i stobs rab tu spel ba la'ang mngon par mos shing / sangs rgyas kyi chos thams cad kyang yongs su thob par byed do// sems can thams
- 241a
cad kyi gtso bo'i rjes su'ang rab tu 'brang ste/ skad cig gcig gi mthar yang rab tu 'jug go// de bzhin gshegs pa de dag 'byung ba'i tshe'ang skye ba mi dmigs so/ / de bzhin gshegs pa de dag mya ngan las 'das pa'i tshe'ang 'jig pa mi dmigs so// kye rgyal ba'i sras dag 'di lta ste/ dper na g.yeng ba'i sems kyis yul rnam par dmigs pa ni gzugs las kyang ma byung / dmigs pa gang las kyang sa byung ngo // sems rnam par mi dmigs pa'i tshe'ang dmigs pa gang las kyang 'gag par mi 'gyur ro// kye rgyal ba'i sras dag de bzhin du byang chub sems dpas kyang de bzhin gshegs pa de dag 'byung ba'i tshe/ 'byung bar mi dmigs so// de bzhin gshegs pa de dag mya ngan las 'da' ba'i tshe'ang 'jig par mi dmigs so/ / kye rgyal ba'i sras dag 'di lta ste/ dper na nyi ma'i gung la smig rgyu snang ba ni sprin las byung ba'ang ma yin/ mtsho las byung ba'ang ma yin/ sprin la gnas pa'ang ma yin// sa la gnas pa'ang ma yin// phyogs nas byung ba'ang ma yin/ dge ba'ang ma yin/ mi dge ba'ang ma yin/ dang ba'ang ma yin/ rnyog pa can yang ma yin/ btung ba'ang ma yin/ dbo ba'ang ma yin/ dngos po yod pa'ang ma yin// dngos po med pa'ang ma yin// ro dang ldan pa'ang ma yin
- 241b
rnam par dmigs pa dang / rnam par mi dmigs pa'i grangs su'ang mi chud na/ de'i rkyen gyis rnam par shes par gdags pa'ang yod de/ smig rgyu ba'i rgyud ji lta ba bzhin du chu klung gi 'du shes skye ste/ rgyang ring po nas 'du shes dang rnam par shes pa skye'o// nye bar bsnyen na 'jig cing smig rgyu ba rnam par dmigs pa'ang med do// kye rgyal ba'i sras dag de bzhin du byang chub sems dpas kyang de bzhin gshegs pa de dag skye ba'i tshe'ang skye bar mi dmigs so/ / de bzhin gshegs pa de dag mya ngan las 'da' ba'i tshe'ang 'jig par mi dmigs kyang / / mtshan ma yod pas sangs rgyas la sangs rgyas kyi 'du shes kyi rnam par dmigs so// mtshan med pas mtshan med pa'i mtshan mas mi dmigs te/ kye rgyal ba'i sras dag 'di ni byang chub sems dpa' sems dpa' chen po rnams kyi ting nge 'dzin lhag pa'i bsam pa gtsang mas spyod pa zhes bya ba ste/ / de la snyoms par zhugs shing rnam par langs kyang de ni 'jig pa med do/ / kye rgyal ba'i sras dag 'di lta ste/ dper na miganyid kyis log pa'i rmi lam rmis nas sad de mtshan ma yid kyis zin la dran zhing rmi lam la bsgribs pa med par rnam par dmigs pa ni sad kyang / rmi lam rjes su dran pas yongs su dran no// kye rgyal ba'i sras dag de bzhin du byang chub sems dpa' sems dpa' chen po rnams kyang
- 242a
sangs rgyas mthong ba'i mtshan ma'ang yongs su 'jig par mi byed do/ / sangs rgyas kyi chos blangs kyang yang dag par 'dzin to// de bzhin gshegs pa de dag gi 'khor gyi dkyil 'khor rnam par dag pa'ang bsam pa ji lta ba bzhin du rnam par dmigs so/ / sangs rgyas kyi zhing gi rgyan kyang rjes su 'thob par byed do// don gyi tshul yang rnam par 'phel bar byed do/ / chos thams cad kyi tshul yang rnam pa du mar yongs su sbyong ngo // ye shes kyi sgron ma'ang shin tu yangs par byed do// sangs rgyas kyi rigs kyang rnam par 'phel bar byed do/ / mi 'jigs pa yongs su dag pa'ang rab tu brjod do// tha dad pa yang dag par shes pa mi zad pa'ang rab tu ston to// kye rgyal ba'i sras dag 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes bzhi pa'o/ / kye rgyal ba'i sras dag/ gzhan yang byang chub sems dpa' sems dpa' chen po rnams ni/ sangs rgyas bcom ldan 'das 'das pa rnams kyi 'od la rab tu 'jug go// bskal pa gcig nas gcig tu brgyud pas zhing gcig nas gcig tu brgyud pa khong du chud par byed do/ / zhing gcig nas gcig tu brgyud pas sangs rgyas gcig nas gcig tu brgyad par rab tu shes sa// sangs rgyas gcig nas gcig tu brgyud pas chos bstan pa gcig nas gcig tu
- 242b
brgyud par rab tu shes so/ / chos gcig nas gcig tu brgyud pas bsam pa gcig nas gcig tu brgyud par rab tu shes so// bsam pa gcig nas gcig tu brgyud pas dbang po gcig nas gcig tu brgyud par rab tu shes so/ / dbang po gcig nas gcig tu brgyud pas 'dul ba gcig nas gcig tu brgyud par rab tu shes so// 'dul ba gcig nas gcig tu brgyud bas de bzhin gshegs pa rnams kyi sku tshe gcig nas gcig tu brgyud par rab tu shes so/ / sku tshe gcig nas gcig tu brgyud pas lo grangs bye ba khrag khrig gcig nas gcig tu brgyud par rab tu shes te/ de ltar de bzhin gshegs pa rnams kyi ye shes mtha' yas pa 'dab chags par rab tu shes so// de bzhin du 'das pa'i zhing rnams 'dab chags par rab tu shes so// de bzhin du 'das pa'i chos kyi rnam grangs rnams 'dab chags par rab tu shes so// de bzhin du 'das pa'i bskal pa rnams 'dab chags par rab tu shes so// de bzhin du 'das pa'i chos rnams 'dab chags par rab tu shes so/ / de bzhin du 'das pa'i sems can rnams 'dab chags par rab tu shes so// de bzhin du 'das pa'i mos pa rnams 'dab chags par rab tu shes so/ / de bzhin tu 'das pa'i sems can gyi spyod pa rnams 'dab chags par rab tu shes so// de bzhin du 'das pa'i nyon mongs pa rnams 'dab chags par
- 243a
rab tu shes so/ / de bzhin du 'das pa'i bag chags rnams 'dab chags par rab tu shes so// de bzhin du 'das pa'i rnam par byang ba rnam par dag pa rnams 'dab chags par rab tu shes so/ / de dag ting nge 'dzin 'das pa rnam par dag pa'i snying po zhes bya ba la snyoms par 'jug ste/ sems bskyed pa gcig gis bskal pa brgya phrag stong la 'jug go/ / de dang 'dab chags pa'i sems mtha' yas pas bskal pa bye ba khrag khrig brgya phrag stong la 'jug go// bskal pa tshad med pa la 'jug go// bskal pa dpag tu med pa la 'jug go/ / bskal pa gzhal du med pa la 'jug go// bskal pa mu med pa la 'jug go// bskal pa sa mtshams med pa la 'jug go// bskal pa grangs med pa la 'jug go/ / bskal pa bsam gyis mi khyab pa la 'jug go/ bskal pa dpag gis mi khyab pa la 'jug go// bskal pa brjod du med pa'i yang brjod du med pa la 'jug go// de dag ting nge 'dzin da ltar byung ba 'gag pa med pa 'das pa ma skyes shing bsgribs pa med pa zhes bya ba la snyoms par 'jug ste/ ting nge 'dzin de la de dag chos bcus dbang bskur ba yin/ de ltar de las langs nas kyang de bzhin gshegs pa rnams las dbang bskur ba'i chos bcu po de dag la bsam gyis mi khyab par yang dag par 'jug go/ / rab tu 'thob par byed do// shin tu brtson
- 243b
par byed do/ / yongs su rdzogs par byed do// thogs pa med par yongs su khong du chud par byed do// rtogs par byed do// rjes su 'thob par byed do// yongs su rgyas par byed do/ / yongs su 'dzin to// 'khor gsum la rab tu zhugs pas mnyam pa nyid du 'dzin par byed do// bcu gang zhe na/ 'di lta ste/ don tha dad pa yang dag par shes pa dang / nges pa'i tshig tha dad pa yang dag par shes pas chud mi za ba dang / 'phral du bsgrubs pa ma yin pa'i spobs pa tha dad pa yang dag par shes pa dang / gcad du med pa'i chos tha dad pa yang dag lar shes pa dang / mi 'jigs pa rnam sa la rang byang ba dang / sems can med pa'i tshig la rab tu rten pa dang // sems can thams cad kyi 'jug pa'i tshul dang / khams gsum pa'i dam pa dang / dge ba'i rtsa ba bla na med pa dang / de bzhin gshegs pa'i sku rdul gcig gi tshad du ston pa ste// des de bzhin gshegs pa'i sku rdul brgya'i bar du rab tu mthong ngo / / de bzhin gshegs pa'i sku rdul stong gi tshad du rab tu mthong ngo // de bzhin gshegs pa'i sku rgyang grags tsam du rab tu mthong ngo // de bzhin gshegs pa'i sku dpag tshad phyed tsam du rab tu mthong ngo / / de bzhin gshegs pa'i sku dpag tshad gcig tsam du rab tu mthong ngo // de bzhin gshegs pa'i sku dpag tshad bcu tsam du rab tu mthong ngo //
- 244a
de bzhin gshegs pa'i sku dpag tshad brgya tsam du rab tu mthong ngo // de bzhin gshegs pa'i sku dpag tshad brgya stong tsam du rab tu mthong ngo // de bzhin gshegs pa'i sku 'dzam bu'i gling tsam du rab tu mthong ngo / / de bzhin gshegs pa'i sku gling bzhi'i 'jig rten gyi khams tsam du rab tu mthong ngo // de bzhin gshegs pa'i sku stong gi 'jig rten gyi khams tsam du rab tu mthong ngo / / de bzhin gshegs pa'i sku stong gnyis kyi 'jig rten gyi khams tsam du rab tu mthong ngo // de bzhin gshegs pa'i sku stong gsum gyi stong chen po'i 'jig rten gyi khams tsam du rab tu mthong ngo / / de bzhin gshegs pa'i sku 'jig rten gyi khams brgya'i tshad du rab tu mthong ngo // de bzhin gshegs pa'i sku 'jig rten gyi khams stong gi tshad du rab tu mthong ngo / / de bzhin gshegs pa'i sku 'jig rten gyi khams brgya phrag stong gi tshad du rab tu mthong ngo // de bzhin gshegs pa'i sku 'jig rten gyi khams bye ba brgya stong gi tshad du rab tu mthong ngo / / de bzhin gshegs pa'i sku 'jig rten gyi khams tshad med pa'i tshad du rab tu mthong ngo // de bzhin gshegs pa'i sku 'jig rten gyi khams dpag tu med pa'i tshad du rab tu mthong ngo / / de bzhin gshegs pa'i sku 'jig rten gyi khams grangs med pa'i tshad du rab tu mthong ngo // de bzhin gshegs pa'i sku 'jig rten gyi khams mtha' yas pa'i tshad du rab tu mthong
- 244b
go/ / de bzhin gshegs pa'i sgra 'jig rten gyi khams su med pa'i tshad du rab tu mthong ngo // de bzhin gshegs pa'i glu 'jig rten gyi khams bsam gyis mi khyab pa'i nan du rab tu mtha ngo / / de bzhin gshegs pa'i sku 'jig rten gyi khams gzhal du med pa'i tshad du rab tu mthong ngo // de bzhin gshegs pa'i sku 'jig rten gyi khams dpag tu med pa'i tshad du rab tu mthong ngo / / de bzhin gshegs pa'i sku 'jig rten gyi khams bgrang du med pa'i tshad du rab tu mthong ngo // de bzhin gshegs pa'i sku 'jig rten gyi khams mtshams med pa'i tshad du rab tu mthong ngo / / de bzhin gshegs pa'i sku 'jig rten gyi khams brjod du med pa'i tshad du rab tu mthong ngo // de bzhin gshegs pa'i sku 'jig rten gyi khams brjed du med pa'i yang brjod du med pa'i tshad du rab tu mthong ngo / / de ltar na byang chub sems dpa' de bzhin gshegs pa'i sku de lta bu'i kha dog tshad med par rab tu mthong ngo // de lta bu'i sku gzugs tshad med par rab tu mthong ngo / / de lta bu'i mtshan tshad med par rab tu mthong ngo // de lta bu'i 'od tshad med par rab tu mthong ngo // de lta bu'i 'od zer gyi dra ba snang ba tshad med par rab tu mthong / chos kyi dbyings tshad med par rab tu mthong ngo // chos kyi dbyings mtha' dang dbus med par rab tu mthong ngo // chos kyi dbyings thams cad ye shes kyi khong du chud par rab tu mthong ngo //
- 245a
chags pa med pa'i lus rab tu mthong ngo // bsgribs pa med pa'i rnam par dag pa rab tu mthong ngo // de ltar byang chub sems dpa'i de bzhin gshegs pa'i sku rab tu mthong yang / de bzhin gshegs pa'i sku de rnam par 'phel bar yang mi byed/ 'grib par yang mi byed do// kye rgyal ba'i sras dag 'di lta ste/ dper na nam mkha' na yungs kar srin bus zos pa'i sbubs kyis chung ngu byas pa'ang ma yin/ 'jig rten gyi khams grangs med pa dang / 'jig rten gyi khams kyi mtshams de dag gis yangs par byas pa'ang ma yin no/ / kye rgyal ba'i sras dag de bzhin du de bzhin gshegs pa'i sku 'ang lta ba rgya chen pos yangs par byas pa'ang ma yin// lha brgya chung ngus bltas pas chung ngu byas pa'ang ba yi kye rgyal ba'i sras dag/ 'di lta ste/ dper na zla ba'i dkyil 'khor ni 'dzam bu'i gling nas blta bas chung ngu byas pa'ang ma yin/ zla ba'i dkyil 'khor la gnas te blta bas cher byas pa'ang ma yin no/ / kye rgyal ba'i sras dag de bzhin du byang chub sems dpa' de dag ting nge 'dzin 'di la gnas shing / sangs rgyas de dag mthong bar yang 'gyur la/ de bzhin gshegs ba'i sprul pa de dag kyang 'jig par mi byed do/ / bsam pa ji lta ba bzhin du rang sangs rgyas mthong bar bya ba mthong bar byed do// sangs rgyas kyi gsung de bzhin gshegs pa'i dbyangs kyis
- 245b
chos ji snyed brjod cing bstan pa de dag thams cad kyang rab tu 'dzin cing shes par byed pa yin/ / rab tu shes par byed pa yin// nyams pa med pa'i chos la rab tu rten pa yin kye rgyal ba'i sras ngag 'di lta ste/ dper na sems can rnams kyi 'chi 'pho dang skye ba ni sems la gsol ba gdab pa med do// de bzhin du byang chub sems dpa' ting nge 'dzin 'di la gnas pa'i 'jig rten gyi khams kyi rgyan dang / sangs rgyas rnam par dmigs pa'ang nan tan bya mi dgos par rnam par dag ste/ byang chub sems dpa' de ni myur ba bcu dang ldan pa yin/ bcu gang zhe na/ 'di lta ste/ spyod pa la yang dag par byung bas yongs su rdzogs par bya ba myur du yongs su rdzogs par byed pa yin/ sangs rgyas kyi chos snang bas 'jig rten myur du snang bar byed pa yin/ chos kyi 'khor lo'i thabs mkhas pas sems can myur du yongs su smin par byed pa yin/ las ji lta ba bzhin du sems can rnam par dmigs pas sangs rgyas kyi zhing myur du yongs su sbyong ba yin stobs bcu mnyam pa nyid kyis ye shes myur du gnod pa yin/ de bzhin gshegs pa thams cad dang myur du 'grogs pa yin// byams pa chen po'i stobs kyis bdud kyi dkrug ma myur du 'joms pa yin/ the tshom yongs su brtsad pas sems can thams cad myur du tshim par byed pa yin// mos pa dang 'dul ba ji lta ba bzhin du rnam par 'phrul pa myur du yang dag par ston pa yin/ 'jig
- 246a
rten thams cad du sgra skad sna tshogs rnam par dag par 'gyur ba'i phyir chos thams cad kyi rang bzhin dang myur du ldan par 'gyur ba yin/ byang chub sems dpa' de ni chos thams cad la byang chub sems dpa'i rgya bcus btab pa yin te/ bcu gang zhe na/ 'di lta ste/ byang chub sems dpa' de ni 'das pa dang / ma byon pa dang / da ltar byung ba'i sangs rgyas thams cad dang dge ba'i rtsa ba gcig pa yin/ / byang chub sems dpa' de ni mtha' dang dbus med pa'i lus kyis ye shes kyi rang bzhin gcig pa yin/ byang chub sems dpa' de ni de bzhin gshegs pa thams cad la mchod pas spyod pa gcig pa yin/ / byang chub sems dpa' de ni gnyis su med pa yang dag par blang ba la rtogs par bzhag pas dkyil 'khor tshad med pa yin/ byang chub sems dpa' de ni chos kyi dbyings yongs su shes pas chags pa med pa'i yul dang ldan pa yin/ byang chub sems dpa' de ni stobs bcu'i snang ba thob pas bsgribs pa med pa'i spyod yul dang ldan pa yin/ byang chub sems dpa' de ni mi gnyis pa la yang dag par spyod pas dgang sla ba yin/ byang chub sems dpa' de ni 'gro ba thams cad 'dul ba'i phyir yongs su rgyun chad pa med ba yin/ byang chub sems dpa' de ni don shes shing mkhas par bya ba la shin tu rtogs par bzhag pa yin/ byang chub sems dpa' de ni sangs rgyas thams cad dang mi gnyis pa yin//
- 246b
kye rgyal ba'i sras dag 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes kyi tshul sangs rgyas thams cad kyis rnam par bkod pa'i 'jig rten gyi khams kyi rgyan ces bya ba ste/ ting nge 'dzin de dang ldan pa'i byang chub sems dpa' de ni sangs rgyas kyi chos thams cad la slob dpon med pa yin/ 'gro ba thams cad du 'gro ba'i rtsa la yod pas gzhan gyis dring mi 'jog pa yin/ sems kyi rang bzhin 'od gsal zhing dag pa dang ldan pas shin tu dag pa yin// 'jig rten thams cad yongs su 'grel pa la zhugs pas thu bo dam pa yin/ skye dgu thams cad la bsam pa thag pa nas phan pa yin// ma 'ongs pa'i sangs rgyas kyi rogs rab tu sgrub pa yin// thams cad mkhyen pa'i sgo la rab tu gzhog pa yin gnyis su med par smra zhing nor ba med par khong du chud par ston pas de kho na nyid la mkhas pa yin/ / sangs rgyas kyi chos thams cad kyi chos kyi mdzod rab tu btang ba yin/ sems can gyi ris rnams su bsam pa ji lta ba bzhin du chos kyi sprin gyi char 'bebs pa yin/ kye rgyal ba'i sras dag 'di lta ste/ dper na brgya byin mngon par dga' ba'i nor bu rin po che ni lha'i rgyal po'i spyi bo la btags na/ nor bu de'i byin gyis lha'i dbang po brgya byir 'od dang ldan par 'gyur ba ste/ nor bu rin po che de bdog pas lha'i rgyal po brgya byin chos bcus sum cu rtsa gsum pa'i lha thams cad
- 247a
zil gyis gnon te/ bcu gang zhe na/ sum cu rtsa gsum ris kyi lha'i bu gzhan thams cad kyi lha rdzas las 'das pa'i mdog dang / lha rdzas las 'das pa'i gzugs dang / lha rdzas las 'das pa'i bltan mdzes pa dang / lha rdzas las 'das pa'i 'khor dang / lha rdzas las 'das pa'i longs spyod dang / lha rdzas las 'das pa'i rdzu 'phrul dang lha rdzas las 'das pa'i dbang chen po dang lha rdzas las 'das pa'i spyod pa dang / lha rdzas las 'das pa'i blo gros dang / lha rdzas las 'das pa'i shes rab de ni sgra rdzas las 'das pa'i bsod nams rab tu grub pas/ / nor bu rin po che de thob pa'i phyir ro// kye rgyal ba'i sras dag de bzhin du byang chub sems dpa' de'ang ting nge 'dzin 'di thob pas ye shes kyi tshogs chen po yangs pa'i gter chen po bcu 'thob bo/ / bcu gang zhe na/ 'di lta ste/ sangs rgyas kyi zhing thams cad snang bar bya ba'i ye shes rab tu 'thob bo/ / 'di lta ste/ sems can gyi khams thams cad du skye zhing 'byung ba'i ye shes rab tu 'thob bo// 'di lta ste/ dus gsum du sprul pa byin gyis brlabs pa'i ye shes rab tu/ 'thob bo// 'di lta ste/ sangs rgyas thams cad kyi sku'i byin gyis brlabs pa'i ye shes rab tu 'thob bo// 'di lta ste/ chos thams cad rtogs par rig pa'i ye shes rab tu 'thob
- 247b
bo/ / 'di lta ste/ chos thams cad nye bar ston pa'i chos shin tu brjod pa'i ye shes rab tu 'thob bo// 'di lta ste/ 'gro ba thams cad khong du chud pa'i chos kyi lus kyi ye shes rab tu bo/ 'di lta ste/ chos thams cad mngon du gyur cing kun tu mthong ba'i mig gi ye shes rab tu 'thob bo// 'di lta ste/ dbang thams cad kyi pha rol tu phyin pa'i ye shes rab tu 'theb bo/ / 'di lta ste/ chos 'byas klas pa thams cad ma lus par khong du chud pa rab tu 'thob bo// ting nge 'dzin 'di thob ma thag tu byang chub sems dpa' de rnam par dmigs pa thams cad du 'jig rten gyi khams thams cad rnam par brgyan pa'i bya ba'i phyir dag pa'i lus bcu 'thob bo/ / bcu gang zhe na/ 'di lta ste/ 'jig rten gyi khams brjod du med pa snang bar bya ba'i phyir/ 'od kyi dkyil 'khor brjod du med pa'i yang brjod du med pa rab tu 'gyed do// 'di lta ste/ 'jig rten gyi khams rnam par dag par bya ba'i phyir/ kha dog du ma dang / kha dog sna tshogs dang / 'od kyi 'khor lo brjod du med pa'i yang brjod du med pa byin gyis rlob bo// 'di lta ste/ sems can byin gyis brlab cing gdul ba'i phyir/ 'od zer gyi dkyil 'khor brjod du med pa'i yang brjod du med pa rab tu 'gyed do/ / 'di lta ste/ sangs rgyas thams cad kyi spyan sngar 'gro ba'i phyir lus brjod du med pa'i yang brjod du med pa byin gyis rlob bo// 'di lta ste/
- 248a
sangs rgyas thams cad bsnyen bkur bya ba'i phyir spos dang / me tog sna tshogs yid du 'ong ba'i sprin du ma brjod du med pa'i yang brjo du med pa'i char mngon par 'bebra so// 'di lta ste/ sangs rgyas bsnyen bkur ba dang / sems can gdul ba'i phyir/ ba spu'i khung bu re rer yang rol mo brdung ba dang / dkrol ba brgya phrag du ma yid du 'ong zhing rgya che ba brjod du med pa'i yang brjod du med pa byin gyis rlob bo/ / 'di lta ste/ sems can rnams mos pa'i tshul bzhin du yongs su smin par bya ba'i phyir/ sprul pa'i rgyud rnam pa sna tshogra rnam par dag pa dang / khyu mchog gi mthu dang / rnam par 'phrul pa'i sprul pa du ma brjod du med pa'i yang brjod du med pa la rab tu rten to// 'di lta ste/ phyogs bcur sangs rgyas kyi chos rnam pa tha dad pa sna tshogs yongs su dri ba'i phyir/ gom po re res 'jig rten gyi khams brjod du med pa'i yang brjod du med pa yongs su 'da' bar byed do// 'di lta ste/ mthong ba dang / thos pa dang / mchod pa thams cad don yod par bya ba'i phyir/ spyi gtsug bltar mi snang ba'i lus rnam par dag pa dang / gzugs dang / mtshan sna tshogs rnam par dag pa brjod du med pa'i yang brjod du med pa rab tu 'thob bo/ / 'di lta ste/ sgra srang sna tshogs dang / sgra skad du mas 'gro ba rnams rnam par bstan pa'i phyir/ swa dang / sang dang
- 248b
nga ro dang / dbyangs kyi yan lag brjod du med pa'i yang brjod du med pa rab tu brjod do// de ltar byang chub sems dpa' lus kyi gzi brjid phun sum tshogs shing rnam par dag pa bcu rab tu 'thob bo/ / byang chub sems dpa' de ni sems can byin gyis brlab pa yongs su rdzogs par bya ba bcu rab tu 'thob ste/ bcu gang zhe na/ 'di lta ste/ sangs rgyas mthong zhing rnam par dmigs par bya ba'i phyir/ sems can rnams byin gyis rlob bo// 'di lta ste/ sangs rgyas la dad pa rab tu 'thob par bya ba'i phyir/ sems can rnams byin gyis rlob bo/ / 'di lta ste/ chos nyan cing khong du chud par bya ba'i phyir/ sems can rnams byin gyis rlob bo// 'di lta ste/ sangs rgyas dang bcas pa'i 'jig rten gyi khams bstan pa'i phyir/ sems can rnams byin gyis rlob bo// 'di lta ste/ sangs rgyas rnam par 'phrul pa yang dag par bstan pa'i phyir/ sems can rnams byin gyis rlob bo// 'di lta ste/ las ji ltar bsags pa bzhin rjes su dran par bya ba'i phyir/ sems can rnams byin gyis rlob bo// 'di lta ste/ rtse gcig tu 'gyur ba yongs su rdzogs par bya ba'i phyir/ sems can rnams byin gyis rlob bo// 'di lta ste/ sangs rgyas kyi cha byad rnam par dag par bya ba'i phyir/ sems can rnams byin gyis rlob bo// 'di lta ste/ byang chub kyi sems
- 249a
la yang dag par 'jug par bya ba'i phyir/ sems can rnams byin gyis rlob bo// 'di lta ste/ sangs rgyas kyi ye shes yongs su rdzogs par bya ba'i phyir/ sems can rnams byin gyis rlob bo// kye rgyal ba'i sras dag/ de ltar byang chub sems dpa' de sems can byin gyis brlab pa bcu yongs su rdzogs par bya ba'i phyir/ kye rgyal ba'i sras dag/ de ltar byang chub sems dpas sems can byin gyis brlab pa bcu yongs su rdzogs par byas nas/ sems can rnams la sangs rgyas kyi mdzad pa bcu byed de/ bcu gang zhe na/ 'di ltar byang chub sems dpa' ni thos pas kyang sems can rnams yongs su smin par byed pas// sems can rnams la sangs rgyas kyi mdzad pa byed pa yin// 'di lta ste/ byang chub sems dpa' ni mthong bas kyang sems can 'dul ba'i phyir/ sangs rgyas kyi mdzad pa byed pa yin// byang chub sems dpa' ni rjes su dran pas kyang / sems rnam par dag par 'gyur bas sangs rgyas kyi mdzad pa byed pa yin/ byang chub sems dpa' ni 'jig rten gyi khams spyod pas kyang ngan song gsum rnam par zlog pa'i phyir/ sangs rgyas kyi mdzad pa byed pa yin/ byang chub sems dpa' ni byin gyi rlabs kyis kyang / sems can rnams kyi dran pa nyams par mi 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni rmi lam
- 249b
du mthong bas kyang / sems can rnams kyi dran pa nyams par mi 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni 'od kyi dkyil 'khor 'gyed pas kyang / sems can rnams kyi dran pa nyams par mi 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni byang chub sems dpa'i spyod pa yang dag par ston pas kyang / sems can rnams smon lam gyi khyad par la bar tu gzhog pas sangs rgyas kyi mdzad pa byed pa yin/ byang chub sems dpa' ni mngon par 'tshang rgya bas kyang / sems can rnams chos khong du chud par rtogs par 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni mya ngan las 'das pa ston pas kyang / / sems can mi dga' ba bstan pas shin tu rtogs par byed pa'i phyir/ sangs rgyas kyi mdzad pa byed pa yin te/ kye rgyal ba'i sras dag 'di dag ni byang chub sems dpa' sems can rnams la sangs rgyas kyi mdzad pa bcu byed pa'o/ / kye rgyal ba'i sras dag/ gzhan yang byang chub sems dpa' sems dpa' chen po de ting nge 'dzin chen po lus yang dag par 'dres pa zhes bya ba la snyoms par 'jug ste/ lus yang dag par 'dres pa des mi gnas pa bcu yongs su rdzogs par byed do// bcu gang zhe na/ 'di lta ste/
- 250a
'jig rten gyi khams thams cad la mi gnas pa dang / chos thams cad la mi gnas pa dang / bskal pa thams cad la mi gnas pa dang / sems can thazla cad la mi gnas pa dang / chos thams cad la mi gnas pa dang / byang chub sems dpa'i spyod pa thams cad la mi gnas pa dang / byang chub sems dpa' smon lam thams cad la rma gnas pa dang / ting nge 'dzin thams cad la mi gnas pa dang / sangs rgyas thams cad la mi gnas pa dang / sa thams cad la mi gnas pa ste/ byang chub sems dpa' lus pang dag par 'dres pa'i ting nge 'dzin la gnas pa'i tshe/ gnas med pa bcu po 'di dag rab tu 'thob bo// / bam po lnga bcu rtsa mdun pa/ ji ltaran byang chub sems dpa' sems can thams cad kyi lus yang dag par 'dres pa la mnyam par gzhog ce na/ kye rgyal ba'i sras dag 'di la byang chub sems dpa' nang gi mus su snyoms par nus sog rgya ras kyi lus las rnam par sna sa/ byol la N+DI las su snyoms par zhugs shing / rang lus la sangs par ldang ngo // lus cig tu sems par zhugs shing / sras pa dad pa la pa zang ngo / / lus pa dang pa la rnams par zhugs shing / mi'i las las rnam par yang ga// mi'i sras su snyoms par zhugs shing / 'ad spyon gyi lus las rnam pa spa sa
- 250b
gnod sbyin gyi lus su snyoms par zhugs shing / klu'i lus las rnam par ldang ngo // klu'i lus su snyoms par zhugs shing / lha ma yin gyi lus su rnam par ldang ngo // lha ma yon gyi lus su snyoms par zhugs shing / lha'i lus las rnam par ldang ngo // lha'i lus su snyoms par zhugs shing / tshangs pa'i lus las rnam par ldang ngo // tshangs pa'i lus su snyoms par zhugs shing / 'dod pa'i khams nas rnam par ldang ngo // 'dod pa'i khams la snyoms par zhugs shing / mtho ris kyi 'jig rten nas rnam par ldang ngo // mtho ris kyi 'jig rten du snyoms par zhugs shing / sems can dmyal ba nas rnam par ldang ngo // sems can dmyal bar snyoms par zhugs shing / mi'i khams nas rnam par ldang ngo / / mi'i khams la snyoms par zhugs shing / de ma yin pa'i lam gyi rgyud gzhan nas rnam par ldang ngo // de ma yin pa'i lam gyi rgyud la snyoms par zhugs shing / lus stong las rnam par ldang ngo // lus stong la snyoms par zhugs shing / lus gcig las rnam par ldang ngo // lus gcig la snyoms par zhugs shing // lus bye ba las rnam par ldang ngo / / lus bye ba la snyoms par zhugs shing / lus gcig las rnam par ldang ngo // lus gcig la snyoms par zhugs shing / lus khrag khrig las rnam
- 251a
bar ldang ngo / / lus khrag khrig la snyoms par zhugs shing / 'dzam bu'i gling du gtogs pa'i sems can las rnam par ldang ngo // 'dzam bu'i gling du gtogs pa'i sems can la snyoms par zhugs shing / nub kyi ba glang spyod du gtogs pa'i sems can las rnam par ldang ngo // nub kyi bgrang spyod du gtogs pa'i sems can la snyoms par zhugs shing / byang gi sgra mi snyan du gtogs pa'i sems can las rnam par ldang ngo // byang gi sgra mi snyan du gtogs pa'i sems can la snyoms par zhugs shing / shar gyi lus 'phags por gtogs pa'i sems can las rnam par ldang ngo / / shar gyi lus 'phags por gtogs pa'i sems can la snyoms par zhugs shing / gling gsum du gtogs pa'i sems can las rnam par ldang ngo / / gling gsum du gtogs pa'i sems can la snyoms par zhugs shing / gling gnyis su gtogs pa'i sems can las rnam par ldang ngo // gling gnyis su gtogs pa'i sems can la snyoms par zhugs shing / gling bzhir gtogs pa'i sems can las rnam par ldang ngo // gling bzhir gtogs pa'i sems can la snyoms par zhugs shing / rgya mtshor gtogs pa'i sems can las rnam par ldang ngo / / rgya mtshor gtogs pa'i sems can la snyoms par zhugs shing // rgya mtsho'i lha'i lus las rnam par ldang ngo // rgya mtsho'i lha'i lus su
- 251b
snyoms par zhugs shing / rgya mtshor gtogs pa'i chu'i phung po las rnam par ldang ngo // rgya mtshor gtogs pa'i chu'i phung po la snyoms par zhugs shing / rgya mtshor gtogs pa'i sa'i phung po las rnam par ldang ngo / / rgya mtshor gtogs pa'i sa'i phung po la snyoms par zhugs shing / rgya mtshor gtogs pa'i me'i phung po las rnam par ldang ngo // rgya mtshor gtogs pa'i me'i phung po la snyoms par zhugs shing / rgya mtshor gtogs pa'i rlung gi phung po las rnam par ldang ngo // rgya mtshor gtogs pa'i rlung gi phung po la snyoms par zhugs shing // 'byung ba chen po bzhi las rnam par ldang ngo / / 'byung ba chen po bzhi la snyoms par zhugs shing / chos 'byung ba med pa las rnam par ldang ngo // chos 'byung ba med pa la snyoms par zhugs shing rirab las rnam par ldang ngo / / ri rab la snyoms par zhugs shing / rin po che'i ri bdun las rnam par ldang ngo // rin po che'i ri bdun la snyoms par zhugs shing / rin po che'i rgyan bdun las rnam par ldang ngo / / rin po che'i rgyan bdun la snyoms par zhugs shing sa bon dang / lo tog dang / sa dang / shing dang / ri nag po sna tshogs las rnam par ldang ngo / / sa bon dang / lo tog dang / sa dang / shing dang // ri nag po sna tshogs la snyoms par zhugs shing / me tog bzang po dang / dri zhim
- 252a
po dang / rin po che'i rgyan gyis brgyan pa'i ri las rnam par ldang ngo // me tog bzang po dang / dri zhim po dang / rin po che'i rgyan gyis brgyan pa'i ri la snyoms bapar zhugs shing / gling bzhi par gtogs pa'i bla dang / 'og thams cad dang / sems can rnam par phye ba thams cad kyi skye gnas las rnam par ldang ngo // gling bzhi par gtogs pa'i bla dang / 'og thams cad dang / sems can rnam par phye ba thams cad kyi skye gnas la snyoms par zhugs shing / stong gi 'jig rten gyi khams su gtogs pa'i sems can las rnam par ldang ngo / / stong gi 'jig rten gyi khams su gtogs pa'i sems can la snyoms par zhugs shing / stong gnyis kyi sems can gyi khams su gtogs pabapa'i sems can las rnam par ldang ngo / / stong gnyis kyi sems can gyi khams su gtogs pa'i sems can la snyoms par zhugs shing / stong gsum gyi 'jig rten gyi khams su gtogs pa'i sems can las rnam par ldang ngo / / stong gsum gyi 'jig rten gyi khams su gtogs pa'i sems can la snyoms par zhugs shing / stong gsum gyi stong chen po'i 'jig rten gyi khams su gtogs pa'i sems can las rnam par ldang ngo / / stong gsum gyi stong chen po'i 'jig rten gyi khams su gtogs pa'i sems can la snyoms par zhugs shing / stong
- 252b
gsum gyi stong chen po'i 'jig rten gyi khams khrag khrig phrag brgyar gtogs pa'i sems can las rnam par ldang ngo / / stong gsum gyi stong chen po'i 'jig rten gyi khams khrag khrig phrag brgyar gtogs pa'i sems can la snyoms par zhugs shing / bye ba brgya phrag stong du gtogs pa'i sems can las rnam par ldang ngo // 'jig rten gyi khams bye ba brgya phrag stong du gtog pa'i sems can la snyoms par zhugs shing / 'jig rten gyi khams tshad med par gtogs pa'i sems can las rnam par ldang ngo // 'jig rten gyi khams tshad med par gtogs pa'i sems can la snyoms par zhugs shing / 'jig rten gyi khams grangs med par gtogs pa'i sems can las rnam par ldang ngo // 'jig rten gyi khams grangs med par gtogs pa'i sems can la snyoms par zhugs shing / sangs rgyas kyi zhing dpag tu med par gtogs pa'i sems can las rnam par ldang ngo // sangs rgyas kyi zhing dpag tu med par gtogs pa'i sems can la snyoms par zhugs shing / sangs rgyas kyi zhing mtha' yas par gtogs pa'i sems can las rnam par ldang ngo // sangs rgyas kyi zhing mtha' yas par gtogs pa'i sems can la snyoms par zhugs shing / sangs rgyas kyi zhing mu med par gtogs pa'i sems can las rnam par ldang ngo // sangs rgyas kyi zhing mu med par gtogs pa'i sems can la snyoms
- 253a
par zhugs shing / 'jig rten gyi khams gzhal du med par gtogs pa'i sems can las rnam par ldang ngo // 'jig rten gyi khams gzhal du med par gtogs pa'i sems can la snyoms par zhugs shing / 'jig rten gyi khams bsam gyis mi khyab par gtogs pa'i sems can las rnam par ldang ngo // 'jig rten gyi khams bsam gyis mi khyab par gtogs pa'i sems can la snyoms par zhugs shing / 'jig rten gyi khams dpag gis mi lang bar gtogs pa'i sems can las rnam par ldang ngo // 'jig rten gyi khabs dpag gis mi lang bar gtogs pa'i sems can la snyoms par zhugs shing / 'jig rten gyi khams brjod du med pa'i sems can las rnam par ldang ngo // 'jig rten gyi khams brjod du med pa'i sems can la snyoms par zhugs shing / 'jig rten gyi khams brjod du med pa'i yang brjod du med par gtogs pa'i sems can las rnam par ldang ngo // 'jig rten gyi khams brjod du med pa'i yang brjod du med par gtogs pa'i sems can la snyoms par zhugs shing / kun nas nyon mongs pa'i sems can las rnam par ldang ngo // kun nas nyon mongs pa'i sems can la snyoms par zhugs shing / rnam par byang ba'i sems can las rnam par ldang ngo // rnam par byang ba'i sems can la snyoms par zhugs shing / mig gi skye mched las
- 253b
rnam par ldang ngo / / mig gi skye mched la snyoms par zhugs shing / rna ba'i skye mched las rnam par ldang ngo // rna ba'i skye mched la snyoms par zhugs shing / sna'i skye mched las rnam par ldang ngo / / sna'i skye mched la snyoms par zhugs shing / lce'i skye mched las rnam par ldang ngo // lce'i skye mched la snyoms par zhugs shing / lus kyi skye mched las rnam par ldang ngo / / lus kyi skye mched la snyoms par zhugs shing / reg gi skye mched las rnam par ldang ngo // reg gi skye mched la snyoms par zhugs shing / ro'i skye mched las rnam par ldang ngo / / ro'i skye mched la snyoms par zhugs shing / dri'i skye mched las rnam par ldang ngo // dri'i skye mched la snyoms par zhugs shing / sgra'i skye mched las rnam par ldang ngo / / sgra'i skye mched la snyoms par zhugs shing / gzugs kyi skye mched las rnam par ldang ngo // gzugs kyi skye mched la snyoms par zhugs shing / rdul shin tu phra ba gcig las rnam par ldang ngo / / rdul shin tu phra ba gcig la snyoms par zhugs shing / 'jig rten gyi khams grangs med pa'i rdul shin tu phra ba rnam par phye ba las rnam par ldang ngo / / 'jig rten gyi khams grangs med pa'i rdul shin tu phra ba rnam par phye ba la snyoms par zhugs shing / nyan thos las rnam par ldang ngo // nyan thos la snyoms par zhugs shing
- 254a
rang sangs rgyas las rnam par ldang ngo / / rang sangs rgyas la snyoms par zhugs shing / rang gi lus las rnam par ldang ngo // rang gi lus la snyoms par zhugs shing / sangs rgyas kyi sku las rnam par ldang ngo // sangs rgyas kyi sku la snyoms par zhugs shing / sems kyi skad cig gcig las rnam par ldang ngo // sems kyi skad cig gcig la snyoms par zhugs shing / bskal pa bye ba las rnam par ldang ngo // bskal pa bye ba la snyoms par zhugs shing // sngon gyi mtha' las rnam par ldang ngo // sngon gyi mtha' la snyoms par zhugs shing / phyi ma'i mtha' las rnam par ldang ngo // phyi ma'i mtha' la snyoms par zhugs shing / da ltar byung ba'i mtha' las rnam par ldang ngo // dang ltar byung ba'i mtha' la snyoms par zhugs shing // dus gsum las rnam par ldang ngo // dus gsum la snyoms par zhugs shing / skad cig gi mtha' las rnam par ldang ngo / / skad cig gi mtha' la snyoms par zhugs shing / dus gsum las rnam par ldang ngo // dus gsum la snyoms par zhugs shing / phyogs bcu nas rnam par ldang ngo // phyogs bcur snyoms par zhugs shing / ngag gi lam las rnam par ldang ngo // ngag gi lam la snyoms par zhugs shing / phyogs bcu nas rnam par ldang ngo //
- 254b
kye rgyal ba'i sras dag 'di lta ste/ dper na 'byung po'i gnod sbyin gyis non pa'i mi ni gnod sbyin gyi dbang gis lus de dang der gyur cing 'phyan te rang la dbang med do// 'byung po'i gnod sbyin de'ang gzhan gyi lus kyi dbang gis 'gro ste/ bdag gi lus mi ston to// kye rgyal ba'i sras dag de bzhin du ting nge 'dzin 'di thos pa'i byang chub sems dpa' yang nang du snyoms par zhugs shing / / phyi rol las rnam par ldang ngo // phyi rol du snyoms par zhugs shing / nang nas rnam par ldang ngo // 'di lta ste/ dper na shi ba'i ro sngags kyi byin gyis brlabs pa ni 'gro zhing rgyu'o/ / gang gi phyir yongs su bslang ba de la'ang ci dag 'thob par byed de/ shi ba'i ro de dang sngags su'ang gcig pa ma yin/ kye rgyal ba'i sras dag de bzhin du ting nge 'dzin 'di thob pa'i byang chub sems dpa' yang dmigs pa skal ba mnyam par snyoms par zhugs shing / skal pa mi mnyam pa'i dmigs pa las rnam par ldang ngo / / skal ba mi mnyam pa'i dmigs pa la snyoms par zhugs shing / skal ba mnyam pa'i dmigs pa las rnam par ldang ngo // kye rgyal ba'i sras dag 'di lta ste/ dge slong dbang thob pa ni gcig tu gyur cing mang por 'gyur ro/ / mang por gyur cing gcig tu 'gyur ro// lus gcig nas shi 'phos te/ de'i tshe lus mang po de dag tu skyes pa'ang ma yin/ lus
- 255a
mang po de dag las shi 'phos te/ de'i tshe lus gcig tu skyes pa'ang ma yin no// gcig tu gyur pa las shi 'phos te/ mang por skyes pa'ang ma yin/ mang por gyur pa las shi 'phos te/ gcig tu gyur pa'ang ma yin no// kye rgyal ba'i sras dag de bzhin du byang chub sems dpa' yang lus gcig tu snyoms par zhugs shing / lus mang po las rnam par ldang ngo / / lus mang por snyoms par zhugs shing lus gcig las rnam par ldang ngo // 'di lta ste/ dper na sa gcig gi ro ni rnam pa gcig pa ste/ me tog mang po dang / 'byung ba mang po sna tshogs su rang gi ro kun tu gtong yang / sa'i ro dus dus su rnam pa tha dad par 'gyur ba ma yin no// de bzhin du byang chub sems dpa'i ting nge 'dzin 'di thob pa'ang/ rnam pa gcig la snyoms par zhugs shing / rnam pa mang po las rnam par ldang ngo // rnam pa mang po la snyoms par zhugs shing / rnam pa gcig las rnam par ldang ngo // kye rgyal ba'i sras dag 'di ni byang chub sems dpa' sems dpa' chen po rnams kyi byang chub sems dpa'i ting nge 'dzin sems can rnams kyi khams tha mi dad pa zhes bya ba brgyad pa'o/ / de la gnas pa'i byang chub sems dpa' ni rab tu bsngags pa'i chos bcus rab tu bsngags pa yin// bcu gang zhe na/ 'di lta ste/ de bzhin nyid la
- 255b
mnyam par bzhag pa'i tshul gyis de bzhin gshegs pa zhes bya/ / sangs rgyas kyi chos thams cad khong du chud par rtogs pas sangs rgyas zhes bya/ 'jig rten thams cad la rab tusten pas ston pa zhes bya/ chos thams cad shes par gyur pas thams cad mkhyen pa zhes bya/ 'gro ba thams cad kyi rten du gyur pas mgon zhes bya/ chos thams cad kyi tshul rjes su rtogs pas 'dren pa zhes bya/ sems can thams cad la thams cad mkhyen pa'i ye shes kun tu phyin par byed pas rnam par 'dren pa zhes bya// 'gro ba thams cad du snang ba'i sgron mar gyur pas snang ba zhes bya/ don grub ste bya ba byas la chos thams cad rab tu phye ba shes shing chags pa med pa spyod pa yongs su rdzogs pas stobs bcu mnga' ba zhes bya/ chos kyi 'khor lo thams cad la dbang ba'i pha rol tu phyin pa thob pas thams cad gzigs pa zhes bya ste/ kye rgyal ba'i sras dag byang chub sems dpa' de ni rab tu bsngags pa'i chos 'di bcus rab tu bsdags pa yin/ byang chub sems dpa' de ni sdang ba bcus snang bar byas pa yin te/ bcu gang zhe na/ 'di lta ste/ sangs rgyas thams cad kyi snang ba dang // sems can gyi 'phra yang dag par blangs te rnam par brgyan cing byin gyis brlab pa'i snang ba dang / gdul zhing byin gyis brlab pa'i snang bas sems can thams cad kyi snang ba dang / chos kyi dbyings kyi dkyil
- 256a
'khor thams cad du ston pas mi 'jig pa tshad med pa'i snang ba dang / / chos thams cad la tha dad par byed pa med pa'i tha dad par byed pa med pa'i snang ba dang / chos thams cad 'dod chags dang bral bar khong du chud pas tshul la 'jug pa'i snang ba dang / chos thams cad 'dod chags dang bral ba mnyam pa nyid kyis tha dad par bya ba med pa la 'jug pa'i snang ba dang / sangs rgyas thams cad kyi byin gyis rgyun mi 'chad pas 'gro ba thams cad kyi skyabs su rnam par 'phrul pa'i snang ba dang / sangs rgyas thams cad kyi khyu mchog gi mthu phyung ba pa rol tu phyin pa thob pas mun pa shin tu bsal ba'i snang ba dang / thams cad la gnas par shin tu bstan pa la mkhas shing gzhol bas chos thams cad kyi de bzhin nyid kyi snang ba ste/ snang ba 'di bcus byang chub sems dpa' de snang bar byas pa yin// byang chub sems dpa' de thams cad du mngon par 'du bya ba med pa bcus shin tu bslabs pa yin/ bcu gang zhe na/ 'di lta ste/ mngon par 'dus ma byas pa'i lus kyi las dang / mngon par 'dus ma byas pa'i ngag gi las dang / mngon par 'dus ma byas pa'i yid kyi las dang / dngos po// / med pa la gnas shing mngon par 'dus ma byas pa'i rdzu 'phrul dang // ma nyams shing mngon par 'dus ma byas pa'i chos nyid dang / tha mi dad pa'i ye shes dang // ma skyes pa'i ye shes
- 256b
dang / ma 'gags pa'i chos nyid dang / bstan pa'i tshig rab tu shes pa dang / don nyams pa med pa ste// kye rgyal ba'i sras dag/ byang chub sems dpa' de dag thams cad du mngon ba'i 'dus ma byas pa'i tshig bcu po 'di dag gis shin tu bslabs pa yin/ / kye rgyal ba'i sras dag de ltar na/ de ni byang chub sems dpa' sems dpa' chen po rnam kyi ting nge 'dzin rnam pa tha dad pa'i dmigs pa rnams kyis gcig dang / / mang po la snyoms par 'jug cing rnam par ldang ba dang / skal ba mi mnyam pa dang skal ba mnyam pa dang skal ba mnyam pa dang skal ba mi mnyam pa dang / yangs pa dang phra ba dang // phra ba dang yangs pa dang / chung ba dang che ba dang / che ba dang chung ba dang / rjes su 'gro ba dang rnam par phye ba dang / rnam par phye ba dang rjes su 'gro ba dang / lus med pa dang lus dang bcas pa dang / lus dang bcas pa dang lus med pa dang / rnam par ldang ba dang snyoms par zhugs pa dang snyoms par zhugs pa dang rnam par ldang ba dang / rnam par dmigs pa dang dmigs pa med pa dang / dmigs pa med pa dang rnam par dmigs pas ting nge 'dzin 'di cho 'phrul thams cad kyi yul lo/ / kye rgyal ba'i sras dag 'di lta ste/ dper na rig sngags can chen po'i rig sngags sngags kyis bsgrubs pa ni/ gzugs rnam pa sna tshogs bstan pa'i 'byung gnas su
- 257a
rab tu grub par 'gyur yang sngags de'ang sgyu ma'i gzugs kyi rnam par snang ba dag kyang gzhan no/ / de ltar yin yang sgyu ma'i rnam pa de dag ni sngags kyi sgra'i mthar thug pa yin te/ mig gi rnam par shes pas shes par bya ba'i skye mo'i gzugs kyi rnam pa dang / sgyu ma dang / rna ba'i rnam par shes pas shes par bya ba'i sgyu ma'i sgra dang / sgyu ma dang sna'i rnam par shes pas shes par bya ba'i sgyu ma'i dri dang / sgyu ma dang / lce'i rnam par shes pas shes par bya ba'i sgyu ma'i ro dang / sgyu ma dang / lus kyi rnam par shes bas shes par bya ba'i sgyu ma'i reg bya dang / sgyu ma dang / yid rnam par rgyu ba'i rnam par shes pas shes par bya ba'i sgyu ma'i rnam pa dang / sprul pa mang pos cho phrul zhing rnam par 'gyur ba dag kyang de bzhin no/ / kye rgyal ba'i sras dag de bzhin du byang chub sems dpa' yang skal ba mnyam par snyoms par zhugs shing / skal ba mi mnyam pa las rnam par ldang bar ston to/ / skal ba mi mnyam pa la snyoms par zhugs shing / skal ba mnyam pa las rnam par ldang bar ston to// kye rgyal ba'i sras dag/ 'di lta ste/ dper na lha dang lha ma yin g.yul du lhag pa'i tshe/ lha rnams rgyal zhing lha ma yin pham par gyur na/ de'i tshe lha'i dbang po dpag tshad brgya'i lus mig stong dang ldan pa dpung gi tsheg/
- 257b
yan lag bzhis yongs su bskor cing / lha ma yin rnams 'thor te/ de'i tshe lha ma yin gyi dbang po de lha ma yin gyi sbru la shin tu mkhas pas/ sum cu rtsa sum mamapa'i lha'i sde kun tu 'byer ba dang / rdzing bde ba 'byung ba'i drung gi khung nas lha ma yin shing rta dang / bzhon pa dang / dpung du bcas pa mang po 'byung bar ston to// kye rgyal ba'i sras dag de bzhin du byang chub sems dpa' sems dpa' chen po'ang sgyu ma lta bu'i ye shes la gnas pa yongs su grub pa'i phyir/ tha mi dad pa'i chos la snyoms par zhugs shing tha dad pa'i chos las rnam par ldang bar ston to/ / kye rgyal ba'i sras dag/ 'di lta ste/ dper na sa bon mang po dang // 'byung ba mang po dag las sa bon sa la btab na sa bon ni 'og tu 'gro/ 'bras bu ni steng du 'byung ba yin/ kye rgyal ba'i sras dag de bzhin du byang chub sems dpa' yang ting nge 'dzin gyi rgyud kyi tshul gcig par snyoms par zhugs shing tshul gyi rnam pa tha dad pa las rnam bar ldang ba ston to/ / 'di lta ste/ dper na bud med skyes pa dang phrad par gyur pa'i khrag bsdug pa las bur 'gyur te/ bsdus pa de ma'i khong na gnas shing rim gyis skyes pa dang // zla ba bcu la las yongs su dag pa ni yan lag dang nying lag thams cad dang ldan pa dbang po tshang zhing rnam par dag par skye'ang khrag bsdus pa de'ang gzhan/ dbang po drug rnams kyang gzhan no// khrag
- 258a
bsdus pa de la'ang dbang po drug phra ba'i tshul du med pa ma yin te/ srid pa'i yan lag gi mtshan nyid dang ldan la las gcig nas gcig tu brgyud pas bskyed cing rlung dang ldan na las kyi rnam par smin pa ji lta ba bzhin yan lag ma nyams par skye'o/ / de bzhin du byang chub sems dpa' yang thams cad mkhyen pa'i dngos po'i tshul du snyoms par zhugs shing / dngos bopo med pa'i tshul las rnam par ldang ngo / / 'di lta ste/ dper na klu'i gnas ni sa la rten mod kyi/ bar sdang gnas la sprin kyang skyed la/ bar snang gnas la klu'i gnas dang khyim med kyang sprin gyi char 'dod pa'i mi rnams gyen du lta zhing / klu'i sprul pa bar snang gi gnas la yod pa la lta ste/ gnas 'og na 'dug kyang sprin bla na lding bar snang ngo // de bzhin du ting nge 'dzin 'di thob pa'i byang chub sems dpa' mtshan nyid med pa la snyoms par zhugs shing / mtshan nyid las rnam par ldang ngo // 'di lta ste/ dper na tshangs pa yid du 'ong ba zhes bya ba'i tshangs pa'i gzhal med khang chen po rnam dag phul zhes bya ba yod de/ gzhal med khang chen po de la stong gi 'jig rten thams cad snang ngo // stong phrag bcu'i 'jig rten thams cad snang ngo // stong phrag brgya'i 'jig rten thams cad snang ngo / / stong gsum gyi stong chen po'i 'jig rten gyi khams lha'i gnas dang bcas pa/ klu'i gnas dang bcas pa/ gnod sbyin gyi gnas dang bcas pa// dri za'i
- 258b
gnas dang bcas pa/ lha ma yin gyi gnas dang bcas pa/ nam mkha' lding gi gnas dang bcas pa/ mi 'am ci'i gnas dang bcas pa/ lto 'phye chen po'i gnas dang bcas pa mi'i 'jig rten dang bcas pa/ ngan song gi rgyu gsum dang bcas pa/ ri rab dang bcas pa/ khor yug dang bcas pa/ rin po che'i ri dang bcas pa/ btang zung dang bcas pa/ rgya mtsho dang bcas pa/ gling bzhi ma 'dres par 'khod pa dang bcas pa/ grong khyer dang / grong rdal dang / pho brang 'khor dang / rgyal po'i gnas dang bcas pa/ ri dang brag dang / shing mang po sna tshogs dang bcas pa/ rin po che'i rgyan dang bcas pa/ sman dang / nags tshal dang / rdzing dang / lu ma'i rgyan dang / chu klung dang / chu klung chen po dang / khor yug chen po'i mthar thug pa thams cad snang ste/ de'ang tsam du zad kyi/ stong gsum gyi stong chen po'i 'jig rten gyi khams 'dir gtogs pa las chung ngun rdul shin tu phra ba'i gzegs ma bar snang gnas la 'phyo ba lta bur phra ba dang / rab dang / chu klung langs pa de dag thams cad kyang / tshangs pa'i gzhal med khang 'gro ba thams cad na bul du gyur cing / rnam par dag pa'i lhun la gzugs brnyan gyi tshul du snang zhing rnam par dmigs la mthong bar gyur kyang / de dag la thags thogs gang yang med do// de'ang 'di ltar dper na
- 259a
long gi dkyil 'khor la bzhin gyi gzugs brnyan sdang ba bzhin du gzhal med khang chen po de la thams cad kyang sdang / thams cad kyang gsal/ thams cad kyang dmigs te/ thams cad kyi gzugs brnyan dmigs par yod do// de bzhin du byang chub sems dpa' yang sems kyi khams tha mi dad pa zhes bya ba'i ting nge 'dzin 'dis zhing gi rgyu kyang rab tu shes so/ / sangs rgyas kyi rgyud kyang rab tu shes so// sems can gyi rgyud kyang rab tu shes so// chos kyi rgyud kyang rab tu shes so// spyod pa'i rgyud kyang rab tu sgrub go/ / mos pa'i rgyud kyang yongs su rdzogs par byed do// ting nge 'dzin gyi rgyud la'ang rnam par 'phrul pa byed do// rnam par ldang ba'i rgyud kyang yongs su ston to// ye shes kyi rgyud kyang rab tu 'thob bo/ / skad cig gi mtha'i rgyud la'ang rab tu gnas so// kye rgyal ba'i sras dag/ byang chub sems dpa' de ni rnam par 'phrul pa bcus kyang mchog tu gyur pa yin te/ bcu gang zhe na/ 'di ltar sangs rgyas kyi rnam par 'phrul pa nam mkha'i dbyings kyis klas pa chos kyi dbyings kyi mthas gtugs pa dang / byang chub sems dpa' rnam par 'phrul pa tha dad pa med pa'i mthar thug pa tha mi dad pa'i dbang dam pa'i pha rol tu phyin pa dang / byang chub sems dpa'i spyod pa dang / smon lam chen po'i rnam par 'phrul pa de bzhin nyid
- 259b
la zhugs shing / sangs rgyas kyi mdzad pa'i pha rol tu phyin pa thob pa dang / 'jig rten gyi khams rnam par 'phrul pa dmigs pa thams cad don yod cing rnam par dag pas// 'jig rten gyi khams thams cad rab tu snang bar bya ba'i byin gyi rlabs can dang / sems can thams cad rnam par 'phrul pa bsam gyis mi khyab pa'i las rnam par smin pa sgyu ma lta bu la 'jug pa dang / ye shes dang ting nge 'dzin gyi rnam par 'phrul pa yangs pa dang // phra ba'i ting nge 'dzin gyi mtshan ma dang / ting nge 'dzin las ldang ba shes pa dang / 'di lta ste/ byang chub sems dpa'i mthu dang / byang chub sems dpa'i khong du chud pas de bzhin gshegs pa'i yul la 'jug cing 'byung ba dang / de bzhin gshegs pa'i sku ston pa'i rnam par 'phrul pa dang / gzhan yang byang chub sems dpa' sangs rgyas sprul pa dang / sangs rgyas su byin gyis brlab pa dang / chos kyi 'khor lo sprul pa dang / 'dul ba'i byin gyis brlab pa byed cing de bzhin gshegs pa'i rigs dang rgyud du skye ba dang / sangs rgyas kyi sgra grag par bya ba rab tu sgrub pa'i rdzu 'phrul dang / rnam par 'phrul pa sems ltar mgyogs pa'i pha rol tu phyin pa yin/ / gzhan yang byang chub sems dpa' sangs rgyas brjod du med pa'i bstan pa dang / ldem po ngag rab tu shes te/ chos kyi sgo bye ba khrag khrig brgya stong
- 260a
brjod du med pa'i yang brjod du med pas chos kyi 'khor lo rnam par 'phrul pa dag ston par byed do/ / gzhan yang byang chub sems dpa' sems dpa' chen po nyin zhag gi grangs dang / / yud du yan man dang / zla ba'i grangs dang // lo dang bskal ba'i grangs rab tu shes te/ skad cig gcig dang ldan pa'i ye shes kyi dus gsum mngon par bsgrub pa'i rnam par 'phrul pa yang dag par ston to/ / byang chub sems dpa' spyod pa rnam par 'phrul pa bcu po 'di dag kyang pha rol tu phyin pa thob pa yin te/ kye rgyal ba'i sras 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes sems can gyi khams tha mi dad pa zhes bya ba ste brgyad pa'o/ / // gzhan yang byang chub sems dpa' sems dpa' chen po bdag gi lus dang mig gi skye mched nas/ yid kyi skye mched kyi mthar thug pa'i bar du/ byang chub sems dpa'i ting nge 'dzin chos kyi dbyings la dbang sbyar ba zhes bya ba la snyoms par 'jugs ste/ bdag gi ba spu'i khung bu re rer yang byang chub sems dpa'i ting nge 'dzin chos dbyings la dbang sgyur ba la snyoms par 'jug go// de'i rang bzhin gyi chos nyid kyang der byin gyis rlob ste/ de nyid nas 'jig rten yang rab tu shes so// 'jig rten gyi chos kyang rab tu shes so// 'jig rten gyi khams kyang rab tu shes so// 'jig rten gyi
- 260b
khams bye ba khrag khrig brgya stong yang rab tu shes so/ / 'jig rten gyi khams grangs med pa'ang rab tu shes so// 'jig rten gyi khams sangs rgyas kyi zhing brjod du med pa'i rdul shin tu zab snyed kyang rab tu shes so/ / 'jig rten gyi khams de dag kyang byang chub sems dpa'i yon tan yongs su rdzogs shing dag pas rnam par dag la 'od gsal shing rgyan bzang po shin tu mang bas rnam bapa du mar brgyan cing / rin po che bzang po sna tshogs kyis shin tu gang ba mthong ste/ de na bskal pa brgyar yang byang chub kyi spyad pa spyod cing gnas so// bskal pa stong dang / bskal pa khrag khrig dang / bskal pa bye ba phrag brgya stong dang / bskal pa tshad med pa dang / bskal pa grangs med pa dang / bskal pa dpag tu med pa dang / bskal pa mu med pa dang / bskal pa bgrang du med pa dang / bskal pa mtha' yas pa dang / bskal pa mtshungs pa med pa dang / bskal pa bsam gyis mi khyab pa dang / bskal pa gzhal du med pa dang / bskal pa brjod du med pa dang / bskal pa brjod du med pa'i yang brjod du med pa dang / bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed du/ byang chub sems dpa'i spyad pa spyod cing gnas so// yongs su rgyun mi gcod do// de na de ltar byang chub sems dpa' de mnyam
- 261a
par bzhag pas stoms par 'jug go/ / rnam par ldang ngo // de de ltar ting nge 'dzin de la snyoms par zhugs shing rnam par ldang ba dang / 'jig rten khams mngon par bsgrub pa dag kyang rab tu spyod do/ / der yang sems can gyi khams yongasu smin par byed do// chos kyi dbyings khong du chud par byed do// dus shes par bya ba rab tu rtogs par byed do/ / chos bstan pa shin tu byin gyis rlob bo// chags pa med cing thogs pa med pa'i rgyud kyang yongs su rdzogs par byed do// chos kyi dbyings kyi dbang gis mig tha da pa med pa'ang khong du chud pa yin/ rna ba tha dad pa med pa'i dam pa'i pha rol tu phyin pa yin/ sna tha dad pa med pa la mkhas par gyur pa yin/ lce tha dad pa med pa'i bslab pa la shin tu bslabs pa yin/ lus tha dad pa med pa shin tu grub pa yin/ sems tha dad pa med pa'i rjes su song zhing khong du chud pa yin te// de de lta bu'i ye shes dang ldan pas gzungs khrag khrig stong phrag bcu'i chos snang ba 'byung ngo / / spyod pa yongs su dag pa khrag khrig stong phrag bcu yongs su 'grub bo// dbang po thams cad mngon par shes pa khrag khrig stong phrag bcu rab tu gnon to// mngon par shes pa khrag khrig stong phrag bcu yongs su rdzogs par 'gyur ro// ting nge 'dzin khrag khrig stong phrag bcu yongs su gnod to// rdzu 'phrul khrag khrig stong phrag bcu yongs su 'grub bo//
- 261b
stongs khrag khrig stong phrag bcu rnam par 'phel lo// bsam pa khrag khrig stong phrag bcu yongs su rdzogs par 'gyur ro// byin gyi rlabs khrag khrig stong phrag bcu yang dag par ston to// rnam pa 'phrul pa khrag khrig stong phrag bcu mngor sum du 'gyur ro/ / byang chub sems dpa'i chags pa med pa khrag khrig stong phrag bcu yang dag par 'grub bo// byang chub sems dpa'i cho gas khrag khrig steng phrag bcu yongs su rdzogs par 'gyur ro/ / byang chub sems dpa'i rig pa khrag khrig stong phrag bcu yongs su sbyong zhing kun tu 'gro'o// byang chub sems dpa'i tshul khrag khrib stong phrag bcus yongs su snang bar 'gyur ro/ / don khrag khrig stong phrag bcu shin tu ston to// smon lam khrag khrig stong phrag bcu dang yang dag par ldan no// yongs su bsngo ba khrag khrig stong phrag bcu shin tu ston to/ / byang chub sems dpa'i skyon med pa khrag khrig stong phrag bcu yongs su dag par byed do// chos kyi sgo khrag khrig stong phrag bcu rab tu snang bar byed do// byang chub sems dpa'i bstan pa khrag khrig stong phrag bcu yongs su rjod pa byed do/ / byang chub sems dpa'i rnam par dag pa khrag khrig stong phrag bcu rnam par dag par byed de/ byang chub sems dpa'i ting nge 'dzin chos kyi dbyings la dbang sgyur ba 'di la gnas pa'i byang chub sems dpa' sems dpa' chen po ni yon tan gyi tshogs du ma dang ldan pa yin/ yon tan gyi tshogs
- 262a
tshad med pa dang ldan pa yin/ / yon tan gyi tshogs mtha' yas pa dang ldan pa yin/ yon tan gyi tshogs bsam gyis mi khyab pa dang ldan pa yin/ yon tan gyi tshogs mtshungs pa med pa dang ldan pa yin/ yon tan gyi tshogs gzhal du med pa dang ldan pa yin/ yon tan gyi tshogs brjod du med pa dang ldan pa yin/ yon tan gyi tshogs zad mi shes pa dang ldan pa yin/ yon tan gyi tshogs kun tu mtha' yas pa dang ldan pa yin/ yon tan gyi tshogs de dag gi byang chub sems dpa' shin tu spangs pa yin/ yang dag par byang bar byas pa yin/ rab tu brgyan pa yin// yongs su bzung ba yin/ yang dag par grub par byas pa yin/ yang dag par brjod pa yin/ nye bar brtan pa yin// mthun pa'i 'bras bu dang ldan pa yin/ byang chub sems dpa'i ting nge 'dzin chos kyi dbyings la dbang sgyur ba 'di la gnas pa'i byang chub sems dpa' de la ni/ shar phyogs logs kyi sangs rgyas kyi zhing grangs med pa stong phrag bcu'i rdul shin tu phra ba snyed kyis de bzhin gshegs pa mtshan mthun pa'i mtshan gcig la'ang rnam par brtag cing / rnam par dbye ba'i rnam pa sangs rgyas kyi zhing grangs med pa stong phrag bcu'i rdul shin tu za ba snyed mnga' zhing mtshan gcig la ji lta ba de bzhin du/ mtshan re re las rnam par brtag cing / rnam par dbye ba'i rnam pa sangs rgyas kyi zhing grangs med pa stong phrag
- 262b
bcu'i rdul shi tu phra ba snyed mnga' ba sha stag gis byin gyis brlabs pa mdzad do/ / shar phyogs su ji lta ba de bzhin du lce phyogs dang // de bzhin du rub phyogs dang // de bzhin du byang phyogs dang de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi sangs rgyas kyi zhing grangs med pa stong phrag bcu'i rdul shin tu phra ba snyed kyi de bzhin gshegs pa mtshan rnam par dgod pa gcig tu mthun pa sha stag/ byang chub sems dpa' de la byin gyis rlob pa mdzad cing zhal mngon par ston to// byang chub sems dpa' de'i sangs rgyas kyi zhing rnam par dag pa'ang byin gyis rlob pa mdzad do/ / de bzhin gshegs pa'i sras kyi thu bor brjod pa'i phyir lus tshad med pa'ang rab tu brjod pa mdzad do// de bzhin gshegs pa'i spyan bsam gyis mi khyab pa'ang rab tu bstan to/ / de bzhin gshegs pa'i snyan tshad med pa'ang shin tu brjod do// de bzhin gshegs pa'i shangs mi bsnyengs pa'i dgongs pa dang ldan pa'ang rab tu bstan to/ / de bzhin gshegs pa'i sras kyi thu bo'i yon tan phun sum tshogs pa yang dag par bstan to// de bzhin gshegs pa'i rdzu 'phrul rjes su bsgrags pa'ang rab tu bshad do//
- 263a
de bzhin gshegs pa'i byang chub mtha' dang dbus med pa yang dag par sbyangs pa mdzad do// de bzhin gshegs pa'i gsung dgongs pas rnam par dag pa'ang thob par mdzad do// de bzhin gshegs pa'i chos kyi 'khor lo byar mi ldog pa'ang yang dag par bstan to// de bzhin gshegs pa'i 'khor mtha' yas par yang rnam par smin pa mdzad do// de bzhin gshegs pa'i chos ldem po ngag mtha' yas pa la'ang rab tu zhugs pa mdzad do/ / de bzhin gshegs pa'i dge ba'i rtsa ba'ang yang dag par brjod do// de bzhin gshegs pa'i mnyam pa nyid la'ang yang dag par zhugs pa mdzad do/ / de bzhin gshegs pa'i rigs dang rgyud dus kyi tshad dang mnyam pa'ang rab tu brjod do// de bzhin gshegs pa'i chos kyi rnam pa dang bye brag thams cad kyang shin tu bstan to// de bzhin gshegs pa'i chos kyi byin gyi rla bas rnam par dmigs par bya ba'ang rab tu brjod do// de bzhin gshegs pa'i zhing bstan pa'ang byin gyis brlabs pa mdzad do// bzhin gshegs pa'i gsung chos kyi sprin gyi char yang rab tu 'bebs so// sangs rgyas kyi zhing thams cad rnam par dmigs par bya ba'ang yongs su bstan to// sangs rgyas thas cad kyi snyoms par 'jug pa'ang rab tu brjod do/ / sangs rgyas thams cad kyi 'khor kun nas 'dus pa gcig nas gcig tu brgyud pa'ang rnam par dmigs pa mdzad do// sangs rgyas thams
- 263b
rad kyi chos pas ma gyis mi khyab pa'ang byin gyis 'arlab pa mdzad do/ / chos thams cad mnyam pa nyid kyang yang dag par bstan to// chos thams cad mi 'pho 'di rgyun 'chang pa med pas ra/ du chud par mdzad do// chos kyi dkyil 'khor thams cad kyi rjes su 'gro ba'ang rab tu rdzogs par mdzad do// de bzhin gshegs pa'i yon tan tshad med pa'ang yongs su bstan to// 'dzin gyi dkyil 'khor thams cad sbyang ba'ang khong du chud par mdzad do// sems sgyu ma lta bu mtha' thug pa med pa'ang rab tu bsgrub pa mdzad do// kye rgyal ba'i sras dag byang chub sems dpa'i ting nge 'dzin chos kyi dbyings la dbang sgyur ba 'di la gnas pa'i byang chub sems dpa' ni/ / sangs rgyas bcom ldan 'das mtshan tha dad pa mtshan re re zhing yang rnam par dbye ba'i bye brag sangs rgyas kyi zhing grangs med pa stong phrag bcu'i rdul shin tu phra ba snyed mnga' ba/ mtshan de dag re re'i rnam par dbye ba'i rnam grangs kyang / sangs rgyas kyi zhing grangs med pa stong phrag bcu'i rdul shin tu phra ba snyed mnga' ba dag gis mtha' dang dbus med pa'i tshul du lus kyang byin gyis brlab pa mdzad do/ / chags pa med pa'i tshul du sems kyang byin gyis brlab pab mdzad do/ / chos thams cad nyams pa med pa la gzhol bar dran pa'ang byin gyis brlab pa mdzad do// chos thams cad rtogs par khong du chud par blo gros kyang byin gyis brlab pa mdzad do//
- 264a
chos thams cad shin tu 'dzin par rig pa'ang byin gyis brlab pa mdzad do// chos thams cad sangs shing 'byam klas pa'i tshul du blo'ong byin gyis brlab pa mdzad do// mngon par shes pa rnon pos chos tha mi dad pa mkhas pas khong du chud par dbang po tshad med pa'ang byin gyis brlab pa mdzad do// byin gyis rlabs kyis chos kyi dbyings khong du chub papa'i tshul du spyod yul thogs pa med pa'ang byin gyis brlab pa mdzad do/ / bsgribs pa med pa'i ye shes rnam par dag par ye shes la 'jug pa'ang byin gyis brlab pa mdzad do// 'jig rten gyi khams thams cad du rnam par 'phrul pa yang dag par ston par 'tshang rgya ba'ang byin gyis brlab pa mdzad do// kye rgyal ba'i sras dag/ de ltar byang chub sems dranga'i ting nge 'dzin 'di la gnas pa'i byang chub sems dpa' ni rgya mtsho'i sgo bcu la shin tu rtogs pa yin te/ bcu gang zhe na/ 'di ltar sangs rgyas rgya mtsho mthong bas rtogs pa yin/ sems can rgya mtsho ming gis khong du chud pa yin// chos rgya mtsho ye shes kyis rab tu rtogs pa yin// zhing rgya mtsho la dngos po med par gnas shing mngon par 'dus ma byas pa'i bas pas rjes su 'brang ba yin/ yon tan rgya mtsho phun sum tshogs pas rab tu rtogs pa yin ye shes kyi rnam par 'phrul pa rgya mtsho rnam par dmigs pas khong du chun pa yin
- 264b
dbang po rgya mtsho rnam par bye ba la mkhas pa'i sa ye shes kyis khong du chud pa yin/ sems rgya mtsho sems can gyi ris thams cad kyi sems tha dad pa dang sems yangs pa dang sems tshad med pa yongs su shes pas khong du chud pa yin/ spyod pa rgya mtsho smon lam gyis yongs su rdzogs par byed pa yin// smon lam rgya mtsho mtha' las rgal bar 'byung ba rnam par dag pas yongs su grub par byed pa yin te/ 'di dag ni byang chub sems dpa' de rgya mtsho'i sgo bcu la shin tu rtogs pa rnams so// byang chub sems dpa' de ni mchog tu bya ba bcu 'thob pa yin te/ bcu gang zhe na/ 'di ltar sems can thams cad kyi phul du bya ba 'thob pa yin/ lha thams cad kyi mchog tu bya ba 'thob pa yin/ tshangs pa khyu mchog thams cad kyi nang na chags pa med pa 'thob pa yin/ 'jig rten thams cad kyis mi 'phrogs pa 'thob pa yin/ 'gro ba thams cad kyis mi thub pa 'thob pa yin/ 'gro ba thams cad dang tha mi dang pa 'thob pa yin/ lam gyi rgyud thams cad nas 'byung ba 'thob pa yin/ skye ba thams cad du dbang phyug 'thob pa yin/ sangs rgyas kyi chos thams cad la dbang 'thob pa yin/ byung ba'i rnam par 'phrul pa thams cad la stobs dang shugs 'thob pa yin/ 'di dag ni byang chub sems dpas mo chog tu bya ba bcu 'thob pa'o// byang chub sems dpa' de ni stobs bcus sems
- 265a
can gyi khams su nan tan byed pa yin te/ bcu gang zhe na/ 'di ltar 'gro ba thams cad 'dul ba'i stobs kyis 'byung ba'i ded dpon du 'gyur ba dang / brtson 'grus kyi stobs kyis phyir mi ldog pa dang / chags pa med pa'i stobs kyis dri ma med pa dang / zhi ba'i stobs kyis bsgribs pa med pa dang / sems kyi rgyud yongs su sgyur ba'i stobs kyis chos thams cad la dbang sgyur ba dang / rang bzhin gyi chos kyi stobs kyis don gyi dbang dang / bsgribs pa med pa'i chos kyis shes rab che ba dang / mi 'jigs pa'i stobs kyis chos ston pa dang / tha dad pa yang dag par shes pa'i stobs kyis byin gyis rlob pa'i chos nyid dang / rang byung gi stobs kyis mtha' yas pa'i ye shes rnam par ston pa ste/ stobs chen po stobs 'phags pa/ stobs dpe med pa/ stobs tshad med pa/ stobs shin tu bsgrubs pa stobs mi g.yo ba/ stobs shin tu brtan pa/ stobs 'khrug pa med pa/ stobs ye shes kyi blo gros can stobs legs par bsgrubs pa stobs mnyam par bzhag pa/ stobs yongs su dag pa stobs chos kyi lus can stobs chos snang ba can/ stobs chos kyi sgron ma can stobs chos kyi tshul phan/ stobs zil gyis mi non pa/ stobs shin tu mnyam par bzhag pa/ stsal dam pa dang ldan pa'i stobs skyes bu dam pa'i stobs/ skyes blangs pas
- 265b
bsten pa'i stobs/ yang dag par rdzogs pa'i sangs rgyas kyis byin gyis brlabs pa'i stobs rnam pa thams cad du dge ba'i rtsa ba la rten pa'i stobs/ dge ba'i rtsa ba tshad med pa la gnas pa'i stobs/ de bzhin gshegs pa'i stobs la zhugs pa'i stobs/ sems rtogs par bzhag pa'i stobs byang chub sems dpa'i dka' ba rnam par 'phel ba'i sto/ byang chub sems dpa'i dad pa rab tu skyed pa'i stobs/ byang chub sems dpa'i shugs shin tu 'phel bar byed pa'i stobs/ byang chub sems dpa'i sems kyi rgyu mthar phyin pa'i stobs b yang chub sems dpa' lhag pa'i bsam pa rnam par dag par byed pa'i stobs byang chub sems dpa'i dge ba'i rtsa ba yongs su gnas pa dang rgyu mthun pa'i stobs chos la shin tu gnos ba'i stobs/ lus la thogs pa med pa'i stobs// thabs mkhas pa'i tshul la zhugs pa'i stobs/ chos thams cad 'od dang zhing rnam par snang ba'i stobs 'gro ba thams cad du g.yo ba med pa phun sum tshogs pa'i stobs/ / sems can thams cad kyis mi 'phrogs shing mi bsgul pa'i stobs bcus sems can gyi khams su nan tan du byed pa ste/ byang chub sems dpa' de'i yon tan de ltar tshad med pa dang / chos kyi bsngags pa de ltar tshad med pa yongs su rdzogs par 'gyur ro// mngon par snang bar 'gyur ro//
- 266a
'byung bar 'gyur ro// 'phel bar 'gyur ro// rab tu skye bar 'gyur ro// rab tu rton par 'gyur ro// yang dag par 'phel bar 'gyur ro// rnam par dka/ par 'gyur zhing yongs su dag par 'gyur te/ yon tan de dag la mtha' med do// bden pa shes pa la mtha' med do// byang chub sems dpa'i spyod pa de dag la mtha' med do// byang chub/ sems dpa'i tshul de dag la mtha' med do// byang chub sems dpa'i khyu mchog gi mthu de dag la mtha' med do// byang chub sems dpa'i dka' ba spyad pa de dag la mtha' mang do// byang chub sems dpa'i mngon par grub pa de dag la mtha' med do/ / byang chub sems dpa'i rnam par dag pa de dag la mtha' med do// byang chub sems dpa'i 'byung ba de dag la mtha' med do// bya chub sems dpa'i las la dbang sgyur ba de dag gi mtha' ni bskal pa brjod du med pas kyang brjod par mi nus te/ de dag ni byang chub sems dpa' nges 'thob bo// de dag ni byang chub sems dpa' des grub bo/ / de dag ni byang chub sems dpa' des non to// de dag ni byang chub sems dpa' de la mngon sum du dad par 'gyur ro// de dag ni byang chub sems dpa' de la ra tu snang ngo / / de dag ni byang chub sems dpa' des yongs su shes so// de dag ni byang chub sems dpa' de'i chos kyi tshul du 'byung ngo // de dag ni byang chub sems dpa' de'i rnam par
- 266b
dgod pa'i ye shes su 'gro'o/ / / bam po lnga bcu brgyad pa/ ting nge 'dzin 'di la gnas pa'i byang chub sems dpa' ni ting nge 'dzin tshad med pa/ grangs med pa/ gzhal du med pa/ mu med pa/ kun tu mtha' yas pa/ dpag tu med pa/ bsam gyis mi khyab pa// mtshungs pa med pa/ brjod du med pa'i yang brjod du med pa dag la dmigs pa re re nas 'jug pas snyoms par 'jug go/ / rnam par ldang ngo // ting nge 'dzin de dag dang ting nge 'dzin gyi khyad par yang rab tu shes so// ting nge 'dzin gzhal du med pa'ang rab tu shes so/ / ting nge 'dzin shin tu yangs pa'ang rab tu shes so// ting nge 'dzin la rnam par spyad pa'ang rab tu shes so// ting nge 'dzin mtshan ma'ang rab tu shes so/ / ting nge 'dzin bstan pa'ang rab tu shes so// ting nge 'dzin gyi spyod yul yang rab tu shes so// ting nge 'dzin gyi rgyu mthun pa'i 'bras bu'ang rab tu shes so// ting nge 'dzin dben pa'ang rab tu shes so// ting nge 'dzin gyi rang bzhin yang rab tu shes so// ting nge 'dzin gyi 'byung ba'ang rab tu shes so// 'di lta ste/ dper na klu'i rgyal po chen po ma dros pa'i gnas nas klung chen po madros pa rnyog pa med dang 'od gsal ba/ dri ma med pa/ dag pa/ nam mkha' lta bu dri ma dang bral ba bzhi 'bab ste/ de dag kyang kha gcig dang /
- 267a
gnyis dang / gsum dang / bzhi'i sgo nas 'bab ste/ 'di ltar chu klung chen po kang+ka ni glang po'i kha nas 'bab bo// chu klung chen po sI ta ni seng ge'i kha nas 'baba'o/ / chu krung chen po kin d+hu ni klang ki kha nas 'bab bo// chu thung chen po bany+tsa ni ta'i kha nas 'ab 'o// de dag de ltar phyogs bzhi nas kha'i k+ko ston nas 'bab ste/ ru byung gang+gA ni dngo nas dngul gyi bye ma 'dren cing 'bab ste/ dngul gyi bye ma la gnas so// chu klung sI ta ni dngo nas rdo rje'i bye ma 'dren cing 'bab ste/ rdo rje'i bye ma la gnas so// chu klung san d+hu ni dngo nas gser gyi bye ma 'dren cing 'bab ste/ gser gyi bye ma la gnas so// chu klung chen po pak+ShA ni dngo nas bai DUn sngon po'i bye ma 'dren cing 'bab ste/ bai DUn+da sngon po'i bye ma la gnas so/ chu klung chen po gang+gA ni lha rdzas kyi dngul gyi kha dog lta bu'i sgo nas 'bab bo// chu klung chen po sI ta ni lha rdzas kyi rdo rje'i kha dog lta bu'i sgo nas 'bab bo// chu klung chen po sin d+hA ni lha rdzas kyi gser kyikha dog lta bu'i sgo nas 'ba' bo/ / chu klung chen po pany+tsa ni lha rdzas kyi bai DUR+Ya sngon po'i kha dog lta bu'i sgo nas 'bab bo// chu klung chen po bzhi char yang kha'i blo dpag tshad tsam ci tshad nas 'bab ste/ / de dag 'bab pa'i tshe re res kyang mtsho chen po la lan bdun bdun du g.yas phyogs su bskor te phyogs bzhir 'bab cing / rgya mtsho chen po gang chen mtsho la zhen par 'dong ngo // de ltar nu klung chen po
- 267b
rnams kyis lan bdun du g.yas phyogs su bskor ba'i bar gyi gling de dag kyang me tog ut+pal dang / pad+mo dang / ku mu da dang / puN+Da ri ka lha rdzas kyi rin po ri'i rang bzhin las grub pa/ i 'ong ba/ dri zhim pa/ mtha'i rgyan du sdug pa mdog gsal ba/ rin po che sna tshogs kyi kha dog ltar 'jug pa/ 'od dang 'ang gsal ba// gcig gi gzugs brnyan gcig tu sna / mdangs dga' ba/ blta na yid du 'ong ba/ rang bzhin dang zhing shin tu rnam par dag pas brgyan pa ste/ blta na kha dog 'od gsal ba/ mun pa sel cing snang ba 'byin pa/ bltan btang mi dra zhing shin tu rnam par phye bar brgyan pa/ kha dog sna tshogs su me tog gis kun nas g.yog pa/ 'dab ma sna tshogs dang ldan zhing snying po kha dog sna tshogs can// ze ba mdog du mar snang ba'i me tog gis yongs su brgyan pa ste/ mtsho chen po de'i nang dang / mtsho'i dkyil 'khor ni rgyar dpag tshad lnga bcu yod de/ zabs su'ang dpag tshad lnga bcu yod do// de'i gzhi ni rin po che'i gseg ma bdal ba ste/ rin po che sna tshogs kha dog du ma dang ldan pas shin tu brgyan par gnas pa'o// de'i ngogs ni rin po che sna tshogs pa gu brtsigs pa ltar 'dug pas kun nas 'khor ba'o/ / de'i dri ni tsan dan bzang po'i gsung lta bu ste/ me tog kha dog du ma can las bsung gi ngang rnam pa du ma langs pa dang ldan pa'o// me tog ut+pa la dang / pad+ma dang / ku mu da dang
- 268a
puN+Da ri kas kun nas log pa/ rin po rI'i shing me tog rab tu rgyas pas kun nas 'khor ba ste/ nam lha'i bu nyi ma 'char ba'i tshe/ nyi ma'i 'od zer de dag mchog rin po che dang / gseg ma dang / me tog dang // chu klung gi rgyud kyi bye ma dang / dngo'i kha dang / chu klung gis g.yas phyogs su bskor ba'i mtsho dang / rin po che'i shing gi lhun dang / yal ga dang / lo ma dang / me tog la bab par gyur na/ de'i tshe 'od zer re res phog kyang / rin po che'i 'byung gnas sna tshogs kyi dbyings na gnas pa'i 'od zer gyi dra ba bya ba khrag khrig brgya stong gis lus kun nas log pa lta bur snang ste/ thams cad kyang 'od kyi mdog dam pa des 'jam 'jam ltar 'dug pas mtsho chen po ma dros pa rnam pa'i mchog thams cad dang ldan bar snang ngo / / mtsho chen po ma dros pa de'i 'khor na rin po che rgyan du 'khod pa/ yid du 'ong zhing chal par rgyas pa rgya cher bdal ba de dag thams cad kyang nyi ma'i dkyil 'khor lta bur gyur par snang ngo / / rin po che dam pa sna tshogs shin tu phra ba thams cad dang / rin po che'i bye ma kun tu 'dal ba dang / rin po che'i rgyan sna tshogs shin tu phra ba dang / rin po che'i rdul shin tu phra ba dang / rin po che rdul shin tu phra ba'i bye ma de ltar phra ba dag la'ang phan tshun du gzugs brnyan snang na/ cung zhes dog pa 'am/ zhes sangs pa med par dngos po rje
- 268b
lta ba bzhin du ma nor bar snang ngo / / r+b+ha klung chen po de dag ji ltar mtsho chen po ma dros pa las kha bzhi nas 'bab ba de bzhin du byang chub sems dpa' sems dpa' chen po 'bru dad pa yang dag par shes pa bzhi'i chu klung chen po 'bab pa'ang thams cad mkhyen pa nyid kyi rgya mtsho la zhen par 'dong ngo / / ji ltar chu klung chen po gang+gA glang po'i kha dngul gyi kha dog tu 'dug pa nas dngul gyi bye ma 'dren cing 'bab pa de bzhin du/ byang chub sems dpa' chos dkar po dag par byed pa'i sgo nas don tha dad pa yang dag par shes pa/ de bzhin gshegs pa'i tshul thams cad yongs su sbyong ba/ don gyi tshul thams cad shin tu dag par byed pa'ang/ chos thams cad kyi snang ba rnam par gsal bar byed cing 'a'ab ste/ bsgribs pa med pa'i rgya mtsho'i mthar thug par 'gro'o/ / ji ltar na chu klung chen po sI ta seng ge'i kha rdo rje'i kha dog tu 'dug pa nas rdo rje'i bye ma 'dren cing 'bab pa de bzhin du/ byang chub sems dpa'i chos tha dad pa yang dag par shes pa/ sangs rgyas kyi rdo rje'i tshig brjod pa dang / 'gro ba thams cad la snang bar bya ba dang / ye shes kyi rdo rje'i tshig rab tu 'dren cing 'bab ste/ chags pa med pa'i rgya mtsho la zhen par 'gro'o/ / ji ltar chu klung chen po sin d+hu klang gi kha gser gyi kha dog tu 'dug pa nas gser gyi bye ma 'dren cing 'bab pa de bzhin du/ byang chub sems dpa'i nges pa'i tshig tha dad pa
- 269a
yang dag par shes pa/ sems can gyi tshogs thams cad khong du chud par byed cing 'gal ba med pa/ 'gro ba thams cad tshim par byed pa/ shin tu 'gro ba'ang tshul rnam par dag pa'i yan lag gis yongs su smin par bya ba dang / gdul ba la rtag tu brtson par 'bab ste/ rten cing 'brel par 'byung ba'i tshul gyi rgya mtsho la zhen par 'gro'o// ji ltar chu klung chen po ban+d+ha rta'i kha bai DUR+Ya sngon po'i kha dog tu 'dug pa nas bai DUn sngon po'i bye ma 'dren cing 'bab pa de bzhin du/ byang chub sems dpa'i spobs pa tha dad pa yang dag par shes pa mi zad pa'ang chos brjod du med pa bye ba khrag khrig brgya stong rab tu snang bar bya ba dang / dam pa'i chos kyi chu klung rgyun du 'bab par bya ba'i klung rab tu skyed par byed cing chos thams cad kyi rgya mtsho la gzhol bar 'bab ste/ byang chub sems dpa' thams cad kyi chos rgya mtsho la zhen par 'gro'o// ji ltar chu klung chen po bzhi po de dag gis mtsho chen po ma dros pa la g.yas phyogs su bskor ba byas te/ phyogs bzhi nas rgya mtsho la zhen par 'dong ba de bzhin du/ byang chub sems dpa' yang lus kyi las mthun pa dang ldan pa yin// ngag gi las mthun pa dang ldan pa yin/ yid kyi las mthun pa dang ldan pa yin/ mthun pa'i ye shes sngon du 'gro ba dang ldan pa yin/ ji ltar de dag phyogs bzhi nas rgya mtsho chen po la zhen par 'dong pa de bzhin du/ byang chub sems dpa'
- 269b
yang phyogs bzhi nas thams cad mkhyen pa'i ye shes kyi rgya mtsho la zhen par 'gro ba yin/ bzhi gang zhe na/ 'di lta ste/ sangs rgyas rnam par dmigs pas sangs rgyas thams cad mthong ba'i phyogs dang / 'di lta ste/ lus kyi las nges pa dang / gzungs brjed pa med pas yongs su 'dzin pas chos thams cad snang ba'i phyogs dang / 'di lta ste/ byang chub sems dpa'i spyod pa thams cad yongs su rdzogs par bya ba'i phyir/ pha rol tu phyin pa'i phyogs dang / chos kyi 'khor lo bskor bas sems can thams cad dka' bar bya ba yongs su rdzogs par bya ba'i phyir/ snying rje chen po'i phyogs so// ji ltar chung klung chen po de dag gis lan bdun du bskor ba'i bar gyi gling rnams me tog ut+pa la dang // pad+mo dang / ku mu da dang / put+kA ri ka sa kun nas yog pa de bzhin du/ byang chub sems dpa' bar ma dor 'dul bar ma gyur pa'i sems can rnams la btang snyoms su gzhog pa'ang ting nge 'dzin bye ba khrag khrig brgya phrag stong gis kun tu khyab pa'o// sangs rgyas mthong bas rnam pa sna tshogs su brgyan pa'o// sangs rgyas kyi zhing yongs su dag cing rdul med pas yid du 'ong ba'o// ji ltar mtsho chen po ma 'dres pa rin po che'i shing gis yongs su 'khor ba de bzhin du/ byang chub sems dpa' yang byang chub tu mngon par 'tshang rgyab ston na/ sangs rgyas kyi zhing gis kun nas 'khor cing brgyan pa yin/ ji ltar mtsho chen po ma dros
- 270a
pa'i nang dpag tshad lnga bcu yod la/ / dang zhing rnyog pa med pa dang gsal ba de bzhin du/ byang chub sems dpa' mngon par 'tshang rgya ba'i sems kyang dge ba'i rtsa ba thams cad kyis yongs su rgyas pas dang zhing rnyog pa med la gsal ba dang / mtha' dang dbus med pa yin/ ji ltar mtsho chen po ma dros pa rin po che'i pha gu brtsigs pas mtha' bskor ci tsan dan dri zhim po'i bsung dang ldan pa de bzhin du/ byang chub sems dpa' mngon par 'tshang rgya ba'i sems kyang ye shes rin po che khrag khrig stong phrag bcus shin tu brgyan cing khyad par du 'phags pa'i smon lam gyi ye shes dang ldan la dge ba'i rtsa ba dri zhim po thams cad dang ldan pa'o/ / ji ltar mtsho chen po ma dros pa'i nang rin po che thams cad kyi bram bus yongs su brgyan cing / nor bu rin po che rnam pa sna tshogs kyis mdzes par gyur pa de bzhin du/ byang chub sems dpa'i ye shes phra bas khong du chud pa'i dran pa'ang / byang rluchub sems dpa'i rnam par thar pa bsam gyis mi khyab pa'i rin po ches rnam par brgyan cing / da ltar byung ba'i chos thams cad la thogs pa med pa'i sangs rgyas thams cad kyi gnas la rnam par spyod pas tshul dang dus shes par bya ba thams cad la zhugs pa yin/ ji ltar klu'i rgyal po chen po ma dros pa gtse ba dang / mi bde ba thams cad las rnam par 'das pa
- 270b
de bzhinabyang chub sems dpa' yang 'dig na cigatso bdang 'jigs pa thams cad dang rgyal na/ 'jig rten rnams na du byung bar gnas t hams cad kyis mi gan pa sbyin/ tri wA chu thung chen po de dag gis 'dzam bu'i gling mngon par brlan cing yongs su brlan nas/ rgya mtsho chen po la zhen par 'dong ba de bzhin du byang chub sems dpa' yang ye shes kyi chu klung chen po bzhis lha dang 'jig rten du bcas pa/ tshangs par bcas pa/ dge sbyong dang bram ze'i skye dgrar bcas pa mngon par brdzun te/ med pa yang dag par rdzogs pa'i byang chub kyi ye shes rgya mtsho stobs bcus rnam par brgyan pa la zhen par 'gro'o// bzhi gang zhe na/ 'di lta ste/ smon pa'i ye shes kyi chu klung 'gro ba thams cad bskyab pa dang / 'gro ba thams cad gdul ba'i phyir rgyun mi 'chad par 'gro ba dang / 'di lta ste/ pha rol tu phyin pa yongs su rdzogs pa'i chu klung byang chub sems dpa'i spyod pa rnam par dag pas rab tu dang ba/ sems can gyi khams thams cad la phan 'dogs shing / mi zad pa'i rgyun gyi mthar thug pas dus gsum gyi ye shes rgya mtsho la zhen par 'bab pa dang / 'di lta ste/ byang chub sems dpa'i mnyam pa med pa'i ye shes kyi chu klung ting nge 'dzin rin po che grangs med pas brgyan pa/ sangs rgyas thams cad lta zhing / sangs
- 271a
rgyas thams cad kyi ye shes rgya mtsho la zhen par 'bab pa dang / 'di lta ste/ snying rje chen po'i ye shes kyi chu klung byams pa chen po'i dbang du gyur pa/ 'gro ba thams cad nas phyir mi ldog cing / 'gro ba thams cad nye bar gzung ba'i phyir/ thabs mkhas pa'i mtshams sbyor ba grangs med pas yongs su gdung bzhi par byed cing stobs bcu rgya mtsho lalazhen par 'bab pa'o/ / ji ltar chu klung chen po bzhi po de dag mtsho chen po ma dros pa nas mi zad pa'i rgya mtsho la zhen par 'dong ba de bzhin du byang chub sems dpa' yang khyad par du ' phags pa'i smon lam dang ldan pa'i byang chub sems dpa'i spyod pa thams cad mkhyen pa'i ye shes zad mi shes pa'i mthar thug par 'gro zhing rnam par 'tshang rgya bar rnam par rol pas rnam ra 'tshang rgya ba yin/ ji ltar rgyu klung chen po bzhi po de dag rgya mtsho chen po zhen par 'dod zhing phyir mi ldog pa de bzhin du/ byang chub sems dpa' smon lam gyi rgyun ma chad pa kyang rluchub sems dpa' kun tu bzang po'i smon lam la rab tu brtson pa'ang thams cad mkhyen pa nyid du mngon par bsgrub pa las phyir mi ldog cing / sangs rgyas kyi byang chub chos thams cad bsgribs pa med pa dang / chags pa med pa la gnas pa'i de bzhin gshegs pa'i ye shes rgya mtsho la zhen par 'gro'o// ji ltar chu klung chen po bzhi po de dag bskal par gnas shing skyo ba dang
- 271b
yongs su skyo ba med par rgya mtsho la zhen par 'dong ba de bzhin du / byang chub sems dpa' kun tu bzang po'i spyod pa dang / smon lam la brtson pa'i byang chub sems dpa' yang phyi ma'i mtha' mu thug pa'i bskal par byang chub sems dpa'i spyad pa spyod pas yongs su mi skyo bar de bzhin gshegs pa thams cad kyi ye shes rgya mtshor rgyan ma chad par rjes su gzhol zhing zhen par 'gro ba yin/ ji ltar mtsho chen po ma dros pa de rin po che sna tshogs kyi mdog ltar 'dug cing / dngul gyi bye ma'i mdog tu snang ba dang / gser gyi bye ba'i mdog tu snang ba dang / rdo rje'i bye ma'i mdog tu snang ba dang / bai DUR+Ya'i bye ma'i mdog tu snang ba dang / nyi ma'i 'od zer gyis phog na nyi ma'i dkyil 'khor rnam pa thams cad dang ldan pa'i gzugs su mngon zhing snang ba dang / nyi ma'i 'od zer dang phrad na mtsho chen po ma dros pa de dmigs pa thams cad kyi gzugs su gyur par snang yang lus kyi gzugs su snang ba dang / rin po che sna tshogs kyi rnam par snang bar gyur pa de dag gcig gis gcig bdo zhing phan tshun du gnod par 'gyur ba med do/ / de bzhin du byang chub sems dpa' yang chos kyi dbyings la dbang sgyur ba'i ting nge 'dzin 'di la gnas pas rang gi lus kyi ba spu'i khung bu re rer yang de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed rab tu mthong ngo / / sangs rgyas kyi zhing yang mthong ngo // 'khor gyi dkyil 'khor du'ang 'jug go/
- 272a
chos bstan pa'ang nyan to// de dag thams cad kyang mnyes par byed do// de bzhin gshegs pa'i sku tshad med pa la'ang yid ches shing khong du chud par byed do// sangs rgyas kyi zhing de dag na de bzhin gshegs pa rnams la bsnyen bkur byed cing / chos nyan pas kyang bskal pa brjod du med pa'i yang rjod du med pa'i bye ba khrag khrig 'da' bar byed kyang / yun ring po'i 'du shes kyang mi skye/ thung ngu'i 'du shes kyang mi skye'o// ba spu'i bu ga de dag tu'ang de'i lus la mi bde ba med cing / 'jig rten gyi khams de dag dang / de bzhin gshegs pa bzhug/ pa de dag dang / 'khor gyi dkyil 'khor de dag dang / sems can gyi khams sna tshogs 'khod pa de dag la'ang gnod pa med do// de ci'i phyir zhe na/ de ni 'di ltar chos kyi dbyings la 'jug pa de/ sems shin tu phra bas mtha' dang dbus med pa/ lus kyi rnam par smin pa dpe med pa'i tshul la 'jug pa/ ting nge 'dzin bsam gyis mi khya pa'i phul rtogs par gnas pa/ bsam gyis mi khyab pa'i yul sangs rgyas thams cad kyi yul rnam par sgrub pa/ sangs rgyas thams cad kyi byin gyi rlabs kyis mi khyab pa/ sangs rgyas kyi rnam par 'phrul pa tshad med par bsgrub par dka' ba/ bzod par dka' ba/ de bzhin gshegs pa'i stobs bcu yongs su 'dzin pa/ byang chub sems dpa' kun tu bzang po'i spong ba dang dmigs pa yongasas
- 272b
rdzogs par byed pa/ sangs rgyas thams cad kyi rnam par 'phrul pa la 'jug pas skyo ba med pa'i phyir ro// de ltar byang chub sems dpa' de sems skad cig la snyoms par zhugs shing / rnam par ldang yang yun ring po'ang 'jig par mi byed do// mngon par zhen par yang mi ltung dmigs pa thams cad la'ang gnas pa med de/ dngos po thams cad la mi gnas so// skad cig gi rgyud la'ang rab tu 'jug go// sems can gyi don yang yang dag par sgrub bo// sangs rgyas kyi khyu mchog gi mthu phyung ba mthong bas kyang ngoms par mi byed do// chos kyi dbyings kyi mthar dbyung bas kyang sgyid lug par mi byed de/ de la gzhag par bya ba'ang gang yang med do// thams cad mkhyen pa'i ye shes mngon par sgrub pa'i rjes su 'ang rab tu 'jug go// ye shes kyi sprul pa'ang byin gyis rlob bo// sems cad kyi ris la 'jug par yang mtha' dang dbus med par 'jug go// 'jig rten gyi khams thams cad rnam par dag pa'ang yongs su rdzogs par byed do/ / 'jig rten gyi phyin ci log thams cad kyang rnam par rtog pa med pas rab tu shes so// rtog pa'i sa thams cad las kyang yongs su 'ad 'o// mtshan ma sna tshogs yongs su shes pa'ang mi spong ngo / / byang chub sems dpa'i ye shes dang thabs la mkhas pa'ang yongs su rdzogs par byed do// shin tu rnam par dag pa la'ang rtog par mi byed do//
- 273a
thams cad zil gyis gnon pa'i sa'ang rab tu 'thob par byed do// 'di lta ste/ dper na nam mkha'i rang bzhin ni dngos po thams cad kyi rjes su song ba'ang yin la/ dngos po thams cad las kyang rnam par 'das pa'o// de bzhin du byang chub sems dpa' yang 'jig rten gyi khams thams cad du'ang rgyu la/ 'jig rten gyi khams thams cad las kyang rnam par 'das pa yin/ sems can gyi khams yongs su dgrol ba la'ang brtson la/ sems can gyi 'du shes thams cad kyang med pa yin/ chos kyi dbyings thams cad kyang ye shes kyi spyod yul du gyur la/ chos thams cad kyis snyems pa'i sems kyang med pa yin// sangs rgyas thams cad blta bas kyang mi joms la/ sangs rgyas thams cad la blta ba'i gnas kyang yongs su bsal ba yin/ ting nge 'dzin gyi rnam pa thams cad la mkhas par bya ba'ang khong du chud la/ chos thams cad kyi de bzhin nyid khong du chud pas chags pa'ang med pa yin/ chos kyi tshig rnam par shes pa mtha' yas pa'i spobs pa dang yang ldan la/ tshig med cang yi ge med pa'ang khong du chud pa yin/ brjod du med pa la'ang shin tu spyod la/ dbyangs kyi yan lag rnam par dag pa dang yang ldan pa yin/ chos thams cad kyi'ang mthar phyin la/ gzugs sna tshogs kyis 'dul ba rnams kyang yul du byed pa yin/ chos
- 273b
thams cad kyi rang bzhin gyi mthar yang rab tu thug la/ snying rje chen pos sems can gyi khams thams cad yongs su dgrol zhing gdul ba la'ang rab tu brtson pa yin/ sems can gyil 'phel ba dang 'grib pa med pa'ang rab tu shes la chos kyi dbyings kun tu khyab la khong du chud pa las mi g.yo ba yin/ 'gro ba thams cad gdul ba'ang rgyun ma gcod la/ de bzhin gshegs pa'i spyod pa 'khor gsum yongs su dag pa'ang khong du chud pa yin/ / chos rnam pa sna tshogs la'ang rnam par mi rtog la/ bstan pa sna tshogs la 'jigs pa med pas chos bstan pa'i chos kyi 'khor lo'ang rgyun mi 'chad pa yin/ kye rgyal ba'i sras dag/ 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes chos kyi dbyings la dbang sgyur ba zhes bya ste dgu pa'o/ / / kye rgyal ba'i sras dag/ byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes bcu pa gang zhe na/ kye rgyal ba'i sras dag/ 'di la byang chub sems dpa' sems dpa' chen po byang chub sems dpa'i ting nge 'dzin chags pa med cing dri ma med pa zhes bya ba/ la snyoms par 'jug ste/ ting nge 'dzin de la snyoms par zhugs pa'i tshe/ lus kyi las chags pa med par yang dag par gnas so// ngag gi las chags pa med par yang dag par gnas so//
- 274a
yid kyi las chags pa med par yang dag par gnas so// sangs rgyas kyi zhing mnyam pa nyid chags pa med par yang dag par gnas so// sems can yongs su smin par bya ba'i ye shes chags pa med pa la yang dag par 'jug go/ / sems can gdul ba'i ye shes chags pa med par yang dag par gnas so// 'od zer kun tu dgye ba chags pa med pa rab tu 'gyed do// 'od kyi dkyil 'khor chags pa med pa rab tu gtong ngo // sprul pa mang po chags pa med pa rab tu 'gyed do// chos kyi 'khor lo chags pa med pa rab tu skor ro// byang chub sems dpa'i khyu mchog gi mthu phyung ba'ang rab tu thob par byed do/ / sangs rgyas kyi stobs rnams la'ang yang dag par 'jug go// sangs rgyas kyi ye shes kyang rab tu thob par byed do// sangs rgyas kyi bzhengs pas rnam par ldang ngo // sangs rgyas kyi rnam par 'phrul pa snang bas nye bar spyod do// byang chub sems dpa' de ting nge 'dzin 'di la gnas pa'i rtse/ thams rad mkhyen pa nyid la rab tu rtog go/ / thams cad mkhyen pa nyid la yongs su lta'o// thams cad mkhyen pa nyid khong du chud par byed do// thams cad mkhyen pa nyid rtogs par byed do// thams cad mkhyen pa nyid dmigs par byed do// thams cad mkhyen pa nyid la rab tu lta'o// thams cad mkhyen pa nyid la rjes su lta'o// thams cad mkhyen pa nyid la rnam par lta ste/
- 274b
/ byang chub sems dpa' dpa' sems dpa' chen po de byang chub sems dpa' kun tu bzang po'i smon lam chen po dang / byang chub sems dpa'i sems chen po dang / byang chub sems dpa'i blod pa chen bo dang / byang chub sems dpa'i khong du chud pa chen po dang / byang chub sems dpa'i rtog pa chen po dang / byang chub sems dpa'i snang ba chen po dang / byang chub sems dpa'i skye ba chen po dang / byang chub sems dpa'i byin gyi rlabs chen po dang / byang chub sems dpa'i sprul pa chen po dang / byang chub sems dpa' rgyun chen po yongs su mi gcod do// ldog par mi byed do/ / skyo bar mi byed do// gtong bar mi byed do// 'gyed par mi byed de// snyid lug par mi byed do// gnog par mi byed do// byang chub sems dpa'i rgyun maH 'byin par mi byed do/ / de ci'i phyir zhe na/ de ni byang chub sems dpa'i chos la smon lam chen pos rab tu grub pa dang / yang dag pa'i 'byung gnas chen po dang / 'jigs pa med pa'i sangs rgyas kyi chos rgya mtsho chen po shin tu bslabs pas/ byang chub sems dpa'i smon lam khyad par du 'phags pa dang ldan pa'i phyir ro// byang chub sems dpa'i spyod pa khyad par can dang ldan pa'i phyir ro/ / thabs mkhas pa'i ye shes snang ba la shin tu bslabs pa'i phyir ro// byang chub sems dpa'i sprul pa yongs su shes pa'i phyir ro//
- 275a
sems can thams cad kyi gtso bos byin gyis brlabs pa'i phyir ro// 'das pa dang / ma byon pa dang / da ltar byung ba'i sangs rgyas thams cad thugs rje chen po'i rjes su bsnyegs pa'i phyir ro/ / sangs rgyas kyi chos 'gyur ba med pa yongs su bsgrub pa'i phyir ro// de ci'i phyir zhe na/ 'di lta ste/ dper na mi la la zhig gis nor bu rin po che sna tshogs tshon gyis bsgyur ba'i gos kyi steng du gzhag na/ nor bu rin po che de'ang khong nas tshon gyis gyur par snang ste/ nor bu rin po che'i rang bzhin ni 'gyur ba med do/ / de bzhin du byang chub sems dpa' yang ting nge 'dzin rin po che thob pa'i ye shes kyi sgos thams cad mkhyen pa nyid la yongs su lta ning / byang chub sems dpa' kun tu bzang po'i spyod pa'ang rgyun mi gcod do/ / ji ltar nor bu rin po che de kha dog thams cad ston kyang nor bu'i rang bzhin yongs su mi spong ba de bzhin du/ byang chub sems dpa' yang byang chub sems dpa'i spyod pa'i rang bzhin thams cad mkhyen pa'i yon tan can yongs su mi spong ngo / / de ci'i phyir zhe na/ 'di ltar byang chub sems dpa' de ni 'gro ba thams cad kyi don du yang dag par zhugs pa'i phyir ro/ / 'pho ba thams cad dkrol bar smon pa'i phyir ro// sangs rgyas thams cad mnyes par byed 'alas
- 275b
phyir mi ldog pa'i phyir ro/ / 'jig rten gyi khams thams cad rnam par sbyong bas sgyid lug pa med pa'i phyir ro// 'gro ba thams cad du rgyun mi 'chad par spyod pas skyo ba med pa'i phyir ro// chos rgya mtsho mtha' dang dbus med cing tshad med pas yongs su yi 'chad pa med pa'i phyir ro// sems can rnam par dag par bya ba'i dmigs pas rnam par 'phel ba thams cad ston pa'i las phyir 'gyod pa med pa'i phyir ro/ / 'gro ba thams cad la rim gro bya bas snyoms pa med cing sgyid lug pa med pa'i phyir ro// 'gro ba thams cad snang bar bya bas skyo ba med pa'i phyir ro/ / chos kyi sgo mtha' yas pa la 'jug pa las phyir mi ldog cing yongs su skyo ba med pa'i phyir ro// 'di lta ste/ dper na nam mkha'i rang bzhin ni 'jig rten gyi khams thams cad yongs su 'dzin cing rten kyang ngal ba med cing dub pa med la nyam chung bar mi 'gyur zhing rga bar mi 'gyur/ 'jig par mi 'gyur/ 'gyes par mi 'gyur/ byang bar mi 'gyur/ rnam pa tha dad par mi 'gyur/ rnam pa gzhan du mi 'gyur/ dngos po gzhan du mi 'gyur/ rang bzhin rnam par mi spong ngo // de phyir zhe na/ de ni nam mkha'i rang bzhin chos nyid kyi ngo bo nyid kyi phyir ro// de bzhin du byang chub sems dpa' yang smon lam chen po rgya che zhing yangs pa tshad med pa dang ldan pas/ sems
- 276a
can thams cad dgrol ba la nye bar gnas pa'i sgos skyo zhing dub pa'i sems mi skyed do/ / 'di lta ste/ dper na mya ngan las 'das pa na// dus gsum gyi sems can mtha' dbus med pa de snyed cig yongs su mya ngan las zlo'ang bar 'ga' tsam yang skyo ba med cing sgyid lug pa med de/ yongs su mi 'chad pa med do// de ci'i phyir zhe na/ 'di lta ste/ mya ngan las 'das pa'i mthar thug pa 'di ni chos thams cad kyi dbyen pa nyid de/ de bas na gang las kyang phyir nur bar bya ba med do// de bzhin du byang chub sems dpa' yang 'gro ba thams cad gdon pa'i phyir/ 'jig rten du skye bas sems can thams cad yongs su dgrol ba la skyo ba'i sems mi skyed do// 'di lta ste/ dper na thams cad mkhyen pa nyid la byang chub sems dpa' de snyed cig byang chub kyi don du gnas kyang skyo ba dang dub pa med de/ 'das pa dang / ma 'ongs pa dang / da ltar byung ba rnams sangs rgyas kyi mnga' bsgyur ba la bsgrubs so/ / sgrub bo// bsgrubs par 'gyur ro// de ci'i phyir zhe na/ de ni zad pa med pa'i chos nyid thob pa'i phyir te/ de las gzhan du 'gyur med cing 'dul ba'i chos la mngon par chags pa med pas phyir nub pa med do/ / de bzhin du byang chub sems dpa' yang thams cad mkhyen pa nyid kyi ting nge 'dzin mang po bdag gis thob
- 276b
par byed cing khong du chud par byed do/ de ltar byang chub sems dpa' ting nge 'dzin de ni 'od phyogs thams cad kyi mtha' klas par 'dul ba/ 'jig rten gyi khams thams ca/ du 'od zer thogs pa med pa/ yon tan sna tshogs du ma'i snying po can gos brjod du med pa yongs su 'byung b.rin po che brjod du med pa yongs su 'byung spos brjod du r nyed pa yongs su 'byung rgyan dang ba sgrub rna ma du pa dang ldan pa si gyi nA ban+d+ha chen pos byin nas lags dril bu'i drabyas grwa Ta ni nas 'byustan zhing yid du 'ong rin po che sna tshogs brjod du med pa'i mdzod dang ldan parin po che sna tshogs mang po ston pas dag cing bzang bar spyod pa/ gnas shin tu brtan pa thams cad mkhyen pa nyid kyi sgo ston pa'i yon tan can/ de bzhin gshegs pa mang pos byin gyis brlabs pa/ dge ba'i rtsa ba thams cad kyis yang dag par byung bas rnam par snang ba de bzhin gshegs pa thams cad kyi dpal gyi byin dang ldan pa/ de bzhin gshegs pa thams cad kyi byin gyi rlabs las byung ba// lus gcig tu gnas kyang phyogs bcu brjod du med cing t shad med par byang chub sems dpa' 'byung ba'i kau 'phang dang yon tan tshad med pa grangs med pa brgya stong rnam par dag sa phun sum tshogs pa thams cad mkhyen pa nyid du mthu
- 277a
zhing gnas su gyur pa/ sangs rgyas thams cad kyi snang ba 'byung bar byed pa/ 'gro ba thams cad kyi mchod rten du gyur pa/ 'jig rten thams cad kyis phyag bya zhing mdun du bya bar 'os pa/ chos nyid sgyu ma lta bu'i mthun pa'i 'bras bu sprul pa kun tu 'gyed pa/ 'gro ba thams cad kyi dpes dpe med pa'i yon tan can te/ de la gnas pa'i tshe byang chub sems dpa'i skyil mo krung gcig tu gnas shing / de'i bdag nyid yongs su rdzogs par byed pa'i tshe// 'jig rten gyi khams thams cad ma lus par byang chub sems dpa'i skyil mo krung gcig gis yongs su khyab par 'gyur te/ sangs rgyas thams cad kyis byin gyis brlabs pa de de ltar gnas pa'i tshe/ ba spu'i khung bu gcig nas kyang sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed kyi 'od zer 'byung ste/ ba spu'i khung bu gcig nas ji lta ba de bzhin du ba spu'i khung bu thams cad nas kyang 'od zer de snyed smad 'byung ngo / / 'od zer gyi sgo de dag re re las kyang sangs rgyas kyi zhing bye ba khrag khrig brjod du med pa thag bcu'i rdul shin tu phra ba snyed kyi nor bu rin po che rnam par snang ba'i sring po can kha dog du mar snang ba/ rgyan sna tshogs dang ldan pa/ yon tan gyi rnam pa du ma dang ldan pa/ rin po che'i dra ba rgya chen pos kun nas khebs pa me tog gi drab rgya chen pos yongs
- 277b
khebs pa/ thos rin po che khrag khrig brgya stong kun tu gtong ba/ rin po che'i rgyan yid du 'ong ba sna tshogs kyi snying po can rin po che'i gdugs bsam gyis mi khyab pas bkab 'a 'byung sterin po che de dag re re las kyang khang pa brtsegs pa sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed 'byung ngo / / khang pa brtsegs pa de dag re re las kyang seng ge'i khri pad+mo'i snying po can sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed 'byung ngo / / seng ge'i khri pad+mo'i snying po can de dag re re las kyang 'od sangs rgyas kyi zhing bye ba khrag khrig brgya stong grangs med pa phrag bcu'i rdul shin tu phra ba snyed 'byung ngo / / 'od de dag re re las kyang kha dog sangs rgyas kyi zhing bye ba khrag khrig brgya stong brjod du med pa'i rdul shin tu phra ba snyed 'byung ngo / / kha dog de dag re re las snang ba'i dkyil 'khor sangs rgyas kyi zhing bye ba khrag khrig brgya stong brjod pa med pa phrag bcu'i rdul shin tu phra ba snyed 'byung ngo / / snang ba'i dkyil 'khor de dag re re las kyang nor bu rin po che rnam par snang ba sna tshogs kyi me tog sangs rgyas kyi zhing bye ba khrag khrig brjod du med pa phrag bcu'i rdul shin tu phra ba snyed 'byung ngo / / me tog de dag re re las kyang rin po che thams cad kyi rgyan sangs rgyas zhing bye ba khrag khrig brjod du med pa phrag bcu'i rdul shin tu zla ba snyed 'byung ngo // rgyan da /
- 278a
re re las kyang khyu mchog gi mthu phyung ba sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed 'byung ngo // rgyu mchog gi mthu byung ba dag re re las kyang sangs rgyas kyi chos sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed kyi char rab tu 'bab bo/ / chos kyi tshig rnam par phye ba'i char de dag las kyang rjes 'ong du chud par bya bar mdo'i tshul sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed yongs su brjod do/ / mdo'i tshul yongs su brjod pa de dag re re las kyang chos kyi sgo sangs rgyas kyi zhing bye ba khrag khrog brgya stong brjod du med pa'i phrag bcu'i rdul shin tu phra ba snyed rab tu ston to/ / chos kyi sgo rab tu bstan pa de dag re re zhing yang ye shes rdo rje lta bus gtan la phebs pa'i chos k yi 'khor lo chos kyi rnam grangs sna tshogs dang ldan pa bstan pa rgya chen po can chos kyi tshig rnam pa tha dad pa dang ldan par 'khor ba sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed rab tu skor ro/ / chos kyi 'khor lo bskor ba de dag re re zhing yang sems can gyi khams sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed yongs su smin par byed do/ / sems can gyi khams yongs su smin par bya ba 'byam klas pa de dag re re zhing yang sems can gyi khams sangs rgyas kyi
- 278b
zhing bye ba khrag khrig brgya stong brjod du med pa phrag bcu'i rdul shin tu phra ba snyed sangs rgyas kyi chos la 'dul te/ de ltar snyoms par zhugs shing rnam par 'phrul pa rgya chen po ston pa/ ting de 'dzin gyi yul zil gyis mi non pa sprul pa'i sgyu ma sna tshogs la mngon par zhen pa med pa/ rang bzhin tshad med pa/ mtha' dang dbus med pa/ brjod du med pa dang ldan pa chos kyi dbyings rdul med pa'i rang bzhin can/ yang dag pa'i mtha'i mtshan nyid can/ de bzhin gshegs pa'i rigs la spyod pa/ chags pa med pa'i mthar thug pa/ gnas med pa/ len pa med pa/ rtsa ba med pa/ zab pa/ gting dpag dka' ba/ mngon gsum du khong du chud pas rab tu rtogs pa tshad med pa/ rmongs pa med pa/ gzhi med pa/ chos kyi dbyings kyi gnas kazhi med pa dang ldan / 'das pa dang / ma byon pa dang // da ltar byung ba'i sangs rgyas thams cad kyis bsngag pa/ de bzhin gshegs pa'i stobs dang rgya mthun pa'i 'bras bu can kha na sa theb medatshul shin tu lba Ta'i babs shes pa rtogs pa// rdo rje lnga ba'i stobs dang mthus byu / sangs rgyas kyi byin gyi rlabs kyis rtogs par gyur pa/ sems can gyis zos par dka' ba/ mi gnyis pa'i sgor zhugs pa/ chos kyi tshum mtshan nyid med pa la gzhol
- 279a
mtshan ma'i rgyud kyis chos ston pa thams cad las shin tu 'phags pa/ sems can bsams bzhin du 'dul ba yang dag par ston pa/ dad pa ji lta ba bzhin du 'gro ba tshim par byed pa/ chos kyi dbyings tha mi dad pa'i rang bzhin can/ ye shes mi zad pa'i yul shin tu non pa/ byang chub sems dpa'i mthu chen pos byung ba/ byang chub sems dpa'i mnyam pa nyid thub pa med pa rab tu thob pa/ de bzhin gshegs pa mthong ba'i yon tan la 'jug pa thams cad kyi mtha'i rjes su 'gro ba// rnam par phye ba thams cad la mkhas pa'i ye shes dang ldan pa/ chos kyi grangs yongs su ston pa// zhing thams cad rnam par dmigs par bya ba la rab tu gzhol ba/ zhing dag par bya bar dga' ba thams cad kyi rgyan du gyur pa/ sangs rgyas kyi chos snang ba thams cad yang dag par ston pa/ byang chub sems dpa' gnas kyis byung ba/ 'das pa dang / ma byon pa dang / da ltar byung ba'i sangs rgyas thams cad kyi chos rab tu rjod pa/ 'jig rten thams cad la rnam par lta ba/ dge ba mtha' dang mu med pa yang dag par byung ba/ 'jig rten gyi rtsom pa thams cad las rnam par 'das pa/ sangs rgyas kyi 'jig rten las 'das pas shin tu byung ba/ mtshungs pa med pa dang 'dra ba med pa'i dbang gis shes par gyur pa/ mkhas pas khong du chud pa
- 279b
sa smra smra chub sems z omams rnam par dag pas 'bras bu yongs su gyusas/ lhag pa'i bsam bachi ba nyid la gnas pa rab tu tho'o pa/ mnyam pa dang bstan pa'i dge ba'i rtsa ba brim par byas rab tu chos thams cad la chags pa med par gnas pa'i mtha'i dkyil 'khor dang ldan pa/ g.yo ba med par kun tu sdod pa/ rlom sems thams cad rnam par 'jig pa/ gso ba mam da las yang dag par langs pa/ chos la gnas pas ye shes rnam par snang ba dang ldan pa/ mun pa med pa la zhugs pa sangs rgyas kyi chos thams cad la 'ang dag par/ zhugs pas snang ba thoba'agag pa med par srid pa thams cad las shin tu 'phags pa srid pa thams cad khong du chud pa/ 'dus byas thams cad sum du gyur pa'i tha dang pa sang dag par shes pa dang ldan pa/ mngon par 'du bya ba med pa'i rang bzhin dang ngo bo nyid lda/ lus kyi las mtha' yas pa dang ldan pa/ ngag gi las mu med pa dang ldan payid kyi las mtha' dang dbus med pa dang ldan patha snyad dang yi ge'i rgyud brjod du med pa dang ldan pa/ sangs rgyas kyi yon tan rgya mtsho la zhugs pa/
- 280a
'du shes kyi rnam pathams cad khong du chud pas chags pa med cing bcings pa med pa/ 'du shes thams cad dang bral ba'i yul shin tu sgom pa/ chos kyi dbyings gzugs med pa nam mkha'i rang bzhin lta bus yang dag par byung ba/ chos thams cad nam mkha' lta bur rnam par bsgom pa la rab tu zhugs pa/ chos kyi dbyings bstan pa la ye shes dbang du gyur pa/ thams cad mkhyen pa'i yul ma 'dres pa'i sgo mngon par sgrub pa/ stobs bcu'i sar shes par bya ba shin tu bslabs pa// thams cad mkhyen pa nyid kyi ye shes kyi stegs dang ldan pa/ chos thams cad la lhag mthong gi ye shes dang ldan pa/ byang chub sems dpa'i chos de dang de dag rnam par dkod pa'i don khong du chud par bya ba la ye shes kyi mig gis zhi gnas kyis yang dag par non cing ye shes chen po bsgom pas snang bar gyur pa'i khyad par can gyi smon lam dang ldan pa rab tu ston pa/ sangs rgyas thams cad kyi de bzhin gshegs pa'i mthu tha dad pa med pa ston pa ste/ / de nyid chags pa med pa'i sgo'i tshul lo// de nyid byang chub sems dpa' mang po'i 'byung ba'o/ / de nyid byang chub sems dpa'i mthus thams cad mkhyen pa'i brtson 'grus la 'jug pa ste/ chags pa med pa la gnas par bya ba'i phyir/
- 280b
zhing rnams kyi zhing ngo // sems can med pa'i mtha' la gnas par bya ba'i phri sems can gyi khams rnams 'dul ba'o// dmigs pa thams cad mi dmigs par bya ba'i phyir/ sangs rgyas kyi chos thams cad rab tu ston pa'o// rtogs pa thams cad las rab tu dbyen par bya ba'i phyir/ gnyis su med pa shin tu ston pa'o// gnyis su med pa'i don du mngon par 'du bya ba med pa thams cad kyi mngon par 'du byed pa rab tu rjod pa'o// gzugs su dmigs pa med kyang gzugs kyi grangs su bstan pa dang / tshor ba'i yul med kyang tshor ba'i yul du brjod pa'i phyir ro// sangs rgyas thams cad kyi sangs rgyas kyi bdag nyid ched du rjod pa'o// phyin ci log thams cad kyang byang la 'du shes kyis gnas thams cad yongs su ston pa'o/ / mngon par 'du byed pa med par yang ston la/ 'du byed thams cad kyang rab tu rjod pa'o// 'du byed thams cad kyang rnam par mi dmigs la chos thams cad rnam par shes par yang rab tu rjod pa'o/ / chos kyi 'khor lo'ang byin gyis rlob la/ chos thams cad brjod du med par yang rab tu ston pa'o/ / chos thams cad la'ang rgyu ba med la/ chos kyi 'khor lo'ang shin tu skor ba'o// chos thams cad la'ang rnam pa tha dad pa med la/
- 281a
rnam par dbye ba'ang yongs su ston pa'o// chos thams cad la skye ba med par yang ston la/ gzugs rnams 'jig pa'i mtshan nyid du'ang rjod pa'o// chos thams cad shin tu phra bar yang khong du chud la/ za ba rnams shin tu yangs par yang ston pa'o// bla na med pa'i chos kyang sbyin par byed la/ gong ma'i go 'phang shes bya ba'ang rab tu ston pa'o/ / chos thams cad brjod du med par yang rjod la/ brjod pa'i tshig dang / yi ge'i rgyan rnam par dag pa'ang rab tu ston pa'o// phyi dang nang gi chos med par bstan pa la'ang shin tu mkhas la/ / chos thams cad sems med cing btags pa'i rgyud ji lta ba bzhin du'ang rab tu ston pa'o// yongs su 'grub pa tshad med pas 'byung ba'ang khong du chud la/ byang ba'i mthar phyin pas chos thams cad zag pa zad par ya ba tu ston pa'o// chos thams cad la nyon mongs pa med par yang khong du chud la rang byung gi 'du shes kyang rab tu rjod pa'o/ / chos thams cad la slob dpon med par yang shin tu ston la/ bla ma la brten cing bsnyems par yang rab tu ston pa'o// chos thams cad gzhan gyi dring mi 'jig par yang shes la dge ba'i bshes gnyen gyi spyod yul yang rab tu rjod pa'o/ / chos thams cad rgyu ba med par yang rjod la chos kyi 'khor la
- 281b
skor ba'ang shin tu ston pa'o/ / chos thams cad 'byung ba med par yang rab tu shes la/ rgyu las 'byung ba'ang yongs su mi gtong ba'o// chos thams cad la thog sa med par yang rab tu rjod la/ sngon gyi mtha'i mu'ang rab tu sbyong ba'o// chos thams cad 'ong ba med par yang khong du chud la// 'ong ba'i mtha' yang rab tu rjod pa'o// chos thams cad ma 'ongs pa dang da ltar byung ba med par yang rab tu ston la/ da ltar byung bar yang shin tu ston pa'o// bya ba med pa'i lam yang yongs su rjod la/ bya ba'i lam yang shin tu ston pa'o/ / chos thams cad rgyu med par yang rab tu shes la/ rgyu bsags par yang rab tu rjod pa'o// chos thams cad mnyam pa med par yang ston la/ mnyam pa nyid kyi lam gyis lam gol ba'ang rab tu rjod pa'o// chos thams cad tshig gi lam dang bral bar yang ston la/ dus gsum shin tu bstan pa'ang shin tu rtogs par byed pa'o/ / chos thams cad gnas pa med par yang ston la/ gnas shin tu gzhom pa la rab tu mkhas pa'o// chos thams cad lus med kyang 'das pa dang / byon pa dang / da ltar byung ba'i sangs rgyas thams cad kyi sku'ang rab tu thob par byed pa'o// 'das pa dang / ma byon pa dang / da ltar byung ba'i sangs rgyas
- 282a
thams cad kyang shin tu ston la/ sangs rgyas gcig par bstan pa'ang rab tu ston to// chos thams cad la brjod pa med par yang khong du chud la/ chos thams cad yongs su rjod pa'ang rab tu ston to// chos thams cad bltar med par yang ston la/ lta ba'ang rab tu rjod pa'o// chos thams cad la mtha' med par yang ston la/ chos bstan pa'i rnam pas kyang rab tu rjod pa'o// chos thams cad la yul med kyang ye shes kyi yul du rab tu rjod pa'o// chos kyi rnam grangs thams cad khyad par med kyang 'bras bu'i khyad par rnam par sbyang ba rab tu ston pa'o/ / chos thams cad la 'byung ba med kyang spyod pas kyang 'byung ba'i khyad par rab tu ston pa'o// chos thams cad kun tu khyab pa yin yang mdos yongs su brjod pa shin tu ston pa'o// chos thams cad la snang ba med kyang snang ba yongs su brjod pa'i phyir/ rnam pa snang bar byed pa ste/ de ltar rgya che ba'i ting nge 'dzin gyi ye shes kyi dkyil 'khor chen po la byang chub sems dpa' rnams 'jug go// khong du chud par byed do// thob par byed do// rjes su snyeg par byed do// shin tu sgrub par byed do// yongs su rdzogs par byed de// shin tu sogs so// yongs su sbyong ngo // snyoms par 'jug
- 282b
chos thams cad de'i chos nyid dang / rang bzhin dang / ye shes kyi snying po'i tshul gyis sangs rgyas thams cad kyi chos khong du chud par byed kyang byang chub sems dpa' de ni 'dri snyam du mi sems te/ byang chub sems dpa' ni 'di snyed cig go// byang chub sems dpa'i chos ni 'di skad cig go/ byang chub sems dpa'i mthar thug pa ni 'di tsam zhig go/ / sprul pa'i byin gyi rlabs ni 'di tsam zhig go// mngon par shes pa bsgrub pa ni 'di snyed cig go// ye shes ni 'di tsam zhig go/ nges par rtogs par bya ba ni 'di tsam zhigarjes su bsnyags pa ni 'di tsam zhig go/ / 'jug par bya ba ni 'di tsam zhig go/ byang chub sems da pa'i yul ni 'di tsam zhig go snyam du sems pa med do/ / // bam po lnga bcu dgu pa// de ci'i phyir zhe na/ de ni 'di ltar bya chub sems dpa'i ting nge 'dzin rnams ni rnam pa de lta bu ste/ / de ltar chad med pa'i phyir ro// byang chub sems dpa'i ting nge 'dzin rnams ni de lta bu'i khyad par dang ldan pa'i phyir ro// de dag ni gzhan dang gzhan gyis bskyed pa/ gzhan dang gzhan du byin gyis brlabs pa/ gzhan dang gzhan du rgyu ba/ chos rnam pa sna tshogs kyi sgo can/ ye shes kyi sgo brjod du med pa/ zlos
- 283a
rnam par brtag cing rnam par dbye bas khyad par gyi mtha' med pa nges par rtog pa grangs med pas khong du chud pa/ ye shes bye ba khrag khrig brgya stong brjod du me bas rgya che ba/ sangs rgyas mthong ba sna tshogs kyi mdzod du gyur pas mtha' dang dbus med pa/ mos pas rnam par dag pa/ dbang po shin tu yangs pa/ mngon par shes pa rab tu rno ba/ bsags pa med pa'i spyod sul can/ kun tu lta bas rab tu thob pa/ sangs rgyas thams cad lta bas grub pa/ kun tu bzang po'i lhag pa'i bsam pas bsgrub pa/ ye shes kyi rgyal po'i sku las byung ba/ de bzhin gshegs pas bstan pa'i ye shes tshad med pa rnam par 'phrul pa'i rnam par phye ba mtha' dang dbus med pa/ sangs rgyas thams cad kyi ye shes zad mi shes pa las gol ba med pa'i sgo can sangs rgyas kyi yul thams cad mngon sum du gyur pa/ byang chub sems dpa' kun tu bzang po'i ye shes kyi khyu mchog gi mthu phyung bas rnam par sbyangs pa/ sgo thams cad nas dkyil 'khor rab tu skyes pa/ dpe med par brjod pa/ dmigs pa shin tu phra bas chos dbyings thams cad la yang dag par gzhol ba/ chos kyi dbyings thams cad ma lus par dmigs pa shin tu phra bas byin gyis rlob pa
- 283b
'phags par gsung ba'i thams cad mkhyen pas shin tu snang bar byas pa/ dbang gi dmigs pa thams cad mngon par sprul pa/ chos kyi sgo thams cad mthar phyin pa'i tha dad pa/ yang dag par shes pa can/ chos kyi dbyings kyis klas pa'i ye shes kyi lus dang ldan pa/ thams cad du 'gro ba'i lam gyis grub pa/ ting nge 'dzin thams cad mkhas par khong du chud pa/ sems sangs rgyas thams cad kyis byin gyis brlabs pa dag ste/ sems skad cig re re la byang chub sems dpa' kun tu bza po'i spyod pa la gnas te/ / ting nge 'dzin brjod du med pa'i yang brjod du med pa bye ba phrag brgya la snyoms par zhugs kyang / byang chub sems dpa' kun tu bzang po'i ting nge 'dzin dang yul gyi rkyen gyis snang bas yongs su snang bar bya ba rnams kyi mtha' dmigs par mi rung ngo / / de ci'i phyir zhe na/ chos thams cad ni byin gyi rlabs kyis byin du brlabs pa ste/ thams cad kyang khong du chud par bya'o// zhing rnams ni mu med pa ste/ thams cad kyang khong du chud par bya'o// sems can gyis khams thams cad ni bsam gyis mi khyab pa ste/ de dag gi rdo rje'i tshig khong du chud par bya'o// de dag gis khyad par thams cad kyang khong du chud par bya'o// sngon gyi mtha' ni thog ma dang tha ma med pa ste/ de dag kyang thams/
- 284a
cad kyang khong du chud par bya'o// phyi ma'i mtha' ni mu med pa ste/ de dag kyang lhag ma ma lus par khong du chud par bya'o// da ltar byung ba'i dus ni mtha' dang dbus med pa ste/ nam mkha' dbyings kyis klas pa/ chos kyi dbyings kyis mthas gtugs pa ste/ de'ang ma lus par khong du chud par bya'o// sangs rgyas kyi yul ni bsam gyis mi khyab pa'i yul te// de dag kyang thams cad khong du chud par bya'o// byang chub sems dpa'i spyod pa ni grangs med pa ste// de dag kyang thams cad khong du chud par bya'o/ / sangs rgyas kyis thugs su chud pa dang / dgongs pa ni yul mtha' yas pa yul brjod du med pa ste// de dag kyang thams cad khong du chud par bya'o/ / chos su dmigs pa thams cad ni sems kyi rang bzhin mthar phyin pa med pa ste/ de dag kyang thams cad lhag ma med par khong du chud par bya'o// de ci'i phyir zhe na/ 'di lta ste/ dper na yid bzhin gyi nor bu las ni bsam pa thams cad 'byung yang de snyed du mngon par 'du byed pas stongs par mi 'gyur zhing / bsam pa thams cad yongs su rdzogs par 'gyur yang rgyun 'chad pa med do// zad par 'gyur ba med do// yid bzhin gyi nor bu de'ang rgyun gcod par sems pa med do//
- 284b
de bzhin du byang chub sems dpa' yang sems sgyu ma lta bu la zhugs pas/ chos kyi dmigs pa thams cad mngon par sgrub kyang mthar phyin pa'i sems kyang mi skyed de/ ting nge 'dzin de dang de dag gi rgyun yongs su mi gcod do// de ci'i phyir zhe na/ 'di ltar byang chub sems dpa' ni sgyu ma'i dkyil 'khor yangs shing rgya che bo tshad med pa la zhugs pas/ kun tu bzang po'i spyod pa don yod pa/ nges par rtog pa la gnas pa dang / mngon par bsgrub pa khong du chud pa'i ye shes kyi sgo dang ldan pas de la rgyas par 'gyur ba 'am/ 'bri bar 'gyur ba med do// 'di lta ste/ dper na byis pa so so'i skye bo rnams ni sems kyi sgo mu med pa ste/ de dag gi sems ni ma skyes mi skye skye bar mi 'gyur ba yin yang / de dag gi sems skye ba dang / skye bar 'gyur ba 'am// skyes pa mtha' med pa ste thug pa med pa'o// zad par mi 'gyur ba'o// sems kyi rgyud yongs su rgyun 'chad pa med debasam gyis mi khyab pa'o/ / de bzhin du byang chub sems dpa' ting nge 'dzin gyi rnam pa sgyu ma'i sgo mang po kun dang ldan pa 'di lta bu la snyoms par zhugs pa la'ang mur thug pa med do/ / tshad kyis gcal ba med do// de ci'i phyir zhe na/ byang chub sems dpa' kun tu bzang pos de snyed tshad med pa'i
- 285a
chos kyi tshul gyi sgo khong du chud pa'i phyir ro/ / 'di lta ste/ dper na klu'i rgyal po rgya mtsho dang / dga' bo dang / bsnyen dga' bo dang / yid du 'ong ba dang / klu'i rgyal po chen po de ma yin pa dag gis char phab na/ char pa'i thigs pa'i re zhing ba ru ra'i 'bras bu tsam gyi rgyun du phab kyang char pa de la zad ces bya ba med do// sngar bab pa de nyid phyir 'bab ces bya ba med do/ / sprin gyis mngon par 'du bya ba la zad ces bya ba med do// de bzhin du byang chub sems dpa' kun tu bzang po'i ting nge 'dzin gyi sgo dang / ye shes kyi sgo dang chos kyi sgo dang / sangs rgyas blta ba'i sgo dang / phyogs su 'gro ba'i sgo dang / sems kyi dbang gi rjes su 'gro ba'i dang / byin gyi rlabs kyi sgo dang chotshe 'phru gyi sgo dang / rnam par 'phrul pa'i sgo dang / mya ngan las 'da' ba'i tshul gyi sgo dang / chos kyi tshul gyi sgo dang / byang chub sems dpa'i tshogs rgya mtsho brjod du/ med pa'i yang brjod du med pa yongs su rdzogs pa'i sgo dang / de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed mngon par sangs rgyas pa'i drung du 'gro ba'i sgo dang dbang po'i dra ba brjod du med pa'i yang brjod du med pa la 'jug cing khong du chud par bya ba'i sgo dang / 'jig rten gyi khams kyi rgyud tha dad pa'i
- 285b
brag brjod du med pa'i yang brjod du med pa'i sems kyi tshad kyis khong du chud par bya ba dang / sangs rgyas kyi zhing 'bram klas pa'i sgo dang / 'jig rten gyi khams dngos po yod pa dang dngos po med pa brjod du med pa'i yang brjod du med pa'i sgo dang / sems can gyi 'du shes khong du chud par bya ba dang / rjes su bsnyegs pa brjod du med pa'i yang rjod du med pa'i sgo dang / dus rnam pa tha dad cing bskal pa mi mthun pa khong du chud par bya ba dang / bstan pa brjod du med pa'i yang brjod du med pa'i sgo dang 'jig rte/ g+hi khams kyi rgyud 'byung ba dang / 'jig pa brjod du med pa yang dag pa ji lta ba bzhin du shes pas khong du chud pa'i sgo dang sangs rgyas kyi zhing spyi'u tshugs brjod du m ed pa'i yang brjod du med pa dang snrel zhing rgyu ba brjod du med pa'i yang brjod du med pa dag tu sems kyi skad cig gcig gis byang chub tu rnam par 'tshang rgya bar bya ba'i sgo la mtha' med do/ / zang pa med do// sa mtshams med do// su med do// sgru ba med do// yongs su mi 'chad pa med do// thub pa rnyed do// d+hun 'chang la med do/ / byar ldog pa med do// cung zad pa med do// 'on kyang byang chub sems dpa' de chos kyi zhes drugapa med par mi 'gyur ro// nges par rtogs
- 286a
bas yongs su mi chad par 'gyur ba med do/ / thams cad mkhyen pa'i sgo zad par 'gyur ba med do// sangs rgyas kyi zhing 'byam klas pa'i 'jig rten gyi khams thams cad snang bar bya ba las phyir ldog pa med do/ / chos kyi 'khor lo brjod du med pa'i yang brjod du med pa rab tu bskor ba la btang snyoms su byed pa med do// sangs rgyas kyi dgongs pa yongs su dri ba la zad par 'gyur ba med do/ / sangs rgyas kyi byang chub blta ba la mthar thug pa med do// sems can gyi khams thams cad gdul bar bya ba yongs su gtong ba med kun tu bzang po'i spyod pa dang smon lam gyis 'byung ba rgyun chad par 'gyur ba med do/ / kha dog mtha' yas pa'i lus tshad med pa brjod du med pa'i yang brjod du med pa yongs su bstan pas sa mtshams su 'gyur ba med do/ / de ci'i phyir zhe na/ 'di lta ste/ dper na me ni ji srid du shing yod pa de srid du 'bar te/ me 'bar ba la mthar thug pa med do/ / de bzhin du byang chub sems dpa' yang ji tsam du sems can gyi khams la rnam par dpyod pa dang / ji tsam du chos kyi dbyings la 'jug pa dang / ji tsam du 'jig rten gyi khams su rgyu ba dang / ji tsam du nam mkha'i rang bzhin gyi tshad mi dmigs pa dang ji tsam du sangs rgyas kyi zhing brjod du med pa'i yang brjod du med pa'i
- 286b
r dul shin tu phra ba snyed kyi sangs rgyas kyi zhing gcig nas gcig tu brgyud pa'i sems kyi skad cig re re la 'jug cing khong du chud par bya ba dang ji tsam du thams cad mkhyen pa'i ye shes dang sangs rgyas kyi zhing 'byam klas pa brjod du med pa'i yang brjod du med pa dag gi chos kyi bye brag rnam par phye ba la 'jug pa dang / ji tsam du sems can gyi khams kyi rgyud brjod du med pa'i yang brjod du med pa dge ba'i rtsa ba la gzhol zhing nye bar 'tsho bar byed pa dang / nye bar ston pa dang / shin tu rnam par dag par byed pa dang / ji tsam du byang chub dpa'i dge ba'i rtsa ba dam pa brjod du med pa'i yang brjod du med pa yang dag par mthong zhing smon lam gcig tu nges pa med pa kun tu bzang po'i spyod pa dang smon lam nges par bya ba dang / kun tu bzang po'i spyod yul gyi ye shes kyi sgo la gzhog pa dang / ji tsam du dus gsum la 'jug pa'i rgyud brjod du med pa'i yang brjod du med pa 'byam klas pa dang / snyoms shing rnam par rtog pa'i dus la 'jug pas mtha' dang dbus med pa'i tshul du 'jug pa dang / ji tsam du 'jig rten gyi khams 'byung ba dang / 'jig pa dang / gnas pa brjod du med pa'i yang brjod du med pa rnam par rtog pa'i dmigs pa kun tu rgyu ba 'byung zhing rgyun mi 'chad pa de tsam du ye shes
- 287a
k yi dmigs pa snying rje chen po las byung basmon lam chen pos sprul pa'agro ba thams cad ma lus par gdul ba la brtson pa'ang mthar thug ces bya ba med do/ / de ci'i phyir zhe na/ 'di ltar de ni byang chub sems dpa' kun tu bzang po'i spyod pa dang // smon lam yongs su rdzogs par bya ba'i phyir/ byang chub sems dpa' kun tu bzang po'i spyod pa'i khyad par ye shes kyis bsgrubs pas 'gro ba thams cad yongs su dgrol bar bya ba la brtson pa'i phyir ro/ / de bas na byang chub sems dpa' ting nge 'dzin gyi rnam pa 'di lta bu dang / de lta bu'i yul de ltar rgya che ba dang / de ltar yangs pa dang / de wAr tshad med pa dang / de ltar bsam gyis mi khyab pa dang / de ltar 'od kun tu mtha' bas pa dang / de ltar sangs rgyas thams cad mngon du gyur pa dang / de ltar de bzhin gshegs pa thams cad kyi byin gyis brlabs pa dang / de ltar dge ba'i rtsa ba thams cad kyis yongs su grub pa dang / de ltar mi 'khrugs pa'i sems dang ldan pa la mngon par brtson par bya'o/ / yongs su mi 'chad pa med pas brtan par bya'o// skyob med pa'i sems kyis bsgrub par bya'o// bas pa
- 287b
phyir mi ldog pa bskyed par bya'o/ / gdon mi za bar 'byung bas smra bar bya'o// rtsom pa'i nan tan gyis mthun par spyad par bya'o// bsam gyis mi khyab pa'i ye shes yongs su mnan par bya'o/ / sgyu'i sa la mngon par zhen pa med par bya'o// 'jig rten gyi yul thams cad la mi gnas par bya'o// chos thams cad la chags pa med par bya'o// rlom sems thams cad yang dag par bsal bar bya'o// dngos po thams cad chags pa med par bya'o// dmigs pa thams cad la rtog pa med par bya'o// chos khong du chud bar bya ba la tshod 'dzin pa med par bya'o// chos kyi ye shes rtogs par khong du chud par bya'o// thams cad mkhyen pa'i gdan la sangs rgyas su byang chub pas rmongs pa med par bya'o// chos kyi snang ba yongs su bsgrub par bya'o// 'gro ba thams cad dge ba'i rtsabs yongs su bsdu bar bya'o/ / bdud kyi yul las sems can yongs su bskyod par bya'o// chos kyi yul la sems can rab tu dgod par bya'o// sangs rgyas kyi yul la rab tu gzung bar bya'o/ / smon lam gyi yul las phyir ldog pa med par bya'o// 'byung ba'i yul la rtogs pas gzhag par bya'o// rnam par dag pa'i
- 288a
sul la rab tu zhen par bya'o/ / pha rol tu phyin pa'i yul khong du chud par bya'o// sangs rgyas thams cad la shin tu mos par bya'o// chos thams cad la dngos po med pa'i bdag nyid du yang dag par 'jug par bya'o/ / chos thams cad rang bzhin med pa khong du chud par bya'o// 'jig rten gyi rang bzhin snang bar bya'o// chos kyi 'thad pa rab tu brjod par bya'o// ye shes kyi rang bzhin yang dag par bstan par bya'o// go cha'i dam pa bgos pa yongs su mi spang bar bya'o// skal ba mnyam par spyod pa rnams dang lhan cig gnas par bya'o// sangs rgyas thams cad rjes su dran pa la sems lhod pa med par bya'o// de bzhin gshegs pa thams cad la rnam par rtog pa med par bya'o/ / chos kyi dbyings tha dad pa med pa la ba dag rab tu sbyar bar bya'o// sems sgyu ma lta bur rab tu shes par bya'o/ / 'jig rten gyi rgyud thams cad rmi lam lta bur khong du chud par bya'o// smon lam drang sangs rgyas blta bar bya ba thams cad mig yor lta bur shes par bya'o/ / slob pa med pa'i chos 'byam klas pa thams cad sprul pa lta bur shes par bya'o// tshig gi lam thams cad sgra bstan lta 'ur khong du chud par bya'o//
- 288b
chos thams cad sgyu ma lta bur rtog par bya'o// shi 'pho dang skye ba thams cad 'khrul 'khor lta bur shes par bya'o// sangs rgyas kyi zhing du 'gro ba thams cad lus med par khong du chud par bya'o/ / de bzhin gshegs pa thams cad la sangs rgyas kyi chos dri bas yongs su skyo ba med par bya'o// 'jig rten gyi chos thams cad 'jig par bstan pa'i sa dang / gdams ngag dang / man ngag tu bya ba la btang snyoms med par bya'o// gdul bar bya ba dus la bab pa'i sems can rnams yongs su smin par bya'o zhes/ de ltar byang chub sems dpa' de byang chub sems dpa' kun tu bzang po'i spyod pa la nan tan du byed pa dang / de ltar byang chub sems dpa'i spyod pa'i dkyil 'khor yongs su sgrub pa dang / de ltar byang chub sems dpa'i 'byung ba la rab tu brtson pa dang / de ltar 'das pa dang / ma byon pa dang / da ltar byung ba'i sangs rgyas kyi chos yongs su 'dzin pa dang / de ltar chos nyid 'khrug pa med par rnam par 'byed pa dang / de ltar sangs rgyas kyi zhing 'byam klas pa rnam par sbyong ba dang / de ltar de bzhin gshegs pa thams cad la mos par byed pa dang / de ltar sangs rgyas kyi stobs 'byam klas pa khong du chud
- 289a
par byed pa dang de ltar chags pa med pa'i sems kyis rab tu 'byed pa dang / phyogs mtshams med pa brjod du med pa'i yang brjod du med pa rnam pa tha dad pa dag tu skal ba mnyam par dgod pa la 'gro ba rnams rab tu 'god pa'i tshe/ sangs rgyas kyi zhing de bzhin gshegs pa dang bcas pa/ sangs rgyas kyi zhing brjod du med pa'i yang brjod du med pa'i rdul shin tu phra ba snyed thams cad ma lus pa de dag gi phyogs gcig gi de bzhin gshegs pa mtshan tha dad pa dang / mtshan gcig pa thams cad dang / phyogs gcig nas ji lta ba de bzhin du phyogs bcu'i phyogs 'byam klas pa'i rgyud thams cad nas kyang de bzhin te/ phyogs 'byam klas pa'i rgyud gcig nas ji lta ba de bzhin du phyogs kyi rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed thams cad nas kyang de bzhin te/ phyogs re re nas kyang mtshan re re'i sgo de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis zhal mngon par bstan to/ / de bzhin du chos kyi dbyings kyi mthas klas pa'i phyogs bcu ma lus par rdzogs pa'i sangs rgyas kyi zhing thams cad nas kyang de bzhin gshegs pa kun gyis zhal
- 289b
mngon par bstan te/ byang chub sems dpa' de ye shes chen po'i ting nge 'dzin dang snyoms par 'jug pa kun tu bzang po'i spyod yul la yang dag par gnas pa'i rnam pa de lta bu dang / de bzhin gshegs pa'i yul la rmongs pa med cing chos thams cad la rab tu gzhol bar bya ba'i phyir/ de bzhin gshegs pa'i blo gros nye bar sgrub pa mdzad do/ / thams cad mkhyen pa nyid du yang dag par gzhol zhing chos rnam pa tha dad pa thams cad kyi don khong du chud par bya ba'i phyir/ blo gros nye bar sgrub pa ma chags pa med pa la rtogs par gzhog pas sangs rgyas kyi chos thams cad yongs su 'dzin par bya ba'i phyir/ rig pa nye bar sgrub pa mdzad do// ye shes 'byam klas pas khong du chud par bya ba dang / zlos rnam par sangs rgyas pa'i chos kyi dbyings kyi yul gyi 'thas klas pa thams cad la sangs rgyas kyi byang chub nye bar sgrub pa mdzad do/ / byang chub sems dpa' de chos kyi snang ba dang 'od thams cad kyi mun pa med pa'i ye shes 'byam klas pa las phyir mi ldag pa'i bya ba'i phyir shes rab nye bar sgrub pa mdzad do/ / byang chub sems dpa' de thabs mkhas pa 'jig rten thams cad las 'phags pas sems
- 290a
pa 'dus pa la bsgrubs pa mad par bya ba'i phyi bar sgrub pa mad do/ / cang chub sems dpa di chos kyi rgyu mapa'ams pa zad mi shes pa'i tha dad pa yang dag par shes pa bskyed pa'i phyir/ spobs pa nye bar sgrub pa mdzad do// byang chub sems dpa' de 'gro ba thams cad du lus brjod du med pa'i yang brjod du med pa'i rlung dang / kha dog mtha' yas pa rnam pa tha dad pa rnam par ston par bya ba'i phyir/ sprul pa nye bar sgrub pa mdzad do// byang chub sems dpa' de sems can sna tshogs thams cad la dbyangs kyi yan lag dang ldan pa'i sgra dbyangs dang skad sna tshogs ston par bya ba'i phyir/ lce yangs pa nyebar sgrub pa mdzad do/ / byang chub sems dpa' de mthong ma thag tu ston pa dang zos par byed pas sems can thams cad yongs su smin par bya ba la rmongs pa med par bya ba'i phyir/ rmongs pa med pa nye bar sgrub par mdzad do// des byang chub sems dpa' de byang chub sems dpa' kun tu bzang po'i spyod pa la yongs su grub pa yin/ yongs su grub nas kyang thams cad mkhyen pa'i sgo yongs su rdzogs par bya bas de bzhin gshegs pa'i rigs la 'jug go
- 290b
'byung ba'i sgo yongs su dag par byed do/ / chags pa med pa'i sgros yongs su 'byung ba byed do// sems can thams cad 'byung ba'i sgo yongs su rtsom zhing byin gyis rlob bo/ / chos thams cad kyi rnam par 'phrul pa'i sgo yang dag par ston to// cho 'phrul gyi sgo tshad med pas sems can 'dul ba la rab tu 'jug byang chub sems dpa' kun tu bzang po'i spyod pa'i rnam pa la rab tu mkhas par sbyong ngo / / sangs rgyas thams cad kyi khyu mchog gi mthu phyung ba la byang chub sem/ dpa' kun tu bzang po'i spyod pas yang dag par 'byung ngo // phyi ma'i mtha'i mur thug pa'i 'gro ba thams cad 'dul ba'i phyir/ sangs rgyas kyi chos thams cad rnam par phye ba'i chos kyi 'khor lo rab tu bskor ba 'gro ba thams cad 'dul ba'i mthar thug pa'i byin gyi rlabs kyi byin du rlob bo/ / de ci'i phyir zhe na/ byang chub sems dpa' ni s mon lam gyi khyad par de lta bu dang ldan pas yongs su thub ba ma thub na 'jig rten thams cad kyi slob dpon du 'gyur ba yin chos kyi nyi ma 'jig rten du shar ba yin ye shes kyi zla ba 'jig rten thams cad du snang bar byung ba yin/ ye shes dam pa'i ri rab mi g.yo ba 'jig rten thams cad las mngon par 'phags pa yin/ ye shes
- 291a
b irgyam tsho tshad med pa 'jig rten thams cad du yang dag par gnas hA na sgrub pa rgyan mi 'chad pas 'jig rten thams cad du chos byinan ba yin/ 'jig rten gyi khams sa mtshams med pa thams cad du rab tu snang ba yin/ rnam par dag pa yangs shing mtha' yas pa 'gro ba thams cad du brjod pa yin sems can gyi khams mtha' dang dbus med pa dge ba'i rtsa ba dang / bsod rnams kyi rgyud dang thams cad mkhyen pa nyid dang ldan pa'i smon lam chen po la rab tu brtson par gzhog pa yin/ / kun tu bzang po'i spyod pa'i brtson 'grus yangs pa rgya chen po'i smon lam chen po la rab tu gzhog pa yin// spyod pa chen po dang ting nge 'dzin yangs pa'i rnam par 'phrul pa brjod du med pa'i yang brjod du med pa la sems can gyi khams yang dag par gzhog cing rab tu sbyor ro/ / de ltar byang chub sems dpa' de lta bu'i ngang tshul can/ de lta bu'i ye shes can// de lta bu'i chos thob par gyur pa/ de lta bu'i chos cis snang bar gyur pa/ de lta bu'i chos la gnas pachos de lta bu'i zong bar gyur pa/ mngon par shes pa de lta bu'i yid dang ldan pa/ cho 'phrul
- 291b
dam pa de lta bu dang ldan pa/ cho 'phrul mchog tu bya ba/ phul du byung ba de lta bus yang dag par grub pa/ rtag tu brtson pa'i snying rje chen pos mngon par 'phags chos kyi don bzang po la rtag tu rgyun mi 'chad par brtson pa bde ba'i lam yang dag par ston pa/ bsod nams chen po dang / ye shes sa ba'i 'od zer gyi rgyal mtshan du gyur pa rnam par thar pa bsam gyis mi khyab pa shin tu thob pa/ thams cad mkhyen pa'i yul la don yod par rjes su song ba/ sa rgyas kyi rnam par thar pa'i pha rol tu phyin pa thob pa/ rnam par thar pa'i tshul shin tu phra ba bsam gyis mi khyab pa rab tu bsgoms pa/ chos kyi dbyings kyi rgyud dang tshul rmongs pa med par khong du chud pa/ kun tu ba dang po'i ting nge 'dzin brjod du med pa'i yang brjod du med pa la rnam par rtse zhing spyod pa/ seng ge bsgyings pa'i shes kyi grub pa la shin tu gnas pa/ sems dang / yid dang / rnam par shes pa la chags pa med pa rnams kyi chos kyi bsam pa dang / lhag pa'i bsam pa rab tu yangs pa chen po bcu 'byung ngo / / bcu gang zhe na/ 'di la byang chub sems dpa' sangs rgyas thams cad rjes su dran pas gnas pa yin
- 292a
chos thams cad kyi de bzhin nyid tshad med pas gnas pa yin/ sems can thams cad gdul ba'i snying rje chen pos gnas pa yin// shing rnam par dag pa'i gnas bsam gyis mi khyab pa'i phyir gnas rnam par dag pas gnas pa yin/ sangs rgyas bcom ldan 'das rnams kyi sangs rgyas kyi 'ayul la mos pa rnam par dag bas gnas pa yin/ 'das pa dang / ma byon pa dang / da ltar byung ba'i sangs rgyas thams cad kyi byang chub tha dad par mi byed pas gnas pa yin/ chags pa med pa'i mtha' bsgribs pa med pas chos thams cad kyi ngo bo nyid dang rang bzhin mtshan nyid med pas gnas pa yin/ de bzhin gshegs pa thams cad kyi dge ba'i rtsa ba 'das pa dang / ma byung ba dang / da ltar byung ba thams cad dang rgyud kyi tshul gcig tu gyur pas gnas pa yin// de bzhin gshegs pa thams cad kyi sku'i 'phrin las dang / gsung gi 'phrin las dang / thugs kyi 'phrin las 'das pa dang / ma byung ba dang / da ltar byung ba chags ba med pa'i chos kyi dbyings shin tu ston pa'i ye shes sngon du 'gro bas gnas pa yin/ / de bzhin gshegs pa 'das pa dang / ma byon pa dang / da ltar byung ba
- 292b
thams cad kyi skye ba dang / mngon par 'byung ba dang / snying po byang chub tu gshegs pa dang mngon par 'tshang rgya ba dang / chos kyi 'khor lo bskor ba dang / yongs su mya ngan las 'da' ba dus gsum mnyam pa nyid thugs su chud pa skad cig gcig gi mthar 'jug pas gnas pa yin te/ de ltar byang chub sems dpa'i lhag pa'i bsam pa de dag ni tshad med pa/ shin tu yangs pa/ bgrang du med pa/ gzhal du med pa/ zad mi shes pa/ brjod par dka' ba bsam gyis mi khyab pa/ brjod du med pa/ bzod par dka' ba/ 'gro ba thams cad kyis mi 'phrogs pa dag ste// chos thams cad kyi ye shes rab tu bsgrub pa'i phyir/ byang chub sems dpa' de lhag pa'i bsam pa de lta bus gnas so// de dag gis byang chub sems dpa' de byang chub sems dpa' kun tu bzang po'i spyod pa'i pha rol tu phyin pa thob ba yinate/ chos rnam par dag pa'ang rab tu thob bo// bsam pa'i stobs kyang rnam par 'phel bar byed do// sems can rnams la dge ba'i rtsa ba tshad med pa'ang sa dag par ston to/ / byang chub sems dpa'i stobs kyang rnam par 'phel bar byed do// byang chub sems dpa'i yon tan mi khom pa khom par byed pa thams cad kyang yongs
- 293a
su rdzogs par byed do/ / shin tu 'byung bar bya ba'i phyir byang chub sems dpa'i spyod pa thams cad yongs su thub pa'ang rab tu 'thob bo// sangs rgyas mas sa ga rgyas sa 'das pa dang / da skyer byung ba'i sangs rgyas thams da kyis bstan po song dag par 'dzi to// dang bral ba'i mthar sems can gyi khams thams cad la yang dag par lta'o// tshig gi las kyi rgyud kyis sems can thams cad 'dul ba yongs su ston to// de ci'i b yir ne na de ni ting nge 'dzin rgya chen po de ldun thob pa'i byang chub sems dpa' rnams kyi chos nyid des byang chub sems dpa' de sangs rgyasakyi 'byam klas pa thams cad la mchog tu bya ba rab tu 'thob bo/ / de'i phyir chos 'byam klas pa thams cad ston pa la mkhas pa'i tha dad pa yang bar shes pa rab tu 'thob bo// de'i phyir 'jig rten thams cad du chos kyi dam pa 'jigs pa med par rnam par dag pa rab tu 'thob bo// de'i phyir ting nge 'dzin thams cad kyi rjes su 'gro ba'i ye shes rab tu 'thob bo/ / de'i phyir byang chub sems dpa'i tshul thams cad la mkhas pa'i dam pa rab tu 'thob bo// de'i phyir tshul thams cad kyi rgyan rab tu 'thob
- 293b
kyar rgyu ma swA rgyu snru zugs pa sa sbyin pa nga ldan par 'a gyur sems can pas dus sa ra b tu shes so/ / de'i phyir 'jig rten gyi khams thams cad snang ra byub tu shes so// de'i phyir sems can thams cad la bsgribs pa med pa'i ye shes 'ongadu chud par 'gyur ro/ / de'i phyir don thams cang 'asgrub bar yon tan thams cad la yan lag rab tu gnas par 'gyur ro// de'i phyir theg pa'i rnam pa / brtson par byasasems can thams cad la mnyam par gzhag pa rnam par dag pa rab tu brjod do// de ci'i phyir zhe na/ de ni byang chub sems dpa' sems can gyi don la gnas pa/ snying rje chen po de lta bu rnam par 'phel bar byed pa/ dge ba'i bshes gnyen dang bsten par 'dod pa/ sangs rgyas thams cad blta bar 'dod pa/ chos thams cad snang bar bya bar 'dod pa/ zhing thams cad du 'gro bar 'dod pa/ phyogs thams cad du rgyu bar 'dod ba/ dus gsum mnyam pa nyid khong du chud par 'dod pa/ chos thams cad mnyam pa nyid mngon par 'tshang rgya bar 'dod pa/ sangs rgyas mnyam pa nyid la rab tu gnas
- 294a
par 'dod pa/ ye shes mnyam pa nyid la 'dug par 'dod pa/ chos de dag la las de lta bur brtson zhing las gzhan med pa dang / ngom mi shes pa dang sems 'khrugs pa dang / yid rtse gcig tu gyur pa dang / de ltar gnas pa la brtson pa dang / de ltar khong du chud pa'i yid dang / de ltar ma nyams pa'i sems dang / de lta bu'i yid bde ba dang / de ltar las su rung ba dang / de ltar brtson pa dang / de ltar mthar 'byin pa dang de ltar rnam par spyod pas nan tan du bya zhing mngon par bsgrub par bya'o/ / de ci'i phyir zhe na/ byang chub sems dpa' rnams ni log par smra ba ma yin// byang chub sems dpa' rnams ni gzhan du smra ba ma yin byang chub sems dpa' rnams ni ji skad du smras pa de bzhin du byed pa'o/ / de ci'i phyir zhe na/ 'di lta ste/ dper na rdo rje ni bcag tu mi rung bar brjod pa ste/ mi tshogs pa'i rang bzhin yongs su mi gtong ngo // de bzhin du bya sems dpa' yang chos 'di dag las brjod pa ste/ 'di lta bu'i chos la gnas pa yongs su mi gtong ngo / / 'di lta ste/ dper na gser ni kha don shin tu bzang bar brjod pa ste/ gser gyi kha dog bzang po
- 294b
rnam par dag pa yongs su mi gtong ngo / / de bzhin du byang chub sems dpa' yang de ltar dge zhing bzang ba'i chos kyis brjod pa ste/ de ltar dge zhing bzang ba'i chos la gnas pa yongs su mi gtong ngo / / 'di lta ste/ dper na lha'i bu nyi ma ni snang ba'i dkyil 'khor gyis brjod pa ste/ snang ba yongs su mi gtong ngo // de bzhin du byang chub sems dpa' yang 'gro ba thams cad du snang bas brjod pa ste/ byang chub sems dpa'i snang ba yongs su mi gtong ngo // 'di lta ste/ dper na ri'i rgyal po ri rab ni rin po che bzhi'i phung pos rgya mtsho las shin tu 'phags par brjod pa ste/ rgya mtsho las shin tu 'phags pa yongs su mi gtong ngo // de bzhin du byang chub sems dpa' yang 'jig rten thams cad las dge ba'i rtsa bas shin tu 'phags par brjod pa ste/ 'jig rten thams cad las shin tu 'phags pa mi gtong ngo // 'di lta ste/ dper na sa chen po ni 'gro ba thams cad yongs su rton par brjod pa ste/ rton pa'i rang bzhin yongs su mi gtong ngo // de bzhin du byang chub sems dpa' yang 'gro ba thams cad yongs su 'grel par brjod pa ste/ snying rje chen po yongs su mi gtong ngo // 'di lta ste/ dper na rgya mtsho chen po ni rin po che thams cad
- 295a
sa/ rnam sa su brjod pa sems can thams cad yongs su dkyil ba'i blon lam yongs su mi gtong ngo / / 'di lta / dper na 'bong gi skyeb da/ kyi yang 'u gzhu dang 'bod la gyi mdog bde bas 'i sring du mda' gzhu dang ldan zhing mdu' g.yul brtson pas brjod par bya / 'byong gi tshul du bya gA yongs su g tode bzhin du byang chub sems dpa' sang ji tsam du ting nge 'dzin gyi sgo dang yul gyi rnam pa 'di lta bu la mngon par brtson zhing yongs su sgrub pa de tsam du thams cad mkhyen pa'i ye shes kyis snang bar 'gyurabayin/ 'di lta / dper na 'khor los sgyur ba'i rgyal po nA ji tsam du tshe ring ba de tsam du med myong ba son/ de bzhin du byang chub sems dpa' yang ji tsam du byang chub sems dpa'i spyad pa spyod cing rnam pa 'di lta bu'i ting nge 'dzin chen po la snyoms par 'jug pa tsam du sems can gyi khams rnam par dag par 'gyur ro/ / shin tu rnam par dag pa'ang rab tu 'thob bo// 'di lta ste/ dper na ji tsam du sa bon btab dam du
- 295b
rnam par 'phel lo/ / de bzhin du byang chub sems dpa' yang ji tsam du byang chub sems dpa' kun tu bzang po'i spyod pa la brtson pa de tsam du sems can khams rnams dge ba'i rtsa ba rnam par dag par 'gyur ro/ / 'disadaben na sbyin chen po ni ji tsam du cher 'bebs pa de tsam du daltar gyi dus la sa bon rnam par 'phel bar 'gyur ro/ / de bzhin du byang chub sems dpa' yang ji tsam du chos kyi sprin gyi char 'bebs shing byang chub sems dpa'i spyad pa spyod pa dang / rnam pa 'di lta bu'i ting nge 'dzin chen po la snyoms par 'jug pa de tsam du/ sems can rnams shin tu rnam par dag par 'gyur te/ shin tu mthar thug par 'gyur ba dang / shin tu bde ba bun sum ldan pa dang / mchog tu bya ba shin tu 'thob pa dang / shin tu pha rol tu phyin pa dang / 'jig rten thams cad shin tu tshim par byed pa dang / skye dgu thams cad kyi bya ba thams cad la the tshom shin tu gcod pa dang / sbyin bsreg yongs su gzung zhing sbyin pa yongs su sbyong bas bsod nams rmad du byung ba dang / phyir mi ldog pa'i 'khor lo la rab tu gzhog pa'i phyir/ thams cad mkhyen pa nyid du skal ba shin tu mnyam par 'gyur ba dang / sems can thams cad khams gsum las bsgral ba'i phyir/ ye shes
- 296a
shin tu rnam par dag par byed bzhin/ thams cad mkhyen pa'i ye shes la sems can rnams dgod pa'i phyir/ chos kyi kha la sbyar ba dam par 'gyur min/ de ci'i phyir zhe na/ byang chub sems ni rang bzhin gyis chos kyi dbyings rnam par bya ba ni/ bsam gyis mi khyab pa'o// tshod med pa'o// byang chub sems dpa'i spyod pa rnam par sbyong ba'o/ / thams cad mkhyen pa nyid kyi phyir ye shes sbyong ba'o// yongs su 'dul bas sems can sbyong ba'o// yongs su sngo bas zhing sbyong ba'o/ / rab tu gzhog pas chos sbyong ba'o// zhum pa med pas mi 'jigs pa sbyong ba'o// rab tu bstan pas tha dad pa yang dag par shes pa spyong ba'o/ / shin tu bstan pas chos sbyong ba'o// chos thams cad las phyir mi ldog pas gzungs sbyong ba'o// sangs rgyas kyi 'byung ba thams cad kyi don du sangs rgyas kyi bstan pa sbyong ba'o/ / de ltar byang chub sems dpa' ting nge 'dzin 'di la gnas pa ni// yon tan 'di dag dang gzhan yang yongs su dag pa brjod du med pa'i yang brjod du med pa bye ba khrag khrig brgya stong rab tu 'thob bo/ / ting nge 'dzin chen po'i dkyil 'khor 'di dag gi dbang dang / sangs rgyas thams cad kyi
- 296b
b yin gyi rlabs dang rang gi dge ba'i rtsa ba'i rgyu'i stobs dang ye shes kyi sa'i sgrol ba'i mthu da dge ba'i bshes gnyen gyi che par bstun pa'i sto b dud rtsi las thams cad rab tu 'dzem pa'i mthu dang dge ba'i las skal ba mnyam pa rnams kyi gsung gcig pa'i mthu dang sngon lam rnams kyi da ba'i stobs dang / ji ltar bskyed pa'i dge ba'i rtsa ba rnams yongs su grub pa'i stobs dang / 'jig rten las 'das pa'i bsod nams thub pa med cing zad mi shes pa'i mthus de ltar snyoms par 'jug pa la gnas pa ni yon tan mtshungs mnyam pa bcus sangs rgyas 'das pa dang / ma byon pa dang / da ltar byung ba thams can dang mtshungs mnyam pa yin te/ bcu gang zhe na/ de ltar gzugs dang / mtshan dang / dpe byad bzang po sna tshogs kyis byang chub sems dpa' mtshungs mnyam bayin/ 'od dang 'od zer gyi dra ba rab tu 'gyed pa rnam par dag pas/ byang chub sems dpa' mtshungs mnyam pa yin// rdzu 'phrul dang / rnam par 'phrul pa dang / sprul pa sems can 'dul ba'i tshul bzhin du ston pas/ byang chub sems dpa' mtshungs mnyam pa yin// lus tshad med pa dang / kha dog mtha' yas pa dang /
- 297a
dbyangs thams cad rnam par dag pas/ byang chub sems dpa' mtshungs mnyam pa yin// sangs rgyas kyi zhing rnam par dag pa byin gyis rlob cing / sems can gyi las dang spyod pa ji lta ba bzhin du rnam par dmigs pa yang dag par ston pas/ byang chub sems dpa' mtshungs mnyam pa yin// sems can thams cad kyi tha snyad gzungs dam pas 'dzin pa'i mthu dang / dran pa nyams pa med pa'i mthar zug par gnas pas// byang chub sems dpa' mtshungs mnyam pa yin// tha dad pa yang dag par shes pa mi zad pas/ sems can thams cad kyi sgra skad shes pas ston cing chos kyi 'khor lo skor bas/ byang chub sems dpa' ma tshungs mnyam pa yin// mi 'jigs pas bag tsha ba med lngar seng ge'i nga ro sgrog cing chos dang mthun par sems can thams cad khong du chud par byed pas/ byang chub sems dpa' mtshungs mnyam pa yin/ dus gsum gyi tshig gi lam la 'jug pa skad cig gi mthar 'jug par byed pas// byang chub sems dpa' mtshungs mnyam pa yin// sangs rgyas kyi stobs dang de bzhin gshegs pa'i yul rnam par phye ba sems can rnams la yang dag par ston pas/ byang chub sems dpa' de bzhin gshegs pa thams cad dang mtshungs mnyam pa yin//
- 297b
de nas byang chub sems dpa' kun tu mig gis/ byang chub sems dpa' kun tu bzang po la 'di skad ces smras so// kye rgyal ba'i sras de ltar byang chub sems dpa' de rnam pa de lta bu de dag dang ldan pas/ de bzhin gshegs pa thams cad dang mtshungs mnyam pa yin na/ ci'i phyir sangs rgyas ma yin// ci'i phyir stobs bcu ma yin/ / ci'i phyir thams cad mkhyen pa ma yin/ ci'i phyir kun tu gzigs pa ma yin// ci'i phyir chos thams cad kyi dkyil 'khor la bsgribs pa mi mnga' bar gzigs pa ma yin/ / ci'i phyir chos thams cad mngon par sangs rgyas pa ma yin/ ci'i phyir 'das pa dang / ma byon pa dang / da ltar byung ba'i sangs rgyas thams cad dang mi gnyis par spyod pa ma yin/ / ci'i phyir gnas pa'i mthar gyur pa'i ye shes dang ldan pa ma yin// ci'i phyir byang chub sems dpa' kun tu bzang po'i spyod pa dang / smon lam rgyun mi gcod pa ma yin// ci'i phyir chos kyi dbyings kyi mthar thug pa ma yin/ ci'i phyir byang chub sems dpa'i rgyud nye bar len pa btang snyoms su mi gzhog/ de nas byang chub sems dpa' kun tu bzang pos/ byang chub sems dpa' kun tu mig la 'di skad ces smras so// kye rgyal ba'i sras khyod de
- 298a
skad du gal te byang chub sems dpa' de de bzhin gshegs pa thams cad dang mtshungs mnyam pa yin na/ ci'i phyir sangs rgyas ma yin zhes zer ba de skad smras pa bzhin te/ legs so legs so// kye rgyal ba'i sras nam byang chub sems dpa'i spyad pa'i dkyil 'khor dang / 'dus pa dang / ma byon pa dang / ltar byung ba'i smon lam tha mi dad par zhugs pas yang dag par skyes pa'i yul thob par gyur pa de'i tshe// de sangs rgyas shes bya'o// de bzhin gshegs pa'i don du byang chub sems dpa'i spyad pa spyod pa rgyun ma bcad pas/ / de byang chub sems dpa' zhes bya'o// nam de bzhin gshegs pa rnams kyi stobs bcu la zhugs par gyur pa de'i tshe/ stobs bcu zhes bya'o// de bzhin gshegs pa'i stobs bsgrub cing byang chub sems dpa'i spyod pa rgyun mi gcod pas/ byang chub sems dpa' zhes bya'o// nam ched du bya ba med par chos kyi dbyings shin tu bstan pa thams cad rtogs par gyur pa de'i tshe/ thams cad mkhyen pa zhes bya'o// chos kyi dbyings thams cad shin tu bstan pa tha dad pa la 'jug pa rig par spyod cing mkhas par bya ba las phyir mi ldog pas/ de'i phyir byang chub sems dpa' zhes bya'o// nam byang chub sems dpa' de chos thams cad mi gnyis
- 298b
par yang dag par spyod pa yongs su shes par gyur pa de'isangs rgyas kyi chos thams cad rnam par sangs rgyas pa'i blo mnga' ba zhes bya'o/ / byang chub sems dpa' da thams cad gnyis pa dang gnyis ma yin pa la mkhas pas rnam pa tha dad pa'i rgyud la 'jug cing / chos gcig nas gcig tu brgyud pa mkhas pa la gnas pas de byang chub sems dpa' zhes bya'o/ / nam byang chub sems dpa' de kun tu gzigs pa'i yul ye shes kyi sgos khong du chud par gyur pa de'ikun tu gzigs pa zhes bya'o// drang chub sems dpa' de kun tu gzigs pa'i yul mngon par sgrub cing sems dang ye shes sems skad cig tu rnam par 'phel bas yongs su skye bar mi byed pas/ / byang chub sems dpa' zhes bya'o/ / nam byang chub sems dpa' de chos snang ba'i sgo thams cad kyis snang bar byed cing mun pa med pa'i sa la gnas pa de'i tshe/ bsgribs pa med par gzigs pa zhes bya'o/ / byang chub sems dpa'adi bsgribs pa med pa'i ye shes ston pa'i don du sangs rgyas rjes su dran pas// de byang chub sems dpa' zhes bya'o// nam byang chub sems dpa' des de bzhin gshegs pa rnams kyi ye shes kyi tshul mngon par khong du chud par gyur pa de'i tshe/ chos thams cad mngon par sangs rgyas pa zhes bya'o//
- 299a
byang chub sems dpa' de de bzhin gshegs pa rnams kyi ye shes kyi tshul mngon par sangs rgyas pa la spyod cing rtog la khong du chud pas/ de byang chub sems dpa' zhes bya'o/ / nam byang chub sems dpa'i de de bzhin gshegs pa'i gnas la spyod cing / de bzhin gsheg pa thams cad dang mi gnyis par gyur pa de'i tshe 'das pa dang / / ma byon pa dang / da ltar byung ba'i sangs rgyas thams cad dang mi gnyis pa zhes bya'o// byang chub sems dpa' de bzhin gshegs pa'i sku thob par bya ba'i phyir bdag yongs su sbyong zhing rnam par sgom pas/ byang chub sems dpa' zhes bya'o// nam byang chub sems dpa' de 'gro ba thams cad du gnas pa'i yang dag pa'i mtha' khong du chud par gyur pa de'i tshe/ yang dag pa'i mtha' mkhyen pa zhes bya'o// byang chub sems dpa' de gnas pa'i yang dag pa'i mtha' la rtogs par gzhog cing yang dag pa'i mtha' mngon du mi byed la/ chos thams cad rab tu dbye ba'i rgyud la btang snyoms rab tu thob pa'ang ma yin pas/ de byang chub sems dpa' zhes bya'o// nam byang chub sems dpa' de len pa med cing 'dor ba med la/ rtog pa med cing rnam par rtog pa med par gyur pa de'i tshe/ smon lam yongs su btang ba zhes bya'o// byang
- 299b
chub sems dpa' de byang chub sems dpa'i spyod pa yongs su rdzogs par byed cing shin tu yangs par byed pa dang / rnam par spong ba dang phyir mi ldog par byed pas/ byang chub sems dpa' kun tu bzang po'i spyod pa dang / smon lam rkun ma bcad pa zhes bya'o// nam byang chub sems dpa' de chos kyi dbyings snang bar bya ba'i tshul gyis chos kyi dbyings mtha' dang dbus med pa rab tu shes shing mtshan nyid gcig gis chos thams cad kyi mtshan nyid rab tu shes par gyur pa de'i tshe/ chos kyi dbyings kyi mthar thug pa zhes bya'o/ / nam byang chub sems dpa' de phyir mi ldog pa'i btang snyoms dang ldan par gyur pa de'i tshe/ byang chub sems dpa'i rgyud nye bar len pa la/ btang snyoms pa zhes bya'o// byang chub sems dpa' de chos kyi dbyings la 'jug pa rab tu shes pa'i tshul gyis chos kyi dbyings mtha' dang dbus med pa rab tu shes shing // chos thams cad mtshan nyid tha dad pa'i tshul gyis mtshan nyid sna tshogs rab tu shes la phyi ma'i mtha'i mur thug pa'i bskal par slo ba med cing yongs su yi 'chad pa med de/ 'gro ba thams cad snying rje chen pos yongs su bskyab pa'i sems kyis sems can thams cad yongs su 'grel cing 'dul bas/ de'i phyir byang chub sems kun tu bzang
- 300a
po zhes bya'o/ / kye rgyal ba'i sras dag 'di lta ste/ dper na glang po'i rgyal po shugs dang ldan pa zhes bya ba ni ri gser gyi logs zhes bya ba'i rin po che bdun gyi rang bzhin gyi lung pa rin po che'i ra ba bdun gyis bskor ba/ rin po che'i shing tags kyi dra ba bdun gyis bskor ba/ rin po che'i dra bas kun nas log pa na gnas te/ glang po'i rgyal po shugs dang ldan pa de'ang thams cad du dkar ba gangs kyi mdog ltar 'dug pa/ gser gyi rgyal mtshan can// gser gyi rgyan gyis brgyan pa/ gser gyi phyang phrul gyis klubs pa/ gser gyi dra bas bkab pa/ dril bu'i dra ba brgyus pa/ rin po che thams cad kyi dra bas kun nas bkab pa/ rin po che'i dril bu'i 'phreng bas kun nas brgyus pa/ yan lag bdun shin tu gnas pa/ mche ba drug dang ldan pa/ yid du 'ong ba/ gzugs dang kha dog mi mthun pa med pa/ blta na skyo mi shes par sdug pa/ rnam par dag pa/ rigs dang ldan pa/ cang shes pa/ yid bzhin du byed pa ste/ de ni lha'i dbang po sum cu rtsa gsum gyi bdag po brgya byin gyis bsgon ka ser gyi logs kyi ri lung ba nas mi snang bar gyur te/ sum cu rtsa gsum du lha'i rgyal po brgya byin la rim zo bya ba'i phyir 'ong ngo // de nas lha'i rgyal po brgya byin gyis rmang po
- 300b
ma po shugs dang ldan pa la zhon par gyuran/ de'i rgya glang po'i rgyal po shugs dang ldan pa de rdzu 'phrul rnam pa sna tshogs ston mgo sum cu rtsa gsum mngonapa sprul pa byed do/ / mgo re re la'ang mche ba drug drug mngon par sprul pa med do// so re re la'ang rdzing bu bdun bdun mngon par sprul pa byed do// rdzing bu re re zhing pa d+mo bdun bdun mngon par sprul pa byed do/ / 'dro re re la'ang lho'i bu mo brgya phrag bdun 'dun mngon par sprul pa byed do// lnga'i bu mo de dag thams cad kyang lha rdzas kyi rol mo stong phrag du ma'i sgra 'byin pas/ lnga'i dbang po brgya byin la rim ze byed do// lha'i dbang po brgya byin yang shugs dang ldan pa'i rim gro dang sprul pa la longs spyod pa'i phyir chu klung phyogs mtshams shes bya ba'i dogs nas puN+Da ri ka gcig gis khebs pa zhes bya ba'i bza' shing gi ra bar 'gro'o/ / de nas lha'i dbang po brgya byin puN+Da'i ka gcig gis khebs pa'i bza' shing ki ra bar phyin nas glang po'i rgyal po shugs dang ldan pa las babs khang pa rin po thams cad kyi rgyan dang snying po can na gnas shing lha'i bu mo mtha' yas pa dang rtse'o/ / de nas glang po'i rgyal po shugs dang ldan pas lus sna tshogs kyi rdzu 'phrul brtul te
- 301a
sum cu rtsa gsum pa'i lha rnams dang puN+Da ri ka gcig gis khebs pa'i bza' shing gi rab de na/ lha mo rnams dang lhan cig rtse dga' zhing dga' bar spyod / de ltar glang po'i rgyal po shugs dang ldan pa rtse rgal zhing dga' bar spyod pa de'i tshe/ sum cu rtsa gsum pa'i lha dang lus mtshungs par gnas pas sum curtsa gsum pa'i sgra dang glang po'i rgyal po shugs dang ldan par lus shes lus kyi khyad par med do/ / gzugs shes gzugs kyi khyad par med do// kha dog ces kha dog gi khyad par med do// gaN+DI brjid ces gzi brjid kyi khyad par med do// 'od dang / rgyan dang / gos dang / rtsed po dang longs spyod dang blta ba dang / tshul gyis kyang khyad par gang yang med do// glang po'i rgyal po thugs dang ldan pa dang sum cu rtsa gsum 'di rnams su 'di dag nI snum chu n+ya gsum pa'i lha'o/ / 'di ni zang po'i rgyam po shugs dang ldan pa'o zhes bya bar rnam par brtag tu me/ sum nuH glang po'i rgyal po shugs dang ldan par 'dra'o/ / glang po'i rgyal po dashugs dang ldan pa dang sum cum nasum pa'i rnarnams su'adra na//
- 301b
kyekyi rgyal ba'i sras dag/ de ltar glang po'i rgyal po shugs dang ldam pa/ gser gyi logs kyi ri rim po che 'dun gyi rang bzhin gyi lung sa nas dga' ba sna tshogs mngon par sprul pa u0f7fsa s um cu rtsa gsum pa'i lha'i nang du dbang po brgya byin gyi longs spyod kyi don du 'ongs nasalnga'i dbang po brgya byin la mchod pa dang / rim gro bya ba dang 'gyur stir bya ba dang / phung dud bya ba'i phyir/ sum cu rtsa gsum pa'i lha dang tha mi dad pa'i tshul gyis lha'i dga' ba la spyod pa de bzhin du/ byang chub sems dpa' sems dpa' chen po byang chub sems dpa' kun tu bzang po'i spyod pa dang smon lam la brtson pa/ byang chub sems dpa'i ting nge 'dzin rin po che'i rgyan gyis brgyan pa/ byang chub sem dpa'i yon tan byang chub kyi yan lag 'dun shin tu gnas pa'od zer kun tu 'gyed pa'i lus dang ldan pa/ chos kyi dril bu'i sgra kun tu sgrog pa'i dbyangs dang ldan pa/ chos kyi rgyal mtshan rab tu bsgreng ba'i rgyal mtshan can/ snying rje'i lung ba'i gnas na 'dug pa mthu bo che'i stobs kyi lus kyi khyad par can/ theg pa chen po'i smon lam gyi mche ba dang ldan pa/ drag yul gyi seng ges bag tsa ba med pa ye shes kyi rgyud kyi chos kyi cod pan btags pa/ gsang ba'i gnas thams cad nas rang
- 302a
byung ba/ byang chub sems dpa'i spyod pa dang smon lam gyis skyo ba med pa'i byang chub kyi shing drung na mos shing spyod pa dang smon lam gyi rgyun mi gco pabyang chub kyi shing drung du 'dug cing / thams cad mkhyen pa nyid kyi rdzing bu tha dad pa med par mngon par 'tshang rgya bar mngon sum du gyur pa/ byang chub sems dpa' kun tu bzang po'i spyod pa dang smon lam rgya chen po rnam par 'phel bar byed pa/ blo rnam par sangs rgyas pa/ byang chub sems dpa'i smon lam mngon par sgrub cing rgyun mi gcod pa/ lhod par mi byed pa/ phyir ldog par mi byed pa/ snying rje chen po'i mtha' dang dbus med pa rnam par 'phel bar byed pa smon lam chen po'i theg pas sems can thams cad kyi ris na kun tu bzang po'i spyod pa la mngon par gnas shing / brtson 'grus yongs su mi gtong ba phyi ma'i mtha'i mur thug par sems can thams cad kyi sdug bsngal yongs su bsal ba'i phyir/ byang chub sems dpa' kun tu bzang po'i lam yongs su chad par mi byed kyang byang chub tu mngon par 'tshang mi rgya ste/ rdzogs par byang chub pa'i sgo brjod du med pa'i yang brjod du med pa dang chos kyi 'khor lo skor ba'i sgo brjod du med pa'i yang bcwo
- 302b
du med pa dang / bsgom pa'i bsam pa sna tshogs kyi sgo brjod du med pa'i sang brjod du med pa dang 'ang 'bum klas pa sna tshogs kyi gnas su mya ngan las 'das ba dang / rnam par 'phrul pa dang / mngon par 'tshang rgya ba'i sgo brjod du med pa'i yang brjod du med pa ma/ 'jig rten gyi khams sna tshogs 'byam klas pa brjod du med pa'i yang brjod du med pa dag tu skye ba snang ngo / / byang chub sems dpa' kun tu bzang po'i spyad pa spyod par snang ngo // de bzhin gshegs pa byang chub kyi shing drung du m ngon par sangs rgyas pa brjod du med pa'i yang brjod du med pabyang chub sems dpa'i tshogs brjod du med pa'i yang brjod du med pas kun nas bskor ba dag gi zhabs kyi drung du 'gro bar snang ngo / / phyogs 'byam klas pa dang phyogs mtshams 'byam klas pa'i sangs rgyas kyi zhing mang po rgya mtsho dag tu mngon par sangs rgyas nas skad cig gcig lon pa dang / mngon par sangs rgyas nas sud tsam zhig lon pa dang / mngon par sangs rgyas nas dus gzhan du gyur pa dang / mngon par sangs rgyas nas nyi gcig lon pa dang / mngon par sangs rgyas nas zla ba phyed lon pa dang / mngon par sangs rgyas nas lo gcig lon pa dang / mngon par sangs rgyas nas me thangs med la 'an
- 303a
ba dang / mngon par sangs rgyas nas bskal pa gcig yon pa dang / mngon par sangs rgyas nas bskal pa brjod du med pa'i yang brjod du med pa snyed mon pa'i de bzhin gshegs pa dag gi nabs kyi drung du nye bar 'gro'o/ / de bzhin du shar phyogs kyi sangs rgyas kyi zhing gi sangs rgyas thams cad la rim zo byed do// mchod ba byed do/ / phyag 'tshal lo// rab tu 'dud do// sangs rgyas rnams la zhu ba byed do// rnam par 'phel ba'i sgyu ma'i dkyil kyi zhing yongs su sbyong 'ang byang chub sems dpa'i spyod pa rnam par dag pa mtha' yas pa dang / ye shes brjod du med pa'i yang brjod du med pa dang byang chub sems dpa'i rnam par 'phrul ba du med pa'i yang brjod du med pas/ byang chub sems dpa' khyu mchog gi mthu phyung ba sna tshogs dang / byang chub sems dpa'i ye shes yangs pa sna tshogs dang / byang chu sems dpa'i spyod yul sna tshogs dang / byang chub sems dpo'i rdzu 'phrul sna tshogs dang / byang chub sems dpa'i mngon par bsgrub pa'i khyu mchog gi mthu mtha' dang dbus med pa sna tshogs dang / byang chub sems dpa'i rnam par thar pa la rnam par rtse ba sna tshogs dang / byang chub sems dpa'i chos snang ba rnam par dag pa'i tshu
- 303b
sna tshogs kyi byang chub sems dpa'i spyod pa dang / sngon lam gyis thams cad du spyod par snang ngo // byang chub sems dpa' kun tu bzang po'i rdzu 'phrul dang khyu mchog gi mthu phyung ba'i tshul gyis sngon gyi mtha' snang 'jigs par mi byed de/ 'khor ba'i 'khor lo rgyun gcad pa dang / 'jig rten gyi khams kyi rgyud 'byam klas pa rnam par dag par bya ba dang de bzhin gshegs pa'i rgyud dang / sangs rgyas thams cad mthong bar bya ba dang / sangs rgyas kyi chos thams cad la 'jug cing khong du chur par bya ba dang / dus gsum gyi rgyud kyi sangs rgyas kyi tshul rjes su dran par bya ba dang / thams cad mkhyen pa'i ye shes kyi rgyud rnam pa tha dad pa'i sgra dang / chos thams ca kyi phyogs kyi rgyud dang / chos kyi lus thams cad kyi rjes su 'brang bar bya ba dang / byang chub sems dpa'i spyod pa thams cad yang dag par gzung ba'i rgyud khong du chud cing yongs su rdzogs par bya ba dang / kun tu bzang po'i rgyud kyis thams cad mkhyen pa'i ye shes dang / khyu mchog gi mthu mngon par 'tshang rgya bar bya ba'i phyir/ sems can brjod du med pa'i yang brjod du med pa rnam par dag par byed do/ / kye rgyal ba'i sras dag ltos dang / de lta kun tu bzang po'i spyod pa rgyun mi 'chad pa dang /
- 304a
byang chub sems dpa'i spyod pa yongs su 'chad pa med pa dang / thams cad mkhyen pa nyid kyi snang ba nyams pa med pa dang / sangs rgyas thams cad yongs su lta ba'i phyir/ kun tu bzang po'i spyod pa rgya chen po 'byung zhing thams cad mkhyen pa'i khyu mchog gi mthu phyung ba myong bar byed pa ngo mtshar mi che bam kye rgyal ba'i sras dag/ glang po'i rgyal po shugs dang ldan pa de ni glang po'i gnas nas kyang 'pho ba med la/ sum cu rtsa gsum gyi skye ba'i skye mched du'ang rab tu skye'o/ / bzhon pa'i dngos por yang rnam par spyod do// lha'i rtse ba la'ang yongs su spyod do// rim gro bya ba'i tshul yang yongs su mi spong ngo // lha'i bu mo rnams dang yang kun tu rtse'o/ / lha rnams dang yang mtshungs shing mnyam ste/ rnam pa tha dad pa med do// kye rgyal ba'i sras dag/ de bzhin du byang chub sems dpa' yang kun tu bzang po'i spyod pa theg pa chen po'ang yongs su mi gtong zhing shi 'pho ba'ang med la sangs rgyas kyi khru mchog gi mthu byung ba la'ang rab tu spyod do/ / thams cad mkhyen pa nyid la'ang rnam par rtse'o/ / sangs rgyas kyi rnam par thar pa'ang rab tu shes so// chags pa med pa nyid kyang mngon par sgrub bo// chags pa med cing bsgribs
- 304b
pa med pa'ang rnam par dag par byed do/ / zhing rnams la'ang gnas pa med do// sangs rgyas kyi chos rnams la'ang rlom sems med cing mi rtog rnam par mi rtog go chos thams cad kyang mnyam pa nyid du byed do/ / mi gnyis pa dang yang 'gal bar mi byed do// sangs rgyas kyi zhing yang yongs su mi spong ste// de ltar na byang chub sems dpa' de 'das pa dang / ma byon pa dang / da ltar byung ba'i sangs rgyas thams cad dang yang mtshungs shing mnyam la byang chub sems dpa'i spyod pa'ang rgyun mi gcod pa yin/ kye rgyal ba'i sras dag/ glang po'i rgyal po shugs dang ldan pa de glang po'i yul na'ang snang la lha'i yul na'ang spyod do// de bzhin du byang chub sems dpa' sems dpa' chen po rnam pa 'di lta bu'i chos rgya chen po dang ldan pa'ang / byang chub sems dpa' kun tu bzang po'i spyod pa dang / smon lam la rab tu gnas pa'i byang chub sems dpa'i lhag pa'i bsam pa rnam par dag pas yang dag par gnas pa yin/ kye rgyal ba'i sras dag 'di ni ting nge 'dzin gyi dkyil 'khor rgya chen po tshad med pa/ byang chub sems dpa' nye bar spyod pa lhag pa'i bsam pas rab tu thob pa/ ye shes chen po la zhugs pa bcu pa ste/ kye rgyal ba'i sras dag/ 'di dag ni byang chub sems dpa' kun tu bzang po'i ting nge 'dzin rgya chen
- 305a
po'i dkyil 'khor bcu rnams so/ / shin tu rgyas pa chen po'i mdo sangs rgyas bral po che zhes bya ba las/ ting nge 'dzin bcu'i le'u ste sum suH gsum pa'o/ / / bam po drug rtsub ma pa// de nas byang chub sems dpa' sems dpa' chen po kun tu bzang pos yang byang chub sems dpa' dedag la smras pa/ kye rgyal ba'i sras dag bcu po 'di dag ni byang chub sems dpa' sems dpa' chen po rnams kyi mngon par shes pa ste/ bcu gang zhe na/ kye rgya ba'i sras dge/ 'di la byang chub sems dpa' sems dpa' chen po stong gsum gyi stong chen po'i 'jig rten gyi khams gcig tu sems can ji snyed skyes pa de dag thams cad kyi sems dang bsam pa'i rgyud rab tu shes so/ / sems bskyed pa rab tu shes so// dge ba dang / mi dge ba dang / yangs pa dang / dog pa dang / rgya chen po dang rgya chung ngu dang / 'khor ba'i rjes su 'gro ba dang / 'khor ba las ldog pa dang yid gsal ba dang / nyan thos kyi sems dang / rang sangs rgyas kyi sems dang / byang chub sems dpa'i sems dang / nyan thos kyi spyod pa dang / rang sangs rgyas kyi spyod pa dang / lha dang / klu dang /
- 305b
gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang sems can dmyal ba dang / zol song gi skye gnas dang / gshin rje'i 'jig rten pa dang / yi dgas dang / mi khom par skyes pa rnams kyi sems dang spyod pa'ang rab tu shes te/ sems can gyi ris sna tshogs dang / sems can gyi ris du ma rnam par dbye ba dang / rnam par gdags pa 'byam klas pa mang po dag gi sems can rnams kyi bsam pa sems kyis rab tu shes so/ / de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya stong dang / 'jig rten gyi khams bye ba khrag khrig brgya stong nas/ gzhung de bzhin du 'jig rten gyi khams brjod du med pa'i yang brjod du med pa dang 'jig rten gyi khams sangs rgyas kyi zhing brgya phrag stong gi rdul shin tu za ba snyed du skyes pa'i sems can de dag gi bsam pa sems kyis rab tu shes te/ kye rgyal ba'i sras dag/ 'di na byang chub sems dpa' rnams kyi sems la mkhas shing shes pa zhes bya ba ste/ ye shes kyi mngon par shes pa dang po'o// kye rgyal ba'i sras dag/ gzhan yang byang chub sems dpa' 'jig rten gyi
- 306a
khams sangs rgyas kyi zhing brjod du med pa'i rdul shin du phra ba skyed kyi bar dag na/ sems can shi 'pho ba dang / skye bar 'gyur ba 'di lta ste/ bde ba'i lam dang / ngan song dang / kha dog sdug pa dang / kha dog mi sdug pa dang / ngan pa dang / bzang po dang / kun nas nyon mongs pa dang / kun nas nyon mongs pa med pa dang / rnam par byang ba dang / rnam par ma byang ba dang / de ltar sems can gyi ris du ma lha'i ris dang / klu'i ris dang / gnod sbyin gyi ris dang / dri za'i ris dang / lha ma yin gyi ris dang / nam mkha' lding gi ris dang / mi 'am ci'i ris dang / lto 'phye chen po'i ris dang / mi'i ris dang / mi ma yin pa'i ris dang / dog pa'i ris dang / yangs pa'i ris dang / chung ba'i ris dang / che ba'i ris dang / rnam par dgod pa sna tshogs kyi ris kyi skye ba dang shi 'pho rab tu shes te/ de lha mig thogs pa med cing dag la rnam par dag pas/ sems can rnams las ji ltar bsags pa'i tshul bzhin du yang dag par mthong ste/ bde ba dang sdug bsngal rnam pa ji lta bu rtsong ba dang / las ji lta bur 'asags pa dang / las kyi mngon par 'du bya ba rnam pa ji lta bu dang ldan pa dang bsam pa'i rnam pa ji lta bu yin pa dang
- 306b
rtog pa ji bu dang ldan pa dang / khag za dang na pa dang 'ongs pa ji gas dang ldan pa dang cu dzig cu dang ldan pa dang / laswA dz+haiM zlang ldan pa dang / dmigs pa d+hi lta bu dang ldan pa dang rnam pa dzAka bras rgyu bde dag thams cad kyangasab tu mthong ngo // kye rgyal ba'i sras da// 'di ni tha chub sems dpa' sems dpa' chen po rnams kyi lha'i mig ste/ ye shes kyi mngon par shes pa gnyis pa'o// kye rgyal ba'i sras dag/ gzhan yang byang chub sems dpa' bdag dang / sems can gzhan 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar dag tu gtogs pa rnams kyi sngon gyi gnas rjes su dran zhing rab tu shes te/ bdag gi sngon gyi gnas kyang bskal pa sangs rgyas kyi zhing brjod du med pa'i yang brjod du med pa'i rdul shin tu tha bsnyed rjes su dran no/ / sems can gzhan gyi sngon gyi gnas kyang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed rjes su dran zhing ra tu shes so/ / bdag ni sngon che ge mo zhig na 'dug 'dug ste/ ming ni 'di zhes bya'o// rus ni 'di zhes bya'o// rigs ni 'di zhes bya'o//
- 307a
kha zas ni 'di bza'o// bde ba dang sdug bsngal ni 'di lta bu zhig myong bar gyur to/ zhes b+hA bar bdag gi sngon gyi gnas rjes su dran zhing rab tu shes so// sems can 'di dag ni sngon che ge mo zhig na bdug 'dug ste/ ming ni 'di zhes bya'o// rus ni zhes bya'o// rigs ni 'di zhes bya'o// kha zas ni 'di za za'o// bde ba dang sdug bsngal ni 'di lta bu zhig myong bar gyur to// zhes bya bar sems can gzhan 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar dag tu gtogs pa rnams kyi sngon gyi gnas rjes su dran zhing rab tu shes so/ / sems can de dag re re zhing yang tshe'i rgyud gcig nas gcig tu brgyud pa'i srid pa'i rgyud rgyu dang bcas rkyen dang bcas pa/ / tshe'i rgyud du gnas shing 'dug 'dug pa'i rnam pa sngon gyi mtha' rnam pa sna tshogs su gnas gnas pa dang / 'jig rten gyi rgyud dang byung ba'i rgyud gcig nas gcig tu brgyud pa dang / mtshan nyid tha dad pa'i lus rnam pa sna tshogs thams cad las rnam pa tha dad pa sna tshogs bsags pas skye ba'i sgo sna tshogs kyi skye gnas su gyur pa dang bag la nyal ba dang / las dang lta ba sna tshogs kyis sems rnam pa tha dad pa sna tshogs bskyed pa dang / rgyu dang rkyen sna tshogs gzhan gyis 'byung ba rnam pa tha dad pa'i las
- 307b
ni rgyud rnam pa sgra tshogs 'jig rten gyi khams sangs rgyas kyi zhing 'arjod du med pa'i yang brjod du med pa'i rdul shin tu za ba skyed rjes su dran shing rab tu shes so/ / 'dis rte kyi rgyud gcig gi sems can rnams kyi las ji ltar shes pa de bzhin du/ 'jig rten gyi khams kyi rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can rnams kyi sngon gyi gnas na 'dug cing spyod spyod pa rjes su dran zhing rab tu shes so/ / sngon gyi mtha'i bskal pa de dang de dag 'jig rte gyi khams de dang de dag tu sangs rgyas bcom ldan 'das sangs rgyas kyi zhing brjod du med pa'i yang brjod du med pa'i rdul shin tu phra ba snyed byung ba'i rnams mtshan ni 'di zhes bya'o/ / zung ni 'di ltar byung ji// 'khor gyi rnam pa ni 'di lta bu'o// yab dang yum gyi mtshan ni 'di skad ces bya'o// zhabs 'bring ba'i ming ni 'di skad ces bya'o// nyan thos mchog gi zung dang bzang po'i zung gi ming ni 'di skad ces bya'o/ / rigs ni 'di zhes bya'o// rgyal po'i pho zang ni ming 'di zhes bya ba nas mngon par byung ste/ byang chub kyi shing ming 'di zhes bya ba'i drung du brten nas/ / bla na med pa yang dag par rdzogs pa'i byang chub tu mngon par sangs rgyas te// gnas kyi ming 'di zhes bya ba dag na bzhugs shing mdo 'di snyed cig/
- 308a
yang dag par bstan to// sems can 'di snyed cig gi don mdzad do// sku tshe'i tshad 'di tsam zhig gis sangs rgyas kyi mdzad pa yang dag par bstan te/ phung po ma lus pa'i mya ngan las 'das pa'i dbyings su yongs su mya ngan las 'das so// mya ngan las 'das nas kyang de dag gi chos ni 'di srid cig tu gnas par gyur to// zhes mtshan rnam par dgod pa sangs rgyas kyi zhing brjod du med pa'i yang brjod du med pa'i rdul shin tu phra ba snyed dang / mtshan de dag re re'i rnam pa'ang sangs rgyas kyi zhing brjod du med ba'i yang brjod du med pa'i rdul shin tu phra ba snyed kyi de bzhin gshegs pa dgra bcom pa yang dag par rdzogs pa'i sangs rgyas de dag byang chub tu thugs bskyed pa dang bcas/ / smon lam dang bcas/ spyod pa dang bcas 'byung ba dang bcas/ sangs rgyas mchod pa dang bcas/ sems can yongs su smin par mdzad pa dang bcas/ 'khor kyi dkyil 'khor dang bcas/ chos kyi 'khor lo dang bcas/ dus gang du thung ba dang bcas/ sku tshe ji srid pa dang bcas/ sangs rgyas kyi chos 'phrul dang bcas sangs rgyas kyi rnam par 'phrul ba yang dag pa dang bcasayongs su su ngan las 'da' ba dang bcas/ chos 'bar bar gnas pa dang bcas/ chod rten rnam par bye ba'i rgyan
- 308b
dang bcas/ sems can gyi dge ba'i rtsa ba bskyed pa dang bcas par rjes su dran zhing rab tu shes so// kye rgyal ba'i sras 'di ni byang chub sems dpa' sems dpa' chen po rnams kyi sngon gyi gnas rjes su dran pa zhes bya ba ye shes kyi mngon par shes pas sngon gyi mtha'i mur gyur pa'i bskal pa la 'jug pa ste gsum pa'o/ / kye rgyal ba'i sras dag / gzhan yang byang chub sems dpa' phyi ma'i mtha'i mur gyur pa'i bskal pa la 'jug ste/ 'jig rten gyi khams re re zhing yang bskal pa sangs rgyas kyi zhing brjod du med pa'i yang brjod du med pa'i shin tu phra ba snyed la rab tu 'jug go/ / bskal pagrangs med pa de dang de dag la sems can gyi lam gyi rgyud ji snyed byung ba dang / sems can gyi shi 'pho bar gyur pa ji snyed pa dang / sems can gyi skye ba ji snyed pa dang / sems can gyi srid pa'i rgyud gcig nas gcig tu brgyud pa ji snyed pa dang / sems can gyi las ji snyed pa dang / rnam par smin pa ji snyed pa dang dge ba 'am/ mi dge ba 'am/ 'byung ba 'am/ mi 'byung ba 'am/ nges pa'am/ ma nges pa 'am/ log par nges pa 'am/ yang dag par nges pa 'am/ bag la nyal ba dang bcas pa'i dge ba'i rtsa ba 'am/ bag la nyal ba med pa'i dge ba'i rtsa ba'am/ phun
- 309a
sum tshogs pa'i dge ba'i rtsa ba 'am/ rgud par gyur pa'i dge ba'i rtsa ba 'am/ dge bas yongs su bzung ba 'am/ mi dge bas yongs su bzung ba 'am/ yang dag par blangs pa'i dge ba'i rtsa ba 'am/ yang dag par ma blangs pa'i dge ba'i rtsa ba 'am/ mngon par bsgrubs pa'i sdig pa'i chos sam/ mngon par bsgrubs pa'i sdig pa'i chos kyang rung ste/ de dag thams cad rab tu shes so// de dag re re la'ang 'jig rten gyi khams sangs rgyas kyi zhing brjod du med pa'i yang brjod du du med pa'i rdul shin tu phra ba snyed du phyi ma'i mtha'i mur thug pa'i bskal par 'jug go/ / 'jig rten gyi khams kyi rgyud de dag re re zhing yang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed gcig nas gcig tu brgyud pa la rab tu 'jug go/ / sangs rgyas bcom ldan 'das sangs rgyas kyi zhing brjod du med pa'i yang brjod du med pa'i rdul shin tu phra ba snyed mtshan 'di zhes bya ba dag 'byung bar 'gyur ro zhes bya ba nas/ / mtshan rnam par phye ba sangs rgyas kyi zhing brjod du med pa'i yang brjod du med pa'i rdul shin t u phra ba snyed kyi de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing brjod du med pa'i yang brjod du med pa'i rdul shin tu phra ba snyed dang po thugs
- 309b
bskyed pa dang bcas/ smon lam dang bcas/ spyod pa dang bcas/ 'byung ba dang bcas/ sangs rgyas mchod cing rim gro mdzad pa dang bcas/ sems can yongs su smin par mdzad pa dang bcas/ chos kyi 'khor lo dang bcas/ 'khor gyi dkyil 'khor dang bcas/ dus ji lta ba dang bcas/ sku tshe'i tshad ji lta ba dang bcas/ sangs rgyas kyi cho 'phrul dang bcasasangs rgyas kyi rnam par 'phrul pa yang dag par bstan pa dang bcas yongs su mya ngan las 'das pa dang bcas/ chos 'bar bar gnas pa dang bcas/ mchod rten rnam par phye ba'i rgyan dang bcas/ sems can gyi dge ba'i rtsa ba bskyed pa dang bcas par rjes su dran zhing khong du chud do/ / kye rgyal ba'i sras dag/ 'di ni byang chub sems dpa' rnams kyi phyi ma'i mtha'i mur gyur pa'i bskal pa shes pa la 'jug pa ste/ ye shes kyi mngon par shes pa bzhi pa'o/ / kye rgyal ba'i sras dag/ gzhan yang byang chub sems dpa' chags pa med pa'i rna ba rnam par dag pa mngon par bsgrub cing rnam par sbyong yongs su sbyong ngo / / yongs su rdzogs par byed/ yangs par byed/ tshad med par byed/ 'thob par byed/ mngon du byed/ 'od gsal bar byed/ bsgribs pa med par byed/
- 310a
khong du chud par byed do// de chags pa med pa'i rna ba mngon par bsgrubs pa dang ldan pas/ sgra ji snyed mnyan par 'dod pa de dag rab tu nyan to// gang mi 'dod pa de dag ni mi nyan to/ / de shar gyi phyogs kyi sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis bshad pa de dag rab tu nyan to/ / shar phyogs na sangs rgyas bcom ldan 'das de dag ston pa dang/ gsung ba dang 'chad pa dang / brjod pa dang / rnam par dgongs pa mdzad pa dang / ji snyed du smin par mdzad pa dang ji snyed du 'dul ba dang / ji snyed du dran par bskul ba dang / ji snyed du chos ston pa zad cing yangs la rnam par phye ba sna tshogs dang ldan pa thabs kyi tshul mtha' yas shing rnam par dag la tshad med pa la mkhas pa dang ldan pa de dag thams cad rab tu 'dzin to/ / don bzang po dang yi ge bzang po 'khor gyi dkyil 'khor du nges pa'i tshig dang bcas pa ji ltar shes par byas ji ltar khong du chud par byas pa/ ji ltar 'dul bar gyur pa/ ji ltar dmigs par gyur pa/ ji ltar brten par gyur pa/ ji ltar bzung bar gyur pa de
- 310b
dag thams cad rab tu 'dzin to/ / yang dag par 'dzin to// chud zos par mi byed do// zhig par mi byed do// thogs par mi byed do// ldog par mi byed do// 'khrul par mi byed do// rmongs par mi byed de/ gzhan la rab tu ston cing gzhan gyis khong du chud par byed kyang de la tshig gcig gam/ yi ge gcig kyang 'khrul bar mi zed do/ / de de ltar yi ge dang / tshig yan chad du chags pa med pa'i rna ba'i rnam par shes pas 'dzin te/ ji ltar shar phyogs kyi sangs rgyas bcom ldan 'das de dag gis legs par gsungs pa de dag nyan pa de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang de bzhin du 'og gi phyogs dang / de bzhin du steng gi phyogs kyi phyogs re re zhing yang / de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis gsungs pa rab tu nyan to/ / kye rgyal ba'i sras dag/ 'di ni byang chub sems dpa' sems dpa' chen po rnams kyi
- 311a
thogs pa med pa'i rna ba rnam par dag pa zhes bya ba ste/ ye shes kyi mngon par shes pa lnga pa'o// kye rgyal ba'i sras dag/ gzhan yang byang chub sems dpa' sems dpa' chen po dngos po med pa la gnas shing / mngon par 'dus ma byas pa'i rdzu 'phrul thob pa yin te/ mnyam pa nyid thob pa yin/ rgya chen po thob pa yin/ tshad med pa thob pa yin/ mi gnas pa thob pa yin// sems ltar mgyogs pa thob pa yin/ thub pa med pa thob pa yin// ldog pa med pa thob pa yin/ mi g.yo ba thob pa yin/ rnam par 'phel ba thob pa yin/ rjes su 'gro ba thob pa yin/ de 'jig rten gyi khams ji srid du ring yang rung ste/ de dag na bzhugs pa'i sangs rgyas bcom ldan 'das de dag gi gsung thos te/ 'jig rten gyi khams thams cad na bzhugs pa 'jig rten gyi khams tshad med pa na bzhugs pa dang / 'jig rten gyi khams grangs med pa na bzhugs pa dang / 'jig rten gyi khams dpag tu med pa na bzhugs pa dang / 'jig rten gyi khams mtshungs pa pa med pa na bzhugs pa dang / 'jig rten gyi khams bsam gyis mi khyab pa na bzhugs pa dang / 'jig rten gyi khams gzhal du med pa na bzhugs pa dang / 'jig rten gyi khams
- 311b
sangs rgyas kyi zhing brjod du med pa'i yang brjod du med pa'i rdul shin tu phra ba snyed na bzhugs pa de dag thams cad kyi gsung nyan to/ / thos nas kyang 'jig rten gyi khams der bdag nyid byin par byed/ de yang gang na sangs rgyas skye ba sangs rgyas kyi zhing gi rdul shin tu phra ba snyed yod pa'i 'jig rten gyi khams de dang de dag gcig nas gcig tu brgyud pa'i phyogs bcu'i rgyud phyogs rnam pa tha dad par gnas pa dang / phyogs ci 'dra ba'i 'khor sna tshogs spri'u tshugs su rgyu ba'i phyogs kyi tshul dang / spel zhir rgyu ba'i phyogs kyi tshul dang / phyogs rgya mtsho sangs sargyas kyi zhing brjod du med pa'i yang brjod du med pa'i rdul shin tu phra ba snyed kyi phyogs la 'jug pa rnam pa sna tshogs dang / phyogs kyi mtshan nyid tha dad par rjes su 'brang bar bya ba sangs rgyas mu med pa skye ba dang ldan pa/ sangs rgyas kyi zhing rnam pa tha dad pa yongs su dag pa/ sangs rgyas skye ba dang ldan pa/ 'jig rten gyi khams kyi rgyan gzhan dang gzhan yod pa yon tan bye ba sna tshogs kyis rnam par sbyangs pa/ yon tan tshad med pas yongs su rgyas pa'i sangs rgyas kyi zhing rnam par dag pa dag tu rnam par 'phrul pa sna tshogs kyis rnam par 'phrul pa dang / de bzhin gshegs pa'i mtshan yongs su rjod pa byed cing / de dag tu bdag phyin par byed pas/ de bzhin gshegs pa dag gi zhabs kyi drung na 'dug kyang 'di nas kyang
- 312a
gams pamenan/ / der song pa'ang med la ya dus sbyin par rab tu bzhin gzugs pa de dag / de dan ' jal lo/ / de dag la bdud babyed do// de dag la mchod pa zed do// de dag la rim gro bred do// de dag la bsnyen lar byed do// byang chub sems dpa chos kyang yongs su 'dri'o/ / sangs rgyas kyi ye shes mngon par sgrub pa la'ang rab tu 'jug go// sangs rgyas bcom ldan 'das de dag gi 'khor gyi dkyil 'khor gyi mtshan ma'ang rab tu shes so/ / chos bstan pa'i mtshan ma 'dra rab tu shes so// sangs rgyas kyi zhing gi mtshan ma'ang rab tu shes so// de dag la mngon par chags pa med de/ de dag la'ang pha rol tu phyin pa shin tu thod pa yin/ sangs rgyas kyi zhing du 'gro ba dang / sangs rgyas kyi zhing la dmigs pas bskal pa sangs rgyas kyi zhing brjod du med pa'i yang brjod du bla'i rdul shin tu phra ba snyed kyis 'gro yang 'gro ba dang / sangs rgyas blta ba'i rnam par dmigs pa mthar thug pa med do// sangs rgyas kyi zhing gcig nas gcig tu brgyud pa las phyir ldog pa med do/ / de bzhin gshegs pa'i zhal blta ba'i rgyun gcod pa med do// de bzhin gshegs pa'i 'khor gyi dkyil 'khor
- 312b
mi dmigs par byed pa med do/ / shugs la nyams pa med do// sangs rgyas kyi chos yongs su 'dri ba'i rgyun gcod pa med do// sangs rgyas kyi chos btsal bas yongs su yi ba chad pa med do/ / smon lam gyi khyad par dang ldan pa'i byang chub sems dpa'i spyod pa kun tu bzang po'i smon lam gyis yongs su rdzogs par bya ba sangs rgyas kyi rigs pa tham klas pa tshad med pa'i don du zhugs pa las phyir mi ldog pa med do/ / phyogs thams cad kyi sangs rgyas kyi zhing de bzhin gshegs pas thugs su chud pa dag tu 'gro zhing yang dag par gzhol bar bya ba la thogs pa med do/ / kye rgyal ba'i sras dag/ 'di ni byang chub sems dpa' sems dpa' chen po rnams kyi dngos po med pa la gnas shing mngon par 'dus ma byas pa'i rdzu 'phrul zhes bya ba/ sangs rgyas kyi zhing thams cad du 'gro ba'i ye shes kyi mngon par shes pa ste drug pa'o// kye rgyal ba'i sras dag/ gzhan yang byang chub sems dpa' sems dpa' chen po 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed du skyes pa'i sems can rnams kyi skad sna tshogs rab tu shes te/ 'phags pa'i skad shes so// 'phags pa ma yin pa'i skad shes so// lha'i skad shes so// klu'i
- 313a
skad shes so/ / gnod sbyin gyi skad shes so// lha ma yin gyi skad shes so// nam mkha' lding gi skud shes so// mi 'am ci'i skad shes so/ / lto 'phye chen po'i rkad shesas// mo'i skad shes so// mi ma yin pa de dag gi ska shes pa nas/ sems can gyi rigs brjod du med pa'i yang brjod du men ba'i bar gyi sems can gyi skad rnam pa sna tshogs shes pa dang / sgra dang / tshig dang brda rnams rab tu shes te/ rnam par dgod pa'i mkhas pa thams cad la rab tu 'jug go/ / brdal 'jug pa thams cad rab tu shes so// spyod pa rnam par dgod pa thams cad rab tu shes so// skad rnam par dbye ba thams cad ra tu shes so/ / skad rnam pa tha dad pa rgya mtsho thams cad la rab tu 'jug ste/ de ji lta ji ltar 'jig rten gyi khams la 'jug pa de lta de ltar sems can gyi khams la 'jug go/ / ji lta ji ltar sems can gyi khams la 'jug pa de lta de ltar skad rnam par phye ba thams cad khong du chud par byed do// de la sems can gzhan gyi slad kyis rmongs par 'gyur ba med do/ / 'di lta ste/ dper na lha'i bu nyi ma ni shar ma thag tu gzugs rnam par phye ba'i rgyud thams cad snang bar byed do// de nas mig dang ldan pa rnams
- 313b
gzugs de dang de dag mthong bas mtshan ma yongs su 'dzin to/ / de bzhin du byang chub sems dpa' yang skad kyi sprin rnam par skye ba thams cad la 'jug ste/ skad thams cad mngon par shes pa'i ye shes kyis skad dang dbyangs kyi tshul mkhas pa la 'jug cing / khong du chud par byed do// kye rgyal ba'i sras dag/ 'di ni byang chub sems dpa' sems dpa' chen po skad kyi tshul thams cad la mkhas pa zhes bya ba ste/ ye shes kyi mngon par shes pa bdun pa'o// kye rgyal ba'i sras dag gzhan yang byang chub sems dpa' sems dpa' chen po chos thams cad kha dog dang bral bar rab tu shes te/ tha mi dad pa'i kha dog dang / rnam pa med pa'i kha dog dang / bye brag med pa'i kha dog dang / rnam par dbye ba med pa'i kha dog dang / sngon po med pa'i kha dog dang / ser po med pa'i kha dog dang / dkar po med pa'i kha dog dang nag po med pa'i kha dog dang / dmar po med pa'ang rab tu shes te/ de dag de bas kyang chos kyi dbyings la 'jug par byed pa'i tshe/ rang gi lus kha dog sna tshogs dang ldan bar zin gyis rlob ste/ mtha' yas pa'i kha dog dang / tshad med pa'i kha dog dang / rnam par dag pa'i kha dog dang / shin tu rgyan pa'i kha dog dang / thams cad dang ldan pa'i kha don dang
- 314a
dpe med pa'i kha dog dang / kun tu snang ba'i kha dog dang / yid du 'ong ba'i kha dog dang / mi sdug pa med pa'i kha dog dang / zad mi shes pa'i kha dog dang / shin tu gsal ba'i kha dog dang / kha na ma tho ba med pa'i kha dog dang / mthu chen po dang ldan pa'i kha dog dang / thub par dka' ba'i kha dog dang / nyams par mi 'gyur ba'i kha dog dang / shin tu bsgrubs pa'i kha dog dang / shin tu mdzes pa'i kha dog dang / dpag tu med pa'i kha dog dang / shin tu bsrungs pa'i kha dog dang / shin tu bsags pa'i kha dog dang / yongs su smin par byed pa'i kha dog dang / 'dul ba ji lta ba bzhin du bsgrubs pa'i kha dog dang / thogs pa med pa'i kha dog dang / gan tu dang ba'i kha dog dang / rnyog pa med pa'i kha dog dang / rab tu gsal ba'i kha dog dang / mdangs dang ldan pa'i kha dog dang / bsam gyis mi khyab pa'i tshul dang ldan pa'i kha dog dang / zil gyis gnon pa'i kha dog dang / thams cad zil gyis gnon pa'i kha dog dang / thams cad zil du rlag par byed pa'i kha dog dang / rab rib med pa'i kha dog dang / mun pa med pa'i kha dog dang / shin tu mnyam par gzhag pa'i kha dog dang / sems bde ba'i kha don dang / mtshan ga tshogs dang ldan
- 314b
khadon dang / dpe zad 'bang po sgra tshogs dang ldan pa'i kha dog dang / neb nyid dang ldan pa'i kha don dang / spyod yum+bu dang skrun pa'i kha dog dang / yang dag par bsku ba'i kha dog dang / bsam pa rnam par dag pa'i kha dog dang / shin tu sbyangs pa'i kha dog dang / mchog tu byung zhing rgya che ba'i kha dog dang / thub pa med pa'i kha dog dang gnas pa med pa'i kha dog dang / kun tu mtha' yas pa'i kha dog dang / sangs rgyas kyi zhing brjod du med par rab tu 'dal ba'i kha dog dang / rnam par 'phel ba'i kha dog dang snying po bzung ba'i kha dog dang / yon tan mchog dang ldan pa'i kha dog dang / yid bzhin gyi kha dog dang / mos pa rnam par sbyong ba'i kha dog dang / tshogs shin tu bsags pa'i dog dang / chos bsgribs pa med pa shin tu rtogs pa'i kha dog dang / nam mkha' ltar 'od dang ba'i kha dog dang / rnam par dag pas brgyan pa'i kha dog dang / dri ma med pa'i kha dog dang / rdul dang bral ba'i kha dog dang / rdul med pa'i kha dog dang / dri ma med pa'i kha dog dang / mtshungs pa med pa'i kha dog dang / bstan bzang ba'i kha dog dang / kun nas blta ba'i kha dog dang dus bzhin du yang dag par ston pa'i kha dog dang / rab tu zhi ba'i kha dog dang / 'dod chags pral pa'i kha dog dang
- 315a
'od shin tu gsal ba'i kha dog dang / bsod nams kyi zhing du gyur ba'i kha dog dang bde bar byed pa'i kha dog dang 'jigs pa med par byed pa'i kha dog dang / gti mug med par spyod pa'i kha dog dang / ye shes kyis rnam par gnon pa'i kha dog dang / chags pa med pa'i lus kyi kha dog dang / lus kyi rgyan kun tu mtha' yas pa'i kha dog dang / don yod pa'i kha dog dang / byams pa chen pos yang dag par 'phags pa'i kha dog dang // snying rje chen pos byin gyis brlabs ba'i kha dog dang / tshul mthun par 'byung ba'i kha dog dang / bsod nams kyi stobs dang ldan pa'i kha dog dang / rjes su dran par bya ba'i kha dog dang / rin po mtha' yas pa'i kha dog dang / rin po che'i dam pa rnam par snang ba'i kha dog dang / 'gro ba thams cad dad par byed pa'i kha dog dang / thams cad mkhyen pa nyid la mngon du gyur pa'i kha dog dang / bzhin 'dzum pa'i kha dog dang / rin po che'i rgyan gyi dam pa thams cad dang ldan pa'i kha dog dang / sems mi gnas pa'i kha dog dang / gnas med pa'i kha dog dang / zin gyi rlabs kyis rnam par 'phrul pa'i kha dog dang / rdzu 'phrul rnam pa du mas khyu mchog gi mthu phyung ba'i kha dog dang / de bzhin gshegs pa'i rigs su
- 315b
yang dag par byung ba'i kha dog dang / 'dri ba med pa'i kha dog dang / chos kyi dbyings su 'dal ba'i kha dog dang / 'khor ji lta ba bzhin du 'gro ba'i kha dog dang rnam pa sna tshogs kyi kha dog dang / shin tu grub pa'i kha dog dang shin tu sbyangs pas rab tu byung ba'i kha dog dang / 'dul ba ji lta ba bzhin du spyod lam ston pa'i kha dog dang / blta na mi ngoms pa'i kha dog dang / rnam pa sna tshogs su 'od gsal ba'i kha dog dang / 'od zer gyi dra ba zangs med pa rab tu 'gyed pa'i dog dang / 'od sna tshogs brjod du med pa'i kha dog dang / dri zhim po dang 'od bsam gyis mi khyab pas khams gsum las yang dag par 'da' ba'i kha dog dang / nyi ma'i dkyil 'khor lta bu'i 'od zer gyis mtshad med par snang ba'i kha dog dang / 'khor lo dpe med pa'i gzugs byin gyis rlob pa'i kha dog dang / me tog gi sprin yid du 'ong ba mtha' yas par ga/ tu 'azor ba'i kha dog dang / 'phreng ba'i sprin gyi 'ad+mo sna tshogs su bsgrubs pas yang dag par brgyan pa'i kha dog dang / 'gro ba thams cad las shin tu 'das pa'i kha dog dang / spos zhim po thams cad kyi gsung 'byung bas spos 'pho ba 'gyed pa'i kha dog dang / de bzhin gshegs pa thams cad kyi mdzod nas byung ba'i kha dog dang / sgra dbyangs brjod du med pas chos thams cad bstan pa yang dag par stong
- 316a
pa'i kha dog dang / rnam pa'i mchog thams cad dang ldan pa'i kun tu bzang po'i kha dog tu bdag gi lus byin gyis rlob ste/ kye rgyal ba'i sras dag de ltar byang chub sems dpa' sems dpa' chen po ni kha dog med pa'i chos kyi dbyings la zhugs pas mthong bas 'dul ba dang / rjes su dran pas 'dul ba dang / chos kyi 'khor los 'dul ba dang / dus kyis 'dul ba dang / skad cig gis 'dul ba dang / bsnyen bkur bas 'dul ba dang / khong du chud par bya bas 'dul ba dang / rdzu 'phrul gyis 'dul ba dang / rnam par 'phrul pa sna tshogs kyis 'dul ba dang / cho 'phrul bsam gyis mi khyab pas 'dul ba rnams la rnam pa de lta bu'i kha dog tu rang gi lus byin gyis rlob bo// kye rgyal ba'i sras dag 'di ni byang chub sems dpa' sems dpa' chen po rnams kyi kha dog grangs med pa'i lus mngon par bsgrubs pa'i rgyan ces bya ba/ mngon par shes pa'i ye shes 'gro ba thams cad yongs su 'grel pa la brtson pa ste brgyad pa'o/ / kye rgyal ba'i sras dang / gzhan yang byang chub sems dpa' sems dpa' chen po chos thams cad bdag med par rab tu shes so/ / chos thams cad rigs med par rab tu shes so// chos thams cad 'ong ba med par rab tu shes so// chos thams cad 'thal ba med par rab tu shes so// chos thams
- 316b
cad bye brag med par rab tu shes so/ / chos thams cad tha dad pa med par rab tu shes so// chos thams cad gnyis su byar med par rab tu shes so// chos thams cad mi gnyis pa dang / mi gnyis pa ma yin par rab tu shes so// chos thams cad bdag nyid med par rab tu shes so// chos thams cad 'dra ba med par rab tu shes so// chos thams cad 'gro ba med par rab tu shes so/ / chos thams cad ma skyes par rab tu shes so// chos thams cad ma 'gags par rab tu shes so// chos thams cad 'pho ba med par rab tu shes so/ / chos thams cad 'jig pa med par rab tu shes so// chos tham cad bden pa med par rab tu shes so// chos thams cad brdzun pa med par rab tu shes so// chos thams cad mtshan nyid med pas mtshan nyid gcig par rab tu shes so// chos thams cad yod pa'ang ma yin par rab tu shes so// chos thams cad med pa'ang ma yin bapar rab tu shes so/ / chos thams cad chos kyang ma yin par rab tu shes so// chos thams cad chos ma yin pa'ang ma yin par rab tu shes so// chos thams cad spyod pa la gzhol ba'ang ma yin par rab tu shes so/ / chos thams cad spyod pa la mi gzhol ba'ang ma yin par rab tu shes so// chos thams cad las kyang ma yin par rab tu shes so//
- 317a
chos thams cad las ma yin pa'ang ma yin par rab tu shes so// chos thams cad rnam par smin pa ma yin pa'ang rab tu shes so// chos thams cad rnam par smin pa ma yin pa'ang ma yin par rab tu shes so/ / chos thams cad mngon par 'du bya ba med par yang rab tu shes so// chos thams cad mngon par 'dus bya ba med pa'ang ma yin par rab tu shes so/ / chos thams cad brda'ang ma yin par rab tu shes so// chos thams cad brda ma yin pa'ang ma yin par rab tu shes so// chos thams cad don dam pa'ang ma yin par rab tu shes so// chos thams cad don dam pa ma yin pa'ang ma yin par rab tu shes so// chos thams cad 'byung ba'ang ma yin par rab tu shes so/ / chos thams cad mi 'byung ba'ang ma yin par rab tu shes so// chos thams cad 'byin parang ma yin par rab tu shes so// chos thams cad rmi 'dzin pa'ang ma yin par rab tu shes so/ / chos thams cad tshad par yang rab tu shes so// chos thams cad tshad med pa ma yin par yang rab tu shes so// chos thams zad 'jig rten pa'ang ma yin par rab tu shes so/ / chos thams cad 'jig rten las 'das pa'ang ma yin par rab tu shes so// chos thams cad rgyud las byung ba'ang ma yin par
- 317b
rab tu shes so/ / chos thams cad rgyu las mabyung ba'ang ma yin par rab tu shes so// chos thams cad kha dog nges pa med par yang rab tu shes so// chos thams cad kha dog nges pa med pa'ang ma yin par rab tu shes so/ / chos thams cad kha dog yongs su grub pa'ang ma yin par rab tu shes so// chos thams cad kha dog yongs su ma grub ba'ang ma yin par rab tu shes so/ / chos thams cad byung ba'ang ma yin par rab tu shes so// chos thams cad byung ba ma yin pa'ang ma yin par rab tu shes so// chos thams cad rnam par brtags pa'ang ma yin par rab tu shes so/ / chos thams cad rnam par ma brtags pa'ang ma yin par rab tu shes so// chos thams cad tshul yang ma yin par rab tu shes so/ / chos thams cad tshul ma yin pa'ang ma yin par rab tu shes so// de ni spyod pa la mngon par chags pa med do// don dam pa la gnas pa med do// chos la rab tu rtog pa med do// yi ge yongs su sgrub pa med do// zhi ba'i rjes su shin tu 'brang ngo // smon lam yongs su mi gtong ngo // don gyi tshul la rnam par blta'o/ / chos kyi tshul la rab tu 'jug go// chos kyi sprin kun nas spong ngo // chos su 'bab pa'i yi ge'i char mngon par 'bebs so// tshul brjod du med pa la 'jug
- 318a
go/ tha dad pa yang dag par shes pa zad mi shes pa don gyi tshul rab tu brjod cing / chos kyi tshul mngon par ston pas chos thams cad kyi nges pa'i tshig la mkhas pa dang / chos thams cad spobs pas thabs mkhas pa'i tshul brjod du med pa'i yang brjod du med pa la rab tu 'jug go// byams pa chen po rnam par dag pa dang ldan zhing snying rje chen po rab tu thob pa/ yi ge med pa'i yul dang ldan pa yi ges mngon par bsgrubs pa'i don la brtson zhing 'gal ba med pa/ rang bzhin gyis chos la brtson pa/ chos thams cad rten cing 'brel par byung bar ston pas gos pa med pa/ brjod pa thams cad kyi rjes su song ba'i spobs pa dang ldan pa/ de chos thams cad zad mi shes pa'i spobs pas ston to// brjod do// rnam par 'god do// yang dag par ston to// 'grel to// rnam par 'byed do// 'byin to// khong du chud par byed do// rab tu ston to// rtogs par byed do/ / rab tu sgrub bo// rnam par sbyong ngo // the tshom sel to// dogs pa gcod do// de kho na ston to// rang bzhin rjod do// 'gro ba la phan 'dogs so// chos nyid las mi nyam mo// mi gnyis pa la 'jug go// chags pa med pa'i sgo ston to// dbyangs kyi yan lag thams cad yang dag par bsgrubs pas/ rab tu 'jom pa'i
- 318b
sgras sgra'i char yang bsam pa ji lta ba'i dus las yol bar mi byed par mngon par 'bebs so/ / kye rgyal ba'i sras dag/ 'di ni byang chub sems dpa' sems dpa' chen po rnams kyi chos thams cad shes pa'i ye shes kyi mngon par shes pa ste dgu pa'o/ / kye rgyal ba'i sras dag/ gzhan yang byang chub sems dpa' sems dpa' chen po sems skad cig re re zhing chos thams cad 'gog pa'i ting nge 'dzin la snyoms par 'jug kyang / byang chub sems dpa'i lam rgyud mi gcod do// byang chub sems dpa'i las kyang thogs par mi byed do/ / byang chub sems dpa'i byams pa chen po las kyang rnam par mi 'da' 'o// snying rje chen po las kyang phyir mi ldog go// pha rol tu phyin pa rnams kyang rgyun mi gcod do/ / zhing thams cad rab tu dbye zhing mkhas par bya bas kyang skyo bar mi byed do// 'gro ba thams cad yongs su dgrol ba'i smon lam yang rgyun mi gcod do// chos kyi 'khor lo'ang thogs par mi byed do/ / sems can yongs su smin par bya ba dang / 'dul bar bya ba'ang ring du mi spong ngo // sangs rgyas mchod cing rim gro bya ba'ang rgyun mi gcod do// chos thams cad la dbang sgyur ba'i sgo las kyang phyir mi ldog go// sangs rgyas mthong ba'i skal ba med par yang mi 'gyur ro// chos thams cad yongs su dri ba las kyang phyir mi ldog /
- 319a
mnyam pa nyid dang bstod pa'ang rab tu shes so// bsgribs pa med pa'ang mngon par sgrub bo// sangs rgyas kyi chos thams cad la khyad par gyi smon lam mnyam pa nyid kyang yongs su rdzogs par byed do/ / zhing thams cad kyi gzhi dang dbyings tha dad pa'i rjes su'ang rab tu 'jug ste/ sangs rgyas kyi rigs thams cad kyi pha rol tu phyin pa'ang thob pa yin/ 'jig rten gyi khams kyi rgyud de dang de dag tu chos thams cad sprul pa lta bur bslab pa'ang shin tu bslabs pa yin/ chos thams cad mtshan ma med par zhugs pas/ chos thams cad rten cing 'brel par 'byung ba la mkhas pa dang ldan pa yin/ chos thams cad lus med pa'i tshul dang / chos thams cad kyi rang bzhin gyi tshul dang / spyod pa'i tshul khong du chud pa dang yang ldan pa yin/ chos thams cad kyi rjes su bzang ba la mi gnas pa yin/ chos kyi tshul thams cad rab tu rtogs shing / bsam pa dang dbang po ji lta ba'ang rab tu rtogs pa yin/ de 'dod na bskal pa dang / bskal pa gcig dang / bskal pa brgya dang / bskal pa stong dang / bskal pa khrag khrig dang / bskal pa khrag khrig brgya dang bskal pa khrag khrig stong dang / bskal pa bye ba khrag khrig brgya dang / bskal pa bye ba khrag khrig brgya stong dang / bskal pa tshad med pa dang / dpag tu med pa dang / grangs
- 319b
med pa dang / bsam gyis mi khyab pa dang / mtshungs pa med pa dang / gzhal du med pa dang / kun tu mtha' yas pa dang / mu med pa dang / sa mtshams med pa dang / bskal pa brjod du med pa'i yang brjod du med par chos thams cad 'gags pa'i ting nge 'dzin gcig la snyoms par zhugs kyang de'i lus 'jigs par mi 'gyur ro// nyam chung bar mi 'gyur ro/ / skal ba zhan par mi 'gyur ro// chud mi za'o// rnam par chud mi za'o// zhum par mi 'gyur ro// rnam par zhum par mi 'gyur ro// zad par mi 'gyur ro/ / dngos po yod pa dang med par mi 'gyur te/ byang chub sems dpa'i bya ba'ang yongs su rdzogs par byed do// byang chub sems dpa'i chos nyid kyang brjod do// sems can gyi dus kyang yongs su mi spong ngo / / sems can 'dul ba'i dus la bab pa'ang thob par mi byed do// sangs rgyas kyi chos nyid kyang rnam par 'phel bar byed do// byang chub sems dpa'i mnyam pa nyid kyang yongs su rdzogs par byed do/ / sems cad thams cad kyi don yang yongs su mi gtong ngo // sprul pa'i rgyud kyang rgyun mi gcod do// mig yor lta bu'i chos kyi tshul las kyang ldog par mi byed do/ / bsam gtan dang ting nge 'dzin gyi ba las kyang mi g.yo'o// kye rgyal ba'i sras dag/ 'di ni byang chub sems dpa' sems dpa'
- 320a
chen po rnams kyi chos thams cad 'gog pa zhes bya ba ste/ ye shes kyi mngon par shes pa bcu pa'o// de la gnas pa'i byang chub sems dpa' sems dpa' chen po ni lha dang 'jig rten du bcas pas bsam gyis mi khyab pa yin/ 'gro ba thams cad kyis 'asam gyis mi khyab pa yin/ nyan thos thams kyis bsam gyis mi khyab pa yin/ rang sangs rgyas thams cad kyis bsam gyis mi khyab pa yin/ sa 'og ma la gnas pa'i byang chub sems dpa' thams cad kyis bsam gyis mi khyab pa yin/ lus kyi las bsam gyis mi khyab pa yin/ ngag gi las bsam gyis mi khyab pa yin/ yid kyi las bsam gyis mi khyab pa yin/ ting nge 'dzin rnam par 'phrul pa la 'jug babasam gyis mi khyab pa yin/ ye shes kyi spyod yul bsam gyis mi khyab pa yin te/ sangs rgyas bcom ldan 'das rnams kyis byang chub sems dpa' de dag bsten par mdzad cing bshang ba dang / gnas de dag dgod par mdzad de khong du chud par mdzad pa dang / mngon par shes pa de lta bu thob pa'i byang chub sems dpas bdun pa dang / brjod pa dang / bgad pa dang / rab tu bkod pa dang / bsngags pa dang / brjod pa dang / bstod pa dang / 'grol ba dang / rab tu bstan pa dang / yongs su rjod pa ni ma gtonas so/
- 320b
kye rgyal ba'i sras dag bcu po de dag ni byang chub sems dpa' rnams kyi mngon par shes pa ste/ de dag la gnas pa'i byang chub sems dpa' sems dpa' chen po rnams ni// dus gsum thams cad kyi ye shes kyi mngon par shes pa bsgribs pa med pa rab tu 'thob bo// shin tu rgyas pa chen po'i mdo sangs rgyas phal po che zhes bya ba las mngon par shes pa'i le'u ste sum cu rtsa bzhi pa'o/ / // 'am po drug cu rtsa gcig pa// de nas byang chub sems dpa' kun tu bzang pos yang byang chub sems dpa' de dag la smras pa/ kye rgyal ba'i sras dag bcu po 'di rnams ni byang chub sems dpa' sems dpa' chen po rnams kyi bzod pa thob pa ste/ bzod pa thob pa de dag dang ldan pa'i byang chub sems dpa' ni/ bzod pa thams cad kyis sgribs pa med pa thob pas sangs rgyas kyi chos zad mi shes pa bsgribs pa med pa thams cad thob par 'gyur ba dag go// bcu gang zhe na/ 'do / zla khong du chud pa'i bzod pa dang / bathun pa'i bzod pa dang / ni skye ba'i ros kyi bapod pa dang b+hal la khwa'i bzod pa dang / si lta bu'i bzod pa dang / rmil ma~M lta bu'i bzod pa dang / sgra brnyan lta bu'i bzod pa dang / gzugs brnyan lta bu'i bzod pa dang / sprul pa lta bu'i bzod pa dang / nam
- 321a
mkha' lta bu'i bzod pa'o/ / rtse rgyal ba'i sras dag bcu po de rnams ni byang chub sems dpa' rnams kyi bzod pa thob pa ste/ 'das pa dang / mthon pa dang / da ltar byung ba'i sangs rgyas bcom ldan 'das rnams kyis gsungs so// gsung ngo // gsung bar 'gyur ro// ce rgyal ba'i sras dag/ de la bzod pa dang sgra khong du chud pa gang zhe na/ 'di lta ste/ chos de dag thos nas mi 'jigs mi skrag skrag par mi 'gyur zhing/ dad pa dang / yid ches pa dang / mos pa dang / spo ba dang / 'jug pa dang / rjes su 'brang ba dang / de'i rang bzhin du gnas shing khong du chud par byed pa ste/ kye rgyal ba'i sras dag/ 'di ni byang chub sems dpa' sems dpa' chen po rnams kyi sgra khong du chud pa'i bzod pa thob pa ste dang pa'o/ / kyai rgyal ba'i sras dag/ byang chub sems dpa' sems dpa' chen po rnams kyi mthun pa'i bzod pa tho pa gnyis pa gang zhe na/ kye rgyal ba'i sras dang // 'di la byang chub sems dpa' sems dpa' chen po chos 'di dag ni mthun pa zhes bya bar rtog go// dpyod do// mnyam par byed do// mi 'gal bar byed do// chos de dag la ji ltar mthun par 'jug par bya ba de ltar rnam par sgom mo// bsam pa rnam par dag par byed do// mnyam par byed do// brtson par byed
- 321b
do/ / rtogs par byed do// rab tu sgrub bo// rje rgyal ba'i sras dag/ 'di ni byang chub sems dpa' sems dpa' chen po rnams kyi mthun pa'i bzod pa thob pa ste gnyis pa'o// kye rgyal ba'i sras dag/ byang chub sems dpa' sems dpa' chen po rnams kyi mi skye ba'i chos kyi bzod pa thob pa gsum pa gang zhe na// kye rgyal ba'i sras dag/ 'di la byang chub sems dpa' sems dpa' chen po rdul tsam gyi chos kyang gang yang skyes par mthong ba med de/ chos gang yang 'gag par mthong ba med do// de ci'i phyir zhe na/ gang ma skyes pa de ni ma 'gag pa'o// gang ma 'gag pa de ni mi zad pa'o// gang mi zad pa de ni rdul med pa'o// gang rdul med pa de ni tha mi dad pa'o// gang tha mi dad pa de ni gzhi med pa'o// gang gzhi med pa de ni zhi ba'i sa'o// gang zhi ba'i sa yin pa de ni 'dod chags dang bral ba'o// gang 'dod chags dang bral ba de ni mngon par 'du bya ba med pa'o/ / gang mngon pa 'du bya ba med pa de ni smon pa med pa'o// gang smon pa med pa de ni gnas pa med cing len pa med pa ste/ kye rgyal ba'i sras dag/ 'di ni byang chub sems dpa' sems dpa' chen po rnams kyi mi skye ba'i chos kyi 'azod pa thob pa ste gsum pa'o/ / ce rgyal ba'i sras dag/ byang chub sems dpa' sems dpa' chen
- 322a
po rnams kyi sgyu ma lta bu'i bzod pa thob pa bzhi pa gang zhe na/ kye rgyal ba'i sras dag/ 'di la byang chub sems dpa' sems dpa' chen po chos thams cad rten cing 'brel bar 'byung ba'i tshul gyis sgyu ma lta bur 'jug ste/ chos kyi rnam pa gcig la rnam pa mang por mos par byed do// chos rnam pa mang po la chos kyi rnam pa gcig tu mos par byed do// de ni chos de dag la sgyu ma'i tshul gyis zhing du'ang sgom par byed do// sems can du'ang khong du chud par byed do// chos kyi dbyings su'ang rtogs par byed do// 'jig rten gyi khams su'ang mnyam par byed do/ / sangs rgyas skye bar yang mtshungs par byed do// 'jug tu med pa'i tshul gyis kyang rjes su 'jug go// byin gyi rlabs kyi tshul gyis kyang mngon par sgrung bo/ / 'di lta ste/ dper na sgyu ma ni glang po'i lus la'ang mi gnas so// rta'i lus la'ang mi gnas so// shing rta'i lus la'ang mi gnas so// rkang tang gi lus la'ang mi gnas so// bud med la'ang mi gnas so// skyes pa la'ang mi gnas so// rogs po la'ang mi gnas so// bu mo la'ang mi gnas so// shing la'ang mi gnas so// lo ma la'ang mi gnas so// me tog la'ang mi gnas so// 'bras bu la'ang mi gnas so// sa dang chu dang / me dang / rlung
- 322b
la'ang mi gnas so/ / nyin zhag dang yud du yan man dang thab dang mo la'ang mi gnas so// mo brgya la'ang mi gnas so// tha ba dang nyi ma la'ang mi gnas so/ / bskal pa la'ang mi gnas so// zhi ba dang rab tu zhi ba la'ang mi gnas so// sna tshogs dang rnam pa tshogs la'ang mi gnas so// gcig pa dang tha da pa la'ang mi gnas so/ / yangs pa dang dog pa la'ang mi gnas so// rgya chen po dang rgya chung ngu la'ang mi gnas so// tshad yod pa dang tshad med pa la'ang mi gnas so// phra ba dang rags pa la'ang mi gnas so// 'khor sna tshogs labang mi gnas te// 'khor yang sgyu ma la mi gnas/ sgyu ma'ang 'khor la mi gnas te/ sgyu ma kun tu bstan pa dang / sna tshogs kyi sgyu ma rnam pa tha dad pa bstan pa'i grangs su ba'ang yod do// de bzhin du byang chub sems dpa' sems dpa' chen po'ang 'jig rten thams cad la sgyu na lta bur 'jug cing las kyi 'jig rten dang / nyon mongs pa'i 'jig rten dang / zhing gi 'jig rten dang / chos kyi 'jig rten dang / dus kyi 'jig rten dang / rgyud kyi 'jig rten dang / ldan pa'i 'jig rten dang / mi ldan pa'i 'jig rten dang / 'jug pa'i 'jig rten dang / mngon par 'du bya ba'i 'jig rten la 'jug pa'i tshe/ byang chub sems dpa' sems dpa'
- 323a
chen po 'jig rten thams cad la sgyu ma'i rnam par 'jug pas/ sems can rnams skye bar mi byed do// 'jig par mi byed na// zhing rnams skye bar mi byed do/ / 'jig par mi byed do// chos rnams skye bar mi byed do// 'jig par mi byed do// 'das pa la mi rtog go// 'das pa la rnam par mi rtog go/ ma 'ongs pa la mngon par 'du mi byed do// ma 'ongs pa 'byung bar mi byed do// da ltar byung ba la gnas pa med do// da ltar byung ba la chags pa med do// byang chub la spyod pa med do/ / byang chub la yongs su rtog pa med do// sangs rgyas 'byung bar mi byed do// sangs rgyas yongs su mya ngan las 'da' bar mi byed do// smon lam la gnas par mi zed do/ / skyon med pa la chags par mi zad do// mnyam pa nyid mi len to// chags pa med par mi 'dor ro// zhing la chags pa med do// tha dad pa med par yang khong du chud do/ / sems can gyi khams kyang mngon par sgrub ste/ sems na gyi khams tha dad pa'ang rab tu shes so// chos kyi dbyings kyang khong du chud de/ gnas pa'i chos nyid las kyang mi g.yo'o// dus mnyam pa nyid la'ang rab tu 'jug ste/ dus la rnam par rtog par kyang 'gal bar mi byed do// phung po dang skye mched rnams
- 323b
kyang mngon par sgrub ste/ gnas yang dag par gzhom pa'ang khong du chud par byed do// sems can rnams kyang yongs su smin par byed de/ chos kyi dbyings mnyam pa nyid tha dad pa med par yang rab tu shes so/ / chos thams cad brjod du med cing yi ge med pa'ang rab tu shes te/ tha dad pa yang dag par shes pas kyang thogs pa med do// sems cad thams cad dgrol ba'i don du 'dod pa la'ang chags par mi byed de// snying rje chen pos kyang 'dul ba'i sems can rnams la chos kyi 'khor lo skor ro// sems can/ la lta ba'i phyir/ snying rje chen po'ang byin gyis rlob ste/ snying rje chen po'i phyogs la'ang sems can thams cad yongs su 'grol to// sngon gyi rgyu'ang rab tu rjod do// rgyu 'pho ba med pa'ang yang dag pa ji lta ba bzhin du rab tu shes so/ / kye rgyal ba'i sras dag/ 'di ni byang chub sems dpa' sems dpa' chen po rnams kyi sgyu ma lta bu'i bzod pa thob pa ste bzhi pa'o/ / kye rgyal ba'i sras dag/ byang chub sems dpa' sems dpa' chen po rnams kyi smig rgyu lta bu'i bzod pa thob pa lnga pa gang zhe na/ kye rgyal ba'i sras dag 'di la byang chub sems dpa' sems dpa' chen po 'jig rten thams cad smig rgyu ba lta bur rab tu shes te/ 'di lta ste// dper na smig rgyu ba ni yul na'ang mi
- 324a
gnas/ phyogs na'ang mi gnas so// de bzhin du byang chub sems dpa' sems dpa' chen po 'ang yul na'ang mi ga nas/ phyogs na'ang mi gnas pa'o chos nyid rab tu shes te/ 'jig rten nang na'ang mi gnas/ phyi rol na'ang mi gnas pa dang / yod pa'ang ma yin/ med pa'ang ma yin pa dang rtag pa'ang ma yin/ chad pa'ang ma yin par rnam par rig par gyur pa rab tu shes so// yang dag pa ji lta ba bzhin du rab tu shes so// nang zhes bya ba nang na gnas pa ma yin pa dang / nang zhes bya ba phyi rol na gnas pa ma yin pa dang / kha dog gcig pa ma yin pa dang / kha dog tha dad pa ma yin pa'ang rab tu shes te/ chos thams cad kha dog med pa'i sa thob par bya ba'ang yongs su rdzogs par byed do/ / kye rgyal ba'i sras dag/ 'di ni byang chub sems dpa' sems dpa' chen po rnams kyi smig rgyu ba lta bu'i bzod pa thob pa ste lnga pa'o/ / kye rgyal ba'i sras dag/ byang chub sems dpa' sems dpa' chen po rnams kyi rmi lam lta bu'i bzod pa thob pa drug pa gang zhe na/ kye rgyal ba'i sras dag/ 'di la byang chub sems dpa' sems dpa' chen po 'jig rten thams cad rmi lam lta bur rab tu shes te/ 'di lta ste/ dper na rmi lam
- 324b
ni 'jig rten las byung ba'ang ma yin/ 'jig rten las 'das pa'ang ma yin/ rmi lam ni 'dod pa'i khams kyang ma yin/ gzugs kyi khams kyang ma yin/ gzugs med pa'i khams kyang me yin no/ / rmi lam ni shi 'pho ba'ang ma yin/ skye ba'ang ma yin no// rmi lam ni kun nas nyon mongs pa'ang ma yin/ rnam par byang ba'ang ma yin no// rmi lam ni lta ba'ang ma yin/ rnam par dag pa'ang ma yin te/ rmi lam snang ba'ang med pa ma yin no// de bzhin du byang chub sems dpa' sems dpa' chen po'ang 'jig rten thams cad 'khrug pa med pa'i tshul gyis/ rmi lam gyi ngo bo nyid dang / tshul dang / rmi lam la mngon par chags pa dang / rmi lam rab tu dben pa dang / rmi lam rang bzhin dang / rmi lam gyi byon gyi rlabs dang / rmi lam tha dad pa dang / rmi lam gyi 'du shes dang / rnam par rtog pa dang / mau lam gyi 'jig rten khong du chud pa lta bur rab tu shes te/ kye rgyal ba'i sras dag/ 'di ni byang chub sems dpa' sems dpa' chen po rnams kyi rmil ba lta bu'i bzod pa thob pa ste drug pa'o/ / kye rgyal ba'i sras dag/ byang chub sems dpa' sems dpa' chen po rnams kyi sgra brnyan lta bu'i bzod pa thob pa bdun pa gang zhe na
- 325a
kye rgyal ba'i sras dag/ 'di la byang chub sems dpa' sems dpa' chen po 'phags pa'i chos kyi pha rol tu phyin pa ni chos nyid mngon par bsgrub pa'i bslab pa la shin tu bslabs pa yin te/ 'di lta ste/ dper na sgra brnyan ni sgra sna tshogs grag par byed kyang 'pho ba med do// de bzhin du byang chub sems dpa' sems dpa' chen po'ang de// bzhin gshegs pa'i gsung nang na rjod pa'ang ma yin par rab tu shes so// de bzhin gshegs pa'i gsung phyi rol na rjod pa'ang ma yin par rab tu shes so// de ltar shes pa de'ang nang nas shes pa'ang ma yin par rab tu shes so/ / phyi rol nas shes pa'ang ma yin par rab tu shes so// phyi nang nas shes pa'ang ma yin par rab tu shes te/ 'on kyang bstan pa mngon par bsgrub pa'ang rab tu shes so/ / byin gyi rlabs la mkhas pas 'jug pa'ang rab tu shes so// tshig kyang rab tu shes so// sgra brnyan lta bur rten cing 'brel par 'byung bas grag par gyur pa chos nyid kyang 'khrug par mi byed de/ sgro 'dogs par yang mi byed la/ dbyangs kyi yan lag tha dad pa la 'jug cing bslab pa la'ang shin tu bslabs pa yin/ 'di lta ste/ dper nalha'i dbang po brgya byin gyis lnga'i bud med 'grogs kha'i dbugs kyis lan gcig bus pas/ kha'i dbugs yan lag stong dang ldan pa 'byung ngo // kha'i dbugs la rnam par
- 325b
rtog pa med kyang dbyangs kyi yan lag rnam pa stong du sgrog go/ de bzhin du byang chub sems dpa' sems dpa' chen po'ang rnam par mi rtog pa dang ldan pa'i dbyings la 'jug pa'i tshe/ dbyangs kyi yan lag mtha' yas pa rnam par bsgom pa la mkhas pas 'jig rten gyi khams mtha' dang dbus med par 'gro ba thams cad la phyir mi ldog pa'i chos kyi 'khor lo bskor ba la rab tu 'jug cing 'khor rnams la'ang rgya cher yang dag par ston to/ / lce shin tu sangs pa'ang byin gyis rlob ste/ dbyangs chags pa med pa'ang rab tu rjod do// zhing thams cad 'gengs pa'i dbyangs kyang byin gyis rlob bo/ / sems can rnams kyis mtha' yas pa khong du chud par yang byin gyis rlob bo// chos rnam par phye ba 'byam klas pa'ang rab tu snang bar byed do/ / dbyangs thams cad la 'jug pa med pa'ang rab tu shes so// sgra rnam par dmigs pa'ang rnam par dmigs pa med par rab tu shes so// dbyangs sna tshogs kyang rnam par dgod do// dbyangs kyi yan lag gi dkyil 'khor khong du chud pas kyang rab tu spyod do// kye rgyal ba'i sras dag/ 'di ni byang chub sems dpa' sems dpa' chen po rnams kyi sgra brnyan lta bu'i bzod pa thob pa ste bdun pa'o/ / kye rgyal ba'i sras dag/ byang chub sems dpa' sems dpa' phyo
- 326a
rnams kyi gzugs brnyan lta bu'i bzod pa thob pa brgyad pa gang zhe na/ kye rgyal ba'i sras dag/ 'di la byang chub sems dpa' sems dpa' chen po 'jig rten nas shi 'pho ba med do/ / 'jig rten du skye ba med do// 'jog rten gyi nang na mi gnas so// 'jig rten gyi phyi rol na mo gnas so// 'jig rten du rgyu ba med do// 'jig rten du rgyun chad pa med do// 'jig rten dang 'dres pa med do// 'jig rten dang tha dad pa med do// 'jig rten du 'gro ba med do// 'jig rten las gros babar 'gro ba med do/ / 'jig rten du gzhol bar 'gro ba med do// 'jig rten las ldog pa med do// byang chub sems dpa' de nyid kyang 'jig rten ma yin te/ 'jig rten las 'das pa'ang ma yin no/ / byang chub sems dpa' spyad pa spong pa'ang ma yin te/ smon lam chen po rgyun gcod pa'ang ma yin no// mang ba'ang ma yin nyung ba'ang ma yin/ sangs rgyas kyi chos thams cad rdzogs par 'thob par bya ba la'ang don yod par spyod do// 'jig rten gyi bya ba thams cad kyang yongs su rdzogs par byed de/ 'jig rten gyi rgyud kyi rjes su 'brang ba'ang ma yin no// chos kyi rgyud thogs par byed pa'ong ma yin no// 'di lta ste/ dper na gzugs brnyan ni nyi ma 'am/
- 326b
zla ba 'am/ bud med dam/ skyes pa 'am/ shing ngam/ ri 'am/ gnas sam/ rtsig pa 'am/ sa 'am/ chu klung gA rgyud dang / dngos po sna tshogs mtha' yas pa tshad med pa rnams kyi gzugs gang dang gang yod pa de dag thams cad rnam par dmigs par byed de/ chu'am/ til mar ram/ nor bu 'am/ mching ba 'am/ me long ngam/ gzhan yang yo byed kha dog dang ba/ mdog gsal ba gang yang rung ste/ de dag shin tu dang ba'i phyir de dag tu gzugs brnyan rnam par dmigs par byed kyang / gzugs brnyan ni shin tu dang ba'i dbyings de dang 'dres pa'ang med do// gzugs brnyan de de las gud na 'dug pa'ang ma yin no// gzugs brnyan de de wAr rnam par dmigs pa dang yang 'grogs pa med do/ / dang ba'i dngos po de'ang gzugs brnyan gyis dang 'grogs pa med do// gzugs brnyan de chu klung gi rgyun gyis kyang khyer bar mi nus so/ / gzugs brnyan de chu bo'i rgya mtshor mchi bar yang mi 'gyur ro// dang ba sna tshogs de dag gis kyang gzugs brnyan de la gos par mi 'gyur te/ de dag tu gzugs brnyan rnam par dmigs pa'ang yod cing / de dag gis gzung ba 'dra'ang gzugs brnyan gang du dmigs par gyur pa des de'i cha bzung ba med do// gzugs brnyan de ni ring bar yang snang nye bar yang snang ste/ de ltar ring ba dang
- 327a
nye ba'ang med do/ / de bzhin du byang chub sems dpa' sems dpa' chen po'ang rang gi ye shes kyi dkyil 'khor gzhan gyi rgyud kyi yul du snang bar byed kyang / 'di ni gzhan gyi rgyud do/ / 'di ni bdag gi ye shes kyi dkyil 'khor to zhes gnyis su mi byed do// bdag gi yul dang gzhan gyi yul rnam par dbye ba'ang rab tu shes so// 'di lta ste/ dpar na sa bon du gyur pa ni shin tu 'phel zhing skye ba yin te/ chu ba dang / le ma dang / sbu bu'i gnas su gyur nas rnam par dpe ba'ang yod do// de bzhin du byang chub sems dpa' sems dpa' chen po'ang chos nyid mo gnyis pa la gnyis kyi mtshan nyid mi mthun pa'i ye shes la chags pa med pa'i mtha'i tshul gyis rab tu 'jug go/ kye rgyal ba'i sras dag/ 'di ni byang chub sems dpa' sems dpa' chen po rnams kyi gzugs brnyan lta bu'i bzod pa thob pa ste brgyad pa'o// bzod pa de dang ldan pa'i byang chub sems dpa' sems dpa' chen po ni sangs rgyas kyi zhing bsam gyis mi khyab pa dag tu 'gro ba'ang med la/ sangs rgyas kyi zhing brjod du med pa dag tu'ang snang ngo // 'jig rten gyi khams gang nas kyang g.yo ba med cing / 'jig rten gyi khams gang du'ang 'gro ba med la/ lus kyi dkyil 'khor gzugs brnyan du gyur pa'ang kun tu rnam par dmigs par byed do// rjes su song ba'i lus kyang 'jig rten
- 327b
thams cad du phyin par byed do/ / lus rnam par phye ba chags pa med pas spyod pa'ang rab tu shes so// gang yang 'jig rten na 'jig rten gyi mtshan ma dang / 'dzag rten dngo skam po yod pa dag 'dres pa'ang ma yin/ tha dad pa'ang ma yin par rab tu shes so// de bzhin gshegs pa'i rigs su rigs dang ldan par byung ba'i lus dang / ngag dang / yod rnam par dag pa'ang rab tu 'thob bo/ / kha dog mtha' yas pa lus thams cad rnam par dag pa'ang rab tu 'thob bo// kye rgyal ba'i sras dag/ byang chub sems dpa' sems dpa' chen po rnams kyi sprul pa lta bu'i bzod pa thob pa gang zhe na/ kye rgyal ba'i sras dag/ 'di la byang chub sems dpa' sems dpa' chen po 'jig rten thams cad sprul pa lta bur rab tu 'jug ste/ / sems can thams cad kyi bsam pas sprul pa dang / bsams te sprul pa dang / 'jig rten gyi khams mngon par 'du byed pas sprul pa dang / rnam par rtog pas sprul pa dang / bde ba dang sdug bsngal thams cad kyi phyin ci log gi sprul pa dang / sgro btags pas sprul pa dang / 'jig rten gyi chos thams cad med pas sprul pa dang / tshig gi lam gyi byin gyi rlabs kyis sprul pa dang / nyon mongs pa thams cad kyi yongs su rtog pas sprul pa dang / 'du shes kyi sprul pa dang
- 328a
'di lta ste/ 'dul ba rnam par byang bar sprul pa dang / rnam par dag par bya ba'i yongs su rtog pas sprul pa dang / 'di lta ste/ dus gsum du phyir mo ldog pas sprul pa mnyam pa nyid kyi 'byung ba med pa dang / 'di lta ste/ byang chub sems dpa'i smon lam gyis sprub pa spyod pas yas par byas pa dang / 'di lta ste/ de bzhin gshegs pa'i thugs rje chen pos sprul pa dang / 'gro ba thams cad la bstabs par rnam par bkod pa dang / 'di lta ste/ chos kyi 'khor lo dang thabs mkhas pa'i ye shes kyis sprul pa mi 'jigs pa dang / tha dad pa yang dag par shes pa'i ye shes kyis 'jug pa rab tu shes te/ de ltar byang chub sems dpa' sems dpa' chen po 'jig rten pa dang / 'jig rten las 'das pa'o sprul pa rab tu shes par byed do/ / khong du chud par byed do// rtogs par byed do// yangs par byed do// mtha' dang dbus dang mu med pa ji ltar bskyed pa bzhin du thob par byed do/ / grub par byed do// dbang du byed do// de kho na nyid du shes so// yang dag pa nyid las mi g.yo bar byed do// yang dag par lta'o// ji ltar sprad pa bzhin du chud mi za bar byed do/ / 'di lta ste/ dper na sprul pa ni sems las mi 'byung ste/ sems kyi chos las ma byung / las kyis bsgrubs pa ma yin/ rnam par smin pa'o rjes
- 328b
su 'brang ba ma yin/ 'jig rten du skyes pa ma yin/ 'jig rten du 'gags pa ma yin/ chos kyi rjes su bsnyegs pa ma yin/ chos thob par byed pa ma yin/ ring du gnas pa ma yin/ yud tsam du gnas pa ma yin/ 'jig rten na spyod pa ma yin/ 'jig rten las 'das pa ma yin/ phyogs su 'gro ba ma yin/ phyogs la gzhol ba ma yin tshad yod pa ma yin/ tshad med pa ma yin/ skyob ma yin/ skyo ba med pa ma yin/ rgyun 'chad pa ma yin/ rgyun mi 'chad pa ma yin+da/ 'phags pa ma yin/ so som skye bo ma yin/ kun nas nyon mongs pa ma yin/ rnam par byang ba ma yin/ sho 'phos pa ma yin// skyes pa ma yin/ shes pa ma yin/ mi shes pa ma yin/ snang ba ma yon/ 'jig pa ma yin/ 'jig rten la gnas pa ma yin/ chos kyi dbyings pa gzhol ba ma yin/ mkhas pa ma yin/ shes rab 'chal pa can ma yin/ nye bar len pa ma yin/ nye bar mi len pa ma yin/ 'khor ba ma yin/ mu ngan las 'das pa ma yin/ yod pa ma yin/ med pa ma yin no// de bzhin du byang chub sems dpa' sems dpa' chen po'ang 'phral pa'i byin gyi rlabs la mkhas pas/ 'jig rten na byang chub sems dpa'i smad pa spong de/ 'jig rten gyi chos pa lta zhing bdag mngon par sprul pa byed kyang
- 329a
'jig rten gyi sprul pa la mngon par rnags pa med do/ / bdag go spru pa la mngon par chags pa med do// bdag dang 'dzug rten gyi mngon par smra pal yongs su rtog pa med do/ / 'jig rten la gnas pa med do// 'jig rten rgyun gcod pa med do// chos la gnas pa med do// chos kyi dbang du 'gro ba ma yin no// sem can gyi khams kyang rdul tsam yang 'dul ba med do/ / sems can gyi khams smon lam las yongs su spong ba'ang med do// chos de dag la rtog pa med do// rnam par rtog pa med do// / chos de dag len pa med do// chos de dag 'dor ba med do// sangs rgyas kyi chos yod pa ma yin pa de dag kyang yongs su rdzogs par byed de// chos de dag kyang yod pa'ang ma yin med pa'ang ma yin no/ / ji ltar sprul pa de yod pa'ang ma yin/ med pa'ang ma yin pa de bzhin du byang chub sems dpa' sems dpa' chen po'ang sprul pa lta bu'i bzod pa la gnas shing sangs rgyas thams cad kyi byang chub kyang yongs su rdzogs par byed do/ / sems can gyi don yang rab tu byed do// kye rgyal ba'i sras dag/ 'di ni byang chub sems dpa' sems dpa' chen po rnams kyi sprul pa lta bu'i bzod pa thob pa ste dgu pa'o/ / bzod pa de dang ldan pa'i byang chub sems dpa' sems dpa' chen po ni sangs rgyas kyi zhing thams cad la mi gnas
- 329b
pa yin te/ ji ltar sprul pa de 'jig rten gyi khams thams cad kha mi gnas par spyod cing / sangs rgyas kyi chos thams cad la rnam par rtog pa med par spyod pa dang / ji ltar sprul pa de sangs rgyas kyi byang chub dang / byang chub sems dpa'i spyod pa thams cad la dub pa med par spyod pa dang / ji ltar sprul pa de phyin ci log med cing lus su dmigs pa thams cad la lus med par spyod pa dang / ji ltar sprul pa de byin gyi rlabs kyis gzugs kyi rnam pa thams cad kyi gzugs la gnas par spyod pa dang / ji ltar sprul pa de rang bzhin snang ba'i tshul du yang dag pa'i mtha' mnyam po nyid yongs su rdzogs par byed pa dang / ji ltar sprul pa de chos thams cad la rnam par grol ba'i chos gnaso med par spyod pa dang / ji ltar sprul pa de gnas med pa'i rang bzhin dang / chos thams cad kyi tshul gyi rnam par byang ba la spyod pa dang / ji ltar sprul pa de de bzhin gshegs pa thams cad kyi 'khor du cho 'phrul gyis nye bar 'gro zhing 'gro ba med par spyod pa dang / ji ltar sprul pa de khor yug dang raM rab thams cad la snang ba bzhin no// kye rgyal ba'i sras dag/ byang chub sems dpa' sems dpa' chen po rnams kyi nam mkha' lta bu'i bzod pa thob pa bcu gang zhe na/ kye rgyal ba'i sras dag/ 'di la byang chub sems dpa' sems dpa' chen po nam mkha' ji lta ba de ltar mtshan
- 330a
nyid med pa'i tshul gyis chos kyi dbyings thams cad pa 'jug go/ / nam mkha' ji lta ba de ltar zhing thams cad bsgrub pa med pa'i tshul gyis 'jig rten gyi khams thams cad la 'jug go/ nam mkha' ji lta ba de ltar gnyis su med pa'i tshul gyis chos thams cad la 'jug go// nam mkha' ji lta ba de ltar 'jug pa med pa'i tshul gyis semam can thams cad kyi spod pa la 'jug go/ nam mkha' ji lta ba de ltar rnam par dbye ba med pa'i tshul gyis sangs rgyas thams cad la 'jug go/ nam mkha' ji lta ba de ltar tha dad pa med pa'i tshul gyis ngo bzhin gshegs pa rnams kyi stobs thams cad la 'jug go/ nam mkha' ji lta ba de ltar sngon gyi mtha' dang / phyi ma'i mtha' dang / da ltar byung ba'i tshul gyis bsam gtan thams cad la rab tu 'jug go/ / nam mkha' ji lta ba de ltar brjod du med pa'i tshul gyis chos thams cad yang dag par bstan pa la 'jug go// nam mkha' ji lta ba de ltar chags pa med cing bsgribs pa med pa'i tshul gyis de bzhin gshegs pa thams cad kyi sku la 'jug go/ / nam mkha' ji lta ba de ltar nam mkha' dbyings kyi tshul gyis chos thams cad gsal ba med pa la 'jug go/ de ltar byang chub sems dpa' sems dpa' chen po nam mkha' lta bu'i chos thams cad la de lta bu'i bzod pa las byung ba'i ye shes kyi
- 330b
'jug pa'i tshe/ lus nam mkha' lta bur rab tu 'thob bo// nam mkha' lta bu'i lus kyi las rab tu 'thob po// nam mkha' lta bu'i ngag rab tu 'thob bo// nam mkha' lta bu'i ngag gi las rab tu 'thob bo/ nam mkha' lta bu'i yid rab tu 'thob bo// nam mkha' lta bu'i yid kyi las rab tu 'thob bo// 'di ste ste/ dper na nam mkha' ni chos thams cad dang ldan te/ 'chi 'pho ba'ang med do// skye/ ba'ang med do// de bzhin du byang chub sems dpa' sems dpa' chen po'ang chos thams cad kyi lus dang ldan te/ 'chi 'pho ba'ang med do// skye ba'ang med do// 'di lta ste/ dper na na ma mkha' ni gzhi med do/ / tha dad pa med do// de bzhin du byang chub sems dpa' sems dpa' chen po'ang chos thams cad shes pa sa gzhi med do// sangs rgyas kyi stobs rnams dang tha mi dad do/ / 'di lta ste/ dper na nam mkha' ni 'jig rten thams cad kyi gzhi ste/ rang bzhin med pa dang yul med pa'i gzhi'ang ma yin no// de bzhin du byang chub sems dpa' sems dpa' chen po'ang chos thams cad kyi gzhi yin te/ chos thams cad kyi rang bzhin med pas gzhi'ang ma yin no// 'di lta ste/ dper na nam mkha' ni skye ba med cing 'gag pa med kyang 'jig rten thams cad kyi skye ba dang 'gag pa 'dzin to/ / de bzhin du byang chub sems dpa' sems dpa' chen po'ang 'jug pa'ang med/ yongs su rdzogs pa'ang med do// 'jig rten thams cad
- 331a
kyi rnam par dag pa'ang rab tu ston to/ / 'di lta ste/ dper na nam mkha' ni phyogs kyang ma yin/ phyogs mtshams kyang ma yin te/ phyogs rgya mtsho mtha' yas// pa la'ang yang dag par gzhol lo// de bzhin du byang chub sems dpa' sems dpa' chen po'ang las kyang ma yin/ rnam par smin pa'ang ma yin te/ las dang rnam par smin pa rgya mtsho'ang yongs su ston to/ / 'di lta ste/ dper na nam mkha' na lding gi med cing 'dug pa med de/ rnam par phye ba mtha' yas pa'ang yongs su ston to// de bzhin du byang chub sems dpa' sems dpa' chen po'ang sgo pa'ang med gnas pa'ang med de/ spyod pa rnam par phye ba'ang yongs su ston to// 'di lta ste/ dper na nam mkha' ni kha dog kyang ma yin/ kha dog med pa'ang ma yin te/ kha dog gi rnam pa'ang yongs su ston to/ / de bzhin du byang chub sems dpa' sems dpa' chen po'ang 'jig rten gyi kha dog kyang ma yin/ 'jig rten las 'das pa'i kha dog kyang ma yin te/ kha dog mtha' yas pa'ang yongs su ston to/ / 'di lta ste/ dper na nam mkha' ni ring du gnas pa'ang ma yin/ yud tsam zhig tu gnas pa'ang ma yin te/ gnas pa dang yongs su gnas pa'ang rab tu ston to/ / de bzhin du byang chub sems dpa' sems dpa' chen po'ang ring du gnas pa'ang ma yin/ yud tsam zhig tu gnas pa'ang ma yin te/ byang chub sems dpa'i spyod pa la gnas pa dang /
- 331b
yongs su gnas pa'ang rab tu ston to// 'di lta ste/ dper na nAm mkha' ni kun nas nyon mongs par gyur pa'ang med la/ rnam par byang bas rnam par byang bar 'gyur ba'ang med do/ / de bzhin du byang chub sems dpa' sems dpa' chen po'ang 'jig rten la 'jug pas bsgrubs pa'ang med/ rnam par dag cing btsal bar gyur pa'ang med do// 'di lta ste/ dper na nam mkha' ni 'jig rten thams cad kyi mngon sum du gyur pa yin te/ 'jig rten thams cad ni nam mkha'i mngon sum du gyur pa ma yin no// de bzhin du byang chub sems dpa'i sems dpa' chen po'ang chos thams cad la mngon sum du gyur pa ste/ byang chub sems dpa' ni chos thams cad kyi mngon sum du gyur pa ma yin no// 'di lta ste/ dper na nam mkha' ni gnas thams cad la rab tu gzhol ba yin te/ nam mkha'i mtha' ni yod pa ma yin no// de bzhin du byang chub sems dpa' sems dpa' chen po'ang chos kyi gnas thams cad la gnas te byang chub kyi sems ni mtha' yod pa ma yin no/ / de ci'i phyir zhe na/ de ni bdag nyid nam mkha' dang mnyam par bya ste yongs su bsgoms pa dang / rnam par spangs pa dang / shin tu bsgrubs pa dang / mnyam pa nyid du byas pa dang // rgyud kyi tshul gcig tu byas pa dang / ro gcig tu byas pa dang / tshad gcig tu byas pa dang / nam mkha' lta bur dag pa'i kho dog tu byas pa dang / thams cad du 'gro bar byas pa'i phyir ro//
- 332a
chos thams cad la yang dag par sems pa dang / khong du chud par byed pa dang / chos thams cad tha mi dad pa rab tu 'thob par byed pa dang / zhing thams cad du 'gro bar bsgrub pa dang / lus thams cad la gnas med pa yongs su rdzogs par byed pa dang / phyogs thams cad la rmongs pa med pa khong du chud par byed pa dang / stobs thams cad tha mi dad par bsgrub pa dang / yon tan thams cad yul mtha' yas par yongs su rdzogs par byed pa dang / chos thams cad kyi 'byung gnas rab tu thob par byed pa dang / dpag tu med pa thob par byed pa dang rdo rje ltar brtan pa la rab tu gzhol ba dang / dbyangs kyi yan lag tshad med pa thams cad mngon par bsgrub pa dang / 'jig rten thams cad du phyin cing chos kyi 'khor lo yongs su mi gtong ba'i phyir ro/ / kye rgyal ba'i sras dag/ 'di ni byang chub sems dpa' sems dpa' chen po rnams kyi nam mkha' lta bu'i bzod pa thob pa ste bcu pa'o// bzod pa de dang ldan pa'i byang chub sems dpa' sems dpa' chen po de ni 'gro ba med pa'i tshul du 'gro ba med pa'i lus rab tu 'thob bo// 'gag pa med pa'i tshul du skye ba med pa'i lus rab tu 'thob bo/ / 'jog pa med pa'i tshul du 'pho ba med pa'i lus rab tu 'thob bo// ji ltar mthong ba ma yin pa'i tshul du bden pa med pa'i lus rab tu 'thob bo// mtshan nyid med pa'i
- 332b
tshul du mtshan nyid gcig pa'i lus rab tu 'thob bo/ / sangs rgyas kyi stobs tshad med pa'i tshul du tshad med pa'i lusas tu 'thob bo// de bzhin nyid kyi mtshan nyid kyi tshul du mnyam pa nyid kyi lus rab tu 'thob bo/ / dus gsum mnyam pa nyid khong du chud cing bzod pa'i tshul du tha mi dad pa'i lus rab tu 'thob bo// mnyam pa nyid kyi mog rnam par dag pas bsgribs pa med pa'i tshul du thams cad du 'gro ba'i lus rab tu 'thob bo/ / chos thams cad ldan pa dang mi ldan pa med pa'i tshu du 'dod chags dang bral ba'i mtha'i lus rab tu 'thob bo// bsod nams zad mi shes pa'i tshul du nam mkha' ltar mtha' dang mu med pa rab tu 'thob bo/ / chos thams cad nam mkha' lta bu'i rang bzhin gyi mtshan nyid kyis mtshan nyid gcig pa'i tshul chos nyid mnyam pa nyid thob pas zad mi shes shing thogs ma med pa rab tu 'thob bo/ / nam mkha' ltar thogs pa med pa'i tshul du dbyangs mtha' yas shing tshad med pa rab tu 'thob bo// nam mkha' ltar thams cad la thogs pa med pa'i tshul du byang chub sems dpa'i spyod pa thams cad la mkhas pa yongs su rdzogs shing rnam par dag pa rab tu 'thob bo/ / nam mkha' ltar rgyun 'chad pa med pa'i tshul du sangs rgyas kyi chos rgya mtsho gcig nas gcig tu 'thob pa tshad med pa thams cad rab tu 'thob bo/ / nam mkha' ltar tshad med cing mthar thug pa med pa'i tshul du sangs rgyas kyi zhing thams cad tshad med
- 333a
pa'i zhing du byin gyis rlob pa rab tu 'thob bo/ / nam mkha' rgya mtsho'i tshul du chos thams cad kyi rnam par 'phrul pa rgyun mi 'chad par yang dag par ston pa'ang yongs su rdzogs par 'gyur ro/ / nam mkha' ltar 'jig rten thams cad 'dzin pa'i tshul du lus thams cad 'jog pa med cing shin tu brtan pa yongs su rdzogs par 'gyur ro// 'jig rten gyi gdung ba thams cad kyis nam mkha' 'tshog par mi 'gyur ba'i tshul du rdo rje ltar sra zhing brtan pa rno ba'i dbang po yongs su 'grub par 'gyur ro// nam mkha' lta bu'i ye shes kyi byon gyi rlabs kyi/ tshul du 'jig rten thams cad rab tu 'dzin pa'i stobs la yang dag par 'byung ngo // kye rgyal ba'i sras dag/ 'di na byang chub sems dpa' sems dpa' chen po rnams kyi bzod pa thob pa ste bcu pa'o// de nas byang chub sems dpa' sems dpa' chen po kun tu bzang pos don de nyid de bas kyang gsal bar bstan pa'i phyir/ byang chub sems dpa' de dag la tshigs su bcad de smras pa ji ltar skyes bu sa la zhig/ rin chen 'byung gnas thos gyur na// nor tshogs chen po bsags don du// rab tu dga' ba skye ba yin// de bzhin shes rab che ldan pa'o// byang chub sems dpa' rgyal sras rnams/ / de bzhin gshegs pa'i chos kyi mtshan// zab tsang zhi ba rab tu nyan// zab pa'i chos ni thos gyur cing // de dag yi do na 'jigs mi 'gyur// de dag sems la sdang ba med/ skrag pa skye bar
- 333b
mi 'gyur ro/ / rgya chen dbyangs ni thos gyur nas// bzod pa'i dbyangs kyis byang chub tu// shes rab chen po yang dag 'jug/ de la the tshom skye ba med// bdag ni thams cad mkhyen par bya/ bdag ni mi yi mgon du bya// chos rab shin tu zab pa rnams// bdag gis sgra yi sgo nas thos// sgra po rjes su 'brang bas ni// dga' ba'i dam pa mi 'thob ces// bzhin gshegs pa'i chos don du// de yi mos pa brtan pa skye// bsam pa byang chub sems rab kyis// 'du shes yongs su sgom par byed// chos rnams 'khrug par mi byed de/ / de yi dad pa rnam par 'phel// des ni sgra rjes 'gro ba yi// bzod pa rab tu thob par 'gyur// spyod pa shin tu brtson byed cing // dbyangs tu bzod la rab tu gnas/ / chos kyi 'byung gnas yin pas na// shin tu brtson pa rab tu tshol// brtson 'grus ldog par mi byed do// sangs rgyas byang chub sgrub par byed// dbyangs tsam gyis// ni gnas byed pas// byang chub sems la bag tshe med// dbyangs kyis mos pa rab tu 'thob// des ni rgyal ba mnyes par byed// skyes bu la la bsod nams rgyas gyur pas// gser gyi 'byung gnas chen po rnyed gyur nas/ / brgyan pa'i gnas kyi rgyan du rab spangs nas// de dag lus dang mthun pa'i rgyan du byed// de bzhin mkhas pas chos kyi phul thos na//
- 334a
sems dang blo yang sa rgya mtshor bsgyur bya shing // ji ltar sngon thos chos rnams rtogs par byed// mi mthun tshul du chos la tshol mi byed// de dag rtogs nas shin tu mthun par spyod/ rnam par mi sgom chos ni gang yang med// de dag chos rnams ji bzhin mthun byed cing // de bzhin de ni khong du chud par byed// mkhas pa'i sems ni rnam dag skyer 'gyur te// dga' ba'i sems yid rnams dang gsal ba ste/ / chos kyi yid la bdag nyid che ba brtson// rten cing 'brel 'byung chos la rab tu 'jug/ chos rnams mnyam pa nyid la de brtson te// dngos po rnam par bsgom la mngon par brtson/ / rgyal ba'i mdzod dang 'gal bar mi byed de// chos rnams mi mnyam med par rab tu shes// de ni bsam pa mthar thug rab brtan pas// rgyal ba'i byang chub ji bzhin rab tu sbyong / / ri rab bzhin du mi g.yo brtan pa yis// de yi bsam pa byang chub mchog la rten// mnyam gzhag sems dang ldan pas de brtson te// brtson 'grus ldan pa'i yid kyis rab tu spyod/ / bskal pa stong du spyad pa spyod byed kyang // de yi brtson 'grus 'jig par mi 'gyur ro// 'di dag chos la yang dag de 'jug ste// rgyal ba'i rtog bya'i gting yang rab tu rnyed/ / chos nyid zhi ba rab tu thob gyur pas// de la 'jum pa'i yid byed gang yang med// dpe zla med pas ji skad gsungs pa ltar// de ni chos rnams mnyam pa nyid du//
- 334b
byed// mi mnyam tshul du bzod pa mi skyed de// ye shes mnyam nyid yongs su rdzogs par sgrub// bde bar gshegs pas mthun par gang gsungs pas// de dag bzod pa'i sgo nas rab tu 'grub/ / chos rnams 'jig dang ldan pa ma yin te// chos nyid ji bzhin de 'dra rab tu shes// lha gnas 'di lha'i bu rnams 'dir 'dus pa// sum cu rtsa gsum gnas su lha/ rnams skyes gyur pa// de dag zil dngar sna tshogs rnam pa gzhan dang gzhan// de dag 'khar bar snod gcig mngon spyod phrad gyur na// zil dngar zhim pa de dag 'ongs pa ma yin te// phyogs bcu kun nas zil dngar stobs pa myed// las rnams ci lta ci bzhin lha rnams de ltar za// de la skye ba med de bza' bar med pa min// de bzhin byang chub sems dpa'i sems rab mngon skyes kyang / / de la rdul cha'i chos kyang skyes par gyur pa med// ma skyes gang yin chos de rnams yang 'gag pa med// dam pa'i chos kyi rkyen brten mkhas pa rab tu zhugs ma 'gago gang yin mi zad chos rgyud de dang de/ / chos nyid 'jo yi tshul la rab tu gnas pa yin// tha dad med pa'i chos dbyings 'di la rab tu 'jug/ 'jig rten tha dad med pa'i rgyud kyi tshul yang shes/ / de bzhin nyid mnyam 'jig rten zhi ba'i gzhir gyur pa// gzhi med tha dad med pa'i yang dag mtha' shes te// smon lam rdo rje'i rang bzhin 'gro la phan phyir 'debs/
- 335a
rgyal sras de ni bde gshegs mkhyen la'ang mngon chags med// de ni dben gzhol sangs rgyas chos rnams ston par byed// chos kyi shugs las 'od kyang g.yo bar 'gyur ba med/ / brda dang grangs kyi tshul gyis mngon par 'du byed de// 'jig rten snying brtser smon lam dam pa rab tu 'debs// smon lam 'debs la gnas kyang stobs bcu ldan pa ste/ 'gro ba ma lus kun la de ni gnas pa med// mkhas pa'i ye shes yongs su len dang 'dong ba spangs// chos dang chos kyi man ngag rnam pa'i tshul la mkhas// 'di ni bzod pa'i ngam pa ma skyes chos can te/ / des ni chos rnams zad med zad par mi 'gyur ro// mi skye'i tshul gyis yongs su gdams bya'i chos kyi dbyings// de bzhin nyid las brtan pa rnam par 'gyur ba med// rgyal sras byang chub don du bzod pa 'di gnas pa// de la phyogs kun sangs rgyas mtha' yas lung yang ston// rgyal sras de la sangs rgyas mkhyen pas dbang bskur mdzad// phyogs bcu kun nas rab tu snang bar mngon du gnas/ / de dag chos kun rab zhi rtag tu zhi ba'i sems// mngon par sgrub cing dge ba kun la 'gro ba 'god// dus gsum chos rnams kun gyi mtshan nyid de 'dra bas/ / mtshan rnams yongs su dag byas sems can 'dul ba byed// sgyu ma lta bu'i chos rnams nges par sus rtogs pa// de dag 'jig rten sna tshogs du ma tshogs du ma rtogs byed cing // /
- 335b
'jig rten sna tshogs sgyu tshul yang dag rtogs byas nas// las yangs shin tu bsags pas rnam pa sna tshogs pa// sems las las kyi rnam pa du ma 'byung bar 'gyur// de bas 'jig rten sems ni sgyu ma lta bur bstan// de dag rnam brtags sgyu ma 'dra bas nub par 'gyur// srid pa'i lam rgyud ma lus sgyu 'dra yang dag min// ji ltar sgyu ma'i rnam pa byin brlabs byas pa'i gzugs/ / lam gyi bzhi mdor 'jig rten phal gyi nang bstan pa// 'gro bas mthong na de la kun kyang mos pa skyed// sgyu mas 'jig rten las ni gang yang 'grub mi 'gyur/ / de bzhin 'gro ba ji snyed gang rnams yod pa dag/ sgyu ma'i rang bzhin lta bu ma skyes chos nyid de// dngos yod dngos med de bzhin yad dang med pa dang // skal ba mi ma'am tshul gyis 'gre rgyud rab tu sten/ / sgyu ma'i tshul rnams shes nas sems can yongs su 'grel// sgyu ma lta bu yin par sems can khong du chud// sems can sgyu 'dra de bzhin sgyu ma sem can 'dra/ / sems can med cing sgyu ma 'dra bar 'jig rten shes// sems can zhing dang chos dang de bzhin dus gsum dang // 'jig rten thams cad sgyu ma'i rnam par rab tu 'byed// sgyu/ ma'i rnam pa lta bu chos rnams rab rdzogs pas// 'jig rten ma lus 'di dag sgyu ma'i rnam par shes// skyes pa dag dang de bzhin bud med rogs po dag/ bu mo de bzhin rnam par dul ba nye bar
- 336a
ston/ glang po rta dang baglang phyugs dang shing rnams dang // me tog 'bras bu bzang dang ldan pa'i 'tsho yang ston// thabs kyi rnam pa sna tshogs mang bar sgyu ba'i sems/ / sna tshogs gnas la'ang sgyu ma yongs su gnas pa med// sgyu ma dben la gzhol zhing shin tu zhi ba yang // 'jig rten rnam par rtog pa rnam pa mang po ston// de bzhin rgyal sras btsun pa rigs dang ldan pa'i rnams/ / 'jig rten sgyu ma sna tshogs ci bzhin ston par byed// sgom dang rnam par sgom pa'i dngos po'i sems kyang med// dngos po dngos med sgyu ma ji bzhin rab tu shes/ / zhing dang sems can chos kyi rnam pa mang por bcas// las rnams sna tshogs rnam pas yongs su bsags pa la// gnas par mi byed mngon par chags pa de bzhin med/ chags med mtha' yi sgyu ma'i tshul ni des shes so// de ltar rgyal sras mkhas pa'i rnams// rab tu zhi la dga' zhing spros pa med pa ste// gnas med sa dang yang dag ldan// chos dbyi gnas la de dag rab tu zhugs/ / de dag chos nyid rtogs pa ste// brtan pa de dag rgyal ba'i sku skyes sras yin no// 'du shes sgyu ma mkhas pa ste// 'gro ba thams cad 'du shes 'dra par shes/ / smig rgyu 'du shes 'dra ba ste// 'gro ba thams cad 'du shes phyin ci log/ 'du shes rnam phye mkhas pa ste// de ni 'gro kun 'du shes spangs pa yin// sems
- 336b
can sna tshogs khong du chud/ / 'jig rten kun gyi sna tshogs rnam pa kun dang bral// 'jig rten 'du shes rab tu shes// 'jig rten 'du shes med min 'du shes ldan// phyogs rnams 'du shes 'dra ba ste/ / sems can mtha' yas 'du shes rnam pa sna tshogs yin// ma nor mig dang ldan pa'i rnams// 'jig rten sna tshogs 'du shes rab tu mthong // 'jig rten smig rgyu 'dra ba ste/ / 'du shes sna tshogs rnam pas 'jig rten rnam par bkod// 'jig rten 'du shes gnas pa ste// de dag phyin ci log gsum rnam par spangs// ji ltar smig rgyu'i tshogs kyi rnams/ / 'gro ba rnams la chu yi rnam pa dmigs par snang // de la chu ni yod min yang // chu yi 'du shes rnam par rab tu slu// de bzhin 'jig rten thams cad kyang / / khams gsum lam rgyud rnam pa sna tshogs mtha' yas te// 'du shes rnam pa smig rgyu bzhin// 'du shes rnam pa chu zla bzhin// chags med yid ldan spyod yul mtha' yas so/ / 'du shes thams cad rnam par spangs// chags med ye shes ldan zhing spros pa med pa'i rnams// 'gro ba 'du shes chags gyur pa// 'du shes bslus las brtan pa 'grel par byed/ / nga rgyal rlom dang dregs pa spangs// 'du shes thams cad bsal cing 'jig rten 'dren pa byed// mi zang zad pa rdzogs pa'i rnams// bden pa zad mi shes
- 337a
kyi tshul 'di yin/ / 'jig rten 'di dag thams cad rmi lam lta bur khong du chud// chos rnams thams cad rmi lam ngo bo nyid du rab tu rtogs// rmi lam de dag yul la mi gnas phyogs la'ang mi gnas te/ / rmi lam lta bur 'jig rten rab tu zhi la de dag gzhol// rmi lam rang bzhin mkhas shing rnam par rtogs med chos dang ldan// rmi lam rtogs pa'i yid ldan sems la 'gyur ba gang yang med/ / 'jig rten kun tu rmi lam lta bur shin tu rgyu zhing spong // dus gsum ma lus thams cad sgyu ma lta bu'i tshul du rtogs// rmi lam shi 'phor 'gyur ba med cing skye ba de bzhin med/ rmi lam phyogs rnams kun na yod pa ma yin med pa min// khams gsum rmi lam lta bu 'di la rnam rtog med byas shing // rmi lam shin tu rdog mkhas de dag sems la bcings pa med/ / 'gro ba rmi lam rang bzhin 'dra la de dag mi gnas te// 'jig rten 'gro ba rnam par dbyen la de dag brten pa med// 'jig rten rnams la mi rtog de bzhin rnam par rtog pa med/ / rmi lam rtogs shing mkhas pa'i bzod pa'i sa ni 'di yin no// rmi lam 'gro ba rnams ni rnam pa sna tshogs du ma snang // tha dad rnam pa gzhan dang gzhan du bye brag rnam pa mang / / de bzhin ye shes zla bas 'gro ba thams cad rnam par mthong // rmi lam sgra dang 'dra bar de dag rnam par rtog pa med// rmi lam lta bu'i tshul gyis rnam pa brtan pas rab tu rtog/
- 337b
de dag rmi lam mtshan nyid rnam 'das bskal par mnyam pa min// rmi lam de dag gcig pa ma yin nam yang mang ba min// rmi lam rnam bkod rnam par 'gro ba thams cad rab tu shes// de dag sems can thams cad rmi lam 'dra ba'i chos can dang / / zhing rnam thams cad rmi 'dra de bzhin chos rnams rmi 'dra kun// ji ltar nyon mongs de bzhin rnam par byang ba rab tu shes// 'jig rten rmi 'dra de la rnam par rtog pa byed pa gang yang med// rmi lam lta bu'i spyod pas yang dag grub par 'gyur ba'i rnams// rmi lam lta bu'i smon lam rnam pas gnas pa med pa dag/ rmi lam lta bu'i chos rnams kun la gnas 'cha' mi byed de// 'jig rten rmi lam 'dra la khyad par byed pa gang yang med// 'jig rten 'di dag rmi lam lta bur byung bar shes shing dag/ rmi lam tshul rtogs 'gro ba kun tu mi 'jigs chos dang ldan/ / rmi lam bzhin spyod ldan pas 'jig rten kun tu chud mi za// ring thung kun kyang rmi lam rgyud bzhin de dag rab tu shes// 'di ni rmi lam lta bu'i yid ldan rnams kyi bzod pa ste/ / rmi lam lta bu'i 'jig rten sems can rab tu 'dren par byed// sems can rnams kyi bsam pa rtogs byas chags med ye shes can// sems la bcings med 'gro ba khrag khrig yongs su 'grel pa byed/ / de ltar byang chub sems dpa'i spyod pa rgya che mtha' yas// chos rnams mngon par sgrub pa yangs pa khong du chud byed// chos kyi chos nyid du ma'i tshul
- 338a
rnams khong du des chud/ / chos tshul rnam pa tha dad kun la chags pa'i sems med// 'gro kun dbyangs kyi yan lag rnam pa ji snyed yod pa// de dag sgra dbyangs sgra brnyan bzhin du khong du des chud/ / slar brjod de dag nang na med par rab tu shes te// sgra rnams thams cad phyi nang med par rab tu de shes// sgra brnyan ji ltar rnam pa sna tshogs / tshul grag ste// rnam rtog dbyangs dang 'dra yang rnam rtog med pa'i sgra yin// sgra rnams rnam pa sna tshogs thams cad de bzhin rab tu shes// sgra la mngon par chags med de bzhin rlom pa'i sems med/ / sems can kun gyi gtso bo thams cad des mthong gyur cing // 'jig rten mgon po chos rnams gsung zhing dbyangs sgrog mdzad pas// mdo mang brjod du med pa rab tu gsung zhing ston kyang / / rgyal ba'i gsung dbyangs de la de ni gnas par mi byed// sgra brnyan de dag ji ltar sgra yi rnam par grag kyang // sgra brnyan rnam pa dag la sgyu rnams gang yang yod min// de ltar dbyangs kyi bye brag rjes 'brang chos kyi rnam pa/ / chos nyid 'jig mod ldan pa rnam phye chos la rab mkhas// de dag sgra dbyangs thams cad rnam par rab tu sgom ste// sgra rnams rnam par dbye la mkhas pas sgra rnams sel byed/ / 'gro ba kun dbyangs dbyangs tshul min par rab tu shes te// dbyangs kyi yan lag dag pa de dag dbyangs kun rab shes// chos rnams de dag kun la sgra med
- 338b
sgrar 'jug byed de/ / brjod pa khrag khrig sna tshogs rnams kyis rjes su zhugs shing // 'gro ba thams cad sgra brnyan bzhin du mngon par ston byed// 'gro ba ma lus kun gyi sgra yang de bzhin rab shes/ / de dag tshig tshul rjes su 'gro ba'i shes bya rtog ldan// 'jig rten 'di dag thams cad sgra brnyan yan lag 'drar shes// dbyangs kyi rang bzhin rnam par dag par khong du chud de/ / sgra yi mtshan nyid ji bzhin 'jig rten de bzhin shes so// ji ltar sgra rnams chos rnams du ma rnam par ston byed// sgra yi rnam rtog sna tshogs dbyangs kyi yan lag kun ldan// 'jig rten ma lus kun dbyangs mtshan nyid ci 'dra de bzhin/ / 'gro ba kun gyi mtshan nyid rgyal ba'i sras kyis rab shes// bzod pa 'di 'dra'i stobs kyis mkhas gyur dpa' bo de dag/ sgra dbyangs sna tshogs 'jig rten kun tu yongs su sbyong ste/ / dus gsum shes pa'i blo dang ldan pas sgra yi tshul shes so// 'on kyang rnam rtog gnas la de dag gnas mi 'cha' 'o// zhi ba'i yid ldan 'di ltar byang chub brtson/ / 'jig rten phan pa'i don du byang chub tshol// chos nyid rab tu zhi la rtag tu 'jug/ brtan pa 'jig rten rnams la rtog mi byed// mi bskul mthu chen ye shes stobs ldan pas// chos nyid dngos med zhi ba ji bzhin du/ / 'jig rten thams cad ma lus de shes te// de la gzhol zhing phan par de sprod do// 'gro ba kun la nam yang mi gnas te// 'gro ba kun dang 'bral bar byed ma
- 339a
yin/ / 'gro ba kun la de ni gnas mi 'cha' 'o// de la gnas pa gang yang yod pa min// 'gro ba chos nyid rang bzhin ldan par shes// rang bzhin de la'ang gnas par mi byed de/ / 'gro ba 'di la'ang de ni rten mi byed// 'gro ba'i gnas las yongs su grol ba yin// 'jig rten gnas pa ji snyed gang yang rung // de dag rang bzhin tshul rnams kun shes te// gnyis med chos kyang brtan pas rab tu shes// gnyid med de la'ang de ni gnas mi 'cha'// de ni 'jig rten rnams dang ldan gyur kyang // 'jig rten lam la gnas pa'i sems med de// 'jig rten phyi rol spyad pa spyod pa yin/ / chos kun ye shes rang bzhin yin par shes// chu la gzugs brlan ji ltar snang ba'i rnams// nang na mi 'dug phyi na mi gnas pa// de bzhin brtan pa byang chub don du spyod/ / 'jig rten rnam sgom 'jig rten yod pa min// 'jig rten skye med grol ba ma yin te// 'jig rten brjod par mi nus gyur pa min// 'jig rten phyi rol rgyu ba'ang ma yin te// 'gro ba 'di ni gzugs brnyan ji bzhin no// de ltar zab pa'i tshul las byung bas na// dag cing 'od gsal dri med sems dang ldan// ye shes gzhol ba'i chos kyi sgron ma ste// smon lam kun las yongs kyang ldog pa med/ / de ni 'jig rten sogs par mi byed de// ye shes mthar thug mtha' yang mi dmigs so// skye dgu mtha' yas kun la bde byed de// 'gro ba kun
- 339b
las chags pa rnam par bzlog/ dpe med rnams kyi zab pa nyid la ltos// 'gro ba kun gyi don du rab tu brtson// bzod pa 'di ni ye shes gzhol ba ste// de la gnas shing spyad pa de 'dra spong / / chos gnas rnam par dbyen la rab tu zhugs// sprul pa de 'dra kun dang ldan gyur cing // sprul pa'i dngos la spyod par rjes song bas// sprul pa'i dngos po nam yang gtong ba med// de ni byang chub spyod pa'i sa mchog tu// sprul pa'i dngos ldan rjes su spyad pas na// sprul pa ci 'drar rnam pa kun zhi ba// sprul pa de 'dra'i tshul la rnam par gnas// de bas 'gro kun sprul par rab tu shes/ / skye dgu'i las kyi rnam pa mtha' yas pa// sprul pa'i dngos dang mnyam pa nyid kyis mnyam// sprul pa'i mtha' rtogs shin tu rnam par dben// mi yi mgon po thams cad sprul par shes/ / dus gsum sangs rgyas ji snyed gang bzhugs pa// smon lam gang btab spyod pa spyad pa'i rgyu// des ni mi gtso thams cad sprul pa yin// gang gis sems can rnam dag sprul pa yi/ / byams dang snying rje chen po shing tu yangs// de ltar sprul pa rnam phye shes pa ni// de dag byin rlabs 'phrul snang byed pa'o// de dag 'jig rten rnam par rtog pa med// sprul pa'i dngos tshul 'gro ba thams cad shes// 'gro ba'i las kyi rnam pa gang yod pa'i// 'jig rten de dag sprul pa'i sas bsgrubs pa'o// sprul pa'i mdzod mang rnam par phye ba la// bzhugs
- 340a
shing byang chub spyad pa spyad byas pa/ / de dag sna tshogs bye brag rnam pa mang // 'jig rten las kyi rnam pas byas pa bzhin// sprul pa rnam par rtog pa med pa ste// sprul pa rnam yang yongs su rtog pa med// rtog pa rnam par rtog pas yid dben pa// sprul pa bzhin du de dag spyod pa yin// sprul pa rgya mtsho shes pas khong du chud// sprul pa'i dngos po 'jig rten rgyas kyang 'debs/ / sprul pa mi gnas 'gro ba med pa ste// sprul pa ji bzhin de bzhin ye shes so// de ni nam mkha' gnas med ji bzhin du// bzod pa bcu pa'i tshul la rab tu 'jug/ de ni mkha' 'drar chos rnams kun byas shing // sems can sems can med par nam mkha' shes// de ni nam mkha' lta bu'i shes ldan te// de la chags pa gang yang yod pa min/ / ji ltar nam mkha' sna tshogs ma yin pa// de ltar 'jig rten chags med rab tu shes// de ni bzod pa mkha' 'dra'i mthu ldan pas// mi zad nam mkha' bzhin du zad pa med// de ni mkha' 'dra'i spyod yul thob gyur kyang // mkha' la rnam par rtog par mi byed do// nam mkha' la ni ngo bo nyid med de// nam mkha'i sa mtshams nam yang chad pa med// mkha' la bye brag tha dad yod pa min/ / de ni mkha' 'dra'i blo yi stobs dang ldan// mkha' la mthar thug rtsa ba med pa ste// nam mkha' la ni mtha' dbus yod pa min// mkha' la rnam pa tha dad de
- 340b
bzhin med/ / ye shes stobs kyang nam mkha' de dang 'dra// brtan pas de 'dra'i chos nyid rang shes te// ji ltar nam mkha' skyes pa med pa dang // ji ltar mkha' la 'gag pa med tshul du/ / de 'dra'i chos nyid dam pa des thob bo// nam mkha' 'dra ba'i chos la de gnas shing // phyogs rnams kun gyi 'gro ba kun ston to// bdud kyi dkrugs ma thams cad bcom byas shing / / mkha' 'dra'i bzod pa'i tshul la shin tu brtan// des ni mkha' 'dra mtshan nyid med pa kun// mtshan nyid ji snyed mtshan nyid tha dad pa// mtshan nyid mtshan 'das mtshan ma med tshul du/ / kun kyang yang dag mkha' dang 'dra bar byed// gang la dus gsum thams cad gnas pa yin// chos nyid mkha' 'dra des ni shes byas shing // de ni rnam par phye ba/ gcig tshul gyi// 'gro ba thams cad nam mkha'i tshul du shes// de ni nam mkha' lta bu'i ye shes lus// de ni nam mkha'i lta bu'i sgra dbyangs ldan// de ni nam mkha'i rang bzhin lus can te/ / ye shes nam mkha' lta bur zhi bar gnas// rgyal ba'i sras kyi spyad pa spyod pa'i tshe// bzod pa bcu po 'di dag de dag gi/ bzod pa'i stobs la de dag rab gnas pa/ / 'jig rten phan pa'i don du bshad cing bstan// 'di yi tshul la brtan pa bslabs pa'i rnams// ye shes 'di la shin tu mthu che ste// chos kyi mthu dang ye shes mthur yang ldan//
- 341a
byang chub tshul rjes bsams pa'i sems dang ldan// bzod pa 'di yi tshul la zhugs pa ni// ye shes stobs kyis chags pa med la 'jug/ 'jig rten lhar bcas de yi zil gyis gnon/ / 'jig rten dag tu 'khor lo bla med skor// de dag spyod yul shin tu rgya che bas// de dag tshad ni 'jig rten kun na med// skyes bu 'dul ba dpe zla med pa yin// ye shes rgya mtsho'i tshul la de dag zhugs// bdag med sems kyis 'jig rten spyod pa'i tshe// chos kyis rnam dag gyur pa'i yi ldan pas// brtan pa de dag 'di 'dra'i chos la 'jug/ chos nyid des kyang 'jig rten tshim par byed// 'gro ba'i tshad ni thams cad shes par nus// sems can ma lus thams cad bgrang bar nus// rdul gcig rtse la ma lus zhing bgrang nus// mkhas pa'i yon tan de dag mtha' yas so// sangs rgyas sras po skyes bu chen po la// bzod pa bcu po 'di dag yod pa ni// ye shes spyod yul sgor yang 'gro kun gyis// tshad du bgrang bar nus pa yod pa min/ / shin tu rgyas pa chen po'i mdo sangs rgyas phal po che zhes bya ba las// bzod pa'i le'u ste sum cu rtsa lnga pa'o// // bamado drug cu rtsa gnyis pa/ / / de nas bcom ldan 'das la// byang chub sems dpa' sems kyi rgyal pos 'di skad ces gsol to// bcom ldan 'das grangs ma mchis pa shin tu bstan
- 341b
pa zhes bgyi ba dang / grangs ma mchis pa'i grangs ma mchis pa zhes bgyi ba de/ bcom ldan 'das ji ltar na grangs ma mchis pa bstan pa lags// tshad ma mchis pa dang / mu ma mchis pa dang / kun tu mtha' yas pa dang / bgrang du mi rung ba dang / mtshungs pa ma mchis pa dang / bsam gyis mi khyab pa dang / gzhal du ma mchis pa dang / brjod du ma mchis pa'i yang brjod du ma mchis pa lags na ji ltar bstan par 'gyur/ de skad ces gsol pa dang / bcom ldan 'das kyis/ byang chub sems dpa' sems kyi rgyal po la 'di skad ces bka' stsal to// kye skyes bu dam pa legs so legs so// skyes bu dam pa de ltar khyod kyis 'jig rten thams cad grangs kyi rjes su 'jug par bya ba'i phyir/ sangs rgyas kyi ye shes kyi mkhyen pa'i don 'di/ de bzhin gshegs pa dgra bcom pa yang dag par rdzogs pa'i sangs rgyas la zhu bar bsams pa legs so// de bas na skyes bu dam pa legs par nyon la rab tu yid la zung zhig dang bstan par bya'o/ / bcom ldan 'das de ltar bgyi'o zhes gsol nas/ byang chub sems dpa' sems kyi rgyal po bcom ldan 'das las phyir nyan to// bcom ldan 'das kyis de la 'di skad ces bka' stsal to/ / skyes bu dam pa de la 'di skad ces bya ste/ brgya stong phrag brgyan bye ba'o// bye ba bye ba na khong khod do// khong khong khong 'ong na thang
- 342a
dgra'o/ / thad nagra thad dkun khrig khrig go// khrig khrig khrig thig na thams thams so// zas sa thams thams thams na myang myed do// byang pyid myang skyid nag ya'o/ / gang ya gang yan pan bun no// ban bun ngan bun na phyar gyur ro// phyar phyar phyar phyur na lcag lcig go// lcag khrig lcag lcig na byang b+h+ring ngo // byang bying byang bying na chem ches mo/ / chem che mchem ches na phyal byol lo// phyal phyol phyal phyol na khyung khyud do// khyud khyad khyud khyud na zar zer ro// zar zer zar zer na khri ba khrib bo// khri ba khrib khrib khrob na ya gangs so/ / ya gangs ya gangs na cho ma'o// cho mtshom na khram khrim mo// khram khrim khram khrim na na nub bo// nang nub nab nub na sang snang ngo // sang sang sang sang na brgyud yas so/ / brgyud yas brgyud yas na btang yas so// btang yas btang yas na bkra yar ro// bkra yar bkra yar na gsa' yas so// gsa' yas gas yas na mtshungs med do/ / mtshungs med mtshungs med na lam lum mo// lam lum lam lum na yal yol lo// yal yol yal yol na khral khrul lo// khral khrul khral khrul na thud thud do/ / thud thung thung thud na bsam pyod do// bsam phyod bsam phyod na brang breng ngo // brang breng brang breng na bgrod yas so// bgrong yas bgrod yas na bsngo
- 342b
yas so/ / bsngo yas bsngo yas na zang yag go// zang yag zang yag na 'phro bkye'o// 'phro bkye 'phro ba kye na rtse 'phyo'o// rtse 'phye rtse 'phyon yod tan no// yod tan yod tanan brug g.yos so/ / brug g.yos brug g.yos na sang yal lo// sang yal sang yal na thig yug go/ thig yug thig yug na yid 'phye'o// yid 'phyo yid 'phyon nab neb bo// na ba ne ba na ne ba na khrig thams so// khrig thams khrig thams na ya la yal lo// yal yal yal yal na bgrang yas so// bgrang yas bgrang yas na thug yal lo// thug yal thug yal na shang shang ngo / / shang shang shang shang na yag yag go// yag yag yag yag na tha ma thim mo// tha ma thim tha ma thim na rlom bsnyal lo// rlom bsnyal rlom bsnyal na gzhal 'phyos so/ / gzhal 'phyos gzhal 'phyos na gzhal yal lo// gzhal yal gzhal yal na gzhal med do// gzhal med gzhal med na gzhal 'khor to// gzhal 'khor gzhal 'khor na gzhal thim mo/ / gzhal thim gzhal thim na gar gzhal lo// gar gzhal gar gzhal na gzhal sangs so// gzhal sangs gzhal sangs na gzhal thag go// gzhal thag gzhal thag na gzhal phul lo// gzhal phul gzhal phul na gzhal zhi'o// gzhal zhi gzhal zhin tso 'gyur ro// 'phyo 'gyur 'phyo 'gyur na nyar nyer ro// nyar nyer nya
- 343a
na phyag phyig go/ / phyag phyig phyag byig na zal zul lo// zal zul zal zul na sa la sal lo// sa la sa la salas lan g.yo ldeg go/ g.yo ldeg ga ldeg na phan phran no/ / phan phun pan phran na brlung ya'o// brnang ya brnang ya na rem 'drol lo// ram 'drol re ma 'drol na rdzing dad do// rdzing dang rdzi panan rdzong rdul lo// rdzing rdul rdzing rdul na phun yol lo/ / phun yol phun yol na ngad dad do// nga ngad ngad dad na bgrang rtsi'o// bgrang rtsi bgrang rtsi na zab bgrang ngo // zab bgrang zab bgrang na dga' rkyang ngo // dga' rkyang dga' rkyang na gzhung 'dal to// gzhung 'dal gzhung 'dal na khrag phyed do// khrug phyed khrug phyed na 'ol phyod do// 'ol phyod 'ol phyod na gdab yas so// gdab yas gdab yas na gcal yas so/ / gcal yas gnal yas na bgrang yal lo// bgrang yal bgrang yal na byim 'phye'o// byim 'phyo byim 'phyon yam me mo// yam me ya ma men bstsal yas so/ / bsnyal yas bsnyal yas na ldab ldeb bo// lnga ba lde ba lngab ldeb na 'phan chad do// 'phan chad 'phan chad na phang phung ngo // pang phung pang phung na khe'u tsang ngo // khe'u tsang khe'u tsang na zhung zung ngo / / zhung zung zhung zung na mchog yal lo// mchog yal mchog yal na mtha' rdul lo// mtha' rdul mtha' rdul na yun 'gyangs so// yun 'gyangs yun
- 343b
'gyangs na bun lob bo/ / bun lob bun lo ba na lam lo ma mo// lam lo ma lam lo ma na skad yas so// snyad yas snyad yas na lang ling ngo // lang ling lang ling na lnga ba lcib bo/ / ldab ljib lngab ljib na mi brtsal to// mi brtsal mi brtsal na 'byam yas so// 'bya ma yas 'byam yas na nga bgrang ngo // nga bgrang nga bgrang na smos yal lo// smos yal smos yal na bkra tshal lo/ / bkra chal bkra chal na lo rgyas so// lo rgyas lo rgyas na 'byam rdib bo// 'bum rdib 'bum rdib na gam gum mo// gam gu ma gam gum na la lo'o// la lo la lo na bgrang 'phyos so/ / bgrang 'phyos bgrang byos na bgrang 'phyos la bsgres pa'o// bgrang 'phyos la bsgres pa bgrang 'phyos la bsgres pa na dpag yas so// dpag yas dpag yas na dpag yas la bsgres pa'o/ / dpag yas la bsgres pa dpag yas la bsgres pa na yal phyong ngo // yal phyong yal phyong na yal phyong la bsgres pa'o// yal phyong la bsgres pa yal phyong la bsgres na mu yal to/ / mu yal mu yal na mu yal la bsgres pa'o// mu yal la bsgres pa mu yal la bsgres na bgrang yol lo// bgrang yol bgrang yol na bgrang yol la bsgres pa'o/ / bgrang yol la bsgres pa bgrang yol la bsgos na mi 'jal to// mi 'jal mi 'jal na mi 'jal la bsgres pa'o// mi 'jal la bsgres pa mi 'jal bsgres na bsam pyod
- 344a
do/ / bsam pyod bsam phyod na bsam phyod la bsgres pa'o// bsam phyod la bsgres la bsam phyod la bsgres na mtha' 'byam mo// mtha' 'byam mtha' 'byas na dpag thag go/ / dpag thag dpag thag na dpag thag la bsgres pa'o// dpag thag la bsgres pa dpag thag la bsgres na brjod du med pa'o// brjod du med pa brjod du med pa na brjod du med pa la bsgres pa'o/ / brjod du med pa la bsgres pa brjod du med pa la bsgres na brjod du med pa'i yang brjod du med pa la bsgres pa shin tu bstan pa'o// de nas bcom ldan 'das kyis// byang chub sems dpa' sems kyi rgyal po la tshigs su bcad de bka' stsal pa/ brjod du med pa'i brjod du med pa ni// brjod du med pas thams cad tshang bar 'gyur// brjod du med pa bskal par brjod byas kyang / brjod du med la mthar thug gang yang med// brjod du med pa'i sangs rgyas zhing gi rnams// thams cad bshig ste rdul du kun blags shing // gcig rtse la'ang gcig pu brjod med par// thams cad brjod du med par rab tu 'jug/ zhing rnams brjod du med pa'i brjod med pa// skad cig sems kyis kun kyang rab tu 'jig/ skad cig re rer 'jig pa brjod du med// 'jig pas bskal pa mang po zad par byed/ / dbye ba'i bye brag dbye ba brjod du med// rdul la 'jug pa rjod du med pa ste// bgrang ba'i tshul gyis brjod du med pa yi// bskal pa brjod du med pa zad par byed/
- 344b
rdul dang rdul la mtshan nyid brjod du med// brjod du med pa'i rdul rnams kun bzung ste// bskal par kun tu bzang po bstod byas kyang // kun tu bzang po de bsngags mthar mi thug/ brjod du med po'i kun tu bzang po rnams/ / sgra rtse re re kun la yang dag 'jug/ sgra rtsa gcig bzhin yul rnams kun la ste// chos dbyings ma lus ji snyed de bzhin no// skra rtse re rer zhing gi khams kyi rnams/ / brjod du med par yang dag 'dzud par byed// khams dbyings skra yi rtse mos gzhal du rung // zhing rnams thams cad brjod du med pa'o// skra rtse de las sangs rgyas zhing gi rnams// rnam pa sna tshogs rnam par phye ba mang // bskal pa mi mthung zhing rnams brjod du med// bskal pa mthun pa'i zhing yang brjod du med// skra rtse gcig pu de la brjod med pa'i// zhing rnams dag pa brjod du med pa 'god/ / rnam pa du ma tha dad brjod du med// ming gi tshogs kyang brjod du med pa ste// skra rtse gcig la thams cad rab tu gzhol// de bzhin gshegs pa'i mtshan rnams re rer yang / / brjod du med pa'i brjod du med pa yin// sangs rgyas re rer brjod du med pa yin// sku rnams ba spu'i khung bur byin gyis rlob// spu gcig nas kyang brjod du med pa yi// kha dog sna tshogs mang po rab tu 'byung / / spu gcig nas kyang brjod du med pa yi// 'od zer brjod du med pa rab tu 'gyed// 'od zer re re las kyang brjod med pa'i// pad+mo brjod du med pa mang po
- 345a
'byung / / pad+mo re re la yang brjod med pa'i// lo ma brjod du med pa mang po 'byung // brjod du med pa'i brjod du med pa yi// lo ma kha dog brjod du med pa ste/ kha dog re re de bzhin brjod du med// pad+mo re re lo ma brjod du med// lo ma re re'i 'od zer brjod du med// kha dog tha dad rnam pa brjod du med// kha dog re re brjod med de dag las// 'od zer mang po brjod du med pa 'byung / / 'od zer kun las brjod med zla ba 'byung // zla ba las kyang zla ba brjod du med// zla ba re re las kyang brjod med pa'i// kha dog mtha' yas ldan pa'i 'od mang 'byung / / kha dog re re las kyang brjod med pa'i// nyi ma kun tu snang ba brjod du med// nyi ma re re las kyang brjod med pa'i// kha dog brjod du med pa sna tshogs 'byung // kha dog re re las kyang brjod med pa'i/ / 'od zer brjod du med pa rab tu 'byung // 'od zer re re le yang brjod med pa'i// seng ge'i khri mang brjod med sna tshoganas// seng ge'i khri mang sna tshogs re re las// 'od gsal brjod du med pa'i brjod med 'byung // kha dog sna tshogs brjod du med pa dang // dag pa sna tshogs brjod du med pa 'byung // 'od gsal re re las kyang brjod med pa'i// rnam par sna tshogs rab tu 'byung / / rnam par snang ba sna tshogs re re las// brjod du med pa'i brjod du med pa yi// brjod du med la bsgres pa'i grangs snyed kyi// ri rab pad+mo mchog dang ldan
- 345b
pa 'byung / / raM rab re re tshad kyang de tsam ste// brjod du med pa brjod du pa yi// zhing rnams brjod du med pa yod pa'i rnams// ri rab gcig gis yongs su rgyas pa ste// brjod du med pa brjod du med pa yi/ / ri rab lhag ma rnams kyang de tsam mo// de dag bshig ste rdul phran char blags nas// yon tan legs par brjod med de snyed ldan// de bzhin bye drag khyad par gzung byas kyang / / brjod du med pa'i brjod du med pa ste// brjod du med la bsgres pa yongs bzung zhing // 'od zer brjod du med pa rab tu 'byung // tshogs bcad brjod du med pa gsal ba'i rnams/ / rnam par dbye ba brjod du med pa 'byung // brjod du med pa'i 'jig rten khams su rgyu// de bzhin sangs rgyas brjod du med pa 'byung // brjod du med pa brjed du med pa yi// skad cig re rer bden pa brjod du med// phyi ma'i mtha' yi mu mthar bstan byas kyang // de bzhin gshegs pa de dag mu med do// sangs rgyas re re zhing yang brjod med pa// brjod du med la bsgres pa gsal dag pa'i/ / dbyangs kyi yan lag brjod med gsal dag par// 'khor lo brjod du med pa rab tu bskor// 'khor lo re re bskor bas brjod med pa'i// mdo sde brjod du med pa mang po 'byung / / mdo sde brjod du med pa re re las// chos kyi rnam grangs brjod du med pa 'byung // chos rnams brjod du med pa re re las// shin tu bstan chos brjod du med
- 346a
pa 'byung / / shin tu bstan pa brjod med re re yang // sems can brjod du med pa rnam par 'dul// de dag sgyu rtse gcig la 'jug pa ste// sgra gcig ji bzhin de bzhin ma lus kun/ / brjod du med pa'i brjod du med pa ste// bskal pa brjod du med pa zad par byed// chags med sems kyang brjod du med pa ste// de dag sangs rgyas brjod du med sprul pa/ / sangs rgyas re re brjod du med pa las// bsgres pa'i tshul du sprul pa kun tu 'byung // phyogs rnams brjod du med pa kun tu 'dong // de dag sku yang brjod du med pa ste// rnam par phye sku de bzhin brjod du med/ / kha dog sna tshogs rnam pa grangs med do// sangs rgyas zhing tshad brjod du med par yang // sems can brjod med rnam par ston par byed// rnam par bstan pa de dag re re zhing / / sems can brjod du med pa yongs su sbyong // de dag rgyan bzang rnam phye brjod du med// de dag rdzu 'phrul mang po'ang brjod du med// rnam dag dbang yang brjod du med pa ste/ / cho 'phrul rnams kyang brjod du med pa 'byung // rnam par 'phrul pa brjod du med pa ste// spyod yul rnams kyang de bzhin brjod du med// de dag byin gyi rlabs kyang brjod med de// 'jig rten brjod du med pa'i khas su 'byung // chos tshul rnam dag brjod du med pa ste// tshul gyi mdo yang brjod du med pa 'byung // mdo sde re re las kyang brjod med pa'i// brjod du med chos
- 346b
yang dag rab tu 'byung / / chos rnams re re las kyang brjod med pa'i// shin tu bstan pa brjod du med pa 'byung // bstan pa re re zhing yang brjod med pa'i// rtogs par shes pa brjod du med pa 'byung / / rtogs par shes pa re res brjod med pa'i// sems can brjod du med pa rnam par 'dul// tshul mthun chos kyang brjod du med pa ste// tshul mthun sems kyang brjod du med pa 'byung / / mi mthun chos kyang brjod du med pa ste// mi mthun sems kyang de bzhin brjed du med// dbang po mi mthun brjod du med pa ste// tshig gi rnam pa mi mthun brjod du med// de dag brjod du med pa rnam par 'dul/ / skad cig re rer spyod yul gyur pa la// brjod du med pa'i rnam par 'phrul pa ston// de bas de dag brjod du med pa yin// de la lus kyang brjod du med pa ste// / bskal pa tha dad brjod du med pa 'byung // brtan pa de dag brjod du med la 'jug/ grangs kyi tshul gyis de dag brjod du med// skra rtse gcig la brjod du med pa yi// yangs dang dog pa rnam pa mang pa gnas/ / bdag dang nyon mongs brjod du med pa ste// rgya che phra ba de bzhin brjod du med// zhing gcig la yang brjod du med pa yi// bye brag rnam par 'gro bas zhing mi mthun// tshad dang grangs su de dag brjod du med// sgra rtse re re la yang yang dag gzhol// sangs rgyas zhing rnams brjod du med gnas kyang // sgra rtse gcig tu dog par mi 'gyur te// de na gnod rnam pa gcig
- 347a
med par/ / brjod du med pa yang dag rab tu gzhol// zhing rnams de dag 'dren par mi 'gyur te// 'dre ba'i nyes pa de dag kun la med// gcig kyang brjod med shin tu yangs pa ste/ / zhing gcig ji bzhin de bzhin thams cad zhing // sgra rtse gcig bzung brjod du med pa yi// mkhas pas mkha' dbyings gzhal du rung srid kyi// skra rtse gcig gi zhing rnams mang po dag/ shin tu bstan pas brjod du med pa yin// skra rtse gcig tu'ang de bzhin sgra 'jug ste// brjod du med pa'i gcig nas gcig brgyad pa'i// skra rtse bzung ba brjod du med pa ste/ / skra rtse de dag mthar thug gang yang med// bskal pa gcig nas gcig tu brgyud pa yi// yun ring brjod du med pa bzung byas shing // tshul 'dir brjod du med pa 'dzud pa byed// bskal pa kun kyang de bzhin brjod du med// mtha' dang dbus med tshul 'di bzung byas shing // brtan pa brjod du med pa'i spyod yul gyis// de dag brjod du med pa rab tu 'jug/ brjod du med pa'i 'jug tshul 'di yin no/ / yid kyi dbang po brjod du med pa dang // rnam par gnon pa brjod du med pa dang // rnam par 'phrul pa brjod du med pa yis// phyogs rnams brjod du med pa kun tu 'gro/ / de dag sems kyang brjod du med pa ste// rgya che yangs pa brjod du med pa nas// de dag dmigs pa brjod du med pa ste// des ni brjod med kun gyi mthar phyin
- 347b
byed/ / de bzhin lus kyi las kyang brjod med de// ngag gi las kyang brjod du med pa yin// de bzhin sems kyang brjod du med pa 'byung // mos pa dag pa dag kyang brjod du med// de dag rnam shes dag pa brjod du med// de dag shes rab gsal ba brjod du med// brjod du med pa'i tshul rnams yongs su gnon// the tshom brjod du med pa rab tu gcod// de dag 'byung pa brjod du med pa dang / / yongs su gnon pa brjod du med pa yis// de dag ting 'dzin brjod du med pa ste// des ni brjod med tham cad 'da' bar byed// sem+ba can tham cad brjod du med pa ste// zhing rnams kun kyang de bzhin brjod du med/ / sems can lus rnams brjod du med pa ste// de dag bsam pa brjod du med pa yin// de dag las kyi rnam smin brjod med de// de dag mos pa de bzhin brjod du med// khams kyi rnam pa tha dad brjod du med/ / de dag bye brag khyad par brjod du med// de dag lus mang brjod du med pa ste// gang du 'byung ba de dag brjod du med// ji ltar 'byung ba'ang brjod du med pa ste// 'di la 'byung ba'ang brjod du med pa yin/ / yang dag 'jug pa brjod du med pa shes// de dag tshul gyi lam yang brjod du med// de dag rab tu ston pa'ang brjod du med// dus rnams brjod du med pa shin tu 'byung / / bdag nyid che ba 'di 'dra'i snying rje can// brjod du med pa 'jig rten dag na rgyu// de dag lus rnams brjod du med pa yis// brjod du med pa rnams la yang dag 'jug/ sems can
- 348a
gtso bo brjod du med pa'i rnams/ / mthong zhing shes rab brjod du med pa yis// chos rnams brjod du med pa zhi ba byed// sangs rgyas de dag brjod du med pa ston// de dag lus rnams brjod du med pa yis/ / des na zhing rnams brjod du med par 'dong // rnam par 'phral pa brjod du med pa yis// zhing rnams brjod du med pa kun tu 'dong // de dag lus rnams brjod du med pa yis/ / skyes bu khyu mchog brjod du med pa la// rnam par thar pa brjod du med pa yis// mchod pa brjod du med pa rab tu byed// rin chen dag pa brjod du med pa dang // me tog sna tshogs de bzhin brjod med dang / / spos dang 'phreng mchog brjod du med pa yis// rgyal ba brjod du med pa bsnyen bkur byed// de dag dad pa brjod du med pa ste// mos pa dag la'ang brjod du med pa yin/ / bsam pa de bzhin brjod du med pa yis// sangs rgyas brjod du med la phyag kyang 'tshal// sbyin zhing gtong ba brjod du med pa ste// mi dmi'i sems kyang de bzhin brjod du med// yongs su gtong ba brjod du med pa ste// thams cad gtong ba de bzhin brjod du med// tshul khrims rnam par dag par brjod du med// yid gsal dang ba de bzhin brjod du med// rgyal bang sngags shing bstod pa brjod med de/ / zhi ba'i sa yang de bzhin brjod du med// de dag bzod pa brjod du med pa ste// mi skye'i chos kyang de bzhin brjod du med// rab tu zhi ba'i brjod du med dang ldan// zhi ba'i
- 348b
sa yang de bzhin brjod du med/ / brtson 'grus phung po brjod du myed pa ste// zhum med sems kyang brjod du med pa yin// phyir mi ldog pa'ang brjod du med pa ste// mi bskul sems kyang brjod du med pa'o/ / bsam gtan mdzod ni brjod du med pa ste// rtogs par gzhog chos de bzhin brjod du med// bsam gtan zhi yid brjod du med pa ste// brjod du med pa'i bsam gtan rab tu shes// / de dag shes rab brjod du med la zhugs// de bas ting 'dzin brjod du med pa ste// rab tu dben chos brjod du med dang ldan// sangs rgyas brjod du med la mngon par 'jug/ spyod pa'i sgo ni brjod du med pa ste/ / de dag smon lam brjod du med pa yin// de dag spyod yul brjod du med pas na// chos sgo dag pa brjod du med pa yin// de dag chos stobs brjod du med pa ste// chos la gnas pa'ang brjod du med pa yin/ / de dag chos kyi dran pa brjod du med// de dag chos kyi dbyings kyang brjod du med// de dag ye shes brjod du med dang ldan// ye shes brjod du med la shin tu bslabs// de dag phung po khams kyang brjod du med/ / de dag brjod med ye shes mthar yang thug/ de dag chos kyi 'khor lo brjod du med// de dag chos kyi char 'bebs brjod du med// de dag chos kyi ye shes brjod du med// de dag chos kyi sprin yang brjod du med// de dag rdzu 'phrul rnam par brjod med de// tshul dbyings brjod du med pa khong du chud// dngos med ye shes brjod du med pa ste// sems kyi skad cig de dag brjod du
- 349a
med/ / brjod du med tshad rnam pa tha dad pa// skad cig sems kyis brjod du med pa shes// zhing rnams rgya mtsho brjod du med pa ste// brtan pa de dag brjod du med pa gnon// zhing rnams rnam phye brjod du med pa ste// rgyun kyang de bzhin brjod du med pa yin// gzugs dang dbyibs kyang brjod du med pa ste// kha dog mdog kyang de bzhin brjod du med// khyad par sna tshogs brjod du med pa ste/ / rnam pa tha dad de bzhin brjod du med// bdag dang nyon mongs brjod du med pa ste// rnam pa mi mthun ye shes brjod du med// sems can brjod du med pa rab tu shes// sems can khams kyang brjod du med pa ste/ / de dag las kyang de bzhin brjod du med// sems can de dag spyod pa'ang brjod du med// dbang po dag kyang brjod du med pa ste// de dag sems kyang brjod du med pa yin// khams kyi rnam pa de dag brjod du med/ / de dag mos pa'ang de bzhin brjod du med// de dag rnam par spyod pa brjod med de// kun nas nyon mongs de bzhin brjod du med// rnam par byang ba'ang brjod du med pa ste// 'dul ba de bzhin brjed du med pa 'byung / / lus kyi rnam pa brjod du med pa dag/ brjod du med pa mngon par sprul byas shing // brtan pa brjod du med pa'i nan tan byed// sems can brjod du med pa yongs su 'brel dedag rnam par 'phrul pa brjod du med/ / 'od rnams brjod du med pa rab tu 'gyed// kha dog sna tshogs de bzhin brjod du med// sems can brjod du med pa rnam par sbyong // 'od zer dra ba de bzhin brjod du
- 349b
me/ / bas+phu re re nas kyang brjod med pa'i// brjod du med pa mang po rab tu 'byung // zhing rnams brjod du med pa snang bar byed// yongs su gnon pa brjod du med pa dang // de bzhin 'byung ba brjod du med pa dang / / rnam par gnon pa brjod du med pa yis// 'jig rten brjod du med pa rnam par 'dul// de dag lus kyi las kyang brjod du med// rnam dag tshig kyang de bzhin brjod du med// mtha' yas yid kyang brjod du med pa ste/ / spyod pa'i khyad par de bzhin brjod du med// ye shes brgyud kyang brjod du med pa ste// khams rnams brjod du med pa khong du chud// brtan pa gzungs rnams brjod du med pa la/ / shin tu bslab pa brjod med byas pa yin// sgra dbyangs brjod du med pa shes pa ste// rnam dag dbyangs kyang brjod du med pa yin// de dag bden pa dran pa brjod du med// 'gro ba brjod du med pa shes par byed/ / de dag spyod lam brjod du med pa ste// nan tan rnam dag de bzhin brjod du med// bag tsha med pa brjod du med pa ste// 'jig rten brjod du med pa rab tu 'dul// de bzhin gshegs sras brjod du med pa yin/ / rnam dag spyod pa brjod med 'di 'dra ste// de dag yon tan legs pa brjod du med// de dag zad pa med pa'ang brjod du med// 'jig rten mgon po brjod du med pa'i rnams/ / yon tan legs pa brjod du med pa gsung // rdzogs pa'i byang chub sems dpa' brjod du med// yon tan rnam dag de bzhin brjod du med// brtan pa gang la gnas pa brjod du med//
- 350a
gang gnas ye shes de yang brjod du med// bskal pa ji snyed zad gyur brjod du med// de dag mthar thug med pa brjod du med// sangs rgyas shes byed yid 'ong brjod du med/ yang dag 'jug pa'i ye shes brjod du med// de dag brjod du med pa'i chos la 'jug/ de dag chags pa med pa'ang brjod du med// dus gsum bsam pa brjod du med pa ste// de la tshad gzung du med pa yin/ / 'byung ba'i ye shes brjod du med pa ste// mi gnas gnas pa'ang de bzhin brjod du med// spyod pa'i khyad par brjod du med pa ste// smon lam khyad par de bzhin brjod du med// smon lam rnam dag brjod du med pa ste/ / byang chub sgrub pa'ang de bzhin brjod du med// sangs rgyas byang chub brjod du med pa la// de dag ye shes brjod du med pas byung // don rnams brjod du med pa shes par byed// thams cad mkhyen chos de bzhin brjod du med/ / rnam dag zhing yang brjod du med pa ste// de dag spyod pa'i stobs kyang brjod du med// de dag brjod du med par bsgom byas nas// skad cig gcig tu brjod med mngon 'tshang rgya/ / de dag brjod du med pa'i rnam 'phrul pa// sangs rgyas brjod du med pa rab tu ston// de dag cho 'phrul brjod du med pa yi// 'jig rten brjod du med pa rab tu ston// brtan pa chos kyi 'khor lo brjod med pa/ / de dag brjod du med pas rab tu bskor// de dag ston pa'ang brjod du med pa ste// 'jig rten par 'dogs brjod du med pa byed// bskal pa brjod du med pa thams cad kyang // zad par 'gyur
- 350b
gyi yon tan brjod du med/ / yon tan dang ni legs pa brjod med pas// zad par mi nus de bzhin brjod du med// de dag mgon po brjod du med pa la// tshig dang dbang po brjod du med pa yin// bskal pa brjod du med par ston byas kyang // de bzhin gshegs pa'i yon tan mthar thug med// phyogs bcu'i sems can ji snyed yod pa'i rnams// ma lus thams cad bde bar gshegs gyur te/ sangs rgyas gcig la'ang brjod du med pa yi// sku mnga' thams cad brjod du med 'gyur la// sku rnams re re brjod du med pa yi// brjod du med pa'i dbu rnams mngar 'gyur la// dbu rnams re re brjod du med pa yi/ / brjod du med pa'i ljags yangs mngar 'gyur la// ljags yang sa re re brjod du med pa yi// gsung zab brjod du med pa brjod mdzad de// dbyangs gcig gis kyang yon tan brjod med par/ / bskal pa brjod du med par bstod byas la// sangs rgyas gcig bzhin sangs rgyas thams cad de// sku gcig ci bzhin de bzhin thams cad sku// dbu gcig ji bzhin de bzhin thams cad dbu/ ljags gcig ji bzhin de bzhin thams cad ldugs// dbyangs kyi yan lag ldan pas legs brjod kyang // bskal pa rnam pa sna tshogs mtha' yas pa'o// bskal pa mtha' yas mur thug zad par 'gyur// legs pa chags med de dag mthar thug mi 'gyur ro// rdul rtse gcig la brjod du med pa yi// pad+mo'i dpal zhes bya ba brjod du med// de bzhin gshegs pa bzang po zhes bya yin// zhing rnams brjod du med/
- 351a
la rab tu 'jug/ rdul rtse gcig la brjod du med pa yi// chos dbyings ji tsam thams cad ma lus par// rdul gyi zhing rnams brjod du med pa dag/ 'byung bar 'gyur zhing gzhan yang 'jig par 'gyur/ / rdul rtse gcig la mtha' dang dbus med pa'i// zhing rnams du mar bstan pa yang dag 'jug/ phyogs rnams rnam par dbye ba brjod du med// zhing rnams rgya mtsho de bzhin brjod du med// zhing rnams re re de bzhin gshegs pa'i rnams// brjod du med pa rnam par brtag bya ste// zhing gcig ji bzhin de bzhin zhing kun tu// de dag brjod du med pa'i lus su 'byung // de dag spyod pa'i mthu ni brjod du med pa ste/ / khyad par 'phags chos de bzhin brjod du med// de dag rdzu 'phrul brjod du med pa ste// chags med nyid kyang de bzhin brjod du med// skra la 'jug pa brjod du med pa ste// sku la rten pa de bzhin brjod du med// de dag stobs bcu brjod du med pa ste/ / byang chub 'tshang rgya de bzhin brjod du med// rtogs pa yang dag brjod du med pa ste// chos dbyings yongs su gnon pa brjod du med// de dag mdzod shes brjod du med pa ste// de dag nyid kyang brjod du med pa yin// tshad dang grangs kyang brjod du med pa ste/ / brtan pa de dag tshul bzhi rtogs par byed// mgon po'i tshul rnams brjod du med pa dag rnam pa tshad med brtan pa yongs su gnon/ ting 'dzin tha dad rnam pa sna tshogs rnams// brjod du med la de dag rab tu 'jug spyod pa rnam dag brjod du med pa ste/ brjod du med pa'i rgyal ba mngon du 'gyur// chags med sems kyang brjod du med pa ste// brjod du med pa'i gnas kyang rnam par gnon// spyod pa mtha' yas brjod du med pa ste/
- 351b
dzu 'phrul brjod du med pa'ang rab tu ston// zhing rnams brjod du med pa shin tu shes// de phyir sangs rgyas brjod du med pa mthong // spyod pa'i mthu ni brjod du med pa yis// ye shes brjod du med pa khong du chud// de la 'gro ba med cing phyir ldog med pa ste// brjod du med pa'i yul yang rab tu 'jug/ brjod du med pa'i zhing du rnam par rgyu// brjod du med pa'i bskal pa zad par byed// tshul gyi rnam pa brjod du med pa ste// brjod du med pa'i de bzhin nyid kyang thob/ / ye shes brjod du med pa rab tu 'byung // skad cig re re brjod du med pa ston// re re'i tshig gis brjod du med pa yi// sangs rgyas brjod du med pa rab tu shes// byang chub dus gcig mngon par sangs rgyas pa/ / tha dad dus su bong du chud par byed// de dag skra rtser 'jug pa brjod du med// shin tu phra la 'jug pa'ang brjod du med// rab tu rgya che'i rgyud kyang brjod du med// sangs rgyas rnam par mthong ba'ang brjod du med// sangs rgyas rigs la gang zhugs de dag gi/ tshul gcig nyid kyang brjod du med pa ste/ de bas zhing rgyud brjod du med pa la// rdzogs par 'tshang rgya'i don du kun tu 'jug zhing dang sems can de bzhin gshegs pa'i rnams// tha dad / khams sgyur brjod du med pa dag/ brtan pas shes pa brjod du med pa ste// dus gsum 'dzin pa brjod du med pa yin// shin tu rgyas pa chen po'i mdo sangs rgyas phal po che zhes bya ba las// sems kyis rgyal pos dris nas grangs la 'jug pa bstan pa'i le'u ste sum cu rtsa drug pa'o/ / // de nas byang chub sems dpa' sems kyis rgyal pos// byang chub sems dpa' de dag la smras pa/ kye rgyal ba'i
- 352a
sras dag/ gang bcom ldan 'das de bzhin gshegs pa shAkya thub pa'i sangs rgyas kyi zhing 'jig rten gyi khams mi mjed 'di'i bskal pa ji tsam pa de ni// de bzhin gshegs pa tshe dpag tu med pa'i sangs rgyas kyi zhing 'jig rten gyi khams bde ba yod pa'i nyin zhag gcig go/ / kye rgyal ba'i sras dag/ 'jig rten gyi khams bde ba yod pa'i bskal pa ji tsam pa de ni/ de bzhin gshegs pa rdo rjes rab tu 'joms pa'i sangs rgyas kyi zhing 'jig rten gyi khams dur smrig rgyal mtshan gyi nyin zhag gcig go/ kye rgyal ba'i sras dag/ 'jig rten gyi khams ngur smrig rgyal mtshan gyi bskal pa ji tsam pa de ni/ de bzhin gshegs pa sku pad+mo shin tu rgyas pa'i sangs rgyas kyi zhing 'jig rten gyi khams phyir mi ldog pa'i 'khor lo rab tu sgrog pa'i nyin zhag gcig go/ kye rgyal ba'i sras dag/ 'jig rten gyi khams 'khor lo rab tu sgrog pa'i bskal pa ji tsam pa de ni/ bcom ldan 'das de bzhin gshegs pa chos kyi rgyal mtshan gyi sangs rgyas kyi zhing 'jig rten gyi khams rdul med pa'i nyid zhag gcig go// kye rgyal ba'i sras dag/ 'jig rten gyi khams rdul med pa'i bskal pa ji tsam pa de ni/ bcom ldan 'das de bzhin gshegs pa seng ge'i sangs rgyas kyi zhing 'jig rten gyi khams sgron ma bzang po'i nyin zhag gcig go// kye rgyal ba'i sras dag/ 'jig rten gyi khams sgron ma bzang po'i bskal pa ji tsam de ni/ bcom ldan 'das de bzhin gshegs pa rnam par snang ba'i stong po'i sangs rgyas kyi zhing 'jig rten gyi khams 'od bzang po'i nyin zhag gcig go// kye rgyal ba'i sras dag/ 'jig rten gyi khams 'od bzang
- 352b
po'i bskal pa ji tsam pa de ni/ bcom ldan 'das de bzhin gshegs pa chos kyi 'od zer gyis sku'i pad+mo shin tu rgyas pa'i sangs rgyas kyi zhing 'jig rten gyi khams 'da' bar dka' ba'i nyin zhag gcig go// kye rgyal ba'i sras dag/ 'jig rten gyi khams 'da' bar dka' ba'i bskal pa ji tsam pa de ni/ bcom ldan 'das de bzhin gshegs pa mngon par mkhyen pa thams cad kyi 'od zer gyi sangs rgyas kyi zhing 'jig rten gyi khams rgyan dang ldan pa'i nyin zhag gcig go/ / kye rgyal ba'i sras dag/ 'jig rten gyi khams rgyan dang ldan pa'i bskal pa ji tsam pa de ni/ bcom ldan 'das de bzhin gshegs pa thugs zla ba'i sangs rgyas kyi zhing 'jig rten gyi khams me long gi dkyil 'khor mdog gi nyin zhag gcig go/ / kye rgyal ba'i sras dag/ de ltar bskal pa bgrang ba la 'jug pa'i tshul 'dis/ 'jig rten gyi khams grangs med pa brgya stong phrag bcu 'das pa de'i pha rol na/ bcom ldan 'das de bzhin gshegs pa dpal bzang po bzhugs pa'i sangs rgyas kyi zhing 'jig rten gyi khams pad+mo dpal gyi nyin zhag gcig go/ / bgrang ba'i tshul 'dis 'jig rten gyi khams thams cad byang chub sems dpa' kun tu bzang po'i spyod pa dang ldan pas yongs su gang ngo / / shin tu rgyas pa chen po'i mdo sangs rgyas phal po che zhes bya ba las/ tshe'i tshad kyi le'u zhes bya ba ste sum cu bdun no// / de nas yang byang chub sems dpa' sems kyi rgyal pos yang / byang chub sems dpa' de dag la smras pa/ kye rgyal ba'i sras dag/ shar phyogs logs na sngon chad byang chub sems dpa' bzhugs bzhugs pa'i ri drang srong 'byung
- 353a
pa zhes bya ba yod de/ de la byang chub sems dpa' rdo rje'i dpal zhes bya ba/ byang chub sems dpal 'khor sum brgya dang ldan pa chos ston to// kye rgyal ba'i sras dag/ lho phyogs logs na sngon byang chub sems dpa' bzhugs bzhugs pa'i ri dpal gyi phung po zhes bya ba yod de/ de la byang chub sems dpa' chos kyi blo gros shes bya ba/ byang chub sems dpa' khor lnga brgya dang ldan pa chos ston te/ kye rgyab ba'i sras dag/ nub phyogs logs na sngon byang chub sems dpa' bzhugs bzhugs pa'i ri rdo rje 'od 'phro ba can zhes bya ba yod de/ de la byang chub sems dpa' seng ge'i 'gros su 'gro ba zhes bya ba/ byang chub sems dpa'i 'khor sum brgya dang ldan pa chos ston to/ / kye rgyal ba'i sras dag/ byang phyogs logs na sngon byang chub sems dpa' bzhugs bzhugs pa'i ri spos kyi phung po zhes bya ba yod de/ de la byang chub sems dpa'/ spos kyi glang po zhes bya ba/ byang chub sems dpa'i 'khor stong phrag gsum dang ldan pa chos ston to// kye rgyal ba'i sras dag/ byang phyogs logs na sngon byang chub sems dpa' bzhugs bzhugs pa'i ri spong ri zhes bya ba yod de/ de la byang chub sems dpa' 'jam dpal zhes bya ba/ byang chub sems dpa'i 'khor stong phrag bcu dang ldan pa chos ston to// kye rgyal ba'i sras dag/ byang dang shar gyi phyogs mtshams logs na sngon byang chub sems dpa' bzhugs bzhugs pa'i ri rgya mtsho chen po bzhi'i gnas rdo rje ri zhes bya ba yod de/ de la byang chub sems dpa' chos kyi 'phags pa zhes bya ba/ byang chub sems dpa'i 'khor brgya phrag bcu
- 353b
gnyis dang ldan pa chos ston to/ / kye rgyal ba'i sras dag/ shar dang lho'i phyogs mtshams logs na sngon byang chub sems dpa' bzhugs bzhugs pa'i ri mchod rten zhes bya ba yod de/ de la byang chub sems dpa' lha'i phung po zhes bya ba/ byang chub sems dpa'i 'khor stong dang ldan pa chos ston to// kye rgyal ba'i sras dag/ lho dang nub kyi phyogs mtshams logs na sngon byang chub sems dpa' bzhugs bzhugs pa'i ri skar ma'i 'od ces bya ba yod de/ de la byang chub sems dpa' bzang po'i dpal zhes bya ba/ byang chub sems dpa' 'khor stong phrag gsum dang ldan pa chos ston to// kye rgyal ba'i sras dag/ nub dang byang gi phyogs mtshams logs na sngon byang chub sems dpa' bcum bzhugs pa'i ri spos kyi ngad can zhes bya ba yod de/ de la byang chub sems dpa' spos kyi 'od zer rab tu 'gyed pa zhes bya ba/ byang chub sems dpa'i 'khor stong phrag lnga dang ldan pa chos ston to// kye rgyal ba'i sras dag rgya mtsho chen po'i nang na sngon byang chub sems dpa' bzhugs bzhug pa'i gnas phug bzang po zhes bya ba yod de/ kye rgyal ba'i sras dag/ yul shin tu yangs pa'i lho phyogs na sngon byang chub sems dpa' bzhugs bzhugs pa'i gnas rtsa ba shin tu brtan pa zhes bya ba yod do/ / yul pa Ta la'i bu zhes bya ban sngon byang chub sems dpa' bzhugs bkrugs pa'i dge 'dun gyi kun dga'ar ba na gser gyi gling zhes bya ba yod do// bral mtha na sngon byang chub sems dpa' bzhugs bcus pa'i gnas tshim par byed pa'i phug ces bya ba yod do/ / yul ril ba gtong ba zhes bya ba na sngon byang chub sems dpa' bzhugs bzhugs pa'i gnas chos kyi stan zhes bya ba yod do// yul dge ba'i phul du phyin pa zhes bya ba
- 354a
na sngon byang chub sems dpa' bzhugs bzhugs pa'i gnas btang bzung gi phug ces bya ba yod do/ / yul be'u ra zhes bya ba na sngon byang chub sems dpa' bzhugs bzhugs pa'i gnas thu ba zhes bya ba klus btsugs pa yod do/ / yul kam po tsha na byang chub sems dpa' bzhugs bzhugs pa'i gnas byams pas 'phags pa zhes bya ba yod do// rgya'i gnas na sngon byang chub sems dpa' bzhugs bzhugs pa'i gnas mthu bo che'i phug ces bya ba yod do// yul kha sha na sngon byang chub sems dpa' bzhugs bzhugs pa'i gnas pa glang gi mgo bo zhes bya ba yod do/ / kha che'i yul na sngon byang chub sems dpa' bzhugs bzhugs pa'i gnas shin tu ston pa zhes bya ba yod do// yul dga' ba 'phel ba zhes bya ba na sngon byang chub sems dpa' bzhugs bzhugs pa'i gnas/ gnas brtan gyi phug ces bya ba yod do// yul chu 'dzin zhes bya ba na sngon byang chub sems dpa' bzhugs bzhugs pa'i gnas khyor po ston pa zhes bya ba yod do/ / yul sa 'dzin gyi dkyil 'khor na sngon byang chub sems dpa' bzhugs bzhugs pa'i gnas brgyags kyi phug ces bya ba yod do// shin tu rgyas pa chen po'i mdo sangs rgyas pa la